Mukanda wa kifuko kia Yesu Kidisitu, mwan’a Dafidi mwan’a Abalahama. Abalahama batandjile Isaka, Isaka namu batandjile Yakoba, Yakoba batandjile Yuda na bakwabo. Yuda namu batandjile Mpelese na Sela a Tamala. Mpelese batandjile Eseloma. Eseloma batandjile Lama, Lama namu batandjile Aminadaba. Aminadaba batandjile Nāsona. Nāsona namu batandjile Salamono. Salomono batandjile Boasa a Lahaba. Boasa namu batandjile Obedi a Lute. Obedi namu batandjile Yese. Yese namu batandjile Dafidi nfumu. Dafidi namu nfumu batandjile Solomone, kwi’wa badi mpiana a Ulaya. Solomone batandjile Leoboama. Leoboama batandjile Abiya. Abiya batandjile Asa. Asa batandjile Yeosafata. Yeosafata namu batandjile Yolama. Yolama batandjile Usiya. Usiya namu batandjile Yotama. Yotama batandjile Akasa. Akasa namu batandjile Esekaya. Esekaya batandjile Manase. Manase namu batandjile Amona. Amona batandjile Yosaia. Yosaia batandjile Yekoniya na bakwabo, su mpa kia kihindji kiabayile n’abo ku Babelona. Ku nyima kwa kuatshibwa ku Babelona, Yekoniya batandjile Salatshiele. Salatshiele batandjile namu Selubabele. Selubabele batandjile Abiuda. Abiuda namu batandjile Elakimi. Elakimi batandjile Asola. Asola batandjile Sadoka. Sadoka namu batandjile Akima. Akima namu batandjile Eleuda. Eleuda batandjile namu Eleasa. Eleasa batandjile Matana. Matana batandjile namu Yakoba. Yakoba batandjile Yosefe mulunda a Madiya, kwadi nyi kubatandjilwe Yesu, winyi batemwinwe bu Kidisitu. Biabia nyi bungi bwa bifuko bioso kw’Abalahama mpaa na kwi Dafidi, bibadi ekumi na binanka. Na kwi Dafidi mpaa na habayile n’abo ku Babelona bibadi bifuko ekumi na binaka; na ku kihindji hatabayile n’abo ku Babelona, mpaa na kwi Kidisitu, bibadi bifuko ekumi na binanka. Kwinyi kutandjibwa kwa Yesu Kidisitu kubadi anka bino. Habadi nyin’e Madiya muladikwe kwi Yosefe, kwibedi tababandjile kufumankana n’e hamune, biabia basanenwe mwimite eimi kwi Kikudi-E-Selelee. Henyihaha Yosefe, mulunda e, biabadi mwikale muntu mululame, tabakyebele kumukwatshisha būfu ku mpala kwa bantu, badi afunu ku bukunkula’shi: Nankamuhele ku bufyefye. Anka habadi anangushena yaya myanda, talai, mwikeilu a Yehowa bamwekyele kwadi mu kilotwa, bamwambile’shi: A Yosefe mwan’a Dafidi, totshinanga kuata mpian’obe Madiya, mwanda kiadi mwimite mwifu die nkia Kikudi-E-Selelee. Akatande mwana mulume, okamūdika bu Yesu, mwanda e akahasha bantu be ku milwisho yabo. Yino myanda yoso yibakitshinwe mu kukumbasha eyi dia Yehowa dibatemukile kwi mutemuki’shi: Talai, mukashi ki kamame akayimite efu, akatande mwana mulume, abakamūdike eshina dia bu Emanyuele, nyi nkuhatula’shi: Efile Mukulu E n’etu. Biabia Yosefe hababukile mu tulo, ībakitshine bibamulungwile mwikeilu a Yehowa, bātshile mpian’e. E tafikile hehi kwiukene, bu mukashi na bu mulume, mpaa na habatandjile mwana mulume. Bamūdikile n’eshina die bu Yesu. Binyibiabia habatandjilwe Yesu mu Beteleme a Yudea, mu mafuku a nfumu Heloda, talai, kubafikile basha binangu kw’Esete ku Yelusalema; abo’shi: A yawa mutandjibwe nfumu a ba Yudea, e kwi kunyi? Mwanda tubamwene lwenyenye lwe mu Esete, nyi biatubafiki kumulangwila. Habahushishe nfumu Heloda yino myanda, bakalakeshwe mwishimba, na boso mu Yelusalema hamune. Habakongwele batshiite-bakwidi bakata, na bafundji-ba-mikanda ba bantu hamune, bebehwishe’shi: Kutandwa kwa Kidisitu: akukekala kwi kunyi? Abamulungwile’shi: Mu Beteleme a Yudea, mwanda bibafundjilwe biabia kwi mutemuki’shi: Obe Beteleme, nsenga ya Yuda, twemukilwe buhela munkatshi mwa bana-buwa ba Yuda, mwanda akukatuku munkatshi mwobe kimankinda, e akalela Bena Isalele bantu bande. Henyihaha Heloda, habaitanyine basha binangu ku bufyefye, bebashikulwile binyibinyi habamwekyele lwenyenye. Biabia e bebatumine ku Beteleme’shi: Ndai, nukokole mwana yawa biya, hanubahu kumumona, nufikye kundungula, nyende nkamulangwila namu. Habahushishe nfumu, abakatukile, talai, lwenyenye lwabamwene ku Esete lubayile ku mpala kwabo, mpaa na kwimana mbula bwa habadi mwana. Habamwene lwenyenye abasehelele na kusangala kwi moo. Habadi abatwele mu nshibo, abamwene winyi mwana toka na Madiya nyin’e, biabia abakunamine manwi hashi, tabamulangwila; na hababāngwile bia bineme biabo, abamulambwile bia-buntu bia kilonda kia nsahabu, na bia mahembwe, na bia malashi. Anka habadimwinwe kw’Efile Mukulu mu kilotwa’shi: Tanualukilanga kwi Heloda, abakatukile, bayile ding’eshinda ku nsenga yabo. Habayile, talai, mwikeilu a Yehowa bamwekyele kwi Yosefe mu kilotwa’shi: Buka, ata mwana mukinga na nyin’e, nusukye ku Ndjihitu, okekale kwanka mpaa na hankakulungula mwanda: mwanda Heloda akyebe kufwila mwana mu kumwihā. Hababukile, bātshile mwana na nyin’e bufuku, bayile n’abo ku Ndjihitu. Baikele kwanka mpaa na habafwile Heloda, biaudia kukumbashwa ubakwilwe kwi mutemuki mwanda wa Yehowa ’shi: Mu Ndjihitu nyi mu naitanyine Mwan’ande. Henyihaha Heloda, habamwene basha kalolo abamuhesha, bakwete nsungu yikalabale, batumine, baihayile bana balume boso ba mu Beteleme na mu mpese yoso; ba bihwa bibidi na abalobele bihwa bibidi, mulombene mubaihwishishe basha kalolo ku kihwa kiakia, biabia bibakumbashwa bibatemukile Yelemiye’shi: Eyi dibahushishwe mu Lama, kitumo kimoo na kudila mālo; Letyele badidi bana be, ahele kusambibwa, mwanda bana tabe kwanka. Anka habafwile Heloda, talai, mwikeilu a Yehowa bamwekyele kwi Yosefe mu kilotwa mu Ndjihitu, eshi: Huka, ata mwana mukinga na nyin’e, wende mu nsenga ya Isalele; mwanda’bo abakimbi muwa wa mwana mukinga tabafwile. Biabia babukile, bātshile mwana mukinga na nyin’e, abafikile mu nsenga ya Isalele. Anka habahushishe’shi, Akeleusa bahyana mu bufumu bwa nshye Heloda mu Yudea, bamwene moo kwenda kwanka: Binyibiabia, badimwinwe mu kilotwa kw’Efile Mukulu, bayile dingi eshinda ku mpese ya Ngadilea. Biabia bafikile, babombele mu kibalo kibatemunwe bu Nasaleta, biaudia kukumbashwa bibatemukile na batemuki’shi: Akaudikwa mwina Nasaleta. Mu aa mafuku mubafikile Yoano mubatshishi, balungwile w’Efile mu mahia-a-kabāka a Yudea’shi: Nwilangei’mashimba mwanda wa bufumu bwa mwiilu tabudi hehi. Au nyi winyi abakwile kwi mutemuki Esaiye’shi: Eyi dia’wa adiele musase mu kabāka’shi: Lumbulai eshinda dia Yehowa, lulamishai biki īlo bie susā. Winyi Yoano badi na bifwalwa bia buaa bwa (nyama) shamo, na kikoba kia musekya mu kifuka kie, na bidibwa bie bibadi nshiye na būki bwa mahia. Biabia bena Yelusalema abatukile kwadi, na boso iba mu Yudea na ku mahia oso e hehi ku Yodano. Ababatshishwe kwadi mu Yodano, bakwete kusokola milwisho yabo. Anka e habamwene Bafadeseo bebungi na Basadusea, babafikile kwadi mu kubatshishibwa, bebalungwile’shi: Anwe ba kifuko ba manyoka, a nanyi benudimwine kusuka bukyelo bwanafikye. Nuhe bikuba abihwandjikila kwalula kwishimba. Tanutentekyeshanga kwakula munda mwenu’shi: Twi na Abalahama bu shyetu, mwanda nenulungula’shi: Efile Mukulu euka kubusha mabwe ku bana ba Abalahama. Binobino kabengyele kabatudibwa ku mashina a mitshi, biabia mutshi woso aushyauha bikuba, aukatshibībwa, welwe mu kālo. Binyibinyi ami nenubatshisha mu mema a ha kwilanga kwishimba, anka’wa andondo munyima munkile’mi bukata, bilato bie ami nkimuhwandjikile kwibitwala, ooo; e akenubatshisha mu Kikudi-E-Selelee na kālo. Kihehwilo kie ki mwiasa die, akatosha selelee ha mutāla he, akaumbula misekye ye mu mutala, anka akashikye mpaha mu kālo kashyakashimibwa. Henyihaha Yesu bakatukile ku Ngadilea, bafikile ku Yodano kwi Yoano kubatshishwa n’e. Anka Yoano batune’shi: Ami nyi na lukalo kubatshishibwa n’obe, n’obe tofiki kwandji’mi? Biabia Yesu bamwalulwile’shi: Kumina’, nka biabia binobino; mwanda ubetuhwandjikile’twe kukumbasha kululama kwishimba koso. Henyihaha bamukuminyine. Na Yesu hababatshishwe, babukile henyihaha mu mema; talangai, eilu dibamubulukile, bamwene Kikudi-E-Selelee e Efile Mukulu ayiki bwikutshi, bamutentamine. Talangai, eyi dibatukile mwiilu’shi: Uno nyi Mwan’ande andji mukumine, mwadi e nyi na musanku. Henyihaha Yesu badi akunkwishwe na Kikudi-E-Selelee mu kabāka, mu kutompibwa na dyabola. Na habashīle biakudia mafuku makumi ananka, kanya na bufuku, kumongo badi na nsala. Habafikile mutompi-a-munda kwadi, bakwile’shi: Su obe we mwan’Efile Mukulu, kamika’shi, ano mabwe ealule ta ntampa. Anka e bālulwile’shi: Ubafundjibwe’shi; Muntu takekala na muwa ku mampa anka’o, anka ku bishima bioso abituku kukanwa kw’Efile Mukulu. Biabia: diabola bamukamishe ku kibalokihatulwe-kishila, bamushadikile ku masaka wa ntempelo. Bamulungwile’shi: Sue Mwan’Efile Mukulu weihone hashi, mwanda ubafundjibwe’shi: Akakulayila bamwikeilu b’E, abo namu abakakutwala mu maboko abo, tala okakokola lwā lwobe kwībwe. Yesu bamulungwile’shi: Kibafundjibwe kabidi’shi: Tokatompa Yehowa, Efile Mukulu obe. Dimonyi diabola bamukamishe ha ngulu mula eyee, bamulesheshe mafumu oso a hanohansenga na ntumbo yao; Bamulungwile’shi, nankakuha bino bintu bioso s’onkunamine kundangwila. Binyibiabia Yesu bamulungwile’shi: Katuka Satana, mwanda ubafundjibwe’shi: Okalangwila Yehowa, Efile Mukulu obe, anka E okafubila. Henyihaha diabola bamulekyele, bamwikeilu abafikile mu kumukwashia. Habahushishe’shi, Yoano belwa mu lukano, batentulukile ku Ngadilea; Bakatukile mu Nasaleta, bayile mu kushāla ku Kahanauma, kibalo ki ku bukunkula bw’eshiba, ku mahia a Sebuluna na Nefatale. Biabia kukumbasha bibakwile mutemuki Esaiye’shi. Mahia a Sebuluna, na mahia a Nefatale kw’eshinda di’eshiba dia mema kwishīya dia Yodano, Ngadilea a Badjentaila; Bantu babashēle’mufito babamwene etata dikata, na kwi bantu babashēle mu kihindji na ku mwesheshe wa lufu, etata dibamwekyele. Ku kia kihindji Yesu babangile kulungula’shi; Elangei munda, mwanda bufumu bwa mwiilu butadi hehi. Yesu habatambukile kwishiba dia Ngadilea, bamwene balume babadi ba muntu’mune, Shimone aitanyinwa bu Petelo, n’Andeleyo mukwabo, kwete kwela bukondja’mema, mwanda babadi bampībwe ba mishiha. Bebalungwile’shi, Ndondei, nenwalule nwikale bu bampībwe ba bantu. N’abo namu kahindji nāka babalekyele makondja’bo, tabamulondo. Habadi ende kumpala, bamwene bangi balume babidi, Yakoba mwan’a Sebede, na Yoano mukwabo mu bwato na Sebede shabo; abatelula makondja’bo; E bebaitanyine. Abo, kahindji nāka babalekele bwato na shabo, tabamulondo. Yesu batambukile luhese lwoso lwa Ngadilea, balambukishe mu bitumbwilo biabo, balungwile mukāndu wibuwa wa bufumu bwa mwiilu, bahashishe bihaso bioso bia masungu, na kubofula koso kwa mbidi kwa bantu. Ntumbo ye yibahalakene mu luhese lwoso lwa Sidiya; babafikile kwadi E bantu boso babadi abakumbu, babakwatwa na masungu e bungi, na kwinyenga kwa mbidi, na baba bakwatshibwa na mikishi, na baba babadi na mombe, na bangi babadi na busungu bwa kususa, E bebahashishe. Biabia bibumbu bikata bibamulondele, bibafikile ku Ngadilea, na ku Dekahodi, na ku Yelusalema, na ku Yudea, na kwishīya dia Todano. Habamwene bibumbu, bakamine mu ngulu; habashalele, bana be ba bukishi babafikile kwadi. Babulwile mu kanwa mwe kwibalambukisha’shi: Mwabi kwi balanda mwishimba, mwanda bufumu bwa mwiilu mbwabo. Mwabi kwibo abanyeng’eshimba, mwanda abakekala basambībwe, Mwabi kwi’bo bahohele, mwanda abakahyana nsenga. Mwabi kwi’bo be na nsala na nyota bia kululama kwishimba, mwand’abakekuta. Mwabi kwi’bo be na lusa, mwanda abakakwatshilwa lusa. Mwabi kwi’bo be selelee ku mashimba, mwand’abakamono Efile Mukulu. Mwabi kwi’basungwa ba bantu, mwanda abakaudikwa’shi, mbana b’Efile Mukulu. Mwabi kwi’bo abamweshibwa malwa ha mwanda wa kululama kw’eshimba; mwanda bufumu bwa mwiilu mbwabo. Mwabi kwanudi h’ābenukaa, na h’ābenusabula, na h’ābenudimbila madimi oso, ha mwanda wande. Sehelai, nusangala bikata, mwanda bwedi bwenu mbukata mwiilu, mwanda babadi abamweshe malwa batemuki anka biabia bababadidile kwibedi kwenu. Anwe nwi mungwa wa hanohansenga, anka su mungwa ubatukuluka, aukatu naminyi? biabia tawi bisumanga, anka kwiukatusha hashi, na kwashinwa ngwa ya bantu. Anwe nwitata dia hanohansenga. Kibalo kībakwe ha ngulu ta kifībwa. Bantu namu ta ’bosha etala kwiditula mushi mw’ekumbo, anka hanundu ha mutshi w’etala, biabia adimunyika kwi boso be mu nshibo. Etata dienu dikale kumunyika biabia ku mpala kwa bantu’shi, bamone bikitshino bienu bibuwa, batumbishe namu Shyenu E Mwiilu. Tanutentekyeshanga’shi: Ami nafiki kushimangisha mukanda-wa-bishila, sunga ngwa batemuki: Nki mufikye kulwisha, anka kwiyikumbasha. Mwanda binyibinyi, nenulungula ’shi: mpā n’ahakashimina eīlu na nsenga, sunga kahelahela ke ntshantshantsha, su ke nyunyunyu ka mukanda-wa-bishila takakashimina sunga kahelahela kenyi, mpā na haukakumbana. Ese muntu akashūla kamune’nka kahelahela ka yino milangilo, na kulambukisha bantu biabia, e akatemunwa bu kentshantshantsha mu bufumu bwa mwiilu; anka ese muntu akwiyilama na kwiyilambukisha, na mwinyi akatemunwa bu mukata mu bufumu bwa mwilu. Mwanda nenulungula’shi, su kululama kw’eshimba kwenu ta nkukile kwa bafundji-ba-mikanda na Bafadiseo, tanukatwele mu bufumu bwa mwiilu. Nubahushishe bibakwile kwibakala’shi: Toihanga muntu, anka ese muntu akaihanatadi hehi ha kwelwa mu kimu. Anka’mi nenulungula’shi: Muntu ese e na mukwabo nsungu bisumanga, tadi ha kwelwa mu kiniu, anka muntu ese akatemune mukwabo Laka, tadi hehi ha kutushwa ku kilumbeno kia bakulu, anka muntu ese akākula’shi: Obe we mulubi, tadi hehi ha kwelwa mu kālo ka Ngehena. Binyibiabia su ofiki na buntu bwobe ku kitahilo, otentekyeshe hanka’shi, mukwetu e nami mwanda: Olekye buntu bwobe ku mpala kwa kitahilo, wende, okabadile kulombana na mukwenu, biabia ofikye olambule buntu bwobe. Olombashe n’odi n’e luhuna bukidi, h’okī n’e mwishinda, tala, kutshina’shi, su kihindji kikampanda, winyi n’obe luhuna akakufisha kwi nsushi, na nsushi akakufisha kwi mpulushi, n’obe okelwa mu nshibo ya lukano. Binyibinyi, nakuamba’shi: Tokatuka mwanka mpā na hokafuta kishio kioso, sunga ekuta dimune kushala. Nubahushishe mwa kibakwilwe kwi ba kala’shi: Tokitanga lusandji. Anka’mi nenulungula’shi: Muntu ese atala mukashi meso mu kumukyebe, bahu kukita n’e lusandji kala mwishimba die. Su eiso diobe dibalume dibakukokosha, tondobola’dio, wedisumbule, mwanda wa kushimisha kintu kimune kia mbidi yobe, nkukila kwelwa mbidi yobe yoso mu Ngehena. Su mboko yobe yibalume yibakukokosha, tshibayo, weyisumbule, mwanda kushimisha kintu kimune kia mbidi yobe nkukile kwelwa mbidi yobe yoso mu Ngehena. Kibakwilwe’shi: Ese muntu takatusha mpian’e, amuhe mukanda wa bulunda bubafu: Anka’ mi nenulungula’shi: Muntu ese akatusha mpian’e anka su ha mwanda wa lukyebanokyebano, biabia amwikasha busha lusandji, na yawa muntu akabamba yawa (mukashi) mutushwe akekala bu sha lusandji namu. Nubahushishe kabidi kibākwile ba kala’shi: Totshihanga bia madimi, anka kitshinamitshiho yobe kwi Yehowa. Anka’mi nenulungula’shi: Tanutshihanga, sunga kwa mwiilu, mwanda di luhun’a nsulu lw’Efile Mukulu. Sunga kwa ha nsenga; mwanda nyi kitulo kia ngwa ye; sunga kwa Yelusalema, mwanda ki kibalo ki kituka kia Nfumu mukata. Sunga kutshiha’shi, mpā na bi ku mutwe w’obe, mwanda oshīuku kwalula lunyenye lumune su mbu lutoka, su mbu lufita, ooo. Anka misambo yenu yikala’nka’shi, uolo, uolo, ayoyo, ayoyo; yoso ayikidi yaya, ayifiki ku bubi. Nubahushishe mubalungudibwe’shi: Eyiso kwī’yiso, eino kwi eino; anka’mi nenulungula’shi: Tanukingisha bubi, anka muntu ese akakuhila luhi kwitama dibalume omwalulwile dingi namu. Su muntu akwimukisha ku kimu, akwata nsumishe yobe, mulekyele ekotshi diobe namu. Muntu ese namu akukwiyisha luendo lwa kilometre kimune’nka, nda n’e bibidi. Au akutekye kintu, omuhe; na kwi’wa akyebe kukwashima tomufutalanga. Nubahushishe mubalungudibwe’shi: Ikala na mwin’obe kifulo, shikwa e n’obe luhuna. Anka’mi nenulungula’shi: Ikalai na kifulo n’abo be nenu ngo, tulai mwabi kwi’bo abenuuele muloa; nukita kwi benushikwa, bibuwa, nwibatekyele’bo abenumwesha malwa. Bianudia kwikala bana ba Shyenu E mwiilu, mwand’E atushā nguba kwi bantu be bubi na kwi bebuwa, anoshā mpeshi kwi bantu balulame na bashi balulame. Mwanda su anwe nwi na kifulo anka kwi be nenu kifulo, bwedi bwenu bwi kunyi? Basangishi-bamilambu tabakitā hamune su? Su anwe anwimuna namu anka bakwenu, anukile bangi bantu na minyi? Basangishiba-milambu namu tabakita biabia su? Binyibiabia nwikale bakumbane, bu bi Shyenu E mwiilu E mukumbane. Nudimuke, tanukitanga biabuntu bienu kumpala kwa bantu’shi, benumone, ooo; mwanda su mbiabia tanwi na bwedi kwi Shyenu E mwiilu. Binyibiabia hokitshi biabuntu (biobe) ha kuhana, twelanga mpungi kumpala kobe, bu amukitshine bansesa mu bitumbwilo na mu mpata, mwa biadia kutumbishibwa kwi bantu. Nenulungula, binyibinyi’shi, abakwete kutambula bwedi bwabo. Anka ha kuhana biabuntu biobe, tweukishanga eyasa diobe dibakashi kikite eyasa diobe dibalume; Biabia biabuntu biobe bikale ku bufyefye; na Shyobe amono mu bufyefye, na mwinyi akakuha bwedi ha toka. Hōtekye, twekalanga bu bansesa; mwanda abasehela kwimana mu bitumbwilo na ku masank’a mpata mwa kumwekibwa kwi bantu. Nankulungula, binyibinyi abakwete kutambula bwedi bwabo. Ank’obe hōtekye, twela mu kadimbo kobe, hobohwile kushita kibi kiobe, otekye kwi Shyobe E mu bufyefye, na Shyobe amono mu bufyefye, akakuha bwedi ha toka. Anka hanutekye, tanutontomonanga mitontomonyi bisuntanga bu basendji, mwanda’bo abatentekesha’shi, atukahushwa ha mwanda wa kwakula kwetu kwi bungi. Tanwifwananga’bo, mwanda Shyenu euku abia bintu bianudi n’abio lukalo kwibedi kwa nutekye. Binyibiabia nutekye anka bino’shi, Yaiya etu E mwiilu, Eshina diobe dishilwe kishila. Bufumu bwobe bufikye. Bikitwe hanoha-nsenga abikyeb’eshimba diobe, bu biabidi bikitshibwe mwiilu. Etuhe lelo uno bidibwa bietu kwifuku n’efuku. Etulekyele kusola kwa myanda yetu bu mwatubalekyela be n’etu kusola kwa myanda. Twetufishanga mu kutompibwa, anka etumañune ku bubi: Mwanda bufumu nyi mbobe, na katshintshi, na ntumbo, mpaa na kwikalaīka. Amena. Mwanda su anulekyela bantu kusola kwabo, Shyenu a mwiilu namu akenulekyela kusola kwenu. Anka su tanulekyela bantu kusola kwabo, Shyenu a mwiilu takenulekyela kusola kwenu namu. Dimonyi, hanushidi biakudia namu, tanwikalanga bongame bu bansesa, mwanda’bo abanyengye nkyebo yabo bebamone’shi mbashile biakudia. Binyibinyi, nenulungula’shi, abakwete kutambula bwedi bwabo. Ank’obe hōshidi biakudia, shinga mwimu ha mutwe hobe, wetumpe mema ha lukyebo lwobe. Biabia tomweka na lushilo kwi bantu, anka kwi Shyobe e mu bufyefye, na Shyobe amono mu bufyefye akakuha bwedi ha toka. Tanwibombeleshanga buheta buneme hano-ha-nsenga, nyi hanka tubaubau na nkongolo abilwisha, na bangifi abatubwīla kwiba: Anka nwibombeleshe buheta buneme mwiilu, mushī tubaubau sunga nkongolo abilwishā, na bangifi bakutubwila mukwiba. Mwanda, hē buhete buneme bwobe, eshimba diobe adikekala hanka namu. Etata dia mbidi nyi eiso, binyibiabia su eiso diobe adikala sōo, mbidi yobe yishima ngitoshwe n’etata. Anka su eiso diobe dibubi, mbidi yobe yishima ayikaulu mufito. Biabia su etata di munda mwobe di mufito, bukata bwa uno mufito bwi na minyi? Ta kwi muntu euku kufubila banfumu babidi, ooo: mwanda su akekala na umune mushikwa, na mungi kifulo, su akalamata kwi umune, akabende mungi. Tanwiuku kufubila Efile Mukulu na buheta hamune. Binyibiabia nenulungul’amishi, tanwinyenganga mwanda wa muwa wenu’shi, Atudi kinyi? sunga’shi, atutomo kinyi? sunga mbia mbidi’shi; Atukafwala kinyi? Muwa tangukile bidibwa su? na mbidi tangikile bilamba su? Talai tonyi twa mwiilu, mwanda tatukunā sunga kuumbulā, sunga kubomboleshā mu mikulu anka Shyenu a mwiilu etudishā; Anwe tanwibetukile? Muntu kinyi a munkatshi mwenu euku kulunga kishisa kie bu centimetre makumi atano’nyi hakwinyenga mwishimba? A ha mwanda kinyi namu anukamba kutentekyesha ha bifwalwa? nwambulai ku bilongo bia mahia mwabimena, abio tabifubā, sunga kuluka: Anka ’mi nenulungula’shi: Sunga Solomone mu ntombo ye yoso tabadi mufwadikwe bu kimune kia bino, ooo. Binyibiabia, su Efile Mukulu afwadika lubishi lwa ku mahia, alo lwi kwanka lelo uno, na maloba alwedibwa mwidingidingi dia kālo, E teuku kukila kwinufwadika su? anwe ba lukuluhilo luhela. Binyibiabia, tanwinyenganga mwishimba’shi: Atudi kinyi? sunga’shi: Atukatomo kinyi? sunga’shi: atukafwadikwa na kinyi? (Mwanda, bino bintu bioso nyi abikimbi Badjentaila:) Mwanda Shyenu a mwiilu euku’shi, nwi na lukalo lwa bino bintu bioso. Anka kwibedi kimbai bufumu bw’Efile Mukulu, na kululama kw’eshimba kwe, na bino bintu bioso abikenutentekyelwa. Binyibiabia, tanwiyenganga mwishimba ha mwanda wa bia maloba; mwanda maloba adikanyenge ha mwanda wa bintu bia’bio. Bubi bwifuku bubalombana bwadio. Tanutshibilanga muntu kimu; biabia anwe tanukatshibilwa kimu, Mwanda bu nubatshibila kimu, biabia namu anukatshibilwa, na kihimo kiohiminā’kio akikakuhiminwa kabidi. A nkinyi kiotala kasomwa ke mwiiso dia mukwenu, anka tonangushena mulamba wi mu diobe eiso? Okalungula mukwenu na minyi’shi, nkutushe kasomwa ke mwiiso diobe, anka tonangushena mulamba wi mu diobe eiso? Obe nsesa, badila kwibedi kutusha mulamba wi mwiiso diobe, biabia okamono bibuwa mwa kukatusha kasomwa ke mwiiso dia mukwenu. Tanuhanga mbwa kilamunwa-ki-kishila, sunga nkwela mabwe aneme ku mpala kwa ngulube, tala ayiashina mushi mwa ngwa yabo, ayialulukye kwinuhalakasha namu. Nutekye, akikenuhebwa, nukimbe, anukamono, tutulai akikenushitwilwa. Mwanda muntu ese atekye atambulā, n’e akimbi amono, n’e atutulā akikamushitwilwa. Muntu kinyi w’anwe, su mwan’e amutekye biashi akamuha ebwe? Sunga atekye mushiha akamuha nyoka’nyi? Biabia, su anwe bianudi bekale be bubi, anwiuku kuha bana benu biabuntu bibuwa; Shyenu E mwiilu takakidi kuha bantu abamutekye bintu bibuwa’nyi? Binyibiabia moso anukyebe bantu kwinukitshina, anwe namu nwibakitshine: mwanda uno nyi mukanda-wa-bishila na batemuki. Twelai mu kibelo kihela, mwanda kibelo nkikata n’eshinda di ngabale abiishwa ku lwila, na bantu be bungi abatwela kwanka. Mwanda’kia kibelo akīshwa ku muwa-autala, nyi nkibuname, A! kintshantshantsha, n’eshinda dihela hamune, n’abakedimono be bahela. Dimukai batemuki bamadimi abafiki kwanudi mu misokya ya mikoko, anka munda mwabo be bu tumishi twi na bukyelo. Anukebatundula ku bikuba biabo: Bantu abakulu bikuba bia nfinyo ku milobo su? Sunga bikuba bia kikuku ku nahimbia? Anka biabia, mutshi woso wibuwa auheya bikuba bibuwa; anka mutshi ubi auheya bikuba bibubi. Mutshi wibuwa tawiuku kuha bikuba bibubi, sunga mutshi ubi tawiuku kuha bikuba bibuwa. Mutshi woso ushī auha bikuba bibuwa aushindjibwa hashi, welwe mu kālo. Biabia anukebatundula ku bikuba biabo. Shī muntu ese autemuna’shi, Nfumwetu, Nfumwetu, akatwele mu bufumu bwa mwiilu ooo, ank’e akitshi akikyeb’eshimba dia Shami E mwiilu. Mu diadi’efuku bantu be bungi abakanamba’shi: A Nfumwami, a Nfumwami, tatwibatemukile bu mutemuki mwishina diobe? Tatwibabinge bikudi bibi mwishina diobe su? Tatwibakitshine bikitshino bi bungi bia bilengeleshe? Biabia, nankebalungula’shi, tanyinwiuku sunga mpahelahela, katukai kwandji, anwe bakitshi ba bubi. Binyibiabia, ese muntu ahusha yino myanda yande, eyikite, nankamuhwandjikisha bu muntu a kalolo, baibakile nshibo ye ha lubwebwe: Mpeshi yibanokyele, bieshi bibaule, bihahi bibafikile, bibakuhile ku yaya nshibo, anka tangihone, mwanda yibadi yibakwe ha lubwebwe. Muntu ese namu ahushe yino myanda yande, n’e tayikitshi: Akahwandjikilwa bu muntu e mutshikame ubaibakile nshibo ye ha misengyeya. Mpeshi yibanokyele, na bieshi bibaule, na bihahi bibafikile, bibakuhile ku yaya nshibo, n’ayo yibahone; na kuhona kwayo kubadi kukata kwi moo. Habahudishe Yesu yino myanda, bibumbu bia bantu bibakanyine lulambukisho lwe. Mwanda E bebalambukishe bu muntu badi na matalwa, kushī bu bafundji-ba-mikanda. Habaikile ha ngulu, bibumbu bikata bibamulondele. Talai! kubafikile muntu sha kifwi, bamulangwile’shi, A Nfumu, s’okyebe, weuku kuntosha. Yesu bōlwele eyasa di’E, bamukumine’shi: Nankyebe, wekale mutoshibwe. Na kahindji n’āka busungu bwe bwa kifwi bubatoshibwe. Yesu bamulungwile’shi, Tala! tolungulanga muntu sunga ngumune; anka wende, okeleshe kwi tshiite-mwakwidi, lambula buntu bwobe bubakamikile Mosesa bu kitundwilo ku mpala kwa bantu. Habatwelele Yesu mu Kahanauma, mulami a basalai lukama bafikile kwadi, kwete kumwiyayila ’shi: A Mwanana, mufubi ande mulale mu nshibo na busungu bwa mufwe-mbidi, kwete kumona malwa e moo. Yesu bamulungwile’shi, Nankafiki, nkamuhwisha busungu. Mulami a basalai bamwalulwile’shi, A Mwanana, nkimuhwandjikil’obe kutwela munda mwa nshibo yande; anka akula’nka n’eyi diobe anka’dio, biabia mufubi ande akahwishibwa (busungu). Mwanda, ami nyi muntu muhebwa matalwa, nami namu nyi na bashidika ku nyima kwande; nalungula uno’shi, nda, ēnde; na kwi mungi’shi: Fika, afiki; na kwi mpika ande, kita kino’ki, akikitshi. Habahushishe Yesu biabia bakanyine, balungwile babadi abamulondo’shi: Binyibinyi, nenulungula’shi: Nkimumone lukuluhilo lukata hamune luno, ooo, sunga mu Isalele. Nenulungula’shi: Bantu be bungi abakafiki ku akutunduka na kuhono nguba, abakashala n’Abalahama na Isaka, na Yakoba mu bufumu bwa mwiilu. Anka bana ba bufumu abakēlwa ’mufito wi fututu, mukekala kudila na kwisuma kwa meno. Biabia Yesu balungwile mulami a basalai’shi: Nda kwobe, bu bibokumina, bikukitshinwe k’odi. Na ha nguba yawa mufubi e badi muhashwe busungu. Habatwelele Yesu mu nshibo ya Petelo, bamwene mukwa e mukashi mulale na busungu bwa kālo ku mbidi. Biabia bakumin’eyasa die, na kālo kabamulekyele; biabia e na mwinyi babukile, tebafubila. Hakuhona kwa nguba, babafikile na be bungi abakwatshibwe na bikudi bibi: bebibingile n’eyi di’E, bahashishe boso abakumbu. Biabia kukumbashwa bibākwilwe ku mutemuki Esaiye’shi: Na mwinyi bātshile mikumbo yetu, bātwadile namu masungu (etu). Yesu habamwene bibumbu bikata bibamwifunyine, E bambile’shi: Tukatukyei, twabukyei adi’eshia. Biabia mufundji-a-mikanda bafikile kwadi, bamulungwile’shi: Mulambukishi nankakulondo koso kwende. Yesu bamwalulw’ile’shi, miseo yi na mena’yo, tonyi tw’eilu twi na maswa; anka Mwan’a muntu te na hakusamina mutwe (we). Mungi mwan’a bukishi e bamulungwile’shi: A! Mwanana, onkumina’mi kwibedi nyende mu kushīka shami. Anka Yesu bamwalulwile’shi: Ndonde, olekye bafwe bashīkye batwe babo bana bene. Habaikile mu bwato, bana be ba bukishi abamulondele. Talai! kihahi kikata kibabukile h’eshiba; ha uno mwanda, bwato bubaule na mantanki a mbundambunda a mema, ank’e badi mulale mu tulo. Bana be ba bukishi abafikile kwadi, abamubushishe’shi: A Mwanana etuhashe ngiu watufu. Bebalungwile’shi: A nkinyi kibenukwata mō, ō anwe ba lukuluhilo luhela? Henyihaha bebwele, basashile bihaha na mema’eshiba, na kubafikile anka nyaa talō. Bantu balume abakanyine’shi: Au nga kihaso kinyi? Bihahi bi na mwinyi n’eshiba dia mema abimukokyela! Habadi mufikile adi’ eshīa mu nsenga ya Bena Ngadalene, kubafumankene n’e bantu babidi babadi bakwatshibwe na bikudi bibi, babatukile ku mashama, babadi bakambe bukyelo, biabia mungi muntu tabadi euku kukila dianka. Talai! ab’ēle musase’shi: Obe Yesu Mwan’Efile Mukulu twi n’obe mwanda kinyi? Obe bofiki kwitufwambusha kwibedi kwa kihindji takiabandjila kufika su? Kubadi lombe lwa ngulube kula n’abo yikwete kudia. Biabia, bikudi bibi bibamusendelele’shi; Su etukatushe, etukumine kwenda mu lombe lwa ngulube. N’e bebilungwile’shi: Ndai; habibadi bakatukile bibayile mu lombe lwa ngulube, talai! lombe lwoso lwa ngulube lubabututukile lubilo ha ngalala yimo, yibahone mwishiba, yibafwile. Abo babeyilamanga babasukile, babayile mu kibalo kiabo, babakwile mwanda woso, nao ubakitshinwe kwibo bakwatshibwe na bikudi bibi. Binyibiabia, bantu boso ba mu kibalo, babafikile kufumankana na Yesu: Habamumwene, babamusendele’shi: Akatukye ku yino mpese yetu. (Yesu) batwelele mu bwato, bābukile, bafikile mu kibalo ki’e na mwinyi. Biabia, tala! abafikile kwadi muntu badi na busungu bwa kususa, badi mulale ha lusala; Yesu hakumona lukuluhilo lwabo, bākwile kwi sha busungu bwa kususa, eshi: Mwan’ande, Sangash’eshimba diobe, milwisho yobe yibakulekyelwa. Biabia bangi ba bafundji-ba-mikanda bākwile munda mwabo’shi. Uno (muntu) kwete ku kaa Efile Mukulu. Anka Yesu hakwiuka binangu biabo, bākwile’shi: A! kianutentekyesha myanda yibi mu mashimba enu, nkinyi? Kibakidi kubofula nkinyi, kwakula’shi: Milwisho yobe yibakulekyelwa, su kwamba ’shi: Buka otambukye? Anka, bianudia kwiuka’shi: Mwan’a muntu E na matalwa ha nsenga kulekyela milwisho, (biabia bakwile kwi slia busungu bwa kususa’shi): Ebwe, eboshe lusala lwobe, nda mu nshibo yobe. Biabia, bēbwele, bayile ku nshibo kwe. Bibumbu bia bantu habeumwene, abakanyine, tabatumbisha Efile Mukulu, ubahene matalwa biabia kwi bantu. Yesu, habakatukile kwanka, bamwene muntu atemunwa bu Mateo, badi mushale ku nshibo ya kilambwilo bamulungwile’shi: Ndonde, n’e bēbwele, tamulondo. Kumongo, habadi Yesu mushale mu nshibo kwete kudia, talai! kubalikite be bungi basangishi-ba-milambu na basodi ba myanda, babashalele na Yesu, na bana be ba bukishi. Habamwene Bafadiseo (uno mwanda) abalungwile bana-be-ba-bukishi’shi: Mulambukishi enu kiadila na basangishi-ba-milambu na basodi ba myanda nkinyi? Anka hauhushishe Yesu bālulwile’shi: Abo be musangyelo ta be na lukalo lwa ñanga, anka’bo be na busungu. Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba. Henyihaha bana-ba-bukishi ba Yoano babafikile kwadi’shi, atwe na Bafadiseo atushila biakudia misusa na misusa, anka bana-ba-bukishi bobe tabashilā, a nkinyi? Yesu bebālulwile’shi, A bana ba mu nshibo ya mubambi mukashi abeuku kudila ha ki ntubambi e n’abo su? Anka mafuku akafiki hakakwatwa mubambi inulume kwabadi, biabia abakashīdi biakudia. Takwi muntu akalamika kilaka kia mbwisha yihia ha kilamba kikulu, mwanda kiakia akishiki kianka akikalamunuka, n’ehunda adibotoka. Takwi muntu namu akēle malofu ahia mu milangi ya misekya ya kalā, mwanda misekya ayikatubuka, na malofu akasumbuka hashi, na milangi ya misekya ayikalwilwa; anka abēlā malofu ahia mu milangi ya misekya yihia, na bioso bibidi abibombeleshwa. Henyihaha bibākula yino myanda kwabadi talai, mutontshi bafikile, bamulangwidile’shi: Mwan’ande mukashi bāfu binobino, banda kufika, omutentekye eyasa diobe, biabia akekala na muwa. Yesu bēbwele, tamulondo, na bana be-ba-bukishi. Talanga, Mwana mukashi badi na busungu bwa kushila lwendenda, bihwa ekumi, na bihwa bibidi, bafikile kumongo kwe, bakumine mutelo wa kifwalwa kie. Mwanda bakwile munda mwe’shi: Su nankamukumu sunga ku mutelo wa kifwalwa kie, nankekala musangyela. Anka Yesu bealulwile, habamumwene bakwile’shi; Mwan’ande nyish’eshimba diobe, lukuluhilo lwobe lubakuhasha, na winyi mwana mukashi bekele musangyela ku yawa nguba. Hafikile Yesu mu nshibo ya mutontshi (a mu kitumbwilo) na habamwene bañomba na bibumbu bia bantu abel’eunga, E bebalungwile’shi: Ehengei, mwanda nsongwakashi tamufwe ooo, ntulo tadi mulale. Tabamuseha na kumukyengula. Anka kibumbu hakibatushishwa, e batwela mwanka, bamwatshile ku mboko, na winyi nsongwakashi babukile. Na nkumo yao yibahalakene mu yaya nsenga yoso. Hakukatuka Yesu kwanka, bampofu balume babidi abamulondele, tabamwele musase’shi: Etufwile lusa, obe Mwan’a Dafidi. Hakutwela mu nshibo, bampofu abafikile kwadi; Yesu bakwile kwabadi’shi: Anukumina’shi, neuku kwinukitshina kino su? Babamwalulwile’shi: E Mwanana. Biabia bebakumine meso abo’shi: Bu lukuluhilo lw’enu bikale binukitshinwe. Biabia meso abo ababulukile, na Yesu bebalungwile bikata’shi: Talai! tanwiukishanga muntu sunga ngumune. Anka’bo habakatukile, babahalakeshe nkumo ye mu yaya nsenga yoso. Habadi tabatuku, talai! abamufwishishe kamama kukwatshibwe na kikudi kibi. Habadi kikudi kibi kibabingibwa, kamama bākwile, na bibumbu bia bantu bibakanyine’shi: Biabia tambimwekwe kwibedi sunga mu Isalele, ooo. Anka Bafadiseo abakwile’shi: Abingā bikudi bibi na matalwa a mukishi wa luhando. Yesu batambukile mu bibalo na mu misumba yoso, kwete kulambukisha mu bitumbwilo biabo, na kulungula mukāndu-wibuwa wa bufumu, na kuhwisha bantu na busungu boso na kunemenwa koso kwa mbidi ya bantu. Anka habamwene bibumbu bia bantu, bebasambile, mwanda badi bahungile, badi abahalakenwe bu mikoko yishī na katshunga. Henyihaha balungwile bana-be-ba bukishi’shi: Bidimwanga bi bungi binyibinyi, anka baumbudi mbahela. Binyibiabia, nutekye kwi nfumu a bidimwanga’shi, atakule bafubi ba kuumbula’bio bie. Habaitanyine kwadi bana-be-ba-bukishi ekumi na babidi, bebahele matalwa kunundu kwa bikudi bi butete na kubinga’bio, na kuhwisha bihaso bioso bia kubofula kwa mbidi, na bihaso bioso bia masungu. Mashina a batumibwa ekumi na babidi nyi a kwibedi: Shimona, dimo die bu Petelo, na mukwabo Andeleyo, Yakoba a Sebede, na mukwabo Yoano. Fidiha na Batolomyu, Tomase na Mateo winyi musangishi-a-milambu, na Yakoba mwan’a Alafesa na Lebeusa, dingi die bu Tadeusa. Shimona mwina Kanana, na Yudasa Isakadiata winyi bamwihulukile kīhuko. Bano ekumi na babidi, Yesu bebatakwile, na kwibakamikile’shi: Tanuendanga mwishinda dia Badjentaila, sunga mu kibalo kia Bena Samadia tanutwelanga mwanka. Anka nwende kwi mikoko yishimine yi a mu nshibo ya Isalele. Bianuende nulungule’shi: Bufumu bwa mwiilu tabudi hehi. Nuhwishe basha kubofula kwa mbidi, nutoshe basha kifwi, nubushe bafwe, nutushe bikudi bibi, nubatambwile bisumanga, nuhei bisumanga. Tanukakimbanga bia kwela mwidimba dienu, sunga nfalanga ya nsahabu, sunga ya nfedha, sunga ya lembela. Sunga nsaka ya lwendo, sunga makotshi abidi, sunga bidiato, sunga mukombo winyi, mwanda mufubi ’muhwandjikile bidibwa bie. Mu kibalo kioso na mu musumbā woso mwa nukatwela, nwihushe a muhwandjikile mwamwa nanyi, nushale mwanka mpaa na hanukatuka kwanka. Hanukafiki mu nshibo nwibemunei. Su nshibo yihwandjikile, kufukama kwenu kufikye kwanka, anka su yishī yihwandjikile, kufukama kwenu kwalukye kwanudi. Ese muntu a shī enutambula, sunga kuhusha myanda yenu, biabia hanutuku mu yaya nshibo, sunga mu kibalo kiakia, kukulai lufūfi ku ngwa yenu. Nenulungula binyibinyi’shi: Ahakafiki adi’efuku dia kimu, bushito bwa malwa a kiakia kibalo akakidi ā malwa a Sodomo na Ngomolo. Talai! Nenutumu bu mikoko munkatshi mwa tumīshi: binyibiabia nwikale na budimu bwa manyoka, na kuhohela bu nkudimba. Anka dimukai bantu, mwanda abakenufishishe ku bimu, n’abakenukuhila mu bitumbwilo biabo. Anukafishwa namu ku meso kwa batontshi na banfumu ha mwanda wande, kwikala bu kitundwilo kwabadi, na kwi Badjentaila. Anka habakenufisha, tanunyenganga mwishimba’shi, atwākula na minyi; mwanda anukahebwa bia kwakula mu yawa nguba. Mwanda, tananwe abakākula, anka Kikudi-E-Selelee a Shyenu akākula munda mwenu. Mukwabo na muntu akasokosha mukwabo ku lufu, shye akasokola mwan’e, bana’bakatombokyela bebatande, na kwibehaisha. Anukekala bashikibwe kwi bantu boso ha mwanda w’eshina diande, anka e akakankamana mpaa na kunfudilo akahashibwa. Anka habakēnumwesha malwa mu kibalo kiakia, sukai ku kingi, mwanda nenulungula binyibinyi’shi: Mwan’a muntu akafikibwa kwibedi tanwibabandjile kuhudisha bibalo bioso bia Isalele. Mwan’a bukishi takila mulambukishi a bukishi, sunga mpika takila nfumu e. Mbilombane mwan’a bukishi, ekale bu mulambukishi a bukishi, na mpika bu nfumu e. Su babatemwine sha nshibo bu Bēlesebuba tabakakidi kutemuna baba be mu nshibo ye hamune su? Binyibiabia tanwibatshinanga, mwanda takwi kintu kifībwe kishī akikasokolwa, sunga bufyefye bushī buukibwa, Kinenulungula ’mūfito nwakulei mwitata; na mwanda wanuhusha ku matwi, nwiulungule ku misaka ya mashibo. Tanutshinanga’bo abaiha mbidi, anka bashī abeuku kwihā kikudi; anka nukile kutshin’awa euku kulwisha kikudi, na mbidi bioso namu mu Ngehena. Misodya ibidī’nka taiudibwa ku nsenke umune, na umune’nka w’ayo takahono hashi kushī (kukumina) Shyenu. Anka nyene yenu yi na mwinyi yibadikwe yoso. Binyibiabia tanutshinanga; mūlo wenu ngukile wa misodya yi bungi kinemo. Binyibiabia muntu ese akandungwila ku mpala kwa bantu, ami namu nankamulungwila kumpala kwa Yaiya E mwiilu. Anka muntu ese akantunu ku mpala kwa bantu, ami namu nankamutuna ku mpala kwa Yaiya E mwiilu. Tanutentekyeshanga’shi, ami nafikile kufisha kufukama hano-ha-nsenga; nkimufwile kufisha kufukama, anka luhete lwa ngoshi. Mwanda nafikile’shi, mwana na nshye abakatuhishena, na mwana mukashi na nyin’e, na mpian’a mwan’e na nyin’e, mwenu anka hamune. Muntu akashikibwa n’abe mu nshibo ye. Muntu e na shye su nyin’e kifulo kikambe kiadi n’akio kwandji’mi, tamuhwandjikile’mi; na muntu e na kifulo na mwan’e mulume, sunga mwan’e mukashi kukila kiadi nakio kwandji tamuhwandjikile’mi. Na yawa namu bakutwa kwibosha nkulusu ye na kundonda, tamuhwandjikile’mi: Muntu ese amono muwa we akeushimisha; n’āshimisha muwa we ha mwanda wande, aukeumono. E akenukumina ankumina’mi, ankumina ’mi n’amu, akumina bantumine. Muntu akumina mutemuki mwishina dia mutemuki, akatambula bwedi bwa mutemuki, n’e akumina muntu mululame mwishina dia muntu mululame, akatambula bwedi bwa muntu mululame. Na muntu ese akatomesha umune a mu bano bana bahela kihulu kimune ’nka kia mema e mashika anka mwishina dia mwan’a bukishi, binyibinyi nenulungula’shi; takashimisha bwedī bwe, ayoyo. Bitakubakitshine Yesu habahudisha kukamikila bana-beba-bukishi ekumi na babidi, bakatukile kwanka kwenda mu kulambukisha na kulungula mu bibalo biabo. Yoano badi mu nshibo ya lukano, habahushishe bikitshino bia Kidisitu, biabia batumine bana-be-ba-bukishi babidi. Mu kumwihusha’shi: Obē’nyi afiki’nyi, su atutengyela mungi? Yesu bebālulwile’shi: Ndai, nukalubwile Yoano, na bianubahusha na bianubamono: Bampofu abamono meso, bilema abitambuka, basha kīfwi abatoshibwa, basha kitwi abahusha, bafwe ababushibwa ku lufu, na balanda be na mukāndu-wibuwa ubalungudibwa kwabadi. Muntu ese shī mukokole ha mwanda wande, e na mwabi. Habayile, Yesu babangile kwakula kwi bibumbu bia bantu mwanda wa Yoano’shi: Nubayile mu kabāka mu kutala kinyi? Elenge adisane na luhahi? Anka nubayile mu kutala kintu kinyi? Muntu mufwadikwe na bilamba bibofule su? tala! abo abafwala (bifwalwa) bibofule be mu mashibo a banfumu. Anka nubayile mu kutala kinyi? Mutemuki su? E, n’ami nenulungula’shi, mukile mutemuki. Mwand’au nyi bafundjibwe’shi. Tala! nantumu mukiendji wande kumpala kobe, e akalumbulwila eshinda diobe ku mpala kobe. Binyibinyi nenulungula’shi, munkatshimwa baba abatandjilwe kwi bakashi, tamutukye mungi mukile Yoano ntubatshishi; sunga biabia, yawa mukile buhela mu bufumu bwa mwiilu nyi mukile bukata. Na ku mafuku a Yoano mubatshishi mpā na binobino, bufumu bwa mwiilu abukwatshibwa na bukome, n’abanyengye abebunyenga ku bukome. Mwanda batemuki boso ba mukanda-wa-bishila, babatemukyile myanda mpaa na kwi Yoano. Su anuukumina, uno nyi Eliadya takyebe kufika. Muntu e na matwi akuhusha, ahushe. Anka anankahwandjikisha kino kifuko bu kinyi? Nkihwandjikishe bu bana bakinga abashāla mu bisalwe, abētanyina bakwabo’shi: Tubenuombela milengye, tanwibāshe, tubenudidila mālo, n’anwe ta nwibadile. Mwanda Yoano bafikile, tabadi adyi, tatomanga, n’abo’shi, E na kikudi kibi. Mwan’a Muntu bafikile, badianga, batomanga, n’abo’shi: Tala! muntu e na mudioholo, na mutomi a malofu, kūku a basangishi-ba-milambu, na basodi ba myanda. Anka binangu bibabingishwa kwi bana babo. Biabia, E babangile kusashila bibalo mubakitshinyinwe bikitshino bia bukome, mwanda tabelangye mu mashimba’bo. Mpombo kodi Koleshina! Mpombo kodi Betesaida! Mwanda abia bikitshino bikata bibakitshinwe mwanudi, su bibadi bibakitshinwe mu Tshile na mu Shidona, babadia kwīlanga kalā mu bilamba bia makutu na būto. Anka nenulungula’shi: Ahakafiki adi’efuku dia kimu, bushito bwa malwa enu abukakidi āmalwa a Tshile na Shidona. N’obe Kahanauma wemukamishibwe mwiilu, akayishibwa ku kalunganyembo, mwanda abia bikitshino bikata bibakitshinwe mwanudi, su bibadi bibakitshinwe mu Sodomo, kibadia kwikala mpaa na lelo uno. Biabia nenulungula’shi: Ahakafiki adi’efuku dia kimu, bushito bwa malwa enu abukakidi ā malwa a Sodomo. Ha’kia kihindji, batandabwile mwanda’shi, A! Nakutumbula Yaiya, Nfum’ēilu na nsenga, mwanda obe bofyile yino myanda kwi basha binangu na kwi badimukye, bweifumbwila kwi bana bakinga. Ee! anka biabia Yaiya, au mwanda ubekala wibuwa ku mpala kobe. Bintu bioso bibampelwe kwi Yaiya, takwi muntu euku Mwana, anka Yaiya; sunga muntu euku Yaiya, anka Mwana, na yawa kwi ese muntu Mwana akamufumbula. Fikai kwandjimi (anwe) boso bakutuhuta na mufubo, n’ami nankenuha kikisho. Atai kikumbo kiande, nwambulei kwimi; mwanda nyi muhohele na kwihelesha mwishimba, n’anwe anukasañana kikisho mashimb’enu. Mwanda kibumbo kiande nkilombane, na kita kiande nkihela. Ha’kia kihindji Yesu bayile h’efuku dia Sabadomu (mafuba a) mebele; na bana-be-ba-bukishi babadi na nsala; ababangile miombotshi ya mebele kudia. Anka Bafadiseo habamwene’kio abamulungwile’shi: Tala, bobe bana-ba-bukishi abakitshi wawa mwanda ushidikwe kishila kukita h’efuku dia Sabado. Ank’e bebalungwile’shi: A tanwi babale mwanda ubakitshine Dafidi habadi na nsala, na bangi bantu babadi n’abo su? Mubatwelele mu nshibo y’Efile Mukulu badile mampa aleshwe yibadi kishila kwādi, na babadi n’abo kudia, abadi anka a batshiite-bakwidi? Sunga tanwibabale namu mu mukanda-wa-bishila bibakitshine batshiite-bakwidi mu ntempelo mu mafuku a Sabado, mwā balwisha Sabado na tabadi na mwanda, ooo. Ank’ami nenulungula’mi’shi: Hano h’e ’mukile ntempelo. Anka su nubadi beukye mwiyile uno mwanda’shi: Nadidi lusa, nkimukyebe bitahilo, tanubadia kuhīsha babingye. Mwanda Mwan’a muntu E Nfumu sunga di’ekale efuku dia Sabado. Binyibiabia habadi bakatukile kwanka, E batwelele mu kitumbwilo kiabo. Biabia, talai! kubadi muntu n’easa die difumbe; abamwihwishe’shi: A kwi kishila kuhwisha busungu mwifuku dia Sabado? bamone mwa kumwimukila. E namu bebālulwile’shi: A muntu kinyi munkatshi mwenu e na mukoko umunenka, su ubahono mbwina h’efuku dia Sabado, akutwe kwiukwata na kwiuabula su? A muntu tamukile mukoko buwa su? Binyibiabia mbilombana kukita buwa h’efuku dia Sabado. Biabia balungwile muntu’shi: ola mboko yobe. E namu beyolwele, yibalombene biya hamunenka na yikwabo. Henyihaha Baladiseo abakatukile, abamudidile lukuku’shi: Atukamwihayila bi kunyi? Anka Yesu ha kwiuuka, ebongolokyele hanka, na bibumbu bikata bibamulondele, bebahashishe boso. Bebakamikile’shi: Tanunukishanga. Biaudia kukumbashwa ubatemukile mutemuki Esaiye’shi: Tala, mufubi ande anasangwile mukuminyibwe, nyi mwadi e mwandji mutokel’eshimba diande; nankatulu Kikudi-E-Selelee ande hadi, n’E akahatula kwi Mīlo mwiile kōloka. E takēle mpaka sunga nkwela musase, takwi muntu akahush’eyi die mu mpata. E takatshomona mulengye uhunyunwe, sunga kushima butongo abufutuka mwishi, mpaa na hakatumu kōloka kwikala na bushindanyi. Na mwishina die mīlo ayikakuluhila. Binyibiabia kubamufwishishwe muntu mukwatshibwe na kikudi kibi, badi mpofu na bu kamama; n’e bamuhashishe, biabia winyi mpofu na bu kamama bamwene, na kwakula bakwile. Biabia bantu boso abakanyine, babambile’shi; Uno ta mwan’a Dafidi’nyi? Anka Bafadiseo habeuhushishe, abakwile’shi; Au (muntu) tabingi bikudi bibi anka na bukome bwa Bēlesebuba, nfumu a bikudi bibi. Na Yesu beukile binangu biabo, bebalungwile’shi: Bufumu boso abwīlamūna, bubafishwa ku kusalakana; na kibalo kioso, na nshibo yoso abīlamuna bi na bene, tabiuku kushimata. Biabia su Satana abingi Satana, e mwīlamune e na mwinyi, binyibiabia bufumu bwe abukashimata bi kunyi? Su ami namu nabingi bikudi bibi na bukome bwa Bēlesebuba, a bana benu abebibingile kwi nanyi? binyibiabia abakekala bu bansushi benu. Anka su ami nabingi bikudi bibi na Kikudi-E-Selelee e Efile-Mukulu, biabia bufumu bw’Efile-Mukulu bubafiki kwanudi. A nanyi muntu euku kutwela mu nshibo ya muntu e bukome na kulwisha bintu bie bi mwanka, su tabandjile kwānya sha bukome? anka biabia akalwisha nshibo ye. Muntu e shī n’ami, bampēle; n’awa shī akongola n’ami ahalakasha. Nyi ha uno mwanda nenulungula’shi; Bihaso bioso bia milwisho, na bia kukāna abikalekyelwa bantu, anka bia kukāna bi kwi Kikudi-E-Selelee takakelekyelwa bantu, ooo. Muntu oso namu akesambila mwan’a muntu bibi aukamulekyelwa, anka muntu oso akesambila Kikudi-E-Selelee bibi, taukamulekyelwa, sunga mu kihindji kino, sunga kihindji akikafiki, ooo. Lumbulusha mutshi wibuwa, na bikuba biao bibuwa, sunga lwisha mutshi na bikuba biao namu; mwanda mutshi aushingulwa ku bikuba bie. Aa, anwe twikulu twa manyoka, anwiuku kwakula bintu bibuwa na minyi, anwe be bubi? Mwanda mwishimba mukambe kuula, akwakula. Muntu ebuwa atushe bintu bibuwa bia mu kintu kineme mwishimba die, muntu mubi atusha bintu bi bubi bia mu kintu kineme kwishimba die. Ank’ami nenulungula’shi: oso mwanda wa bisumanga aukakula bantu, a babeilubula mwifuku dia kimu. Mwanda ku bishima biobe okabingishibwa, na ku bishima biobe okahishwa. Henyihaha bangi ba Bafundji-ba-mikanda, na ba Bafadiseo babālulwile’shi: A Mulambukishi atukyebe kumona kitundwilo kodi’be. Anka E bebālulwile’shi: Kekulu (ku bantu) ke kubi, na ka lusandji akakimbi kitundwilo; anka kitundwilo takikekahebwa, anka kitundwilo kia mutemuki Yonasa. Mwanda’nka bibadi Yonasa munda mwa mushiha ukata mafuku asatu, kanya na bufuku, anka biabia, Mwan’a muntu akekala mafuku asatu, kanya na bufuku, munda mwa nsenga. Bantu ba ku Ninefa abakabwēla mu kimu na kano kekulu (kabantu), abakekahīsha; mwand’abo belangye mu mashimba ku kulungula kwa Yonasa, na talangai, mukile Yonasa bukata e hano. Nfumu mwana mukashi a Sude akabwela na kano kekulu (ka bantu) mu kimu, akekahīsha; mwanda e bafikile ku kunfudilo kwa nsenga mu kuhusha kalolo ka Solomone; na talangai, mukile Solomone bukata e hano. Habatukile kikudi kibi munda mwa muntu, akitambuka ha bihindji biume hoo, akikimbi ha kwikisha, anka takihamone. Binyibiabia akiakula’shi, nakāluka ku nshibo yinatukile; na ha kufika mwanka, beihetele bisumanga, yikombe na yilumbulwe. Binyibiabia akiende, akiata bingi bikudi bibi musambobidi bikikile bubi, n’abi abitwela mu kubombela mwanka; biabia mwikyelo wa fudilo w’awa muntu ubakile wa kwibedi. Anka biabia akukekala ku kano kekūlu kabi (ka bantu). Habadi asambila na bibumbu bia bantu, talai, nyin’e na bakwabo bana balume abadi bemane hasha, abadi bakyebe kwisamba n’e. Binyibiabia muntu bamulungwile’shi; tala, nyin’obe na bakwenu bemene hasha, abakyebe kwisamba n’obe. Anka E bebālulwile’shi: A nyin’ami nanyi? na bakwetu mbanyi? Biabia b’ōlwele mboko ye kwi bana be ba-bukishi’shi: Talai, nyin’ami na bakwetu! Mwanda muntu ese akakita abikyebele eshimba dia Yaiya e mwiilu, anka yawa e mukwetu mulume na kashiana’mi, na nyin’ami. H’adie’fuku Yesu batukile ku nshibo, bashalele kubukunkula kwishiba. Bibumbu bikata bia bantu bibekoñene kwadi, biabia batwelele mbwato, bashalele; na kibumbu kishima kibemene ku bukunkula kwa mema. E bebalungwile myanda yi bungi mu miele’shi: Talangai, muminyi bayile mu kumina mbio. Habaminyine, yingi (mbio) yibahonene ku bukunkula kwishinda, tonyi namu tubafikile kwiyimina. Yimo yibahonene habadi mabwe, habadi nsenga yshi bungi; henyihaha yibamene, mwanda ta yibadi na nsenga yi bula; na ha kukanka nguba, yibatatshile, yibafumbile, mwanda ta yibadi na mishi. Yingi namu yibahonene munkatshi mwa milobo, milobo yibatamine yibeinyengyela. Anka yingi yibahonene ha nsenga yibuwa; yibahele bikuba, yingi ha lukama, yingi ha makumi asamombo, yingi namu ha makumi asatu. E na matwi a kuhusha, ahushe. Bana ba-bukishi abafikile, abamuhwishe’shi; Wakula kwabadi mu miele kinyi? E bebālulwile’shi: Mwanda kwanudi ubahebwa kushingula yifībwe ya bufumu bw’Efile-Mukulu, anka kwibo kushī bahebwe. Mwanda kwi ese e n’akio, akikamuhebwa, e namu akekala n’abio bikambe; anka kwi ese te n’akio, akikatshibwa sunga’kia kiadi n’akio. Binyibiabia uno nyi mwanda unebalungwile mu miele; mwanda’bo ha kumona tabamono ooo; na ha kuhusha tabahusha, sunga kushingula. Mwabadi ’mubakumbashwa kitemukilo kia Esaiye; kibākwile’shi: Hakuhusha anukahusha, tanukashingula; na kumona anukamono, anka tanukahatula. Mwanda mashimba a bano bantu abālulukile bwalotakane, matwi abo ngashikile, meso abo namu abamomwa, tala kioso kihindji abakamono na meso abo, na kuhusha na matwi abo, sunga kushingula ’mashimba, n’abo kwikala balulukye ’mashimba, n’ami biandjia kwibahasha. Anka meso enu nga mwabi, mwanda amono; na matwi enu hamune, mwanda ahushā. Mwanda nyi binyibinyi nenulungula’shi, batemuki bebungi na bantu balulame babakyebele kumona abia bianumono, tambebimone; na kuhusha bianuhusha, tambebihushe. Binyibiabia hushai mwele wa muminyi. Ahahusha muntu mwanda wa bufumu, e tamwiuuke wibuwa, binyibiabia winyi mubi afiki, aunyengye’kio kibakunyinwe mwishimba die; Uno nyi winyi batambwile mbio ku bukunkula kwishinda. Anka yawa batambwile mbio mu kihindji kia mabwe, nyi e bahushishe Mwanda, kahindji n’āka namu eutambula na kusangala; Anka e te na mishi munda mwe e na mwinyi, anyingi kihindji kihi, anka ahakabuku kusabulwa su kubingwabingwa ha mwanda wa Mwanda, kahindji n’āka ebakokoshwa. E namu batambwile mbio munkatshi mwa milobo, nyi e bahushishe Mwanda, anka binyengo bia hanohansenga, na kōngolwa kwa mono, akwinyengyela Mwanda, n’e akutshikwa kuha bikuba. Anka e batambwile mbio mu nsenga yibuwa, nyi e ahusha Mwanda, na kwiushingula, a aha bikuba namu, atusha yingi bu lukama, yingi bu makumi asamombo, yingi bu makumi asatu. Ungi mwele belele kwabadi’shi: Bufumu bwa mwiilu bubahwandjikile kwi muntu baminyine mbio yibuwa mwifuba die. Anka bantu ha kulala-tulo, badi n’e mushikwa bafikile, baminyine nkonongo munkatshi mwa nano, bakatukile. Anka habatulukile mitombo na ha kuha bikuba, nkonongo yibamwekyele namu. Biabia bahika ba sha nshibo bafikile, bamulungwile’shi: A Mwanana, tobominyine mbio yibuwa mwifuba diobe’nyi? Ahenyihaha nkonongo yibafikile kwi kunyi? E bebalungwile’shi: Muntu e n’ami luhuna nyi bakitshi biabia. Bahika abamwihwishe’ shi: Okumina’twe kukeitukula’nyi? Anka E bambile’shi: Ayoyo, tala, su hanulamuna nkonongo anukatukwila nano n’ayo. Eyilekyei bubidi bwa’yo, yikudile hamune mpa n’ahakafiki hakūmbula, henyihaha nankalungula banoi’ shi; nusangulai hamune nkonongo kwibedi, nwianye mabombo mu kwiishika kālo, anka nukongole nano mu mputshika yande. Ungi mwele belele kwabadi’shi: Bufumu bwa mwiilu mbuhwandjikile na lubio lwa mūtade lubātshile muntu, bakunyine mwifuba die. Nyi mbinyibinyi ndukile buhela bwa mbio yoso; anka h’alukulu, ndukile munkatshi mwa mabula oso, lubālulukile tamutshi ukata, nyi anka biabia tonyi twa mwiilu atufiki mu kubombela mu ntabi yao. Ungi mwele bebambile’shi: Bufumu bwa mwiilu bubahwandjikile na kitatusho kibātshile mwana-mukashi, bekifīle mu bihimo bisatu bia bukula mpaa n’ahakibatatukile kioso kishima. Yino myanda yoso Yesu bakwile kwi bibumbu bia bantu mu miele, na kushī mwele tamwakule kwabadi. Biaudia kukumbashwa ubakwile mutemuki eshi; Nankabula mukanwa mwande na miele; nankatusha myanda yibadi yifībwe mpaa na ku mbangilo ya hanohansenga. Binyibiabia Yesu bebwesheshe kibumbu, batwelele mu nshibo; bana-be-ba-bukishi abafikile kwadi’shi: Etuhatulwile mwele wa Nkonongo ya mwifuba. N’e bebālulwile’shi: Winyi baminyine mbio yibuwa nyi Mwan’a muntu. Dinyi efuba nyi bahanohansenga; mbio yibuwa yi bana ba Bufumu, anka nkonongo nyi bana ba wawa mubi; Winyi a mushikwa beiminyine nyi Satana; kūmbula nyi kunfudilo kwa hanohansenga; abakūmbula nyi bamwikeilu. Anka bibakongwelwe nkonongo na kushika kālo, anka biabia aukekala ku kunfudilo kwa hanohansenga. Mwan’a Muntu akatumu bamwikeilu be, n’abo abakalamuna bintu bioso mu Bufumu bwe abikokosha, n’abo abakitshi bubi; Abakelwa mwilungu dia kālo, amukekala kudila na kwisuma kwa meno. Henyihaha balulame abakahenyahenya bu nguba mu Bufumu bwa Nshyabo. E na matwi a kuhusha, ahushe. Dimonyi, Bufumu bwa mwiilu nyi bubahwandjikile ku bia bineme bifwame mwifuba; binyi, habibasokwelwe na muntu, abebifīle, na ha mwanda wa kwibisehela, ēnde, ahane bioso biadi n’abio, akaule efuba diadia. Dimonyi, Bufumu bwa mwiilu nyi buhwandjikile na musungia bintu akimbi mabwe aneme; E, habamwene’nyi kabwe kamune ka mūlo wi bukoho, bayile na kuhana bintu bie bioso mu kuula’ko. Dimonyi, Bufumu bwa mwiilu nyi buhwandjikile na bukondja bubēlwe mu kalunga-ka-mema, bubakongwelwe ya bihaso bioso. Bwinyi, habubaule abebukakile ku bukunkula kwa mema, abashalele, abakongwele yibuwa kwilela mankuhi, anka yibubi abayisumbwile. Anka biabia abikekala kunfudilo kwa hanohansenga; bamwikeilu abakatuku, abakalamuna bebubi be munkatshi mwa balulame; Abakebēle mwilungu dia kālo; amukekala kudila na kwisuma meno. Yesu bebambile’shi; nubashingula yino myanda yoso’nyi? abamwalulwile’shi: uolo Mwanana. Henyihaha E bebalungwile’ shi: Binyibiabia oso mufundji-a-mikanda amulambukishwe bu mulondji ku Bufumu bwa mwiilu ’muhwandjikile muntu sha nshibo, atusha bia buneme bwe abia bihya na bikulu. Binyibiabia kibakitshinwe’shi, a habahudisha Yesu yino miele, e bakatukile kwanka. Habafikile mu nsenga ye, bebalambukishe mu kitumbwilo kiabo, biabia abakanyine’shi: Au bātshile kano kalolo na bino bikitshino bia bilengeleshi kwi kunyi? Uno tafundji a mabaya’nyi? Tabatemuna nyin’e bu Madiya’nyi? na bakwabo ta ba Yakoba, na Yosese, na Shimona, na Yudasa’nyi? Na bankashan’e boso, tabe n’etu kuno su? Binyibiabia a uno’u e na bino bintu bioso kwi kunyi? N’abo abakokweshwe ha mwanda w’e. Anka Yesu bebalungwile’shi: Mutemuki takutwa kinemo, ooo, anka mu nsenga yabo, na mu nshibo yabo. E takakitshina kwanka bilengeleshi bibungi, mwanda wa lushīlukumino lwabo. Mu aa mafuku (nfumu) kilolo Heloda, bahushishe ntumbo ya Yesu; bakwile kwi bafubi be’shi: Uno nyi Yoano mubatshishi basangukile ku lufu: biabia bikitshino bia bukome abimwekyelwa mwadi. Mwanda Heloda bahwile kukwata Yoano kala, bamwanyine, bamwelele mu nshibo ya lukano ha mwanda wa Helodiasa, mpian’a mukwabo Fidipa. Mwanda Yoano badi mulungule’shi: Nyi kishila kumuata. Na habakyebele kumwihā, batshine kibumbu, mwanda’bo abamutemwine bu mutemuki. Anka hakubafikile efuku dia kusehela kwa kutandwa kwa Heloda, mwana mukashi a Elodiasa badi ashimasha munkatshi mwa’bo, baseheshe’shimba dia Heloda. Ha uno mwanda batshihile mutshiho’shi; Nankakuha kioso kiotekye. N’e, badi mulungudibwe kwi nyin’e kwibedi’shi: Ompe anka hano, mutwe wa Yoano mubatshishi mwilonga. Biabia eshimba dia nfumu dibafitshile; anka ha mwanda wa mutshiho we, n’ababadi bashale n’e ha bidibwa, bakamikile’ shi; muhe’yo. Batakwile, bakukatshiba mutwe wa Yoano mu nshibo ya lukano. Mutwe we ubafishishwe h’elonga, ubahelwe kwi nsongwakashi; n’e beufwishishe kwi nyin’e. Henyihaha balondji be abafikile, abātshile mbidi, abeishikile, abayile mu kulungula Yesu. Habeuhushishe Yesu, bakungulukile hanka mu bwato, mpaa namu kabāka ka ku luhese; habeuhushishe bibumbu, bibatukile mu bibalo, bibamulondele mu ngwa. Yesu batukile mbwato, bamwene kibumbu kikata, bakwatshibwe na kanye kakishekishe kwabadi, bahashishe basha masungu. Hakufika kiolwa kukilutokena, bana be-ba-bukishi abafikile kwadi’shi; hano nyi kihindji kia kabāka, nguba namu bende; halakasha kibumbu kiabadia kwenda mu bibalo mu kwiudila biakudia. Anka Yesu bebalungwile’shi: Ta be na kia bakatukila, anwe nwibahe biakudia. Abo abamwalulwile’shi: Twi n’anka mitanda ya mikate itano, na mishiha yibidi kuno. E bambile’shi: Nwiifwishei kwandji’mi. Balungwile kibumbu kushala ha nyoe; bātshile mitanda ya mikate yitano, na mishiha yibidi, batadile kwiilu, beitekyele mwabi, beitshokwele, bahele mitanda ya mikate kwi bana be-ba-bukishi, na bana ba-bukishi beihele kibumbu. Na boso abadīle abekwite; abasangwile bia bifingifingi bibashele, bisele bwikumi na bibidi. N’abo abadīle babadi bana balume bu binunu bitano, na bana bakashi na bana namu. Kahindji n’aka Yesu banyishishe bana babukishi kukekila mbwato, na kubadila kumpala kwe ku adi’eshia, mpa n’ahabahalakeshe bibumbu. Habadi ahalalasba bibumbu, bakamine ku ngulu buhenka bwe mu kuteka Efile; habafikile kiolwa kwi lutokena, badi kwanka buhenka. Anka bwato binobino bubadi munkatshi mwishiba, bu batenkatenka na mambundambunda (a mema), mwandaluhahi lubadi aluhukuma kumpala. Ha kilo kia kananka kia bufuku, Yesu bayile kwabadi, atambuka hanundu ha mema. Bana ba-bukishi, habamumwene atambuka hanundu ha mema, abakwetwe na katshima munda’shi; Nyi kikudi; abasamine kudila ha mwanda wa moo. Anka Yesu kahindji n’aka bebambile’shi; Sangulushai mashimb’enu, n’ami uno, tanutshinanga moo. Henyihaha Petelo bamwālulwileshi; A Mwanana, su n’obe, ondungule nfikye k’odi ha mema. Bamulungwile’shi: Fikanga; Na Petelo hababukile mbwato batambukile hanundu ha mema, tende kwi Yesu. Anka habamwene luhahi lubadi aluhukuma, bakwatshilwe na moo; na hakubanga kwitshika, belele musase’shi: A nfumwa’mi, mpashe’mi. Kahindji n’aka Yesu bōlwele mboko, bamukwete, bamulungwile’shi: Aeee! Obe sha lukuluhilo luhela, a ha kinyi hodi na mealasheno? Habayikile mbwato, luhahi lubalekeshwe. Henyihaha abo babadi mbwato abafikile, abamulangwile’shi; Binyibinyi, obe we mwan’Efile-Mukulu. Habadi abuka adi’eshia, abafikile ku nsenga ya Ngenasalete. Habamwiukile bantu b’alwa luhese, abatumine ku nsenga yaiya yoso yifunye, abamufwishishe boso abakumbu kubofula kwa mbidi. Abamusendele’shi; tukume anka mutelo wa kifwalwa kie; na boso abamukumine babadi bahashibwe mpaa. Henyihaha abafikile kwi Yesu Bafundji-ba-mikanda, na Bafadiseo, baba ba mu Yelusalema, eshi: A nkinyi bana bobe ba bukishi abashula lungalunga lwa bakulu, mwanda tabeoshā māsa habadile bidibwa? Ank’e bebālulwile’shi: A nkinyi anwe namu anushula mulangilo w’Efile-Mukulu na lungalunga lwenu? Mwanda Efile-Mukulu bakamikile’shi: Nemekai shobe na nyin’obe; dimo’nyi’shi; Yawa akaa nshye sunga nyina afwe lwinyi lufu. Ank’anwe’shi: Muntu ese akākula kwi nshye su kwi nyin’e: Kintu kiokyebanga kutambula kwandji’mi, tankia mulambu kw’Efile. E namu tanemeka nshye sunga nyin’e (akekala bu muluñantu) Biabia nyi mwa nushilwilwa mulangilo w’Efile-Mukulu ku lungalunga lwenu. Anwe bansesa, Esaiye benutemukidile’nwe biya’shi: Bano bantu abefubula kwandji’mi na mukanwa mwa’bo, aba’nemeka na milomo yabo, anka eshimba diabo di kula n’ami. Anka abandangwila bu bisumanga, kwete kulambukisha lulambukisho, yingi milangilo ya bantu. Baitanyine kibumbu, bebalungwile’shi: Hushai, nushingule: Kushī kiakia akitwele mukanwa akīlwisha muntu, ooo; anka kiakia akituku mukanwa nyi akilwisha muntu. Henyihaha bana be-ba-bukishi abafikile, abamwihwishe’shi: Twemwiuka’shi, Bafadiseo babadi abakokolwe habadi abehusha uno mwanda? Anka e bebālulwile’shi; Mutshi woso ushī ukunwe na Shami a mwiilu aukashudibwa. Nwibalekye, abo mbampofu, bakunkushi ba bampofu; biabia su bampofu abakunkusha bampofu, bubidi bwabo abakahono mbwina. Binyibiabia Petelo bamwālulwile’shi; Etuhatulwile uno mwele. Yesu bambile’shi: Anwe namu nukī bashī bashingulwe su? Tanukī beuke’shi, bioso abitwela ’mukanwa abiende mwifu, abisumbulwa mu nkumbu? Anka’bia bintu abituku mukanwa abifiki kwishimba, n’abio abilwisha muntu. Mwanda kwishimba akutuku binangu bibi, matombo, masandji, makyebanokyebano, bwifi, misambo ya madimi, bakānyi-ba-milomo. Nyi bino bintu abilwisha muntu; anka kudia biakudia na māsa ashī eoshwe, ta kulwisha muntu, ooo. Henyihaha Yesu bakatukile kwanka, bayile mu mpese ya Tyile na Sidono. Henyihaha talangai, mwana mukashi mwina Kanana bakatukile mu yaya mpese, bamwele musase’shi: Onfwile lusa, Mwanana, mwan’a Dafidi, mwana’nde mukashi bamweshwa malwa na mukishi ubi. Anka e tamwalule sunga kishima; Na bana be-ba-bukishi abafikile, abamusendelele’shi: Mutume, mwanda etudidila’twe. Anka e bālulwile’shi; Nki mutuminyibwe, anka ku mikoko yishimine ya ku nshibo ya Bena Isalele. Binyibiabia bafikile, bamulangwile’shi: A Mwanana, onkwashe’mi. Anka e bamwālulwile’shi; Tankuhwandji kile kuata mampa a bana, na kwisohela kwi mbwa. Anka e bamwālulwile’ shi: A Nfumwami mbinyibinyi, anka sunga mbiabia mbwa ayidi bifingifingi ayihono ku mesa kwa nfumu ayo. Henyihaha Yesu bamulungwile’shi: A mwana-mukashi, lukuluhilo lwobe ndukata akikukitshinwe’nka mo kyebela. Na mwan’e mukashi badi muhashishwe ank’akia kihindji. Yesu bakatukile kwanka, befubwile hehi na kwishiba dia Ngadilea; bakamine ha ngulu, bashalele hanka. Bibumbu bikata abifikile kwadi, babadi n’abo basha bilema, bampofu, tumama, balemane, na bangi be bungi namu, bebatudile hashi ku ngwa ya Yesu; n’e bebahashishe. Nyi h’anka biabia kibumbu kia bantu abakanyine, habamwene tumama atwakula, na balamane tabadi musangyelo, basha bilema kutambuka, na bampofu abatala: Biabia abatumbishe Efile-Mukulu a Isalele. Henyihaha Yesu baitanyine bana be-ba-bukishi kwadi e eshi: Nyi na kanye ku kibumbu, mwanda abashala n’ami binobino mafuku asatu, tabe na biakudia namu; tankebatakula na nsala, tala bakahungila mwishinda. Bana beba-bukishi abamulungwile’shi: Atumono kwi kunyi mampa e bungi muno mahia a bisumanga, mwa kwikutshisha kibumbu kikata ki bino’nyi? Yesu bebehwishe’shi: A nwi na mampa anga? Abamwitabile’shi: musambobidi na kisoselo kia tushiha. E bakamikile kibumbu kushala hashi. Bātshile mitanda ya mampa musambobidi na mishiha, batumbwile Efile-Mukulu, beitshimwine, beihele bana-beba-bukishi, n’abo kwi kibumbu. Boso abadīle, abekwite; abasangwile ku bifingifingi bibashele bisele musambobidi biule ndaa. Abo abadīle babadi balume bu binunu binanka, na bakashi na bana namu. Biabia bahalakene kibumbu, bayikile mbwato, bafikile ku bukunkula kwa Mangadala. Bafadiseo na Basadusea namu abafikile kumutompa, abamutekyele’shi: Etuleshe kitundwilo kia mwiilu. Bebālulwile’shi: Hakufika kiolwa anwakula’shi: Akukekala kubuka kushī mpeshi, mwanda eilu ndjimonge hyaa. Namashika namu (anwakula’shi) akukekala kubuka mpeshi lelo, mwanda eilu ndjimonge hyaa, na makumbi abafindji. Anwe bansesa, anwiuku kushingula mpala y’eilu; anka tanwiuku kushingula bitundwilo bia bihindji’nyi? Kihungilo lda bubi na kia lusandji akikimbi kitundwilo; anka takikebahebwa, anka kinyi kitundwilo kia Mutemuki Yonasa. Biabia bebalekyele, bakatukile. Habafikile bana-be-babukishi adi’eshia, babadi abayilwe kuata mampa. Binyibiabia Yesu bebalungwile’shi: Talai, mudimukye kitatusho kia Bafadiseo, n’akia kia Basaduseo. N’abo tabeakushena mpaka, abo bana bene’shi: Nyi ha mwanda tatwi baate mampa. Uno, Yesu hakushingula, bebalungwile’shi: Aa, anwe’ba lukuluhilo luhela. A nkinyi kianwiakushena ’nwe mpaka anwe bana bene’shi: Nyi mwanda tatwibafwishe mampa? Tanwibabande kushingula, sunga kutentekyesha mitanda ya mampa yitano y’abe binunu bitano, na bisēle binga bianubasangwile’nyi? Sunga mitanda musambobidi ya ku binunu binanka, na bisēle binga bianubasangwile’nyi? A nkinyi kianushī bashingule’shi, ntshī mwinwakule ha mwanda wa mampa, ooo, nenulungulanga kudimuka kitatusho kia Bafadiseo na Basadusea. Biabia abeuhatulwile’shi; tamwitwamba’shi, dimukai kitatusho kia ano mampa a bidibwa, ooo, anka ha mwanda wa lulambukisho lwa Bafadiseo na Basadusea. Binyibiabia habafikile Yesu mu mpese ya Kesalea Fidihai, behwishe bana-be-ba-bukishi’shi: A bantu abantemuna’mi Mwan’a Muntu bu nanyi? Abamwālulwile’shi: Bamo’shi, we Yoano Mubatshishi; bamo’shi; Elaidja, bangi’nyi: we Yelemiya, su we umune a ku batemuki. Bebakwile’shi: Anka’nwe anuntemuna bu nanyi? Shimona Petelo bamwālulwile’shi: Obe we Kidisitu, Mwan’Efile Mukulu a muwa. Yesu bamwālulwile’shi: Obe sha mwabi, Shimona Bashona, mwanda mbidi na mase tabibakufumbukile, ooo, anka Shami e mwiilu. Ami namu nakulungula ami’shi: Obe we Petelo, na ha luno lubwebwe nankebaka kikoñeno ki Efile kiande; bibelo bia kalunganyembo tabikekikambila. Nankakuha nfungulo ya Bufumu bwa mwiilu; na kioso kioanya hanohansenga, akikekala kianyibwe mwiilu; kioso namu kiokahososha hanohansenga, akikahososhwa mwiilu. Henyihaha E bakamikile bana-be-ba-bukishi’shi: Tanulungulanga muntu’shi, ami nyi Kidisitu. Kuatshila ha kiakia kihindji. Yesu babangile kuhatula kwi bana-be-ba-bukishi mubadi akyebe kwenda mu Yelusalema, mu kufwambuka mu bintu bi bungi ku bakulu na batshiite-bakwidi bakata b’Efile Mukulu, na ku bafundji-bamikanda, na kwihaibwa, na kusangulwa dimo h’efuku dia kasatu. Henyihaha Petelo bātshile Yesu buhenka, bamutosheshe’shi: Twelekeshanga Mwanana, uno tawikala kodi, ooo. Ank’E beālulwile, balungwile Petelo, eshi: Kīla ku nyima kwande obe Satana; we bu kikokwelo kiande, mwanda twe mutee eshimba diobe ku bintu bi’Efile Mukulu, anka ku’bia bantu. Biabia Yesu balungwile bana-be-ba-bukishi’shi: Su muntu akyebe kundondo ehele na mwinyi, āte nkulusu ye, andonde. Mwanda ese akahasha muwa we akeushimisha; n’ese akashimisha muwa we ha mwanda wande, akeumono. A muntu asungula busunga kinyi, su akahete bioso bia hanohansenga, n’akashimisha muwa we? sunga, muntu e na kintu kinyi kia kushintushena ku muwa we? Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie. Binyibinyi nenulungula’shi: Kwi ibamo bemane hano, tabakamono lufu, anka su abahu kumoma Mwan’a Muntu afiki mu Bufumu bwe. Habakile mafuku asamombo Yesu bātshile Petelo, Yakoba, na mukwabo Yoano, bakamine n’abo mu ngulu yila, buhenka bwabo. N’E bālulukile kumpala kwabo; mpala ye yibahenyahenya bu nguba, na bilamba bie bibālulukile bitoka bu kanya. Talangai, kubebamwekyelwe Mosesa na Elaidja, abadi abākula n’e. Henyihaha Petelo bālulwile kwi Yesu’shi: A Nfumwetu, mbibuwa atwe kwikala hano; s’okyebe, tushimikye bitanda bisatu hano; kimune nkiobe, kingi kia Mosesa, na kikwabo’nyi kia Elaidja. Habadi kwete kwakula, talangai, ekumbi ditoka selelee dibebahutshile; talangai, eyi dibatukile mwikumbi’shi: Uno nyi mwan’ande a kifulo andji mutokyele mwishimba, numuhushei. Habedihushishe, bana-be-ba-bukishi, abahonene hashi ha mahala’bo, abatshinyine bimoo. Binyibiabia Yesu bafikile bebakumine, bakwile’shi: Ebwei, tanutshinanga. Hababulwile meso abo, tabamwene muntu, anka Yesu buhenka. Habadi abayiki ku ngulu, Yesu bebakamikile’shi; Tanulungulanga muntu mwanda wa kimonwa, mpaa n’ahakasanguka dimo ku lufu Mwan’a Muntu. Bana-be-ba-bukishi abamwihwishe’shi: A binyibiabia, a nkinyi bafundji-ba-mikanda abākula’shi: Elaidja badi akubadila kufika? Yesu bebālulwile’shi: Binyibinyi Elaidja badi akubadila kufika mu kulumbula bintu bioso. Anka’ mi nenulungula’shi: Elaidja tahwile kufika kala; anka’bo tabamushingule; abamukitshine bioso bia babadi abakyebele. Anka biabia namu Mwan’a Muntu akafwambuka kwabadi. Henyihaha bana-ba-bukishi abashingulwile’shi, Etwakula mwanda wa Yoano Mubatshishi. Habafikile kwi kibumbu, kubafikile muntu kwadi, bamufukamine, bakwile’shi: A Mwanana, fwila mwan’ande mulume lusa; mwanda e na mombe, amono malwa e moo: misusa na misusa ahono mu kālo, na mu mema hamunenka. Namufwishishe kwi bana-ba-bukishi bobe, n’abo abakutshilwe kumuhasha. Henyihaha Yesu bālulwile’shi: A ee, anwe kifuko kishī na lukumino, na basha mpuha; kihindji kiankekala n’enu kinyingye ki na minyi? mufwishe kuno kw’andji’mi. Biabia Yesu basashile mukishi; n’e bakatukile mwanka; na mwana bahashishwe ha kiakia kihindji kīnyi. Henyihaha banaba-bukishi abafikile kwi Yesu ku luhese, eshi: A nkinyi kiatushībeukye kumutusha? Yesu bebalungwile’shi; Mwanda wa kushīlukumino lwenu; mwanda binyibinyi nenulungula’mi’shi: Su anwe nwi na lukuluhilo aluhwandjikila na katete ka mutāde, anukalungula yino ngulu’shi, katuka kuno wend’ekwaa, n’ayo ayikakatuka; takukekala kintu akikenukambila. Sunga biabia, kino kihaso (kia mukishi) taukatukanga anka ku nteko na kushila kwa biakudia. Habadi bekale mu Ngadelea, Yesu bebalungwile’shi: Mwan’a Muntu akehulukwa mu māsa a bantu; abakamwihā, na h’efuku dia kasatu akasangulwa dimo’nyi. Abo, abafitshile bibi ku mashimba. Biabia habadi bafikile mu Kahenauma, baba abatambwile milambu abafikile kwi Petelo, abamwihwishe’shi: Mulambukishi enu tafutā kitadi su? Eshi, ee (afuta). Habatwelele mu nshibo, Yesu babadidile kumwihusha’shi: Otentekyesha na minyi Shimona? Banfumu ba hanohansenga abatambula milambu kwi banyi? kwi bana babo’nyi, su kwi benyi? Petelo bamwālulwile’shi: Kwi bēnyi. Yesu bamulungwile’shi; Biabia bana be be baluñantu. Sunga mbiabia, tala twebakokoshanga, obe ndanga kwdshiba, wele’mo bulobo, wāte mushiha aubadila kulobola, na hakwiuasamisha mukanwa, okamono lufalanga lwa shekela mwanka. Wate’lo webahe’lo ku kitadi kiande na kiobe. Ha yinyi nsa bana-ba-bukishi abafikile kwi Yesu’shi: Mu Bufumu bw’Efile-Mukulu, a mukile bukata nanyi? Yesu betanyine mwana mukinga kwadi, bamutudile munkatshi mwabo; eshi; Binyibinyi, nenulungula’shi: Su tanwi bālule mashimba kwikala bu bana bakinga, tanukatwele mu Bufumu bwa mwiilu, ooo. Binyibiabia muntu oso akehelesha bu uno mwana, e winyi mukile bukata mu Bufumu bwa mwiilu. Na muntu oso atambula mwishina diande umune bu uno’nyi, antambula’mi. Anka muntu oso akakokosha umune a bano bana abakumina mwandji’mi, nkikile buwa kwi’wa (muntu)’ shi, ebwe dia kuhela bukula dimwanyine ku nshingo ye, eshīkye mu bula bwa mema-akata. Mpombo kwi bahanohansenga, ha mwanda wa biakukokosha! Mwanda biakukokosha tabikakutwa kufika; anka mpombo kwi yawa akebifwisha. Binyibiabia su easa diobe, sunga lwā lwobe abikokosha, webitshibe, webisumbule; mwanda nkikile buwa obe kutwela mu muwa na kishetshi sunga nkilema, na he kwikala na māsa abidi, sunga ngwa yibidi, na kwelwa mu kālo ka ikalaika. Su eiso diobe adikukokosha, editongobole, wedisumbule, mwanda kutwela mu muwa n’eiso dimunenka, nkikile buwa kwedibwa mu kālo ka Ngehena na meso abidi. Dimukai, tanubendanga umune a bano bana, mwanda nenulungula’shi: Mwiilu bamwikeilu babo ababandjile mafuku oso mpala ya Shami e mwiilu. Mwanda Mwan’a Muntu bafwile mu kuhasha kibadi kishimine. Anwe anutentekyesha naminyi? Su muntu e na mikoko lukama, ahakashimina umune, takalekye yaya yi makumi kitema na mikoko kitema, ēnde mu mangulu mu kukimba wawa batuhilw’eshinda su? Na su akeumono, binyibinyi nenulungula’shi: Akakidi kusehela ha mwanda w’awa mukoko, na he yaya yi makumi kitema na kitema yishī badi yishimine. Anka biabia namu, eshimba dia Shyenu e mwiilu tadikakyebe’shi, umune ā ku bano bana bakinga akashimina, ooo. Dimonyi, su mukwenu akakusola mwanda, wende, omulungula kusola kwe, obe n’e bubidi bwenu buhenka; su akakuhusha, biabia bohu kumwobesha. Anka su e akahele nkuhusha, wende na mungi su bangi babidi, eshi, ’mukanwa mwa tumonyi tubidi su ntusatu, bishima bioso abikashimata. Su e akahele kwibahusha, olungula kikofieno ki’Efile; anka su akahele kuhusha kikoñeno ki’Efile, ekale bu musendji na bu musangishi-a-milambu kodi’be. Binyibinyi nenulungula’shi: Kioso kianukānya hano hashi, akikānyibwa mwiilu; na kioso kianukahosola hano ha nsenga, akikāhosolwa mwiilu. Dimonyi nenulungula’shi: Su babidi bwēnu anukalombana hano ha nsenga ha kintu kioso kianutekye, akikenukitshinwa kianka kwi Shami e mwiilu. Mwanda habakekoñena mwishina diande su mbabidi su mbasatu, biabia ami nyi munkatshi mwabo. Binyibiabia Petelo bafikile kwadi, eshi, A Nfumwami, mukwetu akansola mwanda misusa yinga n’ami kumulekyela? mpaa na misusa musambobidi su? Yesu bamwālulwile’shi; Ami tankulungula’shi, mpaa na ku misusa musambobidi, ooo, anka mpaa na ku misusa makumi musambobidi. Binyibiabia Bufumu bwa mwiilu mbuhwandjikila na nfumu badi akyebe kulumbula na bahika be. Hababangile kubadika, umune badi mufwishwe kwadi e badi n’e kishio kia ntalenta bu binunu ekumi. Anka ha mwanda tabadi n’abio kufuta, Nfumu e bakamikile’shi: Bibuwa aulwe, na mpian’e na bana be, na bioso bibadi n’abio, eshi afute kishio. Biabia yawa mpika bahonene hashi, bamulangwile’shi: A Mwanana ekale n’ami lwishinko, n’ami nankakufuta bioso. Henyihaha nfumu a winyi mpika bakwatshilwe na kanye, bamuhoswele, bamulekyele kishio. Anka winyi mpika bakatukile, bahetele mungi mpika n’e, badi n’e kishio kia nfalanga ya ndenadi bu lukama; e bamukwatshile, bamufinyine lukono’shi: Nfute kibonahwile. Mpika n’e bahonene hashi ku ngwa ye, bamusendele’shi: Ekale n’ami lwishinko, n’ami nankakufuta bioso. Ank’e batunyine, bayile, bamwele mu nshibo ya lukano, mpaa na hādi akafuta kishio. Biabia habamwene bangi bahika n’e mubakitshinyinwe, abenyengyele ’mashimba, abafikile kulungula Nfumwabo bioso bibadi bikitshinwe. Henyihaha Nfumu e hakumwitanyine, bamulungwile’shi: Obe mpika mubi, nakulekyela kiakia kishio kioso, mwanda bonyiyayile. N’obe namu tobodia kufwila mpika n’obe lusa, mu nakufwidile lusa’nyi? Biabia nfumu e badi na nsungu, bamufwishishe kwi ba kumwesha malwa, mpaa n’ahakafuta kishio kioso. Anka biabia namu akikenukitshinwa kwi Shami e mwiilu, su anwe mu mashimb’enu, tanukalekyela bakwenu kusola kwa myanda yabo, muntu na mukwabo muntu na mukwabo. Bitabibakitshine, habahwile Yesu kwakula yino myanda bakatukile ku Ngadilea, batwelele mu mpese ya Yudea, adi’eshia dia Yodano. Bibumbu bikata bibamulondele, E bebahashishe hanka. Bafadiseo namu abafikile kwadi, babamutompele’shi: Nyi nkishila muntu kubinga mpian’e su mpa mwanda kinyi, su mpa mwanda kinyi su? E bebālulwile’shi: Tanwi babale’shi: Yawa bebahangile ku mbangilo, bebahangile bu mulume na mukashi? Bambile’shi: Ha uno mwanda mulume akalamunuka nshye na nyin’e, akalamata kwi mpian’e, na bubidi bwabo abakekala tambidi yimune? Biabia tabakī babidi, ooo, anka bu mbidi yimune. Binyibiabia akia kibalungile Efile-Mukulu muntu takumanga kwikitshiba, sunga ngumune. Abamwambile’shi: A binyibiabia, mwanda kinyi Mosesa bakamikile’shi: Bibuwa bamuhe mukanda wa kuhwisha bulunda, na kumukatusha? Bebālulwile’shi, ha mwanda wa bukoho bwa mashimb’enu, Mosesa bakuminyine’nwe kukasha bakashi benu, anka ku mbangilo takubadi biabia, ooo. N’ami nenulungula’shi: Muntu ese akasha mpian’e, anka su ha mwanda wa lukyebanokyebano akabamba mungi, biabia basolo mwanda w’ebasa: ese muntu namu abamba mukashi mutushwe biabia basolwe ebasa namu. Bana-be-ba-bukishi abamulungwile’shi: Su mwanda wa mulume na mukashi wi biabia, kubamba takwi buwa. Anka E bebalungwile’shi: Bantu boso tabeuku kutambula uno mwanda, anka baba beuhebwe. Mwanda kwi batungulwe abatandjibwe biabia mpaa na ku mafu a banyin’abo; kwi bamo batungulwe namu, abakitshinwe biabia kwi bantu; kwi batungulwe namu abekitshine abo banabene bu batungulwe ha mwanda wa bufumu bwa mwiilu. E, euku kutambula uno mwanda atambule’o. Henyihaha bana bakinga babidi abamufwishishwe’shi, atentekye māsa mu kwibatekyela; anka bana-ba-bukishi abebatosheshe. Anka Yesu bambile’shi: Kuminai bana bakinga, tanwibatoshanga kufika kwandji’mi, mwanda bufumu bwa mwiilu nyi anka bu abo. E bebatentekyele māsa, bakatukile kwanka. Talangai, umune bafikile, bamwihwishe’shi: Mulambukishi e buwa, nankakitshi kinyi kibuwa kia kumwena muwa wa ikala-ika? Bamwālulwile’shi: A nkinyi kiontemwina’mi bu ebuwa? Takwi ebuwa, anka umune, yawa Efile-Mukulu; Anka s’okyebe kutwela mu muwa, olame nyi bishila. Bamwambile’shi: A bishila kinyi? Yesu bambile’shi: Twehanga muntu, twendanga lusandji, twibanga, todimbilanga mukwenu madimi. Nemeka shobena nyin’obe; Okafule mukwenu kifulo bu’be na mwinyi. Yawa nsongwalume bamwakwile’shi: Bino bioso nebilamine mpaa na ku bukinga bwande; kiandji mukutwe nkinyi? Yesu bamulungwile’shi: S’okyebe kwikala mulombashwe mpaa, nd’okahane bioso biodi n’bio, okebihe balanda, biabia biokikamona bineme mwiilu; ofikye, ondonde. Anka nsongwalume habeuhushishe, bakatukile n’eshimba difite fututu; ha mwanda badi na buheta bwi bungi. Henyihaha Yesu balungwile bana-be-ba-bukishi’shi: Binyibinyi nenulungula’shi: Kwi bukoho muntu mpeta kutwela mu Bufumu bwa mwiilu; Na dimonyi nenulungula’shi: nkikilekubofula (nyama) ngamedia kutwela mwiiso dia shindanyi, na he muntu mpeta kutwela mu Bufumu bwa mwiilu. Bana be-ba-bukishi, hababeuhushishe, abakanyine bikata, tabamwihusha’shi: A biabia akahanda nanyi? Anka Yesu bebatadile swee, bebalungwile’shi: kino nkikambilwe na bantu, anka kw’Efile-Mukulu bintu bioso abiuku kukitshibwa. Binyibiabia Petelo bamwālulwile’shi: Talanga, atwe tubalekye bioso, tubakulondo; A biabia atukatambula kinyi? Yesu bebalungwile’shi: Binyibinyi nenulungula’shi: Anwe abandondo baba mwifuku dia kuhangilwadimo, ahakashala Mwan’a Muntu ha luhun’a nsulu lwe lwa ntumbo, anwe namu anukashala ha mpun’a nsulu ekumi na yibidi, anukatshibila myanda ya bisamba ekumi na bibidi bia bena Isalele. N’ese muntu akuleka mashibo e, su mbakwabo balume su mbakwabo bakashi, su nshye, su nyina, su mpian’e, su bana, su nsenga, ha mwanda w’eshina diande, akatambula bifwime misusa lukama, akahyana namu muwa wa ikala ika. Anka be bungi ba kwibedi abakekala kunyima; na ba kunyima abakekala bu ba kwibedi. Mwanda Bufumu bwa mwiilu mbwifwane na sha nshibo, batukile namashika ese mu kutula bafubi mwifuba die dia nfinyo. Habahwile kulombashena n’abo mwa kwibafutshila nfalanga ya ndenadi kwifuku, bebatumine mwifuba die. Ha nsa yisatu E batukile, bamwene bangi bemane bisumanga ku kisalwe; Bebalungwile’shi: Ndai anwe namu mwifuba, na kioso akilombana, nankenuha’kio; N’abo abayile kwanka. Dimonyi, batukile hehi na nguba mitwe, na ha nsa yisatu ya kiolwa bakitshine mpamune. Habafikile nsa hehi yitano, batukile, bahetele bangi bemane bisumanga; bebalungwile’shi: A nkinyi nwibemane hano bisumanga ngub’ese? Abamwalulwile’shi: Mwanda takwi muntu betuhele mufubo. E bambile’shi: Ndai namu mwifuba dia nfinyo; na kioso akilombana nankenuha’kio. Biabia nguba hakuhona, sh’ēfuba balungwile mulami a bintu bie’shi: Itanyina bafubi, webahe efuto diabo, kubanga na a kunfundilo, mpaa n’a kwibedi. Habafikile baba abatudilwe mufubo ha nsa yitano, abatambwile muntu ndenadi, muntu ndenadi. Anka habafikile baba ba kwibedi, abatentekyeshe’shi: Atwe atukakila kutambula; n’abo namu abatambwile muntu ndenedi, muntu ndenedi. Habadi abaditambula, tabamumūna sh’efuba’shi: Bana ba ku nyima abafubile nsa umune, n’obe, bwebahwandjikisha hamunenka n’atwe abatuhutanga na kanya ngub’ese. Anka E bālulwile kwi umune a abo’shi: A kūku, nkimukukitshine shī buwa, ooo, atatubalombashene efuto dia ndenadi umune su? Ata kiakia nkiobe, wende; nankaha uno a kunfudilo munakuhela’be. Bi kishila kukita bintu biande mwa nkyebela ami na mwinyi su? Eiso diobe di bubi su mwanda’mi nyi buwa’nyi? Biabia e a kunfudilo akekala bu a kumpala, n’a kumpala akekala bu a kunfudilo; mwanda be bungi abetanyinwe, anka bahela abasangulwa. Yesu hakukamina ku Yelusalema, bātshile bana-be-ba-bukishi buhenka bwabo mwishinda, bebalungwile’shi: Talangai, biatwende ku Yelusalema, na Mwan’a Muntu abakamwihulukila kwi batshiite-bakwidi bakata, na kwi bafundji-ba-mikanda, n’abakamuhīsha mpaa na ku lufu. Abakamutula kwi Badjentaila, mu kumusenga, na kumukuhila, na kumubamba ha mutshi uhingakane, na kwifuku dia kasatu akasanguka dimonyi. Henyihaha kubafikile kwadi, nyin’a bana ba Sebede na bana be balume, kwete kumulangwila, na kukyeba kintu kwadi E. Bamwihwishe’shi: Okyebe kinyi? E bamwā-lulwile’shi: Akula bano bana bande balume babidi, bashale mu Bufumu bwobe, umune ku mboko yi balume, mungi ku mboko yi bakashi. Anka Yesu bālulwile’shi; Tanwiuku bianutekye. Anwiuku kutoma kwikoho diankatomo’mi su? sunga nkubatshishwa na lubatshisho lwankabatshishwa n’alo’nyi? Abamulungwile’shi; Atwiuku. E bebalungwile’shi: Anukatomo binyibinyi kwikoho diande, anukabatshishwa na lubatshisho lwanbatshishibwa n’alo; anka kushala ku mboko yande yi balume na ku yi bakashi, tankwande kuha, ooo, anka akikahebwa baba babalumbulwilwe kwi Shami. Habeuhushishe ba b’ekumi, abakwatshile nsungu kwi bakwabo babidi. Anka Yesu bebaitanyine kwadi E’shi: Anwiuku’shi, banfumu ba Badjentaila abebamunu namu nganka Badjentaila, na baba nyi bakata abebamunu na matalwa. Anka takikekalanga biabia munkatshi mwenu, ooo; anka muntu ese akukyeba kwikala bu mukata munkatshi mwenu, ekale bu mufubi enu; Muntu ese namu akyebe kwikala hanundu henu, ekale bu mpik’enu: Mwanda Mwan’a Muntu tamufwile kufubilwa ooo; anka kwibafubila, na kuhana muwa w’e bu nkūlo ya be bungi. Habadi abatuku ku Yediko, kibumbu kikata kibamulondele. Talangai, bampofu babidi abadi bashale ku bukunkula kw’eshinda; habahushishe’shi, Yesu ngiu akidi, abēle musase’shi: Etufwile lusa, obe Nfumwetu, Mwan’a Dafidi. Binyibiabia kibumbu kibebatosheshe’ shi; Uminai; anka’bo abanyishishe kwela musase’shi: Etufwile lusa obe Nfumwetu Mwan’a Dafidi. Yesu baimene, bebetamine’shi: A nkinyi kianukyebe’mi nyi nukitshine? Abo namu’shi: A Mwanana, meso etu abulukye Biabia Yesu bebakwatshile kanye, bebakumine meso abo; biabia, kahindji n’āka meso abo ababulukile; Tabamulondo. Hababefubwile hehi na ku Yelusalema, na hakufika ku Betehaje, ku ngulu ya Olefeta, biabia Yesu batumine balondi be babidi, Bebalungwile’shi: Ndai mu’kia kibalo kinutadīle, na binobino anukahete mpunda mushitshikwe, na mwan’e: nwiishitule, nwiifwishe kwandji. Su muntu enwihusha, numulungule’shi: Nfumu e yi kyebe; na binobino akeyitakula. Bino bioso bibakitshinwe’shi, kikumbashwe kiakia kibākwilwe kwi mutemuki’shi: Lungulai mwana mukashi a Siona eshi: Talai, Nfumwobe afiki kodi’ be, muhohele, mutentame ha mpunda, na mwan’e; Bana ba-bukishi abayile, abakitshine bibebalungwile Yesu, Abafwishishe mpunda na mwan’e, abeyitentekyele mitwelo yabo, abamwinamishe hanka. Kibumbu kikata kibadishe mitwelo yabo mwishinda, bangi namu abatshokwele mahuhwa a mitshi, abādishe mwishinda. Bibumbu bibadi abiende ku mpala, na kimo kibamulondanga, bibēle musase’shi: Hosana kwi Mwan’a Dafidi; Mwabi kwi yawa afiki mwishina dia Yehowa. Hosana mwiilu! Binyibiabia habadi atwele mu Yelusalema, kibalo kioso kibaungakene’shi: A uno nanyi? Kibumbu kibakwile’shi: Uno nyi Yesu, mutemuki a ku Nasaleta mu Ngadilea. Henyihaha Yesu batwēlele mu ntempelo y’Efile-Mukulu, babingile boso abadi abahana na kuula mu ntempelo, baubikile mesa a bashintudi ba nfalanga, na bishalelo biabahananga nkudimba. E bebalungwile’shi: Kibafundjilwe’shi: Nshibo yande ayikatemunwa bu nshibo ya nteko; anka’nwe nubeialula bu mwa kwikoñgyela bangifi. Biabia bampofu na balemane abafikile kwadi mu ntempelo; E bebahwishishe. Anka habamwene batshiite-bakwidi bakata na bafundji-ba-mikanda, binyi biakukanya bikata bibakitshine, na bana bakinga namu abadi abele musase mu ntempelo’shi: Hosana kwi Mwan’a Dafidi; abakwatshile nsungu yi moo. Abamwambile’ shi: Bohusha biabākula 31 A nanyi a baba babidi bakitshine abikyebele eshimba dia su? Yesu bebālulwile’shi: Uolo; tanwibabale’shi: Mu kanwa mwa bana bahela na bana bakiabōmwa boloñamisha milangwilo su? Bebalekyele kwanka, bakatukile mu kibalo, bayile mu Betane, balele mwanka. Namashika habadi āluka mu kibalo, nsala yibamukwete. Habamwene mutshi wa kikūku mwishinda, behengyele kwaudi, beusañene bisumanga, anka mabishi; beulungwile’shi: Tokaha bikuba mpaa na kwikala-ika; anka henyiha mutshi wa kikūku ubaumine’nka hoo. Habeumwene bana-be-ba-bukishi, abakanyine’shi; A ee, mutshi wa kikūku ubaumu lubilo biabia na minyi? Yesu bebālulwile’shi: Binyibinyi nenulungula’shi: Su nwi na lukuluhilo, na kushī kwalashena mwishimba, tanukakitshi anka bu bibakitshinwe ku mutshi wa kikūku, anka anukalungula namu yino ngulu’shi; yikatushwe, yiedibwe mwishiba, biabia akikakitshibwe. Bintu bioso namu bianukatekye na lukuluhilo, anukebitambula. Henyihaha, habatwelele mu ntempelo, batshiite-bakwidi bakata, na bakulu ba bantu abafikile hadi habadi alambukisha, tabamulungula’shi: Ku matalwa kinyi okitshi yino myanda? A nanyi bakuhele ano matalwa? Yesu bebālulwile’shi: Ami namu nankenwihusha mwanda umune, biabia su anundungula, ami namu nankenulungula hamune kubatukile matalwa’nde a kukita yino myanda. A lubatshisho lwa Yoano lubatukile kwi kunyi? Kwiilu, su nkwi bantu? Abo abanangushene bana bene’shi, Su atwakula’shi, kwiilu, biabia aketualula’shi; A nkinyi biabia tanwibamukumine? Anka su atwakula’shi, lubatukile kwi bantu, biabia atutshinyi bantu; mwanda boso abahwandjikisha Yoanobu mutemuki. Biabia abamwalulwile’shi: Tatwiuku. E namu bebalungwile’shi: Ami namu tanyinulungula kubatukile matalwa ande a kukita yino myanda. Anka nutentekyesha kinyi? Muntu badi na bana balume babidi; bafikile kwi akwibedi, eshi; A mwanande, nda lelo ku mufubo mwifuba dia nfinyo yande. E bālulwile’shi: Tanende, ooo. Anka kumongo bālulwile’shimba die, bayile. Bafikile namu kwi ākabidi, bakwil’anka hamune. E bālulwile’shi: Eyo Mwanana, nende; anka tamwende, oooshye? Abamwambile’shi, Ank’awa a kwibedi. Yesu bebalungwile’shi Binyibinyi nenulungula’shi: Basangishi-ba-milambu na basha masandji bana bakashi, abenubadidilā’nka kutwela mbufumu bw’Efile-Mukulu. Mwanda Yoano bafikile kwanudi mwishinda dia kululama, ank’anwe tanwibamukumine, ooo; anka basangishi-ba-milambu na basha masandji bana bakashi abamukuminyine, n’anwe hanubeumwene, tanwibelangye ku mashimba kumongo’shi, bianudia kumukumina, ooo. Hushai ungi mwele; Kubadi muntu kampanda, sha nshibo, bakunyine efuba dia nfinyo, bedifunyishe luhoho lwa mitshi ayimene, babundwile mwanka kiengyelo baibakile nshibo kia kwengyela bikuba, yila, bu musūngo, bedilekyele balami, bayile ku nsenga yibadi kula. Habafikile kihindji hehi kuha bikuba, batumine bahika be kwi badjimi mu kuata bikuba biadio. Anka badjimi abakwete bahika be, umune abamukuhile, mungi abamwihayile, mungi’nyi abamwashile mabwe. Dimonyi, batumine bangi bahika, bakile bakwibedi bungi, abebakitshine’nyi anka hamune. Kumongo, batumine mwan’e eshi, abakanemeka mwan’ande. Anka badjimi, habamwenene mwan’e, abelungushene’shi: Au nyi mpianyi e, twende tumwihē tumwate buhyanyi. Henyihaha abamukwete, abamukatushe mwifuba dia mitshi ya nfinyo, abamwihayile. Biabia ahakafiki shē’fuba, akakitshi na minyi na baba badjimi? Abamwalulwile’shi, Akalwisha baba bantu babi na malwa e moo, akalekye’fuba die kwi bangi badjimi, baba benyi abakamuha bikuba mu bihindji biabio. Yesu bebalungwile’shi: A tanwi babale mu Bifundwe bi’Efile’shi: Ebwe dibahēlwe kwi babaki ba nshibo, di na mwinyi dibāluluka tamutwe w’ehaka. Nyi Yehowa bakitshine kino, nyi kia kukanya ku meso kwetu? Binyibiabia nenulungula’shi: Bufumu bw’Efile-Mukulu abukenwatshibwa, abukahebwa namu kwi ungi mwilo aulia bikubabia’o. Muntu ese akahono ha dino ebwe akatshokolwa; anka muntu ese adikahona, adikamuhondakasha bu bukula. Habahushishe Batshiite-bakwidi bakata, na Bafadiseo miele ye, abashingulwile’shi; n’atwe balungula. Anka habadi abakyebe kumukwata, abatshinyine kibumbu, ni wanda boso abadi abamuhwandjikisha bu mutemuki. Yesu bebālulwile dimonyi na miele, bakwile’shi: Bufumu bwa mwiilu mbuhwandjikile na nfumu kampanda, batekyele mwan’e bidibwa bia kubamba. Batumine bahika be kwitanyina’bo abakyebibwe ku bidibwa; ank’abahele kufika. Dimonyi, batumine bangi bahika’shi: Lungulai abetanyinwe’shi; Talai, nahu kulumbula bidibwa biande, ñombe, na nyama yande yinune ngihaibwe, bintu bioso mbimēne, fikai kwibambo. Ank’abo abasābulanga, abayile mashinda’bo, umune kwifuba die, mungi ku būsunga bwe; Bangi namu abashēle abakwete bahika be, abebakitshine bibubi, na kwibehā. Anka nfumu habahushishe biabia, bakwatshile nsungu; batumine efita die, abehayile baba bantahanyi, kibalo kiabo abekishikile kālo. Henyihaha bakwile kwi bahika be’shi; Bi’ebambo mbimēne, anka’abo abadi betanyinwe tababadi bahwandjikile, ooo. Binyibiabia, ndai ’masanka a misese, na boso banukasañana nwibetanyine ku bidibwa bi’ebambo. Biabia baba bahika abayile mu misese, abakongwele boso bābasañene, bebubi na bebuwa; na nshibo y’ebambo yibadi yiule na bakyebībwe. Habatwelele nfumu mu kutala bakyebībwe, bamwene mwanka muntu shīmufwale mutwelo w’ebambo. Bamwihwishe’shi: A kūku, botwele na minyi muno koshī na mutwelo w’ebambo? N’e bakutshilwe biakwakula. Henyihaha nfumu balungwile bafubi be’shi; mwanyei ku maboko na ku mikolo, numwibweshe, numusumbule mu mufito wi fututu hasha. Akemwīkala na kudila na kwisuma meno. Mwanda bebungi abetanyinwe, anka buhela abasangwilwe. Henyihaha Bafadiseo abayile mu kumudila lukuku lwa kumwanyina ’moso mwakakwila. Biabia abatumine kwadi bana babo ba bukishi, na Bena Heloda hamune’shi: A Mulambukishi, atwiuku’shi, obe we a binyibinyi, olambukisha eshinda di’Efile-Mukulu mu biabinyibinyi; sunga totshinyi muntu: mwanda tobasukā mahala a bantu, ooo. Binyibiabia etulungule motentekyesha’shi; Nyi nkishila kuha Kesala mulambu su mbisumanga? Anka Yesu bashingulwile bubi bwabo, bakwile’shi: A nkinyi kianuntompo anwe bansesa? Ndeshei nfalanga ya mulambu. Biabia abamufwishishe ndenadi. E bebālulwile’shi: Kino kihwandjikisho na kifundjilo mbia anyi? Abamulungwile’shi: Nyi mbia Kesala. Henyihaha bebālulwile’shi: Lambulai biabia kwi Kesala bintu bia Kesala; na kw’Efile-Mukulu namu lubwilai bintu bi’Efile-Mukulu. Hababahushishe (bino bishima), abakanyine; abamulekyele, abayile. Mu dinyi efuku diadia Basadusea abafikile kwadi, abo abakulā’shi: Ta kwi lusangukilo lwa ku lufu; abamwihwishe’shi: A Mulambukishi, Mosesa bakwile’shi: Su muntu bafu, te na bana, mukwabo mulume akabamba mukashi e, amutandjile bana. Tala, munkatshi mwetu mubadi bana-balume musambobidi b’ēfu dimune; A kwibedi hababambile mukashi bafwile, na ha mwanda tabadi na bana, balekyēle mukwabo mpian’e, Biabia namu a kabidi anka hamune, akasatu namu mpaa n’ā musambobidi. Kumongo kwa boso, mukashi winyi bafwile namu. Binyibiabia ha lusangukilo lwa bafwe, akekala mukashi a nanyi a ku’ba musambobidi? mwanda boso babadi n’e. Yesu bebālulwile’shi: Anwe anuluba mwanda wa kukutwa kwiuka Bifundwe bi’Efile, sunga katshintshi k’Efile-Mukulu. Mwanda ha lusangukilo lwa ku lufu, tababambā, sunga mbahebwe mwibambo, anka’bo be bu bamwikeilu b’Efile-Mukulu be mwiilu. Anka ha mwanda wa lusangukilo lwa bafwe, tanwi babale akia kibākwile Efile-Mukulu kwanudi’shi: Ami nyi Efile-Mukulu a Abalahama, n’ā Isaka, n’Efile-Mukulu namu a Yakoba? Efile-Mukulu te Efile-Mukulu a bafwe, ooo, anka a abatala. Habahushishe kibumbu biabia, babakanyine lulambukisho lwe. Anka habahushishe Bafadiseo’shi, E bauminyishe Basaduseo, abekoñene hamune. Biabia, umune abo, muhatudi a bishila, bamwihwishe (lwihusho) lwa kumutompa’shi: A Mulambukishi, mulangilo kinyi ukile milangilo yoso bukata mu mukanda wa bishila? Yesu bamwālulwile’shi: Okafule Yehowa, Efile-Mukulu obe kifulo n’eshimba diobe dioso, na muwa wobe woso, na binangu biobe bioso. Uno nyi mulangilo ukata wa kwibedi. Wa kabidi wi hamune na uno’shi; okafule mukwenu kifulo, bu modi mwifule obe na mwinyi. Ha yino milangilo yibidi nyi ngihudikwe mukanda-wa-bishila na ya Batemuki. Bafadiseo hababadi bekoñene hamune, Yesu bebehwishe’shi: Anutentekyesha kinyi ha mwanda wa Kidisitu? E mwan’a anyi? Babamwālulwile’shi: E mwan’a Dafidi. E bebalungwile’shi: A biabia’nyi, mu Kikudi-E-Selelee Dafidi amutemuna’shi bu Nfumu na minyi’shi; Yehowa bakwile kwi Nfumwami’shi: Shala ku mboko yande yi balume, mpaa na hangalula be n’obe ngo, bu kitudilo kia ngwa yobe? A biabia’nyi, su Dafidi amutemuna bu Nfumw’e ekala’nyi bu mwan’e na minyi? Kubanga ku’diefuku, mpaa na a kumpala, takubadi muntu beukile kumwalula sunga kishima kimune, tabakumanga namu kumwihusha lungi (lwihusho). Henyihaha Yesu bakwile kwi kibumbu kia bantu na kwi bana-be-ba-bukishi’shi: Bafundji-ba-Mikanda na Bafadiseo abashalā ha kishalelo kia Mosesa. Biabia bioso bia benulungula kukita, nwibikite, anka tanulondanga bikitshino biabo, mwanda’bo abākulā, anka tabakitā. Mwanda abānya bita bi bushito, bi bukoho ha kutwala; abebitulu ha mahampa a bantu, anka’bo (ba na bene) tabakyebe kwibisanyisha sunga na munwe wabo umune. Anka bikitshino biabo bioso biabakitshi mbia kutadibwa na bantu: abatamishā nfalakatele yabo, abatamishā namu masasala a bifwalwa biabo; abasehelā na mbalo yineme ha bidibwabia-kusehela, na bishalelo bia ku mpala mu bitumbwilo; na kwimunwa ku maboko mu bisalwe, na kutemunwa na bantu’shi: Labi, Labi, Anka’nwe tanukuminanga kwitaminwa bu Labi; mwanda umunenka nfumwenu nyi Kidisitu, n’anwe nwi bana ba muntu umune. Tanwitanyinanga muntu a ha nsenga bu nshenu; mwanda umune nshenu E mwiilu. Tanwitanyinanga namu bu banfumu, mwanda umune nfumwenu, E Kidisitu. Anka yawa mukile bukata munkatshi mwenu, ekale bu mufubi enu. Muntu oso aketumbisha e na mwinyi akaheleshwa; e namu akehelesha akatumbishibwa. Anka mpombo kwanudi Bafundji-ba-Mikanda, na Bafadiseo, bansesa! mwanda anushitshila bantu ku Bufumu bwa mwiilu: mwanda tanutwele mwanka anwe bana bene, na baba abakyebe kutwela mwanka anwibaheleshā. Mpombo kwanudi Bafundji-ba-Mikanda na Bafadiseo, bansesa! mwanda anufinā mashibo a bana bakashi-ba-bafwe, na kuteka nteko yila mwanda wa bunsesa bwenu: binyibiabia anukatambula kuhoneshibwa kukila bukata (ku kimu). Mpombo kwanudi Bafundji-ba-Mikanda, bansesa! mwanda anwifunyā hoso ha mema, na lia mahia, mwanda wa kwalula muntu’mune ku luhese lwenu, na hanubamwalula, anumwikasha bu mwan’a Ngehena mwinukile bubi misusa yibidi. Mpombo kwanudi, balomboshi ba bampofu, anwakula’shi: Ese atshihi ku ntempelo mutshiho’shi, kwi bu bisumanga; anka ese atshihi kilonda kia nsahabu kia mu ntempelo, e na kishio. Anwe balotakane na bampofu; a nkinyi kikile bukata, kilonda kia nsahabu’nyi, su ntempelo ayihatulusha selelee kilonda kia nsahabu. Ese namu atshihi ku kihayilo kia milambu’shi: ki bu bisumanga; anka ese atshihi mulambu utentekwe hanka, e bahīla ’mwanda. Anwe balotakane na bampofu: nkinyi kikile bukatā, mulambu’nyi, su kihayilo kia mulambu akihatulusha selelee mulambu? Binyibiabia ese muntu akatshihi kihayilo kia mulambu, biabia batshihila ku kia, mpaa na ku bitentekwe bioso bi hanka. Ese namu akatshihi ku ntempelo, batshihila ku’ya (ntempelo) mpaa, na yawa ashala mwanka. Yawa namu akatshihi kwiilu batshihila ku luhun’ānsulu lw’Efile-Mukulu, na kwi’wa ashalā hanka. Mpombo kwanudi Bafundji-ba-Mikanda na Bafadiseo, bansesa! mwanda anulambula ki’ekumi kia mutshi wa kyēnyēnyi, na kia luenyi, na kia kikotshi, anka nubalekye yaya myanda yikile bukata ya mukanda-wa-bishila’shi, kutshiba kwa myanda, na ya lusa, na ya lukuluhilo; yino’nyi yibadi yibenuhwandjikile kukitwa, na kushī kuleka yikwabo yishīyikitwe. Anwe balomboshi bampofu, anukakamina ha kumina keshi; ngamedia anumuhitumuna, Mpombo kwanudi Bafundji-ba-Mikanda na Bafadiseo, bansesa! mwanda anutoshā ha mbidi hasha ha kihulu na ha luanda, anka munda ’muule na bunyenanyi na kukishakisha (kwa myanda). (Obe) Mufadiseo mpofu, banda kutosha kwibedi munda mwa kihulu na mwa luanda’shi, hasha ha’bio mbitoshwe namu. Mpombo kwanudi Bafundji-ba-Mikanda na Bafadiseo, bansesa! mwanda nwi bahwandjikile bu mashama atoshwe soo, hanundu ahamweka buwa bukalabale, anka munda muule na mifufwa ya bafwe, na kushūla kwa bishila koso. Anka hamune anwe namu anumweka ku mpala kwa bantu bu balulame, anka munda mwenu ’muule ndaa na bunsesa na kushiula kwa bishila. Mpombo kwanudi Bafundji-ba-Mikanda na Bafadiseo, bansesa; mwanda anwibakisha bilele bia batemuki, anulengye mashama abalulame; anwakula namu’shi: Su tubekele mu mafuku a bashyetukulu, tatubadia kulombana n’abo ha mwanda wa mase a batemuki, ooo, Binyibiabia nwi tumonyi kwanudi anwe bana bene’shi; nwibana b’abāabayihayilabatemuki. Biabia nukumbashei kihimu kia bashenu. Anwe manyoka, na tunkwatamanwi twa manyoka, anwiuku na minyi mwa kuhanda ku kuhoneshibwa kwa Ngehena? Henyihaha nenutumina batemuki na basha binangu, na Bafundji-ba-Mikanda; bamo b’āba anukebayiha, na kwibahudika ku mutshi uhingakane; bangi namu anukebakuhila mu bitumbwilo bienu, na kwibamwesha malwa ku kibalo ku kibalo. Biabia mase oso abantu balulame abasumbukilwe hashi, afiki hanudi, kubanga ku mase a Abele badi mululame, mpaa na kufisha ku mase a Sakadiya mwan’a Balakiasa, winyi anubaihayile hankatshi ha ntempelo na kihayilo kia mulambu. Binyibinyi nenulungula’shi: Bino bioso abikafiki ha tunkwatamanwi tuno. A Yelusalema, Yelusalema, (obe) waihā batemuki, ōsā babakutumina mabwe, misusa yinga yinadia kukongola banab’obe, bu amukongwela nsolo bana be mushi mwa mbaba ye, anka’nwe tanwi bakyebele’nwe, ooo! Talai nshibo yenu yibenulekyelwa musadi. Mwand’ami nenulungula’shi: Tanuka’mono dimonyi mpaa n’ahanukākula’shi: Yaw’ā mwabi ngiuafiki mwishina dia Yehowa. Biabia Yesu batukile hasha, bālamunukile ku ntempelo; bana-be-ba-bukishi abafikile kwadi mu kumulesha ngibako ya ntempelo. Yesu bebehwishe’shi: Tanumono bino bintu bioso? binyibinyi nenulungula’shi: Takukashala hano ebwe dimune ditentekwe ha dikwabo adikakutwa kwalamunwa hashi. Habadi mushale ha ngulu ya Olefeta, bana-be-ba-bukishi abafikile kwadi ku bufiefie’shi: Etulungule ahakafiki bino bintu? na kinyi akikekala kitundwilo kia kufika kobe, na kia kunfudilo kwa bahanohansenga? Yesu beoālulwile’shi: Dimukai tanōngolwanga na muntu; mwanda be bungi abakafiki mwishina diande’shi: Ami nyi Kidisitu. Abakōngola be bungi. Anukahusha myanda ya ngoshi na nkumo ya ngoshi; Tanwikalanga na katshima munda, mwanda (bino) bintu bioso tabikakutwa kufika, anka kunfudilo tankubandjile kufika. Mwanda mīlo na mīlo ayiketukena ngoshi, na mafumu na mafumu. Akukekala minanga, na bihuha bia masungu, na nsenga ayikatenkatenka mu bihindji na bihindji. Bino bioso nyi kibangilo kia bishiotshi. Henyihaha abakenufisha ku malwa, na kwi nwihā; anukashikībwa na mīlo yoso ha mwanda w’eshina diande. Biabia be bungi abakakokolwa, abakehulukishena muntu na mukwabo, muntu na mukwabo, na kwishikwena. Batemuki ba madimi be bungi abakēbō, abakōngola be bungi. Na ha mwanda wa kushiula kwa bishila akukakamba, kifulo kia be bungi akikatāla. Anka yawa akanyingamana mpaa na kunfudilo e akahanda. Na uno mukāndu wibuwa wa bufumu bw’Efile-Mukulu aukalungulwa hanohasenga hoso bu bulungudi bwa bu kamonyi ku mīio yoso; henyihalia kunfudilo akukafiki. Biabia hanukamono kikubendwa kia musadi, kibākwilwe kwi Danyele mutemuki, kimane mu mbalo yilamunwe yi-kishi’a (yawa abala ashīngule); Henyihaha be mu Yudea basukile ku mangulu. Yawa e ha musaka wa nshibo tayikye mu kutusha kintu ki mu nshibo ye. Sunga yawa e mwifuba tālukanga mu kuata bifwalwa bie, ooo. Mpombo kwabadi basha maīmi, na kwi baba abōmesha bana mu ā mafuku! Anka nutekye (Efile-Mukulu’shi), kusuka kwenu takukekala ha kihindji ki’eshiho, sunga h’efuku dia Sabado; Mwanda henyihaha akakekala kufwambuka kukata kushyahwandjikishwa na kungi, kuatshila ku kibangilo kia hanohansenga, mpaa na binobino, ayoyo, sunga ku mpala kwikala-ika takukafiki. Biabia su ā maf’uku tabadi atshibībwe, takubadi akuhanda muntu, sung’umune: anka ha mwanda wa basangudibwe, ā mafuku akatshibibwa. Binyibiabia su muntu ese akenulungula ’shi: Talai, Kidisitu biadi’bi; sunga’shi: E biadi’biaa; tanumukuminanga. Mwanda baKidisitu ba madimi abakēbō, na batemuki ba madimi, abakalesha bitundwilo bikata na biakukanya; na kōngola sunga basangudibwe su mbiabia takukutwa kukitshibwa. Talai, tampwile kwinulungula kwibedi, Binyibiabia, su abakenulungula’shi: Talai, E ha mahia a kabāka, tanwendanga kwanka; Talai, ngiu e mu tudimbo tufwame, tanukuminanga. Mwanda bu luhenyo lwa mpeshi alufu ku kihindji akitunduka nguba, na kuhenya mpaa na kwa kuhona nguba, anka biabia namu nyi abikekala kufika kwa Mwan’a Muntu. Mwanda hoso hekale bitānda-bifwe, anka haha ahakakoñena mpungwe. Anka henyiha hakufudila ha malwa a ā mafuku, nguba akafitshi, mweshi namu taukatoko, nyenyenye ayikatukuka mwiilu, na bia bukome bia mwiilu abikatenkatenka, Henyihaha kitundwilo kia Mwan’a Muntu akikamweka mwiilu; biabia mīlo yoso ya hanohansenga ayikadidi; ayikamono Mwan’a Muntu afiki ’makumbi a mwiilu na bukome na ntumbo yikata. Biabia akatumu bamwikeilu be n’eyi dikata dia mpungi, abakakongola basangulwe ku mpese yinanka ya luhahi, ku nsongo yimune yēilu mpaa na ku yingi nsongo. Binobino ambulai mwele wa mutshi wa kikuku; ha lutabi lwao lukī lubofule, na hakushihuka mabishi, nwiuke’shi mpeshi tadi hehi. Biabia anwe namu hanukamono bino bioso, nwiukye’shi, e tadi hehi, mpaa na ha kibelo. Binyibinyi nenulungula’shi: Kano kankwatamanwi takakakidi mpaa n’ahakakumbana bino bintu bioso. Eilunansenga abikashimina, anka myanda yande tayikakidi; ooo. Anka ha mwanda w’adi ’efuku, na yaya nsaa, takwi muntu ebiuku, ooo, sunga bamwikeilu be mwiilu; anka Shami, kubahu. Anka mubadi mwikele mafuku a Noa, anka biabia namu nyi a mukekala kufika kwa Mwan’a Muntu. Mwanda anka mubadi mwikele aa mafuku abadi kwibedi kwa kiino kia mpeshi, babadi abadyi na kutoma; babadi ababamba, babadi ababambibwa, mpaa n’ahabafikile efuku dibatwelele Noa mbwato bukata. Tababadi beukye mpaa n’ahabafikile kiino kibebashimishe boso; Anka biabia namu nyi a bikekala ha kufika kwa Mwan’a Muntu. Ku kiakia kihindji babidi abakekala mwifuba, umune akātshibwa, mungi akalekibwa. (Banabakashi) babidi (abakekala) abahele kwibwe; umune akātshibwa, mungi akalekibwa. Binyibiabia tengelai, mwanda tanwiuku nguba ayikafiki Nfumwenu. Anka nwiukye kino’shi; su sha nshibo beukile kihindji akikafiki ngifi, badia kutala (biya), tabadia kukumina nshibo ye kutubulwa. Binyibiabia anwe namu nwikale bēmane; mwanda mu nsa yianushyanutentekyesha, Mwan’a Muntu akafiki: A biabia, a nanyi mpika a kishima na binangu batudilwe nanfumu e bu mulami a ba ku nshibo ye, kwibaha bidibwa ha kihindji kihwandjikile? Mwabi kwi yawa mpika akakitshi bino ahakamusañana nfumu e hakwakula. Binyibinyi nenulungula’shi: Akamutulu bu mulami a bintu bie bioso. Anka su yawa mpika ntubi ahwandjikisha mwishimba die’shi: Nfumwami bakutwa kufika bukidi; akabanga namu kukuhila bahika n’e, na kudia na kutoma n’abakolwa (malofu). Biabia nfumu a yawa mpika akafiki mu’di’efuku diashyamutengyela, na ha nsa yiashyeuku; Akamutshibi bihindji bibidi, abakamutula kihindji kie hamune na bansesa: akukekala kudila na kwisuma kwa meno. Henyihaha Bufumu bwa mwiilu abukahwandjikile bakashi tumama ekumi, abātshile matāla’bo, abatukile mu kutundaisha mubambi. Batano b’abo abadi na kalolo, batano abadi balekane. Baba babadi abalekane abātshile matāla’bo, tambēle mwimu mwanka. Anka baba basha kalolo abayile na mwimu mu biasa biabo na matāla’bo kumune. Habayishishe mubambi, boso tababunguta, balale tulo. Ha nkilonkatshi kia bufuku kubēlwe musase’shi: Talai, mubambi a mukashi ngiu wafiki, ndai mu kumutundayila. Biabia baba bakashi tumame abebwele, abalumbulwile matala’bo. Balekane abatekyele baba basha kalolo’shi: E tuhei umo mwimu wenu, mwanda matāla etu akyebe kushima. Anka basha kalolo abālulwile’shi: Ayoyo, tala taukalombana kuutwe n’anwe; anka ndai kwi’ba ahana, nukeudile’nwe bana bene. Anka habāyile mu kuula, mubambi bafikile; na baba abadi balumbulwe abatwelele n’e mu bidibwa bi’ebambo; na kibi kibashitshilwe. Kumongo, bangi bakashi tumame abafikile’shi: A Mwanana, a Mwanana, etushitwile. Anka e bālulwile’shi: Binyibinyi nenulungula’shi: Ta nyi nwiuku’nwe, ooo. Binyibiabia hasukai, mwanda tanwiuku efuku, sunga nsa ahakafiki Mwan’a Muntu. Mwanda (bufumu bwa mwiilu) mbuhwandjikile bu muntu ha luendo ku nsenga yi kula; baitanyine bahika be, bebahele bintu bie. Bahele umune ntalenta yitano, kwi mungi yibidi, umo’nyi yimune; kwi muntu ese bu muhunda kalolo ke; kahindji n’aka bayile luendo lwe. Biabia yawa batambwile yitano, bayile mu kusungula n’ayo, befwimishe yingi yitano n’ayo. Yawa namu batambwile yibidi, bafwimishe yingi yibidi. Anka yawa batambwile yimune bayile, babundwile mu nsenga, beyifile mono ya nfumwe. Habayishishe kihindji kikata, nfumu a baba bahika bafikile, babadikile n’abo (bintu bie). Biabia yawa batambwile ntalanta yitano, bafikile, bafwishishe yingi ntalanta yitano’shi; A nfumwami, bompele ntalanta yitano; Tala, nafwishisha n’ayo yingi ntalanta yitano. Nfumwe bamulungwile’shi: Obe shobe bolumbula, mpika mulumbulukye a kishima; bodi na kishima mu bintu bihela, nankakutulu bu mulami hanundu ha bintu bi bungi; twel’obe mu muloo wa nfumwobe. Yawa namu batambwile ntalanta yibidi bafikile’shi; A Mwanana, bompele’mi ntalanta yibidi; tala nafwimisha n’ayo yingi yibidi. Nfumwe bamulungwile’shi: Obe shobe bolumbula, mpika mulumbulukye a kishima; bodi na kishima mu bintu bihela, nankakutulu bu mulami hanundu ha bintu bi bungi; twel’obe mu muloo wa nfumwobe. Henyihaha yawa batambwile ntalanta yimune bafikile’shi: A Mwanana, neukile’shi, obe e muntu ebukoho, oumbula hashī mumine, okōngola namu hoshī muhalakashe; N’ami nadi na moo, nayile, nafya ntalanta yobe mu nsenga; talanga, ngiyi yodi n’ayo yaya nginyi yobe. Nfumwe bamwālulwile’shi: Obe mpika e bubi mulekane, bweukile’shi, naumbula hanshī mumine, nakongolā namu hanshī muhalakashe; Bodia kutula biabia mono yande kwi bashintudi, biabia ami, hakutika hande, nadia kusañana yande na yaya yibasungulwile. Binyibiabia, mumanei ntalanta kwadi, nwiyihei yawa e na ntalanta ekumi. Mwanda kwi muntu ese e n’abio akahebwa (bingi), e namu akekala na bifwimi; anka kwi’wa shī n’akio, akamañunwa’kia kiadi n’akio. Nuele yawa mpika a bisumanga hasha he mufito fututū; akwa akukekala kudila na kwisuma meno. Ahakafiki Mwan’a Muntu mu ntumbo ye, na bamwikeilu boso balamunwe-be-kishila n’e, henyihaha akashala ha luhun’a nsulu lwa ntumbo ye: Mīlo yoso ayikakongolwa ku mpala kwe; E akebalamuna halahala, bu mulami alamuna mikoko ku mbushi. Akatulu mikoko ku mboko ye yibalume, anka mbushi ku mboko ye yibakashi: Henyihaha Nfumu akalungula be ku mboko ye yibalume’shi: Fikai anwe basha mwabi kwi Shami, nuhyane bufumu bubenulumbulwilwe ku mbangilo kwa hanohansenga. Mwanda nadi na nsala, nubampele biakudia; nadi na nyota, nubampele biakutoma; nadi mwenyi, nubankukile; nadi musekenyi, nubamfwadikile, nadi na busungu, nubafikile kuntompa; nadi mu nshibo ya lukano, n’anwe nubafikile kwandji’mi. Henyihaha balulame abakamwalula’shi; A nfumu, efuku kinyi diatubakumwene na nsala, twakudisha? sunga na nyota, twakutomesha? Kihindji kinyi kiatuba-kumwene bu mwenyi, twakukukila? sunga musekenyi, twakufwadisha? Na kihindji kinyi kiatubakumwene na busungu, sunga mu nshibo ya lukano, twafika kukutompa? Ntumu akebālula’shi: Binyibinyi nenulungula’shi: Anka mwanubakitshinyine kwi umune a bano mukile kihēla kwi’ba bakwetu, biabia nubankitshinyine’mi. Henyihaha akalungula be ku mboko yibakashi’shi: Katukai kwandji’mi, anwe bēlwe muloa, mpaa na mu kālo ka ikala-ika, kabalumbulwilwe diabola na bamwikeilu be; Mwanda nadi na nsaia, tanubampele biakudia; nadi na nyota, tanu bampele a kutoma, nadi mwenyi, tanwibankukile; nadi muswa tanwibanfwadisha; nadi na busungu, na mu nshibo ya lukano, tanwibafikile kuntala, ooo. Henyihaha abo namu abakamwalula’shi; A Mwanana, efuku kinyi diatuba, kumwene na nsala, sunga na nyota, su bu mwenyi, sunga muswa, su mbusungu, su mu nshibo ya lukano, n’atwe tatwibakukwashie? Henyihaha E akebālulwila’shi; Binyibinyi nenulungula’shi: Anka mwanushībakitshine kwi umune a bano mukile kihela, biabia tanwibankitshine’mi, ooo. Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika. Binyibiabia bitabibakitshine habahwile Yesu (kwakula) yino myanda yoso, balungwile bana-be-ba-bukishi’shi: Anwiuku’shi, ahakidi mafuku abidi nyi kidibwa kia Paque na Mwan’a Muntu akehulukibwa mu kwihayibwa ha mutshi uhingakane. Henyihaha batshiite bakwidi-bakata na Bafundji-ba-Mikanda, na bakulu ba bantu, abekoñene hamune kwibalasa kwa tshiite-mwakwidi mukata, aitanyinwa bu Kaifasa. Tabahwandjikisha mu kukwatshila Y’esu ku bufyefye, mwa kumwihayila. Anka abakula’shi: Kushī h’efuku dia bidibwa bia kusehela bia Yehowa, tala eunga’diakatuku munkatshi mwa bantu. Habadi Yesu mu Betane mu nshibo ya Shimona, sha kifwi, Kubafikile kwadi mwana mukashi na mulangye wa mwimu wa mulashi wibuwa bukalabale buneme; beuhongolwele ha mutwe he habadi mushāle ha bidibwa. Anka bana-be-ba-bukishi habeumwene, babakwete nsungu, eshi; A kunu kushimisha nkwa kinyi? Mwanda uno mwimu ubadia kulombana kuhana ku mono yibungi, na kuhelwa balanda. Habeuukile Yesu, bebalungwile’shi; A nkinyi kianukalakasha mwana mukashi? mwanda e bankitshine mufubo wibuwa. Mwanda’nwe nwi na balanda n’enu mafuku oso, anka’mi nki n’enu mafuku oso. Mwanda hakumpongolwela uno mwimu ha mbidi hande, e beukitshine ha mwanda wa kushīkwa kwande. Binyibinyi nenwamba’shi: Kosokoso akukalungulwa uno mukāndu wibuwa hanohansenga hoso, akukalungulwa namu kino kibakitshi uno mwana mukashi, takidi bu kiakumutentekyēsha. Henyihaha umune a mu b’ekumi na babidi, ētanyinwe bu Yudasa Isakadiota, bayile kwi batshiite-bakwidi-bakata, bebalungwile’shi: A nkinyi kia nukyebe kumpa, n’ami musokwela kwanudi? Abo abalombashena ne ku mono ya nfalanga bu makumi asatu. E babangile ku diadi’efuku kukimba mwadia kumwihulukila. H’efuku dia kwibedi dia (bidibwa bia kusehela) mampa ashī na kitatusho, bana-be-ba-bukishi abafikile kwi Yesu, tabamwihwisha’shi: Okyebe tukakulumbulwile kodi okudila kudibwa kia Paque kwi kunyi? E bebalungwile’shi: Ndai mu kibalo kwi muntu kampanda, nukamulungula’shi: Mulambukishi amba’shi: Kihindji kiande takidi hehi, nankadila kobe kidibwa kia Paque nabana-bande-ba-bukishi. Banaba-bukishi babakitshine anka mu bebalungudile Yesu; abalumbulwile kidibwa kia Paque. Binyibiabia habafikile kiolwa kia bufuku, bashelele na b’ekumi na babidi. Habadi tabadi, bakwile’shi: Binyibinyi nenwamba’shi: Umun’ēnu akangihuluka kīhuko. Biabia abafitshile ’mashimba, ababangile kumwihusha umune umune’shi: A nami su, Mwanana? E bālulwile’shi: Yaw’asunu nami mboko ye mu kihulu, n’e winyi akangihuluka. Mwan’a Muntu ēnda’nka mwa kibamutundjilwe; anka mpombo kwi yawa muntu amwihulukila kīhuko, bibadi buwa kwi yawa muntu su tamutandwe. Henyihaha Yudasa winyi bamwihulukile kīhuko, bālulwile’shi: A Mulambukishi, a n’ami winyi su? E bamulungwile’shi: N’obe bākula. Biabia habādi abadi, Yesu bātshile dimpa beditekyele mwabi, editshokola, ediha bana-ba-bukishi’shi: Tambulai, nudie; dino nyi mbidi yande. Bātshile’nyi ekoho, editumbwila Efile Mukulu’ shi; Nutome’dio anwe boso. Mwanda ano nyi mase ande a kilombeno kihya, āsumbukila bebungi, mwanda wa kulekyelwa kwa milwisho. Ank’ami nenulungula’shi: Tankatomo dimonyi ku bino bikuba bia nfinyo, mpaa na ku diadi’efuku diankeyitomo n’enu, tangihya mu bufumu bwa Yaiya. Biabia habahwile kuyimba lono, abakatukile, benda ku ngulu a Olefeta. Henyihaha Yesu bebalungwile’shi: Anwe boso anukakokoshwa ha mwanda wande buno bufuku; mwanda ngufundjibwe’shi: Nankakuhila mulami ayo, na mikoko ya mu lombe ayikahalakashwa kungi. Anka hampu kusanguka (ku lufu) dimo, nankenubadidila ku Ngadilea. Petelo bamwālulwile’shi: Sunga boso abakakokoshwa ha mwanda w’obe, ami tankakokoshwa sunga mpahela, ooo. Yesu bamulungwile’shi: Binyibinyi nakulungula’shi: Buno bufuku, kwibedi kwa kusamina kw’etombole, okantunu misusa yisatu. Petelo bamwalulwile’shi: Sunga nadia kufwa n’obe, tanadia kukutuna ayoyo. Bana-ba-bukishi boso abakwil’anka hamune. Henyihaha Yesu bafikile n’abo aha hantu ahalumbibwa bu Ngetesemane, biabia e bambile bana-ba-bukishi’shi: Hanyiende ’kwa mu kuteka, anwe namu nushale hano. E bayile na Petelo, na benyi bana babidi balume ba Sebede, babangile kufwambuka na kwikala n’eshimba dibushito di moo. Henyihaha bebalungwile’shi: Eshimba diande dibakamba kwinyongola mpaa na ku lufu; Ikalai hano, nutengyele n’ami. Binyibiabia bayile ku mpala kihindji kihi, babandamine mpala ye hashi, tatekye’shi: A Yaiy’ande, su nkilombane, kihulu kino kinkile’mi, anka bishī bu mwankyebela, ooo, anka mokyebela’be. Biabia bafikile kwi bana-be-ba-bukishi, bebasānene balale mu tulo, bambile Petelo’shi: A nkinyi, nubakutwa kutengyela hamune n’ami, sunga nsa yimune? Hasukai, nutekei, tala nwakatwela mu kutompibwa; eshimba binyibinyi di na musanku, anka mbidi ngibofule. Bayile kihindji diakabidi, batekyele’shi: A Yaiya’nde, su kihulu kino takiuku kunkila’mi, anka su nyi nkitome kianka, nyi mwamukyebel’eshimba diobe bikitshibwe mwanka. Biabia bafikile kwi bana-ba-bukishi bebasañene balale mu tulo dimo, mwanda meso abo abadi bushito bibi. Biabia bebalekyele, bayile dimo, batekyele diakasatu, bakwile bishima bioso hamune. Henyihaha bafikile kwi bana-be-ba-bukishi, bebalungwile’shi: Lalai binobino shenu nwikishei, talai, nsa yibafiki’shi, Mwan’a Muntu behulukilwe kīhuko ku maasa a basodi ba myanda Ebwei, twendei, talai winyi akungihuluka tadi hehi. Biabia habadi kiakula, Yudasa, umune a mu b’ekumina-babidi, bafikile na kibumbu kikata kitwale mpete ya ngoshi na tubongye; kibatuku kwi batshiite-bakwidi bakata na kwi bakulu ba bantu. Binyibiabia winyi bamwihulukile bebahele kitundwilo’shi: Yawa’nyi fifiena n’e ku milomo, nyi E; numukwate biya. Kahindji n’āka bafikile kwi Yesu, tamwamba’shi; Nankuseme! Labi! befifiene n’e. Yesu bamwambile’shi: A kūku, bofwilakinyi? Henyihahaabo abolwele maboko kwi Yesu, abamukwatshile abayile n’e. Talai, umune’ābo babadi na Yesu bōlwele mboko ye, batushishe luhete lwe lwa ngoshi, batahile mpika a tshiite-mwakwidi-mukata, bamutshibile etwi die. Binyibiabia Yesu bamulungwile’shi; Alusha luhete lwobe mu kihusula kiakio, mwandā’bo boso abasomona luhete lwa ngoshi, abakalwila na luhete lwa ngoshi. Otentekyesha’shi, ami tañuku binobino kwitanyina Shami, E namu akantumina bamwikeilu kukila binunu makumi musambobidi na bibidi su? A biabia, Bifundwe bi’Efile abikakumbashwa na minyi’shi, anka biabia nyi mbihwandjikile kwikala nyi? Ha yawa nguba Yesu balungwile bibumbu bia bantu’shi: A nubatuku na mpete ya ngoshi na tubongye mu kunkwata, bu biabakwata ngifi su? Kwifuku n’efuku nashalele n’enu nkwete kulambukisha mu ntempelo, n’anwe tanwibankwate. Anka bino bioso bibakitshibwe’shi: Bifundwe bi’Efile bia batemuki bikumbashwe. Henyihaha bana-be-ba-bukishi boso babamulekyele, tabasuku. Abo babakwete Yesu abamukunkwishe kwi Kaifasa, tshiite-mwakwidi mukata’ nyi kubebungīle bafundji-bamikanda na bakulu. Anka Petelo bamulondele kulākula, mpaa na ku luhoho lwa tshiite mwakwidi mukata, batwelele, bashalele hamune na bafubi’ shi: Ntala kwabifudila. Biabia batshiite-bakwidi bakata na bakulu, na kikoñeno kioso kia kimu, babakimbile tumonyi twa madimi kuhonesha Yesu mu kumwihā. Anka tambamone ooo: Sunga tumonyi twa madimi twibungi tubafikile, tambamone, ooo. Kunyima, kubafikile tumonyi tubadi twa madimi’shi: Uno (muntu) bambile’shi: Neuku mwa kushindjila ntempelo y’Efile-Mukulu na kwībaka dimo mu mafuku asatu. Biabia tshiite-mwakwidi mukata bebwele, tamwambashi: Obe tōlula mwanda su? A uno (mwanda) wi na minyi aukuhatula tumonyi? Anka Yesu bauminyine nyaa. Binyibiabia tshiite-mwakwidi mukata bālulwile, bamulungwile’shi: nakutshihila mutshiho kw’Efile-Mukulu a muwa ami’shi, wetulungule su n’obe Kidisitu Mwan’Efile-Mukulu. Yesu bamwalulwile’shi: Obe bohu kwakula: anka nenulungula’shi: Ahakayisha kihindji anukamono Mwan’a Muntu mushale ku mboko yibalume ya bukome, afiki namu ha makumbi a mwiilu. Henyihaha tshiite-mwakwidi mukata besanwine bifwalwa bie’shi: E bahu kukā Efile-Mukulu, a nkinyi kiatukimbila tungi tumonyi? talai, binobino nubahusha kukā kwe. Anwe namu anutentekyesha na minyi? Babālulwile’shi: E muhwandjikile lufu. Henyihaha abamufidile mata mu mpala mwe, abamukuhile bikonyi; bangi tabamukuhila nsasu’shi: Obe Kidisitu etuhatulwile bakukuhila nanyi? Petelo badi mushale hasha mu luholio; henyihaha kitumwanga bafikile kwadi’shi: Obe namu bodi na Yesu a ku Ngadilea. Anka e batune ku mpala kwa boso’shi: Tanyiuku na kinyi kiokula’ki, ooo. Habadi atuku mpaa na ku kishikamino, mungi (kitumwanga) bamumwene, tākula na babadi n’abo kwanka’shi: Na uno namu badi na Yesu a ku Nasaleta. Batune dimonyi na kutshiha’shi: Tañuku yawa muntu. Habayishishe kihindji abo babadi bemane hehi, habefubwile hehi, abakwile kwi Petelo’shi: Binyibinyi obe we anka’bo, mwanda kwakula kobe kubakutundusha. Henyihaha e babangile kwela muloa na kutshiha’shi: Yawa muntu tamwiuku, ooo. Kahindji n’āka etombole dibasamine. Biabia Petelo batentekyeshe mwanda ubakwile Yesu, ubamulungwile’shi: Kwibedi etombole tadiasamine, obe okantunu kasatu. Henyihaha e batukile hasha, badīle bikata. Habubatokyele tanamashika, batshiite-bakwidi bakata boso na bakulu ba bantu, abebungile hamune ku lukuku lwa kukimba mwa kwihayila Yesu. Habamwanyine, abayile n’e, abamufwishishe kwi mutontshi mukata hanundu ha bakwabo, Pontyusa Pilato. Biabia Yudasa, winyi bamwihulukile kīhuko, habamwene badi muhīshwe, belangile mwishimba die, bālwishe dimo binyi bihindji bia nfalanga ya nfedha makumi asatu kwi batshiite-bakwidi bakata na bakulu, eshi, nasolo mwanda hakwihuka kīhuko ki mase a muntu shī na mwanda. Abo abamwālulwile’shi; A wawa mwanda ngwetu su? n’obe na mwinyi a kutala wawa. Binyibiabia basumbwile binyi bihindji bia nfalanga hashi mu ntempelo, bakatukile, bayile akehudika. Batshiite-bakwidi bakata abātshile bino bihindji bia nfalanga, bamba’shi; tatwibitulanga mu kilambwilo, nyi nkishila, mwanda yino mono ngia mase. Abeididile lukuku, abeihene kwifuba dia mbūfi, bu mwabadi kushika mwanka bantu bēnyi. Binyibiabia diadi’efuba dibatemwinwe bwifuba dia mase, mpaa na lelo uno. Henyihaha bibakumbashwa bibākwile mutemuki (Yelemiya) ’shi; Abātshile bihindji bia nfalanga ya nfedha makumi asatu, nyi winyi mūlo wa winyi abatungile, E, nyi abatungile kwi Bena Isalele ba na bene. Biabia abebihene kwifuba dia mbūfi mubansangwidile Yehowa. Yesu baimene ku mpala kwa mutontshi mukata e hanundu ha mukwabo. Henyihaha mutontshi mukata bamwihwishe’shi: Obe we nfumu a Bena Yuda su? Yesu bamwālulwile’shi: Obe tohwa kwibiakula. Biabia habatewilwe kwi batshiite-bakwidi bakata na bakulu, E tamwibalule mwanda. Biabia Pilato bamwihwishe’shi: A twemuhushe myanda yibungi yabakuhatūla na yoyi su? E ta mwalule sunga nkishima kimune; biabia mutontshi e hanundu ha bakwabo bakanyine bi moo. Ha bidibwa bia kusehela, mutontshi mukata e ha nundu ha bakwabo, badi na kihikwa kie kia kwibahoswela mwina lukano, ese abakyebe. Babadi kwanka mwina lukano a ntumbo, atemunwa bu Balabasa. Binyibiabia habebungile hamune, Pilato bebehwishe’shi: A nukyebe’nyi nuhoswele Balabasa su Yesu atemunwa bu Kidisitu? Mwanda beukile abamufwishisha ha mwanda wa kiutu. Habadi mushale ha kimu, mpian’e bamutumine eyi eshi: Twekalanga na mwanda sunga mpahelahela na yawa muntu mululame, mwanda lelo uno nafwambuka na bintu bibungi mu kilotwa ha mwanda w’e. Anka batshiitebakwidi bakata abanyishishe binyi bibumbu’shi: Nutekye Balabasa, aihe (anka) Yesu. Mutontshi mukatae hanundu ha bakwabo bebālulwile’shi: A habadi-bubidi bwabō’ha a nyi nuhoswele’nyi? Abakwile’shi: Balabasa. Pilato bebalungwile’shi: Binyibiabia a nakitshi na minyi na Yesu atemunwa bu Kidisitu? Boso abamwambile’shi: Abambībwe ha nkulusu. Biabia mutontshi mukata e hanundu ha bakwabo bambile’shi: A kibubi kibakitshine nkinyi? Ank’abo abanyishishe kwela ntisase’shi: Abambībwe ha mutshi uhingishene. Biabia Pilato habamwene bakutwa kwibakambile sunga mpahelahela, anka eunga dibabushwa, e bātshile mema, beosheshe ku maas’e ku mpala kwa bibumbu’shi: Amintshi mwamwa’mi a mase a uno mululame, ooo; talangai wanka anwe bana bene. Henyihaha bantu boso abamwalulwile’shi: Enyi mase e akekale kwinyi kwatudi, mpaa na kwinyi ku bana betu. Binyibiabia bebahoswelele Balabasa, na habahwīle kukuhila Yesu, bamutushishe mu kubambibwa ha nkulusu. Henyihaha basalai ba mutontshi mukata e hanundu ha bakwabo, abayile na Yesu kwibalasa dia winyi mutontshi, biabia bebakongeshe kwadi e kibumbu kioso kia basalai. Biabia abamūfule (bilamba) tabamufwadika na mutwelo umonga hyaa. Abalukile kilongo kia milobo, abamutentekyele’kio ku mutwe, na mulengye mwiasa dibalume, abakune manwi ku mpala kwe, tabamusengye’shi; Atukwimuna nfumu a Bena Yuda. Biabia abamufidile mata, abātshile mulengye, abamukuhila nao ku mutwe. Habahudisha kumusēnga, abamufudila mutwelo, abamufwadikile bifwalwa bie na bene, abayile n’e kumubamba ha nkulusu. Na hakutuka, abafumankene na mwina Sailene, eshina die bu Shimona: Yawa abamufinyikile kutwala nkulusu ye. Habafikile ku kihindji akitemunwa bu Ngolongota, nyi nkuhatula’shi, kihindji kia kabāla. Abamuhele nfinyo yisase, yibasangakenwe na bibulo kutoma; habatompele kutoma beitūne. Biabia abamwihā ha nkulusu, abeabishene bifwalwa bie, bakwete kuta (n’abio) bubale, mwakidia kukumbeshwa kibatemukile mutemuki’shi: Baneabishene bifwalwa biande munkatshi mwabo, na bifwalwa biande banebitee na bubale. Habadi abashāla abamutadile kwanka. Abatūle kunundu kwa mutwe we kitewilo kifundjibwe’shi: UNO NYI YESU A BENA YUDA. Biabia, banyenanyi babidi abadi kwanka, ababambilwe n’e, umune ku mboko ye yibalume, mungi ku mboko yibakashi. Abo abakidi eshinda tabamufukūle, bakwete kuhuka mitwe’shi: Obe bodi ofūna ntempelo’shi; Nankeishindji, nankeibaka’nyi mu mafuku asatu, ehashengye obe na mwinyi. Su we Mwan’Efile-Mukulu oikyengye ku nkulusu. Batshiite-bakwidi bakata namu, na bafundjiba-mikanda na bakulu, tabamusēngye’nka hamune, eshi: Badi ahasha bangi, (anka) e na mwinyi bakutwa kwīhasha. Su e nfumu a Isalele, ayikengye binobino ku nkulusu, biabia atwe atukamukumina. E bakuluhilanga mw’Efile-Mukulu; amuhasliengye binobino, su’mukumine; mwanda e bakwile’shi: Ami nyi Mwan’Efile-Mukulu. Banyenanyi namu ababambilwe n’e, tabamusēngye anka hamune. Talangai, kubanga ha nguba mitwe, mpaa na ku nsa yisatu, mufito ubadi ha nsenga hoso. Henyihaha nsa tayidi hehi na yisatu, Yesu bēle musase ukata’shi: Eli, Eli, lama sabakatani, kuhatula nkwamba’shi: Efile-Mukulu ande, Efile-Mukulu ande, a nkinyi kibonfutala? Bamo abadi bemane kwanka, habahushisheo, abakwile’shi: Ngiu taitanyina Eleasa. Biabia kahindji n’āka umune abo bayile lubilo, bakātshile ehondje, bediushishe na nfinyo yisase, beditentekyele ha mulengye, bamuhele kutoma. Bangi abambile’shi: Bandai kuleka, tutale su Eleasa akafiki mu kumuhasha. (Biabia) Yesu habēle musase n’eyi di bukoho diakabidi, batūle muwa w’e. Henyihaha talangai, kilamba kibadi kikingwe mu ntempelo kibasanukile bihese bibidi, kubanga kunundu mpaa na kūshi; nsenga yibasanyine, na mabwe abatanyikile; Bilele (bia bafwe) bibabulukile, bitanda bia bantu be bungi balulame bibadi bilale mu tulo, bibabushishwe. Abatukile mu bilele kumongo kwa lusangukilo lwa lufu lwe, tabende mu kibalo kibahatwilwe kishila, abamwekyele kwi be bungi. Biabia mulami a basalai lukama, na baba abadi n’abo, abadi abalama Yesu, habamwene kusanasana kwa nsenga ’a yaya myanda yibakitshinwe, abakwatshilwe na moo bibi, babambile’shi: Binyibinyi au ekalanga Mwan’Elile-Mukulu. Na bana bakashi be bungi abadi kwanka, bakwete kubandjilakula; nyi babalondele Yesu ku Ngadelea kumusamba. Munkatshi mwabo mubadi Madia Mangadalene, na Madiya, nyin’a Yakoba, na Yosese, na nyin’a bana ba Sebede. Hakufika kiolwa kia bufuku, muntu mpeta, mwina Adimatea, atemunwa bu Yosefe, e namu badi mwan’a bukishi a Yesu. Bayile kwi Pilato, batekyele kitanda kia Yesu. Henyihaha Pilato bakamikile’shi: Muhei kianka. Yosefe, habātshile kitanda, bekihombele mu kilamba kitoka kia linene. Bekitudile mu nyenyi yihya yibadi mubangule ku lubwebwe; balalesbē’bwe dikata ku kibelo kia nyenyi, bakatukile. Kubadi kwanka Mangadalene na mungi Madiya, abashalele mbulushi na ku kilele. Binyibiabia efuku dibadi adilondena n’adia Kilumbulwilo, batshiite-bakwidi bakata na Bafadiseo abebungile kwi Pilato, aboshi, A Mwanana, tubatentekyesha’shi; awa sha madimi, habadi kiatala bambile’shi: Mafuku asatu hākakidi, nankabuku dimo. Binyibiabia ebakamik’obe’shi, lamai kilele kalolo mpaa na kwifuku dia kasatu tala bana be-ba-bukishi bakafika bufuku kumwiba, bakalungula na bantu’shi: Babuku ku lufu. Biabia kōngola kwa kunyima akukakidi kwa kwibedi. Pilato bebalungwile’shi: Balami nwi n’abo, nwende, nukekinyishe hoo mwanudi beukile bia kunyisha. Biabia abayile, abanyishishe kilele hoo, abalamikile ñanga kwibwe, na kutula kwanka balami. Kunfudilo kw’efuku dia Sabado, hakubanga bufuku kutoka, mwifuku dia kwibedi dia lubingo, Madiya Mangadalene na mungi Madiya abafikile kutala ku kilele. Biabia talangai, kubadi kusanasana kwa nsenga, mwanda mwikeilu a Yehowa bayikile mwiilu, bafikile, balalesh’ebwe dibadi ku kibelo, bashalele hanka. Ha mpala he habadi bu luhenyo lwa mpeshi, bifwalwa bie bibadi bitoka soo bu (niege). Ha mwanda wa kutshina moo, balami abasushile, abālulukile bu bafwe. Biabia mwikeilu bālulwile bana bakashi’shi: Tanutshinanga moo, mwanda neuku’shi: Nyi Yesu anukimbi, badi mwihayibwe ha nkulusu. E te muno, mwanda tahwile kubuka, anka mubadi akula. Fikai nutale amwikalanga mulale Nfumwetu. Biabia ndai lubilo, nukalungula bana-be-ba-bukishi’shi: E tabukile ku lufu, talangai, ngiawa benubadidila ku Ngadilea; anukamusañana kwanka; talai, nahu kwinulungula. Biabia abakatukile lubilo ku kilele na moo, na kusangala kukata; abakamine lubilo mu kufisha uno mwanda kwi bana-be-ba-bukishi. Ank’abo, ha kwenda mu kulungula bana-be-ba-bukishi, Yesu bafumankene n’abo; bakwile’shi: Nenwimunai; Abafikile kwadi, abamukwete ku ngwā, tabamulangwila. Henyihaha Yesu bebalungwile’shi: Ta nwikalanga na moo, ndai, nukalungule bande bakwetu bēnde ku Ngadilea, abakansañana kwanka. Habadi abēnde, talangai, bangi ba balami abafikile mu kibalo, tabalubula kwi batshiite-bakwidi bakata bioso bibakitshinwe. Biabia hakwibungila hamune na bakulu, na hakudia lukūku, abahene mono yibungi kwi basalai, eshi: Nwamba’shi, bana-be-ba-bukishi abafikile bufuku, abamwibi hatwikalanga balale-tulo. Su uno mwanda aukafiki ku matwi a mutontshi mukata e hanundu ha bakwabo, atukamusendela’shi: tabekekale na mwanda. Biabia abatambwile mono, abakita’nka mwa bebalambukishwe; Yino ntumbo yibafumankene munkatshi mwa Bena Yuda mpaa na lelo uno. Binyibiabia bana-ba-bukishi ekumi naumune abayile mu Ngadilea, ku ngulu yibebalayidile Yesu. Abo habamumwene tabamulangwila: anka bangi babadi na mealasheno. Henyihaha Yesu bafikile, bakwile n’abo’ shi: Katshintshi koso kampebwe mwiilu na ha nsenga. Binyibiabia, ndai, nulambukishe milo yoso, na kwibabatshisha mwishina dia Yaiya, na dia Mwana, na dia Kikudi-E Selelee. Nwibalambukisha kulama bioso binenukamikile, biabia talangai, nyi n’enu mafukuoso mpaa na kunfudilo kwa hanohansenga. Amena. Mbangilo ya mukāndu-wibuwa wa Yesu Kidisitu Mwan’Efile-Mukulu. Mwa kibadi kifundjilwe mu mukanda wa batemuki’shi, Tala, natumu mukiendji wande kumpala kobe, nyi au wakalumbulwila kumpala eshinda. Eyi dia umune ēle musase mumahia akabāka’shi; Lumbula eshinda dia Yehowa, ludikai mashinda e. Yoano bafikile babatshishia mu kabāka, na kulungula myanda ya kubatshishia kwa kwīlanga kw’eshimba’shi; Milwisho yabo yishimishibwe. Kubamutukile kwadi ba mu mahia oso a Yudea, na ba mu Yelusalema hanka; babadi ababatshishwa n’e boso mu lui lwa Yodana, tabasokola milwisho yabo. Yoano badi mufwale buaa bwa (nyama) shamo, na kikoba kia musokia mu kifuka: kudia, adi anka nshīye na būki bwa mu mahia. Tēle musase’shi; Akufiki kunyima kwande umune munkidile bukata, mioshi ya bidiato bie ami nkintulombane na kubandamina’bio kwangulay’o. Binyibinyi ami nenubatshishia mu mema, anka e akenubatshishia mu Kikudi-E-Selelee. Biakubadi biabia mu ā mafuku Yesu bakatukile ku Nasaleta, kibalo kia Ngadilea, babatshishwe kwi Yoano mu Yodana. Kahindji nāka ha kwabuka’ mema, bamwene eilu tadi tubuka, na Kikudi-E-Selelee kibamutentamine hamune bu nkudimba. Biabia mubatukil’eyi mwiīlu’shi, obe e Mwan’ande akukuminwa andji mutokyele’shimba. Kahindji n’āka Kikudi-E-Selelee kibamubingile mu ikabāka. Mu mahia a kabāka bēkele mwanka mafuku makumi ananka atompibwa na Satana; badi mwikale na nyama yi bukyelo, na bamwikeilu babamunyishanga. Binyībi Yoano hakwelwa mu lukano, Yesu bayile ku Ngadilea alungulanga mukāndu-wibuwa wa bunfumu bw’Efile-Mukulu’shi. Kihindji kibakumbana na bunfumu bw’Efile-Mukulu namu bubefubwilwa hehi: nwīlangeyi ku mashimba, nukuminei mukāndu wibuwa. Henyihaha hakukila mema a Ngadilea, bamwene Shimona na mukwabo Andeleyo, abate bukondja ’mema, mwanda babadi bampibwe ba mwita wa mema. Yesu bebambile’shi, ndonde’mi, n’ami nkenwalule nwikale bampibwe ba bantu. Henyihaha kahindji n’āka babalekyele makondj’abo, tabamulondo. Bahu kwenda kihindji kihela bamwene Yakoba mwan’a Sebede, na mukwabo Yoano, baba n’amu babadi mu bwato tabatelula makondj’abo. Kahindji n’āka bebetanyina, n’abo abalekyele shabo Sebede na bafubi m’bwato, tabamulondo. N’abo abayile, abatwele mu Kahanauma, n’awa nguba e batwele mu kitumbwilo ha dla Sabado, talambuukisha. N’abo abakanyine lulambukisho lwe, mwanda e badi ebalambukisha hamune mwen’a matalwa, ta mpamune bafundji ba mikanda, ooo. Amwa mu kitumbwilo mubadi umune badi na kikudi ki butete, bēle musase’shi. A ee! etulekyela nyaa, akia twikele n’obe nkinyi, obe Yesu a Nasaleta? bofiki kwitulwish’anyi? Nakwiuku n’abiodi’be winyi Muhatulukye-selelee e Elile. Yesu bamutoshe’shi, Umina nyaa, mutukile mwanka. Binyibiabia kikudi ki butete hakuhwa kumusunyisha, na kudila n’eyi di bukoho, kibamutukile mwanka. Na boso abakanyine, na kwīhushena munkatshi mwabō bana bene’shi; A kino namu nkinyi? A luno lulambukisho luhia namu lwi na minyi? mwanda na matalwa asashila bikudi bi butete, abio abimukokyela. Kahindji na kano ntumbo ye yibahalakene ku nsenga ya Ngadilea mpaa na ku mpese yoso. Ku mongo, hakutuka mu kitumbwilo, babatwele mu nshibo ya Shimona, na Andeleyo; Yakoba na Yoano babadi n’abo. Anka nyin’e muko a Shimona badi mulale na busungu bwa mwasakane mu mbidi, biabia kahindji na kano ta bamulungula biadi. Bafikile kwadi, bamukwete ku mboko amubushe; kahindji na kano busungu bubahwile, tebafubila mufubo. Kiolwa, nguba hakuhona, abamufikishishe boso basha masungu kwadi, na bamunwe na mikishi. Na kibalo kioso kibamwibungile hamune ku kibelo. E bahwishishe bebungi babadi abakumbu kubofula kwa mbidi kwa bihaso, babingile namu mikishi yingi, ta mwiyilekyela yisamba, ooo, mwanda’yo ayimwiuku. Namashika, bufuku ta bandjile kutoka babukile, bakatukile, tēnde mu kabāka, tatekye mwanka. Shimona na babadi n’abo tabamulondo. Hakumusangana babamwambile’shi, bosoboso abakukyebe. N’e bambile’shi, twende mu bibalo bilondakane na kino, nkalungule’ko myanda, mwanda kinafikile ñanka kino. Henyihaha badi ebalungula mikāndu-yibuwa mu kitumbwilo kiabo, na moso mu Ngadilea, na kubinga mikishi mwanka. Kumongo kubafikile kwadi umune sha kiiwe, tamusendela na kumukunamina hanka, tamwamba’shi; S’ōkumina biabia, ouku kumpwisha. Na Yesu hakukwatwa na lusa, b’olwele mboko, bamukuma, tamwamba’shi: Nankyebe, ohwibwe. Hakumwamba biabia, busungu bubamuhwile kahindji na kano. Hakumulanga bi bukoho bamutakwile. Tamwamba’shi; Tala, tokalungulanga muntu; ndokelese obe namwinyi kwi tshiite-Mwakwidi, kamtilubwile bibambile Mosesa, mwanda kwikala bu kitundwilo kwabadi ha kuhwishibwa kobe. Anka e habakatukile, babangile kwela musase wa kuhalakasha koso uno mwanda; biabia ’Yesu tamumone’nyi mwa kutwela mu kibalo kumonyibwa na bantu, ooo, anka badi mwikale mu tubāka: bantu namu babadi abamufwila ku mpese yoso. Habakile mafuku (Yesu) batwele dimo mu Kahanauma, abahalakeshe ntumbo’shi E mu nshibo. Kahindji na kano kubebungile bantu be bungi, anka kubakutshilwe sunga kihindji, na ha kibelo henyi, n’e bebalungwile mikāndu-yibuwa. Kubamufwidile bantu abafishishe mukumbe kususa, mutwalwe na bantu bananka. Habakutshilwe mwa kwishesha kwanka mwanda w’efina dia kibumbu, abahulwile musaka, abatubwile mwanka, abayishishe lusala lubadi mulale sha busungu bwa kususa. Yesu habamwene lukuluhilo lwabo tākula sha busungu bwa kususa’shi, A mwana, milwisho yobe yibakulekyelwa. Anka kubadi bāmo ba Bafundji ba mikanda bashāle hanka, tabanangushena ’mashimba’bo’shi. Au uno namu nkinyi kiakwila kukaa Efile-Mukulu? A nanyi euku kulekyela milwisho su ñanka Efile-Mukulu? Kahindji na kano Yesu bibeukile mwishimba die biabadi abanangushena munda mwabo, tēbamba’shi; A nkinyi kianunangushena biabia munda mwenu? A kikambe kubofula nkinyi, a nkwamba uno akumbu kususa’shi; Milwisho yobe yibakulekyelwa, su nkwamba’shi; Buka, ebwēshe lusala lobe, wende? Ank’anwiukye’shi, Mwan’a muntu biadi na matalwa a kulekyela milwisho hano hashi (ākula ku sha busungu bwa kususa’shi). Nankwamba ’shi; Buka, ebwēshe lusala lobe, wende ku nshibo yobe. Kahindji na kano babukile, na hakwibwēsha lusala lwe, tēnde ku meso kwa boso, n’abo abamukanyine boso, tababihwandjikile Efile-Mukulu’shi: Tā’twe bimwene kashiā bihwandjikile na kino hamune. Binyibiabia (Yesu) batukile dimo kunfudilo kwa mema, na kibumbu kioso kibafikile kwadi, e namu tebalambukisha. Habadi akidi, bamwene Lewi mwan’a Alehesusa kwete kushāla ha kilambwilo; bamwambile’shi: Ndonde! E namu bebwele, tamulondo. Henyihaha Yesu habadi mushāle ha bidibwa mu nshibo ye, balambudi-ba-milambu, na balwishi be bungi bashāle hamune na Yesu, na bana be ba bukishi; mwanda be bungi babadi hanka, tabamulondo. Bafundji-ba-mikanda na bafadiseo hakumumona bi badianga na balambudi-ba-milambu na balwishi, tabamba bana be ba bukishi’shi: A nkinyi kiadila na kiatomena na balambudiba-milambu na balwishi’nyi? Yesu hakuhusha biabia tabamba’shi: Abo be musangyelo ta be na kia’bakyebela ñanga, ooo, anka’bo abakumbu kubofula kwa mbidi; nkimufwile kwitanyina balulame ba mashimba, anka balwishi belangei ’mashimba. Bana ba bukishi ba Yoano n’aba bafadiseo babadi abashidi biakudia, abafikile kumwamba’shi: A nkinyi bana ba bukishi ba Yoano na baba ba bafadiseo abashilā biakudia, anka b’obe ta bashilā? Na Yesu bebehwishe’shi: Bantu ba mubambi a mukashi abeuku mwa kushila biakudia hakī mubambi a mukashi e n’abo’nyi? habakī na mubambi a mukashi, ta bakwiuka mwa kushila biakudia. Anka mafuku akafiki kwanka ahakakashwa mubambi a mukashi, binyibiabia’nyi habakashila biakudia mu ā mafuku. Ta kwi muntu ēle kīla kia mbwisha yihia ku mutwelo ukulu, ooo, su b’ēle biabia aya yihia yioshiki hanka ayinyisha kusanusha h’etubu, biosobi h’etubu henyi habakamba kusanuka. Biabia ta kwi muntu alongesha malofu ahia mu milangi ya misokia yikulu, mwanda su biabia, malofu ahyaakatubula aya milangi ya misokia, n’ao asumbuka na milangi biayilwila; anka malofu ahya akyebe akitshinwe mu milangi ya misokia yihya. Binyibiabia e tēnde mu mabala a mebele mu dia Sabado, na bana be ba bukishi hakwenda ababangile kukula mebele a mifwafwa. Na bafadiseo abamwambile’shi; Talanga’kia nkinyi kiabashiiwila dia Sabado? E bebambile’shi: A ta nwi babalē’kia kibakitshine Dafida habakutshilwe bintu, na nsala yibamukwete, e, n’aba badi n’aba benyi? Mubakatwelele mu nshibo y’Efile-Mukulu mu bihwa bia Abiata, tshiite-mwakwidi mukata, na kudia, badile mikate yileshwe ku mpala kw’Efile-Mukulu, yibadi yishidikwe kishila kudia kwanka, anka batshiite-bakwidi b’Efile-Mukulu, e namu tāha na babadi n’abo. Na (Yesu) bebambile’shi: Dia Sabado dibakitshinyine mwanda wa bantu, ta mbantu mwanda wa Sabado, ooo. Binyibiabia, Mwan’a muntu nyi nfumu namu a dia Sabado. N’E batwēle dimo mu kitumbwilo, amo mubadi muntu badi na mboko yiume. Henyihaha tabamutala’shi, su amuhwisha mu dia Sabado, biabia bamone mwa kumutewila. E tākula kwi muntu badi na mboko yiume’shi: Ebwele munkatshi. E tebamba’shi: A nkishila kukita bibuwa mu dia Sabado’nyi, su nkukita bibubi? Su nkuhasha muwa, su nkwihā? Anka’bo babauminyine nyaa. Hakubatala na kukyengwila boso na meso a nsungu, na kwishimba fututū mwanda wa kukoma kwa mashimba’bo, E bākwile muntū’wa’shi: Ola mboko yobe! N’e bōlwele yanka; na mboko ye yibealulwile, tayidi bukome hamune na yikwabo. Henyihaha bafadiseo babatukile mwanka, tabamudila lukuku na bena Heloda lwa kwituhishena n’e lwa mwa kumwihayila. Anka Yesu batentulukile kwishiba dia mema na bana be ba bukishi, na kibumbu kikata kia bantu ba ku Ngadilea abamulondele kwanka, na bangi namu be bungi ba mu Yudea. Na ba mu Yelusalema, n’aba ku Idyumea, n’aba ’diēshia dia Yodana, n’aba ku luhese lwa Tyila, na Sedona, boso kwanka kibumbu kikata kinyi, habahushishē’bia bikata bibadi akitshi, tabafiki kwadi. E bambile bana be ba bukishi’shi: Nyeshei na kāto, mwanda wa kibumbu, tala kianfina. Mwanda e bahwishishe bangi bangi, nyi habamūngwidile boso abakumbu bihuha mwabadi akumukumina. Na bikudi bi butete hakumumona bibahonehashi ku mpala kwe, tabiele musase’shi: Obe e Mwan’Efile Mukulu. E bebisashile’shi, ta nukanukishanga ku bantu. Binyibiabia bakamine ku ngulu, taitanyina’ba akyebe kwishimba die, n’abo abayile kwadi. Basangwile b’ekumi na babidi bakwikala n’e, mwadia kwibatumina kulungula mukāndu-wibuwa. Dingi nyi’shi, babahebwe matalwa akuhasha abakumbu kubofula kwa mbidi, na kubinga mikishi. E baudikile Shimona ding’eshina’ashi, bu-Petelo. Na Yakoba mwan’a Sebede na Yoano mukwabo, abo bebaudikile’shi bu-Boanejye, nyi kwamba’shi, bana ba kukungula kwa mpeshi. Andeleyo, na Fidipa, na Batolomyu, na Mateyo, na Tomase, na Yakoba mwan’a Alafesa, na Tadeusa, na Shimona mwin’a Kenane. Na Yudasa Isakadiata, winyi bamuhene kwi bangi. N’abatwele mu nshibo. Kibumbu kibebungile dimo hamune, ta mbamone sunga mwa kudila (bidībwa,) ooo. Bakwabo (na Yesu) habeuhushishe, abayile mu kumukwata, mwanda abadi abamba’shi, e ’mutesha. Bafundji ba mikanda babatukile ku Yelusalema abo’shi: E na Bēlesebuba. Tabamba’shi: Nkwi nfumu a mikishi kwadi muate bukome bwa kubinga mikishi. Binyibiabia hakwibetanyina kwadi, bebele nkindji’shi: A Satana euku kwiibinga e na mwinyi? Su bufumu namu abwilamuna, abu bu na mwinyi, biabia bwabwa būfumu abukutwa kushāla. Su nshibo namu ayilamuna ayo yi na mwinyi, biabia ayikutwa kwimana. Su Satana namu beībwelele na mwinyi, n’ēlamuna, biabia akutwa kwimana, biabia bafudila. Sunga ngumune, su mpa kinyi, su mpa kinyi, euku kutwela mu nshibo ya kimankinda kuhaula bintu bie, anka abadila kuanya kinyi kimankinda, biabia biakimona mwa kuhaula bia mu nshibo ye. Binyibinyi bia nyinuamba’shi; Yoso milwisho ayikalekyelwa bana ba bantu, na milomo yoso yabakaanga. Anka’awa akakaa Kikudi-E-Selelee, ta kalekyelwa mwanda, ooo, anka adimukye akekala bahīle myanda ya kuhona mpaa na kwikalaika: Mwanda abamwambile’shi: We na kikudi ki butete. Henyihaha bakwabo abafikile na nyin’e, tabemene hāsha, abo nkumutumina, akumwitanyina. Kibumbu kia bantu kibadi bashāle hādi, tabamwamba ’shi: Tala, nyin’obe na bakwenu be hāsha abakukyebe. N’e bebālulwile’shi: A nyin’ami na bakwetu mbanyi? Hakutala ha boso babadi bashāle kibumbu kimushemeshe tākula’shi: Talai, nyin’ami na bakwetu ank’aba. Mwanda ese akakitshi amukyebela eshimba di’Efile Mukulu, yawa nyi mukwetu mulume, na mukwetu mukashi, na nyin’ami. E babangile dimo kulambukisha ku bukunkula kw’eshiba. Kubamwibungile kibumbu kikata, henyihaha e baikile m’bwato, tashalele ha mema; kibumbu kioso kia bantu kibaimene ku mahia ku bukunkula kwa mema. E tebalambukisha bintu bi bungi mu nkindji, tebalungula mu lulambukisho lwe’shi; Hushai; talangai, biakubatukile mukunyi’ēbala’shi: Nkakune. Bibakitshine hakukuna, yingi yibahone ku bukunkula kw’eshinda, na tonyi twa mwiilu tubeimene yoso. Yingi yibahone ha lubwebwe, ha shī nsenga yi bungi; kahindji na kano yibamene, mwanda yibakutshilwe nsenga yingi ya kwiisha mūshi. Anka nguba hakukamina yibatatshile, mwanda yibakutshilwe mishi, yibaumina’nka hoo. Yingi namu yibahone’ milobo, anka milobo yibakūle, yibeibondele, na bikuba bibakutshilwe kuhā. Yingi namu yibahone mu nsenga yibuwa; yibamene, ayo nkuha bikuba bifwime, yingi makume asatu, yingi makume asamombo, yingi namu lukama. E bebambile’shi: Sha matwi a kuhusha, ahushe. Habadi buhenka, na bangi babadi n’abo hehi, na b’ekumi na babidi, tabamwihusha mwiyile lwa lukindji. E bebalungwile’shi, Kwanudi nubahebwa kushingula bifibwe bia bufumu bw’Efile Mukulu, anka kwi’ba be hasha, bintu bioso abikitshibwa mu nkindji’shi. Kumona, abakamono, anka ta bashingula; kuhusha, abakahusha, anka tabashingula; tala abakālula mashimba’bo, na milwisho yabo ayikebalekyelwa. E bebehwishe’shi: Tanushingula luno lukindji’nyi? biabia anukashingula nkindji yoso bi kunyi? Muminyi nyi amina mwanda (w’Efile Mukulu). Aba nyi benyi be ku bukunkula kwishinda, nyi habadi baminwe awa mwanda; anka baba habahu kuhusha, Satana, kahindji na kano afiki kumañuna mwanda uminwe ’mashimba’bo. Anka hamune n’aba abaminwe mu mbalakata; nyi hakuhusha mwanda, kahindji n’āka abeutambula nakusehela. Hakukutwa mishi munda mwabo bana bene, biabia abanyingi anka kihindji kihi; kumongo, ahakafiki malwa su kusābulwa ha uno mwanda, binobino abakakokolwa hanka. Aba namu nyi benyi baminwe munkatshi mwa milobo, nyi benyi abahusha winyi mwanda. Anka binango bia myanda bia hanohansenga, na kudimbwa kwa mono, na kwabila kwa bingi bintu abitwela mwanka, abifinena mu uno mwanda, nyi haubakutshilwe kuha bikuba. Aba namu nyi benyi abaminwe ha nsenga yilumbulukye, nyi benyi abahusha winyi mwanda, na kwiutambula na kuha bikuba, au makumi asatu, au makumi asamombo, mungi namu lukama. N’E bebehwishe’shi: Etala aditushwa mu kutweshwa mūshi mw’ekumbo, su mūshi mwa lusala’nyi? ta ditulwa ha kitudilo kiadio su? Mwanda ta kwi sunga nkimune kifībwe kishī akikaleshibwa, sunga nkidibwe lukuku kishī akikatushibwa hatoka. Sha matwi akuhusha, ahushe. E bebalungwile’shi: Dimukai bianuhusha, anka ku kihīmo kianuhīmi n’akio, altikenuhīmwa namu; na kwanudi anuhusha, yingi ayikatentekwa’nyi. Mwandā’ wa e n’akio, kwadi e akahebwa bingi’nyi; ank’awa shī n’akio akaatshibwa na kinyi kiadi n’akio. E bākwile’shi, anka biabia namu mbufumu bw’Efile Mukulu bwi hamune muntu aminyi mbio ha nsenga. Alala tulo, abuku bufuku na kanya, mbio namu ayituluka na kutama, anka ta shingula mwaimena. Nsenga ayitusha bikuba yi na mene; kwibedi kutuluka, kumongo mieho. Anka ahakamongo mbio, akatumu bena miele bakunoa, mwanda mafuku a hakunwaa abafiki. E behwishe’shi, Atukahwandjikisha bufumu bw’Efile-Mukulu na minyi? sunga nkwibwelela lukindji, atwibwelela na minyi? Nyi hamunenka katete ka mutada, ako ke ntshā, anka hakwikakuna mu nsenga, nkakile mbio yoso yi ha nsenga. Anka hakwikakuna akatuluka, akatama, na kukila midioko yoso bukata, na kutshimpila ntabi yikata; biabia tonyi twa mwiīlu atwiuku kubombela mu mutala wao. Biabia mu yingi nkindji yibungi bebelanga mwanda (w’Efile-Mukulu) mwabadia kwiukila kuhusha. Anka kushī na nkindji ta mwisambe n’abo, anka habadi n’abo buhenka bwabo, bahatulwidile bana be ba bukishi myanda yoso. Diadia efuku hakutwela nguba, bebalungwile’shi, tuabukei adi’eshia. Hakwandula mwilo abamwikishe mbwato anka mubadi mwikele. Kubadi namu tungi twato n’e. Kubebwele kihukuhuku kia luhahi, na mbundambunda yibekuhilanga mbwato; kahindji n’āka bubaulendaa. E badi kwikolo kwa bwato mulale tulo ha musamo; abamubushishe, tabamwamba’shi: A mulambukishi, a tokanya biatukyebe kufwā’be? E babukīle, batosheshe luhahi, bākwile kwi mema’shi: Fukama nyaa. Luhahi lubafukamine nyaa, kubadi anka tāloo. N’E bebehwishe’shi: A Anubakwatshila moo kinyi? Kianushī na lukuluhilo nkinyi? Babakambile kukwata moo, tabeihushena’shi: A uno e bino nanyi a kokyelwa na luhahi na mema? Biabia ababukīle adi’eshia di’eshiba, mu mahia a Ngadalene. Hakwabuka mu bwato, anka henyihaha bafumankene na muntu mukwatwe na kikudi ki butete mutukye mu mashama. Badi mubombele ’mashama, ta kubadi akumōbesha kumuanya ooo, sunga mu nkano: Mwanda badi mufungibwe misusa na misusa mu miomba na nkano, nkano namu e na mwinyi beihobolanga, na miombo yinyi beitshomwene bihindji bihindji: Sunga ngumune akumukokyesha. Bukyelebukyele, bufuku na kanya badi mu mangulu na mu mashama, badi ēle misase, kwete kwītaha na mabwe. Habamwene Yesu kula, bakamine lubilo, bamulangwidile. Banyishishe eyi dikata’shi: A n’obe n’aminyin’obeunyi? Obe Yesu Mwan’Efile-Mukulu ’mukile ntumbo a mwiīlu, nakutshihila mwishina di’Efile-Mukulu’shi, to’mweshanga malwa. Mwanda (Yesu) bamulungwile’shi: Tuka munda mwa muntu ū, obe kikudi ki butete. N’E bamwihwishe’shi: Eshina diobe mbu’nyi? E bamwalulwile’shi: Eshina diande mbu Ngoshi, mwanda twi bungi. E bamusendelele bikata’shi: Toetutakulanga mu ano mahia. Tala, kubadi lombe lukata lwa ngulube hehi na ma ngulu, lukwete kudia. Mikishi yoso yibamusendelele’shi: Etutume munda mwa ngulube, tukatwele mwanka. Yesu kahindji n’āka beikuminyine’shi: Ee, ndai. Henyihaha bikudi bi butete bibamutukile, bibakatwelele munda mwa ngulube; biabia lombe loso lubakulumukile mu iuhongo mpaa na ’mema, (yibadi hehi binunu bibidi) yibafwile’mema. Aba babadishanga ngulube babasukile, babakalungwile aba babadi mu kibalo, mpaa na babadi mu mafuba, uno mwanda. Abo namu babayile mu kutala bibakitshibwa. Abafikile kwi Yesu, abamwene awa badi na mikishi mushāle tadi mufwadikwe bilamba, tadi namu na binangu bia bu muntu, biabia babakwete moo. Aba babahetekyelwe abadi tabākula mwa kibakitshinwe kwi’wa badi mukwatwena mikishi, na bibakitshinwe ngulube. Bababangile kumusendela’shi: Etukatukile mu yino mpese yetu. (Yesu) habatwele mbwato, winyi badi mukwatwe na mikishi bamusendelele’shi: Nende n’obe. Anka Yesu ta mukumine, bamulungwile’shi: Nda kwenu kwi ba kifuko bobe, okebalungule bibakukitshina Nfumu obe, na bibakufwila lusa. N’e bayile, babangile kushingulusha bantu ba mu Dekahodise myanda yikata yibamukitshine Yesu, na bantu boso abakanyine. Yesu habābukile dimonyi ’mbwato kudi’eshia, bantu abakongyele kibumbu kikata kwadi E; badi kubukunkula kw’eshiba. Henyihaha tala, kubafwīle umune a batontshi ba mu kitumbwilo, eshina die mbu Yailusu; e, habamumwene bēle ku ngwa y’E. Bamusendelele bikata’shi: Mwan’ande’hela mukashi takyebe kufwa; otwende, okamutentekye māsa akahashibwe, akekala na muwa. (Yesu) bayile n’e, na kibumbu kikata kibamulondele, kibefinene hadi. Kubadi mwana mukashi badi na busungu bwa kushila luendenda bihwa ekumi na bibidi. Bakambanga kumweshwa malwa kwi bananga-buka be bungi; twi ku minwe twe tubamuhwile, busungu bwe ta mbutale, anka bubakalabele. Habadi muhushe nkumo ya Yesu bafikile mu kibumbu kia bantu kumongo kwe, bakumine ku mutwelo w’E. Mwanda bākwile munda mwe’shi: Su neuku kukuma sunga ku mutwelo w’E nankahashibwa. Kahindji n’āka hambangilo ha mase e habaumu, n’ebefwakene mu mbidi ye bwinyi busungu bubahwishibwa. Anka henyihaha Yesu, hakushingula munda mwe’shi, bukome bubantuku, benyoñene munkatshi mwa kibumbu, bambile’shi: A bankumu ku mitwelo yande nanyi? Bana be ba bukishi abamwambile’shi: Obe omono kibumbu nkifinene hodi na kwihusha’shi, a nanyi bankumu? N’E bashokolweshe meso aku n’aku’shi, ’mone bankitshi bino. Anka mwana mukashi hakushingula bibamukitshinwa basushile moo, bafikile, batwile manwi hāshi kumpala kwe, bamulungwile myanda yoso ya binyibinyi. E bamwambile’shi: Mwan’ande, lukuluhilo lobe lubakuhasha, ndanga n’eshimba diobe ditale nyaa! ekala muhwishibwe mukumbo w’obe. Habadi kiesamba, kubafikile bantu ba mutontshi a mu kitumbwilo babambile’shi: Mwan’obe mwana mukashi bahu kufwa, akiokambakasha’nyi Mulambukishi binobino nkinyi? Habahushishe Yesu mwanda w’abākwile, balungwile mutontshi a mu kitumbwilo’shi: Totshinanga, anka kumina. E ta mukumine muntu kumulonda, anka Petelo, na Yakoba, na Yoano mukwabo na Yakoba. Bafikile ku nshibo ya mutontshi a mu kitumbwilo, bahetele eunga na kiuwa kikata kia basha mālo. E habatwele mwanka bebehwishe’shi: Nkinyi kianwele eunga na kudila’nwe? Songwakashi ta mufwe, tulo tuadi mulale. Tabamuseha na kumukyengula. Anka E habebakatwishe boso, bātshile shye na nyin’a songwakashi, na baba abafwile n’abo, abatwelele mwanka mubadi mulale songwakashi. Bakwete songwakashi ku mboko, bamwambile’shi: Tadita Kumi, kuhatula nkwamba’shi: Obe songwakashi, nakwamba’shi, buka. Kahindji n’āka songwakashi babukile, batambukile, mwanda tabadi mufishe bihwa bu ekumi na bibidi. N’abakanyine na lukanyo lwi moo. E bebalungwile bukoho’shi: Ta nukashingulanga muntu uno mwanda, bambile namu’shi: Muhei biakudia. Binyibiabia Ebakatukile kwanka, bafikile ku luheselwabo; bana be ba bukishi abamulondele. Habafikile efuku dia Sabado babangile kulambukisha mu kitumbwilo; bebungi habahushishe abakanyine’shi: A uno muntu bātshile yino myanda kwi kunyi? anka nkalolo kinyi kabamuhebwa ka kukita bino bikitshino bikata ku maboko E? A unou tanfwintshi a mabaya’ube, winyi mwan’a Madiya, mukwabo na Yakoba na Yose n’ā Yuda na Shimona? na bankashan’e ta twi n’abo kuno su? Na baba babakokeshwe ha mwanda w’E. Anka Yesu bebalungwile’shi: Mutemuki e na kunemekwa mu mpese yoso, anka te n’ako ku luhese lwabo, na munkatshi mwa bakwabo na mu nshibo ye na mwinyi, ooo. Biabia’nyi (Yesu) bakutshilwe kukita kwanka kingi kikitshino kikata, anka kutenteka maboko E ha kisaka kihela kia basha kubofula kwa mbidi, bebahwishishe. E bakanyine kidiodi kiabo, n’ebefunyine bibalo na kulambukisha. Bētamine benyi b’ekumi na babidi, babangile kwibatuma babidi babidi; bebahele matalwa a kubinga bikudi bi butete. Bebakamikile’shi, ta nuatanga kintu kia kwenda n’akio mu luendo, anka kibango nya; sunga nsaka, sunga mampa, sunga nfalanga mwibenga, anka nwikale bafwale tubato, ta nufwalanga mitwelo yibidi. E bebalungwile’shi: Mōso mu nshibo yianukatwele, nushāle mwanka mpaa na bianukatuku. Baba bashī abakenutambula, sunga kwinwifwakena, hanwibō hanka nwibakukwile lufūfi ku ngwa yenu, kwikala bu kishingulwilo kwabadi. Binyibinyi nenuamba’shi, ahakafiki adi’efuku dia kimu, bushito bwa malwa bwa kiakia kibalo bukakidi a malwa a Sodomo na Ngomolo. Na baba abakatukile, babalungwile bantu (mwanda w’Efile-Mukulu’shi): Nwilangei mashimb’enu. Bababingile mikishi yibungi, abēlele mwimu ha basha kubofula kwa mbidi be bungi, abebahwishishe. Nfumu Heloda bahushishe nkumu (ya Yesu) (Mwanda eshina die dibahalakene koso kwiukibwa) bakwile’shi: Yoano Mubatshishi bahu kusanguka ku lufu, binyibiabia ha uno mwanda bikitshino bia kukanya abimweka mwadi. Bangi bamba’shi: Nyi Eleasa, bangi namu’shi: nyi mutemuki, su tambiabia mwifwane mutemuki. Anka habahushishe Heloda nkumu ye, bambile’shi: Ngwinyi Yoano anatshibile mutwe, nyi basanguka ku lufu. Mwanda Heloda e na mwinyi tabadi mutume bakukwata Y’oano, bamufungishe mu nshibo ya lukano ha mwanda wa Helodiasa, mukashi a mukwabo Fidipa, tabadi muhwe’nyi kumuata amwibakila. Mwanda Yoano tabadi muhwe kulungula Heloda’shi: Toemulonde kishila’bi ha mwanda wa kwikala na mukashi a mukwenu. Henyihaha Helodiasa badi n’e lumanyi lwa kumwihayisha, anka ta mumone mwa kukitshina. Mwanda Heloda batshinanga Yoano moo, bashingulwile’shi, E muntu mululame na muhatulukye-selelee, bamulame bibuwa; Heloda habahushanga eyi dia Yoano, eshimba die dibadi na katshima munda, bamuhushanga na muloo. Habafikile efuku dilombane dia habatandiile Heloda, batekeshe bidibwa kwi batshiite be, na bimankinda bie bia bashidika, na bakata ba mu Ngadilea. Habatwelele mwan’a winyi Helodiasa, bāshīle masha, baseheleshe’shimba dia Heloda, na babadi bashāle n’e ku mesa; nfumu balungwile mwana mukashi’shi: Tonga kioso kiokyebe su kinyi su kinyi, n’ami nkuhe kianka. E batshihīle kwadi’shi: Kioso kiontekye, nankuha, mpaa na ku luhese lwa hankatshi lwa bufumu bwande. N’e bakatukile, bakehwishe nyin’e eshi: A nkasangula kinyi? (Nyi’ne) bamwalulwile’shi: Katekye mutwe wa Yoano Mubatshishi. Kahindji n’āka batwelele lubilo mubadi nfumu, bamutekyele’shi: Nankyebe ompe mutwe wa Yoano Mubatshishi ha kihindji kihi ha kibaa (kia mutshi). Biabia eshimba dia nfumu dibafitshile bibi, anka ha mwanda wa kutshiha kwe, na ha mwanda wa baba babadi bashāle n’e, ta mukumine kumusumina. Kahindji n’āka batumine mushidika badi nsentedi, bamukamikile’shi: Fwa na mutwe we, n’e bayile, bakamutshibile mutwe we mu nshibo ya lukano. Bafwile na mutwe we ha kibaa kia mutshi, beuhele nsongwakashi, nsongwakashi namu bakeuhele nyin’e. Bana be ba bukishi, hakuhusha, abayile abakātshile kitanda kie, abakekishikile ’mashama. Batumibwe abekongyele kwi Yesu, abamulungwile bioso biabakakitshine, na myanda yoso yabalambukishe bantu. E bebambile’shi: Fwai’nka anwe bana bene mu kihindji kia kabāka, nubande kwiikisha kihindji, mwanda kubadi akufiki bebungi, bakwete kufika na kwenda, biabia ta mbamone mwinyi sunga mwa kudila. Abakābukile m’bwato ba na mwinyi mpaa na mu kabāka. Bibumbu bibebamwene bakwete kwenda, bebungi abamushingulwile biya, be mbibalo bioso tabakama mbilo ya hashi, abebabadidile kufika kumpala, abekongyele kwadi. Yesu hakutuka m’bwato bamwene kibumbu kikata kia bantu, bebamwenene lusa, mwanda babadi bu mikoko yishī na katshunga; babangile kwibalambukisha myanda yi bungi. Habadi nguba takyebe kutwela, bana be ba bukishi abafikile kwadi, tabamwamba’shi: Muno nyi mu kabāka na binobino nguba bende. Bakatushe, bēnde ku mahia efunye hanoa, na mu bibalo, bakaule ba na mwinye bidibwa, mwanda ta be n’abia kudia. Bebālulwile’shi: Anwe ebahei biakudia, abamwambile’shi: Atwende mu kuula bidibwa ku nfalanga nkama yibidi bia kwibaha su? E bebehwishe’shi: Nwi na mitanda ya mikate yinga? ndai nukatale; Habashingulwile abambile’shi: Ngitano, na mishiha yibidi. E bebambile’shi, ebashadikei boso hashi ha lubishi, batala habo batala habo. Henyihaha abashālele hashi kwi kimo kifunda lukama, kwi kimo kifunda ki makumi atano. E habātshile yinyi mitanda yitano na mishiha yibidi, babandulukile meso e mwiilu, batumbwile Efile-Mukulu, batshomwene mitanda, beihele bana be ba bukishi kwibatambika; na yinyi mishiha yibidi abeiabile boso. Boso bwabo abadile, bēkuta. Abātshile bisele biule ndaa bia bifingifingi, na bia mishiha. Benyi (bantu) abadile babadi su mbu binunu bitano bia balume. Kahindji n’āka bakamikile bana be ba bukishi kwiikila m’bwato, babadile adi’eshia ku Beseda, e namu ashāle mu kuhalakasha kibumbu. Habahwile kwibahalakasha, E bakamine mu ngulu mu kuteka (Efile-Mukulu). Habafikile kiolwa, bwato tabubadi munkatshi mwishiba, n’E badi buhenka bwe ku mahia. E bebamwene bakwete kutuhuta na kwīta, mwanda wa luhahi lubadi alwibaalusha: na habadi kilo kia ha matombele E bayile kwabadi, afwashinanga ha nundu ha mema, badi akwibakidi. Anka habamumwene afwashinanga ha nundu ha mema, tabatentekyesha’shi: Tubamono mukishe, tabeokakena. Mwanda boso bwabo abamumwene, abasushile, na binobino bebākwile’shi: Nyishai mashimb’ēnu, nami ū, tanutshinanga moo. E bēkile m’bwato mwabadi, luhahi namu lubafukamine; abo abakambile kukanya munda mwabo na lukanyo. Mwanda ta banangwile binangu mubadi mukitshinwe (kinyi kilengileshi) kia mitanda ya mukate, mwanda mashimb’abo abadi akome hoo. Habābukile adi’eshia, abafikile ku mahia a Ngenesaleta, abakungile bwato. Habatukile m’bwato, kahindji n’āka bantu abamushingulwile’shi, (Nyi Yesu). Abakamine lubilo ku mpese yoso, abasemwine basha kubofula kwa mbidi ha bitala kwinyi kwabamwifwakene’shi, nyi kwadi. Mu bibalo bioso bibatwelanga, mu bihela sunga mu bituka, sunga ’mafuba, babadi abatula basha kubofula kwa mbidi mu misee ya bisalwe; abadi amusendela’shi, bibuwa abakume, sunga ku mulomo wa mutwelo w’e, baba babadi abamukumu abahwishibwa. Henyihaha BaFadiseo, na bamo ba bafundji ba mikanda babafwile ku Yelusalema abekongyele kwadi. Habamwene bamo ba bana be ba bukishi bakwete kudia mikate na māsa ashī eoshwe, bebabwele n’abo. Mwanda baFadiseo na baYudea boso, su ta mbeoshe biya ku māsa, ta bakudia, mwanda wa kulama lungalunga lwa bakulu. Na hakwaluka ku kisalwe, su ta mbeoshe ta bakudia; babadi namu na bingi bihikwa bi bungi bibatambwilwe kulama, na bia kusula makoho na ngesu, na bihulu bibakitshinwe na bilonda bia munyinga, na bia kusula mambata. Henyihaha baFadiseo na Bafundji ba mikanda abamwihwishe’shi: A nkinyi bana bobe ba bukishi tabe mu bihikwa bia lungalunga lwa bakulu, anka bakwete kudia na māsa ashī eoshwe. E bebālulwile’shi: Mbinyi Eseasa benutemukile’nwe bansesa bu bibafundjilwe’shi: Aba bantu mbanemekye ku milomo, anka mashimb’abo e kula n’ami. Tala, abandangwila bisumanga, abalambukisha bantu lulambukisho lwa milangilo ya bantu. Mwanda anulekye milangilo y’Efile-Mukulu, anulamata ku lungalunga lwa bantu mu kusula kwa ngesu na makoho, na bingi bintu biabia namu bianukitā. E bebambile’shi: Nyi binyibinyi bianuhele mulangilo w’Efile-Mukulu eshi, tulame lungalunga lwetu. Mwanda Mosesa bakwile’shi: Nemeka shobe na nyin’obe; awa akaa nshye, sunga nyin’e, āfwe lwinyi lufu. Ank’anwe’shi: Su muntu āmba shye su nyin’e eshi; kintu kibotshile ki Kobana, kuhatula nkwamba’shi, Nkintu kia buntu bw’Efile-Mukulu. Henyihaha ta nukuminanga e kukwashia shye sunga nyin’e, su nkinyi su nkinyi. Nyi henyi hanwalulwila mwanda w’Efile-Mukulu, taudi bu bisumanga ha mwanda wa lungalunga lwenu lwanwibatumbishe, na bingi bikitshino bi biabia. (Yesu) habetamine kibumbu kioso kwifubula kwadi, bebalungwile’shi: Hushai kwandji’mi anwe boso, nushingule binangu. Ta kwi kintu ki hasha ha muntu akitwele munda mwe akiuku kumulwisha; anka biabia abituku munda, nyi biobio abilwishā muntu. Su muntu e na matwi a kuhusha, ahushe. Binyibiabia habalekyele kibumbu kia bantu ku kibelo, batwelele mu nshibo, bana be ba bukishi abamwihwishe mwanda w’alwa lukindji. E bebehwishe’shi: Anwe namu ta nwi na binangu, ta nushingula kioso kintu ki hasha akitwele mu muntu, kiakia ta kiuku kumulwisha, a-a? Mwanda ta kiiya mwishimba, anka akienda mwifu, mpaa na ku nkumba, (Nyi muyile yino myanda kuhatula’shi) ku biakudia bioso bi selelee. E bambile’shi: Akituku munda mwa muntu, nyi akimulwisha. Mwanda ku munda, mu mashimba a bantu amutukā binangu bi bubi, na mabasa, na makyebanokyebano, na matombo, na bwifi, na meso-a-tone, nabubi, na ndjindji, na mudioholo w’eshimba dia bubi, n’eiso dibi, na kusabūla, na kwinemeka, na butesha. Yaya myanda yibi yoso ayitukā munda, ayilwisha muntu. Henyihaha bakatukile kwanka, bayile ku mpese ya Tyla na Shidona, batwelele mu nshibo, ta mukyebe muntu, sunga ngumune kwiuka, anka ta mumone mwa kufwamina. Mwanda kubadi mwana mukashi, mwan’e badi na kikudi ki butete bamuhushishe, bafikile, bahonene ku ngwa y’e. Winyi mwana mukashi badi mwina Ngidiki, a kwiilo dia Sailofenishya. Bamusendelele’shi, Ambingile mukishi munda mwa mwan’ande. Anka Yesu bamwambile’shi, Bana babande kwīkuta kwibedi, mwanda ta mbilombana kuata biakudia bia bana na kuela mbwa. E bamwalulwile’shi, Uolo yaiya Nfumwami, anka mbwa su yi mūshi mwa mesa aīdi bifingifingi bia bana. E bamulungwile’shi: Ha mwanda mwa bino bishima biobi eyile shobe, mukishi ubahu kutuka mwan’obe. Biabia habafikile mu nshibo y’e basānene mwana ha lusala, na mukishi tautukile. Dimo’nyi, hakutuka ku mpese ya Tyla na Shidona bafikile kwīshiba dia Ngadilea, bakile munkatshi mwa mpese ya Dekahodise. Babafishishe kwadi muntu sha kwitwi, n’eūkuta namu, abamusendelele’shi, amutentekye maboko. Yesu bayile n’e ku bukunkula kwa kibumbu, bamwelele minwe mwitwi, bafidile mata, bamukumine kwidimi. E batadile mwiīlu beikishe muwa, bamwambile’shi, Ehafata. Nyi nkwamba’shi; mwikale mushikukye. Kahindji n’āka matwi e abashikukile, na koshi k’edimi die kabatshibikile, badi takula bibuwa. E bebakamikile’shi, Ta nulungulanga muntu, sunga ngumune; anka habakambile kwibakamika, abo abakambil’eshimba dia kuhalakasha nkumo. Abakambile kukanya bikata’ shi; Bakitshi myanda yoso bibuwa, E ahwishā basha kitwi, tabahushā, n’abe kamama tabākulā. Mu aa mafuku namu, kibumbu kia bantu biakibadi kikale kikata ki moo, babadi bashī na biakudia: Henyihaha Yesu baitanyine kwadi bana be ba bukishi, bebalungwile’shi: Nyi na bano bantu lusa, mwanda’bo babashala n’ami binobino mafuku asatu, tabe na bidibwa bia kudia. Su nebahalakasha na nsala, abo kwenda kwabo, abakakoko mwishinda, mwanda bangi mbafikye kula. Bana be ba bukishi abamwihwishe’shi; Muntu euku kwikutshisha bano bantu mu kabāka kwi kunyi? E bebehwishe’shi: A nwi na mitanda ya mikate yingi? Abamwalulwile’shi: Nyi musambobidi. E balungwile kibumbu kia bantu’shi: Bashale hashi; bātshile mitanda ya mikate musambobidi, batumbwile Efile-Mukulu, beitshimwine, beihele bana be ba bukishi’eshi; Kebatudilei, biabia abeitudile bantu. Babadi’nyi na kasasa ka tushiha, biabia hakutumbwile n’ato, bebambile’shi: Kebahei na twinyi tuno. Biabia babadile, abaikwite. Abātshile bisele musambobidi bia bifingifingi bibashele. Beyi babadile babadi su mbinunu binanka, n’E bebahalakeshe. Henyihaha bekile mbwato na benyi bana be ba bukishi, bafikile mu mpese ya Ndalamanuta. Bafadiseo babatukile kwadi, ababangile kumwihusha mwanda’shi: Etuleshe kitundwilo kia mwiīlu, anka nyi nkumutompa. E beikishe muwa bikata mwishimba die, bambile’shi: Ba mu kino kihindji abakyebela kitundwilo mwanda kinyi? Binyibinyi nenuamba’shi: Takwi kitundwilo akikahebwa kwi ba kino kihindji, ooo. E bebalekyele, bakekile m’bwato dimo’nyi bayile adi’eshia. Bana be ba bukishi abailwa kutwala (n’abo) ya bidibwa, m’bwato namu tamubadi mukile mutanda umune wa mukate. E bebakamikile’shi: Dimukai, nwikale badimukye ku kitatusho kia Bafadiseo na kinyi kia Heloda. Baba, tabahatakasha munkatshi mwabo’shi: Nyi mpa mwanda ta twi na mikate. Yesu habeushingulwile bebālulwile’shi: Mwanda ta nwi na mitanda ya mukate, a nkinyi kianuāmbishena ’nyi, ta nunangushena sunga kushingula, nukī na mashimb’enu e bukoho’nyi? A meso anwe n’ao ta numonā, a matwi namu anwe n’ao, ta nuhushā, ta nutentekyesha’nyi? Hanatshimwine mitanda yitano munkatshi mwa binunu bitano, ā bungi bwa bisele bibaule na bifingifingi bianubātshile mbinga? Abamwalulwile’shi: Nyi ekumi na bibidi. A ha mitanda musambobidi namu ku binunu binanka, a mbisele binga bia bifingifingi bianubātshile? Abamwalulwile’shi; Nyi musambobidi. E bebehwishe’shi: A nkinyi ta nushingula? Bafikile ku Betaseda. Abafikile kwadi na muntu mpofu, abamusendelele’shi; bamukume. Henyihaha bakwete mpofu ku mboko, bamukunkwishe ku bukunkula kwa kibalo; habamufidile mata ’meso na kumutenteka maboko, bamwihwishe’shi: Omono kintu su? N’e babandulukile’shi: Namono bantu bēfwane mitshi bakwete kutambuka. Kumongo, bamutentekyele maboko ku meso e dimo, bamutadishe mwiīlu, (mpofu) bahwishibwe, badi tamono bantu boso anka bibuwa. (Yesu) bamutakwile ku nshibo ye eshi: Totwelanga mu kibalo, sunga nkulungula umune mu kibalo. Henyihaha Yesu na bana be ba bukishi babakatukile, abayile mu bibalo bia Kesalea Fidihai; mwishinda behwishe bana be ba bukishi’shi: A bantu abanamba’shi; Nanyi? Abamwalulwile’shi: Bangi abakwete kwamba’shi: E nyi Yoano Mubatshishi, bangi’shi: E nyi Elaidja, bamo nyi’shi: E nga batemuki. E bebehwishe’shi: Anka anwe anutemuna bu’nyi? Petelo bamwalulwile’shi: Obe we Kidisitu mwinyi. E bebakamikile’shi: Tanundungwilanga muntu. Binyibiabia babangile kwibalambukisha’shi: Mwan’a muntu ngwa kumweshibwa malwa e bungi, na kuhedibwa kwi bakulu, na kwi batshiite-bakwidi bakata, na kwi bafundji ba mikanda, na kwīhayibwa; na hahakakidi mafuku asatu kusanguka dimo. E batubwidile bantu boso uno mwanda. Biabia Petelo bayilen’E ku bukunkula, babangile kumutosha. Anka habālulwile kutala bana be ba bukishi batosheshe Petelo’shi: Kile kumongo kwande, obe Satana, mwanda obe twe na kanya ka bintu bi’Efile-Mukulu, anka ku bia bantu. Yesu habetamine kibumbu kwadi, na bana be ba bukishi namu, bebambile’shi: Ese akyebe kundonda, ehele e na mwinyi, eboshe nkulusu ye, andonde. Mwanda ese akyebe kuhasha muwa we akeushimisha, ank’ese ashimisha muwa we, ha mwanda w’ande, na ha mwanda wa mukāndu wibuwa, nyi winyi akeuhasha. A muntu akasungula kinyi, su bāta bioso bia hano ha nsenga na kushimisha muwa we u na mwinyi? A biabia namu muntu e na kintu kinyi kia kushintushena mu kusungula muwa we dimo’nyi? Binyibiabia awa akamwena’mi būfu na ku bishima biande, mu kino kihindji kia basha mabasa na kia basodi ba myanda, biabia Mwan’a muntu namu akamufwila būfu ahakafiki mu ntumbo ya Shye na bamwikeilu bahatulukye selelee. (Yesu) bebalungwile’shi: Binyibinyi nenuamba’shi: Kwi bamo bemane hano ta bakamono lufu, mpaa n’ahabakamono bufumu bw’Efile-Mukulu abufiki na bukome. Habakile mafuku asamombo Yesu bātshile Petelo, na Yakoba, na Yoano, bebakunkwishe mu ngulu yibula, mwiīlu abo ba na mwinyi: E bālulukile kumpala kwabo. Bilamba bie bibahenyahenyanga anka soo bu mafulu a nsubanga; sunga ta kwi mutoshi hano ha nsenga teuku kwibitosha biabia. Henyihaha Elaidja na Mosesa abamwekyele kwabadi, babadi abākula na Yesu. Petelo balungwile Yesu eshi: A mwanana, hano mpetulombene kwikala, bibuwa tukite bitanda bisatu, kimune nkiobe, kingi kia Mosesa, kimo’nyi ki’Elaidja. Mwanda ta mwiukye kia kwakula, mwanda babadi na moo ukata. Kubafikile ekumbi dibebahutshile, n’eyi dibatukile mwikumbi’shi: Uno nyi mwan’ande mufudibwe kifulo, hushai eyi die. Kahindji n’āka habatadil’eku n’aku, tabamwene sunga ngumune, anka Yesu n’abo bana mwinyi, nyaa. Habadi abayiki ha ngulu E bebakamikile’shi: Ta nukalungulanga muntu myanda yanubamono, anka ahakasanguka Mwan’a Muntu ku lufu. N’abo abalamine uno mwanda munda mwabo, babadi abeihushena’shi: A kusanguka kwa mu lufu kwi na minyi? Abamwihwishe’shi: A Bafundji-ba-Mikanda a nkinyi kiabamba’shi: Elaidja akabadila kufika? E bebālulwile’shi: Binyibinyi Elaidja akabadila kufika, akalumbula bintu bioso bu bia bibadi kwibedi, na bu bibafundjilwe Mwan’a muntu’shi, akamono malwa e bungi na kubendwa. Ank’ami nenuamba’shi: Elaidja tabahwila kufika, tabahwile kumukita mwabakyebele, bu biabamufundjile. (Ku mongo) habafikile kwi bana be ba bukishi, bamwene kibumbu kikata kimane habadi, na Bafundji-ba-Mikanda abebehusha myanda. Na binobino kibumbu kioso, habamumwene abakanyine bikata, abakamine lubilo kwadi, abamwimwine. E behwishe Bafundji-ba-ikanda’shi: A nwibehushanga kinyi? Muntu a mu kibumbu bamwalulwile’shi: A Mulambukishi, nafisha kodi mwan’ande mulume, e na mukishi wa kamama. Koso kwaumuyisha aumwasākinya, aumutusha efulu ku kanwa, aumwisumisha meno, aumuhongolosha mbidi; nehushanga bana b’obe ba bukishi’shi, bamubingile kwanka, ank’abo abakutwa. E bamwalulwile’shi: A ee! anwe ba kihindji kishī na kukumina, a nankashala n’enu kihindji ki bula na minyi? aneshinena n’enu bihindji bi na minyi: mufwishei kwandji’mi. Abamufwishishe kwadi; habamumwene, kihindji n’āka mukishi bamusunyishe, na mwana bahonene kingadingadi na kwalasha n’efulu ku kanwa taa. (Yesu) behwishe nshe’shi: Uno mwanda ubafikile kwadi kihindji ki bula na minyi? Bamwalulwile’shi: Anka habadi ki mukinga. Na misusa yi bungi ubamwelanga mu kālo, na mu mema kumwiha; anka su obe euku kukita kintu etufwile lusa, etukwashye. Yesu bamulungwile’shi: Su euku kukumina, biabia myanda yoso kwi sha kukumina aiuku kukitshibwa. Kahindji n’āka shye mwana bēlele musase na kudila mpolo’shi, Mwanana, nakumina, nkwashye kushī-kukumina kwande. Habamwene Yesu kibumbu kikwete kwibuñena mbilo basashile mukishi wi ntanka’shi: Obe mukishi wa kamama na wa kitwi, nakukamika’shi: Tuka munda mwe, totwelanga mwanka dimo. Biabia (Mukishi) ubelele musase, ubamusunyīshe misusa yi bungi, ubamutukile, badi anka bu mufwe, biabia bangi’ shi bāfu. Anka Yesu bamukwete ku mboko, bamwimikile, baimene. Habatwelele mu nshibo, bana be ba bukishi babamwihwishe ku bukunkula’shi: A tukutshīlwe kumubingila na minyi? E bebālulwile’shi: Kino kihaso (kia mikishi) ta yibingwa bisumanga, anka ku luteko na kushila bidibwa. Abakatukile’ko, abakile munkatshi mwa Ngadileo, ta mukumine muntu kwiushingula. Mwanda badi alambukisha bana be ba bukishi, bebalungwile’shi: Mwan’a muntu talubulwa’masa a bantu, n’abo abakamwiha; habahu ku mwiha akasanguka h’efuku dia kasatu. Ank’abo tabashingulwile yaya mīsambo, babadina moo kumwihusha. Bafikile ku Kahanauma; mu nshibo mubadi badi ebehusha’shi: Kibadi kinyi kianubeleshenanga mpaka mwishinda? Anka’bo babauminyine nyaa, mwanda babadi abēleshena mpaka mwishinda’shi, a mukile mukwabo bukata nanyi? E bashalele, betamine b’ekumi na babidi, bebalungwile’shi: Su akukyebe muntu kukila ku mpala, ekale ku nyima kwa boso, na bu mufubi a boso. Bātshile mwana mukinga, bamwimikile munkatshi mwabo; habamwibosheshe ’maboko, e bebalungwile’shi: Awa’tambula mwana mukinga bi uno’bi mwishina diande, biabia antambul’ami: awa’ntambula, ta nami atambula, anka yawa bantumine. Yoano bamulungwile’shi: A mulambukishi, tubamwene umune badi abingi mikishi mwishina diobe, shī etulondo’twe; atwe tubamutosheshe, mwanda e te mu mulongo wetu. Anka Yesu bambile’shi: Ta numutoshanga, mwanda ta kwi muntu, sunga ngumune akakitshi kilengeleshi mwishina diande, euku kunyialulwila tampelesha lubilo. Awa ashī atuhela e n’etu. Mwanda aw’akenuha biakutoma, sung’ekoho dia mema mwishina diande, mwanda w’anwe nwi bena Kidisitu, nyi mbinyibinyi nenulungula’shi: E ta kakutwa bwedi bwe, sunga mpahelahela, ooo. Ank’awa akakokosha umune a mu bana bahela abankumine, akikemukile buwa efuto die’shi, su abamwanye ebwe dia bahela bukula mu nshinga ye, abakamwele namu mwishiba dia mema. Su mboko yobe ayikukokosha, biabia eitshibe, mwanda, kutwela ’muwa na kilema nyi kukila kodibe, su kuelwa mu Ngehena na māsa abidi mu kālo kashi keuku kushima. Nyi mwamwa kifinwa kiabo kishī akiuku kufwa, na kālo namu kashī akashima, ooo. Su ngwa yobe ayikukokosha, biabia eyitshibe, mwanda kutwela ’muwa na kilema nyi kukila kodibe, su kuelwa mu Ngehena na ngwa yobe yibidi mu kālo kashī keuku kushima. Nyi mwamwa kifinwa kiabo kishī akiuku kufwa, na kālo namu kashī akashima, ooo. Su eiso diobe namu adikukokosha, edikatusha, mwanda, kutwela mubufumu bw’Efile-Mukulu n’eiso dimune nyi kukila kodibe, su kuelwa mu kālo ka Ngehena na meso obe abidi. Nyi mwamwa kifinwa kiabo kishī akiuku kufwa, na kālo namu kashī akashima, ooo. Mwanda’nka hamune bintu mbishinwa mungwa, anka biabia namu bantu na kālo, na bitahwa bioso namu abikashina na mungwa. Mungwa wibuwa, anka su mungwa ubatukuluka aukatu na minyi? Nwikale na mungwa mu anwe bana bene, na kufukama namu muntu na muntu. Henyihaha Yesu bebwele kwanka, bafikile mu bukunkula bwa Yudea, ku di’eshiya dia Yodana; bibumbu bia bantu bibamukoñene kwadi, n’E bebalambukisha dimo, bu kibadi kihikwa kie. Biabia Bafadiseo babafikile kwadi, tabamwihwishe’shi: A nyi nkishila mulume kubinga mpian’e su? babadi abamutompa. E bebālulwile’shi: A Mosesa benushikile kinyi? Henyihaha’bo abo’shi: Mosesa betukuminyine mwanda wa kufunda mukanda wa kwihā kibambo, na kumubinga. Yesu bebālulwile’shi: Ha mwanda wa bukoho bwa mashimb’enu, nyi ubenufundjile uno mulangilo. Anka ku mbangilo koso kwa kuhanga, Efile-Mukulu bahangile mulume na mukashi. Nyi ha uno mwanda aukelekyela mwana mulume shye na nyin’e, na kulamata kwi mpian’e. Biabia bubidi bwabo abukekale bu mbidi umune, ta be bu bantu babidi dimo’nyibo, tambidi umune. Binyibiabia kiakia kibalamatshish’Elile-Mukulu, muntu ta kumanga kukilamuna. Mu nshibo namu, bana be ba bukishi babamwihwishe’dimo wawa mwanda. E bebalungwile’shi: Awa akubinga mpian’e, na kuata mungi, biabia basolo ebāsa. Su mukashi namu ahele mulume e, akebakibwa na mungi, biabia basolo ebāsa. Henyihaha babamufwisha bana bahela’shi, ebakume, anka bana be ba bukishi babadi abatosha babafwanga n’abo. Anka Yesu hakumona biabia badi mufitshilwe kwishimba, bebamba’shi: Kuminai bana bahela bafike kwandji’mi, ta nwibatoshanga, mwanda bufumu bw’Efile-Mukulu mbwabo. Mbinyibinyi nenwamba’shi: Awa shī akumina bufumu bw’Efile Mukulu hamune bu mwana uhela, ta katwele mwanka, sunga mpahelahela. E bebatwadile ’maboko e, bebatentekyele maboko, bebahele mwābi. Henyihaha habadi kwete kwenda mwishinda, muntu bakamine lubilo, bamukunamine hāshi, bamwihwishe’shi: Obe Mulambukishi Ebuwa, aki nkinyi kiandjia kukita mu kuhiana muwa wa ikala-ika? Yesu bamwambile’shi: A nkinyi kiontemuna ebuwa, ta kwi muntu ebuwa, anka umune, Efile-Mukulu, nyaa. Weuku milangilo y’Efile-Mukulu’shi; Tosolang’ebāsa, twihanga muntu, twibanga, todimbilanga mukwenu madimi, todimbanga mukwenu, nemeka shobe na nyin’obe. (Songwalume) bamulungwile’shi: A Mulambukishi, nakitshine yaya myanda yoso mpaa na hanadi bu mwana mukinga na binobino. Binyibiabia Yesu bamutadile nyaa, bamufudile kifūlo, bamulungwile’shi: Kubakushala’nka kimune, nda, okahane biodi n’abio bioso, okebihe balanda, biabia okamono buheta mwiilu, olukye, eboshe nkulusu, ondonde. Anka haba-hushishe yaya misambo boñamine, bakatukile, bayile n’eshimba difita; mwanda e badi mpeta mukata. Biabia Yesu habashokolweshe h’aba bantu meso, balungwile bana be ba bukishi’shi: Ha kutwela kwa baba na bintu bi bungi mu bufumu bw’Efile Mukulu, nyi mwanda wi bukoho. Bana be ba bukishi abakanyine yino misambo y’e. Anka Yesu bebālulwile dimonyi’shi: A bana, ki bukoho kwiba abakuluhila mu buheta kutwela ’mbufumu bw’Efile Mukulu. Kutwela kwa ngamedia mw’īso dia shindani nkukile bofulo shampeta kutwela ’mbufumu bw’Efile-Mukulu. Babakambile kukanya, babamwihwishe’shi: A biabia euku mwa dia kuhashibwa nanyi? Yesu bebashokolweshe (meso,) bambile’shi: Bantu ta beuku kukita uno mwanda, anka n’Efile-Mukulu myanda yoso ayiuku kukitshibwa. Henyihaha Petelo babangile kumulungula’shi: Tala, atwe tubalekyele bioso, tatukulondo. Yesu bebālulwile’shi: Mbinyibinyi nenwamba’shi; Ta kwi sunga ngumune abampele nshibo ye, sunga mbakwabo bana babo balume, sunga bana babo bakashi, sunga shye na nyin’e, sunga mpian’e na bana, sunga madimi, ha mwanda wande na ha mukāndu wibuwa w’Efile-Mukulu. Yawa takakutwa kumona hanka binobino bintu bi bu misusa lukama lwa mashibo, na lwa bakwabo balume, na lwa bakwabo bakashi, na lwa banyina, na lwa bana, na lukama lwa madimi, na kubingibwa namu; ahakafiki namu kiakia kihindji ki ku meso muwa wa kwikala-ika. Anka bebungi babadi kumpala, abakekala ba kumongo; na ba kumongo abakekala ba kumeso. Henyihaha babadi mwishinda adiende ku Yelusalema; Yesu badi mwibakile ku mpala; babakanyine bikata na ha kulonda bebakwatwa na moo. Biabia E hakubeboshe dimo kwadi b’ekumi na babidi, babangile kwibalungula myanda tayidi hehi kufika kwadi. Eshi; Hushei, tukwete kukamina ku Yelusalema, mwan’a muntu akafishwa ’māsa a batshiite-bakwidi bakata, na kwi bafuedji-ba-mikanda; Boba abakamuhīsha ku lufu, na kumufisha ku Banjentaila. Abakamusabula, na ku kuhila abakamukuhila, na ku mufila māta, abakamwihā; Ank’ahakafiki efuku dia kasatu akasanguka. Binyibiabia Yakoba na Yoano, bana ba Sebede, abefubwile kwi Yesu eshi, A Mulambukishi, atukyeb’obe kwitukitshina myanda yoso yatukutekye. E bebehwishe’shi: Anukyebe nenukitshine kinyi? Abo abamulungwile’shi: Bibuwa obe ku kumin’atwe kushāla n’obe mu ntumbo yobe, mungi ku mboko yobe yibalume, na mungi ku mboko yobe yibakashi. Anka Yesu bebalungwile ’shi: A ta nushingula kianutekye; anwiuku kutoma ekoho diantomo’mi? na kubatshishibwa na lubatshisho lwanbatshishwa n’alo’nyi? Abambile’shi: Atwiuku. Na Yesu bebalungwile’shi: Mbinyi, ekoho diantomo anukeditomo; na kubatshishwa kwambatshishwa anukabatshishibwa. Anka kushāia kwa ku mboko yibalume, mungi kumboko yibakashi, wawa ta mwanda wande kuha muntu, anka (kushola) biabia nkwāba bekulumbulwidibwe. Ankā’ba b’ekumi na babidi, habahushishe wawa mwanda, babakwaīshile Yakoba na Yoano nsungu ku mashimba’bo. Yesu bebetamine kwadi, bebalungwile’shi: Anwiuku’ shi, boba abasangudibwe kulumbula myanda ya Badjentaila abebalumbudile myanda mu matalwa. Anka’nwe, ta nwikalanga hamunenka biabia ooo; anka yaw’akyebe kwikala bu mukata munkatshi mwenu, ekale bu mufubi akwinufubila mifubo. Awa’nyi akyebe kwikala hanundu, ekale bu mpika ya boso. Mwanda Mwan’a muntu tamufikile kufubilwa mifubo na bantu ooo, anka E kwibafubila, na kwibaha muwa w’e tanki kulwa kia be bungi. Henyihaha babafikile mu Yediko; hakutuka mwanka na bana be ba bukishi, na bangi bantu be bungi, mwan’a Temayo n’eshina die bu Batemisa, mpofu, badi mushāle ku bukunkula kweshinda kwete kuteka bintu. Biabia habahushishe’shi, Yesu a mu Nasaleta badi kwanka, e babangile kwela musase bi bukoho’shi: A Yesu, mwan’a Dafida, onfwile lusa. Bangi namu abamutosheshe’shi: Umina nyaa; ank’e banyishishe kwitamina’shi: Obe mwan’a Dafida nfwile’mi lusa. Yesu bēmene, bebakamikile’shi, kamwate; abo namu abakātshile winyi mpofu, abamulungwile’shi: Nyish’eshimba diobe, E nkwete kukwitanyina. Henyihaha e basumbwile mutwelo w’e, bebwele lubilo, bafikile kwi Yesu. Yesu bamwihwishe’shi; Okyebe kinyi nkukitshine? Mpofu bamulungwile’shi: A mulambukishi nankyebe ’mone meso. Yesu bamulungwile’shi: Eyile shobe, kukumina k’obe kubakuhasha. Kahindji n’āka bamwene meso, badi talondo Yesu mwishinda. Henyihaha habefubwile hehi na ku Yelusalema ku Befajyi na Betane, ku ngulu ya Olefeta, E bebosheshe bana be ba bukishi, babidī’nka. Bebalungwile’shi: Ndai mu kibalo ki mbulushi mwa nutalamu; hanukatwele mwanka, anukahete mwan’a mpunda mushitshike shī atentaminwe na muntu sunga ngumune; numwangule, nufikye n’e. Su muntu akenwihusha’shi: A nkinyi kianukitshina biabia? Nukamulungule’shi: Nyi nfumwetu amukyebe, n’e kahindji n’āka akamutumu kuno. Henyihaha abebwele kwenda, abahetele mwan’a mpunda mushitshikwe hasha ’masanka, ku kibelo kwa nshibo; abamushitwile. Biabia bangi babadi bemane kwanka bebehwishe’shi: A nkinyi kianwangwila mwan’a mpunda? N’abo babebalungwile mu bebalungidile Yesu; babakuminyine’shi: Bibuwa eyilei. Henyihaha babafishishe mwan’a mpunda kwi Yesu, babamwadile mitwelo yabo ha mongo we, na Yesu batentamine hanka, Bantu be bungi badishe mitwelo yabo mwishinda, bamo namu batshomonanga mahuhwa a mitshi, bālanga mwishinda. Baba babadi abēnde ku mpala, na babadi abalondo kumongo kwe, babadi abasama’shi: Hosana! Elelee! Elelee! A mwabi kwi yawa kwete kufika mwishina dia Yehowa. Mwabi wa bufumu abufiki mwishina dia shetukulu Dafidi; Hosana! mpaa na mwiilu. Biabia Yesu batwelele mu Yelusalema, mpaa na mu ntempelo; habashokolweshe meso ku bioso bibadi mwanka, mwanda wa nguba tabadi muhone, E bakatukile mwanka, bayile ku Betane na b’ekumi na babidi Maloba habakatukile mu Betane badi na nsala. E habamwene mutshi wa kikūku kulaa wikale na mabishi, bafikile kwaudi’shi, Su ’mone bikuba hanka; habafikile kwaudi, basañene anka mabishi nyaa, mwanda wa kihindji kia bikūku ta kibadi kikumbane. Henyihaha Yesu bewambile’shi: Muntu ta kudia kikuba kiobe mpaa na kwikala-ika. Bana be ba bukishi na kuhusha abeuhushishe. Abafikile ku Yelusalema, Yesu batwelele mu ntempelo, babangile kubinga’ba babadi abahana na kusumba bintu mu ntempelo. Bahonesha hashi namu mesa a abeshintushenanga n’ao ’mono, na mankwasa a baba babadi abahana tonyi twa nkudimba. Ta bakuminanga muntu kukila na kintu mu ntempelo. N’E bebalambukishe’shi: A shī mufundjibwe’nyi, eshi; Nshibo yande ayikatemunwa’shi, nshibo ya milangwilo ya mīlo yoso? ank’anwe nubeialula bu muta wa bangifi. Bafundji ba mikanda na batshiitebakwidi bakata abahushishe (uno mwanda,) babadi tabakimbi mwa kumwihayila; babadi abamutshina, mwanda wa kibumbu kioso kia bantu kibadi akikanya ku lulambukisho lwe. Hakuhona ha nguba bakatukile mu kituka. Habadi abakidi mwishinda na mashika, babamwene wawa mutshi wa kikūku taumina’nka hoo mpaa na ku mīshi. Henyihaha Petelo kwete kutentekyesha bamulungwile’shi: A mwanana, tala kikūku kioele mūlwa, kibafumbu. Yesu bebalulwile’shi: Nwikale na kukumina kw’Efile-Mukulu. Mwanda binyibinyi nenwamba’shi: Muntu oso akāmba ngulu uno’shi, otentule, okēlwe mwishiba dia mema; e namu te na mialasheno kwishimba kwe, ank’e akakumina’shi, bioso bianyiakula abikamweka, biabia akamono’nka mubakwidile. Nyi ha mwanda uno nenulungula’shi: Bioso bianukyebe ha kuteka, kuminai’shi, tubahu kwibitambula, biabia anukebitambula. Hanwimana kwete kuteka (Efile-Mukulu) nulekyele muntu mwanda we su nwikale n’e kilumbu; biabia Shyenu e mwiīlu akenulekyela namu kusola kwa myanda kwenu. Anka su anwe ta nulekyela (bakwenu) myanda, anka biabia namu, Shyenu e mwiīlu ta kenulekyela kusola kwa myanda kwenu, ooo. Binyibiabia babālukile ku Yelusalema; habadi efunyu mu ntempelo batshiite-bakwidi bakata b’Efile-Mukulu na bafundji ba mikanda, na bakulu, babafikile kwadi E. Babamwihwishe’shi; Obe okitshi yino myanda na bukome kinyi? A bakuha buno bukome bwa kukitshina n’abu yino myanda nanyi? Yesu bebālulwile’shi: Ami namu nenwihushe eyi dimune; su anwiuku kungitaba, biabia ami namu nankenulungula mwikyele bukome bwande buno’ mwankitshina. A lubatshisho lwa Yoano ndwa kunyi? A ndwa kwiilu’nyi, ndwa ku bantu? Akulangai. Abo abanangushenene munda mwabo’shi: Su atwamba’shi, nyi ku mwiilu, biabia namu aketwalula’shi: Binyibiabia a nkinyi ta nwibamukumine? Anka su atwamba’shi, nyi ndwa bantu, babatshina bantu, mwanda bantu boso abakumine Yoano’shi, nyi mutemuki e Efile-Mukulu binyibinyi. Abalungwile Yesu’shi; Ta twiuku’twe, ooo. Na Yesu bebālulwile mwanda’shi: Ami namu ta nyi nulungula mwikyele bukome bwande mwankitshina n’abu myanda’mi, ooo. Henyihaha Yesu babangile kwi balungula myanda mu nkindji’shi: Kubadi muntu badjimin’efuba dia nfinyu mwifuba mwe, bemwelele luhoho lwa mitshi hanka, bahundwile na bwina bwa kukwengiela, bebakile nshibo yitentekieshene yibula, bedilekyele ’māsa a abadjimi, bayile namu ku lungi luhese lwi kulā. Binyibiabia habakumbene kihindji kia bikuba, e batumine mpik’e kwi balami, mu kuata bikuba bia nwifuba die kwi abadjimi. Anka baba babamukwete, babamukuhile, abamwalwishe minweminwe. Henyihaha batumine mungi muntu e kwabadi, baba mwashile mabwe, babamutanyine kabāla ka mutwe, babamukitshinyine bi bubi. Dimo’nyi batumine mungi, yaw’abamwihayile, batumine’nyi bangi be bungi, bangi namu babakuluhilanga, babehayilwe. Anka mwan’e kushala abatandjile, mwan’e mukuminyibwe na kifulo, bamutumine kwabadi kunfudilo, bambile’shi: Abakandemekyela mwan’ande. Anka badimi baba, babumbishenene’shi: Au nyi muhianyi, twende tukamwihei, biabia buhianyi abukekala bwetu. Biabia babamukwete, babamwihayile, babamusumbwile hasha h’efuba dia nfinyu. A binyibiabia yawa shē’fuba dia nfinyu akakitshi na minyi? Akafiki mu kulwisha baba badimi, akahe bangi efuba die dia nfinyu. A ta nwibatangye kino kifundjilwe kia mukanda w’Efile-Mukulu’shi; Ebwe dia’bahele kwi bebaki ba nshibo, diadia nyi adikālula tamutwe w’ehaka. Kinoki nyi kibakitshine Yehowa, na ku meso kwetu nyi mwanda wa kukanya? (Binyibiabia) babakyebele kumukwata, ankā’batshinyine moo kibumbu kibadi hanka; mwanda babeukile abo’shi, nyi kwītwe babele luno lukindji, henyihaha babamulekyele, babayile. Biabia babatumine kwadi bangi ba Bafadiseo, na ba bena Helode’shi, bakamutee kasele mu biakulwa bie. Abo habadi bafikile kwadi, abamulungwile’shi: A mulambukishi, atwiuku ’shi, biodi mbia binyibinyi, totentekyeshā binangu bia bantu, obe totalā mpala ya bantu, ooo, obe olambukisha bantu mwanda w’eshinda di’Efile-Mukulu mu biabinyibinyi; A nyi kishila’nyi mu kulambula Kaisa su? A tumulambule’nyi, ta tumuhanga? Anka E kwete kushingula bunsesa bwabo bebulungwile’shi: A nkinyi kianuntompele munda, bandai kumpa mpata nyītale. Abo abafwile n’ayo, n’E bebehwishe’shi: A kino kihwandjikisho nkia nanyi na mwanda ufundwe hanka’u? Abo abamwalulwile’shi: Mbia Kaisa. Henyihaha Yesu bebalungwile’shi: Nuhe Kaisa bintu bia Kaisa, nuhe Efile-Mukulu bintu bi’Efile-Mukulu. Biabia na kukanya abakanyine. Henyihaha Basadusea babafikile kwadi, baba bākulā’ shi: Kusanguka (kwa muntu ku lufu na muwa) ta kwi hanka, babamwihwishe’nyi’shi: A mulambukishi, Mosesa betufundjile’shi: Su mukwabo na muntu amono lufu, su alekye mpian’e nkunga shi na mwana, biabia mukwabo (amuyhane) āte mpian’e, amone mwadia kutandjile mukwabo lubio. Tala, kubadi balume musambobidi, efu dia’bo dimune’nka. Tutu-abo bebakile mukashi, e bafwīle shī mutande mwana. Henyihaha diakabidi bamuhyene, na kufwa bafwile namu, ta mulekye mwana; na mungi akasatu namu anka hamunenka. Anka biabia musambobidi w’abo woso babadi n’e, anka ta mbalekye mwana. Henyihaha kunfudilo mukashi namu bamwene lufu. A henyihaha namu ahakafiki kusanguka kwa bantu ku lufu, e akekale mukashi a nanyi? mwanda badi mpiane a boso musambobidi. Y’esu bebālulwile’shi: wawa nyi ha mwanda wanulubīla, mwanda nubakutwe kushingula bibafundjibwe, sunga mbukome bw’Efile-Mukulu? Mwanda ahakasanguka bantu ku lufu ta bakebakil’abo ooo, sunga nkwibakilwa; abakekal’anka hamunenka bu bamwikeilu be mwiīlu. Ha uno mwanda wa kusanguka bantu bafwe, ta nwi babale mu mukanda wa Mosesa mu kihindji ki’ebūla ha bamumwekyel’Efile-Mukulu, shi: Ami nyi Efile-Mukulu a Abalahama, nyi Efile-Mukulu a Isaka, n’Efile-Mukulu a Yakoba namu’nyi? E t’Efile-Mukulu a bafwe, ooo, anka E nyi Efile-Mukulu a abatala; anwe biabia nwibakambe kulamuka bikata bimoo. Henyihaha umune a Bafundji ba mikanda befubwile, na ha kuhusha biabadi abeihushena, na hakushingula Yesu bebetaba bibuwa, bamwihwishe’shi: A mulangilo kinyi ukile yoso bukata? Yesu bamwalulwile’shi: Ukata wa milangilo yoso nyi nguno’shi: Hush’obe Isalele, Yehowa Efile-Mukulu etu nyi Yehowa umunenka. Obe okafulu kifulo Yehowa Efile-Mukulu obe n’eshimba diobe dioso, na muwa w’obe w’oso, na binangu biobe bioso, na bukome bwobe bwoso; uno nyi mulangilo wa kumbangilo ukata. Mulangilo wa kabidi wi bino’shi: Okekala na kifulo na mukwenu bu biodi mwifule obe na mwinyi. Ta kwi ungi mulangilo ukile yino bukata, ooo. Mufundji a mukanda bamulungwile’shi: Ee, anka biabia mulambukishi, nyi binyibinyi bioakula’shi, kwi ank’Efile-Mukulu umun’enka; ta kwi mungi, nyi ank’E nyaa. Na kumufula kifulo n’eshimba dioso, na binangu bioso, na muwa woso, na bukome bwoso, na kufula mukwenu hamune biodi mwifule obe na mwinyi; biabia mbikile milambu yoso yekyelwe na Bitahwa. Habeukile Yesu’shi, E betab’eyi di kalolo, bamulungwile’shi: Obe twe kulā na bufumu bw’Efile-Mukulū’be. Habahwile wawa mwanda ta kubadi muntu’nyi badi na kisukusuku kia kumwihusha mwanda’nyi. Biabia Yesu habadi alambukisha mu ntempelo y’Efile Mukulu bebehwishe’shi: A nkinyi Bafundji ba mikanda kiabakwila’shi: Kidisitu nyi mwan’a Dafida? Mwanda Dafida na mwinyi bakwile mu Kikudi-E-Selelee’shi, Yehowa balungwile Nfumwami eshi: Shāla ku mboko yande yibalume mpaa na hankatulu be n’obe luhuna mūshi mwa ngwa y’obe. Binyibiabia Dafida na mwinyi bamutemunanga’shi; Nfumwami; a biabia E mwan’e na minyi? Henyihaha kibumbu kikata kia bantu bisumanga kibamuhushishe na kusangala. Biabia mu lulambukisho lwe E bebalungwile’shi: Dimukai Bafundji ba mikanda, baba abasehela kukindakana bafwale mitwelo yīla, na kusehela kwimunwa mu bisalwe. Na mankwasa akata a kumpala e mu bitumbwilo, na ha bidibwa bikata namu abakyeb’anka ha mankwasa akata. Baba namu abanyengā bintu bia mashibo a bakashī bafwilwe, bioso mpaa; na kuteka nteko kwEfile-Mukulu kihindji ki bula anka mwanda wa busesa bwabo. Abo, kuhīshwa kwabo akukakidi bukata. Henyihaha Yesu bashālele kwinyi ku kilambwilo, badi amono bantu kwete kwela mfalanga mwanka; bebungi babadi bampeta babelele mpata yi bungi. Henyihaha kubafikile mukashi mufwilwe, mulanda, belele mwanka makuta e bu mansenke abidi. Yesu baitamine bana be ba bukishi, bebalungwile’shi: Binyibinyi nenwamba’shi, Bintu bibēle uno mukashi mufwilwe mulanda, nyi mbikile abiele bakwabo boso abēle mu kilambwilo. Mwand’aba boso babalambulanga mwanka mulombene bibungi bwabo; ank’awa shī n’abio batudile mwanka tw’etoso tubadi n’ato, bintu bie bioso bia kudia bi na bene. Henyihaha (Yesu) habatukile mu ntempelo, mungi mwan’e a bukishi bamulungwile’shi: A mulambukishi, banda kutala mwikele ano mabwe (e kuno,) aaa! na mwa aibakibwe. Yesu bamwalulwile’shi: Omono ano mashibo akata su? ta kukashala ebwe ditentekwe hanundu ha dingi dishī adikatelemunwa hashi, ooo. Habadi mushale’nyi ha ngulu ya Olefeta mbulambula na ntempelo, Petelo, na Yakoba, na Yoano, n’Andeleo, baba mwihwishe ku bukunkula’shi: Banda kwitulungula mwanda, yino myanda aikafikī efuku kinyi? A kitundwilo kinyi kia kihwa kiabikafiki? Henyihaha Yesu bālulwile na kwibalungula’shi: Dimukai, tala muntu akenulubisha. Mwanda bebungi abakafiki mwishina diande na kwamba’shi: Ami nyi E, abakalubisha bebungi. A hanukahusha myanda ya ngoshi na nkumo yangoshi, tanukasusanga ’mashimb’enu, mwanda yinomyanda ayikafiki, anka kunfudilo kushī mubandjia kwikala. Mwanda ungi mwīlo aukatuku ungi mwīlo, na bungi bufumu abukatuku bungi bufumu, nsenga namu ayikatenkatenka mu bihindji bikwabo, na bihuha bia nsala abikamweka na malwa, abio bioso nyi bia kumbangilo bia bishiotshi bimoo. Anka dimukai anwe bana bene, mwanda abakenufishe mu bīmu bia basushi, anukakuhilwa mu bitumbwilo, abakenufishe namu ku meso kwa batontshi, na ku meso kwa bafumu ha mwanda wande, na kwikala bu kitundwilo ku meso kwabo. Anka mukāndu-wi-buwa (w’Efile-Mukulu) abakalungula milo yoso kwibedi. Biabia habakenufisha (mu kimu) ta nukambanga kwalashena’shi, atukesamba kinyi? sunga kunangushena mwanda kwibedi: ank’akio kioso akikenuhebwa mu nguba wawa, ank’akio anukākula; mwanda ta nanwe abakākula, ooo, nyi Kikudi-E-Selelee. Tala, mukwabo na muntu akafishe mukwabo ku lufu, na shya mwana ku mwana anka hamunenka; bana namu abakatombokyele bashyabo na banyin’abo, na kwibehashe. Bantu boso namu abakenushikwa ha mwanda w’eshina diande, anka yawa akashimata hoo, mpaa na kunfudilo biabi’akahashibwa. Anka hanukamono kihatakene kia musalu wa bisumanga, kibabakwilwe kwi Danyele mutemuki, nkimane mu kihindji ki kishila mu ntempelo (E abala mwanda eu ashingule), binyibiabia baba be mu Yudea abasukile ku mangulu. Henyihaha (mimtu) e ku musaka wa nshibo ta kaiki’shi, nkatwele mu nshibo, nkatushe kintu ki mwanka, ooo. Yawa namu e mwifuba ta kāluka’shi, nkate mutwelo wande. Aa leka! malw’abo aba basha mayimi, na kwi basha kōmesha bana mu aa mafuku. Nuteke Efile-Mukulu’shi, kukama lubilo kwenu ta kukekalanga mu hamashika. Mwanda mu aa mafuku amukekala malwa akata akutwe sunga kuhwandjikila n’angi namu, kubanga ku mbangilo yibahangil’Efile-Mukulu, kufisha mpaa na lelo, sunga nkumpala kwinyi. Su Efile-Mukulu ta muheleshe aa mafuku, kushī muntu’mune akuhanda, anka ha mwanda wa bantu be babasangudibwe, E baheleshe’nyi mafuku aa. Biabia su muntu enwamba’shi; Talai’u nyi Kidisitu, sunga’shi: Talai ngiawa ekwaa! Ta numukuminanga, ooo. Mwanda kukabukanga bakidisitu ba madimi, na batemuki ba madimi, abakalesha bitundwilo na myanda ya kukanya, ha mwanda wa kubemba benyi bantu abasangulwe kw’Efile-Mukulu, su babadi akwiuku kukitshina biabia. Anka dimukai anwe; Talangai tampwile kwinulungula myanda yoso kwibedi. Anka mu aa mafuku, kiakia kia malwā’kata hakibakidi, nguba aikakekala mufito, na mweshi taukatoko. Na nyenyenyi ya mwiilu ayikahono hashi, na biabukome bia mwiilu abikatshinkatshinka. Kumongo abakamono Mwan’a muntu kwete kufika ’makumbi na bukome bukata na ntumbo. Henyihaha E akatumu bamwikeilu be, akakongo basangudibwe be ba ku mpese yoso yinanka ya luhahi, na ku kunfudilo kwa nsenga, mpaa na kunfudilo kw’eilu. Talai, ambule’nyi lukindji luno’lu lwa kikuku. Hanumono lutabi lwao lukī lubishī, talutusha namu mabishi, nyi hanushingulwila’shi, hampeshi tadi hehi. Anka biabia anwe namu, hanukamono yino myanda yoso hayikafiki, nyi hanukashingula’shi, tadi hehi, anka ku kibelo. Mbinyibinyi nenwamba’shi: Bantu ba kino kihungilo ta bakakidi, sunga mpahelahela, mpaa n’ahakakumbana yino myanda yoso. Eilu na nsenga abikashimina, anka myanda yande tayikashimina, sunga mpahelahela. Anka mwa diadi’efuku su nguba kinyi ta kwi muntu ebiuku, ooo, na bamwikeilu ba mwiilu benyi, sunga E winyi Mwana, ooo, anka Shye nyaa. Dimukai, nwikalei na kutengyela na luteko namu, mwandā’nwe ta nwiuku ahakafiki kiakia kihindji. Mwanda eu nyi bu muntu mwende ku angi mahia kula, balekye nshibo ye, bahele bahika ba matalwa, bebābile’nyi mifubo kila w’e, kila w’e, balayile nsentedi aha kibelo’shi: ontengyele. Binyibiabia nwikalei na kutengyela, mwanda tanwiuku hakafiki sha nshibo, su nkiolwa su munkatshi a bilo, su h’etombol’ebedi, su mpa lutokyela. Biafiki lubilo (biabia) tenusangananga balale mu tulo. Anka bino binenulungul’anwe, nebilungula mpaa kwi boso’shi; Nutengyelai. Hakubakile mafuku abidi bidibwa (bikata) bia Paque na bia mukate ushī na kitatusho bibafikile; batshiite-bakwidi bakata na bafundji ba mikanda, bakyebele mwa kumukwatshila na bulamalama’shi, tumwihe. Anka babākwile’shi: Kushī h’efuku dia bidibwa bikata (bia Hashika) ooo, tala akukekala eunga dia bantu kwanka. Na mwinyi biabadi mwikale mu Betane mu nshibo ya Shimona mwina kifwī; habadi mushāle ku bidibwa, kubafikile mwana mukashi na mulangi w’e w’ebwe ditoka soo, wa mwimu wa malashi, aneme akalabale; batanyine mulangi, bamututumwinyine mwimu ku mutwe w’e. Anka bangi babadi na nsungu ’mashimb’abo, abamba ’shi: A mpa mwanda wa kinyi okwete kulwisha bisumanga mwimu? Su kubadi akuhana (mwimu wa malashi) ku mulo ukile nfalanga bu nkama yisatu ya ndenadi mu kuha balanda, biabia babamununwine. Yesu bamba’shi; Mulekyei, a numuhatakyesha kinyi? e bankitshina’mi bibuwa. Mwanda nwi na balanda munkatshi mwenu mafuku oso; anwiuku kwibakitshina bibuwa kihindji kioso kianukyebe, ank’ami ta nwi n’ami ikala-ika, ooo. E bakitshi bu biadi mushingule kukita; babadile kala kufika mu kumpongwela malashi ku mbidi yande habashīanshikile. Nyi binyibinyi binenulungula’shi, Ku mpese yoso ayilungulwa myanda yamukāndu-wibuwa, abakākula namu uno mwanda ubakitshi umo mwana mukashi; aukekala bu kitentekyesho kie. Henyihaha Yudasa Isakadiota, umune akubatumibw’ekumi na babidi, bayile kwi batshiite-bakwidi bakata’shi, nkyebe nenusokwele Yesu. N’abo habahushishe wawa mwanda, mashimb’abo abasehele anka soo; abamulayile namu’shi: Atukakuha mono, henyihaha bakimbile hadia kumusokwela. Habafikil’efuku dia kwibedi dia mukate ushī na kitatusho diabehayile bana mikoko ya Paque, bana be ba bukishi babamwihwishe’shi, Okyebe twende tukakulumbulwile hodia kudila Paque kwi kunyi? E batumine bana be ba bukishi babidi, bebalungwile shi, ndai mu kibalo, anukafumankane mwanka na mulume kwete kutwala ebuka dia mema: numulondei. Mwinyi mwakatwele mwamwa, biabia nukehushe sha nshibo’shi; Mufundishi ehusha’shi: A nshibo ya benyi yi kwi kunyi yandjia nkadila Paque na bana bande ba bukishi? Biabia E akenulesha nshibo yikata ya kwiīlu yihwe kulumbula bintu bioso, anwe namu nuketulumbuiwile mwanka. Henyihaha bana be ba bukishi habayile, babafikile mu kibalo, babahetele mubebambile, biabia babalumbulwile Paque. Biabia Yesu na b’ekumi na babidi namu, babafikile, nguba tadi kiolwa. Habashalele ku bidibwa Yesu bambile’shi: Binyibinyi nenulungula’shi: Kwi umune w’anwe kwete kudia n’ami akansokola (ku bangi bantu). Henyihaha mashimb’abo ababangile kufita, babamwihwishe ku muntu ku muntu’shi: A n’ami su? mungi namu’shi, A n’ami’ngi? N’e bebālulwile’shi: Nyi ngumune a mwikume na babidi atukasabika n’e mwilonga hamune. Mwan’a muntu ēnde bu mwabafundjile, anka nyi muloa aukafiki kwi winyi akasokola Mwan’a muntu; bibuwa su e tekalanga shī mutandjibwe (hano ha nsenga). Habadi bakwete kudia, Yesu bātshile mutanda wa mukate, batumbwil’Elile-Mukulu, beutshimwine, bebahele’ shi: Atai, nudie, yino nyi mbidi yande. Bebosheshi’nyi ekoho namu, batumbwile dianka, bebahele namu, babatomene (babelekyeshenene boso). Biabia bebalungwile’shi: Ano nyi mase ande a mu kilombeno kihia, akasumbukila be bungi. Binyibinyi nenwamba’shi: Ta ntomo’nyi ku bikuba bia nfinyo, mpaa na ku di’efuku hankatomo nfinyo yihia ’mbufumu bw’Efile-Mukulu. Henyihaha habahwile kuyimba lono abayile ku ngulu ya Olefeta. Na Yesu bebalungwile’shi: Anwe boso anukakokoshwa ha mwanda wande buno bufuku, mu kibafundjilwe’shi: Nankataha katshunga ka mikoko, mikoko namu ayikahalakana. Anka hankasanguka ku lufu, nankenubadila ku Ngadilea. Petelo bamulungwile’shi: Sunga boso abakakukolwa, ami ta nkakukolwa, ooo. Yesu bamulungwile’shi: Nyi binyibinyi nankwamba’shi, Anka buuo bufuku bwa lelo uno nsolo (etombole) ayikashī yisamine misusa yibidi kwibedi obe okampele diakasatu. Nyi henyi habanyisheshi bi bukoho’shi: sunga biabia nadia kufwa anka n’obe, ami ta nkakutunu, ooo, sunga nkahelehela. Abo boso bakwile namu anka hamunenka Binyibiabia baBafikile ku kihindji kibatemunwa’shi, bu-Ngetesemane, n’E bambile bana be ba bukishi’shi: Bande kushalai hano binankatekyele Efile-Mukulu. Hakwenda, bātshile Petelo na Yakoba na Yoano, biabia babangile kukanya bikata, n’eshimba dibamunen’anka fututu. E bebalungwile’shi: Eshimba diande dibakamba kunfita tandufu luno; shalai hano nuntengyele. Biabia bayile kumpala kihindji, bahone hashi, tatekyele Efile-Mukulu’shi: su nkihwandjikile biabia, yino nsā yinkile’nge. Bakwile namu’shi: Abe Yaiya, bintu bioso mbilombene kodi, katushe dino ekoho kwandji’mi, anka kishī mu nkyebe’mi mwinyi, anka mukyebele obe na mwinyi. Bālukile, bebahetele mu tulo, behwishe Petelo’shi: Obe Shimona biosobi we mulale mu tulo, bokutwa kutengyela sunga nsa yimune su? Biabia binobino nwikalai na kutengyela na kuteka Efile-Mukulu, tala nwakatompibwa; nyi binyibinyi eshimba adikyebe, anka mbidi ngibofule. Bakatukile dimo’nyi, batekyel’Efile Mukulu, bākwile’nyi bishima anka hamunenka. Henyihaha habāluldle’nyi, bebahetele’nyi mu tulo dimo, (mwanda meso abo abadi ebanemene na tulo), ta bamwene namu mwa kumwalulwil’abo. Bafikile mususa wa kasatu, bebalungwile’shi: Binobino lalangai nwiosole: kubahu, nsa yibakumbana; talai, Mwan’a muntu ngiu tafishwa ’masa a bantu babi. Bukai, twende; talai, akunsokola ku bangi (bantu) tadi hehi. Kahindji n’āka, hakiakula, Yudasa a mwikumi na babidi, bafikile na kibumbu kikata, abatwale mpete na tubongye; abatukile kwi bakulu, batshiite-bakwidi bakata, na ku bafundji ba mikanda na ku bakulu. Winyi mufishi a Yesu ku bangi bantu badi bebahele kitundwilo’shi: yawa anuka’mono mwimuna ku kanwa nyi E na mwinyi; numukwate, mwendeshe biya biya. Habafikile, kahindji n’āka bayile kwi Yesu lubilo, bamwambile’shi: A mulambukishi, mulambukishi, bamwimwine ku kanwa. N’abo abamukwete, abayile n’E. Binyibiabia umune a baba babadi bemane hehi n’E, basomwene luhete (lwa ngoshi) betahile n’alo mpika a tshiite mwakwidi mukata, bamutshibil’etwi. Yesu bebehwishe’shi: A kianubafwila na mpete na tubongye mu kunkwata, hamunenk’ami ngifi a nkinyi? Nadi n’enu mu ntempelo kwifuku kwifuku kwete kulambukisha, nubankwatanga su? Anka nyi mpa mwanda wa kukumbasha bibafundjibwe mu Mukanda w’Efile-Mukulu. Henyihaha boso babasukile, bamuleka (buhenka bwe). Mungi nsongwalume bamulondele, mwi ku mbidi’shi, kilamba kia linene mu kifuka badi mbidi muswa; (bangi) basongwalume namu babamukwete. N’e bebalekyele kinyi kilamba kie kia linene ku maboko abo, bafutumukile muswa. Biabia babēndeshe Yesu kwi mukwidi-tshiite mukata, e ha nundu ha bene; kubadi bakoñene n’e batshiite-bakwidi boso, na bakulu na bafundji ba-mikanda. Petelo namu badi kwete kumulonda kumongo kula, bikyebikye, mpaa na mu luhoho lwa tshiite-muakwidi mukata e ku nundu a benē yawa, bashalele na batuhita, ku mwididi wa kālo tadi w’oto. Biabia batshiite-bakwidi bakata na ba ha kimu kikata boso babakimbile mwanda wa kumwanyina n’ao’shi, tumwihe, anka babeukutshilwe. Mwanda bebungi babamudjimbile, anka biakanwa biabo bibatuhishenene. Kubadi bangi abemene kumudjimbila’shi: Atwe tubamuhushishe’shi: Nankahonesha yino ntempelo yībakwe na maasa, anka mu mafuku asatu nankashimika yingi yishī yībakwe na maasa. Sunga mbiabia biakanwa biabo bibatuhishenene. Henyihaha tshiite-muakwidi mukata e ku nundu kwa benē, bēmene munkatshi mwabo behwishe Yesu’shi: Obe tōlula sunga ndjimune ku yino myanda yābakwanyina n’ayo kwi tuno tumonyi’be? Anka E bauminyine nyaa, ta mwalule, ooo. Dimo’nyi winyi tshiitemuakwidi mukata e ha nundu ha benē bamwihwishe’shi: Obe we winyi Kidisitu mwan’a mwabi’nyi? Yesu bambile’shi: Nami uno; Anukamono namu Mwan’a muntu kwete kushāla ku mboko yi balume ya bukome, na kwete kufika ’makumbi a mwiīlu. Binyibiabia winyi tshiitemuakwidi mukata besanwine bifwala bie’shi: A kiatukyebela’nyi tumo tumonyi a nkinyi? A ta nwihusha ku kaa na kwa k’Efile-Mukulu’ku? A nwakula kinyi? Biabia boso babamuhīshishe’shi: E muhwandjikile’nka kufwa. Henyihaha bamo ababangile kumufila mata, na kumuhuta meso, babamukuhile nsasu, babamwambile’shi: Temuna mwanda (womono); batuhita namu babamukuhile mahi. Habadi Petelo mūshi mu luhoho, kubafikile nsongwakashi, umune a bafubi ba tshiite-muakwidi mukata e ha nundu ha benē. Habamwene Petelo kwete kōta kālo, bamutale kanana, bamwambile ’shi: Obe namu bodi na Yesu mwina Nasaleta. Anka e batune’shi: Ta nuku’mi, ooo, sunga kushingula kioakula. Biabla batukile mpaa na mukisanga, na nsolo etombole basamine. Winyi nsongwakashi mufubi yawa, habamumwene dimo’nyi, babangile kulungula’badi bemane hanka’shi; Uno nguabo. E beutune dimo’nyi; habayishishe kihindji kihi baba babadi bemane hanka babambile Petelo dimo’nyi’shi: Mbinyibinyi obe we a kisaka kie, mwanda obe we mwina Ngadilea na kwisamba kwobe nkwifwane kwabo. Henyihaha babangile kwelena milwā na kutshiha’shi: ntashingula uno muntu a nwamba-u-mi, ooo. (Kahindji n’aka) nsolo etombole basamine diakabidi. Henyihaha Petelo batentekyeshe wawa mwanda ubamulungwile Yesu’shi: Kwibedi kwa nsolo etombole nkusama misusa yibidi, obe okampele diakasatu. Biabia hakutentekyeshe n’abia, badīle. Kahindji n’āka bufuku habubatokyele na mashika, batshiite bakwidi bakata bēbungile kimu na bakulu na bafundji ba mikanda, na bena kimu kikata boso; biabia babanyine Yesu, babamwatshile, babamufishe kwi Pilato. Pilato bamwinwishe’shi: Obe we nfumu a bena Yudea su? E bamwululwile’shi: Bibōmba’nyi mbinyibinyi Batshiite-bakwidi bakata babamwanyinene myanda yibungi, ank’E tamwalule mwanda, ooo Henyihaha Pilato bamwihwishe dimo’nyi’shi: Obe tōlula mwanda’nyi? A tohusha bia bakwamba? Anka Yesu ta mwalule, biabia Pilato bakanyine na lukanyo lukata. Biabia binyi mu bidibwa bikata bia Paque badi ebahoswela umune umune abakyebanga na mashimb’abo. Biabia kubadi umune (mu nshibo ya mashika) n’eshina die’nyi bu Balabasa, badi mwanyibwe na bantombishi n’e; mu buntomboshi bwabo badi bayihanga (bantu.) Henyihaha kibumbu (kia bantu) kibanyishishe mayi, kibabangile nami kumwihusha’shi: Etukitshin’anka mokitshina bihwa bioso. Anka Pilato bebehwishe’shi: A nukyebe’nyi nenufungwile nfumu a bena Yudea su? Mwanda Pilata beukile’shi, batshiite-bakwidi bakata mbamufishe ha mwanda wa kiutu. Anka batshiite-bakwidi bakata babashikidishe kibumbu kia bantu’shi: Bibuwa enufungwile Balabasa. Pilato bebālulwile dimonyi’shi: A biabia, anankakitshi kinyi na uno anutemuna bu nfumu a Bayudea? Dimonyi babanyishishe mayi’shi; kamwihayishe’nka ku nkulusu. Binyibiabia Pilato bebalungwile’shi: A ngi’nyi mwanda ubasole wa kulwisha? Abo babanyishishe bikata’ shi: Kamwihashe ’nka ku nkulusu. Biabia Pilato mwanda kutokesha mashimba a bantu bebahosodile Balabasa; henyihaha hakukuhila Yesu, ebamufisha kwabadi’shi: Akehayibwe ku nkulusu. Bashidika babayile n’e mu luhoho (lualwa lubadi ebalasa dikata dia nfumu,) dibatemunwanga bu Peletodyuma; abeyitamishenene kibumbu kiabi kioso. Biabia babamufwadikile mutwelo ukundakane, babamulukile lubango lwa milobo, babamutentekyele ku mutwe w’E. Babangile kumwimuna’shi: Mwanana, Obe nfumu a baYudea, Babamukuhile na mulenge ku mutwe kwe, babamufidile mata, babakunamine manwi (hāshi) kumulangwila. Henyihaha habahwile kumusenga, babamufudile mutwelo ukundakane, babamufwadikile bilamba bie, abayile n’e mu kumwihā ku nkulusu. Muntu, eshina die’nyi bu Shimona, mwina Saidine, shye wa Alekesande na Lufusa badi afiki ku mahia, habafumankene n’abo (bashidika) babamufinyikile’shi, mutwadishe nkulusu y’E. Babafikile n’e ku kihindji kibatemunwa’shi, bu Ngolongota, kuhatula nyi nkwamba’shi, nyi Kihindji kia Kabāla. Biabia babamuhele nfinyo yisangakane na (biakutoma bi būlo,) anka E beutune. Habamwihayile ku nkulusu babeabila bilamba bie’shi: Twibitēle bubale su abikala su mbianyi su mbianyi. Nguba tabadi ha nsā yisatu, nyi habamwihayile ku nkulusu. Na kifundjilo kia kwanyinwa kwe kibadi kifundwe kunundu’shi: NFUMU A BAYUDEA. Babamwihayile namu na bantomboshi babidi ku nkulusu, au ku mboko yibalume, au ku mboko yibakashi. Biabia kilundjilo ki’Efile-Mukulu kibadi kikumbashwe’shi: E badi mubadikilwe hamune na basodi ba myanda. N’aba bakidi eshinda babamukāyile, kwete kuhunga mitwe yabo’shi: A leka! Obe mushindji a ntempelo (y’Efile-Mukulu) ku mafuku asatu na kushimika inginyi. Ehashenge, wekatushe ku nkulusu. Anka hamunenka batshiite-bakwidi bakata, na bafundji ba mikanda babamusehe na kahesha’shi: E bahashanga bangi (bantu) E na mwinyi teuku kwihasha. A Kidisitu nfumu a Isalele ayike binobino ku nkulusu, biabia tumone na kukumina. Na baba babayihayilwe n’eboso ku nkulusu babamukāyile namu. Henyihaha habafikile nsā ha yisamombo, mufito ubafumankene ku mahia oso, ubafishishe mpaa na ku’nsā kitema. Henyihaha habafikile nsā kitema Yesu belele musase n’eyi dikata’shi: Eloi! Eloi! lama sabakatane? kuhatula nyi nkwamba’shi: Efile-Mukulu ande, Efile-Mukulu ande, A bonfutala’mi nkinyi? Bangi abadi bemane h’anka hakuhushā’bio’shi: Aī! ngiawa tayitamina Elaidja. Henyihaha umune bayile bukidi bakaushishe ehondje na nfinyo yi busasa, babeyisomekyele ku mulengye, babamuhele’shi atome, bambile’shi: Bandai kuleka, tumone Elaidja suakafiki kumwisha kwanka. Biabia Yesu belel’eyi di’E bi bukoho, (kahindji n’āka) batudil’eshimba die. Henyihaha mbwisha yibadi yikingwe mu ntempelo y’Efile-Mukulu yibasanuka hankatshi, bihese bibidi, kunundu kwayo mpaa na kūshi. Kimankinda kia bashidika kibadi kimene hehi na Yesu, habamwene E banyishishe eyi, na kutul’eshimba, bakwile’shi: Mbinyibinyi uno muntu ekalanga mwan’Efile Mukulu. Kubadi namu bana bakashi babadi tadilanga kwi bula; kubadi kwanka Madiya Mandalene, na Madiya nyin’a Yakoba hela, na Yosese, na Salome: Baba (bantu) habadi mu Ngadilea bamulondele, na kumukwatshisha mifubo, Bangi bakashi namu nyi babakamine n’E ku Yelusalema. Biabia hakuhona ha nguba, mwand’adi’efuku dibadi efuku dia Dilumbulwilo, kuhatula nyi nkwamba’shi, maloba nyi efuku dia Sabado. Nyi bibafikile Yosefe a Alematea, muntu muneme a mu bena kimu, e namu badi atengyela bufumu bw’Efile Mukulu, bayile kwi Pilato ku shī na moo, mu kumuteka kitanda kia Yesu. Pilato bakanyine’shi, su tadi mufwe binobino; bayitamina kwadi kimankinda kia bashidika, bamwihwishe’shi: A tafwile kihindji kikata su? Biabia habamushingulwishe kimankinda kia bashidika uno mwanda, batushishe kitanda kwi Yosefe. N’e baūle mbwisha ya linene lwi buwa bukalabale, biabia bamwiyishishe hashi, bamuhōmbele mwanka, bakamushikile ’muta usēbwemw’ibwe, bālashishe ding’ebwe mpaa na ku kibelo kia muta. Henyihaha Madiya Mandelene na Madiya (winyi nyin’a) Yosese, abo babamwene hababamubikanga. Henyihaha liabakile’fuku dia Sabado, Madiya Mandelene, na Madiya nyin’a Yakoba, na Salonie, babadi baūle bukula bwa mahembwe’shi: Twende mu kushinga (Yesu). Biabia na mashik’ēse bwee, a mwifuku dimune dia lubingo, babafikile ku mashama, nguba nkiatunduka. Babadi abeyihushena’shi: A nanyi aketwalashesha ebwe di ku kibelo kia muta? Anka hababandulukile, babamwen’ebwe ndibungulwe, dibadi namu dikata dimoo. Baba, ha kwete kutwela ’muta habamwene nsongwalume ’mushale ku mboko yibalume, mufwalwe na kilamba kila kitoka soo; babamwen’anka moo. E bebalungwile’shi: Tanutshinanga moo, nyi Yesu a Nasaleta anukyebe, abayihayile ku nkulusu; e tahwile kusanguka (ku lufu), te muno ooo; talangai kihindji kiabekalanga bamuladishe. Anka ndai bienu, nukalungule bana b’e ba bukishi, na Petelo namu’shi: E tenubadidile ku Ngadilea, mwanka anukamuhete anka bu bibenulungwile. Kahindji n’aka babatukile mwanka, babakamine lubilo kwinyi ku mashama, mwanda wa kususa na moo na kukanya kubebakwete; sunga ta balungwile muntu sunga ngumune, mwanda babadi batshine moo. Binyibiabia hababukile Yesu ku lufu (tadi na muwa), ku namashika ese efuku dia kwibedi dia lubingo, babadidile kumweka kwi Madiya Mandelene, winyi E babingile mikishi yisambobidi. E bayile mu kulungul’aba babadi na Yesu bibabadi bakwete kudila kiuwa. N’abo habahushishe’shi, E na muwa, monwe namu na Madiya, tabakuminyin’ebo, ooo. Kumonga biabia E bamwekyele mu kingi kihaso (kia mbidi) kwi bantu babidi habadi abatambukanga ha mahia. Babayile, babakalungwile bakwabo uno mwanda, anka ta mbebakumine’bo, ooo. Biabia nyi bakamwekyele kwi’bo (bana ba bukishi) ekumi na umune, hababadi bashale ku bidībwa, bebebwele n’abo ha mwanda wa kidiodi kiabo na mashimb’abo abadi anka hoo, mwanda tabakuminanga kwi benyi abamumwene habasangukile na muwa. Binyibiabia bebalungwile’shi: Ndai hanohansenga hoso, nukalungula myanda ya mukānduwibuwa ku boso. Yaw’akakumina n’akabatshishibwa akahashibwa, ank’awa shī akakumina akahīshwa ku kimu. Bino bitundwilo abikelondena na benyi abakakumina; mwishina diande abakabingi mikishi; abakākula’nyi na ndjimi yihia. Na manyoka namu abakebosha; su namu abakatoma ki bulembe kioso, takibamwesha malwa, ooo: Abakatenteka maboko ha basha busungu, n’abo abakasangale. Henyihaha Nfumwetu Yesu habahwile kwibalungula biabia, badi mutambwilwe mwiilu, bashale ku mboko yibalume y’Efile Mukulu. Binyibiabia babakatukile, babakalungwile mwanda w’Efile Mukulu kosokoso; winyi Nfumwetu namu kwete kwibafubisha hamune n’abo, kwete kunyisha mwanda namu ku bitundwilo abibelondena. Amena. Ha mwanda be bungi abakuminyine kufunda, mu lulamine bulungudi bwa yaya myanda ayikuminwa binyibinyi munkatshi mwetu. Anka mwa betufwishishe’yo kwi’bo abadi bu tumonyi na balungudi ba mwanda w’Efile ku mbangilo. Kwandjimi namu kibampwandjikila buwa, kukufundjila myanda yilondene, obe Mwanana Teofilusa, mwanda lushingulo lukalabale lwa myanda yoso nadi nalo, mpā na ku mbangilo. Biodio kwiuka biabinyibinyi bia yaya myanda yobolambukishwe. Mu mafuku a Heloda, nfumu a Yudea, kubadi tshiitemwakwidi, eshina die mbu Sakadiasa a ku mulongo wa Abiya. Mukashi e badi a ku bana bakashi b’Alone, eshina die dibadi bu Edisabeta. Boso bubidi bwabo babādi balulame ku mpala kw’Efile Mukulu, babadi abatambuka mu bishila bioso na milangilo ya Yehowa, bashī batohekwe mwanda. Abo tababadi na mwana, mwanda Edisabefa badi nkunga, na bubidi bwabo babadi banunu. Bitabibakitshine habakitanga mufubo wa butshiite-mwakwidi, ku mpala kw’Efile Mukulu, mwiyīle mulongo we, bu mubadi mulombene kihikwa kia mufubo wa bu tshiitemwakwidi, badi musangulwe kushika bukula bwa mahembwe ha kutwela mu ntempelo ya Yehowa. Habakumbene nguba a kushika bukula bwa mahembwe, kibumbu kioso kia bantu kibadi akitekye hāsha. Kubamumwekyele mwikeilu a Yehowa, mwimane ku mboko yibalume ya kitala kia kishikilo kia bukula bwa mahembwe. Sakadiasa habamumwene, badi na katshima munda, na mō bamukwete. Anka mwikeilu bamulungwile ’shi: Totshinanga Sakadiasa, mwanda luteko lwobe lubahushibwa, mpian’obe Edisabeta, akakutandjila mwana mulume, okamuudika eshina die bu Yoano. N’obe okekala na kusehela na kusangala, bebungi abakasehela ha kutandwa kwe. Mwanda akekala mukata ku meso kwa Yehowa, takatomo sunga nfinyo, sunga mbia kukolwana; e akaushwa na Kikudi-E-Selelee kwibedi kwa nyin’e tabandjile kumutanda. Akālula bana ba Isalele be bungi kwi Yehowa Efile Mukulu abo. N’e akēnde ku mpala kwe n’eshimba bu dia Elaidja na bukome bwe; mwanda wa kwalulusha mashimba a bashabo kwi bana babo; na bashi na kukokyela ku binangu bia balulame; na mu kulumbulwilwa Efile Mukulu bantu be na mashimb’abo ahwe kulumbulwa. Biabia Sakadiasa baihwishe mwikeilu’shi: Nankeuku wawa mwanda na minyi mwanda’mi tandji mununu, na mpiana’nde tadi na bihwa bibungi? Mwikeilu hakwalula bamulungwile’shi: Ami nyi Ngabudiele, naimana ku mpala kw’Efile Mukulu; natumibwa kwisamba n’obe, na kukulesha uno mukānduwibuwa. Talanga! okekala kamama, tokākula mpaa na h’efuku adikakitwa uno mwanda, ha mwanda twemukumine myanda yande, ayikakumbashwa ha kihindji kiayo. Na bantu abadi abēsha Sakadiasa, abakanyine bibashalele kihindji kikata mu ntempelo. Habatukile bakutshilwe mwa kwakwila na’bo; abashingulwile’ shi: bamono kimonwa mu ntempelo; mwanda e bebahaleshe na mboko, tadi kamama. Bitabibakitshine habakumbene mafuku a mufubo we bakatukile, ēnda kw’e. Kumongo kwa aa mafuku, mpian’e Edisabeta baimite eimi, befīle mieshi yitano’shi, Nyi mbiabia Efile Mukulu bankitshinyine mu mafuku abantāle, kunkasha būfu bwande munkatshi mwa bantu. Mu mweshi wa kasamombo, winyi mwikeilu Ngabudiele batuminwe n’Efile Mukulu ku kibalo kia Ngadilea, akilumbwa bu Nasalete. Kwi nsongwakashi kamame muladikwe na mulume, eshina die bu Yosefe, a mu kifuko kia Dafidi; eshina dia nsongwakashi kamame dibadi bu Madiya. Na mwikeilu batwele mwādi bakwile’shi: Nakwimuna, obe n’Efile bikata. Efile Mukulu E n’obe; we sha mwabi munkatshi mwa bana bakashi. Habamumwene badi na katshima munda ku mīsambo ye, beihwishe mwishimba die’shi, A luno lwimuno namu lwi na minyi? Biabia mwikeilu bamulungwile’shi, Madiya, totshinanga, mwanda obe n’efile kw’Efile Mukulu. Tala! okemit’ēfu, otande mwanamulume, okamuudika eshina bu Yesu. Akekala mukata, akalumbwa bu Mwan’a Mukile-mwiilu; na Yehowa, Efile Mukulu akamuha luhun’a nsulu lwa nshye Dafidi. N’e akabikala hanundu ha kifuko kia Yakoba, mpā na kwikala-ika; na ku bufumu bwe tabukekakala kibikwilo. Henyihaha, Madiya behwishe mwikeilu’shi: A kino akikakitshibwa na minyi, mwanda ntshimwiukye mulume? Mwikeilu bamwalulwile’shi, Kikudi-E-Selelee akafiki hodi, na bukome bwa Mukile-mwiilu abukakubwikila bu mutala; biabia namu akia kiokatanda kihatulwe-kikishila akikalumbwa bu Mwan’Efile Mukulu. Talanga namu: mukwenu a kifuko Edisabeta, baimita namu mwana mulume ku bununu bwe, na uno nyi mweshi wa kasamombo, e abādi abalumbwa bu nkunga. Mwanda kw’Efile Mukulu takwi kiakumukambila, ooo. Biabia, Madiya bakwile’shi: Talanga’mi nyi mpika mukashi a Yehowa, wikale n’ami mwiyile eyi diobe. Na mwikeilu bakatukile kwadi. Na mu aa mafuku Madiya bebwele, bayile lubilo mu nsenga ya ngulu, mu kibalo kia Yuda. Batwēle mu nshibo ya Sakadiasa, bemwine Edisabeta. Bitabibakitshine, Edisabeta ha kuhusha kwimuna kwa Madiya, mwana batumbukile mwifu die; n’Edisabeta baulwe na Kikudi-E-Selelee; Bakwile n’eyi dikata’shi: We sha mwabi munkatshi mwa bana bakashi, na ki mwifu diobe nkia mwabi namu. A uno mwanda wi na minyi ubafiki nyin’a Nfumwami kwandjimi? Talanga! habafik’eyi dia kwimuna kobe mu matwi ande, mwana batumbuka munda mwande ha mwanda wa kusehela. Mwabi kwi yawa bakuminyine; mwanda akukekala kukitshibwa kwa yaya myanda yibamulungwilwe kwi Yehowa. Biabia Madiya bakwile’shi: Eshimba diande aditumbisha Yehowa, Na kikudi kiande akisehela mw’Efile Mukulu muhashi ande. Mwanda batadile ha mwikelo wa kuheleshwa kwa mpik’e mukashi: Talanga! mpaa na bino, bihungilo bioso abikañitanyina bu sha mwabi. Mwanda yawa e na katshintshi bankitshina bintu bikata N’eshina dia ndjihatulwe-di-kishila. Lusa lwe lwi ku bihungilo na bihungilo kwi’bo abamutshinyi. Balesheshe bukome na mboko ye; Bahalakeshe basha kwisadika mu mpwandjikisho ya mashimba’bo. Baheleshe basha matalwa ku mpuna yabo; bakamishe bantu ba bisumanga. Bausha basha nsala na bintu bibuwa, na bampeta ebālusha bisumanga. Basambile Isalele mufubi E, lia kutentekyesha lusa lwe. Mu bakwidile kwi bashyetu, kwi Abalahama na ku twikulu twe kwikala-ika. Madiya bashalele n’e hehi mieshi yisatu, biabia balukile kwabo. Henyihaha kihindji kia Edisabeta kibakumbene kia kutanda, batandjile mwana mulume. Bekashi n’e na bakwabo ba kifuko abahushishe mu bamulesheshe Efile Mukulu lusa lukata, abasehelele n’e. Bitabibakitshine, h’efuku dia mwanda abafikile kusala mwana; bamūdikye bu Sakadiasa, mwiyile eshina dia nshye. Nyin’e bālulwile’shi: Ooo, tandiadia, akaudikwa bu Yoano. Abamulungwile’shi: Takwi muntu mu kifuko kiobe mūdikwe diadi’eshina, ooo. Abahwandjikishe nshye mifunda’shi: Omūdika bu’nyi? Biabia, batekyela kia kufunda, afunda hanka’shi: Eshina die mbu Yoano. Boso abakanyine. Ku leanwa kwe kubabulwilwe anka kahindji n’āka, n’edimi di’e hamune; bakwile, tatumbishe Efile Mukulu. Na moo ubakwete boso abadi bashale hehi n’abo; na yino myanda yoso yibalungwilwe ku nsenga yoso ya ngulu a Yudea. Biabia boso abahushishe, abeyibikile’mashimba’bo’shi: A uno mwana akekala kihaso kinyi? n’easa dia Yehowa dibadi n’e. Nshye Sakadiasa baushishwe na Kikudi-E-Selelee batemukile’shi: Mwabi wikale kwi Yehowa Efile Mukulu a Isalele mwanda basambile bantu be, na kwibafishisha kikudilo. Betwibweshesha lusengwa lwa kihandjilo mu nshibo ya mufubi e Dafidi. Mu bakudile ku kanwa kwa batemuki be bahatulwe-be-kishila, abadi bekale ku mbangilo kwa hanohansenga mpaa na binobino. Eshi, tukahashibwa kwi beshikwene n’etu, na kwiasa diabetushikwa boso. Kusamba bashyetu lusa, na kunangushena kilombeno ki’e kihatulwe-ki-kishila. Nyi mutshiho ubatshihile kwi nshyetu Abalahama. Eshi, etukumine’twe bamañunwe mu maas’abeshikwene n’etu, tumulangwile kushī na moo; mu kuhatulwa-kwi-kishila na kululama ku mpala kw’e, mpaa na mafuku oso a muwa w’etu. N’obe mwana, okalumbwa bu mutemuki a Mukile-mwiilu, mwanda okabadila ku mpala kwa Yehowa kumulumbulwila mashinda E. Kuha bantu b’e kiukilo kia kihandjilo mu kulekyelwa kwa myanda yabo. Ha mwanda wa kutshitshimuka kwa kanya k’Efile Mukulu etu. Nyi habetufikila kutunduka kwa nguba mwiilu manyanya. Kumunyika’ba bashale ’mufito na mu mwesheshi wa lufu. Kukunkusha ngwa yetu mwishinda dia kufukama. Na mwana bakūle, banyingile mwishimba, badi mu tubāka mpaa na kwifuku dia kumwekwa kwe kwi Isalele. Bitabibakitshine mu aa mafuku kubatukile kishila kwi Kesala Auguseto eshi: Ba ku nsenga yoso babadikwe ku mashina’bo. (Kuno kubadikwa kubakitshinwe kwibedi habadi Kileniusa mutontshi-mukata hanundu-ha-boso a Sidya). Biabia boso abayile mu kufundjibwa, ese muntu ku kibalo kiabo. Yosefe namu bakatukile ku Ngadilea ku kibalo kia Nasaleta ēnda ku Yudea, ku kibalo kia Dafidi akilumbwa bu Betelema, mwanda badi a ku nshibo na ku kifuko kia Dafidi. Kufundjibwa na Madiya mpian’e muladikwe, badi n’eimi. Binyibiabia habadi kwanka, mafuku e akutanda abakumbene. Batandjile mwan’e mulume a kwibedi; bamuhombele mu kilamba, bamuladika mu kidilo kia nyama, mwanda mu nshibo ya benyi mubakutshilwe mbalo. Ku ya nsenga kubadi balami ba mikoko, abadi bekale ’mahia abalama lombe lwabo bufuku. Talai, mwikeilu a Yehowa baimene habadi na ntumbo y’Efile Mukulu yibamunyikile mpese yoso mwabadi; n’abo abadi na moo ukata. Biabia, mwikeilu bebalungwile’shi: Tanutshinanga moo. Talangai! nenufishisha mukāndu-wibuwa wa kusehela kukata, aukekala ku bantu bosa. Mwanda lelo kubenutandjilwa mu kibalo kia Dafidi, Muhashi E nyi Kidisitu Nfumu. Na kino akikekala bu kitundwilo kwanudi’shi: Anukasañana mwana muhombēle mu kilamba, muladikwe mu kidilo kia nyama. Kahindji n’āka kibumbu kia masalai a mwiilu abafumankene na mwikeilu yawa, abadi abalangwile Efile Mukulu’shi: Ntumbo kw’Efile Mukulu mwiilu mukile, na hanohansenga kufukama, n’eshimba dibuwa dikale kwi bantu. Bitabibakitshine, hakukatuka bamwikeilu kwabadi kwaluka mwiilu, balami ba mikoko abelungushene’shi: Twendengei binobino ku Betelema tukatale uno mwanda ubafikye, ubetuukisha Yehowa. Biabia abafikile lubilo, abasañene Madiya na Yosefe, na mwana mukinga mulale mu kidilo kia nyama. Habeumwene abeukishe kosokoso dino eyi dibebalungwilwe dia uno mwana. Na boso abeuhushishe, abakanyine ha uno mwanda ubebalungwile balami ba mikoko. Anka Madiya balamine yino myanda yoso, beyinangushenanga mwishimba die. Biabia balami ba mikoko abālukile, abatumbishe na kulangwila Efile Mukulu ha mwanda wa myanda yoso yiabehusha na yiabamono, bu biabebalungwile. Habakumbene mafuku mwanda, a kusala mwana, eshina die dibatemwine bu Yesu, bu dibamuudikile mwikeilu kwibedi kwa kumwimita mwifu. Habakumbene mafuku a kusudibwa kwe mwiyile kishila kia Mosesa, bamufishishe ku Yelusalema kumulubwila kwi Yehowa. ( Mwakibafundjilwe mu mukanda-wa-bishila wa Yehowa’shi: Ese mwana mulume a kwibedi ashitula efu, akaitanyinwa bu muhatulweakishila a Yehowa). Na kulambula kitahilo mwakibākwilwe mu mukanda-wa bishila wa Yehowa’shi: Tukutshikutshi tubidi, sunga ntwana twa nkudimba tubidi. Talai, mu Yelusalema mubadi muntu eshina die bu Shimeone; e badi muntu mululame, n’eshimba dimune, badi atengyela kisengyelo kia Isalele: na Kikudi-E-Selelee badi hadi. Kikudi-E-Selelee bamufumbwidile mwanda’shi: Tokamono lufu anka s’okamono Kidisitu a Yehowa kwibedi. Batwele mu ntempelo mu Kikudi-E-Selelee, biabia basha mwana, habafishishe mwanka mwana Yesu, kumukitshina mwiyile kihikwa kia mukanda-wa-bishila. Henyihaha bamwātshile mu maboleo e, atumbisha Efile mukulu’shi: Efile Mukulu, Mwanana, olekyele mufubi obe ende na kufukama, mwiyile eyi diobe. Mwanda meso ande abamono kihandjilo kiobe; kibolumbulwile kumpala kwa bantu boso. Etata dia kumunyika Badjentaila, na ntumbo ya bantu bobe ba Isalele. Yosefe na nyin’a mwana abakanyine ku’ya myanda yabākwile ha mwanda we. Na Shimeone bebahele mwabi, balungwile Madiya nyin’e’shi: Tala, uno mwana ’mutudilwe mwanda wa kuhonesha na kubusha dimo kwa bebungi mu Isalele. (Ee, luhete-lwa-ngoshi alukatubula mwishimba diobe na mwinyi namu) ’shi, binangu bia mashimba e bungi abikasokoka. Kubadi namu mwana mukashi mutemuki, eshina die bu Ana, mwan’a Fanuele, a ku kisaka kia Asha. E badi mununu a bihwa bibungi, bekele na mulume bihwa musambobidi mpaa na ku hukamame bwe. E badi mukashi a mufwe ku bihwa malsumi mwanda na hinanka, tamutukye mu ntempelo, bafubile Efile Mukulu na kushīla biakudia, badi na nteko bufuku na kanya. Ha yawa nguba ebatwēle mwanka, foatumbwile Efile Mukulu hamune, bākwile mwanda we kwi boso abadi batengyela kikudilo mu Yelusalema. Habahushishe myanda yoso yilombane mu mukandawa-bishila wa Yehowa, abālukile ku Ngadilea, ku kibalo kiabo kia Nasaleta. Na mwana bakule, banyingile eshimba, badi muule nda na binangu, na bumuntu bw’Efile Mukulu bubadi hadi. Ku kihwa na kihwa nshye na nyin’e abendanga ku Yelusalema ku Kidibwa kia kusehela kia Pāque. Habakumbene bihwa ekumi na bibidi, abayile ku Yelusalema muyile kihikwa kia Kidibwa kia kusehela. Biabia habakumbeshwe mafuku, hakwaluka kwabo, mwana Yesu bashele kunyima mu Yelusalema; na Yosefe na nyin’a mwana tabadi beukye. Anka’bo abadi abatentekyesha’shi, e mumilongo ya bantu, abayile luendo lw’efuku dimune; abamukimbile munkatshi mwa bakwabo, na kwi’ba bantu babadi beukye. Biabia habakutshilwe kumumona, abālukile ku Yelusalema kumukimba. Bitabibakitshine ha kukila mafuku asatu, abamusañene mu ntempelo, mushale munkatshi mwa balambukishi, badi e batee matwi, na kwibehusha ngihusbo. Na boso abamuhushishe abakanyine ku kushingula kwe, na ku mlalulo ye. Habamumwene abakanyine; na nyin’e bamwakwile’shi: A mwan’ande, a nkinyi kiobwetukitshina bino? talanga, shobe n’ami biatubakukimbi na kwinyenga. E, bebālulwile’shi: A nunkimbilanga kinyi? tanwibeukye’shi, nkihwandjikile’mi kufuba mufubo wa Shami. Ank’abo tambashingule eyi dibebalungwile. Biabia ebalalele n’abo, bafikile ku Nasaleta, badi mwibakokyele; anka nyin’e balamine yino myanda yoso mwishimba die. Na Yesu bafwime mu binangu na mu kishisha kie, na mu lukumino kumpala kw’Efile Mukulu na kwi bantu. Mu kihwa ki’ekumina bitano kia kumuna kwa (bufumu) bwa Tebeleusa Kesala, habekele Ponteusa Pilata mutontshi mukata a mu Yudea, Heloda namu badi kilolo kia ku Ngadilea, na mukwabo Fidiha badi kilolo kia ku Itulea, na ku luhese lwa Takonetshi; Lesaneasa namu badi kilolo kia ku Abilene. Habadi Anasa na Kaifasa bu batshiite-bakwidi bakata, eyi di’Efile Mukulu dibafikile kwi Yoano mwan’a Sakadiasa mu kabāka. Bayile ku mpese yoso yibadi hehi na Yodano, badi alungula lubatshisho lwa kwilanga ’mashimba mwa kulekyelwa kwa myanda. Mukibafundjilwe mu mukanda wa bishima bia Esaiye mutemuki’shi: Eyi dia umune adiele musase mu kabāka’shi: Lumbulai eshinda dia Yehowa, lulamishai bikilo bie. Mpongo yoso ayikaushibwa, na mangulu oso, na miengye yoso abikayishibwa; (mashinda) ebikonyobikonyo abikaludikwa, na mashinda etukunutukunu ākekala atēmeshwe. Na ba mbidi boso abakamono kihandjilo ki’Efile Mukulu. Henyihaha balungwile kibumbu kibatukile kwadi kubatshishwa’shi: Anwe kifuko kia manyoka, a nanyi benudimuna kusuka bukyelo abwanafikye? Nuhei biabia bikuba bihwandjikile kwilanga kwishimba; tanubanganga kwakula munda mwenu’shi: Twi na Abalahama bu shyetu, ooo, mwanda’mi nenulungula’shi: Efile Mukulu euku kubushisha Abalahama bana ku ano mabwe. Bino namu, kabengyele nkatulwe ku mushi wa mutshi. Binyibiabia mutshi woso ushyauha bikuba bibuwa aukatshibibwa, welwe mu kālo. Biabia kibumbu kibamwihwishe’shi: A henyihaha atwe atukakitshi na minyi? E bebālulwilwe’shi: Sha mitwelo yibidi āhe yawa shi n’ao; e namu na bidibwa akite hamune. Henyihaha basangishi-ba-milambu abafikile kubatshiswa, abamulungwile’shi: A mulambukishi, atwe atukakitshi na minyi? Bebalungwile’shi: Tanusangakananga kisubukye kia (mulāmbu) kibenusangwilwe. Basalai namu abamwihwishe’shi: N’atwe atukakitshi na minyi? E bebalungwile’shi: Tanunyengananga bantu, sunga ngumune, tanudimbilanga muntu bisumanga, nukumine efuto dienu na musanku. Habadi bantu abatengyela, na bantu boso abadi abēle binangu mu mashimba’bo ha msanda wa Yoano’shi, su e nyi Kidisitu su e nanyi. Yoano bālulwile kwi boso’shi: Binyibinyi ami nenubatshisha mu mema; anka umune munkile’mi bukome afiki, nkimuhwandjikile kwangula mioshi ya bikondo bie: E akenubatshisha mu Kikudi-E-Selelee na kālo. E na kihehulo mwiasa die, akatosha ha kitwilo kie selelee, akahongwela ngano mu mutengye we, anka mpaha akeyishikye na kālo kashyakashimibwa. Myanda yibungi namu ebalungwile bantu mwilango die. Anka Heloda, winyi badi kilolo, ha kusashilwa kwadi mwanda wa Helodiasa, mpiana a Fidiha mukwabo n’e, na ha mwanda wa myanda yoso ya bubi yibakitshine, batentekyele namu uno mwanda hanundu ha yoso, ēla Yoano mu nshibo ya lukano. Binyibiabia hababatshishwe bantu boso, biabia Yesu babatshishwe namu; na hakuteka, mwiilu mubabulukile. Henyihaha Kikudi-E-Selelee bayikile hadi na mwikēlo wa mbidi bwikutshi, n’eyi dibatukile mwiilu’shi: Obe we Mwan’ande a kifulo, modibe nyi mu nasehela bibi. Yesu na mwinyi tabadi bu bihwamakumi asatu, biabadi mwikale (ahwandjikishwa) mwan’a Yosefe, mwan’a Hedi, mwan’a Matata, mwan’a Lefi, mwan’a Meleki, mwan’a Yana, mwan’a Yosefe, mwan’a Matateasa, mwan’a Amose, mwan’a Nauma, mwan’a Esedi, mwan’a Nange, mwan’a Maata, mwan’a Matateasa, mwan’a Semei, mwan’a Yosefe, mwan’a Yuda, mwan’a Yoanano, mwan’a Lehesa, mwan’a Selububele, mwan’a Salatele, mwan’a Nedi, mwan’a Meleki, mwan’a Adi, mwan’a Kosama, mwan’a Elemodama, mwan’a Ele, mwan’a Yose, mwan’a Ediesa, mwan’a Yodima, mwan’a Matata, mwan’a Lefi, mwan’a Shimione, mwan’a Yuda, mwan’a Yosefe, mwan’a Yonana, mwan’a Elaīkimi, mwan’a Melea, mwan’a Menana, mwan’a Matata, mwan’a Natana, mwan’a Dafidi, mwan’a Yese, mwan’a Obede, mwan’a Boasa, mwan’a Salemona, mwan’a Nashona, mwan’a Aminadaba, mwan’a Lama, mwan’a Hesona, mwan’a Halese, mwan’a Yuda, mwan’a Yakoba, mwan’a Isaka, mwan’a Abalahama, mwan’a Tela, mwan’a Nakola, mwan’a Seluka, mwan’a Leu, mwan’a Mpeleke, mwan’a Ibele, mwan’a Sala, mwan’a Kanana, mwan’a Afakasada, mwan’a Shema, mwan’a Noa, mwan’a Lameka, mwan’a Metusala, mwan’a Enoka, mwan’a Yalede, mwan’a Mahalalea, Mwan’a Kanana, mwan’a Enosa, mwan’a Sete, mwan’a Adama, mwan’Efile Mukulu. Biabia Yesu badi muule na Kikudi-E-Selelee, bālukile ku Yodano, bakunkushibwe na Kikudi-E-Selelee mu mahia a kabāka. Batompibwe na kafilefile mafuku makumi ananka. Tamudi kintu mu aa mafuku, anka hābaku mbene nsala yibamukwete. Biabia kafilefile bamulungwile’shi: Su obe we mwan’Efile Mukulu, kamika dino ebwe dialulukye dimpa. Yesu bamwālulwile’shi; Kibafundjibwe’shi: Muntu takekala na muwa ku dimpa bisumanga, ooo, anka ku myanda yoso yabākwile Efile Mukulu. Henyihaha kafilefile hakumukamishe ngulu yikata, bamulesheshe mafumu oso a hanohansenga mu kahindji kahela. Binyibiabia kafilefile bamulungwile’shi: Nankakuha ano matalwa oso, na ntumbo yao, mwanda bibampelwe, na kwi ese ankyebe nankamuha’bio. Biabia, s’okandangwila’mi, bioso abikekala biobe. Anka Yesu bamwālulwile’shi: Nda ku nyima kwande obe Satana, mwanda ubafundjibwe’ shi: Okalangwile Yehowa Efile Mukulu obe, ank’E nyi okafubila. Binyibiabia bamufishishe ku Yelusalema, bamukamishe ha musaka wa ntempelo, bamulungwile’shi: Su obe we mwan’Efile Mukulu, weituhikye hanka hashi, mwanda ubafundjilwe’shi: Akalayila bamwikeilu be, bakulame. Na mās’abo akakutwala, tala okakokola lwā lobe kwibwe. Biabia Yesu bamwālulwile’shi: Ubākwilwe’ shi: Obe tokatompanga Yehowa Efile Mukulu obe, ooo. Kafilefile habahudishe mitompo yoso, bakatukile kwadi kihindji. Henyihaha Yesu bālukile ku Ngadilea mu bukome bwa Kikudi-E-Selelee: ntumbo ye yibahalakene ku mpese yoso. Biabia balambukishe mu bitumbwilo biabo, badi atumbishwa kwi boso. Bafikile ku Nasaleta ku bakudile, batwēle mu kitumbwilo h’efuku dia Sabado, bu bibadi kihikwa kie, baimene kubala (mukanda w’Efile Mukulu). Biabia kubamuhelwe mukanda wa mutemuki Esaiye. Habafungulwile mukanda, basañene hantu habafundjibwe’ shi: Kikudi a-Yehowa e handji’mi, mwanda banshingile (mwimu) mu kulungula mukāndu-wibuwa kwi balanda; bantumine kusangulusha mashimba abenyengye; kulungula kuhosolwa kwa misungi, na kubūlwa kwa meso kwi bampofu, kuhosola bafwambukye. Kulungula kwa kihwa kikuminyibwe kia Yehowa. Henyihaha bafungile mukanda, bewalwishe kwi mulungudi e Efile, bashalele: Biabia meso a boso abadi mu kitumbwilo abamutadile swee, swee. Babangile kwibalungula’shi; Lelo uno kino kifundwe ki Efile kibakumbashwa mu matwi enu. Na boso abamwakwidile bibuwa, abakanyine ku bishima bia bu-muntu bibatukile mu kanwa mwe. Biabia abehwishe’shi: A uno tamwan’a Yosefe su? E, bebalungwile’shi: Binyibinyi anukangyele luno lukindji’shi: Obe ñanga ehash’obe na mwinyi: Biatubahushishe bibakitshinwe mu Kahenauma, okite namu muno mu nsenga yenu. Ank’ebambile’shi: Binyibinyi nenulungula ’shi: Takwi mutemuki akuminyibwa mu nsenga ya kwabo. Anka nenulungula biabinyibinyi’shi: Kubadi bakashi-ba-bafwe bebungi mu Isalele mu mafuku a Elaidja, hakubashitshilwe eilu bihwa bisatu na mieshi yisamombo, habafikile kihuha kikata kia nsala ha nsenga hoso. Anka Elaidja tamutumibwe kwi umun’abo, anka ku Saleheta, (kibalo) kia Sidona, kwi mwana mukashi badi a mufwe. Kubadi namu basha-kifwi bebungi mu Isalele mu kihindji kia Elaisha mutemuki; takubadi umune mutoshwe, anka Nāmana mwina Sydia. Henyihaha boso abadi mu kitumbwilo, hakuhusha yino myanda, abaule nansunguyikata, Abebwele, abamutakwile hasha ha kibalo abamukunkwishe ku mulomo wa ngulu habadi hebakwe kibalo kiabo, babadia kumwelē’lundu, akahone mbā. Anka e bakile munkatshi mwabo, ēnda mwishinda die. Biabia, bālalele ku Kahenauma, kibalo kia ku Ngadilea, bebalambukishe ha mafuku a Sabado. N’abo abakanyine ku lulambukisho lwe; mwanda eyi die dibadi na matalwa. Mu kitumbwilo mubadi muntu na kiso kia kikudi kibi, kibēle musase n’eyi dikata’shi, Aaa! twi n’obe mwanda kinyi obe Yesu a Nasaleta? Bofiki kwitulwisha su? Nankwiuk’obe n’obe Muhatulwe-a-kishila ’Efile Mukulu. Biabia Yesu bamusashile’shi: Umina nyaa, tuka munda mwe. Biabia kikudi kibi hakumuhonesha hashi munkatshi mwabo, batukile munda mwe, tamukumbile, ooo. N’abo boso abakanyine, abākushene munkatshi mwabo’shi: Dino eyi ndia kinyi? mwanda akamikā bikudi bibi na matalwa na bukome, n’abio abituku. Biabia ntumbo ye yibahalakene ku mpese yoso ya nsenga yibadi hehi. Henyihaha bēbwele mu kitumbwilo, batwēle mu nshibo ya Shimona. Muko a Shimona mukashi badi mukwatwe na busungu bukata bwa mbidi yi kālo; biabia abamwiyayile ha mwanda we. Biabia bayinamine kwadi, batosheshe busungu bwa mbidi yi kālo, bubamukatukile: kahindji n’aka babukile, ebafubila. Henyihaha nguba hakuhona, aba bantu boso abadi na bakumbi ba masungu a bihaso na bihaso, abebafishishe kwadi; batentekyele boso maas’e, bebahashishe. Bikudi bibi namu bibatukile munda mwa bantu be bungi, bibēlele musase’shi: Obe we Kidisitu Mwan’Efile Mukulu. Bebisashile na kwibilekesha kwakula: mwanda bibamwiukile’shi, E nyi Kidisitu. Habubatokyele, bakatukile, bayile mu mahia a kabāka: na bibumbu bia bantu bibadi abimukimbi, abafikile kwadi kumushadika’shi: Tokatukanga kwatudi. Biabia bebalungwile’shi: Tandji n’au ngwa kulungula mukāndu-wibuwa wa bufumu bw’Efile Mukulu ku bingi bibalo namu: nyiu natuminwe. Binyibiabia balungule (mukānduwibuwa) mu bitumbwilo bia mu Ngadilea. Bitabibakitshine habadi bantu abamufinyi efina kuhusha mwanda w’Efile Mukulu, e badi mwimane hehi kwishiba dia Ngenesaleta. Bamwene mato abidi abadi ku bukunkula kwishiba: anka bampībwe ba mishiha abadi ababuka, tabasula makondja’bo. E bayikile mu umune a enyi mata bubadi bwa Shimona, bamwihwishe’shi, afubwishe bwato kihindji ku mema. Bashalele, balambukishe bibumbu bia bantu ku bwato. Henyihaha habahwile kwakula, balungwile Shimona’shi: Fubwila kwidinji, nwikishe makondj’enu a kukwata mishiha. Shimona bamwalulwile’shi: Nfumwami tubafuba bufuku boso bushima, tatwibakwate kintu: anka bubibōkul’obe nkatengye bukondja. Habakitshine biabia abakongyele kibumbu kikata ka mishiha hamune, biabia bukondja bwabo bubasanukile. Abalobwele bena’bo abadi mu bungi bwato’shi: Fikai kwitukwatshishena. Abo abafikile, abaushishe mato oso abidi, tākyebe kwitshikila. Habamwene Shimona Petelo (biabia) bahonene hashi ku manwi a Yesu’shi: A Nfumwami katuka kwandji, mwanda nyi muntu mulwishi. Mwanda bakanyine bikata, na boso abadi n’e, ha mwanda wa bungi bwa mishiha yiabakwete. Anka hamune namu Yakoba na Yoano, bana ba Sebede abadi abekwashena na Shimona. Biabia Yesu balungwile Shimona’shi: Tokwatshibwanga na moo; binobino, mpaa na kumpala okalobo bantu. Habafishishe mato ku mahia, abalekyele bioso, tabamulondo. Bitabibakitshine, habadi mu kingi kibalo, talai, muntu badi kwanka mumoshwe na kifwi; e, hakumona Yesu, bahone, akuhila mpala hashi, bamwiyayile’shi: Nfumwami s’okumina weuku kuntosha. N’e bōlwele mboko ye, amukuma’shi: Nakumina, wekale mutoshibwe. Kahindji n’aka busungu bwa kifwi bubamukatukile. Bamukayikile’ shi: Tolungulanga muntu, sunga ngumune; anka ndokeleshe kwi tshiite mwakwidi, olambule ha mwanda wa kutoshibwa kobe, bubibakamikile Mosesa, kwikala kwabadi bu kamonyi. Anka nkumo yibakambile kuhalakana ha mwanda we, na bibumbu bikata bibekoñene kuhusha na kuhashibwa ku masungu abo. Biabia bakungulukile, ēnda mu kabāka, tatekye. Bitabibakitshine, ha ding’efuku habadi alambukisha, kubadi Bafadiseo, na balambukishi bakata ba mukandawa-bishila, abadi bashale hehi abafwile ku bibalo bioso bia mu Ngadilea na ku Yudea, na ku Yelusalema; na bukome bwa Yehowa bubadi kwanka kwibahasha. Abo’shi, tutale’bi bana balume abafikile na muntu mutwalwe ha lusala, mukwatwe na busungu bwa lunkalabe, abakimbile kwa kumutwesha, na kumutula ku mpala kwe. Habakutshilwe kumona ha kumutwesha ha mwanda wa kibumbu, abakamine ku masaka wa nshibo, bamwisha hankatshi ha mbambalo, ha lusala lwe, mpaa na ku mpala kwa Yesu. Biabia habamwene lukuluhilo lwabo, bamulungwile’shi: Mulumiana, milwisho yobe yibakulekyelwa. Biabia Bafundji-ba-mikanda na Bafadiseo, ababangile kuhakanya munda’shi: A uno nanyi e na kasābu-kakanwa? A nanyi euku kulekyesha milwisho anka Efile Mukulu na mwinyi? Anka Yesu hakushingula binangu biabo, bebālulwile’shi: A nkinyi kianuhakanya ’ashimb’enu? A kibakidi kubofule nkinyi? kwamba’shi: Milwisho yobe yibakulekyelwa, su nkwamba’shi: Ebwē, otambukye? Anka bianudia kwiuka’shi, Mwan’a Muntu e na matalwa kulekyela milwisho hanohansenga, balungwile winyi mukwatwe na busungu bwa lunkalabe’shi: Nankulungula’shi: Ebwe, weboshe lusala lobe, wende ku nshibo yobe. Biabia kahindji n’āka bēbwele ku mpala kwabo, bebosheshe kiabadi mulale, bakatukile, ēnda ku nshibo ye, badi atumbish’Efile Mukulu. Biabia boso abakanyine, abatumbish’Efile Mukulu, na moo ubebakwete’shi: Tubamono bia lubasu lelo. Ku nyima kwa yino myanda batukile, bamwene mulambushi a milambu, eshina die bu Lefi, badi mushale ha kilambwilo; bamulungwile’shi: Ndonde. E balekyele bioso, bebwele, bamulondele. Lefi bamutēkyeshe kidibwa kikata mu nshibo ye: kwanka kubadi kibumbu kikata kia balambushi ba milambu, na kia bangi abadi bashale n’abo. Anka bafundji-ba-mikanda babo na Bafadiseo abadi abaununa bana be ba bukishi’shi: A nkinyi kianudila na kutomana balambushi ba milambu na balwishi? Biabia yesu bebālulwile’shi: Abo be ’musangela ta be na lukalo lwa ñanga, ooo, ank’abo basha busungu. Ami nkimufwile kwita nyina balulame ba mashimba, anka balwishi belangye. Abo abamwihwishe’shi: A nkinyi bana-ba-bukishi ba Yoano abashila biakudia misusa na misusa, na kuteka nteko n’aba ku Bafadiseo namu anka hamune; anka bobe abadi n’abatomo? E bebālulwile’shi: Anwiuku kushidisha bana ba mubambi biashi, hakī mubambi n’abo su? Anka mafuku akafiki ha kuatwa mubambi kwabadi, henyihaha abakushidi biakudia mu aa mafuku. Bebalungwile namu lukindji’shi: Takwi muntu a kwela kihese kia mbwisha yihya ku mutwelo ukulu; mwanda su ekitela kwanka, kinyi kihya akikasanukidila, na kinyi kihindji kibalamunwa ku kinyi kihya tankilombana na kikulu, ooo. Takwi muntu namu akulongyesha nfinyo yihya mu madimba a misokya yikulu tala nfinyo yihya yiakatubula madimba, yiakasumbuka, biabia madimba akalwila namu. Anka nfinyo yihya ngihwandjikile kulongyesha mu madimba a misokya yihya, biabia bioso abikabombela kalolo. Takwi muntu namu hahu kutoma (nfinyo) yikulu, anka hanka nyi takyebe yihya: mwanda ākula’shi, Yikulu ngikile buwa. Bitabibakitshine h’efuku dia Sabado dia kabidi, badi akidi mu mafuba a ngano, na bana-be-ba-bukishi abadi abakulu ngano, tabeyikunyu maasa, badianga. Bangi ba ku Bafadiseo abebehwishe ’shi: A nkinyi kianukitshi ki shidikwe h’efuku dia Sabado? Yesu bebālulwile’shi: Tanwibabale sunga kiakia kibakitshine Dafidi habadi na nsala, e na mwinyi n’aba babadi n’e. Mubatwelele mu nshibo y’Efile Mukulu, āta mampa aleshwe ku meso kw’Efile Mukulu, e adia, e aha namu babadi n’e, ao abadi ashidikwe kishila kudibwa, anka kwi batshiite-bakwidi buhenka. Biabia bebalungwile’shi: Mwan’a muntu namu nyi Nfumu a Sabado. Bitabibakitshine ha dingi dia Sabado namu batwēle mu kitumbwilo, alambukisha: Mwanka mubadi muntu badi na mboko ye yibalume yifwe. Biabia bafundji-bamikanda na Bafadiseo abamutadile su akahwisha h’efuku dia Sabado; bamone mwabadia kumwimukila. Ank’e beukile binangu biabo, balungwile muntu badi mufwe mboko’shi: Ebwe, wemane hankatshi. Biabia bebwele, emana hanka. Binyibiabia Yesu bebalungwile’shi: Nankenwihusha mwanda umune; Nkihwandjikile mwifuku dia Sabado kukita bibuwa’nyi, su nkukita bibubi? kuhasha muwa, su nkwiulwisha? Hakutala boso, abadi bamwifunye, balungwile winyi muntu’shi: Ola mboko yobe; bakitshine biabia, na mboko ye yibahandjile bu yikwabo. Biabia abakwetwe na nsungu yikalabale, tabelungushena mwabadia kukitshina Yesu. Bitabibakitshine mu aa mafuku, bayile ku ngulu mu kuteka; batosheshe bufuku boso na luteko kw’Efile Mukulu. Habubatokyele, betamine bana-beba-bukishi, basangwile ekumi na babidi munkatshi mwabo, bebaudikile bu batumibwa. Shimono (abaudikile namu bu Petelo) na mukwabo Andeleo, na Yakoba, na Yoano, na Fidiha, na Batolomyu, na Mateo, na Tomase, na Yakoba, mwan’a Alafeasa, na Shimona ayitanyinwa bu Selote. Na Yudasa (mukwabo) na Yakoba, na Yudusa Isakadiota, winyi badi mwihulukile. Balalele n’abo, bemene mwibanda, na kibumbu kia bana-be-ba-bukishi, na kibumbu kikata kia bantu ku mpese yoso ya Yudea na ku Yelusalema, na ku bukunkula kwa mema a Tyila na Sidona abafikile kumuhusha, na huhashibwa ku masungu abo. N’abo abamweshwanga malwa na bikudi bia butete abahashibwe. Biabia kibumbu kioso kibakyebele kumukuma; mwanda bukome bubatukile kwadi bwa kwibahasha boso. Henyihaha babushishe meso e ha bana-be-ba-bukishi’shi: Mwabi wikale kwi’nwe balanda, mwanda bufumubw’Efile Mukulu mbwenu. Mwabi ngwenu (anwe) be nansala binobino, mwanda anukēkuta. Mwabi ngwenu (anwe) abadidi binobino, mwanda anuka sehela. Mwabi ngwenu habakenushikwa kwi bantu, na habakenulamuna (munkatshi mwabo,) na kwinutohēka, na kusumbula eshina dienu bu dibi, ha mwanda wa Mwan’a Muntu. Nusehele mu diadi’efuku, nutumbukye mwanda wa tuseho; mwanda bwedi bwenu mbukata mwiilu; mwanda bashabo-kulu abakitshine anka biabia kwi batemuki. Anka mpombo kwanudi anwe bampeta! mwanda nubahu kutambula kisambilo kienu. Mpombo kwanudi anwe bēkute, mwanda anukakwatwa na nsala. Mpombo kwanudi anwe abasehela binobino! mwanda anukōkakana na kudila mpolo. Mpombo kwanudi ahakenwakwila bantu boso buwa! mwanda biabia nyi bibakitshine bashabo-kulu kwi batemuki ba madimi. Anka nenulungula’nwe abahusha, ami’shi: Ikalai na kifulo kwi benushikwe; nukite bibuwa kwi be n’enu mushikwa. Nuele mwabi kwi abenuele muloa, nutekyele abenuhombola. Kwi’wa akukuhila kwi’tama dimune, omwa lulwile dingi namu; akukwata mutwelo wobe, tomutunanga kuata ekotshi diobe namu. Kwi muntu oso enutekye, omuhe; n’awa akukwata bintu biobe, tomukyendanga. Bianukyebe bantu kwinukitshina, biabia anwe namu kebakitei anka biabia namu. Mwanda su nwi na kifulo kwi be n’enu kifulo, anukatumbulwa na minyi? mwanda balwishi namu be na kifulo kwi be n’abo kifulo. Su anukitshi bibuwa kwa’benukitshi bibuwa, anukatumbulwa na minyi? mwanda balwishi abakita anka hamune. Su anwāhusha kwi ’banukuluhila kutambula dimonyi, anukatumbulwa na minyi? mwanda balwishi namu abeahushā kwi balwishi ha mwanda wa kutambula kilombane dimo. Anka’nwe nwikale na kifulo kwi be n’enu mushikwa, nukite bibuwa; tanwahushanga na kutengyela dimonyi sunga mpahēla, biabia bwedi bwenu abukekala bukata, anukekala bana ba Mukile boso bukata, mwanda e na kalolo kwi bashī na lutumbu na kwi balwishi. Binyibiabia nwikale na kanya, bu Shyenu namu e na kanya. Tanuhwandjikishanga (muntu mwanda), biabia anwe (namu) tanukahwandjikishwa: tanuhīshanga (muntu) n’anwe (namu) tanukahīshwa: nulekyele, biabia anwe (namu) anukalekyelwa. Nuhane, anukahebwa, kihimo kibuwa, kifitshinwe, kikonkwe hamune, kikwete kusumbuka akikenuhebwa na ku kiadi kienu. Mwanda ku kiakia kihimo kianuhimi, akikenuhiminwa kwanudi dimonyi. Biabia bebēle lukindji’shi: Mpofu euku kukunkusha mpofu n’e su? tabakahono boso m’bwina? Mwan’a bukishi takilā mulambukishi e bukata; anka ese muntu mulombane akekala bu mulambukishi e. A nki nyi kiotala kasoma ke mwīso dia mukwenu, anka bokutwa kumona mulamba wi mwīso diobe’be na mwinyi? Ouku na minyi kwamba mukwenu’shi: A mukwetu, okyebe nkukatushe kasoma ke mwīso diobe, obe na mwinyi twemumone mulamba wi mwīso diobe’u. Obe nsesa, badila kukasha mulamba wi mwīso diobe, biabia okamono biya mwa kukashisha kasoma ke mwīso dia mukwenu. Mwanda mutshi wibuwa tauheya bikuba bibubi sunga mutshi ubi tauheya bikuba bibuwa. Mwanda mutshi woso awiukibwa ku bikuba biao. Mwanda bantu tabakulā bikuba bia kikuku ku mitshi ya milobo, sunga kwahula bikuba bia mioshi ya nfinyo ku tusanyungu. Muntu ebuwa atusha bibuwa bu mwabidi bilombeleshwe bibuwa mwishimba die, na muntu mubi atusha bibubi bu mwabidi bilombeleshwe bibubi mwishimba die; mwanda ku bifwime bi mwishimba die, nyi kwe bikulu ku kanwa kwe. A nkinyi kianuntemwina’shi: Nfumu, Nfumu, anka tanukitshi mwanakwila? Awa afiki kwandji’mi na kuhusha bishima biande, na kwibikita, nankenulesha adi mwifwane. E mwifwane muntu baibakile nshibo, babundwile mula, batudile kibangilo ha lubwebwe; na habaule mema na mu mambwe, myeshi yibakuhile bikata ha yaya nshibo, yibakutshilwe kwiyisanyisha, mwanda yibebakilwe ha lubwebwe. Anka yawa ahusha, na takitshi, e ’mwifwane muntu baibakile nshibo ye ha nsenga yishī na kibangilo: biabia myeshi yibeyikuhila bikata, na kahindji n’āka yibahone; biabia mulwikilo wa yaya nshibo ubadi ukata. Henyihaha habahudishe mīsambo ye yoso mu matwi a bantu, batwēle mu Kahenauma. Biabia mpika a mulami a basalai lukama abadi n’e kifulo, badi na busungu hehi na kufwa. Habahushishe mukāndu wa Yesu, batumine bakulu ba bena Yuda kwadi kumusendela’shi, afikye ahashe mpik’ande. Abo, habafikile kwi Yesu, abamwiyayile’nka hanka’shi: E muhwandjikile biodia kumukitshina biabia. Mwanda e mukumine mwilo wetu, betwibakile kitumbwilo. Binyibiabia Yesu bayile n’abo; na habadi hehi ku nshibo, mulami a basalai lukama batumine bakūku be kwadi’shi: A Nfumu, tokalakalanga; mwanda’mi nkimuhwandjikil’obe ku twela mu nshibo mwande, ooo. Biabia namu nkimutentekyesha’shi, nyi muhwandjikile kufika kodi, ooo: anka wakul’eyi, na mpik’ande akahanda. Mwanda’mi namu nyi muntu mutulwe mushi mwa matalwa; nyi na basalai mushi mwande, ami nalungula mungi’ shi: Nda, biende; na kwi mungi’nyi’shi: Fika, biafiki; kwi mpik’ande namu’shi: Kita biabia, biakitshi. Habahushishe Yesu biabia, bamukanyine, bealulwile kwi kibumbu kibamulondanga’shi: Nenulungula’shi: Nkimusañane lukuluhilo lukata biabia, ooo, sunga mu Isalele. N’abo abatuminwe, hakwaluka ku nshibo, abasañene mpika badi akumbu tadi musangēla. Bitabibakitshine h’efuku dia kulonda, bayile mu kibalo akilumbwa bu Naine; na bangi ba bana-be-ba-bukishi abayile n’e, na bantu be bungi. Binyibiabia habafikile hehi ku kibelo kia kibalo, talai, kubadi kutwadibwe mufwe hasha, badi mwan’eleka a nyin’e; namu badi mukashi a mufwe; na bantu be bungi ba mu kibalo abadi n’e. Nfumwetu habamumwene, bamukwatshile lusa, bamulungwile’shi: Todilanga mpolo. Befubwile hehi, bakumine muselo, babadi batwale abemene. E bakwile’shi: Obe nsongwalume nakulungula’shi: Buka. Na yawa badi mufwe babukile, ashala, babangile kwakula. Bamutule kwi nyin’e. Boso abakwatshibwe na moo; abatumbishe Efile Mukulu’shi: Mutemuki mukata bamweka munkatshi mwetu; dimonyi’shi: Efile Mukulu basamba bantu be. Yino nkumo y’e yibahalakene moso mu Yudea, na ku mpese yoso yibadi hehi. Biabia bana-ba-bukishi ba Yoano abamulungwile yino myanda yoso. Binyibiabia Yoano baitanyine bana-beba-bukishi babidi, bebatumine kwi Yesu’shi: Obe nyi winyi atutengyelanga kufika, su atutengyela mungi? Habafikile baba bana balume kwadi, abakwile’shi: Yoano Mubatshishi betutumu kodi’shi: Obe nyi winyi atutengyelanga kufika, su atutengyela mungi? Ku yawa nguba bahashishe bebungi ku masungu, na ku bihuha, na ku mikishi yibi; na kwi bampofu bebungi bebahele meso. Henyihaha Yesu biakibālula’shi: Ndai mwishinda dienu, nulungule Yoano bianubamono na bianubahusha; mubatambwila bampofu meso, basha bilema abatambuka, basha kifwi abatoshwa, basha bitwi abahusha, bafwe ababushibwa, na kwi balanda kubalungulwa mukānduwibuwa. Mwabi kwi yawa shī muntombokyele. Habakatukile mikiendji ya Yoano babangile kwakula kwi bibumbu ha mwanda wa Yoano’shi: A nkinyi kianubayidile kumona mu kabāka? Elengye adisanyishibwa na luhahi su? Anka a nkinyi kianubayidile kutala? Nyi muntu mufwale bifwalwa bibuwa bukalabale su? Talangai, abo abafwadikwa na bifwalwa bibuwa bukalabale, be na muwa wabo mu buheta, be mu mpoho ya banfumu. Anka nkinyi kianubayidile kumona? Mutemuki su? Ee, nenulungula’shi: E mukididīle mutemuki. Unonyi (winyi) bafundjilwe’shi: Talai, natumine mukiendji wande ku mpala kobe, aukakulumbulwila eshinda diobe ku meso kobe. Mwanda nenulungula’shi: Munkatshi mwa batandjibwe na bakashi, takwi mutemuki mukile Yoano Mubatshishi bukata; anka yawa ’mukile buhela mu bufumubw’Efile Mukulu nyi mukile e bukata. Biabia bantu boso abahushishe, na balambushi-ba-milambu ababingishe Efile Mukulu, abadi ababatshishibwa na lubatshisho lwa Yoano. Anka Bafadiseo na bahatudi-ba-bishila, abo ba na bene abatune binangu bi’Efile Mukulu, mwanda tababadi babatshishibwe (kwi Yoano). Biabia Nfumwetu bakwile’shi: Nankahwandjikisha bantu ba kino kihungilo bu kinyi? A mbefwane kinyi? Mbefwane bana bakinga bashale mu kisalwe, abeitanyishena, na kwakula’shi: Tubeñombela, anka’nwe tanwibāshe, tubenudīla, anka’nwe tanwibadīle. Mwanda Yoano Mubatshishi bafikile, tabadi adi mampa sunga nkutoma nfinyo: anwe tanwakula’shi: E na kikudi kibi. Mwan’a muntu mufikye kwete kudia na kutoma; anwakula’ shi: Talai nkipyafi na bu ntomi a nfinyo, kūku a balambushi-ba-milambu na balwishi! Anka binangu bibabingishwe kwi bana ba’bio boso. Biabia umune a ku Bafadiseo bamwihwishe kudia n’e. Batwēle mu nshibo ya Mufadiseo, bashalele ku bidibwa. Biabia talanga mwana mukashi a mu kibalo, badi mulwishi, habeukile’shi, (Yesu) mushale kudia mu nshibo ya Mufadiseo, bafikile na kalangi (k’ebwe) di’alabasata kabadi mwimu wa malashi. Bemene ku ngwa ye, kunyima tadidi mpolo, babangile kusula ngwā ye na mpolo (ye), beyikumwine na nyene ya ku mutwe we, banyishishe kumufifya ku ngwā ye, na kwiyishinga mwimu. Binyiabibia winyi Mufadiseo bamwitamine kudia n’e, habamwene biabia, bākwile munda mwe’ shi: Uno (muntu) su ekalanga mutemuki, badia kwiuka uno mwana mukashi na nyikashi ye biabamukumu, mwanda e mulwishi. Biabia Yesu bamwālulwile’shi: Shimona, nyi na mwanda kukulungula. E bakwile’shi: Mulambukishi akula. Kubadi mwāhushi, badi mwāhuiwe na bantu babidi, umune badi na kishio kia ndenadi ya bu nkama yitano, mungi makumi atano. Hababakutshilwe biakumufuta, bebalekyelele bubidi bwabo. Binyibiabia ndungule akakidi n’e kifulo ku baba babidi? Shimona bamwālulwile’shi: Nahwandjikisha’shi, anka yawa abalekyela yikile. Biabia (Yesu) bamulungwile’shi: Botshibi bibuwa. Bealulwile kwi mwana mukashi, balungwile Shimona’shi: Omono uno mwana mukashi? Natwēle mu nshibo yobe, twemumpe mema a kusula ngwā yande, ank’e beyitohesha na mpolo, na kwiyikumuna na nyene ya ku mutwe we. Obe twemunyimune lwimu lwa ku kanwa, anka uno mwana mukashi, kashā ntwele tamulekye kunyimuna ku ngwā yande na lwimu lwa nkanwa. Obe twemufikinye mutwe wande mwimu; ank’uno mwana mukashi bafikinya ngwā yande na mwimu. Nyi ha mwanda uno nankulungula’shi: Milwisho ye yi bungi yibamulekyelwa; mwanda badi na kifulo kikata: anka kwi yawa mulekyelwe bihela (e namu) e na kifulo kihela. Biabia bamulungwile’shi: Milwisho yobe yibalekyelwa. Binyibiabia aba babadi bashale n’e ku bidibwa, ababangile kwakula munda mwabo’shi: A uno namu alekyela milwisho nanyi? Henyihaha balungwile mwana mukashi’shi: Lukumino lobe lubakuhasha; nda na kufukama. Bitabibakitshine kumongo, bayile mu bibalo bioso bikata, na mu misumba yoso, badi alungula na kulesha mukānduwibuwa wa bufumu bw’Efile Mukulu: na b’ekumi na babidi (abadi) n’e. Na bamo bana bakashi abadi bahashibwe ku bikudi bibi na ku masungu; Madiya badi alumbwa dingi die bu Mandalene, yawa batushishwe bikudi bibi musambobidi. Na Yoanana mpiana a Tshusa, winyi badi kalama ka bintu bia Heloda na Susana, na bangi bebungi abadi abamufubile na buheta bwabo. Binyibiabia habadi bantu bebungi bekoñene hamune, na ku bibalo bioso abafikile kwadi, ebakwile mu lukindji’shi: Muminyi ’ēfuba bayile mu kumina mbio ye: habaminanga, yingi yibahone ku bukunkula kw’eshinda; yibāshinwe, na tonyi twa mwiilu tubeyisomwene. Yingi yibahone ha lubwebwe; hayibamene, yibaumine mwanda yibakutshilwe kitalesha. Yingi