Kotoma ageunet abu Edeke kosub akuj ka akwap. Ido ajai akwap atai, komam etiakak; kojai amuton kokuju kaidules; kintkum emoyo loka Edeke kuju akipi. Kobala Edeke ebe, “Kojau aica”; kosodi aica ajaun. Koany Edeke aica ebe ejokuna; kotiak Edeke aica ka amuton. Komaik Edeke aica Apaaran, ka amuton da komaik Akuar. Kojau atiboŋ kojau da atupuruc, ŋin ŋes apaaran nasodit. Kobala Edeke ebe, “Kojau apak kidiŋ kakipi, kotiakite akipi ka akipi.” Kosub Edeke apak, kotiak akipi nuajaas kwap kapak, ka akipi nuajaas kuju kapak: kojau kwaŋin. Komaik Edeke apak Akuj. Kojau atiboŋ kojau da atupuruc, ŋin ŋes apaaran nakiareit. Kobala Edeke ebe, “Kotukonokinos akip nuejaas kwap kakuj aibois adiopet, kotakan neconit.” Kojau kwaŋin. Komaik Edeke neconit Akwap: ka atukon nuka akipi da komaik Aŋololin: koany Edeke ebe ejokuka. Kobala Edeke ebe, “Kobwaŋ akwap anya, koraata ikui icok, kora ekitoi loka araito araito koponeke, nuejaas icokokec, kotoma akwap.” Kojaas kwaŋin. Kobwaŋ akwap anya, koraata ikui icok koponekec, ka ekitoi da loerai araito nuejaas icokokec, kotoma oponeke. Koany Edeke ebe ejokuka. Kojau atiboŋ kojau da atupuruc, ŋin ŋes apaaran nakiwuniet. Kobala Edeke ebe, “Kojaut luecaete kapak naka akuj aitiak apaaran ka akuar: koraut kesi aanyuneta, kanuka apakio, ido kanuka apaarasia, ka ikar: Kojaas kesi kanuka aica toma apak naka akuj, acaanakin akwap.” Kojau kwaŋin. Kosub Edeke luecaete iarei luepolok; aica naepol adepar ayait apaaran, ka aica naepol ayait akuar; kosub aacer da. Kibwaik Edeke kes apak naka akuj acaanakin akwap, ayait da apaaran ka akuar, ido aitiak aica ka amuton: koany Edeke ebe ejokuka. Kojau atiboŋ kojau da atupuruc, ŋin ŋes apaaran nakiwoŋonet. Kobala Edeke ebe, “Kilweka akip lueliatos luipu luejaas aijar, ido koporitos akweny kokuju kakwap toma apak naka akuj.” Kosub Edeke itiaŋ lueiliilete luka aŋololin, ka iboro kere lukajarak luelosete, lukilwekete akip, koponesiokec, ka ŋinibore kere yeneporitoi yeneja abebenoka koponeke; koany Edeke ebe ejokuka. Kisirereŋ Edeke kes, kotema atiar, “Kouriaros, kipuaros, kilelebunos akipi nuejaas toma aŋololin, kipuaros da lueporitos kakwap.” Kojau atiboŋ kojau da atupuruc, ŋin ŋes apaaran nakikanyet. Kobala Edeke ebe, “Kilwek akwap ŋinibore yenejai aijar kotoma oponeke, ibaren, ka yeneliat, ka etiaŋ loka akwap koponeke.” Kojau kwaŋin. Kosub Edeke etiaŋ loka akwap koponeke, ka ibaren koponekec, ka ŋinibore yeneliat kakwap koponeke: koany Edeke ebe ejokuka. Kobala Edeke ebe, “Kasubutu ituŋanan kotoma aputowok, asimawok: kainakis kes ayait lukecor, ka akweny nuka apak, ka ibaren, ka akwap kere, ka ŋinibore kere yeneliat kakwap.” Kosub Edeke ituŋanan kaputoke, kaputo naka Edeke ŋes asubunia; kosub kes yenikiliokit ka yeniberu. Kisirereŋ Edeke kes: kotema Edeke kes atiar, “Kouriaros kipuaros, kilelebunos akwap, kiruma; koyaitos lukecor, ka akweny nuka apak, ka ŋinibore kere yenejari yeneliat kakwap.” Kobala Edeke ebe, “Koany, kainakis ikui kere lueraete icok luejaas akwap kere, ka ŋolikitoi loejaas araito nuka ekitoi loerai icok, araun inyamat kamakus: Ka ŋolitiaŋ kere loka akwap, ka akweny kere nuka apak, ka yeneliat kere kotoma akwap yenejai apuru naka aijar, ainakinit kes ikui kere luelibete araun inyamat.” Kojau kwaŋin. Koany Edeke ninibore kere yenikesubi, ido koany, ejokuna noi. Koiau atiboŋ kojau da atupurue, ŋin ŋes apaaran nakikanyetekape. Kodaun aisub akuj ka akwap, ka ajoresiokee kere. Kapaaran nakikanyetekaarei kodaunite Edeke aisubuke nakesubi. Kisireren Edeke apaaran nakikanyetekaarei, kitalau; naarai ŋipeŋin ŋes ebworaria kaisubuke kere nakesubi Edeke, nakiswamai. Ŋol ŋes esube loka akuj, ido loka akwap naasubere. Kapaaran nakesubia EJAKAIT Edeke akwap ka akuj, ido korina eiauna luebwanete luka ais kakwap, koroko da ebwanuna ikui luka ais; naarai mam EJAKAIT Edeke kitetepit akiru kakwap, komamei ituŋanan yenekoriei akwap. Konye kopurionori elisina kokwap, kitapapalenenei akwap kere. Kosub EJAKAIT Edeke etuŋanan kapua naka akwap, kokutak eiyeŋane loka aijar okumesike; koraun etuŋanan etau lokajaran. Kiraik EJAKAIT Edeke emanikor ari nakokide, toma Eden; kibwaik nen etuŋanan lokesubi ŋesi. Kitabwan EJAKAIT Edeke kakwap ŋolikitoi loisiyalamikinit akonyen, loejok ainyam; ekitoi loka aijar da kokidin omanikor, ka ekitoi da loka ajenun nuejok ka nueroko. Kolom ecor kotoma Eden, aitapapal emanikor; ido kanen kotiakas koraunos icorin iwonon, Losodit ekekiror Pison; ŋol ŋes loirimorit akwap kere naka Kabila, naejai esabu. Esabu da loka akwap kaŋin ejokuna; ejai nen ebedelium ka amor nuemelomeloto. Ecor lokiareit da ekekiror Gikon: ŋol ŋes loirimorit akwap kere naka Kus. Ecor lokiwuniet da ekekiror Kidekel, ŋol ŋes loelosi kari nakokide naka Asuria; ka ecor lokiwononet ŋes Eupurat. Koyana EJAKAIT Edeke etuŋanan, kibwaik ŋes toma omanikor loka Eden, akorienen ka aidar ŋes. Kicorak EJAKAIT Edeke etuŋanan ebe, “Inyamenenei kwape ikotor araito nuka ŋolikitoi lokomanikor: dimarai mam inyami nuka ekitoi loka ajenun nuejok ka nueroko: naarai kapaaran nainyamia ŋun itwani cut.” Kobala EJAKAIT Edeke ebe, “Mam ejok etuŋanan ajakut bon; asubakini eoŋ ŋes ikenarakinan yenibusakinit.” Kosodi kosubak EJAKAIT Edeke toma akwap nolitian loka ais, ka lueporitos kotoma apak; koyau kes neejai etuŋanan aanyun kwape emaanakinia ikecekiroriajido nolikiror kere lokemaikin etuŋanan ŋinibore yenikaiaran, koraun ŋol ekekiror. Komaanak etuŋanan ibaren kere ikiroria, ka lueporitos kapak, ka itian kere luka ais. Konye komam etuŋanan edumakina ikenarakinan yenibusakinit. Kitojoto EJAKAIT Edeke etuŋanan ajo nuipu, kojotoor; koditu amaran adiopet, kinyakak akiriŋ toma aiboisike. Kosub EJAKAIT Edeke aberu kamaran kaŋin naadituni kotunanan, koyau ŋes neejai etuŋanan. Kobala etuŋanan ebe, “Na ŋes akoit naka akoioka, Ido ŋes akiriŋ naka akiriŋika: enyarao ŋes Aberu, naarai aditunio kotunanan.” Ŋes inyeinia ekiliokit papake ka totoke, kiketakin neejai akeberu: koraut adiopekuan. Emujalalas kesi kere, etuŋanan ka akeberu, komam ileicikinito. Kepiiriana emun aitelekarit itian kere luka ais lukesubi EJAKAIT Edeke, Kotema ŋesi aberu atiar, “Eebo, abala teni Edeke ebe, ‘Mam inyamenenete araito nuka ekitoi ke re lokomanikor’?” Kotema aberu cmun atiar, “Kisiikinitai ainyam araito nuka ikito lukomanikor; dimarai araito nuka ekitoi loejai kidiŋ omanikor, ŋun abala Edeke ebe, ‘Mam inyamenenete, karaida atiror, kinyeis atwakare.’’’ Kotema emun aberu atiar, “Mam cut itwakete. Naarai ejeŋi Edeke ebe apaaran napinyamiata ŋun, ŋes ekwenyuniata akusikonye, iraunos yesi da bala Edeke, ajenenen nuejok ka nueroko.” Nakeanyunia aberu ekitoi ebe ejok ainyam, isiyalamikinit da akonye, ekitoi da erai loisiŋobelei ayaun acoa, koden araitoke, konyam; koinak okilenike da, konyam. Kitekwenyunai iarei kere akecekonye, kojenut ebe kimuialalas, kodonyut akui nuka etini, kosubut arobai. Kiiras eporoto loka EJAKAIT Edeke itorit omanikor ariripet naka apaaran, konopata etuŋanan ka akeberu kakonyen nuka EJAKAIT Edeke kokidiij okito lukomanikor. Kiworo EJAKAIT Edeke etuŋanan kotema ŋes ariar, “Ai bo ijai ijo?” Kotema ŋesi atiar, “Abu keira ekoniporoto komanikor, kakurianar, naarai amujalal: kanop.” Kotema atiar, “Iŋai bo kilimokini jo ebe imujalal? Inyama ca ijo araito nuka ekitoi loabu keeorak jo ebe mam inyami?” Kobala etuŋanan ebe, “Aberu nakiinakin ajaenena keoŋ, ŋes kainakini araito nuka ekitoi, kanyam.” Kotema EJAKAIT Edeke aberu atiar, “Anyoika nu nuiswama?” Kotema aberu atiar, “Emun kejodijodi, tape anyami.” Kotema EJAKAIT Edeke emun atiar. “Kanu iswamaa ŋin, kikenokinitoi jo aitelekarit ibaren kere, ido aitelekarit nolitian kere loka ais: iliaenenei kakonikoik, inyamenenei apua apaarasia kere nuka aijarakon, Ebwaikini asurup kidinikon ka aberu, ido kidiŋ aurikon ka aurike da; idecideeenenei akonikou ka jo da idecideeenenei aketitibat.” Kotema ŋesi aberu atiar, “Eyatakini noi ikonican ka akonipotuunun, Kotoma ocan ŋes idoununio idwe, akoniimuit koiai neejai okilenikon, ido ŋes kiyait jo.” Kotema ŋesi Adam atiar, “Naarai ibu ijo kiira eporoto loka aberukon, ainyam araito nuka ekitoi lokeeorakin jo ebe ‘Mam inyami’, ekeni alup kanukon; kotoma ailolitoikon ŋes idumunia luinyami apaarasia kere nuka aijarakon. Kibwanakinete ikukwa ka isukukur: inyamenenei ikui luka ais. Kotoma ainyinyir nuka akonyenekon ŋes idumunia inyamat, aitodol neibonoria alup, naarai nen ŋes kolo kilemunere; naarai irai ijo apua, ibonori da apua.” Komaik etuŋanan akeberu ekekiror Keba; naarai arai ŋesi toto naka luejarete kere. Kiswamak EJAKAIT Edeke Adam ka akeberu inapen luka imukulen, kitanap kes. Kobala EJAKAIT Edeke ebe, “Koany, etuluor etuŋanan bala ediopet kaoni aijen nuejok ka nueroko; aso natikwana kinye ŋesi arior akekan da adenun araito nuka ekitoi loka aijar, ka ainyam, ka aibut ikar kere”— Ŋes ejukaria EJAKAIT Edeke ŋes kina kemanikor loka Eden, akorienen alup nukelemunere ŋes. Kwaŋin kirenea ŋesi etuŋanan: kosodi kari nakokide naka emanikor loka Eden kibwaik Ikerubin, ka ekileŋ loimilia loibelonokin iwaitin kere, aidar erot loka ekitoi loka aijar. Kojenu Adam akeberu Keba; kopotuu, kouru Kain, kotema atiar, “Kainakin eoŋ ekes kama ejai EJAKAIT.” Kouruunai bobo onaceke Abel. Ido koraun Abel ekecokon amerekekin, konye Kain koraun ekakorion alup. Kosodi kanen ketuboros apaarasia koyau Kain amio naka alup ainakin EJAKAIT asubanit. Koyau Abel da lukiyaik ice lukosipanike, kasiepaikec da. Kocam EJAKAIT Abel ka akesubanit, Konye mam abu kocam Kain ka akesubanit. Konyunyurikin noi Kain, konyorididoto akekonyen. Kotema EJAKAIT Kain atiar, “Inyo bo kitunyunyurik jo? Ido kanukinyo anyorididioto akonikonyen? Arai iswamaenenei nuejok, mam kereka kicamunio? Arai mam iswamai ejok iboienenei aronis kokirigi; ainobeleke da ejaununei mamakon, koyaite ijo da nin.” Kinerakinos Kain ka onaceke Abel. Kosodi kanen ejaas omanikor, kodakakin Kain onaceke Abel, koar ŋes. Kotema EJAKAIT Kain atiar, “Ali bo onacekon Abel?” Kotema atiar, “Mam eoŋ aleni: arai do eoŋ ekedaran loka onaceka?” Kotema ŋes atiar, “Iswama anyoika? Kamonyia eporoto loka aokot nuka onacekon kakwap. Natikwana kikenokin ijo kotoma alup, nuapotu koonata amatar aokot nuka onacekon kakanikon. Naikorienenoo ijo alup, mam kiinanakinete akecegogoŋ; iraun ekasian epasoit da kakwap.” Kotema Kain EJAKAIT atiar, “Akaiticanet mam epedor atitiŋikinio. Koany, kirene lolo eoŋ kotoma akwap, ido anopikini akonikonyen; araun eoŋ ekasian epasoit da kakwap; ido yenikadumuni eoŋ kaari.” Kotema EJAKAIT ŋes atiar, “Kanuka ŋun enyaŋi eoŋ Kain irwan akanykaarei kaneejai yeneari ŋes.” Kibwaik EJAKAIT Kain aanyunet, ŋinituŋanan yeneanyuni ŋes kinye aiar. Konyou Kain kakonyen nuka EJAKAIT. Kiboienenei kakwap naka Nod, kari nakokide naka Eden. Kojenu Kain akeberu; kopotuu, kouru Enok: koduk ere, komaik ekiror loka okokuke Enok, Kouru Enok Irad: Irad kouru Mekuyael: Mekuyael kouru Metusael; Metusaelkouru Lamek. Komany Lamek aŋor aarei, nasodit ekekiror Ada, nakiareit ekekiror Sila. Kouru Ada Yabal: ŋol ŋes papakec kanul kalueboienenete koweman, koiaas kibaren. Ekiror loka onaceke ŋes Yubal: ŋolŋes papakec kanul kalueramete adeudeun ka ŋul luekusete alamarun. Sila da, abu kouru Tubal-kain, ekatatan loka ibore kere yenetubi yenikaisinit ka yenikasuat: kinacike ka Tubal-kain ŋes Naama. Kotema Lamek akenor atiar, “Ada ka Sila kiirasi ekaporoto; Yes aŋor nuka Lamek, kopuputu akakirot. Naarai abu kaar etuŋanan kanuka aimusun eoŋ, Ekatumunan da kanuka aisen eoŋ: Arai inyanio Kain irwan akanykaarei, Inyanio do Lamek irwan akaisakanykaarei ka nukanykaarei.” Kojenu bobo Adam akeberu; kouru ikoku yenitelepat, komaik ekekiror Set; kotema atiar, “Naarai abu Edeke kainak eoŋ auruun ice aibois naka Abel; naarai abu Kain koar ŋes.” Ka Set da, kouru okokuke; komaik ekekiror Enos. Kapaarasia kanun ŋes ageuniata ituŋa aiwonet ekiror loka EJAKAIT. Lo ŋes citabo loka aur naka Adam. Kapaaran kaŋin nakesubia Edeke etuŋanan, kosub ŋes kasima naka Edeke. Kosub yenikiliokit ka yeniberu: kisireren kes, komaik ekecekiror Adam, kapaaran kaŋin kanaasubunere. Kodau Adam ikar akwatat ka akaisauni, kouru okokuke kasimake, kotoma aputoke; komaik ekekiror Set. Apaarasia nuka Adam kedau aur Set kes ikar akwat akanykauni: kouri idwe lusap ka lupesur. Apaarasia kere nukaibut naka Adam kes ikar akwat akanykaoŋon ka akaisauni; kotwani. Kodau Set ikar akwatat ka ikany, kouru Enos. Kodau Set ikar akwat akanykauni ka ikanykaarei kedau aur Enos, kouri da idwe lusap ka lupesur. Apaarasia kere nuka Set kes ikar akwat akanykaoŋon ka itomon ka luarei: kotwani. Kodau Enos ikar akaisakanykaoŋon kouru Kenan. Kodau Enos ikar akwat akanykauni ka itomon ka lukany kedau aur Kenan: kouri idwe lusap ka lupesur. Apaarasia kere nuka Enos kes ikar akwat akanykaoŋon ka ikany: kotwani. Kodau Kenan ikar akaisakanykaarei kouru Makalalel. Kodau Kenan ikar akwat akanykauni ka akaisaoŋon kedau aur Makalalel, kouri idwe lusap ka lupesur. Apaarasia kere nuka Kenan kes ikar akwat akanykaoŋon ka iromon: kotwani. Kodau Makalalel ikar akaisakanykape ka lukany, kouru Yared. Kodau Makalalel ikar akwat akanykauni ka akaisauni kedau aur Yared, kouri idwe lusap ka lupesur. Apaarasia kere nuka Makalalel kes ikar akwat akanykauni ka akaisaoŋon ka lukany: kotwani. Kodau Yared ikar akwatat ka akaisakanykape ka luarei: kouru Enok. Kodau Yared ikar akwat akanykauni kedau aur Enok, kouri idwe lusap ka Iupesur. Apaarasia kere nuka Yared kes ikar akwat akanykaoŋon ka akaisakanykape ka luarei: kotwani. Kodau Enok ikar akaisakanykape ka Iukany, kouru Metusela. Kolosenenei Enok nepepe ka Edeke, kedau aur Metusela, ikar akwat auni: kouri idwe lusap ka Iupesur, Apaarasia kere nuka Enok kes ikar akwat auni ka akaisakanykape ka lukany. Kolosenenei Enok nepepe ka Edeke: komameun; naarai abu Edeke koyana ŋes. Kodau Metusela ikar akwatat ka akaisakanykauni ka lukanykaarei, kouru Lamek. Kodau Metusela ikar akwat akanykaarei ka akaisakanykauni ka luarei kedau aur Lamek, kouri idwe lusap ka lupesur. Apaarasia kere nuka Metusela kes ikar akwat akanykaoŋon ka akaisakanykape ka Iukanykaonon: kotwani. Kodau Lamek ikar akwatat ka akaisakanykauni ka luarei, kouru ikoku yenisapat. Komaik ekekiror Noa, kobala ebe, “Lo ŋes lokitalakari oni kaswamuwok, ka aitaaritoi naka akaniniwok, kanuka alup nukolo ekenokin EJAKAIT.” Kodau Lamek ikar akwat akany ka akaisakanykaoŋon ka lukany kedau aur Noa, kouri idwe lusap ka lupesur. Apaarasia kere nuka Lamek kes ikar akwat akanykaarei ka akaisakanykaarei ka lukanykaarei: kotwani. Kodau Noa ikar akwat akany: kouri Sem, ka Kam, ka Yapet. Kosodete nakegeuniata iruna eiyas kakwap, kouriata apesur, Koanyut odwe luka Edeke adwe nuka ituŋa ebe ejokuka; komanyata aŋor kotoma kanun kere nuaseununete kesi. Kotema EJAKAIT atiar, “Mam ekatau epegenenas kitunanan ikar ka ikar, naarai erai ŋesi da akuan: konye eraunos akepaarasia ikar akwatat ka akaisaarei.” Kapaarasia kanun kojaas Inepilin roma akwap: ido kokau kanun, nakelomanariata odwe luka Edeke mama ejaas adwe nuka ituŋa, kourianakis kes: nulkes ituŋa lukagogon lukolo sek, ituŋa luajenas, Koany EJAKAIT aronis naka ituŋanan epol kotoma akwap, ka aitetemonorikere naka aomisio nukotauke erai naerono due. Kiitu EJAKAIT naarai abu kosub etuŋanan kotoma akwap, kokadak kotauke. Kobala EJAKAIT ebe, “Amwatari eoŋ ituŋanan yenabu kasub kakwap; ageun kotunanan, ka etiaŋ, ka lueliatos, ka lueporitos kapak; naarai eitu eoŋ kanuabu kasubunia kes.” Konye kodum Noa asianut kakonye nuka EJAKAIT. Na ŋes aur naka Noa. Arai Noa etuŋanan loedolit, lomam itoronitai katurike: kolosenenei Noa nepepe ka Edeke. Kouri Noa isap iuni Sem, ka Kam, ka Yapet. Komunaun akwap kakonyen nuka Edeke, kikerepik akwap. Koany Edeke akwap, ido koany, kemunaun; naarai ŋinibore kere yenejai akuan abu komunau ekerot kotoma akwap. Kotema Edeke Noa atiar, “Adolu awasia naka ŋinibore kere yeneiai aiiar kakonyeneka: naarai ekerepiki akwap kanukec; asa koany, amudiari eoŋ kes nepepe ka akwap da. Kikeu ataker naka ekitoi loka goper; kitemok agolai toma ataker, kilada kemina toma kokina da. Lo ŋes epone loitemokinio ŋes: aoiau naka ataker ikubitin akwat auni, alalauke ikubitin akaisakany, amukururuke ikubitin akaisauni. Kopedok adirisa ataker, ekubit ediopet kuju; kibwaik ekekosiep loka ataker; kiswama ataker kicul itogoi, lokokwap, ka lokiareit, ka lokiwuniet. Koany, ayauni eoŋ da akalele naka akipi toma akwap, amudiar akuan kere naejai eiyeŋane loka aijar toma, kwap kakuj; etwani nlnibore kere yenejai toma akwap. Konye etogogoŋi eoŋ akaitutuket kajo; ilomari ijo ataker, ijo, ka odwekon, ka akoniberu, ka aŋor nuka odwekon, nepepe kajo. Ido imeikini toma ataker epone loka ŋinibore kere yeneiai aijar naka akuan, iareiarei luka nolipone, imeikini toma ataker tetere ejarete nepepe kajo; ido koraas yenikiliokit ka yeniberu. Lueporitos toma oponekec, ka ibaren toma oponekec, ka ninibore kere yeneliat kokwap toma oponeke, iareiarei luka ŋolipone epote neiiai, tetere eiarete, Koyana inyamat kere luenyamio, kotukonok neijai; tetere inyami ijo, ka kes da.” Kiswama Noa kwaŋin; kwape kicorakinia ŋes Edeke, kiswama kwaŋin. Kotema EJAKAIT Noa atiar, “Koloma ijo ka ekalekon kere toma ataker, naarai adau aanyun jo idolit kakonyeneka katur kana. Ka nolitian loelai ilemari ijo ikanykaarei ka ikanykaarei, ikiliokit ka ikeberu; ka itian lumam elaete iareiarei, ikiliokit ka ikeberu; ka lueporitos luka apak, ikanykaarei ka ikanykaarei, yenikiliokit ka yeniberu: tetere ejari aurikec kotoma akwap kere. Naarai akaulo kapaarasia akanykaarei, etetepi eoŋ akiru kakwap apaarasia akaisaoŋon apaaran ka akuare; ido amwatari kotoma akwap ninibore kere yenejari yenabu kasub.” Kiswama Noa kere kwape kicorakinia ŋes EJAKAIT. Kedaunit Noa ikar akwat akanykape nakejaunor akalele naka akipi toma akwap. Koloma Noa, ka odweke, ka akeberu, ka aŋor nuka odweke nepepe kaŋes toma ataker, kanuka akipi nuka akalele. Ka itian luelaete, ka itian lumam elaete, ka lueporitos, ka ninibore kere yeneliat kokwap. Kolomasi iareiarei neejai Noa toma ataker, yenikiliokit ka yeniberu, kwape kicorakinia Edeke Noa. Kosodi ketuboros apaarasia akanykaarei, kojaas akipi nuka akalele toma akwap. Kokaru lokakwat akanykape loka aiiar naka Noa, toma olap lokiareit, kapaaran nakitomonet kakanykaarei naka elap, kapaaran kaŋin kocilunos akonyen nuka ataroi nukapolok, konaaros apedon nuka akuj. Kotep akiru akwap apaarasia akaisaoŋon paaran ka kuare. Kapaaran kaŋin kolomasi Noa, ka Sem, ka Kam ka Yapet, odwe luka Noa, ka aberu naka Noa, ka aŋor auni nuka odweke nepepe kakes, toma ataker; kes, ka ŋolitian koponeke, ka ibaren kere kotoma oponekec, ka niniborc kere yeneliat kokwap toma oponeke, ka ninibore yeneporitoi toma oponeke, ka ŋinikweny yenikejaas abebenoka. Kolomasi neejai Noa toma ataker, ninikuan kere naajai eiyeŋane loka aijar iareiarei. Lualomarete da, kolomasi yenikiliokit ka yeniberu yenika ninikuan kere, kwape kicorakinia ŋes Edeke: kogolok EJAKAIT ŋes toma, Kojai akalele toma akwap apaarasia akaisaoŋon, kiyatakinos akip, kileput ataker, kikalelo kokuju akwap. Kipikosi akip, kiyatakinos noi kakwap, kijelelitoi ataker kokuju akipi. Kiyatakinos akip noi airap akwap, ironan da luaojak kere luajaas kwap kakuj kere, koraparos. Kiyatakinos akip ikubitin itomon ka lukany kuju; koraparos ironan. Kotwana akuan kere nakelosi kotoma akwap, lueporitos, ka ibaren, ka itian, ka ŋinibore kere yeneliat kokwap, ka ŋinituŋanan; kotwakata kere lukejaas eiyeŋane loka etau loka aiiar toma okumesikee, kere lukejaas toma akwap nakeonit. Komwatarai ŋinibore kere yenajari yenajai toma akwap, ituŋanan, ka ibaren, ka ibore yeneliat, ka lueporitos kokuju, komwatarai kakwap; kosalak Noa bon, ka kes lukejaas nepepe kaŋes toma ataker. Kirumata akip akwap adaun apaarasia akwatat ka akaisakany. Kiitu Edeke Noa, ka ibore kere yenikajaran, ka ibaren kere lukeiaas nepepe kaŋes toma ataker: kitukut Edeke ekwam kitor akwap, kinoŋaros akip. Kogolokinoi akonyen nuka ataroi, ka apedon nuka akuj, kitikokinai da akiru nakokuju. Kobononorete akip dueudue anyoun kokwap. Kedaunos apaarasia akwatat ka akaisakany kiŋoŋaros akip. Kolap lokikanyetekaarei, kapaaran nakitomonet kakanykaarei naka elap, kidokokin ataker oroŋan luka Ararat. Kinonaros akip aitodol olap lokitomonet: kotoma olap lokitomonet kapaaran nasodit naka elap, kotakanut aidiasia nuka ironan, Kosodi ketuboros apaarasia akaisaoŋon konaa Noa adirisa naka ataker nakikei ŋesi, Kijuka ekuruk, kirim aitodol nekeonikinioto akip kakwap. Kijuka ajele aanyun arai eŋoŋaros akip kokwap; konye mam ajele kedumuna neisibworaria akekeje, kobono neejai ŋesi toma ataker, naarai ajaas akip akwap kere; korio ŋesi akekan kitiŋ ŋes kitolom toma ataker. Kidarek apaarasia ace akanykaarei; kijuka bobo ajele alomar kataker; kobono ajele neejai ŋesi eboŋ; ido koany, etodit akiot naka eseitun nakedenuni: kosodi kojen Noa ebe eŋoŋaros akip kakwap. Kidarek bobo apaarasia akanykaarei; kijuka ajele; mam bobo abu kobonu neejai. Kosodi kokaru lokakwat akanykape ka lodiopet, toma olap Iosodit, kapaaran nasodit naka elap, koonikis akip kakwap. Kopuko Noa arapetait naka ataker kite, ido koany, eonit akwap. Kotoma olap lokiareit, kapaaran nakakaisaarei kanukanykaarei naka elap, koono akwap. Kotema Edeke Noa atiar, “Kolom kataker, ijo ka akoniberu, ka odwekon, ka aŋor nuka odwekon nepepe kajo. Kitoloma nepepe kajo ŋinibore kere yenejari yenejai nepepe kajo, yenika ŋinikuan kere, ka lueporitos, ka ibaren, ka ŋinibore kere yeneliat kokwap; kouriata noi kesi kakwap, konyaaros, kipuaros kakwap.” Kolom Noa ka odweke, ka akeberu, ka aŋor da nuka odweke nepepe kaŋes. Ŋolitian, ka ŋinibore yeneliat, ka ŋinibore yeneporitoi kere, yenelosi kere kakwap, kwape ejaatar atekerinikee, kolomut kataker, Kodukok Noa EJAKAIT etem, kolem kanolitian kere loelai, ka ninibore yeneporitoi yenelai, koinak asuban otem. Kiŋu EJAKAIT asakat naeur saa; kiner EJAKAIT kotauke atiar, “Mam bobo ekenokini alup kanuka ituŋanan, naarai aitetemonori nakotau loka ituŋanan erono ameuni koiditeuke; ido mam bobo adanyi ŋinibore kere yenejari kwape abu keswamaa. Eriŋa akwap ejai, mam edaununos apakio nuka aiye, ka aisak, aterot ka aibuse, akamu ka aiporo, apaaran ka akuare.” Kisireren Edeke Noa ka odweke, kotema kes atiar, “Kouriata, kipuaros, kilelebata akwap. Ŋolitiaŋ kere loka akwap, ka ŋinibore kere yeneporitoi kapak kokuriana yes ka etasuro; ka lueliatos kere luka akwap ka lukeeor kere ainak akaninikus. Ŋinibore kere yenelosi yenejari kere eraun inyamatakus; kwape ikui kainakis yes kere. Konye akiriŋ naejai aijar tomake, kes akeokot, mam inyamenenete. Mam kakurwokin aibura akusiwokot, aokot nuka aijarakus, eburai kes kakan naka ŋolitiaŋ; kakan da naka ituŋanan, karaida kakan naka onace loka ninitunanan, eburai eoŋ aijar naka ituŋanan, ŋinituŋanan yenebukori aokot nuka ituŋanan, akeokot da ebukorio, kanuka ituŋanan kaŋin: naarai abu Edeke kosub ituŋanan toma aputoke. Yes da, kouriata, kipuaros; kilelebata akwap, kiyatanakinos noi kanen.” Kotema Edeke Noa ka odweke atiar, “Koany, eoŋ da, etogogoŋi akaitutuket kajo, nepepe ka akusiwur da nakitupanakini yes. Nepepe ka isubat kere yeneiari yenejai nepepe kayes, lueporitos, ka ibaren, ka ŋolitiaŋ loka akwap nepepe kayes; kere luelomunete kataker, ŋolitiaŋ loka akwap. Etogogoŋi eoŋ akaitutuket nepepe kayes, mam bobo amudiari akuan kere kakip nuka akalele; ido mam ejaun bobo akalele amudiar akwap.” Kotema Edeke atiar, “Na ŋes aanyunet naka aitutuket naetutuki eoŋ kayes, ka ŋinisubat kere yenejari yenejai nepepe kayes aitodol aturio numam edaunos. Asipokini ekataluka odou, ido eraunun ŋesi aanyunet naka aitutuket kokidiŋikaŋ ka akwap. Kosodi naayaununia eoŋ edou kokuju kakwap etakanununei etaluka kodou, Eitununei eoŋ da akaitutuket naabu ketutuk eoŋ nepepe kayes, ka ninisubat yenejari yenikakuan kere, ido mam bobo akipi eraunos akalele amudiar akuan naka ŋinibore kere, Ejaununei etaluka odou, anolekini eoŋ ŋes, kasodi akiitun aitutuket namam edaun naabu Edeke kitutuk kaninisubat kere yenejari yenikakuan yenejai kakwap.” Kotema Edeke Noa atiar, “Ŋin ŋes aanyunet naka aitutuket naabu eoŋ ketogogon kokidinikon ka ninikuan kere naejai kakwap.” Odwe luka Noa, lualomunete kataker kes Sem, ka Kam, ka Yapet: Kam da ŋes papa loka Kanaan. Ŋul luuni kes odwe luka Noa: ido ipapaikec kanul kes luesiarakinos akwap kere. Kogeu Noa araun ekakorion, kira emusabibu; Komat aion, komerikin, kojai titai kotoma owemake. Koany Kam, papa loka Kanaan, ŋes imujalal, kolimok ikekinacan iarei luajaas kina, Kolemut Sem ka Yapet elou, kibwaikis okeperinikec kere, kobonobonoto ekaukau, kimukosi papakec kinye amuialal; ido kanueteoto kinaren, mam apotu koanyut papakec imujalal. Kikua emeret loka Noa, kojenu nuabu okokuke lodidi kiswamak ŋes. Kotema atiar, “Kikenokinoi Kanaan; Korau ebulesit loka ibulesin kama ejaas ikekinacan.” Ido kotema atiar, “Kituritete EJAKAIT, Edeke loka Sem; Korau Kanaan ekebulesit. Kitalal Edeke Yapet, Kiboienenei kotoma oweman luka Sem; Korau Kanaan ekebulesit.” Kodau Noa ikar akwat auni ka akaisakany akaulo kakalele. Apaarasia kere nuka Noa kes ikar akwat akanykaoŋon ka akaisakany: kotwani. Na ŋes aur naka odwe luka Noa; Sem, ka Kam ka Yapet: luauriete kesi kedaun akalele. Odwe luka Yapet; Gomer, ka Magog, ka Madai, ka Yaban, ka Tubal, ka Mesek, ka Tiras. Odwe luka Gomer; Asukenas, ka Ripat, ka Togaruma. Odwe luka Yaban; Elisa, ka Tarusis, Kitim, ka Dodanim. Ŋul kes luaponi kokorakinai apujana nuka atekerin kotoma akwapukec, ŋinitunanan kwape ajaar anaiepeke, kwape ajaar ajenakec, kotoma atekerinikec. Odwe luka Kam; Kus, ka Misuraim, ka Put, ka Kanaan. Odwe luka Kus; Seba, ka Kabila, ka Sabuta, ka Raama, ka Sabuteka: odwe luka Raama, Seba, ka Dedan. Kouri Kus Nimurod: kogeu araun lokagogon kotoma akwap. Kerai ekamejan lokagogon kakonyen nuka EJAKAIT: ŋes enerare ebe, “Kwape ka Nimurod ekamejan lokagogon kakonyen nuka EJAKAIT.” Ageunet naka ajakanutuke arai Babel, ka Erec, ka Akad, ka Kalune, toma akwap Sinar. Konyou kakwap kaŋin kolot Asuria, koduk Niaebe, ka Rekobos-Ir, ka Kala. Ka Resen loejai kidin ka Ninebe ka Kala (gopegolges ere lokapolon). Misuraim kouri Ludim, ka Anamim, ka Lekabim, ka Naputukim, ka Paturusim, ka Kasulukim (nealomuniata Ipilisitian), ka Kaputorim, Kanaan kouri ekekiyai Sidon, ka Ket; Eyebusit, ka Emorait, ka Egirugasit; ka Ekibit, ka Erukait, ka Esinit; ka Erubadait, ka Esemarit, ka Ekamatit: akaulo kanun kisiarakinos ikalia luka Ekanaanit. Eikor da loka Ekanaanit enyounit koSidon, kolosi Gerar, kodolite Gasa; bala ilosi Sodom ka Gomora ka Aduma ka Seboiim, kiton Lasa. Ŋul kes odwe luka Kam, kwape ejaatar ikaliakec, kwape ejaatar anaiepakec, kotoma akwapinikec, kotoma ateketinikec. Ido ka Sem, papaakec loka idwe kere luka Eber, onace loka Yapet lokapolon, ŋes da kouri idwe. Odwe luka Sem, Elam, ka Asur, ka Arupakusad, ka Lud, ka Aram. Odwe luka Aram, Us, ka Kul, ka Geter, ka Mas. Arupakusad kouri Sela; Sela kouri Eber. Kouri Eber idwe iarei lusap: ekiror loka ediopet Peleg; naarai toma apaarasiake ŋes akorokoroere akwap kere; ekiror loka onaceke ŋes Yokutan. Yokutan kouri Alumodad, ka Selep, ka Kasarumabet, ka Yera; Ka Kadoram, ka Usal, ka Dikula; ka Obal, ka Abimael, ka Seba; ka Opir, ka Kabila, ka Yobab: nul kere kes odwe luka Yokutan. Akwap da naeboioto anyounit koMesa bala ilosi Separ, eronat lokokide. Ŋul kes odwe luka Sem, kwape ejaatar ikaliakec, kwape ejaatar anaiepakec, kotoma akwapinikec, kotoma atekerinikec. Ŋul kes ikalia luka odwe luka Noa, kwape ajaatar aturiokec, kotoma atekerinikec; ido kotoma kanul kes akorokorounotor atekerin, kotoma akwap akaulo kakalele. Akwap kere ajai aŋajep adiopet, ka einer ediopet. Kosodete kobwota kesi kide, kodumut apuuton kakwap naka Sinar; kiboioto kanen. Kotemanaros atiar, “Tkatuna, keswamata amatapalin, kecweata cut.” Koiaas kamatapalin aibois naka amor; alupot da aibois naka elupe. Kinerasi atiar, “Ikatuŋa, kadukoto ere ka etogo loeoia noi, loedoli aidike toma akuj, kadumuniata ekiror; kenyeis aisiarakin akwap kere.” Kodoku EJAKAIT kwap aanyun ere ka etogo loeoia noi loadukete idwe luka ituŋa. Kotema EJAKAIT atiar, “Koany, eraas ŋulluka adiopeteker, ido eraas kesi kere luka aŋajep adiopet, ido napena ŋes egeunito kesi aswam; emamei do ibore yenekurwokini kes, yenekotosi aswam. Aso, kadokasi kwap, kenyalinyalatakanen anaiepakec, kinye ninituŋanan ajenun einer loka yenice.” Kwaŋin kisiarak EJAKAIT kes cut anyoun kaŋina kikaaros akwap kere: kinyeis kesi aiduk ere. Ŋes kemaikinere ekekiror Babel, naarai kanen ŋes enyalinyalia EJAKAIT aŋajep naka akwap kere; ido kaŋina kisiarak kes EJAKAIT akwap kere. Na ŋes aur naka Sem. Adaunit Sem ikar akwatat, kouru Arupakusad ikar iarei akaulo kakalele. Kodau Sem ikar akwat akany kedau aur Arupakusad, kouri idwe lusap ka lupesur. Kodau Arupakusad ikar akaisauni ka lukany, kouru Sela; Kodau Arupakusad ikar akwat aoŋon ka iuni, kedau aur Sela, kouri idwe lusap ka lupesur, Kodau Sela ikar akaisauni, kouru Eber: Kodau Sela ikar akwat aoŋon ka iuni kedau aur Eber, kouri idwe lusap ka lupesur. Kodau Eber ikar akaisauni ka luonon, kouru Peleg: Kodau Eber ikar akwat aoŋon ka akaisauni kedau aur Peleg, kouri idwe lusap ka lupesur. Kodau Peleg ikar akaisauni, kouru Reu; Kodau Peleg ikar akwat aarei ka ikanykaoŋon kedau aur Reu, kouri idwe lusap ka lupesur. Kodau Reu ikar akaisauni ka luarei, kouru Serug; Kodau Reu ikar akwat aarei ka ikanykaarei kedau aur Serug; kouri idwe lusap ka lupesur. Kodau Serug ikar akaisauni, kouru Nakor; Kodau Serug ikar akwat aarei kedau aur Nakor, kouri idwe lusap ka lupesur. Kodau Nakor ikar akaisaarei ka lukanykaoŋon, kouru Tera: Kodau Nakor ikar akwatat ka itomon ka lukanykaonon kedau aur Tera, kouri idwe lusap ka lupesur. Kodau Tera ikar akaisakanykaarei, kouri Aburam, ka Nakor, ka Karan. Na ŋes aur naka Tera. Tera kouri Aburam, ka Nakor, ka Karan; Karan kouru Lot. Kotwanik Karan neejai papake Tera toma akwap naaurikinio ŋes, toma Ur akwap naka Ikaludean. Komanyata Aburam ka Nakor aŋor, ekiror loka aberu naka Aburam ŋes Sarai; ka ekiror loka aberu naka Nakor, Miluka, akokuke ka Karan, papake ka Miluka, ido papa loka Isika. Kerai Sarai arakan; komamei ŋes ikoku, Koyana Tera Aburam okokuke, ka Lot okoku loka Karan, opapaitike, ka Sarai aberu naka okokuke; konyout kesi kakwap naka Ur naka Ikaludean alosit toma akwap naka Kanaan; kodoloto Karan, kiboienenete kanen. Apaarasia nuka Tera kes ikar akwat aarei ka ikany: kotwanik Tera Karan. Kotema EJAKAIT Aburam atiar, “Konyou kakwapukon, koinacanakon, kotogo loka papakon, kolot akwap naketodikini jo; Ketuluori moolo areker napeti, kesirerenenenei, etopoloori ekonikiror; korau ijo arereŋ. Esirereni kes lukisirerenete jo, ido nin yenikikenokini jo ekeni eoŋ da ŋes: kotomakon ŋes erereneorotor ikalia kere luka akwap.” Kwaŋin kolot Aburam, kwape kelimokinia ŋes EJAKAIT: kolot Lot nepepe kaŋes: kedaunit Aburam ikar akaisakanykaarei ka lukany nakenyounio koKaran. Koyana Aburam akeberu Sarai, ka Lot okoku loka onaceke, ka ikeceboro kere luatukokinitos, ka ituŋa luapotu kodumut koKaran; konyout alosit akwap naka Kanaan; kodolot akwap naka Kanaan. Kitor Aburam akwap kodol aibois naka Sekem, neejai elua loka More. Kojai Ekanaanit akwap kapaarasia kanun, Kitaanyikin EJAKAIT Aburam, kotema atiar, “Ainakini rwaru akoniwur akwap na.” Kodukok etem nen neejai EJAKAIT, lokitaanyikin ŋes. Konyou kolot oroŋat kari nakokide naka Bet-el, kibubuk ekewema, kojai Bet-el to, Ai da kide: kodukok etem nen neejai EJAKAIT, kiwone ekiror loka EJAKAIT. Konyou Aburam kiyatak akelosit kari naka Eŋalakimak. Kojai ebeli kakwap: kolot Aburam Misiri aiboi nina; naarai kepol ebeli kotoma akwap. Kosodi eapie ŋes alomari Misiri, kotema akeberu Sarai atiar, “Koany, ajeni jo irai aberu naatemel: Aso kiianyut jo Imisirian etemarete kesi atiar, ‘Na ŋes akeberu’: ido kaarete eoŋ, konye kinyekinete jo iiari, Keŋaiŋait jo, kotema ebe irai ijo kinacika: tetere adumun ajokis kanukon, kajara da kanukon.” Kosodi kedol Aburam Misiri, koanyut Imisirian aberu itemelel noi. Koanyut ŋes ijaka luka Parao: kituro ŋes kaneejai Parao; koyanaarai aberu togo loka Parao. Kikonak ŋesi Aburam ejok kanuke: kojaas ŋes amerekekin, ka imoŋin, ka isigirian, ka ibulesin, ka abulesin, ka asigirian, ka akaalai. Kitican EJAKAIT Parao ka lukokaleke kaicaneta nukos kanuka Sarai aberu naka Aburam; Konyarau Parao Aburam kotema atiar, “Anyoika nu nukiswamak eoŋ? Inyo bo mam kilimokinia eoŋ kwape eraar ŋesi akoniberu? Kanukinyo itemaria ebe, ‘Erai ŋesi inacika,’ tapi eoŋ ayaŋaari aituluor ŋes akaberu? Aso do akoniberu ŋin, koyana, kolot.” Kicorak Parao ituŋake: kinyamakis ŋes orot, ka akeberu, ka iboro kere lukejaas kaŋes. Konyou Aburam koMisiri, ŋes nepepe kakeberu ka lukejaas kaŋes kere: Lot da nepepe kaŋes, koloto ari naka Eŋalakimak. Abarit Aburam noi ibaren ka epuesa, ka esabu da. Kolot idiai konyou kari naka Eŋalakimak kodol Bet-el toma aibois nakolo ajai ewemake sek, kidiŋ Bet-el ka Ai; Toma aibois naka etem lokolo esiauni ŋesi aiduk kiwone Aburam kaŋina ekiror loka EJAKAIT. Lot da loaupas nepepe ks Aburam, ajaas isipanin luka amerekekin ka luka ibaren ka iweman da. Kodidiŋik kes akwap, mam epedoro aiboi nepcpe: naarai epu iborokec mam apotu kopedosi aiboi nepepe. Koiau eŋuŋet mama ejaas ikecokol luka Aburam ka ikecokok luka Lot. Ido eboiete Ekanaanit ka Eperisi kakwap kaŋin kapaarasia kanun. Kotema Aburam Lot atiar, “Kenainait kinye eŋuŋet ajakut kidinika ka jo, ido mama ejaas ikecokokoka ka ikecokokokon; naarai kirai oni ikinacan Mam akwap kere ejai akonyenekon? Kenainait, kogitar ijo kama ajai arai kinere ijo akan nakokediany, eoŋ da alosi nakoteten; arai kinere ijo akar nakoteten, eoŋ da alosi nakokediany.” Kiteluo Lot akekonye, koanapuuton naka Yorodan kere, ajaas akip nuipu niniibois. Koroko be EJAKAIT kemudiara Sodom ka Gomora, kosubite bala emanikor loka EJAKAIT ido kwape akwap nako Misiri ilosi Soar. Kosodi koner Lot apuuror naka Yorodan kere; kidiar Lot kide: kotiakas kesi bonik. Kiboikir Aburam akwap naka Kanaan, ka Lot da kiboikin oreria luka apuuton kibubuk ewemake Sodom. Konye keroko ituŋa luko Sodom koraa ikediakanarak noi kakonyen nuka EJAKAIT. Kotema EJAKAIT Aburam, kedaut atiak kaLot atiar, “Kiteluo nati kwana akonikonye, kosesen ibwoi kaibois kanaijai, ari naka agolitomei k: eŋalakimak, kide ka to: Naarai akwap ke re naitei, kainakini jo, k: akoniwur aitodol ikar kere. Ido etuluori aurikon kwape kapua nak: akwap; ido arai epedori ituŋanan aimar apua naka akwap, akoniwur da imarun. Konyou, kirimo akwap aoiauke ka alalauke da; naarai kaina kini jo.” Kitobwot Aburam ewemake, kobu kiboikin oluan luk Mamure, luejaas toma Keburon, kodukok etem loka EJAKAIT nina. Kosodi kapaarasia nuka Amurapel ekabaka loka Sinar, ka Ariok eka baka loka Elasar, ka Kedolaomer ekabaka loka Elam, ka Tidal ekabak loka Goim, Kojioto ka Bera ekabaka loka Sodom, ka Birusa ekabaka lok Gomora, ka Sinab ekabaka loka Aduma, ka Semeber ekabaka loka Seboiim ka ekabaka loka Bela (ŋes Soar). Kimorikikinos nul kere aditot nak Sidim (nin ŋes Aŋolol naka Abalaŋ). Apotu kijaanakis Kedolaomer ika itomon ka luarei, kokaru lokitomonet kauni kipaliikis. Kokaru lokito monet kaonon kobu Kedolaomer ka ikabakan lukejaas nepepe kaŋes, kitiiiot Irepain kotoma Asuteros-karunaim, ka Isusin kotoma Kam, ka Iyemii kotoma Sabe-kiriataim. Ka Ikorin toma omorukec Seir, aitodol El-parar naapie kamodiŋ, Kobonosi, kodoloto En-misupat (ŋes Kades), kitijiot akwap kere naka Imalekain ka naka Imorain da lueboienenete Kasason tamar. Koloma ekabaka loka Sodom, ka ekabaka loka Gomora, ka eka baka loka Aduma, ka ekabaka loka Seboiim, ka ekabaka loka Bela (ŋes Soar) kiderakinos ejie kakes kaditot naka Sidim; ejie ka Kedolaomer ekabak loka Elam, ka Tidal ekabaka loka Goim, ka Amurapel ekabaka loka Sinai ka Ariok ekabaka loka Elasar; ikabakan iwonon koiioto ka ikabakan ikanj Ido aditot naka Sidim eleleba apanya nuka erit; kokerata ikabakan luk Sodom ka Gomora, kibironokinos nen, ka luakuete kokereasi oroŋai Konatasi iboro kere lukotoma Sodom ka Gomora, ka inyamatakec kere kolototo. Konatasi Lot, okoku loka onaceke ka Aburam, loeboienene koSodom, ka iboroke, kolototo. Kobu ediopet loabu koku, kolimok Aburam Eburaniat: ŋol loeboiene nci kaneeiaas iluan luka Mamure Emorait onaceke ka Esukol, ido onac loka Aner; kes da etutukitos Aburam. Kepupu Aburam ebe anata onaceke, kolot ka ituŋake Iuetuutooritai ejie, akwat auni ka itomon k lukanykauni, luaurikinio togoke, kotupasi aitodol Dan. Kotiakas asurc kin kes kuare, ŋes ka ikekejaanakinak kitijioto, kotupasi aitodol Koba, loejai akan nakokediany nakoDamasek. Kinyaku iboro kere, kinyaku onaceke da Lot ka iboroke, aŋor da, ka ituŋa. Kolomu ekabaka loka Sodom, airiamun kaŋes, kedau aboŋun kaiar Kedolaomer ka ikabakan luajaas kaŋes, kotoma aditot naka Sabe (ŋes aditot naka ekabaka). Melukisedek da, ekabaka loka Salem koyanau inyamat ka ajon: ido kerai esasedoti loka Edeke Loejai kuju kakuj. Kilipak ŋes arereŋ, kotema atiar, “Edeke Loejai kuju kakuj, Elopet akuj ka akwap kisireren Aburam. Kituritete Edeke Loejai kuju kakuj, Lokikorak lukasurupokon akanikon!” Koinak Aburam ŋes idiopet kotomon yenika kere. Ekabaka loka Sodom kotema Aburam atiar, “Koinakinai eoŋ ituŋa, koyana ijo iboro.” Kotema Aburam ekabaka loka Sodom atiar, “Ario akakan mama ejai EJAKAIT, Edeke Loejai kuju kakuj, elopet akuj ka akwap, ebe, Mam ayaŋaari auno karaida irukan yenikamuk, karaida ŋinibore kere yenijaatar, kinyek einer ebe, ‘Etabar Aburam’. Dimarai ŋulluanyamata ikatumunak, ka akorakinet naka ituŋa lukilosi keoŋ, Aner, ka Esukol, ka Mamure, koyanaasi ŋul akorakinetakec.” Kokau kanun kobu akirot naka EJAKAIT mama ejai Aburam kotoma otapo, kinera ebe, “Sirikiyoŋ, Aburam: Eoŋ ekonibuku ka ekoniropit loepol noi.” Kobala Aburam ebe, “Wu EJAKAIT Edeke, kiinakini inyo naarai alosi komamei ikoku, konye loirumi ekatogo ŋes ca Damasek Elieser?” Kobala Aburam ebe, “Koany, mam kiinakinit eoŋ aur: ido koany, loaurikinio togoka ŋes ekerumanika,” Ido koany, kobu akirot naka EJAKAIT mama ejai ŋesi ebe, “Etuŋanan ŋol mam erauni ekerumanikon, konye loebuni kopikisikon ŋes eraun ekerumanikon.” Kitolom kina, kolimok ebe, “Kosesen natikwana akuj, kimar aacer, arai kipedo aimar.” Kotema atiar, “Aurikon da ikwaikini nen.” Kiyu ŋesi EJAKAIT; kimarakinai ŋes adolit. Kotema atiar, “Arai eoŋ EJAKAIT lokalemuni jo koUr loka Ikaludean, ainakin akwap na airum.” Kobala ebe, “Wu EJAKAIT Edeke, inyo bo ketejenikini ebe erumi?” Kotema atiar, “Kolemikinai akiten naedaunit ikar iuni, ka akinei naedaunit ikar iuni, ka emerekek loedaunit ikar iuni, ka eluke, ka ajele naedit.” Koyaŋa ŋul kere, kotiaka kokidin, kibwaik atutubeta aareiarei kiteteonok; konye mam abu kotiak ikweny. Kodooto atarukon toma awat nuka lukatwak, kirenea Aburam. Kosodi elomari akoloŋ, kiluranasi Aburam ajo nuipu; ido koany kokurianar ŋesi kanuka amuton naepol. Kotema EJAKAIT Aburam atiar, “Kojenu cut ebe erauni aurikon apejonon kakwap namere nakec, ido epote aijaanakin, eponio areit kes ikar akwat aoŋon; ateker ŋin da naepote kesi aijaanakin, atubokini akiro; kosodete anyoun kojaas kiboro luipu. Konye ijo da ilosi neejaas lukapapaakon kainapakina; kidaio kidau aibut ejok. Ido kotoma aturi nakiwononet eboŋunete bobo nee; naarai numam adolit nuka Emorait eroko edolo.” Kosodi kedau akoloŋ alomar, komutonor akwap, koany eupa loepurie ka akalas naesarani kitoroto kidin neajaas iboro ŋul. Kapaaran kaŋin kitutukis EJAKAIT kAburam kotema atiar, “Ainak akoniwur akwap na, anyoun kocor kaloko Misiri aitodol ocor loepol Eupurat; Ekenit, ka Ekenisit, ka Ekadumonit, ka Ekitit, ka Eperisit, ka Erepait, ka Emorait, ka Ekanaanit, ka Egirugasit, ka Eyebusit.” Sarai, aberu naka Aburam mam aurikinit ŋes idwe; kejai ŋes abulesit, Amisiriat, ekekiror Kagar. Kotema Sarai Aburam atiar, “Koany, abu EJAKAIT kesimik eoŋ aur, kenainait, koloma ijo neejai akabulesit; elemuni kadum idwe kama ejai.” Kiira Aburam eporoto loka Sarai. Kedaunit Aburam ikar itomon iboie kakwap naka Kanaan, abu Sarai aberu naka Aburam koyana Kagar, Amisiriat, akebulesit, koinak ŋes Aburam okilenike araun akeberu. Koloma ŋesi neejai Kagar, kopotuu; keanyu ŋin ebe apotuu, komen do tataake kakonyeke. Kotema Sarai Aburam atiar, “Akamenio kojai neijai ijo; abu kainak akabulesit atorobukon, ido nakeanyunia ŋesi ebe apotuu, kamen eoŋ kakonyeke. Kotub EJAKAIT akiro eoŋ ka jo.” Konye Aburam kotema Sarai atiar, “Koany, ejai akonibulesit akanikon; kiswamak ŋes nuedolito kakonyekon.” Kisiejanakini Sarai ŋes kagogon, kosi kakonyeneke. Emalaika loka EJAKAIT kodumak ŋes okicoi loka akipi kamodiŋ, ekicoi loejai orot ilosi Sur. Kotema atiar, “Kagar, abulesit naka Sarai, kibuni kai? Ido ilosi ai?” Kotema atiar, “Asii eoŋ kakonyen nuka tataaka Sarai.” Kotema emalaika loka EJAKAIT ŋes atiar, “Koboŋo neejai tataakon, kononokikinite ŋes.” Kotema emalaika loka EJAKAIT ŋes atiar, “Esupui noi akoniwur, komam imarunos kanuka aipues.” Kotema emalaika loka EJAKAIT ŋes atiar, “Koany, ipotuu ijo, idouni rwaru ikoku yenitelepat, imaikini ekekiror Isimael, naarai abu EJAKAIT kopup akoniiticanio. Eraun ŋesi bala etuko kotuna, esurokini akekan ŋinituŋanan, ido akan naka ŋinituŋanan esurokini ŋes; iboienenei ŋesi kaneejaas ikekinacan kere.” Komaik ekiror loka EJAKAIT lokineras kaŋes ebe, “Irai ijo Edeke loitei”: ebe da, “Aseseni kereka eoŋ ŋol loketei kane da?” Ŋes kemaikinere ekicoi Beer-Iakai-roi; koany, ejai kidin ka Kades ka Bared. Kourik Kagar Aburam ikoku yenitelepat; komaik Aburam ikekoku yenaurier Kagar ekekiror Isimael. Kodaunite Aburam ikar akaisakany kauni ka lukanykape naaurikinia Kagar Aburam Isimael. Nakeraar Aburam loka ikar akaisakanykaoŋon ka lukanykaonon, kitaanyikin Edeke Aburam, kobala ebe, “Bon Edeke Lokapedor kere, kolosenenei kakonyeneka, koluor ekadoliton. Etutuki eoŋ akaitutuket kajo, kesupui da noi adepar.” Kibiror Aburam ebuburia: kinera Edeke kaŋes atiar, “Eoŋ da, koany, ejai aitutuketeka kajo, iraun ijo da papa loka atekerin nuipu. Mam bobo kinyaritai ekonikiror Aburam, konye eraun do ekonikiror Aburaam; naarai ketuluo jo papa loka atekerin nuipu. Kesupui da noi adepar, ketuluori jo atekerin, elomunete da ikabakan kotomakon. Etogogoŋi da akaitutuket eoŋ ka jo ka akoniwur naetupanakini, anatar aturioke kere, araun aitutuket namam enaŋi, araun Edeke kaneijai ijo ka akoniwur da naetupanakini, Ido kainakin jo ka akoniwur naetupanakini akwap nakiloseneneo, akwap kere naka Kanaan, airum ikar kere; Eoŋ da araun Edekekec.” Kotema Edeke Aburam atiar, “Ŋo da, irici akaitutuket, ijo ka akoniwur naetupanakini anatar aturiokec kere. Na ŋes akaitutuket, nairicenenete, kidiŋ eoŋ ka jo ka akoniwur naetupanakini; Ekepeneneo ŋolikiliokit kotomakus. Ido kikepeneneo amuny naka ekiliokanekus; eraun da nin aanyunet naka aitutuket kidin eoŋ ka yes. Ekepeneneo kotomakus yenedaunit apaarasia akanykauni; noliklliokit kotoma aturiokus, loewurikinio okal, ka ŋol da lokitwegelete imo kapesan, lomere loka aurikon. Loeurio kokalekon, ka ŋol da loegweleneneo kapesanakon, ibusakinit akepio. Ejaununei da akaitutuket toma awatekus araun aitutuket namam edaun. Ekiliokit da lomam ekepep amuny naka ekiliokaneke, abil ŋol aitutuketeka, egelario etuŋanan ŋol kotuŋake.” Kotema Edeke Aburaam atiar, “Akoniberu Sarai, mam bobo inyarit ekekiror Sarai, konye Sara ŋes do ekekiror. Eoŋ da esirereni ŋes, ido kainakini jo ikoku kamake: eebo, esirereni ŋes: eraun da toto naka atekerin; elomunete ikabakan luka ituŋa kotomake.” Kopaari Aburaam aibirokin ebuburia, kokieni, kinera kotauke ebe, “Euruuni nopenol ikoku loadau ikar akwatat? Ido ka Sara da naadau ikar akaisakanykaoŋon, eurie?” Kotema Aburaam Edeke atiar, “Arai gwai Isimael eraun lokaiaran kakonyenekon!” Kotema Edeke atiar, “Mam, konye kiwurikin Sara aberukon ikoku; imaikini ijo da ekekiror Isaak; ka eoŋ da etogogoŋi akaitutuket kaŋes araun aitutuket namam edaun mama ejai aurike naetupanakini. Kanuka Isimael keira jo; koany, esireren ŋes, ido esupui, ido eyatakin noi; euriei ijaka itomon ka luarei, ido etuluori ateker naepol. Konye etogogoŋi akaitutuket kama ejai Isaak, lokiwurikini Sara kapak kanapekana kokaru kaloebunit.” Kinye einer kaŋes, konyou Edeke kama ejai Aburaam. Koya Aburaam ikekoku Isimael, ka ŋul kere luaurikinio okaleke, ka ŋul kere luagwelio kikeboro, nolikiliokit kotoma otuŋa lukokal loka Aburaam, kokep kes kapaaran kaŋin amuny naka ekiliokanekec, kwape ketemaria ŋes Edeke. Kodaunite Aburaam ikar akaisakanykaoŋon ka lukanykaonon, nakekepere amuny naka ekiliokaneke. Adaunit okokuke da Isimael ikar itomon ka luuni, nakekepere amuny naka ekiliokaneke. Kapaaran kaŋin kokepai Aburaam ka okokuke Isimael. Ikiliok kere lukokaleke ka luaurikinio okal, ka ŋul lukitwegelenenete imo kiboro, kokepai nepepe kaŋes, Kitaanyikin EJAKAIT ŋes koluan luka Mamure, nakiboio kokek loka ewemake kidin paaran: Kiteluo akekonye kite, ido koany, ebwoete ituŋa iuni kakonyeneke. Nakeanyunia kes, koker kokek loka ewema airiamun kakes; kisudedikin kwap. Kotema atiar, “Wu EkaJAKAIT, arai adumunit asianut kakonyenekon, kenaiŋait, sirikitubor ainac ekonibulesit. Aso cabo koinun adisikipi, kilotasi akusikeje, kiyenut kotolim loka ekitoi. Ayauni eoŋ idionyamat, kolakaros itauonokus: kosodete konyet kotuboros. Naarai idolut neejai ekusibulesit.” Kotemasi atiar, “Kiswama kwaŋin kwape ibalar.” Kisunya Aburaam alomar owema neejai Sara, kotema atiar, “Kisunyak kitemok aitemisio auni nuka akiria nuidicic, kigurunio atap.” Koker Aburaam osipan, koyau itaok yenejok yenirosok, koinak ekejaanakinan; kisunyak aipoore. Koyana akinyet ka akile, ka itaok yenetemokinit, kibwaik akonyenekec; kobwo koapie kakes kotolim loka ekitoi, konyama. Kotemasi atiar, “Ai bo ejai akoniberu Sara?” Kotema atiar, “Koany, ejai owema.” Kotema atiar, “Abeit aboŋuni eoŋ neijai kedol apak; ido koany, euruuni akoniberu Sara ikoku yenitelepat.” Kiira Sara kokek loka ewema lokejai kauken, Ido kemoiotjito noi Aburaam ka Sara, kokokosanito ikar luipu noi: mam bobo Sara ajai kwape ejaar eipone loka aŋor. Kokieni Sara kotauke atiar, “Kadau amoion kwana, ekajakait da emoionit, eyalamikin kereka eoŋ?” Kotema EJAKAIT Aburaam atiar, “Inyo bo etekien Sara, ebe, ‘Auruuni kereka eoŋ ikoku amojoŋit?’ Ejai ibore yenikaruni EJAKAIT? Aboŋuni eoŋ neijai kapaarasia kaŋun, kedolo apak, ido euruuni Sara esapat.” Kosodi Sara aipeg ebe, “Mam akienit”; naarai akuriana. Kotema ŋes atiar, “Mam; konye ikienit.” Konyout ituŋa kanen, kiteluosi Sodom; kinyamak Aburaam kes orot. Kotema EJAKAIT atiar, “Emunonikini kereka eoŋ Aburaam nin naeswamai? Naarai abeit eraun Aburaam ateker naepol nakagogon, isirerenio da atekerin kere nuka akwap kotomaken. Naarai ajenu ŋes kanuka nu, tetere icorakini ikedwe ka lukokaleke luetupakinete, tetere ericito erot loka EJAKAIT, aswam abeit ka etube; tetere einuni EJAKAIT Aburaam ŋun nuabu kinerak ŋes.” Kotema EJAKAIT atiar, “Naarai epol noi aimony naka Sodom ka Gomora, ido naarai eroko noi adiakanaretakec; Mere ber kejesar kaany arai eswamaata cut kwape ejaar aimony naabu kodol neajai; arai mere kwaŋin, aienuni.” Kotiakas ituŋa kanen, koloto Sodom; konye koroko Aburaam ebwoi kakonyen nuka EJAKAIT. Kikunyak Aburaam kotema atiar, “Imudiari kereka ijo ikadolitok nepepe kikaronok? Elemuni ejaas ikadolitok akaisakany toma ore: imudiari komam itimi aibois kanuka ikadolitok akaisakany luejaas toma? Tiesil ijo aswam kwaŋin, aiar ikadolitok nepepe kikaronok; tiesilok ŋun; mam Ekatubon loka akwap kere iswamai nuka adolit?” Kotema EJAKAIT atiar, “Arai kadum koSodom ikadolitok akaisakany kotoma ore, etimi aibois kere kanukec.” Koboŋok Aburaam kotema atiar, “Koany, atamak eoŋ einer ka EJAKAIT, karaida karai eoŋ apua ka ekurwon: Elemuni emamuunete ikany kotoma ikadolitok akaisakany; imudiari ere kere naarai amamuut ikany?” Kotema atiar, “Mam amudiari, arai kadum kanen akaisaoŋon ka lukany.” Kinera kaŋes bobo atiar, “Elemuni etakanunete akaisaoŋon.” Kotema atiar, “Mam eswamai kwaŋin kanuka nul akaisaoŋon.” Kotema atiar, “Kenainait, wu EJAKAIT, sirikinyunyurikin, mere kener bobo: elemuni kotakanut akaisauni kanen.” Kotema atiar, “Mam eswamai kwaŋin arai kadum akaisauni.” Kotema atiar, “Koany, atamak eoŋ einer ka EJAKAIT: elemuni kotakanut akaisaarei kanen.” Kotema atiar, “Mam amudiari kanuka ŋul akaisaarei.” Kotema atiar, “Kenainait, EJAKAIT, sirikinyunyurikin, mere kener bobo irwan na bon: elemuni kotakanut itomon.” Kotema atiar, “Mam amudiari kanuka nul itomon.” Kolot EJAKAIT, napekedaunia ŋesi einer ka Aburaam: kobono Aburaam aiboisike. Kodoloto imalaikan luarei Sodom eboŋ; kiboie Lot da korute loka Sodom; koany Lot kes, kolot aisiriamar; kokukum kitulurite akekonyen, Kotema atiar, “Koany, ikaiaka, kenainaito, kopautu togo loka ebulesitikus, koperoto aitiwalar akwap, kilotata akusikejen, kodilokis anyoun tupuruc, koloto.” Kotemasi atiar, “Mam, konye kiperi isio orot aitiwalar akwap.” Kimaumau kes noi: kopaut oreke, kolomasi togoke; kipejo kes, kopeik imugatin lumam etubuunitoi, konyamata. Konye eroko kepero, ituŋa lukore loko Sodom, idwe ka lukapolok, ituŋa kere luapote kaiboisio kere, kolukut etogo: Kiworoto Lot kotemasi ŋes atiar, “Alubo ituŋa lualomut orekon kakuare kana? Kitolom kes nekiia isio kaiena kes.” Koloma Lot kina neejaas kesi, kogolok ekek ekaukau. Kotema atiar, “Keŋainaitos, ikakinacan, sirikiswamata aronis naetia nen. Koany, kija eoŋ kadweka aarei numam ejenete ekiliokit, kenainaito, mere ketolom ŋun neijaas yesi, kiswamakis yesi kes kwape itojokitotor kakonyekus; konye ituŋa kwi mam iswamakinete akirot; naarai apotu kesi otolim loka eswika.” Kotemasi atiar, “Irwa.” Kotemasi atiar, “Ekesa lo loabwotuni, ŋes do ekoto araun ekatubon; asa do kiswamakini jo nueroko aitelckarit nul.” Koridakis noi etuŋanan, ŋes Lot, kikunyakis apakar ekirigi. Konye ituŋa kwi koriosi akaninikec, kitolomut Lot togo neajaas kesi, kogolokis ekirigi. Kitumudukata akonye nuka ituŋa kaluajaas okek, ludidik ka lukapolok kere; kopasa kes amoot ekek. Kotemasi ituŋa kwi Lot atiar, “Ijaas ijo kice nee? arai amuranikon, ka idwekon lusap ka lupesur, ka ice da luijaatar toma ore; kitoloma kes kotoma aibois kana. Naarai kimudiari aibois na, naarai eyatakin noi aimonyokec kakonyen nuka EJAKAIT, ido EJAKAIT ŋes kijuku sio amudiar.” Koloma Lot kinerata kimurakake, luakotosi aimany adweke, kotema atiar, “Konyout, kolomasi kaibois kana, naarai emudiari EJAKAIT ere lo.” Kosubite ŋes bala emoc kama ejaas ikamurakake. Kiwala akwap kisuburikis imalaikan Lot, kobalas atiar, “Konyou, koyaŋa akoniberu, ka adwekon kere nuejaas ne; kinyek amudiario kotoma aiticanet naka ere.” Konye kiyap; kitinata ituŋa akanike, ka akan naka aberuke, ka akan naka adweke aarei; kitimit EJAKAIT ŋes; kitolomut kibwaikis ŋes kina naka ere. Kosodi kedaun aitolomun cut, kotema atiar, “Koker kinye atwanare; mam inoliari kaukon ido mam iyapi kotoma apuuton kere; kokeria oroŋat kinye amudiario.” Kotema Lot atiar, “Okwe ekaiakait, mere kwaŋin, Koany adum ekonibulesit asianut kakonyenekon, ido itopolo akoniitim nakitodik eoŋ, kitajar kenye atwanare; mam apedori akeriar oroŋat ŋol, kenyek aronis adolokin kasodi atwanare. Koany, ere nol ŋes loeapie akeriar, ido ŋes ere loedit; okwe kakeria nen, (mam edit?) ido eŋaleun akaijar.” Kotema atiar, “Koany, kacamak kotoma akirot ŋin da, mam amudiari ere loibala ijo. Kisunyite, kokeria nen; naarai mam apedori aisub akirot aitodol neidolio nen.” Ŋes enyaritere ere ŋol ekekiror Soar. Keniunit akoloŋ nakedolio Lot Soar. Kitetep EJAKAIT toma Sodom ka Gomora acukuman ka akim epote kama ejai EJAKAIT kotoma akui; Komudia ireria ŋul, ka Apuuton kere, ka ŋul kere lueboienenete koreria, ka iboro kere luabwanete kakwap. Konye konolia aberuke kau, etupit ŋes, koluor epir loka abalaŋ. Kodil Aburaam tupuruc kolot aibois neabwoia ŋesi kakonyen nuka EJAKAIT: Kosesen Sodom ka Gomora, ka akwap kere naka Apuuton, kireik, ido koany, kopuriei apuru naka akwap bala apuru naka eupa. Kosodi kemudia Edeke ireria luka apuuton, kiitu Edeke Aburaam, kijuka Lot anyoun kotoma oreria luaponi komudiarai, kedau amudiar ireria lueboieneneo Lot. Konyou Lot koSoar, kiboikin oroŋat nepepe kadweke aarei, naarai akuriana aiboikin Soar; kiboie kotoma abua, ŋes ka adweke kere. Kotema nakiyai nadidi atiar, “Amojoŋ papawok, emamei da etuŋanan kotoma akwap loelomari mama kija oni kwape ejaar eipone loka akwap kere. Aso ketamatata papawok aion, kaperoto kaŋes, kedara aur naka papawok.” Kitamatata papakec ajon akuare ŋin; koloma nakiyai kopero kapapake: mam abu kojen kwape aperio, karaida kwape anyounio. Kosodi kapaaran kanaatupakini kotema nakiyai nadidi atiar, “Koany, kwape abu kaperio bian kapapawok, ketamatata bobo aion akuare na da; ko loma ijo da koperoto kaŋes, kedara aur naka papawok.” Kitamatata bobo papakec ajon akuare ŋin, konyou nadidi, kopero kaŋes; mam abu kojen kwape aperio, karaida kwape anyounio. Kwaŋin abu Lot kourik adweke kere. Kouru nakiyai ikoku yenitelepat, komaik ekekiror Moab, nol ŋes papakec loka Imoabin kiton lolo. Kouru nadidi da ikoku yenitelepat komaik ekekiror Ben-ami; ŋol ŋes papa loka idwe luka Amon kiton lolo. Konyou Aburaam kaŋina kolot akwap naka ari naka Eŋalakimak, kiboikin kidin ka Kades ka Sur; kiboikin toma Gerar. Kinera Aburaam nuka Sara aberuke ebe, “ŋes kinacika.” Ido kiyakia Abimelek ekabaka loka Gerar, koyana Sara. Kobu Edeke mama ejai Abimelek kotoma airuja naka akuare, kolimok ebe, “Koany, irai ijo bala ekatwan, kanuka aberu naibu koyana, naarai ejai ŋes okilenike.” Ido eroko Abimelek ikunyakina neejai ŋesi; kotema atiar, “EJAKAIT, ibuni aiar ateker karaida kedolit? Mam abu elopet kotema atiar, ‘Ŋes kinacika’? Aberu da alopet kotema atiar, ‘Ŋes onaceka.’ Eswamai eoŋ ŋin ketau loedolit, ka akanin nuemameete aronis.” Kolimok Edeke ŋes kairujasit ebe, “Eebo, ajeni ebe iswamai ŋun ketau loedojit, ŋes ketikokinia kinye amunaun kaneajai eoŋ: ŋes da kesimikia atiror ŋes. Aso kinyaka aberu naka etuŋanan, naarai erai ŋesi enabi, ŋes da kilipakini, ijo da ijari; konye arai mam inyakarit, kojen ebe mam iswaki atwanare, ijo ka luijaatar kere.” Konyou Abimelek tupuruc sek, konyarau ikekejaanakinak kere, kolimok ŋun ke re akikec: kokuriakaros ituŋa noi. Konyarau Abimelek Aburaam, kiŋit ebe, “Kiswamak anyoika? Adiaka anyoika kamakon, tape kiinuni eoŋ ka akajakanut da adiakaret naepol? Kiswamak numam ibusakinit aiswamakinio.” Kotema Abimelek Aburaam atiar, “Ibu koany anyoika, nukiinakinete aswam kwaŋin?” Kotema Aburaam atiar, “Naarai abu kaomite ebe, emamei cut aiyoŋ Edeke kaibois kana; ido da kapedorete aiar eoŋ kanuka akaberu. Abeit erai kinacika, akoku naka papaka, konye mere akoku naka totoka; koraun do akaberu. Kosodi ketolot Edeke anyoun kotogo loka papaka, kasodi alimokin ŋes ebe, ‘Na ŋes arerenukon nakitodianakini eoŋ: kotoma niniibois nakidolenenei kinerenena mama ajai eoŋ ebe erai onaceka.’” Koyana Abimelek amerekekin ka aituk ka ibulesin ka abulesin, koinak Aburaam, kinyakak ŋes akeberu Sara, Kotema Abimelek atiar, “Koany, akwapuka ejai akonyenekon; kiboikin neikoto ijo kere.” Kolimok Sara da atiar, “Koany, ainak onacekon iboro elukumit luka epuesa: koany, ŋes yenirapakina akonyenekon kama ejaas nul kere luejaas kajo; ido toma akiro kere kigeli.” Kilip Aburaam Edeke; kitanaleu Edeke Abimelek ka aberuke, ka abulesinike; kouriata idwe. Naarai kegolokinit EJAKAIT akoikes kere nukokalloka Abimelek, kanuka Sara aberu naka Aburaam. Koanyana EJAKAIT Sara kwape kinerar, ido kiswamak EJAKAIT Sara kwape alimokinia. Kopotuu Sara, kourik Aburaam ikoku yenitelepat, kemoion, toma apak nin nakelimokinit ŋes Edeke. Komaik Aburaam ikoku yenaurikini Sara ekekiror Isaak. Kokep Aburaam okokuke Isaak kedau apaarasia akanykauni, kwape ecorakinitor ŋes Edeke. Ido adaunit Aburaam ikar akwatat eurikinio ŋes ikokuke Isaak. Kotema Sara atiar, “Ketekien Edeke, ŋinitunanan yeniirari kikienenei keoŋ.” Kotema atiar, “Iŋai nol lo tiketema Aburaam ebe, ‘Ebuni Sara aitanak ikedwe’? Naarai aurik ŋes ikoku yenitelepat kamoionuke.” Kopoloor ikoku, kojaka: kipo Aburaam epucit loepol kapaaran kanaajakaria Isaak. Koany Sara ikoku yenika Kagar Amisiriat yenaurikini Aburaam, isekelo. Ŋes ketemaria Sara Aburaam atiar, “Kirenea abulesit na ka ikekoku, naarai ikoku yenika abulesit kana mam epedori araun ekeruman nepepe kikakoku, ŋes Isaak.” Korau akirot nin naapagal noi kakonyen nuka Aburaam kanuka ikekoku. Kotema Edeke Aburaam atiar, “Kinye araut naepagal kakonyenekon kanuka ikoku, ido kanuka abulesitikon; kere nukilimokini Sara, kopupununei eporotoke; naarai kotoma Isaak ŋes enyaraununere akoniwur; Ido kotoma okoku loka abulesit elomuni ateker, naarai ŋes aurikon.” Konyou Aburaam tupuruc sek, kolem aimuj ka eriagi loka emukule loka akipi, koinak Kagar, kibwaik okeperike, ka ikoku da, kotwar: kolot ipasitoi toma amodiŋ naka Beer-seba. Kodaunos akip nukotoma omukule, kirupak ŋesi ikoku amoni; Kikunyak, kiboikin kwap kobwatara bala apak naegumario ekojo: naarai abu kobala ebe, “Sirikete ikoku etwani.” Kiboikin kobwatara, kodelo, komony. Kiira Edeke eporoto loka etelepat, kiworo emalaika loka Edeke Kagar ebuni kokuju, kotema atiar, “Inyo bo itururwoo ijo? Sirikikurianar; naarai eira Edeke eporoto loka etelepat kaneejai. Konyou, kitonyou etelepat, kitin kakonikan; naarai abuni aituluor ŋes ateker naepol.” Kitekweny Edeke akekonye, koany atan naka akipi; kolot kileleb akipi toma oriagi, kitamat etelepat. Kojai Edeke nepepe ketelepat, kopoloor; kiboienenei kamodiŋ, koluor ekaguman imalia. Kiboienenei kamodiŋ naka Paran; komanyak totoke ŋes aberu kotoma akwap nako Misiri. Kosodi kapakio kanun apotu Abimelek ka Pikol ekapolon loka ajoreke kolimokis Aburaam ebe, “Ejai Edeke nepepe kajo kotoma kanuiswamai kere; Aso kiyapoikinoi kane kokiror loka Edeke ebe, Mam kimodakin eoŋ, karaida okokuka, karaida okoku loka okokuka; konye kwape eiaar asianut naabu keswamak, ijo da kiswamakinai eoŋ kwaŋin, ka akwap da nakiboieneneo.” Kotema Aburaam atiar, “Eyapoi.” Kitoron Aburaam Abimelek kanuka Atan naka akipi, naapotu ibulesin luka Abimelek kodemasi kagogon, Kotema Abimelek atiar, “Mam ajeni yenikiswamai kwaŋin; ido mam lem jo kisiiranari eoŋ, ido mam apupununei, dimarai akiirar ŋes lolo.” Koyana Aburaam amerekekin ka imoŋin koinak Abimelek; kitutukoto aitutuket kes iarei. Kibwaik Aburaam amerekekin akanykaarei nukotoma osipan owaikec bonik. Kotema Abimelek Aburaam atiar, “Amerekekin ŋun akanykaarei nuigitaa apoloukec inyo?” Kotema atiar, “Iyaŋaari amerekekin ŋun akanykaarei kakanika, tetere eraun aanyunet kama ajai aitejenun ebe eoŋ aboki atan ŋin.” Ŋes amaikinia aibois ŋin Beer-seba; naarai nen ŋes etutukioto kesi kere. Kwaŋin kitutukoto aitutuket koBeer-seba: konyou Abimelek ka Pikol ekapolon loka ajoreke, kobonosi akwap naka Ipilisitian. Kiraik Aburaam epeduru toma Beer-seba, kiwonei kanen ekiror loka EJAKAIT, Edeke lomam edaun. Kodau Aburaam apaarasia nuipu kakwap naka Ipilisitian. Kosodi kanen kokau kanun, kitem Edeke Aburaam, kotema atiar, “Aburaam.” Kotema atiar, “Eoŋ lo.” Kotema atiar, “Koya kwape kwana ikokukon, ikonikoku iteluna yenimina, ŋes Isaak, kolot akwap nako Moria; koinak kaŋina araun ainakinet naicweio kotoma ediopet koronan lokalimokini.” Konyou Aburaam tupuruc sek, kopetanak lupetan asigiriake, koyana iarei kotoma ikatumunakake, ka Isaak da ikekoku; kibet akito nuka ainakinet naicweio, konyou, kolot aibois naabala ŋes Edeke. Kapaaran kanakiwuniet kiteluo Aburaam akekonye, koany aibois. Kolimok Aburaam ikekatumunak ebe, “Kosala yesi ne nepepe kasigiria, kilosi eoŋ da ka itelepat laije; kamaata kabonutu neijaas.” Koyana Aburaam akito nuka ainakinet naicweio, kisibwok Isaak ikekoku; koyana akim ka ekileŋ kakaninike; koloto kesi luarei nepepe. Kotema Isaak papake Aburaam atiar, “Ipapa.” Kotema atiar, “Eoŋ lo, ikakoku.” Kotema atiar, “Akim ka akito enu; konye anibo imerekek yenikainakinet naicwcio?” Kotema Aburaam atiar, “Kadumakini eoŋ Edeke imerekek yenikainakinet naicweio, ikakoku.” Koloto do kesi luarei nepepe. Kodoloto aibois naalimokinit ŋes Edeke; kodukok Aburaam etem nen, kigan akito, koen ikekoku Isaak, kisiperik otem, kuju akito. Korio Aburaam akekan, kolem ekileŋ aaria ikekoku. Kiworo emalaika loka EJAKAIT ebwoi kokuju, kobala ebe, “Aburaam, Aburaam.” Kotema atiar, “Eoŋ lo.” Kotema atiar, “Sirikidokok akan otelepat, kwabo sirikisubak idiobore: naarai ajeni kwana kwape iyonitor Edeke, naarai mam kimikit ikokukon, ikonikoku iteluna.” Kitonyou Aburaam akekonyen, kosesen, ido koany, kojai emerekek kauken, ikamunit amoni amumwarake: kolot Aburaam koyana emerekek, koinak araun ainakinet naicweio aibois naka ikekoku. Komaik Aburaam aibois nin Yawe-yire: kwape inerare aitodol lolo ebe, “Komoru loka EJAKAIT edumunere.” Kiworo emalaika loka EJAKAIT Aburaam irwan nakiareit kokuju, Kobala ebe, “Ebala EJAKAIT ebe, Esumun kanukan, naarai iswama kwaŋin, kwabo mam kimikit ikokukon, ikonikoku iteluna: Kotoma arereŋ kesirerenenenei jo, ka aiyat keyatanakinenei akoniwur kwape kaacer nukotoma akuj, ido kwape kasine naejai ariri naka aŋolol; irumi da aurikon erute loka lukasurupokec; Ido toma aurikon isirerenere atekerin kere nuka akwapisinei; naarai irima ekaporoto.” Kosodi kobono Aburaam mama ajaas ikatumunakake, konyout kolot nepepe Beer-seba; kiboienenei Aburaam koBeer-seba. Kosodi kokau kanun kolimokinai Aburaam ebe, “Koany, Milika da abu kourik onacekon Nakor idwe; Us ekiyaike, ka Bus onaceke; ka Kemuel papa loka Aram; Ka Kesed, ka Kaso, ka Pilidas, ka Yidulap;’ ka Betuel.” Betue! kouri Rebeka; ŋullukanykauni kes luaurikini Milika Nakor, onaceke ka Aburaam. Abulesitike da ekekiror Reuma, ŋes da kouri Teba, ka Gakam, ka Takas, ka Maaka. Kobut Sara ikar akwatat ka akaisaarei ka lukanykaarei; ŋul kes ikar luabu Sara kodau. Kotwanik Sara Kiriat-aruba (ŋes Keburon) kakwap naka Kanaan; kobu Aburaam akuudian ka eibworo Sara. Konyou Aburaam kaneejai nakatwanike, kotema idwe luka Ket atiar, “Arai eoŋ epejonon ido ekaloton kama ijaas; koinakinai aibois nakidaanakina, koraun nakan kotoma akwapukus kedaik nakatwanika, kenyek aanyunun bobo.” Koboijokis idwe luka Ket Aburaam kotemasi atiar, “Kopupokinai ejakaitikos; irai ijo ejakait lokapolon kama kijaa isio: kidaik nakatwanikon toma atesinakosi naiseuni ijo kere; emamei kasio yenikimiki aijaikin aketes, aidaikin nakatwanikon.” Konyou Aburaam, kokukokin ituŋa luka akwap kaŋin, kes idwe luka Ket. Kinera kakes kobala ebe, “Arai ikotosi eoŋ aidaikin nakatwanika kenyek aanyunun bobo, kopupokinai, kiŋaiŋaikinai Epuron okoku loka Sokar, Kainak abua naka Makupela, naejai ŋes, naenesit kotoma omanikorike; ketwegel etiaike kere kokidiŋikus koraun akates cut.” Eboie Epuron kokidin kidwe luka Ket, Koboŋok Epuron Ekitit Aburaam, kopupete idwe luka Ket, kes kere luapotu kolomasi orute loka erc, kobala ebe, “Mam, ejakaitika, kiirarai, kainak emanikor, ka abua da naejai toma kainak; kakonyen nuka idwe luka ikatuŋa kainak jo; kidaik nakatwanikon.” Kokukokin Aburaam kakonyen nuka ituŋa luka akwap kaŋin, Kotema ŋesi Epuron kopupete ituŋa luka akwap atiar, “Konye arai ikoto, kenainait, kiirarai; atacakini etiai loka emanikor; kiyu kainak, edaikini eoŋ da nakatwanika nen.” Koboŋok Epuron Aburaam kolimok ebe, “Ekajakait, kiirarai; emanikor etiaike isekelin luka epuesa akwat aoŋon ŋes bo inyo kama ajai eoŋ ka jo? Aso kidaik nakatwanikon.” Kiira Aburaam Epuron; kitem Aburaam epuesa loalimokinit ŋes Epuron kopupete idwe luka Ket, isekelin luka epuesa akwat aoŋon, luka epuesa loetwasamaenenete ikagwelanarak kapakio kanun. Kwaŋin aponi kitebeai Aburaam emanikor loka Epuron, loajai toma Makupela, loitei Mamure, emanikor ka abua naajai toma, ka ikito kere luajaas toma omanikor, luerimorito eikoruke kere, Araun luke kakonyen nuka idwe luka Ket, kakonyen nuka nul kere luapotu kolomut korute loka ereke. Kokau kanun, kidaik Aburaam aberuke Sara toma abua nakotoma omanikor loka Makupela loitei Mamure (ŋes Keburon), toma akwap naka Kanaan. Emanikor ka abua naajai toma kitebeai Aburaam kakonyen nuka idwe luka Ket araun luke cut, araun aibois nakidaanakina. Amoionit Aburaam kokokosanite da noi: kisirerenenenei EJAKAIT Aburaam kotoma akiro kere. Kolimok Aburaam ekebulesit, ekapolon loka etogoke, loayanaarit kere luajaas kaŋes ebe, “Keŋaiŋait, kibwaik akonikan kwap kamurwoka. Eoŋ da kesiyapoikini jo kama ejai EJAKAIT, Edeke loka akuj ido Edeke loka akwapisinei, ebe mam imanyakini ikakoku aberu naelomuni kotoma apesur nuko Kanaan, nukaneeboio eoŋ. Konye ilosi akwapuka, neejaas iinacanaka, komanyak okokuka Isaak aberu kaŋina.” Kotema ebulesit atiar, “Elemuni mam aberu iyuuni abunore keoŋ adolun akwap na; ebusakinit kereka eoŋ ainyakar okokukon akwap nakolo kibunio?” Kotema Aburaam atiar, “Mam inyakari okokuka nepepec da. EJAKAIT, Edeke loka akuj lokalemuni kotogo loka papaka, kakwap da nakaurikinio, ido loabu kinera keoŋ, keyapoik da kobala ebe, ‘Ainakini akoniwur akwap na’; ijukuni nol ekemalaika aiŋarenikin jo, imanyakini okokuka aberu naka nina. Arai mam aberu iyuuni abunore kajo, emameete nukibeikinete jo kotoma aiyaposit kana, konye sirikinyaka okokuka nina.” Kibwaik ebulesit akekan kwap kamurwo naka papake Aburaam, kiyapoik kanuka akirot kaŋin. Koyana ebulesit ikaalai itomon, lukotoma okaalai luka papake, kolot; kojaas kiboro kere lukajokak luka papake kotoma akaninike; konyou, kolot Mesopotamia, ore loka Nakor. Kitukukok ikaalai kiŋa naka ere neejai atan naka akipi, napejosi, apak naeponiata aŋor aiwok akipi. Kotema atiar, “Wu EJAKAIT, Edeke loka ejakaitika Aburaam, kenainair, koinakinai arereŋ lolo, kitodik ejakaitika Aburaam asianut. Koany, abwoi kariri naka atan naka akipi, ido epote apesur nuka ituŋa lukore aiwok akipi; Aso kojau kwana, apese naatemari eoŋ ebe, ‘Kooku amotikon, kenainait kamat’; kosodi ŋesi da ebe, ‘Komat, eruanakini da ikonikaalai’; koraun nin naiseikinit ekonibulesit Isaak; nen do ajenunia ebe itodik ekajakait asianut.” Kwaŋin, eroko inera, koany, kolom Rebeka nakeurie Betuel okoku loka Milika, aberu naka Nakor, onace loka Aburaam, kojai amotike okeperike. Etemelel da apese noi, abekot namam ejeŋi ekiliokit; kijesar atan, kileleb amotike, kodok. Koker ebulesit airiamun kaŋes kotema atiar, “Kenainait, ae adisikipi nuka amotikon, kamat.” Kotema atiar, “Komat, ekajakait.” Kisunya awoun amoti, kibwaik akanike kitamat ŋes, Kedau aitamat ŋes kotema atiar, “Aokokini ikonikaalai da, komata kimonikinos.” Kisunya abukokin akipi nuka amotike atuba, koker bobo atan aiwok, kowokok ikekaalai kere. Kite ŋes etuŋanan, kopala ajenun arai abu EJAKAIT kisireren akelosit, arai bo mam. Kosodete, kedaut ikaalai aimat, kolem etuŋanan egilut loka esabu, alaŋiruke atutubet naka esekel, aikomon da aarei nuka akaninike, alanirukec isekelin itomon luka esabu; Kotema atiar, “Iŋai papakon? Kenainait kolimokinai. Ejai apak ore loka papakon kapero isio?” Kotema atiar, “Arai eoŋ apese naka Betuel okoku loka Milika, lokeurikini ŋesi Nakor.” Kotema da atiar, “Kija kanya ka inyamat lukidaunete, ka apak da naperot.” Kitulur etuŋanan akekou, koma EJAKAIT. Kotema atiar, “Kituritete EJAKAIT, Edeke loka ejakaitika Aburaam, lomam eswaki aitodikin ekajakait akeitim ka akebeit; ka eoŋ da, abu EJAKAIT keŋarenik korot kiton togo loka iinacan luka ejakaitika.” Koker apese, kolimok lukotogo loka totoke kwape ejaatar akiro ŋun, Ido ajai Rebeka onaceke, ekekiror Laban; koker neejai etuŋanan, aisiriama ŋes katan. Kosodi nakeanyunia ŋesi egilut, ka aikomon kakanin nuka inacike, kiira da akiro nuka Rebeka inacike ebe, “Kalimoki etuŋanan kwaŋin”; kodol ŋesi neejai etuŋanan; ido koany, ebwoi kidunyasi kikaalai kaneajai atan. Kotema atiar, “Kolom ijo lokisirerenit EJAKAIT; inyo bo ibwoia kokiŋa? Naarai etemonok eoŋ etogo, ka apak da naka ikaalai.” Koloma etuŋanan togo, kolac ikaalai; koinak anya ka inyamat kanuka ikaalai, ka akipi ailosia akekeien ka akejen nuka ituŋa kaluajaas nepepe kaŋes, Kibwaikinai aimuj akonyeneke ebe, “Kimuj.” Konye kotema atiar, “Mam eoŋ emuji, eriŋa kelimuno nukejukunitere.” Kotema atiar, “Kolim.” Kotema atiar, “Arai eoŋ ebulesit loka Aburaam. Abu EJAKAIT kisirereŋ noi ejakaitika, ido araun lokapolon; abu koinak da ŋes isipanin luka amerekekin ka aituk, ka epuesa, ka esabu, ka ibulesin ka abulesin, ka ikaalai ka asigirian. Abu Sara aberu naka ejakaitika kourik ŋes ikoku kemoion: abu koinak ŋol kere lukejaatar. Kesiyapoik eoŋ ejakaitika ebe, Mam imanyakini okokuka apese naka apesur nuka Ikanaanin lueboie eoŋ kakwapukec, Konye ilosi togo loka papaka, neejai atekerika komanyak okokuka aberu. Abu katema ejakaitika atiar, ‘Elemuni bo aberu kogir aupun keoŋ.’ Kalimok eoŋ ebe, ‘EJAKAIT, Ioalosenenei eoŋ kakonyeneke, iyakiari ekemalaika nepepe kaio, isirercni akonilosit, imanyakini da okokuka aberu naelomuni koinacanaka kotogo loka papaka, Kwaŋin mam nukibeete jo kanuka akaiyaposit, arai kidol oinacanaka; ido arai mam kes kiinakinete aberu, emameete nukibeikinete jo kanuka aiyapositika.’ “Abu lolo eoŋ atan, kasodi atemar, ‘Wu EJAKAIT, Edeke loka ejakaitika Aburaam, arai teni kisireren erotoka loalosi; Koany, abwoi eoŋ kariri naka atan naka akipi; asa kojaut kwana, ebe, apese naelomuni aiwok, naabala eoŋ ebe, “Koinakinai akipi kamotikon kamat, kenainait”; Kosodi ŋesi da ebe, “Komat ijo, ido awokokini eoŋ ikonikaalai da”: koraun nin aberu naeseikinit EJAKAIT okoku loka ejakaitika.’ “Napeneranakin ŋun kotauka, koany, kolom Rebeka kamotike kokeperike; kiiesar atan, kowok; kasodi eoŋ ebe, ‘Kenainait, ae kamat.’ Kisunya ŋesi awoun amotike kokeperike, kotema atiar, ‘Komat, eruanakini ikonikaalai da’; kasodi aimat, kiruanak ikaalai da. Abu kenit ŋes ebe, ‘Irai ijo akoku naka iŋai P” Kotema atiar, ‘Akoku naka Betuel, okoku loka Nakor, loaurikini ŋes Milika’; kebwaik egilut okumesike, ka aikomon da akaninike. Ketulur akouka kwap, kama EJAKAIT, ketur EJAKAIT, Edeke loka ejakaitika Aburaam; loabu keteten eoŋ korot ayaŋaar apese naka onaceke loka ejakaitika kanuka okokuke. Natikwana da arai iyuunitos asubakin ejakaitika asianut ka abeit, kolimokinai; arai mam, kolimokinai; kebelokin teten, arai kediany.” Kosodete kobonokis Laban ka Betuel atiar, “Alomu akirot nin kama ejai EJAKAIT; mam kipedori alimokin jo nuejok karaida nueroko; Koany, ejai Rebeka akonyenekon, koyana ŋes, kolot, koraun ŋesi aberu naka okoku loka ejakaitikon kwape atemaria EJAKAIT.” Kosodi kiira ebulesit loka Aburaam akecekiro, kokukokin kwap mama ejai EJAKAIT. Koyau ebulesit inapen luka epuesa, ka luka esabu, ka igoen, koinak Rebeka; koinak da onaceke ka totoke iboro luka akais nuipu. Konyamata, komatata, ŋesi ka ituŋa luajaatar, kiwalakis; konyout tupuruc, kotema atiar, “Kotwarai eoŋ, kalot neejai ejakaitika.” Kotema onace loka apese ka totoke atiar, “Kosal ber apese kasio adaun apaarasia adis, arai atomon: kosodi konyet alosit.” Kotema atiar, “Sirikiisibo eoŋ, naarai abu EJAKAIT kisireren akalosit; kotwarai eoŋ kalot neejai ejakaitika.” Kotemasi atiar, “Kinyarauni apese, kenitata nuelomunete kaitukuke.” Konyaraut Rebeka, kotemasi ŋes atiar, “Ikoto alosit nepepe ketunanan kalo?” Kotema atiar, “Alosi.” Kotwarata Rebeka kinacikec, ka akasaanike, ka ebulesit loka Aburaam, ka iketuŋa. Kilipakis Rebeka arereŋ, kotemasi atiar, “Inacikosi, korau ijo toto naka ilukumin luka ilukumin itomon, akoniwur da kirumia erute loka ŋul kaluelaete kes.” Konyou Rebeka, kapesuruke, kibwanenoto ikaalai, kotupasi etuŋanan; koyana ebulesit Rebeka, kolot. Kobu Isaak korot loka Beer-lakai-roi: naarai kiboienenei kakwap naka ari naka Eŋalakimak. Koloma Isaak omanikor eboŋ aomoom; kiteluo akekonye, kite, ido koany, eponitos ikaalai. Kiteluo Rebeka akekonye: keanyu Isaak kodok kokaalai. Kotema ŋesi ebulesit atiar, “Iŋai bo etuŋanan ŋol loitorunit omanikor airiamun kaoni?” Kotema ebulesit atiar, “Ŋes ejakaitika.” Kitin ekegoe lokimukos, kimuko akekonyen. Kolimok ebulesit Isaak akiro kere nuabu kiswama. Kitoloma Isaak Rebeka owema loka Sara totoke, koyana ŋes, korau akeberu; komina ŋes; kitalakarite Isaak nakedaunia totoke atwanare. Kosodi Aburaam aimany aceberu, ekekiror Ketura. Kouri ŋin Simuran ka Yokusan, ka Medan, ka Midian, ka Isibak ka Sua. Yokusan kouri Seba ka Dedan. Idwe luka Dedan kes Asurim ka Letusim ka Leumin. Bwe luka Midian; Epa ka Eper, ka Kanok, ka Abida, ka Eludaa. Ŋul kere kes idwe luka Ketura. Koinak Aburaam Isaak kere luajaatar. Konye idwe luka abulesin, luajaatar Aburaam, koinak Aburaam kes ainakineta: kitonyou kes kama ejai Isaak okokuke, eroko ŋesi ejari, kolototo kidc akwap nakokide, Nu kes apaarasia nuka ikar luka aijar naka Aburaam nuabu kobut, ikar akwatat ka akaisakanykaarei ka lukany. Kojal Aburaam aijar, kotwana kodaunite akokosan ejok, komoionite noi, kodoloto ikekar; koyanaarai mama ejaas iketuŋa. Ikedwe Isaak ka Isimael kidaikis ŋes toma abua naka Makupela, toma omanikor loka Epuron okoku loka Sokar Ekitit, loitei Mamure; Emanikor loetwegelete idwe luka Ket Aburaam; kidaikinai nen Aburaam ka aberuke Sara. Kosodi kedau Aburaam atwanare kisireren Edeke Isaak okokuke; kiboienenei Isaak koBeer-lakai-roi. Na ŋes aur naka Isimael okoku loka Aburaam, loabu Kagar Amisiriat, abulesit naka Sara, kourik Aburaam: Lu kes ikiroria luka odwe luka Isimael, kwape ejaatar ikiroriakee, kwape ejaatar aturiokee: ekiyai loka Isimael ŋes Nebaiot; ka Kedar, ka Adubeel ka Mibusam. Ka Misima, ka Duma, ka Masa; Kadad, ka Tema, jetur, ka Napis, ka Kedema; ŋul kes idwe lutelepai luka Isimael ido nul kes ikiroriakee kwape ejaatar ireriakec, ido kwape edukuroto iwemaikee, ijaka itomon ka luarei kwape ajaatar akeeetekerin. Ikar da luka Isimael luabu kobut, ikar akwatat ka akaisauni ka lukanykaarei; kojal aijar, kotwana; koyanaarai mama ejaas iketuŋa, Kiboioto anyoun koKabila aitodol Sur naitei Misiri; bala ilosi Asuria; eboienenei kaneajaas ikeinaean kere. Na ŋes aur naka Isaak okoku loka Aburaam; abu Aburaam kouru Isaak: Ido abu Isaak kodaunite ikar akaisaoŋon komanya Rebeka, akoku naka Betuel, Esuriat loka Padan-aram, inaeike ka Laban Esuriat, araun akeberu. Kinaiŋa Isaak EJAKAIT kanuka akeberu, naarai arai arakan; kiira EJAKAIT aiŋainaitoike, kopotuu akeberu Rebeka. Kopegasi idwe kotoma akoikike; kotema atiar, “Arai ikote nen, kanukinyo apotio eoŋ?” Kolot ŋesi aiŋit EJAKAIT. Kolimok EJAKAIT ŋes atiar, “Ejaas atekerin aarei toma akoikikon. Ido atekerin aarei epote atiak napeelomunete kaliligetekon; Ateker adiopet da itelekari ateker ace kagogon; Ido lokapolon ijaanakini lodidi.” Kedoloto apaarasia nuka aidounike, koany, ajaas imwatok akoikike. Kolom yenisodit erai yeneren akuanake kere, koeekite bala anapito naka ajul; komaikis ekekiror Esau. Kokau kolom onaeeke, itinit akekan atitibat naka Esau; komaikinai ekekiror Yakob; korai Isaak loka ikar akaisakanykape ewuriei akeberu kes. Kopolooros itelepai; koraun Esau ekamejan loepiriana, etuŋanan loka ais; korau Yakob etuŋanan loiyapaara, kiboienenei kotoma owemai. Komina do Isaak Esau naarai anyamenenei lumejanake; Rebeka da komina Yakob. Kipo Yakob emanor; kolom Esau kais, ilworuna noi: Kotema Esau Yakob atiar, “Keŋaiŋait, kitanyamai emanor ŋol Ioeren, naarai elworuna eut.” Ŋes enyaritere ekekiror Edom. Kotema Yakob atiar, “Kitwegelai lolo akonipolou.” Kotema Esau atiar, “Koany, eapie eoŋ atwanare, ido kenarakini eoŋ apolou biai?” Kotema Yakob atiar, “Kiyapoikinoi lolo.” Kiyapoik: kitwegel Yakob akepolou. Koinak Yakob Esau atap ka emanor loka imare; konyam, komat, konyou, kolot; kwaijin amwania Esau akepolou. Kojai ebeli ece akwap, konye mere ie losodit lokejai kapaarasia nuka Aburaam. Kolot Isaak mama ejai Abimelek ekabaka loka Ipilisitian toma Gerar. Kitaanyikin EJAKAIT ŋes, kotema atiar, “Mam ilosi Misiri; kiboikin toma akwap nakalimokin: Kiboienenei kakwap kana, eboienenei eoŋ da kajo, ido kesirerenenenei, naarai kainakini jo ka aurikon akwapin nu kere; etogogoŋi da aiyaposit naabu keyapoik Aburaam papakon; Ido csupui akoniwur kwape kaacer nuka akuj, ainakini da akoniwur akwapin nu kere; toma akoniwur da ŋes esirerenio atekerin kere nuka akwapisinei. Naarai arimarit Aburaam ekaporoto, aricenenei nualimonokin, aicorakinetaka, akiroka, ka ikakisila da.” Kiboienenei Isaak kotoma Gerar. Kinitata ŋes ituŋa luka nen nuka akeberu; kotema atiar, “Ŋes kinacika”; naarai akuriana einer ebe, “Akaberu”; “elemuni ituŋa luka nen kaara eoŋ kanuka Rebeka; naarai etemelel.” Kosodi kedau apak naepol, kosesen Abimelek, ekabaka loka Ipilisitian kotoma adirisa, kite, ido koany Isaak ebolias kakeberu Rebeka. Konyarau Abimelek Isaak kotema atiar, “Koany, abeit erai akoniberu; kanukinyo ibalar ebe, ‘Erai kinacika? ‘“Kotema Isaak atiar, “Naarai aomit ebe, ‘Elemuni katwana kanukeŋ.’’’ Kotema Abimelek atiar, “Anyoika nu nukiswamak sio? Tikeperoto ediopet kotuŋa kaberukon, komam ejeŋi, ti ijo kitagwaik sio akirot.” Kicorak Abimelek ituŋa kere kinera atiar, “Ŋol loetirori etuŋanan lo arai akeberu eario do.” Koye Isaak toma akwap nin, koton da kokaru kanol irwan akwatat; kisireren EJAKAIT ŋes, Koraun etuŋanan loepol, kiyatanakin aitodol nearaunor ŋesi loepol noi. Ajaas ŋes isipanin luka amerekekin ka luka aituk, ka ibulesin luipu; koliliata Ipilisitian. Apotu Ipilisitian konwokanasi atanin kere nuapotu ibulesin luka papake kobokata, kapaarasia nuka Aburaam papake, kilelebata alup. Kotema Abimelek Isaak atiar, “Konyou kanekija isio; naarai igogon ijo aitelekarit sio.” Konyou Isaak kibubuk ewemake toma aditot naka Gerar, kiboikin nen. Kowad Isaak atanin nuabokitai kotoma apaarasia nuka Aburaam papake; naarai apotu Ipilisitian konwokanasi ketwana Aburaam; komaanak ikecekiroria kwape kemaanakinitor papake. Kobokata ibulesin luka Isaak toma aditot nin, koanyut kanen atan naka akipi nuibulubulas. Kopegata ikecokok luka Gerar ka ikecokok luka Isaak, kobalas ebe, “Akosikipi nu.” Komaik atan ekekiror Esek naarai apotu kitepegata ŋes, Kobokata atan ace; ŋin da kopegatatar. Komaik ekekiror Situna. Konyou kanen, kobok atan ace; mam ŋin aponi kopegare, komaik ekirorike Rekobot, kobala ebe, “Naarai kwana kitalala oni EJAKAIT, kiwuriar kakwap.” Konyou kanen kolot Beer-seba, Kitaanyikin EJAKAIT kakuare kaŋin, kotema atiar, “Eoŋ Edeke leka Aburaam papakon; sirikikurianar, naarai ajai eoŋ nepepe kajo, kesirereni, eyatanakini da akoniwur kanuka Aburaam ekabulesit.” Kodukok nen etem, kiwone ekiror loka EJAKAIT, kibubuk nen ekewema; nepenen da ŋes abokikinete ibulesin luka Isaak atan. Kosodi konyou Abimelek koGerar alosit neejai, ka Akusat opaperoke, ka Pikol ekapolon loka ajoreke. Kotema Isaak atiar, “Kanukinyo iponitotor neaiai, naarai kilaitos? Ido ipotu kireneata kamakus?” Kotemasi atiar, “Kipou kaanyutu cut ebe ejai EJAKAIT kajo, kasodete atemar ebe, ‘Kojau ca do aiyaposit nekija oni kidinikosi kajo,’ ketutukoto kajo. Kinyek ijo aitican sio, kwape mam sio kitiroritor jo, kwape da mam sio kikonakinitor jo amodiokirot nabarai ajokis bon, ido kipou katwarata jo kainapakina; irai do ijo lokisirerenit EJAKAIT.” Kipoik epucit, konyamata, komatata. Kodilokis anyoun tupuruc sek, kiyaponokinos. Kotwar Isaak kes, koloto kainapakina. Kosodi kapaaran kaŋin, kopotu ibulesin luka Isaak kolimokis nuka atan naabokitos kesi, kolimokis ebe, “Kiany akipi.” Komaik Siba: ŋes enyaritere ekiror loka ere Beer-seba aitodol lolo. Adaunit Esau ikar akaisaoŋon emanyi Yudit akokuke naka Beeri Ekitit, ka Basemat akokuke naka Elon Ekitit: Kitakadikis itauon luka Isaak ka Rebeka. Kosodi kanen, kemoion Isaak, kowariwarete da akekonye, komam epedori aanyun, konyarau Esau okokuke Iosodit, kotema atiar, “Ikakoku.” Kobala ebe, “Eoŋ lo.” Kotema atiar, “Koany, amoion eoŋ, mam ajeni apaaran naatwania. Aso kwana kenainait, kitin lumeias, ekonieoe, ka akonikabwa, kolot ais, komejak imejauna; Kitemok akiriŋ naejijim, kwape akotor, koinu, kanyam; kasodi kelipak jo arereŋ eroko eoŋ ketwana.” Kiira Rebeka nueneras Isaak kaEsau ikekoku. Kolot Esau ais amejaun imejauna, ka ayaun da. Kolimok Rebeka Yakob ikekoku ebe, “Koany, apup papakon elimokini onacekon Esau ebe, ‘Koinunai imeiauna kitemok akiriŋ naejijim, kanyam, kelipak jo arereŋ kakonyen nuka EJAKAIT eroko eoŋ ketwana.’ Aso ikakoku, kiira ekaporoto kwape ejaatar ŋun nukeeorakini. Kolot kwana osipan loka akinei, koinu ikaalei iarei luejok; etemokini eoŋ da kes araun akiriŋ naejijimikini papakon, kwape ekotor: Iinari ijo papakon, konyam, kosodi kilipak jo arereŋ eroko ketwana.” Kotema Yakob totoke Rebeka atiar, “Koany, erai onaeeka Esau etuŋanan loecekit, konye arurut eoŋ. Elemuni papaka kararapana, araun eoŋ da ekeŋalan kamake; kasodi ailamakinio kwabo mere aisirerenio.’ Kotema totoke atiar, “Kabeik eoŋ akoniilamakinio, ikakoku; na bon, kiira ekaporoto, ape koomikinai.” Kolot, koom, koinu totoke: kitemok totoke akiriŋ naeiiiim, kwape akotor papake. Kolem Rebeka inapen luejok luka Esau ekiyaike, luajaas kaŋes togo, kitanap nul Yakob okokuke lodidi: Kitanapanak imukulen luka ikaalei akaninike, omurisiŋike da nearurut. Koinak okokuke Yakob akiriŋ naejijim ka inyamat luetemokinit akaninike. Kobu neejai papake, kotema atiar, “Ipapa.” Kobala ebe, “Eoŋ lo; iŋai bo ijo, ikakoku?” Kotema Yakob papake atiar, “Eoŋ Esau ekiyaikon; ido eswama kwape ibu kieorakinia; kenainait, konyou, kiboikin, konyam imejaunaka, kosodi kilipak eoŋ arereŋ.’ Kotema Isaak okokuke atiar, “Ikonakini ai isunyari adumun kwaŋin, ikakoku?” Kobala ebe, “Naarai EJAKAIT Ekonideke ŋes ketusunyaari.” Kobala Isaak Yakob ebe, “Kenainait kikunyu, kararapana, ikakoku, arai kito ijo ikakoku Esau eut cut, arai mere.” Kikunyak Yakob neejai Isaak papake; korarapana, kiner ebe, “Eporoto erai eporoto loka Yakob, konye do akanin eraas akanin nuka Esau.” Mam abu komisiik, naarai acekitos akaninike, kwape kakanin nuka onaeeke Esau: kosodi ailipakin arereŋ. Kotema atiar, “Ŋoŋ ikokuka Esau eut?” Kosodi ebe, “Eoŋ lopelo.” Kotema atiar, “Kisukunyikinai, kanyam imejauna yenika ikokuka, kasodi kelipak arereŋ.” Kisukunyik neejai, konyam: koinu ajon da, komat, Kosodi Isaak papake kotema ŋes atiar, “Ikakoku, kikunyu do, konu eoŋ.” Kikunyak konu: kinu elos loka anapitoke, kilipak arereŋ, kotema atiar, “Koany, elos loka ikokuka Esubit bala aures naka emanikor Ioisirerenit EJAKAIT: Ido koinanakini Edeke jo akopyo nuepote kokuju, Ka amio naka akwap, Akima ka ajon nuipu: Kijaanakinete jo ituŋa, Kokukonokinos jo atekerin: Koyaite ikoniinaean, Kokukonokinos jo odwe luka totokon: Kilamanakinete yenikilami jo, Ido kisirereŋenenete yenikilipakini jo arereŋ.” Kosodi kanen, nepedauni Isaak ailipakin Yakob arereŋ, korai Yakob da anyoun ŋipeŋin kaneejai papake Isaak, kobonuni do Esau onaeeke kotoma amej. Kipo ŋesi da akiriŋ naeiijim koinu papake; kotema papake atiar, “Ipapa konyou ca bo, konyam imejauna yenika okokukon, kosodi kilipak arereŋ.” Isaak papake kotema ŋes atiar, “Iŋai bo ijo?” Kotema atiar, “Eoŋ ikonikoku yenikiyai, Esau.” Komaran Isaak noi noi, kotema atiar, “Aso iŋai bo nol lokemejauni imejauna kainu: anyam eoŋ kere eroko ijo kebuno, kasodi ailipakin arereŋ? Eebo, isirerenio ŋes da.” Kiira Esau akiro nuka papake, kikiliar aimony noi, kiutie, kobala papake ebe, “Okwe ipapa, kilipakinai eoŋ da arereŋ, eoŋ da, ba.” Kotema atiar, “Abu onacekon kobu iŋalai, ido kidemak arerenukon.” Kotema atiar, “Mam aponi komaikinai ejok ekekiror Yakob? Naarai alomaki nukan irwan nu kere aarei; abukadema apolouka; ido koany, natikwana da kadema akareren.” Kotema atiar, “Mam kideikinit eoŋ da adiorerene” Koboŋok Isaak kotema Esau atiar, “Koany, adakak ŋes ayait jo, ainak da iinacanake kere mama ejai aijaanakin; ido esimii ŋes akima ka aion, aso anyoika nukasubakini jo ikakoku?” Kotema Esau papake atiar, “Ejai jo arereŋ adiopet bon ipapa? Okwe ipapa, kilipakinai eoŋ da arereŋ, eoŋ da ba.” Kodelo Esau, komony. Isaak papake Koboŋok ŋes ebe, “Koany, eraun etogokon loka amio naka akwap, ido loka akopyo nuepote kotoma akuj kokuju; Ido ijarenenei kanuka ekilenikon, Ŋaanakini da onacekon; Kosodi ejaun nailakakinor, Ilakilakaari ajookot komurisinikon.” Kosac Esau Yakob kanuka arereŋ naelipakin ŋes papake. Kotema Esau kotauke atiar, “Eapiete apaarasia nuka aimony papaka; kasodi aiar onaceka Yakob.” Kolimokinai Rebeka akiro nuka Esau okokuke lokapolon; kijuka, konyarau Yakob okokuke lodidi, kotema atiar, “Koany, onacekon Esau, toma akirokon, italakaara naarai inerunit aiar joo Aso kwana, okokuka, kiira ekaporoto; konyou, koker Karan mama ejai Laban onaceka; Kiboioror kaŋes apaarasia adis aitodol neinonaror adedeŋ naka onacekon; Aitodol neinoŋaror anyunyura naka onacekon, kimurwokis da nuiswamak ŋes; ŋes ejukunia anyaraun jo kaŋina; kanukinyo tikademarere eoŋ yes kere kotoma apaaran adiopet?” Kotema Rebeka Isaak atiar, “Apas aijaraka kanuka apesur nuka Ket: arai kemany Yakob da aberu kotoma apesur nuka Ket, nuesubitos bala ŋun. Kotoma apesuru nuka akwap kana, iŋarakinete akaijar biai?” Konyarau Isaak Yakob, kilipak arereij, kicorak, kobala ebe, “Sirikimany aberu naka apesur nukoKanaan. Konyou, kolot PadanAram, togo loka Betuel papa loka totokon, komanya kaŋina aberu kapesur nuka Laban onace loka totokon. Edeke da Lokapedor kere kisireren jo, kitupu, kiyatanak, koraun erioner loka atekerin; Koinak jo arereŋ naka Aburaam, ijo nepepe kakoniwur, tetere irumi akwap nakolo kitorit nakeinakini Edeke Aburaam.” Kiyakia Isaak Yakob: kolot Padan-Aram, mama ejai Laban okoku loka Betuel Esuriat onaceke loka Rebeka toto naka Yakob ka Esau. Koany Esau ebe elipaki Isaak Yakob arereŋ, kijuka da ŋes alosit PadanAram aimany kaŋina aberu; ido ilipakini arereŋ abu kicorak ebe, “Sirikimany aberu naka apesur nukoKanaan”; Korimak Yakob papake ka totoke, kolot Padan-Aram: Koany Esau ebe mam apesur nukoKanaan isiyalamikinito papake ka totoke; Kolot Esau mama ejai Isimael, komany Makalat akoku naka Isimael okoku loka Aburaam, kinac naka Nebaiot araun akeberu, nepepe kanor nukejaas kaŋes, Konyou Yakob koBeer-seba, kobeia Karan. Kodol aceibois korotoke, koper aitiwalar akwap, naarai alomarit akoloŋ; koyana amoru adiopet naka aibois kaŋin, kicolonik akekou, kojotoor kaibois kaŋin. Kiruja airujasit, ido koany, adoket naesipokinitai kwap, kodolite aidike kuju; ido koany, imalaikan luka Edeke kodokanarete, kodokununete da kanen. Ido koany, ebwoi EJAKAIT kokuiuke, kobala ebe, “Eoŋ EJAKAIT, Edeke loka Aburaam papaakon, ido Edeke loka Isaak: akwap naiperio, kainakini jo, nepepe kakoniwur; Akoniwur da eluori kwape kapua naka akwap, ido isiarakin ari nakoto ka nakokide, agolitomei, ka eŋalakimak; tomakon, toma aurikon da, ŋes edumuniata atekerin kere nuka akwapisinei arereŋ, Ido koany, ajai eoŋ kajo, kedarenenei kaneilosi kere, kenyakuni akwap na; naarai mam kenyeini aitodol neeswamaa nukalimok jo.” Kokweny Yakob kajo, kotema atiar, “Abeit ejai EJAKAIT aibois na; mam eoŋ da ajeni.” Koyoŋ, kotema atiar, “Esogim noi aibois na! Abeit ŋes etogo loka Edeke, ŋes erute loka akuj.” Konyou Yakob tupuruc sek, kolem amoru naecolonit kakouke, kosipok araun epir, kobukok akinyet kuiuken, Komaik aibois ŋin ekekiror Bet-el: konye sek arai ekiror loka ere Lus. Kiyapoik Yakob aiyaposit, kobala ebe, “Arai ejaenena Edeke keoŋ, arai da kedarenenei kotoma orotoka loalosi, kainanakini da inyamat lunyaman, ka igoen lunapan, Tetere aboŋuni togo loka papaka kainapakina, ŋes do eraunor EJAKAIT Ekadeke, Amoru na da, naasipok araun epir, eraun etogo loka Edeke; ido kakere lukiinanakinenei mam aswaki ainanakin jo idiopet kotomon.” Kosodi kolot Yakob alositeke, kodol akwap naka ituŋa lukokide. Kosesen, ido koany, ajai atan mana, ido koany, koperete kanen isipanin iuni luka amerekekin koapiete katan; naarai toma atan nin ŋes eruenenere isipanin: amoru da naajai aituk naka atan apol noi. Kotukonokinos isipanin kere nina; kikokorioroi amoru alemar kaituk naka atan, kiruata amerekekin, kinyakakis amoru aituk naka atan toma aiboisike. Kotema Yakob atiar, “Ikainacan, lukai bo yesi?” Kotemasi atiar, “Kirai isio Ikaranin.” Kotema kes atiar, “Ŋenete Laban okoku loka Nakor?” Kobonokis ebe, “Kijeni.” Kotema kes atiar, “Eŋalei?” Kobalas ebe, “Eijalei, ido koany, ebunit apeseke Rakel nepepe kamerekekin.” Kotema atiar, “Koany, eroko erai kidiŋ paaran, eroko da apak edolo naetukonokinere ibaren; kiruata amerekekin, kolot aitadak.” Kotemasi atiar, “Mam kipedori, aitodol neetukonokinotor isipanin kere, kikokoriosi amoru kaituk naka atan, kasodete airu amerekekin.” Eroko ŋesi inera kakes, kobu Rakel nepepe kamerekekin nuka papake; naarai ŋes ecokienenei. Kosodi nakeanyunia Yakob Rakel akoku naka Laban onace loka totoke, ka amerekekin nuka Laban onace loka totoke, kikuny Yakob, kikokorio amoru kolema kaituk naka atan, kiruanak esipan loka Laban onace loka totoke, Konu Yakob Rakel, kodelo. Kolimok Yakob Rakel kwape eraar ŋesi onace loka papake, ido kwape eraar okoku loka Rebeka; koker kolimok papake. Kosodi kiira Laban akiro nuka Yakob okoku loka inacike, koker airiamun kaŋes; kotun, konu noi, kitoloma togoke. Kolimok Laban akiro ŋun kere. Kotema Laban ŋes atiar, “Abeit irai ijo akoitika ido akuanaka.” Kiboikin nepepe kaŋes elap ediopet. Kotema Laban Yakob atiar, “Naarai irai onaceka ŋes ibusakinitor ijo aijaanakin eoŋ tai? Kolimokinai, enyoin ekoniropit?” Ajaas Laban adwe aarei, ekiror loka nakapolon Lea, ekiror da loka nadidi Rakel. Ido anonok akonye nuka Lea, konye arai Rakel naetemelel, akonyeneke da nuisiyalamikinete. Kominakite Yakob Rakel, kotema atiar, “Kejaanakini ikar ikanykaarei tetere kiinakini Rakel akokukon nadidi.” Kotema Laban atiar, “Ejok ainakin jo, aitelekarit ainakin ecetuŋanan: kiboikin keoŋ.” Kijaanak Yakob ikar ikanykaarei tetere einakinio Rakel; kosubata apaarasia bala ikidioko, kanuaminar ŋes, Kotema Yakob Laban atiar, “Koinakinai akaberu, naarai adoloto akapaarasia, kalomak mama ejai.” Kotukonok Laban ituŋa kerc luka aibois kaŋin, kipo epucit. Kosodi kedol atiboŋ, koyanau Lea akokuke, koinu ŋes; koloma mamake. Koinak Laban Silupa akebulesit mama ejai akokuke Lea araun akebulesit. Kosodi kiwala akwap, koany ŋesi erai Lea, kotema Laban atiar, “Anyoika bo nu nukiswamak? Mam abu kejaanak jo kanuka Rakel? Aso kanukinyo kinalakinia eoŋ?” Kotema Laban atiar, “Mam ikonio kwaŋin kotoma akwapukosi aikor nadidi ageikin nakapolon. Kodau ber apaarasia akanykaarei nuka nin, kasodete konyet akorakin jo ace kanuka aijaanakin nakijaanakini eoŋ bobo, adaun ikar ice ikanykaarei.” Kiswama Yakob kwaŋin, kodau apaarasia akanykaarei, kokorak ŋes Rakel akokuke aimany. Koinak Laban akokuke Rakel Bilika akebulesit araun akebulesit. Koloma neejai Rakel da, komina Rakel aitelekarit Lea, kijaanak bobo ikar ice ikanykaarei. Koany EJAKAIT ebe aponi kolaai Lea, kopuko akekoik: konye arai Rakel arakan. Kopotuu Lea, kouru ikoku yenitelepat, komaik ekekiror Reuben; kotema atiar, “Naarai abu EJAKAIT koany ikacan; kwana kaminuni do okilenika.” Kopotuu bobo, kouru ikoku yenitelepat; kotema atiar, “Naarai abu EJAKAIT kiira kwape kalaitere, ŋes kainakinia bobo ikoku yen.” Komaik ekekiror Simeon. Kopotuu bobo, kouru ikoku yenitelepat; kotema atiar, “Aso irwan na imorikikin do okilenika keoŋ, naarai kauriki idwe lutelepai iuni.” Ŋes kemaikinere ekekiror Lebi. Kopotuu bobo, kouru ikoku yenitelepat; kotema atiar, “Irwan na eturi EJAKAIT.” Ŋes kemaikinere ekekiror Yuda; kinye kwaŋin aur. Keanyu Rakel ebe mam eurikinit Yakob idwe, kirum Rakel ekokote kanuka inaeike; kolimok Yakob atiar, “Koinakinai idwe, arai mam kiinakin atwani.” Kinep anyunyura naka Yakob, kotema Rakel atiar, “Ajai eoŋ aibois naka Edeke, loimikit akonikoik aur?” Kotema atiar, “Koany abulesitika Bilika, koloma neejai; tetere idoikini akuninika, kadum eoŋ da idwe kamake.” Koinak Bilika abulesitike araun akeberu; koloma Yakob neejai. Kopotuu Bilika, kourik Yakob ikoku yenitelepat. Kotema Rakel atiar, “Katuboki Edeke akirot, eira eporotoka, kainaki da eoŋ ikoku yenitelepat.” Ŋes kemaikinere ekekiror Dan. Kopotuu bobo Bilika abulesit naka Rakel, kourik Yakob ikoku yenitelepat yenikiareit. Kotema Rakel atiar, “Kiwuta kinacika, auta nakagogon, ido epiko.” Komaik ekekiror Naputali. Keanyu Lea ebe enyeki kwaŋin aur, koyanau abulesitike Silupa koinak Yakob araun akeberu. Kourik Silupa abulesit naka Lea Yakob ikoku yenitelepat. Kotema Lea atiar, “Kekemer!” Komaik ekekiror Gad. Kourik Silupa abulesit naka Lea Yakob ikoku yenitelepat yenikiareit, Kotema Lea atiar, “Alakara! Naarai kanyaraenenete apesur nalakara.” Komaik ekekiror Aser. Kolot Reuben kapaarasia nuasakere akima, koany aiduduma kotoma omanikor, koinu totoke Lea. Kosodi Rakel kotema Lea atiar, “Kenainait, koinakinai aiduduma nuka okokukon.” Kolimok ŋes ebe, “Erai akirot naedit jo ademar eoŋ okilenika, ikoto da ademar eoŋ aiduduma nuka ikakoku?” Kotema Rakel atiar, “Ŋes eperio kajo akuare na kanuka aiduduma nuka okokukon.” Kobu Yakob kotoma omanikor eboŋ, koloma Lea aisiriam, kobala ebe, “Kibusakinit alomun mama ajai; naarai abeit kagwelit jo kaiduduina nuka ikakoku.” Kopero kaŋes kakuare kaŋin. Kiira Edeke Lea, kopotuu, kourik Yakob ikoku yenikikanyet yenitelepat. Kotema Lea atiar, “Kainaki Edeke eropitika, naarai abu kainak okilenika abulesitika.” Komaik ekekiror Isakar. Kopotuu bobo Lea, kourik Yakob ikoku yenitelepar yenikikanyetekape. Kiner Lea ebe, “Kainakinit Edeke ainakinet naejok naka adukokinika; natikwana iboienenei do okilenika keoŋ, naarai aurik ŋes idwe lutelepai ikanykape.” Komaik ekekiror Sebulun. Kokau kouru ikoku yenipese, komaik ekekiror Dina. Kiitu Edeke Rakel, kiira ŋes Edeke kopuko akoikike. Kopotuu, kouru ikoku yenitelepat: kobala ebe, “Kalema Edeke amorositika.” Komaik ekekiror Yosep, kobala ebe, “Keyatak Edeke ikoku ice yenitelepat.” Kosodi kedau Rakel aurun Yosep, kotema Yakob Laban atiar, “Kotwarai eoŋ, kalot aiboisika, bukosi. Koinakinai akanor ka ikadwe, luabu kejaanakinia jo, kalot; naarai iieni aijaanakin naabu kejaanak jo.” Kotema Laban ŋes atiar, “Arai ca adumunit asianut kakonyenekon, kopaik ber; naarai aomoom eoŋ ebe abu EJAKAIT kesireren kanukon.” Kotema ŋes atiar, “Kolimokinai ekoniropit, kainak.” Kotema atiar, “Tieni kwape kejaanakinia jo, kwape ajaatar da ikonibaren keoŋ, Naarai ekidioko luajaas kajo eroko eoŋ kebuno, kwana eyatakinos epuaros; abu EJAKAIT kisireren jo kama ameanari eoŋ kere: asa wori bo adumunia eoŋ da lukokaleka?” Kotema atiar, “Kainak inyo?” Kotema Yakob atiar, “Sirikiinak imodiobore; konye arai kiisubak na, ecokienenei bobo ekonisipan ka aidar da. Etori eoŋ lolo osipanikon kere, kalemanari kanen numerieik kere ka nukomolik, ka nukirionok kere kotoma amerekekin, ka nukomolik, ka numerieik kotoma akinei: ŋun eraunos ekaropit. Kwaŋin itejenun akadolit kanukan kokau, kibu ijo kanuka eropitika loejai kakonyenekon; ŋin kere yenimere yenimeri ka yenikomol yenikotoma akinei, ka lukirionok lukotoma omerekekin, arai kidum kamaka imari ŋin araun ikokwara.” Kotema Laban atiar, “Koany, akoto kwape ejaar akonikirot.” Kapaaran kaŋin kogelana ikorwa lupusieik ka lukomolik, ka akinei kere numerieik ka nukomolik; ŋinidiopet kere yenikapel, ka lukirionok lukotoma omerekekin, koinak kes akanin nuka ikedwe; Kitooto kes aleŋitoit naka apaarasia auni kidinike ka Yakob: kicokienenei Yakob luedeunos kosipanin luka Laban. Kolem Yakob asiepen ka atopocono ka aparisia; kolinilin akito, tetere etakanuni akwaŋis naejai toma akito. Kosipok akito nuabu koliŋilig akonyen nuka isipanin toma alelesia nuka ataparin neamasenenete isipanin; kiwacunete kesi kepotu aimat. Kiwacanakis isipanin akonyen nuka akito, kouriata isipanin nul ipusieik, imerieik, ka ikomolik. Kotiak Yakob komerekekin ludidik, kitesesen isipanin mama ejaas ipusieik, ka lukiriokok kere lukotoma osipan loka Laban; kogela isipaninike awai, mam abu kimorikik osipan leka Laban. Kosodi naewacununiata nukatumak kosipan, kibwaik Yakob akito akonyen nuka esipan kotoma alelesia, tetere iwacunete kaneajaas akito; Konye arai esenyit esipan, mam ebwaanakini: kwaŋin luasenyito araas luka Laban, luatumito da araas luka Yakob. Konyanyaar etuŋanan noi noi, kojaas kisipanin luepolok, ka abulesin ka ibulesin, ka akaalai ka asigiria. Kopup ŋesi akiro nuka odwe luka Laban, ebalas ebe, “Kidema Yakob iboro kere luaraas luka papawok: ido kaŋul luaraas luka papawok kes adumunia abar ŋin kere.” Koany Yakob akonyen nuka Laban, ido koany, itegelikina kamaken, Kotema EJAKAIT Yakob atiar, “Koboŋo akwap naka lukapapaakon, mama ejaas iinacanakon, ajaenena eoŋ kajo.” Kiyakia Yakob konyarau Rakel ka Lea kopotu orony neejai esipan. Kotema atiar, “Aany akonyen nuka papakus itegelikina kamaka; konye Edeke loka papaka ejaenena keoŋ. Ido ijenete cut ebe abu kejaanak papakus kakagogon kere. Ido papakus abu kenala, kilocenenei ekaropit irwan atomon; konye mam Edeke abu kocamak aiswamakin eoŋ aronis. Naetemaria kwana ebe, ‘Numerieik, kes eraunos ekoniropit’; kouri esipan kere numerieik: ido naetemaria ebe, ‘Nupusieik kes eraunos ekoniropit’; kouri esipan kere nupusieik. Kwaŋin abu Edeke kodema papakus ikebaren, kainak eoŋ. Kosodi kapaarasia kanun, kiwacu esipan, keteluo akakonye, kaany kotoma airuja, ido koany, ikorwa luakwarete esipan araas lupusieik, ka lumerieik, ka luenirooko. Emalaika da loka Edeke kalimok kotoma airuja ebe, ‘Yakob’; katema atiar, “Eoŋ lo.’ Kotema atiar, ‘Kiteluo kwana akonikonye, koany ikorwa kere luekwarete esipan lupusieik ka lumerieik ka Iuetjirooko; naarai aany kere nukiswamanakini Laban, Arai Eoŋ Edeke loka Bet-el, nekolo ibukokinia akinyet opir, nekiyapoikinio eoŋ aiyaposit; aso do konyou, kolot kakwap kana, kobono akwap nakolo kiwurikinio.’’’ Kobonokis ŋes Rakel ka Lea kotemasi atiar, “Eroko bobo isio kiia kakorakinet arai airumet kotogo loka papakosi? Mam kimarakinit ŋesi sio olonwao? Naarai abu kogwela sio, anyamar da cut ikosiboro. Naarai abara kere naademaa Edeke papakosi ŋes nawok, ka naka idwcwok: asa do nuadau Edeke alimokin jo, kiswama.” Konyou Yakob, kisibwanenik ikedwe ka akenor kuju akaalai; Koyana ibaren kere, ka iboro kere luatukonokinit, ibaren luabu kodumunite, luatukokinit koPadan-Aram, alosit mama ejai Isaak papake akwap naka Kanaan. Alosit Laban aitub ajul nuka amerekekinike; kokokwa Rakel aputosia nuka idekesio nuka papake. Kidadaar Yakob komam Laban Esuriat Ejeŋi, naarai mam abu kolimok elosi. Kwaŋin koker kiboro kere luajaatar; konyou, kikwaijar kocor, kobea oroŋat loka Gilead. Aponi kolimokinai Laban kapaaran kanakiwuniet ebe asi Yakob. Kouparos kikeinacan, kibwapak ŋes apaarasia akanykaarei; kodumak oroŋat loka Gilead. Kobu Edeke mama ejai Laban Esuriat kotoma airuia kuare, kotema atiar, “Kocoite, sirikiner kaYakob nuejok karaida nuereko.” Kodolok Laban Yakob. Ebubukinit Yakob ekewema oroŋat; Laban da ka ikeinacan kibubukis oroŋat loka Gilead. Kotema Laban Yakob atiar, “Ibu kiswama nyo, aisi komam eoŋ ajeni, kosodi ayaŋaar cut adweka kwape nuunatan kekileŋ? Kanukinyo kisia, aidadaar kamaka; komam kilimokinit, tikatwarit kaboliasia ka ikososio ka isiman ka adeudeu? Kwabo mam ibu kisunup eoŋ ainu ikadwe lusap ka lupesur? Iswama do nuka abaŋaanut, Ejai eoŋ apedor aiswamakin jo erono: konye Edeke loka papakon ŋes kinera keoŋ kuare ebe, ‘Kocoite, sirikiner kaYakob nuejok karaida nueroko.’ Natikwana da karaida kikoto alosit, naarai kimuit ijo ere loka papakon itia bo inyo kikokwaria ikadekesio?” Koboŋok Yakob kotema Laban atiar, “Naarai abu-kakurianar, ebe elemuni jo kodema eoŋ adwekon kagogon. Ŋin yenidumuni ijo ejaas kikonidekesio, mam ejari; kotiaka ijo yenikon yenejai keoŋ kakonyen nuka iwokoinacan, koyana.” Naarai mam Yakob kejeni ebe kekokounit Rakel kes. Koloma Laban owema loka Yakob, owema da loka Lea, owema da loka abulesin aarei, konye mam abu kodum kes. Kolom kowema loka Lea, koloma owema loka Rakel. Kwabo kelemarit Rakel aputosia nuka idekesio, kibwaik kes oboro luka akaalai, kiboikin kes, kinanyinany Laban ewema kere, konye mam edumuna kesi. Kotema papake atiar, “Sirikinyunyurikin ejakaitika kanu mam apedoro anyoun kakonyenekon, naarai ebami eoŋ.” Komo, konye mam edumuna aputosia nuka idekesio. Konyunyurikin Yakob, konolopata kaLaban: Koboŋok Yakob kotema Laban atiar, “Anibo akaronis? Akadiakaret anyoin, kibwapitor arukitor eoŋ? Naarai inanyinany ikaboro kere, inyo bo idum ijo koboro lukotogokon kere? Kibwaik ne akonyen nuka ikainacan, ka ikoniinacan, kotubokis oni luarei. Ikar nul akaisaarei kiia kajo; amerekekinikon, ka akineikon mam eiecununete ikalei, imaseniko da luka esipan mam eoŋ elilanari. Yenapoopooenenei ctian mam kainununei jo, eoŋ katwanianari nin, ibu kitepesenenei eoŋ arai kekokwar paaran, arai kekokwar kuare. Kaiai kwaŋin; paaran kaarite akure noi, ka aterot kuare; kikolerito akakonye. Ikar nul akaisaarei ajai togokon; abu kejaanak ikar itomon ka luoŋon kanuka adwekon, ikar ikanykape da kanuka esipanikon; ibu kilocenenei ekaropit irwan atomon. Kedim Edeke loka papaka, Edeke loka Aburaam, ka Aiyoŋ naka Isaak ajaut keoŋ, timam kikurwok aiiukar eoŋ kwana titai. Abu Edeke koany akaiticanitoi, ka aitaaritoi naka akaninika, kiretak jo bian kuare.” Koboŋok Laban kotema Yakob atiar, “Apcsur eraas akapesur, idwe eraas ikadwe, isipanin da ikasipanin, kere luiseseni eraas luka; eswamakini nyo lolo akapcsur nu, arai ikecedwe luapotu kouriata? Aso do, ketutukot aitutuket, eoŋ ka jo, korai akajenan neaiai eoŋ ka jo.” Koyana Yakob amoru, kosipok araut epir. Kotema Yakob ikeinacan atiar, “Kotukokisi amoru.” Koyaata amoru, kotukokisi atukot; konyamata kidunyasi katukot. Komaik Laban nin Yegar-sakaduta; konye komaik Yakob Galeed. Kotema Laban atiar, “Atukot na ŋes akaienan neajai eoŋ ka jo lolo.” Ŋes kemaikinere ekekiror Galeed. Ka Misupa, naarai kotema atiar, “EJAKAIT kidara eoŋ ka jo, namam kianyununor bobo. Arai kinaru ijo akapesur, arai kimany ijo acenor kinye apesuruka, emamei ecetuŋanan kaoni; koany, Edeke ŋes ekaienan neajai eoŋ ka jo.” Kotema Laban Yakob atiar, “Koany atukot na, ido koany epir, luasipok eoŋ kidinika ka joo. Korau atukot na akajenan, ido epir korau ekajenan, ebe mam atubi eoŋ atukot na abunore mama ijai, ijo da mam itubi atukot na ka epir lo abunore mama ajai, kanuka aronis. Edeke loka Aburaam, ido Edeke loka Nakor, Edeke loka papakec, kotub kokidiniwok.” Kiyapo Yakob kolimite Aiyoŋ naka papake Isaak. Koinak Yakob asubanit koronat, konyarau ikeinacan ainyam atap; konyamata atap, kiboioto akuare kiya koronat. Kodilok Laban ainu ikedwe lutelepai ka lupesur, kilipak arereŋ; konyou Laban, kobono aiboisike. Abu Yakob kolot, kiriamunos kimalaikan luka Edeke. Keany Yakob kes kobala ebe, “Na ŋes ajore naka Edeke.” Komaik aibois nin Makanaim. Kijuka Yakob ikiyakia aiŋarenikin ŋes mama ejai Esau onaceke akwap naka Seir, ŋes emanikor loka Edom. Kicorak kes, kobala ebe, “Kolimokis ejakaitika Esau kwanata ebe; ‘Ebala kwanata ebulesitikon Yakob ebe, Abu keboienenei ka Laban, kajaenenei nina aitodol kwana: Ido ajai kimoŋin ka isigirian, ka isipanin, ka ibulesin, ka abulesin da: ido eyakunit alimokin ekajakait, kadum asianut kakonyenekon.’’’ Kobonut ikiyakia mama ejai Yakob kotemasi atiar, “Kipou kadoloto mama ejai onacekon Esau, ido ebunit ŋesi airiamun kajo; ka ituŋa akwat aoŋon eupas kaŋes.” Kwaŋin kokurianar Yakob noi, kiyalonon; kotiak ituŋa luajaas kaŋes, ka isipanin, ka aituk, ka akaalai araun atukon aarei. Kobala ebe, “Arai kedolok Esau atukot adiopet kitiji, ekui atukot naesali.” Kotema Yakob atiar, “Wu Edeke loka papaaka Aburaam, Edeke loka papaka Isaak, wu EJAKAIT, lokatemari ebe, ‘Kobono akwap nakobukus ido mama kiinacanakon, eoŋ da kasubanakini jo ejok’; Mam kebusakinit nepetai da aitimesia kere, ka nuka abeit da kere, nuibu kitodianak ekonibulesit; naarai abu katub Yorodan lo, kajai kebela bon; kwape kwana da aluor atukon aarei. Kenainait, koyuunai kakan naka onaceka, kakan naka Esau; naarai akuriana ŋes, kinye abunore aitiji eoŋ, toto ka idwe da. Ka jo da ibu kobala ebe, ‘Abeit kasubanakini jo ejok; ido etuluori akoniwur kwape kasine naka aŋolol namam imarun.’’’ Koper nen akuare nin, kolem kotoma kanul luajaas kaŋes araun ainakinet mama ejai Esau onaceke; Akinei akwat aarei, ka ikorwa akaisaarei, amerekekin akwat aarei ka imerekekin akaisaarei; Akaalai nuicirio akaisauni ka idwekec, aituk akaisaoŋon, ka lumaseniko itomon, asigiria akaisaarei ka idwekec itomon. Kititiŋ akanin nuka ibulesinike, nolisipan owaike bon; kotema ibulesinike atiar, “Kinarenikinai kotuboros, kojai apak kidin kesipan ka esipan.” Kicorak Ioenarenikinit kobala ebe, “Nairiamunotor ijo konaceka Esau, kiiŋit jo ebe, ‘Lokanai bo ijo? Ilosi bo ai? Lukanai da nul luejaas kakonyenekon?’ Kolimok ŋes ebc, ‘Luka ebulesitikon Yakob; ŋes ainakinet naeinunitai ejakaitika Esau: ido koany, ejai ŋesi da kaukosi.’” Kicorak lokiareit, ka lokiwuniet da, ka nul kerc luameetos isipanin, kobala ebe, “Ilimokinete Esau kwaŋin kianyutu ŋes. Ido kineras ebe, ‘Koany ebulesitikon Yakob ejai kaukosi.’” Naarai abala ebe, “Esinapikini ŋes kainakinet naegei, kasodi konyet kaany akekonycn; diat kacamuni kanuka ŋun.” Kwaŋin kotubor ainakinet kinarenike: ŋes da elopet koper akuare ŋin nepepe kipaupake. Konyou akuare nin, koya akenor aarei, ka akebulesin aarei, ka ikedwe itomon ka lodiopet, kotubor kodoket loka Yabok. Koya kes, kitutub ecor, kitutub kere luaiaatar. Kosalak Yakob bon; koutata etuŋanan kaŋes aitodol neacilar kide. Keany ebe mam epedori aibirokin, kotiro etul; kinunyakin etul loka Yakob eutas kaŋes. Kotema atiar, “Koosikinai, naarai acila kide.” Kotema atiar, “Mam kaosikin, dimikiinak arereŋ.” Kotema ŋes atiar, “Ekonikiror iŋai?” Kobala ebe, “Eoŋ Yakob.” Kotema atiar, “Ekonikiror mam bobo enyaritai Yakob, dimarai Isirael: naarai ipegata nepepe ka Edeke ka ituŋa, ido iteleka.” Kinit Yakob ŋes kobala ebe, “Kenainait kolimokinai ekonikiror.” Kobala ebe, “Inyo inisitor ekakiror?” Kisireren ŋes kanen. Komaik Yakob aibois nin ekekiror Penuel; kobala ebe, “Naarai aany Edeke kasesenas, akaijar da ajar.” Kolomak ŋes akoloŋ ketub Penuel, kicodokin amurwo. Ŋes mam idwe luka Isirael enyamiata akiriŋ nakotul aitodol lolo, naarai abu kotiro etul loka Yakob, toma akiriŋ nakotul. Kiteluo Yakob akekonye konolia, ido koany, ebunit Esau, ka ikiliok akwat aoŋon eupas kaŋes, Kokoranak idwe neejai Lea ka Rakel ka abulesin nuarei. Kisinaren abulesin ka ikecedwe, kitutupik Lea ka ikedwe, kinyck Rakel ka Yosep kokau. Kotubor ŋesi da elopet kiŋarenikec, Kokukokin kwap irwan akanykaarei, aitodol naekunyakinia die mama ejai onaceke. Koker Esau airiamun kaŋes, kotun ŋes, kibirokin omurisiŋike konu: komonyata akiyo. Kiteluo akekonye, koany aŋor ka idwe; kobala ebe, “Lukaŋai lu lueiaas kajo?” Koboŋok ebe, “Lu kes idwe luabu Edeke koinak ekonibulesit kanuka asianut.” Kosodete kikunyut abulesin, kes nepepe kikecedwe, kokukokinos. Kikuny Lea da ka ikedwe, kokukokinos: kokau kikuny Yosep ka Rakel, kokukekinos. Kobala ebe, “Ekodet ŋol kere lokiriamun keoŋ apolouke inyo?” Koboŋok ebe, “Adumunia asianut kakonyen nuka ejakaitika.” Kobala Esau ebe, “Onac, luejaas keoŋ kadaunito; luejaas kajo koraunos lukon.” Kobala Yakob ebe, “Mam, kenainait, arai kwana adumunit asianut kakonyenckon, kocam akainakinet naka akaninika; naarai aany akonyenekon, kwape eanyunia ctunanan akonyen nuka Edeke, ijo da kisiyalamik eoŋ. Kenainait, kocam akainakinet nakiinun; naarai keswamak Edeke nukasianut, ido naarai Iukijaa keoŋ kadaunito.” Kisidik, kocam. Kobala ebe, “Kageut erot, kaloto, eoŋ da kenarenikini jo.” Kotema atiar, “Ekajakait, ijeni ebe emameete idwe agogoŋ, ido kwape kamerekekin ka aituk nukiiaa keoŋ itanakete: ido arai kemeata noi apaarit adiopet, etwakete isipanin kere. Kenainait, kiŋarenik ejakaitika ekebulesit, eoŋ da alosi motimot, kwape kalosit naka ibaren luejaas kakonyeneka, ido kwape ejaar alosit naka idwe, aitodol neadolunio eoŋ Seir mama ejai ejakaitika.” Kobala Esau ebe, “Aso do kenyekinia ice kotuna lukijaa keoŋ.” Kobala ebe, “Mam akiro; kadum asianut kakonyen nuka ejakaitika.” Kosodi Esau aboŋor kapaarit kaŋin kobea Seir. Kolot Yakob Sukot, koduk eketogo, kobwaik ibarenike aujoi: ŋes keraunor ekiror loka aibois Sukot. Kodol Yakob kainapakina ore loka Sekem, loejai akwap naka Kanaan, kenyou koPadan-Aram; kidukur kinaren naka ere. Kogwel alup nuabu kibubuk ekewema, katutubeta akwatat nuka epuesa kakanin nuka idwe luka Kamor, papa loka Sekem. Kodukok nina etem, komaik ekekiror El-eloke-Isirael. Koloma Dina apese naaurikin Lea Yakob, aanyun apesur nuka akwap. Koanyu Sekem ŋes, okoku loka Kamor Ekibit, ejakait loka akwap; kikam ŋes, koperoto kaŋes, kitisil. Kiketakin eketau mama ejai Dina akoku naka Yakob, komina apese, kinera kapese kasianut. Kinera Sekem kapapake Kamor atiar, “Komanyakinai apese nin.” Kiira Yakob ebe abu ŋesi komunau Dina akokuke; kojaas odweke kikebaren orony; kililin Yakob aitodol nakebonunioto. Koloma Kamor, papake loka Sekem neejai Yakob ainerun kaŋes, Kiirasi odwe luka Yakob ŋun kobonut korony; kokadakis ikesa, konyunyurikinos noi, naarai abu ŋesi kiswama nuka abaŋaanut koIsirael apero kakoku naka Yakob; akirot nin namam ibusakinit aswam. Kineru Kamor kakes ebe, “Etau loka okokuka Sekem ipuda akonipese: kenainait koinak ŋes komany. Ido kamanyanakinos yes kasio; koinanakis sio da akusipesur, yes da komanyete nukosi. Kiboienenete kasio; ejai akwap akonyenekus; kiboienenete, kogwelanarete kotoma, kodumut iborokus.” Abu Sekem kotema papa loka apese ka ikeinacan atiar, “Kadum asianut kakonyenekus, lukibilakinete, kes kainakinete, Etiai kere loka iboro luka emanyit lukitemarete kainakinete kwape ikototor: konye koinakinai apese kamany.” Kobonokis odwe luka Yakob Sekem ka Kamor papake kainal, naarai abu komunau Dina kinacikec. Kotemasi atiar, “Mam sio kipedori akirot na, akorakin kinacikosi nol lomam ekepep: naarai ŋes akirot naka ileic kamakosi. Kopone kala bon, kicamu isio yes: koraut kwape kasio, ebe nolikiliokit kayesi akepeneneo; Kasodete akorakin yes akosipesur, ka sio da kamanycnenete nukus, ido keboienenete kayes, karautu ateker adiopet. Konye arai mam icamunito akepio; kiyanaari akosipese, kaloto.” Kisiyalamikis akecekiro Kamor, ka Sekem okoku loka Kamor. Mam abu ekatumunan kiyap aswam akirot, naarai aminarit apese naka Yakob. Kitopolooritete aitelekarit kere kotogo leka papake. Kopotu Kamor ka Sekem okokuke orute loka ekecere, kinerut kituna luka erekec atiar. “Inapakina ituŋa ŋul, aso kacamakisi kes aiboienen kakwap ka agwelanar; naarai koany, elalakinit kes akwap; kamanyenenete akecepesur, ka oni da kakoranakinete kes nuwok. Kopone kalo bon ŋes iyuuniata ituŋa nul aiboienen kaoni, araun adiopeteker, arai ekepio nolikiliokit kaoni, kwape ekepere kes. Mam ti ikecebaren, ka ikeceboro, ka ikecetian kere keraunos luwok? Konye kacamutu kes, tetere ibojenenete kaoni.” Apotu kere lukelomarete korute loka erekec kiirasi Kamor ka Sekem okokuke; kokepai ŋolikiliokit kere lokelomanari korute loka erekec. Kosodi kapaaran kanakiwunict, eriebas kesi, idwe iarei lutelepai luka Yakob, Simeon ka Lebi, iinacan luka Dina, kitin nolitunanan ekekileŋ, kosurokis ere kaiyeiyea, koarata ikiliok kere. Koarata Kamor ka Sekem kakwanis naka ekileŋ, kitolomut Dina kotogo loka Sekem, koloto. Kopotu odwe luka Yakob mama ejaas luearar, konata ere, naarai apotu komunaut kinacikec. Koyanaasi ikecesipanin ka ikecebaren ka asigiriakec, ka luajaas ore, ka luajaas omanikor; Konatasi abarakec kere, ka idwekec ludidik, ka aijorokec, kere luajaas togo. Kotema Yakob Simeon ka Lebi atiar, “Kisiyalononoto eoŋ, aituwur eoŋ kotoma kaluiboienenete kakwap, kotoma oKanaanin, ka oPerisin: ido eoŋ, naarai ikidioko ikaruna, etukonokinos rwaru aitusurup eoŋ, ka aitoji eoŋ, kamudiario, eoŋ ka ekakal.” Kotemasi atiar, “Kejokuna kereka ŋes aikonakin kinacikos bala nadote?” Kotema Edeke Yakob atiar, “Konyou, kolot Bet-el, kiboikin ŋina: kodukok ŋina etem loka Edeke, loabu kitaanyikin jo naikeria kakonyen nuka onacekon Esau.” Kosodi kotema Yakob lukokaleke, ka nul kere lukeiaas kaŋes atiar, “Kolemasi idekesio lukacekwapin luijaatatar, kitalaunos, kiloco ikusinapen; Kanyoutu, kaloto Bet-el; adukokini eoŋ da ŋina etem loka Edeke, loabu kabonok kapaaran naka icanika, loajaenena keoŋ korot loetorenenei.” Koinakis Yakob idekesio lukacekwapin kere lukejaas akaninikec, ka itetio lukeiaas akikec; kibwa Yakob kes kokwap kelua lokeapie koSekem. Kolototo: kojai akurian naepol oreria luerimoritos kes, mam apotu kibwapakis idwe luka Yakob. Kwaŋin kodolo Yakob Lus, naejai akwap naka Kanaan (nin ŋes Bet-el), ŋes ka ituŋa kere lukejaatar. Kodukok nen etem, komaik aibois El-bet-el: naarai nen etakanikinor Edeke, naakeria kakonyen nuka onaceke. Kotwana Debora akasaan naka Rebeka, kidaikinai kwap naka Bet-el kwap kelua: komaikinai ekiror Alon-bakut. Kitaanyikin bobo Edeke Yakob, nakebunio koPadan-Aram, kisireren ŋes, Kotema Edeke ŋes atiar, “Ekonikiror Yakob: mam bobo kinyaritai Yakob, konye do Isirael ŋes ekonikiror.” Komaik ekekiror Isiracl, Kotema Edeke ŋes atiar, “Eoŋ Edeke Lokapedor kere: kouriar kiyatakin; ateker ka atukot naka atekerin epote kamakon, elomunete da ikabakan kakuanakon. Ido akwap naabu kainak Aburaam ka Isaak, kainakini jo, ka akoniwur naetupanakini ainakini akwap ŋin.” Konyou Edeke kama ejai kaibois kanaeneratatar kaŋes kolot. Kosipok Yakob epir kaibois kanaeneratatar kaŋes, epir loka amoru: kobukok ainakinet namatat, kobukok da akinyet, ‘Komaik Yakob aibois naeneratatar Edeke kaŋes ekiror Bet-el. Kobwota koBet-el; eroko ideuna apak edit adolore Epurat: korieb Rakel aidoun naa ti ono noi. Kosodi erieba ŋesi kanuationor aidoun, kotema akesidon ŋes atiar, “Sirildkurianar; naarai idumuni nat icekoku yenitelepat.” Kosodi kanen, keapu akeijar adaun (naarai abu kotwana), komaik ikoku ekekiror Ben-oni; konye papake komaik ŋes Benyamin. Kotwana Rakel, konukai korot loalosi Epurat (ŋes Bet-lekem), Kitemok Yakob epir kuju kaketes: ŋes Epir loka ates naka Rakel aitodollolo. Kobwot Isirael, kibubuk ewemake juwai loka etogo loeoja noi loka Eder. Kosodi nakiboio Isirael kakwap kaŋin, kolot Reuben kopero ka Bilika aberu naka papake; kiira Isirael ŋun, Emwaasi odwe luka Yakob itomon ka luarei: Odwe luka Lea; Reuben, ekiyai loka Yakob, ka Simeon, ka Lebi, ka Yuda, ka Isakar, ka Sebulun; Odwe luka Rakel; Yosep ka Benyamin. Odwe luka Bilika, abulesit naka Rakel; Dan ka Naputali: Odwe luka Silupa, abulesit naka Lea: Gad ka Aser: nul kes odwe luka Yakob, lukeurio koPadan-Aram. Kodol Yakob mama ejai Isaak papake Mamure, Kiriat-araba (ŋes Keburon), nekiboieneneoto Aburaam ka Isaak. Kobut Isaak ikar akwatat ka akaisakanykauni. Kojal Isaak aijar, kotwana, koyanaarai mama ejaas iketuŋa, komojon kodaunite ikar luipu: kidaata ŋes odweke Esau ka Yakob. Na ŋes aur naka Esau (ŋes Edom). Komany Esau akenor kotoma apesur nuka Kanaan; Ada akoku naka Elon Ekitit, ka Okolibama akoku naka Ana, akoku naka Sibeon Ekibit. Ka Basemat akoku naka Isimael, kinac naka Nebaiot. Ada da kourik Esau Elipas; ka Basemat kourik Reuel; Okolibama kouri Yeus, ka Yalem, ka Kora: nul kes odwe luka Esau lukeurikinio ŋes kakwap naka Kanaan. Koya Esau akenor, ka ikedwe lusap ka lupesur, ka ituŋa kere lukotogoke, ka ikebaren, ka iketiaŋ kere, ka ikeboro kere, luabu kotukokinite kakwap naka Kanaan; kolot acekwap anyoun kaneajai onaceke Yakob. Naarai epu ikeceboro mam apotu kopedosi aiboi nepepe; akwap da nakiboiororotor abu kodidiijiar kanuka ikecebaren. Kiboienenei Esau komoru Seir: Esau ŋes Edom. Na ŋes aur naka Esau papakec loka Iyedomin komoru Seir. Lu kes ikiroria luka odwe luka Esau; Elipas okoku loka Ada aberu naka Esau, ka Reuel okoku loka Basemat aberu naka Esau. Odwe luka Elipas kes Teman, ka Omar, ka Sepo, ka Gatam, ka Kenas. Timuna ŋes aberu naka Elipas okoku loka Esau; kourik Elipas Amalek; nul kes odwe luka Ada aberu naka Esau. Lu kes odwe luka Reuel, Nakat, ka Sera, ka Sama, ka Misa: nul kes odwe luka Basemat aberu naka Esau. Lu kes odwc luka Okolibama akoku naka Ana, akoku naka Sibeon, aberu naka Esau; kourik nin Esau Yeus, ka Yalam, ka Kora. Lu kes ijaka luka odwe luka Esau: odwe luka Elipasekiyai loka Esau; ejakait Teman, ejakait Omar, ejakait Sepo, ejakait Kenas. Ejakait Kora, ejakait Gatam, ejakait Amalek: ŋul kes ijaka lualomunete kama ka Elipas kakwap naka Edom: ŋul kes odwe luka Ada. Lu kes odwe luka Reuel okoku loka Esau; ejakait Nakat, ejakait Sera, ejakait Sama, ejakait Misa; ŋul kes ijaka lualomunete kama ka Reuel kakwap naka Edom; nul kes odwe luka Basemat aberu naka Esau. Lu kes odwe luka Okolibama aberu naka Esau; ejakait Yeus, ejakait Yalam, ejakait Kora: ŋol kes ijaka lualomunete kama ka Okolibama akoku naka Ana, aberu naka Esau. Ŋul kes odwe luka Esau, nul da kes ijakakec: ŋol ŋes Edom. Lu kes odwe luka Seir Ekorit, lueboienenete kakwap; Lotan ka Sobal ka Sibeon ka Ana, Ka Dison ka Eser ka Disan, nul kes ijaka lualomunete kama ka Ikorin, idwe luka Seir kakwap naka Edom. Idwe luka Lotan kes Kori, ka Kemam; kinac naka Lotan ŋes Timuna. Lu kes idwe luka Sobal; Aliban, ka Manakat ka Ebal, ka Sepo ka Onamo Lu kes idwe luka Sibeon; Aia ka Ana: ŋol ijes Ana loadumuni atanin nuibulubulete akipi nuemwaka komodin, icokie isigirian luka Sibeon papake. Lu kes idwe luka Ana; Dison ka Okolibama akoku naka Ana. Lu kes idwe luka Dison; Kemudan ka Esaban ka Itiran ka Ceran. Lu kes idwe luka Eser; Bilukan ka Saaban ka Akan. Lu kes idwe luka Disan; Us ka Aran, Lu kes iiaka luelomunete kama ka Ikorin; ejakait Lotan, ejakait Sobal, ejakait Sibeon, ejakait Ana, Ejakait Dison, ejakait Eser, ejakait Disan: nul kes ijaka lualomunete kama ka Ikorin, kwape ejaatar ikeceiake kakwap naka Seir. Lu kes ikabakan luerumito akwap naka Edom, eroko ekabaka kere kiruma idwe luka Isirael. Bela okoku loka Beor kirum Edom; ekiror loka ereke ŋes Dinakaba. Kotwana Bela, kirum Yobab okoku loka Sera loka Bosura aiboisike. Kotwana Yobab, kirum Kusam loka akwap naka Itemanin aiboisike. Kotwana Kusam, kirum Kadad okoku loka Bedad aiboisike; lokitojie Midian komanikor loka Moab: ekiror loka ereke ŋes Abit. Kotwana Kadad, kirum Samula loka Masereka aiboisike. Kotwana Samula, kirum Saul loka Rekobot loedunyas ka Ecor aiboisike. Kotwana Saul, kirum Baal-Kanan okoku loka Acabor aiboisike. Kotwana Baal-Kanan okoku loka Acabor, kirum Kadar aiboisike: ekiror loka ereke ŋes Pau; ekiror loka aberuke ŋes Mcketabel, akoku naka Matured akoku naka Me-sakab. Lu kes ikiroria luka ijaka lualomunete kama ka Esau; kwape ejaatar ajenakec, kwape cjaatar akeceiboisio, kwape kikiroriakec: ejakait Timuna, ejakait Aluba, ejakait Yetet; Ejakait Okolibama, ejakait Ela, ejakait Pinon; Ejakait Kenas, ejakait Teman, ejakait Mibisar; Ejakait Magudiel, ejakait Iram: nul kes ijaka luka Edom; kwape ejaatar akeceiboisio kakwap naka airumetekec. Ŋol ŋes Esau papakec loka Iyedomin, Kiboiei Yakob kakwap nakolo kiboionono papake, akwap naka Kanaan. Na ŋes aur naka Yakob. Nakeraar Yosep loka ikar itomon ka lukanykaarei, ecokicncnei esipan nepepe kikeinacan; kojaenena etelepat nepepe kodwe luka Bilika, ka odwe luka Silupa, aŋor nuka papake; kideideonokini Yosep papakec akirokec nueroko. Ido amina Isirael Yosep aitelekarit idweke kere, naarai ŋes loaurie kamoionuke; kodonyok ekooti loka acerieik nuipu. Koanyut ikeinacan ebe amina papakec ŋes aitelekarit ikeinacan kere; apotu kolaata, komam bobo ineras kaŋes ejok, dimarai nupeken Uŋet bon. Abu Yosep kiruja airujasit, kolimok ikeinacan: kiyatakis bobo aila ŋes, Kobala kes ebe, “Keŋaiŋaitos, kopupokisi airujasit na naabu keruja: Naarai, koany, bala kieni oni ikes komana, ido koany, konyou ekesitika, kosipokin; ido koany, kopotu ikesikus kirimosi, kokukonokinos ekakesit.” Kobalas ikeinacan ŋes ebe, “Ipedori kereka ijo airum sio? arai ipedori teni ijo ayait sio? “Kiyatakis bobo aila ŋes kanuka airujasiake ka akekiro da. Kiruia bobo aceirujasit, kolimok ikeinacan kobala ebe, “Koany, eruja aceirujasit; ido koany, bala akoloŋ ka elap ka aacer atomon kanadiop kakukonokinos eoŋ.” Kolimok ŋesi papake ka ikeinacan; kitoron papake ŋes, kobala ebe, “Nanyoin bo airujasit na nairujat ijo? Eoŋ ka totokon ka ikoniinacan kiponi aisudedeonokin jo?” Kirum ikeinacan ekokote kanuken; konye koric papake akirot nin kotauke. Koloto ikeinacan acok esipan loka papakec Sekem. Kobala Isirael Yosep ebe, “Mere icokiete ikoniinacan esipan Sekem? Bia keyakia mama ejaas.” Kobala ŋesi ebe, “Eoŋ lo.” Kobala ŋesi ebe, “Aso kolot, koany ikoniinacan, arai ejaas ejok, ka esipan da arai ejai ejok; kinyak akiro.” Kwaŋin kiyakia ŋes anyoun kaditot naka Keburon, kodol Sekem. Kodum etuŋanan ŋes, ido koany, etubitoi kokitwi; kinit etuŋanan ŋol ŋes ebe, “lmoot bo inyo?” Kotema atiar, “Amoot ikainacan; kolimokinai, kenainait, neicokiorito esipan.” Kolimok etuŋanan ŋes ebe, “Anyout kesi kane; naarai abu kapup ebalas ebe, ‘Kaloto Dotan.’’’ Kibwapa Yosep ikeinacan, kodumak kes Dotan. Kiteluosi ŋes eroko elwana, ido eroko keekuna die kinerut aiar ŋes, Kotemanaros atiar, “Koany, abu ca etikerujat je. Aso do kopotu kaarata, kacakakisi toma adiopet kapanya, kitemari oni da ebe, ‘Etiaŋ lokadedenan ŋes kenyami’; kasodete kaanyutu kwape ejauniata rwaru airuiasiake.’ Kopup Reuben akirot nin kitajar kakanikec; kobala cbe, “Kenyekisi aiar.” Kotcma Reuben kes atiar, “Sirikibukosi aokot; kocakakisi aipany na naejai modin, konye sirikidokokis akan,” tetere itaiari ŋes kakanikec, ainyakakin papake. Kosodi kanen, kedolu Yosep mama ejaas ikeinacan, kolacut ekootike loka acerieik nuipu loanapit; Koyaŋaasi ŋes, kocakakis aipany: aonit da aipany komameete akip. Kiboikinos ainyam atap; kiteluosi akecekonye, kosesenata, ido koany, idiai erioŋet loka Isimaelin loabuni koGilead, ka akaalaikec nuebwokitos luesaetc ka emina ka akinyet, idiaete ayaŋaar Misiri. Kotema Yuda ikeinacan ebe, “Ajokis anyoin nakidumuni oni aiar onacewok ka aimunonoor akeokot? Aso, ketwegelata Isimaelin, kwabo kenyekisi aidokokin awokokan mamakeŋ; naarai ŋes onacewok, ŋes awokokuan.” Kopuput ikeinacan ŋes, Kitorut nen Imidianin, ikagwelanarak; kibwosut ikeinacan Yosep alemun kaipany, kitwegelata Isimaelin atutubeta akaisaarei nuka epuesa. Koyanaasi Yosep Misiri. Koboŋ Reuben aipany; ido ko any, komamei Yosep kaipany; kocil ikenapen. Kobono mama ejaas ikeinacan kobala ebe, “Emamei ikoku; okwe, abei eoŋ ai?” Kolemut ekooti loka Yosep, koarata ekoroi lomasenik, kidomakis ekooti aokot; Koyanaasi ekooti loka acerieik nuipu, koinut papakec; kobalas ebe, “Kipou kadumutu lo: asa kojen arai ŋes eko oti loka ikokukon arai mere ŋes.” Kojen, kobala ebe, “Ŋes ekooti loka ikakoku; kenyam ŋes etiaŋ loerono: komamei abuonokin keponi Yosep kopoopoai.” Kocil Yakob ikenapen, kenap epuko kanabet, kokuudian ikekoku apaarasia nuipu. Konyout ikedwe kere lusap ka lupesur aitalakar ŋes; konye kogir aitalakario; kobala ebe, “Alomari okatwak mama ejai ikakoku aroko amonyi.” Komony papake akiyo kanuken. Kitwegelata ŋes Imidianin Potipar koMisiri, ŋes ejakait loka Parao, ekapolon loka iserikalen. Kosodi kapaarasia kanun, konyou Yuda kama ejaas ikeinacan, koloma mama ejai Edulamit, ekekiror Kira. Koany Yuda kanen apese naka Ekanaanit ekekiror Sua; koyana ŋes, koloma mama ejai, Kopotuu, kidou ikoku yenitelepat; komaik ekekiror Er. Kopotuu bobo, kidou ikoku yenitelepat; komaik ekekiror Onan. Kidou bobo da ikoku yenitelepat, komaik ekekiror Sela; ajai Cesib, nakidounio ŋes, Komanyak Yuda Er ekekiyai aberu, ekekiror Tamar. Arono Er, ekiyai loka Yuda, kakonyen nuka EJAKAIT; koar EJAKAIT ŋes. Kotema Yuda Onan atiar, “Koloma mama ejai aberu naka onacekon, kikonak ŋes kwape kibusakinitor onace loka lokatwan, kodumak onacekon aur.” Kojen Onan ebe mam aur emaikinio nake; kosodi nakelomaria mama ejai aberu naka onaceke, kobukonori kwap, kinyek ainakin onaceke aur. Akirot ŋin nakiswamai arono kakonyen nuka EJAKAIT: koar ŋes da. Kosodi kotema Yuda Tamar aberu naka okokuke atiar, “Kosal irai apuserut kotogo loka papakon, aitodol neepolooror Sela okokuka”; naarai kotema atiar, “Kinye ŋes da atwanare, kwape kikeinacan.” Kolot Tamar kiboienenei kotogo loka papake. Kotuboros apaarasia kotwana aberu naka Yuda akoku naka Sua; kosub Yuda asuban, kosodi kolot mama ejaas ikekatubok ajulo nuka amerekekin koTimuna, ŋes ka ekepapero Kira Edulamit. Kolimokinai Tamar atiar, “Koany, papaakon elosi Timuna aitub ajulo nuka amerekekin.” Kolaca inapen luka eipuseruneke, kimuko ekereet, kimukor kegoe kiboikin orute loka Enaim, loejai orot loelosi Timuna; naarai abu koany ebe apoloor Sela, komam einakina airumakin kaŋes. Keanyu Yuda ŋes, koomite ebe nadote; naarai kimukorit akekonyen. Kopaa korot neejai, kotema atiar, “Ikatuan, kenainait, kiyu kaloma mama ijai.” Naarai mam ajeni ebe ŋes aberu naka okokuke, Kotema atiar, “Kiinakini con inyo, arai kilom mama ajai?” Kotema atiar, “Kejukakini ikalol yenika akinei kosipan.” Kotema atiar, “Kititini eoŋ inyo aitodol neijukunia?” Kotema atiar, “Aititiŋet anyoin kainakini?” Kotema atiar, “Egilutukon ka aunokon, ka ebela loejai akanikon.” Koinak ŋes, koloma mama ejai, kopotik ŋes, Konyou kolot, kolaca ekegoe lokimukos, konap inapen luka eipuserune. Kijuka Yuda ikalol yenika akinei kakan naka epaperoke Edulamit, ainyakunia aititiŋet kakan naka aberu: konye mam abu kodum ŋes. Kinit tuna luka aibois naka aberu atiar, “Anibo nadote nalem ejai Enaim ariri naka erot?” Kotemasi atiar, “Emamei lem nadote kane.” Kobono mama ejai Yuda, kotema atiar, “Mam abu kadum ŋes, ido ebalasi ituŋa luka aibois ebe, ‘Emamei lem nadote kane.’’’ Kotema Yuda atiar, “Kenyeisi koyanaa, kinyein aisurum oni ileic; koany, ejuka ikalol yen, mam jo idumunit ŋes.” Kosodi ketuboros ilapio kwaka iuni, kolimokinai Yuda ebe, “Erai Tamar aberu naka okokukon naadote; ido koany, epotie akoik naka adoteu.” Kotema Yuda atiar, “Kitolomut ŋes, kicweai.” Nakitolomasi ŋes, kiyakik papaake atiar, “Ekiliokit elopet iboro lu, ŋes kapotikini.” Kotema atiar, “Kenainait, kojen lukanai lu, egilut, ka auno, ka ebela.” Kocam Yuda kes, kotema atiar, “Ketelekaa eoŋ karaut naedolit, naarai mam abu kainak ŋes Sela okokuka.” Mam bobo abu kojenu ŋes. Kosodi, kedol apak naka aidoun, koany, kojaas imwatok kakoikike. Kosodi keapu aidoun kitolom idiope akan; kitin akesidon koenik eusi lokareŋan akan, kinera atiar, “Yen ŋes esiau alomun.” Kosodi nakinyaka akan, koany, kolomu onaceke; kotema atiar, “Kanukinyo icilunori ijo kanukon?” ŋes kemaikinere ekekiror Peres. Kokau kolom onaceke, loejai eusi lokarenan akanike; komaik ekekiror Sera. Koyanaarai Yosep Misiri; kosodi Potipar, ejakait loka Parao, ekapolon loka iserikalen, Emisiriat, agwel ŋes kakanin nuka Isimaelin, lukeyaunete ŋes nen. Kojai EJAKAIT ka Yosep, kokerianar, kiboie kotogo loka ekapolonike Emisiriat. Koany ekapolonike kwape eiaar EJAKAIT kaŋes, ido kwape abu EJAKAIT kitekeriana ninibore kere yenikiswamai. Kodum Yosep asianut kakonyeneke, kijaanak; kodakak ŋes araut ekaanyanaran kotogoke, kititin lukejaas kaŋes kere. Kosodi ageun kapak naadakakinia araun ekaanyanaran kotogoke, ayait ninibore kere yenaiaatatar, kisireren EJAKAIT etogo loka Emisiriat kanuka Yosep; arereŋ da naka EJAKAIT kojai kaninibore yenajaatatar ŋesi, lukotogo ka lukomana da. Kinyekik kere luajaatatar ŋesi kakan naka Yoscp, komam ejeŋi ibore yeneiai kaŋes nabarai inyamat lukenyamenenei. Ido arai Yosep lotemel, akekonyen da nuisiyalamikinete, Kosodi kokau kanun, kosesen aberu naka ekapolonike Yosep; kotema atiar, “Kapero.” Konye kogiri ŋesi, kolimok aberu naka ekapolonike ebe, “Koany, mam ekapolonika ejeŋi Iueja keoŋ kotogo, ido abu ketitin kere; Emamei loketelekarit eoŋ kapolou kotogo kalo; emamei da imodiobore yenimam kainakinit nabarai ijo bon, naarai irai ijo akeberu: aso ekoni apedori ai aswam aronis naetia nen, adiakar da kama ejai Edeke?” Kosodi kinerenena kaYosep ninipaaran, komam enupakini apero kaijcs karaida aiboi kaŋes. Kosodi kapakio kanun koloma togo aswam akeswamisio; komameete ituŋa lukotogo kanen, Kitin akenapito, kobala ebc, “Kapero.” Kinyek Yosep akenapito kakanike koburucar koker kina. Kosodi kanen keanyu ebe enyek Yosep akenapito kakanike aker da, Konyarau ituija luajaas togoke, kobala kes ebe, “Koany, kiinu Eburaniat aboliar oni; alom ŋesi mama ajai ebe tikiipere keoŋ, keluluk eoŋ keporoto loepol: Kosodi kiira ebe eluluk eoŋ keworoi, kinyekini do akenapito kama ajai con, kopaar akerit.” Kinadak anapitoke aitodol nakeboŋunio l ekapolonike ore. Kolimonok kwape kejaatatar akiro nu cbe, “Ekonibulesit Eburaniat lukiinuni, abu kolom mama ajai aboliar eoŋ; Kosodi kanen keluluk eoŋ keworotoi, kinyek akenapito kama ajai, koker.” Kosodi kiira ckapolonike akiro nuka aberuke nukelimonokini ebe, “Ekonibulesit abu keswamak eoŋ kwaŋin”; kinep akenyunyura, Kosodi ekapolonike ayaŋaar Yosep, kibwaik aidaris, Konye kojai EJAKAIT ka Yosep kitodik nukasianut, koinak arereŋ kakonycn nuka ekedaran loka aidaris. Kititin ekedaran loka aidaris ienan kere lukejaas aidaris akanin nuka Yosep; ŋes da etetemenenei kere nukiswamaenenete kanen, Mam ekedaran loka aidaris apodo imodiobore kere yenabu kititin ŋes; naarai ajai EJAKAIT kaŋes; kitekerianite EJAKAIT nukiswamaenenei ŋesi kere. Kosodi kokau kanun, kodiakasi ekawokon loka ekabaka loka Misiri, ka ekepoonike da kama ejai ejakaitikec ekabaka loka Misiri. Konyunyurik Parao ikekeswamak kere, ekapolon loka ikawokok, ka ekapolon loka ikepook da. Koenik kes togo loka ekapolon loka iserikalen, toma aidaris, aibois naeenitere Yosep. Abu ekapolon loka iserikalen kititin kes Yosep, kijaanak kes. Kodaut kanen apak. Kirujata luarei, ŋinituŋanan akeiruiasit, kotoma akuare adiopet, ninitunanan kwape ejaar apolou naka airujasitike, ekawokon ka ekepoon loka ekabaka loka Misiri, luaenitai kotoma aidaris. Koloma Yosep neaiaas kesi tupuruc, koanyu kes, ido koany, akadakinito. Kinit ikeswamak luka Parao luaenitai nenipe kaŋes kotoma togo loka ejakaitike, ebe, “Inyo itakaniata ikadakinito lolo?” Kotemasi ŋes atiar, “Kiruja isio airujasit; konye emamei yenepedori aitejenun apolouke.” Kotema kes Yosep atiar, “Mam kereka aitejenun apolou erai naka Edeke? Kolimokinai cani, kenainaitos.” Kolimok ekawokon lokapolon Yosep akeirujasit, kotema ŋes atiar, “Toma airujasitika, koany, bala ajai emusabibu akonyeneka; Omusabibu da ajaas atenuna auni: kosubite bala elibi, kituro atur; aibunetake da koraata araito nuekokito. Kojai da aikopo naka Parao akanika; kalem araito, kacuanak toma aikopo naka Parao, kainak aikopo akan naka Parao.” Kotema Yosep ŋes atiar, “Na ŋes akepolou: atenuna auni kes apaarasia auni: Akaulo kapaarasia auni itonyouni Parao akonikou, kosodi ainyakar toma aswamukon: ido ijaanakini aikopo akan naka Parao, kwape ajaar lem epone iriŋa irai ekawokonike. Konye kiitununei eoŋ da naidumunia aiokis, kitodik eoŋ asianut, kenainait, kolimonori eoŋ kama ka Parao, kolem eoŋ kotogo kalo. Naarai abeit kakokounio kakwap naka Iburanian; kane da mam eswamat adiokirot natikebwaikiniata eoŋ aidaris.” Keanyu ekepoon lokapolon ebe ejok apolou naka akiro, kotema ŋesi Yosep atiar, “Eoŋ da ajai akairujasit, ido koany, bala ebwokit ibukito iuni luajaas imugatin luekwanak; Obukit da lokokuju ajaas iponesio kere luka inyamat luepee luka Parao; konyamakis akweny obukit kokuju akouka.” Koboŋok Yosep atiar, “Na ŋes akepolou, ibukito iuni kes apaarasia auni; Akaulo kapaarasia auni itonyouni Parao akonikou anyoun kama ijai, kikaiakini jo okitoi; akweny da enyamete akonikirin alemunun kamakon.” Kosodi kapaaran kanakiwuniet, apaaran nakewuriere Parao, kipoik ikekejaanakinak kere inyamat luipu; kitonyou akou naka ekawokon lokapolon, akou da naka ekepoon lokapolon kokejaanakinakake. Kinyaku bobo ekawokon lokapolon toma aiwokoke; kijaanak aikopo akan naka Parao; Konye kikajak ekepoon lokapolon: kwape etejenunitor kes Yosep apolou. Konye mam ekawokon lokapolon abu kiitu Yosep, konye abu kimurwok. Kosodi akaulo kikar iarei, kiruja Parao: ido koany, bala ebwoi kariri naka ecor. Ido koany, bala apotu kolomut kocor aituk akanykaarei nuejok nuetumito, kodakasi toma osege. Ido koany, aituk ace akanykaarei kotupakis kwa, kolomut kocor, irikorodas kosenyito; kobwaata kariri naka ecor kama ejaas aituk nuce. Aituk nuerikorodas nuasenyito konyama aituk akanykaarei nuajok nuatumito. Kokweny Parao. Kojotoor kiruia irwan nakiareit, ido koany, bala kosuroto kakimait adiopet aluŋuren nuka akima akanykaarei, iturananas kojokuka. Ido koany, aluŋuren akanykaarei nutinoi nuesirinyorit ekwam lokokide kotupakis kobwanut. Aluŋuren nutinoi kilikos aluŋuren akanykaarei nuturan nukapolok. Kokweny Parao,’ ido koany, erai airujasit. Kosodi kiwala akwap kiyalonon eketau; kiyakia anyaraun imurwok kere luka Misiri, ka lukacoa kere: kolimok Parao airujasitike; konye komamu yenabu kopedo aitejenikin Parao apolouke. Kosodi ekawokon lokapolon alimokin Parao ebe, “Eitu lolo akaibucareta: Abu Parao konyunyurik ikebulesin, koen kotogo loka ekapolon loka iserikalen: eoŋ ka ekepoon lokapolon da; Kerujata airujasit kakuare adiopet, eoŋ ka ŋes; kipou kerujata ŋinitunanan kwape ajaar apolou naka airujasitike; Ido kojai nepepe kasio etelepat Eburaniat, ebulesit loka ekapolon loka iserikalen; kalimonokisi ŋes; kitejenik apolou naka airujasiakosi; kitejenik ninitunanan kwape kejaar akeirujasit. Kosodi kanen, kwape kitejenikinia ŋesi sio, kikonakis kwape kwaŋin; kenyakak eoŋ aswamuka, ka ŋol da kikajak.” Kosodi Parao aijukar anyaraun Yosep, koyaut ŋes atipet kaidaris: kobaren, kiloeok akenapito, koloma mama ejai Parao. Kobala Parao Yosep atiar, “Erujat eoŋ airujasit, konye emamei yenepedori aitejenun apolouke: ido eira kilimitoi ebe naipupunio ijo airujasit ipedori aitejenun apolouke.” Koboŋok Yosep Parao atiar, “Mere nukaŋ: Edeke ŋes einakini Parao abonokinio naka ainapakin.” Kotema Parao Yosep atiar, “Toma airujasitika, koany, bala abwoi eoŋ kariri naka ecor. Ido koany, bala apotu kolomut koeor aituk akanykaarei, nuetumito nukaiokak; kodakasi toma osege. Ido koany, aituk akanykaarei ace kotupakis kwa kolomut koeor, nudokor nuerikorodas noi, nukasenyak, numam aanyunit apeŋo nukitetemet akeeeronis kakwap nako Misiri kere. Aituk nukasenyak nurikoda konyamata aituk akanykaarei nukatumak nuageete; Aso kedaut ainyam, mam ipedori ajenun ebe kenyamito; naarai aroko edokororos kwape ajaatar sek. Kasodi akwenyun. Kaanyu kotoma airujaka, ido koany, bala kosuroto kakimait adiopet aluŋuren akanykaarei nuturaij nukaiokak; Ido koany, bala aluŋuren akanykaarei nuawokito, nutinoi, nuesirinyorit ekwam lokokide, kotupakis kobwanut. Apotu aluŋuren nutinoi kilikosi aluŋuren nuturaŋ akanykaarei, Kalimok imurwok; konye komamu yenepedori aitejenikin eoŋ apolouke.” Kotema Yosep Parao atiar, “Airujasit naka Parao erai adiopet: nuelosi Edeke aisub, kes nualimoki ŋesi Parao. Aituk akanykaarei nukajokak kes ikar ikanykaarei, ka aluŋuren akanykaarei nuturan kes ikar ikanykaarei; airujasit erai adiopet. Aituk da akanykaarei nukasenyak nurikoda nuatupakinete, kes ikar ikanykaarei, ido aluŋuren akanykaarei nuesirinyorit ekwam lokokide; eraunos ŋun ikar ikanykaarei luka ebeli. Ŋin ŋes akirot naalimok eoŋ Parao; nuelosi Edeke aisub, etodiki ŋesi Parao. Koany, epote ikar ikanykaarei luka amio naepol noi anatar akwap kere nako Misiri. Kokau kanul ejaunete ikar ikanykaarei luka ebeli; kisimurwokinete amio kere naka akwap nako Misiri; emudiari da ebeli akwap. Amio da mam ejenunio kakwap kanuka ebeli loetupakini; naarai ededeneari noi jokan. Aponi kirucakinai Parao airujasit, naarai itogogonit Edeke akirot, itodolikini da Edeke ŋun atipet. Aso do komou Parao etuŋanan loemisiana lokaeoa, kodakak ayait akwap nako Misiri. Kiswama Parao kwaŋin, ido kibwaik ikaanyanarak kakwap, kinadak idiopet kokany yenika akwap nako Misiri kokar ikanykaarei luka amio. Kotukonokinai inyamat kere luka ikar kalu kaluejok lueponito, kinadai akima akan naka Pamo oreria lukapolok, kidarai. Inyamat nul da eraunete imono luka akwap kanuka ikar ikanykaarei luka ebeli, luejaunete akwap nako Misiri; kinye akwap atwanare ebeli.” Akirot nin ajokuna kakonye nuka Parao, kakonye da nuka ikekejaanakinako Kotema Parao ikekejaanakinak atiar, “Kipedori adumun etuŋanan loeputos kalo, etuŋanan loejai emoyo loka Edeke?” Kotema Parao Yosep atiar, “Naarai kitodik Edeke jo ŋun kere, emamei loemisiana lokaeoa da kwape kajo, Iyai ijo ekatogo, ido kwape ejaar akonikirot kirimaretc ikatuŋa kere; dimarai ajakanutuka bon ketelekaria jo kapolou.” Kotema Parao Yosep atiar, “Koany, kadakak jo ayait akwap kere nako Misiri.” Kolaca Parao ekegilut lokaanyunet kobokoritike, kitanapik obokorit loka Yosep, kitanap inapen luka abaputa naejok, kitanapik irikot yenika esabu omurisiŋike, Kitolot kagali kanakiareit naajai ŋesi. Kolimoroi kakonyeneke ebe, “Kokukokinos.” Kodakak ayait akwap kere nako Misiri. Kobala Parao Yosep ebe, “Eoŋ Parao, emamei bobo ituŋanan yenitonyouni akekan karaida akekeju kakwap kere nako Misiri, dimarai kisiik ijo.” Komaik Parao Yosep ekekiror Sapenat-panea; koinak Asenat akoku naka Poti-pera esasedoti loka On aimany. Kolot Yosep kirimo akwap kere nako Misiri. Kerai Yosep laka ikar akaisauni naabwoia kakonyen nuka Parao ekabaka loka Misiri. Konyou Yosep kama ejai Parao, kolot anatar akwap kere nako Misiri. Kokar ikanykaarei luka amio, kobwan akwap inyamat luipu noi. Kotukonokinenei inyamat kere luka ikar ikanykaarei luajaunete akwap nako Misiri, kiijadanakinenei inyamat oreria; inyamat luka amanan nuerimorito nolirc, cnadanakinenei ore ŋol. Kinada Yosep akima nuipu noi kwape kasine naka aŋolol, aitodol neenyeinia aimar; naarai mam emarunos. Kouri Yosep idwe iarei, koroko ekaru loka ebeli kedoluno, luaurikin Asenat akoku naka Poti-pera esasedoti loka On. Komaik Yosep ekiyai ekekiror Manase ebe, “Naarai kesumurwoki Edeke akaitaaritoi, ka ekal loka papaka kere.” Lokiareit da komaik ekekiror Epuraim ebe, “Naarai ketupu Edeke eoŋ kakwap naka aiticanioka.” Kodaunos do ikar ikanykaarei luka amio luajaas akwap nako Misiri. Kogeunos ikar ikanykaarei luka ebeli, kwape kebalar Yosep: kojaun ebeli akwapin kere, konye kojaas inyamat akwap kere nako Misiri. Naariebia eteŋei akwap kere nako Misiri, komonyatar ituŋa Parao kanuka inyamat. Kotema Parao Imisirian kere atiar, “Kolosenenete neejai Yosep; nukitemanari ŋesi yes, kiswamanakinete kwaŋin.” Konata ebeli akwapin kere; konaa Yosep imono kere kitwegelenenei Imisirian; kodcdenear ebeli kakwap nako Misiri. Lukakwapin kere koponenakinete Yosep koMisiri agwel akima; naarai kodedenear ebeli kakwapin kere. Kosodi kejenu Yakob ebe ejaas akima Misiri, kotema Yakob odweke atiar, “Kanukinyo inolianakinotor?” Kotema atiar, “Koany, apup ebe ejaas akima Misiri: aso kiiesaros kogwelut kaŋina; kajarata, kenyeis atwakare.” Kiiesaros iinacan lutomon luka Yosep agwel akima Misiri. Konye mam Yakob abu kiyakia Benyamin onace loka Yosep, nepepe kikeinacan; naarai abala ebe, “Elemuni kodoik aronis.” Kopotu odwe luka Isirael egwelet nepepe kanul kaluaponenenete: naarai ajai ebeli akwap naka Kanaan. Kerai Yosep ekayaiton loka akwap; nol ŋes loetwegelenenei ituŋa kere luka akwap; kopotu iinacan luka Yosep, kisudedoto kakonyencke. Koany Yosep ikeinacan kojen kes, konye kituluor bala lokaceteker kamakec, kisiejanak, kobala kes ebe, “Kipote kai?” Kotemasi ŋes ebe, “Akwap naka Kanaan agwel inyamat.” Kojen Yosep ikeinacan, konye mam kes apotu kojenutu ŋes, Kiitu Yosep airuiasia nuerujai kanukec, kotema kes atiar, “Iraas ikarotak: iponito aanyun akwap kwape ilarononor.” Kobalas ebe, “Mam, papa, konye eponitos ikonibulesin egwelet inyamat. Isio ke re kirai idwe luka ediopetunanan; kirai da lukabeit, ikonibulesin mam eraas ikarctak nepetai da.” Kobala kes ebe, “Mam, konye iponitos aanyun akwap kwape ilarononor.” Kobalas ebe, “Mam. Isio ikonibulesin kirai iinacan lutomon kaarei, idwe luka ediopetunanan kakwap naka Kanaan; ido koany, ikosiŋoorit ejai nepepe kapapakosi kiton lolo, idiopet da emamei.” Kobala Yosep kes ebe, “Ŋes nipenin nakabalar eoŋ yes ebe ‘Iraas ikarotak’; Mere ber kigimoroi akusikirot. Madi Parao, mam inyounete kane dimikito kebu ikusinoorit da nepene. Kiyakiasi aupakus ediopet, koom onaeekus, ka yes da kienio, tetere igimorio akusikiro, arai ejai abeit mamakus; arai mere kwaŋin, madi Parao, abeit iraas ikarotak.” Kibwaik kes kere nepepe aidaris apaarasia auni. Kobala Yosep kes kapaaran kanakiwuniet ebe, “Kiswamata kwanata, tetere ijarete: naarai ayoŋit eoŋ Edeke. Arai teni iraas lukabeit, koenai cani ediopet koinacanakus kaidarisikus; konye kolototo luce, koyanaasi akima nuka eteŋei lokokalekus; ido koinuniata inooritikus; kosodete akirokus aitogogoŋio, yes da mam itwakete.” Kiswamata kwaŋin, Kotemanaros bonik ebe, “Abeit kidiakarit kanuka onaeewok, naarai kipou kaanyutu eketau kwape eticanitor, kwape kinainaitor, oni da kipou kagiro apupun; ŋes kidoikinioto ican lu.” Koboŋok Reuben kes ebe, “Mam eoŋ abu kalimok yes ebe, ‘Sirikidiakata nuka ikoku’; kosodete yes aigir apupun? ŋes kitepesenitotor oni akeokot.” Mam apotu kojenut ebe ejeŋi Yosep akecekiro; naarai ajai ekejulan kidinike kakes. Kibonok kes epur, komony akiyo; kobono bobo mama ejaas, kiner kakes, kocupo Simeon kokidinikec, koen kakonyekec. Kosodi Yosep aicorakin ailelebanar iborokec akima, ainyakakin da ŋolituŋanan akepesan opukoke, ainanakin da inyamat luka erot: kiswamanakinai kwaŋin. Kisibwoka asigiriakec akima, kolototo. Naalaearia aupakec ediopet epukoke aitanyam akesigiria kaibois naaperete, koturiaikin akepesan; ido koany, kejaas aituk naka epukoke. Kotema ikeinacan atiar, “Kenyakakin akapesan; ido koany, ejaas opukoka.” Kodusaununos itauonokec, kibelonokinos komaranete, kobalas ebe, “Inyo bo lolo yenikisubak oni Edeke?” Kopotu neejai papakec Yakob akwap naka Kanaan, kolimonokis kere nuapotu kodoikis kes; ebe, “Etuŋanan, ekapolon loka akwap, abu kisiejanak sio, koomite ebe kirai isio ikarotak akwap. Katemasi atiar,, Kirai lukabcit; mam kirai ikarotak; Kirai iinaean lutomon ka luarei, odwe luka papakosi; idiopet emamei, ikosiŋoorit da ejai kapapakosi kiton lolo kakwap naka Kanaan.’ Etuŋanan, ekapolon loka akwap, kotema sio atiar, ‘Kwanata ŋes ajenunia ebe iraas lukabeit; kinyeinere ediopet koinaeanakus, koyanaasi akima kanuka eteŋei lokokaliakus, koloto. Koinut ikusinoorit; kasodi kaien ebe mam eut iraas ikarotak, konye iraas lukabcit; kalaeakinete do onaeekus, yes da igwelenenete do kakwap kana.’’’ Kosodi ebukete iboro lukotoma opukoikee, koany, eriagi loka apesan loka nolitunanan kojai opukoke: keanyutu kesi ka papakee iriaginikee luka apesan, kokuriakaros. Kobala papakec Yakob kes ebe, “Kidemasi eoŋ ikadwe: Yosep emamei, Simeon da emamei, ido bobo kikotos ademar Benyamin da; ŋun kere kalanirikinitos.” Kotema Reuben papake ebe, “lari ijo odweka luarei, arai mam enyakunit mamakon; koinakinai akanika, enyakuni eoŋ ŋes bobo mamakon.” Kobala ebe, “Mam ikakoku elosi nepepe kayes; naarai abu onaceke kotwana, ŋes da asalaki bon; kedoiki aronis korot kaloitorete, itolomarete akakorwo toma okatwak kanuka aiturur.” Kodedenear ebeli kakwap. Kosodi kanen, kedaut ainyam akima kere nuaomete koMisiri, kotema kes papakec atiar, “Koloto bobo, kogwelut idisinyamat.” Kobala Yuda ŋes ebe, “Abu etuŋanan kiyapoik sio cut, kobala ebe, ‘Mam ianyunete akakonyen dimikito ejai onacekus kayes.’ Arai ijukari onacekos kasio, kilosi agwelakin jo inyamat; Konye arai mam iiukari, mam kilosi: naarai abu etuŋanan kobala sio ebe, ‘Mam ianyunete akakonyen, dimikito ejai onacekus kayes.’’’ Kobala Isirael ebe, “Kanukinyo kiswamakiniata eoŋ erono kwaŋin, alimokin etuŋanan ebe ejai onacekus ece?” Kobalas ebe, “Abu etuŋanan je kinitinit sio kwape kiiaar, ido kwape eiaar cwokokek, kobala ebe, ‘Eroko papakus ejari? Ejai yes onaeekus ece?’ Kalimokis ŋes kwape ejaatar akiro ŋun; tikipedo biai ajenun ebe etemari atiar, ‘Koyaut onaeekus da’?” Kotema Yuda Isirael papake atiar, “Kijuka esapat keoŋ, kinyouni isio da kaloto: tetere kiiari, kenyeisi atwakare, isio ka jo, ka idwckosi ludidik. Araun eoŋ ekabwoiaranike: kitepeseni eoŋ kanuken; arai mam enyakunit mamakon, kebwaik kakonyenekon, kabeik eoŋ akirot apaarasia kere: Naarai kedim isio aitumor, abeit tikiibonu sek irwan nakiareit.” Kobala kes papakee Isirael ebe, “Arai do ikote nen, kiswamata kwanata; koyaata koborokus adisiraito nuka akwap nuitelekarito aiokis, koinakis etuŋanan ainakinet, ediomina, ka ediosik, ka luesaete, ka akinyet, ka emaido ka akunur: Koyaata da apesan aitemisio aarei kotoma akaninikus; koyaata bobo kakaninikus apesan nuenyakunio kaituke nuka ipukoikus; diat kinyakunio kanuka abuikin: Koyaata onaeekus da, konyout, kobonosi mama ejai etuŋanan, Edeke Lokapedor koinak aitimio kakonyen nuka etuŋanan, kolaeak onaeekus je ka Benyamin. Eoŋ da arai katwania idweka, atwaniari.” Koyaata ituŋa ainakinet ŋin, koyaata apesan aitemisio aarei kakaninikee, ka Benyamin; konyout koloto Misiri, kobwaata kakonyen nuka Yosep. Keanyu Yosep Benyamin ejai kakes, kotema ekeŋadan loka etogoke atiar, “Kitoloma ituŋa togo, kopuik, kitemonok; naarai kimori ituŋa ŋul keoŋ luka paaran.” Kiswama etuŋanan kwape kicorakinia Yosep; kitoloma etuŋanan ituŋa togo loka Yosep. Koyona ituŋa, naarai etolomar kes togo loka Yosep; kobalas ebe, “Kanuka apesan nukinyakanakinio opukoiwok ŋes kitolomunere nee; akodokod, kosodi akakakin oni, anatar araun ibulesinike, ka awokosigirian da.” Kikunyakis neejai ekeŋadan loka etogo loka Yosep, kinerata kaŋes kokek loka etogo. Kobalas ebe, “Okwe ejakait, abeit kipou kapotu nasodit agwel inyamat: Kosodi kanen, kiidol aibois naperot, kalaeasi ikosipukoi, ido koany, apesan nuka nolitunanan kojaas aituk naka epukoke, akosipesan da koriana ekeeetiai; kinyakunit bobo kakaninikosi. Ido kiyau aeepesan kakaninikosi agwelia inyamat: mam sio kijeni yenikibwaikini apesanakosi opukoikosi.” Kobala kes ebe, “Ainapakin koiai mama iiaas, sirikiyoŋa, Edekekus ido Edeke loka papakus, ŋes kiinakini abara kotoma opukoikus: aponi kainakin akusipesan.” Kitolomik kes Simeon. Kitoloma etuŋanan ituŋa togo loka Yosep, koinak kes akipi, kilotata akeeekeje: koinak akeeesigirian da inyamat. Kitemonokis ainakinet tetere kebu Yosep paaran; naarai apuput ebe enyamete atap kanen. Aso keboŋu Yosep ore, koinasi ŋes kotogo ainakinet naajai akaninikec, kisudedikinos ŋes, Kiŋit kes kwape ejaatar, kobala ebe, “Enale papakus, emoion loibalasi? Eroko ejari?” Kobalas ebe, “Eŋalei ebulesitikon papakosi, eroko eiari.” Kituluroto akecekwes, kokukumoto. Kiteluo Yosep akekonye, koany onaeeke Benyamin, okoku loka totoke, kobala ebe, “Lo ŋes enooritikus loibalasi yesi?” Kobala ebe, “Edeke kosianik jo, ikakoku.” Kiburak Yosep; naarai arieba noi eketau onaeeke; komo neemonyia; koloma agolake komony kanen. Kilot akonyen, kolom; kotik etau kobala ebe, “Kodutata inyamat.” Kodutakinai ŋes bon, kes da bonik, ka Imisirian da luanyamenenete kaŋes, bonik: naarai mam Imisirian apedorete ainyam nepepe kIburanian; naarai arai nin naketal kama ejaas Imisirian. Kiboikinos kakonyeneke, ekiyai kwape ejaar akepolou, ka eŋoorit da kwape ejaar eiditeuke: koumokis ituŋa noi. Koodonok kes inyamat luajaas akonyeneke; konye aodokinet naka Benyamin kitelekarite nukee irwan akany. Komatata, kiyalamikinos kaŋes. Kicorak ekeŋadan loka etogoke ebe, “Kilelebana ipukoi luka ituŋa inyamat kwape epedoriata kes aibwok, ido kibwaik apesan nuka ŋolituŋanan aituk naka epukoke. Ido kibwaik aikopoka, aikopo naka epuesa aituk naka epuko loka eŋoorit, akepesan da nuka akima.” Kiswama kwape ajaar akirot naenera Yosep. Nakiwala akwap kotwarai ituŋa, kes ka asigirianakec. Kedautu kes anyoun kore, eriŋa ejaas die, kotema Yosep ekeŋadanike atiar, “Konyou, kotupa ituŋa; kidolok ijo kes, kolimok kes ebe, ‘Kanukinyo itacakiniata aronis itia ajokis? Mere na ŋes naemasenena ejakaitika, ŋipeŋin da naedwarenenea? Ipotu kiswamata aronis aswam kwaŋin.’’’ Kodolok, kolimonok kes akiro ŋun. Kotemasi kesi atiar, “Inyo ainaki ejakaitika ener akiro nuikote kwaka ŋun? Madi akuj arai esubito ibulesinikon akirot naetia nen! Koany, apesan nukipou isio kaanyutu kaituke nuka ipukoikosi, kipou kenyakutu mama ijai anyoun kakwap naka Kanaan: okwe tikikwaik ai kikokoi epuesa arai esabu kotoma togo loka ejakaitikon? Ŋinitunanan kotoma obulesinikon yenctakanuni ejai kaŋes, kotwana, isio da kiraun ibulesin luka ejakaitika.” Kinera ebe, “Aso do koraunos kwape ejaatar akusikiro: loetakanuni ejai kaŋes, koraun do ebulesitika; yes da emamuun akirot.” Kosodete kisunyasi kesi awounun nolituŋanan epukoke kwap, kolac ŋolituŋanan ekepuko. Konie, ageun kama ejai ekiyai, kirikak kaneejai eŋoorit: kotakanu do aikopo kopuko loka Benyamin. Kosodete kesi acilicil inapenekec, kibwaanakis iboro nolitunanan asigiriake, kosodete aboŋor ore. Kodol Yuda nepepe kikeinacan togo loka Yosep; kodumutu ŋes eroko ejai: kibirokinos kwap akonyeneke. Kotema Yosep kes atiar, “Akirot anyoin na nakiswamakis? Mam ijenete ebe etuŋanan kwape keoŋ epedori cut aidwar?” Kinera Yuda atiar, “Kitemari bo isio ai ekajakait? Kinera biai? Arai kikwaikini ai kitojokaar? Arou Edeke numam edolito kobulesinikon; koany kirai ibulesin luka ejakaitika, isio ka ŋol da loatakanu ejai aikopo akanike.” Kinera ŋesi ebe, “Madi akuj mam eoŋ eswamai kwaŋin: etuŋanan loatakanu ejai aikopo akanike, ŋes eraun ebulesitika: konye yes, konyout koloto mama ejai papakus kainapakin.” Kosodi Yuda aikunyakin mama ejai, kiner ebe, “Wu ejakaitika, kenainait, mere kiner ekonibulesit akirot aki nuka ejakaitika, ido kinyek akoninyunyura anomor ekonibulesit; naarai isubit ijo cut bala Parao. Abu ejakaitika kinit ikebulesin ebe, “Ejai yes papakus, arai onacekus?” Kasodete isio da alimokin ejakaitika ebe, ‘Ejai sio papakosi, emoionit, ka ikoku da yenaurie ŋesi kemoion, edit ikoku; onaceke da atwana, ŋes esalit bon kodwe luka totoke, emina da papake ŋes.’ Ŋo da kotema ikonibulesin atiar, ‘Koinunai, kaany.’ Katemasi isio ejakaitika atiar, ‘Mam epedori etelepat ainyein papake: naarai arai kinyei papake, etwani papake.’ Kotema ijo ikonibulesin atiar, ‘Mam bobo ianyunete akakonyen dimikito kiupunos kenooritikus.’ Kasodete kiidol neejai ebulesitikon papaka, kalimonokis ŋes akiro nuka ejakaitika. Kosodi papakosi atemar ebe, “Kobonosi bobo, kogwelakis sio idisinyamat.’ Kenerata isio da ebe, ‘Mam kipedori alosit. Arai kiupar kenooritikosi, kilosi: naarai mam kianyuni akonyen nuka etuŋanan dimarai kiupara kenooritikosi.’ Ekonibulesit papaka kotema sio atiar, ‘Ŋenete ebe abu akaberu kaurik eoŋ idwe iarei lutelepai: Konyou idiopet kaneajai, kenera ebe, “Abeit aponi kopoopoai”; eoŋ da ageuni kaŋin mam bobo aanyunit: Ido arai kiidemasi nin da, kosodi kodoik aronis, itolomarete ca akakorwo toma okatwak kanuka aiturur.’ Aso do arai kalot mama ejai ebulesitikon papaka, komamei etelepat kasio: naarai akeijar imorikikina kaiiar naka etelepat: Kosodi arai keanyu etelepat emamei, etwani: ikonibulesin da itolomarete akorwo nuka ebulesitikon papakosi toma okatwak kanuka aiturur. Naarai ekonibulesit ŋes abwouni etelepat kama ejai papaka, kobala ebe, ‘Arai mam ayauni mama ijai, kabei eoŋ akirot kama ejai papaka apaarasia kere.’ Okwe, kenainait, kosal do ekonibulesit ne aibois naka etelepat araun ebulesit loka ejakaitika; kouparos etelepat kiinacanake. Naarai ekwaikini ai alosi mama ejai papaka, komamei etelepat keoŋ? Kenyek aanyun aronis naedolokini papaka.” Kosodi kekurwoki Yosep aitik etauke kakonyen nuka ŋul kere luabwoete aaput kaŋes; kiworo kotema atiar, “Kitolomasi ŋinituŋanan konyout kaneaiai.” Komamuun ituŋanan yenabwoi kaneajai ŋesi, naalimoror Yosep koinacanake. Kodelo noi; kiirasi Imisirian, kiira da etogo loka Parao, Kotema Yosep ikeinacan atiar, “Eoŋ Yosep; eriŋa papaka ejari?” Mam iinacanake apotu kobonokis ŋes: naarai eyalononoete kakonyeneke. Kotema Yosep ikeinacan atiar, “Kikunyutu neaiai, kenainaito.” Kikunyakis. Kotema atiar, “Eoŋ Yosep onacekus, Ioipotu kogwelasi tape kayaunio Misiri. Natikwana sirikiikadakis, karaida anyunyurikin kotauonokus, kanukigwelariata tape kayaunio ne: naarai abu Edeke ketiliŋ eoŋ aitaiar yes. Adau ebeli kotoma akwap ikar iarei: ido eriŋa esalito ikar ikany lumam ekoriere karaida asakia. Ido Edeke ŋes ketilini aitajarikin yes ipapai kotoma akwap, aitajar da yes koraut erioŋet loepol loedeun. Aso mere yes kiyaunete eoŋ ne, nabarai Edeke; ketuluo da papa neejai Parao, ido ejakait loka etogoke kere, ekayaiton akwap kere nako Misiri. Kisunyito, kobonosi neejai papaka, kotemasi ŋes atiar, ‘Okokukon Yosep atema kwanata ebe, “Abu Edeke ketuluo ejakait loka Misiri kere: kobwot neaiai, sirikiyap. Ido iboienenei kakwap nako Gosen, kidunyakin keen, ijo ka ikonidwe, ka idwe luka idwekon, ka akonimerekekin, ka akoniituk, ka luiiaatar kere. Ketanenenei da kanen: naarai eriŋa esalito ikar ikany luka ebeli: kinye aiyarorotoi, ijo ka ekalekon ka luiiaatar.” Ido koany, esesenete akusikonye, akonye da nuka onaceka Benyamin, aitukuka ŋipeŋin inera kayes. Ilimokinete papaka aibusesuka kere kotoma Misiri kwape ejaar, ka nuianyut kere: kiwonyakisi kitwobotut papaka ne.” Kosodi kibirokin omurisin loka onaceke Benyamin, komony akiyo: Benyamin da komony komurisinlke. Konuana ikeinacan kere, komony kamakec: kokau kanun kiyalata ikeinacan kaŋes. Kopupunos akiro ŋun kotogo loka Parao, ebe, “Apotu iinacan luka Yosep.” Kisiyalamikis ŋun Parao, ka ikekejaanakinak da, Kotema Parao Yosep atiar, “Kolimok iinacanakon ebe, ‘Kikwaikis neta: kisibwoka itianikus iboro, koloto kakwap nako Kanaan; Kooma papakus ka ikaliakus, kopotu mamakaŋ: eoŋ da kainakinete luejok luka akwap nako Misiri, ido inyamenenete lukaiokak luka akwap.’ Natikwana kecorakinit jo, kikwaikis neta: koyanaasi agalin kakwap nako Misiri kanuka idwekus ludidik, ka aŋorokus da, koyaut papakus, kopotu. Sirikipodokinos da iborokus luinyeinete: naarai ajokis naka akwap nako Misiri nakus.” Kiswamata odwe luka Isirael kwaŋin: abu Yosep koinak kes agalin, kwape kicorakinia Parao, koinak da inyamat luka erot. Abu koinak nolitunanan kere inapen luibusak, konye abu koinak Benyamin atutubeta nuka epuesa akwat auni ka inapen ikany luibusak. Kijukak papake kwanata; isigirian itomon luebwokitos lukajokak luko Misiri, ka asigirian nuunor atomon nuebwokitos akima ka inyamat ido luunyaman luenyami papake korot, Kotwara do ikeinacan, koloto: kotema kes atiar, “Kocoito kinyeis aijolopikin korot.” Konyout kakwap nako Misiri, kopotu akwap nako Kanaan mama ejai Yakob papakec. Kotemasi atiar, “Eriŋa Yosep ejari, ido ŋes ekayaiton akwap kere nako Misiri.” Kodusaun etauke, naarai mam abu kiyu. Kolimokis ŋes akiro kere nuka Yosep, nuabu kolimok kes: nakeanyunia agalin nuabu Yosep kijuka aomia ŋes, kikwar etau loka Yakob papakec. Kotema Isirael atiar, “Edolit do: eriŋa okokuka Yosep ejari: alosi aanyun ŋes eriŋa eoŋ ketwana.” Kolot Isirael, koyana kere luajaas kaŋes, kobu Beer-seba, koinak asuban mama ejai Edeke loka papake Isaak. Kiner Edeke ka Isirael kotapo loka akuare ebe, “Yakob, Yakob.” Kotema atiar, “Eoŋ lo.” Kobala ebe, “Eoŋ Edeke, Edeke loka papakon: sirikikurianar alosit Misiri, naarai ketuluori jo kaŋina ateker naepol. Alosi nepepe kajo Misiri; abeit da kenyakuni jo bobo; Yosep da ŋes itemokini akonikonye naitwania ijo.” Konyou Yakob anyoun koBeer-seba: apotu odwe luka Isirael kodakasi Yakob papakec, ka ikecedwe ludidik ka akecenor da, kagalin nuejukari Parao adakunia ŋes. Koyaata ikecebaren, ka ikeceboro luadumunete kakwap nako Kanaan, kopotu Misiri, Yakob ka aurike kere. Odweke, ka odwe luka odweke nepepe kaŋes, adweke, ka adwe nuka odweke, ka aurike kere koyau kes Misiri. Lu kes ikiroria luka idwe luka Isirael, luapotu kolomasi Misiri, Yakob ka odweke; Reuben, ekiyai loka Yakob. Odwe luka Reuben; Kanok, ka Palu, ka Kesuron, ka Karami. Odwe luka Simeon; Yemuel, ka Yamin, ka Okad, ka Yakin, ka Sokar, ka Saul okoku loka aberu Akanaanit. Odwe luka Lebi; Gereson, ka Kokat, ka Merari. Odwe luka Yuda; Er, ka Onan, ka Sela, ka Peres, ka Sera; konye kotwaka Er ka Onan kakwap naka Kanaan. Odwe luka Peres, Kesuron ka Kamul, Odwe luka Isakar; Tola, ka Puba, ka Iob, ka Simuron. Odwe luka Sebulun; Sered, ka Elon, ka Yakalecl. Ŋul kes odwe luka Lea, lukeurikini Yakob koPadan-Aram, nepepe kakokuke Dina: ituŋa kere luka ikedwe lusap ka lupesur emwaasi akaisauni ka luuni. Odwe luka Gad; Sipion, ka Kagi, ka Suni, ka Esebon, ka Eri, ka Arodi, ka Areli. Odwe luka Aser; Imina, ka Isiba, ka Isibi, ka Beria, ka Sera kinacikec; odwe luka Beria, Keber, ka Malakiel. Ŋul kes odwe luka Silupa, naabu Laban koinak akokuke Lea, lukeurikini Yakob, ituŋa itomon ka lukanykape, Odwe luka Rakel aberu naka Yakob; Yosep ka Benyamin. Ido kakwap nako Misiri kouri Yosep Manase ka Epuraim, luaurikini ŋes Asenas akoku naka Potipera esasedoti loka On. Odwe luka Benyamin; Bela ka Beker, ka Asabel, ka Gera, ka Naaman, ka Eki, ka Ros, ka Mupim, ka Kupim, ka Arad. Ŋul kes odwe luka Rakel, lukeurikini Yakob; ituŋa kere emwaasi itomon ka luonon. Odwe luka Dan; Kusim. Odwe luka Naputali; Yakaseel, ka Guni, ka Yeser, ka Silem. Ŋul kes odwe luka Bilika, naabu Laban koinak Rakel akokuke, nul lukeurikini Yakob; ituŋa kere emwaasi ikanykaarei. Ituŋa kere luapote nepcpe ka Yakob Misiri, lualomunete kakuanake, komam imarakinitai aŋor nuka odwe luka Yakob, ituŋa kere emwaasi akaisakanykape ka lukanykape. Odwe luka Yosep, lukeurikinio ŋes koMisiri, emwaasi ituŋa iarei: ituŋa kere lukokek loka Yakob, lukelomarete Misiri, cmwaasi akaisakanykaarei. Kiyakia Yuda aiŋarenikin ŋes mama ejai Yosep, ailip aitodikinio erot loebei toma Gosen; kodoloto akwap nako Gosen. Kitcmonok Yosep agalike, kolot airiamakin ka Isirael papake, toma Gosen; kitodikin mama ejai, kibirokin omurisiŋike, komony akiyo komurisinike apak naepol. Kotema Isirael Yosep atiar, “Mere do katwana, naarai aany akonikonye iroko iiari.” Kotema Yosep ikeinacan ka ekalloka papake atiar, “Alosi alimokin Parao ebe, ‘Apotu mama ajai ikainacan ka ekalloka papaka luajaas akwap nako Kanaan, Ido eraas kesi ikecokok, naarai icokienenete ibaren; ayaut da isipaninikec luka amerekekin ka aituk, ka iboro kere luejaatar.’ Kosodi arai kiinyara Parao, kiin it ebe, ‘Anyoin bo akusiswam?’ Iboŋokinete ebe, ‘Icokienenete ikonibulesin ibaren ageun koiditeukosi aitodol lolo, isio ka lukapapaakosi da’: tetere iboikinos roma akwap nako Gosen; naarai nolikecokon erai loketal mama ejaas lmisirian.” Kosodi koloma Yosep kolimok Parao ebe, “Adolu papaka ka ikainacan ka isipaninikec luka amerekekin ka aituk, ka iboro kere luejaatar, epote kakwap nako Kanaan; ido koany, ejaas akwap nako Gosen.” Koseu koinacanake ituŋa ikany, koinu Parao. Kobala Parao iinacanake ebe, “Anyoin bo akusiswam?” Kotemasi Parao atiar, “Eraas ibulesinikon ikecokok, isio ka lukapapaakosi da.” Kotemasi Parao atiar, “Kiponit aiboi akwap na; naarai emameete inya kanuka ikosisipanin; naarai ededeŋ noi ebeli kakwap nako Kanaan: natikwana, kinaitjait, kisiik ikonibulesin aiboikin akwap nako Gosen.” Kobala Parao Yosep ebe, “Apotu papakon ka ikoniinacan mama ijai: Akwap nako Misiri ejai akonyenekon; kisiboik papakon ka iinacanakon neitelekarit ajokis kotoma akwap; aso kiboikinos akwap nako Gosen: ido arai ijeni kakesi luekukuraka kitarau kes lukapolok luka ibareneka.” Kitoloma Yosep papake Yakob, kibwaik akonyen nuka Parao; kilipak Yakob Parao asuliany. Kotema Parao Yakob atiar, “Imwaasi ai apaarasia nuka ikar luka aijarakon?” Kobala Yakob Parao ebe, “Apaarasia nuka ikar luka alositeka eraas ikar akwatat ka akaisauni: apaarasia nuka ikar luka aijaraka eraas luikidioko ido lueroko, ido mam edolokinete apaarasia nuka ikar luka aiiar naka lukapapaaka kapaarasia nuka alositekec.” Kilipak Yakob Parao asuliany, koloma kakonyen nuka Parao. Kisiboik Yosep papake ka ikeinacan, koinak aibois kakwap nako Misiri, neetelekarit ajokis kotoma akwap, akwap naka Ramases, kwape kicorakinia Parao. Kitanenenei Yosep papake ka ikeinacan ka ekal kere loka papake, kinyamat, kwape ajaatar ikecedwe. Komamuut inyamat kakwap kere; naarai adedeŋ noi ebeli, kikarakis luka akwap nako Misiri ka luka akwap nako Kanaan, kanuka ebeli. Kotukonok Yosep apesan kere nuajaas kakwap nako Misiri, kakwap nako Kanaan, naetwegelenenea akima. Koyau Yosep apesan togo loka Parao. Kedaut apesan kere nuka akwap nako Misiri ka nuka akwap nako Kanaan atukonokinio, kopotu Imisirian kere mama ejai Yosep, kobalas ebe, “Koinakinai sio inyamat: kanukinyo kitwakikinia akonyenekon? Naarai kiwolikis sio apesan.” Kobala Yosep ebe, “Koinakinai ibarenekus; eoŋ da kainanakini itia ibarenekus, arai kiwolikinitos apesan.” Koinutu Yosep ibarenekec: koinak Yosep kes inyamat aisieca ibalasin, ka isipanin luka amerekekin, ka aituk, ka asigirian: kitanyam kes inyamat ekaru ŋol isiecanarete ibarenekec kere. Kedaun ekaru ŋol, kopotu bobo neejai kokaru kalokiareit, kobalas ŋes ebe, “Mam kimunonikini ejakaitikosi kwape adaunotor apesanakosi kere; isipanin da luka ibaren araunos luka ejakaitikosi; mam yenesalit kakonyen nuka eiakaitikosi, dimarai awatekosi ka akwapukosi: Kanukinyo kitwakikinia akonyenekon, isio ka akwapukosi da? kogwelai sio ka akwapukosi kinyamat, kiraun do isio ka akosikwap ibulesin luka Parao; koinakinai sio ikinyom, kajarata kenyeis atwakare, kinyek akwap asilior.” Kogwelak kwaŋin Yosep Parao akwap kere nako Misiri; naarai apotu Imisirian kogwelanasi ninitunanan ekemanikor, naarai abu ebeli kodedeijik kes: koraun akwap naka Parao. Kitubulesenei da ituŋa kwape ajaatar oreriakec ageun koikor loka Misiri neesanit aitodol awasiake ace. Konye mam abu kogwel akwap naka isasedotin; naarai ajaas isasedotin ewai loainanakini Parao, konyamenenete ewaikec loainanakini Parao kes: ŋes mam agwelariata akecekwap, Kosodi kotema Yosep ituŋa atiar, “Koany, agwelak lolo Parao yes ka akusikwap: koany, ikinyomokus lu, koyeata. Kosodete naisakeneniata, iinanakinete Parao idiopet kokany, eraunos iwaitin iwonon lukus, araun luyean, araun da ikusinyamat, ido luka ikaliakus, inyamat da luka idwekus ludidik.” Kobalas ebe, “Ibu ijo kitajar sio kotoma atwanare: kadumutu asianut kakonyen nuka eiakaitikosi, ido kiraun ibulesin luka Parao.” Kisilak Yosep ekisil nol akwap nako Misiri aitodol lolo, ainanakin Parao idiopet kokany; nabarai akwap naka isasedotin bon ŋes mam abu koluor naka Parao. Kiboienenei Isirael kakwap nako Misiri, kakwap nako Gosen; kodumut iborokec kotoma, kouriaros, kipuaros noi noi. Kiboikin Yakob kakwap nako Misiri ikar itomon ka lukanykaarei: kwaŋin apaarasia nuka Yakob, ikar luka aiiarake, imwaasi ikar akwatat ka akaisaoŋon ka Iukanykaarei. Koapu apak naka atwanare naka Isirael: konyarau okokuke Yosep, kotema atiar, “‘Arai adumunit asianut kakonyenekon, kenainait, kibwaik akanikon kwap kamurwoka, kikonak kasianut ka abeit; kenainait, sirikiidaik Misiri: Konye kajotoor nepepe kalukapapaaka, kidakari eoŋ koMisiri, kidaik aibois nakidaanakinakec.” Kotema atiar, “Eswamai kwape kitemaria.” Kotema atiar, “Kiyapoikinoi.” Kiyapoik ŋes, Kitulur Isirael akekou koitadake. Kosodi kokau kanun, kolimokinai Yosep ebe, “Koany, edek papakon.” Koyana ŋesi odweke luarei, Manase ka Epuraim. Kolimokinai Yakob ebe, “Koany, ebunit okokukon Yosep mama ijai.” Kiriun Isirael, koboikin oitada. Kobala Yakob Yosep ebe, “Edeke Lokapedor kere abu ketaanyikin koLus kakwap nako Kanaan, kesireren. Kabala ŋesi eoŋ ebe, ‘Koany, kesuuri, kesupui, ketuluori da atukot naka atekerin: ido ainakini aurikon naetupakini akwap na araun airumet naka ikar ka ikar.’ Kwana da odwekon luarei, luiwurie ijo koMisiri koroko eoŋ kebuno neiiai koMisiri eraas lukan; eraunos Epuraim ka Manase idweka kwape ka Reuben ka Simeon. Aurikon da naiwurienenei kokau kanul, eraun nakon, emaanakinio ikiroria luka iinacanakec kotoma airumukec. Ka eoŋ da, naanyounio koPadan, nukican kotwana Rakel kakwap nako Kanaan korot, koroko apak es alit epol adolore Epurat, kedaik ŋina orot loebei Epurat (ŋes Bet-lekem).” Koany Isirael odwe luka Yosep, kobala cbe, “Lukanai bo lu?” Kotema Yosep papake atiar, “Kes odweka lukainakini Edeke kane.” Kobala ebe, “Kisukuny kes, kenainait, eoŋ da elipakini kes arereŋ.” Ido kowariwarete akonye nuka Isirael kanuka amoion, komam epedori asescn. Kisukunyik, kotun, konu. Kobala Isirael Yosep cbe, “Mam abu kaomite ebe aanyuni akonikonyen; ido koany, ketaany da Edeke aurikon.” Kitonyou Yosep kes kokidin kakuninike; kitulur akekonycn kwap. Koyanau Yosep kes luarei, Epuraim kakanike nakoteten mama ejai akan nakokediany naka Isirael, ka Manese da kakanike nakokediany, mama ejai akan nakoteten naka Isirael, kisukunyik mama ejai. Korio Isirael akekan nakoteten, kidokok akou naka Epuraim, ŋes lodidi, ka akekan nakokediany akou naka Manase, kepelet ailokonyikin akekanin; naarai kerai Manase ekiyai. Kilipak Yosep arereŋ, kobala ebe, “Edeke loalosenenete lukapapaaka Aburaam ka Isaak kakonyeneke, Edeke loketanyamenenei apaarasiaka kere aitodol lolo, Emalaika lokalakuni karonis kere, koinak itelepai arereŋ; ekakiror da kolimitere kes, ka ikiroria luka lukapapaaka Aburaam ka Isaak; ido koluoros etuŋat loepol kokidin akwap.” Keanyu Yosep papake ibwaikini akekan nakoteten akou naka Epuraim kokadak: kodak akan naka papake alemun kakou naka Epuraim aidokokin akou naka Manase. Kotema Yosep papake atiar, “Mam, papa; naarai ŋol ŋes ekiyai, kidokok akanikon nakoteten akouke.” Kogiri papake kobala ebe, “Ajeni, oko kuka, ajeni: ŋes da eluori ateker, eluori ŋesi da lokapolon; konye onaceke lodidi ŋes itelekari kapolou, eraun da aurike atekerin nuipu.” Kilipak arereŋ kapaaran kaŋin, kobala ebe, “Kamakon ŋes ilipenena Isirael arereŋ; ebe, ‘Edeke kituluo kwape Epuraim ka Manase.’’’ Kibwaik Epuraim ageikin Manase. Kotema Isirael Yosep atiar, “Koany, atwani; konye eiaenena Edeke kayes, kinyakari bobo akwap naka lukapapaakus. Ido kainak ewai ediopet aitelekar iinacanakon, naalemuni kakan naka Emorait kekakilen ka akakabwa.” Konyarau Yakob odweke, kotema kes atiar: “Kotukonokinos nepepe kalimokis nukidoikinete yes kapaarasia nuepote. Kotukonokinos bonik, kiirasi, yes odwe luka Yakob: Kopupokisi Isirael papakus. Reuben, irai ijo ekiyaika, akagogoŋ, ka ageunet naka akagogoŋ; Loitelekarit kapolou, ido loitelekarit kagogon. Ilelei bala akipi, kikurwokini aitelekar; Naarai ibu kodoka oitada loka papakon: Kosodi komunau; abu kolot aperitika. Simeon ka Lebi kes iinacan; Lujiis luka adedeŋ kes ikecekileŋa. Wu ekatau, sirikiloma mama ejai ainerunikec; Akaibuses, mam imorikikin mama ejai atukokinikec; Naarai kanuka anyunyurakec apotu koarata etuŋanan, Kanuka elepakec da apotu kojepata emoŋ. Kikenokinai akecenyunyura, naarai kepol; Ka aisiopokec, naarai kerai naka ameŋeranut: Atiakari kes kotoma Yakob, Ido esiarakini kes koIsirael. Yuda, kiturenenete jo ikoniinacan: Akonikan ejaun omurisina luka lukasurupokon: Ekukonokinos odwe luka papakon kakonyenekon, Yuda ŋes okoku loka eŋatuny: Okokuka, idoka anyoun kama kalumeian; Abu kokukum, kidipidipakin bala eŋatuny, Ido bala aŋatuny: iŋai itonyouni ŋes? Mam ebela loka ajakanut enyouni koYuda, Karaida ebela loka ekayaiton kokidin kakeieneke, Aitodol neebunio Silo. Ido erimarete ŋes ituŋa. Eenikini ikoku yenika ebalasitike omusabibu, Ikoku yenika asigiriake omusabibu loejok; Abu kilosia ebino ikegoen, Ka aokot da nuka emusabibu abu kilosia anapitoke: Ereneunete akonyeneke kanuka ebino, Ekwanunete ikekela da kanuka akile. Sebulun iboienenei kodoket loka aŋolol: Korai edoket kanuka imerin; Eikoruke da ŋes Sidon. Isakar ŋes asigma nakagogon; Naidipidipitoi kokidin kauioi nuka amerekekin; Koany ŋesi aibois naka aibworar ebe ejok, Ka akwap da ebe erai naisiyalamikinit; Kokukum aidak kokeperike, Korau ebulesit lokeswaman nukailolitoi. Dan etubonokini iketuŋa, Kwape ediopet loka atekerin nuka Isirael. Dan eraun emun korot, Asigirikoloŋ kotoma osokot, Naekonyi atitiban nuka ebalasit, Kolatun loibwanenit kau. Edarit akoniitajar, wu EJAKAIT. Gad, icikakinete ikaŋatak lueŋasete; Konye ŋes da icikakini akecetitibat. Aser, eburior akeimuj kotomake, Einakini idiasio luibusakinito ekabaka. Naputali ŋes amori naelapadai; Einakini akiro nukajijimak. Yosep ŋes atenu naerai, Atenu naerai eapie kaleles; Ilanyito atenunake arwatat. Eticanata ikagumak ŋes noi, Egumete ŋes, imanito ŋes: Konye kicat akekabwa kagogoŋ, Kitogogoŋai akekanin, Kakanin nuka Ekagogoŋon loka Yakob. (Kanen ŋes Ekecokon, amoru naka Isirael,) Kanuka Edeke loka papakon, lokiŋarakini, Ido kanuka Lokapedor kere, lokisirereŋi, Arereŋesio nuepote kakuj nakokuju, Arereŋesio da nuepote kaidules naka akwap, Arereŋesio da nukokisin, ka nuka akoik. Arereŋesio da nuka papakon Etelekasi cut arereŋesio nuka lukapapaaka Anatar eikoru lokosaŋe loka iukon lumam edaunos: Ebeete akou naka Yosep, Ido osiaduk loka akou naka ŋol kaloetiakunitai koinacanake. Benyamin ŋes epeet loegwaragwarai; Tupuruc enyamenenei lumejauna, Eboŋ da ekorenenei luŋatuna.” Ŋun kere kes atekerin atomon ka nuarei nuka Isirael: ŋun da kes nuabu papakec kolimonok kes ilipakini arereŋ; abu kilipak ŋolituŋanan kwape ajaar akerereŋ. Kicorak kes kotema atiar, “Kayaŋaario neejaas ikatuŋa: kidaikis eoŋ neidaikinitai lukapapaaka toma abua naejai omanikor loka Epuron Ekitit, Toma abua naejai omanikor loka Makupela, loitei Mamure kakwap nako Kanaan, naabu Aburaam kogwel ka emanikor da kaneejai Epuron Ekitit araun airumet nakidaanakina: Ŋes neaponi kidaikinai Aburaam ka Sara akebcru; ŋina da edaikinio Isaak ka Rebeka akeberu; ŋipoŋina da abu kedaik Lea: Emanikor ka abua naejai toma, loagwelio kaneejaas idwe luka Ket.” Kedau Yakob aicor odweke, kosukok akekejen koitada, kojal aijar, koyaŋaarai mama ejaas iketuŋa. Kibirokin Yosep akonyen nuka papake komony, konu. Kicorak Yosep ikebulesin luaraas imurwok aitoono papake: kitoonoto imurwok Isirael. Kodautu apaarasia akaisaoŋon itoonete; naarai kwape kwaŋin apaarasia nuka aitoon etia nepenen: kibworoto Imisirian ŋes adaun apaarasia akais akanykaarei. Kosodi kedaunos apaarasia nuka aibworo ŋes, kotema Yosep ituŋa luka etogo loka Parao atiar, “Arai adumunit asianut kakonyenekus, keŋaiŋaitos, kinerata kaki nuka Parao atiar, Abu papaka kesiyap eoŋ ebe, ‘Koany, atwani: toma ates naabu eoŋ elopet kabok toma akwap nako Kanaan ŋes kidaikini.’ Aso, keŋaiŋait, kalot keda papaka ido aboŋuni.” Kobala Parao ebe, “Kolot kida papakon kwape kisiyapoo kolo.” Kolot Yosep aida papake: koloto ikejaanakinak da kerc luka Parao nepepe kaŋes, imakio lukotogoke, ka imakio da luka akwap nako Misiri, Ekal da kere loka Yosep, iinacanake da, ka ekal da loka papake: nabarai ikecedwe ludidik, ka isipaninikec luka amerekekin ka luka aituk, ŋul bonik apotu kesi kinyeis kotoma akwap nako Gosen. Kolot ŋesi nepepe kagalin ka luebwanenito ibalasin: koraun erioŋet loepol noi. Kodoloto opejal loka Atad, loejai okekwa loka Yorodan, kokuudianata kaŋina akuudian naepol noi: kodau apaarasia akanykaarei ibworo papake. Nakiirasi ŋul lueboienenete kotoma akwap, kes Ikanaanin, aibworo kopejal loka Atad, kobalas ebe, “Epol ca ma aibworo na kama ejaas Imisirian.” Ŋes emaikinere ekekiror Abel-Misiraim, naejai okekwa loka Yorodan. Kosubakis ŋes odweke kwape kolo ecorakinia kes: Naarai apotu odweke kodakasi ŋes toma akwap nako Kanaan, kidaikis toma abua nakotoma emanikor loka Makupela, loitei Mamure, naagweli Aburaam nepepe kemanikor da, araun airumet nakidaanakina, kama ejai Epuron Ekitit. Koboŋo Yosep Misiri, ŋes ka ikeinacan, kere da lualosito kaŋes aida papake; kedau ŋesi aida papake. Keanyutu iinacan luka Yosep ebe atwana papakec, kobalas ebe, “Elemuni kilai Yosep oni, ka aitokokol da oni cut kanuka aronisio kere nukolo kiswamanakini oni ŋes.” Kiyakikis Yosep, kobalas ebe, “Abu papakon kicorak eroko ketwana ebe, ‘Ilimokinete do Yosep ebe, Keŋaiŋait, kitim adiakaret naka ikoniinacan, ka aronisikec da, naarai apotu kesi kiswamakis jo nueroko.’ Natikwana da, kiŋaiŋait isio jo, kitim adiakaret naka ibulesin luka Edeke loka papakon.” Komony Yosep naeneratatar kaŋes. Apotu ikeinacan koloto kokukonokinos kakonyeneke; kobalas ebe, “Koany, kirai isio ikonibulesin.” Kotema Yosep kes atiar, “Sirikikuriakata: ajai do eoŋ toma aibois naka Edeke? Ipeleikinito yesi aiswamakin eoŋ aronis; konye Edeke epeleikinit aiswamakinia eoŋ ajokis, ka aitodol, kwape ejaar lolo, aitajar ituŋa luipu kinyeis atwakare. Aso natikwana sirikikuriakaros; ketanenenei yes ka ikusidwe da ludidik.” Kitalaka kes, kolimonok nuka asianut. Kiboikin Yosep Misiri, ŋes ka ekal da loka papake; kobut Yosep ikar akwatat ka itomon. Koany Yosep idwe luka Epuraim ka ipapai da; ido aurio idwe luka Makir okoku loka Manase kakuŋin nuka Yosep. Kolimok Yosep ikeinacan ebe, “Atwani: konye mam ekurwokini Edeke aanyanar yes, alemar yes kakwap kana, kinyakari da akwap naeyapoikinit ŋesi Aburaam, ka Isaak, ka Yakob.” Kisiyapo Yosep idwe luka Isirael kobala ebe, “Mam ekurwokini Edeke aanyanar yes, iyaŋaarete da akakojo alemar kakwap kana.” Kotwana do Yosep, kodaunite ikar akwatat ka itomon: kitoonoi, kosodete aibwaikin toma asaduku nakidais koMisiri. Lu kes ikiroria luka odwe luka Isiraelluadolete Misiri; kolot ŋinituŋanan ka ekaleke nepepe ka Yakob. Reubcn, ka Simeon, ka Lebi, ka Yuda; Isakar, ka Sebulun, ka Benyamin; Dan ka Naputali, ka Gad ka Aser. Ituŋa kere lualomunete kakuan naka Yakob emwaasi ituŋa akaisakanykaarei; konye kojai Yosep Misiri sek. Kotwana Yosep, ka ikeinacan kere, ka atur ŋin kere. Kouriaros idwe luka Isirael, kiyatakinos noi, kipuaros, koraunos lukagogoŋok noi; kilelebunos akwap. Kosodi kirum ekabaka ece Misiri, lomam ajeni Yosep. Kotema iketuŋa atiar, “Koany, ipuituŋa luka idwe luka Isirael luegogoŋ aitelekarit oni; Aso katubokisi acoa; kinyeis aipuar, tetere arai kebu ejie, kinyeis aimorikikin kalukasurupowok aitiji oni, kosodete anyoun kakwap.” Kanuka ŋun kibwaikinai iketwasamak aitican kes kabwokonikec. Kodukokis Parao ireria luka aiŋadisia, Pitom ka Raamuscs. Konye kwape eyatakiniata aitican, kiyatas kesi da kwape kwaŋin aipuar kaisiarakin. Kokadakis kes kanuka idwe luka Isirael. Kitwasamata Imisirian idwe luka Isirael kagogoŋ; Koroikis aijarakec kotoma obulesene loetiono, aitaaritoi naka elupe ka amatapalin, ka ebulesene kere loka amanat, ebulesene kere loetwasamata kagogoŋ. Kotema ckabaka loka Misiri akesidok Nuburanian, ekiror loka adiopet Sipira, ekiror loka nakiareit Pua: Kotema atiar, “Naisidoenenoto aŋor Nuburanian, kianyutu idounete; arai erai ikoku yenitelepat, iarete; konye arai erai yenipese, ejari.” Konye koyoŋa akesidok Edcke, mam apotu kiswamata kwape kicorakinitor kes ekabaka loka Misiri, konye apotu kesi kinyaanakis idwe lutelepai ejarete. Konyarau ekabaka loka Misiri akesidok, kobala kes atiar, “Kanukinyo iswamaata akirot ŋin, ainyein idwe lutelepai ejarete?” Kobalas akesidok Parao atiar, “Naarai aŋor Nuburanian mam esubito bala aŋor Numisirian; naarai eŋaleete, idounete eroko akesidok kepona mamakec.” Kosubak Edeke akesidok ejok; kiyatakinos ituŋa aipuar, koraut lukagogoŋok noi. Kosodi naarai ayoŋito akesidok Edeke, abu koinak kes ikalia. Kicorak Parao ituŋake kere kobala atiar, “Ŋolitelepat loeurunio ieakakinete ocor, konyc napese, inyeinete ejari.” Kosodi kolot etuŋanan lokokek loka Lebi komany akoku naka Lebi. Kopotuu aberu, kouru ikoku yenitelepat: konye keanyu ebe ejokuna, kibwa ber ŋes ilapio iuni. Kosodi keanyu ebc mam epedori aibwait bobo, koyaŋa eijaŋ loka aladoi, kinyonyo erit ka emina, kibwaik ikoku toma, kibwaik okido ariri naka ecor. Kobwoi kinacike kaneelwana, ajenun nuedoikinete ŋes. Kolot akoku naka Parao ailoŋ ocor; koloto apesuruke ariri naka ecor; koany eijaŋ kokido, kijukak akebulesit alemun. Kopuko, koany ikoku; ido ko any, komony ikoku. Kitim, kobala ebe, “Yen ŋes idiopet kodwe luka Iburanian.” Kosodi kinacike kotema akoku naka Parao ebe, “Alosi ca kanyarak jo aketanakan kaŋor nuka Iburanian kitanakik ikoku?” Kotema akoku naka Parao atiar, “Kolot.” Kolot apese konyarau toto naka ikoku alopet. Kotema akoku naka Parao atiar, “Koyaŋa ikoku yen kitanakik, eoŋ da kainakini jo eropitikon.” Koyaŋa aberu ikoku, kitanak. Kopoloor ikoku, koinu akoku naka Parao, koluor ikekoku. Komaik ekekiror Musa, koba la ebe, “Naarai alemuni kakipi.” Kosodi kapaarasia kaŋun, kedau Musa apoloor, kolot mama ejaas ikeinaean, koany abwokonikec: koany Emisiriat eseni Eburaniat, ediopet koinaeanake. Koŋoleŋol epuwai ka epuwai, koany ebe emamei icliotuŋanan, kosen Emisiriat, konukak asiŋe. Kosodi kolot kapaaran nakiareit, ido koany, ajios ituŋa iarei luka Iburanian: kotema ŋesi je loasubit erono ebe, “Kanukinyo isenio yenicekon?” Kobala ebe, “Iŋai bo kitarauni jo ekosikapolon ekatubonikosi da? Ikoto kereka aiar eoŋ da kwape iaria Emisiriat?” Koyoŋ Musa, kobala ebe, “Abelt ajenun akirot ŋin.” Kosodi kiira Parao akiro ŋun, kokoto aiar Musa. Konye koker Musa kakonyen nuka Parao, kiboikin akwap naka Midian: kiboikin eiduny katan. Ajaas esasedoti loka Midian adweke akanykaarei; kopotu aiwok akipi, kilelebata atuba, kiruata amerekekin nuka papakec. Kopotu ikeeokok kireŋeasi: konye konyou Musa kiŋarak, kiru esipanikec. Kepotu mama ejai papakec Reuel, kobala ebe, “Ipotu ca yesi lolo atipet?” Kobalas ebe, “Emisiriat ŋes kiyuuni sio kakanin nuka ikecokok, bobo da abu kowokok sio akipi, kiru esipan.” Kotema adweke ebe, “Ejai bai? Kanukinyo kinyeiniata etuŋanan uŋol? Konyarautu konyam inyamat.” Kiyu Musa aiboi ketuŋanan kaŋol: kokorak Musa akokuke Sipora. Kouru ikoku yenitelepat, komaik ekekiror Geresom: naarai kobala ebe, “Arai epejonon kakwap naka imo.” Kosodi kapaarasia kaŋun nuipu, kotwana ekabaka loka Misiri: kidinyas idwe luka Isirael kanuka ebulesenekec, komonyata, kodol aimonyokec neejai Edeke kanuka ebulesenekec. Kopup Edeke eidinyakec, kiitu Edeke aitutuketeke naetutukit kAburaam, ka Isaak, ka Yakob. Koany Edeke idwe luka Isirael, kojen Edeke nukec. Ecokie Musa esipan loka ekamuranike Yetero, esasedoti loka Midian: komea esipan kau kamodiŋ, kodol moru loka Edeke, Koreb. Kitaanyikin emalaika loka EJAKAIT Uŋes, kotoma aŋajep naka akim kokidiŋ kekiot: kosesen, ido koany, anoki akim kokiot, komam ekiot idopori. Kobala Musa ebe, “Kamana ber, kaany akirot na naepol, namam ekiot idoporia.” Keanyu EJAKAIT ŋes emanuni aanyun, konyarau Edeke Uŋes kokidiŋ okiot kiner ebe, “Musa, Musa.” Kii ebe, “Eoŋ lo.” Kobala ebe, “Sirikikuny ne: kolaca akonimuk kakejenekon, naarai aibois naibwoia erai akwap nakalaunan.” Kiner bobo ebe, “Eoŋ Edeke loka papakon, Edeke loka Aburaam, Edeke loka Isaak, Edeke loka Yakob da.” Kibwa Musa akekonyen; naarai abu koyoŋ asesen Edeke. Kiner EJAKAIT ebe, “Aany eut aiticanio naka ikatuŋa luejaas Misiri, eira akeceimony kanuka ŋul kaluitwasamacte kes; naarai ajeni ikececan: Adokunit ayuun kes kakan naka Imisirian, aitonyoun kes kakwap kaŋin aitolomar akwap naejok, naelal, akwap naeleleete akile ka esik; aibois naka Ekanaanit, ka Ekitit, ka Emorait, ka Eperisit, ka Ekibit, ka Eyebusit. Aso koany, kadoloki aimony naka idwe luka Isirael: bobo da aany aroikinit naeroikinitotor Imisirian kes. Bia do, keyakia neejai Parao, kitolom ikatuŋa idwe luka Isirael koMisiri.” Kobala Musa Edeke ebe, “Iŋai bo eoŋ, loalosi neejai Parao? aitolomun idwe luka Isirael koMisiri?’’ Kotema atiar, “Abeit ajaenena Eoŋ kajo; ido na ŋes aanyunce nakitejenuni jo ebe Eoŋ keyakiarit: naidaunia aitolomun ituŋa ŋul koMisiri, ijaanakinete Edeke komoru kalo.” Kotema Musa Edeke ebe, “Koany, naadolokinio eoŋoŋ idwe luka Isirael, kalimokin kes ebe, ‘Edeke loka lukapapaakus ŋes keyakunit mama ijaas yesi’; kes da keŋisete eoŋ ebe, ‘Ekekiror iŋai?’ alimokini kes biai?” Kobala Edeke Musa ebe, “AJAI KWAPE AJAAR.” Kobala ebe, “Ilimokini idwe luka Isirael ebe, ‘AJAI ŋes keyakunit mama ijaas.’’’ Kobala Edeke Musa ebe, “Ilimokini idwe luka Isirael ebe, ‘EJAKAIT, Edeke loka lukapapaakus, Edeke loka Aburaam, Edeke loka Isaak, Edeke loka Yakob da, ŋes keyakunit mamakus’: ŋol ŋes ekakiror ikar kere, ŋin da ŋes aiituneteka anatar aturio kere. Kolot, kotukonok imakio luka Isirael nepepe, kolimok kes ebe, ‘EJAKAIT, Edeke loka lukapapaakus, Edeke loka Aburaam, loka Isaak, loka Yakob da, ŋes abu ketaanyikinkobalaebe,” Abeit kaanyana yes, aany nukiswamanakinio koMisiri: ŋes abalar atiar, Ketolomuni yes kaiticanio naka Misiri alomar akwap naka Ekanaanit, ka Ekitit, ka Emorait, ka Eperisit, ka Ekibit, ka Eyebusit, akwap naeleleete akile ka esik.’” Iirarete ekoniporoto: ibuni ijo ka imakio luka Isirael, mama ejai ekabaka loka Misiri ilimokinete ebe, ‘Abu EJAKAIT, Edeke loka Iburanian keriamunos kasio; asa keŋaiŋait, kisiikinai kaloto alosit naka apaarasia auni toma amodiŋ; ainakin asuban neejai EJAKAIT Ekosideke.’ Ajeni kojokan ebe, mam ekabaka loka Misiri kisiikini yes alosit, eebo, karaida kakan nakagogoŋ. Ariori eoŋ da akakan, kasodi aidany Misiri kere kaumokinetaka kere nueswamai kokidiŋikec: kokau kaŋun kisiikini yes alosit. Ido ainilini ituŋa ŋul aminunio kakonyen nuka Imisirian: asa nainyounioto, mam inyounete atitai: Konye ilipi ŋiniberu akeidunyet, ka ŋin da naiboie kotogoke, iboro luka epuesa ka iboro luka esabu, ka igoen: isirete ikusidwe lusap ka lupesur; ido iŋasete Imisirian.” Koboŋok Musa atiar, “Konye, koany, mam keyuunete eoŋ karaida akiirar ekaporoto: naarai etemarete atiar, ‘Mam EJAKAIT kitaanyikina jo.’’’ Kotema EJAKAIT atiar, “Inyo bo ŋin ejai akanikon? “Kotema atiar, “Ebela.” Kotema atiar, “Kocakak kwap.” Kocakak kwap, koluor ebela emun; koker Musa kamake. Kotema EJAKAIT Musa atiar, “Korio akonikan, kitiŋ ekekori”: (korio akekan, kitiŋ, koraun emun ebela kakanike:) “Tetere iyuunete ebe, abu EJAKAIT, Edeke loka lukapapaakec, Edeke loka Aburaam, Edeke loka Isaak, Edeke loka Yakob, kitaanyikin jo.” Kotema EJAKAIT bobo atiar, “Kipiik akonikan atorobukon.” Kipiik akekan atorobuke: konye elemari, koany, ebokoror akekan atapon. Kobala ebe, “Kinyakak akonikan atorobukon.” (Kinyakak akekan atorobuke; konye elemari katorobuke, koputokinos kakuanake kere.) “Kosodi kanen, arai mam kes kiyuunete jo karaida akiirar eporoto loka aanyunet nasodit, iyuunete ke si eporoto loka aanyunet nakiareit. Kosodi arai mam iyuunete aanyuneta ŋun nuarei, karaida akiirar eporotokon, iwokuni akipi nukocor kobukok neconit: akipi nuiwokuni kocor eluoros aokot kaneeonit.” Kotema Musa EJAKAIT atiar, “Wu EJAKAIT, mere eoŋ ojijimikiro, karaida mam enerana, elaŋir da aŋajepeka.” Kotema EJAKAIT atiar, “Iŋai kesubi aituk naka ituŋanan? arai iŋai itababaŋi ituŋanan, arai aisikimiŋ, arai aitwekenyun arai aitumudak? mere Eoŋ EJAKAIT? Aso do kolot, ajaenena eoŋ kakoniituk, kesisianakini nuinera.” Kotema atiar, “Wu EJAKAIT, keŋaiŋait, kijuka ŋol loikoto aijukar.” Kinep anyunyura naka Edeke aluikin Musa, kiner atiar, “Emamei Aaron onacekon Elebit? Ajeni ebe epedori ener ejok. Ido koany, ebunit airiamun kajo; kiiany jo iyalamikin kotauke. Ineri ijo kaŋes, ipiikini da akiro aitukuke: eoŋ da ajaenena kakoniituk, ka akeituk, kesisianakinete nuiswamaete. Eraun ŋesi ekeneranikon kama ejaas ituŋa; kosodi eraun ŋesi akoniituk, iraun ijo da kamake kwape Edeke. Itiŋi ijo ebela lo kakanikon, aiswamaa aanyuneta.” Kolot Musa koboŋo mama ejai Yetero ekamuranike, kotema atiar, “Keŋaiŋait, kisiikinai kalot, kaboŋo mama ejaas ikainacan luejaas Misiri, kaany arai eriŋa ejarete.” Kotema Yetero Musa atiar, “Kolot kainapakin.” Kotema EJAKAIT Musa koMidian atiar, “Kolot, koboŋo Misiri: naarai atwaka ituŋa kere luakotosi aiar jo.” Koya Musa akeberu ka odweke, kisibwanen kes asigiria, koboŋo akwap nako Misiri: koya Musa ebela loka Edeke kakanike. Kotema EJAKAIT Musa atiar, “Naiboŋoria Misiri, ibusakinit kiswama kakonyen nuka Parao nukaumokin kere nuepiik akanikon; konye etogogoŋi eketau, mam isiikini ituŋa alosit. Ilimokini Parao atiar, ‘lnera EJAKAIT kwanata ebe, Isirael ŋes okokuka, ekiyaika. Katema eoŋ jo atiar, “Kisiik okokuka alosit kejaanak eoŋ.” Igir ijo aisiikin ŋes alosit; koany, aari okokukon, ekiyaikon.’” Kosodi eroko ejaas orot neaperete, kiriamunos EJAKAIT kaŋes kokoto aiar. Kosodi Sipora alemun amoru naekwana kotubunio amuny naka ekiliokane loka okokuke, kocakak akejen nuka Musa; kotema atiar, “Abeit irai ijo eteran loka aokot kamakaŋ.” Kinyek do ŋes. Kosodi nm atemar ebe, “Irai eteran loka aokot,” kanuka akepio. Kotema Edeke Aaron atiar, “Kolot modin kiriamunos ka Musa.” Kolot, kiriamunos kaŋes moru loka Edeke, konu. Kolimok Musa Aaron akiro kere nuka EJAKAIT nuejukaritor, ka aanyuneta kere nuecorakinit. Koloto Musa ka Aaron kotukonokisi imakio kere luka idwe luka Isirael; Kiner Aaron akiro ke re nualimokinit Edeke Musa, kiswama aanyuneta kakonyen nuka ituŋa. Kiyuut ituŋa: kiirasi ebe aanyana EJAKAIT idwe luka Isirael, aanyu da aiticaniokec, kituluro akwesikec, komaata. Kosodi kokau kopotu Musa ka Aaron, kotemasi Parao atiar, “Inera EJAKAIT, Edeke loka lsirael kwanata ebe, ‘Kisiik ikatuŋa alosit, tetere kepoikinete eoŋ epucit kamodiŋ.’’’ Kiner Parao ebe, “Iŋai bo EJAKAIT? Tape eoŋ apupuni ekeporoto, kasodi aisiikin Isirael alosit? Mam eoŋ ajeni EJAKAIT, ido bobo mam esiikini lsirael alosit.” Kotemasi ebe, “Abu Edeke loka lburanian kiriamun kasio: kinainait, kisiik sio kaloto alosit naka apaarasia auni toma amodiŋ, kainakisi asuban mama ejai EJAKAIT Ekosideke; kinyek aidany sio katular, arai kekilen.” Kotema ekabaka loka Misiri kes atiar, “Ŋo Musa, ka Aaron kanukinyo isinyeiniata ituŋa aswamisiokec? koloto neejai abwokonikus.” Kiner Parao ebe, “Koany, epuata kwana ituŋa lukotoma akwap, yes da isiyenut kes kotoma abwokonikec.” Kapaaran kaŋin abu Parao kicorak iketwasamak ituŋa ka ijakakec da ebe, “Mam bobo iinanakinete ituŋa anya nusubet amatapalin kwape lem sek; koloto kesi kotukonokis anya kanukec. Etiai da loka amatapalin, lopelem iswamaenenete kesi, ŋopenol ŋes itubokinete; sirikitidisiasi nepetai da: naarai elonwaaka; ŋes einakinit kes aimony ebe, ‘Kisiikinai kaloto kainakisi asuban mama ejai Ekosideke.’ Kijaikisi do ituŋa aswam naetiono noi, kitaaritotor; kinyeis aipup akiro nuka aiŋal.” Kolomasi iketwasamak ituŋa ka ijakakec da, kolimokis ituŋa ebe, “Inera Parao kwanata ebe, ‘Mam kainakini yes anya. Kolototo yesi ikulepek kotukonokis anya kaneidumakinete kere: naarai mam itidisiario akusiswam.’’’ Kanuka ŋun kisiarakinos ituŋa toma akwap kere nako Misiri atukonokin akasirim aitaraun anya. Kisinyikokis luketwasamakakec ebe, “Kitodoloto aswamisiokus, ipelueik luka ninipaaran, kwape lem iswamaenenaata ejaas anya.” Koleata iketwasamak luka Parao ijaka luka idwe luka Isiraelluaseunito kesi, kobalas ebe, “Kanukinyo mam yes itodolitotor akusiswam bian ka lolo da, kotoma aisub amatapalin kwape lem sek?” Kosodi kopotu ijaka luka idwe luka Isirael, emonyete mama ejai Parao’ ebe, “Kanukinyo ikonakinia ikonibulesin kwaŋin? Mam einanakinio ikonibulesin anya, konye kibalai sio ebe, ‘Kosubata amatapalin’: ido koany, eleio ikonibulesin; kwabo erai aibucaret naka ikonituŋa obe.” Konye kotema ebe, “Iloŋwaaka, iloŋwaaka yesi: ŋes ineratar yesi ebe, ‘Kisiikinai kaloto ainakin asuban mama ejai EJAKAIT.’ Koloto do aswam; naarai mam kiinakinio anya, konye isubete etiai loka amatapalin lopelem.” Koanyut iiaka luka idwe luka Isirael ebe ejaas kesi ocan naalimunenere ebe, “Mam inonooretc amatapalinikus, karaida ipelueikikus luka ninipaaran.’ Kiriamunos kesi ka Musa ka Aaron, luabwoete korot, eboŋunete kesi kama ejai Parao. Kolimokis kes ebe, “Kitei EJAKAIT yes, kotub da; naarai kisilaata yesi sio kakonyen nuka Parao, kakonyen da nuka ibulesinike, aibwaikin ekileŋ akaninikec aaria sio.” Koboŋo Musa mama ejai EJAKAIT, kotema atiar, “EJAKAIT, kanukinyo ikonakinia ituŋa lu erono? Kanukinyo da kiyakuunia eoŋ? Naarai ageun naabunio eoŋ neejai Parao eincr kokirorikon, ekonaki ŋesi ituŋa lu erono; kwabo mam ibu koyuu ikonituŋa nepetai da.” Kotema EJAKAIT Musa atiar, “Kwana ianyuni nueswamakini Parao: naarai kakan nakagogon isiikini kes alosit, kakan nakagogon da irenei kes kakwapuke.” Kotema Edeke Musa atiar,” Eoŋ YAWE: Abu ketaanyikin Aburaam, ka Isaak, ka Yakob, kwape Edeke Lokapedor kere, konye toma okirorika YAWE mam apotu kajenut eoŋ. Etogogon da akaitutuket kakes, ainakin kes akwap naka Kanaan, akwap naka alositekec, naalosenenoto. Ido eira eidiny loka idwe luka Isirael, luitubulesenito Imisirian; eitu akaitutuket. Ŋes ilimokinia idwe luka Isirael ebe, ‘Eoŋ Yawe, ketolomunete kabwokon naka Imisirian kalemarete kobulesenekec, kalakunete kakan naerioro, ka itubesia luepolok: Ido kaseuni yes araun atcker mama ajai, eoŋ da araun Edeke kamakus: ijenunete yesi da ebe Eoŋ Yawe Ekusideke, loketolomuni yes kotoma abwokon naka Imisirian. Ido ketolomarete toma akwap naabu kario akakan ainakin Aburaam, ka Isaak, ka Yakob; kainakinete yes airum: Eoŋ Yawe.’’’ Kolimok Musa idwe luka Isirael kwaŋin; konye mam apotu kiirasi Musa kanuka ican luka itauon, ido kanuka cbulesene loededeŋ. Kotema EJAKAIT Musa atiar, “Koloma, kolimok Parao ekabaka loka Misiri kisiik idwe luka Isirael anyoun kakwapuke.” Kiner Musa kakonyen nuka EJAKAIT, kotema atiar, “Koany, mam idwe luka Isirael keirarito eoŋ; ikoni Parao keirari eoŋ ai, eoŋ lomam kakepitai aituk?” Kiner EJAKAIT ka Musa ka Aaron, kolimok akiro nuyaŋaara mama ejaas idwe luka Isirael, ido mama ejai Parao ekabaka loka Misiri, aitolomar idwe luka Isirael kakwap nako Misiri. Lu kes lukapolok luka ikalia luka lukapapaakec: idwe luka Reuben ekiyai loka Isirael; Kanok, ka Palu, ka Kesuron, ka Karumi: nul kes ikekia luka Reuben. Idwe luka Simeon: Yemuel, ka Yamin, ka Okad, ka Yakin, ka Sokar, ka Saul okoku loka aberu Akanaanit: ŋul kes ikekia luka Simeon. Lu kes ikiroria luka idwe luka Lebi kwape eiaar aurikec; Gereson, ka Kokat, ka Merari; ikar da luka aijar naka Lebi emwaasi akwatat ka akaisauni ka lukanykaarei. Idwe luka Gereson; Libuni ka Simei, kwape ejaatar ikekiakec. Idwe luka Kokat; Amuram, ka Isikar, ka Keburon, ka Usiel; ikar da luka aijar naka Kokat emwaasi akwatat ka akaisauni ka luuni. Idwe luka Merari; Mali, ka Musi: nul kes ikekia luka Ilebin kwape ejaar aurikec. Komany Amuram Yokebed kinac naka papake; kourik ŋes Aaron ka Musa; ikar luka aijar naka Amuram emwaasi ikar akwatat ka akaisauni ka lukanykaarei. Idwe luka Isikar; Kora ka Nepeg, ka Sikiri. Idwe luka Usiel; Misael, ka Elasapan, ka Sitiri. Komany Aaron Eliseba, akoku naka Aminadab, inac naka Nason; kowurik ŋes Nadab ka Abiku, ka Eleasar ka Itamar. Idwe luka Kora; Asir ka Elukana, ka Abiasap; nul kes ikekia luka Ikorakin. Komany Eleasar okoku loka Aaron adiopet kadwe nuka Putiel; kowurik ŋes Pinekas. Ŋul kes lukapolok luka ikalia luka lukapapaa luka Ilebin kwape ejaatar ikekiakec. Ŋupenul kes Aaron ka Musa, lualimokinit EJAKAIT ebe, “Kitolomasi idwe luka Isirael kakwap nako Misiri kwape eiaar ajorekec.” Ŋul kes lualimokinete Parao eka baka loka Misiri, aitolomar idwe luka Isirael koMisiri: nul kes Musa ka Aaron, Kosodi kapaaran naeneratar EJAKAIT ka Musa kakwap nako Misiri, Kotema EJAKAIT Musa atiar, “Eoŋ EJAKAIT: kolimok Parao ekabaka loka Misiri kere nukalimokini jo.” Kotema Musa kakonyen nuka EJAKAIT atiar, “Koany, arai eoŋ loka aituk namam ekepitai, keirari Parao eoŋ biai?” Kobala EJAKAIT Musa ebe, “Koany, ketuluo jo edeke mama ejai Parao; ido Aaron onacekon eraun ekoninabi. Ineri ijo kere nukecorakini: elimokini onacekon Aaron Parao, tetere isiikini idwe luka Isirael anyoun kakwapuke. Etogogoŋi eoŋ da etau loka Parao, eyatakini aanyunetaka ka nukaumokinika kakwap nako Misiri. Konye mam Parao kiirari jo, ebwaikini eoŋ akakan Misiri, aitolomar akajoresio, ikatuŋa idwe luka Isirael, kakwap nako Misiri, aitolomar idwe luka Isirael kamakec. Ejenunete Imisirian ebe Eoŋ EJAKAIT, naarioria akakan Misiri, aitolomar idwe luka Isirael kamakec.” Kiswamata Musa ka Aaron kwaŋin; kwape kicorakinia kes EJAKAIT, kiswamata kwaŋin, Korai Musa loka ikar akaisakanykauni, korai Aaron loka ikar akaisakanykauni ka luuni, inerasi kaParao. Kobala EJAKAIT Musa ka Aaron ebe, “Kiilimok Parao yes ebe, ‘Kitodikinai nakaumokin’: ŋes konyet ilimokinia Aaron ebe, “Koyana ebelakon, kocakak akonyen nuka Parao, tetere eraun emun.’’’ Kolomasi Musa ka Aaron mama ejai Parao, kiswamata kwaŋin kwape kicorakinia EJAKAIT: kocakak Aaron ekebela akonyen nuka Parao, akonyen da nuka ikekejaanakinak, koluor emun. Kosodi Parao da anyaraun lukacoa ka ikacudak; kes imurwok luka Misiri, kiswamata kesi da kwaŋin kakececoa nakaiyeiyea. Naarai kocakak ninitunanan ekebela koluonoros imunwo: konye kilikono ebela loka Aaron ibelaikec. Kogogonior etau loka Parao, komam iirari kes; kwape abalar EJAKAIT. Kobala EJAKAIT Musa ebe, “Eninik etau loka Parao, egirit aisiikin ituŋa alosit. Kolot ijo mama ejai Parao tupuruc; ko any, elomuni alosit ocor; ibwoi ijo da kariri naka ecor airiamakin kaŋes; kitinite kakanikon ebela loaluoro emun. Ilimokini ŋes ebe, ‘EJAKAIT, Edeke loka Iburanian, ŋes keyakunit mama ijai, ebe, “Kisiik ikatuŋa alosit, tetere kejaanakinete eoŋ kamodiŋ: ido koany, aitodol lolo mam ipupunit.” Ebala EJAKAIT kwanata ebe, “Na ŋes ijenunia ebe Eoŋ EJAKAIT: koany, enomi kebelaka loetinit kakanika akipi nuejaas ocor, eluoros aokot. Etwakete lukecor luejaas ocor, ebosuuni ecor; egirete Imisirian aimat akipiŋun.” Kobala EJAKAIT Musa ebe, “Kolimok Aaron ebe, “Koyana ebelakon, korio akonikan akipi nuka Misiri, ocorinikec, ka alelesiakec, ka ataparinikec, ka abwalinikec kere nuka akipi, koluoros aokot; ejaunos aokot akwap kere nako Misiri, toma oborokec luka akito ka amotiikec nuka amor.’’’ Kiswamata Musa ka Aaron kwaŋin kwape kicorakinia EJAKAIT; kikeu ebela, kinom akipi nuka ecor, kakonyen nuka Parao, kakonyen da nuka ikekejaanakinak; akipi kere nuajaas ocor koluoros aokot. Kotwakata lukecor; kobosuut akip, komam lmisirian apedorete aimat akipi nuka ecor; kojaut aokot akwap kere nako Misiri. Kiswamata kwaŋin imurwok luka Misiri kotoma acoakec nakaiyeiyea; kogogoŋior etau loka Parao komam iirari kes; kwape abalar EJAKAIT. Kibelokin Parao koloma togoke, komam ibwaikinit ŋun etau, Kobokata Imisirian kere ariri naka ecor kanuka akipi numatan naarai mam apedorete aimat akipi nuka ecor. Kotuboros apaarasia akanykaarei, kedau EJAKAIT ainom ecor. Kobala EJAKAIT Musa ebc, “Koloma mama ejai Parao, kolimok ebe, ‘Ebala EJAKAIT kwanata ebe, “Kisiik ikatuŋa alosit, teterc kejaanakinete eoŋ. Arai kigir ijo aisiikin kes alosit, koany, enomi iikorunokon kere kaidodokai: Ilweki ecor aidodokai, edokunete elomarete togokon, agolakon naiperi, aperitikon, otogoi da luka ikejaanakinakakon, otunakon, okialakon, amotiikon nukinyonis: Edokunete aidodokai mamakon, ido otunakon, kiton ikejaanakinakakon kere.”’” Kotema EJAKAIT Musa atiar, “Kolimok Aaron ebe, ‘Korio akonikan ka ekonibela ocorin, ka alelesia, ka ataparin da, kitodok aidodokai akwap nako Misiri.’’’ Korio Aaron akekan akipi nuko Misiri; kodokut aidodokai korapata akwap nako Misiri. Kiswamata imurwok da kwaŋin kotoma acoakec nakaiyeiyea, kitodokut aidodokai akwap nako Misiri. Kosodi Parao anyaraun Musa ka Aaron, kiner ebe, “Kilipa EJAKAIT kolema aidodokai kamakaŋ ka ikatuŋa; esiikini ituŋa alosit, koinakis asuban mama ejai EJAKAIT.” Kobala Musa Parao ebe, “Ituror ijo eoŋ: wori bo kelipakinia jo ka ikonikejaanakinak kosodete aidodokai amudiario kamakon kotogoikon da, kosalakis ocor bon?” Kobala ebe, “Moi.” Kobala Musa ŋes ebe, “Kojau kwape eiaar akonikirot, tetere ijenuni ebe emamei yeneputosi ka EJAKAIT Edekekosi, Enyounete aidodokai kamakon ka otogoikon, ka mama kaikonikejaanakinak ka ikonituŋa; esalakinete oeor bon.” Konyout Musa ka Aaron kama ka Parao: komony Musa mama ejai EJAKAIT kanuka aidodokai nuainunit Parao. Kosub EJAKAIT kwape ajaar akirot naka Musa; kotwakikis aidodokai otogoi, alaroi, ka amanat. Kotukonoroi atukon: kouru akwap. Konye keanyu Parao ebe ejai apak nakibworaret, kitogogon eketau, komam iirari kes; kwape abalar EJAKAIT. Kobala EJAKAIT Musa ebe, “Kolimok Aaron ebe, ‘Korio ekonibela kinom apua naka akwap, koluor ilac kakwap kere nako Misiri.’’’ Kiswamata kwaŋin; korio Aaron akekan kekebela, kinom apua naka akwap, kojaut ilac otuŋa kotian da; apua kere naka akwap koluor ijae kakwap kere nako Misiri. Kiswamata imurwok da kwaŋin kacoakec nakaiyeiyea tetere eyaunete ilac, konye mam apotu kopedosi; kojaut ilae otunanan kotian da. Kosodi kolimokis imurwok Parao ebe, “Lo ŋes ebokorit loka Edeke.” Kitogogon Parao eketau, komam iirari kes; kwape abalar EJAKAIT. Kotema EJAKAIT Musa atiar, “Konyou tupuruc sek kobwo kakonyen nuka Parao; koany, elomuni alosit akipi; kolimok ŋes ebe, ‘Ebala EJAKAIT kwanata ebe, “Kisiik ikatuŋa alosit, tetere kejaanakinete eoŋ. Konye arai mam isiikini ikatuŋa alosit, koany, ejukuni icuc luipu noi mamakon, ka neejaas ikonikejaanakinak, ka neejaas ikonituŋa, toma otogoikon da: ilelebunos ieuc luipu noi otogoi luka Imisirian, akwap da naejaas. Atiakuni da kapaaran kaŋin akwap nako Gosen, naiboioto ikatuŋa, kinyeis icuc luipu noi ajaut nina; tetere ijenuni ebe Eoŋ EJAKAIT loajai kidin kakwap, Ebwaikini atiaket kidin otunaka ka ituŋakon: ejaun aanyunet na moi.” Kiswama EJAKAIT kwaŋin; kopotu atukon nuka icue luipu noi toma togo loka Parao, otogoi luka ikekejaanakinak da; kobosu akwap kere nako Misiri kanuka icuc luepu noi. Kosodi Parao anyaraun Musa ka Aaron, kobala ebe, “Koloto yesi, koinakis Ekusideke asuban kotoma akwap.” Kotema Musa atiar, “Mam ibusakinit aswam kwaŋin; naarai kijaikini luitaleete Imisirian mama ejai EJAKAIT Ekosideke: koany, kiinakini kereka luitaleete Imisirian kakonyenekec, komam kibiribirete sio kamor? Kilosi alosit naka apaarasia auni modiŋ, ainakin asuban mama ejai EJAKAIT Ekosideke, kwape kicorakinia ŋesi sio.” Kotema Parao ebe, “Kesiikini yes alosit, ainakin EJAKAIT Ekusideke asuban kamodiŋ; konye mam ilosete neelwana: kilipakinai eoŋ.” Kotema Musa atiar, “Koany, alomari kaneijai, elipi EJAKAIT konyout ieuc moi kaneejai Parao, ka ikejaanakinakake, ka iketuŋa: konye kinyek Parao aiŋal bobo aiŋer aisiikin ituŋa alosit ainakin EJAKAIT asuban.” Konyou Musa kaneaiai Parao, kilip EJAKAIT. Kiswama EJAKAIT kwape ajaar akirot naka Musa; kolema atukon nuka icue kaneejai Parao, ka ikekejaanakinak, ka iketuŋa da; mam abu kosal ediopet da. Kitogogoŋ Parao eketau irwan nin da, mam abu kisiik ituŋa alosit. Kotema EJAKAIT Musa atiar, “Koloma mama ejai Parao, kolimok ŋes ebe, ‘lnera EJAKAIT, Edeke loka Iburanian, kwanata ebe, “Kisiik ikatuŋa alosit, tetere kejaanakinete eoŋ, Naarai arai kiner aisiikin kes alosit, kigirunio kes bobo, Koany, ejai akan naka EJAKAIT obarcnekon luejaas orony, obalasin, ka asigirian, ka akaalai, osipanin da luka aituk ka luka amerekekin: ejaun cmelekede loepol noi. Etiakari EJAKAIT ibaren luka Isirael kobaren luka Misiri: emamei yenetwani koboro kere lueraas luka idwe luka lsirael.” Koseu EJAKAIT apak kobala ebe, “Iswamai moi EJAKAIT akirot ŋin kakwap.” Kiswama EJAKAIT akirot ŋin tupuruc, kotwaka ibaren kere luko Misiri: konye emamei yenabu kotwana kobaren luka idwe luka lsirael. Abu Parao kijuka, ido koany, komamei idioda yenatwanit kobaren luka lsiraelin. Konye koninikiar etau loka Parao, mam abu kisiik ituŋa alosit. Kotema EJAKAIT Musa ka Aaron atiar, “Komukutu ekurwon koupa aileleb akusikanin, kosodi Musa aiwelar kuju kakonyen nuka Parao. Eraun apua kakwap kere nako Misiri, edekakinos ituŋa ka itian abusion nuebulonoros araun ajimii, anatar akwap kere nako Misiri.” Komukut ekurwon koupa, kobwaata kakonyen nuka Parao; kiwela Musa ekurwon kuju; koraun adek naka abusion nuebulonoros araun ajimii kotuna ka itian da. Kokurwokis imurwok aibwo kakonyen nuka Musa kanuka abusion: naarai adekas imurwok da abusi on, ka lmisirian kere. Kitogogon EJAKAIT etau loka Parao, mam abu kiira kes; kwape abalar EJAKAIT Musa. Kotema EJAKAIT Musa atiar, “Kodil tupuruc sek kobwo kakonyen nuka Parao, kolimok ŋes ebe, ‘Inera EJAKAIT, Edeke loka lburanian, kwanata ebe, “Kisiik ikatuŋa alosit, tetere kejaanakinete eoŋ. Naarai irwan na ejukuni akatular kere otaukon, neeiaas ikonikejaanakinak kotunakon da; tetere ijenuni ebe emamei yenikiputor eoŋ kakwap kere, Naarai tiariorit akakan, aidany jo ka ikonituŋa katular, ti jo kimudiar kakwap: Konye abeit kanuka akirot kana, ŋes ketajaria eoŋ jo, tetere ketodikini jo akapedor, kosodi ekakiror alimorio kakwap kere. Aitodol kwana da ituro kereka ijo kotuŋaka ebe, mam isiikini kes alosit? Koany, moi kapak kana, etetcpi akako naededen noi, namam apeŋo ejauna Misiri ageun kapaaran naasubunere aitodol lolo. Aso do kijuka, kisunya aitolomun ibarenekon ka lukon kere luijaas orony; naarai ninitunanan ka ŋolitiaŋ loedumakinio orony, mam eyaunitai ore, elei kes akako, etwakete.” Ŋin yen abu koyon akirot naka EJAKAIT kokejaanakinak luka Parao abu kitoloma ikekejaanakinak ka ibareneke otogoi. Konye yenimam abu kopodokin akirot naka EJAKAIT abu kinyeik ikekejaanakinak ka ibareneke korony. Kotema EJAKAIT Musa atiar, “Korio akonikan akuj, tetere etepi akako akwap kere nako Misiri, ituŋa ka itian, ka ninikiot yenika emanikor, kakwap kere nako Misiri.” Kosodi Musa arior ekebela akuj: kijuk EJAKAIT eires ka akako, kijesun akim akwap; kitetep EJAKAIT akako akwap nako Misiri. Kojaun akako, kinyalakina akim kakako, kopol noi, namam apeŋo ejauna akwap nako Misiri kere ageun naaraunor ateker. Konata akaka akwap nako Misiri elei ŋinibore kere yenajai orony, ituŋa ka itiaŋ da; kole akaka nclikiot lokorony, kobilibil ŋolikiroi lokorony. Dimarai akwap nako Gosen bon, naajaas idwe luka Isirael, ŋes amamei akako. Abu Parao kiyakia anyaraun Musa ka Aaron, kotema kes atiar, “Adiaka con irwan na: edolit EJAKAIT, konye eoŋ ka ikatuŋa kiroko. Kilipa EJAKAIT: naarai apoloor eires ka akako, kesiikini eoŋ da yes alosit, mam bobo isalete.” Kotcma Musa ŋes atiar, “Kadau eoŋ alomar kore, ariori akakanin atipet mama ejai EJAKAIT: enaŋi eires, emameun bobo akako, tetere ijenuni ebe EJAKAIT ŋes elopet akwap. Konye ijo ka ikonikejaanakinak, ajeni ebe mam iyonete EJAKAIT Edeke.” Koleai abira ka esairi: naarai asuri esairi epolimaete da abira. Konye mam akima ka ekusemet aponi koleai: naarai mam alomunito. Koloma Musa kaneajai Parao, kina naka ere, korio akekanin mama ejai EJAKAIT: konan eires ka akako, mam akiru abu kotep akwap. Keanyu Parao ebe anaŋ akiru ka akaka ka eires, kodiaka bobo, kitininik eketau, ŋes ka ikekejaanakinako Kogogonior etau loka Parao, mam abu kisiik idwe luka Isirael alosit: kwape abalar EJAKAIT Musa. Kotema EJAKAIT Musa atiar, “Koloma mama ejai Parao: naarai etininik eketau, ka itauon da luka ikekejaanakinak, tetere etoduni aanyunetaka nu kamakec: Tetere ilimokini aki nuka okokukon, ka ikoku yenika ikokukon, akiro nueswamak eoŋ Misiri, ka aanyunetaka nueswama kamakec; tetere ijenunete ebe Eoŋ EJAKAIT.” Kolomasi Musa ka Aaron mama ejai Parao, kotemasi ŋes atiar, “Inera EJAKAIT, Edeke loka Iburanian, kwanata ebe, ‘Itodoli ijo ai iŋerit anonokiar kakonyeneka? kisiik ikatuŋa alosit, tetere kejaanakinete eoŋ, Konye arai kiŋer aisiikin ikatuŋa alosit, koany, ayauni moi emaase oikorunokon: Erapiari akwap kere, komam yenepedori aanyun alup: enyamari luedeuna kotoma kaŋul kaluamudiario, lukideikinit jo akako, enyamari da ŋolikitoikon kere loepoloi korony. Ilelebunos itogoikon, ka itogoi luka ikonikejaanakinak, ka itogoi luka lmisirian kere; namam lukapapakon karaida lukapapaakon aanyunito, ageun kapaaran naajaatar akwap aitodollolo.’’’ Kibelokin koloma kaneajai Parao. Kotemasi ikejaanakinak luka Parao ŋes atiar, “ltodoli etuŋanan lo ai erai eic kamawok? kisiik ituŋa alosit, tetere ijaanakinete EJAKAIT Ekecedeke; eroko kereka ijo ejenuna ebe amudiar Misiri?” Koyaunai bobo Musa ka Aaron mama ejai Parao. Kotema kes atiar, “Koloto, kijaanakis EJAKAIT Ekusideke: konye lukanai luelosete?” Kotema Musa atiar, “Kilosi kaludidikikosi ka imakiokosi, ka idwekosi lusap ka lupesur, ka isipaninikosi luka amerekekin ka luka aituk kilosi isio; naarai kibusakinit aipoikin EJAKAIT epucit.” Kotema kes atiar, “Kojaun EJAKAIT kayes, kwape kesiikinia yes alosit, ka idwekus: kocoito; naarai ejai aronis akonyenekus. Mere kwaŋin: koloto do yesi luiraasi ikiliok, kijaanakis EJAKAIT: naarai ŋun kes nuimielasi.” Kirenearai kes kakonyen nuka Parao. Kotema EJAKAIT Musa atiar, “Korio akonikan akwap nako Misiri kanuka emaase, tetere ebuni akwap nako Misiri, anyamar nolikiot loka akwap, kes kere luabu akaka kideu.” Korio Musa ekebela akwap nako Misiri, kitukut EJAKAIT ekwam lokokide toma akwap apaaran ŋin kere, ka akuare kere; kiwala akwap koyau ekwam lokokide emaase. Konata emaase akwap kere nako Misiri elosi, kodoo oikoruno kere luko Misiri; apolo noi emaase; mam apeŋo ejauna emaase loetia nen, karaida akauloke mam ejaun loetia nen. Naarai abu korapia akwap kere, komusimusior akwap; kikoco nolikiot loka akwap ka araito kere naka ikito naedeunit akaka: komam itasali idiokiot kere, yenika ekitoi, arai yenika ikui lukorony, anatar akwap kere nako Misiri, Konyara Parao Musa ka Aaron atipet; kotema atiar, “Adiaka kama ejai EJAKAIT Ekusideke, kamakus da. Aso do kenainait, kisionioi akadiaket irwan na bon, kilipata EJAKAIT Ekusideke, tetere elemari atwanare na bon kamakaŋ.” Koloma kaneaiai Parao, kilip EJAKAIT. Kitukut EJAKAIT ekwam loegogon noi lokoto, loabu kokuta emaase, kirenek Aŋolol Nakareŋan: mam abu kosal karaida ediopet koikorun kere luko Misiri. Konye kitogogon EJAKAIT etau loka Parao, mam abu kisiik idwe luka lsirael alosit. Kotema EJAKAIT Musa atiar, “Korio akonikan akuj, tetere ejaun amuton akwap nako Misiri, amuton naepedorio ararap.” Korio Musa akekan akuj; kojaun amuton naejesi cucucuc akwap kere nako Misiri apaarasia auni; Mam apotu koanyununos, karaida ituŋanan anyoun kaiboisike adaun apaarasia auni: konye ajai aica aiboisio kere nueboiononoto idwe luka lsirael. Konyarau Parao Musa, kotema atiar, “Koloto yesi, kijaanakis EJAKAIT: konye kitasalata ikusisipanin luka amerekekin ka luka aituk: koloto ka ikusidwe da.” Kotema Musa atiar, “lbusakinit ijo ainakin isio asuban ka ainakineta nuicweio, teterc kiinakini EJAKAIT Ekosideke asuban. Kiupari kaikosibaren da; mam kitasali ediomagegeret; naarai kiyaijaari kes aijaanakinia EJAKAIT Ekosideke; ido mam kijeni luibusakinitor aijaanakinia EJAKAIT aitodol nakidolio nina.” Konye kitogogoij EJAKAIT etau loka Parao, mam abu kisiik kes alosit. Kotema Parao ŋes atiar, “lrwa kaneaiai, kocoite, sirikiany bobo akonyeneka; naarai apaaran naianyunia akakonyen itwani.” Kotema Musa atiar, “Iner ijo ejok; mam bobo aanyuni akonikonyen.” Kotema EJAKAIT Musa atiar, “Ejukakini Parao ka Misiri adiopetular bobo; akauloke kisiikini yes alosit; nakisiikinia yes alosit, kireneari eut yes kere. Aso do kinere kaki nuka ituŋa ebe, ‘Kilip nolitunanan eidunyeteke, ka ŋiniberu da aidunyeteke iboro luka epuesa, ka iboro luka esabu.’’’ Koinak EJAKAIT ituŋa aminunio kakonyen nuka Imisirian. Bobo da kitopolooroi Musa kakwap nako Misiri, kakonyen nuka ikejaanakinak luka Parao, kakonyen da nuka ituŋa. Kotema Musa atiar, “lnera EJAKAIT kwanata ebe, Alomari kidin naka Misiri kidinebai: Etwakete ikiyaik kere luko Misiri, ageun ka ekiyai loka Parao loiboie kaiakanutuke, kiton ekiyai loka abulesit naejai kau kairieis; ka ikiyaik kere luka ibaren. Ejaun aimony naepol anatar akwap kere nako Misiri, namam apeŋo ejauna naeriakatatar, mam da ejaun bobo naeriakakinotor. Konye mam ekiŋok ipeni akeŋajep aluikin idwe luka Isirael, aluikin ituŋanan arai itiaŋ: tetere ijenunete kwape etiakitor EJAKAIT Imisirian ka lsirael. Ido epote ikejaanakinakakon lu kere mamaka, ekukumete kaneajai, kobalas ebe, ‘Konyou ijo, ka ituŋa kere lukitupito jo’: akaulo kanun alomari.” Koloma kaneajai Parao kanyunyura naepol. Kotema EJAKAIT Musa atiar, “Mam Parao kiirari jo; tetere etupui nukaumokinika kakwap nako Misiri.” Kiswamata Musa ka Aaron nukaumokini nun kere kakonyen nuka Parao: kitogogon EJAKAIT etau loka Parao, mam abu kisiik idwe luka Isirael alosit anyoun kakwapuke. Kobala EJAKAIT Musa ka Aaron kakwap nako Misiri ebe, “Eraun elap lo logeet kolapio mama ijaas: eraun elap losodit laka ekaru mama ijaas. Kolimokis ekodet kere loka Isirael ebe, Kapaaran nakitomonet naka elap lo elemunete kesi ŋininujanan imerekek, kwape ejaatar itogoi luka lukapapakee, imerekek kanolitogo. Arai ikidioko lukotogo komam edaunete imerekek, komorata ka ekeidunyet loidunyatar eketogo; koyaata kwape eiaar etiai loka ituŋa; kwape enyamia ninitunanan, kimarakinio omcrekek. Sirienwalit imerekekikus, ikiliokit yenika ekaru ediopet: ilemunete kotoma amerekekin arai toma akinei, Inadaete ŋes aitodol apaaran nakitomonet kaonon naka elap kaŋol. Atukot kere naka ekodct loka Isirael eari napebon, Eyaŋaarete da aokot, kipikakis ategerio aarei nuka ekek ka acunet da, kotogoi luenyamiata. Ido enyamete akiriŋ akuare nin, kopeet kakim, ka emugati lomam itubuunitoi; enyamete da kedia kaloedwar. Sirikinyamata eionit, karaida ipoitoi, nabarai apcot kakim; akekou ka akekeje ka iboro da luka akoik. Sirikideut idiobore aitodol tupuruc; konye yenideun aitodol tupuruc kicweata kakim. Inyamete da kwanata; koenito akusiŋabes, koiaas amuk akeiekus, ebela akanikus: kisunyito inyamete: erai ŋin aleleŋ naka EJAKAIT. Naarai akuare nin etori eoŋ akwap nako Misiri, adanyi da ikiyaik kere kakwap nako Misiri, ituŋanan ka itian da; ido etodoli ikatubesia kodekesio kere luko Misiri: Arai eoŋ EJAKAIT. Koraas aokot aanyunet mama iiaas kotogoi luijaas; kaany eoŋ da aokot aleleni yes, kwabo mam ejaun atular amudiar yes, naadanyia akwap nako Misiri. “Koraenena apaaran ŋin aisiitunet mamakus, kidarenenete ŋes korai epucit loka EJAKAIT: kotoma aturiokus kere, kidarenenete epucit kokisil lomam edaun. Inyamcnenete imugatin lumam itubuunitoi apaarasia akanykaarei; ageun kapaaran nasodit ilemarete yenikitubuunet kotogoikus: naarai ninitunanan yenenyami imugatin luitubuunitoi ageun kapaaran nasodit aitodol apaaran nakikanyetekaarei, egelario ituŋanan nin kolsirael. Kapaaran nasodit ejaun atukonokin nakalaunan; mam iswamao adioswam kere kapaarasia kanun, dimarai luenyami ŋinituŋanan, nul bon iswamaete. Idarenenete epucit loka imugatin lumam itubuunitoi; naarai kapaaran kaŋin ŋes etolomunia ajorekus kakwap nako Misiri: ŋes idareneniata apaaran nin anatar aturiokus, araun ekisil loka ikar kere. Kolap losodit kapaaran nakitomonet kaonon naka clap eboŋ, inyamete imugatin lumam itubuunitoi, aitodol apaaran naka akaisaarei kanadiop naka elap eboŋ. Apaarasia akanykaarei mam etakanuni yenikitubuunet kotogoikus; naarai ŋinitunanan yenenyami yenikitubuunitoi, egelario ituŋanan nin kokodet loka Isirael, arai erai emoit, karaida iwuriat. Sirikinyama yenikitubuunitoi; konyamete imugatin lumam itubuunitoi kotoma aiboisiokus kere,” Kosodi Musa anyaraun imakio kere luka Isirael, kotema kes atiar, “Koloto kooma idwe luka amerekekin kwape ejaatar ikekiakus, koarata luka aleleŋio. Kolemutu da itenun luka esop, kidomakis toma aokot nuejaas abeseni; kobwatanakis aokot nuejaas abeseni acuneta ka ategerio aarei nuka ekek: sirikelomu idiotuŋanan ke re kokek loka etogoke aitodol tupuruc. Naarai etubori EJAKAIT aidany Imisirian; aso naeanyunia aokot kacuneta ka ategerio aarei nuka ekek, cleleni EJAKAIT ekek, komam ecamakini ekamudiaran alomar otogoikus aidany yes, Ido idarenenete akirot nin araun ekisil mamakon kodwekon da, ikar kere. Kosodete kidoloto akwap nakiinakini EJAKAIT, kwape kolo kisumunio, idarenenete aiiaanakin nin. Kosodi nakinisiata idwekus ebe, ‘Aijaanakinikus na, apolouke inyo?’ Itemanarete ebe, ‘Ŋes asubanit naka aleleŋ naka EJAKAIT, loalelenikini idwe luka Isirael koMisiri, naadanyia Imisirian koyuu ikaliawok.’’’ Kituluroto ituŋa akecekwes, komaata. Koloto idwe luka Isirael kiswamata kwaŋin; kwape ecorakinia EJAKAIT Musa ka Aaron, kiswamata kwaŋin. Kosodi kidiijebai, kodany EJAKAIT ikiyaik kere luka akwap nako Misiri, ageun ka ekiyai loka Parao, loeboie koicoloŋoke loka ajakanut, kiton ikiyai loka loaenitai kaidaris; ka ikiyaik kere luka ibaren. Konyou Parao kuare, ŋes ka ikekeiaanakinak kere ka Imisirian kere; kojau aimony naepol akwap nako Misiri; naarai amamci etogo lomam atwanitor ituŋanan, Konyarau ŋesi Musa ka Aaron kuare, kobala ebe, “Konyoutu, koloto kotuŋaka, yes ka idwe luka Isirael; koloto kijaanakis EJAKAIT, kwape ibalatar. Koyaata isipaninikus luka amerekekin ka luka aituk, kwape ibalatar, koloto; kilipakis eoŋ da arercn.” Kisuburikisi Imisirian ituŋa, aitonyoun kes kakwap atipet; naarai kobalas ebe, “Wuu kitwaka!” Koyaata ituŋa atapiokec koroko kitubuuno, koenanakina amoti nukinyonis ogoenekec kokeperinikec. Kiswamata idwe luka Isirael kwape ajaar akirot naka Musa; kilipata kesi Imisirian iboro luka epuesa, ka iboro luka esabu, ka igoen. Koinak EJAKAIT ituŋa aminunio kakonyen nuka Imisirian, koinanakinai luelipito. Konatata Imisirian. Koloto idwe luka Isirael anyoun koRameses adolore Sukot, ikiliok kwaka ilukumin akwat akanykape lualosete kakeie, komam imarakinitai idwe. Ido koupar erioŋet luka imo kakes; ka isipanin luka amerekekin ka luka aituk, ibaren luipu noi. Kopeoto imugatin lumam itubuunitoi luka atap naayaunete kakwap nako Misiri, naarai mam etubuunitoi; naarai aponi kireijeunai koMisiri kisuouriknitete, kwabo mam epoito idisinyamat kere, Apotu idwe luka lsirael kiboioto koMisiri adaun ikar akwat aoŋon ka akaisauni. Kosodi ketuboros ikar akwat aoŋon ka akaisauni, konyou aiore kere naka EJAKAIT kapaaran kaya koMisiri. Ŋes akuare naibusakinit aidario noi kama ejai EJAKAIT kanuka aitolomun kes kakwap nako Misiri: nin ŋes akuare ya naka EJAKAIT naibusakinit idwe luka Isirael aricenen noi anatar aturiokec kere, Kotema EJAKAIT Musa ka Aaron atiar, “Lo ŋes ekisil loka aleleŋ: mam imoit kere enyamenenei: Konye nolibulesit loegwelitai kapesan, kedau akepio, ŋes konyet enyamia. Mam emoit ka ekeiaanakinan loiwotei enyamenenete. Togo ediopet enyamenenere; sirikiyaŋaasi akirinike kina ketogo; karaida aibil akoitike. Erici ekodet kere loka Isirael, ido arai iboienenei emoit kajo, kokoto aidar aleleŋ kama ejai EJAKAIT, kokepenenete ikiliokoke kere, ŋes konyet ikunyakinia aidar; eraun bala iwuriat akwap: konye lomam ekepep kere mam enyamencnei, Eraun ekisil ediopet mama ejai iwuriat ka emoit loiboic kayes.” Kiswamata kwaŋin idwe luka Isirael kere; kwape ecorakinia EJAKAIT Musa ka Aaron, kiswamata kwaŋin. Kosodi kapaaran kaya kitolom EJAKAIT idwe luka Isirael kakwap nako Misiri kajorekec. Kotema EJAKAIT Musa atiar, “Kitalaikinai eoŋ ikiyaik kere luepukorete aliligeta kodwe luka lsirael, yenika ituŋanan ka yenika itiaŋ: erai yenikaŋ.” Kotema Musa ituŋa atiar, “Kiitununete apaaran na, nailomuniata koMisiri, kotogo loka ebulesene; naarai abu EJAKAIT kitolom yes kagogoŋ naka akan kaibois kaŋin: sirikinyama imugatin luitubuunitoi. Kapaaran kana inyounete kolap loka Abib. Kosodi nakitodolio EJAKAIT jo akwap naka Ekanaanit, ka Ekitit, ka Emorait, ka Ekibit, ka Eyebusit, naeyapoikinit lukapapaakus ainakin jo, akwap naeleleete akile ka esik, idarenenei aijaanakin na kolap kalo. Konyamenenei imugatin lumam itubuunitoi apaarasia akanykaarei, apaaran nakikanyetekaarci da ŋes apaaran naka epucit loka EJAKAIT. Konyamenenei imugatin lumam itubuunitoi adaun apaarasia nukanykaarei; komam etakanete kamakon imugatin luitubuunitoi, karaida yenikitubuunet atakan kamakon, koikorunokon kere, Ilimonokini okokukon kapaaran kaŋin, ebe, ‘Erai kanuka ŋun nuabu EJAKAIT keswamak naanyounio koMisiri.’ Eluor aanyunet kakanikon, aisiitunet da kokidiŋ kakonyekon, tetere ejaun ekisil loka EJAKAIT aitukukon: naarai abu EJAKAIT kitolom jo koMisiri kakan nakagogon, ŋes ibusakinitor aricenen ekisil ŋol kapakike nolikaru. Kosodi nakitodolio EJAKAIT jo akwap naka Ekanaanit, kwape kolo eyapoikinia jo ka lukapapaakon, kiinakini da, Igitakini EJAKAIT nin yenepukori aliliget, ka yenikiyai yeniiaatar yenelomuni kotian; eraunos lukiliok luka EJAKAIT. Ido imerekek ilakununia ŋinikiyal yenika asigiria; arai mam ipuda alakun, ibili do emurisinike: ilakununei ikiyaik kere luka ituŋa kodwekon. Kosodi nakinisia okokukon jo kapaarasia nuepote ebe, ‘Inyo bo yen?’ ilimokini ŋes ebe, ‘Abu EJAKAIT kitolom oni koMisiri, kotogo loka ebulesene kagogoŋ naka akan, Kosodi naaneritor Parao aisiikin sio anyoun, abu EJAKAIT koar ikiyaik kere luka akwap nako Misiri, ikiyaik luka ituŋa, ka ikiyaik luka itian: kanuka nun ŋes ainakinia eoŋ EJAKAIT kere yenepukori aliliget, lueraas ikiliok; konye alakuni ikiyaik kere luka odweka.’ Eraun aanyunet kakanikon, ka nakoreet kokidin kakonyekon: naarai abu EJAKAIT kitolom oni koMisiri kagogon naka akan.” Kosodi kedau Parao aisiikin ituŋa alosit, mam Edeke abu kitotor kes orot loka akwap naka Ipilisitian, karaida keapie; naarai abala Edeke ebe, “Diat ekuriakaros ituŋa arai keanyut ejie, kosodete aboŋor Misiri.” Konye abu Edeke kitotor ituŋa erot loka amodiŋ ariri naka Aŋolol Nakareŋan: konyout idwe luka lsirael kakwap nako Misiri ekapito lujiis. Koyanaaria Musa akojo nuka Yosep: naarai abu Yosep kisiyapoikinite cut idwe luka Isirael ebe, “Abeit kianyanari Edeke yes; iyanaariata akakoio anyoun kane.” Kosodete konyout koSukot, kidukuroto Etam, ariri naka amodiŋ, Kinarenik EJAKAIT kes kepir loka edou paaran ainarenikinit korot: ido kepir loka akim kuare, acaikinit kes; tetere elosete paaran ka kuare. Epir loka edou paaran, ka epir loka akim kuare, kojaenena kakonyen nuka ituŋa. Kotema EJAKAIT Musa atiar, “Kolimok idwe luka lsirael kobonosi kau, kidukuroto kiijaren ka Pi-kakirot, kidiij ka Migidol ka aŋolol, kinaren ka Baal-sepon; idukurcte ariri naka aŋolol, Etemari Parao nuka idwe luka Isirael ebe, “Etotoliki kes akwap, agoloo amodiŋ.’ Etogogoŋi eoŋ etau loka Parao, etupuni kes; adumuni eoŋ aibuses kaneejai Parao ka ajoreke kere; ejenunete da lmisirian ebe arai Eoŋ EJAKAIT.” Kiswamata kwaniŋ. Aponi kolimokinai ekabaka loka Misiri ebe, “Akerata ituŋa.” Kibelokin etau loka Parao ka loka ikekeiaanakinak mama ejaas ituŋa; kobalas ebe, cc Inyo bo yen yenikisub, aisiikin Isirael anyoun kaijaanakin oni?” Kitemok agalike, kouparos ka iketuŋa: Koyana agalin akwat akanykape nuseuna, ka agalin kere nuko Misiri, ka iiaka ayait kes kere. Kitogogon EJAKAIT etau loka Parao ekabaka loka Misiri, kibwapak idwe luka lsirael: naarai alomarcte idwe luka Isirael kakan naarioro. Kibwapakis lmisirian kes, ibalasin kere ka agalin nuka Parao, ka ikebwanenokoke ka akejore, kodolokis kes idukurete ariri naka aŋolol, owai loka Pi-kakirot, kinaren ka Baal-sepon. Keapia Parao, kiteluos idwe luka Isirael akonye, ido koany, kokubokinos Imisirian kes; kokuriakaros noi: komonyata idwe luka lsirael mama ejai EJAKAIT. Kobalas Musa ebe, “Kanu emameatar atesin koMisiri, ŋes kiyaunia sio atwakikin modin? Kanukinyo kiswamakinia sio kwana, aitolomun sio koMisiri? Mere na ŋes akirot nakibala isio jo koMisiri ebe, ‘Kinyeinai sio kejaanakis Imisirian?’ Naarai ejok aijaanakin Imisirian itia atwakikin modin.” Kobala Musa ituŋa ebe, “Sirikikuriakaros, kobwaata kopalarito, koanyutu aitaiar naka EJAKAIT, nakiswamakini yes lolo: naarai Imisirian luianyunete lolo, mam bobo ianyunete kes ikar kere. Kijiikini EJAKAIT yes, kililinete yesi da.” Kobala EJAKAIT Musa ebe, “Kanukinyo imonyia mama ajai? Kolimok idwe luka Isirael kolototo kiŋaren. Kitonyou ijo ebelakon, korio akanikon aijolol, kotiak ŋes; itorete idwe luka Isirael kidin kaŋolol neconit. Ka eoŋ da, koany, etogogoŋi itauon luka Imisirian, edoete atupite kes; adumuni eoŋ aibuses kaneejai Parao, ka ajoreke kere, kagalinike, kokebwanenokoke da. Ejenunete lmisirian ebe arai Eoŋ EJAKAIT, naadumunia aibuses kaneejai Parao, kagalinike, kokebwanenokoke da.” Konyou emalaika loka Edeke loeŋarenikinit ajore naka Isirael kobono kaukec; konyou epir loka edou koinarenekec, kobwo kokaukec: Kobu kosipokin kidin ajore naka lmisirian ka ajore naka Isirael; kojai edou ka amuton, konye kocaik kuarc: mam kwi apotu kodolokis nul akuare kere. Korio Musa akekan aŋolol; kitukut EJAKAIT ekwam lokokide loegogon aitobonor aŋolol akuare kiya, kitarau aŋolol akwap naconit, kotiakas akip. Kolomasi idwe luka Isirael kidin aŋolol neconit: kosubito akip kamakec bala arwatat kakan nakorcten, kakan da nakokediany. Kotupasi Imisirian, kolomasi akaulokec kidiij aŋolol, ibalasin kere luka Parao, ka agalinike, ka ikebwanenokoke. Kosodi kanen kotoma akwenyunet naka tupuruc, kosesen EJAKAIT ajore naka Imisirian kotoma opir loka akim ka cdou, kisiyalonon ajore naka Imisirian. Kisipok akokoron nuka agalinikec, kireŋeata kolanirikinito; tape ebalas Imisirian ebe, “Kakerata kakonyen nuka Isirael; naarai itijie EJAKAIT Imisirian kanukec.” Kotema EJAKAIT Musa atiar, “Korio akanikon aŋolol, tetere eboŋokinete akip oMisirian, agalinikec, ka ikebwanenokokec.” Korio Musa akekan aŋolol, Koboŋok aŋolol kagogonuke napiwalari; kokerata Imisirian; kilakilakak EJAKAIT Imisirian kidin aŋolol. Kobonut akip, korapasi agalin ka ikebwanenok, ajore kere naka Parao naabu koloma aŋolol kokaukec; mam abu kosalak ediopet kakesi, Konye kitcro idwe luka Isirael nceonit kokidin aŋolol; kosubito akip kamakec bala arwatat kakan nakoteten ka nakokediany da. Kwaŋin kitajar EJAKAIT Isirael kapaaran kaŋin kakan naka Imisirian; koany Isirael Imisirian ctwakito kariri kaŋolol, Koany Isirael aswam naepol naeswamakini EJAKAIT Imisirian, koyonata ituŋa EJAKAIT: kiyuut EJAKAIT ka Musa ekejaanakinanike. Kosodete Musa ka idwe luka Isirael ayeikin EJAKAIT ckosio lo, kobalas ebe, “Ayeikini EJAKAIT, naarai epiko cut: Abu kocakak ebalasi ka ekebwanenonike toma aŋolol. EJAKAIT ŋes akagogoŋ ka ekosioka, Aluor ŋesi aitajarioka: Lo ŋes Ekadeke, eturenenei ŋes; Edeke loka papaka, etopolonori ŋes. Erai EJAKAIT ekajion: EJAKAIT ŋes ekekiror, Acakaki agalin ka aiore naka Parao toma aŋolol; Alumosi lukapolokoke luseuna Aŋolol Nakaren an. Arapa kes aidules: Ejesaros neidul kwape amoru. Wu EJAKAIT, ibus akonikan naketeten kotoma agogoŋ, Wu EJAKAIT, idecideci akonikan nakoteten lokasurup. Ibirori kes lukinyoikinete asurokin jo Kotoma apolou naka aibusesukon: Iyakuuni anyunyurakon, kicwe kes kwape agugu. Ido ekwam loka okumesikon itadakuni akipi, Kobwaata akalel atukon; Korurwak aidules otau loka aŋolol, Abala lokasurup ebe, ‘Atupakini, adolokini, akori lunatan; Isimonikinio akainobel kamakec; Autuni ekakileŋ, emudiari akakan kes.’ Ibu kitukut ekwamukon, korapa aŋolol kes: Kolumosi kwape asasit toma akipi nukagogonok. Wu EJAKAIT, iŋai eputosi bala jo kotoma odekesinei? Iŋai eputosi bala jo, loibus kotoma alaunit, Lokiyonitai kotoma aiturio, loiswamai nukaumokin? Ibu korio akonikan nakoteten, Kiliko kes akwap, Kotoma akoniitim ibu kinarenik ituŋa luilakuni: Ibu kiteten kes kagogoŋukon kiton aiboisikon nakalaunan. Apuput atekerin, emaranete: Abu ariebo kikam iuibciete koPilisitia. Koumokis do lukapolok luka Edom; Kikam amaran imaseniko luka Moab; Elicaros luibojete ‘kere koKanaan. Ebirokini kes ailiili ka etasuro; Kanuka apolou naka akonikan epalarito kwape amoru; Aitodol neilamarotor ikonituŋa, wu EJAKAIT, Aitodol neiiamarotor ikonituŋa luibu kodum, Itolomari, iraikini kes oroŋat loka airumetekon, Aibois naitemonok ijo aiboi kotoma, wu EJAKAIT, Aibois nakalaunan, naetogogonoete akaninikon, wu EJAKAIT. Irumi EJAKAIT ikar kere.” Naarai apotu ibalasin luka Parao nepepe kagalinikec ka ikebwanenok kolomasi aŋolol, kinyakak EJAKAIT akipi nuka aŋolol mamakec; konye koloto idwe luka Isirael kaneeonit kidin aŋolol. Koyana Miriam anabi, kinaci naka Aaron, isiman kakanike; kolomasi aŋor kere kotupasi ŋes kojaas kisiman kikosiete, Koboŋok Miriam kes atiar, “Koyeikisi EJAKAIT, naarai epiko kapolou; Abu kocakak ebalasi ka lokebwanenonike aŋolol.” Kinarenik Musa Isirael anyoun kAŋolol Nakareŋan, kolomasi kodoloto amodiŋ naka Sur; koloto apaarasia auni komodin, komam edumunete akipi. Kedoloto Mara, mam apotu kopedosi aimat akipi nuka Mara, naarai adwarak: ŋes amaikinere ekiror ŋol Mara. Kirurumakis ituŋa Musa, kobalas atiar, “Inyo bo do kimasi?” Komony ŋesi mama ejai EJAKAIT: kitodik EJAKAIT ŋes ekitoi, kocakak akipi, koluoros akip nukajijimak, Nen ŋes esilakinia kes ekisil ka aicorakinet, kitem kes kanen. Kobala ebe, “Arai kidunyak ijo arimar eporoto loka EJAKAIT Ekonideke, kiswama naedolit kakonyeke, kitoik akit aicorakinetake, koric ikekisila kere, mam kebwaikini jo adekesia kere, nuebwaik Imisirian; naarai arai Eoŋ EJAKAIT Ioketanaleuni jo.” Kodoloto Elim, neajaas ikico itomon kaarei luka akipi, ka idukudukun akaisakanykaarei; kidukuroto nen neajaas akip. Konyout koElim elosete, kodol ekodet kere loka idwe luka Isirael amodiŋ naka Sin, naejai kidin Elim ka Sinai, kapaaran nakitomonet kakany naka elap lokiareit kedaut anyoun kakwap nako Misiri. Kirurumak ekodet kere loka idwe luka Isirael Musa ka Aaron komodin. Kobalas idwe luka Isirael kes ebe, “Ti gwai kiitwakiki akwap nako Misiri kanuka akan naka EJAKAIT, nakiboio kama ejaas amoti nuka akiriŋ, nakinyamia atap kemonikinos; naarai kibuaut isio amodiŋ na, aiar ekodet lo kere keteŋai.” Kosodi kotema EJAKAIT Musa atiar, “Koany, etctepikini yes atap naebuni kokuju; elomarete da ituŋa ninipaaran atukonokin adutakinet naka apaaran, kasodi ketem kes arai elosenenete kokisilaka, arai mam. Kosodi kanen, kedolu apaaran nakikanyctckapc, itemonokinete ke si lueyaunete, koraut do irwan atipet adepar lulem etukonokinete ninipaaran.” Apotu Musa ka Aaron kotemasi idwe luka Isirael kere atiar, “Nat eboŋ, ŋes ijenuniata ebe abu EJAKAIT kitolom yes kakwap nako Misiri. Ido tupuruc ŋes ianyuniata yesi aibuses naka EJAKAIT; naarai eira airurumakus mama ejai EJAKAIT: lukanai bo isio, luirurumakinito?” Kotema Musa atiar, “Ejaun na, nakiinak EJAKAIT yes akiriŋ ainyam eboŋ, tupuruc da aimonikin atap; naarai eira EJAKAIT airurumakus nairurumakis ŋes: ido lukaŋai bo isio? Mam kirurumakinito sio, dimarai EJAKAIT.” Kobala Musa Aaron ebe, “Kolimok ekodet kere loka idwe luka Isirael atiar, ‘Kikunyutu akonyen nuka EJAKAIT: naarai eira ŋesi akusiirurum.’” Kosodi kanen, napineras Aaron ka ekodet kere loka idwe luka Isirael, koscsenata modin, ido koany, kotakan kodou aibuses naka EJAKAIT. Kotema EJAKAIT Musa atiar, “Eira eoŋ airurum naka idwe luka Isirael: kolimok kes ebe, “Eboŋ inyamete akiriŋ, tupuruc da imonikinos atap; ijenunete do ebe arai Eoŋ EJAKAIT Ekusideke.’’’ Kosodi kanen napeboŋ, kodooto alurueik, korapaasi iswamin: ido tupuruc kiriamarito akopyo iswamin. Keokoto akopyo, koany, kuju kamodiŋ koiau ibore yenedit kilunurur, kodit kwape kakako kokwap. Keanyut idwe luka Isirael, kotemanaros atiar, “Inyo bo ŋin?” naarai mam kejenete kwape kejaar. Kobala Musa kes ebe, “Ŋin ŋes atap nakiinakinit EJAKAIT yes ainyam. Ŋin ŋes akirot naicorakinit EJAKAIT ebe, ‘Kotukonok ninituŋanan kayesi kwape enyamia; ninitunanan omer ediopet, kwape ejaar etiai loka ituŋakus, iyaete, ninitunanan einari lukowemake.’” Kiswamata idwe luka Isirael kwaŋin, kotukonokis ice epol, ice edit. Kosodete kitemoto kotoma omer, yeniketukonokin loepol mam cdeuni, yeniketukonokin loedit, mam epuda bobo; atukonokinete ninitunanan kwape anyamia. Kotema Musa kes atiar, “Kinyek ituŋanan aiteperor.” Mam apotu kopuput Musa; konye ice kakesi kiteperosi, kouri ikur, kobosiar; konyunyurik Musa kes. Kotukonokis ninitupuruc, ŋinitunanan kwape enyamia: ido kemwaniar akoloŋ, kocalar. Kosodi kedol apaaran nakikanyetekape kotukonokis inyamat irwan aarei, ninitunanan ikomerin iarei; koporu lukapolok kere luka ekodet alimokin Musa. Kotema kes atiar, “Ŋin ŋes naabu EJAKAIT kobala ebe, ‘Erai moi aibworar naicorakinitai, nakasabato nakalaunan kaneejai EJAKAIT: kopeoto luikotos aipe, kipooto da luikotos aipoore; luideunos kere kiteperosi kinadakis aitodol moi.’” Kiteperosi kwape kicorakinia kes Musa: mam ebosa, komameunos da ikur kotomakec. Kotema Musa atiar, “Konyama lu lolo; naarai lolo ŋes apaaran naka asabato kaneejai EJAKAIT: mam lolo idumunete komagoro. Kotukonokinete kotoma apaarasia akanykape; konye apaaran nakikanyctckaarei ŋes apaaran naka asabato: kapaaran kaŋin mam ejaunun.” Kosodete kapaaran nakikanyetekaarei apotu ice kakesi koloto atukonokin, komam edumunete. Kotema EJAKAIT Musa atiar, “Itodolete yesi ai aigir apupun akaicorakineta ka ikakisila da? Koanyutu, naarai kiinak EJAKAIT yes aiyeŋunet, ŋes kiinakinia yes kapaaran nakikanyetekape inyamat luka apaarasia aarei; kiboikin ninituŋanan kayesi aiboisike, kinyek ituŋanan anyounun kaiboisike kapaaran nakikanyetekaarei.” Kiyenununete ituŋa kapaaran nakikanyetekaarei. Ekek loka Isirael komaik ekirorike Emanu: kosubite bala ecokit loka ejad, loekwaŋ; ajijimuke da kosubite bala imugatin luka esik. Kobala Musa ebe, “Ŋin ŋes akirot naabu EJAKAIT kicorak, ebe, ‘Kinadakisi omer Ioilcleba kanuka aturiokus kere; tetere eanyunete kesi inyamat luabu eoŋ ketanyam yes kamodiŋ, naketolomunia kakwap nako Misiri.’’’ Kotema Musa Aaron atiar, “Kolem atido, kipiik tomake omer loileleba emanu, kibwaik kakonycn nuka EJAKAIT, kinadakis aturiokus.” Kwape kicorakinia EJAKAIT Musa, kwaŋin kibwaik Aaron akonyen nuka Aiteienunet, araun nakinada. Konyamata idwe luka Isirael emanu ikar akaisaoŋon, kiton neadolioto akwap naeboioto ituŋa; konyamata emanu kiton neadolioto oikoruno luka akwap nako Kanaan. Ido omer ŋes idiopet kotomon yenika epa. Kolot ekodet kere loka idwe luka Isirael anyoun kamodiŋ naka Sin, kobwosenenete, kwape ajaar aicorakinet naka EJAKAIT, kidukuroto Repidim: konye komamuut akip nuemasete ituŋa. Ŋes etoŋolopiata ituŋa Musa, kobalas ebc, “Koinakinai sio akipi kamata.” Kotema Musa kes atiar, “Kanukinyo kitonolopiata eoŋ? Kanukinyo ikoduniata EJAKAIT?” Kojak ituŋa akure naka akipi kanen; kirurumakisi ituŋa Musa, kotemasi atiar, “Kanukinyo kitolemunia sio koMisiri, aiar sio ka ikosidwe ka ikosibaren kakure?” Komony Musa neejai EJAKAIT kotema atiar, “Ekonakini ai ituŋa lu? ekapakina kesi aibiribir eoŋ kamor.” Kotema EJAKAIT Musa atiar, “Kitor akonyen nuka ituŋa, koyaŋa nepepe kajo ice komakio luka Isirael; kitin ebelakon kakanikon, loinomia kole ijo ecor, kolot. Koany, abwoi eoŋ kakonyenekon komoru Koreb; inomi ijo atiiba, elomunete akip, komata ituŋa.” Kiswama Musa kwaŋin kakonyen nuka imakio luka Isirael. Komaik ŋesi aibois ekekiror Masa, ka Meriba, kanuka aŋolopa naka idwe luka Isirael, kosubata bala ekodunete EJAKAIT, kineras atiar, “Ejai kereka EJAKAIT mamawok arai bo mam?” Kobu do Amalek, kojioto ka Isirael koRepidim. Kotema Musa Yosua atiar, “Koseikinai ituŋa, kolot, kitiji Amalek: abwoi eoŋ moi koukot, ketinitc ebela loka Edeke.” Kiswama Yosua kwape kicorakinia Musa, kitiji Amalek: kodokasi Musa ka Aaron ka Kur oukot. Kosodi kanen, kerio Musa akanike, kipiko Isirael: konye kinyakaki akanike kwap, kipiko Amalek. Konye kitega akanin nuka Musa; koyanaasi amoru kibwaikis kwapuke, kiboikin; kigagata Aaron ka Kur akaninike, ediopet epuai, ediopet da epuai; kicatata akekanin aitodol nealomaria akoloŋ. Abu Yosua kitononok Amalek ka iketuŋa kakwanis naka ekileŋ. Kotema EJAKAIT Musa atiar, “Kiwadik nin oitabo araun aisiitunet, kitatamik aki nuka Yosua; naarai amwatari cut aiitunio naka Amalek kokwap kakuj.” Koduk Musa etem, komaik ekekiror Yawe-nisi: Kotema atiar, “Eyapo EJAKAIT: Ejienenei EJAKAIT kAmalek anatar aturio kere.” Kopup do Yetero, esasedoti loka Midian, ekamuran loka Musa, nukiswamakini Edeke Musa, ka Isirael iketuŋa, ebe, abu EJAKAIT kitonyou Isirael koMisiri. Abu Yetero, ekamuran loka Musa, koya Sipora aberu naka Musa, naabu kinyakarite, Ka ikedwe iarei; ekiror loka ediopet ŋes Geresom; naarai abala ebe, “Arai epeionon kakwap namere nakan.” Ekiror loka ece ŋes Elieser; naarai abala ebe, “Edeke loka papaka ŋes arai ekenarakinanika, abu kayu eoŋ kokilen loka Parao.” Kobu Yetero, ekamuran loka Musa, ka odweke ka akeberu neejai Musa amodiŋ naedukurito, moru loka Edeke; Kotema ŋesi Musa atiar, “Abunit eoŋ Yetero ekamuranikon mamakon, ka akoniberu, ka odweke iarei kaŋes.” Koloma Musa airiamun kekamuranike, kisudede, konu; kiŋitanaros ebe, “Anyoika?” Kolomasi owema, Kolimcnok Musa ekamuranike akiro nueswamakini EJAKAIT Parao ka Imisirian kanuka Isirael, aitaaritoi kere naadoikini kes korot, ido kwape keyuunia EJAKAIT kes. Kiyalamikin Yetero kanuka nukaiokak kere nukesubakini EJAKAIT Isirael, naarai abu koyuu kes kakan naka Imisirian. Kotema Yetero atiar, “Kituritete EJAKAIT, lokiyuuni yes kakan naka Imisirian, kakan naka Parao da; loabu koyuu ituŋa kakan naka Imisirian. Ajen do kwana ebe epol EJAKAIT aitelekar idekesinei kere: eebo, kotoma akirot naiturotor kamakec.” Abu Yetero ekamuran loka Musa koinak ainakinet naicweio ka asuban mama ejai Edeke: kobu Aaron ka imakio kere luka Isirael, konyamata atap nepepe kekamuran loka Musa, kakonyen nuka Bdeke. Kosodi kiwala akwap, kiboikin Musa atubokin ituŋa: kobwaata ituŋa kirimoritos Musa ageun tupuruc aitodol eboŋ, Keanyu ekamuran loka Musa kere nueswamanakini ŋesi itutja, kotema atiar, “Inyo bo yeniswamanakini ijo ituŋa? Kanukinyo iboio ijo bon, kobwoete da ituŋa kirimoritos jo ageun tupuruc aitodol eboŋ?” Koboŋok Musa ekamuranike ebe, “Naarai eponenenete ituŋa neaiai aiŋit Edeke, Keiaut kakirot, epote kamakaŋ; atubokini eoŋ akirot ituŋanan ka yeniceke, etejenikini kes aicorakineta nuka Edeke, ka ikekisila.” Kobala ekamuran loka Musa ebe, “Akirot naiswamai mam ejok. Kilolonyi cut, ijo ka ituŋa lu luejaas kajo: naarai kilanirikinit ijo akirot; mam jo bon ipedori aswam. Aso do kiira ekaporoto, ketetemik akiro, kojai Edeke kajo: kojai ijo kanuka ituŋa mama ejai Edeke, koyana akiro mama ejai Edeke. Isisianakini ijo kes aicorakineta ka ikisila; itodikini kes erot loibusakinit kes aloseneneo, ka aswam naibusakinit kes aswam. Ido kirereu kotuna kere ikiliok Iuibusakinito, lueyonito Edeke, ituŋa luka abeit, luelaito ameda namam edolit; kodakanak kes, koraut ikapolok luka ilukumin, ka ikapolok luka akwat, ka ikapolok luka akaisakany, ka ikapolok luka itomon. Kotubokis kesi ituŋa apakio kere; kosodete kesi ainunun jo ŋinikirot naepol, konye ninikirot naedit etubenenete bonik: kwaŋin kibenenikini ijo, ibwokenenete kesi alaŋir nepepe kajo. Arai kiswama ijo akirot nin, kiicorak Edeke jo kwaŋin, ipedori do ijo atitiŋikin, elosenenete ituŋa lu kere aiboisiokec inapakina.” Kiira Musa eporoto loka ekamuranike, kiswama kere kwape abalar nesl. Koseu Musa ikiliok luibusakinito koIsiracl kere, kituluo kes lukapolok kotuna, ikapolok luka ilukumin, ka ikapolok luka akwat, ka ikapolok luka akaisakany, ka ikapolok luka itomon. Ketubonokinete ituŋa apakio kere: koinanarete Musa akiro nuetioko, konye ŋinikirot naedit kotubenenete bonik, Kotwara Musa ekamuranike; kolot bukec. Kolap kalokiwuniet kedaut idwe luka Isirael anyoun kakwap nako Misiri, kodoloto kapaaran kaŋin amodiŋ naka Sinai. Kenyout koRepidim, kedoloto da amodiŋ naka Sinai, kibubukis iweman modiŋ; kidukuru Isirael kinaren kemoru. Kodoka Musa mama ejai Edeke, konyara EJAKAIT ŋes moru, kobala ebe, “Itemari kwanata ekek loka Yakob, kolimok idwe luka Isirael ebe; ‘Ipotu koanyutu nuabu keswamak Imisirian, ido kwape kadakuniata yes kabebenoka nuka emorukaalet, ido kwape kayauniata mama ajai. Aso do, arai irimarcte cut ekaporoto, koricito aitutuketeka, iluoros do iboreka yeniminat noi kotuna kere: naarai akwap kere nakan. Iraunos yesi kamakaŋ ajakanut naka isasedotin, ateker da nakalaunan.’ Ŋun kes akiro nuilimokini idwe luka Isirael.” Kobu Musa konyarau imakio luka ituŋa, kibwaik akiro nun kere nukicorakini EJAKAIT ŋes akonyenekec, Koracaut ituŋa kere ebe, “Kere nuebala EJAKAIT kiswamai.” Koya babo Musa akiro nuka ituŋa mama ejai EJAKAIT. Kobala EJAKAIT Musa ebe, “Koany, abuni mamakon kodou loepol, tetere epupunete ituŋa kiinerakin eoŋ kajo, kiyuunete da jo apaarasia kere.” Kolimok Musa EJAKAIT akiro nuka ituŋa, Kobala EJAKAIT Musa ebe, “Kolot mama ejaas ituŋa, kitalau kes lolo ka moi, kilotata igoenekec, Tetere itemonokino kapaaran kanakiwuniet: naarai kapaaran kanakiwunier edokuni EJAKAIT moru Sinai kakonyen nuka ituŋa kere. Ibwaikini ituŋa eikor kowaitin kere, kobala ebe, ‘Kocoito, kinyeis adokar moru karaida atiror eikoruke: abeit nin yenetirori emoru cario, Mam adiokan etirori ŋes, konye abeit ibiribirio kamor arai icumio; arai itian arai ituŋanan, mam eiari’: nairododikinio arupepe aruo, ikunyakinete kesi moru.” Kodoku Musa komoru kobu mama ejaas ituŋa, kitalau ituŋa; kilotata igoenckec, Kobala ituŋa ebe, “Kitemonokinos kapaaran kanakiwuniet: mam ikunyakinete aberu.” Kosodi kiwala akwap kapaaran kanakiwunict, koiai airetunun ka eimilia, ka edou loepol komoru, ka eporoto loka arupcpe loepol noi, Komaranata ituŋa kere luajaas oidukurun. Kitolom Musa ituŋa koidukurun airiamun ka Edcke, kobwaata kokwap kemoru. Kopuriei emoru Sinai kere, naarai adokuni EJAKAIT nen kakim: kopuriei apuruke kwape apuru naka eupa, komaran noi emoru kere. Kiyataki eporoto loka arupepe airu noi, kiner Musa, Koboŋok Edeke ŋes keporoto. Kodok EJAKAIT moru Sinai, aidi naka emoru; konyara EJAKAIT Musa adokar aidi naka emoru; kodoka Musa. Kobala EJAKAIT Musa ebe, “Kijesar, kicorak ituŋa, kinyeis ailamar mama ejai EJAKAIT aiteere, kosodete luipu kakesi aolior. Kitalaunos isasedotin da luikunyakinete EJAKAIT, kinyek EJAKAIT ailamar neejaas kesi.” Kobala Musa EJAKAIT ebe, “Mam epedorete ituŋa adokun moru Sinai: naarai ibu kicorak sio ebe, ‘Kibwaik eikor airimor emoru, kitalau da.’’’ Kobala EJAKAIT ebe, “Kolot, kiiesar; idokuni, ijo ka Aaron da: konye kinyeis isasedotin ka ituŋa ailamun adokuni mama ejai EJAKAIT, kinyek ŋesi ailamar mamakec.” Kosodi Musa aijesar mama ejaas ituŋa, kolimok kes. Kiner Edeke akiro nu kere, kobala ebe, “Arai Eoŋ EJAKAIT Ekonideke, loketolomuni jo kakwap nako Misiri, kotogo loka ebulesene. Sirijaenena kicedekesio nabarai eoŋ. Sirikisub adioput naegerer, karaida asima naka ibore kere yenejai kuju toma akui, karaida yenejai kwap toma alup, karaida yenejai toma akipi nuejaas kwap kalup, Sirikikukonokin kes, karaida aijaanakin kes: naarai Eoŋ EJAKAIT Ekonideke arai Edeke lokekolo, edopet kodwe numam adolit nuka lukapapaakec, kiton atur nakiwuniet ka nakiwononet naka nul kalukalaito eoŋ; Ido etimi ilukumin luka ituŋa lukaminas eoŋ koricito akaicorakineta. Sirilimit atai ekiror loka EJAKAIT Ekonideke; naarai mam EJAKAIT isikai aitetelekaar akirot, nin yenelimit atai ekekiror. Kiitunite aitalaunit apaaran nakasabato. Kitaaritoi kapaarasia akanykape, kiswama akoniswamisio kere. Konye do apaaran nakikanyetekaarei ŋes asabato naka EJAKAIT Ekonideke: apaaran nin sirikiswama adioswam kere, ijo, ka okokukon, ka akokukon, ka ekonikejaanakinan, ka akonikejaanakinan, ka ikonibaren, ka imoitikon da yenejai orekon; Naarai kapaarasia akanykape ŋes asubia EJAKAIT akuj ka akwap, ka aŋolol, ka luejaas tomakec kere, kiyenu kapaaran nakikanyetekaarei: tape isirereni EJAKAIT apaaran nakasabato, kitalau da. Koyonitenenei papakon ka totokon: tetere akonipaarasia iyatakinos kotoma akwap nakiinakini EJAKAIT Ekonideke. Siriarenenei. Siridote. Sirikokoenenei. Sirisabanakincnei ikoniidunyet, Siriŋobelenenei etogo loka iidunyetekon, siriŋobelenenei aberu naka eidunyetekon, karaida ekekeiaanakinan, karaida akekeiaanakinan, karaida ekemon, karaida ekesigiria, karaida ibore kere yenerai yenika ekoniidunyet.” Koanyut ituŋa kerc eires, ka eimilia, ka eporoto loka arupepe, ka eronat da epuriei: keanyut ituŋa, komaranata, kobwaata kama elwana. Kotemasi Musa atiar, “Kiner ijo kasio, ŋes kipupunio: konye kinyek Edeke eincr kasio, kenyeis atwakare.” Kotema Musa ituŋa atiar, “Sirikikuriakaros: naarai abu Edeke aigimor yes, tetere iyoncte ŋes, kinyeis adiakanar.” Kobwaata iruna kama elwana, kikunyak Musa neejai amuton nairiono cucucuc neaiai Edeke. Kotema EJAKAIT Musa atiar, “Ilimokini idwe luka Isirael ebe, ‘Ipotu yesi ikulepek koanyut eoŋ enera kayes kotoma akuj. Sirisubenenete idekesio ice kaiai eoŋ: idekesio luka epuesa, karaida idekesio luka esabu, sirisubenenete kes. Kosubakinai eoŋ etem loka alupot, koinakis asuban kanen, ainakinerakon nuicweio, ainakinetakon da nuka ainapakin, akonimerekekin, ka ikonimonin da: ŋiniibois naiitununere ekakiror abuni mamakon, kesirereni eoŋ joo Ido arai kiiswamak etem loka amoru, sirikiduk kamoru nuikee: naarai arai kidak ecuumakon aikeo, itisiliani ŋes, Siridokanari otemuka kadoketa, kinyek amuialalakon atakanun.’ “Lu kes itubesia luibwaikini ijo mamakee. Arai kigwel ijo ebulesit loBuraniat, kijaanakini ŋesi jo ikar ikanykape: kokaru kalokikanyetckaarei ejalakinio alosit atai. Arai kolo ebunit bon, eboŋori bon: arai emanyit, euparos kakeberu. Arai kemanyaki ejakaitike ŋes aberu kourik da ŋes idwe lusap arai lupesur; eraunos aberu ka ikedwe luka ejakaitike, eboŋori ŋesi bon. Konye arai ketema ebulesit ebe, ‘Amina ejakaitika, akaberu ka ikadwe da; mam akoto aosikinio’: Eyauni do ejakaitike ŋes neejai Edeke, eyauni ŋes okek, arai acunetait; epedi ejakaitike ŋes akit kemutu; ijaanakini ŋes apaarasia kere. Arai kegwela ituŋanan akokuke araun abulesit, mam eosikinio kwape ibulesin. Arai mam ŋes isiyalamikinit ejakaitike, loemanyit ŋes, ecamakini ŋes alakunio: emamei ŋes apedor aitwegel ŋes imo, naarai amodo ŋes, Arai kemanyaki ŋesi nin okokuke, iswamanakinenci kwape adweke. Arai kemany ace; mam inonari inyamatake ka inapeneke, ka akekiro da nuka adukono. Ido arai mam iswamanakinenei nun nuuni, elosi ŋin taai, etwaniari je Iuagwelitor. Yeninomi ituŋanan aiar, abeit eario ŋes da. Ido arai mam etuŋanan eperunenei, konye ijaikini Edeke je akanike; ecorakini eoŋ jo aibois naekeriari. Arai kepeleiki ituŋanan aiar eidunyeteke kebotet; ilemari kotemuka, tetere etwani. Yeninomi papake, arai totoke, abeit eario. Yenekokwari ituŋanan, kogwela, arai ketakanu kakanike, abeit eario. Yenilamakini papake arai totoke, abeit eario. Arai kejioto ituŋa, kibir idiopet yenice kamoru, arai aidip kakan, komam etwani, konye kiteperikinai oitada: Arai kenyou, kolem ekebela alosio, emameun yenenomi ŋes akirot: konye etaci kanuka akeiboi, etaci da kanuka aitanaleunioke. Ido arai kinom etuŋanan ebulesitike, arai abulesitike kebela, korasa atwanare; itieanio ŋesi da. Konye arai kiriar adaun apaarasia kwape aarei, mam iticanio: naarai erai iboreke. Ido arai eiios ituŋa, kosodete aimusun aberu naepotie, kolom akoik kina, komam acekanas: abeit egelio, kwape etubio ekile loka aberu; egeli kwape icorakiniata ikatubok. Konye arai kejaun akaŋas, iinakini aiiar ma aijar, Akoŋu itia akoŋu, ekelai itia ekelai, akan itia akan, akeiu itia akeju, Aicweio itia aicweio, amusuŋut itia amusuŋut, aromait itia aromait. Arai kinom etuŋanan akoŋu naka ebulesitike, arai naka abulesitike, kitumudak; ejalakini ŋes alosit kanuka akonuke. Arai keloko etuŋanan ekelai loka ebulesitike, arai loka abulesitike; ejalakini ŋes alosit kanuka ekelaike. Arai kerem emoŋ ekiliokit arai aberu aiar, abeit ibiribirio emoŋ ŋol kamor, mam enyamio akirinike: konye emameun elopet emoŋ akirot. Konye arai ededeŋ emoŋ lem sek, kitejenunai papake, komam ekoto ajen ŋes, kosodi emoŋ aiar ekiliokit arai aberu; ibiribirio emoŋ ŋol kamor, elopet da eario. Arai ketubokin lugelis, einakini iboro kere luatubokinio alakunia aijarake. Arai kerem ikoku yenisapat, arai yenipcse, etubokinio kwape ejaar etube ŋol. Arai kerem emoŋ ebulesit arai abulesit; einakinio ejakaitike isekelin akaisauni luka epuesa, emoŋ da ibiribirio kamor. Arai kepuko etuijanan aipany, arai kebok aipany komam enuki, kibirokin emoŋ arai esigiria, Itegelio elopet aipany; einakini elopet-ibarasit apesan, etiaŋ da loatwana eraun loke. Arai kerem emoŋ loka etuŋanan emoŋ loka yenice, ajar; egwelario emoŋ loejari, etiakete etiaike; etiakete da ibarasit yenikatwan, Arai kejenun ebe abu emoŋ konaikinite sek aremerem luce, komam elopet ekoto ajen ŋes; ibusakinit ŋes alemun cut emoŋ itia emoŋ, ibarasit yenikatwan eraun yenike. Arai kekokou ctunanan emoŋ, arai emerekek, kosodi aiar, arai agwelar; itegelio imoŋin ikany itia emoŋ, imerekekin iwonon itia emerekek, Arai kedumun ekokolan epakapakai etogo, kosodete aibun ŋes kotwana, mam ejaun akirot kanuka akeokot. Arai kiwalaki akwap, ejaun akirot kanuka akeokot: ibusakinit ŋes aigel; arai emamei ŋes ibore, egwelario ŋes kanuka akokoke. Arai kedumun ibore yenikekokouni ŋesi eiari kakanike, emoŋ arai esigiria arai emerekek; egeli irwan aarei. Arai kitadak etuŋanan emanikor arai amana naka emusabibu, kojalak ikebaasit ainyam emanikor loka ecetuŋanan; egeli kanuitelekarito ajokis komanikorike, ka nuitelekarito ajokis kamanake naka emusabibu. Arai kenoku akim, kiniepakin okukwa, kosodete atukon nuka akima, arai akima nuebwanete, arai emanikor, aidopor; abeit egeli yenikinokokin akim. Arai kisinadiki etuŋanan ekeidunyet apesan arai iboro, kokokwarai kotogoke; ketakanu ekokolan, etaci irwan aarei. Arai mam ekokolan etakanuni, ikunyakini elopet etogo neejai Edeke, aanyun arai diat mam abu kibwaik akekan oboro luka eidunyeteke. Kanuka tjinikirot naka adiakar, arai kanuka emoŋ, arai kanuka asigiria, arai kanuka amerekek, arai kanuka inapen, arai kanuka nin yeneoliorit, yenelimor ituŋanan ebe, ‘Ŋes yen,’ eyaŋaunio akiro nuka nul Iuarei mama ejai Edeke; ŋin yenetubokini Edeke akirot etacakini ikeidunyet irwan aarei. Arai kijokoki ituŋanan ikeidunyet asigiria, arai emoŋ, arai amerekek arai etiaŋ kere: kosodi atwanare, arai aimusuŋio, arai aireneario komam idiotuŋanan eanyunit: Aiyaposit naka Edeke ejai kidinikec, arai mam ibwaikinit akekan oboro luka ikeidunyet; iyuuni ilopet, kwabo mam ii etaci. Konye arai kekokwari kaneejai ŋesi, etacakini ilopet-ibore. Arai ekwaeakwacatai, eyauni koluor aanyunet, mam etacakini yenekwacakwacatai. Arai kilipa ituŋanan iidunyeteke ibore, kicanicanun, arai kotwana, komamei ilopet, abeit etacakini. Arai ejai ilopet mam etacakini; arai erai yeneropitai, elomari oropitike. Arai kecodocod etuŋanan abekot naeroko isinera, koperoto kaŋes, abeit elemuni iboro luka amurake, koraun do aberuke. Arai kegiri papake eut akorakin ŋes, etaci etiai kwape ejaar aimany abekon. Sirinyeinenei akacudan eiari. Ŋinitunanan yeneperenenei ketiaŋ abeit eario. Yeneinanakini asuban mama ejai edeke ece, nabarai mama ejai EJAKAIT bon, emudiario cut. Sirikiswamak emoit erono, karaida areit ŋes: naarai iraas kolo yesi da imo kakwap nako Misiri. Siritieanete apuserun ka ikokiok. Arai iticanenete kes kemonyata neaiai, abeit apupuni akeceimony; Eresiar anyunyuraka noi, kaarete kekilen; akusiŋor da eraunos apuserun, ka ikusidwe da eraunos ikokiok. Arai kiyu idiopet kotunaka kapesan, kicana ŋesi, sirikisub bala itepesenit ŋes; ido mam itubokini ameda. Arai kiititini ijo egoe loka eidunyetekon, kinyakanakinenei ŋes eroko akoloŋ elomara. Naarai nol ŋes eimuketeke bon, ŋes anapito naka akuanake; imukor kinyo? kosodi naemonyia mamaka apupununei ŋes; naarai asiana eoŋ. Sirirasenenei Edeke, ido sirilamanakinene ekapolon loka ituŋakon, Sirikiyap ainakin amio naka araitokon, ka akonijon da. Kiinakini eoŋ ekiyai kodwekon. Kikonenenei nen kimoijinikon ka amerekekinikon da; kojaenena katotoke apaarasia akanykaarei; kiinakini eoŋ kapaaran nakikanyetekauni. Iraunos do ituŋa lukalaunak kama ajai: kanuka nun mam inyamete akiriŋ naepoopoot etiaij loka ais; icakanakinete inokwo. Siricamununei akirot kere naka aisab: siripikanakin akonikan nepcpe ka ikaronok, araun ekajenan lomam edolit. Siritupanari ekodet aswam aronis; kwabo sirikitejen akirot kopaarite mama ejai ekodet aibelokin etube: Kwabo sirikimin yenikican naitubokinia akekiro. Arai kidum emoŋ loka lokasurupokon arai akesigiria eoliorit, kibusakinit ainari ŋes. Arai kianyu asigiria naka lokilait ijo icikakinit abwokonike, komam ipuda aiŋarakin ŋes, kibusakinit ijo aiŋarakin ŋes cut. Sirikibelok akirot naka yenikicanikon naitubokinia. Kinacenenei akirot naka aisab; siriari yenimam aronis ka ikadoliton: naarai mam eoŋ etoioki ikaronon. Sirikijau ainakinet: naarai itumudaki ainakinet akonye nuka kaluesesenete, ibelokini da akiro nuka ikadolitok. Sirireit imoit: naarai iienete yesi cut etau loka imoit, naarai iraas kolo yesi da imo kakwap nako Misiri. Iyeenenei ikinyomokon kokar ikanykape, itukonokini amiokec: Konye kisiyenuni alup kokaru lokikanyetekaarei, kiukasi; kosodete lukican luka ikonituŋa ainyam: luedepanaros konyam etiaŋ loka ais. Kikonencnei nen kamanakon naka emusabibu, ka naka eseituni. Kiswamaenenei akoniswamisio kapaarasia akanykape, kiyenununei kapaaran nakikanyetekaarei: tetere iyenuni emoijokon ka akonisigiria, ikwaruni da okoku loka abulesitikon, ka imoit. Kocoito akiro kere nukalimok yes: kwabo sirilimito ekiror loka idekesio ice, karaida apupunio kaitukukon. Kidarenenei epucit mamakaŋ irwan auni ŋolikaru. Kidarenenei epucit loka imugatin lumam itubuunitoi: inyamenenei imugatin lumam itubuunitoi apaarasia akanykaarei, kwape kecorakinia jo, kapak nacseunitai kolap loka Abib (naarai kanol ŋes kinyounio koMisiri); kwabo mam ctakanuni idiopet kakonyeneka komamei ibore. Ido epucit loka aide araito nusodit nuka aitaaritoikon, nuibu koyeik mana: ido epueit loka aisak, kosane loka ekaru, naisakenenaa aitaaritoikon komana, Etakanunete ikiliokokon kere kakonyen nuka EJAKAIT Edeke irwan auni ŋolikaru. Siriinakincnei aokot nuka asubanitika kimugatin luitubuunitoi; mam iteperonori da asiepai naka epucitika. Iyaununei nusodit nuegeunete alupokon aira togo loka EJAKAIT Ekonideke. Siripoenenei ikalol kakile nuka totoke. Koany, ejukuni emalaika kiŋarenekon, aidar jo korot, ka ayaŋaar da jo aibois naetemokinit. Kocoito ŋes, kiirasi eporotoke; sirikitunyunyurikis: naarai mam itimi aibucarikus; naarai ejai ckakiror tomakeŋ. Konye arai kipup eut eporotoke, kiswamaenenei kere nuenera; araun do lokasurup loka lukasurupokon, etokokoli lukitokokolete jo. Naarai iŋarenikini ckamalaika jo, kitolomari jo neejai Emorait, ka Ekitit, ka Eperisit, ka Ekanaanit, ka Ekibit, ka Eyebusit: amudiari eoŋ kes. Sirikikukonokin idekesiokee, karaida aijaanakin, ido siriswamaenenei kwape ejaatar aswamisiokec: konye icakari kes cut, ibilibilei ipirinokec eut. Ŋaanakinete yesi EJAKAIT Ekusideke, ŋes da isirereni inyamatakon ka akonikipi da; alemari eoŋ adekesia kokidiŋikon. Emameun yenikijecuna, arai yenirakan, kotoma akwapukon: etodoli etiai leka apaarasiakon, Ejukuni asogimuka akonyenekon, eticani ituŋa kerc luidolokini ijo, etobonori lukasurupokon kere kau. Eiukuni ekaturuturut kakonyenekon, loirencari Ekibit, ka Ekanaanit, ka Ekitit, kakonyenckon. Mam ereŋeari kes kakonyenekon kokaru ediopet; tetere mam akwap iswapi, tetere mam itian da luka ais ipuaros kamakon. Ereneanari kes motimot kakonyenekon, aitodol neiyatakinor ijo, kirum akwap. Ebwaikini eikorukon anyoun kAŋolol Nakarenan kiton aŋolol naka Ipilisitian, anyoun da kamodiŋ kiton ocor: naarai eiaikini luibojete kakwap akanikon; ireneari ijo kes kakonyenekono Siritutukenenete kakes, karaida kikecedekesio. Siriboienenete kesi kakwapukon, kinyeis aitidiakar jo kaneajai: naarai arai kijaanak idekesiokec, abeit eraun akuluma kamakon.” Kobala ŋesi Musa ebe, “Kodoka mama ejai EJAKAIT, ijo ka Aaron, ka Nadab, ka Abiku, ka akaisakanykaarei komakio luka Isirael; komaata da kama elwana. Ikunyakini Musa bon mama ejai EJAKAIT; konye kes mam ikunyakinete; karaida ituŋa adokar nepepe kaŋes.” Kobu Musa kolimok ituŋa akiro kere nuka EJAKAIT, ka itubesia kere; kobonokis ituŋa kere keporoto ediopet, kobalas ebe, “Akiro kere nuener EJAKAIT kiswamai isio.” Kiwadik Musa akiro kere nuka EJAKAIT: konyou tupuruc sek, kodukok etem kwap kemoru, ka ipirin itomon ka luarei, kwape ejaatar atekerin atomon ka nuarei nuka Isirael. Kijuka ikatumunak luka idwe luka Isirael, luapotu koinakis ainakineta nuicweio, koinakis ainakineta nuka ainapakin nuka imoŋin mama ejai EJAKAIT. Koyana Musa atutubet naka aokot, kobukok atiboi; atutubet ace da naka aokot kobwatanak otem. Kolem eitabo loka aitutuket, kosiomak ituŋa: kobalas kesi ebe, “Nuener EJAKAIT kere, kiswamai isio, kirimari da.” Kolem Musa aokot kobwatanak otuŋa, kobala ebe, “Koanyutu aokot nuka aitutuket, naetutuk EJAKAIT kayes kotoma akiro nu kere.” Kosodete Musa ka Aaron, ka Nadab, ka Abiku adokar, ka akaisakanykaarei komakio luka Isirael: Koanyut kesi Edeke loka Isirael; kwap kakejeke kosubite bala aswam naka amor nuepesitai nuka asapiro, nueputos aipioror naka akuj alopet. Kwabo mam ibwaikina akekan mama kalukapolok luka idwe luka Isirael; koanyut Edeke, konyama komata. Kotema EJAKAIT Musa atiar, “Kodoku moru mama ajai, kiboi kaŋina: kainakini jo amor nuewadikat, ka ikisila ka aicorakineta, tetere isisianakini kes.” Konyou Musa ka Yosua ekekejaanakinan: kodoka Musa moru loka Edeke. Kotema ŋesi imakio atiar, “Kidareunai sio kane, aitodol nekibonunio mama ijaas; ido koany, Aaron ka Kur ejaas nepepe kayes; ninitunanan yeneiai akirot, kolot mama ejaas.” Kodoka Musa moru, korapia edou emoru. Kojai aibuses naka Edeke moru Sinai, korapia edou emoru apaarasia akanykape: kapaaran nakikanyetekaarei konyara ŋesi Musa kokidin odou. Aputo naka aibuses naka EJAKAIT kosubite kakonyen nuka idwe luka Isirael bala akim naesarani noi kokuju moru. Koloma Musa kidin odou, kodoka moru: kodau Musa komoru apaarasia akaisaoŋon paaran ka kuare. Kotema EJAKAIT Musa atiar, “Kolimok idwe luka Isirael ebe, kainut eoŋ ainakinet: ijaunete ainakineteka ŋinituŋanan yenitokotori eketau ainakin, Na ŋes ainakinet naijaunete; esabu, epuesa, aisinit; Ka egoe lobululu, ka lomuge, ka Lokareŋan, ka ebaputa loejok, ka ajulo nuka akinei; Ka imukulen luka imerekekin Iuitereŋitai, ka imukulen luka etakas, ka akito nuka sita; Akinyet naka atala, ka lueuru maa luka akinyet nakinyonyoanakina, ka luka lukisupurununo; Amor nuemelomeloto, ka amor nuipiripiranara, aibwaikin opod, ka yenikatorob da. Keswamakis eoŋ aiba is nakalaunan; tetere eboie kokidinikec, Nuketodianakini jo kere, epone loka ewema, ka epone loka iboroke kere, iswamaete yesi kwaŋin. Ido iswamaete kesi asaduku naka akito nuka sita: aojauke ikubitin iarei ka atutubet, alalauke ekubit ediopet ka atutubet, amukururuke ekubit ediopet ka atutubet, Ido iladaari ŋes kesabu loelai, iladaari kujuke kotomake da, isubakini ŋes atorosit naka esabu airimor. Itataikini ŋes igilun iwonon luka esabu, kibwaik kes toma akeieke aoŋon; eiaunete igilun iarei kosiepike ediopet, iarei da osiepike ece. Iswamauni adaketa nuka akito nuka sita, iladaari kes kesabu. Itolomikini adaketa toma ogilun lukosiepion luka asaduku, adakia ŋes, Esalanakinete adaketa ogilun luka asaduku: mam elemanario. Ibwaikini aiteienuner nakainakini jo toma asaduku. Iswamauni da eicoloŋ-lokaitim loka esabu loclai: aojauke ikubitin iarei ka atutubet, alalauke da ekubit ediopet ka atutubet. Iswamauni da ikerubin iarei luka esabu; iswamauni kes kaswam naerukuk, kosaijeta iarci luka eicoloŋ-lokaitim. Iswamakini da ekerubi ediopet osaŋe ediopet, ka ekerubi ece osaŋe ece: iswamakini kwaŋin eicoloŋ-lokaitim ka ikerubin osanetake iarei kobore idiopet. Igarararete ikerubin abebenokakec kuiu, korapito eicoloŋ-lokaitim kakecebebenoka, kiteos da ireetakec; kosesenete ireeta luka ikerubin eicoloŋ-lokaitim. Ido ibwaikini eicolon-Iokaitim kuju asaduku; ibwaikini aiteienunet nakainakini jo toma asaduku. Nen kiriamunun kaio, enerakin kajo koicolon-lokaitim, kokidiŋ kikerubin iarei lueiaas kuju asaduku naka aiteienunet, akiro kere nukainakini kotoma aicorakineta mama ejaas idwe luka Isirael. Iswamauni emesa da loka akito nuka sita: aojauke ikubitin iarei, alalauke ekubit ediopet, amukururuke da ekubit ediopet ka atutubct. Iladaari ŋes kesabu loelai, isubakini atorosit naka esabu airimor. Iswamakini ŋes atokitoit alalau naka akan airimor, iswamakini atorosit naka esabu airimor atokitoit. Iswamakini ŋes igilun iwonon luka esabu, ibwaikini igilun agoria aoŋon nuejaas akejeke aoŋon, Idunyakinos igilun katokitoit, araut aiboisio nuka adaketa adakia emesa. Iswamauni adaketa nuka akito nuka sita, iladaari kes kesabu, adakia emesa. Iswamauni atubaake, ka akaaleike, ka amotiike, ka atanyake, abukununio; iswamauni kes kesabu loelai. Ibwaanakini tiritir imugatin luka aitodikin omesa kakonycneka. Iswamauni epir loka atala kesabu loelai: kaswam naerukuk, ŋes iswamaunia epir loka atala, abwoeteke, ka akodeteke; akolinoke, ka akwesike, ka aturoke, koraas nuka ibore idiopet. Elomunete da icogen ikanykape kowaitinike; icogen iuni kowai ediopet loka epir loka atala, icogen da iuni kowai loce loka epir laka atala. Akolin auni nuiswamatai aputorit atur kocoget ediopet, akouke ka aturot; ka akolin auni nuiswamatai aputorit atur kocoget ece, akouke ka aturot: kwaŋin kotoma ocogen ikanykape luelomunito kopir laka atala. Ejaunete akolin aoŋon kotoma opir laka atala nuiswamatai aputorit atur, ka akwesikec ka aturokec. Ejaun da akou kwap kicogen iarei luka ibore idiopet, ka akou kwap kicogen iarei luka ibore idiopet, ka akou kwap kicogen iarei luka ibore idiopet, kwapc ejaatar icogen ikanykape luelomunito kopir loka atala, Akwesikec ka icogenekec koraas luka ibore idiopet: korai kere aswam naerukuk naka esabu loelai. Iswamauni atalaike akanykaarei: isipokinete da atalaike tetere ccaikinetc, Eraunos aitudeŋetake ka asaninike nuka ekurwon, nuka esabu loelai. Iswamauni iboro lu kere kalaniru naka atalata naka csabu loelai. Koany ebe iswamauni ijo kes kwape ejaar akeceput, nakitodikinitai jo komoru. Bobo da iswamauni ewema kaigalisio atomon; nuka ebaputa loecipitai kiusio lueriim ka lobululu, ka lomuge, ka lokarenan, nepepe kikerubin aswam naka ekeswaman loepiriana ŋes iswamaunia kes. Aojau naka ninigalisit korai ikubitin akaisaarei ka lukanykauni, alalau naka niniigalisit ikubitin iwonon: aigalisio kere koraas nuka aitemis adiopet. Iropikini aigalisio akany; iropikini da aigalisio ace akany. Iswamakini da akodeta nubululu oreret loka aigalisit nakawasia kotoma kanueropikinitai: iswamakini da kwaŋin oreret loka aigalisit nakawasia kotoma kanuce nueropikinitai. Iswamakini akodeta akaisakany toma aigalisit adiopet, iswamakini da akodeta akaisakany oreret loka aigalisit nakiareit naeropikinitai; kiteosi da akedeta ijun. Iswamauni aruceta akaisakany nuka esabu, imorikikini aigalisio nun karuceta kanun: koraun ediopewema. Iswamauni aigalisio nuka aiulo nuka akinei araun ewema kokuiu owema: iswamauni aigalisio atomon ka nadiopet. Aojau naka niniigalisit korai ikubitin akaisauni, alalau da naka niniigalisit korai ikubitin iwonon: aigalisio nun atomon ka nadiopet koraas kere nuka aitemis adiopet. Iropikini aigalisio akany kowaikec bonik, ka aigalisio akanykape kowaikec, ikudokini aigalisit nakikanyetekape koinaren kewema. Iswamauni akodcta akaisakany koreret loka aigalisit nakawasia kanun kanueropikinitai, ka akodeta akaisakany koreret loka aigalisit nakawasia kanuce kanueropikinitai. Iswamauni aruceta akaisakany nuka aisinit, ibwaikini aruceta nun toma akodeta, imorikikini ewema nepepe, tetere eraun ediopet. Ka atutubet nin naesalakini naekudokina naka aigalisio nuka ewema, atutubet nin naka aigalisit naesalakini ijeko kokau kewema. Ekubit ediopet owai ediopet, ka ekubit cdiopet owai loce, loesali kaojau naka aigalisio nuka ewema ijeko kosiepion luka ewema, owai lo kowai je da, arapit. Iswamauni eimukoret loka ewema kimukulen luka imerekekin Iuiterenitai, kokuiuke da eimukoret loka imukulen luka etakas. Iswamauni abaoi nuka ewema nuka akito nuka sita, nuesipos. Aoiau naka ninibao ikubitin itomon, alalau da naka ninibao ekubit ediopet ka atutubet. Ejaun ninibao karucetake aarei, nuerucokinito adiopet mama ejai nace: iswamauni kwaŋin abaoi kere nuka ewema. Iswamauni abaoi nuka ewema, abaoi akaisaarei kowai loka eŋalakimak kari naka eŋalakimak. Iswamauni aigaŋeta akaisaoŋon nuka epuesa kwap kabaoi nun akaisaarei; aigaŋeta aarei kwap kabao adiopet neelomarete arucetake aarei ka aigaŋeta aarei kwap kabao ace neelomarete arucetake aarei, Kowai lokiareit loka ewema kari naka agolitomei, abaoi akaisaarei; Aigaŋetakec nuka epuesa akaisaoŋon; aigaŋeta aarei kwap kabao adiopet, ka aigaŋeta aarei kwap kabao nace. Iswamauni da abaoi akanykape kowai lokokau loka ewema ari nakoto, Iswamauni da abaoi aarei nuka agoria nuejaas to kewema. Koraas aareiarei kokwap, kwaŋin irotakina abaoi nepcpe anyoun kokwap aitodol kuiu ogilut ediopet: ejaunete kwaŋin kere aarei; eraas nuka agoria nun aarei. Ejaunete abaoi akanykauni, ka aigaŋetakec nuka epuesa, aigaŋeta atomon ka nukanykape; aigaŋeta aarei kwap kabao adiopet, ka aigaŋeta aarei kwap kabao nace. Iswamauni ariino nuka akito nuka sita; ariino akany nuka abaoi nukowai ediopet loka ewema. Ka ariino akany nuka abaoi nukowai lokiareit loka ewema, ka ariino akany nuka abaoi nukoto kewema, ari nakoto. Ka ariit nakokidin naejai kidin kabaoi iriikini anyoun kepuai kiton epuai. Iladaari abaoi nun ke sa bu, iswamauni da igilunukec lukitolomanakina ariino kesabu: iladaari ariino kesabu. Isipokini ewema kaputoke naaponi kitcdikin jo komoru. Ido iswamauni aigalisit kegoe kalobululu, ka lomuge, ka lokareijan, ka ebaputa loecipitai kiusio lueriim: icipakinio ikerubin ogoe aswam naka ekeswaman kaloepiriana: Ikajakini opirin iwonon luka akito nuka sita luiladaaritai kesabu, eraunos igolunakec luka esabu, kotoma aigaŋeta aoŋon nuka epuesa. Ikajakini aigalisit kwap kogolun, itolomikin asaduku naka aiteienunet toma aigalisit: etiaki aigalisit kamakus aibois nakalaunan ka aibois nakalaunan noi. Ibwaikini eicolon-Iokaitim toma asaduku naka aiteicnunet aibois nakalaunan noi. Ibwaikini emesa kina kaigalisit, ka epir loka atala kiteos kemesa kowai loka ewema ari naka eŋalakimak: ibwaikini cmesa ari naka agolitomei. Ido iswamauni aigalisit naka ekek loka Ewema, lobululu, lomuge, ka lokarenan ka ebaputa Ioecipitai kiusio lueriim, aswam naka ekasonyan. Ido iswamakini aigalisit ipirin ikany luka akito nuka sita, iladaari kes kesabu; eraunos igolunakec luka esabu: itataikini kes aigaŋeta akany nuka aisinit. Iswamauni etem loka akito nuka sita, aoiauke ikubitin ikany, alalau ikubitin ikany: korai etem loka agoria aoŋon nueriakanara: akemukurur da korai ikubitin iuni. Iswamauni da akemumwara kuju kagoriake aoŋon: koraas akemumwara nuka ibore idiopet kaŋes: iladaari ŋes kaisinit. Iswamauni da atubake nuigaete ekurwon, ka initiake ka atanyake, ka igolunake luka akiriŋ, ka ekekiala: iswamauni ikeboro nul kere kaisinin. Iswamakini da etem eboi loka aisinit; ibwaikini ipetai iwonon luka aisinin toma agoria aoŋon nuka eboi. Ibwaikini eboi nol kwap kapama nairimorit etem kokwap, tetere edoli eboi kiduj osiepion luka etem. Ikeuni akito kanuka etem, nuka akito nuka sita, iladaari kes kaisinit. Irupakinio akito nun toma opetai, ejaunos akito ŋun osiepion iarei luka etem adakia. Kiswama etem kabaoi koorori kotoma: kwape kitodikinitere komoru, kwaŋin ŋes iswamauniata. Iswamauni alaro naka ewema: kowai loka eŋalakimak ari naka eŋalakimak ejaunos igoen luigalitoi luka ebaputa loecipitai kiusio lueriim, aojauke kowai ediopet korai ikubitin akwatat. Koraas ikepirin akaisaarei, aigaŋetakec da akaisaarei nuka aisinin; igolun luka ipirin ka aikaietakec koraas nuka epuesa. Kwape kwaŋin owai loka agolitomei ejaunos igoen luigalitoi, aojaukec ikubitin akwatat ka ipirinokec akaisaarei, ka aigaŋetakec akaisaarei, nuka aisinin; igolun luka ipirin ka aikajetakec koraas nuka epuesa. Kanuka alalau naka alaro kowai lokoto ejaunos igoen luigalitoi aojaukec ikubitin akaisakany: ikecepirin itomon, ka aigaŋetakec atomon. Alalau da naka alaro kowai lokokide kari nakokide eraun ikubitin akaisakany. Igoen luigalitoi lukowai ediopet loka erute eraunos ikubitin itomon ka lukany: ipirinokec iuni, aigaŋetakec auni. Ido kowai ece ejaunos igoen luigalitoi luka ikubitin itomon ka lukany; ipirinokec iuni, aigaŋetakec da auni. Ido kanuka erute loka alaro ejaun aigalisit naka ikubitin akaisaarei, lobululu, lomuge, ka Lokareŋan, ka ebaputa loecipitai kiusio lueriim, aswam naka ekasonyan: ipirinokec iwon on, aigaŋetakec da aoŋon. Ipirin kere luka alaro luirimorito ejaunos aikajeta nuka epuesa: igolunakec luka epuesa, ka aigaŋetakec nuka aisinin. Aojau naka alaro eraun ikubitin akwatat, alalauke da kere ikubitin akaisakany, amukurur ikubitin ikany, nuka ebaputa loecipitai kiusio lueriim, ka aigaŋetakec nuka aisinin. Iboro kere lukowema ka aijaanakinike kere, ka iloinoke kere, ka iloin kere luka alaro, eraunos luka aisinin. Ido icorakini idwe luka Isirael, koinutu akinyet naejok naka eseitun naerukuk kanuka aica, aitonokia atala tiritir. Kotoma owema loka airiamunun kina kaigalisit naejai iŋaren kaitejenunet, itemonokinete Aaron ka odweke ageun eboŋ aitodol tupuruc kakonyen nuka EJAKAIT: eraun ekisil apaarasia kere anatar aturiokec kodwe luka Isirael. Kisukuny ijo Aaron onacekon, ka odweke nepepe kaŋes, kodwe luka Isirael, kejaanak eoŋ kosasedotene, Aaron, ka Nadab ka Abiku, ka Eleasar ka Itamar, odwe luka Aaron, Ido iswamakini onacekon Aaron inapen lukalaunak, kanuka aibuses ka ajokis da. Ilimokini kere luejaas itauon luka apirianut, lueteleleb eoŋ kemoyo loka acoa, kiswamata inapen luka Aaron aitalaunia ŋes, kejaanak eoŋ kosasedotene. Lu kes inapen luiswamaunete kesi; yenikatorob, ka epod, ka ekaso, ka ekooti loocerer, ka egoe lokieniena akou, ka aenetait naka aŋabet: iswamakinete Aaron onacekon ka odweke inapen lukalaunak, kejaanak eoŋ kosasedotene. Eyaŋaarete esa bu, ka lobululu, ka lomuge, ka Lokareŋan, ka ebaputa loejok, Iswamaunete kesi epod loka esabu, ka lobululu, ka lomuge, ka Lokareŋan, ka ebaputa loecipitai kiusio lueriim, aswam naka ekeswaman kalocpiriana. Ejaunos lukokeperin iarei luimorikikinitai kosanetakec iarei; tctere imorikikina. Aenet da naicipitai kapirianut, naejai tomake aenia, koputos akeswam kaswam naka egoeke; loka esabu, ka lobululu, lomugc, lokarenan, ka ebaputa loecipitai kiusio lueriim. Ido iyaŋaari amor aarei nuemelomeloto, kigiranak nen ikiroria luka idwe luka Isirael. Ikiroriakec ikanykape amoru adiopet, ka ikiroria ikanykape luesalitos amoru nakiareit, kwape eiaar auriokec. Aswam naka ekegiran amor, kwape igiria emacar, ŋes igiria ijo amor ŋun aarei kwape ejaatar ikiroria luka idwe luka Isirael: ilukuni kes kapesan nuka esabu. Ibwaikini da amor nun aarei okeperin luka epod, araun amor nuka aisiitunet kanuka idwe luka Isirael: edakari Aaron ikiroriakec akonyen nuka EJAKAIT kokeperinike iarei araun aisntunet, Iswamauni da apesan nuka esabu: Ka irikoi iarei luka esabu kaloelai; iswamauni kwape kaunoi, kaswam kanaeojitoi: ienikini da irikoi lueoiitoi toma apesan. Ido iswamauni yenikatorob yeniketube, aswam naka ekeswaman kaloepiriana: iswamauni kwape kaswam naka epod; yenika esabu, ka yenibululu, ka yenimuge, ka yenikarenan, ka ebaputa loecipitai kiusio lueriim, iswamauni ŋes kwaŋin. Eraun yenika agoria aoŋon nueriakanara, ekudokinitai bala eriagi, aojauke eraun atutubet naka ekubit, alalauke da atutubet naka ekubit, Ido ipiripiranakini amor nekiminaikina, ikokoron iwonon luka amor: ekokoro loka asadia, * ka atopasit, * ka karubunikol * ŋes eraun ckokoro losodit; Ekokoro lokiareit loka emeralid, * ka asapiro, * ka diamod*; Ekokoro lokiwuniet loka eyasit, * ka aget,* ka ametusit*; Ka ekokoro lokiwoŋonet loka aberul, * ka naemelomelot, * ka ayaseper; elukunio esabu loiminaikinere. Eraunos amor kwape ejaatar ikiroria luka idwe luka Isiracl, atomon ka nuarei, kwape ejaatar ikiroriakec; kwape igiria emacar, niniruŋanan kwape ejaar ekekiror, eraunos kanuka atekerin atomon ka nuarei. Ido ibwaikini toma yenikatorob irikoi kwape kaunoi, luka aswam naeoiitoi naka esabu kaloelai. Ibwaikini da igilun iarei luka esabu toma yenikatorob, ibwaikini igilun Ŋul iarei osaŋeta iarei luka yenikatorob. Ibwaikini irikoi iarei luka esabu lueojitoi toma ogilun iarei lukosaneta luka yenikatorob. Ibwaikini isaneta ice luka irikoi nul luarei lueojitoi toma apesan kwa aarei, kosodi aibwaikin okeperin luka epod, kowaike lokoinaren. Iswamauni da igilun iarei luka esabu, ibwaikini toma osaŋeta iarei luka yenikatorob, toma atokitoitike, naejai owai Iokotoma loka epod. Iswamauni igilun iarei luka esa bu, kosodi aibwaikin toma atutubeta aarei nuka ikeperin luka epod kwapuke, kowai lokoiŋaren, eiduny kaimorikikinetake, kuju aenet naka epod naicipitai kapirianut. Eenikinete igilun luka yenikatorob ka igilun luka epod keusi lobululu, tetere iboie kokuju aenet naka epod naicipitai kapirianut, tetere mam yenikatorob ilaiakin kepod. Ido enapenenei Aaron ikiroria luka idwe luka Isirael kotoma yenikatorob yeniketube kotauke, naelomanaria aibois nakalaunan, araun aisiitunet natir kakonyen nuka EJAKAIT. Ibwaikini Urim ka Tumim toma yenikatorob ycniketube; ejaununos otau loka Aaron, naelomanaria akonyen nuka EJAKAIT: enapenenei Aaron etube loka idwe luka Isirael kotauke tiritir kakonyen nuka EJAKAIT. Iswamauni ekaso loka epod korai kere lobululu. Ejaun apedot kotomake neitori akou: ejaun atokitoit p-aka aswam naicipitai airimor apedotoke, kwape kapedot naka ekooti loka acuma, kinyek acilio. Toma atweleike iswamakin akamamagan nuka lobululu, ka lomuge, ka Lokareŋan, airimor atwelei kere; ka icirin luka esabu kidinikec airimor: Ecirit loka esabu ka akamamaga, ka ecirit loka esabu ka akamamaga, airimor atwelei nuka ekaso. Ido enapenenei Aaron aiiaanakinia: iiranario da aruokec naelomanaria aibois nakalaunan akonycn nuka EJAKAIT, naelomununia da, kinyek atwanare. Iswamauni amekemeket nakesabu kaloelai, kigirak ŋes, kwape igiria emacar ebe, IKALAUNAN YENIKA EJAKAIT. Ieni keusi lobululu, ido ejaun ogoe lokieniena akou; ejaenena kiŋaren kegoe lokieniena akou. Ido ejaenena oreet loka Aaron, ibwokenenei Aaron numam adolit nuka iboro lukalaunak, luitalaunete idwe luka Isirael kotoma ainakinetakec kere nukalaunak; ejaenena oreet loka Aaron apaarasia kere, tetere ecamunio kes kakonyen nuka EJAKAIT. Icipuni ekooti locerer loka ebaputa kaloejok, iswamauni da kebaputa kaloejok egoe lokieniena akou, iswamauni aenetait naka aŋabet, aswam naka ekasonyan. Ido iswamakini idwe luka Aaron ikootin, iswamakini kes aeneta nuka aŋabes, akopiran da iswamakini kes, kanuka aibuses ka ajokis. Itanapi kes Aaron onacekon, ka odweke; inyonyoikini kes akinyet, itiakuni kes, italauni kes, tetere keiaanakinete eoŋ kosasedotene. Iswamakini kes ipalei luka ebaputa arapakinia awatekec nuejaas titai; egeunete kanabes kiton amurwos: Enapenenei Aaron, ka odweke, naelomanariata toma owema loka airiamunun, arai naikunyakiniata otem aijaanakin kotoma aibois nakalaunan; tetere mam ibwokete numam adolit, kosodete atwakare: eraun ekisil kamake ka aurike naetupanakini ikar kere. Na ŋes akirot naiswamakini kes aitalaunia kes, aijaanakin eoŋ kosasedotene: ilemuni emoŋ lotobait ka imerekekin iarei lumam eŋwalito, Ka imugatin lumam itubuunitoi, ka aluŋuren numam itubuunitoi nuinyalakinitai akinyet, ka imugatin luibenibena lumam itubuunitoi luinyonyoikinitai akinyet: ipouni kes kakiria nuidicic, Ibwaikini kes odita ediopet, iyauni kes kodita, ka emoŋ lotobait ka imerekekin iarei. Iyauni Aaron ka odweke okek loka ewema loka airiamunun, iloŋi kes kakip. Ilemuni igoen, itanapi Aaron ekooti, ka ekaso loka epod, ka epod, ka yenikatorob, ieni ŋes kaener naka epod naicipitai kapirianut: Ienienakini egoe akouke, idokokini aboko nakalaunan ogoe ŋol. Kosodi ijo alemun akinyet nakinyonyoanakina, kobukok akouke kinyonyoanak ŋes, Iyauni odweke da, kosodi aitanap kes ikootin. Ieni kes kaeneta, Aaron ka odweke, ienieni igoen akwesikec: eraunos do isasedotin kokisil lomam edaun: itiakuni ijo Aaron ka odweke. Iyauni da emoŋ lotobait kinaren kewema loka airiamunun: idokokinete Aaron ka odweke akaninikec omon lotobait. Iari ijo emoŋ lotobait kakonyen nuka EJAKAIT, kokek loka ewema loka airiamunun. Ilemuni aokot nuka emoŋ lotobait ijukonokini da amumwara nuka etem kebokoritikon; ibukokini da aokot kere kwap ketem, Iwaruni da asiepai kere naerapit lukotoma, ka asiepai naka emany, ka iŋalur iarei, ka asiepaikec, icwei kes kotem. Konye akiriŋ naka emoŋ lotobait, ka emukuleke, ka ikijitike icwei ijo kokina kiidukurun; erai ainakinet naka adiakar. Iyanaari da emerekek ediopet; idokokinete Aaron ka odweke akaninikec akou naka emerekek. Iari do ijo emerekek, iyanaari aokotoke, ibwatanakini otem. Itubutubei emerekek, ilosi lukotomake, ka akeieke, kosodi aibwaikin inerioke ka akouke nepepe. Icwei emerekek kere kotem: erai ainakinet naicweio mama ejai EJAKAIT: erai asakat naeuru saa, ainakinet naeinakinere kakim mama ejai EJAKAIT. Iyanaari da emerekek ece; idokokinete Aaron ka odweke akaninikec akou naka emerekek. Kosodi ijo aiar emerekek, iyaŋaari aokot, ijukono kini okobet loka akit nakoteten naka Aaron, okoben da luka aki nukoteten nuka odweke, obokorokec lukapolok luka akaninikec nukoteten, obokorokec lukapolok da luka akeienekec nukoteten, ibwatanakini da aokot otem. Ilemuni aokot nuejaas otem ka akinyet nakinyonyoanakina ibwatakini Aaron onapeneke da, odweke da, ka onapenekec da nepepe kaŋes: italaunio ŋes, ka inapeneke, ka odweke, ka inapen luka odweke da. Ilemuni da asiepai nuka emerekek ka asonyok ka asiepai naerapit lukotoma ka asiepai naka emany ka iŋalur iarei ka asiepaikec, ka amurwo nakoteten; naarai erai emerekek loka atiakunio: Ka emugati ediopet, ka aluŋuret adiopet naka imugatin luinyalakinitai akinyet, ka emugati ediopet loebenibena kodita loka imugatin lumam itubuunitoi loejai akonyen nuka EJAKAIT: Ibwaikini kere akanin nuka Aaron ka akanin nuka odweke; ijaŋari kes araun ainakinet naijanio kakonyen nuka EJAKAIT. Ŋaari kes kakaninikec, icwei kes kotem kainakinet naicweio, araun asakat naeuru saa kakonyen nuka EJAKAIT: ŋes ainakinet naeinakinere kakim mama ejai EJAKAIT. Iyanaari atorob naka emerekek loka atiakunio naka Aaron, iianari araun ainakinet naijanio kakonyen nuka EJAKAIT: eraun nakon, Italauni da atorob naka ainakinet naijaŋio, ka amurwo naka ainakinet naedakakina, naijanio, naedakakinitai, nuka emerekek loka atiakunio, kes nuka Aaron ka nuka odweke. Eraunos nuitebeitai Aaron ka odweke ikar kere kodwe luka Isirael: naarai erai ainakinet naedakakinitai: eraun ainakinet naedakakinitai kodwe luka Isirael naka asuban nuka ainakinetakec nuka ainapakin, ŋes ainakinet naedakakinitai mama ejai EJAKAIT. Eraunos inapen lukalaunak luka Aaron luenapete odweke luetupanakinete ŋes, ainyonyoanakinio kotomakec, atiakunio da kotomakec. Enapenenei okokuke loeraun esasedoti aiboisike apaarasia akanykaarei naelomaria owema loka airiamunun aijaanakin toma aibois nakalaunan. Iyanaari emerekek loka atiakunio, ipoi akirinike kaibois nakalaunan. Enyamete Aaron ka odweke akiriŋ naka emerekek, ka imugatin lueiaas odita kokek Ioka ewema loka airiamunun. Enyamete kesi iboro nul lualucere, atiakunia ka aitalaunia kes: konye mam emoit enyami nul naarai eraas lukalaunak. Arai kideun akiriŋ naka atiakunio, arai imugatin aitodol tupuruc, icwei do ijo luideuna kakim: mam enyamio, naarai eraas lukalaunak. Iswamakini ijo kwaŋin Aaron ka odweke, kwape ejaatar nukecorak jo kere: itiakuni kes apaarasia akanykaarei. Ŋinipaaran iinakini emoŋ lotobait loka ainakinet naka adiakaret alucio: itesegaari etem nailucio ŋes; inyonyoanakini ŋes aitalaun, Iluci etem apaarasia akanykaarei, italauni ŋes: eraun etcm lokalaunan noi; yenetirori etem kere eraun yenikalaunan. Lu kes luiinakini ijo otem; imerekekin iarei luka ekaru ediopet, ŋinipaaran komam aisal. Iinakini idiopemerekek tupuruc; iinakini yenikiareit eboŋ: Nepepe kidiopemerekek, idiopet kotomon yenika epa * Ioka akiria nuidicic nuinyalakinitai kidiopet koonon yenika ekin t laka akinyet naerukuk: ka idiopet koonon yenika ekin loka ebino araun ainakinet namatat. Iinakini imerekek yenikiareit eboŋ, iswamakini ŋes kwape ejaar ainakinet naka akiria naka tupuruc, ido kwape ejaar ainakineteke namatat, araun asakat naeuru saa, ainakinet naeinakinere kakim mama ejai EJAKAIT. Eraun ainakinet naicweio naduc anatar aturiokus okek loka ewema loka airiamunun kakonyen nuka EJAKAIT: nekiriamuni kayes, ener kaio kanen, Ncn da ŋes kiriamun kidwe luka Isirael; italauni aibusesuka Ewema. Etalauni eoŋ ewema loka airiamunun, ka etem: etalauni da Aaron ka odweke, aijaanakin eoŋ kosasedotene. Eboienenei eoŋ kodwe luka Isirael, araun Ekecedeke. Ejenunete da ebe, ani Eoŋ EJAKAIT Ekecedeke, loetolomuni kes kakwap nako Misiri, tetere eboie kamakec: Arai eoŋ EJAKAIT Ekecedeke. Iswamauni etem lokisupuruunet lukisupurununo: iswamauni ŋes kakito nuka sita. Aojauke eraun ekubit, alalauke da ekubit; eraun loka agoria aoŋon nueriakanara: amukururuke ikubitin iarei: amumwarake eraunos nuka ibore idiopet kaŋes, Iladaari ŋes kesabu loelai, kujuke, ka isiepionoke, ka amumwarake; iswamakini ŋes atorosit naka esabu airimor. Iswamakini ŋes igilun iarei luka esabu kwap katorositike, amaranake aarei, iswamakini kes osiepionoke iarei; eraunos aiboisio nuka adaketa adakia ŋes. Iswamauni adaketa nuka akito nuka sita iladaari kes kesabu. Ibwaikini ŋes kinaren kaigalisit naejai eiduny kasaduku naka aitejenunet, kinaren keicolon-lokaitim loejai kuju kaitejenunet, nekiriamun kajo. Isupuruuni Aaron kanen lukisupurununo luka lueuru maa: ninitupuruc, naitemonokinio ŋesi atalai isupuruuni kes. Nainokokinia Aaron atalai eboŋ, isupuruuni kes, lukisupurununo lumam edaunos kakonyen nuka EJAKAIT anatar aturiokus. Mam isupuruunete lukisupurununo luegelakina kanen, karaida ainakinet naicweio, karaida ainakinet naka akiria; mam ibukokinete ainakinet namatat nen. Eluci Aaron amumwara nuka etem irwan atipet ŋolikaru: kaokot nuka ainakinet naka adiakaret eluci ŋes atipet nolikaru anatar aturiokus: erai lokalaunan noi kama ejai EJAKAIT.” Kotema EJAKAIT Musa atiar, “Naimaria ijo etiai loka idwe luka Isirael, kwape ejaatar nul luimarar kakesi, einakini ninitunanan EJAKAIT lulakunete aijarake, naimaria ijo kes; tetere mam ejaun atular mamakec naimaria ijo kes. Yen ŋes yeneinakini ninitunanan yenetubori mama ejaas luimarar, atutubet naka esekel kwape ejaar esekel loka aibois nakalaunan, (esekel ŋes igeran akaisaarei:) Ŋininnjanan yenetubori mama ejaas luimarar ageun kaluka ikar akaisaarei ka luedeparito einakini ainakinet naka EJAKAIT. Mam ikabarak einakinete luedeparito, lukican da mam einakinete luikidioko, adepar atutubet naka esekel, naeinakiniata ainakinet naka EJAKAIT, alucio akusiijar. Ŋauni apesan nuka alucio kama ejaas idwe luka Isirael, itwasamai kes aijaanakinia kowema loka airiamunun; tetere eraun aisiitunet kanuka idwe luka Isirael kakonyen nuka EJAKAIT, alucio akusiiiar.” Kotema EJAKAIT Musa atiar, “Iswamauni akalaya naka aisinit, aigaŋeteke naka aisinit, ailonia: ibwaikini ŋes kidin kewema loka airiamunun ka etem, ibukokini akipi toma. Ilosete Aaron ka odweke akecekanin ka akecekeje kanen; Naelomanariata owema loka airiamunun, ilosete kakip, tetere mam etwakete; arai naekunyuniata otem aijaanakin, aicwe ainakinet naeinakinere kakim mama ejai EJAKAIT: Ilosete akecekanin ka akecekeie tetere mam etwakete: eraun ekisil kamakec ikar kere, kamake ka aurike anatar aturiokec.” Kotema bobo EJAKAIT Musa atiar, “Kolem lueuru maa jokan, emina loecalara isekelin akwat akany, akinomon naewiny atutubet naka ŋol, ŋes akwat aarei ka akaisakany, akalamus da naewiny akwat aarei ka akaisakany, Luka ekasia da akwat akany kwape ejaar csekel loka aibois nakalaunan, ka ekin loka akinyet naka eseitun: Itarauni ŋes akinyet nakinyonyoanakina nakalaunan, aures nainyalitai kwape ejaar apirianut naka ekenyalan lueuru maa: eraun akinyet nakinyonyoanakina nakalaunan. Inyonyoanakini ewema loka airiamunun, ka asaduku naka aitejenunet, Ka emesa ka iboroke kere, ka epir loka atala: ka ikeboro kere, ka etem loka lukisupurununo, Ka etem loka ainakinet naicweio ka iboroke kere, ka akalaya ka aigaŋeteke. Italauni ijo kes, koraut lukalaunak noi: yenetirori kes eraun yenikalaunan. Inyonyoanakini Aaron ka odweke akinyet, italauni da kes, tetere keiaanakinete eoŋ kosasedotene. Ilimokini idwc luka Isirael ebe,, Eraun na akinyet nakinyonycanakina nakalaunan kamaka anatar aturiokus. Mam ebukokinio akuan naka ituŋanan, karaida yes aiswamaun naeputotor, kwape eiaar eiponeke: erai nakalaunan, eraun da nakalaunan kamakus. Ŋinituŋanan yeniswamauni naeputotor, arai ninitunanan yeninyonyoikini ŋes emoit, egelario kotuŋake.’’’ Kotema EJAKAIT Musa atiar, “Koya lueuru maa, esitakite, ka onika ka egalubanum; lueuru maa ka lukisupurununo luelaete: koriakas alanirukec kere; Iswamaunia ijo kes lukisupurununo, aures nainyalitai kwape ejaar apirianut naka ekenyalan lueuru maa, kitijiiimitete kabalan, naelai nakalaunan: Iruki ice kakesi aidecar, ibwaikini da kinaren kaitejenunet kowema loka airiamunun, nekiriamuni kajo: eraunos lukalaunak noi kamakon. Lukisupurununo luiswamauni ijo kwape ejaar eponekec, mam iswamaunete kanukus: eraunos lukalaunak kamakus kanuka EJAKAIT. Ŋinitunanan yeniswamauni lueputotor, ainuunun, egelario kotuŋake.” Kotema EJAKAIT Musa atiar, “Koany, anyarau Besalel, okoku loka Uri, okoku loka Kur, loka ateker naka Yuda: Elelebik ŋes emoyo loka Edeke, kotoma acoa, ka aijen, ka apirianut, ka iponesio kere luka aswam, Aswam aswamisio nuka apirianut, atata esabu, ka epuesa, ka aisinit, Aigir amor nuiminaikinere, ka aiger akito, aswam da iponesio kere luka aswam. Koany, aseu eoŋ ŋes ka Okoliab, okoku loka Akisamak, loka ateker naka Dan: ido ebwaik eoŋ acoa toma otauon luka ŋul kaluecoak kotauon, tetere iswamaunete Iukecorak jo kere: Ewema loka airiamunun, ka asaduku naka aitejenunet, ka eicoloŋ-lokaitim loejai kujuke, ka iboro kere luka Ewema; Ka emesa ka iboroke, ka epir loesegara loka atala ka iboroke kere, ka etem loka lukisupurununo; Ka etem loka ainakinet naicweio ka iboroke kere, ka akalaya ka aigaŋeteke; Ka inapen luedonyitai, ka inapen lukalaunak luka Aaron esasedoti, inapen da nuka odweke, luka aijaanakinia kosasedotene; Ka akinyet nakinyonyoanakina, ka lukisupurununo lueuru maa kanuka aibois nakalaunan: iswamaete kesi kwaŋin kwape ejaatar nukecorak jo kere.” Kotema EJAKAIT Musa atiar, “Kolimok ijo idwe luka Isirael ebe, ‘Abeit idarenenete asabatonoka; naarai erai aanyunet kamakaŋ ka yes anatar aturiokus; tetere ijenunete ebe Arai eoŋ EJAKAIT loketalauni yes Idarenenete do asabato, naarai erai nakalaunan kamakus: ŋinituŋanan yenitisili ŋes abeit eario: naarai ninituŋanan yeniswamai adioswam kere kapaaran kaŋin, egelario irunanan nin kotuŋake. Iswamao aswam apaarasia akanykape: konye apaaran nakikanyetekaarei erai nakasabato naka aibworar, nakalaunan naka EJAKAIT: ijinitunanan yeniswamai adioswam kapaaran nakasabato, abeit eario. Kanuka ŋun idarete idwe luka Isirael asabato aricit asabato anatar aturiokec, araun aitutuket namam enaŋi. Erai aanyunet kamakaŋ ka idwe luka Isirael ikar kere: naarai abu EJAKAIT kosub akuj ka akwap kotoma apaarasia akanykape, kibwora kapaaran nakikanyetekaarei, kikwar.’’’ Kedau ŋesi einer kaMusa komoru Sinai kijaik ŋes amor aarei nuka aitejenunet, amor nuewadikatai kebokorit loka Edeke. Keanyut ituŋa ebe eyap Musa adokun komoru, kotukonokinos mama ejai Aaron, kobalas ŋes ebe, “Konyou, kiswamakinai sio idekesio, lukiŋarenikinete; naarai Musa nol, ekesa lokitolomuni sio kakwap nako Misiri, mam kijeni nuadoikis ŋes.” Kobala Aaron kes ebe, “Koijedununutu itetio luka esa bu, luejaas aki nuka aŋorokus, ka luejaas aki nuka idwekus lutelepai ka lupesur da, koinut eoŋ.” Koijedununut ituŋa kere itctio luka esabu luajaas akikec, koinut Aaron. Kijau kakaninikec, kiluŋuluŋ kacuma kanaigiri, kosub itaok yenicaluna; kobalas ebe, “Lu kes idekesiokon, ijo Isirael, lukitolomunete kakwap nako Misiri.” Keanyu Aaron nun, kodukok etem akonyeneke; kolimo Aaron ebe, “Ejaun moi epucit mama ejai EJAKAIT.” Konyout tupuruc sek, koinanakis ainakineta nuicweio, koyaut ainakineta nuka ainapakin; kiboikinos ituŋa ainyam ka aimat, konyout abolia. Kotema EJAKAIT Musa atiar,” Kolot kijesar; naarai amunaaros ituŋakon luitolomuni kakwap nako Misiri: Apaasi atipet anyoun korot loabu kecorak kes: asubut itaok venicaluna, amaata nin, ainakis da asubanit, kobalas ebe, ‘Lu kes idekestokon, ijo Isirael, lukitolomunete kakwap nako Misiri.’” Kotema EJAKAIT Musa atiar, “Aany eoŋ ituŋa lu, ido koany, kes ituŋa lueninik imurisiŋa; Aso do kinyeinai, tetere inepuni noi anyunyuraka aluikin kes, tetere amudiari kes: ketuluori jo ateker naepol.” Kinaina Musa EJAKAIT Ekedeke, kobala ebe, “EJAKAIT, kanukinyo inepunia noi anyunyurakon aluikin ituŋakon, lukitolomuni kakwap nako Misiri kagogon naepol kakan da naka apedor? Kanukinyo ti elimunioto Imisirian ebe, ‘Abu kitolom kes kanuka aronis, aarakin kes oroŋan, amudiar kes kakwap’? Kinyek anyunyurakon naededen, kiitu ikonituŋa kinyeik aronis ŋin. Kiitu Aburaam, ka Isaak ka Isirael, ikonikeiaanakinak, luibu kiyapok bon kobala ebe, ‘Eyatakini eoŋ aurikus kwape kaacer nukokuju, akwap ŋin kere naener nuke, ainakini aurikus, irumete kesi ikar kere.’” Kiitu EJAKAIT kinyek aiswamakin ituŋake aronis naabala. Kibelokin Musa kijesar komoru, kojaas kamor aarei nuka aiteienunet akaninike; amor nuewadikatai owaitinikec kere; ewadikatai epuai ka epuai da. Araas amor aswam naka Edeke, aiwadika da arai aiwadika naka Edeke, naegirakinitai amor. Kepupu Yosua ecelet loka ituŋa eutaritos, kobala ŋesi Musa ebe, “Ejai ecelet leka ejie toma oidukurun.” Kobala Musa ebe, “Mere ŋol eporoto loka ŋul kaluecelas kanuka aipikor, karaida eporoto loka nul kaluemonyete kanuka aireneario: konye apupi ecelet loka ŋul kalueyoete.” Kosodi nape eapiari oidukurun, koany itaok ka ekosio: kinep noi anyunyura naka Musa, kocaka amor kakaninike, kobwanak kes kwap kemoru, Koyana itaok yenasubunito, kicweik kakim, kidecidec, kipurupuranak akipi, kiramat idwe luka Isirael. Kobala Musa Aaron ebe, “Apotu ituŋa kikwaikis jo ai, tape iyauni adiakaret naepol mamakec?” Kobala Aaron ebe, “Kinyek anyunyura naka ejakaitika ainepun noi: ijeni ijo ituŋa, etupitos cut aronis. Naarai apotu katemasi eoŋ ebe, ‘Kosubakinai idekesio, lukinarenonokinete oni, naarai Musa ŋol, ekesa lokitolomuni oni kakwap nako Misiri, mam kijeni nuadoikis.’ Katema kes ebe, ‘Yenejai esabu kere, konedununutu”; kwaŋin apotu kainut: kebwaik akim, kolom do itaok yen.” Kosodi keanyu Musa ebe epaliikis ituŋa; naarai abu Aaron kisipaliik kes araun luekienatatar lukasurupokec: Kosodi Musa aibwo korute loka iidukurun, kobala ebe, “Ŋinituŋanan yenejai owai loka EJAKAIT kobu mama ajai.” Kotukonokinos odwe kere luka Lebi mama ejai. Kobala ŋesi kes ebe, “Ebala EJAKAIT, Edeke loka Isirael kwanata ebe, ‘Kibwaik ninitunanan ekekileŋ amurwoke, koboŋobonoto kokekia kere anatar iidukurun kere, koar ninitunanan onaceke, ninirunanan aupake, ninituŋanan ekeidunyet.’’’ Kiswamata odwe luka Lebi kwape ajaar akirot naka Musa: kotwaka kapaaran kaŋin kotuna, ituŋa kwape ilukumin iuni. Kobala Musa ebe, “Kotiakunos lolo mama ejai EJAKAIT, ninituŋanan ka ikekoku, ka onaceke; tetere ŋes kisirereni yes lolo.” Kosodi kedolo tupuruc kobala Musa ituŋa atiar, “Idiakasi aronis naepol: kwape kwana adokari eoŋ mama ejai EJAKAIT: diat aluci akusironis.” Koboŋo Musa mama ejai EJAKAIT, kobala ebe, “Wu okwe, adiakas iruŋa nul aronis naepol, asubut ikulepek idekesio iuka esabu. Konye kwana, arai kisioni ijo aronisikec; konye arai mam, kenainait, komwatarai eoŋ koitabokon loibu kiwadik.” Kobala EJAKAIT Musa ebe, “Ŋin kere yenadiakaa kamakaŋ, ŋin ŋes amwatari koitaboka, Aso kolot, kinarenik ituŋa aibois naalimokinit jo; koany, kiŋarenikinenei ekamalaika jo; konye kapaaran naaanyanaria, aanyuni aronisikec.” Kodany EJAKAIT ituŋa, naarai apotu kosubata itaok yenabu Aaron kosub. Kotema EJAKAIT Musa atiar, “Konyoutu koloto kane, ijo ka ituŋa lukitolomuni kakwap nako Misiri, kolomasi yesi akwap nakolo esiyapokinit eoŋ Aburaam, ka Isaak, ka Yakob ebe,, Ainakini akoniwur.’ Ido eyakuni emalaika koinarenikon; ereŋeari da Ekanaanit, ka Emorait, ka Ekitit, ka Eperisit, ka Ekibit, ka Eyebusit da: Kakwap naeleleete akile ka esik: naarai mam eoŋ kiupakin kayes; naarai iraas yesi ituŋa lueninik imurisiŋa: kenyek amudiar yes korot.” Kepuput ituŋa akiro ŋun nueroko, kitururwoto; komamuun ituŋanan yenisirit akekuan. Kotema EJAKAIT Musa atiar, “Kolimok idwe luka Isirael ebe, ‘Iraas yesi lueninik imurisiŋa: arai kiupakin eoŋ kayes karaida apak naedit noi, kamudiari eoŋ yes: asa do kolaca luisirito, kasodi konyet ajenun nukeswamakini yes.’’’ Kolacasi idwe luka Isirael luesirito kesi ageun komoru Koreb kaiyatakin. Ayananari Musa ewema asiponokin kina kiidukurun; kolwanikina koidukurun; komaik Ewema loka airiamunun. Kosodi ŋinituŋanan yenekoto EJAKAIT alosenen owema laka airiamunun, loajai kina kiidukurun. Kosodi naelomanaria Musa owema, anyoununete ituŋa kere, kobwo ŋinitunanan kokek loka ewemake, asesen Musa aitodol neelomaria owema. Kosodi kanen, naalomanaria Musa toma owema, kijesunun epir loka edou, kobwo kokek loka ewema: kinerakinos EJAKAIT ka Musa. Koanyut ituŋa kere epir loka edou ebwoi kokek loka Ewema: konyout ituŋa kere komaata, nlnirunanan kokek loka ewemake. Kinerenenas EJAKAIT kaMusa kiteos, kwape ineratar etuŋanan kopaperoke. Kobononori bobo ŋesi oidukurun: konye ekekejaanakinan Yosua, okoku loka Nun, ekatumunan, mam anyoununei koWema. Kotema Musa EJAKAIT atiar, “Koany, ibala ijo eoŋ ebe, ‘Koyana ituŋa lu’: ido mam kitejcnikinit eoŋ lokiyakiari keoŋ, Konye ibu ijo kiner ebe,, Kajeni jo kekonikiror, ibu da kodum asianut kakonyeneka.’ Kanuka nun, kenainait, arai adumunit asianut kakonyenekon, kitodikinai ikonirotin, tetere kajenuni jo, kasodi adumun asianut kakonyenekon: ido koomoom ebe erai ateker na ikonituŋa.” Kotema ŋes atiar, “Ajaenena eoŋ kajo, eoŋ da kesiyenuni jo.” Kotema ŋes atiar, “Arai mam ijaenena keoŋ, sirikiiyana sio nina. Naarai ikwaikinio ai ejenunio ebe abu eoŋ kadum asianut kakonyenekon, eoŋ ka ikonituŋa da? Mere ti ŋes ejenunere naarai iupa ijo kasio, kasodete atiakunio, eoŋ ka ikonituŋa, kotoma otuŋa kere luejaas akwap?” Kotema EJAKAIT Musa atiar, “Eswamai ŋin da nainer ijo; naarai ibu kodum asianut kakonyeneka, eoŋ da kajeni jo kekonikiror.” Kobala ebe, “Kenaiŋait, kitodik eoŋ akoniibuses.” Kotema atiar, “Etotori akajokis kere akonyenekon, alimori da ekiror loka EJAKAIT kakonyenekon; ido ekonakini asianut nin yenakoto aikonakin asianut, etimi da yenakoto aitim.” Kobala ebe, “Mam ipedori aanyun akakonyen: naarai mam ituŋanan kaanyuni eoŋ kosodi aijar.” Kobala EJAKAIT ebe, “Koany, ejai aibois naeapie keoŋ, ibwoi ijo katiiba: Kosodi naitorio aibusesuka, kepiikini jo toma acilat naka atiiba, arapakini jo kakakan aitodol neatuboror eoŋ: Alemari akakan, ianyuni ijo epuraka; konye akakonyen mam eanyunos.’ Kotema EJAKAIT Musa atiar, “Kikeu amor aarei nueputos kwape kanusodit: ewadikakini eoŋ amor akiro nuajaas toma amor nusodit, nuibu kobwan, Kitemokin moi kodoku tupuruc moru Sinai, kitodun mama ajai kaidi naka emoru. Ido sirikedoku ituŋanan nepepe kajo, siriketakanu da idiotuŋanan komoru kere; karaida isipanin luka amerekekin ka aituk kinyeis adak kiŋaren kemoru kanol.” Kikeu ŋesi amor aarei nuaputos kwape kanusodit; konyou Musa tupuruc sek, kodoka moru Sinai, kwape ecorakinitor EJAKAIT, koyana kakanike amor aarei. Kijesun EJAKAIT kodou, kobwo kanen nepepe kaŋes, kolimo ekiror loka EJAKAIT. Kitor EJAKAIT kakonyeneke, kolimo ebe, “EJAKAIT, EJAKAIT, Edeke loileleba aitim loesiana, loiyapi anyunyurikin, loepol aitim ka abeit: Loiŋadat aitim mama ejaas ilukumin, loisioniei numam adolit ka aibucareta ka aronis; lomam itojokit luegwaunito akiro; loidopei numam adolit nuka lukapapa kodwekec, kodwe da luka idwekec, kiton atur nakiwuniet ka nakiwononet.” Kisunya Musa, kitulur akou kwap, koma. Kobala ebe, “Arai kwana adumunit asianut kakonyenekon, wu EJAKAIT, kenainait, kolosenenei EJAKAIT kokidinikosi; naarai eraas ituŋa lueninik imurisiŋa; kitimoi sio numam adolitekosi ka aronisikosi, koyanaarai araun airumetekon.” Kotema atiar, “Koany, etutuki: kakonyen nuka ituŋakon kere eswamai nukaumokin, numam lem iswamatai kakwap kere, karaida kateker adio: eanyunete ituŋa kere luijai ijo mamakec aswam naka EJAKAIT, naarai esogim akirot nakeswamakini. Koric ijo nukecorak lolo: koany, ereŋeari koinarenikon Emorait, ka Ekanaanit, ka Ekitit, ka Eperisit, ka Ekibit, ka Eyebusit da. Kocoite, kinyek aitutuk kaluiboiete kakwap nailosete, kinyek araun atacit kamakus: Konye ibilete itemwanakec, imunyumunyete da ipirinokec, iiepeiepete Aseraikec: Naarai mam imaete ecedeke kere: naarai EJAKAIT, loerai ekekiror Ekolo, erai Edeke lokekolo: Kinyek aitutuk kaluiboiete kakwap, kolosete eporo mama ejaas idekesiokec, koinakinete idekesiokec asuban, kinyek idiopet anyarar jo, inyami da asubanitike; Kinyek amanyakin odwekon adwekec, adwekec alosit eporo mama ejaas idekesiokec, einakinete odwekon alosit adoteu mama ejaas idekesiokec. Sirikiswamau idekesio lucaluna. Kidarenenei epucit loka imugatin lumam itubuunitoi. Inyamenenei imugatin lumam itubuunitoi apaarasia akanykaarei, kwape kecorakinia jo, kapak naeseunitai kolap Abib; naarai olap Abib ŋes ilomunia kakwap nako Misiri. Yenepukori aliliget kere erai yenikaŋ; ka ibarenekon kere lucraas ikiliok, ikiyaik luka imoŋin ka imerekekin. Ka ikiyaik luka asigirian ilakuni kimerekek: arai mam ilakuni ŋes, ibili ekemurisin, Ilakuni ikiyaik kere luka odwekon. Komamei da idio yenetakanuni kakonyeneka komamei ibore. Iswamaenenei apaarasia akanykape, konye kapaaran nakikanyetekaarei iyenuni: Iyenuni kapak naka akor ka apak naka aisak da. Iricenenei da epucit loka asabaton, ŋes loka araito nuegeete nuka akima, ka epucit loka atukonokin odula kosane loka ekaru. Etakanunete ikiliokokon kere irwan auni nolikaru kakonyen nuka EJAKAIT Edeke, Edeke loka Isirael. Naarai ereŋeari atekerin kakonyenekon, etalalai da iikorunokon: mam idiotuŋanan ipudakin akwapukon, nailosio atakanun kakonyen nuka EJAKAIT Ekonideke irwan auni nclikaru. Mam iinakini aokot nuka asubanitika kimugatin luitubuunitoi; karaida aideun asubanit naka epucit loka aleleŋio aitodol tupuruc. Iyauni nugeet nuka araito nuegeete kalupokon togo loka EJAKAIT Ekonideke. Mam ipoi ikalol kakile nuka totoke.” Kotema EJAKAIT Musa atiar, “Kiwadik ijo akiro nun: naarai kwape ejaatar akiro nun etutuk kaio ka Isirael.” Kojai ŋesi nina ka EJAKAIT apaarasia akaisaoŋon paaran ka kuare da; mam anyami atap karaida aimat akipi. Kiwadik ŋesi amor akiro nuka aitutuket, aicorakineta atomon. Kosodi kanen, nakijesunor Musa komoru Sinai, itinit Musa amor aarei nuka aitejenunet, nakijesunor ŋesi komoru, mam Musa ajeni ebe emilia amuny naka ereeteke kanuka einerike kaŋes, Keanyut Aaron ka idwe luka Isirael kere Musa, koany, emilia amuny naka ereeteke; kokuriakaros aikunyakin ŋes. Kiworo Musa kes; kobonut Aaron ka ijaka kere luka ekodet neajai ŋesi; kiner Musa kakes. Kokau kikunyut idwe luka Isirael kere; kicorak kes nun kere nuabu EJAKAIT kinera kaŋes komoru Sinai. Kedau Musa einer kakes, kiswapa ekereet, Konye nakelomanaria Musa akonyen nuka EJAKAIT einer kaŋes, kolacanari aiswapet, aitodol nakelomununia; kolom, kolimok idwe luka Isirael kere nukicorakinio; Koanyut idwe luka Isirael ereet loka Musa, ebe emilia amuny naka ereet loka Musa: kiswapa Musa bobo ereeteke, aitodol naalomaria einer kaŋes. Kotukok Musa ekodet kere loka idwe luka Isirael, kotema kes atiar, “Nu kes akiro nuecoraki EJAKAIT, tetere yes iswamaete. Iswamao aswam apaarasia akanykape, konye eraun apaaran nakikanyetekaarei apaaran nakalaunan kamakus, nakasabato naka aibworar mama ejai EJAKAIT: yeniswamai adioswam kere kapaaran kaŋin eario. Sirikisineput akim kaiboisiokus kere kapaaran naka asabato.” Kiner Musa kekodet kere loka idwe luka Isirael atiar, “Na ŋes akirot naabu EJAKAIT kicorak ebe, “Kijaikisi yesi ainakinet mama ejai EJAKAIT: ŋinituŋanan yenejai etau loekot, koyau ainakinet naka EJAKAIT: esabu ka epuesa ka aisinit. Lobululu, ka lomuge, ka lokarenan, ka ebaputa loejok, ka aiul nuka akinei; Ka imukulen luka imerekekin luitcreŋitai, ka imukulen luka itakasin, ka akito nuka sita; Akinyet naka atala, ka lueuru maa luka akinyet nakinyonyoanakina; ka luka lukisupurununo; Amor nuemelomeloto, ka amor nuipiripiranara aibwaikin opod, ka yenikatorub da. Kobu ŋinitunanan kere yenepiriana kotau, kiswama kere nuecoraki EJAKAIT: Ewema lokalaunan, ewemake, ka eimukoreteke, ka arucetake, II ka abaoike, ka ariinoke, ka ipirinoke, ka aigaŋetake; Asaduku, ka adaketake; eicoloŋ-lokaitim, ka aigalisitike; Emesa, ka adaketake, ka iboroke kere, ka imugatin luka aitodikin; Epir da loka atala, ka iboroke, ka atalaike, ka akinyet naka atala; Etem loka lukisupurununo, ka adaketake; akinyet nakinyonyoanakina, ka lukisupurununo, ka aigalisit naka ekek, kokek loka ewema lokalaunan; Etem loka ainakineta nuicweio, ka eboike loka aisinit, ka adaketake, ka iboroke kere; akalaya ka aigaŋeteke; Igoen luigalitoi luka alaro, ipirinoke ka aigaŋetakec, ka aigalisit naka erute loka alaro; Iloin luka ewema lokalaunan, ka iloin luka alaro, ka aunoikec; Inapen luedonyitai ejok, aijaanakinia aibois nakalaunan, inapen lukalaunak luka Aaron esasedoti, ka inapen luka odweke, aijaanakinia osasedotene.” Konyou ekodet kere loka idwe luka Isirael kaneajai Musa. Kopotu, ŋinitunanan yenabu etauke kominakin, ninitunanan yenabu ekemoyo kokotokin, koyaut ainakinet naka EJAKAIT, kanuka aiswamaunia ewema loka airiamunun, ka aiiaanakinike kere, ka inapen lukalaunak, Kopotu, ikiliok ka aŋor da, kere luakotosi ikecetauon, koyaut abwakai, ka itetio, ka igilun, ka aikomon, kere luka esabu; nolituŋanan loabu koinak ainakinet naka esabu mama ejai EJAKAIT. Ŋolitunanan da, loajai lobululu ka lomuge ka lokarcnan, ka ebaputa loejok, ka ajul nuka akinei, ka imukulen luka imerekekin luiterenitai, ka imukulen luka itakasin abu koyau kes. Ŋinitunanan yenabu koinak ainakinet naka epuesa ka aisinit, abu koyau ainakinet naka EJAKAIT: nolirunanan da loajaas akito nuka sita kanuka aswam naka aiiaanakin, abu koyau. Aŋor da kere nuapiriaka kotauon apotu koojioto kakecekanin, koyaut da luapotu koojiut, lobululu, ka lomuge, ka lokarenan, ka ebaputa Ioejok. Aŋor kere nuaminakina kotauonokec kacoa apotu koojioto ajul nuka akinei. Koyaut ikayaitok amor nuemelomeloto, ka amor nuipiripiranara, aibwaikin opod, ka yenikatorub; Ka lueuru maa, ka akinyet; naka atala ka akinyet nakinyonyoanakina, ka luka lukisupurununo, Koyaut idwe luka Isirael ainakinet naka akot mama ejai EJAKAIT: nolikiliokit ka niniberu luakotos ikecetauon ayaun kanuka aswam kere, naabu EJAKAIT kicorak, aiswamaunio kama kaMusa. Kotema Musa idwe luka Isirael atiar, “Koanyutu, anyarau EJAKAIT Besalel, okoku loka Uri, okoku loka Kur, loka ateker naka Yuda; Eleleb ŋes kemoyo loka Edeke, kacoa, ka aijen ka apirianut, ka iponesio kere luka aswam; Aswam aswamisro nuka apirianut, atata esabu ka epuesa ka aisinit, Aigir amor nuiminaikinere, ka aiger akito, aswam da iponesio kere luka aswam nakapirianut. Ebwaiki otauke tetere isisianakini, ŋes ka Okoliab, okoku loka Akisamak loka ateker naka Dan, Eleleb ŋesi kes kacoa nakotau, aswam iponesio kere luka aswam, naka ekegiran ka ekeswaman loka apirianut, ka naka ekasonyan lobululu, ka lomuge, ka lokarenan, ka ebaputa loejok, ka naka ekaojion, naka nul kere kaluiswamaete niniswam kere, ka naka nul kaluiswamaete aswamisio nuka apirianut. Iswamaete Besalel ka Okoliab, ka ninitunanan yenepinana kotau, yeneinakinit EJAKAIT acoa ka apirianut aijen aiswamaun aswam kere naka aijaanakin naka aibois nakalaunan, kwape ajaatar kere nuecorakinit EJAKAIT.” Konyarau Musa Besalel ka Okoliab, ka ninirunanan yenepiriana kotau, yeneinakinit EJAKAIT acoa otauke, ninitunanan yenabu eketau kominakin abunore aswam: Kijaasi Musa ainakineta kere, nuapotu idwe luka Isirael koyaut kanuka aswam naka aijaanakin naka aibois nakalaunan, aiswamaunia. Koyaununutu bobo mama ejai ŋesi ainakineta nuka akot ninitupuruc. Ituŋa da lukacoa lueswamaete aswam kere naka aibois nakalaunan, kobu ŋinituŋanan kaswamuke naeswamaete kesi; Kotemasi Musa atiar, “Eyaunete ituŋa luedeparito noi kanuka aijaanakin naka aswam, naecorakinit EJAKAIT aiswamaun.” Kicorak Musa, kolimoroi da koidukurun kere ebe, “Sirikiyataki bobo ekiliokit arai aberu aswam kanuka ainakinet naka aibois nakalaunan.” Kwaŋin kitikokinai ituŋa ayaunun. Naarai adolito iboro luajaatar kesi aiswamaunia aswam kere, kodeparito da. Ŋinitunanan yenapiriana kotau ka nul kalueswamaete aswam kiswamau ewema lokalaunan kaigalisio atomon; nuka ebaputa loecipitai kiusio lueriim, ka lobululu, ka lomuge, ka lokarenan, ka ikerubin, aswam naka ekeswaman kaloepiriana ŋes eswamaunia. Aojau naka niniigalisit arai ikubitin akaisaarei ka lukanykauni, ka alalauke ikubitin iwonon; aigalisio kere araas nuka aitemis adiopet. Abu koropik aigalisio akany: koropik da aigalisio ace akany. Abu kiswamak akodeta nubululu oreret loka aigalisit nakawasia kotoma kanuaropikinitai: kiswama kwaŋin koreret loka aigalisit nakawasia kotoma kanuce kanuaropikinitai. Abu kiswamak akodeta akaisakany aigalisit adiopet kiswamak da akodeta akaisakany oreret loka aigalisit nakiareit naaropikinitai; kiteosi da akodeta nun. Abu kiswamau aruceta akaisakany nuka esabu, kimorikik aigalisio karuceta: koraun do ewema ediopet lokalaunan. Abu kiswamau aigalisio nuka ajul nuka akinei kanuka ewema lokokuju ewema lokalaunan: kiswamau aigalisio atomon ka nadiopet. Aojau naka ŋiniigalisit ikubitin akaisauni, ka alalau naka niniigalisit ikubitin iwonon: araas aigalisio atomon ka nadiopet nuka aitemis adiopet. Abu koropik aigalisio akany bonik, ka aigalisio nuce akanykape bonik. Abu kiswamak akodeta akaisakany oreret loka aigalisit nakawasia kanun kanuaropikinitai, kiswamak da akodeta akaisakany oreret loka aigalisit nakawasia ka nuce kanuaropikinitai, Abu kiswamau aruceta akaisakany nuka aisinit aimorikikinia ewema tetere eraun ediopet. Abu kiswamau eimukoret loka ewema kimukulen luka imerekekin luitereŋitai, ka eimukoret loka imukulen luka itakasin kujuke. Abu kiswamau abaoi nuka ewema lokalaunan kakito nuka sita, nuesipos. Aojau naka abao arai ikubitin itomon, alalau naka ninibao arai ekubit ediopet ka atutubet. Ŋinibao ajaas arucetake aarei nuarucokinito adiopet neajai nace: abu kiswamau kwaŋin abaoi kere nuka ewema lokalaunan. Abu kiswamau abaoi nuka ewema lokalaunan; abaoi akaisaarei kowai loka eŋalakimak kari naka eŋalakimak: Abu kiswamau aigaŋeta akaisaoŋon nuka epuesa kwap kabaoi akaisaarei; aigaŋeta aarei kwap kabao adiopet neelomarete arucetake aarei, ka aigaŋeta aarei kwap kaeebao neelomarete arucetake aarei. Kowai lokiareit loka ewema lokalaunan, kowai loka agolitomei, abu kiswamau abaoi akaisaarei, Ka aigaŋetakec akaisaoŋon nuka epuesa; aigaŋeta aarei kwap kabao adiopet, ka aigaŋeta aarei kwap kacebao. Abu kiswamau abaoi akanykape kowai lokokau kari nakoto. Abu kiswamau abaoi aarei nuka agoria nuajaas to kewema lokalaunan. Koraas aareiarei kokwap, kirotakina kwaŋin kiton kuiu ogilut ediopet: abu kiswamau kes kwaŋin kagoria kere aarei. Ajaas abaoi akanykauni, ka aiganetakec nuka epuesa, aigaŋeta atomon ka nukanykape; kwap kaŋinibao aigaŋeta aarei. Abu kiswamau ariino nuka akito nuka sita; akany nuka abaoi nukowai ediopet loka ewema, Ka ariino ace akany nuka abaoi nukowai ece loka ewema, ka ariino akany nukoto kewema kari nakoto. Abu kiriik ariit nakokidin naejai kidin kabaoi anyoun kepuai kiton epuai. Kiladaa abaoi kesabu, kiswamak da igilunakec luka esabu lukitoloma ariino: kiladaa ariino kesabu. Abu kiswamau aigalisit kegoe, kalobululu, ka lomuge, ka lokarenan, ka ebaputa loecipitai kiusio lueriim, icipakinio ikerubin ogoe aswam naka ekeswaman loepiriana, ŋes eswamaunia. Abu kiswamak ipirin iwonon luka akito nuka sita, kiladaa kes kesabu: koraas igolunakec luka esabu: kotatak kes aigaŋeta nuka epuesa. Abu kiswamau aigalisit naka ekek loka Ewema, lobululu, ka lomuge, ka lokarenan, ka ebaputa loecipitai kiusio lueriim, aswam naka ekasonyan. Ka ipirinoke ikany ka igolunakec: kiladaa akwesikee ka aikajetakee kesabu: koraas aigaŋetakec akany nuka aisinit. Kosodi Besalel aiswamaun asaduku kakito nuka sita: aojauke ikubitin iarei ka atutubet, alalauke ekubit ka atutubet, amukururuke da ekubit ka atutubet. Kiladaa ŋes kesabu loelai kujuke kotomake da, kosubak ŋes atorosit naka esabu airimor. Kotatak ŋes igilun iwonon luka esabu akejeke aoŋon; igilun iarei osiepike ediopet, ka igilun iarei osiepike ece. Abu kiswamau adaketa nuka akito nuka sita, kiladaa kes kesabu. Kitolomik adaketa ogilun lukosiepion luka asaduku, adakia asaduku. Abu kiswamau eicolon-Iokaitim loka esabu loelai, aojauke ikubitin iarei ka atutubet, alalauke ekubit ka atutubet. Abu kiswamau ikerubin iarei luka esabu: aswam naerukuk ŋes eswamaunia, kosaneta iarei luka eicoloŋ-lokaitim. Ekerubi ediopet osaŋe ediopet, ka ekerubi ece da osaŋe ece: kiswamau eicoloŋ-lokaitim ka ikerubinike koraas luka ibore idiopet. Kigararaasi ikerubin abebenokakec kuiu, korapito eicoloŋ-lokaitim kabebenokakee, kiteos ireetakec, kosesenete ireeta luka ikerubin oicolon-Iokaitim, Abu kiswamau emesa loka akito nuka sita; aojauke ikubitin iarei, alalauke ekubit, amukururuke ekubit ka atutubet. Kiladaa kesabu loelai, kosubak atorosit naka esabu airimor. Abu kiswamak atokitoit alalau naka akan airimor, kiswamak da atorosit naka esabu airimor atokitoit. Kotatak ŋes igilun iwonon luka esa bu, kibwaik igilun agoria aoŋon nuajaas akejeke aoŋon. Edunyas igilun katokitoit, aiboisio nuka adaketa adakia emesa. Abu kiswamau adaketa nuka akito nuka sita, kiladaa kes kesabu, adakia emesa. Abu kiswamau iboro luajaas omesa, atubaake, ka akaaleike, ka atanyake, ka amotiike, abukununio, nuka esabu loelai. Abu kiswamau epir loka atala loka esabu loelai: kiswamau epir loka atala kaswam naerukuk, abwoeteke, ka akodeteke; akolinoke ka akwesike, ka aturoke, araas nuka ibore idiopet. Alomunito icogen ikanykape kowaitinike; ieogen iuni kowai ediopet loka epir loka atala, ka icogen da iuni kowai loce loka epir loka atala: Akolin auni nueswamatai aputorit aturo kocoget ediopet, akouke ka aturot: akolin auni nueswamatai aputorit aturo kocoget ece, akouke ka aturot: kwaŋin kotoma oeogen ikanykape lualomunito kopir loka atala. Ajaas akolin aoŋon kotoma opir loka atala nueswamatai aputorit aturo, akwesikee ka aturokee. Akou kwap kicogen iarei luka ibore idiopet, ka akou kwap kicogen iarei luka ibore idiopet, ka akou kwap kicogen iarei luka ibore idiopet, kwape ajaatar icogen ikanykape lualomunito kopir. Akwesikec ka icogenekec araas luka ibore idiopet: korai kere aswam naerukuk naka esabu loelai. Abu kiswamau atalaike, akanykaarei, ka aitudeŋetake ka asaninike nuka ekurwon, nuka esabu loelai. Abu kiswamau ŋes katalata naka esabu loelai, ka iboroke kere. Abu kiswamau etem lokisupuruunet lukisupurununo loka akito nuka sita: aojauke ekubit, alalauke da ekubit, loka agoria aoŋon nueriakanara; amukururuke ikubitin iarei; amumwarake araas nuka ibore idiopet kaŋes, Kiladaa ŋes kesabu loelai, kujuke ka isiepionoke ka amumwarake: kiswamak da ŋes atorosit naka esabu airimor. Abu kiswamak ŋes igilun iarei luka esabu kwap katorositike, amaranake aarei, kosiepionoke iarci, koraas aiboisio nuka adaketa adakia ŋes. Abu kiswamau adaketa nuka akito nuka sita, kiladaa kes kesabu. Abu kinyal akinyet nakalaunan nakinyonyoanakina, ka lukisupurununo luka lueuru maa, kwape ajaar apirianut naka ekenyalan lueuru maa. Abu kiswamau etem loka ainakineta nuieweio loka akito nuka sita: aojauke ikubitin ikany, alalauke ikubitin ikany, loka agoria aŋolol nueriakanara; amukururuke da ikubitin iuni. Kiswamak da amumwarake kuju kagoriake aoŋon; koraas amumwara nuka ibore idiopet kaŋes: kiladaa ŋes kaisinit. Abu kiswamau iboro kere luka etem, atubaake, initiake, atanyake, ka igolunake luka akiriŋ, ka ekialake: eswamaunit iboroke kere kaisinit. Abu kiswamak etem eboi loka aisinit, kwap kapama naerimorit ŋes kokwap, kodolite kidin osiepion luka etem. Abu kotata igilun iwoŋon luka isaneta iwonon luka eboi loka aisinit, luaraas aiboisio nuka adaketa. Abu kiswamau adaketa nuka akito nuka sita, kiladaa kes kaisinit. Kitolomanak adaketa ogilun kosiepion luka etem, adakia ŋes; abu kiswamau ŋes kabaoi koorori. Abu kiswamau akalaya naka aisinit, ka aigaŋeteke naka aisinit, naka aroeta nuka aŋor kanuejaanakinete kokek loka ewema loka airiamunun. Abu kiswamau alaro: kowai loka eŋalakimak ari naka eijalakimak igoen luegalitoi luka alaro araas luka ebaputa loecipitai kiusio lueriim, ikubitin akwatat: Emwaasi ipirinokec akaisaarei, ka aigaŋetakec nuka aisinit akaisaarei; igolun luka ipirin ka aikajetakec araas luka epuesa. Kowai loka agolitomei ikubitin akwatat, ipirinokec akaisaarei ka aigaŋetakec akaisaarei, nuka aisinit; igolun luka ipirin ka aikajetakee araas luka epuesa. Kowai lokoto ajaas igoen luegalitoi luka ikubitin akaisakany, ipirinokec itomon, ka aigaŋetakec atomon; igolun luka ipirin ka aikaietakec araas luka epuesa. Kowai lokokide ari nakokide ikubitin akaisakany. Igoen Iucgalitoi luka ewai ediopet loka erute araas ikubitin itomon ka lukany; ipirinokec iuni, ka aigaŋetakec auni; Kwaŋin epuai da; kakan na ka akan ya da naka erute loka alaro ajaas igoen luegalitoi luka ikubitin itomon ka lukany; ipirinokec iuni, ka aigaŋetakec auni. Igoen luegalitoi kere luerimorito alaro araas luka ebaputa loecipitai kiusio lueriim. Araas aigaŋeta nuka ipirin nuka aisinit: igoluna luka ipirin ka aikajetakee luka epuesa; ka akwesikec da eladaaritai kepuesa; ipirin kere luka alaro ajaas aikajeta nuka epuesa. Aigalisit naka erute loka alaro arai aswam naka ekasonyan, lobululu, ka lomuge, ka lokarenan, ka ebaputa loecipitai kiusio lueriim: aojauke ikubitin akaisaarei, ka amukururuke ikubitin ikany, koputos kigoen kaluegalitoi alaro. Emwaasi ikecepirin iwonon ka aigaŋetakec aoŋon, luka aisinit; igolunakec luka epuesa, ka akwesikec ka aikaietakec eladaaritai kepuesa. Iloin kere luka ewema lokalaunan ka lualukunito alaro, araas luka aisinit. Lo ŋes etiai loka iboro luka ewema lokalaunan, ŋes ewema lokalaunan loka aiteienunet, kwape aponi kimarere, kwape ajaar aicorakinet naka Musa, araun aiiaanakin naka Ilebin, kakan naka Itamar, okoku loka Aaron esasedoti. Abu Bcsalel okoku loka Uri, okoku loka Kur, loka ateker naka Yuda kiswamau kere luabu EJAKAIT kicorak Musa. Kojai Okoliab, okoku loka Akisamak, loka ateker naka Dan, nepepe kaŋes, loarai ekegiran amor, ekeswaman loepiriana, ekasonyan lobululu ka lomuge ka lokarenan, ka ebaputa loejok. Esabu kere loaponi kitwasamai kanuka aswam kere naka aibois nakalaunan, ŋes esabu loainakinio, arai atalatan akaisaarei ka nukanykaonon, ka isekelin akwat akanykaarei ka akaisauni, kwape ajaar esekel loka aibois nakalaunan. Epuesa loka nul kaluaponi kimarai kokodet arai atalatan akwatat, ka isekelin elukumit ka akwat akanykaarei ka akaisakanykaarei ka lukany, kwape ajaar esekel loka aioois nakalaunau: Ŋininnjanan ebeka, ŋes atutubet naka esekel, kwape ajaar esekel loka aibois nakalaunan, kanuka ŋinitunanan yenabu kotubor mama ejaas luemarar, ageun kaluka ikar akaisaarei ka luedeparito, kes ituŋa ilukumin akwat akanykape ka ilukumin iuni, ka akwat akany ka akaisakany, Araas atalatan akwatat nuka epuesa nutataunct aigaŋeta nuka aibois nakalaunan, ka aigaŋcta nuka aigalisit; aigaŋeta akwatat nuka atalatan akwatat, atalata kanuka aigaŋet. Abu kiswamau igoluna luka ipirin kisekelin elukumit ka akwat akanykaarei ka akaisakanykaarei ka lukany, kiladaari da akwesikec, kiswamakina da aikaietakec. Aisinit naka ainakinet arai atalatan akaisakanykaarei ka isekelin ilukumin iarei ka akwat aoŋon. Kiswamaunia nin aigaŋeta nuka ekek loka ewema loka airiamunun, ka etem loka aisinit, ka eboike loka aisinit, ka iboro kere luka etem. Ka aigaŋeta nualukunito alaro, ka aigaŋeta nuka erute loka alaro, ka iloin kere luka ewema lokalaunan, ka iloin kere lualukunito alaro. Apotu kiswamaut inapen Iuecipitai ejok luka lobululu, ka lomuge, ka lokarenan, aijaanakinia kaibois nakalaunan, kiswamaut inapen lukalaunak kanuka Aaron; kwape ecorakinitor EJAKAIT Musa. Abu kiswamau epod loka esabu, ka lobululu, ka lomuge, ka lokareŋan, ka ebaputa loecipitai kiusio lueriim. Kibenibenata esabu, kididiununutu adonyokinio lobululu, ka lomuge, ka Lokareŋan, ka ebaputa loejok, aswam naka ekeswaman loepiriana. Apotu kiswamakis Iukokeperin, luimorikikinitai; kimorikikinitete kosaŋetake iarei. Aenet naecipitai kapirianut, naaiai tomake aenia, arai naka aput adiopet, koputos kaswamuke; naka esabu, ka lobululu, ka lomuge, ka lokarenan, ka ebaputa Ioecipitai kiusio lueriim; kwape ecorakinitor EJAKAIT Musa. Kigirut amor nuemelomeloto, kolukut kes kapesan nuka esa bu, kigirunai kaigiruneta nuka emacar, kwape ajaatar ikiroria luka idwe luka Isirael. Kibwaik kes okeperin luka epod, araut amor nuka aisiitunet kanuka idwe luka Isirael; kwape ecorakinitor EJAKAIT Musa. Abu kiswamau yenikatorob, aswam naka ekeswaman loepiriana, koputos kaswam naka cpod, yenika esabu ka lobululu, ka lomuge, ka lokarcnan, ka ebaputa loecipitai kiusio lueriim. Korai yenika agoria aoŋon nueriakanara; kokudokis yenikatorob bala eriagi: aojauke atutubet naka ekubit, alalauke da atutubet naka ekubit. Kipiripiranakis ikokoron iwonon luka amor: ekokoro losodit arai loka asadio, ka atopasit, ka karubunikol; Ekokoro lokiareit loka emeralid, ka asapiro, ka daimod; Ekokoro lokiwuniet loka eyasit, ka aget, ka ametusit; Ekokoro lokiwoijonet loka aberul, ka naemelomelot, ka ayaseper: aponi kolukunai kapesan nuka esabu loiminaikinere. Araas amor kwape ajaatar ikiroria luka idwe luka Isirael, atomon ka nuarei, kwape ajaatar ikiroriakec; kwape igiria emacar, ninituŋanan kwape ajaar ekekiror, kanuka atekerin atomon ka nuarei. Apotu kiswamakis yenikatorob irikoi luesubito bala aunoi luka aswam naeojitoi naka esabu loelai. Apotu kiswamaut apesan aarei nuka esabu, ka igilun iarei luka esabu; kibwaikis igilun nul iarei osaŋeta iarei luka yenikatorob. Kibwaikis da irikoi nul iarei lueoiitoi luka esabu ogilun iarei kosaneta luka yenikatorob. Kibwaikis isaneta luce iarei luka irikoi apesan aarei, kibwaikis kes okeperin luka epod, kowai lokoinaren. Apotu kiswamaut igilun iarei luka esabu, kibwaikis osaŋeta iarei luka yenikatorob, toma atokitoitike naaiai owai lokotoma loka epod. Kiswamaut igilun iarei luka esabu, kibwaikis kes okeperin iarei luka epod kwapuke, kowai lokoiŋaren, eiduny kaimorikikinetake, kuju aenet naka epod naecipitai kapirianut. Koenikis igilun luka yenikatorob ka igilun luka epod keusi lobululu, tctere iboie kokuiu aenet naka epod naecipitai kapirianur, tetere mam yenikatorob ilajakin kepod; kwape ecorakinitor EJAKAIT Musa. Abu kiswamau ekaso loka epod, korai kerc lobululu. Ka apedot naka ekaso kotomake, kwape kapedot naka ekooti loka acuma, koiai atokitoit airimor apedotoke tetere mam ecila. Kiswamakis atwelei nuka ekaso akamamagan nuka lobululu, ka lomuge ka lokarenan, ka cbaputa loecipitai kiusio lueriim. Kiswamaut icirin luka esabu kaloelai, kibwaikis icirin kidin kakamamagan airimor atwelei nuka ekaso, kidin kakamamagan; Ecirit ka akamamaga, ecirit ka akamamaga, airimor atwelei nuka eka so, aijaanakinia; kwape ecorakinitor EJAKAIT Musa. Apotu kiswamaut ikootin luka ebaputa lociok, luka aswam naecipitai kanuka Aaron ka odweke. Ka egoe lokieniena akou loka ebaputa loejok, ka igoen luejok luka akwes luka ebaputa Iociok, ka ipalei luka ebaputa loecipitai kiusio Iucriim. Ka aenet naka aŋabet naka ebaputa loccipitai kiusio lueriim, ka lobululu ka lomuge, ka lokarenan, aswam naka ekasonyan; kwape ecorakinitor EJAKAIT Musa. Apotu kiswamaut amekemeket naka aboko naka esabu kaloelai, kiwadikakisi akirot, kwape igiria emacar ebe, IKALAUNAN YENIKA EJAKAIT. Koenikis eusi lobululu tomake, aenikinia ŋes kuju ogoe lokieniena akou; kwape ecorakinitor EJAKAIT Musa. Kwaŋin kodaun aswam kere naka ewema lokalaunan loka ewema loka airiamunun: kiswamata idwe luka Isirael kwape ajaatar kere nuecorakinit EJAKAIT Musa, kiswamata kwaŋin. Koyaut cwema lokalaunan mama ejai Musa, Ewema, ka iboroke kere, arucetake, ka abaoike, ka ariinoke, ka ipirinoke, ka aigaŋetake; Ka eimukoret loka imukulen luka itakasin, ka egoe laka aigalisit; Asaduku naka aiteienunct, ka adaketake, ka eicoloŋ-lokaitim; Emesa, ka iboroke kere, ka imugatin luka aitodikin; Epir loka atala loelai, ka atalaike, kes atalai nuesipokinio ejok, ka iboroke kere, ka akinyet naka atala; Ka ctem loka esabu, ka akinyet nakinyonyoanakina ka lukisupurununo, ka aigalisit naka ekek loka Ewema; Etem loka aisinit, ka eboike loka aisinit, ka adaketake, ka iboroke kere, akalaya ka aigaŋeteke; Igoen luigalitoi luka alaro, ka ipirinoke, ka aigaŋetake, ka aigalisit naka erutc loka alaro, ka aunoike, ka iloinoke, ka iboro kere luka aijaanakin naka ewema lokalaunan, luka ewema loka airiamunun: Inapen luecipitai ejok luka aiiaanakin kaibois nakalaunan, ka inapen lukalaunak kanuka Aaron esascdoti, ka inapen luka odweke, aijaanakinia kosasedotene. Kwape ajaatar kere nuecorakinit EJAKAIT Musa, kiswamata idwe luka Isirael aswam kere. Koany Musa aswam kere, ido koany, apotu kodaut aswam; kwape ecorakinitor EJAKAIT, kwape kwaŋin eswamatotor: kilipak Musa kes arereŋ. Kotema EJAKAIT Musa atiar, “Isipokini ewema lokalaunan loka ewema loka airiamunun kapaaran nasodit naka elap losodit. Ibwaikini tomake asaduku naka aitejenunet, igaliori da asaduku kaigalisit. Itolomuni emcsa, inapakini da iboro kuiuke; itolomuni da epir loka atala, isipokini da atalaike. Isipokini da etem loka esabu loka lukisupurununo kinarcn kasaduku naka aitejenunet, ikaiakini aigalisit naka ekek loka ewema lokalaunan, Isipokini da etem loka ainakineta nuicweio kinaren kekek loka ewema lokalaunan loka cwema loka airiamunun. Isipokini akalaya kidin kewema loka airiamunun ka etem, ibukokini da akipi tomake. Isipokini luka alaro kolukunite, ikajakini aigalisit naka erute loka alaro. Iyaijaari akinyet nakinyonyoanakina, inyonyoanakini da ewema lokalaunan, ka iboro kere lueiaas toma, italauni da ŋes, ka iboroke kere: eraun lokalaunan. Inyonyoanakini etem loka ainakineta nuicweio, ka iboroke kere, italauni etem: eraun etem lokalaunan cut. Inyonyoanakini akalaya ka aigaŋeteke, italauni ŋes, Iyanauni Aaron ka odweke okek loka ewema loka airiamunun, iloŋi kes kakip. Itanapi Aaron inapen lukalaunak; inyonyoikini ŋes, italauni ŋes, tetere kejaanakini eoŋ kosasedotene. Iyanauni odweke, itanapi kes ikootin: Inyonyoanakini kes, kwape inyonyoikinia papakec, tetere keiaanakinete eoŋ kosasedotcne: eraun ainyonyoanakiniokec esasedotene lomam enaŋi kamakec anatar aturiokec.” Kiswama Musa kwaŋin: kwape ajaatar kere nuecorakinit EJAKAIT ŋes, kiswama kwaŋin. Kosodi kolap losodit, kokaru lokiareit, kapaaran nasodit naka elap, kosipokinai ewema lokalaunan. Kosipok Musa ewema lokalaunan, kibwaik aigaŋetake, kosipok abaoike, kirionok ariinoke, kosipok ipirinoke. Koterak ewcma owema lokalaunan, kopesik eimukoret loka ewema kujuke, kwape ecorakinitor EJAKAIT Musa. Koyana aitejenunet kibwaik toma asaduku, kirupanak adaketa asaduku, kidokok eicoloŋ-lokaitim asaduku: Kitolom asaduku owema lokalaunan, kikaiak egoe loka aigalisit, kigalio asaduku naka aitejenunet; kwape ecorakinitor EJAKAIT Musa. Kibwaik emesa toma owema loka airiamunun, kowai loka ewema kari naka agolitomei, kina kaigalisit. Kinapanak imugatin nen kakonyen nuka EJAKAIT: kwape ecorakinitor EJAKAIT Musa. Kibwaik epir loka atala toma owema loka airiamunun, asesena kemesa, kowai loka ewema lokalaunan kari naka eŋalakimak, “Kosipok atalai akonyen nuka EJAKAIT: kwape ecorakinitor EJAKAIT Musa. Kosipok etem loka esabu toma owema loka airiamunun kinaren kaigalisit: Kisupur lukisupurununo lueuru maa; kwape ecorakinitor EJAKAIT Musa. Kikaiak aigalisit naka ekek loka ewema lokalaunan. Kosipok etem loka ainakineta nuicweio okek loka ewema lokalaunan loka ewcma loka airiamunun, koinak ainakinet naicweio ka ainakinet naka akiria; kwape ecorakinitor EJAKAIT Musa. Kibwaik akalaya kidin kewema loka airiamunun ka etem, kobukok akipi toma nukilonet. Kilota Musa ka Aaron ka odweke akaninikec ka akejekec kanen; Nakelomanariata owema Ioka airiamunun, nakikunyanakiniata otem, elosenenete: kwape ecorakinitor EJAKAIT Musa. Kosipok luka alaro kolukunito ewema lokalaunan ka etem, kikajak aigalisit naka erute loka alaro. Kwaŋin kodau Musa aswam. Kosodi edou arapiar ewema loka airiamunun, kilelebun da aibuses naka EJAKAIT owema lokalaunan. Mam Musa abu kopedo alomar owema loka airiamunun, naarai eboie edou kanen, kileleba da aibuses naka EJAKAIT owema lokalaunan, Kosodi kelemar cdou kokuju kewema lokalaunan, kobwota idwe luka Isirael, kobeenenete alositokec kere. Konye arai mam edou elemaritai, mam alosete aitodol apaaran naelemarere. Naarai ajai edou loka EJAKAIT kuju owema lokalaunan paaran, ajai da akim nen kuare, kakonyen nuka ekek kere loka Isirael, kalositokec kere. Kiworo EJAKAIT Musa, kinera kaŋes kowema loka airiamunun ebe, “Kolimok idwe luka Isirael ebe, Naeinakinia ituŋanan kayesi ainakinet mama ejai EJAKAIT, iinakinete ainakinetekus kotoma obaren, kosipanin luka aituk ka luka amerekekin. Arai erai ainakineteke ainakinet naicweio nakosipan loka aituk, einakini yenikiliokit yenimam eŋwalit: einakini ŋes kokek loka ewema loka airiamunun, tetere ecamunio kakonyen nuka EJAKAIT. Idokokini akekan akou naka ainakinet naicweio; ecamunio kanukeŋ alucio ŋes, Earanakini emoŋ lotobait kakonyen nuka EJAKAIT: ijaikinete odwe luka Aaron, lusasedotin, aokot, kobwatanakis aokot owaitin luka etem loejai okek loka ewema loka airiamunun. Ejeŋi ŋesi ainakinet naicweio, etubutubei da koinerinoke. Kosodete odwe luka Aaron esasedoti aibwaikin akim otem, ka aigaŋ akito akim: Inapanakinete odwe luka Aaron, lusasedotin, inerino, akou ka asiepai toma akito nuejaas akim naejai otem: Konye ilosi kakip lukotomake ka akejeke: kosodi esasedoti aicweikin kere kotem, araun ainakinet naicweio, ainakinet naeinakinere kakim, naka asakat naeuru saa mama ejai EJAKAIT. Arai da erai ainakineteke kosipan loka amerekekin, arai loka akinei, araun ainakinet naicweio; einakini ŋesi yenikiliokit yenimam eŋwalit. Earakini ŋes owai loka etem ari naka agolitomei kakonyen nuka EJAKAIT: ebwatanakinete odwe luka Aaron lusasedotin, aokotoke owaitin luka etem. Etubutubei da koinerinoke, nepepe kakouke ka asiepaike: inapanakini esasedoti kes akito nuejaas akim naejai otem: Konye ilosi kakip lukotomake ka akeje: einakini esasedoti kere, icweikini kotem: erai ainakinet naicweio, ainakinet naeinakinere kakim, naka asakat naeuru maa mama ejai EJAKAIT. Arai da erai ainakineteke mama ejai EJAKAIT ainakinet naicweio naka akweny, ŋes konyet einakinia ainakineteke naka ajeleik, arai naka ilukei ludidik, Eyauni esasedoti ŋes otem, emojirikini aŋedar akouke, kicweikin kotem; eitanakini aokotoke ariri ketem: Elemari elogorotoke ka ajuloke, ecakakini owai lokokide loka etem, aibois naka ekurwon: Kosobi aicil abebenokake, konye mam etubutubei: ieweikini esasedoti ŋes kotem, kakito nuejaas akim: erai ainakinet naicweio, ainakinet naeinakinere kakim, naka asakat naeuru saa mama ejai EJAKAIT. Naeinakinia ituŋanan ainakinet naka akiria naeinakinio mama ejai EJAKAIT, eraun ainakineteke naka akiria nuidicic; ebukokini akinyet, ibwaikini lueuru maa: Einuni odwe luka Aaron lusasedetin: emuduni ŋesi akan ileleba akiria Ŋun nuidicic, ka akinyeteke, ka lueuru maa kere; icweikini esasedoti ŋes araun aiituneteke kotem, ainakinet naeinakinere kakim, naka asakat naeuru saa mama ejai EJAKAIT: Ŋun da nuideunos nuka ainakinet naka akiria eraunos nuka Aaron ka odweke: erai ibore yenikalaunan noi yenika ainakineta nuka EJAKAIT nueinakinere kakim. Naiinakinia ijo ainakinet naka akiria nupeon kokila, eraunos aluŋuren numam itubuunitoi neka akiria nuidicic nuinyalakinitai akinyet, arai imugatin luebenen lumam itubuunitoi luinyonyoikinitai akinyet, Arai erai ainakinetekon naka akiria nukeon, eraun naka akiria nuidicic numam itubuunitoi, nuinyalakinitai akinyet, Itiakatiakai kes katutubeta, ibukokini akinyet: ŋes ainakinet naka akiria, Arai da erai ainakinetekon naka akiria nuka ibore yenikiwowas, itwasamaeneno kakiria nuidicic kakinyet. Iyauni ainakinet naka akiria nuitwasamatai kiboro ŋul mama ejai EJAKAIT: einunio esasedoti, ŋes da eyauni otem. Edakuni esasedoti kainakinet naka akiria aiituneteke, icweikini kotem: ainakinet naeinakinere kakim, naka asakat naeuru saa mama ejai EJAKAIT. Ŋun da nuideunos nuka ainakinet naka akiria eraunos nuka Aaron ka odweke: erai ibore yenikalaunan noi yenika ainakineta nuka EJAKAIT nueinakinere kakim. Mam itwasamaete yenikitubuunet naiinanakiniata ainakinet naka akiria mama ejai EJAKAIT: naarai mam icweikinete yenikitubuunet, karaida esik, araun ainakinet naeinakinere kakim mama ejai EJAKAIT, Iinanakinete ŋul araun ainakinet naka nugeet mama ejai EJAKAIT: konye mam isupuruunio kes araun asakat naeuru saa kotem. Kibwaanakin abalaŋ ŋiniinakinet naka akiria; mam itwataniari abalaŋ naka aitutuket naka Ekonideke kainakinetekon naka akiria: iinanakini abalaŋ kainakinetakon kere. Arai ca iinakini ainakinet naka akiria nuka nugeet mama ejai EJAKAIT, koinanakini aluŋuren nuka imomwa luikawooritai, imumwa luicomom luka aluŋuren nukitetiak araun ainakinet naka akiria nuka nugeetekon. Ibukonokini akinyet, ibwaikini da lueuru maa: ŋes ainakinet naka akiria. Icweikini esasedoti aiituneteke, atutubet naka imumwake luicomom, ka atutubet naka akinyeteke, ka lueuru maa kere: ŋes ainakinet naeinakinere kakim mama ejai EJAKAIT. Arai erai ainakineteke asubanit naka ainakineta nuka ainapakin; arai einakini kotoma osipan loka aituk, arai yenikiliokit arai yeniberu, einakini yenimam eŋwalit kakonyen nuka EJAKAIT, Idokokini akanike akou naka ainakineteke, earakini ŋes okek loka ewema loka airiamunun: ebwatanakinete odwe luka Aaron lusasedotin aokot owaitin luka etem. Einakini nuka asubanit naka ainakineta nuka ainapakin ainakinet naeinakinere kakim mama ejai EJAKAIT: asiepai naerapit lukotoma, ka asiepai kere naejai toma, Ka iŋalur luarei ka asiepaikec naeapias kaŋabet, ka asiepai naka emany nepepe kaiŋalur, ŋul kere elemari. Icweikinete odwe luka Aaron kotem neejai ainakinet naicweio, naejai akito nuejaas akim: ŋes ainakinet naeinakinere kakim, naka asakat naeuru saa mama ejai EJAKAIT. Arai erai ainakineteke naka asubanit naka ainakineta nuka ainapakin mama ejai EJAKAIT kosipan loka amerekekin; yenikiliokit arai yeniberu, einakini yenimam eŋwalit. Arai einakini imerekek araun ainakineteke, einakini ŋes kakonyen nuka EJAKAIT: Idokokini akanike akou naka ainakineteke, earakini kiŋaren kewema loka airiamunun: ebwatanakinete odwe luka Aaron aokotoke owaitin luka etem. Einakini nuka asubanit naka ainakineta nuka ainapakin ainakinet naeinakinere kakim mama ejai EJAKAIT: asiepaike, asonyok kere etubuni kariri naka aŋabet; ka asiepai naerapit lukotoma, ka asiepai kere naejai toma, Ka iŋalur luarei ka asiepaikee naeapias kaŋabet, ka asiepai naka emany nepepe kaiŋalur, ŋul kere elemari. Icweikini esasedoti kes kotem: eraas inyamat luka ainakinet naeinakinere kakim mama ejai EJAKAIT. Arai erai ainakineteke akinei, einakini kakonyen nuka EJAKAIT, Idokokini akanike akouke, earakini ŋes kiŋaren kewema loka airiamunun: ebwatanakinete odwe luka Aaron aokotoke owaitin luka etem. Einakini nuka ainakineteke, ainakinet naeinakinere kakim mama ejai EJAKAIT: asiepai naerapit lukotoma, ka asiepai kere naejai toma, Ka iŋalur luarei, ka asiepaikec naeapias kaŋabet, ka asiepai naka emany nepepe kaiŋalur, ŋul kere elemari, Icweikini esasedoti kes kotem: eraas inyamat luka ainakinet naeinakinere kakim, naka asakat naeuru saa; asiepai kere erai naka EJAKAIT. Eraun ekisil lomam edaun anatar aturiokus kaiboisiokus kere, ebe mam inyamenenete asiepai karaida aokot.” Kotema EJAKAIT Musa atiar, “Kolimok idwe luka Isirael ebe, Arai kediaka ituŋanan komam ejeni, kakirot kere naecorakinit EJAKAIT ebe mam iswamao, kiswama adiopet kakesi: Arai kediaka esasedoti loinyonyoikinitai akinyet ayaŋaun abili mama ejaas ituŋa; koinak do ŋesi kanuka adiakareteke naabu kodiaka, emoŋ lotobait lomam eŋwalit mama ejai EJAKAIT araun ainakinet naka adiakaret; Eyauni emoŋ lotobait okek loka ewema loka airiamunun kakonyen nuka EJAKAIT; idokokini akanike akou naka emoŋ lotobait, earakini emoŋ lotobait akonyen nuka EJAKAIT. Kosodi esasedoti loinyonyoikinitai akinyet alemun aceokot nuka emoŋ lotobait, eyaŋauni owema loka airiamunun: Idomakini esasedoti ebokoritike toma aokot, ebwatanari aokot irwan akanykaarei kakonyen nuka EJAKAIT koiŋaren kaigalisit naka aibois nakalaunan. Ejukonokini esasedoti aokot amumwara nuka etem loka lukisupurununo loejai owema loka airiamunun kakonyen nuka EJAKAIT: ebukokini aokot kere nuka emoŋ lotobait kwap ketem loka ainakineta nuicweio, loejai okek loka ewema loka airiamunun. Elemari ŋesi asiepai kere naka emoŋ lotobait loka ainakinet naka adiakaret; asiepai naerapit lukotoma ka asiepai kere naejai toma, Ka iŋalur luarei, ka asiepaikec naeapias kaŋabet, ka asiepai naka emany, nepepe kaiŋalur, ŋul kere elemari, Kwape elemaria komoŋ loka asubanit naka ainakineta nuka ainapakin: icweikini esasedoti kes kotem loka ainakineta nuicweio. Emukule loka emoŋ lotobait, ka akiriŋike kere, nepepe kakouke, ka akejeke, ka lukotomake, ka ikijitike, Emoŋ lotobait kere edakari kiŋa kiidukurun aibois naelai, neebukonokinio ekurwon, kicwe ŋes kakim kakito: neebukonokinio ekurwon, nepenen icweere. Arai kibuca ekodet kere loka Isirael, kibwaa da akirot kakonye nuka atukot, kiswamata akirot kere naecorakinit EJAKAIT ebe mam iswamao, egwaunete akiro: Naejenunor adiakaret naapotu kodiakasi, einakini atukot emoŋ lotobait araun ainakinet naka adiakaret, koyau kiŋaren kewema loka airiamunun, Idokokinete imakio luka ekodet akaninikec akou naka emoŋ lotobait kakonyen nuka EJAKAIT: earakinio emoŋ lotobait akonyen nuka EJAKAIT. Koyaŋau esasedoti loinyonyoikinitai akinyet aokot nuka emoŋ lotobait owema loka airiamunun. Idomakini esasedoti ebokoritike toma aokot, ebwatanari irwan akanykaarei kakonyen nuka EJAKAIT koiŋaren kaigalisit. Ejukonokini da aokot amumwara nuka etem loejai kakonyen nuka EJAKAIT, loejai owema loka airiamunun, ebukokini aokot kere kwap ketem loka ainakineta nuicweio loejai okek loka ewema loka airiamunun. Elemari ŋesi asiepaike kere, kicweik kotem. Iswamakini ŋesi emoŋ lotobait kwaŋin; kwape eswamakinia emoŋ lotobait loka ainakinet naka adiakaret, iswamakini lo kwaŋin: ituluci esasedoti kes, isionio kes. Edakari emoŋ lotobait kiŋa kiidukurun, kicwe ŋes kwape ecweia emoŋ lotobait losodit; ŋes ainakinet naka adiakaret naka atukot. Arai kediaka ekapolokiton, kiswama komam ejeni adiopet kakiro kere nuecorakinit EJAKAIT Ekedeke ebe mam iswamao, egwauni akirot; Arai kitejenun akediakaret naadiakaa ŋesi, eyauni ekoroi lomam eŋwalit araun ainakineteke. Idokokini akekan akou naka ekoroi, earakini aibois nearanakinio ainakinet naicweio kakonyen nuka EJAKAIT: ŋes ainakinet naka adiakaret. Elemari esasedoti aokot nuka ainakinet naka adiakaret kebokoritike, ejukonokini amumwara nuka etem loka ainakineta nuicweio, ebukokini aokotoke kwap ketem loka ainakineta nuicweio. Icwei asiepaike kere kotem, kwape kasiepai naka asubanit naka ainakineta nuka ainapakin: ituluci esasedoti ŋes kanuka adiakareteke, isionio ŋes, Arai da kediaka ituŋanan kere kotuŋa luka akwap komam ejeni, kiswama akirot kere naecorakinit EJAKAIT ebe mam iswamao, egwauni akirot; Arai kitejenun akediakaret naadiakaa ŋesi, ŋes konyet eyaunia akinei naberu namam eŋwalit, araun ainakineteke kanuka akediakaret naabu kodiaka. Idokokini akanike akou naka ainakinet naka adiakaret, earakini ainakinet naka adiakaret aibois naka ainakinet naicweio. Elemari esasedoti aokotoke kebokoritike, ejukonokini amumwara nuka etem loka ainakineta nuicweio, ebukokini aokotoke kere kwap ketem, Elemari da asiepaike kere, kwape elemaria asiepai naka asubanit naka ainakineta nuka ainapakin; icwei esasedoti ŋes kotem araun asakat naeuru saa mama ejai EJAKAIT: ituluci esasedoti ŋes, isionio ŋes. Arai keyau ŋesi imerekek araun ainakineteke naka adiakaret, eyauni yeniberu yenimam eŋwalit, Idokokini akanike akou naka ainakinet naka adiakaret, eari ŋes araun ainakinet naka adiakaret kaibois nearanakinio ainakinet naicweio. Elemari esasedoti aokot nuka ainakinet naka adiakaret kebokoritike, ejukonokini amumwara nuka etem loka ainakineta nuicweio, ebukokini aokotoke kere kwap ketem: Elemari da asiepaike kere, kwape elemaria asiepai naka imerekek yenika asubanit naka ainakineta nuka ainapakin; icwei esasedoti ŋes kotem, kopone loka ainakineta nuka EJAKAIT nueinakinere kakim: ituluci esasedoti ŋes kanuka adiakareteke naabu kodiaka, isionio ŋes. Arai kediaka ituŋanan kanu akiirar eporoto loka aiyapo, korai ekajenan, arai abu koany arai abu kojen, arai mam elimori, aso ibwoki numam adoliteke: Arai ketiro ituŋanan ibore yenimam elai, akuan nakatwan naka etiaŋ lomam elai, arai akuan nakatwan naka ibaren lumam elaete, arai akuan nakatwan naka iboro lueliatos lumam elaete, komam ejeni, koraun yenimam elai, aso egwauni akirot, Arai ketiro yenimam elai yenika ituŋanan, yenimam elai kere kere, yenituluori ŋes yenimam elai, komam ejeni; nakejenun, egwauni akirot. Arai kisud ituŋanan aiyapo kaŋajepeke aswam aronis, arai aswam ajokis, ŋin naesudi ituŋanan einer kaiyaposit, komam ejeni; nakejenun, egwauni adiopet kaŋun: Kosodi naegwaunia adiopet kaŋun, elimori do ŋesi akirot ŋin naabu kodiaka: Eyauni ainakineteke naka aronis mama ejai EJAKAIT kanuka adiakareteke naabu kodiaka, yeniberu yenikosipan, imerekek arai akalol, araun ainakinet naka adiakaret; ituluci esasedoti ŋes kanuka adiakareteke. Arai icana ŋesi, mam epedori adumun imerekek, eyauni do ajeleik aarei arai ilukei iarei ludidik mama ejai EJAKAIT araun ainakineteke naka aronis, kanuka ŋin naabu kodiaka; idiopet araun ainakinet naka adiakaret, yenice da araun ainakinet naicweio. Eyauni kes mama ejai esasedoti, loisiauni ainakin ŋin yenika ainakinet naka adiakaret, emojirikini aŋedar akou komurisiŋike, konye mam etubutubei: Ebwatanakini aokot nuka ainakinet naka adiakaret owai loka etem; eitanakini aokot ace kere kwap ketem: ŋes ainakinet naka adiakaret. Einakini yenikiareit araun ainakinet naicweio, kwape ejaar ekisil: ituluci esasedoti ŋes kanuka adiakareteke naabu kodiaka, isionio ŋes. Konye arai icana ŋesi, mam epedori adumun ajeleik aarei karaida ilukei iarei ludidik, ŋes konyet eyaunia ainakineteke kanuka ŋin naabu kodiaka, idiopet kotomon yenika epa loka akiria nuidicic araun ainakinet naka adiakaret; mam ebukokini akinyet, karaida aibwaikin lueuru maa; naarai ŋes ainakinet naka adiakaret. Eyauni ŋes mama ejai esasedoti, emuduni esasedoti akan ileleba araun aiituneteke, kicwe kotem, kopone loka ainakineta nuka EJAKAIT nueinakinere kakim: ŋes ainakinet naka adiakaret, Ituluci esasedoti ŋes kanuka adiakareteke naabu kodiaka kadiokirot kaŋun, isionio ŋes: nuideunos eraunos nuka esasedoti, kwape ainakinet naka akiria.” Kotema EJAKAIT Musa atiar, “Arai kibuca ituŋanan aidiak komam ejeni, kakiro nukalaunak nuka EJAKAIT: eyauni do ainakineteke naka aronis mama ejai EJAKAIT, emerekek lomam eŋwalit kosipan, kwape itubokinia ijo epuesa kosekelin, kwape ejaar esekel loka aibois nakalaunan, araun ainakinet naka aronis: Egeli ŋesi ŋin naabu kiswama erono kakirot nakalaunan, iyatakini idiopet kokany, einakini esasedoti: ituluci esasedoti ŋes kemerekek loka ainakinet naka aronis, isionio ŋes. Arai kediaka ituŋanan, aswam akirot kere naecorakinit EJAKAIT ebe mam iswamao; karaida kemam ejeni, konye egwauni akirot, ibwoki numam adoliteke. Eyauni ŋesi emerekek lomam eŋwalit kosipan, kwape itubokinia ijo, mama ejai esasedoti araun ainakinet naka aronis: ituluci esasedoti ŋes kanuka ŋin naabu kibuca komam ejeni, isionio ŋes. Ŋes ainakinet naka aronis: abeit egwaunit akirot kakonyen nuka EJAKAIT.” Kotema EJAKAIT Musa atiar, “Arai kediaka tuŋanan, aibucar kaneejai EJAKAIT, aiŋal ekeidunyet kakirot naka aiŋad, arai naka etitiŋoi, arai naka aiŋat, arai aŋarunit ekeidunyet; Arai kedum ŋesi yenaoliorit, kiŋalaŋal, kiyapo nuka aisab; arai kiswama ituŋanan adiopet kaŋun kere, ediakarit kwaŋin: Aso do arai kediaka, egwaunit da akirot, inyakari do ŋin yenaŋatarit, arai ibore yenaoliorit yenadumu ŋesi, Arai akirot kere naeyapoi nuka aisab; inyakari do kere, iyatakin ida idiopet kokany: einakini loerai elopet, kapaaran naitodunor ebe egwaunit akirot. Eyauni ainakineteke naka aronis mama ejai EJAKAIT, emerekek lomam eŋwalit kosipan, kwape itubokinia ijo, mama ejai esasedoti, araun ainakinet naka aronis. Ituluci esasedoti ŋes kakonyen nuka EJAKAIT, isionio ŋes; kaŋun kere nuiswamai ŋesi nuagwaunit.” Kotema EJAKAIT Musa atiar, “Kicorak Aaron ka odweke ebe, Lo ŋes ekisil loka ainakinet naicweio: ejaanakini ainakinet naicweio akito nukotem akuare kiya kiton tupuruc; inokenonoo akim ŋin nakotem. Enapenenei esasedoti anapitoke naka ebaputa, enapenenei kakuanake epaleke loka ebaputa; emudanari ekurwon loka ainakinet naicweio naecwe akim kotem, ibwaikini ŋes owai loka etem, Elacari ikenapen, konap icenapen, kodaka ekurwon ŋina kiidukurun kaibois naelai. Inokenonoo akim naejai otem, komam eduŋiori, inokenenei esasedoti akito ŋinitupuruc inapanakini ainakinet naicweio, kicweikini asiepai naka ainakineta nuka ainapakin, Inokenonoo akim kotem tiritir; komam eduŋiori. Lo ŋes ekisil loka ainakinet naka akiria: einanakinete odwe luka Aaron kakonyen nuka EJAKAIT, koiŋaren ketem. Emuduni akan ileleba akiria nuidicic nuka ainakinet naka akiria, ka naka akinyeteke, ka lueuru maa kere luejaas ainakinet naka akiria, kicwe kotem araun asakat naeuru saa, araun aiituneteke mama ejai EJAKAIT, Ŋun da nuideunos enyamenenei Aaron ka odweke: enyamenenoo komam itubuunitoi kaibois nakalaunan; enyamanakinete alaro naka ewema loka airiamunun. Mam epeeneno ka yenikitubuunet; Ainak araun ewaikec loka ainakinetaka nueinakinere kakim; erai nakalaunan noi, kwape ainakinet naka adiakaret, kwape da ainakinet naka aronis. Enyamenenei ŋolikiliokit kodwe luka Aaron, airumetekus nakitebeitai ikar kere anatar aturiokus, kotoma ainakineta nuka EJAKAIT nueinakinere kakim; ŋol Ioetirori kes eraun lokalaunan.” Kotema EJAKAIT Musa atiar, “Na ŋes ainakinet naka Aaron ka odweke naeinakinete mama ejai EJAKAIT kapaaran naenyonyoikinere ŋes; idiopet kotomon yenika epa loka akiria nuidicic araun ainakinet naka akiria tiritir, atutubet tupuruc, ka atutubet eboŋ. Iswamaun kakinyet, kotoma akeit; naebauniata itolomari kes: iinakini ainakinet naka akiria ikamoŋon lukeon araun asakat naeuru saa mama ejai EJAKAIT, Esasedoti loinyonyoikinitai akinyet aiboisike lokodweke ŋes einanakini: icweeneno cut mama ejai EJAKAIT kokisil loka ikar kere. Icweeneno cut ŋiniinakinet naka esasedoti naka akiria; mam enyamenenoo.” Kotema EJAKAIT Musa atiar, “Kolimok Aaron ka odweke ebe, Lo ŋes ekisil loka ainakinet naka adiakaret: kaibois nearakinio ainakinet naicweio, nepenen earakinio ainakinet naka adiakaret kakonyen nuka EJAKAIT: erai nakalaunan noi; Esasedoti loeinakini ŋes kanuka adiakaret ŋes enyami: enyamakini aibois nakalaunan, alaro naka ewema loka airiamunun. Yenetirori akiriŋike eraun yenikalaunan: ido naebwatanakinotor aokotoke anapito kere, ilosi ŋin naebwatakina kaibois nakalaunan, Konye ibusakinit aibwaŋ amot naelosere: ido arai ilosio kobore yenika aisinit, iswagario, kilolwarai kakip. Enyami ŋolikiliokit kosasedotin: erai nakalaunan noi. Mam enyamenenoo ainakinet naka adiakaret, naeyaunio aokotoke owema loka airiamunun aituluc kaibois nakalaunan: icweio kakim. Lo ŋes ekisil loka ainakinet naka aronis: erai nakalaunan noi. Earakinete ainakinet naka aronis kaibois nearanakinete ainakinet naicweio: ibwatanakini aokotoke owaitin luka etem. Jiaikini ŋesi asiepaike kere; asonyok, ka asiepai naerapit lukotoma. Ka iŋalur luarei, ka asiepaikec, naeapias kaŋabet, ka asiepai naka emany, nepepe kaiŋalur, ŋul kere elemari: Icweikini esasedoti kes kotem araun ainakinet naeinakinere kakim mama ejai EJAKAIT: erai ainakinet naka aronis. Enyami ŋolikiliokit kosasedotin: enyamakini aibois nakalaunan: erai nakalaunan noi. Kwape ejaar ainakinet naka adiakaret, ainakinet naka aronis ejai kwape kwaŋin: ejai ekisil ediopet kanukec kere: esasedoti loituluci, ŋes eyaŋaari. Esasedoti da loijaikini ainakinet naicweio naka ituŋanan kere, eyaŋaari esasedoti ŋol emukule loka ainakinet naicweio naabu kijaik. Ŋiniinakinet naka akiria nupeon kokiala, ka ŋin kere naitemokinitoi kibore yenikiwowas, arai kotoma akeit da, eyaŋaari esasedoti loabu kijaik. Ŋiniinakinet naka akiria, nainyalakinitai akinyet, arai naeonit, eyaŋaarete odwe kere luka Aaron, kitirianito. Lo ŋes ekisil loka asubanit naka ainakineta nuka ainapakin, nueinakini ituŋanan mama ejai EJAKAIT. Arai einakini kanuka aimal, einakini asubanit naka aimal aluŋuren numam itubuunitoi nuinyalakinitai akinyet, ka imugatin luebenen lumam itubuunitoi luinyonyoikinitai akinyet, ka aluŋuren nuinyalakinitai akinyet, nuka akiria nuidicic nuebaunito, Einakini ainakineteke naka aluŋuren nuka imugatin lumam itubuunitoi nepepe kasubanit naka ainakinetake nuka ainapakin kanuka aimal. Einakini kotomake adiopet kaŋiniinakinet araun ainakinet naedakakinitai mama ejai EJAKAIT: eyaŋaari esasedoti loebwatanari aokot nuka ainakineta nuka ainapakin; Enyamenenoo akiriŋ naka asubanit naka ainakinetake nuka ainapakin kanuka aimal kapaaran naeinakinere; mam iteperori kiton tupuruc; Konye arai erai asubanit naka ainakineteke aiyaposit, arai ainakinet naka akote, enyamenenoo kapaaran naeinakinia asubanitike: enyamenenoo naeperorit tupuruc: Konye icweio kakim akiriŋ naeperorit naka asubanit kapaaran kanakiwuniet; Arai enyamio adiokiriŋ naka asubanit naka ainakinetake nuka ainapakin kapaaran kanakiwuniet, mam ecamunio, karaida aimarakinio ŋes loabu koinak: eraun naketal, ibwoki da ituŋanan yenenyami ŋes numam adoliteke. Mam enyamenenoo akiriŋ naetirori ibore yenimam elai; icweio kakim. Konye enyami ŋinituŋanan yenelai akiriŋ naelai: Konye ituŋanan yenenyami akiriŋ naka asubanit naka ainakineta nuka ainapakin, naerai naka EJAKAIT, korai yenimam elai, egelario ituŋanan ŋin kotuŋake. Naetiroria ituŋanan kere ibore yenimam elai, amamus kaila naka ituŋanan, arai itiaŋ yenimam elai, arai yeniketal kere yenimam elai, konyam da akiriŋ naka asubanit naka ainakineta nuka ainapakin, naerai naka EJAKAIT, egelario ituŋanan ŋin kotuŋake.” Kotema EJAKAIT Musa atiar, “Kolimok idwe luka Isirael ebe, Sirinyamenenete asiepai, naka emoŋ, arai naka amerekek, arai naka akinei. Ipedorete aitwasam asiepai naka yenetwani bon kanuke, ka asiepai naka yenepoopoete itiaŋ kanuka akirot ace kere: konye mam cut inyamete. Naarai ŋin yenenyami asiepai naka itiaŋ, yeneinakinete ituŋa araun ainakinet naeinakinere kakim mama ejai EJAKAIT, egelario ituŋanan ŋin yenenyami kotuŋake; Sirinyamenenete aokot nuka iponesio kere, arai nuka akweny, arai nuka itiaŋ, kaiboisiokus kere. Ŋinituŋanan yenenyami aokot, egelario ituŋanan ŋin kotuŋake.” Kotema EJAKAIT Musa atiar, “Kolimok idwe luka Isirael ebe, Ituŋanan yeneinakini asubanit naka ainakinetake nuka ainapakin mama ejai EJAKAIT eyauni ainakineteke mama ejai EJAKAIT kotoma asubanit naka ainakinetake nuka ainapakin: Eyaunete akekanin kilopet ainakineta nuka EJAKAIT nueinakinere kakim; eyauni asiepai ka atorob, tetere ijaŋio atorob araun ainakinet naijaŋio kakonyen nuka EJAKAIT; Icweikini esasedoti asiepai kotem: konye eyaŋaari Aaron ka odweke atorob. Iinakinete yesi esasedoti amurwo nakoteten araun ainakinet naedakakinitai kotoma asuban nuka ainakinetakus nuka ainapakin. Ŋoloijaikini aokot nuka ainakineta nuka ainapakin, ka asiepai kodwe luka Aaron, eyaŋaari ŋesi amurwo nakoteten araun ewaike; Naarai alema eoŋ atorob naijaŋio ka amurwo naedakakinitai kodwe luka Isirael kotoma asuban nuka ainakinetakec nuka ainapakin, ainak da Aaron esasedoti ka odweke airumetekec naitebeikinitai ikar kere kodwe luka Isirael. Ŋol ŋes ewai loka Aaron lokainyonyoikinio akinyet, ka ewai loka odweke lokainyonyoikinio akinyet, loelemunio kainakineta nuka EJAKAIT nueinakinere kakim, kapaaran naitodiaria kes aijaanakin EJAKAIT kosasedotene; Loecoraki EJAKAIT idwe luka Isirael ainanakin kes, kapaaran nainyonyoikinia kes. Erai airumetekec naitebeikinitai ikar kere anatar aturiokec.” Ŋol ŋes ekisil loka ainakinet naicweio, ka loka ainakinet naka akiria, ka loka ainakinet naka adiakaret, ka loka ainakinet naka aronis, ka loka atiakunio, ka loka asubanit da naka ainakineta nuka ainapakin; Loecorakini EJAKAIT Musa komoru Sinai, kapaaran naecorakinia idwe luka Isirael ainakin ainakinetakec mama ejai EJAKAIT, kamodiŋ naka Sinai. Kotema EJAKAIT Musa atiar, “Koyaŋa Aaron ka odweke nepepe kaŋes, ka inapen, ka akinyet nakinyonyoanakina, ka emoŋ lotobait loka ainakinet naka adiakaret, ka imerekekin iarei, ka edita loka imugatin lumam itubuunitoi; Kotukok ijo ekodet kere okek loka ewema loka airiamunun.” Kiswama Musa kwape kicorakinia EJAKAIT; kotukokin ekodet okek loka ewema loka airiamunun. Kotema Musa ekodet atiar, “Na ŋes akirot naecoraki EJAKAIT aswam.” Koyau Musa Aaron ka odweke, kiloŋ kes kakip. Kitanap ŋes ekooti, koen aŋabeteke kaenet, kitanap ekaso, kitanap da epod, koen ŋes kaenet naka epod naecipitai kapirianut, kiketak kaŋin. Kidokok yenikatorob tomake: kibwaik Urim ka Tumim toma yenikatorob. Kitanap egoe lokieniena akou; ido toma ogoe lokieniena akou koiŋaren, kibwaik amekemeket naka esabu, aboko nakalaunan; kwape kicorakinia EJAKAIT Musa. Kitiŋ Musa akinyet nakinyonyoanakina, kinyonyoik ewema lokalaunan ka luejaas toma kere, kitalau kes; Kobwatanak otem irwan akanykaarei, kinyonyoik etem ka iboroke kere, ka akalaya ka aigaŋeteke aitalaunia kes. Kobukok akinyet nakinyonyoanakina akou naka Aaron, kinyonyoik ŋes, aitalaunia ŋes; Koyau Musa odwe luka Aaron, kitanap kes ikootin, koen kes kaeneta, koen igoen lukieniena akwes; kwape kicorakinia EJAKAIT Musa. Koyau emoŋ lotobait loka ainakinet naka adiakaret: kidokokis Aaron ka odweke akaninikec akou naka emoŋ lotobait loka ainakinet naka adiakaret. Koar ŋes; kolem Musa aokot, kojukonok amumwara nuka etem owaitin kere kebokoritike, kitesega etem, kobukok aokot kwap ketem, kitalau ŋes, aitulucio ŋes; Koyaŋa asiepai kere naerapit lukotoma, ka asiepai naka emany, ka iŋalur luarei, ka asiepaikec, kicwe Musa kes kotem. Konye emoŋ lotobait, ka emukuleke, ka akiriŋike, ka ikijitike, kicweik kakim kokiŋa kiidukurun; kwape kicorakinia EJAKAIT Musa. Koyau ŋesi emerekek loka ainakinet naicweio: kidokokis Aaron ka odweke akaninikec akou naka emerekek. Koar ŋes: kobwatanak Musa aokot otem owaitin kere. Kotubutub emerekek; kicweik Musa akou, ka atutubeta ka asiepai. Kilot lukotoma ka akejen kakip; kicweik Musa emerekek kere kotem: ŋes ainakinet naicweio araun asakat naeuru saa: ŋes ainakinet naeinakinere kakim mama ejai EJAKAIT: kwape kicorakinia EJAKAIT Musa, Koyau ŋesi emerekek ece, emerekek loka atiakunio: kidokokis Aaron ka odweke akaninikec akou naka emerekek. Koar ŋes; kolem Musa aokotoke, kojukok okobet loka akit nakoteten naka Aaron, obokorotike lokapolon loka akekan nakoteten, obokorit da lokapolon loka akejuke nakoteten, Koyau odwe luka Aaron, kojukonok Musa aokot okoben luka akikec nukoteten, obokorokec lukapolok luka akaninikee nukoteten, obokorokec da lukapolok luka akejekec nukoteten: kobwatanak Musa aokot otem owaitin kere. Koyaŋa asiepai, ka asonyok, ka asiepai kere naerapit lukotoma, ka asiepai naka emany, ka iŋalur luarei, ka asiepaikec ka amurwo nakoteten: Kolem aluŋuret adiopet namam itubuunitoi, ka aluŋuret adiopet naka emugati loejai akinyet, ka emugati ediopet loebenen, kodita loka imugatin lumam itubuunitoi, loajai akonyen nuka EJAKAIT, kidokok asiepai ka amurwo nakoteten: Kibwaik kere akanin nuka Aaron, akanin da nuka odweke, kijaŋ kes araun ainakinet naijaŋio kakonyen nuka EJAKAIT. Kolema Musa kes akaninikec, kicweik kotem neajai ainakinet naicweio: araas lutiakuna luka asakat naeuru saa; ŋes ainakinet naeinakinere kakim mama ejai EJAKAIT, Kolem Musa atorob, kijaŋ araun ainakinet naijaŋio kakonyen nuka EJAKAIT: ŋes ewai loka Musa komerekek loka atiakunio; kwape kicorakinia EJAKAIT Musa. Kolem Musa akinyet nakinyonyoanakina, ka aokot nuajaas otem, kobwatanak Aaron, ka onapeneke, ka odweke, ka onapen da luka odweke; kitalaunia Aaron, ka ikenapen, ka odweke, ka inapen luka odweke nepepe kaŋes. Kotema Musa Aaron ka odweke atiar, “Kipooto akiriŋ kokek loka ewema loka airiamunun; konyamakis nepenen, ka imugatin luejaas odita loka atiakunio, kwape eeorakinia ebe, ‘Enyamete Aaron ka odweke.’ Icweikinete kakim akiriŋ naideun ka imugatin. Mam ilomarete kiŋa kekek loka ewema loka airiamunun adaun apaarasia akanykaarei aitodol naitodolioto apaarasia nuka atiakuniokus: naarai kitiakuni ŋesi yes apaarasia akanykaarei. Kwape eswamaere lolo, kicorak EJAKAIT aswam kwaŋin, aitulucio yes. Iboienenete kokek loka ewema loka airiamunun paaran ka kuare apaarasia akanykaarei, idarete akirot naka EJAKAIT, kinyeis atwakare; naarai kecorakinitai eoŋ kwaŋin.’ Kiswamata Aaron ka odweke akiro kere nuecorakini EJAKAIT kama ka Musa. Kosodi kanen, kapaaran nakikanyetekauni, konyarau Musa Aaron ka odweke, ka imakio luka Isirael; Kotema ŋesi Aaron atiar, “Koyaŋa ijo itaok yenikiliokit araun ainakinet naka adiakaret, ka emerekek araun ainakinet naicweio, lumam eŋwalitos, koinak kes akonyen nuka EJAKAIT. Ilimokini idwe luka Isirael ebe, ‘Koyanaasi yesi ekoroi araun ainakinet naka adiakaret; ka itaok ka imerekek, kere luka ekaru ediopet, lumam enwalitos, araun ainakinet naicweio; Ka emoŋ ka emerekek araun ainakineta nuka ainapakin, araun asubanit kakonyen nuka EJAKAIT; ka ainakinet naka akiria nuinyalakinitai akinyet: naarai kitaanyikin lolo EJAKAIT yes.’” Koyaut ŋuluecorakinit Musa kiŋaren kewema loka airiamunun: kikuny ekodet kere kobwo kakonyen nuka EJAKAIT, Kotema Musa atiar, “Na ŋes akirot naicorakinit EJAKAIT yes aswam: kitaanyikin da yes aibuses naka EJAKAIT.” Kotema Musa Aaron atiar, “Kikuny otem, koinak ainakinetekon naka adiakaret, ka ainakinetekon naicweio, kolucokin bon ka ituŋa da kijaik ainakinet naka ituŋa, kituluc kes; kwape kicorakinia EJAKAIT.’ Kikuny Aaron otem, koar itaok yenika ainakinet naka adiakaret, yenike kanuke. Kijaikis odwe luka Aaron ŋes aokot: kidomak ebokoritike aokot, kojukonok amumwara nuka etem, kobukok aokot kwap ketem: Konye kicweik asiepai, ka iŋalur, ka asiepai naka emany naka ainakinet naka adiakaret kotem; kwape kicorakinia EJAKAIT Musa. Kicweik da akiriŋ ka emukule kokiŋa kiidukurun. Koar ainakinet naicweio; kijaikis odwe luka Aaron ŋes aokot, kobwatanak otem owaitin kere, Kijaikis ŋes ainakinet naicweio, inerio kere ka akou: kicweik kes kotem, Kilot lukotoma ka akeje, kicweik kes kaneajai ainakinet naicweio kotem. Kijaik ainakinet naka ituŋa, koŋana ekoroi loka ainakinet naka adiakaret loarai kanuka ituŋa, koar, kijaik kanuka adiakaret, kwape kalosodit. Kijaik ainakinet naicweio, koinak kwape ajaar aicorakinet. Kijaik ainakinet naka akiria, kileleb akekan, kicweik kotem, kogelara kainakinet naicweio naka atupuruc. Koar da emoŋ ka emerekek, asubanit naka ainakineta nuka ainapakin, nakerai kanuka ituŋa; kijaikis odwe luka Aaron ŋes aokot, kobwatanak otem owaitin kere, Ka asiepai naka emoŋ; ka naka emerekek, ka asonyok, ka naerapit lukotoma, ka iŋalur, ka asiepai naka emany: Kibwaikis asiepai katorobusio, kieweik asiepai kotem: Kijaŋ Aaron atorobusio ka amurwo nakoteten araun ainakinet naijaŋio kakonyen nuka EJAKAIT: kwape kicorakinia Musa. Kikea Aaron akekanin mama ejaas ituŋa, kilipak kes arereŋ; kodok kedau aijaikin ainakinet naka adiakaret ka ainakinet naicweio, ka ainakineta nuka ainapakin. Kolomasi Musa ka Aaron owema loka airiamunun; kosodete nakelomuniata, kilipakis ituŋa arereŋ; kitaanyikin ituŋa kere aibuses naka EJAKAIT. Koloma akim kakonyen nuka EJAKAIT, kidopo ainakinet naicweio ka asiepai kotem: keanyut ituŋa kibwoŋs, kibiroros ebuburia. Kitiŋata Nadab ka Abiku, odwe luka Aaron, ŋinituŋanan akeisupurunet, kibwaikis akim toma, kibwaikis da lukisupurununo, kijaikis akim naegela kakonyen nuka EJAKAIT, namam ŋes eeorakinit ke. Kolom akim kakonyen nuka EJAKAIT, kicweik kes, kotwakikis akonyen nuka EJAKAIT. Kosodi Musa atemar Aaron atiar, “Na ŋes ŋin naabala EJAKAIT ebe,, Ketalaununoo eoŋ kotoma kaŋul kalukekunyakinete eoŋ, ketopoloonorio kakonyen nuka ituŋa kere.’’’ Kililiŋ Aaron. Konyarau Musa Misael ka Elisapan, odwe luka Usiel papa lodidi loka Aaron, kotema kes atiar, “Kikunyutu, kodakasi iinacanakus kaneejai aibois nakalaunan, koyaŋaasi kiŋa kiidukurun.” Kosodete kesi aikunyun, kodakasi kes kokootinikec, koyaŋaasi kiŋa kiidukurun; kwape abalar Musa. Kotema Musa Aaron, ka Eleasar, ka Itamar, odweke atiar, “Sirikilakasi itima luka akwesikus, karaida aicil ikusinapen; kinyeis atwakare, kinyek ŋesi anyunyurikin ekodet kere: konye iinacanakus, ekek kere loka Isirael, kibworoto aicwe naecweiki EJAKAIT. Mam ilomarete kiŋa kekek loka ewema loka airiamunun, kinyeis atwakare: naarai akinyet nakinyonyoanakina naka EJAKAIT ejai kamakus.” Kiswamata kesi kwape ejaar akirot naka Musa. Kotema EJAKAIT Aaron atiar, “Sirikimat ebino karaida nuitemerete, ijo ka odwekon da, nailomanariata owema loka airiamunun, kinyeis atwakare: eraun ekisil ikar kere anatar aturiokus: Tetere itiakete yenikalaunan ka yenika ituŋa kere; itiakete da yenimam elai ka yenelai; Tetere isisianakinete idwe luka Isirael ikisila kere lualimonokinit EJAKAIT kes kama ka Musa.” Kotema Musa Aaron, ka Eleasar, ka Itamar, odweke luasalitos ebe, “Koyaŋaasi ainakinet naka akiria naedeun naka ainakineta nuka EJAKAIT nueinakinere kakim, konyamakis ariri naka etem komamei yenikitubuunet: naarai erai nakalaunan noi: Inyamakinete aibois nakalaunan, naarai erai ewaikon, ka ewai loka odwekon, kotoma ainakineta nuka EJAKAIT nueinakinere kakim; naarai kecorakinitai eoŋ kwaŋin. Inyamakinete atorob naijaŋio ka amurwo naedakakinitai aibois naelai; ijo, ka odwekon, ka adwekon nepepe kajo; naarai kiinakin araun ewaikon, ka ewai loka odwekon, kotoma asuban nuka ainakineta nuka ainapakin nuka idwe luka Isirael. Eyaunete amurwo naedakakinitai ka atorob naijaŋio nepepe kainakineta nueinakinere kakim nuka asiepai, ajiaŋ ŋes araun ainakinet naiianio kakonyen nuka EJAKAIT: eraun nakon, ka naka odwekon da, araun ewaikon ikar kere; kwape kicorakinia EJAKAIT.” Komo Musa noi ekoroi loka ainakinet naka adiakaret, ido koany, kicwei: konyunyurik ŋesi Eleasar ka Itamar, odwe luka Aaron luasalitos, ebe, “Kanukinyo mam ipotu konyamakiniata ainakinet naka adiakaret aibois nakalaunan, naarai erai nakalaunan noi, abu ŋesi koinak ŋes aibwokia numam adolit nuka ekodet, aitulucio kes kakonyen nuka EJAKAIT? Koany, mam aokotoke ayaŋaunitai toma aibois nakalaunan: tikinyamakis cut aibois nakalaunan, kwape kecorakinia.” Kotema Aaron Musa atiar, “Koany, ainakis lolo ainakinetekec naka adiakaret ka ainakinetekee naicweio kakonyen nuka EJAKAIT; kadoikis eoŋ akiro nuetia nen: arai kanyam lolo ainakinet naka adiakaret, ti kereka ketojoki kakonyen nuka EJAKAIT?” Kepupu Musa ŋun, kitojok kakonyeneke. Kotema EJAKAIT Musa ka Aaron atiar, “Kolimok idwe luka Isirael ebe, Lu kes iboro lukajarak luinyamenenete kotiaŋ kere luejaas akwap, ŋin kere yenetiakak emagegeret, ka yenimwaasi atutubeta aarei nuka emagegeret, ka yeninyogonokini anyak ikenyamat, kotiaŋ, ŋin inyamenenete. Konye mam inyamenenete lu kaŋul kaluinyogonokinete anyak ikecenyamat, arai kaŋul kaluimwaasi atutubeta aarei nuka emagegeret: akaala, naarai inyogonokini anyak ikenyamat, konye mam ekemagegeret etiakak, erai yenimam elai kamakus. Enyuru da, naarai inyogonokini anyak ikenyamat, konye mam ekemagegeret etiakak, erai yenimam elai kamakus. Ipoo da, naarai inyogonokini anyak ikenyamat, konye mam ekemagegeret etiakak, erai yenimam elai kamakus. Epege da, naarai etiakak ekemagegeret, imwaasi atutubeta aarei nuka emagegeret, konye mam inyogonokini anyak ikenyamat, erai yenimam elai kamakus. Mam inyamenenete akiriŋikec, mam itironorete awatekec nukatwak; eraas lumam elaete kamakus. Inyamenenete lu kaŋul kere luejaas akipi: ŋin yenejaas isigigirio ka aabel kotoma akipi, kaŋololin, kocorin da, inyamenenete ŋul. Kere da luemameete isigigirio ka aabel kaŋololin, kocorin, ka ŋul kere luilatos kotoma akipi, ka lukajarak kere luejaas toma akipi, eraas luketal kamakus. Eraunos kesi luketal kamakus; sirinyamenenete akiriŋikec, eraas awatekec nukatwak nuketal kamakus. ŋin yenemameete isigigirio karaida aabel kotoma akipi, erai ŋin yeniketal kamakus, Lu da eraas luketal kamakus kakweny; mam enyamenenoo, eraas Iuketal: emorukaalet, ekokom, ka ogaria; Etoori, ka egole koponeke; Ka ŋolikuruk koponeke; Ka ekuulu, ka etoori loka akuare, ka eroagol, ka ecur koponeke; Ekoloroc, ka etotoet, ka etukuri loepol; Etukuri loesubit bala ejaas amumwara, ka erere ka atarukot; Etolut, ka egoro koponeke, ka aoŋor, ka emenia. Iboro kere luejaas abebenoka lueliatos luelosete kakeje aoŋon eraas luketal kamakus. Konye ipedorete ainyam lu koboro luejaas abebenoka lueliatos luelosete kakeje aoŋon, luejaas akeje nueojaojatos asomanaror kakwap; Ipedorete ainyam lu kakesi; emaase koponeke, emelomeloi koponeke, aabaara koponeke, ka ebeere koponeke. Konye iboro kere luejaas abebenoka lueliatos, luejaas akeje aoŋon eraas luketal kamakus. Lu kes kitaraunete yes lumam ilaete; ŋin yenetirori akuanakec nakatwan eraun yenimam elai kiton eboŋ. ŋin yenedaki akuanakec nakatwan ilosi ikenapen, eraun yenimam elai kiton eboŋ. ŋinitiaŋ kere yenetiakak emagegeret, yenimam atutubeta aarei nuka emagegeret, karaida ainyogonokin anyak ikenyamat, erai yenimam elai kamakus: ŋinituŋanan yenetirori kes eraun yenimam elai. Ŋin yenelosi kotau kakeju, kotiaŋ kere luelosete kakeje aoŋon, eraas lumam elaete kamakus: ŋin yenetirori awatekee nukatwak eraun yenimam elai kiton eboŋ. ŋin da yenedaki akuanakec nakatwan ilosi ikenapen, eraun yenimam elai kiton eboŋ; eraas lumam elaete kamakus. Lu kes lueraas lumam elaete kamakus koboro lueliatos lueliatos kakwap; enyukunyuk, ka emir, ka egereger lokapolon koponeke, Eidodo, ka akinyaŋ, ka totokamoŋo, ka aililiaŋ, ka agougou. Ŋul kes lumam elaete kamakus kotoma kaŋul kalueliatos: ŋin kere yenetirori kes, ketwaka, eraun yenimam elai kiton eboŋ. ŋinibore kere yenedoikini idiopet kakesi yenikatwan, eraun yenimam elai: arai ibore yenika akito, arai egoe, arai emukule, arai epuko, ibore kere yenitwasamao, ibusakinit aibwaikin akipi, eraun yenimam elai kiton eboŋ; kosodi konyet araun yenelai. Ŋinibore kere yenesubio kelupe, yenedoikini idiopet kakesi, ibore kere yenejai tomake eraun yenimam elai, ibwaŋete ibore ŋin. Inyamat kere luenyamio, luebukokinio akipi, eraunos lumam elaete: numatan kere nuemasio toma obore kaŋin eraunos numam elaete. Ŋinibore kere yenedoikinete awatekec nukatwak eraun yenimam elai; arai emukaro, arai ekiala loka amoti, ebwaŋabwaŋaun; eraas lumam elaete, eraunos lumam elaete kamakus. Konye atan arai atapar neetukonokinos akip eraun naelai: konye yenetirori akuanakec nakatwan eraun yenimam elai. Arai kedoo akuanakec nakatwan okinyom kere luwean luekotoi aiwe, eraas luelaete. Konye arai kebukokinos akip okinyom, kedoo akuanakec nakatwan tomakec, eraas lumam elaete kamakus. Arai ketwana etiaŋ loipedorete yesi ainyam; ŋin yenetirori akuanake nakatwan eraun yenimam elai kiton eboŋ. ŋin yenenyami akuan ŋin nakatwan ilosi ikenapen, eraun yenimam elai kiton eboŋ; ŋin da yenedaki akuan nin nakatwan ilosi ikenapen, eraun yenimam elai kiton eboŋ. Ŋinibore kere yeneliat, yeneliat kakwap erai yeniketal; mam enyamenenoo, Yeneliat kakoikike, ka yenelosi kakeje aoŋon, ka yenejaas akeje nuipu, kes iboro kere lueliatos, lueliatos kakwap, sirinyamenenete ŋul; naarai eraas luketal. Sirikimunaunos kibore kayeneliat kere yeneliat kakwap, karaida aituluor lumam ilaete, kinyeis kes amunaun yes. Naarai arai Eoŋ EJAKAIT Ekusideke: aso kitalaunos, koraut lukalaunak; naarai arai eoŋ lokalaunan: kinyeis amunaun bonik kopone kere loka ibore yeneliat kere yeneliat kakwap. Naarai arai eoŋ EJAKAIT loketolom yes kakwap nako Misiri, araun Ekusideke: aso koraut lukalaunak, naarai arai eoŋ lokalaunan.” Ŋol ŋes ekisil loka itiaŋ, ka loka akweny, ka loka ŋinibore kere yenejari yenilato kotoma akipi, ka ŋinibore kere yeneliat kakwap: Atiakun lumam elaete ka luelaete, atiakun da ibore yeneiari yenepedorio ainyam, ka ibore yenejari yenimam epedorio ainyam. Kotema EJAKAIT Musa atiar, “Kolimok idwe luka Isirael ebe, Arai kepotuu aberu, kidou ikoku yenitelepat, eraun namam elai apaarasia akanykaarei; kwape kapaarasia nuka atiakarioke naibamia eraun namam elai. Kapaaran nakikanyetekauni ekepio amuny naka ekiliokaneke. Iyatakini ŋin kaokot nuka aitesegaarioke apaarasia akaisauni ka nuuni; mam etirori ibore yenikalaunan, karaida alomar aibois nakalaunan, aitodol naedolioto apaarasia nuka aitesegaarioke. Konye arai kidou ikoku yenipese, eraun namam elai asabaton aarei, kwape katiakarioke: iyatakini da kaokot nuka aitesegaarioke apaarasia akaisakanykape ka nukanykape. Naedolioto apaarasia nuka aitesegaarioke, kanuka esapat, arai kanuka apese, eyauni ŋesi imerekek yenika ekaru ediopet araun ainakinet naicweio, ka iluke yenididi arai ajele, araun ainakinet naka adiakaret, okek loka ewema loka airiamunun, mama ejai esasedoti, Ijaikini ŋes kakonyen nuka EJAKAIT, ituluci ŋin; italaunitai kotoma alele naka aokotoke. Ŋol ŋes ekisil loka ŋin naidouni, arai yenikiliokit arai yeniberu, Arai icana ŋesi mam epedori adumun imerekek, eyaŋaari do ajeleik aarei arai ilukei iarei ludidik; idiopet araun ainakinet naicweio, yenikiareit araun ainakinet naka adiakaret: ituluci esasedoti ŋes, eraun naelai.” Kotema EJAKAIT Musa ka Aaron atiar, “Ketakanu kamuny naka ituŋanan abuun, arai asalabit, arai aisorit, korau kamunyoke adek naka atapon, ŋes konyet eyaŋaunere neejai Aaron esasedoti, arai neejai ediopet kodweke isasedotin. Irerei esasedoti adek naejai amunyoke: arai kekwaŋu ijulot yenikotoma adek, aputo naka adek da elomarit toma amunyoke, erai adek naka atapon; irerei esasedoti ŋes, elimokini ebe mam ŋes elai. Arai kekwaŋu aisorit naejai amunyoke, aputoke da mam elomarit toma amunyoke, mam ijulotoke ekwaŋuuna, ŋes konyet egolokinio esasedoti ŋin yenejai adek apaarasia akanykaarei. Irerei esasedoti ŋes apaaran nakikanyetekaarei: ido koany, arai eanyuni ebe asal adek kwape kwaŋin, komam adek isiarakina amunyoke, ŋes konyet egolokinio bobo esasedoti ŋes apaarasia ace akanykaarei: Irerei esasedoti ŋes bobo apaaran nakikanyetekaarei: ido koany, arai kenyasuo adek, komam adek isiarakina amunyoke, elimokini esasedoti ŋes ebe elai: erai asalabit: ilosi ikenapen, eraun yenelai. Konye arai kisiarakin asalabit amunyoke, kodaunite aitodiar mama ejai esasedoti kanuka aitesegaarioke, itodiari bobo mama ejai esasedoti: Irerei esasedoti, ido koany, arai kisiarakin asalabit amunyoke, elimokini esasedoti ŋes ebe mam elai: erai atapon. Kedek ituŋanan atapon, eyaŋaunio mama ejai esasedoti; Irerei esasedoti, ido koany, arai ejai abuun naekwaŋ amunyoke, etakwaŋu ijulot, kotakanu akiriŋ naejon naejari kaneabuunit, Erai atapon naŋo kamunyoke, elimokini esasedoti ŋes ebe mam elai: mam egolokini ŋes; naarai erai yenimam elai. Arai kisiarakin atapon amunyoke, arapiar amunyoke kere ageun kakou kiton akeje, kwape keanyanaria esasedoti; Kosodi esasedoti airere: ido koany, arai arapia atapon akuanake kere, elimokini ebe elai ŋin yenedeka: akwaŋu kere: elai ŋesi. Konye naetakanunia akiriŋ naejon, eraun yenimam elai, Irerei esasedoti akiriŋ naejonit, elimokini ebe mam elai: mam akiriŋ naejonit elai: erai atapon. Arai kijulakin akiriŋ naejonit, akwaŋuun, elosi ŋesi neejai esasedoti, Irerei esasedoti ŋes: ido koany, arai kekwaŋu adek, elimokini esasedoti ebe elai ŋin yenedeka: erai yenelai. Arai kejau abus akuan toma amunyoke, aŋaleu, Toma aibois naka abus kejaun abuun naekwaŋ, arai aisorit, naekwaŋakwaŋat, naereŋereŋet, kosodi itodikinio esasedoti; Irerei esasedoti, ido koany, arai elomarit aputoke toma amunyoke, akwaŋu da ijulot, kosodi esasedoti alimokin ŋes ebe mam elai: erai adek naka atapon, elomunit kotoma abus. Konye arai kirere esasedoti, ido koany, emameete ijul lukakwaŋak kotoma, mam elomarit toma amuny, konye enyasuorit, egolokini esasedoti ŋes apaarasia akanykaarei: Arai kisiarakin amuny, kosodi esasedoti alimokin ŋes ebe mam elai: erai adek. Konye arai kesal aisorit aiboisike, komam isiarakina, erai apoore naka abus; elimokini esasedoti ŋes ebe elai. Arai toma amunyoke ejai neenomorit akim, akiriŋ da naenomorit eluor aisorit, naekwaŋakwaŋat, naereŋereŋet, arai naekwaŋ; Irerei esasedoti ŋes: ido koany, arai kekwaŋu ijulot kotoma aisorit, elomarit aputoke da toma amuny; erai atapon, elomunit kotoma anomoret: elimokini esasedoti ŋes ebe mam elai: erai adek naka atapon. Konye arai kirere esasedoti, ido koany, emamei ijulot yenekwaŋ kotoma aisorit, mam elomarit toma amuny, konye enyasuorit; kosodi esasedoti agolokin ŋes apaarasia akanykaarei: Irerei esasedoti ŋes apaaran nakikanyetekaarei: arai kisiarakin amuny, kosodi esasedoti alimokin ŋes ebe mam elai: erai adek naka atapon. Arai kesal aisorit aiboisike, komam isiarakina amuny, konye enyasuorit; erai abuunit naka anomoret, elimokini esasedoti ŋes ebe elai: naarai erai apoore naka anomoret. Kedekakin ekiliokit arai aberu akou arai epenek, Irerei esasedoti adek: ido koany, arai elomarit aputoke toma amuny, kojaas tomake ijul ludos luideridera kosodi esasedoti alimokin ŋes ebe mam elai: erai etapitap, erai atapon naka akou arai naka epenek. Arai kirere esasedoti adek naka etapitap, ido koany, aputoke mam elomarit toma amuny, emamei ijulot yenikirionon kotoma, kosodi esasedoti agolokin ŋin yenedeka etapitap apaarasia akanykaarei. Apaaran nakikanyetekaarei irerei esasedoti adek: ido koany, arai mam etapitap isiarakina, emameete ijuludos, aputoke da mam elomarit toma amuny. ŋes konyet ibarenio, konye mam ibareni etapitap; egolokini esasedoti ŋin yenedeka etapitap apaarasia ace akanykaarei. Kapaaran nakikanyetekaarei irerei esasedoti etapitap; ido koany, arai mam etapitap isiarakina amuny, aputoke da mam elomarit toma amuny; kosodi esasedoti alimokin ŋes ebe elai: ilosi inapeneke, eraun yenelai. Konye arai kisiarakin etapitap amunyoke kodaunite aitesegaarioke; Kosodi esasedoti airere ŋes: ido koany, arai kisiarakin etapitap amuny, mam esasedoti emoi ijuludos; erai yenimam elai. Konye arai eanyuni ebe asal etapitap, kelomut ijul lukiriokok kotoma; aŋaleu etapitap, elai ŋesi: elimokini esasedoti ŋes ebe elai. Arai ejaas aisorito toma amuny naka akuan naka ekiliokit arai aberu, aisorito nukakwaŋak: Kosodi esasedoti airere; ido koany, arai ekwaŋakwaŋato aisorito nukotoma amuny naka akuanake; erai egwenyigweny, elomunit kamuny; elai ŋesi. Arai kidimas ituŋanan itima luka akouke, erai lokepata; konye elai ŋesi. Arai kidimas ituŋanan itima koinaren naka akouke, erai Iokepata koreet; konye elai ŋesi, Konye arai ejai adek naekwaŋakwaŋat naereŋereŋet kakou nakepata, arai koreet kalokepata; erai ŋin atapon, naelomunit kakouke nakepata, arai koreet kalokepata. Kosodi esasedoti airere ŋes: ido koany, arai ekwaŋakwaŋat ereŋereŋet abuunet naka adek kakouke nakepata, arai koreeteke kalokepata, kwape ejaar aput naka atapon amuny; Erai ituŋanan yenikatapon, erai yenimam elai: abeit elimokini esasedoti ŋes ebe mam elai; ejai adekake akouke. Ituŋanan yenedek atapon, ecilicila ikenapen, elakara itimake da, erapari eponoi lokokuju, iworoi ebe, ‘Mam alai, mam alai.’ Apaarasia kere nuerokor edeka eraun yenimam elai; mam ŋes elai: iboienenei bon; iboienenei kokiŋa kiidukurun. Anapito naejai adek naka atapon, arai anapito naka ajul, arai anapito naka ebaputa; Arai ewojitoi arai icipitai; naka ebaputa, arai naka ajul; arai komukule, arai toma ŋinibore yeniswamatai kemukule; Arai erai adek napiria arai naereŋereŋet kanapito, arai komukule, arai neewojitoi, arai neicipitai, arai toma ŋinibore yeniswamatai kemukule; erai adek naka atapon, ibusakinit aitodikin esasedoti. Irerei esasedoti adek, egolokini yenejai adek apaarasia akanykaarei: Irerei ŋesi adek apaaran nakikanyetekaarei: arai kisiarakin adek anapito, arai neewojitoi, arai neicipitai, arai komukule, aswam kere naetwasamaere emukule, erai adek naka atapon naiŋemiŋemi; mam elai. Icweikini ŋesi anapito, arai ewojitoi, arai icipitai, ajul, arai ebaputa, arai ibore kere yenika emukule, naejai adek: naarai erai atapon naiŋemiŋemi; icweikinio kakim. Arai kirere esasedoti, ido koany, mam adek isiarakina anapito, karaida neewojitoi, karaida neicipitai, karaida toma ibore kere yenika emukule; Kosodi esasedoti aicorakin ebe ilosete ibore yenejai adek, egolokini bobo apaarasia ace akanykaarei: Irerei esasedoti, kodaunite adek ailosio: ido koany, arai mam adek ilocokino kaputoke, komam adek isiarakina, mam ŋes elai: icweikini kakim: eŋemiŋemi, arai epata toma arai kiŋa, Arai kirere esasedoti, ido koany, enyasuoro adek kodaunite ailosio, kosodi acilar kanapito, arai komukule, arai neewojitoi, arai neicipitai: Arai eriŋa etakani kanapito, arai neewojitoi, arai neicipitai, arai kobore kere yenika emukule, elomunit: icweikini ibore ŋin yenejai adek kakim. Anapito da, arai naewojitoi, arai naicipitai, arai ibore kere yenika emukule, yenilosi, arai anyou adek kamake, ŋes konyet ilosere nakiareit, koraun yenelai.” Ŋol ŋes ekisil loka adek naka atapon kanapito naka ajul arai naka ebaputa, arai naewojitoi arai naicipitai, arai ibore kere yenika emukule, alimokin ebe elai, arai alimokin ebe mam elai. Kotema EJAKAIT Musa atiar, “Lo ŋes ekisil loka yenikatapon kapaaran naka aitesegaarioke: eyaŋaunio mama ejai esasedoti: Elomari esasedoti kiŋa kiidukurun; irerei esasedoti, ido koany, arai aŋaleu adek naka atapon kotuŋanan; Kosodi esasedoti aicorakin alemikin ŋin yenekot aitesegaario akweny aarei nuelaete nuejarete, ka akito nuka eres, ka yenikareŋan, ka esop. Icorakini esasedoti aiar adiopet kakweny kotoma amot naka elupe kuju neeleleata akip: Akweny naejari da, eyaŋaari ŋes, ka akito nuka eres, ka yenikareŋan, ka esop, idomakini kes ka akweny naejari toma aokot nuka akweny naarakinitai kuju neeleleata akip: Ebwatanakini ŋesi ŋin yenekot aitesegaario katapon irwan akanykaarei, elimokini ebe elai ŋesi, eosikini akweny naejari kais. Ŋin yenekot aitesegaario ilosi ikenapen, ebareni itimake kere, iloŋi kakip, eraun yenelai: kokau kaŋun elomari oidukurun, konye iboie kokiŋa kewemake apaarasia akanykaarei. Ejaun kapaaran nakikanyetekaarei ebe ebareni itimake kere kakouke, ka epenekike, ka abukioke, ebareni itimake kere: ilosi inapeneke, iloŋi akekuan kakip, eraun yenelai. Kapaaran nakikanyetekauni elemuni imerekekin iarei ludidik lukiliok lumam eŋwalitos, ka imerekek idiopet yeniberu yenika ekaru ediopet yenimam eŋwalit, ka iuni kotomon luka epa loka akiria nuidicic araun ainakinet naka akiria, nuinyalakinitai akinyet, ka atido naka akinyet. Esasedoti loitesegi ibwaikini ituŋanan yenekot aitesegaario, ka iboro ŋul kakonyen nuka EJAKAIT, kokek loka ewema loka airiamunun: Elemuni esasedoti idiopet komerekekin ludidik lukiliok, kijaik ŋes araun ainakinet naka aronis, ka atido naka akinyet, ijaŋi kes araun ainakinet naijaŋio kakonyen nuka EJAKAIT. Earakini imerekek yenididi yenikiliokit aibois nearanakina ainakinet naka adiakaret ka ainakinet naicweio, aibois nakalaunan: naarai kwape eraar ainakinet naka adiakaret naka esasedoti, erai kwape kwaŋin ainakinet naka aronis: erai nakalaunan noi. Elemuni esasedoti aokot nuka ainakinet naka aronis, ejukokini okobet loka akit nakoteten naka ŋin yenekot aitesegaario, kobokorit da lokapolon loka akekan nakoteten, kobokorit da lokapolon loka akejuke nakoteten. Elemuni esasedoti atido naka akinyet ebukokini otau kakanike elopet nakokediany: Idomakini esasedoti ebokoritike lokoteten akinyet naejai akanike nakokediany, ebwatanari akinyet kebokoritike irwan akanykaarei kakonyen nuka EJAKAIT. Ejukokini esasedoti akinyet naedeun kakanike okobet loka akit nakoteten naka ŋin yenekot aitesegaario, kobokorit da lokapolon loka akekan nakoteten, kobokorit da lokapolon loka akejuke nakoteten, toma aokot nuka ainakinet naka aronis: Inyonyoikini akinyet naedeun kakan naka esasedoti akou naka ŋin yenekot aitesegaario; ituluci esasedoti ŋes kakonyen nuka EJAKAIT. Ijaikini esasedoti ainakinet naka adiakaret, ituluci ŋin yenekot aitesegaario kanuka numam alauniteke; kokau eari ainakinet naicweio. Ijaikini esasedoti ainakinet naicweio ka ainakinet naka akiria kotem: ituluci esasedoti ŋes, eraun yenelai. Arai icana ŋesi, mam epedori adumun ŋun kere, eyaŋaari do imerekek idiopet yenikiliokit araun ainakinet naka aronis ajiaŋio, aitulucio ŋes, ka idiopet kotomon yenika epa loka akiria nuidicic nuinyalakinitai akinyet araun ainakinet naka akiria, ka atido naka akinyet; Ajeleik aarei arai ilukei iarei ludidik, kwape epedoria adumun; eraun idiopet ainakinet naka adiakaret, ka yenice da ainakinet naicweio. Kapaaran nakikanyetekauni eyauni kes kanuka aitesegaarioke mama ejai esasedoti, okek loka ewema loka airiamunun, kakonyen nuka EJAKAIT. Eyaŋaari esasedoti imerekek yenika ainakinet naka aronis, ka atido naka akinyet, ijaŋi esasedoti kes araun ainakinet naijaŋio kakonyen nuka EJAKAIT. Eari imerekek yenika ainakinet naka aronis, elemuni esasedoti aokot nuka ainakinet naka aronis, ejukokini okobet loka akit nakoteten naka ŋin yenekot aitesegaario, kobokorit da lokapolon loka akanike nakoteten, kobokorit da lokapolon loka akejuke nakoteten. Ebukokini esasedoti akinyet otau kakanike elopet nakokediany: Ebwatanari esasedoti kebokoritike lokoteten akinyet naejai akanike nakokediany irwan akanykaarei kakonyen nuka EJAKAIT: Ejukokini esasedoti akinyet naejai akanike okobet loka akit nakoteten naka ŋin yenekot aitesegaario, kobokorit da lokapolon loka akanike nakoteten, kobokorit da lokapolon loka akejuke nakoteten, toma aibois naka aokot nuka ainakinet naka aronis. Inyonyoikini akinyet naedeun kakan naka esasedoti akou naka ŋin yenekot aitesegaario, aitulucio ŋes kakonyen nuka EJAKAIT. Ijaikini idiopet kajeleik, arai kilukei ludidik kwape epedoria adumun; Kwape epedoria adumun, idiopet araun ainakinet naka adiakaret, ka yenice araun ainakinet naicweio, nepepe kainakinet naka akiria: ituluci esasedoti ŋin yenekot aitesegaario kakonyen nuka EJAKAIT. Ŋol ŋes ekisil loka ŋin yenedek atapon, yenimam epedori adumun luka aitesegaarioke.” Kotema EJAKAIT Musa ka Aaron atiar, “Naidolioto yesi akwap naka Kanaan, naainakini yes araun airumet, ebwaikini adek naka atapon kotogo loka akwap naka airumetekus; Ebuni elopet etogo elimokini esasedoti ebe, ‘Esubit bala ejai adek naka atapon togoka.’ Icorakini esasedoti alemar iboro kere kotogo, eriŋa ŋes elomara aanyun adek, tetere luejaas toma kere mam eraunos lumam elaete: kokau elomari esasedoti aanyun etogo. Irerei ŋesi adek, ido koany, arai ejai adek arwatatin nuka etogo, acileta nupiria, arai nuereŋereŋeto, elomarit aputoke toma arwatat; ŋes konyet elomunia esasedoti kotogo kiton okek loka etogo, kogoli etogo apaarasia akanykaarei. Eboŋuni esasedoti apaaran nakikanyetekaarei, irerei; ido koany, arai kisiarakin adek arwatatin nuka etogo; Kosodi esasedoti aicorakin alemar amor nuejaas adek, acakar da aibois namam elai kiŋa naka ere. Itikisikisi ŋesi etogo toma airimor, ebukonorete nuadaut aikisikis kiŋa naka ere aibois namam elai: Elemarete amor ace ibwaikinete aibois naka amor kwa; eyauni asiŋe ace, iladai etogo. Arai keboŋ bobo adek, atakanun kotogo, kedau ŋesi alemar amor, kedau aikisikis etogo, kedau ailad; Kosodi esasedoti alomar airere, ido koany, arai isiarakina adek togo, erai atapon naerogirog etogo: mam elai. Ekesi etogo, amoruke, ka akitoke, ka asiŋe kere naka etogo; edakari kes kiŋa naka ere aibois namam elai, Bobo da ŋin yenelomari togo kapak kere naegololor eraun yenimam elai kiton eboŋ, ŋin yeneperi togo ŋol ilosi ikenapen; ŋin yenenyami kotogo kaŋol ilosi ikenapen. Arai elomari esasedoti, irerei, ido koany, mam adek isiarakina togo, kedau ailad etogo; kosodi esasedoti alimokin ebe elai etogo, naarai aŋaleu adek. Eyaŋaari akweny aarei aitesegia etogo, ka akito nuka eres, ka yenikareŋan ka esop. Earakini adiopekweny amot naka elupe kuju neeleleata akip; Eyaŋaari akito nuka eres, ka esop, ka yenikarenan, ka akweny naejari, idomakini kes aokot nuka akweny naarakinitai, toma akipi nueleleete da, ebwatanakini togo irwan akanykaarei: Ido itesegaari etogo kaokot nuka akweny, ka akipi nueleleete, kakweny naejari, kakito nuka eres, ka esop ka yenikaren an, Konye eyaŋaari akweny naejari kiŋa naka ere koosikini koporo ais; ituluci etogo kwaŋin: eraun loelai.” Ŋol ŋes ekisil loka epone kere loka adek naka atapon, ka etapitap; Ka loka atapon naka anapito, ka loka etogo; Ka loka abuunet, ka asalabit, ka aisorit: Aisisianakin arai mam elai, arai da elai; ŋol ŋes ekisil loka atapon. Kotema EJAKAIT Musa ka Aaron atiar, “Kolimokis idwe luka Isirael ebe, Arai eleleete etuŋanan abulon arai aokot, kanu elelea mam ŋes elai. Eraun namam ailake ka aleleke kwanata: arai etakani aleleke, arai da aleleke mam etakani erai namam ailake. Ŋiniperis naeperio ŋol loelelei eraun namam elai: ŋinibore kere yeniboikini ŋesi eraun yenimam elai. Ŋin yenetirori aperisike ilosi inapeneke, iloŋi kakip, eraun yenimam elai kiton eboŋ, ŋin da yeniboikini ibore kere yenikiboio loelelei ilosi ikenapen, iloŋi kakip, eraun yenimam elai kiton eboŋ. Ŋin da yenetirori akuan naka ŋol kaloelelei ilosi ikenapen, iloŋi kakip, eraun yenimam elai kiton eboŋ. Arai kimuiki ŋol loelelei aimul ituŋanan yenelai; kosodi loimuikinitai ailot ikenapen, iloŋi kakip, eraun yenimam elai kiton eboŋ, ŋinibore kere yenibwaneni ŋol loelelei eraun yenimam elai. Ŋin yenetirori ibore yenajai kwapuke eraun yenimam elai kiton eboŋ: ŋin yenedakuni iboro ŋul ilosi inapeneke, iloŋi kakip, eraun yenimam elai kiton eboŋ, Arai ketiro ŋol loelelei icetuŋanan kere, komam ber iloluarit akekanin kakip, ilosi yeniketiroritai inapeneke, iloŋi kakip, eraun yenimam elai kiton eboŋ, Amot da naka elupe naetirori ŋol loelelei, ebwanio; iloluario ŋinibore yenika akito kakip. Arai kenaleu alele naka ŋol kaloelelei, imarakinio apaarasia akanykaarei kanuka aitesegaarioke, ilosi ikenapen; Iloŋi akekuan kakip nueleleete, eraun loelai. Apaaran nakikanyetekauni eyaŋaari ŋesi ajeleik aarei arai ilukei iarei ludidik, ebuni kakonyen nuka EJAKAIT okek loka ewema loka airiamunun, koinak kes esasedoti. Ŋaikini esasedoti kes, idiopet araun ainakinet naka adiakaret, yenice araun ainakinet naicweio; ituluci esasedoti ŋes kakonyen nuka EJAKAIT kanuka aleleke. Arai kelomutu ikinyom luka aur kotuŋanan, iloŋi akekuan kere kakip eraun lomam elai kiton eboŋ. Ilosio inapen kere kakip, ka amuny kere naadoikis ikinyom luka aur, eraunos lumam elaete kiton eboŋ. Aberu da naeperete ketuŋanan loajaas ikinyom luka aur, iloŋete kes kere kakip eraunos lumam elaete kiton eboŋ, Arai elelei aberu, eleleete aokot, epaikini ŋesi etiakuna apaarasia akanykaarei; ŋin yenetirori ŋes eraun yenimam elai kiton eboŋ, ŋinibore kere yeneperio ŋesi katiakunioke eraun yenimam elai: ŋinibore kere da yeniboikini ŋesi eraun yenimam elai. Ŋin yenetirori aperisike ilosi ikenapen, iloŋi kakip, eraun yenimam elai kiton eboŋ. Ŋin yenetirori ibore kere yeniboikini ŋin, ilosi ikenapen, iloŋi kakip, eraun yenimam elai kiton eboŋ, Arai ejaas aperis, arai toma ŋinibore yeniboikini ŋin naketiro, eraun yenimam elai kiton eboŋ, Arai keperoto etuŋanan kaŋin, kolomakin ŋes aleleke, eraun lomam elai apaarasia akanykaarei; ŋiniperis naeperio ŋesi eraun namam elai. Arai eleleete aberu aokot apaarasia nuipu korai mere apak naka aibamake, arai eleleete adepar apaarasiake nuka aibam; apaarasia kere nuelelea numam ailake eraun ŋin kwape kapaarasia nuka aibamake: mam ŋes elai. Ŋiniperis naeperio ŋesi apaarasia kere nuelelea eraun kwape aperis naka aibamake; ŋinibore kere yeniboikini ŋesi eraun yenimam elai, kwape namam aila naka aibamake. Ŋin yenetirori iboro nul eraun yenimam elai, ilosi kenapen, iloŋi kakip, eraun yenimam elai kiton eboŋ. Konye arai keŋaleu aleleke, kosodi aimarakinio apaarasia akanykaarei, kokau kaŋun eraun naelai. Kapaaran nakikanyetekauni eyaŋaari ajeleik aarei arai ilukei iarei ludidik, eyaŋaari mama ejai esasedoti, okek loka ewema loka airiamunun. Ijaikini esasedoti idiopet araun ainakinet naka adiakaret, ka yenice araun ainakinet naicweio: ituluci esasedoti ŋes kakonyen nuka EJAKAIT kanuka aleleke namam alaia. Itiakunete kwaŋin idwe luka Isirael ka numam ailakec; kinyeis atwakare kanumam ailakec, nakemunauniata ewemaka lokalaunan loejai kamakec.” Ŋol ŋes ekisil loka ŋol kaloelelei, ka ŋol loalomut ikinyom luka aur tetere mam elai; Ka ŋin naedek aibam, ka ŋin yenelelei, ekiliokit arai aberu, ka ŋol loeperete kaŋin namam elai. Kotema EJAKAIT Musa, kedaut odwe luarei luka Aaron atwakare, nakikunyakiniata kesi akonyen nuka EJAKAIT, kotwakata; Kotema EJAKAIT Musa atiar, “Kolimok Aaron onacekon ebe, mam elomanari apakio kere aibois nakalaunan nakotoma aigalisit, kakonyen nuka eicoloŋ-lokaitim loejai asaduku; kinyek atwanare: naarai etakanikin eoŋ kodou koicoloŋlokaitim. Eyaŋauni Aaron iboro lu, alomunia aibois nakalaunan: emoŋ lotobait araun ainakinet naka adiakaret, ka emerekek araun ainakinet naicweio. Enapenenei ekooti lokalaunan loka ebaputa, enapenenei epale loka ebaputa kakuanake, koenite aenet naka ebaputa, enapenenei da egoe lokieniena akou: eraas inapen lukalaunak; iloŋi akekuan kakip, konapi kes. Eyaŋaari ikorwa iarei kokodet loka idwe luka Isirael araun ainakinet naka adiakaret, ka emerekek araun ainakinet naicweio. Ijaikini Aaron emoŋ lotobait loka ainakinet naka adiakaret, loerai kanuke, elucokin elopet ka eketogo. Eyaŋaari ikorwa luarei, ibwaikini kes akonyen nuka EJAKAIT okek loka ewema loka airiamunun. Ilamilami Aaron eroet kokorwa luarei; eroet ediopet loka EJAKAIT, ka eroet ece loka Asasel. Itodiari Aaron ekoroi loabeiki eroet loka EJAKAIT, kijaik ŋes araun ainakinet naka adiakaret. Konye ekoroi loabeiki eroet loka Asasel ibwaikini ejari akonyen nuka EJAKAIT, aitulucio ŋes, aireŋearia ŋes kanuka Asasel, modiŋ. Itodiari Aaron emoŋ lotobait loka ainakinet naka adiakaret, loerai kanuke, elucokini bon, ka ekaleke, eari emoŋ lotobait loka ainakinet naka adiakaret loerai kanuke. Eyaŋaari aisupurunet ileleba atotole nuka akim kotem kakonyen nuka EJAKAIT, ileleba akaninike lukisupurununo luipicipicitai, koyaŋau toma aigalisit. Ibwaikini lukisupurununo akim kakonyen nuka EJAKAIT, tetere erapiari apuru naka lukisupurununo eicoloŋ-lokaitim loejai aitejenunet, kinyek atwanare. Eyaŋaari aokot nuka emoŋ lotobait, ebwatanakini oicoloŋ-lokaitim kebokoritike ari nakokide; ebwatanari aokot kiŋaren keicoloŋ-lokaitim kebokoritike irwan akanykaarei. Kosodi eari ekoroi loka ainakinet naka adiakaret, loerai kanuka ituŋa, eyaŋaari aokotoke toma aigalisit, iswamakini aokotoke kwape eswamakinia aokot nuka emoŋ lotobait, ebwatanakini oicoloŋ-lokaitim, kiŋaren da ke icoloŋ-lokaitim. Eluci ŋesi aibois nakalaunan, kanuka numam aila nuka idwe luka Isirael, kanuka aibucaretakec, kes adiakanaretakec kere: ikonakini kwaŋin ewema loka airiamunun, loiboie kakes kokidiŋ kanumam ailakec. Mam ejaun ediotuŋanan owema loka airiamunun naelomaria ŋesi ailuc aibois nakalaunan, aitodol naelomunia, kodaunite alucokin bon, ka ekaleke, ka atukot kere naka Isirael. Elomari neejai etem loejai akonyen nuka EJAKAIT, eluci ŋes; eyaŋaari aokot nuka emoŋ lotobait, ka aokot nuka ekoroi, ejukonokini amumwara nuka etem owaitin kere. Ebwatanakini ŋesi aokot kebokoritike irwan akanykaarei, kitesega, kitalau ŋes kanumam aila nuka idwe luka Isirael. Kedau ŋesi ailuc aibois nakalaunan, ka ewema loka airiamunun, ka etem, itodiari do ekoroi loejari: Idokokini Aaron akaninike kere akou naka ekoroi loejari, kolimo kokujuke numam adolit kere nuka idwe luka Isirael, ka aibucaretakec kere, kes adiakanaretakec kere; ibwaikini kes akou naka ekoroi, ireŋeari ŋes modiŋ kakan naka etuŋanan loitemokino. Ibwoki ekoroi numam adolitekec kere akwap naemamei ituŋanan: eosikini ŋesi ekoroi kamodiŋ. Elomari Aaron owema loka airiamunun, elacari inapen luka ebaputa, luanapit naelomaria aibois nakalaunan, inyeini kes kanen: Iloŋi akekuan kakip kaibois nakalaunan, enapi ikenapen, elomuni, einakini ainakineteke naicweio, ka ainakinet naicweio naka ituŋa, elucokini elopet, ka ituŋa. Icweikini asiepai naka ainakinet naka adiakaret kotem. Ŋol da loeosikini ekoroi loka Asasel ilosi ikenapen, iloŋi akekuan kakip; kokau elomuni oidukurun. Edakario emoŋ lotobait loka ainakinet naka adiakaret, ka ekoroi loka ainakinet naka adiakaret, luayaŋaunio aokotokec alucio aibois nakalaunan, kokiŋa kiidukurun; icweikinete ikecemukulen, ka akiriŋikec, ka ikijitikec kakim. Ŋol loicweikini kes, ilosi ikenapen, iloŋi akekuan kakip, kokau elomuni oidukurun. Eraun ekisil kamakus ikar kere: kolap lokikanyetekaarei, kapaaran nakitomonet naka elap, kitakadikis ikusitauon, mam iswamaete adioswam kere, iuriat, ka imoit da yeniboienenei kayes. Naarai kapaaran kaŋin kitulucio yes, aiteseg yes; iraunos luilaete kadiakanaretakus kere kakonyen nuka EJAKAIT. Ŋes nakasabato naka aibworar nakayamakina mama ijaas, kitakadikis ikusitauon; erai ekisil ikar kere. Esasedoti da, loinyonyoikinitai, loetiakunitai araun esasedoti aibois naka papake, eluci ŋesi, enapenenei inapen luka ebaputa, kes inapen lukalaunak. Eluci ŋesi aibois nakalaunan, eluci da ewema loka airiamunun ka etem; ituluci ŋesi isasedotin ka ituŋa kere luka atukot. Eraun ŋol ekisil lomam enaŋi mama ijaas, alucio idwe luka Isirael kanuka adiakanaretakec kere atipet ŋolikaru.” Kiswama kwape ecorakinia EJAKAIT Musa. Kotema EJAKAIT Musa atiar, “Kolimok Aaron, ka odweke, ka idwe kere luka Isirael, ebe, Na ŋes akirot naecoraki EJAKAIT ebe, Ituŋanan kere yenika ekek loka Isirael, yenearakini emoŋ, arai imerekek, arai akinei koidukurun, arai yenearakini kiŋa kiidukurun, Yenimam eyaŋaunit ŋes okek loka ewema loka airiamunun, ainakin ŋes araun ainakinet mama ejai EJAKAIT koiŋaren kewema lokalaunan loka EJAKAIT: imarakinio aokot akouke; kebukoki aokot; egelario ituŋanan ŋin kotuŋake. Tetere eyaŋanarete idwe luka Isirael asubanakec, nueinakinete kais, tetere eyananarete kes mama ejai esasedoti, einanakinete kes araun asuban nuka ainakineta nuka ainapakin mama ejai EJAKAIT. Ebwatanakini esasedoti aokot otem loka EJAKAIT, kokek loka ewema loka airiamunun, icweikini asiepai araun asakat naeuru saa mama ejai EJAKAIT, Mam bobo einanakinete asubanakec mama ejaas ikorwa, luiporooto kesi. Eraun ŋol ekisil mama ejaas ikar kere, anatar aturiokec. Ilimokini kes ebe, Ituŋanan kere yenika ekek loka Isirael, arai yenika imo luiboienenete kakes, yeneinakini ainakinet naicweio arai asubanit, Yenimam eyaunit okek loka ewema loka airiamunun, ainakin araun asubanit mama ejai EJAKAIT: egelario ituŋanan ŋin kotuŋake. Ituŋanan kere yenika ekek loka Isirael, arai yenika imo luiboienenete kayes, yenenyami aokot kere; aluikini eoŋ ituŋanan ŋin yenenyami aokot, agelari ŋes kotuŋake. Naarai aijar naka akuan ejai toma aokot; ainak yes kotem alucio aijarakus: naarai aokot kes elucete kanuka aijar. Ŋes katemaria idwe luka Isirael ebe, Siri idio kayesi kenyam aokot, karaida imoit yeniboienenei kayes ainyam aokot. Ituŋanan kere yenika ekek loka Isirael, arai yenika imo luiboienenete kakes, yenemejai itiaŋ arai akweny naepedorio ainyam; ebukori ŋesi aokotoke, enuki kalup. Naarai aijar naka akuan kere, aokotoke eraas ipe kaijarake: Ŋes katemaria idwe luka Isirael ebe, Sirinyamenenete aokot nuka akiriŋ kere: naarai aijar naka akuan kere ŋes aokotoke: egelario ŋin yenenyami kes. Ŋinituŋanan kere yenenyami yenetwani bon, arai yenepoopooete itiaŋ, karaida kerai iuriat, arai imoit, ilosi ikenapen, iloŋi kakip, eraun yenimam elai kiton eboŋ: kosodi araun yenelai. Konye arai mam ilosi kes, karaida ailoŋ, ibwoki numam adoliteke.” Kotema EJAKAIT Musa atiar, “Kolimok idwe luka Isirael ebe, Arai eoŋ EJAKAIT Ekusideke. Siriswamaenenete aswamisio nuka akwap nako Misiri nekolo iboioto: siriswamaenenete da aswamisio nuka akwap naka Kanaan neketolomari yes: karaida alosenen kokisilakec. Kiswamaenenete yesi itubesiaka, koricenenete ikisilaka, alosenen kotoma: arai eoŋ EJAKAIT Ekusideke. Koricenenete do ikakisila, ka itubesiaka: arai kiswama ituŋanan ŋul, ejari tomakec: arai eoŋ EJAKAIT. Siri idio kayesi kikunyaki yenepajanasi kaŋes, apukor amujalalake: arai eoŋ EJAKAIT. Sirikipuko amujalal naka papakon, ŋes amujalal naka totokon: erai ŋesi totokon; sirikipuko amujalalake. Sirikipuko amujalal naka aberu naka papakon: erai amujalal naka papakon. Sirikipuko amujalal naka inacikon, akoku naka papakon, arai akoku naka totokon, arai keurikinio ore, arai keurikinio neniec. Sirikipuko amujalal naka akoku naka okokukon, arai naka akoku naka akokukon: naarai amujalalakec ŋes nakon. Amujalal naka akoku naka aberu naka papakon, naaurie papakon, erai ŋin inacikon, sirikipuko amujalalake. Sirikipuko amujalal naka inac naka papakon: inacanas ŋesi kapapakon. Sirikipuko amujalal naka inac naka totokon: naarai inacanas ŋesi katotokon. Sirikipuko amujalal naka onace loka papakon, sirikikunyak aberuke: erai ŋesi totokon. Sirikipuko amujalal naka aberu naka okokukon: erai ŋesi akokukon; sirikipuko amujalalake. Sirikipuko amujalal naka aberu naka onacekon: erai amujalal naka onacekon. Sirikipuko amujalal naka aberu ka naka akokuke; sirikiyaŋa akoku naka okokuke, karaida akoku naka akokuke, apukor amujalalake; ipajanasi kesi: erai aronis. Sirikiyaŋa aberu ka inacike, araun akainike, apukor amujalalake, nepepe kainacike eriŋa ejari. Sirikikunyak aberu apukor amujalalake kapak namam elaia kanuka aibam. Sirikiyelokinos kaberu naka eidunyetekon, amunaun kaŋes. Sirikiinak aurikon aitotor akim mama ejai Molek, karaida aitisil ekiror loka Ekonideke: arai eoŋ EJAKAIT. Sirikiperoto kikiliok, kwape kaŋor: erai naketal. Sirikiperoto kitiaŋ kere amunaun kaŋes: karaida aberu aibwo kakonyen nuka etiaŋ, apero kaŋes: erai ainyalakin. Sirikimunaunos bonik kadiokirot kaŋun kere: naarai amunaunos atekerin nuereŋeari eoŋ kakonyenekus kaŋun kere: Amunaun akwap: tape edopet ŋes numam adoliteke, elekari akwap da luiboienenete kotoma. Kanuka ŋun koriecnenete yesi ikakisila ka itubesiaka, siriswamaenenete adio kanuketal kaŋun; karaida iuriat, karaida imoit yeniboienenei kayes: (Naarai eswamata ituŋa luka akwap, lukigeikinete yes nuketal ŋun kere, amunaun akwap;) Kinyek akwap alekar yes da, naimunauniata yesi ŋes, kwape alekaria ateker nakigeikini yes. Naarai ŋin yeniswamai adio kanuketal kaŋun, egelario ituŋa luiswamaete ŋun kotuŋakec. Kanuka ŋun koricito akirotoka, kinyeis aiswamaun idio kiponesio kaŋul kaluketal, lueswamaenenoo ageikin yes, kinyeis amunaun bonik: arai eoŋ EJAKAIT Ekusideke.” Kotema EJAKAIT Musa atiar, “Kolimok ekodet kere loka idwe luka Isirael ebe, Koraas lukalaunak: naarai eoŋ EJAKAIT Ekusideke arai lokalaunan. Koyoŋitenenei ŋinituŋanan kayesi totoke, ka papake, koricenenete asabatonoka: arai eoŋ EJAKAIT Ekusideke, Sirikibelokinos neejaas aputosia, karaida aiswamaun bonik idekesio lucealara: arai eoŋ EJAKAIT Ekusideke. Naiinakiniata asubanit naka ainakinet naka ainapakin mama ejai EJAKAIT, koinakis tetere kicamunio. Enyamio apaaran ŋin naiinakinete ŋes, ka moi da: arai kideun ibore kiton apaaran nakiwuniet, icweio kakim. Arai do enyamio kapaaran kanakiwuniet, erai naketal: mam ecamunio, Konye ibwoki ŋinituŋanan yenenyami ŋes numam adoliteke, naarai etisil ibore yenikalaunan yenika EJAKAIT: egelario ituŋanan ŋin kotuŋake. Naisakiata nuka akwapukus, sirikisak cut agoria nuka emanikorikon, karaida aituk nuedepanara nuka aisakakon. Siridepidepanari aideŋ emusabibukon, karaida atukonokin araito nuedoununete nuka emanikorikon loka emusabibu; inyeinia kes yenikican ka imoit: arai eoŋ EJAKAIT Ekusideke. Sirikokoenenete; karaida aiŋalaŋal, karaida asabanakin. Siriyapoenenete aiŋal kolimito ekakiror, kosodi aitisil ekiror loka Edekekon: arai eoŋ EJAKAIT. Siriŋara eidunyetekon, karaida ademar lukeŋ; sirikitepero eropit loka ekejaanakinan loiwotei akuare kere kiton tupuruc. Sirikiken ikimin, karaida aibwaikin yeniguikini imuduk, konye koyoŋite Ekonideke: arai eoŋ EJAKAIT. Siritubenenete numam etenito: sirikinupak ituŋanan yenikican, karaida aiyoŋ ituŋanan yenikagogoŋon, konye itubonokini eidunyetekon kotenan. Siririmio ebeele otuŋakon: karaida abwoanakin aluikin aokot nuka eidunyetekon: arai eoŋ EJAKAIT. Sirikila onacekon kotaukon: abeit kitoroni ijo eidunyetekon, sirikibwok aronis kanuke. Sirikinyaŋ akirot, karaida adiŋakinit idwe luka ikonituŋa, konye komina eidunyetekon kwape iminari bon: arai eoŋ EJAKAIT. Koricenenete ikakisila. Sirikisunup ibarenekon akwar kaluegelegela; sirikiye omanikorikon ikinyom luka iponesio iarei: karaida ainap anapito naka iponesio iarei luka egoe luinyalinyalitai. Ŋolituŋanan loeyelo kaberu, naerai abulesit, naisinerit okilenike, namam cut elakunitai, karaida alacakinio; iticanio kes; mam eario, naarai mam ŋin alacakinitai. Eyauni ŋesi ainakineteke naka aronis mama ejai EJAKAIT, okek loka ewema loka airiamunun, ŋes emerekek araun ainakinet naka aronis. Ituluci esasedoti ŋes kemerekek loka ainakinet naka aronis kakonyen nuka EJAKAIT kanuka adiakareteke naadiakaa ŋesi; isionio akediakaret naadiakaa ŋesi. Kilomasi yesi akwap, kiraata da ikito luka iponesio kere lunyaman, imarakinete araitokec araun numam akepepukec: esubete bala numam ekepep kamakus adaun ikar iuni; mam enyamenenoo. Konye kokaru lokiwoŋonet eraunos araitokec kere nukalaunak, aiturio EJAKAIT. Kokaru lokikanyet inyamete yesi araitokec, tetere idumunete eiyasikec: arai eoŋ EJAKAIT Ekusideke. Sirinyamenenete ibore kaokotoke: karaida aitwasam icudeta karaida aiŋic aanyuneta. Sirikikeba akwesikus, karaida amunaar iwaitin luka ipenekakus. Sirikigerata awatekus kanuka lukatwak, karaida aibwaikin aanyuneta: arai eoŋ EJAKAIT. Sirikitisil akokukon aitaraun ŋes naadote; kinyek akwap aluor adoteu, ilelebun akwap aronis. Koricenenete asabatonoka, koyoŋito aiboisika nakalaunan: arai eoŋ EJAKAIT. Sirikibelokinos mama ejaas luejaas ajokia, karaida mama ejaas ikacudak; sirikimoata kes kinyeis amunaun: arai eoŋ EJAKAIT Ekusideke. Inyouni kakonyen nuka yenabwanut akorwo, kiyapaara kakonyen nuka ekimat, koyoŋ Ekonideke: arai eoŋ EJAKAIT. Arai iboie imoit kajo kakwapukus, sirikiswamakis ŋes erono. Eraun imoit yeniboie kayes kwape iuriat kamakus, komina ŋes kwape iminari bon; naarai iraas kolo imo kakwap nako Misiri: arai eoŋ EJAKAIT Ekusideke. Siritubenenete numam etenito, aitem aojau, ainiŋ ka aitem etiai loilosikin. Aitemisio nukabeit, imisanin lukabeit, epa lokabeit, ekin lokabeit, ŋun kere itwasamaete: arai eoŋ EJAKAIT Ekusideke, loketolom yes kakwap nako Misiri. Kidarenenete ikakisila kere ka itubesiaka kere, kiswamaenenete kes: arai eoŋ EJAKAIT,” Kotema EJAKAIT Musa atiar, “Bobo da, kolimok idwe luka Isirael ebe, ŋinituŋanan kere kodwe luka Isirael, arai komo luiboiete koIsirael, yeneinakini Molek aurike; abeit eario ŋin: ibiribirete ituŋa luka akwap ŋes kamor, Aluikini eoŋ da ituŋanan ŋin, agelari eoŋ ŋes kotuŋake; naarai abu koinak Molek aurike, amunaun aiboisika nakalaunan, eti sil da ekakiror lokalaunan. Arai kibwaata ituŋa luka akwap akecekonye kotuŋanan kaŋol, naeinakinia Molek aurike, komam earete ŋes: Kasodi eoŋ aluikin etuŋanan ŋol, ka ekekike, ka ŋul kere luiporoete kotupito ŋes aipororio Molek, agelari kes kotuŋakec. Ituŋanan da yenibelokin mama ejaas ŋul luejaas ajokin, mama ejaas ikacudak da, aipororio kes, aluikin eoŋ ituŋanan ŋin, agelari ŋes kotuŋake. Aso do, kitalaunos bonik, koraunos lukalaunak: naarai arai eoŋ EJAKAIT Ekusideke. Koricito ikisilaka, kiswamaenenete kes: Eoŋ EJAKAIT loetalauni yes. Naarai ŋinituŋanan yenilamakini papake arai totoke abeit eario: ilamakinit papake arai totoke; ebeikinete ŋes akeceokot, Arai edotei etuŋanan kaberu naka eidunyeteke, lodote ka naadote da abeit eario kes kere. Etuŋanan da loeperete kaberu naka papake, apuko amujalal naka papake: abeit eario kes kere; ebeikinete kes akeceokot, Arai keperio etuŋanan aberu naka okokuke, abeit eario kes kere: eswamata nuka ainyalinyal; ebeikinete kes akeeeokot. Arai keperio etuŋanan ekiliokit kwape kaberu, eswamata kere nuketal: abeit eario kes kere; ebeikinete kes akeceokot. Arai keyaŋa etuŋanan aberu ka totoke da, erai aronis: icweikinio, ŋes ka kes kere; tetere emameun aronis kamakus. Arai keperio etuŋanan etiaŋ, abeit eario: iarete etiaŋ da. Arai kikunyaki aberu etiaŋ kere, apero kaŋes, iari ijo aberu ka etiaŋ da: abeit eario kes; ebeikinete kes akeceokot. Arai keyaŋa etuŋanan inacike, akoku naka papake, arai akoku naka totoke, koany amujalalake, ka ŋin da eanyuni amujalal naka ŋol; erai akirot naka ileic; egelario kes kakonyen nuka idwe luka ituŋakec; apuko ŋesi amujalal naka inacike; ibwoki numam adoliteke. Arai keperio etuŋanan aberu naibami, epukori amujalalake; apuko aleleke, ŋin da apuko alele naka aokotoke: egelario kes kere kotuŋakec, Sirikipuko amujalal naka inaci naka totokon, karaida inaci naka papakon; naarai apuko amujalal naka naipajanas kaŋes; ibwokete numam adolitekec. Arai keperio etuŋanan aberu naka mamaike, apuko amujalal naka mamaike: ibwokete adiakaretekec; etwakete komameete idwe. Arai keyaŋa etuŋanan aberu naka onaceke, erai numam aila: apuko amujalal naka onaceke; emamuunete kes idwe. Aso do koricenenete ikakisila kere, ka itubesiaka kere, kiswamaenenete kes: kinyek akwap, naketolomari yes aiboienen, alekar yes, Sirilosenenete koponesio luka ateker naereŋeari kakonyenekus: naarai eswamata ŋun kere, tape alai kes, Konye abu katema yes ebe, Irumete yesi akecekwap, eoŋ da kainakini yes airum, akwap naeleleete akile ka esik: arai eoŋ EJAKAIT Ekusideke, loatiakuni yes kotuŋa, Aso do kotiaka yesi etiaŋ loelai, ka lomam elai, akweny namam elai ka naelai: sirikimunaasi ikusitauon kanuka etiaŋ, arai kanuka akweny, arai kanuka ibore yeneliat kakwap, luatiakunit eoŋ kamakus araut lumam elaete. Koraunos lukalaunak kama ajai: naarai Eoŋ EJAKAIT arai lokalaunan, abu katiak yes kotuna araun lukaŋ, Etuŋanan da arai aberu yenejai ajokit, arai yenerai ikacudan, abeit eario; ibiribirete kes kamor: ebeikinete kes akeceokot.” Kotema EJAKAIT Musa atiar, “Kolimok isasedotin, odwe luka Aaron, ebe, Siri ituŋanan kayesi kemunaun bon kanuka lukatwak kotuŋake; Dimarai lukokekike luipajanas kaŋes, totoke, ka papake, ka okokuke, ka akokuke, ka onaceke; ka inacike naerai abekot, nainacanas kaŋes namam ekiliokit, epedori amunaun bon kanukeŋ. Mam emunaun bon, korai ekapolon kotuŋake, aitisil bon. Mam ebarenete epata kakwesikec, karaida abaren iwaitin luka ipenekakec, karaida aiger awatekec. Eraunos kesi lukalaunak kama ejai Edekekec, mam itisilete ekiror loka Edekekee: naarai einanakinete ainakineta nuka EJAKAIT, nueinakinere kakim, atap naka Edekekec: kanuka ŋun eraunos lukalaunak. Mam kes eyaŋaarete aberu naerai adote, arai naitisilitoi: mam eyaŋaarete da aberu nakireŋea okilenike; naarai erai lokalaunan kama ejai Ekedeke. Kanuka ŋun italauni ŋes: naarai einakini atap naka Edekekon: eraun lokalaunan mama ijai: naarai eoŋ EJAKAIT loketalauni yes, arai lokalaunan, Akoku da naka esasedoti, arai kitisil bon araun naadote, etisili papake; icweio ŋin kakim. Ŋol da loerai esasedoti lopeti koinacanake, loebukokinitai akinyet nakinyonyoanakina akouke, loetiakunitai ainap inapen, mam ŋol elakari itima luka akouke, karaida aicil inapeneke: Karaida alomar neejai akuan nakatwan, karaida amunaun bon kanuka papake, karaida totoke; Karaida alomun kaibois nakalaunan, karaida aitisil aibois nakalaunan naka Edekeke; naarai enapit aboko naka akinyet nakinyonyoanakina naka Edekeke: arai eoŋ EJAKAIT. Emanyi ŋesi aberu nabekot. Apuserut, ka naireŋetai, ka aberu naitisilitoi, ka naadote, ŋun mam emanyi: konye emanyi abekot kotuŋake. Mam ŋes itisili aurike kotuŋake; naarai arai eoŋ EJAKAIT loetalauni ŋes.” Kotema EJAKAIT Musa atiar, “Kolimok Aaron ebe, Ŋolituŋanan loka aurikon anatar aturiokec loeŋwalit, siri ŋol kikunyaki ainakin atap naka Edekeke. Naarai ŋolituŋanan loeŋwalit, mam ŋol ikunyakini: emuduki, arai loicodo, arai ŋol loŋiriony kekume, arai loejai ibore yeniyatakina, Arai etuŋanan loebilil akeju, arai loebilil akan, Arai arubaŋat, arai loarakaki, arai loeŋwalit akoŋu, arai lokijip, arai lokasalabit, arai loebulul itou; Mam etuŋanan loeŋwalit loka aur naka Aaron esasedoti, ikunyakini ainakin ainakineta nuka EJAKAIT nueinakinere kakim: eŋwalit ŋesi, mam ikunyakini ainakin atap naka Ekedeke. Enyami atap naka Ekedeke, nakalaunan noi, ka nakalaunan da kere. Konye mam elomari neejai aigalisit, karaida aikunyakin otem, naarai eŋwalit; kinyek aitisil aiboisioka nukalaunak: naarai arai eoŋ EJAKAIT loetalauni kes.” Abu Musa kolimok Aaron ŋun, ka odweke, ka idwe kere luka Isirael. Kotema EJAKAIT Musa atiar, “Kolimok Aaron ka odweke ebe. Kotiakunos koboro lukalaunak luka idwe luka Isirael, luetalaunete kamakaŋ, kinyeis aitisil ekakiror lokalaunan: arai eoŋ EJAKAIT. Kolimok kes ebe, Ŋolituŋanan loka aurikon kere anatar aturiokus, loikunyakini oboro lukalaunak, luitalaunete idwe luka Isirael mama ejai EJAKAIT, lomam elai, egelario etuŋanan ŋol kakonyeneka: arai eoŋ EJAKAIT. Ŋolituŋanan kere loka aur naka Aaron lokatapon, arai loelelei; mam ŋes enyami iboro lukalaunak, aitodol naelaunia. Ŋol da loetirori ibore yenimam elai kanuka lukatwak, arai etuŋanan loeleleete ikinyomoke luka aur; Arai ŋol loetirori ibore yeneliat, yenituluori ŋes lomam elai, arai ituŋanan yenepedori aituluor ŋes lomam elai, namam aila naka epone kere; Etuŋanan loetirori idio kaŋul eraun lomam elai kiton eboŋ, mam enyami iboro lukalaunak, dimarai kilon akekuan kakip. Naelomaria akoloŋ, eraun loelai; kokau enyami iboro lukalaunak, naarai erai atapake. Ŋin yenetwani bon, arai yenepoopoete itian, mam enyami ŋul amunaun bon: arai eoŋ EJAKAIT. Aso do koricito kesi akakirot, kinyeis aibwok aronis, kotwaka kaŋin, arai emunaunete ŋin: arai eoŋ EJAKAIT loetalauni kes. Siri emoit kenyam ibore yenikalaunan: mam epejonon loka esasedoti, arai ekewoteon, enyami ibore yenikalaunan. Konye arai kegwel esasedoti etuŋanan, loegweli kapesanake, ŋol enyami; ka ŋul da luaurikinio togoke, enyamete atapake. Arai kedukoki akoku naka esasedoti emoit, mam ŋin enyami ainakinet naijaŋio koboro lukalaunak. Konye arai akoku naka esasedoti erai apuserut, arai naireŋe tai, komamei ikoku, arai keboŋu togo loka papake, kwape keiditeuke, enyami ŋin atap naka papake: konye mam emoit enyami. Arai kenyam etuŋanan ibore yenikalaunan komam ejei, iyatakini idiopet kokany mama ejai, kosodi ainakin esasedoti ibore yenikalaunan. Mam kes itisilete iboro lukalaunak luka idwe luka Isirael, lueinakinete EJAKAIT; Aisibwok numam adolit nueyaunete aronis, naenyamiata iborokec lukalaunak: naarai arai eoŋ EJAKAIT loetalauni kes.” Kotema EJAKAIT Musa atiar, “Kolimok Aaron, ka odweke, ka idwe kere luka Isirael ebe, ŋinituŋanan kere yenika ekek loka Isirael, arai yenika imo koIsirael, yeneinakini ainakineteke, arai naka aiyaposiokec, arai naka ainakinetakec nuka akot, nueinakinete EJAKAIT araun ainakinet naicweio; Iinakinete yenikiliokit yenimam eŋwalit, yenika imoŋin, yenika imerekekin, arai yenika akinei, tetere kicamunio yes. Konye ŋin kere yeneŋwalit, mam iinakinete ŋin: naarai mam ecamunio kanukus. Ŋinituŋanan kere yeneinakini asubanit naka ainakineta nuka ainapakin mama ejai EJAKAIT aitodolio aiyaposit, arai araun ainakinet naka akot, yenikosipan loka aituk arai loka amerekekin, ibus araun yenedoliorit cut acamunio: siri ŋes eŋwalit. Yenemudukana, arai yenebilil, arai yenicodo, arai yenejai ajim, arai egwenyigweny, arai yenika asalab, siriinakinete ŋul mama ejai EJAKAIT, karaida ainakin kes kotem aicweio mama ejai EJAKAIT. Ipedori ainakin emoŋ lotobait arai imerekek yenejai ibore yeniyatakina, arai yenimam edolit atutubetake, araun ainakinet naka akot; konye mam ecamunio aitodolio aiyaposit. Ŋin yeneiikinito, arai yeniriecakinitai arai yenebulul, arai yenetuboro itouke, siriinakinete ŋin mama ejai EJAKAIT: siriswamaenenete kwaŋin kakwapukus. Siriinakinete atap naka Ekusideke kotoma kaŋul kere karaida kakan naka emoit; naarai abosusukec ejai kotomakec, eŋwalito: mam ecamunio kanukus.” Kotema EJAKAIT Musa atiar, “Keurii imoŋ, arai imerekek, arai ikalol, esalakini enaki totoke adaun apaarasia akanykaarei; ageun kapaaran nakikanyetekauni ka adepar ecamunio araun ainakinet naeinakinere kakim mama ejai EJAKAIT. Arai erai aiteŋ arai amerekek sirikiarata ŋes ka ikekoku kere kadiopetepaaran. Naiinanakiniata asubanit naka aimal mama ejai EJAKAIT, iinakinete ŋes tetere kicamunio. Enyamio kapaaran kaŋin; sirikiteperoosi kiton tupuruc: arai eoŋ EJAKAIT. Kanuka ŋun koricito aicorakinetaka, kiswamaenenete: arai eoŋ EJAKAIT. Sirikitisiloto ekakiror; konye ketalaunio eoŋ kodwe luka Isirael: arai eoŋ EJAKAIT loketalauni yes, Loketolomuni yes kakwap nako Misiri, araun Ekusideke: arai eoŋ EJAKAIT.” Kotema EJAKAIT Musa atiar, “Kolimok idwe luka Isirael ebe, Ipucin lueseunitai luka EJAKAIT, luilimorete araun atukokineta nukalaunak, lupe lu kes ipucinoka lueseunitai. Iswamaete aswam apaarasia akanykape: konye apaaran nakikanyetekaarei ŋes nakasabato naka aibworar, atukokinet nakalaunan; siriswamaete adioswam kere; erai nakasabato mama ejai EJAKAIT kaiboisiokus kere. Lu kes ipucino lueseunitai luka EJAKAIT, atukokineta nukalaunak, luilimonorete kapakiokec. Olap losodit, kapaaran nakitomonet kaoŋon naka elap eboŋ, ŋes aleleŋ naka EJAKAIT. Kapaaran nakitomonet kakany naka elap kaŋol ŋes epucit loka imugatin lumam itubuunitoi mama ejai EJAKAIT: inyamenenete imugatin lumam itubuunitoi apaarasia akanykaarei. Kapaaran nasodit itukonokinos atukokinet nakalaunan: siriswamaete aswam, naelaŋir. Konye iinanakinete ainakinet naeinakinere kakim mama ejai EJAKAIT apaarasia akanykaarei: kapaaran nakikanyetekaarei ŋes atukokinet nakalaunan; siriswamaete aswam naelaŋir.” Kotema EJAKAIT Musa atiar, “Kolimok idwe luka Isirael ebe, Kidoloto yesi akwap nakainakini yes, isakete nuke da, ŋes konyet iyaŋauniata eisuta loka nugeet nuka aisakakus neejai esasedoti: Ijaŋi ŋesi eisuta kakonyen nuka EJAKAIT, tetere ecamunio kanukus: kapaaran naetupakini nakasabato ŋes ijaŋia esasedoti eisuta. Kapaaran naijaŋiata yesi eisuta, iinakinete imerekek yenikiliokit yenimam eŋwalit yenika ekaru ediopet araun ainakinet naicweio mama ejai EJAKAIT. Ainakineteke naka akiria eraun iarei kotomon luka epa loka akiria nuidicic nuinyalakinitai akinyet, ainakinet naeinakinere kakim mama ejai EJAKAIT araun asakat naeuru saa: ainakineteke da namatat eraun naka ebino, idiopet kooŋon yenika ekin. Mam inyamete emugati, karaida imomwa luikawooritai, karaida aluŋuren nukitetiak aitodol apaaran ŋipeŋin, aitodol naiyaŋauniata ainakinet naka Edekekus: erai ekisil lomam edaun anatar aturiokus kaiboisiokus kere. Imarete yesi agear kapaaran naetupakini nakasabato, agear kapaaran naiyaŋauniata eisuta loka ainakinet najiaŋio; itodolete asabaton akanykaarei cut: Imarete apaarasia akaisakany aitodol apaaran naetupakini nakasabato nakikanyetekaarei; iinakinete do ainakinet naka akiria nuka agwei mama ejai EJAKAIT. Itolomunete kaiboisiokus imugatin iarei lujiaŋio luka iarei kotomon luka epa: eraunos luka akiria nuidicic, ipeete kes kaluitubuunete, araun nugeet mama ejai EJAKAIT. Iinakinete imerekekin ikanykaarei ludidik lumam eŋwalito luka ekaru ediopet nepepe kimugatin, ka emoŋ lotobait, ka imerekekin iarei: eraunos ainakinet naicweio mama ejai EJAKAIT, nepepe kainakinetekec naka akiria, ka ainakinetakec numatan, ainakinet naeinakinere kakim, naka asakat naeuru saa mama ejai EJAKAIT. Iinakinete da ekoroi ediopet araun ainakinet naka adiakaret, ka imerekekin iarei lukiliok luka ekaru ediopet araun asubanit naka ainakineta nuka ainapakin. Ijaŋi esasedoti kes nepepe kemugati loka nugeet araun ainakinet naijaŋio mama ejai EJAKAIT, nepepe kimerekekin luarei ludidik; eraunos lukalaunak mama ejai EJAKAIT luka esasedoti. Ilimorete kapaaran ŋipeŋin; ejaun atukokinet nakalaunan mamakus: siriswamaete aswam naelaŋir: erai ekisilomam edaun kaiboisiokus kere anatar aturiokus. Naisakiata yesi nuka akwapukus, sirikisakata cut agoria nuka emanikorikon, karaida aituk nuedepanara nuka aisakakon: inyeinia lukican, ka imoit: arai eoŋ EJAKAIT Ekusideke.” Kotema EJAKAIT Musa atiar, “Kolimok idwe luka Isirael ebe, Olap lokikanyetekaarei, kapaaran nasodit naka elap ejaun aibworar nakayamakina kamakus, aisiitunet naka aikut arupepen, atukokinet nakalaunan, Siriswamaete aswam naelaŋir: iinakinete ainakinet naeinakinere kakim mama ejai EJAKAIT.” Kotema EJAKAIT Musa atiar, “Konye kapaaran nakitomonet naka elap lo lokikanyetekaarei ŋes apaaran naka ailuc: eraun atukokinet nakalaunan mamakus, kitakadikis ikusitauon, iinakinete ainakinet naeinakinere kakim mama ejai EJAKAIT. Siriswamaenenete adioswam kapaaran kaŋin: naarai erai apaaran naka ailuc, aitulucio yes kakonyen nuka EJAKAIT Ekusideke. Naarai ŋolitau kere lomam itakadikina kapaaran kaŋin, egelario kotuŋake. Ŋinituŋanan da yeniswamai adioswam kapaaran kaŋin, agelari eoŋ ituŋanan ŋin kotuŋake, Siriswamaenenete adioswam: erai ekisil lomam edaun anatar aturiokus kaiboisiokus kere. Eraun mamakus nakasabato naka aibworar nakayamakina, kitakadikis ikusitauon: kapaaran nakikanyetekaoŋon naka elap eboŋ, agear eboŋ kiton eboŋ, idarete nakasabatokus.” Kotema EJAKAIT Musa