yibahone munkatshi mwa milobo; biabia milobo yibamene hamune, yeyifina. Yingi yibahone ha nsenga yibuwa, yibamene, yibahele bikuba bu ku lukama. Habahwile kwakula yino myanda, banyishish’eyi’shi: E na matwi a kuhusha ahushe. Biabia bana-be-ba-bukishi abamwihwishe’shi: A luno luki ndji lwi na minyi? E bakwile’shi: Kwanudi’nwe nkinu hebwe kwiuka kwa myanda yifībwe ya bufumu bw’Efile Mu kulu: anka kwi bangi yi mu nkindji’shi; hakumona tabakamono, na ha kuhusha tabakashingula, ooo. Anka (luno) lukindji lwi bino. Mbio nyi mwanda w’Efile Mukulu. Ayo yi ku bukunkula bw’eshinda mbaba abahusha; henyihaha diabolo afika, āta mwanda wi ’mashimba’bo tala bakakumina, na kuhashibwa. Ya ha lubwebwe mbaba abahusha, batambula Mwanda na kusehela; ank’abo tabe na mishi, abakumina’nka kihindji kihela, na ha kihindji kia kutompibwa biabalamunuka. Aya namu yibahone munkatshi mwa milobo, mbaba abahushishe, benda, abafinwa na bia kwinyenga na bia buheta, na bia muloo bia (uno) muwa, tambahe bikuba bikumbane. Ank’aya ya mu nsenga yibuwa, mbaba abahusha Mwanda, abeulama mwishimba dia binyibinyi dibuwa, abaha bikuba na kwishinka. Takwi muntu ha kōsha kimunyi ekitule mushi mwa kintu, sunga nkutwesha mushi mwa lusala: anka kwikitula ha kitulo kia kimunyi’shi, abakatwela mwanka bamone etata. Mwanda takwi kifwame kishyakikasokolwa, sunga kifibwe kishyakikaukibwa na kufumbwila hatoka. Binyibiabia dimukai ku bianuhusha: mwanda kwi’wa e n’abio akahebwa, na kwi yawa shī n’abio, akamañunwa n’akia anangushena’shi, nyi n’akio. Henyihaha nyin’e na bakwabo abafikile kwadi, abakutshilwe biakufika hehi n’e ha mwanda wa kibumbu. Abamulungwile’shi: Nyin’obe na bakwenu bēmane hasha, abakyebe kukumona. N’e bebāluwile’shi: Nyina’mi na bakwetu nyi mbano abahusha mwanda w’Efile Mukulu na kwiukita. Henyihaha bitabibakitshine, ha ding’efuku batwele mu bwato na bana-be-ba-bukishi hamune; bebalungwile’shi: Twabukei adi’eshia di’eshiba. N’abo abalundwile, bēnda. Anka habadi abēnde, bahone mu tulo: biabia kihahi kikata kibafikile h’eshiba, (na bwato) bubadi abuulu mema, abadi hehi kutukila. N’abo abafikile kwadi, abamubushishe’shi: A Mwanana! a Mwanana! tubatukila. Binyibiabia babukile, basashile luhahi na mbundambunda ya mema; bibalekyele, kubadi talō nyā. E bebalungwile’shi: A lukumino lwenu lwi kunyi? N’abo abakwetwe na moo, abakanyine, abelungushene’shi: A uno muntu e na minyi? mwanda bakamikile mpahi na mema, n’abio biamukokyela. Abafikile ku nsenga ya Bena Ngadilene, yitadile ku Ngadileo. Habābukile ku mahia, muntu mulume a mu kibalo bafumankene n’e, badi na bikudi bibi kihindji kikata, badi shī mufwale bifwalwa, sunga nkwikala mu nshibo, anka ku mashama. Habamwene Yesu, bēle musase ukata, bahone hashi ku mpala kwe, banyishishe eyi’shi: Nyi n’obe mwanda su, obe Yesu Mwan’Efile Mukulu mukile boso? nakusendela’shi: To’mweshanga malwa. Mwanda bakamikile kikudi kibi kutuka kwadi. Mwanda kibamukwatshile misusa na misusa: badi mwanyibwe namu mu nkano, na kwelwa ’momba: ank’e bakutwile mianyo, badi abingibwa na kikudi kibi mu mahia a kabāka. Biabia Yesu bamwihwishe’shi: Eshina diobe mbu’nyi? Bālulwile’shi: Nyi Kibumbu: mwanda bikudi bibi bibungi bibamutwele ntunda. N’abio bibamwiyayile’shi: Twetukamikilanga kutwela mu luhongo (lushī na nfudilo). Kubadi lombe lwa ngulube ayidi ha ngulu; biabia bibamwiyayile’shi: Etukumine tutwele munda mwa’yo. E beyikuminyine. Binyibiabia bikudi bibi bibatukile munda mwa muntu, bibatwele mu ngulube: na lombe lubālalele lubilo ha mfudi, mpaa na mwishiba, abeyishikile mitshima, yafwa. Be’nyi abadi abeyidisha, habamwene kibakitshibwa abasukile, abalungwile mu kibalo na ku mahia. Henyihaha abatukile mu kumona bibakitshibwa; abafikile kwi Yesu, abasañene winyi muntu batushishwe bikudi bibi, mushale ku ngwā ya Yesu, mufwadikwe, badi na binangu bibuwa; n’abo abatshine moo. Abo namu abamwene, abalungwile mu bahandjile yawa badi mukwatshibwe na bikudi bibi. Binyibiabia kibumbu kioso kia mu nsenga yoso ya Bena Ngadilene abamwiyayile’shi: Etukatukye, mwanda abakwetwe na moo ukata; n’e batwele mu bwato, bālukile. Biabia yawa muntu batushishwe bikudi bibi bamwiyayile’she: Nyikale n’obe: anka Yesu bamutakwile’shi: Aluka ku nshibo yobe, olungule myanda yikata yibakukitshinwa kw’Efile Mukulu. E bayile, bahalakeshe mu kibalo kioso mwanda wa yaya myanda yikata yibakitshine Yesu kwadi. Bitabibakitshine, habālukile Yesu, kibumbu kibamukukile na kusehela, mwanda boso abadi abamutengyela. Biabia kubafikile muntu mulume eshina die bu Yailuse, badi mulami a kitumbwilo; bahone ku ngwā ya Yesu, bamwiyayile’shi: Ofikye ku nshibo yande. Mwanda badi na mwana mukashi eleka, badi bihwa hehi ekumi na bibidi, e badi mulale hehi na lufu. Anka habayile bantu abamufine efina. Henyihaha mwana mukashi badi na busungu bwa kishila, bihwa ekumi na bibidi, bahudishe bintu bie bioso kuhana kwi bananga, tamumone sunga ngumune amuhasha. Bafikile ku mongo kwe, bakumine ku kimāma kia mutwelo we, biabia kahindji n’āka kishila kibatshibika. Yesu’shi: A nanyi bankumu’shi? Habatune boso, Petelo na bangi abadi n’eabamwāluwile’shi: A Mwanana, kibumbu kikushikye na kwifinena, biabia obe wehushe’shi: A nanyi bankumu? Yesu bakwile’shi: Muntu bankumu; mwanda nashingula’shi, bukome bubantuku. Habamwene mwana mukashi tabadi mufwame, bafikile na kususa, bakunamine ku ngwā ye, bamulungwile ku mpala kwa bantu boso kīnyi kibamukumishe (mboko), na kibahashibwa kahindji n’āka. Biabia bamulungwile’shi: Mwan’ande mukashi nyish’eshimba, lukuluhilo lobe lubakuhasha; nda na kufukama. Habadi kwete kwakula, kubafikile umune (ku nshibo) ya mulame a kitumbwilo, bakwile kwadi’shi: Mwan’obe mu kashi bafu; tokambakashanga Mulambukishi. Anka Yesu hakuhusha bamwālulwile’shi: Totshinanga, anka kukumina, e akahashibwa. Biabia habafikile ku nshibo, tamukumine mungi muntu kutwela, anka Petelo, na Yakoba, na Yoano, na nshye mwana, na nyin’e. Biabia boso abadi abamudidi kitumo, ank’e bakwile’shi: Tanudilanga, tamufwe, ooo, ’mulale tulo. Abo abamusehele na kumubengakana, mwanda abaukile ’shi, mwana ’mufwe. Biabia ebebatushishe boso hasha, bamukwete ku mboko, bamwitanyine’ shi: Nsongwakashi buka. Henyihaha kikudi ki’e kibālukile kahindji n’āka, bēbwele; e bebalungwile’shi; Muhei biakudia. Biabia abamutandjile abakanyine bikata, anka e bebalangile’shi: Tanulungulanga muntu bibakitshinwe. Henyihaha betanyine bana-be-ba-bukishi ekumi na babidi hamune, bebahele bukome na matalwa kunundu kwa bikudi bibi bioso, na kuhwisha masungu oso. Bebatumine kulungula bufumu bw’Efile Mukulu, na kuhwisha basha masungu. Bebalungwile’shi: Tanutwalanga kia ha luendo, sunga mukombo sung’edimba, sunga mampa sunga mono: sunga makotshi abidi. Mu nshibo yoso yanukatwele, nwikale mwanka mpaa na hanukatuku. Boso bashyabakenukukila, hakukatuka ku kiakia kibalo, nwikukule lufūfi lwa ku ngwā yenu kwikala bu kamonyi ku mpala kwabo. Abo abakatukile, bēnda mu bibalo bioso mu kulungula mukāndu-wibuwa, na kuhwisha (masungu) kosokoso. Binyibiabia Heloda kilolo bahushishe bioso bibakitshine (Yesu) badi na mialasheno, mwanda bangi abākwile’shi: Nyi Yoano babuku ku lufu. Bamo’shi: Elaidja bamweka; na bangi’ nyi’shi: Ngumune a mu batemuki ba kala basanguka dimo. Biabia Heloda bakwile’shi: Yoano namutshibile mutwe, anka unou namu nanyi anahusha bino bintu? Binyibiabia bakyebanga kumumona. Batumibwa habālukile, abamulungwile bioso biabakitshine. Biabia bebātshile, benda ku bukunkula mbufyefye, kukihindji ki kabāka, ka ku kibalo akitemunwa bu Betesaida. Biabia bibumbu bia bantu habibeukile abamulondele, e bebakukile, bākwile n’abo ha mwanda wa bufumu bw’Efile Mukulu, bahwishishe babadi na lukalo lwa kuhwishibwa. Habadi nguba takyebe kuhona, biabia b’ekumi na babidi abefubwile kwadi; abamulungwile’shi: Takula kibumbu, kiende mu bibalo na ku mpese yoso yi hehi, kwa kulala na kumona bidibwa; mwanda’ twe kuno twi mu mahia a kabāka. Ank’e bebalungwile’ shi: ebahei’nwe biakudia. Abo abakwile’shi: Tatwi n’abio, anka mitanda yitano ya mampa, na mishiha yibidi; anka su tuenda mu kūdila bano bantu boso biakudia. Mwanda abadi bana balume bu binunu bitano. Biabia balungwile bana-be-ba-bukishi’shi: Ebashadikyei kibumbu makumi atano, kibumbu makumi atano. Biabia abakitshine, abashadikile boso. Henyihaha e bātshile mampa atano na mishiha yibidi, babushishe meso mwiilu, bebitekyele mwabi, bebitshokwele, bashele bana-be-ba-bukishi kutula ku mpala kwa bibumbu. N’abo abadile, boso abekwite; kubasangwilwe bihese bibashele, bisele bi’kumi na bibidi. Bitabibakitshine habadi mu kuteka buhenka, bana-beba-bukishi abadi n’e: e bebahwishe’shi: A bantu abākula’mi’shi, nanyi? Abo abālulwile’shi: Mbu Yoano Mubatshishi; anka bangi’shi: Elaidja; bangi’shi: Ngumune a batemuki ba kala basanguka dimo. Biabia bebambile’shi: Ank’anwe añunamba’shi, nyi’nyi? Petelo bālulwile’ shi: We Kidisitu ’Efile Mukulu. Bebalungwile bi bukoho, na kwibakayika’shi: Tanulungulanga muntu uno mwanda. Eshi, Mwan’a Muntu anka kufwambuka mu bia malwa bibungi, na kuhedibwa kwi bakulu, na kwi batshiitebakwidi bakata, na kwi bafundji-ba-mikanda, nakwihayibwa, na kusanguka h’efuku dia kasatu. Bebalungwile boso’shi: Su kwi muntu akandondo, ehele na mwinyi, eboshe nkulusu ye kwifuku n’efuku, andonde. Mwanda ese akyebe kuhasha muwa w’e, akeushimisha; ank’ese akeshimisha muwa we ha mwanda wande, e akeuhasha. Mwanda muntu asungula kinyi, su atambula nsenga yoso, anka e na bene’nyi beshimisha, su nkusumbudibwa? Mwanda ese ammwena būfu na bwa myanda yande kumune, Mwan’a Muntu namu anamumwene būfu hanakafikye mu ntumbo ye na mwinyi, na ya Nshye, na ya bamwikeilu balamunwe-bakishila. Anka nenulungula bia binyibinyi’shi, kwi bamo bemane hano, tabakamono lufu, mpaa na habakamono bufumu bw’Efile Mukulu. Bitabibakitshine ku nyima kwa yino myanda, ha kukila hehi mafuku mwanda, bātshile Petelo na Yoano, na Yakoba, abakamine ku ngulu mu kuteka. Habadi atekye, mwikelo wa mpala ye yibālulukile, na bifwalwa bie bibatokyele na kuhenyahenya. Biabia, talangai, kubadi bana balume babidi, abēsambile n’e, nyi Mosesa n’Elaidja. Abamwekyele mu ntumbo, abēsambile mwanda wa lufu lwe lubadi akakumbasha ku Yelusalema. Anka Petelo na babadi n’abo abanemenenwe na tulo, habadi ababuku, abamwene ntumbo ye, na bana balume babidi abadi bemane n’e. Bitabibakitshine, habakatukile kwadi, Petelo bākwile kwi Yesu’shi: A Nfumwami, bibuwa atwe kwikala hano; tushimikei bitanda bisatu; kimune nkiobe, kimo nkia Mosesa, na kingi nkia Elaidja: anka tamwiukye kibadi ākula. Habadi ākula biabia, kubafikile ekumbi, diebabwikila; n’abo abakwetwe na moo habebabwikile ekumbi. Biabia eyi dibatukile mwikumbi’shi: Uno nyi Mwan’ande a kifulo: Numwifwakene. Habakile dino eyi, abamwene’nka Yesu buhenka bwe. N’abo abauminyine, tababalungwile muntu, sunga ngumune mu aa mafuku biabia bintu biabamwene. Bitabibakitshine, h’efuku dia maloba, habayikile ku ngulu, bantu bebungi abafumankene n’e Biabia mwana mulume a mu kibumbu bēle musase’shi: Mulambukishi, nakwiyayila, tala kwi mwan’ande mulume, mwanda e mwan’nade eleka. Tala, mukishi aumukwata, hahindji n’āka tēle ngese: aumunyengye, na kusunya na kutusha mafulu ku kanwa, na kumusosa mbidi taukyebe kumuleka, ooo. Nasendelele bana bobe-ba-bukishi kumubinga, ank’abo abakutshilwe. Yesu bālulwile’shi: Anwe kihungilo kia bashyakukuluhilwa, basha mpuha, a nankekala n’enu kihindji ki na minyi na kwinulekyela? Fwisha mwan’obe kuno. Habadi kwete kufika, kikudi kibi kibamukuhile hashi, kibamunyengele. Biabia Yesu basashile kikudi kibi, bahashishe mwana, bamwalushe kwi nshye. Biabia boso abakanyine ku bukome bukata bw’Efile Mukulu. Anka habadi abakanya boso ku bioso bibakitshine Yesu, e balungwile bana-be-ba-bukishi’shi: Yino myanda yitwele biya mu matwi enu: mwanda Mwan’a Muntu akatulwa mu maasa a bantu. Ank’abo tambashingule uno mwanda ubebafīlwe bia bashyakwiuka, abatshine namu kumwihusha’o. Binyibiabia kubabukile mpaka munkatshi mwabo’shi: Nanyi akekala mukile bukata a atwe boso? Anka Yesu hebeukile biabadi abatentekyesha mu binangu biabo, bātshile mwana mukinga, amutula hadi. Biabia beba lungwile’shi: Ese akatambula uno mwana mukinga mwishina diande, antambula’mi: n’ese akantambula’mi, atambula bantumine: mwanda yawa mukile buhela munkatshi mwenu boso, nyi winyi akekala mukata. Binyibiabia Yoano bālulwile’shi: A Nfumu, tubamwene muntu badi abingi bikudi bibi mwishina diobe; atwe twamutosha mwanda ta mulondji n’etu. Biabia Yesu bamulungwile’shi: Tolekyeshanga; mwanda yawa shyatuhishene n’etu nyi ngetu. Bitabibakitshine, habadi mafuku akwatshibwa kwe tadi akumbana, bashinyikile mpala kwenda ku Yelusalema. Biabia babadishishe mikiendji ku mpala kwe; abayile, batwela mu kibalo kia Bena Samadia kumulumbulwila (mbalo) Abo tambamukukile, ooo, mwanda mpala ye yibadi bu akyebe’ nka kwenda ku Yelusalema. Bana-be-ba-bukishi, baYakoba na Yoano, habamwene (biabia) abakwile’shi: A Nfumwetu, okumina’twe kwitanyina kālo kayikye kwiilu, kebashikye fututu bu bibakitshine Elaidja su? Ank’e bealulwile, ebatosha’shi: Tanwiuku mwikelo wa kikudi kia nwi n’akio. Mwanda Mwan’a Muntu tamufwile kulwisha miuwa ya bantu, ooo, anka kwiyihasha. Biabia abayile ku kingi kibalo. Bitabibakitshine habayile mwishinda, muntu’mune bamulungwile’shi: A Nfumwami, nankakulondo kosokoso kōkende. Yesu bamulungwile’shi: Miseuyi na mena, na ha kutula mutwe (we). Balungwile mungi’shi: Ondonde. Ank’e bakwile’shi: A Nfumwami banda kundeka, nyende nkashikye nshyami kwibedi. Yesu bamulu ngwile’shi: Bafwe bashikye bafwe babo, ank’obe nda, olungule bia bufumu bw’Efile Mukulu. Mungi namu balewile’shi: A Nfumwami, nankakulondo, anka ondekye mbande kwenda kwibedi kulaa be kwetu ku nshibo kwande. Biabia Yesu bamulungwile’shi: Takwi muntu akwata lukasu kwiasa, atala kunyima, biabia tamuhwandjikile bufumu bw’Efile Mukulu, ooo. Ku nyima kwa yino myanda, Nfumwetu basangwile bangi makumi musambobidi namu, bebatumine babidi babidi ku mpala kwe, mu bibalo bioso na mu bingi bihindji biakafiki e na mwinyi. Binyibiabia bebalungwile’shi: Biumbulwa mbikata, anka bafubi mbahela: nutekye Nfumu a biumbulwa, atume bafubi ba kuumbula. Ndai, nenutumu bu bana ba mikoko munkatshi mwa tūmishi. Tanutwalanga edimba dia nfalanga, sung’ebofu, sunga biashino, ooo: tanwimunanga muntu mwishinda. Mu yoso nshibo yanutwele, kwibedi’shi: Kufukama kwikale ku yino nshibo. Su mwana mufukame e mwanka, biabia kufukama kwenu kukekale mwanka; su mwi bisumanga akukāluluka’nyi dimo kwanudi. Mu yingi nshibo yanukekala, nudie, nutome abia bintu biabenuha; mwanda mufubi ’muhwandjikile efuto. Tanukindakananga mashibo. Mu kioso kibalo namu kianukatwele, n’abo abenukukila, biabia diai bintu bitulwe ku mpala kwenu. Nuhwishe basha masungu be mwanka, nwibalungule’shi: Bufumu bw’Efile Mukulu bubafiki hehi n’enu. Anka mu kioso kibalo kianukatwele, n’abo tambenukukile, tukai mu misē y’akio, nwakule’shi: Sunga lufūfi lwa ku kibalo kienu alwitulamata, atwinukukwila’lo, sunga mbiabia nwiukye binyibinyi’shi, bufumu bw’Efile Mukulu bubafiki hehi kwanudi. Anka nenulungula’shi: Mu adi’efuku, malwa a Sodoma akekala akile kubofula he malwa a kiakia kibalo. Mpombo kodibe Kolushine E mpombo kodibe Betesaida! mwanda bikitshino bikata bibakitshinwe mwanudi, su bibadi akukitshibwa mu Tshile na Shidona, abadia kwilanga kala, na kushāla mu bilamba bia makutu na būto. Anka ahakafiki efuku dia kimu, malwa a Tshile n’ā Shidona akekala bu a bofula he malwa enu. N’obe Kahaneuma bokamishibwa kwiilu, okayishibwa mu kalunganyembo. Yawa enuhushā ampusha’mi; n’e ansabula, asabula yawa antumine. Be makumi musambobidi abalukile na masanku’shi: A Nfumwetu, bikudibibi bibetukokyela mwishina diobe. N’e bebalungwile’shi: Namwene Satana ahono kwiilu bu luhete lwa mpeshi. Talai, nenuha matalwa a kwashina manyoka na tuminu, na ha bukome boso bwa mwitushikwe; binyibiabia takwi sunga nkimune akikenusakula. Sunga mbiabia, tanuse helanga ha uno mwanda’shi, bikudi bibi bibenukokyela; anka nusehele ha mwanda mashin’enu ngafundwe mwiilu. Ha yawa nguba Yesu basehelele mu Kikudi (E-Selelee,) bakwile’shi: Nakutumbul’obe Yaiya a mwiilu nahashi, mwanda bofīle yino myanda kwi basha binangu na bahatulukye, bweyisokwela bana bakinga: Ee! Yaiya, mwanda biabia nyi mwiyile diobe eshimba dibuwa. Bintu bioso bibamfishishwa kwi Nshyami, anka takwi sunga ngumune euku Mwana, anka Yaiya; na Yaiya namu takwi sunga ngumune amwiuku anka Mwana; na yawa, Mwana akamusokwela kwadi. Biabia bealulwile kwi bana-be-ba-bukishi, bakwile ku bukunkula’shi: Mwabi kwi meso amono bintu bianumono. Mwanda nenulungula’shi: Batemuki bebungi na banfumu abadi abakyebe kumona’bia bintu bianumono, anka tambebimone; na kuhusha myanda yanuhusha, anka tambeyihushe, ooo. Binyibiabia talai, muhatudi-a bishila bemene, bamutompele’shi: A Mulambukishi, nkite na minyi kuhyana muwa wa ikala-ika? E bamwambile’shi: Kifundwe na minyi mu mukanda-wa-bishila? obe obalā na minyi? E bālulwile’shi: Okafule Yehowa Efile Mukulu obe kifulo, mwishimba diobe dioso, na mu kikudi kiobe kioso, na mu bukome bobe boso, na mu binangu biobe bioso; na ku mwikashi n’obe bu’be na mwinyi. E bamulungwile’shi: Boalula binyibinyi; kita biabia okekala na muwa. Ank’e badi akyebe kwibingisha e na mwinyi; bakwile kwi Yesu’shi. A nanyi mwikashi n’ami? Biabia Yesu bālulwile’shi: Kubadi muntu bayikile ku Yelusalema, kwenda ku Yediko, bahōne mu maas’a bangifi, abamufule bilamba bie, abamusakwile, abakatukile, abamulekyele liehi kufwa. Binyibiabia, tshiite-mwakwidi umune badi afiki ha diadi’eshinda, habamumwene bakile ha lungi luhese. Biabia mwina Lefi namu anka hamune, habafikile kwanka bamutale bisumunga, bakile ha lungi luhese. Anka mwina Samadia umune habayile luendo, bafikile kwadi; habamumwene bamukwatshile lusa. Befubwile kwadi, bamwanyine malonda, bamuhongolwele mwanka mwimu na nfinyo, bamualiza tentekyele ha nyama ē na mwinyi, bamufishishe ku nshibo ya benyi, bamulēle. H’efuku dia maloba habebwele luendo, batushishe nfalanga ya ndenadi yibidi, beyihele sha nshibo, bamulungwile’shi: Omulele; na bioso okahana dimonyi, hankāluka nankakwalwisha. Obe ohwandjikisha’shi; A nanyi a ku baba basatu badi mwikashi a yawa bahone mu maas’a bangifi? E bālulwile’shi: Yawa bamufwidile lusa. Biabia Yesu bamulungwile’shi: Nda, okite hamune. Henyihaha bitabibakitshine, habayile abatwelele mu kingi kibalo; na mwana mukashi umune atemunwa bu Māta, batambwile Yesu mu nshibo ye. Badi na mukwabo mukashi atemunwa bu Madiya, badi mushale namu ku ngwā ya Yesu, badi ahusha mwanda we. Anka Māta bakambi-lwe na mwanda wa mifubo yibungi ya mu nshibo; bafikile kwadi, bamwambile’shi: A Nfumwami, tonangushena bibandekyela mwin’ande kufuba buhenka bwande? Banda kumulungula afikye akankwashye. Yesu bamwālulwile’shi: Māta! Māta! obe okamba kunangushena mwanda wa myanda yibungi ayikukalakasha: Anka kintu kimune ki lukalo, na Madiya basangwile kiakia kihindji kibuwa kishyakikamwatwa kwadi ooo. Bitabibakitshine, habadi atekye mu kihindji kikampanda, habahwile, umune a bana-be-ba-bukishi bamwambile’shi: A Nfumu, etulambukishe kuteka bu bibalambukishe Yoano bana be ba bukishi. E bebalungwile’shi: Hanutekye nwakule’shi: Yaiy’etu e mwiilu, eshina diobe dishidikwe kishila. Bufumu bwobe bufikye. Abikyeb’eshimba diobe bikitshibwe hano ha nsenga bu biabidi bikitshibwe mwiilu. Etuhe biakudia bietu kwifuku n’efuku: Etulekyele milwisho yetu; mwanda’twe namu atulekyela muntu ese e n’etu kishio. Twetufishanga mu kutompibwa; anka wetumañune kwi (yawa) mubi. Biabia bebambile’shi: A nanyi ēnu su e na kūku e, ēnda kwadi munkatshi mwa bufuku, amwamba’shi: A kūku, nahushe mitanda ya mampa yisatu; Mwanda kūku ande afiki mu luendo e kwande, ami nki na kintu kia kutula ku mpala kwe. E e mu nshibo akālula’shi: Tonkambakashanga: binobino kibi nkishite, na bana bande be n’ami ha lusala; tañuku kubuka kukuha. Nenulungula’shi: Sunga takabuku kumuha ha mwanda wa bukūku, anka ha mwanda wa mushino we akabuku kumuha moso mwakyebele. N’ami nenulungula’shi: Tekai, akikenuhebwa; Kimbai anukamono; kukulai, akikenushitwilwa. Mwanda muntu ese atekye atambula; na yawa akimbi amono; na kwi yawa akukula akashitwilwa. A nanyi enu e sha mwana, su mwana amutekye dimpa akamuha ebwe? Sunga amutekye mushiha, amuha nyoka bu mushi ha su? Sunga atekye eyi akamuha kaminu su? Biabia su anwe bebubi, anwiuku kuha bana benu bintu bibuwa: Nshyenu e mwiilu takakishakisha kuha kwi abamutekye Kikudi-E-Selelee su? (Yesu) badi abingi kikudi kibi, kibadi kamama. Bitabibakitshine habatukile kikudi kibi, kinyi kia kamama kibākwile, na bantu abakanyine. Anka bangi b’abo abakwile’shi: Abingi bikudi bibi kwi Bēlesebuba nfumu a bikudi bibi. Bangi abamutompele, abakimbile kwadi kitundwilo kia mwiilu. Ank’e beukile binangu biabo, bebalungwile’shi: Bufumu bwoso abwila muna bu na bene, abufwisha ku kusalakana; na nshibo ayilamuna ku nshibo n’ayo ayihono. Su Satana namu ’mwilamune na mwinyi, bufumu bwe abukemana na minyi? mwanda anwakula’shi: Ami, nabingi bikudi bibi kwi Bēlesebuba. Su’minabingi bikudi bibi kwi Bēlesebuba, a bana benu abebibingi na (bukome) bwā’nyi? biabia abakekala bansushi benu. Anka su’mi nabingi bikudi bibi na munwe w’Efile Mukulu, biabia bufumu bw’Efile Mukulu bubafiki kwanudi binyibinyi. Ahekala sha bukome mufwadikwe bilwilwa, alama kihanga kie, (biabia) bintu bie mbikumbane. Anka ahakafiki kwadi, mungi mumukile bukome, na kumukambila, biabia amwata bilwilwa bie bioso bibadi mukuluhile, na kwāba bintu bie. Yawa shī n’ami mwituhishene n’ami: na yawa shyakongola n’ami ahalakashā. Habatukile kikudi kibi kwi muntu, akiende mu bihindji biume kukimba kikisho: na hakukutwa kwikisangana, akiakula’shi: Nankāluka ku nshibo yande yinatukile. Hakibafikile, kibasahene ngikombe, yilumbulwe biya. Henyihaha kibālukileme u kuata bingi bikudi musambobidi bikikile’kio ki na mwinyi bubi, biatwēla, biabombela mwanka: na nyikashi ya kunfudilo ya yawa muntu yiakila ya kwibedi bubi. Bitabibakitshine habādi akula yino myanda, biabia mwana mukashi a mu kibumbu banyishish’eyi die, bakwile’shi: Mwabi ku diadi’efu dibakutandjile, na ku mabele abakōmeshe. Ank’e bakwile’shi: Ee! anka mwabi ngukile kwi’bo abahusha mwanda w’Efile Mukulu, na kwiulama. Habekohene bantu bebungi hamune, befinene, e babangile kwakula’shi: Kino nyi kihungilo kibubi: akikyebe kitundwilo, anka takikebahebwa, anka kiakia kitundwilo kia Yonasa mutemuki. Mwanda bibadi Yonasa bu kitundwilo kwi Bena Ninefa, anka biabia namu Mwan’a Muntu akekala ku kino kihungilo. Nfumu mwana-mukashi a ku Sude akebō mu kimu na bantu ba kino kihungilo kwibahisha: mwanda e bafikile ku nfudilo kwa nsenga mu kuhusha binangu bia Solomone; biabia talangai, mukile Solomone bukata e hano. Bena Ninefa abakebō ku kimu na kino kihungilo, abakekihisha mwanda abelangile ku bulungudi bwa Yonasa; biabia talangai, mukile Yonasa bukata e hano. Takwi muntu hahu kōsha kimunyi e kitulu mu kihindji kifamwe, sunga mushi mw’ekumbo, anka kwikitula ha kitūlo-kia-kimunyi’shi, abatwele mwanka bamon’etata. Etata dia mbidi nyi ’iso: binyibiabia ahekala eiso diobe di soo, mbidi yobe yishima namu ngitoshwe n’etata; anka su eiso diobe di bubi, mbidi yobe namu ngiūle mufito. Binyibiabia dimukai, talai su etata di munda mwenu su ’mufito. Biabia su mbidi yobe yoso ngitoshwe n’etata, tayi na hangi hafita, biabia ngishima ayikekala ’nka soo, anka hamune n’etata di selelee dia kimunyi adikumunyikā. Habadi ākula, mungi Mufadiseo bamwiyayile kudia n’e; biabia batwelele, bashalele kudia. Habamwene winyi Mufadiseo, bakanyine, mwanda kwibedi kwa kudia tamwioshe. Biabia Nfumwetu bamulungwile’shi: Binyibiabia anwe Bafadiseo anutosha ha mbidi ya kitomeno na kibaa, anka munda mwenu muule bia manyenanyi na bubi. Anwe bahatakane, yawa bakitshine ki ha mbidi, ta ne bakitshine ki munda namu su? Anka mbikile buwa nuhane bia buntu ku bintu bianudi na’bio; biabia bi mu bioso mbitokye kwanudi. Anka mpombo kwanudi Bafadiseo! mwanda anulambula ki ki’ekumi kia luenyi na kikotshi, na bihaso bioso bia midioko, anka anulekā mwa kutshibila kimu, na kifulo ki’Efile Mukulu: yino nyi yibadi yilumbulukye’nwe kukita, na kukutwa kuleka yikwabo yishī yikitwe. Mpombo kwanudi anwe Bafadi seo! mwanda’nwe nwi na kifulo na bishalelo bia ku mpala mu bitumbwilo, na kwimunyībwa mu mabulu a bisalwe. Mpombo kwanudi, anwe bafundji-ba-mikanda na Bafadiseo, bansesa! mwand’anwe nwi bu mashama ashī a mweka, na bantu abāshina hanka tabeashingula. Henyihaha umune a ku bahatudi-ba-bishila bamwālulwile’shi: A Mnlambukishi, hobōkula biabia bwetufukula n’atwe namu. E bakwile’shi: Mpombo kwanudi namu anwe bahatudiba-bishila; mwanda anunemeshā bantu bita bi bushito ha kutwala, n’anwe bana bene tanukumā binyi bita sunga na munwe wenu umune. Mpombo kwanudi! mwanda’nwe anwibakā mashama a batemuki, biosobi mba shyenu abebehayile. Biabia anwiakwila na kukumina bikitshino bia ba shyenu; mwanda n’abo abebehayile binyibinyi, anwe namu anwibaka mashama’bo. Nyi biabia namu bibakwile binangu bi’Efile Mukulu’shi: Nankebatumina batemuki na batumibwa, na bamo b’abo abakebeha na kwibabinga. Eshi, mase a batemuki boso, abasumbukile mpaa na ku mbangilo kwa hanohansenga, akakebibwa ku kino kihungilo. Kubangila ku mase a Abele, mpaa na ku mas’a Sakadiasa, winyi bafwile hankatshi ha kitala kia bitahilo na ntempelo; binyibinyi nenulungula’shi: Anakakyebibwe ku kino kihungilo. Mpombo kwanudi bahatudi-ba-bishila! mwanda nubakashishe lufungulo lwa kiukilo: anwe bana bene tanwi batwele, n’abo bakwete kutwela anwibakutshishwa. Habebalungwile biabia bafundji-ba-mikanda na Hafadiseo babangile kumwikongwela na kumukolomona kwakula myanda yibungi. Abadi abamutengyela kuhusha abituku mu kanwa mwe biabadia kumwimukila. Mu kiakia kihindji habadi bekoñene kibumbu kia bantu be bungi bwi moo, biabia abeashishenanga; e babangile kwakula kwi bana-be-ba-bukishi kwibedi’shi: Dimukai kitatusho kia Bafadiseo, nyi mbusesa. Mwanda takwi kintu kibwikilwe kishyakikabulwa; sunga kifibwe kishyakikaukibwa. Binyibiabia kioso kianubakwile ’mufito, akikahushwa mwitata; na kiakia kianubākwile mu matwi mu nshibo, akikalungulwa ha misaka. Nenulungula namu bakūku bande’shi: Tanutshinanga’bo abēha mbidi, na ku mongo tabe na kia beuku kukita dimo. Anka nankenudimuna anudia kutshina. Nutshinei yawa e bahu kwihā, e na matalwa kwela mu Ngehena; ee! nenulungula’shi: Numutshinei ank’e. Misodya yitano tayiulwa ku masēnki abidi su? anka takwi umune auilwa ku mpala kw’Efile Mukulu. Anka sunga nyene ya ku mitwe yenu, ayo yoso ngiibadikwe. Binyibiabia tanutshinanga: mūlo wenu ngukile wa misodya yi bungi kinemo. Nenulungula namu’shi: Ese muntu akantemuna ku mpala kwa bantu, Mwan’a Muntu namu akamutemuna ku mpala kwa bamwikeilu b’Efile Mukulu. Anka yawa antunu ku mpaka kwa bantu, akatunwa namu ku mpala kwa bamwikeilu b’Efile Mukulu. Ese muntu namu akesamba Mwan’a Muntu mwanda wibubi, aukamulekyelwa: anka kwi yawa asabula Kikudi-E-Selelee takale-kyelwa. Biabia habakenufisha ku mpala kwa bitumbwilo, na kwi bansushi, na kwi basha matalwa, tanukalakashanga ’mashimba’shi: Atukālula na minyi? atukākula kinyi? Mwanda Kikudi-E-Selelee akenulambukisha ha yawa nguba bianudia kwakula. Biabia umune a mu kibumbu bamwambile’shi: A Mulambukishi, akula na mukwetu angabile namu bia buhyanyi. E bamulungwile’shi: Obe muntu, a nanyi bantulu’mi bu nsushi, su bu mwabanyi enu? Biabia e bebālulwile’shi: Dimukai, nwilame ku malaka: mwanda muwa wa muntu tawi mu bungi bwa bintu biadi n’abio, ooo. Henyihaha bebēle mwele’shi: Nsenga ya muntu mpeta yibatushishe bibungi. E batentekyeshe munda mwe’shi: Nkite na minyi? mwanda nki na mbalo ya kutula bikuba biande. Biabia bākwile’shi: Nankakitshi bino; nankahongola bisasa bianda, nkebakishe bikile bukata; nyi mwa nkabikye bidibwa biande bioso na bintu biande namu. Nankalungula eshimba diande’shi: Obe eshimba, we na bintu bibungi bibikwe ku bihwa bibungi; ikishanga, odie, otome, osehele. Ank’Efile Mukulu bamwambile’shi: Obe mulotakane, mu buno bufuku muwa wobe wakyebibwa, biabia bintu biolumbulwile, abikekala bi’anyi? Anka biabia yawa ēbikila bie bineme, shī na buheta namu kw’Efile Mukulu e anka biabia. Balungwile bana-be-ba-bukishi’shi: Binyibiabia nenulungula’shi: Tanukalakashanga mashimb’enu ha mwanda wa muwa wenushi; atukadi kinyi? sunga ha mwanda wa mbidi’shi: Atukafwala kinyi? Muwa ngukile bidibwa, na mbidi ngikile bifwalwa. Tentekyeshai bidilanana, mwanda tabikufia sunga nkuumbulā; tabi na bisasa sunga mutala: nyi Efile Mukulu ebidishā: anwe tanwi bakile tonyi buwa bukata naminyi? Nanyi hanudiha, ha kukalakasha mitentekyesho ye, euku kukisha kishisa kie bu centimetre makumi atano su? Binyibiabia su tanwiuku kukita sunga kiakia kikile buhela, a nkinyi kianukalakasha mashimba enu hamwanda w’abishala? Tentekyeshai bilongo bia bilawelawe mwabimenā: tabituhutā, tabiluku; anka nenulungula’shi: Sunga Solomone mu ntombo ye yoso, tabadi mufwadikwe bu kimune kia’bio. Binvibiabia su Efile Mukulu afwadika lubishi biabia, alo lwi mu mahia lelo, na maloba alwedibwa mwidingidingi dia kālo: a biabia kwanudi’nwe naminyi? anwe ba lukuluhilo luhela. Tanukimbanga bianudia kudia sunga mbianudia kutoma, sunga nkwikala na katshima munda. Mwanda bino bintu bioso mīlo yahanohansenga eyibikimbā: anka nshyenu euku nwi na lukalo lwa bino bintu. Anka nkukile kukimba bufumu bw’Efile Mukulu, biabia bino bintu bioso abikenutentekyelwa. Tanutshinanga’nwe lombe luhela, mwanda Nshyenu nyi mutokye mwishimba die kwinuha bufumu. Nuhanei bia nudi n’abio, nuhane bia-buntu; nwifishishe kwi’ nwe bana bene madimba ashyakakulu, kintu kineme mwiilu kishī na nfudilo, amo (namu) sunga ngifi takefubula hehi, sunga nkēshi kakulwisha kianka. Mwanda ahakekala kineme kienu, nyi ahakekala mashimb’enu. Nuanye nshibo mbifuka bienu, na matata enu ekale atembe. N’anwe bana mwinyi nwikale bu bantu abatengyela nfumwabo hakāluka ku bidibwa bia kubamba’shi: hakafiki, atutule bakamushitwile anka hanka. Mwabi kwi’ba bahika abakasañanwa na nfumwabo bakwete kumutengyela ha kufika: binyibinyi nenulungula’shi: akānya nshiho ē na mwinyi, akebashadishe ha bidibwa, akatuku kwibābila. Su akafiki ha nsamu ya kabidi sunga ha nsamu ya kasatu, na kwibasañana biabia, mwabi kwi baba ba bahika. Anka nwiukye kino’shi: Su sha nshibo badia kwiuka nguba akafiki ngifi badia kutengyela, tabadia kukumina nshibo ye kutubulwa. Binyibiabia nwikale bemane namu, mwanda Mwan’a Muntu akafiki ha nsa yanushyanumutentekyela. Henyihaha Petelo bamwihwishe’shi: A Nfumwetu wakula luno lukindji kwatudi ank’atwe’nyi, su kwi boso? Biabia Nfumwetu bambile’shi: Henyihaha nanyi mendaku a kishima na binangu, nfumwe amutulu bu mumunyi a mu nshibo mwe, kwabila bidibwa bilombane ha kihindji kiabo. Mwabi kwi yawa mpika akasañanwa na nfumwe hakafiki akitshi anka bino. Mbia binyibinyi nenulungula’shi: Akamutulu bu mumunyi a bintu bie bioso. Anka su yawa mpika akākula mwishimba die’shi: Nfumwami bakisha ha kufikila; biabia akabanga kukuhila bahika n’e, balume na bakashi, na kudia, na kutoma, na kukolwa: Biabia nfumu a yawa mpika akafiki h’efuku diashyamutengyela, na ha nsa yiashyeuku, biabia akamulamuna, akamuha kihindji kie na bashī bakumine. Na yawa mpika mwiukye amukyebela eshimba dia nfumwe, tamwilumbule, sunga nkukita mwiyile eshimba die, e akakuhilwa bikata. Anka yawa shī mwiukye, akitshi (bintu) bilombane na ku kuhilwa, akakuhilwa bihela. Mwanda kwi ese muhebwe bibungi, kwadi akukakyebibwa bi bungi: na kwi yawa mutudiiwe bibungi, kwadi akukatekwa bikile bungi. Nyi mufikye kwela kālo hanohansenga, nankyebe’shi, kekale hwile kutemba? Ank’ami nyi na lubatshisho lwa kubatshisha n’alo; ai ai! nemukalakashwe mpaa n’ahalukahwila Anutentekyesha’shi, nyi mufwile kuha kufukama, hanohansenga? Nenulungula’shi: Ayoyo, anka kukalanana. Mwanda mpaa na binobino, akukekala batano mu nshibo yimune, abakakalanana; basatu abaketuhishena na babidi, babidi namu abaketuhishena na basatu. Nshye mwana mulume aketuhishena na mwan’e, na mwan’e mulume namu aketuhishena na nshye; nyin’a mwana aketuhishena na mwan’e mukashi, na mwan’e mukashi aketuhishena na nyin’e; na nyina-mweno aketuhishena na mukashi a mwana, na mukashi a mwana aketuhishena na nyinamweno. Balungwile bantu namu’shi: Hanumono ekumbi adiyingidika kwa kuhona nguba, anwakula hanka’shi: Mpeshi a kifunko afiki, nyi anka biabia. Hanumono luhahi lwa ku Sude taluhuku anwakula’shi: Akafiki kanya kebukoho, akafikyi namu anka biabia. (Anwe) bansesa, anwiuku kutundula mpala yeilu na ya nsenga, anka a nkinyi tanushingula bia kino kihindji? Mwanda kinyi namu tanwitshibila’nwe bana bene mu lulamine mwanda wibuwa? Hoende na mwituhishyanyi n’obe ku mpala kwa mulumbudi, biabia otē ’shimba diobe mwishinda biodia kulekyelwa kwadi, tala akakukakila kwi nsushi, n’e namu akakutula ku masa a musalai, na musalai akwela mu nshibo ya lukano. Nakulungula’shi: tokakatuka mwanka, mpā na hokahu kufuta ekuta dia kunfudilo. Ha kiakia kihindji kubadi bamo abamulungwile mwanda wa Bena Ngadilea’shi: Pilato badi asangakana mase abo na milambu ya bitahilo biabo. Biabia Yesu bebālulwile’shi: Anutentekyesha’shi, bano Bena Ngadilea abadi balwishi kukila Bena Ngadilea boso ha mwanda abamwene ano malwa? Nenulungula’shi, ooo, anka su tanwilanga ’mashimba enu, anwe boso anukalwila’nka hamune. Sunga mbaba ekumi na mwanda abahonenwe na musungo wa Siloama ubebahayile boso, anutentekyesha’shi abadi basha balwishi bakile bantu boso ababombela mu Yelusalema su? Nenulungula’shi: ooo, anka su tanwilanga ’mashimba enu anwe boso anukalwila’nka hamune. E bēle luno lukindji’shi: Kubadi muntu badi na mutshi wa kikuku ukunyibwe mwifuba die dia nfinyo, bafikile mu kukimba bikuba hanka, tamusanane sunga nkimune. Henyihaha balungwile mulami’efuba’shi: Talanga bino bihwa bisatu nafikile kukimba bikuba ha uno mutshi wa kikuku, nki musa nane’bio, sunga nkimune: eushinde, a nkinyi kiaukwete kulwisha nsenga bisumanga. E bamwalulwile’shi: A Nfumu banda kwiulekye namu kino kihwa, mpā na hankeudimina na kutshinkisha nsenga hanka. Biabia su ngwa kuha bikuba (biabia bibuwa), su mbisumanga okeushinde hashi. Binyibiabia badi alambukisha mu kitumbwilo kimune; h’efuku dia Sabado. Tala! kubadi mwana mukashi badi na kikudi kimubofushe bihwa ekumi na mwanda; badi mu tontshibwe kiongo, badi teuku kubanduluka sunga mpahelahela. Yesu habamumwene, bamwitanyine bamulungwile’shi: Obe mwana mukashi bohosolwa ku busungu bwobe. Bamutentekyele masa, biabia kahindji n’āka bolokyele, batumbishe Efile Mukulu. Binyibiabia mulami a kitumbwilo, badi na nsungu mwanda Yesu bahashishe (bantu) mwifuku dia Sabado, balungwile bantu’shi: Kwimafuku asamombo alombene bantu kufuba: binyibiabia nufikye mu aa mafuku kuhashibwa kushī h’efuku dia Sabado, ooo. Anka Nfumwetu bamwalulwile’shi: Obe nsesa, ese’enu shyashitula ku kikutu ngombe’e sunga mpunda hadilā, kwiyifungila ku mema h’efuku dia Sabado, nanyi? A uno mwana mukashi biadi mwikale mwan’Abalahama mwanyibwe kwi Satana, bihwa ekumi na mwanda: tambilombane kumuhosola h’efuku dia Sabado su? Biabia habākwile yino myanda, boso abadi betuhishena n’e, abakwetwe na būfu: na bantu boso abasehelele mwanda wa bintu bioso bia ntumbo bibakitshine kwadi e. Henyihaha bakwile’shi: Bufumu bw’Efile Mukulu bwi bu kinyi? Nankebuhwandjikisha namu bu kinyi? Mbuhwandjikile bwimuma dia lubyo lwa moutade dibātshile muntu, edimina mwifuba die, diamena diatama, tamutshi ukata; biabia tonyi twa mwiilu tubalalanga mu ntabi yao. Bakwile dimonyi’shi: Bufumu bw’Efile Mukulu mbuhwandjikile bu kinyi? Bwi bu kitatusho kibātshile mwana mukashi, ekifia mu bihimo bisatu bia bukula, mpā na hakibatatwishe bioso. E batambukile mu bibalo bioso na misumba yoso, badi alambukisha bantu badi ēnde luendo ku Yelusalema. Henyihaha umune bamwihwishe’shi: Obe, Nfumwa mi: aba hashibwa mbahela su? E bebālulwile’shi: Nyishai bikata kutwela mu kibelo kihela, mwanda nenulungula’shi: Bebungi abakakyebe kutwela, abakakutwa. A hakabuku sha nshibo, na kushita ku kibelo, anwe nwanabangye kwimana hasha, na kukukula ku kibi’shi: A Nfumwetu! A Nfumwetu, etushitwile; biabia anakalule na kwinulungula’shi: Tanyinwiuku kwa nufiki. Henyihaha nwanabangye kwakula’shi: Tubadile, tubatomene ku mpala kobe, n’obe bolambukishe namu mu misē yetu. Ank’e anakālule’shi: Nenulungula’shi: Tanyinwiuku kwa nufiki, katukai kwandjimi, anwe boso bakitshi ba bubi. Kwanakekale kudila na kukyeneka meno, hanwanakamone Abalahama, na Isaka, na Yakoba na batemuki boso, mu bufumu bw’Efile Mukulu, n’anwe (bana bene) nwanakatakulwe hasha. Abakafiki kwa kutunduka nguba, na kwa kuhon’a nguba, na ku Noda na ku Sude, abakashāla mu bufumu bw’Efile Mukulu. Biabia talangai, kwi ba kunfudilo, banakekale ba kwibedi, na ba kwibedi banakekale ba kunfudilo. Ha diadi’efuku kubafikile bamo ba ku Bafadiseo, banwambile’shi: Katuka wende, mwanda Heloda akakwiha. E bebalungwile’shi: Ndai mulungule wawa museu: Tala biambingi bikudi bibi, nahwisha masungu lelo na maloba, na h’eluku dia kasatu nankahudisha mpā. Sunga mbiabia wandji n’au nyi ngwa kutambuka lelo, na maloba, n’āmaloba: mwanda ushyauku mutemuki kushimina mu Yelusalema, ooo. A ee! Yelusalema, Yelusalema oiha batemuki na kwasa binyi bakutuminā mabwe; misusa na misusa nadia kukongyelesha bana bobe hamune bu nsolo akongyelesha bana be mushi mwa mbaba, anka’nwe nubatune. Talangai! nshibo yenu ayinulekyelwa bu kishiboshibo, binyibinyi nenulungula’shi: Tanukamono mpā na (ha kihindji) kia nwanakakule’shi, Mwabi kwi yawa afikī mwishina dia Yehowa. Bitabibakitshine habatwele mu nshibo ya umune mukata a Bafadiseo kudia bidibwa mwifuku dia Sabado, abadi abamutala. Talangai, kubadi muntu kampanda ku mpala kwe badi na busungu bwa matēnde. Biabia Yesu hakwibālula behwishe (bahatudi ba bishila) na Bafadiseo, ’shi, mbihwandjikile kuhwisha muntu h’efuku dia Sabado su? Anka’bo abauminyine nyaa. Biabia bamuatshile, amuhwisha (busungu) amulekyela. E bebalulwile’shi: A nanyi enu su e na mpunda su ñombe muhone ’mulenda, akutwa ku mwabula’ nka hanka mwifuku dia Sabado? N’abo abakutshilwe kumwalula dimonyi ku yino myanda. Binyibiabia babaitanyinwe, habamwene mwa basangwidile bishalelo bia ku mpala; bebēle lukindji’shi: Hoitanyinwa na (muntu) ku bidibwa bia kubamba, toshālanga ha kishalelo kia ku mpa la, tala su kwi mungi mukukile kinemo mwitanyinwe namu kwadi. Biabia, yawa bakwitanyine n’e hamune, afiki kodi’shi: Lekyela uno muntu yaya mbalo; n’obe obanga kuika na būfu kwenda ku mbalo ya ku nyima. Anka hoitanyinwa wende okashāle ha kishalelo kia ku nyima, eshi ahakafikyi yawa bakwitanyine, akakulungula’shi: Obe, kūku kaanka kunundu: henyihaha okakekala na kinemo ku mpala kwā’ba bashala n’obe kudia. Mwanda muntu ese etumbisha na mwinyi, akaheleshwa; na yawa ehelesha na mwinyi akatumbishwa. Henyihaha, balungwile yawa banwitanyine namu’shi: Hotekyesha bidibwa su mbia nguba mitwe su mbia kiolwa, twetanyinanga bakuku bobe, sunga bakwenu, sunga ba-kifuko kiobe, sunga ba-mwikashi n’obe bampeta; tala su bakakwitanyina namu dimo, bakakwālwisha. Anka hotekyesha bidibwa, wetanyina balanda, na balemane, n’abasumpikita, na bampofu. Biabia obe okekala na mwabi, mwanda’bo tabe na bia kukwalwisha: mwanda okalwishwa ha kusanguka kwa balulameba mashimba. Biabia a baba abadi bashale kudia n’e, habahushishe yino myanda bamulungwile’shi: Mwabi kwi yawa akadi bidibwa mu bufumu bw’Efile Mukulu. Henyihaha E bamulungwile’shi, Muntu kampanda batekeshe kidibwa kikata aitanyina bebungi. Ha kihindji kia kudia batumine mpik’e kulungula baba baitaminwe shi: Fikai mwanda bintu bioso mbilumbulwe. Boso ababangile kwibalañanya hamune. A kwibedi bamulungwile’shi, Nemūle efuba wandji n’ao ngwa kwenda mu kwidimona: nakutekye ondekye. Mungi’shi: Nemūle ñombe ekumi, nyende nkeyitompe, nakutekye ondekye. Mungi namu’shi: Mbambile mpiana’nde, binyibiabia ami nakutwa kufika. Biabia yawa mpika bafikile, balubwidile nfumu e yino myanda. Henyihaha shā nshibo biadi mwikale na nsungu, balungwile mpik’eshi: Nda lubilo mu milungui na mu mpata ya kibalo, ofishe muno balanda, na balemane, n’abasumpikita, na bampofu. Binyibiabia mpika bakwile’shi: A nfumwami, kibakitshibwa mobokamikila, sunga mbiabia mbalo yimudi. Biabia nfumu bakwile kwi mpika’shi, Tuka! wende mu misese na mu bihanga webashinamine batwēle nshibo yande yiule. Mwanda nakulungula’shi, sunga ngumune a ku baba abaitanyinwe kwibedi, anakadie ku kidibwa kiande. Binyibiabia, kubadi bibumbu bikata bibendanga n’e, balulwile, ebalungula’shi: Su kwi muntu, su nanyi su nanyi afiki kwandjimi’shi, mufutale nshye na nyin’e, na mpiana’e, na bana b’e na bakwabo balume, na bakwabo bakashi, ee, na muwa we na mwinyi namu, e teuhu kwikala mwan’ande abukishi. Ese muntu namu shyasemuna mutshi we uhingishene na kundonda, teuku kwikala mwan’ande a-bukishi. A nanyi a kwanudi su akyebe kwibaka kikunko, kwashī mushale kwibedi kubadika mulo wa’kio, su e na bia kuhudisha. Mwanda wa kutshina’shi, hahu kutula kibangilo akutwe’nyi kwikihudisha, biabia boso abekitala abakabanga ku muhulula. Eshi: Uno muntu babangile kwibaka, bakutwa kuhudisha. Sunga nfumu kinyi, ha kwenda kulwa ngoshi na mungi nfumu, kwashīmushale kwibedi kwīhusha munda’shi: su euku kufumankana na yawa afikye mu kulwa n’e, na binunu makumi abidi, n’e sha binunu ekumi? Su tamuhwandjikile, anka kutuma ben’ebalasa ha ki yawa kula kumuihusha myanda ya kihwano. Anka bia bia namu muntu ese a kwanudi shī mufutale bioso biadi n’abio, e teuku kwikala mwan’ande a bukishi. Mungwa wibuwa, anka, su mungwa ubatukuluka aukatwishwa na minyi? Tanguhwandjikile kutulwa ha nsenga nku kibundulu, (anka) bantu beusumbule hasha. E na matwi a kuhusha, ahushe. Henyihaha balambushi boso ba milambu na balwishi, abefubwile hehi n’E, mwanda wa kumwifwakana. Biabia Bafadiseo na bafundji ba mikanda abaununwine’shi: Uno muntu atambula balwishi, adi n’abo. E bebelele luno lukindji’shi: Nanyi mwi n’enu e na mikoko lukama, su ashimisha umune, akutwa kuleka aya makumi kitema na kitema mu mahia a bisumanga, ēnda mu kukimba wawa ushimine mpaa na heumono’nyi? Na heumono eutenteka ha mahampa e, kwete kusehela. Hakufika kwe, etanyina bakūku be na bekashi n’e, ebalungula’shi: Sehelai n’ami, mwanda nahu kumona mukoko wande ushimine. Nenulungula’shi: Kusehela mwiilu akukekala anka biabia, ahelanga mulwishi umune mwishimba, kukile makumi kitema na kitema a bantu balulame, bashyabakyebe kwilanga. Sunga mwana mukashi kinyi e na nfalanga ya ndalama yīkumi, su ashimisha lumune’nka akutwa kōsha kimunyi, akombe, akimbi na kukokōla mu nshibo hoso hakelumwena? Na hakelumono, aitamine balole be na bekashi n’e hamun’eshi: Sehelai nami, mwanda namono lufalanga lwa ndalama lubanshimine. Nenulungula’shi: Anka biabia, kwi kusehela ku mpala kwa bamwikeilu b’Efile Mukulu ahelanga mulwishi umune mwishimba. N’e bakwile’shi: Muntu kampanda badi na bana b’e bana balume: Mwina balungwile nshye’shi, A ya mpe namu kiande kihindji kia ku bintu bia nkahyana. Biabia ebabābile mono ye. Na habakile mafuku ahela, winyi mwina bakongwele bintu bioso bayile luendo lwe ku yingi nsenga yibadi kula, nyi kubakahalakeshe mono ye ku butesha. Habahwile kuhana yoso, kubutukile kihuha kikata kia nsala mu yaya nsenga, biabia babangile kwikala na lukalo. Bayile mu kwilamika kwi muntu a ku yaya nsenga; n’e bamutumine ku bikotela mu kudisha ngulube. Badi adidi bikata kudia na kwikuta bihusu abidi ngulube: takubadi muntu a kumuha kintu, ooo. Anka habeshinkile mwishimba die bakwile’shi: A bafubi ba yaiya bebungi be na biakudia bikumbane na kusubuka, n’ami nkwete kufwa nsala! Nankēbo kwenda kwi yaiya, nkamulungule’shi: A yaiya, nyi mulwishe ku mpala kw’eilu na ku mpala kobe, Nkimuhwandjikile kutemunwa bu mwan’obe; onalule bu umune a ku bafubi bobe. Henyihaha bebwele, ēnda kwi nshye. Anka habudi ki kula mbalamba nshye bamumwene, bamukwatshile lusa, bakamine lubilo, amwibambala kīha, na kumufifya ku kanwa. Biabia mwana mulume bamulungwile’shi: Yaiya, nyi mulwishe ku mpala kw’eilu na ku meso kobe, biabia nkimuhwandjikile kutemunwa bu mwan’obe. Anka nshye balungwile bahika be’shi: Tushai mutwelo ukile buwa numufwadikye; numufwadikye kakano ku munwe, na biashino ku ngwa ye. Nufishe kuno namu mwan’a ñombe mumune, numwihe, tudie boso twikale na kusehela. Mwanda uno mwan’ande badi mufwe, e na muwa dimo; badi mushimine, bamweka (dimo). Biabia ababangile kusehela. Binyibiabia mwan’e mbedi badi kwifuba: habadi kwete kufika na kwifubula hehi ku nshibo, bahushishe biombanga na masha. Betanyine umune a bafubi, bamwihwishe’shi: A biobio bintu nkinyi? Biabia bamwalulwile’shi: Mwin’obe bafiki, nshobe bamwihayila mwan’a ñombe munune, mwanda bamutambula mukumbeno na musangyela. Binyibiabia e badi na nsungu, batune kutwela, binyibiabia nshye batukile amwiyayila. Biabia bālulwile kwi nshye’shi: Tala bino bihwa bibungi bianakufubila, nki mutahilwe mulangilo wobe, sunga mbiabia nki mumone kodi obe sunga nkana ka mbushi mbiandjia kusehela na bakūku bande. Anka hatahafikanga uno mwan’obe, winyi bakuhwidile mono yobe na bakashi ba masandji, bomwihayila mwan’a ñombe munune. N’e bamulungwile’shi: Mwan’ande obe we nami mafuku oso, na bioso biandji nabio nyi mbiobe. Twibiatudia kusehela na kusangala, mwanda uno mwin’obe badi mufwe, e na muwa dimo, badi mushimine, bamweka. Henyihaha E balungwile bana-be-ba bukishi’shi: Kubadi muntu mpeta badi na mendaku; die winyi baimukilwe kwi nfumwe mwanda wa kukalakasha bintu bie. Biabia bamwitanyina bamulungwile’shi: Uno mwanda wi na minyi unahusha ha mwanda wobe, ndubwile mifubo ya bu mendaku bobe, mwanda tokwiuka kwikala bu mendaku dimo. Henyihaha mendaku bakwile munda mwe’shi: Nkite na minyi? mwanda nfumwami tanata bumendaku bwande: tañuku kudima; kuteka namu nyi na būfu, Nyi mufune biakukita’shi, hankakatushwa ku bumendaku, biabia abakansehela ’mashibo abo. Biabia baitamine ese sha kishio kia nfumwe, behwishe a kwibedi’shi: We na kishio ki-naminyi kwi nfumwami? N’e bālulwile’shi: Bihimo bia mwimu lukama lwa biāsa. E bamulungule’shi: Ata mukanda wobe wa kishio, shala bukidi, ofunde makumi atano. Henyihaha bwehwishe mungi’shi: Kiobe kishio ki na minyi? Biabia ebālulwile’shi: Bihimo bia ngano lukama. E bamulungwile’shi: Ata mukanda wobe wa kishio, ofunde makumi mwanda. Biabia nfumu’e bēleshe yawa mendaku mwiilu mwanda wa nangunangu ye; mwanda bana ba kino kihungilo, mu kihungilo kiabo mbakile bana b’etata na nangunangu. N’ami nenulungula’shi: Nwiatshilei bukūku bwa buheta bwa bishībilulame’shi: hanukatudila, abakenutambula mu mashibo a ikala-ika. Yawa enakishima mu kiakia kikambe buhela e na kishima namu mu bibungi: na yawa shīmululame mu kinyi kikile buhela, e tamululame namu mu bibungi. Binyibiabia su tanubadi na kishima ku mono ya bishībilulame, a nanyi akenuha kulama’ya ya binyibinyi? Su tanubadi na kishima ku kiakia kia mungi muntu, a nanyi akenuha bienu’ nwe bana bene. Takwi mufubi euku kufubila banfumu babidi: mwanda akashikwa umune, su kukumina mungi, su akalamata kwi umune, akashikwa mungi. Tanwiuku kufubila Efile Mukulu na buheta hamune, ooo. Biabia Bafadiseo namu abadi na mono kifulo, ha bahushishe yino myanda, abamufukula. E bebalungwile’shi: Anwi nwi baba abebingisha bana bene ku mpala kwa bantu, anka Efile Mukulu euku mashimb’enu: mwanda kiakia akinemekwa munkatshi mwa bantu, ki butete ku meso kw’Efile Mukulu. Mukanda-wa-bishila na wa batemuki ubadi kwanka mpaa na habafikile Yoano: kasha kiakia kihindji mpaa na binobino bufumu bw’Efile Mukulu mbulungulwe, na muntu ese atwele ha bukoho. Nkukambe kubofula eilu na nsenga kukila, he kafunda kahelahela ka mu mukanda wa-bishila kukutshikwa. Muntu ese akatusha mpian’e abamba mungi, basol’ebasa: na muntu ese abamba mukashi mutushwe kwi mulume basol’ebasa. Kubadi muntu mpeta badi mufwadikwe bi-lunkwindjinkwindji na lenene bitokolokye, badi mwikale na bikalabale mafuku oso. Kubadi namu muntu mulanda, eshina dia bu Lasalasa, badi mutulwe ku kibelo kye, muule na malonda ku mbidi. Badi akyebe kudishwa na bifingifingi abihono ku mesa a mpeta: na mbwa namu yibafikile mu kulamba malonda’e. Bitabibakitshine winyi mulanda nkufwa, e nkutwalwa na bamwikeilu ku kiadi kia Abalahama: muntu mpeta bafwile namu, bashīkilwe. Biabia hakumona malwa mu kalunganyembo, babushishe meso’e amona Abalahama kula, na Lasalasa ha kiadi kie. Bēle musase bikata’shi: A Yaiya Abalahama onfwile lusa, otume Lasalasa asabikye nsongo ya munwe mu mema, atalash’edimi diande; mwanda nyi na malwa akata mu dino edimi dia kālo. Anka Abalahama bakwile’shi: A mwana, tentekyesha bibotambwile bintu biobe bibuwa mu kihindji kia muwa wobe, na Lasalasa namu batambwile bintu bi-bubi: anka binobino e basambibwa, n’obe bokala malwa. Ungi mwanda namu, hankatshi h’etu n’anwe mpatudibwe luhongo lukata: binyibiabia takwiuku muntu e kwa nudi kwabuka kwatudi, n’e kwatudi kwabuka kwanudi. Henyihaha bakwile’shi: binyibiabia nakwiyayila Yaiya omutume ku nshibo ya Nshyami: Mwanda nyi na bakwetu bana balume batano; ebalungule na kwi bakankamika, tala bakafika namu ku yino mbalo ya malwa. Biabia Abalahama bamulungwile’shi, Be na Mosesa na batemuki, bebahushe. E bakwile’shi: Ooo, Yaiya Abalahama, anka su umune afu ku bafwe biabia abakelanga. E bamwalulwile’shi: Su tabahushā Mosesa na batemuki, tabakakumina sunga muntu asanguka kwi bafwe. Henyihaha, balungwile bana be ba bukishi’shi: Tabikakutwa kufika biakukokola anka mpombo (kwi yawa) akebifisha. Kuanya kwa yawa muntu ebwe adihelwa mu nshingo, kumwela mu kalunga ka mema, nkukile buwa e kukokosha umune ā’ba bahela. Nwilamei’nwe bana bene. Su mukwenu bakusola mwada, nomusashile; su bēlanga omulekye. Su bakusola misusa musambobidi kwifuku dimune, na mwifuku dimune akaluka kodi misusa musambobidi’shi nelanga, okamulekyele. Biabia batumibwa abakwile kwi Nfumwetu’shi: Atufwimishe lukuluhilo lwetu. Nfumwetu bālulwile’shi: su nubadi na lukuluhilo bu kamuma ka mutshi wa mutade nwi bianudia kwakula ku uno mutshi wa (buki) syeamine: wekale mu shūdikye mpa na ku mishi, okyekune mu kalunga ka mema; n’au aukenukokyela. Anka nanyi ēnu e na mpik’e kwete kudima sunga kudisha bimunwa, ahayisha kihindji ha kwaluka kwifuba, amwambe’ shi: Fika oshale ha bidibwa. Ank’e takakishakisha kumulungula’shi: Ndumbulwila biakudia biande, nyisha kilamba kiobe mu kifuka ontambikye, mpaa na hampu kudia na kutoma, kunyima okadi na kutoma namu? Atumbula yawa mpika ha mwanda bakitshi uno mwanda ubamulangikishe su? Ooo. Anwe namu hamune, hanukahudisha kukita aya myanda yoso, yianubalangikishwe, nuakule’shi: Twi bahika ba bisumanga: tubahwile kukita kiakia kia tubadi nakio mwanda kukita. Bitabibakitshine ha kwenda ku Yelusalema, bakile munkatshi mwa Samadia na Ngadilea. Hakutwela mu kingikibalo, kubamufumankene bana balume ekumi, babadi basha kifwe, abadi bemane kula. Abanyishishe mayi’abo’shi: A Yesu Nfumwetu, etusambe lusa. Habebamwene, ebalungwile’shi: Ndai nukeleshe kwi batshiite bakwidi. Bitabibakitshine ha kwenda, abatosheshwe. Na umun’abo, habamwene’shi natoshwa, bālukile, atumbishe Efile Mukulu n’eyi dikata. Ahona ha mpala (ye) ku ngwa ye, na kumutumbula: n’e badi mwina Samadia. Biabia Yesu bālulwile’shi: A takwikalanga ekumi batoshibwe, anka kitema ki kwi kunyi? Takwi basananwe baluke kwela ntumbo kw’Efile Mukulu anka uno mwenyi. Biabia bamulungwile’shi: Ebwe, oende luendo īobe: lukuluhilo lwobe lubakuhasha. Binyibiabia ha behwishwe kwi Bafadiseo, ahakafiki bufumu bw’Efile Mukulu mpa kinyi, ebebālulwile’shi: Bufumu bw’Efile Mukulu tabukafiki na kutadibwa na meso. Sunga abakamba’shi: Talai kuno! Sung’ashi: Talai yikwa! mwanda, talai bufumu bw’Efile Mukulu bwi munda mwenu. Balungwile bana-ba-bukishi’shi, Mafuku akafiki hanukakyebe kumona efuku dimune dia Mwan’a muntu, takedimono, ooo. Abakenwamba shi: Talai kuno; sunga’shi, Talai yikwa: tanwendanga, sunga nkulonda. Mwanda’nka mwikela kuhenya kwa mpeshi, ahenya ku luhese lumune’nka lweilu, akutosha ku lungi luhese lweilu; anka biabia namu abikekala Mwan’a muntu mwifuku die. Anka kwibedi akafwambuka mu bintu bibungi, na kuhedibwa ku kino kihungilo. Bu bibadi bikale mu mafuku a Noa, biabia namu abikekala mu mafuku a Mwan’a muntu. Abādi abādi, abādi abatomo, abādi abehelena malunda, abādi a bahebwa malunda, mpā na kwifuku dibatwele Noa mu bwato, na kieshi kia mpeshi kibafikile na kwibatukisha boso. Biabia namu bu bibadi mu mafuku a Lota; abādi abadi, abādi abatomo, abādi abaulu, abādi abahana, abādi abakunu na kwabaka. Anka diadi’efuku dibālukile Lota mu Sodoma, kubanokyele kālo na nsulufa mwiilu na kwibatukisha boso. Anka biabia namu abikekala mwifuku dia kufumbulwa kwa mwan’a muntu. Mu diadi’efuku yawa akeleala hanundu lia nshibo, na bintu bie bi mu nshibo, takaiki mu kwibiata, ooo, na yawa e mwifuba tāluka namu. Tentekeshai mpian’a Lota. Ese akimbi kuhasha muwa we akeushimisha: n’ese akashimisha muwa we akeubombelesha. Nenulungula’shi: Mu bwabwa bufuku bantu babidi abakekala ha lusala; umune akātshibwa, mungi akashala. Bana bakashi babidi abakekala abahele kwibwe hamune, umune akātshibwa, mungi akashala. Bana balume babidi abakekala mwifuba, umune akatshibwa, mungi akashala. Binyibiabia abamwālulwile’shi: Kwi kunyi Nfumwetu? E bakwile kwabadi’shi: Kosokoso kwi mbidi yifwe nyiakukoñena mpungwe. Henyihaha belele lukindji kwabadi kwibalesha’shi: mbilombane bantu anka kuteka mafuku oso, kushī kuhungila. Eshi: Kubadi nsushi mu kibalo ki kampanda, shī badi atshinyi Efile Mukulu sunga nkunemeka muntu. Kubadi namu mukashi-a-mufwe mu kiakia kibalo; e bafikile kwadi’shi: Ngobwele kwi yawa muntu mwimane n’ami. N’e batune kihindji, anka kunyima bakwile munda mwe’shi: Sunga tantshinyi Efile Mukulu sunga kunemeka muntu; anka ha mwanda uno mukashi-a-mufwe ankalakasha, nankamuobwela, tala akampungisha’nyi, na kuyeya kwe. Biabia nfumwetu bakwile’shi: Hushai bibakwile yawa nsushi shīmululame’shi: Efile Mukulu takōbwela namu basangudibwe b’e na mwinyi abadidi kanya na bufuku kwadi, sunga ahuñanya kihindji kila n’abo. Nenulungula’shi: akebōbwela bukidi. Sunga mbiabia, ahakafiki Mwan’a muntu, akasañana lukuluhilo hano-ha nsenga su? Balungwile luno lukindji namu kwi bangi bakwikuluhila’bo bana bene’shi: Twi balulame, na kubenda bakwabo: Bana balume babidi abakamine ku ntempelo mu kuteka; umune Mufadiseo, na mungi mulambushi-a-mulambu. Mufadiseo bemene etekyela na mwinyi’shi, Obe Efile Mukulu, nakutumbula mwanda nki bu bangi bantu, bash’efīnyi, bashī-balulame, ba mabasa, sunga bu uno mulambushi-amulambu, ooo. Ami nashila biakudia misusa yibidi ku lubingu, nalambula ki’ekumi kia bioso biandji nabio. Winyi mulambushi namu bebwele, aimana kula, tamubushe sunga meso’e kwiilu, anka bekuhile ha kiadi kie ’shi: Efile Mukulu onsambe lusa, ami mulwishi. Nenulungula’shi, uno muntu bende ku nshibo ye mukilekile kubingishwa he mungi, mwanda muntu ese e nemeka na mwinyi akaheleshwa; awa akehelesha na mwinyi, akanemekwa. Abafishishe namu bana batoka kwadi’shi, akebakume: anka habamwene bana be-ba-bukishi biabia, abebasashila. Anka Yesu bebaitanyine, bakula’shi, nukumine bana batoka bafikye kwandji, tanwibalekeshanga, mwanda bufumu bw’-Efile Mukulu mbwa baba be biabia. Binyi binyi nenulungula’shi: Muntu ese shī mutambule bufumu bw’Efile Mukulu bu mwana mukinga takatwele mwanka sunga mpahelahela. Biabia mutontshi kampanda bamwihwishe’shi, Obe mulambukishi ebuwa, nkite naminyi kuhyana muwa wa ikala-ika? Yesu bamwalulwile’shi: Ankinyi kiontemwina bu’ebuwa? Takwi ebuwa’nka umune (nyi) Efile Mukulu. Weuku bishila’shi: Tosolanga mabasa; Twehanga (muntu), Toibanga, Todimbanga madimi, Nemeka shobe na nyin’obe. E bakwile’shi: Bino bioso nebilame mpaa na ku bakinga bwande. Binyibiabia hahushishe Yesu yino myanda, bamulungwile’shi: Bolobesha kintu kimune: hana biodi nabio bioso, webiabile balanda, n’obe okekala na bineme mwiilu, biabia ofikye, ondonde. Anka habahushishe biabia, eshimba die dibenyengele bikata, mwanda badi na buheta bwimoo. Yesu hakumona eshimba die dibenyengye: bakwile’shi: A na minyi bampeta kutwela ’mbufumu bu ’Efile Mukulu? Mwanda nkukile kubofula ngamedia kutwela mwiiso dia lushingye, he mpeta kutwela mbufumu bw’Efile Mukulu. N’abo abahushishe (biabia) abakwile’shi: A henyihaha nanyi akahanda. Anka E bakwile’shi: Bintu abikambila bantu (kukita) abiukibwa n’Efile Mukulu. Henyihaha Petelo bakwile’shi: Talanga! Atwe tubalekyele bioso, twakulonda. N’e bebalungwile’shi: Binyibinyi, nenulungula’shi: Takwi muntu akuleka nshibo ye, sunga nshye na nyin’e, su bakwabo balume, sunga mpian’e, su bana be, ha mwanda wa bufumu bw’Efile Mukulu. Akakutwa kutambula bikile misusa yi-bungi mu kino kihindji, na mu kihindji kia kufika muwa-wa-ikala ika. Henyihaha E bātshile b’ekumi na babidi, bebalungwile’shi: Talangai, bia tukamina ku Yelusalema, myanda yoso yibafundjilwe na batemuki ha mwanda wa Mwan’a muntu ayikakumbashwa. Mwanda akahebwa kwi badjentaila, akadidikwa, akamweshibwa malwa a lufu, akafidibwa mata. Abakamukuhila na kumwiha! h’efuku dia kasatu akasanguka. Anka’bo tambashingule yino myanda sunga ngumune; uno mwanda namu badi ufībwe kwabadi, sunga nkwiuka yaya myanda yibakwilwe. Bitabibakitshine habefubwile hehi na Yediko, kubadi muntu mpofu badi mushale kubukunkula kw’eshinda, badi atekye. Biabia ha kuhusha kibumbu kia bantu abakidi, behwishe’shi, A nkinyi’ki? Abamulungwile’shi, Yesu a ku Nasaleta akidi. Belele musase’shi: Yesu (obe) Mwan’a Dafidi onsambe lusa. Abo abadi ababadila ku meso abamutosheshe’shi, a umine: ank’e banyishishe musase bikata’shi: (Obe) Mwan’a Dafidi mfwile namu lusa. Biabia Yesu bemene, bebakayikile’shi, mufishe kwandji. Habafishishwe hehi, bamwihwishe’shi: Okyebe nkukitshine kinyi? E bakwile’shi: A Nfumuwami nankyebe biandjia kubūla meso. Biabia Yesu bamulungwile’shi: Tambula kutala kwa meso’be: lukuluhilo lobe lubakuhasha. Na kahindji n’āka batambwile kutala kwa meso e, amulonda, na kutumbisha Efile Mukulu, biabia bantu boso habamwene, abalangwile Efile Mukulu. Henyihaha (Yesu) batwelele mu Yediko, akila. Talai, (kubadi) muntu atemunwa bu Sakadiasa, badi mukulu a balambushi-ba-milambu, badi mpeta. E bakimbanga mwa kumwena Yesu biadi; anka bakutshilwe ha mwanda wa kibumbu, mwanda badi na kishisa kihi. Biabia bakamine lubilo ku mpala, bakamine ku mutshi kikuku biadia kumumona: mwanda akyebe kukila ha diadi’eshinda. Yesu habafikile hanka, batale kwiilu, bamumwene, bamulungwile’shi: Sakadiasa kulumuka bukidi oyikye; mwanda lelo uno wandji n’au ngwa kushala ku nshibo yobe. Biabia bahulumukile lubilo bayikile, bamukukile na kusehela. Habamwene biabia boso abadi abaununa’shi: bakafikila kwa muntu musodi a myanda. Binyibiabia Sakadiasa bemene, belungwile Nfumwetu’shi, Tala Mwanana, naheya balanda kihindji kia hankatshi kia mono yande, su nātshile kintu ku madimi kwi muntu, su nkinyi, su nkinyi, nankamwalwisha misusa yinanka. Yesu bamulungwile’shi: Lelo uno kihandjilo kibafiki ku yino nshibo, mwanda e namu ’mwan’a Abalahama. Mwanda mwan’a muntu bafiki kukimba na kuhasha abadi bashimine. Habāhushishe yino myanda, bēle lungi lukindji, mwanda bādi hehi ku Yelusalema, na (ungi mwanda), abatentekyeshe’shi, bufumu bw’Efile Mukulu abukyebe kuhulumuka bumwekye. Binyibiabia, bakwile’shi: Kubadi muntu mukata muneme bayile ku yingi nsenga yibadi kula, mu kuata bufumu bwe, na kwaluka. Baitanyine bahika be ekumi, bebahele mono ekumi, bebalungwile’shi, Sungulai nayo, mpā na hankāluka. Anka ba mu mwilo we abamushikilwe, batuma mikiendji kumulonda’shi: Tatukumina uno (muntu) kwitubikela. Bitabibakitshine habālukile, e bahu kutambula bufumu; biabia batumine kwitanyina baba bahika babahelwe mono kwadi’e, mwadia kwiukila mwabadi basungulwile. Henyihaha a kwibedi bafikile kwadi ’shi: A Nfumwami, mono yobe yibasungula ekumi. E bamulungwile’shi: bibuwa, obe mpika ebuwa: mwanda bodi na kishima mu kintu kihela, wekale na matalwa ku bibalo ekumi. Binyibiabia a kabidi bafikile’shi: A Mwanana! mono yobe yibasungula yingi yitano. Binyibiabia bamulungwile hamune’shi: Obe namu wekale na matalwa ku bibalo bitano. Biabia mungi bafikile eshi: A Mwanana, talanga! mono yobe yinabombeleshe mu kitambala. Mwanda nankutshine moo, hamwanda we muntu e bukoho: ōta kioshī mutule, oumbulā kioshī mukune. Binyibiabia e bamwambile’shi: Obe, we mpika e bubi, ku kanwa k’obe ōbe na mwinyi nankakutshibila kimu. Bweukile’shi: nyi muntu e bukoho, n’atā kianshī mutule, na kuumbula kianshī mukune. Biabia nkinyi kioshī mutule mono yande kwi basungudi; hakufika kwande nadia kutambula yanka na yingi yitentekelwe hanka? Balungwile baba abadi bemane hehi’shi: Mwatei mono yaya, nwiyihe kwi yawa e na mono yīkume. (Abamwalulwile’shi: A Mwanana, e na mono yikumi.) Mwanda nenulungula’shi: Kwi muntu ese e n’akio akahebwa na kwi yawa shī n’akio, sunga nkiakia kiadi n’akio akikamwatshibwa. Anka’bo beshikwene n’ami, bashyabakyebe’mi kwibabikēla, nwibafishe kuno, nwibehe ku mpala kwande. Habahwile kwakula biabia, bayile ku mpala, bakamine ku Yelusalema. Bitabibakitshine habafikile hehi na ku Betefashi na Betane, ku ngulu ayilumbwa bu Olefeta, batumine babidi ba ku bana-be-ba bukishi’shi: Ndai ku kibalo ki ku mpala kwenu; hakutwela mwanka anukaheta mwan’a mpunda mushitshikwe, shiayiñaminwe na muntu: numushitule, numufishe kuno. Su muntu benwihusha’shi: A nkinyi kia numushitwila? Biabia nuakamulungula’shi: Ha mwanda Nfumwetu e na kia mukyebela. N’abo abatuminwe abayile, abasañene anka bu bibebalungwile. Habadi bakwete kushitula mwan’a mpunda, banfumu e abebalungwile’shi: A nkinyi kianushitwila mwan’a mpunda? Abālulwile’shi: Nfumwetu e na kia mukyebela. Biabia abamufishishe kwi Yesu: abatentekyele bifwalwa biabo ha mongo ha mwan’a mpunda, abanamishe Yesu hanka. Habayile, abadi bakwete kuala bifwalwa biabo mwishinda. Biabia hābadi afiki hehi ku ngalala ya ngulu ya Olefeta, kibumbu kioso kia bana-ba-bukishi, ababangile kusehela na kutumbisha Efile Mukulu n’eyi dikata, ha mwanda wa bikitshino bioso bia bukome biabamwene. Eshi: Mwabi kwi Nfumu afiki mwishina dia Yehowa: kufukama mwiilu na ntumbo mwiilu mukile. Biabia bamo ba ku Bafadiseo, abadi munkatshi mwa kibumbu, abamulungwile’shi: A mulambukishi, sashila bana bobe ba bukishi. N’fe bebālulwile’shi: Nenulungula’shi: su bano abakaumina, mabwe akasama. Habafikile hehi bamwene kibalo, ekidila mpolo, Ushi: (Ae! Ae!) Su bodio kwiuka, obe na mwinyi mu dino efuku diobe bintu bia kufukama kobe! anka binobino mbifībwe ku meso kobe. Mwanda mafuku akakufikila ha beshikwene n’obe abakakufunyisha mpembwe, na kukushikisha kosokoso, na kukutatshila ku mpese yoso. Abakakukuhila hashi, na bana bobe munkatshi mwobe hamune; tabakakulekyela ebwe dimune ditentame ha dikwabo; mwanda tobodi mwiukye kihindji kia kutembelwa kobe. Binyibiabia batwelele mu ntempelo, babangile kwibabingila hasha, aba badi ahana na kuula mwanka. Bebambile’shi: Ubafundjilwe’shi: Nshibo yande nyi nshibo ya luteko, anka’nwe nubeyialula bu muta wa bangifi. E badi alambukisha kwifuku n’efuku mu ntempelo. Anka batshiite-bakwidi bakata na bafundjiba mikanda na bantu bakata abadi abakimbi mwa kumwihayila. Tambamone biabadia kukita, mwanda bantu boso abadi abamute matwi kumuhusha. Bitabibakitshine, ha ding’efuku di’ā mafuku, habadi alambukisha bantu mu ntempelo, na kulungulu mukāndu-wibuwa, batshiite-bakwidi bakata bafikile kwadi na bafundjiba-mikanda na bakulu. Abamwambile’shi: Etulungule. A bino bintu webikita na matalwa kinyi? A winyi bakuhele ano matalwa nanyi? E bebālulwile’shi: N’ami namu nankenwihusha mwanda umune ñunalule. A lubatshisho lwa Yoano, lubadi lwa mwiilu, su ndwa ku bantu? Abo abeleshene mpaka ba na bene’shi: Su atwakula’shi: Ndwa mwiilu, aketwihusha’shi: Ankinyi tamwibamukumi ne? Anka su atwamba’shi: Ndwa ku bantu: biabia bantu boso abaketwasa mabwe: mwanda’bo abadi basumine’ shi: Yoano badi mutemuki. Biabia abālulwile’shi; Tatwiuku kwa lubafikile. Yesu bebambile’shi: Anka’mi namu tankenulungula ku namwene ano matalwa ankita yino myanda. Henyihaha babangile kwakula kwi bantu luno lukindji’shi: Muntu bakunyin’efuba dia mitshi ya nfinyo, bedijekyele bafubi, bayile kwi yingi nsenga yibadi, kula kihindji kikata. Habakumbene kihindji (kia kumonga bikuba) batumine mpika kwi bafubi ba nfinyo biabadia kumuha bikuba bia mwifuba: anka bafubi abamukuhile, abamwalwishe bisumanga. Biabia ebatumine mungi mpika dimo: abamukuhile namu, abamukitshine bibubi, abamwalushe bisumanga. Biabia batumine dimo a kasatu, abamutahile namu, abamubingile. Henyihaha sh’efuba dia nfinyo bakwile’shi: A nkite na minyi? Nankatumu mwanā’nde a kifulo: habakamumono su mbiabakamunemeka. Anka bafubi b’efuba habamumwene; abamudidile lukūku’shi: Uno nyi mpyanyi: fwai tumwihe, biabia buhyanyi bwikale bu bwetu. Biabia abamubingile mwifuba dia nfinyo, abamwihayile. A biabia shy’efuba akebakitshi na minyi? Akafiki mu kutukisha baba bafubi, akaha bangi efuba dia nfinyo. Habahushishe biabia, abambile’shi: A Efile Mukulu tabikekalanga biabia. E bebatale, bakwile’shi: A biabia nkinyi kibafundjibwe’shi: Ebwe dibahele bebaki, ankā’dio dibālulukile bu mutwe w’ehaka? Ese akahona ha diadi’ebwe, akatshimuka; ank’ese adikahona, adikamufingakana. Binyibiabia batshiite bakwidi bakata na bafundji-ba-mikanda, abakyebele kumukwata anka ha yawa nguba; biabia abatshine bantu: mwanda abashingulwile’shi: n’atwe bebele luno lukindji. Biabia abamutengyele, abatumine bampūha babadi abehwandjikisha’bo bana bene bu bantu balulame, ha mwanda wa kubembula myanda ye’shi, tukamufishe kwi bukome na matalwa bia mutontshi mukata e hanundu ha boso. Abo abamwihwishe’shi: A Mulambukishi, atwiuku’shi, okula na kulambukisha bilulame, totalā mpala (ya muntu), anka olambukisha eshinda d’Efile Mukulu na binyibinyi. Kwi kishila’twe kulambula Kesala su? Ank’e bashingulwile bulamalama lwabo, biabia bebehwishe’shi: A nkinyi kianuntompela? Ndeshei nfalanga ya ndenadi. Kihwandjikisho na kifundwe bi hanka’bi mbianyi? Abālulwile’shi: Mbia Kesala. E bebalungwile’shi: Binyibiabia lambulai bia Kesala kwi Kesala, na bintu bi’Efile Mukulu namu, kw’Efile Mukulu. Ank’abo tambamone bia kumukwata ku bishima bi’e ku mpala kwa bantu: abakanyine lwalulo lwe, n’abo abauminyine nyaa. Henyihaha kwadi kubafikile bamo ba ku Basadusea? benyi abatunanga’shi: Takwi lusanguko lwa ku lufu: abamwihwishe’shi: A Mulambukishi, Mosesa betufundjile’shi: Su mukwabo na muntu afwa, aleka mukashi, shī na bana; biabia mukwabo ahyane mukashi e, atandjisha mukwabo bana. Biabia kubadi bana balume musambobidi ba munda mumune: a kwibedi bātshile mukashi, e bafwile shī na bana. A kabidi namu bamuhyene, e’nyi nkufwa shī na bana. Biabia a kasatu’nyi bamuhyene; mpaa na boso musambobidi anka hamune; tambalekye bana, abafwile. Ku nyima kwa boso winyi mukashi bafwile namu. Binyibiabia ha lusangukilo lwa ku lufu, akekala mukashi’ānyi? Mwanda boso musambobidi abādi balume b’e. Yesu bebālulwile’shi: Bana ba hanohansenga ababambā na kubambibwa, ank’abo abatemunwa’shi, mbahwandjikile kufika ku’ya nsenga, na ku lusangukilo lwa ku lufu, abo tababambā sunga nkubambibwa, ooo. Mwanda’bo tabeuku’nyi kufwa dimo: abakekala bu bamwikeilu, nyi mbana b’Efile Mukulu, bana ba lusangukilo. Anka Mosesa habadi kwī’būla betulesheshe, ’shi, bafwe ababukā ku lufu, habatemwine, Yehowa’ shi: Efile Mukulu a Abalahama, bw’Efile Mukulu a Isaka, na bw’Efile Mukulu a Yakoība. Mwanda E t’Efile Mukulu a bafwe, ooo, anka ngā ba batala, mwanda boso be na muwa kwadi. Henyihaha bamo ba ku bafundji-ba-mikanda bamwalulwile’shi: Mulambukishi ōkula biya. Ku nyima abatshine kumwihusha mwanda dimonyi. E bebehwishe’shi: A nkinyi kia bambila’shi: Kidisitu: nyi mwan’a Dafidi? Dafidi na mwinyi ākula mu Ñono ya Milangwilo’shi: Yehowa bambile Nfumwami’shi: Oshale ku mboko yande yibalume. Mpaa na hanangalula beshikwanyi n’obe bu kitulo-kia-ngwa yobe. Binyibiabia Dafidi amutemuna bu Nfumu; a biabia e Mwan’e bi kunyi? Henyihaha ku mpala kwa bantu boso, balungwile banabe-ba-bukishi’shi: Dimukai bafundji-ba-mikanda abakyebe kutambuka na mitwelo yila, be na kifulo kia nyimuno mu bisalwe, na bishalelo bia ku mpala mu bitundwilo, na mbalo ya ku mpala ku bidibwa bia kusehela. Abafina mashibo a bakashi-ba-bafwe, na kuteka nteko yila-yila ya kwilungula: a abo bana bene banakahīshwe ku kimu bikilakile. Binyibiabia babandulukile, bamwene bampeta abēle milambu yabo mu kilambwilo. Bamwene’nyi mukashi-amufwe mulanda badi ēle mwanka makuta abidi. N’e bakwile’shi: Binyibinyi nenulungula’shi: uno mukashi-amufwe mulanda bēle bikile boso. Mwanda bana boso abēle mu kilambwilo ki ’Efile Mukulu bia ku bintu biabo bikile bungi: anka e bēle bintu bioso biadi nabio bia bulanda bwe. Kubadi bangi abakwile mwanda wa ntempelo bu bia yibadi yilengibwe na mabwe ebuwa na bia buntu, bakwile’ shi: Ha mwanda wa bino bintu bianubandjila, talai, mafuku akafiki ashyakashala ebwe ditentame ha dingi ebwe dishyadikalamwinwa hashi. Abamwihwishe’shi: A Mulambukishi, anka bino bintu abikafiki kihindji kinyi? A nkinyi ankitundwilo kinyi akikekala kwanka ahakafiki yino myanda? E bālulwile’shi: Dimukai tanubembulwanga: mwanda bebungi abakafiki mwishina diande’shi: N’ami Kidisitu; na kihindji takidi hehi; biabia tanwibalondanga. Anka hanukahusha mwanda wa ngoshi na biakutēkana, tanutshinanga moo! Mwanda yino myanda ayikafiki kwibedi, anka kunfudilo takwi hehi. Henyihaha bebalungwile’shi: Mwīlo aukabuku ngoshi na ungi mwilo, na bufumu abukebwela na bungi bufumu: Nsenga ayikatenkakana bikata mu bihindji na bihindji, akukekala bihuha bia nsala, na bia masungu, na bia ku sushisha moo, na bitundwilo bikata bia kwiilu. Anka kwibedi kwa yino myanda abakenukwata, abakenubinga, na kwinufisha ku bitumbwilo, na mu mashibo a nkano, anukafishwa ku mpala kwa banfumu, na kwi ba bimankinda ha mwanda w’eshina diande. Abikenualulukila kwikala bu tumonyi. Binyibiabia nyishai mashimb’enu, tanunangushenanga kwibedi mwa kwalulwila. Mwanda nankenuha mu kanwa na binangu, kabashyabeuku kwituhishena n’enu sunga kwela mpaka. Anukehulukwa kwi benutande, na kwi bakwenu, na kwi bifuko bienu, na bakūku benu; abakehaisha (bangi) b’enu. N’anwe anukashikibwa kwi bantu boso ha mwanda w’eshina diande. Anka takukashimina sunga ndunyene lwa ku mutwe wenu. Mu lwishinko lwa mashimb’enu nyi mwa nukamwena bikudi bienu. Binyibiabia hanukamono Yelusalema kwifunyishibwa na basha ngoshi, henyihaha nwiukye’shi, kusadika takwi hehi. Henyihaha abo be mu Yudea basukile ku mangulu: N’abo be munkatshi wa ’kio bakatukye, be mu yingi nsenga tabatwelanga mwanka. Mwanda ā mafuku nga nkōbola’shi myanda yoso yifundjibwe yikumbashwe. Anka mpombo kwi bēmite mafu, na kwi abomesha bana mu aa mafuku! Mwanda akukekala malwa akata ha nsenga, na bukyelo ha bano bantu. Abakahono ku bwashi bwa luhete lwa ngoshi, abakaishwa bu buhika ku mīlo yoso: na Yelusalema akāshinwa kwi Badjentaila, mpaa na kukumbasha bihindji bia Badjentaila. Henyihaha bitundwilo abikekala mu nguba na mu mweshi, na mu nyenyenyi, na ha nsenga akukekala bishiotshi bia mīlo na mashimba e katshima munda, na kitumo kikata kia mbundambunda ya kalunga ka mema. Mashimb’a bantu akahungila na moo, ha mwanda wa kutala ku yaya myanda ayifiki hanohansenga: mwanda bia bukome bia mwiilu abikatenkakana. Henyihaha abakamono Mwan’a Muntu afiki mwikumbi na bukome na ntumbo yikata. Anka ahakabanga yino myanda kukitshibwa, henyihaha nubandulusha meso, nubandule mitwe yenu: mwanda kikudilo kienu takidi hehi. Belele lukindji’shi: Talai mutshi wa kikuku na mitshi yoso, Hayishihuka anumono’nwe bana bene, na kwiuka’shi, mpeshi tadi hehi. Anka hamune anwe namu hanukamono yino myanda tayifiki, nwiukye’shi, hufumu bw’Efile Mukulu tabudi hehi. Binyibinyi nenulungula’shi: Kino kihungilo takikakidi mpaa na hakukumbashwa bioso. Eilu na nsenga abikashimina, anka bishima biande tabikashimina ooo. Nudimukei anwe bana bene kutshina’shi: tala mashimb’enu akanemenwa na bidiafi na kukolwakolwa, kukalakashwa kwa uno muwa, biabia adi’efuku adikenuhulumukila. Mwanda adikafiki bu muteo ha boso bashale hanohansenga hoso. Binyibiabia nutengyele na kuteka mafuku oso, bianudia kulombana kuhashibwa ku yaya myanda yoso ayikafiki, na kwimana ku mpala kwa Mwan’a muntu. Biabia mafuku oso badi alambukisha mu ntempelo kutoka, na bufuku batukile’enda mu kulala ku ngulu, ayitemunwe bu Olefeta. Na bantu boso abafikile na mashik’ēse kwadi mu ntempelo mu kumuhusha. Binyibiabia kidibwa kia mampa ashī na kitatusho takibadi hehi, akitemunwa bu Pāque. Biabia batshiite-bakwidi bakata na bafundji ba mikanda, abakimbile mwa kumwihayila, mwanda abatshine bantu. Henyihaha Satana batwēle mu Yudasa, eshina die diakabidi dibadi bu Isakadiota biabadi mwikale a ku b’ekumi na babidi. E bayile eshinda die, akesamba na batshiitebakwidi bakata na bimankinda mwadia kumwihukila kihuko kwabadi. Abo abasehelele, abalombene n’e kumuha nfalanga. Bebalayile, bakimbile mwa kumusokwela kwabadi ha shībadi kibumbu kia bantu kwanka. Henyihaha efuku dia mampa ashī na kitatusho dibafikile, diabadi na wa kwiha bia Pāque. E batumine Petelo na Yoano eshi: Ndai nuketulumbulwila Pāque tudye. Biabia abamwihwishe’shi: A kokyebe tulumbule kwi kunyi? E bebālulwile’shi: Talangai, hanutwele mu kibalo, anukafumankana na muntu mutwal’ebuka dia mema: numulonde mpaa na mu nshibo yiakatwele. Anukalungula sha nshibo’shi: Mulambukishi akwihusha’ shi: A nshibo ya benyi yi kwi kunyi mwandjia kudila bia Pāque na bana bande ba bukishi? E akenulesha kadimbo kakata ka kwiilu kalumbulwe, nulumbulwile’bio mwanka. Abo abayile, abasañene anka biabebalungwile: n’abo abalumbulwile bia Pāque, Habakumbene nsa, bashalele na batumibwa ekumi na babidi hamune n’e. Biabia bebalungwile’shi, nyi na musanku kukyeba kudia nenu kino kidibwa kia Pāque kwibedi kwa kufwambuka kwande. Mwanda nenulungula’shi: Tankeyidi nenu dimo, mpaa na hayikakumbashwa mu bufumu bw’Efile Mukulu. E bātshile ekuho, batumbwile, bambile’shi: Tambulai dino, nwibekyeshene munkatshi mwenu. Mwanda nenulungula’shi: Tankatomo bia ku bikuba bia nfinyo mpaa n’ahakafiki bufumu bw’Efile Mukulu. Biabia bātshile mampa, batumbwile, beabaswile, bebahele’shi: Ano nyi mbidi yande yibenuhebwa; kitai bino mwa kuntentekyesha. Hakuhwa kudia kitomeno namu anka hamune’shi: Kino kitomeno nyi kilombeno kihya kia mu mas’ande abenusumbukile. Anka talangai, easa dia winyi anyihuluka di n’ami ha mesa. Binyibinyi Mwan’a muntu ’ēnde, bu mwa kidi kifunwe: anka mpombo kwi yawa muntu amusokola. Biabia ababangile kwīhushena munkatshi mwabo’ shi: akakitshi kino kintu nanyi? Binyibiabia, kubadi mpaka namu munkatshi mwabo’shi, a nanyi akyebe kutumbwa bu mukile bakwabo. E bebalungwile ’shi: Bafumu ba Bajentaila abebakitshisha butontshi hanundu habo: n’abo abebakitshisha butontshi, abatemunwa bu, Basha bu-muntu. Anka’nwe tanukekala biabia, anka yawa mukile bukata munkatshi mwenu, ekale bu mukinga; n’e bu kimankinda, ekale bu mufubi. A biabia mukile’nyi nanyi? a mushale ku bidibwa’nyi ngatumibwa? Ta ngyawa ashalā ku bidibwa? anka’mi nyi munkatshi mwenu bu atumibwa. Anwe nwi babadi bekale n’ami mu kutompibwa kwande. Ami nenusangwile bufumu, bu bibansangwidile Yaiya; eshi, nudie, nutome ku mesa ande mu bufumu bwande, na kushala ha mpunānsulu, kutshiba myanda ya bisaka bīkumi na bibidi bia Bena Isalela. Binyibiabia Nfumwetu bakwile’shi: Shimona! Shimona! tala Satana bakamikile kukukwata mwadia kukuhehwila bu ngano. Anka’mi tankutekyele’shi, lukuluhilo lobe talukakutshikwa: na hokāluluka kwishimba okankamike bakwenu. Biabia bamwalulwile’shi: A nfumwetu, nyi mwimene kwenda n’obe ku nshibo ya lukano na ku lufu. (Yesu) bamwambile’shi: Petelo, nakulungula’shi: etombole tadikasamina lelo uno kwibedi okantunu misusa yisatu’shi: Tamwiuku’mi. E bebalungwile’shi: Hanenutumine tanubadi n’edimba, sunga ebofu, sunga bilato nubakutshilwe kintu su? Abamwalulwile’shi: Ooo, sunga nkahela. Henyihaha bebalungwile’shi: Anka binobino, sh’edimba ediate n’ebofu die hamune: yawa namu shī na luhete lwa ngoshi ahane mutwelo we elūle. Mwanda nenulungula’shi: uno ubafundjibwe waudi na’o ngwa kukumbashwa mwimi’shi: Badi mubadikwe na basodi ba myanda. Mwanda bintu bioso binemene bi na kunfudilo. Abo abakwile’shi: A Mwanana, mpete yibidi ya ngoshi ngii. N’e bambile’shi: Kubahu. E batukile, ēnda, mwiyile kihikwa kie, ku ngulu ya Olefeta, na bana be-ba-bukishi abamulondele namu. Habafikile ku kihindji, bebalungwile’shi: Nutekei’shi, tala nwakafishwa mu kutompibwa. Bakungulukile kwabadi hehi bu kihimo kia kwelwa ebwe diakafika, henyihaha bakunamine, ateka’shi: Obe Yaiya, su okumina, kasha dino ekoho kwandjimi; anka tamwankyebela mwishimba diande, ooo, anka mokyebela mukitshibwe. Biabia mwikeilu a mwiilu bamwekyele kwadi, bamunyishishe. Biabia hakufika na mitanyo yikata, banyingamene na luteko, na matahuta e abālulukile bu makohola akata a mase abanokyele hashi. Habebwele ku luteko lwe, bafikile kwi banabe-ba-bukishi, bebasañene balale tulo ku bishiotshi. Biabia bebahwishe’shi: A nkinyi kianudi balale tulo? bukai nutekye, tala nuakatwela mu kutompibwa. Na habadi ākula, talai, kibumbu na yawa aitanyinwa bu Yudasa, umune a ku bekumi na babidi, badi ende ku mpala kwabo, befubwīle hehi na Yesu humufifya ku kanwa. Anka Yesu bamwihwishe’shi: A Yudasa oyihuluka Mwana muntu na kufifya ku kanwa su? Biabia abadi hehi n’e habamwene ubadia ulondo abamwihwishe’shi: A Nfumwetu, twibatahe na luhete lwa ngoshi su? Na umune abo batahile mufubi a tshiite-mwakwidi mukata, amutshib’etwi dibalume. Biabia Yesu bamwalulwile’shi: Banda kuleka. Henyihaha bamukumine kwitwi, amuhwīsha. Henyihaha Yesu bakwile kwi batshiitebakwidi bakata, na kwi bimankinda bia mu ntempelo, na bakulu abafikile kwadi’shi; A nubatuku na mpete ya ngoshi, na tubongye bu abakyebe kulwa na munyefianyi? Hanadi nenu mu ntempelo kwifuku n’efuku, tanwibōle masa kunkwata: anka yino nyi nsa yenu, na matalwa a mufito. Henyihaha abamwatshile bamukunkusha, bakamufisha mu nshibo ya tshiite-mwakwidi mukata. Biabia Petelo badi a mulondo kunyima kula. Habosheshe kālo munkatshi mwa luhoho, bashala humune, biabia Petelo bashalele munkatshi mwabo. Henyihaha nsongwakashi umune bamumwene habadi mushale ku kālo, bamutale swee, bambile’shi: Uno muntu namu badi n’E. Anka e bamutune’shi: Obe mwana mukashi ntamwiuku’mi, ooo. Hakubayishishe kahindji kahela mungi namu bamumwene, bambile’shi: Obe namu we untune abo. Biabia Petelo’shi: Obe muntu, ami, ooo. Biabia habakile kihindji bu nsa yimune, mungi namu bakwil’anka musumine’shi: Binyibinyi au muntu namu badi anka n’e, mwanda e Mwina Ngadileo. Henyihaha, Petelo bambile’shi: Obe muntu, taftuku biokula’bi. Biabia kahindji n’āka habadi kiakula, etombole dibasamine. Binyibiabia Nfumwetu bealulwile, atala kwi Petelo. Henyihaha Petelo batentekyeshe mwanda wa Nfumwetu bu bamulungudile’shi: Kwibedi etombole tadiadile, obe akantunu misusa yisatu. Biabia Petelo batukile, tadidi bikata na mpolo. Baba bantu abadi abakwata Yesu, abamusengyele, tabamukuhila. Binyibiabia habamwanyine kitambala ’eso, abamukuhila mu mpala, tabamwihusha’shi: Temuna bakukuhila e nanyi? Na yingi myanda yibungi yiabamwambile yibadi anka yiakūmuka. Binyibiabia habubatokyele na mashika, bakulu ba bantu, na batshiite-bakwidi bakata, na bafundji-ba-mikanda abekongyele hamune, abamukishishe ku meso, benda n’e ku kimu kiabo’shi: Obe, we Kidisitu su? etulungule. Ank’E bebalungwile’shi: Nenulungula, tanukakumina. Sunga nenwihusha namu tanukañalula mwanda, sunga kumposola. Kubanga lelo uno mpaa na ku mafuku e ku meso, Mwan’a muntu akashala ku mboko yibalume ya bukome bw’Efile Mukulu. Henyihaha boso abamwihwishe’shi: a biabia, obe Mwan’Efile Mukulu su? E bebālulwile’shi: Anwe bianwakula. Biabia abakwile’shi: Atukyebe kangi kamonyi na minyi? mwanda tubahu kwihushisha’twe bana bene ku kanwa kwe. Binyibiabia, abebwele kibumbu kiabo kioso, abamutakwishishe ku mpala, ta bende n’e kwi Pilato. Ababangile kumwimukila’shi: Uno muntu tubamusañene kwete kulwisha mwīlo wetu, ahelesha (bantu) kulambula Kesala’shi: Ami na mwinyi nyi Kidisitu, Nfumu. Biabia Pilato bamwihwishe’shi: Obe we nfumu a Bena Yuda su? E bamwalulwile shi: Obe bwekiakula. Henyihaha Pilato balungwile batshiite-bakwidi bakata na bibumbu’shi, Nkimumone uno muntu na mwanda. Ank’abo abakambile kunyisha mwanda’shi: A bembula bantu, kwete kulambukisha kosokoso mu Yudea, kubanga ku Ngadilea mpaa na kuno. Habahushishe Pilato mwanda wa Ngadilea, bahwishe’shi: A uno muntu mwina Ngadilea su? Anka kahindji n’aka, habeukile ’shi, e nga ku kihindji kia matalwa a Heloda, batumine kwi Helodo, winyi e badi mu Yelusalema mu ā mafuku. Binyibiabia Heloda habamwene Yesu basehelele bikata: mwanda badi akyebe kumumona kihindji kila, mwanda bahushishe myanda yibungi ha mwanda we; badi atengyela’shi: ’mone kilengeleshi kikitshibwe kwadi. Henyihaha bamwihwishe mu myanda yibungi, anka E tamumwalule sunga mpahela. Batshiite-bakwidi bakata na bafundji ba-mikanda abaimene, abanyishishe bikata kumudimbila. Biabia Heloda na bantu be ba ngoshi tabamufukula na kumusēnga, abamufwadikile mutwelo auyingayinga, abamwalwishe dimonyi kwi Pilato. Ha dinyi efuku diadia Pilato na Heloda abekwatenene bukūku; mwanda kwibedi abadi beshikwene’bo banabene. Binyibiabia Pilato habetamine batshiite-bakwidi bakata, na batontshi ba bantu hamune, bebalungwile’shi: Nubamfwishisha uno muntu bu winyi alwisha bantu, talai namu, tampwila kumutompa ku mpala kwenu, nki musañane mwanda mu uno muntu yinemene mu yinyi myanda yanumwimuka. Ayoyo, sunga Heloda winyi, mwanda nenutumine kwadi, talai takwi mwanda wadi mukite auhwandjikila tufu. Binyibiabia ’mukuhile, ’muhosole. (Mwanda ubadi n’au ngwa kuhosola umune ha bidibwa bia kusehela). Biabia abo boso abanyishishe mayi hamune, eshi: Katusha uno’u, wetuhoswele Balabasa; (e winyi mwelwe mu nshibo ya lukano, ha mwanda wa kutusha bitulu mu kibalo na mwanda wa buntomboshi). Binyibiabia Pilato mwanda badi akyebe kuhosola Yesu, bakwile kwabadi dimonyi. Ank’abo abēle musase’shi: Mubambei ha nkulusu, mubambe ha nkulusu, Biabia e baihwishe diakasatu’shi: A mpa mwanda kinyi, a mbubi kinyi bwadi mukite? Ami nkimumone mwanda wadia kufwila. Biabia ’mukuhile, ’muhosole. Ank’abo abanyingamene na mayi e bukoho, na kukyeba’shi: Abambibwe ha nkulusu. Mayi a abo, n’a batshiite-bakwidi bakata abakambile a boso. Henyihaha Pilato batshibile kimu’shi: Biabatekyele bikitshibwe. Biabia e bebahoswelele winyi badi mwelwe mu nshibo ya lukano, ha mwanda wa kutusha bitulu na buntomboshi mwabakyebele; anka e bafishishe Yesu (kukita) amukyebela mashimba’bo. Habamukunkwishe, abakwete muntu umune Shimona, mwina Sailenia, badi atuku ku mahia, abamutentekyele mutshi uhingishene mwadia kulonda n’au Yesu. Kubamulondele kibumbu kikata kia bantu, na kia banabakashi babadi abamudidi namu na lukalo. Anka Yesu hakwialula kwabadi, bambile’shi: A bana-bakashi ba ku Yelusalema, tanundjilanga, anka mwīdile’nwe bana bene. Talai, mafuku anafikye mwanākule’shi: Mwabi kwi bankunga, na mafu ashī atande bana, na mabele ashī omeshe. Henyihaha banakabangye kwakula kwi mangulushi: Etuhonenei, na ku miengye namu’shi: Etubwikilei. Mwanda su abakitshi yino myanda ha mutshi ubishi, a nkinyi akikakitshibwa ha mutshi ūme? Kubadi bangi babidi namu balwishi babakunkwishwe n’e mu kwihaibwa. Biabia habādi abafiki henyi hantu habatemwinwe bu Kabale, henyi’ho nyi habamubambile ku nkulusu, na benyi balwishi, umune ku mboko yibalume, mungi ku mboko yibakashi. Henyihaha Yesu bakwile’shi: A Yaiya, ebalekye le, mwanda tabeuku kiabakitshi. N’abo abābanene bifwalwa bie, bebita bubale. Binyibiabia bantu abadi bemane abatala, na batontshi namu tabamufukula’shi: E bahashishe bangi, ehashe e na mwinyi su e Kidisitu musangulwe e Efile Mukulu. Basalai namu abamusēngyele, abafikile (kwadi) tabamutambika nfinega, eshi: Su obe we nfumu a Bena Yuda ehashe’be na mwinyi. Kubadi kifundwe namu kifundjibwe hanundu he mu bishimi bia Ngidiki, na bia Latshine, na bia Bahebelu’shi: UNO WINYI NYI NFUMU A BENA YUDA. Henyihaha umune a benyi balwishi abahudikilwe, bamukāyile mulomo’shi: Su obe we Kidisitu, ehash’obe na mwinyi, n’atwe (namu). Anka mungi bālulwile, amutosha’shi: obe twe mutshine Efile Mukulu, mwanda obe namu we mu kuhīshibwa kumunenka. Anka’twe nkwitulombene, mwanda atutambula bwinyi bwedi bwa bikitshino bietu; anka e tamusole mwanda, ooo. Binyibiabia bākwile kwi Yesu’shi: A Nfumwami, ontentekyesha hokāfiki mbufumu bobe. Biabia Yesu bamwalulwile’shi: Binyibinyi nakulungula’shi: Lelo’yo uno okekala n’ami mu mpaladisa. Nguba tabadi bu nsa yisamombo, mufito ubafumankene nsenga yoso mpaa na ku nsa kitema. Nguba namu bafitshile anka fututu. Kilamba kia lushiko kia mu ntempelo kibabālukile hankatshi. Henyihaha Yesu habadile n’eyi dikata, bakwile’shi: A Yaiya, natulu kikudi kiande mu māsa obe: habahwile kwakula biabia, batule muwa we. Binyibiabia winyi mulami a basalai lukama, habamwene bibakitshinwe, tatumbisha Efile Mukulu’shi: Biosobi uno badi muntu mululame. Biabia bibumbu bioso bia bantu bibekoñene hamune ku wawa mwanda, hakumona mwaubakitshinyinwe, abebabile ha biadi biabo, abālukile. Na boso abadi bamwiukye, na banabakashi babafikile ku Ngadilea abadi abamulondo, babadi bemane kula, bakwete kubandjila yino myanda. Talai, kubadi muntu atemunwa bu Yosefo, mwina kimu, badi muntu ebuwa, n’a kululama: (E winyi tabadi mukumine ku binangu na ku’kia abakitshine.) (Badi) mwina Adimatea, kibalo kia Bena Yuda, e na mwinyi namu badi atengyela bufumu bw’Efile Mukulu. Uno (muntu) bayile kwi Pilato tatekye kitanda kia Yesu. Bekikishe, ekihombela mu kilamba kia linene, ekiladika ’muta ubabangwilwe mwībwe, mubadi tamwaladikilwe kitanda. Diadi’ efuku dibadi diakulumbula, dia Sabado namu dibefubwile hehi. Bana bakashi namu abafikile n’e ku Ngadilea, abalondele kunyima, abamwene kilele, na mwabaladikīle kitanda kie. Biabia abālukile, bakalumbula abinunku mahembwe na mimu ya malashi. Efuku dia Sabado abeikishe mulombene kishila (ki’Efile Mukulu.) H’efuku dia kwibedi dia lubingo namashik’ese, abafikile bangi bakwabo ku nyenyi, mbatwale abinunku mahembwe biabadi balumbule. Abasañene ebwe dialāshwe ku nyenyi. Habatwelele mwanka tambasanane kitanda kia Nfumwetu. Bitabibakitshine, habadi mashimb’abo ebakalakala ha uno’u’shi, batale’bi, bana balume babidi bemene habadi bafwale bilamba abihenyahenya; Habaikēle na moo, na kubandamisha mahala abo hashi, abo abakwile kwabadi’shi: A nkinyi kianukimbila e winyi atala munkatshi mwa bafwe? E, te mu nwē, basangulwa. Tentekeshai mwabakwidile kwanudi, habadi ki mu Ngadilea, eshi, Mwan’a muntu wadi n’ao ngwa kufishibwa mu māsa a bantu bebubi, na kubambibwa ha mutshi uhingishene, na h’efuku diakasatu akasanguka dimonyi. N’abo abatentekyeshe mīsambo ye. Biabia hakwaluka ku nyenyi, tabalungula b’ekumi na umune, na bangi bakwabo boso yino myanda yoso. Benyi’bo abadi Madiya Mangadalene, na Ndjoana, Madiya (nyin’a) Yakoba, na bangi babadi n’abo, abo benyi abalungwile yino myanda kwi batumibwa. Biabia mīsambo y’abo yibadi bu miele ya bisumanga kwabadi, tambeyikumine. Henyihaha Petelo bēbwele, akamina lubilo ku mashama, hakubandamina mwanka, bamwene bilamba bia lenene (mbilale) ha buhenka bwa’bio, biabia bakatukile anka e na mwinyi, kwete kukanya ku kiakia kibakitshinwe. Talai, babidi b’abo abadi abende diadi’efuku ku kibalo akitemunwa bu Emeuse, kibadi kula na Yelusalema bu kilometre ekumi na kimune. Abo abadi abesamba ha yino myanda yibakitshinwe. Bitabibakitshine habadi abesamba na kwihatulushena (abo bana bene) Yesu na mwinyi befubwile hehi, tēnde n’abo. Anka meso abo abakwetwe na mindjua biabashyakumushingula. E bebehwishe’shi: A yino myanda yi na minyi yanwilungushena, na kutambuka na kwinyongola. Biabia umune, eshina die bu Keleohase, bamwalulwile’shi: Obe we anka mwenyi mu Yelusalema, twemwiukye yinyi yibakitshinwe mwanka mu ano mafuku? E bālulwile’shi: A nginyi, yinyi? Abo’shi: nyi myanda yinemene kwi Yesu a Nasaleta, badi mutemuki a bukome mu bikitshino na myanda ku mpala kw’Efile Mukulu na bantu boso; na mubamufishishe batshiite-bakwidi bakata na batontshi betu, kumuhisha ku lufu, na kumubamba ha mutshi uhingishene. Ank’atwe tubadi bakuluhile’shi: Nyi anka e badi akukula Isalele; ungi mwanda, lelo nyi efuku dia kasatu kasha yino myanda yibakitshinwe. Na bamo bana-bakashi ba mu kibumbu kietu abetukanyisha, abo abadi ku mashama namashika ese. Biabia habashī basanane kitanda kie, abafikile’shi: Tubamono kimonwa kia bamwikeilu, abetulungula’shi: E atala. Bamo ba’bo betu abayile ku mashama, abasañene bu bibakwile bana bakashi, anka e winyi tambamumone. Henyihaha e bebalungwile’shi: Anwe balotakane, na ba mashimba a kuhuñanya kukumina yoso yibākwilwe batemuki; Tayibadi yihwandjikile Kidisitu kufwambuka mu yino myanda, na kutwela mu ntumbo ye su? Biabia kubangila kwi Mosesa, na kwi batemuki boso, bebahatulwidile mu Bifundwe-b’Efile bioso, yinyi myanda ya ha mwanda we. Binyibiabia, abefubwile hehi na kibalo kiabadi abende: biabia e bahwandjikishe bu akyebe kukila. Ank’abo abamwiyayile’shi: Wekale n’etu, mwanda tampehi na ku kiolwa, n’efuku tadidi hehi kushimina. Binyibiabia batwēle kushala n’abo. Bitabibakitshine, habashalele n’abo (ha bidibwa) bātshile dimpa, batumbwile, bedibaswile, ebaha. Biabia meso abo ababulukile, biabakimūka bibuwa; henyihaha belengyele ku meso kwabo. Binyibiabia tabeakushena’shi: Nyi kiatumwene ’mashimb’etu amutembe bu kālo, hesambanga n’etu mwishinda, na hekalanga etufumbwila Bifundwe bi’Efile? Binyibiabia abebwele ha yawa nguba, bālukila kwi Yelusalema, abasañene b’ekumi na umune mbekoñene hamune n’abo bābadi n’abo, abo’shi: Nfumwetu musangukye binyibinyi, bamwekyela kwi Shimona. Biabia’bo tabebalungula yibakitshinwe mwishinda, na mubeukīshe kwabadi ha kubasula kwa dimpa. Habadi abākula biabia, Yesu na mwinyi bemene munkatshi mwabo; bebalungwile’shi: Kufukama kwikale kwanudi. Ank’abo ababasukile, bakwatwa na moo, tabahwandjikisha’shi: Nyi nkikudi kiatubamono. Binyibiabia e bebahwishe’shi: A nkinyi kianutuntu mu mashimba, na kwela mpaka mu mashimb’enu? Talai māsa ande na ku ngwa yande, ñanka’mi uno; nkumei maasa numone, mwanda kikudi taki na mbidi na mifulwa, bu bianubamono biandji n’abio. Habahwile kwakula biabia, bebaleshe maasa na ngwa. Habadi tambakumine ha mwanda wa kusehela, na kukanya, bebalungwile’shi: Nwi na bidibwa kuno su? Biabia abamuhele kihindji kia mushiha wēkyele, na kisa kia būki. Bebiatshile, tādi ku mpala kwabo. Binyibiabia bebalungwile’ shi: Yino nyi yinyi myanda yanenulungwile hanadi nki nenu’shi, myanda yoso wayidi n’ao ngwa kukumbashwa yibadi yifundwe mu mukanda-wa-Mosesa na mu batemuki, na (mu) ñono ya Milangwilo, ha mwanda wande. Henyihaha bebabulwile binangu biabo biabadia kushingula Bifundwe bi’Efile. E bebambile numu’shi: Nyi mwakibafundjilwe, na mwakibamuhwandjikile Kidisitu kufwambuka, na kusanguka ku lufu h’efuku dia kasatu. Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema. N’anwe nwi tumonyi twa yino myanda. Talai, nenutumina hanudi mulayilo wa Yaiya’nde; anka nushale mu kibalo kia Yelusalema mpaa n’ahanukekala bafwadikwe na bukome bwa mwiilu. Binyibiabia e bebakunkwishe mpaa na ku Betane, bebosheshe maboko e, bebēlele mwabi. Bitabibakitshine habadi ebēlela mwabi, balamunwinwe kwabadi, atwadibwa Mwiilu N’abo abamulangwidile, balukila ku Yelusalema na kusehela kukata; abadi mu ntempelo mafuku oso bakwete kutumbisha Efile Mukulu. Amena. Kwibedi n’ebedi Mwanda ubadi kwanka; winyi mwanda ubadi n’Efile Mukulu, na mwinyi mwanda ubadi Efile Mukulu (na mwinyi). Ñanka e badi n’Efile Mukulu mu kibangilo. Bintu bioso bibahangilwe kwadi, takwi kintu sunga nkimune kishī kihangibwe n’E. Muwa ubadi mwadi E, muwa namu ubadi etata dia bantu. Etata namu aditosha ’mufito, na mufito tawidishingula, ooo. Kubafikile muntu, batuminwe n’Efile Mukulu, eshina die mbu Yoano. Nyi winyi bafikile bu kamonyi, mwanda wa kuhatula’shi, nkebahatulwile mwiyile aya ya mwitata’shi, boso bakuminyine handji’mi. E na mwinyi tabadi etata, ooo, anka batuminwe kuhatula mwiyile (dinyi) etata. Etata dia binyibinyi nyi dibadi aditoshesha bantu boso abafiki hano ha nsenga. E na mwinyi badi hano ha nsenga, na hano ha nsenga namu habadi hahangwe kwadi; anka bahanohansenga tambamwiukye. Bafikile ku b’e na mwinyi, anka b’e na mwinyi tambamutambule, ooo. Anka muhunda baba abamutambwile, nyi badi muhe matalwa a kwikala bu bana b’Efile Mukulu, nyi kwi baba abakumina mwishina die. Kwi’bo bashī batandjibwe ku mase, sunga nkwishimba dia ku mbidi, sunga nkwishimba dia muntu, ñanka kw’Efile Mukulu. Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi. (Yoano bamwisambile, bēle musase’shi: Nyi winyi anakwile’shi: Akandondo munkile kinemo: mwanda e badi ku mpala kwande. Atwe boso tubatambwile ku kukumbana kwe, bu-muntu ha bu-muntu. Mwanda mukanda-wa-bishila ubahelwe (bantu) ha Mosesa; bu-muntu na biabinyibinyi bibafikile ha Yesu Kidisitu. Takwi muntu sunga ngumune bamwene Efile Mukulu sunga mpahelahela, winyi Mwan’umun’enka eleka E mu kiadi kia nshye; ñanka E bamutemwine. Biabia yino nyi bu kamonyi bwa Yoano, habatumine Bena Yuda batshiite-bakwidi, na Bena Lewi ba mu Yelusalema kumwihusha’shi: Obe we’nyi? E besokwele, tamutune, besokwele’shi: Ami nki Kidisitu, ooo. Biabia tabamukokōla’shi: A na minyi? We Elaidja su? E namu’shi: Ooo. Obe we (winyi) mutemuki su? Bālulwile’shi: A a. Henyihaha abo nkumwalula’shi: A (biabia) we nyi? mwatudia kukahatulwila kwi betutumine. Wetemunā bu’nyi obe na mwinyi? Biamba’shi: Ami nyi eyi adiele musase mu kabāka’shi: Ludikai eshinda dia Yehowa bu mubakwidile mutemuki Eseasa. Benyi abatuminwe abadi ba ku Bafadiseo. Biabia tabamwihusha’shi: A henyihaha nkinyi kiobatshishā su twe (winyi) Kidisitu, sunga mbu Elaidja, sunga mbu (winyi) mutemuki? Yoano bebālulwile’shi: Ami nabatshishā mu mema; anka munkatshi mwenu mubaimana umune anushyanwiuku. Nyi winyi andondo ku nyima munkile kinemo; ye mioshi ya ku biashino nkimuhwandjikile kwiyiangula. Yino myanda yibakitshinwe mu Betabala adi’eshia dia Yodano kubadi Yoano abatshishā. Biabia habubatokyele Yoano bamwene Yesu afiki kwadi, bambile’shi: Talangai Mwan’a mukoko ’Efile Mukulu, akashā milwisho ya bahanohansenga. Nyi winyi anambile’shi: Ku nyima kwande akukafiki muntu munkile kinemo, mwanda E badi kwibedi kwande. N’ami ntamushingulanga, ooo, anka mwadia kwisokwela kwi Isalele, nyi mbiabia nafiki nkwete kubatshisha na mema. Biabia Yoano besambile bu kamonyi’shi: Namwene Kikudi-E-Selelee ayiki mwiilu bwikutshi, na kumushala. Tanadi mumushingule: anka winyi bantumine kubatshisha mu mema, nyi bandungwile’shi: Ha yawa okamono Kikudi-E-Selelee ayiki na kushala ha mbidi he, yawa nyi akabatshishā mu Kikudi-E-Selelee. N’ami namwene, nesambile bu kamonyi’shi: Uno nyi Mwan’Efile Mukulu. Dimonyi, habubatokyele, Yoano badi mwimane, na bana-be-babukishi babidi; Hakumona Yesu mwabatambukilanga, bambile’shi: Talai Mwan’a mukoko ’Efile Mukulu! Biabia aba bana-ba-bukishi babidi abamuhushishe kwete kwisamba, tabakalondo Yesu. Binyibiabia Yesu bealu lwile, ebamona abamulondo, tebehusha’shi: A nkinyi kianu kyebe? Abamwalulwile’shi: Labi, fkuhatula nyi nkwamba’ Mulambukishi,) obombelā kwi kunyi? E namu’shi: Fikai nukamone. Abafikile, bamona kwabadi mubombele, ababombelele n’e diadi’efuku: mwanda nsa yibadi tayikyebe kufika h’ekumi. Ku baba babidi abahushishe Yoano, tabalondo Yesu; kubadi Andeleo mukwabo na Shimona Petelo. E, babadidile kuheta Shimona mukwabo ē na mwinyi, tamulungula’shi: Atwe tubamono Meseasa, kuhatula’shi: Nyi Kidisitu. Bamufishishe kwi Yesu. Biabia Yesu hakumumona, tamba’shi: Obe we Shimona mwan’a Yona, okaudikwa bu Kefasa, kuhatula’shi: Nyi’bwe. Habubatokyele Yesu bakyebele kwenda mu Ngadilea, basañene Fidiha, bamulungwile’shi: Ndonde. Winyi Fidiha badi mwina Betesaida, kibalo kia Andeleo na Petelo. Fidiha basañene Natanyele, bamulungwile’shi: Tubasañana winyi badi mufundwe kwi Mosesa mu mukanda-wabishila, na muwa batemuki, Yesu a Nasaleta mwan’a Yosefa. Natanyele bamwalulwile’shi: Aaa! A kilumbulukye kitukye mu Nasaleta su? Fidiha’shi: Fik’okamone. Yesu bamwene Natanyele afiki kwadi, bamwambile’shi: Talai Mwina Isalele a binyibinyi, mwadi e tamwi bulamalama! Natanyele’shi: A bonukile na minyi? Yesu bamwalulwile’shi: Habadi Fidiha takakwitanyine, hobodi mushi mwa mutshi wa kikuku, nakumwene. Natanyele bamwalulwile’shi: Labi, obe we Mwan’Efile Mukulu, obe we Nfumu a Isalele. Yesu bamwambile’shi: Mwanda nakulungula’shi: Nakumwene mushi mwa kikuku, takukumina kobokumina’ku’be? okamono bintu bikile bino bukata. Biabia bamulungwile’nyi’shi: Mbinyibinyi mbinyibinyi nakwamba’shi: Anukamono eilu dishitukye, na bamwikeilu b’Efile Mukulu bakaminanga, bayikanga ha Mwan’a Muntu. Hefuku dia kasatu kubadi ebambo mu Kana ka Ngadilea; na nyin’a Yesu badi kwanka. Biabia Yesu na bana-be-ba-bukishi babaitanyinwe kwibambo. Na habalobele nfinyo, nyin’a Yesu tamwamba’shi: Tabe na nfinyo. Yesu bamwalulwile’shi: Mwana mukashi, ami nyi n’obe mwanda kinyi? Nguba’nde tabandjile kufika. Nyin’e balungwile bafubi’shi: Kioso kiakenulungula nukite’kio. Kubadi kutulwe mabuka a mabwe asamombo, (abadi atulwe) bu mwiyile kihikwa kia kutoshwa kwa baYudue. Ebuka dimune dibaulanga bidingilo bibidi su mbisatu; n’angi namu anka hamune. Yesu bebalungwile’shi; Ushai mabuka na mema. Biabia abo abeaushishe ndaa na ha kanwa. Biabia bebalungwile’shi: Tahulai binobino, nwiyitwale kwi mulami wa bidibwa. Abo abeyitwele. Mulami a bidibwa habatompile mema abālulukile ta nfinyo, tamushingule kwayibasokokyele, (anka benyi bafubi abakatahile mema nyi abadi beukye;) mulami a bidibwa baitamine mubambi; bamulungwile’shi: Bantu boso ababandā kutula nfinyo yi buwa bukalabale, ahatomo bantu yibungi, biabia aya yi buwa bwi binyibiabia biayilondo, (ank’) obewemubikye yilumbulukye mpaa na binobino. Kino, nyi kibangilo kia bitundwilo bibakitshine Yesu mu Kana ka Ngadilea; nyi habafumbwile ntumbo ye: bana-be-ba-bukishi bamukumina. Habahwile uno mwanda balalele ku Kahanaume, e, na nyin’e, na bakwabo, na bana-be-ba-bukishi; tambashale maafuku e bungi mwanka. Henyihaha (kidibwa) kia Paque kia ba Yuda kibadi hehi, biabia Yesu bakamine ku Yelusalema. Basañene mu ntempelo abeulena ñombe na mikoko na tunku dimba; n’abashintushena nfalanga (namu) abadi bashale mwanka. Habakitshine kihāba kia mushinga yihela, bebabingile boso mu ntempelo, na mikoko, na ñombe, bahalakeshe nfalanga ya bashintudi, bālamwine mesā’bo. Bakwile kwi abadi abeulena tunkudimba’shi: Yishai bino bintu kungi; tanwikashanga (yino) nshibo ya Nshami bu nshibo ya busunga, ooo. Biabia bana-be-ba-bukishi abatentekyeshe mwaudi ufundwe’shi: Kinsukunsuku kia nshibo yobe nyi kibanshidisha. Henyihaha ba Yuda abamwalulwile’shi: A nkitundwilo kinyi kioketulesha, mwanda okitshi yino myanda? Yesu bebālulwile’shi: Lwishai yino ntempelo, ami nankeyimika mu mafuku asatu. Henyihaha ba Yuda abamwambile’shi: Eee! Yino ntempelo yiabayibakile mu bihwa makumi ananka na bisamombo biayikihwa, obe okeyimikye mu mafuku asatu su? Biosobi e bākwile ha mwanda wa ntempelo ya mbidi y’e. Biabia habahwile kusanguka ku lufu, bana be ba bukishi abanangushene wawa wabākwile kwabadi; biabia abakuminyine kinyi kifundwe ki’Efile na mwanda wabākwile Yesu. Binyibiabia hatabadi mu Yelusalema henyi ha kia Paque ha (kidibwa kikata,) bebungi abakuminyine eshina die ha bamwene bitundwilo bia bakitshine. Anka Yesu tamwikuluhile e na mwinyi kwubadi, ooo, mwanda e badi mushingule boso. Tabadi na lukalo’shi, Muntu ahatule muntu, mwanda beukanga kibadi munda mwa bantu. Kubadi muntu a Bafadiseo, eshina die mbu Nekodema, mutontshi wa ba Yuda. Nyi winyi bafikile kwi Yesu bufuku, tamwamba’shi: Labi, tubeuku’shi, obe we mulambukishi mufiki kw’Efile Mukulu, mwanda takwi muntu euku kukita bino bitundwilo biokitshi’bi, anka su Efile Mukulu e n’e. Yesu bamwalulwile’shi: Binyibinyi, binyibinyi biankulungula’shi: Su muntu takatandjibwa diakabidi, tanakamone bufumu bw’Efile Mukulu, ooo. Nekodema namu’shi: Su muntu tadi mununu euku naminyi kutandjibwa diakabidi? Euku mwa kutwela mususa wa kabidi munda mwa nyin’e, atandjikwa’nyi su? Yesu bālulwile’shi: Binyibinyi binyibinyi biankulungula’shi: Su muntu tamutandjibwe ku mema na ku Kikudi-E-Selelee, biabia tanakatwele mu bufumu bw’Efile Mukulu, ooo. Akia akitandjibwa ku mbidi nyi mbidi, n’akia akitandjibwa ku Kikudi nyi Kikudi. Tokanyanga bianakulungula’shi: Wodi n’ao ngwa kutandjibwa dia kabidi. Luhahi aluhukā koso kwa lukyebela, ohushanga’nka kitumo ki’alo, anka tweuku kw’aluu na kw’alwende; ñanka biabia na boso abatandjibwa ku Kikudi-E-Selelee. Nekodema bamwalulwile’shi: A yino myanda ayiuku kwikala na minyi? Yesu bālulwile kwadi’shi: A ku’nyi we mulambukishi a Bena Isalele, twemwiukye yino myanda? Binyibinyi binyibinyi nakulungula’mi’shi: Kiatwibeukye ftank’akio kiatwakula, na kutemuna’kia tudi bamone; anwe tanwibakumine mitemo yetu, ooo. Su nenulungwile ya hanohansenga, tanwibekumine, su nenulungula ya mwiilu anukeikumina na minyi? Takwi muntu bayile’mwa mwiilu, ank’E bakatukile’mwa mwiilu, nyi Mwan’a muntu na mwinyi E mwa mwiilu. Mubaimikīle Mosesa nyoka mu kabāka, anka hamune Mwan’a Muntu wadi n’ao ngwa kukemikibwa’shi: Ese akumina mwadi E, takalwika, ooo, anka akekale na muwa wa ikala-ika. Mwanda Efile Mukulu bakishekishe kifulo na be ha nsenga’shi, E bahe Mwan’E umunenka eleka’shi, ese akumina mwadi E, takalwika, ooo, anka akatambule muwa wa ikalaika. Mwanda Efile Mukulu tamutume Mwan’E hanohansenga mwadia kutshibila bahanohansenga, ooo, anka’shi, be ha nsenga bahashibwe mwadi E. Yawa akumina hadi E tatshibilwa, ooo, anka yawa shī mukumine, tahwanga kutshibilwa, mwanda e tamukumine mwishina dia Mwan’eleka ’Efile Mukulu. Uno nyi kitshibilo’shi, etata diba fikile hanohansenga, anka bantu mbasehele mufito he etata, mwanda bikitshino biabo bibadi bibubi. Mwanda boso abakitā bibubi abashik’weteta, sunga nkwishesha ku dinyi etata, tala bikitshino biabo biakasokolwa. Anka yawa akitshi biabinyibinyi eshesha’nka kwitata’shi, bikinotshi bie bimwekyelele’shi, mbikitshibwe mw’Efile Mukulu. Habahwile yino Yesu, na bana-be-ba-bukishi abafikila mu nsenga ya Yudea; bashalele n’abo kwanka abatshishange (bantu). Yoano namu badi abatshisha mu Enone, hehi na ku Saleme, mwanda’ko kubadi mema e bungi; abafikanga babatshishwa. Mwanda Yoano badi tabandjile kwelwa mu nshibo ya lukano. Biabia kubabukile mpaka kwi balondji ba Yoano na ba Yudea ha mwanda wa kwitosha. Biabia abafikile kwi Yoano, abamulungwile’shi: Labi, yawa badi n’obe adi’eshia dia Yodano, obwetulungwile, nyi winyi tabatshisha, na (bantu) boso abahwila kwadi. Yoano bālulwile’shi: Muntu teuku kwiatshila su nkinyi su nkinyi, anka su nkimuhebwe kwiilu. Anwe bana bene, nwi bu tumonyi kwandji bianakwile’shi: Nki Kidisitu, ooo, anka’ shi, nyi mubadishwe ku mpala kwe. Yawa e na muba mbwe nyi mubambi; ankakūku a mubambiaimana (hadi) na kumuhusha asehelā bikata, mwanda w’eyi dia mubambi: anka biabia namu kusangala kwande kubakumbashwa. E wadi n’ao ngwa kutumbwa ami namu anka kwihelesha. Yawa āfiki kwiilu ’mukile boso; yawa a hano ha nsenga nga ha nsenga, ēsamba’nka bia ha nsenga; anka yawa mutukye mwiilu ’mukile boso. Bia bamwene na bia bahushishe nyi’bi esamba bu kamonyi; Takwi muntu akumina bulungudi bwe. Yawa bakuminyine bulungudi bwe, batulu kikayikilo ki’e kia kwamba’shi: Efile Mukulu nga binyibinyi. Mwanda yawa batuminwe n’Efile Mukulu akula misambo y’Efile Mukulu, mwanda Efile Mukulu tamumuhimine Kikudi ha kumuha. Yawa afula Mwana kifulo, bamuhele namu bintu bioso mwiasa di’e. E akumina mwi Mwana e na muwa wa ikala-ika; yawa shīmukumine Mwana takamono muwa; anka nsungu y’Efile Mukulu yi n’e hadi. Binyibiabia Nfumwetu habeukile mubahushishe Bafadiseo’shi, Yesu bakidi Yoano kwikasha (bantu’bu) balondji, na kwibabatshisha, (anka Yesu na mwinyi tabadi abatshisha, nyi mbana-be-ba-bukishi,) bakatukile ku Yudea, bālukile dimonyi ku Ngadilea. Ubadi n’ao ngwa’nka wa kukila mu Samadia. Biabia bafikile ku kibalo kia ku Samadia, eshina dia’kio bu Saika, hehi ku kihindji kia nsenga kibahelwe Yosefe kwi nshye Yakoba. Mushimwa wa mema a Yakoba ubadi kwanka. Biabia Yesu bakokyele luendo, bashalele ha mushimwa. Nguba tabadi su mpa mitwe. Henyihaha kubafikile mwana mukashi a mu Samadia kutaha mema. Yesu bamwambile’shi: Ompe a kutoma. (Mwanda bana-be-ba-bukishi abadi bende ku kibalo mu kuula bidibwa). Henyihaha mwana mukashi a mu Samadia bamwihwishe’shi: A nkinyi obe mwina Yudea ontekye’mi a kutoma ami mwana mukashi a mu Samadia? mwanda ba Yudea tabeakushena na bena Samadia. Yesu bālulwile amwamba’shi: Su bodi ouku buntu bw’Efile Mukulu, na mwinyi akutekye’shi: Mpe a kutoma; obe bodia kumuteka, n’e namu badia kukuha mema a muwa. Mwana mukashi bamwambile’shi: A Mwanana, a bioshī na kintu kia kutaha n’akio, na mushimwa namu ngula: biabia kokyebe kukatusha enyi mema a muwa nkwi kunyi? Obe we mukile nshyetu-kulu Yakoba, betuhele uno mushimwa, ubadi atomo mwanka e na mwinyi, na bana be, na bimunwa bie su? Yesu bamwalulwile’shi: Ese atomo ano mema akahusha nyota dimo; anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika. Mwana mukashi bamwambile’shi: A Mwanana, mpe ano mema bianshyankahusha nyota, sunga nkufika kuno mu kutaha. Yesu bamulungwile’shi: Banda kwenda, oketamine mulunda obe, nufikye kuno. Mwana mukashi bamwalulwile’shi: Ntshi na mulumē’mi. Yesu’shi: Bokula biya’shi: Ntshi na mulume; mwanda bodi na balume batano, na yawa odi n’e binobino ta mulunda obe, mu wawa (mwanda) bokula binyibinyi. Mwana mukashi bamulungwile’shi: A Mwanana, nashingula biosobi we mutemuki. Banshyetu-kulu babadi abalangwile mu uno ngulu, n’anwe anwamba’shi: Anka mu Yelusalema mwi kihindji kihwandjikile kulangwidila. Yesu bamulungwile’shi: Obe mwana mukashi nkumine’mi, akufiki kihindji kianushyanukalangwila Yaiya, sunga mu uno ngulu, sunga mu beukye; Yelusalema. Anwe anulangwila kianushī beukye; atwe atwiuku kiatulangwīla, mwanda kihandjilo nyi nkia Bena Yuda. Anka akufiki kihindji, na binobino kibahu kufika, bala ngwidi ba binyibinyi abakalangwila Yaiya mu kikudi na (mu) binyibinyi: mwanda Yaiya akimbi be biabia kumulangwila. Efile Mukulu nyi Kikudi; n’abe abamulangwila wabadi n’ao ngwa kumulangwila mu Kikudi na mu biabinyibinyi. Mwana mukashi bamwambile’shi: Neuku’shi, Meseaya afiki, atemunwa bu Kidisitu, hakafiki aketulungula myanda yoso. Yesu bamwalulwile’shi: Nganka’mi uno akula n’obe’u. Ha kiakia kihindji bana-be-ba-bukishi abafikile kwanka, abakanyine bibadi akula na mwana mukashi; anka takubadi muntu bamwihwishe’shi: Nkinyi kiokyebe? sunga’shi: A nkinyi kioesamba n’e. Henyihaha mwana mukashi balekyele ebuka die, bayile mu kibalo, balungwile bana balume’shi: Fikai, nutale muntu bandungula bioso binankitshine kala: E ta nKidisitu uno su? Henyihaha abatukile mu kibalo, abafikile kwadi. Habadi ki mwende, bana-be-ba-bukishi abamusendele’shi: A Mulambukishi banda kudia. Anka E bebalungwile’shi: Nyi na bidibwa biankwete kudia bianushyanuuku. Binyibiabia bana-be-ba-bukishi abeihushene ’shi: Kubamufishisha muntu kia kudia su? Yesu bebālulwile’shi: Bidibwa biande nyi mbino’shi: Nkite akikyeb’eshimba di’awa bantumine, na kuhudisha mufubo we. Tanwakula’shi: Ku ki mieshi yinanka, ku mongo nyi nkuumbula su? Talai, nenuamba’shi: Bandulai meso enu, nutale ku mafuba, mwanda tahwīle kumonga bia kuumbula. N’aumbula atambul’efuto, nākongola bikuba ku muwa-wa-ikala-ika: eshi, mukunyi na munoyi abakasangala hamune. Biabia nyi mwanka mwisambo ngwa binyibinyi’shi: Umune akunu, mungi aumbula. Nenutumine kuumbula’bia bianushī bafubile, bangi abafubu, n’anwe nubebahiene ku mifubo yabo. Binyibiabia be bungi ba Bena Samadia bia’kia kibalo, abamukuminyine ha mwanda wa mwisambo wa mwana mukashi ubalungwile’shi: E bandungwile myanda yoso yinakitshine kala. Biabia habafikile Bena Samadia kwadi E, abamusendelele kwikala nabo: Ebashalele mwanka mafuku abidi. Na bangi bakwabo be bungi abakuminyine ha mwanda wa eyi die na mwinyi. Bebalungwile mwana mukashi eshi: Binobino atukumina, ta ha mwanda wa mwisambo wobe, mwanda tubamuhusha’twe ba na bene tubeuku’shi: E binyibinyi, nyi Kidisitu: Muhashi a be-hansenga. Henyihaha habakidi mafuku abidi bakatukile kwanka bayile ku Ngadileo. Mwanda Yesu na mwinyi bakwile’shi: mutemukye te na kinemo mu nsenga ye. Binyibiabia habafikile mu Ngadileo, Bena Ngadileo babamukuminyine, mwanda’bo abamwene bintu bioso bibakitshine mu Yelusalema ku kidilo: mwanda’bo namu abayile ku kidilo. Biabia Yesu bafikile dimonyi mu Kana ka Ngadileo, kubalulwile mema bu nfinyo. Kubadi muntu, ntshikala, mwan’e badi na busungu ku Kahanaume. Habahushishe’shi Yesu takatukile mu Yudeo, tafikile ku Ngadileo; e bafikile kwadi E, bamusendelele’shi: Banda kufika, ohashe mwan’ande: mwanda ebadi hehi ku iufu. Binyibiabia Yesu bamulungwile’shi: Su ta nwibamone bitundwilo na biakukanyi, tanwi na lukumino. Mwinyi ntshikala bamwambile’shi: A Nfumu, ofikye kwibedi mwan’ande tafwile. Yesu bamulungwile’shi: Nda kwobe, mwan’obe atala. Na yawa muntu bakuminyine dino ei dibamulungwile Yesu; biabia bayile kwe. Habadi e tēnde mwishinda, bafube be abafumankene ne, abamulungwile’shi: Mwan’obe ena muwa. Henyihaha bebeihwishe nguba he kunyi hababangile kusanguka. Abamwalulwile’shi: Maloba habadi nguba ha umune kalo kabamulekyele. Biabia nshyemwana beukile’shi, nyi anka ha yawa nguba yibandungwile Yesu’shi: Mwan’obe e na muwa. E bakuminyine na mwinyi, na nshibo ye yoso. Kino namu nyi kilengeleshe kia kabidi kibakitshine Yesu habakatukile ku Yudea, na kwenda ku Ngadileo. Hakubahu bino kubadi bidibwa bia kusehela bia Bena Yudea; na Yesu bakamine ku Yelusalema. Mu Yelusalema hehi ku kibelo kia mukoko, kubadi edindji dia mema, dibatemunwa mu edimi dia Bena Hebelu, bu Beteseda; dibadi na bitanda bitano. Mu binyi bitanda mubalele kibumbu kikata kia bantu na masungu, bampofu, balemane na balumina, abadi abaindjilanga kusanyisha kwa mema. Mwanda mwiikeilu baikile mwanka ha kihindji na kihindji mwidindji dia mema, mu kusanyisha mema: biabia, hakusanyisha mema, muntu ese aiki mwanka kwibedi bahwishwa busungu bubadi n’abo, su nkinyi su nkinyi. Kubadi muntu kwanka badi mukumbo bihwa makumi asatu na bihwa mwanda. Yesu habamumwene mulale, na hakwiuka’shi tabaishishe anka biabia, bamwihwishe’she: Okyebe kwikala mukumbeno su? Uno muntu mubofule bamwalulwile’shi: A Mwanana, nki na muntu a kunyikisha mwidindji ahasana mema: anka hankiafiki, mungi taikile kumpala kwande. Yesu bamulungwile’shi: Ebwe, weboshe lusala lwobe, tambuka. Kahindji naka, muntu tadi mukumbenwe, bebwesheshe lusala lwe, batambukile; diadia efuku dibadi dia Sabado. Henyihaha Bena Yuda balungwile mwinyi bahashibwe’shi; Nyi efuku dia Sabado: nyi nkishila obe kutwala lusala lwobe. Bebalulwile’shi: Winyi ba mpashishe, na mwinyi bandungwile’shi: Eboshe lusala lwobe, otambuke. Henyihaha, babamwihwishe’shi: A muntu kinyi bakulungula biabia’shi: Ebosha lusala lwobe, otambuke? E badi muhashishwe, ta mwiukyele nanyi bamuhwishishwe: mwanda Yesu bahwile kukunguluka, mwanda kibumbu kibadi ku kiakia kihindji. Kumongo, Yesu bamusañene mu ntempelo, bamulungwile’shi: Talanga, bohashibwe, tosolanga mwanda dimonyi, su kingi kintu nkikile kino akikafika kodibe. Muntu yawa bakatukile, balungwile Bena Yuda’shi: Nyi Yesu abampashishe. Nyi ha uno mwanda Bena Yuda abasabule Yesu, abakimbile kumwiha, mwanda E bakitshine yaya myanda h’efuku dia Sabado. Anka Yesu bebalulwile’shi: Shami afubā kwibedi mpaa na bino, n’ami namu nafubu. Binyibiabia, Bena Yuda abakambile kukimba kumwiha, tañanka mwanda E bashulwile kishila kia Sabado, ooo, E namu batemuna’shi: Efile Mukulu bu Nshye na mwinyi, biabia E bahwandjikishe E na mwinyi hamune n’Efile Mukulu. Binyibiabia Yesu bebalungwile’shi: Binyibinyi, binyibinyi, nenwambashi; Mwinyi Mwana teuku kukita kintu, E na mwinyi, anka kiakia kiamwene Shye akitshi: mwanda abio bioso abikita Yaiya, anka biabia abikita Mwana hamune. Mwanda Yaiya e na Mwana kifulo, amulesha bintu bioso biākitā E na mwinyi: E nyi akamulesha mifubo yingi nyikile yino’shi, anwe anukakanya. Mwanda’nka bu Shye abusha bafwe, ebasangulā, anka biabia Mwana namu asangulā ese na Mwinyi akyebe. Mwanda Yaiya temukishā muntu, anka tabahele Mwana kwimukisha bimu bioso. Eshi, boso bakanemeka Mwana, anka hamune mwabanemeka Yaiya. Awa shi anemeka Mwana, ta munemeka Shye bamutumine. Binyibinyi, binyibinyi, nenwambashi: yawa ahusha mwanda wande akumina hadi E bantumine, e na muwa wa ikala-ika: takafiki ku kimu, ooo, anka tabakatukile ku lufu, bakilakila ku muwa. Binyibinyi, binyibinyi nenulungulu’shi: efuku adikafiki, na binobino di kwanka, adikahusha bafwe Eyi dia Mwan’Efile Mukulu, n’abo, abahusha abakekala na muwa. Mwanda bu Yaiya E na muwa mwi na mwinyi, biabia, E bahele Mwana kwikala na muwa mwi na mwinyi. E namu bamuhele matalwa kutshiba myanda ya bimu, mwanda E nyi Mwan’a muntu, Ta nukanyanga ha uno mwanda: mwanda kihindji akikafiki, mwanka’kio boso be mu mashama, abakahusha Ei diE: abakatuku, abo’shi abakitshine bibuwa, kwi lusangukilo lwa muwa n’abo abakitshine bibubi, kwi lusangukilo lwa kuhishibwa. Ami na mwinyi tañuku kukita kintu, bi nahusha biabia natshibi (mwanda) na kutshiba kwande nkululame; mwanda nki mukimbe (kukita) eshimba diande, anka’kikyebe eshimba dia Yaiya bantumine. Su netemuna ami na mwinyi, kwitemunwa kwande ta nkwa binyibinyi. Kwi mungi antemuna, ami, neuku’shi kutemuna kwe, kwantemuna, nyi kwa binyibinyi. Nubatumine kwi Yoano, e batemukile bia binyibinyi. Anka ami tantambula misambo kwi muntu anka nesamba yino myanda ha mwanda’nwe kuhashibwe. E badi etala aditembe n’etata ditoka soo: anwe nubakuminyine kikindji kusehela mwitata die. Ank’ami nyi na misambo yikile ya Yoano: mwanda bikitshino biba mpele Yaiya bia kuhudisha, bino bikitshino binakitshi, abintemusha’shi ng’Yaiya bantumine. Yaiya na mwinyi bantumine, bantemwine namu. Anwe ta nwibahushe Ei die, sunga kihindji kimune, sunga nkumona mbidi ye. N’anwe Ei die tandishale munda mwenu: mwanda’nwe ta nwibakumine a bantumine. Kimbai mu bifundjibwe, mwanda mwanka mwa nutentekesha’shi: twi na muwa waikala-ika: abio nyi abintemuna. N’anwe anutunu kufika kwandjimi, kwa nudi akutambula muwa. Tankumina kutambula kinemo kwi bantu, ooo. Anka nenwiuku’shi, ta nwi na kifulo ki’Efile Mukulu mundu mwenu. Nafikile mwishina dia Yaiya ande, tanwibankumine: su mungi afiki mwishina die na mwinyi, anukamukumina. Anwiuku kukumina na minyi, anwe’betumbishena, tanukyebe ntumbo ayifikye kwEfile Mukulu, ank’E na mwinyi? Ta nutentekeshanga’shi: Ami nankenuhīsha kwi Shami: akenuhīsha e kwanka, nyi Mosesa, anwibakuluhile. Mwanda, su nubadi akukumina Mosesa nubadi akunkumina’mi, mwanda e bafundjile mwanda wande. Anka su anwe ta nwibakumine bifu ndwe bie, anukakumina masimbo yande bi kunyi? Habafwile yino myanda Yesu bayile adi’eshia dia Ngadileo, dingi eshina nyi bu Tibuliase. Biabia, kibumbu kia bantu kibamulondele, mwanda abamwene bilengeleshi bie, bibadi akitshi kwi basha masungu. Yesu bakamine ku ngulu, bashalele hanka na bana-be-ba-bukishi. Binyibinyi, Mpashika, nyi bidibwa bia kusehela bia Bena Yudea yibadi hehi. Hababandulukile Yesu meso E, bamwene kibumbo kikata akitiki kwadi E, balungwile Fidiho, eshi: Atukaula mampa kwi kunyi akuha’ba, bādi? Bamutwele munda kumwihusha mwanda wa kumutompa, mwanda E na mwinyi badi mwiukye bia kyebe kukita. Fidiho bamwalulwile’shi, Sunga mampa aulwe ku nfalanga nkama ibidi kwi baha muntu kahela, muntu kahela, ta bakalombana, ooo. Umune, a bana-be-ba-bukishi, Andeleo, mukwabo na Shimona Petelo, bamwambile’shi, Kuno kwi mukinga mulume, e na mitanda itano yia mampaa baale, na tushiho tubidi tuhela; anka bino namu bi na minyi, na bantu be bungi bino’ba? Yesu bambile’shi: Shadishai bantu. Binyibi lubishi lwi bungi lubadi kwanka. Biabia, balumi bu binunu bitano abashalele. Yesu batambwile mitanda ya mampa, habatumbwile, beyabile kwi bana-be-ba-bukishi, n’abo namu babahele babadi bashale; na tushiho namu bungi bu biababadi a bakyebe. Habaikwite, balungwile bana-be-ba-bukishi’shi: Kongolai bihese bibashala, ta nushimishanga sunga nkimune. Henyihaha, babebisangwile, bebiomeka bisele bikumi na bibidi, biaula ndaa, na bihese bia mitanda yitano ya baale yibashele kwa badile. Binyibiabia, baba bana balume, hababamwene kino kilengeleshe kibakitshine Yesu, babambile’shi: Binyibinyi, uno’u ngi’awa mutemukye akafikye hano-ha-nsenga. Habeukyile Yesu ’shi abakyebe kumuata ha bukoho, na ku mutwesha mbufumu, bakatukile, bayile dimo ku ngulu buhenka bwe. Habahone nguba, bana-be-ba-bukishi babaikile kwishiba. Abatwele’mbwato, ababukile adi’eshia ku Kahanamu. Bufuku bubayile, na Yesu ta badi mubande kufika kwabadi. Mema abadi atenkatenka mwanpa wa kihahi kikata kibahukile. Biabia, habaitshile bwato kihimo bu kilometre inanka su itano, abamwene Yesu atambuka hanundu ha mema, afiki kwihi na bwato, n’abo abakwatshibwe na moo. Anka E bebalungwile’shi: Nami uno, ta nutshinanga. Biabia, abasangulukile kumutwesha ’mbwato: kahindji naka bwato bubafikye ku mahia kwa bubendanga. Hadi’efuku dia maloba bantu abadi bemane adi’eshia di’eshiba, hababamwene’shi kubakutshikwa bungi bwato, anka abwa bubatwelele bana-be-ba-bukishi; Yesu namu ta mwende mu bwato na bana-be-ba-bukishi hamune, anka bana-be-ba-bukishi nyi abayile abo ba na bene: (Anka kubafikile angi mato ku Tibelease, hehi ku kihindji kia babadile mampa, habatumbwile Nfumwetu.) Binyibiabia, habamwene bantu’shi Yesu tabadi kwanka, sunga bana-be-ba-bukishi, abo namu abaikile ’mato, babafikile ku Kahaneuma mu kukimba Yesu. Hababamwene dingi eshia di’eshiba, abamwihwishe’shi, Labi bofikile kuno nguba bi nkunyi? Yesu bebalulwile’shi: Binyibinyi, binyibinyi, nenwambashi, Tanunkimbila ha mwanda nubamwene bilengeleshe biande, ng’anka mwanda nubadile mitanda, nwa yikuta. Tanufubilanga bidibwa abinyanga, anka ku bia kwikala mpa na ku muwa wa ikala-ika; abikenuha Mwan’a Muntu, mwanda E batudilwe kitundwilo kwi Yaiya Efile Mukulu na mwinyi. Binyibiabia, abamwihwishe’shi, Tukita na minyi bia tudi akukita mifubo y’Efile Mukulu? Yesu bebalulwile’shi: Uno nyi mufubo w’Efile Mukulu’shi, nukumine mwadi E abatumine. Binyibiabia abamwihwishe’shi: A nkitundwilo kinyi kio kitshi, tumone, tukukumine? A nkinyi kio fubu? Bashyetu-kulu babadile māna mu kabaka, bu bibafundjibwe’shi: E bebahele bidibwa bia mwiilu. Biabia Yesu bebalungwile’shi: Binyibinyi, binyibinyi, nenulungula’shi, Mosesa ta mwinuhe abia bidibwa bia mwiilu, anka Shami E nuheya bidibwa bia binyibinyi bia mwiilu. Mwanda bidibwa bi’Efile Mukulu, nyi ngyawa baikile mwiilu, aha be ha nsenga muwa. Binyibiabia abamwalulwile’shi: A Mwanana, etuhe bino bidibwa bia mafuku oso. Yesu bebalungwile’shi: Nyi biashi bia muwa; e afiki kwandji ta kamono nsala, n’e ankumina, ta kekala na nyota sunga ngihela. Anka nenulungwile’shi: Nubamwene namu ta nwibankumine. Boso babampele Yaiya abakafiki kwandji, n’e afiki kwandji ta nkamubingi, ayoyo. Mwanda nkimufikile mwiilu kukita bu mwankyebela, anka amukyebela bantumine. Bino nyi abikyebe eshimba dia bantumine’shi: ku bioso biampele, tankashimisha sunga nkimune; anka nkekisangula h’efuku dia nkonko. Bino nyi abikyebe eshimba dia bantumine’shi; muntu ese atala Mwana, amukumina, akekala na muwa wa ikala-ika; n’ami nankamubusha kwifuku dia nkonko. Binyibiabia Bena Yudea babadi abamūñuna, mwanda E bebalungwile’shi, Ami nyi biashi bibafikile mwiilu. Abaihwishe’shi: Ta ngwinyi Yesu, mwan’a Yosefe, shye na nyina atwibeuku? A biabia nkinyi’shi, āmbashi, natukile mwiilu? Binyibiabia Yesu bebalulwile’shi: Tanwiununanga munkatshi mwenu. Ta kwi muntu sunga ngumune euku kufika kwandji, anka su Yaiya bantumine, amukaka: n’ami nankamubusha kwifuko dia nkonko. Kibafundjibwe mu (mikandaya) batemukye’shi: Boso abakalambukishwa kw’Efile Mukulu. Binyibiabia, muntu ese bahushishe bayiyile kwi Yaiya, afiki kwandjimi. Takwi muntu bamwene Yaiya anka E bafikile kw’Efile Mukulu, E nyibawene Yaiya. Binyibinyi, binyibinyi nenwambashi: Awa akumina mwimi e na muwa wa ikala-ika, Ami nyi binyi biashi bia muwa. Bashenu babadile māna mu kabaka, babafwile. Bino nyi biashi abifikā mwiilu’shi, muntu akebidi takafu. Ami nyi binyi biashi bia niuwa, bibal’ikile mwiilu: su muntu adi bino biashi, akekala na muwa wa ikala-ika: na binyi biashi biankebaha, nyi mbidi yande, biankahanyina ku muwa wa ba-hano-ha-nsenga. Binyibiabia, Bena Yudea babelene mpaka’shi, Au muntu euku kwituha mbidi ye tweyidia na minyi? Biabia Yesu bebalungwile’shi: Binyibinyi, binyibinyi, nenwamba’mishi, Su ta nwibadia mbidi ya Mwan’a Muntu, na kutoma mas’E, ta nwi na muwa munda mwenu. Ese adi mbidi yande, atomo mase ande, e na muwa wa ikala-ika: n’ami nankamubusha kwifuku dia nkonko. Mwanda mbidi yande nyi bidibwa binyibinyi, na mase ande nyi kia kutoma binyibinyi. Awa adi mbidi yande, atomo mase ande, emubombele mwimi, n’ami namu mwadi. Bi bantumine Yaiya a muwa, n’ami namwene muwa kwi Yaiya; anka biabia yawa akandji, na mwinyi akekala na muwa kwandjimi. Uno nyi binyi biashi bibafikile mwiilu: ta hamune’nka bashenukulu babadile, māna, babafwile; ’ādi bino biashi akekala na muwa wa ikala-ika. Bino bintu bebiakwile mu kitumbwilo, habadi alambukisha mu Kahaneuma. Binyibiabia bangi ba bana-be-ba-bukishi, habahushishe biabia, tabakula’shi: Uno mwanda wi bukoho, nanyi euku kwiushingula? Habeukile Yesu munda we’shi, bana-be-ba-bukishi abeunyinga, bebehwishishe: Uno mwanda awinukokosha su? Su anukamona Mwan’a Muntu akamina mubadi kwibedi, a na minyi? Nyi Kikudi akihana muwa, mbidi tayikita kintu: myanda yanyinulungula, ngia kikudi nayamuwa. Anka kwi bangi hanudiha bashi bakumine. Mwanda Yesu badi mwiukye kumbangilo abo tababadi bakumine, n’awa akamusokola. Biabia, E bakwile’shi: Nyi ha uno mwanda nenulungwile’shi: Muntu teuku kwifwila kwandji, anka su nkimuhebwe kwi Yaiya. Ku kia kihindji banabe-ba-bukishi be bungi babalukile kunyima, tambende n’e dimo. Biabia Yesu behwishe bekumi na babidi’shi: Anwe namu anukyebe kwenda su? Henyihaha Shimona Petelo bamwalulwile’shi: A Mumu, atukēnde kwi’nyi? Obe we na misambo ya muwa wa ikala-ika. Atwe atuku mina na kwiuka’shi: Obe we Kidisitu, A Kishila’ Efile Mukulu a muwa. Yesu bebalulwile’shi: Ami nkinusangwile ekumi na babidi be? anka umo’enu nga diabola. Badi akula ’Yudasa Isakadiota mwan’a Simono: mwanda ne badi akyebe kumusokola, e biabadi mwikale umune a ku be kumi na babidi. Habahwile yaya myanda Yesu badi akindakana mu Ngadileo: tabadi akindakana mu Yudea, ha mwanda wa Bena Yudea babadi abakyebe kumwiha. Bidibwa bia Kusehela bia ku Bitanda bibadi hehi. Bakwabo n’e babamulungwile’shi: Katuka kuno, wende mu Yudea’shi, bana bobeba-bukishi bakamone bikitshino biobe biokitshi. Takwi muntu sungangumune akitshi mwanda ku bufiefi, su akyebe kwiukyibwa kwi bantu. Su okitshi bino binyi, eleshe kwi be-hano-ha-nsenga. Mwanda bakwabo ba munda tambamukumine. Biabia Yesu bebambile’shi: Kihindji kiande takiabandjile kufika; anka kihindji kienu ki kwanka mafuku oso. Ba hano-ha-nsenga tabeuku kwikala nenu lukuna: anka be nami lukuna mwanda nebasokola’shi, fbikitshino bienu bibubi. Anwe kakaminei ku bino bidibwa, tanyende binobino ku bino bidibwa; mwanda kihindji kiande takiabandjile kukumbana. Habahwile kwakula yino misambo kwabadi, tabashalele mu Ngadileo. Anka habayile bakwabo ne, biabia E namu bakamine, tamwende ha toka, anka bu mu bufiefie. Biabia Bena Yudea baba mukimbile ku Bidibwa bia Kusehela abeihushene’shi; E kwi kunyi? Kubadi bangi be bungi babadi abaununa ha mwanda we. Bangi’shi: E muntu ebuwa: bangi namu’ ’shi: Ooo, ’ōngola bantu bisumanga. Anka tambamu temuna ku meso kwa bantu, mwanda badi aba tshinyi Bena Yudea. Binyibiabia, Yesu bakamine mu Ntempelo, hankatshi ha Bidibwa bia Kusehela, balambukishe. Biabia Bena Yudea babakanyine’shi: A! uno muntu mwiukye mikanda bi kunyi kwa shī mulambukishwe. Yesu bebalulwile’shi: Lulambukisho lwande ta ndwande, ny’anka lwa bantumine. Ese muntu, su akakitshi mulombene’ shimba die, akashingula lulambukisho luno, su ndw’Efile Mukulu, su neisambila ami na mwinyi. E akwila na mwinyi, akimbi ntumbo ye na mwinyi: ank’e akimbi ntumbo ya bamutumine, e nga binyibinyi, te na yishīyilulame munda mwe. Mosesa tamwinuhe mikanda ya milangilo su? anka takwi muntu sungangumune’nu eyikitshi. A ha mwanda kinyi wa nukyebe kuñihaila? Bantu abamwalulwile’shi: We na mukishi munda: A mbanyi abakukimbi kukwiha? Yesu bebalulwile’shi: Nakitshine mufubo umune’nka, n’anwe boso nubeukanya. Binyibiabia, Mosesa benuhele mwanda wa kisale (tankia kwi Mosesa, anka nkia bashenukulu) n’anwe mwifuku dia Sabado anusala muntu. Su muntu musale h’efuku dia Sabado, kutshina’shi: kishila kia Mosesa takikashulwa; nwi nami nsungu su, mwanda nahashishe muntu h’efuku dia Sabado? Tanuhwandjikishanga muntu bu bia numumono kumpala, anka hwandjikisha kihwandjikisho kia kululama. Henyihaha bangi ba Yelusalema babaihwishe’shi: Au tangwinyi abakimbila kwiha’u? Anka, talanga, husha bu biakula na matalwa, n’abo tabamwalula mwanda. A! batontshi abeuku binyibinyi’shi uno nyi Kidisitu na Mwinyi su? Sunga biabia, atwe atumwiuku kubafikile: anka ahafiki Kidisitu takwi muntu akeuku kwafiki. Binyibiabia Yesu belele musase mu Ntempelo, mubadi mulambukisha’shi: Anunyiuku, anwiuku namu kunafikile: nkimwifwile anka bantumine nga binyibinyi, E tanumwiuku. Anka’mi nyimumwiukye, mwanda nyi mufikye kwadi, n’E bantumine. Biabia abatompele kumukwata: anka takwi muntu bamukumine masa, mwanda kihindji kie takibadi kibande kukumbana. Bantu be bungi babamukuminyine, ababambile’shi: Ahafiki Kidisitu, akakitshi bilengeleshi bikile’bi abikitshi uno su? Bafadiseo abahushishe bia bamununanga bino bintu ha mwanda we; na Bafadiseo na batshiite bakata abatakwile bampulushi kumukwata. Binyibiabia Yesu bebalungwile’shi: Nyi anka nenu kihindji kihela, biabia nyende kwi bantumine. Anukankimbi, tanuka ’mono, na kwatulji anwe tanwiuku kufika. Biabia Bena Yudea tabeakushena munkatshi mwabo’shi: Akēnde kwi kunyi kwa tushatwiuku kumumo no? akēnde kwi bakwetu abahalakene munkatshi mwa Badjentaila, akalambukisha Badjentaila su? Au uno mwanda wi na minyi wambashi: Anukankimbe, tanuka’ mono; na kwandji tanukafikye kwanka? Kwifuku dia kunfudilo, adia dikata dia Bidibwa bia Kusehela; Yesu baimene bēlele musase’shi: Su muntu e na nyota, afikye kwandjimi, atome. Ese ankumina, bu bibafundjibwe bibakwile, munda mwe amukatuku ngui yamema a muwa. (Anka uno E badi akula wa Kikudi-E-Selele, badi akikyebwa kuhebwa kwi bakumukumina, mwanda Kikudi-E-Selele badi tabandjile kufika, mwanda Yesu tabadi mutumbishibwe.) Binyibiabia, bantu be bungi hababahushishe uno mwanda’shi: Binyibinyi E ngwinyi mutemukye. Bangi’shi: Uno nyi Kidisitu. Anka bamo namu’shi: Aa! Ki disitu akatuku mu Ngadileo su? Bifundjibwe tabibetulungwile’shi: Kidisitu batukile ku kekulu ka Dafidi, mu kibalo kia Beteleme, nyi kubadi Dafidi su? Biabia kulāmuna kubatukile munkatshi mwabo ha mwanda we. Bangi babakyebele kumukwata, anka muntu tamumukume masa. Henyihaha, kubafikile basalai kwi batshiite bakata na Bafadiseo, babebehwishe’shi: A nkinyi kianushi befikile n’E? Bampulushi babebalulwile’shi: Takubadi muntu kala mpa na binobino, euku kwakula hamune na uno muntu. Biabia Bafadiseo bebalulwile’shi: Anwe namu bahu kwinongola su? Bamo ba mu batontshi betu, na ba Bafadiseo babamukumina su? Anka bantu ba kina kibumbu kishī kiukye mukanda wa milangilo nkielwe mulua. Nikodema, yawa bafikile kwi Yesu bufuku, biabadi mwikale a ku ba’nka, bebalungwile’shi: Milangilo yetu ayitshibi kimu kia muntu anushī ahushishe, na kwiuka mwanda wadimukite su? Babamwalulwile’shi: Obe namu we a ku Ngadileo? Okimbe, okamono’shi: Ku Ngapoile takwa kutuka mutemukye. Biabia muntuna muntu ibabālukile muntu kwe, muntu kwe. Yesu bayile ku ngulu ya Olife. Biabia nakashik’ese E bafikile dimonyi mu ntempelo, na bantu boso abafikile kwadi; n’E bashalele, bebalambukisha. Bīabia, bafundjiba-mikanda na Bafadiseo, babafikile kwadi na mwana mukashi mukwatwe na masandji; hababamwimikile munkatshi, babalungwile Yesu’shi: A Mulambukishi, uno mwana mukashi mukwatwe akitshi lusandji, nyi winyi mwanda u na bene. Biabia, mu mukanda-wa-milangilo wa Mosesa betulaile’shi: muase bantu abakitshi biabia mabwe: ank’obe omba na minyi? Uno abakwidile kumutompa’shi: Tumone hakumutewila. Anka Yesu babandamine, afūnda hashi na munwe we. Anka habadi abanyisha kumwihusha, babandulukile bebalungwile’shi: Yawa munkatshi mwenu te na mulwisho, abange kumwasa ebwe. Babandamine dimonyi, afunda hashi. N’abo habahushishe: biabia, mashimba a munda mwabo abebahoneshe, abakatukile ku umo, umo kababangile kwi bakulu babo, mpa na kwi a kunfudilo; biabia Yesu bashele buhenka na winyi mwana mukashi badi mwimane munkatshi. Hababandulukile Yesu, tamumone mungi muntu, anka mwinyi mwana mukashi: bamwihwishe’shi; A! mwana mukashi, abakukwatshile bekwi kunyi? takwi muntu akukuhoneshe su? Ebalulwile’shi: Sunga ngumune, Mwanana. Biabia Yesu bakwile’shi; Nami namu, tankuhonesha; nda, tokolwanga kulwisha dimonyi. Binyibiabia, Yesu bebalungwile dimonyi’shi: Ami nyi etata dia hano-ha-nsenga; awa andondo takatambuka ’mufito, anka akekala n’etata dia muwa. Biabia Bafadiseo babambile’shi: Weihatulwila obe na mwinyi; kuhatula kwobe tankwa binyibinyi. Yesu bebalulwile’shi: Sunga neihatulwila, kuhatula kwande nkwa binyibinyi; mwanda mwandji mwiukye kunafikile, na kwa nyende; anka’ nwe tanwiuku kuhatula kunafikile, na kwa nyende. Anwe anulā muntu nsambu mwiyile mbidi; ami ta ndā nsambu ku muntu, sunga ngumune. Anka sunga nalā muntu nsambu, kutshiba kwande nkwa binyibinyi: mwanda’mi nki buhenka, anka nyi na Yaiya bantumine. Ubafundjibwe namu mu mukanda-wa-milangilo wenu’shi: ’Kuliatula kwa bantu babidi nkwa binyibinyi. Ami na mwinyi ne akwila; Yaiya bantumine anakwila. Biabia babamwihwishe’shi: Shobe E kwi kunyi? Yesu bebalulwile’shi: Tanwibanukye, sunga Shami; su nubadi a kunuka, nubadi a kwiuka Yaiya namu. Yino misambo yibakwile Yesu mu kilambwilo, habadi alambukisha mu nshibo y’Efile Mukulu: takubadi muntu bamukwete masa, mwanda kihindji kie takiabandjile kufika. Binyibiabia Yesu bebambile dimo’shi: Ami tanyende, n’anwe anukankimbi, anukafwila mbubi bwenu: kwa nyende, anwe tanwiuku kufika kwanka. Biabia Bena Yudea’shi: Akyebe kwiiha su? mwanda ’ambashi tanwiuku kufika kwa nyende. Binyibiabia, E bebalungwile’shi: Anwe nwi bamūshi; ami nyi a mwiilu: anwe nwi ba-hano-ha-nsenga; ami nki a hanoha-nsenga. Henyihaha, nyi ha uno mwanda wa nyi nwambila’shi anukafwila mbubi bwenu: mwanda su tanwibankumine ny’anka E, anukafwila mbubi bwenu. Biabia babamwihwishe’shi: Obe wenyi? Yesu bebalulwile’shi: Ny’anka winyi anenulungwile kumbangilo mpa na binobino. Nyi na myanda yi bungi kwakula, na kwinutshibila, anka E bantumine nga binyibinyi: biabia nalungula kwi be-ha-nsenga binahushishe kwadi E. Abo tambashingule’shi, akwila mwanda wa Yaiya. Biabia Yesu bebalungwile’shi: Hanuhu kwimika Mwan’a muntu, nyi hanukauku’shi: nyi anka E. Ami mkimwikitshine mwanda ami na mwinyi: sunga nkahela, anka bu Yaiya bandambukishe, nyi bia nyisamba. Bantumine winyi E n’ami: Shami tamundekyele buhenka bwande, mwanda mafuku oso nakitā abio bioso abimusangulusha. Henyihaha habakwile yino misambo, be bungi abamukuminyine. Biabia Yesu bambile ba-Yudea babamukuminyine’shi: Su anushimata mu mwanda wande, nwi bana-bande-ba-bukishi binyibinyi. Anukauku namu bia binyibinyi, na bia binyibinyi abikenukulu bu baluñantu. Abamwalulwile’shi: Atwe twi twikulu twa Abalama, tatwibamunwe na muntu, sunga ngumune, mpa na binobino. A nkinyi kiwakula’shi: Anukakulwa bu baluñantu? Yesu bebalulwile’shi: Binyibinyi, binyibinyi, ihenulungula’mi’shi: Muntu ese akitshi bubi, e mpika a bubi. Mpika tēkala mu nshibo kwikala-ika; anka Mwana ny’ekala mwanka ikala-ika. Binyibiabia, su winyi Mwana benukulu bu baluñantu, anwikekala balufiantu binyibinyi. Neuku’shi: nwi bekulu b’Abalama; anka anukimbi mwa kuñihaila, mwanda tanwi na mbalo munda mwenu ya mwanda wande. Ami nakula binamwene na Shami, anwe namu anukita bianubamwene na shyenu. Abo babamwalulwile’shi: Abalama nyi shyetu. Yesu bebalungwile’shi: Su nubadi bana b’Abalama, nubadi a kukita bikitshino bi’Abalama. Anka binobino anukimbi mwa kuñihaila, ami muntu enulungula bia binyibinyi, binahushishe kw’Efile Mukulu; Abalama tamukite bino. Anwe anukita bikitshino bia shyenu. Henyihaha, babamulungwile’shi: Tatwibatandjibwe mu lusandji; twi na Shyetu’mune, nyi Efile Mukulu, (na mwinyi) Yesu bebalungwile’shi: Su Efile Mukulu nyi Shyenu, nubadi akwikala nami kifulo: mwanda nafikile kw’Efile Mukulu, nyi kwanka; nkimwifikile, anka E bantumine. A nkinyi kianushibeukye mwanakwila? mwanda tanwibeukye mwa kuhushisha mwanda wande. Anwe nwi ba diobola shyenu, na bia meso-atone a shyenu bwibatē mashimba enu kukita. Kumbangilo e badi mutahanyi, tamwikele mu biabinyibinyi, mwanda te na binyibinyi munda mwe. Hakula mwanda wa madimi, ākula mwanda wena mwinyi: mwandae mwina madimi, n’enshyao. Ha mwanda nenulungula biabinyibinyi, tanunkumina. A nanyi enu euku kumpatula mwanda ubi unakitshine? Su nakula biabinyibinyi, a nkinyi tanunkumina? Awa’Efile Mukulu ahushā misambo y’Efile Mukulu; biabia’nwe tanuhusha, mwanda tanwi b’Efile Mukulu. Binyibiabia, Bena Yudea babamwalulwile’shi: Tatwakula binyibinyi’shi, Obe we mwina Samadia, we na mukishi munda? Yesu; balulwile’shi: Nki na mukishi munda; anka na nemeka Yaiya, anwe anumpelesha. Ami nki mukimbe ntumbo yande: kwi umune ayikimbi, atshibi myanda. Binyibinyi, binyibinyi nenulungula’shi: Su muntu alamina mwanda wande, takamono lufu sunga mpahela. Henyihaha, Bena Yudea abamwalulwile’shi: Nyi hatubeukila’shi we na: mukishi munda. Abalama bafwile na batemukye; n’obe kwete kwambashi: Su muntu alamina mwanda wande, takamono lufu. We mukile shyetu Abalama bukata, bafwile su? na batemukye babafwile: obe okyebe kwihwandjikisha bu’nyi? Yesu balulwile’shi: Su netumbisha ami na mwinyi, ntumbo yande ngia bisumanga: antumbishā n’Shami; winyi anutemuna’shi: ’Efile Mukulu etu. Biosobi tanwibamwiukye; anka’mi nyi mumwiukye: su nakula’mishi: tamwiuku, biabia nankekala mudimbanyi hamunenka anwe; anka ami biandji mwiukye, na lamīna mwanda we. Shenukulu abalama badi na muloo kumona efuku diande, bedimwene, asehela. Biabia Bena Yudea babamulungwile’shi: A bihwa biobe tabiabandjile kukumbana makumi atano, n’obe bomwene Abalama su? Yesu bebalungwile’shi: Binyibinyi, nenwambashi: Kwibedi Abalama tatandjilwe nadi anka biandjibi. Henyihaha abatshila mabwe akumuela, anka Yesu bafwamine, bakatukile mu ntempelo, E bahikushene munkatshi mwabo, biabia toebakile. Habadi (Yesu) akidi, bamwene muntu batandjilwe bu mpofu. Biabia bana-be-ba-bukishi babamwihwishe’shi: A Mulambukishi, bakitshine bibi nanyi? uno muntu su babamutandjile, mwanda bamutande nabumpofu. Yesu bebalulwile’ shi: sunga nguno, sunga benyi abamutandjile takwi mukite ibibubi, ooo: anka ha mwanda bikitshino bi’Efile Mukulu abikamwekyela mwadi. Mwandji nao ngwa kukita mifubo ya bantumine ha ki kanya kwanka: bufuku abukafiki bushia bwiuku muntu kukita mufubo. Ha nki ha nsenga nyi etata dia ba-hano-ha-nsenga. Habahwile kwakula biabia, bafile mata hashi, basobakene nsenga na mata, bashingile yanka ’meso a muntu mpofu. Bamulungwile’shi: Nd’oketumpe mwishiba dia Siloama (kuhatula nyi kwambashi, Mutumibwe.) Biabia, bayile, beitumpile, bālukile na meso abulwe. Binyibiabia bākwabo n’ababamumonanga kala habadi kī mpofu, aboshi: Au tangwinyi badi mushale atekye? Bangi’shi; Nyank’e; bangi’shi: Ooo, mumwifwane ku na minyi: ank’e na mwinyi’shi: Nami uno. Abamwambile’shi: Meso’be ababulwa na minyi? E beba lulwile’shi: Muntu, atemunwa bu Yesu basobakana nsenga, banshingi ’meso, bañambashi: Nda kwidindji dia Siloama oketumpe: nayile, nanketumpa, namono. Biabia, babamwihwishe’shi: E kwi kunyi? E bambile’shi: Tañuku’mi. Babafikile n’e badi mpofu kwi Bafadiseo. H’efuku dibasobakenye Yesu nsenga, na dibabulwe meso’e dibadi efuku dia Lubingu. Henyihaha Bafadiseo namu babamwihwishe dimonyi’shi: Bomono na minyi? E bambile’shi: ’E banshingi nsenga yifundakane ’meso ande, neitumpu, biabia namono meso. Binyibinyi, bangi ba Bafadiseo, babambile’shi: Au muntu ta ngw’Efile Mukulu, mwanda tamushile’efuku dia Lubingu. Bangi’shi: Muntu mulwishi euku kukita myanda ya bilengeleshi na minyi? Biabia babelamunwine. Babaihwishe badi mpofu dingi’ nyi’shi: Obe namu okula na minyi kwi’wa bakubula meso? E balulwile’shi: E mutemukye na mwinyi. Anka ba Yudea tambakumine ha mwanda we’shi: badi mpofu, bamono meso, mpa na hababaitanyine babatandjile winyi babulwilwe meso. Binyibiabia, babebehwishe’shi: Uno ngwinyi mwan’enu anwambashi batandjilwe mpofu su? a bino nkinyi kibamumwesha meso. Babamutandjile’ abambile’shi: Atwiuku’shi, uno nyi mwan’etu, atubatandjile mpofu. Anka tatwibeukye mu babalwila binobino, tatwibeukye namu bamubula meso’e; mwihushei, na mwinyi, tadi muntu mukulu, ākula e na mwinyi. Babamutandjile babakudile biabia ha mwanda wa kutshina ba Yudea; mwanda Bena Yudea babashimikile kala’shi: su muntu bakumina’shi E Kidisitu, atumubingi mu kikoñeno. Binyibiabia, babamutandjile abakwile’shi: Tadi mukulu, mwihushei na mwinyi. Biabia, babaitanyine dimo batandjibwe mpofu, bamwambashi: Otumbishe Efile Mukulu: atwiuku’shi uno muntu ’mubi. E bebalulwile’shi: Su E mulwishi tafiuku; neuku mwanda umune’nka’shi: ami nadi mpofu kala, binobino namono. Babamwihwishe’shi dimonyi, E bakukitshine kinyi? babulusha meso’be na minyi? E bebalulwile’shi: Tampwile kwinulungula kala, n’anwe tanwibashushe: A! kia nukyebela kuhusha dia kabidi nkinyi? Anukyebe namu kwikala bana-be-ba-bukishi su? Biabia babamukayile’shi: Obe we Mwan’E a bukishi; anka’twe twi bana-ba-bukishi ba Mosesa. Atwiuku’ Efile Mukulu bakwile kwi Mosesa; anka uno muntu tatwibeukye kubafikile. Biabia awa muntu bebalulwile’shi: Nyi henyiha mwanda wa ku kanya’shi: E bambule meso ande, n’anwe tanwibeukye kubafikile. Binobino atwiuku’shi ’Efile Mukulu tahushā basodi ba myanda: anka su muntu e mulangwidi w’Efile Mukulu ne akitshi abikyebe’shimba diE, E amuhusha. Kumbangilo, kwa nsenga, mpā na binobino, takwahushishwe muntu batandjibwe mpofu kubulwa meso na mungi muntu. Su uno muntu tamufikye kw’Efile Mukulu, tabadi akwiuku kukita mwanda. Babamwalulwile’shi: Obe bodi mutandjibwe binyibinyi mu bubi, wetulambukisha’twe su? Biabia babamubingile. Yesu bahushishe’shi babamubingi; habamusañene, bamwihwishe ’shi: Okumine Mwan’Efile Mukulu su? E balulwile’shi: E nanyi Mwanana, mwandji a kumukumina? Biabia Yesu bamwambile’shi: Obe bohu kumumona, n’akula n’obe’u n’E. Au bambile’shi: Mwanana, nakumina. Biabia bamulangwidile. Yesu balungwile’shi: Nyi ha mwanda wa kutshiba kimu nafikile hano ha nsenga’shi: bashia bamono, bamone; na bamone bekale bu bampofu. Biabia bangi ba Bafadiseo babadi n’E, babahushishe yino misambo, babambile’shi; Atwe’nyi twi bampofu namu su? Yesu bebalungwile’shi: Su nubadi bampofu, tanubadi na bubi: anka binobino anwamba’shi: Atumono meso; binyibiabia milwisho yenu nwi nayo. Binyibinyi, binyibinyi, nenulungula’mi’shi: Shia twelela ku kibelo kia luhoho lwa mikoko, anka akamina hangi, yawa e ngifi na ntunyenanyi. Anka’wa atwelela ku kibelo, e katshunga ka mikoko. Mulami a ku kibelo amushitwila; na mikoko ayihusha eyi die: n’etanyina mikoko ye na mashina’yo, eyikunkusha hasha. Hātusha mikoko ye, eyibadidila kumpala kwayo, mikoko tayimulondo; mwanda ayiuku eyi die. Tayilondo mwenye, ooo anka ayikamusuku, mwanda tayiuku eyi dia bēnyi. Yesu bebele uno mwele kwabadi: anka tambeukye bibebakudile, su mbinyi, su mbinyi. Henyihaha, Yesu bebalungwile dimo’nyi’shi: Binyibinyi, binyibinyi, nenwamba’shi, Ami nyi kibi kia kibelo kia mikoko. Boso babadidile kumpala kwande, babadi bangifi na banyenanyi; anka mikoko tayibebahusha. Ami uno nyi kibi kia kibelo; ese muntu atwele handji, akahashwa, atwele, atuku, asañana kimwa kibuwa. Ngifi kwe kufika, afwila’nka kwiba na kwiha, na kuiwisha: Ami nafikile’shi, bakamone muwa, bakeumone kukila wi bungi. Ami nyi katshunga kebuwa, katshunga kebuwa afwila mikoko. Mufubi’ēfuto, ta nkatshunga ka mikoko ka na mwinyi, na mikoko tangye, amono kamishi kakwete kufika, alekye mikoko, tasuku: na kamishi akeyikwata, na kwiyihalakasha. Mufubi’ēfuto asuku mwanda e mufubi ēfuto, te na kanya kwi mikoko. Ami uno nyi katshunga kebuwa, neuku yande (mikoko) nyi mwiukibwe nayo. Anka bu binukye Yaiya, neuku Yaiya namu anka hamune: natudile mikoko muwa wande. Yingi mikoko yandji nayo, tangya luno luhoho: mwandji nao ngwa kut’ika nayo, ayikahusha eyi diande; ayikekala lombe lumune, na katshunga kamune. Nyi ha uno mwanda Yaiya E nami kifulo, mwanda na tulu muwa wande, mwandjia kuatshila dimo. Takwi muntu sungangumune akwiunyeñana, anka newitudila’mi na mwinyi. Nyi na matalwa akwiutula, nyi na matalwa namu kwiuata kabidi. Uno mulayilo neutambwile kwi Yaiya. Binyibiabia, ha yino myanda Bena Yudea babelamunwine dimo. Be bungi babambile’shi, E na mukishi munda, E na mombe; ankinyi kia numuhushisha? Bangi’shi: Yino myanda tayakwikala kwi muntu e na mukishi. Muntu e na mukishi euku kubūla meso a mpofu su? Kubadi Bidibwa bia Kilumbulwilo kia Ntempelo, ku Yelusalema, kubadi kihindji ki’eshiho. Biabia Yesu matalwa namu kwiuatakabidi. Uno mulayilo neutambwile batambukile mu ntempelo mu kisanga kia Solomone. Binyibiabia, Bena Yudea babamwifunyishe bamwihusha’shi: A! kihindji kinyi kiwetwikasha na mialasheno? Su E winyi Kidisitu etulungule bibuwa. Yesu bebalulwile’shi: Nenulungwile, anka tanwibakumina: bikitshino biankitshina mwishina dia Yaiya, nyi abinakwila. Anka’nwe tanwibakumine, mwanda tanwi ba mu mikoko yande, bu binenulungwile. Mikoko yande ayihusha eyi diande, neyiuku, ayindondo: Neyiha muwa wa-ikala-ika; tayifu sunga mpahelahela, sunga muntu kwiyinyenga kwiasa diande. Shami, beyimpele, ’mukile boso bukata; biabia takwi muntu euku kuyinyengya mwiasa diE. Ami na Yaiya twi umune. Biabia Bena Yudea babasangwile mabwe dimonyi akumuasa. Yesu bebalulwile’shi: Nenulesheshe bikitshino bibuwa bi bungi bi kwi Yaiya; aha mwanda kinyi unankitshi wa’nungyela mabwe? Bena Yudea babamwalulwile’shi: Tatukwela mabwe ha mwanda wibuwa wokitshi; anka ha mwanda wa kusabula (Efile Mukulu) na ha mwanda obe, muntu, wehwandjikisha bu Efile Mukulu. Yesu bebehwishe’shi: Tangufundjibwe mu milangilo yenu’shi: Nakula’shi, Anwe nwi bēfile? Su ebebatemuna bu bēfile, kwibo kubafikile mwanda w’Efile Mukulu, na bifundwe tabiuku kushulwa. Anumwambila muhatulwe Efile Mukulu, abatumine ha nsenga’shi: Osabula Efile Mukulu, mwanda nambashi, Nyi Mwana ’Efile Mukulu? Su nkimukite bikitshino bia Yaiya, tanunkumina. Ankasu nakitshi (mnyanda) sunga tanunkumina’mi, kuminai bikitshino; na kwiuka nwiukye, nukumine’shi, Yaiya E mundea, mwanda, nami namu nyi munda mwe. Binyibiabia babakimbile dimo mwa kumukwatshila; anka E bakatukile mu masa’bo. Bayile dimo adi’eshia dia Yodano, ku kihindji kubadi Yoano babatshisha bantu kwibedi; bashalele kwanka. Biabia be bungi abafikile kwadi, babambile’shi: Yoano tamukite kilengeleshi: anka myanda yoso yibadi Yoano bambila uno muntu ngia binyibinyi. Henyihaha be bungi babamukuminyine. Kubadi muntu badi akumbu, eshina die bu Lasalasa, Mwina Betani, kibalo kia Madia na mukwabo Mata. (Winyi Madia bashingile Nfumwetu na mwimu wa mahembwe, amuhampula ngwa ye na nyene ye; ndumiana’be Lasalasa badi na busungu). Hankashian’E babamutuminyine mwanda’shi: A! Nfumwetu, uno odi ne kit’ulo bakumbu. Habahushishe Yesu (uno), bambile’shi: Abu tambusungu bwa lufu, ooo, anka bwa ntumbo y’Efile Mukulu’shi, Mwan’Efile Mukulu amone mwadi akutumbishibwa. Yesu badi na Mata kifulo na mukwabo mwana mukashi, na Lasalasa. E habahushishe mwanda wa busungu bwe, bashalele kwanka kwa mukyīla mafuku abidi. Biabia kumongo, balungwile bana-be-ba-bukishi’shi: Twendei dimo mu Yudea. Bana-be-ba-bukishi babamwalulwile’shi: Mulambukishi, anka henyi habakyebele ba Yudea kukuasa mabwe’ha; olukenyi kwanka dia kabidi? Yesu bebalulwile’shi: Tamwi bihindji bia nsa ekumi na bibidi mu nguba umune su? Su muntu atembe mu kanya takakokela, ooo, mwanda amona etata dia hano-ha-nsenga. Anka su muntu atembe bufuku, akokola, mwanda kanya takemunda mwe. Habahwile kwakula yino myanda bebalungwile’shi: Kuku etu Lasalasa mulale mu tulo; anka tanyende mu kumubusha mu tulo. Biabia bana-be-ba-bukishi babambile’shi: A! Mulambukishi, su mulale mu tulo akekala biya. Biosobi, Yesu badi akula mwanda wa lufu lwe: anka’bo tabahwandjikisha’shi, akwila mwanda wa kulala mu tulo. Biabia Yesu bebalungwile biya’shi, Lasalasa bafu. Anka, ha mwanda wenu nasehela tanyikalanga kwanka, mwanda, anukakumina, anka twendengyei kwadi. Biabia, Tomase batemunwanga bu Didimusa, balungwile bakwabo bana-be-ba-bukishi ’shi: Twende namu, n’atwe bene, tukafu n’E hamune. Biabia habafikile Yesu kwanka, bamusañene mulale ’mashama mafuku ananka. Betani badi hehi na Yelusalema, kubadi kihindji kia kilometre isatu. Bena Yudea be bungi babadi bafikye kwi Mata na Madia, mu kwibasamba ha mwanda wa mukwabo. Binyibiabia, Mata hakuhusha’shi. Yesu ngiu wafiki, bayile mu kumutundaisha: anka Madia badi mushale mu nshibo. Biabia Mata balungwile Yesu’shi: A! Mulambukishi, su obe wekalanga kuno mukwetu tabadi a kufwa. Anka neuku’shi, sunga binobino kioso kiokatekye kw’Efile Mukulu, Efile Mukulu akakuha’kio. Yesu bamulungwile’shi: Mukwenu akabuku dimo. Mata bamwalulwile’shi: Neuku’shi akabuku dimo ha lusangukilo, kwifuku dia nkonko. Yesu bamulungwile’shi: Ami uno nyi lusangukilo na muwa winyi: akankumina, sung’e bafu, anka akekala na muwa. Ese e na muwa, akumina mwimi, takamono lufu, sunga mpahelahela. Okuminau su? Bamwalulwile’shi: Uolo, Nfumwami: Nakumina’mishi, Obe we Kidisitu, Mwan’Efile Mukulu, yawa afiki hano-hansenga. Habakwile biabia, bayile, aketamina mukwabo Madia mu bufiefie, bambile’shi: Mulambukishi bafiki, ngiu wakwitamina. Habahushishe, bebwele lubilo, enda kwadi. Biabia Yesu badi tabandjile kufika mu kibalo, badi kianka kubakamutundaishe Mata. Binyibiabia, Bena Yudea babadi nabo mu nshibo, abamusamba, hababamwene Madia bebo lubilo, tēnde, abo tabamulondo’shi: ’Ende ku mashama mu kudila kwanka. Binyibiabia, Madia habafikile kubadi Yesu, hakumumona, bahone ku ngwa ye, eshi: A! Nfumwami, su obe wekalanga kuno, ndumian’etu tabadia kufwa. Binyibiabia Yesu habamumwene kwete kudila, na baYudea namu baBafikile n’e abadidi, eshimba die dibamufudidile, dibadi anka fututu. Baihwisheshi: Anwibamushikye kwi kunyi? Babamulungwile’shi: A! Mulambukishi ofwotale. Yesu badile mpolo. Biabia Bena Yudea babambile’shi: Talai biadi ne kifulo! Anka bangi namu’shi: Au muntu abula meso abadi mpofu, tabadi mwiukye mwa kulekyesha uno muntu namu kufwa su? Binyibiabia Yesu n’eshimba difudile munda anka fututu kabidi, bayile ku mashama. Abadi a muta n’ebwe dibadi dibwikile hanka. Yesu bambile’shi: Katushai ebwe. Anka Mata mukashian’e mufwe, bamulungwile’shi: A! Nfumu etadi anunku binobino, mwanda tadi mafuku ananka na kufwa. Yesu bamwihwishe’shi: A nkikulungwila’mishi su bokumina okamono ntumbo y’Efile Mukulu su? Henyihaha babakashishe’bwe dibadi dibwikile ku mashama alale mufwe. Biabia Yesu babandulwile meso’shi: Yaiya nakutumbula mwanda obe bompushisha. Neukile’shi ompushisha mafuku oso: anka ha mwanda wa bano bantu bemane, nakula uno mwanda’shi, bakumine’shi, Obe bontumine. Habahwile kwakula biabia belele musase ukata’shi: Lasalasa tuka. N’e badi mufwe batukile, muhombelwe mbwisha ya bamushikile nayo, ku masa na ku ngwa ye: na ku mpala kwe kubadi kuhombelwe kitambala. Yesu bebalungwile’shi: Muhombolei, ēnde. Biabia Bena Yudea be bungi babadi bafikye kwi Madia, abamwene bibakitshine Yesu, abamukuminyine. Anka bangi bakwabo babayile kwi baFadiseo, kwibalungula bibakitanga Yesu. Binyibiabia, batshiite bakwidi na baFadiseo, babebungile mu lukuku, babambile’shi: Tukite na minyi? mwanda uno muntu kwete kukita bilengeleshi bibungi. Su atumuleka bisumanga, boso bakamukumina: biabia Bena Loma abakafiki na kunyenana nsenga yetu, na mwilo wetu namu. Umune abo, mutemunwe bu Kaifasa, badi mutshiito mu kiakia kihwa, bebalungwile’shi: Tanwi na kianwiuku. Sunga kutentekesha biakidi kitulombene’shi, muntu umune afwile bantu, biabia mwilo woso taufu. E tamwiakwile uno mwanda: anka ha mwanda e badi tshiite mwakwidi mu kiakia kihwa, batemukile’shi: Yesu afwila uno mwilo. Tañanka wa uno mwilo umune’nka’anke’shi; akafumankasha namu bana b’Efile Mukulu būmune, abadi abahalakene kungi kungi. Henyihaha, ku diadi’efuku mpā, babadi abebungu lukuku mwa kumwihaila. Binyibiabia Yesu tabatembanga hatoka munkatshi mwa baYudea dimo: anka bakatukile kwanka, bayile ku luhese hehi ku kabāka, ku kibalo kitemunwa bu Efeleme, baishishe kwanka na bana-be-ba-bukishi. Biabia Pashika ya Bena Yudea yibadi hehi: be bungi abakatukile ku mpese yabo, bēnde ku Yelusalema kwibedi kwa Pashika, mwanda wa kwisūla. Henyihaha abakimbile Yesu, anka hābadi bēmane muntempelo, babeihushene’ shi: Anutentekyesha kinyi’shi, takafiki ku Bidibwa bia kusehela su? Batshiite bakwidi bakata na baFadiseo namu babēle kishila’shi: Su kwi muntu euku kwadi, aleshe kwanka, bakamukwate. Henyihaha, Yesu bafikile ku Betani, bēkyele mafuku asamombo kwibedi kwa Pashika, kubadi Lasalasa, winyi bafwile, ababushishe ku lufu. Binyibiabia, abamutekesha bidibwa bia kiolwa; Mata badi ebatambika, anka Lasalasa badi umun’abo abashele ku mesa n’E. Henyihaha Madia bātshile kihindji kia kilo kia mwimu wa mahembwe wi mūlo wi bukoho wimoo, bashingile ku ngwa ya Yesu nao, bahampule ngwa ye na nyene ye; na nshibo yihaule ndā n’eshiko dia mwimu. Anka umune a bana-be-ba-bukishi, Yudasa Isakadiote mwan’a Shimona, winyi badi akyebe kumukokosha, bakwile’shi: A nkinyi kiabashibahanyine uno mwimu ku nkama isatu ya ndenadi ya mfalanga, beyiabila balanda? Biosobi bibakwile bino, ta mwanda e badi na kanya kwi balanda, ooo: anka ha mwanda badi ngifi, enyi badi n’edimba, mutwale bibadi bitule mwanka. Biabia Yesu bakwile’shi: Mulekei: badi aulama mpā na kwifuku dia kushika kwanda. Mwanda’nwe nwi na balanda n’enu mafuku oso; anka’mi tanwi n’ami mafuku oso. Binyibiabia be bungi ba ku Yudea abashingulwile’shi E ngiu eku: tambafikile anka ha mwanda wa Yesu, nyi mwanda babayidile mwabadi akumwena Lasalasa, ababushishe ku lufu. Anka batshiite bakwidi bakata babadi abadi lukuku mwa kwihaila winyi Lasalasa namu. Nyi ha mwanda we be bungi ba Bena Yudea abakatukile, abakumina Yesu. H’efuku dia maloba bantu be bungi babadi abafiki ku Bidibwa, habahushishe’shi, Yesu afiki ku Yelusalema, Abātshile malala a mabo, abayile mu kumutundaisha, bēnda, abasamanga shi: Hosana: Mwabi kwi Nfumu a Isalele afiki mwishina dia Yeowa. Biabia Yesu habamwene mwan’a mpunda, bayinamine hanka, nwa kibafundjibwe’shi: Totshinanga mō obe mwana mukashi a Siona: Tala: Nfumwobe afiki mwiname ha mwan’a mpunda. Bana be-ba-bukishi tababadi beukye yino myanda kwibedi: anka habadi Yesu batumbishibwa, henyihaha nyi hababatentekeshe, na bia binyi bibamufundjilwe na bia babamukitshine. Binyibiabia, baba bantu babadi n’E, habetanyine Lasalasa ’mashama, na kumubusha ku lufu, abahatulwile. Nyi habafikīle bantu namu kafumankana n’E: mwanda babahushishe mubakitshinyine kino kilengeleshe. Binyibiabia baFadiseo abelungushenene’shi: Talangai biosobi utukulakala bisumanga, talai ba-hano-ha-nsenga babahu kumulonda. Kubadi bangi ba baNgidiki babadi munkatshi mwa babafikile mu kulangwila ku Bidibwa bia ku’Sehela. Binyibiabia, abo abafikile kwi Fidiho, mwina Beteseda a Ngadile; abamwihwishe’shi: A! Mwanana, atukyebe kumona Yesu. Fidiho bayile balungula Andeleo; Andeleo namu na Fidiho abalungula Yesu. Yesu babalulwile’shi: Kihindji kibafiki, kia Mwan’a muntu atumbishibwe. Binyibinyi, binyibinyi, nenwambashi: Su emuma dia nganu dibahono mu nsenga, tandifwe, biabia adikala buhenka; anka su dibafu, adiha ebungi. Awa e na kifulo na muwa we na mwinyi, au ukamushimina; ank’e ashikwa muwa we wa hano-hansenga, akekala nao, mpa na kwikalaika. Su muntu anuma, andonde; kwandji mwikale, mufubi ande namu akekala kwanka: su muntu ānumā, Shami akamunemeka. Binobino eshimba diande dibenyengye; akiakyebe’nyi kwakula nkinyi? nakula’shi: Obe Yaiya ompashe ku kino kihindji: anka ha uno mwanda mpā nafikila ku kino kihindji. Yaiya tumbisha eshina diobe. Henyihaha kubatukile eyi mwiilu’shi: Nahu kwiditumbisha, nankeditumbisha dimo. Binyibiabia bantu babadi hēmane hehi, babedihushishe, abakwile’shi, Nyi mukungulo wa mpeshi; bangi’shi: Mwikeilu bakwile n’E. Yesu balulwile’shi: Dino eyi tandjifiki ha mwanda wande, anka dibafiki ha mwanda wenu. Binobino nkitshibilo kia hano-ha-nsenga: binobino mwinyi nfumu a hano-ha-nsenga akabingwa. N’ami, su naimikwa ku nsenga nankefubusha (bantu) boso kwandjimi. Bakwile uno’shi mu kwiukisha lwinyi lufu lwakyebe kufwa. Bantu abamwalulwile’she: Atwe tubahushishe mu mukanda wa milangilo’shi: Kidisitu akekala-ika: A biabia nkinyi kiokwila’shi: Mwan’a muntu anka kwīmikwa? Winyi Mwan’a muntu nanyi? Biabia Yesu bebalungwile’shi: Kubashala’anka kahindji kahela ka nukekala n’etata. Tembai hanuki n’etata, tala, mufito wakafika hanudiha: mwanda atembe mufito, teuku mwa ende. Hanuki n’etata kuminai mwitata, mwanudia kwikela bana b’etata. Yino myanda yibakwile Yesu, biabia bēnda, abebafwamine. Anka sunga bibakitshinyinebilengeleshi bibungi kumpala kwabo, tambamukumine. Eshi, mwisambo wa Eseasa mutemukye ubakwile, ukumbashwe’shi: Obe Yeowa awa kukumina mukāndu wetu, nānyi? na mboko ya Yeowa yibafumbukila kwi’nyi? Binyibiabia tabeuku kukumina ha mwanda wa Eseasa bakwile dimonyi’shi: E babwikile mesoabo, E bakomesha mashimba’bo; tala, abakamono na meso abo, sunga kushingula na mashimba’bo, mwandjia kwalula mashimba’bo, n’ami nkebahasha. Yino myanda yibakwile Eseasa habamwene ntumbo ye, na bamwakwidile. Henyihaha munkatshi mwa batontshi bakata babamukuminyine be bungi namu; anka ha mwanda wa baFadiseo tamba (mu) shikule, tala, baketubinga ku kitumbwilo. Mwanda abadi na kifulo kia kutumbisha kwa bantu, kukila kutumbisha kw’Efile Mukulu. Yesu bēle musase’shi: Awa ankumina’ mi, tamunkumine anka mwadi E bantumine. E namu amono’ini, amono na bantumine. Ami nafiki bu etata hano-ha-nsenga’shi: ese akumina kwimi, takekala mufito, ooo. Su muntu ahushā myanda yande, teyikumina, tankamutshibila: mwanda nkimufikye kutshibila ba-hanoha-nsenga, anka kuhasha ba-hano-ha-nsenga. Anka’wa ampele’mi, sunga kutambula myanda yande, e na umune kumutshibila mwifuku dia nkonko. Mwanda nki na kianyisambila, anka Yaiya bantumine, nyibandayile’shi, nyimodionkalungula muno, nyi modionkesambila muno. Anka neuku uno mulayilo we ngwa muwa waikala-ika: binyibiabia bioso biañakula, anka bibandayile Yaiya, ami nakula’nka bianka. Biabia habadi Bidibwa bia Kukila kwa Yeowa takwafikile, Yesu beukile’shi: kihindji kie kibafiki kwandji a kukatuka hano-ha-nsenga, kwenda kwi Yaiya, E badi na kifulo na bantu b’E ba hano-ha-nsenga, E nabo kifulo mpa na kunfudilo. Binyibiabia, habaditabadi biakudia, Satana bahwilekutwesha Yudasa Isakadiota a Shimono’shi, amusokole ku bangi. Yesu beukile’shi, Shye bamuhele bintu bioso mu mase E, n’E namu badi bafikile kw’Efile Mukulu, akaluka kw’Efile Mukulu namu. Bebwele ku bidibwa, babikile bifwalwa bie, batshile kitambala, Ehombela. Biabia bēle mema mwilonga, abanga kusula ku ngwa ya bana be-ba-bukishi, na kwiyihampula, na kitambala kibadi mwihombele ha mbidi h’E. Binyibiabia bafikile kwi Shimona Petelo, Petelo bamwambile’shi, A Nfumwami, osule’mi ku ngwa su? Yesu bamwalulwile’shi: Obe tweuku kiankitshi binobino, anka okeuku kumongo. Petelo bamulungwile’shi; Tonsulanga ku ngwayande, sunga mpahelahela. Yesu bamwalulwile’shi: Su nkimukusule, biabia twe nami buumune. Shimona Petelo bamwalulwile’shi: A Nfumwami, tosulanga’nka ku ngwa yande, ooo, sulengye ku maboko na ku mutwe namu. Yesu bamulungwile’shi: Muntu muhwe kwitumpa tenakiakyebe’nyi, anka kusula ku ngwa, e nyi mutoke oso, n’anwe nwibatoke, anka tanwibatoke’nwe boso. Mwanda beukile na’wa akamusokola, nyi ha uno mwanda ubakudile’shi; Tanwibatoke’nwe boso. Biabia, habahwile kwibasula ku ngwa, bātshile bifwalwa bi’E, bashalele ku mesa dimo, tebalungula’shi: Anwiuku kinenukitshina bino su? Anuntemuna’shi; Mulambukishi na Nfumu: anwamba bibuwa, mwanda’mi nyi anka biabia. Binyibiabia, su’mi Nfumwenu na Mulambukishi enu nenusula ku ngwa yenu, nkilombane ’nwe kwisudishena ku ngwa yenu. Mwanda nenuhele kihwandikisho mwanudi a kwikitene bu binenukitshina. Binyibinyi, binyibinyi, nenwambashi; Mpika tamukile nfumu’we, sunga mutumibwe tamukile bantumine. Su nubeuku bino bintu, anukekala na mwabi su anwibikitshi. Tanyinwamba ’nweboso neuku banasangwile: anka nyi hakwambashi kilomba she’kia kibafundjilwe’shi: Adi biakudia n’ami etuhishena n’ami. Binobino, nenulungula mwanda ushiabandjile kufika, eshi, haukafiki anukakumina’shi, Nyi E. Binyibinyi, binyibinyi, nenulungula’shi, Awa akumina ese antumu, ankumina’mi, n’e ankumina’mi bakumina na bantumine. Habahwile Yesu kwakula biabia, eshimba die dibenyengyele takula’shi: Binyibinyi, binyibinyi, nenwa mbashi, umune enu akansokola. Biabia, bana be-ba bukishi tabetalena, babadi abealashena’shi, Au winyiu na nyi? Kubadi mwan’a bukishi umune badi mufudibwe na Yesu, badi mweme ha kiadi kia Yesu. Binyibiabia, Shimona Petelo bamufikile meso’shi, mwihush’E winyi, ’ākula. Biabia awa badi mweme ha kiadi kia Yesu ba mwihwishe’shi: A! Nfumu, a winyiu nanyi? Yesu bamwalulwile’shi: A nkaha kihese kisabikye, n’e yawa. Biabia habasabikile kihese bekihele Yudasa Isakadiota a Shimona. Habatambwile kihese Satana batwele munda mwe. Biabia Yesu bakwile’shi: Kiokyebe kukita, kitekio bukidi. Abo babadi bashale ku mesa, takwiumun’abo bashingulwile mubamulungwidile uno mwanda. Mwanda Yudasa badi mutwale’dimba, bangi babatentekyeshe Yesu amwambashe kaule biatukyebe bia ha kidilo, su nkuha balanda kintu. Biabia e habatambwile kihese, batukile lubilo, bufuku namu bubayile. Binyibiabia, habatukile Yesu’shi: Binobino Mwan’a muntu batumbishibwa, Efile Mukulu batumbishwa namu mwadi E. Su Efile Mukulu batumbishwa mwadi E, Efile Mukulu akamutumbisha mwadi E na mwinyi, aka mutumbisha binobino. Anwe bakinga kubashala’nka kahindji kahela nyi nenu, Anukankimbe: anka binalungwile ba-Yudea’shi: Kwa nyende, tanwiuku kufika; n’anwe namu nenwamba’nka biabia. Mulangilo uhia nenuha’shi: Nwifulene kifulo anwe bana bene; bu’mi nekalanga nenu kifule nwifulene kifulo anwe bana bene. Biabia nyi habakenwiukila bu bana-bande-ba-bukishi, su nwi na kifulo anwe bana bene. Shimona Petelo bamwihwishe’shi: Wende kwi kunyi Mwanana? Yesu bamwalulwile’shi: Kwa nyende, obe tweuku kundonda binobino, anka okandondo kunyima. Anka Petelo’shi: Nkinyi kiashia nkulondela binobino? nankakusumbwila muwa wande. Yesu bamwalulwile’shi: Muwa wobe osumbile’mi su? Binyibinyi, binyibinyi nakulungula’shi: Etombele tadiabandjile kudila, okantunu kasata. Tanwikalanga na mashimba enyengye, ooo, anukumina Ei’ile Mukulu, kuminai mwimi namu. Mu nshibo ya Yaiya mwi bia kubombela bi bungi: su amwikalanga biabia nadia kwinulungula. Nēnde kwinulumbulwila mbalo yenu. Biabia su nēnde kwinulumbulwila mbalo yenu, nankaluka dimonyi kwinutambula kwandji, eshi, kwandji mwikale n’anwe anukekala kwanka namu. Anwiuku kwa nyende, n’eshinda namu anwidiuku. Tomase bamulungwile’shi: A! Nfumwami, tatwiuku koende, atwiuku eshinda na minyi? Yesu bamwalulwile’shi: Ami uno nyi dinyi eshinda, na biabinyibinyi na muwa: takwi sungangumune akwifikila kwi Yaiya anka kwimi. Su anunuku’mi, biabia nubeuku Yaiya namu: binobino mpā anumwiuku, nubahu kumumona. Biabia Fidiha bamulungwile’shi, A Nfumwami etuleshe winyi Shobe, biabia kitulombene. Yesu bamwihwishe’ shi: Kihindji kikata kinashala nenu bino’ki, biosobi tanwibanukye obe Fidiha? akunmona’mi bahu kumona Yaiya; biabia obe tombashi: Etuleshe Shobe? Twemukumine ’mi biandji munda mwa Yaiya, Yaiya namu munda mwande? myanda yoso yia nyisamba nenu, tanyisambila ami na mwinyi, anka Yaiya E munda mwande, nyiafuba yino mifubo. Nkuminei biandji munda wa Yaiya, n’E munda mwande namu, su tanwibakite biabia, nunkuminyine ha mwanda wa bikitshino bino. Binyibinyi, binyibinyi, biañakula nenu’ shi: Akankumina, biabia yino mifubo yiankitshi, akeyikitshi namu; na yingi yikile yino bukata, akeikitshi mwanda nēnde kwi Yaiya. Anka kioso kianukatekye mwishina diande, su nkinyi, su nkinyi, nankenukitshina kianka’shi, Yaiya atumbishwe mu Mwana. Kintu kioso kianukatekye mwishina diande nankenukitshina. Su nwi nami kifule nukite milangilo yande. N’ami nankatekye Yaiya n’E akenuha mungi Musambi’shi akekala nenu ikala-ika. E nyi Kikudi-E-Selele kia binyibinyi: abashiabeuku kwi ba-hano-ha-nsenga kumutambula, mwanda wa kukutwa kumumona, sunga kumwiuka; anka’nwe anumwiuku; mwanda ashala nenu, akekala munda mwenu. Tanyinulekye bu bana a nshiuye, nankaluka kwanudi. Anka kahindji kahela, ba-ha-nsenga, taba’mono kabidi, anka’nwe anu’mono; mwanda’mi nyi na muwa, anwe namu anukekala nao. Mu dia di’efuku anukeuku’ shi: Ami nyi munda mwa Yaiya, n’anwe nwi munda mwande, nami namu nyi munda mwenu. Awa e na milangilo yande kwete kwiyilama, ngyawa e nami kifulo, awa e nami kifulo, Yaiya akamufulu, nami nankamufulu namu, nankasokokela kwadi. Yudasa (ta Isakadioto, ooo) bamwihwishe’shi: A! Mwanana, a nkinyi obe okasokokela kwatudi, tokasokokela kwi ba-hano-ha-nsenga. Yesu bamwalulwile’shi: Su muntu e nami kifulo, alame mīsambo yande, na yaiya ande akekala n’e kifulo, atufikye kwadi, twikale n’e. Yawa te nami kifulo tākitshi myanda yande; na mwanda wanuhusha tangwande, ooo, anka ngwa Yaiya bantumine. Nahu kwinulungula yino myanda ha nki nenu. Anka Musambi nyi Kikudi-E-Selelee, akatumu Yaiya mwishina diande, E akenulambukisha bintu bioso, na kwinutentekesha bioso binenulungula’bi. Nenulekela kufukama, kufukama kwande nenuha kwanka: tanyinuha bu ba-hano-ha-nsenga abenuha. Tanwikalanga na mashimba enyengye, sunga kukwatwa na mō. Nubahu kuhusha mwanda nenulungula’shi, bia nyende bino nankaluka kwanudi. Su anwikalanga nami kifulo, nubadi akwikala na muloo, ha mwanda nakula’shi: Nende kwi Yaiya mwanda Yaiya munkile’mi bukata. Binobino nahu kwinulungula uno haushiabandjile kufika’shi; haukafiki nukakumina. Bino takianyinulungula myanda yi bungi, ooo; mwanda sha matalwa a hano-ha-nsenga afiki, anka mwandji tamwikie, sunga kimune. Anka nakitshi mwanda ubandaile Yaiya, mwanda ba-hano-ha-nsenga beukye’shi, Ami nyi na Yaiya kifulo. Ebwei, twendei. Ami nyi mulundo wa nfinyo wa binyibinyi; Shami nyi mudimi au. Lutabi lwoso lwi kwandjimi lushi aluha bikubankalolo, akelukasha: anka lutabi lwoso aluha bikuba, akelusoswela’shi, aluhe bikuba bihwimi. Binobino anwe nwibatoshibwe, ha mwanda wa mwisambo unenulungwile. Ikalai mwandji, n’ami namu munda mwenu. Bu bishiabiuku lutabi kuhela bikuba lu na mwinyi, anka su ndulamata ku mulundo u na mwinyi; n’anwe namu mpamune, anka su anukekala mwimi. Ami nyi mulundo wa nfinyo, anwe nyi ntabi yao: awa akekala mwimi, ami namu mwadi, e akaha bikuba bibungi; su tanwi nami tanukakitshi kintu. Su muntu tekala mwandjimi, biabia asumbulwa bu lutabi luume: bantu abakeyikongola, abak’ele mu kalo, yihie fututu. Anwe, su anwikekala mwimi, na myanda yande ngikale munda mwenu, nutekye kioso kia nutekye, akenukitshina bianka. Su anukaha bikuba bi bungi, nyi anka muno Yaiya mntumbishibwe, biabia anwe anukekala bana-bande-ba-bukishi. Bu Yaiya banfule’mi kifulo, anka hamune nenufule’nwe kifulo, nwikale mu kifulo kiande. Su anulama milangilo yande, anukekala mu kifulo kiande; anka hamune’ini nalamine milangilo ya Yaiya, biabia nyi mwikale mu kifulo kiE. Nenulungwila yino myanda’shi, muloo wande aukekala munda mwenu, na muloo mwenu aukakumbashwa. Uno nyi mulangilo wande’shi, nwifulene kifulo bu binenufule kifulo. Takwi muntu e na kifulo kikile kino’shi, muntu atulu muwa mwe ha mwanda wa bakuku be. Anwe nwi bakuku bande su anukita bioso binenulā. Tanyinutemuna dimo bu bahika, mwanda mpika teuku akikita nfumwe: anka nenutemuna bu bakuku; mwanda bintu bioso binahushishe kwi Yaiya nenwiukishabio. Anwe tanwibansangule’mi, anka’mi benusangwile, benutulu’shi nwende, nufishe bikuba, na bikuba bienu abikekala: eshi bioso bianukatekye Yaiya mwishina diande, akenuha’ bio. Biabia nenukamika’mi’shi: Nwifulenei kifulo. Su ba-ha-nsenga abenushikwa, anwiuku’shi abanshikilwe-mi kwibedi kwanwe. Su anwikalanga ba-hano-ha-nsenga, ba-hano-ha-nsenga abefulena ba na bene: anka ha mwanda’nwe tanwi ba-hano-ha-nsenga, anka’mi nenusangwile mu ba-ha-nsenga, binyibiabia ba-ha-nsenga abenushikwa. Tentekeshai mwanda unenulungwile’shi: Mpika tamukile Nfumwe. Su abambingabinga’mi, abakenubingabinga namu; su abalamine mwanda wande, abakalama wenu namu. Anka bino bintu bioso abakenukitshina ha mwanda w’eshina diande, mwanda tambeukye awa bantumine. Su’mi nkimufikye na kwisamba n’abo, tababadia na kwikala na milwisho, anka binobino tabe na mwa kwibalanenya. Awa munshikwe, bashikwa Yaiya namu. Su nki mukite munkatshi mwabo bikitshino bishībikitwe mungi muntu, tababadi na milwisho; anka binobino abahu kumona’mi, na kushikwa’mi na Yaiya namu hamune. Anka kukumbashwa mwanda ubafundjibwe mu mukanda wa milangilo’shi: Abanshikwa bisumanga. Anka ahakafiki Musambi ankenutumina kwi Yaiya, nyi Kikudi-E-Selelee kia binyibinyi, atuku kwi Yaiya, E akanakwila. N’anwe namu anukanyisambila, mwanda’nwe nubadi nami mpā na kumbangilo. Yino myanda nenulungwile’shi, tala nwakakokoshwa. Abakenutusha mu bitumbwilo: binyibinyi kihindji akikafiki, kia yawa akwinwiha akatentekesha’shi; Nafubu mufubo w’Efile Mukulu. Abakenukitshi yino myanda, ha mwanda tambeukye Yaiya, sunga nami. Anka yino myanda nenulungwile’shi, hakafiki diadi’efuku anukatentekesha binenulungwile kala. Nkimwinulungule yino myanda ku mbangilo, mwanda nadi nenu. Anka binobino nēnde kwi yawa bantumine, na takwiumune’nu angihusha’shi: Wende kunyi? Anka ha mwanda nenulungwile yino myanda, kwinyongola kubaulu mashimba enu. Sunga biabia, nenulungula bia binyibinyi: Mbinuhwandjikile’mi kwenda, mwanda su tanyende, Musambi takafiki kwanudi; anka su nēnde, nankamutumu kwanudi. Biabia hakafiki akahonesha ba-hanoha-nsenga, ha mwanda wa bubi bwabo, na ha mwanda wa kululama na ha wa kutshiba kimu. Ha mwanda wa bubi, mwanda tabankumine. Ha mwanda wa kululama, mwanda nende kwi Yaiya, tanu’mono dimo. Ha mwanda wa kutshiba kimu, mwanda nfumu a ha yino nsenga batshibilwe kimu. Nyi na yingi myanda yi bungi kwinulungula, anka’nwe tanwiuku kwiyihushe binobino. Anka’hafiki Kikudi-E-Selelee kia binyibinyi, akenulombola mu bioso bia binyibinyi: mwanda E takakula bie na mwinyi, ooo; anka bioso biakahusha, nyi biakakula: akenulesha myanda ayikafiki. Akantumbisha: mwanda akatambula biande, akenulungula’bio. Bintu bioso bi na Yaiya, mbiande: nyihenyiha mwanda unenulungwile’shi, akata bi kwandji akenulungula’bio. Habashala kihindji kihela, tanuka’mono: na kingi kihindji kihela anuka’mono, mwanda nende kwi Yaiya. Henyihaha (bamo) ba-bana-be-ba-bukishi, babeihushene’shi: Au mwanda kinyi, betwambashi: Kihindji kihela tanuka’mono; na kingi kihindji kihela anuka’ mono: na dimonyi’shi: Mwanda nende kwi Yaiya. Biabia, abadi abakula, babambile’shi: Au mwanda kinyi E bakwile’shi: Kihindji kihela? Atwe tatwiuku biākula. Binyibiabia, Yesu beukile’shi; abakyebe kuñihusha, bebehwishe’shi: Anwiihushena ha mwanda wa uno unalungwile’shi: Kihindji kihela n’anwe tanuka’mono; na kingi kihindji kihela anuka’mono? Binyibinyi, binyibinyi, nenulungula’shi: Anukadidi mpolo na lukalo, anka be-ha-nsenga abakasehela, n’anwe anukekala na bishiotshi, anka bishiotshi bienu abikāluluka muloo. Anka amwikela mwana mukashi na mitanyo ya kutanda, e na kwinyongola, mwanda kihindji kie kibahu kufika; anka bahu kutanda mwana tatentakyesha dimo mitanyo, ha mwanda wa kusehela’shi, muntu batandjibwa hano-ha-nsenga. N’anwe namu binobino nwi na kwinyongola, anka nankenumono dimo, n’eshimba dienu adikasehela, na muntu takenunyengye muloo wenu. Biabia, mu diadi’efuku tanukangihusha su nkinyi, su nkinyi. Binyibinyi, binyibinyi, bia nyinwambashi: Kioso kia nukatekye Yaiya mwishina diande akenuha kianka. Kwibedi tanubadi anutekye kintu mwishina diande; tekai, anukatambula’shi, muloo wenu aukakumbashwa. Nenulungwile yino myanda mu nkindji: anka efuku adikafiki dia shiakenulungula dimonyi mu nkindji, anka’nukanyiukila mwanda wa Yaiya. Mu diadi ’efuku anukatekye mwishina diande: n’ami tanyinwambashi nankenutekyela kwi Yaiya. Mwanda Yaiya na mwinyi mwinufule kifulo, ha mwanda’nwe nubadi banfule’mi kifulo, nubakuminyine’ shi, nantukile kw’Efile Mukulu. Nantukile kwi Yaiya nafika hano-ha-senga; dimonyi nankatuka ha nsenga, nende kwi Yaiya. Bana-be-ba-bukishi abamulungwile’ shi: Talangai! binobino bohatula biya twemwakule mu nkindji. Binobino, atwiuku binyibinyi’shi Obe weukubintu bioso, twe na kiokyebe kwihusha muntu ooo: nyi ha uno atukumina’shi, botukile kw’Efile Mukulu. Yesu bebehwishe’shi: Binobino anukumina su? Talangai! efuku adikafiki, na binobino dibahu kufika’shi, anukekala bahalakashwe, au ukwa, au ukwa, anukandekye buhenka, anka nki buhenka, mwanda Yaiya E n’ami. Nenulungwile bino bintu ami’shi, nwikale na kufukama mwandji mi. Hano-ha-nsenga anukamono bishiotshi bia malwa: anka nyishei mashimba enu; Ami nahu kuobesha ba-hanoha-nsenga. Habakwile Yesu yino myanda babandulwile meso E mwiilu, eshi: A! Yaiya, kihindji kibafiki, tumbisha Mwan’obe’shi Mwan’obe namu akakutumbisha. Anka bu mu bomuhele matalwa ha bantu boso’shi, akahe boso babomuhele muwa wa-ikala-ika. Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine. Nahu kukutumbisha hano-hansenga: nahu kuobesha mufubo ubompele kukita. Binobino, Obe Yaiya ontumbishe’mi, hamune n’obe na mwinyi na ntumbo yatubadi nayo n’obe kwibedi kwa nsenga tayayikele hanka: Namwekeshe’shina diobe kwi’ba bantu baha-nsenga babompele; babadi bobe, n’obe bwebampele n’abo abalamine mwanda wobe n’abo abalamine mwanda wobe. Binobino babahu kwiuka’shi bintu bioso bibompele bibatukile kodi. Mwanda, nebahele myanda yibompele, n’abo abeyitambwile, abahu kushingula binyibinyi’ shi, natukile kodi, babakuminyine namu’shi, Obe bontumine. Ami nebatekela: nki mutekele be-hano-ha-nsenga, anka baba babompele; mwanda baba mbobe. Na bande boso mbobe, na bobe mbande namu; nyi mutumbishibwe mwabadi. Binobino tanyikala dimo hano-ha-nsenga, anka bano bakī ha nsenga, ami nfikye kodi. Yaiya E Selelee a Kishila, Ebalame mwishina diobe baba babompele’shi, bekale buumune, mwatudi bekele’twe. Ha nadi n’abo hano ha-nsenga, nebalamine mwishina diobe; abo babompele nebalamine, takwi sungangumune mushimine, anka yawa mwana wa kilwididilo, eshi bifundwe bibakumbashwe. Biabia binobino, nami yawa afu kodi, na yino myanda nakula hano-ha-nsenga, mwanda kwambashi, muloo wande ukumbashwe munda wabo. Nabahele mwanda wobe, bahano-ha-nsenga abebashikwa, ha mwanda’bo tambahanoha-nsenga, bu biandjimi nki a hano-ha-nsenga. Nkimukuteke amishi, Webakashe hano-ha-nsenga, anka’shi, Webakashe ku bubi. Abo tamba hano-ha-nsenga, ooo, anka bu biandjimi nki a hano-ha-nsenga. E balamune ku bia bubi na bia binyibinyi biobe, mwanda wobe nyi ngwa binyibinyi. Anka mu bontumine hano-ha-nsenga, biabia nami namu nebatumine hano-ha-nsenga. Biabia, ha mwanda wabo, ne-lamuna (ku bia bubi) ami na mwinyi’shi, abo belamune ku bia bubi ha mwanda wa biabinyibinyi. Tantekyela’nka’bo buhenka, nantekyela namu mpā na bankakumina ku mwanda wabo. Eshi, boso bwabo abakekala būmune, anka modi mwikele Obe Yaiya mwandji, n’ami namu modi, eshi bekale namu mwatudi’twe, eshi, ba ha nsenga bakumine’shi obe bontumine. Ntumbo yibompele, nebaha’yo, eshi, bekale buumune, bu twi n’obe twi umune. Ami nyikale munda mwabo, n’obe namu mwande eshi bekale balombane bu umune, eshi bahanohansenga beukye’shi obe bontumine, n’obe bohu kwikala n’abo kifulo, bu modi nami kifulo. Obe Yaiya nakyebe’shi baba namu babompele, bekale kwandji mwikale, yabadia kumona ntumbo yande yibompele, mwanda bodi nami kifulo, kwibedi kwa kibangilo kia nsenga. A! Yaiya Mululame ba hano ha nsenga tababadi bakwiukye, anka’mi bakuukyile, n’abo namu babeuku’shi, Obe bontumine. Ami nebaukisha eshina diobe, nankediukisha dimonyi’shi, kifulo kio bomfule nakio kikekale munda mwabo, n’ami namu munda mwabo. Yesu habahwile kwakula yino myanda, bayile na bana-be-ba-bukishi, babukile kela ka Kedelona, kubadi efuba batwelele mwanka na bana-be-ba-bukishi. Biabia Yudasa namu, winyi bamusokwele, badi mwiukye kiakia kihindji: mwanda Yesu badi ende kwanka misusa na misusa na banabe-ba-bukishi. Henyihaha Yudasa habatambwile kibumbo (kia balume) na bamwanafita kwi batshiite bakata na Bafadiseo babafikile kwanka na matala na mienhye na bia ngoshi. Binyibiabia, Yesu habeukile myanda yoso ayikyebe kumufikila, bayile, akebehusha’shi, A nanyi anukimbi? Abamwalulwile’shi, Yesu a ku Nasaleta, Yesu bebambile’shi, Nami uno. Yudasa bamusokwele, badi mwimane n’abo namu. Biabia habebalungwile’shi, nami uno, tabaluka binfutanfuta, babahona hashi. Henyihaha, E bebehwishe dimonyi’shi, A! nanyi anukimbi? Abo, abambile’shi, Nyi ng’Yesu a ku Nasaleta. Yesu bebalulwile’shi, a tanenwambashi, Nami uno, binyibiabia su anunkimbi, lekai bano, bēude. Ha mwanda wa kukumbashwa mwanda we wa bakwile’shi: ku baba babompele nkimushimishe sunga ngumune. Henyihaha Shimona Petelo badi na luhete, belusumwene, belutahile mpika a tshiite mukata, amutshib’etwe die dibalume. Eshina dia mpika dibadi bu Makusa. Binyibiabia Yesu bambile Petelo, eshi: Alusha luhete lwobe mu kihusula: kitomeno kibampele Yaiya, tanyikitomo’mi su? Henyihaha kibumbu, na bamwinampala, na bamwanafita ba Bena Yudea abakwete Yesu, abamwanyine. Abayile n’E kwibedi kwi Anasa; mwanda e badi muko a Kaifasa, n’e badi tshiite mwakwidi mukata mu akia kihwa. Kaifasa n’e winyi, bahele Bena Yudea binangu’shi, mbiwandjikile muntu’mune afwile bantu. Shimona Petelo balondele Yesu, na mungi mwan’abukishi: winyi mwan’a bukishi badi mwiukibwe kwi tshiite mwakwidi mukata, abatwelele mu luhoho lwa tshiite mwakwidi mukata na Yesu. Anka Petelo badi mwimane ku kibelo hasha. Henyihaha yawa mungi mwan’a-bukishi badi mwiukibwe kwi tshiite mwakwidi mukata, batukile bakwile kwi songwakashi badi alama ku kibelo, biabia batwelele na Petelo. Biabia wi nyi songwakashi badi alama ku kibelo, bakwile kwi Petelo’ shi: Obe namu we mukwabo n’abo a bana-ba-bukishi ba uno muntu su? E bamwambile’shi: Ayoyo. Bahika na bamwanafita abadi bemane kwanka abahu kukwatshisha kalo ka makala, mwanda kubadi mashika, abadi abōto, na Petelo badi mwimane n’abo, oto namu. Binyibiabia tshiite mwakwidi mukata baihwishe Yesu mwanda wa bana be-ba-bukishi, na lulambukisho lwe. Yesu bamwalu lwile’shi: natubwilanga ba-hano-ha-nsenga mwanda wande, mafuku oso nalambukisha mu kitumbwilo, na mu ntempelo, mu badi Bena Yudea bekongyele; na mu bufiefi nkimwakule sunga mpahela. Ankinyi kionyihwisha? banda kwihusha’bo abampushishe yinakwile kwabadi, tala’bo abeuku yinakwile. Habakwile biabia, umune abamwanafita badi mwimane hehi, bakuhile Yesu luhi, tambashi: Bōlulwila tshiite mwakwidi mukata biabia? Yesu bamwalulwile’shi: Su nadi nakula mwanda ubi, hatulau, anka su bibuwa, bonkuhila kinyi? Henyihaha Anasa bamutumine muanyibwe kwi Kaifasa tshiite mwakwidi mukata. Shimona Petelo badi mwimane ’oto kalo. Binyibiabia babamwihwishe’shi: Obe namu we mungi a mu bana-be-ba-bukishi su? E batune, bakwile’shi: ooo, nki’abo. Umune a bafubi a tshiite mwakwidi mukata, badi mukwabo na winyi abatshibile’twe kwi Petelo; bakwile’shi: Tanakumwene n’E mwifuba? Henyihaha Petelo batune dimo, biabia kahindji naka etombole dibasamine. Henyihaha abakatukile na Yesu kwi Kaifasa bayile n’E kwibalasa kwa nfumu, ku nshibo ya kitshibilo kia myanda; kubadi na mashik’ese bwē; anka’bo bana bene tambatwele mu nshibo ya kitshibilo, tala bakashūla kishila; su anka abakadī kidibwa kia Kukila kia Yeowa. Biabia Pilato batukile kwabadi, tebambashi: A nwi n’E kimu kinyi? Abamwalulwile’ shi: Su tabadi musodi a myanda, biabia tatubadia kumutula kodi. Binyibiabia Pilato bebalungwile’shi: Muatei numutshibile kimu mwiyile mukanda-wa-milangilo yenu. Biaibia Bena Yudea abamulungwile’shi: Kiakia nkishila’twe kwiha muntu. Eshi, misambo ya Yesu yikumbashwe yibakwile, yia kuhatula lwinyi lufu lwe lwa kafu. Binyibiabia Pilato batwele mwibalasa dia kitshibilo kia myanda dimo, betanyine Yesu, bamwihwishe’shi: Obe we nfumu a baYudea su? Y’esu bamwalulwile’shi: N’obe na mwinyi esamba’nyi, mbantu abakulungula bianka? Pilato bamwalulwile’shi: Ami nyi Mwina Yudea su? Nyi mwilo wobe na batshiite bakwidi bakata nyi babakufisha mu masa’nde: we mukite kinyi? Yesu bamwalulwile’shi: Bufumu bwande tabwa hano-ha-nsenga, ooo: su bufumu bwande bubadi bwa hano-ha-nsenga, henyihaha bafubi bande abadi a kundwila’ashi, tala nankafishwa kwi Bena Yudea: anka binobino bufumu bwande tamba kuno kwinyi. Binyibiabia Pilato bamulungwile’shi: A biosobi we nfumu su? Yesu bamwalulwile’shi: Wokula wa binyibinyi nyi nfumu. Natandjilwe ha uno mwanda, nafikile hano-hansenga namu ha uno mwanda, eshi, nkakule bu kamonyi ka bia binyibinyi. Ese a bia binyibinyi ahushā Eyi diande. Pilato bamulungwile’shi: Bia binyibinyi nkinyi? Biabia habakwile wawa mwanda, batukile dimo, ’ende kwi Bena Yudea, akebalungula’shi: Nkimumumone na mwanda (sunga ngumune). Anka’nwe nwi na kihikwa kienu, kia nyinuhoswelā muntu’mune ha Kukila kwa Y’eowa: binyibiabia anukyebe nyinuhoswele Nfumu a Bena Yudea, su? Henyihaha boso abanyishishe mayi abo, eshi: Tanuno, ooo anka Balabasa. Biabia winyi Balabasa badi munyananyi. Henyihaha Pilato batshile Yesu, amukuhila. Na bashidika abalukile kilonga kia milobo, bekitenteka ha mutwe h’E, bamuhwadika mutwelo wi lunkwindjinkwindji. Tabakwile’shi: Nemuna’mwa, obe Nfumu a baYudea! biabia tabamukuhila mahi. Binyibiabia Pilato batukile dimo, bebalungwile’shi: Talai! namufisha kwanudi, mwa nudia kwiukyila’shi: Nki mumone na mwanda. Henyihaha Yesu batukile, mutwale kilongo kia milobo, na mutwelo wilunkwindjinkwindji. Pilato bebalungwile’shi: Talanga winyi muntu: Binyibiabia habamumwene batshiite bakwidi bakata, na bamwanafita, tabēle musase’shi: Mwihei ha nkulusu! Mwihei ha nkulusu! Pilato bebalungwile’shi: Anwe Muatei, numwine ha nkulusu: mwanda’mi nkimumone winyi mwanda wadi mukite. Bena yudea abamwalulwile’shi: Twi na kishila kietu, mwiile kishila kietu, ’muhwandjikile kufwa, mwanda E temuna bu Mwan’Efile Mukulu. Biabia hahushishe Pilato wawa mwanda, bakambile kumona mō. Batwelele dimo mwibalasa dia kitshibilo, behwishe Yesu’shi: Botukile kwi kunyi? Anka Yesu tamumwalula mwanda. Binyibiabia Pilato bamwambile’shi: A! toñalula mwanda’be? tweuku’shi nyi na matalwa a nkwiha ha nkulusu, nyi na matalwa namu a kukuhosola. Yesu bamwalulwile’shi: Obe tweuku kwikala na matalwa kwandji ooo, anka su matalwa ngakuhebwe’kwa mwiilu: binyibiabia munfishe kodi e na mwanda ukile bubi. Henyihaha ha kiakia kihindji, mpā, Pilato badi akimbi mwa kumuhoswela: anka Bena Yudea abēle musase’shi: Su ohosola uno muntu, twe kūku a Kaifasa: ese ehwandjikisha bu nfumu atombokyela Kaifasa. Binyibiabia habahushishe Pilato wawa mwanda, batushishe Yesu hashi, bashalelemu nkwasa ya kitshibilo, ha kihindji kibatemunwa bu Yilumbulwe na Mabwe, anka mwidimi dia Bena Hebelu nyi bu Ngabata. Kilumbulwilo kia Kukila kwa Yeowa kuba fikile, na nguba badi hehi mitwe: e balungwile Bena Yudea’ shi: Talai Nfumwenu! Anka’bo abanyishishe mayi abo’shi: Mukatushei! Mukatushei! numuihe ha nkulusu. Pilato bebehwishe’shi: Nyihē Nfumwenu su? Batshiite bakwidi bakata abamwalulwile’shi: Tatwi na mungi nfumu, anka Kesala. Binyibiabia e bamutudile ku masa’bo mu kumuhudika ha mutshi uhingakane. Biabia abātshile Yesu, abayile n’E. E batukile, mutwale nkulusu ye ku kihindji kibatemunwa bu kabāla, mwidimi dia Bena Hebelu kibatemunwa bu Ngologota: Kwa bamuhudikile ha mutshi uhingakane, na bangi babidi n’E, au uku, au uku, Yesu hankatshi. Biabia Pilato bafundjile kitemwino, bekitule ha nkulusu. Kinyi kifundjilo kibafundjile kibadi’shi: YESU A KU NASALETA NFUMU A BENA YUDEA. Be bungi ba Bena Yudea ababale kinyi kitemwino: mwanda wa mbalo yabayihayile Yesu yibadi hehi ku kibalo: kifundwe kibafundjile mwidimi dia ba-Yudea na dia bu’Ngidiki, na ba-Loma. Henyihaha batshiite bakwidi ba Bena Yudea abalungwile Pilato’shi: Tofundanga’shi: Nfumu a Bena Yudea, ooo; anka funda’shi: na mwinyi bakwile’shi: Nyi Nfumu a Bena Yudea. Pilato bālulwile’shi: Kinafundjile, tampwile kwiyifunda. Binyibiabia, bashidika habahwile kuhudika Yesu ha nkulusu, abātshile bifwalwa biE, bweabishena binanka, mushidika kie, mushidika kie, na mutwelo namu wa mushi, ha mbidi; uno mutwelo tauba di na mutelo, ubalukile ulungakane ushima. Henyihaha abelungushena’shi: Tatwiusananga twiutē bubale, su auke kala wanyi: biabia bibakumbeshe bibafundjilwe’shi: Ba beabishena bifwalwa biande, mutwelo wande abeutēle bu bale. Binyibiabia basalai abakitshine bino bintu. Biabia nyin’E na mukwabo na nyin’E, na Madia mpiana a Keleohasa, na Madia Mandalene, abadi bemane hehi ku nkulusu. Henyihaha Yesu habamwene nyin’E na winyi mwan’a-bukishi abadi n’e kifulo, badi bemane hahi, balungwile nyin’E, eshi: A! mwana mukashi tala mwan’obe ngiu! Biabia balungwile winyi mwan’a-bukishi’shi: Tala nyin’obe! ngiu. Binyibiabia, ha dianka diadi’efuku winyi mwan’a-bukishi bamwatshile, ’enda n’e kwe. Kumongo kwa yino, Yesu hakwiuka’shi, bintu bioso bibakitshinwe’shi, kifundwe kikumbanyinyine, bakwile’shi: Nyi na nyota. Ako kubatulwe kintu kiule na nfinyo yisase, abasabikile mushulambwa mu nfinyo yisase, beutule ha mutshi wa hisope, abamutambikileo ku kanwa kwe. Yesu habatambwile nfinyo yisase, bambile’shi: Kubahu. Henyihaha banyekyele mutwe we, batūle eshimba. Biabia Bena Yuda ha mwanda wa Kilumbulwilo kia (pashika) tābadi abakyebe bitanda kwikala ha nkulusu h’efuku dia Sabado (mwanda diadia efuku dia Sabado dibadi efuku dikata) abatekyele Pilato’shi, mikolo yabo yikatshimunwe, na kubambula bitanda. Henyihaha basalai abafikile, abatshimwine mikolo ya (muntu) a kwibedi, na ya mungi badi mubambibwe n’e. Anka habafikile kwi Yesu, abamumwene tafwile kalā, tambamutshimune mikolo ye. Anka musalai umune bamutubwile mulumbu mu lubafu lwe, ka hindji n’āka mubatukile mase na mema. Yawa beuhetekyelwe nyi betemwine bu kamonyi, na kutemuka kwe nkwa binyibinyi. E namu euku’shi: Binākula nyi mbinyibinyi bianudia kukumina. Mwanda bino bintu bibakitshinwe mwanda wa kwamba’shi, kufundjibwe kikumbashwe’shi: Mufufwa we, taukatshimunwa. Na kingi kifundwe namu kibakwile’shi: Winyi abatahile abakamutala. Kunyima kwa bino, Yosefe mwina Adimatea, mwan’a Yesu a bukishi ku bufiebufie, ha mwanda wa kutshina Bena Yuda moo, bakatekyele Pilato’shi; Nankyebe kuata kitanda kia Yesu. Binyibiabia Pilato bakuminyine. Henyihaha e bafikile, bātshile kitanda kia Yesu. Nikodema namu bafikile, e, nyi bafikile kwi Yesu kwibedi n’ebedi bufuku, mutwale bisangakanwe biabitukā ku mitshi, binalashi, bi bushito bwa kilo su mbu makumi ananka. Henyihaha babātshile kitanda kia Yesu, abekihombele mu bilamba bia linene na (bintu) bia malashi hamune, nyi mulombeno kihikwa kia Bena Yuda ha kushīka (bantu). Talangai, mu yaya mbalo yibā di mubambilwe efuba dibadi kwanka, na mu diny’efuba mu badi nyenyi, yishī abandjile kushika muntu, sunga ngumune. Amo nyi mwabashīkile Yesu mwanda nyenyi yibadi hehi, na ha mwanda dibadi efuku dia Kilumbulwilo (kia Pa shika). Efuku dia mbedi dia lubingo Madiya Mandalene bafikile namashik’ēse ku kilele, tadi anka mufito, bamwene ebwe dialashwe ku kilele. Binyibiabia bakamine lubilo, bafikile kwi Shimona Petelo, na kwi winyi mungi mwan’a bukishi, ubafudibwe kifulo na Yesu; bākwile kwi’bo’shi: Abātshile Nfumwetu ku kilele, biabia tatwiuku’twe mwabamutudile. Henyihaha Petelo na winyi mungi mwan’a bukishi abatukile, tabafikile ku kilele. Biabia bubidi bwabo hamune abakamine lubilo: mungi mwan’a bukishi bakidi Petelo lubilo, n’e bafikile kwibedi ku kilele. E hakubandamina, na kutala mwanka, bamwene bilamba bia linene bilale, anka e shī mutwele mwanka. Henyihaha Shimona Petelo bamulondele, batwele mu kilele, bamwene bilamba bia linene bilale hanka, na kitambala kibadi kihombelwe mutwe we, kishī kilale na bilamba bia linene, anka kibadi kifungwe ha kihindji kia ki na mwinyi. Biabia mungi mwan’a bukishi namu, winyi ubafikile kwibedi ku kilele, batwele mwanka, bamwene, bakumine. Mwanda mpaa na ku kino kihindji tambeukile Bifundwe (bi’Efile) ’shi, nkihwandjikile’nka e kubuka dimo ku lufu. Henyihaha bana-ba-bukishi abakatukile dimon’nyi kwabo kwi na mwinyi. Anka Madiya bemene hasha ku kilele kwete kudila: Hakudila, bebandamine, batadile mu kilele. Biabia bamwene bamwikeilu babidi (ābafwalwe) bitoka bakwete kushāla, umune ku mutwe, mungi ku ngwa, habadi kitanda kia Yesu kilelwe. N’abo abamuhwishe’shi: A Mukashi, nkinyi kiodila’be? E bebālulwile’shi: Mwanda abātshile Nfumwami, n’ami tañuku’mi (kihindji) kiabamutudile. E hakwakwila biabia, beialulwile, bamwene Yesu kwete kwimana, tamwiukile’shi, ubadi Yesu (hanka). Yesu bamwihwishe’shi: A Mukashi, nkinyi kiodila’be? A nanyi anukimbi? E hakutentekyesha’shi, e nyi mudinti w’efuba, bamwambile’shi: A Mwanana, su bwemutwale hantu, ondungule hobwemutudile, n’ami nankamukasha. Yesu bamwambile’shi: A Madiya. E beialulwile, bamwambile’shi: Labone; nyi nkuhatula’shi, Nfumwami. Yesu bamwambile’shi: Tonkumanga, Mwanda nkimubandjile kukaminwa mwiilu kwa Shami: anka nda kwi bakwetu bande na kwibalungula’shi: Ami nakamina mwiilu kwi Shami, na Shyenu, kw’Efile Mukulu ande, n’Efile Mukulu enu. Madiya Mandalene bafikile, balungwile bana-ba-bukishi’shi: Tampwile kumona Nfumwetu, nyi E bansambile yino myanda. Henyihaha diadi’efuku kiolwa, diakwikalanga efuku dia mbedi dia lubingo, habikalanga bibi bishitwe mubadi babungakene bana-ba-bukishi, ha mwanda wa kutshina bena Yuda, kubafikile Yesu, na kwimana bemene munkatshi (mwabo), bebāmbile’shi: Kufukama kwikala kwanudi. E habahwile kwakula biabia, bebalesheshe māsa na lubafu bie. Henyihaha bana-ba-bukishi hakumona Nfumwetu abasehela. Biabia Yesu bebākwile dimonyi’shi: Kufukama kwikala kwanudi; bibantumine Shami, anka biabia ami nenutumu. Habahwile kwakula uno (mwanda), e bebahwile muwa habadi, bebesambile’shi: Tambulai Kikudi-E-Selelee. Kwi ese su nanyi su nanyi anulekyela milwisho, ayibebalekyelwa, na kwi ese, su nanyi su nanyi nushīa lekyela, milwisho nyo yishlayilekyelwa. Anka Tomase batemunwanga bu Didimusa, umune w’abo bēkumi na babidi, tabadi n’abo habafikile Yesu. Binyibiabia bangi bana-ba-bukishi abamulungwile’shi: Tubamonanga Nfumwetu. Ank’e bebālulwile’shi: Anka su nankamono mu mās’e mikofu ya misumadi na kutula munwe wande mu mikofu ya misuma di, na kwela mboko yande mu lubafu lwe, anti, tankakumin’emi, ooo. Dinton’nyi abahwile mafuku mwanda bana (be-ba-bukishi babadi mwanka, na Tomase badi n’abo: henyihaha) habikalanga bibi bishitwe Yesu bafikile, bemene munkatshi, bakwile’shi: Kufukama kwikala kwanudi. Henyihaha e bākwile kwi Tomase’ shi: Ola kuno munwe w’obe, tala mboko yande, ola kuno mboko yobe, weile mu lubafu lwande: toikalanga na kushīkukumina, ooo, anka kumina. Tomase bālulwile, bamwambile’shi: Nfumwami! Efile-Mukulu ande! Yesu bamwambile’shi: Tomase, bokumina mwanda wa bibomono’mi; mwabi kwi’ba bashī bamone, anka abakumina. Binyibinyi bingi bitundwilo bibungi Yesu bebikitshine ku meso kwa bana be ba bukishi, bishī bifundjibwe mu uno mukanda. Anka bino bibafundjibwa bianudia kukumina’shi, Yesu nyi Kidisitu Mwan’Efile-Mukulu: na ha mwanda wa kukumina, bianudia kwikala na muwa mwishina die. Kunyima kwa bino bintu Yesu besokwele dimonyi kwi bana: ba bukishi kwishiba dia Tyibileasa; ako namu nyi kubesokwele. Kubebungīle hamune Shimona Petelo, na Tomase baudikilwe bu Didyimuse, na Natanaele a ku Kana mu Ngadilea, na bana balume ba Sebede, na bangi babidi ba bana be ba bukishi. Shimona Petelo bebambile’shi, nende mu kuloba mwita wa mema. Abo bamwamba’shi: Atwe namu atwende n’obe. (Biabia) babayile, abayikile mbwato’ kahindji nāka; bwabwa bufuku tambakwate kintu. Anka hakubatokyela namashika, Yesu baimene ku bukunkula bwa mema; anka bana ba bukishi tambamushingule’shi ng’Yesu. Henyihaha Yesu bebambile’shi: Anwe bana, a mwi na biakudia su? Abamwalulwile’shi: ooo, E bebalungwile’shi: elai bukondja ku luhese lubalume lwa bwāto, biabia anukamono. Binyibiabia abēle, anka hanka abakutshilwe bia kwibwabula ha mwanda wa bungi bwa mwita wa mema. Biabia winyi mwan’a bukishi badi mufulwe kifulo na Yesu, bakwile kwi Petelo’shi: Nyi Nfumwetu. Biabia Shimona Petelo, hakuhusha’shi: Nyi Nfumwetu, bekumbidishe mutwelo we wa buhībwe (mwanda badi muswa) bwe betubīle mema. Anka bangi bana-ba-bukishi abafikile mu kāto, mwanda tabadi kula na mahia, nyi nkuhwandjikisha bu kihimo kia makumi mwanda a mètres, bakwete kukaka bukondja bwi mwita wa mema. Henyihaha habafikile ku mahia, abamwene kālo ka makala kwanka, na mwita na mukate hanka. Yesu bebambile’shi: Tushai umo mwita wa ’mema kuno wanubakwata. Shimona Petelo bakamine, (ku mulomo wa bwāto,) bakakīle bukondja ku kiese, būle ndaa na mīta ya mema yikata, bu lukama na makumi atano na yisatu, sunga yibadi bungi bwi biabia tangisane bukondja. Yesu bebambile’shi: Fwai, nudie, Takubadi, sunga ngumune a bana ba bukishi badi n’eshimba dia kumwihusha’shi: A n’Obe’nyi? Mwanda wa kwiuka’shi, E nyi Nfumu. Biabia Yesu bafikile, bātshile mukate, bebatambikile, na mwita wa ’mema hamune. Uno nyi mususa wa kasatu ubesokwele Yesu kwi bana be ba bukishi, kumongo kwa kusanguka kwe mu lufu. Binyibiabia habahwile kudia, Yesu bakwile kwi Shimona Petelo, mwan’a Yonasa’shi: We n’ami kifulo kikile yino su? Bamwalulwile’shi, Uolo Mwanana, weuku’shi, ami nyi n’obe kifulo. Bamwambile’shi: Disha bana bande ba mikoko. Bamwihwishe dimo mususa wa kabidi’shi: Shimona, mwan’a Yonasa, we n’ami kifulo su? Bamwalulwile’shi: Uolo Mwanana, weuku’shi, nyi n’obe kifulo. (Yesu) bamwambile’shi: Disha mikoko yande. (Yesu) bamwihwishe dia kasatu’shi; Shimona mwan’a Yonasa, we n’ami kifulo? Biabia Petelo bafitshile mwishimba niwanda bamwihwishe mususa wa kasatu’shi: We n’ami kifulo su? E bamwambile’shi: A Mwanana, weuku bintu bioso; weuku’ shi; ami nyi n’obe kifulo. Yesu bamwambile’shi: Disha mikoko yande. Binyibinyi binyibinyi, nakulungula’shi: Hobodi ki songwalume, bodi wefwadika obe na mwinyi, botambukile koso kubokyebele, anka hokekala mununu, okōia maboko’be, mungi akakufwadika, akakutwala ko shīokyebe. Bakwile bino, mwanda wa kuhatula kihaso kia lufu kiakatumbish’Efile Mukulu n’akio. Habahwile kwakula bino, bamulungwile’shi; Ndonde’mi. Henyihaha Petelo bealulwile, bamwene mwan’a bukishi a Yesu abadi n’e kifulo, kwete kulonda kunyima, winyi badi ’ēma ha kiadi kie habadi ku bidibwa, bamwihwishe namu’shi: A Mwanana, yawa akyekukufumbula nanyi? Petelo hakumumona, bakwile kwi Yesu’shi: A Mwanana, a uno namu akekala naminyi? Yesu bamwambile’shi: Su nankyebe’shi, ayishe mpaa na hankafiki, a ngobe mwanda su? obe ndonde’mi. Henyihaha kino kishima kibahalakene munkatshi mwa bakwabo’shi, uno mwan’a bukishi ta kafu’nyi; anka Yesu tabamwambile’shi: Ta kafu, ooo, anka’shi: Su nankyebe ayishe mpaana hankafiki, a ngobe mwanda su? Uno nyi winyi mwan’a bukishi a temuna bu kamonyi ka su? binobintu, e nyi bafundjile bino bintu; n’atwe atwiuku’shi, mitemu ye nyi ngia binyibinyi. Kwi bingi bintu bi bungi bibakitshine Yesu, abio, su bibafundjilwe bioso, ami nahwandjikisha’shi, hanohansenga hoso ta habadia kumona ha kutula mikanda yoso yibakyebelwe kukafunda. Amena. Obe Teofiluse, nahu kufunda mukanda wa kwibedi, wa mwanda wa bioso bibabangile Yesu kukita na kulambukisha. Mpaa na kwifuku diabatambwilwe mwiilu, habahwile kuha batumibwa babasangwile milangilo mu Kikudi-E-Selelee. Kumongo kwa lufu lwe belesheshe kwabadi atala mu bishiso bibungi bishi matohe, bamwenwe n’abo mafuku makumi ananka, kwete kwibalungula namu myanda yinemene ’mbufumu bw’Efile. Na hakwikoñena n’abo hamune, bebakankamikile’shi: Tanukatukanga mu Yelusalema, anka nutengyele mulayilo wa Yaiya, wanubahushishe kwandji’mi. Mwanda Yoano badi abatshisha binyibinj’i mu mema; anka’nwe anukabatshishwa mu Kikudi-E-Selelee takwi mafuku ebungi. Binyibiabia habadi bekoñene hamune, abamwihwishe’shi: A Mwanana, okālusha dimonyi bufumu kwi Isalele binobino su? E bebālulwile’shi: Akia, ta ’nkienu kushingula bihindji, sunga mieshi bibatule Yaiya ’matalwa e, ooo. Anka’nwe anukatambula bukome ahakafiki Kikudi-E-Selelee hanudi: n’anwe anukekala balungudi bande bakulumgula mu Yelusalema, na mu Yudea, na mu Samadia, mpaa na kunfudilo kwa nsenga. Habahwile kwakula yino myanda, habadi ababandjila, bebosheshwe mwiilu, n’ekumbi dibamutambwile, tabakibamumone. Habadi abatala kwiilu kanāna kubadi akamina, talangai, bana-balume babidi abemene kwabadi bafwale bilamba bitoka; Abo namu abakwile’shi: Anwe bana-balume ba ku Ngadilea, a nkinyi kianubaimena kubandjila mwiilu? Uno Yesu winyi henwiboshwa mwiilu, anka mwanubamumwēna kwete kwenda mwiilu, nyi mwakafikila. Henyihaha abalukile ku Yelusalema, abakatukile ku ngulu ya Olefeta, ayo yi kula na Yelusalema bu kihindji kia luendo lw’efuku dia Sabado. Habatwēle mwanka, abaikamine mu kadimbo kabadi mwiilu, nyi mubabombelele Petelo, na Yakoba, na Yoano, n’Andeleyo, na Fidipa, na Tomase na Batolomeu, na Mateo, na Yakoba mwan’a Alefusa, na Shimono Selote, na Yudasa, mukwabo na Yakoba. Bano boso abayididile n’eshimba dimune mu luteko na kwiyaiya, na bana-bakashi, na Madiya nyin’a Yesu, na bakwabo na Yesu namu. Mu aa mafuku Petelo bebwele munkatshi mwa banaba-bukishi bw’Efile’shi (bungi bwa mashina bubadi bu lukama na makumi abidi). Anwe bakwetu, kino kifundwe ki’Efile nkihwandjikile kukumbashwa hanka, kibakwile Kikudi-E-Selelee mu kanwa mwa Dafidi kala, ha mwanda wa Yudasa, winyi badi mulombodi a baba abakwete Yesu. Mwanda e badi mubadikwe n’etu, badi mutambule namu kihindji kia uno mufubo. Tala, uno muntu baule efuba ku bwedi bwa bubi; na habahone ki mutwe mūshi, basanikile hankatshi, na mala oso abahātukile. Uno ubeukile kwi boso abadi babombele mu Yelusalema; nyi kiabetanyine diadia efuba mu dinyi edimi diabo bu Akeledama, kuhatula nyi nkwambashi, Efuba dia mase. Mwanda ubafundjiiwe mu mukanda wa Ñono ya Milangwilo’shi: Kwē kwikale ta bishiboshibo, Tamubombelanga muntu; na Bulami bwe mungi āte bwanka. Henyihaha ku bano bantu abadi abatambuka n’etu mafuku oso habadi Nfumwetu Yesu atwele na kutuka munkatshi mwetu. Kubanga ku lubatshisho lwa Yoano, mpaa na kwifuku dibetutambwidilwe mwiilu munkatshi mwetu, ku bano nkuhwandjikile kusangulwa umune kwikala n’etu bu kamonyi ka lusangukilo lwe. Biabia abasangwile babidi, Yosefe alumbwa bu basabasa, winyi badi atemunwa namu bu Yusutusa, na Mateasa. Binyibiabia abatekyele Efile Mukulu’shi: Obe, Mwanana, n’obe euku mashimba a boso etuleshe a ku bano babidi odi musangule. Āte kihindji kia buno bulungudi bw’Efile na butumibwa, bwinyi bubahonene Yudasa ku busodi, biadia kwenda ku yee mbalo. Biabia abatēle bubale; bubale bubatahile Mateasa, n’e babadikilwe na batumibwa ekumi na umune kumune. Biabia habafikile efuku dia Mpentekoshita hanka, boso bwabo abadi n’eshimba dimune mu kihindji kimune. Kahindji n’aka kitumo kibafikile mwiilu, bu kihahi ki moo akikidi, kibaushishe nshibo yoso ndaa yiabadi bashāle. Biabia kubebamwekyele ndjimi yibalukye hankatshi bu kālo, yibebatentamine ku muntu ku muntu. N’abo boso abadi baūlwe na Kikudi-E-Selelee, ababangile kwakula na ndjimi yingi mu bebahelele Kikudi-E-Selelee kwakula’yo. Kubadi kubombele Bena Yuda mu Yelusalema, bantu bantulamishi ya mashimba, ba ku mīlo yoso ya muno mūshi mweīlu. Biabia ntumbo ya bino ha kuhalakana mōso, kibumbu kibekongyele hanka, abatuntamene, mwanda muntu ese bebahushishe bakwete kwakula muntu n’adi’edimi, muntu n’adi’edimi. Abo boso abakanyine na kuhulakīla’shi: Talangai, bano bantu abākula boso ta m’Bena Ngadilea su? Mwanda kinyi watwibahusha muntu n’edimi die, muntu n’edimi die, anka mwatubatandjilwe hanohansenga? Bena Pafia hanka, na Bena Mede, na Bena Elama, na babombele mu Mesopotemia, na be mu Yudea, na be mu Kahadosea na be mu Pontuse, na be mu l’Asie, na be mu Fidjia, na be mu Hamfidia, na be mu Ndjihitu, na be mu mpese ya ku Lebia hehi na Saidine, na Bena Loma benyi, ta mba Yudea namu, na bakuminyi ba myanda ya Bena Yuda, na Bena Kelete, na Balabwe namu, tātwibahusha abesamba yino myanda ya bintu bikata bi’Efile Mukulu. Binyibiabia bosoboso abakanyine, tabealashena, bakwete kwīhushena’shi: A uno mwanda wi na minyi? Bangi bakwete kusenga’shi: Bano bantu abakolwa finyo yihya. Anka Petelo baimene na bēnyi b’ekumi na umune, banyishish’eyi die, bebalungwile’shi: Anwe Bena Yuda na boso babombele mu Yelusalema, nwiūkye uno mwanda nubushe bishima biande. Mwanda bano tambakolwe mwanutentekyesha, ooo; mwanda nsa yi anka ha kitema. Anka uno nyi mwanda ubākwilwe kwi mutemuki Yoele’shi: Efile Mukulu bakwile’shi: Akikekala mu mafuku a kunfudilo, Nankahongolwela Kikudi-E-Selelee ande, Na bana benu balume na bakashi abakatemuka myanda, Na basongwalume benu abakamono bimonwa bia bilengileshi, Na balume benu banunu abakaloto bilotwa; Mu aa mafuku nankahongolwela Kikudi-E-Selelee Ande ha bahika bande balume na bakashi, N’abo abakatemuka myanda. Nankalesha bia makita mwiilu, Na bitundwilo hano hashi ha nsenga; Mase, na kālo, n’ebungibungi dia mwishi. Nguba akālulwa ta mufito, Na mweshi aukālulwa bu mase, Kwibedi diadia efuku dikata dineme dia Yeowa tadiabandjile kufika. Hakukekala biabia, boso abaketanyina h’eshina dia Yeowa abakahashibwa. Anwe Bena Isalele, hushai bino bishima: Yesu a ku Nasaleta, muntu mukuminyibwe n’Efile Mukulu munkatshi mwenu ku bilengyeleshi na bia makita na bitundwilo, bibakitshine Efile Mukulu n’e munkatshi mwenu, anka mwanwiuku’nwe ba na bene; Anka Yawa, hakufwishwa ku binangu bibasangwile Efile Mukulu na kwiuka kala kwe, anwe nubamukwete, nubamubambile ku mutshi uhingishene, nubamwihayile ku maasa a bantu be bubi. Winyi a hasangwile kwi Efile Mukulu, bamuhoswele ku mitanyo ya lufu; mwanda kibakutshilwe e kubambilwa n’alo. Mwanda Dafidi bamwakwidile’shi: Namwene Yeowa ku mpala kwande mafuku oso, Mwanda nyi e ku mboko yande yibalume bianshī akususakana, Ha uno mwanda eshimba diande dibasehela n’edimi diande dibasangashena; Nyi ha mwanda aukekela mbidi yande na kutengyela. Mwanda obe tokalekye eshimba diande mu kalunganyembo. Sunga kukumine Muhatulwe obe e kishila kunyanga. Bohu kunukisha mashinda a muwa; Okanusha na kusehela ha mwanda wa mpala yobe, Anwe bakwetu, nundekye, nakule kwanudi ha mwanda wa shyetu-kulu Dafidi eshi, bafwile, ashīkwa na kilele kie, ki n’etu mpaa na lelo uno. Binyibiabia hakwikala bu mutemuki, na ha kwiuka’shi, Efile Mukulu bamutshihile mutshiho’shi: Ku bikuba bia munda m’ōbe, mulombene mbidi, nankabusha Kidisitu kushala ha luhunā nsulu lwe. E, ha kushingula uno mwanda ku mpala, bākwile ha mwanda wa lusangukilo lwa Kidisitu, ’shi; eshimba die tadikalekībwa mu Kalunganyembo, sunga mbidi ye tanginyangye. W’inyi Yesu Efile Mukulu bamubushishe, ha uno mwanda nwihatudi bu tumonyi. Binyibiabia tadi mukamishibwe ku mboko yibalume y’Efile Mukulu, na habatambwile kwi Shye mulayilo wa Kikudi-E-Selelee, e bahongwele kino kianumono na kianuhusha binobino. Mwanda Dafidi tamukamine mwiilu, ooo, anka e na mwinyi bakwile’shi: Yehowa balungwile kwi Nfumwami’shi: Shāla ku mboko yande yi balume, Mpaa na hankālula bakushikwe bu kitulo kia ngwa yobe. Henyihaha boso ba ku nshibo ya Isalele beukye biya’shi, Efile Mukulu batule uno Yesu anubabambile ku mutshi uhingishene, bu Nfumu na bu Kidisitu. Abo habahushishe biabia, mashimba’bo abatahikile, abehwishe Petelo, na bangi batumibwa’shi: Anwe bakwetu, atukitshi na minyi? Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee. Mwanda winyi mulayilo ngwenu, na kwi bana benu, na kwi boso be kula, mpaa na kwi boso abaketaminyibwa kwi Nfumwetu Efile Mukulu. Biabia bebalungwile na yingi myanda yibungi, na kwi balanga’shi: Ehashei ku kino kihungilo kia bantu bashībalulame. Binyibiabia abo abakuminyine eyi die na musanko, ababatshihibwe: na kudiadi ’efuku bantu bu binunu bisatu bibebatentekyelwe kwabadi. Abo abalamete biya mu lulambukisho lwa batumibwa, na mu kihwano, na mu kutshimuna kwa mampa, na mu nteko y’Efile Mukulu. Biabia moo ubakwete bantu boso; na biamakita bi bungi, na bitundwilo bibakitshinwe kwi batumibwa, Bakumine boso abadi belamitshishene hamune, na bintu biabo bioso bibadi anka bu kiabo’bo boso. Biabia abahena biabuheta bwabo na bingi bintu, tabābila’bio kwi boso bashī n’abio. Abo abadi bekale n’eshimba dimune mu ntempelo kwifuku n’efuku, na kutshimuna dimpa ku mashibo ku mashibo, abādi bidibwa biabo na kusehela n’eshimba dimune. Abadi abatumbisha Efile Mukulu, abadi bakuminwe na bantu boso. Yehowa batentekyele abo ku Kikoñeno kikūlwe n’Efile, efuku n’efuku mwabadi akuhashībwa. Henyihaha Petelo na Yoano abadi abakamina mu ntempelo ha nsa ya kuteka, yinyi nsa nyingisatu ya kiolwa. Kubadi muntu kishete kasha batandjilwe munda mwa nyin’e, abadi abamutulu kwifuku n’efuku ku kibelo kia ntempelo, akitemunwa bu Kibuwa, atekye biabuntu kwi abatwele mu ntempelo; E hakumona Petelo na Yoano tabadi abatwele mu ntempelo, bebatekyele biabuntu. Petelo, habamutale swee na Yoano hamune, bamulungwile’shi: Etutale. E batele eshimba na kutengyela’shi, nankatambula kintu kwabadi. Binyibiabia Petelo bakwile’shi: Mpata na nfalanga ya nsahabu nki n’ayo, ooo, anka kino kiandji n’akio, nankuha’kio. Mwishina dia Yesu Kidisitu a ku Nasaleta, ebwe, otambukye. Biabia bamukwatshile kwiasa die dibalume, amwimika. Henyihaha kahindji n’aka ngwa na tuhulu twe bibanyingile, N’e batambukile kwiilu, bemene, tatambuka, batwēle n’abo mu ntempelo, kwete kutambuka na kutumbuka, na kutumbisha Efile Mukulu. Bantu boso abamumwene kwete kutambuka na kutumbisha Efile Mukulu. Abeukile namu’shi, nyi winyi badi ashāla ku kibelo kibuwa kia ntempelo; abakanyine bikata na kuhūla ha mwanda wa kibamukitshinwe. Kishete habadi mulamate kwi Petelo na Yoano, bantu boso abekongyele hamune lubilo kwabadi mu kishikamino akitemunwa bu kia Nsolomone, bakwete kukanya. Petelo habamwene biabia, bālulwile kwi bantu’shi: Anwe Bena Isalele, a nkinyi kianukanya kino? A nkinyi namu kianwitubandjila mbu kwamba’shi, tubatambusha uno muntu ku bukome bwetu bu na mwinyi, su ku bwin’Efile Mukulu bwetu? Efile Mukulu a Abalahama n’ā Isaka, n’ā Yakoba, Efile Mukulu a bashyetu batumbishe Mwan’e Yesu; winyi anubatule ku kimu, nubamutūne namu ku mpala kwa Pilata, habadi n’eshimba dia kumuhosola. Ank’anwe nubatūne winyi Muhatulukye-E-Kishila, Mululame, nubatekyele namu ntomboshe kwinuhēbwa; Nubehayile Muhangi a muwa, winyi abasangwile ku lufu kw’Efile Mukulu; ha uno mwanda, twi bu tumonyi. Nyi lukumino lwa mwishina die lubanyisha uno muntu bukome, anumumono na meso, nakumwiuka: ee, nyi lukumino lwi kwadi lubamuha buno bukome bukumbane ku meso kw’anwe boso. Binobino bakwetu, neuku’shi, nyi ha mwanda wa luhatamino nubakitshine biabia, na bamunyi benu hamune. Anka yino myanda yibalesheshe Efile Mukulu kwibedi mu kanwa mwa batemuki be, eshi: Kidisitu akekufwambuka e beyikumbasha. Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba. E akatumu Yesu Kidisitu, winyi badi mulungulwe kwanudi kwibedi. Nkihwandjikile mwiilu kumutambula mpaa na ku bihindji bia kulumbula kwa bintu bioso, bibakwile Efile Mukulu ku kanwa kwa batemuki be bahatulwe-be-kishila, kasha babangile hanohansenga. Binbibinyi Mosesa bakwile kwi bayaiya’shi: Yehowa Efile Mukulu enu, akenwiboshesha mutemuki a ku bakwenu, anka hamune bu’mi, e nukamwifwakene mu myanda yoso yiakenulungula, su nkinyi su nkinyi. Akukekala’shi, su nanyi, su nanyi shyakefwakena yawa mutemuki akalwishibwa munkatshi mwa bantu. Binyi binyi batemuki boso, kubanga ku Samwele, mpaa na kwi-ba abamulondele kumongo, baba abadi abākula, abatemukile hamune ha myanda y’ano mafuku. Anwe nwi bana ba batemuki, na ba kihwano kibakitshine Efile Mukulu na banshyenu-kulu, habākwile kwi Abalahama’shi: Mu kekulu kobe bifuko bioso bia hanohansenga abikēlwa mwabi. Efile Mukulu hakwibosha mufubi e Yesu, bamutumine kwanudi kwibedi mu kwinuha mwabi wa kwinwalula’nwe boso ku bubi. Habadi abākula kwi bantu, batshiite-bakwidi na kimankinda kia mu ntempelo, na Basadusea abafikile kwabadi. Abadi na kinfwa ha mwanda abadi abalambukisha bantu, na kwibalungula’shi: Mwi Yesu mwi lusangukilo lwa bafwe ku lufu. Abebakwete, abebatudile mu nshibo ya mashika, mpaa na habubatokyele; mwanda nguba tabadi hehi kuhona. Anka bebungi b’aba abahushishe mwanda w’Efile Mukulu abakuminyine: bungi bwa bana-balume bubadi bu binunu bitano. Bitabibakitshine h’efuku dia maloba, batontshi babo, na bakulu, na bafundji-ba-mikanda, na Anasa tshiite-mwakwidi mukata, na Kaifasa, na Yoano, na Alekasanda, na boso ba ku kifuko kia tshiite-mwakwidi mukata abadi bekoñene mu Yelusalema. Hābebatūle munkatshi, abebehwishe’shi: Anubakitshi kino na bukome kinyi, su mwishina di’anyi? Binyibiabia Petelo, muule nda na Kikudi-E-Selelee bebalungwile’shi: Anwe batonsthi ba bantu, na bakulu ba Isalele: Lelo uno su’twe behushibwe ha mwanda wibuwa ubakitshinwe kwi muntu mulemane’shi, ebahashibwa na minyi; Nwiukye uno anwe boso, na bantu boso ba Isalele’shi, nyi mwishina dia Yesu Kidisitu a ku Nasaleta anubabambile ku mutshi uhingishene, winyi ababushishe kw’Efile Mukulu ku lufu, nyi anka kwadi e uno muntu mwimane ku mpala kwenu na bukome. E nyi’bwe dibabendelwe n’anwe bebaki, dinyi nyi dibekala mutwe w’ehaka. Sunga mu dingi tamwi kihandjilo, ooo; mwanda tamwi dingi eshina mushi mwiilu dibahebwa munkatshi mwa bantu diatukahandjila. Binyibiabia habamwene eshimba di hoo dia Petelo na Yoano, na hakushingula’shi, mbahatamine, tabeuku mikanda, abakanyine, abebashingulwile’shi, abadi na Yesu. Na hakumona muntu badi muhashibwe mwimane n’abo, abakutshilwe bia kwakula. Anka habebalungwile kwishesha ku kimu, abesambile munkatshi mwabo, abo bana bene’shi: Atukitshi bi kunyi kwi bano bantu? Mwanda binyibinyi kilengyeleshi ki moo kibakitshinwe kwabadi kibamwekyelwe kwi boso ababombela mu Yelusalema; n’atwe tatwiuku kwikituna. Anka tunyishe kwibadimuna’shi, balekye kwakula dimonyi mu dino eshina sunga kwi muntu umune, tala wakahalakana munkatshi mwa bantu. Biabia abebetanyine, abebakamikidile’shi: Tanukumanga kwakula, sunga kulambukisha mwishina dia Yesu. Anka Petelona Yoano bebālulwile’shi: Nusangule su nkikile buwa ku mpalakw’Efile Mukulu kwinwifwaken’anwe su Efile Mukulu. Mwanda tatwiuku kwakula yingi, anka yaya yiatubamwene na kwihusha. Binyibiabia habebadimwine dimonyi abebahoswele ha mwanda wa bantu, mwanda tabamone bia kwibamwesha malwa; mwanda bantuboso abadi abatumbisha Efile Mukulu ha mwanda w’akia kibakitshinwe. Winyi muntu habadi mukitshibwe kino kitundwilo kia kuhashibwa, tabadi mukishe bihwa makumi ananka. Na hakwangudibwa, abayile ku kibumbu kiabo, abebalubwidile yoso yabebalungwile kwi batshiite bakwidi bakata na bakulu. N’abo habahushishe biabia, abanyishishe mayi abo n’eshimba dimune kw’Efile Mukulu’shi: A Mwanana, obe Efile Mukulu bahangile eilu na nsenga na kalunga ka mema, na bioso bi mwanka, Obe bōkwile mukanwa mwa mufubi obe Dafidi’shi: A Badjentaila abafune na nsunga, Na bantu abele binangu bia myanda ya bisumanga na minyi? Bafumu ba hanohansenga abebwēle, Na batontshi abekongyele Yehowa na Kidisitu e kumudila lukuku. Mbinyibinyi mu kino kibalo Heloda na Ponteuse Pilato, na Bena Isalele abekoñene hamune na Badjentaila kubwela na mwan’obe Yesu muhatulwe-a-kishila winyi, ōbe oboshingile mwimu wa bufumu. Mu kukita yoso yibasangwile eyasa diobe na binangu biobe kwibedi’shi: yikitshibwe. Binobino, obe, Yehowa tala kulaa kwabo, banda kwituha atwe, bafubi bobe mwa kwakwila mwanda wobe na mashimba a nyingye. Mu kōla eyasa diobe dia kuhasha bantu na bitundwilo na bia kukanya bikitshibwe mwishina dia mwan’obe muhatulwe-a-kishila Yesu. Henyihaha habādi abatekye Efile Mukula, amwa mwābadi bakumbene hamune mubasushile, boso bwabo abadi baule ndā na Kikudi-E-Sele-lee, abakwile mwanda w’Efile Mukulu na kunyinga kushī na moo. Kibumbu ki’ aba abadi bakumine kibadi na mashimba amune, na muwa wabo umune: takubadi sunga ngumune amba’shi: Yino mono ngiande anka’mi na mwinyi, ooo; yibadi yabo abo boso. Biabia batumibwa abadi na bukome bukata bwa kulungula mwanda wa lusangukilo lwa Nfumwetu Yesu; na bumuntu bwimoo bubadi habadi boso. Munkatshi mwabo takubadi sung’umune balobeshe bintu; mwanda wa baba abadi basha nsenga, su basha mashibo, abebihene, abafwishishe miulo ya bintu biabahanyine. Abeyitule ku ngwa ya batumibwa; abeyiabene muntu ye muntu ye mulombene muntu na lukalo lwe, muntu na lukalo lwe. Na Yosefe, baudikilwe kwi batumibwa bu Banabasa, (kuhatula nyi nkwambashi, Mwan’a Kisengyelo) mwina Lewi, a ku nsenga ya Saihulusa. Ha kwikala n’efuba, bedihene, bafwishishe mono, beyitudile ku ngwa ya batumibwa. Anka kubadi muntu eshina die bu Ananaisa na mpian’e Safaila, abahene kintu kiabadi n’akio, abafile kihindji kia mulo, mpian’e badi mwiūkye, bafwishishe kingi kihindji, bekitudile ku ngwa ya batumibwa. Anka Petelo bakwile’ shi: A Ananaisa, a nkinji Satana bausha eshimba diobe kudimba Kikudi-E-Selelee, na kufia kingi kihindji kia mulo w’efuba? Hadibadi kwanka, tadibadi bu diobe be? na hobohu kwidihana tadikalanga’nka mwamuleyebela eshimba diobe be? A nkinyi kibokumina uno mwanda kwikala mwishimba diobe? twemudimbe bantu’be nyi Efile Mukulu. Biabia Ananaisa hakuhusha bino bishima, bahonene hashi, afwididila; abahushishe yino myanda abakwetwe na moo ukata. Basongwalume abebwele bamwanya, bamutwala, batuka n’e hasha mu kumushika. Habakile kihindji su mbu nsa yisatu, mpian’e namu batwelele, tamwiukye kibakitshinwe. Petelo bamwihwishe’ shi: Ndungule su nubahene nsenga ku mulo ukampanda? E bamwalulwile’shi: Ee, anka ku biabia. Henyihaha Petelo bamwambile’shi: A nkinyi kianubalombana hamune kutompa Kikudi kia Yehowa? Tala, ngwa yiabashikanga mulunda obe ngia yi ha kibelo, ayikakutwala, yitukye n’obe hasha. Binyibiabia bahonen’anka hanka ku ngwa ye, afwididila: biabia basongwalume abatwelele, bamusañene mufwe, abatukile n’e, bakamushika hehi na mulunda e. Binyibaibia kikoñeno kioso ki’Efile Mukulu kibakwatshilwe na moo ukata, na kwi bangi abahushishe yino myanda namu. Na ku māsa a batumibwa kubakitshinwe bitundwilo, na bia kukanya bibungi munkatshi mwa bantu, (n’abo boso abadi n’eshimba dimune mu kishikamino kia Solomone. Biabia bangi tambakume kwisoba kwabadi, ooo, anka bantu abebatumbishe. Na bakumine abakile kufwimishwa kwi Nfumwetu, bibumbu na bibumbu bia balume na bia bakashi.) Nyi hābafishishe bambabashi ba masungu mu misee, bebaladisha ha nsala na ha mambata’shi, sunga mwesheshi wa Petelo, ha kukila su mbiaudia kubwikila bamo b’abo. Ku Yelusalema kubafikile namu kibumbu kia mu bibalo bibadi ’makunkula, kikwete kufisha bambabashi, n’aba abadi bakwatwe na bikudi bibutete, abahwishishwe abo boso. Henyihaha tshiite-mwakwidi badi hanundu ha bakwabo bebwele, na boso babadi n’e (abadi ba ku luhese lwa Basadusea) abakwetwe na nsungu, abakwete batumibwa, bakebatwesha mu nshibo ya lukano yiabatulā bantu boso. Anka bufuku mwikeilu a Yehowa bashitwile bibi bia ku nshibo ya lukano, bebatushishe hasha’shi: Ndai, nukemane mu ntempelo, nukalungule bantu boso bishima bioso bia uno muwa. Abo hakuhusha biabia, abatwele mu ntempelo na mashik’ēse bwee, tabalambukisha; anka tshiite-mwakwidi e hanundu ha bakwabo, bafikile n’aba badi n’e, bakongyele kikoñeno kia kimu na bakulu boso ba ku bena Isalele, batumine muntu ku nshibo ya lukano kwibafishe. Anka habafikile tuhalai tambebahete mu nshibo ya lukano, abālukile, bakebalungula’shi: Tubasañana nshibo ya lukano ngifungibwe anka hoo, na bansamo namu abadi bemane ku kibelo; anka hakwibishitula tubasangana mwi bisumanga, sunga ngumune. Binyibiabia tshiitemwakwidi e hanundu ha bakwabo, na kahitene ka mu ntempelo, na batshiite-bakwidi bakata, habahushishe yino myanda, mashimba’bo abadi akalakala munda su uno mwanda aukekwikala na minyi. Henyihaha umune bafikile, bebalungwile’shi: Talangai, benyi bantu benubatwesheshe mu nshibo ya lukano, mbaba bemane mu ntempelo, bakwete kulambukisha bantu. Binyibiabia kahitene bayile na tuhalai mu kwibafisha, kushī ha bukoho; mwanda abatshinyi bantu’shi, tala betuasa mabwe. Habahwile kwibafisha, bebatudile ku mpala kwa kimu. Biabia tshiitemwakwidi e hanundu ha bakwabo bebehwishe’shi: A tatwibenukamikye’shi; tunukalambukishanga mu dino eshina, talangai, nubausha Yelusalema ese na lulambukisho lwenu, anukimbi namu mwakwitufishisha mase a uno muntu kwatudi. Henyihaha Petelo na batumibwa abālulwile’shi: watudi n’ao ngwa kukokyela Efile Mukulu he kwi bantu. Efile Mukulu a bashyetu-kulu babushishe Yesu anubabambile ha mutshi uhingishene. E Mwanabuwa, na bu Muhashi, Efile Mukulu bamukamishe ku mboko yibalume ye, ha mwanda wakuhabena Isalele lwilango lwa mashimba na lulekyelo lwa milwisho. N’atwe twi tumonyī’twe twa yino myanda; na Kikudi-E-Selelee hamune, nyi Efile Mukulu bamuhele’ba abamukokyela. Habahushishe uno, abatahilwe ku mashimba, abebadidile lukūku lwa kwibeha. Henyihaha kubebwele umune a mu kimu, Mufadisea, eshina die mbu Ngamadiele, mulambukishi a bishila, badi munemekwe munkatshi mwabantu boso, bakamikile’shi: Batumibwa batushibwe kihindji kihela. Bebalungwile’shi: Anwe Bena Isalele, dimukai anwe bana bene mwanukyebe kukitshina ha mwanda wa bano bantu. Mwanda kwibedi ano mafuku kubebwele Teudasa, badi mwinemekyeshe: Nyi muntu mukata; kwadi, kibumbu kia bantu, bu nkama yinanka kibafumankene; bayihayilwe, na bantu boso abadi bamukokyele abahalakeshwe na kufishwa bu bisumanga. Ku nyima kwa uno muntu kubwebwele Yudasa a ku Ngadilea, mu mafuku a lubadiko lwa bantu, e bōngwele bantu be bungi ba kumulonda; e namu bayihayilwe na boso, abadi bamukokyele abahalakene. Binobino nenulungula’shi: Katukai ku bano bantu, tanwibakitanga kintu, mwanda su kano kalolo na uno mufubo mbia bantu, biabia abikafiki bu bisumanga. Anka su mbi’Efile Mukulu, anwe tanukamono mwa kwibihonesha, tala hangi nwakasañanwa bu abalua ngoshi n’Efile Mukulu. Biabia abamukuminyine; henyihaha habaitanyinwe batumibwa, na kwibakuhila, abebakamikile’shi: Tanukākulanga dimo mwishina dia Yesu; abebahoswele. Biabia abakatukile ku mpala kwa kimu bakwete kusehela’shi: Twibahwandjikile kumona būfu ha mwanda w’eshina die. Biabia abo, kwifuku n’efuku mu ntempelo na mu mashibo oso, tambalekye kulambukisha na kulungula ya Yesu’shi, e nyi Kidisitu. Biabia mu ā mafuku, habadi balondji bakwete kufwima, kubabukile miununo ya Bena Ngidiki, abaununa Bena Hebelu, mwanda bakashi-babo-ba-bafwe babadi abakunkulwa hakwābana bintu kwifuku n’efuku. Henyihaha bēkumi na babidi abaitanyine kibumbu kia balondji b’Efile kwabadi’shi: Tankuhwandjikile’twe kuleka mwanda w’Efile Mukulu na kutaā mashimba ku mufubo w’ano mesa. Biabia, anwe bakwetu kimbai munkatshi mwenu bana balume musambobidi, basha ntumbo yinemekwe, baushwe na Kikudi-E-Selelee na binangu, batudia kutula ha luno lukalo. Anka’ twe atukehana’twe bana bene ku nteko na ku mufubo wa bulungudi bw’Efile Mukulu. Uno mwisambo baseheshe mashimba a kibumbu kioso; biabia abasangwile Setefane, muntu muule nda na lukuluhilo na Kikudi-E-Selele, na Fidiha, na Mpokoluse, na Nikano, na Tyimone, na Mpamenase, na Nikola a ku Anteoka bafwile mu kwibanda; abo abakebatule ku mpala kwa batumibwa; biabia habahwile kuteka, abebatentekyele maas’abo ha mitwe. Binyibiabia mwanda w’Efile Mukulu ubatamine, na bungi bwa balondji b’Efile bubafwimine bikata mu Yelusalema; kibumbu kikata kia batshiite-bakwidi namu abakokyele lukumino. Binyibiabia Setefane, muule na lukuluhilo na bukome, bakitshine biakukanya bikata na bitundwilo munkatshi mwa bantu. Anka kubēbwele bamo ba ku kitumbwilo ki’Efile, akilumbwa bu Kitumbwilo kia Lebetyine na ba Cyreneense, na ba Alexandria, na ba ku Cilicie, na ba ku l’Asie abadi abahatakanya na Setefane. N’abo abakutshilwe mwa kukingila binangu na kikudi bibākwile n’abo. Henyihaha abayile mu kuha bantu matwēlo’shi, bakulei’shi: Tubamuhushishe kwete kwakula bishima bia kukaa Mosesa n’Efile Mukulu. Abo abafundula bantu na bakulu, na bafundjiba-mikanda, abamwihukile, bamukwata, abamufwishishe ku kimu. Abatule tumonyi twa madimi, bamba’shi: Uno muntu talekye kwakula bishima bia kukaa kino kihindji kihatulwe-ki-kishila, na mukanda-wa-bishila. Mwanda tubamwifwakana ākula’shi: Uno Yesu a ku Nasaleta akalwisha kino kihindji, akālula’nyi bihikwa bibetuhele Mosesa. Na boso abadi bashele mu kimu, habamutale kanana, abamwene lukyebo lwe talubadi bu lwa mwikeilu. Henyihaha tshiite-mwakwidi e hanundu ha bakwabo baihwishe’shi: Yino myanda ngia binyibinyi? Bamwambile’shi: Anwe bakwetu balume na bayaiya, hushai: Winyi Efile Mukulu a ntumbo bamwekyele kwi nshyetu-kulu Abalahama habadi mu Mesopotamie, kwibedi kwa kubombela mu Halana, bamulungwile’shi: Katuka mu nsenga yobe, na ku kifuko kiobe, wēnde ku nsenga yiankakulesha. Henyihaha bakatukile mu nsenga ya Bena Kaladea, babombele mu Halana: habahwile nshye, Efile Mukulu bamufilwile kwanka, amutula mu yino nsenga yanudi bashale binobino: E tamuhe mwanka buhyanyi, sunga mpa kwashina ngwa ye, anka bamulayile habadi te na mwana’shi: Nankakuha’yo ta ngiobeyobe na kwi twikulu tobe twatukekulonda. N’Efile Mukulu bakwile bino’shi: Tunkwatamanwi tobe twanakabombele mu nsenga ya mwinyi; banaketufishe mbuhika, na kwitumwesha malwa bihwa nkama yinanka. Ku wawa mwilo aukebamunu buhika, ami nakeutshibila kimu, bibākwile Efile Mukulu: kumongo kwa’bio abakakatuka, banfubile mu kino kihindji. Efile Mukulu bamuhele kilombeno kia kisale; biabia Abalahama batandjile Isaka, bamusale h’efuku dia mwanda; Isaka namu batandjile Yakoba; na Yakoba batandjile banshyetu-kulu b’ekumi na babidi. Benyi banshyetu-kulu abakwatshile Yosefe kiutu, bamuhana mw’Edjihitu; n’Efile Mukulu badi n’e. Bamwabwile mu bishiotshi bie bioso, amuha mwabi na binangu ku mpala kwa Falo, nfumu a Edjihitu: e bamutentekyele kwikala bu mutonishi-mukata-e-hanundu ha boso mu nsenga y’Edjihitu, na hanundu ha ba mu kihanga kie. Henyihaha kihuha kia nsala kibafikile ku nsenga yoso y’Edjihitu na ya Kanana, na malwa e moo; banshyetu-kulu tabadi abamono biakudia. Anka habaifwakene Yakoba’shi: Ngano yi mw’Edjihitu; batumine banshyetu-kulu kihindji kia kwibedi; na ha kia kabidi Yosefe beukishe kwi bakwabo; na kifuko kia Yosefe kibeukilwe kwi Falo. Henyihaha Yosefe batumine ba kwitanyina nshye Yakoba, na kifuko kie kioso, bantu makumi musambobidi na batano. Biabia Yakoba bayikile mw’Edjihitu, e bafwile, na banshyetu-kulu; n’abo abatwelwe mpaa na leu Shekema, abaladishwe mu kilele kibaule Abalahama ku mulo wa nfalanga kubana ba Hamola mu Shekema. Anka mwanda kihindji kia mulayilo kibefubwile hehi kiabalayile Abalahama kw’Efile Mukulu, bantu abakule na kufwimia mw’Edjihitu; mpaa n’ahakubebwele mungi nfumu lianundu h’Edjihitu, shī mwiukye Yosefe. E winyi bakitshine ya bulamalama na kifuko kietu, bamwesheshe banshyetu-kulu malwa’shi, basumbule bana babo bandekye’shi, bafwe. Haha nyi ha kino kihindji kibatandjilwe Mosesa, badi mwana mushalame, baledibwe mu nshibo ya nshye mieshi yisatu; habadi musumbulwe hasha, mwan’a Falo mukashi bamusangwile, amulela bu mwan’e na mwinyi. Mosesa badi mulambukishwe na kalolo koso ka Bena Edjihitu, badi na bukome mu bishima bie na bikitshino. Habadi mufishe bihwa hehi bu makumi ananka, mwanda ubafikile mwishimba die kutembela bakwabo Bena Isalele. Habamwene umune abo bamweshwa malwa, bamulamwinyine na kōbwela yawa amweshwanga malwa nakwiha mwina Edjihitu: Mwanda e badi atentekyesha’shi: bakwetu beukye’shi, Efile Mukulu akebahasha kwiyasa diande; ank’abo tambeukye. Binyibiabia h’efuku dibalondele e na mwinyi belesheshe kwabadi hābādi abula ngoshi, badi akyebe kwibasungwa, bebambile’shi: A balumiana, anwe nwi bantu bamune, a kianwitombokyeshena nkinyi? A nka yawa badi kwet’akitshi mukwabo bibi bamuhele elundu’shi: A bakutulu bu mutontshi na bu mulumbudi etu nanyi? Okyebe kunyihā bu bioyihayile mwina Edjihitu maloba su? Henyihaha Mosesa basukile ha uno mwanda, bakekele bu mwenyi mu nsenga ya Midiana, mubatandjile bana balume babidi. Habakile bihwa makumi ananka, kubamumwekyele mwikeilu mu kabāka ka ngulu ya Sinai, mwidimi dia kālo mwibūla. Mosesa habamwene biabia bakanyine kiakia kimonwa: habefubwile hehi kubandjila, kubafikile eyi dia Yehowa’shi: Ami nyi Efile Mukulu a banshobe-kulu, Efile Mukulu a Abalahama, n’a Isaka, n’a Yakoba. Binyibiabia Mosesa basushile moo, tamukume’nyi kubandjila. Henyihaha Yehowa bamulungwile’shi: Kasha bilata bi ku ngwa yobe, mwanda hantu hodi mwimane mpahatulwe-he-kishila. Nahu kumona binyibinyi malwa a bantu bande be mw’Edjihitu, nahu kwifwakana mitompolo yabo, nafiki mu kwibahasha; fika binobino nkutume kw’Edjihitu. Uno Mosesa ababatune’shi: Abakutulu bu mutontshi na bu mulumbudi nanyi? anka winyi e, nyi abatumine kw’Efile Mukulu’shi: ekale bu mutontshi na bu mukudi ku mboko ya winyi mwikeilu bamwekyele kwadi mwibūla. Uno muntu bebatushishe habahwile kukita yakukanya na bitundwilo mu nsenga y’Edjihitu, na ha diadi’Eshiba dimonga, na mu kabāka bihwa makumi ananka. Uno n’e winyi Mosesa bākwile kwi Bena Isalele’shi Efile Mukulu anakenubushishe Mutemuki munkatshi mwa bakwenu, hamunenka n’ami; nwimwihushe. Uno nyi badi mwikale mu kikoñeno ki’Efile mu kabāka na mwikeilu, winyi bākwile n’e na banshyetukulu mu ngulu ya Sinai. E nyi batambwile bishima bia muwa kwituha’twe. E winyi banshyetukulu tambamukokyele, ooo, anka abamubingile kwabadi, na mu mashimba’bo aba’lukile kw’Edjihitu. Na kwakula kwi Alona’shi: Etukitshine b’efile ba kwitubadidila ku mpala kwetu; mwanda winyi Mosesa betutushishe ku nsenga y’Edjihitu, tatwiuku kibamukitshi, Biabia mu aa mafuku abakitshine kana ka ñombe, abalambwile kitahilo ku winyi nkishi; tabasehela mu mifubo ya maas’abo bana bene. Binyibiabia Efile Mukulu bebafutalele, bebahene mu kulangwila kibumbu kia bi mwiilu; bu kibafundjibwe mu mukanda wa batemuki’shi: Anwe ba ku nshibo ya Isalele nubandangudile na nyama yitahwe. Na bitahilo mu kabāka bihwa makumi ananka su? Ee, nubātshile nshibo y’ehema dia Moleke, Na luenyenyi lwa nkishi enu Lefana; Bihwandjikisho bianubakitshine bia kulangwila, N’ami nankenukasha alwa luhese lwa Babelona. Banshyetu-kulu badi na kibombelelo kia bulungudi mu kabāka, anka mwabasangudile winyi bākwile kwi Mosesa’shi: Wekikite anka mwakidi kikele kihwandjikisho kibomono. Kinyi’kio banshyetu-kulu abalondele abafishishwe na Yoshua, habatweleleha buheta bwa Badjentaila, abadi abenda ababingwanga n’Efile Mukulu kumpala kwa banshyetukulu, mpaa na ku mafuku a Dafidi. Abatambwile bumuntu ku mpala kw’efile Mukulu, badi atekye’shi: ’Mone hakubombela ha mwanda w’Efile Mukulu a Yakoba. Anka Solomone bamwibakile nshibo. Anka winyi Mukilekile bukata tabombelā mu mashibo akitshibwe na maasa, ooo, anka mubakudile mutemuki’shi: Yehowa’shi: Eilu nyi luhun’a nsulu lwande, Na nsenga yi kitūlo kia ngwa yande, A nkihaso kia nshibo kinyi yianukanyibakila? Na mbalo kinyi yiankeikīsha’mi? A t’eyasa diande dibakitshine bino bintu bioso’bi? Anwe basha nkomonga, bashi basalwe ’mashimba na matwi, anukingīla Kikudi-E-Selelee kihindji kioso, anka mubakitshinyine banshyenu-kulu, anwe namu anukitshi. A mutemuki kinyi shi musabulwe na banshyenu-kulu? n’abayihayile’ba ababadidile kulesha kufika kw’awa Mululame; winyi anubālulukīle tanudi bu basha kihuko na bantomboshi; Anwe nubatambwile mukanda-wa-bishila ku bulumbudi bwa bamwikeilu, anka tanwibeulame, ooo. Habahushishe yino myanda abatahilw’e ’mashimba, bamudila mayoo. Ank’e muule ndaa na Kikudi-E-Selelee, batale mwiilu swee, bamwene ntumbo y’Efile Mukulu, na Yesu mwimane ku mboko yibalume y’Efile Mukulu. Bambile’shi: Talangai, namono mailu abashituka na Mwan’a Muntu mwimane ku mboko yibalume y’Efile Mukulu. Henyihaha abele bila na mayi akata, abashikile matwi abo, abamwihukile boso n’eshimba dimune. Biabia abamuhātwile hasha ha kibalo, bamwasa mabwe, tumonyi tubatudile mitwelo yabo ku ngwa ya nsongwalume, eshina die bu Saulu. Henyihaha abashile Setafane mabwe, habadi kwete kusendela’shi: Obe Nfumwami Yesu, tambula kikudi kiande. Henyihaha bakunamine, banyishish’eyi dikata’shi: Obe Nfumwami, tokebafishanga mu kimu ha uno mwanda; biabia habahwile kwakula bino, bahone mu tulo twa lufu. Saulu badi mukumine ha lufu lwe. Ha kiakia kihindji kubebwele kubingwabingwa kwi mooku kikoñeno ki’Efile kibadi mu Yelusalema. Abadi bahalakashwe kosokoso ku mpese yoso ya Yudea na Samadia, anka batumibwa abashele. Basha mudingo abashikile kitanda kia Setefane, abamudile mu mashimba bikata. Anka Saulu basalakene kikoñeno ki’Efile, badi kwete kutwela mu mashibo oso na kukaka balume na bakashi, na kwibēla mu nshibo ya lukano. Binyibiabia baba abahalakeshwe abayile kosokoso mu kulungula mwanda w’Efile Mukulu. Henyihaha Fidiha balalele ku kibalo kia Samadia, bebalungwile mwanda wa Kidisitu. Bantu abatēle mashimba’bo n’eshimba dimune kwi yaya myanda yibākwile Fidiha, habahushishe na kumona bitundwilo bibakitshine. Mwanda bikudi bibi bibadi mu bantu bebungi bibatukile, tabiele musase n’eyi dikata, na bebungi abadi na busungu bwa kususa, na balemane abadi abahashibwe. Mu’kia kibalo mubadi muloo ukata. Anka mubadi muntu eshina die bu Shimona, badi akitshi kala malenanyi a masende, na kukanyisha bantu ba Samadia, etemuna’shi: Ami nyi mukata. Boso abadi batē mashimba’bo kwadi, kubangile kwi mukile buhela, mpaa na kwi mukile bukata; abo’shi: Uno muntu nyi bukome bw’Efile Mukulu bukata. Kwadi e nyi kwabadi batē mashimba ha mwanda bebalengulanga na masende kihindji kikata. Anka hābakuminyine Fidiha badi alungula mukāndu-wibuwa wa Bufumu bw’Efile Mukulu n’eshina dia Yesu Kidisitu, balume na bakashi ababatshishwe ’mema. Henyihaha Shimona e na mwinyi bakuminyine namu; hababatshishwe, baikadidile na Fidiha, baka’nyine, bibadi kwete kumona bilengeleshi bikata na bitundwilo bibakitshine. Anka batumibwa abadi ku Yelusalema, habahushishe’shi mu Samadia abahu kutambula Mwanda w’Efile Mukulu, abebatumine Petelo na Yoano. Abo habālalele kwanka, abebatekyele’shi, batambule Kikudi-E-Selelee: Mwanda tabadi mubande kuhona habadi sunga mpa umune; anka babadi babatshishibwe mwishina dia Nfumwetu Yesu. Henyihaha abebatentekele maasa’bo batambula Kikudi-E-Selelee. Biabia Shimona habamwene’shi, mu kutenteka kwa maasa kwa batumibwa Kikudi-E-Selelee bahebwa, bebatambikile nfalanga’shi: Mpei buno bukome namu’shi, kw’ese ankatenteka maasa, atambule Kikudi-E-Selelee. Anka Petelo bamulungwile’shi: Mono yobe yilwile n’obe, mwanda botentekyesha’shi, buntu bw’efile Mukulu abūlwa ku mono. Twe na sunga kihindji kihela kiakuhebwa kantu ka mu uno mwanda, mwanda eshimba diobe tandjilulame ku meso kw’Efile Mukulu. Binyibiabia welangye mwishimba ku buno bubi b’obe, otekye Efile Mukulu su akakulekyela myanda yiohwandjikisha mwishimba diobe. Mwanda nakutundula biodi mwalulukye bu ndulumutshi na kwanyibwa mu bubi. Henyihaha Shimona bālulwile’shi: Ntekyelei’nwe kwi Nfumwenu tala sunga nkimune kia biabia bianubākula kiakafika kwandji. Binyibiabia habahudisha kwakula bu kamonyi na kulungula Mwanda w’Efile Mukulu, abālukile ku Yelusalema, tabalungula mukāndu-wibuwa ku bibalo bibungi bia Bena Samadia. Anka mwikeilu a Yehowa bākwile kwi Fidiha’shi: Ebwe, wende ku luhese lwa Sude, mpaa na kwishinda adiende ku Yelusalema na ku Ngasa. Alo ndwa kabāka. Biabia bebwele, enda, talanga, muntu mutungulwe, mwina Ethiopia, sha matalwa e moo, badi kunyima kwa Kandase nfumu mukashi a Bena Ethiopia, badi na bulami bwa mono ye yoso yineme; badi mufikye ku Yelusalema mu kulangwila. Habadi kwete kwaluka, e mushale mu ngalafwanda, badi kwete kubala mukanda wa Esaiye mutemuki. Henyihaha Kikudi-E-Selelee bambile Fidiha’shi: Efubuile hehi, olamate ku uno ngalafwanda. Biabia Fidiha bakamine lubilo kwadi, bamuhushishe kwete kubala ha mutemuki Esaiye, bamwihwishe’shi: Oshingula kino kiobala su? Bamwalulwile’shi: Neuku na minyi, anka su nyi na umo kundesha. Biabia basendelela Fidiha’shi: Kamina muno, oshale n’ami. Kihindji kia Bifundwe-bi ’Efile kibadi abala nyi nkino’shi: Badi afungwa mu kutahibwa bu mukoko, Na kūmina nya bu mwan’a mukoko atshibwa bwaa; Biabia tamubule mukanwa mwe. Mu kufukūlwa kwe kitshibilo kie kibakashibwa. Akalesha ku musuku we nanyi? Mwanda muwa we ubakatushwa hano ha nsenga. Biabia mutungulwe baihwishe Fidiha’shi: Nakusendela a winyi mutemuki besambile’yo nanyi, beakudile’nyi, bakwilanga mungi? Henyihaha Fidiha babulwile mu kanwa mwe, babangile ha kinyi Kifundwē’kia kumulungula wa Yesu. Biabia habadi abende mwishinda babafikile ku mema; binyibiabia mutungulwe bākwile’shi: Tala mema biadi, akankutshishwa kubatshishwa nkinyi? Fidiha bamwalulwile’shi: S’okumina n’eshimba diobe dioso, biabia weuku kubatshishwa; ebālulwile’shi: Ami nakumina’shi, Yesu Kidisitu nyi mwan’Efile Mukulu. Binyibiabia bakamikile’shi: Ngalafwanda emane: biabia abo boso bubidi abayikile ’mema, Fidiha na winyi mutungulwe; na kubatshisha bamubatshishe. Henyihaha habahwile kwabuka mu mema, Kikudi-E-Selelee a Yehowa bātshile Fidiha, na winyi mutungulwe tamumone’nyi dimo, ooo; biabia bayile mwishinda die, ende asehelanga. Anka Fidiha badi musananwe ku Asotusa, n’e kwete kuhwadishena balungwile mukāndu-wibuwa mu bibalo bioso, mpaa na kufika ku Kesalea. Henyihaha Saulu badi kiafunu milayilo na lufu, kwi bana ba-bukishi ba Nfumwetu, e bayile kwi tshite mwakwidi e hanundu ha bakwabo, kumuteka mikanda ya kwenda n’ayo ku Ndamasaka mu bitumbwilo’shi: Su nankamono ba mu dino eshinda, sunga mbalume sunga mbakashi, nkebafishe bafungibw’e ku Yelusalema. Binyibiabia habadi tēnde, bafikile hehi na ku Ndamasaka, kahindji n’āka kubamumunyikile etata dia mwiilu dimwifunye. Biabia e bahōne hashi, bahushish’eyi adimulungula’shi: A Saulu, a Saulu, a nkinyi kiokwete kumbingila bingila? Biabia, bamba’shi: A Nfumwami, a n’obē’ nanyi? Biabia Nfumwetu’shi: N’ami Yesu okwete kubinga. Kibukoho’be bitahwa kutuna. E badi kwete kususa na kukanya, amba’shi: A Mwanana, okyebe nkukitshine kinyi? Nfumw’e namu’shi: Ebwe, wende, otwele mu kibalo, akikakulungulwa biodio kukita. Biabia aba bantu babayile n’e, abayimene nyaa, bakwete kuhush’eyi anka tambamone muntu. Henyihaha Saulu babukile hashi, na hakubula meso, tamumone muntu; anka bamukunkusha kwiasa, abamufishishe ku Ndamasaka. Badi mafuku asatu kushī kumona, sunga nkudia su nkutoma. Talai, mu Ndamasaka mubadi mulondji, eshina die mbu Ananaisa; Nfumwetu bamulungwile mu kimonwa eshi: Ananaisa. E namu’shi: N’ami’no Mwanana. Nfumwetu bamulungwile’shi: Ebwe, wende mu luhata alutemunwa bu Lululame, wehushe mu nshibo ya Yudasa muntu eshina bu Saulu, mwina Tasuse, mwanda e kwete kuteka Efile Mukulu. E namu bamwene mu kimonwa, muntu ēshina die bu Ananaisa, kwete kutwela mu kutenteka eyasa hadi, mwadia kumwena meso. Henihaha Ananaisa bālulwile’shi: A Mwanana, tampushishe kwi bebungi abikitā uno muntu bibubi kwi bahatulwe bobe be kishila mu Yelusalema. Haha’nyi dimo ngiawa e na matalwa a ku batshiitebakwidi bakata a kushitshika n’ao boso abetanyinā h’eshina diobe. Anka Nfumwetu bamulungwil’eshi: Banda kwenda, mwanda e musangulwe n’ami kutwala eshina diande ku mpala kwa mīlo na banfumu, na kwi bana ba Isalele. Mwanda nankamulesha mwakafwambukila mu bintu bibungi ha mwanda w’eshina diande. Biabia Ananaisa bayile, akatwela mu nshibo mu kumutenteka maasa’shi: Mukwetu Saulu, Nfumwetu nyi Yesu, mwekyele kodi mwishinda, hwekalang’ofiki, nyi ntumine mwodiokumwena meso na kuushwa na Kikudi-E-Selelee. Kahindji n’āka ku meso mubahone bibadi bu bibwabwa; babule meso, bamwene, ēbwaa, babatshishwe na kubatshishwa. Habadile bidibwa, banyingile. Henyihaha Saulu bashelele mafuku na balondji b’Efile babadi ku Ndamasaka. Biabia kahindji n’āka talungula mwanda wa Kidisitu mu bitumbwilo’shi: E, nyi mwan’Efile Mukulu. Anka boso hakumuhusha abakanyine, baihusha’shi: Au ta ngwi’nyi balwishanga babaitanyinanga dino eshina mu Yelusalema? A babafwile muno nank’abo’shi: nkebafishe bānye ku batshiite-bakwidi bakata. Anka Saulu badi kwete kutama mu bukome, bahatakeshe Bena Yuda babombele mu Ndamasaka, badi kwete kwibashisha’shi, uno nyi Kidisitu na mwinyi. Habakumbene mafuku ebungi, Bana Yuda abamudidile lukuku lwa mwakumwihayila, anka Saulu beukile kubembela kwabo, abadi abatala ku bibi bufuku na kanya mwa kumwihayila. Henyihaha balondji abamwatshile bufuku, abamwikishe ku lubumbu mu kisele. Habafikile Saulu ku Yelusalema, batompele kwilamika ku balondji; ank’abo boso abadi abamutshinyi tambamukumine’shi, e mulondji. Anka Banabasa bamwatshile, bamufwishishe kwi batumibwa, bebalungwile mubamwenene Nfumwetu mwishinda, besambe n’e na mubamulungudile, n’eshimba di bukome mwishina dia Yesu ku Ndamasaka. E bashelele n’abo, badi kwete kutwela na kutuka mu Yelusalema. Bakwile n’eshimba di bukome mwishina dia Nfumwetu Yesu, belele mpaka na ba Yudea ba Ngidiki, anka’abo abadi abakindakena mu kumwiha. Anka habeukile bakwabo biya biabia abamwalaleshe ku Kesalea, na kumutumina ku Tasuse. Henyihaha bikoñeno bi’Efile moso mu Yudea na mu Ngadilea na mu Samadia, bibahohelele biya; babadi bakankamane; na ha kutambuka mu moo wa Nfumwetu na mu lusengyelo lwa Kikudi-E-Selelee, abafwimine na kufwima. Bitakubakitshine, habadi Petelo akidi mu mpese yoso, balalele namu kwi bahatulwe-be-kishila ababombele mu Leda. Basañene kwanka muntu eshina die bu Eneasa; badi mulale ku lusala lwe bihwa mwanda; badi mufwe mbidi. Biabia Petelo bamulungwile’shi: Eneasa, Yesu Kidisitu akuhasha; būka, wale lusala lobe. Biabia kahindji n’āka babuku. Na boso ababombele mu Leda na Salone abamumwene, abālulukile kwi Nfumwetu. Binyibiabia mu Yoha mubadi mulondji eshina die bu Tabita, kuhatula kwa’dio nyi Dokasa. Uno mwana mukashi badi mukambe na bikitshino bibuwa na kuhana kwa buntu. Bitakubakitshine mu aa mafuku e bakumba busungu, bafwile, habahwile kumutumpa, abaladishe kitanda kie mu nshibo ya kwiilu. Na ha mwanda Leda badi hehi na ku Yoha, habahushishe balondji’shi: Petelo e kwanka, abatumine balume babidi kwadi kumusendela’shi, afikye kwatudi kushi kushingakana. Henyihaha Petelo bebwele bayile n’abo. Habafikile, abamukamishe mu nshibo ya kwiilu; bakashi boso ba bafwe abaimene hehi bakwete kudila, na kulesha binkutu na mitwelo yibakitshine Dokasa habadi ki n’abo. Anka Petelo bebatushishe boso, bakunamine hashi, tatekye; bealulwile kwi kitanda’shi: A Tabita, buka. Henyihaha babulwile meso e, na habamwene Petelo, bashalele. Biabia bamuhele mboko ye bamwibwesheshe, habaitanyine bahatulwe-be-kishila na bakashiba-bafwe, bamulubwile kwabadi tātala. Binyibiabia ubeukilwe moso mu Yoha, na bebungi abakuminyine mwi Nfumwetu. Bitabibakitshine, e nkwikala mafuku ebungi mu Yoha kwi Shimona mulumbudi a misekya. Mu Kesalea mubadi muntu eshina die bu Konelusa, kimankinda kia kibumbu kia ngoshi, akitemunwa bu kia Bantadiana. Badi muntu mululame, badi atshinyi Efile Mukulu na ba munshibo ye boso hamune, badi aha bantu bia buntu bibungi, badi alangwila Efile Mukulu mafuku oso. Habadi nguba su ha nsa yisatu ya kiolwa, bamwene kimonwa, mwikeilu e’Efile Mukulu kwete kufika kwadi, na kwakula kwadi’shi: Konelusa: Habamushinkikile meso, bakwetwe na moo, bambile’shi: A nkinyi Mwanana? E bamwalulwile’shi: Nteko yobe na bia buntu biobe bibakamine ku mpala kw’Efile Mukulu bu kitentekyesho. Binobino otume bantu kwi Yoha mu kwitanyina Shimona, aitanyinwa bu Petelo. E mubombele kwa Shimona mulumbudi a misekya, nshibo ye yi ku bukunkula kwa mem’a kalunga: akakulungula biodio kukita. Winyi mwikeilu ha badi bakula na Konelusa, habakatukile, baitanyine bafubi babidi ba mu nshibo ye, na musalai mululame a ku baba abadi abamufubila mafuku oso; biabia habebalungwile yino myanda yoso, bebatumine ku Yoha. Ha ding’efuku dia maloba, habadi abēnde luendo lwabo, na hakwishesha hehi na kibalo, Petelo bakamine hanundu ha nshibo mu kuteka, nguba tabādi hehi mitwe. Biabia nsala namu yibamukwete, takyebe kudia, anka habadi abalumbula biakudia, balotakēne kilotwa. Bamwene eilu dibabuluka, na kintu kibadi akiiki kwadi, kibadi bu kilamba kikata, akiiki hashi kianyibwe ku matungi ananka. Amo mubadi bihaso bioso bia nyama ya hanohansenga yi na mikolo yinanka, n’ayi yi bukyelo, na bintu abilandala hashi, na tonyi twa mwiilu. Biabia eyi dibafikile kwadi’shi: A Petelo, buka, oyihē, odye. Anka Petelo bālulwile’shi: Ayoyo, Mwanana, ami, kashia, tandjile bintu abidiā bantu boso budyedye sunga bishidikwe kishila. N’eyi dibākwile kwadi diakabidi’shi: Kiakia kibatosheshe n’Efile Mukulu, tokwikilumba bu kia bisumanga. Kibakitshinwe biabia misusa yisatu, na kintu kibadi bu kilamba kikata kibālukile mwiilu. Na habadi Petelo kialashena munda mwe mwiyile kiakia kimonwa mwa kuhatulwila kianka, biabia benyi balume abatuminwe kwi Konelusa tabahwile kwihusha nshibo ya Shimona, abadi bemane ha kibelo; abetamine, behusha’shi: A Shimona, aitaminwa bu Petelo, mushale muno su? Habadi Petelo kwete kutentekyesha kimonwa, Kikudi-E-Selelee bamulungwile’shi: Tala, bulume basatu abakwihusha. Biabia, buka, oyikye hashi, wende n’abo kushī kushingakana, mwanda n’ami bebatumine. Henyihaha Petelo bayikile kwi balume babatuminwe kwadi kwi Konelusa’shi: Tala, n’ami uno anukimbi; akibenufwisha nkinyi? Abamwalulwile’shi: Konelusa, winyi mulami a basalai lukama, muntu mululame, na kutshin’Efile Mukulu, sha ntumbo yibuwa munkatshi mwa mwilo woso wa Bena Yuda, badimwinwe n’Efile Mukulu, kwi mwikeilu muhatulweakishila’shi, akutumine bakukufisha ku nshibo ye, na kukwilwakana biokākula. Henyihaha bebetanyine mwanka, ebatula mwa kushāla; habubatokele Petelo bayile n’abo. Na bamo bakwabo ba ku Yoha abamushindjikile. Habubatokele dimo abatwelele mu Kesalea. Konelusa badi ebatengyela, muhwe kukongola ba mu kifuko kie, na bakūku be. Habadi Petelo atwele, Konelusa bafumankene n’e, bahone ku ngwa ye, tamulangwila. Anka Petelo bamubushishe’shi: Ebwe, ami namu nyi anka muntu. Habadi akula n’e batwelele, basañene bebungi abadi bekoñene. E bebalungwile’shi: anwiuku’shi, mwanda wa Mwina Yuda kushāia na muntu a ungi mwilo, sunga kufika hehi n’e nyi nkishila, anka Efile Mukulu bandesha’shi, tolumbanga mungi muntu’shi nga bisumanga, sunga mbu mushidikwe kishila. Nyi ha uno mwanda unafikila kwanudi kushī kuhakanya, anka hanadi mwitanyinwe, biabi nenwihusha winyi mwanda wa nubanyitaminyine. Konelusa bakwile’shi: Mafuku ananka abakidi binobino hanadi ashidi bidibwa mpa na ha yino nsā, na ha nsā yisatu ya kiolwa nadi atekye mu nshibo yande, ami’shi ntale’bi, muntu mulume taimene ku mpala kwande mufwale bi mbādibādi. Bakwile’shi: A Konelusa, luteko lwobe lubahushibwa, na biabuntu biobe bibatentekyeshwa ku mpala kw’Efile Mukulu. Biabia tuma ku Yoha, oitamishe Shimona kuno, dingi eshina die mbu Petelo; e mūshale mu nshibo ya Shimona mulumbudi a misokya, hehi na ku bukunkula bwa mema-a-kalunga, e winyi hakafiki, akākula kodi. Binyibiabia kahindji n’aka natumine kodi, n’obe namu bokitshi bibuwa ha kufika. Biabia binobino atwe boso twi kuno ku mpala kw’Efile Mukulu, mu kuhusha myanda yoso yibakulungwilwe kw’Efile Mukulu. Henyihaha Petelo babulwile mu kanwa bakwile’shi: Binyibinyi nashingula’shi, Efile Mukulu tanemekā bantu’shi, au ngiu, au tangiu, ooo; Anka mu milo yoso, e akamutshyini, na kukita bia kululama, e mukuminyibwe n’e. Winyi mwanda ubatuminwe kwi bana ba Isalele, aulungulā mukāndu wibuwa wa kufukama kwa Yesu Kidisitu (E nyi Nfumua bioso;) Diadia eyi anwidiuku, dibalungwilwe moso mu Yudea, kuatshila ku Ngadilea, kumongo kwa lubatshisho lubakwile Yoano; mu Efile Mukulu abahongolwele Yesu a Nasaleta na Kikudi-E-Selelee na bukome; tēnde, akitanga bibuwa, kwete kuhasha boso abafwambwilwe na Satana; mwanda Efile Mukulu badi n’e. N’atwe twi tumonyi twa bintu bioso bibakitshine mu nsenga ya Bena Yuda na mu Yelusalema; winyi ababayihayila, nbamuhudika ku mutshi. E winyi, Efile Mukulu bamubushishe h’efuku dia kasatu, bamufumbwile hatoka; Ta ku bantu boso, ooo, anka kwi tumonyi, tubasangwilwe kwibedi kw’Efile Mukulu, nyi ank’atwe abadile n’e na kutoma n’e habahwile kusanguka ku lufu. E betukamikile kulungula w’Efile kwi bantu, na kwisamba bu tumonyi’shi, n’e basangwilwe kw’Efile Mukulu Nsushi a abatala na bafwe. Batemuki boso abamwisambilanga anka e bu tumonyi’shi, ese akakumina mwadi e, akatambula kulekyelwa kwa milwisho mwishina die. Habadi Petelo kwete kwakula yino myanda, Kikudi-E-Selelee bahōne ha boso abahushanga mwanda w’Efile. Abo boso bena lukumino basalwe, abafikile na Petelo, abakanyine, mwanda buntu bwa Kikudi-E-Selelee bubahongolwelwe namu ha Badjentaila. Mwanda abebahushishe bakwete kwakula (yingi) ndjimi, na kutumbisha Efile Mukulu. Binyibiabia Petelo bālulwile’shi: A muntu kinyi euku kuhela na mema’shi, tabatshishwanga, baba batambule Kikudi-E-Selelee hamune n’atwe? Biabia bebakamikile’shi: babatshishibwe mwishina dia Nfumwetu. Henyihaha abamusendelele’shi: Banda kwikala n’etu mafuku. Batumibwa na bakwabo mu lukumino abadi mu Yudea abahushishe’shi: Badjentaila namu tabahwile kutambula mwanda w’Efile. Habakamine Petelo ku Yelusalema, aba bakisale abelele n’e mpaka’shi: Obe botwelele mwi bantu bashī basalwe, bodīle n’abo. Anka Petelo bātshidile kwibalungula mwanda na kwibahatulwila biya’shi: Nadi mu kibalo kia Yoha kwete kuteka, nalotakēne kilotwa, mu kilotwa namwene kimonwa; kintu kikwete kwiika bu kilamba kikata akiishwa mwiilu, kikwatwe ku mahaka ananka, kibafikile mpaa na kwandji, hanekibekyelele nekishingulwile, namwene nyama ya mikolo yinanka, ya hano ha nsenga, n’aya mu mahia ya bukyelo, na bintu abilandala hashi, na tonyi twa mwiilu. Nahushishe namu eyi adinamba’shi: A Petelo, buka, oyihē, odye. Ank’ami nakwile’shi; ayoyo Mwanana; mwanda kintu kia bisumanga, sunga nkia kishila takiatwele mukanwa mwande, sunga mususa umune. Anka eyi dibangalulwile kwiilu mususa wa kabidi’shi: Kiakia kibatosheshe Efile Mukulu tokwikilumba bu kia bisumanga. Kibakitshinwe biabia misusa yisatu: na bioso abebikakile dimonyi mwiilu. Ami’shi ntale’bi, kahindji n’āka balume basatu tabafikile kala ku nshibo kwanadi abantuminwe ku Kesalea. Biabia Kikudi-E-Selelee bandungwile kwendan’abo kushī kushingakana. Bano bakwetu basamombo namu abanshindjikile tubatwele mu nshibo y’awa muntu. E betuhatulwile mubamwenene mwikeilu mu nshiboye, mwimane kwadi, amulungula’shi: Tuma bantu ku Yoha, oitamishe Shimona dingi eshina die mbu Petelo; e akakulungula myanda yakukuhasha na ba mu nshibo yobe boso. Hanabangile kwakula, Kikudi-E-Selelee bebahonene, bu kibahonene hatudi kwibedi. Henyihaha natentekyeshe mwanda wa Nfumwetu mwabakwidile’shi: Binyibinyi Yoano babatshishanga na mema, anka anwe anukabatshishwa mu Kikudi-E-Selelee. A biabia, su Efile Mukulu bebahele kia būntu, kihwandjikile hamune n’akia betuhele’twe bakumine Nfumwetu Yesu Kidisitu, ami nadi’nyi a kushikila Efile Mukulu? Hābahushishe yino myanda, abauminyine nyaa, tabatumbishe Efile Mukulu’shi: Biosobi Efile Mukulu muhe Badjentaila namu kwilanga kwa mashimba ku muwa. Henyihaha aba abadi bahalakashwe ha mwanda wa kusabulwa kubabukile ha Setafane, abayile mpā na ku Fenisea na ku Saihusa na ku Anteoka, bakwete kulungula w’Efile anka kwi Bena Yuda, kushi kwi bangi, ooo. Bangi be n’abo abadi bena Saihusa na ba Sailene, baba, habāfikile ku Anteoka abesambile na Bangidiki, tabebalungula mukānduwibuwa wa Nfumwetu Yesu. Na mboko ya Nfumwetu yibadi n’abo, bantu be bungi abakuminyine, abealulwile kwi Nfumwetu. Henyihaha mikāndu ya yino myanda yibafikile ku matwe ā’ba mu kikoñeno ki’Efile kibadi mu Yelusalema; biabia abatumine Banabasa’shi, ēnde mpaa na ku Anteoka. E habafikile kwanka na habamwene bumuntu bw’Efile Mukulu basehelele; bebalangile boso’shi, balamate kwi Nfumwetu na kufuna mu mashimb’abo. Mwanda e badi muntu mulumbulukye, muule nda na Kikudi-E-Selelee, na lukuluhilo. Bantu be bungi abadi abakumbashwa kwi Nfumwetu. Henyihaha Banabasa bebwele kwenda ku Tasusa mu kukimba Saulu; Habamusañene, bafikile n’e ku Anteoka. Bitabibakitshine’shi, kihwa kimune kishima abadi bekoñene hamune na kikoñeno ki’Efile, tabalambukisha bantu be bungi. Biabia balondji b’Efile nyi mwababangile kwitanyinwa bu Bena Kidisitu mu Anteoka. Mu aa mafuku batemuki abafikile ku Yelusalema bakafika ku Anteoka. Mungi, eshina die bu Agabusa bēbwele, bahatulwile mu Kikudi-E-Selelee’shi: Akukekala: kihuha kia nsala hanohansenga hoso; kibamwekyele mu mafuku a Kalaudiuse Kesala. Henyihaha balondji b’Efile, muntu ese muhunda buheta bwe, abafunyine’shi: Tutume bia kukwashia bakwetu babombele mu Yudea. Abakitshine biabia, babebitumine na Banabasa na Saulu kwi; bakulu. Mu aa mafuku nfumu Heloda bolwele mboko ye ya kumwesha malwa kwi bamo ba ku kikoñeno ki’Efile. Bayihayile Yakoba mukwabo na Yoano na luhete lwa ngoshi. Na ha mwanda bamwene’shi: ubatosha mashimba a Bena Yuda, bakishikishe akukwata Petelo namu. (Mu aa mafuku abadi a mampa ashī na kitatusho.) Habamukwete, bamwele mu nshibo ya lukano, bamutudile kwi basalai abadi abeangushena bananka bananka mu kumulama; abadi abafuna munda’shi; ahakahu kidibwa kia Paque, atukamufisha kwi bantu. Biabia Petelo badi mulamibwe mu lukano binyibinyi; anka nteko yibatekyelwe kwi Efile Mukulu bukyelebukyele kwi kikoñeno ki’Efile ha mwanda we. Habadi Heloda takyebe kumutusha, bwabwa bufuku Petelo badi mulale hankatshi ha basalai babidi mwanyibwe na nkano yibidi; na balami abadi ku kibelo abalama nshibo ya lukano. Biosobi mwikeilu a Yehowa taimene kwadi, n’etata dibamunyikile mu nshibo ya lukano; e bamubaswile ha lubafu, amubusha’shi: Ebwe lubilo. Biabia nkano yibahulumukile ku māsa. Binyibiabia mwikeilu bamulungwile ’shi: anya nshiho yobe, onye bilato biobe. E bakitshine biabia. Bamulungwile namu’shi: Ekumhidishe mutwelo wobe, ondonde, E batukile, amulonda; tamushingule’shi, ngwa binyibinyi abakitshibwa kwi mwikeilu, ooo; anka batentekyeshe’shi: naloto kimonwa. Habahwile kukila nsamu ya kwibedi na ya kabidi, abafikile ku kibi kia kilonda akishitwilwa ku kibalo, akio kibeshitukile ki na mwinyi; abo abatukile, abakile luhata lumune; henyihaha mwikeilu bamulekyele. Biabia Petelo hakuhasamuka bakwile’shi: Binyibinyi neuku binobino’shi, Yehowa batumine mwikeilu e, bamañuna namu mwiasa dia Heloda, na mu bioso abitengyelanga Bena Yuda. Habadi kwete kutentekyesha biabia, bafikile ku nshibo ya Madiya nyin’a Yoano, eshina die dia kutandwa mbu Mako; mubadi mwikongwele bebungi bakwete kuteka. Biabia Petelo hakututula ku kibi kia ku kibelo, nsongwakashi kitumwanga bafikile mu kuhusha mbufyefye, eshina die mbu Loda. Habashingulwile biya eyi dia Petelo tamushitule kibi ha mwanda wa muloo, anka batwele mwanka lubilo, ebalungula’shi: Petelo ngiu mwimane ku kibelo. Abo abamulungwile’shi: Obe we na mombe. Anka e bakankamene kwakula’shi: Mbinyibinyi. Henyihaha abakwile’shi: Nyi mwikeilu e. Anka Petelo batutudile, na habashitwile kibi babamumwene, bakanyine. Anka e kwete kwibahohesha n’easa’shi, baumine, bebalungula mubamutushisha Nfumwetu mu nshibo ya lukano. Biabia bambile’shi: Ndai, nuleshe yino myanda kwi Yakoba na kwi bakwetu ba mw’Efile. Biabia bakatukile, enda ku kingi kihindji. Binyibiabia hakubatokyele, kubadi kuungakana kukata munkatshi mwa basalai’shi; A Petelo e kunyi? Biabia Heloda habamukimbile, tambamumone, bahīshishe bansamu, bebakamikile’shi, bakunkushwe su nkwihayibwa. E balalele ku Yudea, mpaa na ku Kesalea bashalele kwanka. Na Heloda bafitshile mwishimba bikata, Bena Tyle na Bena Shidona: ank’abo abafikile n’eshimba dimune kwadi, biabia habahwile kukonkwela Balasatuse, tshikala a Nfumu kwikala bu kūku abo, abatekyele kufukama, mwanda nsenga yabo yibadishishwe kwi (yaya nsenga) ya Nfumu. Habafikile efuku disangulwe, Heloda bafwelwe bilamba bia bufumu, ashala ha luhun’a nsulu lwe lwa ntumbo, tesamba n’abo mīsambo. Biabia bantu abēle musase’shi: Nyi eyi di’efile tandjia muntu. Kahindji n’āka mwikeilu a Yehowa bamutahile, mwanda etabadi atumbishi’Efile Mukulu: bifinyua bibamudīle, afwa. Anka mwanda w’Efile Mukulu ubatamine, wafwima. Banabasa na Saulu abālukile ku Yelusalema, habakumbeshe mufubo w’abo wa mīsambo, abayile na Yoano, eshina die dia butandwa bu Mako. Mu kikoñeno ki’Efile kibadi ku Anteoka bamo batemuki na balambukishi bu Banabasa, na Shimeone, dingi die dia butandwa bu Naijele, na Luseusa, mwina Saidine, na Manaine, badi akulu na kilolo Heloda, na Saulu. Habadi abafubila Nfumwetu mufubo wa mīsambo, na kushīla biakudia, Kikudi-E-Selelee bakwile’shi: Ndamunwinei Banabasa na Saulu ku mufubo unebetaminyine kufuba. Habashīle biakudia na kuteka, na kwibatenteka māsā’bo, babebatumine. Biabia abo, habatakwilwe ku Kikudi-E-Selelee abayile ku Seleusea, abebwele kwanka, abalalele ha mema ku Saipuluse. Habadi ku Salamise, abalungwile mwanda w’Efile Mukulu mu bitumbwilo bia Bena Yuda; abadi na Yoano kwete kwibakwashia mu mifubo. Habahwile kwenda, abasambushene kīla, mpaa na ku Mpahose; abasañene kwanka mwina Yuda ñanga a kubuka, mutemuki a madimi, eshina die dibadi bu Balayesu. E badi na mpianyi a mulamwinyi a nsenga, Selengusiu Paulusa muntu muhatulukye, e betanyine Banabasa na Saulu, bebatekyele’shi: mpushe mwanda w’Efile Mukulu. Anka Elemasa winyi ñanga a kubuka (mwanda kuhatula eshina die nyi mbiabia) bābwele n’abo, badi akyebe kufutakasha mpianyi a mulamwinyi ku lukumino. Henyihaha Saulu, (e namu aitaminwa’nyi bu Paulu), muule na Kikudi-E-Selelee, bamutale kanana, bakwile’shi: Obe muule bulamalama boso, na kifita kioso, obe mwan’a dyabola, mushikwene mwa kululama koso, a tolekye kulubishena na kifita mashinda alumbulukye a Nfumwetu? Binobino eyasa dīa Nfumwetu di hambidi hobe, n’obe okekala mpofu, kushī kumona nguba kihindji. Kahindji n’āka kubamuhonene kabwingibwingi na mufito, tende akunkanga, akimbi a kumukunkusha na mboko. Henyihaha mpianyi mulamwinyi habamwene kibakitshinwe, bakuminyine, bakanyine lulambukisho lwa Nfumwetu. Biabia Paulu na babadi n’e, habahoswelwe ku Mpahose (mbwato) abafikile ku Mpenga mu Mpamfidya: na Yoano, hakwibalamunuka bālukile ku Yelusalema. Anka hābakatukile ku Mpenga, abafikile ku Anteoka mu Mpisidya, abatwelele mu kitumbwilo h’efuku dia Sabado, bashala. Habahwile kubala mukanda-wa-bishila na wa batemuki, bakulu ba mu kitumbwilo abatumine kwabadi’shi: Anwe bakwetu, su nwi na mwanda sunga elango bia kulungula bantu, akulai. Henyihaha Paulu bebw’ēle, hakwibahoha mboko, bambile’shi: Anwe Bena Isalele, n’anwe abatshinyi Efile Mukulu hushai: Efile Mukulu a bano bantu ba Isalele basangwile bashyetukulu, abanemeshe bantu habadi ababombela bu benyi mu nsenga ya Ndjihitu, bebatushishe mwanka na mboko yibukome. Ku kihindji kia bihwa su mbu makumi ananka, abitukile mwishimba ku bihikwa biabo mu kabāka. Habashimangishe mīlo musambobidi mu nsenga ya Kanana, bebābilensenga yabo bu buhyanyi. Kumongo kwa’bio bebahele balumbudi ku bihwa bu’ nkama yinanka na makumi atano, mpaa na ku mutemuki Samwele. Kumongo’nyi abatekyele nfumu: Biabia Efile Mukulu bebahele Saulu, mwan’a Kishe, muntu a ku kisaka kia Bendjamine, ku kihindji kia bihwa makumi ananka. Habahwile kumukatusha, bahingakene Dafidi ta nfumu; ha mwanda e namu bamutemwine’shi: Nasokola Dafidi mwan’a Yese muntu mulombane n’eshimba diande, akakumbasha abikyebe eshimba diande. Ku kekulu ka uno muntu Efile Mukulu babushishe Muhashi a ku Isalele, nyi Yesu, mwiyile mulayilo we. Hababadidile Yoano kulungula lubatshisho lwa kwūlanga kwishimba kwi bantu boso ba Isalele kwibedi kwa kufika kwe. Habadi Yoano akumbasha kihindji kie, bakwile’shi: Anutentekyesha’she, Ami nyi’nyi? Ami ntshi e, ooo. Anka talangai, akukafiki umune andondo’mi, ami nkimuhwandjikile kwangula bilato bia ku ngwa ye. Anwe bakwetu, bana ba ku twikulu twa Abalahama, na boso be munkatshi mwenu, abatshinyi Efile Mukulu, kwanudi nyi eyi dia kino kihandjilo dibatuminwe. Mwanda’bo ababombela ku Yelusalema, na batontshi babo, mwanda’bo tambamwiuke, sunga mayi a batemuki abadibwa ku Sabado ku Sabado yoso, abeikumbasha ha mwanda wa kumuhisha. Sunga tambamone mwanda wa kumona lufu mwadi, abakyebele Pilata’shi, mwihe. Habakumbeshe yoso yiabamufundjile, abamuhulwile ku mutshi, abamuladishe mu kilele. Anka Efile Mukulu bamubushishe ku lufu. E bamwekyele mafuku e bungi kwi’ba abakamine n’e ku Ngadilea mpaa na ku Yelusalemu, baba be bu tumonyi twe kwi bantu. N’atwe atwinulungula mikāndu-yibuwa mu mulayilo ubalayilwe kwi bashyetu-kulu. Efile Mukulu beukumbesha kwatudi’twe bana babo hakubusha Yesu; mwakibafundjilwe namu mu lono lwa-milangwilo lwa kabidi’shi: Obe we Mwan’ande, lelo uno nkutandjile. Na ha uno mwanda wa kumubusha ku lufu, kushī kwaluka mu kunyanga, bākwile anka bu bino’shi: Nankakuha’abia biabinyibinyi bia bu-muntu bia Dafidi. Biabia namu bakwile mu lungi lono-lwa-milangwilo’shi: Tokakumina obe a Muhatulwe-E-Kishila kunyanga. Mwanda Dafidi, habahwile kufubila kifuko ki’e na mwinyi mu bakyebele eshimba di’Efile Mukulu, bahonene mu tulo, habamushikīle hamunenka na bashyetu-kulu anyanga, anka yawa babushishe kw’Efile Mukulu, tamunyangye, ooo. Biabia anwe bakwetu nwikale beukye’shi, wabakwete kwinulungwila kulekyelwa kwa milwisho, nyi ha uno muntu: Na kwadi e, boso abakumina, ababingishwa ku myanda yoso, yianushyanwiuku kubingishwa ku mukanda-wa-bishila wa Mosesa. Binyibiabia dimukai, tala kiakia kibākwilwe mu batemuki kiakafikila hanudi. Anwe basha kubenda talai, nukanye, nushimangishwe: Mwanda nkwete kufuba mufubo mu mafuku enu wanushyanukakumina sunga mpahelahela, sunga muntu akenulungula wanka. Habatukile Bena Yuda mu kitumbwilo, Badjentaila abeihwishe’shi: yino myanda yitulungulwe h’efuku dia Sabado adilondo. Hakubahalakene ba mu kitumbwilo, Bena Yuda bebungi na bakuminyi ba lulambukisho lwabo abalondele Paulo na Banabasa, abo, abadi abākula n’abo, bebakonkwelanga’shi: Nukankamanei mu bu-muntu bw’Efile Mukulu. Ha Sabado dibalondele, hehi kibalo kioso kibekoñene hamune mu kuhusha mwanda w’Efile Mukulu. Anka Bena Yuda habamwene bibumbu, abulwe na kiutu, abakalashene kwi yingi myanda yibākwile Paulu, abadi abele mpaka na kukāna. Henyihaha Paulu na Banabasa abanyingile mashimba, bamba’shi: Kw’anka biabia mwanda w’Efile Mukulu kwinulungulwa kwibedi; anka ha mwanda nubeukatusha kwanudi, nubetshibila namu’shi: Tatwi bahwandjikile muwa wa ikala-ika, talai, tubealula kwi Badjentaila. Nyi anka biabia Nfumwetu betulungwile’shi: Nakutule kwikala bwitata dia Badjentaila’shi; wekale bu kihandjilo mpaana ku nfudilo kwa nsenga. Badjentailalia bahushishe biabia abasehelele, tabatumbisha Mwanda wa Nfumwetu; na boso abadi basangwilwe ku mona muwa wa ikala-ika abakuminyine. Na Mwanda w’Efile Mukulu ubahalakeshwe ku lwalwa luhese lwoso. Anka Bena Yuda abafundūlanga bana bakashi balulame abadi baneme, na balume bakata ba kibalo, ababushishe kubingwabingwa kwi Paulu na Banabasa, abebabingile ku midianyino ya nsenga yabo. Ank’abo abebakukudile lufufi ku ngwa yabo, biabia abayile, bakafika ku Ikoneume. Binyibiabia balondji b’Efile abadi baule na kusangala na Kikudi-E-Selelee. Bitabibakitshine mu Ikoneume, abatwēle bubidi bwabo hamune mu kitumbwilo kia Bena Yuda, na kwakula kwabo kubadi bino’shi, kibumbu kikata kia Bena Yuda na kia Bena Ngidiki namu abakuminyine. Anka Bena Yuda abadi bashibakumine abafundulwidile Badjentaila kwibēkasha mashimba afita na bakwabo-bakumine. Biabia abashalele kihindji kikata, bakwete kwakula n’eshimba di moo mwi Nfumwetu, n’e bakuminyine bu kamonyi ku mwanda wa bumuntu bwe, bebahele bitundwilo na yakukanya kukitshibwa ku māsa kwabo. Anka kibumbu kia kibalo kibelamunwine, kihindji kibanemene kwi Bena Yuda, na kihindji namu kwi batumibwa. Biabia Badjentaila na Bena Yuda, na banfumu babo, habebatombokyele na kahesha, na kwibāsa na mabwe, abadimukile, basukila ku Lysita na Debe, bibalo bia Laikonya, mpaa na ku mpese yi hehi; kwanka abalungwile mukāndu-wi-buwa w’Efile. Mu Lesetala mubadi mushale muntu na ngwa yibofule, badi kishetshi anka kasha batandjilwe munda mwa nyin’e, tabadi atambuka sunga mpahela. Winyi e bahushishe Paulu akula: n’e, habamutale kanana, na hakushingula’shi, e na lukuluhilo lwa kuhashibwa, bakwile n’eyi di bukoho’shi: Imana susā ku ngwa yobe, biabia bahalele, batambukile. Bantu habamwene kibakitshine Paulu, abele bila, bākula mwidimi dia Laikonya’shi: Befile abayiki kwatudi mu kihwandjikisho kia bantu. Biabia abetanyine Banabasa bu Yupita; na Paulu bu Mekuleuse, mwanda e badi mwakudi mukata. Henyihaha tshiitemwakwidi a Yupita winyi badi ku meso kwa kibalo kiabo, bafwishishe ñombe yilume na bilongo bilungishene bula ku bibelo bia kibalo, abakyebele kwibatahila bitahilo na bibumbu. Anka batumibwa Banabasa na Paulu, habahushishe wanka, abasanwine bifwalwa biabo, abatwele lubilo munkatshi mwa kibumbu, bēla musase, na kwakula’shi: A Balumiana, a kianukitshi yino myanda nkinyi? Atwe namu twi anka bantu na bihikwa hamune n’anwe, atwinulungula w’Efile’shi: nwalule ku bino bintu bia bisumanga mpaa na kw’Efile Mukulu a muwa, bahangile eilu na nsenga, na mema-a-kalunga, na bioso bi mwanka; E, mu bihwa bibakidi, bakuminyine milo yoso kutambuka mu mashinda akyebe mashimba’abo. Sunga mbiabia e tamulekye namwinyi kushi kamonyi, kwete kukita bibuwa, betuhele mpeshi mwiilu, na bihindji bibuwa bia kuha bikuba, betuushishe ’mashimba na biakudia na muloo. Biabia abo, mu yino myanda abamwene bukoho kulekyesha kibumbu kwibatahila bitahilo. Kubafikile Bena Yuda ku Anteoka na ku Ikoneume mwanka, abo abakonkwelele bantu, na habahwile kwasa Paulu mabwe, abamukakile hasha ha kibalo, tabatentekyesha’shi bafu. Anka habadi balondji bemane bamwifunye, babukile, abakatwela mu kibalo; na maloba, abēbwele na Banabasa bēnde ku Debe. Habahwile kulungula mukāndu-wi-buwa mu kiakia kibalo, na hakufwimisha balondji b’Efile bebungi, abālukila dimo ku Lyisita, na ku Ikoneume na ku Anteoka. Bakwete kukankamisha mashimba a balondji b’Efile, na kwibalanga’shi: Nunyingamanei mu lukumino, mwanda nkihwandjikile ’twe kumona misāibulo yibungi ha kutwela mu bufumu bw’Efile Mukulu. Henyihaha habahwile kusangula bakulu mu bikoñeno bioso bi’Efile, na hābatekyele, na kushīla biakudia, abebafishishe kwi Nfumwetu abākuminyine. Habahwile kusambushena Mpisidya, abakafikile ku Mpamfilea. Habadi abalungula Mwanda w’Efile mu Penga abalalele mpaa na mu Atadia. Henyihaha abakatukile kwanka, ta balala’ mbwato mpaa na ku Anteoka, kwabadi balubwilwe ku bumuntu bw’Efile Mukulu ku winyi mufubo wabakumbesliwe. Biabia habafikile, na habadi abekoñena hamune kikoñeno ki Efile, abahatulwile yoso yibakitshinen’abo Efile Mukulu, na mwabashitwidile kibelo kia lukumino kwi Badjentaila. Kwanka, abashalele kihindji kikata na balondji (b’Efile). Binyi biabia bangi abalalele ku Yudea tabalambukisha bakwetu ba mu Kidisitu’shi: Anka su tanwibasalwe mulombene kihikwa kia Mosesa, biabia tanwiuku kuhashibwa. Binyibiabia Paulu na Banabasa hababadi na kubwela kukata na kwiihushena n’abo, abafune’shi, Paulu na Banabasa, na bangi b’ābo abakamine ku Yelusalema, kwi batumibwa na kwūbakulu ha luno lwihusho. Na hakwibashindjikila kwi beba kikoñeno ki’Efile, abakasambukile Fenesea na mu Samadia, abenda, abalungulanga kwaluluka kwa mashimba kwa Badjentaila, biabia abatosheshe mashimba a bakwabo be mu Kidisitu bikata. Habafikile ku Yelusalema, kikoñeno ki’Efile, na batumibwa, na bakulu abebakukile, n’abo bebalungula myanda yoso yibakitshine Efile Mukulu n’abo. Anka bamo ba mu luhese lwa Bafadiseo, babadi bakumine babebwele, bamba’shi: Watudi n’au ngwa kwibasala, na kwibakamika’shi: nulamei mukanda wa-bishila wa Mosesa. Biabia batumibwa na bakulu abekoñene hamune mu kudia lukuku lwa uno mwanda. Habahwile kwihatulushena bikata bimoo, Petelo bebwele, bebalungwile’shi: A bakwetu anwiuku’shi, mu mafuku a kwibedi, Efile Mukulu bansangwile’mi a munkatshi mwenu’shi, Badjentaila befwakane mwanda wamukāndu-wi-buwamu kanwa mwande, nakukumina. Efile Mukulu euku nyikashi ya mashimba, bebakuminyine, ebaha Kikudi-E-Selelee anka mwabetuhelele’twe. Tambilekene n’atwe n’abo, ooo, batoshwa mashimba’bo na lukumino. Binyibiabia a kianutompela Efile Mukulu nkinyi? Anukyebe kutula kikumbo ha mashingo a balondji, kibakutshilwe bashyetu-kulu sunga n’atwe kwikitwala? Anka atukumina’shi, ha mwanda wa bumuntu bwa Nfumwetu Yesu Kidisitu, atukahashibwa anka hamune n’abo. Henyihaha kibumbu kioso kibauminyine nyaa, tabatee matwi kwi Banabasa na Paulu, abadi abebahatulwila binyi bitundwilo na biakukanya, bibakitshine Efile Mukulu n’abo kwabadi munkatshi mwa Badjentaila. Biabia habakwile kuumina nyaa, Yakoba bālulwile’ shi: Anwe bakwetu, mpushei’mi, Shimona bahu kuhatula mubakitshinyine Efile Mukulu kwibedi kwi Badjentaila kuata munkatshi mwabo bantu, tamba mwishina die. Biabia ha kinoki namu kibalombene myanda ya batemuki, anka mwakibafundjilwe’shi: Kumongo kwa bino, nankāluka, Nankashimika dimonyi kibombelelo ki’ehema kia Dafide kibahonene hashi; Kibundu ki’akio nankekibaka dimo, Na kwikishimika dimo, Eshi baba abashala bakimbe Yehowa, Na Badjentaila boso habadi eshina diande ditemwinwe, akula Yehowa, Winyi akitshi bino bintu bioso. Kwiukibwa kw’Efile Mukulu bikitshino bie bioso mpaa na ku mbangilo ya hanohansenga. Binyibiabia mwanantshibila mbino’shi, tatwibakalakashanga ababahwile kwaluluka kw’Efile Mukulu ba munkatshi mwa Badjentaila. Anka twibafundjile’shi: belame ku milambo ya butete yilambulwe mankishi, na ku bukyebekyebe, na ku bintu bifinyibwe nkono, na mase. Mwanda Mosesa kala mpaa na binobino, e na balungudi mu bibalo bioso abo abamulungula mwanda, e kwete kubadibwa mu bitumbwilo ku lubingo, ku lubingo. Henyihaha batumibwa, na bakulu, na kikoñeno ki Efile kioso, abasehelela kusangula bana balume ba munkatshi mwabo’shi, bende na Paulu na Banabasa ku Anteoka; kubadi Yudasa, dingi die bu Basabasa na Shilasa, abo nyi bantu bakulu ba munkatshi mwa bakwabo ba mu Kidisitu. Abebahele mukanda ufundwe bino’shi: Batumibwa na bakulu na bakwetu, abemuna bakwabo ba mu Kidisitu, abo mba Badjentaila be mu Anteoka, na Shidiya na mu Selesia. Mwanda tubahushishe’shi, bangi abatukile kuno kwadi, abenukalakasha na bishima, bakwete kuhatakasha mashimb’enu; eshi: Mwanda kw’anka biabia, anwe kusalwa, na kulama mukanda-wa-bishila: n’atwe tatwibebalungule yanka, ooo. Hatubadi bekoñene hamune n’eshimba dimune, nkibetuhwandjikil’etwe kusangula bantu, kwibatumina kwanudi, hamune na Banabasa na Paulu atudi n’abo kifulo. Bantu basumbule miuwa yabo, ha mwanda w’eshina dia Nfumwetu Yesu Kidisitu. Binyibiabia fubenutumina Yudasa na Shilasa, abo, abakenulondolwela bishima bioso mu kanwa mwabo. Mwanda nkihwandjikile Kikudi-E-Selelee, n’atwe hamune’shi, Tabibuwa kwinutentekyela bungi bushito bw’eshimba bukile buno, mwanda wa yino ngilombene mwanka; eshi, nushīle bidibwa abilambulwa mankishi, na mase, na ku bintu bifinyibwe nkono, na ku bukyebekyebe; ku bino’bi, su anwilama anwe bana bene, anukekala balumbudibwe. Shalai bibuwa. Habatundukile, abakifile ku Anteoka: habadi’nyi bekoñene kibumbu hamune, abebafwishishe mukanda; habeubale abasehelele ha mwanda w’elango. Biabia Yudasa na Shilasa namu, abadi batemuki, abo bana bene, abalangile bakwabo ba mu Kidisitu na bishima bibungi, n’abo abebakankamikile. Habahwile kushala kwanka kihindji, abahoswelwe na kufukama kwi bakwabo ba mu Kidisitu, bebālusha kwi batumibwa. Anka Shilasa batentekyeshe’shi, bibuwa nshale kwanka. Paulu na Banabasa namu bashalele mu Anteoka, bakwete kulambukisha na kulungula mukandu-wibuwa w’Efile Mukulu, na bangi bebungi namu. Habakile angi mafuku, Paulu, bakwile kwi Banabasa’ shi: Twalukile mu kutompa bakwetu ba mu Kidisitu be mu bibalo bioso, biatulungulanga mwanda w’Efile Mukulu, na kutala su be na minyi. Banabasa bafune’shi, Yoano ende n’etu, eshina die dia batandwa dibadi bu Mako. Anka Paulu bahwandjikishe’shi: tabibuwa kwenda na muntu bakatukile etuleka, hatubadi mu Hamfidya, tamwende n’etu ku mufubo. Biabia ha mwanda wa mpaka yikata yibatukile, abelamunwine, muntu he, muntu he. Biabia Banabasa bāishile Mako, bālalele mu bwato ku Saihuluse. Biabia Paulu namu besangwile Shilasa, hakukanyibwa na bakwabo ba mu Kidisitu ku bumuntu bw’Efile Mukulu, bayile. Biabia e bayile, bakile mu Shidiya na mu Selesia, badi akankamika bikoñeno bi’Efile. Binyibiabia bafikile ku Debe na ku Lesetala, talangai, kubadi mulondji we’Efile, atemunwa bu Temote, mwan’a mwina Yuda mwana mukashi, e namu badi mukumine; anka shye mwina Ngidiki. Badi mutumbishibwa bibuwa kwi bakwabo ba mu Kidisitu babadi ku Lesetala na ku Ikoneume. Paulu badi akyebe kwenda n’e, biabia bamwatshile, amusala, ha mwanda wa bena Yuda abadi ku yaya mpese; mwanda abadi beukye’shi, shye nyi mwina Ngidiki. Habakile mbibalo, abebahanga bishila bia kulama, bibadi bisangulwe kwi batumibwa na bakulu abadi mu Yelusalema. Biabia bikoñeno bi’Efile bibashimete mu lukumino, bungi bwabo bubafwimanga kwifuku n’efuku. Binyibiabia habayile na kufumankasha mu Fidjia na mpese ya Ngalatea, na kulekeshwa na Kikudi-E-Selelee’shi: tanukalungulanga mwanda w’Efile Mukulu mu l’Aisie. Na habafikile mu Myisia, abafune kwenda ku Bitunia, anka Kikudi-E-Selelee tabakuminyine. N’abo hakukila Myisia abālalele ku Toasa. Biabia, bufuku kimonwa kibamwekyele kwi Paulu. Kubēmene muntu a ku Masedonya amwiyayila’shi: Fika kuno ku Masedonya, wetukwashie, Habahwile kumona kimonwa, kahindji n’āka tubadi atukyebe mwa kuyile mu Masedonya, tubashingula ’mashimba’shi, Efile Mukulu betwitanyina kwibalungula mukāndu wibuwa w’Efile. Henyihaha hakulandasha bwato ku Toasa, tubalulamishe mpaa na ku Samotalasea, na habubatokyele tubafikile ku Neaholese; Kwakwa tubakatukile, twenda ku Fidihai, akia kibalo nkikile bikwabo bioso bia ku alwa luhese lwa Masedonya, nyi nkilolo kia Bena Loma, tubashalele mu kiakia kibalo angi mafuku. Ha Sabado namu tubakatukile ku kibalo ki ku bukunkula bwa mwela, habadi bakuminwe luteko; biabia tubashalele hanka, tubākwile kwi bana bakashi abadi bekoñene. Kubadi mwana mukashi, eshina die mbu Ledea, muha nyisha a bimongolokye, badi a ku kibalo kia Taiyataila, badi alangwile Efile Mukulu, e betuhushishe; die eshimba Nufmwetu bedishitwile, e batudile eshimba ku myanda yibākwilwe kwi Paulu. E, hababatshishwe, n’abo mu nshibo ye kumune, betwiyayile’shi: Su nubampwandjikisha bu mushinaate kwi Nfumwetu, twelai mu nshibo yande, nubombele. Biabia e betukankamikile’shi, anka biabia. Bitabibakitshine, hatubayile mu kuteka, tubafumankene na nsongwakashi mukwatwe na kikudi kia lubuko, winyi badi asungulwila banfumu e mono yibungi ku lubuko lwe. Winyi balondele Paulu n’atwe, bēlanga musase’shi. Bano balume mbahika b’Efile Mukulu mukile bukata; abetuhatulwila eshinda dia kihandjilo. E bakitshine bino mafuku e bungi. Anka Paulu, hakufitwa n’eshimba, bealulwile, akula kwi kikudi’shi: Nakukamikila mwishina dia Yesu Kidisitu’shi: Otuke mwanka. Binyibiabia kahindji n’āka batukile. Biabia banfumu e, habamwenene’shi: mwatubakuluhilanga mono mubahu, abakwete Paulu na Shilasa, abebakakīle ku kisalwe kwi batontshi. Abebafishishe namu kwi bansushi’shi: Bano bantu Bena Yuda abakamba kukalakasha kibalo kietu. Abalambukisha namu bihikwa bi kishila kwatudi kwibitambula, sunga nkwibikita, mwanda twi Bena Loma. Binyibiabia kibumbu kibebebwelele hamune; na bansushi namu abebasanwine bilamba biabo, abakamikila namu’shi: Ebakuhilei na nsasu. Na habahwile kwibausha mikombela yibungi, abebēle mu nshibo ya lukano, abakamikile mulami’shi: webalame anka hoo. E hakukamikwa biabia, bebatakwidile munkatshi mwa nshibo ya lukano mu na mwinyi, e bebakokwelele mikolo yabo mu tubango hoo. Anka munkatshi mwa bufuku, Paulu na Shilasa abatekanga na kuyimba lono lwa ntumbo kw’Efile Mukulu; n’abadi bedibwe mu lukano abebahushishe. Biabia kahindji n’āka kubahulumukile kutenkaka na kukata kwa nsenga, biabia bibangilo bia nshibo ya lukano bibatenkakene; kahindji n’aka bibi bibashitukile, na nkano ya boso yibahulumukile. Biabia mulami a nshibo ya lukano, hakuhasuka mu tilo, na hakumona bibi bia nshibo mbishitukye, basomwene luhete lwe, takyebe kwiihā, atentekyesha’shi: Abēlwe mu lukano tabasukile. Anka Paulu bēle musase n’eyi di bukoho’shi: Twelwishanga, mwanda ’twe boso twi mwanka. Henyihaha batekyeshe kimunyi, bafutumukile mwanka luqilo, na hakususa moo, bafikile, akunama ku mpala kwa Paulu na Shilasa. Biabia bebatushishe mwanka, tabehusha’shi: A bamwanana, nkihwandjikile’mi kukita kinyi kuhanda? Abamwālulwile’shi: Kumina mwi Nfumwetu Yesu Kidisitu, n’obe ohande, na ba mu nshibo yobe. Binyibiabia abesambile n’e mwanda wa Nfumwetu, na kwi boso ba mu nshiboye. E bebātshile anka yaya nsa ya bufuku, bebasulweile mikombela yabo; biabia kahindji n’āka e babatshishibwe na b’ē boso. Na habebafishishe mu nshibo ye, bebatudile bidibwa, tasehēla, na boso ba mu nshibo ye biabakuminyine Efile Mukulu. Habubatokele, bansushi abatumine kwi bashosho ba’ basalai’shi: Ahosole bantu baba bēnde, Biabia mulami a nshibo ya lukano balungwile bino bishima kwi Paulu’shi: Bansushi abatemu’shi: bebahosole. Biabia katukai nwende na kufukama. Anka Paulu bebalungwile’shi: ooo, atwe Bena Loma, tubakuhilwa ku mpala kwa boso na kwedibwa mu lukano kwa tushibahishibwe, na binobino tabetutakula ku bufyefye’shi, bēnde; ooo tambiabia, bafikye’bo bana bene betutushe. Biabia, bashosho ba basalai abakalungwile bino bishima kwi bansushi; n’abo abakwatshilwe na moo habahushishe’shi, nyi mbena Loma. Binyibiabia abafikile, tabebasendēla, abebatushishe, abakyebele’shi: Bakatuke mu kibalo. Biabia abatukile mu nshibo ya lukano, bakatwela mu nshibo ya Ledea; habahwile kumona bakwabo ba mu Kidisitu, na habahwile kwibasamba, abo abakatukile. Habadi bahwe kukila ku Amfihodise, na Apolonea, abakafikile ku Tesalonika, mubadi kitumbwilo kia Bena Yuda. Paulu batwelele mubadi kihikwa kie, na ha mafuku asatu a Sabado, badi ahatulushena n’abo ku Bifundwe bi’Efile. Badi abula mukanda na kwibashitulwila’shi: Kidisitu badi na wa kufwambuka, na kubuka dimo ku lufu; uno Yesu namu kwete kwinulungula nyi Kidisitu na mwinyi. Bamo b’abo abakuminyine, abebungile na Paulu na Shilasa; na kibumbu kikata kia Bena Ngidiki balulame, na bana bakashi baneme tambahela. Anka Bena Yuda bashī badi bakumine, abakwetwe na kiutu, abebātshile bangi balume bafube be bubi, abehulahula mbisalwe, na hakwikongola kibumbu, ababushishe eunga dikata mu kibalo, beheketa mu nshibo ya Yasona, abakyebele mwa kwibatushisha kwi bantu. Habakutshilwa kwibasangana, abakakile Yasona, na bangi bakwabo ba mu Kidisitu ku mpala kwa batontshi ba kibalo, abadi abēle musase’shi: Bamo abahatakasha hanohansenga hoso, abafiki kuno namu: Yasona nyi mwibatweshe munshibo mwe: bano boso bakwete kukita myanda yituhishene na bishila bia Kesala, abakula’shi: Kwi mungi Nfumu Yesu. Biabia abakalakasha kibumbu, na batontshi ba kibalo habahushishe yino myanda. Yasona habahwile kwibēka kyee, na bakwabo, abebahoswele. Kahindji n’āka bakwabo ba mu Kidisitu abatumine Paulu na Shilasa ku Belea bufuku, abo habakafikile (kwanka) abatwelele mu kitumbwilo kia Bena Yuda. Bano abadi bakile Bena Tesalonika buneme, mwanda abatambwile Mwanda w’Efile na lwimeno lwa binangu, abakimbile Bifundwe bi’Efile kwifuku kwifuku’shi: ayi myanda ngia binyibinyi su? Binyibiabia bebungi b’abo abakuminyine; na bana bakashi baneme ba Bena Ngidiki, na balume namu, tabadi bahela, ooo. Anka habashingulwile Bena Yuda ba mu Tesalonika’shi, mwanda w’Efile Mukulu ubalungwile Paulu ku Belea, abafikile kwanka namu, abafundulwile bibumbu. Henyihaha kahindji n’āka, bakwabo ba mu Kidisitu, abatumine Paulu kwenda ku luhese lwa mema a kalunga; anka Shilasa na Temote abashele kwanka. Abo, abashindjikile Paulu abamufishishe ku Atena, e bebalayidileshi: Shilasa na Temote bafikye kuno kwandji bukidi, n’abo abālukile. Anka habadi Paulu ebaindjila ku Atena, eshimba die dibenyengyele habamwene kibalo kiule ndaa na mankishi. Binyibiabia bebahakenye Bena Yuda na bantu balumbulukye b’Efile mu kitumbwilo; n’aba babasañananga mu kisalwe kwifuku n’efuku. Henyihaha bangi basha-binangu ba ku ba Ehikulea, na ba ku ba Stoika, ababwele n’e, bamo’shi: A uno mbalakanyi akyebe kwakula kinyi? Bangi’ shi, e hamune bu mulungudi a b’efile benyi, mwanda bebalungwile mwanda wa Yesu, na lusangukilo lwa ku lufu. Abamwatshile, bamufisha ku Aleohakusa’shi: Atukyebe kwiuka luno lulambukisho luhya lōkwele kwakula a lwi naminyi? Mwanda obe kwete kwitufishisha ku matwi myanda yi bingi: Biabia atukyebe twiukye mwiyile yino myanda. Mwanda Bena Atena boso, na benyi abadi bekale mwanka, tababadi abakitshi kingi kintu, anka kulungula, su nkuhusha umo mwanda uhya. Henyihaha Paulu bemene hankatshi ha Aleohakusa, tākula’shi: Anwe bena Atena, nashingula’shi: mu bintu bioso anuka, mba kunemena kulangwila kwa mikishi. Mwanda hanadi akidi, na hakutala kulangwila kwenu, nasañene kitalakia-milambu kibadi kifundwe hanka’shi: KW’EFILE SHIEUKIBWA. Nyi anulangwila na kuhatamina; awa a nyi nulungula. Efile Mukulu bahangile hanohansenga na bioso bi hanka, mwanda e Nfumu a mwiilu na ha nsenga, tabombelā mu mashibo akulangwila ashidikwe bishila akitshibwe na maasa a bantu, ooo. Tafubilwā na maasa a bantu’shi, e na lukalo, mwanda e na mwinyi nyi aheya bantu boso kwikala abatala, na muwa, na bintu bioso. E nyi’ bahangile mīlo yoso, na mase amune, mwakubombelela hoso hanundu ha hanohansenga, bafunyine mwa kwikela bihindji biabo bibasangwilwe kwibedi, na midianyino ya kubombela, kwabo; biabadia kukimba Efile Mukulu, kunsongo hangi’ abakamumono mu kukukuta, sunga te kula kwi muntu ese, muntu ese. Mwanda mwadi e nyi mwatudi abatala, na kusana, na kwikala; mubesambīle namu bangi ba baludiki benu ba misāmbo, mwanda’twe namu twi bekulu be. Binyibiabia mbiatudi bekale bekulu b’Efile Mukulu, tankihwandjikile’twe kutentekyesha’shi, Bwifile Mukulu mbwifwane kilonda kia nsahabu, sunga kilonda kia nfeda, su mbwibwe diseībwe na bukalabwino bwa busendwe bwa, bantu, ooo. Biabia bihindji bia kuhatamina Efile Mukulu ebilekyela; anka binobino akamikā bantu boso kosokoso’shi, belangye ’mashimba; mwanda e tabasangwile efuku, ha dinyī’ dio, akatshibi myanda ya bahanohansenga na kululama, kwi (winyi) Muntu abasangwile; behele bantu boso kishisho bu biabamubushishe ku lufu. Biabia, habahushishe wa lusangukilo lwa ku lufu, bangi abasehele tuseho twesēngo, bangi namu abakwile’shi: Atukakuhusha dimonyi ha uno mwanda. Biabia Paulu bakatukile munkatshi mwabo. Anka bangi balume abamulamete, abakuminyine; umune ābo badi Deoneseuse mwina Aleohaguse, na mwana mukashi batemwinwe bu Damadise, na bangi abadi n’abo. Habahwile myanda yino, Paulu bakatukile ku Atene, bafikile ku Kodinda. Basañene mwanka mwina Yuda batemwinwe bu Akwila, a ku kisaka kia Pontuse, mufikile kihindji kihela ku Italea, na mpian’e Pishila: (mwanda Kolo diasa badi mukamikye’shi: Bena Yuda boso bakatukye ku Loma:) e bayile kwabadi. Mwanda e badi n’abo ’mufubo umune bashalele, tafubu n’abo; mwanda mu mufubo wabo babadi batedi ba mahema,. Biabia bahakenye n’abo mu kitumbwilo ku Sabado ku Sabado, bakonkwelele bena Yuda na Bangidiki bakumine. Habahwile Shilusa na Temote kufika ku Masedonya Paulu banemenenwe mwishimba, talungula Bena Yuda’shi: Yesu nyi Kidisitu. Habekingidile na kukā na mulomo, e bekukwile bilamba bie, bebalungwile’shi: Mase enu ekale ha mitwe henu, Ami nahu kubinga: Kubanga lelo uno nankēnde kwi Badjentaila. Bakatukile kwanka, bakatwelele mu nshibo ya umune, eshina die mbu Yusetuse, badialangwilā Efile Mukulu, nshibo ye yibadi yikungile hehi ku kitumbwilo. Kidisehuse mulami e hanundu ha bakwabo a mu kitumbwilo, bakuminyine Nfumwetu, na ba mu nshibo ye boso hamune: na Bena Kodinda bebungi namu, hakuhusha abakuminyine, babatshishibwa. Henyihaha Nfumwetu bakwile kwi Paulu bufuku mu kimonwa’shi: Totshinanga, anka okule, touminanga, nyaa, ooo. Mwandā’mi nyi n’obe, takwi sunga ngumune akakutombokyela kukukumbisha; mwanda nyi na bantu bebungi mu kino kibalo. Biabia bashalele mwanka kihwa na mieshi yisamombo, badi alambukisha mwanda w’Efile Mukulu munkatshi mwabo. Binyibiabia habadi Ngaleo mpianyi a mulamwinyi a nsenga ya Akaia, Bena Yuda abatontokyele Paulu n’eshimba dimune, abamufishishe ku kimu’shi: Uno muntu akonkwela bantu kulangwila Efile Mukulu mushi muyīle mukanda-wa-bishila. Biabia habakyebele Paulu kwasama mukanwa, Ngaleo balungwile Bena Yuda’shi: Anwe Bena Yuda, su ubadi mwanda wa ushīululame mwa kutshibila sunga ngwa kifita, nadia kwikala n’eshimba dītukye kwanudi, mulombene mwampwandjikisha; anka su nyi lwihusho lwa bishima, na lwa mashina, sunga lwa mukanda-wabishila wenu, kataleī’yo anwe bana bene; mwanda bu nsushi ya yino myanda tankyebe kwikala. Biabia bebabingile ku kimu. Henyihaha bena Ngidiki boso abakwete Sosetenese, mulami e hanundu ha bakwabo ba mu kitumbwilo, abamukuhile ku mpala kwa kimu. Anka Ngaleo tamutule eshimba die ku yaya myanda. Biabia Paulu bashalele kwanka mafuku e bungi, kumongo baladikile bakwabo ba mu Kidisitu, bayile ’mbwato ēnda ku Shidiya na Pishila na Akwila. Bakulwile kahweto mu Kenkelea, mwanda badi na mutshiho. Biabia bakafikile ku Efesesa, bebaleka, anka e na mwinyi bakatwele mu kitumbwilo, bahatulwidile Bena Yuda. Ank’abo, habamukyebele’Shi: Ekala n’etu kingi kihindji, e tamukumine. Bebalayile’shi: Nyi na mwanda umune, anka kufika ku Kialukilo kifikye mu Yelusalema, anka, nankāluka kwanudi dimonyi, su Efile Mukulu akumina. Biabia bayile ’mbwato hakukatuka ku Efesesa. Hābabukile ku Kesalea, na kukamina, n’ēmuna kikoñeno ki’Efile, bālalele ku Anteoka. Binyibiabia habahwile kushala kihindji mwanka bakatukile, bakindakene mpese yoso ya Ngalatea na Fidjia mu mulongo w’abio, badi akankamika balondji b’Efile boso. Biabia Mwina Yuda umune, batemwinwe bu Apolose, batandjilwe mu Alekesanda, Muludiki a bishima ebuwa, muntu mukata mu Bifundwe bi’Efile, bafikile ku Efesesa. Uno muntu badi mulambukishwe mwishinda dia Nfumwetu; na baikele n’eshimba aditembe na kibobo, bākulanga na kulambukisha’nka swee kushī kuluba yinyi myanda ya Nfumwetu; badi mwiukye anka lubatshisho lwa Yoano. E babangile kwakula mu kitumbwilo n’eshimba dishī na katshima munda; winyi e habamuhushishe Akwila na Pishila, abamwatshile, tabamuhatulwila bibuwa bukilekile niwiyil’eshinda di’Efile Mukulu. Binyibiabia habadi n’eshimba’shi, nkabukile ku Akaia, bakwabo ba mu Kidisitu, abatundjile mukanda kwi balondji wa kwibanyisha’shi: Numutambule, biabia e, habafikile kwanka, bakwashishe bikata aba abadi bakumine mu bumuntu bw’Efile. Mwanda e babofwishe Bena Yuda bikata bi moo ku mpala kw’a bantu boso, badi ebashisha mu Bifundwe bi’Efile’shi, Yesu nyi Kidisitu. Bitabibakitshine, habadi Apolose ku Kodinda, Paulu namu, habadi muhwe kukila mpese ya ku miēngye, bafikile ku Efesesa; basañene bangi balondji b’Efile, bebehwishe’shi: Kasha nubakuminyine tanubatambwile Kikudi-E-Selelee su? Biabia, abamwālulwile’shi: Tatw’i bahushe su ngu mwanda winyi’shi, kwi Kikudi-E-Selelee. Binyibiabia bebālulwile’shi: A biabia nku kinyikwa nwibabatshishibwe? Abo namu’shi: Nyi ku lubatshisho lwa Yoano. Lienyihaha Paulu bambile’shi: Yoano binyibinyi babatshishanga lubatshisho lwa kwilanga mwishimba, na kulungula bantu’shi: Nukuminei mwi yawa afiki kumongo kwande, ewinyi nyi Kidisitu Yesu. Habahushishe biabia, ababatshishibwe mw’ishina dia Nfumwetu Yesu. Biabia Paulu habahwile kutenteka maasa e habadi, Kikudi-E-Selelee bebayikile; biabia abakwile na yingi ndjimi, na kutemuka, abatemukile myanda. Boso balume abadi bu ekumi na babidi. E batwelele mu kitumbwilo, bākwile n’abo shī na katshima munda ha kihindji kia mieshi yisatu, badi ahatulushena n’abo na kwibakonkwela yaya myanda yinemene ku bufumu bw’Efile Mukulu. Anka bangi hakunyisha mashimb’abo hoo, tambakumine, anka abakwile bibubi ha mwanda wa dinyi eshinda ku mpala kwa kibumbu, e bakatukile kwabadi, balamunwine balondji b’Efile, badi ahatulushena n’abo kwifuku n’efuku mw’ekola dia Tailanuse. Bino bioso bibayididile mpaa na ku kihindjikia bihwa bibidi: binyibiabia boso abadi babombele mu l’Asie abahushishe Mwanda wa Nfumwetu Yesu, bena Yuda na bena Ngidiki hamune. Efile Mukulu namu bakitshine bilengeleshe bia bingi bihaso ku maasa a Paulu. Binyibiabia abafishishe bitambala, na tulamba bia ku mbidi ye kukatula kwi ’ba abakumbu, biabia masungu abakatukile kwabadi, na bikudi bibi bibebatukile. Henyihaha bangi ba ku bena Yuda bankindakanyi, babuki ba mbuko, ababangile abo bana bene, kutemuna eshina dia Nfumwetu kwi’ba babadi na bikudi bibi’shi: Atwinutshiha’shi na bi Yesu, balungwilwe kwi Paulu. Kubadi bana balume musambobidi ba muntu, eshina die Sekefa, mwina Yuda, tshiite-mwakwidi mukata, abakitshine anka biabia. Biabia kikudi kibi kibālulwile’shi: Yesu namuuku, na Paulu namu namuuku; ank’anwe nwi banyi? Henyihaha muntu badi na kikudi kibi munda mwe, bebatumbukile, ebashinda na kwibōbesha, biabia abasukile mu yaya nshibo muswa na bitahwanga. Uno ubeukilwe kwi boso bena Yuda na bena Ngidiki abadi babombele namu mu Efesesa; na moo ubebakwete boso, n’eshina dia Nfumwetu Yesu dibatumbishibwe ntumbo. Bebungi namu ba mu baba abakuminyine, abafikile kwifukula myanda, na kulesha bikitshino biabo. Bebungi namu ba mu baba abakitanga bia masende, abafwishishe mikanda yabo kwiyifinga hamune, abeyishikile kālo ku mpala kwa bantu boso; ababadikile mūlo w’ayo, abayikumbeshe bu nfalanga ya nfedha binunu makumi atano. Biabia nyi mubakudile bikata mwanda w’Efile Mukulu na kōbesha waobesha. Habahwile yinomyanda, Paulu bafūne munda mwe’shi: Nyende mu Masedonya na Akala mpaa na ku Yelusalema, eshi. Hampu kwikala mwanka, nkimpwandjikile’mi namu anka ku mona Loma. Binyibiabia batumine mu Masedonya babidi b’aba abamufubila, Temote na Elastuse, anka e namwinyi bashelele kihindji mu l’Asie. Ku kiakia kihindji kubabukile eunga dikata ha mwanda wa diadia eshinda. Mwanda wa muntu, batemwinwe bu Demeteleuse, nsendwe a bilonda bia nfedha, bafushishe tushibo twa nkishi twa bilonda bia nfedha, kwi Daiana, e basungulanga mono yibungi kwi benyi basendwe. E bakongwele hamune, na bangi babadi na mufubo hamune, bambile’shi: A Bamwanana, anwiuku’shi, ku uno mulubo nyi buheta bwetu. Dimonyi, nubaliu kumona na kuhusha’shi, ta nku Efisesa ank’ako, ooo, anka hehi mosomoso mu l’Asie uno Paulu bebakonkwelanga, bālulusha bantu be bungi’shi: abio mbikitshibwe na masaa, tamb’Efile’abo, ooo. Ha uno mwanda busendwe bwetu tabudi hēhi kufukulwa; na ntempelo namuya Daiana, efilemukashi mukata, taikyebe kwikala bu bisumanga, na ntumbo ye yishindwe, e winyi, alangwilwanga na boso ba mu l’Asie, na bahanohansenga. Habahushishe yino myanda, abaule ndaa na bukyelo, tabēle musase’shi: Mukata winyi Daiana a Bena Efisesa. Na kibalo kioso kibokakēne n’eunga: biabia habahwile kukwata Ngaiuse na Alestakuse, bena Masedonya, babadi bena luendo na Paulu, abafutumukile lubilo n’eshimba dimune, bakatwela mu nshibo yikata ya kiashisho. Biabia Paulu badi n’eshimba dia kukyeba kutwela mu kibumbu kia bantu, anka balondji b’Efile abamutosheshe. Na bamo ba ku bakata ba ku l’Asie abadi bakūku be, abatumine bakumwiyayila’shi: Tokumanga kutwela mu nshibo yikata ya kiashisho. Biabia abākwile mintumpidi, bangi mwanda umune, na bangi wabo mwanda; mwanda kibumbu kibadi akibokakana n’eunga, n’akia kibumbu kibadi kikile bakwabo bungi, takibadi kiukye kiabebungile. Abatakudile Alekesanda mu kibumbu, Bena Yuda abamutudile ku mpala. Biabia Alekesanda bahukile n’eyasa die, badi akyebe kwakula kwībingisha kwi bantu. Anka habeukile’shi, nyi mwina Yuda, boso abēle eyi dimune ku kihindji bu nsa yibidi’shi: Mukata anka Daiana a Bena Efisesa. Henyihaha Mufundji-a-bimu bia kibalo, habauminyishe kibumbu, bambile’shi: Anwe bena Efesesa, a muntu kinyi shī euku’shi, kibalo kia Bena Efesesa ki mulami a ntempelo ya Daiana efilemukashi mukata, na a akia kibahone ku Yupita? Binyibiabia ha kumono yino myanda tayihakanwa, wa nudi n’au ngwa kwikala’nka nyaa, tanukitanga namu mwanda lubilo. Mwanda nubafwisha bano bantu kuno bashī bangifi ba ku mantempelo, sunga mba kukaa efile enu mukashi, Binyibiabia su Demeteleuse na basendwe be n’e, be na mwanda na muntu, kimu ki kwanka, na bampianyi balamwinyi ba l’Etat be kwanka namu, bibuwa beteushene. Anka su anwihusha ha yingi myanda, ayikalumbulwa mu kimu mulombene kishila kiakio. Mwanda’twe tatudi hehi na kuhotekwa h’eūnga dia lelo uno, mwanda tatwi na kia kuhatula kia tubekonenena kuno. Habahwile kwakula biabia, bahalakeshe kikongeeno. Habauminyine eunga, Paulu baitamine balondji bi’Efile kwadi, bebebambele bīha kwibalaa, akatuka kwenda mu Masedonya. Habahwile kukila yaya mpese, na hakwibalanga malango ebungi, bafikile mu nsenga ya Bena Ngidiki. Babombelele mwanka mieshi yisatu. Habamubembelele Bena Yuda, na habadi akyebe kwenda ’mbwato ku Sidia, bafūne’shi, nankāluka, nkile mu Masedonya. Biabia Sopate a ku Belea, na ba ku Bena Tesalonika, na Alestakusa na Sekunduse; na Ngaiuse a ku Debe, na Temote; na ba ku l’Asie, na Tekikuse, na Tofimuse, abamushindjikīle. Bano’ba nyi bababadidile kwibedi, abetwindjila ku Toasa. Biabia tubakatukile ku Fidihai, tubayile mbwato, ku mongo kwa mafuku a mampa ashī na kitatusho; tubafikile kwi’ba be ku Toasa mu mafuku atano: nyi mwatubashalele mafuku ’musambobidi. H’efuku dia kwibedi dia lubingo, habebungile balondji b’Efile hamune mu kubasula mampa, na Paulu habadi mwimene luendo habubatokyele, bebalungwile w’Efile, bayididile na mwanda mpaa na ku kilonkatshi kia bufuku. Mubadi bimunyi bibungi mu nshibo ya kwiilu mwabadi bekongyele. Na nsongwalume umune, atemunwa bu Eutekuse, badi mushale mwididishi, bakambilwe na tulo tukata; biabia habadi Paulu kwete kwakula mwanda wibula, na tulo tubamunemene bimoo, ahona ku kisasa kia kasatu hashi, bamubusha mufwe. Henyihaha Paulu bayikile amuhona, amulela mu kiadi, bambile’shi: Tanukalakashanga mashimb’enu, mwanda muwa we e n’au. Binyibiabia habakumine dimonyi, na habahwile kubasula mampa, na kudia, na kwisamba n’abo kihindji kila, mpā na habatshibile mwiyanda, biabia bakatukile. Abafishishe nsongwalume tātala, abo namu abasambibwe bikata. Ank’atwe tubabadīdile ku bwato, tubayile ku Asoso, nyi kwatubafune kwikisha Paulu dimonyi, mwanda e balayile’shi, tandji hehi kwenda ha ngwa. Habetusañene ku Asoso, tubamwikishe ’mbwato, tubafikile ku Mitelene. Biabia tubakatukile kwanka, na habubatokyele tubadi hehi ku Kiose; ha dingi dia maloba tubafikile ku Samose, tubemēne namu ku Tulongileume, na ha dingi nyi diā maloba tubafikile ku Miletuse. Mwanda Paulu bahwile kufuna shi; Nankakilakila ku Efisesa ’mbwato, mwanda tamukyebe’shi: Nkashale kihindji mu l’Asie, ooo, mwanda badi anyisha lubilo’shi: Hangi su nankamono bia kwikala ku Yelusalema, h’efuku dia Mpentekoshita. Biabia ku Miletuse batumine ku Efisesa kwitamisha bakulu ba kikoñeno ki’Efile. Habafikile kwadi, bebalungwile’shi: Anwe bana bene anwiuku mpā na kwifuku dia kwibedi dinafikile mu I’Asie, mwiyile kihikwa kinadi n’enu bihindji bioso. Munafubilanga Nl’umwetu na kwihelesha koso kwishimba, na mpolo yibungi, na bitompelo bibamponene ku kubembelwa kwa Bena Yuda, na mwa shī mufwamishe yinyi yibadi mwa kwinusungisha busunga, sunga ngihelahela, sunga nkuhisha kwinuhatulwila, na kwinulambukisha ku mpala kwa bantu na ku nshibo ku nshibo. Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu. Talangai binobino, nēnde mwanyibwe mwishimba ku Yelusalema, kushī kwiuka kinyi ayikanemena kwanka. Anka Kikudi-E-Selelee mu bioso bibalo andungula’shi: Nkano na bia malwa abikutengyela. Anka takwi kintu kimune kia bino bintu akinsanyisha’mi munda, sunga namu nkuhwandjikisha muwa wande bu kintu kineme kwimi, mwandjia kuhudisha luendo lwande lwa muwa, na kusehela na mufubo wanatambwile kwi Nfumwetu Yesu, nyi nkulungula mukāndu-wibuwa wa bumuntu bw’Efile Mukulu. Talangai binobino, neuku’shi, anwe boso banatwelanga munkatshi mwenu kwinulungula wa bufumu bw’Efile Mukulu, tanukamono mpala yande dimonyi, ooo. Binyibiabia netemuna bu kamonyi kwanudi lelo uno’shi: Nabingishwa ku mase a bantu boso. Mwand’ami nkīmwishikile kwinulungula binangu bioso bi’Efile Mukulu. Biabia dimukai anwe bana bene, na lombe losonamu, hanundu halo Kikudi-E-Selelee benutudile bu balami’shi: Nudishe kikoñeno ki’Efile kibaūle na mase e. Mwanda neuku uno’shi, kunyima kwa kukatuka kwande, tūmishi twi bukyelo atukatwele munkatshi mwenu, tushyatulekye lombe. Kwanudi’nwe bana bene namu, bantu abakabuku na kwakula myanda yishī bu ya binyibinyi, mwa kwibabembela kwabadi, bekale bu balondji. Binyibiabia, dimukai, nangushenai’shi: Ku kihindji kia bihwa bisatu, ntshimulekye kudimuna ese muntu na mpolo bufuku na kanya. Binobino anwe bakwetu ba mu Kidisitu, nenulubula kw’Efile Mukulu, na ku mwanda wa bu-muntu bwe, awiuku kwinukunkusha, na kwinuha buhyanyi munkatshi mw’abo boso balamunwe-be-selelee. Nkimulakile nfala nga ya nfēdha ya muntu, sunga ya nsahabu, sunga mbifwalwa. Ee, anwe bana bene anwiuku’shi, ano maasa abanfubila ku nkalo yande, na kwi’bo abadi n’ami. Mu bintu bioso nenulesheshe’shi, hakutuhwita mufubo wanudi n’au mbihwandjikile’nwe kukankamishā’bo batūba, na kunangushena bishima bia Nfumwetu Yesu, bibākwile’shi: Mwabi wa kuhana, ngukile wa kuhebwa. Habahwile kwakula biabia, bakunamine hashi, batekyele n’abo boso. Biabia abo boso abadile bikata, abebambele biha ku nshingo ya Paulu, abamufifile ku kanwa, Mashimb’abo abakambile kufita ha mwanda ubambile’shi: tanunkamono’nyi dimo meso, ooo. Biabia abamushindjikile ku masua. Bitabibakitshine, hakwibaleka, na kulundula bwato, tubayile anka balulame swee na ku Kōse, na habubatokyele tubafikile ku Lodese; twakatuka kwanka kwenda mpaa na ku Patala; na kahusañana masua aende ku Fenesia, tubayikile mwanka twenda adi’eshia. Hakufika na kufumbwila Saipuluse, tubekikile ku mboko yi bakashi, twenda ku Sidia, twakabukila ku Tyila, mwanda’ko nyi kubadi akukyebe nkābwilwa bintu bibadi ’masua. Hatubafumbwile balondji b’Efile, tubalele mwanka mafuku musambobidi, abo, abākwile kwi Paulu mu Kikudi-E-Selelee’shi: Tokaminanga ku Yelusalema. Hatubahwile aa mafuku tubakatukile twenda lwendo lwetu; n’abo boso abetushindjikile na bampiana babo, na bana babo, mpaa n’ahatubakatukile ku kibalo; biabia hatubakunamine hashi ku bukunkula kwa mema, tubatekyele Efile Mukulu. Hakwibambena biha, tubayile ’mbwato, n’abo abālukile kwabo. Hatubahudishe luendo lwa ku Tyile, tubafikile ku Tolemaise, twaimuna bakwetu ba mu Kidisitu, tubashelele n’abo efuku dimune. Habubatokyele, atwe ba ku kibumbu kia Paulu, tubakatukile, twafika ku Kesalea; biabia tubatwele mu nshibo ya mulungudi a mwanda wibuwa w’Efile Mukulu, Fidiha, e badi umun’abo a kuba musambobidi, tubashalele n’e. E winyi badinabanabe bakashi bananka, bakitumame, abo abatemukanga myanda. Hatubayishishe mafuku e bungi, mutemuki umune, batemwinwe bu Akabusa, mubafikile ku Yudea. Habafikile kwatudi, bātshile kikoba kia Paulu, beanyine e na mwinyi ku mikolo na ku maasa e, bākwile’shi: Nyi mubesambila Kikudi-E-Selelee’shi: Anka biabia Bena Yuda be ku Yelusalema, abakānya muntu sha kino kikoba bu bino, bakamufishe mu maasa a Badjentaila. Hatubahushishe yino myanda, atwe, na ba ku kiakia kihindji, tubamusendelele’shi: Tokaminanga ku Yelusalema. Henyihaha Paulu bālulwile’shi: A nkinyi kianudidi na kunsasush’eshimba diande? Mwanda nki mwimēne kwanyibwa ank’ako, anka namu kumona’nyi lufu ku Yelusalema ha mwanda w’eshina dia Nfumwetu Yesu. Biabia e habatune kwalushwa, tubamulekyele’shi: Abikyeb’eshimba dia Nfumwetu bikitwe. Habakile aa mafuku tubalongyele bi na luendo, tatukamina ku Yelusalema. Kubakamine n’etu namu bangi balondji b’Efile ba ku Kesalea, betushindjikila, nakwitutula kwi mungi, Nasone, mwina Saipuluse, mulondji e Efile a kala, nyi a tukashala n’e mwe. Hatubafikile ku Yelusalema, bakwetu ba mu Kidisitu abetukukile na muloo. Habubatokyele Paulu bakatwelele n’etu kwa Yakoba; bakulu boso namu abadi kwanka. Habahwile kwibemuna, bebahatulwidile myanda yibakitshine Efile Mukulu munkatshi mwa Badjentaila ku mufubo we ku umo umo. N’abo, habahushishe biabia tabatumbisha Nfumwetu, abamulungwile’shi: Obe, mukwetu, bomono’shi: Kwi binunu na binunu bia Bena Yuda abakuminyine, na boso bwabo be na kinsukunsuku kia mukandawa-bishila; N’abo abalungudibwa ha mwanda w’obe’shi: alambukishā Bena Yuda boso be munkatshi mwa Badjentaila’shi: Nufutale Mosesa, tambihwandjikile’nwe kusala bana (babo,) sunga nkulonda bihikwa, ooo. A henyihaha bino’bi bi na minyi Pkibumbu takikakutwa kwikongola; mwanda abakahusha’shi: E tafikile. Biabia okite biatwakula kodibe! Twi na bana balume bananka babatshihile mutshiho. Wende n’abo, okelumbule n’abo, we bafutshile, bebakūle tuhweto; biabia boso bashingule’shi, aya myanda yatulungulwanga ha mwanda wobe ngia bisumanga; biosobi obe wendā’nka kalolo, mpaa na kulama mukandawa-bishila. Ha mwanda wa Badjentaila abakuminyine, tubahwile kwibafundjila mukanda kwibatshibila’shi: Tanulama’kio, anka nwihengyei kwi’bio abihebwa kwi mankishi, na mase, na ku’bia bifinyibwe nkono, na ku bukyebekyebe. Henyihaha Paulu bātshile benyi bana balume, habubatokyele belumbulwile n’abo, batwela mu ntempelo mu kulesha kukumbasha kwa mafuku a kwīlumbula, mpaa nāhabalambwilwe bia mulambu kwi ese muntu. Habadi mafuku musambobidi takyebe kukumbana, Bena Yuda ba ku l’Asie, habamumwene mu ntempelo, abafundulwile kibumbu kioso, abamukwete. Tabēle musase’shi: Anwe Bena Isalele, etukwashei namu. N’ē uno muntu alambukishā bantu boso kosokoso; elamuna kwatudi’ twe bantu, na kwilamuña nyi ku mukanda wa bishila, na ha kino kihindji’nyi; ungi mwanda namu batwesheshe Bangidiki mu ntempelo, balwishishe hano hantu hahatulwe-hekishila. (Mwanda abamumwene kwibedi mu kibalo na Tofimuse, mwina Efisesa, e winyi nyi abatentekyeshe’shi, Paulu bamutwesheshe mu ntempelo). Biabia kibalo kioso kibatunkumine, bantu namu abakamine lubilo hamune; na hakukwata Paulu, abamukakila hasha ha ntempelo: Kahindji n’āka bibi bibashitshilwe. Habādi tabakyebe kumwihā, mukāndu ubayile kwi nfumu a kimankinda bia basalai ba kibumbu kia basha ngoshi eshi: Mu Yelusalema moso mubokakana eunga. E winyi kahindji n’āka, habātshile basalai, na balami ba mu nkama ya basulai, bafutumukile lubilo kwabadi; abo habamwene nfumu a bimankinda bia basalai, abalekyele kukuhila Paulu. Benyihaha nfumu a bimankinda bia basalai hakwifubula hehi bamukwete, bakamikile’shi: Bamwanye na nkano yibidi, behwishe’shi: A winyi u nanyi? e mukite kinyi? Biabia bangi abēlele dimo eyi, na bangi abēlele dingi eyi munkatshi mwa kibumbu; na habakutshilwe kushingula kalolo ha mwanda w’eunga, bakamikile’shi: Bamutwale mwibalasa dibadi mu kihempe. Habafikile ha kikamino, biabia badi mutwalwena basalai, ha mwanda wabukyelo bwa kibumbu. Mwanda kibumbu kibalondele kumongo, kibelele musase’shi: Mukatushei. Habakyebele kukunkusha Paulu mwibalasa dibadi mu kihempe, bākwile kwi nfumu a bimankinda bia basalai’shi: Nakule n’obe su? Bamwālulwile’shi: Weuku kwakula bwina Ngidiki su? A ta n’obe winyi mwina Ndjihitu, babushishe eunga kala, kwibedi kwa ano mafuku, bakunkwishe bantomboshi binunu binanka mpaa na mu kabāka? Anka Paulu bambile’shi: Ami nyi mwina Yuda a ku Tasusa, kibalo kia Selesia, n’a mu kibalo akio namu tankia bisumanga ayoyo; n’ami nakusendela ondekye, nakule na bantu. Habadi muhebwe matalwa, Paulu bemene ha kikamino, bahoheshe n’eyasa die kwi bantu. Hakubadi takudi nyaa, bakwile n’abo mwidimi dia Bahebelu’shi: Anwe bakwetu, na bayaiya, hushai mwanda wande wa kwibingisha wañakula binobino. (Habamuhushishe ākula mwidimi dia Bahebelu, abauminyine nyaa;) n’e tākula’shi: Ami uno, mbinyibinyi nyi mwina Yuda, mutandjilwe mu Tasusa, kibalo kia mu Selesia, anka nyi mukuule mu kino kibalo ku ngwa ya Ngamadiele, nalambukishwanga anka mwiyile kushinkamisha kwa bihikwa bia mukanda-wabishila wa bashye tukulu, nadi na kinsukunsuku kw’Efile Mukulu, hamune bū’nwe nwi n’akio lelo uno. Nabinganga ba mu dino eshinda mpaa na kwibafisha ku lufu, nadi ānya bana balume na bana bakashi, kwibafisha mu mashibo a nkano. Mu yino yoso tshiitemwakwidi e hanundu ha bakwabo, āñakwila bu kamonyi, na bakulu boso namu: kwabadi nyi ku natambwile mikanda yitumibwe kwi bakwetu ba mu Kidisitu, nayile ku Ndamasaka mu kufisha aba ku Yelusalema abadi banyibwe, mwanda wa kwibamwesha malwa. Bitabibakitshine hanadi ha luendo lwande, na hanadi tandji hehi ku Ndamasaka, nguba tabadi akimbi mitwe, kubampulumukile etata ditaka, adifu kwiilu, dibamunyikile kosokoso handji. Nami nahōne hashi, nahushishe eyi adinamba’shi: A Saulu, a Saulu, a nkinyi kio’mbingabinga? Ami namu nālulwile’shi: A Mwanana, a n’obe ’nyi? E namu’shi: Nami Yesu a Nasaleta obingabingā. N’aba badi n’ami abamwene etata binyibinyi, mō ubebakwete, anka tambahush’eyi dia winyi badi akula n’ami. Namwihwishe’shi: A nkite na minyi Mwanana? Mwanana Nfumwetu bandungwile’shi: Buka, wende mu Ndamasaka: abikakulungulwa mwanka abiā bioso bibakusangwilwa obe kukita. Hanakutshilwe kumona mwanda wa mbadibadi y’adi’etata, na hakukunkushwa ku mboko kwi’ba nadi n’abo, nakafikile mu Ndamasaka. Biabia umune, Ananaisa, muntu mululame muyile mukanda-wa-bishila, badi na mukāndu-wibuwa munkatshi mwa Bena Yuda boso babadi babombele mwanka. E bafikile kwandji’mi, baimene, andungula’shi: Mukwetu Saulu, bula meso’be, biabia anka ha yawa nguba namutadile. Biabia bakwile’shi: Efile Mukulu a bashyetukulu bakusangula’shi; weukye amukyebela eshimba die, na kumonā’wa Mululame, na kuhusha eyi dia mukanwa mwe. Mwanda obe okekala kamonyi ke kakulungula bantu boso ku kiakia kibomono na kibohusha. A binobino oesha kinyi? ebwe, obatshishwe, otumpe milwisho yobe, wetanyine h’eshina dia Mwanana. Bitabibakitshine, hanālukile ku Yelusalema, anka hanadi natekye mu ntempelo nadi alotakana kilotwa kishī kia tulo. Namumwene andungula’shi: Nyisha bukidi, okatukye lubilo mu Yelusalema; mwanda tabakakumina bulungudi bobe bwa bu kamonyi bwa ha mwanda wande, ooo. Ami nālulwile’shi: A Mwanana, abeuku mu nadi atweshesha bakumine mu nshibo ya lukano, na mu nadi abakuhila mu bitumbwilo bioso. N’ahabasumbukile mase a Setefane, ami namu nadi mwimane hanka, nakumina lufu lwe, nalamine bifwalwa bia benyi abamwihayile. Biabia ebandungwile’shi: Katuka, mwanda nankakutumu kingi kula, mpaana kwi Badjentaila. Biabia habahushishe eyi die, abanyishishe mayi abo’shi: Kashai uno muntu e biabia hano ha nsenga, tambihwandjikile e kwikala na muwa. Habadi abēle bila, abafule bilamba, tabele nsenga mwiilu. Biabia nfumu a bimankinda bia basalai bakamikile’shi: Mufishei mwibalasa di mu kihempe, bebalungwile’shi: Bamutompe hakumukuhila nsasu, nshingule wadi nau wabamwela bila bi bino’bi. Habamwanyine na bikoba, Paulu baihwishe mulami a lukama lwa basalai badi mwimane hehi’shi: A nyi mulombene kishila’nwe kukuhila muntu mwina Loma, shī muhishībwe su? Mulami a lukama lwa basalai habahushishe biabia, bayile, alungula nfumu a bimankinda bia basalai’shi: Dimuka kiokyebe kumukita, mwanda uno muntu e mwina Loma. Henyihaha nfumu a bimankinda bia basalai bafikile kwadi, amwihusha’shi: Ndungule bibuwa, we mwina Loma su? E namu’shi: Ee. Biabia nfumu a bimankinda bia basalai bālulwile’shi: Ami namwene buno bwina kibalo anka ku mulo wi bukoho. Paulu namu’shi: Anka’mi nyi mutandjibwe mwanka mu buluñantu. Kahindji n’āka aba abadi abakyebe kumutompa abakatukile kwadi: Nfumu a bimankinda namu bakwetwe na moo, habashingulwile’shi, biosobi mwina Loma, na mwanda e bamwanyine. Habubatokyele, mwanda bakyebele kwiuka kikankamikilo kiabamuteulwidile kwi Bena Yuda, bamwangwile bibānyinwe, bakamikile batshiite-bakwidi namu, na kimu kiabo kioso’shi: Ekoñenei hamune; biabia bamwikishe, amutula ku mpala kwabo. Henyihaha Paulu bebatadile kanana ha kimu kikata, bakwile’shi: Anwe bakwetu, nyi mwikala atala mpaa na lelo uno, kumpala kw’Efile Mukulu na muntu ebuwa a munda mwande. Tshiite-mwakwidi Ananaisa e hanundu ha boso, bakamikile aba baimene hehi n’e’shi: mukuhilei ku kanwa. Henyihaha Paulu bamwalulwile’shi: Efile Mukulu akakukuhila namu obe lubumbo lushinge ntoshi; oshala haha kuntshibil’ami kimu mwiyile mukanda-wa-bishila, n’obe bokamika’shi: Bamukuhile mushī mwiyile bishila? N’aba abadi bemane hehi abakwile’shi: Aaa! bōka tshiitemwakwidi mukata a Efile Mukulu e hanundu ha bakwabo biabia? Henyihaha Paulu namu’shi: Nkimwiukye, anwe bakwetu’shi, e nyi tshiitemwakwidi mukata; mwanda ngufundjibwe’shi: Tokākulanga bibubi bia mulami a bantu bobe. Anka habashingulwile Paulu’shi, luhese lumune lubadi lwa Basadusea, na lungi luhese lubadi lwa Bafadisea, bēlele musase munkatshi mwa kimu kikata’shi: Anwe balumiana bakwetu: Ami nyi Mufadiseo, mwan’a Mufadiseo; nyi ha mwanda wa lwinyi lutengyelo na lusangukilo lwa bafwe nyi hangihwishwa. N’e habākwile biabia, kubabukile mpaka munkatshi mwa Bafadiseo na Basaduseo; biabia kibumbu kibelamunwine hanka. Mwanda abo Basadusea abakulā’shi: Takwi lusangukilo lwa bafwe, sunga mwikeilu, sunga kikudi, ooo; anka Bafadiseo abakuminā bioso. Biabia kubabukile eunga dikata; n’aba bafundji-ba-mikanda, ba ku luhese lwa Bafadiseo, abebwele, tabēle mpaka’shi: Tatwi bamone mwanda mu uno muntu; hangi su kikudi su mwikeilu bahu kwakula n’e, tatubalua’twe n’Efile Mukulu. Binyibiabia hakubabukile mpaka yikata, nfumu a bimankinda bia basalai, hakutshina’shi, tala bakasasulu Paulu kwabadi, e bakamikile basalai’shi: Ikai, nukamumane ha bukoho munkatshi mwabo, nufikye n’e muno mwibalasa di mu kihempe. Biabia bufuku bubalondele Nfumwetu baimene hehi kwadi, amba’shi: A Paulu nyish’eshimba diobe, mwandā’nka muboñakwilwanga bu kamonyi mu Yelusalema, anka hamune odi n’au ngwa kwakwila ku Loma. Habubatokyele, bamo ba ku Bena Yuda abekongyele hamune, abetshihile mutshiho’shi: Tatukadi, sunga nkutoma, anka su tubaihā Paulu. Abadi makumi ananka asubule abahangile luno lukūku. Binyibiabia abafikile kwi batshiitebakwidi bakata na kwi bakulu’shi: Atwe tubahu kutshiha mutshiho ukata wi moo’shi: Tatukadi kintu, anka su tubaihā Paulu. Binyibiabia anwe, na bena kimu kikata nukabembule nfumu a bimankinda bia basalai’shi, amwishi kwanudi maloba, nukadimbe bwabakyebe kwihusha mwanda ukambe kushinkama ha mwanda we, biabia atwe kwibedi e tabandjile kufika hehi, tatuhwile kwimēna mwa kumwihayila. Anka habahushishe mwihwa a Paulu mwanda wa kubembela kwabo, bayile, akatwela mwibalasa di mu kihempe, balungwile Paulu. Henyihaha Paulu betanyine kwadi umune a balami ba basalai lukama, bambile’shi: Katule uno nsongwalume kwi nfumu a bimankinda bia basalai, mwanda e na wa kumulungula. Biabia e bamwatshile, akamutula kwi nfumu a bimankinda bia basalai, bambile’shi: Paulu musungi baftitamine kwadi, bansendela’shi: Katule uno nsongwalume kwadi, e na wa kumulungula. Henyihaha nfumu a bimankinda bia basalai bamukwatshile kwi eyasa, bayile n’e bufyefye ku bukunkula, bamwihwishe’shi: A ngunyi uodi n’au kundungula? E bambile’shi: Bena Yuda abalombanyine kukukyeba’shi: Okaishe Paulu maloba ku kimu na kudimba, bwabakyebe kwihusha mwanda ukambe kushinkama, Anka twebakuminanga, mwanda kwi bamo abamubembela bana balume be makumi ananka asubule, abo mbahwe kutshiha mutshiho’shi: Tatukadi, sunga nkutoma anka tubamwiha. Binobino mbemēne kutengyela mulayilo kodibe. Biabia nfumu a bimankinda bia basalai bakuminyine nsongwalume ku katuka, bamukamikale’shi: Tokumanga kulungula mungi muntu bibondungula yino myanda. Henyihaha betanyine balame babidi ba basalai lukama, eshi: Kongolai basalai nkama yibidi ba kwenda ku Kesalea, na be-ha-nfalasa makumi musambobidi, na basha milumbu nkama yibidi abēbwele ha nsa kitema ya bufuku. Tushai namu nyama ya kwiyiñama Paulu, nukamufishe bibuwa kwi Filekise mutontshi e hanundu ha bakwabo. Bafundjile mukanda mulombene bino’shi: N’ami Kalaudiuse Lesiasa kodibi Felekise mutontshi mukata a kinemo, nakwimuna. Uno muntu bakwetwe na Bena Yuda, tekalanga hehi kwihayibwa kwabadi, henyihaha ami nafikile na b’ēfita, namumañuna hakushingula’shi, e mwina Loma. Biabia hanakyebele kushingula winyi mwanda wabamuteulwile, namufishishe ku kimu kiabo kikata; nyi munashingulwile badi muteulwe ha myanda ya mu mukanda wa-bishila w’abo, anka takubadi ungimwanda wa kumuteula n’ao uhwandjikile lufu, sunga nkano, ooo. Hanyikalanga mulungulwe mwa babembelanga uno muntu Bena Yuda, kahindji n’āka natumu e kodibe, nakamikile benyi abamuteula namu’shi: bākule ku mpala kobe winyi mwanda wabadi n’e. Nankuladika. Henyihaha basalai, anka mwabakamikilwe, abātshile Paulu, bamufishisha bufuku ku Antepatese. Habubatokyele abalekyele be-ha-nfalasa kwenda n’e, bia bāluka kwibalasa di mu kihempe. Abo habafikile ku Kesalea, na hakuha mutontshi mukata e hanundu ha bakwabo mukanda, abatule namu Paulu ku mpala kwe. Biabia e hakubala mwanka, bēhwishe’shi: E ku lwi kunyi luhese lwa nsenga? Habashingulwile’shi, e mwina Selesia, Bakwile’shi: nankahusha mwanda wobe ahakafiki namu bakuteula. Bakamikile namu’shi: Alamibwe mu nshibo ya kimu ya Heloda. Habakile mafuku atano, tshiite mwakwidi mukata Ananaisa, e hanundu ha bakwabo, bayikile na bakulu, na mungi muludiki a bishima, atemunwa bu Tetulusa, basongyele Paulu kwi mutontshi mukata e hanundu ha bakwabo. Habetanyine, Tetulusa babangile kumuteula’shi: Ha mwanda atumono kuhohela kukata kodi, na bikitshino bilumbulukye mbikitshinyinwe mwīlo uno kumpwandjikishi yobe. Atwi utambula na lutumbo lwoso mu bihaso bioso na mu bihindji bioso, obe Filekisi muneme bi moo. Sunga mbiabia nkibiandjia kukubamba kihindji kibula nakusendela’shi: etuhushishe ha mwanda wa kutshibusha kobe mu bishima bihela. Mwanda tubamono uno muntu e bu fulanyanda, n’ā kuta ntamishā bantu munkatshi mwa Bena Yuda hanohansenga hoso, na bu kimankinda kia bulondji bwa bena Nasalene; e namu bakindakananga mu kushula bishila bia mu ntempelo; e, tubamukwete, tubadia kumutshibila kimu mulombene mukanda wetu-wa-bishila. Anka nfumu a bimankinda bia basalai, Lesiasa, bafikile, bamumanwine mu maas’etu na bukome bukata. Na kukamikā’shi; bamuteula bafikye kodi: n’obe na mwinyi hakumutompa, okashingula biya yino myanda yoso yiatudi bamuteule. Bena Yuda namu abakuminyine’shi: yino myanda yianka biabia. Henyihaha Paulu, habalobwelwe na mutontshi mukata e hanundu ha bakwabo’shi, akula, bakwile’shi: Ha mwanda neuku’shi, obe we nsushi a ku uno mwilo bihwa bibungi, nakamba kusehela kwitotolā’mi na mwinyi. Mwanda weuku kushingula’shi: tankukile mafuku ekumi n’abidi kasha nakamine ku Yelusalema mu kulangwila. N’abo tambansanane mu ntempelo n’ēle mpaka na muntu, sunga nkutantamisha bantu, sunga mu kitumbwilo, sunga mu kibalo, ooo. Tambeukye namu kushisha yinyi myanda yiabanteulanga n’ayo binobino. Anka nakumina kino kodi’bi’shi: Mwiyile eshinda diabatemuna bu kilubilo kia lulangwilo, nyi mwandangwilā Efile Mukulu a bayaiya ba kala, nyi mwandji mukumine myanda yoso yibafundjilwe mulombene ’mukanda-wa-bishila na mu wa Batemuki. Nyi na Efile Mukulu lukuluhilo lwabakumine kw’abo bana bene’shi: Akukekala lusangukilo lwa bafwe balulame, na lwa bashi balulami. Muno’mu nyi mwanyinyisha ami na mwinyi kwikala na muntu e munda mwanda shī na mwanda ku mpala kw’Efile Mukulu na bantu. Binyibiabia habakile bihwa bibungi nafikile kufisha biabuntu na milambu ku mwilo wande. Hanadi akitshi biabia bamo Bena Yuda ba ku l’Asie, abampetele musudibwe selelee mu ntempelo; tanadi na kibumbu, sunga n’eunga. Abo abadia kwikala kuno ku mpala k’obe, na kunteula su be n’ami mwanda. Sunga mbano be hano bākule, su mbasanane bikitshino bibubi mwandji hanadi mwimane ku mpala kwa kimu kikata. Anka dinyi eyi dimune dinēle hanadi mwimane munkatshi mwa’bo’shi: Nyi ha mwanda wa lusangukilo lwa bafwe nyi wangihwishwa kwanudi lelo uno. Biabia Filekise habahushishe yino myanda, na hakuukishwa kishinkatshilo kia diadia eshinda, e bebalayile’shi: A hakālala Lesiasa, nfumu a bimankinda bia basalai, nankatompo yinyi myanda yikunemene. Binyibiabia bakamikile mulami a basalai lukama’shi: Nulame Paulu lukano lwa, meso, totunanga bakwabo kufika kw’adi kumukwashia, ooo. Habakīle angi mafuku, Filekise bafikile na mpian’e Dusila, mwina Yuda; e baitamine Paulu’shi: Mpushe winyi mwanda wa lukumino lwa mu Kidisitu. Biabia habadi ahatula mwanda wa kululama, na kwitonta, na hakitshibilo kia kimu kianakafikye, Filekise basushile moo, bālulwile’shi: Banda kwenda kino kihindji, anka liankamono kihindji kihwandjikile nankakwitanyina: Anka e badi atengyela’shi: Ntambule mono kwi Paulu, mwandjia kumuhoswela. Biabia nyi kibamwitanyinanga misusa na misusa kwisamba n’e. Anka babakile bihwa bibidi Pokyusa Fesetusa bahyene Filekise; biabia Filekise mwanda badi n’eshimba kusangasha Bena Yuda, e balekyele Paulu mu lukano. Bitabibakitshine habafikile Fesetusa mu yinyi nsenga, bakamine habakile mafuku asatu ku Kesalea mpaa na ku Yelusalema. Henyihaha tshiite-mwakwidi e hanundu ha bakwabo, na bakata ba Bena Yuda abasongyele Paulu kwadi, tabamusendela’shi: Etpsambe namu, omwitutumine ku Yelusalema, abo bakahone mwishinda mwa kumwihayila. Anka Fesetusa bālulwile’shi: Paulu alamibwe anka kuno ku Kesalea, n’ami namwinyi nende kwanka ahayisha kahindji kakoto. Biabia e bambile’shi: abo be na matalwa, bālale n’ami, na su e na bubi, bamuteule. Henyihaha habashalele munkatshi mwabo su mafuku mwanda su ekumi, bālalele ku Kesalea: Ilēfuku dia maloba hakushala ha luhun’ā nsulo lwa kimu, bakamikile’shi: Paulu afishwe. Habafikile, benyi Bena Yuda abālalele ku Yelusalema, abamwifunyine, tabemukisha Paulu bimu bibungi bimoo, bishi bia kumushisha. E namu, beyialulwile e na mwinyi mwa kwībingīshā’shi: Ami, sunga nku mukandawa-bishila wa Bena Yuda, sunga nku ntempelo, sunga nkwi Kesala, nkimusole mwanda, ooo. Anka Fesetusa badi akyebe kusangasha Bena Yuda bālulwile Paulu’shi: Okyebe ku kamina ku Yelusalema kukatshibilwa kimu kwanka ha yino myanda ku mpala kwande su? Henyihaha Paulu’shi: Ami nyi mwimane hano ha kimukilo kia Kesala nyi kbnahwilā kutshibilwa: Nkimutombokyele Bena Yudā’mi, ooo obe namwinyi namu we mwiūkye biya. Mwanda su nyi mutomboki, sunga nemukite mwanda uhwandjikile’mi lufu, tantunu kufwa, ooo; anka su yino myanda yiabanteula tayi kwanka, biabia takwi sunga ngumune anfisha kwabadi. Naloba Kesala. Henyihaha Fesetuse habahwile kwisamba na ba mu kimu, bālulwile’shi: Bibohu kuloba Kesala, biabia kwi Kesala kwinyi okēnde. Habakile angi mafuku nfumu Angidipa na Benise abālalele ku Kesalea mu kwimuna Fesetusa. Habahishishe mwanka mafuku e bungi, fesetuse balubwidile nfumu mwanda wa Paulu’shi: Kwi muntu mwanyibwe ābalekyele kwi Felekise. Hānadi ku Yelusalema batshiite-bakwidi bakata na bakulu ba Bena Yuda abafikile na kimu kie’shi: Omutshibile’kio. Ami nālulwile kwabadi’shi: Kishī kihikwa kia Bena loma kulubwila muntu ku lufu, su nanyi su nanyi, kwibedi winyi muteulwe, emonene n’abo abamuteula mbulushi, e namu amona bibuwa mwa kwalulwila e na mwinyi ha mwanda wa kimu kiabamwimukile. Binyibiabla habubatokyele habādi abekongyela kuno, nashalele ha kimukilo kushī kwindjila, nakamikile’shi: Bafishe muntu yawa hano. Ank’abo habamwibwelele kumuteula, tabādi na yinyi yiakumuteula n’ayo, bu yianadi ahwandjikish’ami, ooo. Anka’abo abadi na yimo ngihusho ya kubwela n’e ha mwanda wa kulangwila kwabo, na ha mwanda wa winyi Yesu bafwile kala, winyi e Paulu mukankamane’shi, atala. Na ha mwanda nealashenanga mwiyile bihaso bia yinyi ngihusho, namwihwishe’shi: Okyebe kukamina ku Yelusalema mu kutshibilwa kimu ha yino myanda: Anka habalobele Paulu’shi: Ndamibwe kuhushwa kwi Augusetusa, nakamikile’shi: Alamibwe mpaa na hankamono mwa kumutuma kwi Kesala. Henyihaha Angidipa bakwile kwi Fesetusa’shi, Ami namwinyi namu nankyebe kuhusha uno muntu. Ebambile’shi Okamuhusha maloba. Biabia habubatokyele, habafikile Angidipa na Benise’ na ntumbo yikata, habahwile kutwela mu mbalo ya kuhusha myanda, hamune na banfumu ba bimankinda ba basalai, na bantu bakata ba mu kibalo namu hamune; Paulu badi afishwa mwanka ha kikamikilo kia Fesetuse. Biabia Fesetuse bakwile’shi; A nlumu Angidipa, na bantu boso batudi n’abo hano, anumono uno muntu abasongyele kwi Bena Yuda kwandjimi, na ku Yelusalema na hano, abēle musase’shi: Tambihwandjikile e kwikala ki na muwa na bino, ooo. Anka hanasañene tamukite kintu kihwandjikile lufu, n’e na mwinyi namu balobele Augusituse, tanfune kumutuma. Ha mwanda we nki na kiankufundjila nfumwami. Binyibiabia nyi kinamufishisha ku mpala kwenu, na kukishakisha ku mpala kobe, obe nfumu Angidipa, eshi, hakumutompa, nankamono bia kukufundjila. Mwanda kwishimba diande nahtwandjikisha tambilombane kutuma musungi kushī kia kukulesha yinyi myanda yadi muteulwe, ooo. Henyihaha Angidipa balungwile Paulu’shi: Bohebwa matalwa kwiakwila obe na mwinyi. Henyihaha Paulu bōlwele mboko, teakwila’shi: Nahwandjikila nyi na mwabi, obe nfumu Angidipa, tanakyebe kwialulwila ku mpala kobe lelo uno, mwiyile myanda yoso yandji muteulwe kwi Bena Yuda. Nyi nkukambe kwiuka’shi, we mushingudi e moo a bihikwa bioso na ngihusho yoso ya munkatshi mwa Bena Yuda, binyibiabia nakusendela’shi: Weshinkye kunyihusha. Bena Yuda boso abeuku mwiyile nyikashi ya ha bunsongwalume bwande mpaa na binobino, yinadi n’ayo kwibedi munkatshi mwa mwilo wande ku Yelusalema. Abo mbahwe kunshingula na kumbangilo, su be na musanku kwakula bu tumonyi, eshi, anka molokyele swē bulondji bwa lulangwilo lwetu, nadi na muwa bu Mufadisea. Binobino namu nyi mwimane kutshibilwa kimu ha mwanda wa lutengyelo lwa mulayilo, ubalayile Efile Mukulu kwi bashyetu. Nyi ku winyi mulayilo bisaka bietu ekumi na bibidi, bikwete kufuba na kinsukunsuku, bufuku na kanya abitengyela kwiuheta: Nyi ha mwanda wa luno lutengyelo, obe nfumu Angidipa nyi muteulwe kwi Bena Yuda. (Kashia!) a nkinyi nkihwandjikishwe kodibe’shi: Takīkekala kikitwe kw’Efile Mukutu kubusha bafwe ku lufu? Nyi mbinyibinyi ami nadi atentekyesha munda mwande’shi: Mbihwandjikile’mi kukita myanda yibungi ayituhishena n’eshina dia Yesu a Nasaleta. N’ayo yino yanakitshine namu mu Yelusalema; nashitshile mu nshibo ya lukano bebungi ba bahatulwe-bakishila, hanatambwile matalwa kwi batshiite-bakwidi bakata; na habatele bubale kwa kwibeha nakuminyine. Nadi ebamwesha malwa misusa na misusa mu bitumbwilo bioso, nadi ebafinyika kukā Efile Mukulu mulomo, na hanakwatshile bukyelo bukalabale kwabadi, nebingenene n’abo mpaa na ku bingi bibalo. Binyibiabia hanadi ende ku Ndamasaka na matalwa, na lukamikilo lwa kwi batshiite-bakwidi bakata, Ha nguba mitwe, obe nfumu, namwēne mwishinda etata dibafiki kwiilu, dikile mbadibadi ya nguba, dibamunyikile hosohoso hanadi, n’aba nadi n’abo ha luendo. Hatubadi’twe boso bahona hashi, nahushishe eyi adiakula kwandji’ mi mwidimi dia Bena Hebelu. A Saulu, Saulu, a nkinyi kionbingilabingila? Ki bukoho obe kusubwila misebe ku binsongo. Biabia n’amba’mi’shi: A n’obe nyi Mwanana? E bālulwile’shi: Na’mi Yesu obingabingā. Anka ebwe, wemane ha ngwa yobe, nyi ha uno mwanda unamwekyela kodi’shi: Nkusangule bu mufubi, na bu mulungudi a myanda yibomwene, na mu yaya, mwi yinyi’yo nankamweka kodi. Na kukumañuna kwi bantu, na kwi Badjentaila, kwabadi nyi kunankutumu’shi, okyebabule meso, na kwibafutalasha ku mufito, batadile kwitata, na ku matalwa a Satana namu, batadile kw’Efile Mukulu mwabadia kutambwila kulekyelwa kwa milwisho, na buhyianyi munkatshi mwabo balamunwe-selelee ku lukuluhilo lwi mwandji’mi. Binyibiabia obe nfumu Angidipa tanadi na bukolwa ku kimonwa kia mwiilu. Anka nabadidile kulungula abo ba ku Ndamasaka, n’abo ba ku Yelusalema, n’aba mosomoso mu mpese ya Yudea, na kwi Badjentaila namu’shi: Belangye na kwaluluka kw’Efile Mukulu, bakite namu bikitshino bilombane kwilanga kwa mashimba. Ha yino myanda nyi habankwatshile Bena Yuda mu ntempelo, batompela kungihā na maasa e bukyelo. Biabia hakutambula bwinyi bukwashi bwa kw’Efile Mukulu, nyi muyididile mpaa na lelo, nkwete kulungula bu tumonyi kwi bahela na bakata; tañakula yingi myanda, anka yinyi yibākwile batemuki na Mosesa ayikafiki; eshi, Kidisitu badi na wa kufwambuka, ekale namu bu a kwibedi kwa kusanguka ku bafwe, na kulesha etata kwi bantu na kwi Badjentaila. Biabia habahwile kwiakwila, Fesetuse bākwile n’eyi dibukoho’shi: A Paulu, we kitesha. Kalolo kebungi kabakwalula bu kitesha. Anka e bālulwile’shi: Ami nki bu kitesha’mi, obe Fesetuse muneme bi moo; anka nākula myanda ya binyibinyi na ya lwishinko lwa binangu. Mwanda nfumu euku yino myanda, ku mpala kwe nākula na kiana, mwanda nyi mwiukye biya’shi: Sunga ngumune wa yino myanda umufwame, mwanda uno tangukitshibwe mwihaka. A nfumu Angidipa, okumina myanda ya batemuki su? Neuku’shi, we mukumine. Henyihaha Angidipa bālulwile Paulu’shi: Kubashala anka hahela obe kunalula kwikala mwina Kidisitu. Binyibiabia Paulu bambile’shi: Mpahela su nkukumbana, nadidi kw’Efile Mukulu’shi: Tanank’obe, anka na boso abampusha lelo uno bekale bū’mi, anka bashi na yino nkano. Habahwile kwakula biabia, nfumu bebwele na mutontshi mukata e hanundu ha bakwabo, na Benise, n’aba badi ibashale n’abo. Biabia habakungulukile, benda ku bukunkula, tabelungushena’shi: Uno muntu tamukite kintu akihwandjikila lufu sunga nkano. Henyihaha Angidipa balungwile Festuse’shi: Uno muntu badia kuhosolwa, ēnda, su tamulobe Kesala. Hatubahwile kufuna’shi, twalale’masua mpaa na ku Itale, abalubwile Paulu na yinyi misungi kwi umune atemunwe bu Yuleuse, badi mulami a basalai lukama a ku kibumbu kia ngoshi kia Aungusituse. Hakwikila’masua a ku Adimityuma, tubealundwile, tubadia tufūna kwenda ku mpese ya l’Asie; umune, Aleustakuse mwina Masedonya a ku Tesalonika badi n’etu. Habubatokyele tubafikile ku Sidona, na Yuleuse bakitshinyine Paulu bia bumuntu, amuhosola buluñantu kutemba kwi bakūku be mu kwikisha. Hatubealundwile kwanka, tubayile ku Saihuluse ku lwinyi luhese lubadi lukingile luhahi, mwanda kihahi kibetumbakeshe. Hatubābukile mema e ku bukunkula bwa Selesea na Pamfidia, tubafikile ku Maila, kibalo kia mu Laisea. Mu kinyi’ kio, winyi mulami a basalai lukama basañene angi masua a ku Alekesandela, abadi akyebe kwenda ku Itale, betwikishe mwanka. Hatubayile maletemalete mafuku ebungi, na kumona bukoho bwi moo, hakufika ku bukunkula kwa Shinduse, luhahi tandwitulekye’lo, ooo, tubayile dia kushī ku mpunga ku Kelete, kubukunkula kwa Salamone, na hatubakile kwanka tubakidile ha bukoho, twakafika ha kihindji kibatemwinwe bu Hētwa dibuwa, dibadi hehi na kibalo kia Lasea. Hatubashimishe kihindji kikata, na leundo namu lia mema lubadi lwa masaku, na mwanda wa kihindji kia kushila biakudia takibadi kikile, Paulu bebadimwine’shi: A Bamwanana, nashingula’shi, luno luendo alukekala hehi na masaku na kushimisha bikata, tañanka ku bintu ank’abio na masua enyi, anka na ku miuwa yetu namu. Sunga mbiabia mulami a basalai lukama bakambile kukumina mwanda wa kapitene na sha masua, ha yaya myanda yibākwile Paulu. Mwanda h’efwa tahabadi mbalo yibuwa yakushala hanka ha mieshi ya mashika, abadi bakile bungi abakwile’shi: Tukatukyei hano henyi, hangi su atukamono mwa kukafikila, su mpa kinyi, su mpa kinyi ku Fenesea, kwinyi’ko tushale kwanka ha mieshi ya mashika; ako nyi kwifwa dia ku Kelete ditadile ku Sude-Weseta na ku Noda-Weseta. Habahukile luhahi lwa ku Sude bihelabihela, abo abahwandjikishe’shi: tubamono mwatukyebelanga, na habahwile kwabula kimikilo, abayile ku bukunkula bwa Kelete. Anka tankukile kihindji kikata, henyihaha kihahi ki moo ltibahukile kwanka, aiteminwa bu Eudokiledone. Masua habakwatshilwe na luhahi, na hashī eukye kwimikwa amufu luhahi, biabia tubatambwishwe n’alo. Na hakukamishibwa lubilo kushī mu mpunga mu kīla, kibatemwinwe bu Kulauda, tubamwene bukoho bwi moo ha kwiafisha mwanka. Ao enyi, habeakamishe, abātshile bikwatshiso, bebianyina mushi mwa masua; henyihaha hakutshina’shi, tala twakakulukila mu tubilantwatwa, tubayishishe mahema a kwiilu, biabia tubatakwilwe. Na hakusampulwa bikilekile na kihahi, abaheleshe bushito bwa masua habubatokyele. H’efuku dia kasatu, atwe, na maas’etu a na mwinyi, tubasumbwile bintu bia mu masua. Biabia mu mafuku ebungi habakutshilwe nguba na nyenyenyi kumweka, na kihahi kinyi takibadi kihela kwatudi, lukuluhilo lwetu loso lwakuhashibwa lubetukatukile. Henyihaha Paulu hakushila biakudia kihindji kikata batukile munkatshi mwabo’shi: A ee, a bamwanana nubahwilā kumpusliisha’mi, kushi kulundula ku Kelete, biabia, tatubahwila kumona ano malwa na kushimisha kwa bintu. Anka binobino nenulanga’shi: Nyishai’mashimba, mwanda takukekala kushimisha kwa muwa munkatshi mwenu, ooo, anka kwa masua. Ami nyi muntu e Efile Mukulu anda ngwilā, amufubila, mwikeilu e yimene hehi n’ami buno bufuku, eshi, A Paulu, totshinanga; Wodi n’au ngwa kufishwa ku mpala kwa Kesala; talanga, Efile Mukulu takuhele bosob’enden’abo ’masua. Binyibiabia anwe Bamwanana, nyishai’ mashimba, mwanda’mi nakumine Efile Mukulu’shi, aukekala’nka mwaubandungwidilwe. Anka watudi n’au ngwa kukēlwa’nyi ha kila kikampanda. Anka hakubafikile bufuku bw’ekumi na dia kananka, hatubakumbakeshwe takwīku, tatwīku mwishiba dia Andidiya, hatahabadi bu kilonkatshi kia bufuku, bena masua abahwandjikishe’shi: Tatudi hehi na ku yingi nsenga, biabia abahimine, beākwata biadi makumi abidi; habayile ku mpala kahindji kahela, abahimine’ nyi dimo, abakwete biadi ekumi na bitano. Henyihaha hakutshina’shi, tala twakahona ha mabwe, abēle bimikilo binanka kwikolo dia kumongo, tabenyengye’shi, buatoka babo. Binyibiabia habadi Bena masua tabakyebe kusuka ku masua, abayishishe kato kahela mu mema, mu kudimba bu abakyebe kwela bimikilo kwikolo dia ku mpala. Henyihaha Paulu bākwile kwi mulami a basalai lukama, na kwi basalai’shi; Su bano tabekala ’masua, anwe tanwiuku kuhashibwa. Henyihaha basalai abatshibile mioshi ya kato kahela, kabahone ’mema. Habubadi tabwende kukutoka, Paulu bebasendelele boso’shi: Atai bidibwa, mwanda lelo uno nyi efuku di’ekumi n’ananka dianubayishishe bashīle biakudia, tanudi kintu. Binyibiabia nenusendela’shi: Bibuwai nudie, mwanda bino nyi kuhanda kwenu; mwanda ku mitwe yenu takukahono lunyēne lumune, ooo. Habākwile biabia bātshile dimpa, atumbul’Efile Mukulu ku mpala kwa boso: hakwiditshimuna babangile kudia. Henyihaha mashimba a boso abanyingile, abo namu tabadi. Atwe boso mu masua tubadi bantu nkama yibidi na makumi musambobidi, na basamombo. Habadi abekuta, tabahelesha bushito bwa masua, tabēle ngano mu mema. Biabia habubatokyele, tambashingule biya yinyi nsenga; anka abasokwele h’efunyu, di na misengyeya, nyi habafune’shi: Tutompe kufisha masua mwanka lubilo. Habadi abātshibi bīmikilo, na kwibileka ’mema, abāngwile mioshi ya binyengyele, na hakukamisha ehema, dibadi adiatambusha ku mpunga ya luhahi, abayile, batadile ku misengyeya ya kubukunkula. Anka hakufika ku mako a mema a tulunga tubidi, abafishishe masua ku kiese; biabia ekolo dia kumeso dibeshīkile anka hoo, anka dia ku mongo kwa’o dibatshokokyele ha mwanda wa bukyelo bwa mbundambunda. Biabia basalai abadi na binangu’shi: Twihei misungi, tala bangi bayoa, bahanda. Anka mulami a basalai lukama mwanda badi n’eshimba kuhasha Paulu; bebalekyeshe kulangila kwabo, bakamikile namu’shi: Beukye kuyoa, babadile kuhona ’mema, bakābukye ku mahia. Abashala, bakwetwe ku mabaya, bangi namu ku bintu bi ku masua. Nyi mwa bibakitshinyinwe’shi, boso bahandjile ku mahia. Habahwile kuhanda, henyihaha abashingulwile’shi, kino kila akitemunwa bu Meleta. Bantu basendji abetukitshinyine bumuntu bukalabale; mwanda abetwelele kālo, betwitamina’twe boso mwanda wa mpeshi na mashika. Biabia Paulu habadi asangula kita kia ntete, na liakwiyilamika mu kālo, nyoka batukile, mwanda wa kibobo, bamusumine kwīasa ēmbela. Habamwene basendji kiakia kintu ki na bulembe kimwēmbele kwiasa die, tabeakushena’shi: biosobi uno muntu ntomboshi, e winyi, sunga bahandjile mem’akalunga, kululama tankukumine kumuleka na muwa. Biabia bekikukwidile mu kālo, tamuhushe bu kwi kintu, ooo. Ank’ābo abadi abatala’shi, su ayikamuulu, su nkuliona hashi mufwidile; anka habamutale kihindji kikata, na kumona tamukitwe kintu, abālulwile mashimba’bo, tabākula’shi: E winyi nyi Elile. Binyibiabia mu yaya mpese mubadi mono ya muntu mukile bukata a mu kīla, eshina die bu Pubileuse; e betukukile, etushadisha bwenyi matuku asatu bwi buwa bukalabale. Bitabibakitshine, shye a Pubileuse badi mulale na busungu bwa mbidi yi kālo, na bwa mukungulu; Paulu batwēle mwadi, batekyele, amutenteka māsa, amuhasha. Habikabitshinwe biabia, bangi namu be mu kinyi kīla abadi na masungu, abafikile, bahashibwa. Abo namu abetunemekyele na bineno bibungi; hatubakatukile, abetutentekyele na bintu biatushī badi n’abio. Biabia habakile mieshi yisatu tabakatukile mu masua a ku Alekesanda, abadi ashala mwanka ha mieshi ya mashika, kitundwilo kia kibadi bu Diosikudi (kuhatula nyi nkwambashi: Mpasa yilume yibidi). Hatubafikile ku Selakuse, tubashalele kwanka mafuka asatu. Hakukatuka kwanka, twefūnya, twakafika ku Lekyuma; biabia habahwile efuku dimune, luhahi lwa ku Sude lubahukile, na ha dingi efuku dibalondele, tubafikile ku Puteodi. Nyi mwatubasañene bakwetu ba mu Kidisitu, betusendela kushala n’abo mafuku musambobidi, anka biabia tubayile batadile ku Loma. Binyibiabia bakwetu ba mwanka habetuhushishe, abafikile kufumankana n’etu, mpaa na ku kisalwe kia Apio na ku mashibo asatu alalā benyi; Paulu habebamwene, batumbwile Efile Mukulu, banyishishe eshimba. Hatubat’ikile ku Loma, mulami a basalai lukama balubwile misungi kwi kimankinda kia kitudilo kia mahema, anka Paulu balekyelwe kushala buhenka, na musalai a kumulama. Bitabibakitshine, hakukila mafuku asatu, Paulu baitamine bakata ba Bena Yuda hamune: biabia habafikile hamune, bebalungwile’shi: Anwe bakwetu, sunga ntshi musole mwanda ku bantu, sunga nku bihikwa bia bashyetu-kulu, ami nalubulwa bu musungi aufiki ku Yelusalema mu māsa a Bena Loma. Abo, habantompele, abadia kumposola, mwanda tambamone mwanda kwandji umpwandjikile lufu. Anka habahele Bena Yuda biabia, nakambilwe naloba kwi Kesala; kushī ha mwanda unadi n’au wa kuteula mwīlo wande, ooo. Binyibiabia nyi mpa uno mwanda unenwitanyina, mwanda wa kwinutala na kwakula n’enu; nyi ha mwanda wa lutengyelo lwa Isalele, nyi mwanyibwe na luno lukano. Abo abamwalulwile’shi: Atwe tatwibatamibule mikanda ayifiki mu Yudea ha mwanda wobe, sunga a mukwetu umune āba bafikile, balesheshe sunga nkukwakwila mukandu wibubi. Anka atukyebe kuhusha k’odi biotentekyesha, mwanda ha buno bulondji atwiuku kosokoso abwakwilwa bibubi. Binyibiabia habamusangwidile efuku, kubafikile bebungi kwadi, e bebahatulwidile na kwibalungula bu kamonyi ka bufumu bw’Efile Mukulu, na kwibakonkwela ha mwanda wa Yesu, ku namashika, mpaa na ku kiolwa, mu mukanda-wa-bishila bia Mosesa na mu a Batemuki. Bamo abakuminyine myanda yibakwilwe, bangi tambeikutnine. Habakutshilwe kulombana munkatshi mwabo, abakatukile, anka Paulu bebalungwile mwanda umune’shi: Kikudi-E-Selelee bākwile biya mu mutemuki Esaiye kwi bashyetu-kulu’shi: Ndai kwi bano bantu, nwakule’shi: Kuhusha anukahusha, Anka tanukeuku, Kumona namu anukamona, Anka tanukashingula. Mwanda mashimba a bano bantu angakundakane, Matwi abo n’amu e bu ashikile, Na meso abo mbealiute, Tala bakamona na meso abo, Na kuhusha na matwi, Na kushingula na mashimba, Na kwikala bululukye ku mashimba, N’ami nkebahashe. Binyibiabia nwikale beukye’shi: Kihandjilo ki’Efile Mukulu nkitumibwa kwi Badjentaila, n’abo abakekihusha. Habahwile kwakula yino myanda, Bena Yuda abakatukile, abadi na mpaka yi moo munkatshi mw’abo bana bene. Binyibiabia Paulu babombelele bihwa bibidi bishima mu nshibo ye yibadi afutu, bakuminyine boso abadi abafiki kwadi mwanka. Badi alungula mwanda wa bufumu bw’Efile Mukulu, na kulambukisha yinyi myanda ayinemena kwi Nfumwetu Yesu Kidisitu, na kiana kioso, takubadi muntu amulekyesha. Paulu mpik’a Yesu Kidisitu, baitanyinwe bu mutumibwa, mulamunwe ku mukāndu-wibuwa w’Efile Mukulu, (wabalayile kwibedi kwi batemuki be mu Bifundwe bilamunwe bikishila,) ha mwanda wa Mwan’e Yesu Kidisitu Nfumwetu. Winyi batandjibwe ku twikulo twa Dafidi mwiyile mbidi ye; balungwilwe bu Mwan’Efile Mukulu mu katshintshi, anka mulombene Kikudi kia kilamunwe kikishila, ku lulangukilo lwa mu lufu; Nyi ank’ako kwadi e kwatubatambwile buntu na kutumibwa, ha mwanda wa kukokyela kwa lukumino munkatshi mwa mīlo yoso, ha mwanda w’eshina die. Nyi anka’mo mwanudi’nwe namu nubetanyinwe bu ba Yesu Kidisitu. Kwi boso be mu Loma, bakuminyibwe b’Efile Mukulu, betanyinwe bahatuluki-ba-kishila; buntu bwikale nenu na kufukama namu bifikye kw’Efile Mu kulu Shyetu, na kwi Nfumwetu Yesu Kidisitu. Kwibedi, natumbula Efile Mukulu ande mu Yesu Kidisitu, ha mwanda w’anwe boso’shi, lukumino lwenu lubalungulwa hosohoso hano ha nsenga, Mwanda Efile Mukulu e kamonyi kande, anfubila mu kikudi kiande mu mukāndu-wibuwa wa Mwan’e bia shī ampisha kwinutemuna mu nteko yande mal’uku oso; hakusendela’mi’shi, hanabangile kalaa haa, ta nkutwa su nankamono luendo bino bibuwa amukyebele eshimba di’Efile Mukulu, nfikye kwakwa kwanudi. Mwanda nadidi kwimonena n’enu’shi, nyi nuhe kia buntu bwa ku Kikudi E Selelee’shi, nukankamane na kukankamana. N’ako n’amu kusēngibwe n’enu hamune ku lukumino lwetu, lwenu kwandji’mi, lwande kwanudi’nwe. Tatai bakwetu, ta nkyeb’anwe nwikale bashi beuke’shi, misusa yibungi nafuna kufika kwanudi (anka nadi mubambibwe) eshi, ’mone bikuba munkatshi mwenu namu, hamunenka na munkatshi mwa bangi Badjentaila. Nyi na kishio kwi Bangidiki, na kwi Basendji; na kwi basha kalolo, na kwi bashī na kalolo. Nyi na kakidi kulungula mukāndu-wibuwa kwi’nwe be ku Loma namu. Mwanda ntshi na būfu’mi ku mukānduwibuwa wa Kidisitu, mwanda’wo ngia katshintshi k’Efile Mukulu ka kihanjilo kwi muntu oso akakumina, kubadila kwi Bayudea na kwi Bangidiki benyi kumune. Nyi anka’mo mubafumbukile kululama kw’Efile-Mukulu ku lukumino lwa ku lukumino, anka mwakibafundjilwe’shi; balulame abakamono muwa ha lukumino. Mwanda nsungu y’Efile-Mukulu ngifumbukye kwiilu ha bushī bwin’Efileboso, na ha yishīyilulame ya baniu abashikīla biabinyibinyi hanka mu yishiyilulame; Nyi ha mwanda w’akia kibeukishwe kw’Efile-Mukulu nkimwekye mwabadi, mwanda Efile-Mukulu nyi bebamwesha’kio. Mwandabintu bie bishī abimwekye ku kihangilo kia hanohasenga mbimwekyelele hatoka, bibashingulwe ku bintu bibahangibwe, nyi katshintshi ke ka ikala-ika, na Bwin’Efile-Mukulu bwe; binyibiabia ta be na mwa kwibalafianya. Mwanda habadi beukile Efile-Mukulu ta bamutumbishe bw’Efile-Mukulu, sunga kumutumbula kwinyi, ooo; anka mu binangu biabo abalotakene, n’eshimba diabo dia kutshikama dibafitshishwa fututu. Habadi belungula’shi, twina kalolo, abāluluka bu baha takane, na kwalula ntumbo y’Efile-Mukulu shīanyangā, bu nkishi mwifwane muntu a kunyanga, na bia tonyi, na bia nyama ya mikolo yinanka, na bia bintu abilandala. Binyibiabia Efile-Mukulu bebalekyelele mu kushūla kwa bishila, tabekitshi ku mbidi yabo abo bana bene bia būfu. Abālulwile bia binyibinyi bi’Efile-Mukulu bubiamadimi, tabalangwile na kufubila kihangibwe kukila Muhangi na mwinyi, e bakwatshibwe mwabi wa ikala-ika. Amena. Nyi ha mwanda uno ubebahanyine Efile-Mukulu ku bia kukyebakyeba kushī kinemo, mwanda bakashi babo benyi abfilulwile kwanka mwa kukitshina bia bu niuntu, ku bingi bia kukutwa kukitshibwa ku bantu. Biabia balume namu anka hamune, hakuleka amukitshinā bantu kwi bakashi, abenyishishe na meso-a-tone, muntu kwi muntu abo bana bene; balume na balume abekitena’bia bishī bihwandjikile na kinemo (anka kiakia kia būfu), abatambwile mwanka munda mwabo bwinyi bwedi bwa kulwisha kwabo bulombene mwanka. Biabahele Efile-Mukulu kwikala mu kiyukilo kiaho, Efile-Mukulu namu bebahene kwishimba dia mpuha, dia kukita’nka’yo myanda yishi yilombane mwanka; dia kuula ndā na yishīyilulame yoso, na lukyebanokyebano, na bubi, na lwīso, na kifita; diule ndā na kiutu, na buntahanyi, na mpaka, na bulamalama, na butshi, na kwisongishena, na twihu, abashikwanyi Efile-Mukulu, basha kahesha, bakwinemeka, bakwīlungula, bahangi ba bintu bibi bihya, basha bukolwa kwi’bo bebatandjile, bashī na binangu, batshibi ba bihwano, bashī na mashimba a bu muntu, bana batah’eshimba-kunkuma, bashī na lusa; Baba hakwiuka kimu ki’Efile-Mukulu’shi, abakitā bino, mbalombane lufu; anka’bo ta mbakite bianka abo bana bene, ooo, ank’abakumina mu’ba bantu abakita’bio. Binyibiabia twe na mwa kwibalaāanya, obe muntu, su we nanyi su nanyi, atshibila (mukwenu) mwanda mu’kia kiotshibila mukwenu wehīsha obe na mwinyi; mwanda obe otshibi okitā’nka kianka. Anka ’twe atwiuku biya’shi, ha kimu ki’Efile-Mukulu nkilombane na mu biabinyibinyi mu’ba (bantu) abakitā yino myanda. N’obe kampanda, atshibila baba abakitā myanda yaj’a, n’obe namu okitāyanka, otentekyesha’shi, nankahanda ku kimu ki’Efile-Mukulu su? Su ofutala nāmu buheta bwa bumuntu bwe, na kuhuāanya kwe, na kutula kw’eshimba die, na kushī kwiuka’shi, bumuntu bw’Efile-Mukulubwi mwanda wa kukukunkusha ku lwilango lw’eshimba su? Anka ha mwanda w’eshimba diobe di bukoho, n’adishī adilanga, webikil’obe na mwinyi nsungu mu di’efuku dia nsungu, na dia lufumbuko lwa kimu kilulame ki’Efile-Mukulu, E akaha muntu ese, muntu na kie, muntu na kie anka mulombene bikitshino biabo. Kwi baba be na kwishtnka mu mufwaka mu bikitshino bibuwa abakimbi ntumbo na kinemo, na kukutwa lufu, abakahebwa mawa wa ikala-ika; Anka kwi baba abelā mpaka, n’abakoloma ku biabinyibinyi, anita abakokyela yishiyilulame abakamono nsungu na bukyelo. Na kufwambuka, na kwibaba kwi muntu ese akitā bibubi, kubadila na mwina Yuda, na kwi mwina Ngidiki namu. Anka akaha ntumbo na kinemo na kufukatna, kwi muntu ese akitā bibuwa, kubadila na mwina Yuda, kulonda na niwina Ngidiki. Mwanda Elile-Mukulu ta nemeka bantu’shi, au ngiu, au ngiu, ooo. Abo boso abalwishishe hababadi bashī na mukanda wa-milangilo, abakalwila namti kushī mukanda-wamilangilo; n’abo boso abalwishishe ku mukanda-wamilangilo, abakatshibilwa myanda anka ku mikanda-yamilangilo. Mwanda’bo ababusha bisumanga ku mukanda-wa-milangilo, ta mbalulama kw’Efile-Mukulu, ooo; anka’bo abalama mukanda-wa-milangilo abakabingishibwa. Biabekyele mīlo yishī na mukanda-wa-milangilo abakitā ku mashimb’abo bi mu mukanda-wa-milangilo, abia bakutshilwe mukanda-wa-milangilo, be na mukanda w’abo wa milangilo mu mashimba’bo bana bene. Mwanda wa bikitshino biabo abilesha mufubo wa mukanda-wa-milangilo bilundwe mu mashimba’bo, eshimba diabo ditoka dia binangu munda adiakula bu kamonyi, binangu biabo abibahīsha su abibabingisha abo bana bene, mwifuku di’Efile-Mukulu diakatshibila myanda yifibwe ya bantu kwi Kidisitu anka mulombene mukāndu-wibuwa wande. Talanga, obe atemunwa bu mwina Yuda, otē eshimba ku mukanda-wa-milangilo, welungwile mw’Efile-Mukulu, weuku namu kyebel’eshimba die, na kukumina ku bia bikamba kulumbuluka, we mulambukishwe mu mukanda-wa-milangilo. Okumin’obe na mwinyi’shi; Ami uno nyi kilomboshi kiabampofu, na bwitata dia be ’mufito. Akulanga balotakane, mulambukishi a bana bakinga, a kwikala na kihikwa kia kiyukilo, na kia biabinyibinyi bia mu mukanda-wa-milangilo. A binyibiabia ob’alambukisha mukwenu, twelambukisha namu obe na mwinyi? Obe olungula muntu’shi; toibanga, obe namu oiba su? Wakula na muntu’shi; twekalanga na lusandji; obe namu weltale na lusandji su? Obe mushikwe mankishi, obe namu oibā bia mu Kitumbwilo ki’Efile-Mukulu su? Obe wetumbika ’mukanda-wa-milangilo, biabia ohelesh’Efile-Mukulu ha kushula mukanda-wa-milangilo su? Mwanda eshina di’Efile-Mukulu dibakaibwa bimoo munkatshi mwa mīlo ha mwanda wenu, anka mwakibafundjilwe. Mwanda, kisale namu akisungūla binyibinyi su olama mukanda-wa-milangilo, anka s’oshula mukanda-wa-milangilo, biabia kisale kiobe kibālula ta kia bu bisumanga. Binyibiabia su awa shīmusale ’mulame kululama kwa mu mukanda-wa-milangilo, bushī-musale bwe abukakutwa kutemunwa bu kisale’nyi? Henyihaha su ābwa bushī-musale bwa kutandwa n’abo mbukumbashe mukanda-wa-milangilo, biabia abukutwa kukuhīsha obe ena mukanda wa kisale hanka, oshula mukanda-wa-milangilo su? Muntu ta mwina Yuda ku mwanda wa mbidi ye, na kisale kia ku mbidī namu nyi anka hamune namu (kwakwa ta nkisale, ooo). Anka mwina Yuda na mwinyi nyi anka a munda; na kisale namu nyi kwishimba mu muwa, kushī ku mukanda anka ao, ooo; ntumbo ye yishī ya ku bantu, ooo, ngia kw’Efile-Mukulu. A biabia mwina Yuda kiakila mwanka nkinyi? Sunga kisale namu akikamusungila kinyi? Bi bungi bwi moo bia ku mpese yoso; bia kwibedi; fianka’bo kubebabikile biakulwe bi’Efile-Mukulu. A bibadi bangi bashī badi na lukumino, lukumino lwa babadi ta be n’abo, alwiuku kukita biabinyibinyi bi’Efile-Mukulu bu bia bisumanga su? A leka! leka! ta mbiabia, Ee, Efile-Mukulu ekale na binyibinyi, anka muntu ese sha madimi; anka mwakibafundjilwe’shi; biodia nkebingisha mu myanda yobe, na kukomesha hofiki mu kimu. Su yishīyilulame yetu ayitumbisha kululama kw’Efile-Mukulu atukākula na minyi? Efile-Mukulu ta mululame bialesha nsungu su? nākula bu muntu. A leka! leka! ta mbiabia, su badi bino, Efile-Mukulu biabia akatshibi myanda ya hanohansenga bi kunyi? Mwanda wa biabinyibinyi bi’Efile Mukulu su bibakamba kumutumbisha ntumbo anka ha madimi ande; ahenyihaha mwanda kinyi natshibilwa bu mulwishi? Anka su mbilombane biatudimbilwa na mbilombane bu bamo bakwile’shi, tukile bibubi, biabia bibuwa abikamwekye mwanka? Bakukita biabia, kuhila kwabo nkulombane bianka. A na minyi? Atwe’ba twibakile su? ayoyo, sunga mpakoto. Mwanda’twe tubahwile kubatonyesha kala’shi, bena Yuda na bena Ngidiki boso’shi, mbalwishi; Anka mwakibatundjilwe’shi, takwi mululame sunga ngumune. Takwimuntue na binangu; Akukimba Efile-Mukulu te kwanka. Bosoboso abalamunukile, abafikile hamune bu ba bisumanga. Ta ha kia kitshi bibuwa su ngumune, ooo. Midibu yabo ’mashama abule, na ku ndjimi yabo abesamba’nka bia kwidimbena; bulembe bwa manyoka bwi mushi mwa milomo yabo: Makanwa abo ngaule miloa na būlo: Mikolo yabo yi lubilo anka ha kukasumbula mase: Mu mashimba’bo mwi kifita na kwinyongola: Eshinda dia muloo ta beuku dianka ooo: Ta kwi kutshina kw’Efile-Mukulu ku meso kwabo. Atwiuku’shi, bioso abiakulā mukandawa-milangilo, awakulā kwi’ba be mushi mwa mukanda-wamilangilo eshi, makanwa oso akamumu, n’aba hanohansenga bosoboso abakahīla kwifīle-Mukulu. Binyibiabia ku mifubo ya mukanda-wa-milangilo ta kwi muntu akabingishwa ku meso kwe ooo; anka ha mwanda wa mukanda-wa-milangilo nyi ha kiyukilo kia kulwisha. Anka binobino kululama kw’Efile-Mukulu kubafumbuka bisuman-milangilo, kubatemunwa bu kamonyi ka mu mukanda-wa-ga mukanda-wa-milangilo na kwi batemuki: Anka kululama kw’Efile-Mukulu kwi ku lukumino lwa Yesu Kidisitu ku boso, na ha boso abakumina; mwanda ta kwi ha belamunwina au hee au hee, ooo. Mwanda wa bantu boso abalwishishe, abalobela ku ntumbo y’Efile-Mukulu; ha kubingishibwa kushī nsambu, ku buntu bwe bwa mu kikudilo kia mu Kidisitu Yesu. Winyi batudibwe kwifile-Mukulu bu mulambu wa kubwikila bubi (ba bantu,) wa mu tukumino mu mase e, mwaleshesha kululama kwe ha mwanda wa kulekyelwa kwa milwisho yibakitshinwe kala, mu kuhuñanya kw’Efīle-Mukulu; biabia mwanda wa kulungula mu kino kihindji kululama kwe’shi, biadia kwikala na kwibingisha, na bu mubingishi a muntu e na kukumina kwa mu Yesu. A biabia’nyi kwitumbika kwi kunyi? ta kwi kwanka, A mpa kishila kinyi? a nkia ha bikitshino su? ooo, ñanka ku kia lukumino. Binyibiabia tubākula’shi, muntu babingishwa ku lukumino, lushī bikitshino bia mukanda-wa-milangilo. Efile nga baYuda anka’bo nyi? ta nga a mīlo namu su? Ee, nga a mīlo namu boso kumune. Ahenyihaha aku nyi Efile Mukulu ngumune akabingisha basale ha lukumino, n’aba shībasale ha lukumino. Biabia tusabule mukanda-wa-milangilo ha lukumino su? A leka! leka! ta mbiabia, nyi hatudia kunyishishā mukanda-wa-milangilo. Ahenyihaha akiatukyebe kwakula kinyi? ha mwanda wa shyetu-kulu Abalahama mwikele mbidi ye akibamwenemo nkinyi? Su Abalahama badi mubingishwe ku bikitshino, biabia e na he kwitumbisha; ta nku meso kw’Efile-Mukulu, ooo. Bifundwe namu abiakula na minyi? eshi, Abalahama bakuminyine Efile-Mukulu, ako namu abamutemwinyine kululama. Biabia awa akakitshi bikitshino, abwa bwedi ta bu mutemwinwa’shi, mbuntu, ayoyo, nyi kibakitshine. Biabia kwi’wa ta kitshi bikitshino, ank’akumina mwi abingishā bashī be n’Efiīe-Mukulu, lukumino lwe alutemunwa kululama. Anka mubalungudile Dafidi mwabi w’awa muntu batemwinwe n’Efile-Mukulu kululama kushī na bikitshino: Eshi, be na mwabi, abo be na kulekyelwa ha mwanda wa kushula kwa bishila kwabo, na milwisho yabo yibwikilwe. Awa, e na mwabi shī atemunwa n’Efile-Mukulu bu mulwishi. Biabia uno mwabi fianka wa kwi basale su? wi na kwi bashī basale’nyi? Abiatwakula’shi, lukumino lubatemunyine Abalahama kululama. A binyibiabia kubamutemunyine ha kinyi? A mpa badi musale su? su mpabadi shīmusale? ooo, ta mpa badi musale; anka habadi shīmusale. N’e batambwile kitundwilo kia kusala, kibadi kia kwiukisha kululama kwa lukumino lubadi n’alo kala, habadi ta musale; mwadi akwikela bu nshyabokulu a boso abakumina, sunga’bo bashī basale; eshi, kululama kwibatemwinwe n’abo namu. Ekale shyabo-kulu a basale, kwi’bo ta be na kusala ank’abo bana bene, anka kwi abalondo mu ngwa ya lukumino lwa shyetu-kulu Abalahama lubadi n’alo habadi shīmusale. Ta mbalayile Abalahama na twikulo twe buhianyi bwa nsenga yoso mwanda wa mukanda-wa-milangilo, ooo, anka ha mwanda wa kululama kwa lukumino. Su ’ba ba mukandawa-milangilo mbampianyi, biabia lukumino ndwa bisumanga, na mudayilo winyi ubakutshikwa. Mukanda-wa-milangilo aufisha nsungu; binyibiabia su mukanda-wa-milangilo ta wi kwanka, biabia kushula kwa mukanda-wa-milangilo ta kwi kwanka. Henyihaha nyi ha lukumino’shi, wikale wa buntu mwa kutshina’shi, mulayilo wikale wa binyibinyi ku twikulo toso, ta ñanka twa mu mukanda-wa-milangilo, ooo, anka kwi toso twi na lukumino lwa Abalahama, awa shyetu-kulu a atwe boso. (Anka mwakibafundjilwe’shi, nankwikasha todi shyabo-kulu a mīlo yi bungi) ku mpala kwa’wa akukumina, nyi Efile-Mukulu na Mwinyi, asangulā bafwe tabatala, atemuna bintubishī hanka bu bi hanka. Awa bakuminyine mu lukuluhilo alo lubadi lushī mwa kukuluhīla, mwadi akwikela shye-kulu a mīlo yingi, anka mwakibakudilwe’shi, Nyi a mukekela kekulu kobe. Anka hakwikela kushī na lotolo mu lukumino, bahwandjikishe mbidi ye na mwinyi’shi, ta ngifwe, habadi bihwa lukama, n’efu dia Sala dibadi difwe; ta badi na mealasheno ku mulayilo w’Efile-Mukulu mu lushīlukumino, ooo, anka bakankamikile mu lukumino kutumbisha Elile-Mukulu ntumbo; binyibiabia nyi ha mwanda wa kwiūkisha bibuwa’shi, kibandayile, E na mwinyi e na katshintshi mwa kukitshina kianka. Henyihaha nyi ha mwanda ubamutemwinyine’shi nkululama. Binyibiabia ta kibafundjilwe mwanda w’e na mwinyi’shi, kimutemwinwe, ooo, biosobi ngw’etu’twe boso hamune, bakukatemwinwa wanka, su atukumin’awa basangwile Yesu Nfumwetu mu bafwe. Winyi bahanyinwe ha kusola kwetu kwa myanda, dimo’nyi basangwilwe (ku lufu) ha mwanda wa kubingishwa kwetu. Henyihaha biatubabingishwa ha lukumino, twi na kufukama n’Efile-Mukulu anka mu Nfumwetu Yesu Kidisitu; Anka mwadi e nyi mwatumwena kitwēlo mu buno bumuntu mwatwimena, mwanda wa lukumino, atwilungwila mu kukuluhila kwa ntumbo y’Efile-Mukulu. Ta ñanka’ko ooo, anka’twilungwilā mu kusābulwa kwetu kwinyi, hakwiuka’shi, abia biakusābulwa abikitshishā kwishinka. Biabia kwishinka akukitshisha bukalabwino; bukalabwino namu lukuluhilo. Lukuluhilo namu ta lufisha bufu ooo; mwanda wa kifulo ki’Efile-Mukulu kibahongolwa ’mashimb’etu kwi Kikudi-E-Selelee kibetuhelwe. Hatubadi ta twi na bukome, ha kihindji kinyi kilombene, Kidisitu bafwidile bashī n’Efile. Ta kwi muntu akamba kukyeba kufwila mululame; sunga ha mwanda wa muntu e buwa bamo abakumina kumufwila. Anka Efile-Mukulu atumbisha kifulo kie na mwinyi kwi’twe’shi, hatubadi balwishi Kidisitu betufwidile. Binyibiabia bino hatubabingishwa ku mase e, tukahashibwa ku nsungu y’E kw’Efile-Mukulu anka hadi e. Mwanda, sunga hatubadi tukibamushikwe, tubalombeshwe n’Efile-Mukulu ku lufu lwa Mwan’e, biabia kukila, hatulo mbeshwe atukahashibwa ku muwa we. Ta ñanka’ko ooo, anka atwilungwila mw’Ifile-Mukulu ha Nfumwetu Yesu Kidisitu hatubatambwila binobino kilombeno. Ha mwanda uno mutubatwelele kulwisha hanohansenga ku muntu umune, na lufu namu anka ha kulwisha, na biabia mubafumankene lufu kwi bantu boso, mwanda boso babalwishishe; Aho habadi mukanda-wa-milangilo ta wamwekyele, kulwisha kubadi hanka kalā hanohansenga, anka kulwisha ta nkutemunwe ha shī mukanda-wa-milangilo. Biabia kubangila kwi Adama na kufisha mpaa na ha Mosesa, lufu lubabikele bufumu ku bosoboso sunga ta mbalwisha hamune na kushula kishila kwa Adama, winyi e bu kihwandjikisho ki’awa akafiki. Anka ta bi kwamba’shi, kusola kwa mwanda nyi mulombene buntu, ooo; Āho su be bungi babafwidile ha kusola kwa myanda kwa muntu’mune, kukila biabia, mbuntu bw’Efile-Mukulu na kuha kwa buntu bi ku muntu’mune, Yesu Kidisitu na mwinyi, bibakambile kukumbana kwi be bungi. Ta bi hamune bu’wa balwishishe mwikele kihebwe, ooo, akia kitshibilo nkifikile ha umune ku kuhīshwa. Āho su mpa kusola kwa mwanda wa muntu’mune, lufu lubabikele bufumu hadi e; kukila biabia, aba abatambula bikambe bia buntu bwa bisumanga, na kihebwa kia kululama, abakamunu mu muwa, ha umune, Yesu Kidisitu. Binyibiabia kusola kwa mwanda kwa muntu’mune kubafikile kuhisha kwa bantu boso, biabia anka hamune na ha kululama kwa umune kubafikile kubingishwa kwa muwa kwa bantu boso. Anka mubaikadile bukolwa bwa muntu’mune bubatemunwa be bungi bu balwishi, ñanka biabia na ha kukokyela kwa muntu’mune, be bungi abakatemunwa balulame. Biabia mukanda-wa-milangilo ubafikile’shi, kusola kwa mwanda kutame; anka ha-ku-batamine kulwisha, buntu bwa bisumanga namu bubakididile kutama bi moo; eshi, mubamunyine kulwisha bu nfumu mu lufu, biabia buntu bwa bisumanga abukamuna ku kululama kwa muwa wa ikala-ika, kwi Yesu Kidisitu Nfumwetu. A binyibiabia kiatuakula kinyi? Twikala’nka mu milwisho’shi, buntu bwa bisumanga bufwimine hanka su? Ayoyo, leka! leka! ta mbiabia; abiabia’twe babafwidile ku milwisho atukekala mwanka bi kunyi? Ta nwibeuke’nyi, mwatudi bafwimine muno, atwe babatshishibwe mu Yesu Kidisitu, tubabatshishibwe mu lufu lwe? Henyihaha tu bashīkwa n’e, anka kwa lubatshisho lwa mu lufu; eshi, anka musangwilwe Kidisitu ku lufu kwa ntumbo ya Yaiya, n’atwe namu mpamune tuyile mu buhya bwa muwa. Mwanda su tubakunyinwe hamune n’e mu kihwandjikisho kia lufu lwe, biabia na mu kusanguka kwe kwinyi mpamune. Hakwiuka bino’shi, bu-muntu bwetu bwa kala bubaihaibwe ha nkulusu n’e’shi, mbidi ya kulwisha yikatukīdile’shi, atwe ta tukekala’nyi dimo mbuhika bwa milwisho, ooo. E bafwile, babingishwa ku milwisho. Biabia, su tubafwile na Kidisitu, atukumina’shi, tukekala n’e namu na muwa, hakwiuka’shi, Kidisitu basangwilwe ku bafwe, e ta kiakamono’nyi lufu dimo, ooo, biabia lufu’nyi ta ku ki na ha lwi lumumune’nyi bu nfumu e, ooo; Lwinyi lufu lubafwile, bafwidile ku milwisho, alo namu ndumune mpaa, anka muwa wadi n’ao mwikele n’ao kw’Ifile. Ñanka biabia n’anwe bana bene mwikale anwitemuna’shi, twibafwile ku milwisho, biosobi twi na muwa kw’Ifile-Mukulu mu Kidisitu Yesu Nfumwetu. Binyibiabia ta nwilekanga milwisho kumuna bu nfumu mu mbidi yenu ya lufu, eshi, mu kukokyelanga mu kutona kwa meso a malakā’ko, ooo. Sunga nkuhana biambidi yenu ku milwisho bu bia ngoshi bishī yilulame; anka nwihane anwe bana bene kw’Ifile, hamune bu abatala babukye ku lufu, na biambidi yenu bu biangoshi bilulame kw’ifile. Mwanda milwisho’nyi tayi kiayikenumuna’nyi bu nfumwenu, ayoyo; anwe’nyi ta nu ki ku mukanda-wa-milangilo, ooo, tanudi ku buntu bwa bisumanga. A biabia namu nkinyi? atukalwisha’shi, kyele ta tu ki ku mukanda-wa-milangilo’nyi, anka ta nku buntu bwa bisumanga? aaa, leka! leka! ta mbiabia. A tanwibeuke’shi, awa anukehana’nwe bana benu bu bahika ba kukokyela, biabia nwi bahika ba’wa anukakokyela; su ba milwisho ya ku lufu, su nkukokyela ku kululama? Anka Efile-Mukulu atumbudibwe, bia bianubadi bu bahika ba milwisho, bino bianubakokyela kwishimba kwinyi ku kia kihaso kia bulambukishi bwa benufishishe; Hakulekyelwa ku milwisho nubālulukile tanudi bu bahika bwa kululama. Nākula bu-muntu mwanda wa lotolo lwa mbidi yenu; anka mwanubehanyine biambidi bienu tambihika biabio binyi bia ku biko bi’eshimba, na bia kushulashula kwa bishila mpaa na ku bia kushulashula kwa bishila; hamunenka na bino binyi, hanai biambidi bienu bu bihika bia kululama kwa kilamunwe, kikishila. Biabia hanubadi bu bahika ba milwisho, nabadi balekyelwe na kululama. A mu bia bintu abinukwatshisha būfu binobino, anubadi anumono bikuba kinyi? mwanda wa kunfudilo kwa’bia bintu, ndufu. Anka binobino nubalekyelwa ku milwisho, nubaluluka, tanudi bu bahika b’Efile, amo nyi mwa tanumwena bikuba bia ku kilamunwekikishila, na kunfudilo namu, muwa wa ikalaika. Mwanda efuto dia milwisho ndufu; anka buntu bwa bisumanga bw’Efile-Mukulu ’muwa wa ikala-ika, mu Kidisitu Yesu Nfumwetu. Ta nwiuku’nwe bakwetu’shi, mwanda’mi nakula kwi abeuku mukanda wa-milangilo’shi, mukanda-wa-milangilo aomunu muntu mpaa hakī na muwa? Mwana mukashi e na mulund’e mulamwe na mukanda-wa-milangilo kwi mulund’e mpaa hakī na muwa; anka su mulund’e bafu, biabia ebalamunwa ku mukanda-wa-milangilo wa mulund’e. Binyibiabia su mulund’e kīatala, e balubula mungi muntu, biabia e atemunwa bu sha lusandji, anka su mulund’e bafu, biabia e balamunwa ku mukanda-wa-milangilo, sunga e balubula mungi mulunda, biabia te na lusandji, ooo. Henyihaha anwe bakwetu, n’anwe namu mpamune tanudi bafwe ku’wa mukanda-wa-milangilo mwanda wa mbidi ya Kidisitu, eshi, mwanudia kubambibwa kwi mungi, n’e winyi basangwilwe ku lufu, mwatudia kutshisha bikuba kw’Ifile-Mukulu. Hatubadi tukī mu mbidi, n’abia kusuasua kwa milwisho, bibadi bia ku mukanda-wa-milangilo, bibetukitshishe kuha bikuba bia lufu, anka mu biambidi bietu. Anka binobino tubalamunwa ku mukanda-wa-milangilo, biatubafwanga ku kia kibadi kitukwetwe, mwatudia kufubila mu buhya bw’eshimba, ta mu bia bia kala, ooo. A binyibiabia kiatukākula nkinyi? Mukanda-wa-milangilo ngwa milwisho’nyi? ayoyo, leka! leka! ta mbiabia. Ta nadimwiukye milwisho anka ha mukanda-wa-milangilo; ta nadimwiukye kwikala na meso a tone a malaka su mukandawa-milangilo ta nguakule’shi, ta nwikalanga na malaka. Anka milwisho yibakwatshile mwanda anka ha mulangilo wa kunkitshisha bihaso bioso bia malaka: Su mukanda-wamilangilo ta wi kwanka, biabia miiwisho ngifwe. Mwanda’mi nadi atala kala hashī badi mukanda-wa-milangilo, anka habafiki mulangilo, milwisho namu yibabuku, ami namu nafwile; Winyi mulangilo ubadi wa kumwena muwa, neumwene ñanka’lo lufu. Anka milwisho, yibakwatshile mwanda anka ha mulangilo yibandjimbile, na kwihaa, yibañihayile. Biosobi mukanda-wa-milangilo wiulamunwe-kishila, na kishila namu hamunenka nyi nkilamunwe-kishila, na kululama, na buwa bwinyi. A henyihaha kilumbulukye namu akinalulukila ta ndufu su? ooo, leka! leka! ta mbiabia; Anka milwisho mwayidia kumwekyela bu milwisho yi moo, ha kukitshisha lufu, anka ha’kia kinyi kilumbulukye, eshi, anka ha mulangilo winyi, milwisho mwayidia kwikyela kulwisha kukambe. Mwanda’twe atwiuku’shi, mukanda-wa-milangilo ngwa kikudi-E-Selelee; anka’mi nyi a bia mbidi muhanyinwe ku milwisho. Akia kiankitshi ta nyikitundula; kiankyebe ta nkita kianka, ooo, anka kiandji mushikwe nyi kiankitshi. Binyibiabia su nakitshi akia kia nshī mukyebe, biabia nakumina ku mukanda-wa-milangilo’shi, ngulumbulukye. Henyihaha ta nami uno akitshi kianka, ooo, anka milwisho yikale mwimi. Mwanda neuku’shi, mwimi (nyi kwakula’shi, mu mbidi yande) ta mwikale sunga nkimune kibuwa; mwanda eshimba dia kukyeba nyi n’adio, anka mwa kwikikitshina’kia kilumbulukye, ta nsangula’mi. Akia kibuwa kiankyebe ta nyikikitshi, anka bubi bwa nshī mukumine nyi bu ankitshi. Binyibiabia abia biankitshi kia nshī mukyebe, ta nami akitshi kianka, anka milwisho yikale mwimi. Ñanka’ko nasangula kia kundungula’shi, aha hankyebe kukita kilumbulukye, bubi bwi n’ami. Mwanda’mi nasangala mu mukanda-wa-milangilo w’Efile-Mukulu anka mulombene muntu e munda mwande. Anka namono kingi kishila mu biambidi biande, takalu ngoshi na kishila kia kwishimba kwande, akinkakila, ’nka mu buhika bwa mu kishila kia milwisho, nyi ki mu biambidi biande. Aibabo! biosobi nyi muntu akwinyongola. A nanyi akundamuna mu mbidi ya lufu luno? Biabia natumbul’Efile-Mukulu mu Yesu Kidisitu Nfumwetu. Henyihaha ami na mwinyi kwishimba nyi mu buhika bwa ku kishila ki’Efile-Mukulu, anka ku mbidi tandji a ku kia milwisho. Binyibiabia hano’nyi ta kukī kuhīshwa kwa’aba be mu Kidisitu Yesu, abende mushī mulombene mbidi anka mulombene Kikudi-E-Selelee. Mwanda wa kishila kia Kikudi-E-Selelee kia muwa mu Kidisitu Yesu kibandamūna ku kishila kia kulwisha na lufu. Akia kibakutshilwe mukandawa-milangilo katshintshi, mwanda wa lotolo lwa mbidi, Efile-Mukulu hakutuma Mwan’e na mwinyi mu kihwandjikisho kia mbidi ya milwisho, na ha mwanda wa milwisho, bahīshishe milwisho mu mbidi. Mwa kwakwila’shi, kululama kwa mukanda-wa-milangilo kulombashwe mwi’twe bashi abalondā ku bia ku mbidi, anka bia ku Kikudi-E-Selelee. Aba ba ku mbidi mbatee mashimba ku bia ku mbidi, anka’bo ku Kikudi-E-Selelee be ku bia ku Kikudi-E-Selelee. Mwanda w’eshimba dia ku mbidi ndufu, ank’eshimba dia ku Kikudi-E-Selelee ’muwa na kufukama. Mwanda w’eshimba dia mbidi ndishikwe Efile-Mukulu, mwanda’dio ta ndia kukokyela mukanda-wa-milangilo w’Efile-Mukulu, ooo, sunga nkumona mwa kukokyela mwinyi. Binyibiabia aba be ankamo mu bia mbidi, ta beuku kusangash’Efile-Mukulu, ooo. Ank’anwe ta nwi mu bia mbidi, anka mu Kikudi-E-Selelee, su Kikudi-E-Selelee ki’Efile-Mukulu ki mwanudi’nwe. Su kwi muntu, su nanyi su nanyi, ashī na Kikudi-E-Selelee kia Kidisitu, biabia, ta ngee, sunga mpakotokoto henyi. Na su Kidisitu e mwanudi’nwe, biabia mbidi ngifwe ha mwanda wa milwisho; anka Kikudi-E-Selelee nyi muwa ha mwanda wa kululama. Su Kikudi-E-Selelee ki’awa babushishe Yesu mu bafwe ekale mwanudi’nwe, biabia e babushishe Kidisitu mu bafwe, akahasula namu mbidi yenu ya lufu, ku Kikudi-E-Selelee kie e mwanudi’nwe. Binyibiabia bakwetu, twi basha mahu, ta nga ku mbidi eshi, tulonde mu bia ku mbidi, ooo. Su anulondo bia ku mbidi, biabia anukafu; anka su anuihaa bikitshino bia ku mbidi ha mwanda wa Kikudi-E-Selelee biabia anukamono muwa. Boso mwabafwimina abakunkushwa na Kikudi-E-Selelee ki’Efile-Mukulu nyi bana b’Efile baba. Mwanda ta nwibatambule kikudi kia buhika bwa moo, ooo, anka nubatambwile Kikudi kia bumwana, bu bi’atudila’shi, A Yaiya! a Ya! Akio kinyi Kikudi-E-Selelee akihetekyelwa kwi bikudi bietu’shi, twi bana b’Efile. Su twi bana be, biabia twi bampianyi b’Efile-Mukulu na bu bampianyi balombashwe na Kidisitu; su mbinyi atufwambuka n’e’shi, mwatudia kutumbishibwa ntumbo hamune n’e. Ami nahwandjikisha’shi, kufwambuka kwa kino kihindji ta nkuhwandjikile kulombana hamune na ntumbo ayikafumbwilwa mwatudi’twe ooo. Bintu bioso bibahangilwe bikwete kutengyela, abitala swee akukafumbukila bana b’Efile. Bihangwe namu bibabofwishwe ku myanda ya bisumanga, ta nku musanku wabio’ ooo, anka ha mwanda w’e bebibofweshe mu lutengyelo. Bihangibwe binyi abikalamunwa ku buhika bwa kunyanga, abio tambiluñantu bia mwinyi bia ntumbo yikalabale bia bana b’Efile-Mukulu. Mwand’atwiuku’shi, bihangibwe biosobioso abikumbā, abio abitashintā mu busungu hamune na binobinyi. Ta ñanka’bio buhenka, ooo, anka n’atwe boso hamune, be na bia kwibedi bikuba bia Kikudi-E-Selelee, n’atwe bana bene atukumbā munda mwetu hakutengyela kuhebwa buana’shi, takikudilo kwa mbidi yetu. Mwanda’twe tubahanda mu lukuluhilo, anka lukuluhilo alumonwa ta ndukuluhilo, ooo; mwanda akimono muntu, akekitengyela kinyi? Anka su atukuluhila kiatushi atumono, biabia atwikitengyela na lwishinko lw’eshimba. Ñanka hamunenka, Kikudi-E-Selelee akikwashia na bī lotolo lwetu; mwanda ta twiuku sunga mwa kutekyela mwitulombene, ooo, anka Kikudi-E-Selelee akio ki na mwinyi akitusengyela na kukumba kwa kukutwa mwa kwakwila. Awa akutompa ’mashimba euku dinyi eshimba dia Kikudi-E-Selelee, mwanda asengyela balamunwe-bakishila mulombene akikyeb’eshimba di’Efile-Mukulu. Ank’atwiuku’shi, bintu biosobioso abikwashena hamune mwa kukitshina bantu be n’Efile Mukulu kifulo myanda yibuwa, anka kwi-ba bakwitanyinwa mulombene kiakyebe kie. Mwanda bantu bababangile kwiuka kwibedi, e namu bebasangwile kwibedi mwa kwibalombasha bu kihwandjikisho kia Mwan’e, biadi akwikala bu mwan’a mbedi munkatshi mwa bakwabo be bungi. Anka hangi namu, aba benyi babasangwile kala, ñanka’bo betanyine; n’abo babaitanyine, bebabingishe; aba bababingishe ñanka’bo namu babatumbishe ntumbo. A henyihaha mwatukyebela’nyi kwakwila ha bino bintu mwi kunyi? Su Efile-Mukulu e n’etu, aketuhishena n’etu a nanyi? E ta mulekyele Mwan’e na mwinyi, anka bamuhene kwatudi’twe boso, akutwe bi kunyi kwituha n’e bintu bioso, tambia-buntu anka hadi e? Akyebe kukebateula kioso kintu nanyi? su nanyi, su nanyi kwi basangulwe b’Efile-Mukulu abingishā. Akebahīsha a nanyi? Kidisitu Yesu bafwile, anka babushishwe ku lufu, bino tadi ku mboko yi balume y’Efile-Mukulu, tanga kwitusengyela kwanka. Nketulamuna na kifulo kia Kidisitu nanyi? A nkusabula su, a nkatshima munda, a nkubingwabingwa su, a munanga’nyi, su muswa, su mukanwa mwa lufu, su nduhete lwa kutahana? Anka hamune’nka mwakibafundjilwe’shi; Ha mwanda w’obe tutahībwe efuku dioso na bushima, tutemunwe bu mikoko ya kutahwa. Ayoyo, sunga mpakotokoto henyi; mu bia biosobioso tubakidi babinkome anka mwadi e bekele n’etu kifulo. Ami nyi mukankamikwe anka hoo’shi, sunga ndufu, sunga muwa, sunga bamwikeilu, sunga mbakata benyi, sunga mbamatalwa, sunga bintu bi hanka binobino, sungā bikafiki ku meso. Sunga mbula bwa mwiīlu, sunga kihangwe kingi, su nkia kinyi, su nkia kinyi, akikakutwa katshintshi ka kwitulamuna na kifulo ki’Efile-Mukulu ki mu Kidisitu Yesu Nfumwetu. Nesamba binyibinyi mu Kidisitu, tandjimbi madimi, n’eshimba diande ditoka dia munda adimpetekyela bu kamonyi mu Kikudi-E-Selelee. Ami’ shi, nanemenwa bi moo, na kwinyenga bukyelebukyele mwishimba diande. Mwanda nakyebanga’shi ami na mwinyi nyi elwe muloa ku Kidisitu ha mwanda wa bakwetu, mulongo wande mulombene mbidi. Abo mbena Isalele: kwabadi’bo ñanka’ko kwi buana, na ntumbo na bilombeno, na kuhebwa kwa mukanda-wa-milangilo, na mifubo y’Efile, na milayilo; Ñanka’bo benyi ba bashetu-kulu, na kwa badi, nyi kubafikile Kidisitu mulombene mbidi ye, na mwinyi e ku nundu kwinyi kwa boso, Efile-Mukulu a mwabi wa ikala-ika. Amena. Ta mpamun’enka kwamba’shi mwanda w’Efile-Mukulu aukwata mikankalo, ooo. Mwanda abo boso tambena Isalele ba’nka mu Isalele, ayoyo. Sunga’ba ntwikulo twa Abalahama, wawa mwanda tawibekasha bu bana bande bana mwinyi, ooo; anka mwi’Isaka nyi amukatemwinwa kekulo kobe. Nyi kwamba’shi: Aba bana ba ku mbidi bisumanga, tambana b’Efile-Mukulu aba, ooo; anka bana ba mwanda wa mulayilo, abo nyi abatemunwa bu twikulo. Mwanda wa mulayilo n’au uno’shi, anka hano ahafikila kino kihindji, nyi hankafiki, na Sala akatanda mwana mulume. Tanankaho kubahu, ooo, anka habaimitshishwe Lebeka kwi umune, nyi shetu-kulu Isaka. (Mwanda habadi bana tamba bande kutandjibwa, sunga tababadi babange kukita mwanda wibuwa sunga ngubi, biadia kushimatshisha kufuna kw’Efile-Mukulu mulombene kusangula kwe eshi, tankwa ha bikitshino ooo, anka kwadi e akwitamina), kibamwakudilwe’shi, mukulu akafubila mwin’e bu mpika. Mwakibafundjilwe’shi; ta nafule Yakoba kifulo, anka Esau nyi mumushikwe. A bino atukākula na minyi? twākule’shi, Efile tamolokye su, ooo, A leka! leka! leka! Mwanda e bakwile kwi Mosesa’shi: A nkafwila lusa nyi a nkafwila lusa, a nkafulu kifulo nyi a nkafulu kifulo. Binyibiabia taki kwi e kikyebe ooo, sunga kwi akukama lubilo; anka ki kw’Ifile-Mukulu akufwila lusa. Mwanda Bifundwe bibamwakudile Pālo’shi; Nyi ha mwanda uno unakwibosheshe eshi, mwandjia nkuleshesha ntshitshiba yande kodibe, n’eshina diande dihalakane kosokoso hanohansenga. Binyibiabia E aleshabakyebe lusa nyi badi mukyebe lusa, anka akomesha nyi akomesha bu e na mwinyi eshimba die. Henyihaha okanyihushe’shi (Efile) kiahatula bantu mwanda kinyi? Nanyi akumukutshishwa amukyebel’eshimba die? Ooo, a n’obe nyi kampanda, akalashena n’Efile-Mukulu? A kintu kibumbwe nkiambe ekibumbu’shi, akio bombumbila bino nkinyi? A mbūfi te na matalwa h’ema mu kubumba kibumbwe kimune kikalabale na kingi kishī kikalabale ku winyi mutanda umune su? Su Efile-Mukulu badi n’eshimba diakulesha bukyelo bwe, na kwiukisha matalwa, e baididishe kutula kw’eshimba kwi moo anka ha bia bibumbwe bia bukyelo, bilumbulwe bia kukalwila. Biadia kwiukisha ntumbo ye yikambe ha bia bibumbwe bia lusa, bibalumbulwile kala ku ntumbo; Ñanka’twe babaitanyine, ako namo tañanka kwa mu bena Yuda ooo, anka na mu Badjentaila benyi kumune. Anka mubakudile mwi Hoshea, eshi; Nankebatemuna bu bantu bande abo bashī bande; n’abadi shī mukuminwe, tamukuminyibwe. Nyi mwa kikekela’nka biabia, anka mwa badi abakwilwa’shi, Anwe tanwi bantu bande, nyi mwabakatemwinwa na bu-bana b’Efile-Mukulu a muwa. Anka Esaiye namu bēle Isalele musase’shi: Sunga mbekale bana ba Isalele hamune na misengyeya ya mu mema a kalunga, abashēle abakahanda. Yehowa akahudisha mwanda, akeutshibisha wihi mu kululama. Mwanda Efile mukulu akakitshisha hano ha nsenga mwanda wihi. Anka mubakudile Esaiye kala’shi; Su ta n’e Yehowa a Sabaota ta mwitulekyele kekulo, biabia tubadi akwikala bu Sodoma, tatudi hamune bu Ngomola. A binyibiabia kiatukyebe kwakula nkinyi? eshi, Badjentaila bashī abalondo kululama, abafikile ha kululama, n’ako nkululama kwa ha lukumino. Anka bena Isalele abalondā kishila kia kululama tambafikile hanka. A mpa mwanda kinyi? Abo kuleyeba abakyebeleko tampa lukumino, ooo, anka ha bikitshino bia mukanda-wa-milangilo. Mwanda abakokwele kwi’bwe’dia kwibakambila. Mwakibafundjile’shi: Talangai, natulu muno mu Siona ebwe dia kwibakokosha na lubwebwe lwa kwi bakokosha, ank’awa akukumina kwadi e ta kwatshishwa būfu, ooo. Anwe bakwetu, kiankyebela kwishimba diande na luteko lwande kw’Efile-Mukulu mpa bena Isalele ami’shi, bahande. Mwanda’mi nebakumina bu-kamonyi biababadi na kinsukunsuku kia kukyeb’Efile-Mukulu, anka tankalombene mu kiyukilo, ooo. Mwanda’bo mbahatamine mu ya kululama kw’Efile-Mukulu na mwanda wa kukyebe kushimatshisha kululama kwabo abo bana bene, tambekokeshebo bana bene ku kululama kw’Efile-Mukulu, ooo. Mwanda Kidisitu nyi nfudilo ya mukanda-wa-milangilo wa kululama kwi bosoboso abakumina. Mwanda Mosesa bahatulwile kululama kwa mukanda-wa-milangilo’shi, muntu akitshi abia bintu, biabia nyi mwakamwena muwa. Ank’akwa kululama kwi ha lukumino akwakula bino’shi, Toākulanga mwishimba diobe’shi; a kakamina mwiilu nanyi? (biabia nkwisha Kidisitu). Sunga’shi, akayikila mu kalunganyembo nanyi? (biabia nyi nkwalusha Kidisitu (dimo) ku lufu.) Akia kiawākula nkinyi? Uno mwanda ubefubula hehi n’obe, anka mu kanwa mwobe, na mwishimba mwobe; nyi mwanda wa lukumino lwatwakula eshi, sokula mukanwa mwobe’shi: Yesu ’Nfumwami, na kumukumina mwishimba diobe’shi, Efile Mukulu bamubushishe ku lufu, biabia na kuhanda okahanda. Anka kwishimba nyi akukumina muntu ku kululama, na ku kanwa namu nyi akwakwila ku kihandjilo. Mwanda Bifundwe (bi Efile) abiakula’shi: Akukumina kwadi takakwatshishwa būfu, ooo. Mwanda takwi ha belamunwina, aba habo, aba habo, sunga ngumune ba Bena Yuda na Bena Ngidiki, ooo; mwanda Nfumu abo ngumunenka, Nfumu a boso, na mwinyi sha buheta bwa kuha boso abamutekye. Biabia muntu ese aitamina h’eshina dia Yehowa akahanda. A binyibiabia abakamwitanyina na mwinyi, aba bashī bakumine mwadi? Abakakumina mwadi na minyi, aba bashī abamuhusha. N’abakahusha na minyi kushī mulungudi? Abakalungula na minyi, su tambebatume? Anka mwakibafundjilwe’shi: (Aaa! Aaa!) buwa’yo aya mikolo yibafisha mukāndu-wibuwa, ayifisha namu nkumo yisangale ya bintu bilumbulukye. Anka boso bashī abakokyela mukānduwibuwa, ooo. Mwanda Esaiye namu akula’shi: A Yehowa, bantu kinyi abakuminyine kulungula kwetu? Binyibiabia mwanda wa lukumino alufikā ha kuhusha, na kuhusha namu mpamunenka ha mwanda w’Efile Mukulu. Anka’ mi nākula’shi: A tambahushe su? Ee, abahushishe binyibinyi; Eyi diabo dibafumankene kosokoso hanohansenga, na myanda yabo kunfundilo kwa nsenga. Anka n’akula’shi: A Bena Isalele, a tambeuke’nyi? Mosesa babadidile bākula’shi; Nankenukolomwena mukao kwi’ba bashī bu-bantu; Nankenufishi-sha nsungu ku mashimba kwenu ku mwīlo ulotakane. Anka Esaiye e n’eshimba di moo, akula’shi; Nasañenwe n’aba bashi abankimbi, nafumbukile kwi’ba bashī abangihusha. Anka kwi bene Isalele, ākula’shi; Ngub’ese na bushima a natandabwile maboko ande kwi bantu bashī abankumina, na bakwalula mpaka. Biabia naihusha’shi, Efile-Mukulu basumbwile bantu be su? ooo. Leka! leka! Mwanda’mi namu nyi mwina Isalele a ku twikulo twa Abalahama ku kibumbu kia Bendjamene. Efile-Mukulu tamusumbule bantu be babeukile kalakala. A tanwibeuke’shi, akia kiakula Bifundwe kwi Elaidja bibadi asengyela bena Isalele kw’Efile-Mukulu’shi: A nfumwami abatahile batemuki bobe, abashindjile bishikilo biobe; anka’mi uno bashala kwanka buhenka bwande, abakyebe na muwa wande. Ank’Efile-Mukulu namu akibamwalulwile nkinyi? eshi; Nebikila ami na mwinyi binunu musambobidi bia bantu bashī abankunamina kwi Baala. Na bino namu mpamune’nka abashēle be hanka anka mulombene kusangulwa kwa buntu. Na su kwanka mpa buntu, biabia takwi ha bikitshino, ooo; su ta mbiabia, biabia buntu bwinyi tambuntu ooo. Bino’nyi a mbikunyi? Akia kikiakikimbi Isalele tamwikimone; anka basangulwe abo abekimwene, anka baba abashele mashimb’abo abakomeshwe hoo. Mwakibafundjilwe’shi, Efile-Mukulu bebahel’eshimba dia kubungila tulo, na meso abashīabamono nao, mu matwi namu tabahusha nao, na bino binyi kufisha ku lelo uno. Dafidi namu akula’shi; Mesa’bo alamunwe bu kifyo, na bu mukumo, n’akia kwibakambila nyi bwabo bwedi. Meso abo afitshishwe midima’shi, tabakamono, bekale batontamishe miongo yabo bukyelebukyele. Naihusha bino ami’shi; Abakokwele biabadia kuhona su? ooo, Leka! leka! leka! Anka biabia nyi ha mwanda wa kinya kiabo, kihandjilo kibafiki kwi Badjentaila, mwanda wa kwibakolomona ku mukao. Ahenyihaha su kinya kiabo kibakitshisha buheta bwa hanohansenga, na kushimina kwabo tambuheta bwa Badjentaila ha kwibālusha namu a na minyi, tahakakidi bukata su? Ami nesamba kwanudi’nwe Badjentaila aho ha mwanda wa kwamba’shi; Nyi mutumibwa a Badjentaila, natumbisha bufubi bwande; Ami’shi su neuku su nkinyi su nkinyi kia kukwatshisha ba kumbidi kwande mukao eshi, mpashe bamo. Mwanda wa kusumbulwa kwabo su kubalombasha bahanohansenga, aha kulubulwa kwabo na minyi, tatakudia kutala mu lufu su? Su bikuba bia kwibedi bi lamunwe bikishila, biabia abilondo namu bi lamunwe bikishila, su mushi (ngukambe) wilamunwe wi kishila, biabia na ntabi yinyi mpamune. Anka su: ntabi yinyi yibabatwilwe, n’obe, mutshi wa mpafu a mahia, ubalamikilwe munkatshi mwayo, tautambula ku winyi mushi wa kununa mwimu, hamunenka na winyi mpafu; Twelungwilanga ku ntabi! anka su elungwila, obe, twemutwala mushi, ooo, mushi nyi ukutwal’obe. Biabia okyebe kwakula’shi: Ntabi yibabatwilwe, eshi, ami ndamikwe kwanka. Eyo! anka hamune; baba batwidile mwanda wa kushī lukumino, obe boimena ha mwanda wa lukumino l’obe. Anka twekalanga n’eshimba dia mbengabenga ayoyo; wekale na moo. Mwanda su Efile-Mukulu ta mulekyele ntabi yinyiyinyi, obe na mwinyi dimuka su takakulekye namu. Talangai binyibiabia bu-muntu n’eshimba dia bukome bw’Efile, kwi’ba babahonene bukome bubadi hanka; anka kodibe mbumuntu bw’Efile-Mukulu bwi hanka, su ekale mwanka bukyelebukyele mu bumuntu bwe, anka su ta mbino, biabia n’obe n’amu okabatulwa. N’abo benyi kumune, su tambekale bukyelebukyele mu kushī lukumino biabia namu abakalamikwā’mo: Mwanda Efile-Mukulu euku kwibalamika kwanka dimo. Su obe biobobatwilwe ku mpafu a mahia mwe, bolamikilwe ku mpafu mulumbulukye, ako nku kihikwa kishī kilombana mwanka hanohansenga; biabia aya ntabi yinyiyinyi ye, yikutwe kukila mwanka ha kulamikwa ayo yinyi ku mpafu ayo su? Nyi henyihāha anwe bakwetu, ha nshī mukyebe’shi, nwikale bahatamine ku kino kifībwe, mwanda wa kutshina’shi, nuaketumbika binangu bi’anwe bana bene’shi, kukoma kweshimba nkwa luhese lumune, kubahonene bena Isalele’shi, mpaa na ahakakumbana bihwa bia Badjentaila. Biabia bena Isalele boso abakahanda, anka mwakibafundjilwa’shi, A mukatuku mu Siona Mulamwinyi, akukakasha bushī bwin’Efile kwi Yakoba. Kino nyi kilombeno kiande n’abo hankebakasha milwisho yabo. Binyibiabia mulombene mukāndu wibuwa aba mbamushikwa ha mwanda w’anwe anka mulombene kusangulwa, babadi bakuminyibwe ha mwanda wa bashetu-kulu. Mwanda bia buntu bi’Efile-Mukulu tabialuluka, na kwitamina namu anka hamune. Mwand’anwe kalaa anka mwanubadi tanwibakokyel’Efile-Mukulu, anka bino nubafwilwa lusa ha mwanda wa bukolwa bwabo: Ñanka hamune’nka n’abo namu bashī abakokyela’shi, anka hakufwilwa’nwe lusa, abo namu abakafwilwa lusa. Mwanda Efile Mukulu bahu kwibashitshila bosoboso mwanka mu bukolwa bwabo, mwanda wa kwamba’shi, afwila bosoboso lusa. Aaa! Aaa! nyi mbula bwinyi buheta bwa kalolo na kiyukilo ki’Efile-Mukulu! Na kutshiba kwe kwa myanda, a ee! a ee! takwiukibwa, na mu mashinda mwe namu akutshishwa kulondamo! A muntu kinyi mwiukye mulombenē’shimba dia Yehowa? N’amulanga namu nanyi? Su nanyi akwibedi kumuha e, e namu tamuhelulula dingi? Mwanda bintu biosobioso bianka ha mwanda we, kabidi bianka hadi e, n’anka kwadi e. Kwadi e kwanka ntumbo yikale mafuku oso ikala-ika. Amena. Binyibiabia anwe bakwetu nenusendela ha lusa lw’Efile-Mukulu’shi, nulubule mbidi yenu bu mulambu autala, uhatulukye, autosh’eshimba di’Efile-Mukulu, wawa nyi mwanda awiuku mashimb’enu kukita. Ta nwikalanga kuhwandjikishwa na bahanohansenga; anka nwikale bālulukye ha kwisambula binangu bienu’shi, nutompe akikyeb’eshimba di’Efile-Mukulu, nyi kilumbulukye, kilubilwe, na bushima bwinyi. Mwanda nakula’shi, hanka ha buntu bubampelwe, kwi muntu ese e munkatshi mwenu, ami’shi; Tanwilungulanga’nwe bana bene kukila mwa kulombana kwilungula ooo, anka kwilungula, nwikal’anwilungwila n’eshimba ditūle anka mubenuabidile Efile-Mukulu anwe boso kwi muntu ese, kihimo kia lukuluhilo. Mwanda’twe anka mwatudi bekele na biakumbidi bingi bingi ku mbidi yimunenka, na biakumbidi namu ta bi na mufubo umunenka abio bioso, ayoyo. Mpamunenka, mwatudi bekele n’atwe benyi, mwa twibafwimine muno, twi mbidi yimunenka mu Kidisitu, n’atwe boso biatudi biakumbidi, au ku mukwabo, au ku mukwabo, atwe bana bene. Binyibiabia hakwikala na biabuntu bi halā-halā, mulombene buntu bubetuhelwe, su nkutemuka, tutemukye mulombene kihimo kia lukuluhilo. Su mifubo tutwelelele anka ku mifubo yetu; sunga kulambukisha namu, anka ku bulambukishi bwe. Sunga kulanga malongo, e namu anka ku kulanga kwe: ahanā ahane musumbule’shimba; akokyeshā bantu ebakokyesha na nkutuhuta; afwilā lusa, afwile na tuseho. Kifulo kikale kishī kia bu nsesa. Etongei bia bi bubi; lamatai bia bilumbulukye. Nwikal’anwe kuminyishena na kifulo kia bu bakwenu; na kwinemekeshena namu, mungi akokyele mukwabo. Mu mifubo tanwikalanga na butuba; nwikale n’eshimba di kibobo, nufubile Nfumwetu ya buhika. Sehelai mu kutengyela; nwishinkei mu kusabulwa; na mufwaka, kankamanai mu luteko. Abilai kwi balamunwe bakishila bia bashī n’abio; nwikale n’eshimba dia kulela bēnyi. Ehai mwabi kwi abenubingabinga, nwibahe mwabi, tanwelanga miloa. Sehelai n’aba abasehela, dilai n’aba badidi. Nwikale n’eshimba dimune di au nyi bi diau anwe boso. Tanutang’eshimba mu bia kwitumbika, anka nutule mashimba kwi bi shī bia ntumbo. Tanwikalanga na binangu bia mwinwe bana bene. Tanwalushanga muntu bubi dimo, su nanyi su nanyi. Tei mashimba ku bintu bilombane ku meso kwa bantu boso. Su nkihwandjikile mwanka, biabia nwikale na kufukama na bantu boso. Anwe bakuminyibwe! tanwiobolanga’nwe bana bene, noo, anka bambalai nsungu, mwanda nkifundweshi; Kōbola nkwande’mi na mwinyi, nankenulubwila, nyi mubakwile Yehowa. Binyibiabia mukushikwe su e na nsala, muhei biakudia; su e na nyota, muhei biakutoma; hakukita bino omushisakena kālo ka makala ku mutwe kwe. Tanushindwanga na bubi, anka anwe’nyi shindai bubi ku bilumbulukye. Oso muntu akokyele bakata ba matalwa bebamune, mwanda ta kwi a matalwa ashī kw’Efile; bamatalwa boso be hanka mbasangulwe n’Efile. Binyibiabia, muntu ese atuhishena na bamatalwa, biabia ahela na kisangulwe ki’Efile, su nanyi su nanyi, n’abahela abakefishisha kuhishwa kwa’bo bana bene. Mwanda abamunu bibundji ta be n’abia bia kukwatshisha moo kwi sha bikitshino bibuwa, ooo, anka kwi’wa na bi bubi. Okyebe’shi, nyikale shī na moo kwi bamatalwa su? Kita bia bilumbulukye na ntumbo yinyi okatumbishwa. Mwanda e ’mufubi ’Efile kodibe a kukukitshina buwa. Anka s’okitakiaki bubi, ikalanamoo, mwanda e ta twala luhete lwa ngoshi bisumanga, ooo; e nga mifubo y’Efile-Mukulu, nyi ’mobodi a nsungu kwi’wa akitshi bubi. Henyihaha nyi ha mwanda winulombene’shi, nukokyele; ta ñanka ha mwanda wa nsungu, ooo, ñanka na ha mwanda w’eshimba ditoka dia binangu munda. Nyi ha uno mwanda w’anudia kulambula milambu namu, mwanda’bo mba mifubo y’Efile-Mukulu mbate mashimba bukyēlebukyēle anka ha kino kintu. Binyibiabia lambulai kwi’ba boso nyi mwakidi kiyile, mulambu wende ku bamulambu, efuto kwi sh’efuto, moo namu anka kwi’bo abatshinwa moo, kinemo kwi bakunemekwa kinemo. Tanuahulanga muntu mahu, sunga ngumune, ooo, anka nwifudishenei kifulo, mwanda afulu mukwabo kilulo bakumbasha ha mukandawa-milangilo. Ha uno mwanda mpa kwakula’shi; Twekalanga na lusandji, twehanga muntu, toibanga, twanyakenanga mukwenu, toteng’eshimba ku bintu bia mukwenu; na su kwi ungi mulangilo, su mulangilo kinyi, bioso mbifumankashwe ha kino kikumbakashe kimune’shi; okafule mukwenu kifulo hamune bu’be na mwinyi. Kifulo takikita kia kulwisha kwi mukwenu, ooo, binyibiabia kifulo nkia kukumbasha kwa mukanda-wa-milangilo. Na biabia hakwiuka kihindji na bia kibafiki bino ha kubuka mu tulo, mwanda binobino kihandjilo kibeshesha hehi n’aha hatubakuminyine. Bufuku tabukyebe kutoka, kanya takadi hehi; tusumbulei binyibiabia bikitshino bia mufito, tufwale bifwalwa bia ngoshe bi’etata. Tutembei na bilombene mwitata; kushī mu kwitatula na kukolwakolwa, sunga mu bia ha lusala lwinyi, sunga mu bia bukitekite, sunga na bia kwielesbena mpaka na kiutu. Anka fwalai Nfumwetu Yesu Kidisitu, tanukebikilanga anwe bana bene bia kumbidi abihwila ku meso atone abio. Awa e na lotolo mu lukumino mutambulei, kushī ku myanda ya mpaka. Mwanda kwi umune akumina kudia bintu bioso; mungi e lotolo adi anka mabishi. Awa’di uo ta bendelanga shī adi anka, awa namu shī adi anka ta tshibilanga awa’di uo, mwanda e mutambulwe n’Efile. A n’obe’nyi atshibila mufubi a mukwenu mwanda, e’mane kwi Nfumu e na mwinyi na kuhona namu mpamune. Binyibinyi akēmikishibwa: Mwanda Yehowa e na bukome bwa kumwīmikila. Umune anemeka efuku dimune ku angi hahela; mungi anemeka oso oso hamune. Ese muntu ekale musumīne, au n’eshimba die au n’eshimba die. Awa atumbisha efuku, kwi Nfumwetu kweditumbisha, n’awa shī atumbish’efuku, ñanka kwi Nfumwetu kwa shī atumbisha dianka. E adi namu, adila kwi Nfumwetu, mwanda atumbula Efile; n’ashī adi, ñanka kwi Nfumwetu kwashī adila, e namu atumbula’nka Efile-Mukulu. Takwi sunga ngumune akwiyikela na muwa e na mwinyi, na kufwa namu mpamune. Su atutala, nkwi Nfumwetu kwatutala, su lufu namu atufwila’nka kwi Nfumwetu; binyibiabia su atutala, su atufu, twi anka ba Nfumwetu. Nyi ha mwanda uno ubafwidile Kidisitu; babukile, tatala dimo’shi, ekale Nfumu a boso na bafwe, n’abatala benyi. Ahenyihaha ankinyi kiotshibila mukwenu mwanda? A nkinyi namu kiobendela mukwenu? Mwanda atukemana’twe boso ku meso kwa kimu kia Kidisitu. Mwanda kibafundjilwe, Yehowa’shi, mwa’ntala’mi, manwi oso akankunamina, na ndjimi yoso ayikakumina Efile-Mukulu. Binyibiabia atwe boso atukeilubula, muntu hee, muntu hee, kw’Ifile-Mukulu. Binyibiabia ta twitshibishenanga myanda dimo, atwe bana bene, ooo; kukila, bibuwa nutshibei unō’shī, ta kukekalanga’nyi sunga ngumune akatulu kiakukokola mwishinda dia mukwabo, sunga kia kumukitshisha kuhona. Ami neuku, nyi musumīne namu mu Nfumwetu Yesu’shi, ta kwi kintu, sunga nkimune, akiyikēla butete akio ki na mwinyi; anka kwi e atemuna kintu’shi, ki butete, kwadi e akimwikēla bu butete. Anka su ha mwanda wa bidībwa biobe mukwenu afitwa kwi’shimba, biabia totambuka muyile kifulo, ooo. Tomulwishanga ku bidībwa biobe hādi Kidisitu bamufwidile. Tokakuminanga na būmuntu bobe tabukatemwinwa bibi; Mwanda bunfumu bw’Efile-Mukulu ta bwi mu biakudia na mu biakutoma, ooo, anka mu kululama, na kufukama, na tuseho mu Kikudi-E-Selelee. Mwanda awa afubila Kidisitu ya buhika mu bino bioso atosh’Efile-Mukulu kwishimba, na ku bantu kwinyi e bakuminwa. Binyibiabia tulondei bikufisha kufukama, n’abia kwītamisha atwe bana bene. Ha mwanda wa bidībwa ta nulwishanga mifubo y’Efile. Eyo, bintu bioso bi selelee, anka kwi ādi akokosha mukwabo, nyi bubi. Ta bibuwa kudia mwita, su nkutoma mālwa, sunga nkukita su nkinyi su nkinyi, akikokosha mukwabo, (su nkumuhīsha mwanda, su nkumwikasha lotolo.) Lukuluhilo lodi n’alo, wekale n’alo obe na mwinyi ku mpala kw’Efile-Mukulu. E na mwabi ngiawa shī ehīsha e na mwinyi mu kia kibakumina. Ank’awa e na mealasheno, a ha kwi kidia mbahishwe, mwanda badile kushī kwa lukuluhilo, na bioso bishī bia lukuluhilo, mbia kulwisha. Binyibiabia atwe basha bukome nyi bibuwa’shi, tunemenwe lotolo lwa bashī bukome; ta twitoshanga’nka atwe bana bene, ooo. Atwe boso, twikal’atwitoshena, au kwishimba dia mukwabo, au kwishimba dia mukwabo, na myanda yibuwa mwa kwikushīsha. Mwanda Kidisitu ta mwitosha e na mwinyi kwishimba die, ooo, anka mwakidi kifundjilwe’ shi; Ntoheko y’aba abakutoheka yibampōn’ami. Mwanda bintu bioso bibafundjilwe kwibedi, bibadi bifundjilwe ha mwanda wa kwambula kwetu’shi, atwe mu mufwaka, na kisēngyelo bia Bifundwe, tukekale na lutengyelo. Binobino Efile-Mukulu a mufwaka na kisengyelo benuhe’shi, nwikale n’eshimba dimune anwe boso, muntu na mukwabo, muntu na mukwabo, mulombene Kidisitu-Yesu. Eshi, nwikale mumunenka, na ku kanwa kumune kwa kutumbisha Efile-Mukulu, nyi Shye a Nfumwetu Yesu Kidisitu. Binyibiabia nwitambushene anwe bana bene, anka mubenutambudile Kidisitu ku ntumbo y’Efile-Mukulu. Bino nakula’mi’shi, Yesu Kidisitu badi mufubi a kisale ha mwanda wa biabinyibinyi bi’Efile-Mukulu’shi, ashimatshishe ha myanda ya milayilo yibalayile kwi bayaiya. Na mīlo namu yikale aitumbisha Efile-Mukulu ntumbo ha mwanda wa lusa lwe, anka mwa kibafundjilwe’shi; Nyi ha nkakutumbisha munkatshi mwa Mīlo, na kuyimbila eshina diobe. Hangi namu awakula’shi: Sehelai anwe Mīlo na bantu be. Kabidi na hangi namu’shi, tumbishai Yehowa anwe Mīlo yoso: Na bantu boso bekale abamwele bīla. Dimo’nyi, Esaiye eshi: Akukekala Mushi wa Yese, aukebwēla kumunana ku Mīlo; mwadi e, Mīlo ayikamukuluhila. Binobino Efile-Mukulu a lutengyelo enuushe na tuseho toso, na kufukama kwa mu lukumino’shi; nukumbane mu lutengyelo mu katshintshi ka Kikudi-E-Selele. Anka’mi winyi nyi musumīne hanudi anwe bakwetu, bianubaulu bumuntu, bianuushibwa na kiyukilo kioso, nwiukye na mwa kwilañena malango anwe bana bene. Sunga mbiabia bakwetu, nakidi kunyinga ha kwinufundjila luhese lumune kwinutentekyesha dingi, ha mwanda wa buntu bwampelwa kw’Ifile-Mukulu. Eshi, nyikale mufubi a Kidisitu Yesu ku Mīlo, kufubila mukāndu-wibuwa w’Efile-Mkulu’shi; milambu ya Mīlo yikale yikuminwe, ha kulamunwa kikishila ku Kikudi-E-Selele. Henyihaha nyi na mwa kwilungula mu Kidisitu Yesu mu bia binemene ku luhese lw’Efile-Mukulu. Mwanda’mi ta nkatomboka kwakula abia bintu, su mbinyi su mbinyi, anka bibakitshine Kidisitu kwandji’mi mwanda wa kikokyeshi kia Mīlo, hanka ha mwanda na ha bikitshino; kwanka mu katshintshi ka bitundwilo na bilengyeleshi bikata bi moo, ku katshintshi ka Kikudi-E-Selele; hakukita’shi, kubangila ha Yelusalema, na kwifunya, mpaa na kufisha ha Ididikuma, nahu kwakudidila mukāndu-wibuwa wa Kidisitu. Eyo, biabia tanyingile kulungula mukānduwibuwa, hashī ahatemunwa Kidisitu, ooo, mwanda wa kwamba’shi, tala nakebaka habangye mukwetu kala: Anka mwa kibafundjilwe’shi; Kwī’ba bashī balungulwe myanda ye, aba abakamono, n’aba bashī bahushe, abakashingula. Aha ha mwanda nadi mubambibwe misusa yi bungi kufika kwanudi. Anka bino, kwi yino mpese takuki kihindji kiandji mulekye, ooo, biabia namu biandjidi bimoo bino biliwa bingi, kufika kwakwa kwanudi; anka hankebwela lwendo lwande lwa ku Esepainye, su mpa kinyi, su mpa kinyi, nkafikye kwanudi. Mwanda hankahikula, natengyela kwinumona, na kwanudi’nwe nukantule kwanka, su mpa kubadila kihindji, natoshibwa kwishimba kwanudi’nwe. Anka bino nēnde ku Yelusalema mu kufubila ku balamunwe bakishila mifubo. Mwanda akio kibebatosha ku mashimba, aba be mu Masedonya, n’aba be mu Akaiya kuhunga biabuntu kuha balanda be munkatshi mwa balamunwe-bakishila be mu Yelusalema. Pa uno’u mbatoshibwe, n’abo benyi bamahu abo. Mwanda su Mīlo yibehitshika mu bintu biabo bia bu-kikudi e selelee, biabia mbalombane n’a bo kwibalubwila bintu bia bu-mbidi. Binyibiabia haikuhudisha kino, na hanahwile k’ōbesha kwabadi kino kikuba, nankakidi hanudi, na ku Esepainye kwinye. Neuku’shi, hakufika kwakwa kwanudi, nankafiki mu kuushibwa kwa mwabi wa mukāndu-wibuwa wa Kidisitu. Bino nenusendel’anwe bakwetu, ha mwanda wa Nfumwetu Yesu Kidisitu, na ha mwanda wa kifulo kia Kikudi-E-Selele eshi, nwinyishene bimoo, hamunenka n’ami, mu nteko kw’Ifile-Mukulu ha uno mwanda wande’shi, biandjia kulamunwa kwi’ba basha bukolwa ba mu Yudea, na mifubo yande namu yandji n’ayo ya ku Yelusalema yikuminwe kwi balamunwe-bakishila, eshi mwandjia kufikila kwanudi na tuseho ku kia kikyebe eshimba di’Efile-Mukulu, na mwandjia kwishinka hanudi’nwe. Bino Efile-Mukulu a kufukama ekale n’enu boso, Amena. Nenuifuhwila Febe, mukwetu mwana mukashi, e mufubi a kihwilo ki mu Kenkelea eshi: mwanudia kutambula mu Nfumwetu, mwa kulombena balamunwe-bakishila nwikal’anumukwashia mu mifubo yoso, su nkinyi su nkinyi kyenukyebela kumukwashia; mwanda e na mwinyi e muledi a be bungi, n’āmi winyi namu. Naimuna Pidisila na Akwila winyi kumune, bakwetu bafuhi mu Kidisitu Yesu. Aba babatudile mashingo abo ha muwa wande, nebatumbula, anka ta n’ami buhenka bwande, ooo, anka na bihwilo bloso bia Mīlo kumune abitumbula. Mpamune namu, naimuna kihwilo ki mu nshibo yabo. Naimuna na mukuminyibwe ande Epaineto, nyi kikuba kia kwibedi kia mu Akaya kwi Kidisitu. Naimuna Madia etufubila mifubo bimoo. Naimuna Andalonikusa na Yunia ba kifuko kiande, bakwetu bakufungibwa n’ami hamune; abo ba ntumbo munkatshi mwa batumibwa, babambadidīle mu Kidisitu. Naimuna Ampediasa mukuminyibwe ande mu Nfumwetu. Naimuna Ulabane mukwetu mufubi mu Kidisltu, na Setakisa mukuminyibwe ande. Naimuna Apelese mukuminwe mu Kidisitu. Nalmuna n’aba be mu luhoho lwa Adisobulusa. Naimuna Helodiona a kifuko kiande. Naimuna n’aba be mu luhoho lwa Nalashisa, be mu Nfumwetu. Naimuna Taifena, na Taifosa kumune, abafubu mifubo mu Nfumwetu. Naimu na Peshise winyi mukuminyibwe, bafubile mifubo bimoo mu Nfumwetu. Naimuna Lufusa musangudibwe mu Nfumwetu, na nyin’e mwinyi n’ande tabo. Naimuna Asenkitusa, na Filekona, na Hemase, na Patobase, na Hemese, na bakwetu boso banudi n’abo. Naimuna’nyi Filolokusa, na Yulea, na Neleusa, na nkashyan’e kumune; na Olempasa, na balamunwe-bakishila boso banudi n’abo. Nwikale anwīmushena anwe bana bene na kwififyena kulamunwe kwikishila. Bihwilo bia Kidisitu bibenwimunai. Bino nenusendel’anwe bakwetu, nangushenai abakitshisha bia kwilamuña, n’abia bia kwinukokosha, bishī bilombane mu lulambukisho lwanubambwile, nwibafutalei. Mwand’abo be biabia ta mbafubile Nfumwetu Yesu Kidisitu, ooo, anka ya mafu abo; na kwi mīsambo yabo ya kushīñanya yibuwa bwimoo, na ya ntumbo, yabadimbi mashimba a balotakane. Mwanda kikokyeshi kienu kibafumankasha bantu boso. N’ami binyibiabia nenusehela ha mwanda w’enu, anka nenukyebela’shi, nwikale basha kalolo ku kia kibuwa, na bu batshikame ku kia ki bubi. Bino Efile-Mukulu a kufukama akatshokola Satana mushi mwa ngwa yenu ahayisha kihindji kihela. Buntu bwa Nfumwetu Yesu Kidisitu bwikale nenu. Temote mukwetu mufubi benwimuna; Lusensa na Ndjasone, na Soshipate ba kifuko kiande, abo abenwimuna namu. N’ami Tetyusa bafundjile uno mukanda, nenwimuna mu Nfumwetu. Ngaiusa mbabā’nde n’ā kihwilo kioso kumune benwimuna. Elatusa, mendaku a kibundji benwimuna, na Kwatusa mukwetu kumune. Buntu bwa Nfumwetu Yesu Kidisitu bwikale n’enu anwe boso. Amena. Bino, kwadi e a katshintshi kwinukankamika anka mulombene mukānduwibuwa wande, na ha kulungula kwa Yesu Kidisitu mwikele kufumbulwa kwā’kia kifībwe kibadi kifībwe kalā kasha bahanohansenga hadi mubangile. Anka bino kibafumbulwa ku Bifundwe bia batemuki, anka mulombene mulangilo w’Efile-Mukulu a ikala-ika, kibeukibwa ku Mīlo yoso, ha mwanda wa kikokyesho kia lukumino; kw’Ifile-Mukulu umunenka nyi anka sha binangu, ekale ntumbo kwi Yesu Kidisitu kwa ikala-ika. Amena. Paulu mwitanyinwe bu mutumibwa a Yesu Kidisitu, bu amukyebela eshimba di’Efile Mukulu, na Sosetene mukwetu mu Kidisitu, Ku kikoñeno ki’Efile ki ku Kodinda, kwi’ba balamunwe-selelee-be kishila mu Kidisitu Yesu, abaitanyinwa (kwikala) bu balamunwe-selelee be kishila, hamunenka na boso abetanyina h’eshina dia Nfumwetu Yesu Kidisitu mu bihindji bioso, Nfumwabo n’a atwe namu; bumuntu bw’Efile kwanudi; na kufukama kw’Efile Mukulu Yaiy’etu, na kwi Nfumwetu Yesu Kidisitu. Natumbula Efile Mukulu ande mafuku oso, ha mwanda wenu, mwanda wa bumuntu bw’Efile Mukulu bubenuhebwa mu Yesu Kidisitu; Eshi, mu bintu bioso nubaheteshibwa mwadi’e, mu mīsāmbo yoso, na (mu) kiyukilo kioso; bibakankamishwe bulungudi bwa Kidisitu mwanudi: biabia tanukakutwa mu kiabuntu sunga nkimune; hanuhianutengyela kufumbuka kwa Nfumwetu Yesu Kidisitu: Winyi akenukankamika namu mpaa na kunfudilo, eshi; tanukatohekwa mwifuku dia Nfumwetu Yesu Kidisitu. Efile Mukulu e (na) kishima, kwadi nyi kwanubaitanyinwe ku kilombeno kia Mwan’E Yesu Kidistu Nfumwetu. Binyibiabia nenusendela bakwetu mwishina dia Nfumwetu Yesu Kidisitu, eshi; anwe boso nwisambe mwanda umune, tanwikalanga na kwilamuña munkatshi mwenu, anka nwikale balombanyinyine hamune mwishimba dimune na mu binangu bimune. Anwe bakwetu nalungwilwe ha mwanda wenu, kwi ba mu nshibo ya Kaloe, eshi: Kwi mpaka munkatshi mwenu. Nyi nguno wanamba’shi, anwe boso, ku muntu ku muntu anwamba’shi: Ami nyi a Paulu; ami nyi a Apolosa, ami nyi a Kefase, n’ami nyi a Kidisitu. Kidisitu ’mwilamune su? Paulu benubambidilwe (ha nkulusu) su? Nubabatshishwe mwishina dia Paulu su? Natumbula Efile Mukulu’shi, nkimubatshishe umune ēnu anka Kidisipusa, na Ngaiusa, tala umune akākula’shi; Abatshisha mwishina die. Nabatshishe namu ba mu nshibo ya Setefane, kukila baba, tañuku su nabatshishe mungi, ooo. Mwanda Kidisitu tamuntume kubatshisha, anka mwanda wa kulungula mukānduwi-buwa; kushī na binangu bia bishima, tala nkulusu ya Kidisitu yakekala bu ya bisumanga. Mwanda bulungudi bwa (mwanda wa) nkulusu bwi bu mwanda ulotakane kwi’ba balwile, anka kwatudi’twe tubahashibwe, bwi bu bukome bw’Efile Mukulu. Mwanda ubafundjibwe’shi: Nankalwisha binangu bia basha kalolo, na kushingula kwa bashingudi akukealula tambisumanga. A sha binangu e kwi kunyi? Mufundji (namu) e kwi kunyi? Muhakanyi a bahanohansenga e kwi kunyi? Efile Mukulu tamwalule binangu bia bahanohansenga, tambulotakane su? Mwanda mwiyile kalolo k’Efile Mukulu, bahanohansenga tambeukye Efile Mukulu ku binangu, ooo, (biabia) Efile Mukulu bamwene buwa kuhashā’bo abakumina, ku bulotakane bwa bulungudi bw’Efile. Sunga Bena Yuda abakyebe bitundwilo, na Bangidiki abalondo binangu, ank’atwe atulungula Kidisitu mubambibwe ha nkulusu; kwi Bena Yuda wi bu kikokoshi, na kwi Bangidiki ngulotakane; anka kwi’bo abaitanyinwa, Bena Yuda na Bangidiki hamune, Kidisitu mbukome bw’Efile Mukulu, na binangu namu bi’Efile Mukulu. Mwanda bulotakane bw’Efile Mukulu mbukile binangu bia bantu, na butuba bw’Efile Mukulu mbukile bukome bwa bantu. Mwanda bakwetu, talai lwitamino lwenu shi, bia kushī basha bukalabwino be bungi ba ku mbidi, sunga basha katshintshi be bungi, sunga mba kinemo bebungi bētaminwe, ooo, anka Efile Mukulu basangwile bintu bilotakane bia hanohansenga ku kwatshisha basha bukalabwino būfu; Efile Mukulū’nyi basangwile bintu bibofule biahanohansenga kuhatakasha bintu bi na ntshitshiba. Efile Mukulu namu basangwile bitesha bia hanohansenga, na bintu bibe ndjibwe, na bintu bi bu bia bisumanga, kwalula bintu bi bu kintu, tambia bisumanga’shi, tala muntu, sunga ngumune akelungula ku mpala kwe, ooo. Anka kwadi e nyi kwanudi mu Kidisitu Yesu, betwialulwidile bu binangu, na kululama kwi’shimba, na kulamunwa-kwi-selelee, na kikudilo’shi, nyi anka mwaubafundjilwe’shi: A kwilungula, elungwile mwi Nfumwetu. Binyibiabia anwe bakwetu ba mu Kidisitu, ami, hanafikile kwanudi, nkimufikye na buwa bwa mīsambo, sunga na binangu hakwinulungula bulungudi bw’Efile Mukulu. Mwanda nafunyine’shi; tankeuku kingi kintu munkatshi mwenu, anka Yesu Kidisitu, n’e winyi babambidibwe ha nkulusu. Nadi n’enu mu kutshoboloka, na mu moo, na kususa kukata. Mīsambo yande namu, na bulungudi bwande bw’Efile, tabubadi na bishima bia kukonkwela bia mu binangu bia bantu, ooo, nganka bia mu bileshesho bia Kikudi-E-Selelee na bukome’shi: lukumino lwenu talwikalanga mu binangu bia bantu, anka mu bukome bw’Efile Mukulu. Sunga mbiabia, atwakulā binangu munkatshi mwa baba ba tabahwile kukula, anka tambinangu bia bahanohansenga, sunga mbwa bamunyi ba bahanohansenga abakekashwa bu ba bisumanga; ank’atwisambā binangu bi’Efile Mukulu mu kifībwe, nyi (mbinangu) bibadi bifwame, bibasangwile Efile Mukulu kwibedi kwa hanohansenga tahabandjile kuhangibwa bwa kwitwīkasha bu ntumbo: Bishī biukibwe kwi bamunyi ba bahanohansenga, sunga ngumune; mwanda su abadi beukye (bianka,) biabia tababadia kubamba Nfumwetu a ntumbo ha nkulusu. Anka mwaubafundjibwe’shi: Ayo tangimonyibwe na meso, sunga nkwiyihusha na matwi, sunga nkutwela ’mashimba a bantu, (yinyi) myanda yibalumbulwidile Efile Mukulu abo be n’e kifulo. Anka Efile Mukulu betufumbwila’ (yo) mu Kikudi e e Selelee; mwanda Kikudi-E-Selelee akokōlā myanda yoso, ee, yinyi myanda yibukoho y’Efile Mukulu. Mwanda a nanyi muntu euku myanda yi munda mwa (mungi) muntu, anka kikudi kia muntu ki munda mwe? Nyi anka hamune myanda y’Efile Mukulu, ayo yinyi takwi sunga ngumune eyiūku, anka Kikudi-E-Selelee e Efile Mukulu. Atwe tatwibatambule kikudi kia bahanohansenga, ooo, anka winyi Kikudi a kw’Efile Mukulu, mwatudia kwiukila myanda ayituhelwā bwana kw’Efile Mukulu. Yinyi myanda yiatwisamba namu, tayi mu bishima abilambukishwa mu binangu bia bantu, ooo, anka yinyi ayilambukishā Kikudi-E-Selelee, abangīla myanda ya Kikudi mu yinyi ya Kikudi. Anka muntu a bia ku mbidi yi na mwinyi tatambulā myanda ya Kikudi-E-Selelee e Efile Mukulu; mwanda kwadi e yi bu yilotakane, teuku namu kwiyishingula, mwanda ngishingulwe anka kwi a ku Kikudi-E-Selelee. Anka e a ku Kikudi-E-Selelee ashingula myanda yoso, anka e na mwinyi tamushingulwilwe na muntu, ooo. Mwanda a nanyi beukile nangunangu ya Yehowa mwadia kumulambukīsha? Ank’atwe twi na nangunangu ya Kidisitu. Binyibiabia anwe bakwetu ba mu Kidisitu, ami nakutshilwe kwakula kwanudi hamune bu ba be mu Kikudi-E-Selelee ooo, anka hamune bu ba abalondo abikyebe mbidi, (mpamune’nka) bu kwi bana balukyekye mu Kidisitu. Nenutomeshe mabele, nkimwinudīshe mwita; mwanda tanubadi na bukome (bwa kwiudia) sunga mbinobino tanwamwene (bia kwiudia). Mwanda nuki bu’ba abalondo abiltyebe mbidi, mwanda munkatshi mwenu mwi kiutu, na mpaka, na milamūno; (a biabia) tanwi bu’ba abalondo mbidi na kulonda amukitshina bantu su? Umune, hakwakula’shi: Ami nyi a Paulu, mungi’shi, ami nyi a Apolosa; (a biabia) tanwi bu’ba abalondo mbidi su? A Paulu e nanyi? Apolosa’nyi nanyi? abo ñanka bafubi nyi kwanubakuminyine, bu mubebahelele Nfumwetu muntu na we, muntu na we. Ami nakune, Apolosa bamamine (mema,) ank’Efile Mukulu beyikudishe. Biabia yawa akunā te kintu, sunga ngyawa amaminā mema, ank’Efile Mukulu nyi e yikudishā. Binyibiabia e akunā, n’e amaminā mema mbamune, boso abakatambula, au na bwedi bwe, au na bwedi bwe, mulombene mufubo we. Mwanda atwe twi bafubi hamune n’Efile Mukulu; anwe nwifuba dibundwe di’Efile Mukulu, (nwi) kibakibwe ki’Efile Mukulu. Mulombene bu-muntu bw’Efile Mukulu bubampebwa, ami natudile kibangilo bu mwibaki mukulu a bukalabwino, mungi namu baibakile hanka. Anka ese muntu adimukye mwaibakila hanka. Mwanda muntu teuku kutula kingi kibangilo, ankā’kia kibatudilwe, nyi Yesu Kidisitu. Binyibiabia su muntu aibaka ha kino kibangilo kilonda kia nsahabu, sunga nkia nfedha, sunga mabwe aneme, su mitshi, sunga mbitshi, su mbinkolwa. Mufubo wa muntu ese wanakafumbulwe, mwanda efuku adikalesha’o, mwanda aukafumbulwa na kālo; kālo namu akakatompo mufubo wa muntu ese muntu ese, su wi na minyi. Su mufubo wa muntu ubaibakile hanka awikala, akatambula bwedi. Su mufubo wa muntu aukahi kālo, akakala malwa ha mwanda wa kushimisha kwe, anka e na mwinyi akahashibwa, anka hamune bu moholwe mu kālo. Tanwibeuke’shi, nwi bu ntempelo yishidikwe y’Efile Mukulu, Kikudi-E-Selelee namu abombela munda mwenu? Su muntu alwisha (yinyi) ntempelo yishidikwe y’Efile Mukulu, Efile Mukulu (namu) akamulwisha; mwanda nshibo y’Efile Mukulu yishidikwe, ngihatulwe-yikishila, ngankā’nwe. Muntu tedimbange e na mwinyi. Su muntu a munkatshi mwenu anangushena’shi: Nyi na binangu bia hanohansenga, alulukye bu mulotakane, biabia ekale sha binangu. Mwanda binangu bia bahanohansenga nyi mbilotakane kw’Efile Mukulu. Mwanda ubafundjibwe’shi: Akwata basha binangu inu bulamalama bwabo. Dimonyi’shi; Yehowa euku nangunangu ya basha binangu’shi, ngia bisumanga. Binyibiabia takwikalanga muntu, sunga ngumune akwilungwila mu bantu. Mwanda bintu bioso mbienu; Sunga Paulu, sunga Apolosa, su Kefasa, su mpanohansenga, su nkutala, su ndufu, su mbintu bihadi, su mbintu abikafiki; bioso mbienu, anwe namu nwi ba Kidisitu; Kidisitu namu ng’Efile Mukulu. Muntu etutundule bu bafubi basangulwe ba Kidisitu, na balami ba myanda yifībwe y’Efile Mukulu. Binyibiabia’nyi, mu balame akikyebibwā’shi, bahetshibwe na kishima. Anka kwandji’mi nyi mwanda uhela bu bisumanga’shi, natshibilwe (kimu) kwanudi; sunga nkutshibilwa (kimu) kwa bangi, binyibinyi, tanyitshibila’mi na mwinyi, ooo. (Mwanda tañuku bia kwihīsha, anka tanyibingisha ha uno, ooo) anka ampīshā nyi Nfumwetu. Binyibiabia tanutshibanga (kimu) sunga nkihela kwibedi kwa kihindji kia Nfumwetu takiafikile, e akafisha kwitata myanda yifwame ya mufito wi fututu, na kufumbula’nyi yifībwe ya mashimba; henyihaha muntu he muntu he akekala na ntumbo ye kw’Efile Mukulu. Anwe bakwetu ba mu Kiditisu, yino myanda nahwandjikisha’yo mu lukindji kwandji’mi, na kwi Apolosa ha mwanda wenu’shi: nwikale anwambula kwatudi, tanukambanga kutentekyesha’nka yibafundjibwe, mwanda wa kwamba’shi, tala muntu, sunga ngumune akekala na kwitatwila mungi muntu. A nanyi bakulamun’obe todi hobe namu? A kiodi n’akio kioshī muhebwe nkinyi? A biabia, su bohelwe’kio, a kioetumbisha bu kishī kikuhebwe nkinyi? Anka binobino tanuhwile kwikuta, tanuhwile kwikala bampeta, nubahu kumunana (bu banfumu) bwatushī’twe; aee! nadia kusehela su nubadia kumunana, biatudia kumunana n’enu namu. Mwanda nanangushena’shi, Efile Mukulu betutulu’twe batumibwa kunfudilo, hamune na basangwilwe ku lufu; mwanda twibakitshibwe bu kileshesho kwi bahanohansenga, na kwi bamwikeilu, na kwi bantu. Twi balotakane ha mwanda wa Kidisitu, ank’anwe nwi basha binangu mu Kidisitu; atwe twi batūba, ank’anwe nwi bukome; anwe nwi baneme, ank’atwe atubendjibwa. Mpaa na ku uno nguba twi na nsala na nyota, twi muswa, twibakuhilwe, tatwi na mbalo ya kubombela; Atutuhwita mu kufuba na maas’etu a na mwinyi, hakukaibwa atwibafwimisha mwabi, hakubingibwa atukankamanā mwanka. Hakwedibwa miloa twibasambe; atukitshibwā bu bibutete bia bahanohansenga, twi bu bitshi bia bintu bioso, mpaa na lelo uno. Nkimwinufundjile yino myanda kwinukwatshisha būfu, ooo, anka nkwinulanga bu bana bande ba kifulo. Mwanda sunga nwi na balami binunu ekumi mu Kidisitu, tanwi na bashenu bebungi; mwanda mu Kidisitu Yesu nyi mu nenutandjile ku mukāndu-wi-buwa w’Efile. Binyibiabia nenusendela’shi, nwikale banyifwane. Ha uno mwanda nyi unatumine Temote, e winyi nyi mwan’ande a kifulo, n’a kishima mu Nfumwetu, e akenutentekyesha ngikelo yande yi mu Kidisitu mwandambukishā kosokoso mu bikoñeno bi’Efile bioso. Anka bamo abetatula’shi: Takafiki’nyi kwatudi. Anka, nankafiki kwanudi ahakidi kahindji kahela, su Nfumwetu akumina, biabia nankashingula kushī mīsambo, anka mbukome bw’abetatula. Mwanda bufumu bw’Efile Mukulu tabwi mu mīsambo, ooo, anka mu bukome. A kianukyebe nkinyi? nfikye kwanudi na kanongye, su mu kifulo, n’eshimba dia kuhohela? Ntumbu yibahalakana’shi: Kwi lukyebanokyebano munkatshi mwenu, na lwinyi lukyebanokyebano bushyabutemunwa sunga munkatshi mwa badjentaila’shi, umune ekale na mukashi a nshye. Anwe namu mwi betatule, tanwi na lukalo (munda) ’shi, e bakitshi kino kikitshino akashībwe munkatshi mwenu. Mwanda ’mibinyibinyi, sunga mbidi yi kula, eshimba di kwanka, ami tampwile kala kutshibila yawa bakitshine kino’ki, anka hamune bu’mi e kwanka. Mwishina dia Nfumwetu Yesu, anwe hanwikoñena hamune, n’eshimba diande namu hanka, na bukome bwa Nfumwetu Yesu Kidisitu, kulubula yawa winyi kwi Satana biadia kumulwisha mbidi’shi: kikudi kie kikahashibwe mwifuku dia Nfumwetu Yesu. Kwitumbisha kwenu kushī buwa, ooo. Tanwiuku’shi, kitatusho kihela, akitatusha mutanda woso. Binyibiabia katushai kinyi kitatusho kikulu’shi, nwikale mutanda uhya, mwanda nwi bu bashī batatushwe. Mwanda paque ’ētu betutahilwe, nyi Kidisitu. Henyihaha tulamei bidibwa bia kusehela, bishī na kitatutsho kikulu, sunga na kitatusho kia kifita na bubi, anka n’akia kishī kitatushwe, kia lukuluendo na kia binyibinyi. Nenufundjile mu mukanda (wande) ’shi: Tanwikalanga bu kūku na bena kukyebana-kyebana. Tankwamba’shi, bena kukyebana-kyebana ba hanohansenga, sunga mbasha malaka, sunga mbanyenanyi, sunga mbalangwidi ba mankishi; su mbiabia wanudi n’au ngwa kukatuka hano hansenga. Anka nenufundjile’shi: Tanwikalanga bu kūku na muntu su atemunwa bu mukwenu mu Kidisitu, su bekala sha kukyebana-kyebana su nsha malaka, su mulangwidi a mankishi, su nkānyi a mulomo, su mukodi a mālwa, su munyenanyi; su ngiawa e biabia, tanudianga n’e, ooo. A kwi benyi ba hasha, nyi biandjia kwibatshibila (kimu) su? Anwe tanutshibilā baba be munkatshi mwenu su? Ank’abo ba hasha Efile Mukulu ebatshibilā. Binyibiabia katushai (yawa) muntu e bubi munkatshi mwenu. Muntu a munkatshi mwenu e na mwanda na mukwabo ngakukuma kwenda ku kimu kia bashī balulame, kwa shī afikile ku mpala kwa bahatulwe-ba-kishila su? Tanwiuku’shi, bahatulwe-ba-kishila nyi abakatshibila ba hanohansenga (kimu) su? Biabia, su bahanohansenga abakatshibilwa (kimu) kwanudi, tanwi bahwandjikile kutshiba myanda yikile yikwabo buhela su? Tanwiuku’shi, twanakatshibile bamwikeilu (kimu) su? A ha myanda yinemene ku muwa wetu, tatukakidi mu yanka su? Su mbiabia nwi na bitshibilo bia myanda binemene ku uno muwa, nutule bakutshiba myanda, baba, bashī bakambe kutumbishwa mu kikoñeno ki’Efile. Nākula bino kwinukwatshisha būfu. A biabia munkatshi mwenu tamwi sha binangu? Sunga ngumune euku kutshiba (myanda) hankatshi ha bakwabo su? Anka mukwenu mu Kidisitu, ēnde na mukwabo ku kimu, ku meso kwa bashībakumine. Binyibiabia munkatshi mwenu hamudi kilema kikata, mwanda anwilobeshena ku kimu anwe bana bene. A nkinyi tanukumina kutombokyelwa? A nkinyi tanukumina sunga nkudimbilwa? Ayoyo! Anwe anwitombokeshena, na kudimbila bakwenu. Tanwiuku’shi: Bashībalulame tabakahyana bufumu bw’Efile Mukulu? Tanubembibwanga, sunga basha kukyebana-kyebana, sunga balangwidi ba mankishi sunga basha lusandji, sunga bakwilwisha abo bana bene bu bakashi, sunga bakwilwisha abo bana bene na balume, sunga bangifi, sunga basha malaka, sunga bakodi ba malwa, sunga bankanyi ba mulomo, sunga banyenanyi, tabakahyana bufumu bw’Efile Mukulu, ooo. Anka biabia nyi bibadi bamo ba munkatshi mwenu, anka (bino) nwibasudibwe, nwibalamunwe-selelee, nwibabingishwe mwishina dia Nfumwetu Yesu, na kwi Kikudi-E-Selelee e Efile Mukulu etu. Bintu bioso nki n’abio kishila’mi, anka bintu bioso tambindombene (kwi bikita); bintu bioso nki n’abio kishila, anka tankamunyibwa ku matalwa ābio, sunga nkimune. Bidibwa mbia mwifu, efu namu ndia bidibwa, anka Efile Mukulu nyi akedilwisha, n’abio namu. Anka mbidi tangia lukyebanokyebano, ooo, nyi ngia Nfumwetu, na Nfumwetu namu nga mbidi. Efile Mukulu basangwile Nfumwetu ku lufu, n’atwe namu aketusangula ku bukome bwe. Tanwiuku’shi, mbidi yenu nyi mbiakumbidi ya Kidisitu? A henyihaha nate biakumbidi bia mwana mukashi sha lusandji su? Aa, leka, leka. Nkinyi? tanwiuku’shi, e ēnde kwi mukashi sha lusandji abelungishena tambidi yimune su? Mwanda e bakwile’shi; Babidi, abakāluluka bu mbidi yimunenka. Anka yawa mwilungishene na Nfumwetu tadi kikudi kimune. Sukai lukyebanokyebano. Mulwisho woso aukitshi muntu tawi ku mbidi, anka e akitshi lukyebanokyebano alwisha ku mbidi ye yi na mwinyi. Nkinyi? tanwiuku’shi, mbidi yenu nyi ntempelo yishidikwe ya Kikudi-E-Selelee e munda mwenu, anwibahebwe kw’Efile Mukulu su? n’anwe tanwi na yenu? Mwand’anwe nwibaudibwe na mulo (ukata): binyibiabia nutumbishe Efile Mukulu ntumbo mu mbidi yenu, na mu kikudi kienu, abio mbi’Efile Mukulu. Ha mwanda wa myanda yanubanfundjile, bibuwa muntu kukutwa kushingula mwana mukashi. Anka, ha mwanda wa (kwihetiga) lukyebanokyebano, ese mulume ekale na mpian’e, n’ese mukashi ekale na mulunda e. Mulume anemekye mpian’e bilombane bibuwa, na mukashi namu nka hamune kwi mulunda e. Mpiana (a muntu) te na matalwa ku mbidi ye na mwinyi, anka mulund’e: anka hamune na mulunda, te na matalwa na mbidi ye, anka mpian’e. Tanwihelenanga anwe bana bene, anka su anwikuminyishena kihindji, bianudia kwihāna mu nteko na kushila biakudia, na kwilalene dimo, ha mwanda wa kutshina’shi, Satana akenutompa ha mwanda wa kukutwa kwilama kwenu. Nesamba uno na lukumino, ushī ulombene bu kishila. Mwanda nadi akusehela’shi, bantu boso bekal’anka bu’mi. Anka muntu ese e na kie kia buntu, mwibahēle Efile Mukulu, au na kie kihaso, au na kingi kihaso. Binyibiabia nākula kwi bebukuhi na kwi bakashi ba bafwe, Ami’shi: bibuwa abo su abekala’nka bu’mi. Anka su abakutwa mwa kwikela bisumanga, beibakishene, mwanda kwibakila nkukila kusuasua buwa. Na kwi beibakishene nebakamika, (anka) tanami, ñanka Nfumwetu, eshi, Mpian’a (muntu) tatukanga kwi mulund’e. Anka su atuku, ashale bukuhi, su nkulombana na mulund’e. Mulundatatushanga mpian’e. Anka kwi bangi nākula’nka’mi, ta Nfumwetu, ooo, ami’shi: Su kwi mungi mukwetu mu Kidisitu e na mpian’e shī mukumine, e namu asehela kwikala n’e, tamutushanga. Na mwana mukashi namu e na mulume shī mukumine, e namu asehela kwikala n’e, tatukanga kwadi. Mwanda mulume shī mukumine, mushidikwe kwi mukashi e, na mwana mukashi shī mukumine ’mushidikwe na mulume e: su tambiabia, biabia bana benu tambatoshibwe; anka binobino mbatoshibwe. Anka su bashī bakumine bakatuka, bakatukye. (Mwanda) mukwetu mu Kidisitu, su mulume su mukashi te mu buhika bwa bi bino, anka Efile Mukulu betwitamine mu kufukama. A biabia, obe mukashi, weuku naminyi su okahasha mulume? Sunga n’obe mulume, ouku naminyi su okahasha mukashi? Anka mubābīle Efile Mukulu kwi muntu na muntu, au na ki’e, au na ki’e, nyi amwibetamina Nfumwetu ku mumntu na untu, batambukile mwanka. Biabiu nyi binasangwila mu dikoñeno bioso bi ’Efile. Kwi (muntu) musailibwe baitaminwe su? Biabia tālulukanga bu shī musadibwe, ooo; a kwi mungi baitaminwe shi musadibwe su? e tasadibwanga. Kusalwa nkwa bisumanga, na kukutwa kusalwa nkwa bisumanga, anka kulama kwa bishila bi ’Efile Mukulu. Ese muntu ekale mū’lwa lwitamino lwabetaminwe n’alo. Boitaminwa bu mpika su? todilanga, anka su bomono mwa kwalulukila bu muluñantu, wekale bwanka. Mwanda’wa baitaminwe mwi Nfumwetu bu mpika, e muluñantu mwi Nfumwetu; nyi mpamune n’awa baitaminwe bu muluñantu, nyi mpika a Kidisitu. Nwibaudibwe na mūlo; tanukālulukanga’nyi bu bahika ba bantu, ooo. Anwe bakwetu mu Kidisitu, mwanubaitaminwe, nwikale’mo n’Efile Mukulu, muntu he, muntu he. Ha mwanda wa bakashi tumame, nki na kishila kwi Nfumwetu; anka natusha kitshibilo kiande, bu yawa mufwilwe lusa kwi Nfumwetu’shi, ngikale a kishima. Binyibiabia na hwandjikisha’shi uno’u wibuwa ha luno lukalo lwa binobino’shi, bibuwa mulume ekale bino. We mulamikibwe na mukashi? Tokyebanga kwilamuña. We mulamunwe kwi mukashi? Tokyebanga mukashi. Anka s’obamba, twemusole mwanda, ooo; kamame namu su abambibwa, tamusole mwanda. Sunga mbiabia, be bino abakekala na malwa mu mbidi, anka’mi nyi biandjia kwinuhasha (uno mwanda). Anka nākula bino bakwetu mu Kidisitu, kihindji kibaheleshwa, kubashala’shi, aba be na bakashi bekale bu bashī na bakashi. N’abo abadidi, (bekale) bu bashyabadidi; n’abasehela bu bashyabasehela; n’abo abaulā (bekale) bu bashī bahete’bio. N’abo abanemena ku bia hanohansenga (bekale) bu bashī bakambe kutwelelela mwanka, mwanda mwikelo wa bahanohansenga aushiminā. Anka nankyeb’ami’shi, nwikale bashī na mpwandjikishe. Yawa shī mubambe alamatshidile ku bintu abinemena kwi Nfumwetu, mwadia kusangesha Nfumwetu. Anka yawa mubambe, alamata ku bintu bia hanohansenga, mwadia kusangesha mpian’e. Kwilamuña kwi kwanka n’e kwi mukashi, n’e kamame. Mwana mukashi shī mubambibwe, e alamata ku bintu bia Nfumwetu, biadia kwikala mu hatulwe-a-kishila mu mbadi na kikudi; anka yawa mubambibwe alamata ku bintu bia hanohansenga, mwadia kusangesha mulunda e. Kino kiañakula, nākula mwanda wa kusungula kwenu; tamwanda kwinutee eholo, ooo, anka ha mwanda w’akia kihwandjikile’shi, nutul’eshimba kwi Nfumwetu kushī n’akia kwinukutshishwa. Anka su (muntu) atentekyesha’shi: nkimukite bilombane kwi mpian’ande ki kamame; su e tadi mukulu, e namu e na lukalo mu binyi bino, akite biakyebe, tasolo mwanda; bebambene. Sunga mbiabia, yawa e na kukankamana mwishimba die, e namu te na lukalo lwa mu bino, anka e na bukome bwa kukambila abikyeb’eshimba di’e, e namu bafunu bino mwishimba die’shi: nankamubiki, e, (biabia) bakitshi kalolo. Biabia yawa atulu (mwan’e ki kamame) kwibambo akitshi biya, anka yawa shī mutule kwibambo akidi kukita biya. Mukashi alamibwe kwi mulund’e mu mafuku oso a muwa wa mulund’e, anka su mulund’e bafu, e ’muluñantu kubambibwa n’ese akyebe, anka mwi Nfumwetu. Anka su ashala biabia, ami nahwandjikisha’shi akidi kwikala na muloo. Natentekyesha namu’shi, nyi na Kikudi-E-Selelee e Efile Mukulu. Ha mwanda wa bintu abilambulwa mankishi atwe boso twi na kiukilo. Kiukilo akitatulā, anka kifulo akikankamisha. Su muntu ese anangushena’shi, neuku kintu, e tabandjile kwiuku kintu mwakidi kihwandjikile kwiuka, ooo. Anka su muntu e n’Efile Mukulu kifulo, winyi e muukibwe n’e. Binyibiabia mwiyile kudia kw’abia bintu abilambulwa kwi mankishi, atwiuku’shi, nkishi tankintu hanohansenga, na takwi mungi Efile Mukulu, anka umunenka. Sunga be kwanka abaudikwa bu b’efile, su mbe mwiilu su mpanohansenga, (mwanda kwi b’efile bebungi na batontshi be bungi). Anka kwatudi’twe kwi Efile Mukulu umune, e nyi Yaiya, mwadi e nyi mutukye bintu bioso, n’atwe twi mwadi e, na Nfumu umune Yesu Kidisitu, mubatukile bintu bioso, n’atwe namu. Sunga mbiabia kiukilo kino taki mu muntu ese, ooo; mwanda bangi hakuubila ku mankishi, abadi biakudia bibahu kulambulwa kwi nkishi, na biabia muntu e munda mwabo e ’mutuba balwishibwa. Anka bidibwa tabiuku mwa kwitwifubusha kw’Efile Mukulu; mwanda sunga biatushyatudia biakudia, tatwi bakambe bubi, sunga biatudia tatwi bakambe buwa. Anka nudimukye’shi, buno bukome bwenu tabukālulukanga bu kikokwesho kwi baba batūba. Mwanda su muntu akumono’ be, sha kiyukilo, kwete kushala ha bidibwa bia mu nshibo ya mukishi, a biabia, muntu e munda mwe e mutūba, takakomeshibwa kudia abia bintu bibalambwilwe mankishi su? Na biabia ha mwanda wa kiukilo kiobe, winyi sha butūba abafwidile kwi Kidisitu, analwikye. Anka hanusolo myanda kwi bakwetu ba mu Kidisitu biabia, na kutaha muntu mutūba e munda mwabo, (biabia) anusolā myanda kwi Kidisitu. Binyibiabia su bidibwa abikokosha mukwetu, biabia tankadi’nyi bidibwa mpaa na kwikala-ika’shi, tala nankakokosha mukwetu. Ami nki muluñantu su? Ami nki mutumibwa su? Nkimumone Nfumwetu Yesu Kidisitu su? Anwe, tanwi bu mufubo wande mwi Nfumwetu su? Su nki mutumibwa kwi bangi, kwanudi’nwe takwi mialasheno, anka biabia: mwanda’nwe nwi bu kitundwilo kia butumibwa bwande mu Nfumwetu. Kwibingisha kwande kwi’ba abantompo nyi mbino. Tatwi na matalwa a kudia n’a kutoma su? Tatwi na matalwa kukunkusha mukashi mukumine hamune na bangi batumibwa na bakwetu ba mu Nfumwetu, na Kefasa? Ank’ami na Banabasa tatwi na matalwa a kushila mifubo su? A nku kihindji kinyi a kwifutā muntu na mwinyi ha kwenda mu ngoshi? A nanyi adimā efuba dia mitshi ya nfinyo, tadi bikuba bia’yo? A nanyi akunkushā lombe, tatomo mabele a’lo? Yino yañakula, nākula bwamwakwila bantu su? A mukanda wa bishila tangwakule namu hamune su? Mwanda ubafundjilwe mu mukanda wa-bishila wa Mosesa’shi: Toanyanga (ku kanwa) kwa ñombe ayihūlu ngano. Efile Mukulu talamā ñombe su? Su ebākwile (biabia) anka ha mwanda w’atwe? Mbinyibinyi nyi ha mwanda w’etu ubafundjibwa’shi, yawa adimā adime na kutengyela, na yawa ahulā (ngano) na kutengyela, bibuwa ebimone mu lutengyelo lwe. Su tubakunyine kwanudi bintu bia kikudi, kwi mwanda ukata su atutambula bintu bienu bia hanohansenga su? Su bangi be na matalwa ano hanundu h’enu, atwe, tatwi bakambe kukila su? Ank’atwe tatwi beatshile matalwa ano, ank’atwilekyeshā mu bintu bioso, tala tuabamba mukāndu-wibuwa wa Kidisitu. Tanwiuku’shi, baba abafubila bintu bihatulwe-bi-kishila abadiya ku bintu bia mu ntempelo (y’Efile,) n’abo abemanā ku kitala kia bitahilo be na biabo bia bitahwa su? Nyi mubasangwidile Nfumwetu’shi, abo abalungulā mukāndu wibuwa, bekale bakumwena mwanka bia mukāndawi-buwa. Ank’ami nkimwiatshile bino bintu, sunga nkufunda yino myanda’shi, bikitshinwe biabia kwandjimi, ooo; mwanda ngukile buwa ami kufwa he muntu, su nanyi, su nanyi, alula kwitumbisha kwande bu kwa bisumanga. Mwanda sunga nalungula mukāndu-wibuwa nki na bia kwitumbisha, ooo, mwanda wandji n’au ngwa ku’nemena wanka; ee, mpombo kwandji’mi su ntandungula mukānduwibuwa. Mwanda su nankitshi uno’u na musanku, nyi na bwedi, anka su tawi mwishimba diande, nyi na bulami (bwa mukandu-wibuwa) bwandji muhēbwe. A binyibiabia bwedi bwande nkinyi? Eshi, mbinyibinyi ñamba’shi, handungula mukāndu-wibuwa, nalungula mukāndu-wibuwa wa Kidisitu kwanshyafutshibwa kuhela’shi, tala nankalwisha matalwa ande mu mukāndu-wibuwa w’Efile. Mwanda sunga nyi muluñantu kwi boso, biabia nealule’mi na mwinyi bu mpika a boso’shi, mwandjia kukamba kukuminyisha bebungi. Kwi Bena Yuda namu nealule tandji mwina Yuda, mwandjia kukuminyisha Bena Yuda; kwi bo be mu mukanda wa-bishila, ami namu nyi mwanka’shi, mwandjia kukuminyisha aba be mu mukanda-wa-bishila. Kwi baba bashi na mukanda-wa-bishila, ami namu mpamune, (nki mwikale bisumanga mukanda-wa-bishila kw’Efile Mukulu, anka nyi ku mukanda-wa-bishila kwi Kidisitu) mwandjia kukuminyisha aba bashī na mukanda-wa-bishila. Kwi’bo batūba nealulwile bu mutūba mwandjia kukuminyisha batūba. Kwi bantu boso nebealulwidile bu bintu bioso mwakuhashisha bamo su mbi kunyi, su mbi kunyi. Nakitā bino ha mwanda wa mukāndu-wi-buwa eshi, nyikale a kutambwila mwanka. Tanwiuku’shi, aba abeshiena mu lubilo lwabo, abasuka ne? Anwe, biabia sukai, mwanudia kukatambwila. Boso, anka atambula bwedi ngumu-Muntu ese kwete kunyisha (biabia) e na kwitonga mu bintu bioso. N’abo abeukitshi, abakitshi’shi: Tutambule kilongo akilwilā, ank’atwe atukitshi mwakutambwila kishiakilwilā. Binyibiabia, ami nasuku biabia lubilo, lushī na mialasheno; nekuhishena, kushi bu umune akuhila luhahi, ooo. Anka’mi natonto mbidi yande, neikokeshe’shi, tala su mbi kunyi su mbi kunyi, hankalungula mukāndu-wi-buwa kwi bangi, ami na mwinyi nadia kwikala mutunyibwe. Mwanda’nwe bakwetu mu Kidisitu tankyebe’shi nwikale bahatamine, bu bibadi bashyetu-kulu boso mushi mwekumbi, abo boso abakile munkatshi mwa mema-a-kalunga; abo boso abadi babatshishwe kwi Mosesa mwikumbi na mu mema-a-kalunga. Abadile namu abo boso bidibwa bimune bia mu Kikudi; abo boso namu abatomene biakutoma bia mu Kikudi; mwanda abatomene ku iubwebwe lumune lwa mu Kikudi lubebalondanga, lwinyi lubwebwe namu lubadi Kidisitu. Anka Efile Mukulu tamusehele kalolo na bamo bebungi, ooo, mwanda’bo abayile bulumbelumbe mu kabāka. Biabia yino yoso yibadi bu bihwandjikisho kwatudi, mwanda kwitulesha’shi, tala twakekala na kulakila ku bintu bibubi, anka hamune ’bo abalakidīle. Tanwikalanga sunga balangwidi ba mankishi hamune na bamo b’abo; mwakibafundjilwe’shi: Baba bantu abashalele kudia na kutoma, abebwele namu tabasha masha. Tatukitanga namu lukyebanokyebano hamune na bangi b’abo abakitshine’lo ooo, n’abo abnhōne mwifuku dimune’nka binunu maku mi abidi na binunu bisatu. Sunga nkutompa Kidisitu bu bibatompele bamo b’abo, n’abo abatukishwe na manyoka. Sunga nkununa hamune bamo b’āba abaununwine, n’abo abatukishwe kwi yawa mutukishi. Yino myanda yoso yibafikile kwabadi kwikala bu bihwandjikisho, yibafundjibwe mwanda wa kwitudimuna, kunfudilo kwa mahaka a hanohansenga kubafiki kwatudi. Binyibiabia yawa atentekyesha’shi, nyi mwimane, adimukye tala ahona. Takwi kitompelo kia kwinutompa, ank’akio akinemenā kwi bantu, anka Efile Mukulu e nga kishima, e takenulekyela mu kutompibwa kukila kiakia kianwiuku kwikala n’akio; anka ha kutompibwa akenukitshina eshinda dia kuhanda, bianudia kwiuka mwa kukankamena mwanka. Binyibiabia anwe bakuminwe bande, sukai ku kulangwila kwa mankishi. Nākula kwibo be bu basha binangu; tshibai yinyi yinesamba. Ekoho dia mwabi diatutumbula ta nkilombeno kia mase a Kidisitu? Na dimpa diatubasulā ta nkilombeno kia mbidi ya Kidisitu su? Binyibiabia atwe bebungi, twi dimpa dimune, na mbidi yimune; mwanda’twe boso atudiyā ku dimpa dimunenka. Tala Bwina Isalele bwa ku mbidi; abo abadiyā ku bitahilo, bakutwe kwikala balombane na kitala kia kitahilo su? A kiañakula’nyi nkinyi? Nākule’shi, kintu kitahilwe nkishi, nyi nkintu su, sunga nkishi winyi e kintu su? Ooo, anka nākula’shi, biabia bintu abitahā Badjentaila, abatahilā biso, ta nkwi Efile Mukulu ooo. N’ami tankyebe’shi nwikale na kihwano na biso, ayoyo. Tanwiuku kutoma ekoho dia Nfumwetu n’ekoho dia biso, ooo; tanwiuku kudia ku mesa a Nfumwetu, na ku mesa a biso, ooo. A tukolomwenā Nfumwetu kwikala na mukau su? Atwibamukile bukome’nyi? Bintu bioso tabi kishila, anka bintu bioso tabitwikasha na muloo; bintu bioso tabi kishila, anka bintu bioso tabikankamisha (muntu,) ooo. Muntu tekimbilanga bi’e na mwinyi, ank’ese muntu akimbe bia kusa ngasha bakwabo. Kintu kioso akihanwa ku bisalwe, nwikidie, tanwihushanga mihusho, mwanda wa muntu e munda. Mwanda nsenga ngia Yehowa, na bintu bioso bi mwanka. Su kwi umune ā’ba bashī bakumine enwitanyina (ku bidibwa,) n’anwe namu nwi n’eshimba dia kwenda; bioso abikenutudilwa, su mbinyi su mbinyi nwibidye, kushī kwihusha, mwanda wa muntu e munda. Anka su muntu akenulungula’shi, kino nkitahilwe mankishi, biabia tanudianga kianka, ha mwanda wa yawa benulesha’kio, na ha mwanda wa muntu e munda namu. Ami nākula’shi, muntu e munda; tangobe ooo, nyi nga mukwenu; mwanda buluñantu bwande mbutshibilwe na minyi, kwi muntu e munda mwa mungi? Mwanda su kwi lutumbu, ami nadiyā’bio, a mpa mwanda kinyi nākulwa bibi ha mwanda wa kiakia kiantumbula hanka? Binyibiabia sung’anudyi, sung’anutomo, sunga nkioso kianukitshi, nwibikitshinei ku ntumbo y’Efile Mukulu. Tanukitanga kia kukokosha su nkwi Bena Yuda, su nkwi Bangidiki, sunga ku kikoñeno ki ’Efile. Anka hamune n’ami namu, natosha mashimba a bantu boso mu bintu bioso, kushī kwikimbila biande’mi na mwinyi, ooo, ank’abio bia bebungi, ami’shi, bahande. Nwikale bakungelekesha’mi, anka mwangelekyesha’mi Kidisitu. Anka bino namu nenutumbisha bakwetu mu Kidisitu’shi, nwantentekyesha mu bintu bioso, na kulama milangilo, hamune munenufishishe’yo. Anka nenukyebe nwiukye’shi, mutwe wa muntu ese nyi Kidisitu; na mutwe wa mwana mukashi nyi mulume; na mutwe wa Kidisitu (namu) nyi Efile Mukulu. Ese mwana mulume hakuteka su kutemuka myanda na mutwe we ubwikile, biabia afukulusha mutwe we. Anka ese mwana mukashi atekā su kutemuka myanda na mutwe we ushī ubwikile, afukulusha mutwewe, mwanda kino ki hamunenka na kukulwa kahweto. Mwanda su mwana mukashi shī mubwikilwe, aseswe nyene, anka su ki būfu mwana mukashi kuseswa, sunga nkukulwa kahweto, biabia ekale mwibwikile. Anka mwana mulume tankimulombene kwikala na mutwe we ubwikile, ha mwanda e nyi nkihwandjikisho na ntumbo y’Efile Mukulu; anka mwana mukashi nyi ntumbo ya mwana mulume. Mwanda mwana mulumi shī a kwi mwana mukashi, anka mwana mukashi, e nga kwi mulume. Sunga mwana mulume namu tamuhangibwe ha mwanda wa mukashi, anka mwana mukashi n’e bahangilwe ha mwanda wa mulume. Nyi ha uno mwanda nkihwandjikile mwana mukashi kwikala na kitundwilo kia matalwa ha mutwe he, ha mwanda wa bamwikeilu. Sunga mbiabia, mwana mulume e shī a bisumanga mwana mukashi, sunga mwana mukashi namu e shī a bisumanga mwana mulume mu Nfumwetu. Mwanda anka mwikele mukashi nga mulume, na mulume namu nga mukashi; anka bintu bioso mbi’Efile Mukulu. Nwitshibile (myanda) munda mwenu, anwe bana bene’shi: Mbilombane mwana mukashi kuteka Efile-Mukulu, shī mubwikile (kumutwe) su? A kihaso kia muwa ki na mwinyi, takiuku kwinulambukisha’shi, su muntu e na nyene yila, ta mbufu bwe su? Anka su mwana mukashi e na nyene yi bula, nyi ntumbo ye, mwanda nyene ye yi bula yibamuhelwe kwikala bu kibwikīlo. Anka su nanyi, su nanyi e bu e na mpaka, tatwi na n’akia kihikwa, ooo, sunga mu bikoñeno bi’Efile. Anka bino bitanyinulungula, tanyinutumbisha’shi, anwikoñena kushī ha mwanda wa kwilumbula biya, ooo, anka kutamisha bubi. Mwanda wa kwibedi, hanwikoñena mu kikofieno ki ’Efile nahusha’shi, munkatshi mwenu mwi kwilamuña, n’ami neukumina kihindji. Mwanda mwaudi uyile’shi, bia kwilamuña abikekala munkatshi mwenu’shi, bakutumbishwa bafumbulwe munkatshi mwenu. Binyibiabia hanwikoñena hantu hamune, tanukamono mwa kudila bidibwa bia Nfumwetu, ooo, mwanda hanudi, ese muntu eatshile bidibwa bi’e na mwinyi; umo e na nsala, mungi ’mukolwe. A nkinyi? Tanwi na mashibo a kudila n’a kutomena mwanka? Sunga anubenda kikofieno ki’Efile Mukulu anufwisha namu baba bashī n’akio būfu su? A nankyebe kwinulungula kinyi? A nenutumbishe mu uno, u su? Ooo, tanyinutumbisha. Mwanda natambwile kwi Nfumwetu kiakia namu kinenufwishishe’shi: Nfumwetu Yesu mu bwabwa bufuku bubehukilwe kīhuko, bātshile dimpa; Habahwile kutumbula, beditshibile’shi: Atai, nudye; dino nyi mbidi yande yibenutshimukile; kitai kino mwa kuntentekyesha. Anka ekoho namu mpamune habahwile kudia, bambile’shi: Dino ekoho nyi kihwano kihya mu mase ande; hoso hanukatomo, nukite kino kia kuntentekyesha. Mwanda misusa yoso yianudi dino dimpa na kutoma dino ekoho, anulungula lufu lwa Nfumwetu mpaa n’ahakafiki. Binyibiabia muntu ese akadi dino dimpa, na kutoma ku dino ekoho shī mumpwandjikile, ’muhīle mwanka ku mbidi na ku mase a Nfumwetu. Anka muntu etompe e na mwinyi, biabia adye ku dimpa na kutoma kwikoho. Mwanda yawa adi na kutoma shī muhwandjikile, ādi na kutoma luhīlo ndw’e na mwinyi, mwanda tamuhatule mbidi ya Nfumwetu. Nyi ha uno mwanda bebungi munkatshi mwenu mbabofule ku mbidi, n’abakumbu busungu, bangi namu abalala tulo (twa lufu.) Mwanda su tubadia kwitshibila’twe banabene, tatubadia kutshibilwa kimu, ooo, Anka hatutshibilwa kimu, twibalangibwe elango kwi Nfumwetu’shi, tala twakahīshwa (kamune) na bahanohansenga. Binyibiabia bakwetu, hanukekoñena hamune mu kudia, nwieshenei. Su muntu e na nsala, adye kwē, tala nwakekoñena hamune mu kuhoneshībwa, na yingi yishale nankeyilumbula hanankafikye. Bakwetu, ha mwanda wa bia-buntu bia Kikudi-E-Selelee, tankyebe’nwe nwekala bahatamine. Anwiuku bu bianubadi Badjentaila, nubadi batwelelele kwi mankishi a tumama, nyi anka mwa nubakunkushibwanga. Binyibiabia nenuha bia kushingula’shi, takwi muntu akuakula mu Kikudi-E-Selelee atemuna Yesu’shi, mwedibwe muloa; takwi muntu namu euku kwakula’shi, Yesu nyi Nfumu, anka mu Kikudi-E-Selelee. Kwi bihaso na bihaso bia bia-buntu, anka Kikudi nkimune. Kwi bilekeno bia bilumbulwilo bia mifubo, anka Nfumu ngumune. Dimon’nyi kwi bihaso na bihaso bia mukitshinwā mifubo, anka winyi Efile Mukulu, nyi afubā mu bioso bioso. Anka kifumbukilo kia Kikudi-E-Selelee nkihebwe kwi ese (muntu) mwadia kumwena mwanka. Mwanda kwi umune ’muhebwe mwanda wa binangu kwi Kikudi (E-Selelee,) kwi mungi mwanda wa kiukilo kwi winyi Kikudi; kwi mungi’nyi lukuluhilo kwi winyi Kikudi; kwi mungi dimo’nyi (’muhebwe) bia-buntu bia kuhwishana (masungu) kwi winyi Kikudi. Kwi mungi namu (muhebwe) mwa kukitshina bilengyeleshi; mungi’nyi namu mwa kutemukila bitemu; kwi mungi’nyi namu (muhebwe) lushingulo lwa kushingula bikudi; mungi (muhebwe) bihaso na bihaso bia ndjimi; na kwi mungi’nyi kuhatula kwa ndjimi; anka Kikudi kimune afubisha yoso yino; abilā kwi ese (muntu) mwakyebele e na mwinyi. Mwanda’nka mwikele mbidi ngimune, yi na biakumbidi bibungi namu, na (bino) biakumbidi bioso sunga bibungi, nganka mbidi yimune, nyi anka mwikele Kidisitu namu. Mwanda kwi Kikudi kimune, atwe boso twi babatshishibwe mu mbidi yimune, sunga twi Bena Yuda, sunga (twi) Badjentaila, sunga twi bahika, sunga twi baluñantu, atwe boso namu tubatomeshibwa mu Kikudi kimune. Mwanda yinyi mbidi tayi kiakumbidi kimune, anka bibungi. Su lwā aluakula’stii, Mwanda’mi nkīyasa, ami nki kia ku mbidi, ooo; a biabia tandwa kia ku mbidi su? Sung’etwi namu adiakula’shi: Mwanda’mi nkī’iso, nki kia ku mbidi; a biabia, ta ndia ku mbidi su? Su mbidi yoso yishima yibayikele eiso (ank’adio, yishī matwi) a biabia, kuhusha kwi kwi kunyi? Su yibayikele ayo yoso anka kuhusha, a biabia kulula kwi kwi kunyi? Anka binobino Efile Mukulu batule biakumbidi bioso mu mbidi, bu mubakyebele eshimba die. Su kubadi anka kiakumbidi kimune, biabia mbidi namu yibadia kwikala kwi kunyi? Anka binobino bi biakumbidi bibungi, ñanka mbidi yimune’nka. Eiso namu tadiuku kwakula kwiyasa’shi: Nki n’obe lukalo, sunga mutwe dimonyi namu kwi ngwā’shi: Nki n’obe lukalo. Ayoyo, kukila biabia, abia biakumbidi bia mbidi bi bu bikambe butūba, abio mbikebibwe bikata. N’abia biakumbidi bia mbidi, biatuhwandjikisha’shi: Bi na kinemo kihela, kwa bidi’bio nyi kwatutenteka kinemo kikilekile; na biakumbidi bietu bishī buwa, biosobi abio bibuwa bukilekile. Mwanda bietu bibuwa tabi na ki’abikyebe; anka Efile Mukulu bafumankeshe mbidi hamune, bakambile kuhana kinemo ku luhese lwakishī badi. Eshi, takukekala kwilamuña mu mbidi; anka biakumbidi bioso bikale abilelena kilelo kimune. Na su kiakumbidi kimune kiamona malwa, (biabia) biakumbidi bioso abimono malwa n’akio; su kingi kiakumbidi namu kibanemekwa, biakumbidi bioso abisehela n’akio. Biabia nwi mbidi ya Kidisitu, nwi biakumbidi ye, muntu he, muntu he. Efile Mukulu namu batudile bamo mu kikoñeno (ki’E); kwibedi batumibwa, diakabidi batemuki, diakasatu balambukishi, kumongo ta mbilengyeleshi, kumongo’nyi biabuntu bia kuhwisha masungu, kumongo’nyi biakukwashia, na basha kulumbula, na bihaso bihaso bia ndjimi. A boso mbatumibwa su? boso mbatemuki su? a boso mbalambukishi su? a boso mbakitshi ba bilengyeleshi su? Boso be na bia-buntu bia kuhwisha masungu’nyi? A boso’nyi abākulii na (yingi) ndjimi su? Boso abamonā mwa kuhatulwila’ (yo) su? Anka kimbididilai bia-buntu bikididile bikwabo; sunga mbiabia ami nenulesha eshinda adikile binyibiabia buwa. Sunga nākulā na ndjimi ya bantu na ya bamwikeilu, n’ami nki na kifulo, (biabia) nyi mwalulwe bu kilonda kia lembela ki ñono, su mbu kwakula kwa lubembo. Na su nyi na kiabuntu kia lutemuko lwa myanda, na kushingula bifībwe na biyukilo bioso; sunga nyi na lukuluhilo loso namu lwa kukasha mangulu, n’ami nki na kifulo, (biabia) nyi bu bisumanga. Su natusha bintu biande bioso kudisha (balanda,) su nahana mbidi yande kushikibwa ha kālo, na kifulo nki n’akio, biabia nki na kia nkamwena mwanka sunga nkimune. Kifulo akitalasha eshimba kihindji kila, ki na bumuntu, kifulo takikala na kiutu, ooo, kifulo taki na kwinemeka, taki na kwitatula, takikitā akia kishi kilombane biya, takikimbila kiakio ki na mwinyi, takikolomonwa lubilo, takitentekyesha bibubi. Taki sehela mu bia bubi, anka akisehela na bia binyibinyi; akitulu eshimba mu bioso, akikumina bintu bioso, akitengyela bintu bioso, akikankamana mu bintu bioso. Kifulo takikakutwa sunga mpahela; anka sunga nkwi bitemukilo bia myanda, abikakatuka; sunga nkwi ndjimi, ayo ayikahu; sunga nkwi kiukilo akikashimina. Mwanda atwiuku anka kihindji, atutemuka namu myanda anka kihindji; anka ahakafikī’kia kikumbane, biabia akia ki kihindji akikakatushwa. Hanadi mukinga nadi ākula bia bukinga, nashingulwile bia bukinga; nadi atentekyesha bia bukinga; anka hanakule, tandji mukulu, nakashishē’bia bia bukinga. Mwanda binobino atwitala mu lumweno lwi lulembalemba, anka akwā atuketalena ku mahala; binobino neuku kihindji, ankā’kwa nankeuku mwandji mwiukibwe. Binobino akwikala lukuluhilo, na lutengyelo, na kifulo, anka kikididile bino (bisatu) bukata nyi nkifulo. Londai kifulo; nukyebe bia-buntu bua Kikudi (E-Selelee,) anka kukila biabia, nkutemuka myanda. Mwanda yawa ākula na dingi edimi, tākula kwi bantu, ooo, anka kw’Efile Mukulu; mwanda takwi muntu eushingula; anka mu Kikudi e ākula yifībwe. Anka yawa atemukā myanda ākula kwi bantu kwibatamisha, na kwibalanga, na kwibasenga. Yawa ākula mu dingi edimi etamisha e na mwinyi, anka yawa atemukā myanda atamishā kikoñeno ki’Efile. Ami nenukyebela ’shi, nwakule anwe boso mu ndjimi, anka kukila biabia’shi, nutemukye myanda: mwanda yawa atemuka myanda ’mukile winyi akula mu ndjimi, anka su euhatula’shi, kikoñeno ki’Efile kimone mwa kidia kutamina. A bakwetu, su nafiki kwanudi na kwisamba ndjimi, nankenumweshesha kinyi anka su nākula kwanudi na ya mwinufumbwila, su ngia kiukilo, sunga ndutemuko lwa myanda, su nku lulambukisho? Hamune na bino, bintu bishī na muwa, be n’eyi, sunga ndushiba, sunga ndusese, anka su abitusha mayi elekene, aahushibwa na minyi mwa ayīla na mwa’ōmbelwa. Mwanda su mpungi ayiele eyi dishī mulumbi, a nanyi akelumbula kwenda ku ngoshi? Anwe namu anka hamune, su tanwakula mwidimi bishima bibofule bia kushingula, abikeukibwa na minyi akia kia kiakulwa? Mwanda biabia anukākula mu luhahi. Kwi bihaso na bihaso bibungi bia miakwilo hanohansenga, tangikutwe namu, sunga ngumune mwayidi yīle, ooo. Binyibiabia su tañuku kuhatūla mwiyile mwakwilo we, (biabia) ami nankekala kwi’wa ākula bu musendji, e namu kwandji’mi musendji. Biabia anwe namu mpamune’nka, bianudi na kinsukunsuku kia kukyeba fbia-buntu bia Kikudi-E-Selelee, nukimbe’shi, nukambe kukila bia kutamisha kikoñeno ki’Efile. Binyibiabia yawa ākula mu ding’edimi atekye’shi, ’mone mwa kuhatulwila. Mwanda su natekye mu ding’edimi, nyi nkikudi kiande akitekye, anka nangunangu yande ngia bisumanga. A bino, bi na minyi? Nkatekye na kikudi, dimo’nyi nkatekye na nangunangu; nkayimbe na kikudi, nkayimbe namu na nangunangu. Hangi namu h’okelwa mwabi na kikudi, yawa shī na kalolo akakumina’shi: Amena ku lutumbu lobe, mwanda tashingula kiōkula? Mwand’obe otumbula binyibinyi, anka mukwenu tamutamishibwe, ooo. Natumbula Efile Mukulu ande biandji mukile anwe boso kwakula yingi ndjimi. Anka mu kikoñeno ki ’Efile, nakamba kusehela’shi, nakule bishima bitano na nangunangu yande hanka, mwandjia kulambukisha bangi namu he bishima binunu ekumi mwidimi dingi. Bakwetu tanwikalanga bu bana mu nangunangu ooo, anka mu kifita nwikale bana; mu nangunangu nwikale bakulu. Mu mukanda-wa-bishila mubafundjibwe’shi: Nankākula kwi bano bantu n’eyi dia yingi ndjimi na milomo ya benyi; sunga mbiabia tabakampushish’ami, ooo, nyi mubakwidile Yehowa. Binyibiabia (yingi) ndjimi yi bu kitundwilo, kushi kwi’ba abakumina, anka kwi’ba bashī bakumine; anka kutemuka kwa myanda (nyi nkitundwilo) tankia kwi bashībakumine, ooo, anka kwi’bo bakumine. Binyibiabia, su kikoñeno kioso ki’Efile kibekoñena hantu hamune, na boso abākula na yingi ndjimi; na su bashī bahatulukye, sunga bashī-bakumine, abakatwele mwanka, a biabia tabakākula’shi: Nwi na mombe? Anka su boso abatemuka myanda, na su amutwele umune shī-mukumine mwanka, sunga shī na kalolo, (biabia) e muhīshwe kwi boso, e mutshibilwe kwi boso. N’anka biabia yifībwe y’a mwishimba die ngisokolwe; biabia akahono mubandjikye mpala ye hashi, talangwila Efile Mukulu, na kwakula’shi: Efile Mukulu e munkatshi mwenu binyibinyi. A bino bi na minyi bakwetu? Hanwikoñena hamune, anwe boso, au na lono, au na lulambukisho, au namu na dingi edimi, mungi namu e na lufumbwilo. N’au mo ’nyi e na luhatulwilo. Bioso bino bikitshibwe ha mwanda wa kwitamisha. Su Muntu akula mu (dingi) edimi, (bekala) su mbabidi su mbasatu, anka baba kubāhu, n’abo kwilondena ku umo umo, na mungi’nyi ahatule. Anka su takwikala muhatudi, (biabia) ekale nyaa mu kikoñeno ki’Efile, esambe kwadi na mwīnyi, na kwi Efile Mukulu. Batemuki bākule babidi su mbasatu, na bangi bakwabo beyitshibile. Su kia kufumbulwa nkifumbulwe kwi mungi mushale hanka, (biabia) akwibedi aumine. Mwanda anwe boso anwiuku kutemuka myanda, ku umune ku umune’shi, ese muntu āmbule, na boso basengībwe; Bikudi bia batemuki mbikokyeshibwe na batemuki. Mwanda Efile Mukulu t’Efile a kuhatakasha, ooo, E nga kufukama; nyi anka mwikele mu bikoñeno bi’Efile bioso bia bahatulwe-ba-kishila. Bana bakashi benu baumine nyaa mu bikoñeno bienu bi’Efile; mwanda tamwi matalwa abo kwakula; bekale bakokyele anka mwakwile mukanda-wa-bishila. Su abakyebe kwambula kalolo ku kintu, behushe balume babo kwabo; mwanda bi būfu mwana mukashi kwakula mu kikoñeno ki’Efile. Nkinyi? A nkwanudi’nwe kubatukile mwanda w’Efile Mukulu su? Su dibafikile anka kwanudinwe’nyi? Su kwi atentekyesha namwinyi’shi, nyi mutemuki, sunga nga kikudi (E-Selelee,) ashingule’shi, yino myanda yinenufundjile, nyi ngia bishila bia Yehowa. Anka su umune bekala shī na kalolo, ekal’anka biabia. Binyibiabia anwe bakwetu, kimbidilai kutemuka myanda, tanulekeshanga bakwakula na yingi ndjimi. (Bibuwa) bintu bioso bikitshibwe mulombene bibuwa mwa kwikadidila. Dimon’nyi bakwetu, nenukisha mikāndu-yi-buwa yinenulungwile, yingi namu yanubatambwile, na kwīmanyinyina mwanka. Nyi kwanubahandjila su anulamatshidila mu binyi binenulungwile, anka su nubakuminyine bisumanga. Mwanda’mi kwibedi nenuhele kiakia kianatambwile namu, mu bafwidile Kidisitu milwisho yetu mulombene Bifundwe bi’Efile; Bashīkilwe namu, abuka h’efuku dia kasatu mulombene bifundwe bi’Efile. Na mu bamwenenwe kwi Kefasa, kumongo kwi benyi b’ekumi na babidi. Kumongo’nyi bamwekyele kwi Bakwetu ba mu Kidisitu bakile nkama yitano kihindji kimune; bangi babo bakile bungi bakiabatala mpaa na binobino, anka bamo mbalaletulo (twa lufu.) Biabia biakikamweka kwi Yakoba, akamwekyela’nyi kwi batumibwe boso. Na kunfudilo kwa boso bamwekyele namu kwandjimi, bu mutandjibwe muhulumukye. Mwanda’mi nyi mukile buhela a ku batumibwa, nki muhwandjikile kutemunwa bu mutumibwa, mwanda nadi asābula kikoñeno ki’Efile. Anka nyi kwandji mwikele na bino, nyi ku bumuntu bw’Efile Mukulu: na buntu bwe bwanampelwe’mi ta mba bisumanga, ooo; anka nakile bakwetu boso kutuhwita ’mufubo: anka ta nami na mwinyi, ooo, nyi mbu-muntu bw’Efile Mukulu bubadi n’ami. Binyibiabia su bibadi ami, su mbaba, nyi anka mwatubalungwidile ntukāndu-wibuwa, nyi mwinyi mwanubakuminyine. Biabia su Kidisitu alungwilwa’shi, e babukile ku lufu, a nkinyi bangi be munkatshi mwenu abamba’shi: Takwi lusangukilo lwa bafwe? Anka su takwi lusangukilo lwa bafwe, biabia Kidisitu tamusangulwē, ooo; na su Kidisitu tamusangulwe, biabia bulungudi bwetu bw’Efile mbwa bisumanga, na lukumino lwenu namu ndwa bisumanga. Ee, binyibinyi (biabia) atwe namu tubasañanwa bu tumonyi tw’Efile twa madimi; mwanda tubatemwine ha mwanda w’Efile Mukulu’shi: Babushishe Kidisitu, e ashī mubushe (ku lufu) su abikala (mbinyibinyi) bafwe tababushibwa. Mwanda su bafwe tababushibwa, biabia Kidisitu tamubushibwē. Na su Kidisitu tamubushibwe (biabia) lukumino lwenu ndwa bisumanga; anwe namu nukī anka mu milwisho yenu. Henyihaha abo namu abahōne mu tulo (twa lufu) mu Kidisitu, biabia abalwila. Su twi na lukuluhilo mu Kidisitu anka mu kino kihindji kia muwa w’etu, twi bakile bantu boso na kwinyongola. (Anka E Kidisitu basangwilwe mu bafwe, e takikuba kia kwibedi kia baba abalele tulo (twa lufu.) Biabia ha mwanda w’alo lufu lubatwelele kwi muntu, (biabia) lusangukilo lwa bafwe lubatwelele kwi muntu. Mwanda mwatufwilā atwe boso mwi Adama, mpamunenka namu mwatukamwena muwa, atwe boso mu Kidisitu. Anka boso mwa belondena ku muntu ku muntu; Kidisitu nkikuba kia kwibedi; kunyima, abo ba Kidisitu ha kufika kwe. Henyihaha (akukafiki) kunfudilo, hakatulu bufumu kw’Efile Mukulu, n’Shyie (namwinyi); hakahudisha butontshi boso, na matalwa oso na bukome boso. Mwanda wadi n’au ngwa kubikala, mpaa na hakahu kwashina boso bakumushikwa. Mushikwene n’ami a kunfudilo akashimishibwa nyi ndufu. Mwanda e batontele bintu bioso mushi mwa ngwa ye. Anka hakwakula’shi; Bintu bioso mbitudibwe, kibamwekyelele’shi, yawa batudile bintu bioso mushi mwe, ta n’e namwinyi eamba. N’ahakekala bintu bioso bikokyeshibwe kwadi, biabia namu Mwana na mwinyi akakokyela kwi yawa batontele bintu bioso mushi mwe’shi, Efile Mukulu ekale a bioso na mu bioso. Su tambiabia, abo ababatshishibwe ha mwanda wa bafwe, abakakitshi naminyi? Su bafwe tabasangukā, a nkinyi ababatshishibwā ha mwanda wa bafwe? N’atwe namu nkinyi kiatudi bemene lufu ngub’ese? Nasuminā’nwe bakwetu ha mwanda wa kwitumbisha kwenu kwandji n’ako mu Kidisitu Yesu Nfumwetu’shi, ami nafwiyā kwifuku n’efuku. Sū’mi nyi mulond’anka kihikwa kia bantu, nalwile na nyama ku Efisesa, ki’anka mwena’mo nkinyi su bafwe tabasangulwā ku lufu? (Biabia) tudye, tutome, mwanda maloba atukafu. Tanudimbibwanga; kwitembeshena kwi bubi akunyangishā bihikwa bibuwa. Hasukilai ku kululama kweshimba, tanusolanga namu mwanda, mwanda bamo tabe na kiukilo ki’Efile Mukulu; nākula uno mwanda kwinukwatshisha būfu. Anka bamo abakanihusha’shi: A bafwe abasangulwa naminyi? Abakafiki na kihaso kia mbidi kinyi? Obe mutshikame, akia kiokuna, takibumbā kiasanguka anka su akifu. Na kinyi kiokunā tokunā mbidi’shi, nyia yikekala’nka’yo, ooo, nyi ñanka lubio, su ndwa ngano, su ndwa kingi kihaso kia lubio.) Anka Efile Mukulu nyi e yiheyā mbidi, mwakyebel’eshimba die, ku lubio na mbidi yalo, ku lubio na mbidi yalo. Mwita woso tawi hamune, ooo, anka kwi mwita wa bantu, kwi mwita wa nyama, kwi ungi’nyi wa mishiha, umo’nyi wa tonyi. Kwi mbidi ya mwiilu, kwi mbidi ya hanohansenga namu, anka ntumbo y’ayo ya mwiilu yi hayo, na ntumbo y’ayo ya hanohansenga yi hayo namu. Kwi ntumbo yimune ya nguba, na yingi ntumbo ya mweshi, na yingi’nyi ngia nyenyenyi; mwanda luenyenyi lumune ndwilekene na lungi lwenyenyi mu ntumbo. Nyi anka biabia namu na lusangukilo lwa bafwe mpamune. Yibakunwe yinyangye, ayikasangulwa yishī yinyangye. Yibakunwe ya būfu, ayikasangulwa ta ngia ntumbo; yibakunwe ya butūba, ayikasangulwa ta ngia bukome. Yibakunwe ya mwiyile mbidi, ayikasangulwa ta mbidi ya Kikudi. Kwi mbidi yi mwiyile mbidi, kwi mbidi’nyi ya mwiyile kikudi. Biabia nyi mwaubafundjibwe’shi: Muntu a kwibedi, Adama, bahangilwe a kikudi akitala. Winyi a kunfudilo badi kikudi akihana muwa. Ank’akia kia kwibedi takibadi kia kikudi, ooo, nyi nkia mwiyile mbidi. Muntu a kwibedi nga hanohansenga, anka muntu akabidi, e nyi Nfumwetu a Mwiilu. Anka mwikele ba hanohansenga, mbāhanohansenga, na bu mwikele ba mwiilu biabia namu mba mwiilu. Anka mwatudi befwane kīfwano kia kanohansenga, mpamunenka atukefwana kīfwano kia mwiilu. Binyibiabia kiañakula anwe bakwetu nkino’shi: Mwita na mase tabiuku kuhyana bufumu bw’Efile Mukulu; sunga kinvangyo takiuku kuhyana kishīkinyangye. Talangai, nenulesha kifībwe: Atwe boso tatukalala tulo (twa lufu) ooo, anka atukālulwū’twe boso. Mu kahindji n’āka, bu kuhohola kw’eiso, ahakēlwa mpungi ya kunfudilo: mwanda mpungi ayikākula, na bafwe abakasangulwa bashī banyangye, n’atwe atukālulwa. Mwanda yino ayinyangā, wa yidi nayo ngwa kufwala yishyayinyangā, na yino ayifwiyā wa yidi nayo ngwa kufwala yishyayifwiyā. Biabia yino ayinyangā hayikafwala yishyayinyangā, na yino ayifwiyā hayikafwala yishyayifwiyā, biabia aukakumbashwa winyi mwisambo ubafundjilwe’shi: Lufu lubaminwa na kwilobesha. A lufu, ngobesha yobe yi kwi kunyi? A lufu, munungi wobe wi kwi kunyi? Anka munungi wa lufu nyi mbubi, na ntshitshiba ya bubi nyi mukanda-wa-bishila. Anka Efile Mukulu atumbishibwe, n’e etuheya ngobesha mu Nfumwetu Yesu Kidisitu. Biabia, anwe bakwetu bakuminyibwe, nwikale bakankamane, kushī kusanasana, nukishekishe bikata bukyelebukyele mu mufubo wa Nfumwetu, mwanda anwiuku’shi, kutuhwita kwa mifubo yenu tankwa bisumanga mu Nfumwetu, ooo. Ha mwanda wa mulambu wa bahatulwe-ba-kishila, anka mwanalayile ku bikoñeno bi’Efile bia ku Ngadilea, n’anwe namu nukite hamune. H’efuku dia kwibedi dia lubingo, muntu ese muntu ese a anwe abombeleshe kihindji kia mono, anka mu muhele Efile Mukulu’shi, takukekala’nyi mpungo ya milambu hankafiki. Biabia hankafiki, nankatumu baba, su mbanyi su mbanyi, banukakumina ku mikanda, kutwala bia-buntu bienu ku Yelusalema, Na su mbilombane’shi, aminamu nyende, abakēnden’ami. Biabia nankafiki kwanudi hankakidi mu Masedonya; mwanda’mi nankakidi mu Masedonya. Hangi su nankekala n’enu, ee, su nkwishiho’shi, nukanshindjikile ha luendo lwande, koso kwanyende, su nkunyi su nkunyi. Mwanda tankyebe kwinumona binobino mwishinda, anka natengyela’shi, nankashāla n’enu kihindji su Nfumwetu akumina. Anka nankashāla ku Efisesa mpaa na (h’efuku) dia (Pentecōte.) Mwanda kibelo kikata (kia mifubo) kibanshitwila, bakutshishwe bebungi namu be kwanka. Su Temote afiki, bibuwa nutale ekale n’enu kushī na moo; mwanda afubu mufubo wa Nfumwetu anka hamunenka mwa nfubilā. Binyibiabia takukekalanga muntu akumubendela, anka numushindjikile ha luendo lwe na kufukama, mwadia kufikila kwandji, mwanda’mi nkwete kumutengyela na bakwetu hamune. Ha mwanda wa mukwetu Apolosa, namulangile bikata kufika kwanudi, na bakwetu ba mu Kidisitu, anka eshimba die tandjikumine, sunga mpahela kufika ha kino kihindji; anka e akafiki hakamono mwa kukitshina biabia. Nudimukyei, nushimatei mu lukumino, nwikale bu bana-balume, nukankamanei. Bioso bianukitshi bikitshibwe na kifulo. Anka nenusendela bakwetu (nwibahwe’ kwiuka’shi, ba mu nshibo ya Setefanase, be bu bikuba bia kwibedi bia mu Akaiya, n’abo namu abetudile kufuba mutubo wabahatūlwe be-kishila). Eshi, anwe (namu) nukokyelei be biabia na kwi boso abakwashia mu yino mifubo, na kutuhwita mwanka. Nasehela ha mwanda wa kufika kwa Setefanase, na Fotunatusa, na Akaikusa: mwanda’bo abampele kiakia kianakutshilwe ku lwenu luhese. Mwand’abo abanyikish’eshimba diande, na dienu namu. Binyibiabia nukuminei be biabia. Bikoñeno bi’Efile bia ku (Asie) abinwimuna. Akwila na Pileshila (namu) abenwimuna bikata mu Nfumwetu, na kikoñeno ki’Efile ki mu nshibo mwabo. Bakwetu boso ba mu Kidisitu abenwimuna. Nwiyimushenei na lwififyeno luhatulwe-lwi-kishila. Lwimuno lw’ami Paulu lwa kwiasa diande’mi (na mwinyi.) Su nanyi su nanyi shī na kifulo na Nfumwetu Yesu Kidisitu, edībwe muloa; Nfumwetu ngiwafiki. Bu-muntu bwa Nfumwetu Yesu Kidisitu bwikale n’enu. Kifulo kiande kikale n’anwe boso ba mu Kidisitu Yesu. Amena. Paulu mutumibwa a Yesu Kidisitu amukyebela eshimba di’Efile Mukulu, na Temote mukwetu, ku kikoñeno ki’Efile ki ku Kodinda, na kwi bahatulwe-be-kishila be moso mu Akaiya? Bu-muntu na kufukama bikale n’enu kw’Efile Mukulu Nshyietu na kwi Nfumwetu Yesu Kidisitu. Efile Mukulu Nshye Nfumwetu Yesu Kidisitu, Yaiy’a bia lusa, n’Efile Mukula a busambi, ahebwe mwabi. Nyi etusambā mu malwa etu oso’shi, twiukye namu mwakusambila aba be na malwa, su nga kinyi su nga kinyi, ha mwanda wa kusambwa kwatubasambilwe kw’Efile Mukulu atwe bana bene. Mwanda mwamufwimina mitanyo ya Kidisitu mwatudi, anka biabia kusambibwa kwetu akufwimi namu kwi Kidisitu. Anka sunga atumono malwa, nyi ha mwanda wa kusambwa kwenu na kihandjilo kienu; abalombashibwa mwa kwiyididila mu yino mitanyo yayitutanyā; sunga atusambibwā, nyi ha mwanda wa kusambibwa na kihandjilo kienu. Na lukuluhilo lwetu ha mwanda wenu ndusliimate, ha kwiuka’shi, anka mwanumwenā (n’atwe) mitanyo, nyi mwanukamwena namu kusambibwa. Mwanda tatukyebe’nwe bakwetu kwikala bashī beukye mwikele bishiotshi bietu bibafikile kwatudi mu (Asie,) eshi, tubanemenenwe bikata, bitukīle bukome bwetu, twafudila twakyeb’anka kufwa. Tatubadi behīshe’twe bana mwinyi’shi, ñanka lufu; biatushī badia nkekuluhila mwi’twe bana bene, ooo, anka mwi Efile Mukulu asangulā bafwe. Akwitumañuna ku lufu lukata lwi bino, e nyi amañunā, mwadi e nyi mwatukuluhila’shi, anaketumañune. Anwe namu nwitukwashie hamune mu nteko, ha mwanda wa buntu bwatubahebwa, biabia bebungi batumbule Efile Mukulu ha mwanda w’atwe. Mwanda kwitumbisha kwetu kwi bino, nyi mbulungudi bwa muntu-etu-e-munda’shi, mwishimba dimune na binyibinyi bi’Efile Mukulu, kushī ku binangu bia mbidi, ooo, anka ku bu-muntu bw’Efile Mukulu mwatubadi bekale mu nyikashi hanohansenga, biabia kwanudi’nwe tubenukidi. Mwanda tatwibenufundjile yingi myanda kwanudi, anka yinyi yanubalā na yanukuminā; natengyela namu’shi, anukakumina (yanka) mpaa na kunfudilo, anka bu mwanubetukuminyina kihindji’shi, atwe twi ntumbo yenu anka ha mune namu, anwe nwi yetu (ntumbo) mwifuku dia Nfumwetu Yesu. Mwanda mu luno lukuluhilo nadi n’eshimba dia kufika kwanudi kwibedi’shi, nutambule kiabuntu kia kabidi; na kukila kwanudi ha kwenda ku Masedonya, na ku Masedonya namu kwaluka dimonyi kwanudi, eshi, nshindjikilwe n’enu mwishinda dia ku Yudea. Hanadi n’eshimba di biabia nadi shī musumine su? Na bintu bianfunā, nebifunā mulombene bia mbidi’shi, kwandji’mi kwikale, ee, ee; ooo, ooo, su? Anka bu bi’Efile Mukulu mbinyibinyi mwanda wetu kwanudi tangwa kwamba’shi, ee, sunga’shi ooo. Mwanda Mwan’Efile Mukulu, Yesu Kidisitu, balungwilwe munkatshi mwenu kwatudi, n’ami uno, na Selefanusa na Temote, taubadi’shi, ee, sunga’shi, ooo, anka mwadi e ñanka’shi, ee. Mwanda milayilo yoso y’Efile Mukulu mwadi e yi’ anka ee, ayo, ngia Amena, ’shi, Efile Mukulu atumbishibwe ha mwanda w’atwe. Anka yawa etukankamishā hamune n’anwe mu Kidisitu, betuhongolwelele (bu mwimu’nyi) nyi Efile Mukulu. N’e winyi namu betuhele kiyukilo kia kīe nyi Kikudi-E-Selelee mu mashimb’etu. Dimonyi naitanyina Efile Mukulu e nkamonyi k’eshimba diande’shiha mwanda wa kwinufwila lusa, nyi wa sisī mufikile ku Kodinda ooo. Ta mpa mwanda’shi twi na lumuno hanundi ha lukumino lwenu, ooo, anka twi bakwashi ba mu muloo wenu; mwand’anwe anukankamanā ku lukuluhilo. Mwanda nafūne’mi na mwinyi’shi, tankāluka dimonyi kwanudi n’eshimba dibushito. Mwanda su nankenufitshisha mashimba, a biabia, nanyi akansangulusha; anka winyi bafitshishwe eshimba kwandjimi? Nafundjile uno kwanudi, tala hankafiki, nankafitshishwa eshimba kwi baba bahwandjikile kunsangulusha, na ha mwanda wa kwinukuluhila’nwe boso’shi, kusanguluka kwande nkw’anwe boso. Mwanda mu bishiotshi bikata na kwinyenga kw’eshimba nenufundjile na mpolo yibungi; kushī’nwe nwekala benyengye, ooo, anka mwanudia kwiukila kifulo kikilekile kiandji n’enu. Anka su nanyi su nanyi bafitshishe mashimba, e tamunfitshishe, anka kihindji, bianshyakukamba kusumina kwanudi’nwe boso. Kumweshwa kwa yawa (muntu) kwabamumwesha kwi bantu nkulombane. Anka ku lungi luhese nkuhwandjikile’shi, numulekyele na kumusamba, tala su muntu e biabia akakambilwa na kwinyenga kwe kwakakila. Binyibiabia nyi ha mwanda wa nyi nusendela’shi, numukankamike na kifulo kienu. Nyi ha uno mwanda namu unenufundjile mwandjia kwiukila kishinkatshilo kienu, na su nwi na kukokyela mu myanda yoso. Anka kwi yawa anulekyela mwanda, su ngwa kinyi, su ngwa kinyi, n’ami namu mpamune; mwanda su ami nalekyela mwanda, su ngwa kinyi su ngwa kinyi kwi’wa analekyelele, nyi mpa mwanda wenu uneulekyelele, ku meso kwa Kidisitu. Tala Satana akamwena mwa kwituhonesha, mwanda tatwibahatamine ku budimu bwe. Dimonyi hanafikile ku Toasa mu kulungula mukānduwi-buwa wa Kidisitu, kibelo kibanshitwidilwe kwi Nfumwetu. Eshimba diande tandjifukame, mwanda nkimusañane mukwetu Tetusa; anka hanebaladikile, nayile ku Masedonya. Biabia Efile Mukulu atumbulwe, etukunkushā na bushindanyi mu Kidisitu mafuku oso, na kumwekesha kwatudi mahembwe ebuwa a kiukilo kie kosokoso. Mwand’atwe twi mahembwe ebuwa a Kidisitu kw’Efile Mukulu mwi’ba bahande, na mu’ba abalwila. Ku luhese lumune twī’shiko dia ku lufu, ku lungi twi mahembwe a muwa wa ku muwa. A nanyi namu bakumbana ku bino bintu. Mwand’atwe tatwi bu bangi abasobā yingi myanda mu Mwanda w’Efile Mukulu, ooo, anka (twi) hamune bu ba binyibinyi na bu b’Efile, nyi ku meso kw’Efile Mukulu kwatwisambila mu Kidisitu. Atubangye kwilungula’nyi atwe bana bene su? Su twi na lukalo lwa mikanda ya lwilungulo kwanudi, bu bangi su? sunga mikanda ya lwilungulo kwanudi’nwe? Anwe nwi (winyi) wetu mukanda wabafundjile mu mashimb’etu, wiukibwe na ubadibwa kwi bantu boso; Anwe anumwekyela hatoka’shi, nwi mukanda wa Kidisitu ubafubilwe kwatudi, ushī ufundjibwe na mema-a-mukanda, anka na Kikudi-E-Selelee e Efile Mukulu atala; tawi ha mesa a mabwe, ooo, anka ha mashimba a bia mbidi. Na kuno kukuluhila kwa tudi n’ako kw’Efile Mukulu, nyi mu Kidisitu. Kushī kwamba’shi, twakumbasha’twe bana bene kutentekyesha su nkinyi su nkinyi ku mashimb’ātwe bana bene, ooo: anka kikumbeno kietu nyi nkia kw’Efile Mukulu; winyi betwikeshe bu bafubi balombane ba kilombeno kihya; ta mba ku mukanda, anka ba ku Kikudi-E-Selelee; mwanda mukanda auihā, anka Kikudi-E-Selelee ahanā muwa. Anka su mufubo wa lufu ubafundjibwe na kubangulwa ha mabwe ubadi na ntumbo, biabia bena Isalele abakutshilwe kushinkika mpala ya Mosesa, ha mwanda wa ntumbo ya mu mpala ye; aya ntumbo namu yibadi ayihu; A mufubo wa Kikudi-E-Selelee taukekala wi na ntumbo yikilekile su? Mwanda su mufubo wa luhīsho wi na ntumbo, (biabia) mufubo wa kululama kw’eshimba ubakilakila mu ntumbo. Mwanda kiakia kibatumbishwe ntumbo, takibadi na ntumbo mu uno mwanda, ooo, nyi mpa mwanda w’aya ntumbo yikilekile. Mwanda su kiakia kibahwile kibadi na ntumbo, (biabia) kino kibashāla ki na ntumbo yikilekile. Biabia hatudi na lutengyelo lwi bino, twi na kushimikishena kwa mīsambo. Kushī bu Mosesa bahutshile kihūto kia kilamba ku lukyebo lwe’shi, bena Isalele bakutwe kubangīla mpa ana kunfudilo kwa’kia kibahwididile; anka binangu biabo bibadi bikome anka hoo. Mwanda mpaa na ku lelo uno, kino kihūto kinyi ki kwanka, tankikashwe ha kubala kwa mukanda wa kilombeno kikulu, ooo; kinyi kihūto nyi nkikashwe mu Kidisitu. Anka mpaa na ku lelo uno ahabadibwa Mosesa, kihūto kikī kibahūte ku mashimba’bo. Sunga mbiabia, habakāluka kwī Yehowa, kinyi kihūto akikakashwa. Binyibiabia Nfumwetu nyi Nkikudi-E-Selelee, na he Kikudi kia Nfumwetu, nyi he buluñantu. Anka’twe boso be na nkyebo yishī yihūtwe, tukwete kubandjile ntumbo ya Yehowa, bu mu kelobe, tubālulwa mu wawa mwesheshi ku ntumbo na ntumbo, ñanka kwi Kikudi-E-Selelee a Nfumwetu. Binyibiabia mwanda twi mu uno mufubo, mwatubafwilwa lusa, tatwi ndekelo ooo. Anka tubalekye bintu bifibwe bia būfu, kushī kutambukila mu bulamalama, kushī kudimbana mu mwanda w’Efile Mukulu, anka ku kufumbulwa kwa biabinyibinyi atwilungwila ku muntu-e-munda mwa bantu boso ku meso kw’Efile Mukulu. Anka su mukāndu we’tu wibuwa aufībwa, ngufībwe kwi’ba bashimine; mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika. Mwanda tatwilungwilā mwanda atwe bana bene, ooo, anka wa Kidisitu Yesu Nfumwetu; n’atwe benyi twi bahika benu ha mwanda wa Yesu. Mwanda nyi Efile Mukulu bakamikile etata kumunyikā ’mufito, n’e amunyikā ’mashimb’etu, ha mwanda wa kuhana etata dia kiukilo kia ntumbo y’Efile Mukulu, mu mpala ya Yesu Kidisitu. Anka twi na kino kineme mu bintu bibumbe bia nsenga’shi, buwa bukilekile bwa bukome bwikale bw’Efile Mukulu, ta mbw’etu, ooo. Tubakalaltashwa ku mpese yoso, anka tatwi bakambilwe; tubealashena, anka tatwi bakutwe. Tubasābulwa, anka tatwi bafutalwe, twibahoneshwe hashi, anka tatwi balwishibwe. Bukyelebukyele atutwala kwihayibwa kwa Yesu mu mbidi, eshi, muwa wa Yesu namu ufumbulwe mu mbidi mwetu. Mwanda’twi twi na muwa atutulwā ku lufu bukyelebukyele ha mwanda wa Yesu’shi, muwa wa Yesu namu ufumbulwe mu mbidi yetu ya lufu. Binyibiabia lufu alufubā munda mwetu, anka mwanudi’nwe, muwa. Ank’atwe hakwikala n’eshimba dia lukumino dihamune, mulombene mwakibafundjilwe’shi: Nakuminyine, mbiabia nyi bia tanākwile; atwe namu tubakumina, nyi bia twakula. Hakwiuka’shi, yawa basangwile Nfumwetu Yesu, aketusangula n’atwe namu mu Yesu, aketulubula n’anwe hamune. Mwanda bintu bioso mbia ha mwanda wenu’shi, bu-muntu mbufwimi abukakishakisha mpaa na ku ntumbo y’Efile Mukulu ha mwanda wa lutumbu lwa bebungi. Nyi ha uno mwanda watushī ndekelo, anka sunga mbidi yetu ya lufu ayikalwika, muntu a munda ’munyishwe ku nguba na nguba. Mwanda bishiotshi bietu mbihēle, nyi mbia kihindji kibelahela, abitukitshina bushito bwa ntumbo yikilekile bikambe ya ikala-ika. Hatushyatutala ku bintu biabimonwa; mwanda bintu abimonwa mbia binobino, anka bintu bishyabimonwa mbia ikala-ika. Mwanda, atwiuku’shi, su nshibo yetu ya hanohansenga (ya mbidi) yibashimunwa, (biabia) twi na yibakwe y’Efile Mukulu, nshibo yishī yibakwe na maasa, ya ikala-ika mwiilu. Nyi mu yino mwatwidīla, na kukyeba bimoo’shi, tufwadikwe nshibo yetu ya kwiilu; Su tubekala bafwadikwe biabia tatusañanwa muswa. Mwanda’twe hatuki mu (yino) nshibo (ya mbidi) atwidīla bushito; kushī kwamba’shi, tufulwe, ooo, anka’shi, tufwadikwe’shi, kiakia kia lufu kiminyibwe biū kwi muwa. Winyi betuhangile ha mwanda wa kino kintu nyi Efile Mukulu, e winyi namu betuhele kiē nyi Kikudi-E-Selelee. Binyibiabia nyi hatwikankamikila bukyelebukyele hakwiuka’shi, hatukī mu yino mbidi, twibelekene na Nfumwetu. ( Mwanda atutambukā na lukuluhilo, kushī kumona na meso.) Ami’shi, twibakankamane, twi na kukumina namu he kwilekena bia ku mbidi, na kwikala na Nfumwetu. Biabia twi na kinsukunsuku’shi, sunga twi kwadi, sunga twilekena n’e, twikale bakumusangulusha kwishimba. Mwanda’twe boso wa tudi n’au ngwa kukafumbulwa ku mpala kwa kimu kia Kidisitu’shi, ese muntu akatambule bintu bibakitshinwe mu mbidi, mwiyile mubakitshinyinu, sunga mbibuwa sunga mbibubi. Biabia hakwiuka lusushilo lwa Nfumwetu, atukonkwela bantu. Anka twibafumbulwe kw’Efile Mukulu; nakuluhila namu’shi, atufumbulwa ku muntu enu e munda. Mwanda tatwilungula’nyi atwe bena bene kwanudi, anka atwinuha mwakutumbila ha mwanda w’etu, eshi, numone (mwakwakwila) kwi’bo abehwandjikisha kutumba, kushi mwishimba. Mwanda su twi bu balotakane nyi kw’Efile Mukulu; su twi na binangu bishinkame nyi nkwanudi. Mwanda kifulo kia Kidisitu akitushimatshisha, mwanda tubatshibile bino’shi, su umune bafwidile boso, biabia boso tabahwile kufwa. N’E bafwidile boso’shi, baba be na muwa tabakekadidila n’au kwi’bo ba na bene, ooo, anka kwi yawa bebafwidīle, basangukile dimonyi (ku lufu). Binyibiabia ku kihindji ki ku mpala tatukeuku muntu mulombene bia ku mbidi, ooo, sunga ngumune: ee, sunga tubeukile Kidisitu, mulombene mbidi, sunga mbiabia tatukamwiuku dimonyi, ooo. Binyibiabia su (muntu) e mu Kidisitu, su nanyi su nanyi, e nkihangwe kihya; bintu bia kala bibakididile; talai, bintu bioso bibāluluka tabidi bihya. Bintu bioso mbi’Efile Mukulu, e betulombasha kwadi e na mwinyi, mu Yesu Kidisitu; betuhele’twe namu mufubo wa kilombeno. Nkia kwamba’shi, Efile Mukulu badi mu Kidisitu elombashanga na bahanohansenga kwadi E na mwinyi, tamwibalondole kwabadi kusola kwabo kwa myanda; e betutudile namu mwanda wa kilombeno. Biabia binobino twi bakwidi ba ha mwanda wa Kidisitu, anki bi hamune Efile Mukulu enusendela n’etu, (biabia) atwe atwinusendela bu bampyanyi ba Kidisitu’shi: Lombanai n’Efile Mukulu. Mwanda yawa shī badi mwiukye kulwisha, E bamwalulwile bu mulambu wa bubi ha mwanda w’etu, mwatudia kwalulu-kila balulame b’Efile Mukulu mwadi E. Henyihaha atwe abafubā n’E hamune, tubenusendela’shi, tanutambulanga bu-muntu bw’Efile Mukulu bisumanga, ooo. (Mwanda bākwile’shi: Nankuhushishe ha kihindji kiltuminyibwe, na mwifuku dia kihandjilo na kukwashishe. Talai, binobino nyi nkihindji kikuminyibwe kibuwa, talai, lelo nyi efuku dia kihandjilo.) Tanukitanga kia kukokosha su mu kinyi su mu kinyi’shi, tala mifubo yetu y’Efile yatohekwa. Anka mu myanda yoso tutumbishibwe atwe bana bene bu bafubi b’Efile Mukulu, mu lwishinko lukata, mu bia malwa, mu nkalo ya bintu, mu bishiotshi, Mu mikombela, mu kwelwa mu lukano, mu biondondo, mu kutuhwita mwa mifubo, mu kutengyela na mu kushīlu kwa bidibwa; mu kutoka kwa mashimba, mu kiukilo, mu kahufianyi k’eshimba, mu bu-muntu, mu Kikudi-E-Selelee, mu kifulo kishī kia kudimba. Mu mwanda wa biabinyibinyi, mu bukome bw’Efile Mukulu; mu bifwalwa bia ngabo bia kululama kw’eshimba, ku mbokoyibalume, naku yibakashi. Ku kinemo na ku shī kinemo, ku ntumbo yibi na ku ntumbo yibuwa; bu badimbi ba madimi, biosobi twi babinyibinyi; bu bashī beukibwe, biosobi twibeukibwe bikata; bu bakufwa, anka talai, twi na muwa; twi bu balangwe, anka tatwibayihaibwe; bu abenyengā mwishimba, biosobi twi na kusehela bukyelebukyele; bu balanda, biosobi atuhetesha bebungi buheta, bu bashī na kintu, biosobi twi basha bintu bioso. Anwe Bena Kodinda, makanwa etu ababulwa kwanudi mashimb’etu abatamishibwa. Tanwibabondjibwe mwi’twe, ooo, nubabondjibw’anka munda mwenu. Binyibiabia, ha mwanda wa bwedi bulombene mwanka (nesamba hamune bu kwi bana bande), mashimb’enu atamishibwe namu. Tanwilungenanga hamune na bashī bakumine, ooo, mwanda kululama kw’eshimba na bubi kihwano nkia ha kinyi? Sunga etata na mufito abihwana na minyi? Sunga Kidisitu na Beleale abahwanyina ha kinyi? Sunga ngiawa mukumine na shī mukumine a mbahwanyine ha kinyi? Na ntempelo y’Efile Mukulu na mankishi kilombeno nkia kinyi? Mwand’atwe twi ntempelo y’Efile Mukulu a muwa; anka mwakibakwidilwe’shi: Nankabombela munda mwabo, nakutembela mwanka, n’ami nankekala Efile Mukulu abo; abo namu abakekala bantu bande. Binyibiabia katukai munkatshi mwabo, nwikale belamune, nyi mubakwidile Yehowa; tanukumanga namu ku kishidikwa (kishila,) biabia ami nankenutambula. Nankekala bu Nshenu kwanudi, n’anwe namu anukekala bu bana bande balume, na bu bana bande bakashi, nyi mubakwidile Yehowa a bukome boso. Binyibiabia anwe bakuminyibwe hatudi na yino milayilo, twitoshei atwe bana bene ku biabutete bioso bia ku mbidi, na bia ku kikudi tukumbashidilei kuhatulwa-kwa-kishila mu kutshina kw’Efile Mukulu moo. Etutambulei mu mashimb’enu; tatwibasoleshe muntu mwanda, ooo, tatwibalwishe muntu; tatwibadimbe muntu. Tanyisambila (bino) mwanda wa kwinuhīsha, ooo, mwanda’mi nenulungwile kala’shi’, nwi mu mashimb’etu sunga nkufwa, sunga nkwikala n’enu mu muwa hamune. Nkomantshima ya mīsambo yande ngikata kwanudi, na kwinutumbisha kwande nkukata ha mwanda wenu. Naushibwa na kusengibwa, nyi na kusehela kukilekile mu malwa etu oso. Mwanda hatubafikile mu Masedonya, mu mbidi mwetu tamubadi mufukame, anka tubakalakeshwe ku mpese yoso, ngoshi yibetufunyishe, munda tamwitususu, Sunga mbiabia, Efile Mukulu aseng’āba bakalakashwe, betusengyele ha mwanda wa kufika kwa Titusa, Tankwa’nkā’ko kufika kwe, ooo, anka mwanda wa kusengibwa kwabasengyelwe mwanudi, habetulungwile mwanwitukyebela bikata, na lukalo lwenu, n’eshimba dienu dikibobo kwandji’mi’shi, nakilekile kusehela. Mwanda sunga nenufitshishe ku mashimba na mukanda wande, tanaluluka’mi, ooo, sunga nālulukile (kala), mwanda nashingula’shi, winyi mukanda ubenufitshishe mashimba kihindji kihela. Binobino nasehela kushī ha mwanda wa kufitshishwa kwa mashimb’enu, ooo, anka ha mwanda nubafitshishwa mpaa nubēlanga; mwand’anwe nubafitshishwe ku kihaso kia bwin’Efile’shi, tanwakashimishwa, kwatudi, sunga mu kinyi sunga mu kinyi. Mwanda kufita kweshimba kwa bwin’Efile akwikashā kwilanga ku kihandjilo kushī na kwalula mwishimba, anka kufita kweshimba kwa bahanohansenga akwikashā lufu. Mwanda, talangai, kintu kino namu kianubafitshishe mwiyile bwin’Efile, a tandwishinko lwimō lubakitshinwe mwanudi, ee, na kwibingisha kw’anwe bana bene; ee, na kukalakashwa mwishimba, ee, na moo namu, ee na kukyeba kukilekile, ee na kinsukunsuku kimoo, ee na kōbola. Mu bintu bioso nwibeleshe bu babingishibwe mu (uno) mwanda. Binyibiabia sunga nenufundjile (mukanda,) nki mufunde ha mwanda wa yawa basōle mwanda, sunga mpa mwanda wa yawa bamwene malwa (a ha uno mwanda), ooo, anka’shi, lwishinko lwatudi n’alo alukamweka kwanudi ku meso kw’Efile Mukulu. Biabia tubadi basengibwe mu kusengibwa kwenu: ee, tubasehelele bikilekile mwanda wa muloo wa Titusa, mwanda eshimba die dibayikishwa kwanudi’nwe. Mwanda su netumbishe kwadi e, su mpa kinyi su mpa kinyi, nki mukwatshishibwe būfu ooo; anka mwatubesambile n’enu mu bintu bioso bia binyibinyi, anka biabia nyi kwilungula kwetu, kwatubelungwile ku mpala kwa Titusa kubamwekyelelwe kwa biabinyibinyi. Na kifulo kie kia munda nkikambe kukilakila bingi kwanudi’nwe, hakutentekyesha kukokyela kw’anwe boso, bu bianubamutambwile na moo na kususa. Nasehela’shi, nyi na lukuluhilo mwanudi mu (bintu) bioso. Hangi namu bakwetu, tubenūkisha bu-muntu bw’Efile bubahelwe bikoñeno b’Efile bia ku Masedonya; mu kutompibwa kukata kwa malwa, bungi bwa kusehela kwabo na bulanda bwabo bukata bubafwimi ku buheta bwa bu-muntu bwabo. Mwanda mulombene bungi bw’abia bahananga, ami nyi kamonyi ka uno’shi, babakishekishe bia kuhana kwabo, babahene mashimb’abo bana bene. Abetusendelele na kwitwiyayila bikata’shi: Nutambule bwinyi bumuntu, na mwanda wa kilombeno kia kufubila balamunweba-kishila. Na kino namu tambakite’kio mwatubadi bakuluhile’twe, ooo, anka ababadidile kwihana abo bana bene kwi Nfumwetu, na kwatudi’twe, bu amukyebela eshimba di’Efile Mukulu. Nyi ha uno mwanda watubakyebele Titusa’shi, anka mwababangile, mpamune ahwe mwanudi’nwe mu buno bu muntu namu. Anka mwanufwimina mu bintu bioso, mu lukuluhilo, na mu kwakula, na mu kiukilo, na mu kusasakata, na mu kifulo kienu kwatudi, nufwimei mu buno bu-muntu namu. Tañakula bu kishila, ooo, anka ha mwanda wa kushisha mu kusasakata kwa bangi mu biabinyibinyi bia kifulo kienu. Mwanda anwiuku bumuntu bwa Nfumwetu Yesu Kidisitu’shi, sunga badi mpeta, bealulwile bu mulanda ha mwanda wenu’shi, anwe mu bulanda bwe nwikale bampeta. Ha winyi uno nahana nangunangu yande, mwanda kino nkinuhwandjikile’nwe, bababangile kwibedi kushī anka kukita, anka kwikala n’eshimba dia kwikikita ha’kia kihwa kia kwibedi. Binyibiabia hwididilai kwikikita’shi, anka mubaikadile eshimba dia kuuhakana kwa kukyeba, anka biabia nwikale na kuhwididila ’nyi n’abia bia kuhana bia nwi n’abio. Mwanda su eshimba ndjimene kwanka, biabia kikuminyibwe mulombene bintu bi n’abio muntu, kushī kulombene muntu shi n’abio, ooo. Mwanda nki mwakule uno kwamba’shi, bangi abatentulwa n’anwe nunemenwe ooo; anka kwikala balombashene’shi, kufwima kwenu ku kino kihindji akukekala kwa kukumbasha mu biabebakutwe, eshi, kufwima kwabo namu kukekale’nyi kwa kukumbasha bianwibakutwe: eshi kwikale kulombashene hamunenka. Anka mwaubafundjilwe’shi: Yawa (basangwile) yibungi (ya mana) te na yisubukye, ooo; na winyi (basangwile) yihela tabakutshilwe. Anka Efile Mukulu atumbulwe benutudile Tetusa n’eshimba di na kinsukunsuku dia lubasu. Mwanda e binyibinyi bakuminyine elango dietu; anka hakukamba kusasakata e bayile kwanudi n’eshimba die na mwi-nyi N’atwe tubatumu n’e mukwetu, winyi mutumbishibwa mu mukāndu-wi-buwa w’Efile mosomoso mu bikoñeno bi’Efile. Tañanka biabia ooo, anka e winyi badi musangulwe namu ku bikofieno bi’Efile kwenda n’etu na buno bu-muntu, bufishībwe kwatudi ku ntumbo ya winyi Nfumwetu, na (kulesha) mwimēne binangu bienu. Nwihenge bino’shi, muntu su nanyi su nanyi, takamono mwa kwitutoheka mwanda wa buno (bumuntu) bufwimi bufishībwe kwatudi, kwikala namu na lwishinko ku bintu bilumbulukye, kushi anka ku meso kwa Nfumwetu, ooo, anka na ku meso kwa bantu namu. Tubatumine n’abo mukwetu, atubamwene musasakate mu bintu bibungi, misusa na misusa, anka binobino e’nyi mukile kusasakata, ha mwanda wa Lukuluhilo lukata luanji n’alo mwanudi Su muntu ehusha’shi: A Tetusa namu nanyi? E muhwane nami a nfubu n’e mufubo wa kwanudi’nwe, su bakehusha’shi: A bakwenu benyi namu mba na minyi? Abo, nyi mikiendji ya mu bikoñeno bi’Efile na ya ntumbo ya Kidisitu. Binyibiabia nwibaleshei, na ku mpala kwa bikoñeno bi’Efile, kishisho kia kifulo kienu, na kia kwitumbisha kwetu ha mwanda wenu. Mwiyile mwanda wa mifubo ya kwi balamunwe-ba-kishila, tantobwa kwinufundjila, ooo, mwanda nahu kwiuka mwimēne mashimb’enu bianenutumbisha kwi’bo ba ku Masedonya’shi, be mu Akaya abadi bemēne ha kihwa kibakidi; na kinsukunsuku kienu kibakolomwene bebungi. Anka natumine bakwetu’shi, tala kwitumbisha kwetu ha mwanda wenu kwakekala kwa bisumanga mu uno mwanda; anka binakwile’shi, nwikale bemane. Tala su baba ba mu Masedonya abakafiki n’ami twakenuheta bashī bemēne, atwe (tatwakula’shi n’anwe,) tatwakakwatshishibwa būfu mu kuno kwitumbisha kwa kukankamana. Binyibiabia natentekyeshe’shi, wandji n’au ngwa kusendela bakwetu ba mu Kidisitu’shi, babadile kwanudi mu kuhadika bia mwabi bia buntu bwenu, bianubalayilwe kwibedi’shi, abio binyi bikale bihwe kulumbulwa, bu bia buntu bwa bisumanga, kushī bu biakwiatshila ku malaka, ooo’. Anka nākula bino’shi: Yawa aminyi mbio yihela akaumbula yihela; na yawa aminyi yibungi ya miabi, akaumbula yibungi namu. Mulombene mwa mufunā muntu ese mwishimba die, (balambule anka biabia) kushī na kwinyenga kw’eshimba, sunga nkumukitshisha ha bukoho, mwanda Efile Mukulu asehela muntu alambula na musanku. Efile Mukulu namu euku kufwimisha bu-muntu boso kwikala mafuku oso balombanyinyine boso, mu bintu bioso, kwanudī’shi, anwe, ha nufwime ku mifubo yoso yibuwa, bu mwaubafundjilwe’shi: E bahalakeshe kosokoso, E bahele balanda; kululama kwe akukekala ikala-ika. Yawa aheya muminyi mbio na biashi bia kudia akenuha, na kufwimisha mbio yenu yikunwe, na kufwimisha bikuba bia kululama kwenu. Anwe namu nubaheteshībwa mu bintu bioso mpaa na ku bia bu-muntu boso, bubetwikasha na lutumbu kw’Efile Mukulu. Mwanda mwiyile lulumbulwilo lwa mufubo uno wa kwi boso, taluhebwā ’nka ku lukalo lwa bahatulwe-ba-kishila, ooo, anka alufwimina namu bebungi ha ntumbu kw’Efile Mukulu. Ku kutompibwa kwa luno lulumbulwilo lwa mufubo abatumbisha Efile Mukulu ha mwanda wa kikokyeshi kia lukumino lwenu lutemunwe, ku mukāndu-wibuwa wa Kidisitu, na ha mwanda wa kwābishena kwenu kwa bumuntu kwabadi, na kwi (bantu) boso. Na ku luteko lwabo ha mwanda wenu, bakwete kwinutuhwita mu kifulo, ha mwanda wa bumuntu bukilekile bw’Efile Mukulu hanudi. Efile Mukulu atumbulwe ha mwanda wa buntu bwe bukutwe na mwa kwibwakwila. Biabia, ami Paulu na mwinyi, nenusendela ku kuhohela na kasendeleshi ka Kidisitu, biandji munkatshi mwenu nyi mwiheleshe, anka hakwikala shī kwanka nyi n’eshimba kwanudi: anka nenusendela’shi, hankekala munkatshi mwenu, tankekala n’eshimba na lwinyi lukuluhilo lwanatentekyesha kukankamana n’alo kwi bangi abetutentekyesha bwābatambukila mwiyile bia ku mbidi. Mwanda sunga atutambuka mu mbidi, tatulwila ngoshi mwiyile bia ku mbidi, ooo. (Mwanda bilwilwa bietu bia ngoshi bi shī bia ku mbidi, ooo, anka mbia ntshitshiba kw’Efile Mukulu bia kushindula bihempe), na kuhonesha mpwandjikishi, na bintu bioso bi bula biimene kutuhishena na binangu bi’Efile Mukulu, na kufisha binangu bioso mu buhika bwa kikokeshi kwi Kidisitu. Na ha kwikala mwimēne kōbola bukolwa boso ahakakumbana kikokeshi kienu. Anwe anutala’nka ha mbidi ha bintu? Su nanyi su nanyi ekuluhil’e na mwinyi’shi: Nyia Kidisitu, (biabia) etentekyeshe enamwinyi dimonyi uno mwanda’shi, mulombene e bu a Kidisitu, anka biabia atwe namu twi ba Kidisitu. Sunga’mi nadi akukamba kwilungula mwanda wa matalwa etu abetuhēle Nfumwetu mwa kwiēla mwiilu, kushī mwanda wa kwinushindula, (biabia) tankakwatshishwa būfu, ooo. Eshi, tala nankekala bu e nutshinyisha ku mikanda (yande). Mwanda’bo abakulashi: Mikanda ye yi moo, na bukoho, anka ku mbidi ye su yi kuno kwatudi’twe ngitūba, na mīsambo (ye) ayibendjibwa. Yawa e bino atentekyesha kino’shi, anka mwatudi bekele mu mwanda wa ku mikanda, hatushī kwanka, biabia namu (atukekala) na bikitshino hatwikala kwanka. Mwanda’twe tatukumu kwibadikishena mwatuhunda, sunga nkwihwandjikisha na bamo b’bo bakwitumbisha abo bana bene, ooo; anka’bo hakwitondena abo bana bene, kwi’bo bana bena, na hakwihwandjikisha abo bana bene munkatshi mwabo, tabe kalolo. Anka’twe tatukelungwila bintu kukisha ha lutshi, anka mulombene lutshi lwa mudianyino lwa betwabile kw’Efile Mukulu, nyi ndutshi lufikye mpaa na kwanudi. Mwanda tatukamba kwilomba bu’twe bashyabafiki kwaudi; mwanda tatuhwile kufika kwakwa kwanudi namu mu mukāndu-wibuwa wa Kidisitu. Tatwilungwila bintu kukila lutshi lwetu mu mifubo ya bangi, ooo, anka hakwikala na lukuluhilo’shi, ahakatamishwa lukuluhilo lwenu, atwe atukekala batamishibwe kwanudi, mulombene mudianyino wetu ukilekile. Ha mwanda wa kulungula mukāndu-wibuwa ku mpese yi ku mpala kwenu, kushī kwilungwile ku luhese lwa mungi muntu mu bintu bilumbulwe kala bitulwe mu maboko etu. Anka yawa etumbishā, etumbishe mwi Nfumwetu. Mwanda ta ngiawa etumbish’ē na mwinyi ’mukuminwe ooo, anka yawa atumbishibwa kwi Nfumwetu. Nankyebe’shi, su anwiuku mwa kwikele n’anii kahindji mu kuhatakana (kwande); na kuhuñanya n’ami binyibinyi. Mwanda nyi na mukao kwinwe, au winyi ngwa kw’Efile Mukulu; mwanda nahu kwinukumina kwi mulume umune’shi, mwandjia nkenulubwila bu kamame e selelee kwi Kidisitu. Anka nyi na moo, kutshina’shi, su nku kinyi, su nku kinyi, mwababembēle Efa kwi nyoka, ha mwanda wa budimu bwe, biabia namu binangu bienu tala biakekala bilwishibwe ku kubofula kwi mu Kidisitu. Mwanda su mungi afiki, alungula mwanda wa mungi Yesu atushyatulungwila (mwanda we,) sunga nwatambula kingi kikudi kianushyātambwile, sunga ngungi mukāndu wibuwa wanushyakuminyine, biabia hangi anwiuku kwikala bahuñanyi biya n’ē. Mwanda nahwandjikisha’shi, tanadi kunyima kwa batumibwa bakile bukata, sunga mpahelahela. Ankasunga nyi muhatakane mu misainbo, nki biabia mu kiukilo, ooo; anka tubafumbwilwe biya munkatshi mwenu mu bintu bioso. A nasolele mwanda hakwihelesha ami na mwinyi mwanudia kutumbishibwa, ha mwanda nenulungwilanga mukāndu wibuwa w’Efile Mukulu bwana su? Nanyengyele ku bingi bikoñeno bi’Efile hakutambula efuto, mwanda wa kwinufubila. Na hanadi n’enu kwakwa, na kwikala mulobele, tanadi na kwandji munemene, sunga kwi muntu umune ooo; (mwanda kianadi mulobeshe kwandji, bakwetu abafwile ku Masedonya abampele’bio) na mu bintu bioso nelamine’shi, tankwi nunemena, nyi mbiankelama biabia. Bu biabinyibinyi bia Kidisitu bi munda mwande, takwi muntu akandekyesha mu kuno kwilungula mu mpese ya ku Akaya. A mpa mwanda kinyi? Mwanda nki n’enu kifulo su? Efile Mukulu euku. Anka kianakitshi, nyi ank’akio kiankakitshi nkakashe mwanda kwi’bo abakyebe mwanda’shi, mwabetumbikila bakasananwe anka hamune’twe. Mwanda be biabia mbatumibwa ba madimi, bafubi bakudimba, mbealule’bo bana bene bu batumibwa ba Kidisitu. Haha hashī mwanda wa kukanya, ooo, mwanda Satana na mwinyi bealulwile tadi bu mwikeilu e etata. Binyibiabia kishī kintu kikata su bafubi be mbālulwe bu bafubi ba kululuma, kunfudilo kwabo akukekala mwiyile bikitshino biabo. Nākuladimonyi’shi: Takumpwandjikishanga’nyi muntu, sunga ngumune’shi, nyi mulotakane, anka su nkuhwandjikisha bingi, bibuwa nuntambule bu mulotakane, nkelungule’mi na mwinyi hahela. Uno wanyisamba, tanyisambila au kwi Nfumwetu, anka bu mu kulotakana, mu luno lukuluhilo lwa kwilungula. Bu amwitumbisha bebungi mwiyile bia ku mbidi, ami namu nanketumbisha. Mwanda anuhuñanya na balotakane na mashimba a tuseho, anwe basha binangu’ba. Mwanda anwe anuhuñanya sunga muntu enumuna m’buhika; sunga muntu enumina, sunga muntu enukwata, sunga muntu enemeka e na mwinyi, sunga muntu enukuhila luhi ku lukyebo. Nesambila ha mwanda wa kusabulwa, hamunenka bū’twe abadi batūba. Anka moso amunyiñamena muntu kukita, su nanyi su nanyi, (nesambila mu kulotakana), ami namu nakanyiñamena. Abo bena Hebelu su? N’aminamu. A nyi bena Isalele su? N’ami namu. A mba ku twikulu twa Abalahama su? N’ami namu. Abo’bo nyi mbafubi ba Kidisitu su? (Nēsamba bu mulekane.) Ami nyi mukile; mu mifubo ya kutuhwita yibakilakila bungi, mu mikombela yikishekishe, mu mashibo a nkano kukisha misusa na misusa, mu nfu yibungi. (Kwi Bena Yuda nakuhilwa misusa yitano mikombela makumi ananka, (bia kushala umune kukumbasha). Nakuhilwa’nyi na nsāsu misusa yisatu, mususa umune nāshibwa mabwe, misusa yisatu bia nyi tshikila mu masua, bufuku na kanya nadi mu mema a kalunga:) Mu nyendo misusa na misusa, na tutshima munda twa masaku a ha mema, mu tutshima munda twa kwi bantomboshi, mu tutshima munda twa kwi bakwetu ba kifuko, mu tutshima munda kwi Badjentaila, mu tutshima munda mu bibalo, mu tutshima munda twa mu kabāka, mu tutshima munda twa h’eshiba dia mema, mu tutshima munda twa bakwetu basha madimi; Mu lwidilo na kusosamena, mu ntengyela yibungi, mu nsala na nyota, mu nshilo ya biakudia misusa yibungi, mu mashika na muswa. Na hakutenteka abia bintu bi hasha, ayo ayinemenā ku nguba na nguba, nginyi ya kilele kia bikoñeno bioso bi’Efile. A nanyi e na butūba, n’ami nkikala na’bo? A nanyi mukokoshwe, n’ami nkikala na kibobo? Su nyi na lukalo lwa kwitumbisha, nanketumbisha ku bintu binemene bia butūba bwande. Efile Mukulu Yaiya a Nfumwetu Yesu Kidistu, e akuhebwa mwabi kwikala-ika, euku’shi, ami tandjimbi, ooo. Mu Damasakasa mutontshi mukata e hanundu ha boso, mulonde Nfumu Aletasa, balamine kibalo kia Damasakasa, na bu mulami (a basalai) bakyebele kunkwata. Natukile mwididishi, banyisha mu kisele ha lubumbu, biabia nahandjile ku maas’e. Kwilungula, kwandji’mi tankumpwandjikile ooo, mwanda nafiki ku bimonwa na bifumbwilo bia kwi Nfumwetu. Neukile muntu a mu Kidisitu, kubakidi bihwa ekumi na binanka (su badi mu mbidi, tañuku’mi, su badi shī mu mbidi tañuku; Efile Mukulu euku), e winyi bātshilwe mwiilu, mpā na mwiilu dia kasatu. N’ami neukile muntu badi anka bino, (su badi mu mbidi, sunga shī mu mbidi, tañuku’mi: Efile Mukulu euku), Mubātshilwe mwiilu, mpaa na mu Mpaladisa, bahushishe mīsambo yishyayisambwā, yishidilwe kishila muntu kwiyisamba. Nanketumbisha ha mwanda wa muntu e biabia; anka tanketumbisha ha mwanda wande’mi na mwinyi, ooo, anka mu butūba bwande. Sunga nakyebanga kwitumbisha, tankekala mulēkene, mwanda nankākula biabinyibinyi: anka binobino nabanda kuleka, tala su nanyi su nanyi akampwandjikisha bikishekishe mwa ’mwena, sunga mwampushisha’mi. Na ha mwanda wa kutshina’shi, tala nakekala mukishekishe kunemekwa ku bungi bwa bifumbulwe, kunadi muhebwe mulobo mu mbidi, taudi mukiendji wa Satana wa ku ’mwesha malwa; tala nankekala mwinemekye bikilekile. Ha mwanda wa kino kintu nasendelele Nfumwetu misusa yisatu, ami’shi, kinkatukye. E bandungwile’shi: Bu-muntu bwande mbukulombene; mwanda bukome bwande mbukumbashibwe mu butūba. Biabia tantumbisha n’eshimba di soo mu butūba bwande’shi, bukome bwa Kidisitu bwikale n’ami. Nyi ha uno mwanda nasehelā mu butūba, mu misabulo, na mu nkalo ya bintu, mu kubingwabingwa, na mu bishiotshi ha mwanda wa Kidisitu, mwanda hanyikala mutūba hanyikala mutūba biabia nyi bukome. Hakwitumbisha nyi mwalulukye tandji mulotakane; anwe nubambusha; mwanda nadia kwikala mutumbishibwe kwanudi; mwanda nki kunyima kwa batumibwa bakile bukata, su mu kinyi su mu kinyi, sunga’ami nyi bu bisumanga. Mbinyibinyi bitundwilo bia butumibwa bibakitshinwe munkatshi mwenu mu mufwaka, mu bitundwilo, na mu biakukanya, na mu bikitshino bia ntshitshiba. A mu kintu kinyi mwanubalobela ku bingi bikoñeno bi’Efile, anka su mpa mwandaw’ami na mwinyi shī mwinunemēne bushito? Nundekyele uno mwanda. Talangai, uno nyi mususa wa kasatu wandji mwimene kufika kwanudi, n’ami namu tankekala mwinunemene bushito, ooo. Mwanda tankimbi bienu, ank’anwe; mwanda tankuhwandjikile bana kubikila banambutwile bintu, ooo, anka banambutwile kubikila bana. Nankasehela bikata kwishidisha na kushidishwa ha mwanda wa bikudi bienu; su nyi n’enu kifulo kikata, ami nyi nfudibwe kifulo kihela. Anka sunga mbiabia, ami tanadi mwinunemēne bushito; anka hanekēle na budimu, nenukwete ku bulamalama. Nenudidīle kinyi kwi baba banenutuminyine kwanudi, su nkwinyi su nkwinyi? Naihwishe Tetusa, namutumana mukwabo (mu Kidisitu.) A Tetusa benudidīle su? Tatubatembelanga mu kikudi kimune su? A tatubatembelanga mu ngwa yihamune’nka su? Dimonyi anutentekyesha’shi, atwibalananyā atwe bana bene kwanudi? Atwakula ku mpala kw’Efile Mukulu mu Kidisitu; anka atukitshi bintu bioso mwakwinuelesha mwiilu anwe bakuminyibwe. Mwanda natshinyi, tala hankafiki, nankenusañana ntwanshī mukyebele, nami (namu) nankasañanwa n’enu mwanushyanukyebela: tala su kwekala mpaka, na kiutu, nsungu, mima, twihu, mikoso, kwinemeka, kwituhishena. Tala namu hankafiki dimonyi, Efile Mukulu ande akankwatshisha būfu munkatshi mwenu, n’ami nankekala na lukalo lwa bebungi abasolele myanda kwibedi; bashī belangye munda ku kushūla-kwa-bishila na lukyebanokye’bano, na mudioholo w’eshimba dibi wabakitshine. Uno nyi mususa wa kasatu utanafiki kwanudi. ’Makanwa a tumonyi tubidi sungā tusatu myanda yoso ayikakankamikibwa. Nahwile kwinulungula kwibedi, nenulungula (dimonyi) anka bu’mi ekalanga n’enu mususa wa kabidi; na binobino hanyikala nki munkatshi mwenu, nafundjii’aba abalwishishe kwibedi, na kwi bangi boso’shi, su nankafika dimo, tankenufwila lusa, ooo. Ha mwanda anukimbi kishiso kia Kidisitu akiakulā munda mwande, e ta mutūba kwanudi, anka mwanudi e mbukome. Mwanda sunga baihayilwe ha mutshi uhingishene mu butūba, sunga mbiabia e atala ku bukome bw’Efile Mukulu. Mwanda’twe namu twi batūba mwadi e, ank’atukekala na muwa n’e ku bukome bw’Efile Mukulu kwanudi. Etompei munda anwe bana bene, su nwi mu lwinyi lukumino; nwishishei’nwe bana bene. Tanwibeshingule biya anwe bana bene’shi? Yesu Kidisitu e munda mwenu, anka su nwi babambakane. Anka natengyela’shi, anukeuku’shi, tatwibabambakane, ooo. Anka natekā kw’Efile Mukulu’shi, tanwakita bibubi, ta mwanda w’atwe kumweka bu bakuminyibwe, ankā’shi, nukite yibuwa, sunga twi bu babambakane. Mwanda tatwiuku kukita kia kwituhishena na biabinyibinyi, anka (kutamisha) wa biabinyibinyi. Mwanda atusehela hatwi batūba, n’anwe bukome; uno namu watutekyela, nyi ngwanka wa kukumbashwa kwenu. Binyibiabia nyi mwanda uno wanenufundjila yino myanda hanshī munkatshi mwenu, kutshina’shi, hanyikala kwakwa n’enu tala nenusashila, mwiyile bukome bubampele Nfumwetu bwa kwela mwiilu, bushī bwa kuiwisha, ooo. Kunfudilo bakwetu, nenuladikai, nwikale bakumbane, nusengibwe bibuwa, nwikale n’eshimba dimune, nubombele mu kufukama; biabia Efile Mukulu a kifulo na kufukama akekala n’enu. Nwīmushenei na lwififyeno luhatulwe lwi kishila. Balamunweba-kishila boso abenwimuna. Bu-muntu bwa Nfumwe tu Yesu Kidisitu, na kifulo ki’Efile Mukulu, na kihwano kia Kikudi-E-Selelee, bikale nenu boso. Amena. Paulu mutumibwa (bushī bwa ku bantu, sunga mpa mwanda wa muntu, mbwa kwi Yesu Kidisitu, n’Efile Mukulu Yaiya, bamusangwile ku lufu,) nu bakwetu ba mu Kidisitu boso be n’ami, ku bikoñeno bi’Efile bia Ngalatea: Bumuntu bwikale n’enu na kufukama kw’Efile Mukulu Yaiya, na kwi Nfumwetu Yesu Kidisitu, winyi behene e na mwinyi ha mwanda wa milwisho yetu mwadia kwitumañunwīna ku ba hanohansenga bebubi, muyile eshimba di’Efile Mukulu Nshyetu: kwadi e (kwikale) ntumbo ya ikala-ika. Amena. Nakanya mwanubalamunukila bukidi kwadi e benwitamine mu bu-muntu bwa Kidisitu, ku ungi mukāndu-wibuwa. Winyi uo tangungi, oo, anka kwi bangi abenuhatakasha, abakyebe kwalula mukānduwibuwa wa Kidisitu. Anka sunga n’atwe, sunga mwikeilu a kwiilu akenulungula ungi mukāndu wibuwa, su ngwa kinyi, su ngwa kinyi, ushī bu mukāndu-wibuwa watubenulungwile kwibedi, ekale mwedibwe muloa. Anka mwatwinulungwidīle kwibedi, anka biabia nyi bia nyi nulungula dimonyi’shi: Su nanyi su nanyi akenulungula ungi mukāndu-wibuwa wanushī batambule, edibwe muloa. A binobino n’ami akonkwela bantu, su Efile Mukulu? A nakyebā kusehesha mashimb’a bantu su? Su nekala a kusehesha mashimba a bantu, tanyikala mpika a Kidisitu, ooo. Anka nenwiukisha’nwe bakwetu’shi, winyi mukānduwibuwa wanenulungwile, tangwa kwi muntu, ooo. Mwanda nki mwiutambule kwi muntu, sunga nkulambukishwa’o, anka nku kufumbulwa kwa Yesu Kidisitu. Mwanda’nwe nubahushishe nyikashi ya muwa wande mu kihindji kia kala mu lulangwilo lwa bena Yuda, munadi mukilekile kubingabinga kikoñeno ki’Efile Mukulu, na kwikishīdisha. Namwena mu lulangwilo lwa bena Yuda, nakukila balongo n’ami bebungibamu kisaka kiande, nadi mukilekile kinsukunsuku kia lulungulusho lwa bashyami-kulu. Habaseheshwe eshimba di’Efile Mukulu, bandamunwine munda mwa nyin’ami, na kuñitanyina ku bu-muntu bwe, mu kufumbusha Mwan’e mwandji’mi, mwandjia kumulungwila munkatshi mwa mīlo; henyihaha nkimwihushe na ba ku mbidi na mase, ooo: Sunga tanakamina ku Yelusalema kwi baba babedi ande batumbibwa; anka nayile ku (Arabia,) biabia nalukile ku Ndamasakasa. Henyihaha habahwile bihwā bisatu, nakamine ku Yelusalema kukeukishena na Petelo, twalala n’e’ mafuku ekumi n’atano. Anka bamo ba batumibwanki mwibamone, anka Yakoba mukwabo na Nfumwetu. Biabia ha yino myanda yanenufundjila, talai, tandjimbī ’mi na ku mpala kw’Efile Mukulu, ooo. Kumongo natikile ku mpese ya Sidia na Selesea. Nadi shī mwiukī bwe mpala ku bikoñeno bia mu Yudea bibadi mu Kidisitu, ooo. Ank’abo abadi bahushe bisumanga’shi: Yawa betubingabinga kala, binobino talungula namu lwinyi lukumino lwabadi alwisha. N’abo namu abatumbishe Efile Mukulu ha mwanda wande. Henyihaha habahwile bihwa ekumi na binanka, nakamine dinto’nyi ku Yelusalema na Banabasa, tubayile na Tetusa namu. Nakaminyine ha mwanda ubafumbwilwe kwandji; nafishishe kwabadi winyi mukāndu wibuwa wandungulā munkatshi mwa Badjentaila, anka ku bufyefye kwi baba basha ntumbo, tala su nku kinyi su nku kinyi nadia kukama lubilo, sunga ndwanakamine kalatala lwakekala bu lwa bisumanga, Anka Tetusa badi n’ami, sunga badi mwina Ngidiki tamufinyikwe kusalwa, ooo. Biabia nyi mpa mwanda wa bakwetuba madimi, abetwesheshe munkatshi mwetu (ha mwanda wa) kitadīla, ku bufyefye’shi; Twikale bampūha ku buluñantu bwabadi n’abo mu Kidisitu Yesu, mwabadi kwitufishisha mu buhika. Kwabadi (namu) atwe tatwibebakokole, ooo, sunga nkahindji kahela; eshi biabinyibinyi bia mukāndu-wibuwa bikadidile n’enu. Anka kwibo abadibubasha ntumbo (su badi’nyi, su badi’nyi, kwandji’mi takwi mwanda, Efile Mukulu takuminā ku mbidi ya muntu, ooo), abo benyi basha ntumbo tabe n’awa bantentekyela sunga nguntune, anka ku lungi luhese, habamwēne biandji muhitshikwe ku mukāndu-wibuwa wakubashibasalwe, anka hamune mubahitshikilwe Petelo namu (mukāndu-wibuwa) wa kubasalwe. Mwanda e banyishishe Petelo mu butumībwa bwa kubasalwe, nyi anka e banyisha bwande bwa ku Badjentaila, Biabia Yakoba na Kefasa na Yoano, babatemwinwe bu bibayi, hakumona bu-muntu bunahebwa, abetukukile na Banabasa, ku maboko a balume a kihwano’shi, atwe twende kwi Badjentaila, abo namu kwi basalwe. Anka abakyebanga’shi, tunangushene balanda n’au winyi nyi unankyebanga kunyingamēna kukita. Anka habafikile Petelo ku Anteoka, nabwēlen’e hampala mwanda e badi mutohekwe, Mwanda e badianga na Badjentaila, habadi bangi tababandjile kufika kwi Yakoba; anka kabafikile, e bakungulukile, elamuna, tatshinyi baba baku basalwe. Na bangi ba Bayudea babakatukile n’e hamune; biabia Banabasa bakakilwe mu kubambakana kwabo. Anka hanamwene’bo tabatambuka mu kululama muyile biabinyibinyi bia mukāndu-wibuwa, nākwile kwi Petelo ku mpala kwa boso’shi: A ku’nyi we mwina Yuda, twend’olondanga a muyilā Badjentaila, kushī bu Bena Yuda, a nkinyi kiolinyikā Badientaila kwikala bu Bena Yuda? Atwe twi Bena Yuda muyile kihikwa kia muwa, na bashī balwishi bu Badjentaila, ooo. Anka hakwiukashi, muntu takabingishibwa ku bikitshino bia mukanda-wa-bisliila, ooo, anka ku lukumino lwa mu Yesu Kidisitu, bu mwatubakuminyine mu Kidisitu Yesu, mwatudia kubingishibwa ku lukumino lwa (mu) Kidistu, kushī ku bikitshino bia mukanda-wa-bishila, ooo; mwanda ku bikitshino bia mukanda-wa-bishila takwi muntu akabingishibwa, ooo. Anka su mpatukimbila kubingishibwa kwi Kidisitu, n’atwe bana bene tuhetshibwe balwishi, a biabia Kidisitu nyi bu mufubi a milwisho su? A leka, leka, tawi biabia. Mwanda su naibaka dimonyi abia bintu bianasaswile nēlesha ami mwinyi bu musodi a myanda. Mwanda’mi ku mukanda wa bishila tanafwile kwanka, mwandjia kwikela na muwa kw’Efile Mukulu. Naihaībwa ha mutshi uhingishene hamune na Kidisitu, biosobi nafala, anka tanami na mwinyi ooo, nyi ñanka Kidisitu atala mwimi; na muwa wandji n’au binobino mu mbidi, nyi mwikele n’au ku lukuluhilo lwa Mwan’Efile Mukulu banfule kifulo, behanyine namu, e na mwinyi, ha mwanda wande. Tankumbā bu-muntu bw’Efile Mukulu ooo, mwanda su kululama kw’eshimba kubafikile ku mukanda-wa-bishila, twambengye Kidisitu bafwile bisumanga. Aaa! anwe bena Ngalatea balotakane! A nanyi benulwele’ shi, tanwi bianudia kukokyela biabinyibinyi, anwe baleshibwe Yesu Kidisitu ha toka ku meso kwenu, aihayibwa ha mutshi uhingishene? Kiankyebe kwiuka nyi nkino, ami’shi: A nubatambwile Kidudi-E-Selelee ku bikitshino bia mukanda-wa-bishila’nyi, su mpa kuhusha kwa lukumino? Nyi kianubalotakēna su? Hakubanga mu Kikudi-E-Selelee, a binobino tanukumbeshe mu bia mbidi su? Nubafwambukile mu bia bintu bibungi bisumanga su? Su bikī bu bia bisumanga. Binyibiabia, e enuheya Kikudi-E-Selelee, n’akitā bilengyeleshi munkatshi mwenu, ebikitshina ku bikitshino bia mukanda-wa-bishila, su nyi nku kuhusha kwa lukumino? Anka bu bibadi Abalahama mukumine Efile Mukulu, kubamuhwandjikishe bu kululama kw’eshimba. Binyibiabia anwe nwiukye’shi: Abo ba lukuluhilo nyi mbaba bana ba Abalahama. Na Kifundwe ki ’Efile kibabadidile kumona’shi, Efile Mukulu abingishā Badjentaila ku lukuluhilo, kibalungwile mukāndu-wibuwa kwi Abalahama kwibedi’shi: Mōdibe mīlo yoso, ayikēlwa mwabi. Twambengye benyi be ku lukuluhilo, mbahebwe mwabi na Abalahama mushimate. Mwanda boso abanemenā mu bikitshino bia mukanda-wa-bishila, abedibwa muloa, mwanda ubafundjilwe’shi: Bedibwe muloā kwi ese shyaididilā mu myanda yoso yibafundjilwe mu mukanda-wa-bishila, kwiyikita. Anka tauhwanga kwisokola’shi: Takwi muntu, sunga ngumune abingishibwā ku mukanda-wa-bishila ku meso kw’Efile Mukulu, ooo, mwanda balulame abakekala na muwa ha mwanda wa lukuluhilo. Na winyi mukanda-wa-bishila tangwa lukuluhilo, ooo; anka muntu eyikitshi aikala na muwa mwayidi. Kidisitu betukudile ku muloa wa mukanda-wa-bishila, hakwitwialulwila tadi mwelwe muloa: Mwanda ubafundjibwe’shi: Edibwe muloa ese abambibwa ha mutshi; eshi, mwabi wa Abalahama ufikye kwi Badjentaila ha mwanda wa Yesu Kidisitu; mwatudia kutambwile mulayilo wa Kikudi-E-Selelee ha lukuluhilo. Bakwetu nesambila muyile bihikwa bia bantu; sunga kwayikala kihwano ñanka kia muntu, su kibakankamikwa, (biabia) takwi sunga ngumune akekialulusha takidi bu bisumanga, ooo, sunga nkutentekyela hanka. Binyibiabia milayilo yibalayibwanga kwi Abalahama mpaa na ku lubio lwe. Tamwakule’shi: Nku mbio, bu yi kibumbu, ooo, ñanka bu ya lumune: Na ku lubio lobe, lwinyi nyi Kidisitu. Uno nyi wanyisamba’mi’shi: Kinyi kihwano kibabadidile kukankamikwa kw’Efile Mukulu, mu Kidisitu. Mukanda wa bishila nyiu bafikile kumongo, kwa bihwa nkama yinanka na bihwa makumi asatu taualulusha mulayilo’shi, ngwa bisumanga, ooo. Mwanda su buhyanyi mbwa ku mukandawa-bishila (twambengye) tambwa mulayilo, anka Efile Mukulu bebuhele Abalahama ku mulayilo. A henyihaha mukanda-wa-bishila ngwa kinyi? Ubatentekyelwe ha mwanda wa kusola kwa myanda’shi, mpaa n’ahakafiki lubio kwi winyi balayilwe mulayilo; au namu ubalumbulwilwe kwi bamwikeilu mu mboko ya musengi. Talai, musengi tanga buhenka, ooo, anka Efile Mukulu ngumune. Biabia mukanda-wa-bishila autuhishena na milayilo y’Efile Mukulu su? A lekā! Mwanda su kubadi kuhebwe mukanda-wa-kishila ubeukile kuhana muwa, biabia binyibinyi kululama kw’eshimba kubadi kwikale ku mukanda-wa-bishila. Anka Kifundwe ki’Efile kibafudisha’shi: (Bantu) boso mbānka mu kuwilsha’shi, mulayilo wa ku lukumino lwa Yesu Kidisitu uhebwe kwi baba abakumina. Anka kwibedi kwa lukumino talwafikile, tubalamibwanga hamune mu mukanda-wa-bishila, tubashitshilwe ku lukumino lubakyebwanga kwikala lufumbulwe. Binyibiabia mukanda-wa-bishila tauhwile kufika bu mulambukishi etu akwitufisha kwi Kidisitu mwatudia kwikela babingishibwe ku lukuluhilo. Anka hatahafikanga lukuluhilo, tatukī ba ku mulambukishi ’nyi, ooo. Mwand’anwe boso nwi bana b’Efile Mukulu ku lukuluhilo mu Kidisitu Yesu. Mwanda anwe bebungi bitanuhwile kubatshishwa mu Kidisitu, nwibafwale Kidisitu. Mwadi e takwi mwina Yuda, sunga mwina Ngidiki, takwi sunga mpika, sunga muluñantu, takwi sunga mulume sunga mukashi; mwanda’nwe boso nwi bū’mune mu Kidisitu Yesu. Na su nwibekale ba Kidisitu, twa mbengye nwi ba ku lubio lwa Abalahama, nwi bampianyi ba muyile mulayilo. Binyibiabia n’amba’shi, mpianyi hakī mukinga tamwilekena na mpika, sunga e nsha bintu bioso. E, e mushi mwa baleshi na balami mpaa n’ahakafiki kihindji kibasangwile nshye. Biabia atwe namu, hatubadi tukī bakinga, tubadi ’mbuhika bwa mu bunsongwalume bwa myanda ya hanohansenga: anka habakumbene kihindji, Efile Mukulu batumine Mwan’e, atandjibwa kwi mwana mukashi, mufikile mu mukanda-wa-bishila’shi, akūle baba be mu mukanda-wa-bishila mwatudia kutambwila buana bwa bana (b’Efile) Na ha mwanda nwi bana, Efile Mukulu tabatumine kikudi kia Mwan’e mu mashimb’enu, ēle musase’shi: A Ya! Yaiya! Binyibiabia, twe mpika dimonyi, ooo, anka todi mwana; na su todi mwana, twambengye todi mpianyi e Efile Mukulu ha mwanda wa Kidisitu. Sunga mbiabia, hanushī badi beukye Efile Mukulu, nubadi bamunwe kwi baba bashī bw’Efile Mukulu binyibinyi. Anka binobino hanubahu kwiuka Efile Mukulu, su nkwakula’shi, nwiukībwe kw’Efile Mukulu. Henyihaha, a kianwialulwila dimonyi ku bunsongwalume bwa myanda ya butūba na ya bulanda, kwa tanukyebe’nyi kumunwa mbuhika dimonyi? Anunangushena mafuku na mieshi, na bihindji na bihwa. (Aai)! nyi na katshima munda, ami’shi, tala mufubo wa nafubile kwanudi wekala bu wa bisumanga. Bakwetu, nenusendela’nwe nwikalebū’mi; mwanda’mi nyi bianudi; tanwibankitshine mwanda, sunga mpahela. Anwiuku mwa nenulungwidīle mukāndu-wibuwa kwibedi mu butūba bwa mbidi; nakwinyi kutompībwa kubadi mu mbidi yande tanwibekubendele, sunga nkutuna, anka nubantambwile bu mukiendji w’Efile Mukulu, anka hamune bu Kidisitu Yesu. A henyihaha winyi mwabi wanubākwile wi kwi kunyi? mwanda’mi nyi kamonyi ka mwanda wenu’shi, su kubadia kukitshibwa (biabia) nubadia kutondobola meso enu, nwampa’o. Henyihaha nyi mwalulukye bu mwishikwanyi n’enu, mwanda nenulungula biabinyibinyi su? Abo, na kinsukunsuku kiabo abenukumu, n’ako kwinyi takwi buwa, ooo; ee tababadia kwikala n’enu mulubadi, mwanudia kwibakumina. Anka kwi buwa kukumībwa mai’uku oso na kinsukunsuku mu kintu kibuwa, tañanka hankī munkatshi mwenu, ooo. Bana bande bakinga bakuminyibwe, banakumbīle mitanyo hakwinutanda dimonyi, mpaa n’ahababumbidibwe Kidisitu mwanudi. Nyi mukahakashwe ha mwanda wa kwikala n’enu kwakwa binobino, na kwalula eyi diande, mwanda nenualashena. Ndungulei, anwe abakyebe kwikala mu mukanda-wabishila, tanuhushā mukanda wa-bishila’nwe? Mwanda ubafundjilwe’shi: Abalahama badi na bana balume babidi, umune nga mukashi mpika, mungi’nyi nga mukashi mulufiantu. Anka winyi a mukashi mpika badi mutandjilwe muyile bia ku mbidi; ank’a muluñantu (batandjilwe) ku mulayilo. Yino myanda yi bu lukindji, mwanda bano (banabakashi) babidi be bu bilombeno bibidi; umune batukile ku ngulu a Sinai atandjilā bana ’mbuhika, e winyi nyi Haga. Winyi Hagā nyi ngulu ya Sinai e mu Arabia ’muhwandjikishwe bu Yelusalema ki kī kwanka na binobino, e winyi namu e mu buhika na bana be. Anka Yelusalema a mwiilu nyi muluñantu, e nyinyin’etu ātwe boso. Mwanda ubafundjilwe’shi: Sehela obe nkunga shyatanda; Tanyika, wele musase: Obe shī musumibwe na munda wa kutanda, mwanda bana b’awa muhedibwe mbakile bana ba yawa e na mulunda e bungi. Anka’twe bakwetu twi bana ba mulayilo, bibadi Isaka. Anka bu ku kiakia kihindji, yawa badi mutandjibwe ku mbidi badi abingi winyi batandjilwe ku Kikudi-E-Selelee, nyi mbiabia mpaa na binobino. Sunga mbiabia, a Kifundwe-ki’Efile akiakula na minyi? Binga mukashi mpika na winyi mwan’e, mwanda mwan’a mpika takekala mpianyi na mwan’a mulufiantu, ooo. Binyibiabia anwe bakwetu, tatwi bana ba mukashi mpika, ooo, anka twi ba mulufiantu. Binyibiabia twimane bakankamane mu buluñantu bwatwibahosolwe kwi Kidisitu; tatwanyibwanga dimonyi ku kikūmbo kia buhika. Talangai, ami Paulu nākula kwanudi’ shi, su anukumina kusalwa, (biabia) Kidisitu takamona kintu kwanudi, ooo. Mwanda nesamba dimonyi bu kamonyi’shi, ese muntu ’musalwe e na kishio kulonda mukanda-wabishila woso. Kidisitu bāluluka te kwanudi’nyi kwinwe, su nanyi su nanyi mubingishibwe ku mukanda-wa-bishila; nubalamunuka ku bu-muntu (bw’Efile) Mwanda’twe ha mwanda wa Kiudi-E-Selelee, atutengyela lukuluhilo lwa kululama kw’eshimba ha lukumino. Mwanda mu Kidisitu Yesu sunga kisale takī mwesha kintu, sunga takwi kisale, ooo, anka lukuluhilo alukitshisha ha mwanda wa kifulo. Nubadi anukama-lubilo bibuwa; a nanyi benubamba’shi, tanukakokyelanga biabinyibinyi? Kuno kukonkwelwa tankufiki kw’awa benwitamine, ooo. Kitatusho kihela akitatusha mutanda ushima. Nyi mwinukuluhile mu Nfumwetu’shi, tanukekala na yingi nangunangu, ank’e enukalakasha akatwala kuhīla kwe, su nanyi su nanyi. N’ami bakwetu, su nkiandungula (myanda) ya kisale, a kia nkiambingilwa’nyi nkinyi? twambengye kikokoshi kia nkulusu kibalekibwa. Nankyebe’shi, benyi abenukalakasha belamune bana bene. Mwand’anwe bakwetu nubaitanyinwe ku bulufiantu; anka tanwalulanga bulufiantu bwenu tabudi bu ha kukitshina mulombene bia mbidi; anka mu kifulo nwifubishenei. Mwanda mukanda-wa-bishila woso ubakumbashwa mu mwanda umunenka, nyi anka uno’u’shi: Okafule mukwenu kifulo bu’be na mwinyi. Anka su anwisumena meno na kwiminena anwe bana bene, (biabia) dimukai tala nwehwēna anwe bana bene. Nākul’uno’shi: Tambukilai mu Kikudi-E-Selelee, biabia tanukakumbasha lwabi lwa bia mbidi, ooo. Mwanda mbidi yi na lwabi lwa kutuhishena na Kikudi-E-Selelee, na Kikudi E-Selelee etuhishena na mbidi; abo (benyi namu) mbekutwene au hē, au hē, mwanudia kukutshilwa myanda yianukyebā kukita. Anka su anukunkushibwā na Kikudi-E-Selelee (biabia) tanwi mu mukanda-wa-bishila. Binyibiabia bikitshino bia mbidi mbisokolwe, nyi mbino: Masandji, bukyebanekyebane, kushūla kwa bishila, mudioholo w’eshimba dibi. Lulangwilo lwa mankishi, butshi, kushikwana, kwituhishena, mukau, nsungu, mpaka, kwilamunushena, kwitshibena. Kiutu, etombo, kukolwakolwa, na kutoma matanga, na yingi yi bino; ha yinoi nenudimuna, anka mwanenudimwinyine kala’shi, abo abakitshī’yo tabakahyana bufumu bw’Efile Mukulu, ooo. Ankabikuba bia Kikudi-E-Selelee nyi nkifulo, muloo, kufukama, kahuñanyi k’eshimba, kasendeleshi, buwa, lukuluhilo, kuhohela, butontshi bwa mbidi; ku yino yi bino takwi kishila ooo. N’abo ba Kidisitu (abawhile) kwiha mbidi ha mutshi uhingishene na ya kusuasua kw’eshimba na lwiso. Su twi na muwa mu Kikudi-E-Selelee, (biabia) tutambukile namu mu Kikudi-E-Selelee (na kwitonga) Tatwikalanga abakyebe kwitumbisha kwa bisumanga na kwikolomoshena na kwi kwatshishena kiutu. Bakwetu, su muntu basolo mwanda, anwe ba mu Kikudi-E-Selelee mwalushei winyi e biabia, n’eshimba dia kuhohela; na kwinangushena obe na mwinyi, tala obe namu okatompībwa. Nwitwadishene abinunemena mashito, biabia anulombasha mulangilo wa Kidisitu. Su muntu ehwandjikisha’shi: Nyi mukalabale, hakī bu bisumanga, (biabia) ēdimbi e na mwinyi. Anka (bibuwa) muntu ese atompe mufubo w’ē na mwinyi, biabia akekala na kusehela mu e na mwinyi, kushī mu mungi. Mwanda ese muntu akatwala kimunemene ki’e na mwinyi. Anka yawa mulambukishwe mu Mwanda w’Efile, ahane kwi winyi amulambukisha mu bintu bioso bibuwa. Tanudimbibwanga; Efile Mukulu tabendjibwa, ooo, mwanda kioso akikunu muntu, su kinyi su kinyi, ñanka’kio kiakaumbula. Mwanda yawa akunā ku mbidi y’e na mwinyi, akaumbula (namu) kunyanga ku mbidi; anka yawa akunā kwi Kikudi-E-Selelee, akaumbula muwa wa ikala-ika ku Kikudi-E-Selelee. Henyi haha tatukokangai mu kukita kwa bibuwa; mwanda atukaumbula ahakakumbana kihindji, su tatuhungila. Biabia mwinyi mwatukamwena mwa kukitshina, tukite bibuwa kwi bantu boso, anka tukishekishe kwi baba be mu luhoho lwa lukumino. Anumono mwanenufundjile mukanda ukata ku mboko yande. Bu muhūnda baba abakyebe kwitatshika mu mbidi, abo, abenukonkwela kwikala basalwe: anka mwanda wa kutshina’shi, tala twakasabulwa ha mwanda wa nkulusu ya Kidisitu. Mwanda sunga abo bana bene mbasalwe tambalame mukanda-wa-bishila, ooo, anka abakyebe’nwe kwikala basalwe’shi, twitumbishe mu mbidi yabo. Anka’mi tanyitumbisha, ooo, anka mu nkulusu ya Nfumwetu Yesu Kidisitu, nyi kubangihailwe biahanohansenga, n’ami namu kwabidi. Mwanda mu Kidisitu Yesu sunga kisale, sunga nkukutwa kisale tabikitshi kintu, ñanka kihangibwa kihya. Na bu muhūnda baba abatambuka na kwitonga muyile kino kishila, kufukama, na lusa, bikale he Isalele e Efile Mukulu. Kubanga binobino na ku meso, muntu tankalakasha nga; mwanda’mi ha mbidi hande natwalā mikofu ya Nfumwetu Yesu. Ba kwetu, bu-muntu bwa Nfumwetu Yesu Kidisitu bwikale na kikudi kienu. Amena. Paulu mutuinibwa a Yesu Kidisitu mwamukyebel’eshimba di’Efile Mukulu, kwi balamunwe-bakishila be mu Efisesa, na kwi bashimate mu Kidisitu Yesu: Bu-muntu b’Efile bwikale n’enu, na kufukama kw’Efile Mukulu Nshyetu, na (kwi) Nfumwetu Yesu Kidisitu. Ahebwe mwabi Efile Mukulu Nshye a Nfumwetu Yesu Kidisitu, betuhele’twe mwabi wa miabi yoso ya Kikudi amwa mwiilu mu Kidisitu. Anka mubetusangwidile mwadi e kwibedi kwa kibangilo kia hanohansenga, mwatudia kwikela balamunwe-bakishila na kushi matohe ku mpala kwe mu kifulo. Bafunyine kwibedi’shi, tukekale mu buana bwa bana (be) mu Yesu Kidisitu kwadi e na mwinyi, muyile amukyebela eshimba die dibuwa bukalabale, mpaa na kutumbisha kwa ntumbo ya bumuntu bwe, mwabetukuminyinyine mu batomibwe kifulo, Mwadi e twi na kikūdilo ha mase e, nyi lulekyelo lwa milwisho mulombene buheta bwa bu-muntu bwe; mwabetufwiminyine kwatudi mu binangu na kwitonga bioso. Hakwitwiukishā’twe kifībwe kia mukyebel’eshimba die, mulombene eshimba die dibuwa bukalabale dibafunyine ntwadi e na mwinyi, mu kilumbulwilo kia kukumbana kwa bihwa bioso, akabungila bintu bioso bu umune mu Kidisitu, abia bi mwiilu na bi hano hashi (anka) mwadi e. Mwadi e namu nyi mwatubatambula buhyanyi, hakufuna (kala) mulombene eshimba di’awa akitshina bintu bioso muyile binangu bia mukyebela eshimba di’e’shi, twikale ba kutumbisha ntumbo ye, atwe ababadidile kukuluhila mu Kidisitu. Mwadi e namu nyi mwanudi (bakuluhile) hanubahushishe winyi Mwanda wa biabinyibinyi, nyi mukānduwibuwa wa kihandjilo kienu: mwadi e namu hanubakuminyine, nubakayikiiwe na Kikudi-E-Selelee a mulayilo, e winyi nyi nkyee kia buhyanyi bwetu mpaa na ku kukulwa kwa kiēkiē kiudibwe, mpaa na ku kutumbisha kwa ntumbo ye. Nyi ha uno mwanda ami namu, hanahushishe mwanda wa lukumino lwenu mu Nfumwetu Yesu, na kifulo kwi balamunwe-be-kishila boso, nkimulekye’mi kutumbula ha mwanda wenu, na kwinutemuna mu nteko yande; eshi, Efile Mukulu a Nfumwetu Yesu Kidisitu, winyi Yaiya a ntumbo, enuhe Kikudi kia binangu, na kia kufumbula mu kiukilo kikumbane kiakuukibwakwe, (eshi,) mesoabinangu bienu abulukye, nwiukye muyile kutengyela kwa lwitamino lwe, na muyile buheta bwa ntumbo bwa buhyanyi bwe mu balamunwe-bakishila, na muyile bukata bukilekile bwa bukome bwe kwatudi’twe bakumine, mulombene mufubo wa bukome bwa ntshitshiba ye, bwabakitshine mu Kidisitu habamusangwile ku lufu, na kumushadika ku mboko ye yibalume amwa mwiilu, kula kwa nundu kwa bumankinda boso, na matalwa na ntshitshiba, na butontshi, na mashina oso akutemunwa temunwa, kushī anka ha yino nsenga, ooo, ñanka nantu na mu yinyi yanakafikye; e namu batudile bintu bioso mushi mwa ngwa ye, bamuhele tadi bu mutwe wa bintu bioso ku kikoñeno ki’Efile. Akio nyi mbidi ye, takidi kikumbeno kia winyi akumbashā bioso mu bioso. N’anwe nubadi bafwe mu kusola kwa myanda na milwisho: nyi mwanubatambukilanga kwibedi, bu amuyilā bahanohansenga, muyile mutontshi sha matalwa a luwa, kinyi kikudi akifubā mu bana bashībakokyele; nyi mwatubādi bekele namu, atwe boso kwibedi mu nyikashi ya ngabiābi yetu, nubadi anulondo mwamukyebelā bia mbidi, na bia binangu; tubadi ku butandjilo namu bana ba nsungu, hamune na bangi. Anka Efile Mukulu e na buheta mu lusa, ha mwanda wa kifulo kie kikata ki moo, kiabetufūle n’akio, sunga mpatubadi bafwe mu milwisho, betusangwile hamunena Kidisitu (nyiha bu-muntu ha nuhashibwā), betubushishe hamune na kwitushadika hamune n’e amwa mwiilu mu Kidisitu Yesu’shi: Mu bihindji bianakafikye akaleshe buheta bukilekile bwa bu-muntu bwe mu kalolo ke’ kwatudi’twe mu Kidisitu Yesu. Mwanda nyi ku bumuntu bw’Efile kwanuhandjilā ha lukumino; n’alo lwinyi lushī lwa kwinwe bana bene, ooo, (nyi) mbuntu bw’Efile Mukulu: kushī ha bikitshino, ooo, tala (muntu) akelungula. Mwanda’twe twi bifubwanga, bihangibwe mu Kidisitu Yesu ku bikitshino bilumbulukye bibalumbulwile Efile Mukulu kwibedi’shi, tutambukile mwanka. Binyibiabia nangushenaī, kalakala anwe nubadi Badjentaila mu mbidi, abatemunwanga bu bashī basalwe kwi baba abatemunwanga bu basalwe ba ku mbidi kukitshibwe ku maasa’shi: ku kiakia kihindji kianubadi bashī na Kidisitu, nubadi bana beūmbo ku kulonama kwa Isalele, na bu benyi ku bilombeno bia mulayilo (w’Efile) bashī na lukuluhilo, na bisumanga Efile Mukulu hanohansenga. Anka binobino mu Kidisitu Yesu, anwe nubadi kulakula kwibedi, nwibafishibwe hehi, ku mase a Kidisitu. Mwanda e nyi kufukama kwetu babungile bibidi bu kimune, babumbwile lubumbu lwa (hankatshi hetu,) bashimangishe mu mbidi ye kilamunusheno, nyi mukanda-wa-bishila wa milangilo, ahangūle babidi bekale bu muntu umune muhya, mwadi e na mwinyi ebalombashe anka hamune. Mwadia kulombesha bubidi bwabo mu mbidi yimune kw’Efile Mukulu ku nkulusu, mwanda baihayile kilamunusheno kwanka. E bafikile, alungula mukāndu-wibuwa wa kufukama kwi’nwe abadi kula kwi moo, na kwi (babadi) hehi Mwanda hadi e atwe bubidi bwetu, twi na kitwelelo kwi Yaiya mu Kikudi-(E-Selelee.) Biabia tanukī bu benyi na; bana ba maūmbo, ooo, anka tanudi banahabo na bahatulwebakishila, na ba mu luhoho lw’Efile Mukulu. Nwibakibwe ha kibangilo kia batumibwa na batemuki, Yesu Kidisitu na mwinyi nyī’bwe dikilekile di’ehaka. Mwadi e nyī mwikwatenene kihidi kioso kiatēma bibuwa, akienda akikulanga, takidi bu nshibo y’Efile yilamunwe yikishila mu Nfumwetu. Mwadi e anwe namu nwibakibwenene kwikala bu kibombelelo ki’Efile Mukulu ku Kikudi-(E-Selelee.) Nyi mpa uno mwanda ami Paulu musungi wa Yesu Kidisitu kwi’nwe Badjentaila. Su nubahushishe mwanda wa bulumbudi bwa bu-muntu bw’Efile Mukulu bubampelwe ha mwanda wenu. Bu mwabamfumbwidile, anukisha kinyi kifībwe; (kianafundjile kwibedi mu twanda twi binyibiabia. Hakubala mu twanka, nushingule kiukilo kiande mu kifībwe kia Kidisitu), kishī badi kiukībwe kwi bana ba bantu mu bingi bihindji bia kala, bu mwakibafumbwilwa binobino kwi batumibwa be balamunwe-bakishila, na batemuki, ku Kikudi (E-Selelee) ’shi: Badjentaila bekale bahyanyi hamune, na ba ku yinyi mbidi yimune, na ku batambudi ba mulayilo we mu Kidisitu ku mukāndu-wibuwa. Nyi mwanālulwa tandji bu mufubi mulombene buntu bwa bumuntu bw’Efile Mukulu, bwanahelwe ku kutuhwita kwa mufubo wa bukome bwe. Kwandji’mi mukilekile buhela a mu balamunwebakishila boso, nyi kubahebwa buno bu-muntu’shi, alungule munkatshi mwa Badjentaila bulieta bwa Kidisitu bushyabumono mwa kulondolwela. Na kumwekyesha ku bantu boso mwikele lwabano lwa kifībwe, kinyi kibadi kifībwe ku (kibangilo kia) hanohansenga mw’Efile Mukulu, bahangile bintu bioso mu Yesu Kidisitu. Ha mwanda wa kwamba’shi, bakata bakilekile na basha matalwa be’mwa mwiilu beukye binangu bi bihaso na bihaso bi’Efile Mukulu ku kikoñeno ki’Efile. Mubadi muyile kufuna kwa ikala-ika kwabafunyine mu Kidisitu Yesu Nfumwetu. Mwadi e twibauyingye mashimba na kitwelelo kishī katshima munda ku lukuluhilo lw’e. Biabia nyi biankyebe’shi, tanukokanga ku malwa ande a ha mwanda wenu, ao nyi ntumbo yenu. Nyi mpa uno mwanda wankunaminā manwi ande kwi Nshye a Nfumwetu Yesu Kidisitu, kwadi kubaudikilwe bifuko, bioso bi mwiilu, na be ha nsenga, ami’shi, enuhe, muyile buheta bwa ntumbo ye, kwikala banyishibwe na ntshitshiba mu muntu e munda kwi Kikudi (E-Selelee) e; ami’shi, Kidisitu abombele mu mashimb’enu ha lukuluhilo’shi, anwe hakwikala bashimatshishwe bu mishi, na kukankamikwa hashi mu kifulo, anukeuku mwa kushingulwila na foahatulwe-bakishila boso, mwikele mbukata, na mbula, na bula bwa mushi, na bula bwa mwiilu; na kwiuka kinyi kifulo kia Kidisitu akikidi kiukilo mwanudia kuushibwa na kukumbana koso kw’Efile Mukulu. Binyibiabia kwadi e euku kukita bikilekile bioso bi bungibungi he biatuteka sunga nkutentekyesha, muyile bukome (bwe) abufubumwi’twe; kwadi e (kwikale) ntumbo mu kikoñeno ki’Efile ha Kidisitu Yesu, mu bihindji bioso, mpaa na ikalaika. Amena. Henyihaha ami musungi wa Nfumwetu, nenusendela’mi’shi, nutambukye bihwandjikile lwinyi lwitamino lwanubetanyinwe n’alo; n’eshimba dia kwihelesha na kuhohela, na kahuñanyi k’eshimba, (na) kwilekeshena anwe bana bene mu kifulo; Nusasakate kulama kihwāno kia Kikudi-E-Selelee mu kikwatshisho kia kwitubungishena mu kufukama. Kwi mbidi yimunenka, na Kikudi-E-Selelee umune nyi anka mwanubetanyinwe mu lukululiilo lumune lwa lwitamino lwenu; Nfumwetu umune, lukumino lumune, lubatshisho lumune, Efile Mukulu umune, Yaiya a boso, e hanundu ha boso, te na hāshidi, e mwi’nwe boso. Anka kwi’twe boso akuhebwa bumuntu mulombene lutshi lwa buntu bwa Kidisitu. Nyi henyi hanakwila’shi: Habakamīne mwiilu bakunkwishe kibumbu kiabadi bakwatwe, ēnyi bahēle bantu biabuntu. Ha unō’shi: E bakamine, nyi nkuhatula’shi, e babadidile kwika ku bihindji bikilekile mushi mwa nsenga. E bayikile, nyi e winyi namu bakamīne ’mailu akilekile bula hanundu hoso, mwadia kuusha bintu bioso. Bahele bamo kwikala batumibwa, bamo bu batemuki, bamo bu balungudi b’Efile, bamo bu tutshunga, bangi’nyi bu balambukishi: ha mwanda wa kukumbasha kwa balamunwebakishila, ha mifubo ya bufubi bw’Efile, kwīela mwiilu kwa mbidi ya Kidisitu, mpaa n’ahatukafikī’twe boso ku kihwāno kia lukumino, na ku kwiukidila kwa Mwan’Efile Mukulu, mpaa na ku bu-muntu mukumbane mwishimba, ku lutshi lwa kishīsa kia kikumbeno kia Kidisitu, eshi, tatwikalanga bu bakinga bakī batoka abasunkumishwa, na kuhahulwa na mpahi yoso ya lulambukisho, ku ndjindji ya bantu, na ku bulamalama bukilekile kwabadi bemene kudimbananga, ooo, anka hakukesamba biabinyibinyi (bi’Efile) mu kifulo, tukudil’anka mwadi e (mu) bintubioso, winyi e nyi mutwe nKidisitu. Kwadi e mbidi yoso ngilungishenwe na kutombashenwa hamune. Nakwikumena ku kiakia akiheya binyingwa bioso, anka mwabifubila aki mwakihunda aki mwakio, akienda akitamishanga mbidi mpaa na kukushibwa kw’ayo mu kifulo. Henyihaha nyi nguno wanyisamba na kulungula bu kamonyi mwi Nfumwetu’shi, bino-bino tanutambukanga bwa mutambukila Badjentaila mu binangu biabo bia bisumanga, abo, mbafitshishwe ku nangunanga yabo, mbalamunwe ku muwa w’Efile Mukulu ha mwanda wa luhatamino lwi mwabadi, ha kukomesha mashimb’abo hoo; Abo hakwikala bashī mpushīsho abehanyine abo bana bene mpaa na ku mudioholo w’eshimba dibi, mwanda wa kukita bia kushūla bioso bi’eshimba na ndakalaka. Anka’nwe tanwibāmbule bino kwi Kidisitu, su nubamuhushishe, na kulambukishwa kwadi e muyile biabinyibinyi bi mwi Yesu’shi; nukashe nyikashi ya muntu a kala, nyi nginyangye muyile lwabi lwa kudimbana; Nulumbulwe dimonyi mu kikudi kia binangu bienu; nufwale namu winyi muntu muhya muhangibwe mwikēle Efile Mukulu mu kuluama kw’eshimba na buhatulwe-bwi-kishila bwa binyibinyi. Binyibiabia nulekye madimi, nwisambe biabinyibinyi ese muntu kwi mwin’e; mwanda’twe twi bia ku mbidi bi’atwe bana mwinyi. Nwikale na nsungu, kushī kusola mwanda, tanuhoneshanga nguba na bukyelo bwenu, ooo; Sunga nsatana tanumukingwilanga kihindji. Yawa baihanga takumanga kwiba dimonyi; anka atuhwite mu mifubo ya maas’e mu kiakia kitumbulukye’shi, amone bia kuha yawa e na lukalo. Tanukuminanga mīsambo yinyangye kutuka mu kanwa mwenu, ooo, anka yaya yilumbulukye ya kwinwielesha mwiilu’shi, yihane bu-muntu kwi bahushi. Tanufitshishanga eshimba dia Kikudi-E-Selelee e Efile Mukulu, kwadinyi kwanubakayikwa mpaana kwifuku dia kikūdilo. Nukashe kwanudi būlo bw’eshimba, na kukyeluka, na nsungu, na maunga, na lubabo, na kifita kioso. Nwisendeleshenei muntu na muntu, na kubofosha mashimba, nwilekeshenenei muntu na muntu, anka bu mubenulekyelele Efile Mukulu ha mwanda wa Kidisitu. Henyihaha nwikale bu balondji b’Efile Mukulu, bu bana batomibwe kifulo; nutambukil’anka mu kifulo, bu mwitufudile Kidisitu kifulo, e namu betwihanyine tadi bu mulambu na bu kitahilo kw’Efile Mukulu kwikala bu mahembwe e mwenyi. Anka bukyebanekyebane, na kushūla koso kwa bishila, su malaka, tabikalanga abitemunwa munkatshi mwenu, ooo, nyi mulombene balamunwe-bakishila, sunga bikako bia būfu, sunga mīsambo ya kuhotakana, sunga muu wi bubi, tambihwandjikile, anka kutumbula na kutumbula. Mwanda’nwe anwiuku yino’shi, sunga nga bukyebanekyebane, sunga sha biko mwishimba, sunga sha lwabi, sunga mulangwidi-a-mankishi tagbe na kia bakahyana mbufumu bwa Kidisitu n’Efile Mukulu, ooo. Tanudimbibwanga na muntu e na myanda ya bisumanga; nyi mpa mwanda wa yino myanda bukyelo bw’Efile Mukulu abufikā ha bana ba bashī na kukokyela. Binyibiabia tanuhwananga n’abo hamune. Mwanda’nwe kalakala nubadi mufito, ankā binobino nwitata mwi Nfumwetu: tambukai bu bana b’etata: mwanda kikuba ki’etata nyi mu myanda yibuwa, na kululama kw’eshimba na (mu biabinyibinyi,) na kutompa ayo yikuminyibwe na Nfumwetu. Tanwikalanga na kuhwano na bikitshino bishī na bikuba bia mufito, oo, anka kwibitosha. Mwanda wa myanda ayikitshin’abo ku bufyefye ngia būfu, sunga kwiyitemune. Anka mwanda yoso ayitoshībwa ngifumbulwe kwitata; mwanda nyi etata adifumbushā myanda yoso. Binyibiabia akula’shi: Hasuka obe muladi a tulo, buka mu lufū, na Kidisitu akakumunyik’etata. Biabia tambukai na lwishinko kushī hamune bu balotakane, ooo, anka bu basha binangu; Numone mwakumwena ku bihindji mwanda mafuku ngabi. Binyibiabia tanwikalanga na kulotakana, anka nushingule amukyebela eshimba dia Nfumwetu. Tanukolwanga nfinyo, mwanka nyi mwi bufundakanyi, anka mwikute Kikudi-E-Selelee. Nwiakushen’anwe bana bene mu’ ñono ya milangwilo, na mu ñono ya ku Kikudi, kuyimbanga na kukitshisha ñono (bu ya lusese) ’mashimb’enu kwi Nfumwetu, na kutumbula bukyelebukyele ha mwanda wa bintu bioso kw’Efile Mukulu Yaiya mwishina dia Nfumwetu Yesu Kidisitu, na kwikokyeshena anwe bana bene mu kutshina kwa Kidisitu. Bakashi, kokyelai balume benu bu kwi Nfumwetu. Mwanda mulume nyi mutwena mukashi, anka mwikyele Kidisitu mutwe wa kikoñeno ki’Efile. E namu nyi muhashi a mbidi. Anka mukokyele kikoñeno ki’Efile kwi Kidisitu, anka biabia bakashi namu bakokyele balume babo mu bioso. Balume (namu,) nutome bakashi benu kifulo, anka mutomene namu Kidisitu kikoñeno ki’Efile kifulo, behēne kwakidi e na mwinyi’shi, mwadia kwikilamunwina tankishila, na kwikisula mema a bishima bibakwilwe. Mwadia kwikīlubwila tankikoñeno kia ntumbo, kishī n’ebashi, sunga ndukanya, sunga nkimo kintu ki biabia; anka’shi, kikali kilamunwe-ki-kishila na kishi na matohe. Nyi anka biabia balume namu biabadia kwikala na kifulo kwi bampiana babo, hamune bu mbidi yabo banabene. E, e na mpian’e kifulo mwifule kifulo e na mwinyi. Mwanda takwi muntu sunga ngumune e na mushikwa ku mbidi y’e na mwinyi, ooo, anka ēidishā bibuwa na kwiilela anka hamunenka amukitshinā Nfumwetu kwi kikoñeno ki’Efile. Mwanda twi biambidi bia ku mbidi ye. Nyi mpa uno mwanda aukalekye muntu nshye na nyina winyi hamune, akalamatshidile kwi mpian’e; abo boso bubidi abakekala bu mbidi yimunenka. Uno ngufibwe ukata, anka nesambila mwikyele Kidisitu na kikoñeno ki’Efile. Sunga mbiabia, ese muntu namu ekale na mpian’e kifulo, hamune’bo ba na mwinyi, muntu na mpian’e muntu na mpian’e; mpiana namu anemekye mulund’e. Bana (namu) kokyelai banambutwile benu mu Nfumwetu, mwand’uno nyi ntwaudi ulombene. Nemeka shobe na nyin’ohe unou nyi mulangilo wa kwibedi wi na mulayilo’shi, Bibuwa abikanemena kodi, biabia namu obe okekala na muwa bihwa bi bungi hanohansenga. N’anwe bayiaya (namu) tanukolomonanga bana benuku bukyelo, anka kwibakudisha mwihaso na mwilango bia Nfumwetu. Bahika (namu) kokyelai abo be bu banfumwenu mwiyile mbidi, na moo na kususa, n’eshimba dienu dimune, hamune na kwi Kidisitu, kushī ha mufubo wa kumonyibwa ku meso, bu baseheshi ba mashimba a bantu, ooo, anka hamune bahika ba Kidisitu abakita amukyebele Efile n’eshimba ditūle, ku-fuba mufubo n’eshimba dibuwa hamune kwi Nfumwetu, kushī bu kwi bantu, ooo. Hakwiuka’shi, bioso bilumbulukye abikita bantu au hē au hē, nyi anka kia kamono (dimo) kwi Nfumwetu, sunga e mpika sunga e muluñantu. N’anwe banfumu, nwibakitshine namu bilombane, na kuhufianya mu milayilo, hakwiuka’shi, Nfumwenu’nwe boso namu e mwiilu; e namu te na’shi, au nyiū ooo. Kunfudilo, bakwetu, kankamanai mu Nfumwetu, na mu bukome bw’a ntshitshiba ye. Fwalai ngabo yoso y’Efile Mukulu ya ngoshi’shi, numone mwa kwimena ku bia bibembo bia Sata-na. Mwanda kwishindena kwetu tankwa ku mbidi na mase, ooo, anka nkwa ku bakata be moo, na kwi basha matalwa, na kwi batontshi ba mufito wa hanohansenga, na kwi bikudi bibi bia mwiilu. Binyibiabia eboshei ngabo yoso y’Efile Mukulu’shi, nwiukye mwa kushisamena mwifuku dia bubi, na ha kuhwa kukita bioso, shisamanai yanka na kushisamana. Binyibiabia imanai na bifuka bienu bianyibwe nshiho ya biabinyibinyi, na ha kuhwa kufwala ngabo ya kulama kiadi ya kululama kw’eshimba; na ngwa yenu yifwadikwe yimēne mukāndu-wibuwa wa kufukama. Kukila bioso nkuata ngabo ya lukuluhilo, n’ayo yanwiuku mwa kushikīla mikyetwe yoso ya kālo ya winyi mubi Nutambule namu kia kulama mutwe kia kihandjilo, na luhete lwa kalembwe lwa Kikudi (E-Selelee) alo lwinyi ndwamwanda w’Efile Mukulu. Nutekye bukyelebukyele na nteko yoso na lwiyayo mu Kikudi (E Selelee,) nutengyele kwanka na mufwaka woso na lwiyayo ha mwanda wa balamunwe-bakishila boso; na kwandjimi’shi, eyi dia kwakula adikampebwa biandjia kubūla mukanwa mwande na kwikankamika, ha mwanda wa kwiukisha kifībwe kia mukāndu wibuwa, wandji n’ao nyi mukyendji wa mu nkano’shi, nakwile mwanka na kwikankamika, mwaubampwandjikile kwakula, mwa nkitshinā. Tyikikusa mukwetu mutomibwe kifulo. Anka’shi, nwiukye namu mwandji mwikēle, na na mufubi a kishima mwi Nfumwetu, akenūkisha myanda yoso, n’e anenutumina kwanudi ha mwanda’nka uno’shi, bianudia kwiuka mwatudi bekele, biadia kwinusambisha namu mashimb’enu. Kufukama kwikale kwi bakwetu (ba mu Kidisitu) na kifulo ki na lukuluhilo, kwi Efile Mukulu Yaiya, na kwi Nfumwetu Yesu Kidisitu. Bu-muntu bwikale n’abo boso be na Nfumwetu Yesu Kidisitu kifulo kia kishima. Amena. Paulu na Temote bahika ba Yesu Kidisitu, kwi balamunwe bakishila boso be mu Kidisitu be ku Fidihai, na kwi bakulubaledi, na kwi balami ba bintu. Bu-muntu bwikale nenu, na kufukama kw’Efile Mukulu Shyetu na kwi Nfumwetu Yesu Kidisitu. Natumbulā Efile Mukulu ande hoso hanyinunangushena. Mu nteko yande yoso mafuku oso, nenutekyela boso n’eshimba dia muloo, ha mwanda wa kihwano kienu mu mukāndu-wibuwa kasha n’efuku dia kwibedi, mpaa na binobino; Nyi musumine ha uno mwanda, ami’shi, yawa babangile mufubo wibuwa mwanudi akeukumbasha mpaa na kwifuku dia Yesu Kidisitu. Nyi mwinyi mwaudi undombene’mi kutentekyesha bino kwanudi’nwe boso, mwandā’mi nyi mu mashimb’enu; mwanda wa mu nkano yande na mu lulamwino na lukankamiko lwa mukāndu-wibuwa, anwe boso nwi mu lwābeno lwa bu-muntu hamunenka n’ami. Mwanda Efile Mukulu nyi nkamonyi kande, nyi mwa nyinudīla’nwe boso bikata, n’eshimba dia lusa lwa Yesu Kidisitu. N’ao winyi wantekā’shi, kifulo kienu kifwimi na kufwima mu kiukilo kikumbane, na mu lushingulwilo lwoso’shi, nukatompe bintu bikilekile buwa’shi, nwikale ba kishima, na bashī na mwanda mpaa na kwifuku dia Kidisitu. Na kuushibwa na bikuba bia kululama bi kwi Yesu Kidisitu, bia ku ntumbo na ku lulangwilo lw’Efile Mukulu. Binyibiabia anwe bakwetu nankyebe’shi, nushingule yinyi myanda yinemene’mi yibāluluka biakutambusha mukāndu-wibuwa w’Efile, nyi mbiabia nkano yande mu Kidisitu ngifumbulwe kwi (basalai) boso ba kwibalasa dia nfumu, na ku bingi bihindji bioso. Na bakwetu bebungi ba mwi Nfumwetu, ha kukankamana ha mwanda wa nkano yande, abo abakishakisha kwakula Mwanda w’Efile kushī kutshina. Bamo namu abalungula (mwanda wa) Kidisitu anka na kiutu na mpaka; na bangi’nyi n’eshimba dibuwa. Bamo abalungula Kidisitu na mashimba elamune, bashī na kishima, abatentekyesha kumbushisha malwa mu nkano yande. Bangi namu (abalungula Kidisitu) mwanda wa kifulo, hakwiuka’shi, nemutudilwe bwa kulamwina mukāndu wibuwa. Binyibiabia a na minyi? Taha kī mwanda, ku mpese yoso, sunga mu bulamalama bwa kwidimba, sunga mu biabinyibinyi Kidisitu nyi alungwilwa, nyi mwa nsehelā, ee, nankasehela’nyi. Mwanda’mi neuku’shi, uno’u aukanalulukila tankihandjilo kiande ha kuteka kwenu, na ha kuhebwa kwa Kikudi kia Yesu Kidisitu, mulombene lutengyelo lwande lunyiñamane, na lukuluhilo lwande’shi, sunga mu kahelahela nankekala na būfu, anka’shi, mwishimba moso, anka mwandji mwikele mafuku oso, na bino mpamune, Kidisitu atumbishibwe mu mbidi yande, su mpa muwa, su mpa lufu. Mwanda’mi kwikala na muwa (nyi) Kidisitu, na kufwa nkumwena mwanka, anka su nekala na muwa mu mbidi, au nyi nkikuba kia kutuhwita kwa mufubo wande; anka wankasangula tañuku wanka. Mwanda ’mi nyi muhatakanwe na myanda yibidi, aku nyi n’eshimba kukatuka, na kwikala na Kidisitu, (ako) nyi nkukilabuwa bukalabale; anka kwikala hano mu mbidi namu, mbikambe buwa kwanudi’nwe. Na hakusumina mu uno’shi, neuku nankekala, na kushadidila n’anwe boso ha mwanda wa kwinutambusha na muloo wa lukumino. Eshi, kwitumbisha kwenu kwa handji’mi kwikale kufwima mu Kidisitu Yesu, ha mwanda wa kufika kwande kwanudi dimonyi. Anka mwikelo weno wikale ulombane mu mukāndu wibuwa wa Kidisitu’shi, sunga nankafika kwinumona, sunga nkwikala shī kwanka nenu, nankahusha bia nyikashi yenu’shi, nwibanyiñamane n’eshimba dimune, na kikudi kimune, na kwinyishena hamune ha mwanda wa lukumino lwa mukāndu-wibuwa w’Efile Mukulu; na kukutwa kukwatshibwa moo kwi baba batuhishene n’enu, su mu kinyi su mu kinyi; kwabadi’bo namu nyi nkitundwilo kifumbukye hatoka kia kulwila (kwabo,) anka kwanudi’nwe nkia kihandjilo, n’akio nkia kw’Efile Mukulu. Mwanda nkihebwe kwanudi ha mwanda wa Kidisitu, tananka’ko kukumina mwadi e, anka kufwambuka namu ha mwanda we; hakwikala na ngoshi ya kwituhishena yihamune yianubamwene mwimi, na binobino anuhusha yi mwandji’mi. Binyibiabia su kwi kusengībwa mu Kidisitu, su nkusambībwa kwa kifulo, su nkwi kihwano kia Kikudi-E-Selelee, su nkanya ka munda, sundusana lusa, (biabia) nukumbashe muloo wande’shi, nunangushene kintu ki hamune, na kifulo ki hamune (mwakwikēla) balombashene hamune, na nangunanga yimune. Tanukitanga sunga nkimune mu lwima sunga nkia ntumbo ya bisumanga, ooo, anka mu kwihelesha kw’eshimba, ese muntu ahwandjikishe bakwabo be bebakile’bo bana bene. Tanubambashanga’nka bintu bienu, au na bie, au na bie, anka (bibuwa) muntu ese (atale) ku bia bakwabo. Dinyi eshimba dibadi mu Kidisitu Yesu dikale munda mwenu namu: E, biadi mwikale bu Efile Mukulu na mwinyi tamwihwandjikishe’she, kuhwana hamunenka n’Efile Mukulu nyi nkintu kia bisumanga, ooo. Anka bekutshishwa mpwandjikishi y’e na mwinyi, bealulwile bu mpika, bebumbile na kīfwano kia bantu. Biabadi musananwe mu kihaso kia bu muntu, beheleshe e na mwinyi, bakokyele mpaa na ku lufu, n’alo lwinyi ndufu lwa ku mutshi wa nkulusu. Henyihaha Efile Mukulu bamukamishe mwiilu mwi bula, bamuhele eshina dikile angi mashina oso’shi, kwishina dia Yesu manwi oso akuname, su ngā’mwa mwiilu, su ngā hano hashi, su ngā mushi mwa hashi, eshi, ndjimi yoso ayikakumina’shi, Yesu Kidisitu nyi Nfumwetu, mpaa na ku ntumbo y’Efile Mukulu Yaiya. Binyibiabia anwe bakuminyibwe bande, anka mwanubakokyelele mafuku oso, kushi anka bu handji nenu, ooo, anka binobino nukishekishe’ko ha nshī kwanka, nukumbashe kihandjilo kienu na moo, na kususa; Mwanda nyi Efile Mukulu anyishā munda mwenu bianudia kukyeba’o na kukita abikyebe eshimba die dibuwa. Kitai bintu bioso kushī myunūno na mpaka; eshi, nwikale bashībatohekwe na bafukame, ta mbana b’Efile Mukulu, bashī balemane munkatshi mwa kifuko ki bikonyobikonyo na kia kufutakasha, nyi mwanumunyikā’nwe bu bimunyi munkatshi mwa bahanohansenga; (na) kutambika mwanda wa muwa, ami’shi, ’mone biandjia kusehela mwifuku dia Kidisitu’shi, nkimukame lubilo lwa bisumanga, sunga nkutuhwita mifubo ya bisumanga. Ee, su nankalambulwa ha kitahilo na ha mifubo ya lukumino lwenu, (biabia) nasehela, na kusehela’nyi n’anwe boso, Nyi mpa winyi uno mwanda namu anusehela, na kusehela n’ami. Anka nakuluhila mu Nfumwetu Yesu ahakakidi kihindji kihela nankenutumina Temote’shi, biandjia kukekala namu musambibwe bibuwa, hankashingula nyikashi yenu. Mwanda nki na mungi muntu e n’eshimba hamunenka bu die, diakukabambasha nyikashi yenu binyibinyi. Mwanda boso abakimbā’nka biabo abo bana bene, tambia Kidisitu Yesu, ooo. Anka’nwe anwiuku kishisho kie’shi, e bu mwana na nshye, bafubile n’ami mu mukāndu-wibuwa bu mpika. Binyibiabia ahayisha kihindji kihela, natengyela kumutuma, hoso hankamono mwaukayila n’ami. Anka nakuluhila mu Nfumwetu’shi, ami na mwinyi namu nankafiki ahakayisha kihindji kihela. Anka natentekyeshanga mwaudi uyile biakwinutumina Ehafoloditusa, mukwetu na mufubi nami musalai, anka mutumibw’enu banfubilangamu’bia nadi n’abio lukalo. Mwanda e badi enukyebela bikata, badi n’eshimba dibushito ha mwanda nubahushishe’shi, bakumbile busungu. Mwanda badi na busungu binyibinyi hehi na lufu, anka Efile Mukulu bamufwidile lusa; tañanka hadi e, ooo, ñanka handji n’ami namu, tala nankamona kufwambuka hanundu ha kufwambuka. Biabia namutumine mukishikishe kusasakata’shi, hanukamumono dimonyi, anukeuku kusehela, n’ami namu tankakamba kufwambuka. Binyibiabia numutambule mu Nfumwetu na tuseho toso, na kunemeka bantu be bino: Ha mwanda wa mufubo wa Kidisitu badi hehi na lufu, tamutale ku muwa we, mwanda wa kukumbasha lulobelo lwa mufubo wenu kwandji’mi. Kunfudilo, (anwe) bakwetu sehelai mwi Nfumwetu. Kufunda myanda yihamune kwanudi, kwandji’mi tayi bushito binyibinyi, anka kwanudi ngikumbane. Dimukai mbwa, dimukai bakitshi ba bubi, dimukai bakwilamuna. Mwanda’twe twi ba kisale abalangwilā Efile Mukulu mu Kikudi (E-Selelee,) na kwilungwila mu Kidisitu Yesu, tatukuluhiiā mu bia mbidi. Sunganyi biandjia kukuluhila mu bia mbidi; su mungi (muntu) ahwandjikisha’shi, nyi na bia kukuluhila mu bia mbidi, aminemukile’bio. (Nyi) musadibwe h’efuku dia mwanda, a ku mulongo wa Isalele, a ku kisaka kia Bendjamina: Mwina Hebelu a munkatshi mwa Bena Hebelu; mwiyile mukanda-wa-bishila nyi Mufadiseo; ha mwanda wa kinsukunsuku nabingabinga kikoñeno ki’Efile; mwiyile kululama kw’eshimba kwi mu mukanda-wa-bishila, nadi shī mutohekwe. Ank’abia bintu bibadi bu biandjia kudila’mi, abio binyi nebihwandjikisha bu bia bisumanga ha mwanda wa Kidisitu. Ee, binyibinyi nahwandjikisha bintu bioso bu bia bisumanga ha mwanda wa buwa būkishakishe bwa kiukilo kia Kidisitu Yesu Nfumami; ha mwanda we nakutshidilwa bintu bioso, nebihwandjikisha namu (anka) bu bitshianyi’shi, nkamone Kidisitu, na kuhetshibwa mwadi e, kushī na kululama kw’eshimba kwande ku na mwinyi, kwa mu mukanda-wa-bishila, anka ako kwinyi nyi nkwa ku lukumino lwa Kidisitu, nyi kwinyi kululama kw’eshimba kwa kw’Efile-Mukulu ku lukumino. Ami’shi, mwiūkye, na bukome bwa lusangukilo lwe, na kihwano kia kufwambuka kwe, hakuhwandjikishibwa ku lufu lwe. (Ami shi,) su mpa kinyi su mpa kinyi, nankasañana na ku lusangukilo lwa bafwe. Tankwamba’shi, tampwanga kutambula, sunga nkukumbashidila, ooo, anka nakusulā kutambuka, su nankakwata’kia kianankwatshidilwe namu kwi Kidisitu Yesu. Anwe bakwetu tampwandjikisha’mi na mwinyi’shi, nahu kukwatshidila, ooo; anka kino kintu kimune kiankitā, nailwā abia bintu bia kumongo, na kwilomba kwi’bia bintu bia ku mpala, Netakulā ku kitundwilo kia bwedi bwa lwitamino lwa’mwa mwiilu mw’Efile Mukulu mu Kidisitu Yesu. Binyibiabia atwe boso bakumbane twikale n’eshimba di biabia; na su mu kintu kinyi su mu kintu kinyi nwi na ding’eshimba, Efile Mukula akenufumbwila kinyi kintu namu. Dimonyi, anka henyi hatuhu kufika, tutambukye belongye ku lwinyi lutshi hamune, tunangushene kinyi kintu kimunenka. Anwe bakwetu nwikale balondji hamune bu’mi, nutale’bo abatambuka biabia, mwa nwi n’etu bu kihwandjikisho. Mwanda be bungi abatambuka, banenulungwile misusa na misusa, na binobino nenulungula na mpolo’shi, (abo be) beshikwanyi ba nkulusu ya Kidisitu; Nfudilo yabo nkulwishibwa, efile abo nyī’fu (diabo,) na ntumbo yabo yi mu būfu bwabo, basha eshimba ’nka dia bintu bia hanohashi. Mwanda bwina-kibalo bwetu bwi mwiilu; nyi kwatwindjilā winyi Muhashi, Nfumwetu Yesu Kidisitu. E akālula mbidi yetu ya būfu’shi, yikale yihwandiikile hamune na mbidi ye ya ntumbo, mwiyile kufuba kwao euku kukokyesha bintu bioso kwadi e na mwinyi. Binyibiabia anwe bakwetu bakifulo n’abadibibwa, muloo wande, na kilongo kiande kia mōbeshi, nukankamanei mu Nfumwetu anwe bakifulo. Nasendela Eudiasa na Shyntyike namu hamune, ami’shi, bekale n’eshimba hamune mwi Nfumwetu. Nakusendel’obe namu mukwetu a mu kikumbo kimune’shi, okwashie aba bana bakashi abafubile n’ami mu mukāndu-wibuwa, na Kelementa namu, na bakwabo bafubi n’ami, be na mashina’bo mu mukanda wa muwa. Sehelai mwi Nfumwetu mafuku oso, dimonyi n’akula’shi: Sehelai. Kahuñanyi kenu keukibwe kwi bantu boso. Tanwikalanga na kukalakala su nkwa kinyi su nkwa kinyi, anka mu bintu bioso mu nteko na mu kwiyayila na mu lutumbu, nteko yenu yiukibwe kw’Efile Mukulu. Biabia kufukama kw’Efile Mukulu akukilā binangu bioso, akukalama mashimba na binangu bienu mu Kidisitu Yesu. Kunfudilo, (anwe) bakwetu abia bintu bioso mbia binyibinyi bioso binemekwe kinemo, bioso bilulame, bioso biselelee, bioso bilumbulukye, bioso bitumbishibwe bibuwa, su kwi buwa bukambe, su kwi ntumbo, nangushenai yino myanda. Yinyi myanda yianwibāmbule na yianubatambwile, na yianubahushishe, na yianubahu kumona mwimi, kitai’yo, biabia Efile Mukulu a kufukama akekala n’enu. Anka nasehelele bikata mwi Nfumwetu ’shi, binobino kunfudilo lubasu lwenu ha mwanda wande lubabasuka dimonyi; nyi mwinyi mwa nubadi na kunangushena, anka nubakutshilwe mwanudia kukitshina. Tafiakul’ami ha mwanda wa lukalo, ooo, mwanda tampwile kwambula’shi, mu mwikelo wande woso, su mu kinyi su mu kinyi, nyi na muloo. Nemūbile kufukulwa, nemūbile namu’nyi kufwimishwa. Kosokoso na mu bioso nyi mulambukishwe na mwakwīkwita, na mwakuhushisha nsala, na mwakufwimishwa, na mwakukutshilwa’bio. Nyi na bukome bwa kukita bintu bioso kwi winyi mumpebo, nyi Kidisitu. Anka nubakitshine bibuwa hakulombana nami mu bishiotshi biande. A biabia anwe bena Fidihai anwiuku namu’shi, kumbangilo kwa mukāndu-wibuwa, hankatukile ku Masedonya, takubadi kikoñeno ki’Efile kilombane n’ami mu mwanda wa kuhana na kutambula, ank’anwē’ba. Mwanda mwinyi mu Tesalonyika mwanubantumīne binadi n’abio lukalo, kukila mususa umune. Tamwanda wa kwamba’shi, nankyebe buntu, ooo; anka nankyebe kikuba kikenufwimishe ha mwanda wenu. Anka’mi nemukumbashe bioso mpaa na kufwima; nemwikute binatambwile kwi Ehafolodetusa bintu bibafikile kwanudi, bī’shiko bi mahembwe alumbulukye, bla kukuhula mashimba bikuminyibwa (bimoo,) biakusehesh’eshimba di’Efile Mukulu. Anka Efile Mukulu ande akenuha bioso bia nwi n’abio lukalo, mulombene buheta bwe bwa ntumbo mu Kidisitu Yesu. Binyibiabia kw’Efile Mukulu etu na Yaiy’etu, ntumbo yikale kwadi mpaa na ikala-ika. Amena. Nyimwinei balamunwe bakishila boso mu Kidisitu Yesu. Bakwetu bandji n’abo abenwimuna. Balamunwebakishila boso abenwimuna (namu,) n’abo ba mu nshibo ya Kesala abakishakisha (kwinwimuna.) Bumuntu bwa Nfumwetu Yesu Kidisitu bwikale n’anwe boso. Amena. Paulu mutumibwa a Yesu Kidisitu mwamukyebelā eshimba di’Efile Mukulu, na Temote mukwetu: kwi bala-munwe-bakishila, na bakwetu ba kishima mu Kidisitu be mu Kolose; bu-muntu bwikale n’enu, na kufukama kw’Efile Mukulu Nshyetu, na kwi nfumwetu Yesu Kidisitu. Atutumbulā Efile-Mukulu, Yaiyaa Nfumwetu Yesu Kidisitu, atwinutekyela mafukuoso, kasha tubahushishe (mukāndu) wa lukumino lwenu mu Kidisitu Yesu, na wa kifulo (kianudi n’akio) kwi balamunwe-bakishila boso, ha mwanda wa lutengyelo lubenubikilwe mwiilu, lwanubahushishe kalā mu mwanda wa biabinyibinyi bia mukāndu-wibuwa; ubafikile kwanudi anka mwaubafikīle kosokoso hanohansenga, na kuha bikuba abienda abifwimanga, anka mulombene mwanudi’nwe, mpaa na ha dinyi efuku dianubahushishe’o, na kushingula biya bu-muntu bw’Efile Mukulu mu biabinyibinyi. Mwanubāmbwile namu kwi Ehafalasa mukwetu mpika a kifulo, winyi e kwanudi nyi mufubi a kishima a Kidisitu; n’e winyi betulungwile kifulo kienukia mu Kikudi-E-Selelee. Nyi mpa uno mwanda atwe namu, kasha diadi’efuka diatubahushishe’o, tatulekā kwinutekyela na kukyeba’shi, nuushibwe na kiukilo kioso mukyebela eshimba die mu kalolo koso na lushingulo lwa Kikudi, na kutambuka muhwandjikile Nfumwetu mpaa na kusehela koso kw’eshimba, bianudia kuha bikuba bia mu mifubo yoso yilumbulukye, na kwenda akukulanga mpaa na ku kushingula koso kw’Efile Mukulu; na kunyishibwa mu ntshitshiba yoso, mulombene bukome bwa ntumbo ye, ku lwishinko loso na kahuñanyi k’eshimba ke na tuseho. Nutumbule Yaiya, betuhwandjikishe’twe kwikala mu lwabano lwa buhyanyi bwa balamunwe-bakishila mwitata; betumañunwine ku matalwa a mufito, etutundulwila namu mbufumu bwa Mwana a kit’ulo kie. Mwadi e nyi mwatubamwena kikudilo, ta nkulekyelwa kwa milwisho, E nkyebukilo y’Efile Mukulu shyamonyibwa, mbedi a bihangibwe bioso. Mwanda kwadi e bintu bioso bi mwiilu bibahangilwe, n’abi hano ha nsenga, abimwekibwa na bishyabimwekibwā, sunga mpun’a nsulu (ya bufumu,) sunga butontshi, sunga mafumu a ba I’Etat, sunga bamatalwa, biosobioso bibahangilwe kwadi e, na ha mwanda we. E winyi nyi a kwibedi kwa bintu bioso, na kwadi e bintu bioso bi kwanka. E namu nyi mutwe wa mbidi, ta nkikoñeno ki’Efile: e winyi nyi nkibangilo, nyi mubedi’nyi a (lusangukilo) lwa bafwe’shi; mu bintu bioso ekale na kukididila’mo bikata. Mwanda ubatosheshe Yaiya mwishimba’shi biushibwe bioso bikale mwadi e; na habahwile kwikasha kufukama kwa mase a nkulusu ye, nyi anka hadie, nyihakulombēsha bintu bioso kwadi e na mwinyi; nākula’mi’shi, nyi anka kwadie, sunga mbintu bia hano lia nsenga, sunga mbintu bi mwiilu. Anwe kala nubadi batuhishene na kumushikwanyi mu binangu bienu ku bikitshino bi bubi, anka binobino e benulombasha, mu mbidi ye ya bu muntu, ku lufu, kwinulubula balamunwebakishila, na bashī batohekwe na bashī na bilema ku mpala kwe. Su anwiyididila mu lukumino lubangibwe na lushimatshishibwe, tanukakashibwa namu ku lutengyelo lwa mukāndu-wibuwa wanubahushīshe, na ubalungwilwe ku bihangibwe bioso bi mushi mweilu, nyi anka ha winyī’uo nakitshinwe tandji mufubi. Binobino nasehelā mu bia kufwambuka biande ha mwande wenu, na kunkumbesha biandji mulobeshe bia malwa a Kidisitu mu mbidi yande ha mwanda wa mbidi ye, yinyī’o nyi kikoñeno ki ’Efile. Anka ha kinyiī’kio nyi mwikashwe mufubi, mulombene lulumbulwilo lw’Efile Mukulu lubampelwe ha mwanda wenu, kukumbasha mwanda w’Efile-Mukulu; (nyi) kifibwe kibadi kifwame ku bihangilo na ku bihungilo, anka binobino kibafumbwilwa kwi balamunwe be ba kishila. Kwabadi’bo nkubatokyel’eshimba di’Efile Mukulu kwiukisha’kio ki buheta bwa ntumbo bwa kino kifībwe munkatshi mwa Badjentaila, nyi Kidisitu mwi’nwe, lwinyi lutengyelo lwa ntumbo. Nyi atulungwila, na kudimuna na kulambukisha muntu oso mu binangu bioso; biatudia kulubwila muntu ese mukumbane mu Kidisitu Yesu. Nyi henyi hantuhwita mufubo, na kunyisha mulombena mufubo we, n’au winyi aufubisha munda mwande na ntshitshiba yimoo. Mwanda nankyebe’nwe nwiukye mwa ndwilā ngoshi bikata ha mwanda wenu, na ha mwanda wa’ba be ku Laodesea, na he ba abafwime boso bashyamwene mpala ya mbidi yande; ami’shi, mashimb’abo asengibwe, na kwiluñena hamune mu kifulo, mpaa na ku mono yoso ya lushingulwilo lukumbane lwa nangunangu, mpaa na ku kiukilo kikumbane kia kifībwe ki’Efile-Mukulu, na kia Yaiya na Kidisitu. Mwadi e bia binemo bioso bia kalolo na kiukilo mbifībwe. N’au’o uno wañakula’shi, tala su nanyi su nanyi akenudimbi na mīsambo ya kōngola. Mwanda sunga nki munkatshi mwenu mu bia mbidi, anka nyi n’enu mu kikudi, nkwete kusehela na kutala nyikashi yenu, na kunyiñamana kwa lukumino lwenu mu Kidisitu. Binyibiabia anka mwanubatambwidile Kidisitu Yesu Nfumwetu, tambukilai mwadi e, nushikye mishi na kukūla mwadi e, na kukankamena mu lukumino, anka mwanubalambukishwe na kukishakisha kufwima mwanka na lutumbu. Dimukai tala su nanyi su nanyi akenulwisha na mīsambo ya binangu bimoo na ya kudimba kwa bisumanga, mwiyile kwilondeshena kwa mīsambo ya bantu, na ya bileshesho bia hanohansenga, mushī mwiyile Kidisitu, ooo. Mwanda kikumbana kioso kia bw’Efile-Mukulu a mbidi yishima akibombelā mwadi e. N’anwe (namu) nwibakumbane mwadi e, e winyi nyi mutwe wa bumankinda boso na matalwa. Mwadi e namu nwibasalwe kisale, (akio) kishīkikitshibwe na māsa, (nyi) kia kufūla mbidi ya milwisho ya bu muntu mu kisale kia Kidisitu. Nubashīkilwe n’e mu lubatshisho, mu lwinyi’lo namu nwibasangulwe hamune n’ē ha lukumino lwa kikitshibwe ki’Efile Mukulu, bamubushishe ku lufu. Anwe namu bianwibekule mu milwisho na kushīkusalwa kwa mbidi (yenu,) e benusangwile hamune n’ē, bahwile (namu) kwinulekyela kusola kwa myanda koso. Bashimangishē’kia kifundwe kia milangilo yibadi yituhishene n’etu, eyikashidila, eyikokwela ha mutshi uhingishene (we.) Na habahwile kushinda bumankinda na matalwa, bebimwekeshe hatoka, bebitshomwe ne hanka. Binyibiabia tanukuminanga (bantu) kwinutshibila kimu ha mwanda wa bidibwa, sunga mpa mwanda wa biakutoma, sunga mpa mwanda w’efuku dia bidibwa biakusehela, sunga mpa mwanda wa mweshi uhya, sunga mp’efuku dia Sabado; Abio nyi mwesheshi wa bintu abikafiki; anka mbidi nyi ngia Kidisitu. Tanukuminanga muntu, sunga ngumune kwinunyenga bwedi bwenu, ku kwihelesha kwa kuladila na lulangwilo lwa bamwikeilu, kwete kwihatshika mū ’ya myanda yiashī mumone, na kwitatula kwa bisumanga kwa ku nangunangu ya ku mbidi. (E,) tamunyinge kwikala na (Kidisitu) mutwe (wa mbidi,) kwaudi mbidi yishima ku binyingwa na mishila, bihebwe bikushisho, na bilukibwe hamune, tabiend’ābikulanga na kukushibwa kw’Efile Mukulu. Binyibiabia su nubafwile na Kidisitu ku bilesheso bia hanohansenga, a nkinyi kianukokyeshwa ku milangilo hamune bu anutala hanohansenga? (tanuatanga), tanutompanga na mu kanwa; tanukumanga; Abio bioso abikashimangishwa mu kukitshishwa; mwiyile milangilo na ndambukisho ya bantu? Binyi bino bintu bi na kileshesho kia binangu mu lulangwilo lwa mukyebel’eshimba, na mu kwihelesha, na kuhasha kukata kwa mbidi, kushī mu kinemo, sunga nkihela; mpaa na kukwikuta kwa bia mbidi. Binyibiabia su nwibabushwe na Kidisitu, nwikal’anukyebe bintu bi mwiilu, nyi mushāle Kidisitu ku mboko yibalume y’Efile Mukulu. Tulai mashimb’enu ku bintu bi mwiilu, kushī ku bintu bi hanohansenga. Mwanda’nwe nwi bafwe, na muwa wenu ngufībwe na Kidisitu mw’Efile Mukulu. Ahakamweka Kidisitu e nyi muwa wetu, twambengye anwe namu anukamweka n’e mu ntumbo. Biabia nwihei bia ku mbidi yenu bia hanohansenga; kukyebanakyebana, biko bi’eshimba, kifulo kia myanda yibūfu, kusuasua kwa yibubi, malaka namu, nyi anka lulangwilo lwa mankishi. Ha yino myanda nyi habafikila nsungu y’Efile Mukulu ha bana babasha bukolwa. Nyi mwanubatambukile namu kala hanubadi anukitshī’yi myanda. Anka binobino anwe namu hulai (yino) yoso; kufunafuna, bukyelo, bubi, kukāna mulomo, mīsambo ya būfu mu kanwa mwenu. Tanwidimbenanga, mwanda nubahu kuhula winyi muntu a kala na bikitshino bie; nubahu namu kufwala (muntu) muhya, winyi musangudibwe muhya mu kiukilo kikumbane mwiyile kihwandjikisho ki’awa bamuhangile: amo tamwi sunga mu’ba Ngidiki sunga mu bwina Yuda, sunga mukisale, sunga mushī mukisale, sunga musendji, sunga mwina Syteana, sunga mbuhika sunga mu buana, anka Kidisitu e nyi’mbioso na mu biosobioso. Binyibiabia fwalai hamune bu basangudibwe b’Efile Mukulu, balamunwe-be-kishila na bafudibwe, (fwalai) eshimba dia lusa, kasendeleshi kwihelesha kw’eshimba, kuhohela, lwishinko; kwihuñanyishena, na kwilekyeshena. Su (muntu) e na kimu kwi mungi, anka hamune bu mubenulekyele Kidisitu, anwe namu nukite. Kunundu kwa bintu bioso (nwikale) na kifulo, akio nyi mwanyo wa kikumbesho ki’eshimba. Kufukama kwa Kidisitu kwinumune ’mashitnb’enu, nyi kwanubaitanyinwe mu mbidi yimune, nwikale namu na lutumbo. (Bibuwai) Mwanda wa Kidisitu ubombele mwanudi bikata mu binangu bioso, kwilambukishena na kwilañena mu ñono ya milangwilo na ñono (yingi) ya Kikudi-E-Selelee, nuyimbi na bumuntu mu mashimb’enu kwi Nfumwetu. Bioso bianukitshi su mwīsambo su mu bikitshino, nukite bioso mwishina dia Nfumwetu Yesu, na kutumbula Efile Mukulu Yaiya hadi e. Anwe bakashi nwikale kukokyela balunda benu, mwaudi ulombene mwi Nfumwetu. (Anwe) balume, nwikala na bakashi benu kifulo, tanwikalanga n’abo būlo. (Anwe) bana, nwikale kukokyela banambutwile benu mu bintu bioso, mwanda uno nyi ngwa kutosh’eshimba dia Nfumwetu. (Anwe) bayaiya, tanukolomonanga bana benu, tala bekala bōñame. (Anwe) bahika (namu) nwikale kukokyela banfumwenu mu bintu bioso mwiyile bia mbidi, kushī kufubila’nka ku meso kwabo, hamune bwabakyebe kutosha mashimb’a bantu, ooo, anka (kufuba) n’eshimba dimune dia kutshina Nfumwetu. Mu bioso bianukitshi nukite’bio n’eshimba dishima anka hamune’nka bu kwi Nfumwetu, kushī bu kwi bantu ooo. Hakwiuka’shi, anka kwi Nfumwetu nyi kwanukatambula bwedi bwa buhyanyi; mwanda’nwe anufubila Nfumwetu Kidisitu na lunfubila. Anka e ashūla kishila akatambula ha mwanda wa kushūla kwe kwabakitshine, mwanda takwi ūshi nyi’u, ooo. (Anwe) banfumu (namu) nuhe bahika benu akia kilulame na kilombane; hakwiuka’shi anwe namu nwi na Nfumu mwiilu. Nwikadidile na luteko, nudimukye mu lwinyi’lo na lutumbu; henyi hanutekye nwitutekyele namu’shi. Efile Mukulu etushitwile kibi kia kiakulwe, kia kwakula mwanda ufībwe wa Kidisitu, nyi mpa uno’u nyi mu nkano: Eshi, neuhatule mwa udi umpwandjikile kwiulungula. Tambukai mu binangu kwabadi’bo be hasha, bia kumona mw’a kwikēla mu bihwa. Mīsambo yenu yikale ya bumuntu, yitwe na mungwa, eshi, nwiukye mwakidi kinulombene kwalula ku muntu ku muntu. Tyikikuse mukwetu a kifulo na mufubi mushimate, mukwetu a mu buhika mu Nfumwetu, akenwiukisha nyikashi yande yoso. Winyi e nyi a nenutumina ha uno mwanda mwadia kwiukila mwikelo wenu, na kusenga mashimb’enu; hamune na Onesemuse, mukwetu mushimate n’a kifulo a kwa kwa kwenu. Abakenuukisha myanda yoso (yikitshibwe) kuno. Alesatakusa mukwetu mushitshikwe n’ami e nwimuna, na Mako mukwabo na Banabasa (kwinyi kwanubatambwile myanda ya milayilo’shi; Su afiki kwanudi numukukile). Na Yesu, winyi atemunwa bu Yusetuse, abo mba ku basalwe. Ank’abo benyi mbena mufubo n’ami mu bufumu bw’Efile Mukulu, abo benyi nyi babadi abansengye. Ehafalasa a kwa kwenu, e nyi mpika a Kidisitu e nwimuna, mafuku oso atuhwita bimoo kwinutekyela’shi, nwimane bakumbane mu bia bikyebe’shimba di’Efile Mukulu. Mwanda netemuna bu kamonyi ke’shi, e na kinsukunsuku kikata ha mwanda wenu, na kwi’ba be mu Laodesea, na kwi’ba mu Hielapodise. Luka, winyi ftangabuka na Demasa abenwimuna. Nyimwinei bakwetu (ba mu Kidisitu) be mu Laodesea, na Nymfasa, na kikoñeno ki’Efile ki mu nshibo mwe. Hakubalwa uno mukanda munkatshi mwenu, nwiubadishe namu mu kikoñeno ki’Efile kia Bena Laodesea; nubale uno mukanda hamunenka aufu ku Laodesea. Nuakule kwi Akehusa’shi: Odimukye ku mufubo wobotambwile mu Nfumwetu, weukumbashe. Lwimu lwa kwiasa diande ami Paulu. Nutentekyeshe nkano yande. Bu-muntu bw’Efile bwikale n’enu. Amena. Paulu na Shilefenuse na Temote, ku kikoñeno ki’Efile kia Bena Tesalonika ki mw’Efile Mukulu Yaiya na mwi Nfumwetu Yesu Kidisitu: Bu-muntu bw’Efile bwikale kwanudi, na kufukama, kw’Efile Mukulu Yaiy’etu, na kwi Nfumwetu Yesu Kidisitu. Atutumbul’Efile Mukulu mafuku oso ha mwanda w’anwe boso; atunutemuna mu nteko yetu. Atunangushena mufubo wa lukumino lwenu anka bukyelebukyele na mufubo wenu wa kifulo, na lutengyelo lwiididile lwa Nfumwetu Yesu Kidisitu ku mpala kw’Efile-Mukulu Yaiy’etu. Hakwiuka bakwetu ba kifulo kusangulwa kwenu kwa kw’Efile Mukulu. Mwanda mukāndu-wibuwa wetu taubafikile kwanudi mu bishima bia bisumanga, ooo, anka mu bukome namu, bwinyi bwa Kikudi-E-Selelee, na mu kukankamikibwa kwi moo; mwanda anwiuku mwa tubadi bekele munkatshi mwenu ha mwanda wenu. N’anwe nubafikile nwaluluka bu balondji bā’twe, na ba Nfumwetu, ha kuhwa kutambula Mwanda (w’Efile) mu malwa akata, na muloo wa Kikudi-E-Selelee. Biabia nubāluluki kihwandjikisho kwi boso bakumine mu Masedonya na mu Akaya. Mwanda kwanudi kubēlwe musase wa Mwanda wa Nfumwetu, tañanka ku Masedonya na ku Akaya ooo, anka na mu mpese yoso lukumino lwenu lwa kw’Efile-Mukulu lubahalakene; biabia atwe tatwi na mwanda kwakula kintu. Mwanda’bo bana bene abetwisambila mubadi mwikele nyikashi yetu ha kutwela (kwakwa) kwanudi, na mwa nubafutalele mankishi, nwalulukila kw’Efile Mukulu na kumufubila, E, Efile-Mukulu atala, n’a binyibinyi: na kutengyela (kufika) kwa Mwan’e mwiilu, winyi basangukile ku lufu, (nyi) Yesu betulamunwine ku bukyelo bwanakafikye. Mwanda’nwe’bana bene, bakwetu, anwiuku kutwela kwatubatwēle kwanudi’shi, takubadi kwa bisuntanga, ooo. Anka hatubahwile kufwambuka kwibedi, na kumweshibwa biabūfu, anka bu mwa nwiukila ku Fidihai, tubakankamene mw’Efile Mukulu kwinulungula mukāndu-wibuwa w’Efile Mukulu n’efita dimoo. Mwanda elango dietu tadibadi dia bwakulākule, ooo, sunga ndjia bufundakanyi, sunga mu bulamalama: anka mwatubakuminyinwe kw’Efile Mukulu kwikala bakuluhilwe na mukāndu-wibuwa, n’ao winyi watwisamba; tatwi bu basangashi ba (mashimb’a) bantu, anka di’Efile-Mukulu, e winyi nyi atompa mashimb’etu. Mwanda sunga ku kihindji kinyi, sunga ku kihindji kinyi, twibasananwe na myanda ya mukanyo wa bisumanga, ooo, anka wanwiuku’nwe, sunga bu mputo ya kuhuta n’ayo malaka: Efile Mukulu nkamonyi; sunga nkukimba ntumbo kwi bantu, sunga nkwanudi’nwe, sunga nkwi bangi, ooo, n’aho henyi hatwibeukye kunemenwa na bushito bu batumibwa ba Kidisitu. Anka tubadi na kasendeleshi munkatshi mwenu bu muledi alela bana be: nyi henyi tubenwabidile na kifulo, tubakuminyine kwinuha ta ñanka mukāndu-wibuwa ank’ao, anka muwa wetu namu, mwanda nubadi bālulukye bakuminyibwe n’atwe bikata, Bakwetu, anunangushenā mifubo na kutuhwita kwetu: mwanda tubadi atwinulungula mukāndu-wibuwa w’Efile Mukulu, na kufuba kanya na bufuku, tala twanemesha bushito kwanudi sunga nkwi umune. Anwe nwi tumonyi (twetu) n’Efile Mukulu namu (hamune,) mwatubaikadile’twe bana bene bu balamunwe-bakishila, na mwatubalulamine na kushī kutohekwa munkatshi mwa’nwe bakumine, anka hamune nwibahwe kushingula biatubenulangile na kusenga na kukayika ese’ēnu bu nshye bana na bana be; eshi, nutambukile muhwandjikile kw’Efile Mukulu, benwitanyine ku bufumu bwe na ntumbo. Nyi mpa uno mwanda namu atutumbula Efile-Mukulu kushī mpwilo, mwanda’shi, hanubatambwile Mwanda w’Efile Mukulu wanubahushishe kwatudi’twe, nubeutambwile ushī bu mwanda wa bantu, ooo, anka bu biaudi binyibinyi Mwanda w’Efile Mukulu, ñanka’o aufubā unyiñamane namu mwanudi’nwe bakumine. Mwanda’nwe bakwetu nubālulu-kile tanudi balondji ba bikoñeno-bi’Efile Mukulu bia mu Yudea bi mu Kidisitu Yesu; mwanda anwe namu nubafwambukile ku bintu bimune kwi bakwenu b’anwe ba na mwinyi, anka bu mwabafwambukile namu’bo kwi Bayudea: Benyi abaihaile Nfumwetu Yesu na batemuki, b’abo ba na bene, na kwitubingā’twe; biabia tambasehesh’eshimba di’Efile Mukulu, abetuhishenā na bantu boso: abetulekyesha kwisamba na Badjentaila’shi, bahande, biabia nyi kuusha (kihimo) kia milwisho yabo mafuku oso; anka k’obola (kw’Efile) kubafiki kwabadi mpaa na kunfudidilo. Anka’twe bakwetu biatubālamunwa kwanudi kihindji kihi, mu mbidi, kushi kwishimba, tubatompele bikata kuki shakisha kumona nkyebo yenu na kukyeba kukata. Binyibiabia tubakyebele na kufika kwanudi, (ñanka’mi Paulu) dimo na dimonyi; anka Satana betuba mbile, Mwanda lukuluhilo lwetu, sunga muloo, sunga kilongo kia bōbeshi bwetu bi na minyi? Tananwe kumpalakwa Nfumwetu Yesu Kidisitu ha kufika kwe su? Mwanda’nwe nwi ntumbo na muloo bietu. Binyibiabia hatubakutshilwe mwa kutalesh’mashimba, tubatentekyeshe’shi, bibuwa tulekibwe buhenka mu Atene; biabia tubatumine Temote mukwetu mufubi mulungudi-Efile, mufubi n’etu mu mukāndu-wibuwa wa Kidisitu, kwinukankamisha, na kwinusenga (mashimba) ha mwanda wa lukuntino lwenu: tala muntu su nanyi su nanyi akasanyishwa ku bino bishiotshi: mwanda’nwe ba na bene nwibahwe kwiuka’shi, twibasangwilwe bianka. Mwanda binyibinyi hatubadi n’enu, tubenulungwile kwibedi’shi, tatudi hehi na kumona bishiotshi, anka mwabibamwekyele, anwiuku. Nyi mpa uno mwanda namu hanakutshilwe mwa kutalesh’eshimba, natumine’shi, ñūkye lukumino lwenu, mwanda’shi, tala winyi mutompi tabenutompele, na mifubo yetu tayibahwile kwikala bu bisumanga. Anka hatahabafikile Temote kwanudi na kwatudi, etufishisha nkumo yibuwa ya lukumino lwenu na kifulo, na bianwitutentekyesha biya mafuku oso, na kudila bikata’shi: Twibamone, n’atwe namu anka hamuue kwanudi’nwe. Binyibiabia anwe bakwetu, tubadi basengībwe ’mashimba ha mwanda wenu, mu malwa na bishiotshi bietu ku lukumino lwenu. Mwanda binobino, kwatudi’twe, nyi nkuhasuka mu muwa su nwibakankamahe mu Nfumwetu. Atukatumbula dimonyi naminyi kw’Efile Mukulu ha mwanda wenu, ha mwanda wa muloo woso watudi n’ao ha mwanda wenu ku mpala kw’Efile Mukulu; bufuku na kanya atukishakisha kuteka’shi, tumone nkyebo yenu na biatudia kukumbasha’kia kibalobela mu lukumino lwenu? Binobino Efile Mukulu na mwinyi, Yaiy’etu na Nfumwetu Yesu etulesh’eshinda dietu dia kwanudi. Anka Nfumwetu enwikashe anwend’anufw’imanga mu kwitomeshena kifulo, na kwi (bantu) boso, anka hamune mwatukitshina’twe kwanudi’nwe. Ha mwanda wa kwinukankamisha mashimb’enu (ekala) ashī atohekwe mu kulamunwa-kukishila ku mpala kw’Efile Mukulu, winyi Yaiya, hakufika kwa Nfumwetu Yesu hamune na boso be balamunwe-bakishila. Kunfudilo anwe bakwetu, atwinusendela, na kwinulanga mwi Nfumwetu Yesu’shi, mwanubatambwile kwatudi mwaudi uhwandjikile’nwe kutambuka, na kusehesh’eshimba di’Efile Mukulu, nyi anka mwanudia kukishakisha. Mwanda’nwe anwiuku mwatubenukayikile kwi Nfumwetu Yesu. Mwanda uno’u nyi a ukyebe eshimba di’Efile Mukulu, tankulamunwa kwenu selelee’shi, nushile bukyebekyebe; eshi, anwe boso ku muntu na muntu, eukye mwa kwikela na mwina kwe mu kulamunwa-kwiselelee, na kinemo; kushī mu lwabi lwa kusuasua kwa yibubi hamune na Badjentaila bashyabeuku Efile Mukulu; eshi, muntu sunga ngumune mukile na kudimba mukwabo mu mwanda, ooo, mwanda Nfumwetu e mwobodi a bano’ba, anka mwatubenudimwinyine kwibedi na kwinulungula. Mwanda Efile Mukulu tamwitwitanyine ku bia kushulakwa-bishila, ooo, anka ku bia kulamunwa kwa kishila. Binyibiabia yawa akutuna, tamutune muntu, ooo, anka Efile Mukulu, betuhele namu Kikudi-E-Selelee e. Anka ha mwanda wa kifulo kia kwi bakwenu, nki na lukalo lwa kwinufundjila’nyi kianka; mwanda’nwe bana bene nwibahwe kulambuki shwa n’Efile Mukulu kwitomeshena kifulo; na binyibinyi anukitshi biabia kwi bakwetu boso be mu Masedonya moso; anka’twe atwinusendela’nwe bakwetu’shi: nukishekishe kukula (mu’kio). Anka nwīye kwikala nyā, na kukita mifubo y’anwe bana bene, na kufuba na maas’enu anka bu mwatubenukayikile; eshi, nutambukile bihwandjikile kwi’ba be hasha’shi, bia nushyakulobesha kintu. Anka tatukyebe’nwe kwikala bahatamine ha mwanda bo wa’ balale tulo (twa lufu’) shi, tanufwambukanga hamune bu bangi bashī na lutengyelo, ooo. Mwanda su atukumina’shi, Yesu bafwile, asanguka dimo, nyi anka biabia na mu kwi’ba bahone mu tulo (twa lufu) mu Yesu, Efile Mukulu akebafisha hamune n’e (na mwinyi.) Mwanda unou nyi watwinulungula kwiyi dia Nfumwetu’shi, atwe abatala, bashale mpaa na kufika kwa Nfumwetu, tatukebabadidila sunga mpahela henyi abo abalele mu tulo (twa lufu,) ooo. Mwanda Nfumwetu na mwinyi akayiki mwiilu na musase, n’eyi dia mwikeilu mukile ben’e bukata, na mōno wa mpungi y’Efile Mukulu: na bafwe ba mu Kidisitu abakasanguka kwibedi, kumongo atwe abashele, abatala atukātshibwa mu makumbi hamunenka n’abo, kufumankana na Nfumwetu mu luwa (lwa mwiilu): biabia atukekala ikala-ika na Nfumwetu. Binyibiabia nwinyishenei na yino myanda. Anka ha mwanda wa bihwa na bihindji biabio bakwetu, tanwi na lukalo’nyi lwa’mi kwinufundjila. Mwanda’nwe bana bene nwibahwe kwiuka kalolo’shi, dinyi efuku dia Nfumwetu adikafiki hamune bu ngifi mu bufuku. Mwanda liabakākula’shi: Kubafukama, ’nka nya, na kukumbana, biabia kulwishibwa akukahulumuka’nka habadi, anka hamune bu mwana mukashi asumibwa na munda mwa kutanda; biabia tabakahanda, ooo. Anka’nwe bakwetu tanwi mu mufito’shi, diadi’efuku adikenuhulumukīla bu ngifi, ooo. Anwe boso nwi bana b’etata, na bana b’efuku; tatwi ba ku bufuku, sunga mba ku mufito. Binyibiabia tatulalanga tulo bu bangi, ooo, anka twikale abatala na bāmpila. Mwanda’bo abalalatulo abalala bufuku; n’abo abakolwa abakolwa bufuku. Anka’twe ba kwifuku twikale bāmpila, na kufwala ngabo-ya-kiadi ya lukuluhilo na ya kifulo, na kilama kia mutwe, (lwinyi) lutengyelo lwa kihandjilo. Mwanda Efile Mukulu tamwitusangule ku nsungu, ooo, anka kutambula kihandjilo kwi Nfumwetu Yesu Kidisitu, betufwidile’shi, sung’atutala, sung’atulala tulo, atukabombela n’e hamune. Biabia nwinyishenei hamune, na kwēleshena mwiilu, mwi mwanukitshina na bino. Anka atwinusendel’anwe bakwetu, nushingule benyi abatuhuta munkatshi mwenu, be hanundu henu mu Nfumwetu na kwinulanga, na kwibanemesha bikata bi moo mu kifulo ha mwanda wa mifubo yabo. Nwikale (namu) balombane munkatshi mwenu. Atwinulanga’nwe bakwetu’shi: Dimunai be na mpuha, nyishai be na mashimba abo fule, kankamishai basha butūba, nwikale na kwishinka ku mpala kwa (bantu) boso. Talānga muntu su nanyi su nanyi akālula bubi ku bubi; anka nulonde’kia kibuwa bukyelebukyele kwi’nwe banabene na kwi bantuboso. Sehelai mafuku oso. Nutekei kushī mpwilo. Tumbulai (Efile Mukulu) mu bintu bioso, mwanda nyi amukyebel’eshimba di’Efile Mukulu mu Kidisitu Yesu kwanudi. Tanukashimanga Kikudi-E-Selelee. Tanukasabulanga mitemuko. Shishai bintu bioso, nulamatei’kia kibuwa. Shalai ku bihaso bioso abihwandjikisha bu bubi. N’Efile Mukulu a kufukama e na mwinyi enulamuna selelee bushima; na kikudi kienu, n’eshimba dienu na mbidi yenu bikale bibambībwe bishima bishyabitohekwa mpaa na ku kufika kwa Nfumwetu Yesu Kidisitu. E nwitanyina e na kishima, e nyi akekikitshi. (Anwe) bakwetu nwitutekyele. Nunyimwinei bakwetu boso na kufifya kulamunwe-kwi-selelee. Nakukayikila kwi Nfumwetu’shi: Uno mukanda ubadibwe kwi bakwetu boso balamunwe-bakishila. Bumuntu bwa Nfumwetu Yesu Kidisitu bwikale n’enu. Amena. Paulu na Shilefenuse na Temote, ku kikoñeno ki’Efile kia Bena Tesalonika, ki mw’Efile Mukulu Yaiy’etu, na mwi Nfumwetu Yesu Kidisitu. Bu-muntu bwikale kwanudi, na kufukama kw’Efile Mukulu Yaiy’etu, na kwi Nfumwetu Yesu Kidisitu. Watudi n’ao ngwa kutumbul’Efile Mukulu mafuku oso ha mwanda w’anwe boso bakwetu, mwakidi kihwandjikile, mwanda lukuluhilo lwenu alwend’ālukulanga bikilekile, na kifulo kia muntu ese a kwanudi’nwe bana bene na bana bene akifwimi; Biabia’twe bana bene atwinutumbisha mu bikoñeno bi Efile Mukulu ha mwanda wa mufwaka wenu na lukuluhilo mu kubingwabingwa kwenu koso, na mu bishiotshi bienu bianumono; abio nyi kitundwilo kifumbulwe hatoka kia kitshibilo kilulame k’Efile Mukulu; eshi nwikal’anutemunwa bu balombene mbufumu bw’Efile Mukulu, nyi bwanufwambukila. Ha mwanda nyi kintu kilulame kw’Efile Mukulu kōbolo kusābulwa kwi’ba abenufwambulā. Kwanudi’nwe abafwambulwa nwikishe na kwikisha n’etu, ahakasokolwa Nfumwetu Yesu kwiilu na bamwiekeilu ba katshintshi; mu kālo k’edimi aditembe hyuu, kwibōbolā’ba bashyabeuku Efile Mukulu, na kushi kukokyela mukānduwibuwa wa Nfumwetu Yesu Kidisitu. Abo banakamweshibwe malwa a kulwishibwa kwa kwi-kala-ika kukatuka ku mpala kwa Nfumwetu, na ku ntumbo ya katshintshi ke; ahakafiki kutumbishibwa mu bahatulwe-bakishila, na kwikala bakanyibwe mwi’bo abakumina hā’di ’efuku (mwanda bulungudi bwetu kwanudi bubakuminyibwe) mu diadi’efuku. Nyi ha mwanda watwinutekyela mafuku oso’shi: Efile Mukulu etu enutemune bu balombashwe ba (luno) lwitanyino, na kukumbasha bioso abikyeb’eshimba dia buwa (bwe,) na mifubo ya lukumino na bukome’shi, eshina dia Nfumwetu Yesu Kidisitu ditumbishibwe mwanudi, n’anwe namu mwadi e, mulombene bu-muntu bw’Efile Mukulu etu, na Nfumwetu Yesu Kidisitu. Binobino anwe bakwetu, atwinusendela ha mwanda wa kufika kwa Nfumuetu Yesu Kidisitu, na ha kwikoñena kwetu kwadi’shi: tanutele ntentanga bukidi mu mashimba, sunga nkuunga unga, sunga mu kikudi, su mpa mwanda, su mpa mukanda bu aufu kwatudi’shi, dinyi efuku dia Kidisitu dibahu kufika. Tanukuminanga muntu kwinongola na kintu; mwanda diadi’efuku tadikafiki anka su akukekala kulamunuka kwibedi, na (winyi) mulamunushi-e-bubi akafumbulwa, winyi mwan’a kulwisha, e atuhishenā na kwikamishā e na mwinyi hanundu ha bioso abitemunwa bw’Efile, n’abilangwilwa; biabia e, bw’Efile Mukulu anakashāle mu ntempelo y’Efile Mukulu yi kishila, ēleshe e na mwinyi’shi: Nyi Efile Mukulu. A tanunangushena’shi, nenulungwile yino myanda hanadi nki n’enu? Na binobino anwiuku’kia akilekyesha, mwadia kufumbwilwa mu kihindji ki’e na mwinyi. Mwanda kifibwe kia kulamunuka kikiakifubu na bino; anka e akulekyesha binobino e kwanka, mpaa na hakakatushwa. Henyihaha, nyi hanakasokolwe (winyi) sha kulamunusha, e Nfumwetu anakamulwishe ku muwa wa kukanwa kwe, na kumwalula bu a bisumanga na kufumbulwa kwa kufika kwe. Ta ngwinyi yawa, akufwila ’muyilo wa Satana, na bukome bwoso na bitundwilo na biakukanya bia madimi, na budimbanyi boso bwa bukonyame bwi mwi’ba abakalwishibwa, mwanda tambatambule kifulo kia biabinyibinyi’shi, bahande, ooo. Ha uno mwanda Efile Mukulu akebatumina mulubishi e moo, bakumine wa madimi, eshi, bakahishibwe boso bashī bakuminyine biabinyibinyi, biosobi babadi na kusehela na bia bukonyame. Anka’twe bakwetu bafudibwe kifulo mu Nfumwetu, watudi n’au ngwa kutumbula Efile Mukulu mafuku oso ha mwanda w’anwe; mwanda Efile Mukulu benusangwile ku mbangilo ku kihandjilo, mu buhatulwe-bwi selelee bwa Kikudi-E-Selelee, na (mu) lukumino lwa biabinyibinyi; nyi kwanka kubenwitanyina ku mukāndu-wibuwa wetu, mu kutambula ntumbo ya Nfumwetu Yesu Kidisitu. Binyibiabia bakwetu nushimate hoo, nukamine ndaa ku myanda ya mu kiftilo yanubalambukishwe, sunga nku mayi, sunga nku mukanda wetu. Binobino Nfumwetu Yesu Kidisitu na mwinyi, n’Efile Mukulu, nyi Nshyetu, betufule kifulo, betuhele namu kisengyelo kia ikala-ika, na lutengyelo lwibuwa ku bu-muntu bw’Efile; enusengyela ’mashimb’enu, na kwinukamisha mu mayi oso, na mu mifubo yoso bibuwa. Kunfudilo, (anwe) bakwetu, nwitutekyelei’shi, Mwanda wa Nfumwetu wende lubilolubilo na kutumbishibwa, anka mwaubakitshinyine n’enu. Anka’shi, tumañunwe kwi bantu bansesa na babi; mwanda (bantu) boso tabe na lukumino. Anka Nfumwetu ’mushimate, akenukankamisha na kwinulama kwi’wa a mwanda ubi. Twi na kusumina mu Nfumwetu ha mwanda w’anwe’shi, nukite na kukakita aya myanda yiatubenukayikile. Na Nfumwetu akunkushe mashimb’enu mu kifulo ki’Efile Mukulu, na mu lutengyelo lwa kwishinka lwa Kidisitu. Binobino atwinukayikila’nwe bakwetu, mwishina dia Nfumwetu Yesu Kidisitu, nukungulukyei’nwe bana bene kwi ese mukwenu atambuka na kukalakala, na mushī mwiyile myanda ya mu kifulo yiabetutambwile kwatudi. Mwanda’nwe bana bene anwiuku mwabidi binulombene kwitulonda; mwanda tatubadi bakalekale munkatshi mwenu; sunga nkudia biakudia bisumanga, su mbia’nyi, su mbia nyi, ooo; anka tubatuhwitanga mu mifubo na mitanyo bufuku na kanya, mwanda wa kuhela’shi, tala twakamwena kwanudi, sunga nku umune, ooo. Kushī ha mwanda wa kukutwa matalwa, ñanka ha mwanda w’atwe kwikala kwanudi bu kihwandjikisho kianudia kulondela. Mwanda hatubadi n’enu, ñanka kino kiatubenukayikile’shi: su kwi shyafuba tadianga namu. Mwanda’twe atuhusha’shi: kwi bamo munkatshi mwenu bakalekale, bashyabafubā sunga mpahelahela, anka’bo mbasangakanyi. Anka’bo be bino, atwibakayikila na kwibalanga kwi Nfumwetu Yesu Kidisitu’shi: Bafube mifubo anka nyaa, na kudia bidibwa bi’abo ba na bene. Anka’ nwe bakwetu, tanukokangai mu kukita bilumbulukye. Anka su nanyi su nanyi shyakokyelā mwanda wetu wa mu (uno) mukanda, (biabia) nubangīle yawa muntu tanutembanga n’e, akwatshishwe būfu, Sunga mbiabia tanumwikashanga bu mwishikwanyi n’enu, ooo, anka mulangei (elango) bu mukwenu. Binobino Nfumwetu a kufukama, e na mwinyi ekal’enuhanga kufukama mafuku oso, su mpa kinyi su mpa kinyi. Nfumwetu ekale n’enu, anwe boso. Lwimuno lwa’mi Paulu lwa ku mboko y’āmi na mwinyi, nyikitundwilo kia mu oso mukanda: nyi anka bino mwanafundjila. Bu-muntu bwa Nfumwetu Yesu Kidisitu bwikale n’enu, anwe boso. Amena. Paulu mutumibwa a Kidisitu Yesu mwiyile mulangilo w’Efile Mukulu Muhashi etu, na Kidisitu Yesu lutengyelo lwetu. Kwi Temote mwan’ande a kishima mu lukumino: Bu-muntu bw’Efile na lusa na kufukama (bifikye) kw’Efile Mukulu Yaiy’etu, na Kidisitu Yesu Nfumwetu. Anka munakusendelele’mi’shi: Tokatukanga mu Efesesa, hanayile mu Masedonya, bodio kukayikila bamo’shi: Tanulambukishanga lungi lulambukisho, sunga nkutee eshimba ku miele na ku myanda ya ku musuku yishī na nfudilo, ayibushā nyihusho, he kusangulushwa kw’Efile kwi mu lukuluhilo: Anka kunfudilo kwa mulangilo nyi nkifulo kia kwishimba diselelee, n’eshimba di munda dibuwa, dianka na lukumino lushī lwa kudimba, kū’lo bamo abehengye ku bia bwakulakule bia bisumanga. Hakukyeba’shi: Twikale bu balambukishi ba mukanda-wa-bishila, (biosobi) tambashingule sunga mbia bākula sunga mbia bakankamika Ank’atwiuku’shi mukanda-wa-bishila wibuwa, su muntu eulonda mwiyile bishila biao; hakwiuka bino’shi, mukanda-wabishila taushidikwa muntu mululame, ooo, anka ha mwanda wa basha mpuha na bashyabakokyela, na bashī n’Efile na balwishi, na bashī bahatulwe-bakishila, na basha kasābu kā-nkanwa, na bantahanyi ba bashyabo na banyin’abo, na bangi bantu, na basha lusandji, n’abelwisha abo ba na bene, bana-balume na bana balume, na babombodi ba bantu, na basha madimi, na batshihi ba madimi, na su kwi kingi kintu, su nkinyi su nkinyi akilekena na lulambukisho lushima: mulombene mukāndu-wibu-wa wa ntumbo y’Efile Mukulu ahebwe mwabi na mwabi, ubambikilwe. Natumbula Kidisitu Yesu Nfumwetu bankitshishe bukome, mwanda e bantemwine bu a kishima, na kumula mu bulungudi bw’Efile; biosobi ami kala nadi musabudi’Efile, na mubingibingi (abantu) na mukanyi; anka naleshwa lusa, ha mwanda nekikitshine nki mwiukye mu shīlukumino. Na bu-muntu bwa Nfumwetu bubakilakila bungi na lukuluhilo na kifulo bi mu Kidisitu Yesu. Uno mwanda ngwa kishima, na kuhwandjikila kukuminwa koso’shi, Kidisitu Yesu bafikile hanohansenga mu kuhasha balwishi; kwabadi nyi mukilekile (boso). Anka ha uno mwanda nyi wanatambwila lusa’shi, Yesu Kidisitu aleshe kahuñanyi mwandji’mi kwikala bu kihwandjikisho kwi’ba abakakumina mwadi e mpaa na ku muwa wa ikala-ika. Binobino kwi Nfumu a ikala-ika, shyafwiyā, shyamweka, nyi ñanka Efile Mukulu sha binangu buhenka bwe, ekale na kinemo, na ntumbo mpaa na kwikala-ika. Amena. Luno lukayikilo natulu kodibe, mwan’ande Temote, mwiyile mitemuko yibatemukile kwibedi hodi’shi, kwayidi, bodio kulwa ngoshi yibuwa; Olamate lukuluhilo n’eshimba dia munda dibuwa: dīnyi’dio, bamo hakuhwa kwidifutala, ha mwanda wa lukumino bahu kukita kushimishwa, hamune bu masua abaitshikila ’mema; be biabia nyi mba Hymeneusa na Alekesanda, abo nyi ba natudile kwi Satana’shi, bāmbule kuleka kusabul’Efile Mukulu. Henyihaha nyi n’elango kwibedi’shi: miyayilo, na nteko tia nteko ya kusengyala, na biakutumbula bitekyelwe ha bantu boso, Ha mwanda wa banfumu na ha boso be na matalwa; mwatudia kwikela na muwa wetu nyaa na kufukama mu bwin’Efile Mukulu boso na kinemo. Mwanda uno wibuwa, ngukuminyibwe namu ku meso kw’Efile Mukulu Muhashi etu; e akyebela bantu boso kuhashibwa, na kufika ha mwiukidila kwa biabinyibinyi. Mwanda kwi Efile Mukulu umune, na musengi umune hankatshi Efile Mukulu na bantu, winyi muntu nyi Kidisitu Yesu. E behanyin’e na mwinyi ta nkikulo kia boso, kia kulungulwa ha bihindji bia’bio bi na mwinyi bilombane. Nyi ki nasangwilwa mulungudi e Efile na bu mutumibwa (nākula bia binyibinyi mu Kidisitu, tandjimbi, ooo) (na) bu mulambukishi a Badjentaila mu lukuluhilo na mu biabinyibinyi. Nankyeb’ami’ shi, bana balume batekye kosokoso, babushe maboko a hatulwe-e-kishila ashī na nsungu sunga nkuhakanya. Mpamune na bana-bakashi namu befwadikye na bifwalwa bihwandjikile na būfu na bumpila, kushī na nyene yitshikye, sunga nkilonda kia nsahabu, su mabwe aneme bikata, su bifwalwa bia buheta, anka na bikitshino bibuwa (bekal’anka bu bana bakashi balombene bu abatemunwa bu b’Efile Mukulu). Mwana-mukashiāmbule nyaa mu kukokyela koso. Anka tankumina mwanamukashi kulambukisha, sunga kwikala na matalwa hanundu ha mwana mulume, ooo, anka ekale nyaa. Mwanda Adama nyi mubedi kuhangibwa, biabia Efa nkulonda; Adama tamongolwe, ooo, anka mwana-mukashi habōngwelwe bahonene mu kusola kwa mwanda. Sunga mbiabia, akahanda hakutanda bana, su akekala mu lukuluhilo na kifulo, na kulamunwakwa-kishila, na bumpila. (Uno) nyi mwanda ngwa binyibinyi’shi, su muntu akyebe bufubi bwa mukulu-a-bikoñeno bi’Efile, akyebe mufubo wibuwa. Mukulu-a-bikoñeno bi’Efile wadi n’au ngwa kwikala shyatohekwa sunga mpahela, mulunda a mukashi umune, mwilam’ē na mwinyi, mpila, a mwikelo wibuwa, musangashi a benyi, mwiukye kulambukisha. Shī munemene ku nfinyo, shī sha lukiso, anka sha kasendeleshi, shī sha mpaka, shī na buheta kifulo. A kutonta ba ku nshibo ye bibuwa, na bana be mu bukokyeshi bwe na kinemo. Anka su kwi muntu shyeuku kutonta ba ku nshibo y’e na mwinyi, a biabia euku mwa kulela kikoñeno ki’Efile Mukulu na minyi? Shī mukumine a binobino, ooo, tala ha mwitatula akahona mu kuhoneshibwa kwa Kafilefile. Dimonyi, wadi n’au ngwa kwikala na kutumbishibwa kwibuwa kwi’ba be hasha tala ahona mu (mwanda wa) kutohekwe kwa matohe, na mu miteo wa kafilefile. Bibuwa bamendaku-ba-kikoñeno ki’Efile bekal’anka hamune, (bakale) baneme, bashī na ndjimi yibidi, bashī bakambe kunemena ku nfinyo, ooo, sunga nkwikala na lwiso ku buheta abubendjibwa. Balamate ku’kla kifībwe kia lukumino n’eshimba dia munda selelee. Abo namu batompibwe kwibedi; biabia bafube mufubo wabumendako-bwa-kikoñeno ki’Efile (hakusañanwa) bashī batohekwe. Anka biabia namu bakashi (bekale) na kinemo bashī na twihu, bampila, be kishima mu bintu bioso. Bamendaku-ba-kikoñeno-ki’Efile bekale balume ba mukashi umune, abatontā bana babo na be ku mashibo abo bibuwa. Mwand’abo abafubile biya bufubi bwa bamendaku-ba-kikoñeno-ki’Efile, abamwenamo kwi’bo bana bene mwa kwimena hebuwa, na kukankamana kw’eshimba kukata mu lukumino lwi mu Kidisitu Yesu. Yino myanda nakufundjila’shi, (mwanda) natengyela kufika kodi ahayisha kahindji kehi; anka su nankayisha kihindji kikata (hakufika), mwandawa kukwiukisha mwaudi ulombene bantu mwa kwikela mu nshibo y’Efile Mukulu, nyi kikoñeno ki’Efile Mukulu a muwa, kibayi na kibangilo kishimate kia biabinyibinyi. Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo. Anka Kikudi-E-Selelee ākula na kushinkamisha’shi: Mu a mafuku a kunfudilo bamo abakalamunuka ku lukumino, abakanemena ku bikudi abibōngola, na ku ndambukisho ya mikishi; abākula madimi mu bunsesa, be n’eshimba diabo dia munda ditunde bu dihye kālo. Abalekyesha kubamba (bakashi,) na kushidisha bidibwa bibahangile Efile Mukulu kutambulwa na lutumbu kwi’bo bakumine, beukidile biabinyibinyi. Mwanda bihangibwe bioso bi’Efile Mukulu su mbinyi su mbinyi bi’anka buwa, na takwi sunga nkimune kiakushilwa, su kibadibwa na lutumbu. Mwanda kibahatulwa-ki-selelee ku Mwanda w’Efile Mukulu na luteko. S’otentekyeshā bakwetu yino myanda, (biabia) okekala mufubi ebuwa a Kidisitu Yesu, mudishibwe na myanda ya lukumino na ya lulambukisho lwibuwa, yiotobolamatshile hehi. Anka wehengye miele ya butete ya bakashi banunu, wehash’obe na mwinyi ku bumwin’Efile. Mwanda lwinyisho lwa ku mbidi kumwena kwa’to nkuhela, anka bwin’Efile abumwenwa mu bintu bioso, bwi na mulayilo wa muwa wa binobino na wa ukafiki. Uno mwanda ngwa kishima, nguhwandjikile kukuminwa koso. Nyi ha tudi batuhwite na kusābulwa mwanda twibakuluhile mw’Efile Mukulu a muwa, e, nyi muhashi a bantu boso, tokiokwamba kwi bakumine. Yino myanda okayikye na kulambukisha. Tokuminanga muntu kusābula bunsongwalume bobe, ooo; anka wekale kihwandjikisho kia bakumine mu mīsambo na mu nyikashi, mu kifulo, mu lukuluhilo, (na) mu buselelee. T’ēshimba ku lubalo (lwa mukanda) kwilanga, na ku lulambukisho. Tolekanga buntu bwi munda mobe, bubakuhelwe ha lutemuko lwa myanda, ha kutenteka kwa maasa a bakulu. Nangushena ha yino myanda; otwelelele mwanka’shi, kusungula kobe kumwekye kwi boso. Wedimuky’obe na mwinyi na ku lwinyi lulambukisho; olamate mwanka; mwanda hakukita biabia okehasha obe na mwinyi, n’aba abakuhusha. Tosashilanga mukulu (a bikoñeno bi’Efile), ooo, anka omusendele bu nshyobe; na bansongwalume namu (anka) bu bakwenu. Bakashi bakulu namu (anka) bu banyin’obe, bansongwakashi namu (anka) bu bankashān’obe na buselelee bw’eshimba. Nemeka bakashi-ba-bafwe bafudile binyibinyi. Anka su mukashi-a mufwe e na bana sunga mbekulu, (bibuwa) abo babadile kwambula mwa kuleshesha kasendeleshi kwa-bo, na kuloka banambutwile (babo); mwanda uno mwibuwa, ngukuminwe namu ku mpala kw’Efile Mukulu. Anka yawa mukashi-a-mufwe mufudile binyibinyi, mulekībwe ’nyi bisumanga, mukuluhile mw’Efile Mukulu, na kunyiñamena mu miyayo na nteko bufuku na kanya. Anka yawa mutwelelele mu bisehelwa bia hanohansenga bahu kufwa e kiatala. Yino myanda webakayikile’shi, bekale bashī bakutohekwa. Su nanyi su nanyi shyafumbulā bia (kuha) b’e, na bikilekile kwi ba mu nshibo ye, yawa batunyinyina lukuminu, bakilekile shimukumine bubi. Mukashi-amufwe tabadikwanga ha mukanda shyakumbeshe bihwa makumi asamombo, e, (namu,) badi anka mukashi a mulume umunenka, mutumbishibwe ku bikitshino bilumbulukye; muhwe kukusha bana, na kulela benyi, na kutumpa ngwa ya balumunwe-bakishila, na kukwashia basha bishiotshi na kusasakata mu mifubo yoso yilumbulukye. Anka bakashi-babafwe bakulu be binyibiabia webatune, mwanda’bo habakabanga kwenda na kukimba bishī biyile mu Kidisitu, abakanyiñamena kwibakilwa; be na kuhīshībwa ha mwanda wa kusumbula lukumino lwabo lubedi. Nyi habāmbilwe namu ehampa, na kukindakana bisumanga ku nshibo ku nshibo; tandjia’nka ehampa, ooo, anka mba mbalakanyi namu na kukalakala, na kwisamba’nka myanda yishī yihwandjikile. Nyi kiankyebel’ami’shi: Bakashiba-bafwe bakulu be binyibiabia bebakilwe, batande bana, balwēshe ku mashibo abo, tabahananga bia kusābulusha kwi mushikwanyi, ooo. Mwanda bamo tabahwile kwikumbila kwi Satana. Su kwi muntu mukumine su mwana-mulume su mwana mukashi e na bakashi-ba-bafwe, ekale na kwibakwashianga e na mwinyi, na kikoñeno ki’Efile takinemenwanga na bushito, ooo, biakidia kukwashia baba bakashi-ba-bafwe bafudile binyibinyi. Bakulu (ba bikoñeno bi’Efile) abalelana bibuwa batemunwe bu bahwandjikile kukishakisha kinemo, tokiokwamba kwi’bo abatuhwita mu Mwanda (w’Efile) na lulambukisho. Mwanda kibafundjilwe’shi: Toanyanga ku kanwa kwa ñombe asoholā ngano, mwanda mutuhwitshi mu mifubo ’muhwandjikile bwedi bwe. Tokuminanga kwimukisha Mukulu-(a-bikoñeno bi’Efile) anka su ku mpala kwa tumonyi tubidi su ntusatu. Abo abalwisha webasashile ku mpala kwa boso, biabia (namu) bangi abakatshinyi. Nakukayikila ku mpala kw’Efile Mukulu na Kidisitu Yesu, na kwa bamwikeilu, benyi abasangwilwe’shi, olame yino myanda kushī kwamba’shi: Au hau, au hau, kita bioso bishī bikilene. Tobatukilanga kutenteka maasa ha muntu, ooo, sunga nkutwela mu milwisho ya bangi bantu; welame selelee. Tokitomanga’nkā’o mema, otome na tufinyo tuhela ha mwanda wa munda mobe, na mikumbo yobe ya misusa na misusa. Milwisho ya bamo bantu ayimweka hatoka, ayitanyinwa ku kimu, anka ya bangi ayituku kumongo. Anka hamune namu bikitshino bibuwa abifumbulwa kwibedi; na yaya yishī biabia tayiuku kufibwa. Bahika boso bamunwe bahwandjikishē banfum’abo’bo bana bene balombene kioso kinemo’shi, eshina di’Efile Mukulu, na lulambukisho (lwe) tabikayibwanga. N’abo be na banfumu bakumine, tabebasabulanga, mwanda’bo be bu bakwabo; anka bibuwa bakambe kwibafubila, mwanda’bo be kishima na bakuminyibwe kifulo, be bu abatambula ku mufubo (wabo) wibuwa. Yino myanda olambukishe na kulanga elango. Su nanyi su nanyi alambukisha kushī biabia, shyakumina myanda ya binyibinyi, yinyi yia Nfumwetu Yesu Kidisitu yi na mwinyi, na ku lulambukisho lulombane na bwin’Efile; (biabia) e na kwitatula, tamwiukye kintu, ank’e mukambe ngihusho na mpaka ya bishima, nyi a mutukā kiutu, mpaka, twihu tubi, na bihwandjikisho bibi bia bangi; kwakulākulā-kubi kwa bantu be na binangu binyangye, bashī na biabinyibinyi; abahwandjikisha’shi; Bwin’Efile nyi mwakumwena bintu; (ku be biabia okungulukye). Anka bwin’Efile na kufukama kw’eshimba nyi kwi kumwena kukata. Mwanda’twe tatwibafwishe kintu hanohansenga, nyi mbinyibinyi namu tatwiuku kukatuka hanka na kintu, na hakwikala na biakudia nabifwalwa twikale n’abio na kufukama kwishimba. Anka’ba batee mashimba’shi: Twikale bampeta, (biabia) abahono mu kutompibwa na muteu, na mu ngabi ayimweshana, ayishimisha bantu mu kulwishibwa na kushimangishwa. Mwanda kifulo kia mono nyi mushi wa bubi boso; ayoyinyi, bamo ha kwiyiabila, abōngolwa ku lukumino, abahu kwitaha na kwinyenga kwibungi. Ank’obe muntu Efile Mukulu, suka yino myanda; olonde kululama, bwin’Efile, lukuluhilo, kifulo, lwishinko na kuhohela. Olwe ngoshi yibuwa ya lukumino, kamina ku muwa wa ikala-ika koboitanyinwe, na kukumina bokuminyine bibuwa ku mpala kwa tumonyi twibungi. Nakakayika ku mpala kw’Efile Mukulu abangisha bintu bioso, na Kidisitu Yesu, winyi batemwine kukumina kwibuwa ku mpala kwa Ponteuse Pilato; ami’shi, olame uno mulangilo kushī ebashi, kushī kutohekwa mpaa na ku kufumbulwa kwa Nfumwetu Yesu Kidisitu. Akukaleshwa ha kihwa kiako, ank’e buhenka bwe muhebwe mwabi, sha matalwa, Nfumu a banfumu, Mwanana a bamwanana, Ank’e buhenka bwe shyafwiyā, nyi abombela mu mbadibadi yishyayifikika; shyamwenwe na muntu, sunga ngumune, sunga ngakukamona; kwadi kwikale kinemo na bukome bwa ikala-ika. Amena. Okayikile baba bampeta ba hanohansenga’shi: Tanwikalanga n’eshimba dia kwinemeka, sunga nkukuluhila mbuheta bushī bwa kukuluhilwa, anka mw’Efile Mukulu atala, etuheya bintu bioso bi bungi bukilekile bia kusehela n’abio’shi, bakite bibuwa, bekale bampeta mu bikitshino bilumbulukye, bemēne mu kwabila na mu kukwashia (bakwabo). N’ako kwībikila abo bana bene (buheta) bwa ku kihindji kianakafike, takidi kibangilo kibuwa’shi, bakamine ku muwa wa kwikala-ika. A Temote, lama ki’abakuhitshikile, wehengye ku bwakulakule bwa bisumanga bwa kushula kwa bishila, na biabitemunwa bu kiukilo, anka tankiukilo, ooo, bi na bamo bebikumine abibalubisha mwiyile lukumino. Bu-muntu bwikale n’obe. Amena. Paulu mutumibwa a Kidisitu Yesu amukyebel’eshimba di ’Elile Mukulu mulombene mulayilo wa muwa wi mu Kidisitu Yesu; kwi Temote mwan’ande mutomibwe kifulo. Bumuntu (bufikye) na lusa, na kufukama kw’Efile Mukulu Yaiya, na (kwi) Kidisitu Yesu Nfumwetu. Natumbula Efile Mukulu anfubila bu banshyami-kulu n’eshimba dia munda seleleē, mwankutentekyesha mu nteko yande, kushi kuleka bufuku na kanya; Nadidi bikata’mi shi, nkumone na meso; natentekyesha mpolo yobe mwandjia kwikele na muloo; ha kunangushena lukumino lushī na bulamalama lwi munda mobe; lubabadidile kwibedi munda mwa nyin’obe-kulu Loisa, na mwa nyin’obe Eunise, nyi musumine’shi, lwi munda mobe namu. Binyibiabia nyi hankutentekyesha’shi, oshisakane bwinyi buntu bw’Efile Mukulu bwi munda mobe hakutentekwa kwa maas’ande. Mwanda Efile Mukulu tamwituhē’shimba dia kususa, anka dia bukome, na dia kifulo, na binangu bimusangelo. Biabia twekalanga na būfu bwa bulungudi bwa Nfumwetu, sunga mbw’ami mukwatwe e; ank’obe wekale mutambudi a kihindji a bishiotshi bia mukānduwibuwa mulombene bukome bw’Efile Mukulu. Betuhashishe, na kwitwitanyina na lwitamino luhatulwe-lwikishila; tampa mwanda wa bikitshino bietu, ooo, anka ha kut’una kw’e na mwinyi na bu-muntu, bubetuhelwe mu Kidisitu Yesu kwibedi hanohansenga tahahangilwe. Anka binobino bubamweka ha kufumbulwa kwa muhashi etu Kidisitu Yesu, bahwile kushimangisha lufu, afisha muwa hatoka, na ushyaunyanga ha mukāndu wibuwa. Nyi hanasangwilwe bu mulungudi e Efile, na mutumibwa, na mulambukishi amīlo. Ha unomwandanyi hanfwambukila yino myanda; sunga mbiabia tankwatshishwa būfu; mwanda’mi neuku andji mukumine, na kusumina’shi, euku kulama’akia kinamubikile ku diadi’efuku. Kamina kihwandjikisho kia bishima bilombane bibohushishe kwandji, mu lukuluhilo na kifulo ki mu Kidisitu Yesu. Kiakia kintu kibuwa kibohitshikilwe, wekilame ku Kikudi-E-Selelee abombela munda mwetu. Uno wewiuku’shi, boso be mu (Asie) mbamfutale, kwi Fygeluse na Helemongenese. Nfumwetu afwile lusa kwi ba nshibo ya Onesefoluse; mwanda banyishishe misusa na misusa, tabadi’nyi na būfu bwa lukano lwande; anka habadi mu Loma basasakete kunkimba, a’mona. Nfumwetu amuhe mwadia kumwena lusa kwi Nfumwetu mu di’efuku; na mu banfubile mu bintu bibungi ku Efesesa, obe webiuku biya. Binyibiabia obe mwan’ande, wekale munyingye mu bumuntu bwi mu Kidisitu Yesu. N’ayo myanda yibohushishe kwandji’mi munkatshi mwa tumonyi twibungi, ank’ayo weyihitshikile bantu bashimate abeuku kulambukisha bangi. Biabia obe oididile na kunyinga bu musalai ebuwa a Kidisitu Yesu. Takwi musalai, sunga ngumune, akwianyina na myanda ya hano hashi, mwadia kutoshesh’eshimba di’awa bamusangwile kwikala bu musalai. Na su muntu namu anyisha (kōbesha ku māsha), tahebwa kilongo kia mōbeshi, anka su anyisha mulombene kishila. Mudinti atuhwita mufubo (w’efuba) wadi n’ao ngwa kutambula bi mwifuba kwibedi. Nahgushena kinesamba, na Nfumwetu akuhe lushingulo mu myanda yoso. Nangushena Yesu Kidisitu, e ku kekulu ka Dafidi, musangulwe ku lufu mwiyile mukāndu-wibuwa wande, nyi mwa mwena malwa, mpa na ku nkano bu mukitshi a bubi; anka Mwanda w’Efile Mukulu tawanyibwa, ooo. Biabia nyi handji mukankamene mu bintu bioso, ha mwanda wa basangudibwe b’Efile’shi, bamone kihandjilo ki mu Kidisitu Yesu na ntumbo ya ikala-ka. Uno mwanda ngwa binyibinyi’shi: Su tubafwile hamune n’e, twanakekale na muwa hamune n’e. Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune. Su twi bashī bashimate e ’mushimate kwikala-ka: e teuku kwitun’e na mwinyi, ooo. Webatentekyeshe yino myanda, na kwibalungula biya ku mpala kwa Nfumwetu’shi, tabelanga mpaka ku myanda yishyaikwashya, ayilamunusha abeyihusha. Sakaketa kwilesh’obe na mwinyi’shi: Nyi mukuminwe kw’Efile Mukulu, mufubi shi na mwa kumukwatshisha būfu, olulamishe biya Mwanda wa biabinyibinyi, anka wehengye ku bia kwakulakule bwa bisumanga, bwa kushula kwa bishila; mwand’abiendā abifwimishanga ku bushī bwin’Efile; na bishima biabo abikafukuka bwilonda dinyangye, kwi Hymeneusa na Filetusa; abo abatuhilwa ku mwanda wa biabinyibinyi’shi, lusangukilo talubahwile kukila, biabia, abafutakasha lukumino lwa bamo. Sunga mbiabia kibangilo kinyingye ki’Efile Mukulu nkimane hoo, kikayikilo ki’akio nkino’shi: Nfumwetu euku’ba ba kw’e, n’ese atemuna eshina dia Nfumwetu akatukye ku bibubi. Anka mwibalasa mwi bintu bishī anka bia bilonda bia nsahabu na bia nfedha, anka namu na bia mutshi, na bi’ema, bingi mbineme, bingi tambineme. Twambengye su nanyi su nanyi akētosha selelee ku bino, akekala bu kintu kineme, mulamunwe-selelee na mulombene kukitshibwa kwi Nfumu, mulumbulwe ku mifubo yoso yilumbulukye. Suka namu ngabiabi ya bunsongwalume; ank’olonde kululama, lukuluhilo, kifulo, na kufukama hamune n’aba abetanyina ha Nfumwetu n’eshimba di-selelee. Anka ohele nyihusho yilotakane na yihatamine, weukye’shi, nyi ayifisha mpaka; nampika a Nfumwetu wadi n’autangwa kwela mpaka, ooo; anka ekale na kasendeleshi kwi boso, mwiukye mwa kulambukisha, sha lwishinko (kwi babi) akalashena na kuhohela kwi ba abatuhishena; hangi su Efile Mukulu akebaha lwilango lw’eshimba lwa kwiukidila kwa biabinyibinyi; biabia’shi, bahosokye abo bana bene ku muteo wa kafilefile, abadi bakwatshibwe musungi kwadi e ku kia kikyeb’eshimba die. Oshingule uno namu’shi, mu mafuku a kunfudilo bihindji bia bukoho bianakafikye. Mwanda bantu banakekale na kifulo kwi’bo bana bene, basehedi ba mono, bakwitatula, bakwinemeka, basha kasābu, bashyabakokyela bebatande, bashī na lutumbu, bashī balamunwe-bekishila, bashi na kifulo kia butandjilo, batshibi ba bihwano, bansangakanyi, basha nkokyela ya bubi, basha bukyelo, babendji ba balumbulukye, basha kwihulukishena kīhuko, basha kufwakamisha, basha kwilungula, bafule bisehelwa he Efile Mukulu. Abehwandjikisha mu bwin’Efile, anka bukome bwa’bo abebutuna; futala baba be bino. Mwanda be bino mbaba abongolokyelā mu mashibo, na kōngwela bana bakashi bahatakane, banemenwe na ntilwisho, abakunkwishwa kungi na ngabiabi yabo ya bihaso na bihaso; abēnd’ābambulanga, anka abakutshidilwa mwakwiukila biabinyibinyi. Anka hamune Yanese na Ndjambelese mwabasakidishe Mosesa, anka biabia na bano namu abakingila biabinyibinyi; bantu basha binangu binyangye, basabule lukumino. Anka tabakayididila mwanka, ooo, mwanda kuhatakana kwabo akukatumbukile hatoka kwi bantu boso, ankahamune bu ba bakwabo. Ank’obe bolondele ma kusasakata mu lulambukisho lwande na mu nyikashi ya muwa wande, na mwa ndelā, na lukumino, na kahuñanyi, kifulo. Kubingwabingwa, na mifwambuko bibanfikile ku Anteoka na ku Ikoneume, na ku Lyseta; mu kuno kubingwabingwa nakankamanyine mwanka, anka mu bioso Nfumwetu bamañunwine. Ee, boso batee mashimba ku bwin’Efile kubingwabingwa nyi nkwabo. Anka bantu babi na bansesa abakēnd’ābafwimanga na kufwima kwa ku bubi, na kōngoshena na kwiongola (bana bene). Anka okankamane mu myanda yibōmbwile, na yiobweukishwe, hakwiuk’aba babakulambukishe’yo’shi, Tobohwile lewiuka Bifundwe bilamunwe-bikishila ku bukinga, (bobe) biuku kukuukisha binangu mpaa na ku kihandjilo, mu lukuluhilo lwi mu Kidisitu Yesu. Bifundwe bi’Efile bioso mbihebwe ku muwa uhwilwe w’Efile Mukulu, abimwenwa namu ku lulambukisho, ku kutahwa kw’eshimba, ku lukalasheno, ku kuhasha mu kululama’shi, muntu Efile Mukulu ekale mukumbane, mulumbuludile ku mifubo yoso yilumbulukye. Biabia nakukayikila n’eshimba dioso ku mpala kw’Efile Mukulu na kwa Nfumwetu Yesu Kidisitu, tadi akatshibi (myanda) y’abatalanaya bafwe hakufumbu kana bufumu bwe. Lungula Mwanda (w’Efile;) wekale na mpulu halombene na hashī halombene, webashimikye (mīsambo,) webahatulwile, webalangye na kuhuñanya koso na lulambukisho. Mwanda kihindji akikafiki kiabakahele lulambukisho lulombane; anka mwiyile ngabiabi yabo abakefwimisha kwi’bo bana bene balambukishi, basha matwi e na kibāba; abakashiki matwi abo ku biabinyibinyi, na kutadila ku miele. Ank’obe ohile mu bintu bioso, kankamana mu bishiotshi, fuba mufubo wa bu mulungudi e’Efile, okumbashe bulungudi bobe bw’Efile biya. Mwand’ami nyi mwimene kuhongolwa bu kitahilo, na kihindji kiande kia kufiluka kibafiki. Nahu kulwa ngoshi yilumbulukye, nahu kushiyana kwande, tampwile kulama lukumino; biabiakubambikilwe kilongo kia kululama, kiankahebwa kwi Nfumwami nsushi mululame, ku dia di’efuku; tañanka kwandji’mi buhenka, ooo, anka kwi’bo boso abasehela kufumbuka kwe. Osasakate kufika kwandji mendo; mwanda Demase, habatomo bia hanohansenga kifulo, bambomboka, bende ku Tesalonika. Kelesense (namu) nkwenda ku Ngalatea, Tetuse (namu) ku Ndalamatea. Anka Luka nyi andji n’e; wate Mako ofikyen’e, mwanda nyi andjia kumwena mwadi mu bulungudi bw’Efile. Tyekikusa namutumine ku Efisesa. Mutwelo wa mūshi unalekyele ku Toloasa kwi Kapūsa, ofikye n’ao hotofiki, na mikanda, tokiokwamba mikanda ya bikoba. Alekesande nsendwe a bilonda-bia-munyinga bankitshine bibubi bwimoo. Nfumwetu amulubwile mwiyile bikitshino bie. Obe, namu odimukye kwadi, mwanda e basabulwile myanda yetu bikata. Ha mwalulo wande wa (mu kimu) kia kwibedi, takubadi sunga ngumune baimene n’ami ooo, anka boso abampalakene: (Nateka) Efile Mukulu ami’shi: Tala akebalondola n’ao. Anka Nfumwetu badi mwimane n’ami, bankankamikile’shi: bulungudi bw’Efile būkidilwe, na Badjentaila boso bahushe: Namañunwinwe namu mu kanwa mwa ntambwe. Na Nfumwetu akamañuna ku mifubo yoso yibi, akambombelesha mpaa na ku bufumu bwe bwa mwiilu; kwadi e kwikale ntumbo mpaa na ikala-ika. Amena. Nyimwine Peleseka, na Akwila, na ba ku nshibo ya Onesefolusa. Elasatusa bashele ku Kodinda, anka Tolofimusa namulekye ku Miletusa akumbu. Sasakata kufika hashyabandjile kufika kia mashika. Eubulusa akwimuna, na Pudenesa, na Kalaudia, na bakwetu boso hamune. Nfumwetu ekale na kikudi kiobe. Bumuntu bw’Efile bwikale n’enu. Paulu, mpik’Efile Mukulu, mutumibwa a Yesu Kidisitu, mwiyile lukumino lwa basangulwe b’Efile Mukulu, na kwiukidila kwa biabinyibinyi mwiyile bwin’Efile Mukulu; mu lutengyelo lwa muwa wa ikala-ika, ubayile Efile Mukulu, e teuku kudimba, habadi tahabandjile kubanga bahanohansenga; anka habalombene bihindji bie bafumbwile Mwanda we, ubampitshikilwe ku bulungudi bw’Efile mulombene mulangilo w’Efile Mukulu Muhashi etu. Kwi Tetuse mwan’ande ā’mi na mwinyi mulombene lukumino lwa kwi bosoboso: Bu-muntu na lusa, na kufukama kw’Efile Mukulu Yaiya, na Nfumwetu Kidisitu Yesu Muhashi etu. Nyi kianakulekye mu Kelete’shi, olumbule bintu abididi mwabidi bihwandjikile, na kusangula bakulu (ba bikoñeno bi’Efile) mu bibalo bioso, anka mwanakulungwidile. Ami’shi, su muntu shyatohekwa matohe, mulumi a mukashi umune, sha bana bakumine, shyatemunwa bu mutombokye, sunga nshyalangikwā. Mwanda mukulu (a bikoñeno bi’Efile) wadi n’ao tangwa kutohekwa, (ekale) bu mendaku w’Efile; shi na nkomanga y’eshimba, shī na kansuminyi, shī mwihane ku nfinyo, sunga nga kukuhishena, shī mwihane ku lwiso lwa mono yibubi; anka ekale musehedi a kulela benyi; sha kifulo kia balumbulukye, mpila, mululame, muhatulwe-akishila, mutontshi a ku mbidi, na kulamata hoo ku Mwanda wi kishima anka mwadi mulambukishwe, mwadia kwiukila kulanga, na kushisha basha kuhūla ku lulambukisho lulombane. Mwanda kwi batombokye bebungi na basha bwakulakule na banongoshi, tokiokwamba aba ba kisale; mukanwa mwabo anka kumumibwa, abafutakasha mashibo ashima, abalambukisha myanda yishī yilombane ha mwanda wa lwiso lwa mono yibubi. Umune a kwabadi, mutemuki a abo bana bene bambile’shi: Bena Keletshiane mbasha madimi mafuku oso, banyama be bukyelo bebubi, badyafu b’ehampa. Uno mwanda mbinyibinyi. Biabia webasashile bikata, bekale balombene mu lukumino; kushī kutee matwi ku miele ya Bena Yuda, ya milangilo ya bantu ayinongola ku biabinyibinyi. Kwi’ba basha mashimba-E-Selelee bintu bioso bi selelee; anka kwi’ba abashula bishila, bashī bakumine, takwi kintu selelee ooo; anka binangu biabo n’eshimba dia munda ndishule. Abo abakumina’shi; Atwiuku Efile Mukulu; anka mu bikitshino abamutunu, basha butete na bashyabakokyela, na ku mifubo yoso yibuwa mbatombokye. Ank’obe okule myanda yihwandjikile na lulambukisho lulombane; eshi, bana-balume bakulu bekale bampila, basha mudingo, basha lwitongo, mulombane mu lukumino, mu kifulo, na mu lwishinko. Banabakashi bakulu mpamunenka (bekale) abashidi mu bikitshino mulombene kuhatulwa-kwi-kishila, bashī bansankakanyi, bashī behane ku nfinyo yibungi, balambukishi ba myanda yilumbulukye; eshi, balambukishe bansongwakashi kwikala na lwitongo, (bekale) basha kifulo kia balunda, basha kifulo kia bana, bampila, bakamame be soo, balwēshe ku mashibo kwabo, balumbulukye, basha kukokyela kwi balunda babo bana bene eshi, tala, Mwanda w’Efile Mukulu wakakayibwa. Bansongwalume mpamune webalangye kwikala basha lwitongo. Mu bintu bioso weleshe bu kiliwandjikisho kia bikitshino bilumbulukye; mu lulambukisho (mwikale) mushī mufundakane, wedingye; mīsambo (yikale) yilombane yishyakuhoneshwa’shi, yawa e ku luhese lwa kutuhishena n’enu akwatshishwe būfu, hakukutwa kintu kibi, sunga nkimune kia kwinwisambila. (Lungula) bahika bakokyele banfumwabo, na kwibatosha ’mashimba mu bioso; kushī kuhūlula dimonyi: kushī kwiiba, anka kulesha kushimata kulumbulukye koso’shi, balumbulushe lulambukisho lw’Efile Mukulu Muhashi etu mu bintu bioso. Mwanda bu-muntu bw’Efile Mukulu bubamwekyele bwa kufisha kihandjilo kwi bantu boso; bwa kwitulambukisha’shi, tutune bushī bwin’Efile Mukulu, na ngabiabi ya hanohansenga, biatudia kwikala na witongo, na kululama, na bu ba bwin’Efile Mukulu hanohansenga; na kutala kwa lwinyi lutengyelo lwa mwabi, na lufumbuko lwa ntumbo lw’Efile Mukulu etu mukata, Muhashi etu Yesu Kidisitu. Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye. Yino myanda webalungule’yo, na kulanga, na kusashila, webahulamishe’yo na matalwa oso. Takukakubenganga muntu, sunga ngumune, ooo. Webatentekyeshanga kukokyela babikale, na basha matalwa; bakokyele na kutula mashimba ku mifubo yoso yilumbulukye; kushī kwisambila muntu sunga ngumune bibubi, kushī bu basha mpaka, anka bu basha kasendeleshi, na kulesha luhohelo kwi bantu boso. Mwanda’twe kala tubadi bahatamine, bashyabakokyelā, abongolwanga, na kufubila ngabiabi na bisehelwa bia bihaso na bihaso, tubadi bekale mu kufita, mu mukalala, beshikwene abo bana bene. Anka habamwekyele kanya k’Efile Mukulu Muhashi etu, na kalolo (ke) kwi bantu, tampa bikitshino bia kululama biatubakitshine’twe, ooo, anka mulombene lusa lwe betuhashishe, ku kusulwa kwa kutandjibwa-kwa-kabidi, na ku kuhangulwa kwi Kikudi-E-Selelee; betuhongolwedile bibungi mu Yesu Kidisitu Muhashi etu’shi, hakubingishibwa ku bu-muntu bwe biatudia kwikala bampyanyi mwiyile lutengyelo lwa muwa wa ikala-ika. (Uno) Mwanda ngwa binyibinyi, na yino myanda (namu) nankyebe’shi, okankamane na’yo bikata’shi, baba abakuminyine mw’Efile Mukulu, beshinkye kukishakisha mu bikitshino bilumbulukye. Yino myanda ngilumbulukye, na bia kumwena kwi bantu. Wehe ngye ku nyihusho yihatakane, na ya kulondola ntandjilo, na mpaka, na kuhakanya ha mwanda wa mukanda-wa-bishila; mwand’ayo tangia kumwena’mo, ngiabisumanga. Muntu etola ku mongo kw’elango dia kwibedi na diakabidi muhele; hakwiuka’shi, yawa e bino ’muhatakashwe tadi musodi a myanda, mwihonesh’e na mwinyi. Hankakutumina Aletemasa, sunga Tyekikusa kodi, obe osasakate kufika kuno kwandji ku Nekohodise, mwanda nyi nkwanfunyina kuhwilaeshiho. Fisha Senasa, muhatudia bishila n’Aholosa ha luendo lwabo lubilo, ’shi, tabekalanga na lukalo lwa kintu, ooo; na (bantu) betu namu bāmbule mwa kwikela na bikitshino bilumbulukye mwa kumwena bioso biabadi n’abio lukalo, tala bakekala bu ba bisumanga. Boso bandji n’abo abakwimuna. Nyimwine baba be n’etu kifulo mu lukumino. Bu-muntu bwikale n’anwe boso. Amena. Paulu musungi wa Kidisitu Yesu, na Temote mukwetu, kwi Filemone mutomibwe kifulo kwatudi, mukwetu a kufuba n’e mifubo, na kwi Ahya mutomibwe kifulo kwatudi na kwi Akihusa musalai-mukwetu, na ku kikoñeno ki’Efile ki mu nshibo mobe: Bu-muntu bufikye k’odi, na kufukama kw’Efile Mukulu Nshetu na Nfumwetu Yesu Kidisitu. Natumbulā Efile Mukulu ande, nakutemunā mu nteko yande bukyelebukyele, na kuhusha wa kīfulo na lukuluhilo biodi n’abio kwi Nfumwetu Yesu, na kwinyi kwi bahatulwe-bekishila boso’shi; mu lwabeno lwa lukumino lobe lufikye kuobesha, mu kwiukididila kwa bintu bioso bilumbulukye bi mwanudi mu Kidisitu. Mwanda twi na muloo ukata na kisengyelo mu kifulo kiobe, mwanda wa kutshitshimuka kwa kanya ka bahatulwe-bekishila abesangūla kodi’be mukwetu. Henyihaha, sunga nyi musumine bikata mu Kidisitu kukulā aya yilombane, (anka) ha mwanda wa kinyi kifulo nakilakila kwiyaya, biandji mwikale’mi uno Paulu mununu, na binobino namu (nyi) musungi wa Kidisitu Yesu. Nakwiyayila ha mwanda wa bu mwan’ande Onesemusa, andji mutandjile mu bianyine biande. E, mu kihindji kia kala, badi oshīo kumwena, anka binobino ngakumwenwa k’odi na kwandji’mi. Yawa nyi andjia kwalusha; binyibiabia obe mutambule, e, nyi e bwīshimba diande; andjidi’shi, ashāle n’ami na mwinyi’shi, nyi akumpiana mwadia kunfubila mu bianyino bia mukāndu-wibuwa, anka tanadia nkakyeba kukita kintu kishi kilombane n’eshimba diobe; tala kikitshino kiobe kilumbulukye kiakekala bu kia kunyishwa ha bukoho, ooo, anka nkia musanku w’eshimba. Mwanda hangi su binyibiabia bakatukile anka kihindji, modio kumutambwila bukyelebukyele; kushī binobino bu mpika, anka kukila bu mpika, nyi mukwetu mutomeshibwe kifulo, tokiokwamba kwandjimi, anka kodi’be bi na minyi kukilakila mu bia mbidi, na mu Nfumwetu namu? Binyibiabia s’ontemuna bu mwibungile n’obe, mutambule bu’mi na mwinyi. Anka su mu kinyi su mu kinyi mwakutombokyela, sunga e n’obe kishio, ekitule ha mukanda wande; nkakufute’bio n’ami Paulu beufundu na eyāsa diande, anka tanakulā’bia bioso biobohwile kwandji, nank’obe na mwinyi namu. Ee, (obe) mukwetu onkumine’mi kumwena k’odi mu Nfumwetu: sangash’eshimba diande mu Kidisitu. Nankufundjile na kwikankamika mu lukokyelo lobe, hakwiuka biokyebe kukakita kukisha bianyisamba. Anka ondumbulwile namu ha kulala; mwanda natengyela kuhebwa kwanudi ha mwanda wa nteko yenu. Ehafalasa musungi n’ami, mukwetu mu Kidisitu Yesu akwimuna; Mako, n’Alesetakusa na Demasa, na Luka, bakwetu ba mu niifubo namu. Bumuntu bwa Nfumwetu Yesu Kidisitu bwikale na kikudi kiobe Amena. Efile Mukulu bakwile kwi bayaiya ba kala, mu bihaso na bihaso, mu bihindji na bihindji mu batemuki, e mu ano mafuku a kunfudilo bākwile kwatudi mu Mwan’e, winyi abasangwile bu mpyanyi a bintu bioso, kwadi e namu nyi kubahangilwe hanohansenga hoso, e biadi mbadibadi ya ntumbo ye, na nkyebukilo yi’anka hamune yi a na mwinyi, na kwikasha bintu bioso ku bishima bibakwilwe mu bukome bwe, habahwile e na mwinyi kutosha milwisho yetu, bashalele ku mboko yibalume ya mukata mukilekile a’mwa mwiilu; ha kwikashibwa bu mukilekile bamwikeilu, bahyana eshina dibakile’bo kulumbuluka. A nku kihindji kinyi kwa tabākwile kwi sunga ngumune a bamwikeilu’shi: Obe we Mwan’ande, lelo uno nyi dianakutanda? sunga mpangi shi: Ami uno nakekala kwadi bu Nshyē, n’e (namu) akekale kwandji’mi bu ande mwana? Dimonyi, hakufwisha Mwan’e a mbedi hanohansenga, amba’shi: Bamwikeilu boso bamulangwile; na ha mwanda wa bamwikeilu amba’shi; e bekeshe bamwikeilu be bu bikudi, na bafubi be bwidimi dia kālo. Anka ākula wa Mwana’shi: Obe Efile Mukulu, luhun’a-nsulu lobe ndwa ikala-ika; elanga dia bufuntu bobe nyi elanga dia kululama. Wemufule kululama kit’ulo, oshikwa bubi, binyibiabia Efile Mukulu, Efile Mukulu obe, bahu kukubikasah na mwimu wa kusangala ukile bakwenu. Dingi’shi: Obe Yehowa, ha mbangilo botudile kibangilo kia hanohansenga, na mailu e mifubo ya maas’obe: Abio bianakalwile; anka’obe okashala, na bino bioso bianakanunuhe bu kilamba; n’obe onokebifungye bu kinkutu, n’abio bianakālulwe: ank’obe we hamune, na bihwa biobe tabianakafudile. Anka ha kihindji kinyi kibākwile kwi umune a bamwikeilu’shi: Shala ku mboko yande yibalume mpaa na hankālula beshikwene n’obe tankitulo kia ngwa yobe? Abo boso tambikudi bia mulubo, babatuminwe kufubilā’ba abakekala bampianyi ba kihandjilo su? Binyibiabia tubadia kunyingila bikata kutee mashimba ku yinyi myanda yatubahushishe, tala twakayīsha kihindji yakakila. Mwanda su mwanda ubakwilwe kwi bamwikeilu ngukankamikwe, na kusola koso na kushīkukokyela koso kubatambwile bwedi bululamine mwanka; Atwe, atukahanda na minyi su atushyadisha kihandjilo kikata ki bino, kibabadidile kwakulwa kwi Nfumwetu, kibetukankamikilwe kwi’ba abamuhushishe? Efile Mukulu namu akuīā n’abo bu kamonyi; ku bitundwilo, na ku biakukanya, na ku bikitshino bi bukoho bi bihaso na bihaso, na ku miabilo ya Kikudi-E-Selelee, mulombene eshimba die. Mwanda yaya nsenga yanakafikye yatwisambila, tamwiyihe bamwikeilu kwiyitonta, ooo. Anka umune mu kihindji kikampanda, bākwile bu kamonyi’shi: A muntu nga kinyi odi mutee n’eshimba? sunga Mwan’a Muntu otembelā? Bomwishishe bihela kwi bamwikeilu; bomubikeshe na ntumbona kinemo, na kumutula ha nundu ha bintu bibohangile na maas’obe. Bokokyeshe bintu bioso mushi mwa ngwa ye. Ha mwanda wa kukokyesha bintu bioso kwadi, tamulekye kintu kishī kikokyeshwe kwadi, sunga nkimune. Anka binobino tatwabandjile kumona bintu bioso bimukokyele, ooo, ank’atumono Yesu, badi mwishibwe bihela he bamwikeilu ha mwanda wa kulwambuka kwa lufu, babikeshwe na ntumbo na kinemo’shi; e, ku bu-muntu bw’Efile Mukulu atompele bantu boso lufu. Mwanda ngumulombene ha mwanda bintu bioso bi hadi, na bintu bioso (namu) nyi mbianka biakwadie, mukufwisha bana bebungi kwi ntumbo, mu kwikasha kimankinda-mukile-bakwabo a kihandjilo kiabo mulombene ku mifwambuko. Mwanda e alamunāselelee, n’aba balamunwe-selelee, abo boso be ku umune; ha uno mwanda nyi ha shī na būfu kwibetanyina bu bakwetu’shi, Nankalungula eshina diobe kwi bande bakwetu, munkatshi mwa kikoñeno-ki-’Efile nankakuyimbila ya milangilo. Dimonyi, ’shi: Ami nankamukuluhila; hangi namu’shi: Talai, ’mi uno na bana babampele Efile Mukulu. Haha henyi biabia bana biabebungila ku mwita na mase, e na mwinyi namu mwibungile n’abo hamune’shi, ha mwanda wa lufu biadia kulwisha yawa sha matalwa a lufu, e winyi nyi nkafilefile; na kuhososha’ba batabadi hehi kumunwa mbuhika mu kihindji kioso kia muwa wabo, mwanda wa kutshina kwa lufu. Mwanda mbinyibinyi tamwate ya bamwikeliu, ooo, anka bātshile ya ku lubio lwa Abalahama. Binyibiabia mu bintu bioso wadi n’ao ngwa kuhwandjikishwa bu bakwabo, mwadia kwikēla tshiite-mwakwidi mukata a lusa n’ā kishima mu myanda ya kw’Efile Mukulu, kulombasha kihwano ha mwanda wa milwisho ya bantu. Ha mwanda w’e na mwinyi bafwambukile mu kutompibwa, euku mwa kusambilā’ba batompibwā. Binyibiabia bakwetu bahatulwe-bekishila, bebungile n’etu ba lwitanyino lwa mwiilu, hangidishai Mutumibwa, Tshiitemwakwidi mukata a lukumino lwetu, ta ng’Yesu; a kishima kwi’wa bamusangwile, nyi mubayikadile Mosesa mu nshibo y’Efile Mukulu. Mwanda e batemunyine kuhwandjikila ntumbo yikilekile ya Mosesa, ank’amwikelā mwibaki a nshibo mukile nshibo kinemo, mwanda mashibo oso e na bebaki bao; anka baibakile bintu bioso ny’Efile Mukulu. Na Mosesa badi na kishima binyibinyi mu nshibo y’Efile Mukulu yoso bu mufubi (a mu nshibo) aho nyi mpa bu kamonyi ka yaya myanda yibadi yakwakwilwa kunyima. Anka Kidisitu nyi Mwana-mulume kunundu kwa nshibo ye; yinyi nshibonyin’atwe, su atulamata hoo ku kukankamana (kwetu) na kutumbisha kwa lutengyelo anka hoo mpaa na kunfudilo. Binyibiabia (mubakudile Kikudi-E-Selelee’shi: Lelo, su anuhusha eyi di’e, tanukomeshanga mashimb’enu hamune bu mu (diadia) kukolomonwa mwifuku dia kutompibwa mu kabaka, Mubantompele banshyenu, nebashishishe, abamwene bikitshino biande bihwa makumi ananka. Biabia nadi akolomonwa na kiakia kihungilo’shi: Abalubā mafuku oso ’mashimb’abo; anka tababakuminyine bihikwa biande. Biabia natshihile mu nsungu yande, ’shi: Su abakatwele mu kikisho kiande.) Dimukai bakwetu, tala kwekala munda mwa umune enu eshimba dibi dishyadikumina, dia kutombokyela kw’Efile Mukulu atala. Anka nwilane kwifuku n’efuku, hadikia ditemunwa bu lelo; tala kwekala umun’enu mukomeshwe eshimba ha kōngolwa ku milwisho. Mwanda’twe tatudi bebungile na Kidisitu, su atulamata ku mbangilo ya kwiukidila kwetu hoo na ku nfudilo: Henyi hakudīlwe’shi: Lelo, su anuhusha eyi di’e, tanukomeshanga mashimb’enu hamune bu mu (diadia) kukolomonwa. Mwanda, a mbanyi abakolomwene ha kuhusha? A tambaba boso abatukile kwi Ndjihitu na Mosesa? Abafitshishwe eshimba bihwa makumi ananka na banyi? A tambaba abasōle myanda, binyi bitanda bibahōne mu kabāka? A nku banyi kubatshihile’shi: tabakatwele mu kikisho kiande, tañanka kwi’ba bashī na kukumina? Biabia atumono’shi: Abakutshilwe kutwela ha mwanda wa kushīkukumina. Biabia atwe twikale na moo tala mulayilo ubetulekyeiwe wa kutwela mu kikīsho, umun’anwe su akalobela mwanka. Mwanda kwatudi’twe kubalungwilwe mukāndu-wibuwa, anka hamunenka namu kwi’bo; anka winyi mwanda ubalungwilwe, ubakutshilwe kwibambwesha kintu, (mwanda) taubadi usangakane na lukuluhilo mwabadi bahushishe. Mwanda’twe tubakuminyine atutwele mu kikisho anka mu bakudile’shi; Anka munatshihile mu nsungu yande’shi: Su abakatwele mu kikisho kiande: sunga bikitshino bibakitshinwe ku mbangilo kwa hanohansenga. Mwanda e bakwile mu nanyi’u ha mwanda w’efuku dia musambobidi bino: N’Efile Mukulu beyikishe ku mifubo ye yoso h’efuku dia musambobidi. Hangi namu’nyi’shi: Su abakatwele mu kikisho kiande. Biabia mwanda ukiushale wa bamo batwele mwanka, n’abo babadi balungulwe mukāndu-wibuwa kala abakutshilwe kutwela ha mwanda wa kushīkukokyela. Ungi’nyi, e batemwine ding’efuku, bakwile kwi Dafidi’shi: Lelo, ahahu kwiyisha kihindji kikampanda, anka mubakudilwe’shi: Lelo, su anukahusha eyi di’e, tanukomeshanga mashimb’enu, Mwanda su Yoshua bebahele kikisho, (biabia Efile Mukulu) tabadia kwakula kumongo ha mwanda wa ding’efuku. Biabia efuku dia kikisho dibashala ku bantu b’Efile Mukulu. Mwanda e batwele mu kikisho ki’e, e namu bēkisha ku bikitshino bi’e, anka hamune bibekish’Efile Mukulu kwi y’e. Binyibiabia tusasakate kutwela mu kinyi kikisho, tala muntu akahona mu kihaso kimunenka kia kushikukokyela. Mwanda, Mwanda w’Efile Mukulu autala, na wa kusasakata na kukila bwāshi bwa mpete-ya-ngoshi yoso yi mashi kubidi autubula mpaa na kulamunusha kwa kw’eshimba na kikudi, na kwa binyingwa na mwimu-wa-mikondo, ngwa kushingulusha mitentekyesho na bia kufuna kw’eshimba. Takwi kintu namu kihangwe kushyakisokolwa ku meso kwe, anka bintu bioso bi ha toka, bi mwasa ku meso kwa’wa atudi n’e. A binyibiabia biosobi twi na tshiite-mwakwidi-mukata, bahwile kutwela mwiilu, nyi Yesu Mwan’Efile-Mukulu, tushimate hoo lukumino lwetu. Mwanda tatwi na tshiite-mwakwidi-mukata shyeuku kukwatshibwa mwiyile matūba etu, ooo, biosobi batompibwe mu myanda yoso hamunenka’twe, (sunga mbiabia) tamulwishe. Biabia tusumine kwifubula hehi ku luhun’a-nsulu lwa bu-muntu bw’Efile’shi; tutambule lusa na kumona bukwashi mu kihindji kia lukalo. Mwanda ese tshiite-mwakwidi mukata tahatwilwe munkatshi mwa bantu, ’musangwilwe ha mwanda wa bantu, mu bintu bia kw’Efile Mukulu’shi, alambule milambu na bitahilo ha mwanda wa milwisho, euku kwikala na kasendeleshi kwi ba bashī na kalolo n’abēhengy’eshinda; mwanda e na mwinyi namu ’mufunyishwe na butūba. Nyi haudi uhwandjikile’shi anka mwalambwila ya bantu, e namu elambwile y’e. Takwi muntu eatshila (kino) kinemo kwi na mwinyi, ooo, anka e mwitanyinwe n’Efile Mukulu, hamune Alona. Na Kidisitu namu tamwitumbishe na mwinyi kwikala bu tshiite-mwakwidi-mukata, ooo, anka yawa bamulungwile’shi: Obe we mwan’ande mulume, lelo uno nakutanda. Mulombene mubākwilwe hangi’shi: Obe we tshiite-mwakwidi a kwikala-ika mwiyile mulongo wa Meletshisedeka. E, mu mafuku e a ku mbidi habatekyele nteko na miyayo hamune na kudila kukata na mpolo, kwi yawa beukile kumuhasha ku lufu, e namu bahushishwe ha mwanda wa kutshina kwe kw’Efile: sunga badi mwana bāmbwile lukokyelo ku myanda yibafwambukile n’ayo, na hakukumbashwa, bālulukile ta mubangi a kihandjilo kia ikala-ika kwi’ba boso abamukokyela, baitaminwe n’Elile Mukulu bu tshiite-mwakwidi-mukata mwiyile mulongo wa Meletshisedeka, ha kumukuma twi na myanda yibungi kwisamba, na yi bukoho kuhatulwa, biosobi nwibalulukye bu basha kitwi. Mwanda mbinyibinyi anka hano nyi hakibenulombena kwikala balambukishi, nyi na lukalo lwa (muntu) kwinulambukisha dimonyi, yaya ngia kwibedi ya miakwilo y’Efile Mukulu; anka nubāluluka bu ba be na lukalo lwa mabele, bashī ba bidibwa bi bukoho, ooo, Mwanda ese adishwa na mabele e te na kalolo mu Mwanda wa kululama, mwanda, e nyi mwana mukinga. Anka bidibwa bibukoho mbia ba batabahwile kukula, nyi nkwi’ba ha mwanda wa kuubila, be na bihushisho biabo binyishwe bia kushingula bibuwa na bibubi. Binyibiabia tulekyei aya myanda ya hambangilo ya Kidisitu, tuyididile ku bia bukulu, kushī kubanga kibangilo kia kwalulukil’eshimba ku myanda yifwe, na ya lukuluhilo kw’Efile Mukulu, na ya lulambukisho lwa mbatshisho, na ya kutenteka kwa maasa, na ya lusangukilo lwa ku bafwe, na ya kuhoneshibwa kwa ikala-ika. Nyi mwatukakitshina su Efile Mukulu akumina. Ha mwanda wa’ba abamunyikilwe kala, abatompele ku kia buntu kia mwiilu, abakitshinwe bu ba kwibungila ku Kikudi-E-Selelee, abatompele namu Mwanda wibuwa w’Efile Mukulu, na biabukome bia bihungilo abikafiki. Su abakalamunuka, akukakutshikwa kwibālusha dimonyi ku kwilanga kw’eshimba, mwanda abeyihayila dimonyi Mwan’Efile Mukulu ha nkulusu abo bana bene, na kumukwatshisha būfu hatoka. Mwanda nsenga ayiminā mpeshi anokā hanka misusa na misusa, ayimeneshā kimwaa kwi’ba abeyidimine, ngibungile mwabi kw’Efile Mukulu; anka’ya ayimena milobo na nahimbia ngihedibwe, tayidi hehi na kwelwa muloa; kunfudilo kwa’yo nyi nkuhya kālo. Anka sunga atwisamba bino, bafudibwe kifulo, twibeukidile biya myanda yikile yaya buwa hanudi’nwe, na myanda ayikunkushena na kihandjilo. Mwanda Efile Mukulu te na kushīkululama kwa kwilwa mifubo yenu na kutuwita kwa kifulo kianubalesha kwishina die, nyi kianubafubila balamunwe-bakishila, na hano henyi nukianufubu. Atwinukyebe’shi: Muntu ese ānwe aleshe’kwa ku sasakata hamunenka kwa lushingulwilo lukumbanelwa lutengyelo mpaa na kunfudilo; eshi tanwalulukanga bash’ehampa anka (nwikale) balondji b’aba abahyana milayilo ha mwanda wa Lukuluhilo na mufwāka. Mwanda habayile Efile Mukulu Abalahama, betshihilee na mwinyi, mwanda takwi mungi mukile adiakutshiha’shi: Binyibinyi (mu) mwabi nankakwela mwabi, na (mu) kufwimisha, nankakufwimisha; na biabia hakukankamana na mufwāka, batambwile mulayilo. Mwanda mbinyibinyi bantu abatshihā kwi be bakile bukata; na mutshiho wa kukankamika (mwanda,) nyi auhwiyampaka kwabadi. Nyi mwanka Efile Mukulu, badi n’eshimba kulesha na kukishakisha kw’abahyana mulayilo, kinyi kikayikilo kia binangu, bekitshihile na mutshiho. Eshi kwi (yino) myanda yibidi yikayikwe, mu’yo ngikambe, Efile Mukulu teuku kudimba, atwe tubasukile twekala bu batembela kinemo, twikale na kukankamana kukata mu kulamata ku lutengyelo lwitubikilwe ku meso. Lwinyi’lo twi n’alo bu kimikilo ki’eshimba, lunyingye na lushimate, alutwela namu mu kiakia ki kumongo kwa lushiko-lwa-kilamba kikingwe. Nyi mwinyi mubetutwelele’wa betubadidile, nyi ng’Yesu, tadi bu tshiitemwakwidi-mukata, mpaa na kwikala-ika mwiyile mulongo wa Meletshīsedeka. Mwanda uno Meletshīsedeka, nfumu a Salema, tshiitemwakwidi e Efile Mukulu mukilekile bukata, bafumankene n’Abalahama hakwaluka ku kutukisha kwa banfumu, bamuhele mwabi. Abalahama namu bamwabile kia kushikisha ekumi mu bintu bioso; Kuhatula kwa kwibedi (kweshina die) nyi Nfumu a kululama, dimo Nfumu a Salema, kuhatula nyi nkwamba’shi: Nfumu a kufukama; shī na nshye, na nyina, shī na ku musuku, sunga mbangilo a mafuku, sunga kunfudilo kwa muwa; anka bahwandjikishwe bu Mwan’Efile, e ashala tshiite-mwakwidi mpaa na kwikala-ika. Bino nuhangidishe mwadi mwikēle bukata, bibahelwe kwi nshyetu-kulu Abalahama kia kushikisha ekumi kia bihaulwe na misungi; na binyibinyi aba be ku bana ba Lefi abahebwā mufubo wa butshiite-mwakwidi, be na mulangilo wa kuata bia kushikishe ekumi kwi bantu ntulombene mukanda wabishila, kuhatula’shi, nyi nkwi bakwabo, sunga abatukile ku miongo ya Abalahama: anka e nga musuku ushī ubadikwe kwi’bo batambwile biakushikisha ekumi kwi Abalahama, bahele mwabi kwi’wa badi na milayilo. Takwi mpaka, muntu’hela bahebwa mwabi kwi mumukile bukata; na binyibinyi hano bantu abafwiyā abatambula bia kushikisha ekumi, ank’akwa yawa atemunwa’shi: Nyi atala. Biabia atwiuku mwa kwakula’shi: Lefi abalambulwa bia kushikisha ekumi, e namu, balambudile mu Abalahama bia kushikisha ekumi. Mwanda e badi ki ku miongo ya nshye habafumankene na Meletshisedeka. Binyibiabia su mukumbeno w’eshimba ubadi ku butshiite-mwakwidi bwa Lefi, (nyi habatambudile bantu mukandawa-bishila), a nkinyi kibadi lukalo lukile lwa mungi tshiitemwakwidi kwibwaa a mulombene mulongo wa Meletshisedeka, na shī mutemunwe bu a ku mulongo wa Alona? Mwanda butshiite mwakwidi hakushintushena wabudi n’ao ngwa kushintushena namu na mukanda-wa-bishila. Mwanda e mukumibwe na yino myanda ayisambilwa, ngakingi kisaka, kishyakituku muntu bahelwe mufubo wa ku kitala kia bitahilo. Mwanda taumwekyele hatoka’shi, Nfumwetu batukile ku Yuda, ha mwanda wa kino kisaka Mosesa tamwakule mwanda wa butshiite-mwakwidi, ooo. Mwanda ubakishakisha kumweka hatoka’shi, kubatuku mungi tshiitemwakwidi mwifwane Meletshisedeka, e bakitshinwe, mu shī mwiyile mulangilo wa ku mbidi, ooo, anka mwiyile bukome bwa muwa ushyauhu. Mwanda ubamutemunyinwe bu kamonyi’shi: Obe we tshiite-mwakwidi a ikala-ika mu mulongo wa Meletshisedeka. Mwanda mbinyibinyi kwi kukūmba kwa mukanda wa milangilo ha mwanda wa butūba bwao na kutwa kwa kwiumwena kintu. (Mwanda mukanda-wa-bishila taubafishanga kukumbasha kintu, sunga nkimune), anka kufisha kwa lutengyelo lukile (lubakitshishe biabia), kwa ludi nyi kwatwifubwila hehi kw’Efile Mukulu. Na biosobi tabakitanga kushī mutshiho: ( Mwanda’ba batshiite-bakwidi abakitshishwe kushī mutshiho; ank’e na mutshiho kwadi bamulungwile’shi: Yehowa betshihile, takāluluka’shi: Obe we tshiite-mwakwidi a ikala-ika mu mu’ongo wa Meletshisedeka:) Biabia Yesu bekele bu kiee kia kilombeno kikilekile buwa. N’abo babadi butshiite-mwakwidi bebungi, mwanda wa lufu lubebakutshishwe kwikadidila mwanka. Ank’e uno, ha mwanda e mwiyididile ikala-ika, e na butshiite-mwakwidi bushyabwalulukā. Binyibiabia euku kwibahasha mpaa na ha nfudilo abefubula kw’Efile Mukulu kwadi, mwanda e nyi atala ikala-ika mu kwibasengyela. Biabianyi bibadi tshiite-mwakwidi-mukata ha mwanda w’atwe, muhatulwe e-kishila, shī na mwanda, shī na biko bi’eshimba, mulamunwe ku balwishi, tadi mukile mailu bukata; e te na lukalo kulambula bitahilo kwifuku n’efuku, bu ba batshiite-bakwidi-bakata, kwibedi kwamilwishoye, henyihaha tangia bantu, ooo. Mwandakino bekikitshine ntususa umune mpaa, habelambwil’e na mwinyi. Mwanda mukandawa-bishila ausangulā bantu batuba tambatshiite-bakwidi-bakata; anka mwanda wamutshiho, ubalondele mukanda wabishila, wasangula Mwana e mukumbanyinyine kwikala-ika. Biabia kihatulwilo kiatubākwile (kino nyi) kikumbesho; Atwe twi na tshiite-mwakwidi-mukata e biabia, tahwile kushala ku mboko yibalume ya luhun’a-nsulu lwa winyi mukilekile kinemo e mwiilu; mufubi e Efile a bintu bihatulwebikishila, n’a kibombelelo ki’Efile kia binyibinyi, kibaibakile Efile Mukulu, tambantu’bo, ooo. Mwanda batshiite-ba-kwidi-bakata boso mbasangwilwe kulambula milambu na bitahilo; biabia uno namu wadi na’o ngwa kwikala na bia kulambula. Mwanda su badi hano hansenga, (biabia) tabadia kwikala tshiite-mwakwidi sunga mpahelehela, mwanda bangi batshiite-bakwidi be kwanka abalambulā milambu mwiyile mukanda-wa-bishila: abafubila kihwandjikisho na mwesheshe wa bintu bia mwiilu, mubalangilwe Mosesa kw’Efile Mukulu, habadi tadi akyebe kukita kibombelelo ki’Efile; mwanda bakwile’shi: Tala biokitshi bintu bioso mwiyile kihwandjikisho kibakuleshwe mu ngulu. Anka binobino batambwile bufubi bw’Efile bukilekile buwa, ha mwanda w’e namu nyi musengi a kilombeno kikilekile kulumbuluka, yishidikwe ku milayilo yikilekile buwa. Mwanda su kinyi kilombeno kia kwibedi kibadi kishī kitohekwe, (biabia) tahabadi akukyebwa kia kabidi, ooo,. Anka ha kumona ya kutohekwa kwabadi, Yehowa bakwile’shi: Talai, mafuku anakafikye hankakumbasha kilombeno kihya na ba ku nshibo ya Bena Isalele, na ba ku nshibo ya Yuda: kushī mwiyile kilombeno kinalombene na bashabo-kulu mu di’efuku dinebakwete ku mboko, nebakunkusha kutuka n’abo mu nsenga ya Ndjihitu; mwanda tambayididile na kilombeno kiande, ami namu nebatondele; nyi mubākwidile Yehowa. Mwanda kino nyi nkilombeno kiankalombana na ba ku nshibo ya Isalele ha kukila aa mafuku; nyi mubākwidile Yehowa: Nankatulu bishila biande mu binangu biabo, na kwibifunda mu mashimb’abo; n’ami nankebekēla bw’Efile Mukulu abo, abo namu banakekale kwandji bu bantu bande. Tabakelambukishena muntu na mwikashi n’e, n’ese muntu mukwabo’shi: Nwiukye Yehowa, ooo; mwanda boso abakañuku, kubangila kwi bakilekile buhela mpaa na kwi bakilekile bukata. Mwanda nankekala na lusa ku kushikululama kwabo, na milwisho, na kushula kwabo kwa bishila tankebinangushena dimonyi, ooo. Hakwakula’shi: Kilombeno kihya, nyi habālulwile kia kwibedi, tankikulu. Bino akiendā’ kikulanga na kununu’ha, takidi ha kushimina. Biabia kilombeno kia kwibedi binyibinyi kibadi na bileshesho bia bilangwilwa, na kilangwilo-ki-kishila akinemena bia hano hashi. Mwanda kubadi kukitshibwe kilombelelo ki’Efile. Mu (kihindji) kia ku mpala mubadi kitudilo kia bimunyi, na mesa namu, na mampa a kuleshwa; nyi mubatemunwanga bu muhatulwe-mwi-kishila. Hakukila lushiko lwa kilamba lwa kabidi, nyi ha kilombelelo-ki-’Efile kinyi akitemunwa bu kihatulwe-kikilekile-kishila; nyi mubadi kishikilo kia kilonda kia nsahabu, na musheto wa kilombeno ubambe kilonda kia nsahabu, nyi mubadi lueso lwa kilonda kia nsahabu, lubadi na mana, na mukombo wa Alona aushihukā, na mabwe afundwe kilombeno, na kunundu kwa’o (kubadi) batshelubimi ba ntumbo abadi baubamine mputo ya kufukamisha; tatwiuku kwinulondolwela binobino mwanda w’ao. Habalumbulwile bino bintu biabia, batshiite-bakwidi abatwēlā mu kibombelelo k’Efile kia ku mpala, abakitshi mufubo w’Efile. Anka mutshiite-mwakwidi-mukata badi atwele mu kiakabidi buhenita, mususa umune ku kioso kihwa, anka na mase, abelambwilanga ha mwanda wa milwisho yishi yihatulukye yi’e na mwinyi na ya bantu. N’aho henyi habetulesheshe Kikudi-E-Selelee’shi; eshinda dia ku (mbalo) yikilekile yihatulwa-yi-kishila tadiabandiile kumweka hakidi hemane kibombelelo ki’Efile kia kwibedi; kibadi bu kihwandjikisho ki’akia kinyi kihindji mpa, kiabadia balambwila milambu na bitahilo bishī biukye kufisha yawa alangwila bu mukumbane, mu mwanda wa eshimba dia munda, ooo, abio bibadi abikumu anka mu bidibwa na bia kutoma na bia kwitumpa bia bihaso na bihaso, na bileshesho bia mbidi bibebashidikilwe mpaa na ku kihindji kia kilumbulwilo. Anka Kidisitu ha kwikala ta ntshiite-mwakwidi-mukata a bintu bilumbulukye abikafiki, ku kibombelelo ki’Efile kikile bukata na kukumbana, kishī kikitshibwe ku maasa, (kuhatula’shi; tankia kino kihangwa, ooo;) sungakumase a mbushi, n’ā bana ba ñombe, anka ku mas’ē na mwinyi, batwelele mu mbalo yihatulwe-yi-kishila mususa umune, batambudile (bantu) kikudilo kia ikala-ika. Mwanda su masea ñombe n’a mbushiyilume, na buto bwa ñombe a musambala bimaminwe he abashula bishila abilamunusha-selelee mpaa na kutosha kwa ku mbidi; A biabia mase a Kidisitu e behen’e na mwinyi kushī kilema kw’Efile Mukulu ku Kikudi-E-Selelee a ikala-ika, tangakile kutoshaeshimba-dienu-diamunda kubikitshino bifwe, mu kufubila Efile Mukulu a muwa? Nyi mpa uno mwanda enyi musengi a kilombeno kihya’shi, lufu bialudi hanka lwa ku kula milwisho ya kutomboka, yibadi yinemene kilombeno kia kwibedi, abayitanyinwa batambule mulayilo wa buhyanyi bwa ikala-ika. Mwanda ha ku ki kilayilo kwi lukalo namu lwa lufu lwawinyi akitshi kilayilo. Mwanda kilayilo akiuku kukankamikibwa kumongo kwa bantu abafu, biabia taki na bukome, sungu mpahelahela su balayile kiatala, ooo. Nyi henyi ha mwanda w’akia kilombeno kia kwibedi tankishidikwe namu kushī na mase, ooo. Mwanda Mosesa habadi alungula bantu milangilo yoso mwiyile mukanda wa bishila, bātshile mase amisambalaya ñombe, na mema, na bufufulu bwa mikoko bumonga hyaa na hysope, bamamine ha mukandau na mwinyi, na ha bantu boso, tākula’shi: ano’mase a kilombeno kibenushidikidile’nwe. Kibombelelo ki’Efile namu na bintu bioso bia winyi mufubo w’Efile, bebimamine na mase. Mwiyile mukandawa-bishila hehi bintu bioso abitoshwa ku mase; na hashī kusololoka kwa mase takwi kulekyelwa kwa myanda. Ubadi n’ao ngwa bihwandjikisho bia bintu bia mwillu bitoshibwe na bino; anka bintu bia mwiilu abio bi na mwinyi mbitoshibwe na bitahilo bikile bino buwa. Mwanda Kidisitu tamutwēle mu bihatulwe-bikishila bikitshibwe na maasa, bi bu bihwandjikisho bi’abia biabinyibinyi, ooo; anka mwiilu mwi na mwinyi, ku mweka ku mpala kw’Efile Mukulu ha mwanda w’atwe; Sunga nkwamba’shi, elambule na mwinyi misusa na misusa, mubatwelelanga tshiite-mwakwidi-mukata ku kihwa ku kihwa, mu kihatulwe-kikishila na mase a shī bu e. Su mbiabia ubadi n’ao ngwa kufwambuka misusa na misusa ku mbangilo ya hanohansenga, anka hano hanfudilo ha bihungilo, bamwekyelele anka mususa umunenka, mu kukasha milwisho ha kwilambula e na mwinyi bu kitahilo. Binyibiabia anka mubasangudile bantu (boso) kufwa mususa umune, anka kumongo kwa’ko nkimu. Biabia Kidisitu namu balambwilwe mususa umune mu kutwala milwisho ya bebungi; na kwi’bo abamutengyela, anakamwekye mususa wa kabidi kushī milwisho mpaa na ku kihandjilo. Mwanda mukanda-wa-bishila biaudi na mwesheshe wa bintu bilumbulukye bia kufika, ushī kinyi kihwandjikisho kia bintu bi na bene, ooo, takwiuku n’abia bitahilo, bibalambwile ku kihwa ku kihwa bukyelebukyele, kukumbashedilā ’ba abefubula hehi, twambengye tabibadi akulekyebwa kulambulwa? mwanda benyi balangwidi hakutoshibwa mususa umune, tababadia kwikala n’eshimba dia munda na milwisho. Anka mu’bia bitahwa mwi kunangushena’nyi kwa milwisho ku kihwa ku kihwa. Mwanda nkukutwe’shi, mase a kimpanga kia ñombe n’a mbushi aeuku kukasha milwisho. Binyibiabia habafikile hanohansenga bakwile’shi: Bitahilo na milambu twebikyebā, anka mbidi nyi yiondumbuludile: Mu bitahwa bishima bishikwe tobodi na kusehela, ooo. Henyihaha nyi hanāmbil’ami’shi: Talai, ami nafiki, (mu mufungofungo wa mukanda ubamfundjilwe) kukita amukyebel’eshimba diobe, obe Efile Mukulu. Kunundu kubakwile’shi: Bitahilo na milambu, na bitahwa bishima bishikwe ha mwanda wa milwisho twebikyebā, sunga nkusehela; abalambwilwā mulombene mukanda-wabishila; twambengye bakwile’shi: Talai, nafiki kukita amukyebel’eshimba diobe, obe Efile Mukulu. Bakasha kia kwibedi mwadia kukankamisha kia kabidi. Nyi ku dinyi eshimba tubahatwilwe-selelee ha kulambula kwa mbidi ya Yesu Kidisitu mususa umunenka mpa; na boso batshiite-bakwidi abemana kwifuku kwifuku, abafuba na kulambula binyi bitahilo hamunenka bishyabiuku kushimisha milwisho; anka uno, habalambwile kitahilo kimune kia kukasha milwisho ya ikala-ika bashalele ku mboko yibalunie y’Efile Mukulu. Biabia e kwete kwesha efuku dia kufishwa beshikwena n’e bu kitulo kia ngwa ye. Mwanda ku mulambu umune bakumbashidile ikala-ika abo balamunwe-be-selelee. Kikudi-E-Selelee namu e nkamonyi kwatudi; hakidi kwakula’shi: Kino nyi nkilombeno kiankalombana n’abo ahakakidi aa mafuku, nyi bibākwile Yehowa, nankatulu bishila biande mu mashimb’abo, na mu binangu biabo nankebifundu; (batentekyele shi): Miiwisho na kushula kwabo kwa bishila tankebitentekyesha dimonyi, ooo. Anka hakulekyelwa kwa yinyi yino, tahakekala dimonyi mulambu ha mwanda wa milwisho. Binyibiabia anwe bakwetu biatudi bakankamane kutwela mpaa na mwā mukilekile muhatulwe mwi kishila mpa mase a Yesu, h’eshinda dihya dia muwa dia betulamunwine ha lwinyi lushiko, kuhatula’shi, mbidi y’e; na ha kwikala na tshiite-mwakwidi-mukata hanundu ha nshibo y’Efile Mukulu, tyifubule hehi n’eshimba dia binyibinyi, mu lushingulwilo lukumbane lwa lukuluhilo, na mashimb’etu ngamaminwe soo ku di’eshimba-dia-munda dibubi, na mbidi yetu (namu) ngitumpibwe na mema e selelee. Tulamatei anka hoo ku kwisokola kwa lukumino lwetu lushī na kusuasua: mwanda, e betulayile nga kishima. Twitentekeshenei ku muntu ku muntu kwibembena ku kifulo na bikitshino bilumbulukye. Tatulekanga kwikoñena hamune, bu mwiyi le kihikwa kia bamo, anka twinyishenei, na kukishakisha mwanka hatumono dinyi efuku adifubula hehi. Mwanda su atusola mwanda mu kutomboka hatatuhwile kutambula kiukilo kia biabinyibinyi, (biabia) takuki kushale’nyi kimo kitahilo kia ha milwisho, ooo, anka lutengyelo lwa moo lwa kimushulu yalwialulā, na lwa bukyelo bu bwa kālo, abukatatshisha ba kutuhishena. E basabulwile mukanda-wa-bishila wa Mosesa bafwile shī mufwilwe lusa ku bishima bia tumonyi tubidi su ntusatu. Anwe anutentekyesha na minyi kukilakila kwa malwa akalombana kwi muntu bāshine Mwan’Efile Mukulu mushi mwa ngwa ye, bahwandjikishanga namu mase a kilombeno abamulamunwine-selelee bu a bisumanga, na ku kaa Kikudi kia bu-muntu. Mwanda atwiuku yawa bakwile’shi: Kōbola nkwande, nyi mwakwile Yehowa; dimonyi, shi, Yehowa akatshibila bantu be myanda. Nyi kintu ki moo kuhonena mu maasa a Efile Mukulu a muwa. Anka nangushenai mafuku a kwibedi mwinyi mwanubamunyikilwe, nubanyiñamene mu ngoshi yikata ya bishiotshi; kihindji, mwanda nubadi bu bia kubandjilwa ku misābulo na bia malwa, kimo kihindji’nyi hanubālulukile bakwibungila n’aba abamweshibwa biabia. Mwanda nubadi n’ami kanya mu nkano yande, na kufinwa kwabintu bienu, nubadina mashimba soo, hakwiuka munda mwenu’shi, (amwa) mwiilu nwi na buheta bukile buwa bushī mpwilo. Binyibiabia tanutshitshimukanga kukankamana kwenu kwi na bwedi bwi moo; mwanda nwi na lukalo lwa kuyiñamana’shi hanukahu kukita mubakyebel’eshimba di’Efile Mukulu, anukatambula winyi mulayilo. Mwanda kwi anka kihindji kihela, na winyi akufika akafiki, takēndjila, ooo. Biabia mululame ande akekala na muwa ha lukuluhilo; na su akalamunuka, (biabia) eshimba diande tadikamusehela ooo, Ank’atwe tatwi (kubaba) belamune mpaa na mu kuiwila, ooo, anka twi (ku baba) ba kukumina mpaa na ku kuhashibwa kw’eshimba. Biabia lukuluhilo nyi nkwiukidilo kwa bintu abitengyelwa, nyi lushingulwilo lwa’ya myanda yishyamwekyele. Mwanda nyi nku lwinyi’lo kubatemwinwe bakulu (ba-kala) kitemwino. Ha lukuluhilo atushingula’shi, hanohansenga hoso habalumbulwilwe ku Mwanda ubakwilwe kw’Efile, biabia bintu abimonwa tabibakitshinwe ku bintu abimweka, ooo. Nyi mpa lukuluhilo Abele balambwile Efile Mukulu kitahilo kifinyine kia Kana buwa, nyi mpa kinyi’kio e batemwinwe’shi, mululame, Efile Mukulu (namu) bamutemwinanga ha milambu y’e; nyi anka h’ayo e tadi mufwe kiakulā, ha lukuluhilo Enoke batentwilwe (mwiilu), tamumone lufu; tamusananwe, mwanda Efile Mukulu bamutentwile; mwanda kwibedi kwa kutentulwa kwe, badi atemunwa’shi; e mutoshe eshimba di’Efile Mukulu. Anka kushī lukuluhilo nkukutshidilwe kutosh’eshimba (die,) mwanda yawa akwifubula kw’Efile Mukulu wadi n’ao ngwa kukumina’shi, e kwanka, atushā bwedi kwi’bo abamukimbā na kusasakata. Ha lukuluhilo Noa badimwinwe kw’Efile Mukulu ha myanda yishyabandjile kumweka, habakwatshilwe na moo (wa kw’Efile,) bebakile bwato bwa kiha ndjilo kia ba ku nshibo ye, nyi henyi’ho habahoneshe bia hanohansenga, bālulukile tampyanyi a kululama kwiyile lukuluhilo. Ha lukuluhilo Abalahama habaitanyinwe ku katuka kwenda kuntu kwadia kutambula buhyanyi kumongo, bakokyele; e bakatukile, ēnda, kwa shyeuku kwinyi kwēnde, ooo. Ha lukuluhilo batembele mu yinyi nsenga ya mulayilo, hamuneka bu (mu) nsenga yishī y’e, bashalanga mu mahema na Isaka na Yakoba, bampyanyi hamune n’e baha mulayilo umunenka wīnyi. Mwanda badi atengyela kibalo, bibangilo bia’kio, Efile Mukulu nyi mwibaki na mukitshi akio. Ha lukuluhilo Sala, e na mwinyi batambwile bukome bwa kwimita eimi, e tabadi mukile ahatandjilwa batandjile, mwanda bahwandjikishe’shi: Winyi bandayile nga kishima. Binyibiabia nyi habatukile umunenka, e namu badi bu mufwe, anka hamune mwikele nyenyenyi mwiilu bungi, na bu mafwenkenyi a ku bukunkula kwa mema-akalunga ashyabadikwa. Bano boso abafwile mu lukuluhilo, bashī batambule milayilo, anka babeyimwena na kwiyimuna kula, abesokwele’shi: Twi benyi, na balukilo hano ha nsenga. Mwanda’bo abākulā biabia abahatula hatoka’shi: Atukimbi nsenga y’atwe bana bene. Na binyibinyi, su abādi abatentekesha a’yā (nsenga) yiabakatukile, hangi abadi akumona mwa kwalukila (kwanka.) Anka binobino abelombā kwi yiyifinyine buwa, kuhatula’shi, nyi ngiā’mwa mwiilu; binyibiabia Efile Mukulu te na būfu kutemunwa bu Efile Mukulu abo; mwanda e babalumbulwidile kibalo. Ha lukuluhilo, Abalahama habatompelwe, balambwile Isaka, biabia e winyi batambwile milayilo, balambwile Mwan’e eleka. Mwinyi mwadi e ubākwilwe’shi: Mu Isaka twikulu tu’obe atukaudikwa. Bashingulwile’shi, Efile Mukulu euku kumusangula, sunga nku bafwe; kwinyi’ko namu bamutambwile mu kihwandjikisho. Ha lukuluhilo Isaka bahele Yakoba na Esau mwabi ha mwanda wa myanda ayikamweka ku meso. Ha lukuluhilo Yakoba, habadi tāfu, bahēle bana babidi ba Yosefe mwabi; balangwidile Efile Mukulu mubandamine hanundu ha mukombo w’e. Ha lukuluhilo Yosefe habadi tāfu, batemukile mwanda wa kukatuka kwa Bena Isalele; bakamikile ha mwanda wa mifufwa y’e. Ha lukuluhilo, Mosesa, habatandjilwe, bafīlwe kwi babamutandjile mieshi yisatu, mwanda abamumwene bu mwana mulumbulukye; tambatshīne kishila kia nfumu moo. Ha lukuluhilo, Mosesa habakule, bahele kwitanyinwa bu mwan’a Halo mukashi; Basangwile kufwambuka mu bishiotshi na bantu b’Efile Mukulu, he kwikala na kusehela kwa mu bia milwisho ha kihindji kihela; Bahwandjikishe’shi: misābulo ha mwa nda wa Kidisitu ngikile buheta bwa bineme bia mu Ndjihitu bukata, mwanda e badi atengyela kuhebwa bwedi. Ha lukuluhilo nyi habakatukile mu Ndjihitu kushī kutshina bukyelo bwa nfumu bwinyi, mwanda bañyinamene bia kumona winyi shyamwekā. Ha lukuluhilo nyi habakitshine kia Paque, na kumamina enyi mase, tala winyi mwihanyi a bana ba-kwibedi ebakuma. Ha lukuluhilo ababukile kishiba kimonga hashi haume; nyi habasomokyele Bena Ndjihitu, batukile boso ’mema. Ha lukuluhilo mbumbo ya Yeleko yibabumbukile, hayibefunyinwe mafuku musambobidi. Ha lukuluhilo nyi hashī halwikye Lahaba na benyi bashī badi bakokyele, mwanda e batambwile benyi bampūha na muloo. A kiañakula dimonyi nkinyi? kihindji kibadia ku kutshikwa kia kulungula kia kukuma Ngideone, na Balaka, na Samesone, na Ndjeheta na Dafida, na Samwele, na batemuki; abo benyi ha lukuluhilo abatshimwine mafumu, abakitshine bia kululama, abatambwile milayilo, abamumishe makanwa a ntambwe, abashimine bukome bwa kālo, abahandjile ku mashi a mpete ya ngoshi, mu kubofula kwa mbidi abālulukile tabadi bukome; abanyishwe na ntshitshiba mu ngoshi, ababingile bibumba bia bēnyi babalwanga n’abo. Bana bakashi (namu) abatambwile bafwe babo ha kusanguka dimonyi ku muwa; bangi namu abanyengeshibwanga malwa akata, kushī kutambula kuhashībwa; mwabadia kutambwila lusangukilo lufinyine buwa. Bangi’nyi namu abatompibwa na kudidikwa kwa (kifita) na bikuhilwa, ee, dimonyi na kwibānya na kwelwa mu nkano. Abāshilwe mabwe, ababalwilwe mpese, abatompelwe, abayihailwe na luhete lwa ngoshi; abakindakene bafwale misokya ya mikoko na ya mbushi; abalobele bi moo, abamwene bishiotshi na kumweshibwa malwa; (bahanohansenga; tabahwandjikile n’abo); abakindakene mu tubāka, na (mu) mangulu, na mu mena a mbwebwe na mu twina twefile bia hano ha nsenga. Na bano boso, abatemunwanga bibuwa ha lukuluhilo, tambatambule mulayilo, ooo, (mwanda) Efile Mukulu betushingulwidile kintu kibuwa bufinyine’shi; abo, tabakalombashwa bisumanga atwe. Binyibiabia atwe namu twibafunyishibwe na kibumbu kia tumonyi, tufule bibushito bioso na mulwisho winyi awitubembelā, tukame lubilo na kunyiñamana mu kwinyi kwishiena kwi ku mpala kwetu, twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu. Mwanda nuhangidishe biya yawa muñyinamene mifutulo yi biabia kwi baiwishi, tala nwakakoka na kwikala bash’ehungi mu mashimb’enu. Tanwi babande kwikingila mpaa na ku mase, ha kulwa na milwisho. Nubailwa elango adiakulā kwanudi bu kwi bana’shi: Mwan’ande tosabulanga kuhasha kwa Y’ehowa, ooo, sunga nkwehūngi hosashilwa n’e; Mwanda yawa mufudibwe kifulo na Yehowa, e ahashā, akuhilā ese mwana ātambula. Su anunyiñamana mu kuhashwa, (biabia) Efile Mukulu enukitshina bu kwi bana; mwanda, a mwana kinyi shyahashwa na nshye? Anka su tanuhashibwā, n’ako kwinyi kwibungile boso, biabia nwi bana ba makuhi, tanwi bana (binyibinyi) ooo. Dimonyi, tubadi na bayaiya ba ku mbidi abetuhashīshe, kwibanemeka tubebanemekyele, anka kwi Yaiya a bikudi a na minyi, tatukakidi kumukokyela na kumona muwa? Mwanda’bo binyibinyi abetuhashīshe mafuku ahela mwiyile mwabahwandjikishe’ mbilombane; anka yawa ha mwanda wa kumwena (kwetu) mwatudia kwikala bebungile ku kuhatulwa-kwa-kishila kwe. Anka kuhashwa kwa ha kinyi kihindji takumwekwa bu kwa muloo, ooo, nyi nkwa kufitshish’eshimba; anka kumongo akuheya bikuba bia kufukama, bilulame bi’eshimba kwi’bo bamweshibwe n’ako. Binyibiabia olai maboko akokye, na manwi abofule; tēmeshai mashinda a kwenda ngwa yenu, tala’shi alwa alusumpikita lwakehenga kungi; anka lwikale luhwibwe. Londai bia kufukama na boso, na kuhatulwa kwa-kishila, bisumanga’bio takwi sunga ngumune akamono Nfumwetu. Nutale kalolo kuhela muntu akalobela ku bu-muntu bw’Efile Mukulu, tala kibangilo kia lwima kiakebwā kwinukalakasha, biabia bebungi bakashūlwa kishila ha lwinyi’lo. Tala kwakekala sha lusandji, su sha kufutula bu Esau, winyi e ha mwanda wa kiseso kia mwita, bahēne buhyanyi bwe. Mwanda nwibeukye bu habadia ku hyana winyi mwabi ku mongo, badi mutunyibwe; mwanda tamumone’nyi bia kwilanga, sunga bebikokolwele na mpolo. Mwanda’nwe tanwibafikye ku (yawa) ngulu, akukumibwa, yibatembele kālo, ooo, sunganku kufitana mufito, sunga nku kihahi kimoo, sunga kwīyi dia mpungi, sunga nkwīyi dia bishima; biabihushishe’bo tabasendela’shi: tatwakwilwanyi dimo mwanda, ayoyo. (Mwanda abakutshilwe kunyiñamena akia kibakamikilwe’shi, sunga nyama bakumu ngulu akāshibwe mabwe. Mwanda kinyi kimonwa kibadi kia malwa e moo, Mosesa bambile’shi: Ami nakishakisha na moo na kusūsa.) Anka’nwe nubafiki ku ngulu ya Siona, ku kibalo ki’Efile Mukulu a muwa, ta Yelusalema a mwiilu, na ku bibumbu na bibumbu bia bamwikeilu, ku kikumbeno kia kikoñeno ki Efile kia bana babedi, babafundjilwe mwiilu, kwi Efile Mukulu nsushi a boso, na kw’i bikudi bia balulame bibakumbeshwe; na kwi Yesu musengi a kilombeno kihya, na ku mase a bamaminwe, aesambā bintu bifinyine buwa na ku ā Abele. Talai tanulelanga yawa akulā, mwanda su baba abatune yawa bakwile ha nsenga, tambahande, kukilakila biabia n’atwe namu mpamune, su atufutala yawa etudimuna a kwiilu. Eyi dia kiakia kihindji dibatenkakeshe nsenga: anka binobino balayile’shi: Ungi mususa nankatenkakasha tañanka nsenga, ooo, anka n’eilu namu; na bino bishima: Ungi mususa, abifunkila kukashibwa kwa’bia bintu bibatenkakeshwe bu ku bintu bibahangilwe’shi, abia bintu bishībitenkakashwe bikale kwanka. Binyibiabia atwe hakutambula bufumu bushyabuuku kutenkakana, twikale na bu-muntu, mu bwinyi’bo, nyi mwatufubil’Efile Mukulu ya kusangash’eshimba na kinemo, na mutshinyīsha kw’Efile. Mwanda Efile Mukulu etu, e nyi nkālo akatatshishā. Kifulo kia bana na bana kiyididila, tanuhuñanyanga kulela benyi, mwanda kwinyi’ko nyi kubalēle bamo bamwikeilu babashī bashingule. Nangushenai baba be mu nkano, hamune bu’nwe bedibwe n’abo. N’abo (namu) abafwambuka mu bishiotshi, hamunenka bu’nwe namu nukianka mu bia mbidi. Ebambo dinemekwe kwi boso, na lusala lushī lwa kushula kishila, anka basha lusandji na bulalelale Efile Mukulu akebatshibila kimu. Nyikashi ya muwa wenu yikale yishī na lwabi lwa kwābīla mono, nwifukamishe mu’bia bintu nwi n’abio: mwanda e bakwile’shi: Ami tankakulekye, tankakufutala sunga mpahelehela, Biabia twibasumine kwamba’shi: Yehowa nyi mukwashi ande, tankatshinyi moo ku’kia akikankitshina muntu, ooo. Nangushenei bimankinda bienu bibenulungwile Mwanda w’Efile Mukulu; nwibelekeshei lukumino lwabo, nuhangidishei kunfudilo kwa nyikashi yabo. Yesu Kidisitu e hamune maloba, na lelo, mpaa na kwikala-ika. Tanutwadilwanga kosokoso na ndambukisho ya bihaso na bihaso yi bingi. Mwanda wibuwa’shi, eshimba dikankamikwe na bu-muntu (bw’Efile;) dishi na bidibwa bishyabimwenangā’bo abebilonda, ooo. Atwe twi na kishikilo kia bitahilo; ku’kio abafubā ku kibombelelo-ki’Efile tabe na matalwa kudia bi’anka. Mwanda mbidi y’aya nyama, mase ayo abafishwanga kwi tshiite-mwakwidi mukata mu kibombelelo ki’Efile-ki-kishila ha mwanda wa milwisho, yibashīkwanga hasha ha kitulo kia mahema. Binyibiabia Yesu namu bafwambukile hasha ha kibelo, mwadia kulamuna bantu selelee na mas’ē na mwinyi. Biabia tutukei kwadi, hasha ha kitulo kia mahema, na kukankamana kwa mu kusabulwa kwe. Mwanda tatwi na kibalo akishadidila hano, anka atutengyela kinyi akikafiki. Henyihaha hadi e tulambule kitahilo kia kulangwila kwi Efile Mukulu bukyelebukyele, kuhatula nyi nkwamba’shi, bikuba bia milomo ya kwisokola kwishina die. Anka kukita bibuwa na kuhana biabuntu, binwilwanga’bio; mwanda mu bitahilo bi biabia nyi amusehela Efile Mukulu. Kokelai bimankinda bienu, na kwibabofwila; mwanda’bo abatengyelā ku mashimb’enu, bu baba abakyebe mwa kulubwila myanda; eshi, bebikite na muloo, kushī na katshima-munda, mwanda mu kenyi’ko tanukamwenā’mo, ooo. Nwitutekelei, mwanda twibasumine’shi, twi n’eshimbadia munda dibuwa, mu bintu bioso twikale n’eshimba dia mwi yile nyikashi yetu biya. Anka nakamba kwinusendela kukita biabia’shi, nkālushibwe kwanudi bikilekile lubilo. Binyibiabia Efile Mukulu a kufukama bālwishe ku lufu nfumwetu Yesu, winyi mumunyi mukata amikoko, ku mase a kilombeno kia ikala-ika, enukumbashe mu myanda yoso yibuwa ya kukita amukyebela eshimba die, na kukita mwanudi’nwe akia kia kusangulusha meso e, mu Yesu Kidisitu; kwadi e, nyi kwa kwikala ntumbo ya ikala-ika. Amena. Nenusendela’nwe bakwetu, nukumine mwanda w’elango, mwanda nenufundjila mukanda mu bishima bihela. Nwiukei’shi, mukwetu Temote e muhosolwe; su afiki ahakidi kahindji, nankenumono. Nyimwinei bimankinda bienu bioso, na balamunwe bekishila boso, Be ku (Italie) abenwimuna. Bu-muntu bwikale n’anwe boso. Amena. Yakoba mpika ’Efile Mukulu n’a Nfumwetu Yesu Kidisitu ku bisaka ekumi na bibidi bibahalakene ku mpese yoso, nenwimunai. Bakwetu, nwiyihwandjikishe ya kusehela hanuhonā mu ya mitompo ya bihaso na bihaso, hakwi-uka’shi, kutompibwa kwa lukumino lwenu akufisha mufwaka. Anka mufwaka ukite mufubo wa’o ukumbane’shi, nwikale bakumbane na balumbuedidīle, bashī balobeshe kintu. Anka su kwi umune ’ēnu mulobeshe binangu, atekye Efile Mukulu nyi aheyā boso na mpango, tekusulā, ooo, n’akio akikamuhebwa. Anka atekye na lukuluhilo, lushī na mialasheno. Mwanda yawa e na mialasheno, e bu ntanki ya mema a kalunga ayitakulwa na luhahi na kuhalakashwa. Mwanda yawa muntu tatentekyeshanga’shi: Nankatambula kintu kwi Nfumwetu, ooo. Muntu e mashintba abidi e muteakane mu nyikashi ye yoso. Mukwenu shī na kinemo, etumbishe hakunemekwa, anka mpeta etumbishe hakuheleshwa, mwanda e akashimina bu tulongo twa mu lubishi. Mwanda nguba bakāmine na kibobo kie akishikā, kibaumishe lubishi, na tulongo twa’lo tubafumbile, na kushālama kwa’to kubalwikile: anka biabia na mpeta namu, akashimina mu nyikashi ye. Mwabi kwi (yawa) muntu anyiñamana mu kutompibwa, mwanda e hakushisha mwanka anakatambule kilongo kia bushindanyi kia muwa, kibalayile Nfumwetu kwi’ba abamufulā kifulo. Muntu hakutompibwa, takumanga kwakula’shi: Nyi mutompibwe n’Efile Mukulu, ooo; mwanda Efile Mukulu teuku kutompibwa na bubi, n’e namu tutompa muntu, ayoyo, anka muntu ese e mutompibwe hakukakibwa na bia ngabiabi yi’e namwinyi nakubembibwa. Henyihaha habahwile kwimita ngabiabi ayitandā milwisho, na milwisho (namu) hakukumbana ayitanda lufu. Tanulubishibwanga bakwetu batomibwe kifulo. Biabuntu bioso bibuwa na biabuntu bioso bikumbane abifika mwiilu, abiyikā kwi Yaiya a matata, winyi e teuku kwaluluka, sunga mpahelahela, sunga nkwihwandjikisha kwāluluka. Nyi anka amukyebela eshimba die betutandjile ku Mwanda wa biabinyibinyi’shi, twikale hamune bu bikuba bibedi bia bihangibwe bie. Binyibiabia bakwetu batomibwe kifulo, muntu ese ekale na lubilo ha kuhusha, eshinke ha kwisamba na ha nsungu ye; mwanda nsungu ya bantu taikita kululama kw’Efile Mukulu. Binyibiabia hakuhenga bibutete bioso na kukishakisha kwa bibubi, nutambule na luhohelo Mwanda ukunwe (munda,) winyi awiuku kuhasha bikudi bienu. Anka nwikale bakitshi ba Mwanda, kushī anka (bu) bahushi, na kwibembula, ooo. Mwanda su muntu (nganka) muhushi a Mwanda, shī mukitshi (ao,) e, e hamune na muntu atala mpala ye ya butandwa mu lumwene. Mwanda ētal’e na mwinyi, akatuka, kahindji n’aka eilwa na kihaso kia mwadi mwikele. Anka yawa ashinkika mu kishila kikumbane kia buluñantu, na kwididila (mwanka,) e, hakwikala (bu) muhushi shī na kilwa, anka (bu) mukitshi a kikitshino, uno (muntu) akedibwa mwabi na bikitshino bie. Su kwi muntu munkatshi mwenu ahwandjikisha’shi: nyi mwina Efile, n’e takakā edimi die, anka ēdimba eshimba die, biabia bwin’Efile bwa yawa muntu mbwa bisumanga. Bwin’Efile bwi selelee na bushī kushūlwa kishila ku mpala kw’Efile Mukulu Yaiya nyi mbuno: Kutembela bana-ba-nshiye na bakashi-ba-bafwe mu bishiotshi biabo na kwilama e na mwinyi kushī n’ebashi dia bubi dia hanohansenga. Bakwetu, mu lukumino lwenu lwa Nfumwetu Yesu Kidisitu a ntumbo, tanunemekanga bantu au bie au bie, ooo, mwanda su mu kikoñeno kienu mwatwela muntu mufwale kakano ka nsahabu, na bifwalwa bishalame, amo namu mwatwela mulanda e na bifwalwa bibubi; biabia anunemeka yawa mufwale bishalame, anumwamba’shi: Obe shala hano halumbulukye, na kwi mulanda’shi: Obe kemanē’ha, sungashi: Shala mushi mwa leitulo kia ngwa yande; biabia tanwi na bikilene munda mwenu, na kwaluluka bu bansushi ba mitentekyesho yibubi su? Hushai bakwetu batomibwe kii’ulo, Efile Mukulu tamusangule balanda ba hanohansenga, tambampeta mu lukuluhilo, na bu bampyanyi ba bufumu bubalayile kwi baba abamufule kifulo su? Ank’anwe tanubanemekanga balanda. A bampeta tabenumwesha malwa na kwinukakila ku mpala kwa bimu? Abo tabakā (dinyi) eshina dineme dinyi’dio nyi dianutemwinwa su? Su amukumbasha kishila kia bufumu mulombene bifundwe bi’Efile’shi: Okafule mukwenu kifulo hamune bū’be na mwinyi, (biabia) okakitshi bibuwa; anka su nwibelekene na banta’shi: au bie, au bie, anusolo mwanda, na kutonyeshibwa ku mukanda-wa-bishila bu bashudi-ba-bishila. Mwanda muntu ese akalama mukanda-wa-bishila ushima, su alemana mu kimune e ’muhishwe ku bioso. Mwanda yawa bakwile’shi: Tokitanga lusandii, bambile namu’shi: Toihanga (muntu). Biabia sunga tokitanga bulalelale, anka boihayile (muntu), biabia todi mushudi-a-mukanda-wabishila. Akulai, na kukita bu’ba benyi abakatshibilwa kimu ku kishila kia buluñantu. Mwanda kitshibilo kia kimu kishī na lusa kwi yawa shī balesheshe lusa; lusa namu alwitumbisha, alushindā kitshibilo kia kimu. Bakwetu, sunga muntu akula’shi: Nyi na lukuluhilo, alukamumwesha kinyi, su te na bikitshino? A lukuluhilo alwiuku kumuhasha su? Anka su kwi mukwenu mulume, su mukwenu mukashi a mu lukumino e musekenyi, na mukutwe biakudia bia kwifuku n’efuku, biabia umune ’ēnu ebambe’shi: Katukai, nwende bibuwa, nukōte kālo, nwikute; sunga mbiabia tanwibaheya (abia) bintu biabadi n’abio lukalo ku mdibi, (biabia) akumwena kinyi? Anka biabia na lukuluhilo namu, su talwi na bikitshino, ndufwe, mwanda w’alo lu na mwinyi. Anka mungi akule’shi: Obe we na lukuluhilo, ami n’mu nyi na bikitshino. Ondeshe lukuluhilo lobe lushī na bikitshino, ami nami nkuleshe lukuluhilo lwande ha bikitshino biande. Okumina’shi: Kwi Efile Mukulu umunenka; okitshi biya; bikudi bibi namu abikuminā na kususā. Anka okyebe kwiuka su, obe mulotakane’shi, lukuluhilo lushī na bikitshino ndufwe? A nshetu-kulu Abalahama tamubingishibwe ha bikitshino, habalambwile mwan’e Isaka ha kitala kia bitahilo su? Tomono’shi, lukuluhilo lubalombene na bikitshino bie, na ha bikitshino, lukuluhilo lubakumbeshwe? Na kifundwe-ki Efile kibakumbene akiakula’shi: Abalahama bakuminyine Efile Mukulu, biabia lubamutemwinyinwe bu mululame: e namu batemwinwe bu: Kuku ’Efile Mukulu. Henyihaha anumono’shi, muntu ’mubingishibwe ha bikitshino tañanka ha lukuluhilo, ooo. Mpamunenka namu Lahaba, winyi ndumba, e tamubingishibwe ha bikitshino, habatambwile mikiendji, na kwibatakula ding’eshinda’nyi? Mwanda anka mwikele mbidi yishī na kikudi ngifwe mpamunenka na lukuluhilo lushī na bikitshino ndufwe namu. Bakwetu, tanufwimishanga balambukishi bebungi, hakwika’shi, twanakatambule kimu kikila bukoho. Mwanda atukokola mu myanda yibungi. Su kwi muntu shyakokolā mu mwisambo, yawa nyi muntu mukumbane, euku namu kutonta mbidi (ye) yishima. Talangai, atutwesha bikokyesho mu makanwa a nfalasa’shi, yitukokyele; biabia atwalula mbidi yabo yishima. Talangai, masua namu sunga ngakata, na kutakulwa na mpahi yibukoho, anyengwa na kidimba kihelahela, koso akukyebe munyengi a masua kunyenga. Nyi mpamunenka n’edimi namu nyi nka ku mbidi kahela, adilungulā mu myanda yibungi. Talangai, amuhila mutamba na kudimi ka kalo kahelahela! N’edimi (namu) nyi nkālo, di bu nsenga yishima ya bubi munkatshi mwa biambidiyetu, adilwisha mbidi yishima, adiokyesha kālo moso muyile muwa, dibaoshwa kālo ku Ngehena. Mwanda bihaso bioso bia nyama, na bia tonyi, na bia bintu abilandala, na bia bintu bi mu menta a kalunga nyi mbibofushibwe, bibabofwishwe namu kwi bantu, anka edimi takwi muntu euku kwidibofusha, ooo, sunga ngumune; di bubi tandji tāle, ndjiule ndā na bulembe bwa lufu. N’adio diatutumbisha Efile Mukulu Yaiya, n’adio’nyi diatuela bantu miloa, babahangilwe bu kīfwano ki’Efile Mukulu. Mu kanwa mwinyi nyi amutukā bia mwabi na bia miloa. Bakwetu yino yi biabia tangilombane ooo. A nsulo ayituka mema esasa n’ēbulo heiso dimune su? A bakwetu, mutshi wa kikuku awiuku kuha bikuba bia mpafu su? Sunga moshi wa nfinyo kuha bikuku, aaa, mpamune na nsulo ya mema tayiuku kutusha mema e mungwa n’ē mashika, ooo. A nanyi a munkatshi mwenu muhebwe kalolo na kiukilo? A leshe mu nyikashi ye yibuwa bikitshino bie mu kuhohela kwa binangu. Anka su nwi na mukao wibulo na mpaka mu mashimb’enu, tanwitumbishanga, na kudimba ku biabinyibinyi. Bino binangu tambiyikye mwiilu, ooo; nyi mbia hano hashi, bia bu mbidi, na bia mikishi. Mwanda he mukao na mpaka nyi he tulē na bikitshino bioso bibubi. Anka binangu bitukye mwiilu kia kwibedi nyi nkutoka selelee, ku mongo nkui’ukama, kasendeleshi, abibofula ha kusendelwa, mbiule na lusa na bikuba bilumbulukye, bishī na mpaka, na bunsesa. Binyibiabia bikuba bia kululama nyi mbikunwe mu kufukama kwi’ba abalombasha kufukama. Ngoshi na mima bi munkatshi mwenu abifiki kwi kunyi? tanku ngabiabi yenu ayilu ngoshi mu bia ku mbidi bienu? Anulakila (bintu) anka tanwi n’abio; anuihā, nwi na kinsukunsuku kia kwabila, anka tanwiuku kutambula; anwitahena anulu ngoshi, anka tanwi n’abio, mwanda tanutekye, ooo. Anutekā, tanutambula, mwanda anutuhishena ha kuteka bianudia kwikihana ha ngabiabi yenu. Anwe bashudi ba kishila ki’ebambo tanwiuku’shi, bukūku na bia hanohansenga nyi nduhuna n’Efile Mukulu? biabia ese akekala bu kūku na bia hanohansenga e mushikwa n’Efile Mukulu. Anutentekyesha’shi, Kifundwe-ki-’Efile akiakula bisumanga’shi; Kikudi abombela n’etu e na lwabi lwa mukao su? Ank’e ahanā bu-muntu bukilekile. Binyibiabia bākula’shi, Efile Mukulu atuhishena na ba kwinemeka, anka kwi’ba abehelesha ebaheya bu-muntu. Biabia nwibofushei anwe bana bene kw’Efile Mukulu, shikilai kafilefile, n’e akenusuku. Nwifubulei kw’Efile Mukulu n’E akenwifubula. Sulai maas’enu anwe balwishi, toshai mashimb’enu anwe ba mashimba abidi. Nunyingye mbishiotshi, nuhombei na kudila mpolo, kutanyansadi kwenu kwalulukye tēhombo, na muloo (wenu) winyongole. Nwiheleshei ku meso kwa Nfumwetu, biabia akenukamisha. Tanwiakushenanga bibubi, anwe bakwetu, ooo. E akwihula ntukwabo, sunga nkumutshibila kimu (biabia) nyi mukanda-wa-bishila waihula, na kwiutshibila, anka sōtshibila mukanda-wa-bishila, (biabia) twe mukitshi a mukandawa-bishila, anka todi nsushi. Kwi mushidiki a bishila umunenka, na bu nsushi, nyi ēuku biakuhasha na biakulwisha: anka obe we’nyi atshibila mungi? Twendei binobino anwe abakula’shi: Lelo uno su maloba atukēnde ku kibalo kikampanda, tukekale kwanka kihwa kimune, kusunga na kuhana mwa kumwena mono. Anka tanwiuku akia akikafiki dia maloba, ooo. Mwanda muwa wenu wi bu kinyi? wi bu mulemba aumweka kahindji kahela, biabia watanduka. Mwanda nubandia kwakula’shi: Su Efile Mukulu akumina, biabia tukekale na muwa na kukita bikampanda su mbikankyengye. Anka binobino anwitumbisha mu kwilungula kwenu: Kwitumbisha koso kwi biabia mbubi. Binyibiabia kwi yawa euku biakukita bibuwa, su tamwibikite kwadi e nyi nkulwisha. Twendei binobino anwe bampeta, dilai nankaloha mwanda wa bishiotshi bikiabifiki. Bulieta bwenu bubalwila, na bifwalwa bienu bibadibwa na mpesu. Nsahabu na nfedha yenu tayibadīlwe; na ndjamalonda y’abio ayikākula bu kamonyi kwanudi, ayikadi mbidi yenu bu kālo. Nwibebikile mono ya kinemo mu mafuku a kunfudilo. Talangai, efuto dia bafubi abaumbula mafuba enu, dinyi’dio nubedilamunwine, nwediongola, adiele musase ukata; na misase y’aba abaumbula yibafikile mu matwi a Nfumwetu a Sabaote. Nubekele na muwa wenu unemene ku biatuseho bia hano ha nsenga, na kutwelelela mu bia kwisehesha anwe bana bene, nubanunyishe mashimb’enu hamune, bu mwifuku dia kutukisha. Nubahīshishe na kwiha (winyi) mululame, n’e tamwinushikile. Biabia bakwetu nwishinkei ’mashimb’enu mpaa na lia kufika kwa Nfumwetu. Talangai, mudimi ēfuba ēshā bikuba bineme bia ha nsenga, e na lwishinko lula ha mwanda w’abio, mpaa n’ahakatambula mpeshi a kwibedi n’ā kunfudilo. Anwe namu mpamunenka eshinkei ’mashimba; kankamishai mashimb’enu: mwanda kufika kwa Nfumwetu takudi hehi. Anwe bakwetu tanwiununushenangai, tala nwakahīshibwa: talangai nsushi mwimane ha kibelo. Kuhwandjikisha bakwetu, talai batemuki babākwile mwishina dia Nfumwetu bu bileshesho bia kufwambuka na bia mufwaka. Talangai, biatutemuna aba bakankamane bu ba mwabi. Nubahushishe mwanda wa kukankamana kwa Yobo mwabamwenene na mwabafwidile Yehowa’shi: Yehowa e na kanya ke moo, na kutshitshimukā’nyi. Anka hakukila yino myanda bakwetu, tanutshihanga mutshiho sunga nguhela’shi, na bi mwiilu sunga mpano ha nsenga, sunga mpa ungi mutshiho, su ngwa na minyi, su ngwa na minyi; anka eyo enu ekale’nka, eyo; ayoyo enu namu ekale’nka, ayoyo; tala nwakahona mu kitshibilo kia kimu. Kwi e amweshibwa malwa munkatshi mwenu su? (biabia) atekye. Su kwi mungi e n’eshimba disangulu kyeayimbi ñono ya milangwilo. Su kwi mungi ’nyi munkatshi mwenu e na busungu, (biabia) aitanyine bakulu ba kikoñeno ki’Efile; abo namu bamutekyele na kumushinga mw’imu mwishina dia Nfumwetu. Na luteko lwa lukuluhilo alukahasha abakumbu, na Nfumwetu akamubusha; su basole myanda ayikamulekyelwa. Nwisokoshenei milwisho yenu, na kwdtekyeshena’shi, nuhashibwe. Luteko lwa kukankamana alukitshishā’lwa muntu mululame alukitshi bikilekile. Elaidja badi muntu anka mwikele’twi mu biakusuasua, e batekyele na kunyiñamana’shi, mpeshi tanokanga, n’e namu tamunokye’e hano ha nsenga bihwa bisatu na mieshi yisamombo. Batekyele’nyi dimo’shi, eilu dinokye mpeshi, biabia nsenga yibahēle bikuba biayo. Bakwetu, su kwi umune a munkatshi mwenu aluba ku biabinyibinyi, na mungi amwalushe, eukye’shi, yawa alusha mulwishi ha kuluba kwishinda die, akahasha muntu ku lufu, na kubwikila mituto na mituto ya milwisho. Petelo, mutumibwa a Yesu Kidisitu, kwi bēnyi abahalakene mosomoso mu Pontu, na Galatie, na Cappadocie, n’Asia, na mu (Bithynie), basangudibwe mwiyile kiukilo kibedi ki Efile Mukulu Yaiya, ha kulamunwa-kwi-selelee kwa Kikudi, mpaa na ku kikokyelo na ku kimamino kia mase a Yesu Kidisitu; bu-muntu na kufukama binufwimīsliwe. Efile Mukulu Yaiya a Nfumwetu Yesu Kidisitu ahebwe mwabi, e mwiyile lusa lwe lukishekishe betutandjile diakabidi ku lukuluhilo lwa muwa, ha lusangukilo lwa Yesu Kidisitu ku lufu, ku buhyanyi bushyabunyangā, sunga nkuslifilwa (kwa kishila), sunga nkushimina, mbwinubombeleshwe mwiilu, kwi baba abalamibwā mu bukome bw’Efile Mukulu ha lukulu hilo ku kihandjilo, kilumbulwe kwikala kifumbulwe mu kihindji kia kunfudilo. Nyi mwanusehela bikata, (sunga) binobino kihindji kikoto hangi nwi na mashimba e bushito mwanda wa bia kutompibwa bi bihaso na bihaso, eshi, kutompibwa kwa lukuluhilo lwenu nkukile bikilekile kilonda kia nsahabu akilwilā kinemo, sunga nkutompibwa na kālo, alukahetshibwa ku ntumbo na kinemo ha kufumbulwa kwa Yesu Kidisitu, winyi e anwibatome kifulo, sunga tanwibamumone, mwadi e nyi mwanukuminā, sunga tanumumono, anusehela na muloo ushyawakudibwa, wikute na ntumbo; hakutambula nfudilo ya lukuluhilo lwenu tankihandjilo kia bikudi bienu; Ha mwanda wa kinyi kihandjilo batemuki abaihushanga na kukokōla, abatemukanga ha mwanda wa bu-muntu bwa kufika kwanudi; abakimbanga kihindji kinyi, su kihaso kia kihindji kibafunkile Kikudi-kia-Kidisitu (kibadi) munda mwabo, hakibatemukile kwibedi kufwambuka kwa Kidisitu, na ntumbo yibakyebanga kulonda kunyima. Kwabadi’bo ubadi wibafumbwilwe’shi: tankwi’bo ba na bene, ooo, anka kwatudi’twe abafubile aya myanda ayinulungulwa kwi’bo abenulungwile mukāndu-wibuwa na Kikudi-E-Selelee batuminwe mwiilu: mu yinyi yino myanda bamwikeilu abakyebe mwilamina bashingule yanka. Binyibiabia mwanye nshiho mu bifuka bia nangunangu yenu, nuhile, nutengyele biya mpaa na ku nfudilo mwanda wa bumuntu abukenufishishwa ha kufumbulwa kwa Yesu Kidisitu; bu bana bakokyele bashyabehwandjikisha bu mwanubadi bekyele mu bia ngabiabi yenu ya kwibedi mu kuhatamina kwenu. Anka mwikyele e benwitanyine ’muhatulwe-a-kishila, biabia anwe namu nwikale bahatulwe-ba-kishila mu nyikashi yenu yoso; Mwanda ubafundjilwe’shi: Nwikalei bahatulwe-ba-kishila; mwanda ami nyi muhatulwe-a-kishila. Na su anumwitanyina dia bu Yaiya, e atshibā kimu mulombene bikitshino bia muntu ese, bisumanga’shi, au nyi’ū, au nyi’ū, ooo, (biabia) nwikale na moo hanukisha kihindji hanukī hano ha nsenga; mwanda anwiukushi, tanwibakūlwe na bintu abilwilā hamune bu nfedha na nsahabu ntulombene nyikashiya bisumanga (yianubatambwile) ku mwisambilo ubetentulushenanga bashyenu-kutu, ooo, anka na mase aneme a Kidisitu, hamune bu a mwan’a mukoko shī na kilema, e anka hulwī; (e) mbinyibinyi badi mūkibwe kwibedi kwa ku mbangilo kwa hanohansenga, anka badi mwinwisokwele mu bihindji bia kunfudilo. Nyi kwadi e nyi kwanukuminyinā Efile Mukulu, winyi bamusangwīle ku lufu, amuha ntumbo’shi, lukuluhilo na lutengyelo lwenu lwikale mw’Efile Mukulu. Anka hanubatosha mashimb’enu mu kukokyela kwa biabinyibinyi, ku Kikudi E-Selelee mpaa na ku kifulo kishī na bulamalama kia kwi bakwenu, mwitomeshenei kifulo anwe bana bene n’eshimba di selelee dia kibobo. Nwibatandwe diakabidi, kushī ku lubio alufu, ooo, anka kwi lwinyi’lo lushyalufwiyā, ku Mwanda w’Efile Mukulu, uatala na kushadidila mpaa na ikala-ika. Mwanda biambidi bioso bi bu lubishi, na ntumbo y’abio yi bu tulongo twa lubishi. Lubishi alūmā, na tulongo twa’lo twakukuka; anka Mwanda wa Yehowa nguididile mpaa na ikala-ika. Winyi uo nyi Mwanda wa ku mukāndu wibuwa wanubalungwilwe. Binyibiabia hakukasha kifita kioso, na bulamalama boso, na bunsesa boso, na biutu, na mīsambo yibubi yoso, bu bana bakī batoka, nwikale na kulakila mabele a biabinyibinyia Mwanda (w’Efile) ’shi, nukule n’ao mpaa na ku kihandjilo. Su nubatompo’shi, Yehowa e nsha bu-muntu. Nufikye kwadi, nyī’bwe dia muwa, dibasabulwilwe binyibinyi kwi bantu, anka kw’Efile Mukulu dibasangwilwe bu dia kinemo, Anwe namu, bu mabwe a muwa nwibebakwe tanudi nshibo ya bia kikudi, nwi mu butshiite-bwakwidi, bwa kulambula bitahilo bia biakikudi, abikuminyibwa kw’Efile Mukulu ha Yesu Kidisitu. Mwanda ubafundjilwe mu Bifundwe b’Efile’shi: Talai nādisha mu Siona ebwe dikata dia kibangilo di’ehaka, disangulwe, dineme; yawa akumina ha dinyi’dio, takakwatshibwa na būfu, ooo. Biabia kwanudi’nwe bakukumina e ’muneme; anka kwi’bo bashībakumine, dinyi ebwe dibafūtulwilwe na bebaki, adio dinyi dibakitshinwe tamutwe w’ehaka; n’ebwe dia kukokolwa, na lubwebwe lwa kukōlwa, (nyi nkwabadi’bo) abakokola ku Mwanda, mwanda be na bukolwa. Ank’anwe nwi kihungilo kisangudibwe, mbutshiite-bwakwidi bwa bufumu, mwīlo uhatulwe-wi-kishila, bantu ba kwikala b’ē b’ē’shi, mwanudia kuleshesha bia ntumbo bia yawa benwitanyine ku mufito, mpaa na mwitata die dia kukanya; anwe ha kala tanubadi bu bantu, ooo, anka binobino nwi bantu b’Efile Mukulu; tanwibafwilwe lusa, anka binobino nubafwilwa lusa. Anwe batomibwe kifulo nenusendela bianudi bu benyi na bu balukilo, nushila ku bia ngabiabi bia ku mbidi, abilwiyā ngoshi na kikudi; nyikashi yenu yikale yilombashene munkatshi mwa Badjentaila’shi, sunga abenwakulā bu bakitshi ba bibubi, (biabla) ha mwanda wa bikitshino bienu bibuwa biabamono, abakatumbish’Efile Mukulu mwifuku dia (kutengyela kwa) kuhosodibwa. Nukokyelei ku milangilo yoso ya bantu ha mwanda wa Nfumwetu; sunga nkwi nfumu ’mukile bukata; sunga nkwi batontshi bakata be hanundu ha boso, abatuminwe n’e kulanga abakitshi bibubi na kutumbisha abakitshi bibuwa. Nyi mbiabia amukyebela eshimba di’Efile Mukulu’shi, hukukita kwa bibuwa kwenu anwiuku kuuminyisha kuhatamina kwa balotakane: hamune be bu bana tabakitanga bwana bwabo bu kintudia kufya’mo bubi ooo; anka bu bahika b’Efile Mukulu. Nemekai bantu boso; nwitomeshenei kifulo kia bubana; tshinai Efile Mukulu; nemekai nfumu. Bafubi ba mu mashibo nukokyelei banfumwenu na kwibatshina mu bioso, kushī anka kwi bebuwa na benyi balombane, ooo, anka na kwi bahuhakane benyi, Mwanda au ngwa kutosh’eshimba (di’Efile Mukulu), su akwikala muntu anyiñamana mbishiotshi, na kufwambuka kushī kumulombene, ha mwanda eshimba die di kw’Efile Mukulu. Mwanda kutumbula nkwa kinyi s’ōkasola mwanda, na kukuhilwa, n’anukankamena mwanka? anka su mpa kukita bibuwa na kufwambuka n’anukankamana na lwishinko mwanka, n’ao winyi wa kumtosh’eshiba di’Efile Mukulu. Mwanda nyi ko kwinyi kwanubaitanyinwe; mwanda Kidisitu na mwinyi benufwambukile enuleka bu kileshesho bianudia kulonda mu ngwa ye. E tamusole mwanda, sunga nguniune, (oso,) sunga mbulamalama busananwe mu kanwa mwe. E habakāyilwe tamukan’ē; habafwambukile tamwibālulē; anka betule e na mwinyi kwi yawa atshiba kimu mwakidi kilulamine; e na mwinyi batwadile milwisho yetu mu mbidi ye ha mutshi’shi, mwanda’twe twi bafwe ku milwisho, twikale abatala mpaa na ku kululama; ku mikofu ye nyi kwa tubahandjīle. Mwanda nubadi bu mikoko ayiende ayiendakananga, anka binobino nwibālukile kwi Mumunyi, mulamwinyi a bikudi bienu. Hamunenka namu, bakashi bakokyele balume babo’shi, su kwi bamo bashyabakokyela Mwanda, biabia babofushibwe kushī kwibesambila mwanda ha nyikashi ya bakashi babo. Mwanda abamwene nyikashi yenu yiselelee na kutshina. Kulenga kwena kwa ha mbidi takwikalanga kwa hasha kwa kwanya nyene, na kwa kufwala kwa tukano twa nsahabu, sunga nkwitalatala ku bifwalwa, ooo; anka kwikale kufwame kwa muntu e munda, mu biabia bishyabinyangā, bi’eshimba dia kuhohela di nyaa, binyi’bio nyi mbineme bimoo ku mpala kw’Efile Mukulu. Nyi’anka biabia ha kala, bana bakashi bahatulwe-bakishila namu abadi bakuluhile mw’Efile Mukulu, abelengele’bo bana bene, abadi bakokyele balume babo; Anka bu Sala mubakokyelele Abalahama, na kumutemuna’shi: A nfumwami; kwadi e nyi kwanudi bealule bu bana be banabakashi, hanukianukitshi bibuwa, na moo tanwi n’ao na lubasu. Anwe balume namu mpamune, nubombele n’abo mulombene kiukilo, na hutula kinemo kwi mukashi, biadi bu sha bukome buhela, na biabadi bampianyi n’enu ba bu-muntu bwa muwa’shi; nteko yenu tayibambibwa. Mwanda wa nfudilo, (nwikale) n’eshimba dimune, na kwimonena lusa, nwitomeshenei kifulo bu bana na bana, (nwikale) na kanya na mudingo. Na kushī kwalula bibubi ku bibubi, ooo, sunga mulomo ku ungi mulomo; anka nwalushei mwabi; mwanda kwi yinyī’yo nyi kwanubaitanyinwe’shi, nuhyane mwabi. Mwanda yawa akyebe muwa na kumona mafuku ebuwa, ashīle edimi die ku bibubi, na milomo ye kwakula bia bulamalama. Afutale bibubi, akite bibuwa, akimbi kufukama na kulondā ’ko. Mwanda meso a Yehowa e ha balulame, na matwi e ngatee ku nteko yabo, anka mpala ya Yehowa ayituhishena n’aba abakitshi bibubi. E nanyi akenukitshina mwanda ushī buwa, su nwi belekyeshi ba yibuwa? Anka su anufwambuka ha mwanda wa kululama, (biabia) muloo ngwenu; tanwikalanga’nyi na moo ha kufunafuna kwabo, sunga nkukalakasha munda; anka Kidisitu ekale mulamunweselelee mu mashimb’enu, ta nfumwenu; nwikale bemane bukyelebukyele kwalula mwalulo kwi muntu ese enwihusha mwikele lutengyelo lwū munda mwenu, na kuhohela na moo, nwikale n’eshimba dia munda dibuwa’shi, mu yinyi’yo yiabenusongyela, ’shi, (mbakitshi ba bibubi), aba abenukunkila nyikashi yenu yibuwa mu Kidisitu, abakwatshishwe būfu. Mwanda su eshimba di’Efile Mukulu adikumina, nkikile buwa kufwambuka ha kukita bibuwa he kukita bibubi. Mwanda Kidisitu bafwambukile mususa umunenka ha mwanda wa milwisho, e mululame ha mwanda wa bashībalulame’shi, biadia kwitukunkusha kw’Efile Mukulu, baihailwe ku mbidi, anka basangwilwe na muwa kwi Kikudi; mu kinyi’ kio bayile, talungula bikudi bi mu lukano; abio kalā bibadi bishī na kukokyela, habadi kahuñanyi k’Efile Mukulu akēsha mu maluku a Noa, habalumbulwanga bwato, bwinyi bubahandjile bahela, (kuhatula’shi nyi mbantu mwanda), abatwelwe bakumbane mu mema. Kinyi kihwandjikisho kia lubatshisho hamunemka alwituhashā (kushī kukashibwa kwa biko bia mbidi, ooo, anka nyi nkukyeba kw’eshimba dibuwa dia munda kw’Efile Mukulu) ha lusangukilo lwa Yesu Kidisitu, e tabahwile kutwela mwiilu, mushale namu ku mboko yibalume y’Efile Mukulu; bamwikeilu na bamatalwa na babukome ababofwishwe kwadie. Binyibiabia bu bibetufwambukidile Kidisitu mu mbidi, hamunenka anwe bana bene namu, nufwale nangunangu yintunenka; mwanda e bafwambukile mu mbidi te na mwannda na milwisho dimonyi’shi, tanukekalanga mu kihindji kibashala kia muwa wenu mu bia ngabiabi bia bantu, anka ku abikyebe eshimba di’Efile Mukulu. Mwanda akia kihindji kia kala kibakumbana kia kukitshisha bibakyebanga eshimba dia Badientaila, hatubatambukile mu bia mudioholo w’eshimba dibi, bia ngabiabi, na kukishekisha kwa kutoma nfinyo, na kubwelakana, na kwa bidibwa bia kukolwa, na kulangwila kwa ntankishi ashidikwe kishila. Mu yinyi’yo abakanyā mwanda tanulombashena n’abo mwiyile kwinyi kukishakisha kwa kubwelakana, abakwete kwinusongyela; abo abakalubwila yawa mwimene mwa kutshibila kimu kia’batala na kia bafwe. Nyi mpa uno mwanda mukāndu-wibuwa ubalungwilwe na kwi bafwe, mwabadia kutshibilwa kimu mulombene bantu ba ku mbidi, anka bekale na muwa mulombene Efile Mukulu mu Kikudi. Anka nfudilo ya bintu bioso tayidi hehi; binyibiabia nwikale n’eshimba dia bu mpila, nwikale na lubasu lwa kuteka nteko. Anka kukila myanda yoso nwikale na kifulo kia kunyiñamana munkatshi mwa’nwe bana bene; mwanda kifulo akibwikila mituto na mituto ya milwisho. Nwikale na kilelo kia kwilelena kushi miununo. Anka bu bianubatambwile kwi ese muntu biabuntu, nwiheleshene’ bio bu bamendaku bebuwa ba bu-muntu bwa bihaso na bihaso bw’Efile Mukulu. Su kwiumune ākula, ākule bu mwisambilo w’Efile Mukulu; su kwi mungi’nyi alungulā y’Efile, eyikitshine mu bukome bu abuhanā Efile Mukulu’shi, Efile Mukulu atumbishibwe mu bintu bioso mu Yesu Kidisitu, kwadie kwikale ntumbo na bukome mpaa na kwikala-ika. Amena. Anwe batomibwe kifulo, tanukanyanga ha mwanda wa kutompibwa kwa kālo kwi munkatshi mwenu’shi: nkinyi kintu kibetufikila, ooo; anka sehelai bianwibabungilwe mu kufwambuka kwa Kidisitu’shi, hanakafumbulwe ntumbo ye, nwanakasehele na muloo ukilekile namu. Su anusabulwa ha mwanda w’eshina die Kidisitu, mwabi ngwenu; mwanda Kikudi kia ntumbo na ki’Efile Mukulu nkishale hanudi; ku luhese lwabo abamwakwila bibubi, anka ku luhese lwenu atumbishibwe ntumbo. Anka takwikalanga sunga ngumune kwikala bu ntahanyi, sunga bu ngifi, sunga mbu mukitshi a yibubi, sunga nga kwilamika mu myanda ya bangi, ooo; anka su mwina Kidisitu (akamono malwa) tekalanga na būfu, ooo, atumbishe Efile Mukulu ha uno mwanda. Mwanda kihindji (kibafiki) kia kutshiba kimu’shi: Kibangile ku nshibo y’Efile Mukulu; na su akibangila kwatudi’ twe, kunfudilo kwa baba bashī bakokyele mukānduwibuwa w’Efile Mukulu kwi na minyi? Su sha kululama akahanda hehi, a shī na bwin’Efile Mukulu na mulwishi mbi kunyi? Binyibiabia, abo abamonā malwa amukyebela eshimba di’Efile Mukulu, batule miuwa yabo mu kukita bibuwa kwi Muhangi a kishima. Binyibiabia nalanga bakulu (ba bikoñeno bi’Efile) be munkatshi mwenu, ami mukulu n’abo, na bu kamonyi ka bia kufwambuka kwa Kidisitu, mubungilwe namu ku yinyi ntumbo yianakafumbulwe. Lamai lombe lw’Efile Mukulu lwi munkatshi mwenu, nuate bukulu bwa kilelo, bushī bwa kufinyikwa, ooo, anka bwa musanku, bushī mwanda wa kukimba mono yifutulukye, anka bw’eshimba dimene. Sunga mbu bakambi kumunana hanundu ha buhyanyi bw’Efile Mukulu, ooo, anka nwikale bihwandjikisho kwi lombe. Biabia ahakafumbulwa Mumunyi mukilekile bukata, nwanakatambule kilongo kia ntumbo kishyakikalwila. Anwe be bu bakulu bwa binyibiabia, nwibofushe anwe bana bene kwi bakulu. Ee, nwibofushene kwi muntu na muntu, nwikale bafwadikwe na kwihelesha kw’eshimba, mwanda Efile Mukulu etuhishena na basha kwinemeka, anka ahanā bu-muntu kwi bahohele. Biabia nwihoheleshei mushi mweyasa dikata di’Efile Mukulu’shi, enukamishe ha kihindji akikalombana. Nusumbule bia kwibasukila bienu hadie, mwanda e enusambā. Nuhilei, nutengyelei, mwanda mwituhishyanyi n’obe diabola, akindakana bu ntambwe kwete kukumba na kukimba adia kukokota: e winyi numushikilei anka hoo mu lukumino, ha kwiuka’shi, kwinyi kufwambuka kubamwene bakwenu be hanohansenga. Anka winyi Efile Mukulu sha bu-muntu boso, winyi e betwitanyine ku ntumbo ye ya ikala-ika kwi Kidisitu Yesu, hanukahu kufwambuka kihindji, enulombashe biya, na kwinukankamisha, na kwinunyisha, na kwinushadisha. Kwadie kwikale lubikyelo lwa kwikala mpaa na ikala-ika, Amena. Kwi Shifanusa mukwetu a kishima, nyi ntentekyesha, nenufundjile bihela, kwinulungula ha bukoho na kwinulanga ’shi: Buno mbu-muntu bwa biabinyibinyi bw’Efile Mukulu bwa nwibemanyinyine. (Kikoñeno ki’Efile) ki ku (Babylone) kisangudibwe hamune n’anwe, kibenwimuna; na mwan’ande Mako namu. Nwīmushenei anwe bana bene na kwififyena kwa kifulo. Kufukama kwikale kwanudi’nwe boso mu Kidisitu, Amena. Shimona Petelo mpika na bu mutumibwa a Yesu Kidisitu, kwi baba abatambwile lukumino luneme, hamune n’atwe ha kululama kw’Efile Mukulu etu na Muhashietu Yesu Kidisitu; Bu-muntu bufwimishibwe kwanudi, na kufukama ha kiukidilo ki’Efile Mukulu na kia Yesu Nfumwetu. Bu bukome bwa bwifile bwe bubetuhele bintu bioso (binemene) ku muwa na ku bwin’Efile Mukulu, ha kiukidilo kia yawa betwitanyine ku ntumbo na buwa bukalabale, nyi henyi habetuhele milayilo yeneme yikilekile bukata’shi; kwi yinyi ’yo nyi kwatudi bekele bakwibungila ku bwin’Efile, hakuhwa kuhanda ku kunyanga kwi hanohansenga, ha mwanda wa bia ngabiabi. Ha uno mwanda namu hakuhwa kusasakata, nutentekye ku lukumino lwenu bukome bw’eshimba, na ha bukome bwe’shimba kiukilo, na ha kiukilo butontshi bwa mbidi, na ha butontshi bwa mbidi mufwaka, na ha mufwaka bwin’Efile; na ha bwin’Efile kalolo ka ba mukwabo na mukwabo, na ha kalolo ka ba mukwabo na mukwabo kifulo. Mwanda su yino myanda yi mwanudi, na kufwima yifwimi, (biabia) yikenukitshine kwikala bashī na iotolo sunga mba kukutwa bikuba ku kiukidilo kia Nfumwetu Yesu Kidisitu. Anka yawa akutwa yino myanda e mpofu, e na meso e mindjua, baīlwe kusulwa kwe kwa milwisho ye ya kala. Binyibiabia bakwetu, nukishekishe kwilundjila kwenu’shi, lwitamino lwenu na kusangudibwa kwenu bikale binyiñamane hoo; mwanda su anukitshi yino myanda tanukakokola sunga mpa kinyi sunga mpa kinyi, ooo, Nyi anka biabia anukahebwa kitwēlo kikilekile bukata kia mu bufumu bwa ikala-ika bwa Nfumwetu Yesu Kidisitu. Ha uno mwanda ami tankahuftanya kwinutentekyesha bukyelebukyele mu yino myanda sunga anwiyiuku, na kukankamikwa mu biabinyibinyi bia bino. Ee, natentekyesha ngulombane’shi: ha nki mu kino kibombelelo (nyi mbidi) kwinubasula hakwinunangushena: hakwiuka’shi, kukumba kwa kino kibombelelo kiande ku luhese takudi hehi, anka mubandesheshe Nfumwetu Yesu Kidisitu. Nankasasakata namu’shi, nwiukye kunangushena mafuku oso yino myanda, hatampwile kufwa. Mwanda’twe tatubalondanga miele yibakitshinwe na bulamalama hatubenuukishe bukome na hakufika kwa Nfumwetu Yesu Kidisitu, anka tubadi tumonyi twa bukata bwe bukalabale. Mwanda bahahwile kutambula kw’Efile Mukulu Yaiya kinemo na ntumbo, hakubatukile eyi di bino kwadie, ku ntumbo yikilekile buwa’shi: Uno’u nyi Mwan’ande mutomibwe kifulo, andji mutokyele bibuwa mwishimba. Dino eyi namu dibatukile mwiilu, tubedihushishe hatubadi n’e mu yinyi ngulu yiliatulwe-yi-kishila. Twi na Mwanda utemukwe ukambe kukankamikwa hoo, nyi kwaudi’o nukite bibuwa biakwiudimuka, hamune buitala adimunyika hantu he mufito, mpaa nāhamweka lutokyela, mpaa nāhakatunduka lwenyenye lwa munkyelo mu mashimb’enu, hakwiuka kino kia kwibedi’shi, takwi lutemuko lwa Bifundwe-bi’Efile alwihatulwila lu na mwinyi. Mwanda lutemuko talubafikile su mpa kihindji kinyi su mpa kihindji kinyi bu mubakyebel’eshimba dia muntu, ooo, anka bantu bahatulwe-be-kishila b’Efile Mukulu abākwile mwabatwadilwe na Kikudi-E-Selelee. Anka kubebwele namu batemuki ba madimi munkatshi mwa bantu, hamune’nka na munkatshi mwenu namu amukekala balambukishi ba madimi, abakafisha ku bufyefye myanda ya kwitolola ya kulwisha, mpaa na kutuna Nfumwetu bebaule, (biabia) abefishishishe kulwishibwa kwa kuhulumuka, na bebungi abakalondo bikitshino biabo bia bukitekite, ha mwanda wabo nyi ahakākwilwa bibubi mwishinda dia biabinyibinyi. Na ha mwanda wa lwiso abakenudila biakwinudila na bishima bia madimi; kuhīla kwabo kwa kala, kwīsha tankwīshe, na kulwishibwa kwabo takulala-tulo, ooo Mwanda su Efile Mukulu tamulekyele bamwikeilu abalwishishe, anka bebatakwidile mpaa na mu Tataluse, na kwibēla mu nkano ya mufito wifututu, kubikibwa kwesha kimu; tamulekyele namu bahanohansenga ba kala, anka bahashishe Noa, a mwanda, mulungudi a kululama, bafishishe mema na mumambwe ha ba ha nsenga bashī bādi b’Efile Mukulu; bahishishe bibalo bia Sodoma na Ngomola na kwibialula bu buto, na kwibialula bu kidimu kia kulesha baba abakekala na miuwa yabo bashī n’Efile ku mongo. E bamañunwine Lote mululame, badi mwinyengye mwishimba ha mwikyelo w’aba babiangabiabi bashudi ba bishila. (Mwanda yawa muntu mululame badi mubombele munkatshi mwabo, badi anyengye mwishimba (die) dilulame kwifuku n’efuku ha kumona na kuhusha bikitshino biabo bia kushula kwa bishila) Yehowa euku mwa kuhashisha balulame ku kutompibwa, na kulama bashībalulame kumweshibwa h’efuku dia kimu; anka tokiokwambā’ba abatambukila mwiyile bia ku mbidi mu lwabi lwa biko, na kusabula butontshi. Abo mbasha mbengabenga, abalondo muhunda mashimb’abo, bashyabasusu kwakula bi bubi ku bakata. Biosobi bamwikeilu bebakile mu katshintshi na bukome, tabafisha’kia kwibahatula n’akio kia kukana ku mpala kwa’Yehowa. Anka bano hamuneka na nyama yishī na binangu, mbatandjibwe bu nyama bisumanga ya kukwatwa na kulwishibwa, bakwete kukā mu myanda yabashyabeuku; abakehayibwa binyibinyi mu myanda yabo yinyangye. Abakatambula bwedi bwa kuhenama, bu abo abeuhwandjikisha bu kusehela kulubīla mu kanya; ba mabashi na bilema, mbalubīle mu bia bulamalama biabo ha kudia bidibwa n’enu; be na meso aule kukyebana, ashyaeuku kuleka bubi; abōngola bashī banyingye; be n’eshimba adiubila lwiso; nyi mbana bēdibwe muloa. Hakuleka eshinda dilulame bēnda kungi, abalondo eshinda dia Balama, mwan’a Beole, winyi bakuminyine efuto dia myanda yihename; ank’e basashilwe ha mwanda wa kusola kwe; mpunda shyakulā bākwile n’eyi dia bu muntu, balekyeshe butesha bwa mutemuki. Bano nyi mishimwa yishī na mema, makumbi ahahulwa na kihahi, kufita kwa mufito nyi nkwibabikilwe. Mwanda habākula myanda yikata ya kwitatula ya bisumanga, abōngola mu ngabiabi ya ku mbidi, ku bukitekite, baba bakwete kukahanda ’nka hahelahela kwi, ’ba bashale mu kuluba. Hakwibalaa buluñantu, abo bana bene be bahika ba kulwishibwa, mwanda ku kiakia akikambila muntu, ku kino kinyi nyi kwadi mumunwe. Mwanda su habahwile kuhanda ku milwisho ya bahanohansenga ha kiukilo kia Nfumwetu Muhashi Yesu Kidisitu, abakwatwa mwanka dimonyi, na kukambilwa, (nyikashi ya) kunfudilo ngikile ya kwibedi bubi. Mwanda ubadia kukila buwa bia bashī badi beukye eshinda dia kululama, he kwidiuka kufutala ku mulangilo uhatulwe-wi-kishila ubebahelwe. Kibafikile kwabadi mwiyile winyi mwele wa binyibinyi’shi: Mbwa bālukile dimo ku kiadi mulase; na ngulube mukashi mutumpwe bālukile mu mateke. A batomibwe kifulo, uno nyi mukanda wa kabidi unenufundjila binobino mu yoso yibidi nanyisha binangu bienu bi selelee ha kwinutentekyesha’shi: nunangushene bishima bibakwile batemuki bahatulwe ba-kishila kwibedi, na wa mulangilo wa Nfumwetu Muhashi ku batumibwe benu. Nwiukye uno kwibedi’shi, mu mafuku a kunfudilo akukafiki basehi bakwete kulonda ngiabiabi yabo yi na mwinyi’shi: A winyi mulayilo wa kufika kwe wi kwi kunyi? Mwanda kasha banshyetukulu abahōne mu tulo (twa lufu,) bintu bioso bi ank’endenda mwabikela ku mbangilo kwa kihangilo. Mwanda mbahatamīne kukyeba uno’shi: mailu abadi kwanka kala, na nsenga (namu) yibabumbilwe ’mema na yiki mu mema kwiyi di’Efile Mukulu. Nyi kubalwishishwe n’aya nsenga yibadi kwanka kala ha kwinwa ’mema: anka mailu e kwanka binobino, na nsenga namu mbibikilwe kālo ku dinyi eyi, mbibombeleshwe mpaa n’aha fiki efuku dia kimu na kilwīlo kia bantu bashī b’Efile Mukulu. Anka tanuhataminanga uno mwanda umune, anwe batomibwe kifulo’shi: efuku dimune’nka kw’Efile Mukulu nyi mbu kinunu kia bihwa, na kinunu kia bihwa ki bwifuku dimune. Nfumwetu te na kwiisha ha mwanda wa mulayilo we, hamune bamo (bantu) abahwandjikisha kuisha, ooo; anka e na kuhuñanyi kwanudi, takyebe sunga ngumune kushimina, anka’shi, boso bafikye ku kwilanga kw’eshimba. Anka efuku dia Yehowa adikafiki bu ngifi, mū’dio mailu anakashimine na mikungulo yikata, na biamwiilu abikasunguluka na kālo ke moo, biabia nsenga na bikitshino bi mwanka abikahi fututu. Biabia ha kumona’shi, bino bintu bioso abikasunguluka, watudi n’ao ngwa kwikala bantu kinyi mu nyikashi yihatuiwe-yikishila na bwin’Efile? tukwete kutengyela na kukyeba bikata kufika kw’efuku di’Efile Mukulu, mu’dio mailu hākekala ahi kālo akasunguluka, na biamwiilu abikasunguluka na kālo ke moo? Ank’atwe mwiyile mulayilo we atutengyela mailu ahya na nsenga yihya, mū’bio nyi amubombela kululama. Biabia anwe bakuminyibwe, bia nutengyela yino myand’ayi, nusasakatei mwanudia kuhetshibwa mu kufukama, kwanushī na mabashi na kutohekwa kwadie. Nuhwandjikishe kahuñanyi ka Nfumwetu nkihandjilo; bu bibenufundjile namu Paulu mukwetu mukuminyibwe mulombene binangu bibamuhelwe; anka hamune namu mu mikanda ye yoso, kwete kwakula mwanka wa yino myanda; mu’yo mwi yingi myanda yi bukoho kushingulwa, yinyi’yo ayinyengwa kwi bahatumine na bashī banyingye, anka hamune bu mwabakitshina bingi Bifundwe bi’Efile, mpaa na ku kilwilo kiabo ba na bene. Binyibiabia anwe batomibwe kifulo, ha kwiuka yino myanda kwibedi, dimukai, tala’nwe (namu) ha kōngolwa na kuluba kwa bebubi, anukahono ku kushimata kwenu ku na mwinyi. Anka nukule mu bu-muntu na mu kiukilo kia Nfumwetu Muhashi Yesu Kidisitu. Kwadie (kwikale) ntumbo, binobino mpaa na kwikalaika. Amena. Kiakia kibadi ku mbangilo, kiatubahushishe, kiatubamwene na meso etu, kiatubabandiile, twekikuma na maasa, ha Mwanda wa muwa; (mwanda muwa ubamwekyelwe, n’atwe tweumona, na kwakula bu kamonyi, na kwinulungula (awa) muwa wa ikala-ika, ubadi na Yaiya ubetufumbudilwe;) kiakia kiatubamwene na kiatubahushishe atwinulungula’shi, anwe namu numone kilombeno n’etu: binyibinyi kilombeno kietu ki na Yaiya, na Mwan’e Yesu Kidisitu: na yino myanda yiatufundu’shi, kusehela kwetu kukumbane. Na uno nyi mwanda watubahushishe kwadi, na kwinulungula’shi, Efile-Mukulu nyītata, na mwadie tamwi mufito, sunga mpahela. Su atwakula’shi, twi n’e kilombeno, a kunyi atutambuka ’mufito, (biabia) atudimbi, tatukitshi biabinyibinyi: anka su atutambuka mwitata, mwadi mwikele mwitata, twi na kilombeno muntu na mukwabo, na mase a Yesu Mwan’e aetutosha ku milwisho yoso. Su atwakula’shi, tatwi na milwisho, atwidimbi, ’twe ba na bene, na biabinyibinyi tabi munda mwetu. Su atukumina milwisho yetu, e na kishima na kululama kwitulekyela milwisho yetu, na kwitutosha ku yishīyilulame yoso. Su atwakula’shi, tatwi balwishe, (biabia) atumwalulabu sha madimi, na Mwanda we tawi munda mwetu, ooo. Anwe bana bande bakinga batomibwe kifulo, yino myanda nenufundjila’shi, tanukasolanga mwanda. Anka’nyi su (muntu) alishwa, twi na Musangi a kwi Yaiya, nyi Yesu Kidisitu mululame; e nyi kilombeno kia milwisho yetu; ta ñanka kia yetu buhenka ooo, anka nkia bahanohansenga boso. Mu yino yinyi twibeukye’shi, atumwiuku, su atulama milangilo ye. Yawa akulashi: Namwiuku, a kunyi talama bishila bie (biabia) e nsha madimi, na biabinyibinyi tabi munda mwe; ank’ese akulama Mwanda we, binyibinyi kifulo ki’Efile Mukulu kibakumbashwa munda mwe: mu yino yinyi atwiuku’shi, twi mwadie. Yawa akula’shi: Nyi mubombele mwadi, e na mwinyi namu wadi n’ao ngwa kukit’amukitshin’e. Bakwetu, nkimufunde mulangilo uhya kwanudi, anka mulangilo wa kala wanubadi n’ao ku mbangilo. Mulangilo wa kala nyi Mwanda wanubahushishe ku mbangilo. Dimonyi, mulangilo uhya wanenufundjila, au winyi mbinyibinyi mwadie na mwanudi namu. Mwanda mufito aukilā, n’etata dia binyibinyi adimunyikā binobino. Yawa akula’shi: yimwitata, a kunyi ashikwa mukwabo, (biabia) e mu mufito mpaa na binobino. Yawa akwikala na mukwabo kifulo abombelā mwitata, na tamwi kiakukokosha. Anka yawa ashikwa mukwabo e mufito, atambuka namu mu mufito, teuku kw’ēnde, mwanda mufito ubamutule meso. Nenufundjila bana bande batomibwe kifulo, mwanda milwisho (yenu) yibenulekyelwa ha mwanda w’eshina die. Nenufundjila (anwe) bayaiya, mwanda nwi bahwe kwiuka Yawa a ku mbangilo, Nenufundjila anwe basongwalume, mwanda nubashindji winyi mubi. Nenufundjila anwe bana bakinga, mwanda nwi bahwe kwiuka Yaiya. Nahu kwinufundjila, anwe bayaiya, mwanda nwi bahwe kwiuka yawa a ku mbangilo. Nahu kwinufundjila anwe basongwalume, mwanda nwi na bukome, na Mwanda w’Efile Mukulu ngubombele munda mwenu, n’anwe tanuhwile kushinda yawa mubi. Tanwikalanga na myanda ya bahanohansenga kifulo, sunga mbintu bi hanohansenga. Su nanyi su nanyi e na bia hanohansenga kifulo, (biabia) kifulo kia Yaiya taki munda mwe. Mwanda, bintu bioso bi hanohansenga, lwabi lwa ku mbidi, na lwabi lwa ku meso, na kwinemeka kwa muwa ta mbia Yaiyo, ooo, anka nyi mbia hanohansenga. Na bia hanohansenga na lwabi lwabio abishimina; anka yawa akitshi amukyebela eshimba di’Efile Mukulu ekadidila ikala-ika. A bana bakinga nyi nkihindji kia kunfudilo, na mwanubahushishe’shi: Mwituhishene na Kidisitu anakafikye, na hano namu kwi betuhishene na Kidisitu be bungi, nyi henyi hatwiuku’shi, kino nyi nkihindji kia kunfudilo. Abo abakatukile kwatudi, anka tababadi b’atwe, ooo; mwanda su’bo bubadi b’ātwe, babadia kwikadidilu n’etu, anka’nyi (abakatukile) mwabadia kwifumbwila’shi, boso tababadi b’ātwe, eoo. N’anwe nwibahongolwelwe-mwimu kwi’wa Muhatulwe-a-kishila, anwiuku namu myanda yoso. Nki mwinufundjile, mwanda w’anwe tanwi beukye (Mwanda wa) biabinyibinyi, anka mwanda’nwe anwiuku, na ha mwanda’shi, madimi ta nga biabinyibinyi. A nanyi sha madimi, anka yawa atunu’shi: Yesu ta nKidisitu? E nyi Mwituhishene na Kidisitu atunu Yaiya na Mwana. Awa akutuna Mwana, su nanyi su nanyi, te na Yaiya. Yawa asokola Mwana e na Yaiya namu. Wawa wanubahushishe ku mbangilo wikadidile mwanudi. Su wawa wanubahushishe ku mbangilo awikadidila munda mwenu, (biabia) anwe namu anukekadidila mu Mwana na mu Yaiya. Na uno nyi mulayilo wabetulayile, nyi muwa wa ikala-ika. Yino myanda tampwile kwinufundjila ha mwanda w’aba abenōngola. Anka kwinyi kushingwa kwa mwimu kwenu kwanubashingilwe kwadi kwikale munda mwenu, na tanwi na lukalo’shi, betulambukishe, ooo: anka bu kwinyi kushingwa kwa mwimu akwinulambukisha ha myanda yoso, ngia binyibinyi, ta ngia madimi, na mwakubenulambukisha, anukekadidila mwandie. Biabia binobino bana bakinga batomibwe kifulo, nwikadidile mwadie’shi, hakantweka twikale na kukankamana, na kushi kwikala na būfu ku mpala kwe ha kufika kwe. Su anwiuku’shi, E mululame (biabia) anwiuku’shi, muntu ese akitshi kululama e mutandjibwe kwadie. Talangai mwiyile kihaso kia kifulo kibetuhele Yaiya’shi, tutemunwe bu bana b’Efile Mukulu, biabia bahanohensenga tabetwiuku, mwanda tababadi bamwiukye. A batomibwe kifulo, binobino twi bana b’Efile Mukulu, takwamwekyele mwa tukekela, ooo; anka’twiuku’shi, hakamweka, atukekalan’ka biadi; mwanda atukamumono mwadi mwikele. Ese (muntu) e na luno lukuluhilo mwadi etosha na mwinyi, bu mwadi mutokyel’e. Ese muntu asolo mwanda ashula bishila: mwanda kulwisha nyi nkushula kwa bishila. N’anwe anwiuku’shi, e basokwelwe kukatusha milwisho yetu; mwadie ta mwi kulwisha. Ese muntu ekadidila mwadie talwisha, ooo; n’ese akulwisha tamumumone, sunga nkumwiuka. A bana bakinga batomibwe kifulo, tanudimbibwanga ku muntu; yawa akitshi kululama e mululame, bu mwadi e na mwinyi ’mululame. Yawa asolā mwanda nyia kafilefile; mwanda kafilefile alwishā mpaa na ku mbangilo. Nyi mpa uno mwanda habasokwelwe mwan’Efile mwabadia kulwishisha bikitshino bia kafilefile. Ese muntu ’mutandjibwe n’Efile Mukulu talwishā, ooo, mwanda lubio lwe alwikadidila munda mwe, n’e teuku kulwisha, mwanda ’mutandwe n’Efile Mukulu. Nyi amu sokolwa bana b’Efile Mukulu na bana ba kafilefile: ese muntu shyakita kululama ta nga kw’Efile Mukulu, sunga ngiawa shī na mukwabo kifulo. Mwanda uno nyi mwanda wanubahushishe mbangilo ’shi, watudi n’ao ngwa kwifulena kifulo. Tatwikalanga bu Kana badi ā’wa mubi, bayihayile mukwabo, ooo. A bamwihayile ha mwanda kinyi? Mwanda bikitshino bie na mwinyi bibadi bibubi, a kunyi bia mukwabo nyi bibadi bilulame. A bakwetu, tanukanyanga su bahanohansenga abenushikwa. Atwiuku’shi, tatubakile mu iufu, tatudi mu muwa, mwanda twi na bakwetu kifulo. Yawa shī na bakwabo kifulo ki mu lufu. Ese muntu akushikwa bakwabo nyi ntomboshi; n’anwe anwiuku’shi, takwi ntomboshi e na muwa awikadidila munda mwe, sunga ngumune. Ha uno mwanda nyi hatushingula kifulo, mwand’e betutudile muwa we; watudi n’ao namu ngwa kutula miuwa yetu ha mwanda wa bakwetu. Anka muntu ese e na biakwikala na muwa bia bahanohansenga, amono namu mukwabo e na lukalo lwa’bio, na kumushitshi’eshimba die dia lusa, a kifulo ki’Efile Mukulu nkikadidile munda mwe na minyi? Bana bakinga bande batomibwe kifulo, tatwikalanga na kifulo kia kwīyi, sunga nkia kwidimi, ooo, anka mu bikitshino na biabinyibinyi. Ha uno mwanda atwiuku’shi, twi ba ku biabinyibinyi, na kukanyisha mashimb’etu ku mpala kwe; mwanda su eshimba dietu tadituhīsha, Efile Mukulu ’mukile eshimba dietu bukata, e mwiukye namu myanda yoso. A batomibwe kifulo, su eshimba dietu tadituhīsha, biabia twi na kukankamana ku mpala kw’Efile Mukulu; na bioso biatutekye atwibitembula kwadi, mwanda atulama milangilo ye, na kukita bintu abisehesha eshimba die. Uno nyi mulangilo we’shi, bibuwai tukumine mwishina dia Mwan’e Yesu Kidisitu, na kutomeshena kifulo, mubetuhelele mulangilo. Yawa alama milangilo ye mwikale mwadie, n’e (namu) mwadie. Ha uno mwanda atwiuku’shi, e mwikale munda mwetu ha Kikudi-E-Selelee abetuhele. Anwe batomibwe kifulo, tanukuminanga bikudi bioso, anka tompai bikudi su mbia kw’Efile Mukulu; mwanda batemuki ba madimi bebungi mbahalakane hanohansenga. Nyi ha uno mwanda anwiuku Kikudi-E-Selelee e Efile Mukulu’shi: Kikudi kioso akikumina’shi: Yesu Kidisitu bafikile mu mbidi nkia kw’Efile Mukulu Na kikudi kioso kishyakikumina, (’shi) Yesu Kidisitu mufikye mu mbidi, ta nki ’Efile Mukulu; kino nyi nkia kituhishena na Kidisitu, kianubahushishe’shi, akikafiki; na binobino ki hanohansenga. Anwe nwi b’Efile Mukulu, bakinga batomibwe kifulo, nubebikambile, mwanda yawa e munda mwenu ’mukile e hanohansenga bukata. Abo mbahanohansenga, biabia abakulā bia hanohansenga, na bahanohansenga abebahushishā. Atwe twi b’Efile Mukulu; yawa euku Efile Mukulu etuhushishā; yawa shya kw’Efile Mukulu tetuhushishā, ooo. Nyi ha uno mwanda atushingula kikudi kia biabinyibinyi, na kikudi kia kuluba. A bakuminyibwe, twifulenei kifulo; mwanda kifulo nki’Efile Mukulu; n’ese muntu afulā kifulo nyi mu tandjibwe n’Efile Mukulu, e namu euku Efile Mukulu. Yawa shyafulā kifulo teuku Efile Mukulu; mwanda Efile Mukulu nyi nkifulo. Mu uno nyi mubamwekyele kifulo ki’Efile Mukulu kwatudi’twe, mwanda’shi, Efile Mukulu batumine Mwan’e eleka mutandwe hanohansenga, mwatudia kwikala na muwa hadie. Nyi muno mwikele kifulo, kushī kwamba’shi, tubadi n’Efile Mukulu kifulo, ooo, ank’e betufūle kifulo, batumine Mwan’e (kwikala bu kilombeno kia milwisho yetu.) A batomibwe kifulo, su Efile Mukulu betufūle kifulo bino, atwe namu watudi n’ao ngwa kwifulena kifulo. Takwi muntu, sunga ngumune bamwene Efile Mukulu sunga mpa kihindji kinyi, ooo. Su atwifulena kifulo, (biabia) Efile Mukulu ’mwikadidile munda mwetu, na kifulo kie nkikumbashwe munda mwetu. Nyi ha uno mwanda atwiuku’shi, twibekadidile mwadie, n’e (namu) munda mwetu, mwanda wa Kikudi-E-Selelelee abetuhele. N’atwe tubahu kumona, na kwakula bu kamonyi’shi, Yaiya batumine winyi Mwana kwikala Muhashi a bahanohansenga. Ese muntu akakumina’shi, Yesu nyi Mwan’Efile Mukulu. Efile Mukulu ekadidile munda mwe, n’e namu mw’Efile Mukulu. Atwe namu, tubahu kwiuka na kuhwa kukumina kinyi kifulo ki n’akio n’etu Efile Mukulu munda. Efile Mukulu nyi nkifulo ank’akio; na yawa ekadidilā mu kifulo mwikadidile mw’Efile Mukulu, n’Efile Mukulu mwadie. Muno nyi mubakumbeshwa kifulo kietu’shi, twikale na kukankamana mwifuku dia kimu; mwanda mwadi mwikele, anka biabia n’atwe namu hanohansenga. Takwi moo mu kifulo, ooo, mwanda kifulo kikumbane akibingi moo; mwanda moo wi na malwa. Yawa atshinyi moo, tamukumbane mu kifulo, ooo. Twi n’e kifulo, mwand’e babadidile n’etu kifulo. Su muntu amba’shi: Nyi n’Efile Mukulu kifulo, a kunyi ashikwa mukwabo, (biabia) e nsha madimi: mwanda yawa shi na kifulo na mukwabo abamwene, akafula Efile Mukulu kifulo na minyi ashī mumone? Na uno mulangilo twi n’ao kwadī’shi: Yawa afulā Efile Mukulu kifulo ekale na mukwabo kifulo, namu. Ese muntu akumina’shi, Yesu, nyi Kidisitu e mutandwe n’Efile Mukulu; n’ese muntu e na kifulo na yawa nambutwile, afule namu winyi mutandjibwe kwadi. Ha uno atwiukushi, atufulu bana b’Efile Mukulu kifulo hatudi n’Efile Mukulu kifulo, na kulama milangilo ye. Mwanda kino nyi nkifulo ki ’Efile Mukulu’shi, tulame milangilo ye; na milangilo ye tayi bukoho, ooo. Mwanda kintu kioso kitandwe n’Efile Mukulu akikambilā bia hanohansenga, na kino nyi kiobesho akiobeshā bia bahanohansenga, nyi ndukuluhilo. A nanyi aobesha bia bahanohansenga, anka yawa akumina’shi, Yesu nyi Mwan’Efile Mukulu? Yesu Kidisitu nyi na mwinyi bafikile ha mema na mase; kushī anka’o mema, ooo, anka na mema na mase. Nyi n’Kikudi-E-Selelee namu ākula bu kamonyi, mwanda Kikudi-E-Selelee nyi nga binyibinyi. Mwanda kwi basatu abākula bu tumonyi mwiilu, kwi Yaiya, na winyi Mwanda, na Kikudi-E-Selelee, na (bano) benyi basatu be umune. Kwi basatu namu abākula bu tumonyi hanohansenga, kwi Kikudi-E-Selelee, na mema, na mase, na (bano) benyi basatu mbalombashene bu umune. Su atukumina bulungudi bwa bukamonyi bwa bantu, biabia bulungudi bw’Efile Mukulu mbukile bikata; mwanda bulungudi bwa bu kamonyi bw’Efile Mukulu mbuno, bubetulungwile ha mwanda wa Mwan’e. Yawa akumina ha Mwan’Efile Mukulu e na mwiukishi munda mwe; yawa shyakumina Efile Mukulu bamwikasha bu sha madimi; mwanda tamukumine bulungudi bw’Efile Mukulu’shi, bubahene Efile ha mwanda wa Mwan’e. Na buno mbulungudi bw’Efile Mukulu’shi, betuhele muwa wa ikala-ika, na uno muwa wi mu Mwan’e. Yawa e na Mwana e na muwa; yawa shī na Mwan’Efile Mukulu te na muwa. Yino myanda tampwile kwinufundjila’shi, mwiukye’shi, nwi na muwa wa ikala-ika, nyi nkwanudin’we abakumina h’eshina dia Mwan’Efile Mukulu. Kuno nyi kukankamana kwatudi n’ako kwadie’shi, su atumutekye kintu kioso mulombene eshimba die, (biabia) etuhushishā, na su atwiuka’shi, ētuhushishā, atwiuku’shi, twi na yinyi nteko yatubamwihwishe su nkinyi su nkinyi. Su muntu amono mukwabo kwete kusola mwanda kushī kwa ku lufu, (biabia) atekye, (n’Efile Mukulu) akamuha muwa ha mwanda w’aba abasola myanda yishī ya ku lufu. Kwi kusola kwa ku lufu; tañakula’shi, bibuwa atekye ha uno mwanda, ooo. Yishiyilulame yoso nyi nkulwisha; kwi kusola kwa myanda kushyakufisha lufu. Atwiuku’shi, muntu ese mutandjibwe kw’Efile Mukulu tasolā myanda, anka yawa mutandiibwe n’Efile Mukulu elama e na mwinyi, na yawa mubi tamukumu, ooo. Atwiuku’shi, twi ba kw’Efile Mukulu, na biahanohansenga bioso mbilale mwi’wa mubi. Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika. Bana bakinga batomibwe kifulo, nwilamei ku mankishi. Mukulu kwindalamumba musangudibwa kw’Efile Mukulu, na bana be bafudibwe n’ami mu bia binyibinyi; tanank’ami buhenka, ooo, anka na boso namu beukye biabinyibinyi; ha mwanda wa biabinyibinyi, bikale munda mwetu, na bikekala n’etu mpaa na kwikala-ika. Bumuntu, lusa, na kufukama abikekala n’etu, kw’Efile Mukulu Yaiya, na kwi Yesu Kidisitu, Mwan’a Yaiya mu biabinyibinyi na kifulo. Nasehela bikata binahete (bamo) ba bana bobe abatambuka mu biabinyibinyi, anka muwatubambudile mulangilo kwi Yaiya. Binobino obe, Ndalamumba, nakusendela kushī bu mukufundjile mulangilo uhya, ooo, anka watubadi n’ao ku mbangilo’shi, twifulene kifulo. Kino nyi kifulo’shi, tutambukye mwiyile milangilo ye. Uno nyi mulangilo anka mwanubahushishe ku mbangilo’shi, wanudi n’ao ngwa kutambuka mwanka. Mwanda bōngoshi bebungi mbahalakane hanohansenga, baba tabakumina’shi, Yesu Kidisitu bafikile mu mbidi. Uno nyi mōngoshi na mwituhishene na Kidisitu. Dikumai anwe bana bene’shi, tala nwakashimikā’bia bintu biatubakitshine, anka’shi, nutambule bwedi bukumbane. Awa muntu akidi (ku mpala lew’eyi di’Efile Mukulu), e namu tamwikadidile mu lulambukisho lwa Kidisitu, te n’Efile Mukulu, (anka) yawa ekadidila mu lulambukisho lwa Kidisitu, yawa winyi nyi e na Yaiya na Mwana bubidi. Su mungi akufika kwanudi shyafisha luno lulambukisho, tanumutambulanga mu nshibo (yenu), sunga nkumwimuna; mwanda yawa amwimuna mwibungile n’e ku bikitshino bibubi. Ha kwikala na myanda yibungi kwinufundjila, tankafundu kwibishi dia mukanda na mema a mukanda; anka natengyela kufika kwanudi, na kwisamba ku mahala’shi, muloo wenu ukumbashibwe. Bana ba mukwenu, mwana mukashi musangudibwe abakwimuna. Mukulu kwi Ngaiusa mutomibwe kifulo andji mufule kifulo mu biabinyibinyi. A mutomibwe kifulo, natekye’shi, wekale na mwabi, na musangelo mu bintu bioso mwodi na mwabi mwishimba diobe. Mwanda nasehelele bikata habafikile bakwetu, na kulungula bu kamonyi ha mwanda wa biabinyibinyi bi munda mwobi, anka mōtambukile mu biabinyibinyi. Nki na muloo ukile uno he kuhusha’shi, bana bande abatambukila mu biabinyibinyi. A mutomibwe kifulo, mu bioso biokitshi kwi bakwetu na kwi benyi, okitshi mufubo ushimate, abākula bu kamonyi ha mwanda wa kifulo kiobe ku mpala kwa kikoñeno ki’Efile; okakitshi bibuwa kwibebwesha ha luendo lwabo bilombene Efile Mukulu; Nyi ha mwanda w’eshina die abahalakene; tabakuma kutambula kintu kwi Badjentaila. Binyibiabia nkuhwandjikile’twe kukila be biabia, mwatudia kwikela bafubi n’abo kubiabinyibinyi. Nafundjile ku kikoñeno ki’Efile, anka Diotelehese winyi asehela kwikala na bukata bukile munkatshi mwabo, tamwitukumine, ooo. Binyibiabia su nankafiki, nankanangushena bikitshino bie biakitā, kwete kwitubalakena na bishima bibubi; tamufudile haha, ooo, anka e na mwinyi tatambulā bakwetu, n’aba abakyebe kwibatambula ebalekyesha ebabinga namu ku kikoñeno ki’Efile. A mutomibwe kifulo, tolondangā’kia ki bubi, ankā’kia kibuwa. Yawa akitshi bibuwa nyi a kw’Efile Mukulu; anka yawa akitshi bibubi tamumone Efile Mukulu. Demeteluse e na mukāndu-wibuwa kwi bantu boso, na ku biabinyibinyi bi na mwinyi; n’atwe namu atwakula bu kamonyi; n’obe weuku’shi, bu-kamonyi bwetu mbwa binyibinyi. Nadi na myanda yibungi kukufundjila, anka nki n’eshimba kukufundjila na mema na mutshi wa mukanda, anka natengyela kukumona ahayisha kahindji, biabia atukeakushena ku mpala. Kufukama (kwikale) kodi. Bakūku abakwimuna. Nwyimwine bakūku kwishina n’eshina. Yuda, mpika a Yesu Kidisitu, mukwabo na Yakoba, kwi’ba abaitanyinwa, batomibwe kifulo mw’Efile Mukulu Yaiya, abalamibwa na Yesu Kidisitu. Lusa, kufukama, na kifulo bifwime kwanudi. A batomibwe kifulo, hanadi asasakata kwinufundjila ha mwanda wa kihandjilo kietu’twe boso, nadi munyishwe mwishimba diande kwinufundjila, na kwinulanga’shi, nulwile na kutuhwita ha mwanda wa lukumino lwinyi lubahelwe mususa umunenka kwi bahatulwe-bekishila. Mwanda kwi bamo bantu abadi ababembela mwanudi ku bukunkula, aba nyi abasangwilwe kala ku kuno kuhīshwa, bantu bashī na bwin’Efile Mukulu mpaa na ku mudioholo w’eshimba dibi, na kutuna Mwana’etu umunenka, Nfumwetu Yesu Kidisitu. Binobino nankyebe kwinutentekyesha sunga nwiuku kala myanda yoso’shi, Nfumwetu habahashishe bantu mu nsenga y’Edjihitu, ku monge balwishishe baba bashyabakumina. Na bamwikeilu bashī balame mwikelo wabo wa kwibedi, a kunyi abalekyele mbalo yabo ba na bene, mwibalame mu nkano ya ikala-ika ya mufito mpaa na ku kimu kia diadi’efuku dikata. Anka bu Sodoma na Ngomola na bibalo ku bukunkulu bwabio, habehene hamunen’abo kubia lukyebanokyebano na kulonda bia mbidi yingi, mbatulwe bu kileshesho, bakwete kufwambuka kumweshwa kwa kālo kaikala-ika. Nyi mbiabia bamu mu bilotwa biabo abalwisha mbidi, abo ababenge butontshi, na kusabula bakata. Anka Mikaele mwikeilu mukile bukata, habadi alwila na kafilefile, belele mpaka ha mwanda wa mbidi ya Mosesa, tamukume kufisha kwadi kimu kia kukaa, ooo, anka bakwile’shi: Yehowa akusashile. Anka bano abakaa ku myanda yoso yiabashyabeuku; n’aya yiabeuku’bo mwiyile butandjilo, hamunenka bu nyama yishī na binangu, mu yino myanda abalwishibwa. Mpombo kwabadi! mwanda abayile mwishinda dia Kena, abakamine lubilo mu ya kuuhakana mu kuluba kwa Balfima ha mwanda w’efuto, abashimine namu mu kutomboka kwa Kola. Bano benyi nyi mbwebwe yifwame mu bidibwa bienu bia kifulo, hābadi n’enu; kudia abedishā’bo bana bene kushī na moo; makumbi ashī na mpeshi anyungakashibwa na ntpahi; mitshi yi na bikuba biayo bifumbe, yishī na bikuba; yifwe kubidi na kushudidilwa na mishi; mbundambunda ya mema ayifunu bukyelo bwa kutusha mafulu a būfu bwa ’bo bana bene; nyenyenyi yabwendende, kwabadi nyi nkubombeleshwe mufito we fututu mpaa na kwikala-ika. Biabia Enoka namu, a musambobidi kubangila kwi Adama, batemukile ha mwanda wa bano’shi: Talangai, Nfumwetu afiki na bahatulwebekishila be binunu na binunu, kwimukishe kimu ha boso, na kutonyesha boso bashī na bwin’Efile munkatshi mwabo ha mwanda wa bikitshino, bishī bia bwin’Efile, biabakitshine mu bushī bwin’Efile, na ha mwanda wa’bia bi bukoho, bibākwile balwishi bashī ba bwin’Efile kwadi. Bano mbasha miununo, bashā kwiunyinganyinga, abatambukila mwiyile ngabiabi yabo; makanwa’bo amwisamba’nka yikata ya kwitatula, mbanemekye bantu ha mwanda wa bia bwedi. Ank’anwe batomibwe kifulo nutentekyeshe myanda yibakwile batemuki ba Nfumwetu Yesu Kidisitu kwibedi’ shi, (mwa) benulungudile’shi, mu kihindji kia kunfudilo akukekala basabudi abakatambukila mwiyile ngabiabi yabo yi na mwinyi ya bushī bwin’Efile. Bano nyi benyi abalamunā ba ku mbidi, ta be na Kikudi-E-Selelee. Anka’nwe bafudibwe kifulo, nwikudishe’nwe bana bene mu lukumino lwenu luhatulwe-lwi-kishila, (na) kuteka mu Kikudi-E-Selelee. Nwilame mu kifulo ki’Efile Mukulu, na kutengyela lusa lwa Nfumwetu Yesu Kidisitu mpaa na ku muwa wa ikala-ika. Ha bamo be na mealasheno nwikale na kanye; bangi nyi nwibahashe, bwibōhola mu kālo; ha bangi namu nwibafwile lusa na moo; nushikwe mabashi abo a myanda yibi. Binobino kwadie euku kwinulama ku kukokola, na kwinutula ku mpala kwa ntumbo ye kushī kilema na muloo ukilekile, kw’Efile Mukulu umune buhenka bwe, Muhashi etu mu Yesu Kidisitu Nfumwetu, (kwikale) ntumbo, bukilekile, butontshi, na matalwa kwibedi kwa mbangilo, na binobino mpaa na kwikala-ika. Amena. Kibafumbulwe kia Yesu Kidisitu, kibamuhele Efile Mukulu kulesha kwi bahika be myanda yitayikyebe kumweka; bekitumine, bekiukishe na mwikeilu e kwi mpik’e Yoano. E batemukile bu kamonyi ka Mwanda w’Efile Mukulu, na ka bulungudi bwa Yesu Kidisitu, na ka bintu bioso bibamwene. Mwabi kwi yawa abala, na kwi’bo abahusha myanda ya (uno) mutemu, na kulama yaya myanda yifundjibwe mwanka; mwanda kihindji takidi hehi. Yoano ku bikoñeno bi’Efile musambobidi bi mu (Asia). Bu-muntu na kufukama (bikale) kwanudi, abifu kwi yawa e kwanka binobino, badi kwanka kala, e nyi akafiki, na kwi Bikudi musambobidi bi ku mpala kwa luhun’a nsulu lwe; na kwi Yesu Kidisitu, kamonyi ka kishima, mwan’a mbedi musangukye ku bafwe, mutontshi a banfumu ba hanohansenga. Kwi yawa betufule kifulo, na kwitusula ku milwisho yetu mu mase e; e namu betwalulwile tatudi banfumu na batshiite-bakwidi ba kw’Efile Mukulu Nshye; kwadie kwikale ntumbo na bukome mpaa na kwikala-ika. Amena. Talangai, ngiwafiki mu makumbi; meso oso akamumono, na benyi abamutahile; bisaka bioso bia hanohansenga abikadidi kitumu ha mwanda we. Ee, anka biabia Amena. Yehowa akula’shi: Ami nyi Alefa na Omega, mbangilo na nfudilo, e kwanka binobino, badi kwanka kala, e nyi akafiki, Shabukomeboso. Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu. Nadi mwalulwe mu Kikudi-E-Selelee h’efuku dia Nfumwetu, nahushishe eyi dikata bu dia mpungi ku mongo kwande, adiamba’shi: Biomono, ofunde ha mukanda wa kutuma ku bikoñeno bi’Efile musambobidi bi mu (Asie) kia ku Efesesa, na kia ku Semema, na kia ku Pegamosa, na kia ku Tyatshila, na kia ku Sadise, na kia ku Filadelefia, na kia ku Laodesea. Biabia nealulwile mwanda wa kumona muntu sh’eyi adisamba n’ami; biabia hakwialula namwena bitulo-bia-matala bia nsahabu musambobidi; na munkatshi mwa bitulo-bia-matala, (mubadi muntu), wifwane Mwan’a Muntu, mufwale kilamba kifikye mpaa na ku ngwa, na kikoka kia nsahabu kifwale ha kiadikie. Mutwe we na nyene (bibadi) bitoka bu bufufulu bwa mikoko na bu (neige), na meso e (abadi) bwidimi dia kālo. Ngwa ye namu (yibadi) yifwane kilonda kia munyinga kikusulwe, ki hyuu bu ki mu nkyela: n’eyi die dibadi bu kitumo kia mbila ya mema ebungi. Mwiyasa die dibalume mubadi nyenyenyi musambobidi; mukanwa mwe amutuku luhete lwa ngoshi lwi mashi kubidi, na lukyebo lwe lubadi bu nguba atembe bi bukoho. Biabia hanamumwene, nahone ku ngwa ye bu mufwe. Henyihaha bantentekyele eyasa die dibalume’shi: Totshinanga moo; ami nyi akwibedi, n’a nfudilo: Nyi yawa atala, nadi mufwe; na talanga, tandji na muwa wa ikala-ika, Amena. Nyi na nfungulo ya kalunganyembo na ya lufu. Ofunde bintu bibomono, na bintu bi kwanka (binobino) na bintu abilondo bino. Kifībwe kia nyenyenyi musambobidi yibomono heyasa diande dibalume, na bitulo-bia-matala musambobidi bia nsahabu. Yinyi nyenyenyi musambobidi nyi bamwikeilu ba bikoñeno bi’Efile musambobidi; na binyi bitulo-biamatala musambobidi bibomono nyi bikoñeno bi’Efile bi musambobidi. Kwi mwikeilu a kikoñeno ki’Efile kia ku Efisesa ofunde’shi: yawa mukwate nyenyenyi musambobidi mwiyasa die dibalume, winyi atambuka munkatshi mwa bitulo-bia-matala musambobidi, bākwile bino bintu’shi: Neuku bikitshino biobe, na mifubo yiokita, na lwishinko lobe lwa mufwaka, na moshyouku kukumina aba be bubi, na mu botompele baba abetemuna’shi: twi batumibwe, biosobi ta be biabia, anka bwebatundwile bu basha madimi, boñyinamene na lwishinko, bofwambukile namu ha mwanda w’eshina diande, twemukokye. Anka nyi n’obe uno mwanda’shi: bolekye kifulo kiobe kia kwibedi. Tentekyesha hobohono, welangye mwishimba, okite bikitshino bia kwibedi; su tokitshi nankafiki kodi, nankakatusha kitulo-ki’etala kiobe kumbalo y’akio, anka su’elanga mwishimba. Anka biodi na uno wakwamba’shi, oshikwā bikitshino bia bena Nikolaitene nyi mwibishikwe n’ami namu. Yawa e n’ētwi, ahushe bibākula Kikudi-(E-Selelee) ku bikoñeno bi’Efile. Kwi yawa akambila nankamuha kudia ku mutshi wa muwa, wi munkatshi mwa Paladisa ’Efile Mukulu. Na kwi mwikeilu a ku kikoñeno ki’Efile kia mu Sermena ofunde’shi: Yawa a kwibedi n’a nfudilo, badi mufwe, binobino atala, ākula yino myanda’shi: Neuku bikitshino biobe na bishiotshi na bulanda bobe, (anka we mpeta) na milomo yā’ba abetemuna’shi: Twi bena Yuda, biosobi ta n’abo, anka mba kikoñeno kia Satana. Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa. E n’ētwi, ahushe bibākula Kikudi-(E-Selelee) ku bikoñeno bi’Efile. Yawa akambila takakumbu ku lufu lwakabidi, ooo. Na kwi mwikeilu a ku kikoñeno ki’Efile kia mu Pergame ofunde’shi: yawa e na luhete lwa ngoshi lwi mashi kubidi ākula yino myanda’shi: Neuku (bikitshino biobe) na kodi mubombele, nyi kwi luhun’a nsulu lwa Satana: olamate kwishina diande, kushī kutuna lukumino lwande, sunga mu ā mafuku a Antepase kamonyi kande ka kishima, bayihailwe munkatshi mwenu, mubombele Satana. Anka nyi na myanda yibadidye kodi, mwanda kwakwa kodi we na bamo balamate ku lulambukisho lwa Balāma, winyi balambukishe Balaka kutula kia kukokosha ku mpala kwa Bena Isalele; na kudia bintu bitahilwe mankishi, nakukita lukyebanokyebano. Biabia namu we na baba balamate kululambukisho lwa Bena Nekolaitene, kinyi kiandji mushikwe. Welange mwishimba diobe; su tokitshi, nankafiki kodi lubilo, nankālu ngoshi n’abo na luhete lwa ngoshi lwa mu kanwe mwande. E n’ētwi, ahushe abiakula Kikudi (E-Selelee) ku bikoñeno bi’Efile. Kwi yawa akambila nankamuha manna afwame a kudia, nankamuha’nyi kabwe katoka, na ha kabweeshina dihya difundwe hanka, dishyadiukwa na muntu, sunga ngumune, anka yawa ekatambula. Kwi mwikeilu a ku kikoñeno ki’Efile kia mu Tyatire ofunde’shi: Yawa Mwan’Efile e na meso bwidimi dia kālo, ngwa ye bu kilonda kia munyinga kikusulwe, akula’shi: Neuku bikitshino biobe, na kifulo kiobe, na lukuluhilo lobe, na bulungudi bw’Efile bobe, na lwishinko lobe lwa mufwaka, na bikitshino biobe bia kunfudilo mbikile’bia bia kwibedibungi. Sunga mbiabia nyi n’obe uno mwanda’shi, bolekyela (yawa) mwana mukashi Yesebela, etemuna na mwinyi bu mutemuki; kwete kulambukisha na kubembula bafubi bandebakite lukyebanokyebano, na kudia bintu bitahilwe mankishi. Namuhele kihindji kia kwilanga mwishimba ku lukyebanokyebano lwe anka e tamwilange. Talangai, nankamwele mu lusala, na baba abakitshi n’e lusandji mu bishiotshi bikata, anka su abelanga mu mashimba ku bikitshino bie. Nankeha bana be na lufu, na bikoñeno bi’Efile bioso abikeuku’shi, ami nyi e akokōla mu nfyo na mashimba: nankaha kwi muntu ese enu mwiyile bikitshino bienu. Anka kwi’nwe, bakwabo ba mu Tyatire kwi baba boso bashī na luno lulambukisho, bashyabeuku myanda yifwame ya Satana bu biabākula, namba’mi’shi: Tankenutenteka kingi kita, anka kiakia kia nwi n’akio, nukankamane hanka mpaa na hankafiki. Yawa akambila, alama bikitshino biande mpaa na ku nfudilo, kwadi nankamuha matalwa hanundu ha mīlo. E akebamunu n’elanga dia kilonda; bu bintu bia mbufi abitanyibwa bifingifingi; nyi munatambwidile kwi Yaiya. Nankamuha lwenyenyi lwa namashika. Yawa e n’ētwi, ahushe abiakula Kikudi-E-Selelee ku bikoñeno bi’Efile. Kwi mwikeilu a ku kikoñeno kia mu Sardes ofunde’shi: yawa e bikudi bi’Efile Mukulu musambobidi, na nyenyenyi musambobidi, ākula’shi: Neuku bikitshino biobe, na biotemunwa’shi: Otala, biosobi we mufwe. Nudimuka, nukankamishe bintu bibashala bitabikyebe kufwa, mwandā’mi nkimusañane bikitshino biobi bikumbane ku mpala kw’Efile Mukulu ande, ooo. Binyibiabia nangushena mubotambwidile na mobohushishe; olamate, na kwilanga mwishimba. Biabia su twemudimukye nankafiki kodi bu ngifi, n’obe tokashingula nsa yiankafiki kodi. Anka we na mashina ahela mu Sardes abashī halwishe bifwalwa biabo; abo banakatambukye n’ami mu bitoka, mwanda’bo mbahwandjikile. Yawa akambila, nyi winyi anakafwadikwe mu bifwalwa bitoka; ami namu tanakashimishe eshina die mu mukanda wa muwa, ooo, nanankatemune eshina die ku mpala kwa Yaiya na kwa bamwikeilu be. Yawa e n’ētwi, ahushe abiakula Kikudi ku bikoñeno bi’Efile. Kwi mwikeilu a ku kikoñeno ki’Efile kia mu Philadelphie ofund’eshi: yawa muhatulwe-e-kishila, abinyibinyi, winyi e na lufungulo lwa Dafidi, e ashitula, ankatakwi muntu sunga ngumune euku kushita; e namu ashitā, muntu tashitula, ākula’ shi: Neuku bikitshino biobe; talanga, nantule kibelo kishitukye ku mpala kobe, kishyakiuku muntu kushita; mwanda we na bukome buhela, bolamine Mwanda wande, twemuhele eshina diande, ooo. Talanga biampana ba ku kikoñeno kia Satana, abākula’shi: Twi bena Yuda, anka ta be biabia, abadimbi madimi, talanga, nankebafisha kulangwila ku ngwa yobe, na kwibeukisha biandji mukufule kifulo. Mwanda bolamine mwanda wa mufwaka wande, ami namu nankakulama ku kiakia kihindji kia kutompibwa kitakikyebe kufika ha bantu boso ha hanohansenga, kutompa’ba babombele hano ha nsenga. Talanga, ngiawa nanfiki lubilo; nyiñamana ku kiakia kiodi n’akio, tala munlu akakuata kilongo kiobe. Yawa akambilā nanankamutulu bu kibayi mu ntempelo y’Efile Mukulu ande, e takatuku mwanka dimo; ami namu nankafundu hadi eshina di’Efile Mukulu ande, n’eshina dia kibalo ki’Efile Mukulu ande, akio nyi Yelusalema muhya, akiyiki mwiilu kw’Efile Mukulu ande, n’eshina diande dihya namu. Yawa e n’ētwi, ahushe abiakula Kikudi ku bikoñeno bi’Efile. Kwi mwikeilu a ku kikoñeno kia mu Laodiecèe ofunde’shi: Yawa Amena, sha kishima, kamonyi ka binyibinyi, mbangilo ya bihangibwe bi’Efile Mukulu akula’shi: Neuku bikitshino biobe’shi: Twe mashika mbioshī kālo, nankyeb’mi’shi, wekale mashika sunga nkālo. Biabia ha mwanda we bu kifufu, twe mashika sunga nkālo, nankakulasa mu kanwa mwande. Mwanda wakula’shi: Ami nyi mpeta, nyi mufwimishe bintu, nki na kintu lukalo, tweuku namu we a kishiotshi, na kwiyongola, mulanda, mpofu, sha muswa. Nakuha binangu bia kuula kwandji nsahabu yitoshibwe mu kālo’shi, wekale mpeta, na bilamba bitoka biodia kufwadikwa’shi, tala būfu bwa muswa wobe bwamweka; oshingye meso obe n’elawa dia meso biodia kumona. Be bungi boso bandji n’abo kifulo, nebakalashena, na kwibahasha; binyibiabia nwikale na kinsukunsuku na kwilanga mwishimba. Talangai nemane ha kibelo, natutulu: muntu, su nanyi su nanyi ahusha eyi diande, na kushitula kibi, ami nankatwela mwanka kwadi, nankatomo n’e, n’e namu n’ami. Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe. Yawa e n’ētwi ahushe biakulā Kikudi (E-Selelee) kwi bikoñeno bi’Efile. Talangai, kumongo kwa yino (myanda) namwene kibi akishitulwa mwiilu; n’eyi dia kwibedi dinahushishea (dibabi) bu mpungi dikwete kwisamba n’ami; dibakwile’shi: Kaminakuno, n’ami nankulesha myanda yi’anka na wa kufika kumongo. Kahindji n’ākanā lulwilwe mu Kikudi (E-Selelee,) talangai, luhun’a nsulu lubatulwe mwiilu, na umune badi mushale ha luhun’a nsulu. Na yawa badi mushale, ha kumutala, badi bwibwe dia jaspe na dia sardoine; na nkongolo yifunye luhun’a nsulu, ha kumona yibadi bwibwe dia l’emeraude. Na mpun’a nsulu makumi abidinayinanka (yibadi) yifunyi lwinyi luhun’a nsulu, na ha mpun’a nsulu (namwene) bakulu makumi abidi na bananka bashale hanka, bafwale bilamba bitoka; na ha mitwe yabo habadi bilongo bia bushindji bia kilonda kia nsahabu. Mubatukile mu luhun’a nsulu kuhenyahenya kwa mpeshi, na mikungulu, na mayi; ku mpala kwa luhun’a nsulu bimunyi bia kālo musambobidi bibadi abitembe, abio nyi m’Bikudi musambobidi bi’Efile-Mukulu. Ku mpala kwa luhun’a nsulu (kubadi) bwishiba di mbadibadi dia kelobe; munkatshi mwa luhun’a nsulu namu na kwifunya kwa’lo (mubadi) nyamaya muwa yinanka, yiule na meso ku mpala na ku nyima. Nyama a kwibedi badi muhwandjikile ntambwe, a kabidi bu mwan’a ñombe, a kasatu badi na lukyebo bu lwa muntu, na nyama a kananka badi bu mpungwe ahahula. Na nyama ya muwa yinanka yibadi na mbaba yisamombo, (yibadi) yiule meso (ebungi) kwifunya na munda; n’ayo tayikishā kanya na bufuku, ayo’shi: Muhatulwe-Ekishila (nyi) Yehowa Efile Mukulu Shabukome-boso, e badi kala, e kwanka binobino, n’e anakafikye. Ahakatumbishā’ya nyama ya muwa na kunemeka, na kutumbula’wa mushale ha luhun’a nsulu, e winyi e na muwa wa ikala-ika, (biabia) bakulu makumi abidi na bananka abahone hashi ku mpala kwa yawa badi mushale ha luhun’a nsulu, na kumulangwil’e na muwa wa ikala-ika, na kwela bilongo bia bushindji bwabo ku mpala kwa luhun’a nsulu’shi: Obe we muhwamdjikile, Nfumwetu, Efile Mukulu etu kutambula ntumbo, na kinemo, na bukome; mwanda bohangile bintu bioso, na ha mwanda wa bikyebe eshimba diobe bibadi kwanka na kuhangibwa. Henyihaha namwene mwiyasa dibalume dia yawa badi mushale ha luhun’a nsulu mukanda ufundwe munda na ha nyima, ulamikwe hoo na biukilo musambobidi. Namwene namu mwikeilu e bukome ele musase n’Eyi dikata’shi: A nanyi muhwandjikile kubūla mukanda na kulamuna biukilo biao? Biabia takubadi sunga ngumune mwiilu, sunga hanohansenga, sunga mushi mwa nsenga badi mwiukye kubūla mukanda, sunga nkutala hanka. N’ami nadilanga (mpolo) bikata mwanda takubadi muntu muhwandjikile kubūla na kubala mukanda, sunga nkutala hanka. Henyihaha umune a ku bakulu bambile’shi: Todilanga, Ntambwe nku kisaka kia Yuda, Mushi wa Dafidi, bakambile kubūla mukanda na kulamuna biukilo biao musambobidi. Namwene munkatshi mwa luhun’a nsulu na mwa nyama ya muwa yinanka, na munkatshi mwa bakulu, Mwan’a Mukoko mwimane, bu mubadi mwihayibwe, badi na nsengwa musambobidi na meso musambobidi, nyi m’Bikudi bi’Efile Mukulu musambobidi bibatumibwe hanohansenga hoso. Henyihaha bafikile bātshile mukanda kwiyasa dibalume di’awa badi mushale ha luhun’a nsulu. Habahwile kuata mukanda, nyama ya muwa yinanka, na bakulu makumi abidi na bananka bibahone hashi ku mpala kwa Mwan’a Mukoko, boso bwa’bio bibadi na nsese na malonga a nsahabu aule na malashi, ao nyi nteko ya bahatulwe-bekishila. Abo abadi abayimbi lono luhya’shi: Obe ’muhwandjikile kuata mukanda, na kulamuna biukilo biao; mwanda boyihayibwe, bwetukudile kw’Efile Mukulu ku mase obe, mu bisaka bioso, na mu ndjimi yoso, na mu bantu boso, na mu milo yoso; bwetwikasha bu banfumu na batshiite-bakwidi kw’Efile Mukulu etu; n’atwe twanakabikale hanohansenga. Biabia namwene, nahusha eyi dia bamwikeilu bebungi babadi befunye luhun’a nsulu na nyama ya muwa, na bakulu; na bungi bwabo bubadi binunu ekumi bifwimishe misusa binunu ekumi, nabinunubia binunu. Abākula n’eyi dikata’shi: Mwan’a Mukoko bayihayibwe ’muhwandjikile kutambula bukome, na buheta, na binangu, na ntshitshiba, na kinemo, na ntumbo na mwabi. Biabia bihangwe bioso bi mwiilu, na bi ha nsenga, na bi mushi mwa nsenga, na bi ha mema-a-kalunga, na bintu bioso bi mwanka, nebihushishe abiakula’shi: Mwabi na kinemo, na ntumbo, na butontshi bikale kwi yawa mushale ha luhun’a nsulu, winyi Mwan’a Mukoko mpaa na kwikala-ika. Henyihaha nyama ya muwa yinanka yibakwile’shi: Amena. Na bakulu makumi abidi na bananka abahone hashi, tabalangwila Yawa atala mpaa na kwikala-ika. Namwene habalamwine Mwan’a Mukoko kimune kia biukilo musambobidi, na kuhusha bu umune a ku nyama ya muwa yinanka kwete kwakula n’eyi bu mukungulu’shi: Fwōtale. Talangai, namwene namu nfalasa toka, na yawa badi mutentame hanka badi na buta bwa miketwe; badi muhebwe kilongo kia bushindji; bayile kwete kushinda na kushindana. Habalamwine kiukilo kiakabidi, nahushishe nyama a muwa a kabidi’shi: Fwōtale. Biabia kubatukile mungi nfalasa monga; na yawa badi mutentame hanka badi muhebwe kukatusha kufukama hanohansenga’shi, betahene; kubamuhelwe namu luhete lwa ngoshi lukata. Habalamwine kiukilo kia kasatu, nahushishe nyama a muwa a kasatu kwete kwakula’shi: Fwōtale. Natadile, namona nfalasa fita; na yawa badi mutentame hanka badi na kihimo mwiyasa die. Nahushishe bwīyi dia munkatshi mwa nyama ya muwa yinanka, adiamba’shi: Kihimo kiangano ku lufalanga lwa ndenadi lumune, na bihimo bisatu bia d’orge ku lufalanga lwa ndenadi lumune. Tolwishanga mwimu na nfinyo. Na habalamwine kiukilo kia kananka, nahushishe nyama a muwa a kananka’shi: Fwōtale. Natadile, namona nfalasa mutokolokye; n’eshina dia yawa badi mutentame hanka dibadi Lufu, na Kalunganyembo kabadi akalondo ku nyima kwe. Kubebahelwe namu matalwa hanundu ha luhese lwa kananka lwa bahanohansenga kwilwika ku luhete lwa ngoshi, na ku kihuha kia nsala, na ku kihuha kia lufu, na ku nyama yi bukyelo ya hanohansenga. Habalamwine kiukilo kia katano, namwene mushi mwa kitala (kia bitahilo) bikudi bia’ba abehayibwe ha mwanda wa Mwanda w’Efile Mukulu, na ha mwanda wa bulungudi bwabadi na’bu. Abēle musase n’eyi dikata’shi: A Nfumwetu, muhatulwe-e-kishila n’a binyibinyi, a nku kihindji kinyi kiokalekye kwitutshibila na kōbola mase etu kwi’ba babombele hanohansenga? Na mitwelo yitoka yibahelwe boso, muntu na w’e, muntu na w’e; ubebalungwile’shi: nwikishe ku kikihindji mpaa na ha kehayibwa bafubi n’enu na bakwenu namu hamunenka n’anwe. Natadile habalamwine kiukilo kia kasamombo, tala, kubadi kutenkatenka kukata kwa nsenga; na nguba bālulukile ta difita fututū bwikutu di bwaa, na mweshi ubālulukile bu mase; na nyenyenyi ya miilwu yibahōne ha nsenga, bu mutshi wa kikuku aukukusha bikuba biao bibishi ha kuhukwa na luhahi lukata. Eilu namu dibefungile bu mukanda wi mufungofungo aufungwa, na mangulu oso na bisangi bioso bibakatushwa ku mbalo yabio. Na banfumu ba hanohansenga, na bantu bakata, na bampeta, na bimankinda bikilekile bukata, na bantu be bukome, na mpik’ese na muān’ese, abafwama mu twina tw’efile, na mu mbwebwe ya mangulu; abalungwile mangulu na mbwebwe’shi: Etuhonene kwitufya ku mpala kwa yawa mushale ha luhun’a nsulu na ku nsunga ya Mwan’a Mukoko; mwanda efuku dikata dia nsungu ye dibafiki; biabia a nanyi euku kwimana? Ku nyima kwa yino myanda, namwene bamwikeilu bananka mbemane ha mahaka ananka a hanohansenga, bakwate mpahi yinanka ya hano hashi’shi, luhahi taluhukanga ha nsenga, sunga mpa mema, su mpa mitshi. Namene namu mungi mwikeilu akamina kutunduka, badi na kiukilo ki’Efile Mukulu a muwa; e bēle musase n’eyi dikata kwi bamwikeilu bananka, bahebwe (matalwa) a kumwesha nsenga na mem’a-kalunga malwa’shi: Tanumweshanga nsenga malwa, sunga mema-a-kalunga, sunga mitshi, mpaa na hatuhu kutula kitundwilo ha mpalahabafubi b’Efile Mukulu. Nahushishe bungi bwa’ba batudibwe kitundwilo; (babadi) lukama na makumi ananka na binanka bia binunu ba ku bisaka bioso bia bena Isalele. Ku kisaka kia Yuda binunu ekumi na bibidi bibatudilwe kitundwilo, ku kisaka kia Leubena binunu ekumi na bibidi. Ku kisaka kia Ngada binunu ekumi na bibidi. Ku kisaka kia Ashe binunu ekumi na bibidi. Ku kisaka kia Nafatale binunu ekumi na bibidi. Ku kisaka kia Manase binunu ekumi na bibidi. Ku kisaka kia Shimeone binunu ekumi na bibidi. Ku kisaka kia Lefi binunu ekumi na bibidi. Ku kisaka kia Isakale binunu ekumi na bibidi. Ku kisaka kia Sebulone binunu ekumi na bibidi. Ku kisaka kia Yosefe binunu ekumi na bibidi, na ku kisaka kia Bendjamine (namu kubadi) binunu ekumi na bibidi. Ku nyima kwa yino myanda namwene, kibumbu kikata kishyakiuku kubadikwa na muntu, kia ku mīlo yoso, na ku bifuko bioso, na ku bantu boso, na ku ndjimi yoso, bemane ku mpala kwa luhun’a nsulu na ku mpala kwa Mwan’a Mukoko, bafwadikwe na mitwelo yitoka, na malala a mabo mu maas’abo: abēle musase n’eyi dikata’shi: Kihandjilo (kikale) kw’Efile Mukulu etu mushale ha luhun’a nsulu, na kwi Mwan’a Mukoko namu. Henyihaha bamwikeilu boso abemene na kwifunya luhun’a nsulu, na bakulu, na nyama ya muwa yinanka; abahōne mahala’bo hashi, abalangwile Efile Mukulu, bambanga’shi: Amena: Mwabi, na ntumbo, na binangu, na kutumbula, na kinemo, na bukome, na ntshishiba bikale kw’Efile Mukulu etu mpaa na kwikala-ika. Amena. Biabia umune a bakulu bālulwile anamba’shi: A bano bafwadikwe mitwelo yitoka mbanyi? na kwabadi bafikye nkunyi? N’ami namwalulwile’shi: A Mwanana, obe weuku. E bandungwile’shi: Bano nyi mbenyi abatukile ku kishiotshi kikata, abasula mitwelo yabo, abaitosha selelee mu mase a Mwan’a Mukoko. Binyibiabia nyi biabadi ku mpala kwa luhun’a nsulu lw’Efile Mukulu; abamufubila kanya na bufuku mu kibombelelo kie ki munda; na yawa ashala ha luhun’a nsulu akabombela munkatshi mwabo. Tabakasumibwa na nsala dimo, sunga nyota; nguba namu takebashiki, sunga nkālo. Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo. Habalamwine kiukilo kia musambobidi, kubadi nyaa mwiilu mpaa na ku kihindji kia hankatshi ha nsa umune. Biabia namwene bamwikeilu musambobidi abadi bemane ku mpala kw’Efile Mukulu; babadi bahebwe mampungi musambobidi. Mungi mwikeilu bafikile aimana ku kitala kia bitahilo, badi n’elonga dia kilonda kia nsahabu dia kālo; badi muhebwe bukula bwa mahembwe ebungi’shi; ebutentekye na nteko ya bahatulwe-bekishila boso ha kitala kia kilonda kia nsahabu, kibadi ku mpala kwa luhun’a nsulu. Na mwishi wa bukula bwa mahembwe, na nteko ya bahatulwe-bekishila, bibakamine mwiilu kwiyasa dia mwikeilu ku mpalakw’Efile Mukulu. Biabia mwikeilu bātshile elonga dia kālo, bediushishe na kālo ka ku kitala, bedisumbwile hano ha nsenga; kubadi mayi, na mikungulu, na mahenyi a mpeshi, na kutenkakana kwa nsenga. Na benyi bamwikeilu musambobidi babadi na mampungi musambobidi abelumbulwile kōmba. Mwikeilu a kwibedi bōmbele, biabia kubalondele mpeshi a kasangu, na kālo bisangakane na mase, bibedibwe hano hashi: biabia kihindji kia kasatu kia mitshi kibatatshishwe kālo, na lubishi loso lubatatshishwe namu. Henyihaha mwikeilu a kabidi bōmbele, na kubadi bu ngulu yikata ayitembe kālo yiedibwe mu mem’akalunga; biabia kihindji kia kasatu kibālulukile ta mase; na kihindji kia kasatu kia bihangwe bibadi na muwa mu mem’a-kalunga bibafwile; kia kasatu namu kia masua kibashimishibwe. Henyihaha mwikeilu a kasatu bōmbele, na luenyenyi lukata lubahonene mwiilu, lubadi alutembe bu kimunyi, lubahōne ha kihindji kia kasatu kia misulo ya mema, na ha masulo a mema; n’eshina dia luenyenyi nyi mbu Mutshi-wibūlo; kihindji kia kasatu kia mema kibālulukile būlo, bantu bebungi namu abafwile ku mema, mwanda abālulukile būlo. Henyihaha mwikeilu a kananka bōmbele, na kihindji kia kasatu kia nguba, na kia mweshi, na kia nyenyenyi bibakuhilwe, biabia kihindji kiabio kia kasatu kibafitshishwe bufuku’shi, kanya takamwekanga kihindji kia’ko kia kasatu, na bufuku mpamune. Binyibiabia namwene, nahushishe mpungwe kwete kuhahula munkatshi mw’eilu na kwakula n’eyi dikata’shi: Mpombo, mpombo, mpombo, kwi babombele ha nsenga, ha mwanda wa angi mayi a mpungi a bamwikeilu basatu ashale, a taakyebe kwelwa! Binyibiabia mwikeilu a katano bōmbele, n’ami namwene luenyenyi alwīki mwiilu kuhona hano ha nsenga. Kubamuhelwe lufungulo lwa luhongo lushī na nfudilo. Biabia babulwile luhongo lushī na nfudilo; kubatukile mwishi mu luhongo, bu mwishi wa mwilungu dikata; biabia nguba na luwa bibafitshishibwa ku mwishi wa luhongo. Kubatukile nshiye mu mwishi ha nsenga, yihebwe matalwa bu tuminu twa ha nsenga twi na matalwa. Abeyikamikile’shi: Tanulwishanga lubishi lwa ha nsenga, sunga nkingi kintu kibishi, sunga mutshi; anka (baba) bantu bashī na kitundwilo ki’Efile Mukulu ha mahala’bo. Yibahelwe’shi: Tanwibehanga, anka kwibamwesha malwa ku mieshi yitano; na mitanyo yabo yibadi bu mitanyo ya kaminu hakasumu muntu. Mu aa mafuku bantu abakakimbi lufu, tabakelumono, ooo; abakakyebe kufwa, na lufu alukebasuku. Bihaso bia nshiyi (bibadi) bifwane nfalasa yilumbuiwilwe ngoshi; na ha mitwe hayo habadi bu bilongo bia nsahabu, na mahala’yo abadi efwane mahala a bantu. Yibadi na nyene bu nyene ya bana-bakashi, na meno ayo abadi bu a ntambwe. Yibadi na ngabo ku biadi, bu ngabo ya kilonda-kifita; na kitumo kia mbaba yayo kibadi bu kitumo kia makalo a nfalasa yibungi akama lubilo ku ngoshi. Yibadi na minungi mu tubayi twayo, na matalwa ayo abadi kumwesha bantu malwa mieshi yitano. Yibadi na nfumu hanundu hayo, nyi mwikeilu a mu luhongo lushī na nfudilo, eshina die mwidimi dia Bena Hebelu nyi: Abadone, anka mwidimi dia Bena Ngidiki e n’eshina dia bu: Apolyone. Mpombo ya kwibedi yibakidi, talangai, yingi mpombo yibidi yibashala ku mongo kwa yino. Henyihaha mwikeilu a kasamombo bōmbele, n’ami nahushishe eyi adituku ku masengwa a kitala kia nsahabu ki ku mpala kw’Efile Mukulu. Adiakula kwi mwikeilu a kasamombo badi na mpungi’shi: Hosola bamwikeilu bananka bōnyibwe ku mwela ukata wa l’Eufalate. Biabia bamwikeilu bananka abahoswelwe, abadi balumbudibwe kala ha mwanda wa nguba, n’efuku, na mweshi, na kihwa’shi, bayihe kihindji kia kasatu kia bantu. Na bungi bwa mafita a basha nfalasa bubadi binunu nkama yibidi ya binunu; n’ami nahushishe bungi bwabo. Biabia namwene nfalasa mu kimonwa, n’aba abadi batentame hanka, abadi na mangabo ku biadi a kālo, n’a ebwe dia hyacinthe na dia soufre; na mitwe ya nfalasa (yibadi) bu mitwe ya ntambwe; na mu kanwa mwa’yo mubatukile kālo na mwishi na soufre. Ku bino bisatu nyi kubehayilwe kihindji kia kasatu kia bantu, ku kālo, na ku mwishi, na ku soufre bibatukile mu kanwa mwa’yo. Mwanda bukome bwa nfalasa bwi mu kanwa mwa’yo, na mu mikila mwa’yo; mwanda mikila yayo (yibadi) bu manyoka e na mitwe, nyi n’ayo yiabasumana. Bangi bantu abashele bashi behayibwe na bino bihuha, tambelangye ha mwanda wa mifubo ya ku maasa’bo’shi: Tatulangwilanga mikishi, na mankishi a kilonda kia nsahabu, n’a nfeda, n’a munyinga, n’a mabwe, n’a mitshi; ashyaeuku kumona, sunga nkuhusha, sunga nkutambuka; tambelangye namu ha mwanda wa buntomboshi bwa’bo sunga ngwa masende abo, sunga ngwa lukyebanokyebano lwabo, sunga ngwa bwifi bwabo, ooo. Namwene namu mungi mwikeilu a bukome ayiki mwiilu, mufwadikwe n’ekumbi; nkongolo namu badi ha mutwe, na mpala ye yibadi bu nguba, na ngwā bu manūmbo a kālo. Mwiyasa die mubadi kakanda kabūle, bāshine lwā lwe lubalume ha mem’a-kalunga, na lwā lwe lubakashi ha nsenga; belele musase n’eyi dikata, bu ntambwe akumbā; na habēle musase, mikungulu ya mpeshi musambobidi yibele mayi ayo. Habēle mikungulu ya mpeshi musambobidi mayi ayo, nadi tanakyebe kufunda; nahushishe eyi adituku mwiilu’shi: Lamika yayo myanda yibākwile mikungulu musambobidi, tweyifundanga. Biabia mwikeilu anamwene mwimane ha mem’a-kalunga, na ha nsenga, bemikile mboko ye yibalume kwiilu, batshihile mutshiho kwi’wa atala mpaa na kwikala-ika, bahangile eilu na bintu bi mwanka, na nsenga, na bintu bi mwanka, na mem’a-kalunga, na bintu bi mwanka’shi, tahakikwishyanyiho: anka mu mafuku a eyi dia mwikeilu a musambobidi, hakabanga kōmba, nyi ahakahwibwa kifībwe ki’Efile Mukulu, anka mubakudile kwi bahika be batemuki. N’eyi dinahushishe kwiilu dibandungwile dimonyi’shi: Nd’okate kakanda kabūle ke mwiyasa dia mwikeilu mwimane ha mem’a-kalunga na ha nsenga. Biabia nayile kwi mwikeilu, namwamba’shi: Mpe kaka kakanda. E bandungwile’shi: Ekāte, wekādye koso; akakāluluka būlo munda mobe, anka mu kanwa mobe akakekala nsasa bu būki. Biabia nātshile kakanda kwiyasa dia mwikeilu, nekadya, kabadi mu kanwa mwande nsasa bu būki; anka hakuhwa kwikadya, mwifu diande dibekele būlo. Henyihaha bambile’shi: Odi n’ao ngwa kutemuka dimo ku mpala kwa bantu bebungi, na mīio, na ku ba ndjimi, na kwi banfumu. Kubampelwe elengye bwilanga; na umune bakwile’shi: Ebwe, ohime ntempelo y’Efile Mukulu na kitala kia milambu n’aba abalangwila mwanka. Anka luhoho lwa hasha ha ntempelo welulekye, tweluhimanga; mwanda’lo lubahelwe kala kwi Badjentaila, na kibalo kihatulwe-kikishila banakekiashine mushi mwa ngwa mieshi makumi ananka na yibidi. Nankaha (bukome kwi) tumonyi twande tubidi, n’abo banakatemukye myanda ha mafuku kinunu na nkama yibidi na makumi asamombo bafwalwe makutu. Bano nyi nginyi mitshi ya mpafu na bitudilo bia bimunyi bibidi bimane ku mpala kw’Efile Mukulu a hanohansenga, su muntu akakyebe kwibamwesha malwa, kālo kanakatukye mu kanwa mwabo, kashikye beshikwene n’abo, na su muntu akakyebe kwibamwesha malwa, mu kino kihaso wakekala n’ao ngwa kwihayibwa. Bano be na matalwa a kushita mwiilu’shi, tamunoko mpeshi mu mafuku a kutemuka kwabo; be na matalwa namu a kwalula mema ta mase, na kukuhila nsenga na bihuha bia bihaso bioso ha misusa yoso yiabakyebe. Habahwile bulungudi bwabo, nyama-e-bukyelo atuka ku luhongo lushī na nfudilo akalu ngoshi n’abo, akebakambila, ebehe, na bitanda biabo bianakekale mu luhata lwa kinyi kibalo kikata, kiudikwe mu kiakikudi ta mbu Sodoma na Edjihitu, mwabehayile namu Nfumwabo. Na kunkatshi kwa bantu, na ba ku bisaka, na ba ndjimi, na mīlo banakatale bitanda biabo mpaa na ku mafuku asatu na kihindji, tabakakumina bitanda biabo kushikibwa mu bilele, ooo. N’abo ababombela hanohansenga abakasehela ha mwanda w’abo, abakāsha; abaketumishena bia buntu, mwanda bano batemuki babidi abadi abasosomesha ba hanohansenga. Hakukila enyi mafuku asatu na kihindji, luwa lwa muwa w’Efile Mukulu ubatwele munda mwabo, abemene ha ngwa yabo; na moo ukata ubakwete baba abebamwene. N’abo abahushishe eyi dikata adifiki mwiilu, adiakula kwabadi’shi: Fikai kuno, n’abo abayile mwiilu mwikumbi; n’abeshikwene n’abo abebabandjile. Ha yaya nsa kubadi kutenkatenka kwa nsenga, na kihindji ki’ekumi kia kibalo kibahōne; na mu kutenkatenka kwa nsenga mubehayibwe bantu binunu musambobidi; n’abo babashele abakwetwe na moo, batumbisha Efile Mukulu a mwiilu. Mpombo ya kabidi yibakidi, talangai, ya kasatu ngiyiayifiki lubilo. Henyihaha mwikeilu a musambobidi bōmbele; kubadi mayi akata alondo mwiilu’shi: Bufumu bwa hanohansenga ta mbwa Nfumwetu na bwa Kidisitu e; e namu akabikala mpaa na kwikala-ika. Binyibiabia bakulu makumi abidi na bananka abashalā ku mpala kw’Efile Mukulu ha mpun’a nsulu y’abo, abahōne mahala’bo hashi, tabalangwile Efile Mukulu’ shi: Atukutumbula obe Yehowa Efile. Mukulu, winyi Shabukomeboso; we kwanka binobino, bodi kwanka kala, mwanda bōtshile (kodi ’be na mwinyi) bukome bobe, obikala. Mīlo yibadi na nsungu, nsungu yobe namu yibafikile, na kihindjikia kutshibila (myanda ya) bafwe; na kihindji kia kuha bwedi kwi bahika bobe batemuki, na kwi bahatulwe-bekishila, na kwi’ba abatshinyi eshina diobe, bahela na bakata; na kulwisha’ba abalwisha nsenga. Na ntempelo y’Efile Mukulu yi mwiilu yibashitwilwe; na mu ntempelo ye mubamwenwe musheto wa kilombeno kie; kubadi mahenyi a mpeshi, na mayi, na mikungulu, na kutenkatenka kwa nsenga, na mpeshi yikata ya mabwe. Binyibiabia kitundwilo kikata kibamwekyele mwiilu; mwana-mukashi mufwadikwe nguba, na mweshi mushi mwa ngwa ye, na ha mutwe we habadi kilonga kia nyenyenyi ekumi na yibidi. Badi mwimite mwana, tabadi adidi mwanda badi kwete kusumwa na munda, badi akumbu mitanyo ya hakutanda. Na kingi kitundwilo kibamwekyele mwiilu; talangai, kinyoka kikata kimonga hyū, kibadi na mitwe musambobidi na nsengwa ekumi; bilongo musambobidi namu bibadi ha mitwe y’e. Mukila we ubakakile kihindji kia kasatu kia nyenyenyi ya mwiilu, beyiele ha nsenga; biabia kinyoka bemene ku mpala kwa mwana-mukashi badi takyebe kutanda, mwanda wa kudia mwana ha kutandwa. N’e batandjile mwana, mwana-mulume, winyi anakabikale ku milo yoso n’elanga dia kilonda; na mwan’e bebosheshwe kw’Efile Mukulu, na ku luhun’a nsulu lwe. Biabia mwana-mukashi basukile mu kabāka, ku mbalo yimulumbulwile Efile Mukulu ’shi, bamudishe mwanka ha mafuku kinunu na nkama yibidi na makumi asamombo. Kubadi ngoshi mwiilu, Mikaele na bamwikeilu be babaluanga ngoshi na kinyoka; kinyoka namu badi ku ngoshi na bamwikeilu be; anka’bo tambebakambile, ooo, na mbalo yabo tangisananwe dimonyi mwiilu. Henyihaha kinyoka kikata basumbwilwe hashi, yawa nyoka a kala, batemwinwe bu Kafilefile, na bu Satana, winyi mōngodi a bahanohansenga boso; basumbwilwe hashi ha nsenga, bamwikeilu be namu abasumbwilwe n’e. Henyihaha nahushishe eyi dikata mwiilu, adiamba’shi: Binobino kihandjilo, na bukome, na bufumu bw’Efile Mukulu etu, na matalwa a Kidisitu e bibafiki, mwanda winyi mwimukishi a bakwetu, ’musumbulwe hashi, badi ebemukisha ku mpala kw’Efile Mukulu kanya na bufuku. N’abo abamukambile na mase a Mwan’a-Mukoko, na ha mwanda wa bulungudi bwabo bw’Efile; abo tababadi na miuwa yabo kifulo, mpaa na ku lufu, ooo. Binyibiabia sehelai anwe mailu, n’anwe babombele mwanka. Mpombo kwi babombedi ba ha nsenga na ba ha mem’akalunga! mwanda kafilefile bayiki kwanudi, e na nsungu yikata, mwanda euku’shi: kihindji kiande nkihela. Biabia kinyoka habamwene’shi: Nasumbulwa hashi, babingabinga mwana-mukashi batandjile (mwana) mulume. Na mbaba yibidi ya mpungwe yikata yibahelwe mwanamukashi’shi, ahahule mu kabāka, mpaa na mu mbalo ye, kubadi adishwa ku kihindji, na ku bihindji, na ku kihindji kia kihindji, (kukatuka) ku mpala kwa nyoka. Biabia nyoka bafidile mema mu kanwa mwe ku londa mwana-mukashi, bu kieshi (kia mpeshi) mwadia kumushimisha ku kieshi. Na nsenga yibakwashishe mwana mukashi, yibabulwile mu kanwa mwa’yo, yiamina kinyi kieshi kibafīle kinyoka mu kanwa mwe. Biabia kinyoka badi na nsungu na mwana-mukashi, bayile kulwa ngoshi na bashale ku lubio lwe, benyi abalama milangilo y’Et’ile Mukulu, n’abalamata ku bulungudi bwa Yesu Kidisitu. Baimene ha misengeya ya mem’a-kalunga. Namwene nyama-e-bukyelo atunduka mu mema, badi na mitwe musambodidi na nsengwa ekumi, nahansengwa ye bilongo ekumi, na ha mitwe he mashina a kukaa Efile Mukulu. Na nyama-e-bukyelo anamwene mwifwane ngye, na niakasa e bu kimungu, ku kanwa kwe (kubadi) bu ku kanwa kwa ntambwe, ana kinyoka bamuhele bukome bwe, na luhun’a-nsulu lwe na matalwa akata. (Namwene) namu umune wa mitwe ye bu ubadi utahibwe elonda ku lufu; henyihaha elonda die dia lufu dibaumine; biabia bahanohansenga boso abakanyine ku nyama-e-bukyelo. Abalangwile kinyoka, ha mwanda bahele matalwa e kwi nyama-e-bukyelo; abalangwile nyama-e-bukyelo’shi: A nanyi mwifwane nyama-e-bukyelo? A nanyi euku kulwa n’e ngoshi? Kubamuhelwe namu ku kanwa kwa kwakula myanda yimoo na ya kukaa; kubamuhelwe namu matalwa kwikadidila mieshi makumi ananka na yibidi. Bāsamine mukanwa mwe kukaa Efile Mukulu, kukaaeshina die, na kibombelelo kie, (nyi) mbaba babombele mwiilu. Kubamuhelwe namu kulwa ngoshi na bahatuiwe-bekishila na kwibakambila: na matalwa abamuhelwe hanundu ha bisaka bioso, na bantu, na ba ndjimi na mīlo. Na boso babombele hanohansenga banakamulangwile, boso bashī na mashina’bo abafundjilwe mu mukanda wa muwa wa Mwan’a-Mukoko, mwihayibwe mpaa na ku mbangilo ya hanohansenga. Su muntu e n’ētwi, ahushe. Yawa akunkusha (bantu) mbuhika, akakunkushwa namu mbuhika, yawa ayihanā na luhete-lwa-ngoshi anakehayibwe na luhetelwa-ngoshi. Hano nyi mufwaka na lukuluhilo lwa bahatulwe bekishila. Namwene namu mungi nyama-e-bukyelo kwete kutuka mu nsenga; e badi na nsengwa yibidi bu mwan’a mukoko, anka bākwile bu kinyoka. Badi afubu na matalwa oso a nyama-e-bukyelo a kwibedi ku mpala kwe. Akokyeshā nsenga n’ababombele mwanka kulangwila winyi nyama-e-bukyelo a kwibedi badi n’elonda dia lufu diume. E akitshi biakukanya bikata, mpaa na kwisha kālo mwiilu hano ha nsenga ku meso kwa bantu boso. Aongolā’ba babombele ha nsenga, ha mwanda wa bilengyeleshi bibamuhelwe kukita ku meso kwa nyama-e-bukyelo; ākula kwi’ba babombele ha nsenga’shi: Nafushe kihwandjikisho kia nyamae-bukyelo, winyi badi mutahibwe na luhete-lwa-ngoshi, anka bamwene muwa. Badi na bukome bwa kuha kinyi kihwandjikisho kia nyama-e-bukyelo muwa’shi, kihwandjikisho kia nyama-e-bukyelo kiakule, na kwikasha’shi, boso bashyabalangwila kihwandjikisho kia nyama-e-bukyelo behayibwe. Bekasha namu boso, bahela na bakata, bampeta na balanda, baana na bahika, kutambula kitundwilo h’eyasa diabo dibalume, su mpa mahala habo’shi: muntu sunga ngumune anakamone mwa kuula sunga nkuhana, anka yawa e na kitundwilo, (su) eshina dia nyama-e-bukyelo, su nkibadiko ki’eshina die. Hano nyi he kalolo. Yawa e na lushingulwilo, abadikye kibadiko kia nyama-e-bukyelo, mwanda’kio nyi kibadiko kia muntu; na kibadiko kie nyi nkama yisamombo na makumi asamombo na yisamombo. Namwene, aaa! Mwan’a-Mukoko badi mwimane ha ngulu ya Siona, na lukama na makumi ananka na binanka a binunu, babadi n’eshina dia Nshye difundwe ha mahala’bo. Nahushishe namu eyi adifu mwiilu, bu eyi dia mema ebungi, na bu eyi dia mukungulu ukata; n’eyi dinahushishe (dibadi bwiyi) dia bañomba abōmbo nsese yabo. Abo abayimbile bu lono luhya ku mpala kwa luhun’a nsulu, na ku mpala kwa nyama-ya-muwa yinanka na kwa bakulu; takubadi muntu sunga ngumune beukile kwambula lwalwa lono, anka baba be binunu lukama na makumi ananka na binanka babadi bakulwe ku bahanohansenga. Bano nyi mbaba tambalwishwe na bana-bakashi, mwanda’bo ntumame. Bano nyi mbaba abalondo Mwan’a-Mukoko kosokwēnde. Bano abakūlwe munkatshi mwa bantu; (nyi) mbikuba bia kwibedi bia kw’Efile Mukulu na kwi Mwan’a-Mukoko. Mukanwa mwabo tamusananwe madimi, ooo; tabe na kilema. Namwene namu mungi mwikeilu ahahula munkatshi mw’eilu, badi na mukāndu-wibuwa wa ikala-ika kulungula babombele ha nsenga, na kwi milo yoso, na hisaka bioso, na ba ndjimi yoso, na bantu boso. Bākwile n’eyi dikata’shi: Tshinai Efile Mukulu, numutumbishe, mwanda kutshiba kwe kwa kimu kubafiki, nulangwilei yawa bahangile eilu na nsenga, na mem’a kalunga, na masulo a mema. Mungi mwikeilu a kabidi balondele’shi: Muhone, muhone Babelone mukata, batomeshe mīlo yoso nfinyo ya bukyelo bwa lukyebanokyebano lwe. Mungi mwikeilu namu a kasatu bebalondele, ākula n’eyi dikata’shi: Su muntu alangwila nyama-e-bukyelo na kihwandjikisho kie, atambula namu kitundwilo ha mpala he, su h’eyasa die, (biabia) e namu anakatome ku nfinyo ya bukyelo bw’-Efile Mukulu, yilumbulwe yishī yisangakane mu kihulu kia nsungu ye; n’e anakamweshibwe malwa na kālo na soufre ku mpala kwa bamwikeilu bahatulwe-bekishila, na ku mpala kwa Mwan’a-Mukoko: na mwishi wa malwa’bo wanakakamine mpaa na kwikala-ika; tabe na kikisho kanya na bufuku, abo abalangwila nyama-e-bukyelo na kihwandjikisho kie, n’aba banakatambule kitundwilo ki’eshina die. Hano nyi mufwaka wa bahatulwe-bekishila; baba balame milangilo y’Efile Mukulu na lukumino lwa Yesu. Nahushishe namu eyi adifiki mwiilu’shi: Funda’shi: Be na mwabi mbaba abafwila mwi Nfumwetu kwatshila lelo na ku mpala; ee, (nyi) bibākwile Kikudi (E-Selelee)’shi, bekishe ku mifubo, mwanda bikitshino biabo abiende n’abo. Biabia namwene, talangai, ekumbi ditoka, na h’ekumbi habadi hashale (umune) mwifwane Mwan’a-Muntu, badi na kilongo kia nsahabu ha mutwe he, na luhete-lubinde lwi māshi lwa kunua n’alo mwiyasa die. Mungi mwikeilu batukile mu ntempelo, kwete kwela musase n’eyi dikata kwi yawa mushale h’ekumbi’shi: Twesha lubinde lobe, onue; mwanda kihindji kia kunuā kibafiki; mwanda biakuūmbula bibahu kumonga. Biabia yawa badi mushale h’ekumbi batwesheshe luhete-lubinde hano ha nsenga, na (bia ha) nsenga bibanoībwa. Henyihaha mungi mwikeilu batukile mu ntempelo yi mwiilu, e namu badi na luhete-lubinde lwi māshi. Mungi’nyi mwikeilu batukile ku kitala kia mulambu, badi na matalwa hanundu ha kālo; bēle’yi dikata kwi yawa badi na luhete-lubinde lwi māshi’shi: Twesha luhete lobe lubinde lwi māshi, okūle bisasa bia mutshi wa nfinyo bia ha nsenga; mwanda bikuba biao bibamongo biya. Binyibiabia mwikeilu batwesheshe luhete lwe lubinde hano ha nsenga, takūlu mutshi wa nfinyo wa ha nsenga, bebiele mu kyengyelo kikata kia bukyelo bw’Efile Mukulu. Na kyengyelo kibāshinwe hasha ha kibalo, na mase abatukile ku kyengyelo mpaa na kufika ku nkano ayikunkushā nfalasa, na ku kihindji bu kilometre makumi asatu na yibidi. Namwene namu kingi kitundwilo mwiilu, kikata na kiakukanya, bamwikeilu musambobidi abadi na bihuha musambobidi bia nfudilo; mwanda nyi mwanka mubakumbena bukyelo bw’Efile Mukulu. Namwene namu bwishiba di mbadibadi dia kelobe disangakane na kālo, n’abo abakambile nyama-e-bukyelo, na kihwandjikisho kie, na kitundwilo kie, na kibadiko ki’eshina die, bēmane h’eshiba di mbadibadi dia kelobe, abadi na nsese y’Efile Mukulu. N’abo abayimbi lono lwa Mosesa mufubi e Efile Mukulu, na lono lwa Mwan’a-Mukoko’shi: Bikitshino biobe mbikata na biakukanya, obe Yehowa Efile Mukulu Shabukomeboso; nyikashi yobe ngilulame na ya binyibinyi (obe) Nfumu a milo yoso. A Yehowa, a nanyi shyakakutshinyi na kutumbisha eshina diobe? mwand’ank’obe nyi muhatulwe-e-kishila; mwanda mīlo yoso yanakafike kulangwila ku mpala kobe; mwanda bikitshino biobe bilulame bibafumbwilwe. Talangai, ku nyima kwa yino myanda namwene, ntempelo ya kibombelelo ki’Efile kia bulungudi mwiilu yibadi yishitulwe; na bamwikeilu musambobidi abatukile mu ntempelo, abadi na bihuha musambobidi; abadi bafwale (bilamba) bia lin bitoka selelee, abadi na biadi biabo bianyibwe mpu ya nsahabu. Henyihaha umune a yinyi nyama ya muwa yinanka, bahele bamwikeilu musambobidi bihulu bia nsahabu musambobidi, biule bukyelo bw’Efile Mukulu atala kwikala-ika. Na ntempelo yibaule mwishi wa ku ntumbo y’Efile Mukulu, na wa ku bukome bwe; biabia muntu sunga ngumune beukile kutwela mu ntempelo, mpaa n’ahabakumbene bihuha bia bamwikeilu musambobidi. N’ami nahushishe eyi dikata adifu mu ntempelo, adiakula kwi bamwikeilu musambobidi’shi: Ndai nuhongole bihulu bia bukyelo bw’Efile Mukulu ha nsenga. Mwikeilu a kwibedi bayile, bahongolwele kihulu kie ha nsenga; biabia kubafikile elonda ditote bi moo ha bantu babadi na kitundwilo kia nyama-e-bukyelo, na he’ba abalangwila kihwandjikisho kie. Henyihaha mwikeilu a kabidi bahongolwele kihulu kie mu mem’a-kalunga, abalulukile ta mase bu a (muntu) mufwe; na bintu bioso bi na muwa mu mem’a-kalunga bibafwile. Na mwikeilu a kasatu bahongolwele kihulu kie mu ngwi na mu masulo-a-mema; abalulukile ta mase. N’ami nahushishe mwikeilu e hanundu ha mema akula’shi: A Yehowa, obe we mululame, we kwanka binobino, bodiko kala, mwanda botshibile biabia; mwanda abanosheshe mase a bahatulwe-bekishila na batemuki, n’obe bwebatomeshe mase (mwanda) mbahwandjikile. Nahushishe eyi dia umune a ku kitala kia milambu’shi: Anka biabia obe Yehowa Efile Mukulu Shabukomeboso, bitshibilo biobe mbia binyibinyi na kululama. Biabia mwikeilu a kananka bahongolwele kihulu kie ba nguba; bubamuhelwe kutatshisha bantu na kālo. Biabia bantu abatatshishwe na kālo ke moo; n’abo abakayile eshina di’Efile Mukulu e na matalwa hanundu ha bino bihuha; tambelangye ’mashimba kumutumbisha, ooo. Na mwikeilu a katano bahongolwele kihulu kie ha luhun’a nsulu lwa nyama-e-bukyelo, na bufumu bwe bubafitshishwe fututu, tabesumu ku ndjimi yabo ha mwanda wa mitanyo. Abakayile namu Efile Mukulu a mwiilu ha mwanda wa mitanyo yabo na malonda’bo, tambelangye ’mashimbai ku bikitshino biabo, ayoyo. Henyihaha mwikeilu a kasamombo bahongolwele kihulu kie ha mwela ukata, winyi l’Eufalate, na mema’o abaumine, biabia eshinda dilumbulwe ha mwanda wa banfumu, abafiki kutunduka. Namwene namu bikudi bi butete bisatu bifwane bīlwa abituku mu kanwa mwa kinyoka, na mwa nyama-e-bukyelo, na mwa mutemuki a madimi; mwanda abio nyi mbikudi bia biso, abifubu bitundwilo, abiende kwi banfumu ba bahanohansenga boso, ha mwanda wa kwibabungila hamune kwifita di’efuku dikata di’Efile Mukulu Shabukomeboso. (Talangai, nafiki bu ngifi. Sha mwabi ngiawa atengyela, mulame bifwalwa bie’shi: Tala akatambuka muswa, n’abamono būfu bwe). Biabia abebafumankeshe hamune ha mbalo ayitemunwa mwidimi dia Bena Hebelu’shi: Amangedone. A musambobidi bahongolwele kihulu kie ha luwa kubatukile mu ntempelo eyi dikata ku luhun’a nsulu’shi: Takuhwanga; biabia kubadi mahenyi a mpeshi, na mayi, na mikungulu; kubadi namu kutenkatenka kukata kwa nsenga kushyamwekyele bu kuno, bukata na kwa katshintshi kasha bantu abashelele hano ha nsenga. Na kibalo kikata kibelamunwine hasatu, na bibalo bia Badjentaila bibahone: na Babelone mukata batentekyeshwe ku ntpala kw’Efile Mukulu kumuha kihulu kia nfinyo kia bukyelo bwa nsungu ye. Na bila bioso bibasukile, na mangulu tangamonwe. Na mabwe akata a kasangu a mpeshi, (ebwe dioso) bushito bwa’dio bu kilogramme makumi ananka na yibidi, anafiki mwiilu kuhona ha bantu; na bantu banaka kee Efile Mukulu ha mwanda wa kihuha kia mabwe a mpeshi, mwanda kihuha kiao nkikilekile bukata. Kubafikile umune a bamwikeilu musambobidi badi na bihulu musambobidi, bākwile n’ami’shi: Fika kuno; nkuleshe kitshibilo kia mukashi sha lusandji ashala ha mema ebungi, uno nyi abakitshine n’e lukyebanokyebano kwi banfumu, na babombedi ba hanohansenga abakolweshwe na nfinyo ya lukyebanokyebano lwe. Henyihaha bantwele mu Kikudi-E-Selelee mpaa na mu kabāka: Namwene mwana-mukashi mushale ha nyama-e-bukyelo monga hyū, mūle mashina a kasabu ka kukaa (Efile Mukulu), badi na mitwe musambobidi na nsengwa ekumi. Winyi mwana mukashi badi mufwale bilamba bimongolokye, na bimonga hyō, mushingwe na nsahabu na mabwe aneme n’a perles; badi na kihulu kia nsahabu mwiyasa die kiule biakubendwa na bibutete bia lukyebanokyebano lwe; na ha mpala he eshina difundwe’shi: KIFIBWE, BABELONE MUKATA, NYIN’A BASHA LUSANDJI BANA-BAKASHI, N’A BIAKUBENDWA BIA HANO HA NSENGA. Namwene namu winyi mwana mukashi mukolwe na mase a bahatulwe bekishila, na mase a tumonyi twa Yesu: hanamumwene nakanyine na kukanya kwi moo. Na mwikeilu bākwile n’ami’shi: A kiobokanyine nkinyi? Nankulungula kifībwe kia mwana-mukashi, na kia nyama-e-bukyelo yabamutwale, e na mitwe musambobidi na nsengwa ekumi. Winyi nyama-e-bukyelo obomwene badi kala, binobino te kwanka, takyebe kwabuka luhongo lushī na nfudilo ēnde mu kulwididila. N’abo ababombela ha nsenga banakakanye, (mbaba) bashī na mashina’bo afundwe mu mukanda wa muwa wa ku mbangilo ya hanohansenga; habanakamone nyama-e-bukyelo, mwadi mwikele kwanka, te kwanka binobino, n’akafiki. Kuno nyi na binangu bi na kalolo. Yinyi mitwe musambobidi nyi mangulu musambobidi hashale mwana-mukashi. Kwi namu banfumu musambobidi; batano mbahone kala, na umune e kwanka, mungi’nyi tabandjile kufika; hanakafikye anakekale kihindji kihi. Winyi nyama-e-bukyelo badi kwanka kala, anka taki kwanka, e winyi nyi nga mwanda, e namu’nyi nga winyi musambobidi; ēnde mpaa na mu kulwididila. Na nsengwa ekumi yibomwene nyi banfumu ekumi, bashyababandjile kuata bufumu, ank’abatambula matalwa a bu banfumu (ku kihindji kia) nsa umune na nyama-e-bukyelo. Bano be n’eshimba dimune, banaikahe matalwa’bo na bukome (kwi) nyama-e-bukyelo. Bano banakalwe ngoshi na Mwan’a-Mukoko, na Mwan’a-Mukoko anakebakambile: mwanda e nyi Mwanana a bamwanana, na Nfumu a banfumu: n’abo be n’e mbetanyinwe, na basangudibwe, na bakishima. N’e bandungwile’shi: Enyi mema obomwene hashale mukashi-sha-lusandji e bu bibumbu bia bantu, na mīlo na ba ndjimi. Nsengwa ekumi yibomwene, na nyama-ebukyelo, ayo yanakashikwe mukashi-sha-lusandji, banakamwikashe musadikye, na muswa, abakadī namu mwita we, banakamuhidile na kālo. Mwanda Efile Mukulu beutule mu mashimba’bo kukumbasha amukyebel’eshimba die, na kulombashena, na kuha bufumu bwabo kwi nyama-e-bukyelo mpaa n’ahakakumbana myanda yoso y’Efile Mukulu. Na mwana-mukashi obomwene nyi nkinyi kibalo kikata, akibikalā hanundu ha banfumu ba ha nsenga. Ku nyima kwa yino myanda namwene mungi mwikeilu ayiki mwiilu, badi na matalwa akata; na nsenga yibatosheshwe na ntumbo ye. E belele musase n’eyi dikilekile bukata’shi: Babelone mukata bahono, bāluluka ta nkibombelelo kia biso, na bu nshibo ya lukano ya bikudi bioso bibubi, na bu kikutu kia tonyi toso twi butete na tushikībwe. Mwanda mīlo yoso yibatomene ku nfinyo ya bukyelo bwa lukyebanokyebano lwe, na banfumu ba ha nsenga abakitshine lukyebanokyebano n’e, na bansunga ba ha nsenga abafwimishe buheta ha mwanda wa bukome bwa bukitekite bwe. Nahushishe dingi eyi mwiilu’shi: Anwe bantu bande nukatukye mwabadi, tala nwakeabishena na milwisho ye, na kutambula kwa bihuha bie. Mwanda milwisho ye yibafikile mpaa na mwiilu, n’Efile Mukulu tahwile kunangushena yihename ye. Mulubwilei hamune mubalubudile bangi, mulubwilei namu misusa yibidi mulombene bikitshino bie; mu kihulu kibasangakene, numusangakene misusa yibidi. Bungi bwa mubetumbish’e na mwinyi na lulakalaka lwe, anka biabia namu numumweshe mitanyo na mālo; mwanda ākula mwishimba die’shi: Nashalā bu ndalamumba mubikale; ami nki mukashi-a-mufwe’mi, ami tankamono mālo’mi, ooo, sunga mpahelahela. Binyibiabia mwifuku diinune bihuha bie bianakafikye, lufu, na mālo, na kihuha kia nsala; n’e akatatshidila fututu na kālo; mwanda Yehowa Efile Mukulu amutshibila kimu, e mbukome. Na banfumu ba ha nsenga, abo abakitshine lukyebanokyebano, na kwikala n’e na muwa wa lulakalaka, abakadidi na kōkakana ha mwanda we, habakatala ha mwishi wa kutata kwe. Abakemana kula ha mwanda wa kutshina mitanyo ye’shi: Aa! Aa! kibalo kikata Babelone, kibalo ki bukoho! mwanda mu nsa umune kitshibilo kiobe kibafiki. Na bansunga ba ha nsenga banakadile na kumwinyongwela, mwanda takwi muntu akaulu biakusunga kwabo dimonyi. Biakusunga bia nsahabu, na nfeda, na mabwe aneme, n’a perle, na bilamba bia lin binane, na bia bimongolokye, na bia nswa, na bimonga hyū; na bihaso bioso bia mitshi ya senteur, na bihaso bioso bia bihulu bia mbanga, na bia mitshi yikilekile kinemo, na bia munyinga, na bia kilonda-kifita, na bia mabwe atoka; na bukula bwa eanelle, na bwa malashi, na mwimu wi malashi, na bukula bwa mahembwe, na nfinyo, na mwimu, na bukula bunane, na ngano, na bimunwa, na mikoko (biakusunga) bia nfalasa, na makalo, na bahika, na miuwa ya bantu. Na bikuba bibābile eshimba diobe bianakakatukye kodi, na bintu bioso bia bukundwe, na buwa bukalabale bishimishwe kodi, na (bantu) tabanakebimone dimonyi sunga mpahelaliela. Bansunga ba bino bintu abadi abafwimisha buheta, banakēmane kula ha mwanda wa kutshina mitanyo ye, bakwete kudila na kōkakana’shi: Ae! Ae! kibalo kikata, kinyi kibadi kifwale bilamba bia lin binane, na bia bimongolokye, na bi monga hyū, na mushingwe na nsahabu, na mabwe aneme n’a perle! mwanda mu nsa umune buheta bukata bwi biabia bubāluluka ta musalu. Na basha masua, na boso abēnde ha mema su nkunyi su nkunyi, na bafubi ba ha masua, na boso abasungā ha mema abemene kula, bela musase hābamwene mwishi wa kutata kwe’shi: A nkibalo kinyi ki hamunenka na kinyi kino kibalo kikata? N’abo abēle mitende ku mitwe yabo, bela musase, kudila na kōkakana’shi: Ae! Ae! kinyi kibalo kikata mubahetelanga boso babadi na masua abo ha mema, abadi bafwimishe buheta ha mwanda wa buheta bwa’kio! mwanda mu nsa umune kibasadika. Sehelai ha mwanda w’akio obe eilu, n’anwe bahatulwe-bekishila, n’anwe batumibwa, na batemuki; mwanda Efile Mukulu tahwile kwinuobwēla hakidi. Henyihaha mwikeilu e bukome batulwile ebwe bu dibadi adihēlwa dikata, bediele mu mema-a-kalunga’shi: Anka biabia na kifunko kikata, Babelone, kinyi kibalo kikata kianakahoneshibwe hashi, takianakamwekye’nyi, sunga mpahelahela. N’eyi dia bañomba ba nsese, na dia bañomba ba biombwanga, na dia bōmbi ba nshiba, na dia bēdi ba mpungi tadianakahushibwe dimonyi modi, sunga mpahelahela; n’etata dia kimunyi tadianakamunyikye dimonyi modi; n’eyi dia mubambi-a-mukashi sunga ndia mukashi-mubambibwe tadianakahushibwe dimonyi modi sunga mpahelahela; mwanda bansunga bobe babadi bantu bakata ba hanohansenga; mwanda mīlo yoso yibōngwelwe na masende obe. Munkatshi mwe mubasanenwe mase a batemuki, n’a bahatulwe-bekishila, n’a boso abehayibwe hano ha nsenga. Ku nyima kwa yino myanda nahushishe eyi dikata dia kibumbu kikata mwiilu’shi: Aleluya! Kihandjilo na ntumbo na kinemo, na bukome, nyi mbi’Efile Mukulu etu: mwanda kitshibilo kie kia kimu nyi nkia binyibinyi na kululama; mwanda batshibile kimu kia winyi mukashi-sha-lusandji, winyi balwishishe hanohansenga na lukyebanokyebano lwe, bōbwele mase a bahika be kwiyasa die. Mususa wa kabidi abakwile’shi: Aleluya! na mwishi we ubebwele mpaa na kwikala-ika. Biabia bakulu makumi abidi na bananka na nyama ya muwa yinanka bibahone hashi, tabalangwile Efile Mukulu mushale ha luhun’a nsulu’shi: Amena, Aleluya! Henyihaha eyi dibatukile mu luhun’a nsulu’shi: Tumbishai Efile Mukulu etu anwe bahika be boso, n’anwe abamutshinyi, bahela na bakata. Nahushishe namu bu kubadi eyi dia kibumbu kikata, na bwīyi dia mema e bungi, na bwīyi dia mikungulu yikata’shi: Aleluya, mwanda Yehowa Efile Mukulu Shabukomeboso abikalā. Tusehelei na kusangala kukata, tumuhei ntumbo, mwanda ebambo dia Mwan’a-Mukoko dibafiki, na mpian’e tahwile kwilumbula. Kubamuhelwe’shi; efwadikye bilamba bia lin binane, bitoka na selelee; mwanda bilamba bia lin binane nyi mbikitshino bilulame bia bahatulwe bekishila. E bandungwile’shi: Funda’shi: Basha mwabi mbaba abetanyinwa ku bidibwa bi’ebambo bia Mwan’a-Mukoko. Bandungwile namu’shi: Yino nyi myanda ya binyibinyi y’Efile Mukulu. Biabia nahone hashi ku ngwa ye kumulangwila. Bandungwile’shi: Ooo, tokitanga biabia. Ami nyi mufubi n’obe, n’a bakwenu bulungudi bwa Yesu; langwila Efile Mukulu; mwanda bulungudi bwa Yesu nyi muwa wa kutemuka kwa myanda. Namwene mwiilu mushitukye; talangaii (kubadi) nfalasa toka; na yawa badi mutentame hanka aitaminwa bu, A Kishima, n’a Binyibinyi; atshibi kimu na kulwa ngoshi mu kululama. Meso e abadi bwidimi dia kālo, na ha mutwe he habadi bilongo bibungi; badi n’eshina difundwe dishī diukye muntu, ank’e na mwinyi. Badi mufwale mutwelo umaminwe mase; n’eshina die nyi Mwanda w’Efile Mukulu. Na mafita a mwilui abamulondele ha nfalasa yitoka, bafwale bilamba bia lin binane, bitoka selelee. Mu kanwa mwe amutuku luhete lwa ngoshi lwi māshi’shi, akuhile n’alo mīlo ya bantu; anakebamune n’elanga dia kilonda; āshine ha kyengyelo kia bukyelo na nsungu y’Efile Mukulu Shabukomeboso. Ha mutwelo we na h’etankanta he badi n’eshina difundwe’shi: NFUMU A BANFUMU, NA MWANANA A BAMWANANA. Namwene namu mwikeilu mwimane mu nguba; bēle musase n’eyi dikata kwi tonyi toso atuhahula munkatshi mwiilu’shi: Fwai nwikongwele hamune ku kidibwa ki’Efile Mukulu mukata’shi; nudie mwita wa banfumu, na mwita wa bimankinda, na mwita wa bantu bakata, na mwita wa nfalasa, na w’aba abatentama ha nyima hayo, na mwita wa (bantu) boso, baana na bahika, bahela na bakata. Namwene nyama-e-bukyelo, na banfumu ba ha nsenga, na mafita’bo bekongwele hamune kulwa ngoshi na yawa mushale ha nfalasa, na ku mafita e. Biabia nyamae-bukyelo bakwatshilwe, na winyi mutemuki amadimi bakitshine bitundwilo ku mpala kwe, nyi bibōngwele n’abio baba abatambwile kitundwilo kia nyama-e-bukyelo, n’aba abalangudile kihwandjikisho kie. Bano babidi abedibwe abatala mwishiba dia kālo aditembe na soufre. N’aba abashele abehayibwe na luhete lwa ngoshi lw’awa mushale ha nfalasa, lwinyi’lo lubatukile mu kanwa mwe; na tonyi toso tubekwite na mwita wabo. Henyihaha namwene mwikeilu ayiki mwiilu, badi na lufungulo lwa luhongo lushī na nfudilo, na lukano lukata mwiyasa die. E bakwete kinyoka, nyi ngwinyi nyoka a kala, nyi n’Kafilefile, Satana, bamwanyine bihwa kinunu kimune: Bamwele mu luhongo lushī na nfudilo, bamushitshile mwanka, batudile kiukilo hadi’shi, takōngola mīlo ya bantu dimonyi, mpaa n’ahakakumbana bihwa kinunu kimune; ku mongo kwa’bio anakahosolwe kihindji kihela. Namwene namu mpun’a nsulu n’aba bashale hanka, mbahebwe kitshibilo. (Namwene’nyi) bikudi bi’aba abatshibilwe mitwe ha mwanda wa bulungudi bwa Yesu, na ha mwanda wa Mwanda w’Efile Mukulu nyi mbaba bashī badi abalangwila nyama-e-bukyelo, sunga nkihwandjikisho kie, sunga nkutambula kitundwilo kie ha mahala’bo, sunga ha maasa’bo; abekele na muwa na kubikala na Kidisitu bihwa kinunu kimune. Anka bangi bafwe babashele tambamone muwa dimonyi mpaa n’ahakakumbana bihwa kinunu kimune. Luno nyi lusangukilo lwa kwibedi. Sha mwabi na muhatulwe-e-kishila nyi ngiawa mwibungile mu lusangukilo lwa kwibedi; ha bano, lufu lwa kabidi talwi na matalwa, anka’bo banakekale batshiite-bakwidi b’Efile Mukulu na ba Kidisitu, banakabikale n’e bihwa kinunu kimune. Hanakakumbane bino bihwa kinunu kimune, Satana anakahosolwe mu nshibo ye ya lukano, anakatuke kōngola mīlo ya bantu yi ku mahaka ananka a nsenga, Ngoga na Mangoga, kwi bakongola hamune kulwa ngoshi; bungi bwabo bwi bu misengeiya ya ku mema. N’abo abahalakene kosokoso ku bula bwa nsenga, abefunyine kibombelelo kia bahatulwe-bekishila, na kinyi kibalo kitomibwe kifulo; henyihaha kālo kabayikile kwiilu kw’Efile Mukulu, kabebatatshishe fututu. Na kafilefile, winyi bebōngwele, belelwe mwishiba dia kālo na soufre, mwi nyama-e-bukyelo na mutemuki a madimi; banakamweshibwe mitanyo kanya na bufuku, mpaa na kwikala-ika. Namwene namu luhuna lutoka lukata, na yawa mushale hanka, ku mpala kwe nyi kubasukile nsenga n’eilu, tankumonwe mbalo yabio, ooo. Biabia namwene bafwe, bahela na bakata bemane ku mpala kw’Efile Mukulu; na mikanda yibabulwilwe; na ungi mukanda ubabulwilwe, nyi mukanda wa muwa; na bafwe abatshibilwe kimu ku yaya myanda yifundjibwe mu mikanda, mulombene bikitshino biabo. Memaa-kalunga abalubwile bafwe (babadi) mwanka, lufu na kalunganyembo namu bibalubwile bafwe (babadi) mwanka; n’abo boso abatshibilwe kimu mulombene bikitshino biabo, muntu na bie, muntu na bie. Lufu na kalunganyembo bibelwe mwishiba dia kālo. Luno nyi lufu lwa kabidi. Na muntu oso shī musananwe (eshina die) difundjibwe mu mukanda wa muwa, ēlwa mwishiba dia kālo. Namwene eilu dihya na nsenga yihya; mwanda eilu dia kwibedi na nsenga ya kwibedi bibakididile; takubadi namu mema-a-kalunga dimonyi. Ami Yoano namwene kibalo kihatulwe-ki-kishila kia Yelusalema muhya, akiiki mwiilu kw’Efile Mukulu, kilumbulwe bu mukashi ēnde mu kutwela mwilengyele mulund’e. Nahushishe namu eyi dikata adituku mwiilu’shi: Talangai, kibombelelo ki’Efile Mukulu ki munkatshi mwa bantu, n’e akabombele munkatshi mwabo, abo banakekale bantu be, n’Efile Mukulu na mwinyi anakekale n’abo, t’Efile Mukulu abo. E anakakumune mpolo yoso ku meso abo; takukekala lufu dimonyi, sunga mālo, sunga nkudila, su mitanyo dimonyi, ooo; mwanda bintu bia kwibedi bibakididile. Yawa ashalā ha luhun’a-nsulu bambile’shi: Talangai, bia mpangula bintu bioso ta mbihya. Bambile’shi: Funda, mwanda yino myanda yi kishima na ya binyibinyi. E bandungwile’shi: Takuhwanga. Ami nyi Alefa na Omenga, mbangilo na nfudilo. Nankah’e na nyota ku nsulo ya mema a muwa buana. Yawa akambila anakahyane bino bintu, n’ami nankekala kwadi bw’Efile Mukulu e, e namu akekala kwandji’mi bu ande mwana. Anka basha moo, na bashī bukumine, na be butete, na bantomboshi, na basha lukyebanokyebano, na basha masende, na balangwidi ba mankishi, na basha madimi boso, abakabungilwe mwishiba aditembe kālo na soufre; luno nyilufulwa kabidi. Henyihaha kubafikile umune a ku bamwikeilu musambobidi, badi na bihulu musambobidi, bi munemene na bihuha musambobidi bia nfudilo; bākwile n’ami’shi: Fwa kuno, nkuleshe mwana mukashi takyebe kutwela, nyi mpian’a Mwan’a-Mukoko. Henyihaha bantwadile mu Kikudi-E-Selelee ku ngulu mukata mula, bandesheshe kinyi kibalo kihatulwe-ki-kishila, Yelusalema, ayiki mwiilu kw’Efile Mukulu, ki na ntumbo y’Efile Mukulu: etata dia’kio dibadi bwibwe dikilekile kinemo, bwibwe dia jaspe di selelee bwitalatala; kibadi na lubumbu lukata lwi bula; kibadi na bibi ekumi na bibidi, na bamwikeilu ekumi na babidi bemane ku bibi; na mashina afundwe hanka, nyi nga bisaka bia bena Isalele ekumi na bibidi; ku tunduka bibi bisatu, ku Node bibi bisatu, ku Sude bibi bisatu, na ku hon’a nguba bibi bisatu. Na lubumbu lwa kibalo lubadi na bibangilo ekumi na bibidi; na mashina a batumibwa ekumi na babidi ba Mwan’a Mukoko hanka. Na yawa bakwile n’ami badi n’elengye dia nsahabu dia kuhima n’adio kibalo, na bibi bia’kio, na lubumbu lwa’kio. Kibalo namu kibadi mpese yinanka yi mosomoso, mbula bwa’kio na mbukata mpamune: e bahimine kibalo n’elengye, kilomètres hehi binunu bibidi na nkama yinanka. Bula bwa’kio na bukata, na bula bwa mwiilu bwi hamune. Henyihaha bahimine lubumbu lwa’kio, mètres makumi musambobidi na mwanda (mulombene) kihwandjikisho kia muntu, nyi nkwambashi, kwa mwikeilu. Na bibakwa bia lubumbu (bibadi) bia jaspe. Kibalo (ki na mwinyi kibadi) kia kilonda kia nsahabu ki soo, bu kelobe ke soo. Bibangilo bia lubumbu lwa kibalo bibalengyelwe na mabwe aneme e bihaso na bihaso. Kibangilo kia kwibedi kibadi kia jaspe, kia kabidi nkia saphir, kia kasatu nkia calcedoine, kia kananka nkia l’emeruade, kia katano sardonyx, kia kasamombo nkia sardoine; nkia musambobidi nkia chrysolithe, kia mwanda nkia beryl, kia kitema nkia topaze, ki’ekumi nkia chrysoprase, ki’ekumi na kimune nkia l’hyacinthe, ki’ekumi na bibidi nkia l’amethyste. Na bibi ekumi na bibidi bibadi perles ekumi na yibidi; ku kioso kibi kubadi perle umune; na luhata lwa kibalo lubadi lwa kilonda kia nsahabu ki soo, bu kelobe ke soo. Nkimwimumone ntempelo; mwanda Yehowa Efile Mukulu Shabukomeboso, na Mwan’a-Mukoko nyi ntempelo ya’kio. Kinyi kibalo takī na lukalo lwa nguba, sunga ndwa mweshi bia kumunyika mwanka; mwanda ntumbo y’Efile Mukulu yibekimunyikile, na kimunyi kia’kio nyi Mwan’a-Mukoko. Na mīlo y’aba bahande banakatambukye kwitata dia’kio; na banfumu ba ha nsenga banakafishe ntumbo y’abo mwanka. Bibi bia’kio tabianashitwe sunga mpahela mu kanya, (mwandā’kwa takwi bufuku): Banakafishe ntumbo na kinemo bia mīlo ya bantu mwanka. Tamukatwele kia kushula, sunga mpahelahela, sunga yawa akitshi ya butete, sunga madimi, ooo; anka’ba bafundjibwe mu mukanda wa muwa wa Mwan’a-Mukoko. Binyibiabia bandesheshe mwela wa mema a muwa-autala wi soo, selelee bwitalatala, autuku mu luhun’a-nsulu lw’Efile Mukulu, na lwa Mwan’a-Mukoko. Munkatshi mwa luhata lwa’kio na ku mpese yoso yibidiya mwela (kubadi) mutshi wa muwa-au-tala, auheya bikuba misusa ekumi na yibidi ku mweshi ku mweshi, na mabishi a mutshi abadi a kuhasha n’ao mīlo ya bantu. Takukekala muloa dimonyi, ooo; anka luhun’a-nsulu lw’Efile Mukulu na lwa Mwan’a-Mukoko alukekala mwanka, na bahika be banakamufubile. N’abo banakamone mpala ye n’Eshina die dianakekale ha mahala’bo. Takukela bufuku dimonyi, ooo, ta be na lukalo lwa kimunyi, sunga etata dia nguba; mwanda Yehowa Efile Mukulu anakebahe etata, n’abo banakabikale mpaa na kwikala-ika. N’e bandungwile’shi: Yino myanda ngia kishima na binyibinyi: na Yehowa Efile Mukulu a bikudi bia batemuki batumine mwikeilu mu kulesha bahika be myanda ayikyebe kukitshibwe ahayisha kihindji kihi. Talangai, nafiki bukidi; sha mwabi yawa alama myanda yibatemukile mu uno mukanda. N’ami Yoano nyi winyi bahushishe na kumona yino myanda. Hanahushishe na kumona, nahone mu kulangwila ku mpala kwa ngwa ya mwikeilu bandesheshe yino myanda. Henyihaha bandungwile’shi: Ooo tokitanga biabia; ami nyi mufubi n’obe na bakwenu batemuki, n’aba abalama myanda ya uno mukanda w’Efile Mukulu; langwila Efile Mukulu. Bandungwile namu’shi: Tolamikanga myanda yabatemukilwe mu uno mukanda; mwanda kihindji takidi hehi. Yawa shī mululame ekadidile na yishī yilulame; na yawa e butete ekashwe mbutete: na yawa ’mululame akadidile mululame; na yawa muhatulwe-e-kishila ekadidile muhatulwe-e-kishila. Talangai, nafiki lubilo; na bwedi bwande bwi n’ami kulubwila kwi muntu ese muhunda mufubo we, muntu na w’e, muntu na w’e. Ami nyi Alefa na Omenga, mbangilo na nfudilo, a kwibedi n’a nfudilo. Basha mwabi nyi mbaba abasula mitwelo yab’oshi, bekale na matalwa a ku mutshi wa muwaau-tala, na kutwela mwanka ku bibelo bia kibalo. Hasha he mbwa, na basha masende, na basha lukyebanokyebano, na bantomboshi, na balangwidi ba mankishi, na boso abasehela na kudimba madimi. Ami Yesu natumine mwikeilu ande kwinulungula bu kamonyi yino myanda mu bikoñeno bi’Efile. Ami nyi mushi na kekulu ka Dafidi, lwinyi luenyenyi lwa kunkyelo lwi selelee. Kikudi-E-Selelee na mukashi takyebe kutwela abakula’shi: Fika. Na yawa ahusha akule ’shi: Fika. Na yawa e na nyota afikye, yawa namu e n’eshimba dia kukyeba atambule mema a muwa buana. Nākula bu kamonyi kwi muntu ese ahushā myanda ya lutemuko lwa uno mukanda’shi: Su muntu akatenteka yingi myanda ha yino, Efile Mukulu akamutentekyela binyi bihuha bifundwe mu uno mukanda. Na su muntu akalamuna myanda ku uno mukanda wa lutemuko, Efile Mukulu akamulamunwina kihindji kie ku mutshi wa muwa-au-tala, na ku kibalo kihatulwe-ki-kishila, na (ku) myanda yifundwe mu uno mukanda. Winyi e ākula bu kamonyi yino myanda amba’shi: Ee, nafiki bukidi. Amena; fika Nfumwetu Yesu. Bu-muntu bwa Nfumwetu Yesu bwikale na bahatulwebekishila boso. Amena. KUNFUDILO.