atiar, “Kolimok idwe luka Isirael ebe, Kapaaran nakitomonet kakany naka elap kala lokikanyetekaarei, ŋes epucit loka iswamin adaun apaarasia akanykaarei mama ejai EJAKAIT. Kapaaran nasodit ejaun atukokinet nakalaunan: siriswamaete aswam naelaŋir. Iinakinete ainakinet naeinakinere kakim mama ejai EJAKAIT apaarasia akanykaarei: kapaaran nakikanyetekauni ejaun atukokinet nakalaunan mamakus; iinakinete ainakinet naeinakinere kakim mama ejai EJAKAIT: erai atukokinet nakayamakin; siriswamaete aswam naelaŋir, Ŋul kes ipucin lueseunitai luka EJAKAIT, luilimorete yesi araut atukokineta nukalaunak, ainakin ainakinet naeinakinere kakim mama ejai EJAKAIT, ainakinet naicweio, ka ainakinet naka akiria, ka asubanit, ka ainakineta numatan, ŋiniinakinet kapaaranike. Kogelara nukasabaton nuka EJAKAIT, kogelara da ainakinetakus, kogelara aiyaposiokus, kogelara da ainakinetakus nuka akot, nuiinanakinete EJAKAIT. Konye kapaaran nakitomonet kakany naka elap lokikanyetekaarei, kidaut atukonokin araito nuka akwap, idarete yesi epucit loka EJAKAIT apaarasia akanykaarei: kapaaran nasodit ejaun aibworar nakayamakina, kapaaran nakikanyetekauni da ejaun aibworar nakayamakina. Kapaaran nasodit iyaŋaarete araito nuka ikito luejok, atenuna nuka idukudukun, ka atenuna nuka ikito lueburok, ka ikito lukaguurut; iyalamasi yesi kakonyen nuka EJAKAIT Ekusideke apaarasia akanykaarei. Kidarete ŋes araun epucit mama ejai EJAKAIT apaarasia akanykaarei ŋ: erai ekisil lomam edaun katuriokus: kidarete ŋes kolap lokikanyetekaarei. Kibojete koswamin apaarasia akanykaarei; kere luurikina koIsirael kibojete koswamin: Tetere ejenunete aturiokus ebe abu kesiboik idwe luka Isirael oswamin, naketolomunia eoŋ kes kakwap nako Misiri: arai eoŋ EJAKAIT Ekusideke.” Abu Musa kolimok idwe luka Isirael ipucino lueseunitai luka EJAKAIT. Kotema EJAKAIT Musa atiar, “Kicorak idwe luka Isirael koinut ijo akinyet naka iseitunin naerukuk naijililitai kanuka atala, ainokia atala tiritir. Kiŋa kaigalisit naka aitejenunet, kowema loka airiamunun, itemonokini Aaron tiritir kakonyen nuka EJAKAIT, agear eboŋ kiton tupuruc: eraun ekisilomam edaun anatar aturiokus, Itemonokini ŋesi tiritir atalai nukopir loelai loka atala kakonyen nuka EJAKAIT, Ilemuni ijo akiria nuidicic, ipei imugatin itomon ka luarei: itemi iarei kotomon luka epa komugati ediopet. Inapanakini kes okokoron iarei, kaŋolikokoro ikanykape, omesa loelai kakonyen nuka EJAKAIT, Ibwaikini lukesai luelaete kanolikokoro, tetere eraun akiitunet naka imugatin, ainakinet naeinakinere kakim mama ejai EJAKAIT, Inapanakini imugatin ŋinipaaran nakasabato kakonyen nuka EJAKAIT tiritir: erai aitutuket namam edaun kanuka idwe luka Isirael. Eraunos luka Aaron ka odweke; enyamanakinete aibois nakalaunan: naarai eraas lukalaunak noi mamake luka ainakineta nuka EJAKAIT nueinakinere kakim kokisil lomam enaŋi.” Koloma okoku loka aberu naka Isirael loarai papake Emisiriat anyoun kodwe luka Isirael: kopegasi okoku loka aberu naka Isirael ketuŋanan loka Isirael koidukurun; Komoromor okoku loka aberu naka Isirael Ekiror, kiken: koyaŋaarai mama ejai Musa. Ekiror loka totoke Selomit, akoku naka Dibiri, loka ateker naka Dan, Kibwaikis ŋes aidaris, tetere elimorio kes kaituk naka EJAKAIT. Kotema EJAKAIT Musa atiar, “Kitolomasi lokekenon kiŋa kiidukurun; kidokokis kere luapuput ŋes akaninikec akouke, kibiribir ŋes ekodet kere. Kolimok idwe luka Isirael ebe, ŋinituŋanan yenikeni Edekeke ibwoki adiakareteke. Ŋin yenemoromoroi ekiror loka EJAKAIT, abeit eario; abe it ibiribirei ekodet kere; imoit ka iuriat, arai emoromoroi ekiror loka EJAKAIT, eario. Ŋin yeneseni ituŋanan kotwani, abeit eario; ŋin yeneseni itiaŋ kotwani, egeli: aijar itia aijar. Arai itwaŋali ituŋanan ikeidunyet; kwape ekonakinia, ikonakinio ŋes da kwaŋin; Abulucaret itia abulucaret, akoŋu itia akoŋu, ekelai itia ekelai: kwape itwaŋalia ituŋanan, ikonakinio ŋes da kwaŋin, ŋin yeneari etiaŋ egeli: ŋin yeneari irunanan eario. Ijaas kekisil ediopet, kanuka imoit ka iuriat; naarai arai eoŋ EJAKAIT Ekusideke.” Kolimok Musa idwe luka Isirael, kitolomasi ŋol lokekenon kiŋa kiidukurun, kibiribiroto ŋes kamor. Kiswamata idwe luka Isirael kwape kicorakinia EJAKAIT Musa. Kotema EJAKAIT Musa komoru Sinai atiar, “Kolimok idwe luka Isirael ebe, Kidoloto yesi akwap nakainakini yes, ŋes konyet idaria akwap asabato mama ejai EJAKAIT. Iyei emanikorikon ikar ikanykape, idimi amanakon naka emusabibu ikar ikanykape, itukonokini araitoke. Konye okaru lokikanyetekaarei ejaun asabato naka aibworar nakayamakina naka akwap, asabato mama ejai EJAKAIT: mam iyei emanikorikon, karaida aidim amanakon naka emusabibu. Mam isaki nuebwaŋunete bon, mam itukonokini araito nuka emusabibukon lomam ecapap: eraun ekaru loka aibworar nakayamakina naka akwap. Eraun asabato naka akwap inyamat kamakus; kamakon, ka ekejaanakinanikon, ka akejaanakinanikon, ka ebulesitikon loiwotei, ka imoitikon yeniboie kamakon; Kama ibarenekon, ka itiaŋ luejiaas akwapukon, amioke kere eraun inyamat. Imari ijo asabaton akanykaarei nuka ikar, kes ikar ikanykaarei irwan ikanykaarei; eraunos kamakon apaarasia nuka asabaton akanykaarei nuka ikar, kes ikar akaisaoŋon ka lukanykaoŋon. Kosodi akutakin arupepe naeruo noi kapaaran nakitomonet naka elap lokikanyetekaarei; ikutakini arupepe kapaaran naka ailuc airimor akwapukus kere. Italaunete ekaru lokakaisakany, ilimorete da aosikinio airimor akwap mama ejaas luibojete kotoma kere: eraun eyubili kamakus; inyakakinete ŋinituŋanan alupoke, inyakarete da ŋinituŋanan okekike. Eraun ekaru ŋol lokakaisakany eyubili kamakus: mam iyeete, karaida aisak nuebwaŋunete bon, karaida atukonokin araito nuka emusabibuke lomam ecapap. Naarai erai eyubili; eraun lokalaunan kamakus: inyamete amioke nakotoma omanikor. Kokaru kaŋol loka eyubili inyakakinete ŋinituŋanan alupoke. Arai itwegeli ibore iidunyetekon, arai agwel kakan naka iidunyetekon, sirikiswamanakinos aronis. Kwape ejaar etiai loka ikar luetupakinete eyubili igwcli kaidunyetekon, kwape ejaar etiai loka ikar luka aisak kitwegeli ŋesi jo. Kwape ejaar aipues naka ikar iyatakini ijo apesanake, kwape ejaar aikidiokus naka ikar iŋoŋoori ijo apesanake, kitwegeli ŋesi jo kwape ejaar etiai loka ikar luka aisak, Sirikiswamanakinos aronis; konye koyoŋ Ekonideke, naarai arai eoŋ EJAKAIT Ekusideke. Kanuka ŋun kitodoloto ikakisila, koricito itubesiaka kiswamata; kiboiete kakwap inapakina, Erai akwap araitoke, kimonikinos, kiboikinos inapakina. Arai itemarete ebe, “Kinyami inyo kokaru lokikanyetekaarei? Koany, mam kiyei, karaida atukonokin amiokosi:” Kasodi aicorakin arereŋuka mamakus kokaru lokikanyetekape, erai araito nuka ikar ŋul luuni. Iyeete okaru lokikanyetekauni, inyamete araito, nuŋorok nueŋadakinitai; inyamete nuŋorok nueŋadakinitai aitodol okaru lokikanyetekaoŋon, aitodol naelomunia araitoke, Mam egwelario alup ayaŋaar ikar kere; naarai erai akwap nakaŋ: naarai iraas yesi ipejok ido luiboiororos kamakaŋ. Kakwap kere naka airumetekus isunupete akwap alakunio. Arai icana onacekon, kogwela alupoke ace, kosodi ekalakunanike abunore, elakuni ŋun nuagwelarit onaceke. Arai emamei ituŋanan yenelakuni, kebar ŋesi kodum Iuedaunete alakun: ŋes konyet imaria ikar luagwelaritor, kinyakak ameda mama ejai ituŋanan loagwelit; eboŋori ŋesi alupoke, Konye arai mam epedori ainyakun kanuke, kosodi nuagwelarit apaikin akan naka ŋol kaloagwelit aitodol okaru laka eyubili: kosodi koyubili eosikinio, eboŋori. Ŋesi da alupoke. Arai kegwela etuŋanan etogo kore loirigaunitai karwatat, epedori alakun ŋes eriŋa etuboro ekaru ediopet ageun kagwelarike: ekaru ediopet ejai apedor alakun. Arai mam elakunitai eriŋa etuboro ekaru ediopet, kosodi etogo loejai ore loirigaunitai karwatat itogogonitai ŋol loagweli ikar kere anatar aturioke: mam eosikinio koyubili. Konye itogoi lukoreria lumam irigaunitai karwatat imarakinitai kimanikoria lukorony: epedorio alakun, eosikinio koyubili. Konye ireria luka Ilebin, itogoi lukoreria luka alupokec, epedorete Ilebin alakun apak kere. Arai elakuni ediopet koLebin, kosodi etogo loagwelaritai, ka ere loka alupoke eosikinio koyubili: naarai itogoi lukoreria luka Ilebin eraas alupokec kodwe luka Isirael. Konye emanikor loka ironyia lukoreriakec mam epedorio agwelar; naarai erai alupokec ikar kere. Arai icana onacekon, kokurwok akanike kamakon; ibus ijo aigaŋ ŋes; iboie kamakon kwape emoit ka ekeboiororon. Sirikiyaŋa ameda kaneejai ŋesi karaida luiyatakina; konye koyon Ekonideke; tetere iboie onacekon kamakon. Sirikiinak ŋes apesanakon adumun ameda, karaida ainakin ŋes inyamatakon adumun luiyatakina, Arai eoŋ EJAKAIT Ekusideke, loketolomuni yes kakwap nako Misiri, ainakin yes akwap nako Kanaan, araun Ekusideke. Arai icana onacekon kamakon, kogwelari bon mamakon; siritubuleseni ŋes aijaanakin jo: Eraun kamakon kwape ebulesit loiwotei, kwape ekeboiororon; ijaanakini jo aitodol okaru loka eyubili; ŋes konyet eosikinor ŋesi kamakon ka ikedwe kaŋes, eboŋori okekike, eboŋori da alup nuka lukapapake. Naarai eraas ikakejaanakinak luabu ketolom kakwap nako Misiri: mam egwelario kwape ibulesin. Mam iyait ŋes kagogoŋ; konye koyoŋitenenei Ekonideke, Ido ibulesinikon ka abulesinikon luijaunete kajo; igwelete ibulesin ka abulesin katekerin nukirimoritos yes. Bobo da igwelete kodwe luka imo luiboiororete kamakus, kokekiakec luejaas kamakus, luaurikis kesi akwapukus: eraunos airumetekus. Itaraunete yesi kes airumet naka idwekus lukitupanakinete, aitiŋ araun airumet; iyaŋaarete ibulesinikus kamakec ikar kere: konye siriyaito iinacanakus idwe luka Isirael idiopet ayait yenice kagogoŋ. Arai kebar emoit arai ekeboiororon kamakon, onacekon da icana eapie kaŋes, kogwelari bon mama ejai emoit ekeboiororon kamakon, arai mama ejai ateker naka ekek loka emoit: Kedau agwelario epedorio alakun; epedori ediopet koinacanake alakun ŋes: Epedori onace loka ikauriakake, arai okoku loka onace loka ikauriakake alakun ŋes, arai ŋolituŋanan loipajanas kaŋes epedori alakun ŋes; arai kebar elopet epedori alakun bon, Imarakini ŋol loagwelit ŋes ageun kokaru loagwelaritor mama ejai kiton okaru loka eyubili: ejaun etiai loka agwelarike kwape eaar etiai loka ikar; kwape ejaar etiai loka ikar luka ebulesit loiwotei ejaun kaŋes. Arai eroko esalito ikar luipu, kwape ejaatar kesi inyakakini etiai loka alakunike kapesan nuagwelunere. Arai esalito ikar luikidioko kiton okaru loka eyubili, kosodi aimarakin ŋes; kwape ejaatar ikaruke inyakakini etiai loka alakunike. Kwape ebulesit loiwotei ŋolikaru ejaun kaŋes; mam eyait ŋes kagogon kakonyenekon. Arai mam elakunio kaŋul, eosikinio ŋes kokaru loka eyubili, ka ikedwe kaŋes. Naarai eraas idwe luka Isirael ikejaanakinak kamaka: eraas ikakeiaanakinak luabu ketolom kakwap nako Misiri arai eoŋ EJAKAIT Ekusideke. Sirikiswamaut aputosia, karaida asipokin aput naegerer, arai epir, karaida asipokin amoru naegerer akwapukus, akukonokin ŋes; naarai arai eoŋ EJAKAIT Ekusideke, Koricito asabatonoka, koyoŋito aiboisika nakalaunan: arai eoŋ EJAKAIT. Arai ilosenenete kokisilaka, koricito akaicorakineta kiswamata kes: Kasodi ainakin yes akiru kapakioke, erai akwap amioke, eraete ikito luka emanikor araitokec. Edoli aicomokus toma aisakakus, edoli aisakakus roma apak naka aiye: inyamete atapakus kimonikinos, iboikinos akwapukus inapakina. Ainakini eoŋ ainapakin kakwap, iperete, emamei yenitukuriani yes: etanaŋi eoŋ itiaŋ lueroko kakwap, komam ekileŋ itori akwapukus. Irukitotor lukasurupokus, eŋianakinete ekileŋ kakonyenekus. Erukitotor ikany kayesi akwatat, erukitotor akwatat kayesi ilukumin itomon: eŋianakinete lukasurupokus ekileŋ kakonyenekus. Etei eoŋ yes, etuuriari yes, etupui yes; etogogoŋi akaitutuket kayes, Inyamete luŋorok lueŋadakinitai sek, itolomunete Iuŋorok kanuka lukitetiak. Ebwaikini ewemaka lokalaunan kamakus: mam ekatau kisaci yes, Aupenena eoŋ kayes, araun Ekusideke, yes da ikatuŋa. Arai eoŋ EJAKAIT Ekusideke, loabu ketolom yes kakwap nako Misiri, kinyeis araut ibulesinikec; abu kabil akito nuka ajookotokus, ketolot yes kitenara. Konye arai iŋerete apupun eoŋ, iŋerete da aswam aicorakineta nu kere; Arai igirete ikakisila, arai da esacito ikusitauon ikatubesia, tetere iŋerete aswam aicorakinetaka kere, konye ibilete aitutuketeka; Eoŋ da keswamakini yes nu; ejukakini yes akurian, eluera ka ekamidi, luedopodopoete akusikonye, lueinakinete ikusitauon aipirisiar: iyeete ikinyomokus atai, naarai enyamete lukasurupokus, Aluikin eoŋ yes, kidanyio kakonyen nuka lukasurupokus: lukilaito kiyaete yes; ikerete komam yenikirukitor yes. Arai eriŋa iŋerito apupun eoŋ kanuka ŋun, kasodi aiyatakin alecor yes irwan akanykaarei kanuka adiakaretakus, Abili eoŋ apedorikus naiturototor; etuluori akujukus kwape asuat, akwapukus da kwape aisinit: Edacari akusigogoŋ atai: naarai mam akwapukus erai amioke, karaida ikito luka akwap mam eraete araitokec. Arai ilosenenete yesi iŋuŋas keoŋ, iŋerete apupun eoŋ; eyatakini eoŋ ainun yes aiticaneta irwan akanykaarei kwape ejaatar adiakaretakus. Ejukakini yes etiaŋ loka ais, loidadaanari ikusidwe, emudiari ibarenekus, itidisiari etiaikus; esilokoros irotinikus, Arai iŋerete aboŋun kanuka ŋun kere, konye ilosenenete iŋuŋas keoŋ; Eoŋ da alosi aŋuŋa kayes; adanyi eoŋ yes, eoŋ elopet, irwan akanykaarei kanuka adiakaretakus. Kainuni yes ekileŋ, loinyaŋi aitutuket; itukonokinos oreriakus: kejukakini yes atular; kijaikinio yes akan naka lokasurup. Arai kabil ebelakus loka emugati, epeete aiŋor atomon imugatinikus kokiala ediopet, ijaikinete kesi imugatinikus kaitemis: inyamete komam imonikinos. Arai iŋerete apupun eoŋ kanuka ŋun kere, konye ilosenenete iŋuŋas keoŋ; Eoŋ da alosi aŋuŋa kayes kesiopite; alecori yes irwan akanykaarei kanuka adiakaretakus. Inyamete akiriŋ naka odwekus, inyamete da akiriŋ naka adwekus. Amudiari aiboisiokus nuiceleleete, ajepejepei ipirinokus luka akoloŋ, acakakini atesinakus atesina nuka aputosiakus; esaci ekatau yes. Etuluori ireriakus luiswapito, etisiliori aiboisiokus nukalaunak, aŋeri aiŋuun asakat naka luejijimikus. Etisiliori akwap; eumokinete lukasurupokus luiboiete kotoma. Kesiarakini yes da atekerin, autuni ekileŋ atupakin yes: esilior akwapukus, iswapete ireriakus. Kosodi akwap alelakin asabatonoke, apak kere naiswapitor, ka yesi da ijaunos kakwap naka lukasurupokus; ibworari do akwap, elelakini asabatonoke, Ibworari apak kere naiswapitor; aibworar namam abu kodumunite kasabatonokus, iroko ijaas yesi kotoma, ŋul da luedeunos kayesi, ainakini itauonokec aiilor kakwap naka lukasurupokec: erukitori kes airurum naka akiot naekusi ekwam; ekerete kesi, kwape ekeria etuŋanan ekileŋ; ibiroros komam yenerukitor. Icakacakas bonik, kwape ekeriata ekileŋ, komam yenerukitor: emamuunete yes agogoŋ abwoikin lukasurupokus. Ioliorete kotoma atekerin, kinyami yes akwap naka lukasurupokus. Luedeunos kayesi idokororaros kanumam adolitekec kakwapin nuka lukasurupokus; idokororaros da bala lukapapaakec kanumam adolitekec, Elimorete numam adolitekec; ka numam adolit nuka lukapapaakec, ka aibucaretakec nuapotu kibucasi kamakaŋ, bobo da naarai alototo aŋuŋa keoŋ, Eoŋ da alot aŋuŋa kakes, abu ketoloma kes akwap naka lukasurupoke: arai kitasonokinos ikecetauon lumam ekepep, iyuunete aiticanet naka numam adolitekec. Kasodi eoŋ akiitun akaitutuket ka Yakob; ka akaitutuket ka Isaak, eituni da akaitutuket ka Aburaam; eituni da akwap, Ejalete kesi akwap, elelakini asabatonoke, kapak naeswapitor komameete kesi; iyuunete aiticanet naka numam adolitekec; naarai ajalakis ikatubesia, asacata ikecetauon ikakisila, Konye kaŋun kere, naejaatar kesi akwap naka lukasurupokec, mam eoŋ ajalakini kes, karaida mam asaci kes, amudiar kes cut, aibil akaitutuket kakes: naarai arai eoŋ EJAKAIT Ekecedeke: Konye eituni eoŋ aitutuket naka lukapapaakec kanukec, luabu ketolom kakwap nako Misiri kakonyen nuka atekerin, tetere araun eoŋ Ekecedeke: arai eoŋ EJAKAIT.” Ŋun kes aicorakineta ka itubesia, ka ikisila, luabu EJAKAIT kisilak tomake ka idwe luka Isirael komoru Sinai kamaka Musa. Kotema EJAKAIT Musa atiar, “Kolimok idwe luka Isirael ebe, Naiyapoo ituŋanan aiyaposit mama ejai EJAKAIT naebeit ituŋa, itiriani ijo etiaike. Itiriani etiai loka ekiliokit agear kaloka ikar akaisaarei aitodol loka ikar akaisakanykape, itiriani etiaike isekelin akaisakany luka epuesa, kwape ejaar esekel loka aibois nakalaunan, Arai erai naberu, itiriani etiaike isekelin akaisauni. Arai erai yenika ikar ikany aitodol ikar akaisaarei, itiriani do etiai loka yenikiliokit isekelin akaisaarei, ka loka yeniberu isekelin itomon. Arai erai yenika elap ediopet aitodol ikar ikany, itiriani etiai loka yenisapat isekelin ikany luka epuesa, ka loka yenipese itiriani etiaike isekelin iuni luka epuesa. Arai erai yenika ikar akaisakanykape ka adepar; arai erai lokiliokit, itiriani etiaike isekelin itomon ka lukany, ka naberu isekelin itomon. Konye arai icana ŋesi adepar etiaikon, itobwoi ŋes kakonyen nuka esasedoti, itiriani esasedoti etiaike; kwape ejaar apedor naka ŋol kaloeyapoi itiriani esasedoti etiaike. Arai erai etiaŋ, loeinakinete ituŋa araun ainakinet mama ejai EJAKAIT, eraunos kere lukalaunak lueinakini ituŋanan mama ejai EJAKAIT. Mam iloci ŋes, karaida aisiec, yenejok itia yenerono, arai yenerono itia yenejok: arai do isieci ŋesi itiaŋ itia itiaŋ, eraunos ŋin ka yenisiecitere kere lukalaunak. Arai erai etiaŋ lomam elai kere, lomam einakinete araun ainakinet mama ejai EJAKAIT, eyauni do etiaŋ akonyen nuka esasedoti: Itiriani esasedoti etiaike, arai ejok arai erono: kwape itiriania ijo esasedoti etiaike, kojau kwaŋin, Konye arai ekoto cut alakun ŋes, iyatakini ŋesi idiopet kokany mama ejai etiaikon. Arai kitalau etuŋanan etogoke araun lokalaunan mama ejai EJAKAIT itiriani do esasedoti etiaike, arai ejok arai erono: kwape itiriania esasedoti etiaike, kojau kwaŋin, Arai ekoto ŋol loetalaunit alakun etogoke, iyatakini do idiopet kokany mama ejaas apesan nuka etiaikon, eraun lokeŋ Arai kitalau etuŋanan atutubet naka emanikor loka alupoke, itiriani ijo etiaike kwape ejaar aiyeke; aiye ekomer loka esairi isekelin akaisakany luka epuesa. Arai kitalau ŋesi emanikorike agear kokaru loka eyubili, esalakin kwape ejaar etiaikon. Konye arai kitalau emanikorike akaulo naka eyubili, imarakini esasedoti ŋes apesan kwape ejaatar ikar luesalito aitodol okaru loka eyubili, iŋoŋoori da etiaikon. Arai ekoto ŋol loetalaunit emanikor: alakun ŋes cut, iyatakini do idiopet kokany mama ejaas apesan nuka etiaikon kosodi itogogoŋio mamakeŋ, Arai mam ekoto alakun emanikor, arai itwegelit emanikor ecetuŋanan, mam bobo elakunio: Konye naeosikinere koyubili eraun emanikor lokalaunan mama ejai EJAKAIT, kwape emanikor loegitunitai; eraunos alup nuka esasedoti, Arai kitalau ŋesi emanikor loagwelit mama ejai EJAKAIT, emanikor lomam erai loka alupoke; Imarakini esasedoti ŋes ajokis naka etiaikon kiton okaru loka eyubili: einakini etiaikon kapaaran kaŋin, kwape ibore yenikalaunan mama ejai EJAKAIT. Kokaru laka eyubili eboŋori emanikor mama ejai je loagwelari, ŋes elopet loebeitos alup. Itiriani itiaisineikon kere kwape ejaar esekel laka aibois nakalaunan: esekel ŋes igeran akaisaarei. Dimarai ikiyai kotoma otiaŋ yenerai ikiyai mama ejai EJAKAIT, mam ituŋanan italauni ŋes; arai emoŋ arai emerekek, erai laka EJAKAIT. Arai erai yenika etiaŋ lomam elai, elakuni ŋes kwape ejaar etiaikon, iyatakini da idiopet kokany mamakeŋ: arai mam elakunio, egwelario kwape ejaar etiaikon. Konye mam egwelario karaida alakunio ibore yenegitaritai, yenegitari ituŋanan mama ejai EJAKAIT kotoma kaluejaas kaŋes kere, arai yenika ituŋanan arai itiaŋ, arai yenika emanikor laka alupoke: ŋinibore kere yenegitaritai erai yenikalaunan noi mama ejai EJAKAIT. Mam elakunio yenegitaritai, yenegitaritai kotuŋa; abeit eario ŋes. Idiopet kotomon kere yenika akwap, arai yenika ikinyom luka akwap, arai yenika araito nuka ikito erai yeni ka EJAKAIT: erai yenikalaunan mama ejai EJAKAIT. Arai ekoto etuŋanan alakun ice kodiopet kotomonoke, iyatakini idiopet kokany mamakeŋ, Idiopet kotomon kere yenika isipanin luka aituk ka luka amerekekin, ŋin yenitori kwap kebela, yenikitomonet eraun yenikalaunan mama ejai EJAKAIT. Mam irerei arai ejok arai erono, karaida aisiec: arai kisiec, eraunos ŋin ka yenisiecitere kere lukalaunak: mam “elakunio,” Ŋun kes aicorakineta, nuabu EJAKAIT kicorak Musa kanuka idwe luka Isirael komoru Sinai. Kotema EJAKAIT Musa kamodiŋ naka Sinai, kotoma owema loka airiamunun, kapaaran nasodit naka elap lokiareit, kokaru lokiareit akaulo kanyounikec kakwap nako Misiri, ebe, “Kimarata yesi ekodet kere loka idwe luka Isirael, kwape ejaatar ikekiakec, kwape ejaatar ikalia luka lukapapaakec, kwape ejaar etiai loka ikiroriakec, ŋolikiliokit, kwape ejaatar akecekwes; Ageun kaluka ikar akaisaarei ka luedeparito, kere luepedorete alosit ojie koIsirael, imarete ijo ka Aaron kes kwape ejaatar irioŋetakec, Ejauni etuŋanan loka ŋiniteker nepepe kayes; ŋolidiopet loepolokinit ekal loka lukapapaake, Lu kes ikiroria luka ituŋa luebwoenenete nepepe kayes: loka Reuben: Elisur okoku loka Sedeur. Loka Simeon; Selumiel okoku loka Surisadai, Loka Yuda; Nason okoku loka Aminadab, Loka Isakar; Netanel okoku loka Suar, Loka Sebulun; Eliab okoku loka Kelon. Loka idwe luka Yosep: loka Epuraim; Elisama okoku loka Amikud; loka Manase; Gamaliel okoku loka Peda-sur. Loka Benyamin; Abidan okoku loka Gideoni. Loka Dan; Akleser okoku loka Amisadai, Loka Aser; Pagiel okoku loka Ocuran. Loka Gad; Eliasap okoku loka Deuel. Loka Naputali; Akira okoku loka Enan.” Ŋul kes luaponi konyaraunai kotoma okodet, ikapolok luka atekerin nuka lukapapaakee; kes luapolokinito ikekia luka Isirael. Koyanaasi Musa ka Aaron ituŋa nul luebilitai ikeeekiroria:. Kotukonokis ekodet kere nepepe kapaaran nasodit naka elap lokiareit, koJimosi lukapapaakec, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakee, ageun kaluka ikar akaisaarei ka luedeparito, kwape ejaatar akwesikee. Kwape abu EJAKAIT kieorakinitor Musa, kimar kes kwaŋin kamodiŋ naka Sinai, Idwe luka Reuben, ekiyai loka Isirael, aturiokee, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakee, kwape ejaatar akwesikee, ŋolikiliokit ageun kaluka ikar akaisaarei ka luedeparito, kere luepedorete alosit ojie; Ŋul luaponi kimarai kakesi, luka ateker naka Reuben, emwaasi ilukumin akaisaoŋon ka lukanykape ka akwat akany (46,500). Idwe luka Simeon, aturiokee, kwape ejaatar ikekiakee, kwape ejaatar ikalia luka lukapapaakee, nul luaponi kimarai kakesi, kwape ejaar etiai loka ikiroriakee, kwape ejaatar akwesikec, nolikiliokit ageun kaluka ikar akaisaarei ka luedeparito, kere luepedorete alosit ojie; Ŋul luaponi kimarai kakesi, luka ateker naka Simeon, emwaasi ilukumin akaisakany ka lukanykaonon ka akwat auni (59,300), Idwe luka Gad, aturiokee, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakee, ageun kaluka ikar akaisaarei ka luedeparito, kere luepedorete alosit ojie: Ŋul luaponi kimarai kakesi, luka ateker naka Gad, emwaasi ilukumin akaisaoijon ka lukany ka akwat akanykape ka akaisakany (45,650). Idwe luka Yuda, aturiokee, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakee, ageun kaluka ikar akaisaarei ka luedeparito, kere luepedorete alosit oiie; Ŋul luaponi kimarai kakesi, luka ateker naka Yuda, emwaasi ilukumin akaisakanykaarei ka luonon ka akwat akanykape (74,600). Idwe luka Isakar, aturiokee, kwape ejaatar ikekiakee, kwape ejaatar ikalia luka lukapapaakec, kwape eiaar etiai loka ikiroriakee, ageun kaluka ikar akaisaarei ka luedeparito, kere luepedorete alosit ojie; Ŋul luaponi kimarai kakesi, luka ateker naka Isakar, emwaasi ilukumin akaisakany ka luoŋon ka akwat aoŋon (54,400). Idwe luka Sebulun, aturiokee, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakec, ageun kaluka ikar akaisaarei ka luedeparito, kere luepedorete alosit ojie; Ŋul luaponi kimarai kakesi, luka ateker naka Sebulun, emwaasi ilukumin akaisakany ka lukanykaarei ka akwat aoŋon (57,400). Idwe luka Yosep, kes lu, luka idwe luka Epuraim, aturiokee, kwape ejaatar ikekiakec, kwape ejaatar ikalia luka lukapapaakee, kwape eiaar etiai loka ikiroriakee, ageun kaluka ikar akaisaarei ka luedeparito, kere luepedorete alosit ojie; Ŋul luaponi kimarai kakesi, luka ateker naka Epuraim, emwaasi ilukumin akaisaoŋon ka akwat akany (40,500). Idwe luka Manase, aturiokee, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakee, ageun kaluka ikar akaisaarei ka luedeparito, kere luepedorete alosit ojie: Ŋulluaponi kimarai kakesi, luka ateker naka Manase, emwaasi ilukumin akaisauni ka luarei ka akwat aarei (32,200). Idwe luka Benyamin, aturiokee, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakee, ageun kaluka ikar akaisaarei ka luedeparito, kere luepedorete alosit ojie: Ŋul luaponi kimarai kakesi, luka ateker naka Benyamin, emwaasi ilukumin akaisauni ka lukany ka akwat aoŋon (35,400), Idwe luka Dan, aturiokec, kwape ejaatar ikekiakec, kwape ejaatar ikalia luka lukapapaakec, kwape eiaar etiai loka ikiroriakee, ageun kaluka ikar akaisaarei ka luedeparito, kere luepedorete alosit ojie; Ŋul luaponi kimarai kakesi, luka ateker naka Dan, emwaasi ilukumin akaisakanykape ka luarei ka akwat akanykaarei (62,700). Idwe luka Aser, aturiokee, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakee, ageun kaluka ikar akaisaarei ka luedeparito, kere luepedorete alosit ojie; Ŋul luaponi kimarai kakesi, luka ateker naka Aser, emwaasi ilukumin akaisaoŋon ka lodiopet ka akwat akany (41,500). Idwe luka Naputali, aturiokee, kwape ejaatar ikekiakee, kwape ejaatar ikalia luka lukapapaakee, kwape ejaar etiai loka ikiroriakee, ageun kaluka ikar akaisaarei ka luedeparito, kere luepedorete alosit oiic: Ŋul luaponi kimarai kakesi, luka ateker naka Naputali, emwaasi ilukumin akaisakany ka luuni ka akwat aoŋon (53,400). Ŋul kes luaponi kimarai, luemarete Musa ka Aaron, ka ikapolok luka Isirael, emwaasi ituŋa itomon ka luarei: ninitunanan kakesi ajai kanuka ekal loka lukapapaake. Aso kere luaponi kimarai kodwe luka Isirael kwape ejaatar ikalia luka lukapapaakee, ageun kaluka ikar akaisaarei ka luedeparito, kere luepedorete alosit ojie koIsirael: Kes kere luaponi kimarai emwaasi ilukumin akwat akanykape kaluuni ka akwat akany ka akaisakany (603,550). Konye Ilebin kwape eiaar ateker naka lukapapaakee mam aponi kimarakinai tomakec, Naarai abu Edeke kolimok Musa ebe, Ateker bon naka Lebi ŋes mam jo imari, karaida aimorikikin etiaikec toma otiai loka idwe luka Isirael: Konye kodakak ijo Ilebin aidar ewema lokalaunan loka aitejenunet, ka iboro kere lukotoma, ka iboro kere lueiaatar; edakete kesi ewema lokalaunan, ka iboroke kere; ijaanakinete ŋes, ido idukurete kesi airimor ewema lokalaunan. Naitobwosere ewema lokalaunan, Ilebin kes eusete iloin ka anunuk da; ido naibubukinere ewema, Ilebin kes ibubukinete: ido eario eloŋwait kere loikunyuni die kewema. Ibubuete idwe luka Isirael iwemanakee, ninitunanan owai loitebeitai aketeker, ninitunanan owai loka emederake, kwape ejaatar irionetakec. Konye idukurete Ilebin airimor ewema lokalaunan loka aitejenunet, kinyek anyunyura abunokin ekodet loka idwe luka Isirael: ido idarete Ilebin ewema lokalaunan loka aiteienunet.” Kiswamata idwe luka Isirael kwaŋin; kere kwape kieorakinia EJAKAIT Musa, kiswamata kwaŋin. Kotema EJAKAIT Musa ka Aaron atiar, “Idukurete idwe luka Isirael ninituŋanan kwape ejaar emederake, ka aanyuneta nuka ikalia luka lukapapaakee: idukurete kolukunito kobwatara kowema loka airiamunun. Ŋul luka emedera loka iidukurun luka Yuda, kes idukurete ari nakokide kama eniunia akoloŋ, kwape ejaatar irionetakec: ido ekapolon loka idwe luka Yuda ŋes Nason okoku loka Aminadab. Ido erioneteke, ka ŋul luaponi kimarai kakesi, emwaasi ilukumin akaisakanykaarei ka luonon ka akwat akanykape. Ido nul luidukurete eiduny kaŋes kes luka ateker naka Isakar: ekapolon da loka idwe luka Isakar ŋes Netanel okoku loka Suar: Erioneteke, ka nul luaponi kimarai kakesi, emwaasi ilukumin akaisakany ka luonon ka akwat aoŋon: Ateker naka Sebulun: ekapolon loka idwe luka Sebulun ŋes Eliab okoku loka Kelon: Erioneteke, ka nul luaponi kimarai kakesi, emwaasi ilukumin akaisakany ka lukanykaarei ka akwat aoŋon. Kere luaponi kimarai luka iidukurun luka Yuda emwaasi ilukumin akwatat ka akaisakanykauni ka lukanykape ka akwat aoijon, kwape ejaatar irionetakec. Kes egeete alosit. Ejaun emedera loka iidukurun luka Reuben ari naka eŋalakimak kwape ejaatar irionetakec: ekapolon loka idwe luka Reuben ŋes Elisur okoku loka Sedeur. Erioneteke, ka ŋul luaponi kimarai kakesi, emwaasi ilukumin akaisaoŋon ka lukanykape ka akwat akany. Ŋul luidukurete eiduny kaŋes kes luka ateker naka Simeon: ekapolon loka idwe luka Simeon ŋes Selumiel okoku loka Surisadai: Erioŋcteke, ka ŋul luaponi kimarai kakesi, emwaasi ilukumin akaisakany ka Iukanykaoŋon ka akwat auni: Ka ateker naka Gad: ekapolon loka idwe luka Gad ŋes Eliasap okoku loka Reuel: Erioneteke, ka ŋul luaponi kimarai kakesi, emwaasi ilukumin akaisaoŋon ka lukany ka akwat akanykape ka akaisakany. Kere luaponi kimarai luka iidukurun luka Reuben emwaasi ilukumin akwatat ka akaisakany ka lodiopet, ka akwat aoŋon ka akaisakany, kwape ejaatar irionetakec, Kes iareikinete kalosit. Kosodi itobwosio ewema loka airiamunun, kojaas da iidukurun luka Ilebin kidin kiidukurun ice: kwape idukurioto, kwape kwaŋin da ebwosiata, ninitunanan kaiboisike, kwape ejaatar imederanakee. Ejaun emedera loka iidukurun luka Epuraim ari nakoto kwape ejaatar irioŋetakec; ekapolon loka idwe luka Epuraim ŋes Elisama okoku loka Amikud. Erioneteke, ka ŋul luaponi kimarai kakesi, emwaasi ilukumin akaisaoŋon ka akwat akany. Idunyakin ateker naka Manase neejai ŋesi: ekapolon loka idwe luka Manase ŋes Gamaliel okoku loka Pedasur: Erioneteke, ka ŋul luaponi kimarai kakesi, emwaasi ilukumin akaisauni ka luarei ka akwat aarei: Ka ateker naka Benyamin: ekapolon loka idwe luka Benyamin ŋes Abidan okoku loka Gideoni: Erioneteke, ka nul luaponi kimarai kakesi, emwaasi ilukumin akaisauni ka Iukany ka akwat aoŋon, Kere luaponi kimarai luka iidukurun luka Epuraim emwaasi ilukumin akwatat ka lukanykauni ka akwatat, kwape ejaatar irionetakec. Kes iunikinete kalosit. Ejaun emedera Ioka iidukurun luka Dan ari naka agolitomei kwape ejaatar irionetakec: ekapolon loka idwe luka Dan ŋes Akicser okoku loka Amisadai. Erioneteke, ka ŋul luaponi kimarai kakesi, emwaasi ilukumin akaisakanykape ka luarei ka akwat akanykaarci. Ido nul luidukurete eiduny kaŋes kes luka ateker naka Aser: ekapolon loka idwe luka Aser ŋes Pagiel okoku loka Oeuran. Erioneteke, ka nul luaponi kimarai kakesi, emwaasi ilukumin akaisaoŋon ka lodiopet ka akwat akany: Ka ateker naka Naputali: ekapolon loka idwe luka Naputali ŋes Akira okoku loka Enan: Erioneteke, ka nul luaponi kimarai kakesi, emwaasi ilukumin akaisakany ka luuni ka akwat aoŋon, Kere luaponi kimarai luka iidukurun luka Dan emwaasi ilukumin akwatat ka akaisakany ka lukanykaarei ka akwat akanykape. Kes iwasiete kalosir kwape ejaatar imederanakee.” Ŋul kes luaponi kimarai kodwe luka Isirael kwape ejaatar ikalia luka lukapapaakee: kere luaponi kimarai luka iidukurun kwape ejaatar irionetakee, emwaasi ilukumin akwat akanykape ka luuni ka akwat akany ka akaisakany. Konye mam Ilebin aponi kimarakinai toma odwe luka Isirael: kwape kieorakinia EJAKAIT Musa. Kiswamata idwe luka Isirael kwaŋin; kere kwape kicorakinia EJAKAIT Musa, kidukuroto kwaŋin kwape ajaatar imederanakee, kwape kwaŋin da kebwosiata, ninitunanan kwape ajaar ekekike, kwape ajaatar ikalia luka lukapapaakee. Na ŋes aur naka Aaron ka Musa kapaaran naeneratar EJAKAIT kaMusa komoru Sinai. Lu kes ikiroria luka odwe luka Aaron: Nadab ekiyaike, ka Abiku, Eleasar, ka Itamar. Lu kes ikiroria luka odwe luka Aaron, isasedotin luaponi kinyonyoikinai akinyet, luatiakuni ŋesi aijaanakin toma aswam naka esasedoti. Kotwakikis Nadab ka Abiku akonyen nuka EJAKAIT, naainakiniata akim naitegelikina kakonyen nuka EJAKAIT, kamodiŋ naka Sinai, komameete kes idwe: kiiaanakis Eleasar ka Itamar kaswam naka esasedoti kakonyen nuka Aaron papakec, Kotema EJAKAIT Musa atiar, “Kisukuny ateker naka Lebi, kibwaik kes akonyen nuka Aaron esasedoti, tetere ijaanakinete ŋes. Ido idarete akiroke, ka akiro da nuka ekodet kere loejai iŋaren kewema loka airiamunun, aijaanakin toma owema lokalaunan. Idarete da iboro kere luka ewema loka airiamunun, ka akiro da nuka idwe luka Isirael, aijaanakin roma owema lokalaunan. Iinakini Ilebin mama ejai Aaron ka odweke: ainakin kes cut mamakeŋ kanuka idwe luka Isirael. Itebeikini Aaron ka odweke, aidarenen esasedotenekec: eario eloŋwait kere loikunyuni die kewema.” Kotema EJAKAIT Musa atiar, “Ka eoŋ da, koany, alemu Ilebin kodwe luka Isirael aibois naka ikiyaik luepukorete aliligeta kotoma odwe luka Isirael; eraunos da Ilebin lukan: Naarai ikiyaik kere eraas lukan; kapaaran naadanyia ikiyaik kere kotoma akwap nako Misiri abu ketalau ikiyaik kere koIsirael kanukan, ituŋanan ka itiaŋ da: eraunos lukan; arai eoŋ EJAKAIT.” Kotema EJAKAIT Musa kamodiŋ naka Sinai atiar, “Kimar idwe luka Lebi kwape ejaatar ikalia luka lukapapaakec, kwape ejaatar ikekiakec: imari ŋolikiliokit ageun kayenika elap ediopet ka yenedeparit.” Kimar Musa kes kwape ajaar akirot naka EJAKAIT, kwape kicorakinitere. Lu kes odwe luka Lebi kwape ejaatar ikiroriakec; Gereson, ka Kokat, ka Merari. Lu kes ikiroria luka odwe luka Gereson kwape ejaatar ikekiakec: Libuni ka Simei. Odwe luka Kokat kwape ejaatar ikekiakec; Amuram, ka Isar, ka Keburon ka Usiel. Odwe luka Merari kwape ejaatar ikekiakec; Mali ka Musi. Ŋul kes ikekia luka Ilebin kwape ejaatar ikalia luka lukapapaakec. Kotoma Gereson ŋes alomunia ekek loka Ilibunin, ka ekek loka Isimein: nul kes ikekia luka Igeresonin. Ŋul luaponi kimarai kakesi, kwape eiaar etiai loka ikiliok kere, ageun kayenika elap ediopet ka yenedeparit, ŋul luaponi kimarai kakesi emwaasi ilukumin ikanykaarei ka akwat akany. Luka ekek loka Igeresonin idukurete agule kewema lokalaunan kari nakoto, Ekapolon loka ekal loka lukapapaa luka Igeresonin ŋes Eliasap okoku loka Lael. Ido kotoma owema loka airiamunun idarenenete odwe luka Gereson ewema lokalaunan, ka Bwema, ka eimukoreteke, ka aigalisit naka ekek loka ewema loka airiamunun, Ka luikajaj alaro, ka aigalisit naka ekek loka alaro, naidunyas kewema lokalaunan, naidunyas ketem kolukunite, ka aunoike, kwape eiaar aijaanakinikec kere. Kotoma Kokat ŋes alomunia ekek loka Imuramain, ka ekek loka Isarin, ka ekek laka Ikeburonin, ka ekek loka Iusielin: ŋul kes ikekia luka Ikokatin, Kwape ejaar etiai loka ikiliok kere, ageun kayenika elap ediopet ka yenedeparit, emwaasi ilukumin ikanykauni ka akwat akanykape, idarenenete aibois nakalaunan. Luka ikekia luka odwe luka Kokat idukurete osiep loka ewema kari naka eŋalakimak, Ekapolon loka ekal loka lukapapaa luka ikekia luka Ikokatin ŋes Elisapan okoku loka Usiel. Idarenenete kes asaduku, ka emesa, ka epir loka atala, ka itemwan, ka iboro lukotoma aibois nakalaunan luetwasamaete kesi aiiaanakinia, ka aigalisit, ka aiiaanakinikec kere. Eleasar da okoku loka Aaron esasedoti ŋes eraun ekapolon laka ikapolok luka Ilebin, ido eanyanari ŋul luidarete aibois nakalaunan. Kotoma Merari ŋes alomunia ekek loka Imalin, ka ekek loka Imusin: nul kes ikekia luka Merari. Ŋul luaponi kimarai kakesi kwape ejaar etiai loka ikiliok kere, ageun kayenika elap ediopet ka yenedeparit, emwaasi ilukumin ikanykape ka akwat aarei. Ekapolon loka ekal loka lukapapaa luka ikekia luka Imerarin ŋes Suriel okoku loka Abikail; idukurete kesi osiep loka ewema kari naka agolitomei. Ido luaseikinitai odwe luka Merari aidarenen kes abaoi nuka ewema lokalaunan, ka akitoke nukirionokina, ka ipirinoke, ka aigaŋetakec, ka iboro kere lueupatar, ka aijaanakinikec kere: Ka ipirino luelukunito alaro, ka aigaŋetakec, ka iloinokec, ka aunoikec. Ŋul da luidukurete iŋaren kewema lokalaunan kari nakokide, orute loka ewema loka airiamunun kama eniunia akoloŋ, kes Musa ka Aaron ka odweke, idarenenete aibois nakalaunan, ka akiro da nuka idwe luka Isirael: ido eario eloŋwait loikunyuni die kewema. Kere luaponi kimarai luka Ilebin, luemarete Musa ka Aaron kaieorakinet naka EJAKAIT, kwape ajaatar ikekiakee, ikiliok kere ageun kayenika elap ediopet ka yenedeparit, emwaasi ilukumin akaisaarei ka luarei, Kolimok EJAKAIT Musa ebe, “Kimar ikiyaik kere lukiliok luka idwe luka Isirael ageun kayenika elap ediopet ka yenedeparit, kimar etiai loka ikiroriakee. Kolemikinai eoŋ Ilebin (arai eoŋ EJAKAIT) aibois naka ikiyaik kere kodwe luka Isirael; ka ibaren luka Ilebin aibois naka ikiyaik kere luka ibaren luka idwe luka Isirael.” Kimar Musa ikiyaik kere kodwe luka Isirael, kwape kieorakinia EJAKAIT. Ikiyaik kere lukiliok kwape ejaar etiai loka ikiroriakee, ageun kayenika elap ediopet ka yenedeparit, nul luaponi kimarai kakesi, emwaasi ilukumin akaisaarei ka luarei ka akwat aarei ka akaisakanykaarei ka luuni. Kotema EJAKAIT Musa atiar, “Kolem Ilebin aibois naka ikiyaik kere kodwe luka Isirael, ka ibaren luka Ilebin aibois naka ibarenekee: eraunos Ilebin lukan: arai eoŋ EJAKAIT, Ido kanuka alakunio naka ikiyaik akwat aarei ka akaisakanykaarei ka luuni luka idwe luka Isirael luedeparitotor kesi etiai loka Ilebin, Ŋauni isekelin ikany kaneejai ŋinituŋanan; ijauni kes kwape ejaar esekel loka aibois nakalaunan (esekel ŋes igeran akaisaarei): Iinakini Aaron ka odweke apesan nuelakunere luedeparitotor kes.” Kiiau Musa apesan nulakunet kaneeiaas nul luadeparitotor kesi lualakunete Ilebin: Kijau ŋesi apesan kaneejaas ikiyaik luka idwe luka Isirael; isekelin elukumit ka akwat auni ka akaisakanykape ka lukany, kwape ejaar esekelloka aibois nakalaunan: Kiiaik Musa Aaron ka odweke apesan nulakunet, kwape ajaar akirot naka EJAKAIT, kwape kieorakinia EJAKAIT Musa. Kotema EJAKAIT Musa ka Aaron atiar, “Kimarasi odwe luka Kokat kotoma odwe luka Lebi, kwape ejaatar ikekiakec, kwape cjaatar ikalia luka lukapapaakee. Ageun kaluka ikar akaisauni ka luedeparito aitodol luka ikar akaisakany, kere luekapakina aiiaanakin, aswam kotoma owema loka airiamunun, Na ŋes aswam naka odwe luka Kokat kotoma owema loka airiamunun, koboro lukalaunak eut; Naitobwosere idukurun, elomari Aaron ka odweke toma, elaeunete aigalisit naetiakit, erapakiniata ŋes asaduku naka aitejenunet. Erapakinete da emukule loka etakas kujuke, ido eburiarete kere kegoe lobululu, irupakinete adaketake, Epesikinete egoe lobululu omesa loka imugatin luka aitodikin, idokokinete nen atuba ka akaalei ka atanya, ka aikopon nubukununet: ejaunete nen da imugatin ludue: Ido erapiarete kere kegoe lokarenan, eburiarete bobo kemukule loka etakas, irupakinete da adaketake. Elemunete egoe lobululu, aimukoria epir loka atala naka aica, ka atalaike, ka aridetake, ka aitudeŋetake, ka itidoike luka akinyet luetwasamaete kesi aiiaanakinia: Eburiarete ŋes ka itidoike kere kemukule loka etakas, idokokinete adaketeke. Epesikinete egoe lobululu otem loka esabu, iburiarete bobo kemukule loka etakas, irupakinete da adaketake: Ibwaikinete iboro kere luetwasamaete aiiaanakinia, luejaanakiniata kotoma aibois nakalaunan, toma ogoe lobululu, eburiarete da kere kemukule loka etakas, idokokinete da adaketeke, Emudarete ekurwon kotoma otem, epesikinete egoe lomuge: Idokokinete nen iboroke kere, lueiaanakiniata ŋes, ieuman luka akim, ka igoluna luka akiriŋ, ka amudeta, ka atanyia, iboro kere luka etem; epesikinete da eimukoret loka emukule loka etakas, irupakinete da adaketake. Kedaut Aaron ka odweke arapakin aibois nakalauian ka iboro kere lukotoma aibois nakalaunan, naedolio aitobwot iidukurun; akaulo kanun, epote odwe luka Kokat aidak ŋes: konye mam kes etirorete iboro lukalaunak kinyeis atwakare. Iboro ŋul kes luedakete odwe luka Kokat luka ewema loka airiamunun. Ido luidari Eleasar okoku loka Aaron esasedoti kes lu, akinyet naka atala, ka lukisupurununo, ka ainakinet nadue naka akiria, ka akinyet nakinyonyoanakina, idari da ewema lokalaunan ka lueja toma kere, aibois nakalaunan ka iboroke da.” Kotema EJAKAIT Musa ka Aaron atiar, “Sirikitiakasi ateker naka ikekia luka Ikokatin kotoma oLebin: Konye kiswamak kes kwana, tetere eiarere kinyeis atwakare, kikunyakis neejaas iboro lukalaunak noi: elomari Aaron ka odweke toma, kosodete aitodianakin kes ninitunanan akeswam ka ibore yenedaki: Konye mam elomarete toma aanyun iboro lukalaunak, nepeeep da, kinyeis atwakare.” Kotema EJAKAIT Musa atiar, “Kimar odwe luka Gereson da, kwape ejaatar ikalia luka lukapapaakee, kwape ejaatar ikekiakee; Imari kes ageun kaluka ikar akaisauni ka luedeparito aitodol luka ikar akaisakany; kere luekapakina aijaanakin, aswam. Kotoma owema loka airiamunun, Na ŋes aswam naka ikekia luka Igeresonin, naiiaanakiniata naedakiata da iboro: Edakete kesi aigalisio nuka ewema lokalaunan, ka ewema loka airiamunun, eimukoreteke, ka eimukoret loka emukule loka etakas loejai kujuke, ka aigalisit naka ekek loka ewema loka airiamunun; Ka luikaiai alaro, ka aigalisit naka ekek loka erute loka alaro, naidunyas kewema lokalaunan, naidunyas da ketem kolukunite, ka aunoikee, ka iboro kere da lueupatar kaiiaanakinikec, kere nuibusakinit aiswamakin kes, nupenun ijaanakinete. Kwape icorakinia Aaron ka odweke kwaŋin ijaanakiniata odwe luka Igeresonin, kotoma kaluedakete kere, kotoma kaluiiaanakinete da; itodikinete kes luedakete kere. Ŋin ŋes aswam naka ikekia luka odwe luka Igeresonin kotoma owema loka airiamunun: idarete kesi koanyanari Itamar okoku loka Aaron esasedoti. Ka odwe luka Merari da, imari ijo kes kwape ejaatar ikekiakee, kwape ejaatar ikalia luka lukapapaakee; Imari kes ageun kaluka ikar akaisauni ka luedeparito aitodol luka ikar akaisakany, ninitunanan yenekapakina aijaanakin, aswam kotoma owema loka airiamunun, Lu kes iboro luidarete kesi, kwape eiaar aswamukee kotoma owema loka airiamunun; abaoi nuka ewema lokalaunan, ka akitoke nukirionokina, ka ipirinoke ka aigaŋetakec; Ka ipirino luka alaro naelukunit, ka aigaŋetakec, ka ikeceloin, ka aunoikee, ka iborokec kere lueupatar, ka luijaanakiniata; ibilete ikiroria luka iboro kere luidarete kesi ka luedakete, Ŋin ŋes aswam naka ikekia luka odwe luka Merari, kwape eiaar aijaanakinikec kere kotoma owema loka airiamunun, koanyanari Itamar okoku loka Aaron esasedoti.” Kimarata Musa ka Aaron ka ikapolok luka ekodet odwe luka Ikokatin kwape ajaatar ikekiakec, kwape ajaatar ikalia luka lukapapaakec, Ageun kaluka ikar akaisauni ka luedeparito aitodol luka ikar akaisakany, ninitunanan yenekapakina aijaanakin, aswam kotoma owema loka airiamunun. Ŋul da luaponi kimarai kakesi kwape ajaatar ikekiakec emwaasi ilukumin iarei ka akwat akanykaarei ka akaisakany. Ŋul kes luaponi kimarai luka ikekia luka Ikokatin, kere luapotu kiiaanakis kotoma owema loka airiamunun, luemarete Musa ka Aaron kwape ajaar aicorakinet naka EJAKAIT kama ka Musa. Ka nul da luaponi kimarai luka odwe luka Gereson, kwape ajaatar ikekiakee, kwape ajaatar ikalia luka lukapapaakec, Ageun kaluka ikar akaisauni ka luedeparito aitodol luka ikar akaisakany, ninitunanan yenekapakina aijaanakin, aswam kotoma owema loka airiamunun. Ŋul luaponi kimarai kakesi, kwape ajaatar ikekiakec, kwape ajaatar ikalia luka lukapapaakec, emwaasi ilukumin iarei ka akwat akanykape ka akaisauni. Ŋul kes luaponi kimarai luka ikekia luka odwe luka Gereson, kere luapotu kijaanakis kotoma owema loka airiamunun, luemarete Musa ka Aaron kwape ajaar aicorakinet naka EJAKAIT. Ka ŋul da luaponi kimarai luka ikekia luka odwe luka Merari, kwape ajaatar ikekiakee, kwape ajaatar ikalia luka lukapapaakec. Ageun kaluka ikar akaisauni ka luedeparito aitodol luka ikar akaisakany, ninitunanan yenekapakina aijaanakin, aswam kotoma owema loka airiamunun. Ŋul luaponi kimarai kakesi kwape ajaatar ikekiakec, emwaasi ilukumin iuni ka akwat aarei. Ŋul kes luaponi kimarai luka ikekia luka odwe luka Merari, luemarete Musa ka Aaron kwape ajaar aicorakinet naka EJAKAIT, kama ka Musa. Ŋul kere luaponi kimarai luka Ilebin, luemarete Musa ka Aaron ka ikapolok luka Isirael kwape ajaatar ikekiakec, kwape ajaatar ikalia luka lukapapaakec. Ageun kaluka ikar akaisauni ka luedeparito aitodol luka ikar akaisakany, ŋinituŋanan yenekapakina aswam naka aijaanakin, ka aswam naka aidak iboro kotoma owema loka airiamunun, Ŋul luaponi kimarai kakesi, emwaasi ilukumin ikanykauni ka akwat akany ka akaisakanykauni. Kwape ajaar aicorakinet naka EJAKAIT aponi kimarai kes kama ka Musa, ŋinituŋanan kwape ajaar aijaanakinike, ido kwape ajaar aidakake: kwaŋin aponi kimarai, kwape kicorakinia EJAKAIT Musa. Kotema EJAKAIT Musa atiar, “Kicorak idwe luka Isirael, ebe Kireneasi kiŋa kiidukurun ŋin yenikatapon, ka ŋin yeneleleete abulon arai aokot, ka ŋin da yenimam elai kanuka aidunyakin kayenikatwan: Irenearete yenikiliokit ka yeniberu da kina kiidukurun; kinyeis amunaun iidukurunukec, lueboienenei eoŋ kotoma.” Kiswamata idwe luka Isirael kwaŋin, kireneasi kes kiŋa kiidukurun: kiswamata idwe luka Isirael kwaŋin kwape atemaria EJAKAIT Musa. Kotema EJAKAIT Musa atiar, “Kolimok idwe luka Isirael ebe, Naediakaria etuŋanan arai aberu adiakaret kere naediakarete ituŋa, aibucar kaneejai EJAKAIT, kitelekarite ituŋanan ŋin akirot; ŋes konyet elimoriata akecediakaret naadiakasi: ido egeli akediakaret kere, ka aiyatakin da ogelitike idiopet kokany, kosodi ainakin ŋol loediakarit ŋesi kamaken. Konye arai emamei lokatekerike loegelio kanuka adiakaret, egelit loegelio kanuka adiakaret itebeo EJAKAIT, ido eraun loka esasedoti; dimarai emerekek loka alucio, loelueere aronisike. Ido ŋiniinakinet naikeunitai naka iboro kere lukalaunak luka idwe luka Isirael; nueinanakinete esasedoti, eraunos nuken, Iboro lukalaunak luka ŋinituŋanan eraunos luken: ninibore yerieinakini ŋinituŋanan esasedoti, eraun yeniken.” Kotema EJAKAIT Musa atiar, “Kolimok idwe luke Isirael ebe, Arai kepaa aberu naka etuŋanan, kosodi adiakar kamaken, Apero kerunanan, komam okilenike ejeŋi, komam ŋes da enicunitai, komunaun ŋesi, komam yeneanyunit ŋes adiakari, karaida aikamakin adiakareteke; Kosodi emoyo loka ekokote abunokin okilenike, aitokokol ŋes, komunaun aberu: arai diat kobunok ŋes emoyo loka ekokote, aitokokol ŋes, komam aberu emunauna: Ŋes konyet eyanaaria etuŋanan akeberu neejai esasedoti, eyanaaria da ainakinet kanuka aberuke, idiopet kotomon yenika epa loka akiria nuka esairi; mam ebukokini akinyet, karaida ainyalakin lukesai toma; naarai erai ainakinet naka akiria naka ekokote, ainakinet naka akiria naka aisiitunet, aisiitunio numam adolit. Isukunyuni esasedoti aberu, ido itobwoi kakonyen nuka EJAKAIT. Kosodi esasedoti aitin akipi nukalaunak kotoma atany; ibwaikini da toma akipi nun apua adis nuelemuni esasedoti kokwap kewema lokalaunan: Itobwoi da esasedoti aberu kakonyen nuka EJAKAIT, elacari da itim luka akou naka aberu, ido ibwaikini ainakinet naka akiria naka aisiitunet toma akanin nuka aberu, naerai ainakinet naka akiria naka ekokote: ejaunos toma akanin nuka esasedoti akipi nuka adwaris nueyaunete ekenit, Isiyapoi esasedoti ŋes, etemari da aberu atiar, ‘Arai mam ediotuŋanan kiteperit jo, ido arai mam jo ipaarit toma amamus aila, korai aberu naka ekiliokit, mam nukibeikinete jo kanuka akipi nu nuka adwaris nueyaunete ekenit, Konye arai ipaarit, korai aberu naka ekiliokit, arai imunauna da, apero kecetunanan lomam erai okilenikon’: Ŋes konyet isiyapoo esasedoti aberu aiyaposit naka ekenit, etemari esasedoti aberu atiar, ‘Kitarau jo EJAKAIT ekenit ka aiyapoet kotuijakon, naitoonio EJAKAIT akonimurwo ka aitubuun akonikoik; Ido akipi nu nueyaunete ekenit elomarete toma akoikikon itubuunete, iroonete da akonimurwo’: eboŋokini aberu da ebe, ‘Kikote nepenen, kikote nepenen.’ Iwadikai esasedoti ikenito lu oitabo, ido emwatakini kes toma akipi nuka adwaris: Itamasi aberu akipi nuka adwaris nueyaunete ekenit: ido elomarete akip nueyaunete ekenit tomake kosodete adwaruun, Ŋauni esasedoti ainakinet naka akiria naka ekokote kakan naka aberu, iianari ainakinet naka akiria akonyen nuka EJAKAIT, kosodi ayaun otem: Emukuni esasedoti akan ileleba naka ainakinet naka akiria, araun aiituneteke, icweikini da kotem; ido akauloke itamasi aberu akipi. Kedau aitamat ŋes akipi, kosodi ejaun kwana, arai emunauna, kodiakarite kama kokilenike, elomarete akip nueyaunete ekenit tomake kosodete adwaruun, ebuuni akoikike, eoni da akemurwo: ido eraun aberu ekenit kotuŋ ake. Konye arai esegara aberu, komam emunauna; ŋes kito emameunotor nuebeikinete, ido epedori apotuun. Ŋol ŋes ekisil loka ekokote, arai kepaa aberu, kosodi amunaun, korai aberu naka ekiliokit; Arai da kebunoki etuŋanan emoyo loka ekokote, aitokokol akeberu; ŋes konyet itobwoia aberu kakonyen nuka EJAKAIT, ido iswamakini esasedoti aberu kwape ejaar ekisil ŋol kere, Mam etuŋanan itebeikino numam adolit, ibwoki aberu ŋin numam adoliteke.” Kotema EJAKAIT Musa atiar, “Kolimok idwe luka Isirael ebe, Arai kiyapo ekiliokit arai aberu aiyaposit naitegelikina, aiyaposit naka Enasirit, eipolia mama ejai EJAKAIT: Ipoliauni da kotoma ebino ka nuitemerete; sirikemat ebino loedwar, karaida nuitemerete nueta ria, ido sirikemat akipi kere nuka emusabibu, karaida ainyam araito nuka emusabibu nuekokito arai nuitoonitai. Apaarasia kere nuka eipoliake sirikenyam ibore kere yenelomuni kotoma omusabibu, anyoun koeokat aitodol akabubuk. Apaarasia kere nuka aiyapositike naka eipolia, mam ebarenit ieaki akouke: kiton naitodolio apaarasia nuka eipoliake mama ejai EJAKAIT, eraun lokalaunan, ipisi ŋesi itim luka akouke. Apaarasia kere nuipoliaunor mama ejai EJAKAIT mam ikunyakini neejai yenikatwan. Sirikeraun lomam elai kanuka papake, karaida kanuka totoke, arai kanuka onaeeke, arai kanuka inaeike, naetwakiata: naarai eipoliake mama ejai Edeke ejai akouke. Apaarasia kere nuka eipoliake erai lokalaunan mama ejai EJAKAIT. Ido arai ketular innjanan kodieke, kosodi amunaun akou naka eipoliake; ŋes do ebarenoria akekou kapaaran naka aitalaunike, ebarenori kapaaran nakikanyetekaarei. Ido kapaaran nakikanyetekauni eyauni ajeleik aarei, arai ilukei iarei ludidik, neejai esasedoti, okek loka ewema loka airiamunun: Einakini esasedoti adiopet kanuka ainakinet naka adiakaret, ka naee da kanuka ainakinet naicweio, alucio ŋes, naarai adiaka kanuka yenikatwan, ido italauni akekou kapaaran kaŋin, Ipolia mama ejai EJAKAIT apaarasia nuka eipoliake, ido eyauni imerekek yenikiliokit yenika ekaru ediopet kanuka ainakinet naka adiakaret; konye epalunio apaarasiake nuageit, naarai abu eipoliake komunaun. Lo ŋes ekisil loka Enasirit, kedaunos apaarasia nuka eipoliake: eyaunio ŋes okek loka ewema loka airiamunun: Ido einakini EJAKAIT ainakinet imerekek yenikiliokit yenika ekaru ediopet yenimam eŋwalit kanuka ainakinet naicweio, ka imerekek yeniberu yenika ekaru ediopet yenimam eŋwalit kanuka ainakinet naka adiakaret, ka emerekek lomam eŋwalit kanuka ainakineta nuka ainapakin, Ka edita loka emugati lomam etubuunitoi, ka aluŋuren nuka akiria nuidicic nuinyalakinitai akinyet, ka imugatin luibenibena lumam itubuunitoi luinyonyoikinitai akinyet, ka ainakinetekec naka akiria, ka ainakinetakec numatan. Kosodi esasedoti aijaikin kes kakonyen nuka EJAKAIT, ido einakini ainakineteke naka adiakaret ka ainakineteke naicweio: Einakini da emerekek kanuka asubanit naka ainakineta nuka ainapakin mama ejai EJAKAIT, nepepe kedita loka emugati lomam etubuunitoi: einakini esasedoti ainakinet naka ituŋanan kaŋin naka akiria, ka ainakineteke namatat. Ebarenori Enasirit akou naka eipoliake kokek loka ewema loka airiamunun, eyaŋaari da itim luka akou naka eipoliake, kosodi aibwaikin akim naka asubanit naka ainakineta nuka ainapakin. Elemuni esasedoti akuat naka emerekek naipoo, ka aluŋuret namam etubuunitoi kotoma odita, ka emugati ediopet loibenibena, ijaikini akanin nuka Enasirit, kedau abaren akou naka eipoliake: Iianari esasedoti kes araun ainakinet naiianio kakonyen nuka EJAKAIT: eraas lu lukalaunak kama ejai esasedoti, nepepe katorob naijanio ka amurwo naedakakinitai: akaulo kanun epedori Enasirit aimat ebino. Ŋol ŋes ekisil loka Enasirit loiyapoi, ka ainakineteke neejai EJAKAIT kanuka eipoliake, ka ice da luepedori ŋesi ainakin: kwape ejaar aiyapositike naiyapoi, kwape kwaŋin ibusakinitor ŋes aswam kwape ajaar ekisil loka eipoliake.” Kotema EJAKAIT Musa atiar, “Kolimok Aaron ka odweke ebe, Ilipakinete idwe luka Isirael arereŋ kwanata; ilimokinete kes ebe, Kisireren jo EJAKAIT, kidar jo: Kitacaik jo EJ AKAIT akekonyen, kiswamak asianut: Kitonyoik jo EJAKAIT aica naka akonyeneke, kisinapik. Ibwaikinete kwaŋin ekakiror odwe luka Isirael; EOŊ da esirereni kes.” Kosodi kapaaran naenetakinia Musa aibub ewema lokalaunan, ka ainyonyoanakin ŋes, ka aitalaun ŋes, ka ikeboro kere, ka etem ka ikeboro kere, ka ainyonyoanakin kes akinyet ka aitalaun kes da; Koinakis ikapolok luka Isirael, luapolokinito ikalia luka lukapapaakec; nul kes ikapolok luka atekerin, nul kes luayaito nul Iuaponi kimarai: Koyaut ainakinetakec mama ejai EJAKAIT, agalin akanykape nuemukoritai, ka imoŋin itomon ka luarei; nulukapolok iarei adiopegali, nolidiopet emoŋ: kijaikis kes koiŋaren kewema lokalaunan. Kotema EJAKAIT Musa atiar, “Kijau kes, tetere itwasamao kes aijaanakinia ewema loka airiamunun; iinakini kes Ilebin, ŋinitunanan kwape ejaar aijaanakinike.” Koyana Musa agalin ka imoŋin, koinak kes Ilebin. Koinak odwe luka Gereson agalin aarei ka imoŋin iwonon, kwape ajaar aijaanakinikec. Koinak odwe luka Merari agalin aoŋon ka imoŋin ikanykauni, kwape ajaar aijaanakinikee, kakan naka Itamar okoku loka Aaron esasedoti. Konye mam abu koinak odwe luka Kokat idiobore: naarai aiiaanakin naka aibois nakalaunan nakee; adakenenete kokeperinikec. Koinakis ikapolok kanuka atiakunio naka etem kapaaran naenyonyoanakinere akinyet, ikapolok kes apotu koinakis ainakinetekec kakonyen nuka etem. Kotema EJAKAIT Musa atiar, “Einanakinete ainakinetakec, nolikapolon kapaaranike, kanuka atiakunio naka etem.” Ŋol loabu koinak ainakinet kapaaran nasodit ŋes Nason okoku loka Aminadab, loka ateker naka Yuda: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan: kes aarei kere kileleba akiria nuidieie nuinyalakinitai akinyet kanuka ainakinet naka akiria; Akaale da naka esabu naka isekelin itomon, ileleba lukisupurununo: Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: nin ŋes ainakinet naka Nason okoku loka Aminadab. Kapaaran nakiareit abu Netanel okoku loka Suar, ekapolon loka Isakar koinak: Abu koinak kanuka ainakineteke atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidieie nuinyalakinitai akinyet, kanuka ainakinet naka akiria; Akaale da naka esabu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: nin ŋes ainakinet naka Netanel okoku loka Suar. Kapaaran nakiwuniet Eliab okoku Ioka Kelon, ekapolon loka idwe luka Sebulun: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel Ioka aibois nakalaunan; kes aarei kere kileleba akiria nuidieie nuinyalakinitai akinyet, kanuka ainakinet naka akiria; Akaale da naka esabu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru cdiopet: nin ŋes ainakinet naka Eliab okoku loka Kelon, Kapaaran nakiwononet Elisur okoku loka Sedeur, ekapolon loka idwe luka Reuben: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidicie nuinyalakinitai akinyet, kanuka ainakinet naka akiria; Akaale da naka esabu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: nin ŋes ainakinet naka Elisur okoku loka Sedeur. Kapaaran nakikanyet Selumiel okoku loka Surisadai, ekapolon loka idwe luka Simeon: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidieie nuinyalakinitai akinyet, kanuka ainakinet naka akiria: Akaale da naka esabu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: nin ŋes ainakinet naka Selumiel okoku loka Surisadai, Kapaaran nakikanyetekape Eliasap okoku loka Deuel, ekapolon loka idwe luka Gad; Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidicie nuinyalakinitai akinyet, kanuka ainakinet naka akiria; Akaale da naka esabu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: ŋin ŋes ainakinet naka Eliasap okoku loka Deuel. Kapaaran nakikanyetekaarei Elisama okoku loka Amikud, ekapolon loka idwe luka Epuraim. Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekelloka aibois nakalaunan; kes aarei kere kileleba akiria nuidicic nuinyalakinitai akinyet, kanuka ainakinet naka akiria; Akaale da naka esabu naka isekelin itomon, ileleba lukisupurununo: Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: ŋin ŋes ainakinet naka Elisama okoku loka Amikud. Kapaaran nakikanyetekauni Gamaliel okoku loka Pedasur, ekapolon loka idwe luka Manase: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidicic nuinyalakinitai akinyet, kanuka ainakinet naka akiria; Akaale da naka esabu naka isekelin itomon, ileleba lukisupurununo: Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: ŋin ŋes ainakinet naka Gamaliel okoku loka Pedasur. Kapaaran nakikanyetekaonon Abidan okoku loka Gideoni, ekapolon loka idwe luka Benyamin: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidicie nuinyalakinitai akinyet kanuka ainakinet naka akiria; Akaale da naka esabu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: Ŋin ŋes ainakinet naka Abidan okoku loka Gideoni. Kapaaran nakitomonet Akiesar okoku loka Amisadai, ekapolon loka idwe luka Dan: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidicic nuinyalakinitai akinyet, kanuka ainakinet naka akiria; Akaale da naka esabu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret: Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: ŋin ŋes ainakinet naka Akiesar okoku loka Amisadai. Kapaaran nakitomonet kanadiopet Pagiel okoku loka Ocuran, ekapolon loka idwe luka Aser: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidicic nuinyalakinitai akinyet, kanuka ainakinet naka akiria: Akaale da naka esabu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: ŋin ŋes ainakinet naka Pagiel okoku loka Ocuran, Kapaaran nakitomonet kaarei Akira okoku loka Enan, ekapolon loka idwe luka Naputali: Ainakineteke ŋes atuba naka epuesa, alaŋiruke isekelin akwatat ka akaisauni, ka atany naka epuesa naka isekelin akaisakanykaarei, kwape ajaar esekel loka aibois nakalaunan; kes aarei kere kileleba akiria nuidicic nuinyalakinitai akinyet, kanuka ainakinet naka akiria; Akaale da naka esa bu naka isekelin itomon, ileleba lukisupurununo; Ka emoŋ lotobait ediopet, ka emerekek ediopet, ka imerekek yenikiliokit yenika ekaru ediopet, kanuka ainakinet naicweio; Ekoroi da ediopet kanuka ainakinet naka adiakaret; Ido kanuka asubanit naka ainakineta nuka ainapakin, imoŋin iarei, ka imerekekin ikany, ka ikorwa ikany, ka imerekekin ikany lukiliok luka ekaru ediopet: ŋin ŋes ainakinet naka Akira okoku loka Enan. Ŋin ŋes atiakunio naka etem, kapaaran naenyonyoanakinere akinyet, kakanin nuka ikapolok luka Isirael: atubai atomon ka nuarei nuka epuesa, ka atanya atomon ka nuarei nuka epuesa, ka akaalei atomon ka nuarei nuka esabu: Alaniru naka ŋinituba naka epuesa isekelin akwatat ka akaisauni, ka ninitany naka epuesa isekelin akaisakanykaarei: epuesa kere loka iboro Ŋul isekelin ilukumin iarei ka akwat aoŋon, kwape ajaar esekel loka aibois nakalaunan; Akaalei atomon ka nuarei nuka esabu nuileleba lukisupurununo, ninidiopet alaŋiruke isekelin itomon, kwape ajaar esekel loka aibois nakalaunan: esabu kere loka akaalei isekelin akwatat ka akaisaarei: Imoŋin kere luka ainakinet naicweio itoba itomon ka luarei, ka imerekekin itomon ka luarei, ka imcrekekin lukiliok luka ekaru ediopet itomon ka luarei, ka ainakinetekec naka akiria: ka ikorwa araun ainakinet naka adiakaret itomon ka luarei: Ka imoŋin kere luka asubanit naka ainakineta nuka ainapakin, itoba akaisaarei ka luonon, ka imerekekin akaisakanykape, ka ikorwa akaisakanykape, ka imerekekin lukiliok luka ekaru ediopet akaisakanykape. Ŋin ŋes atiakunio naka etem, kedau ainyonyoanakinio, Ido nakelomanaria Musa owema loka airiamunun einer kaŋes, ŋes apupununio Eporoto ineras kaŋes kokuju keicolon-lokaitim loajai kuju asaduku naka aitejenuner, kokidin kikerubin iarei: kiner kaŋes. Kotema EJAKAIT Musa atiar, “Kolimok Aaron ebe, Naisipokinia ijo atalai, atalai akanykaarei kes ecaete koinaren kepir loka atala.” Kiswama Aaron kwaŋin; kosipok atalai nen tetere ecaete koinaren kepir loka atala, kwape kicorakinia EJAKAIT Musa, Eswamatai epir loka atala kwanata, esabu loerukuk; kwapuke kiton aturoke da korau aswam naerukuk: kwape ajaar aput naabu EJAKAIT kitodikinite Musa, kwaŋin kiswamau ŋesi epir loka atala. Kotema EJAKAIT Musa atiar, “Kolem Ilebin kodwe luka Isirael, kitalau kes, Ikonakini ijo neta aitalaun kes: ibwatakini kes akipi nuitesegaarete, kobarenoto da kes akuan kere, ido kilotata ikeeenapen, kitalaunos bonik. Kosodete ayaŋaar emoŋ lotobait, ka ainakineteke naka akiria, akiria nuidieie nuinyalakinitai akinyet, iyanaari ijo emoŋ lotobait ece araun ainakinet naka adiakaret. Isukunyikini ijo Ilebin kinaren kewema loka airiamunun: itukonokini da ekodet kere loka idwe luka Isirael. Isukunyikini Ilebin akonyen nuka EJAKAIT: idokonokinete idwe luka Isirael akecekanin oLebin: Ŋanari Aaron Ilebin kakonyen nuka EJAKAIT araut ainakinet naiianio, kanuka idwe luka Isirael, tetere eraunete luiswamaete aiiaanakin EJAKAIT. Idokonokinete Ilebin akecekanin akwes nuka imoŋin lutoba: iinakini ijo ediopet araun ainakinet naka adiakaret, ediopet da araun ainakinet naicweio mama ejai EJAKAIT, alucio Ilebin. Itobwoi Ilebin kakonyen nuka Aaron, kakonyen da nuka odweke, iinakini kes araut ainakinet naiianio mama ejai EJAKAIT. Igituni kwaŋin Ilebin kodwe luka Isirael: eraunos do Ilebin lukan Ido akaulo kanun elomarete Ilebin toma aswam naka aijaanakin naka ewema loka airiamunun: italauni ijo kes, iinakini kes araut ainakinet naiianio. Naarai einakina ke si cut mamakaij kodwe luka Isirael; ayanau kes mamakan aibois naka nul kere luepukorete aliligeta, kes ikiyaik kere luka idwe luka Isirael. Naarai ikiyaik kere luka idwe luka Isirael eraas lukan, etuŋanan ka etiaŋ da: kapaaran naadanyia ikiyaik kere luka akwap nako Misiri abu ketalau kes kanukan, Ayaŋa Ilebin aibois naka ikiyaik kere kotoma odwe luka Isirael. Ido ainak Ilebin araut ainakinet mama ejai Aaron ka odweke kodwe luka Isirael, aiiaanakin owema loka airiamunun kanuka idwe luka Isirael, alucio idwe luka Isirael: tetere mam atular ebunokini idwe luka Isirael, arai kikunyakis idwe luka Isirael die kaibois nakalaunan.” Apotu Musa ka Aaron ka ekodet kere loka idwe luka Isirael kiswamakis Ilebin kwaŋin: kwape ajaatar kere nueeorakinit EJAKAIT Musa kanuka Ilebin, apotu idwe luka Isirael kiswamakis kes kwaŋin, Kitesegaros Ilebin karonisikee, kilota da ikeeenapen; koinak Aaron kes araut ainakinet naijaŋio kakonyen nuka EJAKAIT: ido kolue Aaron kes aitalaun kes. Akaulo kanun kolomasi Ilebin toma aswam naka aiiaanakin naka ewema loka airiamunun kakonyen nuka Aaron, kakonyen da nuka odweke: kwape ecorakinitor EJAKAIT Musa nuka Ilebin, kiswamakis kes kwaŋin. Kotema EJAKAIT Musa atiar, “Nu kes akiro nuka Ilebin: ageun kaluka ikar akaisaarei ka lukany ka luedeparito, kes elomarete akapakin aijaanakin kaswam naka ewema loka airiamunun: Ido kedolo ikar lukapoloukee akaisakany itasaŋete akapakina aswam, mam bobo ijaanakinete: Konye inarakinetc iinaeanakee kotoma owema loka airiamunun, aidar nuititinitai, konye mam ijaanakinete. Iswamakini ijo Ilebin kwaŋin kanuka nuititinitai.” Kotema EJAKAIT Musa kamodiŋ naka Sinai, kolap losodit kokaru lokiareit akaulo kanyounikec kakwap nako Misiri atiar, “Bobo da ibus idwe luka Isirael aidar aleleŋio kapakike naeseunitai. Kapaaran nakitomonet kaonon naka elap kalo, idarete ŋes atiboŋ naka apakike naeseunitai: kwape ejaatar ikekisila kere, ido kwape ejaatar aicorakinetake kere, idarete ŋes.” Kolimok Musa idwe luka Isirael aidar alclenio. Kidarete aleleŋio kotoma olap losodit, kapaaran nakitomonet kaonon naka elap, eboŋ, kamodiŋ naka Sinai: kwape ajaatar kere nueeorakinit EJAKAIT Musa, kiswamata idwe luka Isirael kwaŋin. Ajaas ituŋa ice lumam alaete kanuka akuan naka etuŋanan lokatwan, kanuka nun mam apedorito aidar aleleŋio kapaaran kaŋin: kopotu mama ejai Musa ka Aaron kapaaran kaŋin, Kotemasi iruŋa ŋul ŋes atiar, “Mam sic kilai kanuka akuan naka erunanan lokatwan: kanukinyo kirebokinitere sio, komam kicamakinitai ainakin ainakinet naka EJAKAIT kotoma apakike naeseunitai nepepe kidwe luka Isirael?” Kotema kes Musa atiar, “Kidareutu; kapup ber nukeeorakini EJAKAIT kanukus.” Kotema EJAKAIT Musa atiar, “Kolimok idwe luka Isirael ebe, Arai mam ituŋanan kayesi arai yenika aturiokus elai kanuka akuan nakatwan, ido arai ejai irunanan toma alosit naelwana, ibus ŋes aidar aleleŋio kama ka EJAKAIT; Idarete ŋes eboŋ kapaaran nakitomonet kaonon kotoma olap lokiareit; enyamete kimugatin lumam itubuunitoi ka edia loedwar. Sirikideut idiobore aitodol tupuruc, karaida aibil adiokoit: idarete kesi aleleŋio kwape eiaar ekisil kere. Konye ituŋanan yenelai, komam ejai toma alosit, kosodi aiŋer aidar aleleŋio, egelario ituŋanan ŋin kotuŋake; naarai mam abu koinak ainakinet naka EJAKAIT kotoma apakike naeseunitai, ibwoki ituŋanan ŋin adiakareteke. Ido arai kebu emoit aiboienen nepepe kayes, kosodi aidar aleleŋio kama ka EJAKAIT; kwape eiaar ekisil loka aleleŋio, ido kwape ejaar aicorakineteke, iswamai kwaŋin: iiaunos kekisil ediopet, yes kere, imoit ka iuriat.” Kapaaran naebubukinere ewema lokalaunan korapia edou ewema lokalaunan, ŋes ewema loka aiteienunet: ido eboŋ kotakan kokuju kewema bala akim, aitodol tupuruc. Kojaenena kwaŋin due: korapianari ŋes edou paaran, kotakanunenei akim kuare. Naelemanarere edou kokuju owema, akauloke konyounete idwe luka Isirael alosit: ido toma aibois naasiponokin edou, ŋina ŋes edukurenenete idwe luka Isirael. Alosenenete idwe luka Isirael kaieorakinet naka EJAKAIT, ido edukurenenete da kaieorakinet naka EJAKAIT: eboienenete koidukurunukee adaun apak kere naaiaar edou kuju owema lokalaunan. Ido naasalanakinia edou kuju owema lokalaunan apaarasia nuipu, edarenenete idwe luka Isirael akirot naka EJAKAIT, komam elosete. Acepakio ajaenena edou kuju owema lokalaunan apaarasia adis; kosodi kwape ajaar aicorakinet naka EJAKAIT eboienenete koidukurunukee, ido alosenenete kwape ajaar aicorakinet naka EJAKAIT, Acepakio ajaenena edou kuju owema eboŋ aitodol tupuruc; naalemanarere edou tupuruc, alosenenete kesi: arai kerai paaran arai kuare, naalemanarere edou, alosenenete kesi, Arai apaarasia aarei arai elap, arai ekaru, esalakinia edou kuiu owema, iboie kanen, eboienenete idwe luka Isirael koidukurunukee komam elosete: konye naalemarere kolosete, Edukurenenete kaicorakinet naka EJAKAIT, ido alosenenete da kaieorakinet naka EJAKAIT: edarenenete akirot naka EJAKAIT, kaicorakinet naka EJAKAIT kama ka Musa. Kotema EJAKAIT Musa atiar, “Kiswamau arupepen aarei nuka epuesa; kiswamau ka loerukuk: itwasamai kes kanuka anyaraununena ekodet, ido kanuka alosit anyoun kaneidukurete. Ido naekutanakinere kes, etukokin ekodet kere mama ijai kokek loka ewema loka airiamunun. Konye arai kekutakin adiopet, etukokinos ikapolok luepolokinito ilukumin luka Isirael mama ijai. Ido naikutakiniata naka elulu, enyounete iruna lukoidukurun luka ari nakokide alosit. Naikutakiniata da naka elulu nakiareit, enyounete iruna lukoidukurun luka ari naka eŋalakimak alosit: ekutanakinete aikwenyar kanuka alositokee. Konye naekotokinere arukokin ekodet nepepe, ikutanakinete, konye mam ikutakinete naka elulu. Odwe luka Aaron, isasedotin, kes ekutanakinete arupepen; ido eraunos ŋun ekisil kamakus ikar kere anatar aturiokus kere. Ido nailosioto aitiji lokasurup lokimwanit yes kakwapukus, ŋes ikutakiniata naka elulu karupepen; kiitunio yes kakonyen nuka EJAKAIT Ekusideke, kitaiario da yes kakonyen nuka lukasurupokus. Kapaaran da naka aiyalamakus, kopucinokus lueseunitai, kotoma ailamunun da naka ilapiokus, ikutaaakinete arupepen kainakinetakus nuieweio, kasuban da nuka ainakineta nuka ainapakin; eraunos da kamakus aisiitunet kakonyen nuka Edekekus: arai eoŋ EJAKAIT Ekusideke.” Kosodi kokaru lokiareit, kolap lokiareit, kapaaran naka akaisaarei, aponi kolemarai edou kokuiu owema lokalaunan laka aiteienunet. Kobwota idwe luka Isirael kwape ajaatar alositokec anyoun kamodiŋ naka Sinai; kosipokin edou amodiŋ naka Paran, Kogeut alositekee kwape ajaar aicorakinet naka EJAKAIT kama ka Musa. Kisiaununei emedera loka iidukurun luka idwe luka Yuda aitobwosio kwape ajaatar irionetakec: ido loapolokinit erioneteke ŋes Nason okoku loka Aminadab. Ido loapolokinit erioŋet laka ateker naka idwe luka Isakar ŋes Netanel okoku loka Suar. Loapolokinit erioŋet loka ateker naka idwe luka Sebulun ŋes Eliab okoku loka Kelon. Koutoi iloin konunukai da ewema lokalaunan; kobwota odwe luka Gereson ka odwe luka Merari luadakenenete ewema lokalaunan. Kitobwotai emedera loka iidukurun luka Reuben kwape ajaatar irionetakec: loapolokinit da erioneteke ŋes Elisur okoku loka Sedeur. Loapolokinit erioŋet loka ateker naka idwe luka Simeon ŋes Selumiel okoku laka Surisadai. Loapolokinit erioŋet loka ateker naka idwe luka Gad ŋes. Eliasap okoku loka Deuel. Kobwota Ikokatin, kibwokito da iboro luka aibois nakalaunan: ebubuonokinete kwi ewema lokalaunan eriŋa kes kedolo, Kitobwotai emedera loka iidukurun luka idwe luka Epuraim kwape ajaatar irionetakec: loapolokinit da erioneteke ŋes Elisama okoku loka Amikud, Loapolokinit erioŋet loka ateker naka idwe luka Manase ŋes Gamaliel okoku loka Pedasur. Loapolokinit erioŋet loka ateker naka idwe luka Benyamin ŋes Abidan okoku loka Gideoni. Kitobwotai emedera loka iidukurun luka idwe luka Dan loewasie koidukurun kere, kwape ajaatar irionetakec: loapolokinit da erioneteke ŋes Akieser okoku loka Amisadai. Loapolokinit erioŋet loka ateker naka idwe luka Aser ŋes Pagiel okoku loka Oeuran. Loapolokinit erioŋet loka ateker naka idwe luka Naputali ŋes Akira okoku loka Enan. Ekonenenei nen alosit naka idwe luka Isirael kwape ajaatar irionetakec; kobwota. Kolimok Musa omuranike Kobab, okoku loka Reuel Emidianit ebe, “Kibei isio aibois naabu Edeke kobala ebe, ‘Kainakini yes’: kaupakinos, ka sio da kiswamakini jo ejok: naarai ener EJAKAIT nuejok nuka Isirael.” Kotema ŋes atiar, “Mam alosi; konye aboŋori bukosi, mama ejai atekereka.” Kotema atiar, “Sirikiinyei sio, kenainait; naarai iieni kwape kilosio aidukur toma amodiŋ, kwaŋin iraun ijo akosikonye. Ejaun kwanata, arai kiupakin oni, eebo ejaun kwanata ebe, niniiokis kere nakiswamakini sic EJAKAIT, nipenin kiswamakini isio da jo.” Kobwota anyoun komoru loka EJAKAIT alosit naka apaarasia auni; kiŋarenikinite kes asaduku naka aitutuket naka EJAKAIT kalosite naka apaarasia auni, amoikin kes aibois nakiyenunet, Korapiarite kes edou loka EJAKAIT paaran naabwosiata koidukurun. Kosodi naetobwosenenere asaduku kotemanari Musa atiar, “Konyou, wu EJAKAIT, kisiarisiar lukasurupokon; kokerata da lukilaito jo kakonyenekon.” Naeyenununa da kotemanari atiar, “Koboŋu, wu EJAKAIT, neejaas ilukumin itomon luka ilukumin luka Isirael.” Kirurumata ituŋa, kineras nukaronok kaki nuka EJAKAIT: kepupu EJAKAIT, kinep anyunyurake; konok akim naka EJAKAIT kamakee, konyama da atutubeta nukokina nuka iidukurun. Komonyata ituŋa mama ejai Musa; kilip Musa EJAKAIT, kodunei do akim. Komaikinai ekiror loka aibois ŋin Tabera: naarai abu akim naka EJAKAIT konok kamakee. Kikibelik ikatumunak luenyalakina tomakee: komonyata bobo idwe luka Isirael ebe, “Iŋai kitanyami sio akiriŋ? Kiitu agaria nukinyamenenei atai kotoma Misiri; akolil, ka amonyon, ka edia, ka itugulun, ka lukinyalet. Konye kwana iriono ekositau; emamei idiobore da: emamei idiobore yenikitei dimarai emanu lo.” Kosubite emanu bala eeokat loka ejad ka aketakanu da koputosi bala atakanu naka ebedola. Kiledokinos ituŋa atukonokin ŋes, kiriata kakanasia, korukoto kokisun, kipooto kamoti, kilunulunata imugatin: kosubite bala enyamete kesi edia loinyalakinitai akinyet. Nakejaununotor akopyo oidukurun kuare, koiaunun emanu da. Kopup Musa ituŋa emonyete kokaliakee kere, ŋinituŋanan kokek loka ewemake: kinep noi anyunyura naka EJAKAIT; kokadak Musa. Kotema Musa EJAKAIT atiar, “Kanukinyo iswamakinia ijo ekonibulesit erono? Kanukinyo da mam eoŋ adumunitor asianut kakonyenekon, tape ijo kisibwoki eoŋ alaŋir naka ituŋa kalu kere? Eoŋ kapotuun kereka ituŋa lu kere? ido eoŋ kedouni kes? Tape ijo kitemar eoŋ ebe, ‘Kodakaa kes katorobukon kwape edakia ekasaan ikoku yenenaki, aitodol akwap naibu kisiyapoik lukapapaakee.’ Ai bo alemunia eoŋ akirhj naainakini ituŋa lu kere? naarai emonyete mamaka ebe, ‘Koinakinai sic akiriŋ, kanyama.’ Mam eoŋ apedori bon aibwok ituŋa lu kere, naarai kalanirikinito noi. Arai kiswamanakini ijo eoŋ kwaŋin, kenainair koar katipet, arai adumunit asianut kakonyenekon; kenyek aanyun iean luetia nen.” Kotema EJAKAIT Musa atiar, “Kotukokinai ituŋa akaisakanykaarei komakio luka Isirae!, luijeni ijo ebe eraas imakio luka ituŋa, luepolokinito kes; koyau kes owema loka airiamunun, tetere ebwoete kaŋina nepepe kaio. Eiesuni eoŋ da einer kaio kanen; alemari ece komoyo loijaatar ijo, kasodi aibwaikin mamakee; ibwokete nepepe kajo alaŋir naka ituŋa, tetere mam jo bon ibwoki. Kolimok ituŋa ebe, ‘Kitalaunos eroko moi edoluno, inyamete da akiriŋ; naarai imonyata kaki nuka EJAKAIT ebe, “Iŋai kitanyami sio akiriŋ? naarai aiok kole isio aiboi koMisiri”: kanuka nun kiinaki EJAKAIT akiriŋ, inyamete. Mere adiopepaaran bon inyamiata, karaida apaarasia aarei karaida apaarasia akany, karaida apaarasia akaisaarei; Konye elap kere, aitodol naelomunia kokumesikus, nekititirikinio cut: naarai ineroto EJAKAIT loejai mamakus, komonyete kakonyeneke ebe, “Kanukinyo kinyounio koMisiri?”’” Kotema Musa atiar, “Ituŋa luaiai eoŋ mamakee imwaasi ikiliok ilukumin akwat akanykape; ido itema ijo atiar, ‘Ainakini kes akiriŋ, konyama adaun elap kere?’ Earakinio isipanin luka amerekekin ka luka aituk aisimonikinia kes? arai bo etukonokinio agaria kere nuka aŋolol aisimonikinia kes?” Kotema EJAKAIT Musa atiar, “Euriana kereka akan naka EJAKAIT? ianyuni do arai itodolikinio akakiro mama ijai arai bo mam.” Koloma Musa, kolimok ituŋa akiro nuka EJAKAIT: kotukok imakio luka ituŋa akaisakanykaarei, kisibwo kes aisirimor Ewema. Kiiesun EJAKAIT kotoma odou, kiner kaŋes, kolema da ece komoyo loaiaatar ŋesi, kibwaik omakio akaisakanykaarei: kosodi kiboikin emoyo mamakec, kodwarata, kitananata nepenen. Konye asalito ituŋa iarei oidukurun, ekiror loka ediopet ŋes Eludad, ece da ŋes Medad: kiboikin emoyo mamakee; ido araas kesi luka nul kaluewadikatai, konye mam apotu koloto owema: kodwarata koidukurun. Koker ekatumunan, kolimok Musa ebe, “Edwarete Eludad ka Medad koidukurun.” Koboŋok Yosua okoku loka Nun, ekeiaanakinan loka Musa ameun koiditeuke ebe, “Ejakaitika Musa, kitikok kes.” Kotema Musa ŋes atiar, “Kikokotik ijo kanukaŋ? Tiejok ituŋa kere luka EJAKAIT koraunos inabin, tikibwaiki da EJAKAIT emoyoke mamakee!” Koboŋosi Musa ka imakio luka Isirael oidukurun. Kokut ekwam loebuni kama ejai EJAKAIT, koyanau alurueik kaŋolol, kitodo kes oidukurun, kwaka alosit naka adiopepaaran epuai, ka alosit naka adiopepaaran epuai da, airimor iidukurun, ikubitin iarei kuiu kakwap. Konyout ituŋa apaaran ŋin kere, ka akuare da kere, ka apaaran kere naatupakini, kotukonokis alurueik: nin yenatukokinit nuikidioko atukokinit ikomerin itomon: koloikis airimor iidukurun. Aroko akiriŋ ejai okelakee, aroko da enyakao, kinep anyunyura naka EJAKAIT aluikin ituŋa, kodany EJAKAIT ituŋa katular naepol noi, Komaikinai aibois ŋin ekiror Kiburot-kataaba: naarai nen aponi kidaikinai ituŋa luikibelikinito. Kolototo ituŋa anyoun koKiburot-kataaba kodoloto Kaserot; kiboikinos Kaserot. Koluikis Miriam ka Aaron Musa koinerekec kanuka aberu naKusit naamanyit ŋesi: naarai abu komany aberu naKusit. Kotemasi atiar, “Enerata kereka EJAKAIT ka Musa bon? Mam ŋes kinerit kasio da?” Kopup EJAKAIT nun. Kiyapeperana Musa noi adepar ituŋa kere luajaas akwapin. Atipet kotema EJAKAIT Musa ka Aaron ka Miriam da, atiar, “Kopotu yes iuni owema loka airiamunun.” Kolomasi kesi iuni. Kiiesun EJAKAIT kotoma opir loka edou, kobwo kokek loka Ewema, konyara Aaron ka Miriam: kikunyakis kesi. Kotema atiar, “Kiirasi kwana akakiro: arai ejai enabi kotomakus, eoŋ EJAKAIT etejenun mamake kotoma otapo eneri kaŋes kotoma airuj, Mam ekakeiaanakinan Musa ikoni nen; erai lomunot kotoma togoka kere: Kinera kaŋes kaituke, kaitebeikin, mere kakiro nuimunonoro; ido eanyuni ŋesi asima naka EJAKAIT: asa kanukinyo mam ipotu kokuriakarotor aluikin ekakejaanakinan Musa koinerekus?” Kinep anyunyura naka EJAKAIT aluikin ŋes; konyou, Konyou da edou kokuju owema; ido koany, ebokoror akuan naka Miriam atapon: kite Aaron Miriam, ido koany, korai nakatapon, Kotema Aaron Musa atiar, “Wu okwe ekaiakait, kenainait, sirikisibwok sio aronis, naarai kiswama nukabanaanut, kidiaka da. Kenainait, kinyeik ŋesi aisub bala yenikatwan, yenemunauna atutubet naka akuanake elomuni kakoik naka totoke.” Kiworo Musa mama ejai EJAKAIT atiar, “Kitaŋaleu ŋes, wu Edeke, kenainait.” Kotema EJAKAIT Musa atiar, “Arai kimuikinit papake ŋes aimul oreeteke, ti kereka mam ŋes kiruma ileje apaarasia akanykaarei? Ibus kogolokinai ŋes kina kiidukurun apaarasia akanykaarei, akaulo kanun inyakunio ŋes toma bobo.” Kogoloroi Miriam kina kiidukurun apaarasia akanykaarei: mam ituŋa da apotu koloto aitodol naenyakunere bobo Miriam toma. Ido akaulo kanun, konyout ituŋa koKaserot, kidukuroto amodiŋ naka Paran. Kotema EJAKAIT Musa atiar, “Kijuka ituŋa, korota akwap naka Kanaan, naainakini idwe luka Isirael: ijukari etuŋanan loka ninireker naka lukapapaakee, nclidiopet loepol kamakec.” Kijuka Musa kes anyoun kamodiŋ naka Paran kwape ajaar aicorakinet naka EJAKAIT: kes kere ituŋa luapolokinito idwe luka Isirael. Ikecekiroria da lu: loka ateker naka Reuben ŋes Samua okoku loka Sacur, Loka ateker naka Simeon, Sapat okoku loka Kori. Loka ateker naka Yuda, Kaleb okoku loka Yepune. Loka ateker naka Isakar, Igal okoku loka Yosep. Loka ateker naka Epuraim, Kosea okoku loka Nun. Loka ateker naka Benyamin, Paluti okoku loka Rapu. Loka ateker naka Sebulun, Gadiel okoku loka Sodi. Loka ateker naka Yosep, ŋes leka ateker naka Manase, Gadi okoku loka Susi. Loka ateker naka Dan, Amiel okoku loka Gemali, Loka ateker naka Aser, Setur okoku loka Mikael. Loka ateker naka Naputali, Nabi okoku loka Bopasi, Loka ateker naka Gad, Geuel okoku loka Maki. Ŋul kes ikiroria luka ituŋa luejukari Musa airot akwap. Komaik Musa Kosea okoku loka Nun Yosua. Kijuka Musa kes airot akwap naka Kanaan, kotema kes atiar, “Kodokasi korot loka ari naka Eŋalakimak, kodokasi oroŋan: Koanyut akwap, kwape eputor; ka ituŋa luibojete kotoma, arai eraas luegogon arai enonok, arai ikidioko arai ipu; Ido kwape eiaar akwap naiboioto kesi kotoma, arai ejok arai erono; kwape ejaatar da ireria luiboioto kesi kotoma, arai ludukurun, arai luebwaunitai kabwas; Kwape ejaar akwap, arai naapusuk arai naakurae, arai ejaas amagoron, arai emameete, Kotitinikis yesi, koyauniata da adioraito nuka akwap.” Kerai na apak naka imusabibun luageenenete atiokore. Kosodete kodokasi korota akwap anyoun kamodiŋ naka Sin aitodol Rekob kiton alomaret Kamat. Kodokasi kari naka Eŋalakimak, kodoloto Keburon; ajaas nen Akiman, Sesai ka Talimai, idwe luka Anak. (Adukitai Keburon ikar ikanykaarei eroko Soan kotoma Misiri.) Kodolut aditot naka Esukot, kojeput kanen atenut naajai aibuŋet adiopet naka emusabibu, kidielata iarei kakitoi; koyautu da araito nuka ekamamaga, ka nuka etini. Komaikinai aibois ŋin aditot naka Esukol, kanuka aibuŋet naajeparete idwe luka Isirael kanen. Kobonosi kairot akwap kedaunos apaarasia akaisaoŋon, Kolototo kopotu neejai Musa ka Aaron, ka ekodet kere loka idwe luka Isirael, kamodiŋ naka Paran, koKades; koinut kes ka ekodet kere akirot, kitodikis da kes araito nuka akwap. Kolimokis ŋes ebe, “Kidol akwap naibu ijo kijuka sio, abeit erai naeleleete akile ka esik; ido nu kes araitoke. Konye ituŋa luibojete kakwap eraas luegogon, ireriakec da ebwaitai, epolok noi: bobo da kipou kaanyutu kaŋina idwe luka Anak. Iboie Amalek kakwap naka ari naka Eŋalakimak; iboie da Ekitit ka Eyebusit ka Emorait koronan: iboie da Ekanaanit kariri naka aŋolol, ka ariri naka Yorodan da.” Kisililin Kaleb ituŋa kakonyen nuka Musa, kotema atiar, “Kadokasi katipet, keruma ŋes; naarai kipedori eut aipikor.” Konye ituŋa luaupara kaŋes kotemasi atiar, “Mam kipedori asurokin ituŋa; naarai egogoŋ kesi adepar oni,” Koinut idwe luka Isirael akiro nueroko nuka akwap naapotu korota, ebe, “Akwap nakitoro kirosi, erai akwap naenyamanari luibojete kotoma; ituŋa da lukipou kaanyutu kotoma eraas ituŋa luikososoete, Kipou kaanyutu kaŋina da Inepilin, odwe luka Anak, luelomunete koInepilin: kirai kakonyenekosi bala ibeerei, ido kirai kwaŋin kakonyenekec da.” Kodelo ekodet kere; komonya ituŋa akuare nin, Kirurumata idwe luka Isirael kere aluikin Musa ka Aaron da: kobala ekodet kere kes ebe, “Tiejok arai katwakikinito akwap nako Misiri! Tiejok da arai katwakikinito amodiŋ na! Kanukinyo kiyaunia EJAKAIT sio akwap na, adanyio kekileŋ? Anorokosi ka ikosidwe ludidik da araun lumejan: mam tiejok sio aboŋor Misiri?” Kotemanaros bonik atiar, “Kaseutu ekenarenon, kabonosi Misiri.” Kosodi Musa ka Aaron aibirokin kwap ebuburia, kakonyen nuka ekodet kere loka idwe luka Isirael. Apotu Yosua okoku loka Nun ka Kaleb okoku loka Yepune luaraas iarei kanul kaluarosito akwap, koeilieilata ikeeenapen: Kolimokis ekodet kere loka idwe luka Isirael ebe, “Akwap, nakitor kirosi, erai akwap naitelekarit kajokis, Arai kisiyalamikinit oni EJAKAIT, kiyai ŋesi oni akwap nin, kainakini oni da; akwap naeleleete akile ka esik. Konye sirikipaliikis EJAKAIT, karaida aiyoŋ ituŋa luka akwap; naarai eraas atapawok; alemar etorubekec kamakee, ejai EJAKAIT nepepe kaoni: sirikiyoŋa kes.” Konye akoto ekodet kere aibiribir kes kamor. Kosodi aibuses naka EJAKAIT aitakanikin idwe kere luka Isirael kowema loka airiamunun. Kotema EJAKAIT Musa atiar, “Itodolete ai iruna lu kamwanitos eoŋ? Itodolete da ai mam keyuunitos, kanuka aanyuneta kere nueswamak kes? Adanyi kes katular, ademari kes airumet, etuluori jo ateker naepol naegogon adepar kes.” Kotema Musa EJAKAIT atiar, “Aso epupunete Imisirian nun: naarai ijo iyauni ituŋa lu kotoma apedorikon kamakee; Elimokinete da luibojete kakwap kaŋin: apuput ebe ijai ijo EJAKAIT kidin kituna kalu: naarai kianyununo jo EJAKAIT kakonyen, ebwoi da ekonidou kamakee, iŋarenikinit kes, kepir loka edou paaran, ka epir loka akim kuare. Aso arai kiara ijo ituŋa lu adaun cut, etemarete atekerin nuapuputu eemutukon atiar. ‘Kanu naarai mam EJAKAIT abu kopedo ayaun ituŋa nul toma akwap naabu kiyapoik kes, ŋes aarakinia kes amodiŋ.’ Aso kenaiŋait, kopoloor apedor naka EJAKAIT kwape ejaatar nuibu ijo kiner ebe, ‘Iyapi EJAKAIT anyunyurikin, ileleba aitim, isioniei numam adolit ka aibucareta, lomam imarakini luegwaunito akirot araun ikadolitok; idopei kodwe numam adolit nuka lukapapakee, aitodol atur nakiwuniet ka nakiwononet.’ Kenainait, kisioni numam adolit nuka ituŋa kalu kwape eiaar akoniitim naepol, kwape ibu kisionio ituŋa lu, anyoun koMisiri aitodol kwana.” Kotema EJAKAIT atiar, “Esioni kwape ejaar akonikirot: Konye abeit, kwape ajaria, ido kwape ilelebunor akwap kere aibuses naka EJAKAIT; Naarai ituŋa nul kere luaanyutu akaibuses, ka aanyunetaka da, nuabu keswama koMisiri, kamodiŋ da, konye kakodokodata eoŋ irwan nu atomon, komam epupete ekaporoto; Abeit mam eanyunete cut akwap naabu keyapoik lukapapaakee, karaida yenabu kamwan eoŋ kere mam eanyuni. Konye Kaleb ekakejaanakinan, naarai ajaas kemoyo ece, ido karima eoŋ cut, ayai eoŋ ŋes akwap naabu ŋesi kolosite; aurike da irumi ŋes. Iboiete Emalekait ka Ekanaanit kaditot: kibelokinos moi, koloto amodiŋ korot loebei Aŋolol Nakarenan.’ Kotema EJAKAIT Musa ka Aaron atiar, “Etodoli ai atitinikinit ekodet lo lokaronon, lokerurumakinit eoŋ? Apup airuruma naka idwe luka Isirael, nakerurumakinitotor eoŋ. Kolimok kes ebe, Inera EJAKAIT atiar, Kwape ajaria, abeit kwape kilimokiniata akika, kwape kwaŋin da keswamakiniata: Edoenenete atesinakus amodiŋ na; kere da luaponi kimarai kayesi, kwape ajaar etiaikus kere, ageun kaluka ikar akaisaarei ka luedeparito, lukerurumakis eoŋ. Abeit mam ilomarete akwap, naabu eoŋ kario akakan ebe kesiboikini yes toma, dimarai Kaleb okoku loka Yepune ka Yosua okoku loka Nun. Konye idwekus ludidik luibalasi yesi ebe eraunos lumeian, kes etolomari eoŋ, ido kes ejenunete akwap nainero yesi. Konye yes, edoenenete akusitesin amodiŋ na. Idwekus da eraunos ikerimok kotoma amodiŋ ikar akaisaoŋon, ibwokete eporokus, aitodol naedaikinotor atesinakus amodiŋ, Kwape ejaar etiai loka apaarasia nuirosiata yes akwap, kes apaarasia akaisaoŋon, kanuka ninipaaran ekaru, ibwokiata numam adolitekus, kes ikar akaisaon on, ijenunete da apalunika, Ener eoŋ EJAKAIT, abeit eswamakini eoŋ ŋun ekodet lo kere lokaronon, loetukokina nepepe asurokin eoŋ: amodiŋ na ŋes edaikinos, ido nen etwakikinete.” Ka ituŋa da, luejukarit Musa airot akwap, luabonunete, kosodete aisirurumakin ŋes ekodet kere, kanuka ainun akiro nueroko aitoronia akwap, Ituŋa nupenul luayaunete akiro nueroko aitoronia akwap, kotwaka atular kakonyen nuka EJAKAIT. Konye Yosua okoku loka Nun, ka Kaleb okoku loka Yepune, kes apotu kojarata koruna lualosito airot akwap. Kolimok Musa idwe kere luka Isirael akiro ŋun: kibworoto ituŋa noi. Kodilokis anyoun tupuruc, kodokasi kuiu oroŋat, kobalas ebe, “Koany, isio lu, kidokari do aibois nakisumunit EJAKAIT: naarai kidiaka.” Kotema Musa atiar, “Kanukinyo ipaariata kaieorakinet naka EJAKAIT, naarai emamuun asuliany? Sirikidokasi, naarai mam EJAKAIT ejai kidiŋikus; kinyeis adanyio kakonyen nuka lukasurupokus, Naarai ejaas nina kiŋarenikus Emalekait ka Ekanaanit, kidanyio kekilen: naarai ibonut katupit EJAKAIT, kanuka ŋun mam EJAKAIT ejaun kayes.” Konye konasikinos adokar kuiu oroŋat: kwabo mam asaduku naka aitutuket naka EJAKAIT, ka Musa, apotu konyout koidukurun. Kosodete Emalekait ka Ekanaanit lueboienenete koroŋat kanol aijesun, kodanya kes, kibirut kes, aitodol Koruma. Kotema EJAKAIT Musa atiar, “Kolimok idwe luka Isirael ebe, Naidolioto akwap naiboikinos, nakainakini yes, Kosodete ainakin EJAKAIT ainakinet kakim, ainakinet naicweio, arai asubanit, aitodolio aiyaposit, arai ainakinet naka akote, arai kopucinokus luicorakinitai, aisuŋuuno EJAKAIT asakat naeur saa, kaituk arai kamerekekin: Loeinakini akeinakinet einakini EJAKAIT ainakinet naka akiria naka idiopet kotomon yenika epa loka akiria nuidicie nuinyalakinitai ka idiopet koonon yenika ekin loka akinyet: Ka ebino kanuka ainakinet namatat, idiopet koonon yenika ekin, itemonokinete nepepe kainakinet naicweio arai kanuka asubanit kanuka ŋinimerekek yenididi. Arai kanuka emerekek, itemonokini kanuka ainakinet naka akiria iarei kotomon luka epa loka akiria nuidicic nuinyalakinitai idiopet kouni yenika ekin loka akinyet: Kanuka ainakinet namatat da iinakini idiopet kouni yenika ekin loka ebino, loka asakat naeur saa mama ejai EJAKAIT. Naitemokinio emoŋ lotobait kanuka ainakinet naicweio, arai kanuka asubanit, aitodolio aiyaposit, arai kanuka ainakineta nuka ainapakin mama ejai EJAKAIT: Ŋes einakinia ainakinet naka akiria nepepe kemon lotobait naka iuni kotomon luka epa loka akiria nuidicie nuinyalakinitai katutubet naka ekin loka akinyet. Iinakini kanuka ainakinet namatat atutubet naka ekin loka ebino, kanuka ainakinet naeinakinere kakim, naka asakat naeur saa mama ejai EJAKAIT. Iswamaenenoo kwaŋin kanuka nolimon lotobait, ido kanuka nolimerekek, kanuka ninimcrekek yenikiliokit, arai kanuka ŋinikalol da. Kwape ejaar etiai loitemokinete, iswamakinete kwaŋin ŋinidiopet, kwape ejaar etiaiakee. Iurian kere iswamaete akiro nun kopone kanol, naeinakiniata ainakinet naeinakinere kakim, naka asakat naeur saa mama ejai EJAKAIT. Arai kiboikin imoit nepepe kayes, arai ice kere yenejaun kidinikus katuriokus kere, kosodi ainakin ainakinet naeinakinere kakim, naka asakat naeur saa mama ejai EJAKAIT; kwape iswamaata yesi, iswamai ŋesi da kwaŋin, Kanuka atukot, ejaun ekisil ediopet kanukus, ido kanuka imoit yeniboienenei nepepe kayes, ekisil lomam edaun katuriokus kere: kwape iiaatar yesi, ejaun kwaŋin imoit kakonyen nuka EJAKAIT, Ejaun ekisil ediopet ka aicorakinet adiopet kanukus, ido kanuka imoit yeniboienenei kayes.” Kotema EJAKAIT Musa atiar, “Kolimok idwe luka Isirael ebe, Naidolioto akwap naketolomari yes, Ejaun kwana, ebe, nainyamiata atap naka akwap, iinakinete ainakinet nadakakina mama ejai EJAKAIT. Iinanakinete aluŋuret naka agweikus nainumanariata yesi kanuka ainakinet nadakakina: kwape idakuniata ainakinet nadakakina naka epejal, idakunete nin da kwaŋin, linanakinete EJAKAIT aluŋuret naka agweikus nainumanariata araun ainakinet nadakakina katuriokus kere. Ido naipaariata, komam iricito aicorakineta nun kere, nualimoki EJAKAIT Musa. Ŋun kere nukicorak yes EJAKAIT kama ka Musa, ameun kapaaran naesiaunia EJAKAIT aicorakin, anatar aturiokus kere; Ejaun kwana, arai kibueasi, komam ekodet ejeŋi, einakini ekodet kere emoŋ lotobait kanuka ainakinet naicweio, naka asakat naeur saa mama ejai EJAKAIT, nepepe kainakineteke naka akiria, ka ainakineteke namatat, kwape ejaar ekisil, ka ekoroi ediopet kanuka ainakinet naka adiakaret. Eluei esasedoti ekodet kere loka idwe luka Isirael, isionio da kes; naarai arai aibucaret, ayaut da ainakinetekee, ainakinet naeinakinere kakim mama ejai EJAKAIT, ka ainakinetekee naka adiakaret kakonyen nuka EJAKAIT, kanuka aibucaretekec: Isionio ekodet kere loka idwe luka Isirael, ka imoit da yeniboienenei kamakee; naarai arai aibucaret naka ituŋa kere komam ejenete. Ido arai kediaka idiopetunanan komam ejeŋi, einakini akinei naka ekaru ediopet araun ainakinet naka adiakaret. Eluei esasedoti aijar naibuearit, naediakaria komam ejeŋi, kakonyen nuka EJAKAIT, alueio ŋes; ido isionio ŋes. Ŋaunos kekisil ediopet kanuka nin yeniswamai ibore komam ejeŋi, nin yeneurikinitai odwe luka Isirael, ido ka imoit yeniboienenei kamakee. Konye aijar naepeleikin aswam ibore, arai iuriat arai imoit, einyanakini nin EJAKAIT; egelario ituŋanan nin kotuŋake. Naarai amwaŋ akirot naka EJAKAIT, abil da aicorakineteke; egelario ituŋanan ŋin cut, ejaunos numam adoliteke mamake.” Naajaatar idwe luka Isirael amodiŋ apotu kodumut etuŋanan erarai akito kapaaran nakasabato, Koyaut luadumunete ŋes erarai akito mama ejai Musa ka Aaron ido mama ejai ekodet kere. Koenai, naarai mam ber alimoritai nuiswamakinio ŋes. Kotema EJAKAIT Musa atiar, “Abeit eario etuŋanan: ibiribiri ekodet kere ŋes kamor kokina kiidukurun.” Koyau ekodet kere ŋes kina kiidukurun, kibiribiroto ŋes kamor, kotwana; kwape kicorakinia EJAKAIT Musa. Kotema EJAKAIT Musa atiar, “Kolimok idwe luka Isirael, kicorak kes aiswamakin isilo atokito nuka inapenekee, anatar aturiokee kere, kitolomikis eusi lobululu osilo luka niuitokiroit: Eraun kamakus esilot, tetere iteete ŋes, kiitununoto aicorakineta kere nuka EJAKAIT, kiswamata kes; komam ilosete koipud loka etaukus ka akonyenekus loetapitor yes aelor: Tetere iitunete iswamaete da akaieorakineta kere, koraunos lukalaunak kama ejai Edekekus. Arai eoŋ EJAKAIT Ekusideke, loketolomuni yes kakwap nako Misiri, araun Edekekus: arai eoŋ EJAKAIT Ekusideke.” Kosodete Kora, okoku loka Isekar, okoku loka Kokat, okoku loka Lebi, nepepe ka Datan ka Abiram, odwe luka Eliab, ka On, okoku loka Pelet, odwe luka Reuben, ayaŋaar ituŋa: Konyout kakonyen nuka Musa, nepepe kice kodwe luka Isirael, ikapolok akwat aarei ka akaisakany luka ekodet, luanyaraunitai aurianet, ituŋa luajenas; Kotukonokinos aluikin Musa ka Aaron, kolimokis kes ebe, “Idakakina yes nuipu, kwabo elaunit ekodet kere, ninidiopet kakesi, ejai EJAKAIT kakes: kanukinyo do idakakinotor yesi ikulepek aitelekar atukot naka EJAKAIT?” Kepupu Musa, kibiror ebuburia: Kolimok Kora ka ipaupake kere ebe, “Moi tupuruc itoduni EJAKAIT lueraas luke, ka yenikalaunan, isudunyikini mamake: nol Ioeseuni ŋesi isudunyikini mamake. Kiswamata kwanata; koyanaasi yesi aisupuruneta, Kora ka ipaupake kere; Kibwaikis akim toma, kibwaikis da lukisupurununo toma kakonyen nuka EJAKAIT moi: ejaun kwana ebe etuŋanan loeseuni EJAKAIT, elauni ŋol; idakakina yes nuipu, yes odwe luka Lebi.” Kotema Musa Kora atiar, “Kopupokisi do yes odwe luka Lebi: Erai kereka akirot naedit kamakus, Edeke loka Isirael agitun yes kokodet loka Isirael, aisukunyikin yes mama ejai; aijaanakin toma owema lokalaunan loka EJAKAIT, ka abwoenen kakonyen nuka ekodet aijaanakin kes; Kisukuny ŋesi jo, ka iinacanakon kere odwe luka Lebi nepepe kajo? Imootos yesi da esasedotene? Kanuka ŋun ijo ka ipaupakon kere itukonokinos nepepe aluikin EJAKAIT: ka Aaron da, iŋai bo ŋesi loirurumakinitos yesi?” Kijuka Musa anyaraun Datan ka Abiram, odwe luka Eliab: kotemasi atiar, “Mam sio kibuni: Erai kereka akirot naedit ijo aitonyoun sio kakwap naeleleete akile ka esik, aarakin sio amodiŋ, kwabo ituluoro bon ekapolon lokiyait sio? Bobo da mam jo kitolomarit sio akwap naeleleete akile ka esik, karaida ainakin airum imanikoria ka amanat nuka imusabibun: mere imod ijo ituŋa lu? mam sio kibuni.” Konyunyurikin Musa noi, kolimok EJAKAIT ebe, “Sirikieam ainakinetekec: mam eoŋ ayanaarit adiopesigiria kamakee, karaida aisirieb idiopet kakesi.” Kotema Musa Kora atiar, “Kojaun ijo moi ka ekodetekon kere, akonyen nuka EJAKAIT, ijo ka kes, ka Aaron: Koyana ninituŋanan kayesi akeisupurunet kibwaik lukisupurununo toma, koyanaasi mama ejai EJAKAIT ninitunanan akeisupurunet, aisupuruneta akwat aarei ka akaisakany; ijo da, ka Aaron, ninirunanan akeisupurunet.” Koyanaasi ninirunanan akeisupurunet, kibwaikis akimian toma, kibwaikis da lukisupurununo, kobwaata kokek loka ewema loka airiamunun nepepe ka Musa ka Aaron. Kotukok Kora ekodet kere kiteos kakes kokek loka ewema laka airiamunun: kitakanikin aibuses naka EJAKAIT ekodet kere. Kotema EJAKAIT Musa ka Aaron atiar, “Kogitaros yesi ka ekodet kalo, kamudia kes katipet.” Kibiroros ebuburia, kotemasi atiar, “Wu Edeke, Edeke loka imoyon luka lukaiarak kere, inyunyurikini ijo ekodet kere kediaka ediopetunanan?” Kotema EJAKAIT Musa atiar, “Kolimok ekodet ebe, Konyoutu kowema loka Kora, ka Datan ka Abiram.” Konyou Musa kolot mama ejai Datan ka Abiram; kotupito da ŋes imakio luka Isirael. Kiner kekodet atiar, “Konyoutu, kenaiŋaito, koweman luka ituŋa lu lukaronok, ido sirikitina idioborekec, kinyeis amudiario kotoma adiakaretakec kere.” Konyout kowema loka Kora, ka Datan ka Abiram, kanoliwai: kolomut Datan ka Abiram, kobwaata kokekia luka iwemanakec, ka akecenor ka odwekec, ka ikeeedwe ludidik. Kotema Musa atiar, “Iienunete kanu ebe EJAKAIT keiukunit eoŋ aswam aswamisio nu kere; naarai mam eswamat kes kanukaŋ, Arai ketwaka ituŋa lu atwanare naka ituŋa kere, ido arai kedoikis kes nuedoonokinete ituŋa kere; ŋes atemar ebe mere EJAKAIT kejukunit eoŋ. Konye arai kiswamau EJAKAIT ibore yenikitetet, koon akwap akeituk, kosodi ailikor kes, ka luejaatar kere, kolomasi aipany ejarete; ŋes do ijenuniata ebe amwana ituŋa lu EJAKAIT.” Kosodi kanen, enetakini ŋesi einer akiro nun kere, kocila akwap naabwoiata kesi: Koona akwap aitukuke, kiliko kes, ka ikaliakec ka ituŋa kere luaraas luka Kora, ka ikeceboro kere. Kwaŋin kes, ka luaiaatatar kere kolomasi aipany ejarete: kobunak akwap kes, kooliosi katukot. Kokera luka Isirael kere luerimorito kes kepuput aimonyokec: naarai abakas ebe, “Kinyek akwap ailikor oni da.” Kobu akim kama ejai EJAKAIT, konyama ituŋa nul akwat aarei ka akaisakany luainakinete lukisupurununo. Kotema EJAKAIT Musa atiar, “Kolimok Eleasar okoku loka Aaron esasedoti kolema aisupuruneta kaneecweere, kiweliwel akim; naarai eraas nukalaunak; Aisupuruneta ŋun nuka ikadiakanarak nuegelito aiiarakec, itatai kes aipadalikin arapia etem; naarai apotu koinakis kes mama ejai EJAKAIT, kanuka nun eraas nukalaunak: ido eraunos aanyunet mama ejaas idwe luka Isirael.” Koyana Eleasar esasedoti aisupuruneta nuka aisinit, nuainakinito luecweio; kotatata kes aitaraun arapetait naka etem: Araun aisiitunet mama ejaas idwe luka Isirael, ebe sirielonwait lomam erai loka aur naka Aaron, kikunyu aicwe lukisupurununo kakonyen nuka EJAKAIT; kinyek aiput Kora ka ipaupake: kwape kelimokinia ŋes EJAKAIT kama ka Musa, Konye kapaaran naatupakini kirurumak ekodet kere loka idwe luka Isirael Musa ka Aaron, ebe, “Iarata yesi ituŋa luka EJAKAIT.” Kosodi ketukokin atukot aluikin Musa ka Aaron, kiteoto owema loka airiamunun: ido koany, korapia edou, kotakanu da aibuses naka EJAKAIT. Kopotu Musa ka Aaron kinaren kewema loka airiamunun. Kotema EJAKAIT Musa atiar, “Konyou kokodet kalo, kamudia kes katipet.” Kibiroros ebuburia. Kotema Musa Aaron atiar, “Koyaŋa aisupurunetekon, kibwaik akim nakotem toma, kibwaik da lukisupurununo, koyana katipet neejai ekodet, kolueo kes: naarai alomu anyunyura kama ejai EJAKAIT; ageu da atular.” Koyaŋa Aaron kwape alimokinia Musa, koker kidin kekodet; ido koany, ageuna atular kotuna: kibwaik lukisupurununo, koluc iruna, Kobwo ŋesi kokidin kalukatwak ka lukajarak; kitananai atular. Ido luapotu kotwaka kanuka atular emwaasi ilukumin itomon ka luonon ka akwat akanykaarei, komam imarakinitai luatwakete kanuka akiro nuka Kora. Kobono Aaron mama ejai Musa okek loka ewema loka airiamunun: kitananai atular. Kotema EJAKAIT Musa atiar, “Kinera kidwe luka Isirael, kolema kamakec ibelai, ediopet kanuka ŋiniteker naka lukapapaakec, loka ikapolokokec kere kwape ejaatar atekerin nuka lukapapaakec, ibelai itomon ka luarei; kiwadik ekiror loka nolitunanan obelake. Iwadikai da ekiror loka Aaron obela loka Lebi: naarai ejaun ebela ediopet kanuka nolikapclon loka ateker naka lukapapaakec. Iperikini kes toma owema loka airiamunun kinaren kasaduku naka aiteienunet, nekiriamunun kajo. Kosodi ejaun kwanata ebe, etuŋanan loaseuni eoŋ, elibi ebelake: etanaŋi da airuruma naka idwe luka Isirael, nakirurumakinitotor jo.” Kiner Musa kidwe luka Isirael, koinakis ikapolokokec kere ŋes ibelai, ediopet kanuka nollkapolon, kwape ejaatar atekerin nuka lukapapaakec, ibelai itomon ka luarei: ajai ebela loka Aaron da obelaikec. Kiperik Musa ibelai kakonyen nuka EJAKAIT kowema loka aitejenunet. Kosodi kapaaran naatupakini, koloma Musa toma owema loka aitejenunet; ido koany, eburukunyit ebela loka Aaron kanuka ateker naka Lebi, alibunit da, kiturote atur, koraite da araito nukakokok. Koyau Musa ibelai kere kakonyen nuka EJAKAIT mama ejaas idwe kere luka Isirael: kosesenata, koyana da ŋolituŋanan ekebela. Kotema EJAKAIT Musa atiar, “Kinyaka ebela loka Aaron kinaren kaitejenunet, ainadio araun aanyunet mama ejaas idwe lukepali: tetere itanani airurumakinitekec eoŋ, kinyeis atwakare.” Kiswama Musa kwaŋin: kwape kicorakinia EJAKAIT ŋes, kiswama kwaŋin. Kotemasi idwe luka Isirael Musa atiar, “Koany, kiolio, kitwaka, kitwaka isio kere, Ituŋanan kere yenikunyakini, yenikunyakini owema lokalaunan loka EJAKAIT etwani: kioliori ca isio kere?” Kotema EJAKAIT Aaron atiar, “Ibwoki ijo ka odwekon, ka ekal loka lukapapaakon nepepe kajo numam adolit nuka aibois nakalaunan: ido ijo ka odwekon ibwokete numam adolit nuka esasedotenekus. Ikoniinacan da, ateker naka Lebi, ateker naka papakon, kisukuny nepepe kajo, tetere imorikikinio mamakon, kijaanakis jo: konye ijo ka odwekon nepepe kajo iiaunos akonyen nuka ewema loka aitejenunet. Idarete kesi akirokon, idarete da Ewema kere: konye mam ikunyakinete die kiboro luka aibois nakalaunan karaida otem, kinyeis atwakare, kes, karaida yes. Imorikikinio kes mamakon, idarete ewema loka airiamunun, kanuka aijaanakin kere naka Ewema:, mam eloŋwait ikunyuni diekus. Idarete yesi aibois nakalaunan, ka etem da: tetere mam bobo akanyunyura ebunokini idwe luka Isirael. Eoŋ da, koany, alema iinacanakon Ilebin kodwe luka Isirael: eraas ainakinet mamakon, lueinakinitai EJAKAIT, aijaanakin ewema loka airiamunun, Idarete ijo ka odwekon esasedotenekus koboro kere luka etem, ka lueiaas toma aigalisit; ijaanakinete da: kainakinit yes aiiaanakin naka esasedotene bala ainakinet: ido eloŋwait loikunyuni die eario.” Kotema EJAKAIT Aaron atiar, “Eoŋ da, koany, kainak jo nuinadakinio nuka ainakineta nukainanakinio eoŋ, kes iboro lukalaunak luka idwe luka Isirael, kainak jo araun ewaikon, ka odwekon da, airumetekus nakitebeikinitai ikar kere. Ŋin eraun nakon koboro lukalaunak noi, numam ieweikinitai: niniinakinetekec, ŋes ŋiniinakinetekee naka akiria, ka niniinakinetekee naka adiakaret, ka ŋiniinakinetekee naka aronis, nakainakinete eoŋ, eraun nakalaunan noi kanukon ido kanuka odwekon da. Inyamanakini aibois nakalaunan noi: enyami nolikiliokit; eraunos lukalaunak kamakono Lukon lu: luedakakinitai luka ainakinetakee, ainakineta da nuijaŋio nuka idwe luka Isirael: kainak jo, ka ikonidwe lusap ka lupesur nepepe kajo, airumetekus nakitebeikinitai ikar kere: ŋin yenelai kokalekon enyami kes, Akinyet kere naitelekarit aiokis, ka ebino loitelekarit ajokis, akima da, nuegeete kakesi kokaru nueinakinete EJAKAIT, kainak joo Araito nuegeete atiokore nuka kere luejaas toma akwap, nueyaununete mama ejai EJAKAIT, eraunos nukon; ŋin yenelai kokalekon enyami kes. Ŋinibore yenegitunitai kotoma Isirael eraun yenikon. Ŋinibore yenepukori aliliget, yenika akuan kere yeneinakinete EJAKAIT, yenika etuŋanan ka etiaŋ da, eraun yenikon: konye sirikinyek alakun ekiyai loka etuŋanan, sirikinyek da alakun ekiyai loka itian lumam elaete. Ka nul da luibusakinit alakun kakesi, ilakuni ageun kaluka elap ediopet, kwape eiaunor aimarakon, isekelin ikany, kwape ajaar esekel loka aibois nakalaunan (esekel ŋes igeran akaisaarei). Konye mam ilakuni ekiyai loka emoŋ, arai ekiyai loka amerekek, arai ekiyai loka akinei; eraas lukalaunak: ibwatakini akeeeokot otem, ieweikini da asiepaikee kanuka ainakinet naeinakinere kakim, asakat naeuru saa mama ejai EJAKAIT. Akiriŋikec eraun nakon, kwape ka atorob naiianio ka amurwo nakoteten, eraun nakon. Ainakineta nuedakakinitai kere nuka iboro lukalaunak, nueinakinete idwe luka Isirael EJAKAIT, kainak jo ka ikonidwe lusap ka lupesur, nepepe kajo, airumet nakitebeikinitai ikar kere: erai aitutuket naka abalaŋ naka ikar kere kakonyen nuka EJAKAIT mama ijai ijo ka akoniwur nepepe kajo.” Kotema EJAKAIT Aaron atiar, “Emamuun jo airumet kotoma akwapukee, karaida adumun akorakinet kamakee: Eoŋ ŋes akorakinetekon ka airumetekon da kodwe luka Isirael. Ido koany, ainak idwe luka Lebi idiopet kotomon koIsirael araun airumet, atacia aijaanakinikee naijaanakinete, ŋes aijaanakin naka ewema loka airiamunun. Ido ameari kwana mam idwe luka Isirael ikunyunete die kewema loka airiamunun, kinyeis aibwok adiakaret, kosodete atwakare. Konye ijaanakinete Ilebin ewema loka airiamunun, ibwokete numam adolitekec: eraun ekisil katuriokus kere ikar kere, ido emamuun kes airumet kodwe luka Isirael. Naarai ainak Ilebin idiopet kotomon yenika lueinanakinete idwe luka Isirael kanuka ainakinet naedakakinitai mama ejai EJAKAIT araun airumet: kanuka ŋun alimok kes ebe, Emamuun kes airumet kodwe luka Isirael.” Kotema EJAKAIT Musa atiar, “Bobo da ilimokini Ilebin ebe, ‘Naijauniata idwe luka Isirael idiopet kotomon yenikainak yes kamakec araun airumetekus, iinakiniata yesi da ainakinet naedakakinitai mama ejai EJAKAIT, idiopet kotomon yenika idiopet kotomon. Imarakinio mamakus ainakinetekus naedakakinitai kosubite bala kerai alos nakopejal, arai nuegeete nuka acuet naka ebino. Iinakinete yesi da kwaŋin ainakinet naedakakinitai mama ejai EJAKAIT, idiopet kotomon yenika luiiaunete kodwe luka Isirael; iiaikiniata da Aaron esasedoti ainakinet naedakakinitai naka EJAKAIT. Kainakinetakus kere iinanakinete ŋiniinakinet naedakakinitai naka EJAKAIT, kaluitelekarit aiokis kotomakec ŋes atutubet naitalaunitai kotomakec.’ Ŋes itemaria kes atiar, ‘Naidakuniata naitelekarit ajokis, ŋes imarakinere oLebin kosubite bala nuiyatakina nuka epejal, ka nuiyatakina nuka acuet naka ebino. Inyamenenete ŋes kaniniibois, yes ka ikusikalia da; naarai erai eropitikus atacia aijaanakinikus kowema loka amamunun. Ido mam ibwokete aronis kanuke, kidaut adakakin naitelekarit ajokis kotomake: sirikitisiloto iboro lukalaunak luka idwe luka Isirael, kinyeis atwakare.’” Kotema EJAKAIT Musa ka Aaron atiar, “Na ŋes aicorakinet naka ekisil naeeoraki EJAKAIT ebe, Kinera kidwe luka Isirael, koinut jo ataok nakarenan naemamei akemer, komam eŋwalit, namam eut edakit aiookot: Iinakinete ŋes Eleasar esasedoti, itolomari ŋes kina kiidukurun, koarai kakonyeneke: Idomakini Eleasar esasedoti ekebokorit toma aokotoke, ebwatanakini aokotoke kiŋaren kewema loka airiamunun irwan akanykaarei: Ieweikinio ataok kakonyeneke; emukuleke, akirinike, aokotoke, ka ikijitike da, ieweikinio: Elemuni esasedoti akitoi naka eres, ka esop, ka eusi loeren, kosodi acakakin akim naicweere ataok, Kosodi do esasedoti ailot ikenapen, ka ailoŋ akekuan kakip, akaulo kanun eboŋuni oidukurun, ido esali esasedoti erai lomam elai aitodol eboŋ. Ido ŋol loecwei ataok ilosi ikenapen kakip, ka ailoŋ da akekuan kakip, esali erai lomam elai aitodol eboŋ, Etukonokini etuŋanan loelai ekurwon loka ataok, kosodi abukokin aibois naelai kokina kiidukurun, idario ŋes kanuka atukot naka idwe luka Isirael araun akipi nuitesegaarete: erai ainakinet naka adiakaret. Ilosi ŋol loetukonokini ekurwon loka ataok inapeneke, esali da erai lomam elai aitodol eboŋ: eraun ekisil mama ejaas idwe luka Isirael ka imoit yeniboienenei kamakee ikar kere, Yenetirori akuan naka yenikatwan kere eraun yenimam elai adaun apaarasia akanykaarei: Italaun nipeŋin kanen kapaaran nakiwuniet, ido kapaaran nakikanyetekaarei eraun yenelai: konye arai mam italauna kapaaran nakiwuniet, ŋes atemar mam eraun yenelai kapaaran nakikanyetekaarei. Ŋmitunanan yenetirori akuan nakatwan naka ituŋanan yenetwanit, komam italauni akekuan, etisilian nm ewema lokalaunan loka EJAKAIT; ido egelario ituŋanan ŋin koIsirael: naarai mam ŋes aponi kobwatakinai akipi nuitesegaarete, eraun yenimam elai; esalakini amamus ailake mamake. Lo ŋes ekisil arai ketwana ituŋanan kotoma owema; nlnidiopet yenelomari owema ŋol, ka ŋinidiopet yenejai toma owema eraun yenimam elai apaarasia akanykaarei. Ŋinimot da namam erapap, naemamei arapetait kaitukuke, erai namam elai. Ido ninituŋanan yenejai ais yenetirori ituŋanan yenearitai kekilen, arai akuan nakatwan, arai akoit naka ituŋanan arai ates, eraun yenimam elai apaarasia akanykaarei, Ŋul lumam elaete elemunete ekurwon loicweere ainakinet naka adiakaret, ka akipi nueleleete ibwaikinio kere toma amot: Elemuni ituŋanan yenelai esop, idomakini toma akipi ŋun, kosodi abwatakin owema, ka amoti kere, ka iruna luajaas nen: ebwatakini da nin yenatirorit akoit, arai yenearitai, arai yenikatwan, arai ates: Ebwatakini yenelai yenimam elai kapaaran nakiwuniet, kapaaran da nakikanyetekaarei: kapaaran da nakikanyetekaarei italauni ŋes; ilosi ikenapen, iloŋi ilopet kakip, eraun yenelai eboŋ. Konye ituŋanan yenimam elai, komam italauni akekuan, egelario ituŋanan ŋin kokidin kekodet, naarai etisilian nin aibois nakalaunan naka EJAKAIT: naarai mam ŋes ebwatakinitai akipi nuitesegaarete; erai yenimam elai, Eraun ekisil lomam edaun kamakec. Ŋin yenikabwatan akipi nuitesegaarete ilosi ikenapen; nin yenetirori akipi nuitesegaarete eraun yenimam elai aitodol eboŋ. Ŋinibore yenetirori yenimam elai eraun nin da yenimam elai; ŋinituŋanan yenetirori nin eraun yenimam elai aitodol eboŋ.” Kodoloto idwe luka Isirael, ekodet kere, amodiŋ naka Sin kolap losodit: kiboikinos ituŋa Kades; kotwanik Miriam nen, kidaikinai da nen. Komamikis ekodet akip: kotukonokinos nepepe aluikin Musa ka Aaron, Kitoŋolopata ituŋa Musa, kobalas ebe, “Tiejok arai katwakito naatwakiata iinaeanakosi kakonyen nuka EJAKAIT! Kanukinyo iyauniata atukot naka EJAKAIT amodiŋ na, atwanikin ne, isio ka ibarenekosi da? Kanukinyo kitolomuniata sio koMisiri, ayaun sio aibois na nakaronon? emameete aibois na ikinyom, karaida itinin, karaida imusabibun, karaida akamamagan; emameete da adisikip numatan.” Konyoutu Musa ka Aaron kakonyen nuka ekodet kolototo okek loka ewema loka airiamunun, kibiroros ebuburia: kitaanyikin kes aibuses naka EJAKAIT, Kotema EJAKAIT Musa atiar, “Kolem ebela, kotukok ekodet, ijo ka Aaron onacekon, kinerata yesi katiiba kakonyenekee, ebe koinak akekipi; iinuni do kes akipi nuelomunete katiiba: kwaŋin iinakini ekodet ka ibarenekee aimat.” Kolem Musa ebela kakonyen nuka EJAKAIT, kwape kicorakinia. Kotukokis Musa ka Aaron ekodet kakonyen nuka atiiba, kotema kes atiar, “Aso kopuputu, yes lukepali; kitolomuni isio akipi kati iba kana kanukus?” Kikeu Musa akekan, kinom atiiba kekebela irwan aarei; kolomut akipi nuipu, komat ekodet ka ikecebaren, Kobala EJAKAIT Musa ka Aaron ebe, “Naarai mam ipotu kiyuut eoŋ, aitalaun eoŋ kakonyen nuka idwe luka Isirael, kanuka ŋun mam yes itolomarete ekodet lo toma akwap naainak kes.” Ŋun kes akipi nuka Meriba; naarai apotu idwe luka Isirael kitonolopata EJAKAIT, kitodik akelaunit kotomakec. Kijuka Musa ikiyakia anyoun koKades alosit mama ejai ekabaka loka Edom atiar, “Ebala kwanata onaeekon Isirael ebe, Ŋeni aitaaritoi kere naapotu kajaunotor: Kwape ejesarotor lukapapaakosi toma Misiri, keboioto kotoma Misiri ikar luipu; kiticanata da Imisirian sio ka lukapapaakosi; Ido nakimonyia mama ejai EJAKAIT, abu kopup ekosiporoto, kijuk emalaika, kitolom sio koMisiri: ido ko any, kijai toma Kades, ere loejai osanc loka eikorukon: Kenaiijait, koeamak ketoroto toma akwapukon: mam sio kitori toma omanikoria karaida omanikoria luka emusabibu, ido mam kimasi akipi nuka atanin: kideri erot loka eka baka, mam kipaari akan nakoteten karaida akan nakokediany, aitodol nekituboror koikorukon.” Kotema Edom ŋes atiar, “Mam itori tomaka, kenye asurokin jo kekilen.” Kotemasi idwe luka Isirael atiar, “Kideri isio erot lokapolon: arai kiimat isio akonikipi, eoŋ ka ibareneka, kataeakini jo etiaiakee: koeamakinai eoŋ ketor kakejeneka, komam eswamai ieebore kere.” Kotema atiar, “Mam itori.” Kolom Edom ka ituŋa luipu asurokin ŋes kakan nakagogoŋ, Kimik kwaŋin Edom Isirael aitor oikoruke: kanuka ŋun kibelokin Isirael anyoun kaneajai ŋesi. Kolototo anyoun koKades: kodoloto idwe luka Isirael, ekodet kere, moru Kor. Kotema EJAKAIT Musa ka Aaron komoru Kor, kariri naka eikor loka akwap naka Edom atiar, “Eyanaario Aaron mama ejaas iketuŋa: naarai mam elomari toma akwap naainak idwe luka Isirael, naarai ipotu kipaliikis akakirot kakipi nuka Meriba. Aso koyana Aaron ka Eleasar okokuke, kitodoka kes moru Kor: Kolae inapen luka Aaron, kitanap kes Eleasar okokuke: eyanaario Aaron mama ejaas iketuŋa, etwanikini nina.” Kiswama Musa kwape kicorakinia ŋes EJAKAIT: kodokasi moru Kor kakonyen nuka ekodet kere, Kolaca Musa inapen luka Aaron, kitanap Eleasar okokuke; kotwanik Aaron nen kuju moru: kodokut Musa ka Eleasar komoru. Keanyu ekodet kere ebe atwana Aaron, kibworoto lukokek loka Isirael Aaron apaarasia akaisauni. Kiira Ekanaanit, ekabaka loka Arad, loeboienenei kari naka eŋalakimak, ebe ebunit Isirael korot loka Atarim; kitiji Isirael, konata ice kakesi. Kiyapo Isirael aiyaposit mama ejai EJAKAIT, kobala ebe, “Arai kiijaik ituŋa lu akanika, amudiari cut ireriakec.” Kopup EJAKAIT eporoto loka Isirael, kijaik Ikanaanin; komudiasi kes cut ka ireriakee: komaikinai aibois Koruma. Konyout komoru Kor koloto korot loka Aŋolol Nakarenan aiririar akwap naka Edom: kosorianata itauon luka ituŋa kanuka erot. Kinerata ituŋa erono mama ejai Edeke ka Musa, ebe, “Kanuk inyo kitonyounio sio koMisiri atwanikin amodiŋ? naarai emameete inyamat, emameete da akip: apas akosiiiar ainyam luebenen.” Kijukak EJAKAIT imunwo luka akim otuŋa, kotodotodoto ituŋa: kotwaka ituŋa luipu luka Isirael. Kopotu ituŋa mama ejai Musa, kobalas ebe, “Kidiaka isio, naarai kipou kenera erono mama ejai EJAKAIT ka jo da; kilip EJAKAIT, kolema imunwo kamakosi.” Kilipak Musa ituŋa. Kotema EJAKAIT Musa atiar, “Kosub emun loka akim, kibwaik kuju okitoi: kosodi kanen nin yenetodio, naeanyunia, eiari.” Kosub Musa emun loka aisinit, kibwaik kuju okitoi: kosodi kanen, arai etodit emun ituŋanan kere, naesesenia emun loka aisinit, koiari, Kolototo idwe luka Isirael, kidukuroto Obot. Kolototo anyoun koObot, kidukuroto Iyeabarim, amodiŋ naitei Moab, kari nakokide, Kolototo anyoun kanen, kidukuroto aditot naka Sered. Kolototo anyoun kanen, kidukuroto juwai naka Arunon, naejai amodiŋ, naelomunit koikor loka Imorain: naarai Arunon ŋes eikor Ioka Moab, kidin Moab ka Imorain. Ŋes ebakare kotoma oitabo loka Ŋiisio luka EJAKAIT ebe, “Bakeb kotoma Supa, Ka aditon nuka Arunon, Aijulul naka aditon Naijululuor aibois naka Ar, Egoŋakina da oikor loka Moab.” Konyout kanen, kolototo Beer: nin ŋes atan naabala EJAKAIT Musa ebe, “Kotukok ituija, kainak kes akipi.” Kosodi koyeik Isirael ekosio lo: Kibulubul, wu atan; koyeikis yesi ŋes: Atan naabokete ikapolok, Naawadete ikasianak luka ituŋa, Kebela loka ajakanut, ka amorokinikec.” Konyout kamodiŋ kolototo Matana: Konyout koMatana kodoloto Nakaliel: konyout koNakaliel kodoloto Bamot: Konyout koBamot kodoloto aditot naejai omanikor loka Moab, kiton kuju naka Pisiga, naitei amodiŋ. Kijuka Isirael ikiyakia mama ejai Sikon ekabaka loka Imorain, kobala ebe, “Koeamakinai ketor akwapukon: mam kipaari omanikoria karaida omanikoria luka emusabibu; mam kimasi akipi nuka atanin: kideri erot loka ekabaka, aitodol nekituboror koikorukon.” Mam Sikon abu kisiik Isirael aitor toma oikorunoke: konye kotukok Sikon ituŋake kere, koloma asurokin Isirael toma amodiŋ, kodol Yakas; kitiji Isirael. Kodany Isirael ŋes kakwanis naka ekileŋ, kirum akekwap anyoun koArunon aitodol Yabok, aitodol odwe luka Amon: naarai agogoŋ eikor loka idwe luka Amon. Kirum Isirael ireria ŋul kere: kiboikin Isirael oreria kere luka Imorain, toma Kesibon, ka ireriake kere. Naarai arai Kesibon ere loka Sikon ekabaka loka Imorain, loabu kitiji ekabaka loka Moab losek, kodema kotoma akanike akekwap kere, kiton Arunon. Ŋes ineratatar luineras kawaragasia ebe, “Koporu yes Kesibon, Kodukoi ere loka Sikon, kiticatai da; Naarai alom akim koKesibon, Aŋajepa nuka akim kotoma ore loka Sikon: Anyam Ar loka Moab, Ŋaka luka aiboisio nuieelelete nuka Arunon, Wu okwe, ijo Moab! Iolio, wu ituŋa luka Cemos: akoraki odweke araut lukakerak, ka adweke da araut nunatan, Mama ejai Sikon ekabaka loka Imorain, Kigum kes; Aolio Kesibon aitodol Dibon, Kitisil kiton Nopa, Naedoli Medeba.” Kwaŋin kiboikin Isirael toma akwap naka Imorain. Kiyakia Musa airot Yaser, kosodete airum ireriakee, kireneasi Imorain luajaas nen. Kibelokinos kodokasi korot loka Basan: kolom Og ekabaka loka Basan asurokin kes, ŋes ka iketuŋa kere, ejie kakes kolsderei. Kotema EJAKAIT Musa atiar, “Sirikiyoŋ ŋes: naarai akorak ŋes toma akanikon, ka iketuŋa kere, ka akekwap da; iswamakini ŋes kwape ibu kiswamakinia Sikon ekabaka loka Imorain, lueboienenete koKesibon.” Kwaŋin kodanyata ŋes, ka odweke, ka iketuŋa kere, mam apotu kitasalata karaida idiopet: kirumata akekwap. Koloto idwe luka Isirael, kidukuroto apuutona nuka Moab okekwa loka Yorodan ko Yeriko. Koany Balak okoku loka Sipor kere nukiswamakin Isirael Imorain. Kokurianar Moab noi ituŋa, naarai epu: koiurunun Moab kanuka idwe luka Isirael. Kobala Moab imakio luka Midian ebe, “Natikwana elosi etuŋat lo ameor eut kere lukirimoritos, kwape ikoeoria emoŋ eduan lokorony.” Balak da okoku loka Sipor ŋes arai ekabaka loka Moab kapaarasia kanun. Kijuka ikiyakia mama ejai Balaam okoku loka Beor, Pesor, loiririkina Ecor, kakwap naka idwe luka iketuŋa, anyaraun ŋes ebe, “Koany, ejaas ituŋa lueponito koMisiri: koany, egarito akwap, kes da katereikina eoŋ: Aso, kenainait, kobia, kikenokinai ituŋa lu; naarai egogoŋ kesi adepar eoŋ, elemuni kepiko: kasodete aidany, kereŋea kakwap: naarai ajeni ebe yenilipakini ijo arereŋ isirerenio, ido yenikeni ijo ikenio.” Kolototo imakio luka Moab ka imakio luka Midian ekapitos ainakineta nuka aidwar; kopotu mama ejai Balaam, kolimokis ŋes akiro nuka Balak. Kotema kes atiar, “Koperoto ne akuare na, kenyakakini eoŋ da yes kwape kalimokinia EJAKAIT.” Kiboikinos lukapolok luka Moab ore loka Balaam. Kobu Edeke neejai Balaam, kotema atiar, “Lukaŋai ituŋa lu luijaas kajo?” Kotema Balaam Edeke atiar, “Balak, okoku loka Sipor, ekabaka laka Moab, ŋes keyakikinit, ebe, ‘Koany, ituŋa luapote koMisiri egarito akwap: kobia cabo kikenokinai; elemuni apedori ejie kakes, kerenea.’” Kotema Edeke Balaam atiar, “Sirikiloto kakes; sirikiken ituŋa: naarai isirerenitai.’ Konyou Balaam tupuruc, kolimok lukapolok luka Balak ebe, “Koloto ma yesi bukus: naarai aŋer EJAKAIT acamakin eoŋ alosit kayes.” Konyout lukapolok luka Moab, koloto mama ejai Balak, kotemasi atiar, “Aŋer Balaam aupun kasio.” Kiyatak Balak bobo aijukar lukapolok, luitelekarito kwi aipues, ka luitelekarito da kapolou. Kopotu mama ejai Balaam, kotemasi ŋes atiar, “Inera kwanata Balak okoku loka Sipor, ebe, ‘Kinye adiokirot aitikokin jo abunore neajai eoŋ, kenainait. Naarai ketopoloori eoŋ jo koraun lokaibuses noi, kere da nukilimokini eoŋ eswamai: aso bia, kenainair, kikenokinai ituŋa lu.’’’ Koboŋok Balaam kotema ikejaanakinak luka Balak atiar, “Karaida kainaki Balak eketogo ileleba epuesa ka esabu, mam apedori adepar akirot naka EJAKAIT Ekadeke, aiŋoŋar arai aiyatakin. Aso ber, kenainaitos, koperoto yes da ne akuare na, tetere ajenuni nuiyatakini EJAKAIT alimokin eoŋ.” Kobu Edeke neejai Balaam kuare, kotema ŋes atiar, “Arai eponitos ituŋa ŋul anyarit jo, konyou, koloto kakes, konye akirot ban nakalimokini jo, nipenin iswamai.” Konyou Balaam tupuruc, kopesik aibwanenis asigiriake, koloto nepepe kalukapolok luka Moab. Kinep anyunyura naka Edeke kanu alosio: kobwo emalaika loka EJAKAIT korot asurokin ŋes. Ido kibwanenite asigiriake, koupasi kikekeiaanakinak iarei. Koany asigiria emalaika loka EJAKAIT ebwoi korot, ka ekekileŋ da eutuno kakanike; kinac asigiria kopaa ais: kocar Balaam asigiria ainyakun orot. Kosodi kobwo emalaika loka EJAKAIT korot loedidin loejai kidin kimanikoria luka emusabibu, koiai abwas epuai ka epuai. Koany asigiria emalaika loka EJAKAIT, koridakin arwatat, kogirisor akeju naka Balaam karwatat: koear ŋes bobo, Kikunya emalaika loka EJAKAIT nediokasilon, kobwo korot loedidin, neamamei apak naibelokinor teten karaida kediany. Koany asigiria emalaika loka EJAKAIT, koper kwap ka Balaam; kinep anyunyura naka Balaam, kocar asigiria kekebela. Kitoona EJAKAIT aituk naka asigiria, kotema Balaam atiar, “Kekonak bo eoŋ jo ai, tape kicaracarai eoŋ aatenak nun auni?” Kobala Balaam asigiria ebe, “Naarai kitakadik: arai kiija eoŋ kekilen akanika, ti kwana kaar jo.” Kotema asigiria Balaam atiar, “Mere eoŋ akonisigiria, naibwanen ijo kaiiarakon kere aitodol lolo? Etapit tope eoŋ aikonanakin jo kwaŋin?” Kobala ebe, “Mam.” Kosodi kitwekeny EJAKAIT akonye nuka Balaam, koany emalaika loka EJAKAIT ebwoi korot, ka ekekileŋ eutuno kakanike: kitulur akekou, kibiror ebuburia, Kobala emalaika loka EJAKAIT ebe, “Kanukinyo icaracaraa akonisigiria aatenak ŋun auni? Koany, alom asurokin jo, naarai epagal akonilosit kakonyeneka: Kaanyu asigiria eoŋ, abu kibelokin kakonyeneka aatenak ŋun auni: arai kemam ibelokino kamaka, abeit kwana tikaar jo, tiketajar ŋes.” Kobala Balaam emalaika loka EJAKAIT ebe, “Adiaka eoŋ: naarai mam ajeni ebe ibwoi ijo korot asurokin eoŋ: asa kwana, arai kitakadikinit jo, aboŋori do,” Kotema emalaika loka EJAKAIT Balaam atiar, “Kolot kituna: konye akirot bon nakalimokini jo, nipenin inera.” Kosodi koloto Balaam kalukapolok luka Balak. Kepupu Balak ebe abu Balaam, koloma airiamun kaŋes ore loka Moab, loejai oikor loka Arunon, loejai osaŋe loka eikor. Kobala Balak Balaam ebe, “Mam abu keyakikinite kaimaimait anyaraun jo? Kanukinyo mam ibu kobunio mamaka? Mam kereka apedori eoŋ aitopoloor jo koraun lokaibuses?” Kobala Balaam Balak ebe, “Koany, abu neijai: ejai kwana eoŋ apedor kere einer adiokirot? Akirot naibwaikini Edeke aitukuka, nipenin alimuni.” Kolototo Balaam ka Balak, kodolo Kiriatkusot, Koinak Balak asuban nuka imoŋin ka imerekekin, kijukak da Balaam, ka ikapolok luajaas kaŋes. Kosodi kanen kiwala akwap, koyana Balak Balaam, kitodoka ŋes aiboisio nuiceleleete nuka Baal, kosesen kanen neasaŋitos ituŋa kere. Kotema Balaam Balak atiar, “Kodukokinai ne itemwan ikanykaarei, kitemonokinai da ne imoŋin ikanykaarei, ka imerekekin ikany kaarei.” Kiswama Balak da kwape abalar Balaam; koinakis Balak ka Balaam kanolitem emoŋ ka emerekek, Kotema Balaam Balak atiar, “Kobwo ijo eiduny kainakinetekon naicweio, eoŋ da alosi; elemuni ebuni EJAKAIT airiamun keoŋ; nuketodikin eoŋ kere, kalimokini jo.” Kodoka ŋesi kuiu neelapat. Kiriamunos Edeke ka Balaam: kotema ŋesi atiar, “Etcmonok itemwan ikanykaarei, ainak kanolitcm emoŋ ka emerekek.” Kibwaik EJAKAIT akirot toma aituk naka Balaam, kotema atiar, “Kobono neejai Balak, kiner kwaŋin.” Koboŋo neejai, ido koany, abwoi eiduny kainakincteke naicweio, ŋes ka ikapolok kere luka Moab. Kiner akewaraga ebe, “Kayau eoŋ Balak anyoun koAram, Ekabaka loka Moab anyoun koronan lukokidc: Bia, kikenokinai Yakob, Bia, koluik Isirael. Ekeni eoŋ biai lomam Edeke ikenit? Ido aluikini eoŋ biai lomam Edeke eluikinit? Naarai aanyuni ŋes kaidi naka atiiban, Ido eteluori ŋes koukon: Koany, kes ituŋa luibojete bonik, Mam imarakinio toma atekerin. Iŋai epedori aimar apua naka Yakob, Atai aimar atutubet nakiwononet naka Isirael? Mere katwana kwape ekadoliton, Awasiaka do koputokinos kanake!” Kotema Balak Balaam atiar, “Anyoika nu nukiswamak? Abu kayau jo aiken lukasurupoka, ido koany, ilipak eut kes arereŋ.” Koboŋok ebe, “Mam tikebusakinit acoit einer nun nuibwaikini EJAKAIT aitukuka?” Kotema Balak ŋes atiar, “Kenainait, kauparos aibois ace, naipedoria aanyun kes; ianyuni esanekec bon, komam ianyuni kes kere; kikenok eoŋ kes kaŋina.” Koyana ŋes omanikor loka Sopim, aidi naka Pisiga, koduk itemwan ikanykaarei, koinak kanolitem emoŋ ka emerekek. Kotema ŋesi Balak atiar, “Kobwo kane eiduny kainakinetekon naicweio, keriamunos ber eoŋ ka EJAKAIT kalaije.” Kiriamunos EJAKAIT ka Balaam, kibwaik akirot toma aitukuke, kotema atiar, “Kobono neejai Balak, kiner kwaŋin.” Kobu mama ejai, ido koany, abwoi eiduny kainakineteke naicweio, ka ikapolok luka Moab nepepe kaŋes, Kotema Balak ŋes atiar, “Atema bo EJAKAIT ai?” Kiner akewaraga ebe, “Konyou, Balak, kiira, Kopupunoi, ijo okoku loka Sipor: Mam Edeke erai etuŋanan, loiŋalai; Mam da erai okoku loka etuŋanan loitoronikin: Alimu ŋesi, komam kereka iswamai? Arai ener ŋesi, komam kereka itodoli? Koany, kecorakin ailipakin arereŋ; Esireren, mam eoŋ apedori aijulakin. Mam ŋes eanyunit numam adolit kotoma Yakob, Karaida aanyunit apaarit kotoma Isirael: Ejai EJAKAIT Ekedeke kaŋes, Ka ekare loka ekabaka ejai mamakec. Kitolom kes Edeke koMisiri; Ejaas kagogon kwape naka ekosobwan. Abeit emamei ecudet kaneejai Yakob, Karaida adwaranut kaneejai Isirael: Kwana inereneneo nuka Yakob ka nuka Isirael da, ebe, ‘Eswama ca ma Edeke!’ Koany, enyounete ituŋa bala aŋatuny, Edakun bon bala eŋatuny: Mam eperi aitodol neenyamia imejaunake, Ka aimat aokot nuka luearitai.” Kotema Balak Balaam atiar, “Sirikiken kes nepetai da, karaida ailipakini kes adioreren.” Konye Koboŋok Balaam Balak ebe, “Mam abu kalimok jo ebe, ‘Kere nuinera EJAKAIT, nupeŋun kebusakinit aswam?’ ” Kotema Balak Balaam atiar, “Aso bia, kayana jo aibois ace; elemuni kitojok Edeke jo aikenokin eoŋ kes kaŋina.” Koyana Balak Balaam aidi naka Peor, neitei amodiŋ, Kotema Balaam Balak atiar, “Kodukokinai itemwan ikanykaarei, kitemonok kane imoŋin ikanykaatei ka imerekekin ikanykaarei.” Kiswama Balak kwape abalar Balaam, koinak kaŋolitem emoŋ ka emerekek. Keanyu Balaam ebe etoiokit EJAKAIT aisireren Isirael, mam abu kolot, kwape sek, airiamun kaieudeta, konye kiteteo akekonyen amodiŋ. Kiteluo Balaam akekonyen, koany Isirael iboiete kwape ajaatar atekerinikee; kobunok ŋes emoyo loka EJAKAIT. Kiner akewaraga ebe, “Inera Balaam okoku loka Beor, lnera da etuŋanan loetumudakitai akekonye, Inera loepupi akiro nuka Edeke, Loeanyuni etapo Ioka Lokapedor kere, Ibirun, kokwenyete akekonye, ebe, Ejokuka ca ma iwemanakon, wu Yakob, Iwemanakon lukalaunak, wu Isirael! Elalak bala aditono, Kwape kamanan nuka ariri naka ecor, Kwape iluan luera EJAKAIT, Kwape iresia kariri naka akipi. Eleleete akip kamotike, Ejaununos ikinyomoke toma akipi nuipu, Eojaar ekekabaka adepar Agag, Itopoloorio da akejakanut. Kitolom ŋes Edeke koMisiri; Ejaas kagogon kwape naka ekosobwan: Enyami atekerin nuka lukasurupoke, Emunyumunyei akeeekojo. Icumi kes kimaliake. Abu kodipidipakin, koper bala eŋatuny, Bala aŋatuny; iŋai itonyouni ŋes? Isirereŋio yenikilipakini jo arereŋ, Ilamakinio yenikilamakini jo.” Kinep anyunyura naka Balak aluikin Balaam, kibapak akekanin: kolimok Balak Balaam atiar, “Abu kanyarau jo aikenokin lukasurupoka, ido koany, ilipak kes arereŋ cut irwan nu auni, Aso do, koker aiboisikon: enerunit aitopoloor jo koraun lokaibuses; konye koany, kitikok EJAKAIT jo adumun aibuses.” Kotema Balaam Balak atiar, “Mam eoŋ abu kalimok ikonikiyakia da luibu kijukak ebe, ‘Karaida kainaki Balak eketogo ileleba epuesa ka esabu, mam apedori adepar akirot naka EJAKAIT, aswam nuejok arai nueroko nuaomit eoŋ eloper; nupeinera EJAKAIT, nupeŋun eneri eoŋ da’? Koany, alosi kwana mama ejaas ituŋaka: bia, kalimok jo nuepote ituŋa ŋu! aiswamakin ikonituŋa kapaarasia nukakonyen.” Kiner akewaraga ebe, “Inera Balaam okoku loka Beor ebe, Inera da etuŋanan loetumudakitai akekonye: Inera loepupi akiro nuka Edeke, Loejeni da aijen naka Loejai kuju kakuj; Loeanyuni etapo loka Lokapedor kere, Ibirun, kokwenyete akekonye, ebe: Etei ŋes, konye mere kwana: Aseseni ŋes, konye mere kodie: Elomuni aacerit kotoma Yakob, Ikeuni ebela loka ajakanut koIsirael, Iposi agorieik nuka Moab apedor, Ebili da odwe kere luka eŋuŋet. Eraun Edom nake, Ka Seir da eraun nake, luaraas lukasurupoke; Kiswamai Isirael nukagogon, Kotoma Yakob ŋes elomunia ekayaiton, Emudiari da luideuna kore.” Kite Amalek, kiner akewaraga ebe, “Kerai Amalek nasodit naka atekerin; Konye esaneke lokakonyen emudiario.” Kite da Ekenit, kiner akewaraga ebe, “Erai aibois naiboionono ijo naegogon, Ecinakina akaikon atiiba. Kwabo icweio Kain Aitodol nakinataria Asur jo.” Kiner akewaraga ebe, “Wu okwe, iŋai eiari naiswamaa Edeke ŋun? Konye epote imeerin kariri naka Kitim, Epote aitican Asur, ka aitican da Eber, Ŋes da emudiario.” Konyou Balaam, koloto kobono aiboisike: kolot Balak da. Kiboikin Isirael Sitim, kogeut ituŋa aelo kapesur nuka Moab: Naarai apotu kiworosi ituŋa asuban nuka idekesiokec, konyamata innja, kokukonokinos idekesiokec, Kimorikikin Isirael ka Baal-peor: kinep anyunyura naka EJAKAIT aluikin Isirael. Kobala EJAKAIT Musa ebe, “Koyana iiaka kere luka ituŋa, komiedak kes EJAKAIT kakoloŋ, tetere ibelokin anyunyura naededen naka EJAKAIT anyoun koIsirael.” Kotema Musa ikatubok luka Isirael atiar, “Koarata yesi ŋinituŋanan iketuŋa luemorikikinos ka Baal-peor.” Ido koany, kobu ediopet kodwe luka Isirael koyau mama ajaas iinacanake aberu naMidianit kakonyen nuka Musa, ido kakonyen nuka ekodet kere loka idwe luka Isirael, emonyete kesi kokek loka ewema loka airiamunun. Nakeanyunia Pinekas, okoku loka Eleasar, okoku loka Aaron esasedoti, konyou kokidin kekodet, kitin akwara kakanike: Kotupak etuŋanan ŋol loka Isirael owema, kicum kes iarei kere aipelor, etuŋanan loka Isirael, ka aberu da akoikike. Kwaŋin kitananai atular kodwe luka Isirael. Ŋul da luapotu korwaka kanuka atular emwaasi ilukumin akaisaarei ka luonon, Kotema EJAKAIT Musa atiar, “Ebeloki Pinekas, okoku loka Eleasar, okoku loka Aaron esasedoti, akanyunyura anyoun kodwe luka Isirael, naarai ekokotiki kes kekakokote, kenye amudiar idwe luka Isirael kokokoteka. Kanuka ŋun kolimok ebe, ‘Koany, ainakini ŋes aitutuketeka naka ainapakin: Ejaun mamake, ido mama ejai aurike naetupakini ŋes, aitutuket naka esasedotene lomam enaŋi; naarai abu kikokotik kanuka Ekedeke, koluc da idwe luka Isirael.’” Ekiror da loka etuŋanan loka Isiraelloaario, loaario kaberu naMidianit, ŋes Simiri, okoku loka Salu, ekapolon loka ekal loka lukapapaakec luka Isimeonin. Ekiror da loka aberu naMidianit naario, ŋes Kosibi, akoku naka Sur; arai ŋesi ekapolon loka ituŋa luka ekal loka lukapapaakec kotoma Midian. Kotema EJAKAIT Musa atiar, “Kitiji Imidianin kodany kes: Naarai kitiiiete yes kiboteikec, lukijodooriata yes kotoma akiro nuka Peor, ka akiro nuka Kosibi akoku naka ekapolon loka Midian, kinacikec, naaario kapaaran naka atular kakiro nuka Peor.” Kosodi akaulo katular kotema EJAKAIT Musa ka Eleasar okoku loka Aaron esasedoti, atiar, “Kimar etiai loka ekodet kere loka idwe luka Isirael, ageun kaluka ikar akaisaarei ka luedeparito, kwape ejaatar ikalia luka lukapapaakee, kere luepedorete alosit ojie koIsirael.” Kinerata Musa ka Eleasar esasedoti kakes kapuuton naka Moab kariri naka Yorodan ko Yeriko, ebe, “Kimarata etiai loka ituŋa, ageun kaluka ikar akaisaarei ka luedeparito”; kwape kieorakinia EJAKAIT Musa ka idwe luka Isirael luanyounete kakwap nako Misiri. Reuben, ekiyai loka Isirael: odwe luka Reuben: Kanok, ekek loka Ikanokin: Palu, ekek loka Ipaluin: Kesuron, ekek loka Ikesuronin: Karami, ekek loka Ikaramin, Ŋul kes ikekia luka Ireubenin: ŋul Iuaponi kimarai kakesi emwaasi ilukumin akaisaoŋon ka luuni, ka akwat akanykaarei ka akaisauni. Odwe luka Palu; Eliab. Odwe luka Eliab; Nemuel, ka Datan, ka Abiram. Ŋupenul kes Datan ka Abiram, luanyaraunio kokodety luetepegete Musa ka Aaron nepepe ka Kora, naetepegeata EJAKAIT: Koona akwap akeituk, kiliko kes nepepe ka Kora, naketwania erioŋet ŋol; kapak naanyamia akim ituŋa akwat aarei ka akaisakany, koraut aanyunet. Konye mam odwe luka Kora anotu kotwaka. Odwe luka Simeon kwape ajaatar ikekiakee: Nemuel, ekek loka Incmuelin; Yamin, ekek loka Iyaminin; Yakin, ekek loka Iyakinin: Sera, ekek loka Iserakin: Saul, ekek loka Isaulin. Ŋul kes ikekia luka Isimeonin, ilukumin akaisaarei ka luarei, ka akwat aarei. Odwe luka Gad kwape ajaatar ikekiakec: Sepon, ekek loka Iseponin: Kagi, ekek loka Ikagin; Suni, ekek loka Isunin: Osuni, ekek loka Ikosunin: Eri, ekek loka Ierin: Arod, ekek loka Irodain: Areli, ekek loka Irelain: Ŋul kes ikekia luka odwe luka Gad kwape ajaatar ŋul luaponi kimarai kakesi, ilukumin akaisaoŋon ka akwat akany. Odwe luka Yuda, Er ka Onan: kotwakikis Er ka Onan akwap naka Kanaan, Odwe luka Yuda kwape ajaatar ikekiakee; Sela, ekek loka Iselanin: Peres, ekek loka Iperesin: Sera, ekek loka Iserakin. Odwe luka Peres, Kesuron, ekek loka Ikesuronin: Kamul, ekek loka Ikamulin. Ŋul kes ikekia luka Yuda kwape ajaatar nul luaponi kimarai kakesi, ilukumin akaisakanykaarei ka lukanykape ka akwat akany. Odwe luka Isakar kwape ajaatar ikekiakee: Tola, ekek loka Itolain: Puba, ekek loka Ipubain: Yasub, ekek loka Iyasubin: Simuron, ekek loka Isimuronin. Ŋul kes ikekia luka Isakar kwape ajaatar luaponi kimarai kakesi, ilukumin akaisakanykape ka luonon ka akwat auni. Odwe luka Sebulun kwape ajaatar ikekiakec: Sered, ekek loka Iseredin; Elon, ekek loka Ielonin: Yaleel, ekek loka Iyaleelin. Ŋul kes ikekia luka Isebulunin kwape ajaatar nul luaponi kimarai kakesi, ilukumin akaisakanykape ka akwat akany. Odwe luka Yosep kwape ajaatar ikekiakec: Manase ka Epuraim, Odwe luka Manase: Makir, ekek loka Imakirin: kouru Makir Gilead: Gilead, ekek loka Igileadin. Lu kes odwe luka Gilead: Ieser, ekek loka Ieserin; Kelek, ekek loka Ikelekin: Ka Asuriel, ekek loka Isurielain: ka Sekem, ekek loka Isekemin: Ka Semida, ekek loka Isemidain; ka Keper, ekek loka Ikeperin, Ka Selopekad okoku loka Keper amameete idwe lusap, dimarai apesur: ikiroria luka apesur nuka Sclopekad kes Mala, ka Noa, ka Kogila, ka Milika, ka Tirusa. Ŋul kes ikekia luka Manase: ŋul luaponi kimarai kakesi emwaasi ilukumin akaisakany ka luarei ka akwat akanykaarei. Lu kes odwe luka Epuraim kwape ajaatar ikekiakec: Sutela, ekek loka Isutelakin: Beker, ekek loka Ibekerin: Takan, ekek loka Itakanin, Lu kes odwe luka Sutela: Eran, ekek loka Ieranin. Ŋul kes ikekia luka odwe luka Epuraim kwape ajaatar nul luaponi kimarai kakesi, ilukumin akaisauni ka luarei ka akwat akany, Ŋul kes odwe luka Yosep kwape ajaatar ikekiakec. Odwe luka Benyamin kwape ajaatar ikekiakee: Bela, ekek loka Ibelain; Asubel, ekek loka Isubelain: Akiram, ekek loka Ikiramain: Sepupam, ekek loka Isupamin: Kupam, ekek loka Ikupamin, Odwe luka Bela kes Arid ka Naaman, Arid ekek loka Iridain; Naaman, ekek loka Inaamanin, Ŋul kes odwe luka Benyamin kwape ajaatar ikekiakee: nul luaponi kimaraikakesi emwaasi ilukumin akaisaoŋon ka lukany ka akwat akanykape. Lu kes odwe luka Dan kwape ajaatar ikekiakee: Sukam, ekek loka Isukamin. Ŋul kes ikekia luka Dan kwape ajaatar ikekiakec. Ikekia kere luka Isukamin, kwape ajaatar nul luaponi kimarai kakesi emwaasi ilukumin akaisakanykape ka luoŋon ka akwat aoŋon. Odwe luka Aser kwape ajaatar ikekiakec: Imuna, ekek loka Imunamin: Isibi, ekek loka Isibin: Beria, ekek loka Iberian. Odwe luka Beria: Keber, ekek loka Ikeberin: Malakiel, ekek loka Imalakielin, Ekiror da loka akoku naka Aser ŋes Sera. Ŋul kes ikekia luka odwe luka Aser kwape ajaatar luaponi kimarai kakesi, ilukumin akaisakany ka luuni ka akwat aoŋon. Odwe luka Naputali kwape ajaatar ikekiakee: Yakuseel, ekek loka Iyakuseelin: Guni, ekek loka Igunin: Yeser, ekek loka Iyeserin: Silem, ekek loka Isilemin. Ŋul kes ikekia luka Naputali kwape ajaatar ikekiakee: nul luaponi kimarai kakesi emwaasi ilukumin akaisaoŋon ka lukany ka akwat aoŋon, Ŋul kes luaponi kimarai kodwe luka Isirael, ilukumin akwat akanykape ka lodiopet ka akwat akanykaarei ka akaisauni (601,730). Kotema EJAKAIT Musa atiar, “Mama ejaas ŋul ŋes ekorakinio akwap araun airumet kwape ejaar etiai loka ikiroria. Mama ejaas luipu iinakini airumet naepol, mama ejaas luikidioko iinakini airumet naedir: mama ejai ŋinidiopet kwape ejaatar nul luaponi kimarai kaluke einakinio airumeteke. Konye ekorokoro akwap kailamilam eroet: irumete kwape ejaatar ikiroria luka atekerin nuka Iukapapaakec, Kwape ejaunor eroet ŋes ekorakinere airumetekec mama ejaas luipu ka luikidioko.” Lu kes luaponi kimarai luka Ilebin kwape ajaatar ikekiakee: Gereson, ekek loka Igeresonin: Kokat, ekek loka Ikokatin: Merari, ekek loka Imerarin. Lu kes ikekia luka Ilebin: ekek loka Ilibunin, ekek loka Ikeburonin, ekek loka Imalin, ekek loka Imusin, ekek loka Ikorakin. Kouru Kokat Amuram. Ekiror da loka aberu naka Amuram ŋes Yokebed, akoku naka Lebi, naaurie Lebi kotoma Misiri: kourik ŋesi Amuram Aaron ka Musa ka Miriam kinacikec. Kouri Aaron Nadab ka Abiku, ka Eleasar ka Itamar. Kotwaka Nadab ka Abiku, naainakiniata akim naitegelikina kakonyen nuka EJAKAIT. Ŋul luaponi kimarai kakesi emwaasi ilukumin akaisaarei ka luuni, ŋolikiliokit ageun kayenika elap ediopet ka luedeparito: naarai mam emarakinitai toma odwe luka Isirael, naarai mam ainakinitai kes airumet kodwe luka Isirael. Ŋul kes luemarete Musa ka Eleasar esasedoti; luemarete idwe luka Isirael kapuutona nuka Moab kariri naka Yorodan koYeriko. Konye kotoma kanul amamei idiotuŋanan kakwi luemarete Musa ka Aaron esasedoti; luemarete idwe luka Isirael kotoma amodiŋ naka Sinai. Naarai abu EJAKAIT kolimu nukee cbe, “Abeit etwakikinete toma amodiŋ.” Mam ediotuŋanan kakesi abu kideun, dimarai Kaleb okoku loka Yepune, ka Yosua okoku loka Nun. Kosodi kikunyut adwe nuka Selopekad, okoku loka Keper, okoku loka Gilead, okoku loka Makir, okoku loka Manase, nuka ikekia luka Manase, okoku loka Yosep: lu kes ikiroria luka adweke; Mala, ka Noa, ka Kogila, ka Milika, ka Tirusa, Kobwaata kakonyen nuka Musa, kakonyen nuka Eleasar esasedoti, kakonyen da nuka ikapolok ka ekodet kere, kokek loka ewema loka airiamunun, kobalas ebe, “Abu papakosi kotwanik amodiŋ, konye mam ŋes arai opaupakee kanul luapotu kotukokinos nepepe aluikin EJAKAIT korioŋet loka Kora: konye atwani ŋesi da kotoma adiakareteke; komameete idwe lusap. Kanukinyo elemarere ekiror loka papakosi kokekike, naarai amameete ŋes idwe lusap? Koinakinai sio airumet koinaean luka papakosi.” Koyau Musa akeeekirot mama ejai EJAKAIT. Kotema EJAKAIT Musa atiar, “Ineras adwe nuka Selopekad nuedolito: abeit iinakini kes airumet koinaean luka papakee; ido itebei airumet naka papakee mamakee. Ilimokini idwe luka Isirael ebe, ‘Arai ketwana etuŋanan, komamei ikoku yenisapat, itebei do airumeteke mama ejai akokuke. Arai emamei ŋes akokuke; iinakini airumeteke mama ejaas iinaeanake. Arai emameete ŋes iinacanake, iinakini do airumeteke mama ejaas iinaean luka papake. Arai emameete papake iinaean, iinakini akeirumet mama ejai opajanake loka ekekike, ŋesi da irumi: eraun kama ejaas idwe luka Isirael ekisil loka etube, kwape kieorakinia EJAKAIT Musa.’” Kobala EJAKAIT Musa ebe, “Kodoka moru lo loka Abarim, koany akwap naainak eoŋ idwe luka Isirael. Kianyu ŋes, kiyanaario mama ejaas ikonituŋa kwape ayaŋaarere onacekon Aaron: Naarai ibu kipaliik akakirot kotoma amodiŋ naka Sin, kopeget loka ekodet, aitalaun eoŋ kakonyenekee kakipi.” (Ŋun kes akip nuka Mcriba loka Kades kamodiŋ naka Sin.) Kotema Musa EJAKAIT atiar, “Kodakak EJAKAIT, Edeke loka imoyon luka awat kere, etuŋanan ayait ekodet, Loepedori alomar ka alomun da kakonyenekee, loepedori aiŋarenikin kes alomar ka alomun da; tetere mam ekodet loka EJAKAIT esubi bala amerekekin nuemameete ekecokon.” Kobala EJAKAIT Musa ebe, “Koyaŋa Yosua okoku loka Nun, etuŋanan loejai emoyo, kidokok ŋes akonikan; Kitobwo kakonyen nuka Eleasar esasedoti, kakonyen nuka ekodet kere; kodakak da ŋes apolou kakonyenekee. Iinakini ŋes akonipolou, tetere erimari ekodet kere loka idwe luka Isirael. Ebwoi kakonyen nuka Eleasar esasedoti, loinitununei kanuke kotube loka Urim kakonyen nuka EJAKAIT: kakirotoke elomariata, kakirotoke da elomuniata, ŋes ka idwe kere luka Isirael nepepe kaŋes, ekodet kere.” Kiswama Musa kwape kicorakinia EJAKAIT ŋes; koyana Yosua, kitobwo ŋes kakonyen nuka Eleasar esasedoti, kakonyen da nuka ekodet kere: Kidokok ŋes akaninike, kodakak apolou, kwape kineria EJAKAIT kama ka Musa. Kotema EJAKAIT Musa atiar, “Kicorak idwe luka Isirael, kolimok kes ebe, ‘Ainakinetaka, ikanyamat luka ainakinetaka nueinakinere kakim, luka asakat naeuru saa mamaka, iricete ainakin eoŋ kapakikee naebeit.’ Ilimokini kes ebe, Na ŋes ainakinet naeinakinere kakim, naiinakinete EJAKAIT; imerekekin lukiliok luka ekaru ediopet lumam eŋwalito, iarei ŋinipaaran, araut ainakinet naicweio nadue. Iinakinete imerekek idiopet tupuruc, kosodi idiopet iinakinete eboŋ: Ka idiopet kotomon yenika epa loka akiria nuidicie araun ainakinet naka akiria, nuinyalakinitai idiopet koonon yenika ekin loka akinyet naerukuk. Erai ainakinet naicweio nadue, naeeorakinio komoru Sinai araun asakat naeuru saa, ainakinet naeinakinere kakim mama ejai EJAKAIT. Ainakinet da namatat ŋes idiopet koonon yenika ekin kanuka imerekek idiopet; ibukokini neejai EJAKAIT kotoma aibois nakalaunan ainakinet namatat naka nuitemerete. Ka imerekek ice iinakini eboŋ; kwape kainakinet naka akiria naka tupuruc, kwape kainakineteke namatat, iinakini ŋes, ainakinet naeinakinere kakim, naka asakat naeuru saa mama ejai EJAKAIT. Kapaaran nakasabato imerekekin lukiliok iarei luka ekaru ediopet lumam eŋwalito, ka iarei kotomon luka epa loka akiria nuidicie araun ainakinet naka akiria, nuinyalakinitai akinyet, ka ainakineteke namatat; Ŋin ŋes ainakinet naicweio naka ŋinipaaran nakasabato, kogelara ainakinet naicweio nadue, ka ainakineteke namatat. Kotoma ageuneta nuka ilapiokus iinakinete ainakinet naicweio mama ejai EJAKAIT: imoŋin lutoba iarei, ka emerekek, ka imerekekin ikanykaarei lukiliok luka ekaru ediopet lumam eŋwalito; Ka iuni kotomon luka epa loka akiria nuidieie araun ainakinet naka akiria, nuinyalakinitai akinyet, kanuka nolimon lotobait; ka iarei kotomon luka akiria nuidicie araun ainakinet naka akiria, nuinyalakinitai akinyet, kanuka emerekek ŋol; Ka idiopet kotomon yenika akiria nuidieie nuinyalakinitai akinyet araun ainakinet naka akiria naka ŋinimerekek; araun ainakinet naicweio naka asakat naeuru saa, ainakinet naeinakinere kakim mama ejai EJAKAIT. Ainakinetakee da numatan eraun atutubet naka ekin loka ebino kanuka emoŋ Iotobait, ka idiopet kouni yenika ekin kanuka emerekek, ka idiopet koonon yenika ekin kanuka imerekek; ŋin ŋes ainakinet naicweio naka nolilap adaun ilapio kere luka ekaru. Ka ekoroi ediopet araun ainakinet naka adiakaret mama ejai EJAKAIT; einakinio kogelara ainakinet naicweio naduc, ka ainakineteke namatat, Toma olap losodit, kapaaran nakitomonet kaonon naka elap, ŋes Aleleŋ naka EJAKAIT. Apaaran nakitomonet kakany naka elap kanol ejaun epueit; enyamio emugati lomam itubuunitoi apaarasia akanykaarei. Toma apaaran nasodit ejaun atukokinet nakalaunan; siriswamaete aswam naelanir, Konye iinakinete ainakinet naeinakinere kakim, ainakinet naicweio mama ejai EJAKAIT: imoŋin lutoba iarei, ka emerekek, ka imerekekin ikanykaarei lukiliok luka ekaru ediopet: eraunos kamakus lumam eŋwalito: Ka ainakinetekee naka akiria, akiria nuidicie nuinyalakinitai akinyet: iinakinete iuni kotomon kanuka emoŋ lotobait ka iarei kotomon kanuka emerekek; linakini da idiopet kotomon kanuka ŋinimerekek kotoma omerekekin ikanykaarei; Ka ekoroi ediopet araun ainakinet naka adiakaret, alucio yes. Iinakinete nun kogelara ainakinet naicweio naka tupuruc, naerai ainakinet naicweio naduc. Iinakinete kopone kanol ŋinipaaran, adaun apaarasia akanykaarei, inyamat luka ainakinet naeinakinere kakim, naka asakat naeuru saa mama ejai EJAKAIT: einakinio kogelara ainakinet naicweio naduc, ka ainakineteke namatat. Kapaaran nakikanyetekaarei ejaun yes atukokinet nakalaunan; siriswamaete aswam naelanir. Kapaaran naka araito nuegeete, naiinakiniata ainakinet naka akiria nuka agwe mama ejai EJAKAIT kopueitikus loka asabaton, ejaun yes atukokinet nakalaunan; siriswamaete aswam naelanir. Konye iinakinete ainakinet naicweio araun asakat naeuru saa mama ejai EJAKAIT; imoŋin lutoba iarei, ka emerekek, ka imerekekin ikanykaarei lukiliok luka ekaru ediopet; Ka ainakinetekec naka akiria, akiria nuidieic nuinyalakinitai akinyet, iuni kotomon kanuka ŋolimoŋ lotobait, ka iarei kotomon kanuka emerekek ediopet, Ka idiopet kotomon kanuka ninimerekek kotoma omerekekin ikanykaarei; Ka ekoroi ediopet, alueio yes. Iinakinete kes kogelara ainakinet naicweio naduc, ka ainakineteke naka akiria (eraunos kamakus lumam eŋwalito), ka ainakinetakec numatan. Kolap lokikanyetekaarei, kapaaran nasodit naka elap, ejaun yes atukokinet nakalaunan; siriswamaete aswam naelanir; erai apaaran naka aikut arupepen kamakus. Iinakinete ainakinet naicweio araun asakat naeuru saa mama ejai EJAKAIT; emoŋ lotobait ediopet, ka emerekek ediopet, ka imerekekin ikanykaarei lukiliok luka ekaru ediopet lumam eŋwalito: Ka ainakinetekec naka akiria, akiria nuidicic nuinyalakinitai akinyet, iuni kotomon kanuka emoŋ lotobait, ka iarei kotomon kanuka emerekek, Ka idiopet kotomon kanuka ninimerekek kotoma omerekekin ikanykaarei: Ka ekoroi ediopet araun ainakinet naka adiakaret, alucio yes: Kogelara ainakinet naicweio naka elap loilamuni, ka ainakineteke naka akiria, ka ainakinet naicweio naduc ka ainakineteke naka akiria, ka ainakinetakec numatan, kwape ejaar ekecekisil, araut asakat naeuru saa, ainakinet naeinakinere kakim mama ejai EJAKAIT, Kapaaran nakitomonet naka elap kanol lokikanyetekaarei ejaun yes atukokinet nakalaunan; iticanete akusiijar; mam iswamaete adioswam kere: Konye iinakinete ainakinet naicweio mama ejai EJAKAIT araun asakat naeuru saa; emoŋ lotobait ediopet, ka emerekek ediopet; ka imerekekin ikanykaarei lukiliok luka ekaru ediopet; eraunos mama ijaas lumam eŋwalito: Ka ainakinetekec naka akiria, akiria nuidicic nuinyalakinitai akinyet, iuni kotomon kanuka emoŋ lotobait, ka iarei kotomon kanuka emerekek ediopet, Ka idiopet kotomon kanuka ninimerekek kotoma omerekekin ikanykaarei: Ka ekoroi ediopet araun ainakinet naka adiakaret; kogelara ainakinet naka adiakaret naka alucio, ka ainakinet naicweio nadue, ka ainakineteke naka akiria, ka ainakinetakec numatan. Kapaaran nakitomonet kakany naka elap lokikanyetekaarei ejaun yes atukokinet nakalaunan; siriswamaete aswam naelanir, iricete epucit mama ejai EJAKAIT apaarasia akanykaarei: Iinakinete ainakinet naicweio, ainakinet naeinakinere kakim, naka asakat naeuru saa mama ejai EJAKAIT; imoŋin lutoba itomon ka luuni, ka imerekekin iarei, ka imerekekin itomon ka luonon lukiliok luka ekaru ediopet; eraunos lumam eŋwalito: ka ainakinetekee naka akiria, akiria nuidicic nuinyalakinitai akinyet, iuni kotomon kanuka ŋolimoŋ lotobait, kotoma omonin lutoba lutomon ka luuni, ka iarei kotomon kanuka nolimerekek kotoma omerekekin iarei. Ka idiopet kotomon kanuka ninimerekek kotoma omerekekin lutomon ka luonon: Ka ekoroi ediopet araun ainakinet naka adiakaret; kogelara ainakinet naicweio nadue, ka ainakineteke naka akiria, ka ainakineteke namatat, Kapaaran nakiareit da iinakinete imoŋin lutoba itomon ka luarei, ka imerekekin iarei, ka imerekekin itomon ka luonon lukiliok luka ekaru ediopet lumam eŋwalito: Ka ainakinetekec naka akiria ka ainakinctakec numatan kanuka imoŋin lutoba, kanuka imerekekin, kanuka imerekekin ludidik da, kwape ejaar etiaikee, kwape ejaar aicorakinet: Ka ekoroi ediopet araun ainakinet naka adiakaret; kogelara ainakinet naicweio naduc, ka ainakineteke naka akiria, ka ainakinetakee numatan, Kapaaran nakiwuniet da, imoŋin lutoba itomon ka lodiopet, ka imerekekin iarei, ka imerekekin itomon ka luonon lukiliok luka ekaru ediopet lumam eŋwalito; Ka ainakinetckec naka akiria ka ainakinetakec numatan kanuka imoŋin lutoba, kanuka imerekekin, kanuka imerekekin ludidik da, kwape ejaar etiaikec, kwape eiaar aicorakinet: Ka ekoroi ediopet araun ainakinet naka adiakaret; kogelara ainakinet naicweio naduc, ka ainakineteke naka akiria, ka ainakineteke namatat, Kapaaran nakiwononet da, imoŋin lutoba itomon, ka imerekekin iarei, ka imerekekin itomon ka luonon lukiliok luka ekaru ediopet lumam eŋwalito: Ainakinetekee naka akiria ka ainakinetakec numatan kanuka imoŋin lutoba, kanuka imerekekin, kanuka imerekekin ludidik da, kwape ejaar etiaikee, kwape eiaar aicorakinet: Ka ekoroi ediopet araun ainakinet naka adiakaret; kogelara ainakinet naicweio naduc, ainakineteke naka akiria, ka ainakineteke namatat, Kapaaran nakikanyet da, imoŋin lutoba ikanykaoŋon, ka imerekekin iarei, ka imerekekin itomon ka luoyon lukiliok luka ekaru ediopet lumam eŋwalito: Ka ainakinetekec naka akiria ka ainakinetakec numatan kanuka imoŋin lutoba, kanuka imerekekin, kanuka imerekekin ludidik da, kwape ejaar etiaikec, kwape eiaar aicorakinet; Ka ekoroi ediopet araun ainakinet naka adiakaret; kogelara ainakinet naicweio naduc, ka ainakineteke naka akiria, ka ainakineteke namatat. Kapaaran nakikanyetekape, imoŋin lutoba ikanykauni, ka imerekekin iarei, ka imerekekin itomon ka luonon lukiliok luka ekaru ediopet lumam eŋwalito: Ka ainakinetekee naka akiria ka ainakinetakee numatan kanuka imoŋin lutoba, kanuka imerekekin, kanuka imerekekin ludidik da, kwape ejaar etiaikec, kwape ejaar aicorakinet; Ka ekoroi ediopet araun ainakinet naka adiakaret; kogelara ainakinet naicweio nadue, ainakineteke naka akiria, ka ainakineteke namatat, Kapaaran nakikanyetekaarei, imoŋin lutoba ikanykaarei, imerekekin iarei, ka imerekekin itomon ka luonon lukiliok luka ekaru ediopet lumam eŋwalito; Ka ainakinetekee naka akiria ka ainakinetakee numatan kanuka imoŋin lutoba, kanuka imerekekin, kanuka imerekekin ludidik da, kwape ejaar etiaikee, kwape ejaar aicorakinet: Ka ekoroi ediopet araun ainakinet naka adiakaret, kogelara ainakinet naicweio naduc, ainakineteke naka akiria, ka ainakineteke namatat. Kapaaran nakikanyetekauni ejaun yes atukokinet nakayamakina: siriswamaete aswam naelanir. Konye iinakinete ainakinet naicweio, ainakinet naeinakinere kakim naka asakat naeuru saa mama ejai EJAKAIT: emoŋ lotobait ediopet, ka emerekek ediopet, ka imerekekin ikanykaarei lukiliok luka ekaru ediopet lumam eŋwalito: Ainakinetekee naka akiria ka ainakinetakee numatan kanuka emoŋ lotobait, kanuka emerekek, kanuka imerekekin ludidik da, ejaunos kwape ejaar etiaikee, kwape ejaar aicorakinet: Ka ekoroi ediopet araun ainakinet naka adiakaret; kogelara ainakinet naicweio nadue, ka ainakineteke naka akiria ka ainakineteke namatat. Iinakinete nun mama ejai EJAKAIT kopucinokus lueseunitai, kogelara aiyaposiokus, ka ainakinetakus nuka akote, araun ainakinetakus nuieweio, ka ainakinetakus nuka akiria, ka ainakinetakus numatan, ka ainakinetakus nuka ainapakin.” Kolimok Musa idwe luka Isirael kwape ajaatar kere nuabu EJAKAIT kicorak Musa. Kolimok Musa ikapolok luka atekerin nuka idwe luka Isirael ebe, “Na ŋes akirot naeeoraki EJAKAIT. Naiyapoo ituŋanan aiyaposit mama ejai EJAKAIT, arai naisumunio aisumunet ajen eketau kaenet, sirikinyei aitodol akekirot; iswamai kwape ejaatar akiro kere nuelomunete kaitukuke. Naiyapoo aberu aiyaposit mama ejai EJAKAIT, koenikini da bon kaenet, koroko ejai okale loka papake, koiditeuke; Kepupu papake aiyapositike, ka aeneteke naeenitor eketau, kosodi papake aililiŋikin ŋes: iburai do akeiyaposio kere aitodolio: ka ŋinienet naeenitor ŋesi eketau iburai aitodolio. Konye arai keneroki ŋes papake kapaaran naepupunio; epalunio aiyaposioke kere, ka aeneta kere nueenitor ŋesi eketau: isionie da EJAKAIT ŋes, naarai abu papake koneroki ŋes, Konye arai emanyit ŋes ekiliokit, kojaas aiyaposioke mamake, arai aisud einer kaitukuke, nueenitor ŋesi eketau; Kepupu okilenike, kosodi aililiŋikin ŋes kapaaran naepupunio: iburai do akeiyaposio aitodolio, ka aenetake nueenitor ŋesi eketau iburai aitodolio. Konye arai keneroki ŋes okilenike kapaaran naepupunio; itapaluni aiyapositike naejai mamake, ka aisud einer kaitukuke, nueenitor ŋesi eketau: isionie EJAKAIT ŋes, Konye aiyaposit naka apuserut, ka nin da naireŋearit okilenike, iburai do ŋes aitodol ninikirot naeenitor ŋesi eketau. Arai eyapoi ŋesi kotoma togo loka okilenike, arai ajen eketau kaenet naka aiyaposit, Kepupu okilenike kosodi aililiŋikin ŋes, komam enerokini ŋes; iburai do aiyaposioke kere aitodolio, ka ninienct nakeenia ŋesi eketau iburai aitodolio. Konye arai itapalunit kes okilenike kapaaran nakepupunio; epalunio do kere nuka aiyaposioke arai nuka aenet naka etauke nualomunete kaitukuke; etapalau kes okilenike: isionie da EJAKAIT ŋes, Epedori okilenike aitogogoŋ arai aitapalaun niniyaposit ka ninisumunet naeenit aiticania etau. Konye arai kililiniki okilenike ŋes ŋinipaaran, itogogoni do akeiyaposio kere, arai aenetake kere nuejaas mamake: etogogon kes naarai abu kililinik ŋes kapaaran naapupunio kes. Konye arai kitapalau kes akaulo kapupun kes, ibwoki do ŋesi numam adolit nuka aberu.” Ŋul kes ikisila, lueeorakini EJAKAIT Musa, mama ejai etuŋanan ka akeberu, mama ejai papa ka akokuke naejai koiditeuke, okal loka papake. Kotema EJAKAIT Musa atiar, “Kinyaŋ idwe luka Isirael kama ejaas Imidianin: akaulo kanun ŋes kiyanaarere jo mama ejaas ikonituŋa.” Kolimok Musa ituŋa ebe, “Kokapanakisi icetuŋa kotomakus kanuka ejie, tetere elosete asurokin Midian, aitodol einyanane laka EJAKAIT mama ejai Midian. Ŋukarete yesi ojie luka ŋiniteker elukumit, katekerin kere nuka Isirae!.” Kwaŋin kolemunai kolukumin luka Isirael, luka ŋiniteker elukumit, kes ilukumin itomon ka luarei luakapakina kanuka ejie. Kijuka Musa kes, luka niniteker elukumit, oiie, kes ka Pinekas okoku loka Eleasar esasedoti, oiie, ajaas iboro luka aibois nakalaunan ka arupepen nuka elala akanike. Kitijioto Midian, kwape kicorakinia EJAKAIT Musa; koarata da nolikiliokit. Koarata ikabakan luka Midian nepepe kalueekee: Ebi, ka Rekem, ka Sur, ka Kur, ka Reba, ikabakan ikany luka Midian: koarata da Balaam okoku laka Beor kekilen. Kijoreosi idwe luka Isirael aŋor nuka Midian ka ikeeedwe ludidik; konatasi da ibarenekee kere, ka isipaninikee kere, ka iborokee kere. Kicweata kakim ireriakec kere kotoma aiboisio nueboiononoto, ka iidukurunukee kere. Koyanaasi iŋatan kere, ka ideman kere, ituŋa ka itiaŋ da. Koyaut luejoreunitai, ka ideman, ka iŋatan, mama ejai Musa, ka Eleasar esasedoti, ka ekodet laka idwe luka Isirael, mama ejaas iidukurun apuutona nuka Moab nuejaas ariri naka Yorodan ko Yeriko. Koloto Musa ka Eleasar ka ikapolok kere luka ekodet, airiamun kakes kina kiidukurun. Konyunyurik Musa ikeŋarenok luka ajore, ikapolok luka ilukumin ka ikapolok luka akwat, luapote kojie. Kotema Musa kes atiar, “Ttaiarata kereka yesi aŋor kere? Koany, apotu mm koinakis idwe luka Isirael adiakar kama ka EJAKAIT, kanuka ainerun naka Balaam, kakiro nuka Peor, kanuka nun da kojaun atular okodet loka EJAKAIT. Aso do koara niniklliokit kodwe ludidik, koara da niniberu naejeni ekiliokit kanuka apero kaŋes, Konye idwe lupesur, lumam ejenete ekiliokit kanuka apero kaŋes, kitajarata kanukus. Kidukuroto yesi kina kiidukurun apaarasia akanykaarei: ŋin yenaarit ituŋanan, ŋin da yenetirorit yenearitai, kitalaunos kapaaran nakiwuniet kapaaran da nakikanyetekaarei, yes ka ijoreunokus. Italaunete da nininapiro, ka nin kere yeniswamatai kemukule, ka yeniswamatai kajulo nuka akinei, ka iboro kere luiswamatai kakiro.” Kolimok Eleasar esasedoti ikaiiok lualosito ojie ebe, “Ŋol ŋes ekisil loka aicorakinet naeeoraki EJAKAIT Musa: Konye esabu, ka epuesa, ka aikomo, ka asua, ka adebe, ka asasin. Ŋinibore yenimam akim enyami, itotorioto akim, eraun yenelai; konye italaunio kakip nuitesegaarete: kere da yenepedori akim ainyam idomakinete akipi. Ilosete akusinapen kapaaran nakikanyetekaarei, iraunos da luilaete, akaulo kanun ilomarete oidukurun.” Kotema EJAKAIT Musa atiar, “Kimar iŋatan luanatunio, ituŋa ka itian da, ijo ka Eleasar esasedoti, ka ikapolok luka ikalia luka lukapapa luka ekodet: Kokorak da iŋatan toma atutubeta aareij mama ejaas ikaiiok luepiiriaka kojie lualosito oiie, ka ekodet kere: Kitelem ikajiok lualosito ojie esolo kanuka EJAKAIT: idiopet kakwat akany, yenika ituŋa, ka aituk, ka asigiria, ka isipanin: Kolem ŋes kotoma atutubetakec, koinak Eleasar esasedoti, araun ainakinet naedakakinitai naka EJAKAIT. Kotoma atutubet da naka idwe luka Isirael ilemuni ijo idiopet kotoma ninikaisakany, naka ituŋa, ka aituk, ka asigiria, ka isipanin, kes luka ibaren kere, koinak Ilebin, luidarete ewema lokalaunan loka EJAKAIT.” Kiswamata Musa ka Eleasar esasedoti kwape kicorakinia EJAKAIT Musa. Iŋatan da, luedeunos konatan luayaŋaarete ikaiiok, emwaasi amerekekin alukumin akwat akanykape ka alukumin akaisakanykaarei ka alukumin akany, Aituk alukumin akaisakanykaarei ka alukumin aarei, Asigiria alukumin akaisakanykape ka alukumit adiopet, Ka ituŋa kere ilukumin akaisauni ka ilukumin iarei, luka apesur numam ajenete ekiliokit kanuka apero kaŋes, Atutubet nakerai akorakiner naka ŋul kalualosito ojie, arai etiaike amerekekin alukumin akwat auni ka akaisauni ka nukanykaarei ka akwat akany: Esolo du loka EJAKAIT loka amerekekin kerai akwat akanykape ka akaisakanykaarei ka nukany. Aituk da emwaasi alukumin akaisauni ka alukumin akanykape; kotoma kanun korai esolo loka EJAKAIT akaisakanykaarei ka nuarei. Emwaasi asigiria alukumin akaisauni ka akwat akany; kotoma kanun koral esolo loka EJAKAIT akaisakanykape ka nadiopet. Emwaasi ituŋa da ilukumin itomon ka lukanykape; kotoma kanul da korai esolo Ioka EJAKAIT ituŋa akaisauni ka luarei. Koinak Musa Eleasar esasedoti esolo loarai ainakinet naedakakinitai naka EJAKAIT, kwape kicorakinia EJAKAIT Musa, Atutubet naka idwe luka Isirael naatiakuni Musa kotuna luajiito, (Atutubet da naka ekodet emwaasi amerekekin alukumin akwat auni ka akaisauni ka nukanykaarei ka akwat akany, Ka aituk alukumin akaisauni ka alukumin akanykape, Asigiria alukumin akaisauni ka akwat akany, Ituŋa ilukumin itomon ka lukanykape); Kotoma atutubet naka idwe luka Isirael, kolem Musa idiopet kotoma ninikaisakany, ituŋa ka itian da, koinak kes Ilebin luedarete ewema lokalaunan loka EJAKAIT: kwape kieorakinia EJAKAIT Musa. Kikunyut ikeŋarenok luapolokinito ilukumin luka ajore, ikapolok luka ilukumin ka ikapolok luka akwat neejai Musa: Kolimokis Musa ebe, “Einara ikonikejaanakinak ikajiok lukidari isio, ido emamei yeneoliorit kasio. Kiyau da ainakinet naka EJAKAIT, luadumu ninituŋanan, iboro luka esabu, ka asua, ka aikomon, ka igilun, ka itetio, ka abwakai, alucio ikositauon kakonyen nuka EJAKAIT.” Kijaut Musa ka Eleasar esasedoti esabukec, ka lukisiro kere. Esabu kere loka ainakinet naedakakinitai naainakinete EJAKAIT ikapolok luka ilukumin ka ikapolok luka akwat arai isekelin itomon ka Iukanykape ka akwat akanykaarei ka akaisakany, (Naarai ayanaarito ikajiok ideman, ninirunanan ocoeke.) Kijaut Musa ka Eleasar esasedoti esabu loka ikapolok luka ilukumin ka luka akwat, koyanaut toma owema loka airiamunun, araun aisiitunet mama ejaas idwe luka Isirael kakonyen nuka EJAKAIT. Ajaas idwe luka Reuben ka idwe luka Gad ibaren luipu noi: keanyut akwap naka Yaser, ka akwap naka Gilead, ebe arai aibois naebus kanuka ibaren; Kopotu idwe luka Gad ka idwe luka Reuben kinerata kaMusa ka Eleasar esasedoti ka ikapolok luka ekodet atiar, “Atarot, ka Dibon, ka Yaser, ka Nimura, ka Kesibon, ka Eleale, ka Sebam, ka Nebo, ka Beon, Akwap naetiji EJAKAIT kakonyen nuka ekodet loka Isirael, erai akwap naibusakinit ibaren, ejaas da ikonikejaanakinak ibaren.” Kotemasi atiar, “Arai kidumunit asianut kakonyenekon, koinakinai ikonikejaanakinak akwap na araun airumet; sirikiitodok sio Yorodan.” Kotema Musa idwe luka Gad ka idwe luka Reuben atiar, “Do iinaeanakus elosete oiie, kihoiete yesi kane? Kanukinyo itakalanyata itauon luka idwe luka Isirael kotoma alosit akwap naainaki kes EJAKAIT? Apotu lukapapakus kiswamata kwaŋin, naejukaria kes koKades-barunea airot akwap. Naarai kedokasi aditot naka Esukol, koanyut da akwap, kitakalanyata itauon Iuka idwe luka Isirael kinyeis alomar akwap naainakinit kes EJAKAIT. Kinep anyunyura naka EJAKAIT kapaaran kaŋin, kiyapo ebe, ‘Abeit emamei kotoma otuŋa lualomunete koMisiri, ageun kaluka ikar akaisaarei ka luedeparito, loeanyuni akwap naabu keyapoik Aburaam, ka Isaak, ka Yakob; naarai mam katuparito eoŋ kekeeetau kere: Dimarai Kaleb okoku loka Yepune Ekenisit, ka Yosua okoku loka Nun: naarai atupasi EJAKAIT kekeeetau kere.’ Kinep anyunyura naka EJAKAIT aluikin Isirael, kisirim kes kamodiŋ ikar akaisaoŋon, aitodol neadaikinor nen aturi kere naabu kiswama aronis kakonyen nuka EJAKAIT. Ido koany, inyout yesi airum aibois naka lukapapakus, ailwek naka ikadiakanarak, aiyatakin bobo anyunyura naededen naka EJAKAIT mama ejai Isirael. Naarai arai kipaasi yesi kotoma atupite ŋes, itasalikini bobo ŋesi kes amodiŋ; ido imudiarete yesi ituŋa lu kere.” Kikunyut mama ejai ŋesi, kotemasi atiar, “Kibwaikini akosiituk auioi nee, kidukokini ikosidwe ludidik ireria: Konye isio ikulepek kikapakini eut aiŋarenikin idwe luka Isirael, aitodol nekiyanaaria kes aiboisikec; ido iboikinos ikosidwe ludidik oreria luebwaunitai kanuka luibojete kakwap. Mam kibonori oreriakosi, aitodol nairumiata idwe luka Isirael ninituŋanan airumeteke, Naarai mam sio kirumi kakes okekwa iuwai loka Yorodan; naarai akosiirumet ejai okekwa lo loka Yorodan ari nakokide.” Kotema Musa kes atiar, “Arai kiswamata yesi akirot nin; arai kikapakinos yesi alosit oiie kakonyen nuka EJAKAIT, Kosodi nolitunanan loekapakina kayesi aidok Yorodan kakonyen nuka EJAKAIT, aitodol nairenearia lukasurupoke kakonyeneke, Kipikoroi akwap kakonyen nuka EJAKAIT: kosodete konyet aboŋun, komam nuigwaunito kama ejai EJAKAIT, kama ejai Isirael da; eraun akwap na airumetekus kakonyen nuka EJAKAIT. Konye arai mam iswamaete kwaŋin, koany idiakasi kama ejai EJAKAIT: abeit itodun akusidiakaret. Kodukokis ikusidwe ludidik ireria, kobwaikis akusimerekekin aujoi; kiswamata da ŋun nualomutu kaitukekus.” Kinerata idwe luka Gad ka idwe luka Reuben kaMusa atiar, “Iswamaete ikonikeiaanakinak kwape icorakinia ekajakait. Ikosidwe ludidik, ka akosiŋor, ka ikosisipanin ka ikosibaren, ejaunos toma oreria luka Gilead: Konye edokete ikonikejaanakinak, nolitunanan loekapakina ejie, kakonyen nuka EJAKAIT, ejie, kwape ebalar ekaiakait.” Koinak Musa Eleasar esasedoti, ka Yosua okoku loka Nun, ka ikapolok luka ikalia luka lukapapaakee luka atekerin nuka idwe luka Isirael aidar akirokee. Kolimok Musa kes ebe, “Arai kedokasi idwe luka Gad ka idwe luka Reuben Yorodan nepepe kayes, nolitunanan loekapakina ejie kakonyen nuka EJAKAIT, kosodi akwap aipikorio kakonyenekus; iinakinete do kes akwap naka Gilead araun airumet: Konye arai mam edokete nepepe kayes kokapakina, irumete nepepe kayes kotoma akwap naka Kanaan.” Kobonokis idwe luka Gad ka idwe luka Reuben ebe, “Kwape alimokinia EJAKAIT ikonikeiaanakinak, kiswamai isio kwaŋin, Kidoki kakapakina kakonyen nuka EJAKAIT alomar akwap naka Kanaan, kosalak airumetekosi okekwa loka Yorodan.” Koinak Musa kes, idwe luka Gad ka idwe luka Reuben, ka atutubet naka ateker naka Manase okoku loka Yosep, ajakanut naka Sikon ekabaka loka Imorain, ka ajakanut naka Og ekabaka loka Basan, akwap kwape ajaatar ireriake ka iikorunokee, kes ireria luka akwap lualukunito. Kodukoto idwe luka Gad Dibon, ka Atarot, ka Aroer; Ka Aturot-sopan, ka Yaser, ka Yogubeka; Ka Bet-nimura, ka Bet-karan: ireria luabwaitai, ka auioi nuabwaitai nuka amerekekin. Kodukoto idwe luka Reuben Kesibon, ka Eleale, ka Kiriataim; Ka Nebo, ka Baal-meon, (kilocoi ikeeekiroria,) ka Sibima: komaikis ireria luadukete icekiroria. Koloto idwe luka Makir okoku loka Manase Gilead, kiruma ŋes, kodemasi ŋes Imorain luajaas toma. Koinak Musa Makir okoku loka Manase Gilead; kiboienenei da kanen. Kolot Yair okoku loka Manase kirum ireriakee, komaik kes Kabot-Yair, Kolot Noba kirum Kenat, ka ireriake ludidik, komaik ŋes Noba ekekiror obe. Nu kes alosito nuka idwe luka Isirael, nakenyounioto kakwap nako Misiri toma ajoresiokee kama ka Musa ka Aaron. Kiwadik Musa anyounonetakee kwape ajaar alositekee kaieorakinet naka EJAKAIT: nu kes alositokee kwape ajaatar anyounonetakec. Konyout koRameses kolap losodit, kapaaran nakitomonet kakany naka elap losodit; kapaaran naatupakini Aleleŋio kolomasi idwe luka Isirael kakan naarioro kakonyen nuka Imisirian kere. Napeidaete Imisirian lukiyaikikee kere, luabu EJAKAIT kodany kotomakec: kotubok EJAKAIT ikeeedekesio da. Kolototo idwe luka Isirael anyoun koRameses kidukuroto Sukot. Kolototo anyoun koSukot kidukuroto Etam, naejai ariri naka amodiŋ. Kolototo anyoun koEtam, kibelooros kiton Pi-kakirot naitei Baal-sepon: kidukuroto akonyen nuka Migidol. Kolototo anyoun kakonyen nuka Kakirot kitoro kidin aŋolol kiton amodiŋ: koloto alosit naka apaarasia auni kamodiŋ naka Etam, kidukuroto Mara. Kolototo anyoun koMara kodolut Elim: ajaas toma Elim atanin atomon kaarei ka idukudukun akaisakanykaarei; kidukuroto nen. Kolototo anyoun koElim, kidukuroto ariri naka Aŋolol Nakarenan. Kolototo anyoun kAŋolol Nakarenan, kidukuroto amodiŋ naka Sin. Kolototo anyoun kamodiŋ naka Sin, kidukuroto Dopuka, Kolototo anyoun koDopuka, kidukuroto Alus. Kolototo anyoun kAlus, kidukuroto Repidim, neamamikiniata ituŋa akip numatan. Kolototo anyoun koRepidim, kidukuroto amodiŋ naka Sinai. Kolototo anyoun kamodiŋ naka Sinai, kidukuroto Kiburotkataaba, Kolototo anyoun koKiburot-kataaba, kidukuroto Kaserot, Kolototo anyoun koKaserot, kidukuroto Ritima. Kolototo anyoun koRitima, kidukuroto Rimon-peres, Kolototo anyoun koRimon-pcres, kidukuroto Libuna. Kolototo anyoun koLibuna, kidukuroto Risa. Kolototo anyoun koRisa, kidukuroto Kekelata, Kolototo anyoun koKekelata, kidukuroto moru Seper. Kolototo anyoun komoru Seper, kidukuroto Karada, Kolototo anyoun koKarada, kidukuroto Makelot. Kolototo anyoun koMakelot, kidukuroto Takat. Kolototo anyoun koTakat, kidukuroto Tera. Kolototo anyoun koTera, kidukuroto Mitika. Kolototo anyoun koMitika, kidukuroto Kasimona. Kolototo anyoun koKasimona, kidukuroto Moserot, Kolototo anyoun koMoserot, kidukuroto Bene-yaakan, Kolototo anyoun koBene-yaakan, kidukuroto Kor-kagidigad. Kolototo anyoun koKor-kagidigad, kidukuroto Yotibata. Kolototo anyoun koYotibata, kidukuroto Aburona. Kolototo anyoun koAburona, kidukuroto Esion-geber, Kolototo anyoun koEsiongeber, kidukuroto amodiŋ naka Sin (nipenin ŋes Kades), Kolototo anyoun koKades, kidukuroto moru Kor, ariri naka akwap naka Edom, Kodoka Aaron esasedoti moru Kor kaieorakinet naka EJAKAIT, kotwanik nen, kokaru lokakaisaoŋon kedaut idwe luka Isirael anyoun kakwap nako Misiri, kolap lokikanyet, kapaaran kanasodit naka elap, Kerai Aaron loka ikar akwatat ka akaisaarei ka luuni etwanikini moru Kor. Kopup do Ekanaanit, ekabaka loka Arad, loeboienenei kari naka Eŋalakimak naka akwap nako Kanaan abunore naka idwe luka Isirael. Kolototo anyoun komoru Kor, kidukuroto Salimona. Kolototo anyoun koSalimona, kidukuroto Punon. Kolototo anyoun koPunon, kidukuroto Obot. Kolototo anyoun koObot, kidukuroto Iyeabarim, koikor loka Moab. Kolototo anyoun koIyim, kidukuroto Dibon-gad. Kolototo anyoun koDibon-gad, kidukuroto Alumon-dibilataim. Kolototo anyoun koAlumon-dibilataim, kidukuroto oroŋan luka Abarim, eiteo ka Nebo. Kolototo anyoun koroŋan luka Abarim, kidukuroto apuutona nuka Moab ariri naka Yorodan koYeriko. Kidukuroto ariri naka Yorodan anyoun koBet-yesimot aitodol Abel-sitim kapuutona nuka Moab. Kotema EJAKAIT Musa kapuutona nuka Moab kariri naka Yorodan koYeriko atiar, “Kiner kidwe luka Isirael, kolimok kes ebe, Kidokata yesi Yorodan kodolo akwap naka Kanaan. Irenearete luiboienenete kakwap kere kakonyenekus, imudiarete akecemor kere nuigirir, ka akeceputosia nuiswamatai kasua, imudiarete da akeeeiboisio nuiceleleete. Irumete yesi akwap, ibojenenete da kanen, naarai kainak yes airum akwap. Irumete yesi akwap kailamilam eroet kwape ejaatar ikekiakus; iinakinete luipu airumet naepol, ka luikidioko iinakinete airumet naedit, naebeikinia ituŋanan eroet, eraun ŋin naken; irumete ŋes kwape ejaatar atekerin nuka lukapapaakus. Konye arai mam irenearete kakonyenekus luiboienenete kakwap, esalete do nul luitasalete yesi esubito bala ibore yenedopodopoi akusikonye, bala da ikukwa kosiepionokus, kitunyunyurikinete yes kakwap naiboienenete yesi kotoma. Ejaun do ebe, kwape tikaomitor eoŋ aiswamakin kes, keswamakini yes da kwape kwaŋin.” Kotema EJAKAIT Musa atiar, “Kicorak idwe luka Isirael, ebe, Kidoloto akwap naka Kanaan, (nin ŋes akwap nakibei yes araun airumet, akwap nako Kanaan kwape ejaatar iikorunoke.) Ewaikus loka ari naka eŋalakimak enyouni kamodiŋ naka Sin kiririkina Edom, eikorukus da loka ari naka eŋalakimak enyouni kosane loka Aŋolol naka Abalaŋ kobei kide: Ekudoori ekusikor ari naka eŋalakimak naka acinat naka Akurabim, kobei Sin: kodoli ari naka eŋalakimak naka Kades-barunea; kolosi Kasaradar, kobei Asumon: Ekudoori bobo eikor koAsumon kiton oeor yenika Misiri, kodoli aŋolol, Eikorukus da loka ari nakoto ŋes Aŋolol Nakapolon karirike: eraun ŋol eikorukus loka ari nakoto. Lo ŋes eikorukus loka ari naka agolitomei: igirunete anyoun kAŋolol Nakapolon kiton Moru Kor: Anyoun koMoru Kor igirunete kiton ncelomaria Kamat; kodoli eikor Sedad; Kolosi eikor kiton Sipiron, kodoli Kasar-enan: nol ŋes eikorukus loka ari naka agolitomei. Igirunete eikorukus loka ari nakokide anyoun koKasar-enan kiton Sepam: Ŋesar eikor anyoun koSepam kiton Ribula, kari nakokide naka Ain; iiesar eikor edoli ariri naka aŋolol naka Cineret kobei kide: Ŋesar eikor kiton Yorodan, kodoli Aŋolol naka Abalaŋ: eraun ŋin akusikwap kwape ejaatar ikeikoruno luelukunito.” Kicorak Musa idwe luka Isirael ebe, “Ŋin ŋes akwap nairumete kailamilam eroet, naeeoraki EJAKAIT ainakin atekerin akanykaoŋon, ka atutubet naka ateker: Naarai adumu ateker naka idwe luka Reuben kwape ejaatar ikalia luka lukapapaakee, ka ateker naka idwe luka Gad kwape ejaatar ikalia luka lukapapaakec, adumu da atutubet naka ateker naka Manase airumetekee: Adumut atekerin aarei ka atutubet naka ateker airumetekee juwai naka Yorodan koYeriko kari nakokide, neelomunia akoloŋ.” Kotema EJAKAIT Musa atiar, “Lu kes ikiroria luka iruna luekorokoroetc akwap kanukus araun airumet: Eleasar esasedoti, ka Yosua okoku loka Nun, Ilemunete yesi ekapolon ediopet loka ninitcker akorokor akwap araun airumet. Lu kes ikiroria luka ituŋa: loka ateker naka Yuda, Kaleb okoku loka Ycpune. Loka ateker naka idwe luka Simeon, Semuel okoku loka Amikud, Loka ateker naka Benyamin, Elidad okoku loka Cisilon. Loka idwe luka Dan ekapolon, Buki okoku loka Yoguli. Loka idwe luka Yosep; loka ateker naka idwe luka Manase ekapolon, Kaniel okoku loka Epod: Loka ateker naka idwe luka Epuraim ekapolon, Kemuel okoku loka Sipitan. Loka ateker naka idwe luka Sebulun ekapolon, Elisapan okoku loka Paranac, Loka ateker naka idwe luka Isakar ekapolon, Palutiel okoku loka Asan. Loka ateker naka idwe luka Aser ekapolon, Akikud okoku loka Selomi. Loka ateker naka idwe luka Naputali ekapolon, Pedakel okoku loka Amikud. Ŋul kes lueeorakini EJAKAIT akorokor airumet kanuka idwe luka Isirael kakwap naka Kanaan.” Kotema EJAKAIT Musa kapuutona nuka Moab kariri naka Yorodan koYeriko atiar, “Kicorak idwe luka Isirael koinakis Ilebin ireria luiboiononoto kotoma kairumetekee; iinakinete do Ilebin ironyia luelukunito ireria ŋul. Ibojenenete kesi koreria; ejaunos ironyiakee kanuka ibarenekec ka iborokee ka itianikec kere. Ironyia luka ireria luiinakinete yesi Ilebin, enyounete karwatat naka ere kiton kina ikubitin elukumit alukun ere kere. Itemete kina naka ere ikubitin ilukumin iarei kari nakokide, ikubitin ilukumin iarei kari naka eŋalakimak, ikubitin ilukumin iarei kari nakoto, ka ikubitin da ilukumin iarei kari naka agolitomei, kojai ere kidin, ŋul kes ironyiakec luka ireria. Ireria luiinakinete Ilebin koraas ireria ikanykape lukuianara, luiinakinete ekaaran ituŋanan akeriar: iyatakinete ireria akaisaoŋon ka luarei neeiaas ŋul. Ireria kere luiinakinete Ilebin imwaasi ireria akaisaoŋon ka lukanykauni: iinakinete kes ka ironyiakec. Ireria luiinakinete kairumet naka idwe luka Isirael, kaneejaas luipu ilemarete luipu; kaneejaas luikidioko da ilemarete luikidioko: ninitunanan kwape ejaar airumeteke nairumi einakini Ilebin ireriake.” Kotema EJAKAIT Musa atiar, “Kolimok idwe luka Isirael ebe, Kidokata Yorodan adolore akwap naka Kanaan, Iseunete ireriakus lueraunos ireria lukuianara; tetere ekaaran loeari ituŋanan komam epelet ekereari ŋina. Eraunos ireria luikuianarete yesi kaneejai ekenyaŋaran; tetere mam ekaaran etwani, aitodol naebwoia kakonyen nuka ekodet kanuka atubokinio. Ireria luiinakinete eraunos kamakus ireria ikanykape lukuianara. Iinakinete ireria iuni kajuwai naka Yorodan, iinakinete da ireria iuni kakwap naka Kanaan; eraunos ireria lukuianara. Eraunos ireria nul ikanykape luekuianarete idwe luka Isirael, imoit da, ka ikeboiororon kotomakec: tetere ninituŋanan yeneari ituŋanan komam epelet ekereari ŋina. Konye arai esenit ŋes kibore kayenika asuat, tape do etwani, erai ŋesi ekaaran; abeit eario ekaaran da. Arai da kitin amoru naepedori aiar ituŋanan asenio ŋes, kotwana, erai ŋesi ekaaran: abeit eario ekaaran da. Arai da esenit ŋes kakitoi naepedori aiar ituŋanan kotwana, erai ŋesi ekaaran: abe it eario ekaaran da. Ekenyaŋaran aokot elopet eari ekaaran: nairiamakinotor kaŋes, eari. Arai eremorit ŋes kanuka alait, arai ibirit ŋes, koŋopikinite, tape etwani; Arai esenit ŋes kakan kanuka asurup, tape etwani; abeit eario ŋol lokeseni ŋes; erai ekaaran: eari ŋes ekenyaŋaran aokot nairiamakinotor kaŋes. Konye arai eremorit ŋes komamei asurup, arai ibirit ŋes kidiobore komam enopikinit, Arai kadiomoru naepedori aiar ituŋanan, komam eanyunit ŋes, kibirio ŋes tape etwani, komam erai lokasurupike, karaida loemootor ŋes aronis: Etubokini ekodet ekasenon ka ekenyaŋaran aokot kwape ejaatar itubesia lu: Eyuuni ekodet ekaaran kakan naka ekenyaŋaran aokot, inyakari da ekodet ŋes oreke loakuiarit loakerearit: iboienenei kenan aitodol naetwania esasedoti lopeti, loinyonyoikinitai akinyet nakalaunan. Konye arai kilam ekaaran eikor loka ereke loakuiarit loakerearit; Kosodi ekenyaŋaran aokot adumakin ŋes kina keikor loka ereke loakuiarit, kosodi ekenyaŋaran aokot ajar ekaaran; emamuun ŋes akirot kanuka aokot; Naarai tiebusakinit je asalakinit oreke loakuiarit aitodol naetwania esasedoti lopeti; konye akaulo katwanare naka esasedoti lopeti, eboŋori ekaaran akwapuke naka airumeteke. Eraunos akiro nun ekisil loka etube kamakus anatar aturiokus kotoma aiboisiokus kere. Ŋin yeneari ituŋanan eario ikaaran kakirot naka ikajenak: konye mam ituŋanan eario kanuka akirot naka ekajenan ediopet bon. Sirikijaut egelit kanuka aiiar naka ekaaran loebeit atwanare: konye abeit eario. Sirikijaut egelit kanuka ŋol loekerit oreke loekuiarit, abonunio aiboie akwap, aitodol naetwania esasedoti. Kwaŋin do mam imunaunete akwap naiboiononoto: naarai emunaarete aokot akwap: mam akwap epedori alueio kanuka aokot nuebukorio kotoma, dimarai kaokot nuka ŋol kaloabukori kes, Sirikimuna da akwap naiboiononoto, naeboienenei eoŋ kokidin; naarai Eoŋ EJAKAIT eboienenei kokidin kidwe luka Isirael.” Kikunyut ikapolok luka ikalia luka lukapapa luka ekek loka idwe luka Gilead, okoku loka Makir, okoku loka Manase, luka ikalia luka odwe luka Yosep, kinerata kakonyen nuka Musa ka ikapolok, kes ikapolok luka ikalia luka lukapapa luka idwe luka Isirael: Kobalas ebe, “Abu EJAKAIT kicorak ekajakait ainakin idwe luka Isirael akwap araun airumet kailamilam eroet: kicorak da EJAKAIT ekajakait ainakin airumet naka onacekosi Selopekad adweke. Arai kemanyata odwe luka atekerin ace nuka idwe luka Isirael kes, elemario do airumetekee kairumet naka Iukapapakosi, imorikikinio airumet naka ateker naemanyario kes: kwaŋin elemario do koroet loka airumetekosi. Kedol ekaru loka eyubili loka idwe luka Isirael, ŋes do imorikikinere airumetekee kairumet naka ateker naemanyario kes: kwaŋin elemario do airumetekec kairumet naka ateker naka lukapapakosi.” Kicorak Musa idwe luka Isirael kwape ajaar akirot naka EJAKAIT, ebe, “Inera ateker naka odwe luka Yosep nuedolito, Na ŋes akirot naieorakinit EJAKAIT kanuka adwe nuka Selopekad, ebe, ‘Kodukokinos kesi luitoiokito kesi; konye edukokinos lukokek loka ateker naka papakee.’ Kwaŋin mam airumet naka idwe luka Isirael eyanaario kateker adiopet ainakinio aceteker: naarai idonete idwe luka Isirael ŋinituŋanan airumet naka ateker naka lukapapake. Ido ninipese naejai airumet kotoma ateker kere naka idwe luka Isirael, edukokini lokokek loka ateker naka papake, tetere irumete idwe luka Isirael ŋinitunanan airumet naka lukapapake. Kwaŋin mam airumet eyanaario kateker adiopet ainakinio aceteker; naarai idonete atekerin nuka idwe luka Isirael ŋinidiopet airumeteke.” Kwape kieorakinia EJAKAIT Musa, kiswamata adwe nuka Selopekad kwaŋin: Naarai apotu Mala, ka Tirusa, ka Kogila, ka Milika, ka Noa, adwe nuka Selopekad, kodukonokinos odwe luka iinaean luka papakec. Apotu kodukonokinos okekia luka odwe luka Manase okoku loka Yosep, kosalak airumetekec ateker naka ekek loka papakec. Ŋun kes aicorakineta ka itubesia luecorakini EJAKAIT idwe luka Isirael kama ka Musa, kapuutona nuka Moab kariri naka Yorodan koYeriko. Nu kes akiro nualimokini Musa Isirael kere okekwa loka Yorodan kamodiŋ, kotoma Araba naiteos kaSup, kidiŋ Paran, ka Topel, ka Laban, ka Kaserot, ka Di-sakab. Erai alosit naka apaarasia atomon kanadiopet anyoun koKoreb ibei moru Seir kiton Kades-barunea. Kosodi kokaru loka akaisaoŋon, kolap lokitomonet ka lodiopet, kapaaran nasodit naka elap, abu Musa kolimok idwe luka Isirael kwape ajaatar kere nuabala EJAKAIT ŋes aicorakin kes; Kedau aidany Sikon ekabaka loka Imorain, lueboiete koKesibon, ka Og ekabaka loka Basan loeboie koAsitarot, ka Ederei: Kokekwa loka Yorodan kakwap naka Moab, abu Musa kogeu alimor ikisila lu ebe, “Abu EJAKAIT Ewokodeke kotema oni koKoreb atiar, ‘Iboioto yesi noi koroŋat kalo: Kibelokinos, kobwota, koloto akwap nakiukon naka Imorain, ka aiboisio kere nuidunyatar, Araba, akwap nakiukon, ka apuutona, ka Eŋalakimak, ariri naka aŋolol, akwap naka Ikanaanin, ka Lebanon, kiton ocor lokapolon, ecor Eupurat. Koany, ebwaik akwap akonyenekus: kolomasi, kirumata akwap naabu EJAKAIT kiyapoik lukapapaakus, Aburaam, ka Isaak, ka Yakob, ainakin kes ka aurikec naetupanakini.’ “Abu katema yes kapak kaya ebe, ‘Mam eoŋ bon apedori adakite yes: Abu EJAKAIT Ekusideke kitupuu yes, ido koany, isubito yesi lolo bala aacer nuka akuj kanuka aipues. Kitupuu EJAKAIT, Edeke loka lukapapaakus etiaikus lo irwan alukumit, kisirereŋ yes, kwape kisumunio yes! Ekwaikini eoŋ ai apedori bon adakit aitapasitoikus, ka alaŋirukus, ka epegetekus? Koseutu ituŋa luecoak, luka aijen, ka luejenas, kwape ejaatar atekerinikus, adakakini eoŋ apolokinit yes.’ Ipotu koboŋokis eoŋ ebe, ‘Ejokuna sio aswam akirot nainer ijo.’ Kwaŋin abu kadakak lukapolok luka atekerinikus, ituŋa luecoak luejenas, araun lukipolokinito yes, ikapolok luka ilukumin, ikapolok luka akwat, ikapolok luka akaisakany, ka ikapolok luka itomon, ka ijaka, kwape ejaatar atekerinikus. Abu kecorak ikatubokokus kapak kaya ebe, ‘Kopupoto akiro nuka iinacanakus, kotubokis kadolit etuŋanan ka onaeeke, ka imoit yenejai kaŋes. Mam itiakito ituŋa kotube; ipupete ludidik ka luepolok kopone ediopet; mam ikuriakaros akonyen nuka ituŋanan; naarai erai etube loka Edeke: akirot nakitionikini yes iyaunete mamaka, apupuni eoŋ ŋes.’ Abu kecorak yes kapak kaya akiro kere nukibusakinito aswam. “Kipou kaloto anyoun koKoreb, ketoroto amodiŋ ŋin kere naepol naesogim naipotu koanyut, korot loebei akwap nakiukon naka Imorain, kwape kecorakinitor EJAKAIT Edekewok; kadoloto Kades-barunea. Abu katema yes atiar, ‘Idolut akwap nakiukon naka Imorain, nakiinakinit EJAKAIT Edekewok. Koany, ebwaiki EJAKAIT Edekekon akwap akonyenekon: kolot kirum, kwape kilimokinia EJAKAIT Edeke loka lukapapaakon; sirikikurianar, karaida ajuruŋuŋ.’ Ipotu kikunyut neajai, ŋinituŋanan kayesi, kotemasi atiar, ‘Ketiliŋaasi ituŋa, korotakis oni akwap, tetere kiinunete oni akirot naka erot lokibusakinit aitor, ka ireria lukidolokini.’ Abu ketojok akirot ŋin: kaseu ituŋa itomon ka luarei, ediopetuŋanan kaŋiniteker: Apotu kibelokinos koloto oroŋat, kodoloto aditot naka Esukol, korotata. Kolemut araito nuka akwap kakaninikec, koinut oni, koinut da akirot ebe, ‘Ejok akwap nakiinakinit EJAKAIT Ewokodeke.’ “Konye ipotu koŋeroto alosit, kipaliikis aicorakinet naka EJAKAIT Ekusideke: Ipotu kirurumata kowemanakus ebe, ‘Kanu naarai kilait EJAKAIT oni, ŋes kitolomunia kakwap nako Misiri, aijaikin oni akan naka Imorain, amudiar oni, Ai bo kilosi oni? acalasi iwokoinacan iwokotauon, ebe, “Epolok ituŋa, eojak da adepar oni; epolok ireria, ebwaitai da kiton akuj; bobo da kianyu odwe luka Anakim kaŋina.” Kasodi eoŋ atemar yes ebe, ‘Sirikiyaloŋoŋoto, karaida akurianar kes. EJAKAIT Ekusideke lokiŋarenikinit yes, ŋes kjiiikini yes kwape ejaatar kere nuabu kiswama kanukus koMisiri kakonyenekus; Kamodiŋ da, neianyuniata kwape kidakio EJAKAIT Ekusideke yes, kwape edakia etuŋanan ikokuke, korotin kere luilosete, aitodol naidolunioto aibois na.’ Konye kakirot kaŋin, mam ipotu kiyuut EJAKAIT Ekusideke, Loabu kiŋarenikinite yes korot, amoikin yes aibois naibubukincte ikusiweman, kotoma akim kuare, aitodikin yes erot loitorete, kotoma odou da paaran. “Kopup EJAKAIT akusikiro, konyunyurikin, kiyapo ebe, ‘Abeit mam idiopet kotuŋa kalu luka aturi kana nakaronon eanyuni akwap naejok naeyapoik ainakin lukapapaakus, Dimarai Kaleb, okoku loka Yepune, ŋes eanyuni; ainakini ŋes ka ikedwe akwap naecak ŋesi: naarai atupa cut EJAKAIT.’ Abu da EJAKAIT kanyunyurik eoŋ kanukus ebe, ‘Mam jo da ilomari ŋina: Yosua, okoku loka Nun, loebwoi kakonyenekon, ŋes elomari ŋina: kitogogoŋ ijo ŋes; naarai ŋes isurumi Isirael akwap. Bobo da ludidikikus, luibalasi yesi ebe eraunos imejan, ka idwekus, lumam lolo ejenete ajokis karaida aronis, kes elomarete, ainakini kes akwap, irumete. Konye yes, kibelokinos, koloto modiŋ korot loebei Aŋolol Nakareŋan.’ “Kosodete yesi aboŋokin eoŋ ebe, ‘Kidiaka isio kama ejai EJAKAIT, kilosi ejie, kwape ejaatar kere nukicorak EJAKAIT Ewokodeke oni.’ Ipotu koenata ŋinituŋanan lujiisike, koomitos araut akirot naebenen adokar oroŋ at. Katema EJAKAIT eoŋ atiar, ‘Kolimok kes ebe, Sirikidokasi, karaida ejie; naarai mam eoŋ ajai kayes; kinyeis lukasurupokus aidany yes.’ Abu kalimok yes kwaŋin, koŋeroto apupun; konye ipotu kipaliikis aicorakinet naka EJAKAIT, koŋasikinos adokar oroŋat. Kopotu Imorain lueboiete koroŋat kaŋol asurokin yes, korukioto yes, kwape erukio ao, kodanyata yes koSeir kiton Koruma. Ipotu koboŋut aimony akonyen nuka EJAKAIT; konye mam EJAKAIT abu kopup ekusiporoto, karaida aitoikin yes akit. Kwaŋin ipotu kiboioto koKades apaarasia nuipu, kwape ejaatar apaarasia nuipotu kiboioto kaŋina. “Kasodete aibelokin kaloto modiŋ korot loebei Aŋolol Nakareŋan, kwape kabalar EJAKAIT eoŋ: kerimosi emoru Seir apaarasia nuipu. Katema EJAKAIT eoŋ atiar, ‘Irimosi eroŋat lo apaarasia nuipu: kibelokinos ari naka agolitomei. Kicorak ijo ituŋa ebe, Itorete oikor loka ikusiinacan idwe luka Esau, luiboiete koSeir; kikuriakaros kesi yes: aso ca kocoito noi: Sirikiŋolopata kakes; naarai mam kainakini yes akecekwap, mam karaida nepeicakakini etau loka akeju bon, naarai ainak Esau moru Seir airum. Igwelete inyamat lunyaman kapesan kamakec; igwelete da akipi numatan kapesan kamakec. Naarai kisirereŋit EJAKAIT Ekonideke jo kaswam kere naka akanikon; abu ŋesi kojenu alositekon kamodiŋ kana nakos: ajaenena EJAKAIT Ekonideke kajo ikar lu akaisaoŋon; amamei ibore yenibu kipuda.’ Kwaŋin katuboros kaneejaas iinacanawok idwe luka Esau, luiboiete koSeir, anyoun korot loka Araba, anyoun koElat, ka Esion-geber. “Kebelokinos ketoro orot loka amodiŋ naka Moab. Katema EJAKAIT eoŋ atiar, ‘Sirikitunyunyurik Moab, karaida aitoŋolop kes kojie: naarai mam kainakini yes airum akekwap; naarai ainak idwe luka Lot airum Ar.’ (Apotu Iemim kiboioto kanen sek, ituŋa luapolok, kipu, koojak bala Inakaim: Amaikinitai ŋul Irepaim, kwape Inakaim; konye enyarito Imoabin kes Iemim. Eboioto Ikorin da koSeir sek, konye kirumata idwe luka Esau aiboisikec; komudiasi kes kakonyenekec, kiboikinos aiboisikec; kwape eswamakinia Isirael akwap naka airumeteke, naainakini EJAKAIT kes.) ‘Aso konyoutu do, kodokata aguurut Sered.’ Kipou kadokata aguurut Sered. Apaarasia nukinyounio oni koKades-barunea, aitodol nakidokia aguurut Sered, emwaasi ikar akaisauni ka lukanykauni; aitodol naadaunor atur kere naka ituŋa lukajiok koidukurun, kwape eyapoikinitor EJAKAIT kes. Bobo da aluikinit akan naka EJAKAIT kes, amudiar kes koidukurun, aitodol naadaunotor. “Kosodi kanen ketwaka ituŋa kere lukajiok, kodaunos da kotuŋa, Katema EJAKAIT eoŋ atiar, ‘Itori ijo lolo Ar, oikor loka Moab: Naikunyakinia neejaas idwe luka Amon, sirikitunyunyurik kes, karaida aitoŋolop: naarai mam kainakini jo airum akwap naka idwe luka Amon: naarai ainak idwe luka Lot airum ŋes.’ (Ŋin da emaikinitai akwap naka Irepaim: eboioto Irepaim kanen sek; konye enyarito Imorain kes Isamsumim; Ituŋa luapolok, kipu, koojak bala Inakaim; konye abu EJAKAIT komudia kes kakonyenekec: kirumata kesi, kiboikinos aiboisikec: Kwape abu ŋesi kiswamakinia idwe luka Esau, luiboiete koSeir, naamudiaria Ikorin kakonyenekec; kirumata kesi, kiboikinos aiboisikec kiton lolo: Iabim da lueboiete koreria kiton Gasa, apotu Ikaputorim lualomunete koKaputor komudiasi kes, kiboikinos aiboisikec.) ‘Konyoutu, koloto, kitoroto aditot naka Arunon; koany, ainak Sikon Emorait, ekabaka loka Kesibon ka akwapuke akanikon: kogeutu airum ŋes, koŋolopata kitijioto ŋes. Ageun lolo ebwaikini etasurokon ka ailiilikon otuŋa luejaas kwap kakuj kere, luepupunete akirokon, kosodete amaran ka ariebakin kanukon.’ “Abu kejuka ikiyakia anyoun kamodiŋ naka Kedemot mama ejai Sikon ekabaka loka Kesibon kakiro nuka ainapakin, ebe, ‘Kisiikinai ketor akwapukon: aderi erot lokapolon, mam apaari akan nakoteten karaida nakokediany. Kitwegeli ijo eoŋ inyamat lunyaman kapesan; ka akipi da numatan kapesan: kisiikinai ketor aitor kakeje; Kwape apotu idwe luka Esau luiboiete koSeir ka Imoabin luiboiete koAr keswamakiniata; aitodol naadokia Yorodan alomar akwap nakiinakinit EJAKAIT Ekosideke sio.’ Konye mam Sikon ekabaka loka Kesibon abu kisiik oni aitor akwapuke: naarai abu EJAKAIT Ekonideke kitogogoŋ ekemoyo, kitininik eketau, tetere ijaikini ŋes akanikon, kwape ejaar lolo. Katema EJAKAIT eoŋ atiar, ‘Koany, ageu aijaikin jo Sikon ka akekwap: kogeu airum, tetere irumi akekwap.’ Kosodi Sikon alomun asurokin oni, ŋes ka iketuŋa kere, ejie koYakas. Kijaik EJAKAIT Ewokodeke ŋes mamawok; kadanyata ŋes ka odweke, ka ituŋake kere. Kerumata ireriake kere kapak kaŋin, kamudiasi cut ŋolire loeboioto ituŋa kotoma, ka aŋor ka ludidik; mam kipou kedeutu idio kakesi: Dimarai kipou kanatutu ibaren, ka lunatan lukinatuni koreria lukipou kerumata. Anyoun koAroer, loejai ariri naka aditot naka Arunon, kore da loejai aditot, kiton Gilead, amamei ere lokiwojakinit oni: abu EJAKAIT Ewokodeke kijaik kere mamawok: Dimarai akwap naka idwe luka Amon ŋes mam yes ikunyakinete; ariri kere naka ecor Yabok, ka ireria luka akwap nakiukon, ka neabu EJAKAIT Ewokodeke kitikok oni. “Kasodete aibelokin kabeata Basan: kolom Og ekabaka loka Basan asurokin oni, ŋes ka iketuŋa kere, ejie koEderei. Katema EJAKAIT eoŋ atiar, ‘Sirikikurianar ŋes; naarai ejaik ŋes ka ituŋake kere, ka akwapuke akanikon; iswamakini ŋes kwape ibu kiswamakinia Sikon ekabaka loka Imorain, lueboiete koKesibon.’ Kwaŋin kijaik EJAKAIT Ewokodeke Og da, ekabaka loka Basan ka ituŋake kere akaniwok: kadanyata ŋes aitodol naamameunor yenedeikina ŋes. Kipou kerumata ireriake kere kapak kaŋin; amamei erekec lomam oni kipou kerumata; ireria akaisakanykape, akwap kere naka Arugob, ajakanut naka Og koBasan. Ireria ŋul kere araas luabwaitai karwatatin ka irutei ka agolito nuaojak; kogelara ireria lumam abwaitai karwatatin luepu noi. Kipou kamudiasi kes cut, kwape kiswamakinia Sikon ekabaka loka Kesibon, kamudiasi cut ŋolire loeboioto ituŋa kotoma, ka aŋor ka ludidik. Konye kipou kaŋatutu ibaren kere ka luŋatan lukiŋatuni koreria. Kerumata akwap kapak kaŋin kakan naka ikabakan iarei luka Imorain luajaas okekwa loka Yorodan, anyoun kaditot naka Arunon kiton moru Kerumon; (Kerumon loenyarito Isidonin Sirion, enyarito da Imorain ŋes Senir:) Ireria kere luka apuuton, ka Gilead kere, ka Basan kere, kiton Saleka ka Ederei ireria luka ajakanut naka Og koBasan. (Naarai Og ekabaka loka Basan, ŋes bon asalit kotoma kaluedeuna luka Irepaim; koany, eitadake kerai eitada loka asuat; mere ejai Raba neejaas idwe luka Amon? Aojauke kerai ikubitin Ikanykaoŋon ka alalauke ikubitin iwoŋon, kwape ejaar ekubit loka etuŋanan.) “Kipou kerumata akwap ŋin kapak kaya: anyoun koAroer, naejai ariri naka aditot naka Arunon, ka atutubet naka akwap nakiukon naka Gilead, ka ireriake, abu eoŋ kainak Ireubenin ka Igadin: Ka Gilead naedeuna ka Basan kere, ajakanut naka Og abu eoŋ kainak atutubet naka ateker naka Manase; akwap kere naka Arugob, ŋes Basan kere. (Emaikinitai ŋipeŋin akwap naka Irepaim. Abu Yair okoku loka Manase koyaŋa akwap kere naka Arugob, kiton oikor loka Igesurin ka Imaacatin; abu komaik kes, ŋes Basan, ekekiror elopet, Kabot-yair, kiton lolo.) Abu kainak Makir Gilead. Abu kainak Ireubenin ka Igadin anyoun koGilead kiton aditot naka Arunon, akidiŋot naka aditot ka eikoruke; kiton ocor Yabok, loerai eikor loka idwe luka Amon; Araba da, ka Yorodan ka eikoruke, anyoun koCineret kiton aŋolol naka Araba, Aŋolol naka Abalaŋ, naejai kwap neijululuoro Pisiga kari nakokide. “Abu kecorak yes kapak kaŋin ebe, ‘Kiinak EJAKAIT Ekusideke yes airum akwap na: ituboros ikapakina ejie kakonyen nuka ikusiinacan idwe luka Isirael, ituŋa kere luetitiŋ. Konye esalete akusiŋor, ka ludidikikus, ka ibarenekus oreriakus lukainak yes, (ajeni ebe ipu yes ibaren); Aitodol naisiyeŋunia EJAKAIT ikusiinacan, kwape yes, aitodol nairumiata akwap naeinakinit EJAKAIT Ekusideke kes kokekwa loka Yorodan: ŋes konyet iboŋunioto yesi ŋinituŋanan alupoke nukainak yes.’ Abu kecorak Yosua kapak kaŋin ebe, ‘Aanyut akonikonye kere nueswamaki EJAKAIT Ekonideke ikabakan ŋul luarei: iswamakini kwaŋin EJAKAIT ajakanuto kere nuitori ijo mamakec, Mam ikuriakaros kes: naarai EJAKAIT Ekusideke, ŋes kijiikinit yes.’ “Abu keŋaiŋa EJAKAIT kapak kaŋin ebe, ‘Wu EJAKAIT Edeke, igeu aitodikin ekonibulesit akonipolou ka akonikan nakagogoŋ: naarai iŋai edeke loejai toma akuj arai toma akwap, loepedori aswam kwape ejaatar akoniswamisio, ido kwape ejaatar akoniswamisio nukapedor? Keŋaiŋait, kisiikinai katubor aanyun akwap naejok naejai okekwa loka Yorodan, eronat ŋol loejok, ka Lebanon.’ Konye abu EJAKAIT kanyunyurik eoŋ kanukus, mam abu kapup eoŋ: katema EJAKAIT eoŋ atiar, “Kililiŋ; sirikiner bobo keoŋ akirot ŋin, Kodoka ijo aidi naka Pisiga, kiteluo akonikonye to, ka agolitomei, ka eŋalakimak, ka kide, koany kakonyekon: naarai mam idokari Yorodan lo. Konye kodakak Yosua, kitogogoŋ ŋes, kiticat: naarai iŋarenikini ŋesi ituŋa lu, isurumi kes akwap naianyuni ijo.’ Kwaŋin keboikinos aditot naiteos kaBet-peor. “Aso natikwana, ijo Isirael, kopup ikisila ka itubesia, lukesisianakini aiswamaenen; tetere ibusete, ilomarete irumete da akwap nakiinakini EJAKAIT, Edeke loka lukapapaakus. Siriyatanakinete akirot nakecorakini yes, karaida aiŋoŋar, tetere iricete aicorakineta nuka EJAKAIT Ekusideke nukecorakini yes. Aanyut akusikonye nukesubi EJAKAIT kanuka Baal-peor: naarai ituŋa kere luatuparito Baal-peor, abu EJAKAIT Ekusideke komudia kokidiŋikus. Konye yes luipotu kiketakinos kama kEJAKAIT Ekusideke ejari ŋinidiopet kayesi lolo. Koany, kesisianak yes ikisila ka itubesia, kwape kecorakinia EJAKAIT Ekadeke, kiswamaenenete kwaŋin kotoma akwap nailomarete airum. Aso kocoito aiswamaenen; naarai ŋin ŋes acoakus ka aijenekus kakonyen nuka atekerin nuepupunete ikisila ŋul kere, etemarete ebe, ‘Abeit ateker na nakos eraas ituŋa lukacoa ka lukaijen.’ Naarai ateker nakos naanyoin, ejai edeke diekec, kwape ejaar EJAKAIT Edekewok nakiwoneeneneo ŋes? Ido ateker nakos naanyoin, ejaas ikisila ka itubesia luebeito kwape ejaatar ikisila ŋul kere, luebwaik eoŋ akonyenekus lolo? “Konye kocoite, kidari noi ekonitau, kinyeis akiro aimurwokin nuaanyut akonikonye, kinyeis da anyoun kotaukon apaarasia kere nuka akoniijar; konye kitejenanakinenei ikonidwe ka idwe luka ikonidwe. Apaaran nakolo ibwoia kakonyen nuka EJAKAIT Ekonideke koKoreb, nakatemaria eoŋ EJAKAIT atiar, ‘Kotukonokinai ituŋa, eoŋ da esiirari kes akakiro, kisisiaut ayoŋitenen eoŋ apaarasia kere nuebusioto kakwap, kisisianakinete kesi da ikecedwe.’ Ipŋulotu yesi da kikunyakis kobwaata kokwap kemoru; kosaran emoru kiton otau loka akuj; ka amuton, ka idouon, ka amuton naijesi cucucuc. Kiner EJAKAIT kayes kokidiŋ akim; ipotu kopuput eporoto loka akiro, konye mam eanyuna idiobore; dimarai eporoto bon. Abu kolimok yes akeitutuket, naabu kicorak yes aiswamaenen, kes aicorakineta atomon; ewadikat toma amor aarei. Kecorak EJAKAIT kapak kaya aisisianakin yes ikisila ka itubesia, tetere iswamaenenete kakwap naidokarete airum. “Aso kocounitos noi; naarai mam ipotu koanyut idiobore kapaaran naenerar EJAKAIT kayes koKoreb kokidiŋ akim: kinyeis amunaun bonik, aikeun aput naepusit idiobore kere, aput naka yenikiliokit arai yeniberu. Aput naka etiaŋ loejai akwap, aput naka akweny kere naejaas abebenoka naeporitoi kapak, Aput naka ibore kere yeneliat kokwap, aput naka ibore yenika ecor yenejai toma akipi kwap kalup. Ido kinye aiteluor akonikonye akuj, kiany da akoloŋ, ka elap ka aacer, ŋes ajore kere nakokuju, kijodijodoorete jo aima kes, ka aijaanakin, luabu EJAKAIT Ekonideke kokorak ituŋa kere luejaas kwap kakuj kere. Konye abu EJAKAIT kolem yes kasua nuesaranete, koyaŋau koMisiri, araun kamakeŋ ituŋa luka airumet, kwape ejaar lolo. Bobo da abu EJAKAIT kanyunyurik eoŋ kanukus, keyapoik eoŋ kenyek aidok Yorodan, karaida alomar akwap ŋin nakajokan nakiinakini EJAKAIT Ekonideke araun airumet: Konye kebusakinit eoŋ atwanikin akwap na, mam kebusakinit aidok Yorodan: konye idokarete yesi, kirumata akwap ŋin nakajokan. Kocounitos, kinyeis aimurwokin aitutuket naka EJAKAIT Ekusideke, naitutuki kayes, aikeun aput naepusit idiobore kere naabu EJAKAIT Ekonideke kisimik. Naarai erai EJAKAIT Ekonideke akim naidopori, Edeke loka ekolo. “Naiwurienena idwe, ka idwe luka idwe, kodaunito do yesi apak naepol kakwap, kosodete amunaun bonik, aikeun aput naepusit idiobore kere, ka aswam nueroko kakonyen nuka EJAKAIT Ekonideke, aitunyunyurikin ŋes: Anyaraunit akuj ka akwap araun akajenakakus lolo, ebe, itwakete cut atipet kakwap nailosete airum okekwa loka Yorodan; mam akusipaarasia ipuaros, konye imudiaros cut. Kisiarisiarari EJAKAIT yes otuŋa, ideuni etiaikus edit katekerin, nukireŋeikini EJAKAIT yes. Ijaanakinete kaŋina idekesio, luesubete ituŋa kakecekanin, akito ka amor, lumam esesenete, karaida aipup, karaida ainyam, karaida aiŋuun. Konye arai kimo ijo EJAKAIT Ekonideke kaŋina, idumuni ijo ŋes, arai kimo ijo ŋes kekonitau kere ka akoniijar kere. Naijaikinor ocan, nakidolokinioto da akiro ŋun kere kapaarasia nukokau iboŋuni mama ejai EJAKAIT Ekonideke, ipupuni do ekeporoto: Naarai EJAKAIT Ekonideke erai Edeke loketimon, mam kijalakini, karaida amudiar jo, karaida aimurwokin aitutuket naka lukapapaakon naabu kiyapoik kes. “Naarai kiŋit nuka apaarasia nuatuboros, nukigeikinete jo, ageun kapaaran naasubakinia Edeke ituŋanan akwap, ka anyoun kosaŋe ediopet loka akuj kiton osaŋe loce, arai ejauna akirot naeputos kakirot na nakos, arai epupunitoi naeputotor? Epupunito kereka apeŋo ituŋa eporoto loka Edeke inera kokidiŋ kakim kwape ipupunioto yesi, kosodete aijar? Arai abu Edeke kotamak alemun ateker kokidiŋ naka aceteker, kaigimoreta, ka aanyuneta, ka nukaumokin, ka ejie, ka akan nakagogoŋ. ka akan naerioro, ka nusogim nukos, kwape ajaatar kere nuabu EJAKAIT Ekusideke kiswama kanukus koMisiri kakonyenekus? Aponi kitodikin jo tetere ijenuni ebe EJAKAIT ŋes Edeke; emamei ece dimarai ŋes. Abu kisiira jo ekeporoto kakuj, tetere kisisianakini jo: abu da kitaany jo akekim naepol kakwap; kopup akekiro kokidiŋ kakim. Kanu naarai abu komina lukapapaakon, abu koseu akeceur naetupakini, kitolom jo koMisiri kakepedor naepol, kojaenena kajo: Aireŋear atekerin nuepolok nuegogoŋ da adepar jo kakonyenekon, aitolomar jo, ainakin jo akecekwap airum, kwape ejaar lolo, Aso do kojen lolo, kibwaik otaukon, ebe, EJAKAIT erai Edeke kokuju toma akuj, kwap da kakwap: emamei ece. Irici ijo ikekisila ka aicorakinetake, nukecorakini jo lolo, tetere ijaun ijo ejok, ka ikonidwe lukitupakinete jo, tetere ipuaros akonipaarasia kakwap nakiinakini EJAKAIT Ekonideke ikar kere.” Kosodi Musa atiakar ireria iuni kokekwa loka Yorodan kama eŋiunia akoloŋ; Tetere ikaaran ekereari ŋina, yeneari iidunyeteke komam epeleikinit, komam elait ŋes lem sek; tetere ekereari ore ediopet kaŋul kosodi aijar: Kes lu, Beser kotoma amodiŋ, kapuuton, kanuka Ireubenin; ka Ramot kotoma Gilead kanuka Igadin; ka Golan kotoma Basan, kanuka Imanasin. Lu kes ikisila luabu Musa kibwaik akonyen nuka idwe luka Isirael: Nu kes aitejenuneta, ka ikisila, ka itubesia luabu Musa kolimok idwe luka Isirael naalomuniata koMisiri; Okekwa loka Yorodan kaditot naitei Betpeor, kakwap naka Sikon ekabaka loka Imorain, loeboie koKesibon, luadanyi Musa ka idwe luka Isirael naalomuniata koMisiri: Kirumata akekwap, ka akwap naka Og, ekabaka loka Basan, ikabakan luarei luka Imorain, luajaas okekwa loka Yorodan kama eŋiunia akoloŋ; Anyoun koAroer, naejai ariri naka aditot naka Arunon, kiton moru Sion (ŋopeŋol ŋes Kerumon). Ka Araba kere okekwa loka Yorodan ari nakokide, kiton aŋolol naka Araba, kwap neijululuoro Pisiga. Konyarau Musa Isirael kere, kotema kes atiar, “Jjo ba Isirael, kiira ikisila ka itubesia lualimokini akiikus lolo, tetere isisiaete kes, kosodete airic aiswamaenen. Abu EJAKAIT Ewokodeke kitutukik oni koKoreb. Mam EJAKAIT abu kitutukik lukapapaawok aitutuket ŋin, konye oni, oni lukija ne kere lukijari lolo. Abu EJAKAIT kiner kayes kiteos komoru kokidiŋ kakim, (Abwoi eoŋ kokidiŋ EJAKAIT ka yes kapak kaŋin, aitodikin yes akirot naka EJAKAIT: naarai ikuriaka yesi akim, mam ipotu kodokasi moru,) ebe, “‘Arai eoŋ EJAKAIT Ekonideke, loketolomuni jo kakwap nako Misiri, kotogo loka ebulesene. “‘Sirijaenena kicedekesio nabarai EOŊ. “Sirikisub adioput naegerer, karaida asima naka ibore kere yenejai kuju toma akuj, karaida yenejai kwap toma alup, karaida yenejai toma akipi nuejaas kwap kalup: Sirikikukonokin kes, karaida aijaanakin kes: naarai EOŊ EJAKAIT Ekonideke arai Edeke lokekolo, edopet kodwe numam adolit nuka lukapapaakec, kiton atur nakiwuniet ka nakiwononet naka ŋul kalukalaito eoŋ; Ido etimi ilukumin luka ituŋa lukaminas eoŋ koricito akaicorakineta. “Sirilimit atai ekiror loka EJAKAIT Ekonideke; naarai mam EJAKAIT isikai aitetelekar akirot, ŋin yenelimit atai ekekiror. “‘Koricite apaaran nakasabato, aitalaun ŋes, kwape kicorakinia jo EJAKAIT Ekonideke. Kitaaritoi apaarasia akanykape, kiswama akoniswamisio kere; Konye do apaaran nakikanyetekaarei ŋes asabato naka EJAKAIT Ekonideke: apaaran ŋin sirikiswama adioswam kere, ijo, ka okokukon, ka akokukon, ka ekonikejaanakinan, ka akonikejaanakinan, ka ekonimoŋ, ka akonisigiria, ka ikonibaren kere, ka imoit yenejai orekon; tetere ekonikejaanakinan ka akonikejaanakinan iyeŋete kwape kajo. Kiitu ijo ebe irai kolo ijo ebulesit kakwap nako Misiri, kitolom EJAKAIT Ekonideke jo kakan nakagogoŋ, ka akan naerioro: kanuka ŋun kicorakinit EJAKAIT Ekonideke jo airic apaaran nakasabato. “Koyonitenenei papakon ka totokon, kwape kicorakinia jo EJAKAIT Ekonideke: tetere akonipaarasia iyatakinos, tetere da ijaun ejok kakwap nakiinakini EJAKAIT Ekonideke. “Siriarenenei. “‘Karaida adotenen. “‘Karaida akokoenen. ““Karaida asabanakin ikoniidunyet, “Karaida aiŋobelenen aberu naka eidunyetekon; karaida eimiel etogo loka eidunyetekon, alupoke, arai ekekejaanakinan, arai akekejaanakinan, ekemonŋ arai akesigiria, arai ibore kere yenerai yenika eidunyetekon.’ “Abu EJAKAIT kolimok ekodetekus kere akiro ŋun keporoto loepol komoru kokidiŋ kakim, kodou, ka amuton naajesi cucucuc: mam abu kiyatak ace da. Abu kiwadik kes amor aarei, kainak eoŋ; Kosodi naipupunioto yesi eporoto kokidiŋ kamuton, konoki akim komoru, ipotu kikunyut neajai eoŋ, ikapolok kere luka atekerinikus, ka imakiokus; Kotemasi yesi atiar, “Koany, kitodik EJAKAIT Ewokodeke oni akeibuses ka akepolou, kipupu da ekeporoto kokidiŋ kakim: kijenu lolo ebe ineras Edeke kituŋanan, ido ejari. Kanukinyo do kitwakia isio? Naarai kinyamaari sio akim na naepol: kitwaki arai kiipupu bobo eporoto loka EJAKAIT Ewokodeke. Naarai iŋai yenejai akuan, yenikepupunit eporoto loka Edeke lokajaran inera kokidiŋ kakim, kwape kipupunio oni, kosodi aijar? Kikunyak ijo, kopup kere nuetemari EJAKAIT Ewokodeke: kosodi ijo alimokin sio kere nukilimonokini EJAKAIT Ewokodeke; kipupuni isio, kiswamai da.’ “Abu EJAKAIT kopup eporoto loka akirokus, nakilimokiniata eoŋ; katema EJAKAIT eoŋ atiar, ‘Apup eporoto loka akiro nuka ituŋa kalu, nukilimokis jo: alimut ejok ŋun kere nuenerata. Bala ti kojaenena etau loikoni nen kotomakec, kayoŋito eoŋ, koricito akaicorakineta tiritir, tetere ejaunos ejok ka ikecedwe ikar kere! Kolot kolimok kes ebe, “Koboŋosi yesi owemanakus.” Konye ijo, kobwo kane, kalimokini jo aicorakineta kere, ka ikisila, ka itubesia, luisisianakini ijo kes, tetere iswamaenenete kes kakwap naainakini kes airum.’ Kanuka ŋun iricete aswam kwape kicorakinia yes EJAKAIT Ekusideke: mam ipaarete akan nakoteten karaida nakokediany. Ilosenenete koroictin kere lukorak yes EJAKAIT Ekusideke, tetere ijarete, ijaunos ejok, iyatakinos da akusipaarasia kakwap nairumete. “Aso na ŋes aicorakinet, ka ikisila, ka itubesia, lukicorakinit EJAKAIT Ekusideke aisisianakin yes, tetere iswamaenenete kakwap naidokarete airum: Tetere iyoŋit EJAKAIT Ekonideke, iricenenei ikekisila kere ka akeicorakineta, nukecorakini jo, ka ikonikoku ka epapaitikon, apaarasia kere nuka aijarakon; tetere ibusi apaarasia nuipu. Aso kiira, ijo Isirael, koricite aiswamaenen kwaŋin; ijaun ejok, ido kipuaros noi, kwape kolo kisumunio EJAKAIT, Edeke loka lukapapaakon, kakwap naeleleete akile ka esik. “Kiira, ijo Isirael: EJAKAIT Ewokodeke erai EJAKAIT ediopet: Kominenena EJAKAIT Ekonideke kekonitau kere, ka akoniijar kere, ka akonigogoŋ kere. Akiro nu da, nukecorakini lolo, kojaananas otaukon: Ido kodunyakinite aisisianakin kes ikonidwe, kinerenena da kes iboienenei kotogokon, ilosenenei korot, iperenenei, inyoununei da. Koenanakini da akanikon araut aanyunet, kotorokinite da kidiŋ oreet. Kiwadikaenenei da ategerio nukotogokon, koruteikon de. “Kosodi nakitolomaria EJAKAIT Ekonideke akwap nakolo eyapoikini lukapapaakon, Aburaam, ka Isaak, ka Yakob, ainakin; ireria lupekos, ka luejok, lumam idukit, Ka itogoi luileleba iboro Iukajokak kere, lumam jo ilelebit, ka amototin nuebokok, numam jo ibokit, imanikoria luka emusabibu ka iseitunin, lumam irait, konyam kimonikin; Ŋes konyet icoitor sirikiimurwok EJAKAIT, lokitonyouni kakwap nako Misiri, kotogo loka ebulesene. Koyoŋitenenei EJAKAIT Ekonideke; kijaanakinenei ŋes, ido kiyapoenenei kokirorike. Siritupanarete icedekesio, kodekesio luka atekerin nukilukunitos yes; Naarai EJAKAIT Ekonideke loejai kidinikoŋ erai Edeke lokekolo; kinyek anyunyura naka EJAKAIT Ekonideke adakakin jo, komudia kakwap. “Sirikodununete EJAKAIT Ekusideke, kwape kikoduniata ŋes koMasa. Kodunyakinito airic aicorakineta nuka EJAKAIT Ekusideke, ka aitejenunetake, ka ikekisila, lukicorakini joo Kiswamaenenei da naedolit ka naejok kakonyen nuka EJAKAIT: tetere ijaun ejok, ilomari da airum akwap nakajokan nakiyapoikini EJAKAIT lukapapaakon. Aireŋear lukasurupokon kere kakonyenekon, kwape kinerar EJAKAIT. “Kiiŋit okokukon kapaarasia kanuepote ebe, ‘Inyo bo apolou naka aitejenuneta, ka ikisila, ka itubesia lukicorakini EJAKAIT Ewokodeke?’ Kosodi itemari okokukon atiar, ‘Kirai ibulesin luka Parao koMisiri; kitonyou EJAKAIT koMisiri kakan nakagogoŋ: Ido kitodu EJAKAIT aanyuneta ka nukaumokin, nukos ka nuetioko, koMisiri, ka Parao da, ka eketogo kere, kakonyekosi: Kitonyou kaŋina, tetere kitolomari ainakin akwap nakiyapoikini lukapapaawok. Ido kicorak EJAKAIT aiswamaenen ikisila ŋul kere, ayoŋenen EJAKAIT Ewokodeke, kanuka ajokisiwok apaarasia kere, tetere kidarenenei kijarete, kwape lolo. Eraun da adolit kamawok, arai kikokit aswam aicorakinet na kere kakonyen nuka EJAKAIT Ewokodeke, kwape kicorakinia.’ “Nakitolomaria jo EJAKAIT Ekonideke akwap nailosi airum, ireŋeari atekerin nuipu kakonyenekon, Ekitit, ka Egirugasit, ka Emorait, ka Ekanaanit, ka Eperisit, ka Ekibit, ka Eyebusit, atekerin akanykaarei nuepolok, nuegogoŋ adepar jo; Ido nakijaikinia EJAKAIT kes mamakon, idanyi ijo kes; imudiari kes cut; mam itutuki kakes, karaida aitim kes: Mam imanyasi kakes; mam ikorakini okokuke akonipese, karaida amanyakin okokukon akokuke. Naarai ibelokini ŋesi okokukon kinye atupit eoŋ, tetere ijaanakinete icedekesio; kwaŋin inepuni anyunyura naka EJAKAIT kamakus, kimudiari da atipet. Konye iswamakinete kes kwanata; itiyanakinete itemwanakec, imunyumunyete ipirinokec, ijepejepete Aserimikec, icweete da akeceputosia nuegerer. “Naarai iraas ituŋa lukalaunak kaneejai EJAKAIT Ekusideke: kiseu EJAKAIT Ekusideke araun ituŋake obe kotuŋa kere luejaas toma akwap. Mere naarai ipu yesi adepar icetuŋa ŋes kiminar EJAKAIT yes, koseu da; kwabo ikidioko yesi adepar ituŋa kere: Konye naarai kimina EJAKAIT yes, ido naarai itodolit aiyaposit naeyapoikini lukapapaakus, ŋes do kitolomunia EJAKAIT yes kakan nakagogoŋ, kilakunia yes kotogo loka ebulesene, alemun kakan naka Parao ekabaka loko Misiri. Aso do kojenutu ebe EJAKAIT Ekusideke, ŋes Edeke; Edeke lomunot, loericit aitutuket ka aitim kaneejaas lueminas ŋes, ka luericito aicorakinetake kiton aturio alukumit; Eropi ŋupeŋul luelaito ŋes, amudiar kes: mam iyapi airop ŋipeŋin yenelait ŋes. Kanuka ŋun irici aicorakinet, ka ikisila, ka itubesia lukecorak jo lolo aiswamaenen. “Kosodi kanen naarai ipupete itubesia lu, iricete aiswamaenen, itodoli EJAKAIT Ekusideke aitutuket ka aitim naabu kiyapoik lukapapaakus: Ido kiminenena jo, kisirereŋenenei jo, kitupui jo: isirereŋi da aur naka akonikuan, ka araito naka alupokon, ka akimakon, ka ebinokon, ka akinyetekon, eiyas loka aitukukon ka amerekekinikon, kakwap naabu kiyapoik lukapapaakon ainakin joo Kisirereŋio jo adepar ituŋa kere: emameun yenikiliokit arai yeniberu yenirakan kotomakus, karaida kobarenekus. Elemari EJAKAIT adekesia kere kamakon; mam ibwaikini mamakon adio da kadekesia nueroko nuka Misiri, nuijeni ijo da, konye ibwaikini kes mama ejaas ŋul kere lukilaito jo. Imudiari ituŋa kere lukijaikini EJAKAIT Ekonideke jo; mam akonikoŋu itimi kes: karaida aijaanakin ikecedekesio; naarai eraun ŋin atacit kamakon. “Arai kitema kotaukon ebe, ‘Ipu atekerin ŋun adepar eoŋ; ademari eoŋ kes biai akecekwapin?’ Mam ikurianar kes: iituni jokan nuabu EJAKAIT Ekonideke kiswamak Parao, ka Misiri kere; Aigimoreta nukos nuapotu akonikonye koanyut, ka aanyuneta, ka nukaumokin, ka akan nakagogoŋ, ka akan naerioro, nakitolomunia EJAKAIT Ekonideke jo; iswamakini kwaŋin EJAKAIT Ekonideke ituŋa kere luikuriana ijo. Bobo da ijukari EJAKAIT Ekonideke ekaturuturut neejaas kesi, aitodol neetwakiata luideunos kakesi ka lueŋopete. Mam ikurianar kes: naarai ejaenena EJAKAIT Ekonideke kajo, Edeke lokos loketasuro da. Ireŋeari EJAKAIT Ekonideke atekerin ŋun motimot: mam imudiari kes katipet, kinyeis itiaŋ luka ais aiyatakin kamakon. Konye kijaikini EJAKAIT Ekonideke jo kes, iticani kes kaiticaneta nukos, aitodol neemudiarere. Ŋaikini ikabakanakec akanikon, itooliori Ijo ekeeekiror kokwap kakuj: emamei ituŋanan yenikibwoikini jo, aitodol naimudiaria kes. Icwei aputosia nuegerer nuka idekesiokec: mam iŋobelei epuesa ka esabu loejaatar kesi; karaida ayaŋaun ŋes mamakon, kinyek aipok kanen: naarai erai naketal kaneejai EJAKAIT Ekonideke: Mam iyauni yeniketal togokon kinyek araun yenikenitoi kwape kaŋesi: italeori ŋes cut, ilai da ŋes cut; naarai erai ibore yenikenitoi. “Iricete aicorakinet kere nakecorak yes lolo aiswamaenen, tetere ijarete, kipuaros, kolomasi airum akwap naabu EJAKAIT kiyapoik lukapapaakus. lituni erot kere loabu EJAKAIT kiŋarenikinio jo ikar lu akaisaoŋon kotoma amodiŋ, tetere inonokiari ijo, aigimor jo ajenun nuejaas otaukon, arai irici aicorakinetake arai mam. Abu kitononok jo, kitakany jo eteŋei, kitanyam jo emanu, lomam ibu kojeni, karaida lukapapaakon mam ajenete; tetere kitejenuni jo ebe mam ituŋanan ejari kanuka atap bon, konye ejari ituŋanan kanuka ŋinikirot naelomuni kaituk naka EJAKAITa. Mam akoninapito abu komojon, karaida akonikeju abuun, kokar kalu akaisaoŋon. Iwomoomoi ijo kotaukon ebe, kwape elecoria ituŋanan okokuke, kilecori EJAKAIT Ekonideke jo kwaŋin. Irici ijo aicorakineta nuka EJAKAIT Ekonideke, alosenen korotinike, ka ayoŋit ŋes. Naarai kiyaŋaarit EJAKAIT Ekonideke jo akwap naejok, akwap naka aguurun nuka akipi, naka akonye nuka atanin ka aidules, nuibulubulununos kaditon ka iukon; Akwap naka akima ka esairi, ka imusabibun, ka itinin ka ikamamagan; akwap naka iseitunin luka akinyet, ka esik; Akwap nainyamiata atap naidila, emameun ibore yenipudakinos kaŋina; akwap naeraas akemor asuat, naibokuniata aisinit koukonoke. Inyami kimonikin, ituri EJAKAIT Ekonideke, kanuka akwap naejok nakiinak jo. “Kocoite sirikiimurwok EJAKAIT Ekonideke, kotoma amamus aricrt aicorakinetake, ka itubesiake, ka ikisilake, lukeeorak jo lolo: Arai kidau ainyam kimonikin da, kidau adukun itogoi luejok kiboikin nen: Naeuriarotor isipaninikon luka aituk ka luka imerekekin, naiyatakinor epuesakon ka esabukon, naiyatakinotor da ŋul kere luijaatar ijo; Kinyek ekonitau adakun, kimurwok EJAKAIT Ekonideke lokitolomuni jo kakwap nako Misiri, kotogo loka ebulesene; Lokiŋarenikinit jo kamodiŋ nakos naesogim, naajaas imunwo luka akim ka ikiritona, ka akwap naeonit naamameete akip; loetolomuni akipi kanukus katiiba naegogoŋ; Lokitanyami jo kamodiŋ emanu lomam lukapapaakon ajenete; tetere inonokiari ijo, tetere da kigimori jo, aiswamakin jo nuejok kapaarasia nuepote; Itemari kotaukon ebe, ‘Apedorika ka agogoŋ naka akakan kes kadumakis eoŋ abara na.’ Konye kiitu ijo EJAKAIT Ekonideke, naarai ŋes lokikorakini jo agogoŋ naidumunia abar; tetere iticasi akeitutuket naeyapoikini lukapapaakon, kwape ejaar lolo. Kosodi arai kiimurwok ijo EJAKAIT Ekonideke, kitupa da icedekesio, aijaanakin kes, ka aima kes, ketejen yes lolo ebe abeit imudiaros. Kwape katekerin nuemudianari EJAKAIT kakonyenekus, imudiaros yesi da kwape kwaŋin; naarai iŋeroto apupun eporoto loka EJAKAIT Ekusideke. “Kopup, ijo Isirael: idokari ijo Yorodan lolo, alomar airum atekerin nuepolok nuegogoŋ da adepar jo, ireria luepolok luebwaitai kiton akuj, Ituŋa luepolok lueojak da, odwe luka Anakim, luijeni ijo, luipupu ijo ebakai ebe, ‘Iŋai epedori abwoikin odwe luka Anak?’ Kojen do lolo ebe, EJAKAIT Ekonideke ŋes lokiŋarenikinit jo bala akim naenyami; emudiari ŋesi kes, itukukumi kes kakonyenekon: ireŋeari ijo kes kwaŋin, imudiari kes atipet, kwape kilimokinia EJAKAIT jo. “Sirikiner ijo kotaukon, kedau EJAKAIT aireŋear kes kakonyenekon ebe, ‘Kanuka adoliteka, ŋes kayaunia EJAKAIT eoŋ airum akwap na’: kwabo ereŋea EJAKAIT atekerin nu kakonyenekon kanuka aronisikec. Mere kanuka adolitekon, karaida kanuka aitenara naka etaukon, ilomaria ijo airum akecekwap: konye kanuka aronis naka atekerin kaŋun ŋes ireŋeara EJAKAIT Ekonideke kes kakonyenekon, tetere iticasi akirot naabu EJAKAIT kiyapoik lukapapaakon, Aburaam, ka Isaak, ka Yakob. “Kojen do ebe mam EJAKAIT Ekonideke kiinakinit jo airum akwap na naejok kanuka adolitekon; naarai iraas yesi ituŋa lueninik imurisiŋa, Kiitu, sirikiimurwok, kwape ibu kitunyunyurikinia EJAKAIT Ekonideke kamodiŋ: ageun kapaaran nailomunia kakwap nako Misiri aitodol naidolunioto aibois na, ipaliikinito EJAKAIT. KoKoreb da, ipotu kitunyunyurikis EJAKAIT, abu EJAKAIT konyunyurik yes, tikimudiarit da. Naadokaritor eoŋ moru aijaun amor, kes amor nuka aitutuket naetutukikinit EJAKAIT yes, kasodi aiboi komoru apaarasia akaisaoŋon ka akuaresia akaisaoŋon; mam abu kanyam atap, karaida aimat akipi. Kejaik EJAKAIT eoŋ amor ŋun aarei nuewadikatai kebokorit loka Edeke; ewadikatai kes kwape ejaatar akiro kere nuabu EJAKAIT kolimok yes komoru kokidiŋ kakim kapaaran naka atukokin. Kosodi kedaunos apaarasia akaisaoŋon ka akuaresia akaisaoŋon, kainak EJAKAIT eoŋ amor ŋun aarei, kes amor nuka aitutuket. Katema EJAKAIT eoŋ atiar, ‘Konyou, kijesar atipet; naarai amunaunos ikonituŋa luitolomuni koMisiri; apaasi atipet korot loabu kecorak kes; asubut aput naacaluna.’ “Katema bobo EJAKAIT eoŋ atiar, ‘Aany ituŋa lu, ido koany, eraas ituŋa lueninik imurisiŋa: Aso do kinyeinai, kamudia kes, kamwata ekecekiror kokwap kakuj: ketuluori jo ateker naegogoŋ naepol da adepar kes.’ Kasodi kebelokin kejesun komoru, konoki emoru akim: kojaas da amor ŋun aarei nuka aitutuket akaninika aarei. Abu kasesen, ido koany, ipotu kodiakasi kama ejai EJAKAIT Ekusideke; ipotu kiswamaut itaok yenicaluna: ipotu kopaasi atipet korot lokicorakinit EJAKAIT yes. Abu ketiŋ amor ŋun aarei, kacaka kes kakaninika, kabwaŋ kes kakonyenekus. Abu kebiror kwap kakonyen nuka EJAKAIT, kwape kapak kaya, apaarasia akaisaoŋon ka akuaresia akaisaoŋon; mam abu kanyam atap karaida aimat akipi; kanuka adiakaretakus kere nuipotu kodiakasi, kanuka aswam nueroko kakonyen nuka EJAKAIT aitunyunyurikinia ŋes. Naarai akuriana anyunyura ka akadakin naapol, nakinyunyurikinitor EJAKAIT amudiar yes, Konye abu EJAKAIT kapupok eoŋ kapak kaŋin da. Abu EJAKAIT konyunyurik noi Aaron tiemudiarit ŋes: abu eoŋ kelipak Aaron da apak ŋipeŋin. Abu kalem adiakaretekus, itaok yenipotu kosubut, kecwe ŋes kakim, kepudapud ŋes, kedupudupo, aitodol neasubia bala apua: kewelak apuake aguurut naijesuna komoru. “KoTabera, ka Masa, ka Kiburot-kataaba da ipotu kitunyunyurikis EJAKAIT. Ido nakijukaria EJAKAIT yes koKades-barunea ebe, ‘Koloto, kirumata akwap nakainak yes’; ipotu kipaliikis aicorakinet naka EJAKAIT Ekusideke, koŋeroto aiyuun ŋes karaida apupun ekeporoto. Ipalionokis EJAKAIT ageun kapaaran nakajenunia yes. “Kebiror do kwap kakonyen nuka EJAKAIT apaarasia akaisaoŋon ka akuaresia akaisaoŋon nuabu kebiror; naarai abu EJAKAIT kobala ebe ekoto amudiar yes. Abu kelip EJAKAIT ebe, ‘Wu EJAKAIT Edeke, sirikimudia ikonituŋa ka airumetekon, nailaku kapoloukon, naitolom koMisiri kakan nakagogoŋ, Kiitu ikonibulesin, Aburaam, ka Isaak, ka Yakob; sirikite aninik naka ituŋa kalu, karaida aronisikec, karaida adiakaretekec: Kinyek akwap nakitolomunia ijo sio atemar ebe, “Naarai mam EJAKAIT abu kopedo aitolomar kes akwap naabu kisumun kes, ido naarai alait kes, ŋes etolomaria kes aarakin amodiŋ.” Kwabo eraas ikonituŋa, airumetekon da, naitolomuni ijo kapedorikon naepol ka akanikon naerioro.’ “Katema EJAKAIT kapak kaŋin ebe, ‘Kikeu amor aarei nueputos kanusodit, kodok moru neajai eoŋ, kikeu da asaduku naka akito. Ewadikakini amor ŋun akiro nuajaas amor nusodit nuibu kobwaŋ, ibwaikini ijo kes asaduku. Abu keswamau asaduku naka akito nuka ekasia kakeu da amor aarei nueputos kanusodit, kadoka moru, ketiŋite amor ŋun aarei kakanika. Abu kiwadika amor kwape ajaatar aiwadikaeta nusodit, aicorakineta atomon, nuabu EJAKAIT kolimok yes komoru kokidiŋ kakim kapaaran naka atukokin: kainak EJAKAIT eoŋ kes. Abu kebelokin, kejesun komoru, kebwaik da amor toma asaduku naabu kekeu; ejaas nepenen, kwape abu EJAKAIT kecorakinia eoŋ. (Konyout idwe luka Isirael koBeerot Beneyaakan koloto Mosera: kotwana Aaron kanen, kidaikinai da nen; kijaanak Eleasar okokuke kotoma osasedotene aiboisike. Konyout kanen kolototo Gudugoda; konyout koGudugoda kiton Yotobata, akwap naka aguurun nuka akipi. Kogita EJAKAIT ateker naka Lebi kapak kaŋin, adakenen asaduku naka aitutuket naka EJAKAIT, abwoenen kakonyen nuka EJAKAIT aijaanakin ŋes, aisirereŋ kokirorike, kiton lolo. Kanuka ŋun emamei Lebi akorakinet karaida airumet koinacanake; EJAKAIT ŋes airumeteke, kwape abalar EJAKAIT Ekonideke ŋes.) “Abu kasalak moru kwape kapak kaya nasodit, apaarasia akaisaoŋon ka akuaresia akaisaoŋon; kapupok EJAKAIT eoŋ kapak kaŋin da; mam EJAKAIT abu komudia jo. Katema EJAKAIT eoŋ atiar, ‘Konyou, kiŋarenik ituŋa alosit; elomarete airum akwap naabu keyapoik lukapapaakec ainakin kes.’ “Aso do, Isirael, inyo bo kiburai jo EJAKAIT Ekonideke, nabarai ayoŋit EJAKAIT Ekonideke, alosenen korotinike kere, ka amina ŋes, ka aijaanakin EJAKAIT Ekonideke kekonitau kere ka akoniijar kere, Airic aicorakineta nuka EJAKAIT, ka ikisilake, lukecorak yes lolo, tetere idumuni ajokis? Koany, akuj, ka akuj naka akuj, akwap, ka luejaas toma kere eraas luka EJAKAIT Ekonideke. Konye itojokit EJAKAIT amina lukapapaakon, abu koseu akeeeur naatupakini, ŋes yesi, kotoma otuŋa kere, kwape ejaar lolo. Kokepata do amunyin nuka itauonokus, siri bobo kitininikata imurisinakus. Naarai EJAKAIT Ekusideke, erai Edeke loka idekesio, EJAKAIT da loka ijaka, Edeke lokos, lokapedor, loketasuro, lomam etiakit ituŋa, karaida acamun agwelio. Etubokini ikokiok ka apuserun, emina imoit, ainakin ŋes inyamat ka anapito, Kominasi do yesi da imoit, naarai iraas kolo yesi da imo kakwap nako Misiri. Koyoŋitenenei EJAKAIT Ekonideke, kijaanakinenei ŋes, kimorikikinos kaŋes, kiyapoenenei kokirorike. Erai ŋesi aituritikon, ŋesi da Edekekon, lokiswamak jo akiro ŋun nuepolok nuketasuro, nuaanyutu akonikonye. Apotu lukapapaakon koloto Misiri ituŋa akaisakanykaarei; konye kwana kitupuu EJAKAIT jo kwape aacer nuka akuj kanuka aipues. “Kanuka ŋun kominenena EJAKAIT Ekonideke, koricite akekirot, ka ikisilake, ka itubesiake, ka aicorakinetake apaarasia kere. Kojenutu do yesi lolo: naarai mam enera kidwekus lumam ejenunito, lumam eanyunito da alecor naka EJAKAIT Ekusideke, akepolou, akanike nakagogoŋ, ka akekan naerioro, Aanyunetake, ka aswamisioke, nuabu kiswamak Parao ekabaka loko Misiri, ka akwapuke kere, koMisiri; Nuabu kiswamak ajore naka Misiri, ibalasinikec ka agalinikec: kwape abu korapiaria kes kakip nuka Aŋolol Nakareŋan nakidapitotor yes, kwape amudiaria EJAKAIT kes, kiton lolo; Nuabu kiswamak yes kamodiŋ, kiton naidolunioto aibois na; Nuabu kiswamak Datan ka Abiram, odwe luka Eliab, okoku loka Reuben; kwape abu akwap kooŋaria akeituk, kiliko kes, ka ikaliakec, ka iwemanakec, ka ŋinibore kere yenejari yenatuparit kes, koIsirael kere: Konye aanyut akusikonye aswam kere naepol naeswama EJAKAIT. “Kanuka ŋun koricito aicorakinet kere nakecorak yes lolo, tetere igogoŋioros, kolomasi airum akwap, naidokarete airum; Tetere iyatakinos akusipaarasia kakwap naabu EJAKAIT kiyapoik lukapapaakus ainakin kes ka akeceur, akwap naeleleete akile ka esik. Naarai akwap nailosi ijo airum, mam eputos kakwap nako Misiri, nailomuniata yesi, naibu koyeik ikinyomokon, naibu kobukonok akipi kakejekon, kwape amana naka idiasio; Konye akwap naidokarete yesi airum, erai akwap naka iukon ka aditon, emasi da akipi nuka akiru naka akuj: Akwap naidari EJAKAIT Ekonideke; esesenete ŋes akonye nuka EJAKAIT Ekonideke, amear kageunet naka ekaru kiton osaŋe loka ekaru. “Kosodi kanen arai kipupoto yesi kojokan aicorakinetaka nukecorak yes lolo, aminenena EJAKAIT Ekusideke, aijaanakin ŋes kekusitau kere ka aijarakus kere, Ainakini do akwapukus akiru kotoma apakike, akiru naka aiporo, ka akiru naka akamu, tetere ituki akimakon, ka ebinokon, ka akinyetekon. Ainakini da imanikoriakon inya kanuka ibarenekon, ido inyami kimonikin. Kocoito, kinyeis ikusitauon amodio, kosodete apaar, aijaanakin icedekesio aima kes; Kosodi anyunyura naka EJAKAIT ainepun aluikin yes, agolokin akuj tetere emameun akiru, tetere mam akusikwap ebwaŋuni akeraito; kosodete yesi atwakare atipet kakwap naejok nakiinakini EJAKAIT yes. “Kanuka ŋun ibwaikinete akiroka nu otauonokus ka aijarakus; koenanakisi kes akaninikus araun aanyunet, kotorokinito da kokidiŋ oreetakus. Kisisianakis kes ikusidwe, kinerenena da kes, iboienenei kotogokon, ilosenenei korot, iperenenei, inyoununei da. Kiwadikaenenei da ategerio nukotogokon, koruteikon da: Tetere akusipaarasia ka apaarasia nuka idwekus iyatakinos kakwap naabu EJAKAIT kiyapoik lukapapaakus ainakin, kwape apaarasia nuka akuj kokuju kakwap, Naarai arai kidunyakis yesi aricit aicorakinet na kere nakecorak yes aiswamaenen; aminenena EJAKAIT Ekusideke, alosenen korotinike kere, aimorikikin kaŋes; Ŋes do ireŋearia EJAKAIT atekerin ŋun kere kakonyenekus, irumete do yesi atekerin nuepolok nuegogoŋ da adepar yes. Ŋiniibois naicakete akusikeje eraun nakus: anyoun kamodiŋ, ka Lebanon, anyoun kocor, ecor Eupurat, kiton aŋolol nakoto, ŋes eraun eikorukus. Emameun etuŋanan loepedori abwoikin yes: ibwaikini EJAKAIT Ekusideke etasurokus ka ailiilikus akwap kere naicakete yesi, kwape kilimokinia. “Koany, ebwaikini mamakus lolo arereŋ ka ekenit; Arereŋ, arai kipupoto aicorakineta nuka EJAKAIT Ekusideke nukecorak yes lolo: Ekenit da, arai kiŋeroto apupun aicorakineta nuka EJAKAIT Ekusideke, kosodete apaar korot lokecorak yes lolo, atupar icedekesio, lumam yes ijenunito. “Kosodi nakitolomaria jo EJAKAIT Ekonideke akwap nailosi airum, ibwaikini arereŋ moru Gerisim, ka ekenit da moru Eba!’ Mere ejaas kesi okekwa loka Yorodan, kiŋaren kerot kama elomari akoloŋ, kakwap naka Ikanaanin luiboiete koAraba, naitei Giligal, eiduny kiluan luka More? Naarai idokete yesi Yorodan alomar airum akwap nakiinakinit EJAKAIT Ekusideke, irumete ŋes, iboikinos da nen. Kidarenenete aitodol ikisila kere ka itubesia luebwaik akonyenekus lolo. “Lu kes ikisila ka itubesia luidarenenete aitodol kakwap nakiinak EJAKAIT, Edeke loka lukapapaakus airum, apaarasia kere nuijariata yesi kakwap. Komudiasi aiboisio kere nuejaanakiniata atekerin nuirumete yesi ikecedekesio, koroŋan lueojak, koukon, kokwap da naka ŋolikitoi kaloepesit: Kotiyanakis itemwanakec, komunyumunyata ipirinokec, kicweata Aserimikec: kojepejepata aputosia nuegerer nuka idekesiokec; komudiasi ekecekiror kaibois kaŋin. Konye sirikiswamakis kwaŋin EJAKAIT Ekusideke. Konye aibois naeseuni EJAKAIT Ekusideke aibwaikin ekekiror katekerinikus kere, komoenenete aiboisike, koponenenete nen: Koyaŋaununete nen ainakinetakus nuicweio, ka asubanakus, ka lukitomonetakus, ka ainakinet naedakio naka akusikan, ka aiyaposiokus, ka ainakinetakus nuka akote, ka ikiyaik luka isipaninikus luka aituk ka luka amerekekin: Konyamenenete kanen kakonyen nuka EJAKAIT Ekusideke, kolakanaros kotoma kaŋinibore kayeniswamaete, yesi ka ikaliakus, nakisirereŋio EJAKAIT yes. Siriswamaete iboro kere lukiswamai oni kane lolo, ŋinituŋanan luedolito kakonyeneke: Naarai eroko yes kedolo aiyeŋun ka airumet nakiinakinit yes EJAKAIT Ekusideke. Konye kidokata Yorodan, kiboikinos da akwap nakisurumi yes EJAKAIT Ekusideke, kisiyeŋun yes kaneejaas lukasurupokus kere lukilukunito, kosodete iboikinos da inapakina; Kosodi kanen iyaŋaunete kere lukecorak yes aibois naeseuni EJAKAIT Ekusideke aisiboikin ekekiror; ainakinetakus nuicweio, ka asubanakus, lukitomonetakus, ka ainakinet naedakio naka akanikon, ka aiyaposiokus kere nuseuna nuiyapoikinete EJAKAIT: Kolakanaros kakonyen nuka EJAKAIT Ekusideke, yes ka ikusidwe lusap ka lupesur, ka ikusikejaanakinak, ka akusikejaanakinak ka Elebit loejai orekon, naarai emamei ŋes akorakinet karaida airumet kamakus. Kocoite ebe mam iinakini ainakinetekon naicweio kaŋiniibois naianyuni: Konye kaibois naeseuni EJAKAIT kotoma adiopet katekerinikus, iinakini kanen ainakinetakon nuicweio, nen da iswamaenena kere nukecorakini jo. “Konye ipedori aiar ka ainyam akiriŋ koruteikon kere, kwape ejaunor eipud kere loka etaukon, kwape kisirereŋio EJAKAIT Ekonideke jo: epedorete lumam elaete ka luelaete da ainyam ŋin, kwape amori, ka amiam. Konye sirinyamenenete aokot; kobukonorete kwap bala akipi. Sirikinyamak oruteikon yenikitomonet yenika akimakon, ka ebinokon, ka akinyetekon, karaida ikiyaik luka isipaninikon luka aituk ka luka amerekekin, karaida aiyapositikon kere naiyapoi, karaida ainakinetakon nuka akote, karaida ainakinet naedakio naka akanikon; Konye konyamak kes akonyen nuka EJAKAIT Ekonideke kaibois naeseuni EJAKAIT Ekonideke, ijo ka okokukon, ka akokukon, ka ekejaanakinanikon, ka akejaanakinanikon, ka Elebit loejai orekon: kolakanar kakonyen nuka EJAKAIT Ekonideke kotoma kanuiswamai kere. Kocoite kinyek aijal Elebit apaarasia kere nuiboionono ijo kakwap. “Naitalalaaria EJAKAIT Ekonideke eikorukon, kwape kisumunio jo, kosodi ijo atemar atiar, ‘Anyami akiriŋ “naarai imiela ekonitau ainyam akiriŋ; ipedori ainyam akiriŋ kwape ejaar eimiel loka ekonitau. Arai elwana kaneijai ijo aibois naeseuni EJAKAIT Ekonideke aibwaikin ekekiror, iari do yenika esipanikon loka aituk arai loka amerekekin, lokiinak EJAKAIT jo, kwape kecorakinia jo, inyamakini oruteikon, kwape ejaar eimiel loka ekonitau. Kwape enyamere amori ka amiam, inyami ijo da ŋun kwaŋin: lumam elaete ka luelaete da enyamete ŋun kopone ediopet. Konye kitogogoŋ na ebe mam inyamete aokot: naarai aokot ŋes aijar; sirikinyam aijar nepepe kakiriŋ. Sirinyamenenei kes; kobukonori kwap bala akipi. Sirinyamenenei kes; tetere ijaun ejok, ka idwekon lukitupanakinete, naiswamaa ijo nuedolito kakonyen nuka EJAKAIT. Konye koyaŋanari iborokon lukalaunak luijaatar, ka aiyaposiokon, kolot aibois naeseuni EJAKAIT. Iinakini ainakinetakon nuicweio, akiriŋ ka aokot kotem loka EJAKAIT Ekonideke: ebukokinio aokot nuka asubanakon otem loka EJAKAIT Ekonideke, inyami ijo akiriŋ. Kidarenene kopupununei akiro nu kere nukecorak jo, tetere ijaun ejok ka ikonidwe lukitupanakinete jo ikar kere, naiswamaa nuejok nuedolito da kakonyen nuka EJAKAIT Ekonideke, “Naemudiaria EJAKAIT Ekonideke atekerin kakonyenekon, nuilosi ijo airum, kosodi ijo airum kes, iboikin da akwapukec; Kocoite jo kinyek alokio atupari kes kemudiar kes kakonyenekon; kinyek aiŋitun idekesiokee ebe, ‘Jjaanakinete atekerin nu ikecedekesio biai? Keswama eoŋ da kwape kwaŋin.’ Sirikiswamak kwaŋin EJAKAIT Ekonideke: naarai eswamakis ikecedekesio nuketal kere kaneejai EJAKAIT, nuelait ŋesi; naarai icweanakinete ikecedwe lusap ka lupesur mama ejaas idekesiokec. “Ŋinikirot kere nakecorakini yes, ŋipeŋin iricete aiswamaenen: sirikiyatakis ace, karaida aiŋoŋoor ace. “Arai ketakanu enabi kamakon arai ekerujan airujasia koinak jo aanyunet arai aumokinet, Kosodi aanyunet arai aumokinet adolore, nakilimokinia do jo ebe, ‘Katupasi icedekesio lumam jo ijenunit, kejaanakis kes’; Sirikipupok akiro nuka enabi kaŋol, arai nuka ekerujan kaŋol lokairujasia: naarai kigimori EJAKAIT Ekusideke yes, ajenun arai iminas EJAKAIT Ekusideke kekusitau kere ka akusiijar kere. Kotupenenete EJAKAIT Ekusideke, koyoŋito ŋes, koricito aicorakinetake, korimarito ekeporoto, kijaanakis ŋes, kimorikikinos da kaŋes. Eario enabi ŋol arai ekerujan ŋol lokairujasia; naarai ener nukepali mama ejai EJAKAIT Ekusideke lokitolomuni yes kakwap nako Misiri, lokilakuni yes kotogo loka ebulesene, aitapaar yes korot lokicorakinit EJAKAIT Ekusideke aitorit. Ilemari kwaŋin aronis kamakon. “Arai kiijodijod onacekon, okoku loka totokon, arai okokukon, arai akokukon, arai aberu naka atorobukon, arai opaperokon loesubit bala aijarakon alopet, kaiyeiyea, ebe, ‘Kaloto kejaanakisi icedekesio,’ lumam ijenunit, ijo, karaida lukapapaakon; Idekesio luka ituŋa lukirimorito jo, luidunyas kajo, arai luelwaka kaneijai ijo, ameun kosaŋe ediopet loka akwap kiton osaŋe loce loka akwap; Sirikicam akekiro, karaida apupun ŋes; karaida akonikoŋu aitim ŋes, karaida aideun, karaida aibwa ŋes: Konye iari ŋes cut; akonikan ŋes egei aiar ŋes, kosodete konyet akanin nuka ituŋa kere. Ibiribirei ŋes kamor, kotwana; naarai akoto ŋesi aitapaar jo anyoun kama ejai EJAKAIT Ekonideke lokitolomuni jo kakwap nako Misiri, kotogo da loka ebulesene. Epupuni Isirael kere, eyoŋi da, mam bobo iswamai aronis naikoni nen kamakon. “Arai kipupu ijo korekon ediopet lokiinakinit jo EJAKAIT aiboienen kotoma, ebakai ebe, ‘Alomasi lukelepa ice kamakon, etapaasi luiboienenete korekec ebe, “Kaloto kejaanakisi icedekesio,”, lumam yes ijenunito; Iŋituni do ijo, imoi, iŋici kojokan; ido koany, arai erai abeit, kitogogoŋitete akiro, ebe eswamaun naketal ŋin kamakon; Idanyi luiboienenete kore kaŋol kakwanis naka ekileŋ, imudiari kes cut, ka luejaas toma kere, ka ibareneke, kakwanis naka ekileŋ. Kotukokini luŋatanake kere kidiŋ orotoke, icwei ere kakim, ka luŋatanake kere, mama ejai EJAKAIT Ekonideke: eraun aapoŋor ikar kere; mam bobo edukio. Sirikiŋadak idiobore yenikenitoi akanikon: tetere ibelokin EJAKAIT ainyein adedeŋ naka akenyunyura, kitim jo, kisioni jo, kitupuu jo, kwape abu kiyapoikinitor lukapapaakon; Naipupio ijo eporoto loka EJAKAIT Ekonideke, aricite aicorakinetake kere nukecorakini jo lolo, aiswamaenen nuedolito kakonyen nuka EJAKAIT Ekonideke. “Iraas yesi idwe luka EJAKAIT Ekusideke: sirikigera akusiwat, karaida abaren ereet kanuka lukatwak. Naarai iraas yesi ituŋa lukalaunak kaneejai EJAKAIT Ekusideke, kiseu EJAKAIT yes araut ituŋake obe, kotuŋa kere luejaas akwap. “Sirinyamenenei ibore kere yeniketal. Lu kes itiaŋ luinyamete: emoŋ, ka amerekek, ka akinei, Amiam, ka amori, ka emalet, ka akinei naka ais, ka eloba, ka ekal, ka ecilil. Ka ŋinitiaŋ kere yenetiakak emagegeret, ka yenimwaasi atutubeta aarei nuka emagegeret, yeninyogonokini anyak ikenyamat, kotiaŋ, inyamete ŋin. Konye mam inyamete lu kotiaŋ luinyogonokinete anyak ikecenyamat, arai kaŋul luimwaasi atutubeta aarei nuka emagegeret: akaala, ka ipoo, ka enyuru, naarai inyogonokinete anyak ikecenyamat, konye mam imagegerekec etiakak, eraas lumam elaete kamakus. Ka epege, naarai etiakak emagegereteke konye mam inyogonokini anyak ikenyamat, erai lomam elai kamakus: sirikinyama akecekiriŋ, sirikitirosi da akecewat nukatwak. “Inyamete lu koboro kere luejaas akipi: inyamete ŋin yenejaas isigigirio ka aabel: Sirikinyama nin yenemameete isigigirio ka aabel; erai yenimam elai kamakus. “Inyamete akweny kere nuelaete. Konye lu kes lumam inyamete: emorukaalet, ka ekokom, ka ogaria; Ekulukulu, ka egole, ka etoori koponeke; Ka ŋolikuruk koponeke; Ka ekuulu, ka etoori loka akuare, ka eroagol, ka ecur koponeke, Ekoloroe, ka etukuri loepol, ka etukuri loesubit bala ejaas amumwara; Erere, ka atarukot, ka etotoet; Etolut, ka egoro koponeke, ka aonor, ka emenia, Iboro kere lueliatos luejaas abebenoka eraas lumam elaete kamakus: mam enyamenenoo. Ipedorete ainyam akweny kere nuelaete. “Sirinyamenenete ibore yenetwani bon kanuke: ipedori ainakin emoit loejai orekon, konyam; arai ipedori aitwegel lokacekwap: naarai iraas yesi ituŋa lukalaunak mama ejai EJAKAIT Ekusideke. “Siripoenenei ikalol kakile nuka totoke. “Kodunyite alemanar idiopet kotomon yenika amiokon kere, naelomuni komanikor ŋolikaru. Inyamakini akonyen nuka EJAKAIT Ekusideke, kaibois naeseuni ŋesi aisiboikin ekekiror, idiopet kotomon yenika akimakon, ka ebinokon, ka akinyetekon, ka ikiyaik luka isipaninikon luka aituk ka amerekekin; tetere isisiauni ayoŋit EJAKAIT Ekonideke apaarasia kere. Arai elwana alosit kaneijai ijo, tape mam ipedori aibwok, naarai elwana aibois kamakon, naeseuni EJAKAIT Ekonideke aisiboikin ekekiror, nakisirereŋio EJAKAIT Ekonideke jo: Ŋes konyet igwelaria ŋes apesan, kosodi ajen apesan, kitiŋ kakonikan, alosit aibois naeseuni EJAKAIT Ekonideke: Igweli kapesan kaŋun yenipuda ekonitau, imoŋin, arai amerekekin, arai ebino, arai nuitemerete, arai yenekot ekonitau: inyamakini nen akonyen nuka EJAKAIT Ekonideke iyalamikin, ijo ka ekonikal: Mam ijali Elebit loejai orekon; naarai emamei ŋes akorakinet karaida airumet kajo. “Kosaŋe loka ŋulukar iuni, iyaŋaununei lukitomonet kere luka amiokon kokaru kaŋol, iŋadakini kes orekon: Elebit da, naarai emamei akorakinet karaida airumet kajo, ka emoit, ka ikoki, ka apuserut, luejaas orekon, epote ainyam kimonikinos; tetere kisirereŋi jo EJAKAIT Ekonideke kaswamisiokon kere nuiswamai. “Kosaŋe loka ŋulukar ikanykaarei ejaun aosikin. Lo ŋes epone loka aosikin: eosikini ŋinikeburan ibore yenikeyuunia ŋesi ekeidunyet; mam cut iburai ŋin kaneejai eidunyeteke ka onaceke; naarai alimor aosikin naka EJAKAIT. Ipedori aibura yenikacekwap: konye ŋiniborekon yenejai neejai onacekon, iwosikini. Konye emameun lokican kamakus; (naarai kisirereŋi cut EJAKAIT kakwap nakiinakinit jo EJAKAIT Ekonideke airum;) Arai kipup ijo kojokan eporoto loka EJAKAIT Ekonideke, aidar aitodol aicorakinet na kere nakecorakini jo lolo. Naarai kisirereŋi jo EJAKAIT Ekonideke, kwape abu kisumunio jo: iyuununei atekerin nuipu, konye ijo mam iyuun kamakec; iyai atekerin nuipu, konye mam kes kiyaete jo, “Arai ejai yenikican kajo, ediopet koinacanakon, koreriakon kere kakwapukon nakiinakinit jo EJAKAIT Ekonideke, sirikitininik ekonitau, karaida abunakin akonikan kaneejai onacekon lokican: Konye abeit ijaikini ŋes yenejai akanikon, abeit iinakini ŋes luitodolete eipudake koboro luilipit ŋesi. Kocoite sirikejaun aomisioit naerono otaukon, ebe, ‘Aapu ekaru lokikanyetekaarei, ekaru loka aosikin’; kosodi aite onacekon loicana kakoŋu naerono, komam iinakini idiobore; kosodi ŋesi amonyia jo kaneejai EJAKAIT, koraun adiakaret kamakon, Abeit koinanakinene ŋes, sirekadanakini ekonitau naiinakinia ŋes: naarai kanuka ŋun kisirereŋi jo EJAKAIT Ekonideke kaswamisiokon kere nuiswamaenenei. Naarai mam lukican edaunos kakwap: kanuka ŋun kecorakini jo ebe, Abeit ijaikini yenejai akanikon, onacekon, ka yenikon yenilwaritoi, ka yenikicanikon, kakwapukon. “Arai kiitwegel ijo onacekon, Eburaniat arai Aburaniat, kosodi aijaanakin jo ikar ikanykape; iwosikini ŋes anyoun kamakon kokaru lokikanyetekaarei. Naiwosikinia ŋes anyoun kamakon, sirikiwosik ŋes alosit komam ibore; Ikorakini ŋes luipu luka esipanikon, ka luka epejalikon, ka luka acuesikon naka ebino: iinakini ŋes kwape kisirereŋitor EJAKAIT Ekonideke jo. Kiitununei ebe irai kolo ebulesit kakwap nako Misiri, kosodi EJAKAIT Ekonideke alakun jo: kanuka ŋun kecorakini jo akirot ŋin lolo. Kosodi arai kiitema ŋesi jo atiar, ‘Mam anyouni kaneijai ijo’; naarai emina ŋesi ijo ka ekonikal, naarai ejai ejok kajo; Ŋes konyet iyaŋaaria emutu apedokinio akekit okirigi, eraun do ekonibulesit ikar kere. Iswamakini da akonibulesit kwaŋin. Mam kitionikini ijo naiwosikinia ŋes anyoun kamakon; naarai abu kijaanak jo ikar ikanykape itia neeti kiropia ekewoteon irwan aarei: kisirereŋi jo EJAKAIT Ekonideke kanuiswamai kere. “Italauni ikiyaik kere lukiliok lueuriete isipaninikon luka aituk ka amerekekin mama ejai EJAKAIT Ekonideke; siritwasamaenenei ikiyaikikon lumoŋin adioswam, karaida aitub ajul nuka ikiyaik luka esipanikon loka amerekekin. Inyamanakini ŋes akonyen nuka EJAKAIT Ekonideke ŋolikaru kaibois naeseuni EJAKAIT, ijo ka ekonikal, Arai eŋwalit ŋesi adioŋwal kere, arai icoda, arai emudukana, aŋwal kere naerono, sirikiinak araun asubanit mama ejai EJAKAIT Ekonideke. Inyamakini ŋes orekon: enyamete lumam elaete ka luelaete da, kwape amori ka amiam. Konye sirinyamenenei aokotoke; ibukonori kwap bala akipi. “Kidarenenei elap loka Abib, koricenenei da aleleŋ naka EJAKAIT Ekonideke: naarai kolap loka Abib ŋes kitolomunia jo EJAKAIT Ekonideke kakwap nako Misiri kuare. Iinakini lukosipanin luka aituk ka amerekekin araun asubanit naka aleleŋ naka EJAKAIT Ekonideke, kaibois naeseuni EJAKAIT aisiboikin ekekiror. Sirinyamenenei imugatin luitubuunitoi kasubanit kaŋin; inyamenenei imugatin lumam itubuunitoi apaarasia akanykaarei, kes imugatin luka aiticanitoi; naarai ilomuni ijo kakwap nako Misiri komarani: tetere iituni apaaran nailomunia ijo kakwap nako Misiri apaarasia kere nuka akonikijar. Mam edumakinio yenikitubuunet oikorunokon kere apaarasia akanykaarei; karaida aiteperoor akiriŋ kere naiinakini araut asubanit apaaran nasodit eboŋ, akuare kere kiton tupuruc. Sirikijaik asubanit naka aleleŋ koreriakon kere, lukiinakinit jo EJAKAIT Ekonideke: Konye kaibois naeseuni EJAKAIT Ekonideke aisiboikin ekekiror, nen ijaikinia asubanit naka aleleŋ eboŋ, naelomaria akoloŋ, kapak nailomunia koMisiri. Ipei inyami da kaibois naeseuni EJAKAIT Ekonideke: ibelokin tupuruc aboŋor owemanakon. Inyamenenei imugatin lumam itubuunitoi apaarasia akanykape: kapaaran nakikanyetekaarei ejaun atukokinet nakayamakina mama ejai EJAKAIT Ekonideke; siriswamaenenei adioswam. “Imaruni asabaton akanykaarei: ameun kapak naigeunia aisak akima ŋes igeunia aimar asabaton akanykaarei. Idarenenei epucit loka asabaton mama ejai EJAKAIT Ekonideke, kwape ejaar aitemis naka ainakinet naka akot naka akonikan, nakiinakini, kwape kisirereŋitor EJAKAIT Ekonideke jo: Ilakanari kakonyen nuka EJAKAIT Ekonideke, ijo ka okokukon ka akokukon, ka ekejaanakinanikon, ka akejaanakinanikon, ka ikoki ka apuserut, luejaas mamakon, kaibois naeseuni EJAKAIT Ekonideke aisiboikin ekekiror. Iitununenei ebe irai kolo ebulesit koMisiri: koricenenei aitodol ikisila ŋul. “Kidarenenei epucit loka iswamin apaarasia akanykaarei, kidau aiŋadanakin lukopejalikon ka lukacuesikon naka ebino: Ilakanari kopucitikon, ijo ka okokukon, ka akokukon, ka ekejaanakinanikon, ka akejaanakinanikon, ka Elebit, ka imoit, ka ikoki ka apuserut, luejaas orekon. Idarenenei epucit mama ejai EJAKAIT Ekonideke apaarasia akanykaarei kaibois naeseuni EJAKAIT: naarai kisirereŋi jo EJAKAIT Ekonideke kamiokon kere, kaswamisiokon kere, ilakanari cut. “Etakanunete ikiliokokon kere kakonyen nuka EJAKAIT Ekonideke irwan auni ŋolikaru kaibois naeseuni ŋesi; kopucit loka imugatin lumam itubuunitoi, kopucit da loka asabaton, kopucit da loka iswamin: mam itakanunete kakonyen nuka EJAKAIT komam ibore: Einakini ŋinituŋanan kwape epedoria, kwape kisirereŋitor EJAKAIT Ekonideke jo. “Koseu ikatubok ka ijaka koreriakon kere lukiinakinit jo EJAKAIT Ekonideke, kwape ejaatar atekerinikon: etubokinete kesi ituŋa ketube loedolit. Sirikibelok etube; sirikitiak ituŋa; karaida ayaare ainakinet; naarai itumudaki ainakinet akonye nuka lukacoa, aitapaar akiro nuka ikadoliton. Itupenenei naedolit cut, tetere ijari, irumi akwap nakiinakinit jo EJAKAIT Ekonideke. “Sirikiraik Asera naka ediopone kere loka ekitoi eiduny ketem loka EJAKAIT Ekonideke, loiswamauni ijo. Karaida asipokin epir; loelait EJAKAIT Ekonideke. “Sirikiinak EJAKAIT Ekonideke asubanit naka emoŋ arai amerekek naejai aŋwal, arai yenerono: naarai erai ŋin naketal mama ejai EJAKAIT Ekonideke. “Arai kedumakin mamakon, oreriakon lukiinakinit jo EJAKAIT Ekonideke, etuŋanan arai aberu, yeniswamai nueroko kakonyen nuka EJAKAIT Ekonideke, adiakar aitutuketeke. Kosodi alosit aijaanakin icedekesio, aima kes, arai akoloŋ, arai elap, arai idiopet yenika ajore naka akuj, yenimam kecorakinit; Kosodete alimokin jo, kopup ijo nuke, kosodi ijo aiŋitun kojokan, ido koany, arai erai abeit, kitogogoŋitete akirot, ebe eswamaun naketal ŋin koIsirael; Ŋes do iyaŋaunia etuŋanan ŋol arai aberu ŋin, yeniswamat aronis ŋin, kiton orutekon, etuŋanan arai aberu; ibiribirete kes kamor, kotwaka. Kakirot naka ikajenak iarei arai iuni, ŋes earere ŋin yeneario; mam eario kakirot naka ekajenan ediopet. Ikajenak kes kigeikinete aiar ŋes, kosodete konyet ituŋa kere. Ilemari do kwaŋin aronis kamakon. “Arai ketakanu akirot nakitionikinit ijo aitub, kidiŋ aokot ka aokot, kidiŋ akirot ka akirot, kidiŋ aromait ka aromait, koraas akiro nuka epeget koruteikon: ŋes konyet inyounio alosit aibois naeseuni EJAKAIT Ekonideke; Idolokini isasedotin Ilebin, ka ekatubon loejaun kapaarasia kaŋun: iŋituni; kilimokinete jo akirot naka etube: Iswamai ijo cut kwape ejaar akirot nakilimokinete kesi jo, kaibois kaŋin naeseuni EJAKAIT; irici ijo aiswamaenen kwape ejaatar kere nukisisianakinete kesi jo: Iswamaenenei cut kwape ejaar ekisil lokisisianakinete kesi jo, kwape ejaar etube lokilimokinete: sirikipaa teten arai kediany, ainyein akirot nakilimokinete kesi jo. Etuŋanan loeninik, komam epupuni esasedoti loebwoi aijaanakin kanen kakonyen nuka EJAKAIT Ekonideke, arai ekatubon, eario etuŋanan ŋol: ilemari aronis koIsirael. Epupunete ituŋa kere, eyoŋete, komam bobo eninikaros. “Kidol akwap nakiinakinit jo EJAKAIT Ekonideke, kirum, kiboikin da toma; kosodi atemar atiar, ‘Adakakini ekabaka ayait eoŋ, kwape katekerin kere nukalukunito’; Idakakini ŋol loeseuni EJAKAIT Ekonideke araun ekabakakus: ediopet koinacanakon ŋes idakakini araun ekabakakus: sirikidakak lokacekwap lomam erai onacekon ayait jo. Konye siri ŋes kitupuu ikebalasin, karaida aitoboŋor ituŋa Misiri, tetere itupui ibalasin: naarai abu EJAKAIT kotema yes ebe, ‘Amear lolo mam bobo iboŋorete ŋina.’ Siri ŋes kitupuu da akeŋor, kinyek eketau apaar; karaida aitupuu noi ekepuesa ka ekesabu. “Kosodi naiboikinor ŋesi oicoloŋ loka ajakanutuke, etakakini oitabo ekisil ŋol loejai akonyen nuka isasedotin Ilebin: Ejaenena kaŋes, esiomenenei ŋesi apaarasia kere nuka aijarake: tetere isisiauni ayoŋit EJAKAIT Ekedeke, aidar akiro kere nuka ekisil kaŋol ka ikisila ŋul, aiswamaenen: Kinyek eketau aomiara adepar iinacanake, tetere mam epaari teten arai kediany ainyein aicorakinet: tetere iyatakinos akepaarasia kajakanutuke, ŋes ka ikedwe, koIsirael. “Mam isasedotin Ilebin, kes ateker kere naka Lebi, ejaunos kakorakinet karaida airumet koIsirael: enyamenenete ainakineta nueinakinere kakim nuka EJAKAIT, ka airumeteke. Mam kes ejaunos kairumet kama ejaas iinacanakec; EJAKAIT ŋes airumetekec kwape alimokinia ŋesi kes. Lu kes luitebeitai isasedotin kaneejaas ituŋa, kaneejaas ŋul lueinakinete asubanit, arai emoŋ arai amerekek, einanakinete esasedoti akuat, ka iitinyo iarei ka aboi. Iinakini ŋes nuegeete nuka akimakon, ka ebinokon, ka akinyetekon, ka nusodit nuka ajul nuka amerekekinikon. Naarai aseu EJAKAIT Ekonideke ŋes katekerinikon kere abwoenen aijaanakin kokiror loka EJAKAIT, ŋes ka odweke ikar kere. “Arai kenyou Elebit koreriakon koIsirael kere, loiboionono, kobu keimiel kere loka etauke aibois naeseuni EJAKAIT; Jjaanakini ŋesi kokiror loka EJAKAIT Ekedeke, kwape iswamaata iinacanake kere Ilebin, luebwoenenete kanen kakonyen nuka EJAKAIT. Edumunete akorakineta nueriakanara ainyam, kogelara ŋun nuelomunete kotiai loegwelarere akelup, “Kidau adolore akwap nakiinakini EJAKAIT Ekonideke, sirikisisiau aswam kwape ejaatar italesio luka atekerin kwa. Siriketakanu kaneijai ijo ituŋanan kere yenitotori okokuke arai akokuke akim, karaida yeniswamai nuka airo, karaida yeneŋici aanyuneta, karaida yenikalemeleman, karaida ikacudan, Karaida ikaroan, karaida yenikeŋitan aiokin, karaida ikepiedan, karaida yenikenitan lukatwak. Naarai ŋinituŋanan yeniswamai ŋun erai yeniketal mama ejai EJAKAIT; ido kanuka italesio kaŋul, ŋes ireŋearia EJAKAIT Ekonideke kes kakonyenekon. Korai ijo loidolit kaneejai Ekonideke. Naarai atekerin nu nuirumi ijo, epupete ŋul lueŋicete aanyuneta ka ikaroak; konye ijo, mam kicamakinit Ekonideke aiswamaenen kwaŋin. “Kitonyoikini rwaru EJAKAIT Ekonideke enabi kokidiŋikon, koinacanakon, loeputos keoŋ; ŋol ŋes iirarete rwaru; Kwape ejaatar kere nuibu kilip EJAKAIT Ekonideke koKoreb, kapaaran naka atukonokin, kobala ebe, ‘Kenyek akiirar bobo eporoto loka EJAKAIT Ekadeke, ido kenyek aanyun bobo akim na naepol, kenyek atwanare.’ Katema EJAKAIT eoŋ atiar, ‘Enerata ejok ŋun nualimut. Etonyoikini kes rwaru enabi koinacanakec loeputos kajo: ido ebwaikini akakiro aitukuke, ido kilimokini yes kere nuecorakini. Kosodi kanen, ŋinituŋanan yenimam iirari akakiro nuinera ŋesi kokirorika, etepeseni kanuka ŋun. Konye enabi loiilokini einer akiro kokirorika numam ecorakinit ŋes einer, arai ŋol loinera kokiror loka idekesio ice, eario enabi ŋol.’ Arai kitema ijo kotaukon ebe, ‘Kijenuni oni biai akirot namam EJAKAIT elimunit?’ Nainerar enabi kokiror loka EJAKAIT, arai mam akirot etakanunit, karaida adolore, ŋin ŋes akirot namam EJAKAIT elimunit: eilokini enabi einer, sirikikurianar ŋes. “Naemudiaria EJAKAIT Ekonideke atekerin, ikulepek akwap nakiinakinit jo EJAKAIT Ekonideke, kirum aiboisikec, kiboikin oreriakec ka otogoikec; itiakuni ireria iuni kokidiŋ kakwapukon nakiinakinit EJAKAIT Ekonideke airum. Itemokini erot, itiaki iikoruno luka akwapukon nakisurumi jo EJAKAIT Ekonideke kotoma atutubeta auni tetere ikaaran ekereari ŋina. “Na ŋes akirot naka ikaaran, yenekereari ŋina kojar: ŋin yenimam epeleikinit aiar eidunyeteke, komam lem sek elait ŋes; Kwape etuŋanan loelosi amagoro keidunyeteke aibet akito, kosodi aikeun aep ajepia ekitoi, koutor aep kakujup, kocam eidunyeteke, kotwana; ekereari ŋol ore ediopet kaŋul kojar; Kinyek ekenyaŋan aokot aidap ekaaran, eroko eketau enyunyura noi, kosodi adolokin ŋes, naarai elwana erot, ainom ŋes aiar; kwabo mam ebusakinit ŋesi atwanare, naarai mam abu kolaite ŋes lem sek, Kanuka ŋun, ŋes kecorakinitor ebe, Itiakuni ireria iuni. Arai kitalal EJAKAIT Ekonideke eikorukon, kwape eyapoikinia lukapapaakon, ainakin jo akwap kere naabu kiyapoik ainakin lukapapaakon; Arai kiric aicorakinet na kere aiswamaenen, nakecorakini jo lolo, aminenena EJAKAIT Ekonideke, alosenen duc korotinike; ŋes konyet iyatakinia ireria ice iuni, kogelara ŋul iuni: Tetere aokot numam akirot mam ebukorio kakwapukon, nakiinakinit jo EJAKAIT Ekonideke araun airumet, kosodete aokot abeikin jo. “Konye arai elait etuŋanan eidunyeteke, kosodi aperun ŋes, konyoik ŋes, kosodi ainom ŋes aiar; kokerea ore ediopet kaŋul: Jjukarete imakio luka ereke aomare ŋes, ijaikinete ŋes akan naka ekenyaŋan aokot, tetere eario. Mam akonikoŋu itimi ŋes, konye ilemari aokot numam akirot koIsirael, tetere ijaun ejok, “Sirikijul eikor loka eidunyetekon, loatubete lukolo sek, kotoma airumetekon nairumi, kakwap nakiinakinit jo EJAKAIT Ekonideke airum. “Mam ekajenan ediopet enyoikini ituŋanan kanuka numam adolit, karaida kanuka adiakaret, kadiakaret kere naediakari: kakiro nuka ikajenak iarei arai kakiro nuka ikajenak iuni ŋes itogogoŋere akirot. Arai kenyoiki ituŋanan ekaienan lomam edolit aitejenun adiakareteke; Ŋes do ebwoiata ituŋa ŋul iarei luepegas kakonyen nuka EJAKAIT, kakonyen da nuka isasedotin ka ikatubok luejaunos kapaarasia kaŋun; Eŋicete ikatubok kojokan; ido koany, arai erai ekajenan ekajenan loeŋalai, kitejenunite da nuka aiŋal kaneejai onaceke; Ŋes konyet ikwaikiniata ŋes kwape aomitor ŋesi aikwaikin onaceke: ilemari kwaŋin aronis kamakon. Ido epupunete ŋul luesalecte, eyoŋete da, mam bobo iswamaete aronis ŋin kamakon. Mam akonikoŋu itimi; egeli aijar aijar, akoŋu itia akoŋu, ekelai da itia ekelai, akan itia akan, akeju da itia akeju. “Nailomaria aitiji lukasurupokon, kiany abalasin, ka agalin, ka ituŋa lukitelekarito jo, sirikikurianar kes: naarai ejai EJAKAIT Ekonideke kajo, lokitolomuni jo kakwap nako Misiri. Kosodi naikunyakiniata oije, ikunyakini esasedoti kosodi alimokin ituŋa ebe, ‘Kiira, ijo Isirael, ikunyakis lolo aitiji lukasurupokus: kinyeis ikusitauon aiilor; sirikiyaloŋoŋoto, karaida amaran, karaida akurianar kes; Naarai EJAKAIT Ekusideke, ŋes loelosi kayes, ŋes kijiikini yes lukasurupokus, aitajar yes.’ Elimokinete ijaka da ituŋa ebe, ‘Iŋai etuŋanan loedukit eketogo lokitetet, lomam einakinit akesubanit? Kolot koboŋo togoke, kinyek atwanikin ojie, kosodi ecetuŋanan ainakin asubanit. Iŋai da etuŋanan loirait akemana naka emusabibu, lomam enyamit araitoke? Kolot kobono togoke, kinyek atwanikin oiie, kosodi ecetuŋanan ainyam araitoke. Iŋai da etuŋanan loisinerit apese, lomam emanyit ŋes? Kolot koboŋo togoke, kinyek atwanikin ojie, kosodi ecetuŋanan aimany ŋes.’ Iyatakinete ijaka alimokin ituŋa ebe, “Iŋai etuŋanan loekuriana, loekuruporo eketau? Kolot koboŋo togoke. Kinyeis itauon luka iinacanake da acalar bala etauke.’ Kosodi naitanaŋiata ijaka akirokec mama ejaas ituŋa, edakakinete ikapolok luka ajoresio apolokinit ituŋa. “Naikunyakinia ijo aitiji ere, ilimokini ŋes nukainapakin. Kosodi, arai kiiboŋok jo nukainapakin, koŋaik da jo, kosodete ituŋa kere luejaas toma araun ikeswamak ipelueik, ijaanakinete da jo. Arai kener ainapakin kajo, konye kitiji jo, irigauni do ŋes: Nakijaikinia EJAKAIT Ekonideke ŋes akanikon, idanyi ŋolikiliokit kakwanis naka ekileŋ: Konye aŋor, ka ludidik, ka ibaren, ka luejaas ore kere, luŋatan kere, ijoreori kanukon; inyami luŋatuna kaneejaas lukasurupokon, lukiinak EJAKAIT Ekonideke jo. Iswamakini kwaŋin ireria kere luelwaka kaneijai ijo, lumam eraas ireria luka atekerin nu. Konye lukoreria luka ituŋa kalu lukiinakinit jo EJAKAIT Ekonideke araun airumet, mam itajari idiobore yeniyeŋa; Konye imudiari kes cut; Ekitit, ka Emorait, ka Ekanaanit, ka Eperisit, ka Ekibit, ka Eyebusit; kwape kicorakinia EJAKAIT Ekonideke jo: Tetere mam kisisianakinete yes aiswamaenen nuka italesiakec kere, nueswamakis idekesiokec; kinyeis adiakar kwaŋin kama ejai EJAKAIT Ekusideke. “Nairigauniata ere apaarasia nuipu aitiji ŋes airum, sirikimudia ikitoke kanuka aijep kaep; naarai ipedori ainyam kes, sirikijep kes; naarai erai kereka ekitoi loka emanikor etuŋanan tape ijo irigauni ŋes? Dimarai ikito bon luijeni ijo ebe mam enyamio, imudiari kes, ijepi da; idukuni lujiis aitijio ere lokitijie jo, aitodol naibiroror. “Arai kedumun idiopet earitai eperi kais kakwap nakiinakinit jo EJAKAIT Ekonideke airum, komam ejenio yenikeseni ŋes: Epote do imakiokon ka ikatubokokon, kosodete aitem kiton oreria luelukunito ŋin yenearitai: Kosodi ere loeapie kituŋanan yenearitai, elemunete imakio luka ere kaŋol ataok nakosipan, namam itwasamatai, namam iriit ajokot; Eyaŋaarete imakio luka ere kaŋol ataok aditot naeleleete akip, namam ekoritai, karaida ayeit, ebilete emurisin loka ataok kaditot: Ikunyunete isasedotin odwe luka Lebi; naarai aseu EJAKAIT Ekonideke kes aijaanakin ŋes, ka aisirereŋ kokiror loka EJAKAIT; ido kwape ejaar akecekirot ŋes ejaunor ŋolipeget ka ŋiniromait: Ilotakinete imakio kere luka ere kaŋol loeapie kituŋanan yenearitai, akecekanin, neejai ataok naabilio emurisiŋike kaditot: Eboŋokinete ebe, ‘Mere akosikanin abukorete aokot nu, karaida akosikonyen mam eanyunito. Wu EJAKAIT, kisioni ikonituŋa Isirael, luilaku, sirikicamak aokot numam akirot asalakin mama ejaas ikonituŋa Isirael.’ Isionio kes nuka aokot. Ilemari kwaŋin aokot numam akirot kamakon, naiswamaa ijo nuedolito kakonyen nuka EJAKAIT, “Nailomaria aitiji lukasurupokon, ido kijaik EJAKAIT kes akaninikon, kijoreu da ijo kes, Kosodi aanyun kaneejaas lukijoreuno aberu naitemelel, kimielakin ŋes, kokoto aimany ŋes; Ŋes do iyaŋaaria ŋes togokon; ebareni ŋesi akekou, ekepi da akebelekeka; Elacari anapito naka aŋatunioke, esalakini togokon, emonyi papake ka totoke elap ediopet: akaulo kaŋun ilomari mamake araun okilenike, eraun ŋesi da akoniberu. Kosodi, arai mam jo itojokit ŋes, ijalakini do ŋes alosit neekot; konye sirikigwela ŋes cut apesan, sirikikonak ŋes bala abulesit, naarai ibu kitisil ŋes. “Arai ejaas etuŋanan aŋor aarei, komina adiopet, kolaite da adiopet, kourikinito da ŋes idwe, kesi aarei, naminat, ka naelaitai; ido arai erai ekiyai losapat loka ŋin naelaitai; Kosodi kapaaran naisurumia ŋesi odweke iboro luejaatar ŋesi, mam ŋes ituluori okoku loka naminat ekiyai ageikin okoku loka naelaitai, loerai ekiyai obe: Konye ecamuni ŋesi ekiyai, okoku loka naelaitai, ekorakini ŋes iboro luejaatar irwan aarei: naarai ŋol ŋes ageunet naka akegogoŋ; ewai loka ekiyai erai ekeŋ, “Arai ejai etuŋanan okokuke loeninik loipaliono da, lomam erimari eporoto loka papake, karaida eporoto loka totoke, lomam iirari kes karaida kelecosi ŋes: Ikamunete do ŋes papake ka totoke, eyaŋaunete mama ejaas imakio luka ereke, kiton orute loka aiboisike; Etemarete kesi imakio luka ereke ebe, ‘Eninik okokukosi lo, ipaliono da, eŋerit arimar eporotokosi; erai otaupe, emerana da.’ Ibiribirete ŋes ituŋa kere luka ereke kamor, kotwana: ilemari kwaŋin aronis kamakon; epupuni Isirael kere, kosodi aiyoŋ. “Arai ediakarit ituŋanan adiakaret naibusakinitor atwanare, koarai, kosodi aikajakin ŋes okitoi; Sirikesalaki akekuan okitoi akuare kere, konye idaete ŋes apaaran ŋipenin; naarai ikenit Edeke ŋin yenikajakinitai; kinyek amunaun akonikwap nakiinakinit jo EJAKAIT Ekonideke airum. “Sirikijalak emoŋ loka onacekon arai amerekekike naianyunia eoliori: abeit inyakari kes neejai onacekon. Arai mam onacekon eapie kaneijai ijo, ido arai mam jo ijeni ŋes, iyaŋaari do ŋes orekon, ejaun kajo aitodol naemoia onaeekon ŋes, inyakakini ŋes. Ikwaikini kwaŋin akesigiria; ikwaikini da kwaŋin akenapito; ikwaikini da kwaŋin ŋinibore yeneoliorit yenika onacekon, yeneoliorit kamake, ka yenidumuni ijo; sirikijalak. Sirikite asigiria naka onacekon arai ekemoŋ ibirokina orot, kosodi ajalakin: iŋarakini ŋes cut aitobwo kes bobo. “Sirinapenenei aberu yenerai yenika ekiliokit, karaida ekiliokit ainap inapen luka aberu: naarai ŋin yeniswamai ŋun erai yeniketal kama ejai EJAKAIT Ekonideke. “Arai kejaun akai naka akweny orotokon, okitoi arai alup, ka idweke arai abeeike, kirukumite totokec idwe arai abeei, mam iyaŋaari totokec ka idwe: Jjalakini totokec alosit, konye ipedori ayaŋaar idwe; tetere ijaun ejok, iyatakini da akonipaarasia. “Naidukio etogo lokitetet, idukokini arwatat nadidi airimor eswikon, kinyek aitebe aokot togokon, arai kibirun ituŋanan kaŋina. “Sirikiye ikinyom luka iponesio iarei amanakon naka emusabibu: kinyek atwaniar araito kere, ikinyom luibu koye, ka amio naka amana naka emusabibu. Sirikitokor emoŋ nepepe kasigiria. Sirikinap anapito nainyalinyala, ajul ka ebaputa nuesonyitai nepepe. “Iswamakini isilo atokito aoŋon nuka anapitokon, naimukori ijo, “Arai kemany etuŋanan aberu, koloma mamake, kosodi aila ŋes. Apwakanakin ŋes, amunaun ekekiror, ebe, ‘Abu kamany aberu na kosodi naekunyakinia mamake, mam abu kadum aanyuneta nuka abekonut’: Kosodi papa kapese, ka totoke, ayaŋaun aanyuneta nuka abekonut naka apese, mama ejaas imakio luka ere orute: Etemari papa kapese imakio atiar, ‘Abu kakorak etuŋanan lo akokuka aimany, konye elait ŋes; Ido koany, apwakanaki ŋes ebe, “Mam abu kadum aanyuneta nuka abekonut kaneejai akokukon”; kwabo nu kes aanyuneta nuka abekonut naka akokuka.’ Kosodete apesikin anapito akonyen nuka imakio luka ere. Eyaŋaarete imakio luka ere etuŋanan ŋol elecorete da ŋes; Itegelete ŋes isekelin akwatat luka epuesa, einakinete kes papa kapese, naarai abu komunau ekiror loka abekot naka Isirael: eraun akeberu; mam ireŋeari ŋes apaarasiake kere. Konye arai erai akirot abeit, ebe mam edumunitai aanyuneta nuka abekonut kaneejai apese: Eyaŋaunete do apese okek loka etogo loka papake, ibiribirete ituŋa luka ereke ŋes kamor, kotwana: naarai eswamaa nukabaŋaanut koIsirael araun naadote kotogo loka papake: ilemari kwaŋin aronis kamakon. “Arai kegolor etuŋanan ka aberu naka ekiliokit, etwakete kes kere iarei, etuŋanan loaperete kaberu, ka aberu da: ilemari kwaŋin aronis koIsirael. “Arai ejai apese naerai abekot naisinerit ekiliokit, kosodi etuŋanan adumakin ŋes ore, koperoto kaŋes; Iyaŋaunete do kes kere iarei orute loka ere kaŋol, ibiribirete kes kamor, kotwaka; apese, naarai mam abu kiluluk kwabo ajai ore; ka etuŋanan, naarai abu kitisil aberu naka eidunyeteke: ilemari kwaŋin aronis kamakon. “Konye arai kedumaki etuŋanan apese naisineritai ais, kosodi aitiŋaikin ŋes, koperoto kaŋes; etuŋanan do bon loaperete kaŋes, ŋes etwani: Konye mam iswamakini apese idiobore; emamei kaneejai apese adiakaret naibusakinitor atwanare; naarai kwape enyounio etuŋanan asurokin eiidunyeteke, kosodi aiar, kwape kwaŋin ejaar akirot ŋin da: Naarai adumakin ŋes ais; abu apese naisineritai kiluluk, konye komameun yeneyuuni ŋes. “Arai kedumu etuŋanan apese naerai abekot, namam isineritai, kosodi aikamun ŋes, koperoto kaŋes, kosodete adumun kes; Elemikini etuŋanan loaperete kaŋes papa kapese isekelin akaisakany luka epuesa, eraun do akeberu, naarai abu kitisil ŋes; mam ireŋeari ŋes apaarasiake kere. “Mam etuŋanan elomari neejai aberu naka papake, mam do epukori anapito nakaŋabet naka papake. “Etuŋanan loimusuŋitai itouke, arai loetuboritai ekiliokaneke, mam elomari atukot naka EJAKAIT. “Ikoku yeneurunete ipajan mam elomari atukot naka EJAKAIT; kiton atur nakitomonet mam lukeŋ elomarete atukot naka EJAKAIT. “Mam Emorait ka Emoabit elomarete atukot naka EJAKAIT; kiton atur nakitomonet mam lueraas lukec elomarete atukot naka EJAKAIT ikar kere: Naarai mam apotu kijaikis yes inyamat ka akipi korot, nailomuniata koMisiri; ido naarai apotu koropata Balaam okoku loka Beor anyoun koPetor loka Mesopotamia, aiken jo. Konye mam EJAKAIT Ekonideke abu kopup Balaam; konye abu EJAKAIT Ekonideke kijulak ekenit araun arereŋ kamakon, naarai abu EJAKAIT Ekonideke komina jo. Sirikimo ainapakinikec karaida akerianutukec apaarasiakon kere ikar kere. “Sirikila Edomait; naarai erai onacekon: sirikila Emisiriat; naarai ibu korai emoit kakwapuke. Elomarete idwekec luka atur kanakiwuniet atukot naka EJAKAIT. “Nailomaria koidukurun aitiji lukasurupokon, igitari ijo koboro kere lueroko, “Arai kejaun etuŋanan mamakus lomam elai kanuka airujasit naka akuare, elomari ŋol ŋina kiidukurun, mam elomuni oidukurun: Konye ejaun, kewar akwap, iloŋi ŋesi kakip: kosodi keloma akoloŋ, elomuni oidukurun. “Jjaenena da kaibois kiŋa kiidukurun nailomanari aikiŋan: Jjaenena kabasaŋ oborokon lujiis; kosodi naijorio ijo kokitui, iboki ber kabasaŋakon, kosodi aibelokin anukakin ŋun nuelomunete kotomakon: Naarai eupasi EJAKAIT Ekonideke kiidukurunukon, ayuun jo, aijaikin jo lukasurupokon; kanuka ŋun ŋes eraunotor iidukurunukon lukalaunak: tetere mam ŋes eanyuni numam elaete kotomakon, kosodi anyoun kamakon. “Sirikinyaka neejai papake ebulesit loesiit kaneejai papake abunore mamakon: Iboienenei kajo, kamakon, kaibois naeseuni kotoma ediopet koreriakon, loekot ŋesi noi: sirikiroik ŋes. “Sirikejaun naadote kotoma adwe nuka Isirael, karaida luitepete ikiliok kotoma odwe luka Isirael. Sirikiyaŋau eropit loka naadote, karaida eropit loka ekiŋok, togo loka EJAKAIT Ekonideke kanuka adioyaposit kere: naarai ŋul kere eraas luketal mama ejai EJAKAIT Ekonideke. “Sirikiyuu onacekon kanuka adumunia ameda; ameda naka apesan, ameda naka inyamat, ameda naka ŋinibore yeniyuunia kanuka ameda: Ipedori ayuun emoit kanuka ameda: konye sirikiyuu onacekon kanuka adumunia ameda: tetere kisirereŋi jo EJAKAIT Ekonideke kakirokon kere nuiswamai, kotoma akwap nailosi airum. “Naiyapoikinio ijo EJAKAIT Ekonideke aiyaposit, sirikitilor aitodol: naarai abeit iburai EJAKAIT Ekonideke jo ŋin; eraun da adiakaret mamakon. Konye arai kiŋer aiyapo, mam eraun aronis kamakon. Idari aiswamaenen ŋin naelomuni kaitukukon; kwape ejaatar nuiyapok EJAKAIT Ekonideke, ainakinet nakakote, naisumunit kaitukukon, “Nailomaria amana naka emusabibu naka eidunyetekon, ipedori ainyam araitoke kwape ikotor; konye sirikibwaik adioda oborekon. Nailomaria akima nuka eidunyetekon, ipedori aigitunun akima kakanikon; konye sirikisak kecilikiki akima nuka eidunyetekon. “Naeyaŋaaria etuŋanan aberu aimany, kosodi arai mam edumunit aminunio kakonyeneke, naarai edumunit ŋesi akirot naka ileic kamake, iwadikakini ŋes ebalua loka aireŋear, kititiŋ ŋes, kosodi aireŋear ŋes kotogoke. Kenyou ŋin kotogoke, epedori alosit adukokin etuŋanan ece. Arai kela ŋes okilenike lokiareit, kosodi aiwadikakin ŋes ebalua loka aireŋear, kititiŋ ŋes, kosodi aireŋear kotogoke; arai da ketwana okilenike lokiareit loamanyit ŋes; Okilenike losodit loereŋeari ŋes, mam emanyi ŋes bobo, naarai amunaun; naarai erai akirot ŋin naketal kakonyen nuka EJAKAIT: sirikitidiaka akwap nakiinakinit EJAKAIT Ekonideke airum. “Naemanyia etuŋanan ateran, mam elomari kajore, karaida ainakinio adioswam kere; esalakini ore ekaru ediopet, aitalakar aberuke naamany. “Mam ituŋanan eyai akaŋas arai atapen araun aititiŋet: naarai eyait aijar naka ituŋanan araun aititiŋet. “Arai kikamun etuŋanan ekokoi idiokoinacanake luka idwe luka Isirael, kikonak ŋes bala ebulesit, arai agwelar ŋes; eario do ekokolan ŋol: ilemari kwaŋin aronis kamakon. “Kocoito adeka naka atapon, koric kojokan aswam kere nukisisianakinete yes isasedotin Ilebin: kwape ecorakinia eoŋ kes, iricete yesi aswam kwaŋin. Kiitutu nuabu EJAKAIT Ekusideke kiswamak Miriam korot ipote yesi koMisiri. “Naiyuunia eidunyetekon idiobore, sirikiloma togoke aomare aititineteke. Ibwoi kokina eyaŋauni etuŋanan loiyuunit ijo kiborekon aititiŋet kina neijai ijo, Arai erai ŋesi lokican, mam iperio aititineteke: Inyakakini ŋes aititiŋet keloma akoloŋ, tetere eperi anapitoke, kilipakin jo arereŋ: eraun adolit kamakon kakonyen nuka EJAKAIT Ekonideke. “Sirikiroik ekejaanakinan loeropio loicana loilwaritoi, arai erai loka iinacanakon, arai loka imo luejaas akwapukon oreriakon: Kapaaranike iinakini ŋes eropitike, eriŋa akoloŋ kelomara; naarai icana ŋesi, ipuda eketau: kinyek amonyia jo kama ejai EJAKAIT, koraun adiakaret kamakon. “Mam lukapapa eario kanuka adiakaret naka idwe, karaida idwe aario kanuka adiakaret naka lukapapa: eario ŋinituŋanan kanuka adiakareteke. “Sirikibelok etube loka imoit, karaida loka ikoki, karaida ayaŋaar inapen luka apuserut aitaraun aititiŋet: Konye kiituni ebe irai kolo ebulesit koMisiri, kolaku EJAKAIT Ekonideke jo kaŋina: kanuka ŋun kecorakinit jo aiswamaenen akirot ŋin, “Naisakia emanikorikon, kimurwok eisuta komanikor, sirikiboŋo aomare: eraun loka imoit, ka ikoki, ka apuserut: tetere kisirereŋi jo EJAKAIT Ekonideke kaswamisio kere nuka akaninikon. Naideŋio araito nuka ekitoikon loka eseitun, sirikinyogok bobo aide atenunake: eraunos ŋun nuka imoit, ka ikoki, ka apuserut, Naitukonokinia imusabibun luka emanikorikon loka emusabibu, sirikinyogok bobo: eraunos ŋul luka imoit, ka ikoki, ka apuserut. Iituni ebe irai kolo ebulesit kakwap nako Misiri: kanuka ŋun ŋes kecorakinia jo aiswamaenen ŋun. “Arai kejaun epeget otuŋa, kosodete aponare atubokinio, kotubokis ikatubok kes; itojokete kesi ikadoliton, itetelekarete ikaronon: Kosodi kanen, arai ibusakinit ikaronon aleio, iteperikini ekatubon ŋes, aleio kakonyeneke, kwape ajaar aronisike, kimarete. Epedori atubokin ŋes aleio ibelai akaisaoŋon, sirikedepa ŋul: arai kitedepa aile ŋes ibelai luipu adepar ŋul, esilior onacekon kakonyenekon, Sirikien aituk naka emoŋ arai ipudapudai aicom akima. Arai iboiete iinacan nepepe, kotwana ediopet, komamei ikoku yenisapat, mam aberu naka lokatwan edukokini eloŋwait: elomari onace loka okilenike mamake, irumi ŋes, aiswamakin ŋes nuibusakinito onace loka okilenike. Kosodi irumi ikiyai yenewuruuni ŋesi ekiror loka onaceke loatwana, kinyek ekekiror amwatar koIsirael. Arai mam etuŋanan ekoto airum aberu naka onaceke, elosi aberu naka onaceke orute mama ejaas imakio, etemari ebe, ‘Eŋerit onace loka okilenika aitoboŋikin onaceke ekiror koIsirael, mam keswamakinit eoŋ nuibusakinit onace loka okilenika.’ Enyaraunete do imakio luka ereke ŋes, inerakinos kaŋes: arai kebwo, kotema atiar, ‘Mam akoto airum ŋes.’ Ebuni aberu naka onaceke mamake kakonyen nuka imakio, elaeuni amukat kaje kakejuke, imuikini da aimul oreeteke; eboŋokini ŋesi ebe, ‘Iswamakinio kwaŋin etuŋanan lomam edukokinit onaceke etogo.’ Emaikinio ekekiror koIsirael, Etogo loka ŋol kaloelacaritai akemukat. “Arai eutas ituŋa iarei, kosodi aberu naka ediopet aikunyakin ayuun okilenike kakan naka ŋol loesenesenei ŋes, arior akekan, aitiŋ ŋes itouke: Itubori akekan, mam akonikoŋu itimi ŋes. “Siriejaas ocoekon imisanin luegelegela, loepol, ka loedit. Siriejaas togo aitemisio nuegelegela, naepol, ka naedit. Jjaunos jo kemisani loedolit lokabeit; ijaunos jo kaitemis naedolit nakabeit: tetere ipuaros akonipaarasia kakwap nakiinakinit jo EJAKAIT Ekonideke. Naarai ŋul kere luiswamaete akiro ŋun, kes luiswamaete numam edolito, eraas luketal mama ejai EJAKAIT Ekonideke. “Kiitu nuabu Amalek kiswamak jo korot ilomuni koMisiri; Kwape abu kiriamakinotor kajo korot, kodany lukon lukokau, kere luakalanyaka luajaas kaukon, iiloro ijo, kopasite da; mam ŋes abu koyoŋ Edeke. Kanuka ŋun, kiinak EJAKAIT Ekonideke jo aiyeŋun kama ejaas lukasurupokon lukilukunito, kakwap nakiinakinit jo EJAKAIT Ekonideke araun airumet nairumi ijo, imwatari aiitunet naka Amalek kokwap kakuj; sirikiimurwok. “Kosodi rwaru, nailomaria akwap nakiinakini EJAKAIT Ekonideke araun airumet, irumi, iboikin nen: Ilemuni nugeet nuka araito kere nuka alup, nuidwenyi kakwapukon nukiinakini EJAKAIT Ekonideke; kipikak odita kolot aibois naeseuni EJAKAIT Ekonideke aisiboikin ekekiror. Ido ilosi mama ejai esasedoti loejai kapaarasia kaŋun, kolimok ebe, ‘Alimo eoŋ lolo EJAKAIT Ekonideke ebe alom akwap nakolo eyapoik EJAKAIT lukapapaawok ainakin oni.’ Elemuni da esasedoti edita kakanikon, kipikak kiŋaren ketem loka EJAKAIT Ekonideke. “Iboŋokini ijo da kakonyen nuka EJAKAIT Ekonideke kinera atiar,, Esiriat loaapikinit aolior ŋes arai papaka, abu kijesar Misiri, kiboiororoi kaŋina, koraas luekidioko; koluor kaŋina ateker naepol, nakagogoŋon, naelal. Kiswamakis Imisirian sio erono, kiticanata, kipikakis obulesene loalaŋir; Keworoto EJAKAIT, Edeke loka lukapapaakosi, kiira EJAKAIT ekosiporoto, koany akositicanio, ka aitaaritoikos, ka areuniokos. Kitonyou EJAKAIT sio koMisiri kakan nakagogoŋ ka akan naerioro, ka etasuro loepol, ka aanyuneta, ka nukaumokin: Kitolom aibois na, koinak akwap na, akwap naeleleete akile ka esik. Kwana da, koany, ayaunit nugeet nuka araito nuka alup, nukiinak ijo eoŋ, wu EJAKAIT.’ Ido ipikakini kwap kakonyen nuka EJAKAIT Ekonideke, koma EJAKAIT Ekonideke: Isiyalamikini nukajokak kere nukiinak EJAKAIT Ekonideke, ka ekonikek, ijo ka Elebit, ka imoit yenejai orekon. “Naidaununia alemunun yenikitomonet yenika akerianutukon kere kokaru lokiuniet, ŋes ekaru loelemenenere yenikitomonet, kosodi iinakini Elebit, ka imoit, ka ikoki, ka apuserut, konyamakis oruteikon, kimonikinos; Kinerenena da kakonyen nuka EJAKAIT Ekonideke atiar, ‘Alem iboro lukitalaunio kotogoka, ido ainak Elebit, ka imoit, ka ikoki, ka apuserut kwape ejaar akoniicorakinet kere nakicorakinit; mam adiakarit adiopet kakoniicorakineta, kwabo mam kemurwokinito: Mam anyamit kes aroko ajai akuudianaka, kwabo mam eŋadakinit komam alai, kwabo mam ainakinit kanuka lukatwak. Abu keira eporoto loka EJAKAIT Ekadeke, eswama kere kwape kolo kecorakinia. Kosesen ijai aiboisikon nakalaunan, kotoma akuj, kisirereŋ ikonituŋa Isirael, ka alup nukiinak, kwape kolo kiyapoikinio lukapapaakosi, akwap naeleleete akile ka esik.’ “Kicorakini lolo jo EJAKAIT Ekonideke aiswamaenen ikisila ŋul ka itubesia; aso koricenenei aswam kekonitau kere ka akoniijar kere. Ilimo lolo EJAKAIT araun Ekonideke, ido ilosenenei korotinike; iricenenei ikekisila ka akeicorakineta ka iketubesia, iiranari ekeporoto: Ido kilimo lolo EJAKAIT jo araut ituŋa luseuna luke obe, kwape kiisumunio, ido koricenenei akeicorakineta kere; Ido kitopoloo jo aitelekarit atekerin kere nukolo kesubi, kotoma aiturit, kotoma okiror, ido kotoma aibuses; tetere iraunos ituŋa lukalaunak kama ejai EJAKAIT Ekusideke, kwape kinerar.” Kicorakis Musa ka imakio luka Isirael ituŋa ebe, “Koricito aicorakineta kere nukecorak yes lolo. Kosodi kapaaran naidokiata Yorodan alosit akwap nakiinakinit jo EJAKAIT Ekonideke, isipokini ijo amor nuepolok, iladakini kes asiŋe; iwadikakini kes akiro kere nuka ekisil kalo, kidoka juwai; tetere ilomari akwap nakiinakinit jo EJAKAIT Ekonideke, akwap naeleleete akile ka esik, kwape kisumunio EJAKAIT Edeke loka lukapapaakon jo. Kosodi naidokiata Yorodan, isipokinete amor ŋun, nukecorakini yes lolo, moru Ebal, iladakinete kes asiŋe. Idukokini EJAKAIT Ekonideke etem nen, etem loka amor: sirikike kes kasuat, Iduki etem loka EJAKAIT Ekonideke kamor numam ikeitai: iinakini EJAKAIT Ekonideke ainakineta nuicweio kanen: Iinakini da asuban nuka ainapakin, inyamakini nen; ilakari ijo kakonyen nuka EJAKAIT Ekonideke. Iwadikakini akiro kere nuka ikisila kalu amor ŋun kideleleete teniten.” Apotu Musa ka isasedotin Ilebin kotemasi Isirael kere atiar, “Kililiŋ, kopup, ijo Isirael; iraunos lolo yesi ituŋa luka EJAKAIT Ekusideke. Ŋes do irimaria eporoto loka EJAKAIT Ekonideke, aiswamaenen aicorakinetake ka ikisilake lukecorakini jo lolo,” Kicorak Musa ituŋa kapaaran ŋipeŋin, ebe, “Lu kes ebwoete komoru Gerisim, ailipakin ituŋa arereŋ, kidokata Yorodan; Simeon ka Lebi, ka Yuda, ka Isakar, ka Yosep ka Benyamin: Lu kes ebwoete komoru Ebal kanuka ekenit; Reuben, ka Gad ka Aser, ka Sebulun, ka Dan ka Naputali. Eboŋokinete Ilebin ituŋa kere luka Isirael keporoto kaloepol, ebe, “Kikenoi etuŋanan loiswamauni aput naegerer arai nacaluna, naketal mama ejai EJAKAIT, aswam naka akanin nuka etuŋanan kaloepiiriana, asipokin kaiyeiyea.’ Eboŋokinete ituŋa kere ebe, ‘Amen.’ “Kikenoi yenemwaŋit papake arai totoke.’ Eboŋokinete ituŋa kere ebe, ‘Amen.’ “Kikenoi ŋol loisukunyikini eikor loka eidunycteke.’ Eboŋokinete ituŋa kere ebe, “Amen.’ “Kikenoi ŋin yenitapaari emuduk korot.’ Eboŋokinete ituŋa kere ebe, ‘Amen.’ “Kikenoi ŋol loibelokini etube kaneejai imoit, ikoki, ka apuserut.’ Eoonokinete ituŋa kere ebe, ‘Amen.’ “Kikenoi ŋol loeperete kaberu naka papake; naarai apuko anapito nakaŋabet naka papake.’ Eboŋokinete ituŋa kere ebe, ‘Amen.’ “‘Kikenoi ŋol loeperete kitiaŋ kere.’ Eboŋokinete ituŋa kere ebe, ‘Amen.’ “Kikenoi ŋol loeperete kinacike, akoku naka papake, arai akoku naka totoke.’ Eboŋokinete ituŋa kere ebe, ‘Amen.’ “Kikenoi ŋol loeperete kaamuranike.’ Eboŋokinete ituŋa kere ebe, ‘Amen.’ “‘Kikenoi ŋooinomi eidunyeteke kaiyeiyea.’ Eboŋokinete ituŋa kere ebe, ‘Amen.’ “‘Kikenoi ŋol loeropio kanuka aiar ituŋanan yenimam akirot.’ Eboŋokinete ituŋa kere ebe, ‘Amen.’ “‘Kikenoi ŋin yenimam itogogoŋi aitodol ikisila ŋul aiswamaenen.’ Eboŋokinete ituŋa kere ebe, ‘Amen.’ “Kosodi kanen arai kipup ijo kojokan eporoto loka EJAKAIT Ekonideke airic aiswamaenen aicorakinetake kere nukecorak jo lolo, kitopoloori EJAKAIT Ekonideke jo adepar atekerin kere nuka akwap: Epote da arereŋesio nu kere mamakon, kidolokinete jo, arai kipup ijo eporoto loka EJAKAIT Ekonideke. Kisirereŋio jo kore, kisirereŋio da komanikor. Isirereŋio aur naka akonikuan, ka araito nuka alupokon, ka aur naka ibarenikon, eiyas loka aitukukon ka ludidik luka esipanikon. Isirereŋio editakon ka amotikon nakigures. Isirereŋio nailomununia, kisirereŋio da nailomanaria. “Edanyi EJAKAIT lukasurupokon lukinyoikinete jo kakonyenekon: elomunete asurokin jo korot ediopet, ekerete kakonyenekon korotin ikanykaarei, Icorakini EJAKAIT arereŋ odulaakon, ka aswamisiokon kere nuiswamaenenei; kisirereŋi ŋesi jo kakwap nakiinakinit EJAKAIT Ekonideke. Kiticasi EJAKAIT yes araun ituŋake lukalaunak kwape kiyapoikinio yes; arai iricito yesi aicorakineta nuka EJAKAIT Ekusideke alosenen korotinike. Eanyunete ituŋa kere luka akwap ebe kimaikinitai ekiror loka EJAKAIT; kiyoŋete jo. Itupui EJAKAIT ajokisiokon, kaur naka akuanakon, aur da naka ibarenikon, araito da nuka alupokon, kakwap naabu EJAKAIT kiyapoik lukapapaakon ainakin jo. Kiŋaikini EJAKAIT jo aiŋadisike naejok ainakin akwapukon akiru kapakike, aisirereŋ aswam kere naka akonikan: iyuununei atekerin nuipu, konye mam jo iyuun kamakec. Kiinakini EJAKAIT ijo araun ekaliŋan konye mere ekerikakinan; ijaun ijo kuju bon, mam ijaun kwap; arai kipup ijo aicorakineta nuka EJAKAIT Ekonideke, nukecorak ijo lolo airic aiswamaenen; Komam ipaari ainyein adio kakiro nukecorak yes lolo, apaar teten arai kediany, atupar icedekesio aijaanakin kes. “Konye kereka, arai mam jo ipupuni eporoto loka EJAKAIT Ekonideke airic aiswamaenen aicorakinetake kere ka ikisilake nukecorak jo lolo; kibunokinete jo ikenito lu kere, kidolokinete da. Kikenio jo kore, kikenio jo komanikor. Ikenio editakon ka amotikon nakigures. Ikenio aur naka akuanakon, ka araito nuka alupokon, eiyas loka aitukukon, ka ludidik luka esipanikon. Kikenio jo nailomununia, kikenio da nailomanaria. “Kijukakini EJAKAIT jo iken, aiticaneta, ka airetakin kotoma aswamisiokon kere, aitodol nakimudiarere jo, aitodol da naiolioro ijo atipet; kanuka aronis naka aswamisiokon, nukijalia ijo eoŋ. Kitulanari EJAKAIT jo aitodol nakimudiaria jo kakwap nailomari airum. Kidanyi EJAKAIT jo keluera, ka ekamidi, ka abuun, ka amwanis naepol, ka ekileŋ, ka ekure, ka airouroun; kibwapete jo aitodol naiolioro. Akujukon da naejai kuju akoukon eraun aisinit, ka alup nuejaas kwapukon eraunos asuat. ltuluori EJAKAIT akiru naka akwapukon apua ka asiŋei: kibunokinete jo kokuju, aitodol nakimudiarere jo. “Kidanyi EJAKAIT jo kakonyen nuka lukasurupokon: ilomari korot ediopet asurokin kes, ikeri korotin ikanykaarei kakonyenekec: iraun etasuro kama ejaas ajakanuto kere nuka akwap. Eraun atesikon akiriŋ naka akweny kere, ka itiaŋ luka akwap, emamuun yenetwarari kes. Kitedeki EJAKAIT jo abusio nuka Misiri, ka ajimii, ka ijip, ka aipii, numam ipedori aŋaleun. Kitedeki EJAKAIT jo ikerep, ka amudukanut, ka arieŋun naka etau: Ituriaitoi paaran, kwape eturiaitor emuduk kamuton, komam ikerianar koponesiokon: kiroikinio kiŋasio jo duc, emamuun yenikitajari jo, Isineri ijo apese, konye eperete ecetuŋanan kaŋes: iduki ijo etogo, konye mam iboikini toma: irai emanikor loka emusabibu, konye mam inyami araitoke. Eario emoŋokon kakonyenekon, konye mam jo inyami ŋes: kidemario asigiriakon kakonyenekon kadeden, konye mam kinyakakinio: einakinio lukasurupokon amerekekinikon, emamuun yenikitajari jo, Ekorakinio icetuŋa ikonidwe lusap ka lupesur kosesenete akonikonye, konye itegete kanuka aimuit kes apaaran kere: ido kimamikinete jo nuipedori aswam. Enyami ateker namam jo ijeni araito nuka alupokon, ka aitaaritoikon; konye kiroikinio jo kicikakinitete duc: Kikerepikini ijo kanuka nueanyunete akonikonye. Ibwaikini EJAKAIT abusio nueroko noi: akuŋinikon, ka akejenekon, numam ipedori aŋaleun, ageun kotau loka akejukon kiton osiaduk loka akoukon. “Kiyaŋaari EJAKAIT jo, ka ekabakakon loidakakini ayait jo, mama ejai ateker namam jo ijeni, ijo ka lukapapaakon, ijaanakini kaŋina idekesio ice akito ka amor. Iraun aumokinet, ka awarag, ka ikienis kotuŋa kere lukireŋeikini EJAKAIT jo. Iyei ikinyom luipu omanikor, konye isakun idis; naarai enyami emaase kes. Irai amanat nuka emusabibu icapi kes konye mam imasi ebino, karaida aideŋ araito; naarai enyami ekurut kes Ejaunos iseitunin oikorunokon kere, konye mam inyonyoikin akinyetekec naarai edounenete araito nuka eseitunikon. Iwurie idwe lusap ka lupesur konye mam eraunos lukon; naarai eŋatario. Enyamiari emaase ikitokon kere ka araito nuka alupokon. Iyatanakini emoit loejai mamakon adokari kuju adepar jo; iyatanakini ijo aidoor kwap. Kiyuununei ŋes jo, konye mam jo iyuuni ŋes: eraun ŋesi ekaliŋan, ka jo da ekerikakinan Kibunokinete jo ikenito ŋul kere, kibwapete jo, kidolokinete jo, aitodol nakimudiarere jo; naarai mam ibu kopup eporoto loka EJAKAIT Ekonideke airic aicorakinetake ka ikisilake luabu kicorak jo: Eraunos kaneijai ijo aanyunet ka aumokinet, kaneejai aurikon da ikar kere. “Naarai mam ijaanakinit EJAKAIT Ekonideke kailel, kaiyalama naka etau, kanuka aidiles naka iboro kere: Kanuka ŋun ijaanakini ijo lukasurupokon luijukuni EJAKAIT asurokin jo, koriebi eteŋei, kojakite akur kimujalal, kipuda iboro kere: idokokini ajookot naka asuat omurisinikon aitodol nakimudiaria joo Eyaŋauni EJAKAIT ateker kama elwana asurokin jo, anyoun kosaŋe loka akwap, kwape eporitor emorukaalet, ateker namam jo ijenuni akeŋajep. Ateker naededeŋ akekonyen, namam epod imakio karaida aitim ludidik: Enyami aur naka ibarenikon, ka araito nuka alupokon, aitodol nakimudiarere: mam ŋes kinyeinia jo akima, arai ebino arai akinyet, arai eiyas loka aitukukon, karaida ludidik luka esipanikon aitodol nakimudiaria jo. Kirigauni jo koruteikon kere, aitodol naetiyaikinotor arwatatinikon nueojak nuebwaitai, nuibu komuno, anatar akwapukon kere: kirigauni jo koruteikon kere nakiinak EJAKAIT Ekonideke jo. Inyami ijo aur naka akonikuan, akiriŋ naka idwekon lusap ka lupesur lukiinak EJAKAIT Ekonideke jo; kirigaunitete, kicikakinitete, kanekicikakinete lukasurupokon jo. Etuŋanan loenonok kotomakus, loijamamai eraun loitei onaceke kakoŋu naerono, ka aberu naka atorobuke, ka Iuideun: kodweke luideikina ŋes: Komam einakini idio kakesi akiriŋ naka idweke luenyami ŋesi, naarai emamei yenideikina ŋes; kirigaunitete, kicikakinitete kanekicikakinete lukasurupokon jo koruteikon kere. Aberu naenonok naijamamai kotomakus, namam tiketamaki aicakakin akekeju alup kanuka aijamamake ka anonokuke, itei ŋesi okilenike loka atorobuke, ka okokuke ka akokuke kakoŋu naerono; Ka aŋasiepeke naelomuni kakejeke, ka ikedwe lueuruuni; naarai enyami kes kaiyeiyea kanuka eipud iboro kere: kirigaunitete, kicikakinitete, kanekicikakinete lukasurupokon jo koruteikon “Arai mam irici aitodol akiro kere nuka ikisila lu luiwadikatai oitabo lo tetere iyoŋi ekiror lo lokaibuses loeyoŋitai, EJAKAIT Ekonideke; Kijukakini EJAKAIT jo aiticaneta nukaumokin, ka aiticaneta nuka akoniwur, aiticaneta nukos, nuedaunete apak naepol, ka adekesia nueroko noi, nuedaunete apak naepol. Kiinuni bobo jo adekesia kere nuko Misiri, nuibu koyoŋ; kidoŋete jo. Ŋinideka da, ka ŋiniiticanet, namam iwadikatai oitabo loka ikisila kalu, kiinuni EJAKAIT jo kes, aitodol nakimudiarere jo. Isalete yesi ikidioko, kwabo iraas kolo yesi kwape aacer nuka akuj kanuka aipues; naarai mam ipotu kopupoto eporoto loka EJAKAIT Ekusideke. Kosodi kanen, kwape esiyalamikinitor EJAKAIT aiswamakin yes nukajokak, ka aitupuu yes; isiyalamikini kwaŋin EJAKAIT aitoolior yes, ka amudiar yes; kilemario do yes kakwap nailomarete airum. Kisiarakini EJAKAIT jo otuŋa kere, ageun kosaŋe ediopet loka akwap kiton osaŋe ece loka akwap; ijaanakini idekesio ice kaŋina, lumam lem ijenunit, ijo karaida lukapapaakon, kes akito ka amor. Mam jo idumuni aijamam kotoma atekerin ŋun, emameikini da akonikeju aibworar: konye ijaikini EJAKAIT jo kaŋina etau loemarani, ka akonye nuitegete, ka etau loitururwei: Ibuonokini noi kanuka aijarakon; ikurianari kuare ka paaran, mam imuno akoniijar: Itemari tupuruc ebe, ‘Tiejok arai kerai eboŋ!’ Eboŋ da itemari ebe, ‘Tiejok arai kerai tupuruc!’ kanuka akurian naka etaukon naikurianaror, ido kanuka nueanyunete akonikonye. Kinyakari EJAKAIT jo Misiri kameerin, korot loabu kalimok jo ebe, ‘Mam bobo ianyuni ŋes’; igwelanaros kaŋina mama ejaas lukasurupokus araun ibulesin ka abulesin, konye emameun ituŋanan yenikigweli yes.” Ŋun kes akiro nuka aitutuket naceorakini EJAKAIT Musa aitutuk ka idwe luka Isirael, kakwap naka Moab, kogelara aitutuket naetutukete ŋesi kakes koKoreb. Konyarau Musa Isirael kere kotema kes atiar, “Ianyut kere nueswamak EJAKAIT Parao, ka ikekejaanakinak kere, ka akwapuke kere, kakonyenekus kakwap nako Misiri; Aigimoreta nuepolok nuapotu akonikonye koanyut, aanyuneta da, ka nukaumokin ŋun nukos: Konye mam EJAKAIT kiinakinit yes etau loejenuni, ka akonye nuesesenete, ka aki nuepupete, kiton lolo. Keŋarenik yes ikar akaisaoŋon kamodiŋ: mam ikusinapen emojonito, akusimuka da mam emojoŋito. Mam inyamito atap, karaida aimat ebino arai nuitemerete: tetere ijenunete ebe arai eoŋ EJAKAIT Ekusideke. Ido naidolunioto aibois na, apotu Sikon ekabaka loka Kesibon, ka Og ekabaka loka Basan, kolomut asurokin oni, kipou oni kadanyata kes: Kipou kayaŋaasi akecekwap, kainakis araun airumet naka Ireubenin, ka Igadin, ka atutubet naka ateker naka Imanasin. Kanuka ŋun kidarata akiro nuka aitutuket kana, kiswamaenenete, tetere ikeriakaros kaswamisiokus kere. “Ibwoete yesi kere lolo kakonyen nuka EJAKAIT Ekusideke; ikapolokokus, atekerinikus, imakiokus, ka ijakakus, ituŋa kere luka Isirael, Ludidikikus, ka aŋorokus, ka imokus luejaas oidukurunukus, ageun ka ekebetan akitokus, kiton ekeriton akipikus: Tetere ilomarete aitutuket naka EJAKAIT Ekusideke, aiyapositike da, naitutukinit EJAKAIT Ekusideke kayes lolo: Tetere kiticasi yes lolo araun iketuŋa obe, koraun ŋesi Edekekus, kwape abu kolimokinia yes, kwape da eyapoikinio lukapapaakus, Aburaam, Isaak, ka Yakob. Mere yes bonik kitutukio eoŋ aitutuket na ka aiyaposit na: Konye ka ŋin yenebwoi kane lolo kaoni kakonyen nuka EJAKAIT Ewokodeke, ka ŋin da yenemamei lolo kane kaoni. “Naarai ijenete kwape kipou keboikinotor akwap nako Misiri; kwape da kitorio atekerin nuipotu kitoroto; Ipotu koanyut nuka italesiakec, ka aputosiakec, akito ka amor, epuesa ka esabu, nuajaas mamakec. Kinyek ajaun mamakus etuŋanan, arai aberu, arai ekek, arai atekeu, naepaari eketar lolo ainyein EJAKAIT Ewokodeke, alosit aijaanakin idekesio luka atekerin kaŋun; kinyek ajaun mamakus aliasit naerai epiu ka adwaris. Kosod: kanen kepupu akiro nuka aiyaposit kana, kikemerik kotauke ebe, ‘Enapakin, karaida katupit aninik naka ekatau,’ amudiar luepalal ka lueokito. Mam EJAKAIT isionie ŋes, konye epuruuni anyunyura naka EJAKAIT ka ekoloke aluikin ituŋanan ŋin, ebunokini ŋes ikenito kere luiwadikatai oitabo lo, emwatari da EJAKAIT ekekiror kokwap kakuj. Egitari EJAKAIT ŋes neejai aronis katekerin kere nuka Isirael, kwape ejaatar ikenito kere luka aitutuket naiwadikatai oitabo lo loka ikisila. Etemari atur da naebuni, idwekus lukitupanakinete yes, ka imoit yenebuni kakwap naelwana, naeanyuniata aiticaneta nuka akwap kaŋin, ka adekesia nuetedek EJAKAIT ŋes; Ido akwap ŋin kere erai acukumasia, ka abalaŋ, ido naenoki, namam eyeio, karaida aira, karaida idionya apol kotoma, kwape amudiario naka Sodom ka Gomora, ka Aduma ka Seboim, nuamudiari EJAKAIT kanyunyurake, ka aisiopoke: Etemarete atekerin kere ebe, ‘Kanukinyo eswamakinia EJAKAIT akwap na kwaŋin? Anyoin bo apolou naka amwanis naka anyunyura kana naepol?’ Eboŋokinete do ituŋa ebe, ‘Naarai apotu kojalata aitutuket naka EJAKAIT, Edeke loka lukapapaakec, naetutukete ŋesi kakes naetolomunia kes kakwap nako Misiri; Kosodete alosit aijaanakin idekesio ice, komaata kes, idekesio lumam kes ajenete, lumam ŋes ainakinit kes. Ŋes do enepunia anyunyura naka EJAKAIT aluikin akwap na, ainun ŋes ikenito kere luiwadikatai oitabo lo: Abu EJAKAIT koruto kes kakwapukec kanyunyura, ka aisiop, ka akadakin naepol, kocaka kes akwap ace, kwape lolo.’ “Akiro nuka aiyeiyea eraas nuka EJAKAIT Ewokodeke, konye akiro nuepukoro eraas nuwok ka nuka iwokodwe ikar kere, tetere kiswamai akiro kere nuka ikisila kalu. “Kosodi kanen, nakibunokiniata jo akiro ŋun kere, arereŋ ka ekenit, nuebwaik akonyenekon, kosodi ijo akiitun katekerin kere, nukireŋeikini EJAKAIT Ekonideke jo. Kosodi aboŋun mama ejai EJAKAIT Ekonideke; arimar ekeporoto kwape ejaatar kere nukecorak ijo lolo, ijo ka idwekon, ketaukon kere, ka aijarakon kere; Ŋes do ibelokinio EJAKAIT Ekonideke aŋatariokon, kitimi jo, eboŋuni atukonokin jo kotuŋa kere, luabu EJAKAIT Ekonideke kisiarak jo mamakec. Arai kejaunos lukon luireŋearitai atutubeta nukokiŋa nuka akuj, kitukuni EJAKAIT Ekonideke jo kaŋina, kiwomuni ŋesi jo kaŋina: Kiyaŋauni EJAKAIT Ekonideke jo akwap naerumito lukapapaakon, irumi ijo da ŋes; kiswamakin jo nuejok, kitupui jo adepar lukapapaakon. Ekepi EJAKAIT Ekonideke ekonitau, ka etau loka aurikon, tetere iminenena EJAKAIT Ekonideke ketaukon kere, ka aijarakon kere, tetere ijari. Ibwaikini EJAKAIT Ekonideke ikenito lu kere mama ejaas lukasurupokon, ka ŋul da lukilaito, lukimanito jo. Iboŋuni, irimari eporoto loka EJAKAIT, aiswamaenen aicorakinetake kere nukecorak jo lolo. Kiinakini EJAKAIT Ekonideke jo akerianut kaswamisio kere nuka akanikon, ka aur naka akuanakon, ka aur naka ibarenikon, ka araito naka alupokon, kanuka ajokis: naarai isiyalamikini bobo EJAKAIT jo kanuka ajokis, kwape esiyalamikinia lukapapaakon. Arai kirima ijo eporoto loka EJAKAIT Ekonideke airic aicorakinetake ka ikisilake luiwadikatai oitabo lo loka ikisila; arai kibelokin neejai EJAKAIT Ekonideke ketaukon kere, ka aijarakon kere. “Naarai aicorakinet na nakecorak jo lolo mam kitionikini jo noi, mam da elwana. Mam ejai akuj, tikitema ebe, ‘Iŋai edokari kuju ainun sio, kosodi aisiirar sio, tetere kiswamai?’ Mam da ejai okekwa loka aŋolol tikitema ebe, ‘Iŋai ikwaŋar kaŋolol, ainun sio, kosodi aisiirar sio, tetere kiswamai?’ Konye eapie akirot noi kamakon, kaitukukon, kotaukon da, tetere iswamai. “Koany, ebwaik lolo akonyenekon aijar ka ajokis, atwanare ka aronis; Naarai kecorak jo lolo aminenena EJAKAIT Ekonideke, alosenen koponesioke, airic aicorakinetake, ka ikisilake ka itubesiake, tetere ijari, kouriar, tetere da kisirereŋi EJAKAIT Ekonideke jo kakwap nailomari airum. Konye arai kepaa ekonitau, komam ipupuni, konye kijodijodoor aima idekesio ice, aijaanakin da kes; Kalimokinit yes lolo ebe abeit itwakete; mam akusipaarasia iyatakinos kakwap naidokarete airum kokekwa loka Yorodan. Anyaraunit akuj ka akwap araut akajenakakus lolo, ebe ebwaik akonyenekon aijar ka atwanare, arereŋ ka ekenit: aso do koseu aijar, tetere ijari, ijo ka aurikon: Kominenena EJAKAIT Ekonideke, korima ekeporoto, kimorikikinos kaŋes: naarai ŋes aijarakon, ka eiyas loka apaarasiakon: tetere iboikin akwap naabu EJAKAIT kiyapoik lukapapaakon, Aburaam, ka Isaak, ka Yakob, ainakin kes.” Kolot Musa kolimok Isirael kere akiro ŋun. Kotema kes atiar, “Arai eoŋ loka ikar akwatat ka akaisaarei lolo: mam bobo apedori alomar karaida alomun: katema da EJAKAIT eoŋ atiar, ‘Sirikidoka Yorodan lo.’ Kiŋarenikini EJAKAIT Ekonideke jo adokar; emudiari ŋesi atekerin nu kakonyenekon, irumi ijo kes: Yosua da, kiŋarenikini ŋesi yes adokar, kwape atemaria EJAKAIT. Iswamakini EJAKAIT kes kwape abu kiswamakinia Sikon ka Og, ikabakan luka Imorain, ka akwapukec; luabu ŋesi komudia. Kijaikini EJAKAIT yes kes, iswamakinete kes kwape ejaatar aicorakineta kere nukecorak yes. Kicat, kotitiŋior, sirikikurianar, karaida aiyaloŋoŋ kanukec: naarai EJAKAIT Ekonideke, ŋes elosi kajo, mam kitukurwori jo, karaida aijal.” Abu Musa konyarau Yosua, kotema ŋes kakonyen nuka Isirael kere atiar, “Kicat, kotitiŋior: naarai ilomari ijo kituna lu akwap naiyapoikinit EJAKAIT ainakin lukapapaakec; isurumi ijo kes akwap. EJAKAIT da, ŋes lokiŋarenikinit jo; ejaenena kajo, mam kitukurwori jo, karaida aijal: sirikikurianar karaida aiyaloŋoŋ.” Kiwadik Musa ikisila ŋul, kijaik isasedotin odwe luka Lebi, luadakenenete asaduku naka aitutuket naka EJAKAIT, kijaik da imakio luka Isirael. Kicorak Musa kes ebe, “Kosaŋe loka ŋulukar ikanykaarei, kapak naeseikinitai naka ekaru loka aosikin kopucit loka iswamin. Naitodiaror Isirael kere kakonyen nuka EJAKAIT Ekonideke kaibois naeseuni ŋesi, isiomakini ijo Isirael kere ikisila lu akikec. Kotukonok ituŋa, ikiliok ka aŋor ka ludidik, ka imoit yenejai orekon, tetere epupunete, isisiaunete da, ayoŋit EJAKAIT Ekusideke, airic aiswamaenen akiro kere nuka ikisila kalu; Tetere ikecedwe da lumam ejenunito epupunete, isisiaunete da ayoŋit EJAKAIT Ekusideke, apaarasia kere nuijariata kakwap naidokarete Yorodan airum.” Kotema EJAKAIT Musa atiar, “Koany, adolut apaarasiakon nukibusakinitor atwanare: konyarau Yosua, kobwaata kowema loka airiamunun, tetere ecorakini ŋes.” Koloto Musa ka Yosua, kobwaata kowema loka airiamunun. Kotakan EJAKAIT kotoma Owema kopir loka edou: kobwo epir loka edou kokek loka Ewema. Kotema EJAKAIT Musa atiar, “Koany, ijotoori ijo ka lukapapaakon; enyounete ituŋa lu, alosit eporo neejaas idekesio lumo luka akwap naelosete kesi ajaun mamakec, kajalete eoŋ, ebilete da aitutuketeka naetutuk kakes. Kosodi akanyunyura ainepun asurokin kes kapaaran kaŋin, ajali eoŋ kes, ebwai da ekareet kamakec, emudiario kes, ebunokinete kes nueroko nuipu ka ican da luipu; etemarete do kapaaran kaŋin ebe, ‘Mere kibunokis oni aronisio nu kanu naarai emamei Edekewok kamawok?’ Abeit ebwai ekareet kapaaran kaŋin kanuka aronisio kere nuiswamaete, naarai atupasi idekesio ice. Aso do kiwadikata ekosio lo, kisisianak ijo idwe luka Isirael: kibwaik aitukekec, tetere eraun ekosio lo ekajenanika kama ejaas idwe luka Isirael. Naarai naetolomaria eoŋ kes akwap naabu keyapoik lukapapaakec, naeleleete akile ka esik: kosodete ainyam kimonikinos, kotumata; kosodete kesi atupar idekesio ice aijaanakin kes, kamwaŋata eoŋ, kobilata da akaitutuket. Kosodi kanen, naebunokiniata kes aronisio nuipu ka ican luipu, itejenuni ekosio lo kes kwape ekajenan; naarai mam imurwokini aituke nuka aurikec: naarai ajeni aitetemonorikec nakotau naejai kwape kwana, eroko eoŋ kitolomara kes akwap naeyapoikinit.” Kwaŋin kiwadik Musa ekosio lo apaaran ŋipeŋin, kisisianak idwe luka Isirael. Kicorak ŋesi Yosua okoku loka Nun ebe, “Kicat, kotitiŋior: naarai itolomari ijo idwe luka Isirael akwap naabu keyapoik kes: ajaenena eoŋ kajo.” Kosodi kanen keŋetaki Musa aiwadik akiro nuka ikisila kalu oitabo, aitodol neadaunotor. Kicorak Musa Ilebin, luadakenenete asaduku naka aitutuket naka EJAKAIT ebe, “Koyaŋaasi eitabo lo loka ikisila, kibwaikis osiep loka asaduku naka aitutuket naka EJAKAIT Ekusideke, tetere ejaun nen araun ekajenanikus. Naarai ajeni epalikon ka aninik naka emurisiŋikon: koany, aroko eoŋ ajari kayes lolo ipalionokis EJAKAIT; ido konyet katwana eoŋ iyatanakinete biai? Kotukokisi imakio kere luka atekerinikus, ka ijakakus, tetere alimokini akiro nu akikec, kanyarau da akuj ka akwap araun akajenakakec. Naarai ajeni ebe katwana eoŋ imunaunos yesi cut, ipaarete ainyein erot lokecorak yes; kidoikini yes aronis kapaarasia nuepote; naarai iswamaete nueroko kakonyen nuka EJAKAIT aitunyunyurikin ŋes kaswamisio nuka akaninikus.” Kolimok Musa ekodet kere loka Isirael akiro kere nuka ekosio kalo aitodol naaŋetakinotor. “Kitoik akit, ijo akuj, kener; Akwap da kopup akiro nuka aitukuka: Edouni aisisianakinika kwape kakiru, Ijililiun einerika kwape kakopyo; Kwape kakiru naedit naetepakini amelo, Kwape kelimilim loilimilimi okui. Naarai alimori eoŋ ekiror loka EJAKAIT: Kitopoloosi yesi Ewokodeke! “Atiiba, edolit aswamuke; Naarai eraas irotinike kere etube. Edeke lomunot loemameete numam adolit, Erai ŋesi lokabeit ido loedolit. Amunaunos kamake, mam eraas idweke, Aŋwalata; Erai atur naepaarit namagul da. Ikwaikinete kereka yesi EJAKAIT kwaŋin, Yes ituŋa lubaŋiok ka lumam acoa? Mere ŋesi papakon lokidumunit jo? Kisub jo kiticat da. Kiitu apaarasia nukolo ŋo kasonya, Koomoom nuka ikar luka aturio nuipu: Kiŋit papakon, kitodikini ŋesi jo; Imakiokon da, kilimokinete jo. Naeinakinia Loejai kuju kakuj atekerin airumetekec, Naatiakia idwe luka ituŋa, Abu kibwaik iikorun luka ituŋa Kwape ejaar etiai loka idwe luka Isirael. Naarai akorakinet naka EJAKAIT ŋes iketuŋa; Yakob ŋes eroet loka airumeteke. “Abu kodumak ŋes akwap nakamodiŋ, Amodiŋ naelapat naegatatar itiaŋ; Abu kirimo ŋes, koric ŋes, Kidar ŋes bala ecopot loka akoŋuke: Bala emorukaalet loitetemonokini lukokaike, Loeporitoi kaneejaas idweke, Abu korio akebebenoka, koyaŋa kes, Kodaka kes kabebenokake: EJAKAIT bon ŋes eŋarenikinit ŋes, Amamei edeke lomoit kaŋes. Kitodoka ŋes kaiboisio nuiceleleete nuka akwap, Konyam da amio naka emanikor; Koinak ŋes aijuju esik loalomuni katiiba, Ka akinyet naalomuni kamoru naegogoŋ; Akinyet naka aituk, ka akile nuka amerekekin, Ka asiepai nuka imerekekin ludidik, Ka imerekekin luka Basan, ka ikorwa, Ka akima nuturaŋ; Ibu komat ebino loka aokot nuka emusabibu. “Konye kotum Yesurun, kopetonor: Ibu kotum, koburior, kinutakin: Kosodi konyet aijal Edeke lokesubi ŋes, Komen Atiiba naka aitajarioke. Apotu kisurumata ŋes ekokote kanuka idekesio lumo, Kitunyunyurikisi da ŋes kitalesia. Apotu koinakis ajokin asuban, numam eraas Edeke, Koinakis asuban idekesio lumam lem ejenete, Lukitetiak luapote kokau, Lumam lem lukapapaakus eyoŋito. Mam iwomit nuka Atiiba nakiwuruuni jo, Kimurwok jo Edeke lokiwuruuni jo. “Koany EJAKAIT, kola kes, Kanuka aitunyunyurikin naka ikedwe lusap ka lupesur. Kotema atiar, ‘Ebwai ekareet kamakec, Aanyuni ejautene loka esaŋekec: Naarai eraas atur naepaarit, Idwe lumam eraas lumunon. Kesurumata ekokote kanuka yenimam erai Edeke; Ketunyunyurikis kanuka aamameakakec: Esurumi kes ekokote kanuka ŋul lumam eraas ateker; Etunyunyurikini kes kateker naebaŋaana, Naarai enepu akim kotoma anyunyuraka, Enoki kiton aipany nakokwap cut, Enyami akwap ka amioke, Icwei da apeteta nuka iroŋan. “Eculakini kes aronisio; Adaikini ikakojoi mamakec: Idokoraros kanuka eteŋei, Enomorio kes keimilia kaloesarani, Ka amudiario naedwar ria: Ejukakini kes ikel luka itiaŋ, Aisorit naka lueliatos luka apua, Eari ekileŋ kokiŋa, Ejaun etasuro agolai; Emudiari ekatumunan ka abekot, Yenenaki ka ituŋanan yenebwaŋunito akorwo. Abu katema atiar, “Tikesiarisiara kes neelwana, Tiketanan aiitununokec kotuŋa”: Kedim eoŋ aiyoŋ aitunyunyurikin naka lokasurup, Kinyeis lukasurupokec asabanakin, Kinyeis kesi atemar atiar, “Itopolooritai awokokan, Mere EJAKAIT eswamai nu kere.’” “Naarai eraas ateker naemamei ainerun, Emamei da aijen kotomakec. Arai keraas lukacoa, tikejenut ŋun, Tieomito nuka esaŋekec loebuni! Ikwaikini ai etuŋanan erukitor elukumit, Ka iarei da aiteker ilukumin itomon, Dimikito egwelarit Atiibakec kes, Dimi ijaikinit EJAKAIT kes? Naarai atiibakec mam eputos ka Atiibawok, Eraas lukasurupowok da ikatubok luka ŋun. Naarai emusabibukec erai emusabibu loka Sodom, Loka imanikoria luka Gomora: Ikecemusabibun eraas imusabibun luka epiu, Edwarak aibuŋetakec: Ekecebino ŋes aisorit naka imunwo lurwopopoete, Ka aisorit naededeŋ naka imusagan. Mam kereka ŋun eŋadakinitai mamakaŋ, Kipucuc kotoma aiŋadisiaka? Enyaijit ŋes lokan, ka etacit, Kapak naejurusiarotor akecekejen: Naarai aapu apaaran naka amudiariokec, Ido iwonyunete nuebunokinete kes. Naarai etubokini EJAKAIT iketuŋa, Iituni ikebulesin; Keanyu ebe alemar akecegogoŋ, Emamei da yenideuna yeneenitai arai yeneosikinitai. Etemari atiar, ‘Ai bo ejaas idekesiokec, Atiiba naamunosi kesi; Luanyamete asiepai nuka asubanakec, Luamasete ebino loka ainakinetekec namatat? Konyoutu kesi, kiŋarakis yes, Koraunos kesi amecisikus. “Aso do koany ebe, Eoŋ, Eoŋ obe, arai ŋopeŋol, Emamei edeke keoŋ: Aari, ido etajari; Emusuŋi, ido etaŋaleuni: Emamei idio da yenepedori ademari kakanika. Naarai ekiari akakan akuj, Ebe, Kwape ajaria ikar kere, Arai kepen ekileŋika loemwekimweki, Kosodi akakan aikod etube; Enyaŋi mama ejaas lukasurupoka, Ataci ŋul lukalaito eoŋ. Etemerikini ikojoika aokot, Enyami ekakileŋ akiriŋ; Kaokot nuka luearitai ka iŋatan, Ageun kakwes nuka itima lueojak luka lukasurupo.’ “Kolelata yesi atekerin, ka iketuŋa: Naarai inyaŋi aokot nuka ikekejaanakinak, Inyaŋi mama ejaas lukasurupoke, Itegeli kanuka akwapuke, kanuka iketuŋa da.” Kobu Musa kiner akiro kere nuka ekosio kaŋol kaki nuka ituŋa, ŋes ka Kosea okoku loka Nun. Kitanaŋ Musa einer akiro ŋun kere mama ejai Isirael kere: Kotema kes atiar, “Kibwaikisi itauonokus akiro kere nuketejen yes lolo; nuicorakinete yesi ikusidwe, airic aiswamaenen akiro kere nuka ikisila kalu. Naarai mam eraas akamameak kamakus; naarai erai aijarakus, kanuka ŋun iyatakinete yesi akusipaarasia kakwap naidokarete airum okekwa loka Yorodan.” Kotema EJAKAIT Musa kapaaran kaŋin ebe, “Kodoka ijo oroŋat lo Abarim, moru Nebo loejai akwap naka Moab, naitei Yeriko; koseseni akwap naka Kanaan, naainakinit idwe luka Isirael araun airumet: Kotwanik moru loidokari ijo, koyanaar mama ejaas ikonituŋa; kwape atwanikinia onaeekon Aaron moru Kor, koyaŋaarai mama ejaas iketuŋa: Naarai ipotu kibuceasi kama ajai kokidiŋ kidwe luka Isirael kakipi nuka Meriba naka Kades, kamodiŋ naka Sin; naarai mam ipotu kitalaut eoŋ kokidiŋ kidwe luka Isirael. Naarai ianyuni akwap kakonyenekon; konye mam ilomari akwap naainakinit idwe luka Isirael.” Na ŋes arereŋ naabu Musa etuŋanan loka Edeke kilipak Isirael eriŋa ŋes ketwana, Kotema atiar, “Abu EJAKAIT kobu koSinai, Kocaik kes koSeir; Koca komoru Paran, Kolom kolukumin itomon luka ikalaunak: Kakekan nakoteten ajai ekisil loka akim mamakec. Eebo, emin ituŋa; Ejaas ikalaunakake kere akonikan: Apotu kiboikinos akejekon; Jjaikinio ŋinituŋanan akonikiro. Abu Musa kicorak oni ekisil, Airumet naka ekodet loka Yakob. Arai ŋesi ekabaka koYesurun, Naatukonokinere ikapolok luka ituŋa, Atekerin kere nuka Isirael. “Kojar Reuben, komam etwani; Konye kikidiokoto iketuŋa.” Na ŋes arereŋ naka Yuda: kotema atiar, “EJAKAIT, kopup eporoto loka Yuda, Kitoloma ŋes neejaas iketuŋa: Abu koji kakekanin kanukeŋ; Iŋarakini ijo ŋes aitiji lukasurupoke.” Naka Lebi da kotema atiar, “Tumimikon ka Urimikon ejaas ka etuŋananikon loka Edeke, Loibu kigimo koMasa, Loibu kitepeg kakipi nuka Meriba; Loabala nuka papake ka nuka totoke ebe, ‘Mam aanyunit ŋes”: Mam ŋes abu kolimo ikeinacan, Karaida ajenun ikedwe: Naarai aricito akonikirot, Kidarete aitutuketekon. Isisianakinete Yakob itubesiakon, Ka Isirael da ekisilikon: Ibwaikinete lukisupurununo akonyenekon, Ka ainakinet kere naicweio kotemukon. EJAKAIT, kisirereŋ iboroke, Kocam aswam naka akaninike: Kicum aipelor aŋabes nuka ŋul kaluenyoikinete ŋes, Nuka ŋul da luelaito ŋes, Tetere mam bobo enyounete.” Naka Benyamin kotema atiar, “Iboikin yeniminat yenika EJAKAIT kainapakin eiduny kaŋes; Imukorit ŋes apaaran kere, Iboienenei da kokidiŋ kikeperinike.” Naka Yosep kotema atiar, “Kisirereŋ EJAKAIT akekwap; Koboro luketiai loepol luka akui, kakopyo, Kaidules naidipidipakina kwap, Koboro luketiai loepol luka araito nuka akoloŋ, Koboro luketiai loepol luka apol naka ilapio, Koboro luepolok luka iroŋan lukolo sek, Koboro luketiai loepol luka iukon lumam enaŋete, Koboro luketiai loepol luka alup ka ailelebakec, Kacamunio naka ŋol kaloiboie kokitwi; Kobu arereŋ akou naka Yosep, Kosiaduk loka ŋol kaloatiakario koinacanake, Ekiyai loka emonoke, erai apolou nakeŋ; Amumwarake eraas amumwara nuka ekosobwan: Kes eremoria ŋesi ituŋa, kes kere, kiton osaŋe loka akwap: Eraas kesi ilukumin itomon luka Epuraim, Eraas da ilukumin luka Manase.” Naka Sebulun kotema atiar, “Sebulun, kolakar kotoma alomarikon; Isakar da kotoma owemaikon. Enyararete ituŋa oroŋat; Einakinete kaŋina asuban nuka adolit: Naarai ijujuete luidilas kaŋolol, Ka luketiai loepol luibwaitai kasiŋe.” Naka Gad kotema atiar, “Isirereŋitoi ŋol loitalalai Gad: Iboie bala aŋatuny, Epoopoi kakan, eebo esiaduk loka akou. Abu kokorakin atutubet nasodit kanukeŋ, Naarai eŋadakinitai ewai loka lokesilan Kobu nepepe kalukapolok luka ituŋa, Kitodol abeit naka EJAKAIT, Ka itubesia koIsirael.” Naka Dan kotema atiar, “Erai Dan ikoku yenika eŋatuny, Yenesomun koBasan.” Naka Naputali kotema atiar, “Wu Naputali, loimono asianut, Loileleba arereŋ naka EJAKAIT: Irumi ijo ari nakoto ka eŋalakimak.” Naka Aser kotema atiar, “Isirereŋitoi Aser kidwe; Kocamunai koinacanake, Kidomak ŋesi akekeju akinyet. Eraunos agolitokon asuat ka aisinit; Kwape kapaarasiakon, kwape kwaŋin ejaunor agogoŋukon.” “Emamei yeneputos ka Edeke, wu Yesurun, Loibwaneni akuj aiŋarakin jo, Kajokisike kakuj. Edeke lomam enaŋi ŋes amecisikon, Kigagat kakanin numam enaŋete: Ereŋea lukasurupo kakonyenekon, Kobala ebe, ‘Komudia.’ Iboie Isirael kainapakin, Atan naka Yakob ejai bon, Kakwap naka akima ka ebino; Eebo etepi akekuj akopyo. Kisirereŋitoi jo, wu Isirael: Iŋai loeputos kajo, ituŋa luitajarit EJAKAIT, Ebuku loka aiŋarakiniokon, Ŋol ŋes ekileŋ loka ajokisikon! Kinonokikinete jo lukasurupokon; Icakacakai ijo aiboisiokec nuiceleleete.” Kodoka Musa kapuutona nuka Moab moru Nebo, aidi naka Pisiga, loitei Yeriko, Kitodik EJAKAIT ŋes akwap kere naka Gilead, kiton Dan; Ka Naputali kere, ka akwap naka Epuraim ka Manase, ka akwap kere naka Yuda, kiton aŋolol nakoiŋaren; Ka Eŋalakimak, ka Apuuton naka aditot naka Yeriko ere loka idukudukun kiton Soar. Kotema EJAKAIT ŋes atiar, “ŋin ŋes akwap naabu keyapoik Aburaam, ka Isaak, ka Yakob, ebe, Ainakini aurikon: kesireik jo kakonyekon, konye mam idokari ŋina.” Kwaŋin kotwanik Musa ekejaanakinan loka EJAKAIT akwap naka Moab, kwape ajaar akirot naka EJAKAIT. Kidaik ŋes aditot akwap naka Moab naitei Bet-peor: konye emamei ituŋanan yenejeni atesike kiton lolo. Arai Musa loka ikar akwatat ka akaisaarei naatwania: mam akekoŋu awariwari, karaida akegogoŋ aiŋoŋooro. Kibworoto idwe luka Isirael Musa kapuutona nuka Moab apaarasia akaisauni: kwaŋin kitanaŋai apaarasia nuka aibworo Musa. Eleleba Yosua okoku loka Nun emoyo loka acoa, naarai edokokinit Musa ŋes akekanin: kopupenenete idwe luka Isirael ŋes, kiswamata kwape ecorakinitor EJAKAIT Musa, Mam bobo ejauna enabi koIsirael loeputos ka Musa, loanyununos ka EJAKAIT: Kotoma aanyuneta kere ka nukaumokin, nuejukari EJAKAIT ŋes aiswamakin Parao, ka ikekejaanakinak kere, ka akwapuke kere, kakwap nako Misiri; Kotoma akan nakagogoŋ, ka etasuro kere loepol, loabu Musa kiswama kakonyen nuka Isirael kere. Kosodi kanen kedau Musa ekejaanakinan loka EJAKAIT atwanare, kotema EJAKAIT Yosua okoku loka Nun, ekejaanakinan loka Musa atiar, “Atwana Musa ekejaanakinanika; aso kwana konyou, kodok ecor lo Yorodan, ijo ka ituŋa lu kere, kolomasi akwap naainakinit eoŋ kes, idwe luka Isirael. Ŋiniibois neicakete akusikeje, kainak yes, kwape kolo alimokinia Musa, Ameuni kamodiŋ, ka Lebanon lo, aitodol ocor lokapolon, ecor Eupurat, akwap kere naka Ikitin, kiton aŋolol nati ape neelomanari akoloŋ, ŋes eraun ekusiikor; Emameun ituŋanan kere yenepedori abwoikin jo apaarasia kere nuka akoniijar: kwape ajaar kolo ka Musa, ajaikin kwape kwaŋin kajo da: mam ketukurwori jo, karaida aijal. Kicat, kotitiŋior, naarai isurumi ijo ituŋa lu akwap nakolo eyapoikin ainakin lukapapaakec. Konye kicat ber kotitiŋior noi, aricit aswam kwape ejaatar ikisila lu, lukicorakini ekakejaanakinan Musa: siripaanari kakan nakoteten karaida kediany, tetere irereŋior kama ilosenenei kere. Eitabo lo loka ikisila sirenyoununei kaitukukon, konye koomoomoenenei ŋes paaran ka akuare da, tetere iricit aswam kere kwape ejaatar nuiwadikatai toma: naarai kwaŋin ŋes erereŋior ekonirot, ikerianaror da; Mere eoŋ kecorak jo? Kicat, kotitiŋior; sirikikurianar karaida aiyaloŋoŋ: naarai ejai EJAKAIT Ekonideke kajo kama ilosenenei kere.” Kosodi kicorak Yosua ijaka luka ituŋa atiar, “Kitoro kidiŋ oidukurun, kieorakis ituŋa atiar, ‘Kitemonokisi inyamat, naarai eriŋa apaarasia auni etuboro idokete ecor lo Yorodan, alomar airum akwap, nakiinakini EJAKAIT Ekusideke airum.’ ” Abu Yosua kolimok Ireubenin ka Igadin, ka atutubet naka ateker naka Manase ebe, “Kiitutu akirot nakicorakini yes Musa ekejaanakinan loka EJAKAIT, ebe, ‘EJAKAIT Ekusideke kiinakini yes aiyeŋun, kiinakini da akwap na.’ Akusiŋor, ka ikusidwe, ka ikusibaren, iboikinos akwap nakiinakini Musa kokekwa loka Yorodan; konye yes idokarete kakonyen nuka iinacanakus ikapitos lujiis, ituŋa kere lukirigin, luetitiŋ, iŋarakinete kes: Aitodol naedaunia EJAKAIT aisiyeŋun ikusiinacan, kwape yes, ido kedaut kesi da airum akwap naeinakini EJAKAIT Ekusideke, kosodete iboŋorete kirumata akwap naka airumetekus, nakiinakini Musa ekejaanakinan loka EJAKAIT kokekwa loka Yorodan mape elomununia akoloŋ.” Koboŋokis Yosua ebe, “Kere nukieorak ijo sio kiswamai, ido kere nekijukanari kilosenenei. Kwape kiipupenenoo Musa kakiro kere, kipupenenei jo da kwape kwaŋin: konye kojai EJAKAIT Ekonideke kajo, kwape kejaar ka Musa. Ŋinituŋanan kere yenipaliikini akoniicorakinet, ido yenimam epupenenei akonikiro kere nuicorakini ŋes, eareneneo: konye kicat, kotitiŋior.” Kijuka Yosua okoku loka Nun ituŋa iarei anyoun koSitim airot akwap kaiyeiyea, kobala ebe, “Koloto korota akwap, ka Yeriko.” Apotu koloto kodoloto togo loka naadote ekekiror Rakab, koperoto nen. Kolimokinai ekabaka loka Yeriko ebe, “Koany, elomunito ituŋa ne luka idwe luka Isirael akuare na airot akwap,” Kijukak ekabaka loka Yeriko Rakab atiar, “Kitolom ituŋa lueponito neijai ijo, lualomasi togokon: naarai eponito airot akwap kere.” Koyaŋa aberu ituŋa ŋul luarei, kibwa kes; kotema atiar, “Eebo, aponito ituŋa neajai eoŋ, konye mam ajeni neaponiata: Kosodi kapak naagolere erute, kemutonor akwap, apotu ituŋa kolomasi: mam ajeni neapotu koloto: aso kibwapakisi kes atipet; naarai idolokinete kes.” Konye abu ŋesi koyaŋa kes oswi, kibwa kes kakopit nuka abirai nualoikinit ŋesi oswi. Kibwapata ituŋa kes korot loebei Yorodan, kiton odoket: napelomarete luebwapito kes kiŋa kogolokinoi erute. Eroko kes kepero, abu aberu kolot oswi neajaas kesi; Kotema ŋesi ituŋa atiar, “Ajeni ebe kiinak EJAKAIT yes akwap, kibunok da isio etasurokus, luiboiete kakwap kere eburunito kakonyenekus. Naarai kipupu kwape etoonio EJAKAIT akipi nuka Aŋolol Nakareŋan kakonyenekus, nailomuniata koMisiri; ka nuipotu yesi kiswamakis ikabakan iarei luka Imorain, luajaas okekwa loka Yorodan, kes Sikon ka Og, luipotu yesi komudiasi cut. Napekipupunio isio ŋun, apotu ikositauon koburut, kipirisiar etau loka ŋinituŋanan kanukus: naarai EJAKAIT Ekusideke, ŋes Edeke kokuju toma akuj, kokwap da toma akwap. Aso do, keŋaiŋait, kiyapoikinoi eoŋ, kolimitos EJAKAIT, naarai kekonak yes nukasianut, yes da kikonakis ekaloka papaka nukasianut, koinakis eoŋ aanyunet nakabeit: Ebe itajarete papaka; ka totoka, ka iinacanaka, ka ainacanaka, kere da luejaatar kesi, iyuunete aijarakosi kotoma atwanare.” Kotemasi iruŋa ŋes atiar, “Akosiijar itia nakus, arai mam ilimorete akosikiro nu; ejaun do ebe, nakiinakinia EJAKAIT sio akwap, kikonakini jo nukasianut ka nukabeit.” Kosodi do ŋesi aijoluluun kes kauno kadirisa; naarai ajai etogoke arwatat naka ere, kiboienenei ŋesi karwatat. Kotema kes atiar, “Kodokasi oroŋat, kinyeis lukibwapito adumun yes; koŋopata kanen apaarasia auni aitodol naeboŋunioto lukibwapito: akaulo kaŋun ilosete konyet.” Kotemasi ituŋa ŋes atiar, “Emamuunete nukibeikinete sio kanuka aiyapositikon na nakisiyapo ijo sio. Koany, nakilomunia isio akwap, ienikini auno na nakareŋan adirisa nakijolulunio ijo sio: itukokini papakon ka totokon ka iinacanakon, ka lukokaloka papakon kere togo mama ijai. Ejaun do ebe, nin yenelomuni kotogokon alosit orot, ejaunos aokotoke akouke, emamuunete nukibeikinete sio: ŋin yenejai kajo togo, ejaunos aokotoke akoukosi, arai kesuroki ŋes adiokan. Konye arai kilimo ijo akosikiro nu, emamuunete do nukibeikinete sio kanuka aiyapositikon nakisiyapo sio.” Kotema ŋesi atiar, “Kikote nepenen, kwape ejaatar akusikiro.” Kotwar kes, konyout: koenik auno nakareŋan adirisa. Koloto, kodoloto oroŋat, kiboikinos nen apaarasia auni, aitodol naaboŋunioto lukibwapito: komoata lukibwapito kes orot kere, konye mam apotu kodumut kes, Kosodete ituŋa luarei aboŋor, kodokut koroŋat, kikwaŋaros, kodoloto neajai Yosua okoku loka Nun; kolimokis ŋes kere nuapotu kodoikis kes. Kotemasi Yosua atiar, “Abeit kijaik EJAKAIT akwap kere akaniniwok; bobo da eburunito luiboienenete kakwap kakonyenewok.” Konyou Yosua tupuruc sek, konyout koSitim, kodoloto Yorodan, ŋes ka idwe kere luka Isirael; koperoto nen eroko kedoka. Kosodi kanen ketuboros apaarasia auni, kitoro ijaka kidiŋ kiidukurun; Kicorakis ituŋa ebe, “Naianyuniata asaduku naka aitutuket naka EJAKAIT Ekusideke, ka isasedotin Ilebin edakitos ŋes, inyounete do kaiboisiokus, kotupasi ŋes. Konye ejaun apak kidiŋikus ka ŋes, aitemis naka ikubitin ilukumin iarei: sirikikunyakis ŋes, tetere ijenunete erot lokibusakinit aitor; naarai mam ber lem yes itorito orot lo.” Kotema Yosua ituŋa atiar, “Kitalaunos, naarai iswamai moi EJAKAIT nukaumokin kamakus.” Kotema Yosua isasedotin atiar, “Kodakata asaduku naka aitutuket, kiŋarenikis ituŋa adokar.” Apotu kodakata asaduku naka aitutuket, kiŋarenikis ituŋa alosit. Kotema EJAKAIT Yosua atiar, “Ageuni eoŋ lolo aitopoloor jo kakonyen nuka Isirael kere, tetere ejenunete ebe kwape ajaar kolo ka Musa, ajaikin kwape kwaŋin kajo da. Icorakini ijo isasedotin luedakito asaduku naka aitutuket ebe, ‘Naidolioto ariri kakipi nuka Yorodan, ibwoete kopalarito koYorodan.’ ” Kotema Yosua idwe kere luka Isirael atiar, “Kopotu ne, kopuput akiro nuka EJAKAIT Ekusideke.” Kotema Yosua atiar, “Ijenunete kanu ebe ejai Edeke lokajaran mamakus, ebe da mam ekurwori cut aireŋear Ekanaanit, ka Ekitit, ka Ekibit, ka Eperisit, ka Egirugasit, ka Emorait, ka Eyebusit kakonyenekus. Koany, kiŋarenikinit yes asaduku naka aitutuket naka EJAKAIT loka akwap kere adokar Yorodan. Aso do koseutu ituŋa itomon ka luarei luka atekerin nuka Isirael, etuŋanan kanuka ŋiniteker. Kosodi kanen, naicakiata akeje nuka isasedotin luedakito asaduku naka EJAKAIT, EJAKAIT loka akwap kere, akipi nuka Yorodan, itikorio akipi nuka Yorodan, ka neeleleununiata; esipokinos atukit adiopet.” Kosodi kanen, naanyounioto ituŋa kowemanakec aidok Yorodan, apotu isasedotin luadakito asaduku naka aitutuket kiŋarenikinito ituŋa: Kedoloto luadakito asaduku Yorodan, kicakata akeje nuka isasedotin luadakito asaduku akipi, (naarai ilelebunun Yorodan kiton aririke kere, apak kere naka aisak,) Kosipokinos akipi nualeleunete, koraunos atukit adiopet, kaneelwana noi, koAdam, ere loidunyas ka Saretan: akipi da nueleleete aŋolol naka Araba, ŋes Aŋolol naka Abalaŋ, kitikoroi; kotuboros ituŋa kiton Yeriko. Kobwaata isasedotin luadakito asaduku naka aitutuket naka EJAKAIT kaneonit, kokidiŋ Yorodan, kotubor Isirael kere kaneonit, aitodol neatuboror cut ateker kere koYorodan. Kosodi kanen ketubor cut ateker kere koYorodan, kotema EJAKAIT Yosua atiar, “Koseu ituŋa itomon ka luarei kotuŋa, etuŋanan kaŋiniteker. Kicorak kes ebe, ‘Kolemutu amor atomon ka nuarei kokidiŋ Yorodan, kaibois naabwoiata akeje nuka isasedotin, koyaŋaasi kes, kibwaikis aibois naiperete akuare na.’ ” Kosodi Yosua anyaraun ituŋa lutomon ka luarei, luaseunit kodwe luka Isirael, etuŋanan kaŋiniteker: Kotema Yosua kes atiar, “Kotuboros kiŋaren kasaduku naka EJAKAIT Ekusideke kidiŋ Yorodan, kodakak ŋinituŋanan kayesi amoru okeperike, kwape ejaar etiai loka atekerin nuka idwe luka Isirael: Koraun do aanyunet mamakus, tetere naiŋisiata ikusidwe, kapaarasia nuepote ebe, ‘Anyoin apolou naka amorukus nu?’ Itemarete do kes atiar, ‘Naarai aponi kitikoroi akipi nuka Yorodan koiŋaren kasaduku naka aitutuket naka EJAKAIT; naetorio Yorodan, aponi kitikoroi akipi nuka Yorodan:’ ido eraunos amor nu aisiitunet mama ejaas idwe luka Isirael ikar kere.” Kiswamata idwe luka Isirael kwape kicorakinia Yosua, kodakut amor atomon ka nuarei kokidiŋ Yorodan, kwape kelimokinia EJAKAIT Yosua, kwape ejaar etiai loka atekerin nuka idwe luka Isirael: kodakas kes aibois naaperete, kibwaikis kes nen. Kosipok Yosua amor atomon ka nuarei kidiŋ Yorodan, aibois naabwoiata akeje nuka isasedotin luadakito asaduku naka aitutuket: ejaas da nen, kiton lolo, Naarai apotu isasedotin luadakito asaduku kobwaata kokidiŋ Yorodan, aitodol neadaunor ŋinikirot naecorakinit EJAKAIT Yosua alimokin ituŋa, kwape ajaatar kere nuecorakinit Musa Yosua. Kiwonyasi ituŋa kotuboros. Kosodi kanen ketuboros cut ituŋa kere, kotubor asaduku naka EJAKAIT, ka isasedotin, kiŋaren kituŋa, Kotuboros da idwe luka Reuben, ka idwe luka Gad, ka atutubet naka ateker naka Manase, kokapitos lujiis, kiŋaren kidwe luka Isirael, kwape alimokinitor Musa kes. Kotuboros kwaka ilukumin akaisaoŋon kokapakina ejie kakonyen nuka EJAKAIT, kiton apuutona nuka Yeriko, Kitopoloo EJAKAIT Yosua kapaaran kaŋin kakonyen nuka Isirael kere; koyoŋata ŋes apaarasia kere nuka aijarake, kwape ayoŋitotor Musa. Kotema EJAKAIT Yosua atiar, “Kicorak isasedotin luedakito asaduku naka aitejenunet kodokut koYorodan.” Kicorak do Yosua isasedotin ebe, “Kodokutu yesi koYorodan.” Kosodi kanen nakedokuniata isasedotin luadakito asaduku naka aitutuket naka EJAKAIT kokidiŋ Yorodan, kicakata da akeje nuka isasedotin akwap naeonit, koboŋokis akip nuka Yorodan aiboisikec, kilelebun kiton aririke kwape lem sek. Kodokut ituŋa koYorodan kapaaran nakitomonet naka elap losodit, kidukuroto Giligal, oikor lokokide loka Yeriko. Kisipok Yosua amor ŋun atomon ka nuarei Giligal, nualemunete kesi koYorodan. Kolimok idwe luka Isirael ebe, “Naiŋisiata ikusidwe lukapapakec kapaarasia nuepote ebe, ‘Anyoin apolou naka amor kanu?’ Itejenunete do ikusidwe ebe, ‘Adokuni Isirael Yorodan lo kitorite neeonit.’ Naarai abu EJAKAIT Ekusideke kitoon akipi nuka Yorodan kakonyenekus, aitodol naitubunotor, kwape eswamakinia EJAKAIT Ekusideke Aŋolol Nakareŋan naabu ŋesi kitoon kakonyenewok, aitodol nakitubunor: Tetere ejenunete ituŋa kere luka akwap akan naka EJAKAIT, ebe erai nakapedor; tetere eyoŋete EJAKAIT Ekusideke ikar kere.” Kosodi kanen kepuput ikabakan kere luka Imorain, luajaas okekwa loka Yorodan ari nakoto, ka ikabakan kere luka Ikanaanin luajaas ariri naka aŋolol, kwape etoonio EJAKAIT akipi nuka Yorodan kakonyen nuka idwe luka Isirael aitodol nakiitubunor, koburut itauonokec, kipirisiar etau loka ŋinituŋanan, kanuka idwe luka Isirael. Kotema EJAKAIT Yosua kapak kaŋin atiar, “Kiswamau ikileŋa luka amor, kirucak bobo aikep idwe luka Isirael.” Kiswamau Yosua ikileŋa luka amor, kokep idwe luka Isirael, koukot loka amunyin. Akepi Yosua ituŋa kanuka akirot kana: ituŋa kere lualomunete koMisiri, luaraas ikiliok, kes ituŋa kere lukajiok, apotu kotwakikis amodiŋ orot, kedaut alomun koMisiri. Naarai ituŋa kere lualomunete araas luakepitai: konye ituŋa kere luaurio kamodiŋ korot epote kesi koMisiri, mam akepitai, Naarai apotu idwe luka Isirael kolototo kamodiŋ ikar akaisaoŋon, aitodol naamudiarere ateker kere, kes ituŋa lukajiok lualomunete koMisiri, naarai mam apotu kopuput eporoto loka EJAKAIT: luabu EJAKAIT kiyapoik ebe mam ecamakini kes aanyun akwap naabu kiyapoik lukapapaakec ebe kiinakin oni akwap naeleleete akile ka esik. Idwekec, luetopolouni ŋesi aiboisikec, ŋul akepi Yosua: naarai mam akepitai, naarai mam apotu kokepa kes korot. Kosodi kanen kedau aikep ateker kere, kiboioto kaiboisiokec koidukurun, aitodol naaŋaleunioto. Kotema EJAKAIT Yosua atiar, “Ekokorio lolo eoŋ amorosit naka Misiri kamakus.” Ŋes do amaikinere aibois ŋin Giligal, kiton lolo. Kidukuroto idwe luka Isirael Giligal; kidarata aleleŋio kapaaran nakitomonet kaoŋon naka elap, eboŋ, kapuutona nuka Yeriko. Konyamata akima nuka akwap tupuruc kedaun aleleŋio, imugatin lumam itubuunitoi ka imumwa luikawooritai, kapaaran kaŋipe kaŋin, Kitanaŋai emanu kapaaran naatupakini ŋin naanyamiata kesi akima nuka akwap; mam bobo idwe luka Isirael apotu koanyut emanu; konye anyamete araito nuka alup nuka Kanaan okaru ŋol. Kosodi kanen ejai Yosua ariri naka Yeriko, abu kiteluo akekonye kite, ido koany, abwoi etuŋanan kitei ŋes kitetenite ekekileŋ: kolot Yosua mamake, kotema ŋes atiar, “Irai ijo lokosi, arai loka lukasurupokosi?” Kotema atiar, “Mam; konye abunit eoŋ kwape ekapolon loka ajore naka EJAKAIT.” Kibiror Yosua ebuburia, koma, kotema ŋes atiar, “Anyoika nuebala ejakaitika ekekejaanakinan?” Kotema ekapolon loka ajore naka EJAKAIT Yosua atiar, “Kolaca akonimuk kakejenekon; naarai aibois naibwoia ijo erai nakalaunan.” Kiswama Yosua kwaŋin. Kogoloro noi Yeriko kanuka idwe luka Isirael: amamei yenelomari karaida yenelomuni. Kotema EJAKAIT Yosua atiar, “Koany, ainak Yeriko akanikon, ka ekabakake, ka ituŋa lukirigin luetitiŋ. Irimorete yesi ere, ituŋa kere lukajiok, irimorete ere irwan atipet. Iswamai ijo kwaŋin apaarasia akanykape. Itiŋete isasedotin ikanykaarei arupepen akanykaarei nuka amumwara nuka imerekekin koiŋaren kasaduku: ido kapaaran nakikanyetekaarei irimorete ere irwan akanykaarei, kokusete isasedotin arupepen. Ejaun do ebe, naekutakiniata noi amumwarat naka emerekek, naipupunioto yesi aruo naka arupepe, ibwoŋakinete ituŋa kere eibwoŋ loepol: etiyakin arwatat naka ere, edokarete ituŋa ŋinituŋanan ederori kiŋarenike.” Abu Yosua okoku loka Nun konyarau isasedotin, kotema kes atiar, “Kodakata asaduku naka aitutuket, kitiŋata isasedotin ikanykaarei arupepen akanykaarei nuka amumwara nuka imerekekin koiŋaren kasaduku naka EJAKAIT.” Kotemasi kesi ituŋa atiar, “Kotuboros, kirimosi ere, koloto ituŋa luekapakina kiŋaren kasaduku naka EJAKAIT.” Kojaun kwaŋin ebe, naalimokinia Yosua ituŋa, koloto isasedotin ikanykaarei luetinito arupepen akanykaarei nuka amumwara nuka imerekekin kakonyen nuka EJAKAIT, kokutata arupepen: kotupak kes asaduku naka aitutuket naka EJAKAIT. Koloto ituŋa luakapakina kiŋaren kisasedotin luakusete arupepen, kotupata lukokau asaduku, kokusete isasedotin arupepen elosete. Kicorak Yosua ituŋa ebe, “Mam ibwoŋakinete karaida ikusiporotoi apupunio, karaida alimun adiokirot kaitukekus, aitodol apaaran nakecorakinia yes aibwoŋakin; ŋes konyet ibwoŋakiniata.” Kwaŋin kisirimo asaduku naka EJAKAIT ere, airimor ŋes irwan atipet: koboŋosi oidukurun, koperoto oidukurun. Kodilok Yosua anyoun tupuruc, kodakata isasedotin asaduku naka EJAKAIT. Kolosenenete isasedotin ikanykaarei luetiŋito arupepen akanykaarei nuka amumwara nuka imerekekin koiŋaren kasaduku naka EJAKAIT, kokusete arupepen: kiŋarenikinitos ituŋa luakapakina lujiis kes; kotupata lukokau asaduku naka EJAKAIT, kokusete isasedotin arupepen elosete. Kapaaran nakiareit da kirimosi ere irwan atipet, koboŋosi oidukurun: kiswamata kwaŋin apaarasia akanykape. Kosodi kanen kapaaran nakikanyetekaarei, kodilokis anyoun ecila kide, kirimosi ere kwape ejaar epone ŋol irwan akanykaarei: konye kapaaran kaŋin apotu kirimosi ere irwan akanykaarei, Kosodi kanen irwan nakikanyetekaarei nakekutakiniata isasedotin arupepen, kotema Yosua ituŋa atiar, “Kibwoŋata; naarai kiinak EJAKAIT yes ere. Itateleori EJAKAIT ere, ŋes ka luejaas toma kere; dimarai Rakab naadote ŋes ejari, ŋes ka ŋul kere luejaas kaŋes togo, naarai abu ŋesi kibwa ikiyakia lukiijukarit. Ka yes da, kocoito noi kosaca ibore yenitateleoritai kinyeis naidauniata aitaleor, ayaŋaar ibore yenitateleoritai; kosodete kwaŋin ayaun aiken oidukurun luka Isirael ka aitican kes. Konye epuesa kere, ka esabu, ka amoti nuka aisinit ka asuat eraas nukalaunak kama ejai EJAKAIT: eyaŋaunio aiŋadis naka EJAKAIT,” Kosodete ituŋa eibwoŋ, kokutata isasedotin arupepen: kosodi kanen kepuput ituŋa aruo naka arupepe, kibwoŋata ituŋa eibwoŋ loepol, kotiyakin arwatat, kodokasi ituŋa ore, ŋinituŋanan kodero kiŋarenike, kirumata ere, Komudiasi cut kere luajaas toma ore, ikiliok ka aŋor, ludidik ka lumojoŋ, imoŋin ka amerekekin, ka asigirian, kakwanis naka ekileŋ. Kotema Yosua ituŋa luarei luarosete akwap ebe, “Koloto togo loka naadote, kitolomut aberu, ka luejaatar kere, kwape kiyapoikinioto ŋes.” Kolomasi ikatumunak lukarotak, kitolomut Rakab ka papake, ka totoke, ka iinacanake, ka Iuajaatar kere; kitolomut da lukokekike kere; kibwaikis kes kiŋa kiidukurun luka Isirael. Kicweikis ere, ka luejaas toma kere: dimarai epuesa ka esabu, ka amoti nuka aisinit ka asuat, apotu kesi kibwaikis ŋul aiŋadis naka etogo loka EJAKAIT. Konye Rakab naadote, ka ekal loka papake, ka luajaatar kere abu Yosua kitajar; kiboikin mama ejai Isirael, kiton lolo; naarai abu ŋesi kibwa ikiyakia luejukarit Yosua airot Yeriko. Kicorak Yosua kes kaiyaposit kapak kaŋin ebe, “Kikenoi kakonyen nuka EJAKAIT etuŋanan loenyouni aiduk ere lo Yeriko, Etwani ekiyaike naepesikinia ŋesi apetetake, Etwani da eŋooritike naesipokinia ŋesi ikekiake.” Kojaenena EJAKAIT ka Yosua; kojenun da ŋesi kakwap kere. Konye kibucasi idwe luka Isirael koboro kaluetateleoritai: naarai abu Akan, okoku loka Karumi, okoku loka Sabidi, okoku loka Sera, loka ateker naka Yuda, koyaŋa ibore yenetateleoritai: kinep anyunyura naka EJAKAIT aluikin idwe luka Isirael. Kijuka Yosua ituŋa anyoun koYeriko alosit Ai, loidunyas ka Bet-aben, kari nakokide naka Bet-el, kotema kes atiar, “Koloto korota akwap.” Koloto ituŋa korota Ai. Koboŋut mama ejai Yosua, kotemasi ŋes atiar, “Kinyeis ituŋa kere alosit; konye koloto ilukumin iarei arai iuni aidany Ai; sirikitaar ituŋa kere alosit ŋina; naarai ikidioko lukaŋina.” Kwaŋin koloto ituŋa kwape ilukumin iuni ŋina, kokerata kakonyen nuka ituŋa luka Ai. Kodanyata ituŋa luka Ai ituŋa kwape akaisauni ka lukanykape kakesi: apotu korukioto kes anyoun korute kiton Sebarim, kodanyata kes kajesa: koburut itauon luka ituŋa, kipirisiaros piris. Kocilicil Yosua ikenapen, kibiror ebuburia koiŋaren kasaduku naka EJAKAIT kiton eboŋ, ŋes ka imakio luka Isirael; komudanakis apua akwesikec. Kotema Yosua atiar, “Wu okwe, EJAKAIT Edeke, kanukinyo itodokunia ijo ituŋa lu Yorodan, aijaikin akan naka Imorain, amudiar sio? Tiejok arai kasalito isio aiboi okekwa loka Yorodan! Wu EJAKAIT, atemari eoŋ ai, kedau Isirael aibelokin lukasurupokec ipuranakec! Naarai epupunete Ikanaanin ka luiboiete kakwap kere, kosodete alukun sio, amudiar ekosikiror kakwap: ikwaikini ijo ai ekonikiror lokapolon?” Kotema EJAKAIT Yosua atiar, “Konyou; kanukinyo ibiroror ijo ebuburia? Adiaka Isirael; eebo, ebucasi aitutuketeka naecorakinit kes: eebo, ayaŋaasi ibore yenetateleoritai; akokwata, ejoseikis, ebwaikis da ŋin oborokec. Kanuka ŋun mam idwe luka Isirael epedorete aibwo kakonyen nuka lukasurupokec, iboŋokinete lukasurupokec ipuranakec, naarai araut luikenitai: mam bobo ajaenena kayes, dimikito kimudiasi ibore yenitateleoritai kotomakus. Konyou, kitalau ituŋa, kolimok kes ebe, “Kitalaunos eroko moi kedoluno: naarai inera EJAKAIT Edeke loka Isirael kwanata ebe, “Ejai ibore yenitateleoritai tomakon, ijo Isirael; mam jo ipedori abwoikin lukasurupokon, aitodol nailemaria ibore yenitateleoritai kotomakon.” Kanuka ŋun kisukunyunio moi yes kwape ejaatar atekerinikus: kosodi do ateker naeseuni EJAKAIT ikunyuni kwape ejaatar ikekiake; ekek da loeseuni EJAKAIT ikunyuni kwape ejaatar ikaliake; ekal da loeseuni EJAKAIT ikunyuni idiopet idiopet. Ejaun do ebe, ŋol loeseunio loejai ibore yenitateleoritai icweio kakim, ŋes ka luejaatar kere: naarai ebuca aitutuket naka EJAKAIT, naarai eswama nukabaŋaanut koIsirael.’ ” Kodilok Yosua anyoun tupuruc, kisukuny Isirael kwape ejaatar atekerinikec; koseunai ateker naka Yuda: Kisukuny ikekia luka Yuda; koseu ekek loka Iserakitin; kisukuny ekek loka Iserakitin idiopet idiopet; koseunai Sabidi: Kisukuny ekaleke idiopet idiopet: koseunai Akan, okoku loka Karumi, okoku loka Sabidi, okoku loka Sera, loka ateker naka Yuda. Kotema Yosua Akan atiar, “Okokuka, keŋaiŋait, kitopoloo EJAKAIT Edeke loka lsirael, kolimok ŋes aronisikon; kolimokinai eoŋ nuiswamat ijo; sirikiimunonik eoŋ” Koboŋok Akan Yosua atiar, “Abeit adiaka eoŋ kaneejai EJAKAIT Edeke loka Isirael, eswama nu ka nu: Naanyunia koŋatan elou loejok loka Babulon, ka isekelin akwat aarei luka epuesa, ka ibore yenika esabu yenika alaŋir naka isekelin akaisakany, abu keŋobel kes, kayaŋau kes; ido koany, ebwait kokwap kokidiŋ kewemaka, ka epuesa da ejai kwapuke.” Kijuka Yosua ikiyakia kokerata owema; ido koany, ebwaitai kowema, epuesa da ajai kwapuke. Kolemut kes kokidiŋ kewema, koyaut kes neajai Yosua, neajaas idwe kere luka Isirael; kibwaikis kes kwap akonyen nuka EJAKAIT. Koyaŋa Yosua ka idwe kere luka Isirael, Akan okoku loka Sera, ka epuesa, ka elou, ka ibore yenika esabu, ka ikedwe lusap ka lupesur, ka imoŋinike ka asigirianake, ka amerekekinike, ka ewemake, ka luejaatar kere: koyaŋaasi kes aditot naka Akor. Kotema Yosua atiar, “Kanukinyo kiticania sio? kiticani EJAKAIT jo da lolo.” Apotu luka Isirael kere kibiribiroto ŋes kamor; kicweata kes kakim kibiribiroto da kamor. Kotukokisi kujuke atukit naepol naka amor, kiton lolo; kibelokin EJAKAIT ainyein adedeŋ naka anyunyurake. Ŋes amaikinere aibois ŋin ekiror, Aditot naka Akor, kiton lolo. Kotema EJAKAIT Yosua atiar, “Sirikikurianar karaida aiyaloŋoŋ: koyana ituŋa kere lukajiok nepepe kajo, konyou, kolot Ai: koany, ainak ekabaka loka Ai ka ituŋake, ka ereke ka akwapuke akanikon: Iswamakini Ai ka ekabakake kwape iswamakinia Yeriko ka ekabakake: konye iyanaarete lunatanake, ka ibareneke kanukus: kibwaik icetuŋa agule naka ere aperun kes.” Konyou Yosua, ka ituŋa kere lukajiok alosit Ai: koseu Yosua ituŋa ilukumin akaisauni, ituŋa lukirigin luetitin, kijuka kes kuare. Kicorak kes ebe, “Koany, ilosete yesi aperun ere, kagule naka ere: sirikilwakiata kore, konye kitemokino kere: Ekunyakini eoŋ ere ka iruna kere Iuejaas keoŋ: kosodi kanen, naelomuniata kesi asurokin, kwape koloje, kikeri isio kakonyenekec; Kitupete kesi sio, aitodol nekinalaaria isio kes kina naka ere; naarai etemarete ebe, ‘Ekerete kakonyenewok, kwape koloje’; kwaŋin kikeri kakonyenekec: Inyounete yesi kaneiperunioto irumete ere: naarai kiiaikini EJAKAIT Ekusideke ŋes akanikus, Kosodi do, kidaut airum ere, kicweikis ere kakim; kwape eiaar akirot naka EJAKAIT, iswamaete kwaŋin: koany, keeorak yes.” Kijuka Yosua kes: koloto aperun, kiboioto kokidin Bet-el ka Ai, ari nakoto naka Ai: konye kopero Yosua akuare ŋin kituna, Kodilok Yosua anyoun tupuruc, kotukok ituŋa, kolot Ai, ŋes ka imakio luka Isirael kakonyen nuka ituŋa. Kolototo ituŋa kere, kes iruna lukajiok luajaas kaŋes, kikunyakis, kodoloto kinaren naka ere, kidukuroto ari naka agolitomei naka Ai: kojai da aditot kidinike ka Ai. Koyana ituŋa kwape ilukumin ikany, kibwaik kes kidin Bet-el ka Ai aperun kari nakoto naka ere. Kitemonokisi kwaŋin ituŋa, ajore kere naaiai ari naka agolitomei ka lueperunete luajaas ari nakoto naka ere: kolot Yosua akuare nin kidin aditot. Kosodi kanen keanyu eka baka loka Ai, kisunyakis, konyout tupuruc, kolomasi ituŋa luka ere aitiji Isirael, ŋes ka ituŋake kere, kapak naaseunitai, koinaren naka Araba; konye mam ŋes ajeni ebe aperunitoi ŋes kagule naka ere. Kijoseikis Yosua ka Isirael kere bala ipikoritai kes, kokerata orot loebei modin. Konyaraunai ituŋa kere luajaas ore arukio kes: korukioto Yosua, kinalaarai do kes kore. Komameun etuŋanan loasalit Ai arai Bet-el, lomam abu kotupak Isirael: kinyeis ere eŋaara, korukioto Isirael. Kotema EJAKAIT Yosua atiar, “Kikeu akwarakon naejai akanikon kodod Ai; naarai ainakini ŋes akanikon.” Kikeu Yosua akwara naajai akanike adodia ere. Konyout luaperunito atipet kaiboisikec, kokerata napikeuni ŋesi akekan, kolomasi ore, kirumata ŋes; kisunyakisi aicweikin ere. Kenoliasi ituŋa luka Ai kaukec, apotu koanyut, ido koany, apurie apuru naka ere kiton akui, komam kes epedorete akerit lailo ka laije; kobonut ituŋa luakerete amodiŋ asurokin ikarukitok. Keanyu Yosua ka Isirael kere ebe erumata luaperunito ere, ebe da epurie apuru naka ere kuju, kobonut bobo, koarata ituŋa luka Ai. Kopotu luce kore asurokin kes; koluk do Isirael kes, ice owai lo ice da owai je: kodanyata kes, komam ideunete idio kakesi karaida aitukuu. Kikamut ekabaka loka Ai ejari, koyanautŋes neaiai Yosua. Kosodi kanen kedau Isirael aiar kere lueboienenete koAi koitela, kamodiŋ da naarukorito kes, abu akwanis naka ekileŋ koar kes kere, aitodol neamudiarere, kobono Isirael kere Ai, kodany kakwanis naka ekileŋ. Kere luapotu kotwaka apaaran nin, ikiliok ka aŋor, emwaasi ilukumin itomon ka luarei, kes ituŋa kere luka Ai. Naarai mam Yosua abu kinyakak akekan naekeunia akekwara, aitodol naamudiaria eut kere lueboienenete koAi. Konye ibaren ka lunatuna kore kanol apotu luka Isirael koyanaasi araun inatanakec, kwape ajaar akirot naka EJAKAIT naeeorakinit Yosua. Kwaŋin kiewe Yosua Ai, kitaraun ŋes aapoŋor ikar kere, kosilior kiton lolo. Ido kikajak ŋesi ekabaka loka Ai okitoi kiton eboŋ; keloma akoloŋ kicorak Yosua, kosodete kolemut akuanake kokitoi, kocakakis orute loka ere, kotukokis nen atukit naepol naka amor, kiton lolo. Kosodi Yosua adukokin EJAKAIT Edeke loka Isirael etem, moru Ebal. Kwape kieorakinitor Musa ekejaanakinan loka EJAKAIT idwe luka Isirael, kwape iwadikatere oitabo loka Musa loka ikisila, etem loka amor numam ikee, numam ikeit etuŋanan kadiosuat: koinakis kanen ainakineta nuieweio mama ejai EJAKAIT, koinakis da asuban nuka ainapakin. Kiwadikak amor aikopunet naka ikisila luka Musa, naabu kiwadik, kakonyen nuka idwe luka Isirael. Kobwo Isirael kere, ka imakiokee, ka ijakakee, ka ikatubokokee, kowai lo loka asaduku, kowai ie da, kakonyen nuka isasedotin Ilebin, luadakito asaduku naka aitutuket naka EJAKAIT, imoit ka iuriat da; atutubetekee kinaren kemoru Gerisim, atutubetekee da kinaren kemoru Ebal; kwape ecorakinitor Musa ekejaanakinan loka EJAKAIT, ebe isiaunete ber ailipakin idwe luka Isirael arereŋ. Akaulo kanun abu kosiom akiro kere nuka ikisila, arereŋ ka aiken, kwape ejaatar kere nuiwadikatai oitabo loka ikisila. Amamei adiokirot kotoma akiro kere nueeorakinit Musa, namam Yosua abu kosiom kakonyen nuka ekodet kere loka Isirael, ka aŋor, ka ludidik, ka imo luajaas nepepe kakes. Kosodi kanen kepuput ikabakan kere luajaas okekwa loka Yorodan, akwap naka iukon, akwap naka apuutona, ka ariri kere naka aŋolol nakapolon kinaren naka Lebanon, Ekitit, ka Emorait, ka Ekanaanit, ka Eperisit, ka Ekibit, ka Eyebusit; Kotukonokinos aitiii Yosua ka Isirael ketau ediopet. Konye kepuputu lueboienenete koGibeon nuabu Yosua kiswamak Yeriko ka Ai, Kiswamata kesi da kapirianut, koloto kijoseikis bala araas ikiyakia, koyaŋaasi ipukoi lumoion kasigirianakee, ka imukulen luka ebino, lumoion ka lueeilieila luedonyodonyo; Ka amuk numoion nuepedepedo kakejekee, konapitos inapen lumojon; inyamat kere da luajaatar aokito kirourounito. Koloto neajai Yosua Giligal oidukurun, kotemasi ŋes ka ituŋa luka Isirael atiar, “Kiponi isio kakwap naelwana: asa kitutukoto do yesi kasio.” Kotemasi ituŋa luka Isirael Ikibin atiar, “Musiki eapie bukus kasio; kikwaikini isio ai kitutuki kayes?” Kotemasi Yosua atiar, “Kirai isio ikonikejaanakinak.” Kotema Yosua kes atiar, “Lukanai yesi? Ido lali bo kiponiata?” Kotemasi ŋes atiar, “Apote ikonikejaanakinak kakwap naelwana noi kanuka ekiror loka EJAKAIT Ekonideke: naarai kipupu eemutuke, kanun kere nuabu ŋesi kiswama koMisiri, Kere da nuabu ŋesi kiswamak ikabakan iarei luka Imorain, luajaas okekwa loka Yorodan, Sikon ekabaka loka Kesibon, ka Og ekabaka loka Basan loajai Asitarot. Apotu imakiokosi kere ka luibojete kere kakwapukosi kotemasi sio atiar,, Koyaŋaasi inyamat luka erot, koloto airiamun kakes, kolimokis kes ebe, “Kirai isio ikonikejaanakinak: asa kitutukoto kasio.’ ” Kiyanauni isio inyamatakosi lu komwaka kotogoikosi kapaaran nakilomunia aponare mamakus; konye kwana, koany, aokoto, erourooto da: Ka imukulen lu luka ebino luapotu kelelebata, etetiak; ido koany, eeilieila: amoionata ikosinapen lu ka akosimuk kanuka alosit naelwana noi.” Kijaut ituŋa inyamatakec, komam initunito akirot kama ejai EJAKAIT, Kisumun Yosua kes ainapakin, kitutuk kakes, aitaiar kes: kiyapoikis ikapolok luka ekodet kes. Kosodi kanen ketuboros apaarasia auni kedaut kesi aitutuk kakes, apotu kesi kopuput ebe eraas nul iidunyetakee, ebe da eapie bukee kakes. Kolototo idwe luka Isirael, kodoloto oreriakee apaaran nakiwuniet. Ireriakec kes lu, Gibeon, ka Cepira, ka Beerot, ka Kiriat-yearim, Mam apotu idwe luka Isirael kodanyata kes, naarai apotu ikapolok luka ekodet kiyapoikis kes kolimito EJAKAIT, Edeke loka Isirael. Kirurumak ekodet kere ikapolok. Konye kotemasi ikapolok kere ekodet kere ebe, “Kipou keyapoikis kes kalimito EJAKAIT, Edeke loka Isirael: kanuka ŋun mam kipedori atiror kes. Kiswamakini kes nu, ketajarata kes; kinyek anyunyura abunokin oni, kanuka aiyaposit nakipou keyapoikis kes.” Kotemasi ikapolok kes atiar, “Ketaiarata kes:” kwaŋin koraunos ikebetak akito ka ikeritok akipi nuka ekodet kere; kwape alimokinitotor ikapolok kes. Konyarau Yosua kes kotema kes atiar, “Kanukinyo kimodiata sio ebe, ‘Kilwaka noi kamakus;’ kwabo kiapiete kasio? Aso kanuka nin kikeni yes, mam iswakete araun ibulesin, ikebetak akito ka ikeritok akipi nuka etogo loka Ekadeke.” Kobonokis Yosua ebe, “Naarai aponi kolimokinai eut ikonikejaanakinak kwape ecorakinitor EJAKAIT Ekonideke ekekejaanakinan Musa ainakin yes akwap kere, ka amudiar kere luibojete kakwap kakonyenekus; kanuka nun kipou kakuriakata noi kanuka aijarakosi kanukus, ŋes kiswamaa akirot nin. Aso koany, kijaa akanikon: kiswamakinai sio nuitojokit ijo nuedolit jo aiswamakin sio.” Kiswamak ŋesi kes kwaŋin, kolaku kes kakan naka idwe luka Isirael, mam apotu koara kes. Kitarau Yosua kes kapaaran kaŋin ikebetak akito ka ikeritok akipi nuka ekodet, ka nuka etem loka EJAKAIT, kiton lolo, kaibois naeseuni ŋesi. Kosodi kanen kepupu Adoni-sedek ekabaka loka Yerusalem ebe erum Yosua Ai, ebe da amudia eut ŋes; kwape eswamakinitor Yeriko ka ekabakake, abu kiswamak kwaŋin Ai ka ekabakake; ebe da apotu lueboiete koGibeon kopueoto ka Isirael, ejaas da mamakee; Apotu kokuriakata noi, naarai kerai Gibeon ere loapol, kwape ediopet koreria luajaas ikabakan, ido naarai apol adepar Ai, ituŋake da kere araas lukirigin. Kanuka nun kijuka Adoni-sedek ekabaka loka Yerusalem, mama ejai Kokam ekabaka loka Keburon, ka Piram ekabaka loka Yaramut, ka Yapia ekabaka loka Lakis, ka Debir ekabaka loka Egilon, kobala ebe, “Kopotu neaiai, kenarakis, kadanyata Gibeon: naarai apueoto ka Yosua ka idwe luka Isirael.” Kanuka nun kotukokinos ikabakan ikany luka Imorain, ekabaka loka Yerusalem, ka ekabaka loka Keburon, ka ekabaka loka Yaramut, ka ekabaka loka Lakis, ka eka baka loka Egilon, koloto kesi ka aioresiokec kere, kidukuroto asurokin Gibeon, kitijioto ŋes. Kijukakis ituŋa luka Gibeon Yosua koidukurun Giligal, ebe, “Sirikijalakin akonikan ainyein ikonikejaanakinak; kiwonyuni mamakosi, kitajar sio, kinarak da; naarai atukonokinos ikabakan kere luka Imorain luibojete kakwap nakiukon aitiii sio.” Konyou Yosua koGiligal, ŋes ka iketuŋa lukaiiok, ka ituŋa kere lukirigin luetitin, Kotema EJAKAIT Yosua atiar, “Sirikikurianar kes: naarai ejaik kes akanikon; mam ediotuŋanan kakesi kibwoikini jo.” Kitiut kesi edolokini kes Yosua; naarai alosi anyoun koGiligal akuare kiya. Kisiara EJAKAIT kes kakonyen nuka Isirael, kodany kes kaario naepol koGibeon, korukio kes korot loedokarere Betkoron, kodany kes kiton Aseka, kiton Makeda da. Kosodi kanen ckerete kesi kakonyen nuka Isirael iiesaros kesi koBet-koron, kitetep EJAKAIT amor nuepolok nuapote kokuiu mamakee kiton Aseka, kotwakata; epu luaari akak adepar kwi luaarete idwe luka Isirael kekilen, Kosodi Yosua atemar EJAKAIT kapaaran naejaikinia EJAKAIT ŋes Imorain kakonyen nuka idwe luka Isirael; kotema kakonyen nuka Isirael atiar, “Akoloŋ, kobwou ijo koGibeon; Ijo da, Elap, kaditot naka Aiyalon.” Kobwou akoloŋ, kosalak elap, Aitodol naenyania ateker kama ejaas lukasurupokee. Mere iwadikatai nin oitabo loka Yasar? Kosalak akoloŋ kidin akuj, komam iwonyari alomar bala apaaran kere, Ido amamei apaaran naaputos kaŋin apeŋo karaida ameun kaŋin, naapupunio EJAKAIT eporoto loka etuŋanan: naarai EJAKAIT ajiikinit Isirael. Kobono Yosua, ka Isirael kere kaŋes, Giligal oidukurun. Kokerata ikabakan nul ikany, konopata kotoma abua koMakeda. Kolimokinai Yosua ebe, “Adumun ikabakan lukany, enopito kabua koMakeda.” Kotema Yosua atiar, “Kikokorikisi amor nuepolok aituk naka abua, kibwaikis ituŋa aidar kes: Konye yes sirikipaikis; kodapata lukasurupokus, kodanyata lukee lukokau; sirikicamakis kes alomar oreriakee: naarai eiaiki EJAKAIT Ekusideke kes akanikus.” Kosodi kanen, kedau Yosua ka idwe luka Isirael aiar kes kaiar naepol, aitodol neamudiarere, nealomariata da luedeuna kakesi oreria luabwaitai, Kobonosi ituŋa kere Makeda oidukurun neajai Yosua kainapakina: mam idio yenabu kipen akenaiep amoromoroo idwe luka Isirael. Kosodi Yosua atemar ebe, “Kopukosi aituk naka abua, kitolomut ikabakan nul ikany koyaut mama ajai.” Kiswamata kesi kwaŋin, kitolomut ikabakan nul ikany kabua mama ejai ŋesi, ekabaka loka Yerusalem, ka ekabaka loka Keburon, ka ekabaka loka Yaramut, ka ekabaka loka Lakis, ka ekabaka loka Egilon. Kosodi kanen, kitolomut kesi ikabakan nul neajai Yosua, konyarau Yosua ituŋa kere luka Isirael, kotema ijaka luka ituŋa lukajiok lualosito kaŋes atiar, “Kikunyutu, kidokokis akusikeje omurisina luka ikabakan kalu.” Kikunyut, kidokokis akeeekeje omurisinakec. Kotema Yosua kes atiar, “Sirikikuriakata, karaida aiyaloŋoŋ; kicata, kotitinioros: naarai iswamakini EJAKAIT kwaŋin lukasurupokus kere Iuitijiete yesi,” Akaulo kanun kodany Yosua kes, koara kes, komiedanak kes okito ikany: kiiekos kokito kiton eboŋ. Kosodi kanen, kapak naalomaria akoloŋ kicorak Yosua, konedununai kes kokito, kocakanakinai abua naanopitotor, kibwaikinai amor nuepolok aituk naka abua, kiton lolo. Kirum Yosua Makeda kapaaran kaŋin, kodany lukore kanol ka ekabakakec kakwanis naka ekileŋ; komudia kes eut ka ituŋa kere luajaas toma, komam ideuni idio da: kiswamak ekabaka loka Makeda kwape eswamakinia ekabaka loka Yeriko, Konyou Yosua koMakeda, ka Isirael kere nepepe kaŋes, kitor Libuna, kitiji lukoLibuna: Kiiaik EJAKAIT kes da, ka ekabakakee akan naka Isirael; kodany kes kakwanis naka ekileŋ, ka ituŋa kere Iuajaas toma; komam ideuni idio da kotomaken, kiswamak ekabakake kwape eswamakinia ekabaka loka Yeriko, Konyou Yosua koLibuna, ka Isirael kere nepepe kaŋes, kitor Lakis, kidukur asurokin kes, kitiji: Kijaik EJAKAIT Lakis akan naka Isirael, kirum ŋes apaaran nakiareit, kodany kes kakwanis naka ekileŋ, ka ituŋa kere luajaas tomake, kwape ajaatar kere nueswamakinit Libuna. Kobu Koram ekabaka loka Geser aiŋarakin Lakis; kodany Yosua ŋes ka iketuŋa, aitodol neamamuunor yenedeikina ŋes. Konyou Yosua koLakis, ka Isirael kere nepepe kaŋes, kitor Egilon; kidukuroto asurokin kes, kitijioto kes; Kirumata ere kapaaran kaŋin, kodanyata kes kakwanis naka ekileŋ, komudia cut kapaaran kaŋin ituŋa kere luajaas toma, kwape ajaatar kere nueswamakinit Lakis. Konyou Yosua koEgilon, ka Isirael kere nepepe kaŋes, kitor Keburon, kitijioto kes: Kirumata ere, kodanyata kes kakwanis naka ekileŋ, ka: ekabakakee, ka ireriakee kere, ka ituŋa kere luajaas toma; komam ideuni idio, kwape ajaatar kere nueswamakinit Egilon; konye abu komudia eut ere, ka ituŋa kere luajaas toma. Koboŋo Yosua, ka Isirael kere nepepe kaŋes Debir; kitiji kes: Kirum ere ka ekabakake, ka ireriake kere; kodanyata kes kakwanis naka ekileŋ, komudiasi eut ituŋa kere luajaas toma; komam ideuni idio da: kwape eswamakinia Keburon, abu kiswamak kwaŋin Debir, ka ekabakake; kwape eswamakinia Libuna ka ekabakake. Kwaŋin kodany Yosua luka akwap kere, luka akwap nakiukon, ka Eŋalakimak, ka apuutona, ka neijululue, ka ikabakanakec kere; komam ideuni idio da: konye komudia cut kere lueyenas, kwape ecorakinitor EJAKAIT, Edeke loka Isirael. Kodany Yosua kes anyoun koKades-barunea kiton Gasa, ka akwap kere naka Gosen, kiton Gibeon. Kimoria Yosua airum ikabakan nul kere ka akeeekwap, naarai ajiikinit EJAKAIT, Edeke loka Isirael, Isirael. Koboŋ Yosua, ka Isirael kere nepepe kaŋes, oidukurun Giligal. Kosodi kanen, kepupu Yabin ekabaka loka Kasor nun, kijukak Yobab ekabaka loka Madon, ka ekabaka loka Simuron, ka ekabaka loka Akisap, Ka ikabakan luajaas ari naka agolitomei, akwap nakiukon, ka Araba ari naka eŋalakimak naka Kinerot, ka apuutona, ka amukuran nuka Dor kari nakoto, Mama ejai Ekanaanit loejai ari nakokide ka nakoto, ka Emorait, ka Ekitit, ka Eperisit, ka Eyebusit kakwap nakiukon, ka Ekibit kwap ka Kerumon kakwap naka Misipa. Kolomasi kesi ka ajoresiokee kere nepepe kakes, ituŋa luipu, aipuesukee kwape kasine naejai ariri naka aŋolol, koiaas kibalasin ka agalin nuipu noi. Kiriamunos ikabakan nul kere; kopotu kidukuroto nepepe ariri naka akipi nuka Merom, aitiji Isirael. Kotema EJAKAIT Yosua atiar, “Sirikikurianar kes: naarai moi kosawa kala eiaikini kes aario kakonyen nuka Isirael: itanwali ibalasinikee, iewei agalinikec.” Kitiut kesi ebuni Yosua ka ituŋa kere lukaiiok nepepe kaŋes, asurokin kes kariri naka akipi nuka Merom, kitiji Isirael kes. Kijaik EJAKAIT kes akan naka Isirael, kodanyata kes, kodapata kes kiton Sidon lokapolon, kiton Miserepot-maim, kiton aditot naka Misipe kari nakokide; kodanyata kes, aitodol neamamuunor idio da yenedeikinitai kes. Kiswamak Yosua kes kwape kieorakinia EJAKAIT ŋes: abu kitanwal ibalasinikec, kiewe da agalinikec, Kobono Yosua kapak kaŋin, kirum Kasor, koar ekabakake kekileŋ: naarai Kasor lem apolokinit ajakanuto nun kere. Kodanyata ituŋa kere luajaas toma kakwanis naka ekileŋ, komudiasi kes cut: amamei yeneyena yenedeunitai: kiewe Kasor kakim. Abu Yosua kirum ireria kere luka ikabakan kanul, ka ikabakanakec kere, kodany kes kakwanis naka ekileŋ, komudia kes cut; kwape ecorakinitor Musa ekeiaanakinan loka EJAKAIT. Konye ireria luadukokinitai otutiokec, mam Isirael abu kicwe edio kakesi, dimarai Kasor bon; ŋes abu Yosua kicwe. Apotu idwe luka lsirael koyanaasi lunatuna koreria kanul, ka ibaren; konye apotu kesi koarata ninituŋanan kakwanis naka ekileŋ, aitodol neamudiariata kes, komam ideunete yeneyena kere. Kwape ecorakinitor EJAKAIT Musa ekeiaanakinanike, abu Musa da kicorak Yosua kwaŋin: kiswama Yosua kwaŋin; mam abu kinyek adiokirot kakiro kere nueeorakinit EJAKAIT Musa. Kirum do Yosua akwap nin kere, akwap nakiukon, ka Eŋalakimak kere, ka akwap kere naka Gosen, ka apuutona, ka Araba, ka akwap nakiukon naka Isirael, ka apuutona nuka akwap kaŋin; Ageun komoru Kalak, loedolit Seir, kiton Baal-gad kaditot naka Lebanon kwap kemoru Kerumon: koyana ikabakanakec kere, kodany kes eut. Kodau Yosua apak naepol itijiei ikabakan nul kere. Amamei ere loabu kitutuk nukainapakin kidwe luka Isirael, dimarai Ikibin luibojete koGibeon: koyanaasi kere kojie. Naarai etogogoŋit EJAKAIT ikecetauon, aitiii Isirael, tetere emudiari kes cut, kinyeis adumun asianut, konye tetere emudiari kes, kwape ecorakinitor EJAKAIT Musa. Kobu Yosua kapak kaŋin, komudia Anakim kakwap nakiukon, koKeburon, koDebir, koAnab, kakwap kere nakiukon naka Yuda, kakwap kere da nakiukon naka Isirael; abu Yosua komudia kes eut ka ireriakec, Amamei edio luka Anakim loedeunitai kakwap naka idwe luka Isirael; konye edeuna ice koGasa, koGat da ka Asudod. Kwaŋin kirum Yosua akwap kere, kwape ajaatar kere nuabu EJAKAIT kolimok Musa; abu Yosua koinak Isirael akwap araun airumet kwape atiakanakinitere kes katekerinikec, Kiyenu akwap ejie. Lu kes ikabakan luka akwap, luapotu idwe luka lsirael kodanyata, kirumata akeeekwap kokekwa loka Yorodan kama eniunia akoloŋ, ageun kaditot naka Arunon kiton moru Kerumon, ka Araba kere kari nakokidc: Sikon ekabaka loka lmorain, loeboie koKesibon, koyaite ageun koAroer, loejai osiep loka aditot naka Arunon, ka ere loejai kidiŋ aditot, ka atutubet naka Gilead, kiton ocor Yabok, eikor loka idwe luka Amon; Ka Araba kiton aŋolol naka Kinerot, kari nakokide, ido kiton aŋolol naka Araba, ŋes aŋolol naka Abalaŋ, kari nakokide, orot loebei Bet-yesimot; ari da naka eŋalakimak, kwap neiiululuoro Pisiga: Eikor da loka Og ekabaka loka Basan, loka luedeuna luka Irepaim, loeboie koAsitarot ka Ederei, Loayait moru Kerumon, ka Saleea, ka Basan kere, kiton oikor loka Igesurin ka Imaakatin, ka atutubet naka Gilead, eikor loka Sikon ekabaka loka Kesibon, Apotu Musa ekejaanakinan Ioka EJAKAIT ka idwe luka Isirael kodanyata kes: koinak da Musa ekeiaanakinan loka EJAKAIT akwap nin araun airumet naka Ireubcnin, ka Igadin, ka atutubet naka ateker naka Manase. Lu kes ikabakan luka akwap luapotu Yosua ka idwe luka Isirael kodanyata kokekwa loka Yorodan kari nakoto, ageun koBaal-gad kaditot naka Lebanon kiton moru Kalak, loedolit Seir; koinak Yosua akwap ŋin araun airumet naka atekerin nuka Isirael kwape atiakanakinitere kes; Akwap nakiukon, ka apuutona, ka Araba, ka neijululuoro, kamodiŋ, kari naka Eŋalakimak; Ekitit, ka Emorait, ka Ekanaanit, ka Eperisit, ka Ekibit, ka Eyebusit: Ekabaka loka Yeriko, ediopet; ekabaka loka Ai, loidunyas ka Bet-el, ediopet; Ekabaka loka Yerusalem, ediopet; ekabaka loka Keburon, ediopet; Ekabaka loka Yaramut, ediopet; ekabaka loka Lakis, ediopet; Ekabaka loka Egilon, ediopet; ekabaka loka Geser, ediopet; Ekabaka loka Debir, ediopet; ekabaka loka Geder, ediopet; Ekabaka loka Koruma, ediopet; ekabaka loka Arad, ediopet; Ekabaka loka Libuna, ediopet; ekabaka loka Adulem, ediopet; Ekabaka loka Makeda, ediopet; ekabaka loka Bet-el, ediopet; Ekabaka loka Tapua, ediopct; ekabaka loka Keper, ediopet; Ekabaka loka Apek, ediopet; ekabaka loka Lasaron, ediopet; Ekabaka loka Madon, ediopet; ekabaka loka Kasor, ediopet; Ekabaka loka Simuron-meron, ediopet; ekabaka loka Akisap, ediopet; Ekabaka loka Taanak, ediopet; ekabaka loka Megido, ediopet; Ekabaka loka Kedes, ediopet; ekabaka loka Yokuneam koKaramel, ediopet; Ekabaka loka Dor kamukurat naka Dor, ediopet; ekabaka loka Goiim koGiligal, cdiopet; ekabaka loka Tirusa, ediopet; ikabakan kere akaisauni ka lediopet. Amoionit Yosua kokokosanite noi; kotema EJAKAIT ŋes atiar, “Imojoŋit ijo ikokosanit da noi, konye ideuna akwap naepol nakiruma. Na ŋes akwap naeroko ideuna: akwap kere naka Ipilisitian ka Igesurin kere; Ageun koSikor, loejai kinaren naka Misiri, kiton oikor loka Ekuron kari naka agolitomei, loemarakinitai oKanaanin: ijaka ikany luka Ipilisitian; Igasin, ka Isudodain, ka Isikelonain, ka Igitin, ka Iyekuronin; luka Abim da, Kari naka eŋalakimak: akwap kere naka Ikanaanin, ka Meara loerai loka Isidonin, kiton Apek, kiton oikor loka Imorain: Akwap da naka Igebalin, ka Lebanon kere, kama eniunia akoloŋ, ageun koBaal-gad kwap kemoru Kerumon kiton neelomarere Kamat: Luibojete kere kakwap nakiukon ageun koLebanon kiton Misirepot-maim, kes Isidonin kere; ereŋeari eoŋ ŋul kakonyen nuka idwe luka Isirael: konye kokorak ijo idwe luka Isirael akwap nin araun airumet, kwape keeorakinia joo Aso kokorak akwap na araun airumet naka atekerin akanykaoŋon, ka atutubet naka ateker naka Manase.” Apotu Ireubenin ka Igadin kodumut airumetekee nepepe kaŋes, naabu Musa koinak kes kokekwa loka Yorodan kari nakokide, kwape ainakinia Musa ekejaanakinan loka EJAKAIT kes; Ageun koAroer, loejai osiep loka aditot naka Arunon, ka ere loejai kidin aditot, ka apuuton kere naka Medeba kiton Dibon; ka ireria kere luka Sikon ekabaka loka Imorain, loayait Kesibon, kiton oikor loka idwe luka Amon; ka Gilead, ka eikor loka Igesurin ka Imaakatin, ka moru Kerumon kere, ka Basan kere kiton Saleea; Ajakanut kere naka Og koBasan, loayait Asitarot ka Ederei (nopenol Ioedeuna loka luedeuna luka Irepaim); naarai abu Musa kodany ŋul, kireŋea da, Konye mam idwe luka Isirael apotu kireneasi Igesurin, karaida Imaakatin: konye apotu Gesur ka Maakat kiboikinos kidin kIsirael, kiton lolo, Ateker naka Lebi bon ŋes mam ŋes abu koinak airumet; ainakineta nueinakinere kakim nuka EJAKAIT Edeke loka Isirael, kes airumeteke, kwape abu kolimokinia Ŋes. Koinak Musa ateker naka idwe luka Reuben kwape ejaatar ikekiakec, Ageunit eikorukec koAroer, loejai osiep loka aditot naka Arunon, ka ere loejai kidin aditot, ka apuuton kere naka Medeba; Kesibon, ka ireriake kere lueiaas apuuton; Dibon, ka Bamot-baal, ka Bet-baal-meon; Ka Yakas, ka Kedemot, ka Mepaat; ka Kiriataim ka Sibima, ka Seret-sakar komoru loka aditot; ka Bet-peor, ka neijululuoro Pisiga, ka Bet-yesimot; ka ireria kere luka apuuton, ka ajakanut kere naka Sikon, ekabaka loka Imorain, loayait Kesibon, loabu Musa kodany nepepe kiiaka luka Midian, Ebi, ka Rekem, ka Sur, ka Kur, ka Reba, ikapolok luka Sikon, lueboiete kakwap. Apotu idwe luka Isirael koarata Balaam da okoku loka Beor, ekadwaran, kotoma kanul luaponi koarai. Arai Yorodan eikor loka idwe luka Reuben, ka eikoruke. Ŋin ŋes airumet naka idwe luka Reuben kwape ejaatar ikekiakee, ireriakec lukapolok ka ludidik da. Koinak Musa ateker naka Gad, kes idwe lukaGad, kwape ejaatar ikekiakee. Arai Yaser eikorukee, ka ireria kere luka Gilead, ka atutubet naka akwap naka idwe luka Amon, kiton Aroerloitei Raba; Ageun koKesibon kiton Ramat-misipe, ka Betonim; ageun da koMakanaim kiton oikor loka Debir; Kaditot da, Bet-karam, ka Bet-nimura, ka Sukot, ka Sapon, ka ajakanut kere naedeuna naka Sikon ekabaka loka Kesibon, Yorodan ka eikoruke, kiton osaŋe loka aŋolol naka Kinerot, okekwa loka Yorodan kokide. Ŋin ŋes airumet naka idwe luka Gad kwape ejaatar ikekiakec, ireriakec lukapolok ka ludidik. Koinak Musa atutubet naka ateker naka Manase airumet: arai naka atutubet naka ateker naka Manase kwape ejaatar ikekiakec. Ageunit eikorukee koMakanaim, Basan kere, ajakanut kere naka Og ekabaka loka Basan, ka ireria kere luka Yair, luejaas Basan, ireria akaisakanykape: ka atutubet naka Gilead, ka Asitarot, ka Edcrei, ireria luka ajakanut naka Og koBasan, araas luka idwe luka Makir okoku loka Manese, kes atutubet naka idwe luka Makir kwape ejaatar ikekiakec, Ŋun kes airumeta nuakorokoroi Musa kapuutona nuka Moab kokekwa loka Yorodan koYeriko, kokide. Konye mam Musa abu koinak ateker naka Lebi airumet: EJAKAIT, Edeke loka Isirael, ŋes airumetekec, kwape abu kolimokinia kes. Nu kes airumeta nuerumete idwe luka Isirael kakwap naka Kanaan, nuakorokoroete Eleasar esasedoti, ka Yosua okoku loka Nun, ka ikapolok luka ikalia luka lukapapaakee luka atekerin nuka idwe luka Isirael, Kwape ajaar ailamilam eroet kanuka airumetakee, kwape ecorakinitor EJAKAIT kama ka Musa, kanuka atekerin akanykaouon, ka atutubet naka ateker. Naarai abu Musa koinak atekerin aarei ka atutubet naka ateker airumet kokekwa loka Yorodan: konye mam abu koinak Ilebin airumet kotomakec. Naarai araas idwe luka Yosep atekerin aarei, Manase ka Epuraim: mam apotu koinakis Ilebin akorakinet kakwap dimarai ireria luiboioto, ka ironyiakec kanuka ibarenekec ka iborokec. Kwape ecorakinitor EJAKAIT Musa, kiswamata idwe luka Isirael kwaŋin, kokorokorata akwap, Kosodete idwe luka Yuda aikunyakin mama ajai Yosua Giligal: kotema Kaleb okoku loka Yepune Ekenisit ŋes atiar, “Ŋeni ijo akirot naabu EJAKAIT kolimok Musa etuŋanan loka Edeke nakalimitor eoŋ ka jo koKades-barunea. Kolo arai eoŋ loka ikar akaisaoŋon nakejukaria Musa ekejaanakinan loka EJAKAIT eoŋ anyoun koKades-barunea airot akwap; kasodi ainun ŋes akirot kwape ajaar otauka. Konye apotu ikainaean lukiupara keoŋ kipirisiasi itauon luka ituŋa; kouye abu eoŋ katup eut EJAKAIT Ekadeke. Kiyapoik Musa kapaaran kaŋin ebe, ‘Abeit akwap naecak akonikeju eraun airumetekon ka naka idwekon ikar kere, naarai itup eut EJAKAIT Ekadeke.’ Ido koany, ketubut EJAKAIT eoŋ, kwape abu kolimunio, ikar lu akaisaoŋon ka lukany, ameun kapak naalimokinia EJAKAIT Musa akirot nin, kirim Isirael kamodiŋ: aso koany, arai lolo eoŋ loka ikar akaisakanykauni ka lukany. Konye aroko lolo agogoŋ kwape ajaar akagogoŋ kapak kaya, ejai akagogoŋ kwape kwaŋin kwana, kanuka ejie, alomar ka alomun da. Aso do koinakinai eoŋ eronat lo, loenerar EJAKAIT kapaaran kaya; naarai ibu kopup kapaaran kaya ebe ajaas luka Anakim nina, ka ireria lukapolok luabwaitai; arai ejaun EJAKAIT keoŋ, ereŋeari kes, kwape abu EJAKAIT kolimunio.” Kilipak Yosua ŋes arereŋ; koinak Kaleb okoku loka Yepune Keburon araun airumet. Koraun do Keburon airumet naka Kaleb okoku loka Yepune Ekenisit, kiton lolo; naarai abu kotup eut EJAKAIT, Edeke loka Isirael, Arai sek ekiror loka Keburon Kiriat-araba; Araba ŋol arai lokapolon kama ejaas luka Anakim. Kiyenu akwap ejie. Kobe eroet loka ateker naka idwe luka Yuda kwape ejaatar ikekiakee ageun koikor loka Edom, kiton amodiŋ naka Sin, kari naka eŋalakimak, atutubet nakosane naka eŋalakimak. Ageunit eikorukee loka ari naka eŋalakimak katutubet nakosane loka Aŋolol naka Abalaŋ, ageun kagor naitei eŋalakimak: Kitor ari naka eŋalakimak naedokarere Akurabim, kobei Sin, kitor ari naka eŋalakimak naka Kades-barunea, kiriria Kesiron, kitor Adar, kokudo koKaraka: Kobe Asimon, kitor aguurut nako Misiri; kosan eikor aŋolol: eraun ŋol eikorukus loka ari naka eŋalakimak. Aŋolol naka Abalaŋ ŋes arai eikor lokokide, kiton osaŋe loka Yorodan, Ageunit eikor loka ari naka agolitomei kariri naka aŋolol kosane loka Yorodan; Kitor eikor Bet-kogila, kiriria agolitomei naka Bet-araba; kitor eikor amoru naka Bokan okoku loka Reuben: Kitor eikor Debir ageun kaditot naka Akor, ape agolitomei, kitei Giligal, loitei needokarere Adumim, loejai ari naka eŋalakimak naka ecor: kobe eikor akipi nuka En-semes, kosaŋak En-rogel; Kitor eikor aditot naka okoku loka Kinom kiton ari naka eŋalakimak naka Eyebusit (nopenol ŋes Yerusalem): kitor eikor kuju keronat loejai kinaren kaditot naka Kinom kari nakoto, loejai atutubet nakosane naka aditot naka Repaim kari naka agolitomei: Kigirunai eikor ageun kokuju keronat kiton atan naka akipi nuka Neputoa, kobe oreria luka emoru Epuron; kigirunai eikor kiton Baala (ŋopeŋol ŋes Kiriat-yearim): Kokudo eikor koBaala ari nakoto kiton emoru Seir, kobe ari naka agolitomei naka emoru Yearim (nopenol ŋes Kesalon), kitor Bet-semes, kiriria Timuna: Kobe eikorari naka agolitomei kowai loka Ekuron: kigirunai eikor kiton Sikeron, kobe emoru Baala, kosan Yabuneel; kosan eikor aŋolol. Aŋolol nakapolon ŋes arai eikor loka ari nakoto, ka eikoruke. Ŋol ŋes eikor loalukunit idwe luka Yuda kwape ajaatar ikekiakee. Abu koinak Kaleb okoku loka Yepune akorakinet kodwe luka Yuda, kwape ajaar aicorakinet naka EJAKAIT naeeorakinit ŋesi Yosua; akorakineteke ŋes Kiriat-araba, arai Araba ŋol papa loka Anak (nopenol ŋes Keburon). Kirenea Kaleb odwe iuni luka Anak, Sesai, ka Akiman, ka Talimai, idwe luka Anak. Koloma asurokin lueboiete koDebir: arai sek ekiror loka Debir Kiriat-seper. Kotema Kaleb atiar, “Ŋol loedanyi luka Kiriat-seper, kosodi airum ere, akorakini eoŋ ŋol akokuka Akisa aimany.” Kosodi Otiniel, okoku loka Kenas onace loka Kaleb, kirum ŋes; abu kokorak ŋes akokuke Akisa aimany. Kosodi kanen, kebu mamake abu ŋin kokoto nol ailipun papake emanikor: kodok kasigiriake; kotema Kaleb ŋes atiar, “Inyo bo ikoto ijo?” Kotema atiar, “Koinakinai eoŋ arereŋ; naarai kiinakinit eoŋ akwap naka ari naka Eijalakimak, koinakinai eoŋ da atanin nuka akipi.” Abu koinak ŋes atanin nukokuju ka nukajesa da. Ŋin ŋes airumet naka ateker naka idwe luka Yuda kwape ejaatar ikekiakee. Ireria lukosane luka ateker naka idwe luka Yuda kariri naka eikor loka Edom kari naka Eŋalakimak kes lu: Kabuseel, ka Eder ka Yagur; ka Kina, ka Dimona, ka Adada; ka Kedes, ka Kasor, ka Itinan; Sip, ka Telem, ka Bealot; ka Kasor-kadata, ka Keriot-kesiron (nopenol ŋes Kasor); Amam, ka Sema, ka Molada; ka Kasar-gada, ka Kesimon, ka Bet-pelet; ka Kasar-sual, ka Beer-seba, ka Bisiotia; ka Baala, ka Iim, ka Esem; ka Elitolad, ka Kesil, ka Korima; ka Sikilag, ka Madumena, ka Sanisana; ka Lebaot, ka Silikim, ka Ain, ka Rimon: ireria kere imwaasi akaisaarei ka lukanykaonon ka ireriakec ludidik. Kapuuton, Esitaol, ka Sora, ka Asina; ka Sanoa, ka En-ganim, ka Tapua, ka Enam; ka Yaramut, ka Adulam, ka Soko, ka Aseka; ka Saaraim, ka Aditaim, ka Gedera, ka Gederotaim; ireria itomon ka luoŋon ka ireriakee ludidik. Senan, ka Kadasa, ka Migidal-gad; ka Dilan, ka Misipe, ka Yokiteel; Lakis, ka Bosikat, ka Egilon; ka Kabon, ka Lakimam, ka Kitilis; ka Gederot, ka Bet-dagon, ka Naama, ka Makeda; ireria itomon ka lukanykape ka ireriakee ludidik. Libuna, ka Eter, ka Asan; ka Iputa, ka Asina, ka Nesib; ka Keila, ka Akisib, ka Maresa; ireria ikanykaoŋon ka ireriakee ludidik. Ekuron, ka ireriake ka ireriake ludidik. Ageun ka Ekuron kiton aŋolol, kere luedunyas ka Asudod, ka ireriakee ludidik. Asudod, ireriake ka ireriake ludidik; Gasa, ireriake ka ireriake ludidik; kiton aguurut nako Misiri, ka aŋolol nakapolon, ka eikoruke. Kakwap nakiukon, Samir, ka Yatir, ka Soko; ka Dana, ka Kiriat-sana (nopenol ŋes Dabir); ka Anab, ka Esitemo, ka Anim; ka Gosen, ka Kolon, ka Gilo, ireria itomon ka lodiopet ka ireriakee ludidik. Arab ka Duma, ka Esan; ka Yanim ka Bet-tapua ka Apcka; ka Kumita, ka Kiriat-araba, (nopenol ŋes Keburon), ka Sior; ireria ikanykaoŋon ka ireriakee ludidik. Maon, ka Karamel, ka Sip, ka Yuta; ka Yesereel, ka Yokodeam, ka Sanoa; Kain, ka Gibea, ka Timuna; ireria itomon ka ireriakec ludidik. Kalukul, ka Bet-sur, ka Gedor; ka Maarat, ka Bet-anot, ka Elitekon; ireria ikanykape ka ireriakec ludidik. Kiriat-baal (nopenol ŋes Kiriat-yearim), ka Raba; ireria iarei ka ireriakec ludidik. Kotoma amodiŋ, Bet-araba, Midin, ka Sekaka; ka Nibisan, ka Ere loka Abalaŋ, ka En-gedi; ireria ikanykape ka ireriakee ludidik. Konye Iyebusin, lueboienenete koYerusalem, mam idwe luka Yuda apotu kopedosi aireŋear kes: konye apotu Iyebusin kiboioto kidwe luka Yuda koYerusalem, kiton lolo. Kobe eroet loka idwe luka Yosep ageun koYorodan koYeriko, kakipi nuka Yeriko kari nakokide, ŋes amodiŋ, anyoun koYeriko kitor akwap nakiukon kiton Bet-el: Kitor Bet-el kiton Lus, kobe oikor loka Irikain kiton Atarot; Kijesar ari nakoto oikor loka Iyapeletin, kiton oikor loka Bet-koron loiiesara, kiton Geser; kosan aŋolol, Kirumata idwe luka Yosep, Manase ka Epuraim, airumetekec. Eikor loka idwe luka Epuraim kwape ejaatar ikekiakee ŋes lo: eikor loka airumetekee kari nakokide korai Atarot-adar, kiton Bet-koron luimukurur; Kobe eikor ari nakoto koMikimetat kari naka agolitomei; kokudo eikor ari nakokide kiton Taanat-silo, kiriria ŋes kari nakokide naka Yanoa; Kijesar anyoun koYanoa kiton Atarot, kiton Naara da, kodol Yeriko, kosan Yorodan, Ageun koTapua kitor eikor ari nakoto kiton oeilet loka Kana; kosan aŋolol. Ŋin ŋes airumet naka ateker naka idwe luka Epuraim, kwape ejaatar ikekiakee. Nepepe kireria luatiakunitai kanuka idwe luka Epuraim kokidin kairumet naka idwe luka Manase, ireria lukapolok kere ka ireriakee ludidik. Mam kes apotu kireneasi Ikanaanin lueboiete koGeser; konye kiboienenete Ikanaanin kama ejai Epuraim kiton lolo, koraut ibulesin lukeswamak nukailolitoi. Lo ŋes eroet loabeit ateker naka Manase; naarai ŋes arai ekiyai loka Yosep. Naarai arai Makir ekiyai loka Manase, papa loka Gilead, etuŋanan lokajiot, ŋes akorakinere Gilead ka Basan, Abeit eroet idwe kere luka Manase luedeuna kwape ajaatar ikekiakec; idwe luka Abieser, ka idwe luka Kelek, ka idwe luka Asuriel, ka idwe luka Sekem, ka idwc luka Keper, ka idwe luka Semida: nul kes idwe lukiliok luka Manase okoku loka Yosep kwape ajaatar ikekiakec. Konye Selopekad, okoku loka Keper, okoku loka Gilead, okoku loka Makir, okoku loka Manasc, amameete idwe lusap, dimarai apesur: lu kes ikiroria luka adweke, Mala, ka Noa, ka Kogila, ka Milika, ka Tirusa. Apotu kesi kikunyut akonyen nuka Eleasar esasedoti, akonyen nuka Yosua okoku loka Nun, akonyen da nuka ikapolok, kotemasi atiar, “Abu EJAKAIT kicorak Musa akorakin sio airumet kama cjaas iinacanakosi:” kanuka ŋun abu kokorak kes airumet kama ejaas iinaean luka papakee kwape ajaar aicorakinet naka EJAKAIT. Kobeata Manase aturubeta atomon, kogelara akwap naka Gilead ka Basan, naejai okekwa loka Yorodan; Naarai adumunito adwe nuka Manase airumet kama ejaas odweke: akwap da naka Gilead arai naka odwe luka Manase kere luedeuna. Ageunit eikor loka Manase koAser kiton Mikimetat, loitei Sekem; kitor eikor akan nakoteten, kiton neajaas lueboiete koEn-tapua. Korai akwap naka Tapua naka Manase: konye Tapua loejai oikor laka Manase korai loka idwe luka Epuraim, Kiiesar eikor kiton aguurut naka Kana, ari naka eŋalakimak naka aguurut: araas ireria lu luka Epuraim koreria luka Manase: ajai eikor loka Manase ari naka agolitomei naka aguurut, kosan aŋolol: Kari naka eŋalakimak korau naka Epuraim, kari da naka agolitomei korai naka Manase, aŋolol ŋes arai eikorukee; kodolokis Aser kari naka agolitomei, ka Isakar kari nakokide. Adumunit Manase kotoma Isakar ka Aser Bet-sean ka ireriake, Ibileam ka ireriake, ka Iueboiete koDor ka ireriake, ka lueboiete koEn-dor ka ireriake, ka lueboiete koTaanak ka ireriake, ka lueboiete koMegido ka ireriake, kes amukuran auni, Konye mam idwe luka Manase apotu kopedosi aireŋear lueboiete koreria kanul; konye kiketakinos Ikanaanin aiboi kakwap kaŋin, Kosodi kanen, kegogonioto idwe luka Isirael, apotu kitaraut Ikanaanin ikeswamak lukailolitoi, komam irenearere kes cut. Kotemasi idwe luka Yosep Yosua atiar, “Kanukinyo kitebea ijo eoŋ eroet ediopet, ka atutubet adiopet araun airumeteka, kwabo kirai isio ituŋa luipu, naarai kisireren EJAKAIT sio kiton lolo?” Kotema Yosua kes atiar, “Arai iraasi yesi ituŋa luipu, koloto yesi amagoro, kojeput yesi kanen akwap naka Iperisin, ka Irepaim; naarai kididinikinit yes akwap nakiukon naka Epuraim.” Kotemasi idwe luka Yosep atiar, “Kikadit isio akwap nakiukon: Ikanaanin da kere luibojete kakwap naka aditot ejaas agalin nuka asua, ijul luejaas Bet-sean ka ireriake, ka nul da luejaas aditot naka Yesereel.” Kotema Yosua ekal loka Yosep, ŋes Epuraim ka Manase atiar, “Iraasi yesi ituŋa luipu, epol da agogoŋ: mam kitebeo edioperoet bon: Konye do eraun akwap nakiukon nakus; karaida kerai amagoro, iiepunete yesi ŋes, eraunos da awaitinike nukus: naarai irenearete yesi Ikanaanin, karaida kejaas kes agalin nuka asua, karaida kegogon kesi.” Kotukonokin ekodet kere loka idwe luka Isirael Silo, kosipokis nen ewema loka airiamunun: kononokik kes akwap. Asalito atekerin akanykaarei kodwe luka Isirael numam ber akorokoroto airumetekee. Kotema Yosua idwe luka Isirael atiar, “Itodolete yesi ai ikalanyaka alomar airum akwap nakiinak yes EJAKAIT Edeke loka lukapapaakus? Koseutu yesi ituŋa iuni kaniniteker: keiuka kes, enyounete, itorete akwap kere, iwadikaete kesi kwape eputor kwape ejaar airumetekec; eboŋunete neaiai. Ekorokoroete akwap atutubcta akanykaarei; iboikini Yuda oikoruke kari naka eŋalakimak, ekal da loka Yosep iboikini oikorukee kari naka agolitomei. Iwadikaete kwape eputor akwap kotoma atutubeta akanykaarei, koyaut nuiwadikaete mama ajai eoŋ: kelamilamakini eoŋ yes croet kane kakonyen nuka EJAKAIT Ewokodeke. Naarai amamei Ilebin akorakinet kamakus; naarai esasedotene loka EJAKAIT ŋes airumetekec: adumut Gad ka Reuben ka atutubet naka ateker naka Manase airumetekec kokekwa loka Yorodan kari nakokide, naainakini kes Musa ekejaanakinan loka EJAKAIT,” Konyout ituŋa koloto: kicorak Yosua ŋullualosete aiwadik akwap ebe, “Koloto kitoro akwap kere, kiwadikata kwape eputor, kobonut neajai, kelamilamakini eoŋ yes eroet kane koSilo kakonyen nuka EJAKAIT.” Koloto ituŋa, kitoro akwap kere, kiwadikata oitabo kwape eputor koreria, kotoma akorakineta akanykaarei, kopotu neejai Yosua oidukurun Silo, Kilamilamak Yosua kes croet koSilo kakonyen nuka EJAKAIT: kokorokor Yosua akwap kanen mama ejaas idwe luka Isirael kwape atiakanakinitere kes, Kobe eroet ateker naka idwe luka Benyamin kwape ajaatar ikekiakec: koiai eikor loka eroetekee kidin idwe luka Yuda ka idwe luka Yosep. Kari naka agolitomei ageunit eikorukec koYorodan; kobe eikor osiep loka Yeriko kari naka agolitomei, kitor akwap nakiukon kari nakoto; kosan amodiŋ naka Bet-aben. Kitor eikor nen kiton Lus, airirikina Lus (nopenol ŋes Bet-el), kari naka eŋalakimak; kijesar eikor kiton Atarot-adar, ariri naka eronat loejai ari naka eŋalakimak naka Bet-koron loiiesara. Kigirunai eikor kokudo kari nakoto ari naka eŋalakimak ageun koronat loejai kinaren ka Bet-koron kari naka eŋalakimak; kosan Kiriat-baal (nopenol ŋes Kiriatyearim), ere loka idwe luka Yuda: ŋol ŋes ewai lokoto. Ewai da loka ari naka eŋalakimak ageunit katutubet naesanit Kiriat-yearim, kitor eikor ari nakoto, kiton atan naka akipi nuka Neputoa: Kijesar eikor atutubet naesanit eronat loejai kinaren kaditot naka okoku loka Kinom, loejai aditot naka Repaim kari naka agolitomei; kijesar kiton aditot naka Kinom, kiton osicp loka ari naka eŋalakimak loka Eyebusit, kobe En-rogel; Kigirunai kari naka agolitomei, kitor En-semcs, kobe Gelilot, loitei needokarere Adumim; kijesar kiton amoru naka Eokan okoku loka Reuben; Kiriria osiep loka Araba kari naka agolitomei kiiesar kiton Araba: Kiriria eikor osiep loka Bet-kogila kari naka agolitomei agor naka Aŋolol naka Abalaŋ, osaŋe loka Yorodan kari naka eŋalakimak: nol ŋes eikor loka ari naka eŋalakimak, Korai Yorodan eikoruke kowai lokokide. Ŋin ŋes airumet naka idwe luka Benyamin, kwape ejaatar iikorunokec luelukunito, kwape ejaatar ikekiakec. Ireria luka ateker naka idwe luka Benyamin, kwape ejaatar ikekiakec kes Yeriko, ka Bet-kogila, ka Emek-kesis; ka Bet-araba, ka Semaraim, ka Bet-el; ka Abim, ka Para, ka Opura; ka Keparamoni, ka Opuni ka Geba; ireria itomon ka luarei ka ireriakec ludidik: Gibeon, ka Rama, ka Beerot; ka Misipe, ka Kepira, ka Mosa; ka Rekem, ka Iripeel, ka Tarala; ka Sela, ka Elep, ka Eyebusit (nopenol ŋes Yerusalem), ka Gibeat, ka Kiriat; ireria itomon ka luonon ka ireriakec ludidik, ŋin ŋes airumet naka idwe luka Benyamin kwape ejaatar ikekiakee. Kobeik eroet lokiareit Simeon, ŋes ateker naka idwe luka Simeon, kwape ajaatar ikekiakec: ajai airumetekec kidin kairumet naka idwe luka Yuda, Apotu kesi kirumata Beer-seba, arai Seba, ka Molada; ka Kasar-sual, ka Bala, ka Esem; ka Elitolad, ka Betul, ka Koruma; ka Sikilag, ka Ber-marakabot, ka Kasar-susa; ka Bet-lebaot, ka Saruken; ireria itomon ka luuni ka ireriakec ludidik; Ain, ka Rimon, ka Eter, ka Asan; ireria iwonon ka ireriakec ludidik: ka ireria ludidik kere lualukunito ireria nul kiton Baalat-beer, Rama loka ari naka Eŋalakimak. Ŋin ŋes airumet naka ateker naka idwe luka Simeon kwape ajaatar ikekiakec. Ajai airumet naka idwe luka Simeon toma owai loka idwe luka Yuda: naarai alalakinit noi idwe luka Yuda akorakinetekec: kanuka nun ŋes akorakinere idwe luka Simeon airumet kokidin airumetekec. Kobeik eroet lokiwuniet idwe luka Sebulun kwape ajaatar ikekiakec: ajai eikor loka airumetekee kiton Sarid: Kitor eikorukec ari nakoto, kiton Marala, kodol Dabeset; kodol da aguurut naejai kinaren ka Yokoneam; Kokudo koSarid ari nakokide mama eniunia akoloŋ kiton oikor loka Kisilot-tabor; kobe Daberat, kitor Yapia; Kobe kanen kiton Gat-keper, kiton Et-kasin; kitor Rimon loedolit Nea; Kokudo eikor airimor ŋes kari naka eŋalakimak kiton Kanaton: kosan aditot naka Ipita-el; ka Katat, ka Nakalal, ka Simuron, ka Idala, ka Bet-lekem: ireria itomon ka luarei ka ireriakec ludidik. Ŋin ŋes airumet naka idwe luka Sebulun kwape ajaatar ikekiakec, ireria nul lukapolok ka ireriakec ludidik. Kobeik eroet lokiwononet Isakar, kes idwe luka Isakar kwape ajaatar ikekiakec. Ajai eikorukec kiton Yesereel, ka Kesulot, ka Sunem; ka Kaparaim, ka Sion, ka Anakarat; ka Rabit, ka Kision, ka Ebes; ka Remet, ka En-ganim, ka En-kada, ka Bet-pases; Kodol eikor Tabor, ka Sakasuma, ka Bet-semes; kosan eikorukec Yorodan: ireria itomon ka lukanykape ka ireriakec ludidik. Ŋin ŋes airumet naka ateker naka idwe luka Isakar kwape ajaatar ikekiakec, ireria lukapolok ka ireriakec ludidik, Kobeik eroet lokikanyet ateker naka idwe luka Aser, kwape ajaatar ikekiakec. Eikorukec ŋes Kelakat, ka Kali, ka Beten, ka Akisap; ka Alamelek, ka Amad, ka Misal; kodol Karamel kari nakoto, kiton Sikor-libunat da; Kokudo neeniunia akoloŋ kiton Bet-dagon, kodol Sebulun, ka aditot naka Ipita-el kari naka agolitomei kiton Bet-emek, ka Neiel; kitor Kabul kakan nakokediany, ka Eburon, ka Rekob, ka Kamon, ka Kana, kiton Sidon lokapolon; Kokudo eikor kiton Rama, ka ere loebwaitai loka Turo; kokudo eikor kiton Kosa; kosan aŋolol kakwap naka Akisib: Uma da, ka Apek, ka Rekob: ireria akaisaarei ka luarei ka ireriakec ludidik. Ŋin ŋes airumet naka ateker naka idwe luka Aser kwape ajaatar ikekiakec, ireria nul lukapolok ka ireriakec ludidik. Kobeik eroet lokikanyetekape idwe luka Naputali, kes idwe luka Naputali kwape ajaatar ikekiakec. Ageunit eikorukec koKelep, ageun kolua loajai Saananim, ka Adami-nekeb, ka Yabuneel, kiton Lakum: kosan Yorodan: Kokudo eikor ari nakoto kiton Asinot-tabor, kobe kanen kiton Kukok; kodolok Sebulun kari naka eŋalakimak, kodolok Aser kari nakoto, ka Yuda da koYorodan kaneeŋiunia akoloŋ, Ireria luabwaitai kes Sidim, ka Ser, ka Kamat, ka Rakat ka Kineret; ka Adama, ka Rama, ka Kasor; ka Kedes, ka Ederei, ka En-kasor; ka Iron, ka Migidal-el, ka Korem, ka Bet-anat, ka Bet-semes; ireria itomon ka lukanykaonon ka ireriakec ludidik. Ŋin ŋes airumet naka ateker naka idwe luka Naputali kwape ajaatar ikekiakee, ireria lukapolok ka ireriakec ludidik, Kobeik eroet lokikanyetekaarei ateker naka idwe luka Dan kwape ajaatar ikekiakec. Eikor loka airumetekec ŋes Sora, ka Esitaol, ka Ir-semes; ka Saalabin, ka Aiyalon, ka Itila; ka Elon, ka Timuna, ka Ekuron; ka Eliteke, ka Gibeton, ka Baalat; ka Yekud, ka Bene-berak, ka Gatrimon; ka Me-yarikon, ka Rakon, kiteos eikor kaYopa. Kisukunyikis idwe luka Dan eikorukee: naarai apotu idwe luka Dan kolomasi aitiji Lesem, koyanaasi ŋes, kodanyata luken kakwanis naka ekileŋ, kirumata, kiboikinos toma, komaikis Lesem Dan, ekiror loka papakec. Ŋin ŋes airumet naka ateker naka idwe luka Dan kwape ajaatar ikekiakee, ireria ŋullukapolok ka ireriakec ludidik. Kitananata kwaŋin akorokor airumeta nuka akwap kwape ajaatar iikorunoke; koinakis idwe luka Isirael Yosua okoku loka Nun airumet kamakee: Apotu koinakis ŋes ere loelipit, ŋes Timunat-sera kotoma akwap nakiukon naka Epuraim, kwape ajaar aicorakinet naka EJAKAIT: abu koduk ere, kiboikin roma. Ŋun kes airumeta nuapotu Eleasar esasedoti, ka Yosua okoku loka Nun, ka ikapolok luka ikalia luka lukapapaa luka atekerin nuka idwe luka Isirael kokorokorata kes airum kailamilam eroet koSilo kakonyen nuka EJAKAIT kokek loka ewema loka airiamunun. Kitananata kwaŋin akorokor akwap. Kotema EJAKAIT Yosua atiar, “Kolimok idwe luka Isirael ebe, Koseutu yesi ireria lukuianara, luabu kalimok yes kama ka Musa: Tetere ikaaran yeneari ituŋanan komam epeleikinit, komam ejeŋi da, ekereari nina: eraunos kamakus luikuianarete kaneejai ekenyaŋaran aokot. Ekereari ore ediopet koreria kanul, ebwoi korute loka ere, kosodi alimokin imakio luka ere kanol akekiro; itolomarete kesi ŋes ore mamakee, einakinete ŋes aibois, tetere iboikin mamakec. Arai kedap ekenyaŋaran aokot ŋes, mam kes iiaikinete ekaaran mamake: naarai aar ekeidunyet komam ejeŋi, komam lem da elait ŋes. Iboikin ore ŋol aitodol naebwoia atubokinio kakonyen nuka ekodet, aitodol da naetwania esasedoti lopeti lokejai kapaarasia kanun: ŋes konyet ebonunio ekaaran, ebunio da oreke, togoke, ore Ioakerca.” Kotiakut Kades koGalilaya kakwap nakiukon naka Naputali, ka Sekem kakwap nakiukon naka Epuraim, ka Kiriat-araba (nopenol ŋes Keburon) kakwap nakiukon naka Yuda. Kokekwa loka Yorodan da koYeriko kari nakokide, apotu koseut Beser kamodiŋ kapuuton naka ateker naka Reuben, ka Ramot koGilead naka ateker naka Gad, ka Golan koBa san naka ateker naka Manase, Ŋul kes ireria luaseikinitai idwe kere luka Isirael ka imoit yeneboie kamakec, tetere ninitunanan yeneari ituŋanan komam epeleikinit ekereari nina, komam ekenyaŋaran aokot eari ŋes, aitodol naebwoia kakonyen nuka ekodet. Kosodete ikapolok luka ikalia luka lukapapaa luka Ilebin aikunyakin mama ejai Eleasar esasedoti, ka Yosua okoku loka Nun, ka ikapolok luka ikalia luka lukapapaa luka atekerin nuka idwe luka Isirael; Kotemasi kes koSilo kakwap naka Kanaan atiar, “Abu EJAKAIT kicorak kama ka Musa ainakin sio ireria lukiboionono, ka ironyiakee kanuka ibarenekosi.” Apotu idwe luka Isirael koinakisi Ilebin ireria lu ka ironyiakee kotoma airumetekec, kwape ajaar aicorakinet naka EJAKAIT. Kobeik eroet ikekia luka Ikokatin: kobeik eroet idwe luka Aaron esasedoti, luaraas Ilebin, kotoma ateker naka Yuda, ka ateker naka Isimeonin, ka ateker naka Benyamin, ireria itomon ka luuni, Kobeik eroet idwe luka luedeuna luka Kokat kotoma okekia luka ateker naka Epuraim, ka ateker naka Dan, ka atutubet naka ateker naka Manase, ireria itomon. Kobeik eroet idwe luka Gereson kotoma okekia luka ateker naka Isakar, ka ateker naka Aser, ka ateker naka Naputali, ka atutubet naka ateker naka Manase koBasan, ireria itomon ka luuni. Kodumut idwe luka Merari kwape ajaatar ikekiakec kotoma ateker naka Reuben, ka ateker naka Gad, ka ateker naka Sebulun, ireria itomon ka luarei. Koinakis idwe luka Isirael Ilebin ireria nul ka ironyiakee kailamilam eroet, kwape ecorakinitor EJAKAIT kama ka Musa. Koinakis kotoma ateker naka idwe luka Yuda, ka ateker naka idwe luka Simeon, ireria lu luebilitai kane ikecekiroria, Koraas luka idwe luka Aaron, luka ikekia luka Ikokatin, luaraas luka idwe luka Lebi: naarai abu eroet losodit kobeik kes. Apotu koinakis kes Kiriat-araba, Araba ŋol ŋes papa loka Anak, (nopenol ŋes Keburon) kakwap nakiukon naka Yuda, ka ironyiake lualukunito. Konye imanikoria luka ere ka ireriake ludidik, apotu kesi koinakis Kaleb okoku loka Yepune airum. Apotu koinakis idwe luka Aaron esasedoti Keburon ka ironyiake, ere loekuianari ikaaran, ka Libuna ka ironyiake; ka Yatir ka ironyiake, ka Esitemoa ka ironyiake; ka Kolon ka ironyiake, ka Debir ka ironyiake; ka Ain ka ironyiake, ka Yuta ka ironyiake, ka Bet-semes ka ironyiake, ireria ikanykaoŋon kotoma atekerin nun nuarei. Kotoma ateker naka Benyamin, Gibeon ka ironyiake, Geba ka ironyiake; Anatot ka ironyiake, ka Alumon ka ironyiake; ireria iwoŋon, Ireria kere luka idwe luka Aaron, isasedotin, emwaasi itomon ka luuni ka ironyiakec, Apotu ikekia luka idwe luka Kokat, Ilebin, kes idwe kere luedeuna luka Kokat, kodumut ireria luka eroetekec kotoma ateker naka Epuraim. Apotu koinakis kes Sekem ka ironyiake kakwap nakiukon naka Epuraim, ere loekuianari ikaaran, ka Geser ka ironyiake; ka Kibisaim ka ironyiake; ka Bet-koron ka ironyiake; ireria iwonon, Kotoma ateker naka Dan, Eliteke ka ironyiake, Gibeton ka ironyiake; Aiyalon ka ironyiake, Gatrimon ka ironyiake; ireria iwonon, Kotoma atutubet naka ateker naka Manase, Taanak ka ironyiake, ka Gat-rimon ka ironyiake; ireria iarei. Ireria kere luka ikekia luka idwe kere luedeuna luka Kokat emwaasi itomon ka ironyiakec. Apotu koinakis idwe luka Gereson, loka ikekia luka Ilebin, kotoma atutubet naka ateker naka Manase, Golan koBasan ka ironyiake, ere loekuianari ikaaran, ka Be-esetera ka ironyiake; ireria iarei. Kotoma ateker naka Isakar, Kision ka ironyiake, Daberat ka ironyiake, Yaramut ka ironyiake; En-ganim ka ironyiake; ireria iwonon. Kotoma ateker naka Aser, Misal ka ironyiake, Abudon ka ironyiake; Kelekat ka ironyiake; ka Rekob ka ironyiake; ireria iwoŋon. Kotoma ateker naka Naputali, Kedes koGalilaya ka ironyiake, ere loekuianari ikaaran, ka Kamot-dor ka ironyiake, ka Karutan ka ironyiake; ireria iuni. Ireria kere luka Igeresonin kwape ajaatar ikekiakee emwaasi ireria itomon ka luuni ka ironyiakec. Apotu koinakis ikekia luka idwe luka Merari, luedeuna luka Ilebin, kotoma ateker naka Sebulun, Yokoneam ka ironyiake, ka Karuta ka ironyiake, Dimuna ka ironyiake, Nakalal ka ironyiake; ireria iwonon, Kotoma ateker naka Reuben, Beser ka ironyiake, ka Yakas ka ironyiake; Kedemot ka ironyiake, ka Mepaat ka ironyiake, ireria iwonon, Kotoma ateker naka Gad, Ramot koGilead ka ironyiake, ere loekuianari ikaaran, ka Makanaim ka ironyiake; Kesibon ka ironyiake, Yaser ka ironyiake, ircria kere iwcnon. Ŋul kere araas ireria luka idwe luka Merari kwape ajaatar ikekiakec, kes luedeuna luka ikekia luka Ilebin; kobeikis kes ireria itomon ka luarei. Ireria kere luka Ilebin kotoma airumeta nuka idwe luka Isirael emwaasi ireria akaisaoŋon ka lukanykauni ka ironyiakee. Alukunito ireria ŋul ironyiakec: ekote nen ireria nul kere. Kwaŋin koinak EJAKAIT Isirael akwap kere naeyapoikinit ainakin lukapapaakec: apotu kiruma ŋes, kiboioto kotoma. Kisiyen EJAKAIT kes kowaitin kere, kwape ajaatar kere nueyapoikinit lukapapaakec: mam edio kalukasurupokee kere loabu kobwoik kes; abu EJAKAIT kijaik lukasurupokec kere akanikec. Emamei akirot namam abu kodol kakiro nuejok nuabu EJAKAIT kolimokinite ekek loka Isirael; apotu kere kodoloto. Kosodi Yosua anyaraun Ireubenin ka Igadin ka atutubet naka ateker naka Manase, Kotema kes atiar, “Ipotu kidarata kere nuabu Musa ekejaanakinan loka EJAKAIT kicorak yes, ipupoto da ekaporoto kotoma kere nuabu kecorak yes: Mam ijalakinito ikusiinacan kapaarasia kanu nuipu, kiton lolo, konye ipotu kidarata akirot naka aicorakinet naka EJAKAIT Ekusideke. Kwana esiyenu EJAKAIT Ekusideke ikusiinaean, kwape alimokinitor kes: asa do, kobonosi, koloto owemanakus, akwap nairumito yesi, naabu Musa ekejaanakinan loka EJAKAIT koinak yes kokekwa loka Yorodan. Konye koeoito kojokan aiswamaenen aicorakinet ka ekisil, loabu Musa ekejaanakinan loka EJAKAIT kicorak yes, aminenen EJAKAIT Ekusideke, alosenen korotinike kere, aidar aicorakinetake kere, ka aimorikikin kaŋes, ka aiiaanakin ŋes kikusitauon kere ka akusiijar kere.” Kwaŋin abu Yosua kilipak kes arereŋ, kotwar kes: koloto owemanakec. Abu Musa koinakinite atutubet naka ateker naka Manase airumet koBasan: konye abu Yosua koinak nacetutubet kama ejaas iinaeanakee kokekwa loka Yorodan kari nakoto. Kotema kes atiar, “Koboŋosi kabar naepol owemanakus, ka ibaren luipu noi, ka epuesa, ka esabu, ka aisinit, ka asua, ka igoen luipu noi: komorata kikusiinaean lunatuna kaneejaas lukasurupokus.” Kobonosi idwe luka Reuben, ka idwe luka Gad, ka atutubet naka ateker naka Manase, konyout koSilo loejai akwap naka Kanaan neejaas idwe luka lsirael, alosit akwap naka Gilead, akwap naka airumetekec, naerumito kesi, kwape ajaar aicorakinet naka EJAKAIT kama ka Musa. Kedoloto kesi akwap naidunyas ka Yorodan, naejai akwap naka Kanaan, apotu idwe luka Reuben ka idwe luka Gad ka atutubet naka ateker naka Manase kodukoto etem ariri naka Yorodan, etem loepol noi loetakani. Kopuput idwe luka Isirael ebakai ebe, “Koany, apotu idwe luka Reuben, ka idwe luka Gad, ka atutubet naka ateker naka Manase kodukoto etem loiteos kakwap naka Kanaan, kotoma akwap naidunyas Yorodan, kowai loerai loka idwe luka Isirael.” Kepuput idwe luka Isirael nun, kotukokin ekodet kere loka idwe luka Isirael Silo, alosit aitiji kes. Kijukasi idwe luka Isirael Pinekas okoku loka Eleasar esasedoti mam ejaas idwe luka Reuben ka idwe luka Gad ka atutubet naka ateker naka Manase, akwap naka Gilead; Kijukasi nepepe kaŋes ikapolok itomon, ekapolon ediopet loka ekal loka lukapapaa loka niniteker naka Isirael; ara ŋinituŋanan kakesi ekapolon loka ikalia luka lukapapaakee kolukumin luka Isirael. Kodoloto mama ejaas idwe luka Reuben, ka idwe luka Gad, ka atutubet naka ateker naka Manase, akwap naka Gilead, kotemasi kes atiar, “Inera kwanata ekodet kere loka EJAKAIT ebe, ‘Naanyoin aibucaret na naibucasi yesi kaneejai Edeke loka Isirael, aibelokin lolo ainyein atupit EJAKAIT, naarai idukut etem, aipaliikin lolo EJAKAIT?’ Kikidiokikinito kereka oni numam adolit nuka Peor, nuerina oni kitalauna kiton lolo, karaida kejauna atular okodet loka EJAKAIT, Yes aibelokin lolo ainyein atupit EJAKAIT? Kosodi do kanu naarai ipaliikis yesi EJAKAIT lolo, enyunyurikini do ŋesi moi ekodet kere loka Isirael, Aso do, arai mam akwap naka airumetekus elai, kodokasi yesi akwap naka airumet naka EJAKAIT, neiboio ewema lokalaunan loka EJAKAIT, kirumata nepepe kasio; konye sirikipaliikis EJAKAIT, karaida aipaliikin sio, adukun etem loegelara ketem loka EJAKAIT Ewokodeke. Mere abu Akan okoku loka Sera kibuca koboro luetateleoritai, kobunok anyunyura ekodet kere loka Isirael? Mam etuŋanan ŋol abu kotwana bon kotoma numam adoliteke.” Kosodete idwe luka Reuben, ka idwe luka Gad, ka atutubet naka ateker naka Manase aboŋokin, kotemasi kesi ikapolok luka ilukumin luka lsirael atiar, “EJAKAIT, Edeke loka idekesio, EJAKAIT, Edeke loka idekesio, ŋes ejeŋi, Isirael da ejenuni; arai kanuka epali, arai kanuka aibucaret mama ejai EJAKAIT, (siri jo kiitajar sio lolo.) Kidukunio isio etem aibelokin ainyein atupit EJAKAIT; arai ainakin kanen ainakinet naicweio, arai ainakinet naka akiria, arai ainakin asuban nuka ainakineta nuka ainapakin kanen, kitepesen EJAKAIT elopet; Arai mam sio kiswamat nun kaiyaparit, kaomitos ebe, Kapaarasia nuepote epedorete ikusidwe atemar ikosidwe atiar, ‘Inyo bo ejai yes ka EJAKAIT, Edeke loka Isirael? Naarai etuluo EJAKAIT Yorodan eikorukosi kayes, yes idwe luka Reuben ka idwe luka Gad; emamei yes akorakinet kaneejai EJAKAIT: kwaŋin isimikete ikusidwe ikosidwe ayoŋit EJAKAIT. Ŋes kitemaria ebe, ‘Ketemokinos oni aiduk etem, mere kanuka ainakinia ainakinet naicweio, karaida asubanit: Konye eraun ekajenan mamakosi kayes, mama ejaas aturiowok nukitupanakinete, tetere kijaanakini kakonyen nuka EJAKAIT kainakinetawok nuieweio ka asubanawok, ka ainakinetawok nuka ainapakin; tetere mam ikusidwe etemarete ikosidwe kapaarasia nuepote atiar, “Emamei yes akorakinet kama ejai EJAKAIT.” Ŋes kitemaria ebe, ejaun do ebe naetemariata sio arai aturiokosi kwaŋin kapaarasia nuepote, kitemari do isio ebe, ‘Koany aput naka etem loka EJAKAIT, loadukunete lukapapaakosi, mere kanuka ainakinia ainakinet naicweio, karaida asubanit; konye erai ekajenan mamakosi kayes.’ Madi akuj, arai kiipaliiki isio EJAKAIT, aibelokin lolo ainyein atupit EJAKAIT, aiduk etem ainakinia ainakinet naicweio, ka ainakinet naka akiria, arai asubanit, kogelara kaneejai etem loka EJAKAIT Ewokodeke loejai owemake lokalaunan.” Kepupu Pinekas esasedoti, ka ikapolok luka ekodet, kes ikapolok luka ilukumin luka Isirael luajaas kaŋes, akiro nuapotu idwe luka Reuben, ka idwe luka Gad, ka idwe luka Manase kinerata, apotu kesi kitojokata noi, Kotema Pinekas okoku loka Eleasar esasedoti idwe luka Reuben, ka idwe luka Gad, ka idwe luka Manase atiar, “Kijeni lolo ebe ejai EJAKAIT kidiniwok, naarai mam yes ibuearito aibucaret ŋin kaneejai EJAKAIT: iyuut do yesi idwe luka Isirael kakan naka EJAKAIT.” Koboŋo Pinekas okoku loka Eleasar esasedoti, ka ikapolok, kaneejaas idwe luka Reuben, ka idwe luka Gad, anyoun kakwap naka Gilead, alosit akwap naka Kanaan, mama ejaas idwe luka Isirael, kinyakakis kes akiro. Kitojokata idwe luka Isirael akirot; kituroto idwe luka Isirael Edeke, mam bobo apotu kinerata nuka alosit aitiji kes, amudiar akwap naeboiononoto idwe luka Reuben ka idwe luka Gad, Komaikisi idwe luka Reuben ka idwe luka Gad etem Ed, naarai abakas ebe, erai ekajenan kamawok ebe EJAKAIT ŋes Edeke. Kosodi ketuboros apaarasia nuipu, kisiyenu EJAKAIT Isirael kama kalukasurupokee kere lualukunito, komojonite Yosua kokokosanite da noi; Abu Yosua konyarau Isirael kere, imakiokee ka ikapolokokec, ikatubokokec, ka ijakakec, kotema kes atiar, “Amoion eoŋ akokosanit da noi: Ianyut yesi kere nuabu EJAKAIT Ekusideke kiswamak atekerin nu kere kanukus; naarai EJAKAIT Ekusideke ŋes nol Iokiiiik yes. Koany, kainak yes atekerin nu nuideuna, araun airumet naka atekerinikus, ageun koYorodan, katekerin kere nuamudia eoŋ, kiton aŋolol nakapolon kari naelomaria akoloŋ, Eremori EJAKAIT Ekusideke kes kakonyenekus, ireneari kes kakonyenekus; irumete yesi akecekwap, kwape kilimokinitor EJAKAIT yes, Aso kotitinioto noi aidar aiswamaenen kere nuiwadikatai oitabo loka ikisila luka Musa, kinyeis apaar teten arai kediany; Tetere mam imorikikinos katekerin nu, nuideuna kamakus; karaida alimit ekiror loka idekesiokec, karaida aiyap kolimito kes, karaida aiiaanakin kes, karaida akukonokin kes: Konye kimorikikinos ka EJAKAIT Ekusideke, kwape kiswamaata kiton lolo. Naarai ereŋea EJAKAIT atekerin nukapolok nukagogon da kakonyenekus: konye yes, emamei etuŋanan lokibwoikinit yes kiton lolo. Ediopetunanan kayesi erukoria elukumit: naarai EJAKAIT Ekusideke, ŋes nol lokijiik yes, kwape kilimokinitor. Kocoito do noi yesi, kominenenas EJAKAIT Ekusideke. Naarai arai kibonosi yesi, aimorikikin kaluideuna luka atekerin kanu, kes luideuna kamakus, kosodete amanyanakin kakes, kolomasi da mamakee, kes da mamakus: Kojenutu eut ebe mam bobo EJAKAIT ireneari atekerin nu kakonyenekus; konye eraunos atacit ka eic kamakus, ka edoi kosiepionokus, ka ikukwa kakonyekus, aitodol nakimudiarere yes kakwap kana naejok nakiinak yes EJAKAIT Ekusideke. “Ido koany, alosi lolo eoŋ neelosenenete lukakwap kere: ijenete yesi kotauonokus kere, ka aijarakus kere ebe emamei akirot namam edolit kakiro kere nuejok nuabu EJAKAIT Ekusideke kolimitor yes; adoloto kere, emamei akirot adiopet namam edolit, Kosodi kanen, kwape kidolokinioto yes nukaiokak kere nuabu EJAKAIT Ekusideke kolimokinite yes, kiiukakini EJAKAIT yes kwaŋin nukaronok kere aitodol nakimudiaria yes kakwap kana naejok nakiinak EJAKAIT Ekusideke, Naibueariata aitutuket naka EJAKAIT Ekusideke naabu kicorak yes, kosodete alosit aijaanakin icedekesio ka akukonokin ke; inepuni do anyunyura naka EJAKAIT aluikin yes, kimudiario yes atipet kakwap naejok nakiinak ŋesi yes.” Kotukok Yosua atekerin kere nuka Isirael Sekem, konyarau imakio luka Isirael, ka ikapolokokec ka ikatubokokee, ka ijakakee; kitodiaros akonyen nuka Edeke, Kotema Yosua ituŋa kere atiar, “Inera EJAKAIT, Edeke loka Isirael kwanata ebe, ‘Eboiete kolo lukapapaakus kokekwa loka Ecor, ŋes Tera, papa loka Aburaam, papa da loka Nakor: apotu kijaanakis icedekesio. Kasodi aitonyoun papaakus Aburaam kokekwa loka Ecor, kenarcnik ŋes anatar akwap kere naka Kanaan, ketupuu aurike, kainak da ŋes Isaak. Kainak Isaak Yakob ka Esau: kainak Esau emoru Seir airum; abu Yakob ka idweke kolototo Misiri. Abu kejuka Musa ka Aaron, ketican Misiri, kwape ajaatar nuabu keswama kaŋina: akaulo kanun abu ketolom yes, Abu ketolom lukapapaakus koMisiri: ipotu kodoloto aŋolol: kibwaput Imisirian lukapapaakus kagalin ka ikebwanenok kiton Aŋolol Nakarenan, Kosodete kiworoto EJAKAIT, abu kibwaik amuton kidinikus ka Imisirian, kitobonik aŋolol mamakee, korapia kes; apotu akusikonye koanyut nuabu eoŋ keswama koMisiri: kiboioto da yesi kamodiŋ apaarasia nuipu. Kasodi aitolomun yes akwap naka Imorain, lueboiete kokekwa loka Yorodan; kitijioto yes: abu kejaik kes akanikus, kirumata da yesi akecekwap; abu kamudia kes kakonyenekus. Kosodi Balak, okoku loka Sipor, ekabaka loka Moab, anyoun asurokin Isirael; kijuka anyaraun Balaam okoku loka Beor aiken yes: Konye mam abu kapupok Balaam; tape kisireretji yes: kwaŋin kayu yes kakanike. Ipotu kodokata Yorodan, kodoloto Yeriko: apotu ituŋa luka Yeriko kitiiioto yes, Emorait, ka Eperisit, ka Ekanaanit, ka Ekitit, ka Egirugasit, ka Ekibit, ka Eyebusit; abu kejaik kes akaninikus. Abu keiuka ekaturuturut kinarenekus, loabu kirenea kes kakonyenekus, kes ikabakan iarei luka Imorain; mere kekilenikus karaida akabwakus. Abu kainak yes akwap namam ipotu kitaaritos, ka ireria lumam yes kidukito, iboiete da kotoma; inyamete imusabibun ka iseitunin lumam yes kiraito.’ “Aso do koyonata EJAKAIT, kijaanakis ŋes kamunonut ka abeit: kolemasi idekesio luejaanakinete lukapapaakus kokekwa loka Ecor, koMisiri da; kijaanakisi yesi EJAKAIT, Konye arai kironikinit yes aijaanakin EJAKAIT, koseutu yesi lolo loijaanakinete; arai bo idekesio luejaanakinete lukapapaakus luajaas okekwa loka Ecor, arai idekesio luka Imorain, luibojete yesi kakwapukee: konye eoŋ ka ekakal, kijaanakini EJAKAIT.” Kobonokis ituŋa ebe, “Madi akuj isio aijal EJAKAIT, aijaanakin idekesio ice; Naarai EJAKAIT Ewokodeke, ŋol ŋes lokitolomuni oni ka lukapapaawok kakwap nako Misiri, kotogo da loka ebulesene, loeswamai aanyuneta nun nukos kakonyenekosi, loabu kidar oni korot kere lokitorit, kotuna da kere lukipou ketoroto mamakee: Abu EJAKAIT kireŋea ituŋa kere kakonyenewok, kes Imorain lueboiete kakwap: kanuka ŋun kijaanakini isio da EJAKAIT; naarai erai ŋesi Ewokodeke.” Kotema Yosua ituŋa atiar, “Mam yes ipedorete aijaanakin EJAKAIT; naarai erai Edeke lokalaunan; erai ŋesi Edeke lokekolo; mam isionie aibucaretakus karaida adiakaretakus. Arai kijalata yesi EJAKAIT, kosodete aijaanakin idekesio lumo, ibelokini do ŋesi aiswamakin yes nukaronok, kimudiari da yes, kedau ŋesi aiswamakin yes nukajokak.” Kotemasi ituŋa Yosua atiar, “Mam; konye kijaanakini isio EJAKAIT.” Kotema Yosua ituŋa atiar, “Iraas yesi ikajenak kamakus ebe iseut yesi EJAKAIT aijaanakin ŋes.” Kotemasi atiar, “Kirai ikajenak.” Kotema atiar, “Aso do kolemasi idekesio lumo luejaas mamakus, kogoŋakis ikusitauon mama ejai EJAKAIT, Edeke loka Isirael.” Kotemasi ituŋa Yosua atiar, “Kijaanakini EJAKAIT Ewokodeke, kirimari da ekeporoto.” Kwaŋin kitutukoto Yosua kituna kapaaran kaŋin, kisilak kes ekisil ka aicorakinet ko Sekem. Abu Yosua kiwadik akiro nun kere oitabo loka ekisil loka Edeke; kolem amoru naati, kosipok nen kwap kelua loedunyas kaibois nakalaunan naka EJAKAIT, Kotema Yosua ituŋa kere atiar, “Koany, eraun amoru na akajenan kamawok; naarai apupu akiro kere nukilimok EJAKAIT oni: eraun akajenan kamakus, kinyeis aiŋer Ekusideke.” Kwaŋin kotwar Yosua ituŋa, kolot ninitunanan airumeteke. Kosodi kokau kanun, kotwana Yosua okoku loka Nun, ekejaanakinan loka EJAKAIT, korai loka ikar akwatat ka itomon. Kidaikisi ŋes oikor loka airumeteke Timunat-sera, loejai akwap nakiukon naka Epuraim, kari naka agolitomei naka eronat loka Gaas. Kijaanak Isirael EJAKAIT apaarasia kere nuka Yosua, ka apaarasia kere nuka imakio luabusito adepar Yosua, luajenete aswam kere naka EJAKAIT, naabu kiswamak Isirael. Akojo da nuka Yosep nuayanaunete idwe luka lsirael koMisiri, apotu kesi kidaikis Sekem, alup nuabu Yakob kogwel kaneejaas odwe luka Kamor papa loka Sekem atutubeta akwatat nuka apesan: koraunos airumet naka idwe luka Yosep. Kotwana Eleasar okoku loka Aaron; kidaikisi ŋes oukot loka okokuke Pinekas, loainakinitai ŋes kakwap nakiukon naka Epuraim. Kosodi kanen ketwana Yosua, kiŋitata idwe luka Isirael EJAKAIT ebe, “Iŋai bo kiŋarenikini sio alosit asurokin Ikanaanin, aitiji kes?” Kotema EJAKAIT atiar, “Yuda ŋes elosi: koany, ejaik akwap akanike.” Kotema Yuda onaeeke Simeon atiar, “Bia kauparos oroet lokabeit eoŋ, tetere kitijie Ikanaanin; kwape kwaŋin da kiupar eoŋ kajo oroet lokibeit ijo,” Kouparos Simeon kaŋes. Kolot Yuda; kijaik EJAKAIT Ikanaanin ka Iperisin akanikee: kodanyata ituŋa ilukumin itomon kaŋul koBesek. Apotu kodumakis Adoni-besek Besek: kitijioto ŋes, kodanyata Ikanaanin ka Iperisin. Konye koker Adoni-besek; kodapata ŋes, kikamut ŋes, kotubosi ibokoro lukapolok luka akaninike ka luka akejeke da. Kotema Adonibesek atiar, “Apotu ikabakan akaisakanykaarei luatuboritai ibokoro lukapolok luka akaninikee ka luka akejekee kirarata ikeeenyamat kokwap kemesaka: kwape abu eoŋ keswamaa, keswamaki Edeke eoŋ kwaŋin.” Koyaŋaarai ŋes Yerusalem, kotwanik ŋina. Kitijioto idwe luka Yuda Yerusalem, kirumata ŋes, kodanyata lukanen kakwanis naka ekileŋ, kicweata ere. Kokau kaŋun, koloto idwe luka Yuda aitiji Ikanaanin lueboiete kakwap nakiukon, kari da naka Eŋalakimak, kapuuton da. Kolot Yuda asurokin Ikanaanin lueboiete koKeburon: (kerai ekiror loka Keburon sek Kiriat-araba:) kodanyata Sesai, ka Akiman, ka Talumai. Konyoutu kanen koloto asurokin lueboiete koDebir. (Kerai ekiror loka Debir sek Kiriat-seper.) Kotema Kaleb atiar, “Ŋol loedanyi luka Kiriat-seper, kosodi airum ere, akorakini eoŋ ŋol akokuka Akisa aimany,” Kirum Otiniel ŋes, loarai okoku loka Kenas, onaee lodidi loka Kaleb: kokorak ŋes Akisa akokuke aimany. Kosodi kanen, kebu mamake abu ŋin kokoto ŋol ailipun papake emanikor: kodok kasigiriake, kotema Kaleb ŋes atiar, “Inyo bo ikoto ijo?” Kotema ŋes atiar, “Koinakinai eoŋ arereŋ; naarai kiinakinit eoŋ akwap naka ari naka Eŋalakimak, koinakinai eoŋ da atanin nuka akipi.” Koinak Kaleb ŋes atanin nukokuju ka nukajesa da. Koloto idwe luka Ekenit, ekamuran loka Musa, anyoun kore loka idukudukun kidwe luka Yuda amodiŋ naka Yuda, naejai eŋalakimak naka Arad; kolototo kiboioto kituŋa. Koloto Yuda ka onaeeke Simeon, kodanyata Ikanaanin lueboiete koSepat, komudiasi cut. Komaikinai ere Koruma. Kirum Yuda Gasa da ka eikoruke, ka Asukelon ka eikoruke, ka Ekuron ka eikoruke. Kojai EJAKAIT kaYuda; kireŋea lueboienenete kakwap nakiukon; naarai mam ŋes abu kopedo aireŋear lueboienenete kaditot, naarai ajaas ŋul agalin nuka asua. Koinakis Kaleb Keburon kwape abalar Musa: kireŋea kanen odwe luuni luka Anak. Mam idwe luka Benyamin apotu kireŋcasi Iyebusin lueboiete koYerusalem; konye kiboioto Iyebusin kidwe luka Benyamin koYerusalem, kiton lolo. Kolot ekalloka Yosep da asurokin Bet-el: kojai EJAKAIT kakes. Kijuka ekalloka Yosep ituŋa airot Bet-el. (Kerai ekiror loka akwap sek Lus.) Koanyut ikarotak etuŋanan elomuni kore, kotemasi ŋes atiar, “Kiŋaiŋait, kitodikinai isio neelomarere ore, kiswamakini isio jo nukasianut.” Abu Idtodik kes neelomarere ore, kodanyata lukorc kakwanis naka ekileŋ; konye apotu koosikis etuŋanan ŋol ka ekekike kere alosit. Kolot etuŋanan ŋol akwap naka Ikitin, koduk ere, komaik ekekiror Lus: loerai ekekiror kiton lolo. Mam Manase abu kirenea lueboiete koBet-sean ka ireriake, karaida luka Taanak ka ireriake, karaida lueboiete koDor ka ireriake, karaida lueboiete koIbuleam ka ireriake, karaida lueboiete koMegido ka ireriake: konye apotu Ikanaanin kiboioto kakwap kaŋin, Kosodi kanen, kegogoŋor Isirael, apotu kitaraut Ikanaanin ikeswamak nakailolitoi, mam apotu kireŋeasi kes eut, Mam Epuraim abu kirenea Ikanaanin lueboiete koGesir; konye kiboioto Ikanaanin koGeser kamakec. Mam Sebulun abu kirenea lueboiete koKitiron, karaida lueboiete koNakalol; konye apotu Ikanaanin kiboioto kamakec, koraut ikeswamak nukailolitoi. Mam Aser abu kirenea lueboiete koAko, karaida lueboiete koSidon, karaida luka Akulab, karaida luka Akisib, karaida luka Keluba, karaida luka Apik, karaida luka Rekob: Konye apotu Iserain kiboioto kama ejaas Ikanaanin ikulepek akwap: naarai mam apotu kireneasi kes. Mam Naputali abu kirenea lueboiete koBet-semes, karaida lueboiete koBet-anat; konye kiboi kama ejaas Ikanaanin, ikulepek akwap: konye apotu lueboiete koBet-semes ka luka Bet-anak koraut ikeswamakakec nukailolitoi. Apotu Imorain koremosi idwe luka Dan akwap nakiukon: naarai mam apotu koeamakis kes abunore aditot: Konye kiboikinos Imorain moru Keres, ka Aiyalon ka Saalubim: konye kolanir akan naka ekal loka Yosep, kwaŋin koraunos ikeswamak nukailolitoi. Ageunit eikor loka Imorain kaneedokarere Akurabim, anyoun komoru, kiton kuju. Kobu emalaika loka EJAKAIT koGiligal kiton Bokim. Kotema atiar, “Abu ketolom yes koMisiri, kayaŋau da yes akwap na naabu keyapoik lukapapaakus; katema atiar, ‘Mam cut abili akaitutuket kayes: Mam yes itutukete kaluiboiete kakwap kana; itiyanakinete itemwanakec”: konye mam yes irimarito ekaporoto: kanukinyo iswamaata ŋun? Ŋes do atemaria eoŋ da ebe, Mam ereŋeari kes kakonyenekus; eraunos bala ikukwa kosiepionokus, eraunos da idekesiokec ataeit kamakus.” Kosodi kanen, naenerar emalaika loka EJAKAIT akiro nun mama ejaas idwe kere luka Isirael, kodelosi ituŋa, komonya. Komaikis aibois ŋin Bokim: koinakis kanen EJAKAIT asuban. Naatwaria Yosua ituŋa, apotu idwe luka lsirael koloto, ŋinitunanan airumeteke airum akwap. Apotu ituŋa kiiaanakis EJAKAIT apaarasia kere nuka Yosua, ka apaarasia kere nuka imakio luabusito adepar Yosua, luaanyunito aswam kere nakos naka EJAKAIT, naeswamakinit Isirael. Kotwana Yosua okoku loka Nun, ekejaanakinan loka EJAKAIT, korai loka ikar akwatat ka itomon. Kidaikis ŋes oikor loka airumeteke Timuna-keres, kakwap nakiukon naka Epuraim, kari naka agolitomei naka eronat loka Gaas. Koyanaarai atur ŋin kere mama ejaas lukapapaakee: kotupak kes atur ace namam ajeni EJAKAIT, karaida aswam naeswamakinit ŋesi Isirael. Kiswamata idwe luka Isirael nueroko kakonyen nuka EJAKAIT, kijaanakis Ibaalim: Kojalata EJAKAIT, Edeke loka lukapapaakee, loetolomuni kes kakwap nako Misiri, kosodete atupar icedekesio, luka idekesio luka ituŋa lualukunito kes, kokukonokinos kes: kitunyunyurikisi EJAKAIT. Koialata EJAKAIT, kijaanakis Baal ka Asitarot. Kinep anyunyura naka EJAKAIT aluikin Isirael, kiiaik kes akan naka ikaŋatak luanasete kes, kogwela kes akan naka lukasurupokec lualukunito, komam bobo epedorete abwoikin lukasurupokec. Kama alosete kere, aluikinit akan naka EJAKAIT aikonakin kes erono, kwape abalar EJAKAIT, kwape da eyapoikinitor EJAKAIT kes: kiyalonoŋoto noi. Koseu EJAKAIT ikatubok, luetajarete kes kakan naka nul kaluanasito kes. Konye mam apotu kopuput ikatubekokec, naarai apotu koloto eporo mama ejaas ieedekesio, kokukonokinos kes: kopaasi katipet korot loalosenenoto lukapapaakee, luarimarito aicorakineta nuka EJAKAIT: konye mam kes apotu kiswamata kwaŋin. Kosodi keseiki EJAKAIT kes ikatubok, koiai do EJAKAIT kekatubon, kitajar kes kakan naka Iukasurupokec apaarasia kere nuka ekatubon: naarai abu EJAKAIT kiitu eidinyikee kanuka nul kaluaroikinito kes lueticanete kes, Konye naetwania ekatubon, kobononorete, kiswamaenenete nueroko noi adepar lukapapaakee kotoma atupit ieedekesio aijaanakin kes, ka akukonokin kes; mam apotu kopalut aswam nun karaida eponekee loka aninik. Kinep anyunyura naka EJAKAIT’ aluikin Isirael; kotema atiar, “Naarai ebuea ateker na akaitutuket naabu keeorak lukapapaakee, mam erimarito ekaporoto; Amear kwana mam eoŋ ereŋeari kakonyenekee adio kotoma atekerin nuenyeini Yosua naatwania: tetere egimoria kes Isirael, arai erieete alosenen korot loka EJAKAIT, kwape arieitotor lukapapaakec, arai bo mam.” Kwaŋin kinyek EJAKAIT atekerin nun, komam ireŋeari kes katipet; karaida aijaikin kes akan naka Yosua. Nu kes atekerin nuabu EJAKAIT kinyek aigimoria kes Isirael, lumam ajenunito ijiisio kere luka Kanaan; Tetere aturio nuka idwe luka Isirael ejenunete, aisisianakin kes ejie, nun numam lem aienunito kes sek; Kes lu, ijaka ikany luka Ipilisitian, Ikanaanin kere, ka Isidonin, ka Ikibin lueboiete komoru Lebanon, ageun komoru Baal-kerumon kiton neelomarere Kamat, Araas kesi aigimoria Isirael, ajenun arai erimarete aicorakineta nuka EJAKAIT, nuecorakinit lukapapaakec kama ka Musa. Kiboioto idwe luka Isirael kama ejaas Ikanaanin; Ekitit, ka Emorait, ka Eperisit, ka Ekibit, ka Eyebusit: Komanyata adwekec, kokorakis odwekee adwekec, kijaanakis da idekesiokec. Kiswamata idwe luka Isirael nueroko kakonyen nuka EJAKAIT, kimurwokisi kes EJAKAIT Edekekee, kijaanakis Ibaalim ka Asiterot. Kanuka nun kinep anyunyura naka EJAKAIT aluikin Isirael, kogwela kes akan naka Kusanrisataim ekabaka loka Mesopotamia: Kemonyata idwe luka Isirael mama ejai EJAKAIT, abu EJAKAIT kitonyoik idwe luka Isirael eketajaran, loetajari kes, ŋes Otiniel okoku loka Kenas, onae lodidi leka Kaleb. Kobunok emoyo loka EJAKAIT ŋes, kotubok Isirael; koloma ejie, kijaik EJAKAIT Kusanrisataim eka baka loka Mesopotamia akanike: kipiko ŋesi Kusan-risataim. Kiyenu akwap ikar akaisaoŋon. Kotwana Otiniel okoku loka Kenas. Kiswamata bobo idwe luka Isirael nueroko kakonyen nuka EJAKAIT: kitogogoŋ EJAKAIT Egulon ekabaka loka Moab asurokin Isirael, naarai apotu kiswamata nueroko kakonyen nuka EJAKAIT. Kotukok mamake idwe luka Amon ka Amalek; kolot kodany Isirael, kirumata ere loka idukudukun. Kiiaanakis idwe luka Isirael Egulon eka baka loka Moab ikar itomon ka lukanykauni, Konye kemonyata idwe luka Isirael mama ejai EJAKAIT, abu EJAKAIT kitonyoik kes eketajaran, Ekud okoku loka Gera, Ebenyamit, etuŋanan lokediany: kiiukariata ŋes idwe luka Isirael kainakinet mama ejai Egulon ekabaka loka Moab, Abu Ekud kotatau ekileŋ loekwaka iwaitin iarei, loka aojau naka ekubit; koenik toma anapitoke, otulike lokoteten. Kijaik ŋesi Egulon ekabaka loka Moab ainakinet: ido atumit Egulon noi. Kedau ainakin ainakinet, abu kotwara ituŋa luadakito ainakinet. Konye abu ŋesi kobonu kama ejaas amor nuikee nuedunyas ka Giligal, kotema atiar, “Kainunit akirot nakaiyeiyea, wu ekabaka.” Kotema atiar, “Kililinata.” Kolomasi nul kere luabwoete kaneaiai ŋesi. Kobu Ekud neajai ŋesi; eboie ŋesi bon kagolake nakokuju. Kotema Ekud atiar, “Kainunit jo akirot naka Edeke.” Konyou ŋesi koicoloŋoke. Korio Ekud akekan nakokediany kout ekileŋ kotulike lokoteten, kieum akekoik: Koloma akulep da atupakin ekileŋ; korapia asiepai ekileŋ, naarai mam abu kout ekileŋ kakoikike; kipelun kopur. Kosodi Ekud alomar adapao, kogolok ikekia luka agola, kigoik kes. Kedau ŋesi alomar, kopotu ikebulesin; koanyut, ido koany, egoikino ikekia luka agola; kotemasi atiar, “Abeit imukorit akekeje kagolake naelilim.” Kidarata aitodol naerumiata ileic; ido koany, mam abu konaa ikekia luka agola; kosodete do kesi alemun elacet, koŋaasi kes; ido koany, atwanit ejakaitikee kibirokina kwap. Koku Ekud eroko kesi idarete, kotubor kamor nuikee, kokuia Seira. Kosodi kanen kedolu ŋesi, abu kokutak arupepe kakwap nakiukon naka Epuraim, kijesaros idwe luka Isiracl kaŋes kakwap nakiukon, kiŋarenikinite ŋesi kes. Kotema kes atiar, “Kotupunai; naarai eiaiki EJAKAIT lukasurupokus Imoabin akanikus.” Kotupasi ŋes, kirumata idoketa luka Yorodan luebeete Moab, mam apotu koeamakis idiotuijanan atubor. Kodanyata kesi luka Imoabin kapak kaŋin ituŋa kwape ilukumin itomon, ŋolitunanan lokaburon, ka nolttunanan loetitiŋ; mam ediotuŋanan abu koku. Kitononok akan naka Isirael Moab kapaaran kaŋin, Kiyen akwap ikar akaisakanykauni. Akauloke koiau Samugar okoku loka Anat, loadanyi ituŋa akwat akanykape luka Ipilisitian kemaear lokimonin: abu ŋesi da kitajar Isirael. Kiyatakis bobo idwe luka Isirael aswam nueroko kakonyen nuka EJAKAIT, kedau Ekud atwanare. Kogwela kes EJAKAIT akan naka Yabin ekabaka loka Kanaan, lokeyait koKasor; ekapolon loka ajoreke ŋes Sisera, lokiboie koKaroset loka Imo. Komonyata idwe luka Isirael mama ejai EJAKAIT; naarai keiaas kagalin akwat akanykaoŋon nuka asua; konara noi idwe luka Isirael ikar akaisaarei. Kapaarasia kanun Debora, anabi, aberu naka Lapidot, ŋes atubonokini Isirael. Kiboienenei da kokwap kedukut loka Debora kidin Rama ka Bet-el kakwap nakiukon naka Epuraim: kolosenenete idwe luka Isirael mamakeŋ atubonokinio. Kijuka konyarau Barak okoku loka Abinoam anyoun koKedes-Naputali, kobala ebe, “Mere kicorakinit EJAKAIT Edeke loka Isirael atiar, ‘Kobea moru Tabor, koyana da ituŋa ilukumin itomon lukodwe luka Naputali, kodwe da luka Sebulun? Eoŋ da eriuni mama ijai kocor Kison Sisera lokapolon loka ajore naka Yabin, nepepe kakegalin ka ekekodet; eoŋ da ejaikini ŋes akanikon.’” Kobala Barak ŋes ebe, “Arai kiupar ijo keoŋ, alosi; konye arai mam jo kiupar keoŋ, mam alosi.” Kobala ŋesi ebe, “Abeit kiupar kajo, konye alosit naikoto alosit mam eraun naka akoniibuses, naarai egwelari EJAKAIT Sisera akan naka aberu.” Konyou Debora, kouparos kaBarak oKedes, Konyarau Barak Sebulun ka Naputali kotukokinos oKedes; kodokasi ikiliok ilukumin itomon neejai: kodoka Debora da kaŋes. Ketiakara Keber Ekenit kama ejaas Ikenitin, kes idwe luka Kobab, ekamuran loka Musa, kibubukinite ekewema olua loka Saananim die kaKedes. Kolimokinai Sisera kwape kedokaria Barak okoku loka Abinoam moru Tabor. Kotukonok Sisera akegalin kere, agalin nuka asua akwat akanykaoŋon, ka ituŋa kere Iukejaatar, anyoun koKaroset loka Imo kiton oeor Kison. Kobala Debora Barak ebe, “Konyou; naarai na ŋes apaaran naekorakinia EJAKAIT Sisera akanikon: mere EJAKAIT kinarenikinit jo?” Kosodi kijesun Barak komoru Tabor, kotupakis ituŋa ilukumin itomon, Kitubur EJAKAIT Sisera ka akegalin kere ka aioreke da kere kakwanis naka ekileŋ kakonyen nuka Barak; kodoku Sisera kagalike koker kakeje. Konye kotupak Barak agalin ka ajore kiton Karoset loka Imo; koŋianak aiore kere naka Sisera akwanis naka ekileŋ; komamei etuŋanan loabu kideun, Konye koker Sisera kakeje kodol owema loka Yael aberu naka Keber Ekenit: naarai kinapakina Yabin ekabaka loka Kasor kekek loka Keber Ekenit. Koloma Yael airiamun kaSisera, kobala ŋes ebe, “Kopau, ejakait, kopau koloma togoka; sirikiyoŋ.” Kopaa mamake koloma toma owema, kimuko ŋes kakapet. Kobala ŋes ebe, “Kenainait ae adisikipi kamat; naarai kaiakit akur.” Kopuko eseme loka akile, kitamat ŋes, kosodi kimuko, Kolimok ŋesi ya ebe, “Kobwo kokek loka ewema, kosodi arai kebu ituŋanan kere kiinit jo atiar, ‘Ejai ediotuŋanan ne?’ kotema ebe, ‘Emamei.’’’ Kosodi kolem Yael aberu naka Keber eloit loka ewema, kolem da anyul kakekan kolot ecedi, kibubuk eloit orceteke, kipelor kiton alup: naarai kejotoi aio nuipu; kiilor kotwana. Ido koany, kibwapite Barak Sisera, kolom Yael aisiriamaar ŋes, kolimok ebe, “Bia, ketodik etuŋanan loimoot ijo.” Kobu mama ejai; ido koany, koperi Sisera etwanit, kidiria da eloit koreeteke. Kwaŋin kidono Edeke Yabin ekabaka loka Kanaan kakonyen nuka idwe luka Isirael kapaaran kaŋin. Kiyatanakin akan naka idwe luka Isirael aipikor Yabin ekabaka loka Kanaan, aitodol nakemudiariata Yabin ekabaka loka Kanaan. Kosodete Debora ka Barak okoku loka Abinoam ayoore kapaaran kaŋin ebe, “Naarai apotu ikeŋarenok kinarenikis Isirael, Naarai apotu ituŋa kolunakinos ketau kaloejok, Kituroto yesi EJAKAIT! “Kopuputu, yes ikabakan; kitoikisi aki, yes ikapolok; Ayeikini eoŋ EJAKAIT: Ayei aiturit EJAKAIT, Edeke loka Isirael. “EJAKAIT, nailosio koSeir, Nailomunia komanikor loka Edom, Abu akwap komaran, kodou akuj da, Eebo, apotu idouon kitodoutu akipi, Apotu ironan koleleata kakonyen nuka EJAKAIT, Ijo da Sinai kakonyen nuka EJAKAIT, Edeke loka Isirael. “Kapaarasia nuka Samugar okoku loka Anat, Kapaarasia nuka Yael, amameete ituŋa korotin lukapolok, Etorito ikalotok orotin luekudukudo. Apotu ikayaitok konanata koIsirael, apotu konan ata, Aitodol naanyounio eoŋ Debora, Naanyounio eoŋ toto kotoma Isirael. Apotu koseut idekesio lukitetet; Kosodi ejie ajaun orutei: Atakanu kereka ebuku arai akwara Kaneajaas ilukumin akaisaoŋon luka Isirael? Eomit ekatau nuka ikayaitok luka Isirael, Luapotu kiiaikinos ketau loejok kotuna: Kituroto yesi EJAKAIT. “Kinerata ŋun, yes luibwanenito asigirian nul-akwanak, Yes luibojete komukekan luejok noi, Ka yes da luilosete korot. Itatamete aswamisio nuedolito nuka EJAKAIT, Aswamisio nuedolito nuka ayaiteke kotoma Isirael, Kolwana eeelet loka ikagumak, kaiboisio nuewokere akipi. Kosodete ituŋa luka EJAKAIT alosit orutei. “Kokweny, kokweny, Debora; Kokweny, kokweny, koye ekosio! Konyou, Barak, kijoreo lukijoreunokon, Ŋo okoku loka Abinoam. Kosodete luedeuna luka ikapolok ka ituŋa aiiesun; Abu EJAKAIT kijesun kanukan asurokin ikagogoŋok, Kopotu kotoma Epuraim ŋul luejai aliasitikee toma Amalek; Kitupito jo, Benyamin; kotunakon; Kopotu ikayaitok kotoma Makir, Ka nul da luetinito ebela loka ejakait kotoma Sebulun. Kojaas ikapolok luka Isakar kaDebora; Kwape ajaar Isakar, ajai Barak kwaŋin; Komotaros aditot kakejeke, Kalelesia nuka Reuben Abu kojaun ainerun naepol naka itauon. Kanukinyo ibu kiboikinor anukia nuka amerekekin, Aipup alamarun nuekutakinio isipanin? Kalelesia nuka Reuben Abu kojaun ainerun naepol naka itauon. Abu Gilead kiboikin okekwa loka Yorodan: Dan da, kanukinyo asalakinia ŋesi ameerin? Kiboikin Aser kopala kariri naka aŋolol, Kiboikin ociletake. Arai Sebulun etuŋat loabu kijaik aijarakee kiton atwanare, Naputali da, kaiboisio nuiceleleete nuka ais. “Kopotu ikabakan kojioto; Kosodete ikabakan luka Kanaan ejie, koTaanak kariri naka akipi nuka Megido: Mam apotu kodumut ameda naka apesan. Apotu lukokuju kojioto, Apotu aacer kitijioto Sisera kotoma alositokee. Abu ecor Kison kolelea kes cut, Ecor ŋol lokolosek, ecor Kison. Wu ekatau, kolot kagogoŋ! “Kosodete imageger luka ibalasin adamac Kanuka atakar, atakar naka ikagogonokokec. Abala emalaika loka EJAKAIT ebe, Kikenoto yesi Meros, Kikenoto yesi noi luibojete kotomake; Naarai mam apotu koponito aiŋarakin EJAKAIT, Aiŋarakin EJAKAIT aitiji ikagogoŋok. “Tsirerenio Yael adepar aŋor, Aberu naka Keber Ekenit, Isirerenio ŋes adepar aŋor kotoma oweman. Abu kilip ŋes akipi, koinak akile; Abu koinu ŋes akinyet katuba naejok, Abu kitin eloit kakekan, Kitin da anyul naka ekeswaman kakanike nakoteten; Kibubuk Sisera kanyulike, kibubuk akonke, Eebo, abu kicum aipelor ereeteke. Abu kokukum kakejeke, kibiror, koper: Abu kokukum kakejeke, kibiror: Neakukumio, nepenen ebirokin kotwana. “Abu ŋin kireik kadirisa, komony, Komony toto naka Sisera kadirisa ebe, ‘Kanukinyo eyapia akegali abunore? Kanukinyo erumorotor akokoron nuka agalike?’ Apotu akenor nukacoa kobonokis ŋes, Eebo, abu ŋesi alopet Koboŋok ebe, Mam kes edumunito lunatan, mam kes ekorokoroto lunatan? Ŋinitunanan apese, arai bo apesur aarei; Sisera lunatan luka igoen luiculatai, Lunatan luka igoen luiculatai luesonyitai, Luka igoen luiculatai luesonyitai iwaitin kere, komurisina luka lunatan?’ “Wu EJAKAIT kooliosi do lukasurupokon kere kwaŋin! Konye kosubito nul lueminasi ŋes bala akoloŋ naelomaria kotoma agogoŋuke.” Kiyen akwap ikar akaisaoŋon. Kiswamata idwe luka Isirael nueroko kakonyen nuka EJAKAIT: kijaik EJAKAIT kes akan naka Midian ikar ikanykaarei. Kipiko akan naka Midian Isirael: ido kanuka Midian kiswamaut idwe luka Isirael anopisia nuejaas oroŋan, ka abuai, ka abwasia nuegogon, Kosodi do kedau Isirael aiye ikinyom, kopotu Imidianin, ka Imalekain, ka idwe lukokide; kopotu asurokin kes. Kidukuroto asurokin kes, komudiasi amio naka akwap, kiton Gasa, mam apotu kideut inyamat kolsirael, karaida amerekek, karaida emoŋ, karaida asigiria. Naarai aponito kibarenikec, ka iwemanakee, kopotu bala emaase kanuka aipues; komam kes ka ikaalaikec imarunos: kolomut akwap amudiar ŋes. Kitisil Midian Isirael; komonyata idwe luka Isirael mama ejai EJAKAIT. Kosodi kanen, kemonyata idwe luka Isirael mama ejai EJAKAIT kanuka Imidianin, Kijukak EJAKAIT idwe luka Isirael ena bi: kotema ŋol kes atiar, “Inera kwanata EJAKAIT, Edeke loka Isirael ebe, Abu kayau yes koMisiri, ketolom da kotogo loka ebulesene; Kayu yes kakan naka Imisirian, kakan da naka nul kere lukiroikinito yes, kerenea kes kakonyenekus, kainak yes akecekwap; Katema yes atiar, ‘Eoŋ EJAKAIT Ekusideke; sirikiyoŋata idekesio luka Imorain, luibojete yesi kakwapukec’: konye mam yes irimarito ekaporoto.” Kobu emalaika loka EJAKAIT kiboikin kwap olua loajai Opura, loarai loka Yoas Ebieserait: ecomi okokuke Gideon alos kaeues naka ebino, tetere ibwai itia Imidianin. Kitakanikin emalaika loka EJAKAIT ŋes, kotema ŋes atiar, “Ejai EJAKAIT kajo, ijo etuŋanan lokirigi loititin.” Kotema Gideon ŋes atiar, “Wu ekajakait, arai ejai EJAKAIT kasio, kanukinyo do kidoikinioto sio nu kere? Ai bo ejaas akeswamisio kere nukaumokin nuapotu lukapapaakosi kolimonokis sio ebe, ‘Mere kereka EJAKAIT kiyanauni sio koMisiri?’ Konye kwana kicaka EJAKAIT sio, kiiaik sio akan naka Midian.” Kite EJAKAIT ŋes, kotema atiar, “Kolot kagogonukon na, kitaiar Isirael kakan naka Midian: mere eoŋ keiuka jo?” Kotema ŋes atiar, “Wu EJAKAIT, ekonakini ai etaiari Isirael? Koany, erai ekakek loicana noi kotoma Manase, eoŋ da adite noi kokalloka papaka.” Kotema EJAKAIT ŋes atiar, “Abeit ajaun kajo, iari Imidianin bala ediopetunanan.” Kotema ŋes atiar, “Arai adumunit asianut kakonyenekon, kitodikinai aanyunet naitogogoni ebe ijo ŋopeŋol kinera keoŋ, Kenainait, sirikinyou kane, aitodol naabonunio, ayaŋaun ainakineteka, aibwaikin akonyenekon.” Kotema atiar, “Edareuni aitodol naibonunio ijo.” Koloma Gideon, kitemok ikalol, ka imugatin lumam itubuunitoi luka epa loka akiria; kibwaik akiriŋ odita, kibwaik da acece amot, koinu kes kokwap kelua, koinak ŋes. Kotema emalaika loka EJAKAIT ŋes atiar, “Kolem akiriŋ ka imugatin lumam itubuunitoi, kidokok kes amoru na, kobukok acece.” Kiswama ŋesi kwaŋin. Kosodi emalaika loka EJAKAIT aikeun ebelake loetinit, kotiroria akiriŋ ka imugatin lumam itubuunitoi; kolom akim kamoru, konyam akim akiriŋ ka imugatin lumam itubuunitoi; konyou emalaika loka EJAKAIT kakonyeneke, Koany Gideon ebe ŋes emalaika loka EJAKAIT; kotema Gideon atiar, “Wu okwe, EJAKAIT Edeke! Naarai aany emalaika loka EJAKAIT keteosi.” Kotema EJAKAIT ŋes atiar, “Kinapakin; sirikuriana; mam jo itwani.” Kosodi Gideon adukokin EJAKAIT etem nen, komaik ŋes Yawe-salom: kiton lolo eroko ejai Opura loka Ibieserain. Kosodi kanen akuare nin, kotema EJAKAIT ŋes atiar, “Koyana emoŋ loka papakon, ka emoŋ lokiareit loka ikar ikanykaarei, kotiyaik etem loka Baal loejai papakon, Kojep Asera loidunyas kaŋes. Ido kodukok EJAKAIT Ekonideke etem kuiu kabwas kana, kopone kaloejok, koyana emoŋ lokiareit, koinak ainakinet naicweio kakito nuka Asera loiiepi.” Kosodi Gideon ayaŋaar ituŋa itomon kotoma ikejaanakinakake, kiswama kwape abalar EJAKAIT ŋes: kosodi naarai akuriana ŋesi ekal loka papake ka ituŋa lukore, mam abu kopedo aswam nun paaran, kiswama kuare. Kenyoutu ituŋa lukore tupuruc sek, koany, atiyaikina etem loka Baal, Asera da loedunyas kaŋes aiepitai, ka emoŋ lokiareit aponi koinakinai otem loadukitoi. Kotemanaros ebe, “Iŋai bo iswamat akirot na?” Kosodete kenicata, kinitanasi da, kotemasi atiar, “Gideon okoku loka Yoas ŋes iswamat nin.” Kosodete ituŋa lukore atemar Yoas atiar, “Kitolom okokukon, kotwana: naarai atiyaiki etem loka Baal, naarai aiep da Asera loedunyas kaŋes.” Kotema Yoas kere luabwoikinito ŋes atiar, “Irabakinete yesi Baal? Arai bo itaiarete yesi ŋes? Ŋolloirabakini ŋes, eario eroko atupurue: arai erai edeke, kirabakin bon, naarai atiyaiki ituŋanan eketem.” Komaik do ŋes kapaaran kaŋin Yerubaal, ebe, Kirabata Baal kaŋes, naarai atiyaiki etemuke. Kosodete Imidianin kere ka Imalekain ka idwe lukokide atukonokin; kotuboros, kidukuroto aditot naka Yesereel. Konye kodoik emoyo loka EJAKAIT Gideon; kokut arupepe; kotukokin Abieser aitup ŋes. Kijuka ikiyakia anatar Manase kere; kotukokinos kesi da aitup ŋes: kijuka ikiyakia mama ejai Aser, ka Sebulun, ka Naputali da; kopotu nul airiamun kakes, Kotema Gideon Edeke atiar, “Arai itajari ijo Isirael kakanika, kwape ibu kotemaria. Koany, ebwaikini emukule loka aiul opeial; arai keiaunos akopyo omukule bon, kookito alup kere, ajenuni do eoŋ ebe itajari ijo Isirael kakanika, kwape ibu kotemaria.” Koiaun kwaŋin: naarai abu ŋesi kodilok anyoun tupuruc, konunuk emukule, koeu akopyo komukule, kilelebunos akip atany. Kotema Gideon Edeke atiar, “Kinyek anvunyurakon ainepun aluikin eoŋ, mere kener irwan na atipet bon: kenainait, kegimo irwan na bon kemukule; koonite do emukule bon, konye koiaunos akopyo alup kere.” Kiswama Edeke kwaŋin akuare nin: naarai aonit emukule bon, konye kojaas akopyo alup kere. Kosodi Yerubaal, ŋes Gideon, ka ituŋa kere luajaas kaŋes adilokin anyoun, kidukuroto ariri naka atan naka Karod: koiaas iidukurun luka Midian arikee naka agolitomei, ariri naka eukot loka More, aditot, Kotema EJAKAIT Gideon atiar, “Ipu noi ituŋa luijaatar ijo, eoŋ ainakin Imidianin akanikee, kinyek Isirael aiturokinor eoŋ ebe, ‘Akakan alopet ŋes ketaiar.’ Aso do kolot, kolimo kaki nuka ituŋa ebe, ‘Ŋol loekuriana loemarani, kobono konyou da komoru Gilead.’’’ Kobonosi kotuna ituŋa ilukumin akaisaarei ka luarei; kosalata ilukumin itomon. Kotema EJAKAIT Gideon atiar, “Eroko ituŋa ipu noi; koyana kes akipi, egimori eoŋ kes kaŋina kanukon: ejaun do ebe, loatemari eoŋ ebe, ‘Ŋol euparos kajo,’ Ŋopeŋol iuparotor; loatemari eoŋ ebe, ‘Mam ŋol euparos kajo,’ mam ŋol iuparotor.” Kwaŋin koyanau ituŋa akipi: kotema EJAKAIT Gideon atiar, “Ŋolituŋanan loemasi akipi kanaiepeke, kwape emasia ekiŋok, igitari ŋol; ka ŋol da loekukokin aimat.” Etiai loka ŋul kaluamasete bala ekiŋok, luebwaikinete akanin aitukekee emwaasi akwat auni: konye ituŋa luce kere apotu kokukokinos aimat akipi. Kotoma EJAKAIT Gideon atiar, “Ketajari jo kituna akwat auni luamasete bala ekiŋok, eiaikini Imidianin akanikon: koloto do ŋinituŋanan aiboisike.” Kitiijata do ituŋa inyamat kakaninikec, ka arupepenekee: kijuka ituŋa kere luka Isirael ninitunanan owemake, konye abu kitasal nul akwat auni: kojaas iidukurun luka Midian kwapuken aditot. Kosodi kanen, kakuare kaŋin kotema EJAKAIT ŋes atiar, “Konyou, kijesar oidukurun; naarai ejaik kes akanikon. Konye arai ikuriana ijo aijesar, kijesaros ijo ka Pura ekejaanakinanikon oidukurun: Ipupuni do nuineras kesi; akaulo kanun egogoŋioros akonikanin aijesar oidukurun.” Kosodi ŋesi ka Pura ekejaanakinanike aijesar kiton otuŋa luakapakina ejie luajaas osaŋe loka iidukurun. Koperete Imidianin ka Imalekain ka idwe kere lukokide kaditot bala emaase kanuka aipues; komam ikaalaikec imarunos, kwape asine naejai ariri naka aŋolol kanuka aipues, Kebu Gideon, koany, ajai etuŋanan loalimonokini oupake airujasit, kobala ebe, “Koany, eruia airujasit, ido koany, bala abu aluŋuret naka emugati loka asairi kikokorun oidukurun luka Midian, kodol owema, kocam ŋes kibiror, kobuburia ŋes, koper ewema.” Koboŋok oupake ŋes ebe, “Mere nin ieebore dimarai ekileŋ loka Gideon okoku loka Yoas, etuŋanan loka Isirael: ejaiki EJAKAIT Midian ka ajore kere akanike.” Kosodi kepupu Gideon inerai airujasit ka apolouke, abu koma Edeke; kobono oidukurun luka Isirael, kotema atiar, “Konyoutu; naarai ejaiki EJAKAIT aiore naka Midian akaninikus.” Kotiak ituŋa akwat auni korioijeta iuni, kititin kes kere arupepen ka amoti nuamameete iboro kotoma, kibwaik akalasia nuenokete toma amoti. Kotema kes atiar, “Kosesenai eoŋ, kiswamata kwape kwaŋin; ido koany, naadolio aiboisio nukosane loka iidukurun, kosodi kwape eswamaa eoŋ, iswamaete yesi da kwape kwaŋin. Naakutakinia arupepe, eoŋ ka ituŋa kere luejaas keoŋ, ikutakinete yesi da arupepen kanoliwai kere loka iidukurun, kobalas ebe, ‘Luka EJAKAIT ka luka Gideon da.’’’ Kwaŋin kodolut Gideon ka ituŋa akwatat luajaas kaŋes aibois nakosane loka iidukurun kageunet naka akwenyunet nakokidin, atipet napekedaut aijulakin ikedarak: kokutata arupepen, kobwanabwanata amoti nuetinito kakaninikec. Kokutata irioneta iuni arupepen, kobwanabwanata amoti, kitinata akalasia nuenokete kakaninikee nukokediany, ka arupepen kakaninikec nukoteten akusia: kiworoto ebe, “Ekileŋ loka EJAKAIT ka loka Gideen da.” Kobwaata kesi ninitunanan kaiboisike alukun iidukurun: koker ajore kere; kocelata, kitekerata kes. Kokutata arupepen akwat auni, abu EJAKAIT koinak ekileŋ loka ninitunanan aitiji oupake, ka ajore kere: koker ajore kiton Bet-sita loebei Serera, kiton oikor loka Abel-mekola, loidunyas kaTabat. Kotukonokinos ituŋa luka Isirael kotoma Naputali, kotoma Aser, kotoma Manase kere da, kodapata Midian, Kijuka Gideon ikiyakia akwap kere nakiukon naka Epuraim, kobala ebe, “Kopotu asurokin Midian, kogeikis kes airum akipi, kiton Bet-bara, ka Yorodan da.” Kotukokinos ituŋa kere luka Epuraim, kirumata akipi kiton Bet-bara, ka Yorodan. Koyanaasi ikapolok iarei luka Midian, Oreb ka Seeb; koarakis Oreb moru Oreb, koarakis Seeb acues nakebino naka Seeb, kodapata Midian: koyaut akwes nuka Oreb ka Seeb mama ejai Gideon okekwa loka Yorodan. Kotemasi ituŋa luka Epuraim ŋes atiar, “Kanukinyo kikonakinia ijo sio kwana, mam ibu konyarau sio nailosio aitiji Midian?” Kitonolo pata ŋes noi. Kotema kes atiar, “Eswama anyoika adepar yes? Mere ejokuka luideunos luka imusabibun luka Epuraim adepar luedenete luka Abieser? Ejaiki Edeke ikapolok luka Midian, Oreb ka Seeb, akanikus: anyoika nuabu eoŋ kapedo aswam adepar yes?” Kosodi konyet anyunyurakec aiŋoŋar, kedau ŋesi einer nun. Kobu Gideon Yorodan, kodoka ŋesi ka ituŋa akwat auni luajaas kaŋes, kopasito, konye kodapito. Kotema ŋesi ituŋa luka Sukot atiar, “Kenainait, koinakisi ituŋa lukatupito eoŋ imugatin; naarai epasito, ido adapit eoŋ Seba ka Salumuna, ikabakan luka Midian.” Kotemasi ikapolok luka Sukot atiar, “Ejaas kereka akanin nuka Seba ka Salumuna kwana akanikon, tape sio kiinakini ajorekon imugatin?” Kotema Gideon atiar, “Kanuka ŋun kedau EJAKAIT aijaikin Seba ka Salumuna akanika, apoopoi eoŋ akusiwat kikukwa luka amodiŋ ka ikodokodo.” Konyou kanen kolot Penuel, kiner kakes kopone kanol; kobonokis ŋes ituŋa luka Penuel kwape abonokinioto ituŋa luka, Sukot, Kotema ŋesi ituŋa luka Penuel atiar, “Naaboŋunio kainapakin, atiyaikin etogo lo loeoja noi.” Ajaas Seba ka Salumuna Karikor, ka ajoresiokec kakes, ituŋa ilukumin itomon ka lukany, nul kere luedeuna luka ajore kere naka idwe lukokide: naarai apotu ituŋa ilukumin akwatat ka akaisaarei luautunito ikileŋa kotwakata. Kolot Gideon korot loka nul kalueboiete koweman kari nakokide naka Noba ka Yogibeka, kodany ajore; naarai etumoro ajore. Kokerata Seba ka Salumuna; kodapa kes; kikam ikabakan iarei luka Midian, Seba ka Salumuna, kitubur aiore kere. Koboŋ Gideon okoku loka Yoas kojie anyoun kaneedokarere Keres. Kikam ŋesi ekatumunan lokituna luka Sukot, kinit ŋes: kitejen ŋes ikapolok luka Sukot ka imakioke, ituŋa akaisakanykaarei ka lukanykaarei. Kobu neajaas ituŋa luka Sukot, kotema atiar, “Koanyutu Seba ka Salumuna, lukisekelooto yesi eoŋ ebe, Ejaas kereka akanin nuka Seba ka Salumuna akanikon, tape sio kiinakini ikonituŋa luepasito emugati?” Koyana imakio lukore, ka ikukwa luka amodiŋ ka ikodokodo, kopoopoia ituŋa luka Sukot, Kotiyaik etogo loeoia noi loka Penuel, koar rtuna lukore. Kosodi ŋesi atemar Seba ka Salumuna atiar, “Aputos biai ituŋa luiarete yesi koTabor?” Kobonokis ebe, “Kwape iputor ijo, kesi da kwaŋin; ŋinituŋanan kakesi aputos kidwe luka ekabaka.” Kotema atiar, “Araas kesi ikainaean, odwe luka totoka; kwape ejaria EJAKAIT, arai kitajarito yesi kes, ti mam eoŋ kaar yes.” Kotema ŋesi Yeter ekiyaike atiar, “Konyou, koar kes.” Konye mam abu ekatumunan kout ekekileŋ: naarai akuriana, naarai ariŋa erai ekatumunan. Kosodete Seba ka Salumuna atemar ebe, “Konyou ijo, koar sio: naarai kwape ejaar etuŋanan, akegogoŋ da ejai kwaŋin.” Konyou Gideon, koar Seba ka Salumuna, koyana apelia nuajaas omurisina luka ikaalaikee. Kosodete ituŋa luka Isirael atemar Gideon atiar, “Koyaai ijo sio, ijo ka okokukon, ka okoku loka okokukon da: naarai kitajar ijo sio kakan naka Midian.” Kotema Gideon kes atiar, “Mam akoto ayait yes, karaida okokuka ayait yes: EJAKAIT ŋes kiyai yes.” Kotema Gideon kes atiar, “Ejai naakoto ailip yes, koinakinai ninitunanan itetioke lunatuna.” (Naarai ajaas kes itetio, naarai araas Isimaelin.) Kobonokis ebe, “Kiinakini kes ketau kaloejok.” Kopesikis egoe, koeakanakis nen ninituŋanan itetioke lunatuna. Alaniru naka itetio luka esabu luabu kilip arai isekelin elukumit ka akwat akanykaarei luka esabu; kogelara apelia, ka luidelos, ka inapen lumugeik luanapito ikabakan luka Midian, kogelara da irikoi Iuajaas omurisina luka ikaalaikec, Kiswamau Gideon kes epod, kibwaik oreke, Opura: kolot Isirael kere ŋina eporo mamakeŋ: koraun do atacit mama ejai Gideon ka ekaleke. Kwaŋin kitononokata idwe luka Isirael Midian kakonyenekee, mama bobo apotu kikeut akecekwes. Kiyen akwap kapaarasia nuka Gideon. Kolot Yerubaal okoku loka Yoas kiboikin togoke. Ajaas Gideon odwe luaurie ŋesi akaisakanykaarei: naarai epu ŋes aijor. Abu akebusiat naajai Sekem kourik ŋes esapat, komaik ekekiror Abimelek. Kotwana Gideon okoku loka Yoas kedau aibut ejok, kidaikinai ates naka Yoas papake, toma Opura loka Ibieserain. Kosodi atipet ketwana Gideon, kibelokinos idwe luka Isirael bobo, koloto eporo mama ejaas Ibaalim, kitaraut Baal-berit edekekec, Mam idwe luka Isirael apotu kiitut EJAKAIT Ekecedeke, loayuun kes kakanin nuka lukasurupokec kere kanoliwai: Karaida aikonakin kasianut ekalloka Yerubaal, ŋes Gideon, kwape ejaatar nukajokak kere nuabu ŋesi kikonak Isirael. Kolot Abimelek okoku loka Yerubaal Sekem mama ejaas iinacan luka totoke, kiner kakes, ka ekek kere loka ekal loka papa loka totoke, atiar, “Keŋaiŋaito, kinerata kaki kere nuka ituŋa luka Sekem ebe, ‘Arai kiiokikinito yes odwe kere luka Yerubaal luimwaasi ituŋa akaisakanykaarei, ayaite yes, arai bo ediopet ayaite yes?’ Kiitutu da ebe arai eoŋ akoitikus ka akirinikus.” Kinerata iinaean luka totoke nuken aki kere nuka ituŋa luka Sekem akiro ŋun kere: kokotos ikecetauon atupar Abimelek; naarai abalas cbe, “Erai onacewok.” Koinakis ŋul ŋes atutubeta akaisakanykaarei nuka epuesa nualemunete kotogo loka Baal-berit, nuabu Abimelek koropia ituŋa luutai luebenen, luatupito ŋes, Kolot Opura ore loka papake, koarak ikeinacan odwe luka Yerubaal, luemwaasi ituŋa akaisakanykaarei, amoru adiopet: konye kideun Yotam eŋoorit loka Yerubaal; naarai abu konop. Kotukokinos ituŋa kere luka Sekem, ka ekal kere loka Milo, koloto kitaraut Abimelek ekabaka, kaneedunyas kelua loka epir loajai Sekem, Kelimokin Yotam nun, abu kodoka aibwo aidi naka moru Gcrisim, kodelo, kiworo, ko te ma kes atiar, “Kopupunoi, yes ituŋa luka Sekem, tetere Edeke kipupuni yes. Kolosek apotu ikito koloto ainyonyoikin eka baka akinyet ayaite kes; kotemasi eseitun atiar, ‘Koyaai ijo sio.’ Konye kotema eseitun kes atiar, ‘Enyeini kereka eoŋ akinyeteka naitopolonorere Edeke ka ituŋanan, kasodi alosit aijaŋijaŋa kokito?’ Kotemasi ikito etini atiar,, Bia ijo koyaai sio.’ Konye kotema etini kes atiar, ‘Enyeini kereka eoŋ akaiiiim, ka araitoka nukajokak, kasodi alosit aijaŋijaŋa kokito?’ Kotemasi ikito emusabibu atiar, ‘Bia ijo, koyaai sio.’ Kotema emusabibu kes atiar, ‘Enyeini kereka ebinoka, loitalakarit Edeke ka ituŋanan, kasodi alosit aijaŋijaŋa kokito?’ Kosodete ikito kere atemar etirir atiar, ‘Bia ijo, koyaai sio.’ Kotema etirir ikito atiar, ‘Arai kinyonyoikinete yesi eoŋ akinyet kotoma abeit araun ekabakakus, kopotu do komunokinos etolimika: arai bo mam, kolom do akim kotirir, konyama iresia luka Lebanon.’ “Aso do, arai iswamato yesi kabeit ka nuetenito, aitaraun Abimelek eka baka, arai da iswamakinito yesi Yerubaal ka ekaleke nuejok, ido kiswamakinito ŋes kwape ibusakinitor nueswamat: (Naarai abu papaka koiiik yes komam epod aijarake, koyu da yes kakan naka Midian: Inyoutu do yesi lolo asurokin ekalloka papaka, iarakis odweke, ituŋa akaisakanykaarei, amoru adiopet, itarautu da Abimelek okoku loka abusiatake ekabaka loeyait ituŋa luka Sekem, naarai erai onacekus;) Arai iswamakinito yesi Yerubaal ka ekaleke lolo nukabeit ka nuetenito, kolelata do yesi kotoma Abimelek, ŋesi da kolele kotomakus: Konye arai mam, kolom do akim kotoma Abimelek, konyama ituŋa luka Sekem, ka ekalloka Milo; kolom da akim kotoma otuŋa luka Sekem, kotoma okal loka Milo, konyama Abimelek.” Kosi Yotam, koker, kolot Beer, kiboi kaŋina, kanuka akurian Abimelek onaceke. Kopolok Abimelek Isirael ikar iuni. Kijuk Edeke emoyo loerono kidin Abimelek ka ituŋa luka Sekem; kiswamakis ituŋa luka Sekem Abimelek nuka aiŋal: Tetere edolete nukadeden nuaponi kiswamakinai odwe akaisakanykaarei luka Yerubaal, tetere da itebeo aokotokee Abimelek onacekee, loaari kes, itebeo da ituŋa luka Sekem, luetogogonete akaninike aiar iinaeanake. Kibwaikis ituŋa luka Sekem ikaperunok ŋes aidia nuka ironan, konatata kere luetorete orot ŋol: kolimokinai Abimelek, Kobu Gaal okoku loka Ebed ka iinaeanake, koloto Sekem: komunokinos ŋes ituŋa luka Sekem. Kolomasi omanikor, kodenoto imusabibunukee, kieakaeakata imusabibun, kipooto epueit, kolomasi togo loka edekekee, konyamata komatata, kikenoto Abimelek. Kotema Gaal okoku loka Ebed atiar, “Iŋai bo Abimelek, iŋai da Sekem, tape sio kiiaanakini ŋes? Mere ŋes okoku loka Yerubaal? ka Sebul ekiyakiake? ijaanakinete yesi ituŋa luka Kamor papa loka Sekem: konye sio kanukinyo tikiiaanakinia ŋes? Karai kejaas ituŋa lu akanika! Tikalema Abimelek.” Kotema ŋesi Abimelek atiar, “Kiyatak akonijore, kolom.” Kepupu Sebul ekayaiton ere akiro nuka Gaal okoku loka Ebed, abu akenyunyura kinep. Abu kijukak Abimelek ikiyakia kaiyeiyea ebe, “Koany, apotu Gaal okoku loka Ebed ka ikeinacan Sekem; ido koany, etinaikis ere asurokin joo Aso do, konyou kuare, ijo ka ituŋa luejaas kajo, koperut kamanat: Kosodi tupuruc, atipet naeniunia akoloŋ, kodilok ijo anyoun asurokin ere: ido koany, kelomut ŋesi kituna luejaas kaŋes asurokin jo, iswamakini do ijo kes kwape itojokia.” Konyou Abimelek kuare, ka ituŋa kere luajaas kaŋes, koperut Sekem korioneta iwonon. Koloma Gaal okoku loka Ebed, kobwo korute kaneelomarere ore: konyou Abimelek ka ituŋa kere luajaas kaŋes kaneaperunitotor. Nakeanyunia Gaal ituŋa, kotema ŋesi Sebul atiar, “Koany, ijesuna ituŋa kaidia nuka ironan.” Kotema Sebul ŋes atiar, “Tseseni ijo etolim loka iroŋan kosubite bala ituŋa.” Kinera Gaal bobo ebe, “Koany, ijesuna ituŋa kokidin kakwap, itorunit erioŋet ediopet orot loka elua loka Meonenim.” Kosodi Sebul atemar ŋes atiar, “Ai bo kwana ejai aitukukon, naibalar ebe, “Tnai bo Abimelek, tape sio kijaanakini ŋes?’ Mere ŋul ituŋa luimwanit ijo? Kenainait, koloma cabo do kitiji kes.” Koloma Gaal kakonyen nuka ituŋa luka Sekem, kitiji Abimelek. Kodap Abimelek ŋes, koker kakonyeneke, kibiroros luipu luemusunitai, kiton neelomarere orute. Kiboikin Abimelek Aruma: kirenea Sebul Gaal ka iinaeanake, kinyeis aiboi koSckem. Kosodi kanen, kapaaran naatupakini kolomas ituŋa amanat; kolimokis kesi Abimelek. Koyana ituŋa, kotiak kes kotoma orioneta iuni, koperut kamanat; kosesen, ido koany, kolomut ituŋa kore; konyou asurokin kes, kodany kes. Kokubokinos Abimelek ka irioneta luajaas kaŋes, kobwaata korute kaneelomarere ore: kokerata irioneta iarei neajaas nul kere luajaas amanat, kodanyata kes. Kitiji Abimelek ere apaaran ŋin kere; kirum ere, koar ituŋa luajaas toma; kotiyatiya ere, koyeik abalaij. Kepuputu ituŋa kere lukore loeoja loka Sekem ŋun, apotu kolomasi abur nakotogo loka El-berit. Kolimokinai Abimelek ebe etukokina ituŋa kere lukotogo loeoja loka Sekem. Kodoka Abimelek moru Salumon, ŋes ka ituŋa kere luajaas kaŋes; kitin aep kakanike, kojep atenu kokito, kitin ŋes, kibwaik okeperike: kotema ituŋa luajaas kaŋes atiar, “Nuianyutu eoŋ eswamai, kisunyito yesi da, kiswamata kwape kwaŋin.” Kosodete ituŋa kere aiepun ŋinituŋanan aketenut, kotupasi Abimelek, koganata kes abur, kinokokis akim aicweia abur; kotwakata do ituŋa kere lukotogo loeoja loka Sekem, kwape elukumit, ikiliok ka aŋor. Kosodi Abimelek alosit Tebes, kidukur asurokin Tebes, kirum ŋes, Konye ajai etogo loeoia loagogon toma ore, apotu ikiliok ka aŋor kere kokereasi nina, ka nul kere lukore, kogoloros kotoma, kodokasi oswi loka etogo loeoia. Kobu Abimelek togo loeoja, kitiii ŋes, kikunyak okek loka etogo loeoia aicwe ŋes. Abu aberu adiopet kocakak atapen akou naka Abimelek, kobwan abelekek naka akouke. Kosodi ŋesi anyaraun katipet ekatumunan loadakit lujiisike, kotema ŋes atiar, “Kout ekilenikon koar eoŋ, kinyeis ituŋa atemar ebe, ‘Aberu aari ŋes.’’’ Kieum ekatumunanike ŋes aipelor, kotwana. Keanyut ituŋa luka Isirael ebe atwana Abimelek, koloto ninituŋanan aiboisike. Kwaŋin abu Edeke kinyan aronis naka Abimelek, naabu kiswamak papake, kanuka aiar iinaeanake akaisakanykaarei. Aronis kere naka ituŋa luka Sekem abu Edeke kinyan kakwesikee: abu kobunok kes ekenit loka Yotam okoku loka Yerubaal. Akaulo ka Abimelek abu Tola okoku loka Pua, okoku loka Dodo, erunanan loka Isakar, konyou aitajar Isirael; abu kiboie koSamir kakwap nakiukon naka Epuraim. Abu kotubok Isirael ikar akaisaarei kaluuni, kotwana, kidaikinai Samir. Akauloke konyou Yair, Egileadit; abu kotubok Isirael ikar akaisaarei ka luarei. Ajaas ŋes odweke akaisauni luebwanenenete isigirian akaisauni, ajaas kes ireria akaisauni, luemaikinitai Kabot-yair kiton lolo, luejaas akwap naka Gilead. Kotwana Yair, kidaikinai Kamon. Kiswamata idwe luka Isirael bobo nueroko kakonyen nuka EJAKAIT, kijaanakis Ibaalim, ka Asitarot, ka idekesio luka Suria, ka idekesio luka Sidon, ka idekesio luka Moab, ka idekesio luka idwe luka Amon, ka idekesio luka Ipilisitian; apotu kojalata EJAKAIT, komam ijaanakinete ŋes, Kinep anyunyura naka EJAKAIT aluikin Isirael, kogwela kes akan naka Ipilisitian, akan da naka idwe luka Amon. Apotu kisiyalononoto koroikis da idwe luka Isirael kokaru kanol: apotu koroikis idwe kere luka Isirael luajaas okekwa loka Yorodan akwap naka Imorain naejai Gilead, ikar itomon ka lukanykauni. Kodokasi idwe luka Amon Yorodan alosit aitiji Yuda ka Benyamin, ka ekal loka Epuraim; kwaŋin kiyalonon noi Isirael. Komonyata idwe luka Isirael mama ejai EJAKAIT ebe, “Kidiaka kamakon, naarai kijal Ekosideke, kijaanaki Ibaalim.” Kotema EJAKAIT idwe luka Isirael atiar, “Mam kereka eoŋ abu ketajar yes kaneejaas Imisirian, ka Imorain, ka idwe luka Amon, ka Ipilisitian? Apotu Isidonin da, ka Imalekain, ka Imaonin koroikis yes; ipotu komonyata kaneajai, abu eoŋ ketaiar yes kakanikee. Konye kijalata eoŋ, iiaanakis ieedekesio: kanuka nun mam bobo ketaiar yes. Koloto komonyata mama ejaas idekesio luiseutu; kitaiarata do kesi yes kapak naka icanikus.” Kotemasi idwe luka Isirael EJAKAIT atiar, “Kidiaka; kiswamakinai ijo sio nuitoiokit ijo; konye kinainait, koyuunai sio lolo.” Kolemasi idekesio lumo kamakee, kijaanakis EJAKAIT: kokadak eketau kanuka ican luka Isirael. Kosodete idwe luka Amon atukokin, kidukuroto Gilead. Kotukokinos idwe luka Isirael da, kidukuroto Misipa. Kotemanaros ituŋa, kes ikapolok luka Gilead ebe, “Iŋai etuŋanan loegei aitiji idwe luka Amon? Eraun ŋol ekapolon loka luibojete koGilead kere.” Kerai Yeputa Egileadit etuŋanan lokirigi, lokatitin da, arai ŋesi okoku loka naadote: Gilead ŋes aurie Yeputa. Kourik aberu naka Gilead ŋes idwe lusap; kosodi kepolooros odwe luka aberuke, apotu kireneasi Yeputa, kotemasi ŋes atiar, “Mam jo idumuni airumet kokal loka papawok; naarai irai ijo okoku loka aceberu.” Kosodi Yeputa akerit kaneaiaas iinaeanake, kiboikin akwap naka Tob: kotukokinos ituŋa luutai neejai Yeputa, kolomasi nepepe kaŋes. Kosodi kanen ketuboros apaarasia, kitiiioto idwe luka Amon Isirael. Kosodi kitiiioto idwe luka Amon Isirael, apotu imakio luka Gilead koloto aomare Yeputa kakwap naka Tob. Kotemasi Yeputa atiar, “Bia, koraun ekosiiakait, tetere kitijie idwe luka Amon.” Kotema Yeputa imakio luka Gilead atiar, “Mere ipotu yesi kolaata eoŋ, kireŋeasi da kokal loka papaka? Kanukinyo do iponiata neajar eoŋ naijaatar oean?” Kotemasi ŋes imakio luka Gilead atiar, “Kanuka ŋun ŋes kibonunio mamakon, tetere ilosi kasio aitiji idwe luka Amon, iraun ijo lokapolonikosi loiyait luibojete koGilead kere.” Kotema Yeputa imakio luka Gilead atiar, “Arai kiinyakasi yesi eoŋ ore aitiii idwe luka Amon, kosodi EJAKAIT aijaikin kes eoŋ, araun kereka eoŋ lokapolonikus?” Kotemasi imakio luka Gilead Yeputa atiar, “EJAKAIT, ŋes ekajenaniwok; abeit kiswamai kwape ejaar akonikirot.” Kosodi Yeputa alosit kimakio luka Gilead, kodakakis ituŋa ŋes araun ekapolon, ejakait da loeyait kes: kiner Yeputa akiroke kere kakonyen nuka EJAKAIT koMisipa. Kijuka Yeputa ikiyakia mama ejai ekabaka loka idwe luka Amon ebe, “Inyo bo kimariai ijo keoŋ, tape ijo ibuni mamakan aitiji akakwap?” Koboŋok eka baka loka idwe luka Amon ikiyakia luka Yeputa ebe, “Naarai abu lsirael koyana akakwap, anyoun koArunon kiton Yabok, kiton Yorodan da, naalomunio koMisiri: asa kinyakakinai akwapin nun kainapakin.” Kijuka Yeputa ikiyakia bobo mama ejai ekabaka loka idwe luka Amon: Kotema ŋes atiar, “Inera Yeputa kwanata ebe: Mam Isirael abu koyana akwap naka Moab karaida akwap naka idwe luka Amon: Konye naaponiata kesi koMisiri, abu Isirael kitor amodiŋ kiton Aŋolol Nakarenan, kodol Kades; Kosodi Isirael aijukakin ekabaka loka Edom ikiyakia ebe, “Kenainait, koeamakinai ketor akwapukon’: konye mam ekabaka loka Edom abu kopup, Kwape kwaŋin kijuka mama ejai ekabaka loka Moab: konye mam abu kocam: kiboikin Isirael Kades. Kosodi aitor amodiŋ, kiriria akwap naka Edom, ka akwap naka Moab, kobu kariri nakokide naka akwap naka Moab, kidukuroto juwai naka Arunon; konye mam apotu kolomasi oikor loka Moab, naarai Arunon ŋes arai eikor loka Moab. Kijuka Isirael ikiyakia mama ejai Sikon ekabaka loka Imorain, ekabaka loka Kesibon; kotema Isirael ŋes atiar, “Kiŋainait, koeamak sio ketoroto akwapukon adolore akwapukosi.” Konye mam abu Sikon komunokin Isirael aitor oikoruke: konye abu Sikon kotukok iketuŋa kere, kidukuru Yakas, kitiji Isirael. Abu EJAKAIT, Edeke loka Isirael kijaik Sikon ka iketuŋa kere akan naka Isirael, kodanyata kes: kwaŋin kirum Isirael akwap kere naka Imorain lueboienenete kakwap kaŋin, Kirumata eikor kere loka Imorain, anyoun koArunon kiton Yabok, anyoun kamodiŋ da kiton Yorodan. Aso abu EJAKAIT, Edeke loka Isirael kodema Imorain airumetekec kakonyen nuka iketuŋa Isirael, ikoto do ijo airum kes? Mam kereka jo irumi nukiinakini Kemos ekonideke jo airum? Aso ŋul luadema EJAKAIT Ekosideke airumetakee kakonyenekosi, nul kes kirumi isio. Itelekarit kereka ijo Balak okoku loka Sipor, ekabaka loka Moab? Abu ŋesi kitepeg lsirael, arai bo abu ŋesi kitiji kes? Naeboio Isirael koKesibon ka ireriake, koAroer da ka ireriake, koreria da kere luejaas osiep loka Arunon, ikar akwat auni; kanukinyo mam yes ipotu kinyakariata kes kapak kaŋin? Kanuka nun mam eoŋ adiakit kamakon, konye iswamakinit ijo eoŋ erono aitiji eoŋ: EJAKAIT, Ekatubon, ŋes etubokini lolo idwe luka Isirael ka idwe luka Amon.” Konye mam ekabaka loka idwe luka Amon abu kopup akiro nuejukakinit Yeputa ŋes, Kosodi emoyo loka EJAKAIT adoikin Yeputa, kitor Gilead ka Manase, kitor da Misipe loka Gilead, konyou koMisipe loka Gilead kotubor neajaas idwe luka Amon. Kiyapoik Yeputa EJAKAIT aiyaposit ebe, “Arai kiiaik ijo eut idwe luka Amon akanika, Ejaun do ebe, ŋin yenelomuni kokekia luka ekatogo aisiriam eoŋ, naabonunio kainapakin kaneejaas idwe luka Amon, eraun nin yenika EJAKAIT, ainakini ŋes araun ainakinet naicweio.” Kwaŋin kotubor Yeputa mama ejaas idwe luka Amon aitiji kes; kijaik EJAKAIT kes akanike. Kodany kes anyoun koAroer kiton naidolio Minit, ireria akaisaarei, kiton Abel-keramim, kaario naepol noi, Kwaŋin kitononokai idwe luka Amon kakonyen nuka idwe luka Isirael. Kobu Yeputa Misipa oreke, ido koany, kolom akokuke aismam ŋes kisiman ka ekosio: arai ŋesi atelunake; amamei ŋes ikoku yenisapat arai yenipese, dimarai nin bon. Kosodi kanen keanyu ŋesi ŋes, abu kocil ikenapen, kotema atiar, “Otukwi, akokuka! Kitisil ijo eoŋ noi, irai ijo adiopet kotoma kanul Iukesiyalononoete eoŋ: naarai aooŋ akaituk mama ejai EJAKAIT, mam apedori aiiulakin.” Kotema ŋin ŋes atiar, “Papa, iwoon akoniituk mama ejai EJAKAIT; kiswamakinai eoŋ kwape ejaatar ŋun nualomunete kaitukukon; naarai kisinyana EJAKAIT jo kaneejaas lukasurupokon, kes idwe luka Amon.” Kotema ŋin papake atiar, “Kiswamakinai na: kinyeinai ber ilapio iarei, tetere alosi aijesar oroŋan, aimony abekonutuka, eoŋ ka apaupaka.” Kotema atiar, “Ape bo.” Kotwara ŋes adaun ilapio iarei: kolot, ŋes ka apaupake, komony abekonutuke koronan. Koso di kanen kedaunos ilapio iarei, koboŋ ŋin neejai papake, lokiswamak ŋes kwape ajaar aiyapositike naeyapoikinit; mam nin abu kojeni ekiliokit. Koraun epone kotoma Isirael, adwe nuka Isirael alosenen ŋolikaru akiitunun akoku naka Yeputa Egileadit apaarasia aoŋon ŋolikaru. Kotukokinos ituŋa luka Epuraim nepepe, kitoroto ari naka agolitomei; kotemasi Yeputa atiar, “Kanukinyo ituboror ijo aitiji idwe luka Amon, komam kinyarari sio alosit kajo? Kicweikini isio jo kotogokon.” Kotema Yeputa kes atiar, “Kipou eoŋ ka ikatuŋa kapegata noi kidwe luka Amon; kaanyarau yes, mam ipotu kitaiarata eoŋ kakanikec. Kaany eoŋ ebe mam ipotu kitajarata eoŋ, abu kebwaik aijaraka akanika, kasodi atubor asurokin idwe luka Amon, kejaik EJAKAIT kes akanika: kanukinyo do iponitotor mama ajai lolo aitiii eoŋ?” Kosodi Yeputa atukokin ituŋa luka Gilead kere, kitiji Epuraim: kodanyata ituŋa luka Gilead ituŋa luka Epuraim, naarai abalas ebe, “Iraas yesi luisiito koEpuraim, yes Igileadin, kokidin Epuraim, kokidin da kaManase,” Kikamut Igileadin idoketa luka Yorodan Iuebeete Epuraim: kojaun do ebe, naatemaria ŋinidiopet kotoma kaluasiito luka Epuraim ebe, “Koeamakinai katubor,” atemarete ituŋa luka Gilead ŋes atiar, “Irai ijo Epuraimit?” Arai ketema ebe, “Mam”: Atemarete kesi ŋes atiar, “Aso kolim cani ebe, Shibolet”; kolimuni ŋesi ebe, “Sibolet”; naarai mam apedorit alimun kojokan; kosodete do aikamun ŋes, aarakin odoketa luka Yorodan; kotwakata kapak kaŋin luka Epuraim ilukumin akaisaoŋon ka ilukumin iarei. Kotubok Yeputa Isirael ikar ikanykape. Kotwana Yeputa Egileadit, kidaikinai ore ediopet koreria luka Gilead. Kotubok Ibisan loka Bet-lekem Isirael atupakin ŋes. Ajaas ŋes odwe akaisauni, abu kokora adweke akaisauni, kosodi amanyakin odweke apesur akaisauni. Abu ŋesi kotubok Isirael ikar ikanykaarei. Kotwana Ibisan, kidaikinai Bet-lekem, Kotubok Elon Esebulunit Isirael atupakin ŋes; abu ŋesi kotubok Isirael ikar itomon. Kotwana Elon Esebulunit, kidaikinai Aiyalon akwap naka Sebulun. Kotubok Abudon okoku loka Kilel Epiratonit Isirael atupakin ŋes, Ajaas ŋes odweke akaisaoŋon ka odwe akaisauni luka odweke, luebwanenenete isigirian akaisakanykaarei: a bu ŋesi kotubok Isirael ikar ikanykauni. Kotwana Abudon okoku loka Kile! Epiratonit, kidaikinai Piraton akwap naka Epuraim, akwap nakiukon naka Imalekain. Kiswamata bobo idwe luka Isirael nueroko kakonyen nuka EJAKAIT: kiiaik EJAKAIT kes akan naka Ipilisitian ikar akaisaoŋon, Ajai etuŋanan loka Sora loka ekek loka Idanin, ekekiror Manoa; arai akeberu arakan, mam aurie. Kitakanikin emalaika loka EJAKAIT aberu, kotema ŋes atiar, “Aso koany, irai ijo arakan, mam iwurie; konye ipotuuni, iwuruuni ikoku yenisapat. Aso cado kocoite, kenainait, sirikimat ebino karaida nuitemerete, sirikinyam da idiobore yenimam elai: Naarai koany, ipotuuni ijo, iwuruuni ikoku yenisapat; mam eiutet icaki akouke: naarai eraun ikoku Enasirit loka Edeke ageun kakoik: egeuni da ŋesi ai tajar Isirael kakan naka Ipilisitian.” Kosodi aberu abunore alimokin okilenike ebe, “Abu etuŋanan loka Edeke kobu neaiai, akekonven koputos bala akonyen nuka emalaika loka Edeke, loeyoŋitai; mam abu kenitu ŋes neabunio, karaida ŋes alimokin eoŋ ekekiror. Konye abu katema eoŋ atiar, ‘Koany, ipotuuni, iwuruuni ikoku yenisapat; sirikimat ebino karaida nuitemerete, sirikinyam da idiobore yenimam elai: naarai eraun ikoku Enasarit loka Edeke ageun kakoik kiton apaaran naka atwanareke.’’’ Kosodi Manoa ailip EJAKAIT ebe, “Wu EJAKAIT, kenainait, koboŋ bobo etuŋanan loka Edeke loibu kiiuk mamakosi, kisisianak isio nukiswamakini ikoku yeneuruunio.” Kopup Edeke eporoto loka Manoa; koboŋ emalaika loka Edeke mama ejai aberu iboie komanikor: konye mam okilenike Manoa ajaas kaŋes. Kiwonya aberu koker, kolimok okilenike, kotema ŋes atiar, “Koany, ketakanikin eoŋ etuŋanan loabunit neajai eoŋ apaaran ya,” Konyou Manoa, kotup akeberu, kodol neejai etuŋanan, kotema ŋes atiar, “Ŋo ŋes etuŋanan loineras kaberu?” Koboŋok ebe, “Eoŋ lopelo.” Kotema Manoa atiar, “Aso kedolot akonikiro, kekonakisi ai ikoku, ido anyoin aswamuke?” Kotema emalaika loka EJAKAIT Manoa atiar, “Koeoite aberu ŋun kere nuabu kalimok ŋes, Siri ŋes kenyam ibore yenelomuni komusabibu, karaida aimat ebino, arai nuitemerete, karaida ainyam idiobore yenimam elai; koric ŋesi kere nuecorakinit ŋes.” Kotema Manoa emalaika loka EJAKAIT ebe, “Keŋaiŋait kosalak ber ijo tetere sio kipuikini jo ikalol.” Kotema emalaika loka EJAKAIT Manoa atiar, “Karaida kasala, mam anyami atapakon: arai ikoto apuikin ainakinet naicweio, ibusakinit ijo ainakin ŋes EJAKAIT.” Naarai mam Manoa ajeni ebe erai ŋesi emalaika loka EJAKAIT. Kotema Manoa emalaika loka EJAKAIT atiar, “Iŋai bo ekonikiror, tetere kitopoloori jo kedolot akonikiro?” Kotema emalaika loka EJAKAIT ŋes atiar, “Kanukinyo inisitor ijo ekakiror, naarai erai lokaumokin?” Koyana Manoa ikalol ka ainakineteke naka akiria, koinak EJAKAIT komoru: kiswama emalaika nukaumokin, kosesenata Manoa ka akeberu. Naarai kedoka akim kiton akuj anyoun kotem, abu emalaika loka EJAKAIT kodokaria kakim naka etem: kosesenata Manoa ka akeberu; kibiroros kwap ebuburia. Konye mam bobo emalaika loka EJAKAIT abu kitakanikin Manoa karaida akeberu. Kojen do Manoa ebe kerai ŋesi emalaika loka EJAKAIT, Kotema Manoa akeberu atiar, “Abeit kitwaki, naarai kianyu Edeke.’ Konye kotema akeberu ŋes atiar, “Arai kitojokit EJAKAIT aiar oni, timam keeamu ainakinet naicweio ka ainakinet naka akiria kakaniwok, timam da kiitodik oni akiro nu kere, timam kiilimok oni kapak kana akiro nuikote nen.” Kouru aberu ikoku yenisapat, komaik ekekiror Samuson: kopoloor ikoku, kisireren EJAKAIT ŋes. Kogeu emoyo loka EJAKAIT aijukit ŋes koMakanedan, kidin Sora ka Esitaol. Kolot Samuson Timuna, koany apese koTimuna naka adwe nuka Ipilisitian. Koboŋ, kolimok papake ka totoke atiar, “Aany apese koTimuna naka adwe nuka Ipilisitian: aso do komanyakinai ŋes. Kosodete papake ka totoke atemar ŋes atiar, “Emamei do apese kadwe nuka iinaeanakon, arai kotunaka kere, tape jo ilosi aimany aberu naka Ipilisitian lumam ekepep?” Kotema Samuson papake atiar, “Komanyakinai ŋes; naarai kesiyalamikinit eoŋ noi.” Konye mam papake ka totoke ajenete ebe kerai akirot naka EJAKAIT: naarai amoot ŋesi akirot naasurokinet Ipilisitian. Kapak kaŋin ayaito Ipilisitian Isirael. Kosodi Samuson alosit. Ka papake ka totoke Timuna, kodol amanat nuka emusabibu nuka Timuna: ido koany, abu eŋatuny losorokany kogat asurokin ŋes. Kodoik ŋes emoyo loka EJAKAIT kagogon, kopooia ŋes kwape tikepooiara ikalol, komamei ibore kakanike: konye mam abu kolimok papake karaida totoke nuabu kiswama, Kolot, kinerata kapese; abu ŋesi kisiyalamik noi Samuson. Ketubor apak, abu kobono ayaŋaar ŋes, kopaa aanyun akuan nakatwan naka eŋatuny: ido koany, ajai enene loka ao akuan naka eŋatuny, ka esik. Kitin ŋes kakaninike, kiyatak alosit, konyami kolosi, kodolok papake ka totoke, koinak kes, konyamata: konye mam abu kolimok kes ebe alemuni ŋesi esik kakuan naka eŋatuny. Kolot papake neejai apese: kipo Samuson epucit kanen; naarai atapit ikatumunak aswam kwaŋin. Kosodi kanen, keanyut ŋes, apotu koyaut ipaup akaisauni ajaut kaŋes. Kotema Samuson kes atiar, “Akoto eoŋ alimokin yes asogol: arai kipedosi yesi aitejenun ŋes kotoma apaarasia akanykaarei nuka epucit, ka aitebeikin ŋes, kainakini do yes igoen akaisauni luka ebaputa, ka inapen akaisauni luibusiak: Konye arai mcm ipedorete aiteienun ŋes, kiinakinete do yesi eoŋ igoen akaisauni luka ebaputa, ka inapen akaisauni luibusiak.” Kotemasi ŋes atiar, “Kolim cani asogol, kapuputu.” Kotema kes atiar, “Alom akiriŋ kaneejai yenikanyaman, Alom da awiiny kaneejai yenikagogonon.” Mam apotu kopedosi aiteienun asogol kotoma apaarasia auni. Kosodi kapaaran nakikanyetekaarei, kotemasi aberu naka Samuson atiar, “Kijodijod okilenikon, tetere kitebeikini sio asogol, kenyeis aicwe jo ka ekal loka papakon kakim: kinyaraunito sio aitaraun lukican? Mere kwaŋin?” Komony aberu naka Samuson kakonyeneke, kotema atiar, “Kilait ijo eoŋ, mam kimina eoŋ: ilimok idwe luka ikatuŋa asogol, komam kilimokinit eoŋ.” Kotema ŋes atiar, “Koany, mam alimokinit papaka karaida totoka, ido konyet jo ŋes kalimokini?” Komony kakonyeneke apaarasia akanykaarei nuajaar epueit: kosodi kanen kapaaran nakikanyetekaarei, abu kolimok ŋes, naarai abu kimaima ŋes noi: kolimok nin idwe luka iketuŋa asogol. Kapaaran nakikanyetekaarei eroko akoloŋ kelomara, apotu ituŋa lukore kolimokis ŋes ebe, “Inyo bo ewiny adepar esik? Inyo bo egogoŋ adepar enatunyr” Kotema kes atiar, “Kedim yes aitokor ataokoka, Timam kitejenut akasogol.” Kodoik ŋes emoyo loka EJAKAIT kagogon, kolot Asukelon, kodany ituŋa akaisauni kakesi, koyana lunatuna kamakec, koinak luetejenunete asogol inapen luibusiak. Kinep anyunyurake, kolot togo loka papake. Konye aponi aberu naka Samuson kokorakinai aupake, loanaikinit araut opaperoke. Kosodi kanen ketubor apak, kapak naka aidweny akima, abu Samuson kipejok akeberu kikalol; kotema atiar, “Alomari agola mama ejai akaberu.” Konye mam papake abu kisiik ŋes alomar. Kotema papa loka nin atiar, “Abeit abu kaomite ebe ila ijo ŋes eut; kanuka nun abu kakorak ŋes aupakon: mam kinaeike nadidi ejok adepar ŋes? Kenainait, koyana nin aiboisike.” Kotema Samuson kes atiar, “Emameun eoŋ akirot irwan na kaneeiaas Ipilisitian, naameŋerekinia kes.” Kolot Samuson kikam ikuei akwat auni, kolem akalasia, kiteteik ikorio, koenik akalas kidin kanulukorio iarei. Kosodi kedau ŋesi aisinepikin akalasia, abu koosik kes alosit akima nuka Ipilisitian, kiewe ikes, ka akima nuabwoete, ka iseitunin da. Kosodete Ipilisitian atemar ebe, “Iŋai eswama nu?” Kotemasi atiar, “Samuson, ekamuran loka Etimunit, naarai abu koyana akeberu, kosodi akorakin aupake.” Kopotu Ipilisitian, kieweata ŋes ka papake kakim. Kotema Samuson atiar, “Arai iswamaete yesi nuikote nen, abeit enyanar eoŋ kamakus, kasodi konyet apalar.” Kodany kes noi, jokan, aiar naepol: kolot kiboikin acilet naka emoru loka Etam, Kosodete Ipilisitian alosit, kidukuroto Yuda, kisiarakinos toma Leki, Kotemasi ituŋa luka Yuda atiar, “Kanukinyo iponiata yesi asurokin sio?” Kotemasi atiar, “Kiponit ajen Samuson, aiswamakin ŋes kwape abu ŋesi kiswamakinia sio.” Kosodete ituŋa ilukumin iuni luka Yuda alosit acilet naka emoru Etam, kotemasi Samuson atiar, “Mam jo ijeni ebe Ipilisitian kes kiyaito oni? Inyo bo do yen yenikiswamak ijo sio? “Kotema kes atiar, “Kwape keswamakiniata eoŋ, eswamak eoŋ da kes kwaŋin.” Kotemasi ŋes atiar, “Kiponit ajen jo, tetere kijaikini jo kakan naka Ipilisitian.” Kotema Samuson atiar, “Kiyapoikinoi eoŋ ebe, mam yes ikulepek kiarete eoŋ.” Kolimokis ŋes atiar, “Mam; konye kieni ber isio jo kagogon, kiiaikini jo akanikee: konye abeit mam sio kiari jo.” Koenata ŋes kaunoi aarei nukitetiak, koyaut ŋes komoru. Kedol ŋesi Leki, kibwonakis Ipilisitian iriamunos kaŋes: kodoik ŋes emoyo loka EJAKAIT kagogon, kosubata aunoi nuajaas akaninike bala abira nuieweio kakim, kodooto aenetake kakaninike, Kodum abokony nakitetet naka asigiria, korio akekan, kitin, kodanyia ituŋa elukumit. Kotema Samuson atiar, “Kabokony naka asigiria, atukon katukon, Adany ituŋa elukumit kabokony naka asigiria.” Kosodi kanen kedau ŋesi einer, kocaka abokony kakanike: komaikinai aibois nin Ramat-leki. Koiak akure noi, kiworo EJAKAIT ebe, “Iinak akan naka ekonibulesit aitaiar na naepol; atwani kereka eoŋ akure, kebirokin akan naka lumam ekepep?” Konye kocil Edeke aipany naejai Leki, kolomut akip kanen; kedau aimat, Koboŋok bobo ekemoyo, kikwar: ŋes do amaikinere ekirorike En-kakore, naejai Leki, kiton lolo. Abu ŋesi kotubok Isirael kapaarasia nuka Ipilisitian ikar akaisaarei. Kolot Samuson Gasa, koany kaŋ ina naadote, koloma mamakeŋ. Kolimokinai Igasan ebe, “Abu Samuson ne.” Kolukutu ŋes, koperut ŋes akuare kere korute lokore, kililinata akuare kere, kobalas ebe, “Kiwala akwap, kiari ŋes.” Koper Samuson kiton kidinebai, konyou kidiŋebai, kitin ikirigin luka erute lokore, ka ategerio aarei, kouto kes, ka atiket da, korioŋak kes okeperinike, kodaka kes aidi naka eronat loitei Keburon. Kosodi kanen akaulo kanun, abu ŋesi kominak aberu kaditot naka Sorek, ekekiror Delila. Kopotu ijaka luka Ipilisitian neejai nin, kotemasi ŋes atiar, “Kiiodiiod ŋes, kojen neelomunitor akegogoŋ naepol, ka epone lokipedoria aipikor ŋes, tetere kipedori ajen ŋes aitiean ŋes: kiinakini isio jo ninidiopet kasio atutubeta akwat atomon kanadiopet luka epuesa.” Kotema Delila Samuson atiar, “Kenainait, kolimokinai neelomunitor akonigogoŋ naepol, ka epone lokienere jo aitican.” Kotema Samuson ŋes atiar, “Arai kaenata kesi eoŋ kigegoi ikanykaarei luepalal lumam itoonitoi, ŋes kito akalanyanaror eoŋ, kiputokin kalucetuna.” Kosodete ijaka luka Ipilisitian ainun ŋin igegoi ikanykaarei luepalal lumam itoonitoi, koenia nin ŋes, Ajaas nin ikaperunok ago la nakotoma. Kotema nin ŋes atiar, “Samuson, kibunokis jo Ipilisitian.” Koned igegoi kwape enedar eusi loka amujajut ketiro akim. Kwaŋin mam akegogoŋ ajenio. Kotema Delila Samuson atiar, “Koany, kimod ijo eoŋ, kilimokinit da nuka aisab: asa keŋainait, kolimokinai epone lokienere jo.” Kotema ŋes atiar, “Arai kaenata kesieon kaunoi nukitetiak numam itwasamatai adioswam, ŋes kito akalanyanaror eoŋ, kiputokin kalucetuna.” Kolem Delila aunoi nukitetiak, koenia ŋes, kotema atiar, “Samuson, kibunokis jo Ipilisitian.” Kibojete ikaperunok kagola nakotoma. Koŋeda kes kakaninike bala eusi. Kotema Delila Samuson atiar, “Okwe, kimod ijo eoŋ kiton kwana, kilimokinit da nuka aisab: kolimokinai epone lokienere jo.” Kotema ŋes atiar, “Arai kicipak ijo ikatim luieipitai irwan akanykaarei oboro luicipi.” Abu nin kiketak nul keloit, kotema ŋes atiar, “Samuson, kibunokis jo Ipilisitian.” Kokweny kotoma ajo, kout eloit ka aieipet da. Kotema nin ŋes atiar, “Itemari ijo biai ebe, ‘Kamina jo,’ komam lekonitau ejaas keoŋ? Kimod eoŋ irwan nu auni, mam da kilimokinit eoŋ neelomunitor akonigogoŋ naepol.” Kosodi kanen kieebok ŋin abokobok ŋes kaimaima ninlpaaran kakiroke, abu eketau kokadak kiton atwanare. Abu kolimok ŋes nukotauke kere, kotema ŋes atiar, “Mam ejutet icakit akouka; naarai arai eoŋ Enasirit loka Edeke ageun kakoik naka totoka: arai kebareni akakou ŋes kito enyounio akagogoŋ kamakaŋ, akalanyanar, kiputokin da kalucetuŋa.” Kejenu Delila ebe alimoki ŋes nukotauke kere, abu kijuka anyaraun iiaka luka Ipilisitian ebe, “Kopotu do irwan na bon, naarai kalimok eoŋ nukotauke kere.” Kosodete ijaka luka Ipilisitian aponare mamake koyaunito apesan kakanikec. Abu kitoioto ŋes kakejeke; kosodi nin anyaraun etuŋanan kobareno iketim lueeipitai irwan akanykaarei; kogeu aitican ŋes, konyou akegogoŋ kamake, Kotema atiar, “Samuson, kibunokis jo Ipilisitian.” Kokweny kotoma ajo, kobala ebe, “Alomari kwape lem sek, kasodi ailakilakaar.” Konye mam ajeni ebe abu EJAKAIT konyou kamaken. Kikamut Ipilisitian ŋes, kogorut akekonye; koyanaasi ŋes Gasa, koenata kirikoi luka aisinit; abu kirienenei kaidaris. Konye apotu iketim kogeut apol bobo kedaun abaren ŋes, Kosodete kotukonokinos iiaka luka Ipilisitian ainakin Dagon ekecedeke asubanit naepol, kalakara da: naarai abalas ebe, “Kijaik edekewok oni Samuson lokasurupiwok akaniniwok.” Keanyut ituŋa ŋes, apotu kituroto edekekee: naarai abalas ebe, “Kiiaik edekewok oni lokasurupiwok akaniniwok, loemudiarit awokokwap, loaar luipu kaoni.” Kosodi kanen, kiyalamikinos ikecetauon, apotu kotemasi ebe, “Konyarautu Samuson, koboliak oni,” Konyaraut Samuson kaidaris; koboliak kes: kibwaikis ŋes kidin opirin, Kotema Samuson esapat loarikit ŋes kakan ebe, “Kocamakinai kararapa ipirin luiganito etogo, tetere agonakini kes.” Eleleba etogo ikiliok ka aŋor; iiaka kere luka Ipilisitian ajaas nen; ajaas ikiliok ka aŋor kwape ilukumin iuni kuiu togo, lueteete Samuson eboliakini kes. Kiworo Samuson EJAKAIT, kobala ebe, “Wu EJAKAIT Edeke, kenainait kiitunoi, kenaiŋait kitogogonoi, irwan na bon, wu Edeke, tetere enyanari atipet akakonye aarei kaneejaas Ipilisitian.” Kitin Samuson ipirin iarei lukokidin lueganito etogo, kogonakin kes, ediopet kakekan nakoteten, ediopet da kakekan nakokediany. Kotema Samuson atiar, “Mere katwana nepepe k Ipilisitian.” Kokukum kakegogon kere; kotiyaikin etogo ijaka, ka ituŋa kere luajaas toma. Kwaŋin lukatwak luaari ŋesi kapak naka atwanareke epu adepar luaari ŋesi eiari, Kosodete ikeinaean ka ekal kere loka papake aponare, kolemutu ŋes, koyanaut, kidaikis ŋes kidin kaSora ka Esitaol aibois nakidaanakina naka Manoa papake, Abu ŋesi kotubok Isirael ikar akaisaarei. Ajai etuŋanan loka akwap nakiukon naka Epuraim, ekekiror Mika. Abu ŋesi kotema totoke atiar, “Atutubeta akwat atomon ka nadiopet nuka epuesa nuaponi koyanaarai kaneiiai ijo, nuibu ijo kilam, ibu da kiner kapupi, koany, ejai epuesa neaiai eoŋ; eoŋ abu kayaŋa ŋes.” Kotema totoke atiar, “Kisireren EJAKAIT okokuka.” Kinyakak ŋesi totoke atutubeta akwat atomon ka nadiopet nuka epuesa, kotema totoke ŋes atiar, “Abeit atiakakin EJAKAIT epuesa kakanika kanuka okokuka, aiswamaunia aput naegerer ka aput naealuna: kanuka nun enyakakini ijo.” Kosodi kinyakaki ŋesi totoke apesan, abu totoke kolem atutubeta akwat aarei nuka cpuesa, kijaik ekatatan, loeswamaunia nun aput naegerer ka aput nacaluna: koiaun togo loka Mika. Keiai etuŋanan ŋol Mika etogo loka idekesio, kiswamau epod, ka iterapim, kotiak ediopet kodweke, koraun do ŋol esasedotike. Amamei ekabaka koIsirael kapaarasia kanun: eswamaenenei ŋinituŋanan nuadolito kakonyeneke bon. Ajai ekatumunan loka Bct-lekem-yuda, loka ateker naka Yuda, Ioarai Elebit, eboienenei kanen. Konyou etuŋanan kore, koBet-lekem-yuda, aiboiororoi kaneedumunia aibois: kodol akwap nakiukon naka Epuraim, togo loka Mika, kalositeke. Kotema Mika ŋes atiar, “Ai bo kibunio? “Kotema ŋes atiar, “Arai eoŋ Elebit loka Bct-lekem-yuda, alosi aiboiororoi neadumunia aibois.” Kotcma Mika ŋes atiar, “Keboioto keoŋ, koraun papaka, esasedotika da, kainanakini jo atutubeta atomon nuka epuesa ŋolikaru, ka inapen lukitetiak, ka inyamatakon.” Kolomari do Elebit, Kitojok Elebit aiboi ketuŋanan; kosubitc ekatumunan nol bala ediopet kodweke. Kotiak Mika Elebit, koraun ekatumunan ŋol esasedotike, kojaun togo loka Mika, Kosodi Mika atemar ebe, “Kwana ajeni eoŋ ebe kekonakini EJAKAIT eoŋ ejok, naarai Elebit ŋes esasedotika.” Kapaarasia kanun amamei ekabaka koIsirael: kapaarasia kanun da amoot ateker naka Idanin airumet nakiboienenet: naarai kiton apaaran nin mam airumetekec etebcikinitai kes katekerin nuka Isirael. Kiiukas idwe luka Dan kokekikec ituŋa ikany kotiaikee kere, ituŋa lukirigin, anyoun koSora ka Esitaol, airot akwap, ka aiŋic da; kotemasi kes atiar, “Koloto, konicata akwap.” Kodolot akwap nakiukon naka Epuraim, togo loka Mika, koperoto nen. Kidunyakinos kesi togo loka Mika, apotu kojenata eporoto loka ekatumunan Elebit: kopaasi nen, kotemasi ŋes atiar, “Iŋai bo kiyauni jo ne? Inyo bo iswamai ijo kane? Inyo bo da ejai jo nce?” Kotema kes atiar, “Kekonaki Mika eoŋ kwaŋin, karop eoŋ, araun da eoŋ ekesascdoti.” Kotemasi ŋes atiar, “Kiŋaiŋait kinit Edeke tetere kiienuni arai ereren akosilosit nakilosi.” Kotema esasedoti kes atiar, “Koloto kainapakina. Ejai crotokus loilosete akonyen nuka EJAKAIT,” Kosodete ituŋa ŋul ikany anyoun, kodolut Lais, koanyut ituŋa luajaas nen, kwape eboioto kinapakina, kwape ejaar epone loka Isidonin, kiyamakina kinapakina da; naarai amamei kakwap yenayait kes, yenepedori aitisil kes kadiokirot, alwaka kesi koSidonin, amameete kes akiro kere kidiotunanan. Koboŋosi neejaas iinaeanakee Sora ka Esitaol: kotcmasi iinacanakec kes atiar, “Anyoika bo?” Kotcmasi atiar, “Konyoutu, kaloto asurokin kes, naarai kianyu akwap, ido koany, ejok noi: kanukinyo ipalaritotor? Sirikikalanyakata alosit alomar airum akwap. Nailosioto, idolokinete ituŋa luinapakina, elal da akwap: naarai kijaik Edcke ŋes akanikus; aibois naemamei eipud loka ninibore kere yenejai akwap.” Konyout kanen lukokek loka Idanin, koSora ka Esitaol, ituŋa akwat akanykape luakapito luiiis. Kolototo, kidukuroto Kiriat-yearim, koYuda: ŋes amaikiniata aibois ŋin Makane-dan, kiton lolo: koany, ejai kau naka Kiriat-yearim. Kitoroto nen kiton akwap nakiukon naka Epuraim, kopotu togo loka Mika, Kosodete ituŋa ikany lualosito airot akwap naka Lais, aboŋokin ikeeeinaean ebe, “Ŋenete yesi cbe ejai otogoi lu epod, ka iterapim, ka aput naegerer, ka aput nacaluuna? Aso do koomoomata nuiswamaete.” Kopaasi nen, kodoloto togo loka ekatumunan Elebit, ŋes etogo loka Mika, kinitata ŋes ejauteneke, Kobwaata ituŋa akwat akanykape luakapito lujiis, luaraas luka idwe luka Dan, korute loka ere, Koloto ituŋa ikany lualosito airot akwap, kolomasi nen, kolemut aput naegerer, ka epod, ka iterapim, ka aput naealuna: kobwo esasedoti korute ka ituŋa akwat akanykape luakapito lujiis. Kosodi kelomasi kwi togo loka Mika, kelemut aput naegerer, ka epod, ka iterapim, ka aput naealuna, kotema esasedoti kes atiar, “Inyo bo iswamaete yesi?” Kotemasi ŋes atiar, “Kililiŋ, korapak lakonikan aitukukon, kaupakinos, koraun papakosi ka esasedotikosi: ejok kereka jo araut esasedoti togo loka cdiopctunanan, arai bo araut esasedoti loka ateker ka ekek loka Isirael?” Kolakar etau loka esasedoti, kolem epod, ka iterapim, ka aput naegerer, kouparos kiruna. Kwaŋin kibelokinos koloto, kisinarenoto ludidik ka ibaren ka iboro. Kelwanikinos kesi kotogo loka Mika, kotukokinos ituŋa luajaas otogoi luedunyas ketogo loka Mika, kodolokis idwe luka Dan. Kiworoto kesi idwe luka Dan. Koŋoliasi kau, kotemasi Mika atiar, “Inyo bo kisiriebi jo, tape ibunit kerioŋet loetia nen?” Kotema atiar, “Ilemarito yesi ikadekesio lueswamauni eoŋ, ka esasedoti, iyekasi da, inyo do bobo ejai eoŋ? Ikote kiŋisito eoŋ ai ebe, ‘Inyo bo kisiriebi jo?’” Kotemasi idwe luka “Dan ŋes atiar, “Sirikepupun ekoniporoto kamakosi, kinyeis ituŋa luenyunyuraka abunokin jo, kosodi ijo atwaniar aijarakon, ka ajair naka lukokalekon.” Kolototo idwe luka Dan: keanyu Mika ebe agogoŋ kesi adepar ŋes, abu kibelokin, kobono togoke. Koyanaasi ŋul lueswamauni Mika, ka esasedoti loarai loke, kodolut Lais, otuŋa luiyamakina luinapakina da, kodanyata kes kakwanis naka ekileŋ; kicweata ere kakim, Komamei ekayuunan, naarai alwana kaneajai Sidon, amameete da kes akiro kidiotunanan; ajai ere aditot naka Bet-rekob. Kodukoto bobo ere ŋol, kiboikinos nen. Komaikis ekiror loka ere Dan, kwape ajaar ekiror loka Dan papaakee, loaurikinio Isirael: konye kerai sek ekiror loka ere Lais. Kosipokis idwe luka Dan kanukee aput naegerer; ido Yonatan okoku loka Geresom, okoku loka Musa, ŋes ka odweke, kes araas isasedotin luka ateker naka Idanin aitodol apaaran naanatarere akwap. Kwaŋin kosipokis kesi aput naegerer naka Mika naeswamauni ŋesi, apak kere naajaar etogo loka Edeke Silo. Kosodi kanen, kapaarasia kanun naamamear ekabaka koIsirael, ajai Elebit loiboie kosane loka akwap nakiukon naka Epuraim, loabu koyana abusiat koBet-lekem-yuda. Kolot akebusiat eporo bala naadote, konyou kamake, kolot togo loka papake Bet-Iekem-yuda, kiboi kanen ilapio iwonon, Konyou okilenike, kibwapa ŋes, aimaima ŋes, ainyakun ŋes, kojai ebulesitike kaŋes, ka asigiria aarei: koyana nin ŋes togo loka papake: keanyu papa loka apese ŋes, abu kolakar airiamun kaŋes. Kosodi ekamuranike, papa loka apese aitapaikin ŋes; kiboioto kaŋes apaarasia auni: konyamata, komatata, koperoto nen. Kosodi kanen kapaaran nakiwononet, kodilokis anyoun tupuruc, konyou alosit: kotema papa loka apese ekamuranike atiar, “Kitalaka ekonitau kidionyamat, kosodi konyet alosit.” Kiboikinos, konyamata, komatata, kes kere iarei: kotema papa loka apese etuŋanan atiar, “Kenainait, kocam kitiwala akuare kere, kiyalamikin ekonitau.” Konyou etuŋanan alosit; konye kimaima ekamuranike, kopere bobo nen. Kodilok anyoun alosit tupuruc kapaaran nakikanyet; kotema papa loka apese atiar, “Kitalaka ekonitau kenainait, kidareu aitodol ajotet”; konyamata kesi kere iarei. Kosodi kenyou etuŋanan alosit, ŋes ka akebusiat ka ekebulesit, kotema ekamuranike, papa loka apese ŋes atiar, “Koany, etibon kwana akwap, kenainait kitiwala akuare kere: koany, eapie apaaran adaun, kopero ne, kolakar ekonitau; kodilok moi alosit, tetere ilosi ore.” Konye koner etuŋanan aitiwalar akuare nin konye abu konyou kolot, kodol Yebus (nopenol ŋes Yerusalem): ajaas ŋes asigiria aarei nuapesikinitai aibwanenisio; ajai da abusiatake kaŋes. Naaapikiniata kesi Yebus, kitibonite akwap eut; kotema ebulesit ekejakait atiar, “Keŋaiŋait, bia kapaasi ore lo loka Iyebusin, kaperoto nen.” Kotema ekejakait ŋes atiar, “Mam oni kipaari ore loka emoit, lomam erai loka idwe luka Isirael; konye kitubor kiton Gibea.” Kotema ŋesi ekebulesit atiar, “Bia, kekunyakisi adiopet kaiboisio kanu; kiperi da Gibea, arai Rama.” Kwaŋin kotuboros koloto; kowarik kes akwap eiduny keGibea, loerai loka Benyamin, Kopaasi ŋina, alosit apero Gibea: abu koloma, kiboikin orot loka ere: naarai amamei ituŋanan yenabu koyana kes togoke apero. Ido koany, abu emojoŋ kobu kaswamuke komanikor eboŋ; erai etuŋanan ŋol loka akwap nakiukon naka Epuraim, eboie da koGibea: konye ituŋa luka aibois araas Ibenyamin. Kiteluo akekonye koany ekaloton korot loka ere; kotema emoion atiar, “Ai bo ilosi ijo? Lali da kibunio?” Kotema ŋes atiar, “Kilosi anyoun kolset-lekem-yuda kiton osaŋe loka akwap nakiukon naka Epuraim; bukosi nina, abu kalosite Bet-lekem-yuda: ido alosi kwana togo loka EJAKAIT; konye emamei etuŋanan loketolomari eoŋ togoke. Kwabo ejaas anya ka inyamat luka asigiriakosi; ejaas da imugatin ka ebino kanukan, ka akejaanakinanikon, ka ekatumunan loejaas ka ikejaanakinakakon: emamei eipud idiobore.” Kotema emoion atiar, “Kinapakin ijo; konye kabe eoŋ eipudakon kere; konye sirikiper orot.” Kwaŋin koyana ŋes togoke, koinak asigiria anya: kilotata kesi akeicnekee, konyamata, komatata da. Kelakaros ikecetauon, koany, kolukut ituŋa lukore etogo, kes odwe luka Belial, konanananata ekirigi; kotemasi kesi emojoŋ elopet etogo atiar, “Kitolom etuŋanan loaloma togokon, kaienata ŋes.” Koloma etuŋanan, elopet etogo, mamakee, kotema kes atiar, “Mam, ikainacan, kenainaito, sirikiswamata aronis naetia nen; naarai alomu etuŋanan ŋol togoka, sirikiswamata nun nuka abaŋaanut. Koany, akokuka na apese, ka abusiatake; etolomuni eoŋ kes kwana, kitisiloto yesi kes, kiswamakis kes nuitojokito yesi; konye sirikiswamakis etuŋanan ŋ nun nukola abaŋaanut.” Konye koneroto ituŋa apupun ŋes: kwaŋin kitiŋ etuŋanan akebusiat, koina kes; koienutu ŋes, komunautu ŋes akuare kia kiton tupuruc: keeila kide, koosikis ŋes. Kosodi aberu abunore keeila kide, kibirokin okek loka etogo loka etuŋanan loajai ejakaitike, aitodol naaeaunia akwap, Konyou ejakaitike tupuruc, konaa ikekia luka etogo, koloma alosit: ido koany, ebirokina aberu akebusiat okek loka etogo, kojaas akaninike okek, Kotema ŋesi ŋin atiar, “Konyou, kaloto”; konye mam yenabu Koboŋok: kosodi ŋesi adakakin ŋin asigiria; konyou etuŋanan, kolot aiboisike. Kedol togoke, abu kolem ekileŋ, kitiŋ akebusiat, kotubutub inerioke atutubeta atomon ka nuarei, kijuka nin oikorun kere luka Isirael. Kojaun kwanata ebe, apotu kere luapotu koanyutu ŋun kotemasi ebe, “Mam apeŋo eswamatai ibore yenetia nen, karaida aanyun, ageun kapaaran naanyounioto idwe luka Isirael kakwap nako Misiri kiton lolo: koomoomata nuke, kinerut, kolimosi.” Kosodete idwe kere luka Isirael alomar, kotukokin ekodet bala ediopetunanan, ageun koDan kiton Beer-seba, kakwap da naka Gilead, mama ejai EJAKAIT Misipa. Kitodiaros ijaka luka ituŋa kere, kes atekerin kere nuka Isirael, katukot naka ituŋa luka Edeke, ituŋa ilukumin akwat aoŋon luelosete kakeje luautunito ikileŋa. (Apotu idwe luka Benyamin kopuput ebe alototo idwe luka Isirael Misipa.) Kotemasi idwe luka Isirael atiar, “Kolimokinai sio, ekonakini ai aronis na iswamaun?” Koboŋok Elebit, okilenike loka aberu naaaritai ebe, “Abu kadol Gibea loerai loka Benyamin, eoŋ ka akabusiat kapero nen. Kosodete ituŋa luka Gibea anyoun asurokin eoŋ, kalukakis eoŋ togo kuare; aomitos aiar eoŋ, apotu komunaut akabusiat, kotwana. Abu kayana akabusiat, katubutub ŋes, kejuka akwap kere naka airumet naka Isirael: naarai eswamata nukasilianut nukabanaanut da kotoma Isirael. Koanyutu, yes idwe luka Isirael, yes kere, kolimutu akusikirot, kinerut.” Konyout ituŋa kere bala ediopetunanan, kotemasi ebe, “Mam idiopet kaoni elosi owemake, karaida idiopet kaoni aboŋor togoke, Konye kiswamakini oni Gibea kwanata; kilosi asurokin ŋes kailamilam keroet. Kiseuni ituŋa itomon ka ninikwatat katekerin kere nuka Isirael, ka akwatat kotoma elukumit, ka elukumit kotoma olukumin itomon, aomikin ituŋa inyamat, tetere iswamaete, naedolioto Gibea loka Benyamin, kwape ejaar abaŋaanut kere naeswamata koIsirael.” Kwaŋin kotukokinos ituŋa kere luka Isirael asurokin ere kimorikikina nepepe bala ediopetunanan, Kiiukasi atekerin nuka Isirael ituŋa anatar ateker kere naka Benyamin ebe, “Anyoin aronis na naaponi kiswamai kamakus? Aso do koyautu ituŋa odwe luka Belial, lueiaas Gibea, tetere kiari kes, kalemas aronis koIsirael.” Konye apotu Ibenyamin koneroto apupun eporoto loka Iinacanakec idwe luka Isirael. Kotukokinos idwe luka Benyamin anyoun koreria kopotu Gibea, alomar aitiji idwe luka Isirael. Aponi kimarai idwe luka Benyamin kapaaran kaŋin koreria, ituŋa ilukumin akaisaarei ka lukanykape luautunito ikileŋa, kogelara lueboiete koGibea, luemwaasi akwat akanykaarei, ituŋa luaseunitai. Ajaas otuŋa nul kere ituŋa luaseunitai akwat akanykaarei inodialik; nolidiopet apedor aporoeikin etimat da alicait, komam ediaki, Aponi kimarai ituŋa luka Isirael kogelara Benyamin, ituŋa ilukumin akwat aoŋon Iuautunito ikileŋa; nul kere araas ikaiiok, Konyout idwe luka Isirael koloto Betel, kinitata Edeke kotemasi ebe, “Iŋai kiŋarenikini sio alosit aitiii idwe luka Benyamin?” Kotema EJAKAIT atiar, “Yuda ŋes iŋareni.” Konyout idwe luka Isirael tupuruc, kidukuroto asurokin Gibea. Kolomasi ituŋa luka Isirael aitiji Benyamin; kiderakinos ituŋa luka Isirael aitiji kes koGibea, Kolomut idwe luka Benyamin koGibea, kibirokis kwap kapaaran kaŋin luka Isiraelin ituŋa ilukumin akaisaarei ka luarei. Kosodete ituŋa, kes ituŋa luka Isirael, atitinior, kiderakinos ejie kaibois naederakina kesi kapaaran nasodit. Koloto idwe luka Isirael komonyata kakonyen nuka EJAKAIT kiton eboŋ; kinitata EJAKAIT ebe, “Ekunyakini bobo eoŋ lolo aitiii idwe luka Benyamin onaceka?” Kotema EJAKAIT atiar, “Kolot kosurok ŋes.” Kikunyakis idwe luka Isirael asurokin idwe luka Benyamin kapaaran nakiareit, Kolom Benyamin asurokin kes koGibea kapaaran nakiareit, kibirokis bobo kwap luka idwe luka Isirael ituŋa ilukumin itomon ka lukanykauni; nul kere autunito ikileŋa. Kosodete idwe kere luka Isirael, ka ituŋa kere alosit, kodoloto Bet-el, komonyata, kiboioto kanen kakonyen nuka EJAKAIT, kikanyata eteŋei apaaran ŋin kiton eboŋ; koinakis ainakineta nuicwcio, ka ainakineta nuka ainapakin mama ejai EJAKAIT, Kiŋitata idwe luka Isirael EJAKAIT, (naarai ajai asaduku naka aitutuket naka Edeke nen kapaarasia kanun, Pinekas, okoku loka Eleasar, okoku loka Aaron, ŋes abwoi kakonyeneke kapaarasia kanun) ebe, “Alomari kereka eoŋ bobo aitiii idwe luka Benyamin onaceka, arai bo apalari?” Kotema EJAKAIT atiar, “Koloto; naarai ciaikini ŋes moi akanikon.” Kibwaik Isirael ikaperunok alukun Gibea. Koloto idwe luka Isirael asurokin idwe luka Benyamin apaaran nakiwuniet, kiderakinos asurokin Gibea, kwape kapakio ace. Kolomas idwe luka Benyamin asurokin ituŋa, kinalaarai kes kore; kogeut aiar ka aidany kotuna kwape kapakio ace, korotin lukapolok, ediopet loelosi Bet-el, loce da loelosi Gibea, koitela, ituŋa luka Isirael kwape akaisauni. Kotemasi idwe luka Benyamin atiar, “Kidanya kes kakonyenewok, kwape lem.” Konye kotemasi idwe luka Isirael ebe, “Kakerata oni, kenalaasi kes kore kiton orotin lukapolok.” Konyout ituŋa kere luka Isirael kaiboisikec, kiderakinos koBaal-tamar: konemcsikinos ikaperunok kaiooisikec, ŋes Maare-geba. Kopotu ituŋa ilukumin itomon luaseunitai kotoma Isirael kere asurokin Gibea, kosisior ejie noi; konye mam kwi ajenete ebe eapikinit kes aronis. Kodany EJAKAIT Benyamin kakonyen nuka Isirael: komudiasi idwe luka Isirael kapaaran kaŋin luka Benyamin ituŋa ilukumin akaisaarei ka lukany, ka akwatat: ŋul kere autunito ikileŋa. Kwaŋin kojenut idwe luka Benyamin ebe adanyi kes; naarai apotu iruna luka Isirael kojalakis Benyamin aibois, naarai amunos kesi ikaperunok luebwaikinito kesi asurokin Gibea. Kisunyasi ikaperunok, kokerata Gibea; kikunyakis ikaperunok, kodanyata lukore kere kakwanis naka ekileŋ. Apotu ituŋa luka Isirael ka ikaperunok kinerunito aanyunet na ebe, itupuruunete kesi apuru naepol kore. Kibeleunos ituŋa luka Isirael kojie, kogeu Benyamin aiar ka aidany ituŋa luka Isirael kwape ituŋa akaisauni: naarai abalas ebc, “Abeit kidanyi kes kakonyenewok kwape kojie losodit.” Konye kegeu apuru apuruun kore kosubite bala epir loka apuru, koŋoliasi Ibenyamin kau, ido koany, apurie ere kere kiton akuj. Kibeleunos ituŋa luka Isirael, koumokis ituŋa luka Benyamin: naarai ajenete ebe ebunokinit kes aronis. Kanuka ŋun apotu kibelooros kakonyen nuka idwe luka Isirael aibe orot loka amodiŋ; konye kodudun kes ejie; kosodete lualomunete koreria amudiar kes kanen. Apotu kolukakis Ibenyamin, kodapata kes, kicakaeakata kes kaiboisikee nakibworaret, kiton aibois naiteos koGibea kokide. Kotwakata luka Benyamin ituŋa ilukumin itomon ka lukanykauni; nul kere araas ituŋa lukirigin. Kibelooros kokeriasi amodiŋ moru loka Rimon: kideput korotin ituŋa ilukumin ikany kakesi; kodudunata kes kiton Gidom, kodanyata ituŋa ilukumin iarei kakesi. Kwaŋin kere luapotu kotwaka kapaaran kaŋin luka Benyamin emwaasi ituŋa ilukumin akaisaarei ka lukany luautunito ikileŋa; nul kere araas ituŋa lukirigin. Konye apotu ituŋa akwat akanykape kibelooros kokeriasi amodiŋ, moru Rimon, kiboioto komoru Rimon ilapio iwonon, Kibeleunos bobo idwe luka Isirael mama ejaas idwe luka Benyamin kodanyata kes kakwanis naka ekileŋ, ere kere, ka ibaren, kere da luapotu kesi kodumut: bobo da apotu kicweata ireria kere luapotu kesi kodumut. Apotu ituŋa luka Isirael kiyapoikinito koMisipa ebe, “Mam idio kaoni ekorakini Benyamin akokuke aimany.” Kopotu ituŋa Bet-el, kiboioto kanen kiton eboŋ kakonyen nuka Edeke, kodelosi, komonyata noi, Kotemasi atiar, “Wu EJAKAIT, Edeke loka Isirael, kanukinyo eswamaunor na kotoma Isirael, ebe lolo ateker adiopet atwaniar koIsirael?” Kosodi kanen tupuruc, kodilokis ituŋa anyoun, kodukokis etem nen, koinakis ainakineta nuieweio ka ainakineta nuka ainapakin. Kotemasi idwe luka Isirael atiar, “Iŋai bo kotoma atekerin kere nuka Isiraellomam abunit atukokin mama ejai EJAKAIT? Naarai apotu kiyapoikinito aiyaposit naepol kanuka nol lomam abunit atukokin mama ejai EJAKAIT Misipa ebe, ‘Abeit eario ŋol.’” Kiitut idwe luka Isirael kanuka Benyamin onaeekee, kotemasi atiar, “Ejai ateker adiopet naagelar kotoma Isiraellolo. Kikonakini oni ai kidumakini nul luesalito aŋor, naarai kiyapo kalimito EJAKAIT ebe mam kikorakini kes adwewok aimany?” Kotemasi atiar, “Iŋai bo adiopet kotoma atekerin nuka Isirael namam abunit mama ejai EJAKAIT Misipa?” Ido koany, amamei edio loka Yabesgilead loabunit atukokin. Naarai naemarere ituŋa, koany, amamei ediopet loka luiboienenete koYabes-gilead kanen. Kijuka ekodet ituŋa ilukumin itomon ka luarei lukirigin noi, kicorak kes ebe, “Koloto kodanyata luibojete koYabes-gilead kakwanis naka ekileŋ, kanor ka ludidik da, Iswamaete kwanata; imudiarete eut ŋclikiliokit, ka ŋiniberu naeperito kekiliokit.” Kodumut kaneejaas luiboienenete koYabes-gilead abekon akwat aoŋon, numam ajeneteekiliokit kanuka apero kaŋes: koyanautu kes oidukurun Silo, loejai akwap naka Kanaan, Kijuka ekodet kere kinera kaidwe luka Benyamin luajaas moru Rimon, kolimosi ainapakin kamakec, Kobono Benyamin kapak kaŋin; kokorakis kes apesur nuetaiarcte kesi kanor nuka Yabes-gilead: konye apotu kokadata kes. Kiitut ituŋa kanuka Benyamin, naarai abu EJAKAIT kibwaik arorwa atekerin nuka Isirael. Kosodete imakio luka ekodet atemar ebe, “Kikonakini oni ai kidumakini nul Iuesalito aŋor, naarai amudiar aŋor kotoma Benyamin?” Kotemasi atiar, “Ibusakinit koiaun airumet naka nul kaluakuata luka Benyamin, kinyek ateker amwatario koIsirael. Konye mam oni kipedori akorakin kes adwewok aimany: naarai eyapoikinito idwe luka Isirael ebe, ‘Kikenoi ŋol loekorakini Benyamin apese aimany.’’’ Kotemasi atiar, “Koany, ejai epueit loka EJAKAIT ŋolikaru Silo, loejai agolitomei naka Bet-el, ari nakokide naka erot loepol loenyouni koBet-el kiton Sekem, eŋalakimak da naka Lebona.” Kieorakis kesi idwe luka Benyamin ebe, “Koloto, koperut komanikoria luka emusabibu: Koanyut, ido koany, arai kelomut adwe nuka Silo ekosio okosio, ilomunete do yesi da komanikoria luka emusabibu, ikamunete yesi ŋinituŋanan akeberu kotoma adwe nuka Silo, kosodete alosit akwap naka Benyamin. Kosodi naeponiata lukapapakee arai iinaeanakee aosan mamakosi, kitemari isio kes ebe, ‘Kokorakinai sio kes kasianut: naarai mam kipou kademakisi kes ŋinituŋanan akeberu kojie; kwabo mam yes ipotu kokorakis kes; ti do yes kigwaut akirot.’’’ Kiswamata idwe luka Benyamin kwaŋin, koyanaasi aŋor, kwape ajaar etiaikee, loka nun kanuekosiete, nuapotu kesi koyanaasi: kolototo kobonosi airumetekec, kodukoto irereia, kiboioto kotoma. Konyout idwe luka Isirael kanen kapak kaŋin, ŋinituŋanan atekerike okekike da, kolototo kanen ŋinituŋanan airumeteke. Kapaarasia kanun amamei ekabaka koIsirael: eswamai ŋinituŋanan nuadolito kakonyeneke bon. Kosodi kanen kapaarasia nuatubioto ikatubok, abu ebeli kojau akwap. Abu etuŋanan loka Bet-lekem-yuda kolot aiboiororoi akwap naka Moab, ŋes ka akeberu, ka odweke iarei, Ekiror loka etuŋanan kaŋol kerai Elimelek, ekiror da loka aberuke Naomi, ikiroria luka odwcke iarei Malon ka Kilion, Ipuratin luka Bet-Iekem-yuda, Apotu kodoloto akwap naka Moab, kiboiororos kaŋina. Kotwana Elimelek ekile loka Naomi; kosal ŋesi ka odweke iarei. Apotu komanyata aŋor nuka Moab; ekiror loka adiopet Orupa, ekiror da loka nakiareit Rusi: apotu kesi kodaut ikar kwape itomon kaŋina. Kotwakata Malon ka Kilion iarei kere; kotwania aberu odweke iarei ka ekileke da. Kosodi konyet ŋesi anyoun ka aterakake, aboŋor anyoun kakwap naka Moab; naarai abu kiira kakwap naka Moab ebe abu EJAKAIT koanyanar iketuŋa ainakin kes inyamat, Konyou kaibois kanaeboienenoo, ka aterakake aarei nepepe kaŋes; koderoto erot aboŋor akwap naka Yuda, Kosodi Naomi atemar aterakake aarei ebe, “Ape, koboŋosi ŋinidiopet kayesi ore loka totoke; kiswamak EJAKAIT yes nukasianut, kwape ipotu yesi da kiswamakiniata lukatwak, ka eoŋ da. Koinak EJAKAIT yes adumun aiyeŋun, ŋinidiopet kayesi kore loka ekileke.” Kosodi ŋesi ainu kes; kodelosi, komonyata akiyo. Kotemasi kesi ŋes atiar, “Okwe ito, konye kiboŋori isio nepepe kajo mama ejaas ituŋakon.” Kosodi Naomi atemar kes ebe, “Kibelokinos bobo adweka: kanukinyo ipudatar yesi aupar keoŋ? Eroko kereka idwe ejaas aliligeteka lueraunos ikiliokokus? Kibelokinos bobo, adweka, koloto; naarai amoion eoŋ noi, mam adumuni ekiliokit ece. Arai kener eoŋ ebe, Amuno, karaida kajaun kekiliokit akuare na, kauru da idwe lusap; Tikidarata kereka yesi kes apoloor? ŋes inyeiniata yesi adumun ikiliok? Okwe, adweka; naarai arieba eoŋ kanukus, naarai abu akan naka EJAKAIT kolom aluikin eoŋ.” Kodelosi bobo, komonyata akiyo: konu Orupa tataake, konye kimorikikinos Rusi kaŋes. Kobala ebe, “Koany, abono akainikon mama ejaas ituŋake, ido mama ejai edekeke: kobono ijo da kotupa akainikon.” Kotema Rusi atiar, “Sirikiinaina eoŋ aiial jo, aboŋor komam kiupar kajo: naarai mama ibeenenei ijo, ŋes abeenenei eoŋ da; kaneiperenenei ijo, ŋes aperenenei eoŋ da; eraunos ikonituŋa ikatuŋa, Ekonideke da Ekadeke. Neitwanikini ijo, ŋes atwanikini eoŋ, ŋes kedaikinio da; keswamak EJAKAIT eoŋ kwaŋin ka adepar da, arai ca kitiaki akirot kere jo keoŋ dimarai atwanare.” Kosodi keanyu ŋesi ebe adau aitogogoŋ alosit kaŋes, kinyck do einer kaŋes. Kosodete kesi aarei adipar aitodol naadolioto Bet-lekem. Kosodi kanen kedaut adolore Bet-lekem, abu ere kere koriaria kanukee, kirioros aŋor ebe, “Naomi nape na?” Kobala kes ebe, “Sirikinyarito eoŋ Naomi, konye konyarai Mara: naarai abu Lokapedor kere keswamak eoŋ nukadwarak noi. Abu kolo kanyou kane eleleba, ketobonu EJAKAIT ore emamei ibore: inyo ca kinyaritotor Naomi? Kwabo erai EJAKAIT ekajenen kamaka, abu Lokapedor kere ketican eoŋ.” Kwaŋin koboŋ Naomi, ka Rusi Amoabut, ateranike nepepe kaŋes, naaboŋunio anyoun kakwap naka Moab: kodoloto Bet-lekem napeegeunio aisak. Ajai da Naomi onaee loka ekileke, etuŋanan loecasit, ekabaran loka ekek loka Elimelek; ekekiror Boas, Kotema Rusi Amoabut Naomi atiar, “Mere kalot kwana mana airar alunuran nuka akima, ka aitup da ŋin yenikadumakini asianut kakonycneke.” Kotema ŋes atiar, “Ape cabo, akokuka.” Abu kolot, kobu airar toma amana naesakiata ikasakak; ido kodum alukat naka amana naka Boas, loarai loka ekek leka Elimelek, Ido koany, kobu Boas koBet-lekem, kotema ikasakak atiar, “EJAKAIT kojai kayes.” Koboŋokis ŋes ebe, “Kisirereŋ jo EJAKAIT.” Kosodi Boas atemar ekebulesit loetasaki ikasakak atiar, “Nakanai apese na?” Abu ebulesit loetasaki ikasakak Koboŋok ŋes ebe, “Na ŋes apese Amoabut naaboŋunete kaNaomi anyoun kakwap naka Moab: Abu kiner cbe,, Kenaiŋaito, kerarunun ka atukonokin da kaneasakiata ikasakak koisutan da’; kosodi do abunore, eswama apeanan katupuruc kiton kwana, mam ebonorit ore.” Kosodi Boas atemar Rusi ebe, “Mere ipupi ijo, akokuka? Sirilosenenei airar mana ace, karaida anyoun kane, konye kojaenena die kapesuruka. Kojaenenas akonyekon mana naesakenenoo, kotupanar ijo da kes: mam kereka eeorakinit itelepai ebe Sirikitironorete jo? Ido da nakijakia akure, kolosenenei neejai amot komasi ŋun nuewokunete itelepai.” Kosodi kibiror ebuburia, kisuded, kobala ŋesi ebe, “Inyo bo adumunia asianut kakonyenekon, ijo ajenun eoŋ, kwabo arai eoŋ arroit?” Koboŋok Boas kobala ŋes ebe, “Aponi kalimonokin cut kere nuibu kiswamak tataakon ageun kaneatwania ekilekon: ido kwape ibu ijo kopalia papakon ka totokon ka akwap da nakolo kiwurikinio, kobu otuŋa lumam apeŋo iieni, Kotacak EJAKAIT jo akoniswam, ido EJAKAIT Edeke loka Isirael, loibu aimee kwap kabebenokake korop jo noi.” Kotema atiar, “Mere kadum asianut kakonyenekon ejakaitika; naarai kitalaka, naarai inera kakonibulesit nuka asianut, karaida mam arai adiopet kotoma abulesinikon.” Kosodi nakedol apak nakainyam, abu Eoas kobala ŋes ebe, “Bia ainyam atap, kieunyak aodunetekon odia loedwar.” Kiboikin ŋesi awai naka ikasakak; apotu koinakis ŋes imomwa luikawooritai, konyamkimonikin kokurwok. Kosodi kenyou airar, kicorak Boas iketelepai, kotema atiar, “Kirarunun ŋesi koisutan da konye siriretanakinete ŋes, Komudanakinete ŋes da koisutan, kinyeis, kirar ŋes alopet, konye mam ilimunete.” Kosodi ŋesi airar kamana aitiwar akwap; kicom nuabu kotukonokinite kodum bala epa loka esairi. Kibwoko, koloma ore; abu tataake koany nuatukonokinit ŋesi; koyau koinak lunan edeuni neai nakedau aimonikin. Kosodi tataake kobala ebe, “Ai bo lolo kirararit? Ido ai bo kiswamaarit? Koinakinai asuliany ŋol loabu kojen jo.” Kitejenik ŋesi tataake ŋol loeswamaete kaŋes, kinera ebe, “Ekiliokit lokiswamaa lolo ekekiror Boas.” Kobala Naomi ateranike ebe, “Kisirereŋ EJAKAIT ŋes, lomam enaŋi akesianut mama kalukajarak ka lukatwak da.” Naomi kobala ŋes ebe, “Ekiliokit ŋolŋes lokokekiwok eut, ediopet ka lukalakunakawok.” Kiner Rusi Amoabut ebe, “Ee ba, abu ŋesi katema eoŋ ebe, ‘Kojaenena die kitelepaika aitodol naedauniata aisak nuka kere,’” Kosodi Naomi atemar Rusi ateranike ebe, “Ejok, akokuka, koupananasi nepepe kabulesinike, kwabo kinyein adumun jo kamana ace kere.” Kosodi ŋesi aapienena kabulesin nuka Boas airarenen aitodol naedaunere aisak esairi ka aisak akima; kiboienenei katataake. Abu Naomi tataake kotema ŋes ebe, “Akokuka, mam kamoikini neibworaria, tetere iiauni ejok? Emamei kereka Boas lokokekiwok lolem iboienenei ijo kabulesinike? Koany, epiesi esairi akuare na kopejal. Aso kiloŋ kotuanar kakinyet, konap anapitokon, kijesar opejal; konye sirikitejenun mama ejai etuŋanan ŋol aitodol naedaunia ŋesi ainyam ka aimat. Kosodi naeperio, kojen aibois naeperi ŋesi, koloma ijo da kopuko akeieke koper; kilimokini ŋesi jo nuiswamai.” Kotema ŋesi ebe, “Nuiner ijo kere eswamai.” Kosodi ŋesi aiiesar opejal, kiswama kere kwape ajaatar nuecorakinit ŋes tataake. Kosodi kedau Boas ainyam ka aimat, kolakar etauke, kolot apero ariri naka atukot naka akima: kobu ŋesi eeedi, kopuko akejeneke, koper. Kosodi kidinebai korien etuŋanan, kibelokin; ido koany, aperi aberu kakeieneke. Kotema ebe, “Iŋai bo ijo?” Koboŋok ŋesi ebe, “Eoŋ Rusi akonibulesit; asa kimukoo abulesitikon kanapitokon; naarai irai ekalakunanika.” Kotema ŋes atiar, “Kisireren EJAKAIT jo akokuka; itodu asianut naedeparit kosane aitelekar nasodit, naarai mam itupanar itelepai, arai lukican arai ikabarak. Kwape kwana da, akokuka, sirikiyoŋ; keswamakini jo kere nuinera; naarai ejeŋi ere kere loka ikatuŋa kwape iraar aberu naiiok. Erai teni abeit ebe arai eoŋ lokokekikon; konye ejai ece loeapie koinaeane aitelekarit eoŋ. Aso kosalak ne akuare na, kosodi kedol atupurue arai kiiswamak ŋesi jo aswam naka ekalakunan, ejok; kiswamak do ŋesi jo aswam naka ekalakunan; konye do arai mam ecamuni aiswamakin jo aswam naka ekalakunan, ŋes do keswamakinia eoŋ jo aswam naka ekalakunan, kwape ejaria EJAKAIT. Koper aitodol tupuruc.” Koper akejeneke aitodol tupuruc; konyou eroko yeniee kejena yeniee. Naarai abu kotema ebe, “Sirikejenun ebe abunit aberu na opeial.” Kotema atiar, “Koyau elou loimukor ijo, kitin”: Kosodi ŋesi aitin; kitemokinai aitemisio akanykape nuka esairi kisibwok ŋes; kolot ore, Kosodi kedol neejai tataake kotema atiar, “Iŋai bo ijo, akokuka?” Kolimok ŋes kere nuabu etuŋanan kiswamak ŋes. Kotema ŋesi ebe, “ŋes kainakini aitemisio nu akanykape nuka esairi; naarai abu kalimok ebe, ‘Mam ilosi neejai tataakon komamei ibore,’” Kosodi atemar ebe, “Kiboikin kopala akokuka, aitodol neijenunia neebearete akiro: naarai mam etuŋanan ŋol iyenuni aitodol naedaunia akirot na lolo.” Kosodi Boas alosit orute, kiboikin nina; ido koany, kotubor ekalakunan ŋol loabu Boas kolimite; kotema ŋesi ŋol ebe, “Ŋo ba loce! Kopau ber kiboikin ne.” Kopaa kiboikin, Abu koya ikiliok itomon komakio lukore kotema kes ebe, “Kiboikinos ne.” Kiboikinos kesi da. Kotema ŋesi ekalakunan ebe, “Naomi naabu kobonu anyoun akwap naka Moab egwelari alup nuaraas kolo nuka onacewok Elimelek: Ido aomit eoŋ aitejenikin jo, kabala ebe, Kogwel kakonyen nuka nul kaluiboiete kane, akonyen da nuka imakio luka ituŋaka, Arai ikoto ailak, kolaku; konye arai mam ikoto alakun, asa bo kolimokinai, kajen: naarai emamei yenelakuni nabarai jo; eoŋ da ŋes katupit jo.” Kotema atiar, “Alakuni bo,” Kosodi Boas atemar atiar, “Naigwelia amana kakan naka Naomi kibusakinit agwel Rusi da Amoabut, aberu naka lokatwan, aitoboŋikin airumeteke ekiror loka lokatwan.” Kotema ekalakunan ŋol ebe, “Mam apedor alakun kanukaij, kenyek amunaun airumeteka: koyana ijo ailakaka nin; naarai mam eoŋ apedori alakun.” Lo da ŋes kerai epone loka alakun ka aisiee da kolo kasonya koIsirael, aitogogoŋ akiro kere; alaeununei etuŋanan amukatake kosodi ainakin Iocetunanan; koraenena kwaŋin aitodunet koIsirael. Kosodi ekalakunan ŋol atemar Boas ebe, “Kogwel do ijo.” Kolac amukatake. Kotema Boas imakio ka ituŋa kere da ebe, “Iraas ikajenak lolo, agwel eoŋ lukolo araas luka Elimelek kere, ka luaraas luka Kilion ka luka Malon da, kakan naka Naomi. Rusi da Amoabut apuserut naka Malon agwel eoŋ araun aberuka, aitoboŋikin airumeteke ekiror loka lokatwan, kinyek ekiror loka lokatwan aolior koinacanake, korute da loka aiboisitike: iraas yesi lolo ikajenak.” Kosodete ituŋa kere luajaas orute, ka imakio da atemar ebe, “Kirai isio ikaienak, Kituput EJAKAIT aberu naabu togokon kwape Rakel ka Lea nuapotu kesi aarei kodukoto ekek loka Isirael: kiswama ijo da nuibusak kotoma Epurat, kojenun kotoma Bet-lekem, Ekonikal da koraun bala ekal loka Peres loaurikini Tamar Yuda, kanuka aur nakiinakini EJAKAIT kotoma aberu na nakatumunan.” Kosodi Boas ayaŋaar Rusi, koraun akeberu; koloma mamake, ido koinak EJAKAIT ŋes apotuun, kouru esapat. Kobalas aŋor Naomi ebe, “Kituritete EJAKAIT, lomam kinyeinit jo lolo emamei ekalakunan, kojenun du ekirorike kolsirael. Eraun ŋesi da kamakon eketeteunan aiiar, ido eketanan kamojoŋukon; naarai ateranikon, nakimina ijo, naitelekarit idwe ikanykaarei lusap kajokis kamakon, ŋes auru ŋes.” Kosodi Naomi ayaŋaar ikoku, kotunak atorobuke, koraun akasaanike. Apotu aŋor aidunyetake konerokis ekiror kineras ebe, “Aurikin Naomi ikoku yenisapat.” Komaikis ekekiror Obed: ŋol ŋes papa loka Yese, papa loka Daudi, Na da ŋes aur naka Peres: Peres kouru Kesuron, Kesuron kouru Ram, Ram kouru Aminadab: Aminadab kouru Nason, Nason kouru Salumon; Salumon kouru Boas, Boas da kouru Obed; Obed kouru Yese, Yese da kouru Daudi. Kosodi kojai etuŋanan loka Ramataim-sopim loka akwap nakiukon naka Epuraim, ekekiror Elukana okoku loka Yerokam, okoku loka Eliku, okoku loka Toku, okoku loka Sup, Epuraimut. Kojaas ŋes aŋor aarei; adiopet ekekiror Kana, naee da ekekiror Penina: ajaas Penina idwe, konyc amameete Kana idwe, Kosodi konyounenei etuŋanan ŋol koreke ŋolikaru, kolosenenei aima ka ainakin asuban mama ejai EJAKAIT loka ajoresio kotoma Silo, Kojaas ŋina odwe iarei luka Eli, Kopuni ka Pinekas, isasedotin luka EJAKAIT. Kosodi kedol apaaran nakeinakinia Elukana asuban, koinanak akeberu Penina, ka ikedwe kere lusap ka lupesur, akorakineta; Konye koinak Kana akorakineta aarei: naarai kemina ŋesi Kana, konye kegolit EJAKAIT akeliliget. Konye kitunyunyurik noi akainike ŋes, kisiyalonono da, naarai kegolit EJAKAIT akeliliget. Kiswamaenenei kwaŋin nolikaru, nakeloseneneo togo loka EJAKAIT, kitunyunyuranakini ya kwaŋin: tape emonyi akiyo, kogir ainyam. Kobala okilenike Elukana ŋes ebe, “Kana, inyo bo imonyi ijo? Inyo bo kitukurwo ainyam? Inyo da itururwoo ekonitau? Mam kereka eoŋ etelekarit idwe itomon kaiokis kamakon?” Kosodi konyou Kana kedaut ainyam koSilo, kedaut da aimat. Kiboie Eli esasedoti koicoloŋoke kokek loka eyekalu loka EJAKAIT. Koriebi ŋin eketau, kilip EJAKAIT, komony noi akiyo. Kiyapoik aiyaposit, kobala ebe, “Wu EJAKAIT loka ajoresio, abeit arai kisesen iean luka akonibulesit, kiitunite eoŋ komam kimurwokini akonibulesit, konye kiinak akonibulesit ikoku yenisapat, asa ainakini EJAKAIT ŋes apaarasia kere nuka aijarake, kwabo mam eiutet icaki akonke.” Kosodi kanen, nakiyatakinia ailip kakonyen nuka EJAKAIT, kosesen Eli akeituk, Naarai eneranakin Kana kotauke; akeituk bon kesubanakin, konye komam epupo eporoto; tape eomit Eli ebe emer. Kobala Eli ŋes ebe, “Itodoli wori ameranakin? Kosac ebino ŋol.” Koboŋok Kana kobala ebe, “Mam, ejakait, arai eoŋ aberu naitururwei etau; mam amasit ebino karaida nuitemercte, konye abolorit ekatau akonyen nuka EJAKAIT. Sirikiinyara akonibulesit akoku naka Belial; naarai roma airurumaka naelitokina ido toma anyunyurikinika ŋes enerar kiton kwana.” Koboŋok Eli ebe, “Kolot kainapakina; ido koinak Edeke loka Isirael ŋun nuilip ŋes.” Kinera atiar, “Kodum akonibulesit arereŋ kakonyenekon.” Kosodi kolot aberu, konyam, komam bobo imujurur. Kosodete konyout tupuruc sek, komaata EJAKAIT, kobonosi, kodolo togokee Rama; kojen Elukana aberuke Kana; kiitu EJAKAIT ŋes. Kosodi kanen, kedolo apaarasia, kopotuu Kana, kidou ikoku; komaik ekekiror Samuel, naarai elipuni kama ejai EJAKAIT. Kosodi kolot ekes Elukana, ka ekekike kere, ainakin asuban mama ejai EJAKAIT nuka nolikaru, ka aiyapositike, Konye mam Kana abu kolot; naarai kobala ŋesi okilenike ebe, “Mam eoŋ alosi aitodol naejakaria ikoku, kasodi konyet ayaŋaar aitodiar akonyen nuka EJAKAIT, kiboienenei kaŋina apaarasia kere.” Kobala Elukana okilenike ebe, “Kiswama nuitojokit ijo; kopaik aitodol naejakaria ikoku; konye kitogogon EJAKAIT akekiro.” Kosodi kosalak aberu nen kitanak ikoku, aitodol nekitajakaaria. Kosodi kedau aitajakaar, koyana kouparos kaŋes, kojaas kimonin iuni, ka epa ediopet loka akiria, ka etuo loka ebino, koyaŋa togo loka EJAKAIT Silo; koroko ikoku edit, Koarata emoŋ, koinut Eli ikoku. Kobala ebe, “Wu ekajakait, kwape ejaria ekonitau, ekajakait, eoŋ aberu naabu kabwoi kama ijai, elipi EJAKAIT. Yen ŋes ikoku yenabu kelip; ido abu EJAKAIT kainak nuelipit ŋes, Ŋes ainakinia mama ejai EJAKAIT; eroko eiari einakinitai EJAKAIT.” Komaata EJAKAIT kaŋina. Kilip Kana, kobala ebe: “Elakara ekatau kotoma EJAKAIT, Itopolooritai akamumwarat kotoma EJAKAIT: Italalara akaituk kaneejaas lukasurupoka; Naarai eyalama kotoma aitajarakon. “Emamei loelaunit kwape EJAKAIT; Naarai emamei ice dimarai ijo: Ido emamei atiiba naeputos ka Edekewok. Sirineras bobo nukaiwonoonut; Karaida nukailepanut alomun kaitukekus; Naarai erai EJAKAIT Edeke loka aijen, Ido ŋes loitemi aswamisio. Abilas akabwai nuka ituŋa lukirigin, Ŋul da lueguikinito itanapio agogoŋ, Ŋul luemokos kolo ewoteoto inyamat; Ka ŋul da luariebi kolo eteŋei ebworasi: Eebo, auru arakan ikanykaarei; Ka nin da naejaas idwe luipu esilikinit. Eari EJAKAIT, itajaruni da: Itolomari toma okatwak, itolomuni da. Ipapeli EJAKAIT, ido itabari: Iiesari, ikeuni da. Itonyouni lukican alemun kotoma apua, Itonyouni luilwaritos alemun kotoma otut, Aisiboikin kes nepepe kikapolok, Airum da eicoloŋ loka aibuses: Naarai ipirin luka akwap eraas luka EJAKAIT, Ido esipokinit akwap kujukec. “Idari akeie nuka lukalaunakake, Konye isililini ikaronok kotoma amuton; Naarai emamei etuŋanan loipikori kanuka agogoŋ, Ŋul luitepegete EJAKAIT ebilibilio; Iretuni kotoma akuj aluikin kes; Irabakini EJAKAIT kiton owaitin luka akwap, Einakini ekabakake agogoŋ, Itopoloori amumwarat naka lokinyonyoikitonike akinyet.” Kolot Elukana togoke loajai Rama. Ido kijaanak ikoku EJAKAIT kakonyen nuka Eli esasedoti. Keraas odwe luka EH odwe luka Belial; mam ajenete EJAKAIT. Ekoni kwanata epone loka isasedotin mama ejaas ituŋa ebe, naeinakinia ituŋanan asubanit, abuni ebulesit loka esasedoti itinit kakanike egolu loajaas ikel iuni, napekulai akiriŋ; Kosodi akiinor toma asepulia, arai abinika, arai amot, arai atido; kere naeeumuni egolu nm ayaŋaari esasedoti. Kiswamanakinai kwaŋin Isiraelin kere luapote nen Silo. Eebo, eriŋa icweikina asiepai, kobuni ebulesit loka esasedoti, kobala ituŋanan yeneinakini asubanit ebe, “Koinakinai akiriŋ, kapeik esasedoti; naarai mam ekoto akiriŋ naipoo kamakon, konye naejon.” Arai kelimoki ŋes ituŋanan ebe, “Abeit icweikinio asiepai kwape kwana, ŋes konyet iyaŋaaria naipuda akoniijar kere”: eboŋokini ŋesi da ebe, “Mam, konye kiinakini ijo eoŋ kwape kwana: arai kiner, ayaŋaari kagogon.” Kopoloor aronis naka ikatumunak kakonyen nuka EJAKAIT: naarai kitapianata ituŋa ainakinet naka EJAKAIT, Konye kijaanak Samuel kakonyen nuka EJAKAIT: korai ikoku, konapenenei epod loka ebaputa. Ido kodonyonokini totoke ŋes anapito naedit, koinununei ŋes nolikaru, nakeupanarotor kokilenike ainakin asubanit naka nolikaru. Kilipak EH Elukana ka akeberu arereŋ, kobala ebe, “EJAKAIT koinak ijo ka aberu na aur kanuka ayuunet naayuunia EJAKAIT.” Kobonosi orekec. Koanyana EJAKAIT Kana, kopotuu, kidou isap iuni ka apesur aarei. Kopolok ikoku Samuel akonyen nuka EJAKAIT. Kemoion noi Eli; kopup kere nueswamanakinete odweke Isirael kere, ido kwape aperioto kanor nuejaanakinete kokek loka ewema loka airiamunun. Kotema kes atiar, “Kanukinyo iswamaata akiro ŋun? Naarai keteienikis eoŋ ituŋa lu kere akusiswamisio nueroko. Okwe, odweka; naarai nueira mam eraas nuejok: itapaasi ituŋa luka EJAKAIT. Arai kediaka ituŋanan mama ejai yenieeke, etubokini ŋes Edeke: konye arai kediaka ituŋanan mama ejai EJAKAIT, iŋai epurokini ŋes?” Konye mam apotu kiirasi eporoto loka papakee, naarai akoto EJAKAIT aiar kes. Kiyatak ikoku Samuel apoloor, kodum asianut kama ejai EJAKAIT, kama ejaas ituŋa da. Kosodi kobu etuŋanan loka Edeke mama ejai Eli, kobala ŋes ebe, “Inera kwanata EJAKAIT atiar, Mere abu kapukokin bon okek loka papaakon, naajaatar Misiri obulesene kotogo loka Parao? Mam abu kaseu ŋes katekerin kere nuka Isirael, araun ekasasedoti, adokanar otemuka aisupuruunun lukisupurununo, anapenen da epod kakonyeneka? Mam abu kainak ekek loka papakon ainakineta kere nuka idwe luka Isirael nueinakinere kakim? Kanukinyo ipetonoriata asubanaka ka ainakinetaka, nuabu kecorak kaiboisika; koyon odwekon aitelekarit eoŋ, kotumakis nuitelekarito ajokis nuka ainakineta kere nuka ikatuŋa Isirael? Ŋes enerar EJAKAIT, Edeke loka Isirael atiar, ‘Abeit abu kener ebe elosenenei ekekikon ka ekek loka papakon, kakonyeneka apaarasia kere’: konye kwana inera EJAKAIT atiar, ‘Madi eoŋ: naarai nul Iukayonito eoŋ, etopoloori, ka nul da lukamenito mam enyarao idiobore. Koany, eponito apaarasia, nuajeparia akonikan, ka akan naka ekek loka papakon, kinyek ajaun ekimat kotogokon. Ido ianyuni aitieanitoi naka aiboisika, toma abar kere naeinakini Edeke Isirael: kwabo emameunun ekimat kotogokon ikar kere. Ka etunananikon lomam amudiari alemar kotemuka, eraun loikokoori akiyo kakonyekon, ka aitakadikin ekonitau: ka aur da naka ekekikon etwakenenete napekurunanete. Eraun na da aanyunet kamakon, naedoikini odwekon luarei, Kopuni ka Pinekas; etwakete kere apaaran ‘adiopet. Eoŋ da etonyouni esasedoti lomunot, loiswamaenenei kwape ejaatar nun nuejaas otauka ka aomisioka: adukokini ŋes ekek loieasit: ido elosenenci kakonyen nuka lokinyonyoikitonoka akinyet ikar kere. Kosodi kanen, ebuni ŋin yenideuna kokekikon akukonokin ŋes ailip atutubet naka epuesa ka idionyamat, ebe, “Keŋaiŋait, kitaraunai ediopet kotoma aswam naka isasedotin, tetere apedori ainyam idionyamat.”’” Kijaanakinenei ikoku Samuel EJAKAIT kakonyen nuka Eli. Ido kocicin akirot naka EJAKAIT kapaarasia kanun; amamei da ituŋanan yeneanyunit aitapoet. Kosodi kanen kapaarasia kanun, eperi Eli kaiboisike, (kowariwarete akekonye, komam epedori asesen.) Korina cdunioro atala naka Edeke, koper Samuel kojotor, koyekalu loka EJAKAIT, neajai asaduku naka Edeke; Kiworo EJAKAIT Samuel: kobala ebe, “Eoŋ lo.” Koker neejai Eli, kotema atiar, “Eoŋ lo; naarai kiworot.” Kotema atiar, “Mam keworot; koper bobo.” Kolot koper. Kiworo ŋes bobo EJAKAIT nakiaret ebe, “Samuel.” Konyou Samuel kolot mama ejai Eli, kobala ebe, “Eoŋ lo, naarai kiworot.” Koboŋok ebe, “Mam keworot, ikakoku; koper bobo.” Korina Samuel kejenuna EJAKAIT, ido korina epukokina ŋes akirot naka EJAKAIT. Kiworo bobo EJAKAIT Samuel nakiwuniet. Konyou kolot mama ejai Eli, kotema atiar, “Eoŋ lo, naarai kiworot.” Kojen Eli ebe EJAKAIT ŋes iworot ikoku. Kanuka nun kolimok Eli Samuel ebe, “Kolot, koper: kosodi arai kiiworo, kotema atiar, ‘Kiner, EJAKAIT; naarai epupi ekonibulesit.’’’ Kolot Samuel koper kaiboisike. Kobu EJAKAIT, kobwo, kiworo kwape aatenak ace ebe, “Samuel, Samuel.” Kosodi Samuel atemar ebe, “Kiner; naarai epupi ekonibulesit.” Kotema EJAKAIT Samuel atiar, “Koany, abuni aswam akirot kolsirael, naisidelori aki kere nuka ninitunanan yeniirari. Kapaaran kaŋin etodolikini Eli kere nuabu kener nuka ekekike, ageun ka nasodit aitodol nakawasia, Naarai abu kalimok ŋes ebe atubokini ekekike ikar kere, kanuka numam adolit nuabu kojen, naarai einyanakinete odweke Edeke, komam ŋes itikokini kes. Kanuka ŋun eyapoikinit ekek loka Eli ebe, numam adolit nuka ekek loka Eli mam elucio kasubanit karaida kainakinet ikar kere.” Koper Samuel aitiwalar akwap, konaana ikekia luka etogo loka EJAKAIT. Kokurianar Samuel alimokin Eli etapo, Kosodi kiworo Eli Samuel, kobala ebe, “Samuel, okokuka.” Kotema atiar, “Eoŋ lo,” Kotema atiar, “Anyoin akirot nakilimok jo EJAKAIT? Kenaiŋait, sirikiimunonik eoŋ: kiswamak jo Edeke kwaŋin ka adepar da, arai kimunon adiokirot kakiro kere nukilimok ŋesi jo.” Kolimok Samuel ŋes kere, mam abu kimunon adiokirot, Kotema atiar, “Ŋes EJAKAIT: kiswama ŋesi nuitoiokit.” Kopoloor Samuel, koiai EJAKAIT kaŋes, komam ecamuni adio kakiroke apalun. Kojen Isirael kere anyoun koDan kiton Beer-seba ebe etogogoŋi Samuel araun enabi loka EJAKAIT. Kotakan EJAKAIT bobo koSilo: naarai abu EJAKAIT kopukokin Samuel koSilo kakirot naka EJAKAIT. Kobu akirot naka Samuel mama ejai Isirael kere. Kolot Isirael aitiji Ipilisitian, kidukuroto Eben-eser: kidukuroto Ipilisitian da Apek. Kiderakinos Ipilisitian asurokin Isirael: keiioto, apotu Ipilisitian kodanyata Isiraelin: koarata kojie ituŋa kwape ilukumin iwonon luka aiore. Kosodete kebonut ituŋa oidukurun kotemasi imakio luka Isirael atiar, c c Kanukinyo kidanyia EJAKAIT oni lolo kakonyen nuka Ipilisitian? Mere kaomata asaduku naka aitutuket naka EJAKAIT koSilo, tetere ebuni mamawok, aitajar oni kakan naka lukasurupowok.” Kijukasi ituŋa Silo, koyaut asaduku naka aitutuket naka EJAKAIT loka ajoresio, loiboie kokidin kikerubin: odwe da luarei luka Eli, Kopuni ka Pinekas, ajaas nina kasaduku naka aitutuket naka Edeke. Kosodi kedolu asaduku naka aitutuket naka EJAKAIT oidukurun, kibwon Isirael kere kelala loepol, kijau da akwap. Kepuputu Ipilisitian ecelet, kobalas ebe, “Anyoin apolou naka ecelet kanol loepol koidukurun luka Iburanian?” Kojenut do ebe adolu asaduku naka EJAKAIT oidukurun. Kokuriakata Ipilisitian, naarai abalas ebe, “Abu Edeke oidukurun.” Kobalas ebe, “Itukwi! naarai mam ber lem ibore yenikoni nen ejauna. Itukwi! Iŋai kiyuuni oni kakan naka idekesio lu lucgogon? Lu kes idekesio luadanyete Imisirian kiponesio kere luka atular kamodiŋ. Kogogonoto, kitodiasi ekiliokone, yes Ipilisitian, tetere mam iraunos ibulesin luka Iburanian, kwape lem eraatatar kesi lukus: kitodiasi ekiliokone, koiioto.” Koiioto Ipilisitian, kodanyai Isiraelin, kokerata kesi ŋinituŋanan owemake: koiai earit loepol; naarai kotwakata luka Isirael ituŋa ilukumin akaisauni lualosete kakeie. Konatarai asaduku naka Edeke; koarai da odwe luarei luka Eli, Kopuni ka Pinekas. Koker etuŋanan loka Benyamin kaiore, kodolo Silo kapaaran kaŋin, kocilieila ikegoen, koiaas da alup akouke, Kosodi kedolu, koany, eboie Eli koicoloŋoke kariri naka erot, kidari: naarai amarani eketau kanuka asaduku naka EJAKAIT, Kelomu etuŋanan ore, kolimo akirot, kodelo ere kere. Kepupu Eli eporoto loka adelor, kotema atiar, “Anyoin apolou naka ecelet kaŋols “Kiwonya etuŋanan kolimok Eli, Kerai Eli loka ikar akaisakanykaoŋon ka lukanykauni, awariwarete akekonye, komam epcdori asesen. Kotema etuŋanan Eli atiar, “Eoŋ ŋol loabuni kaiore, akeruni eoŋ lolo kaiore.” Kotema atiar, “Ikote akiro ai, okokuka?” Koboŋok loayaun akiro ebe, “Aker Isirael kakonyen nuka Ipilisitian, ajaun da earit loepol kotuna, odwekon da luarei, Kopuni ka Pinekas atwaka, anatar da asaduku naka Edeke.” Kosodi kanen kelimu ŋesi nuka asaduku naka Edeke, kibiror Eli eidedia koicoloŋoke kariri naka erute, kobila emurisinike, kotwana; naarai amoionit ido alaŋir, Abu kirabakinite Isirael ikar akaisaoŋon. Apotie aberu naka okokuke Pinekas, koapie da aidoun: kepupu nin akiro ebe anatar asaduku naka Edeke, ido atwaka papaake ka okilenike, kokukum, kidou; naarai abu akeriebo kodolok ŋes, Napeapie ŋesi atwanare kolimokis ŋes aŋor nuabwoete kanen ebe, “Sirikikurianar, naarai idou esapat.” Konye mam abu Koboŋok, karaida apodokin, Komaik ikoku Ikabod, kobala ebe, “Anyou aibusesukon, Isirael”: naarai anatar asaduku naka Edeke, ido kanuka papaake ka okilenike. Kotema atiar, “Anyou aibuses koIsirael; naarai anatar asaduku naka Edeke.” Apotu Ipilisitian konatarito asaduku naka Edeke, koyanaut anyoun koEbeneser kiton Asudod. Koyanaasi Ipilisitian asaduku naka Edeke, kibwaikis togo loka Dagon, kosipokis eiduny ka Dagon. Kosodete kenyout luka Asudod tupuruc sek, koany, ebirokina Dagon kwap kakonyen nuka asaduku naka EJAKAIT. Kolemut Dagon kinyakakis aiboisike. Kosodete kenyout tupuruc sek, koany, ebirokina Dagon kwap kakonyen nuka asaduku naka EJAKAIT: ajepara da akou naka Dagon ka akaninike kibelibelos kokek; akuan naka Dagon bon abu kosal. Kanuka nun isasedotin luka Dagon, karaida ninidiopet yenelomari togo loka Dagon mam ieakakinete akecekeje okek loka Dagon kotoma Asudod, aitodol lolo. Konye kolanirior akan naka EJAKAIT kama ejaas luka Asudod, komudia kes, kodany kes kabusion, Asudod ka iikorunoke, Kosodete keanyut ituŋa luka Asudod ebe ikote nen, kotemasi atiar, “Mam asaduku naka Edeke loka Isirael iboikin mamawok: naarai ededeŋ akekan kamawok, kama kaDagon da ewokodeke.” Kijukasi kotukokis ijaka kere luka Ipilisitian kotemasi atiar, “Kikwaikini ai asaduku naka Edeke loka Isirael? “Kobonokis atiar, “Kibwokoroi asaduku naka Edeke loka Isirael Gat.” Kibwokosi asaduku naka Edeke loka Isirael nina, Kosodi do, kedaut kesi aibwokor asaduku koluik akan naka EJAKAIT ere aitiean kes: kodany ituŋa lukore, ludidik ka luepolok da, kolomut abusion kamakee. Kwaŋin kijukasi asaduku naka Edeke Ekuron. Kosodi kanen, kedolu asaduku naka Edeke Ekuron, kodelosi Ikuronin ebe, “Ayaut asaduku naka Edeke loka Isirael mamawok aiar oni ka iwokotuna.” Kanuka ŋun kijukasi kotukokis ijaka kere luka Ipilisitian, kotemasi atiar, “Kijukasi asaduku naka Edeke loka Isirael, kolot bobo aiboisike alopet, tetere mam kiari oni ka iwokotuna”: naarai ajai aiticanet naerono ore kere; alaŋir noi akan naka Edeke kanen, Ituŋa lumam apotu kotwaka aponi kiticanai kabusion: kodoka aimony nakore akuj. Kojai asaduku naka EJAKAIT akwap naka Ipilisitian adaun ilapio ikanykaarei, Konyaraut Ipilisitian isasedotin ka ikaroak, kobalas ebe, “Kikwaikini ai asaduku naka EJAKAIT? Kitodikinai lukijukaria kaŋes aiboisike.” Kotemasi atiar, “Arai ijukarete asaduku naka Edeke loka Isirael, sirikijukasi komamei ibore; konye kinyakasi ŋes kainakinet naka aibucaret: ŋes do inaleunioto, kitejenunio da yes numam ŋes elemaritor akekan kamakus.” Kosodete kesi atemar ebe, “Inyoin eraun ainakinet naka aibucaret yenikinyakaria ŋes?” Kotemasi atiar, “Abusion akany nuka esabu, ka imirio ikany luka esabu, kwape eiaar etiai loka ijaka luka Ipilisitian: naarai adiopetular ajai mamakus kere ka ijakakus da. Ŋes do iswamauniata apurosia nuka abusionokus ka aputosia nuka imiriokus luemunaunete akwap; iinakinete Edeke loka Isirael aibuses: diat itebebeni akekan kamakus, ka ikusidekesio, ka akusikwap da. Kanukinyo itogogonioto ikusitauon kwape etogogonioto Imisirian ka Parao ikecetauon? Naeswamaa nukaumokin kamakec mam kereka kes apotu kisiikis Iruna alosit, kolototo da? Aso do kolemut kitemokis agaji nakitetet, ka aituk aarei nuieirio, numam iirito aiokot, koenikis aituk agali, kinyakut itakakec ore: Kolemut asaduku naka EJAKAIT, kibwaikis agali; kibwaikis da iboro luka esabu luinyakariata ŋes araun ainakinet naka aibucaret toma asaduku ace eiduny kaya: koremosi tetere elosi. Koanyut, arai kitor orot loka eikoruke elopct kiton Bet-semes, ŋes atemar ebe ŋes kiswamak oni aronis na naepol: konye arai mam, kijenuni do ebe mere akekan kidany oni; kerai arereŋ naerono naabu kodoik oni.” Kiswamata ituŋa kwaŋin; kolemut aituk aarei nuicira, koenikis agali, kogolokis da itakakec ore: Kibwaikis asaduku naka EJAKAIT agali, ka asaduku naajaas imirio luka esabu ka aputosia nuka abusionokec. Kodero aitukerot loitenara alosit Bet-semes; kodero orot lokapolon, komonyete elosete, mam apotu kopaasi teten arai kediany; kotupakis ijaka luka Ipilisitian kes aitodol oikor loka Bet-semes. Asakete luka Bet-semes akimakec kaditot; kiteluosi akecekonye, koanyut asaduku, kiyalamikinos da aanyun. Koloma agali omanikor loka Yosua Ebet-semit, kobwou kanen, kancajai amoru naapol: kibeta akito nuka agali, koinakis aituk araun ainakinet naicweio mama ejai EJAKAIT. Kolemut Ilebin asaduku naka EJAKAIT, ka asaduku naaiai kaŋes naajaas iboro luka esabu kibwaikis kes amoru nin naapol: kijaikis ituŋa luka Bet-semes ainakineta nuieweio, kosubata da asuban apaaran nipenin mama ejai EJAKAIT. Kosodete kedaut ijaka ikany luka Ipilisitian aanyun, kobonosi Ekuron kapaaran kaŋin. Nu kes abusion nuka esabu nuenyakarete Ipilisitian araun ainakinet naka aibucaret mama ejai EJAKAIT; naka Asudod adiopet, naka Gasa adiopet, naka Asukelon adiopet, naka Gat adiopet, ka naka Ekuron da adiopet; Ka imirio luka esabu, kwape ajaar etiai loka ireria kere luka iiaka ikany luka Ipilisitian, ireria luebwaitai ka ireria lukoronyia. Amoru naapol, naasipokinete kesi asaduku naka EJAKAIT, amoru nin ejai kiton lolo omanikor loka Yosua Ebet-semit, Kodany ituŋa luka Bet-semes, naarai apotu kireikis asaduku naka EJAKAIT, abu kodany ituŋa ilukumin akaisakany ka akaisakanykaarei: kibworoto ituŋa naarai abu EJAKAIT kodany ituŋa kearit loepol. Kobalas iruna luka Bet-semes ebe, “Iŋai bo epedori aibwo kakonyen nuka EJAKAIT, Edeke lo lokalaunan? Ido ai ca kitebeari oni ŋes?” Kiiukasi ikiyakia mama ejaas lueboienenete koKiriat-yearim kobalas ebe, “Enyakut bobo Ipilisitian asaduku naka EJAKAIT: kijesunos yesi koomut.” Kopotu ituŋa luka Kiriat-yearim, koomut asaduku naka EJAKAIT, koyanaasi oukot togo loka Abinadab, kitalaut Eleasar okokuke aidar asaduku naka EJAKAIT. Kosodi kanen ageun kapaaran kaŋin kiboi asaduku koKiriat-yearim apaarasia nuipu: naarai kes ikar akaisaarei: komony ekek kere loka Isirael mama ejai EJAKAIT. Kotema Samuel ekek kere loka Isirael atiar, “Arai ibonunito mama ejai EJAKAIT kikusitauon kere, kolemasi idekesio lumo ka Asitarot kamakus, kitemokis ikusitauon mama ejai EJAKAIT, kijaanakis ŋes bon: ŋes da kiyuuni yes kakan naka Ipilisitian.” Kosodete idwe luka Isirael alemar Ibaalin ka Asitarot, kijaanakis EJAKAIT bon. Kotema Samuel atiar, “Kotukokin Isirael kere Misipa, elipakini eoŋ yes kama ejai EJAKAIT.” Kotukokinos Misipa, kookut akipi, kobukosi kakonyen nuka EJAKAIT, kolunata apaaran ŋin, kobalas kanen ebe, “Kidiaka kama ejai EJAKAIT.” Kirabak Samuel idwe luka Isirael koMisipa. Kepuput Ipilisitian ebe etukokina idwe luka Isirael Misipa, koloto iiaka luka Ipilisitian asurokin Isirael. Kepuput idwe luka Isirael, apotu kokuriakata Ipilisitian, Kobalas idwe luka Isirael Samuel ebe, “Sirikitanan aimony mama ejai EJAKAIT Ewokodeke kanukosi, tetere kitaiari isio kakan naka Ipilisitian.” Kolem Samuel imerekek yenenaki, koinak ŋes araun ainakinet naicweio mama ejai EJAKAIT: komony Samuel mama ejai EJAKAIT kanuka Isirael; Koboŋok EJAKAIT ŋes, Napeinakini Samuel ainakinet naicweio, kikunyut Ipilisitian aitiii Isirael: konye kiretak EJAKAIT Ipilisitian kairetun naepol kapaaran kanin, kitiean kes; kodanyai kes kakonyen nuka Isirael. Kolomasi ituŋa luka Isirael koMisipa, kodapata Ipilisitian, kodanya kes, kiton naadolioto Bet-car. Kosodi Samuel alemun amoru, kosipok kidin Misipa ka Sen, komaik ekekiror Eben-eser, kobala ebe, “Kiŋarak EJAKAIT oni aitodol lolo,” Kwaŋin kitononokai Ipilisitian, mam bobo apotu kolomut oikorun luka Isirael: koluik akan naka EJAKAIT Ipilisitian apaarasia kere nuka Samuel. Kinyakakinai Isirael ireria luanatarito Ipilisitian kamakec, anyoun koEkuron kiton Gat; koyu Isirael eikoruke kakan naka Epilisitian. Kinapakina Isirael ka Imorain. Kotubok Samuel Isirael apaarasia kere nuka aiiarake. Kirimonori kanolikaru Bet-el, ka Giligal, ka Misipa; kotubok Isirael kaiboisio kanun kere. Kobononori Rama, naarai nina ajai eketogo; kotubok Isirael kanen: kodukok nen etem loka EJAKAIT. Kosodi kanen kemoion Samuel, kodakak odweke atubokin Isirael. Ekiror loka ekiyaike ŋes Yoel; ka ekiror loka lokiareit Abiya: keraas ikatubok koBeer-seba. Mam odweke apotu kotupasi ikeponesio, konye apotu kopaasi adumun apesan, apotu kijaut ainakineta nuitumudakete akonye, kitirioto etube. Kosodete imakio kere luka Isirael atukokin, kopotu Rama neaiai Samuel. Kolimokis ŋes atiar, “Koany, imoion ijo, odwekon da mam etupito ikoniponesio: asa koseikinai sio ekabaka atubonokin sio kwape katekerin kere.” Konye kitakadik akirot Samuel, naalimunioto ebe, “Koseikinai sio ekabaka atubonokin sio.” Kilip Samuel mama ejai EJAKAIT, Kotema EJAKAIT Samuel atiar, “Kopupok eporoto loka ituŋa kakiro kere nukilimokinete: naarai mam kinerito jo, konye kaŋeroto eoŋ, kenyek araut ekabakakee. Kwape ejaatar aswamisio kere nueswamata ageun kapaaran naetolomunia kes koMisiri aitodol lolo, kwape kajaliata eoŋ, ejaanakiniata ieedekesio, kikonakis jo kwaŋin. Aso do kopupok ekeceporoto: konye iteienikini kes kaitebeikin, itodikini da epone loka ekabaka loeyai kes.” Kolimok Samuel ituŋa luelipitos ŋes ekabaka akiro kere nuka EJAKAIT. Kotema atiar, “Ikoni neta ekabaka lokiyai yes: eyaŋaari odwekus, eseuni kes kanuka agalinike, araun ikebwanenok ibalasinike; ekerete da koinaren kagalinike: Eseuni kes araun ikapolok luka ilukumin, ka ikapolok luka akaisakany; eseuni ice akor akelup, ka aisak ikenyamat, aiswamaun da iboroke lujiis, ka iboro luka agalinike. Eyaŋaari adwekus araun nuinyalete nueur maa, araun da akepook, araun akapeok imugatin. Eyaŋaari da imanikoriakus, ka amanatakus nuka emusabibu, ka amanatakus nuka iseitunin, nuitelekarit ajokis kakesi, einakini kes ikekejaanakinak. Eyaŋaari idiopet kotomon yenika ikinyomokus, yenika amanatakus da nuka emusabibu, einakini ijakake ka ikekeiaanakinak. Eyaŋaari ibulesinikus, ka abulesinikus, ka ikatumunakakus luejok noi, ka asigiriakus, aitwasam akeswam. Eyaŋaari idiopet kotomon yenika isipaninikus: yesi da iraunos ikebulesin. Imonyete yesi kapaaran kaŋin kanuka ekabakakus loiseunete yesi; mam EJAKAIT kibonokini yes kapaaran kaŋin.” Konye konero ituŋa apupokin eporoto loka Samuel; kotemasi atiar, “Mam; konye kikoto ekabaka lokiyai sio; Tetere kiputokin katekerin kere; tetere da ekosikabaka kitubokini sio, kinarenenokini da, ejie ijiisiokosi.” Kopup Samuel akiro kere nuka ituŋa, kitatam kes kaki nuka EJAKAIT. Kotema EJAKAIT Samuel atiar, “Kopupok ekeeeporoto, koseik kes ekabaka.” Kotema Samuel ituŋa luka Isirael atiar, “Aso kolototo, ninituŋanan oreke.” Kojai etuŋanan loka Benyamin, ekekiror Kis, okoku loka Abiel, okoku loka Seror, okoku loka Bekorat, okoku loka Apia, okoku loka Ebenyamit, etuŋanan Ioagogon loabarit. Kejai ŋes okokuke, ekekiror Saul, ekatumunan loejok loetemelel: amamei kodwe luka Isirael yenadeparit ŋes katemelel: aoia ŋesi anyoun kokeperinike adepar iruna kere. Apotu kooliosi asigiria nuka Kis, papa loka Sau!. Kotema Kis Saul okokuke atiar, “Koyaŋa ediopet kobulesin konyou, kolot aimo asigiria.” Kitor akwap nakiukon naka Epuraim, kitor da akwap naka Salisa, konye mam apotu kodumut kes: kosodete aitor akwap naka Saalim, komameete kanen da: kitor akwap naka Ibenyamin, konye mam apotu kodumut kes. Kedolut akwap naka Sup, kotema Saul ebulesit loaupatar atiar, “Bia, kabonosi; elemuni enyeki papaka apod asigiria kosodi apod oni. Kobala ŋes ebe, “Aso koany, ejai toma ore lo etuŋanan loka Edeke, erai da etuŋanan Iocyonitai, edolenenete kere nuelimuni: asa kaloto nina; diat kilimokini nuka alositewok.” Kosodi Saul atemar ekebulesit atiar, “Konye koany, arai kiilot, inyo kiinari oni etuŋanan? Naarai adaun emugati koriaginiwok, emamei ainakinet nakiinari etuŋanan loka Edeke: inyo bo ejai oni?” Koboŋok ebulesit Saul bobo atiar, “Koany, ejai akanika idiopet kooŋon yenika esekel loka epuesa: ainakini nin etuŋanan loka Edeke, kodwarak oni ewokorot.” (Lem sek kol sirael, naelosio ituŋanan aiŋitun Edeke, kobala kwanata ebe, “Bia, kaloto mama ejai ekadwaran”; naarai ŋol loenyaritai. Kwana Enabi anyaritai lem sek Ekadwaran.) Kosodi Saul atemar ekebulesit atiar, “Iner ejok; bia, kaloto.” Kolototo ore neajai etuŋanan loka Edeke. Edokete kesi ore, apotu kodumut apesur elomunete aiwok akipi, kotemasi kes atiar, “Ejai ekadwaran nee?” Koboŋokis kesi atiar, “Ejai; koany, ejai kiŋarenikus: aso kiwonyasi, naarai ebunit lolo ore; naarai einakinete ituŋa lolo asubanit kaibois naicelclei: Napeidolioto yesi ore, irasakinete aanyun ŋes, eroko ŋes keloto aibois naieelelei ainyam: naarai mam ituŋa enyamete aitodol neebunio ŋesi, naarai ŋes ilipakini asubanit arereŋ; akauloke enyamete ijul luenyaritai. Aso do, kodokasi, naarai kapak kana ianyunete ŋes.” Kodokasi ore; napelomarete kesi ore, koany, kiriamunos kesi ka Samuel elosi aibois naicelelei, Abu EJAKAIT kopukokinite Samuel apaaran adiopet eroko Saul kebuno ebe, “Moi, osawa lopclo kejukakini jo etuŋanan loka akwap naka Benyamin, inyonyoikini ŋes akinyet araun ekapolon loeyait ikatuŋa Isirael, itajari ŋesi ikatuŋa kakan naka Ipilisitian: naarai ete ikatuŋa, naarai adolu aimonyokec mama ajai.” Keanyu Samuel Saul, kotema EJAKAIT ŋes atiar, “Koany etuŋanan loabu kalimokinite jo nuke! Lopelo ŋes eyai ikatuŋa.” Kikuny Saul orute mama ejai Samuel, kotema atiar, “Kenainait, kolimokinai neejai etogo laka ekadwaran.” Koboŋok Samuel Saul ebe, “Eoŋ ŋes ekadwaran; kodoka kinaren aibois naicelelei, naarai imorete keoŋ ainyam lolo: moi tupuruc katwaria jo, kalimokini kere nuejaas otaukon. Konye sirikipodokin asigiriakon nuaoliorete apaarasia auni nuatuboros; naarai adumunos. Ido lukaŋai iboro kere luimielas luka Isirael? Mere lupekon, ka ekek kere loka papakon.” Koboŋok Saul ebe, “Mere eoŋ Ebenyamit, loka ateker naedit noi katekerin nuka Isirael? Ekekika da loedit noi kokekia kere luka ateker naka Benyamin? Kanukinyo inerar keoŋ nuikote nen?” Koyana Samuel Saul ka ebulesitike, koyaŋau kes agola naka ipejok, kisiboik kes aiboisio nukapolou neaiaas Iuanyaritai, luemwaasi ituŋa akaisauni. Kotema Samuel ekepoon atiar, “Koyau einer loabu kainak jo, loabu kalimok jo ebe, ‘Kidar ŋes.’’’ Koyana ekepoon amurwo ka akwalikwalike, kibwaik akonyen nuka Saul. Kotema Samuel atiar, “Koany, nin naaponi kinadakinail Kibwaik akonyenekon, konyam; naarai kinadakinitai jo aitodol apak naaseikinitai, naarai abu kabala ebe, Anyaraunit iruna.” Kwaŋin komorata Saul ka Samuel kapaaran kaŋin, Kosodi kijesunos kesi kaibois naieelelei toma ore, kinerata ŋesi ka Saul kokuju togo. Kodilokis anyoun: kosodi kanen kiwala akwap, konyara Samuel Saul kuju togo, kobala ebe, “Konyou, katwar jo kolot.” Konyou Saul, kouparos kina, ŋes ka Samuel. Ŋesaros kesi alomar kore, kotema Samuel Saul atiar, “Kolimok ebulesit kotubor kinarencwok, (kotubori ŋesi,) konye kobwo ijo kanepekane, tetere kesiirari jo akiro naka Edeke.” Kosodi Samuel alemun ekube loka akinyet, kobukok akouke, konu ŋes, kotema atiar, “Mere kinyonyoik EJAKAIT jo akinyet araun ekapolon loiyait airumeteke? Nainyounio kaneaiai eoŋ lolo, idumuni ituŋa iarei eiduny kates naka Rakel, koikor loka Benyamin ka Selusa; kilimokinete jo ebe, ‘Asigiria nuibu kolot aimo adumunos: ido koany, enyek papakon apod nuka asigiria epod jo ebe, “Ekwaikini ai kanuka okokuka?” Ŋes do ilosio ijo kanen, idoli olua loka Tabor, iriamunos kiruna iuni kaŋina luelosete mama ejai Edeke Bet-el, ibwokit ediopet ikalei iuni, ibwokit ece imugatin iuni, ka loce da ibwokit eriagi loka emukule loka ebino: Kiyogaete jo, kiinakinete jo imugatin iarei; luijauni jo kakanikec. Akaulo kanun ibuni ijo oukot loka EJAKAIT, neejai aibois naka iserikalcn luka Ipilisitian; kosodi kanen naidolio jo ore, iriamunos kerionet loka inabin ijesunos kaibois naicelelei ejaas kesabuli, ka esimat, ka alamaru, ka adeudeu koiŋarenikec; ido kodwarete kesi: Kidoikini jo emoyo loka EJAKAIT kagogon, idwari da nepepe kakes, iluor ijo ecetuŋanan, Kikoni nen, nakidoikiniata jo aanyuneta nun, iswamai nuibusakinit aswam; naarai ejai Edeke kaio, Kinarenikini eoŋ alosit Giligal; ido koany, abuni mama ijai ainakin ainakineta nuicweio, ka asuban nuka ainakineta nuka ainapakin; idareuni apaarasia akanykaarei, aitodol neabunio, aitodikin jo nuiswamai.” Kikwaikis nen, naanyounio ŋesi kaneaiai Samuel, abu Edeke koinak ŋes ecetau: kodoloto aanyuneta nun kere kapaaran kaŋin, Kosodi kedolut oukot, koany, kiriamunos erioŋet loka inabin kaŋes; kodoik ŋes emoyo loka Edeke kagogon, kodwar kakes. Kosodi kanen, keanyut lulem ajenete ŋes ebe koany, edwari nepepe kinabin, kotemanaros ituŋa ebc, “Inyo bo yen yenadoiki okoku loka Kis? Ejai Saul da onabin?” Koboŋok ediopet loka aibois kaŋin ebe, “Iŋai bo papakec?” Koraun do awaragan ebe, “Ejai Saul da onabin?” Kosodi kedau aidwar, kobu aibois naicelelei, Kotema mamai loka Saul ŋes ka ekebulesit atiar, “Ai bo ipotu yesi koloto?” Kotema atiar, “Amoot asigiria: kosodi kiiany ebe mam apotu kodumunos, kapotu mama ejai Samuel.” Kotema mamai loka Saul atiar, “Keŋaiŋait kolimokinai nuabu Samue! kolimok jo.” Kotema Saul mamaike atiar, “Abu kolimok sio ebe adumunos asigiria.” Konyc akirot naka ajakanut naabu Samuel kinerite, mam abu kolimok ŋes. Konyarau Samuel ituŋa mama ejai EJAKAIT Misipa; Kotema idwe luka Isirael atiar, “Inera kwanata EJAKAIT, Edeke loka Isirael ebe, ‘Abu ketolom Isirael koMisiri, kayu yes kakan naka Imisirian, kakan da naka ajakanuto kere nukimwanito yes’: Konye ineroto lolo Edekekus, loabu kitajar yes katiokisiokus kere kocanikus da; ipotu kotemasi ŋes ebe, ‘Mam, konye koseikinai sio ekabaka.’ Aso do kitodiaros akonyen nuka EJAKAIT katekerinikus ka ilukuminikus.” Kisukuny do Samuel atekerin kere nuka Isirael, koseunai ateker naka Benyamin. Kisukuny ateker naka Benyamin kokekiakec, koseunai ekek loka Imaturin: kisukuny ekek loka Maturi ediopet ediopet; koseunai Saul okoku loka Kis; konye kemoata ŋes mam apotu kodumut. Kanuka ŋun kinita bobo EJAKAIT ebe, “Ejai kereka etuŋanan loeroko kedoluno?” Koboŋok EJAKAIT ebe, “Koany, enopit koboro.” Kokerata koomata ŋes kaŋina; kosodi kebwo ŋesi kotuna, aoja ŋesi adepar ituŋa kere ageun kokeperinike. Kotema Samuel iruna kere atiar, “Ianyut yesi ŋol loaseu EJAKAIT, ebe emamei loeputotor kotuna kere?” Kiworoto ituŋa kere ebe,” Kidari Edeke ekabaka.” Kosodi Samuel alimokin ituŋa epone loka ajakanut, kiwadik oitabo, kibwaik akonyen nuka EJAKAIT, Kotwar Samuel ituŋa kere, ninitunanan togoke. Kolot Saul da togoke Gibea; kolototo ituŋa lukirigin luatirorit Edeke itauonokee kaŋes. Konye odwe luka Belial ice kotemasi atiar, “Ikwaikini ai etuŋanan lo kitajari oni?” Komenata ŋes, mam apotu koinut ainakinet. Konye kililin ŋesi. Kosodi Nakas Emonait abunore, kidukur Yabes-gilead: apotu ituŋa kere luka Yabes kobalas Nakas ebe, “Kitutuk kasio, keiaanakisi jo.” Kotema Nakas Emonait kes atiar, “Kakirot kana ŋes etutukio kayes, ebe kogorunoi akusikonye nukoteten kere; kasodi eoŋ aitaraun ŋes amorosit koIsirael kere.” Kotemasi imakio luka Yabes ŋes atiar, “Koinakinai ber isio apaarasia akanykaarei, tetere kijukari ekiyakia oikorun kere luka Isirael: kosodi konyet, arai kemameun yenikitajari sio, kibuni mama ijai.” Kopotu ikiyakia Gibea loka Saul, kolimokis ituŋa akiro ŋun: kodelosi ituŋa kere, komonyata, Ido koany, kobu Saul komanikor, etupit imoŋin; kotema Saul atiar, “Inyo bo isiriebi ituŋa tape emonyete?” Kolimokis ŋes akiro nuka ituŋa luka Yabes. Kodoik emoyo loka Edeke Saul kagogon nakepupunia akiro nun, kinep noi akenyunyura. Koyau imoŋin iarei, kotubutub kijuka oikorun kere luka Isirael kakan naka ikiyakia, ebe, “Ŋinituŋanan yenimam etupit Saul ka Samuel iswamakinio kwaŋin ikemonin.” Kodoik ituŋa akurian EJAKAIT, kopotu bala idiopetunanan. Kimara kes koBesek; emwaasi idwe luka Isirael ilukumin akwat auni, ka ituŋa luka Yuda ilukumin akaisauni. Kotemasi kesi ikiyakia luapote atiar, “Ilimokinete kwanata ituŋa luka Yabes-gilead ebe, ‘Moi, kapak naemwaniar akoloŋ, kiyuunio.’ “Kopotu ikiyakia kolimokis ituŋa luka Yabes; kiyalamikinos. Kanuka ŋun kotemasi ituŋa luka Yabes atiar, “Kibuni moi mama ijai, kiswamakini isio kere nuitojokit ijo.” Kojaun kwaŋin tupuruc, kitemok Saul ituŋa orioneta iuni; kopotu kidin kiidukurun kakwenyunet naka tupuruc, kodanyata monain aitodol amwanis naka apaaran: kosodi kanen kisiarakinos luapotu kideunos, komam iarei kakesi esalete nepepe. Kotemasi ituŋa Samuel atiar, “Iŋai bo ŋol loabala ebe, ‘Kiyai kereka Saul sio?’ Koyau iruna ŋul, kaarata kes.” Kotema Saul atiar, “Mam lolo eario idionmanan: naarai ayu lolo EJAKAIT Isirael.” Kosodi Samuel atemar ituŋa atiar, “Kopotu kaloto Giligal, keteteutu ajakanut kaŋina.” Koloto ituŋa kere Giligal; kodakakis Saul araun ekabaka kakonyen nuka EJAKAIT koGiligal; koinakis da kaŋina asuban nuka ainakineta nuka ainapakin kakonyen nuka EJAKAIT: kiyalamikini noi Saul ka ituŋa kere luka Isirael kaŋina. Kotema Samuel Isirael kere atiar, “Koany, eira ekusiporoto kanuibalasi eoŋ kere, kaseik da ekabaka ayait yes. Kwana da, koany, elosi ekabaka kakonyenekus: eoŋ da amoion abwanut akorwo, ido koany, odweka ejaas kayes: abu kalosenenei kakonyenekus ameun keiditeuka kiton lolo, Eoŋ lo: kolimoroi kakonyen nuka EJAKAIT, kakonyen da nuka lokinyonyoikitonoke akinyet: iŋai ca ademarit ekemon? Arai iŋai ademarit akesigiria? Arai iŋai arodit luke? Iŋai abu kareite? Arai iŋai abu kedaudau lukitumudakete akakonye? Eoŋ da kataeakini yes.’ Kobalas ebe, “Mam irodit lukosi, kwabo mam kireit, kwabo mam ilemarit imodiobore kakan naka idiotuŋanan kere.” Kotema kes atiar, “EJAKAIT ŋes ekajenan kamakus, ka lokinyonyoikitonoke akinyet da ŋes ekajenan lolo, kwape mam yes idumunitotor ibore kakanika.” Kobalas ebe, “Ŋes ekajenan.” Kotema Samuel ituŋa atiar, “Ŋes EJAKAIT loebwaikini Musa ka Aaron ido loetonyouni lukapapaakus kakwap nako Misiri. Aso kwana kobwaata, tetere kipuri kayes kakonyen nuka EJAKAIT, kanuka aswamisio kere nuedolito nuka EJAKAIT, nukiswamakini yes ka lukapapaakus. Nakedolio Yakob Misiri, komonyakis lukapapaakus EJAKAIT, kosodi kijuka EJAKAIT Musa ka Aaron, luetonyounete lukapapaakus koMisiri, kisiboikis aibois na. Konye kimurwokis kes EJAKAIT Ekecedeke, kogwela kes akan naka Sisera lokapolon loka ajore naka Kasor, ido kakan naka Ipilisitian, kakan da naka ekabaka loka Moab, koiioto kakes. Komonyakis EJAKAIT, kobalas ebe, ‘Kipou kadiakata, naarai kipou kenyeisi EJAKAIT, kejaanakis Ibaalin ka Asitarot: konye kwana koyuunai kakan naka lukasurupokosi, kasodete aijaanakin jo.’ Kijukak EJAKAIT Yerubaal, ka Bedan, ka Yeputa, ka Samuel, koyu yes kakan naka lukasurupokus kariino kere, kiboikinos inapakina. Naianyuniata kiisurok Nakas ekabaka loka idwe luka Amon, ipotu kotemasi eoŋ atiar, ‘Mam, konye ekabaka ŋes kirumi sio’: kwabo EJAKAIT Ekusideke kerai Ekusikabaka. Aso do kosesenata ekabaka loipotu koseut, loipotu kilipata: ido koany, kiinak EJAKAIT yes ekabaka. Arai iyonito EJAKAIT kijaanakinete, kopupenenete ekeporoto, kwabo mam ipaliikinete aicorakinet naka EJAKAIT, yes ka ekabaka da lokirumit kotupenenete EJAKAIT Ekusideke, aso: Konye arai mam ipupenenete eporoto loka EJAKAIT, kipaliikis aicorakinet naka EJAKAIT, ŋes itusurupio akan naka EJAKAIT yes, kwape etusurupio kolo lukapapaakus. Aso do, kobwaata, koanyut akirot na nakos, naiswamai EJAKAIT kakonyenekus. Mere lolo asaket naka akima? Elipi EJAKAIT koyanau eires ka akiru; kojenut yesi koanyut kwape epoloor akusironis, naipotu kiswamata kakonyen nuka EJAKAIT, ailip ekabaka.” Kosodi Samuel ailip EJAKAIT: koyanau EJAKAIT eires ka akiru kapaaran kaŋin; koyonata noi ituŋa kere EJAKAIT ka Samuel da. Kotemasi ituŋa kere Samuel atiar, “Kilipak ikonibulesin kama ejai EJAKAIT Ekonideke, kenyeis atwakare; naarai kiyataki adiakanaretakosi kere karonis kana, ailipun ekabaka.” Kolimok Samuel ituŋa ebe, “Sirikiyoŋa: abeit ipotu kiswamata aronis na kere: konye sirikipaasi ainyein atupenen EJAKAIT, konye kijaanakis EJAKAIT kikusitauon kere: Sirikipaasi: naarai ti ŋes atupar aamameak, numam ajokis karaida ayuun, naarai eraas nuutaai. Naarai mam eialakin EJAKAIT iketuŋa kanuka ekekiror lokos: naarai kitoiok EJAKAIT aituluor yes ateker kanuken, Ido kanukan, madi akuj eoŋ aidiak kama ka EJAKAIT ainyein ailipanakin yes: konye ketuutoori yes erot lokajokan loitenara. Konye koyonito EJAKAIT bon, kijaanakinete kotoma abeit kikusitauon kere: kiitununete akiro kwape eraatar nukos nukiswamanakini yes. Konye arai inna iyatanakinete aswam nueroko imudiaros yes kere ka ekusikabaka da.’ Kerai, Saul loka ikar akaisauni naageunia airum; abu kirum Isirael ikar iarei. Koseu Saul ituŋa luka Isirael ilukumin iuni; kanul ajaananas ituŋa ilukumin iarei nepepe ka Saul Mikimas, moru loka Bet-el da, ajaananas da elukumit nepepe ka Yonatan Gibea loka Benyamin: kotwar luee kere ninirunanan owemake. Kodany Yonatan iserikalen luka Ipilisitian luajaas Geba, kopuput Ipilisitian nun, Kokutak Saul arupepe airiamar akwap kere kobala ebe, “Kopuput do Iburanian.” Kopup Isirael kere ebakai ebe adany Saul iserikalen luka Ipilisitian, ebe da amena Ipilisitian Isirael. Kotukokinos ituŋa atupar Saul Giligal. Kotukokinos Ipilisitian aitiji Isirael, agalin alukumin akaisauni, ka ikebwanenok ibalasin ilukumin ikanykape, ka ituŋa bala asine naejai ariri naka aŋolol: kopotu kidukuroto Mikimas, ari nakokide naka Bet-aben. Keanyut ituŋa luka Isirael ebe aridakina kesi, (naarai eyalononoete ituŋa) apotu ituŋa koŋopata kabuai, kamonieik komorun, katesin ka apanya da. Ekwanara ice koBuranian koYorodan akwap naka Gad ka Gilead; konye Saul, aroko ŋesi ajai Giligal, kotupasi ŋes ituŋa kere komaranete. Kidarak apaarasia akanykaarei, kwape ajaar apak naaseunit Samuel: konye mam Samuel abu kobu Giligal; kisiararos ituŋa kaneajai ŋesi. Kotema Saul atiar, “Koinunai ainakinet nacweio, ka ainakineta nuka ainapakin.” Kosodi ŋesi ainakin ainakinet naicweio, Kosodi kanen, napedauni ŋesi ainakin ainakinet naicweio, koany, kobu Samuel; kolot Saul airiamun kaŋes, tetere iyogai ŋes. Kotema Samuel atiar, “Inyo bo iswamaa ijo?” Kotema Saul atiar, “Naarai abu kaany iruna isiararos kamakaŋ, mam da jo ibu kobu kapaarasia kanuaseunitai, atukokina da Ipilisitian Mikimas; Ŋes atemaria eoŋ ebe, ‘Epote do Ipilisitian mama ajai Giligal, mam elipit asianut naka EJAKAIT’: ŋes etinaikinor ainakin ainakinet naicweio.” Kobala Samuel Saul ebe, “Iswama nukabanaanut; mam irieit aicorakinet naka EJAKAIT Ekonideke naabu kicorak jo, naarai ti EJAKAIT kiticat akonijakanut koIsirael ikar kere. Konye kwana mam akonijakanut ieasi: amou EJAKAIT etuŋanan loekot, aseu EJAKAIT ŋes araun ekapolon loeyait iketuŋa, naarai mam iricit nin naabu EJAKAIT kicorak jo.” Konyou Samuel, kolot koGiligal kiton Gibea loka Benyamin. Kimar Saul ituŋa luajaas kaŋes, kwaka akwat akanykape. Kiboioto Saul ka Yonatan okokuke, ka ituŋa luajaas kakes koGeba loka Benyamin: konye kidukuroto Ipilisitian Mikimas. Kopotu ikaŋatak koidukurun luka Ipilisitian korioneta iuni: kitor erioŋet ediopet orot loebei Opura, kiton akwap naka Saul: Kitor ecerionet orot loebei Bet-koron: kitor erioŋet ece da orot loka eikor loitei aditot naka Seboim kobei amodiŋ. Amamei do ediokatatan kakwap kere naka Isirael: naarai abalas Ipilisitian ebe, “Kinyeis Iburanian aiswamaun ikileŋakec ka akwaras: Konye alosenenete Isiraelin kere mama ejaas Ipilisitian, ninituŋanan aipen ekemeleku, ka ekilenike, ka aepeke ka eŋitike; Keniŋioros initia, ka ikileŋa, ka imelekes ka aepei; aitemokin da imacarin. Kwaŋin kapaaran naka ejie, komameun ekileŋ karaida akwara kakan naka idiotuŋanan kotuna luajaas ka Saul ka Yonatan: dimarai Saul ka Yonatan okokuke kes ajaas, Koloto iserikalen luka Ipilisitian aridat naka Mikimas. Kosodi adiopepaaran abu Yonatan okoku loka Saul kotema ekatumunan loadakit lujiisike atiar, “Kobia kaloto mama ejaas iseri kalen luka Ipilisitian, lueiaas owai je.” Konye mam abu kolimok papake. Kiboikin Saul atutubet nakosane naka Gibea kwap kekamamaga, loejai Miguron: emwaasi ituŋa luajaas kaŋes kwape akwat akanykape. Abu Akiya okoku loka Akitub, onaee loka Ikabod, okoku loka Pinekas, okoku loka Eli, esasedoti loka EJAKAIT koSilo konapite epod. Mam apotu ituŋa kojenut ebe alot Yonatan. Kidin karidana, nuakoto Yonatan aitor alosit mama ejaas iserikalen luka Ipilisitian, ajai emoru osiep ediopet ka emoru osiep ece da: ekiror loka ediopet ŋes Boses, ka ekiror loka ece da ŋes Sene. Ajai ediopemoru ari naka agolitomei kinaren kaMikimas, loce da ari naka eŋalakimak iŋaren keGeba. Kotema Yonatan ekatumunan loadakit lujiisike atiar, “Kobia kaloto mama ejaas iserikalen luka lu lumam ekepitai: diatiswamai EJAKAIT kaoni: naarai emamei yenitikokini EJAKAIT aitajar kaluipu arai kaluikidioko.” Kobala loadakit lujiisike atiar, “Kiswama kere nuejaas otaukon: koany, ajai eoŋ nepepe kajo, kwape ejaar ekonitau ŋes ejaar lokaŋ da.” Kosodi Yonatan atemar atiar, “Koany, kilosi mama ejaas ituŋa, kasodete aitodiar kamakec. Arai kiitemasi kesi oni atiar, ‘Kidareutu aitodol nakibunio mamakus’; ŋes kisalakinia aiboisiwok, mam da kidokari mamakec. Konye arai ketemasi atiar, ‘Kodokutu mamakosi’; ŋes do kidokaria: naarai ijaikini EJAKAIT kes akaniwok: craun ŋin aanyunet kamawok.” Kosodete kesi iarei aitodiar oserikalen luka Ipilisitian: kotemasi Ipilisitian atiar, “Koany, alomut Iburanian kapanya kanuanopitotor.” Kobonokis iserikalen Yonatan ka loadakit lujiisike ebe, “Kodokutu mamakosi, kitodikini isio yes ibore.” Kotema Yonatan loadakit luiiisike atiar, “Kodok, kotupunai: naarai ejaiki EJAKAIT kes akan naka Isirael.” Kodoka Yonatan kuiu eliat kakanin ka akeje, kotupite ŋes loadakit lujiisike: kibiroros kesi kakonyen nuka Yonatan; komeete loadakit lujiisike aiar kes, Earit ŋol losodit loaarete Yonatan ka loadakit lujiisike emwaasi ituŋa akaisaarei, katutubet naedit noi kosubite bala epelu lokamana. Kojau amaran naepol oidukurun, omanikor, otuŋa da kere, iserikalen, ka ikaŋatak da apotu komaranata: komaran akwap, kwaŋin kojaun amaran naepol noi, Kiteoto ikedarak luka Saul koGibea loka Benyamin; ido koany, kidior atukot, kisiarakinos niniibois. Kosodi Saul alimokin ituŋa luajaas kaŋes atiar, “Aso kimara, koanyut yenelosit kamawok.” Kosodete kimarata, ido koany, amameete kanen Yonatan ka luadakit lujiisike. Kotema Saul Akiya atiar, “Koyau asaduku naka Edeke ne.” Naarai ajai asaduku naka Edeke kidwe luka Isirael kapak kaŋin, Kosodi kanen ineras Saul ka esasedoti, kiyatakin noi eeelet loajai oidukurun luka Ipilisitian; kotema Saul esasedoti atiar, “Kolema akonikan.” Kotukokinos Saul ka ituŋa kere luajaas kaŋes, kopotu ojie: ido koany, abu ekileŋ loka ŋinituŋanan koluik yenieeke, kojaun aiyaloŋoŋ naepol noi. Iburanian luajaas lem ka Ipilisitian, lualosete kakes oidukurun kakwap naalukunit; apotu nul kibelooros mama ajaas Isiraelin luajaas ka Saul ka Yonatan, Kwape kwaŋin da ituŋa kere luka Isirael luaŋopitos kakwap nakiukon naka Epuraim, kepuput ebe akera Ipilisitian, apotu kesi da kodapata kes noi kojie. Kitajar EJAKAIT Isirael kapaaran kaŋin: kotubor ejie Bet-aben, Kiyalononoto ituŋa luka Isirael kapaaran kaŋin; konye kicorak Saul ituŋa ebe, “Kikenoi etuŋanan loenyami idionyamat kere eroko atiboŋ, kenyana eoŋ da lukasurupoka.” Mam do ediotuŋanan loabu kiir inyamat, Kopotu ituŋa kere amagoro; kojai esik kwap. Kosodi kedolut ituŋa amagoro, koany, koitunun esik: konye mam ediotuŋanan loabu kibwaik akan aitukuke; naarai ayoŋito ituŋa aiyaposit. Konye mam Yonatan abu kopup naecorakinia papake ituŋa aiyaposit: ŋes edomakinia ebela loetiŋit ŋesi akape nuka esik, kosodi aibwaikin akekan aitukuke; kolakaros akekonyen. Kosodi ediopet kotuna aboŋokin ebe, “Abu papakon kicorak ituŋa aiyaposit ebe, ‘Kikenoi etuŋanan loenyami inyamat apaaran naka lolo.’’’ Kilworunos ituŋa, Kotema Yonatan atiar, “Etican papaka akwap: keŋainait, koany, kwape alakarotor akonyeneka, naarai abu eoŋ keir edio kosik kalo. Mere tiejok noi arai kenyamito ituŋa lolo lunatuna luka lukasurupokec luapotu kodumut? Naarai emamei lolo earit loepol koPilisitian.” Kodanyata luka Ipilisitian kapaaran kaŋin anyoun koMikimas kiton Aiyalon: kilworunos ituŋa noi. Kokerata ituŋa oŋatan, kolemut amerekekin, ka imoŋin, ka itak, koarakis kes kwap: konyamata ituŋa kes kaokot da. Kosodete kesi alimokin Saul ebe, “Koany, adiakasi ituŋa kama ejai EJAKAIT, naarai enyamete kaokot da.” Kotema atiar, “Ibilata ebotet, kikokorikinoi amoru naepol neajai lolo.” Kotema Saul atiar, “Kisiararos yesi otuŋa, kotemasi kes atiar, ‘Koyau ninitunanan ekemon, ka ŋinituŋanan akemerekek, koarakis ne, konyamata; kinyeis adiakar kama ejai EJAKAIT kanuka ainyam kaokot.” Koyaut ituŋa kere akuare ŋin ninituŋanan ekemon, koarakis nen as Kodukok Saul EJAKAIT etem: ŋopeŋol ŋes arai etem losodit loadukokini ŋesi EJAKAIT. Kotema Saul atiar, “Kadumasi Ipilisitian kuare, kanatata kes kiton tupuruc, komam kideuni ediotuŋanan kakesi.” Kotemasi atiar, “Kiswama kere nuitojokit ijo.” Kosodi esasedoti atemar ebe, “Aso kekunyakisi neejai Edeke.” Kinit Saul Edeke atiar, “Adumari eoŋ Ipilisitian? Ŋaikini kereka ijo kes akan naka Isirael?” Konye mam abu Koboŋok ŋes kapaaran kaŋin, Kotema Saul atiar, “Kikunyutu ne, yes kere ijaka luka ituŋa: kojenut koanyut da neajai adiakaret lolo. Naarai kwape ejaria EJAKAIT, loitaiari Isirael, karaida kejaun toma okokuka Yonatan, abeit etwani.” Konye komameu kotuna erunanan loabu Koboŋok ŋes. Kosodi ŋesi atemar Isirael kere ebe, “Kojaunos yesi owai ediopet, eoŋ da ka okokuka Yonatan kijaun eeewai.” Kotemasi ituŋa Saul atiar, “Kiswama nuitojokit ijo.” Kanuka ŋun kotema Saul EJAKAIT, Edeke loka Isirael atiar, “Kitodu abeit.” Korounai Saul ka Yonatan: konye kokuata ituŋa. Kotema Saul atiar, “Kilamilamakinai eoŋ ka Yonatan okokuka.” Korounai Yonatan, Kosodi Saul atemar Yonatan atiar, “Kolimokinai nuiswamat.” Kolimok Yonatan ŋes ebe, “Abeit abu eoŋ keir ediosik kobela kaloetinit eoŋ: ido koany, kebusakinit atwanare.” Kosodi Saul atemar atiar, “Kiswama Edeke kwaŋin ka adepar da; naarai abeit itwani, Yonatan.” Kotemasi ituŋa Saul atiar, “Etwani kereka Yonatan, loeswamau aitajario na naepol mama ejai Isirael? Madi akuj: kwape ejaria EJAKAIT, mam ediotimat loka akouke edoi alup, naarai eswamata ka Edeke kapaaran naka lolo.” K wanin kolakut ituŋa Yonatan, tape mam etwani. Koboŋ Saul katupit Ipilisitian, kolototo Ipilisitian aiboisiokec. Kosodi napekirumia Saul Isirael, abu kitiji lukasurupoke kosiepion kere, Moab, idwe luka Amon, ka Edom, ka ikabakan luka Soba, ka Ipilisitian da: ido luasuronokini ŋesi kere abu kipikonor. Abu kiswama nukatitin, kodany Imalekain, abu da koyu Isirael kakan naka ŋul kaluanasenenete kes. Odwe luka Saul kes Yonatan, ka Isibi ka Maliki-sua: ka ikiroria luka adweke aarei kes luta: ekiror loka akiyai Merab, ka ekiror loka nadidi Mikal: Ekiror loka aberu naka Saul arai Akinoam akoku naka Akimaas: ka ekiror loka ekapolon loka erioneteke kerai Abiner okoku loka Ner, mamai loka Saul. Kis ŋes papake loka Saul; Ner papa loka Abiner kerai okoku loka Abiel. Apaarasia kere nuka Saul ajaas ijiisio luadeden noi kidinikec ka Ipilisitian: kosodi naanyununia Saul ediotuŋanan lokirigi arai ediotuŋanan lokatitin, ayanaanari ŋol mamake. Kotema Samuel Saul atiar, “Abu EJAKAIT kejuk eoŋ ainyonyoikin jo akinyet araun ekabaka loiyait ikeruna, Isirael: asa do, kopupok eporoto loka akiro nuka EJAKAIT, Ebala kwanata EJAKAIT loka aioresio ebe, ‘Eteu eoŋ Amalek kanuka nuabu ŋesi kiswamak Isirael, kwape abu kobwoikinia ŋes korot naabunio koMisiri. Aso do kolot kodany Amalek, komudia kere luejaatar kesi, komam ideunete kes, koarata kere, ikiliok ka aŋor da, imukerun ka luenakete, imoŋin ka amerekekin, akaalai ka asigiria da.” Kosodi Saul atukokin ituŋa, kimar kes koTelaim, ituŋa ilukumin akwat aarei luelosete akeje, ka ituŋa luka Yuda ilukumin itomon. Kobu Saul ore loka Amalek, kosodete koperut kaditot. Kotema Saul Ikenin atiar, “Koloto, konyoutu, konyoutu komalekain, kenyek amudiar yes kakes: naarai ipotu kosiakata mama ejaas idwe luka Isirael, naaponiata koMisiri,” Kwaŋin konyout Ikenin komalekain, Kodany Saul Imalekain, anyoun koKabiIa bala ilosi Sur, loejai kinaren nako Misiri, Kikama Agag ekabaka loka Imalekain eiari, komudia eut ituŋa kere kakwanis naka ekileŋ. Konye Saul ka ituŋa kideut Agag, ka luetelekarito aiokis kamerekekin, komonin, ka luetumito, ka imerekekin ludidik, ka luajokak kere, komam emudiarete kes cut: konye ibore kere yenarono ka yenamam aiokis, ŋes apotu kesi komudiasi. Kosodi akirot naka EJAKAIT abunore mama ejai Samuel ebe, “Eitu eoŋ kanu naarai abu kadakak Saul araun ekabaka: naarai abono kau enyeki atupit eoŋ, ido mam iswamat akaicorakineta.” Konyunyurikin Samuel; komony mama ejai EJAKAIT akuare kia. Kodilok Samuel anyoun airiamun ka Saul tupuruc; kolimokinai Samuel ebe, abu Saul kobu Karamel, ido koany, abu kosipok aiitunet, ido alot, atubor, abea Giligal. Kobu Samuel mama ejai Saul: kotema Saul ŋes atiar, “Kisirereŋ EJAKAIT jo: eswama eoŋ aicorakinet naka EJAKAIT.” Kotema Samuel atiar, “Inyo bo do apolou naka aruo na naka amerekekin naapupi kakiika, ka eikun loapupi loka imoninr” Kotema Saul atiar, “Ayaunio kes kama kImalekain: naarai apotu ituŋa kideut luetelekarito ajokis kamerekekin komonin da, ainakinia EJAKAIT Edekekon asuban; ido luee kere kimudia isio cut.” Kosodi Samuel atemar Saul atiar, “Ŋo ber, kalimok jo nuabu EJAKAIT kalimok eoŋ akuare na.” Kotema ŋes atiar, “Aso kiner.” Kotema Samuel atiar, “Karaida kirai ijo lokidite kakonyenekon mam aponi kodakakin apolokinit atekerin nuka Isirael? Kinyonyoik da EJAKAIT jo akinyet araun ekabaka loiyait Isirael; Kosodi EJAKAIT aijukar jo alosit, kobala ebe, ‘Aso kolot komudia eut ikadiakanarak kes Imalekain, kitiji kes aitodol naimudiaria kere.’ Kanukinyo do mam jo ibu korimaria eporoto loka EJAKAIT, konye ibu kokerik lunatan kiswama nueroko kakonyen nuka EJAKAIT?” Kotema Saul Samuel atiar, “Ee bo, abu eoŋ karima eporoto loka EJAKAIT, alot da alosit naabu EJAKAIT kejukak eoŋ, kayau da Agag ekabaka loka Amalek; amudia eut Imalekain. Konye apotu ituŋa kolemut iŋatan, amerekekin ka imoŋin, luepolok koboro luagitaritai, ainakinia asuban mama ejai EJAKAIT Ekonideke koGiligal.” Kotema Samuel atiar, “Isiyalamikinit kereka EJAKAIT ainakineta nuicweio ka asuban kwape isiyalamikinitor arimarit eporoto loka EJAKAIT? Koany, arimar itelekarit asubanit, Ka aipup da edeparit asiepai nuka imerekekin. Naarai epali esubit bala adiakaret naka aidwar, Ka aninik bala aputosia nuegerer ka iterapim. Naarai iner ijo akirot naka EJAKAIT, Kiner ŋesi da jo araut ekabaka.” Kotema Saul Samuel atiar, “Abu kadiaka; naarai ebuca aicorakinet naka EJAKAIT, ka akirokon: naarai abu kayon ituŋa, kasodi arimar ekeceporoto. Kanuka nun, kenainait, kitim akadiakaret, kibelokin bobo nepepe keoŋ, tetere amai EJAKAIT.” Kotema Samuel Saul atiar, “Mam eoŋ kibonori kaio, naarai iŋer ijo akirot naka, EJAKAIT: EJAKAIT da kiŋer jo araut ekabaka loiyait Isirael.” Kosodi napibelokin Samuel alosit, abu kitin ekekaso, kocila. Kotema Samuel ŋes atiar, “Acila EJAKAIT ajakanut naka Isirael kamakon lolo, ainaki da ŋes eidunyetekon, loejok adepar joo. Bobo da Agogoŋ naka Isirael mam iŋalai karaida aitoronikin: naarai mam ŋes erai etuŋanan tape itoronikin.” Kosodi ŋesi atemar atiar, “Abu kadiaka: konye kenainait, kitubusai kakonyen nuka imakio luka ikatuŋa, kakonyen nuka Isirael, kibelokin bobo nepepe keoŋ, tetere amai EJAKAIT Ekonideke.” Kibelokin do Samuel aupar kaSaul: koma Saul EJAKAIT. Kosodi Samuel atemar ebe, “Koinunai Agag ekabaka loka Imalekain.” Kobu Agag mama ejai ŋesi esoga. Kobala Agag ebe, “Abeit atubor apipil naka atwanare.” Kotema Samuel atiar, “Kwape abu ekonikilen kitasalia aŋor emameete idwe, kwaŋin esalia totokon da emamei ikoku kanor.” Kojepejep Samuel Agag kakonyen nuka EJAKAIT koGiliga!. Kosodi Samuel alosit Rama; kolot Saul togoke Gibea loka Saul. Mam bobo Samuel abu kobu aanyun Saul aitodol apaaran naatwania; konye komony Samuel kanuka Saul: kiitu EJAKAIT kanu naarai abu kodakak Saul araun ekabaka ayait Isirael. Kotema EJAKAIT Samuel atiar, “Itodol ai imonyi kanuka Saul, naarai aŋer eoŋ ŋes araut ekabaka loka Isirael? Kileleb akinyet amumwaratakon, kolot, kejukari jo mama ejai Yese Ebetelekemit: naarai adum ekabaka kodweke.” Kotema Samuel atiar, “Ekwaikini ai alosi? Arai kiira Saul, kaari eoŋ.” Kotema EJAKAIT atiar, “Koyana ataok, kiner atiar, ‘Abunit ainakin EJAKAIT asuban.’ Konyarau Yese kobu asuban, ketodikini jo nuiswamai: inyonyoikini akinyet ŋol lokalimokini jo.” Kiswama Samuel nuabu EJAKAIT kiner, kobu Bet-lekem, Kopotu imakio lukore emaranete airiamun kaŋes, kotemasi atiar, “Ibunit ijo kainapakin?” Kotema atiar, “Kainapakin: abunit ainakin EJAKAIT asuban: kitalaunos, kauparos keoŋ asuban.” Kitalau Yese ka odweke, konyarau kes aponare asuban. Kosodi kanen kepotu, abu ŋesi kosesen Eliab; kotema atiar, “Abeit loinyonyoikini EJAKAIT akinyet ejai akonyeneke.” Konye kobala EJAKAIT Samuel ebe, “Sirikisesen ereeteke, karaida aoiau naka akuanake; naarai aŋer ŋes: naarai mam EJAKAIT eseseni kwape esesenia ituŋanan; naarai itei ituŋanan atakan nakokuju, konye itei EJAKAIT etau.” Kosodi Yese anyaraun Abinadab, kitotor akonyen nuka Samuel. Kotema atiar, “Mam EJAKAIT eseunit lo da.” Kosodi Yese aitotor Sama. Kotema atiar, “Mam EJAKAIT eseunit lo da.” Kitotor Yese odweke ikanykaarei akonyen nuka Samuel. Kobala Samuel Yese ebe, “Mam EJAKAIT eseunit lu,” Kotema Samuel Yese atiar, “Ejaas ikonidwe ne kere?” Kotema atiar, “Esalit inoorit, ido koany, ieokie amerekekin.” Kobala Samuel Yese atiar, “Kijuka koomai ŋes: naarai mam kiboikin aitodol neebunio.” Kijuka, kitolom ŋes, Koren ŋesi, kitemelel, ajok asesen da. Kotema EJAKAIT atiar, “Konyou, kinyonyoik ŋes akinyet, naarai ŋes lo.” Kosodi Samuel alemun amumwarat naka akinyet, kinyonyoik ŋes akinyet kokidin oinacanake: kodoik emoyo loka EJAKAIT Daudi kagogon amear kapaaran kaŋin kaiyatanakin. Konyou Samuel, kolot Rama. Abu emoyo loka EJAKAIT konyou kaneejai Saul, kitican ŋes emoyo loerono loabuni kama ejai EJAKAIT. Kotemasi ibulesin luka Saul ŋes atiar, “Koany, kitican jo emoyo loerono loabuni kama ejai EJAKAIT. Aso kicorak ekapolonikosi ikonibulesin luejaas akonyenekon, amoun etuŋanan loerami adeudeu kapirianut, kosodi naiiaar ijo kemoyo loerono loabuni kama ejai Edeke, ŋes do eramia ŋesi kakekan, iŋaleuni.” Kobala Saul ikebulesin atiar, “Kodumakinai etuŋanan loerami ejok, koinut.” Kosodi ediopet kokatumunak aboŋokin ebe, “Koany, aanyunit okoku loka Yese Ebetelekemit, loerami kapirianut, etuŋanan lokirigi loetitin, etuŋanan loejio, loecobe koinerike, loitemelej, ido ejai EJAKAIT kaŋes.” Kijuka Saul ikiyakia mama ejai Yese, kotema atiar, “Kijukakinai okokukon Daudi, loejaas kamerekekin.” Kolem Yese asigiria kisibwok imugatin, ka eriagi loka emukule loka ebino, ka ikalol, kijuka kes ka Daudi okokuke mama ejai Saul. Kobu Daudi mama ejai Saul, kobwo kakonyeneke: kominakin ŋes noi; koraun loedakit luiiisike. Kijuka Saul mama ejai Yese kobala ebe, “Keŋaiŋait, kocamak Daudi abwoenen kakonyeneka; naarai adumu ŋesi asianut kakonyeneka.” Kosodi kanen keiau Saul emoyo loerono loabuni kama ejai EJAKAIT, kolemuni Daudi adeudeu, koram kakekan: kicasi do Saul, konaleuni, konyou emoyo loerono kamake. Kotukonokis Ipilisitian ajorekee ejie, kotukokinos Soko, naka Yuda, kidukuroto kidin Soko ka Aseka, toma Epes-damim, Kotukokinos Saul ka ituŋa luka Isirael, kidukuroto apuuton naka Ela, kiderakinos ejie ka Ipilisitian. Kobwaata Ipilisitian komoru epuai, kobwaata luka Isirael da komoru kepuai: koiai aditot kidinikec, Kolom ekadedenan koswamin luka Ipilisitian, ekekiror Goliat, loka Gas, aoiauke ikubitin ikanykape ka atutubet naka ekubit, Konapite aboko naka aisinit kakouke, konapite da ekooti loka aisinit; alaŋir naka ekooti isekelin ilukumin ikany luka aisinit. Konapite da kakeje aisinit, ka eliru loka aisinit kopur. Koputos amorok naka akwarake bala akitoi naesonyere; ka akwarake da alopet alaŋir kitemi isekelin akwat akanykape luka asuat: kinarenenokini ŋol lokitinenenei ekebuku. Kobwo kiworo mama ejai ajore naka Isirael, kobala ebe, “Kanukinyo ilomuniata aiderakin? Mere eoŋ Epilisitiat, yes da ibulesin luka Saul? Koseutu ekes kanukus, kikokoroun neajai, Arai kepedo ejie keoŋ, kaar, asa kiluor isio ikusibulesin; konye keteleka eoŋ ŋes, kaar, asa iluoros yesi ibulesinikosi, kijaanakinete sio.” Kiner Epilisitiat ebe, “Emua lolo ajore naka Isirael; ae ekes, kaiioto.” Kiira Saul ka luka Isirael kere akiro ŋun nuka Epilisitiat, kiyalononoto, kokuriakaros noi. Kerai Daudi okoku loka Epurasit ŋol loka Bet-lekem-Yuda, lokerai ekekiror Yese; kejaas odweke ikanykauni: komoionite da etuŋanan ŋol kapaarasia nuka Saul, kokokosanite kotuna. Ketuparito odwe luka Yese lukapolok iuni Saul oiie: ikiroria da luka odweke luuni lukelositos oiie kes luta, ekiyai ŋes Eliab, loketupi da ŋes Abinadab, ka lokiwuniet ŋes Sama, Daudi ŋes eŋoorit: ketuparito lukapolok iuni Saul. Ido kobononori Daudi kama ejai Saul acok amerekekin nuka papake Bet-lekem. Kikunyununei Epilisitiat tupuruc ka eboŋ, kitodianar apaarasia akaisaoŋon. Kolimok Yese okokuke Daudi che, “Koina bo ikoniinacan epa loka imomwa luikawooritai, ka imugatin lu itomon, kisunya ayaŋaar oidukurun mama ejaas ikoniinaean: Koina ekapolon loka elukumitikee ikamonon itomon lueokito luka akile, koany kwape ejaatar ikoniinaean, kijau aititiŋetekec.” Ido Saul, ka kes, ka ituŋa kere luka Isirael, kojaas aditor naka Ela, ejiosi ka Ipilisitian. Konyou Daudi tupuruc sek, kinyeinia ekejokon amerekekin, kitin iboro, kolot kwape kieorakinia Yese; kodol aibois naka agalin, napedakun ajore ejie, kokutas ikodeta ejie. Kiderakinos Isirael ka Ipilisitian, kotereikinos ajore ka ajore. Kinyek Daudi ikeboro kakan naka ekedaran iboro, kodinirir mama ejai aiore, kolot kiyoga ikeinaean. Napiyalaete kakes, koany, kodakun etikadedenan ie, Epilisitiat loka Gas, ekekiror Goliat, konyou kokokoron luka Ipilisitian, kinera kwape kejaatar akiro kwa: kiira Daudi. Kosodete ituŋa kere luka Isirael, keanyut ekesa ie, kokerata kokuriakaros noi. Kobalas ituŋa luka Isiracl ebe, “Ianyut etuŋanan ŋol loadoku? Abeit adorit Isirael ŋes adokunia: asa arai kear ituŋanan ŋes, itabari ekabaka kabar naepol, einakini da akokuke, ido ituluori ekek loka papake loka aijamam kotoma Isirael.” Kosodi kinera Daudi kituna luedunyatar ebwoete atiar, “Ikonakinio ai ituŋanaa yeneari Epilisitiat lo, kolema amorosit kotoma Isirael? Naarai ŋes iŋai Epilisitiat lo lomam ekepitai, adorit ajore naka Edeke lokajaran?” Kobonokis ituŋa kobalas ebe, “Ikonakinio nen ituŋanan yeneari ŋes.” Kiira Eliab onaeeke lokapolon kwape enerar kituna; kinep anyunyura naka Eliab aluikin Daudi, kobala ebe, “Kanukinyo ibunio ijo da? Ido iŋai inyeinia amerekekin kwa adis kais? Ajeni akoniwononut, ka epali lokotaukon, naarai ibunit aanyun ejie.” Kobala Daudi ebe, “Ekonak bo eoŋ ai kwana? Mam akirot?” Kinyek ŋes kibelokin mama ejai ece, kinera akiro kwape kakwa; kobonokis bobo ŋes ituŋa kwape kebononokinioto nusodit. Kiirar akiro nukinera Daudi, kitejenunai Saul; konyaraarai ŋes. Kotema Daudi Saul atiar, “Kinyek etau loka irunanan aiurunun kanuken; elosi ekonibulesit ejie kEpilisitiat ŋol.” Kotema Saul Daudi atiar, “Mam ipedori airiamakin kEpilisitiat ŋol ejie kaŋes; naarai irai ijo isapat, konye ŋol ekajiot ameun keitelepaneke.” Kotema Daudi Saul atiar, “Ecokienenei ekonibulesit amerekekin nuka papake; nakebunenenoo eŋatuny, arai edubu, koyana imerekek yenikosipan. Kalomanari, katupari, kenomi kademuni kaitukuke; keebwokokin, ketini kopenekike, kenom, kaari. Abu ekonibulesit kinom eŋatuny ka edubu kere: ikonakini nen Epilisitiat ŋol lomam ekepep bala ediopet kakesi, naarai edorit aiore naka Edeke lokajaran.” Kotema Daudi atiar, “EJAKAIT loabu ketajar kabelekeka nuka eŋatuny, ka abelekeka nuka edubu, ketajari da kakan naka Epilisitiat kanol.” Kotema Saul Daudi atiar, “Kolot, ejauni Edeke kajo.” Kitanap Saul Daudi inapeneke, kidokok aboko naka aisinit akouke, kitanap ekooti loka aisinit. Koenik Daudi ekekileŋ anapitoke; kitetemo alosit; naarai mam anaikinit, Kotema Daudi Saul atiar, “Mam apedori alosit kalu; naarai mam lem anaikinit.” Kolaca Daudi kes. Kitin ekebela kakanike, koseu alica akany nuerurut kosamai, kibwaik oriagike lokicokis lokejaatar, toma ocoeke; kojai da akeporocet akanike; kikunyak Epilisitiat. Kobunok Epilisitiat koapik Daudi; kinarenikinit etuŋanan loetinenenei ekebuku. Kenolenol Epilisitiat, koany Daudi, komen; naarai kerai isapat, ikarenan, ido itemel. Kotema Epilisitiat Daudi atiar, “Arai kereka eoŋ ekiŋok, ibuni neajai kibelai?” Kilam Epilisitiat Daudi kama ejaas idekesioke, Kotema Epilisitiat Daudi atiar, “Bia neajai, kakorak akonikuan akweny nuka apak, ka itiaij luka ais.” Kotema Daudi Epilisitiat atiar, “Ibuni ijo neajai kekilen, ka eliru, ka akwara; konye eoŋ abunit mama ijai kokiror loka EJAKAIT loka ajoresio, Edeke loka ajoresio nuka Isirael nuidorit. Kikorakini lolo EJAKAIT akanika; kenomi jo, ajepari da akonikou; ido akorakini lolo akweny nuka apak, ka itian luka amagoro, atesin nuka ajore naka Ipilisitian; kojenut akwapin kere ebe ejai Edeke toma Isirael: Kojen teni atukot na kere ebe mam EJAKAIT itajari kekilen ka akwara; naarai ejie erai loka EJAKAIT, ŋes da kikorakini yes akanikosi.” Kosodi kanen, kenyou Epilisitiat, kobu kikunyak airiamakin kaDaudi, kisunya Daudi, kodinirir neejai aiore airiamakin kEpilisitiat. Kirupa Daudi akan oriagike, kolem alicait, kiiliil, koporocik, kocam Epilisitiat oreeteke; koloma alicait oreeteke, kibiror ebuburia, Kipiko Daudi kwaŋin Epilisitiat kaporoeet ka alicait, kocam Epilisitiat, koar; konye komamei ekileŋ kakan naka Daudi. Kosodi konemesiar Daudi, kieak Epilisitiat, kitin ekekileŋ, kout kakuraruke, koar, kojep akekou. Keanyut Ipilisitian ebe atwana ekadedenanikec, kokerata. Konyout ituŋa luka Isirael ka luka Yuda, ibwoŋas, korukoriata Ipilisitian aitodol neidolio Gat, korutei luka Ekuron. Kibironokinos Ipilisitian lukimusuŋitai orot loebei Saarim, kiton Gat, ka Ekuron. Kobonut idwe luka Isirael karukitor Ipilisitian, konatata iidukurunukee. Kolem Daudi akou naka Epilisitiat koyau Yerusalem; konye kinadak lujiisike owemake. Keanyu Saul Daudi elosi asurokin Epilisitiat, kotema Abiner ekapolon loka aiore atiar, “Abiner, okoku lokanai esapat ŋol?” Kobala Abiner ebe, “Kwape ejaria ekonitau, wu ekabaka, mam ajeni.” Kotema ekabaka atiar, “Kinit iŋai bo papa loka esapat kaŋol.” Napebonuni Daudi kaiar Epilisitiat, koyana Abiner ŋes, koyana mama ejai Saul kitinite akou naka Epilisitiat, Kotema Saul ŋes atiar, “Iŋai bo papakon, ijo esapat?” Koboŋok Daudi atiar, “Arai eoŋ okoku loka ebulesitikon Yese Ebetelekemit.” Kosodi kanen kenetaki einer kaSaul, kimorikikinos etau loka Yonatan ketau loka Daudi, kominakin Yonatan ŋes bala etauke elopet. Koyaŋa Saul ŋes apaaran nin, komam bobo isiikini ŋes alosit ore togo loka papake. Kosodete Yonatan ka Daudi aitutuk, naarai abu kominakin ŋes bala etauke elopet. Kolae Yonatan ekaso loanapit, koinak Daudi, ka ikenapen, ka ekekileŋ, ka akekabwa, ka arokobake. Kolosenenei Daudi neejukanari Saul ŋes kere, kikemerenenei: kodakak Saul ŋes ayait ituŋa lukajiok, kitojokata ituŋa kere, kitojokata ibulesin da luka Saul. Kosodi kanen epote kesi, kebonu Daudi kaiar Epilisitiat, kolomut aŋor koreria kere luka Isirael, eyeete kikosiete, aisiriam ekabaka Saul, ejaas kisiman, ka ekare, ka lueruos, Koyeete aŋor komeanakinos kaboliakee, kobalas ebe, “Aar Saul ekelukumit Ka Daudi da ikelukumin itomon.” Konyunyurikin Saul noi, kitakadik akirot nin; kinera ebe, “Ainakis Daudi ilukumin itomon, eoŋ da kainakis ilukumit bon; inyo bo do esalit dimarai ajakanut?” Kosesen Saul Daudi kakonu naerono amear kapaaran kaŋin ka aiyatanakin. Kosodi kanen, tupuruc kobunok Saul kagogon emoyo lokaronon loabuni kama ejai Edeke, kodwar ŋesi kokidin togo: koram Daudi kakekan, kwape eswamaenena ninipaaran: ido kitinite Saul akwara kakanike. Koremo Saul akwara; naarai abala ebe, “Aremi Daudi aiminaikin arwatat.” Kigaikin Daudi irwan aarei kakonyeneke. Kokurianari Saul Daudi naarai ajai EJAKAIT kaŋes, anyou da kama ejai Saul. Kanuka nun kisukunya Saul ŋes kamake, kodakak ŋes apolokin elukumit; kolomanari kolomununei da kakonyen nuka ituŋa, Kikemerenenei Daudi koponesioke kere; kojaenena EJAKAIT kaŋes. Kosodi keanyu Saul ebe ikemerenen noi, koyon ŋes, Konye Isirael kere ka Yuda kominas Daudi; naarai alomanari kolomununei da kakonyenekec, Kobala Saul Daudi ebe, “Koany, kakorakini jo akokuka nakapolon Merab aimany: konye kotitinior ijo koji ijiisio luka EJAKAIT.” Naarai abala Saul ebe, “Kinyek akakan atiror ŋes, konye kotiro akan naka Ipilisitian ŋes.” Kotema Daudi Saul atiar, “Iŋai eoŋ, lukanai da ikainaean, ka ekek loka papaka koIsirael, tape araun ekamuran loka ekabaka?” Konye kedol apak natikekorakinere Daudi Merab akoku naka Saul, aponi kokorakinai Adiriel Emekolatit aimany. Kominakin Mikal akoku naka Saul Daudi: kolimokinai Saul, kitojok ŋes akirot nin. Kobala Saul ebe, “Akorakini ŋes, tetere eraun eie kamaken, tetere da esurokini akan naka Ipilisitian ŋes.” Ŋes do atemaria Saul Daudi atiar, “Iraun lolo ekamuranika irwan nakiareit.” Kicorak Saul ikebulesin kere ebe, “Kinerata kaDaudi kaiyeiyea, ebe, ‘Koany, kisiyalamikinit ekabaka jo, kiminas da ikekejaanakinak kere: asa do koraun ekamuran loka ekabaka.’’’ Kinerata ikejaanakinak luka Saul akiro nun kaki nuka Daudi, Kobala Daudi ebe, “Erai akirot naedit kamakus araun ekamuran loka ekabaka, naarai eeana eoŋ, mam arai loka aibuses naepol.” Kolimokis ibulesin luka Saulnes ebe, “Ener Daudi nun.” Kotema Saul atiar, “Itemarete Daudi kwanata ebe, Mam ekabaka ekoto akiitakinio idiobore, dimarai amunyin akwatat nuka ekiliokane loka Ipilisitian, ainyania lukasurupo luka ekabaka.” Koomite Saul Daudi aario kakan naka Ipilisman. Kosodi kelimokis ikekejaanakinak Daudi akiro nun, kitoiok noi Daudi araun ekamuran loka ekabaka, Eroko apaarasia ketuboro, Konyou Daudi kolot, ŋes ka iketuŋa, koarata ituŋa akwat aarei luka Ipilisitian; koyau Daudi amunyinikee, koinakis ekabaka etiai kere, tetere eraun ekamuran loka ekabaka, Kokorak Saul ŋes Mikal akokuke aimany. Koany Saul, kojenu da ebe ejai EJAKAIT kaDaudi; kominakin Mikal akoku naka Saul ŋes. Kiyatak Saul ayoŋit Daudi; koraenena Saul lokasurup loka Daudi tiritir. Kosodete ikapolok luka Ipilisitian alomar aireb; kosodi kanen kwape alomanariata kesi aireb, kikemerenenei Daudi adepar ikejaanakinak luka Saul kere; kanuka nun koyoŋitete do noi ekekiror. Kiner Saul kaYonatan okokuke, ka ikekejaanakinak kere ebe tikearata kesi Daudi. Konye Yonatan okoku loka Saul amina noi Daudi. Kolimok Yonatan Daudi ebe, “Ekot Saul papaka aiar jo: asa do kenainait, koeoikin tupuruc, konop kaibois nakaiyeiyea: Alomari eoŋ abwoi da kapapaka komanikor loijai, eneruni nukon kapapaka; arai kajen akirot, kalimokini jo.” Kiner Yonatan nuejok nuka Daudi mama ejai Saul papake, kotema ŋes atiar, “Kinyek ekabaka adiakar kama ejai ekejaanakinanike Daudi; naarai mam ŋes ediakarit kamakon, akeswamisio da kamakon araas nukajokak noi: Naarai abu kijaik akeiiar akanike, kocam Epilisitiat, kiswama EJAKAIT aipikor naepol kanuka Isirael kere; ibu ijo da koany, kiyalamikin: kanukinyo do idiakaria ijo kama ejaas aokot numam akirot, aiar Daudi komam akirot?” Kopup Saul eporoto loka Yonatan: kiyapo Saul ebe, “Kwape ejaria EJAKAIT, mam ŋes eario.” Konyarau Yonatan Daudi, kitejen ŋes akiro nun kere. Koyanau Yonatan Daudi mama ejai Saul, kojaenena do akonyeneke kwape lem sek. Kojaun bobo ejie: koloma Daudi kitiji Ipilisitian, koara kes noi; kokerata kakonyeneke. Kobunok Saul emoyo loerono loabuni kama ejai EJAKAIT, iboie ŋesi kotogoke kakekwara kakanike; koram Daudi adeudeu kakekan. Kokoto Saul airem Daudi aiminaikin arwatat kakekwara: konye kigaikin ŋesi konyou kakonyen nuka Saul, korem do akwarake arwatat: koker Daudi koku akuare ŋin. Kijuka Saul ikiyakia togo loka Daudi aidar ŋes, tetere earete tupuruc: kotema Mikal aberu naka Daudi ŋes atiar, “Arai mam jo itajari akoniijar akuare na kiario moi jo.” Kosodi Mikal aijululuun Daudi kadirisa: kolot, koker, koku. Kolem Mikal aput naka edeke, kiperik oitada, kibwaik egoe loka ajul nuka akinei akwesike, kimuko kigoen. Nakijukaria Saul ikiyakia aikamun Daudi, kobala ebe, “Edek.” Kijuka Saul ikiyakia aanyun Daudi ebe, “Koinunai ŋes koitada, tetere aari ŋes.” Nakelomut ikiyakia, koany, ajai aput naka edeke oitada, ka egoe loka ajul nuka akinei akwesike. Kotema Saul Mikal atiar, “Kanukinyo kimodia ijo eoŋ kwaŋin, aisiikin lokasurupika alosit, tape ekui?” Koboŋok Mikal Saul atiar, “Abu katema eoŋ atiar, ‘Koosikinai kalot; kanu kainyo tikaaria eoŋ ijo?’” Koker Daudi, koku, kobu mama ejai Samuel Rama kolimok ŋes kere nuabu Saul kiswamak ŋes. Koloto ŋesi ka Samuel aiboi Naiot. Kolimokinai Saul ebe, “Koany, ejai Daudi Naiot toma Rama.” Kijuka Saul ikiyakia aikamun Daudi: nakeanyut kesi erioŋet loka inabin edwarete, ebwoi Samuel korai ekapolonikec, kodoik emoyo loka Edeke ikiyakia luka Saul, kodwarata kesi da. Kelimokin Saul nun, abu kijuka ieekiyakia, kodwarata nul da, Kijuka Saul ikiyakia bobo irwan nakiwuniet, kodwarata kesi da, Kosodi ŋesi da alosit Rama, kodol atan naepol naejai Seku: kinit ebe, “Ai bo ejaas Samuel ka Daudi?” Kotema ediopet atiar, “Koany, ajaas Naiot toma Rama.” Kobei Naiot toma Rama: kodoik ŋes da emoyo loka Edeke, kiyatak alosit, kodwar, kiton neadolio Naiot toma Rama. Kolaea ŋesi da ikegoen, kodwar ŋesi da kakonyen nuka Samuel, koper apaaran ŋin kere ka akuare ŋin kere imujalal. Ŋes atemariata ebe, “Ejai Saul da onabin?” Koker Daudi anyoun koNaiot toma Rama, kobu neejai Yonatan kotema ŋes atiar, “Eswama eoŋ anyoika? Anyoika numam adoli teka? anyoin akaronis mama ejai papakon, tape ŋes ekoto akaijar?” Kotema ŊES atiar, “Madi akuj; mam itwani: koany, mam papaka iswamai idiobore yenepol arai yenedit, komam ketejenuni eoŋ: kanukinyo kemunonikina papaka eoŋ na? Mere kwaŋin.” Kiyapo Daudi bobo atiar, “Ejeŋi papakon eut ebe adumunit asianut kakonyenekon; ebala ebe, ‘Kinyek Yonatan ajenun akiro nun, kinyek akadakin.’ Konye abeit, kwape ejaria EJAKAIT, kwape ejaria ekonitau da, ejai kidinika ka atwanareka ailamet adiopet bon.” Kosodi Yonatan atemar Daudi ebe, “Anyoika ikoto ijo keswamak, tetcre keswamakin?” Kotema Daudi Yonatan atiar, “Koany, ilamuni elap moi, mam tikakurwoki aiboikin ainyam kekabaka: konye kisiikinai kalot, tetere anopi komanikor aitodol apaaran nakiwuniet eboŋ. Arai keanyu papakon ebe amamei, itemari do atiar, ‘Abu Daudi keŋit eoŋ apedor alosit oreke Bet-lekem: naarai einakini ekekike kere asubanit naka ŋolikaru.’ Arai ketema ebe, ‘Ejok’; inapakin ekonikejaanakinan: konye arai kenyunyurikin, ijenuni ebe epeleikinit aswam aronis. Kanuka nun kikonak ekonikejaanakinan kasianut; naarai itutukoto kekonikejaanakinan aitutuket naka EJAKAIT: konye arai kejaunos numam adolit mamaka, koar ijo eoŋ elopet; naarai kanukinyo tikiyaunia eoŋ mama ejai papakon?” Kotema Yonatan atiar, “Madi akuj; naarai arai kajen eoŋ ebe epeleikinit papaka aiswamakin jo aronis, mam eoŋ tikalimok jo?” Kosodi Daudi atemar Yonatan atiar, “Iŋai bo kalimokin eoŋ arai kiibonok papakon jo kadedeŋ?” Kotema Yonatan Daudi atiar, “Kobia kaloto okitui.” Kouparos kesi iarei okitui. Kotema Yonatan Daudi atiar, “EJAKAIT, Edeke loka Isirael koraun ekaienan; naadaunia abokobok papaka kosawa kalo moi, arai apaaran nakiwuniet, koany, arai ejokuka kama ejai Daudi, mam kereka eoŋ ejukuni mamakon, ketejeni jo? Kiswamak EJAKAIT Yonatan kwaŋin, ka adepar da, arai kitojok papaka aiswamakin jo aronis, komam eoŋ ketejenuni jo, katwar jo, tetere ilosi inapakina: kojai EJAKAIT kajo, kwape ajaar lem kapapaka, Mam jo kitodianakini eoŋ asianut naka EJAKAIT aroko ajari bon, tetere mam atwani: Konye mam ilemari akonisianut kokaleka ikar kere: eebo, mam ilemari naemudiaria EJAKAIT lukasurup kere luka Daudi kakwap.” Kitutuk Yonatan kekek loka Daudi ebe, “Itepeseni EJAKAIT nin kakan naka lukasurup luka Daudi.” Kisiyapo Yonatan Daudi bobo, kanuka amina naamina ŋes: naarai amina ŋes bala eketau elopet. Kosodi Yonatan atemar ŋes atiar, “Ilamuni elap moi: eanyunio ebe imamci ijo, naarai emameun ituŋanan koicolonokon, Kidau apaarasia auni, iwonyari alosit, kodol aibois nainopitor kapaaran kaya, isalakini osiep loka amoru Esel, Agumuni eoŋ ikojoi iuni owaike, bala agumi ibore. Ido koany, ejukuni etelepat, kabala ebe, ‘Kolot komou ikojoi.’ Arai katema eoŋ etelepat atiar, ‘Koany, ejaas ikojoi osiepikon lailo: kolem kes’; kobu, naarai ejai jo ainapakin, emamei aronis, kwape ejarra EJAKAIT. Konye arai atemari eoŋ etelepat atiar, ‘Koany, elamaros ikoioi kinarenikon,’ kolot ijo; naarai kijuka EJAKAIT joo Konye akiro nukiner ijo keoŋ koany, ejai EJAKAIT kidinikon keoŋ ikar kere.” Konop do Daudi kokitui: nakilamu elap, kiboikin ekabaka ainyam inyamat. Kiboikin ekabaka oicoloŋoke, kwape atapitor, ŋes eicoloŋ loidunyas karwatat; kiteos Yonatan kaŋes, kiboikin Abiner osiep loka Saul: konye amamei etuŋanan kaibois naka Daudi. Konye mam Saul abu kolim adiokirot kapaaran kaŋin: naarai aomit ebe, “Adoiki ŋes akirot, mam ŋes elai; abeit mam ŋes elai.” Kosodi kanen kapaaran naatupakini, kedau elap ailamun, ŋes apaaran nakiareit, amamei etuŋanan kaibois naka Daudi: kotema Saul Yonatan okokuke atiar, “Kanukinyo mam okoku loka Yese ebunitor ainyam, bian karaida lolo?” Koboŋok Yonatan Saul ebe, “Abu Daudi kenit eoŋ kaimaimait noi alosit Bet-lekem: Kobala ebe, ‘Kisiikinai kalot, kenainait; naarai einakini ekekikosi asubanit kore; eeoraki da onaeeka eoŋ ajaun nina: asa do arai adumunit asianut kakonyenekon, kisiikinai kalot, kenainait, aanyun ikainaean.’ Kanuka mm ŋes emam ebunitor omesa loka ekabaka.” Kosodi anyunyura naka Saul ainepun aluikin Yonatan, kotema ŋes atiar, “Ikoku ijo yenika aberu naimaranana nakepali, mam eoŋ ajeni ebe iseunit ijo okoku loka Yese aisurum jo elopet ileic, aisurum da amujalal naka totokon ileje? Naarai mam jo icasi karaida akonijakanut eroko okoku loka Yese ejari kakwap. Aso do kijuka koomikinai, naarai abeit etwani.” Koboŋok Yonatan Saul papake ebe, “Kanukinyo earere ŋes? Anyoika iswamat ŋesi?” Koremo Saul akekwara aeamun ŋes; ŋes do ajenunia Yonatan ebe epeleikinit papake aiar Daudi. Konyou Yonatan komesa kanyunyura naededen, mam abu konyam kapaaran nakiareit naka elap: naarai akadakinit kanuka Daudi, naarai abu papake kisurum ŋes ileje. Kosodi kanen tupuruc kolot Yonatan okitui kapak naaseunito kaDaudi, ka etelepat loedit nepepe kaŋes. Kotema ŋesi etelepat atiar, “Koker cabo, komou ikojoi luagumari.” Ekeri etelepat, koguma ekojo ailam ŋes, Kosodi kedol etelepat aibois naadoi ekoj loagumari Yonatan, kiworo Yonatan etelepat ebe, “Mam ekojo kilamit jo?” Kiworo Yonatan etelepat ebe, “Koker, kiwonya, sirikiyap.” Kotukok etelepat loka Yonatan ikoioi, kobu mama ejai ejakaitike. Konye mam etelepat abu kojen idiobore: Yonatan ka Daudi bonik kes ajenete akirot. Koinak Yonatan eketelepat lujiisike, kotema ŋes atiar, “Kolot, koyana kes ore.” Atipet kelot etelepat, konyou Daudi kaibois naka ari naka Eŋalakimak, kibiror ebuburia, kokukum irwan auni: konuanaros, komonyata, aitodol neadeparia Daudi. Kotema Yonatan Daudi atiar, “Kolot inapakina, naarai kiyapo oni kere kokiror loka EJAKAIT ebe, “Eiaenena EJAKAIT kidinikon keoŋ, kidin da aurika ka aurikon, ikar kere.’’’ Konyou, kolot: koloma Yonatan ore. Kosodi Daudi abunore Nob mama ejai Akimelek esasedoti: kobu Akimelek airiamun kaDaudi komarani, kotema ŋes atiar, “Kanu kinyo iiaar ijo bon, komamei etuŋanan kajo?” Kotema Daudi Akimelek esasedoti atiar, “Keeorakinit ekabaka eoŋ aswam, katema eoŋ atiar, ‘Kinyek idiotuŋanan ajenun akirot naka aswam nakejukaritor, nakecorakinit da: eeorakinit eoŋ ikatumunak abore kamutan. Aso do inyo bo ejai akanikon? Koinakinai imugatin ikany akanika, arai ieebore kere yenejai kaio.” Koboŋok esasedoti Daudi ebe, “Emamei emugati lodue kakanika, konye ajaas imugatin lukalaunak; arai mam ca ikatumunak eperito kanor,’ Koboŋok Daudi esasedoti atiar, “Abeit mam sio kiperit kanor apaarasia nu auni; naanyounio eoŋ alaete iboro luka ikatumunak, karaida kerai alosit nakadue; elaete do noi ikeeeboro lolo,” Koinak do esasedoti ŋes imugatin lukalaunak; naarai amamei emugati dimarai imugatin luka aitodikin, lualemunio kakonyen nuka EJAKAIT ibwaikinio imugatin luemwaka kapaaran naelemarere ŋul. Ajai etuŋanan loka ikejaanakinak luka Saul nen kapaaran kaŋin, loetapaikinitai akonyen nuka EJAKAIT; ekekiror Doeg Edomait, ekapolon Ioka ikeeokok luka Saul. Kotema Daudi Akimelek atiar, “Emamei kane kakanikon akwara atai ekileŋ? Naarai mam ayaunit ekakileŋ karaida lujiisika, naarai abu aswam naka eka baka kesuburia.” Kotema esasedoti atiar, “Ekileŋ loka Goliat Epilisitiat, loiari ijo kaditot naka Ela, koany, ejai ne ienienitai kegoe kokau kepod: arai ikoto ayaŋaar, koyana: naarai emamei ece kane dimarai ŋol.” Kotema Daudi atiar, “Emamei ece loeputotor ŋol; koinakinai.” Konyou Daudi koker kapaaran kaŋin kanuka ayoŋit Saul, kolot mama ejai Akis eka baka loka Gat, Kotemasi ikejaanakinak luka Akis ŋes atiar, “Mere lo Daudi ekabaka loka akwap? Mam kes apotu koyeonokinos kokosio ebe, “Aar Saul ilukuminike, Ka Daudi da ikelukumin itomon?” Kibwaik Daudi akiro ŋun otauke, kokurianar noi Akis eka baka loka Gat. Kijulak ejauteneke kakonyenekee, kosub bala ebaŋ kakaninikee, koram ikirigin lukorute, kojalak akeimul eleleete kopenekike. Kosodi Akis atemar ikekejaanakinak atiar, “Okwe ikatuŋa, kianyut ebe ebanaana etuŋanan ŋol: kanukinyo kiinuniata? Emameete eoŋ ibaŋiok, tape iyaunete etuŋanan lo asubit ebaŋ kakonyeneka? Elomuni kereka etuŋanan lo oreka?” Ŋes do anyounio Daudi kanen, koku alosit abua naka Adulam: ido nakepuput iinaeanake, ka ekal kere loka papake, apotu koloto mamakeg. Kotukonokinos mamakeŋ ŋinituŋanan yenareitai, ka nimtunanan yenajai apesen, nmirunanan da yenakadakinit kotau; koraun ŋesi ekapolonikee: kojaas kaŋes ituŋa kwape akwat aoŋon. Kolot Daudi Misipa naka Moab: kotema ekabaka loka Moab atiar, “Keŋainait, kisiik papaka ka totoka kopotu ne aiboi kajo, aitodol naajenunia nukeswamakini Edeke.” Koyau kes akonyen nuka ekabaka loka Moab: kiboioto kaŋes apak kere naajaar Daudi abua. Kotema enabi Gad Daudi atiar, “Sirikiboi kabua; konyou kolot akwap naka Yuda.” Kosodi Daudi anyoun kobu amagoro naka Keret. Kopup Saul ebe atakanu Daudi ka ituŋa luajaas kaŋes: iboie Saul koGibea kokwap kepeduru koRama, kitinite akekwara kakanike, kobwoete ikekejaanakinak kere airimor ŋes. Kotema Saul ikekejaanakinak luebwoete airimor ŋes ebe, “Aso ca kopuputu yesi Ibenyamin; kiinakini kereka yes okoku loka Yese ŋinituŋanan imanikoria ka amanat nuka emusabibu, kidakakini ŋesi yes kere araun ikapolok luka ilukumin ka ikapolok luka akwat; Tape yes kere inerunete aluikin eoŋ, emamei idioda yeniketejenuni eoŋ naetutukioto okokuka ka okoku loka Yese, emamei idioda kayesi yenitururwei kanukan, karaida yeniketejenuni ebe eŋaraki okokuka ekakejaanakinan aluikin eoŋ, asurokin eoŋ, kwape lolo?” Kosodi Doeg Edomait, loabwoi kikejaanakinak luka Saul atemar ebe, “Abu kaany okoku loka Yese ebunit Nob, mama ejai Akimelek okoku loka Akitub, Kinit ŋesi EJAKAIT kanuka Daudi, koinak inyamat, koinak da ekileŋ loka Goliat Epilisitiat,” Kosodi ekabaka aijukar anyaraun Akimelek esasedoti, okoku loka Akitub, ka ekal kere loka papake, isasedotin luajaas Nob: kopotu kere mama ejai ekabaka, Kotema Saul atiar, “Aso ca kopup, ijo okoku loka Akitub.” Koboŋok ebe, “Ekajakait, eoŋ lo,” Kotema Saul ŋes atiar, “Kanukinyo ineruniata aluikin eoŋ, ijo ka okoku loka Yese, naarai ibu koinak ŋes imugatin, ka ekileŋ, init da Edeke kanuken, tetere enyouni aluikin eoŋ, asurokin eoŋ, kwape lolo?” Kosodi Akimelek aboŋokin eka baka ebe, “Iŋai kobulesinikon kere erai lomunot bala Daudi, loerai ekamuran loka ekabaka, ido erai lokapolon kotoma ainerunikon, erai da loka aibuses kotogokon? Lolo kereka ageunia eoŋ aiŋit Edeke kanuken? Madi akuj: kinyeik eka baka aibwaikin adiokirot mama ejai ekebulesit, karaida mama ejai ekek kere loka papaka: naarai mam ekonibulesit ejeŋi adioda kakiro kanun kere, nuikidioko arai nuipu.” Kotema ekabaka atiar, “Abeit itwani ijo, Akimelek, ijo ka ekek kere loka papakon.” Kotema ckabaka iserikaleneke, luabwoete airimor ŋes atiar, “Kibelokinos, koarata isasedotin luka EJAKAIT; naarai ejaas akecekanin kaDaudi, naarai apotu kojenut ebe aker, komam ketejenunete eoŋ.” Konye koneroto ikejaanakinak luka ekabaka aikeun akan aiar isasedotin luka EJAKAIT, Kotema ekabaka Doeg atiar, “Kibelokin ijo, koar isasedotin.” Kibelokin Doeg Edomait, koar isasedotin, koar kapaaran kaŋin ituŋa akaisakanykauni ka lukany luanapitos epod loka ebaputa. Kodany luka Nob da, ere loka isasedotin kakwanis naka ekileŋ, ikiliok ka aŋor da, idwe ka imukerun, imoŋin ka asigiria ka amerekekin, kakwanis naka ekileŋ. Koku ediopet kodwe luka Akimelek okoku loka Akitub, ekekiror Abiatar, koker atupar Daudi. Kolimok Abiatar Daudi kwape aaria Saul isasedotin luka EJAKAIT. Kotema Daudi Abiatar atiar, “Abu kajen kapaaran kaya naajaar Doeg Edomait nina ebe, abeit elimokini ŋesi Saul: eoŋ edupoo aijar naka ituŋa kere luka ekalloka papakon. Kiboikin ijo keoŋ, sirikikurianar; naarai loemoot aijaraka emoot aijarakon da: arai ijai keoŋ, iiara.” Kolimokinai Daudi ebe, “Koany, ejios Ipilisitian kaKeila, enasetc lukopejalin.” Kanuka nun kinit Daudi EJAKAIT ebe, “Alosi eoŋ aidany Ipilisitian lu?” Kotema EJAKAIT Daudi atiar, “Kolot, kodany Ipilisitian, kitajar Keila.” Kotemasi ituŋa luka Daudi ŋes atiar, “Koany, kikuriakar isio kane koYuda: mere do kikuriakar isio noi adepar kiilot Keila aitiii ajoresio nuka Ipilisitian?” Kosodi Daudi aiŋit bobo EJAKAIT, Koboŋok EJAKAIT ŋes ebe, “Konyou, kolot Keila; naarai eiaikini Ipilisitian akanikon.” Kolot Daudi ka iketuŋa Keila, kitijioto Ipilisitian, konotut ibarenekee, koarata kes kearit kaloepol noi. Kitajar kwaŋin Daudi luiboienenete koKeila. Kosodi kanen, naakeria Abiatar okoku loka Akimelek Keila mama ejai Daudi, abu koyana epod kakanike, Kolimokinai Saul ebe abu Daudi Keila. Kotema Saul atiar, “Kejaiki Edeke ŋes akanika; naarai agolor, kanu alomaria ore loeiaas ikirigin ka atiketa.” Koram Saul ituŋa kere alosit oiie, alosit Keila, alukun Daudi ka iketuŋa. Kojen Daudi ebe edonitor Saul ŋes emod; kotema Abiatar esasedoti atiar, “Koyau epod ne.” Kosodi Daudi atemar atiar, “Wu EJAKAIT, Edeke loka Isirael, apupu ekonibulesit ebe ekot Saul abunore Keila, amudiar ere kanukan. Kejaikinete ituŋa luka Keila eoŋ akanike? Ebuni kereka Saul kwape apupunio ekonibulesit? Wu EJAKAIT, Edeke loka Isirael, kenainait, kolimok ekonibulesit.” Kotema EJAKAIT atiar, “Ebuni.” Kosodi Daudi atemar atiar, “Kejaikinete kereka ituŋa luka Keila eoŋ akan naka Saul?” Kotema EJAKAIT atiar, “Kijaikinete,” Kosodete Daudi ka iketuŋa luemwaasi kwape akwat akanykape anyoun koKeila, kolototo kirimoto. Kolimokinai Saul ebe aku Daudi koKeila; mam abu kolot. Kiboikin Daudi amodiŋ abuai nuegogon, kosalak akwap nakiukon kamodiŋ naka Sip. Komoenenei Saul ŋes ninipaaran, konye mam Edeke abu kijaik ŋes akanike. Koany Daudi cbe alom Saul amoot aijarake: ajai Daudi amodiŋ naka Sip amonieik, Konyou Yonatan okoku loka Saul, kolot amonieik mama ejai Daudi, kitogogon akekan kotoma Edeke, Kotema ŋes atiar, “Sirikikurianar: naarai mam akan naka Saul papaka kidumuni ijo; ido iraun ijo ekabaka loeyait Isirael, katupakini eoŋ jo kapolou; ido ejeŋi Saul papaka ŋun.” Kitutukoto kesi iarei kakonyen nuka EJAKAIT: kiboikin Daudi amonieik, kolot Yonatan togoke, Kosodete Isipin alosit Gibea mama ejai Saul ebe, “Mam kereka Daudi enopit kobukosi kabuai nuegogon kotoma amonieik, koukot loka Kakila, loejai ari naka eŋalakimak naka amodiŋ? Aso do, kobia, wu ekabaka, kwape imielar ekonitau kere alosit: ka sio da, kijaikini ŋes akan naka ekabaka.” Kotema Saul atiar, “Kisirereŋ EJAKAIT yes: naarai kitimoto eoŋ, Kenainait, koloto, kitogogoŋoto, kojenut koanyut da aiboisike naejai akeiuke, ka yeneanyunit ŋes kaŋina: naarai kalimokinitai ebe epiriana ŋesi noi. Aso do koanyut, kojenut aiboisio nueperununo ka nueŋopenena, kopotu bobo aitogogoŋ mama ajai, kiupari do kayes: kosodi kanen arai ejai toma akwap, amouni ŋes kolukumin kere luka Yuda.” Konyout, kinarenikinito Saul alosit Sip. Konye ajaas Daudi ka iketuŋa amodiŋ naka Maon, kotoma Araba kari naka eŋalakimak naka amodiŋ. Kolot Saul ka iketuŋa amoot ŋes, Kolimokinai Daudi: ŋes do abunio neejai atiiba, kiboikin amodiŋ naka Maon. Kepupu Saul ŋun, kotupa Daudi amodiŋ naka Maon, Kolot Saul owai ediopet loka eronat, Daudi da ka iketuŋa owai ece: kisunya Daudi alosit naarai akuriana Saul; naarai apotu Saul ka iketuŋa kolukunito Daudi ka iketuŋa aikamun kes, Konye kobu ekiyakia mama ejai Saul, kobala ebe, “Kisunyite abunore; naarai iioreete Ipilisitian akwap.” Kwaŋin koboŋo Saul katupit Daudi, kolot aitiji Ipilisitian: kanuka nun apotu komaikis aibois nin Sela-Kamalekot. Konyou Daudi kanen, kiboikin abuai nuagogoŋ nuka En-gedi. Kosodi kanen kebonu Saul katupit Ipilisitian, aponi kolimokinai ŋes ebe, “Koany, ejai Daudi amodiŋ naka En-gedi.” Kosodi Saul ayaŋaar ituŋa ilukumin iuni luaseunio koIsirael kere, kolot amoot Daudi ka iketuŋa omorun luka akinei nuka ais. Kobu mama ajaas anukia nuka amerekekin korot, neajai abua; koloma Saul aimukor akekeje, Eboiete Daudi ka iketuŋa kaiboisio nukotoma abua. Kotemasi ituŋa luka Daudi ŋes atiar, “Koany, apaaran na abu EJAKAIT kobala jo ebe, ‘Koany, kejaikini lokasurupikon akanikon, iswamakini da ijo ŋes nuitoioki ijo.’’’ Kosodi Daudi anyoun, kotub atokitoit naka ekaso loka Saul kaiyeiyea. Kosodi kokau, kokadak etau loka Daudi, naarai abu kotub atokitoit naka Sau!. Kotema iketuŋa atiar, “Madi akuj eoŋ aiswamakin ekajakait loinyonyoikinit EJAKAIT akinyet akirot nin, arior akakan asurokin ŋes, kajeni ebe erai loinyonyoikinit EJAKAIT akinyet.” Kwaŋin kitikok Daudi iketuŋa kakiro kanun, mam abu kocamak kes asurokin Sau!. Konyou Saul koloma kabua, kolot. Konyou Daudi da kokau, koloma kabua, kiworo ŋesi Saul ebe, “Ekajakait, ekabaka.” Kosodi kenolea Saul kau, kokukum Daudi, kisuded. Kotema Daudi Saul atiar, “Kanukinyo ipupio ijo akiro nuka ituŋa ebe, ‘Koany, ekot Daudi aiswamakin jo aronis?’ Koany, aanyut akonikonye lolo kwape keiaikinitor EJAKAIT jo lolo akanika kotoma abua: kecorakis ice aiar jo: konye abu ketim jo: kabala ebe, ‘Mam ariori akakan asurokin ekaiakait; naarai erai loinyonyoikinit EJAKAIT akinyet.’ Bobo da, ipapa, koany, eebo, koany atokitoit naka ekasokon ejai akanika; naarai abu katub atokitoit naka ekasokon, komam kaari jo, kojen jo koany ebe emamei aronis karaida aibucaret kakanika, mam adiakarit kamakon, kwabo imoot ijo aikamun akaijar, Kirabak EJAKAIT eoŋ ka jo, kenyan EJAKAIT eoŋ kamakon: konye mam akakan kisurokini joo Kwape ebalar awaragan naka imakio lukolosek ebe, ‘Mama ejaas ikaronok ŋes elomunia aronis’: konye akakan mam kisurokini joo Iŋai nat elomunit ekabaka loka Isirael asurokin? Iŋai bo idopiat ijo? Ekiŋok lokatwan, idepidepit. Kirabak EJAKAIT, kotubok da eoŋ ka jo, koany ŋesi, kapurok, kayuu da kakanikon.” Kosodi kanen, napenetakini Daudi einer akiro ŋun mama ejai Saul, kotema Saul atiar, “Erai lo eporotokon, okokuka Daudi?” Kodelo Saul komony. Kotema ŋesi Daudi atiar, “Idolit ijo adepar eoŋ: naarai kikonak eoŋ nuejok, kwabo kekonakinit jo nueroko. Ilimo lolo kwape kikonakinia eoŋ nuejok: naarai nakejaikinia EJAKAIT akanikon, mam ibu koar eoŋ. Naarai arai kedumu etuŋanan lokasurupike, ejalakini kereka ŋes alosit eŋalei? Kanuka nun kotacak EJAKAIT jo nuejok kanuka nukiswamak eoŋ lolo. Ido koany, ajeni ebe iraun ijo ekabaka, iticasio ajakanut naka Isirael kakanikon. Aso ca kiyapoikinoi kolimite EJAKAIT, ebe mam jo imudiari akaur nakatupanakini, ebe da mam imudiari ekakiror kokek loka papaka.” Kiyapoik Daudi Saul. Kolot Saul ore; konye kolototo Daudi ka iketuŋa abua. Kotwana Samuel; kotukokin Isirael kere, kibworoto ŋes, kidaikis ŋes Rama togoke. Konyou Daudi kolot amodiŋ naka Paran. Ajai etuŋanan Maon, loaiaas ikeboro Karamel; apol etuŋanan noi, ajaas ŋes amerekekin alukumin auni, ka akinei alukumit: atubi ajul nuka amerekekinike koKaramel. Arai ekiror loka etuŋanan Nabal, ka ekiror loka aberuke Abigail: aeo aberu, etemelel da: konye kerai etuŋanan otaupe loeswamai nukaronok; arai lokotogo loka Kaleb. Kopup Daudi kamodiŋ ebe atubi Nabal ajul nuka amerekekinike. Kijuka Daudi ikatumunak itomon kotema Daudi ikatumunak atiar, “Koloto Karamel, mama ejai Nabal, kiyogata ŋes kokirorika: Itemarete ŋes loekeriana kwanata atiar, ‘Kinapakin ijo, kinapakin da ekonitogo, kinapakinos da kere luijaatar. Apup ebe ejaas jo ikatubok ajul: ikonikeeokok ajaunos kasio, mam apotu keswamakis kes aronis, amamei da ibore yenabu komameun apak kere naajaatar Karamel. Kinit ikatumunakakon, kilimokinete jo; asa do kodumut ikatumunak asianut kakonyenekon; naarai kipou kapaaran kanaejok: keŋainait, koinak yenejai akanikon ibulesinikon ka okokukon Daudi.’’’ Kosodi kepotu ikatumunak luka Daudi, kolimokis Nabal kwape ajaatar akiro nun kere kokiror loka Daudi, kililiŋata. Koboŋok Nabal ibulesin luka Daudi ebe, “Iŋai bo Daudi? Iŋai bo da okoku loka Yese? Ipu kwana ibulesin luesiete ŋinituŋanan kama ejai ekapolonike. Do kereka eoŋ alemun ikamugatin ka akakipi ka akakiriŋ naarakinit ikakatubok ajul ainakin ituŋa lumam ajeni nekeponiata?” Kibelokinos ikatumunak luka Daudi, kobonosi, kolimokis ŋes kwape ajaatar akiro ŋun kere. Kotema Daudi iketuŋa atiar, “Konapata yesi ŋinituŋanan ekekileŋ.” Konapa kesi ninitunanan ekekileŋ; konap Daudi da ekekileŋ: kotupasi ituŋa akwat aoŋon Daudi: kopaikis akwat aarei oboro. Konye abu ediopet kokatumunak kolimok Abigail aberu naka Nabal ebe, “Koany, abu Daudi kijuk ikiyakia kamodiŋ ayogan ejakaitikosi; kisiejanak kes. Konye kikonakis ituŋa nul sio ejok, mam apotu kiswamakis sio aronis, amamei da ibore yenabu komameun, apak kere nakiboio kakes, nakijaar ais. Araas kesi arwatat kamakosi kuare ka paaran da, apak kere nakijaar kakes kieokie amerekekin. Aso do kojen, koomoom nuiswamai; naarai epeleikinitai aiswamakin ejakaitikosi aronis ka eketogo kere: naarai kanu eraar ŋesi otaupe, mam ituŋanan epedori einer kaŋes.” Kosodi Abigail aisunyakin, kolem imugatin akwat aarei, ka iriagin iarei luka imukulen luka ebino, ka amerekekin akany nuepoitoi, ka aitemisio akany nuka imumwa luikawooritai, ka aibuneta akwatat nueokito nuka imusabibun, ka alunureta akwat aarei nuka itinin, kisibwok asigiria. Kotema ikatumunakake atiar, “Kiŋarenikinoi; koany, katupuni yes.” Konye mam abu kolimok okilenike Nabal. Napeibwaneni ŋesi akesigiria, kijesar neiteriboria eronat, ido koany, kijesunos Daudi da ka iketuŋa kiriamunos kakes. Abu Daudi kobala ebe, “Abeit abu kedar atitai kere luaiaatar etikesa lo amodiŋ, komam yenabu komameun koboro kere luajaatar: katacaki ŋesi eoŋ aronis itia ajokis. Kiswamak kwaŋin Edeke lukasurup luka Daudi, adepar da, arai kenyek idiokoku yenisapat kotoma luejaatar kere moi eniuni akoloŋ.” Kosodi keanyu Abigail Daudi, kisunyak adokun kasigiriake, kibiror ebuburia kakonyen nuka Daudi, kokukum. Kibirokin akejeke kotema atiar, “Kabeikis eoŋ, ekajakait, kabeikis eoŋ numam adolit: kenainait, kisiik akonibulesit kiner kakiikon, kopup ijo akiro nuka akonibulesit. Kenainait, kinyek ekajakait apodokin otaupe ŋol, ŋes Nabal: naarai kwape ejaar ekekiror, ikoni ŋesi da nepenen: Nabal ŋes ekekiror, ebanaana ŋesi: konye mam eoŋ akonibulesit abu kaany ikatumunak luka ejakaitika, luibu kijuk. Aso do ekajakait, kwape ejaria EJAKAIT, kwape eiaria da ekonitau, naarai abu EJAKAIT kitikok jo agwaun akirot naka aokot, ainyaŋ kakonikan, asa kiswamata lukasurupokon, ka luemoatar ejakaitika aronis bala Naba!’ Aso ca ainakinet na naayau abulesitikon ekajakait koinakinai ikatumunak luetupitos ekajakait. Kenaiŋait, kisioni aibucaret naka abulesitikon: naarai abeit iticasi EJAKAIT ekek loka ekajakait, naarai ejio ekaiakait ijiisio luka EJAKAIT; mam aronis edumakinio mamakon apaarasiakon kere. Karaida kenyou etuŋanan aidap jo, amoot aijarakon, konye eenikinitai aiiar naka ejakaitika arita naka ikajarak kibuakite EJAKAIT Ekonideke; eporocari aijar naka lukasurupokon, bala ejai toma aporocet. Kosodi kanen naiswamakinia EJAKAIT ejakaitika kwape ejaatar nukajokak kere nuener mamakon, nakiseunia da ijo araun ekepolon loka Isirael; Mam na kitakadikini jo, mam eraun aitiguikinet nakotau loka ejakaitika, ebe ibuko aokot komam akirot, arai ebe enyana ekajakait kanuken: naikonakinia EJAKAIT ekajakait ejok, ŋes do iitunio akonibulesit.” Kotema Daudi Abigail atiar, “Kituritete EJAKAIT, Edeke loka Isirael, lokijukuni jo lolo airiamun keoŋ: Kituritete da akonicoa, kituritete jo da, naitikok eoŋ agwaun akirot naka aokot, ka ainyaŋ kanukan kakakan. Naarai abeit, kwape ejaria EJAKAIT, Edeke loka Isirael, loketikoki eoŋ aiswamakin jo aronis, kedim ijo aiwonyun airiamun keoŋ, abeit timam kideikin Nabal idiokoku yenisapat tupuruc eniuni akoloŋ.” Kwaŋin kiiau Daudi kakekan luainunit ŋes: kotema ŋes atiar, “Kolot togokon kainapakin; koany, apupok ekoniporoto, acam da akonikiro.” Kobu Abigail neejai Nabal; ido koany, epoit epucit kotogoke, bala epueit loka ekabaka; kiyalama etau loka Nabal, naarai amera noi: kanuka ŋun mam abu kolimok ŋes adiokirot kere, aitodol neaniunia akoloŋ tupuruc. Kosodi kanen tupuruc, kikua emeret loka Nabal, kolimok aberuke ŋes akiro nun, kipirisiar etauke kotomake, koluor bala amoru. Kosodi kanen, ketuboros apaarasia kwape atomon, kinom EJAKAIT Nabal, kotwana. Nakepupunia Daudi ebe atwana Nabal, kobala ebe, “Kituritete EJAKAIT, loapuroki akirot naka amorositika kakan naka Nabal, loereboo ekebulesit karonis: enyakaki EJAKAIT nukaronok nuka Nabal akouke.” Kijuka Daudi ikesinerak Abigail, ayaŋaar ŋes mamake aimany. Kosodete kepotu ibulesin luka Daudi Karamel neejai Abigail, kobalas ŋes ebe, “Kijukunit Daudi sio neijai ijo, ayaŋaar jo mamake aimany.” Konyou, kokukum, kobala ebe, “Koany, abulesitikon erai abulesit nailosenenei akeje nuka ibulesin luka ekajakait.” Kisunyak Abigail, konyou, kibwanen asigina, kakepesur akany nuatupitos ŋes; kotupa ikiyakia luka Daudi, koraun akeberu. Komany Daudi Akinoam naka Yesereel; koraunos kere nuarei akenor, Abu Saul kokorakinite Mikal akokuke, aberu naka Daudi, Paliti okoku loka Lais, loarai loka Galim. Kopotu Isipin Gibea neejai Saul, kobalas ebe, “Mam kereka Daudi enopit koukot Ioka Kakila, loitei amodinj” Kosodi Saul anyoun, kolot amodiŋ naka Sip, koiaas kituna luseuna luka Isirael ilukumin iuni amoot Daudi amodiŋ naka Sip, Kidukur Saul oukot loka Kakila loitei amodiŋ ariri naka erot, Konye eboic Daudi kamodiŋ, koany da ebe ibwapunit Saul ŋes amodiŋ. Kanuka nun kijuka Daudi ikarotak, kojen eut ebe abu Saul. Konyou Daudi, kobu aibois naedukurit Saul: koany Daudi aibois naaperio Saul, ka Abiner okoku loka Ner ekapolon loka ajoreke: aperi Saul kokidin kagalin, kidukurito ituŋa alukun ŋes, Kosodi Daudi aboŋokin kotema Akimelek Ekitit, ka Abisai okoku loka Seruia, onaee loka Yoab, ebe, “Iŋai kiupar keoŋ oidukurun neejai Saul? “Kobala Abisai ebe, “Kiupar eoŋ kaio.” Kwaŋin kopotu Daudi ka Abisai neejaas ituŋa kuare: ido koany, aperi Saul koiotoi kokidin kagalin, kodupakina akekwara kwap kakouke: koperete Abiner ka ituŋa alukunite ŋes, Kosodi Abisai atemar Daudi atiar, “Kiiaik Edeke lokasurupikon akanikon lolo: aso keŋainait koeamakinai keeum ŋes kakwara aipelor kiton alup aieumet adiopet, mam erueakini aicum ŋes nakiareit.” Kotema Daudi Abisal atiar, “Sirikiar ŋes: naarai iŋai eriori akekan aluikin loinyonyoikinit EJAKAIT akinyet, komam egwaun akirot?” Kotema Daudi atiar, “Kwape ejaria EJAKAIT, inomi EJAKAIT ŋes; diat edoluni apaaran naka atwanareke; elemuni kolot ojie, koarakinai nina, Madi akuj eoŋ arior akakan aluikin loinyonyoikinit EJAKAIT akinyet: konye, kenainait, kolem akwara naejai akouke, ka etuo loka akipi, kaloto.” Kwaŋin kolem Daudi akwara ka etuo loka akipi kakou naka Saul; koloto, mam ituŋanan yenabu koany karaida ajenun, karaida idio akwenyun: naarai ajotoete kere; naarai etoiotoorit EJAKAIT kes aio nuipu. Kosodi Daudi alosit oitela je, kobwo kaidi naka eronat kama elwana; kojai apak naelal noi kidinikec, Kiworo Daudi ituŋa, ka Abiner okoku loka Ner ebe, “Abiner, mam jo ibonokinir “Kosodi Abiner aboŋokin ebe, “Iŋai ijo loiworot ekabaka?” Kotema Daudi Abiner atiar, “Mere jo etuŋanan loititin? Iŋai da iputotor ijo koIsirael? Aso kanukinyo mam jo idaritor ekoniiakait ekabaka? Naarai abu ediopet koruna kobu aiar ekabaka ekonijakait. Mam ejok ibore nin yeniswama ijo, Kwape eiaria EJAKAIT, ibusakinit yes atwakare, naarai mam ipotu kidara ekusijakait, loinyonyoikinit EJAKAIT akinyet. Aso do koany, neejai akwara naka ekabaka ka etuo loka akipi loajai akouke.” Kojen Saul eporoto loka Daudi, kotema atiar, “Erai ŋol ekoniporoto, okokuka Daudi?” Kotema Daudi atiar, “Eebo, ekaiakait, wu ekabaka, ŋes ekaporoto.” Kotema atiar, “Kanukinyo idopiator ekajakait ekebulesit? Eswama anyoika? Ido aronis anyoin ejai akanika? Aso, keŋainait, kopup ekajakait ekabaka akiro nuka ekebulesit, arai erai EJAKAIT kituluikinit jo eoŋ, kocam ŋesi ainakinet: konye arai eraas idwe luka ituŋa, kikenoi kes kakonyen nuka EJAKAIT; naarai kereneasi eoŋ lolo kenyek aidon airumet naka EJAKAIT kobalas ebe, “Kolot, kijaanak icedekesio.’ Aso do, kinyeis akaokot abukokinio akwap naemamei EJAKAIT: naarai alomu ekabaka loka Isirael amoot idepidepit, kwape emejaa ituŋanan atapen koronan.” Kosodi Saul atemar atiar, “Adiaka eoŋ: koboŋ, okokuka Daudi: naarai mam bobo keswamakini jo aronis, naarai ibu koyon akaijar lolo: koany, eswama nukabanaanut, apaa da noi.” Koboŋok Daudi ebe, “Koany akwara, wu ekabaka Aso do kobu ediopet kokatumunak koom. Ikonakini EJAKAIT ninituŋanan kwape ejaar akedolit ka amunonutuke: naarai abu EJAKAIT kijaik jo akanika lolo, konye mam abu kario akakan aluikin loinyonyoikinit EJAKAIT akinyet. Ido koany, kwape abu kayonia akoniijar lolo, koyonai do akaiiar da kakonyen nuka EJAKAIT, kayuu da eoŋ koean kere.” Kosodi Saul atemar Daudi atiar, “Kisirereni ijo, okokuka Daudi: iswamai ijo nukagogon, ipikori da.” Kolot Daudi orotoke, kobono Saul da aiboisike, Kobala Daudi kotauke ebe, “Atwanikini moikaee eoŋ akan naka Saul: emamei ibore yenejok kamaka dimarai eoŋ alosit akwap naka Ipilisitian; kapaluni do Saul eoŋ, mam bobo kamoi eoŋ oikorun kere luka Isirael: kwaŋin akui do eoŋ kakanike.” Konyou Daudi, kotubor, ŋes ka ituŋa akwat akanykape luajaas kaŋes, mama ejai Akis okoku loka Maok, ekabaka loka Gat, Kiboienenei Daudi koGat nepepe ka Akis, ŋes ka iketuŋa, nolitunanan kekekal, Daudi da kakenor aarei, Akinoam Ayesereelit, ka Abigail Akaramelit, aberu kolo naka Nabal. Kolimokinai Saul ebe aker Daudi Gat: mam bobo abu komo ŋes. Kotema Daudi Akis atiar, “Arai adumunit asianut kakonyenekon, kainakis kes eoŋ aibois kore ediopet korony, tetere eboikin nina: naarai kanukinyo iboioto ekonibulesit kajo kore loka ekabaka?” Kosodi Akis ainakin ŋes Sikilag kapaaran kaŋin: ŋes do araunor Sikilag loka ikabakan luka Yuda aitodol lolo. Emwaasi apaarasia nuabu Daudi kiboio kakwap naka Ipilisitian ekaru ediopet ka ilapio iwonon, Kolosenenete Daudi ka iketuŋa kosuronokis Igesurin, ka Igirisin, ka Imalekain: naarai atekerin nun eboienenete apeŋo kakwap kiton Sur, kiton akwap nako Misiri. Kodany Daudi ituŋa, mam abu kitajar etuŋanan arai aberu, konata amerekekin ka imoŋin, asigiria ka akaalai, ka igoen; kobono, kobu neejai Akis, Kotema Akis atiar, “Ai bo lolo ipotu kosurokis?” Kotema Daudi atiar, “Eŋalakimak naka Yuda,” ka “Eŋalakimak naka Iyerameelin,” ka “Eŋalakimak naka Ikenin.” Mam Daudi abu kitajar etuŋanan karaida aberu, ayaŋaun kes Gat, kobala ebe, “Kinyeis einer ebe, ‘Eswama Daudi kwanata.’’’ Ido eswamaenenei ŋesi kwaŋin apak kere naeboienonoo kakwap naka Ipilisitian. Kiyu Akis Daudi, kobala ebe, “Ainaki iketuŋa Isirael aila ŋes eut; kanuka ŋun eraun ekakejaanakinan ikar kere.” Kosodi kanen kapaarasia kanun, kotukonokis Ipilisitian akeeejoresio kanuka ejie, aitiji Isirael. Kotema Akis Daudi atiar, “Kojen ijo eut ebe kilosi ijo keoŋ ajore, ijo ka ikonituŋa.” Kotema Daudi Akis atiar, “Kanuka nun ijenuni nuiswamai ekonikejaanakinan.” Kotema Akis Daudi atiar, “Kanuka nun kadakakini araun ekedaran akouka apaarasia kere.” Abu Samuel kotwanite, abu da Isirael kere kibworo ŋes, kidaikinai ŋes Rama, oreken, Abu Saul kirenearite luejaas aiokin, ka ikaeudak kakwap. Kotukonokinos Ipilisitian kopotu kidukuroto Sunem: kotukok Saul Isirael kere, kidukuroto Giliboa. Keanyu Saul aiore naka Ipilisitian abu kokurianar, komaran eketau noi. Kosodi nakinisia Saul EJAKAIT, mam EJAKAIT abu koboŋok ŋes, karaida kotoma airujasia, karaida koUrim, karaida konabin. Kosodi Saul atemar ikebulesin atiar, “Komoikinai aberu naejai ajokit, tetere alosi mamake aiŋitun.” Kotemasi ikekejaanakinak ŋes atiar, “Koany, ejai aberu En-dor naejai aiokit.” Kitegelikin Saul, konap ieenapen, kolot, ŋes ka ituŋa iarei, kopotu neejai aberu kuare: kotema atiar, “Keŋainait, kodwarakinai kaiokit, kitodokik eoŋ kere yenikalimokini.” Kotema aberu ŋes atiar, “Koany, ijeni nueswama Saul, kwape erenearia luejaas ajokin ka ikacudak kakwap: kanukinyo ilokia ijo akaijar, aiar eoŋ?” Kiyapcik Saul ŋes kolimit EJAKAIT ebe, “Kwape ejaria EJAKAIT, mam adiokiticanet kidoikin jo kanuka akirot kana,” Kosodi aberu atemar atiar, “Iŋai bo etodokuni mamakon?” Kotema atiar,” Kitodokikinai Samuel.” Keanyu aberu Samuel, kodelo keporoto loepol: kotema aberu Saul atiar, “Kanukinyo kimodia ijo eoŋ? Kwabo irai ijo Sau!.” Kotema ekabaka ŋes atiar, “Sirikikurianar: naarai inyo iseseni ijo?” Kotema aberu Saul atiar, “Aseseni edeke edokuni kokwap.” Kotema ŋes atiar, “Ejesi ŋesi ai?” Kotema atiar, “Edokuni emoion; erapiara kekaso.” Kojen Saul ebe arai Samuel, kokukum, kisuded, Kotema Samuel Saul atiar, “Kanukinyo kilonilonia aitodokun?” Koboŋok Saul ebe, “Ajai ocan luipu noi; naarai ketijiete Ipilisitian, anyou da Edeke kamakaŋ, mam bobo kabononokini, karaida konabin, karaida kotoma airuiasia: kanuka nun ŋes kanyaraunia jo, tetere kitejenuni nueswamai.” Kotema Samuel atiar, “Aso kanukinyo kinisia eoŋ, naarai anyou EJAKAIT kamakon, erai da lokasurupikon? Eswama EJAKAIT kanuke, kwape abu kineria kamakaŋ: acila EJAKAIT ajakanut kakanikon, ainaki eidunyetekon Daudi, Naarai mam ibu korima eporoto loka EJAKAIT, mam ibu kitodol anyunyurake naededen kama ejai Amalek, kanuka nun ŋes kiswamakinia EJAKAIT jo akirot na lolo. Bobo da ijaikini EJAKAIT Isirael ka jo da akan naka Ipilisitian: moi iiaunos ijo ka odwekon nepepe keoŋ: ijaikini EJAKAIT ajore naka Isirael akan naka Ipilisitian.” Kosodi Saul alatakin kwap, kokurianar noi kanuka akiro nuka Samuel: komameun ŋes agogoŋ; naarai mam anyamit adiotap apaaran kere, ka akuare kere, Kobu aberu neejai Saul, koany ebe eyalononoi noi, kotema ŋes atiar, “Koany, apupoki akonibulesit eporotokon, adaearit akaiiar, apupok akonikiro nuibu kolimok eoŋ. Aso, kenainait, kopupok ijo da eporoto loka abulesitikon, kainu jo adiotap; konyam, tetere igogonior, nailosio korotokon.” Konye koner, kotema atiar, “Mam anyami.” Konye kitinaikis ŋes ikekejaanakinak ka aberu; kopupok ŋesi ekeceporoto, Konyou kokwap kiboikin oitada. Ajai aberu itaok yenatumit togo; kiwonya, koar ŋes; kolem akiria, kono kope imugatin lumam itubuunitoi: Koinu ŋesi Saul ka ikekejaanakinak; konyamata. Kosodete anyoun, kolototo akuare ŋin. Kotukonokis Ipilisitian ajoresiokee kere Apek: kidukuroto Isiraelin ariri naka atan naejai Yesereel. Kotubonoros ijaka luka Ipilisitian kakwat ka ilukumin, kotuboros Daudi da ka iketuŋa kokau ka Akis. Kosodete ikapolok luka Ipilisitian atemar atiar, “Inyo bo iswamaete Iburanian lu kane?” Kotema Akis ikapolok luka Ipilisitian atiar, “Mere lo Daudi, ekejaanakinan loka Saul ekabaka loka Isirael, loejai nepepe keoŋ apaarasia kanu, arai ikar lu, mam adumunit adioibuearet kamake ageun neasiunia mamakan aitodol lolo?” Konye konyunyurikinos ikapolok luka Ipilisitian, kotemasi ikapolok luka Ipilisitian ŋes atiar, “Kitobono etuŋanan lo, tetere eboŋori aiboisike naiseikinit ijo ŋes, sirikelot kaoni ojie, kinyek araun lokasurupiwok kojie: naarai ikonakini ai etuŋanan loepucete kejakaitike? Mere ti kakwes nuka ituŋa kalu? Mere lo Daudi, loayeononoto ikosiete ebe, ‘Aar Saul ikelukumin, Aar Daudi da ikelukumin itomon?’” Kosodi Akis anyaraun Daudi, kotema ŋes atiar, “Kwape ejaria EJAKAIT, irai ijo loitenara, ido akonilomar ka akonilomun nepepe keoŋ kajore ejok kakonyeneka: naarai mam adumunit aronis kamakon ageun kapaaran naka abunorekon mamakan kiton lolo: konye mam ijaka kikotos jo. Aso do kobono, kolot kainapakin, tetere mam itakadikini ijaka luka Ipilisitian.” Kotema Daudi Akis atiar, “Konye eswama anyoika? Ido inyo idum ijo kaneejai ekejaanakinanikon kapak nakijaar kajo kiton lolo, tape mam alosi aitiii lukasurup luka ejakaitika ekabaka?” Koboŋok Akis kotema Daudi atiar, “Ajeni ebe ijok ijo kakonyeneka, kwape emalaika loka Edeke: konye alimut ijaka luka Ipilisitian ebe, ‘Mam elosi kaoni oiie.’ Aso do kodilok anyoun tupuruc ka ikejaanakinak luka ejakaitikon luiupuna kaio: atipet kinyout tupuruc, keniu akoloŋ kolototo.’ Kodilok Daudi anyoun, ŋes ka iketuŋa, alosit tupuruc, aboŋor akwap naka Ipilisitian. Koloto Ipilisitian Yesereel. Kosodi kanen, kepotu Daudi ka iketuŋa Sikilag kapaaran nakiwuniet, apotu Imalekain kosurokinito ari naka Eŋalakimak, ka Sikilag, konatasi luka Sikilag, kicweikisi ere kakim; Kijoreosi aŋor ka luajaas toma kere Iudidik ka lukapolok da: mam apotu koarata idioda, konye koyanaasi kes, koloto. Kepotu Daudi ka iketuŋa ore, koany, ecweitai kakim; ejoreoritai aŋorokec, ka ikecedwe lusap ka lupesur. Kosodi Daudi ka ituŋa luajaas kaŋes adelor, komonyata, aitodol naekarakiniata aimony. Eioreoritai aŋor aarei nuka Daudi, Akinoam Ayesereelit, ka Abigail aberu kolo naka Nabal Akaramelit. Koiaikini Daudi oean luipu noi: naarai alimitos ituŋa aibiribir ŋes kamor, naarai akadakinito itauon luka ituŋa kere, ŋolituŋanan kanuka ikedwe lusap ka lupesur: konye kogogonior Daudi kotoma EJAKAIT Ekedeke. Kotema Daudi Abiatar esasedoti, okoku loka Akimelek, atiar, “Kenainait, koinunai epod.’ Koinu Abiatar Daudi epod. Kinit Daudi EJAKAIT ebe, “Arai kebwap eoŋ erioŋet lo, adolokini kereka eoŋ kes?” Koboŋok ebe, “Kibwap: naarai abeit idolokini ijo kes, mam kikurwokini ainyakun kere.” Kolot Daudi, ŋes ka iketuŋa akwat akanykape luajaas kaŋes, kodoloto aleles Besor, neasalakinete nul Iuelanyakinio, Konye kibwap Daudi, ŋes ka ituŋa akwat aoŋon: naarai apotu akwat aarei kosalakis, luelolonyito komam epedorete aitub aleles Besor, Kodumut Emisiriat kokitui, koyaut ŋes neejai Daudi, koinakis ŋes inyamat, konyam; koinakis ŋes akipi aimat: Koinakis ŋes atutubet naka aluŋuret naka itinin, ka aibuneta aarei nueokito nuka imusabibun. Kedau ŋesi ainyam, kikwar: naarai mam anyamit atap, karaida aimat akipi apaarasia auni ka akuaresia auni. Kotema Daudi ŋes atiar, “Lokanai ijo? Ido lali bo kibunio?” Kotema atiar, “Arai eoŋ esapat Emisiriat, ebulesit loka Emalekait; kajal ejakaitika eoŋ, naarai apenata apaarasia auni adeka, Apotu kasurokisi ari naka eŋalakimak naka Iceretitin, ka ari naka Yuda, ka Eŋalakimak naka Kaleb; kecweata Sikilag kakim.” Kotema Daudi ŋes atiar, “Kiyanaari ijo eoŋ orionet ŋol?” Kotema ŋes atiar, “Kiyapoikinoi kolimite Edeke, ebe mam jo kiari eoŋ karaida aijaikin eoŋ akanin nuka ekajakait, kayanaari jo orionet ŋol.” Kedau ŋesi ayaŋaar ŋes, koany, esiarakina akwap kere, enyamete, emasete, ekosiete, kanuka lunatan kere luipu luapotu koyaut kakwap naka Ipilisitian ka akwap naka Yuda. Kodany Daudi kes ageun napimukokini akwap aitodol atiboŋ naka apaaran naatupakini: mam idiotuŋanan abu koku kakesi, dimarai ikatumunak akwat aoŋon luapotu kibwanenoto akaalai kokerata. Kinyak Daudi kere luanatarito Imalekain: koyuu Daudi akenor aarei. Komamei koborokec yenaoliorit, yenepol karaida yenedit; karaida ikeeedwe lusap ka lupesur, karaida lunatan, karaida iboro kere luanatarito: kinyak Daudi kere. Koyana Daudi isipanin kere luka amerekekin ka luka aituk, luameeto koinaren kibaren ice, kobala ebe, “Lu kes iŋatan luka Daudi.” Kobu Daudi mama ejaas ituŋa kwi akwat aarei, luapotu kilolonyata tape mam epedorete atupar Daudi, luaponi kitasalikinai aleles Besor: koloto airiamun ka Daudi, airiamun da kituna luaupas kaŋes: kosodi kedoloki Daudi ituŋa, kiyoga kes, Kosodete ituŋa kere lukaronok ka ituŋa luka Belial, kotoma kanul kalualosito ka Daudi aboŋokin ebe, “Kanu naarai mam apotu koloto kaoni, mam kiinakini kes idiobore kotoma lunatan lukinyaku, dimarai koyana ninitunanan akeberu ka ikedwe, koloto.” Kosodi Daudi atemar atiar, “Ikainaean, mam iswamakinete kwaŋin iboro lukiinak EJAKAIT oni, lokidar oni, loabu kijaik erioŋet lokisurokinit oni akaniwok. Iŋai kipupokini yes kakirot kaŋin? Naarai kwape ejaar akorakinet naka ŋol kaloelosi oiie, kwape kwaŋin da eiaar akorakinet naka ŋol kaloidari iboro: ekorokoroete koriakas.” Koiaun kwaŋin amear kapaaran kaŋin ka aiyatanakin, kisilak araun ekisil ka aicorakinet mama ejaas idwe luka Isirael, kiton lolo. Kedol Daudi Sikilag, kijukak imakio luka Yuda, ikepapero, ice kotoma lunatan, ebe, “Koany, ainakinetekus kotoma lunatan kaneejaas lukasurupo luka EJAKAIT.” Ainakinet mama ejaas luka Bet-el, ka luajaas Ramot loka Eŋalakimak, ka Iuajaas Yatir; Ka luajaas Aroer, ka luajaas Sipimot, ka luajaas Esitemoa; Ka luajaas Raeal, ka luajaas oreria luka Iyerameelin, ka luajaas oreria luka Ikenin; Ka luajaas Koruma, ka luajaas Kor-asan, ka luajaas Atak; Ka luajaas Keburon, ka mama ejaas aiboisio kere nuatapit Daudi alosenen ka iketuŋa. Kitijioto Ipilisitian Isirael: kokerata ituŋa luka Isirael kakonyen nuka Ipilisitian, koarakinai moru Giliboa. Kodapata noi Ipilisitian Saul ka odweke; koarata Ipilisitian Yonatan, ka Abinadab ka Maliki-sua, odwe luka Saul. Kipikoroi Saul kojie, kodolokis ŋes ikagumak imalia; kobur noi kanuka ikagumak imalia. Kosodi Saul atemar loadakit lujiisike atiar, “Kout ekonikilen, kieumia eoŋ; kinyeis lumam ekepep lu abunore aicum eoŋ, aitisil eoŋ,” Konye koner loadakit lujiisike; naarai akuriana noi. Kanuka ŋun kolem Saul ekekileŋ, kicumakinor. Keanyu loadakit lujiisike ebe atwana Saul, kieumakin ŋesi da kekekilen, kotwana nepepe kaŋes. Kwaŋin kotwana Saul, ka odweke iuni, ka loadakit luiiisike, ka iketuŋa kere, kapaaran kaŋin kere nepepe. Keanyut ituŋa luka Isirael luajaas juwai naka aditot, ka ŋul luajaas juwai naka Yorodan ebe akerata ituŋa luka Isirael, atwana da Saul ka odweke, koialata ireria, kokerata; kopotu Ipilisitian kiboikinos toma. Kosodi kanen tupuruc kepotu Ipilisitian aiŋat lukearitai, kodumut Saul ka odweke iuni etwakikinito moru Giliboa. Koiepasi akekou, konatasi Iuiiisike, kijukasi akwap naka Ipilisitian naerimorit, ayaŋaar akiro togo loka aputosiakee nuegerer, kotuna da. Kibwaikis lujiisike togo loka Asitarot: koenikis akekuan arwatat naka Bet-san, Kepuput lueboienenete koYabes-Gilead nuken nuapotu Ipilisitian kiswamakis Saul. Konyout ituŋa kere luatitiŋ, koloto akuare kere, kolemut akuan naka Saul ka awat nuka odweke karwatat naka Bet-san; kopotu Yabes, kicweata kes kanen. Koyanaasi akojokee, konukakis kwap kepeduru koYabes, kikanyata eteŋei apaarasia akanykaarei. Kosodi kanen kedau Saul atwanare, keboŋu Daudi kaiar Imalekain, kodaunite da Daudi apaarasia aarei koSikilag; Kosodi kanen kapaaran nakiwuniet, koany, kobu etuŋanan koidukurun kama ejai Saul kocilicilite ikenapen, kojukite alupot da akouke; kosodi kedol mama ejai Daudi, kisuded, kiyoga. Kobala Daudi ŋes ebe, “Laali bo kibunio?” Kotema atiar, “Akui koidukurun luka Isirael.” Kobala Daudi ŋes ebe, “Ekote bo ai? Keŋaiŋait kolimokinai.” Koboŋok ebe, “Akera ituŋa kojie, ido ebiroros ituŋa luipu atwaka; Saul ka okokuke Yonatan atwaka kesi da.” Kobala Daudi etelepat lokelimokini ŋes ebe, “Kijenuni biai ebe atwana Saul ka okokuke Yonatan?” Kotema etelepat lokelimokini ŋes atiar, “Napajaar eoŋ moru Giliboa, koany, kogoŋakin Saul akwarake; ido koany, agalin ka luibwanenito kituburuunitos. Kosodi keŋolia kau, kaany eoŋ, kanyara. Kaboŋok ebe, “Eoŋ lo.’ Katemaeoŋ atiar, ‘Iŋai bo ijo?’ Kaboŋok ŋes ebe, “Eoŋ Emalekait.’ Katema eoŋ atiar, ‘Keŋaiŋait, kobwo kosiepika, koar eoŋ, naarai kerumut iean; naarai akaijar eroko ejari kotomakaŋ.’ Kasodi aibwo kosiepike, kaar ŋes, naarai abu kajen cut ebe mam epedori araut ekajaran kedau aibirokin kwap; kayaŋa aboko naajai akouke, ka aisinit naajai akanike, ido ayaunit mama ejai ekajakait.” Kosodi kitiŋ Daudi ikenapen kocil; kiswamata da kwape kwaŋin ituŋa kere lukejaas kaŋes. Kibworoto, komonyata akiyo, koluŋata aitiwar akwap, kanuka Saul, kanuka Yonatan da okokuke, kanuka ituŋa luka EJAKAIT, kanuka ekek da loka Isirael; naarai ebiroros kekileŋ, Kobala Daudi etelepat lokelimokini ŋes ebe, “Lokai bo ijo?” Koboŋok ebe, “Arai eoŋ okoku loka emoit, Emalekait.” Kobala Daudi ŋes ebe, “Kanukinyo mam kiyoŋia arior akonikan amudiar ŋol loinyonyoikinit EJAKAIT akinyet?” Konyarau Daudi ediopet kotelepai, kolimok atiar, “Kikunyak, kosomakin.” Kicum ŋes kotwana. Kobala Daudi ŋes ebe, “Akoniwokot kobeata akoukon; naarai akoniituk ŋes akajenan kamakon inera atiar, ‘Aar ŋol loinyonyoikinit EJAKAIT akinyet.’’’ Kosodi kokuudian Daudi Saul ka Yonatan okokuke akuudian na: Kicorak aisisianakin idwe luka Yuda ekosio loka akabwa: koany, kiwadikatai oitabo loka Yasar. Kobala ebe: “Aibusesukon, WU okwe Isirael, aari kaiboisiokon nuiceleleete! Wu okwe ebiroros itikirigin! Sirikilimonokis koGat, Sirikisiarakis orotin luka Asukelon; Kinyeis adwe nuka Ipilisitian aiyalama, Kinyeis adwe nuka kalumam ekepitai ailel. Yes iroŋan luka Giliboa, Kinyeis akopyo karaida akiru ajaut kokujukus, Karaida imanikoria luka kaluiinakina; Naarai ŋina acakakinio kileic ebuku loka itikirigin, Ebuku loka Saul bala lomam enyonyoikinitai akinyet. Kaokot nuka ŋul kalukearia, Kasiepa da nuka itikirigin, Akabwa naka Yonatan mam aboŋunenei kau, Ka ekileŋ loka Saul da mam aboŋunenei atitai. Saul ka Yonatan araas lukajokak ido luitalakaarito kaijarakec; Mam aponi kotiakai katwanarekec; Atiroko aitelekarit imorukaalen, Agogoŋ aitelekarit iŋatunyo. Yes adwe nuka Isirael, kibworoto Saul, Lokitanapi yes lukareŋak lukaitojoka, Lokisiri ikusinapen kesabu. Wu okwe ebiroros itikirigin Kokidiŋ ojie! Aari Yonatan kaiboisiokon nuiceleleete. Eturur kanukon, onaceka Yonatan; Ibu kitalakaanari eoŋ noi noi; Akonomin mamakaŋ arai nakaumokin, Adepar amin naka aŋor. Wu okwe ebiroros itikirigin, Amudiaros da lujiis luka ajore!” Kosodi kanen akaulo kaŋun, kiŋit Daudi EJAKAIT ebe, “Abwosi eoŋ mama ejai ediopet koreria luka Yuda?” Kotema EJAKAIT ŋes atiar, “Kobwot.” Kotema Daudi atiar, “Abwosi bo ai?” Kotema atiar, “Keburon.” Kwaŋin kobwot Daudi, ka akenor aarei da, Akinoam Ayesereelit, ka Abigail aberu kolo naka Nabal, Akaramelit. Kitwobot Daudi ituŋa luajaas kaŋes, ŋinituŋanan ka ekaleke: kiboikinos oreria luka Keburon. Kopotu ituŋa luka Yuda, kinyonyoikis Daudi akinyet araun ekabaka loka ekek loka Yuda kanen. Kolimokis Daudi ebe, “Ituŋa luka Yabes-gilead kes luanukete Saul.” Kijuka Daudi ikiyakia mama ejaas ituŋa luka Yabes-gilead, kobala kes ebe, “Kisirereŋit yes EJAKAIT, naarai itodikis ejakaitikus, ŋes Saul, asianut na, inukata ŋes. Kitodik kwana EJAKAIT yes asianut ka abeit: eoŋ da aropi yes asianut ŋin, naarai iswamata akirot ŋin. Aso do kogogoŋoto akaninikus, kotitiŋioto: naarai atwana Saul ekusijakait, bobo da abu ekek loka Yuda kenyonyoik eoŋ akinyet araun ekabakakec.” Abu Abiner okoku loka Ner ekapolon loka ajore naka Saul koyaŋa Isboset okoku loka Saul, kitodoka ŋes Makanaim; Kituluo ŋes ekabaka loka Gilead, ka Iasurin, ka Yesereel, ka Epuraim, ka Benyamin, ka Isirael kere, (Kerai Is-boset okoku loka Saul loka ikar akaisaoŋon naageunia airum Isirael, kirumak ikar iarei.) Konye kotup ekek loka Yuda Daudi. Apak naaraar Daudi ekabaka koKeburon irumit ekek loka Yuda emwaasi ikar ikanykaarei ka ilapio ikanykape. Koloma Abiner okoku loka Ner, ka ibulesin luka Is-boset okoku loka Saul, anyoun koMakanaim kolot Gibeon. Koloma Yoab okoku loka Seruia ka ikeiaanakinak luka Daudi, kiriamunos kakes eiduny katapar naka Gibeon; kiboikinos, lu epuai katapar, kwi da epuai katapar, Kotema Abiner Yoab atiar, “Keŋaiŋait, konyout ikatumunak abolia kakonyenewok.” Kotema Yoab atiar, “Aso konyoutu.” Konyout kodokasi imaritai; itomon ka luarei kanuka Benyamin, ka Is-boset okoku loka Saul, ka itomon ka luarei luka ikejaanakinak luka Daudi, Kitiŋ ŋinituŋanan akou naka aupake, kicum kekileŋike osiep loka aupake; kibiroros nepepe: kanuka ŋun ŋes amaikinere aibois ŋin Kelakat-kasurim, naejai Gibeon. Kosisior ejie kapaaran kaŋin; kipikoroi Abiner ka ituŋa luka Isirael kakonyen nuka ikejaanakinak luka Daudi, Ajaas kanen odwe iuni luka Seruia, Yoab ka Abisai, ka Asakel: ketirono Asakel akerit kwape kamori. Korukitor Asakel Abiner; mam abu kibelokin teten arai kediany kotoma alositeke naatupitor Abiner. Kosodi Abiner aŋoliar kauke, kotema atiar, “Ŋes ijo, Asakel?” Koboŋok ebe, “Eoŋ ca lo.” Kotema Abiner ŋes atiar, “Kibelokin ijo teten arai kediany, kikam ediopet kokatumunak, kolem luijisike.” Konye koŋer Asakel aibelokin katupit ŋes, Kotema bobo Abiner Asakel ebe, “Kibelokin kinyek atupit eoŋ: kanukinyo kebirokinia jo kwap? Ekonakini ai aseseni onacekon Yoab?” Konye koŋer aibelokin: tape Abiner icumi ŋes akoik ekaukau kakwara, kipelun akwara kokauke; kibirokin nen, kotwanik aibois ŋin: kosodi kanen, luadolunete kere aibois naebirokin Asakel kotwanite, kobwout. Konye apotu Yoab ka Abisai korukioto Abiner: koloma akoloŋ nakedolioto kesi oukot loka Ama, loitei Gia korot loka amodiŋ naka Gibeon, Kotukonokinos idwe luka Benyamin neajai Abiner, koraut erioŋet ediopet, kobwaata kokuju keukot. Kosodi Abiner aiworo Yoab ebe, “Edanyi kereka ekileŋ ikar kere? Mam jo ijeni ebe awasiake ŋes adwaris? Aso do kitodoli ai eriŋa ieorakinia iluŋa aboŋor katupakin iinacanakec?” Kotema Yoab atiar, “Kwape ejaria Edeke, kemam jo einer, abeit tikeloto ituŋa tupuruc, komam ŋinituŋanan atupit onaceke.” Kokut Yoab arupepe, kobwoutu ituŋa kere, komam bobo erukitotor Isirael, karaida aitiji kes bobo. Kotuboros Abiner ka ituŋake Araba, koloto akuare kia; kodokasi Yorodan, kotuboros Bituron kere, kodoloto Makanaim. Koboŋo Yoab katupit Abiner: kedau atukonokin ituŋa kere, komameut ituŋa itomon ka lukanykaoŋon ka Asakel kokejaanakinak luka Daudi. Konye apotu ikejaanakinak luka Daudi kodanyata luka Benyamin, ka ituŋa luka Abiner, tape etwakete ituŋa akwat auni ka akaisakanykape. Kodakasi Asakal, kidaikis ŋes ates naka papake, naajai Bet-lekem, Kolot Yoab ka ituŋake akuare kia, kocila kide kojaas kesi Keburon. Kojai ejie apak naepol kidiŋ kekek loka Saul ka ekek loka Daudi: kiyatanakin Daudi agogoŋor, konye kiyatanakin ekek loka Saul anonokiar. Aponi kourikinai Daudi odwe koKeburon: ekiyaike ŋes Aminon, loka Akinoam Ayesereelit: Lokiareitike, Kileab, loka Abigail aberu kolo naka Nabal Akaramelit; lokiwuniet, Abisalom okoku loka Maaka akoku naka Talumai ekabaka loka Gesur; Lokiwononet, Adoniya okoku loka Kagit; lokikanyet, Sepatia okoku loka Abital; Lokikanyetekape, Itiream, loka Egula aberu naka Daudi. Aponi ŋul kourikinai Daudi koKeburon. Kosodi kanen, kapak naajaar ejie kidiŋ kekek loka Saul ka ekek loka Daudi, kogogoŋor Abiner kokek loka Saul. Ajai Saul abusiat, ekekiror Risipa, akoku naka Aia: kotema Is-boset Abiner atiar, “Kanukinyo ilomaria ijo mama ejai abusiat naka papaka?” Konyunyurikin Abiner noi kakiro nuka Is-boset, kotema atiar, “Arai eoŋ akou naka ekiŋok loka Yuda? Etodik lolo eoŋ asianut ekek loka Saul papakon, iinacanake ka ipaperoke, mam kejaikinit jo akan naka Daudi, konye kilimit eoŋ lolo kakirot naka aberu. Kiswamak Edeke Abiner kwaŋin ka adepar da, arai, kwape eyapoikinia EJAKAIT Daudi, mam eoŋ eswamakini ŋes kwaŋin. Aijul ajakanut alemar kokek loka Saul, ka asipokin ajakanut naka Daudi airum Isirael, ka Yuda, anyoun koDan kiton Beer-seba.” Mam abu kopedo aboŋokin Abiner adiopekirot, naarai akuriana ŋes. Kijuka Abiner ikiyakia kokirorike mama ejai Daudi, kotema ebe, “Nakaŋai akwap? “ebe da, “Kitutuk keoŋ, ido koany, kojaun akanika kajo, aibelokin Isirael kere mamakon.” Kotema atiar, “Ejok; etutuki eoŋ kajo: konye akoto ibore idiopet kamakon, ŋes yenita, mam ianyuni akonyeneka, dimarai kisiau ber ayaun Mikal akoku naka Saul, naibunio aanyun eoŋ.” Kijuka Daudi ikiyakia mama ejai Is-boset okoku loka Saul kotema ebe, “Koinakinai Mikal akaberu, naesinerit eoŋ kamunyin akwatat nuka ekiliokane loka Ipilisitian.” Kiyakia Is-boset, kodemu ŋes kama kokilenike, ŋes Palutiel okoku loka Lais. Kouparos okilenike kaŋes, kolosi emonyi, kotupite ŋes kiton Bakurim, Kosodi Abiner atemar ŋes atiar, “Ape, koboŋo.” Kosodi ŋesi aboŋor, Abu Abiner kinerunito kimakio luka Isirael ebe, “Imootos yesi kolo Daudi araun ekabakakus: Aso do kiswamata: naarai abu EJAKAIT kiner nuka Daudi ebe, ‘Kakan naka ekakejaanakinan Daudi etajari ikatuŋa Isirael kakan naka Ipilisitian, kakan da naka lukasurupokec kere.’’’ Kiner da Abiner kaki nuka Benyamin: kolot da Abiner einer kaki nuka Daudi koKeburon kere nukitojokit Isirael, ka ekek kere loka Benyamin. Kobu Abiner mama ejai Daudi Keburon, koupas kituŋa akaisaarei, Kipoik Daudi Abiner ka ituŋa luajaas kaŋes epucit. Kotema Abiner Daudi atiar, “Anyouni kalot, atukonokini Isirael kere mama ejai ejakaitika ekabaka, kitutukoto kajo, kirum ijo kere luipuda ekonitau.” Kotwar Daudi Abiner; kolot inapakina. Ido koany, apotu ikejaanakinak luka Daudi ka Yoab koboŋut kaiŋat, koyaut luaŋatunitai luipu kakes: konye mam Abiner ajai kaDaudi Keburon; paarai atwarit ŋes, alot inapakina. Kedol Yoab ka ajore kere naajai kaŋes, kolimokis Yoab ebe, “Abu Abiner okoku loka Ner, mama ejai ekabaka, atwar ŋes, alot inapakina.” Kosodi Yoab abunore mama ejai ekabaka, kotema atiar, “Iswama anyoika? Koany, abu Abiner mama ijai; kanukinyo itwaria ŋes ido alot cut? ŋjeni ijo Abiner okoku loka Ner, abu ŋesi aiŋal jo, ajenun akonilomun ka akonilomar, ajenun da kere nuiswamai.” Kelom Yoab kaneajai Daudi, kijuka ikiyakia atupakin Abiner, kinyakutu ŋes katan naka Sira: konye mam Daudi ajeni. Keboŋ Abiner Keburon, koyaŋa Yoab ŋes awai kidiŋ orute einer kaŋes kaiyeiyea, kicum ŋes akoik kanen, kotwana, kanuka aokot nuka onaeeke Asakel. Kokau kiira Daudi, kotema atiar, “Mam nukabeikinete eoŋ ka ajakanutuka kakonyen nuka EJAKAIT ikar kere kaokot nuka Abiner okoku loka Ner: Kobeikis akou naka Yoab, ka ekek kere loka papake: kinyek akurwokin ajaun kokek loka Yoab, yenelelei, arai yenikatapon, arai yenegoŋakina obela, arai yeniketwani kekileŋ, arai yenekadit atap.” Kwaŋin koara Yoab ka onaceke Abisai Abiner, naarai abu koar onacekec Asakel koGibeon kojie. Kotema Daudi Yoab ka ituŋa kere luajaas kaŋes atiar, “Koeila anapitokus, kocna epuko, kibworo Abiner.” Kotupa ekabaka Daudi asaduku naadakitere lokatwan, Kidaikis Abiner Keburon: kodelo ekabaka, komony kates naka Abiner: komonyata ituŋa kere. Kokuudian ekabaka kanuka Abiner, kotema atiar, “Ibusakinit kereka Abiner atwanare kwape ketwania lobaŋ? Mam akonikanin aenen, Karaida akejekon aenen kirikoi: Kwape ibirokinor etuŋanan kakonyen nuka idwe luka lumam adolit, Ibu ijo kibiror kwaŋin.” Komonyata ituŋa kere bobo kanukeŋ, Kopotu ituŋa kere kimaimata Daudi ainyam atap koriŋa apaaran edauna: konye kiyapo Daudi kotema atiar, “Keswamak Edeke eoŋ kwaŋin ka adepar da, arai keir atap arai icebore kere aitodol naelomaria akoloŋ.” Kopuput ituŋa kere, kitojokata: kwape kitojokiata ituŋa kere nueswamaenenei ekabaka. Kojenut ituŋa kere ka Isirael kere kapaaran kaŋin ebe mam arai akirot naka ekabaka aiar Abiner okoku loka Ner. Kotema ekabaka ikejaanakinakake atiar, “Mam ijenete ebe ebiror ekapolon ido loajenikina koIsirael lolo? Eoŋ da lolo anonok, karaida arai ekabaka loenyonyoikina akinyet; ketelekarito eoŋ ituŋa lu odwe luka Seruia kagogoŋ: korop EJAKAIT lokeswaman aronis kwape ejaar aronisike.” Kepupu Is-boset okoku loka Saul ebe atwaniki Abiner Keburon, kokalanyakata akaninike, kiyaloŋoŋ oto luka Isirael kere. Ajaas Is-boset okoku loka Saul ituŋa iarei luapolokinito irioŋeta: ekiror loka ediopet Baana, ekiror loka ece Rekab, odwe luka Rimon Ebeerotit, loka idwe luka Benyamin: (naarai imarakinitai Beerot da araun loka Benyamin: Kokerata Ibeerotin Gitaim, apotu kiboiororoto kanen kiton lolo.) Kejai Yonatan okoku loka Saul okoku loaŋwalito akejeke kere. Kerai loka ikar ikany kedolut akiro nuka Saul ka Yonatan koYesereel, kodak akasaanike ŋes kokerearia: kosodi kanen, kisunyak ŋin akerit, kibiror ikoku, koraun eŋwalas, Ekekiror Mepiboset. Koloto odwe luka Rimon Ebeerotit, Rekab ka Baana, kodolut togo loka Is-boset kapak naamwaniar akoloŋ, kapak naeyenuŋia ŋesi paaran. Apiesi aberu naedari ekek loka etogo akima, kiluranar, kojotoi; koceda iinaean Rekab ka Baana kaiyeiyea kolomasi togo. Kelomasi togo koperi Is-boset koitadake kagolake naperot, kinomata ŋes, koarata, kojepasi akouke, koyaŋaasi akouke, kitoroto orot loka Araba akuare kere. Koyaut akou naka Is-boset mama ejai Daudi Keburon, kotemasi ekabaka atiar, “Koany akou naka Is-boset okoku loka Saul lokasurupikon, loakoto aijarakon; enyaŋaki EJAKAIT ekajakait ekabaka kanuka Saul ka aurike lolo.” Koboŋok Daudi Rekab ka Baana onaceke, odwe luka Rimon Ebeerorit, ebe, “Kwape ejaria EJAKAIT, loalakuni aijaraka koean kere, Nakalimokinia kolo etuŋanan eoŋ ebe, ‘Koany, atwana Saul,’ koomite ebe kainunit akiro nukajokak, kekam ŋes, kaara ŋes koSikilag, ŋes eropitike loabu kainak ŋes kanuka akiroke. Nakeariata ituŋa lukarokok etuŋanan loedolit kotogoke koitadake, mam eyatakini noi aitepesen aokotoke kakanikus, alemari yes kakwap?” Kicorak Daudi ikatumunakake, koarata kes, kotubonosi akaninikec, ka akejenekec, kikajakis kes eiduny katapar koKeburon. Konye koyaŋaasi akou naka Is-boset, kidaikis ates naka Abiner Keburon. Kosodete atekerin kere nuka Isirael aponare mama ejai Daudi Keburon, kotemasi atiar, “Koany, kirai isio akoitikon ka akirinikon. Kapakio nuatuboros nakeraar Saul ekabakawok, ibu ijo kitoloma kitolom da Isirael: abu EJAKAIT kotema jo atiar, ‘Itanyamenenei ijo ikatuŋa Isirael, iraun ijo ekapolon koIsirael.’” Kwaŋin kopotu imakio kere luka Isirael mama ejai ekabaka Keburon; kitutuk ekabaka Daudi kakes koKeburon kakonyen nuka EJAKAIT: kinyonyoikis Daudi akinyet araun ekabaka koIsirael. Kerai Daudi loka ikar akaisauni naageunia airum, kirumak ikar akaisaoŋon. Kirum Yuda koKeburon ikar ikanykaarei ka ilapio ikanykape: kirum Isirael kere ka Yuda koYerusalem ikar akaisauni ka luuni. Kolot ekabaka ka ituŋake Yerusalem aitiji Iyebusin, ikulepek akwap: luapotu kolimokis Daudi ebe, “Mam ilomuni ne dimarai kilema ijo imudukiok ka iŋwalasik.” Koomito ebe, “Mam Daudi epedori alomun ne,” Konye kirum Daudi ere loabwaitai kagogoŋ loka Sion; ŋes ere loka Daudi. Kotema Daudi kapaaran kaŋin ebe, “Ŋolituŋanan loedanyi Iyebusin, kodoka neeleleete akip, kodany iŋwalasik ka imudukiok lualait etau loka Daudi.” Ŋes etemariata ebe, “Mam imudukiok ka iŋwalasik epedorete alomar togo.” Kiboikin Daudi ore loebwaitai kagogoŋ, komaik ŋes ere loka Daudi. Koduk Daudi airimor anyoun koMilo kotoma da. Kiyatanakin Daudi apoloor; naarai ajai EJAKAIT, Edeke loka ajoresio, kaŋes. Kijuka Kiram ekabaka loka Turo ikiyakia mama ejai Daudi, ka ikito luka eres, ka ikekeok, ka ikadukok kamor; kodukokis Daudi etogo, Kojen Daudi ebe abu EJAKAIT kiticat ŋes araun ekabaka koIsirael, abu da kitopoloo ajakanutuke kanuka iketuŋa Isirael. Komany Daudi acebusian ka aŋor ace koYerusalem, kedau anyoun koKeburon: kourikinai Daudi icedwe lusap ka lupesur. Lu kes ikiroria luka ŋul kaluaponi kourikinai ŋes koYerusalem; Samua, ka Sobab, ka Natan, ka Solomon. Ka Ibar, ka Elisua, ka Nepeg, ka Yapia; ka Elisama ka Eliada, ka Elipelet. Kepuput Ipilisitian ebe enyonyoikis Daudi akinyet araun ekabaka koIsirael, koloto Ipilisitian kere amoot Daudi; kopup Daudi, kijesar ore loabwaitai. Apotu Ipilisitian kisiarakinos kaditot naka Repaim, Kiŋit Daudi EJAKAIT ebe, “Alosi kereka eoŋ aitiji Ipilisitian? Kijaikini ijo kes akanika?” Kotema EJAKAIT Daudi atiar, “Kolot, naarai abeit ejaikini Ipilisitian akanikon.” Kobu Daudi Baal-perasim, kodany Daudi kes kanen; kotema atiar, “Acil EJAKAIT lukasurupoka kakonyeneka, kwape eciliata akip.” Ŋes amaikinere aibois ŋin Baal-perasim. Kinyeis aputosiakec kanen, koyaŋaasi Daudi ka ituŋake. Kopotu bobo Ipilisitian, kisiarakinos aditot naka Repaim. Nakiŋisia Daudi EJAKAIT, kotema atiar, “Mam ilosi: kirimo kaukec, kobunoki kes kaneejaas ikito luka baka. Ejaun kwanata ebe, Kipup ijo eporoto loka lueraeete alosit kokuju kikito luka baka, kosodi konyet anyoun: naarai kapak kaŋipe kaŋin ŋes alomaria EJAKAIT kakonyenekon aidany ajore naka Ipilisitian.” Kiswama Daudi kwaŋin, kwape ecorakinia EJAKAIT; kodany Ipilisitian anyoun koGeba kiton neidolio Geser. Kotukonok bobo Daudi ituŋa kere luseuna luka Isirael, ilukumin akaisauni. Konyou Daudi, kolot nepepe kituŋa kere luajaas kaŋes, anyoun koBaale-Yuda, ayaun kanen asaduku naka Edeke, naenyaritai Ekiror, ŋes ekiror loka EJAKAIT loka ajoresio loiboikin okerubin. Kibwaikis asaduku naka Edeke agali nakitetet, kitolomut kotogo loka Abinadab loajai oukot: kireŋeata odwe luka Abinadab Usa ka Akio agali ŋin nakitetet. Kitolomut kotogo loka Abinadab loajai oukot kasaduku naka Edeke: kiŋarenik Akio asaduku. Koram Daudi ka ekek kere loka Isirael iponesio kere luka lueruos lueswamatai kakito, ka adeudeun, ka isabulin, ka isiman, ka ikacwi, ka aisinin nueruosi kakonyen nuka EJAKAIT. Nakedolioto kesi opejal loka Nakon, korio Usa akekan neejai asaduku naka Edeke, kikam ŋes; naarai apotu kiguikis imoŋin. Kinep anyunyura naka EJAKAIT aluikin Usa; kinom Edeke ŋes kanuka aibucareteke; kotwanik nen eiduny kasaduku naka Edeke. Kokadak Daudi, naarai acil EJAKAIT Usa: komaik aibois ŋin Peres-Usa, kiton lolo. Kokurianar Daudi EJAKAIT kapaaran kaŋin; kotema atiar, “Ikonakini ai asaduku naka EJAKAIT ebuni mama ajai?” Koŋer Daudi alemar asaduku naka EJAKAIT ayaun ore loka Daudi; konye kodaka Daudi ŋes awai togo loka Obed-edom Egitit. Kosalak asaduku naka EJAKAIT togo loka Obed-edom Egitit ilapio iuni: kisirereŋ EJAKAIT Obed-edom ka eketogo kere. Kolimokinai ekabaka Daudi ebe, “Esirereŋ EJAKAIT etogo loka Obededom, ka lukejaatar kaŋes kere, kanuka asaduku naka Edeke.” Kolot Daudi koyau asaduku naka Edeke kotogo loka Obed-edom kitoloma ore loka Daudi kaiyalama. Kojaun kwanata ebe, nakelosioto ŋul luadakete asaduku naka EJAKAIT ailameta akanykape, koinak emoŋ ka yenikasiepai. Kikosi Daudi kakonyen nuka EJAKAIT kagogoŋuke kere; konap Daudi epod loka ebaputa. Kwaŋin koyau Daudi ka ekek kere loka Isirael asaduku naka EJAKAIT, keibwoŋ, ka eporoto loka arupepe. Kojaun kwanata ebe, kelom asaduku naka EJAKAIT ore loka Daudi, koŋolia Mikal akoku naka Saul kadirisa, koany ekabaka Daudi esomanari ikosie kakonyen nuka EJAKAIT; komwan ŋes kotauke. Kitolomut asaduku naka EJAKAIT, kibwaikis aiboisike, kidiŋ owema loebubukinit Daudi kanukeŋ: koinak Daudi ainakineta nuicweio ka ainakineta nuka ainapakin kakonyen nuka EJAKAIT. Kedau Daudi ainakin ainakinet naicweio ka ainakineta nuka ainapakin, kilipak ituŋa arereŋ kokiror loka EJAKAIT loka ajoresio, Kokorak ituŋa kere, ŋes ekodet kere loka Isirael, ikiliok ka aŋor da, ŋinituŋanan emugati ka aturosit naka akiriŋ, ka aluŋuret naka imusabibun luaokito. Kwaŋin koloto ituŋa kere ŋinituŋanan togoke. Kosodi Daudi aboŋor ailipakin lukokaleke arereŋ, Kolom Mikal akoku naka Saul airiamakin kaŋes, kotema atiar, “Ibus ca lolo ekabaka loka Isirael, loetodiar lolo kakonyen nuka akejaanakinak nuka ikejaanakinakake, kwape itodiaror ediopet kotuŋa luutai komam ileicikinit!” Kotema Daudi Mikal atiar, “Ajai akonyen nuka EJAKAIT, lokaseuni eoŋ aitelekar papakon, ka ekekike kere, adakakin eoŋ araun ekapolon ayait ituŋa luka EJAKAIT, ayait Isirael, ŋes ekosioo eoŋ akonyen nuka EJAKAIT. Ido eyatakini bobo araun lomam kayoŋitai, loasilior kakonyeneka; konye kayoŋete eoŋ akejaanakinak ŋun nuilimit ijo.” Amamei Mikal akoku naka Saul ikoku kiton apaaran naatwania. Kosodi kanen, kiboikin ekabaka togoke, nakisiyeŋunia EJAKAIT ŋes kama ejaas lukasurupoke lualukunito, Kotema ekabaka enabi Natan ebe, “Koany, eboie eoŋ kotogo loka ikito luka eres, konye iboie asaduku naka Edeke kotoma aigalisio.” Kotema Natan ekabaka atiar, “Kolot, kiswama kere nuejaas otaukon; naarai ejai EJAKAIT kajo.” Kosodi kanen, kakuare kaŋin, kobu akirot naka EJAKAIT mama ejai Natan ebe, “Kolot kolimok Daudi ekakejaanakinan ebe, ‘Inera EJAKAIT kwanata ebe, Idukokini kereka ijo eoŋ etogo loeboieneno? Naarai mam eoŋ eboikino togo ageun kapaaran naetolomunia idwe luka Isirael koMisiri, kiton lolo, konye alosenenei kowema, kowema lokalaunan da. Kaiboisio kere nualosenen kidwe luka Isirael, abu eoŋ kener akirot kateker adiopet naka Isirael, nuecorakini aitanyam ikatuŋa Isirael ebe, “Kanukinyo mam yes kidukokiniata eoŋ etogo loka eres?” Aso do kolimok Daudi ekakejaanakinan kwanata ebe, ‘Inera EJAKAIT loka ajoresio kwanata ebe, Abu kalem jo korony, katupit amerekekin, tetere iraun ekapolon ayait ikatuŋa, ayait Isirael. Ajaenena kajo kama ilosenenei kere, amudia lukasurupokon kere kakonyenekon; etuluori jo ekiror lokapolon, kwape ekiror loka lukapolok kaluejaas kakwap. Aseikini ikatuŋa Isirael aibois, eraikini kes, tetere iboiete aiboisikec, komam bobo itwobosete; komam bobo idwe luka aronis iticanete kes, kwape lem sek. Kwape kapaaran naecorakinia eoŋ ikatubok ayait ikatuŋa Isirael; esiyeŋuni jo kama ejaas lukasurupokon kere, Bobo da kilimokini EJAKAIT jo ebe kisubakini EJAKAIT jo ekek. Kedoloto apaarasiakon, ijotori kalukapapaakon, adakakini aurikon naetupakini, naelomuni kakoikikon, eticasi da ajakanutuke. Ŋol ŋes edukokini ekakiror etogo, eticasi eoŋ eicoloŋ loka ajakanutuke ikar kere. Araun eoŋ papake, ŋes da eraun okokuka; arai kiswama ŋesi numam adolit, alecori ŋes kebela loka ituŋa, ka ainomonom naka idwe luka ituŋa. Konye mam akaitim enyouni kamake, kwape kalemaria kaneejai Saul, loabu kalema kakonyenekon. Itogogoŋio ekekikon ka ajakanutukon ikar kere kakonyenekon: iticasio eicoloŋokon loka ajakanut ikar kere.” Kwape ejaatar akiro ŋun kere, kwape ejaar aitapoet ŋin kere, kolimok Natan Daudi kwaŋin. Kosodi Daudi ekabaka alomar, kiboikin kakonyen nuka EJAKAIT; kotema atiar, “Eoŋ iŋai, wu EJAKAIT Edeke, ekakek da inyo, ijo aitodolun eoŋ kiton kwana? Kerai ŋin da akirot naedit kakonyenekon, wu EJAKAIT Edeke; konye iner ijo da nuka ekek loka ekejaanakinanikon kokar luipu noi luepote; ŋin da kopone loka ituŋa, wu EJAKAIT Edeke! Inyo bobo epedori Daudi alimokin jo? Naarai ijeni ekonikejaanakinan, wu EJAKAIT Edeke. Iswama ijo apolou na kere, kanuka akonikirot, kwape ejaar ekonitau, aitejenun ekejaanakinanikon. Ŋes ipoloor ijo, wu EJAKAIT Edeke: naarai emamei yeneputos kajo, emamei da Edeke ece dimarai ijo, kwape kejaatar kere nukipou keirasi kakosiki. Ani bo ateker adio kakwap naeputos kikonituŋa, kes Isirael, luabu Edeke kolot alakun kanuke araun iketuŋa, adumakin ŋes ekiror, ka aswam nukos kanukus, kakiro nusogim kanuka akonikwap, kakonyen nuka ituŋakon luibu kolaku koMisiri kanukon, katekerin kodekesiokec da? Ibu kitieat kanukon ikonituŋa Isirael araun ituŋakon ikar kere; ka jo da EJAKAIT, ibu koraun Edekekec. Wu EJAKAIT Edeke akirot naibu kolim naka ekonikejaanakinan ka ekekike, kitogogoŋ ijo ŋes ikar kere, kiswama kwape kilimokinia. Kitopolooroi ekonikiror ikar kere ebe, ‘EJAKAIT loka ajoresio ŋes Edeke loka Isirael’: iticasio ekek loka ekonikejaanakinan Daudi kakonyenekon. Naarai ijo, ‘wu EJAKAIT loka ajoresio, Edeke loka Isirael, ipukokinit ekonikejaanakinan ebe, ‘Adukokini jo ekek’: kanuka ŋun etitiŋior ekonikejaanakinan kotauke ailip ailipasit na mama ijai. Wu EJAKAIT Edeke, irai ijo Edeke, akonikiro da eraas nukabeit, isumunik ekonikejaanakinan akirot ŋin naejok: Aso do kitoiok ijo aisirereŋ ekek loka ekonikejaanakinan, kiyatanakinenei kakonyenekon: naarai ijo, wu EJAKAIT Edeke, inera ŋun: kisireren ekek loka ekejaanakinanikon karereŋukon ikar kere.” Kosodi kanen akaulo kanuŋ, kodany Daudi Ipilisitian, kipiko kes: koyaŋa Daudi aitiŋet kore lokapolon kakan naka Ipilisitian. Kodany Moab, kitirian kaitemis, kiteperik kes kwap; kitirian ikokoron iarei aario, ido kitajar ekokoro ediopet, Koraut Imoabin ikejaanakinak luka Daudi, koyaut ainakineta. Kitoji da Daudi Kadadeser okoku loka Rekob, ekabaka loka Soba, nakelosio ainyakun ayaiteke kOcor. Kolema Daudi kamake ikebwanenok elukumit ka akwat akanykaarei, ka lualosete kakeje ilukumin akaisaarei: kitwaŋal Daudi ibalasin kere luka agalin, konye kiŋadak kakes akwatat. Kepotu Isurian luka Damasiko aisigalikin Kadadeser ekabaka loka Soba, kodany Daudi Isurian ilukumin akaisaarei ka luarei. Kosodi Daudi aibwaikin atukon nuka iserikalen Suria loka Damasiko: koraut Isurian ikejaanakinak luka Daudi, koyaut ainakineta. Koinak EJAKAIT Daudi aipikor kama kelosenenei kere. Koŋat Daudi ibukui luka esabu luajaas kikejaanakinak luka Kadadeser, koyau kes Yerusalem, Koŋat Daudi aisinit naepol noi koBeta ka Berotai, ireria luka Kadadeser. Kepupu Toi ekabaka loka Kamat ebe adany Daudi ajore kere naka Kadadeser, Kosodi Toi aijukar Yoram okokuke mama ejai ekabaka Daudi ayogan ŋes, ailipakin ŋes arereŋ, naarai etijiit Kadadeser, adany da; naarai abu Kadadeser kitijiite Toi. Koina Yoram iboro luka epuesa ka iboro luka esabu, ka iboro luka aisinit. Ŋul da abu Daudi kotiakak EJAKAIT, nepepe kepuesa ka esabu luatiakenenei luka atekerin kere nuepikori. Luka Suria, ka luka Moab, ka luka idwe luka Amon, ka luka Ipilisitian, ka luka Amalek, ka luŋatuna luka Kadadeser, okoku loka Rekob, ekabaka loka Soba. Kodum Daudi ekiror nakeboŋunia kaidany Isurian kAditot naka Abalaŋ, kes ituŋa ilukumin itomon ka lukanykauni. Kibwaik atukon nuka iserikalen Edom; kibwaik atukon nuka iserikalen anatar Edom kere, koraut Idomein ikejaanakinak luka Daudi. Koinak EJAKAIT Daudi aipikor kama kelosenenei kere. Kirum Daudi Isirael kere; kitodolenenei Daudi itubesia ka nuetenito kotuŋake kere. Kopolokinite Yoab okoku loka Seruia ajore; kerai Yekosapat okoku loka Akilud ekesiitonokinan: Sadok okoku loka Akitub, ka Akimelek okoku loka Abiatar kes keraas isasedotin; kerai Seraia ekalani; Kopolokinite Benaia okoku loka Yekoiada Ikeretin ka Ipeletin; keraas odwe luka Daudi isasedotin. Kotema Daudi atiar, “Ejai idio yenideuna yenikokek loka Saul, ketodik ŋes asianut kanuka Yonatan?” Kejai ekejaanakinan kotogo loka Saul ekekiror Siba, konyaraunai mama ejai Daudi; kotema ekabaka ŋes atiar, “Irai ijo Siba?” Kotema atiar, “Ŋes ekonikejaanakinan.” Kotema ekabaka atiar, “Eriŋa ejai idio yenideuna yenikokek loka Saul, ketodik ŋes asianut naka Edeke?” Kotema Siba ekabaka atiar, “Ejai okoku loka Yonatan, loeŋwalito akejeke.” Kotema ekabaka ŋes atiar, “Ai bo ejai ŋesi?” Kotema Siba ekabaka atiar, “Koany, ejai togo loka Makir okoku loka Amiel, koLo-debar.” Kosodi ekabaka Daudi aijukar, koomai ŋes kotogo loka Makir okoku loka Amiel, koLo-debar. Kobu Mepiboset, okoku loka Yonatan, okoku loka Saul, mama ejai Daudi, kibirokin ebuburia, kisuded. Kotema Daudi atiar, “Mepiboset,” Koboŋok ebe, “Koany ekejaanakinanikon!” Kotema Daudi ŋes atiar, “Sirikuriana: naarai abeit ketodik eoŋ jo asianut kanuka Yonatan papakon, kenyakakini jo alup kere nuka Saul papaakon; inyamenenei ijo atap komesaka tiritir.” Kisuded, kotema atiar, “Inyo bo ekonikejaanakinan, ijo asesen ekiŋok lokatwan kwape keoŋ?” Kosodi ekabaka anyaraun Siba ekejaanakinan loka Saul, kotema ŋes atiar, “Ainak okoku loka ejakaitikon kere lukolo araas luka Saul ka etogoke kere. Ikorionokini ŋes alup, ijo ka odwekon, ka ikejaanakinakakon; iinununei iraan, tetere edumuni okoku loka ejakaitikon atap naenyami: konye enyamenenei Mepiboset okoku loka ejakaitikon atap komesaka duc.” Ajaas Siba odwe itomon ka lukany, ka ikejaanakinak akaisaarei. Kosodi Siba atemar ekabaka atiar, “Kwape ejaatar kere nueeorakini ekajakait ekabaka ekejaanakinanike, iswamai ekejaanakinanikon kwaŋin.” Kobala ekabaka ebe, “Konye Mepiboset, enyamenenei ŋesi komesaka, kwape ediopet kodwe luka ekabaka.” Kejai Mepiboset okoku losapat, ekekiror Mika. Kere lueboienenete kotogo loka Siba araas ikejaanakinak luka Mepiboset. Kwaŋin kiboienenei Mepiboset ko Yerusalem; naarai konyamenenei duc komesa loka ekabaka; eŋwalito akejeke kere. Kosodi kanen akaulo kanuŋ, kotwana ekabaka loka idwe luka Amon, kirum Kanun okokuke aiboisike. Kotema Daudi atiar, “Ketodikini Kanun okoku loka Nakas asianut, kwape ketodikinia papake eoŋ asianut.” Kwaŋin kijuka Daudi ikejaanakinakake aitalakar ŋes kanuka papake. Kopotu ikejaanakinak luka Daudi akwap naka idwe luka Amon. Konye apotu ikapolok luka idwe luka Amon kotemasi Kanun ejakaitikec atiar, “Iwomit ijo ebe eyoŋit Daudi papakon, aijukakini jo lukitalakarete? Mam kereka Daudi kijukakinit jo ikekejaanakinak airere ere, ka airot ŋes, ka amudiar?” Koyaŋa do Kanun ikejaanakinak luka Daudi, kobaren atutubet naka ipenekakec, kotuboto ikecenapen kokidiŋ, kiton oosikec, kotwara kes. Kosodi kelimokin Daudi ŋun, kijuka airiamakin kakes; naarai eleicikinito noi ituŋa, Kotema ekabaka atiar, “Kopaikis Yeriko aitodol neecekuniata ipenekakus, kosodete konyet aboŋun,” Nakeanyuniata idwe luka Amon ebe arokiata kesi kama kaDaudi, kijukasi idwe luka Amon kiboleikis kIsurian luka Bet-rekob, ka Isurian luka Soba, lualosete kakeje ilukumin akaisaarei, ka ekabaka loka Maaka kaituŋa elukumit, ka ituŋa luka Tob ilukumin itomon ka luarei. Kepupu Daudi, kijuka Yoab, ka ajore kere naka ituŋa lukirigin. Kolomut idwe luka Amon, kiderakinos ejie korute: kejaas Isurian luka Soba, ka luka Rekob, ka ituŋa luka Tob ka Maaka, bonik korony. Nakeanyunia Yoab ebe ejai ejie kiŋarcn kokau da, koseu ituŋa kere luaseunitai koIsirael, kiderak kes aitiji Isurian: Kititiŋ Abisai onaceke ituŋa ice kere, kiderak kes aitiji idwe luka Amon. Kotema atiar, “Arai keetelekasi Isurian eoŋ, kosodi ijo aisigalikin eoŋ: konye arai kiitelekasi idwe luka Amon jo, kasodi eoŋ abunore aisigalikin jo Kotitiŋior, ketodiasi ekiliokone kanuka ituŋawok, ka ireria luka Edekewok: kiswama EJAKAIT nuitojokit ŋesi.” Kikunyak do Yoab ka ituŋa lukejaas kaŋes aitiji Isurian: kokerata kakonyeneke. Keanyut idwe luka Amon ebe akerata Isurian, kokerata kesi da kakonyen nuka Abisai, kolomasi ore. Kosodi Yoab aboŋun kama kidwe luka Amon kobu Yerusalem. Keanyut Isurian ebe epikor kes kakonyen nuka Isirael, kotukonokinos. Kijuka Kadadeser, kitolomut Isurian luajaas okekwa juwai kecor; kopotu Kelam, kinareŋikinite kes Sobak ekapolon loka ajore naka Kadadeser. Kolimokinai Daudi; kotukonok Isirael kere, kodok Yorodan kobu Kelam. Kiderakinos Isurian aitiji Daudi, kojioto kaŋes, Kokerata Isurian kakonyen nuka Isirael; koara Daudi luka Isurian, ituŋa luka agalin akwat akanykaarei, ka ikebwanenok ilukumin akaisaoŋon, kinom Sobak ekapolon loka ajorekec, kotwanik nen. Keanyutu ikabakan kere luaraas ikejaanakinak luka Kadadeser ebe epikor kes kakonyen nuka Isirael kitutukoto ka Isirael nukainapakin, kijaanakis kes. Kwaŋin kokuriakaros Isurian aisigalikin bobo idwe luka Amon. Kosodi kanen, kedolu ekaru, kapak naalomariata ikabakan ejie, kijuka Daudi Yoab, ka ikekejaanakinak nepepe kaŋes, ka Isirael kere; komudiasi kesi idwe luka Amon, kirigaut Raba. Konye kosalak Daudi Yerusalem. Kosodi kanen eboŋ, konyou Daudi kaperitike, kosakasak koswi loapadalal loka etogo loka ekabaka: koswi koany aberu iloŋi; ajokuna noi aberu asesen. Kijuka Daudi kiŋit nuka aberu. Kolimokinai ebe, “Mere ŋin Bat-seba, akoku naka Eliam, aberu naka Uria Ekitit?” Kijuka Daudi ikiyakia, koyaŋa ŋes; kolom ŋin mama ejai ŋesi, kopero kaŋes; (naarai aponi kitesegaarai ŋin kanumam alauniteke;) koboŋo togoke. Kopotuu aberu; kijuka alimokin Daudi, kotema atiar, “Kija eoŋ kakoik.” Kijuka Daudi mama ejai Yoab ebe, “Kijukakinai eoŋ Uria Ekitit.” Kijuka Yoab Uria mama ejai Daudi. Kedolu Uria neejai ŋesi, kiŋit Daudi ŋes kwape ajaar Yoab, ka ituŋa, ido kwape ajaar ejie. Kotema Daudi Uria atiar, “Kolot togokon, kilota akonikeje.” Konyou Uria kotogo loka ekabaka, kotupitere ŋes akorakinet naka inyamat luainakini ekabaka ŋes. Konye koper Uria okek loka etogo loka ekabaka nepepe kikejaanakinak kere luka ejakaitike, mam abu kolot togoke, Kelimokin Daudi ebe, “Mam Uria abu kolot togoke.” Kotema Daudi Uria atiar, “Mam jo iboŋunit kalosit? Inyo bo mam jo ilosio togokon?” Kotema Uria Daudi atiar, “Iboie asaduku, ka Isirael, ka Yuda koswamin; idukurito ejakaitika Yoab, ka ikejaanakinak luka ejakaitika ais; alomari kereka eoŋ togoka ainyam, ka aimat, ka apero kaberuka? Kwape ijaria ijo, kwape ejaria ekonitau da, mam eswamai kwaŋin.” Kotema Daudi Uria atiar, “Kosalak ne lolo da, katwari jo moi.” Kwaŋin kiboi Uria koYerusalem apaaran ŋin ka apaaran nace da. Kenyarau Daudi ŋes, konyam komat kakonyeneke; kitemer ŋes; koloma eboŋ aper aperitike nepepe kikejaanakinak luka ejakaitike, konye mam abu kolot togoke. Kosodi kanen tupuruc kiwadik Daudi ebalua mama ejai Yoab, kijuka kakan naka Uria, Kiwadikate ŋes toma obalua ebe, “Kibwaikis Uria kiŋaren neededeŋiar ejie, kosodete yesi ajalakin ŋes, tetere inomio, kotwana.” Kosodi kanen, kirere Yoab ere, kibwaik ŋesi Uria aibois naajeni ŋesi ebe ajaas ituŋa luatitiŋ, Kolomut ituŋa lukore, kojioto kaYoab: kibiroros ituŋa ice luka ikejaanakinak luka Daudi; kotwana da Uria Ekitit. Kosodi Yoab aijukar alimokin Daudi akiro kere nuka ejie; Kicor ekiyakia ebe, “Kidau ijo alimokin ekabaka akiro kere nuka ejie, Arai enyunyura ekabaka, etemari ŋesi jo atiar, ‘Kanukinyo ilosioto yesi eiduny ka ere aitiji? Mam ipotu kojenut ebe epedorete kesi aigum yes ejaas arwatat? Iŋai bo enomi Abimelek okoku loka Yerubeset? Mam aberu abu kocakak ŋes atapen karwatat tetere etwanikini Tebes? Kanukinyo ilosioto yesi eiduny karwatat?’ Ŋes konyet itemaria ebe, ‘Atwana da Uria Ekitit ekejaanakinanikon.’” Kolot do ekiyakia, kobu kolimok Daudi kere nuejukaritor Yoab ŋes. Kotema ekiyakia Daudi atiar, “Kitelekasi ituŋa sio, kolomakis sio kokiŋa ais, kajioto isio kakes kiton alomaret naka erute. Kogumata ikagumak ikonikejaanakinak ejaas arwatat; kotwakata ice kokejaanakinak luka ekabaka, kotwana da Uria Ekitit ekonikejaanakinan.” Kosodi Daudi atemar ekiyakia atiar, “Ilimokini do Yoab kwanata ebe, ‘Kinyek akirot ŋin aitakadikin jo, naarai ejwenyari ekileŋ yen ka ii da: kitogogoŋ ekonijie asurokin ere, kotiyaik da’: kisidik ijo ŋes.” Kepupu aberu naka Uria ebe atwana Uria okilenike, kokuudian okilenike. Kedaun asuban, kijuka Daudi koyaŋa ŋes togoke, koraun akeberu, kourik ŋes ikoku yenisapat. Konye kitakadik EJAKAIT akirot naeswamai Daudi. Kijuka EJAKAIT Natan mama ejai Daudi. Kobu ŋesi mama ejai, kotema ŋes atiar, “Ajaas ituŋa iarei toma ore ediopet; abarit ediopet, kicana loce. Ajaas ekabaran isipanin luipu noi luka aituk ka amerekekin: Konye amamei lokican ibore, dimarai amerekek adiopet nakalol, naagweli ŋesi, kitan da: kopoloor nepepe kaŋes ka ikedwe; komorete kaŋes ikenyamat luikidioko, komasete kaikopoke, koperi katorobuke, kosubite bala erai akokuke. Kobu ekaloton mama ejai ekabaran, mam abu koyaŋa yenikosipaninike luka aituk ka luka amerekekin apuikin ekaloton loabu kobu mamake, konye koyaŋa imerekek yenika lokican, kopuik etuŋanan loabu kobu mamakeŋ.” Kinep noi anyunyura naka Daudi aluikin etuŋanan; kotema ŋesi Natan atiar, “Kwape ejaria EJAKAIT, etuŋanan loeswamai ŋun ibusakinit atwanare, Egeli imerekek irwan aoŋon, naarai abu kiswama akirot ŋin, ido naarai mam abu kitim.” Kotema Natan Daudi atiar, “Ijo ŋes etuŋanan ŋol. Inera EJAKAIT, Edeke loka Isirael, kwanata ebe, ‘Abu eoŋ kenyonyoik jo akinyet araun ekabaka loka Isirael, abu kayu jo kakan naka Saul: Abu kainak jo etogo loka ejakaitikon, aŋor da nuka ejakaitikon katorobukon, kainak jo ekek loka Isirael ka loka Yuda; arai kiikadito ŋul, tikeyatakinit jo ice bobo. Kanukinyo imwaŋia akirot naka EJAKAIT, aswam nueroko kakonyeneke? Inom ijo Uria Ekitit kekileŋ, iyaŋa aberuke araun akoniberu, iara ŋes kekileŋ loka idwe luka Amon. Aso do mam enyouni ekileŋ kokekikon; naarai imwaŋ ijo eoŋ, iyaŋa aberu naka Uria Ekitit araun akoniberu.’ Inera EJAKAIT kwanata ebe, “Koany, etonyoikini jo aronis kotogokon, ayaŋaari aŋorokon kakonyenekon, ainakini kes mama ejai eidunyetekon, eperete ŋes kaŋorokon paaran kaitebeikin. Naarai iswama ijo kaiyeiyea: konye eswamai eoŋ akirot ŋin kakonyen nuka Isirael kere paaran kaitebeikin.’” Kotema Daudi Natan atiar, “Adiaka kama ejai EJAKAIT.” Kotema Natan Daudi atiar, “Alema da EJAKAIT adiakaretekon; mam jo itwani. Konye naarai iinak lukasurupo luka EJAKAIT amoromor kanuka aswamisioit ŋin, abeit etwani ikoku yenikiwurikinitai jo.” Kolot Natan togoke, Kinom EJAKAIT ikoku yenaurikini aberu naka Uria Daudi, kodekakin noi. Kanuka ŋun kiŋaiŋa Daudi Edeke kanuka ikoku: kikany Daudi eteŋei, koloma, koper kalup, akuare kia. Konyout imakio lukotogoke, kobwaata kosiepike, aitonyoun ŋes kokwap: konye koŋer, mam da abu konyam atap kakes. Kosodi kanen, kapaaran nakikanyetekaarei kotwana ikoku. Kokuriakata ikejaanakinak luka Daudi alimokin ŋes ebe atwana ikoku; naŋrai kobalas ebe, “Koany, naarinar ikoku ejari, kinera oni kaŋes, mam abu kopup iporotoiwok: ikwaikini lolo ai ŋesi erieba, arai kilimokini ŋes ebe atwana ikoku?” Konye keanyu Daudi ebe iyeiyeanakinos ikejaanakinakake, kojenik Daudi ebe atwana ikoku: kotema Daudi ikekejaanakinak atiar, “Atwana ikoku?” Kotemasi kesi atiar, “Atwana ŋesi.’ Kosodi Daudi anyoun kokwap, kiloŋ, kinyonyoik akinyet, kijul anapitoke; koloma togo loka EJAKAIT, koma: kosodi aboŋor togoke: kekotokin atap kibwaikis akonyeneke, konyam. Kosodete ikekejaanakinak atemar ŋes atiar, “Anyoika nu nuiswama? Naarinar ikoku ejari ikany ijo eteŋei komony kanuka ikoku; konye naatwania ikoku, inyou, inyam atap.” Kotema atiar, “Naariŋar ikoku ejari, abu kekany eteŋei, kamony: naarai abala ebe, ‘Iŋai bo ejeni motoko esiana EJAKAIT mamaka, tetere eiari ikoku?’ Konye do atwana, kanukinyo ekanyia bobo eteŋei? Apedori ainyakun ŋes bobo? Alosi eoŋ rwaru mamake, konye mam ŋes eboŋuni mamakaŋ.” Kipud Daudi Bat-seba akeberu, koloma mamake, koperoto kaŋes: kouru ikoku yenisapat, komaik ekekiror Solomon. Komina EJAKAIT ŋes; Kijuka akirot konabi Natan, komaik ekekiror Yedidia, kanuka EJAKAIT. Kitiji Yoab Raba loka idwe luka Amon, koyaŋa ere loka ekabakane. Kijuka Yoab ikiyakia mama ejai Daudi kotema atiar, “Etiji Raba, eebo, ayaŋa eoŋ ere loka akipi. Aso do kotukok ituŋa ice luesalito, kidukur asurokin ere, koyaŋa ŋes: kenyek eoŋ ayaŋaar ere, komaikinai ekakiror.” Kotukonok Daudi ituŋa kere, kolot Raba kitiji, kirum, Kolem ŋesi aboko naka ekabakakec kakouke; alaŋiruke atalat naka esabu, kejaas amor nuka akais nuipu tomake: kitanapikinai akou naka Daudi. Kitolom luŋatuna luka ere luipu noi. Kitolom da ituŋa lukejaas nen, kibwaik kes kwap kimusemenin, kwap kasua nuboket, kwap kaepei nuka asua, kitotor kes neecweere amatapalin: kiswamak ireria kere luka idwe luka Amon kwaŋin, Koboŋo Daudi ka ituŋa kere Yerusalem. Kosodi kanen, kokau kaŋun, ajai Abisalom okoku loka Daudi inaeike naetemelel, ekekiror Tamar; komina Aminon okoku loka Daudi ŋes. Kokadak Aminon kwaŋin abu kodekakin kanuka inacike Tamar; naarai arai ŋesi abekot; kotionik Aminon aiswamakin ŋes akirot. Konye ajai Aminon epaperoke, ekekiror Yonadab, okoku loka Simea onaee loka Daudi: kopiriana Yonadab noi. Kotema ŋes atiar, “Wu okoku loka ekabaka, kanukinyo isenyitor ijo ŋinipaaran? Mam jo ilimokini eoŋ?” Kotema Aminon ŋes atiar, “Amina eoŋ Tamar, inaci naka onaceka Abisalom.” Kotema Yonadab ŋes atiar,” Koper kaperitikon, kijoseik bala ideka: kebu papakon aanyun jo kotema ŋes atiar, “Keŋaiŋait, kisiik inacika Tamar abunore, kainak eoŋ atap kanyam, kitemok inyamat kakonyeneka, tetere aanyuni, kanyam kakanike.’’’ Koper do Aminon kijoseik bala edek: kebu ekabaka aanyun ŋes, kotema Aminon ekabaka atiar, “Keŋaiŋait, kisiik Tamar inacika abunore, aipoikin eoŋ imugatin iarei kakonyeneka, tetere anyami kakanike.” Kosodi Daudi aijukar ore neejai Tamar ebe, “Kolot togo loka onacekon Aminon, kipoik ŋes inyamat.” Kwaŋin kolot Tamar togo loka onaceke Aminon; koper ŋesi, Kotem aluŋuren kinyoŋ, kiswama imugatin kakonyeneke, kope imugatin. Kolem aiwowas kobukok kes akonyeneke; konye koŋer ŋesi ainyam. Kotema Aminon atiar, “Kolomasi ituŋa kere kiŋa.” Koloma ŋiniluŋanan kaneejai. Kotema Aminon Tamar atiar, “Koyau inyamat agola, tetere anyami kakanikon.” Koyaŋa Tamar imugatin luabu ŋesi kopeite, koyau kes agola neajai Aminon onaeeke. Naesukunyunia kes mama ejai ainyam, kikam ŋes, kotema atiar, “Bia kaperoto keoŋ, inacika.” Koboŋok ŋesi ebe, “Mam, onaceka, sirikiitiŋaik eoŋ; naarai mam akirot ŋin ibus aswam koIsirael: sirikiswama nuka abaŋaanut ŋun. Eoŋ da, aibo ayaŋaari ileicika? Ijo da, iraun kwape ediopet kalubaŋiok koIsirael. Aso, keŋaiŋait, kilip ekabaka; naarai mam ŋes eŋeri aikor eoŋ mamakon.” Konye koŋer ŋesi apupun ekeporoto: konye kanuagogoŋor, kitiŋaik ŋes, kiteper ŋes. Kosodi Aminon aila ŋes kaila kanaepol noi; naarai aila naalait ŋesi kodeparite amin naabu komina ŋes, Kotema Aminon ŋes atiar, “Konyou, kolot.” Kotema nin ŋes ebe, “Mere kwaŋin, naarai aronis na naepol aireŋear eoŋ erono noi adeparit ŋin naibu kiswamak eoŋ.” Konye koner apupun ŋes. Kosodi aiworoun ekekejaanakinan loejaanakini ŋes, kotema atiar, “Kitoloma aberu na kaneaiai, koenik ekek kokauke.” Anapit nin anapito naka ejese loegelegela: naarai atapitos adwe nuka ekabaka nuaraas abekon anapit inapen luka epone kaŋol. Kosodi ekekejaanakinan aitolomun ŋes kiŋa, koenik ekek kokauke. Kipurak Tamar ekurwon akouke, kocilieil akenapito naka ejese kaloegelegela naanapit ŋesi: kibwok akanike, kolot, kiluluei elosi. Kobala Abisalom onaeeke ŋes atiar, “Ajai Aminon onaeekon kajo? Konye do kililin inacika: ŋes onacekon; sirikibwaik akirot na otau.” Kosalak Tamar esilikinit kotogo loka onaceke Abisalom. Konye nakepupu ekabaka Daudi akiro ŋun kere, konyunyurikin noi. Mam Abisalom abu kiner nuejok karaida nueroko mama ejai Aminon: naarai alait Abisalom Aminon, naarai abu kitiŋaik inacike Tamar. Kosodi kanen ketuboros ikar iarei, ajaas Abisalom ikatubok ajul nuka amerekekin koBaal-kasor, loedunyas ka Epuraim: konyarau Abisalom odwe kere luka ekabaka. Kobu Abisalom mama ejai ekabaka, kotema atiar, “Koany, ejaas ekejaanakinanikon ikatubok ajul nuka amerekekin; keŋaiŋait, kouparos ekabaka kikejaanakinakake ka ekejaanakinanikon.” Kotema ekabaka Abisalom atiar, “Mam, okokuka, mam kilosi kere, kenyeis alaŋirikin jo.” Kimaima noi: konye koŋer alosit, konye kilipak ŋes arereŋ. Kosodi Abisalom atemar atiar, “Keŋaiŋait, arai mam, kisiik onaceka Aminon alosit kasio.” Kotema ekabaka ŋes atiar, “Kanukinyo elosio ŋesi kajo?” Konye kimaima Abisalom noi, kisiik Aminon ka odwe kere luka ekabaka alosit kaŋes. Kicorak Abisalom ikekejaanakinak ebe, “Aso kocoito naelakaror etau loka Aminon kanuka ebino; ido nakalimokinia yes ebe,, Kinomata Aminon,’ koara ŋes, sirikikuriakaros.” Kiswamakis ikejaanakinak luka Abisalom Aminon kwape kicorakinia Abisalom. Kosodete odwe kere luka ekabaka anyoun, kibwanen ŋolituŋanan enyubuke, kokerata. Kosodi kanen, napelosete, kobu eemut mama ejai Daudi ebe, “Aar Abisalom odwe kere luka ekabaka, mam ediopet kakesi ideuna.” Kosodi ekabaka anyoun, kocilicil akenapito koper kokwap; kobwaata ikekejaanakinak kere kocilieilito inapenekee. Koboŋok Yonadab, okoku loka Simea onace loka Daudi ebe, “Kinyek ejakaitika aomit ebe aarata ikatumunak kere odwe luka ekabaka; naarai Aminon bon etwanit; naarai apeleikinit Abisalom ŋin ameun kapaaran kaya naetiŋaikinia ŋesi inacike Tamar. Aso do kinyek ejakaitika ekabaka aibwaikin akirot ŋin otauke, aomit ebe atwakata odwe kere luka ekabaka: naarai Aminon bon etwanit.” Konye koker Abisalom. Abu ekatumunan loabeit aidar kiteluo akekonyen kosesen, ido koany, eponito ituŋa luipu korot lokosiep loka eukot kokauke. Kotema Yonadab ekabaka atiar, “Koany, eponito odwe luka ekabaka: kwape abalar ekejaanakinanikon, ikote nepenen.” Kosodi kanen, kedau ŋesi einer, koany, eponito odwe luka ekabaka, kodelosi, komonyata: komony ekabaka da noi ka ikekejaanakinak kere. Konye koker Abisalom, kolot mama ejai Talumai okoku loka Amikur, ekabaka loka Gesur, Kitururwenenei Daudi kanuka okokuke ŋinipaaran. Koker Abisalom, kolot Gesur, kiboi kanen ikar iuni. Kimuite etau loka ekabaka Daudi alosit mama ejai Abisalom: naarai epudunio kanuka Aminon, naarai atwana. Kojen Yoab okoku loka Seruia ebe imuit etau loka ekabaka Abisalom. Kijuka Yoab Tekoa, koomai kaŋina aberu naaco, kotema ŋes atiar, “Keŋaiŋait, kijoseik bala irai naibworo, konap anapito naka aibworo, keŋaiŋait, sirikinyonyoik akinyet, konye koraun kwape aberu naedaunit apak naepol ibworo yenikatwan; Koloma mama ejai ekabaka, kiner kaŋes kopone kalo.” Kolimok Yoab ŋes nuenera. Nakinerar aberu naka Tekoa kekabaka, kibirokin kwap ebuburia, kisuded, kotema atiar, “Kiŋarakinai, wu ekabaka.” Kotema ekabaka ŋes atiar, “Inyo bo itururwoo ijo?” Koboŋok ebe, “Abeit arai eoŋ apuserut, atwana okilenika. Ajaas akejaanakinanikon odwe iarei, kojioto kesi kais, komamei yenadieki kes, konye kinom ediopet loce, koar ŋes. Ido koany, anyoiki ekek kere aluikin akejaanakinanikon, kobalas ebe, ‘Kijaik ŋol loenomi onaceke, tetere kiari ŋes kanuka aijar naka onaceke loaari ŋesi,’ komudiasi ekeruman da: kwaŋin kitudeŋoto atotoleteka naedeuna, komam ideikinete okilenika ekiror karaida yenedeuna kakwap.” Kotema ekabaka aberu atiar, “Kolot togokon, ecorakini eoŋ nukon.” Kotema aberu naka Tekoa ekabaka atiar, “Ejakaitika, wu ekabaka, kabeikis eoŋ ka ekek loka papaka numam adolit: komameun ekabaka ka eicoloŋoke akirot.” Kotema ekabaka atiar, “Ŋol lokilimokini jo akirot kere, koyau ŋes mama ajai, komam bobo ŋes kitirori jo.” Kosodi ŋin atemar atiar, “Keŋaiŋait, kiitu ekabaka EJAKAIT Ekonideke, kinye ekenyaŋan aokot amudiar bobo, kinyeis amudiar okokuka.” Kotema atiar, “Kwape ejaria EJAKAIT, mam edouni kwap etimat ediopet loka okokukon.” Kosodi aberu atemar atiar, “Keŋaiŋait, kisiik akejaanakinanikon einer akirot mama ejai ejakaitika ekabaka.” Kotema atiar, “Kolim.” Kotema aberu atiar, “Kanukinyo inerunia akirot ŋin aluikin ituŋa luka Edeke? Naarai kanuka einer akirot ŋin esubit ekabaka bala loegwaunit akirot, naarai mam ekabaka itoboŋunit ore lokeŋ loereŋearitai. Naarai kibusakinit atwanare, kisubit bala akipi nuebukoros kwap numam epedorete bobo atukonokin; mam Edeke da elemari aijar, konye eomoomoi eipone, kinyek ekakeran araun loereŋearitai eut kamakeŋ. Aso do abu eoŋ einer akirot na mama ejai ekajakait ekabaka, naarai ketukurianata ituŋa eoŋ; abala akejaanakinanikon ebe, ‘Enera kwana kekabaka; motoko itodoli ekabaka nuelipit akejaanakinanike. Naarai epupuni ekabaka, ayuun akejaanakinanike kakan naka etuŋanan loekoto amudiar eoŋ ka okokuka anyoun kairumet naka Edeke.’ Kosodi akejaanakinanikon atemar atiar, ‘Keŋaiŋait, koraun akirot naka ejakaitika ekabaka naelakara’: naarai esubit ejakaitika ekabaka bala emalaika loka Edeke, apupun nuejok ka nueroko: kojai EJAKAIT Ekonideke kajo.” Kosodi ekabaka aboŋokin aberu ebe, “Keŋainait sirikimunonik naakoto aiŋit jo.” Kotema aberu atiar, “Kiner ekajakait ekabaka.” Kotema ekabaka atiar, “Ejai akan naka Yoab kajo kakiro nu kere?” Koboŋok aberu atiar, “Kwape ejaria ekonitau, ejakaitika ekabaka, emamei yenepedori aibelokin teten arai kediany kaŋun kere nuener ejakaitika ekabaka: naarai ekejaanakinanikon Yoab ŋes abu kecorak eoŋ, abu ŋesi kalimok akiro ŋun kere nuener akejaanakinanikon: Abu Yoab ekejaanakinanikon kiswama akirot ŋin aijulakin akirot: eco ejakaitika, kwape ejaar acoa naka emalaika loka Edeke, aijen akiro kere nuejaas kakwap.” Kotema ekabaka Yoab atiar, “Koany, eswama eoŋ ŋun: aso kolot, kinyak esapat Abisalom.” Kibirokin Yoab kwap ebuburia, kisuded, kilipak ekabaka arereŋ: kotema Yoab atiar, “Ejeni lolo ekejaanakinanikon ebe adum eoŋ asianut kakonyenekon, ekajakait, wu ekabaka, naarai etodol ekabaka nuelipit ekejaanakinanike.” Konyou Yoab kolot Gesur, koyau Abisalom Yerusalem, Kotema ekabaka atiar, “Kopaa ŋesi togoke, konye kinyek aanyun akonyeneka.” Kopaa Abisalom togoke, komam eanyunit akonyen nuka ekabaka. Amamei koIsirael yeneturitoi kwape Abisalom kanuka atemeleleke: ageun kotau loka akejeke kiton osiaduk loka akouke amamei ŋes akemer. Nakebarenio ŋesi akouke, (abu kobarenenei kaŋetakinet naka ŋolikaru: naarai alaŋirikinito ŋes itimake, ŋes abarenenio:) kitem alaŋiru naka itima luka akouke isekelin akwat aarei kwape ejaar emisani loka ekabaka. Aponi kourikinai Abisalom idwe iuni lusap ka ikoku idiopet yenipese, ekekiror Tamar: arai ŋin aberu naetemelel. Kiboie Abisalom koYerusalem ikar iarei, mam abu koany akonyen nuka ekabak., Kosodi Abisalom anyaraun Yoab aijukar ŋes mama ejai ekabaka; konye koŋer abunore mama ejai: konyarau ŋes bobo nakiareit, konye koŋer Yoab abunore. Kanuka ŋun kotema ŋesi ikekejaanakinak atiar, “Koany, emanikor loka Yoab idunyas kalokaŋ, ejaas ŋes kesairi kaŋina: koloto kicweikis kakim.” Kosodete ikejaanakinak luka Abisalom aicweikin emanikor kakim. Kosodi Yoab anyoun, kobu mama ejai Abisalom togoke, kotema ŋes atiar, “Kanukinyo eeweikiniata ikonikejaanakinak emanikorika kakim?” Koboŋok Abisalom ebe, “Koany, abu kanyarau jo ebe, ‘Kobia, keyakia jo mama ejai ekabaka aiŋit ŋes ebe, “Kanukinyo abunio eoŋ koGesur? Tiejok kamakaŋ karai kariŋa eoŋ ajai ŋina.” Aso do kisiikinai eoŋ kaany akonyen nuka ekabaka; arai ejaas numam adolit kotomakaŋ, kaar ŋesi eoŋ.’” Kobu Yoab mama ejai ekabaka, kolimok ŋes: kedau anyaraun Abisalom, kobu ŋesi mama ejai ekabaka kokukum kokwap kakonyen nuka ekabaka: konu ekabaka Abisalom. Kosodi kanen kokau kaŋun, kitemonok Abisalom agali ka ibalasin, ka ituŋa akaisakany akerit kiŋarenike. Kodilonokini Abisalom anyoun, kobwoenenei kawai naka erute: kosodi do arai ejai etuŋanan nuewosai nutikibusakinit ayaŋaar mama ejai ekabaka atubokinio, iworouni Abisalom ŋes, kotema atiar, “Lokore kali bo ijo?” Kotema atiar, “Erai ekejaanakinanikon loka adiopet katekerin nuka Isirael.” Kotema Abisalom ŋes atiar, “Koany, ejok akonikiro edolitos da; konye emamei etuŋanan loadakaki ekabaka akiirar jo.” Bobo da kotema Abisalom atiar, “Arai karai eoŋ ekatubon kakwap, tetere ebuni ŋolituŋanan loewosai arai loejai akirot mamakaŋ, tiatubokini ŋes kotenan!” Kosodi arai kikunyaki ituŋanan aisuded kakonyeneke, korio ŋesi akanike, kikam ŋes, konu. Kiswamak Abisalom kwaŋin luka Isirael kere luaponenenete mama ejai ekabaka atubokinio: kwaŋin kiŋala Abisalom itauon luka ituŋa luka Isirael. Kosodi ketuboros ikar akaisaoŋon, kotema Abisalom ekabaka atiar, “Keŋaiŋait, kisiikinai kalot aitae aiyapositika naeyapoikinit EJAKAIT, koKeburon. Naarai kiyapo ekejaanakinanikon aiyaposit naajaar Gesur koSuria ebe, ‘Arai keenyaka EJAKAIT eoŋ bobo Yerusalem, kasodi aijaanakin EJAKAIT.’’’ Kotema ekabaka ŋes atiar, “Kolot inapakina.” Konyou ŋesi, kolot Keburon, Konye kijuka Abisalom ikarotak anatar atekerin kere nuka Isirael ebe, “Naiirariata eporoto loka arupepe, itemarete ebe, ‘Abisalom ŋes ekabaka koKeburon.’’’ Koloto ituŋa akwat aarei nepepe ka Abisalom anyoun koYerusalem, luanyaritai, lualosete kitenara itauonokec; komam ejenete idiobore. Naainakinia Abisalom asuban, abu konyarau Akitopel Egilonit, ekapetan akiro nuka Daudi, anyoun koreke, ŋes Gilo. Kogogoŋ aitemokinet nakaiyeiyea; naarai kiyatanakinos ituŋa duc mama ejai Abisalom, Kobu ekiyakia mama ejai Daudi, kobala ebe, “Atupasi itauon luka ituŋa luka Isirael Abisalom.” Kotema Daudi ikejaanakinakake kere luajaas kaŋes koYerusalem atiar, “Konyoutu, kakera; arai mam kikeri emamei idiopet kaoni yenekui kaneejai Abisalom: kisunyito alosit, kinyek adolokin oni atipet, kayaun aronis, ka aidany lukore kakwanis naka ekileŋ.” Kotemasi ikejaanakinak luka ekabaka atiar, “Koany, itemonokino ikonikejaanakinak aswam kere nueseuni ejakaitika ekabaka.” Koloma ekabaka, kotupito lukokaleke kere. Kinyek ekabaka aŋor atomon nuaraas abusian aidar etogo. Koloma ekabaka, kotupito ituŋa kere; kobwout koBet-merak, Kotubonoros ikekejaanakinak kere kamakeŋ; Ikeretin kere, Ipeletin kere, ka Igitin kere, ituŋa akwat akanykape luatupito ŋes anyoun koGat, apotu kesi kotubonoros kakonyen nuka ekabaka. Kosodi ekabaka atemar Itai Egitit atiar, “Inyo bo kiupar ijo kasio? Koboŋo, kiboioto kekabaka: naarai irai ijo emoit, ido loitwobositai; kobono aiboisikon, Naarai napebian ibuni ijo, tikesirimi lolo jo kasio, naarai alosi neapedori? Koboŋo ijo, kinyaka da ikoniinacan; kojaenena aitim ka abeit kajo,” Koboŋok Itai ekabaka atiar, “Kwape ejaria EJAKAIT, kwape ejaria da ekajakait ekabaka, abeit kaibois neejai ekajakait ekabaka, arai kanuka atwanare arai kanuka aijar, nepenen da ejaenena ekonikejaanakinan.” Kotema Daudi Itai atiar, “Kolot, kotubor.’ Kotubor Itai Bgitit, ka ituŋake kere, ka ludidik kere luajaas kaŋes, Komonya lukakwap kere keporoto kaloepol, kotubonoros ituŋa kere: kotubor ekabaka da kaguurut Kiduron, kotuboros ituŋa kere, kobeata erot loka amodiŋ. Ido koany, kobu Abiatar, kobu Sadok da, ka Ilebin kere, edakito asaduku naka aitutuket naka Edeke; kosipokis asaduku naka Edeke kwap, aitodol neadaunotor ituŋa kere alomun kore, Kotema ekabaka Sadok atiar, “Kinyaka asaduku naka Edeke ore: arai kadum asianut kakonye nuka EJAKAIT, kenyakuni ŋesi eoŋ bobo, ketodikini ŋesi eoŋ asaduku ka aiboisike da. Konye arai kiner ŋesi kwanata ebe, ‘Mam eoŋ kesiyalamikinit jo’; koany, eoŋ lo, keswamak ŋesi eoŋ kwape itojokitor.” Kotema da ekabaka Sadok esasedoti atiar, “Mere jo ekadwaran? Koboŋo ore inapakina, ijo ka Abiatar, ka odwekus iarei kayes, Akimaas okokukon, ka Yonatan okoku loka Abiatar. Koany, edareuni kaneedokarere amodiŋ, aitodol naijukunia ijo aitejenun eoŋ akiro.” Aso kodakasi bobo Sadok ka Abiatar asaduku naka Edeke kinyakasi Yerusalem: kiboioto kaŋina. Kodoka Daudi kaneedokanarere moru loka Iseitun, komonyi edoki; kimukite akouke, kolot komam enapit amuk; ituŋa kere da luajaas kaŋes kimukite ŋinituŋanan akouke, kodokasi, komonyete edokete. Kolimokinai Daudi ebe, “Ejai Akitopel toma iketemonokinok lukaiyeiyea ka Abisalom.” Kotema Daudi atiar, “Wu EJAKAIT, keŋaiŋait, kibelok ainerun naka Akitopel araun abaŋaanut.” Kosodi kanen, kedol Daudi kuju moru neemaenenere Edeke, koany, kobu Kusai Earikit airiamakin kaŋes, kocili! ekootike, kojaas alup akouke. Kotema Daudi ŋes atiar, “Arai kiupa keoŋ, iraun ijo lokilaŋirikini eoŋ: Konye arai kiboŋo ijo ore, ilimokini Abisalom ebe, ‘Araun eoŋ ekonikejaanakinan, wu ekabaka; kwape kolo karaar ekejaanakinan loka papakon, kwana da araun ekonikejaanakinan’: ŋes konyet itapalaunia ainerun naka Akitopel kanukaŋ. Mam kereka ijaas kaSadok ka Abiatar isasedotin kaŋina? Aso do, akiro kere nuipupuni kotogo loka ekabaka ilimokini Sadok ka Abiatar isasedotin. Koany, ejaas kes ŋina kodwekec iarei, Akimaas okoku loka Sadok, ka Yonatan okoku loka Abiatar; iyakuunete kes kakiro kere nuipupunete.” Aso koloma Kusai opapero loka Daudi ore; koloma Abisalom da Yerusalem. Ketubor Daudi nediokasilon kokuju moru, koany, kiriamakinos Siba ekejaanakinan loka Mepiboset kaŋes, kopesikinitete asigiria aarei lupetan, kibwokite imugatin akwat aarei, ka aibuŋeta akwatat nuka imusabibun lueokito, ka akwatat nuka araito nuka aiporo, ka eriagi loka emukule loka ebino. Kotema ekabaka Siba atiar, “Inyoin bo apolou kaŋul? “Koboŋok Siba ebe, “Eraas asigiria nuibwanenete lukokal loka ekabaka; ka imugatin ka araito nuka aiporo luenyamete ikatumunak; ka ebino, loemasete luiiloro kamodiŋ.” Kotema ekabaka atiar, “Ali bo okoku loka ejakaitikon?” Kotema Siba ekabaka atiar, “Koany, iboie ŋesi koYerusalem: naarai ebala ebe, ‘Kenyakakini lolo eoŋ ekek loka Isirael ajakanut naka papaka.’’’ Kosodi ekabaka atemar Siba atiar, “Koany, kere luejaas ka Mepiboset eraas lukon.” Kotema Siba atiar, “Wu okwe! Eyalama kadumununei asianut kakonyenekon, ekajakait, wu ekabaka.” Kedol ekabaka Daudi Bakurim, koany, kolom kanen etuŋanan loka ekek loka etogo loka Saul, ekekiror Simei, okoku loka Gera: kolom ŋesi, kilami ŋes elomuni. Kibiribir ŋesi Daudi kamor, ka ikejaanakinak kere luka ekabaka Daudi; kojaas da ituŋa kere ka ikiliok lukagogoŋ kakanike nakoteten ka nakokediany. Kiner Simei kwana ilami ebe, “Irwa, irwa, ijo etuŋanan loka aokot, etuŋanan da loka Belial: Enyaku EJAKAIT mamakon aokot kere nuka ekek loka Saul loirumi ijo aiboisike: ejaik EJAKAIT ajakanut akan naka Abisalom okokukon: ido koany, ilokok ijo kameŋeranutukon, naarai irai ijo etuŋanan loka aokot.” Kosodi Abisai okoku loka Seruia atemar ekabaka atiar, “Kanukinyo ilamia ekiŋok lo lokatwan ekajakait ekabaka? Kisiikinai katubor, keŋaiŋair, kajepa akouke.” Kotema ekabaka atiar, “Inyoin bo kimariai eoŋ kayes, yes odwe luka Seruia? Naarai elami, ido naarai abu EJAKAIT kolimok ŋes ebe, ‘Kilam Daudi’; Iŋai bo do etemari ebe, ‘Kanukinyo kiswamaa ijo kwaŋin?’” Kotema Daudi Abisai ka ikekejaanakinak kere atiar, “Koany, emoi okokuka loalomuni kakuanaka akaijar: mam kereka epedori Ebenyamit lo adepar? Kinyeis ŋes, kisiikis ŋes eilam; naarai ecoraki EJAKAIT ŋes. Motoko kosesen EJAKAIT aronis nakeswamakinitai eoŋ, ido katacakini EJAKAIT eoŋ ajokis itia eilamane lo loka lolo.” Kosodokis Daudi ka iketuŋa alosit: kitor Simei moru kitiirianikina kaŋes, kilami elosi, kibiribiriei ŋes kamor, kituanakini apua. Kopotu ekabaka ka ituŋa kere luajaas kaŋes epasito; kikwar kaŋina. Kobu Abisalom, ka ituŋa kere ikiliok luka Isirael Yerusalem, ka Akitopel da kaŋes. Kosodi kanen, kedol Kusai Earikit opapero loka Daudi mama ejai Abisalom, kotema Kusai Abisalom atiar, “Kidar Edeke ekabaka, kidar Edeke ekabaka.” Kotema Abisalom Kusai atiar, “Erai na asianutukon mama ejai opaperokon? Kanukinyo mam jo iuparotor kopaperokon?” Kotema Kusai Abisalom atiar, “Mam; konye loaseu EJAKAIT ka ituŋa lu, ka ikiliok kere luka Isirael, araun eoŋ lokeŋ, eboie eoŋ kaŋes, Bobo da, tikejaanak eoŋ iŋai? Mam kereka tikejaanak kakonyen nuka okokuke? Kwape kejaanakinia kakonyen nuka papakon, kwaŋin ajaenena kakonyenekon.” Kosodi Abisalom atemar Akitopel atiar, “Kolim cani nuiwomit ijo, kekwaikis ai?” Kotema Akitopel Abisalom atiar, “Koloma mama ejaas abusian nuka papakon, nuetasali ŋesi aidar etogo; eirari Isirael kere ebe kila papakon jo: kosodete egogoŋioros akanin nuka ŋul kere luejaas kajo.” Kosodete kopesikis Abisalom ewema kuju togo; koloma Abisalom mama ejaas abusian nuka papake kakonyen nuka Isirael kere. Kosubito aomisio nuka Akitopel nualimununei ŋesi kapaarasia kanun bala naenisia ituŋanan akirot mama ejai Edeke: ekonenenete nen aomisio kere nuka Akitopel mama ejai Daudi ka Abisalom da. Bobo da kotema Akitopel Abisalom atiar, “Kisiikinai kaseu ituŋa ilukumin itomon kaluarei, anyouni eoŋ arukitori Daudi akuare na: Adolokini ŋes kepas, kitegito da akaninike, etukuriani ŋes: ekerete do ituŋa kere luejaas kaŋes; kenomi do ekabaka bon: Enyakuni ituŋa kere mamakon: kwape eboŋunia aberu ore mama ejai okilenike. Imoot ijo aiiar naka ediopetuŋanan bon: inapakinos do ituŋa kere.” Kitojok noi Abisalom akirot ŋin, ka imakio kere luka Isirael. Kosodi Abisalom atemar atiar, “Konyarakinai cani Kusai Earikit, kapuputu nuenera ŋesi da.” Kebu Kusai mama ejai Abisalom, kotema Abisalom ŋes atiar, “Ener Akitopel kwaŋin: kiswamai kereka kwape eneria ŋesi? Arai mere kwaŋin, kiner ijo.” Kotema Kusai Abisalom atiar, “Akiro nuener Akitopel apak kana mam ejokuka.” Bobo da kotema Kusai atiar, “ljeni ijo papakon ka ituŋake, ebe eraas lukagogoŋok, enyunyurasi kotauonokec, kwape adubu naedemaritai ludidikike kais: erai papakon ekaijot, mam eperete kituŋa. Koany, eŋopit ŋesi kwape kwana kaipany, arai kaibois ace: kosodi kanen, naegeuniata ice kakesi aibiror, ŋin yenepupi ŋun etemari ebe, ‘Ejai earit otuŋa luetupito Abisalom.’ Ŋol da loetitiŋ, loesubit etauke bala etau loka eŋatuny, ipirisiar piris; naarai ejeni Isirael kere ebe egogoŋ papakon, ka ŋul da luejaas kaŋes eraas ituŋa lukatitiŋiok. Konye eoŋ kabala jo ebe kotukokin Isirael kere mama ijai, anyoun koDan kiton Beerseba, kwape asiŋe naejai kariri naka aŋolol kaipues: kolot ijo da elopet ojie. Kwaŋin kidolokini oni ŋes kaibois neetakanunia, kidoikini ŋes kwape edoioto akopyo kwap: mam kinyeini kaŋes ka ituŋa kere luejaas kaŋes ‘karaida idiopet. Bobo da, arai keloma ore, ŋes konyet eyauniata Isirael kere aunoi ore ŋol, kiriari ŋes ocor, aitodol naemameunia alicait adiopet kaŋina.” Kotema Abisalom ka ituŋa kere luka Isirael atiar, “Ainerun naka Kusai Earikit eteleka ainerun naka Akitopel.” Naarai etemoki EJAKAIT aitapalun ainerun naejok naka Akitopel, tetere eyauni EJAKAIT aronis mama ejai Abisalom, Kosodi Kusai atemar Sadok ka Abiatar isasedotin atiar, “Kotema Akitopel kwana kwana mama ejai Abisalom ka imakio luka Isirael: kasodi eoŋ da atemar kwana kwana. Aso do kijuka atipet, kolimokis Daudi ebe, ‘Sirikiper kakuare kana kaneedokarere amodiŋ, konye kotuboros cut; kinyek ekabaka ailikorio, ka ituŋa kere luejaas kaŋes.’’’ Kiboioto Yonatan ka Akimaas En-rogel; kolosenenei akejaanakinan alimonokin kes; koloto kesi kolimokis ekabaka Daudi: naarai mam akotos ituŋa aanyun kes elomarete ore. Konye koany esapat kes, kolimok Abisalom: kiwonyasi kesi kere iarei, kopotu Bakurim togo loka etuŋanan lokejai atan alaroke; kijesaros toma. Kolem aberu arapetait kopesik da aituk naka atan, koloik akima nuicomom kujuke; mam akirot abu kojenun. Kopotu ikejaanakinak luka Abisalom mama ejai aberu togo; kotemasi atiar, “Alu bo Akimaas ka Yonatan?” Kotema aberu kes atiar, “Atuboros kaguurut naka akipi.” Kemoata kes, mam apotu kodumutu, koboŋosi Yerusalem. Kosodi kanen, kedaut alosit, kodokut kesi katan, koloto kolimokis ekabaka Daudi; kotemasi kesi Daudi atiar, “Konyoutu, kiwonyasi kotuboros kakipi: naarai eneru Akitopel kwana aluikin yes.” Kosodi Daudi anyoun, ka ituŋa kere luajaas kaŋes, kotuboros koYorodan: kiwala akwap emamei ediopet kakesi loabu kokurwok atubor Yorodan. Keanyu Akitopel ebe mam ainerunike atupitai, kopetanak lupetan asigiriake, konyou, kolot obukec, oreke, kitemonok eketogo, komiedakin; kotwana, konukai kates naka papake. Kosodi Daudi abunore Makanaim. Kotubor Abisalom ko Yorodan, ŋes ka ituŋa kere luka Isirael. Kodakak Abisalom Amasa ayait ajore aibois naka Yoab. Kerai Amasa okoku loka etuŋanan, ekekiror Itira loka Isirael, loalomari mama ejai Abigal akoku naka Nakas, inac naka Seruia totoke ka Yoab. Kidukuroto Isirael ka Abisalom akwap naka Gilead, Kosodi kanen, kebu Daudi Makanaim, apotu Sobi okoku loka Nakas loka Raba loka idwe luka Amon, ka Makir okoku loka Amiel loka Lo-debar, ka Barisilai Egileadit loka Rogelim, Koyaut iitadan, ka abesenin, ka amoti nuka elupe, ka akima, ka esairi, ka akiria, ka imumwa luikaworitai, ka imare, ka epone ece loegelara loka alos, ka ekirididi loikaworitai, Ka esik, ka akinyet, ka amerekekin, ka ikamonon luka akile lueokito luka aituk, tetere enyamete Daudi ka ituŋa luajaas kaŋes, naarai abalas ebe, “Eriebi eteŋei ituŋa, ilworuna ejakit akur kamodiŋ.” Kimar Daudi ituŋa lukejaas kaŋes, kodakanak ijaka luka ilukumin ka ijaka luka akwat. Kijuka Daudi ituŋa korioŋeta iuni, ediopet akan naka Yoab, ediopet akan naka Abisai okoku loka Seruia, onace loka Yoab, ka ediopet da akan naka Itai Egitit. Kobala ekabaka ituŋa ebe, “Eoŋ da elopet kiupar kayes ojie.” Konye kobalas ituŋa ebe, “Mam jo ilosi: naarai kiiker isio mam kipodoi: karaida ketwana atutubetekosi, mam kipodoi: konye jo iriakas kasio ilukumin itomon: aso tiejok jo asalakin ore ikapakina ayuun sio.” Kotema ekabaka kes atiar, “Nuitojokata yesi, kes eswamai eoŋ da.” Kobwo ekabaka kawai kerute, kolomete ituŋa kere kakwat ka ilukumin. Kicorak ekabaka Yoab ka Abisai ka Itai kinera atiar, “Kiyamuyamut etelepat kanukaŋ, ŋes Abisalom.” Kiirasi ituŋa kere naeeorakinia ekabaka ijaka kere akiro nuka Abisalom. Kosodete kolomasi ituŋa ais ejie ka Isirael; kojau ejie amagoro naka Epuraim. Kipikoroi kaŋina ituŋa luka Isirael kakonyen nuka ikejaanakinak luka Daudi, kojau aario naepol kapaaran kaŋin naka ituŋa ilukumin akwat aarei. Naarai kaŋina abu ejie kisiarakin akwap kere: koar amagoro ituŋa luipu kapaaran kaŋin aitelekarit lukeari ekileŋ. Koturiaikin Abisalom ikejaanakinak luka Daudi. Kibwanenite Abisalom ekenyubu, kitor enyubu kwap katenun nuetumito nuka ekum loepol, kikamakin akou okum, kijeko kokidiŋ akuj ka akwap: korasite enyubu lokibwanenit kinareŋ, Kojai etuŋanan lokeanyuni, kolimok Yoab kinera atiar, “Koany, abu kaany Abisalom ijekokino okum.” Kotema Yoab etuŋanan lokelimokini atiar, “Koany, ibu ijo koany, kanukinyo kigirio aibirun ŋes kwap? Eoŋ da tikainak jo atutubeta atomon nuka epuesa ka arukan.” Kobala etuŋanan Yoab ebe, “Karaida kaainakin atutubeta alukumit nuka epuesa akanika, timam karioo akakan mama ejai okoku loka ekabaka: naarai kipou keirasi kicorakini ekabaka jo ka Abisai ka ltai ebe, ‘Kocoito kereka kinye etuŋanan atiror etelepat Abisalom.’ Konye tikeswama nakaiŋal aiar akeijar (kwabo emamei akirot naibwaio kama ejai ekabaka), asa tikiŋadaar ijo da olopet.” Kosodi kotema Yoab atiar,” Mam apedori aitumor kajo kwaŋin.” Kitiŋ ikojoi iuni kakekan, koremio Abisalom otau, eroko ejari kokidiŋ okum. Itelepai da itomon lukitiŋenenete lujiis luka Yoab kirigaut kicumucumata Abisalom, koara. Kokut Yoab arupepe, koboŋut ituŋa kama kerukitotor Isirael naarai kitikok Yoab ituŋa, Koyaŋaasi Abisalom, kocakakis aipany nakepol kamagoro, kotukokis kujuke atukot naepol noi naka amor: kosodete kokera luka Isirael kere, ŋinituŋanan owemake. Ido eroko Abisalom ejari abu kolem epir lokejai aditot naka ekabaka kosipok: naarai enera atiar, “Emamei eoŋ ikoku yeniitununere ekakiror.” Komaik epir ekekiror: ido enyaritai aiitunet naka Abisalom kiton lolo. Kosodi Akimaas okoku loka Sadok, kobala ebe, “Mere kaker kwape kwana, kaina ekabaka akiro, kwape abu EJAKAIT kitokokolikinio ŋes lukasurupoke.” Kobala Yoab ebe, “Mam iyaŋaari akiro lolo, konye iyaŋaari acepaaran; konye lolo mam iyaŋaari akiro, naarai atwana okoku loka ekabaka,” Kosodi kobala Yoab Ekusit ebe, “Kolot kolimok ekabaka akiro nuiany ijo.” Kokukokin Ekusit Yoab, kopaari akerit. Kosodi Akimaas, okoku loka Sadok, kobala bobo Yoab ebe, “Mam akiro, kisiikinai kaker eoŋ da katupa Ekusit.” Kobala Yoab ebe, “Ikakoku, kanukinyo ikotor ijo akerit, naarai mam ibore yenidumuni kaŋina?” Kotema ŋes atiar, “Mam akiro, akeri eoŋ.” Kobala ŋes ebe, “Koker bo.” Kosodi koker Akimaas, kitor Apuuton, kilany Ekusit. Kiboie Daudi kokidiŋ orutei iarei; kodoka eketeon kuju orute loka abwas, kiteluo koŋoleŋol, ido koany, ekeruni etuŋanan bon. Kiworok eketeon kolimok ekabaka. Kobala ekabaka ebe, “Arai erai ediopet, eyaunit akiro.” Kodiŋirir akerun; koeku die. Kosodi koany eketeon ecetuŋanan loekeruni: konyarau eketeon ekedaran erute, kobala ebe, “Koany, ecetuŋanan loekeruni bon.” Kobala ekabaka ebe, “Eyaunit ŋesi da akiro.” Kotema eketeon atiar, “Aomit eoŋ akerit naka ŋol kaloiŋarenit esubit bala akerit naka Akimaas, okoku loka Sadok.” Kobala ekabaka ebe, “Erai etuŋanan lokajokan, eyaunit akiro nukajokak.” Kiworok Akimaas ekabaka, kotema ŋes atiar, “Yoga.” Kisuded kakonyen nuka ekabaka, kinera atiar, “Kituritete EJAKAIT Ekonideke, loepiko ituŋa lukedakakinete akecekanin ekajakait ekabaka.” Kobala ekabaka ebe, “Ejai etelepat Abisalom ejok?” Koboŋok Akimaas ebe, “Nakejukunia Yoab ekejaanakinan loka ekabaka, ŋes eoŋ ekonikejaanakinan, abu kaany autaar naepol konye mam abu kajen akiro.” Kobala ekabaka ebe, “Komanu, kobwo kane.” Komanu, kobwo. Ido koany, kobu Ekusit; kobala Ekusit ebe, “Ainunit ekajakait ekabaka akiro: naarai kitokokolik lolo EJAKAIT ediŋet loka ŋul kere lukinyoikinete jo.” Kobala ekabaka Ekusit ebe, “Ejai etelepat Abisalom ejok?” Koboŋok Ekusit ebe, “Lukasurup luka ekaiakait ekabaka ka ŋul kere lukinyoikinete jo aikonakin aronis, ekonakis kwape ejaar etelepat ŋol.” Kosodi kiturur noi ekabaka, kodoka togo loejai orute, komony akiyo: napelosi kinera kwanata, ebe, “Wu ikakoku Abisalom, ikakoku, ikakoku Abisalom! Karai gwai eoŋ atwanit kojari ijo, wu Abisalom, ikakoku, ikakoku!” Aponi kolimokinai Yoab ebe, “Koany emonyi ekabaka ekuudiani Abisalom.” Koluor aipikor aibworo mama ejaas ituŋa kere kapaaran kaŋin: naarai kopuput ituŋa ebakai ebe, “ltururwei ekabaka okokuke.” Kidaudaununos ituŋa ore kapaaran kaŋin, kwape idaudaunotor ituŋa luirumito ileic naekeriata koile. Kimuko ekabaka akonyeneke, komony ekabaka keporoto kaloepol ebe, “Wu ikakoku Abisalom, wu Abisalom, ikakoku, ikakoku!” Kobu Yoab togo mama ejai ekabaka, kotema atiar, “Itadaka ijo lolo akwes nuka ikejaanakinakakon kere, luapotu kitajarata aijarakon lolo, ka aijar naka ikonidwe lusap ka lupesur, ka aijar naka aŋorokon, ka aijar da naka abusianakon: Naarai imina ijo lukilaete jo, ilai da lukiminas jo. Naarai ilimo lolo ijo ebe mam ipodo cut ikapolok ka ikejaanakinak; naarai aany eoŋ lolo ebe, arai kejari Abisalom, ka sio da kere katwakito lolo, tiisiyalamikinit ijo noi. Aso do konyou, koloma, kitalaka ikejaanakinakakon: naarai eyapoi alimit EJAKAIT ebe arai mam jo ilomari, emamei etuŋanan loiboiete kajo akuare na: ŋin da erono kamakon adepar aronis kere nakidoikinit jo ageun keiditeukon kiton kwana.” Kosodi ekabaka anyoun, kiboikin orute. Aponi kolimokinai ituŋa kere ebe, “Koany, iboikin ekabaka orute.” Kopotu ituŋa kere mama ejai ekabaka, Abu Isirael koker ŋinituŋanan owemake. Kopegas ituŋa kere anatar atekerin kere nuka Isirael atiar, “Kilaku ekabaka oni kakan naka lukasurupowok, kitajar oni kakan naka Ipilisitian; kwana da aker anyoun kakwap kaneejai Abisalom. Atwaniki Abisalom kojie, lokinyonyoikini akinyet ayait oni. Aso do kanukinyo mam yes ilimunioto akirot ainyakun ekabaka?” Kijuka ekabaka Daudi mama ejai Sadok ka Abiatar isasedotin, ebe, “Kolimokis imakio luka Yuda ebe, ‘Kanukinyo iraunotor yesi lukawasia ainyakun ekabaka togoke? Naarai adol akirot naka Isirael kere mama ejai ckabaka, ainyakun ŋes togoke. Yes ikainacan, yes akoitika, ka akiriŋika; kanukinyo iraunotor yesi lukawasia ainyakun ekabaka?” Kolimokis Amasa da ebe, ‘Mam kereka jo irai akoitika ka akiriŋika? Keswamak Edeke eoŋ kwaŋin ka adepar da, arai mam jo iraun ekapolon loka ajore kakonyeneka tiritir aibois naka Yoab.’’’ Kitukukum itauon luka ituŋa kere luka Yuda, kwape etau loka ediopetuŋanan; kijukasi do mama ejai ekabaka ebe, “Koboŋ, ijo ka ikejaanakinakakon kere.” Koboŋ ekabaka kobu Yorodan. Kobu Yuda Giligal, alosit airiamakin kekabaka, aikwanun ekabaka koYorodan.Kobu Yuda Giligal, alosit airimakin kekabaka,aikwaŋun ekabaka ko Yorodan. Kisunya Simei okoku loka Gera, Ebenyamit lokerai loka Bakurim, kodok nepepe kiluŋa luka Yuda airiamakin kekabaka Daudi. Kejaas ituŋa elukumit luka Benyamin kaŋes, ka Siba ekejaanakinan loka etogo loka Saul, ka odweke itomon ka lukany ka ikekejaanakinak akaisaarei kaŋes; kitoroto Yorodan akonyen nuka ekabaka, Kotubor ataker naerisi aikwaŋar ekal loka ekabaka, aswam da nuitojokit ŋesi, Kibirokin Simei okoku loka Gera akonyen nuka ekabaka naatubunor Yorodan. Kotema ŋesi ekabaka atiar, “Kinyek ejakaitika aimarakin eoŋ aronis, sirikiitu da epali lokiswamakin ekejaanakinanikon jo kapaaran naalomaria ejakaitika ekabaka koYerusalem, sirikibwaiki ekabaka ŋun otau, Naarai ejeni ekejaanakinanikon ebe Adiak eoŋ: aso koany, abu eoŋ lolo karau losodit kotogo kere loka Yosep alosit airiamakin kejakaitika ekabaka.” Konye Koboŋok Abisai okoku loka Seruia ebe, “Mam kereka eario Simei kanu elamia loenyonyoikinit EJAKAIT akinyet?” Kotema Daudi atiar, “Inyoin bo kimariai eoŋ kayes, yes odwe luka Seruia, yes araun lukasurupoka lolo? Eario kereka idiotuŋanan lolo koIsirael? Mam kereka ajeni ebe arai eoŋ lolo ekabaka loka Isirael?” Kotema ekabaka Simei atiar, “Mam jo itwani.” Kiyapoik ekabaka ŋes. Kobu Mepiboset okoku loka Saul airiamakin kekabaka; mam abu kimadite akejeke karaida abarenit epenekike, karaida ailosit igoeneke, ageun kapaaran naalosio ekabaka aitodol apaaran naaboŋunio ŋesi ore inapakina, Kosodi kanen, naabunio ŋesi Yerusalem airiamakin kekabaka, kotema ekabaka ŋes atiar, “Inyo bo kitikokini jo aupar keoŋ, Mepiboset?” Koboŋok ŋesi ebe, “Ekajakait, wu ekabaka, keŋalaŋal eoŋ ekejaanakinanika; naarai abala ekejaanakinanikon ebe, ‘Kopetanak lupetan asigiria, kebwanen, kauparos kekabaka’; naarai eŋwalit ekejaanakinanikon, Konye abu kosabanak ekejaanakinanikon kaneejai ejakaitika ekabaka; konye erai ejakaitika ekabaka kwape emalaika loka Edeke: aso kiswama nuitojokit ijo. Naarai keraas lukokek loka papaka kere kwape lukatwak kakonyen nuka ejakaitika ekabaka: konye ibu ijo kodakak ekejaanakinanikon toma kaŋul luanyamete komesakon. Aso apolou anyoin kijaa keoŋ aiyatakin aimony mama ejai ekabaka?” Kotema ekabaka ŋes atiar, “Kanukinyo iyatakinitor einer akirokon? Abala eoŋ ebe, ‘Kotiakata ijo ka Siba alup.’” Kotema Mepiboset ekabaka atiar, “Eebo, koyana ŋesi kere, naarai abu ekajakait ekabaka togoke inapakina.” Kobu Barisilai Egileadit koRogelim; kotubor Yorodan kekabaka, aiŋarenikin ŋes koYorodan. Kemojoŋit Barisilai noi, kerai loka ikar akaisakanykauni: abu koinakinite ekabaka inyamat naajaar ŋesi Makanaim; naarai kerai ŋesi etuŋanan loapol noi. Kotema ekabaka Barisilai atiar, “Kadokasi keoŋ, ketani eoŋ jo, koYerusalem.” Kotema Barisilai ekabaka atiar, “Imwaasi ai apaarasia nuka ikar luka aijaraka, tape eoŋ kilosi kekabaka Yerusalem? Arai eoŋ lolo loka ikar akaisakanykauni: apedori kereka atiakun nuejok ka nueroko? Epedori bo ekejaanakinanikon akiir nuanyami ka nuamasi? Apedori bobo akiirar eporoto loka ikiliok lueyeete ka aŋor nueyeete? Aso kanukinyo eraunor ekonikejaanakinan alaŋir mama ejai ekajakait ekabaka? Edokari bo ekejaanakinanikon Yorodan kekabaka: kanukinyo karopia ekabaka eoŋ keropit loetia nen? Keŋaiŋait, kisiik ekonikejaanakinan aboŋor bobo, katwanik oreka, ates naka papaka ka totoka, Konye koany, ekejaanakinanikon Cimukam: kodoka ŋesi kejakaitika ekabaka; kiswamak ŋes nuitojokit ijo.” Koboŋok ekabaka ebe, “Edokari Cimukam keoŋ, eswamakini ŋes nuitojokit ijo: ŋin da yenikoto ijo kaneajai eoŋ, keswamakini jo ŋin.” Kodokasi ituŋa kere Yorodan, kodoka ekabaka da; konu ekabaka Barisilai, kilipak ŋes arereŋ; koboŋo ŋesi aiboisike. Kodoka ekabaka kiton Giligal, kodoka Cimukam kaŋes: apotu ituŋa kere luka Yuda ka atutubet naka ituŋa luka Isirael kitodokut ekabaka. Kosodi koany, kopotu ituŋa kere luka Isirael mama ejai ekabaka, kotemasi ekabaka atiar, “Kanukinyo kekokwarotor iinacanawok ituŋa luka Yuda, aitodokun ekabaka ka lukokaleke Yorodan, ka ituŋa kere luka Daudi kaŋes?” Koboŋokis ituŋa kere luka Yuda ituŋa luka Isirael ebe, “Naarai erai ekabaka lokokekikosi: aso kanukinyo inyunyuratar yesi kakiro kaŋun? Kinyam kereka isio luka ekabaka kere? Kiinak kereka isio adioinakinet?” Koboŋokis ituŋa luka Isirael ituŋa luka Yuda atiar, “Atutubeta atomon nuka ekabaka eraas nukosi, ido kijaa isio kanuipu adepar yes kama kaDaudi: kanukinyo kimwaŋitotor sio, mere ti isio kirai lusodit ainerun ainyakun ekabakawok?” Adedeŋ akiro nuka ituŋa luka Yuda aitelekarit akiro nuka ituŋa luka Isirael. Kojaun kanen etuŋanan loka Belial, ekekiror Seba, okoku loka Bikiri, Ebenyamit: kokut ŋesi arupepe, kotema atiar, “Emamei oni akorakinet kama kaDaudi, ido emamei oni airumet kotoma okoku loka Yese: koboŋo ŋinituŋanan owemake, wu Isirael.” Konyout ituŋa luka Isirael kere katupit Daudi, kotupakis Seba okoku loka Bikiri: konye kiketakinos ituŋa luka Yuda ekabakakec, anyoun koYorodan kiton Yerusalem. Kobu Daudi togoke Yerusalem; koyaŋa ekabaka aŋor atomon abusianake, nuetasalit ŋesi aidar etogo, kibwaik kes togo loidarere, kokoranak kes inyamat, konye mam abu koloma mamakec. Kogolokinoi kes kiton apaaran naka atwanarekec, iboiete koipuserune. Kosodi ekabaka atemar Amasa atiar, “Konyarakinai ituŋa luka Yuda kotoma apaarasia auni, ijo da kojaun ne.” Aso kolot Amasa anyaraun ituŋa luka Yuda: konye kitumor adepar apak naaseikinitai ŋes. Kotema Daudi Abisai atiar, “Kwana kiswamakini Seba okoku loka Bikiri oni aronis adepar naeswamakini Abisalom oni: koyaŋa ijo ikejaanakinak luka ejakaitikon korukitor ŋes, kinyek ŋesi adumun ireria luebwaitai, aiku kamawok.” Kolomasi ituŋa luka Yoab ka Ikeretin ka Ipeletin ka ituŋa kere lukirigin atupit ŋes; kolomasi koYerusalem, arukoria Seba okoku loka Bikiri. Kedoloto kesi amoru naapol naajai Gibeon, kobu Amasa airiamakin kakes. Kiridak Yoab inapen luka ejie luanapit ŋesi, kejai arokoba naaenikinitai aŋabetekeŋ kekileŋ lokejai toma akuraruke; napelosi ŋesi kodoi.’ Kotema Yoab Amasa atiar, “Ejok, onaceka?” Kitiŋ Yoab Amasa kopenekike kakekan nakoteten ainu ŋes. Konye mam Amasa abu kopodo ekileŋ lokejai akan naka Yoab: kicumia ŋes akoik, kobukoros amoetekake kwap, mam abu kirucak; kotwana, Apotu Yoab ka Abisai onaceke korukioto Seba okoku loka Bikiri. Kobwo ediopet kokatumunak luka Yoab koapias kaŋes, kotema atiar, “Ŋol loekoto Yoab, ka ŋol da loerai loka Daudi, kotupa Yoab.” Koper Amasa kimodumodun kaokotoke kokidiŋ orot. Keanyu etuŋanan ebe abwout ituŋa kere, kodaka Amasa alemar korot aibwaikin ais, kiswapak anapito, keanyu ŋesi ebe apotu kere luetorito nen kobwout. Kelemari ŋes korot, kiyatakis Ituŋa kere atupar Yoab, arukitor Seba okoku loka Bikiri. Kitor ŋesi atekerin kere nuka Isirae! kiton Abel, ka Bet-maaka, ka Iberin kere: kotukonokinos kesi da kibwapito ŋes. Kopotu kirigautu ŋes ka Abel loka Bet-maaka, kitutuoto etut eiduny ka ere koriakas karwatat: apotu ituŋa kere lukejaas kaYoab kitakitakete arwatat atiyaikin. Kosodi aberu nakacoa aiworo kore ebe, “Kopuputu, kopuputu; keŋaiŋait, kolimokis Yoab ebe, ‘Kikuny, kenerakinos kajo.’’’ Kikunyak ŋes; kotema aberu atiar, “jo ŋes Yoab?” Koboŋok ebe, “Eoŋ lo.” Kosodi ŋin atemar ŋes atiar, “Kopup akiro nuka akejaanakinanikon.” Koboŋok ŋesi ebe, “Apupi.” Kinera ŋesi ebe, “Etapit apeŋo atemar ebe, ‘Abeit iŋisete kesi akiro ka Abel’: kwaŋin kitanaŋete kesi akiro, Ajai eoŋ owai kaŋul luinapakina ka lumunon koIsirael: imoot ijo amudiar ere loerai toto koIsirael: kanukinyo ikotor ijo ailikor airumet naka EJAKAIT?” Koboŋok Yoab ebe, “Madi akuj, madi akuj, eoŋ ailikor arai amudiar. Mam akiro ikote nen: abu etuŋanan loka akwap nakiukon naka Epuraim, ekekiror Seba okoku loka Bikiri, kikeu akekan asurokin ekabaka, ŋes Daudi: kijaik ŋes bon, eoŋ da anyouni kore.” Kotema aberu Yoab atiar, “Koany, eeakunio nat akekou mama ijai karwatat.” Kosodi aberu alosit kacoake mama ejaas ituŋa kere. Kojepasi akou naka Seba okoku loka Bikiri, kocakakis Yoab. Kokut ŋesi arupepe, kisiarakinos anyoun kore, ŋinituŋanan owemake. Koboŋo Yoab Yerusalem mama ejai ekabaka. Koyaite Yoab ajore kere naka Isirael: koyaite Benaia okoku loka Yekoiada Ikeretin ka Ipeletin: Kitelem Adoram esolo; korai Yekosapat okoku loka Akilud ekesiitonokinan. Korai Sebua ekalani; koraas Sadok ka Abiatar isasedotin: Korai da lra Eyairit esasedoti kama ka Daudi. Kosodi kojau ebeli kapaarasia nuka Daudi, ikar iuni, kaŋolikaru; komo Daudi akonyen nuka EJAKAIT, Kotema EJAKAIT atiar, “Erai akirot naka Saul, ka ekekike loka aokot, naarai abu koar Igibeonin.” Konyarau ekabaka Igibeonin einer kakes; (mam Igibeonin araas luka idwe luka Isirael, konye luka luedeuna luka Imorain; apotu idwe luka Isirael kiyapoikis kes: kokoto Saul aiar kes kekokoteke kanuka idwe luka Isirael ka Yuda). Kotema Daudi Igibeonin atiar, “Keswamakinete yes inyo? Aluci da kinyo, tetere ilipakinete airumet naka EJAKAIT arereŋ?” Kotemasi Igibeonin ŋes atiar, “Mam erai akirot naka epuesa arai esabu kidiŋikosi ka Saul, ka ekekike; mam da kibusakinit isio aiar ituŋanan koIsirael.” Kotema atiar, “Nuinerasi yesi, keswamakini ŋin.” Kotemasi kesi ekabaka atiar, “Etuŋanan loabu kodau sio, loabu kiner asurokin sio, amudiar sio kinyek asalakin koikoruno kere luka Isirael. Kijaikinai sio ituŋa ikanykaarei lukodweke, kikajakini isio kes mama ejai EJAKAIT koGibea loka Saul eseuna loka EJAKAIT.” Kotema ekabaka atiar, “Kainakinete yes.” Konye kideu ekabaka Mepiboset, okoku loka Yonatan, okoku loka Saul, kanuka aiyaposit naka EJAKAIT nakejai kidiŋikec, kidiŋ Daudi ka Yonatan okoku loka Saul, Konye koyaŋa ekabaka odwe iarei luka Risipa akoku naka Aia, luaurikinit ŋesi Saul, Arumoni ka Mepiboset; ka odwe ikany luka Mikal akoku naka Saul, luaurikinit ŋesi Aduriel okoku loka Barisilai Emekolatit: Kijaik kes akanin nuka Igibeonin, kikajakis kes moru kakonyen nuka EJAKAIT, kotwaka kesi lukanykaarei kere: koarai kapaarasia nuka aisak, kapaarasia nusodit, kageunet naka aisak esairi. Koyaŋa Risipa akoku naka Aia egoe loka epuko, kopesik atiiba, kageunet naka aisak aitodol neabukokinotor kes akip nuapote kotoma akuj; mam abu kocamak akweny nuka apak adolokin kes paaran, karaida itiaŋ luka ais kuare. Aponi kolimokinai Daudi nukiswamai Risipa akoku naka Aia, abusiat naka Saul. Kolot Daudi koyaŋa akojo nuka Saul ka akojo nuka Yonatan okokuke kaneejaas ituŋa luka Yabes-gilead, luapotu kokokoutu kes korot loka Bet-san, kaibois naekajakiniata Ipilisitian kes, kapaaran nakeariata Ipilisitian Saul koGiliboa, Koyau ŋesi kaŋina akojo nuka Saul ka akojo nuka Yonatan okokuke; kotukonokisi da akojo nuka ŋul kaluekajakinitai. Konukata akojo nuka Saul ka Yonatan okokuke akwap naka Benyamin koSela, ates naka papake Kis: kiswamata kere nuecorakinit ekabaka, Akaulo kaŋun kiira Edeke aiŋaiŋaikinio naka akwap. Kojioto Ipilisitian bobo kaluka Isirael; kolot Daudi ka ikekejaanakinak kaŋes, kitiji Ipilisitian: kilworun Daudi, Abu Isibi-benob, lokerai lokodwe luka ekekososon, alaŋir naka akwarake isekelin akwat auni nuka aisinit, anapit ŋesi ekileŋ lokitetet, koomite ebe eari Daudi. Konye kisigalik Abisai okoku loka Seruia ŋes, kinom Epilisitiat, koar ŋes. Kosodete ituŋa luka Daudi aiyapoikin ŋes atiar, “Mam bobo jo ilomari kasio ojie, kinyek aitudeŋ atala naka Isirael.” Kosodi kanen, kokau kaŋun, kojau bobo ejie ka Ipilisitian koGob: kosodi Sibekai Ekusatit aiar Sap, lokerai lokodwe luka ekekososon, Kosodi kojau bobo ejie ka Ipilisitian koGob; koar Elanan okoku loka Yaareoregim Ebet-lekemit Goliat Egitit, koputos amorok naka akwarake bala akitoi naesonyere. Kosodi kojau bobo ejie koGat, kejai kanen etuŋanan lokaojan, lokejaas ibokor ikanykape kaŋinikan, ka ibokor ikanykape kaŋinikeje, emwaasi ibokoroke akaisaarei ka Iuoŋon; ŋol da aurikinio ekekososon. Nakemwaŋitor ŋesi Isirael abu Yonatan okoku loka Simei onace loka Daudi koar ŋes, Keurikinio ŋul iwoŋon ekekososon koGat; kibiroros kakan naka Daudi kakan da naka ikekejaanakinak. Kolimok Daudi EJAKAIT akiro nuka ekosio kalo kapaaran naayuunia EJAKAIT ŋes kakan naka lukasurupoke kere, kakan da naka Saul. Kotema atiar, “EJAKAIT ŋes atiibaka, ka akabwas, ekayuunanika, lokaŋ obe; Edeke loka atiibaka, amunokina ŋes; Ebukuka, amumwarat naka akaitajario, Akaŋopis naicelelei, neakereanari; Eketajaranika, ijo kitajari eoŋ kotoma akale. Eworoi eoŋ EJAKAIT, loibusakinit aiturio; Ketajareneneo kwaŋin kama kalukasurupoka. “Karapiasi eoŋ akailan nuka atwanare, Ketukuriana eoŋ akalele nuka numam ayoŋit Edeke. Kerimorito aunoi nuka Okatwak: Kepoka iica luka atwanare. “Keworo EJAKAIT kotoma ocanika, Eebo, keworo mama ejai Edekeka: Abu kiira ekaporoto koyekaluke, Kodolok aimonyoka akiike. “Kosodi kijaŋijaŋa akwap, komarani, Kilokilokos da apeteta nuka akui, Kijaŋijanas, naarai anyunyura ŋesi. Kisusumau apuru kokumesike, Kidonyo akim nakelomuni kaitukuke: Kisinep atotol. Kitukukum akuj, kodok; Kojai amuton naejesi ŋaŋ kwap kakejeke. Kibwanen ekerubi, koporo: Eebo, aponi koanyunai kabebenoka nuka ekwam. Kituluo amuton iweman luiswaparito ŋes, Atukon nuka akipi, idouon luitolimakinito luka akui. Kanuka amwekimwek naka akonyeneke, Kineput atotol nuka akim. Kiretu da EJAKAIT kotoma akuj, Kolimo ŋol loejai kuju kakuj ekeporoto. Koguma ikekojoi, kisiarisiara; Aimiliaunet, kisiyaloŋoŋ kes. Kotakanutu da alelesia nuka aŋolol, Kideleleut apeteta nuka akwapin, Kanuka airetakin naka EJAKAIT, Kanuka akutun naka eiyeŋane loka ekumesike. “Abu kijuk kokuju, kayaŋa; Kegalala kakipi nuipu. Abu kayu kama kalokasurupoka lokagogoŋ, Kama kakesi da lukalaito; Naarai ketelekarito eoŋ kagogoŋ. Kabunokis kapaaran naka epolaka; Konye EJAKAIT ŋes ketogogoŋi. Ido abu ketoloma aibois naelal; Abu kayu eoŋ naarai kesiyalamikinit. “Karop EJAKAIT eoŋ kwape kejaar akadolit; Katacak kwape ejaar alaunite naka akaninika, Naarai abu karic irotin luka EJAKAIT, Ido mam abu kejerukana kama ejai Ekadeke, Naarai ajaas itubesiake kere kakonyeneka, Mam abu kanyou da kaneejaas ikisilake, Abu karai loadolit kamake, Abu kedara kenyek aswam numam adolit. Ŋes katacakinia EJAKAIT kwape ejaar akadolit, Kwape ejaar alauniteka kakonyeneke. “Mama ejai yeniketimon itodianakini aitim: Mama ejai yenikadoliton da itodianakini adolit; Mama ejai yenesegara itodianakini aseg; Ido mama ejai yenetumaana itodianakini airebokinet. Naarai itajari ituŋa luemwaŋitai; Konye esesenete akonikonye lueomiara, tetere itisili kes. Naarai irai ijo atalaka, wu EJAKAIT: Itacauni EJAKAIT akamuton, Naarai kanukon arukitor ajore; Ido kanuka aiŋarakinio naka Edekeka elami abwas. Konye Edeke, edolit ekerot; Egimor akirot naka EJAKAIT; Ŋol ŋes ebuku loka ŋul kere luemunos ŋes, “Naarai iŋai bo Edeke dimarai EJAKAIT? Iŋai bo da atiiba dimarai Edekewok? Edeke ŋes akabwas naegogoŋ: Iŋarenikini ŋesi ikadoliton, Ituluori akekeje kwape nuka amiam: Ido kebwaikini eoŋ aiboisioka nukokuju. Isisianakini akakanin ejie; Tetere ikesete akakanin akabwa naka aikomon. Kiinak eoŋ da ebuku loka akoniitajar: Ketopoloo eoŋ aiyapeperakon. Kitalalik eoŋ neetorit, Mam ejurusiaros akatitiban. Ebwapit lukasurupoka, amudia kes; Mam abu kaboŋ aitodol neamudiarotor. Adau kes, ecumucum kes komam epedorete anyoun: Eebo, kibirokinos kwap akejeka. Naarai ibu kitanapik eoŋ agogoŋ najiis; Itukukum ŋul lukanyoikinete. Isiboŋik lukasurupoka ikecepuran neajai eoŋ, Tetere amudiari lukalaito. Apotu kosesenata, konye komameun yenitajari: Mama ejai EJAKAIT, konye mam abu Koboŋok. Kasodi kepudapud kes bala apua nuka akwap, Keeakacak kes bala erit loka irotin, kesiarak kes, “Ibu da koyu eoŋ kotoma aŋolopa naka ikatuŋa; Kituluo ekeŋarenon loka atekerin: Kejaanakinete eoŋ ituŋa lumam lem ajeni. Kanonokikinete imo: Atipet kepuput nukaŋ karimarete. Eoliorete imo, Elomunete emaranete kaiboisiokec nuŋopis. “Ejari EJAKAIT: kituritete atiibaka; Kitopolooritete Edeke loka atiiba naka akaitajario, Ŋes Edeke lokenyaŋakini, Ketapatanikini eoŋ ituŋa, Kaiyanari eoŋ kama ejaas lukasurupoka; Eebo, kidaka eoŋ kuju kaŋul kalukanyoikinete: Kiyu eoŋ kama ejai ituŋanan yenikakaje. “Ŋes kemalaenena jo kotoma atekerin, wu EJAKAIT, Ayeenenei aiturit ekonikiror. Einakini ekabakake aitajar naepol; Itodianakini da nuka asianut-nakamin lokinyonyoikitonoke akinyet, Daudi ka akeur ikar kere.” Nu kes akiro nukawasia nuka Daudi. Abu Daudi okoku loka Yese, Etuŋanan da loekeunitai kuju, Loenyonyoikinit Edeke loka Yakob akinyet, Ekayoot da loitojokitai koIsirael kobala ebe: “Kiner emoyo loka EJAKAIT kotomakaŋ, Kojaun akirotoke aŋajepeka. Abala Edeke loka Isirael, Kiner Atiiba naka Isirael keoŋ ebe, Ŋol loeyait ituŋa kadolit, Loeyait kayoŋit naka Edeke, Eraun ŋol kwape aica naka tupuruc kelom akoloŋ: Atupuruc naemameatar idouon; Kelom amel kokwap, Kecau kipioror kikwaa akiru. Abeit mam ekakek esubit kwaŋin mama ejai Edeke; Konye do kitutuk ŋesi keoŋ aitutuket namam edaun, Naitemokino kakiro kere, naiticasitai; Naarai erai aitajarioka kere, ka eimielika kere, Karaida mam itopoloi. Konye eraunos lumam eyoŋito Edeke kere kwape ikukwa lueremorio, Naarai mam epedorio aitiŋ kakan: Konye etuŋanan loetiŋi kes Kibusakinit akapakin kasuat ka amorok naka akwara; Icweikinio kes cut kakim kaiboisikec.” Lu kes ikiroria luka ituŋa lukirigin lukejaas kaDaudi: Yoseb-basebet Etakemonit, ejakait loka ikapolok; kodaku ŋol akekwara asurokin akwat akanykauni luaari atipet. Kotupite Eleasar okoku loka Dodai okoku loka Ekokait, ediopet kotuŋa iuni lukirigin luka Daudi, nakemwaŋitotor kesi Ipilisitian lukejaas ŋina etukokina ejie, kolosito ituŋa luka Isirael: Konyou ŋesi, kodany Ipilisitian aitodol neetegia akekan, kimakakin akekan okileŋ: kijaik EJAKAIT aipikor naepol kapaaran kaŋin; kobonut ituŋa kodumut ebe asal aijoreun bon. Kotupite Sama okoku loka Agee Ekararit. Kotukonokinos Ipilisitian korioŋet, nekejai emanikor loeleleba epone ece loka akima; kokerata ituŋa kaneajaas Ipilisitian. Konye kobwo ŋol kokidiŋ omanikor, kojiu ŋes, koar Ipilisitian: kijaik EJAKAIT aipikor naepol. Kikokororos iuni kotoma akaisauni lukapolok, kopotu mama ejai Daudi kapak naka aisak, neejai abua naka Adulam; kidukurite erioŋet loka Ipilisitian aditot naka Repaim, Kejai Daudi toma abwas, kejai abwas naka iserikalei luka Ipilisitian Bet-lekem. Kimiela Daudi, kotema atiar, “Arai kainak idiotuŋanan eoŋ akipi aimat nuka atan naka Bet-lekem, naidunyas kerute!” Kocila ituŋa luuni lukirigin ajore naka Ipilisitian, kowokut akipi katan naka Bet-lekem, naidunyas kerute, koyaŋas, koinutu Daudi: konye koŋer aimat, konye kiwela mama ejai EJAKAIT. Kotema atiar, “Madi akuj eoŋ aswam ŋin, wu EJAKAIT: amasi kereka aokot nuka ituŋa lualosito akaŋas naka aijarakec?” Kanuka ŋun koŋer aimat. Kiswamata ituŋa luuni lukirigin akiro ŋun. Kerai Ablsai onace loka Yoab, okoku loka Seruia, lokapolon loka luuni, Kodaku ŋesi akwarake asurokin akwat auni, koar kes, kodum ekiror kotoma luuni. Mam ŋes etopolooritai kouni? Kanuka ŋun kitaraunai ekapolonikee: konye mam abu kodolok luuni lusodit. Benaia da okoku loka Yekoiada, okoku loka etuŋanan loetitiŋ loka Kabuseel, loabu kiswama aswamisio nukagogoŋ, abu ŋesi koar odwe iarei luka Ariel loka Moab: kijesar da koar eŋatuny kokidiŋ aipany kapak naka akako: Koar ŋesi Emisiriat, etuŋanan lotemel: kitinite Emisiriat akwara kakanike; konye kolot ŋol mama ejai ŋesi kebela, kodem akwara kakan naka Emisiriat, koar ŋes kakwarake elopet. Kiswama Benaia okoku loka Yekoiada akiro ŋun, kodum ekiror kotuna luuni lukirigin. Kitopolooritete ŋes adepar akaisauni, konye mam abu kodolok luuni lusodit. Kodakak Daudi ŋes ayait ikedarakake. Kerai Asakel onaec loka Yoab ediopet kotoma akaisauni; Elanan okoku loka Dodo loka Bet-Iekem; Sama Ekarodit, Elika Ekarodit; Keles Epalitit, Ira okoku loka Ikkes Etekoit; Abieser Enatotait, Mebunai Ekusatit; Salumon Ekokait, Makarai Enetopatit; Keleb okoku loka Baana Enetopatit, Itai okoku loka Ribai loka Gibea loka idwe luka Benyamin; Benaia Epiratonit, Kidai loka aguurun nuka Gaas; Abi-alibon Erabatait, Asumabet Ebarumit; Eliaba Esaalibonit, odwe luka Yasen, Yonatan; Sama Ekararit, Akiam okoku loka Sarar Erarait; Elipelet okoku loka Akasibai, okoku loka Emaakatit, Eliam okoku loka Akitopel Egilonit; Kesero Ekaramelit, Paarai Erabait; Igal okoku loka Natan loka Soba, Bani Egadit; Selek Emonait, Nakarai Ebeerotit, luadakito lujiis luka Yoab okoku loka Seruia; Ira Etirit, Gareb Etitit; Uria Ekitit: akaisauni ka lukanykaarei kere. Kinep bobo anyunyura naka EJAKAIT aluikin Isirael, kisidik Daudi aluikin kes ebe, “Kolot, kimar Isirael ka Yuda.” Kotema ekabaka Yoab ekapolon loka ajore lokejai kaŋes ebe, “Kirimirim anatar atekerin kere nuka Isirael ageun koDan kiton Beer-seba, kimarata ituŋa, kajenu eoŋ etiai loka ituŋa.” Kotema Yoab ekabaka atiar, “Kiyatak EJAKAIT Ekonideke ituŋa kwape ejaar etiaikec irwan akwatat, koanyutu akonye nuka ekajakait ekabaka: konye kanukinyo kisiyalamikinitor ŋin ekajakait ekabaka?” Kiteleka do akirot naka ekabaka ŋin naka Yoab ka naka ikapolok luka ajore. Koloma Yoab ka ikapolok luka ajore kaneajai ekabaka aimar ituŋa luka Isirael. Kikwaŋaros Yorodan, kidukuroto Aroer, kari nakoteten naka ere loejai kidiŋ aditot naka Gad, kiton Yaser: Kosodete adolokin Gilead, kiton akwap naka Tatimodisi; kodolot Dan-yaan, kirimosi kiton Sidon, Kodolot abwas naka Turo, kiton oreria kere luka Ikibin, ka luka Ikanaanin: kolomasi kiton ari naka eŋalakimak naka Yuda, koBeer-seba. Aso kedaut airimirim anatar akwap kere, kopotu kesi Yerusalem ketuboros ilapio ikanykaoŋon ka apaarasia akaisaarei. Abu Yoab koinak ekabaka etiai loka ituŋa luemari ŋesi: kojaas koIsirael ituŋa ilukumin akwat akanykauni luketitiŋ luautununere ikileŋa; emwaasi ituŋa luka Yuda ilukumin akwat akany, Kodusaun Daudi etau kedau aimar ituŋa. Kotema Daudi EJAKAIT atiar, “Adiaka noi kanueswama: konye wu EJAKAIT, keŋaiŋait, kolema numam adolit nuka ekonikejaanakinan; naarai eswama eoŋ nukabaŋaanut naepol.” Kenyou Daudi tupuruc, kobu akirot naka EJAKAIT mama ejai cnebi Gad, ekadwaran loka Daudi, ebe, “Kolot kolimok Daudi ebe, ‘Inera EJAKAIT kwanata ebe, Kejaik jo akiro auni; koseu ijo adiopet kakesi, tetere keswamakini jo.’’’ Kobu do Gad mama ejai Daudi, kolimok ŋes, kotema ŋes atiar, “Epote kereka ikar ikanykaarei luka ebeli mamakon kakwapukon? Arai bo ikeri kereka ijo ilapio iuni kakonyen nuka lukasurupokon korukitotor kesi jo? Arai bo ejaun atular apaarasia auni kakwapukon? Aso kiner, koomoom nuaboŋokini eoŋ ŋol lokejukuni.” Kotema Daudi Gad atiar, “Katiokikis noi; mere kebirokinos akan naka EJAKAIT; naarai epol akeitim: kenyek aibirokin akan naka ituŋanan.” Kijuk EJAKAIT atular toma Isiracl ageun tupuruc kiton apak nakeseunitai: kotwakata ituŋa ilukumin akaisakanykaarci ageun koDan kiton Beer-seba. Nakerio emalaika akekan adodit Yerusalem amudiar ŋes, kiitu EJAKAIT aronis, kotema emalaika loamudiari ituŋa atiar, “Adol do; kinyaka akonikan.” Edunyas emalaika loka EJAKAIT kepejal loka Arauna Eyebusit. Keanyu Daudi emalaika loadanyi ituŋa kotema Daudi EJAKAIT atiar, “Koany, adiaka eoŋ, eswama nukepali: konye amerekekin nu, eswamata anyoika? Keŋaiŋait kaluik eoŋ akonikan, ka ekek loka papaka.” Kobu Gad mama ejai Daudi kapaaran kaŋin, kotema ŋes atiar, “Kolot, kodukok EJAKAIT etem opejal loka Arauna Eyebusit.” Kolot Daudi kwape ejaar akirot naka Gad, kwape ecorakinia EJAKAIT. Kiteluo Arauna, koany eka baka ka ikekejaanakinak eponito mama ejai ŋesi: kolom Arauna kokukum kakonyen nuka ekabaka kitulurite akekou. Kotema Arauna atiar, “Kanukinyo ebunitor ekajakait ekabaka mama ejai ekekejaanakinan?” Kotema Daudi atiar, “Agwelakin kajo epejal, adukokin EJAKAIT etem, tetere enaŋi atular kotuŋa.” Kotema Arauna Daudi atiar, “Koyaŋa ekajakait ekabaka koinak nuitojokit ŋesi: koany, imoŋin luka ainakinet naicweio, ka iboro lukicomet, ka iboro luka imoŋin araun akitoke: Wu ekabaka, einakini Arauna ŋun kere mama ejai ekabaka.” Kotema Arauna ekabaka atiar, “Kocam EJAKAIT Ekonideke jo.” Kotema ekabaka Arauna atiar, “Mam; konye abeit kigwelakin kotiaike: mam ainakini EJAKAIT Ekadeke ainakineta nuicweio kiboro kaluiinakina taai.” Kwaŋin kogwel Daudi epejal ka imoŋin kisekelin akaisakany nuka epuesa. Kodukok Daudi EJAKAIT etem nepenen, koinak ainakineta nuicweio, ka ainakineta nuka ainapakin. Kwaŋin kiira EJAKAIT aiŋaiŋaikinio naka akwap, konaŋ atular koIsirael. Amojoŋit ekabaka Daudi kokokosanite noi; kimukosi ŋes kigoen. Konye mam abu komwanu. Kanuka ŋun kotemasi ikejaanakinakake ŋes atiar, “Komoikinai abekot nakatumunan ekajakait ekabaka: kobwoi ŋesi kakonyen nuka eka baka aiŋarakinit ŋes; koperenenei ŋin katorobukon, tetere ejakaitika ekabaka edumuni amwanis.” Kosodete komout apese naatemel anatar iikoruno kere luka Isirael, kodumut Abisag Asunamit, koyaut ŋes mama ejai ekabaka. Kitemelel apese noi; kiŋarakinite ekabaka, kijaanaki ŋes; konye mam eka baka abu kojen ŋes. Kosodi Adoniya okoku loka Kagit aitopoloor bon atiar, “Araun eoŋ ekabaka.” Kitemonok ŋesi agalin ka ikebwanenok, ka ituŋa akaisakany akerenen koiŋarenike. Mam papake abu kitakadikinite ŋes kaijarake kere ebe, “Kanukinyo iswamaa ijo ŋun?” Kerai ŋesi da etuŋanan lootemel; aurio ŋes akaulo ka Abisalom. Kinerut ŋesi kaYoab okoku loka Seruia, ka Abiatar esasedoti: kotupasi Adoniya kiŋarakis ŋes. Konye Sadok esasedoti, ka Benaia okoku loka Yekoiada, ka Natan enabi, ka Simei, ka Rei, ka ituŋa lukirigin luka Daudi mam ajaas ka Adoniya. Koarak Adoniya amerekekin ka imoŋin ka lukasiepai amoru naka Sokelet, naidunyas ka En-rogel; konyarau ŋesi iinacanake kere odwe luka ekabaka, ka ituŋa kere luka Yuda ikejaanakinak luka ekabaka: Konye mam abu konyarau Natan enabi, ka Benaia, ka ituŋa lukirigin, ka Solomon onaeeke. Kosodi Natan atemar Bat-seba toto naka Solomon atiar, “Mam kereka jo ipupunit ebe erum Adoniya okoku loka Kagit, komam Daudi ekapoloniwok ejeŋi? Aso do kobia, keŋaiŋait, kener kajo tetere itajari akoniijar, ka aijar da naka okokukon Solomon. Kolot, koloma ijo mama ejai eka baka Daudi, kotema ŋes atiar, ‘Ekajakait, wu ekabaka, mam jo iyapoikinic akejaanakinanikon ebe, “Abeit irumi Solomon okokukon atupakin eoŋ, iboikini ŋesi oicoloŋoka loka ajakanut”? Aso kanukinyo irumia Adoniya?’ Koany, nape iriŋa ijo inerasi kekabaka, kalomuni eoŋ da atupakin jo, aitogogoŋ akirokon.” Koloma Bat-seba agola mama ejai ekabaka. Amojoŋit ekabaka noi; kijaanakini Abisag Asunamit ekabaka. Kokukum Bat-seba, kisuded mama ejai ekabaka. Kotema ekabaka ŋes atiar, “Inyo bo ikoto ijo?” Kotema ŋes atiar, “Ekajakait, ibu ijo kiyapoik akejaanakinanikon kolimite EJAKAIT Ekonideke ebe, ‘Abeit irumi Solomon okokukon atupakin eoŋ, iboikini ŋesi oicoloŋoka loka ajakanut.’ Kwana, koany, irumit Adoniya: ijo da, ekaiakait ekabaka, mam iieni: Aar imoŋin ka lukasiepai ka amerekekin nuipu noi, anyara odwe kere luka ekabaka, ka Abiatar esasedoti, ka Yoab ekapolon loka aiore: konye mam abu konyara Solomon ekejaanakinanikono Ŋo da, ekajakait ekabaka, kisesenete akonye kere nuka Isirael jo, tetere ilimokini kes iŋai iboikini oicoloŋ loka ekajakait ekabaka atupakin ŋes, Arai mere kwaŋin, keiotoor ekajakait ekabaka kalukapapaake, kimarakinio eoŋ ka Solomon okokuka kwape ikadiakanarak.” Ido koany, naperina ŋesi ineras kekabaka, kolom Natan enabi. Kolimokinai ekabaka ebe, “Koany, Natan enabi lo,” Kelom ŋesi mama ejai ekabaka, kokukum kakonyen nuka ekabaka kitulur akouke. Kotema Natan atiar, “Ekajakait, wu ekabaka, kibala teni kolo ijo ebe, ‘Adoniya irumi atupakin eoŋ, ŋes iboikini oicoloŋoka loka ajakanut”? Naarai alot ŋesi lolo, aar imoŋin ka lukasiepai ka amerekekin nuipu noi, anyara odwe kere luka ekabaka, ka ikapolok luka aiore, ka Abiatar esasedoti: ido koany, enyamete, emasete kakonyeneke, kobalas atiar, ‘Kidari Edeke ekabaka Adoniya.’ Konye eoŋ, ekejaanakinanikon, ka Sadok esasedoti, ka Benaia okoku loka Yekoiada, ka Solomon ekejaanakinanikon, mam abu konyara. Kerai kereka nin akirot nakiswamai ejakaitika ekabaka, komam itodiarit mama ejaas ikejaanakinakakon ŋol loiboikini oicoloŋ loka ekajakait ekabaka atupakin ŋes?” Kosodi ekabaka Daudi aboŋokin ebe, “Konyarakinai Bat-seba.” Kobu nin mama ejai ekabaka, kobwo kakonyen nuka ekabaka. Kiyapo ekabaka kobala ebe, “Kwape eiaria EJAKAIT, loalaku akaijar koean kere, Abeit, kwape eyapoikinio jo alimit EJAKAIT, Edeke loka Isirael atiar, ‘Abeit irumi Solomon okokukon atupakin eoŋ, iboikini ŋesi oicoloŋoka loka ajakanut aiboisika’; abeit eswamai kwaŋin lolo.” Kosodi Bat-seba aitulur akouke kwap, kisuded mama ejai ekabaka, kotema atiar, “Kojar ekajakait ekabaka Daudi ikar kere.” Kotema ekabaka Daudi atiar, “Konyarakinai Sadok esasedoti, ka Natan enabi, ka Benaia okoku loka Yekoiada.” Kopotu kesi mama ejai ekabaka. Kotema ekabaka kes atiar, “Koyaŋaasi ikeiaanakinak luka eiakaitikus kayes, kisibwanenoto Solomon okokuka ekanyubu, koyaŋaasi ŋes Gikon: Kinyonyoanakis Sadok esasedoti ka Natan enabi ŋes akinyet araun ekabaka loka Isirael: kokutakis yesi arupepe, kobalasi ebe, ‘Kidar Edeke ekabaka Solomon.’ Kosodete yesi atupakin ŋes, ebuni neai kiboikin oicoloŋoka; naarai eraun ŋesi ekabaka aiboisika: aseu eoŋ ŋes araun lokapolon loka Isirael ka Yuda.” Koboŋok Benaia okoku loka Yekoiada ekabaka atiar, “Kikote nepenen: kiner kwape kwaŋin EJAKAIT Edeke loka ejakaitika ekabaka. Kwape kejaenena EJAKAIT kejakaitika ekabaka, kojaenena kwaŋin ka Solomon da, kitopolo eicoloŋoke aitelekarit eicoloŋ loka ejakaitika ekabaka Daudi.” Aso kolot Sadok esasedoti, ka Natan enabi, ka Benaia okoku loka Yekoiada, ka Ikeretin ka Ipeletin, kisibwanenoto Solomon enyubu loka ekabaka Daudi, koyaut ŋes Gikon. Kolem Sadok esasedoti amumwarat naka akinyet koWema, kinyonyoik Solomon. Kokutakis arupepe; kobalas ituŋa kere ebe, “Kidar Edeke ekabaka Solomon.” Kopotu ituŋa kere atupakin ŋes, kokusete ituŋa alamarun, kolakara kaiyalama naepol, koeila akwap kanuka eporotokec. Kiira Adoniya ka ipejok kere luajaas kaŋes kedaut kesi ainyam. Kepupu Yoab eporoto loka arupepe, kotema atiar, “Inyo bo ibwaanarere kore?” Eroko inera ŋesi, koany, kobu Yonatan okoku loka Abiatar esasedoti; kotema Adoniya atiar, “Kolom; naarai irai ijo etuŋanan lokaibuses, iyaunit akiro nukajokak.” Koboŋok Yonatan Adoniya ebe, “Abeit etarau ejakaitiwok ekabaka Daudi Solomon ekabaka: Abu ekabaka kijuka Sadok esasedoti, ka Natan enabi, ka Benaia okoku loka Yekoiada, ka Ikeretin ka Ipeletin kaŋes, kisibwanenoto ŋes enyubu loka ekabaka. Apotu Sadok esasedoti ka Natan enabi kinyonyoikis ŋes akinyet araun ekabaka koGikon: apotu kopotu kaŋina elakara, ŋes ebwaaritor ere noi. Ŋol ŋes eeelet loipotu yesi kiirasi. Ido eboikin Solomon oicoloŋ loka ajakanut. Bobo da kopotu ikejaanakinak luka ekabaka ailipakin ejakaitiwok ekabaka Daudi arereŋ ebe, ‘Kitojok Edekekon ekiror loka Solomon aitelekar ekirorikon, kitopolo eicoloŋoke aitelekarit eicolonokon”: kokukum eka baka koitada. Ener ekabaka kwanata atiar, “Kiturltete EJAKAIT, Edeke loka Isirael, loainaki loiboie oicoloŋoka lolo, aanyut akakonye da.’” Kokuriakaros ipejok kere luka Adoniya, konyout, kolot ninituŋanan korotoke. Kokurianar Adoniya kanuka Solomon; konyou, kolot, kikam amumwara nuka etem. Kolimokinai Solomon atiar, “Koany, akurianar Adoniya ekabaka Solomon: naarai, koany, ekamu ŋesi amumwara nuka etem ebe, ‘Kisiau ber eka baka Solomon aiyapoikin eoŋ ebe mam eari ekejaanakinanike kekileŋ.’’’ Kotema Solomon atiar, “Arai kitodiari bon araun etuŋanan lokaibuses, emameun etimatake loedoi kwapr konye arai ketakanu aronis kotomake, etwani bo ŋesi.’ Aso kijuka ekabaka Solomon, koyaunai ŋes kotem, Kobu kisuded kama ejai ekabaka Solomon: kotema Solomon ŋes atiar, “Kolot togokon.” Keapuunito apaarasia nuka Daudi nuka atwanareke; kicorak Solomon okokuke ebe, “Alosi eoŋ neelosete lukakwap kere: asa kogogonor, kitodiar kwape ekiliokit; Korieenenei akirot naka EJAKAIT Ekonideke, alosenen korotinike, korieenenei ikekisila, ka aicorakinetake, ka itubesiake, ka aitejenunetake, kwape ejaatar nuiwadikatai kokisila luka Musa, tetere ikeriana kanun kere nuiswamai, ka neibelonokinor kere: Tetere itogogoni EJAKAIT akekirot naenera kamaka ebe, ‘Arai eeoito ikonidwe erotokee, alosenen kakonyeneka kabeit kitauonokec kere, kaijarakec kere, (abala ŋesi ebe) Mam kimamikini ijo etuŋanan loirumi ajakanut naka Isirael.’ “Bobo da ijeni ijo da nuabu Yoab okoku loka Seruia keswamak eoŋ, nuabu ŋesi kiswamak ikapolok luarei luka ajoresio nuka Isirael, Abiner okoku loka Ner, ka Amasa okoku loka Yeter, luaari ŋesi, kobuko aokot nuka ejie kapak naka ainapakin, kojukok aokot nuka ejie arokobake naaenikinit kaŋabeteke, toma amukake da nuajaas akeieke. Aso kiswama ijo kwape ejaar acoakon, sirikiyu akekou naabwaŋut akorwo alomar okatwak inapakina. Konye kitodik odwe luka Barisilai Egileadit asianut, koraut ke si kanul kaluenyamete komesakon: naarai apotu kesi kekonakis eoŋ kwaŋin naakerea eoŋ Abisalom onaeekon. Ido koany, ejai Simei okoku loka Gera, Ebenyamenit loka Bakurim mamakon, loabu kelam eoŋ eiamit loerono kapaaran naalosia Makanaim: konye abu ŋesi kobu airiamakin keoŋ Yorodan, keyapoik ŋes kalimite EJAKAIT ebe, ‘Mam kaari jo kekilen.’ Aso do siriwomit ebe mam ŋes egwaunit akirot, naarai ico ijo; ijenuni da nuibusakinit aiswamakin ŋes, itolomari kaokot akekou naabwanut akorwo ates.” Kojotor Daudi kalukapapaake, kidaikinai ore loka Daudi. Apaarasia da nuerumitor Daudi Isirael emwaasi ikar akaisaoŋon: kirum ŋesi ikar ikanykaarei koKeburon, kirum da ikar akaisauni ka luuni ko Yerusalem. Kiboikin Solomon oicoloŋ loka Daudi papake; kicat noi akejakanut. Kosodi Adoniya okoku loka Kagit abunore mama ejai Bat-seba toto naka Solomon. Kotema nin ŋes atiar, “Ibunit ijo kainapakin?” Kotema atiar, “Kainapakin.” Ido kotema atiar, “Ejaas nuakoto einer kajo.” Kotema nin atiar, “Kiner cani.” Kotema atiar, “Ŋeni ijo ebe kerai ajakanut nakan, kasesenete eoŋ luka Isirael kere tetere erumi: konye ebelokin ajakanut, araun naka onaeeka: naarai kerai nake kama ka EJAKAIT. Kwana da kelipit jo adiopekirot, sirikiner.” Kotema ŋin ŋes atiar, “Kiner cani.” Kotema atiar, “Keŋaiŋait, kilip Solomon ekabaka, (naarai mam ŋes kincrokin jo) kakorak Abisag Asunamit kerum.” Kotema Bat-seba atiar, “Aso ejok; enerakini akonikiro mama ejai ekabaka.” Kanuka nun abu Bat-seba koloma mama ejai ekabaka Solomon ailipakin Adoniya. Konyou ekabaka airiamakin kaŋes, kokukum kamake, kiboikin oicoloŋoke loka ajakanut, kicorak aibwaikin eicoloŋ loka toto naka ekabaka; kiboikin ŋesi akanike nakoteten. Kosodi ŋin atemar atiar, “Kelipit jo adiopekirot: sirikiner.” Kotema ekabaka ŋes atiar, “Kilip, toto, naarai mam eoŋ kanerokini jo.” Kotema ŋes atiar, “Kokorakinai Abisag Asunamit onaeekon Adoniya airum.” Koboŋok ekabaka Solomon totoke ebe, “Kanukinyo ilipia ijo Abisag Asunamit akorakinio Adoniya? Kilipakini ŋes ajakanut da; naarai erai onaceka lokapolon; kilipak ŋes, ka Abiatar esasedoti, ka Yoab okoku loka Seruia da.” Kosodi ekabaka Solomon aiyapo elimit EJAKAIT ebe, ‘Keswamak Edeke eoŋ kwaŋin ka adepar da, arai mam Adoniya elimunit akirot nin itia akeijar.’ Aso do, kwape ejaria EJAKAIT, loabu keticat eoŋ, kesiboik oicoloŋ loka Daudi papaka, loabu kadumak eoŋ ekal, kwape kisumunio, abeit eario Adoniya lolo.” Kijuka ekabaka Solomon kakan naka Benaia okoku loka Yekoiada; kinom ŋes, kotwana, Abu ekabaka kotema Abiatar esasedoti atiar, “Kolot Anatot, alupokon; naarai ibus ijo atwanare: konye mam eoŋ kaari jo kwana, naarai ibu kodak asaduku naka EJAKAIT Edeke kakonyen nuka Daudi papaka, ido naarai kitieanitoi jo kanun kere nukiticanete papaka.” K wanin kirenea Solomon Abiatar kinyek araun esasedoti mama ejai EJAKAIT; tetere itodolikini akirot naka EJAKAIT, naabu kiner nuka ekek loka EH koSilo. Kopup Yoab nun; naarai abu Yoab kotup Adoniya, konye mam abu kotup Abisalom. Koker Yoab owema loka EJAKAIT, kikam amumwara nuka etem. Aponi kolimokinai ekabaka Solomon ebe, “Aker Yoab owema loka EJAKAIT, ido koany, ejai ariri ketem.” Kosodi Solomon aijukar Benaia okoku loka Yekoiada ebe, “Kolot, koar ŋes.’ Kobu Benaia owema loka EJAKAIT, kotema ŋes atiar, “Inera ekabaka kwanata ebe, ‘Kolom.’’’ Kotema atiar, “Mam; konye atwanikini ne.” Kinyak Benaia akirot mama ejai ekabaka ebe, “Ebala Yoab kwaŋin, ido kabonok eoŋ kwaŋin.” Kotema ekabaka ŋes atiar, “Kiswama kwape ebalar, koar ŋes, konuk ŋes; tetere ilemari aokot nuabu Yoab kobuko komam akirot, kamakaŋ, ka ekek loka papaka. Kitebeik EJAKAIT aokotoke akouke elopet, naarai abu kinom ituŋa iarei luedolito ka luejok adepar ŋes, koar kes kekilen, komam papaka Daudi ejeŋi, kes Abiner okoku loka Ner, ekapolon loka ajore naka Isirael, ka Amasa okoku loka Yeter, ekapolon loka ajore naka Yuda. Kwaŋin kobeikis aokotokec akou naka Yoab, kakwes da nuka aurike ikar kere: konye mama ejai Daudi, ka aurike, ka ekekike, ka eicoloŋoke loka ajakanut, ejaun ainapakin naebuni kama ejai EJAKAIT ikar kere.” Kosodi Benaia okoku loka Yekoiada alosit, kinom ŋes, koar: konukakinai togoke modin, Kodakak ekabaka Benaia okoku loka Yekoiada ayait ajore aiboisike: kodakak ekabaka Sadok esasedoti aibois naka Abiatar. Kijuka ekabaka konyarau Simei, kotema ŋes atiar, “Kodukok etogokon Yerusalem, kiboienen kanen, sirikilom alosit nenice. Naarai apaaran nailomaria, adokar aguurut Kiduron, kojenu cut ebe abeit itwani; ebeikinete aokotokon akoukon.” Kotema Simei ekabaka atiar, “Iner ejok: kwape ebalar ejakaitika ekabaka, iswamai kwaŋin ekonikejaanakinan.” Kiboienenei Simei ko Yerusalem apaarasia nuipu. Kosodi kanen, ketuboros ikar iuni, apotu ibulesin iarei luka Simei kosiata neejai Akis, okoku loka Maaka, ekabaka loka Gat. Kolimokinai Simei ebe, “Koany, ejaas ikonibulesin Gat.” Konyou Simei, kopetak lupetan asigiriake, kolot Gat mama ejai Akis, amoot ikebulesin: kolot Simei, koyau ikebulesin koGat. Aponi kolimokinai Solomon ebe anyou Simei koYerusalem alot Gat, Aboŋu da. Kijuka ekabaka konyarau Simei, kotema ŋes atiar, “Mam abu kesiyapo jo kolimite EJAKAIT, ketogogon da kamakon ebe, ‘Kojen cut ebe apaaran nin nailomaria, ilosi nenice, abeit itwani?’ Ibu ijo kolimok eoŋ ebe, ‘Akirot nainera ijo ejok.’ Aso kanukinyo mam ibu kidar aiyaposit naka EJAKAIT, ka aicorakinet naabu keeorak jo?” Ido kotema ekabaka Simei atiar, “Ŋeni ijo aronis naipupi otaukon, nakiswamakinit ijo Daudi papaka: kanuka ŋun inyakakini EJAKAIT akonironis akoukon, Konye isirerenio ekabaka Solomon, iticasio da eicoloŋ loka Daudi kakonyen nuka EJAKAIT ikar kere.” Aso kicorak ekabaka Benaia okoku loka Yekoiada; koloma, kinom ŋes, kotwana. Kiticatai ajakanut kakan naka Solomon. Korau Solomon ekamuran loka Parao ekabaka loko Misiri, koyana akoku naka Parao, koyau ŋes ore loka Daudi, aitodol nekedaunia aiduk eketogo, ka etogo loka EJAKAIT, ka arwatat naka Yerusalem airimor. Konye apotu ituŋa koinakis asuban kaiboisio nuiceleleete, naarai mam ber adukokinitai ekiror loka EJAKAIT etogo kiton apaarasia nun. Komina Solomon EJAKAIT, kolosenenei kokisila luka Daudi papake: konye abu koinak asuban, kisupuruuni da lukisupurununio kaiboisio nuiceleleete. Kolot ekabaka Gibeon ainakin asuban kaŋina; naarai kerai ŋin aibois naieelelei nakapolon: abu Solomon koinak ainakineta nuieweio alukumit kotem kanol. Kitaanyikin EJAKAIT Solomon koGibeon kotoma airujasit kuare: kotema Edeke atiar, cc Kilipai nakainakini jo.” Kotema Solomon atiar, “Ibu ijo kitodik ekejaanakinanikon Daudi papaka asianut naepol, kwape aloseneneo kakonyenekon kabeit, kadolit, ka etau loetenara kamakon; kinadakinit ijo ŋes asianut na naepol, koinak ŋes okoku aiboikin oicoloŋoke loka ajakanut, kwape eiaar lolo, Kwana da, wu EJAKAIT Ekadeke, idakak ijo ekeiaanakinanikon araun ekabaka aibois naka Daudi papaka: arai eoŋ ikoku yenididi; mam ajeni alomar karaida alomun. Ejai da ekejaanakinanikon kidiŋ otunakon luibu koseu, ituŋa luipu lumam epedorio aimar karaida aibil kes kanuka aipues. Aso koinak ekejaanakinanikon etau lokapirianut atubokin ikonituŋa, tetere atiaki eoŋ ajokis ka aronis; naarai iŋai epedori atubokin ikonituŋa lu luipu?” Kitoiok EJAKAIT akirot nin naelipit Solomon, Kotema Edeke ŋes atiar, “Naarai ilipit ijo akirot nin, komam ilipit aibut ikar luipu; karaida ailip abar, karaida ailip aijar naka lukasurupokon; konye ilipit apirianut aitiak itubesia; Koany, eswama kwape ejaar akonikirot; koany, kainak jo etau lokaeoa ka apirianut; emamei lem sek loeriakas kaio, mam da enyouni ece atupakin jo loeriakakinos kaio. Kainak da numam jo ilipit, abar, ka ayonio, mam ejaunos kokabakan lueriakuunete kajo apaarasiakon kere, Ido arai ilosenenei korotinika, korieenenei ikakisila ka aicorakinetaka, kwape aloseneneo Daudi papakon, ŋes konyet eyatakinia apaarasiakon.” Kokweny Solomon, ido koany, kerai airujasit: kobu Yerusalem, kobwo koinaren kasaduku naka aitutuket naka EJAKAIT, koinak ainakincta nuicweio, koinak ainakineta nuka ainapakin, kipoik ikejaanakinakake kere epucit. Kosodi do kopotu aŋor aarei, nukeraas nudotia, mama ejai ekabaka, kobwaata kakonyeneke, Kobala aberu adiopet ebe, “Wu ekaiakait, kiperi eoŋ ka aberu na ediopetogo; abu eoŋ kedou ikoku koiai ŋesi da togo. Kosodi kanen, ketuboros apaarasia auni nakadau aidoun, kidoun aberu na da; kija isio nepepe; komamei icetuŋanan kasio kotogo, dimarai isio aarei bonik kotogo. Kotwana ikoku yenika aberu kana kuare; naarai abu ŋesi kicikak, Konyou ŋesi kidinebai, koyana ikakoku kosiepika nakeiotoo akejaanakinanikon, kiperik atorobuke, kiperik ikokuke yenatwanit atorobuka. Naanyounia eoŋ tupuruc aitanak ikakoku, koany, etwanit: konye kadau airere ŋes tupuruc, koany, mam arai ikakoku, yenauriei eoŋ.” Kotema aberu ace atiar, “Mam; konye yenikajaran ijes ikakoku, ka yenikatwan erai ikonikoku.” Kotema ya da ebe, “Mam; konye yenikatwan erai ikonikoku, ka yenikajaran ŋes ikakoku.” Kineras kwaŋin kakonyen nuka ekabaka, Kosodi ekabaka atemar atiar, “Ebala adiopet ebe, ‘Yen ŋes ikakoku yeneiari, ikonikoku da yenetwanit’: ka naee da ebala ebe, ‘Mam; konye ikonikoku yenetwanit, ka ikakoku yenejari.’’’ Kotema ekabaka atiar, “Koomikinai ekileŋ.” Koinut ekabaka ekileŋ. Kotema ekabaka atiar, “Kotiak ikoku yenejari irwan aarei, koinak adiopet atutubet ka naee da atutubet.” Kosodi aberu nakerai ikoku yenejari yenike einer kekabaka, naarai arieba noi eketau ikekoku, kotema atiar, “Wu ekajakait, koinak ŋes ikoku yeneiari, konye sirikiar ŋes.” Konye kobala naee ebe, “Mam eraun yenika, karaida yenikon; kotiak ŋes.” Kosodi ekabaka aboŋokin ebe, “Koinak nin ikoku yenejari, konye sirikiar ŋes: ŋin ŋes totoke.” Kopup Isirael kere nuka etube loatubi ekabaka; koyonito ekabaka; naarai apotu koanyut ebe ejai acoa naka Edeke kaŋes airab. Kerai Solomon ekabaka loka Isirael kere. Lu kes ikapolok luajaas kaŋes; Asaria okoku loka Sadok, esasedoti; Elikorep ka Akiya, odwe luka Sisa, ikalanin; Yekosapat okoku loka Akilud, ekesiitonokinan, Kopolokinite Benaia okoku loka Yekoiada ajore; keraas Sadok ka Abiatar isasedotin. Kopolokinite Asaria okoku loka Natan ijaka; kerai Sabud okoku loka Natan esasedoti, epapero loka ekabaka. Kopolokinite Akisar lukokal: kopolokinite Adoniram okoku loka Abuda esolo. Kejaas Solomon ijaka itomon ka luarei luapolokinito Isirael kere, luadumanakinete ekabaka ka lukokaleke inyamar: ebusakinit nininnjanan ayaunun inyamat ediopelap nclikaru. Lu kes ikiroriakee: Ben-kur, kakwap nakiukon naka Epuraim: Ben-deker, koMakas, ka Saalubim, ka Betsemes, ka Elon-bet-kanan: Ben-kesed, koArubot; ewaike Soko, ka akwap kere naka Keper: Ben-abinadab, kakwap kere naieelelei naka Dor; amanyit ŋesi Tapat akoku naka Solomon: Baana okoku loka Akilud, koTaanak ka Megido, ka Bet-sean kere naedunyas ka Saretan, kwap Yesureel, anyoun koBet-sean kiton Abel-mekola adepar juwai Yokumeam: Bengeber, koRamot-gilead; ewaike ireria luka Yair okoku loka Manase, luejaas koGilead; ewaike akwap naka Arugob, naejai Basan, ireria akaisakanykape lukapolok lukejaas arwatatin ka itiketa luka aisinit, Akinadab okoku loka Ido, koMakanaim. Akimaas, koNaputali; amanyit ŋesi Basemat akoku naka Solomon. Baana okoku loka Kusai, koAser ka Bealot. Yekosapat okoku loka Parua, koIsakar. Simei okoku loka Ela, koBenyamin. Geber okoku loka Uri, kakwap naka Gilead, akwap naka Sikon ekabaka loka Imorain ka naka Og ekabaka loka Basan; kerai ŋesi ejakait ediopet bon kakwap. Epu Yuda ka Isirael, kwape asine naejai ariri naka aŋolol kaipues, enyamete, emasete, elakanaros. Kirum Solomon ajakanuto kere anyoun koCor kiton akwap naka Ipilisitian, kiton oikor da loko Misiri: koyaununete ainakineta, kijaanakis Solomon apaarasia kere nuka aijarake. Inyamat luka Solomon luka adiopepaaran keraas aitemisio akaisauni nuka akiria nuidicie, ka aitemisio akaisakanykape nuka akiria; Imoŋin itomon luetumito, ka imoŋin akaisaarei lukoronyia, ka amerekekin akwatat, kogelara amiamia, amorio ka imalin ka akweny nuetumito. Naarai abu kirum akwap kere kiton oCor Eupurat, anyoun koTipisa kiton Gasa, ikabakan da kere kiton oCor Eupurat: kejai ainapakin owaitin kere airimor ŋes, Kiboie Yuda ka Isirael inapakina, ninitunanan kwap kemusabibuke ka etinike, anyoun koDan kiton Beer-seba, apaarasia kere nuka Solomon, Kejaas Solomon agolai alukumin akaisaoŋon nuka ibalasin luka agalinike, ka ikebwanenok ilukumin itomon ka luarei, Apotu ijaka ŋul kodumanakinete eka baka Solomon inyamat, nepepe kanul kere da luapote omesa loka ekabaka Solomon, ŋinituŋanan olapake: mam ibore kere yenabu kokurwok, Koyaununete da esairi, ka anya nuka ibalasin ka ibalasin luetiroko noi aibois nakejaas ijaka, ŋinituŋanan kwape ketubokinitere. Abu Edeke koinak Solomon acoa ka ajenun naepol noi noi, ka apoloor naka etau, kwape kasine naejai ariri naka aŋolol. Kiteleka acoa naka Solomon acoa naka idwe kere lukoto, ka acoa kere da nako Misiri. Naarai aeo ŋesi aitelekar ituŋa kere; aitelekar Etan Eserakit, ka Keman, ka Kalukol, ka Darada, odwe luka Makol: kisiarakin eemutuke atekerin kere nuerimorito. Kiner ŋesi awaragasia alukumin auni: emwaasi ikososineike elukumit ka ikany. Kiner ŋesi nuka ikito, anyoun kores loejai Lebanon kiton esop Ioebwanuni karwatat: kiner da nuka itian, ka akweny, ka iboro lueliatos, ka iboro lukeeor. Kopotu lukatekerin kere akiirar acoa naka Solomon, lukokabakan kere kere luka akwap, luapupunito nuka acoake. Kijuka Kiram ekabaka loka Turo ikekejaanakinak mama ejai Solomon; naarai kopup ebe aponi kinyonyoakinai ŋes akinyet araun ekabaka aibois naka papake: naarai aminenena Kiram Daudi. Kijuka Solomon mama ejai Kiram, kobala ebe, “Ŋeni ijo kwape mam kepedoria papaka Daudi adukokin ekiror loka EJAKAIT Ekedeke etogo, kanuka ijiisio luerigaunito ŋes kanoliwai, aitodol neebwaikinia EJAKAIT kes kwap kakejeneke. Konye kwana kesiyen EJAKAIT Ekadeke eoŋ kanoliwai; emamei lokasurup, karaida aronis. Ido koany, eneru eoŋ adukokin ekiror loka EJAKAIT Ekadeke etogo, kwape abalar EJAKAIT Daudi papaka ebe, ‘Okokukon, loesiboikini oicolonokon aiboisikon, ŋes edukokini ekakiror etogo.’ Aso do kicorak ijo kes aiepakin eoŋ ikito luka eres koLebanon; ejaununos ikakejaanakinak kikonikejaanakinak; kainakini eoŋ jo eropit loka ikonikejaanakinak kwape ejaatar nuinera ijo kere: naarai ijeni ebe emamei kotomakosi loepiriana aijep ikito kwape Isidonin.” Kosodi kanen, kepupu Kiram akiro nuka Solomon, kiyalamikin noi, kobala ebe, “Kituritete EJAKAIT lolo, loabu koinak Daudi okoku Iokacoa airum ituŋa lu luipu.” Kijuka Kiram mama ejai Solomon ebe, “Apup ŋun nukijukakinit eoŋ: eswamaenenei nuikoto ijo kere nuka akito nuka eres, ka akito nuka eberos. Eyaunete ikakejaanakinak kes koLebanon kiton aŋolol: etolosi kes eenen kikaleleos kaŋolol kiton aibois nakiseikini eoŋ, eeorakini kolacakinai nina, ijo da ijaun kes: ido itodoli ijo nuakoto kere arai kidumanak lukokaleka inyamat.” Kosodi Kiram koinak Solomon akito nuka eres ka akito nuka eberos kwape ejaar ekeipud kere. Abu Solomon da koinak Kiram aitemisio alukumin akaisaarei nuka akima araun inyamat luka lukokaleke, ka aitemisio akaisaarei nuka akinyet naeeuunitai: koinanakini Solomon Kiram kwaŋin nolikaru. Abu EJAKAIT koinak Solomon acoa, kwape esumunio; kinapakinos Kiram ka Solomon; kitutukoto kesi kere iarei. Kitelem Solomon Isirael kere esolo; esolo ŋol emwaasi ituŋa ilukumin akaisauni. Kijuka kes Lebanon, ŋolilap ilukumin itomon emeanakinos: kedaununete Lebanon elap ediopet, kosodi ore ilapio iarei: kopolokinite Adoniram esolo, Kejaas Solomon luebwokito abwokon ilukumin akaisakanykaarei, ka ilukumin akaisakanykauni hiajepete koronan: Kogelara iiaka luka Solomon luapolokinito aswam, ilukumin iuni ka akwat auni, luayaito ituŋa lueswamaete aswam. Kicorak ekabaka, kobokata amor nuepolok, nuka akais nuipu, apetanakin apetetait naka etogo kamor nuikeitoi. Apotu ikadukok luka Solomon ka ikadukok luka Kiram ka Igebalin kitetenata kes, kitemonokis akito ka amor adukio etogo. Kosodi kanen kokaru loka akwat aoŋon ka akaisakanykauni, akaulo ka idwe luka Isirael anyoun kakwap nako Misiri, kokaru lokiwononet loka airumit naka Solomon Isirael, kolap Sib, loerai elap lokiareit, kogeu ŋesi aiduk etogo loka EJAKAIT. Etogo loadukokini ekabaka Solomon EJAKAIT, kerai aojauke ikubitin akaisakanykape, alalauke akaisaarei, amukururuke ikubitin akaisauni. Agola nalomaret koinaren keyekalu loka etogo, kerai aojauke ikubitin akaisaarei, kwape kejaar alalau naka etogo; alalauke koinaren ketogo ikubitin itomon. Kiswamak etogo adirisan nuilokonyikinito. Kieul agolai arwatat airimor, arwatatin nuka etogo airimor, nuka eyekalu ka nuka aibois nakalaunan noi: kiswama agolai airimor: Ŋinigola nakokwap alal ikubitin ikany, ka nakokidin alal ikubitin ikanykape, ka nakiwuniet alal ikubitin ikanykaarei: naarai kitidisiarite abures naka arwatat naka etogo airimor tetere mam abaoi elomarete arwatatin nuka etogo. Naadukere etogo, aponi kodukoi kamor nuetemokinitoi kaneabokere kes: amamei anyul karaida aep karaida adiosuat akiirario kotogo, nakedukere ŋes. Kejai ekek lolomaret agolai nukokidin owai lokoteten loka etogo: kodokanarete kadoketa nuerimonorete kiton agolai nukokidin, anyoun kanukokidin da kiton nakiwuniet. Koduk ŋesi kwaŋin etogo, kodau; korapa etogo kakito nuaburok ka akito nuepadalalas nuka eres. Koduk ŋesi agolai airimor etogo kere, ŋinigola amukururuke ikubitin ikany: kidokokis agolai kakito nuka eres. Kobu akirot naka EJAKAIT mama ejai Solomon ebe, “Nuka etogo lo loiduki ijo, arai ilosenenei kokisilaka kitodoli itubesiaka, koricenenei aicorakinetaka kere alosenen kakes; ŋes konyet etieasia akakirot kamakon, naabu kalimok papakon Daudi. Eboienenei kodwe luka Isirael, komam ajalenenei ikatuŋa Isirael.” Koduk Solomon kwanm etogo, kodau. Koduk arwatatin nukotoma nuka etogo kabaoi nuka eres: anyoun kokwap ketogo aitodol arwatatin nukokuju, korapia kes toma kakito: korapia kwap ketogo kabaoi nuka eberos, Koduk ŋes ikubitin akaisaarei to ketogo kabaoi nuka eres anyoun kokwap aitodol arwatatin: kodukok kes toma, araun neinerenenere akirot, araun aibois nakalaunan noi. Etogo da, ŋes eyekalu, koinaren neinerenenere akirot kerai aojauke ikubitin akaisaoijon. Kejaas akito nuka eres toma togo, nuigiritai kaputosia nuka ituol ka atur nuelakara: kere keraas eres; mam amor ketakanete. Kitemok aibois neinerenenere akirot kokidin togo toma, asipokin asaduku naka aitutuket naka EJAKAIT. Toma aibois nainerenenere akirot kejai apak aojauke ikubitin akaisaarei, alalauke ikubitin akaisaarei, amukururuke ikubitin akaisaarei; kiladaa kesabu kaloelai: korapia etem kakito nuka eres. Kiladaa Solomon etogo kotoma kesabu kaloelai: kitotor irikoi luka esabu koiŋaren kaibois neinerenenere akirot; kiladaa kesabu, Kiladaa ŋesi etogo kere kesabu, aitodol neadaunor etogo kere: kiladaa etem da kere lokejai toma aibois neinerenenere akiro kesabu, Kiswamau ikerubin iarei luka akito nuka eseitun toma aibois neinerenenere akirot, ŋinidiopet ikubitin itomon amukurur. Abebenok adiopet naka ekerubi ikubitin ikany, abebenok ace naka ekerubi ikubitin ikany: anyoun kosane loka abebenok adiopet kiton osaŋe loka abebenok ace keiaas ikubitin itomon. Ekerubi ece da ikubitin itomon: ikerubin kere keraas luka aitemis adiopet ka aput adiopet. Amukurur naka ekerubi ediopet ikubitin itomon, kwape kwaŋin da ekerubi ece. Kosipok ikerubin togo lokotoma: kigararaete abebenoka nuka ikerubin tetere etirorit abebenok adiopet arwatat adiopet, etirorit da abebenok naka ekerubi ece arwatat epuai; kiriamakina abebenokakec kidin togo. Kiladaa ikerubin kesabu. Kigir arwatatin kere nuka etogo airimor kaputosia nuigiritai nuka ikerubin ka idukudukun, ka atur nuelakara, toma kokina da. Kiladaa kwap ketogo kesabu, toma kokina da. Neelomarere aibois neinerenenere akirot kiswamau ikirigin luka akito nuka eseitun: acunetait ka ategerio keraas idiopet kokany yenika arwatat, Kiswamau ikirigin iarei luka akito nuka eseitun; kigir kes kaputosia nuigiritai nuka ikerubin ka idukudukun ka atur nuelakara, kiladaa kes kesabu; kibwaik esabu okerubin odukudukun da. Kiswamak da neelomanarere oyekalu ategerio nuka akito nuka eseitun, idiopet kooŋon yenika arwatat; Ka ikirigin iarei luka akito nuka eberos; asukonokinos atutubeta aarei nuka ekirigi ediopet, asukonokinos da atutubeta aarei nuka ekirigi ece. Kigirak ikerubin ka idukudukun ka atur nuelakara: kiladaa kes kesabu neigiritai. Koduk alaro nakotoma kikokoron iuni luka amor nuekee, ka ekokoro loka abaoi nuka eres. Kosipokinai apetetait naka etogo loka EJAKAIT kokaru lokiwononet, kolap Sibo Kokaru lokitomonet ka lodiopet, kolap Bul, ŋes elap lokikanyetekauni, kodaun etogo katutubetake kere, kwape ajaar aputoke. Kwaŋin kodau ikar ikanykaarei eduki. Kodau Solomon ikar itomon ka luuni eduki eketogo, kodau eketogo kere. Naarai koduk etogo loka ikito luka Lebanon; aojauke ikubitin akwatat, alalauke ikubitin akaisakany, amukururuke ikubitin akaisauni, kotoma okokoron iwonon luka ipirin luka eres, ka abaoi nuka eres kopirin. Koraparai kakito nuka eres kokuju agolai akaisaoŋon ka nukany, nuajaas kuju kipirin: ŋolikokoro atomon ka nukany. Ajaas apedon okokoron iuni, ido kidokonokino apedon kokokoron iuni. Aoiau ka alalau naka ikekia ariakanara, naka apedon da ariakanara: ido kidokonokino apedon kokokoron iuni. Kiswamau agola neelomarere kipirin; aojauke ikubitin akaisakany, alalauke ikubitin akaisauni; neelomarere da koinareneke; ipirin ka adoketa koinareneke. Kiswamau agola naka eicoloŋ neetubio, agola natubes: koraparitete keres anyoun kokwap kiton arwatatin da. Etogoke loaperenenei, alaro ace kinaren kagola neelomarere, aponi kiswamai koputosi kaŋin, Kiswamau da etogo loka akoku naka Parao, (naamanyit Solomon) koputosi kagola kaŋin, Ŋul kere keraas nuka amor nuka akais nuipu, amor nuekee, kwape ajaar aitemis, kotuboi kisumenon, toma kokina da, anyoun kapetetait, kiton oswi, kwaŋin kina da kiton alaro nakapolon. Kerai apetetait naka amor nuka akais nuipu, amor nuepolok, amor nuka ikubitin itomon, ka amor nuka ikubitin ikanykauni. Keiaas amor nuka akais nuipu kuiu da, amor nuekee, kwape ajaar aitemis, ka akito nuka eres, Alaro da naerimorit kejaas ikokoron iuni luka amor nuekee, ka ekokoro loka abaoi nuka eres; koputos kalaro nakotoma naka etogo loka EJAKAIT, ka agola neelomarere togo. Kijuka eka baka Solomon aomare Kiram koTuro. Kerai ŋesi okoku loka aberu napuserut naka ateker naka Naputali, kerai papake etuŋanan loka Turo, ekeswaman aisinit; eleleba ŋes acoa ka aijen ka apirianut, aswam aswamisinei kere nuka aisinit. Kobu ŋesi mama ejai ekabaka Solomon, kiswama akeswam kere. Naarai abu kotatau ipirin iarei luka aisinit, ŋolipir aojauke ikubitin itomon ka lukanykauni: kolukunite aitemis naka ikubitin itomon ka luarei nolidlopet. Kiswamau akwes aarei nuka aisinit naeealara, asipokin kuju opirin: amukurur naka akou adiopet ikubitin ikany, aojao da naka akou ace ikubitin ikany, Ajaas iboyan luka aswam nailokonyitai, ka irikoi luka aswam naeoiitai luka akwes nukejaas kuiu opirin, eboi loka akou adiopet, ka eboi loka akou nace. Kiswamau kwaŋin akamamagan: kokokoron iarei airimor eboi ediopet arapiar akou nakejai kuju opir; kiswamak akou ace da kwaŋin. Araas akwes nuajaas kuju opirin luajaas agola neelomarere nuka aswam bala nakapeeel, ikubitin iwonon. Ajaas akwes da kuju opirin, kidunyasi kakoik naedunyas kiboyan: emwaasi akamamagan akwat aarei, kokokoron airimor ninikou. Kosipok ipirin agola neelomarere oyekalu: kosipok epir lokoteten, komaik ekekiror Yakin: kosipok epir lokokediany, komaik ekekiror Boas, Kejai aswam nakapeeel kuju opirin; kodau kwaŋin aswam naka ipirin. Kiswamau aŋolol naecalara ikubitin itomon anyoun koreret kiton oreret, kolukuna, aojaoke ikubitin ikany; kolukunite aitemis naka ikubitin akaisauni. Kojaas ituol luerimorito ŋes kwap kereret alukun, ikubitin itomon, kirimorite aŋolol: kojaas ituol okokoron iarei kocala kere nepepe kotataete. Kidokokino omonin itomon ka luarei, kosesenete iuni ari naka agolitomei, kosesenete iuni ari nakoto, kosesenete iuni ari naka eŋalakimak, kosesenete iuni ari nakokide: kidokokino aŋolol kujukee, kojaas iwosikee toma. Aburesuke alalau naka akan: erereteke kiswamai bala ereret loka atido, bala aturot naka apeeel: abu kigau akaalakanya alukumin aarei. Kiswamau aicegeria atomon nuka aisinit; aojau naka aieeger adiopet ikubitin iwonon, alalauke ikubitin iwoŋon, amukururuke ikubitin iuni. Ikote aicegeria neta: kojaas abaoi; kojaas abaoi kidiŋ kanuiriikino: Kojaas iŋatunyo, ka Imoŋin, ka ikerubin abaoi nuajaas kidin kanuiriikino; koiai aiganetait kuiu kanuiriikino: kwap kinatunyo ka imoŋin kojaas lueojitai lueiekosi. Kojai ŋiniiceger akokoron aoŋon nuka aisinit, ka nuisibelonokinete nuka aisinit: kojaas aigaŋeta nuka akalaya kagoriake aoŋon: koealara aigaŋeta, kojaas lueojitai kosiep loka ŋiniigaŋet. Aitukuke toma aboko kerai ekubit adiopet kuju: kolukuna aitukuke kwape aswam naka aikit, ekubit ediopet ka atutubet: kojaas agirai aitukuke, abaoikec keraas nueriakas nuitenara komam elukuna. Kojaas akokoron aoŋon kwap kabaoi: kojaas nuisibelonokinete akokoron aiceger: amukurur naka akokoro ekubit ka atutubet naka ekubit. Aswam naka akokoron korai bala aswam naka akokoro naka agali: nuisibelonokinetakee, ka ipirinokec, ka airimetakec, akidinotokec da, kere kecalara, Kojaas aigaŋeta aoŋon agoria aoŋon nuka niniiceger: keraas aigaŋeta nuka aieeger alopet. Ajai ajeunet kuju kaieeger amukururuke atutubet naka ekubit: akaninike ka abaoike kuju kaiceger koraas nuka adiopeswam. Kigir ŋesi ikerubin, ka iŋatunyo, ka idukudukun, necpadalalas akaninike ka abaoike, kwape ajaar apakikee, ka lueojitai airimor. Kiswamau aicegeria atomon nuikote nen: kojaas kes kere otatae ediopet, ka aitemis adiopet, ka aput adiopet, Kiswamau akalaya atomon nuka aisinit: kigauni akalaya adiopet atakwai akaisaoŋon: ninikalaya ikubitin iwonon: akalaya adiopet kotoma aieeger adiopet kiton aicegeria atomon. Kosipok aicegeria, akany owai lokotcten loka etogo, ka akany owai lokokediany loka etogo: kosipok aŋolol owai lokokide loka etogo asesen eŋalakimak. Kiswamau Kiram akalaya, ka initia, ka atanyia. Kwaŋin kodau Kiram aswam kere naeswamakini ekabaka Solomon kotogo loka EJAKAIT: Ipirin iarei, ka atiboi aarei nuka akwes nuajaas kuju opirin; ka iboyan iarei arapia atiboi nuka akwes nuajaas kuju opirin; Ka akamamagan akwat aoŋon nuka iboyan iarei; ikokoron iarei luka akamamagan kanoliboi, arapia atiboi aarei nuka akwes nuajaas kuiu opirin: Ka aicegeria atomon, ka akalaya atomon nuka aicegeria; Aŋolol adiopet, ka imoŋin itomon ka luarei kwap kaŋolol. Ka amoti, ka initia, ka atanyia: iboro ŋul kere, lueswamakini Kiram ekabaka Solomon kotogo loka EJAKAIT, araas nuka aisinit naepwatat. Kocala ekabaka kes kApuuton naka Yorodan, kolupe loejai kidin Sukot ka Saretan. Kinyek Solomon ainiŋ iboro kere, naarai epu kes adepar: mam apedorit adumun alaniru naka aisinit. Kiswamau Solomon iboro kere luajaas togo loka EJAKAIT: etcm loka esabu, ka emesa loajaas imugatin luka aitodikin, loka esabu; Ka ipirin lukatalai luka esabu loelai, ikany owai lokoteten, ka ikany owai lokokediany, koinaren neinerenenere akirot; atur da, ka atalai, ka arideta, nuka esabu; Ka akolin, ka aitudeŋeta, ka atanyia, ka akaalei, ka atubake nuigaete ekurwon, nuka esa bu loelai; ka ipatai luka ikirigin luka etogo lokotoma, aibois nakalaunan noi, ka ikirigin luka etogo, ŋes eyekalu, kere luka esabu. Kodaun kwaŋin aswam kere naeswamai ekabaka Solomon kotogo loka EJAKAIT, Koyau Solomon iboro luabu Daudi papake kotiaku, epuesa, ka esabu, ka iboro, kibwaik kes aiŋadisia nuka etogo loka EJAKAIT. Kosodi Solomon atukokin imakio luka Isirael, ka ikapolok kere luka atekerin, ikapolok luka ikekia luka lukapapa luka idwe luka Isirael mama ejai ekabaka Solomon Yerusalem, ayaun asaduku naka aitutuket naka EJAKAIT anyoun kore loka Daudi, ŋes Sion. Kotukonokinos ituŋa kere luka Isirael mama ejai ekabaka Solomon opucit, kolap Etanim, ŋes elap lokikanyetekaarei. Kopotu imakio kere luka Isirael da, kodakut isasedotin asaduku. Koyaut asaduku naka EJAKAIT, ka ewema loka airiamunun, ka iboro kere lukalaunak luajaas owema; kes iboro luapotu isasedotin ka Ilebin koyaut. Kosodi ekabaka Solomon ka ekodet kere loka Isirael luatukonokinos mama ejai ŋesi, ajaas kaŋes kinaren kasaduku, koinakis amerekekin ka imoŋin araun asuban numam epedorio alimun karaida aimarun kanuka aipues. Kitolomasi isasedotin asaduku naka aitutuket naka EJAKAIT aiboisike, toma aibois neinerenenere akirot naka etogo, aibois nakalaunan noi, kwap kabebenoka nuka ikerubin. Naarai kigararas ikerubin abebenokakec kuju aibois naka asaduku, korapias ikerubin asaduku ka adaketake. Kewojak adaketa tetere etakani esanekec kaibois nakalaunan koiŋaren kaibois neinerenenere akirot; konye mam ketakanete kokina; ejaas nepenen, kiton lolo. Amamei ibore kotoma asaduku dimarai amor aarei nuabu Musa kibwaik koKoreb, nakitutukio EJAKAIT aitutuket kaidwe luka Isirael, nakelomuniata kakwap nako Misiri. Kosodi kanen, kedaut isasedotin alomun kaibois nakalaunan, kilelebun edou togo loka EJAKAIT. Mam isasedotin apotu kopedosi aibwo aijaanakin kanuka edou: naarai kilelebun aibuses naka EJAKAIT etogo loka EJAKAIT. Kosodi Solomon einer atiar, “Abala EJAKAIT ebe iboienenei ŋesi kamuton naejesi ŋaŋ. Abeit kadukok jo etogo aiboikin, Aibois naiboieneno ijo ikar kere.” Kibelokin ekabaka, kilipak ekodet kere loka Isirael arereŋ: kobwo ekodet kere loka Isirael. Kotema ŋesi atiar, “Kituritete EJAKAIT, Edeke loka Isirael, loabu kiner kakeituk mama ejai Daudi papaka, ido kitodol da kakekan ebe, ‘Ageun kapaaran naketolomunia ikatuŋa Isirael koMisiri, mam abu kaseu ere katekerin kere nuka Isirael aiduk etogo, tetere ejaun nen ekakiror; konye abu kaseu Daudi apolokin ikatuŋa Isirael.’ Abu Daudi papaka koomite kotauke adukokin ekiror loka EJAKAIT, Edeke loka Isirael, etogo, Konye abu EJAKAIT kotema Daudi papaka atiar, ‘Naarai iwomit ijo kotaukon adukokin ekakirot etogo, iswama ejok aomit kotaukon: Konye mam jo iduki etogo; konye okokukon, loelomuni kakuanakon, ŋes edukokini ekakiror etogo.’ Etodol EJAKAIT akekirot naabu kiner; naarai anyou eoŋ aibois naka Daudi papaka, eboikini oicoloŋ loka Isirael, kwape esumunia EJAKAIT, adukok ekiror loka EJAKAIT, Edeke loka Isirael, etogo, Nepenen da ebwaik aibois naka asaduku, naejai aitutuket naka EJAKAIT tomake, naetutuki ŋesi kalukapapaawok, nakitolomunia kes kakwap nako Misiri.” Kobwo Solomon koinaren ketem loka EJAKAIT kakonyen nuka ekodet kere loka Isirael, korio akekanin kuju: Kobala ebe, “Wu EJAKAIT, Edeke loka Isirael, emamei Edeke loiputosi kaio, kuju toma akuj, arai kokwap kakwap; loitodolenenei aitutuket ka aitim kikonikejaanakinak luelosenenete kakonyenekon kikeeetauon kere: Loitodolik ekonikejaanakinan Daudi papaka nun nuiou kisumun ŋes: eebo, ibu kiner kaitukukon, itodolo da kakanikon, kwape ejaatar lolo, Aso, wu EJAKAIT, Edeke loka Isirael, kitodolik ekejaanakinanikon Daudi papaka ŋun nuibu kisumun ŋes ebe, ‘Mam kimamikini ijo etuŋanan loiboikin oicoloŋ loka Isirael kakonyeneka kwape ilosenenoo ijo kakonyeneka.’ Aso do, wu Edeke loka Isirael, kenainait, kitogogoŋoi akonikirot, nakilimokini ekonikejaanakinan Daudi papaka. “Konye iboie kereka Edeke abeit kakwap? Koany, mam epedori akuj ka akuj naka akuj ailosikin jo; ido konyet etogo lo loadukit eoŋ ŋes bo inyo! Konye kocam ijo ailip naka ekonikejaanakinan, ka aiŋaiŋake, wu EJAKAIT Ekadeke, akiirar aimony ka ailip nailipi ekonikejaanakinan kakonyenekon lolo: Kokwenyenenete akonikonyen asesen etogo lo apaaran ka akuar, ŋes aibois nakolo ilimit ebe, ‘Ejaenena nen ekakiror’: akiirar ailip nailipi ekonikejaanakinan kaibois kana. Kiiranari da aiŋaiŋa naka ekonikejaanakinan, naka ikonituŋa Isirael da nailipenenata kesi kaibois kana: eebo, kiiranari ijo ijai toma akuj aiboisikon: ido naipupunio, kisionie, “Arai kediak etuŋanan kama ejai eidunyeteke, kisiyapoikinoi aiyaposit, ebuni ŋesi aiyapo koiŋaren ketemukon togo lo; Kopupununei do ijo ijai toma akuj, kiswama, kotubok ikonikejaanakinak, kiteteleka ikaronon, aitoboŋikin ekepone akouke; kitojok da ikadoliton, ainakin ŋes kwape ejaar adoliteke. “Naedanyere ikonituŋa Isirael kakonyen nuka lukasurup, naarai adiakasi kamakon; arai kibelokinos mamakon, kolimorete ekonikiror, ilipete, kinainaete jo kotogo kalo: Kopupununei do ijo ijai toma akuj, kisionie aronis naka ikonituŋa Isirael, kinyaku kes bobo akwap nakiinakinit lukapapakee. “Naegolokinere akui, komamei akiru, naarai adiakasi kamakon; arai ilipete kiteete aibois na, kolimorete ekonikiror, kibelokinos anyoun karonisikee, nakiticania ijo kes; Kopupununei ijo ijai toma akui, kisionie aronis naka ikonikejaanakinak ka naka ikonituŋa Isirael, nakisisianakinia ijo kes erot loejok loibusakinit kes aloseneno; kitetep akiru akwapukon, naibu koinak ikonituŋa araun airumet. “Arai keiaun ebeli kakwap, arai kejaun atular, arai kejaun ekure arai airouroun, emaase arai ekutelek; arai kirigaun lukasurupokee kakwap naka ireriakee; ŋinitular kere, ka ŋinidek kere naeiaunor; ŋiniilip ka ninikinaina nailipi ituŋanan kere, arai ikonituŋa Isirael kere, yenejeni ninituŋanan atular nakotauke, korio akekanin mama ejai etogo lo: Kopupununei do ijo ijai roma akuj aiboisikon, kisionie, kiswama, koropi ŋinituŋanan kwape ejaatar iponesioke, yenijeni ijo etauke; (naarai ijo, ijo bon ijeni itauon luka idwe luka ituŋa kere:) Tetere kiyonete jo apaarasia kere nuiboienenoto kesi kakwap nakiinakinit Iukapapaakosi, “Bobo da nuka imoit, yenimere yenika ikonituŋa Isirael, naenyounio ŋesi kakwap naelwana kanuka ekonikiror; (Naarai iirarete kesi nuka ekonikiror Iokapolon, nuka akanikon nakagogonon, nuka akanikon naerioro;) naebunio ŋesi ailip kitei etogo lo: Kopupununei ijo ijai toma akuj aiboisikon, kiswama kwape ejaatar kere nukiworoi imoit jo; tetere ejenunete atekerin kere nuka akwap ekonikiror, koyoŋito jo, kwape kiyoŋitotor ikonituŋa Isirael, tetere ejenunete ebe emaikinitai etogo lo loadukit eoŋ ekonikiror. “Arai kelomasi ituŋakon aitiji Iukasurupokec, korot kere loijukari ijo kes, ilipete EJAKAIT kiteete ere lokiseuni ijo, kiteete da etogo loadukokinit eoŋ ekonikiror: Kopupununei do jo ijai toma akui akeeekilip, ka akeceiŋaiŋa, kisigalik akecekirot. “Arai kediakasi kamakon, (naarai emamei ituŋanan yenimam ediakari) inyunyurikini ijo kes, ijaikini kes lukasurupokec, tetere ijoreorete kes akwap naka lukasurup, naelwana arai naeapie; Arai keomoomata kesi kakwap naeioreoritai, kibelokinos bobo, kinainaata ijo kakwap naka ŋul kalukijoreorete kes, kobalasi ebe, ‘Kidiaka isio, kiswama nukepali, kikwaik erono’; Arai kebonut mama ijai ijo kikecetauon kere, kaijarakee kere kakwap naka lukasurupokee, luejoreorete kes, kilipete jo kiteete akwapukec, nakiinakinit lukapapaakec, ere lokiseuni ijo, ka etogo loadukokinit ekonikiror: Kopupununei do ijo akeeeilip ka akeceiŋaiŋa ijai toma akuj aiboisikon, kisigalik akeeekirot; Kisionie ikonituŋa luapotu kodiakasi kamakon, ka aibucaretakec kere nuebuearete kamakon; koinak kes aitimio kakonyen nuka nul kaluejoreorete kes, tetere itimete kes: Naarai eraas ikonituŋa, ka airumetekon, naitolomuni kolo koMisiri, anyoun kokidin oupa loka asuat: Kokwenyenenete akonikonye aiŋaiŋa naka ekonikeiaanakinan, ka aiŋaiŋa naka ikonituŋa Isirael, kiiranari kes naemonyananata mamakon. Naarai ibu kotiak kes katekerin kere nuka akwap, araun airumetekon, kwape ibalar kama ka Musa ekonikejaanakinan, naitolomunia lukapapaakosi koMisiri, wu EJAKAIT Edeke.” Kosodi, kedau Solomon ailip ailipasit nin kere ka aiŋaiŋa mama ejai EJAKAIT, konyou ŋesi koinaren ketem loka EJAKAIT, kane nan ekukokina eriorit akaninike akuj. Kobwo ŋesi, kilipak ekodet kere loka Isirael arereŋ keporoto loepol ebe, “Kituritete EJAKAIT, loabu kisiyen iketuŋa Isirael, kwape ejaatar kere nuabu kisumun: mam adiokirot kere naeoliorit kaisumunetake nuejok, nuesumunit kakan naka Musa ekejaanakinanike. Kojaenena EJAKAIT Ewokodeke kaoni, kwape aiaenenar kalukapapaawok: kinyek ŋesi anyoun kamawok, karaida ajalakin oni: Tetere isibelokini itauonowok mamake, alosenen korotinike kere, arieenen aicorakinetake, ka ikisilake ka itubesiake, lueeorakinit lukapapaawok. Akakiro nu, nuenaina kakonyen nuka EJAKAIT, koapikis kesi EJAKAIT Ewokodeke paaran ka kuare, kisigalik akirot naka ekejaanakinanike, ka akirot naka iketuŋa Isirael, kwape ekotor ŋinipaaran. Tetere ejenunete atekerin kere nuka akwap ebe EJAKAIT, ŋes Edeke; emamei ece kere. Kodolioritos do itauonokus mama ejai EJAKAIT Ewokodeke, alosenen kokisilake, arieenen aicorakinetake, kwape lolo.” Kosodi ekabaka ka Isirael kere nepepe kaŋes, koinakis asuban mama ejai EJAKAIT. Koinak Solomon asubanit naka ainapakin nakeinakini EJAKAIT, imoŋin ilukumin akaisaarei ka luarei, ka amerekekin alukumin akwatat ka akaisaarei. Kwaŋin kotiaku ekabaka ka idwe luka Isirael etogo loka EJAKAIT, Kapaaran kaŋipekanin da kitalau ekabaka kidin alaro naajai kinaren ketogo loka EJAKAIT; naarai koinak kanen ainakinet naicweio, ka ainakinet naka akiria, ka asiepai nuka ainakineta nuka ainapakin: naarai adit etem loka aisinit loajai akonyen nuka EJAKAIT ailosikin ainakinet naicweio, ka ainakinet naka akiria, ka asiepai nuka ainakineta nuka ainapakin. Kipo Solomon epueit kapak kaŋin, ka Isirael kere kaŋes, ekodet loepol, anyoun kaneelomarere Kamat kiton aguurut nako Misiri, kakonyen nuka EJAKAIT Ewokodeke, apaarasia akanykaarei, ka apaarasia akanykaarei, kes apaarasia atomon ka nuoŋon. Kapaaran nakikanyetekauni kotwar ituŋa, kilipakis kesi ekabaka arereŋ, koloto owemanakee kolakara, kiyalamas kotauon kanuka ajokis kere naetodiki EJAKAIT Daudi ekejaanakinanike, ka Isirael iketuŋa. Kosodi kanen, kedau Solomon aiduk etogo loka EJAKAIT, ka etogo loka ekabaka, ka eipud kere loka Solomon loisiyalamikinit ŋesi aswam, Kitaanyikin EJAKAIT Solomon nakiareit kwape kolo etakanikinor ŋes koGibeon. Kotema EJAKAIT ŋes atiar, “Eira eoŋ ailipikon ka aiŋaiŋakon, nailipit kakonyeneka: etalau eoŋ etogo lo, loiduk ijo, aibwaikin ekakiror ikar kere; ejaenenas akonyeka ka etauka nen apaarasia kere. Ka jo da, arai ilosenenei kakonyeneka, kwape alosencno Daudi papakon, kadolit nakotau, kaitenara, aiswamaenen kwape ejaatar kere nukecorakinit jo, aricenen ikakisila, ka itubesiaka; Kasodi eoŋ aitieat eicoloŋ loka ajakanutukon koIsiracl ikar kere; kwape esumunio eoŋ Daudi papakon ebe, ‘Mam kimamikini ijo etuŋanan koicolon ioka Isirael.’ Konye arai kipaasi anyoun katupit eoŋ, yes arai ikusidwe, komam irieenenete aicorakinetaka ka ikisilaka luebwaikinit kakonyenekus, konye ilosete ijaanakinete idekesio ice, imaete kes: Kasodi eoŋ amudiar Isirael kakwap naainakinit kes; acakari etogo lo, loetalaunit kanuka ekakiror kakonyeneka; eraun Isirael awarag ka ikienis katekerin kere: Karaida kimukurur etogo lo, konye eumokini ninitunanan yenitori, ijuari; ebalasi ebe, ‘Kanukinyo asubakinia EJAKAIT akwap na kwaŋin ka etogo lo?’ Eboŋokinete ebe, ‘Naarai apotu kojala EJAKAIT Ekecedeke, lokolo etolomuni lukapapaakec kakwap nako Misiri, kitinata icedekesio, komaata kes, kijaanakis kes: kanuka ŋun abu EJAKAIT koyau aronis na kere mamakee.’” Kosodi kanen ketuboros ikar akaisaarei, luadukio Solomon itogoi nul iarei, etogo loka EJAKAIT ka etogo loka ekabaka, (Abu Kiram ekabaka loka Turo koinak Solomon ikito luka eres ka ikito luka eberos, ka esabu, kwape ajaar akoteke kere,) kosodi ekabaka Solomon da ainakin Kiram ireria akaisaarei kakwap naka Galilaya. Kolom Kiram koTuro alosit aanyun ireria luainakini Solomon ŋes; mam apotu kisiyalamikis ŋes, Kotema ŋesi atiar, “Okwe onaeeka, inyoika ireria lu lukiinakinit eoŋ?” Komaik kes akwap naka Kabul, kiton lolo, Abu Kiram kijukak ekabaka atalatan akwatat ka akaisaarei nuka esabu. Abu ekabaka Solomon kitelem esolo kanuka nu: adukio etogo loka EJAKAIT, ka eketogo elopet, ka Milo, ka arwatat naka Yerusalem, ka Kasor, ka Megido, ka Geser. Abu Parao ekabaka loko Misiri kolot, kipiko Geser, kicwe kakim, koar Ikanaanin lueboiete kore, koinak araun akorakinet naka akokuke, aberu naka Solomon. Koduk Solomon Geser, ka Bet-koron lokajesa. Ka Baalat, ka Tamar toma amodiŋ, akwap naka Yuda, ka ireria kere lukinadet luajaas ka Solomon, ka ireria luka agalinike, ka ireria luka ikebwanenokoke, ka luepuda Solomon aiduk aisiyalamikin ŋes koYerusalem, koLebanon, kakwap kere naka airumiteke. Ituŋa kere luedeunos luka Imorain, ka Ikitin, ka Iperusin, ka Ikibin, ka Iyebusin, lumam araas luka idwe luka Isirael; Ikeeedwe luedeunos atupakin kes kakwap, lumam apedorete idwe luka Isirael amudiar cut, kolemununei Solomon iitubusiana kamakee, kiton lolo. Konye mam Solomon abu kitarau idwe luka Isirael ibulesin: konye araas kesi ikajiok, ka ikejaanakinakake, ka ikapolokoke, ka ijakake, ka ikayaitok luka agalinike ka luka ikebwanenokoke. Ŋul kes ijaka lukapolok luayaito aswam naka Solomon, akwat akany ka akaisakany, luerumito ituŋa lueswamaete aswam. Konye konyou akoku naka Parao kore loka Daudi alosit togoke loadukokinit Solomon ŋes: kosodi ŋesi aiduk Milo. Abu Solomon koinak irwan auni nolikaru ainakineta nuieweio ka ainakineta nuka ainapakin kotem loadukokinit ŋesi EJAKAIT, kisupuru lukisupurununo kotem loajai akonyen nuka EJAKAIT. Kodau ŋesi kwaŋin etogo. Kiswamau ekabaka Solomon erioŋet loka ameerin koEsion-geber, naedunyas ka Elot, kodoket loka Aŋolol Nakareijan, kakwap naka Edom. Kijuka Kiram ikekejaanakinak toma ameerin nun, ikekwaŋak luajai aijcn nuka aŋolol, nepepe kikejaanakinak luka Solomon. Kopotu Opir, koomata esabu kanen, atalatan akwat aoŋon ka akaisaarei, koinut ekabaka Solomon. Kosodi kepupu Akabaka naka Seba eemut loka Solomon kanuka ekiror loka EJAKAIT, kobu aitem ŋes kainiseta kanuetioko, Kobu Yerusalem kojaas kituna luipu noi, ka akaalai nuebwokito luewuru maa, ka esabu Ioepol noi, ka amor nuka akais nuipu: kosodi kedolu ŋesi neejai Solomon, kolimok ŋes akiro kere nukejaas otauke. Kitejenu Solomon akiro kere nukinisit ŋesi: amamei akirot naaponi kimunonikinai ekabaka namam kitejenunit ŋes. Kosodi kedau Akabaka naka Seba aanyun acoa kere naka Solomon, ka etogo da lokeduki, Inyamat dalukomesake, ka eiboie loka ikebulesin, ka aijaanakin naka ikekeiaanakinak, ka ikecenapen, ka ikekaliak da, ka eititiriake lokedokanaria togo loka EJAKAIT; kimwokolikin eketau. Kotema ŋesi ekabaka atiar, “Akirot naabu kapupunite kakwapuka kerai nakabeit naka aswamisiokon, ka akonicoa da, Kwabo mam abu keyu akiro ŋun, aitodol naabunio koanyut akakonye: ido koany, mam kalimokinitai atutubet: akonicoa ka akonikerianut itelekarito eemut loabu keira. Elakara ikonituŋa, elakara da ikonikeiaanakinak lu, luebwoenenete kakonyenekon apaarasia kere, kopupcte akonieoa. Kituritete EJAKAIT Ekonideke loeyalamikin kanukon adakakin; oicoloŋ loka Isirael: naarai abu EJAKAIT komina Isirael ikar kere. Ŋes kituluoria jo ekabaka, aiswamaenen nukabeit ka nuedolito.” Koinak ŋesi ckabaka esabu atalatan akwatat ka akaisaarci, ka luewuru maa luipu noi noi, ka amor da nuka akais nuipu: mam eyauna bobo luewuru maa luipu lueriakas kanul luainakini Akabaka naka Seba ekabaka Solomon. Ido erioŋet loka ameerin nuka Kiram, lokeyauni esabu kOpir, koyau kOpir ikito lukajokak luipu noi noi ka amor nuka akais nuipu. Kitarau ekabaka ikito lukajokak ipirin luka etogo loka EJAKAIT ka luka etogo loka ekabaka da, adeudeun da ka isabulin luka ikayook: mam eyauna bobo ikito lukajokak lueputos kanul, kwabo mam etakanuna, kiton lolo. Kosodi Ekabaka Solomon ainakin Akabaka naka Seba iboro kere lukipuda ŋesi, ŋinibore kere yenikilipi, adepar ŋullukeinakini ekabaka Solomon kotoma asianut naka ekabaka. Kwaŋin kibelokin do, kobono ŋesi akwapuke, ka ikekejaanakinak. Alaniru naka esabu loainunitai Solomon kokaru ediopet kerai atalatan akwat akanykape ka akaisakanykape ka nukanykape nuka esabu. Adepar loainunete ikemutunok, ka agwelanar naka ikagwelanarak, ka loka ikabakan luka ituŋa luinyalakina, ka loka ikayaitok luka akwap. Kiswamau ekabaka Solomon ibukwi lukapolok akwat aarei luka esabu loerukuk: nolibuku lokapolon abu koya isekelin akwat akanykape luka esabu. Kiswamau ŋesi ibukwi akwat auni luka esabu loerukuk; ŋolibuku abu koya ilatirin iuni luka esabu: kibwaik ekabaka kes togo loka ikito luka Lebanon. Bobo da kiswamau ekabaka eicoloŋ lokapolon loka ikel luka etom, kiladaa ŋes kesabu kaloejok noi. Keiaas adoketa akanykape oicoloŋ, kolukuna kuiu keicolon kokauke: kejaas akanin epuai kepuai kaibois neiboiere, ka iŋatunyo iarei luabwoete kawaitin nuka akanin. Kobwaata iŋatunyo itomon kaluarei epuai kepuai kadoketa akanykape: amamei lokeputos kanol kaiakanut kere. Iboro kere lumaset luka ekabaka Solomon keraas luka esabu, ka iboro kere lukotogo loka ikito luka Lebanon keraas luka esabu kaloelai: amameete lukeraas luka epuesa; mam apodoi araut ibore kapaarasia nuka Solomon. Naarai kejai ekabaka erioŋet loka Tarusis aŋolol ncpepe kerionet loka Kiram: abu erioŋet loka Tarusis kobunenenei atipet ŋulukar iuni, ayaun esa bu, ka epuesa, ka ikela luka etom, ka ieomion, ka akweny nukejaas ikorio lukiiesesinei kaluipu. Kwaŋin kiteleka ekabaka Solomon ikabakan kere luka akwap kabar ka acoa. Komoata lukakwap kere aanyun Solomon, akiirar acoake, nakibwaikinit Edeke otauke. Koinununete ninirunanan ainakineteke, iboro luka epuesa, ka iboro luka esa bu, ka inapen, ka lujiis, ka luewuru maa, ka ibalasin, ka inyubun, esolo loka ŋolikaru. Kotukonok Solomon agalin ka ikebwanenok: kejaas ŋes agalin alukumit ka akwat aoŋon, ka ikebwanenok ilukumin itomon ka luarei, lukibwaikinit oreria luka agalin, ka Yerusalem da nekejai ekabaka. Kitarau ekabaka epuesa asubit bala amor koYerusalem, kitarau iresia asubit bala ikito luka esukumor luejaas apuutona, kanuka aipues. Ayaunio ibalasin lukejaas kaSolomon koMisirij kodumut ikagwelanarak luka ekabaka kes kosipanin, nolisipan kotiaike. Ayaun agali koMisiri kogwelarite kisekelin akwat akanykape luka epuesa, ebalasit da akwatat ka akaisakany: koinununut kes kwaŋin ikabakan kere luka Ikitin, ka ikabakan kere luka Suria kakanikec. Komina ekabaka Solomon aŋor nuipu numo, nepepe kakoku naka Parao, aŋor nuka Imoabin, nuka Imonain, Idomein, Isidonin, ka Ikitin; Nuka atekerin nuabala EJAKAIT idwe luka Isirael ebe, “Mam ilosete mamakee, karaida kes abunore mama ijaas: naarai abeit ibelokinete kesi ikusitauon atupenen ikecedekesio.” Kiminaikin Solomon ŋun kamin. Kejaas ŋes aŋor akwat akanykaarei, nukapolok, ka abusian akwat auni: kibelokis akenor etauken. Naarai nakemoionia Solomon, kibelokis akenor etauke atupit idekesio ice: mam kedolit eketau mama ejai EJAKAIT Ekedeke, kwape ajaar etau loka Daudi papake. Naarai kotupa Solomon Asitoret adeke naka Isidonin, ka Milikom etal loka Imonain. Kiswama Solomon nueroko kakonyen nuka EJAKAIT, mam abu kotuparite eut EJAKAIT kwape atuparitor Daudi papake. Kosodi Solomon adukokin Kemos etal loka Moab, aibois naicelelei, komoru loitei Yerusalem, Molok da etalloka idwe luka Amon. Kiswamak kwaŋin aŋoroke kere numo, nuesupurununete lukisupurununo koinakis da asuban mama ejaas idekesiokec. Konyunyurik EJAKAIT Solomon, naarai ebelokit eketau anyoun kama ejai EJAKAIT, Edeke loka Isirael, loabu kitaanyikin ŋes irwan aarei, Ido kicorak ŋes nuka akirot kana ebe kinyek atupar idekesio ice; konye mam ŋes kerica nueeorakini EJAKAIT. Kanuka ŋun kotema EJAKAIT Solomon atiar, “Naarai iswama ŋun, komam iricit aitutuketaka ka ikisilaka, lukeeorakini jo, abeit acilari eoŋ ajakanut kamakon, ainakini ekejaanakinanikon. Konye mam eswamai nun kapaarasiakon, kanuka Daudi papakon: dimarai acilari kama kokokukon. Konye mam acilari ajakanut kere; dimarai ainakini okokukon ateker adiopet, kanuka Daudi ekejaanakinanika, ido kanuka Yerusalem lokaseuni.” Kitonyou EJAKAIT lokasurup aluikin Solomon, Kadad, Edomit: kerai ŋesi loka aur naka ekabaka koEdom. Naarai nakeiaar Daudi Edom, kolot Yoab da ekapolon loka ajore aida lukatwak, ido abu koar nolikiliokit koEdom; (Naarai kosalak Yoab ka Isirael kere ŋina ilapio ikanykape, aitodol neamudiaria nolikiliokit koEdom;) Konye koker Kadad, ŋes ka Idomein ice luka ikejaanakinak luka papake, alosit Misiri; koroko Kadad erai ikoku yenididi. Konyout koMidian, kodolot Paran: koyanaasi ituŋa nepepe kakes koParan, kodolot Misiri, mama ejai Parao ekabaka loko Misiri; loabu koinak ŋes etogo, kokorak inyamat, koinak ŋes alup. Kominunai Kadad noi kakonyen nuka Parao, tape ekorakini ŋes inaei naka aberuke elopet aimany, inaei naka Tapenes akabaka. Kourik inaci naka Tapenes ŋes Genubat okokuke, lokeiakari Tapenes kotogo loka Parao: koiai Genubat togo loka Parao nepepe kodwe luka Parao, Kepupu Kadad koMisiri ebe keiotoor Daudi kalukapapaake, atwana da Yoab ekapolon loka ajore, kobala Kadad Parao atiar, “Kisiikinai kalot, kaboŋo bukosi.” Kosodi Parao atemar ŋes atiar, “Konye kiwoliki ijo inyo kamakaŋ, tape ikoto alosit bukus?” Koboŋok ebe, “Mam ibore: konye kisiikinai kalot.” Kitonyou Edeke lokasurup ece aluikin ŋes, Reson okoku loka Eliada, loabu koker kama ejai ejakaitike Kadadeser ekabaka loka Soba: Kotukonok ŋesi ituŋa mamake, korau ekapolon loka erioŋet, nakearia Daudi luka Soba: koloto Damasiko, kiboienenete kaŋina, kirumata Damasiko. Kerai ŋesi lokasurup loka Isirael apaarasia kere nuka Solomon, kogelara ameŋeranut naka Kadad: kola ŋesi Isirael, kirum Suria. Yeroboam da okoku loka Nebat, Epuraimit loka Sereda, ekejaanakinan loka Solomon, ekiror loka totoke Serua, apuserut, ŋes da kitonyou akekan aluikin ekabaka. Na ŋes akirot naainakinit ŋes aitonyoun akekan asurokin ekabaka: koduk Solomon Milo, konwok neketiyaara kore loka Daudi papake. Kerai ekesa ie Yeroboam ekirigi loketitiŋ: koany Solomon ebe ekukurana ekatumunan, koinak ŋes ayait aitaaritoi kere naka ekek loka Yosep. Kosodi kanen kapak kaŋin, nakelomaria Yeroboam koYerusalem, kodum Akiya enabi Esilonit ŋes korot; abu Aldya konap anapito nakitetet, koiaas kesi kere iarei bonik okitui. Kitin Aldya anapito nakitetet naanapit, koeilicil atutubeta atomon ka nuarei. Kotema ŋesi Yeroboam atiar, “Koyana ijo atutubeta atomon: naarai inera EJAKAIT, Edeke loka Isirael kwanata ebe, ‘Koany, acilari eoŋ ajakanut kakan naka Solomon, kainakini jo atekerin atomon: (Konye esalakini ŋes ateker adiopet, kanuka Daudi ekejaanakinanika, ido kanuka Yerusalem, ere lokaseuni kotoma atekerin kere nuka Isirael:) Naarai apotu kajalakis eoŋ, komaata Asitoret adeke naka Isidonin, ka Kemos edeke loka Moab, ka Milikom edeke loka idwe luka Amon; mam apotu kolosenenete korotinika, aiswamaenen nuedolito kakonyeneka, aricenen ikakisila ka ikatubesia, kwape kolo eswamaa Daudi papake. Konye mam ayaŋaari ajakanut kere kakanike: konye etaraun ŋes ekapolon apaarasia kere nuka aijarake, kanuka Daudi ekakejaanakinan, loabu kaseu, naarai aricenenei aicorakinetaka ka ikisilaka: Konye alemari ajakanut kakan naka okokuke, ainakini jo, atekerin atomon. Ainakini okokuke ateker adiopet, tetere ejaenena Daudi ekejaanakinanika atala tiritir kakonyeneka koYerusalem, ere loabu kaseu aibwaikin nen ekakiror. Ayaŋaar eoŋ jo, irumi ijo kwape ipudar akoniijar kere, iraun ekabaka koIsirael. Kosodi, arai ipupuni kere nueeorakini jo, kolosenenei korotinika, kiswamaenenei da nuedolito kakonyeneka, korieenenei ikisilaka ka aicorakinetaka, kwape kolo kiswamaa Daudi ekejaanakinanika; ajaenena kajo, adukokini jo ekek loicasit, kwape adukokinia Daudi, ainakini jo Isirael. Ido eticani aur naka Daudi kanuka nun, konye mere ikar kere.’’’ Kanuka mm komoote Solomon aiar Yeroboam: konye konyou Yeroboam, koker Misiri, mama ejai Sisak eka baka loko Misiri, kojaenena Misiri aitodol neatwania Solomon. Aswamisio ace nuka Solomon, kere da nuabu kiswama, ka acoake, mam kereka iwadikatai oitabo loka aswamisio nuka Solomon? Apak naabu Solomon kirumak Isirael kere koYerusalem keraas ikar akaisaoŋon, Koiotor Solomon kalukapapaake, kidaikinai ore loka Daudi papake: kirum Rekoboam okokuke aiboisike. Kolot Rekoboam Sekem: naarai kinotara Isirael kere Sekem aitaraun ŋes ekabaka, Kosodi kanen, kepupu Yeroboam okoku loka Nebat ŋun, (naarai kerina ejai Misiri, neakeriarit anyoun kakonyen nuka ekabaka Solomon, kiboienenei Yeroboam koMisiri. Aponi kijukarai anyaraun ŋes.) Kobu Yeroboam ka ekodet kere loka Isirael, kinerata kaRekoboam ebe, “Abu papakon kitalanir ajookotokosi: aso do kitebeben aswam naetiono naka papakon, ka ajookotoke naelanir naebwaikinit mamakosi, isio da kijaanakini jo.’ Kotema kes atiar, “Koloto kodaut apaarasia auni, kosodete aboŋun mamakan.” Koloto ituŋa. Kinerut eka baka Rekoboam kimakio, lukebwoenenete kakonyen nuka Solomon papake eroko ejari, ebe, “Ibalas bo yesi ai eoŋ aboŋokin ituŋa ŋul?” Kobalas ŋes atiar, “Arai ikoto araun ekeiaanakinan mama ejaas ituŋa lu lolo, kokoto aijaanakin kes, Koboŋok kes, kolimok akiro nuejok, aso eraunos kesi ikonikejaanakinak ikar kere.” Konye kola ainerun naka imakio naapesikinito ŋes, kinerut kikatumunak luapolounete kaŋes, luabwoete kakonyeneke. Kotema kes atiar, “Ibalas bo yesi ai, kabonokis ituija ŋul, luapotu kabalas eoŋ ebe, ‘Kitebeben ajookot nakibwaikini papakon mamakosi’?” Kotemasi ikatumunak luapolounete kaŋes ebe, “Kolimok ituŋa lu lukibalas jo ebe, ‘Abu papakon kitalanir ajookotokosi konye jo kitebeben ŋes kamakosi’; ilimokini kes kwanata ebe, ‘Ebur ekabokorit lodidi aitelekar aŋabet naka papaka, Aso do abu papaka kisibwok yes aiookot naelanir, eyatakini do eoŋ aiookotokus: abu papaka koswala yes kidasc, konye eoŋ kaswalari yes kikiritona.’’’ Aso kobu Yeroboam ka ituŋa kere mama ejai Rekoboam apaaran nakiwuniet, kwape eeorakinia ekabaka ebe, “Kobonut bobo apaaran nakiwuniet.” Koboŋok ekabaka ituŋa kaisiejakin, kola ainerun naka imakio naapesikinito ŋes: Kinera kakes kwape ajaar ainerun naka ikatumunak ebe, “Abu papaka kitalanir ajookotokus, konye eoŋ eyatakini ajookotokus: abu papaka koswala yes kidase, konye eoŋ kaswalari yes kikiritona.” Aso mam abu ekabaka kopup ituŋa; naarai kerai akirot naabu EJAKAIT koyau, tetere itieasi akekirot naabu EJAKAIT kiner kama ka Akiya Esilonit mama ejai Yeroboam okoku loka Nebat. Keanyu Isirael kere ebe mam abu ekabaka kopup kes, kobonokis ituŋa ekabaka ebe, “Anyoin akorakinetekosi kama ka Daudi? Ido emamei sio airumet kotoma okoku loka Yese: Ape ma owemanakus, wu Isirael: Daudi, koanyanar do ekonikek.” Koloto do luka Isirael owemanakee. Konye kirum Rekoboam idwe luka Isirael luibojete koreria luka Yuda. Kosodi ekabaka Rekoboam aijukar Adoram, loapolokinit esolo; abu Isirael kere kibiribir ŋes kamor, kotwana. Kiwonya ekabaka Rekoboam adokar agalike akerit Yerusalem. Kwaŋin kipaliik do Isirael ekek loka Daudi, kiton lolo. Kosodi kanen, kepupu Isirael kere ebe Aboŋu Yeroboam, kijukasi anyaraun ŋes abunore atukot, kitaraut ŋes ekabaka koIsirael kere: amamei yenatupit ekek loka Daudi, dimarai ateker naka Yuda bon. Kedol Rekoboam Yerusalem, kotukonok ŋesi lukokek loka Yuda kere, ka ateker naka Benyamin, ituŋa lueseunitai ilukumin akwatat ka akaisakanykauni, lukeraas ikaiiok, aitiji ekek loka Isirael, ainyakun ajakanut bobo neejai Rekoboam okoku loka Solomon. Konye kobu akirot naka Edeke mama ejai Semaia etuŋanan loka Edeke ebe, “Kolimok Rekoboam okoku loka Solomon, ekabaka loka Yuda, ka ekek kere loka Yuda ka Benyamin, ka ituŋa ice da ebe, ‘Inera EJAKAIT kwanata ebe, Mam ilosete, ido mam ijiikinos kiinacanakus idwe luka Isirael: kobono ŋolituŋanan togoke; naarai erai akirot na nakaŋ.’’’ Kosodete kopuput akirot naka EJAKAIT, kobonosi, koloto kwape ajaar akirot naka EJAKAIT. Kosodi Yeroboam aiduk Sekem akwap nakiukon naka Epuraim, kiboienenei kaŋina; konyou ŋesi kanen, koduk Penuel. Kotema Yeroboam kotauke atiar, “Kwana eboŋori ajakanut okek loka Daudi: Arai kelosenenoto ituŋa lu ainanakin asuban togo loka EJAKAIT Yerusalem, ibelokinos bobo itauon luka ituŋa kalu mama ejai ejakaitikec, Rekoboam ekabaka loka Yuda; kaarete eoŋ, eboŋorete do mama ejai Rekoboam ekabaka loka Yuda.” Kosodi kineru ekabaka, kiswamau itak iarei luka esabu; kotema kes atiar, “Erai akirot naepol yes alosenen Yerusalem; koany idekesiokon, ijo Isirael, lukitolomunete jo kakwap nako Misiri.” Kosipok idiopet Betel, ka ice da kosipok Dan. Koraun akirot nin adiakaret: naarai kolosenenoto ituŋa ice aima idiopet Betel, ice da mape Dan, Kodukok itogoi aiboisio nuiceleleete, koseu icetuŋa kotuna kere kitarau isasedotin, lumam keraas idwe luka Lebi. Kicorak Yeroboam epueit kolap lokikanyetekauni, kapaaran nakitomonet kakany naka elap, kwape kepucit loejai Yuda, kolot ŋesi otem; kiswama kwaŋin da koBetel, koinak asuban mama ejaas itak luabu kiswamau: kibwaik isasedotin luka aiboisio nuiceleleete nuabu kiswamau koBetel. Kolot otem loabu kiswamau koBetel kapaaran nakitomonet kakany kolap lokikanyetekauni, ŋes elap loabu ŋesi koseu kotauke: kicorak epueit kanuka idwe luka Isirael, kolot otem aisupuruun lukisupurununo. Ido koany, konyou etuŋanan loka Edeke ko Yuda kakirot naka EJAKAIT kobu Betel: abwoi Yeroboam eiduny ketem aisupuruun lukisupuru. Kilamak etem kakirot naka EJAKAIT, kotema atiar, “Wu etem, etem, inera kwanata EJAKAIT ebe, ‘Koany, ewuruunio ikoku kokek loka Daudi, ekekiror Yosia; einakini ŋesi kamakon isasedotin luka aiboisio nuiceleleete luisupuruunete lukisupurununo kamakon araun asuban, icweikinete kesi akojo nuka ituŋa kamakon.’” Koinak aanyunet kapaaran kaŋin, ebe, “Na ŋes aanyunet naenera EJAKAIT: koany, eeila etem, ebukor ekurwon loejai tomake.” Kosodi kanen, kepupu ekabaka akirot naka etuŋanan loka Edeke, naelamia ŋesi etem koBetel, kikia Yeroboam akekan kotem, kotema ebe, “Kikam ŋes.” Koono akekan naekiarit adoditor ŋes, komam epedori asukokin. Kocila etem da, kobukor ekurwon kotem, kwape ajaar aanyunet naabu etuŋanan loka Edeke koinak kakirot naka EJAKAIT, Koboŋok ekabaka kotema etuŋanan loka Edeke ebe, “Kinaina cabo asianut naka EJAKAIT Ekonideke, kilipakinai eoŋ, konaleu akakan.” Kiŋaina etuŋanan loka Edeke EJAKAIT, kitanaleunai akekan, kojaun kwape lem sek. Kotema ekabaka etuŋanan loka Edeke atiar, “Kaloto ore, kikwaru, kainakini jo ainakinet.” Kotema etuŋanan loka Edeke ekabaka atiar, “Arai kiinaki ijo eoŋ atutubet naka etogokon, mam eoŋ alosi kaio, idomam anyami atap karaida aimat akipi kaibois kana. Naarai aponi kecorakinitete eoŋ kakirot naka EJAKAIT ebe, ‘Mam inyami atap, karaida aimat akipi, karaida aboŋor korot lokibunio.’’’ Kosodi kobono kecerot, mam abu kobono korot kaloabunio Betel, Kiboienenei enabi lomoion koBetel; kobu ediopet kodweke kolimok ŋes aswamisio kere nueswama etuŋanan loka Edeke kapaaran kaŋin koBetel: akiro nuabu ŋesi kolimok ekabaka, ŋun da kolimokis papakee. Kotema papakee kes ebe, “Etoro bo ŋesi orot ali?” Apotu odweke koanyut erot loetori etuŋanan loka Edeke, loabunit koYuda. Kotema odweke atiar, “Kopesikinai lupetan asigiria.” Kosodete kesi apesikin lupetan asigiria: kibwanen ŋesi. Kibwapak etuŋanan loka Edeke, kodum ŋes iboie kotolim kelua: kotema ŋes atiar, “Ŋo ŋes etuŋanan loka Edeke loabuni koYuda? “Kotema atiar, “Eoŋ lo,” Kosodi atemar ŋes atiar, “Kabonosi oreka, konyam atap.” Kotema atiar, “Mam apedori aboŋor kajo, karaida alomar kajo: mam da anyami atap karaida aimat akipi kajo kaibois kana: Naarai aponi kalimokinitete kakirot naka EJAKAIT ebe, ‘Sirikinyam atap, karaida aimat akipi kaŋina, sirikiboŋo da korot loibu kobunio.’’’ Kotema ŋes atiar, “Eoŋ da enabi kwape kajo; abu emalaika kalimok eoŋ kakirot naka EJAKAIT ebe, ‘Kinyaku ŋes togokon, konyam atap, komat akipi.’’’ Konye abu kinalai. Kwaŋin kobono kaŋes, konyam atap kotogoke, komat akipi. Kosodi kanen enyamete, kobu akirot naka EJAKAIT mama ejai enabi loabu kinyaku ŋes: Kiworo mama ejai etuŋanan laka Edeke loabunit koYuda ebe, “Inera EJAKAIT kwanata ebe, ‘Naarai ipaliiki ijo akirot naka EJAKAIT, mam irieit aicorakinet naeeoraki EJAKAIT Ekonideke jo. Konye ibonu, inyama atap, imat akipi kaibois nakilimokinio jo ebe, “Sirikinyam atap, sirikimat akipi”; mam akuanakon idaikinio ates naka lukapapaakon.’” Kosodi kanen kedau ŋesi ainyam atap, ka aimat, kopesik lupetan asigiria enabi loenyakuni ŋesi. Napelosi, kiriamakinos kenaruny korot, koar eŋatuny ŋes, kocakak akekuan orot, kobwo asigiria die kaŋes; kobwo da eŋatuny die kakekuan, Ido koany, kitoroto ituŋa, koanyutu akuan korot, eŋatuny da ebwoi die kates; kopotu, koyaut akiro ore neeboieneno enabi ŋol lomoion. Kepupu ŋun enabi loabu kinyaku ŋes korot, kotema atiar, “Ŋes ŋol etuŋanan loka Edeke, loabu kipaliik akirot naka EJAKAIT: kanuka nun eiaiki EJAKAIT ŋes mama ejai eŋatuny, loapoopoo ŋes, aara da, kwape ajaar akirot naka EJAKAIT, naabu kiner kaŋes.” Kolimok odweke ebe, “Kopesikinai lupetan asigiria.” Kopesikis. Kolot, kodum aketes korot, ka asigiria ka eŋatuny ebwoete die kates: mam abu eŋatuny konyamite ates, karaida apoopo asigiria. Kodaku enabi ates naka etuŋanan loka Edeke, kidokok asigiria, kinyaku ore, aibworo ka ainuk ŋes. Kibwaik akuanake atesike elopet; kibworoto ŋes ebe, “Wu okwe onaceka!” Kosodi kanen, kedau ainuk ŋes kotema odweke ebe, “Katwana eoŋ, konukakis eoŋ ates neenukuk etuŋanan loka Edeke; kibwaikis akakojo eiduny kakekoio, Naarai abeit itodolikinio akirot naabu ŋesi kiworo kakirot naka EJAKAIT ilamakini etem koBet-el, ilamakini da itogoi kere luka aiboisio nuiceleleete nuejaas oreria luka Samaria.” Akaulo kanun mam abu Yeroboam kobonu korotoke loerono, konye kiyatak aseun kotuna kere lukitarauni isasedotin luka aiboisio nuiceleleete: ŋol kere loekoto, kotiakuni, tetere ejaas isasedotin luka aiboisio nuiceleleete. Koraun akirot ŋin adiakaret kokek loka Yeroboam, agelar ŋes, ka amudiar ŋes kakwap. Kapaarasia kanun kodekakin Abiya okoku loka Yeroboam, Kotema Yeroboam nakowaike ebe, “Konyou, kenainait, kitegelikin bon, tetere mam iienun ebe irai aberu naka Yeroboam: kolot Silo; koany, ejai Akiya enabi ŋina, loabu kinera nukan ebe araun eoŋ ekabaka loka ituŋa kalu. Koyana da imugatin itomon, ka aluŋuren nuka imugatin, ka atany naka esik da, kolot mama ejai: kilimokini ŋesi jo nuedoikinete ikoku.” Kiswama aberu naka Yeroboam kwaŋin, konyou, kolot Silo, kobu togo loka Akiya, Mam Akiya epedoro aanyun; naarai awariwarete akekonye kanuka amoion. Kotema EJAKAIT Akiya atiar, “Koany, ebuni aberu naka Yeroboam aiŋitun jo nuka okokuke; naarai edek; ilimokini ŋes kwanata kwanata”: naarai nakelomunia itegelikini bon araun aceberu, Kosodi kepupu Akiya akeieke napelomuni kokek, kotema atiar, “Kolom, ijo aberu naka Yeroboam; kanukinyo itegelikinor bon araun ace? Naarai kejukunitai mamakon kakiro kanuelanir. Kolot, kolimok Yeroboam ebe, ‘Inera EJAKAIT Edeke loka Isirael kwanata ebe: “Naarai abu ketopoloo jo kotuna, ketarau jo ekapolon kotunaka Isirael, Abu kacila da ajakanut alemar kokek loka Daudi, kainak jo; konye mam jo iputosi bala ekejaanakinanika Daudi, loabu koricite aicorakinetaka, katupite keketau kere, aiswamaenen nuedolito bonik kakonyeka: Konye ibu kiswama aronis adepar kere lukigeikinete jo, ilot isub icedekesio, ka aputosia nuealuna, aitunyunyurikin eoŋ, kicaka eoŋ kaukon: Kanuka nun, koany, ayaun aronis kokek loka Yeroboam, amudiari kama ka Yeroboam ninikoku yenikiliokit, ŋin yenienitai ka nin yeneosikinitai koIsirael, apiari eut ekek loka Yeroboam, kwape epiaria ituŋanan aoret, aitodol needaunotor. Ŋin yenika Yeroboam yenetwanikini ore enyamete inokwo; ŋin da yenetwanikini ais enyamete akweny nuka apak: naarai alimu EJAKAIT nin.” Aso konyou ijo, kolot togokon; naelomariata akonikeje ore, etwani ikoku, Ibworosi lukoIsirael kere ŋes, enukete ŋes; naarai ŋes bon yenika Yeroboam yenidaikinio ates: naarai kotomake edumuna adiokirot naejok mama ejai EJAKAIT, Edeke loka Isirael, kokek loka Yeroboam. Bobo da edakakini EJAKAIT ekabaka koIsiraellocmudiari ekek loka Ycroboam kapaaran kaŋin: inyo bo da? Kwape kwana, Naarai edanyi EJAKAIT Isirael, kwape iianere aladot kakipi; erutuni da Isirael kakwap kana naejok naabu koinak lukapapaakec, isiarisiari kes juwai kEcor; naarai asubata Aserinikee, aitunyunyurikin EJAKAIT, Ejalakini ŋesi Isirael kanuka aronisio nuka Yeroboam, nuadiaka ŋesi, nuetidiaka Isirael da.” Konyou aberu naka Yeroboam, kolot, kobu Tirisa; napadolio okek loka etogo, kotwani ikoku. Kida Isirael kere ŋes, kibworo ŋes; kwape ajaar akirot naka EJAKAIT, naenera ŋesi kama ka Akiya enabi ekeiaanakinanike. Aswamisio ace kere nuka Yeroboam, kwape aiior, ido kwape erumia, koany, iwadikatai oitabo loka aisiitonokin nuka ikabakan luka Isirael. Apaarasia nuabu Yeroboam kirumak emwaasi ikar akaisaarei ka luarei: koiotoor kalukapapaake, kirum Nadab okokuke aiboisike, Kirum Rekoboam okoku loka Solomon Yuda. Kerai Rekoboam loka ikar akaisaoŋon ka lodiopet egeuni airum, kirumak ikar itomon ka lukanykaarei koYerusalem, ere loabu EJAKAIT koseu katekerin kere nuka Isirael, aibwaikin ekekiror nen. Ekiror loka totoke ŋes Naama naka Amon. Kiswama Yuda nuaroko kakonyen nuka EJAKAIT; kisurumata ŋes ekokote kanuka aronisiokec nuapotu kiswamata, adepar nueswamaete lukapapaakee. Naarai kes da kodukoto aiboisio nuiceleleete, ka ipirino, ka Aserin, kanoliukot loicelelei, ido kwap kanolikiroi loepesit. Ajaas da iketepak ikiliok kakwap: apotu kiswamata kwape ajaatar italesio luka atekerin nuereneari EJAKAIT kakonyen nuka idwe luka Isirael. Kosodi kanen, kokaru lokikanyet loka ekabaka Rekoboam, kobu Sisak ekabaka loko Misiri asurokin Yerusalem: Koyana iboro luka akais nuipu luka etogo loka EJAKAIT, ka iboro luka akais nuipu luka etogo loka ekabaka: koyana kere: koyaŋa da ibukui kere luka esabu lueswamat Solomon. Kiswamau ekabaka Rekoboam ibukui luka aisinit aiboisikec, kijaik akanin nuka ikapolok luka ikedarak, luedarete ekek loka etogo loka ekabaka, Kosodi nakelomanaria ekabaka togo loka EJAKAIT, kodakanarete ikedarak kes, kinyakanarete agola naka ikedarak. Aswamisio ace nuka Rekoboam, kere da nuabu kiswama, mam kereka iwadikatai oitabo loka aisiitonokin nuka ikabakan luka Yuda? Ido kejaenena ejie kidin Rekoboam ka Yeroboam dueudue. Koiotoor Rekoboam kalukapapaake, aponi kidaikinai kalukapapaake ore loka Daudi: ekiror loka totoke Naama naka Amon, Kirum Abiyam okokuke aiboisike. Kokaru do lokitomonet krkanykauni loka ekabaka Yeroboam okoku loka Nebat kogeu Abiyam airum Yuda. Kirumak ikar iuni koYerusalem: ekiror loka totoke ŋes Maaka akoku naka Abisalom. Kolosenenei karonisio kere nuka papake, nueswamai ageikini ŋes: mam eketau adolit kaneejai EJAKAIT Ekedeke, kwape ketau loka papaake Daudi. Konye kanuka Daudi abu EJAKAIT Ekedeke koinak ŋes atala koYerusalem, adakakin okokuke atupakin ŋes, aiticat Yerusalem: Naarai abu Daudi kiswama nuedolito kakonye nuka EJAKAIT, mam abu kopaa kakirot kere naeeorakini ŋes, apaarasia kere nuka aijarake, dimarai akirot naka Uria Ekitit. Keiaenena ejie kidiŋ Rekoboam ka Yeroboam apaarasia kere nuka aijarake. Aswamisio ace kere nuka Abiyam, kere da nuabu kiswama, mam kereka iwadikatai oitabo loka aisiitonokin nuka ikabakan luka Yuda? Kejaenena ejie kidin Abiyam ka Yeroboam. Kojotoor Abiyam kalukapapaake; aponi kidaikinai ore loka Daudi: kirum Asa okokuke aiboisike. Kokaru lokakaisaarei loka Yeroboam eka baka loka Isirael kogeu Asa airum Yuda. Kirumak ikar akaisaoŋon ka lodiopet koYerusalem: ekiror loka totoke ŋes Maaka akoku naka Abisalom. Kiswama Asa nuedolit kakonye nuka EJAKAIT, kwape eswamaa Daudi papaake. Kirenea iketepak ikiliok kakwap, kolema aputosia kere nueswamato lukapapaake. Kirenea da Maaka totoke karaut akabaka, naarai abu kiswamau aput naketal araun Asera; kojepa Asa aputoke, kiewe kaguurut Kiduron. Konye mam aponi kolemarai aiboisio nuiceleleete: konye kedolit etau loka Asa kaneejai EJAKAIT apaarasiake kere. Kitoloma iboro togo loka EJAKAIT luabu papake kotiakarite, ka iboro luabu ŋesi elopet kotiakarite, epuesa, ka esabu, ka iboro. Keiaenena ejie kidin Asa ka Baasa ekabaka loka Isirael apaarasiakec kere. Kolot Baasa ekabaka loka Isirael asurokin Yuda, koduk Rama, tetere mam eeamakini idiotuŋanan alomar arai alomun mama ejai Asa ekabaka loka Yuda. Kosodi Asa ayaŋaar epuesa kere ka esabu luedeuna koboro luka akais nuipu luka etogo loka ekabaka, kijaik kes akanin nuka ikejaanakinakake; kijuka ekabaka Asa kes mama ejai Ben-kadad, okoku loka Tab-rimon, okoku loka Kesion, ekabaka loka Suria, loeboienenei koDamasiko, ebe, “Ejai aitutuket kidinika kajo, kidin papaka ka papakon: koany, ejukakinit jo ainakinet naka epuesa ka esabu; kolot, kobil aitutuketekon kaBaasa ekabaka loka Isirael, tetere enyouni ŋesi kaneajai eoŋ.” Kiira Ben-kadad ekabaka Asa, kijuka ikapolok luka aioresioke asurokin ireria luka Isirael, kodany luka Iyon, ka Dan, ka Abel-bet-maaka, ka Kinerot kere, ka akwap kere naka Naputali. Kosodi kanen, kepupu Baasa ŋun, kinyeik aiduk Rama, kiboikin do Tirisa. Kosodi ekabaka Asa kokut luka Yuda kere; komamei yenedeparitai: kibwokata amor nuka Rama, ka akitoke, nuabu Baasa kodukitor: kodukio ekabaka Asa Geba loka Benyamin, ka Misipa. Aswamisio ace kere nuka Asa, ka akegogoŋ kere, ka kere nuabu kiswama, ka ireria luabu koduk, mam kereka iwadikatai oitabo loka aisiitonokin nuka ikabakan luka Yuda? Konye kapaarasia nuka amoionuke kodekakin akejeke. Kojotoor Asa kalukapapaake, aponi kidaikinai kalukapapaake ore loka Daudi papaake: kirum Yekosapat okokuke aiboisike. Kogeu Nadab okoku loka Yeroboam airum Isirael kokaru lokiareit loka Asa ekabaka loka Yuda, kirumak Isirael ikar iarei. Kiswama nucroko kakonyen nuka Edeke, kolosenenei korot loka papake, kakeronis naetidiakaria Isirael da. Kineru Baasa okoku loka Akiya, lokokek loka Isakar, asurokin ŋes; kodany Baasa ŋes koGib-beton, lokerai loka Ipilisitian; naaraikirigaunitos Nadab ka Isirael kere Gib-bcton. Kokaru lokiwuniet loka Asa ekabaka loka Yuda koar Baasa ŋes, kosodi airum aiboisike. Kosodi kanen, keraun ekabaka, atipet kodany lukokek kere loka Yeroboam; mam abu kideik Yeroboamidio yenikajaran, aitodol neamudiaria ŋes; kwape ajaar akirot naka EJAKAIT, naabu kiner kama kekeiaanakinanike Akiya Esilonit: Kanuka aronisio nuka Yeroboam nuabu kodiak, ido nuetidiakaria Isirael da: kanuka anyunyura naabu ŋesi kitunyunyurikinia EJAKAIT, Edeke loka Isirael. Aswamisio ace nuka Nadab, ka kere nuabu kiswama, mam kereka iwadikatai oitabo loka aisiitonokin nuka ikabakan luka Isirael? Kejaenena ejie kidin Asa ka Baasa ekabaka loka Isirael apaarasiakec kere. Kokaru lokiwuniet loka Asa ekabaka loka Yuda kogeu Baasa okoku loka Akiya airum Isirael kere koTirisa, kirumak ikar akaisaarei ka luonon. Kiswama nueroko kakonyen nuka EJAKAIT, kolosenenei korot loka Yeroboam, kakeronis naetidiakaria Isirael. Kobu akirot naka EJAKAIT neejai Yeku okoku loka Kanani aluikin Baasa, ebe, “Naarai abu ketopoloo jo kotoma apua, kadakak jo araun ekapolon kotunaka Isirael; konye ilosenen korot loka Yeroboam, itidiak ikatuŋa Isirael, aitunyunyurikin eoŋ karonisiokee; Koany, apiari eut Baasa ka ekekek: etusubi ekonikek bala ekek loka Yeroboam okoku loka Nebat. Yenika Baasa yenetwanikini ore enyamete inokwo; nin da yenike yenetwanikini ais enyamete akweny nuka apak.” Aswamisio ace nuka Baasa, ka nuabu kiswama, ka akegogoŋ, mam kereka iwadikatai oitabo loka aisiitonokin nuka ikabakan luka Isirael? Kojotoor Baasa kalukapapaake, aponi kidaikinai Tirisa; kirum Ela okokuke aiboisike. Bobo da kobu akirot naka EJAKAIT kama kenabi Yeku okoku loka Kanani aluikin Baasa, ka ekekek, kanuka aronis kere naabu kiswama kakonyen nuka EJAKAIT, aitunyunyurikin ŋes kaswam naka akaninike, araut kwape kekek loka Yeroboam, ido kanuka aidany ŋes. Kokaru loka akaisaarei ka lukanykape loka Asa ekabaka loka Yuda, kogeu Ela okoku loka Baasa airum Isirael koTirisa, kirumak ikar iarei. Kineru Simuri ekekejaanakinan, ekapolon loka atutubet naka agalinike asurokin ŋes: keiai ŋesi Tirisa, emata komera kotogo loka Arusa, loapolokinit ekale koTirisa. Koloma Simuri kinom ŋes, koar, kokaru loka akaisaarei ka lukanykaarei loka Asa ekabaka loka Yuda, kirum aiboisike. Kosodi kanen, kegeu ŋesi airum, atipet kiboikin oicoloŋoke loka ajakanut, kodany ekek loka Baasa kere: mam abu kideik ŋes idiokoku yenikiliokit, karaida yenikokekike, karaida yenikopaperoke. Kwaŋin komudia Simuri ekek loka Baasa kere, kwape ajaar akirot naka EJAKAIT, naabu kiner kama ka Yeku enabi aluikin Baasa. Kanuka aronisio kere nuka Baasa, ka aronisio nuka Ela okokuke, nuapotu kodiakasi, nuetidiakariata Isirael, aitunyunyurikin EJAKAIT, Edeke loka Isirael kakamameakakec. Aswamisio ace nuka Ela, ka kere nuabu kiswama, mam kereka iwadikatai oitabo loka aisiitonokin nuka ikabakan luka Isirael? Kokaru loka akaisaarei ka lukanykaarei loka Asa ekabaka loka Yuda, kirumak Simuri adaun apaarasia akanykaarei koTirisa. Kidukuroto ituŋa asurokin Gib-beton, loarai loka Ipilisitian, Kopuputu ituŋa luedukuritos ebakai ebe, eneru Simuri, aar ekabaka da: kanuka ŋun kitarau Isirael kere Omuri, ekapolon loka ajore, ekabaka loka Isirael kapaaran kaŋin koidukurun, Konyou Omuri koGibeton, ka Isirael kere kaŋes, kirigaut Tirisa. Kosodi kanen, keanyu Simuri ebe anatar ere, koloma toma abwas naka etogo loka ekabaka, kicweik etogo loka ekabaka kakim, kotwanik nen. Kanuka akeronisio nuadiaki ŋesi kotoma aswam nueroko kakonyen nuka EJAKAIT, alosenen korot loka Yeroboam, kakeronis naadiaki ŋesi, aitidiakaria Isirael. Aswamisio ace nuka Simuri, ka akebilakin ebotet, mam kereka iwadikatai oitabo loka aisiitonokin nuka ikabakan luka Isirael? Kosodete ituŋa luka Isirael atiak kotoma atutubeta aarei: kotupa atutubet naka ituŋa Tibuni okoku loka Ginat, aitaraun ŋes ekabaka; kotupa atutubet Omuri. Konye apotu ituŋa luatuparete Omuri kipikosi ituŋa Iuatuparete Tibuni okoku loka Ginat: kotwana Tibuni, kirum do Omuri, Kokaru loka akaisauni ka lodiopet loka Asa ekabaka loka Yuda, kogeu Omuri airum Isirael, kirumak ikar itomon ka luarei: kirumak koTirisa ikar ikanykape. Kogwel eukot Samaria kama ka Semer katalatan aarei nuka epuesa; koduk oukot, komaik ere loaduki ŋesi Samaria, kwape araar ekiror loka Semer elopet eukot. Kiswama Omuri nueroko kakonyen nuka EJAKAIT, kiswama aronis adepar kere lukegeikinete ŋes. Naarai kolosenenei korot loka Yeroboam okoku loka Nebat, kakeronisio nuetidiakaria Isirael, aitunyunyurikin EJAKAIT, Edeke loka Isirael, kakamameakakec. Aswamisio ace nuka Omuri nuabu kiswama, ka akegogoŋ naabu kitodu, mam kereka iwadikatai oitabo loka aisiitonokin nuka ikabakan luka Isirael? Koiotoor do Omuri kalukapapaake, aponi kidaikinai Samaria: kirum Akab okokuke aiboisike. Kokaru loka akaisauni ka lukanykauni loka Asa ekabaka loka Yuda kogeu Akab okoku loka Omuri airum Isirael: kirumak Akab okoku loka Omuri Isirael koSamaria adaun ikar akaisaarei ka luarei. Kiswama Akab okoku loka Omuri nueroko kakonyen nuka EJAKAIT adepar kere lukegeikinete ŋes. Kosodi kanen, kosubite akirot bala nakebenenikinit ŋes ta pe elosenenei karonisio nuka Yeroboam okoku loka Nebat, komany Yesebel akoku naka Etibaal ekabaka loka Isidonin, kolot kiiaanak Baal, komaenenei ŋes, Kosipok etem loka Baal togo loka Baal, lokedukit ŋesi Samaria. Kiswama Akab Asera; kiyatak Akab aitunyunyurikin EJAKAIT, Edeke loka Isirael adepar ikabakan kere luka Isiraellukegeikinete ŋes. Kapaarasiake koduk Kiel Ebet-elit Yeriko: kopesik apetetait kotwania ekiyaike Abiram, kosipok ikekia kotwania enooritike Segub; kwape ajaar akirot naka EJAKAIT, naabu kiner kama ka Yosua okoku loka Nun. Kosodi Eliya Etisibit, lokerai loka lukiboiororos koGilead, kotema Akab atiar, “Kwape ejaria EJAKAIT Edeke loka Isirael, loabwoi eoŋ kakonyeneke, mam ejaununete akopyo, karaida akiru kotoma okaru kalu, dimikito kwape ejaar akakirot.” Kobu akirot naka EJAKAIT mamake ebe, “Konyou kane, kibelokin kolot kide, konop kaguurut Keris naiteos ka Yorodan. Kosodi kanen imasenenei akipi nuka aguurut; ido ecorak ikuruka aitanyamenen jo kaŋina.” Kolot kiswama kwape ajaar akirot naka EJAKAIT: naarai abu kolot kiboikin ariri kaguurut Keris, naiteos ka Yorodan. Kosodete ikuruka koinununete ŋes inyamat ka akiriŋ tupuruc, ka inyamat ka akiriŋ eboŋ; komasenenei da akipi nuka aguurut. Kosodi kanen ketubor apak koonik aguurut, kanu amamear akiru kakwap. Kobu akirot naka EJAKAIT mamake ebe, “Konyou kolot Sarapet, loka Sidon, kiboie kaŋina; koany, eeorak apuserut naka nina aitanyamenen joo” Kosodi konyou, kolot Sarapet: ido nakedolio orute loka ere, koany, koiai apuserut erarai akito; konyarau ŋes, kobala ebe, “Kenainait koomikinai adisikipi kibore, kamat.” Konye napelosi aomare, konyarau ŋes, kobala ebe, “Kenainait, koinunai idionyamat kakanikon.” Kobala ŋesi ebe, “Kwape ejaria EJAKAIT Ekonideke, emameete eoŋ inyamat, dimarai ikiria adiopekan ejaas amot, ka idiokinyet katany; ido koany, edepuni akito aarei, kaloma kepou eoŋ ka ikakoku, kanyama, kedenyiata atwakare.” Kotema Eliya atiar, “Sirikiyoŋ; kolot kiswama kwape ibalar; konye kogeu ber aipoikin eoŋ idionyamat koinu, kokau kipou ijo alopet ka ikonikoku, Naarai ebala kwanata EJAKAIT, Edeke loka Isirael ebe, ‘Mam inonar amot naka akiria, karaida akinyet nakatany mam edaun, aitodol apaaran naisitepia EJAKAIT akiru akwap.’’’ Kosodi kolot kiswama kwape ebalar Eliya: ŋes alopet, ka ŋes, ka lukotogoke, konyamata apaarasia nuipu. Mam abu kinonar amot naka akiria, karaida akinyet nakatany mam abu kodaun, kwape kejaar akirot naka EJAKAIT, nakinera kama ka Eliya, Kosodi kanen kokau kanun kodekakin okoku loka aberu, alopet etogo; kinyikok noi adekake, komam bobo iyena. Kotema ŋesi Eliya atiar, “Kimariai eoŋ inyo kaio, ijo etuŋanan loka Edeke? Ibu mama ajai aisiitun akaronis, ka aiar okokuka!” Kotema ŋes atiar, “Ae okokukon.” Kodak katorobuke, kodokaria agola nakokuju naeboionono, kiperik aperisike elopet, Komonyak EJAKAIT, kobala ebe, “Wu EJAKAIT, Ekadeke, iyanau aronis mama ejai apuserut nakesiperi, kanuka aiar okokuke?” Korionor irwan auni kama ejai ikoku, komonyak EJAKAIT, kobala ebe, “Wu EJAKAIT, Ekadeke, kenainait, Koboŋok bobo aijar naka ikoku kayen tomakeŋ.” Kiira EJAKAIT eporoto loka Eliya; Koboŋok bobo aijar naka ikoku tomakeŋ, kikwar, Kodaku Eliya ikoku, kiiesunor kagola koyau togo, koinak totoke: kotema Eliya atiar. “Koany, ejari do okokukon.” Kotema aberu Eliya atiar, “Ajenu do kwana kwape iraar ijo etuŋanan loka Edeke, ido akirot naka EJAKAIT kaitukukon erai abeit.” Kosodi kanen ketuboros apaarasia nuipu, kobu akirot naka EJAKAIT mama ejai Eliya, kokaru lokiwuniet, ebala ebe, “Kolot kitodikin mama ejai Akab; etetepikini eoŋ akiru akwap.” Kosodi Eliya alosit aitodiar mama ejai Akab. Kodeden noi ebeli ko Samaria. Konyarau Akab Obadia loapolokinit ekal. (Keyoŋit Obadia EJAKAIT noi: Naarai, nakemudiaria Yesebel inabin luka EJAKAIT, kituku Obadia inabin akwatat, kibwa kes akaisakany akaisakany kotoma abua, kitanyamenenei kes inyamat ka akipi.) Kotema Akab Obadia atiar, “Kimaniman akwap, neejaas atanin kere nuka akipi, ka neejaas aguuruto kere: elemuni kipedori adumun anya aitaiar ibalasin ka inyubun, kinyeis atwakiar itian kere.” Kotiakata akwap aimaniman: kolot Akab orotoke bon, kolot Obadia da orotoke bon ece. Keiai Obadia orot, koany, kiriamas kEliya: kojenu ŋes, kibiror ebuburia, kotema atiar, “ŋes ijo, Eliya ekajakait?” Koboŋok ŋes ebe, “ŋes eoŋ: kolot, kolimok ekonijakait ebe, ‘Koany, ejai Eliya ne,’” Kotema atiar, “Anu bo adiakarit eoŋ, tape jo iiaikini ekonikejaanakinan akan naka Akab, aiar eoŋ? Kwape ejaria EJAKAIT Ekonideke, emamei ateker karaida ajakanut, namam ejakaitika ijukarit amoote jo: naketemariata atiar, ‘Emamei ŋesi kane,’ kisiyapoi lukaiakanut kaŋin ka lukateker kaŋin ebe mam kianyunito joo Kwana da ibala ijo ebe, ‘Kolot, kolimok ekonijakait ebe, “Koany, ejai Eliya ne.’” Ejaun do atipet naanyounio kamakon, kidakari emoyo loka EJAKAIT jo nemam eoŋ da ajeni; kosodi do naalimokinia Akab, komam ŋes epedori adumun jo, kaari eoŋ: konye eoŋ ekonikeiaanakinan ayoŋit EJAKAIT ameun keiditeuka. Mam aponi kolimokinai ekajakait nuabu eoŋ keswama nakearia Yesebel inabin luka EJAKAIT, kwape abu kebwaia ituŋa akwatat luka inabin luka EJAKAIT akaisakany, akaisakany kotoma abua, ketanyamenenei kes inyamat ka akipi? Kwana da ibala ijo ebe, ‘Kolot, kolimok ekonijakait ebe, Koany, ejai Eliya ne’: kaari neai eoŋ.” Kotema Eliya atiar, “Kwape ejaria EJAKAIT loka ajoresio, loabwoi eoŋ kakonyeneke, abeit etodikin lolo eoŋ mamakeŋ.” Kosodi Obadia alosit airiamakin ka Akab, kolimok ŋes: kolot Akab airiamakin kEliya. Kosodi kanen, keanyu Akab Eliya, kotema Akab ŋes atiar, “ŋes ijo, ijo eketieanan loka Isirael?” Koboŋok ŋesi ebe, “Mam eoŋ eticanit Isirael; dimarai ijo, ka ekek loka papakon, naarai ijalata aicorakineta nuka EJAKAIT, ido itupa Ibaalim. Aso do kijuka, kotukok Isirael kere mama ajai, moru Karamel, ka inabin luka Baal akwat aoŋon ka akaisakany, ka inabin luka Asera akwat aoŋon, luenyamete komesa loka Yesebel.” Kosodi Akab kijuka mama ejaas idwe kere luka Isirael, kotukok inabin moru Karamel. Kikunyak Eliya ituŋa kere, kotema atiar, “Itodolete ai yesi icodoete kaomisio aarei? Arai kerai EJAKAIT Edeke, kotupasi ŋes: konye arai Baal, kotupasi ŋes.” Mam ituŋa apotu kobonokisi ŋes akirot. Kosodi Eliya atemar ituŋa atiar, “Eoŋ, eoŋ bon asal, enabi loka EJAKAIT: konye inabin luka Baal eraas ituŋa akwat aoŋon ka akaisakany. Aso koinakis kesi oni imoŋin iarei; koseutu kesi ediopemon kanukec, kotubutuboto, kipetipetata akito, ido mam ibwaikinete akim kwap; etemokini eoŋ locemon, epesipesi akito, ido mam ebwaikini akim kwap. Kiwoneoto yesi ekiror loka ekusideke, eoŋ da ewonei ekiror loka EJAKAIT: Edeke da loe bonokini kakim, korau ŋesi Edeke.” Kobonokis ituŋa kere ebe, “Iner ejok.” Kotema Eliya inabin luka Baal ebe, “Koseutu yesi emoŋ ediopet kanukus, kogeutu yesi aitemokin; naarai ipu yesi; kiwoneoto ekiror loka edekekus, konye mam ibwaikinete akim kwap.” Koyaasi do emoŋ loainakinitai kes, kitemokis ŋes, kiwoneoto ekiror loka Baal ageun tupuruc kiton paaran, ebe, “Wu Baal, kiirarai sio.” Konye amamei eporoto, karaida yenabonokini. Kosomanaros airimor etem loeswamatai. Kosodi kanen kidin paaran, kokienar Eliya kes, kotema atiar, “Kiworoto noi; naarai ŋes edeke; arai eomoomoi ŋesi, apaa ŋesi, arai ejai orot, arai diat eiotoi, ibusakinit aitwekenyunio.” Kiworoto noi, kodunudunos bonik, kikilena ka akwaras kwape ajaar ekecepone, aitodol naaleleuniata aokot kamakec. Kosodi ketubor kidin paaran, apotu komurwoto aitodol apak naka ainakin ainakinet naka abon; konye amamei eporoto karaida yenabonokini, karaida yenebwaikinit etau. Kotema Eliya ituŋa kere atiar, “Kikunyutu mamaka.” Kikunyakisi ituŋa kere mamakeŋ. Kiteteu etem loka EJAKAIT loaeakakinitai kwap. Kolem Eliya amor atomon ka nuarei kwape ajaar etiai loka atekerin nuka odwe luka Yakob, loabu akirot naka EJAKAIT kobu mamake ebe, ‘Isirael ŋes eraun ekonikiror.’ Koduk etem kamor kanun kokiror loka EJAKAIT: kitoito aipany airimor etem, etiai loepedor aisilosikin aitemisio aarei nuka ikinyom. Kinapanak akito, kotubutub emoŋ, kipetipet akito. Kotema atiar, “Kilelebata ipipai iwonon luka akipi, kobukokisi ainakinet naicweio, akito da.” Kotema atiar, “Kiareikisi”; kiareikis. Kotema atiar, “Kiuniikisi”; ido kiuniikis. Koleleata akip airimor etem; kileleb aipany da akipi. Kosodi kanen kapak naka ainakin ainakinet naka abon, kikuny enabi Eliya, kotema atiar, “Wu EJAKAIT, Edeke loka Aburaam, ka Isaak, ka Isirael, kojenunai lolo ebe irai ijo Edeke loka Isirael, ka eoŋ da ekonikejaanakinan, eswama eoŋ akiro nu kere kakirotokon. Kopupunoi eoŋ, WU EJAKAIT, kopupunoi, kojenut ituŋa lu ebe ijo EJAKAIT irai Edeke, isibeloki da ikecetauon aboŋun bobe.” Kosodi akim naka EJAKAIT adoere, kidopo ainakinet naicweio, ka akito, ka amor, ka apua, kimiela akipi kere nuajaas toma aipany. Keanyutu ituŋa kere, kibiroros ebuburia; kotemasi atiar, “EJAKAIT, ŋes Edeke; EJAKAIT, ŋes Edeke.” Kotema Eliya kes atiar, “Kikamutu inabin luka Baal; kinyek ediopet kakesi aiku.” Kikamutu kes: koyaŋa Eliya kes aguurut Kison, koarak kes nina, Kotema Eliya Akab atiar, “Konyou, konyam, komat; naarai ejai airurum naka akiru naepol.” Konyou Akab ainyam ka aimat. Kodoka Eliya kuju Karamel; kisuded, kibwaik akouke kidin akuninike. Kotema ŋesi ekekejaanakinan atiar, “Kolot, kiteluo aŋolol.” Kolot, kiteluo, kotema atiar, “Emamei ibore.” Kotema atiar, “Kolot bobo irwan akanykaarei.” Kosodi kanen karwan nakikanyetekaarei, kotema atiar, “Koany, elomunit edou kaŋolol, edit bala akan naka ituŋanan.” Kotema atiar, “Kolot, kolimok Akab ebe, ‘Kitemok agalikon, kiiesar, kinyek akiru aitikokin jo.’” Kosodi kanen nediokasilon, kirionu akuj idouon ka ekwam, kotep akiru naepol noi. Kiboikin Akab agalike, kolot Yesereel. Kojai akan naka EJAKAIT mama ejai Eliya; koen aŋabeteke, koker koinaren naka Akab kiton orute loka Yesereel. Kolimok Akab Yesebel kere nueswama Eliya, ido kwape aaria inabin kekilen. Kosodi Yesebel aijukar ekiyakia neejai Eliya ebe, “Keswama kis idekesio eoŋ kwaŋin, ka adepar da, arai mam moi esawa kwape kalo eoŋ etusubit akoniijar bala aijar naka ediopet kakesi.” Kepupu ŋun, konyou, kolot kanuka akeiiar, kobu Beer-seba, loerai loka Yuda, kitasal ekekejaanakinan kaŋ ina. Konye ŋes elopet kolot alosit naka adiopepaaran amodiŋ, kobu, kiboikin otolim loka erotem: kilipakin bon atwanare; kobala ebe, “Edolit; wu EJAKAIT, kolema akaiiar; naarai mam eoŋ ajokuna adepar lukapapaaka.” Koper kojotoor kotolim loka erotem; ido koany, kotiro emalaika ŋes, kotema ŋes atiar, “Konyou, konyam.” Konolia, ido koany, kejai emugati loapeitoi katotol eiduny kakouke, ka atany naka akipi, Konyam komat, kopere bobo. Kobu emalaika loka EJAKAIT irwan nakiareit, kotiro ŋes, kotcma atiar, “Konyou, konyam, naarai elwana noi akonilosit.” Konyou konyam komat, kolot kagogon naka inyamat kanul apaarasia akaisaoŋon ka akuaresia akaisaoŋon kiton Koreb, moru loka Edeke. Kodol abua, kopere nen; ido koany, kobu akirot naka EJAKAIT neejai ŋesi, kotema ŋes atiar, “Eliya, inyo bo iswamai ijo kane?” Kotema atiar, “Kerumit noi ekokote kanuka EJAKAIT, Edeke loka ajoresio; naarai ajalata idwe luka Isirael aitutuketekon, atiyaikis itemwanakon, aarata inabinokon kekiletj: eoŋ, eoŋ bon asal; emoete da akaijar amudiar.” Kotema atiar, “Kolom, kobwo komoru loka EJAKAIT.” Ido koany, kotubor EJAKAIT, kodi ekwam loepol loegogon ironan, kobwanabwan atiiban kakonyen nuka EJAKAIT: konye komamei EJAKAIT kokwam: akaulo kekwam amaran naka akwap; konye kotnamei EJAKAIT kamaran naka akwap. Akaulo kamaran naka akwap akim; konye komamei EJAKAIT kakim: akaulo naka akim eporoto loedit loeyamakina. Kosodi, kiira Eliya, kimuko akekou kegoeke, koloma, kobwo neelomarere abua, Ido koany, kobu eporoto mama ejai ŋesi ebe, “Eliya, inyo bo iswamai ijo kane?” Kotema atiar, “Kerumit noi ekokote kanuka EJAKAIT, Edeke loka ajoresio; naarai ajalata idwe luka Isirael aitutuketekon, atiyaikis itemwanakon, aarata inabinokon kekilen; eoŋ, eoŋ bon asal; emoete da akaiiar amudiar.” Kotema EJAKAIT ŋes atiar, “Kolot, koboŋo korotokon kiton amodiŋ naka Damasiko: kidol, kinyonyoik Kasael akinyet araun ekabaka loka Suria: Kinyonyoik da Yeku okoku loka Nimisi akinyet araun ekabaka loka Isirael: kinyoinyoik Elisa okoku loka Sapat loka Abel-mekola akinyet araun enabi aiboisikon, Kosodi kanen, ŋol loekui ekileŋ loka Kasael eari Yeku: ŋol da loekui ekileŋ loka Yeku eari Elisa. Konye edeuni eoŋ ilukumin ikanykaarei koIsirael, akuŋin kere numam ekukonokina Baal, ka ŋiniituk kere namam enuit ŋes.” Aso abu ŋesi konyou kanen, kodum Elisa okoku loka Sapat, ekoriei, kejaas ajookon atomon ka nuarei kinarenike, keiai ŋesi ka nakitomonet kaarei: kitor Eliya neejai ŋesi, kocakak ŋes ekegoe. Kinyek imoŋin, koker atupit Eliya, kotema atiar, “Keŋaiŋait, kisiikinai kanu papaka ka totoka, kasodi konyet eoŋ atupun jo.” Kotema ŋes atiar, “Koboŋo; naarai inyo bo keswamak eoŋ jo?” Kobono katupit ŋes, koyana imoŋin luka ajookot, koar kes, kipo akecekirin kakito nuka imoŋin, koinak ituŋa, konyamata, Kosodi ŋesi anyoun, kotupa Eliya, kijaanak ŋes. Kotukonok Ben-kadad ekabaka loka Suria akejore kere: kejaas ikabakan akaisauni ka luarei kaŋes, ka ibalasin, ka agalin: kolot kirigau Samaria, kitiji. Kijuka ikiyakia mama ejai Akab ekabaka loka Isirael, ore, kotema ŋes atiar, “Inera Ben-kadad kwanata, ebe, Epuesakon ka esabukon eraas lukan: akoninor da ka ikonidwe, lukajokak, eraas lukan.” Koboŋok ekabaka loka Isirael atiar, “Kwape ejaar akonikirot, ekaiakait, wu ekabaka; arai eoŋ lokon, ka lukijaar eoŋ kere.” Koboŋut ikiyakia bobo, kotemasi atiar,” Inera Ben-kadad kwanata ebe, Abeit abu kejukak jo ebe, Kijaikini ijo con ekonipuesa ka esabukon, ka akoninor, ka ikonidwe; Konye ejukuni eoŋ ikakeiaanakinak mama ijai ijo moi, kwape kapak kana, irereete ke si kotogokon, kotogoi da luka ikonikejaanakinak; kosodi ibore kere yenejokuna kakonyenekon, ikamunete kakeeekanin eyaŋaarete.” Kosodi ekabaka loka Isirael anyaraun imakio kere luka akwap, kotema atiar, “Keŋaiŋait, kojenutu, koanyutu da kwape kilokitor ekesa ŋol oni: naarai abu ŋesi kejukak eoŋ ebe kerumia akanor, ka ikadwe, ka ekapuesa, ka ekasabu; mam abu kanerok.” Kotemasi imakio kere ka ituŋa kere ŋes atiar, “Sirikiira, karaida acamun.” Kanuka nun kotema ŋesi ikiyakia luka Ben-kadad ebe, “Kolimokis ekajakait ekabaka ebe, Eswamai eoŋ nun kere nusodit nuijukunitor ijo ekonikejaanakinan: konye akirot na mam apedori.” Koloto ikiyakia, kinyakakis ŋes akirot. Kijuka Ben-kadad mama ejai ŋesi, kotema atiar, “Keswamakis idekesio eoŋ kwaŋin ka adepar da, arai kilosikin apua naka Samaria aileleb akanin nuka ituŋa kere lukatupitos eoŋ.” Koboŋok ekabaka loka Isirael atiar, “Kolimok ŋes ebe, Kinyek loekapanakini lujiisike aiturokin bon kwape ŋol loelaeari kes.” Kosodi kanen, kepupu Ben-kadad akiro ŋun, naamatatar, ŋes ka ikabakan, koswamin, kotema ikekejaanakinak atiar, “Kiderakinos.” Kiderakinos aitiji ere. Ido koany, kikunyak enabi Akab ekabaka loka Isirael kotema atiar, “Inera EJAKAIT kwanata ebe, Iany ijo ekodet lo lokapolon kere? Koany, ejaikini ŋes akanikon lolo; ijenuni ebe Eoŋ EJAKAIT.” Kotema Akab ebe, “Lukaŋai bo?” Kotema atiar, “Inera EJAKAIT kwanata ebe, Ikatumunak luka ikapolok luka ibukui.” Kosodi ŋesi atemar ebe, “Iŋai bo egeuni ejie? “Koboŋok ebe, “Ŋo,” Kosodi kimar ikatumunak luka ikapolok luka ibukui, emwaasi akwat aarei ka akaisauni ka luarei: akaulo abu kimar ituŋa kere, kes idwe kere luka Isirael, emwaasi ilukumin ikanykaarei, Kolomasi kidin paaran. Konye komata Ben-kadad koswamin, komera, ŋes ka ikabakan, kes ikabakan akaisauni ka luarei lukinarakinito ŋes. Kogeutu ikatumunak luka ikapolok luka ibukui alomar; kijuka Ben-kadad, kolimokinai ŋes ebe, “Alomut ituŋa ko Samaria.” Kotema atiar, “Arai elomunitos kainapakina, kikamutu kes ejarete; arai elomunitos ejie, kikamutu kes ejarete.” Kolomasi kesi kina naka ere, ikatumunak luka ikapolok luka ibukui, ka ajore naatupit kes. Koar ŋinitunanan eketunanan; kokerata Isurian, korukitor Isirael kes: koku Ben-kadad eka baka loka Suria kebalasit ka ikebwanenok. Koloma ekabaka loka Isirael, kodany ibalasin ka agalin, koar Isurian kearit loepol. Kikunyak enabi ekabaka loka Isirael, kotema ŋes atiar, “Kolot, kicat, kojen, koany da nuiswamai: naarai kedolu ekaru ebuni ekabaka loka Suria asurokin jo.” Kotemasi ikejaanakinak luka ekabaka loka Suria ŋes atiar, “Erai Edekekee Edeke loka iukon; kanuka ŋun agogoŋ kesi aitelekar oni: konye kajioto kakes kapuuton, abeit eut kigogonoor oni da aitelekar kes. Kiswama akirot na; kolema ikabakan, ninitunanan kaiboisike, kibwaikikayaitok aiboisiokec: Kimar ijo ajore, kwape kajore naibu kotwania, ebalasit aibois kebalasit, agali aibois kagali; kijio kakes kapuuton, abeit kigogonoor oni aitelekar kes.” Kiira nest ekeeeporoto, kiswama kwaŋin, Kosodi kanen kedoki ekaru, kimar Ben-kadad Isurian, kolot Apek, ejie kaIsirael. Aponi kimarai idwe luka Isirael, koinakinai kes inyamat, koloto ejie kakes: kidukuroto idwe luka Isirael koinarenekec kwape isipanin iarei luedisiak luka ikalei; konye kilosikinos Isurian akwap. Kikunyak etuŋanan loka Edeke kotema ekabaka loka Isirael atiar, “Inera EJAKAIT kwanata ebe, Naarai abalasi Isurian ebe, Erai EJAKAIT Edeke loka iukon, konye mere Edeke loka aditon: kanuka ŋun ŋes ejaikinia ekodet lo kere loepol akanikon, ijenunete yesi ebe Eoŋ EJAKAIT.” Kidukuroto kiteosi apaarasia akanykaarei. Kosodi kapaaran nakikanyetekaarei kiriama ejie: kapaaran adiopet koarata idwe luka Isirael Isurian ituŋa ilukumin akwatat lukelosete kakeje. Konye kokera luedeunos Apek, toma ore; kibirokin arwatat ituŋa ilukumin akaisaarei ka lukanykaarei luedeuna. Koker Ben-kadad, koloma ore, agola nakotoma. Kotemasi ikekejaanakinak ŋes atiar, “Koany do, kipupu ebe ikabakan luka ekek loka Isirael eraas ikabakan luketimok: kinainait, kanapa ipukoi kanabesiwok, aunoi da kakwesiwok, kalomasi mama ejai ekabaka loka Isirael: elemuni kitaiar ŋesi akoniijar.” Koenata do ipukoi aŋabesikec, aunoi da akwesikee, kopotu mama ejai ekabaka loka Isirael, kobalas ebe, “Ebala ekejaanakinanikon Ben-kadad ebe, Kenaiijait, kisiikinai kajar.” Kotema atiar, “Eriŋa ŋes ejari? Erai onaeeka.” Kosodete ituŋa aiŋic noi, kisunyas ajenun arai ikote nen akeomisio; kotemasi atiar, “Onaeekon Ben-kadad.” Kosodi ŋesi atemar atiar, “Koloto koyautu ŋes.” Kosodi Ben-kadad alomun neejai ŋesi; kitodokik ŋes agali. Kotema Ben-kadad ŋes atiar, “Kenyakakini jo ireria luabu papaka kodemarite papakon; itemokini irotin koDamasiko kwape kolo kitemokinio papaka koSamaria.” Kobala Akab ebe, “Eoŋ da kaosikini jo kaitutuket kana.” Kitutuko kaŋes aitutuket, koosik. Kotema ediopctunanan kodwe luka inabin aupake kakirot naka EJAKAIT atiar, “Kimusunai eoŋ, kenainait.” Koner etuŋanan aimusun ŋes. Kosodi ŋol atemar ŋes atiar, “Naarai mam jo irimarit iporoto loka EJAKAIT, koany, atipet napinyounio ijo kamakaŋ, kiari eŋatuny jo.” Ido atipet napanyounio kamakeŋ, kodum eŋatuny ŋes, koar. Kosodi ŋol adumun ecetuŋanan, kotema atiar, “Kimusunai eoŋ, kenainait.” Kimusun etuŋanan ŋes, kieum, kimusun. Konyou do enabi, kidareu ekabaka korot, kitegelikin bon kiswap akonyeke kaenet naka akou. Nakitorio ekabaka, kiworou ŋol ekabaka; kotema atiar, “Abu ekonikejaanakinan koloma kidin ojie; ido koany, abu etuŋanan kopau, koyau ecetuŋanan mamaka kotema atiar, ‘Kidar etuŋanan lo: arai keolio, ŋes konyet ejaunia akoniijar aibois kaijarake, arai bo itaei ijo atalata naka epuesa.’ Naelolitor ekonikejaanakinan lailo ka laije da, kosii etuŋanan.” Kotema ekabaka loka Isirael ŋes atiar, “Kitubokinio jo kwaŋin; ijo elopet icam.” Kisunya ŋesi, kolaca aenet naka akou kakonyeke; kojen ekabaka loka Isirael ebe erai ŋesi ediopet konabin. Kotema ŋes atiar, “Inera EJAKAIT kwanata ebe, ‘Naarai ibu koosik kakanikon etuŋanan loabu eoŋ kagita amudiar, kanuka ŋun egeli aijarakon aijarake, ikonituŋa da itia ituŋake.’’’ Kolot eka baka loka Isirael oreke ekadakinit, konyunyura, kobu Samaria. Kosodi kanen kokau kanun, kejai Nabos Eyesereelit emanikor loka emusabibu lokejai Yesereel, keapia ketogo loti loka Akab ekabaka loka Samaria. Kosodi Akab kobala Nabos ebe, “Ae emanikorikon loka emusabibu koraun lokaŋ araun emanikor loka edia, naarai eapie kekatogo; kainakini eoŋ jo emanikor ece loka emusabibu loitelekarit aiokis: arai bo itoiokit, kainakini apesan kwape eiaar eketiai.’ Kobala Nabos Akab ebe, “Madi EJAKAIT, eoŋ ainakin jo airumet naka lukapapaaka.’ Kobu Akab togoke ekadakinit ido konyunyura kanuka akirot nakelimokini Nabos Eyesereelit ŋes: naarai enera atiar, “Mam kainakini jo airumet naka lukapapaaka.’ Korior kaperisike, kimwana akekonyen, koner ainyam. Konye kobu aberuke Yesebel mama ejai, kobala ŋes ebe, “Inyo bo etakadiki ekonitau kwaŋin, tape ineri ainyam?” Kobala ŋes ebe, “Naarai ener kaNabos Eyesereelit, kalimok ŋes ebe, ‘Ae ekonimanikor loka emusabibu kagwel kapesan; arai bo isiyalamikinit kesiee keeemanikor’: kabonok ebe, ‘Mam kainakini ekamanikor loka emusabibu.’’’ Kobala ŋes aberuke Yesebel ebe, “Mere kereka jo iyait ajakanut naka Isirael? Konyou, konyam inyamat, kolakar ekonitau: kainakini eoŋ jo emanikor loka emusabibu loka Nabos Eyesereelit.’ Kwaŋin kiwadik ŋes ibaluan kokiror loka Akab, kipueak kes akeipucet, kijuka ibaluan mama ejaas imakio ka ikapolok lukejaas oreke, lukiboiete kaNabos, Kiwadik obaluan kinera atiar, “Kolimos ailuŋ, kibwaikis Nabos akonyen nuka ituŋa: Kisibwaata ituŋa iarei, idwe luka Belial kakonyeneke, kitorona ŋes, kobalas ebe, ‘Ibu konerok Edeke ka ekabaka da.’ Koyanaasi konyet, kibiribiroto kamor, kotwana.’ Kosodete ituŋa lukoreken, imakio ka ikapolok lukiboiete koreken, kiswamata kwape kieorakinia Yesebel, kwape kiwadikatere obaluan luejukakini ŋesi kes. Kolimos ailuŋ, kibwaikis Nabos akonyen nuka ituŋa, Kopotu ituŋa iarei, idwe luka Belial, kiboikinos akonyeneke: kitorona odwe luka Belial Nabos kakonyen nuka ituŋa, atiar, “Abu Nabos konerok Edeke ka ekabaka da.’ Kitolomasi ŋes kina naka ere, kibiribiroto kamor, kotwana. Kiyakiasi neejai Yesebel atiar, “Ebiribirii Nabos kamor, atwana.’ Kosodi kanen, kiira Yesebel ebe ebiribirii Nabos kamor, atwana da, kolimok Yesebel Akab atiar, “Konyou, kirum emanikor loka emusabibu loka Nabos loagirit ainakin jo agwel kapesan: naarai mam Nabos eroko ejari, konye atwana.” Kosodi kanen, kiira Akeb ebe atwana Nabos, konyou Akab kijesar omanikor loka emusabibu loka Nabos Eyesereelit airum. Kobu akirot naka EJAKAIT mama ejai Eliya Etisibit, atiar, “Konyou kiiesar airiamun ka Akab ekabaka loka Isirael, loiboie koSamaria: koany, ejai omanikor loka emusabibu loka Nabos Eyesereelit airum. Ido kolimok ŋes atiar,’ Inera EJAKAIT kwanata ebe, “Iar, irum da?’” Kolimok da atiar, ‘Inera EJAKAIT kwanata ebe, “Aibois nakemeoto inokwo aokot nuka Nabos, emeete da kwaŋin inokwo akoniwokot, nupekon.”’” Kotema Akab Eliya atiar, “Kiany ijo eoŋ, ijo lokasurupika?” Koboŋok atiar, “Kaany; naarai igwelari bon aswam nueroko kakonyen nuka EJAKAIT. Koany, ayauni nukaronok mama ijai, ido kapiar jo eut, adaun da kama ejai Akab ŋinikoku yenisapat, ka ŋin yeneenen, ka yenimam eenen koIsirael. Ido etuluori ekonikek aputoor loka Yeroboam okoku loka Nebat, ka aputoor ekek loka Baasa okoku loka Akiya, kanuka aitunyunyurikin nakitunyunyurikini, aitidiakanar Isirael. Ido kiner EJAKAIT nuka Yesebel da atiar, ‘Enyamakinete inokwo Yesebel arwatat naka Yesereel.’ Yenika Akab yenetwanikini ore enyamenenete inokwo; ido nin yenetwanikini ais enyamenenete akweny nuka apak.’ (Konye emamei yeneputos ka Akab lokegwelar elopet aswam nueroko kakonyen nuka EJAKAIT lokitapaari aberuke Yesebel. Kiswamaenenei noi nuketal katuparit aputosia, kwape ejaatar kere nukiswamaenenete Imorain, lukireneari kolo EJAKAIT kakonyen nuka idwe luka Isirael.) Kosodi kanen, kiira Akab akiro nun, koeilicil ikenapen, konap ipukoi, koluŋ, koper kopukoi, kolot etwanit akuan, Kobu akirot naka EJAKAIT mama ejai Eliya Etisibit, kobala ebe, “Iany ijo Akab kwape etasonikinor kakonyeneka? Naarai etasonikin kakonyeneka, mam ayauni aronis ŋin kapaarasiake: konye kapaarasia nuka okokuke ŋes ayaunia aronis ŋin okekike.” Kotuboros ikar iuni komamei ejie kidin Suria ka Isirael. Kosodi kanen kokaru lokiwuniet, kobu Yekosapat ekabaka loka Yuda mama ejai ekabaka loka Isirael. Kotema ekabaka loka Isirael ikekejaanakinak atiar, “Ŋenete yesi ebe erai Ramot-gilead lowok, oni da kipalarit, mam kidemuni ŋes kakan naka ekabaka loka Suria?” Kotema ŋesi Yekosapat atiar, “Kiupar tope ijo keoŋ ejie Ramot-gilead?” Kotema Yekosapat ekabaka loka Isirael atiar, “Arai eoŋ kwape iraar ijo, ikatuŋa kwape ikonituŋa, ikabalasin kwape ikonibalasin.” Kotema Yekosapat ekabaka loka Isirael atiar, “Kenaiŋait, kinit kakirot naka EJAKAIT lolo.” Kosodi ekabaka loka Isirael atukonokin inabin, kwape ituŋa akwat aoŋon, kotema kes atiar, “Alosi kereka eoŋ aitiji Ramotgilead, arai bo kenye?” Kotemasi kesi atiar, “Kolot; naarai kijaik EJAKAIT ŋes akan naka ekabaka.” Konye kotema Yekosapat atiar, “Emamei bobo da enabi ece loka EJAKAIT, kenitata ŋes?” Kotema ekabaka loka Isirael Yekosapat atiar, “Eriŋa ejai etuŋanan ediopet lokipedori aiŋirunia EJAKAIT, Mikaia okoku loka Imila: konye asac eoŋ ŋes; naarai mam kadwaranakini eoŋ nukajokak, dimarai ca nupekaronok.” Kotema Yekosapat atiar, “Kinyek ekabaka einer kwaŋin.” Kosodi ekabaka loka Isirael anyaraun ekapolokiton, kotema atiar, “Kisunyite koom Mikaia okoku loka Imila.” Kiboikin ekabaka loka Isirael ka Yekosapat ekabaka loka Yuda, ninitunanan oicoloŋoke, konapitos inapenekee, kaibois naelal neelomarere orute loka Samaria; kodwarata inabin kere kakonyenekec. Kotatau Sedekia okoku loka Kenaana amumwara nuka asua, kotema atiar, “Inera EJAKAIT kwanata ebe, ‘Iremio nu Isurian, aitodol naedaunotor kesi.’’’ Kodwarata inabin kere kwaŋin ebe, “Kolot Ramotgilead, kisirerenio: naarai iiaikini EJAKAIT ŋes akan naka ekabaka.” Kosodi ekiyakia loabu kolot anyaraun Mikaia kotema ŋes atiar, “Koany, ejokuka akiro nuka inabin kaituk adiopet mama ejai ekabaka: kenainait, koputokinos akirotokon kwape kakirot naka ediopet kakesi, kiner nuejok.” Kotema Mikaia atiar, “Kwape ejaria EJAKAIT, nukalimokini EJAKAIT eoŋ, nupenun eneri.” Kedolu ŋesi mama ejai ekabaka, kotema ekabaka ŋes atiar, “Mikaia, kilosi kereka isio Ramot-gilead ejie, arai bo kenyeis? “Koboŋok ŋes ebe, “Koloto, kisirerenio; ijaikini EJAKAIT ŋes akan naka ekabaka.” Kotema ekabaka ŋes atiar, “Irwan imwaasi ai kesiyapo jo ebe sirikiilimok eoŋ adiokirot, dimarai nukabeit kokiror loka EJAKAIT,” Kotema atiar, “Abu kaany Isirael kere isiarakina koronan, kwape amerekekin nuemameete ekeeokon: kotema EJAKAIT atiar, ‘Emameete nu ejakait; kobonosi kesi ninitunanan oreke inapakina.’’’ Kotema ekabaka loka Isirael Yekosapat atiar, “Mam abu kalimok jo ebe mam kadwaranakini eoŋ nukajokak dimarai ca nupekaronok?” Kotema atiar, “Aso kiira akirot naka EJAKAIT: abu kaany EJAKAIT iboie koicoloŋoke, kobwoi da aiore kere naka akuj kakanike nakoteten ka nakokediany da. Kotema EJAKAIT atiar,, Iŋai iŋalaari Akab, tetere elosi aibirokin Ramot-Gilead?’ Kotema ediopet kopone kalo, ece da kopone ece. Kolom do emoyo, kobwo kakonyen nuka EJAKAIT, kotema atiar, “Enalaari eoŋ ŋes.’ Kotema EJAKAIT ŋes atiar,, Kinyo?’ Kotema atiar, ‘Alomari, araun emoyo lokainal kaituke nuka inabinoke kere.’ Kotema ŋesi atiar, ‘Iŋalaari ijo ŋes, ido ipedori: kolonia, kiswama kwaŋin.’ Aso do koany, ebwaik EJAKAIT emoyo lokenalan aituke nuka inabinokon lu kere; kinerak EJAKAIT jo aronis.” Kosodi Sedekia okoku loka Kenaana aikunyakin, kibap Mikaia eitinyo, kotema atiar, “Kikwaikini ai emoyo loka EJAKAIT enyouni kamakaŋ einer kajo?” Kotema Mikaia atiar, “Koany, ianyuni kapaaran kaŋin, nailomaria agola nakotoma aiŋop.” Kotema ekabaka loka Isirael atiar, “Kikamutu Mikaia, kinyakakis ŋes Amon ekayaiton loka ere, mama ejai Yoas da okoku loka ekabaka; Kolimokis ebe, ‘Inera ekabaka kwanata ebe, “Kibwaikisi ekesa lo aidaris, kitanyamete ŋes inyamat luka aitieanitoi, kakipi nuka aiticanitoi, aitodol neabunio eoŋ kainapakin.”’” Kotema Mikaia atiar, “Arai teni ibonu Ijo kainapakin, mam EJAKAIT inerit kamakaŋ.” Kotema atiar, “Kiirasi yesi ituŋa, yes kere.” Koloto do ekabaka loka Isirael ka Yekosapat ekabaka loka Yuda Ramotgilead. Kotema ekabaka loka Isirael Yekosapat atiar, “Etegelikini eoŋ bon, alosi ojie; konye konap ijo inapenekon.” Kitegelikin ekabaka loka Isirael bon, kolot oiie. Abu ekabaka loka Suria kieorakinite ikapolokitok luka agalinike akaisauni ka luuni ebe, “Sirikijioto kaludidik karaida kalukapolok, dimarai kito ekabaka loka Isirael bon.” Kosodi kanen, keanyut ikapolokitok agalin Yekosapat, kobalas ebe, “Abeit ŋes ekabaka loka Isirael.” Korioto aitiji ŋes; kodelo Yekosapat. Kosodi kanen, keanyut ikapolokitok agalin ebe mere ŋes ekabaka loka Isirael kobonut karukitor ŋes, Kiket ediotuŋanan akabwake komam elosikinit, kogum ekabaka loka Isirael neiriamitotor inapeneke lukasua: kanuka ŋun kotema ekerenean agalike atiar, “Kibelok akanikon, kodaka eoŋ kaiore; naarai kemusuni noi.” Kosisior ejie kapaaran kaŋin: kiganitete ekabaka kagalike aitiii Isurian, kotwana do eboŋ; koleleete aokot kamusunut ogali. Koiau eworo anatar aiore kere napelomari akoloŋ ebe, “Ŋinituŋanan oreke, ka ninitunanan obukec,’ Kotwana do ekabaka, koyaunai Samaria; kidaikinai ekabaka Samaria. Kilota agali katapar naka Samaria; komeoto inokwo aokotoke; (kilonenenete adotia kanen;) kwape ajaar akirot naka EJAKAIT naabu kolim. Aswamisio ace nuka Akab, ka kere nuabu kiswama, ka etogo loabu koduk, mam kereka iwadikatai oitabo loka aisiitonokin nuka ikabakan luka Isirael? Koiotoor Akab kalukapapaake; kirum Akasia okokuke aiboisike. Kogeu Yekosapat okoku loka Asa airum Yuda kokaru lokiwononet loka Akab ekabaka loka Isirael, Korai Yekosapat loka ikar akaisauni ka lukany egeuni ŋesi airum; kirumak ikar akaisaarei ka lukany koYerusalem. Ekiror loka totoke ŋes Asuba akoku naka Sili. Kolosenenei ŋesi korot kere loka Asa papake; mam abu kopaa, kiswama nuejok kakonye nuka EJAKAIT: konye mam aponi kolemarai aiboisio nuiceleleete; korina da ituŋa ainanakinete asuban, kisupuruunete lueuru maa kaiboisio nuiceleleete. Kopueo Yekosapat kekabaka loka Isirael. Aswamisio ace nuka Yekosapat, ka akegogoŋ naetodiarit, kwape aiior da, mam kereka iwadikatai oitabo loka aisiitonokin nuka ikabakan luka Yuda? Abu kirenea kakwap luedeunos luka luitepete ikiliok, luedeunos kapaarasia nuka Asa pa pake. Amamei ekabaka koEdom: ekeganan kerai ekabaka. Kiswamau Yekosapat ameerin nuka Tarusis alosit Opir adumun esabu: konye mam apotu koloto; naarai kobilas ameerin koEsion-geber. Kosodi Akasia okoku loka Akab atemari Yekosapat atiar, “Kisiik ikakejaanakinak aupar kikonikejaanakinak kameerin.” Konye koner Yekosapat. Kojotoor Yekosapat kalukapapaake, aponi kidaikinai nepepe kalukapapaake ore loka Daudi papaake: kirum Yekoram okokuke aiboisike. Kogeu Akasia okoku loka Akab airum Isirael koSamaria kokaru lokitomonet kakanykaarei loka Yekosapat ekabaka loka Yuda, kirumak Isirael ikar iarei. Kiswama nueroko kakonyen nuka EJAKAIT, kolosenenei korot loka papake, korot loka totoke, korot da loka Yeroboam okoku loka Nebat, loetidiakaria Isirael. Abu kijaanak Baal, komaenenei ŋes, kitunyunyurik EJAKAIT, Edeke laka Isirael, kwape ajaatar kere nuabu papake kiswama. Kipaliik Moab Isirael kedau Akab atwanare. Kibirun Akasia kadirisa kagolake nakokuju naajai Samaria, kodekakin: kiyakia ikiyakia, kotema kes atiar, “Koloto, kiŋitut kama ejai Baal-sebub edeke loka Ekuron arai bo aŋaleuni adeka na,” Konye kotema emalaika loka EJAKAIT Eliya Etisibit atiar, “Konyou, kolot kiriamakinos kikiyakia luka ekabaka loka Samaria, kotema kes atiar, Emamei kereka Edeke kotoma Isirael, tape ilosete aiŋitun kama ejai Baal-sebub edeke loka Ekuron?’ ‘Aso do inera EJAKAIT kwanata ebe, ‘Mam inyouni koitada loidokikinit, konye abeit itwani.’” Konyouni do Eliya, Koboŋosi ikiyakia mamake, kotema ŋesi kes atiar, “Kanukinyo iboŋunioto?” Kotemasi ŋes atiar, “Abu kobu etuŋanan airiamun kasio, kolimok sio ebe, ‘Koloto, koboŋosi mama ejai ekabaka lokiyakuuni yes, kotemasi ŋes atiar, Inera EJAKAIT kwanata ebe, Emamei kereka Edeke kotoma Isirael, tape iyakiari aiŋitun kama ejai Baal-sebub edeke loka Ekuron? Kanulca ŋun mam inyouni koitada loidokikinit, konye abeit itwani.’” Kotema kes atiar, “Ejesi bo ai etuŋanan loabuni airiamun kayes, kolimok akiro ŋun?” Koboŋokis ŋes ebe, “Erai etuŋanan loeeekit, enapit arukan naka emukule kaŋabeteke.” Kotema ŋesi atiar, “Ŋes Eliya Etisibit.” Kosodi ekabaka aiyakildn ŋes ekapolon loka akaisakany, ka iketuŋa da akaisakany. Kolot mama ejai: ido koany, kiboie ŋesi kokuju oukot. Kinera kaŋes ebe, “Ŋo etuŋanan loka Edeke, ebala ekabaka ebe, ‘Kikokoror.’’’ Koboŋok Eliya ekapolon loka akaisakany ebe, “Arai arai eoŋ etuŋanan loka Edeke, kobu akim kokuju, kiewe jo ka akaisakanyikon.” Kobu akim kokuju, kiewe ŋes ka akaisakanyike. Kiyakia bobo ekapolon ece loka akaisakany ka akaisakanyike. Koboŋok kotema ŋes atiar, “Ŋo etuŋanan loka Edeke, ebala ekabaka kwanata ebe,, Kikokoror atipet.’’’ Koboŋok Eliya kotema kes atiar, “Arai arai eoŋ etuŋanan loka Edeke, kobu akim kokuju, kiewe jo ka akaisakanyikon.” Kobu akim naka Edeke kokuju, kiewe ŋes ka akaisakanyike, Kiyakia bobo ekapolon loka akaisakany lokiwuniet ka akaisakanyike. Kolot ekapolon lokiwuniet loka akaisakany, kobu, kokukonokin Eliya, kiŋaiŋa ŋes, kotema ŋes atiar, “Ŋo etuŋanan loka Edeke, keŋaiŋait, korau akaijar ka aijar naka akaisakany lu ikonikejaanakinak naka akais nuipu kakonyenekon. Koany, abu akim kobu kokuju kiewe ikapolok iarei lusodit luka akaisakany ka akaisakanyikee: konye korai akaijar naka akais nuipu kakonyenekon.” Kotema emalaika loka EJAKAIT Eliya atiar, “Kikokoror kaŋes; sirikikurianar ŋes.” Konyou, kikokoror kaŋes mama ejai ekabaka. Kotema ŋes atiar, “Inera EJAKAIT kwanata ebe, naarai ibu kiyalda ikiyakia aiŋitun kama ejai Baal-sebub edeke loka Ekuron, emamei kereka Edeke kotoma Isirael aiŋitun akekirot? Kanuka ŋun mam inyouni koitadakon loidokikinit, konye abeit itwani.” Kotwana do kwape ajaar akirot naka EJAKAIT naenera Eliya. Kogeu Yekoram airum aiboisike kokaru lokiareit loka Yekoram okoku loka Yekosapat ekabaka loka Yuda; naarai amamei ŋes ikoku yenitelepat, Aswamisio ace nuka Akasia nuabu kiswama mam kereka iwadikatai oitabo loka aisiitonokin nuka ikabakan luka Isirael? Kosodi kanen, nakekotor EJAKAIT aitodokaar Eliya ketapipirio toma akuj, konyout Eliya ka Elisa koGiligal. Kotema Eliya Elisa atiar, “Keŋaiŋait kopaik ne: naarai kejukit EJAKAIT eoŋ Besel.” Kobala Elisa ebe, “Kwape ejaria EJAKAIT, ido kwape ejaria ekonitau da, mam kajali jo.” Koloto koton Besel. Kolomunete do idwe luka inabin lukeiaas Besel neejai Elisa, kotemasi ŋes atiar, “Ŋeni ebe eyaŋaari EJAKAIT ekoniiakait kama ijai ijo lolo?” Kobala ŋesi ebe, “Eebo, ajeni, kililinata yesi,” Kosodi kotema Eliya ŋes atiar, “Keŋaiŋait, Elisa, kopaik ne; naarai kejukit EJAKAIT eoŋ Yeriko,” Kobala ŋesi ebe, “Kwape ejaria EJAKAIT, ido kwape ejaria ekonitau da, mam kajali jo.” Kosodete kodolo Yeriko. Kikunyakis idwe luka inabin lukejaas Yeriko neejai Elisa, kotemasi ŋes atiar, “Ŋeni ebe eyaŋaari EJAKAIT ekonijakait kama ijai ijo lolo?” Koboijok ŋesi ebe, “Eebo, ajeni; kililinata yesi.” Kosodi kotema Eliya ŋes atiar, “Kenainait, kopaik ne; naarai kejukit EJAKAIT eoŋ Yorodan.” Kobala ŋesi ebe, “Kwape ejaria EJAKAIT, ido kwape ejaria ekonitau da, mam kajali jo.” Kosodokis kesi luarei. Koloto ikiliok akaisakany lukotoma odwe luka inabin, kobwaata atereikina kes kama elwana; kobwaata kesi luarei koYorodan. Kosodi kolem Eliya ekelou, konunuk, kopaari ainomia akipi, kotiakas cpuai ka epuai, kitoro da kesi luarei neconit. Kosodi kanen, kedokasi, kotema Eliya Elisa atiar, “Kilipai nukeswamakini jo eroko eoŋ kelemara kamakon.” Kobala Elisa ebe, “Kelipit akorakineta aarei nuka aijarakon kojaikinos keoŋ.” Kobala ŋes ebe, “Ilipit ijo akirot naetiono: konye, arai kiiany kaalemar eoŋ, ikwaikinos nen; konye arai mam, mam ikwaikinos nen.” Kosodi kanen, eriŋa elosete, iyalaete, koany, kotakan agali naka akim ka ibalasin luka akim, kotiakata kes luarei; kodoka Eliya toma akuj ketapipirio. Keanyu Elisa, kiworo atiar, “Ipapa, Ipapa, agalin nuka Isirael ka ikebwanenok da.” Mam eanyuna ŋes bobo. Kosodi kitin ikenapen kocil atutubeta aarei. Kolem da elou loka Eliya loabu kodou, kobono, kobwo kariri naka Yorodan, Kolem elou loka Eliya loabu kodou, kinomia akipi, kotema atiar, “Ai bo ejai EJAKAIT, Edeke loka Eliya?” Ido kedau ŋesi da ainomia akipi, kotiakas epuai ka epuai: kotubor Elisa. Keanyut ŋes idwe luka inabin lukejaas Yeriko kotemasi atiar, “Adoiki emoyo loka Eliya neejai Elisa.” Kopotu aisiriamaar ŋes, kisudedoto kakonyeneke. Kotemasi ŋes atiar, “Koany, ejaas ituŋa akaisakany lukagogonok, nepepe kikonibulesin; kinainait, koloto kesi amoot ejakaitikon: motoko edakarit emoyo loka EJAKAIT ŋes kocaka ŋes oroŋat, arai bo aditot.” Kotema atiar, “Mam iyakiarete kes.” Kimaimaata ŋes aitodol neeleicikinio, kotema atiar, “Kiyakiasi do,” Kanuka ŋun kiyakiarai ituŋa akaisakany; komoata adaun apaarasia auni, konye mam apotu kodumut, Kobonut mama ejai, eroko idarit koYeriko; kotema kes atiar, “Mam abu kalimok yes ebe, ‘Sirikiloto?’” Kotemasi ituŋa lukore Elisa atiar, “Koany, kinainait, ejok aibois naka ere kalo, kwape eanyunia ejakaitika: konye eroko akip, akwap da mam ebwani inyamat.” Kotema atiar, “Koinunai atany nakitetet, kibwaikis abalaŋ toma.” Koinut ŋes, Koloma kolot neejai akoŋu naka atan, kocakak abalaŋ, kotema atiar, “Inera EJAKAIT kwanata ebe, Etaŋaleu eoŋ akipi nu; mam bobo elomuni atwanare karaida aimotoikin.” Kwaŋin konaleut akip kiton lolo, kwape ajaar akirot naka Elisa naenera. Konyou kanen kodoka Bet-el: elosi korot edokari, kolomut idwe ludidik kore, koratata ŋes, kotemasi ŋes atiar, “Kodoka ijo, lokepata; kodoka ijo, lokepata.” Konolia kau koany kes, kiken kes kokiror loka EJAKAIT. Kolomut adubui aarei kamonieik, kopoopoata idwe akaisaoŋon ka luarei kakesi. Konyou kanen kolot moru Karamel, konyou kanen kobono Samaria. Kogeu Yekoram okoku loka Akab airum Isirael koSamaria kokaru lokitomonet kakanykauni loka Yekosapat ekabaka loka Yuda, kirumak ikar itomon ka luarei. Kiswama nueroko kakonyen nuka EJAKAIT; konye komam aputokin nuka papake ka totoke: naarai abu kolema epir loka Baal loabu papake kiswama, Konye kiketakin karonisio nuka Yeroboam okoku loka Nebat, nuetidiakaria Isirael; mam abu konyou kakesi. Kerai Mesa ekabaka loka Moab ekeeokon loka amerekekin; kijaanakin eka baka loka Isirael ajulo nuka idwe luka imerekekin ilukumin akwatat, ka nuka imerekekin ilukumin akwatat. Kosodi kanen ketwana Akab, kipaliik do ekabaka loka Moab ekabaka loka Isirael. Koloma ekabaka Yekoram koSamaria kapakio kanun, kimar Isirael kere, Kolot kiyakia mama ejai Yekosapat ekabaka loka Yuda ebe, “Kepaliiki ekabaka loka Moab; kiupari ijo keoŋ aitiji Moab?” Kotema atiar, “Alosi: arai eoŋ kwape iraar ijo, ikatuŋa kwape ikonituŋa, ka ikabalasin da kwape ikonibalasin.” Kotema atiar, “Kitoro orot ali? “Koboŋok ebe, “Orot lokamodin naka Edom.” Kosodi kolot ekabaka loka Isirael, ka ekabaka loka Yuda, ka ekabaka loka Edom: kirimosi alosit naka apaarasia akanykaarei: komamikis ajore akip, karaida itian luketupito kes. Kotema ekabaka loka Isirael atiar, “Wu okwe! Naarai anyarau Ejakait ikabakan lu luuni aijaikin kes akan naka Moab.” Konye kotema Yekosapat atiar, “Emamei kereka kane enabi loka EJAKAIT, ainitunia EJAKAIT?” Koboŋok ediopet loka ikejaanakinak luka ekabaka loka Isirael cbe, “Ejai Elisa okoku loka Sapat kane, loalianakini akipi akanin nuka Eliya.” Kotema Yekosapat atiar, “Ejai akirot naka EJAKAIT kaŋes.” Kolot ekabaka loka Isirael ka Yekosapat ka ekabaka loka Edom mama ejai, Kotema Elisa ekabaka loka Isirael atiar, “Kimariai eoŋ inyo kajo? Kolot ijo mama ejaas inabin luka papakon, ka inabin luka totokon.” Kotema ekabaka loka Isirael ŋes atiar, “Mam; naarai anyarau EJAKAIT ikabakan lu luuni aijaikin kes akan naka Moab.” Kotema Elisa atiar, “Kwape ejaria EJAKAIT loka ajoresio, loabwoi eoŋ kakonyeneke, abeit, arai kemam apodo Yekosapat ekabaka loka Yuda ajaut kane, timam kaanolia jo, timam ketei da. Aso do koinunai ekaraman.” Kosodi kanen, kerama ekaraman, kodoik ŋes apedor naka EJAKAIT. Kotema atiar, “Inera EJAKAIT kwanata ebe,, Kilelebata alelesia aditot na.’ Naarai inera EJAKAIT kwanata ebe, ‘Mam ianyunete ekwam karaida akiru, konye ilelebunos akip aditot; imasete yesi da, yes, ka ibarenekus, ka itianikus.’ Konye erai na akirot naedit kakonyen nuka EJAKAIT: ijaikini da ŋesi Imoabin akaninikus, Idanyete luka ŋolire loebwaitai, ka nolire Ioititatai, ijepete nolikitoi loejok, inukete atanin kere nuka akipi, imunaarete kamor ŋinimana naejok.” Kosodi kanen, tupuruc, kapak naka ainakin ainakinet, koany, kopotu akipi elomunito korot loka Edom, kilelebun akwap akipi. Kepuputu Imoabin kere ebe apotu ikabakan aitiji kes, kotukonokinos, kere luepedorete ainap lujiis ka adepar, kobwaata koikor. Konyoutu tupuruc sek, kocaik akoloŋ akipi, koanyutu Imoabin akipi kajuwaikee erenak bala aokot. Kotemasi atiar, “Nu kes aokot; abeit amudiaros ikabakan, adanyakinos, ŋinitunanan aar aupake: aso do, Moab, kanata.” Kedoloto oidukurun luka Isirael, konyoutu Isiraelin kodanyata Imoabin, kokerata kakonyenekee: kiyatakinos alosit akwap edanyete Imoabin. Kotiyatiyata ireria; kocakanakis nolinujanan akemoru ninimana naejok, kilelebun; konukata atanin kere nuka akipi, kojepata ikito kere lukajokak; aitodol needeuniata amor nuko Kir-kareset ban; konye kirimirimoto lukaporoceta, atiyatiya. Keanyu ekabaka loka Moab ebe ipikorit ejie ŋes, koyaŋa ituŋa akwat akanykaarei lukedakito ikileŋa kaŋes, acilar mama ejai ekabaka loka Edom: konye mam apotu kopedosi. Kosodi alemun okokuke ekiyai lotikirum aiboisike, koinak ŋes araun ainakinet naicweio karwatat, Kojaun anyunyura naepol mama ejai Isirael: konyout kamaken, kobonosi akwapukee. Kiworo aceberu kanor nuka odwe luka inabin mama ejai Elisa, kotema atiar, “Atwana ekonikejaanakinan okilenika: ijeni ijo da ebe abu eke jaanakinanikon koyonite EJAKAIT: abu lokapesen ayaŋaar ikadwe iarei araun ibulesinike.” Kotema Elisa ŋes atiar, “Anyoika keswamakini jo? Kolimokinai; inyo bo ejai kajo togo?” Kotema atiar, “Emamei akonikejaanakinan ibore kotogo, dimarai amot naka akinyet.” Kosodi ŋesi atemar atiar, “Kolot, kilipu ikoniidunyeta kere lukirimorito amoti, amoti nuemameete iboro kotoma; sirikilipu nuikidioko. Ilomari, igolor ijo ka ikonidwe, kobukonok akinyet amoti ŋun kere; kinadanari nuilelebunos awai.” Konyou ŋin kama ejai ŋesi, kogolor ŋes ka odweke iarei; koinununut ŋes amoti, kobukonokini. Kosodi kanen, kilelebunos amoti, kotema nin okokuke atiar, “Koinunai aeemot.” Kotema ŋes atiar, “Emamei bobo amot.” Kosanak akinyet, Kosodi nin abunore alimokin etuŋanan loka Edeke. Koboŋok ŋesi atiar, “Kolot, kogwela akinyet, kotac apesenekon, ido luideunos kojariata ijo ka ikonidwe.” Kosodi apaaran adiopet, kitor Elisa Sunem, nekejai aberu nakapolon; kimaima ŋes ainyam atap. Kosodi kanen, naetorenenoo, kopaanari nen ainyam atap. Kotema nin okilenike atiar, “Koany, amisiik eoŋ lo erai etuŋanan lokalaunan loka Edeke, loitorenenei ne tiritir. Kenainait, kadukokis ŋes igola karwatat; kebwaikis nen kanuke eitada, ka emesa, ka eicoloŋ, ka epir loka atala: tetere naebunenenoo ŋesi mamawok, kopauni nen.” Kosodi apaaran adiopet, kobu ŋesi nen, kopau agola koper nen. Kotema ŋesi Gekasi ekejaanakinanike atiar, “Konyarau Asunamit ŋin.” Kosodi kenyaraun, kobwo kakonyeneke. Kotema ŋes atiar, “Kolimok nin ebe, Koany, kibuak ijo sic kaibuakin naetia netine; inyo bo do kiswamakinio jo? Ikoto aitodiario mama ejai ekabaka arai bo mama ejai ekapolon loka ajore?” Koboŋok nin ebe, “Eboie eoŋ korunaka.” Kotema atiar, “Aso inyo bo do kiswamakinio ŋes?” Koboŋok Gekasi ebe, “Abeit emamei ŋes ikoku yenitelepat, emojonit da okilenike.” Kotema atiar, “Konyarau ŋes.” Konyarau, kobwo ŋin kokek. Kotema ŋesi atiar, “Kapak kana, kedol ekaru, ituni ikoku yenitelepat.” Kotema nin ŋes atiar, “Mam, ekajakait, ijo etuŋanan loka Edeke, sirikinal akonikejaanakinan.” Kopotuu aberu, kouri ikoku yenitelepat kapak kaŋin kedol ekaru, kwape alimokinia Elisa ŋes. Kosodi kepoloor ikoku, adiopepaaran, kolot mama ejai papake mama ejaas ikadwenyak. Kotema ŋesi papake atiar, “Akouka, akouka.” Kotema ekejaanakinanike atiar, “Kodaka ŋes mama ejai totoke.” Keyaŋaa, kitodol mama ejai totoke, kiboikin akuninike aitodol kidin paaran, kotwana. Kodoka nin, kiperik oitada loka etuŋanan loka Edeke, kogolok ekek, koloma kina, Kiworo okilenike kotema atiar, “‘Keŋaiŋait, kijukakinai ediopet kokejaanakinak, ka adiopet kasigirian, kakeria mama ejai erunanan loka Edeke, kabonu.” Kotema atiar, “Kanukinyo ikotor alosit neejai ŋesi lolo? Mam erai ailamun naka elap karaida nakasabato.” Kotema ŋin atiar, “Ŋul ajokak.” Kosodi nin aipet lupetan asigiriake, kotema ekeiaanakinanike atiar, “Kireŋea, kiyatak alosit; sirikiyap aibwanen, dimarai kaalimok jo.” Kolot do, kodol mama ejai etuŋanan loka Edeke omoru Karamel. Kosodi kanen, keany etunansn loka Edeke ŋes elwana, kotema Gekasi ekeiaanakinanike ebe, “Koany, ejai Asunamit ŋina: Keŋainait, koker airiamakin kaŋes, kinit ŋes atiar, Ŋai ejok? Okilenikon da ejok? Ikoku da ejokr “Koboŋok ŋin atiar, “Ejokuka.” Kedolo ŋesi mama ejai etuŋanan loka Edeke koukot, kitiŋ akeieke. Kikunyak Gekasi aremor ŋes; konye kotema etuŋanan loka Edeke atiar, “Kinyek: naarai ekadakinit eketau; kemunonikinit EJAKAIT, mam kalimokinit eoŋ.” Kosodi nin atemar atiar, “Abu eoŋ kakoto ikoku yenitelepat kama ejai ekaiakait? Mam abu katema atiar, Sirikiinala?” Kosodi ŋesi atemar Gekasi atiar, “Koen aŋabetekon, kitiŋ ebelaka akanikon, kolot: arai kiriamunos kitunanan kere, sirikiyoga ŋes; arai kiiyoga ituŋanan, sirikiboŋok: kibwaik ekabela akonyen nuka ikoku.” Kobala toto naka ikoku ebe, “Kwape eiaria EJAKAIT, kwape eiaria ekonitau da, mam kajali jo.” Konyou ŋesi, kotupa nin. Kotubor Gekasi kinarenikec, kibwaik ebela akonyen nuka ikoku; konye amamei eporoto karaida apupun, Kanuka ŋun kobono airiamakin kaŋes, kolimok ebe, “Mam ikoku ekwenyunit.” Keloma Elisa togo, koany, atwana ikoku, kiperikinirete oitadake, Koloma do kogoloros kes iarei, kilip EJAKAIT. Kolot, koper ebuburia kakuan naka ikoku, kibwaik akeituk aituk naka ikoku, akonyeke da akonyeke, akaninike da akaninike: koriori kama ejai ikoku; komwanu akuan naka ikoku, Kosodi ŋesi aboŋor, koriaria kotoma togo; kodoka koriori kama ejai ikoku: kikaresio ikoku irwan akanykaarei, kokweny ikoku, Konyarau Gekasi, kotema atiar, “Konyarau Asunamit ŋin,” Konyarau ŋes, Keloma nin mamake, kotema atiar, “Kodaka ikonikoku.” Kosodi ŋin alomun, kisudede kakeieneke, kokukum kwap; kodak okokuke, koloma, Kobu Elisa bobo Giligal: koiai ebeli akwap; kibolkinos odwe luka inabin kakonyeneke: kotema ŋesi ekekejaanakinan atiar, “Kidoroki akeit, kipoik odwe luka inabin atap.” Koloma ediopet omanikor aide edia, kodum emusabibu loka ais, koden imonyono luka ais kotunite kogoe, kobu kogetanak kes toma akeit naka atap: naarai mam ajenete kes. Kodutakinai rtuna ainyam. Kosodi kanert, enyamete, kiworoto ebe, “Wu okwe, etuŋanan loka Edeke, ejai atwanare toma akeit ŋin,” Mam apotu kopedosi ainyam. Konye kotema ŋesi atiar, “Koyautu akiria.” Kocakak akeit; kotema atiar, “Kodutakisi ituŋa, konyama.” Kemamei bobo aronis kotoma akeit. Kobu etuŋanan ebuni koBaal-salisa, koinu etuŋanan loka Edeke inyamat luegeete, imugatin akaisaarei luka asairi, ka aluŋuren nukitetiak nuka akima kopukoke, Kotema atiar, “Koinak ituŋa, konyama.” Kotema ekeiaanakinanike atiar, “Okwe! ebwaikini lu akonyen nuka ituŋa akwatat?” Konye kotema atiar, “Koirtak ituŋa konyama; naarai inera EJAKAIT kwanata ebe, Enyamete, kideut.” Kibwaik akonyenekec, konyamata kideutu, kwape ajaar akirot naka EJAKAIT. Kosodi Naaman ekapolon loka ajore naka ekabaka loka Suria, kerai etuŋanan lokapolon mama ejai ejakaitike, ido lokeyonitai, naarai kanuka nol abu EJAKAIT koinak Suria aipikonor: kerai da ekirigi loketitin kotoma oiie, konye kerai lokatapon. Apotu Isurian kolomarito korioneta, konatut ipese kakwap naka Isirael; ido kijaanakinenei ŋin aberu naka Naaman. Kosodi kotema ŋesi totoke atiar, “Arai papaka ejaas kenabi loejai Samaria! Ti kitanaleu ŋes aketapon.” Kosodi koloma etuŋanan, kolimok ejakaitike atiar, “Ebala kwaŋin ipese yenikakwap naka Isirael.” Kosodi kobala ekabaka loka Suria ebe, “Ape bo kolot, ejukakini eoŋ ekabaka loka Isirael ebalua.” Kosodi kolot, koyana da atalatan atomon nuka epuesa, ka atutubeta nuka esabu alukumin akanykape, ka inapen itomon. Kosodi koinu ekabaka loka Isirael ebalua, kobala ebe, “Aso kiidolok jo ebalua lo, koany, keiukakinit jo ekakeiaanakinan Naaman, tetere itanaleuni ŋes atapon.” Kosodi kanen, kesioma ekabaka loka Isirael ebalua, kocil ikenapen, kobala ebe, “Arai gwai eoŋ Edeke, aiar ka aitajar da, tape ekesa lo kejukakini eoŋ aitaŋaleun etuŋanan aketapon? Konye koomoomata, keŋaiŋaito, kojenut kwape emoia aitoŋolop eoŋ.” Kosodi, kiira Elisa etuŋanan loka Edeke ebe acil ekabaka loka Isirael ikenapen, kiyakik eka baka, kobala ebe, “Kanukinyo kicilia ikoninapen? Kobu bo ŋes neaiai eoŋ, ido ejenuni kwape ejaar enabi toma Isirael.” Kosodi kobu Naaman ka ikebalasin ka akegalin da, kobwo kokek loka etogo loka Elisa. Kijukak Elisa ŋes ekiyakia, kobala ebe, “Kolot kilon koYorodan irwan akanykaarei, itemokin bobo akonikuan, ijo da iŋaleuni.” Konye konyunyurikin Naaman, kolot, kobala ebe, “Koany, aomit bo eoŋ ebe mam eswaki alomuni mama ajai, aibwo, ka aiworo ekiror loka EJAKAIT Ekedeke, ka ararapaanar akais nuka atapon ka aitaŋaleun eoŋ. Abana ka Parupar, icorin luka Damasiko, mam itelekarito aiokis akipi kere nuka Isirael? Mam apedori ailoŋ kanul, kasodi analeunr “Kibelokin kolot elilit. Kikunyakis ikekejaanakinak, kinerata kaŋes, kotemasi atiar, “Okwe ipapa, arai kiicorakinit enabi aswam akirot naepol, mam tikiswama? Aso mam itelekarit noi, nakilimokinia jo ebe, Kilon, konaleu?” Kosodi kiiesar, kolumono irwan akanykaarei koYorodan, kwape kejaar akirot naka etuŋanan loka Edeke, kitemokin bobo akekuan kwape akuan naka ikoku yenididi, konaleu. Kosodi kobono mama ejai etuŋanan loka Edeke, ŋes nepepe kikeruna kere, kobu, kobwo kakonyeneke: kiner ebe, “Koany, natikwana ajenu ebe emamei Edeke kakwapin kere, dimarai koIsirael: asa ca kenainait, kijaa ainakinet naka ekonikejaanakinan.” Konye Koboŋok ŋesi ebe, “Kwape ejaria EJAKAIT, loabwoi eoŋ kakonyeneke, mam kejaari idiobore,” Kimaima ŋes aijaar; konye kogir. Kobala Naaman ebe, “Arai mam kijaari, aso kenaiŋait jo koinakinai ekonikejaanakinan aritai nuka alup nuibwokete inyubun iarei; naarai mam eriŋa bobo ekonikejaanakinan einanakini luinanakina luieweio karaida asuban mama ejaas ieedekesio, dimarai mama ejai EJAKAIT. Kisioni EJAKAIT ekonikejaanakinan kakirot kana; naelomanaria ejakaitika toma abila naka Rimon aima, kegonakin akanika, kesuded eoŋ kabila naka Rimon, naesudedeonono kabila naka Rimon, kisionienenei EJAKAIT ekonikejaanakinan kakirot kaŋin.” Kotema ŋes atiar, “Kolot inapakina.” Konyou kama ejai lweka neelwanikina. Konye Gekasi, ekejaanakinan loka Elisa etuŋanan loka Edeke, kobala ebe, “Koany, etim ekajakait Naaman ŋol Esuriat, komam ijaunit idiobore kakaninike kaluayaunit: kwape ejaria EJAKAIT, mere kaker katupak, kadum ibore kaneejai.” Kotupak Gekasi Naaman. Keanyu Naaman yenatupit ŋes, kodoku kogali aisiriama ŋes, kotema atiar, “Kojokuka baea?” Kobala ebe, “Ejokuka. Kejukunit ejakaitika ebe, Koany, adolut kwape kwana neajai itelepai iarei luka odwe luka inabin, luapote koukon luka Epuraim; kenainait, koinak kes atalata naka epuesa, ka inapen iarei.” Kotema Naaman ŋes atiar, “Kiyu, koyana atalatan aarei.” Kikanikan, koen atalatan aarei nuka epuesa koriagin iarei, ka inapen iarei, kisibwok ikekejaanakinak iarei; kibwokata kakonyeneke. Kedol oukot, kijaa kakanikec, kinadak togo: kotwar ituŋa, koboŋosi, Konye koloma, kobwo kakonyen nuka eiakaitike. Kobala Elisa ebe, “Gekasi, ai bo kibunio?” Kobala ebe, “Mam neelosit ekonikejaanakinan.” Kobala ŋes ebe, “Mam ekatau elosit kaio, naebelokinor etuŋanan kagalike aisiriam jo? Ŋes apak aijaun epuesa, ka aijaun inapen, ka imanikoria luka iseitunin, ka luka imusabibun, ka amerekekin, ka imoŋin, ka ibulesin ka abulesin? Aso kikopakin jo atapon naka Naaman, ka akoniwur ikar ka ikar.” Koloma kaneejai ibokoriat akuan atapon. Kotemasi odwe luka inabin Elisa atiar, “Koany, edidin aibois nekiboio isio kakonyenekon. Kinainait, kaloto Yorodan, koiepu ŋolituŋanan atekat, kadukioto ŋina aibois nekiboio.” Koboŋok ŋesi ebe, “Koloto yesi.” Kotema ediopet atiar, “Keŋaiŋait, kiyu, kouparos kikonikejaanakinak.” Koboŋok ebe, “Kiupari.” Kosodi aupar kakes. Kedoloto Yorodan, koiepa akito, Konye napeiepi ediopet atekat, kidotun aep kodo akipi: komony kotema atiar, “‘Wu okwe, ekajakait! Naarai erai ailipuna.” Kotema etuŋanan loka Edeke atiar, “Ai bo adoo?” Kitodik ŋes aibois. Koiepu akitoi, kocakak nen, kisilepu asuat. Kotema atiar, “Kolem,” Korio akekan, kolem. Kosodi kojioto ekabaka loka Suria ka Isirael; kinerut kikekejaanakinak atiar, “Abore kamutan ŋes ejaikin ekaswam.” Kiyakik ctunanan loka Edeke ekabaka loka Isirael kinera atiar, “Koeoite kinyek aitor abore kamutan naarai itorete Isurian nina.” Kijuka ekabaka loka Isirael toma aibois nin naalimokini etuŋanan loka Edeke ikwenyari; koku kaŋina, mere irwan atipct karaida aarei. Kosodi kiyalonon noi ekabaka loka Suria kotauke kanuka akirot kaŋin; konyarau ikekejaanakinak kotema kes atiar, “Mam kiteienunete eoŋ ediopet kaoni loejai kanuka ekabaka loka Isirael?” Kotema ediopet kokeiaanakinakake atiar, “Mam ekaiakait, wu ekabaka; konye Elisa enabi Ioejai kolsirael ŋes elimonokini ekabaka loka Isirael akiro nuinera ijo kagolakon.” Kotema atiar, “Koloto koanyutu neejai, keiuka koomai.” Kolimokinai ebc, “Koany, ejai Dotan.” Kosodi kijuka ibalasin ka agalin, ka ajore naepol: kopotu kuare kirigaut ere. Kosodi ekeiaanakinan loka etuŋanan loka Edeke nakenyou tupuruc, koloma, koany, aiore ka ibalasin ka agalin irigaunito ere. Kotema ekekejaanakinan ŋes atiar, “Itukwi, ekajakait! Kekwaikis ai?” Koboijok ebe: “Sirikikurianar: naarai ipu nul lueja kaoni adepar lueiaas kakes.” Kilip Elisa kobala ebe, “Wu EJAKAIT, kenainait, kitwekeny akekonye tetere eanyuni.” Kosodi kitwekeny EJAKAIT akonye nuka etelepat; koany; ido koany, ileleba eronat ibalasin ka agalin nuka akim irimorito Elisa. Kikokororos kesi neejai ŋesi, kilip Elisa EJAKAIT, kotema atiar, “Kenainait kitumudak akonye nuka ituŋa kalu.” Kitumudak akonyekec kwape ajaar akirot naka Elisa. Kotema Elisa kes atiar, “Mere lo ŋes erot, ido mere lo ŋes ere: kotupunai, ketodoli eoŋ yes mama ejai etuŋanan loimoete.” Koyana kes Samaria. Kosodi kanen, kedoloto Samaria, kotema Elisa atiar, “EJAKAIT, kitwekeny akonye nuka ituŋa kalu, koanyut.” Kitwekeny EJAKAIT akonyekee, koanyutu; ido koany, kejaas toma Samaria. Keanyu kes, kotema ekabaka loka Isirael Elisa atiar, “Ipapa, adanyi kes? Adanyi kes?” Koboŋok ebe, “Mam idanyi kes: ikoto kereka aidany nul luinatu kekonikilen ka akabwakon? Kibwaik atap ka akipi akonyenekee, konyama komata, kobonosi mama ejai eiakaitikec.” Kipoik kes inyamat luipu: kedautu ainyam ka aimat, kotwara kes, koloto mama ejai eiakaitikec, Mam bobo apotu irioneta luka Suria kopotu akwap naka Isirael. Kosodi kanen, kokau kanun, kotukonok Ben-kadad ekabaka loka Suria aioreke kere, kodoka, kirigau Samaria. Koiai ebeli loededeŋ toma Samaria: ido koany, kirigaut, aitodol neagwelariata akou naka asigiria atutubeta akaisakanykauni nuka epuesa, ka atutubet nakiwononet naka aoret naka ajele atutubeta akany nuka epuesa, Nakitoritor ekabaka loka Isirael arwatat, komonyak aberu ŋes, kotema atiar, “Kiŋarakinai, ejakaitika, wu ekabaka.” Kotema atiar, “Arai mam EJAKAIT kinarakini jo, alemuni eoŋ kai lukenarakinia jo? Opejal arai bo acuet ebino?” Kotema ekabaka ŋes atiar, “Anyoika bo?” Koboŋok ebe, “Abu aberu na katema eoŋ atiar, ‘Kopala ikokukon, kanyama ŋes lolo, kinyami yenika da moi.’ Kipou kepooto ikokuka, kanyama: kasodi eoŋ atemar ŋes kapaaran nakiareit ebe, ‘Kopala ikokukon, kanyama.’ Konye ebwa ŋesi ikokuke.” Kosodi kanen, kepupu ekabaka akiro nuka aberu, kocil inapeneke; ido etorit ŋesi arwatat; kosesenete ituŋa, ido koany, kenapit epuko kakuanake. Kosodi ŋesi atemar atiar, “Keswamak Edeke eoŋ kwaŋin, ka adepar da, arai esalakini akou naka Elisa okoku loka Sapat mama ejai ŋesi lolo.” Konye kiboie Elisa kotogoke, kibojete imakio da kaŋes; kiyakia ekabaka etuŋanan anyoun kamaken: konye eroko edolo ekiyakia mama ejai, kotema ŋesi imakio atiar, “Ianyutu yesi okoku lo loka ekaaran kwape eyakuunia aiepar akouka? Aso do, naebunio ekiyakia, kogolokisi ekek, kotikokis: mam kituikitui naka akeje nuka eiakaitike ejai kauke?” Eroko inera kakes, koany, kodol ekiyakia mama ejai: kotema atiar, “Koany, aronis na erai naka EJAKAIT; kanukinyo bo edaritor EJAKAIT?” Kotema Elisa atiar, “Kopupokisi akirot naka EJAKAIT: inera EJAKAIT kwanata ebe, Moi kwape tinenikwana egwelario aitemis naka akiria nuidieie esekel, * ka aitemisio aarei nuka esairi esekel, korute loka Samaria.’ Kosodi ekapolon loagonanakin ekabaka akanike aboŋokin etuŋanan loka Edeke ebe, “Koany, arai kiswama EJAKAIT apedon toma akuj, tikepedoo akirot nin ajaut?” Kotema atiar, “Koany, ianyuni kakonikonye konye mam inyami.” Kojaas ituŋa iwonon lukatapon neelomarere korute: kotemanaros atiar, “Kanukinyo kiboio oni kane aitodol nekitwakia? Arai kiitema atiar, Kalomasi ore, ejai ebeli ore, kitwakikini nen: arai kiiboikini nepene kitwaki. Aso do kaloto, kalunakinos ajore naka Isurian: arai kiitajarata oni, kijari; arai kiiarata, kitwaki do.” Konyout nape imuki alosit oidukurun luka Isurian: kedoloto ariri naka iidukurun luka lsurian, koany, kemamei ediotuŋanan. Naarai abu EJAKAIT kisiira aiore naka Isurian aruo naka agalin, ka aruo naka ibalasin, aruo naka aiore naepol: kotemanaros atiar, “Koany, ebooleikis ekabaka loka Isirael ikabakan luka Ikitin ka ikabakan luka Imisirian aitiji oni,” Kanuka ŋun konyout kokerata nape imuki, kinyeikis iwemanakec, ka ibalasinikec, ka asigirianakec, kwape ajaatar Iidukurun, kokerata kanuka akeceijar. Kedoloto lukatapon nul ariri naka iidukurun, kolomasi owema ediopet, konyama komata, kolemut epuesa ka esabu ka inapen, koloto kibwaata; kobonut, kolomasi owema ece, kolemut kanen da, koloto kibwaata. Kosodete atemanar atiar, “Mam kiswamai nuejok: lolo ŋes apaaran naka akiro nuejok, oni da kililini: arai kiidara kiwala akwap, kidolokini oni aitieanio: asa do kopotu, kaloto kalimokis lukokal loka ekabaka.’ Kopotu kiworoto ekagolon loka ere: kolimonokis kes ebe, “Kidolo isio oidukurun luka Isurian, ido koany, amamei etuŋanan, karaida eporoto loka ituŋanan, konye ibalasin eenen, ka asigirian eenen, ka iweman da kwape kwaŋin.” Konyarau ikagolok; kolimokis lukokal loka ekabaka lukotoma. Konyou ekabaka kuare, kotema ikekeiaanakinak atiar, “Kekwenyari yes nukiswamakis Isurian oni. Ejenete kesi ebe kiriebi oni eteŋei; kanuka nun ŋes alomariata koidukurun aiŋop ais, kobalas ebe, ‘Kelomut kore, kanatasi ejarete, kilomari do ore.’’’ Koboŋok ediopet kokeiaanakinakake kotema atiar, “Kenainait, koyanaasi icetuŋa ibalasin ikany luedeunos, luesalito ore, (koany, esubito kesi bala ekodet kere loka Isirael loedeun kaŋes; koany, esubito bala ekodet kere loka Isirael loamudiar r) keiukasi, kaanyutu.” Kosodete koyanaasi agalin aarei kibalasin; kijuka ekabaka atupar aiore naka Isurian, kobala ebe, “Koloto, koanyut.” Kibwapakis kes aitodol Yorodan: ido koany, eleleba erot inapen ka iboro, luacakanarete Isurian iwonyete, Kobonut ikiyakia, kolimokis ekabaka, Kolomut ituŋa, konata iidukurun luka Isurian. Kogwelanarai do aitemis naka akiria nuidicic esekel, ka aitemisio aarei nuka esairi esekel, kwape ajaar akirot naka EJAKAIT, Kodakak ekabaka ekapolon loagona* esekel ŋes apesa nakin ekabaka akanike apolokin erute: kicakacakata ituŋa ŋes korute, kotwana kwape abalar etuŋanan loka Edeke, loenera kelot ekabaka mama ejai. Kosodi kanen, kwape abalar etuŋanan loka Edeke ekabaka ebe, “Aitemisio aarei nuka esairi esekel, ka aitemis naka akiria nuidicie esekel, ejaun kwaŋin korute loka Samaria moi kwape tinenikwana.’ Abu ekapolon ŋol Koboŋok etuŋanan loka Edeke kotema atiar, “Koany, arai kiswama EJAKAJT apedon toma akuj, tikepedoo akirot ŋin ajaut?” Kobala ebe, “Koany, ianyuni kakonikonye, konye mam inyami.” Kodolok ŋes kwaŋin; naarai kicakacakata ituŋa ŋes korute, kotwana. Abu Elisa kolimokinite aberu naetaiarikini ŋesi okokuke ebe, “Konyou, kolot ijo ka lukokalekon, kiboikin neipedoria aiboiororor; naarai anyarau. EJAKAIT ebeli; edauni ebeli ikar ikanykaarei kakwap.” Konyou aberu kiswama kwape ajaar akirot naka etuŋanan loka Edeke: kolot kalukokaleke, kiboiororoi kakwap naka Ipilisitian ikar ikanykaarei, Kosodi kanen ketuboros ikar ikanykaarei kobonu aberu anyoun kakwap naka Ipilisitian: koloma amonyakin ekabaka kanuka eketogo ka alupoke, Enisit ekabaka Gekasi ekeiaanakinan loka etuŋanan loka Edeke, kobala ebe, “Keŋainait, kolimokinai akiro nuepolok nuabu Elisa kiswama.” Kosodi kanen, napelimenokini ŋesi ekabaka kwape etaiarunia ŋol loatwanit, koany, kodoluni aberu naetajarikini ŋesi okokuke, komonyak ekabaka kanuka eketogo ka akelup da. Kotema Gekasi atiar, “Ejakaitika, wu ekabaka, na ŋes aberu, lo da okokuke, loetajaruni Elisa.” Kinit ekabaka aberu, kolimok ŋes, Koseu ekabaka ekapolokiton ediopet kotema atiar, “Kinyakakis kere luaraas luke, ka araito kere naka alupoke ageun kapaaran naanyounio kakwap, kiton lolo.” Kobu Elisa Damasiko; adeka Ben-kadad ekabaka loka Suria; aponi kolimokinai ŋes ebe, “Abu etuŋanan laka, Edeke ne.” Kotema ekabaka Kasael atiar, “Koyana ainakinet kakanikon, kolot airiamun ketunanan loka Edeke, kinitunia ŋes EJAKAIT ebe, ‘Aŋaleuni adeka na?’ ” Kolot Kasael airiamun kaŋes, koyana ainakinet, naka ninioore yenejok yeniko Damasiko, naebwokito akaalai akaisaoŋon, kobu kobwo kakonyeneke, kotema atiar, “Okokukon Ben-kadad ekabaka loka Suria ŋes keyakuunit neijai ebala ebe, ‘Aŋaleuni adeka na?’” Kotema Elisa ŋes atiar, “Kolot, kolimok ŋes ebe, ‘Abeit iŋaleuni.’ Konye ketodikinite EJAKAIT eoŋ ebe abeit etwani.” Kosesen noi aitodol naeleicikinio: komony etuŋanan loka Edeke akiyo. Kotema Kasael atiar, “Inyo bo emonyi ekaiakait?” Koboŋok ebe, “Naarai ajeni aronis naiswamakini ijo idwe luka Isirael: icwei abwasinikee kakim, iari itelepaikec kekilen, ilatanari ludidikikee, iŋerereanari akecenor nuepotiete.” Kotema Kasael atiar, “Konye ekonikejaanakinan ŋes inyo, loerai ekiŋok cur, aswam akirot ŋin naepol?” Koboŋok Elisa ebe, “Ketodik EJAKAIT eoŋ ebe iraun ijo ekabaka loka Suria.” Kosodi ŋesi anyoun kama ejai Elisa, kobu neejai ejakaitike; loketemari ŋes atiar, “Ebala bo Elisa ai?” Koboŋok ebe, “Kalimoki ebe abeit iŋaleuni.” Kosodi kanen kapaaran naatupakini, kolem eimukis, kidomak akipi, korapak akonyeneke, kotwana: kirum Kasael aiboisike. Kokaru lokikanyet loka Yoram okoku loka Akab ekabaka loka Isirael, korai Yekosapat ekabaka loka Yuda, kogeu Yekoram okoku loka Yekosapat ekabaka loka Yuda airum. Kerai loka ikar akaisauni ka luarei egeuni airum; kirumak ikar ikanykaunl ko Yerusalem. Kolosenenei korot loka ikabakan luka Isirael, kwape eswamaenenaa ekek loka Akab; naarai amanyit akoku naka Akab: kiswama nueroko kakonyen nuka EJAKAIT. Konye mam EJAKAIT akoto amudiar Yuda, kanuka Daudi ekekeiaanakinan, kwape kisumunio ŋes ainakin atala kanuka ikedwe ikar kere. Kapaarasiake kipaliik Edom anyoun kakan naka Yuda kodakakis ekabakakee kanukec. Kosodi Yoram adokar Sair, ka agalinike kere kaŋes: konyou kuare, kodany Idomein lualukunito ŋes, ka ikapolok luka agalin: kokera ituŋa owemanakee. Kwaŋin kipaliik Edom anyoun kakan naka Yuda, kiton lolo. Kosodi Libuna da aipaliikin kapaarasia kanun. Aswamisio ace nuka Yoram, ka nuabu kiswama kere mam kereka iwadikatai oitabo loka aisiitonokin nuka ikabakan luka Yuda? Kojotoor Yoram kalukapapaake, kidaikinai kalukapapaake ore loka Daudi: kirum Akasia okokuke aiboisike. Kokaru lokitomonet kaarei loka Yoram okoku loka Akab ekabaka loka Isirael kogeu Akasia okoku loka Yekoram ekabaka loka Yuda airum. Kerai loka ikar akaisaarei ka luarei egeuni airum; kirumak ekaru ediopet ko Yerusalem. Ekiror loka totoke ŋes Atalia akoku naka Omiri ekabaka loka Isirael. Kolosenenei korot loka ekek loka Akab, kiswama nueroko kakonycn nuka EJAKAIT, kwape eswamaenenaa ekek loka Akab; naarai kerai ekamuran loka ekek loka Akab. Kouparos Akasia ka Yoram okoku loka Akab aitiji Kasael ekabaka loka Suria koRamot-gilead: kimusunata Isurian Yoram. Kobono ekabaka Yoram aŋaleun amusuŋun koYesereel nuemusunete Isurian koRama, nakeiiotor kaKasael ekabaka loka Suria. Kolot Akasia okoku loka Yekoram ekabaka loka Yuda aanyun Yoram okoku loka Akab koYesereel, naarai adeka. Konyarau Elisa enabi ediopet kodwe luka inabin, kotema ŋes atiar, “Koen aŋabetekon, koyana ekube lo loka akinyet kakanikon, kolot Ramot-gilead. Kidolo nina komou kaŋina Yeku okoku loka Yekosapat okoku loka Nimisi, koloma, kitonyou ŋes kama ejaas iinacanake, kitoloma agola nakotoma. Kosodi alemun ekube loka akinyet, kobukok akonke, kotema atiar, ‘Inera EJAKAIT kwanata ebe, Kenyonyoik jo akinyet araun ekabaka loka Isirael.’ Kosodi konaa ekek, koker, sirikiyap.” Aso abu ekatumunan, ŋes ekatumunan enabi kolot Ramot-gilead. Kedolo, koany, iboiete ikapolok luka aiore: kotema atiar, “Ejaas nukejukunitere mama ijai ijo, lokapolon.” Kotema Yeku atiar, “Mama ejai iŋai kasio kere?” Kotema atiar, “Mama ijai ijo, lokapolon.” Konyou ŋesi, koloma togo; kobukok akinyet akouke, kotema ŋes atiar, “Inera kwanata EJAKAIT, Edeke loka Isirael ebe, Kenyonyoik jo akinyet araun ekabaka loka ituŋa luka EJAKAIT, kes Isirael. Ido idanyi ekek loka Akab ekapolonikon, kenyan aokot nuka ikakejaanakinak inabin, ka aokot nuka ikejaanakinak kere luka EJAKAIT, nuabukoros kakan naka Yesebel. Naarai eoliori ekek kere loka Akab: amudiari ninikoku yenitelepat yenika Akab, ka ŋol loeenitai ka lomam eenitai kotoma Isirael. Ido etuluori ekek loka Akab kwape ekek loka Yeroboam okoku loka Nebat, kwape da ekek loka Baasa okoku loka Akiya. Enyamakinete iŋokwo Yesebel amana naka Yesereel, emameun yenidai ŋes.” Konaa ekek, koker. Kosodi Yeku alomun mama ejaas ikejaanakinak luka eiakaitike: kotema cdiopet atiar, “Ejokuka baca? Anyoika keyaunit etuŋanan ŋol lokikerep mama ijai?” Kobala ŋesi ebe, “Ŋenete yesi etuŋanan, ka akekiro da.” Kobalas ebe, “Isabi; kolimokinai do.” Kotema atiar, “Ebala kwana kwana ebe, “Inera EJAKAIT kwanata ebe, Kenyonyoik jo akinyet araun ekabaka loka Isirael.’’’ Kisunyasi ŋolitunanan alemun ekegoe, kopesikis kwapuke kuju kadoketa, kokuta arupepe, kotemasi atiar, “Yeku ŋes ekabaka,” Kwaŋin kinerut Yeku okoku loka Yekosapat okoku loka Nimisi asurokin Yoram. (Kidari Yoram Ramot-gilead, ŋes ka Isirael kere, kanuka Kasael ekabaka loka Suria. Konye kebonunit ekabaka Yoram Yesereel aŋaleun amusuŋun nuemusunito Isurian eiiosi kaKasael ekabaka loka Suria.) Kotema Yeku atiar, “Arai ikotosi kwaŋin kinyek ajaut loesii alomar ore, alosit alimokin koYesereel.” Kodoka Yeku agali, kolot Yesereel; naarai aperi Yoram kaŋina, Abu Akasia ekabaka loka Yuda kolosite aanyun Yoram. Kobwoi ekedaran kotogo lokokuju koYesereel, koany erioŋet loka Yeku ebunit, kotema atiar, “Aany erioŋet.” Kotema Yoram atiar, “Koseu ekebwanenon ebalasit, kiyakia airiamakin kakes, kobala ebe, ‘Ejai kereka ainapakin?’ ” Kolot ediopet ibwanenit ebalasit airiamun kaŋes, kotema atiar, “Inera ekabaka kwanata ebe, ‘Ejai kereka ainapakin?’ ” Kotema Yeku atiar, “Inyo bo ipodo ijo kainapakin? Komana kauka.” Kolimok ekedaran ebe, “Adolo ekiyakia neejaas kesi, konye mam eboŋunit.” Kosodi ŋesi aiyakia lokiareit ibwanenit ebalasit, kodolo neejaas kotema atiar, “Inera ekabaka kwanata ebe, ‘Ejai kereka ainapakin?’ ” Koboŋok Yeku ebe, “Inyo bo ipodo ijo kainapakin? Komana kauka.” Kolimok ekedaran ebe, “Adolo ŋol da neeiaas, konye mam eboŋunit: eirene eputos bala eirene loka Yeku okoku loka Nimisi; naarai irenei ŋesi komositoi.” Kotema Yoram atiar, “Kitemokisi.” Kitemokisi agalike, Kolom Yoram ekabaka loka Isirael ka Akasia ekabaka loka Yuda, ninitunanan agalike, kolomut airiamun kaYeku, kodumakis ŋes mana naka Nabot Eyesereelit. Kosodi kanen, keanyu Yoram Yeku, kotema atiar, “Ejai kereka ainapakin, Yeku?” Koboŋok ebe, “Ainapakin anyoin, adoteu naka totokon Yesebel ka icudetake luipu luetia nen?” Kibelok Yoram akegali koker, kotema ŋesi Akasia atiar, “Ŋo ba, Akasia, ejai ebotet.” Kiket Yeku akabwake kagogoŋuke kere, kogum Yoram kidin opura, koloma emal otauke, kibirokin toma agalike. Kosodi Yeku atemar Bidikar ekapolonike atiar, “Kodaku, kocakak ŋes amana naka alup nuka Nabot Eyesereelit: naarai kiitu ebe nakibwanenenoo eoŋ ka jo katupito Akab papake, kibwaik EJAKAIT abwokon na mamake; Inera EJAKAIT ebe, ‘Abeit aany bian aokot nuka Nabot, ka aokot nuka odweke’; inera EJAKAIT ebe, ‘Atacakini jo kamana kana.’ Aso do kodakaa kocakak amana na, kwape ajaar akirot naka EJAKAIT.” Konye keanyu Akasia ekabaka loka Yuda ŋun, kokeria orot lokotogo lokomanikor. Kotupa Yeku ŋes, kotema atiar, “Koarakis ŋes da agalike.” Koarakinai needokarere alosit Gur loidunyas ka Ibileam. Kokeria Megido, kotwanik ŋina. Kodakakis ikekejaanakinak ŋes agali koyanaasi Yerusalem, kidaikinai atesike nepepe kalukapapaake ore loka Daudi. Kokaru lokitomonet ka lodiopet loka Yoram okoku loka Akab kogeu Akasia airum Yuda. Kedolo Yeku Yesereel, kopup Yesebel; kojuk akonyeke, kisiri akouke, kireik kadirisa. Kosodi elomari Yeku korute, kotema atiar, “Ejai kereka ainapakin, ijo Simiri, ekaaran ekapolonikon?” Kitonyou akekonyen adirisa, kotema atiar, “Iŋai ejai owaika? Inair “Kireikis ŋes ibwacin iarei arai Juni. Kotema atiar, “Koeakutu kwap.” Kwaŋin koeakunai kwap: kodetanakinos aokotoke arwatat, kobalasin da; kicakaeaka ŋes kakeje. Kosodi keloma toma, konyam komat; kotema atiar, “Kidara aberu nin naekenokinitoi, kidaata: naarai erai akoku naka ekabaka.” Koloto aida ŋes: konye mam apotu kodumut kaŋesi dimarai abelekek kakou, ka akeie, ka atitiban nuka akanin. Kanuka ŋun kobonuru kolimokis ŋes, Kotema atiar, “Na ŋes akirot naka EJAKAIT, naenera toma okejaanakinanike Eliya Etisibit ebe, ‘Enyamakinete inokwo akuan naka Yesebel mana naka Yesereel: Akuan da naka Yesebel eraun bala aoret kais kamana naka Yesereel; kinyeis einer ebe, Na ŋes Yesebel.’’’ Kejaas Akab odweke akaisakanykaarei koSamaria. Kiwadika Yeku ibaluan, kijuka Samaria, mama ejaas ikayaitok luka Yesereel, kes imakio, mama ejaas ŋul da luasaete odwe luka Akab kobala ebe, “Aso napeedoluni ebalua lo mama iiaas, naarai ejaas odwe luka ekapolonikus kayes, ejaas da agalin ka ibalasin kayes, ka ere loebwaitai da, ka luiiis; Komoata loejok ka loibus kodwe luka ekapolonikus, kodakakis oicoloŋ loka papake, koiiut ekek loka ekapolonikus.’ Konye kokuriakaros noi, kotemasi atiar, “Koany, mam apotu ikabakan nul luarei kobwaata kakonyeneke: kikonakini isio kibwoi ai?” Apotu ekapolokiton loka ekal, ka ekapolokiton loka ere, ka imakio da, ka nul luasaete idwe, kiyakikis Yeku ebe, “Kirai isio ikejaanakinakakon, kiswamai kere nukieorakini ijo sio; mam kitaraun ituŋanan kere ekabaka: kiswama ijo nuejok kakonyenekon.” Kosodi ŋesi airucakin aiwadik ebalua kiner atiar, “Arai ijaas kanukan, arai kiirasi eporotoka, koyaut akwes nuka ituŋa odwe luka ekapolonikus, kopotu neaiai Yesereel moi tinenikwana.” Kejaas odwe luka ekabaka, kes ituŋa akaisakanykaarei, kikapolok luka ere, luasaete kes. Kosodi kanen kedol ebalua neeiaas, koyaata odwe luka ekabaka, koarata kes, ituŋa akaisakanykaarei, kibwaikis akwesikec obukito, kijukasi kes neejai ŋesi Yesereel. Kobu ekiyakia, kolimok ŋes ebe, “Ayaun akwes nuka odwe luka ekabaka.” Kotema atiar, “Kotuk atukon aarei neelomarere korute aitodol moi.” Kosodi kanen tupuruc, koloma, kobwo, kotema ituŋa kere atiar, “Iraas yesi luidolito: koany, abu keneru asurokin ekapolonika, ka aiar da: konye iŋai aar lu kere? Kojenut do ebe mam edoi kwap adio kakiro nuka EJAKAIT nuenerit EJAKAIT nuka ekek loka Akab: naarai eswama EJAKAIT ŋin naenerit kama ka Eliya ekelaanakinanike,’ Kwaŋin kodany Yeku luedeunos kere lukokek loka Akab koYesereel, ka iketuŋa kere lukapolok, ka ipaperoke luminan, ka isasedotinike, aitodol namam inyeinia ŋes idio yenapaikin. Konyou kolot, kobu Samarla, Kosodi ejai orot togo loka ikecokok luka aiŋer ajul. Kiriamakinos Yeku kiinacan luka Akasia ekabaka loka Yuda, kotema atiar, “Lukanai bo yesi?” Kobonokis ŋes ebe, “Kirai isio iinacan luka Akasia: kilosi ayogan idwe luka ekabaka ka idwe luka akabaka.” Kotema atiar, “Kikamutu eiarete.” Kikamutu kes eiarete, koarakinai aipany naka etogo loka aiŋer ajul, kes ituŋa akaisaoŋon ka luarei; mam abu kideun ediopet kakesi. Kenyou ŋesi kanen, kiriamunos ka Yekonadab okoku loka Rekab ebunit airiamun kaŋes; kiyoga Yeku ŋes, kotema atiar, “Ejokuna ekonitau, kwape eiaar etauka kotaukon?” Koboŋok Yesonadab ebe, “Ejok.” Kotema atiar, “Arai kwaŋin, ae akonikan.” Koinak akekan; kitodoka ŋes agali mama ejai. Kotema atiar, “Kauparos, koany ekakokote kanuka EJAKAIT.” Kisiboik agalike. Kedolo ŋesi Samaria, kodany kere luedeuna luka Akab koSamatia, aitodol neamudiaria, kwape ajaar akirot naka EJAKAIT, nakelimokinit Eliya, Kotukonok Yeku ituŋa kere, kotema kes atiar, “Abu Akab kijaanak Baal edit; konye Yeku iiaanakini do ŋes noi. Aso do konyarautu inabin kere luka Baal neaiai, ikamaakake kere, ka isasedotinike; sirikemamuun ediopet da: naarai ejai ainakin Baal asubanit naepol noi; ŋin yenemamuuni, mam eiari.” Konye kiswamai Yeku nun amodunia, tetere emudiari ikamaak Baal. Kotema Yeku atiar, “Kitalautu atukonokin nakalaunan mama ejai Baal.’ Koramai otuŋa kere. Kiyakia Yeku anatar Isirael kere: kikokounos ikamaak. Baal kere, mam abu kopaik ediotuŋanan lomam ebunit. Kopotu togo loka Baal; kilelebun etogo loka Baal pas. Kotema ŋesi ŋol loapolokinit agola naenapere atiar, “Koyau inapen luka luemaete Baal kere.” Kitolomik kes inapen. Kolot Yeku, ka Yekonadab okoku loka Rekab, togo loka Baal; kotema ŋesi ikamaak Baal atiar, “Komoutu, koanyut ebe emamei kane ediopet ka lukejaanakinak luka EJAKAIT, dimarai ikamaak Baal bon.” Kolomasi toma ainakin asuban ka ainaklneta nuicweio. Kibwaikinit Yeku ituŋa akaisakanykauni kina, kotema atiar, “Toma otuŋa luayauni eoŋ akaninikus arai keku ediopet, aijarake etaci aiiar naka ŋol.” Kosodi kanen, kedau ainakin ainakinet naicweio, kotema Yeku ikedarak ka ikapolok atiar, “Kolomasi, koara kes; sirikeku ediopet da.” Kodanyata kes kakwanis naka ekileŋ; kocakasi ikedarak ka ikapolok kes kina, koloto ore loka etogo loka Baal. Kitolomut ipirin luajaas togo loka Baal, kicweata. Kobilibilata epir loka Baal, kobilibilata etogo loka Baal, kitaraut aipany kiton lolo. Kwaŋin komudia Yeku Baal koIsirael. Konye mam Yeku abu konyou karonisio nuka Yeroboam okoku loka Nebat nuetidiakaria Isirael, kes itak luka esabu luajaas Bet-el, ka Dan. Kotema EJAKAIT Yeku atiar, “Naarai iswama ejok itodolit nuejok kakonyeneka, iswamak etogo loka Akab kwape ajaatar nukotauka kere, iboikinos do odwekon luka atur nakiwononet oicoloŋ loka Isirael.” Konye mam Yeku abu kopodokin alosenen okisila luka EJAKAIT Edeke laka Isirael keketau kere: mam abu konyou karonisio nuka Yeroboam nuetidiakaria Isirael. Kapaarasia kanun kogeu EJAKAIT ainono Isirael: kodany Kasael kes koikoruno kere luka Isirael; Anyoun koYorodan ari nakokide, akwap kere naka Gilead, Igadin, ka Ireubenin ka Imanasen, anyoun koAroer, loidunyas kajesa naka Arunon, ŋes Gilead ka Basan. Aswamisio ace nuka Yeku, ka nuabu kiswama kere, ka agogoŋuke kere, mam kereka iwadikatai oitabo loka aisiitonokin nuka ikabakan luka Isirael? Kojotoor Yeku kalukapapaake: aponi kidaikinai Samaria. Kirum Yekoakas okokuke aiboisike. Apak naabu Yeku kirumak Isirael koSamaria keraas ikar akaisaarei ka lukanykauni. Keanyu Atalia toto naka Akasia ebe atwana okokuke, konyou komudia aur kere naka ekabaka, Konye Yekoseba, akoku naka ekabaka Yoram, kinacike ka Akasia, koyana Yoas okoku loka Akasia, kokokwa ŋes kodwe luka ekabaka luaario, ŋes ka akasaanike, kibwaik kes agola naenadio ikitadan; kimunonikis ŋes Atalia tetere mam eario. Kojai kaŋes ibwaitai kotogo loka EJAKAIT ikar ikanykape; kirum Atalia akwap, Kokaru lokikanyetekaarei kijuka Yekoiada koomo ikapolok luka akwatat, luka Ikarin ka luka ikedarak, koyau kes mama ejai togo loka EJAKAIT: kitutuk kakes, kisiyapo kes kotogo loka EJAKAIT, kitodik kes okoku loka ekabaka. Kicorak kes ebe, “Na ŋes akirot naiswamaete: atutubetekus nakiwuniet luelomunete kanakasabato eraunos luericete aidar etogo loka ekabaka; Atutubet nakiwuniet ejaunos okek Sur; ka atutubet nakiwuniet ejaunos okek kau ka ikedarak: kwaŋin ŋes iriciata aidar etogo, iraunos luitikokinete; Atukonokus nuarei, luelomarete kanakasabato, ericete aidar etogo loka EJAKAIT airimor ekabaka, Ilukunete ekabaka, kitiŋite ŋolituŋanan luiiisike kakanike; nin da yenelomari okokoron, koarai; kojaenanas kekabaka naelomununia, naelomanaria da.” Kiswamata ikapolok luka akwat kwape ajaatar kere nuecorakini Yekoiada esasedoti: koyana nolitunanan iketuŋa, ŋul luelomunete kanakasabato, ka luelomarete da kanakasabato, kopotu mama ejai Yekoiada esasedoti. Kijaik esasedoti ikapolok luka akwat akwaras ka ibukui lukeraas sek luka ekabaka Daudi, luajaas togo loka EJAKAIT. Kobwaata ikedarak, kitiŋite ŋolituŋanan lujiisike kakanike, ameun kowai lokoteten loka etogo kiton owai lokokediany loka etogo, eiduny ketem ka etogo, elukunito ekabaka. Kosodi ŋesi aitolomun okoku loka ekabaka, kidokok aboko akouke, koinak aitejenunet; kitaraut ŋes ekabaka, kinyonyoikinai akinyet; kibapakis akanin kotemasi atiar, “Kidari Edeke ekabaka.” Kepupu Atalia ecelet laka ikedarak ka loka ituŋa, kobu mama ejaas ituŋa togo loka EJAKAIT: Kosesen, ido koany, ebwoi ekabaka neejai epir, kwape ejaar epone, ka ikapolok ka arupepen kidunyas kekabaka; kibwonasi ituŋa kere luka akwap, kokuta arupepen. Kosodi Atalia aicil ikenapen, kiworo ebe, “Ebotet, ebotet lokibilakinito.” Kosodi Yekoiada esasedoti aicorakin ikapolok luka akwat luapolokinito aiore, kotema kes atiar, “Kitolomasi ya kidin okokoron; ŋol da loetupari ŋes koarata kekilen”: naarai abala esasedoti ebe, “Kinyek aarakinio togo loka EJAKAIT,” Kocilakis ŋes erot; kolot orot neelomanariata ibalasin togo loka ekabaka: koarakinai ŋes nina, Kitutuk Yekoiada mama ejai EJAKAIT ka ekabaka ka Ituŋa, koraut ituŋa luka EJAKAIT; kidiŋ kekabaka ka ituŋa da. Koloto ituŋa kere luka akwap togo loka Baal, kotiyatiyata; kobilibilata cut iketemwan ka akeputosia, koarakinai Matan esasedoti loka Baal kinaren kitemwan. Kodakak esasedoti ikapolokitok luka etogo loka EJAKAIT. Koyaŋa ikapolok luka akwat, ka Ikarin, ka ikedarak, ka ituŋa kere luka akwap; kitolomut ekabaka kotogo loka EJAKAIT, kopotu korot lokorute loka ikedarak mama ejai etogo loka ekabaka, Kiboikin ŋesi oicoloŋ loka ikabakan. Kibwonasi innja kere luka akwap, kinapakin ere: koarakinai Atalia kekilen neejai etogo loka ekabaka. Korai Yekoas loka ikar ikanykaarei egeuni airum. Kokaru lokikanyetekaarei loka Yeku kogeu Yekoas airum; kirumak ikar akaisaoŋon ko Yerusalem: ekiror loka totoke Sibia naka Beer-seba, Kiswama Yekoas nuejokuka kakonyen nuka EJAKAIT apaarasiake kere nuetuutooria Yekoiada esasedoti ŋes. Konye mam aponi kolemarai aiboisio nuiceleleete: koroko ituŋa einanakinete asuban ka aisupuruun lueuru maa kaiboisio nuiceleleete. Kotema Yekoas isasedotin atiar, “Apesan kere nuka iboro lukalaunak nueyaunio togo loka EJAKAIT, apesan nuetwasamaenenete kapakio kanun, apesan nuka iruna kwape itiriania etiai loka ŋinitunanan, ka apesan nuekot etau loka ituŋanan ayaun togo loka EJAKAIT, Kijaununut isasedotin, ninitunanan kiiauni yeneieni ŋesi: kipueiata acilan nuka etogo, needumunere acilat kere.” Konye kokaru loka akaisaarei ka luuni loka ekabaka Yekoas korina isasedotin ipuca acilan nuka etogo. Kosodi ekabaka Yekoas anyaraun Yekoiada esasedoti, ka isasedotin ice, kotema kes atiar, “Inyo bo mam ipucanariata acilan nuka etogo? Aso do mam bobo ijaununete apesan kama kaluiienete, konye koinakis nun nuitukokinito kanuka acilan nuka etogo.” Kocamut isasedotin ebe mam bobo iiaunete apesan kotuna, karaida aipucanar acilan nuka etogo, Konye koyoŋa Yekoiada esasedoti asaduku, koped apedot toma arapetait, kibwaik eiduny ketem, kosiep lokoteten ilomari togo loka EJAKAIT: kosodete isasedotin luedarenenete ekek kibwaanakis apesan kere nuayaununio togo loka EJAKAIT. Kosodete keanyut ebe ejaas apesan nuipu toma asaduku, kopotu ekewadikan loka ekabaka ka esasedoti lopeti, koenata kimarata da apesan nuadumuna kotogo loka EJAKAIT. Kijaikis apesan nuetemio akanin nuka nul kalueswamaete aswam, luapolokinito etogo loka EJAKAIT: koropiata ikekeok ka ikadukok lueswamaete aswam naka etogo loka EJAKAIT; Ka lukadukok kamor, ka lukekeok amor, agwelia da akito ka amor nuikee aipueanaria acilan nuka etogo loka EJAKAIT, ka nuepudasi kere aiteteunia etogo. Konye mam aponi kiswamakinere etogo loka EJAKAIT akolin nuka epuesa, ka aitudeŋeta, ka atanya, ka arupepen, iboro kere luka esabu, arai iboro kere luka epuesa, kapesan nuetolomunio togo loka EJAKAIT. Naarai aponi koinakinai nun lueswamaete aswam, lueteteunete etogo loka EJAKAIT. Bobo da mam apotu kimarata etiai mama ejaas ituŋa luainakinio apesan akoranakin ikeswamak: naarai keraas lumunon. Mam aponi koyaunai apesan nuka ainakineta nuka aidiak, ka apesan nuka ainakineta nuka aronis togo loka EJAKAIT: keraas nun nuka isasedotin, Kosodi Kasael ekabaka loka Suria alosit, kitiji Gat, kirum; kireo Kasael akekonye alosit Yerusalem. Kosodi Yekoas ekabaka loka Yuda kolem iboro kere luetalaunitai luapotu Yekosapat, ka Yekoram, ka Akasia, lukapapaake, ikabakan luka Yuda kotiakunito, ka iboroke luetalaunitai, ka esabu kere loadumuna koboro luka akais nuipu luka etogo loka EJAKAIT, ka luka etogo loka ekabaka, kijukak Kasael ekabaka loka Suria: konyou do ko Yerusalem. Aswamisio ace nuka Yoas, ka nuabu kiswama kere, mam kereka iwadikatai oitabo loka aisiitonokin nuka ikabakan luka Yuda? Konyout ike’: jaanakinakake, kinerut, koarakis Yoas togo loka Milo, orot loebei Sila. Naarai kibunata ŋes Yosakar okoku loka Simeat, ka Yekosabad okoku loka Somer, ikekejaanakinak, kotwana; aponi kidaikinai kalukapapaake ore loka Daudi: kirum Amasia okokuke aiboisike. Kokaru loka akaisaarei ka luuni loka Yoas okoku loka Akasia, ekabaka loka Yuda, kogeu Yekoakas okoku loka Yeku airum Isirael koSamaria, kirumak ikar itomon ka lukanykaarei. Kiswama nueroko kakonyen nuka EJAKAIT, kotupa aronisio nuka Yeroboam okoku loka Nebat, nuetidiakaria Isirael; mam abu konyou kanun. Kinep anyunyura naka EJAKAIT aluikin Isirael, kijaik kes akan naka Kasael ekabaka loka Suria, ka akan da naka Ben-kadad okoku loka Kasael apaarasia kere, Kinaina Yekoakas EJAKAIT, kopupok EJAKAIT ŋes; naarai abu koany aroikinio naka Isirael, kwape aroikinitor ekabaka loka Suria. (Koinak EJAKAIT Isirael eketajaran, konyout kakanin nuka Isurian: kiboikinos idwe luka Isirael oreriakee, kwape lem sek. Konye mam apotu konyoutu karonisio nuka etogo loka Yeroboam, nuetidiakaria Isirael, konye kolosenenete kanun: kosalakis Asera da ko Samaria.) Naarai mam abu kideik Yekoakas ituŋa dimarai ikebwanenok akaisakany, ka agalin atomon, ka luelosete kakeie ilukumin itomon; naarai abu ekabaka loka Suria komudia kes, kitarau kes apua naipudao. Aswamisio ace nuka Yekoakas, ka nuabu kiswama kere, ka akegogoŋ, mam kereka iwadikatai oitabo loka aisiitonokin nuka ikabakan luka Isirael? Kojotoor Yekoakas kalukapapaake; kidaikinai Samaria: kirum Yoas okokuke aiboisike. Kokaru loka akaisauni ka lukanykaarei loka Yoas ekabaka loka Yuda, kogeu Yekoas okoku loka Yekoakas airum Isirael koSamaria, kirumak ikar itomon kalukanykape. Kiswama nueroko kakonyen nuka EJAKAIT; mam abu konyou karonisio kere nuka Yeroboam okoku loka Nebat, nuetidiakaria Isirael: konye kolosenenei kanun, Aswamisio ace nuka Yoas, ka nuabu kiswama kere, ka akegogoŋ naetijio Amasia ekabaka loka Yuda, mam kereka iwadikatai oitabo loka aisiitonokin nuka ikabakan luka Isirael? Kojotoor Yoas kalukapapaake; kiboikin Yeroboam oicoloŋoke: aponi kidaikinai Yoas Samaria nepepe kikabakan luka Isirael. Kodekakin Elisa adek nakatwanare: kobu Yoas ekabaka loka Isirael neejai, komonyak ŋes, kotema atiar, “Ipapa, ipapa, agalin nuka Isirael ka ikebwanenokoke!” Kotema Elisa ŋes atiar, “Kolem akabwa ka imalia.” Kosodi kolem akabwa ka imalia. Kotema ŋesi ekabaka loka Isirael atiar, “Kibwaik akan akabwa”: kibwaik akanike. Kidokok Elisa akaninike akanin nuka ekabaka. Kotema atiar, “Koŋaa adirisa nakokide”: konaa, Kosodi Elisa atemar ŋes atiar, “Koguma”: kosodi ŋesi agumar. Kotema atiar, “Emalloka EJAKAIT loka aipikor, ŋes emalloka aipikor Suria: naarai idanyi ijo Isurian koApek, aitodol neimudiaria kes.” Kotema atiar, “Kolem imalia”: kolem kes. Kotema ŋesi ekabaka loka Isirael atiar, “Kinom akwap”: kosodi kinom irwan auni, kinyek. Konyunyurik etuŋanan loka Edeke ŋes, kotema atiar, “Tikinom irwan akany arai irwan akanykape; asa tikidany Suria aitodol neimudiaria ŋes: asa do kwana jo idanyi Suria irwan auni bon.” Kotwana Elisa, kidaai. Asuronokinete irioneta luka Moab akwap ageunet naka ekaru. Kosodi kanen, idaio etuŋanan, koany, kiteluosi erioŋet; kocakakis etuŋanan ates naka Elisa: napetirori etuŋanan akoio nuka Elisa, kikwaru, kobwo. Koroik Kasael ekabaka loka Suria Isirael apaarasia kere nuka Yekoakas. Konye kosianiar EJAKAIT mama ejaas kesi, kitim kes, kopodo kes, kanuka aitutuketeke naetutukit kaAburaam, ka Isaak ka Yakob, mam akoto amudiar kes, komam ber akoto aireŋear kes kakonyeneke. Kotwana Kasael ekabaka loka Suria; kirum Ben-kadad okokuke aiboisike. Kolem oobo Yekoas okoku loka Yekoakas kakan naka Ben-kadad okoku loka Kasael ireria luayanaarit kakan naka Yekoakas papake ejio, Kodany Yoas ŋes irwan auni, kinyaku ireria luka Isirael. Kokaru lokiareit loka Yoas okoku loka Yoakas ekabaka loka Isirael kogeu Amasia okoku loka Yoas ekabaka loka Yuda airum. Kerai loka ikar akaisaarei ka lukany egeuni airum; kirumak ikar akaisaarei ka lukanykaonon koYerusalem: ekiror loka totoke kerai Yekoadin naka Yerusalem. Kiswama nuejok kakonyen nuka EJAKAIT, konye mam abu koriakas kaDaudi papaake: eswamaenenei kwape ajaatar nueswamai papake Yoas. Konye mam aponi kolemarai aiboisio nuiceleleete: korina ituŋa einanakinete asuban, ka aisupuruun lueuru maa kaiboisio nuiceleleete. Kosodi kanen, napiticasio ajakanut kakanike, abu koar ikejaanakinakake luaarete ekabaka papake: Konye mam abu koar idwe luka ikaarak: kwape ajaatar nun nuewadikatai oitabo loka ikisila luka Musa, kwape ecorakinitor EJAKAIT ebe, “Mam lukapapa eario kanuka idwe, karaida idwe mam eario kanuka lukapapakec; konye etwani ninitunanan kanuka aronisike.” Koarak luka Edom ilukumin itomon Aditot naka Abalaŋ, kirum Sela eiiosi, komaik ekiror Yokuteel, kiton lolo. Kosodi Amasia aiiukar ikiyakia mama ejai Yekoas, okoku loka Yekoakas okoku loka Yeku, ekabaka loka Isirael, kobala ebe, “Bia kaanyunos kakonye.” Kijuka Yekoas ekabaka loka Isirael mama ejai Amasia ekabaka loka Yuda kobala ebe, “Abu ekenep loajai Lebanon kijukak eres loajai Lebanon ebe, ‘Kokorak akokukon okokuka komany’: kitoro etiaŋ loka ais loajai Lebanon, kicakaeak ekenep. Abeit idany Edom, iturokina etaukon: kibwonak ŋun, kopaik ore: naarai kanukinyo ilomaria akiro numere nukon ka atwaniar, kibirori ijo ka Yuda da kajo?” Konye koner Amasia akiirar. Kolot do Yekoas ekabaka loka Isirael: koanyunos kakonye, ŋesi ka Amasia ekabaka loka Yuda koBet-semet, loarai loka Yuda. Kireneai Yuda kakonyen nuka Isirael, koker ninitunanan owemake. Kikam Yekoas ekabaka loka Isirael Amasia ekabaka loka Yuda, okoku loka Yekoas, okoku loka Akasia, koBet-semet, kobu Yerusalem, kotiyatiya arwatat naka Yerusalem anyoun korute loka Epuraim kiton orute loka agor, ikubitin akwat aoŋon. Konata esabu ka epuesa kere, ka iboro kere luadumunio kotogo loka EJAKAIT, koboro luka akais nuipu lukotogo loka ekabaka, ka lukititina da, kobono Samaria. Aswamisio ace nuka Yekoas nuabu kiswama, ka akegogoŋ, kwape aiior ka Amasia ekabaka loka Yuda, mam kereka iwadikatai oitabo loka aisiitonokin nuka ikabakan luka Isirael? Koiotoor Yekoas kalukapapaake, aponi kidaikinai Samaria nepepe kikabakan luka Isirael; kirum Yeroboam okokuke aiboisike. Kobut Amasia okoku loka Yoas ekabaka loka Yuda ikar itomon ka lukany kedau Yekoas okoku loka Yekoakas ekabaka leka Isirael atwanare, Aswamisio ace nuka Amasia mam kereka iwadikatai oitabo loka aisiitonokin nukaikabakan luka Yuda? Kinerut asurokin ŋes koYerusalem; koker Lakis; konye kiiukasi atupakin ŋes Lakis, koarakinai nina, Koyaunai ŋes kobalasin: aponi kidaikinai Yerusalem kalukapapaake ore loka Daudi. Koyaata ituŋa kere luka Yuda Asaria, lokerai loka ikar itomon ka lukanykape, kitaraut ŋes ekabaka aibois naka papake Amasia. Koduk ŋesi Elat, kinyakak Yuda, kedau ekabaka aiotoor kalukapapaake. Kokaru lokitomonet kakany loka Amasia okoku loka Yoas ekabaka loka Yuda, kogeu Yeroboam okoku loka Yoas ekabaka loka Isirael airum koSamaria, kirumak ikar akaisaoŋon ka lodiopet. Kiswama nueroko kakonyen nuka EJAKAIT: mam abu konyou karonisio kere nuka Yeroboam okoku loka Nebat, nuetidiakaria Isirael. Abu kinyaka eikor loka Isirael ageun kaneelomarere Kamat kiton aŋolol naka Araba, kwape ajaar akirot naka EJAKAIT, Edeke loka Isirael, naener kama ka ekejaanakinanike Yona okoku loka Amitai, enabi, loarai loka Gat-keper. Naarai koany EJAKAIT aiticanio naka Isirael, erono noi: naarai amamei yeneenitai karaida yenimam eenirai, karaida ekenarakinan neejai Isirael. Mam enerit EJAKAIT ebe emwatari ŋesi ekiror loka Isirael kokwap kakui: konye kitaiar kes kakan naka Yeroboam okoku loka Yoas.’ Aswamisio ace nuka Yeroboam, ka nuabu kiswama kere, ka akegogoŋ, kwape aiior, kwape enyakunia Isirael Damasiko ka Kamat, lukeraas luka Yuda, mam kereka iwadikatai oitabo loka aisiitonokin nuka ikabakan luka Isirael? Koiotoor Yeroboam kalukapapaake, kes ikabakan luka Isirael; kirum Sekaria okokuke aiboisike. Kokar loka akaisaarei ka lukanykaarei loka Yeroboam ekabaka, loka Isirael, kogeu Asaria okoku loka Amasla ekabaka loka Yuda airum, Kerai loka ikar itomon ka lukanykape egeuni alrum; kirumak ikar akaisakany ka luarei koYerusalem, ekiror loka totoke kerai Yekolia naka Yerusalem. Kiswama nuejok kakonyen nuka EJAKAIT, kwape ajaatar kere nueswamai papake Amasia. Konye mam aponi kolemarai aiboisio nuiceleleete: korina itutja einanakinete asuban, ka aisupuruun lueuru maa kaiboisio nuiceleleete. Kitedek EJAKAIT ekabaka, koraun lokatapon aitodol apaaran naatwania, kiboie kotogo loetiakuna, Kopolokinit Yotam okoku loka ekabaka ekal, aitub kotuna luka akwap. Aswamisio ace nuka Asaria, ka nuabu kiswama kere, mam kereka iwadikatai oltabo loka aisiitonokin nuka ikabakan luka Yuda? Koiotoor Asaria kalukapapaake; aponi kidaikinai kalukapapaake ore loka Daudi: kirum Yotam okokuke aiboisike. Kokaru loka akaisauni ka Iukanykauni loka Asaria ekabaka loka Yuda kirumak Sekaria okoku loka Yeroboam Isirael koSamaria ilapio ikanykape. Kiswama nueroko kakonyen nuka EJAKAIT, kwape eswamaata lukapapaake; mam abu konyou karonisio nuka Yeroboam okoku loka Nebat, nuetidiakaria Isirael, Kinerut Salum okoku loka Yabes asurokin ŋes, kicumak akonyen nuka ituŋa, koar; kirum alboisike. Aswamisio ace nuka Sekaria, koany, iwadikatai oitabo loka aisiitonokin nuka ikabakan luka Isirael. Ŋin ŋes akirot naka EJAKAIT naalimokini Yeku ebe, “Iboikinos odwekon luka aturi nakiwononet oicoloŋ loka Isirael.” Ido kitodolikinoi kwaŋin. Kogeu Salum okoku loka Yabes airum kokaru loka akaisauni ka lukanykaonon loka Usia ekabaka loka Yuda; kirumak apak naka elap ediopet koSamaria. Konyou Menakem okoku loka Gadi koTirusa, kobu Samaria, kicumak Salum okoku loka Yabes koSamaria, koar ŋes, kirum aiboisike. Aswamisio ace nuka Salum, ka ainerunike naabu kiner, koany, iwadikatai oitabo loka aisiitonokin nuka ikabakan luka Isirael. Kosodi Menakem aidany Tirusa, ka luajaas toma kere, ka iikorunoke, anyoun koTirusa: naarai mam apotu konaikis ŋes, kanuka ŋun ŋes adanyia kes; konercreana aŋor kere nukotoma nuapotiete. Kokaru loka akaisauni ka lukanykaonon loka Asaria ekabaka loka Yuda kogeu Menakem okoku loka Gadi airum Isirael, kirumak ikar itomon koSamaria. Kiswama nueroko kakonyen nuka EJAKAIT; mam abu konyou karonisio nuka Yeroboam okoku loka Nebat nuetidiakaria Isirael apaarasiake kere, Kobu Pul ekabaka loka Asuria asurokin akwap; koinaki Menakem Pul atalata alukumit nuka epuesa, koiai akekan kaŋes altogogonio ajakanut akanike. Kitelem Menakem apesan kolsirael, kotuŋa kere lukagogon lukabarak, kitelem ŋolituŋanan isekelin akaisakany luka epuesa, ainakin ekabaka loka Asuria, Kobono ekabaka loka Asurla, mam abu kopaik akwap nin. Aswamisio ace nuka Menakem, ka nuabu kiswama kere, mam kereka iwadikatai oitabo loka aisiitonokin nuka ikabakan luka Isirael? Koiotoor Menakem kalukapapaake; kirum Pekakia Ŋkokuke aiboisike. Kokaru loka akaisakany loka Asaria ekabaka loka Yuda kogeu Pekakia airum Isirael koSamaria, kirumak ikar iarei. Kiswama nueroko kakonyen nuka EJAKAIT: mam abu konyou karonisio nuka Yeroboam okoku loka Nebat, nuetidiakaria Isirael. Kineru Peka, okoku loka Remalia, ekapolonike asurokin ŋes, kicumak Samaria, arwatat naegogon naka etogo loka ekabaka, nepepe ka Arugob ka Arie; ido keiaas ituŋa akaisakany luka Igileadin kaŋes: koar ŋes, kirum aiboisike. Aswamisio ace nuka Pekakia, ka nuabu kiswama kere, koany, iwadikatai oitabo loka aisiitonokin nuka ikabakan luka Isirael. Kokaru loka akaisakany ka luarei loka Asaria ekabaka loka Yuda kogeu Peka okoku loka Remalia airum Isirael koSamaria, kirumak ikar akaisaarei. Kiswama nueroko kakonyen nuka EJAKAIT: mam abu konyou karonisio nuka Yeroboam okoku loka Nebat, nuetidiakaria Isirael, Kapaarasia nuka Peka ekabaka loka Isirael kobu Tigilat-pileser ekabaka loka Asuria, kirum Iyon, ka Abel-bet-maaka, ka Yanoa, ka Kedes, ka Kasor, ka Gilead, ka Galilaya, akwap kere naka Naputali; kiioreo kes Asuria. Kineru Kosea okoku loka Ela asurokin Peka okoku loka Remalia, kicum ŋes, koar, kirum aiboisike, kokaru loka akaisaarei loka Yotam okoku loka Usia. Aswamisio ace nuka Peka, ka nuabu kiswama kere, koany iwadikatai oitabo loka aisiitonokin nuka ikabakan luka Isirael. Kokaru lokiareit loka Peka okoku loka Remalia ekabaka loka Isirael kogeu Yotam okoku loka Usia ekabaka loka Yuda airum. Kerai loka ikar akaisaarei ka lukany egeuni airum; kirumak ikar itomon ka lukanykape koYerusalem: ekiror loka totoke kerai Yerusa akoku naka Sadok. Kiswama nuejok kakonyen nuka EJAKAIT: kiswama kwape ajaatar kere nueswamai papake Usia. Konye mam aponi kolemarai aiboisio nuiceleleete: korina iruna einanakinete asuban, ka aisupuruun lueuru maa kaiboisio nuiceleleete. Koduk ŋesi erute loikumemei, loka etogo loka EJAKAIT. Aswamisio ace nuka Yotam, ka nuabu kiswama kere, mam kereka iwadikatai oitabo loka aisiitonokin nuka ikabakan luka Yuda? Kapaarasia kanun kogeu EJAKAIT aiiukun Resin ekabaka loka Suria ka Peka okoku loka Remalia asurokin Yuda. Koiotoor Yotam kalukapapaake, aponi kidaikinai kalukapapaake ore loka papaake Daudi: kirum Akas okokuke aiboisike. Kokaru lokitomonet kakanykaarei loka Peka okoku loka Remalia kogeu Akas okoku loka Yotam ekabaka loka Yuda airum. Kerai Akas loka ikar akaisaarei egeuni airum; kirumak ikar itomon ka lukanykape koYerusalem: mam abu kiswama nuejokuka kakonyen nuka EJAKAIT Ekedeke, kwape papaake Daudi. Konye kolosenenei orot loka ikabakan luka Isirael, eebo, kitotor okokuke akim, kwape ajaatar italesia luka ikapirin, luabu EJAKAIT kirene kakonyen nuka idwe luka Isirael. Koinanak asuban kisupuruununei lueuru maa kaiboisio nuiceleleete, koukon, ido kokwap ka ŋolikitoi loepesit. Kosodete Resin ekabaka loka Suria ka Peka okoku loka Remalia ekabaka loka Isirael kopotu Yerusalem aitiji: kirigaut Akas, konye mam apotu kopedosi aipikor ŋes. Kapaarasia kanun ŋes enyakunia Resin ekabaka loka Suria Elat oSuria, kirenea Iyudayan anyoun koElat: kopotu Isurian Elat, kiboikinos nen, kiton lolo. Kijuka Akas ikiyakia mama ejai Tigilatpileser ekabaka loka Asuria ebe, “Arai eoŋ ekonikeiaanakinan, ka okokukon: kobia kitajarai kakan naka ekabaka loka Suria, kakan da naka eka baka loka Isirael, lukanyoikis eoŋ.” Kolem Akas epuesa ka esabu loadumuna togo loka EJAKAIT, ka lukoboro luka akais nuipu lukotogo loka ekabaka, kiiukak ekabaka loka Asuria araun ainakinet. Kiira eka baka loka Asuria ŋes: kolot ekabaka loka Asuria asurokin Damasiko, kirum, kiioreo ituŋake koyana Kir, koar Resin. Kolot ekabaka Akas Damasiko airiamun ka Tigilat-pileser ekabaka loka Asuria, koany etem loajai Damasiko: kijukak ekabaka Akas Uriya esasedoti esube loka etem, ka aputoke, kwape ajaar eiswamaeke kere. Koduk Uriya esasedoti etem: kwape ajaatar kere nuabu ekabaka Akas kijukak koDamasiko, kwaŋin kosub Uriya esasedoti tetere edumuni ekabaka Akas ŋes ebuni koDamasiko, Kebu ekabaka koDamasiko, koany ekabaka etem: kikunyak ekabaka otem, koinak asuban kanen. Kiewe ainakineteke naicweio, ka ainakineteke naka akiria, kobuk ainakineteke namatat, kobwatanak aokot nuka ainakinetake nuka ainapakin, kotem. Koyau etem loka aisinit loajai kakonyen nuka EJAKAIT alemun koinaren ketogo, kidin kotemuke ka etogo loka EJAKAIT, kibwaik ari naka agolitomei naka etemuke. Abu ekabaka Akas kicorak Uriya esasedoti ebe, “Kieweenenei kotem loepol ainakinet naicweio naka tupuruc ka ainakinet naka akiria naka eboŋ, ka ainakinet naicweio naka eka baka, ka ainakineteke naka akiria, nepepe kainakinet naicweio naka ituŋa kere luka akwap, ka ainakinetekee naka akiria, ka ainakinetakee numatan; kobwatanakini ŋes aokot kere nuka ainakinet naicweio, ka aokot kere nuka asuban: konye eraun etem loka aisinit lokinitununetekaŋ.” Kiswama kwaŋin Uriya esasedoti kwape ajaatar kere nuecorakinit ekabaka Akas. Kotub ekabaka Akas abaoi nuka aeegeria, kolema akalaya kamakee; kolema aŋolol komonin luka aisinit luajaas kwapuke, kibwaik amor nuepetet. Erot loarapakinitai loka asabato loadukitoi toma togo, ka erute loka ekabaka lokokina, kibelokinoi kiton togo loka EJAKAIT, kanuka ekabaka loka Asuria. Aswamisio ace nuka Akas nuabu kiswama, mam kereka iwadikatai oitabo loka aisiitonokin nuka ikabakan luka Yuda? Koiotoor Akas kalukapapaake, aponi kidaikinai kalukapapaake ore loka Daudi: kirum Kesekia okokuke aiboisike. Kokaru lokitomonet kaarei loka Akas ekabaka loka Yuda kogeu Kosea okoku loka Ela airum Isirael koSamaria, kirumak ikar ikanykaoŋon. Kiswama nueroko kakonyen nuka EJAKAIT, konye mere kwape ikabakan luka Isirael luageikinete ŋes. Kobu Salumaneser ekabaka loka Asuria asurokin ŋes; koraun Kosea ekei aanakinanike, koinununei ainakineta, Kodum ekabaka loka Asuria ebotet kaneejai Kosea; naarai abu kijuka ikiyakia mama ejai So ekabaka loko Misiri, mam abu koinak ekabaka loka Asuria ainakinet, kwape eswamaa nolikaru: kanuka ŋun kogolok ekabaka loka Asuria ŋes, koen kaidaris. Kosodi ekabaka loka Asuria kobu konata akwap kere, kolot Samaria, kirigau ŋes ikar iuni. Kokaru lokikanyetekaonon loka Kosea, kirum ekabaka loka Asuria Samaria, kiioreo Isirael ayaŋaar Asuria, kibwaik kes Kala, ka Kabor, kariri kecor loka Gosan, koreria luka Imedin, Kojai kwaŋin, naarai apotu idwe luka Isirael kodiakasi kama ejai EJAKAIT Ekecedeke, loetolomuni kes koMisiri anyoun kakan naka Parao ekabaka loko Misiri, koyonito idekesio ice. Kolosenenete kokisila luka atekerin, nuerenei EJAKAIT kakonyen nuka idwe luka Isirael, ka nul da lukibwaikinete ikabakan luka Isirael. Kokokoanakinos idwe luka Isirael aswam numam ejok nukasurokin EJAKAIT Ekecedeke, kodukoto aiboisio nuiceleleete koreriakee kere, ageun kotogo loeoj loka ikedarak kiton ore lokebwaitai. Kosipokis ipirin ka Aserim kanoliukot loeoia, ido kokwap kanolikitoi loepesit. Kisupuruununete kaŋina lueuru maa kaiboisio kere nuiceleleete, kwape eswamaenenaata atekerin nuereneari EJAKAIT kakonyenekee: kiswamata nukaronok aitunyunyurikin EJAKAIT, Kijaanakis aputosia, nualimokinit EJAKAIT kes ebe, “Sirikiswamata akirot na.” Konye kitejenik EJAKAIT Isirael, ka Yuda, kama ka nolinabi, ka ŋolikadwaran, ebe, “Kibelokinos yesi anyoun korotinikus lueroko, koricata aicorakinetaka ka ikakisila, kwape ejaatar ikakisila kere lukeeorakinit lukapapaakus, lukejukakinit yes kama ka ikakejaanakinak inabin.” Konye konero akiirar, konye kitininikata imurisiijakec, kwape kimurisina luka lukapapaakec, lumam apotu kiyuut EJAKAIT Ekecedeke. Konerenenete ikisilake, ka aitutuketeke naetutukit kalukapapaakee, ka aitejenuneta nueteienunit kes; kotupasi aamameak, koraunos lukaamameak, kotupenenete atekerin nuerimorito kes, nuabu EJAKAIT kieoro kes ebe sirikiswamata kwape kakesi. Kojala aicorakineta kere nuka EJAKAIT Ekecedese, kosubut aputosia nuecalara, kes itak iarei, kosubut Asera da, komaenenete ajore kere nakokuiu, kijaanakis Baal, Kitotoroenenete ikeeedwe lusap ka lupesur akim, kiswamata nuka airo ka nuka ecudet, kogwelaros aswam nueroko kakonyen nuka EJAKAIT, aitunyunyurikin ŋes. Kanuka nun konyunyurik noi EJAKAIT Isirael, kolema kakonyeneke; mam abu kideun dimarai areker naka Yuda bon. Yuda da mam abu koric aicorakineta nuka EJAKAIT Ekecedeke, konye kolosenenete kokisila luka Isirael Iukibwaikinete, Koŋer EJAKAIT aur kere naka Isirael, kitican kes, kijaik kes akanin nuka ikaŋatak, aitodol nakirenearia kes kakonyeneke. Naarai koeila Isirael alemar kotogo loka Daudi; kodakakis Yeroboam okoku loka Nebat araun ekabaka: kiŋalaa Yeroboam Isirael anyoun katupit EJAKAIT, kitidiaka kes aidiak naepol. Kolosenenete idwe luka Isirael karonisio kere nuka Yeroboam nueswamai; mam apotu konyoutu kakesi; Aitodol naalemaria EJAKAIT Isirael kakonyeneke, kwape enerar kama ka Ikekejaanakinak kere inabin. Koyanaarai eut Isirael Asuria anyoun kakwapuke, kiton lolo. Koyau ekabaka loka Asuria ituŋa anyoun koBabulon, ka Kuta, ka Aba, ka Kamat, ka Separabaim, kibwaik kes oreria luka Samaria aibois naka idwe luka Isirael: kiruma Samaria kiboikinos oreriake. Kosodi, egeete aiboi kanen, mam ayoŋito EJAKAIT: kanuka nun kijukak EJAKAIT kes iŋatunyo, luaarete ice kakesi. Ŋes kelimokiniata ekabaka loka Asuria ebe, “Atekerin nuiyanaari ijo cut, kibwaik oreria luka Samaria, mam ejenete epone loka Edeke loka akwap: ŋes keinakini ijukakini kes iŋatunyo, ido koany, earete kes, naarai mam ejenete epone loka Edeke loka akwap.” Kosodi ekabaka loka Asuria aicorakin atiar, “Koyanaas ediopet kosasedotin lukiyaunete kaŋina; koloto kiboioto kaŋina, kisisianak kes epone loka Edeke loka akwap.” Kosodi ediopet kosasedotin lualemario koSamaria kobu kiboikin Bet-el, kisisianak kwape ibusakinitor ayoŋit EJAKAIT. Konye kosubununei ŋiniteker idekesiokec, kibwaanakinete otogoi luka aiboisio nuiceleleete nuadukito Isamarian, ŋiniteker oreriakec neiboioto. Kosubut ituŋa luka Babulon Sukot-benot, kosubut ituŋa luka Kut Nerigal, kosubut ituŋa luka Kamat Asima. Kosubut Ibain Nibas ka Taratak, kicweenenete Iseparabin ikeeedwe kakim neejaas Adaramelek ka Anamelek, idekesio luka Separabaim. Koyonenenete EJAKAIT, ido kotiakutu kotomakec isasedotin luka aiboisio nuiceleleete, luainanakinete asuban kanukee kotogoi luka aiboisio nuiceleleete. Koyoŋenenete EJAKAIT, kiiaanakis da ikecedekesio, kwape kejaar epone loka atekerin nuayanaario, lswamaete kiton lolo kwape ajaatar iponesio lukolosck. Mam eyoŋito EJAKAIT, mam iswamaete kwape keiaar apucunetakec, karaida itubesiakec, karaida ikisila arai aicorakinet naecorakinit EJAKAIT idwe luka Yakob, loamaikinit Isirael; Loetutuki EJAKAIT kaŋes, kicorak kes ebe, “Sirikiyoŋata icedekesio, karaida akukonokin kes, karaida aiiaanakin, karaida ainakin kes asuban: Konye EJAKAIT, lokitolomuni yes kakwap nako Misiri. Kagogon naepol, ka akan naarioro, ŋol ŋes loiyoŋenenete, ŋol ŋes loikukonokinos, ŋol da loiinanakinete asuban; Apucuneta ka itubesia, ka ikisila ka aicorakinet luabu ŋesi kiwadikak yes, iricenenete aswam ikar kere; sirikiyoŋa idekesio ice. Aitutuket naetutuk eoŋ kayes, sirikimurwonokinete; karaida aiyoŋ icedekesio. Konye koyonenenete EJAKAIT Ekusideke; kitaiarenenei ŋesi yes kakan naka lukasurupokus kere.” Konye mam apotu kopupokis, konye kiswamata kwape ajaar eponekec lolem sek, Koyoŋa atekerin nun EJAKAIT, kijaanakis aputosiakee nuegerer ikecedwe da, ka idwe luka ikecedwe, kwape eswamaenenaata Iukapapaakec, iswamaenenete kwaŋin kiton lolo. Kosodi kanen kokaru lokiwuniet loka Kosea okoku loka Ela ekabaka laka Isirael, kogcu Kesekia okoku loka Akas ekabaka loka Yuda airum. Kerai loka ikar akaisaarei ka lukany egeuni airum; kirumak ikar akaisaarci ka lukanykaonon koYerusalem; ekiror loka totoke kerai Abi akoku naka Sekaria, Kiswama nuejok kakonyen nuka EJAKAIT, kwape ajaatar kere nueswamai papaake Daudi. Kolema aiboisio nuiceleleete, kobil ipirin, koiepejep Asera: komunyumuny emun loka aisinit loasubi Musa: naarai aitodol apaarasia nun korina idwe luka Isirael isupuruunekinete ŋes lueuru maa: komaik ŋes Nekusutan. Komuno EJAKAIT, Edeke loka Isirael; akauloke emamei lueputori ŋes kokabakan kere luka Yuda, karaida luageikincte ŋes. Naarai abu kimorikikin ka EJAKAIT, mam abu konyou katupit ijes, konye koricite aicorakinetake, nueeorakin EJAKAIT Musa, Koiai EJAKAIT kaŋes: nealomanari kere kokerianar: kipaliik ŋesi ekabaka laka Asuria, mam abu kijaanak. Kodany Ipilisitian kiton Gasa ka iikorunoke; ageun kotogo kaloeoj loka ikedarak kiton ore lokebwaitai. Kosodi kanen kokaru lokiwononet loka ekabaka Kesekia, ŋes ekaru lokikanyetekaarei loka Kosea okoku loka Ela ekabaka loka Isirael, kobu Salumaneser ekabaka loka Asuria asurokin Samaria, kirigau. Kosodi ketuboros ikar iuni kiruma: ŋes ekaru lokikanyetekape loka Kesekia, ŋes ekaru lokikanyetekaonon loka Kosea ekabaka loka Isirael, kirumai Samaria, Kijoreo eka baka loka Asuria Isirael ayaŋaar Asuria, kibwaik kes Kala, ka Kabor, ariri kecor loka Gosan, oreria da luka Imedin: Naarai mam apotu korimakis eporoto loka EJAKAIT Ekecedeke, konye kodiakasi aitutuketeke, kere da nueeorakini Musa ekejaanakinan loka EJAKAIT, konero akiirar, karaida aswam. Kokaru lokitomonet kaoŋon loka ekabaka Kesekia, kobu Senakarib ekabaka loka Asuria asurokin ireria kere luka Yuda lukebwaitai, kirum. Kijukak Kesekia ekabaka loka Yuda ekabaka loka Asuria Lakis ebe, “Adiak eoŋ; kinyeinai kobono: lukitubokini ijo eoŋ acamuni.” Kotuboki ekabaka loka Asuria Kesekia ekabaka loka Yuda atalatan akwat auni nuka epuesa ka atalatan akaisauni nuka esabu, Kosodi Kesekia ainakin ŋes cpuesa kere loadumuna kotogo loka EJAKAIT, koboro da luka akais nuipu lukotogo loka ekabaka. Kapak kaŋin kikisunun Kesekia esabu kokirigin luka eyekalu loka EJAKAIT, kopirin da lueladaarit Kesekia ekabaka loka Yuda, koinak ekabaka loka Asuria, Kijuka ekabaka loka Asuria Taratan ka Rab-saris ka Rabasake anyoun koLakis mama ejai eka baka Kesekia kaiore naepol Yerusalem, Kodokasi kopotu Yerusalem, Kedoloto, kopotu kobwaata kariri kaleles naka atapar nakokuju, korot loka emanikor loka ekelotan igoen, Kedaut anyaraun ekabaka, kolom neeiaas Eliakim okoku loka Kilikia, loapolokinit ekal, ka Sebuna ekewadikan, ka Yoa okoku loka Asap ekesiitonokinan. Kotema Rabasake kes atiar, “Kolimokis do Kesekia ebe, ‘Inera ekabaka lokapolon, eka baka loka Asuria, kwanata ebe, Amuno naanyoin naimuno?’ Inera ijo, konye eraas akiro nuka aituk bon ebe, Ejai acoa ka agogoŋ naka ejie, Iŋai do imunokina ijo, tape kipaliikin eoŋ? Koany ca, imunokina ijo ebela loka egada lo loiriecakina, ŋes Misiri; arai kegoŋakini ituŋanan mamake, elomari akani ke icumi: ikoni nepenen Parao ckabaka loko Misiri mama cjaas ŋul kere iuemunosi ŋes. Konye arai kitemas ebe, “Kimuno isio EJAKAIT Ekosideke”: mere ŋes ŋol loalemari Kesekia aiboisioke nuiceleleetc ka itemwanake, kolimok Yuda ka Yerusalem ebe, “Imaenencte kotem kalo koYcrusalem”? Aso do, kenaiŋait, koiaakis ckaiakait ekabaka loka Asuria iboro lukititiŋa, kainakin eoŋ jo da ibalasin ilukumin iarei, arai ipedori ijo kowaikon aibwaikin luibwanenete, Aso ipedori biai aisibelokin akonyen nuka ekapolon ediopet kotoma kaludidik kokejaanakinak luka ejakaitika, komuno Misiri kanuka agalin ka ikebwanenok. Abu kereka eoŋ asurokin aibois na amudiar komamei EJAKAIT? EJAKAIT, ŋes kabala ebe, ‘Kosurok akwap na, komudia.’’’ Kosodi Eliakim okoku loka Kilikia, ka Sebuna, ka Yoa, atemar Rabasake atiar, “Kiŋaiŋait, kiner kikonikejaanakinak kanajep nako Suria; naarai kijeni; sirikiner kasio kaŋaiep naka Iyudayan, kaki nuka ituŋa lueiaas arwatat.” Konye kotema Rabasake kes atiar, “Keyakuunit ekaiakait mama ejai ejakaitikon, ka jo da, einer akiro nu? Mam kereka keyakuunit otuŋa luibojete karwatat, ainyam acinikec, ka aimat akulakee nepepe kayes?” Kosodi Rabasake aibwo, kiworo keporoto loepol kanajep naka Iyudayan, kotema atiar, “Kopupokisi yesi akirot naka ekabaka lokapolon, ekabaka loka Asuria. Inera ekabaka kwanata ebe, ‘Kinyek Kesekia aiŋal yes; naarai mam epedori aitajar yes kakanike: Kinyek Kesekia ainakin yes amunokina EJAKAIT ebe, Abeit kitajari EJAKAIT oni, ere lo da mam ijaikinio akan naka ekabaka loka Asuria.’ Sirikipupokis Kesekia: naarai inera eka baka loka Asuria kwanata ebe, ‘Kinerutu keoŋ nuka ainapakin, kopotu neajai; konyama yesi ninitunanan emusabibuke, ŋinituŋanan nuka etinike, komata da yesi ŋinituŋanan akipi nukoieoike; Aitodol neabunio kayanaa yes akwap naeputosi kanakus, akwap naka akima ka ebino, akwap naka atap ka imanikoria luka emusabibu, akwap naka akinyet naka eseitun, ka esik, tetere ijarete, komam itwakete: sirikipupokis Kesekia, nakiiodooria yes ebe, Kitajari EJAKAIT oni. Ejai cani edio kodekesio luka atekerin loitaiarit akekwap kakan naka ekabaka loka Asuria? Alu bo ejaas idekesio luka Kamat, ka luka Arupad? Alu bo ejaas idekesio luka Separabaim, luka Kena, ka luka Iba da? Apotu tope kitajarata Samaria kakanika? Lukanai kodekesio kere luka akwapin luapotu kitajarata akwapukee kakanika, tetere itaiari EJAKAIT Yerusalem kakanika?” Konye kililina ituŋa, mam apotu kobonokis ŋes akirot; naarai kejai aicorakinet naka ekabaka ebe, Sirikiboŋokis. Kosodi Eliakim okoku loka Kilikia, loapolokinit ekal, ka Sebuna ekewadikan, ka Yoa okoku loka Asap ekesiitonokinan kopotu mama ejai Kesekia eeilicilito inapenekee, kolimokis akiro nuka Rabasake. Kosodi kanen, kepupu ekabaka Kesekia, kocil inapeneke, konap epuko, koloma togo loka EJAKAIT. Kijuka Eliakim, loapolokinit ekal, ka Sebuna ekewadikan, ka imakio luka isasedotin, konapitos ipukoi, mama ejai Isaia enabi okoku loka Amos. Kotemasi ŋes atiar, “Inera Kesekia kwanata ebe, Apaaran na erai apaaran naka iean, naka aitoronio, ka naka amoromoroo: naarai adol idwe aurio, emamei da agogoŋ nakaidoun. Motoko iirari EJAKAIT Ekonideke akiro kere nuka Rabasake, loejukuni ekabaka loka Asuria ejakaitike amoromor Edeke lokajaran, ka aitoron akiro nuapupu EJAKAIT Ekonideke: aso kitonyou ailipikon kanuka aatoŋot naedeun.” Kopotu do ikejaanakinak luka ekabaka Kesekia neejai Isaia, Kotema Isaia kes atiar, “Kolimokis ejakaitikus kwanata ebe, ‘Inera EJAKAIT kwanata ebe, Sirikiyoŋ akiro nuipup, nukamoromorooto eoŋ ikejaanakinak luka ekabaka loka Asuria. Koany, ebwaikin emoyo tomake, epupuni ŋesi eemut, eboŋori bukee; ebirokini eoŋ da ŋes kekilen akwapuke.’’’ Kobono do Rabasake, kodum ekabaka loka Asuria ejiosi ka Libuna: naarai abu kopupunite ebe abono ŋesi koLakis. Kepupu inerai nuka Tiraka eka baka loko Etiopia ebe, “Koany, alomu aitiii jo”: kiyakik bobo ŋesi Kesekia ikiyakia ebe, “Itemarete Kesekia ekabaka loka Yuda kwanata ebe, ‘Kinyek Edekekon loimuno aiŋal jo ebe, Mam Yerusalem ijaikinio akan naka ekabaka loka Asuria. Koany, ipupunit ijo nueswamakis ikabakan luka Asuria akwapin kere, amudianarete kes eut: do konyet ijo kiyuunio? Apotu kereka idekesio luka atekerin koyuununete kes, nuamudianarete lukapapaaka, Gosan, ka Karan, ka Resep, ka idwe luka Eden luajaas Telasar? Ai bo ejai ekabaka loka Kamat, ka ekabaka loka Arupad, ka ekabaka loka ere loka Separabaim, loka Kena, ka Iba da?’” Kiiau Kesekia ebalua kakan naka ikiyakia, kosiom; kolot Kesekia togo loka EJAKAIT, kopesia kakonyen nuka EJAKAIT. Kilip Kesekia kakonyen nuka EJAKAIT, kobala ebe, “Wu EJAKAIT, Edeke loka Isirael, loiboie kokerubin, ijo ŋes Edeke, ijo bon, loka ajakanuto kere nuka akwap; ijo kolo isubi akuj ka akwap. Kitoik akonikit, wu EJAKAIT, kiira; kokweny, wu EJAKAIT, koany; kopup akiro nuka Senakerib, nueiuku ŋesi amoromoroo Edeke lokaiaran. Abeit, wu EJAKAIT, apotu ikabakan luka Asuria komudiasi atekerin ka akeeekwapin, Apotu kocakasi idekesiokee akim: naarai mam keraas idekesio, konye aswam naka akanin nuka ituŋa, ikito ka amor; ŋes kemudiarere ŋes. Aso do, wu EJAKAIT Ekosideke, kenainait, kitaiarai sio kakanike, tetere ejenunete ajakanuto kere nuka akwap ebe ijo ŋes EJAKAIT Edeke, ijo bon ba.” Kosodi Isaia okoku loka Amos aiiukakin Kesekia ebe, “Inera kwanata EJAKAIT, Edeke loka Isirael ebe, Naarai ilip eoŋ asurokin Senakerib ekabaka loka Asuria, eira, Na ŋes akirot naener EJAKAIT mama ejai ŋesi ebe: “Kimwaŋit akoku nabekot naka Sion jo, ekienar jo kisekelei; emuŋumuŋ akoku naka Yerusalem akouke neijai, “Iŋai imoromor ijo kisekel? Iŋai loitopolooritor ijo ekoniporoto, ka aiteluor akonikonyen kuju? Isurok Lokalaunan loka Isirael. Imoromor EJAKAIT kokiyakiakon, kinera atiar, ‘Kaipues naka agalinika Adokari oswion luka ironan, atutubeta nukotoma nuka Lebanon. Ajepi iresiake lueoiak, ka iberosinike luejokuka; Alomari da aiboisike naiwasie, amagoro naka emanikorike loideneriat. Abok, amat akipi nukimo, etooni da kakakeju ieorin kere luko Misiri.’ Mam ibu kopup kwape eswamaa kolo, Kasub agear apeŋo? Kwana da etodolit, Korai ijo loimudiari ireria lukebwaitai araun aapoŋor nukamejei, Kanuka nun lueboiete kotoma keraas luedit agogoŋ, koburut kitirirata; kosubito bala inya luka ais, kwape kikui, kwape kinya luejaas kuju togo, kwape kakima nueokito eriŋa epolooro. “Konye ajeni akoniiboie, ka alomarikon, ka alomunikon, aikerepoonutukon kaneaiai, Kanuka aikerepoonutukon kaneajai, ido naarai adolu emokodekon akika, ŋes ebwaikinia ekagolu okumesikon, ka arukanaka da aitukukon, kenyakati jo orot loilomunia. “Na ŋes eraun aanyunet neijai: okaru lo inyamete yenebwaŋuni bon, okaru lokiareit yenitoeuni kaii; okaru lokiwuniet koyeata, kodwenya, kiraata imanikoria luka emusabibu, konyama araitoke. Edupi aatoŋot naideuni naabu koku kokek loka Yuda alias kwap, kota araito kokuiu, Naarai elomari aatoŋot koYerusalem, luekuete da komoru Sion: itodolikini ŋun adunyanut naka EJAKAIT, “Kanuka nun inera kwanata EJAKAIT nuka ekabaka loka Asuria ebe, Mam edoluni ore lo, karaida agumakin emal, karaida adolokin kebuku, karaida aitutu etut asurokinia ŋes. Ebala EJAKAIT ebe, Orot lokelomunia, nopenol ebonoria, ido mam edoluni ore lo. Naarai egaŋi eoŋ ere lo aitaiar, kanukan, ido kanuka ekakejaanakinan Daudi.” Kosodi kanen, akuare ŋin; koloma emalaika loka EJAKAIT oidukurun luka Iyasurian, kodany ilukumin akwatat ka akaisakanykauni ka lukany: kenyout ituŋa tupuruc sek, koany, koraas kere ikatwak. Kosodi Senakerib ekabaka loka Asuria anyoun, kolot, kobono, kiboikin Ninebe. Kosodi kanen, emai ŋesi kotogo loka Nisurok ekedeke, koarata Aduram-melek ka Sareser ŋes kekileŋ: kokereasi akwap naka Ararat. Kirum Esar-kadon okokuke aiboisike. Kapaarasia kanun kodekakin Kesekia nepetai atwanare, Kobu Isaia enabi okoku loka Amos mama ejai, kotema ŋes atiar, “Ebala EJAKAIT kwanata ebe, Kitemonok ekonitogo; naarai itwani, mam iiari.” Kosodi kibelok akekonyen arwatat, kilip EJAKAIT, kotema atiar, “Kiitu kwape kwana, wu EJAKAIT, kenaiŋait, kwape aloseneneo kakonyenekon kabeit ka etau loeteni, keswama nuejok kakonyenekon.” Komony noi Kesekia akiyo, Kosodi kanen, eroko Isaia elomuna alosit kidlŋ ore, kobu akirot naka EJAKAIT mama ejai ŋesi ebe, “Kobono, kolimok Kesekia ekapolon loka ikatuŋa ebe, ‘Inera kwanata EJAKAIT, Edeke loka Daudi papaakon ebe, Eira ailipikon, aany akonikiyo: koany, ketanaleuni jo: apaaran nakiwuniet ŋes idokaria togo loka EJAKAIT. Eyatakini da akonipaarasia ikar itomon ka lukany, ketajari jo ka ere kala kakan naka ekabaka loka Asuria; egaŋi eoŋ ere lo kanukan, ido kanuka Daudi ekakejaanakinan.’’’ Kotema Isaia atiar, “Koodutu araito nuka etini.’ Koodutu kibwaikis abus, konaleu, Kotema Kesekia Isaia atiar, “Ani bo sanyunet naiteienuni ebe ketanaleuni EJAKAIT eoŋ, kasodi adokar togo loka EJAKAIT kapaaran nakiwuniet?” Kotema Isaia atiar, “Na ŋes eraun aanyunet mamakon naebuni kama ejai EJAKAIT, ebe iswamai EJAKAIT ŋin naener: elosi kereka etolim kinaren ailameta atomon, arai bo eboŋori kau ailameta atomon?” Koboŋok Kesekia ebe, “Erai akirot naepatana aiiesun ailameta atomon: mam, konye kobono etolim kau ailameta atomon.” Komonyak Isaia enabi EJAKAIT: kinyaka etolim kau ailameta atomon, nukeiositor akoloŋ kailameta nuka Akas. Kapaarasia kanun kijukak Berodak-baladan okoku loka Baladan, ekabaka loko Babulon, Kesekia ibaluan ka ainakinet: naarai apupunit kwape adekar Kesekia. Kopupok Kesekia kes, kitodik kes etogo kere loka iboroke luka akais nuipu, epuesa, ka esabu, ka lueuru maa, ka akinyet naka akais nuipu, ka etogo loka luiiisike, ka luadumuna koboroke luka akais nuipu: amamei ibore kotogoke karaida ayaetake kere, yenimam Kesekia etodikinit kes, Kosodi Isaia enabi abunore mama ejai eka baka Kesekia, korema ŋes atiar, “Anyoika nuabalasi ituŋa nul? Apote kai aponare mamakonj “Kotema Kesekia atiar, “Apote kakwap naelwana, Babulon.’ Kotema atiar, “Inyo bo aanyut kotogokon?” Koboŋok Kesekia ebe, “Aanyut iboro kere luejass togoka: emamei ibore koboroka luka akais nuipu yenimam eoŋ etodikinit kes.” Kotema Isaia Kesekia atiar, “Kopupok akirotnaka EJAKAIT. Koany, eponito apaarasia, eyanaario kere lueiaas togokon, ka ŋul kaluapotu lukapapaakon kinadata kiton lolo, Babulon: ebala EJAKAIT ebe, Emameun ibore yenepianun. Eyaŋaarete da lukodwekon, lukiuriei ijo elop; eraunete ibwacin kotogo lokapolon loka ekabaka loko Babulon.” Kosodi Kesekia atemar Isaia ebe, “Ejok akirot naka EJAKAIT nainera ijo.” Bobo da kotema atiar, “Mere kwaŋin, arai ejaunos ainapakin ka abeit kapaarasiaka?” Aswamisio ace nuka Kesekia, ka akegogoŋ kere, kwape abokia atapar, ka aleles, kitolom akipi ore, mam kereka iwadikatai oitabo loka aisiitonokin nuka ikabakan luka Yuda? Koiotoor Kesekia kalukapapaake: kirum Manase okokuke aiboisike. Kerai Manase loka ikar itomon ka luarei egeuni airum; kirumak ikar akaisakany ka lukany ko Yerusalem: ekiror loka totoke kerai Kepisi-ba. Kiswama nueroko kakonyen nuka EJAKAIT, kwape ajaatar italesia luka ikapirin, luerenei EJAKAIT kakonyen nuka idwe luka Isirael. Naarai koduk bobo aiboisio nuiceleleete nuamudiarit papake Kesekia; kodukok Baal itemwan, kiswama Asera, kwape eswamaa Akab ekabaka loka Isirael, koma aiore kere naka akuj, kiiaanak kes. Koduk itemwan togo loka EJAKAIT, loenera EJAKAIT ebe, “Yerusalem ŋes ebwaikini ekakitor.” Kodukok aiore kere naka akuj itemwan alaroi aarei nuka etogo loka EJAKAIT. Kitotor okokuke akim, kiswama nukaidwar, ka nuka ecudet, kolosenenei mama ejaas lukaiokin ka imurwok: kiswama nueroko nuipu kakonyen nuka EJAKAIT aitunyunyurikin ŋes. Kosipok aput naegerer naka Asera naasubit togo loalimokinit EJAKAIT Daudi ka Solomon okokuke atiar, “Togo lo, ka Yerusalem, loaseunit katekerin kere nuka Isirael, ebwaikini ekakiror ikar kere: Mam esirimi bobo akeie nuka Isirael anyoun kakwap naainakinit lukapapaakee; arai eeoito aiswamaenen kwape ejaatar kere nuecorakinit kes, kwape ejaatar da ikisila kere luecotakinit Musa ekakeiaanakinan kes.” Konye mam apotu kiirasi; kijodou Manase kes aswam nueroko aitelekar nueiodoununete atekerin nuamudiarl EJAKAIT kakonyen nuka idwe luka Isirael. Kinera EJAKAIT okeiaanakinakake inabin ebe, “Naarai eswama Manase ekabaka loka Yuda italesia hi, eswama da nueroko aitelekarit kere nueswamaete Imorain luageikinete ŋes, etidiak da Yuda kaputosiake: Ŋes inerar kwanata EJAKAIT, Edeke loka Isirael ebe, Koany, ayauni Yerusalem ka Yuda aronis naetia netinen, kosodi yenepupuni kere, kodelosi akeki. Kosodi eieleleuni auno naka Samaria koYerusalem, ka ebiriii loka etogo loka Akab: amwatari Yerusalem kwape emwataria ituŋanan asanit, emwasi kobuburikini, Acakari aatoŋot naka airumeteka, keiaik kes akan naka Iukasurupokec; eraunos imeian ka iŋatuna mama ejaas lukasurupokec kere; Naarai eswamata nueroko kakonyeneka, ketunyunyurikis, ageun kapaaran naalomuniata lukapapaakee koMisiri, kiton lolo.” Bobo da abu Manase kobuko noi noi aokot nuamameete aronis, aitodol neelelebunor Yerusalem epuai kepuai; kogelara akeronis naetidiakia Yuda, eswamai nueroko kakonyen nuka EJAKAIT. Aswamisio ace nuka Manase, ka nuabu kiswama kere, ka aidiakake naadiaki, mam kereka iwadikatai oitabo loka aisiitonokin nuka ikabakan luka Yuda? Koiotoor Manase kalukapapaake, aponi kidaikinai omanikor loka etogoke, omanikor loka Usa: kirum Amon okokuke aiboisike. Kerai Amon loka ikar akaisaarei ka luarei egeuni airum; kitumak ikar iarei koYerusalem: ekiror loka totoke kerai Mesulemet akoku naka Karus loka Yotaba, Kiswama nueroko kakonyen nuka EJAKAIT, kwape eswamaa Manase papake. Kolosenenei korot kere loalosenenoo papake, kiiaanak aputosia nuejaanakinenei papake, komaa kes: Koial EJAKAIT, Edeke loka lukapapaake, mam alosenenei korot loka EJAKAIT. Kinerut ikejaanakinak luka Amon asurokin ŋes, koarakis ekabaka togoken. Konye apotu ituŋa luka akwap koarata ŋul kere luenerunete asurokin ekabaka Amon; kodakakis ituŋa luka akwap Yosia okokuke araun ekabaka aiboisike. Aswamisio ace nuka Amon nuabu kiswama, mam kereka iwadikatai oitabo loka aisiitonokin nuka ikabakan luka Yuda? Aponi kidaikinai atesike omanikor loka Usa: kirum Yosia okokuke aiboisike. Kerai Yosia loka ikar ikanykauni egeuni airum; kirumak ikar akaisauni kalodiopet koYerusalem; ekiror loka totoke kerai Yedida akoku naka Adaia loka Bosukat. Kiswama nuejok kakonyen nuka EJAKAIT, kolosenenei korot kere loka Daudi papaake, komam epaari akan nakoteten karaida nakokediany. Kosodi kanen kokaru lokitomonet kakanykauni loka ekabaka Yosia, kijuka ekabaka Sapan okoku loka Asalia, okoku loka Mesulam, ekewadikan, togo loka EJAKAIT, kobala ebe, “Kodoka neejai Kilikia esasedoti lopeti, kimar apesan nueyaunitai togo loka EJAKAIT, nuejaununut ikagolok kotuna: Kijaikis akan naka ikeswamak luiteete etogo loka EJAKAIT: koinakis ikeswamak lueiaas togo loka EJAKAIT, aiteteunia etogo neetiyanara: Ikekeok akito, ka ikadukok, ka ikekeok amor: ido kanuka egwelet akito ka amor nuikee aiteteunia etogo.” Konye mam apodos aimar apesan nukijaikinitai akanikec; naarai eswamaenenete kamunonut. Kotema Kilikia esasedoti lopeti Sapan ekewadikan atiar, “Adum eoŋ eitabo loka ikisila kotogo loka EJAKAIT.” Kosodi Kilikia aijaikin Sapan eitabo, kosiom. Kobu Sapan ekewadikan neejai ekabaka, ldnyakak ekabaka akiro, kobala ebe, “Akorasi ikonikejaanakinak apesan nuadumuna kotogo, eiaikis akan naka ikeswamak luiteete etogo loka EJAKAIT,” Kosodi Sapan ekewadikan alimokin ekabaka ebe, “Kejaiki Kilikia esasedoti eitabo.” Kosiom Sapan kakonyen nuka ekabaka. Kosodi kanen, kiira ekabaka akiro nuka eitabo loka ikisila, kocil ikenapen. Kicorak ekabaka Kilikia esasedoti, ka Akikam, okoku loka Sapan, ka Akubor okoku loka Mikaia, ka Sapan ekewadikan, ka Asaia ekejaanakinan loka ekabaka, ebe, “Koloto yesi, kinita EJAKAIT kanukan, kanuka ituŋa da, ido kanuka Yuda kere, akiro nuka eitabo kala loadumun: naarai epol anyunyura naka EJAKAIT nakinepak oni, naarai mam lukapapaawok apotu kopuput akiro nuka eitabo kalo, aiswamaenen kwape ejaatar kere nukiwadikakinio oni.” Kosodi Kilikia esasedoti alosit, ka Akikam, ka Akubor, ka Sapan, ka Asaia, neejai Kulida anabi, aberu naka Salum okoku loka Tikuba, okoku loka Karukas, ekeŋadan inapen: (eboienenei ŋin koYerusalem katutubet nakiareit;) kinerut kaŋes, Kotema ŋesi kes atiar, “Inera kwanata EJAKAIT, Edeke loka Isirael ebe: ‘Kolimokis etuŋanan lokijukunit yes neaiai ebe, Inera kwanata EJAKAIT ebe, Koany, ayauni aronis aibois na, ka neejaas luibojete kotoma, akiro kere nuka eitabo kaloasiomi eka baka loka Yuda: Naarai kajala, esupuruikis lukisupurununo odekesio ice, aitunyunyurikin eoŋ kaswam kere naka akaninikee; ŋes inepakinia akanyunyura aibois na, komam eduneori, Konye ekabaka loka Yuda, lokiiukuni ainitakin EJAKAIT, kolimokis ŋes kwanata ebe, Inera kwanata EJAKAIT Edeke loka Isirael ebe: Nuka akiro nukipupuni, Kanu anonokiaror ekonitau, kitasonikin kakonyen nuka EJAKAIT, naipupunio nuenerak aibois na, ka luibojete kotoma ebe, eluoros ameiei ka aikenio, kocil ikoninapen, komony akiyo kakonyeneka; inera EJAKAIT ebe, Keira eoŋ da, Kanuka ŋun, koany, atukokini jo mama ejaas lukapapaakon, kitukokinio jo ailitikon inapakina, kwabo mam canyunete akonikonye aronis kere naayauni aibois na.’’’ Kinyakakinai ekabaka akiro. Kijuka ekabaka, kotukonokinos imakio kere luka Yuda ka luka Yerusalem neejai. Kodoka ekabaka togo loka EJAKAIT, ka iruna kere luka Yuda ka lukiboiete koYerusalem nepepe kaŋes, ka isasedotin, ka inabin, ka ituŋa kere, ludidik ka lukapolok: kosiomak akiikee akiro kere nuka eitabo loka aitutuket loadumun kotogo loka EJAKAIT. Kobwo ekabaka kaneejai epir, kitutuk aitutuket kakonyen nuka EJAKAIT, atupit EJAKAIT, airie aicorakinetake, ka aitejenunetake ka ikekisila, keketau kere, ka akeijar kere, aitogogoŋ akiro nuka aitutuket kana nuewadikatai oitabo lo: kitogogonoto ituŋa kere aitutuket. Kicorak ekabaka Kilikia esasedoti lopeti, ka isasedotin luetupito, ka ikagolok aitolomun koyekalu loka EJAKAIT iboro kere lueswamao kanuka Baal, ka Asera, ka aiore kere naka akuj: kicwe kes kokina ka Yerusalem komanikoria luka Kidiron, koyana ekurwonikee Bet-el. Kolema isasedotin luamaenenete aputosia, luatiakunete ikabakan luka Yuda aisupuruunun lukisupurununo kaiboisio nuiceleleete nukoreria luka Yuda, ka aiboisio nuerimorito Yerusalem; ŋul da luesupuruunokinete Baal, ka akoloŋ, ka elap, ka aacer, ka aiore kere naka akuj, lukisupurununo. Kitolom Asera kotogo loka EJAKAIT, kiŋa ka Yerusalem, koyau aguurut Kidiron, kicwe ŋes kaguurut Kidiron, kicakaeak kidupudupo, kiwelanak atesina nuka ituŋa kere. Kotiyatiya itogoi luka iketepak ikiliok, luajaas togo loka EJAKAIT, nekesonyenenata aŋor aigalisio nuka Asera. Kitolom isasedotin kere koreria luka Yuda, komunaa aiboisio nuiceleleete neesupuriononoto isasedotin lukisupurununo, anyoun koGeba kiton Beer-seba; kobilibil aiboisio nuiceleleete nukorutei nuajaas neelomarere orute loka Yosua ekayaiton loka ere, nuajaas akan nakokediany orute loka ere, Konye mam apotu isasedotin luka aiboisio nuiceleleete kodokasi otem loka EJAKAIT Yerusalem, konye konyamenenete imugatin lumam itubuunitoi koinacanakec, Komunaa da Topet, loajai aditot naka idwe luka Kinom, kinyek ituŋanan aicwe okokuke karaida akokuke araun asubanit mama ejai Molek. Kolema ibalasin luainakinito ikabakan luka Yuda akoloŋ, neelomarere togo loka EJAKAIT, eiduny kagola naka Natan-melek ebwacit, naapie kanen; kicwe agalin nuka akoloŋ kakim, Kobilibil eka baka itemwan luajaas kuju kagola nakokuiu naka Akas, luadukito ikabakan luka Yuda, ka itemwan luadukokinit Manase alaroi aarei nuka etogo loka EJAKAIT, komunyumuny kes kanen, kocakak aguurut Kidiron. Komunaa ekabaka aiboisio nuiceleleete nuiteete Yerusalem, nuajaas akan nakoteten naka emoru loka amunaar, loadukokinit Solomon ekabaka loka Isirael Asitoret etal loka Isidonin, ka Kemos etalloka Moab, ka Milikom etalloka idwe luka Amon. Kobilibil ipirin, koiepeiep Asera, kileleb aiboisiokec akojo nuka ituŋa. Bobo da etem loajai Bet-el, ka aibois naieelelei naabu Yeroboam okoku loka Nebat, loetidiaki Isirael koduk, kobilibil etem ŋol ka aibois naieelelei; kicwe aibois naieelelei kicakaeak kidupudupo, kiewe da Asera. Kosodi konolia Yosia kau, koany atesina nuajaas nen moru; kijuka, kolemunai akoio katesina, kiewe kes kotem, komunaa ŋes, kwape ajaar akirot naka EJAKAIT naalimori etuŋanan loka Edeke, loalimori akiro nun, Kosodi ŋesi atemar atiar, “Anyoin aiitunet nin naany?” Kolimokis ŋes ituŋa lukore kanol ebe, “Ŋes ates naka etuŋanan loka Edeke, loabuni koYuda, kolimok akiro nu nuiswamak ijo etem loka Bet-el.” Kotema atiar, “Kinyeisi ŋes; kinyek etuŋanan kere akutun akekoio.” Kosodete kinyeinai akekojo nepepe kakoio nuka enabi loabuni koSamaria. Kolema Yosia abilai kere nuka aiboisio nuiceleleete nuajaas oreria luka Samaria, nukedukete ikabakan luka Isirael aitunyunyurikin EJAKAIT, kiswamak kes kwape ajaatar aswamisio kere nueswamat koBet-el. Koarak otemwan isasedotin kere luka aiboisio nuiceleleete luajaas nen, kiewe akojo nuka ituŋa kotemwan kanul; kobono Yerusalem. Kicorak ekabaka ituŋa kere ebe, “Koriea Aleleŋio mama ejai EJAKAIT Ekusideke, kwape ewadikatere oitabo lo loka aitutuket.” Abeit mam aricito Aleleŋio naikoni nen ageun kapaarasia nuka ikatubok luatubonokinete Isirael, karaida apaarasia kere nuka ikabakan luka Isirael, karaida nuka ikabakan luka Yuda. Konye kokaru lokitomonet kakanykauni loka ekabaka Yosia korica Aleleŋio nin mama ejai EJAKAIT koYerusalem. Bobo da, kolema Yosia ŋul kere luajaas ajokin, ka imurwok, ka aputosia nuka idekesio, ka aputosia, ka italeaia kere, luatakanunete kakwap naka Yuda, ka Yerusalem, tetere itogogoni akiro nuka ekisil nuewadikatai oitabo loadumuni Kilikia esasedoti kotogo loka EJAKAIT. Emamei ekabaka kaluageikinete ŋes luaputos kaŋes, loebelokina mama ejai EJAKAIT keketau kere, ka akeijar kere, ka akegogoŋ kere, kwape ejaatar ikisila kere luka Musa; akauloke da mam enyounit ediopet loeputos kaŋes. Konye mam abu EJAKAIT kibelokin kadeden naka akenyunyura naepol, naabu kinep anyunyurikin Yuda, kanuka aitunyunyurikin kere naka Manase naetunyunyurikinitor. Kotema EJAKAIT atiar, “Alemari Yuda da kakonyeneka, kwape alemaria Isirael, acakari ere la loaseunit, ŋes Yerusalem, ka etogo loabu kener ebe, Iboieaenei ekakiror kanen.” Aswamisio ace nuka Yosia, ka nuabu kiswama kere, mam kereka iwadikatai oitabo loka aisiitonokin nuka ikabakan luka Yuda? Kapaarasiake koloma Parao-neko ekabaka loko Misiri asurokin ekabaka loka Asuria ocor Eupurat; kolot Yosia asurokin ŋes; koarak Megido, kedau aanyun ŋes. Kodakasi ikekejaanakinak aketes kagali anyoun koMegido, koyaut ŋes Yerusalem, kidaikis ailitike. Koyaata ituŋa luka akwap Yekoakas okoku loka Yosia, kinyonyoikis ŋes akinyet, kitaraut ŋes ekabaka aibois naka papake, Kerai Yekoakas loka ikar akaisaarei ka luuni egeuni airum; kirumak ilapio iuni ko Yerusalem; ekiror loka totoke kerai Kamutal akoku naka Yeremia loka Libuna. Kiswama nueroko kakonyen nuka EJAKAIT, kwape ajaatar kere nukiswamato lukapapaake. Koen Parao-neko ŋes koRibula akwap naka Kamat, kinyek airum koYerusalem; kotubok akwap esolo loka atalatan akwatat nuka epuesa, ka atalata adiopet naka esa bu. Kitarau Parao-neko Eliakim okoku loka Yosia ekabaka aibois naka Yosia papake, kiloeok ekekiror komaik Yekoiakimr konye koyana Yekoakas; kobu Misiri, kotwanik nina. Koinak Yekoiakim Parao epuesa ka esabu; konye kotubok akwap iboro ainakin apesan kwape eeorakinia Parao: kitelem epuesa ka esabu kotuna luka akwap, kaninitunanan kwape ejaar esoloke, ainakin Parao-neko. Kerai Yekoiakim loka ikar akaisaarei ka lukany egeuni airwn; kirumak ikar itomon ka lodiopet koYerusalem: ekiror loka totoke kerai Sebida akoku naka Pedaia loka Ruma. Kiswama nueroko kakonyen nuka EJAKAIT, kwape ejaatar kere nukiswamato lukapapaake. Kapaarasiake kobu Nebukadenesar ekabaka loko Babulon, korau Yekoiakim ekejaanakinanike ikar iuni: kosodi kibelokin kipaliik. Kijukak EJAKAIT irioŋeta luka Ikaludean asurokin ŋes, ka irioneta luka Isurian, ka irioŋeta luka Imoabin, ka irioneta luka idwe luka Amon, kijuka kes amudiar Yuda, kwape ajaar akirot naka EJAKAIT, naenera kama kikekejaanakinak inabin. Abeit kobunok ŋin Yuda kaieorakinet naka EJAKAIT, alemar kes kakon yeneke, kanuka aronisio nuka Manase, kwape ajaatar kere nueswamat ŋesi; Kanuka aokot da nuamameete aronis nuabukori ŋesi, naarai abu kileleb Yerusalem aokot nuamameete aronis: mam EJAKAIT akoto amm, Aswamisio kere nuka Yekoiakim, ka nuabu kiswama kere, mam kereka iwadikatai oitabo loka aisiitonokin nuka ikabakan luka Yuda? Kojotoor Yekoiakim kalukapapaake: kirum Yekoiakin okokuke aiboisike. Mam abu ekabaka loko Misiri kobu bobo anyoun kakwapuke: naarai abu ekabaka loko Babulon koyana kere luaraas luka ekabaka loko Misiri, ageun kaguurut nako Misiri kiton ocor Eupurat. Kerai Yekoiakin loka ikar itomon ka lukanykauni egeuni airum: kirumak ilapio iuni koYerusalem: ekiror loka totoke kerai Nekusutan akoku naka El-natan loko Yerusalem. Kiswama nueroko kakonyen nuka EJAKAIT, kwape ajaatar kere nukiswamat papake. Kapaarasia kanun kopotu ikeiaanakinak luka Nebukadenesar ekabaka loko Babulon Yerusalem, kirigaunai ere, Kobu Nebukadenesar ekabaka loko Babulon ore, koroko ikekeiaanakinak irigaunito; Kolom Yekoiakin ekabaka loka Yuda neejai ekabaka loko Babulon, ŋes, ka totoke, ka ikekeiaanakinak, ka ikapolokoke, ka ikapolokitokoke: kikam ekabaka loko Babulon ŋes okaru lokikanyerekauni loka airumuke. Koyana nina iboro kere luka akais nuipu luka etogo loka ekabaka, kojepejep iboro kere luka esabu lueswamat Solomon ekabaka laka Isirael koyekalu loka EJAKAIT, kwape abalar EJAKAIT, Koyaŋa lukoYerusalem kere, ka ikapolok kere, ka ituŋa lukirigin kere luetitin, ilukumin itomon lueioreorio, ka ikeswamak kere luepiriaka, ka ikatatak; mam luapotu kideunos dimarai lukican luka ituŋa luka akwap, Koyana Yekoiakin Babulon; ka toto naka ekabaka, ka aŋor nuka ekabaka, ka ikapolokitokoke, ka ijaka luka akwap, kiioreo Babulon alemar ko Yerusalem, Ituŋa kere lukirigin, ilukumin ikanykaarei, ka ikeswamak luepiriaka ka ikatatak elukumit, kes kere lukagogon luapedorito ejie, kijoreo ekabaka loko Babulon kes Babulon. Kitarau eka baka loko Babulon Matania onaee loka papake ekabaka aiboisike, kilocok ekekiror komaik Sedekia. Kerai Sedekia loka ikar akaisaarei ka lodiopet egeuni airum; kirumak ikar itomon ka lodiopet Yerusalem; ekiror loka totoke kerai Kamutal akoku naka Yeremia loka Libuna. Kiswama nueroko kakonyen nuka EJAKAIT, kwape kejaatar kere nueswamat Yekoiakim. Naarai abu kodol koYerusalem ka Yuda kanuka anyunyura naka EJAKAIT, aitodol naedaunia aireŋear kes kakonyeneke. Kipaliik Sedekia ekabaka loko Babulon. Kosodi kanen kokaru lokikanyetekaonon loka airumuke, kolap lokitomonet, kapaaran nakitomonet naka elap kobu bobo Nebukadenesar ekabaka loko Babulon, ŋes ka akeiore kere, asurokin Yerusalem, kidukuroto airigaun ŋes; kitutuoto itutio luiiis. Kwaŋin kirigaut ere aitodol okar lokitomonet ka lodiopet loka eka baka Sedekia, Kapaaran nakikanyetekaonon naka elap kalokiwononet, kodedenar eteijei kore, komamikis eut ituŋa luka akwap inyamat. Kosodete kotiyasi arorwa kore, kokera ikajiok kere kuare korot loka erute loejai kidin arwatatin aarei, loidunyas kemanikor loka ekabaka: (konye erimorito Ikaludean, asurokin ere iwaitin kere:) kitor ekabaka orot loka Araba. Konye korukio ajore naka Ikaludean ekabaka, kodolokis ŋes kapuutona nuka Yeriko: kisiarakin aioreke kere aiial ŋes. Kosodete kikamas ekabaka, koyaŋaasi neejai ekabaka loko Babulon Ribula; kotubokinai akiro, Koarakinai odwe luka Sedekia akonyeneke, kogorununoi Sedekia akonye, koenai kirikoi, koyanaarai Babulon. Kosodi kolap kalokikanyet, kapaaran nakikanyetekaarei naka elap, ŋes ckaru lokitomonet kakanykaonon loka Nebukadenesar ekabaka loko Babulon, abu Nebusaradan ekapolon loka ikedarak, ekeiaanakinan loka ekabaka loko Babulon kobu Yerusalem: Kicwe etogo loka EJAKAIT, ka etogo loka ekabaka; itogoi ke re lukotoma Yerusalem, nolitogo kere loepol, kicweikin kakim. Abu ajore kere naka Ikaludean luajaas kalokapolon loka ikedarak, kotiyatiya arwatatin nuka Yerusalem airiamar. Aatoŋot naka ituŋa lukideuna kore, ka nul da lualunakina, lualuŋakina mama ejai ekabaka loko Babulon, ka aatoŋot naka ikeswamak, kiiorco Nebusaradan ekapolon loka ikedarak, Konye kitasal ekapolon loka ikedarak lukican noi kakwap araut iketemonokiuok emusabibu ka ikakoriok du. Kobilibilata Ikaludean ipirin luka aisinin lukejaas togo loka EJAKAIT, ka aicegeria, ka aŋolol naka aisinit nukejaas togo loka EJAKAIT, koyaŋaasi aisininikee Babulon. Koyanaasi amoti, ka initia, ka aitudeŋeta, ka akaalei, ka iboro kere luka aisinit lukijaanakiniata: Ka atiboka nuigaete ekurwon, ka atanyia; nukeraas nuka esabu, esabu, ka nukeraas nuka epuesa, epuesa, kwaŋin ayaŋaaria ekapolon loka ikedarak. Ipirino iarei, ka aŋolol adiopet, ka aicegeria, lueswamakinit Solomon etogo loka EJAKAIT; aisinin nuka iboro kalu kere mam kepedorete ainiŋio. Aoiau naka epir ediopet kerai ikubitin itomon ka lukanykauni, kejai akou naka aisinit kokujuke; aoiau naka akou adiopet ikubitin iuni; kolukunito iboyan ka akamamagan akou, kere luka aisinit: ekoni epir lokiareit nepenen kaswam naka iboyan. Kosodi ekapolon loka ikedarak kikama Seraia esasedoti lopeti, ka Sepania esasedoti lokiareit, ka ikagolok luuni; Kikama kore ekapolokiton lokeyait ikaiiok; ka ituŋa ikany kaŋul lukeanyununete akonyen nuka ekabaka, lukedumunio kore; ka ekewadikan, ekapolon loka aiore, loaramununei ituŋa luka akwap; ka ituŋa akaisakanykape luka ituŋa luka akwap lukedumunio kore. Kikama Nebusaradan ekapolon loka ikedarak kes, koyau mama ejai ekabaka loka Babulon Ribula. Kodany ekabaka loko Babulon kes, koarak Ribula akwap naka Kamat. Kwaŋin kijoreoroi Yuda anyoun kakwapuke. Ituŋa da luasalete kakwap naka Yuda, luabu Nebukadenesar kinyek, koinak ŋul Gedalia okoku loka Akikam, okoku loka Sapan araun ekayaitonikec. Kepuputu ikapolok kere luka irioneta, kes ka ituŋakec, ebe, kitarau ekabaka loko Babulon Gedalia ekayaiton, kopotu mama ejai Gedalia Misipa, Isimael okoku loka Netania, ka Yokanan okoku loka Karea, ka Seraia okoku loka Tanumet Enetopatit, ka Yaasania okoku loka Emaakatit, kes ka ikecetuŋa. Kiyapoik Gedalia kes ka ikeceruna, kotema kes atiar, “Sirikiyoŋa kanuka ikejaanakinak luka Ikaludean: kiboikinos akwap, kijaanakis ekabaka loko Babulon, iiaunete do ejok.” Konye kolap lokikanyetekaarei, kobu Isimael okoku loka Netania, okoku loka Elisama, loka aur naka ekabaka, ka ituŋa itomon nepepe kaŋes, kieuma Gedalia, kotwana, ka Iyudayan ka Ikaludean luajaas kaŋes Misipa, Konyout ituŋa kere, ludidik ka lukapolok ka ikapolok luka irioneta, kopotu Misiri; naarai kokuriakata Ikaludean. Kosodi kanen okaru loka akaisauni ka lukanykaarei loka aenio naka Yekoiakin ekabaka loka Yuda, olap lokitomonet kaarei, kapaaran nakakaisaarei ka nukanykaarei naka elap, kitopoloo Ebil-merodak ekabaka loko Babulon akou naka Yekoiakin ekabaka loka Yuda, alemun kaidaris kokaru loageunia airum. Kinera kaŋes nukasianut, kitopolo eicoloŋoke aitelekarit iicoloŋo luka ikabakan lukejaas kaŋes Babulon. Kilocok inapeneke luka aidaris, konyamenenei inyamat kakonyeneke apaarasia kere nuka aiiarake. Akorakineteke, abu ekabaka koinanak ŋes akorakinet ninipaaran, apaarasia kere nuka aiiarake, Adam, Set, Enos; Kenan, Makalalel, Yared; Enok, Metusela, Lamek; Noa, Sem, Kam, ka Yapet, Odwe luka Yapet; Gomer, ka Magog, ka Madai, ka Yaban, ka Tubal, ka Mesek, ka Tiras, Odwe luka Gomer; Asukenas, ka Dipat, ka Togaruma, Odwe luka Yaban; Elisa, ka Tarusis, ka Kitim, ka Rodanim, Odwe luka Kam; Kus, ka Misuraim, ka Put ka Kanaan, Odwe luka Kus; Seba, ka Kabila, ka Sabuta, ka Raama, ka Sabuteka, Odwe luka Raama; Seba ka Dedan. Kouri Kus Nimurod; kogeu araun lokagogon kotoma akwap. Misuraim kouri Ludim, ka Anamim, ka Lekabim, ka Naputukim, ka Paturusim, ka Kasulukim (nealomuniata Ipilisitian), ka Kaputorim. Kanaan kouri ekekiyai Sidon, ka Ket; ka Eyebusit, ka Emorait, ka Egirugasit; ka Ekibit, ka Erukait, ka Esinit; ka Erubadait, ka Esemarit, ka Ekamatit. Odwe luka Sem; Elam ka Asur, ka Arupakasad, ka Lud, ka Aram, ka Us, ka Ku!, ka Geter, ka Mesek. Arupakasad kouri Sela, Sela kouri Eber. Eber kouri idwe iarei lusap: ekiror loka ediopet Peleg; naarai toma apaarasiake ŋes akorokoroere akwap; ekiror loka onaceke ŋes Yokutan. Yokutan kouri Alumodad, ka Selep, ka Kasarumabet, ka Yera; Ka Kadoram, ka Usal, ka Dikula; ka Ebal, ka Abimael, ka Seba; Ka Opir, ka Kabila, ka Yobab. Ŋul kere kes odwe luka Yokutan. Sem, Arupakasad, Sela; Eber, Peleg, Reu; Serug, Nakor, Tera; Aburam (nopenol ŋes Aburaam). Odwe luka Aburaam; Isaak, ka Isimael. Na ŋes auriokec: ekiyai loka Isimael, Nebaiot; kosodi Kedar, ka Adubeel, ka Mibusam, Misima, ka Duma, ka Masa; ka Kadad, ka Tema, Yetur, ka Napis, ka Kedema. Ŋul kes odwe luka Isimael. Odwe luka Ketura, abusiat naka Aburaam: kouri ŋesi Simuran, ka Yokusan, ka Medan, ka Midian, ka Isibak, ka Sua. Odwe luka Yokusan; Seba ka Dedan. Odwe luka Midian; Epa, ka Eper, ka Kanok, ka Abida, ka Eludaa. Ŋul kere kes odwe luka Ketura, Aburaam kouri Isaak. Odwe luka Isaak; Esau, ka Isirael. Odwe luka Esau; Elipas, ka Reuel, ka Yeus, ka Yalam, ka Kora. Odwe luka Elipas; Teman, ka Omar, ka Sepi, ka Gatam, ka Kenas ka Timuna ka Amalek. Odwe luka Reuel; Nakat, ka Sera, ka Sama, ka Misa, Odwe luka Seir; Lotan ka Sobal, ka Sibeon, ka Ana, ka Dison, ka Eser ka Disan. Odwe luka Lotan; Kori ka Komam: korai Timuna inacike ka Lotan. Odwe luka Sobal; Alian ka Manakat ka Ebal, ka Sepi ka Onam, Odwe luka Sibeon; Aia ka Ana. Odwe luka Ana; Dison. Odwe luka Dison; Kamuran ka Esaban ka Itiran ka Ceran. Odwe luka Eser; Bilukan ka Saban, ka Yaakan. Odwe luka Disan; Us ka Aran. Lu kes ikabakan luerumito akwap naka Edom, eroko ekabaka kere kiruma idwe luka Isirael: Bela okoku loka Beor; ekiror loka ereke ŋes Dinakaba, Kotwana Bela, kirum Yobab okoku loka Sera loka Bosura aiboisike. Kotwana Yobab, kirum Kusam loka akwap naka Itemanin aiboisike, Kotwana Kusam, kirum Kadad okoku loka Bedad aiboisike, lokitoiie Midian komanikor loka Moab: ekiror loka ereke ŋes Abit. Kotwana Kadad, kirum Samula loka Masereka aiboisike. Kotwana Samula, kirum Saul loka Rekobot loedunyas ka Ecor aiboisike. Kotwana Saul, kirum Baal-kanan okoku loka Acabor aiboisike. Kotwana Baal-kanan, kirum Kadad aiboisike; ekiror loka ereke ŋes Pai: ekiror loka aberuke ŋes Meketabel, akoku naka Matured, akoku naka Me-sakab, Kotwana Kadad, Ŋaka luka Edom kes lu; ejakait Timuna, ejakait Alia, ejakait Yetet; Ejakait Okolibama, ejakait Ela, ejakait Pinon; Ejakait Kenas, ejakait Teman, ejakait Mibisar; Ejakait Magudiel, ejakait Iram. Ŋul kes ijaka luka Edom. Lu kes odwe luka Isirael; Reuben, ka Simeon, ka Lebi, ka Yuda, ka Isakar ka Sebulun; Dan, ka Yosep ka Benyamin, ka Naputali, ka Gad ka Aser. Odwe luka Yuda; Er ka Onan, ka Sela; luuni luaurikinit ŋes Bat-sua Akanaanit. Arono Er, ekiyai loka Yuda, kakonyen nuka EJAKAIT: koara ŋes. Abu Tamar aberu naka okokuke kourik ŋes Peres ka Sera. Odwe kere luka Yuda emwaasi ikany. Odwe luka Peres; Kesuron ka Kamul, Odwe luka Sera; Simiri ka Etan, ka Keman, ka Kalikol, ka Dara; emwaasi kere ikany. Odwe luka Karumi; Akar eketicanan loka Isirael, loabu kibuca kobore yenikenitoi. Odwe luka Etan; Asaria, Odwe luka Kesuron luaponi kourikinitete ŋes; Yarameel, ka Ram, ka Celubai. Ram kouri Aminadabj Aminadab kouri Nason, ekapolon loka idwe luka Yuda; Nason kouri Saluma, Saluma kouri Boas; Boas kouri Obed, Obed kouri Yese; Yese kouri Eliab ekiyaike, ka Abinadab lokiareit, ka Simea lokiwuniet; Netanel lokiwononet, Radai lokikanyet; Osem lokikanyetekape, Daudi lokikanyetekaarei: Ka ainaeanakec Seruia ka Abigail. Odwe luka Seruia: Abisai, ka Yoab, ka Asakel, iuni, Abigail kouri Amasa: papake loka Amasa ŋes Yeter Isimaelit. Kouri Kaleb okoku loka Kesuron odwe kaneejai Asuba aberuke, kaneejai Yeriot da: lu kes odweke; Yeser, ka Sobab, ka Arudon. Kotwana Asuba, komany Kaleb Epurat naabu kourik ŋes Kur. Kur kouri Uri, Uri kouri Besalel. Kokau abu Kesuron koloma mama ejai akoku naka Makir papake ka Gilead; naamanyit ŋesi korai loka ikar akaisakanykape; ŋin da kourik ŋes Segub, Kouri Segub Yair, loaiaas kireria akaisaarei ka luuni kakwap naka Gilead. Kodemasi Gesur ka Aram ireria luka Yair kamakec, ka Kenat, ka ireriake ludidik, kes ireria akaisakanykape. Ŋul kere kes odwe luka Makir papake ka Gilead, Kedau Kesuron atwanikin Kaleb-epurata, kosodi kourik Abiya aberu naka Kesuron ŋes Asur papa loka Tekoa, Odwe luka Yerameel ekiyai loka Kesuron, Ram ekiyaike, ka Buna, ka Oren, ka Osem, ka Akiya, Keiai Yerameel aceberu, ekekiror Atara; ŋin ŋes toto naka Onam, Odwe luka Ram ekiyai loka Yerameel, Maas, ka Yamin, ka Eker. Odwe luka Onam Samai, ka Yada; odwe luka Samai: Nadab ka Abisur. Ekiror loka aberu naka Abisur Abikail; kourik ŋes Aban ka Molid, Odwe luka Nadab; Seled, ka Apaim: konye kotwana Seled komameete idwe, Odwe luka Apaim; Isi. Odwe luka Isi; Sesan, Odwe luka Sesan; Alai. Odwe luka Yada onaee loka Samai; Yeter, ka Yonatan; kotwana Yeter komameete idwe. Odwe luka Yonatan; Pelet, ka Sasa, Ŋul kes odwe luka Yerameel. Amameete Sesan idwe lusap konye lupesur, Ajai Sesan ebulesit, Emisiriat, ekekiror Yara. Kokorak Sesan akokuke Yara ebulesitike aimany; kourik ŋes Atai. Atai kouri Natan, Natan kouri Sabad; Sabad kouri Epilal, Epilal kouri Obed; Obed kouri Yeku, Yeku kouri Asaria; Asaria kouri Keles, Keles kouri Eleasa; Eleasa kouri Sisimai, Sisimai kouri Salum; Salum kouri Yekamia, Yekamia kouri Elisama. Odwe luka Kaleb onaee loka Yerameel, Mesa ekiyaike, lokerai papa loka Sip; ka odwe luka Maresa papa loka Keburon. Odwe luka Keburon; Kora, ka Tapua, ka Rekem, ka Sema. Sema kouri Rakam, papa loka Yorukeam; Rekem kouri Samai. Okoku loka Samai ŋes Maon; Maon ŋes papake ka Bet-sur, Epa, abusiat naka Kaleb, kouri Karan, ka Mosa, ka Gases: Karan kouri Gases, Odwe luka Yadai; Regem, ka Yotam, ka Gesan, ka Pelet, ka Epa, ka Saap. Maaka, abusiat naka Kaleb, kouri Seber ka Tirukana. Kouri ŋin da Saap papa loka Madamana, Seba papa loka Makubena, ka papa loka Gibea; akoku naka Kaleb ŋes Akisa. Ŋul kes odwe luka Kaleb. Okoku loka Kur, ekiyai loka Epurata, Sobal papa loka Kiriat-yearim; Saluma papa loka Bet-lekem, Karep papa loka Bet-gader, Ajaas Sobal papa loka Kiriat-yearim odwe; Koroe, atutubet naka Menukot Ikekia luka Kiriat-yearim; Itirin, ka Iputin, ka Isumatin, ka Imisirain; apote kakes Isoratin ka Isitaolin. Odwe luka Saluma; Bet-lekem, ka Inetopatim, Aturot-bet-Yoab, ka atutubet naka Imanakatin, Isorin. Ka ikekia luka ikewadikak lueboiete koYabes; Itiratin, Isimeatin, ka Isukatio. Ŋul kes Ikenin luapote ka Kamat, papa loka etogo loka Rekab. Lu kes odwe luka Daudi luaponi kourikinai ŋes koKeburon: Aminon ekiyaike loka Akinoam Ayesereelit; lokiareit, Daniel, loka Abigail Akaramelit; Lokiwuniet, Abisalom okoku loka Maaka akoku naka Talumai ekabaka loka Gesur; lokiwononet, Adoniya okoku loka Kagit; Lokikanyet, Sepatia loka Abital; lokikanyetekape, Itiream loka Egula aberuke. Aponi kourikinai ŋes ikanykape koKeburon; kirumak kaŋina ikar ikanykaarei ka ilapio ikanykape; kirumak ko Yerusalem ikar akaisauni ka luuni. Aponi kourikinai ŋes lu koYerusalem: Simea, ka Sobab, ka Natan, ka Solomon, iwonon, luka Bat-sua akoku naka Amiel: ka Ibar, ka Elisama, ka Elipelet; Ka Noga, ka Nepeg, ka Yapia; ka Elisama, ka Eliada, ka Elipelet, ikanykaoŋon. Ŋul kere kes odwe luka Daudi, kogelara odwe luka abusian; Tamar ŋes kinacikec, Okoku loka Solomon ŋes Rekoboam, Abiya okokuke, Asa okokuke, Yekosapat oko kuke; Yoram okokuke, Akasia okokuke, Yoas okokuke; Amasia okokuke, Asaria okokuke, Yoram okokuke; Akas okokuke, Kesekia okokuke, Manase okokuke; Amon okokuke, Yosia okokuke. Odwe luka Yosia; Yokanan ekiyaike, Yekoiakim lokiareit, Sedekia lokiwuniet, Salum lokiwononet. Odwe luka Yekoiakim: Yekonia okokuke, Sedekia okokuke, Odwe luka Yekonia, Ioeioreunitai: Sealutiel okokuke, ka Malikiram, ka Pedaia, ka Senasar, ka Yekamia, ka Kosama, ka Nedabia. Odwe luka Pedaia; Serubabel, ka Simei: odwe luka Serubabel; Mesulam, ka Kanania; Selomit ŋes kinacikec: ka Kasuba, ka Okel, ka Berekia, ka Kasadia, ka Yusab-kesed, ikany. Odwe luka Kanania; Pelatia, ka Yesaia: odwe luka Repaia, odwe luka Arunan, odwe luka Obadia, odwe luka Sekania, Odwe luka Sekania; Semaia: odwe luka Semaia; Katus ka Igal, ka Baria, ka Nearia, ka Sapat, ikanykape. Odwe luka Nearia; Elioenai, ka Kisikia, ka Asirikam, iuni. Odwe luka Elioenai; Kodabia, ka Eliasib, ka Pelaia, ka Akub, ka Yokanan, ka Delaia, ka Anani, ikanykaarei. Odwe luka Yuda; Peres, Kesuron, ka Karumi, ka Kur, ka Soba!’ Reaia okoku loka Sobal kouri Yakat; Yakat kouri Akumai ka Lakad. Ŋul kes ikekia luka Isoratin. Lu kes luka papa laka Etam; Yesereel, ka Isima, ka Idibas: ekiror loka inacikee Kaseleleponi: ka Penuel papa loka Gedor, ka Eser papa loka Kusa. Ŋul kes odwe luka Kur, ekiyai loka Epurata, papa loka Bet-lekem. Ajaas Asur papa loka Tekoa aŋor aarei, Kela ka Naara, Kourik Naara ŋes Akusam, ka Keper, ka Temeni, ka Kaaka-sitari, Ŋul kes odwe luka Naara. Odwe luka Kela Seret, ka Isar, ka Etinan. Kakos kouri Anub, ka Sobeba, ka ikekia luka Akarel okoku loka Karum. Kitopolooritete Yabes aitelekarit iinaeanake: komaik totoke ekekiror Yabes ebe, “Naarai kedou ŋes kaiturur.” Kiwone Yabes Edeke loka Isirael ebe, “Wu okwe arai kisireren ijo eoŋ kabeit, kitalal eikoruka, koiaenena akanikon keoŋ, kidar eoŋ karonis, komam eyauni aiturur mamakan!” Kocam Edeke nuabu ŋesi kilip. Kelub onaee loka Suka kouri Mekir, loarai papa loka Esiton. Esiton kouri Bet-rapa, ka Pasea, ka Tekina papa loka Ir-nakas. Ŋul kes ituŋa luka Reka. Odwe luka Kenas; Otiniel, ka Seraia: odwe luka Otiniel; Katat. Meonotai kouri Opura: Seraia kouri Yoab papa loka Ge-karasim; naarai keraas ikeswamak luepiriaka. Odwe luka Kaleb okoku loka Yepune; lru, ka Ela, ka Naam: odwe luka Ela; Kenas. Odwe luka Yekalelel; Sip, ka Sipa, ka Tiria, ka, Asarel. Odwe luka Esera; Yeter, ka Mered, ka Eper, ka Yalon: kouri ŋin Miriam, ka Samai, ka Isiba papa loka Esitemoa. Akeberu Ayudayat kouri Yered papa loka Gedor, ka Keber papa loka Soko, ka Yekutiel papa loka Sanoa. Ŋul kes odwe luka Bitia akoku naka Parao, naamanyit Mered. Odwe luka aberu naka Kodia, kinaci naka Nakam, kes lukapapa luka Keila Egarumit, ka Esitemoa Emaakatit. Odwe luka Simon; Aminon, ka Rina, ka Ben-kanan, ka Tilon. Odwe luka Isi; Soket, ka Ben-soket, Odwe luka Sela okoku loka Yuda; Er papa loka Leka, ka Laada papa loka Maresa, ka ikekia luka etogo loka nul kalukesonyete ebaputa loejok, luka etogo loka Asibea; ka Yokim, ka ituŋa luka Koseba, ka Yoas, ka Sarap, loapolokinit Moab, ka Yasubi-lekem. Ido akiro ŋun eraas nuno, ŋul kes ikajeak amoti, ka lueboiete koNetaim ka Gedera: kiboioto kaŋina nepepe kekabaka kanuka akeswam. Odwe luka Simeon; Nemuel, ka Yamin, ka Yarib, ka Sera, ka Saul: Salum okokuke, Mibisam okokuke, Misima okokuke. Odwe luka Misima; Kamuel okokuke, Sakur okokuke, Simei okokuke: Kejaas Simci idwe lusap itomon ka lukanykape, ka lupesur akanykape; konye amameete iinacanake idwe luipu, kwabo mam kiyatakina ekekikee, kwape idwe luka Yuda. Kiboioto kesi Beer-seba, ka Molada, ka Kasar-sual; koBilika da, ka Esem, ka Tolad; koBetuel da, ka Koruma, ka Sikilag; koBet-marakabot, ka Kasar-susim, ka Bet-biri, ka Saaraim, ŋul kes ireriakec kiton airum naka Daudi. Ireriakee ludidik kes Etam, ka Ain, ka Rimon, ka Token, ka Asan, ireria ikany: ka ireriakee ludidik kere luerimorito ireria ŋu! kiton Baal. Ŋun kes aiboisiokec, ejaas kes aurikee. Mesobab, ka Yamulek, ka Yosa okoku loka Amasia; ka Yoel, ka Yeku okoku loka Yosibia, okoku loka Seraia, okoku loka Asiel; ka Elioenai, ka Yaakoba, ka Yesokaia, ka Asaia, ka Adiel, ka Yesimiel, ka Benaia; ka Sisa okoku loka Sipi, okoku loka Alon, okoku loka Yedaia, okoku loka Simiri, okoku loka Semaia; Ŋullualimor ikeeekiroria kes ikapolok luka ikekiakee: kiyatakinos noi itogoi luka lukapapaakec. Koloto kiton nealomarere Gedor, kiton ari nakokide naka aditot, amoote inya luka isipaninikec. Kodumut inya luelibito ejok, kolal akwap kiyamakina, kinapakina da; naarai lueboioto kaŋina apeŋo keraas luka Kam. Ŋul da luewadikao ikiroria apote kapaarasia nuka Kesekia ekabaka loka Yuda, komunaasi iwemanakec, ka Imeunim luadumunos kaŋina, komudiasi kes eut, kiton lolo, kiboikinos aiboisikec: naarai ajaas inya kaŋina luka isipaninikec. Ice kakesi, kes odwe luka Simeon, ituŋa akwat akany, koloto moru Seir, ikapolokitokokee kes Pelatia, ka Nearia, ka Repaia, ka Usi el, odwe luka Isi. Kodanyata lukideunos luka Imalekain luakuete, kiboikinos do nina, kiton lolo. Odwe luka Reuben ekiyai loka Isirael (Naarai kerai ŋesi ekiyai: konye naarai abu komunaa aperit naka papake, aponi koinakinai odwe luka Yosep okoku loka Isirael apolouke; mam auri emarakinitai kwape kejaar apolou. Naarai abu Yuda kiteleka iinacanake, kotomaken ŋes alomunia ekapolon; konye apolou kerai naka Yosep): Odwe luka Reuben ekiyai loka Isirael; Kanok, ka Palu, ka Kesuron, ka Karumi. Odwe luka Yoel; Semaia okokuke, Gog okokuke, Simei okokuke; Mika okokuke, Reaia okokuke, Baal okokuke; Beera okokuke, loabu Tiligat-pilineser ekabaka loka Asuria kijoreo: kerai ŋesi ekapolon loka Ireubin. Iinacanake kokekiakec, kwapc emarere aur naka aturiokec; ejakait, Yeiel, ka Sekaria, ka Bela okoku loka Asas, okoku loka Sema, okoku loka Yoel, loeboie koAroer, kiton Nebo ka Baal-meon: kari nakokide kiboie kiton neelomarere amodiŋ anyoun kocor Eupurat: naarai kiyatakinos ibarenekec kakwap naka Gilead. Kapaarasia nuka Sau! kitijioto Ikagarin, luaario kakaninikec: kiboioto kowemanakec anatar akwap kere kari nakokide naka Gilead. Kiboioto odwe luka Gad eiduny kakes, kakwap naka Basan kiton Saleka: Yoel ejakait, ka Sapam lokiareit, ka Yanai, ka Sapat koBasan: ka iinacanakec luka ikekia luka lukapapaakec; Mikael, ka Mesulam, ka Seba, ka Yorai, ka Yakan, ka Sia, ka Eber, ikanykaarei. Ŋul kes odwe luka Abikail, okoku loka Kuri, okoku loka Yaroa, okoku loka Gilead, okoku loka Mikael, okoku loka Yesisai, okoku loka Yado, okoku loka Bus: Aki okoku loka Abudiel, okoku loka Guni, ejakait loka ikekia luka lukapapaakec, Kiboioto kesi koGilead koBasan, koreriake, koronyia kere luka Saron, kiton oikorunokec. Ŋul kere kimarunos kwape ajaar auriokee, kapaarasia nuka Yotam ekabaka loka Yuda, kapaarasia da nuka Yeroboam ekabaka loka Isirael. Odwe luka Reuben, ka Igadin, ka atutubet naka ateker naka Manase, ituŋa luetitin, iruna luepedorete aidak ebuku ka ekileŋ, ka aigum kakabwa, luepiriaka ejie, emwaasi ilukumin akaisaoŋon ka luonon, ka akwat akanykaarei ka akaisakanykape, luepedorete alosit oiie, Kitiiioto Ikagurin, ka Yetur, ka Napis, ka Nodab. Aponi kiŋarakinai asurokin kes, kijaikinai Ikagurin akanikee, ka luajaas kakes kere: naarai apotu komonyata mama ejai Edeke kojie, kiyu ainainakec; naarai apotu komunokinos ŋes. Konatasi ibarenekec; akaalaikec ilukumin akaisakany, amerekekin ilukumin akwat aarei ka ilukumin akaisakany, asigirian ilukumin iarei, ka ituŋa ilukumin akwatat, Naarai apotu kibiroros luaaritai luipu, naarai kerai ejie loka Edeke. Kiboikinos aiboisikec aitodol neeioreorere. Kiboioto idwe luka atutubet naka ateker naka Manase kakwap: kiyatakinos kesi anyoun koBasan kiton Baal-kerumon ka Senir ka emoru Kerumon. Lu kesi ikapolok luka ikekia luka lukapapaakee; Eper, ka Isi, ka Eliel, ka Asuriel, ka Yeremia, ka Kodabia, ka Yadiel, ituŋa lukirigin luetitin, lukodwaratau, ikapolok luka ikekia luka lukapapaakec. Apotu kodiakasi kama ejai Edeke loka lukapapaakee, koloto eporo odekesio luka ituŋa luka akwap, luabu Edeke komudia kakonyenekec. Kisidik Edeke loka Isirael emoyo loka Pul ekabaka loka Asuria, ka emoyo loka Tiligat-pilineser ekabaka loka Asuria, kijoreo kes, Ireubin ka Igadin, ka atutubet naka ateker naka Manase, koyau kes Kala, ka Kabor, ka Kara, kiton ocor loka Gosan, kiton lolo. Odwe luka Lebi; Gereson, ka Kokat, ka Merari. Odwe luka Kokat; Amuram, ka Isar, ka Keburon, ka Usiel. Odwe luka Amuram; Aaron, ka Musa, ka Miriam. Odwe luka Aaron; Nadab ka Abiku, ka Eleasar ka Itamar, Eleasar kouri Pinekas, Pinekas kouri Abisua; Abisua kouri Buki, Buki kouri Usi; Usi kouri Serakia, Serakia kouri Meraiot; Meraiot kouri Amaria, Amaria kouri Akitub; Akitub kouri Sadok, Sadok kouri Akimaas; Akimaas kouri Asaria, Asaria kouri Yokanan; Yokanan kouri Asaria (ŋes ŋol lokerai esasedoti kotogo loadukokinit Solomon Yerusalem): Asaria kouri Amaria; Amaria kouri Akitub; Akitub kouri Sadok, Sadok kouri Salum; Salum kouri Kilikia, Kilikia kouri Asaria; Asaria kouri Seraia, Seraia kouri Yekosadek; Aponi Yekosadak kiioreoroi, naayanaria EJAKAIT Yuda ka Yerusalem kakan naka Nebukadenesar. Odwe luka Lebi; Geresom, ka Kokat, ka Merari. Lu kes ikiroria luka odwe luka Geresom; Libuni ka Simei. Odwe luka Kokat kes Amuram, ka Isar, ka Keburon ka Usiel. Odwe luka Merari; Mali ka Musi, ŋul kes ikalia luka Ilebin kwape ejaatar ikekia luka lukapapaakec. Luka Geresom; Libuni okokuke, Yakat okokuke, Sima okokuke; Yoa okokuke, Ido okokuke, Sera okokuke, Yeaterai okokuke. Odwe luka Kokat; Aminadab okokuke, Kora okokuke, Asir okokuke; Elukana okokuke, ka Ebiasap okokuke, ka Asir okokuke; Takat okokuke, Uriel okokuke, Usia okokuke, ka Saul okokuke. Odwe luka Elukana; Amasai, ka Akilnot. Luka Elukana: odwe luka Elukana; Sopai okokuke, ka Nakat okokuke; Eliab okokuke, Yerokam okokuke, Elukana okokuke. Odwe luka Samuel; Yoel ekiyaike, kii Abiya lokiareit. Odwe luka Merari; Mali, Libuni okokuke, Simei okokuke, Usa okokuke; Simea okokuke, Kagia okokllke, Asaia okokuke. Lu kes luabu Daudi kitopoloo aijaanakin naka ayoore togo loka EJAKAIT, kedau asaduku aibworar. Kijaanakis kayoore koiijaren kewema lokalaunan loka ewema loka airiamunun, aitodol neadukokinia Solomon etogo loka EJAKAIT Yerusalem, kidarata aswamukec kwape ajaar abeanakinikec. Lu kes luedarenenete, ka odwekec. Luka odwe luka Ikokatin: Keman ekayoon, okoku loka Yoel, okoku loka Samuel; Okoku loka Elukana, okoku loka Yerokam, okoku loka Eliel, okoku loka Toa; Okoku loka Sup, okoku loka Elukana, okoku loka Makat, okoku loka Amasai; Okoku loka Elukana, okoku loka Yoel, okoku loka Asaria, okoku loka Sepania; Okoku loka Takat, okoku loka Asir, okoku loka Ebiasap, okoku loka Kora; Okoku loka Isar, okoku loka Kokat, okoku loka Lebi, okoku loka Isirael. Ka onaeeke Asap loabwoenenei kakanike nakoteten, ŋes Asap okoku loka Berekia, okoku loka Simea; Okoku loka Mikael, okoku loka Baaseia, okoku loka Malikiya; Okoku loka Etini, okoku loka Sera, okoku loka Adaia; Okoku loka Etan, okoku loka Sima, okoku loka Simei; Okoku loka Yakat, okoku loka Geresom, okoku loka Lebi. Kakan nakokediany iinacanakec odwe luka Merari: Etan okoku loka Kisi, okoku loka Abidi, okoku loka Maluk; Okoku loka Kasabia, okoku loka Amasia, okoku loka Kilikia; Okoku loka Amisi, okoku loka Bani, okoku loka Semer; Okoku loka Mali, okoku loka Musi, okoku loka Merari, okoku loka Lebi. Aponi koseunai Ilebin iinaeanakec kanuka aijaanakin kere naka ewema lokalaunan loka etogo loka Edeke. Konye apotu Aaron ka odweke koinanakinete kotem loka ainakineta nuiewcio, kotem da loka lukisupurununo, aswam kere naka aibois nakalaunan noi, aitulue Isirael, kwape ajaatar kere nuabu Musa ekeiaanakinan loka Edeke kicorak. Lu kes odwe luka Aaron; Eleasar okokuke, Pinekas okokuke, Abisua okokuke; Buki okokuke, Usi okokuke, Serakia okokuke; Meraiot okokuke, Amaria okokuke, Akitub okokuke; Sadok okokuke, Akimaas okokuke. Nu kes aiboisiokec kwape ajaatar iidukurunokec koikorunokec: mama ejaas odwe luka Aaron, luka ikekia luka Ikokatin, naarai lokee eroet losodit. Apotu koinakis kes Keburon kakwap naka Yuda, ka ironyia lualukunito ŋes; Konye apotu koinakis Kaleb okoku loka Yepune imanikoria luka ere, ka ireriake ludidik. Apotu koinakis odwe luka Aaron iretia luekuianarete, Keburon; Libuna ka ironyiake, ka Yatir, ka Esitemoa ka ironyiake; Ka Kilen ka ironyiake, Debir ka ironyiake; Asan ka ironyiake, ka Bet-semes ka ironyiake: Kateker naka Benyamin; Geba ka ironyiake, ka Alemet ka ironyiake, ka Anatot ka ironyiake, Ireriakee kere anatar ikekiakec emwaasi ireria itomon ka luuni. Aponi koinakinai luedeuna luka odwe luka Kokat koroet, kokek loka ateker, katutubet naka ateker, atutubet naka Manase, ireria itomon. Mama ejaas odwe luka Geresom, kwape ajaatar ikekiakec, kateker naka Isakar, kateker naka Aser, kateker naka Naputali, kateker da naka Manase koBasan, ireria itomon ka luuni. Aponi koinakinai odwe luka Merari koroet, kwape ajaatar ikekiakec, kateker naka Reuben, kateker naka Gad, kateker naka Sebulun, ireria itomon ka luarei. Apotu idwe luka Isirael koinakis Ilebin ireria ka ironyiakec, Apotu kesi koinakis koroet kateker naka idwe luka Yuda, kateker naka idwe luka Simeon, kateker naka idwe luka Benyamin, ireria ŋul luebilitai ikiroriakec. Ice kokekia luka odwe luka Kokat ajaas ireria luka iikorunokec kateker naka Epuraim. Koinakis kes ireria luekuianarete, Sekem kakwap nakiukon naka Epuraim ka ironyiake; Geser da ka ironyiake; ka Yokumeam ka ironyiake, ka Bet-koron ka ironyiake; ka Aiyalon ka ironyiake, ka Gat-rimon ka ironyiake: Katutubet naka ateker naka Manase; Aner ka ironyiake, ka Bileam ka ironyiake, kanuka luedeuna lukokek loka odwe luka Kokat. Mama ejaas odwe luka Geresom, kokek loka atutubet naka ateker naka Manase, Golan koBasan ka ironyiake, ka Asitarot ka ironyiake: Kateker naka Isakar; Kedes ka ironyiake, Daberat ka ironyiake; Ramot ka ironyiake, ka Anem ka ironyiake; Kateker naka Aser; Masal ka ironyiake, ka Abudon ka ironyiake; ka Kukok ka ironyiake, ka Rekob ka ironyiake; Kateker naka Naputali; Kedes koGalilaya ka ironyiake, ka Kamon ka ironyiake, ka Kiriataim ka ironyiake. Mama ejaas luedeuna luka Ilebin, odwe luka Merari, kateker naka Sebulun, Rimono ka ironyiake, Tabor ka ironyiake: Okekwa Yorodan koYeriko, ari nakokide naka Yorodan, kateker naka Reuben, Beser kamodiŋ ka ironyiake, ka Yasar ka ironyiake; ka Kedemot ka ironyiake, ka Mepaat ka ironyiake: Kateker naka Gad; Ramot koGilead ka ironyiake, ka Makanaim ka ironyiake, ka Kesibon ka ironyiake, ka Yeser ka ironyiake. Odwe luka Isakar; Tola, ka Pua, ka Yasub, ka Simuron, iwonon. Odwe luka Tola; Usi, ka Repaia, ka Yeriel, ka Yamai, ka Ibusam, ka Semuel, ikapolokitok luka ikekia luka lukapapaakec, kes luka Tola; ituŋa lukirigin Iuetitin katuriokec: etiaikec kapaarasia nuka Daudi emwaasi ilukumin akaisaarei ka luarei ka akwat akanykape. Odwe luka Usi; Isirakia: odwe luka Isirakia; Mikael, ka Obadia, ka Yoel, ka Isia, ikany: kes kere ituŋa lukapolok. Kojaas nepepe kakes, katuriokec, kwape ajaatar ikekia luka lukapapaakee, irioneta luka ajore ejie, ilukumin akaisauni ka ilukumin ikanykapc; naarai ajaas kes aŋor ka isap luipu. Iinaeanakec kokekia kere luka Isakar, ituŋa lukirigin luetitin, kimarai kakere kauriokec, emwaasi ilukumin akaisakanykauni ka ilukumin ikanykaarei. Odwe luka Benyamin: Bela, ka Beker, ka Yediael, iuni. Odwe luka Bela; Esibon, ka Usi, ka Usiel, ka Yerimot, ka Iri, ikany; ikapolok luka ikekia luka lukapapaa, ituŋa lukirigin Iuetitiŋ; aponi kimarai kauriokee ilukumin akaisaarei ka luarei ka akais auni ka luonon. Odwe luka Beker; Semira, ka Yoas, ka Elieser, ka Elioenai, ka Omiri, ka Yerimot, ka Abiya, ka Anatot, ka Alemet, Ŋul kere kes odwe luka Beker. Aponi kimarai kaurikec, kwape ajaatar aturiokec, ikapolok luka ikekia luka lukapapaakec, ituŋa lukirigin luetitin, ilukumin akaisaarei ka akwat aarei. Odwe luka Yediael; Bilikan: odwe luka Bilikan; Yeus, ka Benyamin, ka Ekud, ka Kenaana, ka Setan, ka Tarusis, ka Akisakar. Ŋul kere kes odwe luka Yediael, kwape ajaatar ikapolok luka ikekia luka lukapapaakee, ituŋa lukirigin luetitiŋ, ilukumin itomon ka lukanykaarei ka akwat aarei, luapcdorete alosit kaiore oiie. Supim da, ka Kupim, odwe luka Ir, Kusim, odwe luka Aker, Odwe luka Naputali; Yasiel, ka Guni, ka Yeser, ka Salum, odwe luka Bilika. Odwe luka Manase; Asuriel loaurikinit akeberu ŋes: (abu abusiatake naAramit kouri Makir papa loka Gilead: Komany Makir aberu nako Kupim ka Supim, ekiror loka inacike ŋes Maaka); ekiror loka lokiareit Selopekad: ajaas Selopekad adwe. Kouri Maaka aberu naka Makir okoku, komaik ekekiror Peres; ekiror loka onaceke Seres; odweke Ulam ka Rakem, Odwe luka Ulam; Bedan, Ŋul kes odwe luka Gilead okoku loka Makir, okoku loka Manase. Abu kinacike Kamolekat kouri Isikod, ka Abieser, ka Mala, Odwe luka Semida kes Akian, ka Sekem, ka Liki, ka Aniam. Odwe luka Epuralm; Sutela, ka Bered okokuke, ka Takat okokuke, ka Eleada okokuke, ka Takat okokuke, ka Sabad okokuke, ka Sutela okokuke, ka Eser, ka Elead, luapotu ituŋa luka Gat luaurikinio kakwap koarata, naarai apo tu kojesaros ademar ibarenekec. Kibworo Epuraim papakee apaarasia nuipu, kopotu ikeinacan aipudun ŋes, Koloma mama ejai akeberu, kopotuu ŋesi, kouri ikoku, komaik ekekiror Beria, naarai ajaas karonis togokec, Akokuke ŋes Seera, naabu koduk Bet-koron nakaiesa ka nakamukurat, ka Usen-seera, Okokuke ŋes Repa, ka Resep, ka Tela okokuke, ka Takan okokuke; Ladan okokuke, Amikud okokuke, Elisama okokuke; Nun okokuke, Yosua okokuke. Ikeceboro ka aiboisiokec kes Betel ka ireriake, Naaran kari nakokide, Geser, ka ireriake koto; Sekem da ka ireriake, kiton Asa ka ireriake: Eiduny kiikoruno luka odwe luka Manase, Bet-sean ka ireriake, Taanak ka ireriake, Megido ka ireriake, Dor ka ireriake. Kiboikinos odwe luka Yosep okoku loka Isirael oreria ŋul. Odwe luka Aser; Imina, ka Isiba, ka Isibi, ka Beria, ka Sera kinacikec, Odwe luka Beria; Keber, ka Malukie!, lokerai papa loka Birisait. Keber kouri Yapelet, ka Somer, ka Kotam, ka Sua kinacikee. Odwe luka Yapelet; Pasak, ka Bimikal, ka Asubat. Ŋul kes odwe luka Yapelet. Odwe luka Semer; Aki, ka Roga, ka Yekuba, ka Aram, Odwe luka Kelem onaceke; Sopa, ka Imina, ka Seles, ka Ama!’ Odwe luka Sopa; Sua, ka Karuneper, ka Sual, ka Beri, ka Imira; Beser, ka Kod, ka Sama, ka Silisa, ka Itiran, ka Beera. Odwe luka Yeter; Yepune, ka Pisipa, ka Ara. Odwe luka Ula; Ara, ka Kaniel, ka Risia. Ŋul kere kes odwe luka Aser, ikapolok luka ikekia luka lukapapaakee, ituŋa lukeseunitai lukirigin Iuetitin, ikapolok luka ikapolok. Kimarai etiaikee kaurikee aijaanakin oiie emwaasi ituŋa ilukumin akaisaarei ka ilukumin ikanykape. Benyamin kouri Bela ekiyaike, Asubel lokiareit, ka Akara lokiwuniet; Noka lokiwononet, ka Rapa lokikanyet. Kejaas Bela odwe, Adar, ka Gera, ka Abikud; ka Abisua, ka Naaman, ka Akoa; ka Gera, ka Sepupan, ka Kuram, ŋul kes odwe luka Ekud: nul kes ikapolok luka ikekia luka lukapapaakee luka lueboiete koGeba, kijoreosi kes Manakat. Ka Naaman, ka Akiya, ka Gera, kiioreo kes; kouri Usa ka Akikud, Kouri Sakaraim idwe komanikor loka Moab, kedau aitwara kes; Kusim ka Baara kes aŋoroke. Kouri ŋesi ka Kodes akeberu, Yobab, ka Sibia, ka Mesa, ka Malikam; ka Yeus, ka Sakia, ka Mirima, Ŋul kes odweke, ikapolok luka ikekia luka lukapapaakec. Kouri ŋesi kaKusim Abitub ka Elupaal. Odwe luka Elupaal; Eber, ka Misam, ka Semed, lokeduki Ono ka Lod, ka ireriakec. Ka Beria ka Sema, lukeraas ikapolok luka ikekia luka lukapapaakec luka lueboiete ko Aiyalon, luapotu kitekera lueboiete koGat; ka Akio, ka Sasak, ka Yeremot; ka Sebadia, ka Arad, ka Eder; ka Mikael, ka Isipa, ka Yoka, odwe luka Beria; ka Sebadia, ka Mesulam, ka Kisiki, ka Keber; ka Isimerai, ka Isilia, ka Yobab, odwe luka Elupaal; ka Yakim, ka Sikiri, ka Sabudi; ka Elienai, ka Siletai, ka Eliel; ka Adaia, ka Beraia, ka Simirat, odwe luka Simei; ka Isipan, ka Eber, ka Eliel; ka Abudon, ka Sikiri, ka Kanan; ka Kanania, ka Elam, ka Anatotiya; ka Ipideia, ka Penuel, odwe luka Sasak; ka Samuserai, ka Sekaria, ka Atalia; ka Yaaresia, ka Eliya, ka Sikiri, odwe luka Yerokam. Ŋul kes ikapolok luka ikekia luka lukapapaakec anatar aturiokee, ikapolok; eboienencte nul ko Yerusalem. Kiboie Yeiel papa loka Gibcon koGibeon, ekiror loka akeberu Maaka; Okokuke lokiyai Abudon, ka Sur, ka Kis, ka Baal, ka Nadab; ka Gedor, ka Akio, ka Seker, Mikilot kouri Simea. Ŋul da kiboicnenete kiinaeanakee koYerusalem, eiduny kiinacanakec, Ner kouri Kis; Kis kouri Saul; Saul kouri Yonatan, ka Malikisua, ka Abinadab, ka Es-baal, Okoku loka Yonatan ŋes Merib-baal; Merib-baal kouri Mika, Odwe luka Mika; Piton, ka Melek, ka Tarea, ka Akas. Akas kouri Yekoada; Yekoada kouri Alemet, ka Asamabet, ka Simiri; Simiri kouri Mosa: Mosa kouri Binea; Rapa ŋes okokuke, Eleasa okokuke, Asel okokuke: Keiaas Asel odwe ikanykape, lu kes ikiroriakee; Asirikam, ka Bokeru, ka Isimael, ka Searia, ka Obadia, ka Kanan, Ŋul kere odwe luka Asel. Odwe luka Esek onaeeke; Ulam ekiyaike, Yeus lokiareit, ka Elipelet lokiwuniet. Keraas odwe luka Ulam ituŋa lukirigin luetitin, ikagumak imalia, kejaas odwe luipu, ka odwe luka odwe, akwatat ka akaisakany. Ŋul kere odwe luka Benyamin. Kwaŋin aponi kimarai Isirael kere kwape ajaar auriokee; ido koany iwadikatai oitabo loka ikabakan luka Isirael; kijoreoroi Yuda Babulon kanuka adiakarikee. Luageete aiboikin airumetakee, oreriakee kes lu, Isirael, isasedotin, Ilebin, ka Inetinim, Kibojete ko Yerusalem lukodwe luka Yuda, ka lukodwe luka Benyamin, ka lukodwe luka Epuraim ka Manase; Utai okoku loka Amikud, okoku loka Omiri, okoku loka Imiri, okoku loka Bani, Iokodwe luka Peres okoku loka Yuda, Luka Isilonin; Asaia ekiyaike, ka odweke. Lukodwe luka Sera; Yeuel, ka iinaeanakee, akwat akanykape ka akaisakanykaoŋon, Lukodwe luka Benyamin; Salu okoku loka Mesulam, okoku loka Kodabia, okoku loka Kasenua; ka Ibuneia okoku loka Yerokam, ka Ela okoku loka Usi, okoku loka Mikiri, ka Mesulam okoku loka Sepatia, okoku loka Reuel, okoku loka Ibiniya; ka iinacanakec, kwape ajaatar aturiokee, akwat akanykaoŋon ka akaisakany ka lukanykape. Ituŋa ŋul kere kes ikapolok luka ikekia luka lukapapaakee kwape ajaatar ikekia luka lukapapaakec. Lukosasedotin; Yedaia, ka Yekoi-arib, ka Yakin; ka Asaria okoku loka Kilikia, okoku loka Mesulam, okoku loka Sadok, okoku loka Meraiot, okoku loka Akitub, ekapolokiton etogo loka Edeke; ka Adaia okoku loka Yerokam, okoku loka Pasur, okoku loka Malikiya, ka Maasai okoku loka Adiel, okoku loka Yasera, okoku loka Mesulam, okoku loka Mesilemit, okoku loka Imer; ka iinaeanakec, ikapolok luka ikekia luka lukapapaakee, elukumit ka akwat akanykaarei ka akaisakanykapc; ituŋa lukapedor noi aswam aijaanakin naka etogo loka Edeke. Luka Ilebin; Semaia okoku loka Kasub, okoku loka Asirikam, okoku loka Kasabia, lokodwe luka Merari; ka Bakabakar, Keres, ka Galal, ka Matania okoku loka Mika, okoku loka Sikiri, okoku loka Asap; ka Obadia okoku loka Semaia, okoku loka Galal, okoku loka Yedutun, ka Berekia okoku loka Asa, okoku loka Elukana, lueboienenete koreria ludidik luka Inetopatin. Ka ikagolok; Salum, ka Akub, ka Talumon, ka Akiman, ka iinaeanakec: Salum ŋes ekapolon; lu lem kidarenenete erute loka ekabaka ari nakokide: keraas kesi ikagolok luka iidukurun luka idwe luka Lebi. Koanyanar Salum okoku loka Kore, okoku loka Ebiasap, okoku loka Kora, ka iinacanake, lukokek loka papaake, Ikorakin, aswam naka aijaanakin, ikagolok luka ikekia luka Ewema lokalaunan: keraas lukapapaakee ikapolok luka iidukurun luka EJAKAIT, ikagolok luka ekek; Kerai Pinekas okoku loka Eleasar ekapolonikee kolo sek, kojai EJAKAIT kaŋes, Kerai Sekaria okoku loka Meselemia ekagolon loka ekek loka ewema loka airiamunun. Ŋul kerc luaponi koseunai araun ikagolok luka ikekia, emwaasi akwat aarei ka itomon ka luarei. Aponi nul kimarai kauriokee koreriakee ludidik, luapotu Daudi ka Samuel ekadwaran kotiakut aswam aswamukec nakemunoi. Kosodete kesi ka idwekec koanyanarete ikekia lukotogo loka EJAKAIT, ŋes etogo loka ewema lokalaunan, kameanakin. Keiaananas ikagolok owaitin iwonon, kide, ka to, ka eŋalakimak, ka agolitomei. Koponenenete iinaeanakec, koreriakec ludidik, kanunupaarasia akanykaarei apakio kapakio ajaut kakes: Naarai ikagolok luonon lukapolok, lukeraas Ilebin, ajaas kaswam naatiakakinitai, kopolokinito agolai ka aiŋadisia nuka iboro kaluketiai kotogo loka Edeke. Kiboienenete airimor etogo loka Edeke, naarai aidar nakee, nakee da anaanar ŋinitupuruc. Kidarenenete ice kakesi iboro luka aijaanakin; naarai emareneneo nakitolomanarere ka nakitolomununere. Kotiakakinitcte ice kakesi aidar iboro lukotogo, ka iboro kere luka aibois nakalaunan, ka akiria nuidieie, ka ebino, ka akinyet, ka lukisupurununo, ka lueur maa. Kitemokis ice kodwe luka isasedotin eiswamae loka lueur maa. Aponi kotiakakinitete Matitia, ediopet koLebin, lokerai ekiyai loka Salum Ekorakit aidar iboro lupeon. Kopolokinito ice koinacanakee, lukodwe luka Ikokatin akiro nuka cmugati loka aitodikin, aitemokin ŋes ninipaaran nakasabato, Ŋul kes ikayook, ikapolok luka ikekia luka lukapapaakec luka Ilebin, lueboienenete kagolai Iuemameete aceswam: naarai kiswamaenenere aswamukec apaaran ka akuar. Ŋul kes ikapolok luka ikekia luka lukapapaakec luka Ilebin, anatar aturiokee, ikapolok: kiboienenete nul koYerusalem, Kiboie Yeicl, papa loka Gibeon, koGibeon, ekiror loka akeberu Maaka: Abudon okokuke lokiyai, ka Sur, ka Kis, ka Baal, ka Ner, ka Nadab; ka Gedor, ka Akio, ka Sekaria, ka Mikilot. Mikilot kouri Simeam. Kibojete kesi da kiinaeanakee koYerusalem, eiduny kiinacanakec, Ner kouri Kis; Kis kouri Saul; Saul kouri Yonatan, ka Malikisua, ka Abinadab, ka Es-baal. Okoku loka Yonatan ŋes Merib-baal; Merib-baal kouri Mika. Odwe luka Mika; Piton, ka Mclek, ka Tarea, ka Akas. Akas kouri Yara; Yara kouri Alemet, ka Asumabet, ka Simiri; Simiri kouri Mosa: Mosa kouri Binea; ka Repaia okokuke, Eleasa okokuke, Asel okokuke: Kejaas Ascl odwe ikanykape, ikecekiroria lu; Asirikam, ka Bokeru, ka Isimael, ka Scaria, ka Obadia, ka Kanan: nul kes odwe luka Asel. Kitiiioto Ipilisitian Isiracl: kokerata ituŋa luka Isirael kakonyen nuka Ipilisitian, koarakinai moru Giliboa. Kodapata noi Ipilisitian Saul ka odweke; koarata Ipilisitian Yonatan, ka Abinadab ka Maliki-sua, odwe luka Saul. Kipikoroi Saul kojie, kodolokis ŋes ikagumak imalia; kobur noi kanuka ikagumak imalia. Kosodi Saul atemar loadakit luiiisike atiar, “Kout ekonikilen, kieumia eoŋ; kinyeis lumam ekepep lu abunore aicum eoŋ, aitisil eoŋ,” Konye koncr loadakit luiiisike; naarai akuriana noi, Kanuka ŋun kolem Saul ekekileŋ, kicumakinor. Keanyu loadakit lujiisike ebe atwana Saul, kicumakin ŋesi da kekekilcŋ, kotwana. Kwaŋin kotwana Saul, ka odweke iuni; kotwakata lukotogoke kere nepepe. Keanyutu ituŋa luka Isirael kere lukejaas aditot ebe ekerete kesi, atwana da Saul ka odweke, kojalata ircriakee, kokerata; kopotu Ipilisitian kiboikinos toma. Kosodi kanen tupuruc, kepotu Ipilisitian aiŋat luaaritai, kodumut Saul ka odweke etwakikinito moru Giliboa. Kolaeasi ikegoen, koyaŋaasi akouke, ka lujiisike, kijukasi akwap naka Ipilisitian naerimorit, ayaŋaar akiro mama ejaas aputosiakec, ka ituŋa da. Kibwaikis luiiisike togo loka idekesiokee, koenikis akekou togo loka Dagon. Kepupur luka Yabes-Gilead kere nuapotu Ipilisitian kiswamakis Saul kere, Konyout itutja kere luetitiŋ, kolemut akuan naka Saul ka awat nuka odweke, koyaut ke, Yabes, konukakis akoiokec kwap kepeduru koYabes, kikanyata eteŋei apaarasia akanykaarei. Kwaŋin kotwana Saul kanuka adiakarike naabu kodiak ka ma ejai EKAKAIT, kanuka akirot naka EJAKAIT, namam abu koric; bobo da naarai abu ŋesi kiner kadio nakejai aiokit, aiŋitun, Kwabo mam abu kinit EJAKAIT: kanuka nun abu koar ŋes, kibelok ajakanut mama ejai Daudi okoku loka Yese. Kosodi Isirael kere atukonokin mama ejai Daudi Keburon, kotemasi atiar, “Koany, kirai isio akoitikon ka akirinikon. Kapakio nua tuboros nukeraar Saul ekabaka, ibu ijo kitoloma kitolom da Isirael: abu EJAKAIT Ekonideke kotema jo atiar, ‘Itanyamenenei ijo ikatuŋa Isirael, iraun ijo ekapolon loka ikatuŋa Isirael.’” Kwaŋin koporu imakio kere luka Isirael mama ejai ekabaka Keburon; kitutuk Daudi kakes koKeburon kakonyen nuka EJAKAIT: kinyonyoikis Daudi akinyet araun ekabaka loka Isirael, kwape ajaar akirot naka EJAKAIT kama ka Samuel. Kolot Daudi ka Isirael kere Yerusalem (ŋol ŋes Yebus); ajaas kanen Iyebusin lukiboiete kakwap, Kotemasi lukiboiete koYebus Daudi atiar, “Mam ilomuni ne.” Konye abu Daudi kirum ere loegogon loka Sion; ŋol ŋes ere loka Daudi. Kotema Daudi atiar, “Loegeuni aidany Iyebusin, eraun ŋol ekapolon ka ekayaiton.” Kogeuni do Yoab okoku loka Seruia alomar, kitaraunai ekapolon. Kiboikin Daudi ere loegogon; kanuka ŋun aponi komaikinai ere loka Daudi. Koduk ere airimor, anyoun koMilo ka airimor: kiteteu Yoab aiboisio ace nukore, Kopoloor Daudi noi noi; naarai ajaenena EJAKAIT loka ajoresio kaŋes, Lu kes ikapolok luka ituŋa lukirigin lukejaas kaDaudi, luapotu kitodiara bonik Iukagogon mamake kaiakanutuke, nepepe ka Isirael kere, aitaraun ŋes ekabaka, kwape ajaar akirot naka EJAKAIT mama ejai Isirael. Lo ŋes etiai loka ituŋa lukirigin lukejaas ka Daudi: Yasobeam, okoku loka Ekakumonit, ekapolon loka akaisauni; kodaku ŋol akekwara asurokin akwat auni koar kes katipet. Kotupite ŋes Eleasar okoku loka Dodo, Ekokait, lokerai ediopet kotuna iuni lukirigin, Ajaas ŋes ka Daudi koPas-damin, etukokina Ipilisitian nina ejie komanikor loeleleba esairi; kokerata ituŋa kakonyen nuka Ipilisitian. Kobwaata kesi kokidin omanikor, koiiut ŋes, koarata Ipilisitian; kitaiar EJAKAIT kes kaipikor naepol. Kikokororos iuni kotoma akaisauni lukapolok atiiba mama ejai Daudi, kabua naka Adulam; kidukurite aiore naka Ipilisitian aditot naka Repaim. Keiai Daudi toma abwas, keiai abwas naka iserikalei luka Ipilisitian Betlekem. Kimiela Daudi, kotema atiar, “Arai kainak idiotuŋanan eoŋ akipi aimat nuka atan naka Bet-lekem naidunyas kerute!” Kocila luuni ajore naka Ipilisitian, kowokut akipi katan naka Bet-lekem, naidunyas kerute, koyanas, koinutu Daudi: konye koner Daudi aimat, konye kiwela mama ejai EJAKAIT. Kotema atiar, “Madi akuj, eoŋ aswam nin: amasi kereka aokot nuka ituŋa kalu lualosito akaŋas naka aijarakec? Naarai apotu koyaut kakaŋas naka aiiarakec.” Kanuka nun koner aimat, Kiswamata ituŋa luuni lukirigin akiro nun, Abisai, onace loka Yoab, ŋes lokapolon loka luuni; naarai kodaku ŋesi akwarake asurokin akwat auni koar kes, kodum ekiror kotoma luuni. Kitopolooritete ŋes adepar luarei kouni, kitaraunai ekapolonikec: konye mam abu kodolok luuni lusodit. Benaia okoku loka Yekoiada, okoku loka etuŋanan loetitin leka Kabuseel, loabu kiswama aswamisio nukagogon, abu ŋesi koar odwe luarei luka Ariel loka Moab: kiiesar da, koar eŋatuny kokidin aipany kapak naka akako, Koar ŋesi Emisiriat da, etuŋanan lokos loeoja ikubitin ikany; kitiŋite Emisiriat akwara kakanike naaputos kakitoi naesonyere; kolot ŋol mama ejai ŋesi kebela, kodem akwara kakan naka Emisiriat, koar ŋes kakwarake elopet, Kiswama Benaia okoku loka Yekoiada akiro nun, kodum ekiror kotuna luuni lukirigin. Koany, kitopolooritete ŋes adepar akaisauni, konye mam abu kodolok luuni lusodit: kodakak Daudi ŋes ayait ikedarakake. Bobo da ituŋa lukirigin luka aioresio; Asakel onace loka Yoab, Elukanan okoku loka Dodo loka Bet-lekem; Samot Ekarorit, Keles Epelonit; Ira okoku loka Ikes Etekoit, Abieser Enatotait; Sibekai Ekusatit, Ilai Ekokait; Makarai Enetopatit, Keled okoku loka Baana Enetopatit; Itai okoku loka Ribai loka Gibea loka idwe luka Benyamin, Benaia Epiratonit; Kurai loka aguuruto nuka Gaas, Abiel Erabatait; Asumabet Ebakarumit, Eliaba Esaalubonit; Odwe luka Kasem Egisonit, Yonatan okoku loka Sage Ekararit; Akiam okoku loka Sakar Ekararit, Elipal okoku loka Ur; Keper Emekeratit, Akiya Epelonit; Kesiro Ekaramelit, Naarai okoku loka Esibai; Yoel onaee loka Natan, Mibar okoku loka Kagiri; Selek Emonait, Nakarai Eberotit, loadakit lujiis luka Yoab okoku loka Seruia; Ira Itirit, Gareb Itirit; Uria Ekitit, Sabad okoku loka Alai; Adina okoku loka Sisa Ereubenit, ekapolon loka Ireubenin, ka akaisauni nepepe kaŋes; Kanan okoku loka Maaka, ka Yosapat Emitinit; Usia Esiteratait, Sama ka Yeiel odwe luka Kotam Eroerait; Yediael okoku loka Simiri, ka Yoka onaeeke, Etisit; Eliel Emakabit, ka Yeribai, ka Yosabia, odwe luka Elunaam, ka Itima Emoabit; Eliel, ka Obed, ka Yaasiel Emesobait. Lu kes mil Iuapotu kopotu mama ejai Daudi Sikilag, kapak nakenopitor kanuka Saul okoku loka Kis: koraas kotuŋa lukirigin, ikenara kinakake kojie. Kokapitos akabwai, apedorete aitwasam akan nakoteten ka nakokediany da aporoeanaria alica, ka agumanaria imalia da kakabwa; koraas luka iinaean luka Saul luka Benyamin, Lokapolon ŋes Akieser, kosodi Yoas, odwe luka Semaa Egibeatit; ka Yesiel, ka Pelet, odwe luka Asumabet; ka Bereka, ka Yeku Enatotait; ka Isimaia Egibeonit, etuŋanan lokirigi kotoma akaisauni, loapolokinit akaisauni; ka Yeremia, ka Yakasiel, ka Yokanan, ka Yosabad Egederatit; Elusai, ka Yerimot, ka Bealia, ka Semaria, ka Sepatia Ekarupit; Elukana, ka Isia, ka Asarel, ka Yoeser, ka Yasobeam, Ikorakin; ka Yoela, ka Sebadia, odwe luka Yerokam loka Gedor. Luka Igadin apotu kogitakinos mama ejai Daudi aibois naebwaitai modiŋ, ituŋa lukirigin luetitin, ituŋa luetuutooritai ejie, luapedorete aitwasam ebuku ka akwara; akonyenekec koputokinos kakonyen nuka iŋatunyo, ketiroko kesi kwape kamorio koron an, Eser lokapolon, Obadia lokiareit, Eliab lokiwuniet; Misimana Iokiwononet, Yeremia kokianyet; Atai lokikanyetekape, Eliel lokikanyetckaarei; Yokanan lokikanyetekauni, Elisaba lokikanyetekaon on; Yeremia lokitomonet, Makubanai lokitomonet kalodiop. Keraas nul lukodwe luka Gad ikapolok luka ajore; nol lokerai lodidi kakesi keriakas kakwatat, lokapolon da kelukumit. Ŋul kes luapotu kodokas Yorodan kolap losodit, kedau ŋesi ailapanar aririke kere; kitekerata nul kere luka aditon, kiton kide, koto da. Kopotu lukodwe luka Benyamin ka Yuda mama ejai aibois naebwaitai mama ejai Daudi. Koloma Daudi airiamakin kakes, Koboŋok kotema atiar, “Arai ca iponito yesi inapakina mama ajai aitjarakin eoŋ, kimorikikin ekatau ka lukus; konye arai iponito abilakin eoŋ ebotet mama ejaas lukasurupoka, naarai emamei aronis kakaninika, kosesen Edeke loka lukapapaawok, kitoron.” Kosodi emoyo abunokin Amasai lokerai lokapolon loka akaisauni, kotema atiar, “Kirai isio lukon, Daudi, owaikon, ijo okoku loka Yese. Ainapakin, ainapakin kojai mama ŋal, ainapakin da mama ejaas ikeijarakinakakon! Naarai kiŋarakinit Edekekon.” Kosodi Daudi aisukunyuun kes, kitarau kes ikapolok luka erioŋet. Luka Manase da apotu ice kolunakinos mama ejai Daudi naabunio nepepe ka Ipilisitian asurokin Saul kojie, konye mam apotu kinarakis kes: naarai kinerut ijaka luka Ipilisitian, kotwarata ŋes, koba lasi ebe, “Epedori alunakin mama ejai ekapolonike Saul kosodi ayaun akaŋas akwesiwok.” Naalosio ŋesi Sikilag, kolunakinos mamake luka Manase, Aduna, ka Yosabad, ka Yediael, ka Mikael, ka Yosabad, ka Eliku, ka Siletai, ikapolok luka ilukumin lukeraas luka Manase. Kiŋarakis Daudi asurokin erioŋet loka ikaŋatak; naarai keraas kesi kere ituŋa lukirigin luetitin, koraas ikapolok luka ajore. Naarai ŋinipaaran kopotu ituŋa mama ejai Daudi aiŋarakin ŋes, aitodol nakeraunor ajore naepol, kwape ajore naka Edeke. Lu kes itiaisinei luka ikapolok luka ŋul kaluakapitos lujiis, luapotu kopotu mama ejai Daudi Keburon, aibelokin ajakanut naka Saul mamake, kwape ajaar akirot naka EJAKAIT. Idwe luka Yuda lukitinitos ibukui ka akwaras emwaasi ilukumin ikanykape ka akwat akanykauni, luakapitos luiiis. Lukodwe luka Simeon, ituŋa lukirigin luetitin ejie, ilukumin ikanykaarei ka akwatat, Lukodwe luka Lebi ilukumin iwonon ka akwat akanykape. Yekoiada ŋes ekenarenikinon loka ekek loka Aaron, kojaas kaŋes ilukumin iuni ka akwat akanykaarei; Sadok ekatumunan lokirigi loetitiŋ, ka lukotogo loka papake ikapolok akaisaarei ka luarei. Lukodwe luka Benyamin, iinaean luka Saul, ilukumin iuni: naarai aitodol apakio nun keraas luitelekarito aipues lukiketakina atupar etogo loka Saul. Lukodwe luka Epuraim ilukumin akaisaarei ka akwat akanykauni, ituŋa lukirigin luetitin, ituŋa lukodwaratau kokekia luka lukapapaakec. Lukatutubet naka ateker naka Manase ilukumin itomon ka lukanykauni, luabilitai ikiroriakee, aponare aitaraun Daudi ekabaka. Lukodwe luka Isakar, ituŋa luajenete apakio, ajenun nuibusakinit Isirael aswam: ikapolokokec emwaasi akwat aarei; kiswamata iinacanakec kere kwape ajaar aicorakinetekec. Luka Sebulun, luapedorete alomar kaiore, luapedorete aiderakin ejie, lukejaas kiboro lukiponesio luipu lujiis, ilukumin akaisakany; luapedorete aiderakin ejie, luamameete itauon iarei, Luka Naputali ikapolok elukumit, nepepe kakes da lukejaas ibukui ka akwaras ilukumin akaisauni ka lukanykaarei. Luka Idanin luapedorete aiderakin ejie, ilukumin akaisaarei ka lukanykauni ka akwat akanykape. Luka Aser, luapedorete alomar kajore, luapedorete aiderakin ejie, ilukumin akaisaoŋon. Okekwa juwai Yorodan, luka Ireubenin, ka Igadin, ka atutubet naka ateker naka Manase, lukejaas kiboro lukiponesio luipu lujiis ilukumin akwatat ka ilukumin akaisaarei. Ŋul kere, ituŋa lukajiok, luapedorete aiderakin ejie, apotu kopotu Keburon ketau loetenara, aitaraun Daudi ekabaka loka Isirael kere: luka Isirael ice kere da kejaas ketau ediopet aitaraun Daudi ekabaka, Kejaas nina nepepe ka Daudi apaarasia auni, enyamete, emasete: naarai apotu iinacanakec kitemokis kanukec, Bobo da nul luedunyas kakes, kiton Isakar ka Sebulun ka Naputali, kibwokut inyamat kasigirian, kakaalai, konyubun, komonin, inyamat luka akiria, alunureta nuka itinin, aibuneta nueokito nuka imusabibun, ka ebino, ka akinyet, ka imoŋin, ka imerekekin, epu noi; naarai kejai aiyalama koIsirae!’ Kinerut Daudi ka ikapolok luka ilukumin ka luka akwatat, kes ikenarenokkere. Kotema Daudi atukot kere naka Isirael atiar, “Arai ito jokito yesi, arai da erai naka EJAKAIT Ewokodeke, kejukasi anatar iinacanawok luideuna kakwap kere naka Isirael, lukejaas kisasedotin ka Ilebin oreriakee luejaas ironyia, kotukunos mamawok: Kenyakut bobo asaduku naka Edekewok mamawok: naarai mam kipou keŋitununiata ŋes kapaarasia nuka Sau!.” Kobala atukot kere ebe tikiswama kwaŋin: naarai ebeeokino akirot kakonyen nuka ituŋa kere, Kotukok Daudi Isirael kere, anyoun koSikor aguurut naka Misiri kiton neelomarere Kamat, ayaun asaduku naka Edeke aitonyoun koKiriat-yearim, Kodoka Daudi, ka Isirael kere, Baala, ŋes Kiriat-yearim, lokerai loka Yuda, aitonyoun kaŋina asaduku naka Edeke, EJAKAIT loiboikini ikerubin, naenyaritai Ekekiror. Kodakutu asaduku naka Edeke kagali nakitetet, alemun kotogo loka Abinadab; kireneata Usa ka Akio agali. Kikosi Daudi ka Isirael kere kakonyen nuka Edeke kagogonukec kere: kikososinei, ka adeudeun, ka isabulin, ka isiman, ka ikaewi, ka arupepen da. Nakedolioto kesi opejal loka Kidon, korio Usa akekan aitin asaduku; naarai apotu kiguikis imoŋin. Kinep anyunyura naka EJAKAIT aluikin Usa, kinom ŋes, naarai ariori akekan mama ejai asaduku: kotwana kanen kakonyen nuka EJAKAIT. Kokadak Daudi, naarai acil EJAKAIT Usa; komaik aibois ŋin Peres-usa, kiton lolo. Kokurianar Daudi EJAKAIT kapaaran ka ŋin ebe, “Ekonakini ai ayaun asaduku naka EJAKAIT ore mama ajai?” Kwaŋin mam Daudi abu koyau asaduku mamake ore loka Daudi, konye abu kitapaa adakar ŋes togo loka Obed-edom Egitit. Kosalak asaduku kokale loka Obed-edom togoke ilapio iuni: kisireren EJAKAIT etogo loka Obed-edom ka luajaatar kere. Kijuka Kiram ekabaka loka Turo ikiyakia mama ejai Daudi, ka ikito luka eres, ka ikadukok kamor, ka ikekeok, adukokin Daudi etogo. Kojen Daudi ebe abu EJAKAIT kitieat ŋes araun ekabaka loka Isirael, naarai kitopoiooritete akejakanut, kanuka iketuŋa Isirael. Komany Daudi acenor koYerusalem: kouri Daudi ieedwe lusap ka lupesur. Lu kes ikiroria luka idwe luaurikinio ŋes koYerusalem; Samua, ka Sobab, ka Natan, ka Solomon; ka Ibar, ka Elisua, ka Elipelet; ka Noga, ka Nepeg, ka Yapia; ka Elisama, ka Beeliada, ka Elipelet. Kepuput Ipilisitian ebe enyonyoikin Daudi akinyet araun ekabaka loka Isirael kere, koloto Ipilisitian kere amoot Daudi; kopup Daudi, kolot asurokin kes. Apotu Ipilisitian kopotu konatata kaditot naka Repaim. Kinit Daudi Edeke ebe, “Alosi kereka eoŋ aitiji Ipilisitian? Kiiaikini ijo kes akanika?” Kotema EJAKAIT ŋes atiar, “Kolot; naarai ejaikini kes akanikon.” Kopotu Baal-perasim, kodany Daudi kes kaŋina; kotema Daudi atiar, “Acil EJAKAIT lukasurupoka kakanika, kwape eciliata akip.” Ŋes amaikinere aibois nin Baal-perasim, Kinyekis idekesiokee kanen; kicorak Daudi, aponi kicweikinai kakim. Kopotu bobo Ipilisitian aiŋat kaditot, Kinit bobo Daudi Edeke; kotema Edeke ŋes atiar, “Mam ilosi atupakin kes: kiwarak kes, kobunok kaneeiaas ikito luka baka. Ejaun kwanata ebe, Kipup ijo eporoto loka lueraeete alosit kokuju kikito luka baka, kosodi konyet alosit ejie: naarai kinarenikinit Edeke aidany ajore naka Ipilisitian.” Kiswama Daudi kwape ecorakinia EJAKAIT: kodanyata aiore naka Ipilisitian anyoun koGibeon kiton Geser. Kisiarakin eemuto loka Daudi akwapin kere; koinak EJAKAIT atekerin kere akurianar ŋes. Koduk Daudi itogoi ore loka Daudi; kitemok aibois kanuka asaduku naka Edeke, kibubuk ewema kanuke, Kosodi Daudi atemar atiar, “Mam luibusakinit adakar asaduku naka Edeke dimarai Ilebin: naarai kes abu EJAKAIT koseu adakanar asaduku naka Edeke, ka aijaanakin ŋes ikar kere.” Kotukok Daudi Isirael kere Yerusalem, aitodokun asaduku naka EJAKAIT toma aibois naabu ŋesi kitemokinite. Kotukok Daudi odwe luka Aaron, ka Ilebin: Lukodwe luka Kokat; Uriellokapolon, ka ikeinaean akwatat ka akaisaarei: Lukodwe luka Merari; Asaia lokapolon, ka ikeinacan akwat aarei ka akaisaarei; Lukodwe luka Geresom: Yoel lokapolon, ka ikeinacan akwatat ka akaisauni: Lukodwe luka Elisapan; Semaia lokapolon, ka ikeinacan akwat aarei: Lukodwe luka Keburon; Eliel lokapolon, ka ikeinaean akaisakanykauni: Lukodwe luka Usiel; Aminadab lokapoion, ka ikeinaean akwatat ka itomon ka luarei. Konyarau Daudi Sadok ka Abiatar isasedotin, ka Ilebin, kes Uriel, ka Asaia, ka Yoel, ka Semaia, ka Eliel, ka Aminadab, Kotema kes atiar, “Iraas yesi ikapolok luka ikekia luka lukapapaa luka Ilebin: kitalaunos bonik, yes ka iinaeanakus, tetere ipedorete aitodokun asaduku naka EJAKAIT, Edeke loka Isirael, toma aibois naabu eoŋ ketemokinite ŋes. Naarai mam ipotu kisiautu adakar ŋes, ŋes kecilia EJAKAIT Ewokodeke kamawok, naarai mam kipou kamootos ŋes kwape ajaar aicorakinet.” Kitalaunos do isasedotin ka Ilebin bonik aitodokun asaduku naka EJAKAIT, Edeke loka Isirael. Kodakasi do idwe luka Ilebin asaduku naka Edeke kokeperinikec kadaketake, kwape kieorakinitor Musa kwape ajaar akirot naka EJAKAIT. Kolimok Daudi ikapolok luka Ilebin aseun iinacanakec ikayook, koiaas kalueruos, isabulin, ka adeudeun, ka ikaewi, koramata, koborianata kaiyalama. Koseut Ilebin Keman okoku loka Yoel; ka lokiinacanake, Asap okoku loka Berekaia; ka lokodwe luka Merari iinaeanakec, Etan okoku loka Kusaia; ka ikeceinacan luka atukot nakiareit, Sekaria, ka Ben, ka Yaasiel, ka Semiramot, ka Yekiel, ka Uni, ka Eliab, ka Benaia, ka Maaseia, ka Matitia, ka Elipeleku, ka Mikeneia, ka Obed-edom, ka Yeiel, ikagolok luka ekek, Aponi koseunai ikayook, Keman, ka Asap, ka Etan, kikaewi luka aisinin aituru; ka Sekaria, ka Asiel, ka Semiramot, ka Yekiel, ka Uni, ka Eliab, ka Maaseia, ka Benaia, kisabulin koporoto loka Alamot; ka Matitia, ka Elipeleku, ka Mikeneia, ka Obed-edom, ka Yeiel, ka Asasia, aiŋarenikin kadeudeun koporoto loka Iseminit. Kopolokinit Kenania, ekapolon loka Ilebin ekosio: kituutoor ŋesi ekosio, naarai kepiriana. Berekia ka Elukana kes ikagolok luka asaduku. Apotu Sebania ka Yosapat, ka Netanel, ka Amasai, ka Sekaria, ka Benaia, ka Elieser, isasedotin, kokusete arupepen koinaren kasaduku naka Edeke; Obed-edom ka Yekia kes ikagolok luka asaduku, Abu Daudi kolot, ka imakio luka Isirael, ka ikapolok luka ilukumin, aitodokun asaduku naka aitutuket naka EJAKAIT alemun kotogo loka Obededom kaiyalama: Kosodi kanen, kinarak Edeke Ilebin luadakete asaduku naka aitutuket naka EJAKAIT, apotu koinakis imoŋin lutoba ikanykaarei ka imerekekin ikanykaarei araun asuban. Kenapit Daudi ekaso loka ebaputa loejok, ka Ilebin kere luadakito asaduku, ka ikayook, ka Kenania ekapolon loka ekosio kikayook: konapit Daudi epod loka ebaputa. Kwaŋin kitodoku Isirael kere asaduku naka aitutuket naka EJAKAIT keibwon, ka eporoto loka apeen, ka arupepen, ka ikacwi, koramata da isabulin ka adeudeun. Kosodi kanen, nakedolio asaduku naka aitutuket naka EJAKAIT ore loka Daudi, konolia Mikal akoku naka Saul kadirisa, koany ekabaka Daudi esomanari ikosie; komwan ŋes kotauke. Kitolomut asaduku naka Edeke, kibwaikis ŋes kidin owema loebubukinit Daudi kanuke: koinakis ainakineta nuieweio ka ainakineta nuka ainapakin kakonyen nuka Edeke, Kedau Daudi ainakin ainakinet naicweio ka ainakineta nuka ainapakin, kilipak ituŋa arereŋ kokiror loka EJAKAIT, Kokorak da ninitunanan yenika Isirael, ikiliok ka aŋor, ninidiopet emugati, aturosit naka akiriŋ, ka aluŋuret naka imusabibun lukeokito. Koseu ice luka Ilebin aiiaanakin koinaren kasaduku naka EJAKAIT, ainakin asuban ka aimal ka aiturit EJAKAIT, Edeke loka Isirael: Asap lokapolon, kotupite ŋes Sekaria, Yeiel, ka Semiramot, ka Yekiel, ka Matitia, ka Eliab, ka Benaia, ka Obed-edom, ka Yeiel, keiaas kisabulin ka adeudeun; ka Asap keiaas kikacwi, aituru kes; ka Benaia ka Yakasiel isasedotin kejaas karupepen tiritir, koinaren kasaduku naka aitutuket naka Edeke. Kosodi kapaaran kaŋin kisiau Daudi aitemokin aimal EJAKAIT, kama ka Asap ka iinacanake. Kimalata EJAKAIT, kiworoto ekekiror; Kitejenutu aswamisioke otuŋa, Koyeikisi ŋes, koyeikisi aiturit ŋes; Kitatamata aswamisioke kere nukaumokin. Kitubusikina kokirorike lokalaunan: Kolakaros itauon luka ŋul kaluemoete EJAKAIT. Komoata EJAKAIT ka akegogoŋ; Komoata akonyeneke ikar kere. Kiitutu akeswamisio nukaumokin nueswama; Nukaumokinike, ka itubesia luka aitukuke. Wu yes aur naka Isirael ekeiaanakinanike, Yes idwe luka Yakob, luseunake. Ŋes EJAKAIT Ewokodeke: Iketubesia eia akwap kere. Kiitutu aitutuketcke ikar kere, Akirot naabu kicorak aturlo alukumit; Aitutuket naetutuki ŋesi kAburaam, Ka aiyapositike mama ejai Isaak; Kitogogon da ŋipeŋin mama ejai Yakob araun ekisil, Mama ejai Isirael araun aitutuket namam edaun. Ebe, “Kainakini jo akwap naka Kanaan, Ewai loka airumetekon.” Nakiraatar yesi ituŋa luikidioko; Eebo, luikidioko noi, kiboiororoto kotomake; Kirimete kateker kiton ateker, Anyoun kajakanut adiopet kiton otuŋa ice. Mam abu koeamak idiotuŋanan aikonakin kes erono; Eebo, abu kitoron ikabakan kanukee; Kobala ebe, “Sirikitirosi lukinyonyoikitonoka akinyet, Sirikiswamakis ikanabin aronis.” Koyeikisi EJAKAIT, yes akwapin kere; Kitodiasi akeitaiar ninlpaaran. Kolimosi aibusesuke katekerin, Aswamisioke nukaumokin kotuna kere. Naarai epol EJAKAIT, loibusakinit noi aiturio: Loibusakinit ayonio adepar idekesio kere. Naarai idekesio kere luka ituŋa eraas aputosia: Konye EJAKAIT ŋes asubi akui, Aibuses ka apolou ejaas akonyeneke: Agogoŋ ka aiyalama ejaas aiboisike, Koinakis EJAKAIT, yes atekerin nuka ituŋa, Koinakis EJAKAIT aibuses ka agogoŋ, Koinakis EJAKAIT aibuses naibusakinit ekekiror: Koyautu ainakinet, kopotu kakonyeneke. Komaata EJAKAIT konapito luelaete, Komaran kakonyeneke, akwap kere: Icasit akwap da, komam epedori aijaŋijaŋa. Kiyalamikin akuj, kole! akwap; Kolimosi katekerin ebe, “Irumit EJAKAIT,” Kirurum aŋolol, ka ailelebake; Kolel ekitui, ka luejaas toma kere; Kosodete do ikito luka amagoro ayoore kanuka aiyalama Kakonyen nuka EJAKAIT, Naarai ebunit atubokin akwap, Kimalata do EJAKAIT: naarai ejok ŋesi: Naarai eiaenena akeitim ikar kere. Kobalasi ebe, “Kitajarai sio, Wu Edeke loka aitaiarakosi, Kotukonokinai sio koyuunai katekerin, Aimalaenen ekonikiror lokalaunan, Kebwonananas kotoma aiturit joo Kituritete EJAKAIT, Edeke loka Isirael, Ameun ikar luno kiton ikar kere!” Kobalas ituŋa kere ebe, “Amen,” kituroto EJAKAIT. Abu kitasal Asap ka iinaeanake kanen, koinaren kasaduku naka aitutuket naka EJAKAIT, aiiaanakin tiritir koinaren kasaduku, kwape kibusakinitor aswam naka ŋinipaaran: ka Obed-edom ka iinaeanakee, akaisakanykape ka ikanykauni; Obed-edom da okoku loka Yedutun ka Kosa araun ikagolok; ka Sadok esasedoti, ka ikeinaean isasedotin, koinaren kewema lokalaunan loka EJAKAIT toma aibois naieelelei naajai Gibeon. Ainanakin ainakineta nuieweio mama ejai EJAKAIT kotem loka ainakineta nuieweio tiritir tupuruc ka eboŋ, kwape ajaatar kere nuiwadikatai kokisila luka EJAKAIT, luabu ŋesi kicorak Isirael; Keman da ka Yedutun kakes, ka ice luaseunitai, luabilitai ikiroriakee, aimalaenen EJAKAIT, naarai ejaenena akeitim ikar kere; Keman da ka Yedutun ka kes keiaas karupepen ka ikacwi kanuka nul kaluituruete, ka iboro luka ikososinei luka Edeke: odwe luka Yedutun da ajaut okek. Konyout ituŋa kere, kolot ninitunanan oreke: kobono Daudi ailipakin etogoke arereŋ. Kosodi kanen, kiboikin Daudi togoke, kotema Daudi Natan enabi atiar, “Koany, eboie eoŋ kotogo loka eres, konye iboie asaduku naka aitutuket naka EJAKAIT kotoma aigalisio.” Kotema Natan Daudi atiar, “Kiswama kere nuejaas otaukon; naarai ejai EJAKAIT kajo.” Kosodi kanen kakuare kaŋin, kobu akirot naka Edeke mama ejai Natan ebe, “Kolot kolimok Daudi ekakeiaanakinan ebe, ‘Inera EJAKAIT kwanata ebe, Mam jo idukokini eoŋ etogo loeboieneno: Naarai mam eoŋ eboikino togo ageun kapaaran naetolomunia Isirael kiton lolo: konye alosenenei anyoun kowema kiton owema, anyoun kowema lokalaunan kiton ece da. Kaiboisio kere nualosenen kaIsirael kere, abu eoŋ kener akirot kedio kokatubok luka Isirael, lueeorakinit aitanyam ikatuŋa ebe, “Kanukinyo mam yes kidukokiniata eoŋ etogo loka eres?’” Aso do kolimok Daudi ekakejaanakinan kwanata ebe, ‘Inera EJAKAIT loka ajoresio kwanata ebe, Abu kalem jo korony, katupit amerekekin, tetere iraun ekapolon ayait ikatuŋa Isirael: Ajaenena eoŋ kaio kama ilosenenei kere, amudia lukasurupokon kere kakonyenekon; etuluor jo ekiror, kwape ekiror loka lukapolok luejaas kakwap. Aseikini ikatuŋa Isirael aibois, eraikini kes, tetere iboiete aiboisikec, komam bobo itwobosete; komam bobo idwe luka aronis iticanete kes, kwape lem sek, Kwape kapaaran naeeorakinia eoŋ ikatubok ayait ikatuŋa Isirael; etonokokiari lukasurupokon kere. Bobo da alimokini jo ebe kidukokini EJAKAIT etogo. Kosodi kanen, kedoloto apaarasiakon, ilosi ijo ajaut kalukapapaakon, adakakini eoŋ aurikon naetupakini naelomuni kodwekon; etieasi da ajakanutuke. Ŋol ŋes kadukokini etogo, etieasi eoŋ ekeicoloŋ loka ajakanut ikar kere. Araun eoŋ papake, ŋes da eraun okokuka: mam alemari akaitim kamake, kwape abu kalemaria kama kanol kalokinarenikinit jo: Konye etogogoŋi eoŋ ŋes kotoma togoka, kaiakanutuka da ikar kere; itieasio ekeicoloŋ loka ajakanut ikar kere.’’’ Kwape ejaatar akiro ŋun kere, kwape ejaar aitapoet ŋin kere, kolimok Natan Daudi kwaŋin, Kosodi Daudi ekabaka alomar, kiboikin kakonyen nuka EJAKAIT: kotema atiar, “Eoŋ iŋai, wu EJAKAIT Edeke; ekatogo da inyo, ijo aitodolun eoŋ kiton kwana? Kerai ŋin da akirot naedit kakonyenekon, wu Edeke; konye iner ijo nuka ekek loka ekeiaanakinanikon kokar luipu noi luepote, isesen eoŋ kwape araar etuŋanan loitopolooritai, wu EJAKAIT Edeke, Inyo bobo epedori Daudi alimokin jo nuka aibuses naisubakinitai ekonikejaanakinan? Naarai iieni ekonikeiaanakinan. Wu EJAKAIT, iswama ijo apolou na kere, kanuka ekejaanakinanikon, kwape ejaar ekonitau da, aiteienun akiro nu kere nukapolok. Wu EJAKAIT, emamei yeneputos kajo, emamei da Edeke ece dimarai ijo, kwape ajaatar kere nukipou keirasi kakosiki. Ani bo ateker adio kakwap naeputos kikonituna Isirael, luabu Edeke kolot alakun kanuke araun ituŋa, adumakin ekiror kakiro nukos ka nusogim, irenei atekerin kakonyen nuka ikonituŋa luibu kolaku koMisiri? Naarai ikonituŋa Isiraei ibu kitarau ikonituŋa ikar kere; ijo da, EJAKAIT, ibu koraun Edekekec. Aso do, wu EJAKAIT, kitogogonoi akirot naibu kiner naka ekonikeiaanakinan, ka ekekike ikar kere, kiswama kwape kineria. Kicat ekonikiror, kitopolooroi ikar kere ebe, EJAKAIT loka ajoresio ŋes Edeke loka Isirael, Edeke mama ejai Isirael: iticasio ekek loka ekonikejaanakinan Daudi kakonyenekon. Naarai ijo, wu Ekadeke, ipukokinit ekonikejaanakinan ebe idukokini ijo ŋes ekek; kanuka mm etitinior ekonikejaanakinan kotauke ailip kakonyenekon. Aso do wu EJAKAIT, irai ijo Edeke, isumunik ekonikeiaanakinan akirot nin naejok: Kitoiok ijo aisireren ekek loka ekonikejaanakinan, kiyatanakinenei kakonyenekon ikar kere: naarai ijo, wu EJAKAIT, ibu kisireren, ido isirerenitoi ikar kere.” Kosodi kanen akaulo kanun, kodany Daudi Ipilisitian, kipiko kes, kodemu Gat ka ireriake kakan naka Ipilisitian. Kodany Moab; koraut Imoabin ikejaanakinak luka Daudi koyaut ainakineta. Kitoii Daudi Kadareser ekabaka loka Soba kiton Kamat, nakelosio aitieat ayaiteke eiduny kecor Eupurat. Kolema Daudi kamake agalin alukumit, ka ikebwanenok ilukumin ikanykaarei, ka lualosete kakeie ilukumin akaisaarei: kitwanal Daudi ibalasin kere luka agalin, konye kinadak kakes luka agalin akwatat. Kepotu Isurian luka Damasiko aisigalikin Kadareser ekabaka loka Soba, kodany Daudi ituŋa ilukumin akaisaarei ka luarei luka Isurian. Kosodi Daudi aibwaikin atukon nuka iserikalen Suria loka Damasiko; koraut Isurian ikejaanakinak luka Daudi, koyaut ainakineta. Koinak EJAKAIT Daudi aipikor kama kelosenenei kere. Konatu Daudi ibukui luka esabu lukeiaas kikejaanakinak luka Kadareser, koyau kes Yerusalem. Konatu Daudi aisinit naepol noi koTibat, ko Cun, ireria luka Kadereser, naabu Solomon kiswamaa aŋolol naka aisinit, ka ipirin, ka iboro luka aisinit. Kepupu Tou ekabaka loka Kamat ebe adany Daudi aiore kere naka Kadareser ekabaka loka Soba, abu kijuka Kadoram okokuke mama ejai ekabaka Daudi, ayogan ŋes, ailipakin ŋes arereŋ, naarai etijiit Kadareser kodany ŋes; naarai abu Kadareser kitijiite Tou; kejaas kaŋes iponesio kere luka iboro luka esabu ka epuesa ka aisinit. Ŋul da abu Daudi kotiakak EJAKAIT, nepepe kepuesa ka esabu loabu konaru katekerin kere; kama ka Edom, ka Moab, kodwe luka Amon, koPilisitian, ka Amalek da. Bobo da abu Abisai okoku loka Seruia kodany ilukumin itomon ka lukanykauni luka Idomein kAditot naka Abalaŋ, Kibwaik atukon nuka iserikalen Edom; koraut Idomein kere ikejaanakinak luka Daudi. Koinak EJAKAIT Daudi aipikor kama kelosenenei kere. Kirum Daudi Isirael kere; kitodolenenei itubesia ka nuetenito kotuŋake kere. Kopolokinite Yoab okoku loka Seruia ajore; kerai Yekosapat okoku loka Akilud ekesiitonokinan. Sadok okoku loka Akitub, ka Abimelek okoku loka Abiatar keraas isasedotin; kerai Sabusa ekalani; Kopolokinite Benaia okoku loka Yekoiada Ikeretin ka Ipeletin; keraas odwe luka Daudi ikapolok eiduny kekabaka. Kosodi kanen, akaulo kanun, kotwana Nakas ekabaka loka idwe luka Amon, kirum okokuke aiboisike, Kotema Daudi atiar, “Ketodi kini Kanun okoku loka Nakas asianut, naarai abu papake ketodik eoŋ asianut.” Kijuka Daudi ikiyakia aitalakar ŋes kanuka papake. Kopotu ikejaanakinak luka Daudi akwap naka idwe luka Amon mama ejai Kanun, aitalakar ŋes. Konye apotu ikapolok luka idwe luka Amon kotemasi ŋes atiar, “Iwomit ijo ebe eyonit Daudi papakon, aijukakin jo lukitalakarete? Mam kereka eponito ikejaanakinakake airere, ka amudiar, ka airot akwap?” Koyana do Kanun ikeiaanakinak luka Daudi, kobaren kes, kotuboto ikeeenapen kokidin, kiton oosikee, kotwara kes, Kosodete ice alosit, kolimokis Daudi kwape kikonakinere ituŋa, Kijuka airiamakin kakes; naarai eleicikinito noi ituŋa. Kotema ekabaka atiar, “Kopaikis Yeriko aitodol neecekuniata ipenekakus, kosodete konyet aboŋun.” Nakeanyuniata idwe luka Amon ebe arokiata kesi kamaka Daudi, kijuka Kanun ka idwe luka Amon atalatan alukumit nuka epuesa aiboleikin agalin ka ikebwanenok koMesopotamia, koAram-maaka, ido koSoba. Kwaijin kiboleikis agalin alukumin akaisauni ka nuarei, ka ekabaka loka Maaka ka ikejaanakinakake; luapotu kidukuroto koinaren ka Medeba. Kotukonokinos idwe luka Amon anyoun koreriakec, kopotu ejie. Kepupu Daudi nun, kijuka Yoab, ka aiore kere naka ituŋa lukirigin. Kolomut idwe luka Amon, kiderakinos ejie korute loka ere: ikabakan luapotu kopotu kejaas bonik orony. Nakeanyunia Yoab ebe ejai ejie kinaren kokau da, koseu ituŋa kere luaseunitai koIsirael, kiderak kes aitiii Isurian. Kititin Abisai onaeeke ituŋa ice kere, kiderakinos kesi aitiji idwe luka Amon. Kotema atiar, “Arai keetelekasi Isurian eoŋ, kosodi ijo aisigalikin eoŋ: konye arai kiitelekasi idwe luka Amon jo, kasodi eoŋ aisigalikin jo. Kotitinior, ketodiasi ekiliokone kanuka ituŋawok, ka ireria luka Edekewok: kiswama EJAKAIT nuitojokit ŋesi.” Kikunyak do Yoab ka ituŋa lukejaas kaŋes aitiji Isurian; kokerata kakonyeneke. Keanyut idwe luka Amon ebe akerata Isurian, kokerata kesi da kakonyen nuka Abisai onaceke, kolomasi ore, Kosodi Yoab abunore Yerusalem. Keanyut Isurian ebe epikor kes kakonyen nuka Isirael, kijukasi ikiyakia, kitolomut Isurian lukejaas okekwa juwai kEcor, kinarenik kes Sopak ekapolon loka aiore naka Kadareser. Kolimokinai Daudi; kotukonok Isirael kere, kodok Yorodan, kobunok kes, kiderakin ejie aitiji kes. Kosodi kedau Daudi aiderakin ejie aitiii Isurian, kojioto. Kokerata Isurian kakonyen nuka Isirael; koar Daudi luka Isurian, ituŋa luka agalin alukumin akanykaarei, ka lualosete kakeje ilukumin akaisaoŋon, koar da Sopak ekapolon loka aiore, Keanyut ikejaanakinak luka Kadareser ebe epikor kes kakonyen nuka Isirael, kitutukoto kaDaudi nukainapakin, kijaanakis ŋes: koneroto Isurian aisigalikin bobo idwe luka Amon. Kosodi kanen, kedolu ekaru, kapak naalomariata ikabakan ejie, kinarenik Yoab agogoŋ naka aiore, kicanican akwap naka idwe luka Amon, kopotu kirigaut Raba, Konye kosalak Daudi Yerusalem, Kodany Yoab Raba, komudia. Kolem Daudi aboko naka ekabakakee kakouke, kinin alaŋiruke atalata naka esabu, keiaas amor nuka akais nuipu tomake; kidokokinoi akou naka Daudi, kitolom Iunatuna lukore luipu noi. Kitolom da ituŋa lukejaas nen, kotub kes kimusumenin, ka asua nuboket, ka aepei. Kiswamak Daudi ireria kere luka idwe luka Amon kwaŋin, Kobono Daudi ka ituŋa kere Yerusalem. Kosodi kanen kokau kanun, koiau bobo ejie ka Ipilisitian koGeser: kosodi Sibekai Ekusatit aiar Sipai, loka odwe luka ekekososon: aponi kipikoroi. Kosodi kojau bobo ejie ka Ipilisitian: koar Elanan okoku leka Yair Lami onace loka Goliat Egitit, koputos amorok naka akwarake bala akitoi naesonyere. Kosodi koiau bobo ejie koGat, kejai kanen etuŋanan lokaojan, lokeiaas ibokor akaisaarei ka luonon, ikanykape luka ninikan, ka ikanykape luka ŋinikeiu; ŋes da aurikinio ekekososon. Naamwanitor ŋesi Isirael, abu Yonatan okoku loka Simea onaee loka Daudi koar ŋes, Aurikinio nul ekekososon koGat; kibiroros kakan naka Daudi, kakan da naka ikekeiaanakinak. Konyoik Satan aluikin Isirael, kisidik Daudi aimar Isirael. Kotema Daudi Yoab ka ikapolok luka ituŋa ebe, “Koloto, kimarata Isirael anyoun koBeer-seba kiton Dan; kinyakutu akiro, kaien eoŋ etiaikee.” Kotema Yoab atiar, “Kiyatak EJAKAIT iketuŋa kwape ejaar etiaikee irwan akwatar: konye, ekajakait ekabaka, mere kes kere ikeiaanakinak luka ekabaka? Kanukinyo ekotor ekaiakait akirot na? Kanukinyo kitagwaunia ŋesi Isirael?” Konye kiteleka akirot naka ekabaka Yoab. Tape Yoab enyouni, kitor anatar Isirael kere, kobu Yerusalem. Kobil Yoab etiai loka ituŋa Iuemari ŋesi mama ejai Daudi. Ŋul kere luka Isirael emwaasi ilukumin elukumit ka ilukumin akwatat luautununete ikileŋa: emwaasi ituŋa luka Yuda ilukumin akwat aoŋon ka ilukumin akaisakanykaarei luautununete ikileŋa. Konye mam abu kimar Lebi ka Benyamin kotomakec: naarai apagalikinit akirot naka ekabaka Yoab. Kokadak Edeke akirot nin: tape edanyi Isirael. Kotema Daudi Edeke atiar, “Adiaka eoŋ noi, naarai eswama eoŋ akirot nin: konye kwana, keŋaiŋait, kolema numam adolit nuka ekonikeiaanakinan; naarai es wama eoŋ nukabaŋaanut naepol.” Kotema EJAKAIT Gad, ŋes ekadwaran loka Daudi atiar, “Kolot kolimok Daudi ebe, ‘Inera EJAKAIT kwanata ebe, Kejaik jo akiro auni; koseu ijo adiopet kakesi, tetere keswamakini jo.’’’ Kobu do Gad mama ejai Daudi, kotema ŋes atiar, “Inera EJAKAIT kwanata ebe, Koseu naikoto; Arai bo ikar iuni luka ebeli; arai ilapio iuni amudiario kakonyen nuka lukasurupokon, kodolok jo ekileŋ loka lukasurupokon; arai bo apaarasia auni ekileŋ loka EJAKAIT, atular kakwap, emudiari emalaika loka EJAKAIT anatar ariino kerc nuka Isirael. Aso do koomoom nuaboŋokini eoŋ ŋol lokejukuni.” Kotema Daudi Gad atiar, “Katiokikis noi: mere kebirokin akan naka EJAKAIT: naarai, epol noi akeitim: kenyek aibirokin akan naka ituŋanan.” Kijuk EJAKAIT atular toma Isirael: kotwakata ituŋa ilukumin akaisakanykaarei luka Isirael. Kijuka Edeke emalaika Yerusalem amudiar ŋes: konye napebala ŋesi emudiari, kosesen EJAKAIT, kiitu ŋesi aronis, kotema emalaika loamudiari ebe, “Adolo do: kinyaka akonikan.” Abwoi emalaika loka EJAKAIT eiduny kepeial loka Orunan Eyebusit. Kiteluo Daudi akonyeneke, koanyu emalaika loka EJAKAIT ebwoi kidin kakuj ka akwap, kitiŋite ekileŋ loautuno kakanike, koriorite adoditor Yerusalem, Kosodi Daudi ka imakio aibiror ebuburia, konapitos ipukoi. Kotema Daudi Edeke atiar, “Mere eoŋ loabu kecorak aimar ituŋa? Ŋes eoŋ loabu kadiaka eswama nukaronok; konye amerekekin nu, eswamata anyoika? Kenainait, wu EJAKAIT Ekadeke, kaluik eoŋ akonikan, ka ekek loka papaka; konye kinyek aluikin ikonituŋa, atular kes.” Kosodi emalaika loka EJAKAIT aicorakin Gad alimokin Daudi ebe, kolot Daudi, adukokin EJAKAIT etem opejal loka Orunan Eyebusit. Kolot Daudi kakirot naka Gad, naalimokinit ŋesi kokiror loka EJAKAIT, Kibelokin Orunan, koany emalaika; konopata odweke iwonon lukeiaas kaŋes, Eeomi Orunan akima, Kebuni Daudi mama ejai Orunan, kosesen Orunan koany Daudi, kolom kopeial, kokukum mama ejai Daudi kitulurite akekou. Kosodi Daudi atemar Orunan atiar, “Koinakinai eoŋ aibois naka epejal kalo, kadukok EJAKAIT etem: koinakinai eoŋ kataeakini jo etiaike kere: tetere enaŋi atular kotuna.’ Kotema Orunan Daudi atiar, “Koyaŋa ŋes, kiswama ekajakait ekabaka nuitojokit kakonyeke: koany, ainakini jo imoŋin araun ainakineta nuieweio, ka iboro lukieomet kanuka akito, ka alos araun ainakinet naka akiria; ainakini kere.” Kotema ekabaka Daudi Orunan atiar, “Mam; konye abeit kigwelakin kotiaike kere: naarai mam ayaŋaari nukon ainakin EJAKAIT, karaida ainakin ainakinet naicweio kiboro kaluiinakina taai.” Koinak Daudi Orunan isekelin akwat akanykape luka esabu lueninio itia aibois. Kodukok Daudi EJAKAIT etem nepenen, koinak ainakineta nuieweio ka ainakineta nuka ainapakin, kiwone EJAKAIT; Koboŋok ŋes kakim naebuni kokuju kotem loka ainakineta nuieweio. Kicorak EJAKAIT emalaika; kinyakak bobo ekileŋ akuraruke. Kapak kaŋin, keanyu Daudi ebe abu EJAKAIT Koboŋok ŋes kopeial leka Orunan Eyebusit, kosodi konyet ainakin asuban kanen. Naarai kapak kaŋin kejai ewema lokalaunan loka EJAKAIT, loabu Musa kosub kamodiŋ, ka etem loka ainakineta nuieweio aibois naicelelei koGibeon. Konye koner Daudi alosit nen aiŋitun EJAKAIT: naarai akuriana ekileŋ loka emalaika loka EJAKAIT. Kosodi Daudi atemar atiar, “Lo ŋes etogo loka EJAKAIT Edeke, lo ŋes etem loka ainakineta nuieweio loka Isirael.” Kicorak Daudi atukonokin imo lukeiaas akwap naka Isirael; kibwaik ikadukok aike amor aiduk etogo loka Edeke, Kitemok Daudi asua nuipu noi nuka isumalin luka ikirigin luka irutei, ka luimorikikinete; ka aisinin nuipu noi numam ininos; ka iresia lumam imarunos; naarai apotu Isidonin ka luka Turo koyaut iresia luipu noi mama ejai Daudi. Kotema Daudi atiar, “Edit Solomon okokuka, enonok, kibusakinit etogo loekotoi adukokin EJAKAIT korai loitopolooritai, loka eemut, ka loka aibuses anatar akwapin kere: kanuka ŋun etemokini eoŋ iboroke.” Kitemok Daudi luipu noi eroko ketwana, Kosodi anyaraun Solomon okokuke, kicorak ŋes adukokin EJAKAIT, Edeke loka Isirael, etogo. Kotema Daudi Solomon okokuke atiar, “Kejai otaukan adukokin ekiror loka EJAKAIT Ekadeke etogo, Konye kobu akirot naka EJAKAIT mamakan ebe, ‘Ibuko ijo aokot nuipu, ijii noi: mam jo idukokini ekakiror etogo, naarai ibuko ijo aokot nuipu kakwap kakonyeneka: Koany, kiwurikinio jo esapat, loeraun etuŋanan loka ainapakin: esinapikini eoŋ ŋes kama kalukasurupoke kere luirimorito: naarai emaikinio ekekiror Solomon, ainakini eoŋ Isirael ainapakin ka aiyamakin kapaarasiake. Edukokini ŋesi ekakiror etogo; eraun ŋesi okokuka, eoŋ da araun papake; eticasi eicoloŋ loka ajakanutuke koIsirael ikar kere.’ Aso, ikakoku, koiai EJAKAIT kajo; kokerianar, koduk etogo loka EJAKAIT Ekonideke, kwape alimokinia ŋesi nukon. Konye ca koinak EJAKAIT jo acoa ka ajenun, kicorak jo nuka Isirael; tetere iricit ekisil loka EJAKAIT Ekonideke. Kwaŋin ikerianar, arai ikokit aitodol ikisila ka itubesia lueeorakinit EJAKAIT Musa nuka Isirael: kicat, kotitinior; sirikikurianar, kwabo sirikiyaloŋoŋ. Kwana, koany, kaitaaritoika abu ketemok etogo loka EJAKAIT atalatan alukumin akwatat nuka esabu, ka atalatan alukumin alukumit nuka epuesa; aisinin ka asua numam ininos; naarai ipu noi: abu ketemok da akito ka amor; iyatakini ijo da. Bobo da ejaas ikeswamak kaio luipu noi, ikaiepak ka ikeswamak amor ka akito, ka ituŋa kere luepiriaka kopone kere loka aswam; luka esabu, ka epuesa, ka aisinin, ka asua, mam imarunos; konyou, kiswama, koiai EJAKAIT kaio.” Kicorak da Daudi ikapolok kere luka Isirael aiŋarakin Solomon okokuke, ebe, “Mam kereka EJAKAIT Ekusideke ejai kayes? mam ŋes kisinapik yes kaŋoliwai? Naarai abu kiiaik lueboiete kakwap akanika; kenonokiar akwap kakonyen nuka EJAKAIT, kakonyen nuka iketuŋa da, Kwana kibwaikis itauonokus ka aijarakus amoot EJAKAIT Ekusideke; konyoutu do, kodukoto yesi aibois nakalaunan naka EJAKAIT Edeke, aitolomar asaduku naka aitutuket naka EJAKAIT, ka iboro lukalaunak luka Edeke, togo loekotoi adukokin ekiror loka EJAKAIT,” Amoion Daudi kodolot ikekar; kitarau Solomon okekuce ekabaka loka Isirael. Kotukonok ikapolok kere luka Isirael, ka isasedotin ka Ilebin. Aponi kimarai Ilebin ageun kaluka ikar akaisauni ka adepar; etiaikec kakwesikec, ŋinituŋanan, emwaasi ilukumin akaisauni ka lukanykauni. Ka nul, koanyanarcte ilukumin akaisaarei ka luonon aswam naka etogo loka EJAKAIT: ilukumin ikanykape kes ikapolokitok ka ikatubok: Ilukumin iwonon keraas ikagolok; kituritos da ilukumin iwonon EJAKAIT kiboro luabala Daudi ebe, “Abu eoŋ keswama kes aituritor.” Kotiaka Daudi kes toma abeanakin kwape ajaatar odwe luka Lebi; Gereson, ka Kokat, ka Merari. Luka Igeresonin; Ladan ka Simei. Odwe luka Ladan; Yekiel lokapolon, ka Setam, ka Yoel, iuni. Odwe luka Simei; Selomot, ka Kasiel, ka’ Karan, iuni. Ŋul kes ikapolok luka ikekia luka lukapapaa luka Ladan. Odwe luka Simei; Yakat, ka Sina, ka Yeus, ka Beria. Ŋul iwonon kes odwe luka Simei. Yakat ŋes lokapolon, Sisa lokiareit; konye amameete Yeus ka Beria odwe luipu; kanuka ŋun kimarakinitete araun ekek ediopet loka lukapapaakec. Odwe luka Kokat; Amuram, ka Isar, ka Keburon, ka Usiel, iwonon. Odwe luka Amuram; Aaron ka Musa: aponi Aaron kotiakai tetere etalauni iboro lukalaunak noi, ŋes ka odweke, ikar kere, aisupuruunun lukisupurununo kakonyen nuka EJAKAIT, aijaanakin ŋes, ka ailipenen arereŋ kokirorike ikar kere. Konye Musa, etuŋanan loka Edeke, aponi odweke komaikinai ateker naka Lebi. Odwe luka Musa; Geresom ka Elieser. Odwe luka Gercsom; Sebuellokapolon. Odwe luka Elieser kes Rekabia lokapolon. Amameete Elieser icedwe lusap; konye epu noi odwe luka Rekabia, Odwe luka Isar; Selomit lokapolon. Odwe luka Keburon; Yeria lokapolon, Amaria lokiareit, Yakasiel lokiwuniet, ka Yekameam lckiwononet. Odwe luka Usiel; Mika lokapolon, ka Isia lokiareit. Odwe luka Merari; Mali ka Musi. Odwe luka Mali; Eleasar ka Kis. Kotwana Eleasar, komameete idwe lusap, konye lupesur bon: komanyata ikeeeinaean odwe luka Kis kes. Odwe luka Musi; Mali, ka Eder, ka Yeremot, iuni. Ŋul kes odwe luka Lebi kwape ajaatar ikekia luka lukapapaakec, kes ikapolok luka ikekia luka lukapapaa luka ŋul kaluaponi kimarakinitete, kotiai loka ikiroria, kakwesikec, lueswamaete aswam naka aiiaanakin naka etogo loka EJAKAIT, ageun kaluka ikar akaisaarei ka adepar da. Naarai abala Daudi ebe, “Abu EJAKAIT, Edeke loka Isirael kisinapik iketuŋa; iboienenei ŋesi koYerusalem ikar kere. Mam bobo ipudas Ilebin adakar ewema lokalaunan ka iboroke kere luka aijaanakiniken.” Naarai kakiro nukawasia nuka Daudi aponi kimarai idwe luka Lebi, ageun kaluka ikar akaisaarei ka adepar. Naarai aswamukec ŋes aijaanakin odwe luka Aaron toma aijaanakin naka etogo loka EJAKAIT, alaroi, ka agolai, ka aiteseg iboro lukalaunak kere, ŋes aswam naka aijaanakin naka etogo loka Edeke. Naka imugatin luka aitodikin, ka akiria nuidicic nuka ainakinet naka akiria, arai nuka imugatin luebenen lumam itubuunitoi, arai lupeon, arai luipoo, kaiponesio kere luka aitem ka luka etiai; Abwoenen aimal ka aiturit EJAKAIT, ninitupuruc, ka abon da; Ainakin ainakineta nuieweio kere mama ejai EJAKAIT, kanuka asabaton, napilamununei elap, kopucin lueseunitai, kotiai kwape kejaar aicorakinetekec, tiritir kakonyen nuka EJAKAIT: Tetere iricete aidar ewema loka airiamunun, ka aidar aibois nakalaunan, ka aidar iinacanakee odwe luka Aaron, aijaanakin kotogo loka EJAKAIT. Abeanakin naka odwe luka Aaron ŋes na. Odwe luka Aaron; Nadab ka Abiku, ka Eleasar ka Itamar, Konye apotu Nadab ka Abiku kotwakata eriŋa papakec, komameete kes idwe; kanuka nun kiswamata Eleasar ka Itamar esasedotene, Abu Daudi nepepe ka Sadok lokodwe luka Eleasar, ka Akimelek lokodwe luka Itamar kotiak kes kwape ajaar aitemonokin naka aijaanakinikec. Aponi kodumunai lukapolok luipu lukodwe luka Eleasar adepar odwe luka Itamar; aponi kotiakai kwanata: emwaasi lukodwe luka Eleasar itomon ka lukanykape, lukapolok luka ikekia luka Iukapapaakec; ka lukodwe luka Itamar kwape ajaatar ikekia luka lukapapaakec emwaasi ikanykauni. Aponi kotiakai koroet kopone ediopet kere; naarai kejaas ikapolok luka kibois nakalaunan, ka ikapolok luka Edeke, lukodwe luka Eleasar, ka lukodwe luka Itamar da. Abu Semaia okoku loka Netanel ekewadikan, lokerai loka Ilebin, kiwadik kes kakonyen nuka ekabaka, ka ikapolok, ka Sadok esasedoti, ka Abimelek okoku loka Abiatar, ka Ikapolok luka ikekia luka Iukapapaakec luka isasedotin ka Ilebin; aponi kolemunai ekek ediopet loka lukapapaakec luka isasedotin ka Ilebin; aponi kolemunai ekek ediopet loka lukapapaakec kanuka Eleasar, ka ediopet kanuka Itamar. Kobeik eroet losodit Yekoiarib, lokiareit Yedaia; Lokiwuniet Karim, lokiwononet Seorim; Lokikanyet Malikiya, lokikanyetekape Miyamin; Lokikanyetekaarei Kakos, lokikanyetekauni Abiya; Lokikanyetekaonon Yesua, lokitomonet Sekania; Lokitomonet ka lodiopet Eliasib, lokitomonet kaarei Yakim; Lokitomonet kauni Kupa, lokitomonet kaonon Yesebeab; Lokitomonet kakany Biliga, lokitomonet kakanykape Imer; Lokitomonet kakanykaarei Kesir, lokitomonet kakanykauni Kapises; Lokitomonet kakanykaonon Petakia, lokakaisaarei Yekesikel; Lokakaisaarei ka lodiopet Yakin, lokakaisaarei ka luarei Gamul; Lokakaisaarei ka luuni Delaia, lokakaisaarei ka luonon Maasia. Ŋin ŋes abeanakinikec kaiiaanakinikec, alomar togo loka EJAKAIT kwape ajaar aicorakinet naainakinitai kes kama ka Aaron papaakee, kwape ecorakinitor kes EJAKAIT, Edeke loka Isirael. Luka luedeunos lukodwe luka Lebi: lukodwe luka Amuram, Subael; lukodwe luka Subael, Yedeia, Luka Rekabia: lokodwe luka Rekabia, Isia lokapolon. Luka Isarin, Selomot; lokodwe luka Selomot, Yakat. Odwe luka Keburon; Yeria lokapolon, Amaria lokiareit, Yakasiel lokiwuniet, Yekameam lokiwononet, Odwe luka Usiel, Mika; lokodwe luka Mika, Samir. Onaee loka Mika, Isia: lokodwe luka Isia, Sekaria. Odwe luka Merari; Mali ka Musi; odwe luka Yaasia; Beno, Odwe luka Merari; luka Yaasia, Beno, ka Sokam, ka Sakur, ka Ibiri. Loka Mali; Eleasar, loamameete idwe lusap, Luka Kis; odwe luka Kis, Yerameel, Odwe luka Musi; Mali, ka Eder, ka Yerimot. Ŋul kes odwe luka Ilebin kwape ajaatar ikekia luka lukapapaakec. Ŋul da apotu kilamilamata kwape kiinacanakee odwe luka Aaron kakonyen nuka Daudi ekabaka, ka Sadok, ka Akimelek, ka ikapolok luka ikekia luka lukapapaa luka isasedotin ka Ilebin; ikekia luka lukapapaa luka lokapolon kwape ka nul luka onaceke lodidi. Bobo da abu Daudi ka ikapolok luka aiore kotiak ice lukodwe luka Asap, ka luka Keman, ka luka Yedutun, aijaanakin, luedwarete kadeudeun, ka isabulin, ka ikacwi: lo ŋes etiaikec kanul kalueswamaete aswam kwape ajaar aijaanakinikec: Lukodwe luka Asap; Sakur, ka Yosep, ka Netania, ka Asarela, odwe luka Asap; kakan naka Asap luadwarenenete kwape ajaar aicorakinet naka ekabaka, Luka Yedutun: odwe luka Yedutun; Gedalia, ka Seri, ka Yesaia, ka Kasabia, ka Matitia, ikanykape; kakan naka papakec Yedutun kadeudeu, luadwarenenete kaimal kaiturit EJAKAIT. Luka Keman: odwe luka Keman; Bukia, ka Matania, ka Usiel, ka Sebuel, ka Yerimot, ka Kanania, ka Kanani, ka Eliata, ka Gidaliti, ka Romamiti-eser, ka Yosebekasa, ka Maloti, ka Kotir, ka Makasiot: Ŋul kere odwe luka Keman ekadwaran loka ekabaka kakiro nuka Edeke, aikeun amumwarat. Abu Edeke koinak Keman idwe lusap itomon ka luonon ka lupesur iuni. Ŋul kere kejaas kakan naka papakee ayoore kotogo loka EJAKAIT, kikacwi, ka isabulin, ka adeudeun, aijaanakin kotogo loka Edeke; Asap, ka Yedutun, ka Keman lukeiaas kaicorakinet naka ekabaka, Etiaikee, nepepe kiinacanakec luetuutooritai ayeonokin EJAKAIT, kes kere lukepiriaka, emwaasi akwat aarei ka akaisakanykauni ka ikanykauni. Apotu kilamilamata ajenun abeanakinikec, kere koriakanara, ludidik ka lukapolok, ekesisianakinan ka ekesisian. Kobeik eroet losodit Yosep loka Asap; lokiareit Gedalia; ŋes ka iinaeanake ka odweke emwaasi itomon kaluarei. Lokiwuniet Sakur, odweke ka iinaeanake, itomon ka luarei: Lokiwononet Isiri, odweke ka iinaeanake, itomon ka luarei. Lokikanyet Netania, odweke ka iinaeanake, itomon ka luarei, Lokikanyetekape Bukia, odweke ka iinaeanake, itomon ka luarei. Lokikanyetekaarei Yesarela, odweke ka iinaeanake, itomon ka luarei. Lokikanyetekauni Yesaia, odweke ka iinaeanake, itomon ka luarei. Lokikanyetekaonon Matania, odweke ka iinacanake, itomon ka luarei. Lokitomonet Simei, odweke ka iinacanake, itomon ka luarei. Lokitomonet ka lodiopet Asarel, odweke ka iinacanake, itomon ka luarei. Lokitomonet kaarei Kasabia, odweke ka iinaeanake, itomon ka luarei. Lokitomonet kauni Subael, odweke ka iinacanake, itomon ka luarei. Lokitomonet kaonon Matitia, odweke ka iinaeanake, itomon ka luarei. Lokitomonet kakany Yeremot, odweke ka iinaeanake, itomon ka luarei. Lokitomonet kakanykape Kanaia, odweke ka iinacanake, itomon ka luarei, Lokitomonet kakanykaarei Yosebekasa, odweke ka iinacanake, itomon ka luarei. Lokitomonet kakanykauni Kanani, odweke ka iinaeanake, itomon ka luarei. Lokitomonet kakanykaonon Maloti, odweke ka iinaeanake, itomon ka luarei. Lokakaisaarei Eliata, odweke ka iinaeanake, itomon ka luarei. Lokakaisaarei ka lodiopet Kotir, odweke ka iinaeanake, itomon ka luarei. Lokakaisaarei ka luarei Gidaliti, odweke ka iinaeanake, itomon ka luarei. Lokakaisaarei ka luuni Makasiot, odweke ka iinacanake, itomon ka luarei. Lokakaisaarei ka luonon Romamitieser, odweke ka iinaeanake, itomon ka luarei. Abeanakin naka ikagolok: luka Ikorakin; Meselemia okoku loka Kore, lokodwe luka Asap. Ajaas Meselemia idwe lusap; Sekaria ekiyai, Yediaellokiareit, Sebadia lokiwuniet, Yatiniel, lokiwoŋonet; Elam lokikanyet, Yekokanan lokikanyetekape, Eliekoenai lokikanyetekaarei. Ajaas Obed-edom idwe lusap; Semaia ekiyai, Yekosaba lokiareit, Yoa lokiwuniet, Sakar lokiwononet, ka Netanellokikanyet; Amiellokikanyetekape, Isakar lokikanyetekaarei, Peuletai lokikanyetekauni: naarai kisireren Edeke ŋes, Aponi kourikinai Semaia da okokuke idwe lusap, Iukeyaito ekek loka papakee: naarai keraas ituŋa lukirigin luetitin. Odwe luka Semaia; Otini, ka Repael, ka Obed, ka Elisabad, lukeraas iinaeanake ituŋa luetitin, Eliku, ka Semakia. Ŋul kere odwe luka Obed-edom; kes ka odwekee ka iinaeanakee, ituŋa lukapedor ka agogoŋ aijaanakin; akaisakanykape ka luarei luka Obed-edom. Ajaas Meselemia idwe lusap ka iinaean, ituŋa luetitin, itomon ka lukanykauni. Kosa da, lokodwe luka Merari, ajaas ŋes idwe lusap; Simiri lokapolon (naarai abu papake kitarau ŋes lokapolon kwabo mam kerai ekiyai); Kilikia lokiareit, Tebalia lokiwuniet, Sekaria lokiwononet: odwe ka iinaean kere luka Kosa emwaasi itomon ka luuni. Kotoma kanul kobeanakinos ikagolok, ituŋa lukapolok, lukejaas nukisinadio, kwape kiinaeanakee, aiiaanakin kotogo loka EJAKAIT, Apotu kilamilamata, ludidik kwape kalukapolok, kwapc ajaatar ikekia luka lukapapaakee, kanuka nolirute. Kobeik Selemia eroet lokokide. Kosodete ailamilamikin Sekaria okokuke, ekapetan akiro lokeeobe; kobeik ekeroet ari naka agolitomei, Kobeik Obed-edom ari naka eŋalakimak: ka odweke etogo loka ainad. Kobeik Supim ka Kosa ari nakoto, erute loka Saleket, nekejai eititiria loedokari, kiteonoro ikedarak kaluee. Keiaas Ilebin ikanykape ari nakokide, iwonon ninipaaran ari naka agolitomei, iwonon ninipaaran ari naka eŋalakimak, ka iareiarei kanuka etogo loka ainad, Kanuka Parabar ari nakoto, iwonon neejai eititiria, ka iarei oParabar. Ŋun kes abeanakineta nuka ikagolok; lukodwe luka Ikorakin, ka lukodwe luka Merari. Luka Ilebin, kopolokinite Akiya aiŋadisia nuka etogo loka Edeke, ka aiŋadisia nuka iboro luketiakunitai, Odwe luka Ladan; odwe luka Igeresonin lukeraas luka Ladan, ikapolok luka ikekia luka lukapapaakee lukeraas luka Ladan Egeresonit; Yekieli. Odwe luka Yekieli; Setam, ka Yoel onaeeke, kopolokinito aiŋadisia nuka etogo loka EJAKAIT, Luka Imuramain, luka Isarin, ka luka Ikeburonin, ka luka Iusielin; Kerai Sebuel okoku loka Geresom, okoku loka Musa ekayaiton aiŋadisia. Ka iinacanake; loka Elieser kobu Rekabia okokuke ka Yesaia okokuke, ka Yoram okokuke, ka Sikiri okokuke, ka Selemot okokuke, Kopolokinite Selemot ŋol ka ikeinaean aiŋadisia kere nuka iboro luatiakunitai, luapotu Daudi, ka ikapolok luka ikekia luka lukapapaakee, ikapolok luka ilukumin, ka lukakwatat, ka ikapolok luka aiore kotiakasi. Luka lunatuna luadumunete koiiisio apotu kotiakasi aiteteun etogo loka EJAKAIT, Kere da luabu Samuel ekadwaran, ka Saul okoku loka Kis, ka Abiner okoku loka Ner, ka Yoab okoku loka Seruia, kotiak; ŋinibore kere yeniketiakunitai, kerai nin yenikakan naka Selemot ka iinaeanake. Luka Isarin, apotu Kenania ka odweke kiswamata aswam nakokina koIsirael, araut ikapolokitok ka ikatubok. Luka Ikeburonin, Kasabia ka iinaeanake, ituŋa Iuetitiŋ, elukumit ka akwat akanykaarei, kopolokinito Isirael okekwa juwai Yorodan ari nakoto; kanuka aswam kere naka EJAKAIT, ido aijaanakin ekabaka. Luka Ikeburonin kerai Yeriya lokapolon, loka Ikeburonin, kwape ajaar aurikee kwape ajaatar ikekia luka lukapapaakec. Kokaru loka akaisaoŋon loka airum naka Daudi aponi komoai, ido kodumunai kakesi ituŋa lukirigin luetitin koYaser loka Gilead. Iinaeanake, ituŋa luetitin, emwaasi ilukumin iarei ka akwat akanykaarei, ikapolok luka ikekia luka lukapapaakee, luabu Daudi kitarau ikapolokitok luka Ireubenin, ka Igadin, ka atutubet naka ateker naka Imanasein, kaŋinikirot mama ejai Edeke, kakiro da nuka ekabaka. Idwe luka Isirael kwape keiaar etiaikec, kes ikapolok luka ikekia luka lukapapaakee, ka ikapolok luka ilukumin ka luka akwatat, ka ikapolokokec luapotu kijaanakis ekabaka, kakiro kere nuka abeanakineta nuelomunete ka nuelomarete ŋclilap anatar ilapio kere luka ekaru, kaninibeikinet emwaasi ilukumin akaisaarei ka luonon. Kopolokinite Yasobeam okoku loka Sabudiel abeikinet nasodit naka elap losodit; emwaasi ilukumin akaisaarei ka luoŋon kotoma abeikineteke. Kerai ŋesi loka idwe luka Peres, ekapolon loka ikapolok kere luka ajore kolap losodit. Kopolokinite Dodai Ekokait abeikinet naka elap lokiareit, ka abeikineteke; ka Mikilot ekayaiton: emwaasi ilukumin akaisaarei ka luonon kotoma abeikineteke. Kerai Benaia, okoku loka Yekoiada esasedoti ekapolon lokiwuniet loka ajore naka elap lokiwuniet, lokapolon: emwaasi ilukumin akaisaarei ka Iuonon kotoma abeikineteke. Ŋes Benaia ŋol, lokerai etuŋanan lokirigi loka akaisauni, loapolokinit akaisauni: kerai Amisabad okokuke kotoma abeikineteke. Kerai Asakel onaee loka Yoab ekapolon lokiwononet loka elap lokiwononet, ka Sebedia okokuke atupakin ŋes: emwaasi ilukumin akaisaarei ka luonon kotoma abeikineteke. Kerai Samut Isarit ekapolon lokikanyet loka elap lokikanyet: emwaasi ilukunilii akaisaarei ka luonon kotoma abeikineteke, Kerai Ira okoku loka Ikes Etekoit ekapolon lokikanyetekape loka elap lokikanyetekape: emwaasi ilukumin akaisaarei ka luonon kotoma abeikineteke. Kerai Keles Epelonit loka idwe luka Epuraim ekapolon lokikanyetekaarei loka elap lokikanyetekaarei: emwaasi ilukumin akaisaarei ka luonon kotoma abeikineteke. Kerai Sibekai Ekusatit loka Iserakin ekapolon lokikanyetekauni loka elap lokikanyetekauni: emwaasi ilukumin akaisaarei ka luonon kotoma abeikineteke. Kerai Abieser Enatotait, loka Ibenyaminin ekapolon lokikanyetekaonon Ioka elap Iokikanyetekaonon; emwaasi Ilukumin akaisaarei ka luonon ketoma abeikineteke. Kerai Makarai Enetopatit, loka Iserakin ekapolon lokitomonet loka elap lokitomonet: emwaasi ilukumin akaisaarei ka luonon kotoma abeikineteke, Kerai Benaia Epiratonit loka idwe luka Epuraim ekapolon lokitomonet ka lodiopet loka elap lokitomonet ka lodiopet: emwaasi ilukumin akaisaarei ka luonon kotoma abeikineteke. Kerai Kelidai Enetopatit, loka Otiniel, ekapolon lokitomonet kaarei loka elap lokitomonet kaarei: emwaasi ilukumin akaisaarei ka luonon kotoma abeikineteke. Bobo da luapolokinito atekerin nuka Isirael: kerai Elieser okoku loka Sikiri ekayaiton loka Ireubenin: Sepatia okoku loka Maaka ŋes loka Isimeonin: Loka Lebi, Kasabia okoku loka Kemuel: loka Aaron, Sadok. Loka Yuda, Eliku, ediopet koinaean luka Daudi: loka Isakar, Omiri okoku loka Mikael: Loka Sebulun, Isimaia okoku loka Obadia: loka Naputali, Yeremot okoku loka Asuriel: Loka idwe luka Epuraim, Kosea okoku loka Asasia: loka atutubet naka ateker naka Manase, Yoel okoku loka Pedaia: Loka atutubet naka ateker naka Manase koGilead, Ido okoku loka Sekaria: loka Benyamin, Yaasiel okoku loka Abiner: Loka Dan, Asarel okoku loka Yerokam. Ŋul kes keraas ikapolok luka atekerin nuka Isirael. Konye mam Daudi abu kimar etiai kanul luka ikar akaisaarei ka lueroko edolo ŋu!: naarai abu EJAKAIT kotema ebe iyatakini Isirael kwape aacer nuka akui, Kogeu Yoab okoku loka Seruia aimar, konye mam abu konetak; ŋes abunokinia Isirael anyunyura; etiai da mam aponi kiwadikai toma oitabo loka aisiitonokin nuka ekabaka Daudi. Kopolokinite Asumabet okoku loka Adiel aiŋadisia nuka ekabaka: kopolokinite Yonatan okoku loka Usia aiŋadisia nukejaas komanikoria, koreria lukapolok ka ludidik, ka ireria luebwaitai. Kopolokinite Esiri okoku loka Kelub nul lueswamaete komanikoria akor. Kopolokinite Simei Eramatit imanikoria luka imusabibun: kopolokinite Sabi di Esipimit araito nuka imanikoria luka imusabibun aili ebino. Kopolokinite Baalkanan Egederit iseitunin ka isukumorio lukejaas apuuton: kopolokinite Yoas aili akinyet. Kopolokinite Sitirai Esaronit isipanin luadakas Saron: kopolokinite Sapat okoku loka Adulai isipanin lukejaas aditon. Kopolokinite Obil Isimaelit akaalai: kopolokinite Yedeia Emeronotit asigman, Kopolokinite Yasis Ekagirit amerekekin. Ŋul kere kes ikayaitok luka iboro luka ekabaka Daudi. Kerai Yonatan onaee loka Daudi ekapetan akiro, etuŋanan loepol aijen, ekewadikan: kejai Yekiel okoku loka Kakumoni ka odwe luka ekabaka, Kerai Akitopel ekapetan akiro loka ekabaka: kerai Kusai Earakit epapero loka ekabaka. Abu Yekoiada okoku loka Benaia kotupakinite Akitopel, kosodi Abiatar: kerai Yoab ekapolon loka ajore naka ekabaka. Kotukonok Daudi ikapolok kere luka Isirael Yerusalem, ikapolok luka atekerin, ka ikapolok luka irioneta lukebeanakinos aijaanakin eka baka, ka ikapolok luka ilukumin, ka ikapolok luka akwatat, ka ikayaitok luka iboro kere ka ibaren luka ekabaka ka odweke, nepepe kikapolokitok, ka ituŋa lukirigin, kes ituŋa kere lukirigin luetitin, Kosodi Daudi ekabaka aibwo kakejeke, kotema atiar, “Kopupokinai, ikainaean, ka ikatuŋa; keiai otaukan adukokin asaduku naka aitutuket naka EJAKAIT, ka eicoloŋ loka akeje nuka Edekewok etogo loka aiyeŋun; ido abu ketemokinite aiduk. Konye abu Edeke katema eoŋ atiar, ‘Mam jo idukokini ekakiror etogo, naarai irai ijo etuŋanan lokijiisio, ibu kobuko aokot.’ Konye abu EJAKAIT, Edeke loka Isirael, kaseu eoŋ kokek kere loka papaka araun ekabaka loka Isirael ikar kere: naarai abu koseu Yuda araun ekapolon; kokek loka Yuda da, ekek loka papaka; kodwe luka papaka kalelak eoŋ aitaraun ekabaka loka Isirael kere: Kodweka da kere (naarai kainak EJAKAIT eoŋ idwe lusap luipu), abu koseu Solomon aiboikin oicoloŋ loka ajakanut naka EJAKAIT airum Isirael. Kalimok eoŋ ebe, ‘Solomon okokukon, ŋes eduki ekatogo ka akalaroi: naarai aseu eoŋ ŋes araun okokuka, eoŋ da araun papake. Etieasi akejakanut ikar kere, arai kinyikoki aiswamaenen aicorakinetaka ka itubesiaka, kwape lolo.’ Aso do, kakonyen nuka Isirael kere, ekodet loka EJAKAIT, kopupi Edekewok, korieenenete komoenenete aicorakineta kere nuka EJAKAIT Ekusideke: tetere irumete akwap na naejok, kinyeiniata araun airumet naka ikusidwe lukitupanakinete yes ikar kere, “Ŋo da, Solomon okokuka, kojenu Edeke loka papakon, kiiaanakinenei ŋes ketau loedolit ka aomisio nuekotosi: naarai enici EJAKAIT itauon kere, ejeŋi aitetemonor kere nuka aomisio: arai imoenenei ŋes, kitakananakini jo: konye arai iialenenei ŋes, kirenei jo ikar kere. Aso koeoite; naarai kiseu EJAKAIT jo adukokin aibois nakalaunan etogo: aso kicat, kiswama.” Kosodi Daudi ainakin Solomon okokuke aput naka alomaret naka eyekalu, ka naka itogoike, ka aiŋadisiake, ka agolaike nukokuju, ka agolaike nukotoma, ka aibois naka eicoloŋ-lokaitim: Ka aput naka nukejaas omoyoke kere, nuka alaroi nuka etogo loka EJAKAIT, ka agolai kere nuelukunito, naka aiŋadisia nuka etogo loka Edeke, ka naka aiŋadisia nuka iboro luatiakunitai. Babo da nuka abeanakineta nuka isasedotin ka Ilebin, ka aswam kere naka aijaanakin kotogo loka EJAKAIT, ka iboro kere luka aijaanakin kotogo loka EJAKAIT. Esabu loitemitoi loka iboro luka esabu, iboro kere luka nolipone loka aijaanakin; epuesa loitemitoi loka iboro kere luka epuesa, iboro kere luka ŋolipone loka aijaanakin. Itemem da esabu loka ipirin luka atalai, loka atalaike, nuka esabu, loetemem loka nolipir loka atala ka atalaike: ido loka ipirin luka atalai luka epuesa, epuesa loetemem loka nolipir loka atala, ka atalaike, kwape kejaar aijaanakin naka nolipir loka atala. Etemem da esabu loka imesan luka imugatin luka aitodikin, kaŋolimesa; epuesa da loka imesan luka epuesa. Ka igolun luka akiriŋ, ka atanya, ka akolin, nuka esabu loelai: etemem da esabu loka atuba, kaninituba; etemem da epuesa loka atuba, ka ninituba. Etemem do esabu loililiauna loka etem loka lukisupurununo: esabu da loka aput naka agali, kes ikerubim, luigararaete abebenokakec, arapaar asaduku naka aitutuket naka EJAKAIT. Kobala Daudi ebe, “Ŋun kere ketejenunete eoŋ kaiwadikaeta kakan naka EJAKAIT, kes aswamisio kere nuka aput kana.” Kotema Daudi Solomon okokuke atiar, “Kicat, kotitinior, kiswama nun; sirikikurianar, karaida aiyaloŋoŋ: naarai EJAKAIT Edeke, ŋes Ekadeke ejaenena kajo; mam ŋes isokori kamakon, mam kijali jo, aitodol needaunor aswam kere naka aijaanakin naka etogo loka EJAKAIT. Ido koany, ejaas abeanakineta nuka isasedotin ka Ilebin, nuka aijaanakin kere nakaetogo loka Edeke: ejaun kajo nolitunanan loekoto loepiriana, kanolipone loka aijaanakin kotoma aswam naka ŋolipone: erimakinete da eut ikapolok ka ituŋa kere aicorakinetekon.’ Kotema Daudi ekabaka ekodet kere atiar, “Solomon okokuka, loaseu Edeke bon, eriŋa edit enonok, epol aswam da: naarai mam etogo lokapolon erai loka ituŋanan, konye loka EJAKAIT Edeke. Etemokinit eoŋ kakagogon kere iboro luka etogo loka Ekadeke, esabu loka lukesabu, epuesa loka lukepuesa, aisinin nuka lukaisinin, asua nuka lukasua, akito da nuka lukakito; amor nuemelomeloto, ka nuipiripiranara, amor nuiminaikinere, ka nuka ijesesinei luegelegela, ka amor nuka akais nuipu nuka nolipone kere, ka amor nuesegara nuipu noi. Bobo da, naarai kaminakinit etogo loka Ekadeke, naarai ejaas eoŋ lukakais luipu lueraas Iukan luka esabu ka epuesa, ainakini kes togo loka Ekadeke adepar kere luetemokinit luka etogo lokalaunan: Kes atalatan alukumin auni nuka esabu, loka esabu loka Opir, ka atalatan alukumin akanykaarei nuka epuesa loililiauna, ailadaaria arwatatin nuka itogoi. Esabu loka iboro luka esabu, ka epuesa loka luka epuesa, loka ŋolipone kere loka aswam naiswamao kakanin nuka ipirioitin. Iŋai bo do einakini ketau loekot atiakun elopet lolo mama ejai EJAKAIT?” Kosodete ikapolok luka ikekia luka lukapapaakee, ka ikapolok luka atekerin nuka Isirael, ka ikapolok luka ilukumin ka luka akwat, ka ikayaitok aswam naka ekabaka, ainakin kitauon luekotosi: Koinakis kanuka aiiaanakin kotogo loka Edeke luka esabu atalatan alukumin akany, ka idarikin ilukumin itomon, epuesa atalatan alukumin atomon, aisinin atalatan alukumin atomon ka nukanykauni, ka asua atalatan alukumin akwatat. Ŋul lukeiaas amor nuka akais nuipu koinakis kes oboro luka akais nuipu luka etogo loka EJAKAIT, kakan naka Yekiel Egeresonit. Kosodete ituŋa aiyalama, naarai apotu koinakis kitauon luekotosi, naarai kitauon luedolito apotu koinakis kitauon luekotosi mama ejai EJAKAIT: kiyalama da Daudi ekabaka kaiyalama naepol. Kanuka nun kituru Daudi EJAKAIT kakonyen nuka ekodet kere: kotema Daudi atiar, “Kituritete jo, wu EJAKAIT, Edeke loka Isirael papaakosi, ikar lumam edaunos. Wu EJAKAIT, apolou, ka apedor, ka aibuses, ka aipikor, ka aiyoŋ eraas nukon: naarai luejaas akuj ka akwap kere eraas lukon; wu EJAKAIT, ajakanut erai nakon, kitopoloorio aitelekar kere. Ebuni abar ka aibuses kamakon, ido irumit kere; ejai apedor ka agogoŋ akanikon; aitopoloor ka ainakin kere agogoŋ ejai akanikon. Aso do, wu Ekosideke, kimalai, keturito ekonikiror lokakibuses. “Konye eoŋ iŋai, ikatuŋa da kes inyo, isio apedor ainakin kwaŋin kitauon luekotosi? Naarai epote iboro kere kamakon, kiinakinit isio jo lukon. Naarai kirai isio ipejok ka ikalotok kakonyenekon, kwape kejaatar lukapapaakosi kere: esubito apaarasiakosi kotoma akwap bala etolim, cmamei da amuno. Wu EJAKAIT Ekosideke, iboro lu kere lukitemonoki isio adukokinia jo etogo loka ekonikiror lokalaunan epote kakanikon, ido kere eraas lukon, Ekadeke, ajeni da eoŋ ebe igimori ijo etau, isiyalamikinit nuetenito. Eoŋ da kajai ketau loitenara ainak eoŋ kakote iboro lu kere: kwana da aany kaiyalama ikonituŋa luejaas ne, kiinakis jo kakote, Wu EJAKAIT, Edeke loka Aburaam, ka loka Isaak, ka loka Isirael, lukapapaakosi, kitogogon na ikar kere kaitetemonor nuka aomisio nuka itauon luka ikonituŋa, kiteten ikecetauon neijai. Koinak Solomon okokuka etau loedolit, airie aicorakinetakon, ka aiteienunetakon, ka ikisilakon, aswam aldro ŋun kere, aiduk etogo lokapolon loetemonok eoŋ iboroke.” Kotema Daudi ekodet kere atiar, “Kwana kituro EJAKAIT Ekusideke.” Kituru ekodet kere EJAKAIT, Edeke loka lukapapaakee, kituluroto akwesikec, komaata EJAKAIT, ka ekabaka da. Koinakis asuban mama ejai EJAKAIT, koinakis ainakineta nuicweio mama ejai EJAKAIT, kapaaran naatupakini apaaran ŋin, kes imoŋin lutoba elukumit, imerekekin elukumit, imerekekin ludidik elukumit, ka ainakinetakee numatan, ka asuban nuipu kanuka Isirael kere; Konyama, komata, kakonyen nuka EJAKAIT kapaaran kaŋin kaiyalama naepol. Kirucakis aitaraun Solomon okoku loka Daudi ekabaka, kinyonyoikis ŋes akinyet mama ejai EJAKAIT araun lokapolon, ka Sadok araun esasedoti. Kosodi Solomon aiboikin oicoloŋ loka EJAKAIT korai ekabaka aibois naka Daudi papake, kokerianar; korimak ŋes Isirael kere. Apotu ikapolok kere, ka ituŋa lukirigin, ka odwe kere da luka ekabaka Daudi kononokikis Solomon ekabaka. Kitopoloo noi noi EJAKAIT Solomon kakonyen nuka Isirael kere, koinak aibuses nakajakanut namam etakanunit okabakan kere luageikinete toma Isirael. Kirumit Daudi okoku loka Yese Isirael kere. Apak naabu ŋesi kirumak Isirael keraas ikar akaisaoŋon; kirumak ikar ikanykaarei koKeburon, kirumak da ikar akaisauni ka luuni koYerusalem. Kotwana cmoionit noi, kileleba apaarasi, ka abar, ka aibuses: kirum Solomon okokuke aiboisike, Aswamisio nuka Daudi ekabaka, nuageikinete ka nukawasia, koany, iwadikatai kakiro nuka Samuel ekadwaran, kakiro nuka Natan enabi, kakiro da nuka Gad ekadwaran; Kairumuke da kere, ka agogoŋuke, ka akiro nuapotu kodoonokis ŋes, ka Isirael, ka ajakanuto kere nuka akwapin. Kiticatai Solomon okoku loka Daudi kajakanutuke, kojaenena EJAKAIT Ekedeke kaŋes, kitopoloo noi. Kiner Solomon ka Isirael kere, ikapolok luka ilukumin ka luka akwat, ikatubok, ka ŋolikapolon koIsirael kere, ikapolok luka ikekia luka lukapapaakec, Kolot do Solomon, ka ekodet kere kaŋes, mama ejai aibois naieelelei nakejai Gibeon; naarai nen kejai ewema loka airiamunun loka Edeke, loabu Musa ekejaanakinan loka EJAKAIT kiswama kamodiŋ, Konye abu Daudi koyau asaduku naka Edeke anyoun koKiriat-yearim ayaŋaar aibois naabu Daudi kitemok ŋes: naarai abu ŋesi kibubuk ewema kanuke Yerusalem, Bobo da kejai nen koiŋaren kewema lokalaunan loka EJAKAIT etem loka aisinit loabu Besalel okoku loka Uri, okoku loka Kur kiswamau: kolosenenete Solomon ka ekodet kere mamake. Kodoka Solomon ŋina mama ejai etem loka aisinit kakonyen nuka EJAKAIT, lokejai owema loka airiamunun, koinak ainakineta alukumit nuicweio kanen. Kakuare kaŋin kitaanyikin Edeke Solomon, kotema ŋes atiar, “Kilipai nakainakini jo.” Kotema Solomon Edeke atiar, “Ibu ijo kitodik Daudi papaka asianut naepol, kitarau eoŋ ekabaka aiboisike, Kwana, wu EJAKAIT Edeke, kicat aisumunetckon mama ejai Daudi papaka: naarai kidakak eoŋ araun ekabaka loka ituŋa luesubito bala apua naka alup kaipues. Aso koinakinai do acoa ka aijen, tetere alomanari alomununei da kakonyen nuka ituŋa kalu: naarai iŋai epedori atubokin ikonituŋa lu luipu?” Kotema Edeke Solomon atiar, “Naarai kejaas nu otaukon, kwabo mam ilipit abar, akerianut, karaida aibuses, karaida aijar naka ŋul kalukilaito jo, kwabo mam ilipit aibut apaarasia nuipu; konye ilipit acoa ka aijen kanukon, tetere itubokini ikatuŋa, luketarau jo ekabakakec: kiinakin jo acoa ka aijen; kainakini da abar ka akerianut, ka aibuses, numam lem ejaas koikabakan lukigeikinete jo, kwabo mam ejaunos lukitupakinete jo aputokin kajo,” Koboŋo Solomon kalositeke kama ejai aibois naieelelei nakejai Gibeon, anyoun kowema loka airiamunun, kobu Yerusalem; kirum Isirael. Kotukonok Solomon agalin ka ikebwanenok: kejaas ŋes agalin alukumit ka akwat aoŋon, ka ikebwanenok ilukumin itomon ka luaarei, lukibwaikinit oreria luka agalin, ka Yerusalem da nekejai ekabaka. Kitarau ekabaka epuesa ka esabu araut bala amor ko Yerusalem, kitarau iresia da bala isukumorin luejaas apuutona, kanuka aipues. Keyaunio ibalasin lukejaas ka Solomon koMisiri; kodumut ikagwelanarak luka ekabaka kes kosipanin, ŋolisipan kotiaike. Koomata, koyaut koMisiri agali kisekelin akwat akanykape luka epuesa, ka ebalasit kakwatat ka akaisakany: koinunut kes kwaŋin ikabakan kere luka Ikitin, ka ikabakan luka Suria kakaninikee. Kidenyak do Solomon adukokin ekiror loka EJAKAIT etogo, ka etogo loka ajakanutuke. Kotiaku Solomon ituŋa ilukumin akaisakanykaarei aibwok abwokon, ka ituŋa ilukumin akaisakanykauni luajepete koroŋan, ka ilukumin iuni ka akwat akanykape luayaito kes. Kijuka Solomon mama ejai Kuram ekabaka loka Turo ebe, “Kwape kikonakinia ijo Daudi papaka, kijukak nes iresia adukokin etogo aiboio kotoma, kikonak eoŋ da kwaŋin. Koany, adukokini eoŋ ekiror laka EJAKAIT Ekadeke etogo, atiakun kanuke, aicweenen kakonyeneke lukisupurununo lueuru maa, kanuka emugati lokaitodikin lotir, kanuka ainakineta nuicweio tupuruc ka eboŋ, kasabaton, ka napilamununei elap, kopucin da lueseunitai luka EJAKAIT Edekekosi. Erai ŋin aicorakinet naka ikar kere koIsirael. Epol etogo loaduki eoŋ: naarai epol Ekosideke adepar idekesio kere, Konye iŋai epedori adukokin ŋes etogo, naarai mam akuj, ka akuj naka akuj epedori ailosikin ŋes? Aso iŋai bo eoŋ, adukokin ŋes etogo, dimarai aisupuruun lueuru maa kakonyeneke? Aso do kijukakinai eoŋ etuŋanan loepiriana aswam kesabu, kepuesa, kaisinin, kasua, ka lomuge, ka Iokareŋan, ka lobululu, loepiriana aigir iponesio kere luigirio, ajaun kituŋa luepiriaka luejaas keoŋ ko Yuda ka Yerusalem, luabu Daudi papaka kodumunite. Kijukakinai da ikito luka eres, ka ikito luka eberos, ka ikito lukajokak koLebanon: naarai ajeni ebe epiriaka ikonikejaanakinak aijep ikito koLebanon; ido koany, ejaununos ikakejaanakinak kaikonikejaanakinak, aitemonokin akito nuipu noi: naarai etogo loakoto aiduk eraun loepol lokaumokin. Ido koany, ainakini ikonikejaanakinak, luejepete ikito, aitemisio alukumin akaisaarei nuka alos nuecomom, ka aitemisio alukumin akaisaarei nuka esairi, ka akaalakanya alukumin akaisaarei nuka ebino, ka akaalakanya alukumin akaisaarei nuka akinyet.” Kosodi Kuram ekabaka loka Turo aboŋokin kaiwadika nuejukakinit Solomon ebe, “Naarai emina EJAKAIT iketuŋa, ŋes kitaraunia jo ekabakakec.” Ido kobala Kuram ebe, “Kituritete EJAKAIT, Edeke loka Isirael, lokesubi akuj ka akwap, loabu koinak Daudi ekabaka okoku lokacoa, loejaas kacobeu ka ajenun, loekot adukokin EJAKAIT etogo, ka etogo loka ajakanutuke. “Aso do kejukak etuŋanan loepiriana, loejaas kajenun loka Kuram papaka, Okoku loka aberu naka adwe nuka Dan, kerai papake etuŋanan loka Turo, epiriana aswam kesabu, ka epuesa, ka aisinin, ka asua, ka amor, kakito, ka lomuge, ka lobululu, ka ebaputa loejok, ka Lokareŋan: bobo da aigir epone kere loigirio: ka apwakun aputo kere: kojaun ŋesi aibois kaikonituŋa luepiriaka, ka ituŋa luepiriaka luka ejakaitika Daudi papakon. Aso do, luabu ekajakait kiner, akima ka esairi, ka akinyet ka ebino, kijukak ikekejaanakinak: kijepi isio ikito koLebanon, kotiai loipuda: kiyaŋaun mamakon kikaleleos kaŋolol kiton Yopa; ido da iyanaari Yerusalem,” Kimar Solomon imo kere lukejaas akwap naka Isirael, kwape ajaar aimar naabu Daudi papake kimar kes; aponi kodumunai ilukumin akwatat ka akaisakany ka luuni ka akwat akanykape, Kibwaik ilukumin akaisakanykaarei kakes aibwok abwokon, ka ilukumin akaisakanykauni luajepete koroŋan, ka ilukumin iuni ka akwat akanykape luayaito ituŋa lueswamaete aswam. Kosodi kogeu Solomon aiduk etogo loka EJAKAIT Yerusalem moru Moria, nekitaanyikinor EJAKAIT Daudi papake, aibois naaseikinit Daudi, opejal loka Orunan Eyebusit. Kogeu aiduk kapaaran nakiareit naka elap lokiareit kokaru lokiwoŋonet loka airumuke. Nu kes apeteta nuapesikinit Solomon aiduk etogo loka Edeke. Aojau kokubitin kwape ajaar aitemis nasodit nes ikubitin akaisakanykape, ka alalau da ikubitin akaisaarei. Agola nalomaret nakejai koinaren ketogo, aoiauke, kwape ajaar alalau naka etogo, ikubitin akaisaarei, amukurur akwatat ka akaisaarei: kiladaa toma kesabu loelai. Kiswap etogo lokapolon kakito nuka eberos, nukiladaari kesabu loejok, kiswama tomake ikito luka idukudukun ka irikoi. Kitubusia etogo kamor nuka akais nuipu: esabu kerai esabu loka Parubaim. Kiladaa da etogo, ka abaoi, ka neelomarere, ka arwatatinike, ka ikiriginike kesabu; kigirak ikerubin arwatatin. Abu kiswamau etogo lokalaunan noi; aojauke kwape kejaar alalau naka etogo, ikubitin akaisaarei, alalauke ikubitin akaisaarei: kiladaa nes kesabu loejok, kotiai loka atalatan akwat akanykape. Alaŋir naka isumalin isekelin akaisakany luka esabu. Kiladaa agolai nukokuju kesabu. Kotoma togo lokalaunan noi kiswamau ikerubin iarei luka akito; kiladaasi kesabu, Aojak abebenoka nuka ikerubin ikubitin akaisaarei: abebenok adiopet ikubitin ikany, kodolite arwatat naka etogo; abebenok ace da ikubitin ikany, kodolite abebenok naka ekerubi ece. Abebenok naka ekerubi ece ikubitin ikany, kodolite arwatat naka etogo: abebenok ace da ikubitin ikany, kiriamakina kabebenok naka ekerubi ece. Kigararaete abebenoka nuka ikerubin kanul ikubitin akaisaarei: kobwaata kesi kakejenekec, kiteete akonyenekec etogo, Kiswamau aigalisit kalobululu, ka lomuge, ka lokareŋan, ka ebaputa loejok, kosonyak ikerubin kotomake, Kiswamau da koiŋaren ketogo ipirin iarei lueojak ikubitin akaisauni ka lukany, ka akwes nukejaas kujukec kere aojau ikubitin ikany. Kiswamau irikoi neinerenenere akirot, kibwaik kes kuju kipirin; kiswamau akamamagan akwatat kibwaik kes korikoi. Kosipok ipirin koiŋaren keyekalu, ediopet kakan nakoteten, ece kakan nakokediany; komaik ekiror loka ŋol kakan nakoteten Yakin, ekiror loka ŋol kakan nakokediany Boas. Bobo da abu, kiswamau etem loka aisinit, aojauke, ikuitin akaisaarei, alalauke ikubitin akaisaarei, ka amukururuke ikubitin itomon, Abu kiswamau da aŋolol naecalara ikubitin itomon anyoun koreret kiton oreret, kolukuna, amukururuke ikubitin ikany; kolukunite aitemis naka ikubitin akaisauni. Kwapuke kejaas luesubito bala imoŋin, luerimorete ŋes, kokubitin itomon, airimor aŋolol. Kejaas imoŋin okokoron iarei, kocala kere nepepe kotatai. Kidokokinai omoŋin itomon ka luarei, kosesenete iuni ari naka agolitomei, kosesenete iuni ari nakoto, kosesenete iuni ari naka eŋalakimak, kosesenete iuni ari nakokide: kidokokinai aŋolol kujukec, kojaas iwosikec kere toma. Aburesuke alalau naka akan; kiswamai erereteke bala ereret loka atido, bala aturot naka apecel: abu kigau akaalakanya alukumin auni. Abu kiswamau da akalayan atomon, kibwaik akany kakan nakoteten, ka akany da nakokediany, ailosenena; apotu kilosenenata iboro lukeraas luka ainakinet naicweio kotomakec: konye kerai aŋolol neelonenenata isasedotin. Abu kiswamau ipirin itomon lukatalai luka esabu kwape ajaar aicorakinetekec; kosipok kes oyekalu ikany kakan nakoteten, ikany da kokediany. Kiswamau da imesan itomon, kibwaik kes oyekalu, ikany kakan nakoteten, ikany da kokediany. Kiswamau da atanyia akwatat nuka esabu. Bobo da abu kiswamau alaro naka isasedotin, ka alaro nakapolon, ka ikirigin luka alaro, kiladaa ikiriginikec kaisinit, Kosipok aŋolol kowai lokoteten loka etogo, kokide ari naka eŋalakimak. Kiswamau Kuram amoti, ka initia, ka atanyia. Kodau do Kuram aswam naabu kiswamak Solomon ekabaka kotogo laka Edeke. Ipirin iarei, ka atiboi, ka akwes aarei nukeiaas kuju opirin; ka iboyan iarei arapia atiboi aarei nukejaas kuju opirin; ka akamamagan akwat aoŋon nuka iboyan iarei; ikokoron iarei luka akamamagan kaŋoliboi, arapia atiboi aarei nukejaas kuju opirin. Abu kiswamau da aicegeria, kiswamau akalayan nuka aicegeria; aŋolol adiopet, ka imoŋin itomon ka luarei kwapuke, amoti da, ka initia, ka igolun luka akiriŋ, ka iboroke kere, kiswamak Kuram papake Solomon ekabaka, luka etogo loka EJAKAIT luka aisinit naepwatat. Kotata ekabaka kes kApuuton naka Yorodan, kolupe loejai kidiŋ Sukot ka Sereda. Kwaŋin kiswama Solomon iboro ŋul kere luipu noi: naarai mam kepedorit adumun alaŋir naka aisinin. Kiswama Solomon iboro kere luajaas togo loka Edeke, etem da loka esabu, ka imesan luka imugatin lukaitodikin; ka ipirin lukatalai ka atalaikec, tetere enokete kwape ajaar aicorakinet koiŋaren kaneinerenenere akirot, luka esabu loelai. ka aturo, ka atalai, ka arideta, nuka esabu, eebo, esabu loejok cut; ka aitudeŋeta, ka atanyia, ka akaalei, ka atuba nuigaete ekurwon, nuka esabu loelai: neelomarere togo, ikiriginike lukotoma luka aibois nakalaunan noi, ka ikirigin luka etogo, kes luka eyekalu, keraas luka esabu. Kwaŋin kodaun aswam naeswamakini Solomon etogo loka EJAKAIT. Kitoloma Solomon iboro luabu Daudi papake kotiaku; epuesa ka esa bu, ka iboro kere, kibwaik kes aiŋadisia nuka etogo loka Edeke. Kosodi Solomon atukokin imakio luka Isirael, ka ikapolok kere luka atekerin, ikapolok luka ikekia luka lukapapaa luka idwe luka Isirael, Yerusalem, ayaun asaduku naka aitutuket naka EJAKAIT, anyoun kore loka Daudi, ŋes Sion. Kotukonokinos ituŋa kere luka Isirael mama ejai ekabaka kopucit, lokejai kolap lokikanyetekaarei. Kopotu imakio kere luka Isirael, kodakut Ilebin asaduku. Koyaut asaduku, ka ewema loka airiamunun, ka iboro kere lukalaunak lukejaas owema; kes iboro luapotu isasedotin Ilebin koyaut. Kejai ekabaka Solomon ka ekodet kere loka Isirael, luatukonokinos mama ejai ŋesi, koiŋaren kasaduku, einanakinete imerekekin ka imoŋin, lumam epedorio alimun karaida aimarun kanuka aipues. Kitolomasi isasedotin asaduku naka aitutuket naka EJAKAIT aiboisike, neinerenenere akirot, aibois nakalaunan noi, kwap kabebenoka nuka ikerubin. Naarai kigararas ikerubin abebenokakec kuju aibois naka asaduku, korapias ikerubin asaduku ka adaketake, Kewojak adaketa tetere etakani esanekec kasaduku koiŋaren kaneinerenenere akirot; konye mam ketakanete kokiŋa: ejai nepenen, kiton lolo. Amamei ibore kotoma asaduku dimarai amor aarei nuabu Musa kibwaik koKoreb, nakitutukio EJAKAIT aitutuket kaidwe luka Isirael, nakelomuniata koMisiri. Kosodi kanen, kedaut isasedotin alomun kaibois nakalaunan, (naarai apotu isasedotin kere lukejaas nen kitalaunos, komam ericito abeanakinikec; bobo da kobwaata Ilebin lukeraas ikayook kowai lokokide loka etem, kes kere, Asap, ka Keman, ka Yedutun, ka odwekec ka iinacanakec, konapito ebaputa loejok, kojaas kaisinin nueruosi ka isabulin ka adeudeun; ido isasedotin akwatat ka akaisaarei nepepe kakes kokusete arupepen:) Kosodi do kanen, keraut ikakutak arupepen ka ikayook bala ediopet, aisiirario eporoto ediopet aiturit ka aimal EJAKAIT; kitonyoutu kesi iporotoikec nepepe karupepen ka aisinin nueruosi ka lueruosi kere, kituritos EJAKAIT ebe, “Naarai ejok ŋesi: naarai ejaenena akeitim ikar kere”: kosodi do kilelebun edou togo, nes etogo loka EJAKAIT. Mam isasedotin apotu kopedosi aibwo aijaanakin kanuka edou: naarai kilelebun aibuses naka EJAKAIT togo loka Edeke. Kosodi Solomon einer atiar, “Abala EJAKAIT ebe iboienenei ŋesi kamuton naejesi ŋaŋ. Konye abu eoŋ kadukok jo etogo loiboionono, ka aibois naiboieneno ijo ikar kere.” Kibelokin ekabaka, kilipak ekodet kere loka Isirael arereŋ: kobwo da ekodet kere loka Isirael. Kotema ŋesi atiar, “Kituritete EJAKAIT, Edeke loka Isirael, loabu kiner kakeituk mama ejai Daudi papaka, ido kitodol da kakekanin ebe, ageun kapaaran naketolomunia ikatuŋa kakwap nako Misiri, mam abu kaseu ere katekerin kere nuka Isirael aiduk etogo, tetere ejaun nen ekakiror: kwabo mam abu kaseu etuŋanan araun lokapolon loka ikatuŋa Isirael. Konye abu kaseu Yerusalem, tetere ejaun nen ekakiror; abu kaseu Daudi da apolokin ikatuŋa Isirael. Abu Daudi papaka koomite kotauke adukokin ekiror loka EJAKAIT, Edeke loka Isirael, etogo. Konye abu EJAKAIT kotema Daudi papaka atiar, ‘Naarai iwomit ijo kotaukon adukokin ekakiror etogo, iswama ejok aomit kotaukon: konye mam jo iduki etogo; konye okokukon, loelomuni kakuanakon, nes edukokini ekakiror etogo.’ Etodol EJAKAIT akekirot naabu kiner; naarai anyou eoŋ aibois naka Daudi papaka, eboikini oicoloŋ loka Isirael, kwape esumunia EJAKAIT, adukok ekiror loka EJAKAIT, Edeke loka Isirael, etogo, Nepenen da ebwaik asaduku, naejai aitutuket naka EJAKAIT kotomake, naetutuki ŋesi kidwe luka Isirael.” Kobwo ŋesi koiŋaren ketem loka EJAKAIT kakonyen nuka ekodet kere loka Isirael, korio akekanin kuju: (Naarai abu Solomon kiswamau abwois naka aisinit, naeoj ikubitin ikany, alalauke ikubitin ikany, amukururuke ikubitin iuni, kosipok kidiŋ alaro; kobwo kokujuke, kokukokin kakuŋinike kakonyen nuka ekodet kere loka Isirael, korio akekanin kuju:) Kotema ŋesi atiar, “Wu EJAKAIT, Edeke loka Isirael, emamei Edeke loiputosi kajo, toma akuj arai kakwap; loitodolenenei aitutuket ka aitim kikonikejaanakinak, luelosenenete kakonyenekon kikecetauon kere: loitodolik ekonikejaanakinan Daudi papaka ŋun nuibu kisumun: eebo, ibu kiner kaitukukon, itodolo da kakanikon, kwape ejaatar lolo. Aso do, wu EJAKAIT, Edeke loka Isirael, kitodolik ekonikejaanakinan Daudi papaka, nuibu kisumun, ebe, ‘Mam kimamikini ijo etuŋanan loiboikin oicoloŋ loka Isirael kakonyeneka; arai kito ecoito ikonidwe ekecerot, alosenen okisilaka kwape ilosenenoo ijo kakonyeneka.’ Aso do, wu EJAKAIT, Edeke loka Isirael, kitogogoŋoi akonikirot, nakilimokini ekonikejaanakinan Daudi. “Konye iboie kereka Edeke abeit kituŋa kakwap? Koany, mam epedori akuj, ka akuj naka akuj ailosikin jo; ido konyet etogo lo loadukit eoŋ ŋes bo inyo! Konye kocam ijo ailip naka ekonikejaanakinan, ka aiŋaiŋake, wu EJAKAIT Ekadeke, akiirar aimony ka ailip nailipi ekonikeiaanakinan kakonyenekon: kokwenyenenete akonikonyen asesen etogo lo apaaran ka akuare, ŋes aibois nakolo ilimit ebe ibwaikini nen ekonikiror; akiirar ailip nailipi ekonikejaanakinan kaibois kana. Kiiraranari da aiŋaiŋa naka ekonikejaanakinan, ka naka ikonituŋa Isirael, nailipenenata kesi kaibois kana: eebo, kiiranari ijo kaiboisikon, ŋes akuj; ido naipupununio, kisionie, “Arai kediak etuŋanan kama ejai eidunyeteke, kisiyapoikinoi ŋes aiyaposit, ebuni ŋesi aiyapo koiŋaren ketemukon togo lo: kopupununei do ijo ijai toma akuj, kiswama, kotubok ikonikejaanakinak, kitokokol ikaronon, aitoboŋikin ekepone akouke; kitojok da ikadoliton, ainakin ŋes kwape ejaar adoliteke, “Naedanyere ikonituŋa Isirael kakonyen nuka lukasurup, naarai adiakasi kamakon; arai kibelokinos bobo, kolimorete ekonikiror, ilipete kiŋaiŋaete kakonyenekon kotogo kalo: kopupununei do ijo ijai toma akuj, kisionie aronis naka ikonituŋa Isirael, kinyaku kes bobo akwap nakiinakinit kes ka lukapapaakec. “Naegolokinere akuj, komamei akiru, naarai adiakasi kamakon; arai ilipete kiteete aibois na, kolimorete ekonikiror, kibelokinos anyoun karonisikec nakiticania ijo kes: kopupununei do ijo ijai toma akuj, kisionie aronis naka ikonikejaanakinak, ka naka ikonituŋa Isirael, nakisisianakinia ijo kes erot loejok loibusakinit kes aloseneno: kitetep akiru akwapukon, naibu koinak ikonituŋa araun airumet. “Arai kejaun ebeli kakwap, arai kejaun atular, arai kejaun ekure arai airouroun, emaase, arai ekutelek; arai kirigaunito lukasurupokec kakwap naka ireriakec; ŋinitular kere arai ŋinidek naejaunor; ŋiniilip ka ŋiniiŋaiŋa kere nailipi ituŋanan kere, arai ikonituŋa Isirael kere, yenejeni ŋinituŋanan atularike ka aburunike, korio akekanin mama ejai etogo lo: kopupununei do ijo ijai toma akuj aiboisikon, kisionie, koropi ŋinituŋanan kwape ejaatar iponesioke kere, yenijeni ijo etauke; (naarai ijo, ijo bon, ijeni itauon luka idwe luka ituŋa:) tetere kiyoŋete jo, alosenen korotinikon apaarasia kere nuiboienenoto kesi kakwap nakiinakinit lukapapaakosi. “Bobo da nuka imoit, yenimere yenika ikonituŋa Isirael, naebunio ŋesi kakwap naelwana kanuka ekonikiror loepol, ka akonikan nakagogon, ka akonikan naerioro: naeponiata kesi ilipete kiteete etogo lo: kopupununei do ijo ijai toma akuj, ŋes aiboisikon, kiswama kwape ejaatar kere nukiworoi imoit jo; tetere ejenunete ituŋasinei kere luka akwap ekonikiror, koyoŋito jo, kwape kiyoŋitotor ikonituŋa Isirael, tetere ejenunete da ebe emaikinitai etogo lo loadukit eoŋ ekonikiror. “Arai kelomasi ituŋakon aitiji lukasurupokec, korot kere loijukari ijo kes, kilipete mama ijai kiteete ere lo lokiseuni ijo, ka etogo loadukokinit eoŋ ekonikiror; kopupununei do ijo ijai toma akui akeceilip ka akeceiŋaiŋa, kisigalik akecekirot. “Arai kediakasi kamakon, (naarai emamei ituŋanan yenimam ediakari,) inyunyurikini ijo kes, ijaikini kes lukasurupokec, tetere ijoreorete kes akwap naelwana arai naeapie; arai do keomoomata kesi kakwap naejoreoritai, kibelokinos bobo, kiŋaiŋaata ijo kakwap naejoreoritai ebe, ‘Kidiaka isio, kiswama nukepali, kikwaik erono’; arai keboŋut mama ijai ijo kikecetauon kere, kaijarakec kere, kakwap naka aijoreoriokec, kama kijoreoritai, kilipete kiteete akwapukec, nakiinakinit lukapapaakec, ka ere lokiseuni ijo, ka etogo loadukokinit eoŋ ekonikiror: kopupununei do ijo ijai toma akuj, ŋes aiboisikon, akeceilip ka akeceiŋaiŋa, kisigalik akecekirot; kisionie ikonituŋa luapotu kodiakasi kamakon. Wu Ekadeke, keŋaiŋait, kokwenyenenete akonikonye, kitoik da akoniki ailip nailipitai kaibois kana. “Aso do, wu EJAKAIT Edeke, konyou, koloma aiboisikon naka aiyeŋun, ijo, ka asaduku naka akonigogoŋ. Wu EJAKAIT Edeke, konapitos isasedotinikon aitajario, kiyalamikis lukalaunakakon ajokis. Wu EJAKAIT Edeke, sirikibelok akonyen nuka lokinyonyoikinitonokon akinyet! kiitu aitim naka Daudi ekonikejaanakinan.” Kedau Solomon ailip, kobu akim kakuj, kicwe ainakinet naicweio ka asuban; kilelebun aibuses naka EJAKAIT togo, Mam apedorete isasedotin alomar togo loka EJAKAIT, naarai kilelebun aibuses naka EJAKAIT togo loka EJAKAIT. Kosesenata idwe kere luka Isirael, naabunio akim, kojaun aibuses naka EJAKAIT togo; kokukumoto, kituluroto akecekonyen kwap neitutuitoi, komaata, kimalata EJAKAIT ebe, “Naarai ejok; naarai ejaenena akeitim ikar kere.” Kosodi ekabaka ka ituŋa kere ainakin asuban kakonyen nuka EJAKAIT. Abu ekabaka Solomon koinak asuban imoŋin ilukumin akaisaarei ka luarei, ka imerekekin ilukumin akwatat ka ilukumin akaisaarei, Kwaŋin kotiaku ekabaka ka ituŋa kere etogo loka Edeke. Kobwaata isasedotin, kwape ejaar aswamukec; Ilebin da, ejaas kiboro lueruos luka EJAKAIT, luabu Daudi ekabaka kiswamau aimalaa EJAKAIT, naarai ejaenena akeitim ikar kere, nakituritor Daudi kotoma aijaanakinikec; kokuta isasedotin arupepen koiŋarenikec; kobwaata do luka Isirael kere, Bobo da kitalau Solomon kidiŋ alaro nakejai kiŋaren ketogo loka EJAKAIT; naarai koinak kanen ainakineta nuicweio, ka asiepai nuka ainakineta nuka ainapakin: naarai mam epedori etem loka aisinit loabu Solomon kiswamau ailosikin ainakinet naicweio, ka ainakinet naka akiria, ka asiepai. Kwaŋin kipo Solomon epucit kapak katŋin adaun apaarasia akanykaarei, ka Isirael kere nepepe kaŋes, ekodet loepol noi, anyoun ka neelomarere Kamat kiton aguurut nako Misiri. Kapaaran nakikanyetekauni kojaun atukonokin nakayamakin: naarai koricito atiakunio naka etem apaarasia akanykaarei, ka epucit apaarasia akanykaarei. Kapaaran naka akaisaarei ka nuuni naka elap lokikanyetekaarei kotwara ŋesi ituŋa alosit owemanakec, elelete, kiyalamas kotauon ajokis kere naabu EJAKAIT kitodik Daudi, ka Solomon, ka Isirael iketuŋa, Kwaŋin kodau Solomon etogo loka EJAKAIT, ka etogo loka ekabaka: kokeriana Solomon aiswamaun kere nualomakinete otauke aiswamakin togo loka EJAKAIT, ka togoke da, Kitaanyikin EJAKAIT Solomon kuare, kotema ŋes atiar, “Eira eoŋ ailipikon, aseu aibois na araun ekatogo loka asuban. Arai kagol eoŋ akuj komam ejaun akiru, arai ecorakini emaase ainyam akwap, arai kejuka atular otuŋaka; arai kitasonikinos ikatuŋa luemaikinitai ekakiror, kilipete, komoete akakonyen, kibelokinos anyoun koponesiokec lukaronok; kasodi do eoŋ apupokin kes kajai toma akuj, esionie kes aronisikec, etaŋaleuni da akwapukec. Ekwenyunete do akakonyen, etoikini akaki ailip nailipeneneo kaibois kana. Naarai aseu eoŋ etogo lo, etalau da, tetere ejaunun nen ekakiror ikar kere: ejaununos nen akakonye ka etauka tiritir. Ka jo da arai ilosenenei kakonyeneka kwape alosenenoo Daudi papakon, iswamaenenei kwape ejaatar kere nukecorak jo, iricenenei ikakisila ka itubesiaka; kasodi eoŋ aiticat eicoloŋ loka ajakanutukon, kwape ketutukio kaDaudi papakon ebe, ‘Mam kimamikini ijo etuŋanan araun ekayaiton loka Isirael.’ “Konye arai kipaasi yesi, kojalata ikakisila ka aicorakinetaka nuebwaikinit kakonyenekus, kolototo aijaanakin idekesio ice, komaata kes: kasodi eoŋ arutuni kes kaliasiokec kakwapuka naabu kainak kes; acakari etogo lo, laetalauni kanuka ekakiror, kakonyeneka, etarauni ŋes awarag ka amorosit kotuŋa kere. Etogo lo da, lotii etia nen, eumokini ŋinituŋanan yenitori, kobala ebe, “Kanukinyo eswamakinia EJAKAIT akwap na kwaŋin, ka etogo lo da?’ Eboŋokinete do ebe, ‘Naarai apatu kojalata EJAKAIT, Edeke loka lukapapaakec, lokitolomuni kes kakwap nako Misiri, korokut icedekesio, komaata kes kijaanakis kes: kanuka ŋun ŋes ainunia kes aronis na kere.’’’ Kosodi kanen, ketuboros ikar akaisaarei luadukio Solomon etogo loka EJAKAIT, ka etogoke da elopet, ireria luabu Kuram koinak Solomon, koduk Solomon kes, kisiboik idwe luka Isirael ŋina. Kolot Solomon Kamat-soba, kipiko ŋes, Kodukok Tadumor amodiŋ, ka ireria kere lukaiŋad luadukokini Kamat, Koduk da Bet-koron Ioimukurur, ka Bet-koron loijesara, ireria luabwaitai, lukejaas arwatatin, ka ikirigin, ka atiketa; ka Baalat, ka ireria kere lukaiŋad lukejaas ka Solomon, ka ireria kere luka agalinike, ka ireria luka ikebwanenokoke, ka kere luakoto Solomon aiduk aisiyalamikinor kotoma Yerusalem, ka Lebanon, ka akwap kere naka airumuke, Ituŋa kere da luedeunos luka Ikitin, ka Imorain, ka Iperisin, ka Ikibin, ka Iyebusin, lumam keraas luka Isirael; luka idwekec luedeunos kakes kakwap, lumam idwe luka Isirael emudiara, kolemununei Solomon ikitubusiana kamakee, kiton lolo. Konye mam abu Solomon kitubulesene idwe luka Isirael kanuka akeswam; konye keraas kesi ikajiok, ka ikapolok luka ikapolokoke, ka ikapolokitok luka agalinike ka ikebwanenokoke. Lu kes ikapolok lukapolok luka ekabaka Solomon, kes akwat aarei ka akaisakany, luayaitos ituŋa. Kitonyou Solomon akoku naka Parao kore loka Daudi mama ejai etogo loabu ŋesi kodukok ŋes: naarai abala ebe, “Mam akaberu iboikini togo loka Daudi ekabaka loka Isirael, naarai eraas aiboisio nukalaunak, nuadolokinit asaduku naka EJAKAIT.” Kosodi Solomon ainakin ainakineta nuicweio mama ejai EJAKAIT kotem loka EJAKAIT, loaduki kiŋaren kaneelomarere, kwape kibusakinitor nuka ŋinipaaran, koinanakini kwape ajaar aicorakinet naka Musa, ka nukasabaton, ka napilamununei elap, kopucin lueseunitai, irwan auni ŋolikaru, kopucit loka emugati lomam itubuunitoi, kopucit loka asabaton, kopucit da loka iswamin. Kitemok, kwape ajaar aicorakinet naka Daudi papake, abeanakin naka isasedotin kaijaanakinikec, ka Ilebin kaswamukec, aiturit, ka aijaanakin isasedotin kwape epudar aswam naka ŋinipaaran: ikagolok da kabeanakinikec korutei kere: naarai abu Daudi etuŋanan loka Edeke kicorak kwaŋin. Mam apotu konyout kaicorakinet naka ekabaka mama ejaas isasedotin ka Ilebin kadiokirot kere, ka nuka iboro luka akais nuipu da. Kitemokinoi aswam kere naka Solomon kiton apaaran naka apetetait naka etogo loka EJAKAIT, kiton da neadaunia. Kwaŋin kitodoloi etogo loka EJAKAIT, Kosodi Solomon alosit Esion-geber, ka Elot, kariri naka aŋolol kakwap naka Edom. Kijukak Kuram ŋes kakanin nuka ibulesinike ameerin ka ibulesin luajenete aŋolol; kouparos kaibulesin luka Solomon alosit Opir, koomata kaŋina atalatan akwat aoŋon ka akaisakany nuka esabu, koyaut mama ejai ekabaka Solomon. Kosodi kepupu akabaka naka Seba eemut loka Solomon, kobu Yerusalem aitem Solomon kaiŋiseta nuetioko, kojaas kituŋa luipu noi, ka akaalai nuebwokito lueur maa, ka esabu loepol noi, ka amor nuka akais nuipu: kosodi kodolu ŋesi neejai Solomon, kolimok ŋes akiro kere nukejaas otauke. Kitejenu Solomon akiro kere nukiŋisit ŋesi: amamei akirot naaponi kimunonikinai Solomon namam kitejenunit ŋes, Kedau akabaka naka Seba aanyun acoa naka Solomon, ka etogo lokeduki, inyamat da lukomesake, ka eiboie loka ikebulesin, ka aijaanakin naka ikekejaanakinak, ka ikecenapen; ka ikekaliak da, ka ikecenapen; ka eititiriake lokedokanaria togo loka EJAKAIT; kimwokolikin eketau. Kotema ŋesi ekabaka atiar, “Akirot naabu kapupunite kakwapuka kerai nakabeit naka aswamisiokon, ka akonicoa da. Kwabo mam abu keyu akirokec, aitodol naabunio, koanyut akakonye: ido koany, mam kalimokinitai atutubet naka apolou naka acoakon: itelekar eemut loabu keira. Elakara ikonituŋa, elakara da ikonikejaanakinak lu, luebwoenenete tiritir kakonyenekon, kopupete akonicoa. Kituritete EJAKAIT Ekonideke, loeyalamikin kanukon, adakakin jo oicoloŋjoke, araun ekabaka loka EJAKAIT Ekonideke: naarai abu Ekonideke komina Isirael, aiticat kes ikar kere, ŋes kituluoria jo ekabakakec, aiswamaenen nukabeit ka nuedolito.” Koinak ŋesi eka baka atalatan akwatat ka akaisaarei nuka esabu, ka lueur maa luipu noi, ka amor nuka akais nuipu: mam eanyuna bobo lueur maa lueriakas kanul luainakini akabaka naka Seba ekabaka Solomon. Ibulesin da luka Kuram, ka ibulesin luka Solomon lukeyaununete esabu koOpir, koyaut da ikito lukajokak ka amor nuka akais nuipu. Abu ekabaka kiswamau itutio luka etogo loka EJAKAIT, ka luka etogo loka ekabaka, ka adeudeun ka isabulin luka ikayook: mam apeŋo eanyuna lueputos kaŋul kakwap nako Yuda, Kosodi ekabaka Solomon ainakin akabaka naka Seba iboro kere lukipuda ŋesi, ŋinibore kere yenikilipi, adepar luabu ŋesi koinu ekabaka. Kwaŋin kibelokin do, koboŋo ŋes! akwapuke, ka ikekejaanakinak, Alaŋiru naka esabu loainunitai Solomon kokaru ediopet kerai atalatan akwat akanykape ka akaisakanykape ka nukanykape nuka esabu; adepar luainunete ikemutunok ka ikagwelanarak; apotu ikabakan kere luka Arabia ka ikayaitok luka akwap koinut Solomon esabu ka epuesa, Kiswamau ekabaka Solomon ibukui lukapolok akwat aarei luka esabu loerukuk: ŋolibuku lokapolon abu koya isekelin akwat akanykape luka esabu loerukuk. Kiswamau ŋesi ibukui akwat auni luka esabu loerukuk; ŋolibuku abu koya isekelin akwat auni luka esabu: kibwaik ekabaka kes togo loka ikito luka Lebanon. Bobo da kiswamau ekabaka eicoloŋ lokapolon loka ikel luka etom, kiladaa ŋes kesabu loelai. Kejaas adoketa akanykape oicoloŋ, kojai da iicoloŋ yenika akeje yenika esabu, yenirotakinio keicoloŋ, keŋaas akanin epuai kepuai kaibois neiboiere, ka iŋatunyo iarei luabwoete kawaitin nuka akanin. Kobwaata iŋatunyo itomon ka luarei epuai kepuai kadoketa akanykape; amamei loaputos kaŋol kajakanut kere. Iboro kere lumaset luka ekabaka Solomon keraas luka esabu, ka iboro kere lukotogo loka ikito luka Lebanon keraas luka esabu loelai: mam epuesa apodoi araut ibore kapaarasia nuka Solomon. Naarai kejaas ekabaka ameerin nualosenenete Tarusis nepepe kibulesin luka Kuram: apotu ameerin nuka Tarusis kopotu atipet ŋulukar iuni, koyaut esabu, ka epuesa, ka ikel luka etom, ka icomion, ka akweny nuajaas ikorio lukijesesinei luipu. Kwaŋin kiteleka ekabaka Solomon ikabakan kere luka akwap kabar ka acoa. Komoata ikabakan kere luka akwapin aanyun Solomon, akiirar acoake, nakibwaikinit Edeke otauke. Koinununete kesi ŋinituŋanan ainakineteke, iboro luka epuesa, ka iboro luka esabu, ka inapen, ka lujiis, ka lueur maa, ka ibalasin ka inyubun, esolo loka ŋolikaru. Kejaas Solomon aiboisio alukumin aoŋon nuka ibalasin ka agalin, ka ikebwanenok ilukumin itomon ka luarei, lukibwaikinit oreria luka agalin, ka Yerusalem da nekejai ekabaka. Kirum ŋesi ikabakan kere anyoun koCor kiton akwap naka Ipilisitian, kiton oikor loko Misiri. Kitarau ekabaka epuesa araut bala amor koYerusalem, kitarau iresia da bala ikito luka isukumorin luejaas apuutona, kanuka aipues. Koinununai Solomon ibalasin koMisiri ka akwapin kere. Aswamisio ace nuka Solomon, nusodit ka nukawasia mam kereka iwadikatai kakiro nuka Natan enabi, ka adwaranut naka Akiya Esilonit, ka aitapoeta nuka Ido ekadwaran nuka Yeroboam okoku loka Nebat? Kirumak Solomon Isirael kere ko Yerusalem ikar akaisaoŋon, Kojotoor Solomon kalukapapaake, kidaikinai ore loka Daudi papake: kirum Rekoboam okokuke aiboisike. Kolot Rekoboam Sekem: naarai kinotara Isirael kere Sekem aitaraun nes ekabaka. Kosodi kanen, kepupu Yeroboam okoku loka Nebat ŋun, (naarai kejai Misiri, neakeriarit anyoun kakonyen nuka ekabaka Solomon,) koboŋu do Yeroboam koMisiri. Kijukasi konyarautu ŋes; kobu Yeroboam ka Isirael kere, kinerata ka Rekoboam atiar, “Abu papakon kitalaŋir ajookotokosi: aso do kitebeben aswam naetiono naka papakon, ka ajookotoke naelaŋir naebwaikinit mamakosi, isio da kiŋaanakini jo.” Kotema kes atiar, “Koboŋutu neajai eoŋ ketuboros apaarasia auni.” Koloto ituŋa, Kinerut ekabaka Rekoboam kimakio, luabwoenenete kakonyen nuka Solomon papake eroko ejari ebe, “Ibalasi bo yesi ai eoŋ aboŋokin ituŋa ŋul?” Kobalas ŋes ebe, “Arai kisianiar ijo kaneejaas ituŋa ŋul, kisiyalamik kes, kolimok akiro nuejok, aso eraunos kesi ikonikejaanakinak ikar kere.” Konye kola ainerun naka imakio naapesikinito ŋes, kineru kikatumunak luapolounete kaŋes, luabwoete kakonyeneke, Kotema kes atiar, “Ibalasi bo yesi ai, kaboŋokis ituŋa ŋul, luapotu kabalas eoŋ ebe, ‘Kitebeben ajookot nakibwaikini papakon mamakosi?’” Kotemasi ikatumunak luapolounete kaŋes atiar, “Kolimok ituŋa ŋul lukibalas jo ebe, ‘Abu papakon kitalaŋir ajookotokosi, konye jo kitebeben ŋes kamakosi’; ilimokini kes kwanata ebe, ‘Ebur ekabokorit lodidi aitelekar aŋabet naka papake. Aso do abu papaka kisibwok yes ajookot naelaŋir, eyatakini do eoŋ ajookotokus: abu papaka koswala yes kidas, konye eoŋ kaswalari yes kikiritona.” Aso kobu Yeroboam ka ituŋa kere mama ejai Rekoboam apaaran nakiwuniet, kwape ecorakinia ekabaka ebe, “Koboŋut bobo apaaran nakiwuniet.” Koboŋok ekabaka ituŋa kaisiejakin: kola ekabaka Rekoboam ainerun naka imakio, kinera kakes kwape ajaar ainerun naka ikatumunak ebe, “Abu papaka kitalaŋir ajookotokus, konye eoŋ eyatakini ŋes; abu papaka koswala yes kidas konye eoŋ kaswalari yes kikiritona.” Aso mam abu ekabaka kopup ituŋa; naarai kerai akirot naabu Edeke koyau, tetere iticasi EJAKAIT akekirot, naabu kiner kama ka Akiya Esilonit mama ejai Yeroboam okoku loka Nebat, Keanyu Isirael kere ebe mam abu ekabaka kopup kes, koboŋokis ituŋa eka baka ebe, “Anyoin akorakinetekosi kama ka Daudi? Ido emamei sio airumet kotoma okoku loka Yese: Ape ma ŋinituŋanan owemanakus, wu Isirael: Daudi, koanyanar do ekonikek.” Koloto do luka Isirael kere owemanakec, Konye kirum Rekoboam idwe luka Isirael luiboiete koreria luka Yuda, Kosodi ekabaka Rekoboam aijukar Kadoram, loapolokinit esolo: apotu idwe luka Isirael kibiribiroto ŋes kamor, kotwana, Kiwonya ekabaka Rekoboam adokar agalike, akerit Yerusalem, Kwaŋin kipaliik do Isirael ekek loka Daudi, kiton lolo. Kedol Rekoboam Yerusalem, kotukonok ŋesi lukokek loka Yuda ka Benyamin, ituŋa lueseunitai ilukumin akwatat ka ilukumin akais akanykauni, lukeraas ikajiok, aitiji Isirael, ainyakun ajakanut bobo neejai Rekoboam, Konye kobu akirot naka EJAKAIT mama ejai Semaia etuŋanan loka Edeke ebe, “Kolimok Rekoboam okoku loka Solomon, ekabaka loka Yuda, ka Isirael kere luejaas koYuda ka Benyamin, ebe, ‘Inera EJAKAIT kwanata ebe, Mam ilosete, ido mam ijiikinos kikusiinacan; koboŋo ŋolituŋanan togoke; naarai erai akirot na nakaŋ.’’’ Kosodete kopuput akiro nuka EJAKAIT, koboŋosi kasurokin Yeroboam. Kiboikin Rekoboam Yerusalem, koduk ireria luka aigalikin koYuda. Koduk do Ber-lekem, ka Etam, ka Tekoa, ka Bet-sur, ka Soko, ka Adulam, ka Gat, ka Maresa, ka Sip, ka Adoraim, ka Lakis, ka Aseka, ka Sora, ka Aiyalon, ka Keburon, luejaas ko Yuda ka Benyamin, ireria luebwaitai. Kitogogoŋ ireria lukagogon, kibwaik ikapolok toma, ka imono, ka akinyet ka ebino. Kibwaik ibukui ka akwaras toma ŋolire kere, kitogogoŋ kes noi noi. Koraas Yuda ka Benyamin luke. Kolosenenete isasedotin ka Ilebin mamake lukejaas koIsirael kere anyoun koikorukec kere. Naarai kojalakis Ilebin ironyiakec ka airumetekec, kopotu Yuda ka Yerusalem: naarai apotu Yeroboam ka odweke kireŋeasi kes, kinyeis aijaanakin kwape isasedotin kakonyen nuka EJAKAIT. Koseu ŋesi isasedotin luka aiboisio nuiceleleete, ka luka ikorwa, ka luka itak luabu ŋesi kiswamau. Ido kotoma atekerin kere nuka Isirael, luebwaikinito itauonokec amoot EJAKAIT, Edeke loka Isirael, apotu kotupasi Ilebin, kopotu Yerusalem ainakin asuban mama ejai EJAKAIT, Edeke loka lukapapaakec. Kwaŋin kitogogoŋito ajakanut naka Yuda, kitogogoŋito Rekoboam okoku loka Solomon, ikar iuni: naarai kolosito korot loka Daudi ka Solomon ikar iuni, Komany Rekoboam aberu, Makalat akoku naka Yerimot okoku loka Daudi, ka naka Abikail akoku naka Eliab okoku loka Yese: kourik ŋes odwe; Yeus, ka Semaria, ka Sakam. Kokau kaŋin komany Maaka akoku naka Abisalom; kourik ŋes Abiya, ka Atai, ka Sisa, ka Selomit. Komina Rekoboam Maaka akoku naka Abisalom adepar akeŋor kere ka akebusian: (naarai komany aŋor atomon ka nukanykauni, ka abusian akaisakanykape, kouri idwe lusap akaisaarei ka lukanykauni ka lupesur akaisakanykape.) Koseu Rekoboam Abiya okoku loka Maaka araun lokapolon, ŋes lokapolon koinacanake: naarai akoto aitaraun nes ekabaka. Kiswama kacoa, kisiarak odweke kere aŋatar akwapin kere nuka Yuda ka Benyamin, toma ŋolire loebwaitai: koinak kes inyamat luipu. Komoik kes aŋor nuipu. Kosodi kanen, nakiticasere ajakanut naka Rekoboam, kogogoŋor, kojal ikisila luka EJAKAIT, ka Isirael kere nepepe kaŋes, Kosodi kanen, kokaru lokikanyet loka ekabaka Rekoboam, kobu Sisak ekabaka loko Misiri asurokin Yerusalem, naarai apaasi kama ejai EJAKAIT. Kejaas kagalin akwat atomon ka nuarei, ka ikebwanenok ilukumin akaisakanykape: ituŋa da luaupunos kaŋes anyoun koMisiri mam epedorio aimar; Ilubim, ka Isukiim, ka Itiopian. Kirum ireria luebwaitai luka Yuda, kobu Yerusalem. Kobu do Semaia enabi mama ejai Rekoboam, ka ikapolok luka Yuda, luatukonokina Yerusalem kanuka Sisak, kotema kes atiar, “Inera EJAKAIT kwanata ebe, Ipotu kojalata eoŋ, kanuka ŋun kenyeik yes da akan naka Sisak.” Kosodete ikapolok luka Isirael ka ekabaka aitasonikin; kotemasi atiar, “Edolit EJAKAIT.” Keanyu EJAKAIT ebe etasonikinos, kobu akirot naka EJAKAIT mama ejai Semaia atiar, “Etasonikinos kesi; mam amudiari kes; konye ainakini kes adioitajario, mam akanyunyura ebukokinio Yerusalem kakan naka Sisak. Konye do eraunos kesi ikekejaanakinak; tetere ejenunete aijaanakinika, ka aiiaanakin naka ajakanuto nuka akwapin.” Kobu do Sisak ekabaka loko Misiri asurokin Yerusalem, koyaŋa iboro luka akais nuipu luka etogo loka EJAKAIT, ka iboro luka akais nuipu luka etogo loka ekabaka; koyaŋa kere: koyaŋa da ibukui luka esabu lueswamat Solomon. Kiswamau ekabaka Rekoboam ibukui luka aisinin aiboisikec, kijaik akanin nuka ikapolok luka ikedarak, luedarete ekek loka etogo loka ekabaka. Kosodi naalomanaria ekabaka togo loka EJAKAIT, kopotu ikedarak kodakanarete kes, kinyakanarete agola naka ikedarak, Nakitasonikinor, kibelokin anyunyura naka EJAKAIT kamake, kinyek amudiar ŋes cut: bobo da kotakanut nuejok kotoma Yuda. Kitogogoŋikin do ekabaka Rekoboam ko Yerusalem, kirum: naarai kerai Rekoboam loka ikar akaisaoŋon ka lodiopet egeuni airum, kirumak ikar itomon ka lukanykaarei koYerusalem, ere loabu EJAKAIT koseu katekerin kere nuka Isirael, aibwaikin nen ekekiror: ekiror loka totoke kerai Naama Amonit. Kiswama nueroko, naarai mam ebwaikinit eketau amoot EJAKAIT. Aswamisio nuka Rekoboam, nusodit ka nukawasia mam kereka iwadikatai kakiro nuka Semaia enabi, ka Ido ekadwaran, kwape ejaar aurio? Kejaenenas ijiisio kidin Rekoboam ka Yeroboam, Kojotoor Rekoboam kalukapapaake, aponi kidaikinai ore loka Daudi: kirum Abiya okokuke aiboisike. Kokaru lokitomonet kakanykauni loka ekabaka Yeroboam kogeu Abiya airum Yuda. Kirumak ikar iuni koYerusalem: ekiror loka totoke kerai Mikaia akoku naka Uriel loka Gibea. Kejai ejie kidiŋ Abiya ka Yeroboam, Kolot Abiya kajore naka ikajiok luetitiŋ, kes ituŋa ilukumin akwat aoŋon lueseunitai asurokin: kiderakin Yeroboam ejie kaŋes kituŋa ilukumin akwat akanykauni lueseunitai, lukeraas ikirigin luetitiŋ. Kobwo Abiya komoru Semaraim loejai kakwap nakiukon naka Epuraim, kotema atiar, “Kopupokinai jo Yeroboam ka Isirael kere; mam kereka ibusakinit yes ajenun ebe abu EJAKAIT, Edeke loka Isirael koinak Daudi ajakanut naka Isirael ikar kere, ŋes, ka odweke kaitutuket naka abalaŋ? Konye konyou Yeroboam okoku loka Nebat, ekejaanakinan loka Solomon okoku loka Daudi, kipaliik ekejakait. Kotukonokinos ituŋa luutai mama ejai, odwe luka Belial, lukitogogoŋete asurokin Rekoboam okoku loka Solomon, korai Rekoboam esapat, loka etau loenonok, komam kepedori aitikokin kes. “Kwana do iwomitos yesi asurokin ajakanut naka EJAKAIT kakan naka odwe luka Daudi; iraas yesi ekodet loepol, ejaas kayes itak luka esabu luabu Yeroboam kiswamak yes araun idekesio. Mam baca yes ipotu kireŋeasi isasedotin luka EJAKAIT, odwe luka Aaron, ka Ilebin, kodumut isasedotin kopone loka ituŋa lukacekwapin? Tape loebuni atiakun bon kemoŋ lotobait ka imerekekin ikanykaarei, epedori araun esasedoti loka ŋul lumam eraas idekesio. Konye do isio, EJAKAIT ŋes Edekekosi, mam sio kipou kajalata ŋes; kija isio ka isasedotin luijaanakinete EJAKAIT, odwe luka Aaron, ka Ilebin toma aswamukec: icweikinete kesi ŋinitupuruc ka ŋinitibon ainakineta nuieweio, ka lukisupurununo lueuru maa: inapanakinete kesi imugatin luka aitodikin omesa loesegaara; ka epir loka atalai loka esabu ka atalaike ainok ŋinitiboŋ: naarai kiric isio akiro nuka EJAKAIT Ewokodeke; konye ipotu yesi kojalata ŋes. Ido koany, ejai Edeke kasio kiŋarenikinit, ka isasedotinike karupepen nuka elulu akusia elulu asurokin yes. Yes idwe luka Isirael, sirikisurokis EJAKAIT, Edeke loka lukapapaakus; naarai mam ikeriakaros.” Konye kitolot Yeroboam ikaperunok kokaukec: kojaas kes kiŋaren ka Yuda, ka ikaperunok kaukec, Kenoliasi luka Yuda kau, koany, keiai ejie kinaren, kokaukec da: kiworoto mama ejai EJAKAIT, kokuta isasedotin arupepen. Kosodete ituŋa luka Yuda eibwoŋ: napibwoŋas ituŋa luka Yuda, kosodi kanen, kodany Edeke Yeroboam ka Isirael kere kakonyen nuka Abiya ka Yuda. Kokerata idwe luka Isirael kakonyen nuka Yuda: kijaik Edeke kes akanikec. Koar Abiya ka ituŋake kes kearit loepol: kibiroros luaaritai luka Isirael ituŋa ilukumin akwat akany lueseunitai. Kwaŋin kitonokokai idwe luka Isirael kapaarasia kaŋun, kipikosi idwe luka Yuda naarai kegoŋakina EJAKAIT, Edeke loka lukapapaakec. Korukitor Abiya Yeroboam, kirum ireria kamake, Bet-el ka ireriake, ka Yesana ka ireriake, ka Epuron ka ireriake. Mam bobo abu Yeroboam kogogoŋor kapaarasia nuka Abiya: kinom EJAKAIT ŋes, kotwana. Konye kogogoŋor Abiya, komany aŋor atomon ka nuoŋon, kouri idwe lusap akaisaarei ka luarei, ka lupesur itomon ka lukanykape. Aswamisio ace nuka Abiya, ka iponesioke, ka akiroke, iwadikatai oitabo loka enabi Ido. Kojotoor do Abiya kalukapapaake, aponi kidaikinai ore loka Daudi, kirum Asa okokuke aiboisike: kapaarasiake kiyamakin akwap ikar itomon. Kiswama Asa nuejok ka nuedolito kakonyen nuka EJAKAIT Ekedeke: naarai kolema ŋesi itemwan lumo, ka aiboisio nuiceleleete, kobilibil ipirin, kojepejep Aserim: kicorak Yuda amoot EJAKAIT, Edeke loka lukapapaakec, ka aricenen ikisila ka aicorakineta, Kolema da koreria kere luka Yuda aiboisio nuiceleleete ka aputosia nuka akoloŋ: kiyamakina ajakanut kakonyeneke. Koduk ireria luebwaitai koYuda: naarai eyamakina akwap, amamei ejie kokar kaŋul; naarai abu EJAKAIT kisiyeŋu ŋes, Naarai kotema ŋesi Yuda atiar, “Kadukoto ireria lu, kerigaut karwatatin, ka itogoi lueojak, ikirigin ka atiketa; eriŋa akwap ejai kakonyenewok, naarai kimoot oni EJAKAIT Ewokodeke; kimoot ŋes, abu ŋesi da kisiyenu oni kaŋoliwai.” Kosodete kodukoto, kokeriakaros. Kejaas Asa kajore nakedakit ibukui ka akwaras, ilukumin akwat auni koYuda; koBenyamin da, lukedakitos ibukui ka aiket akabwai, ilukumin akwat aarei ka ilukumin akaisakanykauni: ŋul kere keraas ituŋa lukirigin luetitiŋ. Kolom Sera Etiopiat asurokin kes ejaas kajore naka ilukumin elukumit, ka agalin akwat auni; kobu ŋesi Maresa. Koloma do Asa airiamakin, kiderakinos ejie kaditot naka Sepata koMaresa. Komonyak Asa EJAKAIT Ekedeke, kotema atiar, “EJAKAIT, emamei lokiŋarakini kilema ijo, kidin ka lokagogon ka loemamei agogoŋ; kiŋarakinai sio, wu EJAKAIT Ekosideke; naarai kigonakina jo, kokirorikon ŋes kilomunia asurokin ekodet lo loepol. Wu EJAKAIT, irai ijo Ekosideke; kinyek etuŋanan aipikor jo.” Kodany do EJAKAIT Itiopian kakonyen nuka Asa, kakonyen nuka Yuda da; kokerata Itiopian. Korukitor Asa ka ituŋa lukejaas kaŋes kiton Gerar: kibiroros luipu noi luka Itiopian komam epedorete ajtaiara bonik; naarai amudiaros kakonyen nuka EJAKAIT, kakonyen nuka ajoreke da; koyaŋaasi luŋatuna luipu noi. Kodanyata lukoreria kere luirimorito Gerar; naarai kobunoki kes etasuro loka EJAKAIT: koŋata ireria kere; naarai kejaas luŋatuna luipu tomakec. Kipota da iweman luka ibaren, koŋatut amerekekin nuipu noi ka akaalai, koboŋosi Yerusalem. Kodoik emoyo loka Edeke Asaria okoku loka Oded: koloma ŋesi airiamakin ka Asa, kotema ŋes atiar, “Kopupokinai, Asa, ka Yuda kere ka Benyamin: ejai EJAKAIT kayes, naijaatar yesi kaŋes; arai imootos ŋes, idumunete; konye arai ijalete ŋes, ŋes da kijali. Apak naepol amamei Isirael Edeke lokabeit, amamei da esasedoti loisisianakini, amameete da ikisila: konye nakejaatar ocan kibelokinos mama ejai EJAKAIT, Edeke loka Isirael, komoata ŋes, kodumutu nes. Kapaarasia kwa amamei ainapakin ŋin yenelomari, karaida ŋin yenelomuni, konye kiyaloŋoŋoete noi luiboiete kere kakwapin. Kobilibilunos, ateker kateker, ka ere ka ere: naarai kisiyaloŋoŋ Edeke kes katiokisio kere, Konye kicata yesi, sirikijalijalakinos akusikanin: naarai eropio akusiswam.” Kepupu Asa akiro ŋun, ka aidwar naka Oded enabi, kotitiŋior, kolema italesia kakwap kere nako Yuda ka Benyamin, koreria da luerumit kakwap nakiukon naka Epuraim; kiteteu etem loka EJAKAIT, lokejai iŋaren kaneelomarere togo loka EJAKAIT. Kotukonok Yuda kere ka Benyamin, ka ŋul lukiboiororos kakes koEpuraim ka Manase, koSimeon da; naarai kobwota luipu kakesi mama ejai ŋesi koIsiraei, keanyutu kesi ebe ejai EJAKAIT Ekedeke kaŋes. Kotukonokinos do koYerusalem kolap lokiwuniet, kokaru lokitomonet kakany loka airum naka Asa. Koinakis EJAKAIT asuban kapaaran kaijin, nuka lunatuŋa luayaut, imoŋin akwat akanykaarei ka amerekekin alukumin akanykaarei. Kolomasi toma aitutuket amoot EJAKAIT, Edeke loka lukapapaakec, kikecetauon kere ka akeceijar kere; ebe da yeneŋeri amoot EJAKAIT, Edeke loka Isiraei, eario, arai yenedit arai yenepol, arai ekiliokit arai aberu. Kiyapoikis EJAKAIT keporoto loepol, keibwoŋ, karupepen, ka apeen. Kisiyalamik Yuda kere aiyaposit: naarai apotu kiyapoto kitauonokec kere, komoata ŋes keimielakec kere; apotu kodumut ŋes: kisiyeŋu EJAKAIT kes kowaitin kere, Kireŋjea da Maaka, toto naka Asa ekabaka, karaut akabaka, naarai abu kiswamau aput naketal araun Asera; kojepa Asa aputoke, kitarau apua, kicwe kaguurut Kiduron. Konye mam aponi kolemarai aiboisio nuiceleleete koIsirael: konye kedolit etau loka Asa apaarasiake kere, Kitoloma iboro togo loka Edeke luabu papake kotiakarite, ka iboro luabu ŋesi elopet kotiakarite, epuesa ka esabu ka iboro. Amamei bobo ejie aitodol okaru loka akaisauni ka lukany loka airum naka Asa. Kokaru loka akaisauni ka lukanykape loka airum naka Asa, kolot Baasa ekabaka loka Isirael asurokin Yuda, koduk Rama, tetere mam ecamakini idiotuŋanan alomar arai alomun mama ejai Asa ekabaka loka Yuda. Kosodi Asa alemun epuesa ka esabu koboro luka akais nuipu luka etogo loka EJAKAIT, ka luka etogo loka ekabaka, kijukak Ben-kadad ekabaka loka Suria, loeboienenei koDamasiko, ebe, “Ejai aitutuket kidiŋika kajo, kwape ajaar kidiŋ papaka ka papakon: koany, ejukakinit jo epuesa ka esabu; kolot, kobil aitutuketekon ka Baasa ekabaka loka Isirael, tetere enyouni ŋesi kaneajai eoŋ,” Kiira Ben-kadad ekabaka Asa, kijuka ikapolok luka ajoresioke asurokin ireria luka Isirael; kodanyata luko Iyon, ka Dan, ka Abelmaim, ka ireria kere luka aiŋad luka Naputali. Kosodi kanen, kepupu Baasa nuŋ, kinyeik aiduk Rama, kitanaŋ akeswam. Kosodi Asa ekabaka ayaŋaar Yuda kere; koyaŋaasi amor nuka Rama, ka akitoke, nuabu Baasa kodukitor; kodukio Geba ka Misipa. Kapaarasia kaŋun kobu Kanani ekadwaran mama ejai Asa ekabaka loka Yuda, kotema ŋes atiar, “Naarai igoŋakina ijo ekabaka loka Suria, komam igoŋakina EJAKAIT Ekonideke, kanuka ŋun akuu ajore naka ekabaka loka Suria kakanikon. Mam kereka Itiopian ka Ilubim ajore nakos, kejaas kagalin ka ikebwanenok luipu noi noi? Konye naarai ibu kogoŋakina EJAKAIT, abu ŋesi kijaik kes akanikon. Naarai eŋoleŋoleete akonye nuka EJAKAIT anatar akwap kere, aitodikin akegogoŋ kanuka ŋul luetenito itauonokec kakonyeneke. Iswama nukabaŋaanut kanuŋ; naarai agear kwana ijaun kaijiisio.” Kosodi Asa anyunyurikin ekadwaran, kibwaik nes aidaris; naarai kisiopak ŋes kanuka akirot kaŋin. Koroik Asa ice kotuna kapak kanin. Ido koany, aswamisio nuka Asa, nusodit ka nukawasia, koany, iwadikatai oitabo loka ikabakan luka Yuda ka Isirael. Kokaru loka akaisauni ka lukanykaoŋon loka airumuke kodekakin Asa akejeke; kepol noi adekake: konye toma adekake mam abu komoote EJAKAIT, konye mama ejaas imurwok. Kojotoor Asa kalukapapaake, kotwana kokaru loka akaisaoŋon ka lodiopet loka airumuke. Aponi kidaikinai adiopet katesinake elopet, nuabokit kanuke ore loka Daudi, kiteperikinoi oitada loeleleba auresio nuejok ka Iueur maa luegelegela luetemokinitoi kapirianut naka emurwon: kisupuronokinete luipu noi. Kirum Yekosapat okokuke aiboisike, kogogoŋior asurokin Isirael. Kibwaik irioŋeta koreria kere luebwaitai koYuda, kibwaik iserikalen kakwap naka Yuda, oreria da luka Epuraim luabu Asa papake kirum. Kojai EJAKAIT kaYekosapat, naarai alosenenei korotin lusodit luka Daudi papaake, mam abu komoote nee jaas Ibaalim; konye komoote Edeke loka papake, kolosenenei kaicorakinetake, mam atupit nukiswamaenenei Isirael. Kanuka ŋun kiticat EJAKAIT ajakanut kakanike; koinu Yuda kere ainakineta mama ejai Yekosapat; kojau ŋesi kabar ka aibuses naepol. Kitonyounoi eketau orotin luka EJAKAIT: bobo da kolema aiboisio nuiceleleete ka Aserim koYuda, Kokaru lokiwuniet da loka airumuke kijuka ikapolokoke, Ben-kail, ka Obadia, ka Sekaria, ka Netanel, ka Mikaia, aisisianakin oreria luka Yuda; nepepe kakes da Ilebin, Semaia, ka Netania, ka Sebadia, ka Asakel, ka Semiramot, ka Yekonatan, ka Adoniya, ka Tobiya, ka Tob-adoniya, Ilebin; nepepe kakes da Elisama ka Yekoram, isasedotin, Kisisianakinete koYuda, kejaas keitabo loka ikisila luka EJAKAIT; kitoroto anatar ireria kere luka Yuda, kisisianakinete ituŋa. Kobunok etasuro loka EJAKAIT ajakanuto kere nuka akwapin nuerimoritos Yuda, komam bobo esurokinete Yekosapat. Koyaut ice ka Ipilisitian ainakineta mama ejai Yekosapat, ka esolo loka epuesa; koinut Iarabun da ŋes isipanin, imerekekin ilukumin ikanykaarei ka akwat akanykaarei, ka ikorwa ilukumin ikanykaarei ka akwat akanykaarei. Kiyatanakin apolou naka Yekosapat apoloor noi; koduk itogoi luegogoŋ ka ireria lukaiŋad koYuda. Kejaas ŋes aswamisio nuipu koreria luka Yuda; ka ikajiok, ituŋa lukirigin luetitiŋ, koYerusalem. Lo ŋes etiaikec kwape ajaatar ikekia luka lukapapaakec; luka Yuda, ikapolok luka ilukumin; Adana lokapolon, ka ituŋa lukirigin Iuetitiŋ ilukumin akwat auni nepepe kaŋes: kotupite ŋes Yekokanan ekapolon; ka ilukumin akwat aarei ka ilukumin akaisakanykauni nepepe kaŋes. Kotupite ŋes Amasia okoku loka Sikiri, loabu kijaikin ketau loejok mama ejai EJAKAIT; ka ituŋa lukirigin luetitiŋ ilukumin akwat aarei nepepe kaŋes. Luka Benyamin; Eliada etuŋanan lokirigi Ioetitin, ka ilukumin akwat aarei nepepe kaŋes lukekapito akabwai ka ibukui: kotupite ŋes Yekosabad, ka ilukumin akwatat ka ilukumin akaisakanykauni nepepe kaŋes luetemokino ejie. Ŋul kes luejaanakinete ekabaka kogelara ŋul luebwaikinit ekabaka oreria luebwaitai anatar Yuda kere. Kejaas do Yekosapat kabar ka aibuses naepol; kimurakikinos ka Akab. Ketuboros ikar kolot ŋesi neejai Akab Samaria. Koarak Akab ŋes ka ituŋa lukejaas kaŋes amerekekin ka imoŋin luipu, kilip ŋes aupar alosit Ramot-gilead. Kotema Akab ekabaka Ioka Isirael Yekosapat ekabaka loka Yuda atiar, “Kiupar tope ijo keoŋ alosit Ramot-gilead?” Koboŋok ŋes ebe, “Arai eoŋ kwape iraar ijo, ikatuŋa kwape ituŋakon; kiupari kajo ojie.” Kotema Yekosapat ekabaka loka Isirael atiar, “Keŋaiŋait, kiŋit kakirot naka EJAKAIT lolo.” Kosodi ekabaka loka Isirael atukonokin inabin, ituŋa akwat aoŋon, kotema kes atiar, “Kilosi kereka aitiji Ramot-gilead, arai bo kenye?” Kotemasi kesi atiar, “Kolot, naarai kijaik Edeke ŋes akan naka ekabaka.” Konye kotema Yekosapat atiar, “Emamei bobo da enabi ece loka EJAKAIT, keŋitata ŋes?” Kotema ekabaka loka Isirael Yekosapat atiar, “Eriŋa ejai etuŋanan ediopet lokipedori aiŋitunia EJAKAIT: konye asac eoŋ ŋes; naarai mam kadwaranakini eoŋ nukajokak, dimarai ca nupekaronok duc: ŋes ŋol Mikaia okoku loka Imila.” Kotema Yekosapat atiar, “Kinyek ekabaka einer kwaŋin.” Kosodi ekabaka loka Isirael anyaraun ekapolokiton, kotema ŋes atiar, “Kisunyite koom Mikaia okoku loka Imila.” Kiboikin ekabaka loka Isirael ka Yekosapat ekabaka loka Yuda ŋinituŋanan oicoloŋoke, konapitos inapenekec, kiboikinos kaibois naelal neelomarere orute loka Samaria; kodwarata inabin kere kakonyenekee. Kotatau Sedekia okoku loka Kenaana amumwara nuka asua, kotema atiar, “Inera EJAKAIT kwanata ebe, Iremio nu Isurian, aitodol neadaunotor kesi.” Kodwarata inabin kere kwaŋin ebe, “Kolot Ramot-gilead, kisirerenio: naarai ijaikini EJAKAIT ŋes akan naka ekabaka.” Kosodi ekiyakia loabu kolot anyaraun Mikaia kotema ŋes atiar, “Koany, ejokuka akiro nuka inabin kaituk adiopet mama ejai ekabaka: keŋaiŋait koputokinos do akonikirot kwape kadiopet ka nukec, kiner nuejok.” Kotema Mikaia atiar, “Kwape ejaria EJAKAIT, nuelimuni Ekadeke, ŋupeŋun eneri.” Kedolu ŋesi mama ejai ekabaka, kotema ekabaka ŋes atiar, “Mikaia, kilosi kereka isio Ramot-gilead ejie, arai bo kenyek?” Kotema atiar, “Koloto yesi, kisirereŋio; kijaikinio kes akanikus.” Kotema ekabaka nes atiar, “Irwan imwaasi ai kesiyapo jo ebe Sirikiilimok eoŋ adiokirot dimarai nukabeit kokiror loka EJAKAIT?” Kotema atiar, “Abu kaany Isirael kere isiarakina koroŋan, kwape amerekekin nuemameete ekecokon: kotema EJAKAIT atiar, ‘Emameete nu ejakait; koboŋosi kesi ŋinituŋanan oreke inapakina.’’’ Kotema ekabaka loka Isirael Yekosapat atiar, “Mam abu kalimok jo ebe mam kadwaranakini eoŋ nukajokak, dimarai ca nupekaronok?” Kotema atiar, “Kanuka ŋun kiirasi yesi akirot naka EJAKAIT: abu kaany EJAKAIT iboie koicoloŋoke, kobwoi da ajore kere naka akuj kakanike nakoteten ka nakokediany, Kotema EJAKAIT atiar, “Iŋai iŋalaari Akab ekabaka loka Isirael, tetere elosi aibirokin Ramot-gilead?’ Kotema ediopet kopone lo, ece da kopone ece, Kolom do emoyo, kobwo kakonyen nuka EJAKAIT, kotema atiar, “Eŋalaari eoŋ ŋes.’ Kotema EJAKAIT ŋes atiar, ‘Kinyo?’ Kotema atiar, ‘Alomari, araun emoyo loka aiŋal kaituke nuka inabinoke kere.’ Kotema atiar, ‘Iŋalaari ijo ŋes, ido ipedori: koloma, kiswama kwaŋin.’ Aso do koany, ebwaik EJAKAIT emoyo loka aiŋal aituke nuka inabinokon lu; kinerak EJAKAIT jo aronis.” Kosodi Sedekia okoku loka Kenaana aikunyakin, kibap Mikaia eitinyo, kotema atiar, “Kikwaikini ai emoyo loka EJAKAIT enyouni kamakaŋ einer kajo?” Kotema Mikaia atiar, “Koany, ianyuni kapaaran kaŋin, nailomaria agola nakotoma aiŋop.” Kotema ekabaka loka Isirael atiar, “Kikamutu Mikaia, kinyakakis ŋes Amon ekayaiton loka ere, mama ejai Yoas da okoku loka ekabaka; kolimokis ebe, ‘Inera ekabaka kwanata ebe, Kibwaikisi ekesa lo aidaris, kitanyamete ŋes inyamat luka aiticanitoi ka akipi nuka aiticanitoi, aitodol neaboŋunio eoŋ kainapakin.’’’ Kotema Mikaia atiar, “Arai teni kiboŋu ijo kainapakin, mam EJAKAIT inerit kamaka.” Kotema atiar, “Kiirasi yesi ituŋa, yes kere.” Koloto do ekabaka loka Isirael ka Yekosapat ekabaka loka Yuda Ramotgilead, Kotema ekabaka loka Isirael Yekosapat ekabaka loka Yuda atiar, “Etegelikini eoŋ bon, alosi ojie; konye konap ijo inapenekon.” Kitegelikin ekabaka loka Isirael bon; koloto ojie. Abu ekabaka loka Suria kicorakinite ikapolokitok luka agalinike ebe, “Sirikijioto ka ludidik karaida kalukapolok, dimarai kito ekabaka loka Isirael bon.” Kosodi kanen, keanyut ikapolokitok luka agalin Yekosapat, kobalas ebe, “Ŋes ekabaka loka Isirael.” Kanuka ŋun korioto aitiji ŋes; konye kodelo Yekosapat, kiŋarak EJAKAIT ŋes; kibelok Edeke kes anyoun kamake, Kosodi kanen, keanyut ikapolokitok luka agalin ebe mere ŋes ekabaka loka Isirael, koboŋut karukitor ŋes. Kiket ediotuŋanan akabwake komam elosikinit, kogum ekabaka loka Isirael neiriamitotor iŋapeneke lukasua: kanuka ŋun kotema ekerenean agalike atiar, “Kibelok akanikon, kodaka eoŋ kajore; naarai kemusuni noi.” Kosisior ejie kapaaran kaŋin; konye kigaŋakin ekabaka loka Isirael agalike asurokin Isurian aitodol eboŋ: kapak naalomaria akoloŋ kotwana. Koboŋo Yekosapat ekabaka loka Yuda togoke Yerusalem inapakina. Koloma Yeku okoku loka Kanani ekadwaran airiamakin kaŋes, kotema ŋesi ekabaka Yekosapat atiar, “Ti kereka ejok jo aiŋarakin ikaronok, amina da ŋjul luelaito EJAKAIT? Kanuka akirot kaŋin kibunok jo anyunyura kakonyen nuka EJAKAIT, Konye edumuna nuejok kotomakon, naarai ilema Aserot kakwap, ibwaikinit ekonitau amoot Edeke.” Kiboie Yekosapat koYerusalem: koloma bobo mama ejaas ituŋa anyoun koBeer-seba kiton akwap nakiukon naka Epuraim, kinyaku kes mama ejai EJAKAIT, Edeke loka lukapapaakec. Kodakanak ikatubok kakwap anatar ireria kere luebwaitai luka Yuda, kaŋolire kere. Kotema ikatubok atiar, “Koomitos nuiswamaete: naarai mam itubete kanuka ituŋanan, konye kanuka EJAKAIT: ejai ŋesi kayes kotube. Aso do koyoŋito yesi EJAKAIT; kocoito kiswamata: naarai emameete numam adolit kaneejai EJAKAIT Ewokodeke, karaida atiakit ituŋa, karaida aijaun ainakineta.” Ido Yerusalem kibwaik Yekosapat ice koLebin ka isasedotin, ka ikapolok luka ikekia luka lukapapaa luka Isirael, kanuka etube loka EJAKAIT, ka ipegeta. Koboŋosi Yerusalem, Kicoro kes ebe, “Kikwaikisi neta iyonete EJAKAIT, amunonut, ka etau Ioedolit, Naeyauniata ikusiinacan luiboiete koreriakec epeget kere mama ijaas, kokidiŋ kaokot ka aokot, kokidin kekisil ka aicorakinet, ikisila ka itubesia, kikwenyasi kes, kinyeis agwaun akiro mama ejai EJAKAIT, kosodi anyunyura abunokin yes ka ikusiinacan: kiswamata ŋun, mam do igwaunete. Ido koany, kipolokinit yes Amaria esasedoti lopeti kakiro kere nuka EJAKAIT; ka Sebedia okoku loka Isimael, ekayaiton ekek loka Yuda kakiro kere nuka ekabaka: Ilebin da eraunos ikapolokitokokus, Kiswamata katitiŋ, kojai EJAKAIT ka yenejok.” Kosodi kanen, akaulo kaŋun, kopotu idwe luka Moab, ka idwe luka Amon, ka ice koMorain kakes asurokin Yekosapat. Kosodi kopotu ice lualimokinete Yekosapat ebe, “Ebunit ekodet loepol asurokin jo anyoun kokekwa koSuria; ido koany, ejaas Kasason-tamar (nes ŋol Engedi).” Kokuriana Yekosapat, kodunyak amoot EJAKAIT; kolimo ailuŋ anatar Yuda kere. Kotukonokin Yuda kere, amoot aiŋarakinio kaneejai EJAKAIT: kopotu koreria kere luka Yuda amoot EJAKAIT. Kobwo Yekosapat katukot naka Yuda ka Yerusalem, togo loka EJAKAIT kiŋaren kalaro nakitetet; kotema atiar, “Wu EJAKAIT, Edeke loka lukapapaakosi, mere ijo Edeke toma akuj? Mere ijo ekayaiton ajakanuto kere nuka atekerin? Kakonikan ejai agogoŋ ka apedor, ŋes emamear loepedori aitikokin jo. Mam kereka jo, wu Ekosideke, ireŋearit lueboiete kakwap kana kakonyen nuka ikonituŋa Isirael, koinak aur naka Aburaam opaperokon ikar kere? Apotu kiboikinos kanen, kodukokis jo kanen aibois nakalaunan kanuka ekonikiror, kobalas ebe, ‘Arai kiidoik sio aronis, ekileŋ, etube, arai atular, arai ebeli, kibwoi koiŋaren ketogo kalo, kakonyenekon, (naarai ejai ekonikiror togo lo,) kimonyia isio jo kocanikosi, iirari itajari da.’ Aso do koany, idwe luka Amon ka Moab ka lukomoru Seir, lumam jo icamunit Isirael alomar akwapukec nakeponiata kesi kakwap nako Misiri, konye apotu kesi kinaca, mam apotu komudiasi kes; koany, kwape kitaciata kesi sio aponare aireŋear sio kairumetekon, naibu ijo koinak sio airum. Wu Ekosideke, mam kereka jo itubokini kes? Naarai emamei sio agogoŋ asurokin ekodet lo loepol loabu asurokin sio; mam kijeni da nukiswamai; konye esesenete akosikonye jo.” Kobwo Yuda kere kakonyen nuka EJAKAIT, nepepe kaludidikikec, ka aŋorokec, ka idwekec. Kosodi kodoik emoyo loka EJAKAIT Yakasiel okoku loka Sekaria, okoku loka Benaia, okoku loka Yeiel, okoku loka Matania, Elebit, lokodwe luka Asap, kokidiŋ katukot. Kotema ŋesi atiar, “Kiirasi yesi, Yuda kere, ka yes luiboiete koYerusalem, ka jo Yekosapat ekabaka: inera EJAKAIT kwanata mama ijaas ebe, ‘Sirikikuriakaros, karaida aiyaloŋoŋ kanuka ekodet kala loepol; naarai ejie mam erai lokus, konye loka Edcke. Koloto yesi moi asurokin kes: koany, epote kadokaret naka Sis; idumakinete kes osaŋe loka aditot, koiŋaren kamodiŋ naka Yeruel. Mam yes ipudasi ejie kojie lo; kiderakinos, kobwaata kopalarito, koanyut aitajar naka EJAKAIT naejai kayes, wu Yuda ka Yerusalem’: sirikikuriakaros karaida aiyaloŋoŋ; koloto moi asurokin kes; naarai ejai EJAKAIT kayes.” Kokukum Yekosapat kitulur akekou kwap: kibiror Yuda kere ka luiboiete koYerusalem kakonyen nuka EJAKAIT, komaata EJAKAIT, Kobwaata Ilebin, lukodwe luka Ikokatin, ka lukodwe luka Ikorakin, kituritos EJAKAIT, Edeke loka Isirael, keporoto loepol noi. Konyoutu tupuruc sek, kolomasi amodiŋ naka Tekoa; napelomarete kobwo Yekosapat kotema atiar, “Kiirarai, jo Yuda, ka yes luiboiete koYerusalem; kiyuutu EJAKAIT Ekusideke, kwaŋin kiticasio; kiyuutu inabinoke, kwaŋin kisirereŋio.” Kedau iŋesi ainerun kaituŋa, koseu lueyeikinete EJAKAIT, luituritos ajokis naka alaunit, nakelosioto kiŋarenikinito ajore, kobalasi ebe, “Kimalata EJAKAIT; Naarai ejaenena akeitim ikar kere.” Kegeutu kesi ayoore ka aiturit, kibwaik EJAKAIT ikaperunok asurokin idwe luka Amon, ka Moab ka moru Seir, luaponito asurokin Yuda; kodanyai, Naarai konyoikis idwe luka Amon ka Moab aluikin luiboiete moru Seir, aiar ka amudiar kes cut: kedautu kesi aiar luibojete koSeir, kigaŋanakinos ŋulutuŋa aiar yenice, Kedol Yuda aiteis naka amodiŋ, kosesenete ekodet; ido koany, keraas lukatwak luebirokina kwap, kemameete da luakuito. Kebu Yekosapat ka iketuŋa aiŋat kes, kodumut ibaren luipu noi, ka iboro, ka inapen, ka iboro luka akais nuipu, luapotu kolacut kanukec, adepar luapedorete ayaŋaar: kodaut apaarasia auni eŋasete, naarai epu noi. Kapaaran nakiwoŋonet kotukonokinos aditot naka Beraka; naarai kanen kituritos EJAKAIT: Ŋes kemaikiniata ekiror loka aibois ŋin Aditot naka Beraka, kiton lolo. Kosodete aboŋor, ŋolituŋanan loka Yuda ka Yerusalem, kiŋarenikinite Yekosapat kes, aboŋor Yerusalem kaiyalama; naarai abu EJAKAIT kisiyalamik kes kama kalukasurupokec. Kopotu Yerusalem ejaas kisabulin ka adeudeun ka arupepen mama ejai etogo loka EJAKAIT. Kojau etasuro loka Edeke atekerin kere nuka akwapin, kepuput kesi ebe asurok EJAKAIT lukasurupo luka Isirael. Kiyamakin do ayaetait naka Yekosapat; naarai kisiyen Ekedeke ŋes kowaitin kere. Kirum Yekosapat Yuda: kerai loka ikar akaisauni ka lukany egeuni airum; kirumak ikar akaisaarei ka lukany koYerusalem; ekiror loka totoke kerai Asuba akoku naka Siliki. Kolosenenei korot loka Asa papake, mam abu kopaa, kiswamaenenei nuejok kakonyen nuka EJAKAIT. Konye mam aponi kolemarai aiboisio nuiceleleete; kwabo eriŋa ber ituŋa ibwaikina itauonokec mama ejai Edeke loka lukapapaakec. Aswamisio ace kere nuka Yekosapat, nusodit ka nukawasia, koany, iwadikatai kakiro nuka Yeku okoku loka Kenani, nuikopakinitai oitabo loka ikabakan luka Isirael. Akaulo kanuŋ kimorikikinos Yekosapat ekabaka loka Yuda ka Akasia ekabaka loka Isirael; abu ŋol kiswama nueroko noi. Kimorikikinos kaŋes aiswamaun ameerin nuelosenenete Tarusis; apotu kiswamaut ameerin koEsion-geber. Kosodi Elieser okoku loka Dodabaku loka Maresa adwarakin Yekosapat ebe, “Naarai ibu kimorikikinos ka Akasia, emudiari EJAKAIT akoniswamisio.” Aponi kobilibilai ameerin, tape mam apedorete alosit Tarusis. Kojotoor Yekosapat ka lukapapaake, aponi kidaikinai kalukapapaake ore loka Daudi: kirum Yekoram okokuke aiboisike. Ajaas ŋes iinacan odwe luka Yekosapat, Asaria, ka Yekiel, ka Sekaria, ka Asaria, ka Mikael, ka Sepatia: ŋul kere odwe luka Yekosapat ekabaka loka Isirael. Koinak kes papakec ainakineta nuepolok, epuesa ka esabu, ka iboro luka akais nuipu, ka ireria luebwaitai koYuda: konye koinak Yekoram ajakanut naarai ŋes ekiyaike, Nakedakakinor Yekoram ayait ajakanut naka papake, kogogoŋoor, koar iinacanake kere kekileŋ, ka ice kokapolok luka Isirael da. Kerai Yekoram loka ikar akaisauni ka luarei egeuni airum; kirumak ikar ikanykauni ko Yerusalem, Kolosenenei korot loka ikabakan luka Isirael, kwape kalukokek loka Akab: naarai amanyit akoku naka Akab: kiswama nueroko kakonyen nuka EJAKAIT, Konye mam EJAKAIT akoto amudiar ekek loka Daudi, kanuka aitutuket naetutukit ka Daudi, kwape kisumunio da ainakin ŋes ka odweke atala ikar kere. Kapaarasiake kipaliik Edom anyoun kakan naka Yuda, kodakakis ekabakakec kanukec. Kosodi Yekoram atubor nepepe kikapolokoke, ka agalinike, kere kaŋes: konyou kuare, kodany Idomein lualukunito ŋes, ka ikapolok luka agalin. Kwaŋin kipaliik Edom anyoun kakan naka Yuda, kiton lolo: kosodi Libuna da aipaliikin kapaarasia kaŋun kakanike: naarai abu kojal. EJAKAIT, Edeke loka lukapapaake. Bobo da kiswamau aiboisio nuiceleleete koroŋan luka Yuda, kitopor luiboiete koYerusalem, kitapaa Yuda. Kosodi kobu aiwadikaet mama ejai ŋesi nakebuni kama ka Eliya enabi ebe, “Inera kwanata EJAKAIT, Edeke loka Daudi papaakon ebe, Naarai mam jo ilosenenei korotin luka Yekosapat papakon, karaida korotin luka Asa ekabaka loka Yuda; konye ilosenenei korot loka ikabakan luka Isirael, kitopor Yuda ka luiboiete koYerusalem, kwape lukokek loka Akab; ido iar iinacanakon lukokek loka papakon, luejok aitelekarit jo: koany, edanyi EJAKAIT ikonituŋa, ka idwekon, ka aŋorokon, ka luijaatar kere katular naepol. Idekakini ijo adeka naka akoik, aitodol naedoenenotor Lukakoikikon ŋinipaaran kanuka adek.” Kisidik EJAKAIT emoyo loka Ipilisitian ka Iarabun luidunyas ka Itiopian asurokin Yekoram. Kopotu kesi asurokin Yuda, kobelaros kolomasi, koyanaasi iboro kere luadumunio kotogo loka ekabaka, ka odweke da, ka aŋoroke; mam aponi kideikinai ŋes ikoku, dimarai Yekoakas, eŋoorit kodweke. Akaulo kaŋun kere kinom EJAKAIT ŋes akoikike kadek namam epedor aŋaleun. Kosodi kanen ketuboros apaarasia, kedaut ikar iarei, kodooto lukakoikike kanuka adekake, kotwana kadeka naerono noi. Mam iketuŋa apotu kisupuruutu kanuke, kwape kisupuronokiniata lukapapaake. Kerai ŋesi loka ikar akaisauni ka luarei egeuni airum, kirumak ikar ikanykauni koYerusalem: kolot komam yenimuit; aponi kidaikinai ore loka Daudi, konye mere toma atesina nuka ikabakan. Kosodete luiboiete koYerusalem kitaraut Akasia enooritie ekabaka aiboisike: naarai abu erioŋet loka ituŋa luauparos ka Iarabun oidukurun koar lukapolok kere. Kirum do Akasia okoku loka Yekoram ekabaka loka Yuda. Kerai Akasia loka ikar akaisaoŋon ka luarei egeuni airum; kirumak ekaru ediopet ko Yerusalem: ekiror loka totoke kerai Aralia akoku naka Omiri. Kolosenenei Akasia da korotin luka ekek loka Akab: naarai totoke ŋes akenerunanike aswam nukaronis. Kiswama nueroko kakonyen nuka EJAKAIT, kwape lukokek loka Akab: naarai araas kesi ikenerunakake akaulo katwanare naka papake, amudiar ŋes, Kotupa da ainerunikec, kouparos ka Yekoram okoku loka Akab ekabaka loka Isirael aitiji Kasael ekabaka loka Suria koRamot-gilead: kimusuŋata Isurian Yoram. Kobono Yesereel aŋaleun amusuŋun nuemusuŋitai ŋes koRama, naajiotor ka Kasael ekabaka loka Suria. Kolot Asaria okoku loka Yekoram ekabaka loka Yuda aanyun Yekoram okoku loka Akab koYesereel, naarai adeka. Abuni amudiario naka Akasia ka ma ejai Edeke naarai abu ŋesi kolot mama ejai Yoram: naarai kedolo, kolomasi nepepe ka Yekoram asurokin Yeku okoku loka Nimisi, loabu EJAKAIT koseu amudiar ekek loka Akab. Kosodi kanen, naetodolikinio Yeku etube kokek loka Akab, kodum ikapolok luka Yuda, ka odwe luka iinacan luka Akasia ijaanakinete Akasia, koar kes. Komo ŋesi Akasia, kikamut ŋes, (eŋopit do koSamaria,) koyaŋaut mama ejai Yeku, koarata ŋes; kidaata ŋes naarai abalas ebe, “Ŋes okoku loka Yekosapat, loamoot EJAKAIT keketau kere.” Amamei ekek loka Akasia apedor ayait ajakanut. Keanyu Atalia toto naka Akasia ebe atwana okokuke, konyou, komudia aur kere naka ekabaka loka ekek loka Yuda. Konye koyaŋa Yekosabeat, akoku naka ekabaka, Yoas okoku loka Akasia, kokokwa ŋes kodwe luka ekabaka luaario, kibwaik ŋes ka akasaanike agola naeŋadio iitadan. Kwaŋin abu Yekosabeatx akoku naka ekabaka Yekoram, aberu naka Yekoiada esasedoti, (naarai kerai ŋesi inaci naka Akasia,) kimunonikis ŋes Atalia, kinyek aiar. Kojai kakes ibwaitai kotogo loka Edeke ikar ikanykape: kirum Atalia akwap. Kokaru lokikanyetekaarei kogogoŋoor Yekoiada, koyaŋa ikapolok luka akwat, Asaria okoku loka Yekoram, ka Isimael okoku loka Yekokanan, ka Asaria okoku loka Obed, ka Maaseia okoku loka Adaia, ka Elisapat okoku loka Sikiri, kitutukoto kakes. Kitoroto koYuda, kotukonokis Ilebin koreria kere luka Yuda, ka lukapolok luka ikekia luka lukapapaa luka Isirael, kopotu Yerusalem. Kitutukoto ekodet kere ka ekabaka togo loka Edeke. Kotema kes atiar, “Koany, irumi okoku loka ekabaka, kwape abalar EJAKAIT kodwe luka Daudi. Na ŋes akirot naiswamaete: atutubetekus nakiwuniet, luelomunete kanakasabato, naka isasedotin ka Ilebin, iraunos ikagolok luka ikekia; Atutubet nakiwuniet ejaunun togo loka ekabaka; ka atutubet nakiwuniet orute loka apetetait: ejaunos da ituŋa kere alaroi nukotogo loka EJAKAIT. Konye sirikisiikis ituŋanan alomun togo loka EJAKAIT dimarai isasedotin, ka lukoLebin luijaanakinete; ŋul kes elomunete, naarai eraas lukalaunak: konye ericete ituŋa kere aidar naka EJAKAIT. Elukunete Ilebin ekabaka, kitiŋite ŋolituŋanan lujiisike kakanike; yenelomuni togo kere, koarai: kojaenenas yesi kekabaka naelomununia ka naelomanaria da.” Kiswamata do Ilebin ka Yuda kere kwape ajaatar kere nuecorakini Yekoiada esasedoti; koyaŋa ŋolituŋanan iketuŋa, ŋul luelomunete kanakasabato, ka luelomarete da kanakasabato; naarai mam Yekoiada abu kotwara luabeito alosit. Kijaik Yekoiada esasedoti ikapolok luka akwat akwaras ka iupalia ka ibukui lukeraas sek luka ekabaka Daudi, luajaas togo loka Edeke, Kisibwo ituŋa kere, kitiŋite ŋolituŋanan loiiisike kakanike, ameun kowai lokoteten loka etogo kiton owai lokokediany loka etogo, eiduny ketem ka etogo, elukunito ekabaka, Kosodete kesi aitolomun okoku loka ekabaka, kidokokis aboko akouke, koinakis ajteienunet, kitaraut ŋes ekabaka: kinyonyoata do ŋes Yekoiada ka odweke akinyet; kotemasi atiar, “Kidari Edeke ekabaka.” Kepupu Atalia ecelet loka ituŋa ekerete ituritos ekabaka, kobu mama ejaas ituŋa togo loka EJAKAIT. Kosesen, ido koany, ebwoi ekabaka eiduny kepirike neelomarere, ka ikapolok ka arupepen eiduny ka ekabaka; kibwoŋasi ituŋa kere luka akwap, kokuta arupepen; koramata da ikayook iboro lueruosi, kiŋarenikinito ayoore naka aiturit. Kosodi Atalia aicil ikenapen, kobala ebe, “Ebotet, ebotet lokibilakinito.” Koyau Yekoiada esasedoti ikapolok luka akwat luapolokinito ajore, kotema kes atiar, “Kitolomasi ya kidiŋ okokoron; ŋol da loetupari ŋes, koarata kekileŋ.” Naarai abala esasedoti ebe, “Sirikiarata nes kotogo loka EJAKAIT.” Kocilakis ŋes erot; kolot neelomarere orute loka ibalasin aibe togo loka ekabaka: koarakinai ŋina. Kitutuk Yekoiada, nes elopet, ka ituŋa kere, ka ekabaka, ebe koraut ituŋa luka EJAKAIT, Koloto ituŋa kere togo loka Baal, kotiyatiyata, kobilibilata iketemwan ka akeputosia, koarakinai Matan esasedoti loka Baal kiŋaren kitemwan. Kitetemik Yekoiada aswam naka etogo loka EJAKAIT kakan naka isasedotin Ilebin, luabu Daudi kokorak togo loka EJAKAIT, ainakin ainakineta nuicweio nuka EJAKAIT, kwape ewadikatere okisila luka Musa, keibwoŋ ka ayoore, kwape ajaar aicorakinet naka Daudi, Kibwaik ikagolok orutei luka etogo loka EJAKAIT, kinyek yenimam elai alomar toma. Koyaŋa ikapolok luka akwat, ka ijaka, ka ikayaitok luka ituŋa, ka ituŋa kere luka akwap, kitolomut ekabaka kotogo loka EJAKAIT: kolomasi orute lokokuju koloto togo loka ekabaka, kibwaikis ekabaka oicoloŋ loka ajakanut, Kibwoŋasi do ituŋa kere luka akwap, kiyamakin ere: koarata Atalia kekileŋ. Kerai Yoas loka ikar ikanykaarei egeuni airum; kirumak ikar akaisaoŋon ko Yerusalem: ekiror loka totoke kerai Sibia naka Beer-seba, Kiswama Yoas nuejokuka kakonyen nuka EJAKAIT apaarasia kere nuka Yekoiada esasedoti. Komanyak Yekoiada ŋes aŋor aarei; kouri idwe lusap ka lupesur. Kosodi kanen akaulo kaŋun, kokoto Yoas aiteteun etogo loka EJAKAIT. Kotukonok ŋesi isasedotin ka Ilebin, kotema kes atiar, “Kolomasi oreria luka Yuda, kotukonokis apesan kama ka Isirael kere aiteteunia etogo loka Ekusideke ŋolikaru, koanyutu ebe isuburikinete yesi akirot.” Konye mam Ilebin apotu kisuburikis, Konyarau ekabaka Yekoiada ekapolon, kotema ŋes atiar, “Kanukinyo mam ca jo itepesenia Ilebin ayaŋaun koYuda ka Yerusalem esolo loka Musa ekejaanakinan loka EJAKAIT, ka loka ekodet loka Isirael kanuka ewema loka aitejenunet?” Naarai apotu odwe luka Atalia, aberu ya nakaronon, kobelaros togo loka Edeke; iboro da lutiakuna kere luka etogo loka EJAKAIT ainakis Ibaalim. Kicorak do ekabaka, kiswamata asaduku, kibwaikis kiŋa orute loka etogo loka EJAKAIT. Kolimoroi anatar Yuda ka Yerusalem, ainun EJAKAIT esolo loabu Musa ekejaanakinan loka Edeke kicorak Isirael kamodiŋ. Kiyalamas ikapolok kere, ka ituŋa kere, koyautu kocakakis asaduku, aitodol neadaunotor. Kosodi keyaun asaduku mama ejaas ikapolok luka ekabaka kakan naka Ilebin, keanyutu ebe ejaas apesan nuipu, kobu ekewadikan loka ekabaka ka ekaroan loka esasedoti lopeti, kobuko asaduku, koyaŋaasi, kinyakakis aiboisike. Kiswamata kwaŋin ninipaaran kotukonokis apesan nuipu noi, Koinak ekabaka ka Yekoiada luiswamaete aswam naka aijaanakin togo loka EJAKAIT; kisiwoteoto ikadukok ka ikekeok aiteteun etogo loka EJAKAIT, ikatatak da asua ka aisinin aiteteunia etogo loka EJAKAIT, Kiswamata ikeswamak, kitodoloto aswam ejok, kosipokis etogo loka Edeke kaibusesuke, kitogogoŋoto ŋes, Kedautu kesi, koyaut apesan nuedeunos mama ejai ekabaka ka Yekoiada. Kiswamauniata iboro lukotogo loka EJAKAIT, iboro aijaanakinia, ka ainakinia, ka akaalei, ka iboro luka esabu ka luka epuesa, Koinanakis ainakineta nuicweio togo loka EJAKAIT tiritir apaarasia kere nuka Yekoiada, Konye komojoŋo Yekoiada, kipu apaarasiake noi, kotwana; korai loka ikar akwatat ka akaisauni naketwania. Aponi kidaikinai ore loka Daudi neejaas ikabakan, naarai abu kiswama nuejok koIsirael, mama ejai Edeke da ka ekekek. Akaulo katwanare naka Yekoiada kopotu ikapolok luka Yuda, kisudedoto mama ejai ekabaka, Kosodi ekabaka akiirar kes. Kojalata etogo loka EJAKAIT, Edeke loka lukapapaakec, kijaanakis Aserim ka aputosia: kobunok anyunyura Yuda ka Yerusalem kanuka adiakaretekec kana. Konye kijukanakini ŋesi kes inabin ainyakun bobo mama ejai EJAKAIT; kitejenikis kes; konye koŋeroto akiirar kes, Kodoik emoyo laka Edeke Sekaria okoku loka Yekoiada esasedoti: kobwo kokuju kituŋa, kotema kes atiar, “Inera Edeke kwanata ebe, Kanukinyo itapaariata yesi aicorakineta nuka EJAKAIT, kinyeis akeriakar? Naarai ijalata EJAKAIT, ŋes da kijali yes.” Kinerutu aluikin ŋes, kibiribiroto ŋes kamor kaicorakinet naka ekabaka alaro naka etogo loka EJAKAIT. Kwaŋin mam abu Yoas ekabaka kiitu asianut nakiswamakinit Yekoiada papa loka Sekaria, konye koar okokuke, Etwani kotema atiar, “Kosesen EJAKAIT, kitepesen.” Kosodi kanen, awasia naka ekaru, kobu ajore naka Isurian asurokin ŋes: kopotu Yuda ka Yerusalem, komudiasi ikapolok kere luka ituŋa kotuŋa, kijukasi luŋatunakec kere mama ejai ekabaka loka Damasiko, Naarai abu ajore naka Isurian kerioŋet loedit loka ituŋa; kijaik EJAKAIT ajore naepol noi akanikee, naarai apotu kojalata EJAKAIT, Edeke loka lukapapaakec. Kwaŋin kitodolik Yoas etube. Kenyoutu kesi kamakeŋ, (naarai kinyeis ŋes edeka noi,) kinerutu ikekejaanakinak asurokin ŋes kanuka aokot nuka odwe luka Yekoiada esasedoti, koarakis ŋes oitadake, kotwana: aponi kidaikinai ore loka Daudi, konye mam aponi kidaikinai atesina nuka ikabakan. Lu kes luenerunete asurokin ŋes; Sabad okoku loka Simeat Amonit, ka Yekosabad okoku loka Simirit Amoabit. Nuka odweke, ka apolou naka aritai nukisibwokio, ka airueakin aiduk etogo loka Edeke, koany, iwadikatai kakiro nuka eitabo loka ikabakan. Kirum Amasia okokuke aiboisike. Kerai Amasia laka ikar akaisaarei ka lukany egeuni airum; kirumak ikar akaisaarei ka Iukanykaoŋon koYerusalem: ekiror loka totoke kerai Yekoadan naka Yerusalem. Kiswama nuejok kakonyen nuka Ejakait, konye mere keketau kere. Kosodi kanen, nakiticasere akejakanut kamake, koar ikekejaanakinak luapotu koarata papake. Konye mam abu koar ikecedwe, konye kiswama kwape ejaatar nuiwadikatai oitabo loka ikisila luka Musa, kwape kicorakinia EJAKAIT ebe, Mam lukapapa etwakikinete idwekec, karaida idwe atwakikin lukapapakec; konye etwanikini ŋinituŋanan akeronis. Bobo da kotukok Amasia Yuda, kitemonok kes kwape ajaatar ikekia luka lukapapakec, ikapolok luka ilukumin ka ikapolok luka akwat, Yuda kere ka Benyamin: kimara kes ageuni kaluka ikar akaisaarei ka adepar, kodum kes imwaasi ituŋa ilukumin akwat auni lueseunitai, luepedorete alosit ojie, luejenete aitwasam akwara ka ebuku, Kiboleoto ŋesi kituŋa ilukumin akwatat lukirigin luetitin koIsirael atalatan akwatat nuka epuesa, Konye kobu etuŋanan loka Edeke mama ejai, kotema atiar, “Wu ekabaka, kinyek ajore naka Isirael aupar kajo; naarai mam EJAKAIT ejai kaIsirael, kes idwe kere luka Epuraim. Konye arai ilosi; kiswama katitiŋ, kogogoŋor kojie; kibirori Edeke jo kakonyen nuka lukasurupo; naarai ejai Edeke apedor aiŋarakin, ka aibiror.” Kotema Amasia etuŋanan loka Edeke atiar, “Konye kikwaikini do ai nuka atalatan akwatat nuainak ajore naka Isirael? “Koboŋok etuŋanan loka Edeke ebe, “Epedori Edeke ainakin jo nuitelekarito ŋun.” Kosodi Amasia agitar kes, ajore naabuni mamake koEpuraim, aboŋor ore: ŋes kinepunia anyunyurakec noi aluikin Yuda, kobonosi ore kanyunyura naepol. Kotitiŋior Amasia, kiŋarenik iketuŋa, kolot Aditot naka Abalaŋ, kodany ilukumin itomon kodwe luka Seir. Kijoreutu idwe luka Yuda ice ilukumin itomon ejarete, koyaut kes kuju moru, kocakasi kes kokuiu moru, kobilibiliunos, Konye ituŋa luka erioŋet loabu Amasia kinyaka, kinyeis aupar kaŋes ojie, kibirokinos ireria luka Yuda, anyoun koSamaria kiton Bet-koron, kodany ilukumin iuni kakesi, koyaŋaasi luŋatuna luipu. Kosodi kanen, kedau Amasia aboŋun kaiar Idomein, koyau idekesio luka idwe luka Seir, kosipok kes araun idekesioke, kokukonokin kes, kisupuruikin kes lueur maa. Ŋes kinepunia anyunyura naka EJAKAIT aluikin Amasia, kijukak ŋes enabi, loatemari ŋes atiar, “Kanukinyo imoiaa ijo idekesio luka ituŋa, lumam apotu kitajarata ikecetuŋa kakanikon?” Kosodi kanen, kineras kaŋes, kotema ekabaka ŋes atiar, “Kidakakinit kereka isio jo araun lokaurianet naka ekabaka? Kinyek; kanukinyo tikiinomere? “Kosodi enabi ainyein, kotema atiar, “Ajeni ebe elosikinit Edeke amudiar jo, naarai iswama ŋun, komam iirari akainerun.” Kosodi Amasia ekabaka loka Yuda ainerun, kijuka da mama ejai Yoas okoku loka Yekoakas okoku loka Yeku, ekabaka loka Isirael ebe, “Bia, kaanyunos kakonye.” Kijuka Yoas ekabaka loka Isirael mama ejai Amasia ekabaka loka Yuda, kobala ebe, “Abu ekenep loajai Lebanon kijukak eres loajai Lebanon, ebe, Kokorak akokukon okokuka komany: kitoro etiaŋ loka ais loajai Lebanon, kicakacak ekenep. Ibala ijo ebe, ‘Koany, adany Edom’; iturokina etaukon ailabilab: kopaik ore; kanukinyo ilomaria ijo akiro numere nukon ka atwaniar, kibirori ijo, ka Yuda da kajo?” Konye koŋer Amasia akiirar; naarai kerai akirot naka Edeke, tetere ijaikini kes akan naka lukasurupokec, naarai amoata idekesio luka Edom. Kolot do Yoas ekabaka loka Isirael; koanyunos kakonye, ŋesi ka Amasia ekabaka loka Yuda koBet-Semes, loarai loka Yuda. Kireŋeai Yuda kakonyen nuka Isirael; koker, ninitunanan owemake. Kikam Yoas ekabaka loka Isirael Amasia ekabaka loka Yuda, okoku loka Yoas, okoku loka Yekoakas, kolset-semes, koyau ŋes Yerusalem, kotiyatiya arwatat naka Yerusalem anyoun korute loka Epuraim kiton orute loka agor, ikubitin akwat aoŋon. Koŋata esabu ka epuesa kere, ka iboro kere luadumunio koObededom togo loka Edeke, ka iboro luka akais nuipu Iukotogo loka ekabaka, ka lukititiŋa da, koboŋo Samaria. Kobut Amasia okoku loka Yoas ekabaka loka Yuda ikar itomon ka lukany akaulo katwanare naka Yoas okoku loka Yekoakas ekabaka loka Isirael. Aswamisio ace nuka Amasia, nusodit ka nukawasia, koany, mam kereka iwadikatai oitabo loka ikabakan luka Yuda ka Isirael? Agear kapaarasia nuebelokinor Amasia anyoun katupit EJAKAIT, kinerut asurokin ŋes koYerusalem; koker Lakis; konye kijukasi atupakin ŋes Lakis, koarakinai ŋina, Koyaunai ŋes kobalasin, kidaikis nepepe kalukapapaake ore loka Yuda. Koyaata ituŋa kere luka Yuda Usia, lokerai loka ikar itomon ka lukanykape, kitaraut ŋes ekabaka aibois naka papake Amasia. Koduk ŋesi Elot, kinyakak Yuda, kedau ekabaka ajotoor kalukapapaake. Kerai Usia loka ikar itomon ka lukanykape egeuni airum: kirumak ikar akaisakany ka luarei ko Yerusalem: ekiror loka totoke kerai Yekilia naka Yerusalem. Kiswama nuejok kakonyen nuka EJAKAIT, kwape kejaatar kere nueswamai papake Amasia. Kibwaik etau amoot Edeke kapaarasia nuka Sekaria, lokituutoori aiyoŋ Edeke: kapaarasia nuamootor EJAKAIT kitekerian Edeke ŋes. Koloma ŋesi, kitiji Ipilisitian, kotiyatiya arwatat naka Gat, ka arwatat naka Yabane, ka arwatat naka Asudod; koduk ireria kakwap naka Asudod, kaneejaas Ipilisitian da. Kiŋarak Edeke ŋes asurokin Ipilisitian, ka Iarabun lukiboiete koGur-baal, ka Imeunim. Koinakis Imonain ainakineta mama ejai Usia; kisiarakina ekekiror kiton neelomarere Misiri; naarai kogogoŋoor noi. Ido koduk Usia itogoi lueojak Yerusalem, korute loka agor, korute da loka aditot, ka neekudokinia arwatat da, kitogogoŋ kes, Koduk itogoi lueojak kamodiŋ, kobok ataparin nuipu, naarai ajaas ŋes kibaren nuipu ajesa kapuutona da; ajaas ikakoriok ka ikacapak emusabibu koroŋan komanikoria lupusuk da; naarai komina ŋesi noi akoru. Ido ajai Usia ajore naka ikajiok lualomanarete ojie korioŋeta, kwape ajaar etiai loka aimarakec loemari Yeiel ekewadikan ka Maaseia ekapolokiton, kakan naka Kanania, ediopet kokapolok luka ekabaka. Etiai kere loka ikapolok luka ikekia luka lukapapaakec, ituŋa lukirigin luetitiŋ emwaasi ilukumin iarei ka akwat akanykape. Kakanikec ajai ajore naetuutooro ilukumin akwat auni ka lukanykaarei ka akwat akany, luajiononos kagogoŋ naepol, aiŋarakin ekabaka asurokin lukasurup. Kitemok Usia ibukui, ka akwaras, ka ikopiran, ka ikootin lukasua, ka akabwai, ka alica nuporoca kanukec, ŋes ajore kere. Kiswamau koYerusalem acuman, nuapwakunete ituŋa luepiriaka, ajaut kotogoi Iueojak karwatatin nuitogogoŋio, agumia imalia ka amor nuepolok. Kisiarakin ekekiror kama ejwana; naarai kiŋarakinitai noi noi, aitodol nakegogonoror, Konye nakegogoŋoror kodakun eketau, tape eswamai nueroko, kibuca kama ejai EJAKAIT Ekedeke; naarai koloma oyekalu loka EJAKAIT aisupuruun lukisupurununo kotem lokisupuruunet. Koloma Asaria esasedoti atupakin ŋes, ka isasedotin luka EJAKAIT akaisakanykauni nepepe kaŋes, luaraas ituŋa luetitiŋ: kirebokinete Usia ekabaka, kotemasi ŋes atiar, “Mam eraas nukon, Usia, aisupuruun lukisupurununo mama ejai EJAKAIT, konye eraas nuka isasedotin odwe luka Aaron, luatiakunio aisupuruun lukisupurununo: koloma kaibois nakalaunan: naarai ibuca; kwabo mam ibusiar kama ejai EJAKAIT Edeke.” Kosodi Usia anyunyurikin; kitiŋite aisupurunet akanike aisupuruun lukisupurununo; napenyunyurikini isasedotin, kolomuni atapon koreeteke kakonyen nuka isasedotin kotogo loka EJAKAIT, eiduny ketem lokisupuruunet. Koŋolia ŋes Asaria esasedoti lopeti, ka isasedotin kere, ido koany, ejai atapon oreeteke, kisunyas aremor ŋes kiŋa; eebo, kisunya ŋesi da elopet alomar, naarai enomit EJAKAIT ŋes. Korai Usia ekabaka lokatapon kiton apaaran naka atwanareke, kiboienenei kotogo loegelara, naarai kerai lokatapon; naarai agelario kotogo loka EJAKAIT; koyaite do Yotam okokuke etogo loka ekabaka, etubonokini ituŋa luka akwap. Aswamisio ace nuka Usia, nusodit ka nukawasia, abu Isaia enabi, okoku loka Amos, kiwadika. Kojotoor do Usia kalukapapaake; aponi kidaikinai kalukapapaake omanikor lokidaanakina lokerai loka ikabakan; naarai abalasi ebe, “Erai lokatapon.” Kirum Yotam okokuke aiboisike. Kerai Yotam loka ikar akaisaarei ka lukany egeuni airum; kirumak ikar itomon ka lukanykape koYerusalem: ekiror loka totoke kerai Yerusa akoku naka Sadok. Kiswama nuejok kakonyen nuka EJAKAIT, kwape ajaatar kere nueswamai Usia papake: konye mam ŋes alomanari oyekalu loka EJAKAIT. Kiyatakinito ituŋa aiswamaenen nueroko. Koduk ŋesi erute lokokuiu loka etogo loka EJAKAIT, koduk da luipu karwatat naka Opel. Ido koduk ireria kakwap nakiukon naka Yuda, kotoma amonyieik da koduk itogoi luegogoŋ ka itogoi lueojak. Kitiji da ekabaka loka idwe luka Amon, kipiko kes. Kokaru kaŋol koinakis idwe luka Amon ŋes atalatan akwatat nuka epuesa, ka aitemisio alukumin atomon nuka akima, ka alukumin atomon nuka esairi. Kotacakis idwe luka Amon ŋes etiai ŋol kokaru lokiareit, ido kokaru lokiwuniet da. Kogogoŋoor do Yotam, naarai kitemonok ikeponesio kakonyen nuka EJAKAIT Ekedeke. Aswamisio ace nuka Yoram, ka ijiisioke kere, ka ikeponesio, koany, iwadikatai oitabo loka ikabakan luka Isirael ka Yuda. Kerai ŋesi loka ikar akaisaarei ka lukany egeuni airum, kirumak ikar itomon ka lukanykape ko Yerusalem. Kojotoor Yoram ka lukapapaake, aponi kidaikinai ore loka Daudi: kirum Akas okokuke aiboisike. Kerai Akas loka ikar akaisaarei egeuni airum; kirumak ikar itomon ka lukanykape koYerusalem: mam abu kiswama nuejokuka kakonyen nuka EJAKAIT, kwape Daudi papaake: konye kolosenenei korotin luka ikabakan luka Isirael, kiswamau da aputosia nuecalara kanuka Ibaalim. Ido kisupuruun lukisupurununo aditot naka okoku loka Kinom, kicwe lkedwe kakim, kwape ajaatar italesia luka ikapirin, luabu EJAKAIT kireŋe kakonyen nuka idwe luka Isirael. Koinak asuban kisupuruun da lukisupurununo kaiboisio nuiceleleete, koukon da, ido kokwap ka ŋolikiro! loepesit. Kanuka nun kijaik EJAKAIT Ekedeke ŋes akan naka ekabaka loka Suria; kodanyata nes, koyaŋaasi ekodet loepol loka luejoreoro, koyaŋaasi kes Damasiko. Kijaikinai da akan naka ekabaka loka Isirael, loabu kodany ŋes kearit loepol. Naarai koar Peka okoku loka Remalia koYuda ilukumin akwatat ka ilukumin akaisaarei kapaaran adiopet, kes kere ituŋa luetitiŋ; naarai apotu kojalata EJAKAIT, Edeke loka lukapapaakec. Abu Sikiri, etuŋanan lokirigi loka Epuraim, koar Maaseia okoku loka ekabaka, ka Asirikam ekayaiton etogo, ka Elukana loiareikinit eka baka. Kijoreosi idwe luka Isirael koinacanakec ilukumin akwat aarei, aŋor, ka idwe lusap ka lupesur, koyaŋaasi da lunatuŋa luipu, koyanaut luŋatuna Samaria. Konye kojai ŋina enabi loka EJAKAIT, ekekiror Oded; kolom ŋesi airiamakin kajore naebunit Samaria, kotema kes atiar, “Koany, naarai anyunyurik EJAKAIT Edeke loka lukapapaakus Yuda, ejaik kes akanikus, iarata kes kanyunyura naedolit akuj. Kwana da ipeleikinito aitonokok idwe luka Yuda ka Yerusalem araut ibulesin ka abulesinikus: mam kereka kotomakus da nuigwaunito kama ejai EJAKAIT Ekusideke? Aso do kopupunoi, kinyakasi luijoreunito, luijoreutu yesi koinacanakus: naarai ejai anyunyura naededeŋ naka EJAKAIT mamakus.” Kosodete ice kokapolok lukodwe luka Epuraim, Asaria okoku loka Yokanan, ka Berekia okoku loka Mesilemet, ka Yekisikia okoku loka Salum, ka Amasa okoku loka Kadalai, konyoikis ŋul luapote kojie. Kotemasi kes atiar, “Mam yes itolomunete ne luiioreunito: naarai ipeleikis nukitwagaunete oni kama ejai EJAKAIT, aiyatakin aronisiowok ka agwauniwok: naarai epol agwauniwok, ejai da anyunyura naededeŋ aluikin Isirael.” Kinyekis do ituŋa luakapakina lujiis luejoreunito ka luŋatuna kakonyen nuka ikapolok ka ekodet kere, Konyoutu ituŋa luelimoritai ikecekiroria, koyaŋaasi lueioreunito, kitwasamata lunatuna aitanapia luimujalalas, koinakis kes inapen ka amuk, kitanyamata kitamata kes, kinyonyoikis kes, kisibwanenoto lukalanyakakec kere asigirian, kinyamakis kes Yeriko, ere loka idukudukun mama ejaas iinacanakec: kosodete konyet aboŋor Samaria. Kapaarasia kanuŋ kijuka ekabaka Akas mama ejaas ikabakan luka Asuria aiŋarakin ŋes. Naarai apotu bobo Idomein kopotu aidany Yuda, koyaŋaasi Iukijoreoro. Koŋataritos da Ipilisitian ireria luka apuutona, ka Eŋalakimak naka Yuda, kirumata Bet-semes, ka Aiyalon, ka Gederot, ka Soko ka ireriake, ka Timuna ka ireriake, Gimiso da ka ireriake: kiboikinos nen. Naarai kitisil EJAKAIT Yuda kanuka Akas ekabaka loka Isirael; naarai kikonak komam aitikokin koYuda, kogwau noi akiro kama ejai EJAKAIT. Kobu Tiligat-pilineser ekabaka loka Asuria mama ejai, kitican ŋes, konye mam abu kitogogoŋ. Naarai kolema Akas atutubet kotogo loka EJAKAIT, kotogo da loka ekabaka ka loka ikapolok, koinak ekabaka loka Asuria; konye mam ŋun kiŋarakinito ŋes. Kapaarasia nuka ieanike kiyatak adiakar kama ejai EJAKAIT, ŋes ŋol ekabaka Akas. Naarai abu koinak asuban mama ejaas idekesio luka Damasiko, luadanyete ŋes; kobala ebe, “Naarai idekesio luka ikabakan luka Suria kiŋarakinete kes, nes ainakinia eoŋ asuban mama ejaas, tetere keŋarakinete eoŋ, “Konye koraunos amudiarike, ka naka Isirael kere. Kotukonok Akas iboro kere luka etogo loka Edeke, kojepejep iboro lukotogo loka Edeke, kogolok ikekia lukotogo loka EJAKAIT; kiswamau itemwan agoria kere nukoYerusalem. Kiswamak aiboisio nuiceleleete oreria kere luka Yuda, aisupuruunia lukisupurununo mama ejaas idekesio ice, kitunyunyurik EJAKAIT, Edeke loka lukapapaake. Aswamisioke ace, ka iponesioke kere, nusodit ka nukawasia, koany, iwadikatai oitabo loka ikabakan luka Yuda ka Isirael. Kojotoor Akas ka lukapapaake, aponi kidaikinai ore, ŋes Yerusalem; naarai mam aponi koyaŋaarai atesina nuka ikabakan luka Isirael: kirum Kesekia okokuke aiboisike. Kogeu Kesekia airum korai loka ikar akaisaarei ka lukany: kirumak ikar akaisaarei ka lukanykaoŋon koYerusalem: ekiror loka totoke kerai Abiya akoku naka Sekaria. Kiswama nuejok kakonyen nuka EJAKAIT, kwape ajaatar kere nueswamai Daudi papaake. Okaru losodit loka airumuke, olap losodit, koŋaa ŋesi ikekia luka etogo loka EJAKAIT, kiteteu kes. Kitolom isasedotin ka Ilebin, kotukok kes aibois naelal ari nakokide, kotema kes atiar, “Kopupunoi eoŋ, yes Ilebin; kitalaunos, kitalautu da etogo loka EJAKAIT Edeke loka lukapapaakus, kodakasi amodokok kiŋa kaibois nakalaunan. Naarai apaasi lukapapaawok, eswamata nueroko kakonyen nuka EJAKAIT Ewokodeke, ajalata ŋes, ebelokis da akecekonyen kaibois naka EJAKAIT, eboŋokis ipuranakec, Agolokis da kekia kaneelomarere, etudeŋiosi atalai, mam apotu kisupuruut lukisupurununo karaida ainakin ainakineta nuicweio kaibois nakalaunan mama ejai Edeke loka Isirael. Kanuka ŋun abunok anyunyura naka EJAKAIT Yuda ka Yerusalem, ejaiki kes araun etasuro, araun aumokinet, ka aijuar, kwape ianyuniata yesi kakonyenekus. Naarai koany, apotu lukapapaawok kibiroros kekileŋ, ijoreoritai idwewok lusap ka lupesur, ka anorowok kanuka ŋun. Ejai teni otauka aitutuk ka EJAKAIT, Edeke loka Isirael, tetere ibelokini akenyunyura naededeŋ anyoun kamawok. Ikadwe, sirikipalasi kwana: naarai kiseu EJAKAIT yes abwoenen kakonyeneke, aijaanakin ŋes, koraut ikekejaanakinak, kisupuruut lukisupurununo.” Kosodete Ilebin anyoun, Makat okoku loka Amasai, ka Yoel okoku loka Asaria, kodwe luka Ikokatin: kodwe luka Merari, Kis okoku loka Abidi, ka Asaria okoku loka Sima, ka Eden okoku loka Yoa: Kodwe luka Elisapan, Simiri ka Yeuel: kodwe luka Asap, Sekaria ka Matania: kodwe luka Keman, Yekuel ka Simei: kodwe luka Yedutun, Semaia ka Usiel. Kotukonokis iinacanakec, kitalaunos, kolomasi, kwape ajaar aicorakinet naka ekabaka kakiro nuka EJAKAIT, aiteseg etogo loka EJAKAIT. Kolomasi isasedotin atutubet nakotoma nakotogo loka EJAKAIT, aiteseg ŋes, kitolomut amodokok kere nakedumunete koyekalu loka EJAKAIT alaro naka etogo loka EJAKAIT. Koyanaasi Ilebin kodakasi kiŋa kiton aguurut Kidiron. Kogeut kapaaran nasodit naka elap losodit aitalaun, ido kapaaran nakikanyetekauni naka elap kodolot neelomarere naka EJAKAIT; kitalaut etogo loka EJAKAIT kodaut apaarasia akanykauni: kapaaran nakitomonet kakanykape naka elap losodit, kodaut do. Kosodete alomar mama ejai Kesekia ekabaka togoke, kotemasi atiar, “Kidau aitesegaar etogo kere loka EJAKAIT, ka etem loka ainakineta nuicweio, ka iboroke kere, ka emesa loka imugatin luka aitodikin, ka iboroke kere. Ido iboro kere luabu ekabaka Akas kocaka kairumuke naadiakaria ŋesi, kipou ketemokis kes ka aitalaun; ido koany ejaas kiŋaren ketem loka EJAKAIT.” Kosodi Kesekia ekabaka anyoun tupuruc, kotukok ikapolok luka ere, kolot togo loka EJAKAIT. Koyaut imoŋin lutoba ikanykaarei, ka imerekekin ikanykaarei, ka imerekekin ludidik ikanykaarei, ka ikorwa ikanykaarei araun ainakinet naka aronis kanuka ajakanut, ido kanuka aibois nakalaunan ka Yuda da. Kicorak ŋesi isasedotin odwe luka Aaron ainakin kes otem loka EJAKAIT. Koarata imoŋin lutoba, kijaut isasedotin aokot, kobwatanakis kotem: koarata da imerekekin ludidik, kobwatanakis aokot kotem, Kisukunyikis ikorwa araun ainakinet naka aronis kakonyen nuka ekabaka ka ekodet; kidokokis kes akaninikec; koarata isasedotin kes, kiswamaut ainakinet naka aronis kaokotokec kotem: aitulucio Isirael kere; naarai kicorak ekabaka ainakin ainakinet naicweio ka ainakinet naka aronis kanuka Isirael kere. Kibwaik Ilebin togo loka EJAKAIT ejaas kaisinin nueruosi ka isabulin, ka adeudeun, kwape ajaar aicorakinet naka Daudi, ka Gad ekadwaran loka ekabaka, ka Natan enabi: naarai kerai aicorakinet naka EJAKAIT konabinoke. Kobwaata Ilebin ejaas kiboro lueruosi luka Daudi, ka isasedotin da karupepen, Kicorak Kesekia ainakin ainakinet naicweio kotem. Napegeun ainakin naicweio, kogeuni da ekosio loka EJAKAIT, ka arupepen, nepepe kiboro lueruosi luka Daudi ekabaka loka Isirael. Komaata lukokodet kere, koyooto ikayook, kokutata ikakutak arupepen; kikote nen aitodol neadaunor ainakinet naicweio. Kedautu ainakin, kokukum ekabaka ka ŋul kere luajaas kaŋes, komaata, Ido apotu Kesekia ekabaka ka ikapolok kicorakis Ilebin ayoore aiturit EJAKAIT kakiro nuka Daudi, ka nuka Asap ekadwaran, Koyooto aiturit kaiyalama, kituluroto akwesikec, komaata. Kosodi Kesekia aboŋokin ebe, “Kwana italaunos do bonik kama ejai EJAKAIT, kikunyutu koyautu asuban ka ainakineta nuka aimal togo loka EJAKAIT,” Koyau ekodet asuban ka ainakineta nuka aimal; ŋul da luakotosi ikecetauon koyaut ainakineta nuicweio. Etiai loka ainakineta nuicwcio, nuayauni ekodet, emwaasi imoŋin lutoba akaisakanykaarei, imerekekin akwatat, ka imerekekin ludidik akwat aarei: ŋul kere keraas ainakineta nuicweio mama ejai EJAKAIT, Iboro luketiakunitai emwaasi imoŋin akwat akanykape ka amerekekin alukumin auni. Konye ekidioko isasedotin, mam apedorete aijen ainakineta nuicweio kere: kanuka ŋun kiŋarakis iinacanakec Ilebin kes aitodol neadaunor aswam, aitodol da neetalaunotor isasedotin bonik: naarai etenara Ilebin itauon aitalauna bonik aitelekarit isasedotin. Epu noi da ainakineta nuieweio, ka asiepai nuka ainakineta nuka ainapakin, ka ainakineta numatan nuka ŋiniinakinet naicweio Kitemokinoi kwaŋin aijaanakin naka etogo loka EJAKAJT. Kiyalamikin Kesekia, ka ituŋa kere, kanuka ŋun nuetemokinit Edeke ituŋa: naarai kiswamaun akirot atipet. Kijuka Kesekia mama ejai Isirael kere ka Yuda, kiwadik ibaluan da mama ejai Epuraim ka Manase, tetere epote togo loka EJAKAIT Yerusalem, aidar Aleleŋio mama ejai EJAKAIT Edeke loka Isirael. Naarai kinerut ekabaka ka ikapolokoke, ka ekodet kere koYerusalem, aidar Aleleŋio kolap lokiareit. Naarai mam apedorete aidar kapak kaŋin, naarai mam isasedotin apotu kitalauna bonik kotiai loedauni, karaida ituŋa atukokin Yerusalem, Kitojokai akirot kakonyen nuka ekabaka ka ekodet kere. Kibwaikis ekisil alimor anatar Isirael kere, anyoun koBeer-seba kiton Dan, aponare aidar Aleleŋio mama ejai EJAKAIT, Edeke loka Isirael, Yerusalem: naarai luipu mam apotu kidarata ŋes kwape kiwadikatere. Koloto ikakerak kibaluan anyoun kokabaka ka ikapolokoke anatar Isirael kere ka Yuda, kwape ajaar aicorakinet naka ekabaka ebe, “Yes idwe luka Isirael, kibelokinos bobo mama ejai EJAKAIT, Edeke loka Aburaam, ka Isaak ka Isirael, tetere eboŋuni mama ejai aatoŋot naaku kayesi kakan naka ikabakan luka Asuria, Sirikiputokinos kalukapapaakus, ka ikusiinacan, luapaas kama ka EJAKAIT, Edeke loka lukapapaakec, tetere einakini kes aitisilario, kwape ianyuniata, Siriraas lueninik imurisiŋa, kwape lukapapaakus; konye koluŋakinos mama ejai EJAKAIT, kolomasi aiboisike nakalaunan, naetalaunit ikar kere, kijaanakis EJAKAIT Ekusideke, tetere ibelokin akenyunyura naededeŋ kamakus. Naarai arai ibelokinos bobo mama ejai EJAKAIT, itimio ikusiinacan ka ikusidwe kakonyen nuka ŋul kaluejoreorete kes, eboŋunete bobo akwap na: naarai esiana EJAKAIT Ekusideke, lokaitim da, mam ibelokini akekonyen kamakus arai iboŋunete mamake.” Kitoroto ikakerak ireria kere anatar akwap naka Epuraim ka Manase, kiton Sebulun: konye kokienatar kes, kisekeloto kes. Konye kitasonikinos ice luko Aser ka Manase ka Sebulun, kopotu Yerusalem. Kojai da akan naka Edeke koYuda ainakin kes etau ediopet, aswam aicorakinet naka ekabaka ka ikapolok kakirot naka EJAKAIT, Kotukonokina ituŋa luipu koYerusalem aidar epucit loka imugatin lumam itubuunitoi kolap lokiareit, ekodet loapol noi. Konyout kolemasi itemwan luajaas Yerusalem, kolemasi da itemwan lukisupuruunet, kocakakis aguurut Kidiron. Kosodete aiar lukaleleŋio kapaaran nakitomonet kaoŋon kolap lokiareit: kirumata isasedotin ka Ilebin ileic, kitalaunos bonik, koyaut ainakineta nuicweio togo loka EJAKAIT. Kobwaata kaiboisiokec kwape kibusakinitotor, kwape ajaar ekisil loka Musa etuŋanan loka Edeke: kobwatanakis isasedotin aokot, nuejaikinete kes Ilebin. Naarai ajaas luipu kokodet lumam etalauna bonik: kanuka ŋun koraun do aswam naka Ilebin aaranakin ŋinituŋanan yenimam elai aleleŋio, aitalaun kes mama ejai EJAKAIT. Naarai epu ituŋa, ido luepu kakesi luka Epuraim ka Manase, Isakar ka Sebulun, mam apotu kitalauna bonik, konye konyamata lukaleleŋio kopone lomam ewadikatere. Naarai abu Kesekia kilipak kes ebe, “Kisioni EJAKAIT lokajokan ŋinituŋanan yenibwaikini eketau amoot Edeke, EJAKAIT, Edeke loka lukapapaake, karaida mam italaunitai kwape ejaar aitesegario naka aibois nakalaunan.” Kiira EJAKAIT Kesekia, kitanaleu ituŋa, Kidarata idwe luka Isirael luajaas Yerusalem epucit loka imugatin lumam itubuunitoi adaun apaarasia akanykaarei kaiyalama naepol: kituritos Ilebin ka isasedotin EJAKAIT ŋinipaaran, koyeikis EJAKAIT kiboro lueruosi noi. Kiner Kesekia nukaitalakaar Ilebin kere luepiriaka noi aijaanakin EJAKAIT, Konyamakis do epucit kere adaun apaarasia akanykaarei, koinanakinete asuban nuka ainakineta nuka ainapakin, kolimonorete EJAKAIT, Edeke loka lukapapaakec. Kineru ekodet kere aidar acepaarasia akanykaarei: kidarata apaarasia ace akanykaarei kaiyalama, Naarai abu Kesekia ekabaka loka Yuda koinak ekodet imoŋin lutoba elukumit ka amerekekin alukumin akanykaarei araut ainakineta; apotu da ikapolok koinakis ekodet imoŋin lutoba elukumit ka amerekekin alukumin atomon: kitalaunos isasedotin luipu noi bonik. Kiyalama ekodet kere loka Yuda, ka isasedotin ka Ilebin, ka ekodet kere loabuni koIsirael, ka imo luapote kakwap naka Isirael, ka lueboiete koYuda. Kojai do aiyalama naepol Yerusalem: naarai ageun kapaarasia nuka Solomon okoku loka Daudi ekabaka loka Isirael amamei naaputotor koYerusalem, Kosodete isasedotin Ilebin anyoun, kilipakis ituŋa arereŋ, Kiirarai ekeceporoto, kodol ailipikec aiboisike nakalaunan, ŋes akuj. Kedaunos ŋun kere, koloto luka Isirael kere luajaas nen oreria luka Yuda, kobilibilata ipirin, kojepejepata Aserim, kobilibilata aiboisio nuiceleleete ka itemwan ko Yuda kere ka Benyamin, koEpuraim da ka Manase, aitodol neamudiariata kes kere. Kosodete idwe kere luka Isirael aboŋun, ŋinituŋanan airumeteke oreriakec. Kitetemik Kesekia abeanakin naka isasedotin ka Ilebin kwape ajaatar abeanakinetakec, ŋolituŋanan kwape ejaar aijaanakinike, isasedotin ka Ilebin kere, luka ainakineta nuicweio ka ainakineta nuka ainapakin, aijaanakin, ka aimal, ka aiturit korutei luka eidukuru loka EJAKAIT. Kitetemik da ewai loka iboro Iuejaatar ekabaka araun ainakineta nuicweio, kes nu, nuka ainakineta nuicweio nuka tupuruc ka eboŋ, ainakineta nuicweio da nuka asabaton, ka napilamununei elap, ka nuka ipucin lueseunitai, kwape iwadikatere okisila luka EJAKAIT. Kicorak da ituŋa lueboiete koYerusalem ainanakin ewai loka isasedotin ka Hebin, tetere einanakinete bonik kokisila luka EJAKAIT. Atipet nakitisiarikinor aicorakinet, koinanakis idwe luka Isirael kaipues lugeet luka akima, ka ebino, ka akinyet, ka esik, ka luka amio kere nakomanikor: koyaununut yenikitomonet yenika iboro kere kaipues. Idwe luka Isirael ka Yuda, lukiboiete koreria luka Yuda, koyaut da yenikitomonet yenika imoŋin ka amerekekin, ka yenikitomonet yenika iboro luetiakunitai mama ejai EJAKAIT Ekecedeke, kibwaikis atukon. Kolap lokiwuniet kogeut aituk atukon, kodaut kes kolap lokikanyetekaarei. Kebu Kesekia ka ikapolok koanyut atukon, kiturito EJAKAIT ka iketuŋa Isirael. Kosodi Kesekia aiŋitunun isasedotin ka Ilebin nuka atukon, Koboŋok Asaria esasedoti Iopeti lokokek loka Sadok, kotema ŋes atiar, “Ageun ituŋa ayaun ainakineta togo loka EJAKAIT, kinyami isio lukidaunete, kideuni da luipu: naarai kisirereŋ EJAKAIT iketuŋa; luedeunos kes atukot na naepol.” Kicorak do Kesekia kes aitemokin agolai togo loka EJAKAIT; kitemokis, Koyaut ainakineta ka lukitomon ka iboro luetiakunitai da kamunonut: korai Konania Elebit ekayaitonikec, kiareik Simei onaceke. Ido Yekiel, ka Asasia, ka Nakat, ka Asakel, ka Yerimot, ka Yosabad, ka Eliel, ka Isimakia, ka Makat, ka Benaia, koraas ikaanyanarak kakan naka Konania ka Simei onaceke, kanuka aicorakinet naka Kesekia ekabaka, ka Asaria ekayaiton etogo loka Edeke. Ido abu Kore okoku loka Imina Elebit, ekagolon erute lokokide, kopolokinite ainakineta nuka akot nuka Edeke, akoranakin ainakineta nuka EJAKAIT, ka iboro lukalaunak noi. Kwapuke ajai Eden ka Minaimin, ka Yesua, ka Semaia, ka Amaria, ka Sekania, koreria luka isasedotin, kaswamukec, ainakin ikeceinacan kabeanakin, lukapolok ka ludidik da: kogelara ŋul luemaritai kaurikec naka lukiliok, ageun ka luka ikar iuni ka adepar, ŋolituŋanan loelomari togo loka EJAKAIT, kwape ibusakinitor aswam naka ŋinipaaran, aijaanakin kaswamukec kwape ajaatar abeanakinetakec, Kaijul luemaritai kaurikee naka isasedotin kwape ajaatar ikekia luka lukapapaakec, ka Ilebin ageun ka luka ikar akaisaarei ka adepar, kaswamukec kwape ajaatar abeanakinetakec; ka ŋul luemaritai kaurikec naka ludidikikec, ka aŋorokec, ka ikecedwe lusap ka lupesur, anatar ekodet kere: naarai kaswamukec kitalaunos bonik kalaunit. Ido lukodwe luka Aaron isasedotin, luajaas omanikoria luka ironyia luka ireriakec, kaŋolire kere, ajaas ituŋa luabilitai ikiroriakee, ainakin akorakineta mama ejaas lukiliok kere kosasedotin, ka ŋul kere luemaritai kaurikec koLebin. Kiswama Kesekia kwaŋin anatar Yuda kere; kiswama nuejok ka nuedolito ka numunon kakonyen nuka EJAKAIT Ekedeke. Kaŋiniswam kere naegeuni kaijaanakin naka etogo loka Edeke, kokisila, kaicorakineta da, amoot Ekedeke, kiswama keketau kere, kisirerenŋitoi. Akaulo kaŋun, ka amunonut ŋin, kobu Senakerib ekabaka loka Asuria, koloma Yuda, kidukur asurokin ireria luebwaitai, koomit airum kes. Keanyu Kesekia ebe abu Senakerib, idenyakinit da asurokin Yerusalem, kinerut kaikapolokoke ka iketuŋa lukirigin ainwok akipi nuka icoai luajaas kiŋa naka ere; kiŋarakis ŋes. Kotukokinos do ituŋa luipu, konwokata icoai kere, ka aguurut naelelei kokidiŋ kakwap, kobalas ebe, “Kanuto kinyo tikeponiata ikabakan luka Asuria, adumun akipi nuipu?” Kotitiŋior, koduk arwatat kere naatiyatiyatai, kitonyou kiton otogoi lueojak, ka arwatat ace kokiŋa, kitogogoŋ Milo ore loka Daudi, kiswamau lujtis ka ibukui luipu. Kibwaik ikapolok luka ejie apolokin ituŋa, kotukok kes neajai ŋesi kaibois naelal korute loka ere, kiner kakes nukaitalakaar, ebe, “Kicata, kotitiŋioto, sirikikuriakaros karaida aiyaloŋoŋ kanuka ekabaka loka Asuria, karaida ekodet kere loepol loejai kaŋes: naarai epol loejai kaoni aitelekarit loejai kaŋes. Ejai akan naka akuan kaŋes: konye ejai EJAKAIT Ewokodeke kaoni aiŋarakin, ka ejie kojiisiowok.” Kogoŋakina ituŋa akiro nuka Kesekia ekabaka loka Yuda. Akaulo kaŋun kiyakia Senakerib ekabaka loka Asuria ikekejaanakinak Yerusalem, (ajai ŋesi kiŋaren ka Lakis, ka akepedor kere kaŋes,) mama ejai Kesekia ekabaka loka Yuda, ka lukoYuda kere luajaas Yerusalem ebe, “Inera kwanata Senakerib ekabaka loka Asuria ebe, ‘Iŋai bo loimunosi, tape idarete airigaunio koYerusalem? Mam kereka Kesekia kiŋalarit yes, ainakin yes atwakare kebeli ka akure ebe, “Itajari EJAKAIT Ewokodeke oni kakan naka ekabaka loka Asuria”? Mam kereka Kesekia ŋol alemarit aiboisioke nuiceleleete, ka itemwanake, kicorak da Yuda ka Yerusalem ebe, “Imaete kotem ediopet, kaŋes da isupuruunete lukisupurununo”? Mam yes ijenete nukeswamakin eoŋ ka lukapapaaka ituŋa kere luka akwapin? Kepedorito tope idekesio luka atekerin nuka akwapin ayuun akecekwap kakanika? Iŋai bo kodekesio kere luka atekerin ŋun nuamudiarete lukapapaaka cut, luapedorit ayuun iketuŋa kakanika, tape epedori Ekusideke ayuun yes kakanika? Aso do kinye Kesekia aiŋal yes, karaida aisidik yes kakirot kana, kwabo sirikiyuutu ŋes: naarai amamei edeke ediopet loka ateker karaida ajakanut loapedorit ayuun iketuŋa kakanika, kakan da naka lukapapaaka: ikoni epedori ai Ekusideke nepepec da ayuun yes kakanika?” Kiyatakis ikekejaanakinak einer erono mama ejai EJAKAIT Edeke, ka Kesekia da ekekejaanakinan, Kiwadika da ibaluan, aimwaŋ EJAKAIT, Edeke laka Isirael, kiner erono mamake ebe, “Kwape idekesio luka atekerin nuka akwapin, lumam apotu koyuutu ikecetuŋa kakanika, kwape kwaŋin da mam Edeke loka Kesekia eyuuni iketuŋa kakanika.” Kiworoto keporoto loepol kaŋajep naka Iyudayan mama ejaas ituŋa luka Yerusalem luajaas arwatat, aitukurian kes, ka aisiyaloŋoŋ da; tetere irumete ere. Kineras nuka Edeke loka Yerusalem, kwape nuka idekesio luka ituŋa luka akwapin, luaraas aswam naka akanin nuka ituŋa, Apotu Kesekia ekabaka, ka Isaia enabi okoku loka Amos, kilipa kanuka ŋun, komonyata mama ejai akuj. Kijuka EJAKAIT emalaika, komudia ituŋa kere lukirigin luetitiŋ, ka ikeŋarenok, ka ikapolok, koidukurun luka ekabaka loka Asuria, Koboŋo akwapuke kodakara akou. Keloma ŋesi abila naka edekeke, apotu ŋul lualomunete kopikisike koarakis ŋes nen kekileŋ. Kwaŋin kitajar EJAKAIT Kesekia ka luibojete koYerusalem kakan naka Senakerib ekabaka loka Asuria, kakan da naka ice kere, kinareŋik kes kaŋoliwai. Apotu luipu koinut EJAKAIT ainakineta koYerusalem, ka iboro luka akais nuipu mama ejai Kesekia ekabaka loka Yuda: kitopolooroi do kakonyen nuka atekerin kere agear kanen. Kapaarasia kaŋun kodekakin Kesekia nepetai atwanare: kilip EJAKAIT; kinera kaŋes, koinak ŋes aanyunet. Konye mam abu Kesekia kikonak kwape ajaar ajokis naeswamakinio ŋes; naarai kodakun eketau; kanuka ŋun kobunok ŋes anyunyura, ka Yuda ka Yerusalem da. Konye kitasonikin Kesekia kanuka aiwoŋonut nakotauke, ŋes ka luiboiete koYerusalem, ŋes mam anyunyura naka EJAKAIT ebunokinia kes kapaarasia nuka Kesekia. Ajai Kesekia abar naepol ka aibuses: koduk aiŋadisia nuka epuesa, ka nuka esabu, ka nuka amor nuka akais nuipu, ka nuka lueur maa, ka nuka ibukui, ka nuka iponesio kere luka iboro luejok; itogoi lukaiŋad da luka eiyas loka akima ka ebino ka akinyet; aujoi da nuka iponesio kere luka itiaŋ, ka anukia nuka amerekekin. Bobo da kodum ireria, ka isipanin luipu noi luka aituk ka luka amerekekin: naarai abu Edeke koinak ŋes iboro luipu noi. Abu Kesekia ŋopeŋol kigalik atan naimukurur naka akipi nuka Gikon, kitelelea kes eitena ari nakoto naka ere loka Daudi, Kokerianar Kesekia kaswamisioke kere. Konye kakirot naka ikiyakia luka ikapolok luka Babulon, lukijukunete aiŋitun nakaumokin naeswamatai kakwap, kojal Edeke ŋes aigimor, tetere ejenuni nuajaas otauke kere. Aswamisio ace nuka Kesekia, ka akeswamisio nukajokak, koany, iwadikatai aitapoet naka Isaia enabi okoku loka Amos, oitabo loka ikabakan luka Yuda ka Isirael. Kojotoor Kesekia kalukapapaake, aponi kidaikinai adoket naka atesina nuka odwe luka Daudi: kitubusikis ŋes Yuda kere ka luiboiete ko Yerusalem katwanareke, Kirum Manase okokuke aiboisike. Kerai Manase loka ikar itomon ka luarei egeuni airum; kirumak ŋesi ikar akaisakany ka lukany ko Yerusalem. Kiswama nueroko kakonyen nuka EJAKAIT, kwape ajaatar italesia luka ikapirin, luerenearit EJAKAIT kakonyen nuka idwe luka Isirael. Naarai koduk bobo aiboisio nuiceleleete nuatiyatiyat Kesekia papake; kosipok itemwan luka Ibaalim, kiswamau Aserot, koma ajore kere naka akuj, kijaanak kes. Koduk itemwan togo loka EJAKAIT, loabu EJAKAIT kiner ebe, “Ejaenena ekakiror Yerusalem ikar kere.” Koduk itemwan luka ajore kere naka akuj alaroi aarei nukotogo loka EJAKAIT. Kitotor ikedwe akim kaditot naka okoku loka Kinom: konye aanyuneta, kitwasam nukalemelem, kiswama nukaicud, kouparos kaŋul kaluajaas ajokina, ka ikepiedak: kiswama nukaronok nuipu kakonyen nuka EJAKAIT aitunyunyurikin ŋes. Kibwaik aput naegerer naka ibore yenemai ŋesi, naabu kiswamau, togo loka Edeke, loabu Edeke kolimok Daudi ka Solomon okokuke ebe, “Ebwaikini ekakiror togo lo ikar kere, Yerusalem da, loaseunit katekerin kere nuka Isirael. Mam bobo da alemari akeju naka Isirael kakwap naaseikinit lukapapaakus; arai teni iricete aiswamaenen nuecoraki kes kere, ikisila kere ka apucuneta ka aicorakineta kakan naka Musa.” Kitapaa Manase Yuda ka luiboiete koYerusalem, kiswamata nueroko aitelekar atekerin, nuabu EJAKAIT komudia kakonyen nuka idwe luka Isirael. Kinera EJAKAIT kaManase, ka ituŋake: konye mam apodosi. Kanuka ŋun koyau EJAKAIT ekapolon loka ajore naka ekabaka loka Asuria, loabu koyana Manase kirikoi, koen ŋes kasua, koyaŋa Babulon. Nakejaar ŋesi ocan, kiŋaiŋa EJAKAIT Ekedeke, kitasonikin noi kakonyen nuka Edeke loka lukapapaake. Kilip ŋes; kopup akeilip, kiira aiŋaiŋake, kinyaku Yerusalem ajakanutuke, Kosodi konyet kojen Manase ebe EJAKAIT ŋes Edeke. Akaulo kaŋun koduk arwatat nakokiŋa ore loka Daudi, ari nakoto naka Gikon, aditot, kiton neelomarere orute loka iboro lukocor; kirigaun Opel, kitonyou kooja noi; kibwaik ikapolok luetitiŋ oreria kere luebwaitai luka Yuda. Kolema idekesio lumo, ka ibore yenamai ŋesi kotogo loks EJAKAIT, ka itemwan kere luadukokinit moru loka etogo loka EJAKAIT, ka Yerusalem da, kocaka kiŋa naka ere. Kiteteu etem loka EJAKAIT, koinak asuban nuka ainakineta nuka ainapakin ka nuka aimal kotomake, kicorak Yuda aijaanakin EJAKAIT, Edeke lokaIsirael. Konye koroko ituŋa einanakinete asuban kaiboisio nuiceleleete, konye mama ejai EJAKAIT Ekecedeke bon. Aswamisio ace nuka Manase, ka akeilip mama ejai Edekeke, ka akiro nuka ikadwarak nualimonokinete ŋes kokiror loka EJAKAIT, Edeke loka Isirael, koany, iwadikatai kaswamisio nuka ikabakan luka Isirael. Akeilip da, ido kwape kiiraria Edeke ŋes, aronisike kere, ka adiakarike, ka aiboisio nuadukokinit ŋesi aiboisio nuiceleleete, kosipok Aserim, ka aputosia nuegerer, eriŋa kitasonikino; koany, iwadikatai kakiro nuka Kosai. Kojotoor do Manase kalukapapaake, aponi kidaikinai togoke kelopet: kirum Amon okokuke aiboisike. Kerai Amon loka ikar akaisaarei ka luarei egeuni airum: kirumak ikar iarei koYerusalem, Kiswama nueroko kakonyen nuka EJAKAIT, kwape eswamaa Manase papake: koinak Amon asuban mama ejaas aputosia kere nuegerer nuabu Manase papake kiswamau, kijaanak kes. Mam abu kitasonikin kakonyen nuka EJAKAIT, kwape kitasonikinor papake; konye kiyatanak Amon ŋol agwaun akiro. Kinerut ikekejaanakinak asurokin ŋes, koarakis ŋes togokeŋ, Konye apotu ituŋa luka akwap koarata ŋul kere luenerunete asurokin ekabaka Amon; kodakakis ituŋa luka akwap Yosia okokuke araun ekabaka aiboisike, Kerai Yosia loka ikar ikanykauni egeuni airum; kirumak ikar akaisauni ka Iodiopet koYerusalem. Kiswama nuejok kakonyen nuka EJAKAIT, kolosenenei korotin luka Daudi papaake, komam epaari akan nakoteten karaida nakokediany. Naarai kokaru lokikanyetekauni loka airumuke, eriŋa erai esapat, kogeu amoot Edeke loka Daudi papaake: kokaru lokitomonet kaarei kogeu aiteseg Yuda ka Yerusalem alemar aiboisio nuiceleleete, ka Aserim, ka aputosia nuegerer, ka aputosia nuecalara; kobilibilai itemwan luka Ibaalim kakonyeneke; kojepeiep aputosia nuka akoloŋ nuiceleleete kokujukec; komunyumuny Aserim, ka aputosia nuegerer, ka aputosia nuecalara, kitarau apua, kipurupuranak atesina nuka ŋul kaluapotu koinakis asuban mamakec, Kicwei akojo nuka isasedotin kotemwanakec, kiteseg Yuda ka Yerusalem, Kiswama kwaŋin koreria luka Manase ka Epuraim ka Simeon, kiton Naputali, ka aapoŋorukec airimor. Kobilibil itemwan, kidecidec Aserim ka aputosia nuegerer araun apua, kojepejep aputosia nuka akoloŋ anatar akwap kere naka Isirael, koboŋo Yerusalem. Kokaru lokitomonet kakanykauni loka airumuke, kedau aiteseg akwap, ka etogo, kijuka Sapan okoku loka Asalia, ka Maaseia ekayaiton ere, ka Yoa okoku loka Yoakas ekesiitonokinan, aiteteun etogo loka EJAKAIT Ekedeke. Kopotu mama ejai Kilikia esasedoti lopeti, kijaikis apesan nuayaunitai togo loka Edeke, nuatukokinito Ilebin, ikagolok ekek, kakan naka Manase ka Epuraim, ka aatoŋot kere naka Isirael, ka Yuda kere ka Benyamin, ka luiboiete koYerusalem. Kijaikis akan naka ikeswamak luiteete etogo loka EJAKAIT; koinakis ikeswamak lueswamaete togo loka EJAKAIT aiteteunia ka apucunio etogo, Koinakis ikekeok, ka ikadukok, agwelia amor nuikee, ka akito nuimorikikinete, aiswamaa abaoi nuka itogoi luapotu ikabakan luka Yuda komudiasi. Kiswamata ituŋa kamunonut; ikaanyanarakakec Yakat ka Obadia, Ilebin, lukodwe luka Merari; Sekaria ka Mesulam, lukodwe luka Ikokatin aiteten: ice luka Ilebin da, kere luepedorete airam ejok iboro lueruosi, Kepolokinito kesi luebwokete abwokon, kitetenata kere lueswamaete ŋolipone loka aijaanakin: ajaas koLebin da ikewadikak, ka ikapolokitok, ka ikagolok. Nakitolomuniata apesan nuayaunitai togo loka EJAKAIT, kodum Kilika esasedoti eitabo loka ikisila luka EJAKAIT luainakinio kama ka Musa. Koboŋok Kilikia kotema Sapan ekewadikan atiar, “Adum eoŋ eitabo loka ikisila kotogo loka EJAKAIT.” Kosodi Kilikia aijaikin Sapan eitabo. Kodaka Sapan eitabo mama ejai ekabaka, ido kinyakak ekabaka akiro, ebe, “Iswamaete ikonikejaanakinak kere nukititiŋitai. Akorasi apesan nuadumuna kotogo loka EJAKAIT, ejaikis akan naka ikaanyanarak, akan da naka ikeswamak.” Kosodi Sapan ekewadikan alimokin ekabaka ebe, “Kejaiki Kilikia esasedoti eitabo.” Kosiom Sapan kakonyen nuka ekabaka. Kosodi kanen, kiira ekabaka akiro nuka ikisila, kocil ikenapen. Kicorak ekabaka Kilikia, ka Akikam okoku loka Sapan, ka Abudon okoku loka Mika, ka Sapan ekewadikan, ka Asaia ekejaanakinan loka ekabaka ebe, “Koloto yesi, kiŋita EJAKAIT kanukan, kanuka ŋul da luideuna koIsirael ka Yuda, akiro nuka eitabo loadumun: naarai epol anyunyura naka EJAKAIT nakibukokina oni, naarai mam lukapapaawok apotu koricito akirot naka EJAKAIT, aiswamaenen kwape ajaatar kere nuiwadikatai oitabo lo.” Kolot Kilikia, ka ŋul da luecorakini ekabaka, mama ejai Kulida anabi, aberu naka Salum okoku loka Tokat, okoku loka Kasara, ekeŋadan inapen; (eboienenei nin koYerusalem katutubet nakiareit;) kinerut kaŋes ŋun. Kotema ŋesi kes atiar, “Inera kwanata EJAKAIT, Edeke loka Isirael, ebe;, Kolimokis etuŋanan lokijukunit yes neajai ebe, Inera kwanata EJAKAIT ebe, Koany, ayauni aronis aibois na, ka neejaas luiboiete kotoma, aikenito kere nuiwadikatai oitabo loasiomi kakonyen nuka ekabaka loka Yuda: naarai kajala, esupuruikis lukisupurununo odekesio ice, aitunyunyurikin eoŋ kaswamisio kere nuka akaninikec; ŋes ebukokinor akanyunyura aibois na, komam eduŋeori. Konye ekabaka loka Yuda, lokijukuni aiŋitakin EJAKAIT, kolimokis ŋes kwanata ebe, Inera kwanata EJAKAIT Edeke loka Isirael ebe: Nuka akiro nukipupuni, kanu anonokiaror ekonitau, kitasonikin kakonyen nuka Edeke, naipupunio akekiro aluikin aibois na, aluikin da luiboiete kotoma, kitasonikin kakonyeneka, kocil ikoninapen, komony akiyo kakonyeneka; inera EJAKAIT ebe, Keira eoŋ da, koany, atukokini jo mama ejaas lukapapaakon, kitukokinio jo ailitikon inapakina, kwabo mam eanyunete akonikonye aronis kere naayauni aibois na, ka luiboiete kotoma.’” Kinyakakinai ekabaka akiro. Kosodi ekabaka aijukar kotukok imakio kere luka Yuda ka Yerusalem. Kodoka ekabaka togo loka EJAKAIT, ka ituŋa kere luka Yuda, ka lukiboiete koYerusalem, ka isasedotin, ka Ilebin, ka ituŋa kere, lukapolok ka ludidik kere: kosiomak akiikec akiro kere nuka eitabo loka aitutuket loadumun kotogo loka EJAKAIT. Kobwo ekabaka kaiboisike, kitutuk aitutuket kakonyen nuka EJAKAIT, atupit EJAKAIT, airie aicorakinetake, ka aitejenunetake, ka ikisilake, keketau kere, kakeijar da kere, aitodol akiro kere nuka aitutuket nuewadikatai oitabo lo. Kitogogoŋ da ituŋa kere Iuadumuna koYerusalem ka Benyamin, aitodol. Kiswamata lukiboiete koYerusalem kwape ajaar aitutuket naka Edeke, Edeke loka lukapapaakec. Kolema Yosia italesia kere kakwapin kere nuaraas nuka idwe luka Isirael, kisidik luadumuna kere koIsirael aijaanakin, ŋes aijaanakin EJAKAIT Ekecedeke. Apaarasiake kere mam apotu konyoutu katupit EJAKAIT, Edeke loka lukapapaakec. Koric Yosia Aleleŋio mama ejai EJAKAIT koYerusalem: koarata lukaleleŋio kapaaran nakitomonet kaoŋon naka elap losodit. Kibwaik isasedotin aswamukec, kisinyikok kes aijaanakin kotogo loka EJAKAIT. Kotema ŋesi Ilebin luisisianakinete Isirael kere, luaraas lukalaunak mama ejai EJAKAIT atiar, “Kibwaikis asaduku nakalaunan togo loabu Solomon okoku loka Daudi ekabaka loka Isirael koduk; mam bobo ejaun abwokon okeperinikus: kijaanakisi do EJAKAIT Ekusideke, ka iketuŋa Isirael. Kitemonokisi kwape ejaatar ikekia luka lukapapaakus, kabeanakinikus, kwape ajaatar aiwadikaeta nuka Daudi ekabaka loka Isirael, ido kwape ajaatar aiwadikaeta nuka Solomon okokuke. Kobwaata kaibois nakalaunan kwape ajaatar atiaketa nuka ikekia luka lukapapaakus luka ikusiinacan idwe luka ituŋa, kojaun kaŋolidiopet atiaket naka ekek loka lukapapaa luka Ilebin. Koarata lukaleleŋio, kitalaunos bonik, kitemokis nuka ikusiinaean, aswam kwape ajaar akirot naka EJAKAIT kama ka Musa.” Kosodi Yosia ainakin idwe luka ituŋa, ŋul kere luajaas kanen, kosipan, imerekekin ludidik kaikalei, kes kere araun ainakineta nuka aleleŋio, emwaasi ilukumin akaisauni, ka imoŋin Iutoba ilukumin iuni: ŋul keraas koboro luka ekabaka. Koinakis ikapolokoke araun ainakinet naka akote mama ejaas ituŋa, ka isasedotin, ka Ilebin. Apotu Kilikia ka Sekaria ka Yekiel, ikayaitok luka etogo loka Edeke koinakis isasedotin ibaren ludidik ilukumin iarei ka akwat akanykape, ka imoŋin akwat auni araun ainakineta nuka aleleŋio. Konania da, ka Semaia ka Netanel, ijnacanake, ka Kasabia ka Yeiel ka Yosabad, iiaka luka Ilebin, koinakis Ilebin ibaren ludidik ilukumin ikany, ka imoŋin akwat akany. Kwaŋin kitemokin aijaanakin, kobwaata isasedotin kaiboisikec, ka Ilebin kabeanakinikec, kwape ajaar aicorakinet naka ekabaka, Koarata lukaleleŋio, kobwatanakis isasedotin aokot nuejaunete kakanikec, kojenata Ilebin kes. Kolemasi ainakineta nuicweio, tetere einakinete kwape ajaatar atiaketa nuka ikekia luka lukapapaa luka idwe luka ituŋa, ainakin EJAKAIT, kwape iwadikatere oitabo loka Musa. Kiswamata kwaŋin komoniŋ da. Kopeoto Iukaleleŋio kakim kwape ajaar aicorakinet: kipooto ainakineta nukalaunak kotoma amotii, ka akeito, kasepulian da, kodakasi katipet mama ejaas idwe kere luka ituŋa. Kokau kitemokis nukee, ka nuka isasedotin da; naarai kirododorito isasedotin odwe luka Aaron ainakin ainakineta nuicweio ka asiepai kiton kuare: kanuka ŋun kitemokis Ilebin nukec, ka nuka isasedotin odwe luka Aaron. Kejaas ikayook, odwe luka Asap aiboisikec, kwape ajaar aicorakinet naka Daudi, ka Asap, ka Keman, ka Yedutun ekadwaran loka ekabaka; ajaas ikagolok kaŋolirute: komam ipudas anyoun kaswamukec, naarai kitemokis ikeceinacan Ilebin nukec. Kwaŋin kitemokin aijaanakin kere naka EJAKAIT kapaaran kaŋin, airic aleleŋio, ainakin da ainakineta nuicweio kotem loka EJAKAIT, kwape ajaar aicorakinet naka ekabaka Yosia. Koricata idwe luka Isirael luajaas nen aleleŋio kapak kaŋin, ka epucit loka imugatin lumam itubuunitoi apaarasia akanykaarei, Amamei da aleleŋio naikoni nen naaricitai koIsirael ageun kapaarasia nuka Samuel enabi; kwabo mam ediokabaka laka Isirael abu koric aleleŋio kwape kericia Yosia, ka isasedotin ka Ilebin, ka Yuda kere ka Isirael luajaas nen, ka lukiboiete koYerusalem. Kokaru lokitomonet kakanykauni loka airum naka Yosia ŋes kericere aleleŋio ŋin, Akaulo kaŋun kere, kedau Yosia aitemokin eyekalu, kolot Neko ekabaka loko Misiri asurokin Karakemis eiduny ka Eupurat; koloma Yosia asurokin ŋes. Konye kijuka ŋesi ikiyakia mama ejai ebe, “Kimariai inyo eoŋ ka jo, ijo ekabaka loka Yuda? Mam eoŋ kasurokini jo lolo, dimarai asurokin ekek lokijior eoŋ; kecorak Edeke aisunyakin: kinyek ijo aiilokin Edeke, loejai keoŋ, kinyek amudiar jo.” Konye koŋer Yosia aibelokin akekonyen, konye kitegelikin bon, kosodi ejie kaŋes, mam abu kiira akiro nuka Neko, nuapote kaituk naka Edeke, kobu ejie aditot naka Megido. Kogumata ikagumak imalia ekabaka Yosia; kobala ekabaka ikekejaanakinak ebe, “Koyaŋaarai eoŋ: naarai kemusuŋi noi.” Kitodokut ikekejaanakinak ŋes kagali, kibwaikis ŋes agali nakiareit naajai kaŋes, koyaut ŋes Yerusalem; kotwana, aponi kidaikinai atesina nuka lukapapaake. Kibworoto Yuda kere ka Yerusalem Yosia. Kokuudian Yeremia Yosia: kinerata ikayook kere ka akayook nuka Yosia kakuudianakec, kiton lolo: kitaraut aicorakinet koIsirael: ido koany, iwadikatai toma akuudian. Aswamisio ace nuka Yosia, ka akeswamisio nuejok, kwape ejaatar nuiwadikatai okisila luka EJAKAIT, akeswamisio da, nusodit ka nukawasia, koany, iwadikatai oitabo loka ikabakan luka Isirael ka Yuda. Kosodete ituŋa luka akwap ayaŋaar Yekoakas okoku laka Yosia, kitaraut ŋes ekabaka koYerusalem aibois naka papake. Kerai Yoakas laka ikar akaisaarei ka luuni egeuni airum: kirumak ilapio iuni koYerusalem. Kireŋea ekabaka loko Misiri ŋes karaut ekabaka koYerusalem, kotubok akwap esolo laka atalatan akwatat nuka epuesa, ka atalata naka esabu. Kitarau ekabaka loko Misiri Eliakim onaceke ekabaka loka Yuda ka Yerusalem, kilocok ekekiror komaik Yekoiakim. Koyana Neko Yoakas onaceke, kodakarai Misiri. Kerai Yekoiakim loka ikar akaisaarei ka lukany egeuni airum; kirumak ikar itomon ka lodiopet koYerusalem: kiswama nueroko kakonyen nuka EJAKAIT Ekedeke. Kobu Nebukadanesar ekabaka loko Babulon asurokin ŋes, koen ŋes kasua, adakar ŋes Babulon. Kodaka Nebukadanesar da lukoboro luka etogo laka EJAKAIT Babulon, kibwaik kes oyekaluke koBabulon. Aswamisio ace nuka Yekoiakim, ka italesio luabu kiswama luadumunio kamakeŋ, koany, iwadikatai oitabo loka ikabakan luka Isirael ka Yuda; kirum Yekoiakin okokuke aiboisike. Kerai Yekoiakin laka ikar ikanykauni egeuni airum; kirumak ilapio iuni ka apaarasia atomon koYerusalem: kiswama nueroko kakonyen nuka EJAKAIT. Kedol ekaru, kijuka ekabaka Nebukadanesar koyau ŋes Babulon, nepepe kiboro luejok luka etogo laka EJAKAIT, kitarau Sedekia onaceke ekabaka loka Yuda ka Yerusalem, Kerai Sedekia laka ikar akaisaarei ka lodiopet egeuni airum; kirumak ikar itomon ka lodiopet ko Yerusalem. Kiswama nueroko kakonyen nuka EJAKAIT Ekedeke; mam abu kitasonikin kakonyen nuka Yeremia enabi, lokinera nuapote kaituk naka EJAKAIT, Kipaliik ŋesi ekabaka Nebukadanesar, lokisiyapoikinit ŋes alimit Edeke: konye kitininik emurisiŋike, kitogogoŋ eketau kinyek aibelokin mama ejai EJAKAIT, Edeke loka Isirael. Ido kibucasi noi ijaka kere luka isasedotin, ka ituŋa, atupakin italesio kere luka ikapirin; komunaut etogo leka Edeke loabu kitalaunite ko Yerusalem. Kijukanak kes EJAKAIT, Edeke laka lukapapaakec kokiyakiake, anyoun tupuruc ijukanari; naarai etimit ŋesi iketuŋa, ka aiboisike. Konye kisekeloto ikiyakia luka Edeke, komwaŋito akekiro, kokienatar inabinoke, aitodol neadakunor anyunyura naka EJAKAIT asurokin iketuŋa, aitodol neamameunor aŋaleun. Kanuka ŋun koyau mamakec ekabaka loka Ikaludean, loaari ikatumunakakec kekileŋ kotogo laka aiboisikec nakalaunan, mam apotu kitimoto esapat karaida apese, ekimat ka emojoŋ loitabi; koinak kes kere akanike. Iboro da kere luka etogo laka Edeke, lukapolok ka ludidik, ka iboro luka akais nuipu luka etogo loka EJAKAIT, ka iboro luka akais nuipu luka ekabaka, ka luka ikapolokoke; ŋul kere koyau Babulon, Kicweata etogo laka Edeke, kotiyatiyata arwatat naka Yerusalem, kicweata itogoi lukapolok kere kakim, komudias iborokec kere lukajokak. Ŋul da luakuete ekileŋ koyaŋa Babulon; koraut ikebulesin ka luka odweke kiton airum naka ajakanut naka Perusia. Aitodol akirot naka EJAKAIT kaituk naka Yeremia, aitodol nealakaror akwap kasabatonoke; naarai kapak naeswapitor, koricite asabatoke, aitodol ikar akaisakanykaarei. Kokaru losodit laka Kuro ekabaka loko Perusia, tetere itodolikinio akirot naka EJAKAIT kaituk naka Yeremia, kisidik EJAKAIT etau laka Kuro ekabaka loko Perusia, kolimo anatar ajakanutuke kere, kiwadika da ebe, “Inera kwanata Kuro ekabaka loko Perusia ebe, ‘Kainaki eoŋ EJAKAIT, Edeke laka akuj, ajakanuto kere nuka akwapin; kecoraki da adukokin ŋes etogo Yerusalem, loejai toma Yuda. Ŋin yenejai kayes kotuŋake kere, kojai EJAKAIT Ekedeke kaŋes, kolot.’” Kokaru losodit loka Kuro ekabaka loko Perusia, tetere itodolikinio akirot naka EJAKAIT kaituk naka Yeremia, kisidik EJAKAIT etau loka Kuro ekabaka loko Perusia, kolimo anatar ajakanutuke kere, kiwadika da ebe: “Inera kwanata Kuro ekabaka loko Perusia ebe, ‘Kainaki eoŋ EJAKAIT, Edeke loka akuj, ajakanuto kere nuka akwapin; keeoraki da adukokin ŋes etogo Yerusalem, loejai toma Yuda. Ŋin yenejai kayes kotuŋake kere, kojai Ekedeke kaŋes, kolot Yerusalem, loejai toma Yuda, koduk etogo loka EJAKAIT, Edeke loka Isirael, ŋes Edeke, loejai Yerusalem. Yenesalit da kere, kaŋiniibois naiboiororor, kiŋarakis ituŋa luka aiboisike kepuesa, ka esabu, ka iboro, ka ibaren, komam imarakinito ainakineta nuka akot nuka etogo loka Edeke loejai Yerusalem.’’’ Kosodete konyout lukapolok luka ikekia luka Yuda ka Benyamin, ka isasedotin, ka Ilebin, kere luabu Edeke kisidik ikecetauon alosit aiduk etogo loka EJAKAIT loejai Yerusalem. Ŋul da kere lualukunitos kitogogoŋoto akecekanin kanuka iboro luka epuesa, ka esabu, ka iboro, ka ibaren, ka iboro luka etiai loepol, komam imarakinito kere luainaldnito kanuka akot. Kitolom Kuro da iboro luka etogo loka EJAKAIT, luabu Nebukadanesar kolem koYerusalem, kibwaik abila naka idekesioke; ŋupeŋul etolomuni Kuro ekabaka loko Perusia kakan naka Mituredat ekeŋadan, kimarak Sesebasar, ekapolon laka Yuda. Lo ŋes etiaikec: atuba akaisauni nuka esabu, atuba alukumit nuka epuesa, ikileŋa akaisaarei ka lukanykaoŋon: atiboi akaisauni nuka esabu, atiboi nuka epuesa nuka epone lokiareit akwat aoŋon ka itomon, ka iboro ice elukumit. Iboro kere luka esabu ka luka epuesa emwaasi ilukumin ikany ka akwat aoŋon, Abu Sesebasar koyaŋau ŋul kere, nakeyaŋauniata luejoreoritai anyoun koBabulon kiton Yerusalem. Lu kes idwe luka ebuku, luapotu konyoutu kaijoreorio naka ŋul kaluaponi koŋatarai, luabu Nebukadanesar ekabaka loko Babulon koyaŋa Babulon, luaboŋorete Yerusalem ka Yuda, ŋinituŋanan ore lokobukec; luapotu kouparos ka Serubabel, Yesua, Nekemia, Seraia, Reelaia, Morudeini, Bilisan, Misipar, Bigibai, Rekum, ka Baana. Etiai lo ka ikiliok luka ituŋa luka Isirael: idwe luka Paros, ilukumin arei ka akwatat ka akaisakanykaarei ka luarei. Idwe luka Sepatia, akwat auni ka akaisakanykaarei ka luarei, Idwe luka Ara akwat akanykaarei ka akaisakanykaarei ka lukany, Idwe luka Pakat-moab, luka idwe luka Yesua ka Yoab, ilukumin iarei ka akwat akanykauni ka itomon ka luarei. Idwe luka Elam, elukumit ka akwat aarei ka akaisakany ka luoŋon. Idwe luka Satu, akwat akanykaoŋon ka akaisaoŋon ka lukany, Idwe luka Sakai, akwat akanykaarei ka akaisakanykape, Idwe luka Bani, akwat akanykape ka akaisaoŋon ka luarei. Idwe luka Bebai, akwat akanykape ka akaisaarei ka luuni. Idwe luka Asagad, elukumit ka akwat aarei ka akaisaarei ka luarei, Idwe luka Adonikam, akwat akanykape ka akaisakanykape ka lukanykape. Idwe luka Bigibai, ilukumin iarei ka akaisakany ka lukanykape. Idwe luka Adin, akwat aoŋon ka akaisakany ka luoŋon. Idwe luka Ater, luka Kesekia, akaisakanykaoŋon ka lukanykauni, Idwe luka Besai, akwat auni ka akaisaarei ka luuni. Idwe luka Yora, akwatat ka itomon ka luarei. Idwe luka Kasum, akwat aarei ka akaisaarei ka luuni. Idwe luka Gibar, akaisakanykaoŋon ka lukany. Idwe luka Bet-lekem, akwatat ka akaisaarei ka luuni. Ituŋa luka Netopa, akaisakany ka lukanykape. Ituŋa luka Anatot, akwatat ka akaisaarei ka lukanykauni. Idwe luka Asamabet, akaisaoŋon ka luarei, Idwe luka Kiriat-arim, ka Kepira ka Beerot, akwat akanykaarei ka akaisaoŋon ka luuni. Idwe luka Rama ka Geba, akwat akanykape ka akaisaarei ka ediopet. Ituŋa luka Mikimas, akwatat ka akaisaarei ka luarei. Ituŋa luka Bet-el ka Ai, akwat aarei ka akaisaarei ka luuni. Idwe luka Nebo, akaisakany ka luarei. Idwe luka Magabis, akwatat ka akaisakany ka lukanykape. Idwe luka Elam ece, elukumit ka akwat aarei ka akaisakany ka luonon. Idwe luka Karim, akwat auni ka akaisaarei. Idwe luka Lod, ka Kadid, ka Ono, akwat akanykaarei ka akaisaarei ka lukany. Idwe luka Yeriko, akwat auni ka akaisaoŋon ka lukany. Idwe luka Senaa, ilukumin iuni ka akwat akanykape ka akaisauni. Isasedotin: idwe luka Yedaia, lukotogo loka Yesua, akwat akanykaoŋon ka akaisakanykaarei ka luuni. Idwe luka Imer, elukumit ka akaisakany ka luarei. Idwe luka Pasur, elukumit ka akwat aarei ka akaisaoŋon ka lukanykaarei. Idwe luka Karim, elukumit ka itomon ka lukanykaarei. Ilebin: idwe luka Yesua ka Kadamiel, lukodwe luka Kodabia, akaisakanykaarei ka luonon. Ikayook: idwe luka Asap, akwatat ka akaisaarei ka lukanykauni. Idwe luka ikagolok: idwe luka Salum, idwe luka Ater, idwe luka Talumon, idwe luka Akub, idwe luka Katita, idwe luka Sobai, kes kere akwatat ka akaisauni ka lukanykaonon. Inetinim: idwe luka Sika, idwe luka Kasupa, idwe luka Tabaot: idwe luka Keros, idwe luka Siaka, idwe luka Padon; idwe luka Lebana, idwe luka Kagaba, idwe luka Akub; idwe luka Kagab, idwe luka Samalai, idwe luka Kanan; idwe luka Gidel, idwe luka Gakar, idwe luka Reaia; idwe luka Resin, idwe luka Nekoda, idwe luka Gasam; idwe luka Usa, idwe luka Pasea, idwe luka Besai; idwe luka Asana, idwe luka Meunim, idwe luka Nepisim; idwe luka Bakabuk, idwe luka Kakupa, idwe luka Karur; idwe luka Basulut, idwe luka Mekida, idwe luka Karasa; idwe luka Barakos, idwe luka Sisera, idwe luka Tema; idwe luka Nesia, idwe da luka Katipa. Idwe luka ikejaanakinak luka Solomon: idwe luka Sotai, idwe luka Kasoperet, idwe luka Peruda; idwe luka Yaala, idwe luka Darakon, idwe luka Gidel; idwe luka Sepatia, idwe luka Kati!, idwe luka Pokeretkasebaim, idwe luka Ami. Inetinim kere, ka idwe luka ikejaanakinak luka Solomon emwaasi akwat auni ka akaisakanykaoŋon ka luarei. Lu kes luapotu konyout koTel-mela, Tel-karasa, Kerub, Adan, ka Imer: konye mam apedorete aitodun ikekia luka lukapapaakee, ka auriokee, arai araas luka Isirael. Idwe luka Delaia, idwe luka Tobia, idwe luka Nekoda, akwat akanykape ka akaisakany ka luarei. Ka idwe luka isasedotin: idwe luka Kabaia, idwe luka Kakos, idwe luka Barasilai, loamanyit aberu kadwe nuka Barasilai Egileadit, loaponi komaikinai ekirorikee. Komoata nul ikiroriakee mama kanul kaluaponi kimarakinitete kwape ajaar akeeeurio, konye mam apotu kotakanut: kanuka ŋun eomitos ebe emunauna kesi, kirenearai kes kosasedotene. Kolimok Etirusata kes ebe mam enyamete iboro lukalaunak noi, aitodol naejaunia esasedoti loeiaas Urim ka Tumin. Ekodet kere nepepe emwaasi ilukumin akaisaoŋon ka luarei, ka akwat auni ka akaisakanykape, komam imarakina ikeiaanakinakakec ka akejaanakinakakee, luemwaasi ilukumin ikanykaarei ka akwat auni ka akaisauni ka lukanykaarei: ajaas da ikiliok lukayook ka aŋor nukayook akwat aarei. Emwaasi ibalasinikee akwat akanykaarei ka’ akaisauni ka lukanykape; inyubunukee akwat aarei ka akaisaoŋon ka lukany; akaalaikee, akwat aoŋon ka akaisauni ka nukany; asigiria alukumin akanykape ka akwat akanykaarei ka akaisaarei. Apotu ice luka ikapolok luka ikekia luka lukapapakee koinakis ketau loekot adukio etogo loka Edeke kaiboisike, nakedolioto togo loka EJAKAIT loejai Yerusalem. Koinakis kwape apedoriata toma aiŋadis naka aswam idarikin ilukumin akaisakanykape ka lodiopet luka esabu, ka ilatirin ilukumin ikany luka epuesa, ka inapen akwatat luka isasedotin. Kwaŋin kiboienenete isasedotin, ka Ilebin, ka ice kotuna, ka ikayook, ka ikagolok ka Inetinim koreriakee, ka Isirael kere koreriakee. Nakedolio elap lokikanyetekaarei, kojaas idwe luka Isirael oreria lukapolok, kotukonokinos ituŋa ketau ediopet Yerusalem. Kosodi kobwo Yesua okoku laka Yosadak, ka ikeinaean isasedotin, ka Serubabel okoku laka Sealutiel, ka ikeinaean, kodukoto etem laka Edeke loka Isirael, ainanakinia kanen ainakineta nuicweio, kwape kiwadikatere kokisila luka Musa etuŋanan loka Edeke. Kosipokis etem aiboisike; naarai akuriaka kesi ituŋa luka akwapin kanun: koinanakis kanen ainakineta nuieweio neejai EJAKAIT, ainakineta nuieweio tupuruc ka eboŋ, Koricata epueit loka iswamin, kwape kiwadikatere, koinakis ainakineta nuicweio nuka ŋinipaaran kwape eiaar etiaikec, kwape eiaar aicorakinet, kwape ibusakinitor ninipaaran; kokau ainakinet naicweio natir, ka ainakineta nuka nailamununia elap, ka nuka ipueino kere luka EJAKAIT lueeorakinitai luatiakunitai, ka nuka nmitunanan yenabu koinak atai ainakinet naka akot neejai EJAKAIT. Apaaran nasodit naka elap lokikanyetekaarei ŋes ageuniata ainakin ainakineta nuieweio neejai EJAKAIT: konye korina kesipokina apeteta nuka eyekalu loka EJAKAIT, Koinakis da ikadukok ka ikekeok apesan; ka lunyaman ka lumatan ka akinyet neejaas luko Sidon, ka luko Turo, alemun iresia koLebanon ayaun kiton aŋolol kiton Yopa, kwape kejaar aeamakinet naka Kuro eka baka loko Perusia. Kosodi kokaru lokiareit laka aponarekee togo laka Edeke Yerusalem, olap lokiareit, kogeu Serubabel okoku loka Sealutiel, ka Yesua okoku laka Yosadak, ka ice koinacanakec isasedotin ka Ilebin, ka ŋul kere luabonunete Yerusalem kaijoreorio; kodakakis Ilebin luadaunitos ikar akaisaarei kadepar, aroanar aswam naka etogo laka EJAKAIT. Kosodi kobwo Yesua nepepe kodweke ka ikeinaean, Kadumiel da ka odweke, odwe luka Yuda kere nepepe, aroanar ikeswamak luka etogo laka Edeke: odwe luka Kenadad ka odwekec ka ikeceinacan Ilebin. Nakibwaikiniata ikadukok apeteta nuka eyekalu laka EJAKAIT, kisibwaata isasedotin enapitos ikecenapen ekapitos arupepen, ka Ilebin odwe luka Asap ekapitos aisinin, airuritor EJAKAIT, kwape kitemonokinitor Daudi ekabaka loka Isirael. Komeanakinos ayoore aiturit ka aimal EJAKAIT ebe, “Naarai ejok ŋesi, naarai ejaenena akeitim ikar kere mama ejai Isirael.” Kikareoto ituŋa kere keporoto loepol, nakituritotor EJAKAIT, naarai ebwaikin apetetait naka etogo loka EJAKAIT. Konye luipu lukosasedotin ka Ilebin, ka ikapolok luka ikekia, imakio Iuapotu koanyut etogo losodit, napibwaikinio apetetait naka etogo kalo kakonyenekee, komonyata keporoto loepol; luipu da kikareoto kanuka aiyalama: komam ituŋa apedorete atiakun eporoto laka ekare kanuka aiyalama ka eporoto loka aimony naka ituŋa; naarai kikareoto ituŋa keporoto loepol, kiirarai ekare kama elwana. Kepuputu da lukasurupo luka Yuda ka Benyamin ebe adukoto idwe Iuejoreoritai eyekalu loka EJAKAIT, Edeke loka Isirael; kikunyakis kesi neejai Serubabel, ka ikapolok luka ikekia luka lukapapakee, kobalas ebe, “Mere kadukoto nepepe kayes: naarai kimoot isio Ekusideke, kwape kayesi; kiinakini isio ŋes asuban ageun kapaarasia nuka Esar-kadon ekabaka loka Asuria lokitodokuni sio nee.” Konye Serubabel, ka Yesua ka ice kere luka ikapolok luka ikekia luka lukapapa luka Isirael, kotemasi kes atiar, “Mam kipuda yes aimorikikin kasio kotoma aiduk etogo loka Ekosideke; konye sic kiduki bonik etogo loka EJAKAIT, Edeke loka Isirael, kwape abu Kuro ekabaka loko Perusia kicorakinia.” Kosodete ituŋa luka akwap kitakalanyanata akanin nuka ituŋa luka Yuda, kisiyalononoto kes kotoma aiduk, koropata ikapetak akiro aluikin kes, aitikokin akeeeinerun, apaarasia kere nuka Kuro ekabaka loko Perusia, aitodol naerumia Dario ekabaka loko Perusia. Kairum naka Akasuero, ageunet naka airumuke, kiwadikata aosan lukiboiete ko Yuda ka Yerusalem. Kapaarasia nuka Aratasasata apotu Bisilam, ka Mituredat, ka Tabeel, ka lukaupake ice kere, kiwadikata mama ejai Aratasasata ekabaka loko Perusia; ewadikatai ebalua keiwadikae loka Suria, kanaiep naka Isurian. Kiwadikata Rekum lokebuku, ka Simisai ekewadikan ebalua mama ejai Aratasasata ekabaka asurokin Yerusalem kopone kalo: Kosodete kiwadikata Rekum lokebuku, ka Simisai ekewadikan, ka iukaupakec ice kere; Idinaitin, Iparasatakain, Itarapelin, Ipasian, Irakebain, Ibabulonin, Isusanikin, Idekain, Ilamein, ka atekerin ace kere nukitwobotuni Osunapar lokapolon lokaibuses, kibwaik ore loka Samaria, ka akwap ace da okekwa juwai, ka ace da, Ikopuna nu kobalua lokijukakinete kesi: “Aratasasata ekabaka: Ikonikejaanakinak, ituŋa luka okekwa juwai, ka ace da. Kojen ekabaka ebe adolut Iyudayan luanyounete kamakon mamakosi Yerusalem; edukete ere lokepali lokaronon da, adaut arwatatin, eteteut da apeteta. Aso kojen ekabaka ebe, arai keduki ere lo, kodaunai da arwatatin, mam kes elemete esolo loka ituŋa, ka esolo loka iboro, ka esolo loka ikalotok da, kosodi kokau etwakiarete ikabakan. Aso do naarai kinyami abalaŋ naka etogo loka ekabaka, mam ibus sio aanyun aitisilio naka ekabaka, kanuka nun kijukakinit aiteienikin ekabaka; konicai oitabo loka aisiitonokin loka lukapapakon: kwaŋin idumuni koitabo loka aisiitonokin ijenuni kwape eraar ere lo ere lokepali, loitisili ikabakan ka ibukui, ebe da apotu kipaliikis apeŋo kotomake: kanuka nun da amudiarere ere lo. Kitejenunit ekabaka ebe, arai keduki ere lo, kodaunai da arwatatin, kanuka nun mam ijaun ijo kewai okekwa juwai.” Kosodi ekabaka aiiukar aboŋokin mama ejai Rekum lokebuku, ka Simisai ekewadikan, ka lukaupakee ice kere lukiboiete ko Samaria, kakwap ace nakokekwa juwai ebe, “Kinapakinos, ka ace da. Aponi kasomakin eoŋ kaitebeikin ebalua lokijukakinete yesi sio. Kebwaik ekisil, komoata, apotu kodumutu ebe ere ŋol ageun apeŋo ebilanakini ikabakan ebotet aipaliikin ka amwanit da inerununoo kotomake. Ido ajaenenas ikabakan lukagogon luapolokinete Yerusalem, luayaitos akwap kere okekwa iuwai; ataeanakinio kes esolo loka ituŋa, esolo loka iboro, ka esolo loka ikalotok da. Aso do kibwaikisi ekisil, kitananata ituŋa lu aswam, kinyek ere ŋol adukio, aitodol naebwaikinia eoŋ ekisil. Koeoito kinyeis aijalakin kanun: kanukinyo tikepolooror aronis aitwataniar ikabakan?” Kosodi kesomi aikopunet naka ebalua loka eka baka Aratasasata kakonyen nuka Rekum, ka Simisai ekewadikan ka lukaupakec, kisunyas atipet alosit Yerusalem mama ejaas Iyudayan, kitananata aswamukee kagogon ka apedor. Kosodi aswam nakotogo loka Edeke loejai Yerusalem aitananio; aponi kitananai aitodol okaru lokiareit loka airum naka Dario ekabaka loko Perusia. Kosodete inabin, Kagai enabi, ka Sekaria okoku loka Ido, kodwarakis Iyudayan luajaas koYuda ka Yerusalem: kokiror loka Edeke loka Isirael ŋes adwarakiniata kes. Kosodi Serubabel okoku loka Sealutiel ka Yesua okoku loka Yosadak anyoun, kogeutu aiduk etogo loka Edeke loejai Yerusalem; kojaas da nepepe kakes inabin luka Edeke kiŋarakinito, Kapaarasia kaŋun kobu Tatenai ekayaiton loka ekekwa juwai, ka Setarbosenai ka lukaupakec mama ejaas, kotemasi kes atiar, “Iŋai bo kiinakini yes ekisil aiduk etogo lo, ka adaun da arwatat na?” Kasodete aboŋokin kes kwanata ebe, “Lukaŋai bo ikiroria luka ituŋa luedukete etogo lo?” Konye itei akoŋu naka Edekekec imakio luka lyudayan, komam itanaŋio aswamukec, aitodol neitodolikinere akiro neejai Dario, kosodi adumun aboŋokinet kobalua kanuka akiro kaŋun. Aikopunet naka ebalua loejukakinete Tatenai ekayaiton loka ekekwa juwai, ka Setar-bosenai, ka lukaupake Iparasakain luajaas okekwa juwai, mama ejai Dario ekabaka: kijukasi ebalua loewadikatai kwanata ebe:” Mama ejai ekabaka Dario ainapakin kere. Kojenu ekabaka ebe kipou kapotu obuku loka Yuda, togo loka Edeke lokapolon loedukitai kamor nuepolok, ido ibwaikinitai akito toma arwatatin, aswam na da elosi iyatanakin kakukuranut ka arereŋ kotoma akaninikec. Kasodete aiŋit imakio ŋul katemasi kes atiar, ‘Iŋai bo kiinakini yes ekisil aiduk etogo lo, ka adaun da arwatat na?’ Keŋitata da ikiroriakec, aitejenun jo, tetere kiwadikai ikiroria luka ituŋa lueyaitos kes. Kosodete kesi aboŋokin ebe, ‘Kirai isio ikejaanakinak luka Edeke loka akuj ka akwap, kiduki da etogo lokedukitoi apeŋo ikar kwi luipu, loabu ekabaka lokapolon loka Isirael kodaunite aiduk. Konye kokau kitunyunyurikis lukapapaakosi Edeke loka akuj, kijaik kes akan naka Nebukadanesar ekabaka loko Babulon Ekaludayat, loabu komudia etogo lo, koŋata da ituŋa Babulon. Konye kokaru losodit loka Kuro ekabaka loko Babulon, abu ekabaka Kuro kibwaik ekisil aiduk etogo lo loka Edeke. Iboro da luka esabu ka luka epuesa luka etogo loka Edeke, luabu Nebukadanesar koŋat koyekalu loajai Yerusalem koyaŋa oyekalu loka Babulon, kolem ekabaka Kuro ŋul koyekalu loka Babulon, aponi koinakinai etuŋanan ekekiror Sesebasar, loetaraunit ekayaiton. Kotema ŋes atiar, “Koyaŋa iboro lu, kolot kibwaik toma oyekalu loejai Yerusalem, kodukoi etogo loka Edeke kaiboisike.” Kosodi Sesebasar abunore, kibwaik apeteta nuka etogo loka Edeke loejai Yerusalem: netikolo ageunere kapaarasia kaŋun kiton kwana eriŋa ca edukio, konye mam edauna.’ Aso do arai itojokit ekabaka, komoai toma aiŋadis naka ekabaka naejai Babulon arai ikote nen, ebe kibwaik Kuro eka baka ekisil aiduk etogo lo loka Edeke Yerusalem, kijuka ekabaka nuitojokit ŋesi kakiro kaŋun,” Kosodi Dario ekabaka aibwaikin ekisil, komoai togo loka iitabon, neeŋadanakinio iboro luka akais nuipu koBabulon. Kodumunai anunuket koAkameta, kotogo lokapolon loejai obuku loka Media, aponi kiwadikatete tomake kwanata araut aisiitunet. “Kokaru losodit loka Kuro ekabaka, kibwaik Kuro ekabaka ekisil; Kanuka etogo loka Edeke koYerusalem, kodukoi etogo aibois naainanakinere asuban, kopesikinai apeteta kagogoŋ; amukururuke ikubitin akaisakanykape, alalauke ikubitin akaisakanykape; ikokoron iuni luka amor nukapolok, ka ekokoro loka akito nukitetiak: kotaeakinai etiaikec kotogo loka ekabaka: kinyakarai da iboro luka esabu ka luka epuesa luka etogo loka Edeke lualemari Nebukadanesar koyekalu loejai Yerusalem luayauni Babulon, koyaŋaarai bobo oyekalu loejai Yerusalem, ŋinibore aiboisike, ibwaikini kes togo loka Edeke,” “Aso do, Tatenai lokebuku loka okekwa juwai, ka Setar-bosenai, ka lukaupakus Iparasakain luejaas okekwa juwai, kogitaros yesi: kinyeis aswam naka etogo kala loka Edeke; koduk ekayaiton loka Iyudayan ka imakio luka Iyudayan etogo lo loka Edeke aiboisike. Bobo da ebwaikin ekisil nuiswamakinete imakio lu luka Iyudayan aiduk etogo lo loka Edeke: koinakinai koboro luka ekabaka, ŋes esolo lokokekwa juwai, kotacakinai ituŋa lu kainyikokin, kinyeis aitikokinio. Iboro da luiburao, imoŋin lutoba, ka imerekekin, ka imerekekin ludidik, araun ainakineta nuieweio mama ejai Edeke loka akuj, akima, ka abalaŋ, ka ebino ka akinyet, kwape ejaananar akirot naka isasedotin lueiaas Yerusalem, koinanakinete ŋinipaaran komam aisal. Tetere einanakinete asuban nuka asakat naeuru saa mama ejai Edeke loka akui, kilipanakinete aijar naka ekabaka ka naka odweke da. Ebwaik da ekisil ebe, loijulanakini akirot na, koketunai akitoi kotogoke, kodakarai ŋes koenikinai neni korau eketogo ameje. Edeke da loabu kibwaik ekekiror ŋina isibirori ikabakan kere ka atekerin, luerionorete akecekanin aijulakin akirot, amudiar etogo lo loka Edeke loejai Yerusalem. Eoŋ Dario ebwaik ekisil; kiswamai kainyikokin kere.” Kosodi Tatenai, lokebuku lokokekwa juwai, ka Setar-bosenai, ka lukaupakec, naarai ejuku ekabaka Dario, kiswamata kwaŋin kainyikokin kere, Kodukoto imakio luka Iyudayan kokeriakata da, kanuka aidwar naka Kagai enabi ka Sekaria okoku loka Ido. Kodukoto kodautu, kwape ajaar aicorakinet naka Edeke loka Isirael, kwape ajaar ekisil loka Kuro, ka Dario, ka Aratasasata ekabaka loko Perusia. Kodaun etogo lo kapaaran nakiwuniet naka elap Adar, kokaru lokikanyetekape loka airum naka Dario ekabaka. Kosodete idwe luka Isirael, ka isasedotin, ka Ilebin, ka luedeuna luka idwe luka aijoreorio, koricata atiakunio naka etogo lo loka Edeke kaiyalama. Koinakis kanuka atiakunio naka etogo lo loka Edeke, imoŋin lutoba akwatat, imerekekin akwat aarei, imerekekin ludidik akwat aoŋon; ido ikorwa itomon ka luarei araut ainakinet naka adiakaret naka Isirael kere, kwape ajaar etiai loka atekerin nuka Isirael. Kibwaikis isasedotin katukonokee, ka Ilebin kabeanakinikee, aijaanakin Edeke, loejai Yerusalem; kwape ewadikatere oitabo loka Musa, Korieata idwe luka aijoreorio aleleŋ kapaaran nakitomonet kaonon naka elap losodit. Naarai etesegara isasedotin ka Ilebin; araas kere luasegara: koarata Iukalelen kanuka idwe kere luka aijoreorio, ka iinaeanakec isasedotin, kanukee da bonik. Konyama idwe luka Isirael, luapotu kobonutu kaijoreorio, ka nul da kere luapotu kogitara anyoun kotoma asilianut naka ikapirin luka akwap, amoot EJAKAIT Edeke loka Isirael. Korieata epueit loka imugatin lumam itubuunitoi apaarasia akanykaarei kaiyalama: naarai abu EJAKAIT kisiyalamik kes, abu kijulakinite etau loka ekabaka loka Asuria neeiaas, aitogogoŋ akecekanin kaswam naka etogo loka Edeke, Edeke loka Isirael. Akaulo kanun, kairum naka Aratasasata ekabaka loko Perusia, Esera okoku loka Seraia, okoku loka Asaria, okoku loka Kilikia, okoku loka Salum, okoku loka Sadok, okoku loka Akitub, okoku loka Amaria, okoku loka Asaria, okoku loka Meraiot, okoku loka Serakia, okoku loka Usi, okoku loka Buki, koku loka Abisua, okoku loka Pinekas, okoku loka Eleasar, okoku loka Aaron esasedoti lopeti: abu Esera ŋol konyou abunore koBabulon; kerai ŋesi ekewadikan loakapakina kokisila luka Musa luabu EJAKAIT Edeke loka Isirael koinak: koinak ekabaka ŋes kere nuabu kilip, kanuka akan naka EJAKAIT Ekedeke naajai kaŋes. Koloto ice kodwe luka Isirael, ka luka isasedotin, ka Ilebin, ka ikayook, ka ikagolok, ka Inetinim, kopotu Yerusalem, kokaru lokikanyetekaarei loka Aratasasata ekabaka, Kobu neai Yerusalem kolap lokikanyet kokaru lokikanyetekaarei loka ekabaka. Naarai kapaaran nasodit naka elap losodit ŋes ageunia ŋesi anyoun koBabulon, kapaaran da nasodit naka elap lokikanyet ŋes adolio Yerusalem, kanuka akan nakaiokan naka Ekedeke naaiai kaŋes, Naarai abu Esera kibwaikinite eketau amoot ikisila luka EJAKAIT, ka aiswamaenen da, ka aisisianakin toma Isirael ikisila ka itubesia. Na ŋes aikopunet naka ebalua loabu ekabaka Aratasasata koinak Esera esasedoti, ekewadikan, ŋes ekewadikan loka akiro nuka aicorakineta nuka EJAKAIT, ka loka ikisilake mama ejai Isirael. “Aratasasata, ekabaka loka ikabakan, mama ejai Esera esasedoti, ekewadikan loka ikisila luka Edeke laka akuj, loedolit, ka ace da. Ebwaikini ekisil, mama ejaas ŋul kere lukotuna luka Isirael, ka ikecesasedotin, ka Ilebin, lukotoma ayaetaitika, luekotos alosit Yerusalem kanukec, kouparos kaio, Naarai kijukarit jo ekabaka ka ikekenerunak ikanykaarei, aiŋitun akiro nuka Yuda ka Yerusalem, kwape ejaatar ikisila luka Edekekon lueiaas akanikon; koyana da epuesa ka esa bu, luainakis ekabaka ka ikekenerunak kanukec mama ejai Edeke loka Isirael, loiboienenei koYerusalem. Epuesa da ka esabu kere loidumuni kobuku kere loko Babulon, nepepe ka ainakineta nuka akot nuka ituŋa ka nuka isasedotin, nuainakinete kanukee kanuka etogo loka Edekekec loejai Yerusalem; ŋes ibusakinitor ainyikokin noi agwel kiboro kalu imoŋin lutoba, imerekekin, imerekekin ludidik, ka ainakinetakec nuka akiria, ka ainakinetakee numatan, ijaikini kotem loka etogo loka Edekekus loejai Yerusalem. Ŋinibore kere yenitojoki jo ka ikoniinaean aitwasamaa epuesa ka esabu loedeuna, kiswamata kwape ekotor Ekusideke, Iboro da lukiinakinio kanuka aijaanakin nakotogo loka Ekusideke, koinak kakonyen nuka Edeke laka Yerusalem. Ido luipudai kere aiyatakin luibusakinito ainakin kanuka etogo laka Ekonideke, koinak kotogo lokainad loka ekabaka. “Eoŋ da, eoŋ Aratasasata ekabaka, ebwaik ekisil mama ejaas ikeŋadak kere luejaas okekwa juwai, nukilipi yes Esera esasedoti, ekewadikan laka ikisila luka Edeke loka akuj, kiswamaenenete kainyikokinit kere. Kiton atalatan akwatat nuka epuesa, ka aitemisio akwatat nuka akima, ka akaalakanya akwatat nuka ebino, ka akaalakanya akwatat nuka akinyet, ka abalaŋ namam ebilunitai etiaike. Ŋin naecorakinit Edeke loka akui, kiswamaenenete cut kanuka etogo loka Edeke laka akuj; naarai kanukinyo ti kebunokinia anyunyura ayaetait naka ekabaka ka odweke? Ido kitejenuni yes nuka isasedotin ka Ilebin, ikayook, ikagolok, Inetinim, arai ikejaanakinak luka etogo kala loka Edeke, timam ibusakinit atubokin kes esolo laka ituŋa, esolo laka iboro, karaida esolo laka ikalotok. “Ŋo da Esera, kwape eiaar acoa naka Ekonideke naejai akanikon, koseu iiaka ka ikatubok, luetubonokinete ituŋa kere luejaas okekwa juwai, lueienete kere ikisila luka Ekonideke, ka ŋol da lomam ejeŋi kisisianakinete ŋes. Ido ŋol lomam iyuuni aswam ikisila luka Edekekon, ka ikisila luka ekabaka, korubokin ŋes kainyikokin kere, arai naka aario, arai naka aireneario, arai naka ademario luke, arai naka aenio.” Kituritete EJAKAIT, Edeke laka lukapapaawok loebwaiki akirot naetia nen otau laka ekabaka aitubus etogo loka EJAKAIT loejai Yerusalem; loetalala aitim mamaka kakonyen nuka ekabaka, ka ikekenerunak, kakonyen da nuka ikapolok kere lukagogon luka ekabaka. Kagogonoor kanuka akan naka EJAKAIT Ekadeke naajai keoŋ, katukok kotoma Isirael ikapolok aupar kaeon. Lu kes ikapolok luka ikekia luka lukapapaakec, na da ŋes aur naka nul kaluauparos kaeon anyoun koBabulon, kairum naka Aratasasata ekabaka. Kodwe luka Pinekas, Geresom: kodwe luka Itamar, Daniel: kodwe luka Daudi, Katus, Kodwe luka Sekania; kodwe luka Paros, Sekaria: nepepe kaŋes aponi kimarakinitete kaur naka ikiliok akwatat ka akaisakany. Kodwe luka Pakat-moab, Eliekoenai okoku loka Serakia; nepepc kaŋes da ikiliok akwat aarei. Kodwe luka Sekania, okoku Ioka Yakasiel; nepepe kaŋes da ikiliok akwat auni. Kodwe luka Adin, Ebed okoku loka Yonatan; nepepe kaŋes da ikiliok akaisakany. Kodwe luka Elam, Yesaia okoku loka Atalia; nepepe kaŋes da ikiliok akaisakanykaarei. Kodwe luka Sepatia, Sebadia okoku loka Mikael; nepepe kaŋes da ikiliok akaisakanykauni. Kodwe luka Yoab, Obadia okoku loka Yekiel; nepepe kaŋes da ikiliok akwat aarei ka itomon ka lukanykauni. Kodwe luka Selomit, okoku loka Yosipia; nepepe kaŋes da ikiliok akwatat ka akaisakanykape. Kodwe luka Bebai, Sekaria okoku loka Bebai; nepepe kaŋes da ikiliok akaisaarei ka lukanykauni. Kodwe luka Asagad, Yokanan okoku loka Kakatan; nepepe kaŋes da ikiliok akwatat ka itomon. Kodwe luka Adonikam, lukawasia; lu kes ikeeekiroria, Elipelet, Yeuel, ka Semaia, nepepe kakes da ikiliok akaisakanykape. Kodwe luka Bigibai, Utai ka Sabud; nepepe kakes da ikiliok akaisakanykaarei. Katukonok kes toma ocor loelelei Akaba; kipou kedukuro adaun apaarasia auni: kanic ituŋa, ka isasedotin, komam edumuna ediopet kodwe luka Lebi. Kasodi anyaraun Elieser, ka Ariel, ka Semaia, ka Elunatan, ka Yarib, ka Elunatan, ka Natan, ka Sekaria, ka Mesulam, ituŋa Jukapolok; ka Yoiarib, ka Elunatan, luaraas ikesisianakinak. Kejuka kes neejai Ido ekapolon loka aibois Kasipia; kalimok nuelimokinete Ido, ka ikeinaean Inetinim, kaibois Kasipia, tetere kiinunete sio ikejaanakinak luka etogo loka Edekewok. Kanuka akan nakajokan naka Edekewok naaiai kaoni, koinutu etuŋanan lokaeoa, lokodwe luka Mali, okoku loka Lebi, okoku loka Isirael; ka Serebia, ka odweke ka iinaeanake, itomon ka lukanykauni; ka Kasabia, ido nepepe kaŋes Yesaia lokodwe luka Merari, iinaeanake ka odwekec, akaisaarei; luka Inetinim, luapotu Daudi ka ikapolok koinakis aiiaanakin Ilebin, Inetinim akwat aarei ka akaisaarei: kolimoroi kere ikecekiroria. Kasodi alimor ailuŋ kaŋina, kocor Akaba, tetere kitasonikin kakonyen nuka Edekewok, aimo kaneejai ŋesi erot loitenara, lowok, ka loka idwewok ludidik, ka loka iborowok kere. Naarai keleicik ailip ekabaka erioŋet loka iserikalei ka ikebwanenok aiganakin korot kama ejaas lukasurup: naarai kipou kenerata kekabaka ebe, “Akan naka Edekekosi ejai kanul kere kaluemoete ŋes, kanuka ajokis; konye apedorike ka anyunyurake eluikini nul kere luinyeinete ŋes.” Kipou do kaluŋata, kenainaata Edekewok akirot nin: kiira ŋesi ainainakosi. Kasodi atiakun itomon ka luarei kokapolok luka isasedotin, Serebia, ka Kasabia, ka itomon koinaeanakee kakes, ketemok kes epuesa, ka esabu, ka iboro, ŋes ainakinet kanuka etogo loka Edekewok naainak ekabaka ka ikekenerunak, ka ikapolokoke, ka Isirael kere luajaas nen: Ketemok cut akanikee atalatan nuka epuesa akwat akanykape ka akaisakany, ka iboro luka epuesa atalatan akwatat; esabu da atalatan akwatat: ka atiboi nuka esabu akaisaarei nuka idarikin elukumit; ka iboro iarei luka aisinit naejok naiputut, luka akais nuipu bala esabu. Kabala kes atiar, “Iraas yesi lukalaunak mama ejai EJAKAIT, iboro da eraas lukalaunak; epuesa ka esabu kes ainakinet naka akot mama ejai EJAKAIT, Edeke loka lukapapaakus. Kokwenyete, kidarete; aitodol naitemioto kes kakonyen nuka ijaka luka isasedotin ka Ilebin, ka ikapolok luka ikekia luka lukapapaa luka Isirael, koYerusalem, kotoma agolai nuka etogo loka EJAKAIT,” Kesodete isasedotin ka Ilebin aijaun aitemis naka epuesa ka esabu, ka iboro, ayaŋaar Yerusalem togo loka Edekewok. Kasodete kanyout koeor Akaba kapaaran nakitomonet kaarei naka elap losodit alosit Yerusalem: kojai akan naka Edekewok kaoni koyu kakan naka lukasurup ka ikaperunok korot, Kapotu Yerusalem, kadautu da apaarasia auni kanen. Kapaaran nakiwononet aponi kitemoi epuesa ka esabu ka iboro kotogo loka Edekewok kakan naka Meremot okoku loka Uria esasedoti; nepepe kaŋes ajai Eleasar okoku loka Pinekas; nepepe kakes ajai Yosabad okoku loka Yesua, ka Noadia okoku loka Binui, Ilebin; kere kwape ejaar ekecetiai ka akecelanir da: kiwadikai alaniru kere kapakio kanun. Koinakis idwe luka aijoreorio lukabonunok kaireneario ainakincta nuicweio mama ejai Edeke loka Isirael, imoŋin lutoba itomon ka luarei kanuka Isirael kere, imerekekin akaisakanykaoŋon ka lukanykape, imerekekin ludidik akaisakanykaarei ka lukanykaarei, ka ikorwa itomon ka luarei araut ainakinet naka adiakaret: koraunos nul kere ainakinet naicweio mama ejai EJAKAIT. Koinakis lukibukui luka ekabaka, ka ikayaitok lukokekwa juwai aicorakineta nuka ekabaka: kisigalikis ituŋa ka etogo loka Edeke. Kosodi kedaut aswam akiro nun kere, kekunyakis ikapolok eoŋ, kobalasi atiar, “Mam etiakara ituŋa luka Isirael, ka isasedotin ka Ilebin kotuna luka akwapin, iswamaete kwape ejaatar italesiakee, luka Ikanaanin, ka Ikitin, ka Iperisin, ka Iyebusin, ka Imonain, ka Imoabin, ka Imisirian, ka Imorain da. Naarai emanyete apesurukec, komanyanakinete odwekee da; kwaijin kinyalinyalun aur nakalaunan katekerin nuka akwapin: cebo, akan naka ikapolok ka ikayaitok ŋes ageiki adiakanar ŋin.” Naapupunio akirot nin, kacil anapitoka ka elouka, kenyul itima luka akouka ka lukopenekika, kasala eboie kaumokinit. Kotukonokinos neaiai kere luamaranete kakiro nuka Edeke loka Isirael, kanuka aidiak naka nul kaluejoreoritai; kasala eboie kaumokinit aitodol ainakinet naka eboŋ. Kosodi keinakini ainakinet naka eboŋ, kanyou kaisilarika, kociliciluna anapitoka ka elouka; kakukokini kakuninika, kariono akakanin mama ejai EJAKAIT Ekadeke; kener atiar, “Wu Ekadeke, keruma eoŋ ileic, kekamu aitirir aitonyoun akonyeneka mama ijai, wu Ekadeke: naarai eyatakinos numam adolitekosi adepar akwesikosi, apoloor agwaunitekosi adolo toma akuj. Ageun kapaarasia nuka lukapapaakosi kidiakanari akiro nukos kiton lolo; kanuka numam adolitekosi, ŋes kiinakinere sio, ka ikosikabakan, ka isasedotinikosi akanin nuka ikabakan luka akwapin, neejai ekileŋ, ka aijoreorio, ka anasio, ka aisurumio da ileic, kwape lolo. Kwana da, kapak naeuriana, etodun asianut naebuni kama ejai EJAKAIT Ekosideke, aideikin aatoŋot naaku, kainakini da sio aseitoit kaiboisike nakalaunan, kitacaik Edeke akosikonye, kainakini da adioisikwarunio kobulesenekosi. Naarai kirai ibulesin; konye mam Edeke kinyeinit sio kobulesenekosi, konye kiyataki aitimio kakonyen nuka ikabakan luka Perusia, ainakin sio aikwarun, ka aiduk etogo loka Edekekosi, aiteteun da aaponoruke, ainakin da sio arwatat koYuda ka Yerusalem. “Aso do, wu Edekekosi, kineri anu akaulo kanun? Naarai kipou kenyeis akoniicorakineta, nuibu kicorak kama kikonikejaanakinak inabin, ebe, ‘Akwap nailomarete airum, ŋes akwap namam elai kanuka amamus aila naka ituŋa luka akwapin, kanuka italesiakec, luesilelebata asilianutukec epuai kepuai da. Aso do sirikikorakis akusipesur otelepaikec, karaida amanyanakin ikusitelepai akecepesur, siriikotononos ainapakinikee karaida asulianyikec ikar kere: tetere igogonooros, inyamete ajokis naka akwap, inyeiniata ikusidwe araun airumet ikar kere.’ Ido kedautu nun adolokin sio kanuka aswamisiokosi nueroko, kanuka agwaun akiro nuepolok, naarai ijo Ekosideke ibu kitican sio kwabo mere kwape ibusakinitor numam adolitekosi, koinak sio aatoŋot kwape na. Kibili kereka bobo isio aicorakinetakon, karaunos ikamurak luka atekerin nuiswamaete italesia nul? Ti mam kinyunyuranakini aitodol nekimudiaria, komamei aatoŋot, karaida luekuete? Wu EJAKAIT, Edeke loka Isirael, irai ijo loidolit; naarai kisalaki isio kirai aatoŋot naaku, kwape eiaar lolo: koany, kija kakonyenekon kagwaunetekosi; naarai emamei loepedori aibwo kakonyenekon kanuka nun.” Napilipi Esera, elimori, emonyi akiyo, isudedei koinaren ketogo loka Edeke, kotukokinos neaiai ŋesi koIsirael ekodet loepol noi loka ikiliok ka aijor ka idwe: naarai apotu ituŋa komonyata noi akiyo. Koboŋok Sekania okoku loka Yekiel, ediopet kodwe luka Elam, kotema Esera atiar, “Kibuea kama ejai Edekewok, aimany aŋor numo nuka atekerin nuka akwap: konye kwape kwana ejai amunonut neejai Isirael kanuka nun, Aso do ketutukoto aitutuket ka Edekewok aireŋear aŋor kere, ka lueurito kesi, kwape ejaar ainerun naka ejakaitika, ka ŋul luemaranete toma aicorakinet naka Edekewok, ido kiswamaunai kwape eiaar ekisil. Konyou; naarai akirot nin nakon, isio da kija kajo; kicata, kiswama.” Kosodi Esera anyoun, kisiyapo iiaka luka isasedotin, ka lebin, ka Isirael kere, ebe kiswamaenenete kwape ejaar akirot ŋin. Kiyapoto do. Kosodi Esera anyoun koinaren ketogo loka Edeke, koloma agola naka Yekokanan okoku loka Eliasib: kedolo, mam abu konyam atap, karaida aimat akipi: naarai abu kokadak kanuka aibucar naka nul kaluka aijoreorio. Aponi kolimoroi anatar Yuda ka Yerusalem, mama ejaas idwe kere luka aijoreorio, kotukonokinos Yerusalem; Ido yenimam ebuni toma apak naka apaarasia auni, kwape ejaar ainerun naka ikapolok ka imakio, kotwania ikeboro kere, ka ŋes elopet kogelarai kokodet loka aijoreorio. Kosodete ituŋa kere luka Yuda ka Benyamin kotukonokinos Yerusalem kotoma apaarasia auni; kerai elap lokikanyetekaonon, kapaaran naka akaisaarei naka elap: kiboikinos ituŋa kere aibois naelal koinaren ketogo loka Edeke, komaranete kanuka akirot kaŋin, kanuka akiru da naapol noi. Kobwo Esera esasedoti kolimok kes ebe, “Ipotu kibucasi komanya aŋor numo, kosodete aiyatakin adiakar koIsirael. Aso do kolimosi mama ejai EJAKAIT, Edeke loka lukapapaakus, kiswamata nuitojokit ŋesi: kogitaros katekerin nuka akwap, ka aŋor numo da.” Kosodi ekodet kere aboŋokin keporoto loepol ebe, “Kwape inerar ijo akirokosi, kwape kwaŋin kibusakinitor aswam. Konye ipu ituŋa, ido ŋes apak naka akiru naepol, mam kipedori aibwo kokina, ido na mere ŋes aswam naka apaaran adiopet arai aarei: naarai kibuea noi kakirot kana. Aso koseunai ikapolokokosi kokodet kere, ka nul kere luejaas toma oreriakosi luemanyito aŋor numo kopotu kapakio nueseunitai, ido nepepe kanul, imakio luka nolirc, ka ikatubokoke, aitodol neibelokinor anyunyura naededen naka Edekewok anyoun kamawok, aitodol naedaunor akirot nin.” Konye kobwaata Yonatan okoku loka Asakel ka Yaseia okoku loka Tikuba aiŋer akirot na: kiganakis kes Mesulam ka Sabetai Elebit, Kiswamata idwe luka aijoreorio kwaŋin. Kotiakunai Esera esasedoti, ka ice kokapolok luka ikekia luka lukapapaakec, kwape ajaatar ikekia luka lukapapaakec, kes kere ebilitai ikecekiroria; kiboikinos kapaaran nasodit naka elap lokitomonet aiŋic akirot ŋin. Kodautu akiro nuka ikiliok kere luamanyito aŋor numo koroko apaaran nasodit naka elap losodit etuboro. Kotakanut kodwe luka isasedotin luamanyito aŋor numo: kodwe luka Yesua, okoku loka Yosadak, ka iinacanake, Maaseia, ka Elieser, ka Yarib, ka Gedalia. Apotu koriosi akecekanin kwape ireneariata do akecenor; ido naarai agwaunito akiro, koinakis emerekek lokosipan kanuka agwaunikec. Kodwe luka Imer; Kanani ka Sebadia. Kodwe luka Karim; Maaseia, ka Eliya, ka Semaia, ka Yekiel, ka Usia. Kodwe luka Pasur; Elioenai, Maaseia, Isimael, Netanel, Yosabad, ka Elasa. KoLebin; Yosabad, ka Simei, ka Kelaia (ŋes ŋol Kelita), Petakia, Yuda ka Elieser. Kokayook: Eliasib: kokagolok; Salum, ka Telem, ka Uri. KoIsirael: kodwe luka Paros; Ramia, ka Isia, ka Malakiya, ka Miyamin, ka Eleasar, ka Malakiya, ka Benaia, Kodwe luka Elam; Matania, ka Sekaria, ka Yekiel, ka Abidi, ka Yeremot, ka Eliya. Kodwe luka Satu; Elioenai, Eliasib, Matania, ka Yeremot, ka Sabad, ka Asisa. Kodwe luka Bebai; Yekokanan, Kanania, Sabai, Atalai, Kodwe luka Bani; Mesulam, ka Maluk, ka Adaia, ka Yasub, ka Seal, ka Yercmot, Kodwe luka Pakat-moab; Adana ka Kelal, ka Benaia, ka Maaseia, ka Matania, ka Besalel, ka Binui, ka Manase. Kodwe luka Karim; Elieser, ka Isiya, ka Malakiya, ka. Semaia, ka Simeon; Benyamin, ka Maluk, ka Semaria. Kodwe luka Kasum; Matenai, ka Matata, ka Sabad, ka Elipelet, ka Yeremai, ka Manase, ka Simei. Kodwe luka Bani; Maadai, ka Amuram, ka Uel; Benaia, ka Bedeia, ka Keluki; Bania, ka Meremot, ka Eliasib; Matania, ka Matenai, ka Yaasu; ka Bani, ka Binui, ka Simei, ka Selemia, ka Natan, ka Adaia; Makanadebai, ka Sasai, ka Sarai; Asarel, ka Selemia, ka Scmaria; Salum, ka Amaria, ka Yosep. Kodwc luka Nebo; Yeiel, ka Matitia, ka Sabad, ka Sebina, ka Ido, ka Yoel, ka Benaia. Ŋul kere amanyito aŋor numo; ajaas ke kakesi aŋor nuauritotor idwe. Akiro nuka Nekemia okoku loka Kakalia, Kosodi kanen kolap Kisileb kokaru loka akaisaarei, nanjur eoŋ toma Susan togo lokapolou, kobu Kanani, ediopet koinaeanaka koYuda, ŋes ka icetuŋa; keŋitata nuka Iyudayan kaluakuete, luapotu kosalakinitos toma aijoreorio, ka akiro da nuka Yerusalem, Kabalasi eoŋ ebe, “Aatoŋot naasalakinit kotoma aijoreorio ŋina obuku aanyut ican luipu ka amotomoroo: ido abilibilun arwatat naka Yerusalem, iruteike da ecwei kakim.” Kosodi kanen, keira akiro ŋun, keboikin kamony akiyo, kebwor da apaarasia ace; kaluŋ kelip kakonyen nuka Edeke loka akuj, kenera da atiar, “Keŋaiŋait jo, wu EJAKAIT, Edeke loka akuj, Edeke lokapolon lokaŋosibib, loericit aitutuket ka aitim mama kaŋul kalueminas ka arieit da akeicorakineta: kiira kakonikit, akonikonye da kokwenyut, kiira ailip naka ekonikejaanakinan, naelipit kakonyenekon kapak kana, apaaran ka akuare da, kanuka ikonikejaanakinak idwe luka Isirael, alimori aronisio nuka idwe luka Isirael, nukidiakana kamakon: eebo, kidiaka eoŋ ka ckek loka papaka. Kipou keswamata nukasilianut kamakon, kwabo mam kipou karicata aicorakineta, karaida ikisila, karaida itubesia, luibu kicorak ekonikejaanakinan Musa. Keŋaiŋait, kiitu akirot naibu kicorak ekonikejaanakinan Musa kobala ebe, ‘Arai kibueasi yesi, kesiarisiarete eut toma atekerin. Konye arai kiboŋut mamaka, koricenenetc da akaieorakineta, ka aiswemaenen kes, karaida aponi kireŋearai lukus kiton awasia cut naka akuj, konye atukonokini kes kaŋina, kasodi ayaun toma aibois naabu kaseu aisiroikin nen ekakiror.’ Aso lu kes ikonikejaanakinak, ka ituŋakon, luibu kolaku kakonipedor naepol, kakanikon nakagogoŋ. Wu EJAKAIT, keŋaiŋait, kiira cabo akonikit ailip naka ekonikejaanakinan, ka ailip da naka ikonikejaanakinak luiyalamas aiyoŋ ekonikiror: keŋaiŋait, kisirereŋ lolo ekonikejaanakinan, koinak aitimio kakonyen nuka etuŋanan kalo,” Arai eoŋ ekaliyan loka ekabaka. Kosodi kanen, kolap Nisan, kokaru loka akaisaarei loka Aratasasata ekabaka, naajaar ebino kakonyeneke, abu kayaŋa ebino, kainak ekabaka. Mam lem kakadanakini kakonyeneke. Kabala ekabaka eoŋ atiar, “Inyo bo lolo ekadakinitotor akonikonycn, naarai mam jo ideka? Mam na erai acekirot dimarai akadakinite nakotau.” Kasodi akurianar noi. Kasodi katema ekabaka ebe, “Kobusenenei ekabaka ikar kere: ti inyo kisimiki akakonyen akadakinite, emejeiki ere, aibois naka atesin nuka lukapapaaka, iruteike da ecwei kakim?” Kosodi ekabaka atemar eoŋ atiar, “Ilipit inyo?” Kelip do Edeke loka akui. Katema eoŋ ekabaka atiar, “Arai kitojok ekabaka, arai edumunit ekonikeiaanakinan asianut kakonyenekon, kijukarai Yuda, ore loka atesina nuka lukapapaaka, kaduk.” Katema ekabaka eoŋ atiar (eboie akabaka da kidunyas kaŋes),” Erai bo akonilosit naka apaarasia imwaasi ai? Ido ibonuni wori?” Kitoiok ekabaka aijukar eoŋ: ketodik apak. Bobo da katema ekabaka atiar, “Arai itojokit ekabaka kainakin ibaluan mama ejaas lukibukui lukokekwa juwai, tetere kacamakinio atubor adolore toma Yuda. Ka ebalua da mama ejai Asap ekedaran laka amagoro naka ekabaka, tetere kainakini akito aiswamaunia abaoi nuka irutei luka etogo lokagogon loidunyasi etogo, ido nuka arwatat naka ere, nuka etogo da loalomari.” Kiyu ekabaka, kanuka akan nakaiokan naka Ekadeke naajai kaeoŋ. Kasodi abunore mama ejaas lukibukui lukokekwa juwai, kainak kes ibaluan luka ekabaka. Abu ekabaka keyakiarite eoŋ nepepe ka ikapolok luka ajore ka ikebwanenok. Kepuput Sanabalat Ekoronit, ka Tobia ekejaanakinan, Emonait, kokadakis kesi noi, naarai ebunit etuŋanan atamakin aisigalikin idwe luka Isirael. Kasodi abunore Yerusalem, kadau kanen apaarasia auni. Kanyou kuare, eoŋ nepepe kituna luikidioko; ido mam abu kalimok etuŋanan nuabu Ekadeke kibwaik otauka aiswamakin Yerusalem: kwabo amamei ecetian kere dimarai etiaŋ loebwanenit. Kaloma kuare korute loka Aditot, mama ejai Atan naka Apiu, orute da loka Aoret, kasodi aiŋic arwatatin nuka Yerusalem nuebilibilunos, ka iruteike lueewei kakim. Kasodi aiyatakin neejai erute loka Ecor kiton Atapar naka Ekabaka: konye komameun erot lotikitor etianaka loebwanenit. Kasodi kadoka kuare kaguurut, aiŋic arwatat; kebelokin, kaloma korute loka Aditot, kabon kwaŋin. Mam ikapolok apotu koienutu kwape abu kalosio, karaida nuabu keswama; kwabo mam ber alimokinit Iyudayan, karaida isasedotin, karaida isotia, karaida ikayaitok, karaida ice kere lueswamaete. Kasodi atemar kes atiar, “Ianyutu kwape kiiaar erono, kwape emejeikinio Yerusalem, iruteike da ieweitere kakim: kopotu kadukoto arwatat naka Yerusalem, kalemasi amorosit na.” Kalimok kes kwape ejaar akan nakaiokan naka Ekadeke keoŋ; ka akiro da nuka ekabaka nuabu kalimok eoŋ. Kobalas ebe, “Kanyoutu, kaduko.” Kosodete kitogogonoto akecekanin kanuka aswam ŋin naejok. Konye kepuput Sanabalat Ekoronit, ka Tobia ekejaanakinan, Emonait, ka Gesem Earabut, kokienatatar sio noi, komwanata da, kobalas ebe, “Inyo bo na naiswamaete yesi? Ikotosi aipaliikin ekabaka?” Kasodi kabonok kes katema atiar, “Kisirereni sio Edeke loka akuj; ŋes kiinakini sio ikekejaanakinak kinyouni aiduk: konye emamei yes ainakinet, karaida apedor, karaida aisiitunet, kotoma Yerusalem.” Kosodi Eliasib esasedoti lopeti anyoun nepepe kikeinacan isasedotin, kodukoto erute loka Amerekekin; kitalautu da, kosipokis ikiriginike; kiton togo loeoia loka Kamea kitalautu, kiton togo loeoja loka Kananel. Kotupakinete ŋes ituŋa luka Yeriko aiduk. Kotupakin kes Sakur okoku loka Imiri aiduk, Kodukoto odwe luka Kasenaa erute loka Lukecor; kopesikis abaoike, kosipokis ikiriginike, ka igolisike, ka atiketake. Kotupakin kes Meremot, okoku loka Uria, okoku loka Kakos, Kotupakin kes Mesulam okoku loka Berekia, okoku loka Mesesabel aiteteun. Kotupakin kes Sadok okoku loka Baana aiteteun. Kotupakinete kes Itekoin aiteteun: konye mam isotiakec ibwaikinito imurisiŋakec aswam naka ejakaitikec. Kiteteut Yoiada okoku loka Pasea ka Mesulam okoku loka Besodeia erute lomoion, kopesikis abaoike, kosipokis ikiriginike, ka igolisike, ka atiketake. Kotupakinete kes Melatia Egibeonit, ka Yadon Emeronotit, ituŋa luka Gibeon, ka luka Misipa, aiteteun, naarai keraas lukeyait lokebuku lokokekwa juwai. Kotupakin ŋes Usial okoku loka Karakaia ikatatak luka esabu, aiteteun. Kotupakin ŋes Kanania ediopet kokenyalak aures, aiteteun, kitogogonoto Yerusalem kiton arwatat naelal. Kotupakin kes Rapaia okoku loka Kur, ekayaiton loka atutubet naka ebuku loka Yerusalem aiteteun. Kotupakin kes Yedaia okoku loka Karumap aiteteun neesesenas ketogoke. Kotupakin ŋes Katus okoku loka Kasabaneia aiteteun. Malakiya okoku loka Karim, ka Kasub okoku loka Pakat-moab, kiteteut ecewai, ka etogo loeoia loka iupa. Kotupakin ŋes Salum okoku loka Kalokes, ekayaiton loka atutubet naka ebuku loka Yerusalem aiteteun, ŋes ka akepesur. Kiteteut Kanun ka luibojete ko Sanoa erute loka Aditot; kodukoto kesi ŋes, kosipokis ikiriginike, ka igolisike, ka atiketake, ka ikubitin elukumit luka arwatat kiton orute loka Aoret. Kiteteu Malakiya okoku loka Rekab, ekayaiton loka ebuku loka Betkakerem erute loka Aoret; koduk ŋes, kosipok ikiriginike, igolisike, ka atiketake da. Kiteteu Salun okoku loka Kolukose, ekayaiton loka ebuku loka Misipa erute loka Atan; koduk ŋes, korap, kosipok ikiriginike, igolisike, ka atiketake, ka arwatat naka Atapar naka Sela naedunyas kemanikor loka ekabaka, aitodol adoketa nuiiesaros anyoun kore loka Daudi. Kotupakin ŋes Nekemia okoku loka Asabuk, ekayaiton loka atutubet naka ebuku loka Betsur, aiteteun kiton aibois naesesenas katesina nuka Daudi, kiton atapar naabokitai, kiton da togo loka ituŋa lukirigin. Kotupakis ŋes Ilebin, Rekum okoku loka Bani aiteteun. Kotupakin ŋes Kasabia, ekayaiton atutubet naka ebuku loka Keila, aiteteun kanuka ebukuke. Kotupakis ŋes ikeeeinaean, Babai okoku loka Kenadad, ekayaiton loka atutubet naka ebuku loka Keila aiteteun. Kotupakin Eser okoku loka Yesua, ekayaiton loka Misipa, aiteteun ewai ece, loasesenas kaneedokarere toma aiŋadis naka luiiis neekudio arwatat. Kotupakin ŋes Baruk okoku loka Sabai aiteteun ewai ece kakukuranut, anyoun kaneekudio arwatat kiton okek loka etogo loka Eliasib esasedoti lopeti. Kotupakin ŋes Meremot okoku loka Uria, okoku loka Kakos aiteteun ewai ece, anyoun kokek loka etogo loka Eliasib aitodol onane loka etogo loka Eliasib. Kotupakis ŋes isasedotin, ituŋa luka Apuuton, aiteteun. Kotupakinete kes Benyamin ka Kasub aiteteun neasesenas kekeeetogo. Kotupakin Asaria okoku loka Maaseia okoku loka Anania aiteteun osiep loka etogoke. Kotupakin Binui okoku loka Kenadad aiteteun ewai ece, anyoun kotogo loka Asaria aitodol neakudokinia arwatat, ka aitodol agor da. Kiteteu Palal okoku loka Usai neakudio arwatat, ka etogo loeoia loiririkina togo lokokuju loka ekabaka, loedunyas kalaro naka ikedarak. Kotupakin Pedaia okoku loka Paros aiteteun. (Kiboienenete Inetinim koOpel aitodol aibois naesesenas kerute loka Akipi kokide, ka etogo locoja loelitoro kina.) Kotupakis Itekoin aiteteun ewai ece, loesesenas ketogo loeoja loepol loelitoro kina, aitodol arwatat naka Opel, Kiteteut isasedotin kuju kerute loka Ibalasin, nolitunanan neasesenas keketogo. Kotupakin Sadok okoku loka Imer aiteteun neasesenas keketogo. Kotupakin Semaia okoku loka Sekania ekagolon erute lokokide aiteteun. Kotupakinete Kanania okoku loka Selemia, ka Kanun okoku lokikanyetekape loka Salap, aiteteun ewai ece. Kotupakin Mesulam okoku loka Berekia aiteteun neasesenas kakegola. Kotupakin Malikiya ediopet kokatatak luka esabu aiteteun aitodol togo loka Inetinim, ka loka ikagwelanarak, loasesenas kerute loka Kamipikad, aitodol neadokareren agor. Ido kiteteut ikatatak luka esabu ka ikagwelanarak kidiŋ kaneadokarere agor ka erute loka Amerekekin. Konye kepupu Sanabalat kwape kidukio isio arwatat, konyunyurikin, kisiop noi, kisekel Iyudayan. Kiner kakonyen nuka iinaeanake ka ajore naka Samaria, kobala ebe, “Iswamaete inyo Iyudayan lu lukalanyak? Ekotosi kereka abwaun bobo? Ekotosi ainakin asuban? Ekotosi adaun kapaaran adiopet? Ekotosi aisikwarun amor katukon nuka aapoŋor, naarai ieweitai?” Kosodi Tobia Emonait loedunyas kaŋes kotema atiar, “Kanin da yenedukito kesi, arai kicaka ekue, ebilibilei arwatatakec nakamor.” Kiira ijo, wu Edekekosi; naarai kimeni: kinyakak amorositikee akwesikee, kokorak anatario kakwap nakaijoreorio: sirikirapak numam adolitekec, aronisikec da kinyek amwatario kakonyenekon: naarai kitunyunyurikis jo kakonyen nuka ikadukok. Kasodete kadukoto arwatat; arwatat kere kimorikikin nepepe aitodol atutubet naka amukururuke: naarai apotu ituŋa kibwaikis itauon aswam, Konye kepuput Sanabalat, ka Tobia, ka Iarabun, ka Imonain, ka Isudodain, ebe iyatanakin aswam naka aiteteun arwatatin nuka Yerusalem, ageun da ainwok arorwaitin, konyunyurikinos noi; kinerutu kere nepepe aponare aitiji Yerusalem, aisiyaloŋoŋ lukotoma. Konye kipou kelipata mama ejai Edekekosi, aibwaikin da ikekwenyanarak paaran ka kuare da kanukee. Kotema Yuda atiar, “Eŋoŋar agogoŋ naka ikebwokak abwokon, ipu aapoŋor; tape mam kipedori aiduk arwatat.” Kotemasi lukasurupokosi atiar, “Mam ejenunete, karaida aanyun, aitodol nekilomaria kidiŋikec, kasodete aiar, ketanatjata aswamukee.” Kosodi kanen, kepotu Iyudayan luaraas iidunyetakee, kolimokis kesi sio aatenak atomon kaiboisio kere ebe, “Ibusakinit kobonut mamakosi.” Ŋes kebwaikinia ituŋa toma atutubeta nuijesakina kapak naajai kau karwatat, kaiboisio nuelapat, kebwaik do ituŋa kwape ajaatar ikekiakee, koiaas da kikilenakec, ka akwarasikec, ka akabwaikec da. Kasodi kasesen, kanyou, katema isotia, ka ikayaitok, ka ituŋa ice atiar, “Sirikiyoŋa kes: kiitunitos EJAKAIT, loepollokaŋosibib, kojiosi kanuka iinacanakus, ka idwekus, lusap ka lupesur, ka aŋorokus ka itogoikus da.” Kosodi kanen, kepuputu lukasurupokosi ebe ajenun kamakosi, ido etapalau Edeke akeeeinerun, kasodete isio kere aboŋor mama ejai arwatat, ninitunanan toma aswamuke. Kosodi kanen, agear kapak kaŋin, eswamaenenete atutubet naka ikakeiaanakinak aswam, kitinito atutubet kakesi akwaras, ka ibukui, ka akabwai, ka ikootin luka asua; koiaananas ikayaitok kau kekek kere loka Yuda. Ŋul luadukenenete arwatat, ka nul luebwokenenete abwokon kigugunatos, kiswamai ŋinituŋanan aswam kadiopekan, kitinite naee da yeniiiisike, Ikadukok da, koenikinite ŋinituŋanan ekileŋike anabcteke, kodukenenei kwaŋin. Ŋol da loakusenenei arupepe kiiaenena keoŋ, Kalimoki isotia, ka ikayaitok, ka ituŋa ice ebe, “Epol aswam, elal da, kiderakina oni karwatat, elwanikina ijinitunanan ka yeniee: kotoma niniibois naiirariata eporoto loka arupepe, kokerununete ayuun sio; kijiikini Edeke oni.” Kasodete keswamaenenete aswam: kitinenenete atutubetekec akwaras ageun eeilakide kiton neetakanuniata aacer. Ido toma apak kaŋin kalimok ituŋa ebe, “Koperenenei ninitunanan ka ekekejaanakinan toma Yerusalem, koraananas ikedarakakosi kuare, ido kitaaritos paaran.” Kanuka nun mam kilaeununei inapcnekosi, karaida eoŋ karaida ikainaean, karaida ikakeiaanakinak, karaida ituŋa lukedarak lukatupito eoŋ, kolosenenei ŋinitunanan atan itiŋ it yenijiisike. Kosodi koiaun eeelet loepol noi loka ituŋa ka aŋorokec aluikin ikeceinacan Iyudayan. Naarai ajaas luabalananas ebe, “Kipu isio, ka idwe kosi lusap ka lupesur: kadumutu akima, kanyama kajara da.” Koiaas ice da luabalananas ebe, “Kititinaari isio imanikoriakosi, ka amanat nuka emusabibu, ka itogoikosi: kadumutu akima kanuka eteŋei.” Kojaas da luabalananas ebe, “Kipou kayuunos kapesan nuka esolo loka ekabaka komanikoriakosi ka amanat nuka emusabibu. Konye do awatekosi cputosi bala awat nuka iinacanakosi, ka idwekosi kwape idwekec: ido koany, kitubuleseni idwekosi lusap ka lupesur araut ibulesin, ido ace kadwekosi adaut aitubulesenio: ido emamei sio nukiswamai aitikokinia; naarai ejaas icetuŋa kimanikoriakosi ka amanatakosi nuka emusabibu.” Kanyunyurikini noi kapup aimonyokec ka akiro nun. Kasodi keneru bon, kapega kaisotia ka ikayaitok, kabala kes ebe, “Itubonokinete ameda, ŋinltunanan konaeeke.” Katukonok atukonokin naepol. Katema kes atiar, “Kipou isio kalakutu kwape kipedoria ikosiinaean Iyudayan, luagwelaritai mama ejaas ikapirin; yes da ikotosi agwelar iinaeanakus, ti kereka kigwele isio kes?” Kosodete kesi aililiŋ, mam apotu kobonokis akirot. Katema da atiar, “Akirot naiswamaete yesi mam ejok; mam kereka ti ibusakinit yes alosenen kaiyoŋ Edekewok, kanuka amorosit naka ikapirin lukasurupowok? Eoŋ da, ikainaean ka ikakejaanakinak kiyuuni kes kapesan ka akima kimedaikis. Kenainait, kenyeis ameda. Kenaiŋait, kinyakakisi lolo kes imanikoriakee, amanatakee nuka emusabibu, amanatakee nuka iseitunin, ka itogoikec, ido idiopet kakwatat yenika apesan, ka yenika akima, ka ebino ka akinyet, luitelemenenete yesi.” Kosodete kesi atemar atiar, “Kinyakakini isio, komam kitepeseni kes; kiswamai kwaŋin, kwape ibalar.” Kasodi anyaraun isasedotin, kesiyapo kes, ebe iswamaete kwape esumunioto. Abu da kelakilak ekagoe kener atiar, “Kilakilakakini Edeke kwaŋin ninitunanan kotogoke, kotoma aswamisioke, yenimam itodolikini aisumunet na; kilakilakakinio kwaŋin, adaun.” Kobala ekodet kere ebe, “Amen.” Kituroto EJAKAIT. Kiswamata do ituŋa kwape esumunioto. Ido ageun kapak kaŋin nrkebwaikinere araun ekayaitonikee kakwap naka Yuda, ageun kokaru loka akaisaarei kiton okaru loka akaisauni ka luarei loka Aratasasata eka baka, kes ikar itomon ka luarei, eoŋ ka iinaeanaka mam kinyamenenei inyamat luka ekayaiton. Konye ikayaitok lukolo lukageikinete kitelemununete ituŋa lukenyamete, emugati ka ebino, kogelara isekelin akaisaoŋon luka epuesa; eebo, ka ikeeekejaanakinak da ayaitos kwaŋin ituŋa: konye eoŋ, mere ŋes naeswamaenenei, kanuka aiyoŋ Edeke, Eebo, abu kadunyak aswam naka arwatat kana, komam kigweli adisilup: kotukonokinos ikakejaanakinak kere kaswam. Ido kojaananas komesaka luka Iyudayan ka ikayaitok ituŋa akwatat ka akaisakany, kogelara nul luapote mama kijaa isio kokapirin lukirimorito sio. Luepoenenoo luka apaaran adiopet, emoŋ ediopet ka amerekekin akanykape nuseuna; ido kepoonokinio eoŋ da akokoroi, irwan atipet da mmupaarasia atomon ebino loka nolipone: ido karaida kejaas kwaŋin mam abu ketelem atap naka ekayaiton, naarai kelanirikinit ebulesene ituŋa lu. Wu Ekadeke, kiitu neajai kanuka aiokis, kere nueswamak eoŋ ituŋa lu. Kosodi kanen, nakelimokiniata Sanabalat ka Tobia, ka Gesem Earabut, ka lukasurupokosi ice, ebe abu eoŋ kaduk arwatat, komamei arorwa nakesalakinit tomake (karaida kerina eoŋ esipokina ikirigin lukorutei kapaarasia kanun); Keyakikis Sanabalat ka Gesem eoŋ kobalas ebe, “Kobia, keriamunos ediopet koreria luka apuuton naka Ono.” Konye keomito aiswamakin eoŋ aronis. Kasodi aijukar ikiyakia mama ejaas kesi ebe, “Eswamai eoŋ aswam naepol, mam apedori alosit: inyo bo ti kitanania aswam, eoŋ ajalakin ŋes abunore mama ijaas?” Keyakikis bobo kwaŋin irwan aoŋon; kabonok kwape kwaŋin, Kosodi Sanabalat aiiukun ekekejaanakinan kwape kwaŋin irwan nakikanyet kitinite ebalua loepukoro kakanike; ewadikatai kotomake cbe, “Elimorokinitai toma atekerin, abu da Gasimu kolim ebe, kwape iwomitotor ijo ka Iyudayan aipaliikin; ŋes kiinakini iduki arwatat: ikoto araun ekabakakee, kwape ejaatar akiro ŋun. Ibwaiki da inabin luelimonokinete nukon ko Yerusalem, kineras atiar, ‘Ejai ekabaka toma Yuda’: kwana da itejenunio ekabaka kwape ejaatar akiro ŋun. Aso do, kobia, kenerut.” Kasodi aiyakikin ŋes ebe, “Mam iswamaunitai akiro ŋun kwape inerar ijo, konye isabi ijo elopet kotaukon.” Naarai akotosi kesi kere aitukurian sio ebe, “Kokalanyakata akaninikee, kinyek aswam aiswamaunio.” Konye kwana, wu Edeke, kitogogon ijo akakanin. Abu kalot togo loka Semaia okoku loka Delaia okoku loka Meketabel, loagolokinitoi; kotema nesl atiar, “Keriamakinos oni togo loka Edeke, toma oyekalu; ido kagolokis ikekia luka eyekalu: naarai epote aiar jo; eebo, epote aiar jo kuare.” Katema atiar, “Etuŋanan loetia ne bala eoŋ tikeker? Iŋai da loetia ne bala eoŋ yeni ti keloma oyekalu aitajar akeijar? Mam alomari.” Kamisiik, ido koany, mam abu Edeke kijukunite ŋes: konye abu ŋesi kolimite adwaretait na nakaluikin: naarai aropitos Tobia ka Sanabalat ŋes. Keropio kakirot kana tetere akurianari eoŋ kasodi aswam ŋun, kadiaka, kosodete kesi adumun akirot naerono kasodete amoromoroo. Wu Ekadeke, kiitu Tobia ka Sanabalat kwape ajaatar aswamisiokec nu, ka anabi Noadia da, ka inabin ice, luti ketukurianata. Kodaun arwatat kapaaran naka akaisaarei ka nukany kolap Elul, kotoma apaarasia akaisakany ka nuarei. Kosodi kanen, kepuputu lukasurupokosi ŋun, kokuriakaros ikapirin kere lukirimorito sio, kodisiakaros kesi kakonyenekee: naarai koanyutu ebe aswam na eswamaa Edekekosi. Ido kapaarasia kanun apotu isotia luka Yuda kiyakiasi ibaluan luipu mama ejai Tobia, luka’ Tobia da kopotu mama ajaas kesi. Naarai ajaas koYuda luipu luapotu kiyapoikinito naarai kerai ŋesi ekamuran loka Sekania okoku loka Ara; abu okokuke Yekokanan komanyite akoku naka Mesulam okoku loka Berekia. Ido kinerenenas aswamisioke nuejok kakonyeneka, kolimonokinete ŋes akiroka. Kiyakuununei Tobia ibaluan aisiyonia eoŋ. Kosodi kanen, kedaun arwatat adukio, kadau da asipokin ikirigin, koseunai da ikagolok ka ikayook ka Ilebin, abu ketitin onaeeka Kanani, ka Kanania ekayaiton loka etogo lokagogon ayait Yerusalem: naarai kerai lomunot, koyonite Edeke aitelekarit luepu. Kasodi atemar kes atiar, “Sirieŋaanario irutei luka Yerusalem eroko akoloŋ emwanuuna; naebwoenenata kesi idarete, kogolonokinete ikekia, kotikete katiketa: kibwaanakinete ikedarak kanul luibojete ko Yerusalem, ninitunanan kabeanakinike, ka nininujanan asesena keketogo.” Alal ere, kopol da; konye ekidioko ituŋa luajaas toma, komam itogoi da edukuk. Kipiiki Ekadeke otauka atukonokin isotia, ka ikayaitok, ka ituŋa kimarai kaurikec. Kasodi adumun eitabo loka aur naka ŋul kaluageunete anyoun, kadum akiro nu iwadikatai ebe: Lu kes idwe luka ebuku, luanyounete kaijoreorio kanul kalueioreoritai, luabu Nebukadanesar ekabaka loko Babulon kijoreoo, luabonunete Yerusalem ka Yuda, ninitunanan orekee; luapote nepepe ka Serubabel, ka Yesua, ka Nekemia, ka Asaria, ka Raamia, ka Nakamani, ka Morudekai, ka Bilisan, ka Misiperet, ka Bigibai, ka Nekum, ka Baana. Etiai loka ikiliok luka ituŋa luka Isirael: idwe luka Paros, ilukumin iarei ka akwatat ka akaisakanykaarei ka luarei. Idwe luka Sepatia akwat auni ka akaisakanykaarei ka luarei. Idwe luka Ara, akwat akanykape ka akaisakany ka luarei. Idwe luka Pakat-moab, lukodwe luka Yesua ka Yoab, ilukumin iarei ka akwat akanykauni ka itomon ka lukanykauni. Idwe luka Elam, elukumit ka akwat aarei ka akaisakany ka luonon. Idwe luka Satu, akwat akanykauni ka akaisaoŋon ka lukany. Idwe luka Sakai, akwat akanykaarei ka akaisakanykape. Idwe luka Binui, akwat akanykape ka akaisaoŋon ka lukanykauni. Idwe luka Bebai, akwat akanykape ka akaisaarei ka lukanykauni. Idwe luka Asagad, ilukumin iarei ka akwat auni ka akaisaarei ka luarei. Idwe luka Adonikam, akwat akanykape ka akaisakanykape ka lukanykaarei. Idwe luka Bigibai, ilukumin iarei ka akaisakanykape ka lukanykaarei. Idwe luka Adin, akwat akanykape ka akaisakany ka lukany. Idwe luka Ater, luka Kesekia, akaisakanykaoŋon ka lukanykauni. Idwe luka Kasum, akwat auni ka akaisaarei ka lukanykauni. Idwe luka Besai, akwat auni ka akaisaarei ka luonon. Idwe luka Karip, akwatat ka itomon ka luarei. Idwe luka Gibeon, akaisakanykaoŋon ka lukany. Ituŋa luka Betlekem ka Netopa, akwatat ka akaisakanykauni ka lukanykauni. Ituŋa luka Anatot, akwatat ka akaisaarei ka lukanykauni. Ituŋa luka Betasamabet, akaisaoŋon ka luarei. Ituŋa luka Kireat-yearim, Kepira, ka Beerot, akwat akanykaarei ka akaisaoŋon ka luuni. Ituŋa luka Rama ka Geba, akwat akanykape ka akaisaarei ka lodiopet. Iruna luka Mikimas, akwatat ka akaisaarei ka luarei. Ituŋa luka Bet-el ka Ai, akwatat ka akaisaarei ka Iuuni. Ituŋa luka Nebo ece, akaisakany ka luarei, Ituŋa luka Elam ece, elukumit ka akwat aarei ka akaisakany ka luonon, Idwe luka Karim, akwat auni ka akaisaarei. Idwe luka Yeriko, akwat auni ka akaisaoŋon ka lukany, Idwe luka Lod, ka Kadid ka Ono, akwat akanykaarei ka akaisaarei ka lodiopet. Idwe luka Senaa, ilukumin iuni ka akwat akanykaoŋon ka akaisauni. Isasedotin: idwe luka Yedaia, lukokek loka Yesua, akwat akanykaoŋon ka akaisakanykaarei ka luuni. Idwe luka Imer, elukumit ka akaisakany ka luarei. Idwe luka Pasur, elukumit ka akwat aarei ka akaisaoŋon ka lukanykaarei. Idwe luka Karim, elukumit ka itomon ka lukanykaarei. Ilebin: idwe luka Yesua, luka Kadumiel, lukodwe luka Kodeba, akaisakanykaarei ka luonon. Ikayook: idwe luka Asap, akwatat ka akaisaoŋon ka lukanykauni. Ikagolok: idwe luka Salum, idwe luka Ater, idwe luka Talumon, idwe luka Akub, idwe luka Katita, idwe luka Sobai, akwatat ka akaisauni ka lukanykauni. Inetinim: idwe luka Sika, idwe luka Kasupa, idwe luka Tabaot; Idwe luka Keros, idwe luka Sia, idwe luka Padon; idwe luka Lebana, idweluka Kagaba, idwe luka Salamia; idwe luka Kanan, idwe luka Gidel, idwe luka Gakar; idwe luka Reaia, idwe luka Resin, idwe luka Nekoda; idwe luka Gasam, idwe luka Usa, idwe luka Pasea; idwe luka Besai, idwe luka Meunim, idwe luka Nepusesim; idwe luka Bakabuk, idwe luka Kakupa, idwe luka Karukur; idwe luka Basilit, idwe luka Mekida, idwe luka Karasa; idwe luka Barakos, idwe luka Sisera, idwe luka Tema; idwe luka Nesia, idwe luka Katipa. Idwe luka ikejaanakinak luka Solomon: idwe luka Sotai, idwe luka Soperet, idwe luka Perida; idwe luka Yaala, idwe luka Darakon, idwe luka Gidel; idwe luka Sepatia, idwe luka Katil, idwe luka Pokeretkasebain, idwe luka Amon. Inetinim kere, ka idwe luka ikejaanakinak luka Solomon, emwaasi akwat auni ka akaisakanykaoŋon ka luarei. Lu kes luanyounete koTel-mela, koTel-karasa, koKerub, koAdon, ka Imer da: konye mam apotu kopedosi aitodun ikekia luka lukapapaakee, karaida auriokee, arai keraas luka Isirael: idwe luka Delaia, idwe luka Tobia, idwe luka Nekoda, akwat akanykape ka akaisaoŋon ka luarei. Luka isasedotin: idwe luka Kobaia, idwe luka Kakos, idwe luka Barasilai loamanyit aberu kotoma adwe nuka Barasilai Egileadit, komaikinai ekirorikee. Komoata nul neewadikatai kes kotoma kanul kaluemaritai kaurikee, konye mam abu kotakanu: kanuka ŋun koomitos ebe amunaunos, kirenearai kosasedotene. Kotema Etirusata ebe kinyeis ainyam iboro lukalaunak noi, aitodol neebwoia esasedoti loejai Urim ka Tumim. Ekodet kere ncpepe emwaasi ilukumin akaisaoŋon ka luarei, ka akwat auni ka akaisakanykape, komam imarakin ikejaanakinakakee ka akejaanakinakakee, luemwaasi ilukumin ikanykaarei ka akwat auni ka akaisauni ka lukanykaarei: ajaas da ka ikayook ka akayook akwat aarei ka akaisaoŋon ka lukany. Emwaasi ibalasinikee akwat akanykaarei ka akaisauni ka lukanykape; inyubunukee, akwat aarei ka akaisaoŋon ka lukany. Akaalaikee, akwat aoŋon ka akaisauni ka nukany; asigirianakee, alukumin akanykapc ka akwat akanykaarei ka akaisaarei. Apotu ice kokapolok luka ikekia luka lukapapaakee koinakinos aswam. Abu Etirusata koinak idarikin luka esabu elukumit, atiboi akaisakany, ka inapen luka isasedotin akwat akany ka akaisauni toma aiŋadis. Apotu ice kokapolok luka ikekia luka lukapapaakee koinakis idarikin ilukumin akaisaarei luka esabu, ka ilatirin ilukumin iarei ka akwat aarei luka epuesa toma aiŋadis naka aswam. Luainakinete ice da kotuna kes idarikin ilukumin akaisaarei luka esabu, ka ilatirin ilukumin iarei luka epuesa, ka inapen luka isasedotin akaisakanykape ka lukanykaarei. Kwaŋin kiboioto isasedotin, ka Ilebin, ka ikagolok, ka ikayook, ka ice kotuna, ka Inetinim, ka Isirael kere koreriakee. Kedolo elap lokikanyetekaarei ajaas idwe luka Isirael oreriakee. Kotukonokinos ituŋa kere kwapc ediopetunanan aibois naelal, naesesenas kerute loka Akipi; kobalasi Esera ekewadikan ayaun eitabo loka ikisila luka Musa, luabu EJAKAIT kicorak Isirael. Koyau Esera esasedoti ikisila akonyen nuka atukot, ikiliok ka aŋor da, ka kere luapedorete apupun kajenun, kapaaran nasodit naka elap lokikanyetekaarei. Kosiom nu koinaren kaibois naelal naesesenas kerute loka Akipi ageun tupuruc sek kiton kidin paaran, kojaas kiliok ka aŋor da, ka nul luapedorete ajenun; kitoikis ituŋa kere apupokin eitabo loka ikisila. Kobwo Esera ekewadikan kotut loka akito, loekeitoi kanuka nun; kobwaata Matitia, ka Sema ka Anaia, ka Uria, ka Kilikia, ka Maaseia eiduny kaŋes kakekan nakoteten; kakekan da nakokediany Pedaia, ka Misael, ka Malakiya, ka Kasum, ka Kasabadana, ka Sekaria, ka Mesulam. Kopuko Esera eitabo kakonycn nuka ituŋa kere; (naarai ajai kuju kituna kere;) kepuko, kobwaata ituŋa kere. Kimala Esera EJAKAIT, Edeke lokapolon. Kobonokis ituŋa kere ebe, “Amen, Amen”; kikianarete akaninikec: kosodete kituluroto akwesikee, komaata EJAKAIT, kitulurito akecekonyen kwap, Ido Yesua, ka Bani, ka Serebia, ka Yamin, ka Akub, ka Sabetai, ka Kodia, ka Maaseia, ka Kelita, ka Asaria, ka Yosabad, ka Kanan, ka Pelaia, ka Ilebin, kiteienut ituŋa ikisila; kobwaata ituŋa kaiboisiokee. Kosiomata citabo, toma okisila luka Edeke, nuepuposi; koyautu apolou, koienunos nuasomio, Kosodi Nekemia lokerai Etirusata, ka Esera esasedoti ekewadikan, ka Ilebin luesisianakincte ituŋa atemar ituŋa kere atiar, “Na ŋes apaaran nakalaunan mama ejai EJAKAIT Ekusideke; sirikibworoto, karaida aimony akiyo.” Naarai amonyete ituŋa kere akiyo naapupunioto akiro nuka ikisila. Kosodi atemar kes atiar, “Koloto, konyamata asiepai, komata luewiny, kijukakis akorakineta nin yenimam itemokinitoi ibore: naarai apaaran na nakalaunan mama ejai EJAKAITiwok: kwabo sirikikadakis; naarai aiyalama naka EJAKAIT ŋes agogonokus.” Kisililinata Ilebin ituŋa kere ebe, “Kililinata, naarai erai apaaran nakalaunan; kwabo sirikikadakis.” Kolototo ituŋa kere ainyam ka aimat, ka aijukar akorakineta, kaitalakar naepol noi, naarai aienutu akiro nualimonokinio kes. Kapaaran nakiareit da kotukonokinos ikapolok luka ikekia luka lukapapaa luka ituŋa kere, ka isasedotin, ka Ilebin, neejai Esera ekewadikan, aitoikin aki necjaas akiro nuka ikisila. Koanyut nukiwadikatai okisila, kwape abu EJAKAIT kicorakinia kama ka Musa ebe koperenenete idwe luka Isirael oswamin kopucit loka elap lokikanyetekaarei. Koramenenete kolimonokinete koreriakec kere, ka Yerusalem ebe, “Koloto moru, koomata atenuna nuka eseitun, ka atenuna da nuka eseitun loka ais, ka atenuna nuka ikadasia, ka atenuna nuka idukudukun, ka atenuna nuka ikito luetumito, aiswamaa iswamin, kwape kiwadikatere.” Kosodete ituŋa alomar, koyanaut kes, kiswamata da iswamin, ninitunanan oswi loka etogoke, ka alaroikee, ka alaroi nuka etogo loka Edeke, kaibois da naelal naka erute loka Akipi, kaibois da naelal naka erute loka Epuraim. Kiswamata ekodet loka ŋul kere Iuabonunete kaiioreorio iswamin, kiboikinos oswamin: naarai agear kapaarasia nuka Yesua okoku loka Nun aitodol apaaran ŋin mam idwe luka Isirael eswamaenenete kwaŋin, Kojai ailel naepol noi. Ido ŋinipaaran, agear kapaaran nasodit aitodol apaaran nakawasia, asiomenenei ŋesi kotoma oitabo loka ikisila luka Edeke, Koricata epucit apaarasia akanykaarei; apaaran nakikanyetekauni kojai atukonokinet nakayamakina, kwape ajaar aicorakinet. Kapaaran naka akaisaarei ka nuoŋon naka elap kalo ajaas idwe luka Isirael etukonokina kanuka ailuŋ, konapitos ipukoi, kojukitos da alup. Kotiakar aur naka Isirael komo kere, kobwaata kolimonosi aronisiokee ka numam adolit nuka lukapapaakee. Kobwaata kaiboisiokee, kosiomata kotoma oitabo loka ikisila luka EJAKAIT Ekecedeke kodaut atutubet nakiwononet naka apaaran; atutubet ace nakiwononet kolimosi, komaata EJAKAIT Ekecedeke, Kosodete kobwaata Yesua, ka Bani, ka Kadumiel, ka Sebania, ka Buni, ka Serebia, ka Bani, ka Kenani, kadoketa nuka Ilebin, komonyakis EJAKAIT Ekecedeke keporoto loepol. Kosodete Ilebin, Yesua, ka Kadumiel, ka Bani, ka Kasabaneia, ka Serebia, ka Kodia, ka Sebania, ka Petakia, kotemasi atiar, “Kobwaata, kimalata EJAKAIT Ekusideke, ameun ikar luno kiton ikar kere: kituritete ekonikiror loka aibuses, loitopolooritai aitelekarite aimal ka aiturit kere, “Ŋo EJAKAIT, ijo bon ba, ibu kosub akuj, akui naka akuj, ka aiorekec kere, akwap ka iboro kere lueiaas toma, aŋololin da ka luejaas tomakee kere, ijo idari kes kere; kimai jo ajore kere naka akui, Irai ijo EJAKAIT Edeke, loabu koseu Aburam ka alemun ŋes kour loka Ikaludean, kosodi amaikin ŋes ekiror Aburaam; ibu kodum eketau erai lomunot kakonyenekon, kosodi kitutuk kaŋes aitutuket ainakin akwap naka Ekanaanit, ka Ekitit, ka Emorait, ka Eperisit, ka Eyebusit, ka Egirugasit, ainakin aurike, ido ibu ijo kitodolik akonikiro; naarai irai ijo loidolit. “Ido ibu koany aiticanitoi naka lukapapaakosi koMisiri, kosodi apupun aimonyokec kariri naka Aŋolol Nakarenan; kitodu da aanyuneta ka nukaumokin kama ejai Parao, ka ikekeiaanakinak kere, ka ituŋa kere luka akwapuke; naarai ibu kojen eiturikee kamakee; kodumunia ekiror, kwape ejaar lolo. Ido ibu kotiak anolcl kakonyenekee, kitoroto kidin kaŋolol kakwap naconit; nul da luebwapitos kes ibu kocakak ataro, kwape ecakarere amoru toma akipi nuegogon. Ido bobo ibu kinarenikinite kes kopir loka edou paaran; kopir da loka akim kuare; acaikinite kes korot lotikitoroto. Ido ibu kodoku komoru Sinai, kinere kakes ijai toma akuj, kosodi ainakin kes itubesia luetenito, ka ikisila lukabeit, apueuneta ka aicorakineta nuejok. Kiteienu kes asabatokon nakalaunan, kicorak kes aicorakineta, ka apucuneta, ka ekisil, kama ka Musa ekonikeiaanakinan, Koinak da inyamat luapote kokuiu kanuka eteneikec, kitolomik kes akipi kotoma atiida kanuka akurekec, kicorak kolomasi airum akwap naibu korio akonikan ainakin kes. “Konye kes ka lukapapaakos kiswamata keitur, kitininikata imurisiŋakee, komam epupunete aicorakinetakon, koneroto arimar, mam da apotu kiitutu nnkaumokinikon nuibu kosub kotomakec; konye kitininikata imurisiŋakec, kibwaikis ekayaiton kipaliikis aboŋor obulesenekec, konye irai ijo Edeke loitemonokino aision, lokasianut, loileleba aitim, loiyapi anyunyurtkin, loepol aitim, mam ibu kojal kes. Eebo, kedautu kesi asubun itaok yeniealara, kobalas ebe, ‘Yen ŋes Edekekon lokitolomuni koMisiri,’ ido kiswamatos nukitunyunyurikinete noi; konye ijo kanuka aitimikon nakiponesio luipu mam ibu kojalak kes kamodiŋ: mam epir loka edou anyoununei kamakee paaran, ainarenikinite kes korot; karaida epir loka akim kuare, acaikinite kes, aitodikinitor erot lotikitoroto. Ido ibu koinak ekonimoyo lokajokan aituutoonor kes, mam ibu kimik emanukon aitukekee, ibu koinak kes akipi kanuka akurekee. Eebo, ibu kitanenenei kes ikar akaisaoŋon kamodiŋ, komamei ibore yenepudasi; mam ikeeenapen amoionenenete, mam akecekeien abuununete. Ido ibu koinak kes ajakanuto ka atekerin, nuibu kokorak kwape ejaatar akorakinetakee: kosodete airum akwap naka Sikon, akwap naka eka baka loka Kesibon, ka akwap naka Og ekabaka loka Basan. Ido ibu kitupuu ikeeedwe kwape aacer nukokuju, kitolomik da kes akwap, naibu kolimok lukapapaakec ebe elomarete airum. Aso kolomasi idwe kirumata akwap, ibu kipiko lueboiete kakwap, Ikanaanin, kakonyenekee, kijaik akaninikec, ka ikabakanakec, ka atekerin nuka akwap, kiswamakis kes kwape kekotototor. Kirumata ireria luabwaitai, ka akwap napusuk, kirumata itogoi luileleba iboro kere lukaiokak, amototin nuabokok, imanikoria luka emusabibu ka luka iseitunin, ka ikito luipu noi luka araito; asa konyamata, kimonikinos, kotumata, kisiyalamanakinete aiokisikon naepol. “Konye komam erimarito, kipalionokinete jo, koeakasi ikonikisila kaukee, koarata inabinokon luetejenanakinete neejaas kesi aibelokin kes bobo neijai ijo, kiswamaenenete nukitunyunyurikinete noi, Ŋes ibu kijaikinia kes akan naka lukasurupokee, luesiyalononoete kes: aso kapak naka ieanikee naamonyenenata neiiai, kopupununei ijai toma akuj; kwape ejaar akoniitim nakiponesio luipu koinak kes iketajarak luetajarenenete kes kakan naka lukasurupokee. Konye nakedaununiata aiyeŋun, kiswamata bobo aronis kakonyenekon; - ŋes ibu kinyeinia kes akan naka lukasurupokee ayaite koyata kes: konye nakebonununioto, komonyakis jo, kopupununei ijai toma akui; koyuununei kes irwanipu kwape eiaar akoniitim. Kitejenikin mama ejaas kesi, kosodi kinyaku bobo okisilakon: konye kiswamatos keitur, komam epupunete aicorakinetakon, konye kodiakanarete itubesiakon, (lutikiswama ituŋanan, tetere ejari kotomakec,) kolemununete kokeperinikee, kitininikata imurisiŋakec, koneroto apupun. Konye kotitinonokini kes ikar luipu, kiteienikin mama ejaas kesi komoyokon kotoma onabinokon: konye koneroto aitoikin akit: ŋes ibu kokorakinia kes akan naka ituŋa luka akwapin. Konye kanuka aitimikon naka iponesio luipu mam ibu kodau kes cut, karaida aijal kes; naarai irai ijo Edeke lokasianut ido loketimon. “Aso do wu Edekekosi, Edeke lokapolon, lokapedor, Iokanosibib, loirieit aitutuket ka aitim, aitaaritoi kere nakidolokinit sio, ka ikosikabakan, ka ikosikapolok, ka isasedotinikosi, ka inabinokosi, ka ikonituŋa kere, agear apak naka ikabakan luka Asuria kiton lolo kinyek asubite bala edit kakonyenekon. Konye irai ijo lokadoliton kakere nukidolokinete sio; naarai ibu kiswamaenenei nukabeit, konye sio kipou keswamaenenete nueroko: karaida ikabakanakosi, ka ikapolokokosi, ka isasedotinikosi, karaida lukapapaakosi mam apotu korieenenete ikonikisila, kwabo mam eiranarete aicorakinetakon, ka aireienunetakon, nuitelenanakini ijo kes. Naarai mam apotu kiiaanakis jo kotoma ajakanutukec, ido kotoma ajokisikon naepol naibu koinak, ido kakwap naepol napusuk naibu koinak kakonyenekee mam apotu kibelokinos anyoun kaswamisiokee nueroko. Koany, kirai lolo ibulesin, akwap da naibu koinak lukapapaakosi anyamenen araitokeŋ ka aiokisiken, koany, kirai isio ibulesin kotomake, Ido einakini ameda naepol ikabakan luibu ijo kibwaik ayait sio kanuka adiakanaretakosi: ido ejaas kes kapedor kawatekosi, ka ibarenekosi, kwape itoiokitotor kesi, kianyu isio ican luipu.” Karaida keiaas ŋun kwaŋin konye kitutukinit aitutuket nakabeit, kiwadika da; ipueakinete da ikosikapolok, ka Ilebinikosi, ka isasedotinikosi aanyunetakee. Ido nul luapotu kipucakis aanyunet kes lu: Nekemia Etirusata, okoku loka Kakalia, ka Sedekia, Seraia, ka Asaria, ka Yeremia; Pasur, ka Amaria, ka Malikiya; Katus, ka Sebania, ka Maluk; Karim, ka Meremot, ka Obadia; Daniel, ka Gineton, ka Baruk; Mesulam, ka Abiya, ka Miyamin; Maasia, ka Biligai, ka Semaia: nul kes araas isasedotin. Ikiroria da luka Ilebin kes lu: Yesua okoku loka Asania, ka Binui lokodwe luka Kenadad, ka Kadumiel; ka ikeceinacan, Sebania, ka Kodia, ka Kelita, ka Pelaia, ka Kanan; Mika, ka Rekob, ka Kasabia; Sakur, ka Serebia, ka Sebania; Kodia, ka Bani, ka Beninu. Ŋaka luka ituŋa: Paros, Pakat-moab, Elam, Satu, Bani; Buni, Asagad, Bebai; Adoniya, Bigibai, Adin; Ater, Kesekia, Asur; Kodia, Kasum, Besai; Karip, Anatot, Nobai; Magapias, Mesulam, Kesir; Mesesabel, Sadok, Yadua; Pelatia, Kanan, Anaia; Kosea, Kanania, Kasub; Kalokes, Pila, Sobek; Rekum, Kasabana, Maaseia; Akia, Kanan, Anaŋ; Maluk, Karim, ka Baana. Ka icetuŋa kere, isasedotin, Ilebin, ikagolok, ikayook, Inetinim, ka nul da kere luapotu kogitara kotoma atekerin nuka akwapin mama ejaas ikisila luka Edeke, ka aŋorokec, ka idwekec lusap ka lupesur, ŋinidiopet yenajai aijen ka ajenun; Kimorikikinos kesi kaiinaeanakee, isotiakee, koeamut ekenit, ka aiyaposit, alosenen kokisila luka Edeke, lukeinakinio kama ka Musa ekejaanakinan loka Edeke, aidarenen ka aiswamaenen aicorakineta kere nuka EJAKAIT, EJAKAITikosi, ka itubesiake, ka ikisilake. Ido kenyeis aikor apesuruwok atekerin nuka akwap, karaida amanyanakin itelepaiwok apesurukee. Ido arai keyaununutu atekerin nuka akwap iboro arai lunyaman kere agwelanar kapaaran nakasabato, mam kigwelanakini kakes kapaaran nakasabato, karaida apaaran nakalaunan: ido kisiukaari alup kokaru lokikanyetekaarei, kijali da aiburaenen apesen kere, Ido kibwaanakini ikisila, atubonokinor ŋolikaru idiopet kouni yenika esekel kanuka aiiaanakin naka etogo loka Edekewok; Kanuka imugatin lukaitodikin, ka ainakinet naka akiria natir, ka ainakinet naicweio natir, nuka asabaton, ka napilamununia elap, ka ipuein lueseunitai, ka nuka iboro lukalaunak, ka ainakineta nuka adiakaret aitulucio Isirael, ido kaswam kere naka etogo loka Edekewok. Kipou kelamilamata eroet, isasedotin, ka Ilebin, ka ituŋa, kanuka ainakinet naka akito, ayaunun toma togo loka Edekewok, kwape ejaatar ikekia luka lukapapaawok, kapakio nueseunitai kaŋolikaru, aieweenena kotem loka EJAKAIT Edekewok, kwape kiwadikatere kokisila: ayaunun da araito nugeet nuka alupowok, ka araito nugeet nuka araito kere nuka iponesio kere luka ikito, ŋclikaru, togo loka EJAKAIT. Ido ikiyaik luka odwewok, ka luka ibarenewok, kwape kiwadikatere kokisila: ka ikiyaik luka isipanin luka aituk ka amerekekin, ayaunun toma togo loka Edekewok, mama ejaas isasedotin luiiaanakinete togo loka Edekewok. Ayaunun da nugeet nuka ainumaretawok, ka ainakinetawok nukikianara, ka araito nuka iponesio kere luka ikito, ebino ka akinyet, mama ejaas isasedotin, kotoma agolai nukotogo loka Edekewok; ka idiopet kotomoneta luka alupowok mama ejaas Ilebin; naarai ŋul, kes Ilebin, luetukonokinete idiopet kotomoneta koreriawok kere luekoriere. Ido eiaenena esasedoti okoku loka Aaron ka Ilebin, naetukonokiniata Ilebin idiopet kotomoneta: eyaununete Ilebin idiopet kotomoneta toma idiopet kotomoneta togo loka Edekewok, agolai, togo loka imono. Eyaununete idwe luka Isirael ka idwe luka Lebi ainakineta nukikianara nuka akima, ka ebino, ka akinyet, agolai nuejaas iboro luka aibois nakalaunan, ka isasedotin luijaanakinete, ka ikagolok, ka ikayook da; mam do kiialakini etogo loka Edekewok. Kiboienenete ikapolok luka itun a ko Yerusalem: kilamilamata eroet icetuŋa da, alemun idiopet kotomon aiboikin Yerusalem ere loka launan, ka kwi da ikanykaoŋon aiboikin oreria ice. Kosodetc ituŋa ailipakin arereŋ ikiliok kere luenasikina aiboikin Yerusalem. Lu kes eraas ijaka luka ebuku lueboienenete koYerusalem: konye koreria luka Yuda koiaenena nlnituŋanan alupoke kotoma oreriakec, Isirael, isasedotin, Ilebin, Inetinim, ka idwe luka ikeiaanakinak luka Solomon. Kojaenenas koYerusalem ice kodwe luka Yuda, ka lukodwe luka Benyamin. Kodwe luka Yuda; Ataia okoku loka Usia, okoku loka Sekaria, okoku loka Amaria, okoku loka Sepatia, okoku loka Makalalel lokodwe luka Peres; ka Maaseia okoku loka Baruk, okoku loka Kol-kose, okoku loka Kasaia, okoku loka Adaia, okoku loka Yoiarib, okoku loka Sekaria, okoku loka Esilonit. Odwe luka Peres kere luaiaenenas koYerusalem emwaasi ituŋa luetitin akwat aoŋon ka akaisakanykape ka lukanykauni. Lu kes odwe luka Benyamin; Salu okoku loka Mesulam, okoku loka Yoed, okoku loka Pedaia, okoku loka Kolaia, okoku loka Maaseia, okoku loka Itiel, okoku loka Yesaia. Kotupite ŋes Gabai, Salai, akwat akanykaoŋon ka akaisaarei ka lukanykauni. Kerai Yoel okoku loka Sikiri ekaanyanaranikec: kiareikin Yuda okoku loka Kasenua ayait ere. Lukosasedotin: Yedaia okoku loka Yoiarib, Yakin, Seraia okoku loka Kilikia, okoku loka Mesulam, okoku loka Sadok, okoku loka Meraiot, okoku loka Akitub, ekayaiton loka etogo loka Edeke, Ikeeeinacan lueswamaenenete aswam naka etogo, akwat akanykauni ka akaisaarei ka luarei: ka Adaia okoku loka Yerokam, okoku loka Pelalia, okoku loka Amisi, okoku loka Sekaria, okoku loka Pasur, okoku loka Malikiya, ka ikeinacan, ijaka luka ikekia luka lukapapaakee, akwat aarei ka akaisaoŋon ka luarei: ka Amasisai okoku loka Asarel, okoku loka Akasai, okoku loka Mesilemot, okoku loka Imer, ka ikeceinacan, iruna lukirigin luetitin, akwatat ka akaisaarei ka lukanykauni: Sabidiel okoku loka Kagedolim ŋes ckaanyanaranikee. Lukolebin: Semaia okoku loka Kasub, okoku loka Asirikam, okoku loka Kasabia, okoku loka Buni; ka Sabetai ka Yosabad lukojaka luka Ilebin, luaanyanarete aswamisio nukokina nukotogo loka Edeke. Ka Matania okoku loka Mika okoku loka Sabidi, okoku loka Asap, lokerai lokapolon aiŋarenikin aimal naelipenenata, ka Bakabukia, lokiareit koinacanake; ka Abuda okoku loka Samua, okoku loka Galal, okoku loka Yedutun. Ilebin kere luajaas ore lokalaunan emwaasi akwat aarei ka akaisakanykauni ka luonon. Bobo da ikagolok, Akub, ka Talumon, ka ikeeeinacan, luedarete irutei, emwaasi akwatat ka akaisakanykaarei ka luarei, Luasalakinete luka Isirael, luka isasedotin, Ilebin, ajaenenas koreria kere luka Yuda, ŋinitunanan kairumeteke. Konye kiboikinos Inetinim koOpel: kopolokinito Sika ka Gisipa Inetinim. Ido ekaanyanaran loka Ilebin ko Yerusalem ŋes Usi okoku loka Bani, okoku loka Kasabia, okoku loka Matania, okoku loka Mika, lokodwe luka Asap, ikayook, loayait aswam naka etogo loka Edeke, Naarai abu ekabaka kieorakinite nukec, ka aicorakinet naicasit kanuka ikayook, kwape ejaar eipud loka ninipaaran. Koiai Petakia okoku loka Mcsesabel, lokodwe luka Sera okoku loka Yuda, kakan naka ekabaka kanuka akiro kere nuka ituŋa. Lukoreria, ka imanikoriakec, kiboienenete ice kodwe luka Yuda koKiriat-araba, koreriake da, koDibon ka ireriake, koYekabeseel ka ireriake da. KoYesua da, ka Molada, ka Bet-pelet; koKasar-sual da, ka Beer-seba ka ireriake; koSikilag, ka Mekona ka ireriake; koEnrimon, ka Sora, ka Yaramut; Sanoa, ka Adulam, ka ireriakecj-Lakis ka imanikoriake, Aseka da ka ireriake. Kidukuroto anyoun koBeer-seba kiton aditot naka Kinom. Kiboienenete da idwe luka Benyamin anyoun koGeba ape, koMikimas ka Aiya, koBet-el ka ireriake; koAnatot, ka Nob, ka Anania; ka Kasor, ka Rama, ka Gitaim; Kadid, Seboim, Nebalat; Lod, ka Ono, aditot naka ikeswamak luepiriaka. LukoLebin, kimorikikinos irioneta ice koYuda ka Benyamin. Lu kes isasedotin ka Ilebin luapotu kouparos ka Serubabel okoku loka Sealutiel, ka Yesua, Seraia, Yeremia, Esera; Amaria, Maluk, Katus; Sekania, Rekum, Meremot; Ido, Ginetoi, Abiya; Miyamin, Maadia, Biliga; Semaia, ka Yoiarib, Yedaia; Salu, Amok, Kilikia, Yedaia. Ŋul kes ijaka luka isasedotin ka luka ikeeeinacan kapaarasia nuka Yesua. Ido Ilebin: Yesua, Binui, Kadumiel, Serebia, Yuda, ka Matania loapolokinit aimal, ŋes ka ikeinaean. Bakabukia da ka Uno, iinacanakec, komeanakinos kakes korioneta. Yesua kouri Yoiakim, Yoiakim kouri Eliasib, Eliasib kouri Yoiada, Yoiada kouri Yonatan, Yonatan kouri Yadua. Kapaarasia nuka Yoiakim ajaas isasedotin, ikapolok luka ikekia luka lukapapaakee: loka Seraia, Meraia; loka Yeremia, Kanania; loka Esera, Mesulam; loka Amaria, Yekokanan; loka Maluki, Yonatan; loka Sebania, Yosep; loka Karim, Aduna; loka Meraiot, Kelikai; loka Ido, Sekaria; loka Gineton, Mesulam; loka Abiya, Sikiri; loka Miniamin, loka Moadia, Pilitai; loka Biliga, Samua; loka Semaia, Yekonatan; loka Yoiarib, Matenai; loka Yedaia, Usi; loka Salai, Kalai; loka Amok, Eber; loka Kilikia, Kasabia; loka Yedaia, Netanel. Ilebin kapaarasia nuka Eliasib, ka Yoiada, ka Yokanan, ka Yadua, aponi kiwadikai ikapolok luka ikekia luka lukapapaakee, ka isasedotin da, kairum naka Dario Eperusiat. Aponi kiwadikai odwe luka Lebi, ikapolok luka ikekia luka lukapapaakec oitabo loka aisiitonokin, aitodol apaarasia nuka Yokanan okoku loka Eliasib. Ŋaka luka Ilebin: Kasabia, Serebia, ka Yesua okoku loka Kadumiel, ka iinaeanakec kosesenas, aiturit ka aimal kwape ajaar aicorakinet naka Daudi etuŋanan loka Edeke, erioŋet koseseni erioŋet. Matania, ka Bakabukia, Obadia, Mesulam, Talumon, Akub, kes ikagolok luedarete aiŋadisia nukorutei. Ŋul kes lukejaas kapaarasia nuka Yoiakim okoku loka Yesua, okoku loka Yosadak, kapaarasia da nuka Nekemia ekayaiton ka nuka Esera esasedoti ekewadikan. Komoata kesi Ilebin kotoma aiboisiokec kere, ayaun kes Yerusalem atiakunio naka arwatat, aidar atiakunio kaiyalama, kimalaete, koyeete, kojaas kaisinin, ka isabulin, ka adeudeun. Kotukonokinos odwe luka ikayook, anyoun kotoma apuuton nairimorit Yerusalem, koreria da luka Inetopatin; kotoma Bet-giligal, komanikoria lukoGeba ka Asumabet: naarai adukitos ikayook ireria airimor Yerusalem. Kitesegaaros isasedotin ka Ilebin, kitesegaasi ituŋa da, ka irutei ka arwatar. Kasodi ketodoka lukapolok luka Yuda arwatat, kepiiki atukon aarei nucpolok nuimalaete ka nuelosete kokokoron; itorit atukot adiopet akan nakotcten karwatat abear orute loka aoret. Kotupite kes Kosaia, ka atutubet naka ikapolok luka Yuda. Ka Asaria, ka Esera, ka Mesulam, Yuda, ka Benyamin, ka Semaia, ka Yeremia, ka ice kodwe luka isasedotin ejaas karupepen: Sekaria okoku loka Yonatan, okoku loka Semaia, okoku loka Matania, okoku loka Mikaia, okoku loka Sakur, okoku loka Asap; ka ikeinacan, Scmaia, ka Asarel, Milalai, Gilalai, Maai, Nctanel, ka Yuda, ka Kanani, kojaas kiboro lueruos luka Daucli etuŋanan leka Edeke; kiŋarenikinite kes Esera ekewadikan: kitoroto orute loka eeoa, itcnarito, kodokasi kadoketa nuka ere loka Daucli, neikiaror arwatat, kuju ketogo loka Daucli, kiton orute loka akipi ari nakokide. Kolot atukot ace kanul kaluimalaete airiamakin kakes, katupit eoŋ da kes, ka atutubet naka ituŋa, karwatat, kokuju togo loeoja loka iupaa kiton arwatat naelal; kuju kerute loka Epuraim, ka neejai erute Iomoion, ka neejai erute loka lukeeor, ka etogo loeoja loka Kananel, ka etogo da loeoja loka Kamea, kiton orute loka amerekekin: kobwaata kopalarito korute loka ikedarak. Kobwaata atukon aarei kanul kaluimalaete kotogo loka Edeke, eoŋ da, ka atutubet naka ikayaitok kaeon: ka isasedotin, Eliakim, Maaseia, Miniamin, Mikaia, Elioenai, Sekaria, ka Kanania da, ejaas karupepen; ka Maaseia, ka Semaia, ka Eleasar, ka Usi, ka Yekokanan, ka Malikiya, ka Elam, ka Eser. Kosodete ikayook ayoore keporoto loepol, Yeserakia ŋes ekenarenonikec. Koinakis asuban nuepolok kapaaran kaŋin, kiyalamas; naarai abu Edeke kisiyalamikinite kes kaiyalama naepol: kiyalamasi da aŋor ka idwe; kopupunoi da aiyalama naka Yerusalem kaneelwana. Kapaaran kaŋin aponi koseunai ituŋa apolokin agolai nuka iboro luka akais nuipu, luka ainakineta nuikeitai, luka araito nugeet, ka luka lukitomoneta, atukonokin kwape ejaatar imanikoria lukoreria, akorakineta nuieorakinitai isasedotin ka Ilebin kokisila: naarai abu Yuda kiyalamikin kanuka isasedotin ka Ilebin luejaanakinete. Koricito aijaanakin naka Edekekee, ka aijaanakin naka aitesegaario, eswamaenenete kwape kwaŋin ikayook ka ikagolok, kwape ajaar aicorakinet naka Daudi ka naka okokuke Solomon da. Naarai kapaarasia nusek nuka Daudi ka Asap ajaenena ekenarenon loka ikayook, ka ikososinei luka aiturit ka aimal Edeke, Ido kapaarasia nuka Serubabel, kapaarasia da nuka Nekemia, koinak Isirael kere akorakineta nuka ikayook ka ikagolok kwape ejaar eipud loka ŋinipaaran: kogitasi nuka Ilebin; ka Ilebin da kogitasi nuka odwe luka Aaron. Kapaaran kaŋin kosioma toma oitabo loka Musa kopupete ituŋa kere; kodumut iwadikatai nen ebe mam elomanari Emonait ka Emoabit toma atukot naka Edeke ikar kere. Naarai mam apotu kisiriamata idwe luka Isirael ejaas kinyamat ka akipi, konye koropata Baalam aluikin kes, aiken kes: konye kituluo Edeke ekenit araun arereŋ. Kosodi kanen, kedaut apupun ikisila, kosodete atiakar kotoma Isirael erioŋet kere loka imo. Eroko ŋun keiaikina, abu Eliasib esasedoti loaseunitai apolokin agolai nuka etogo loka Edekewok, naarar ekamuran loka Tobia, kitemokinite Tobia agola naepol, nelem ibwaanakinete ainakineta nuka akiria, ka lueur maa, ka iboro, ka lukitomoneta luka akima ka ebino ka akinyet, nuainanakinio Elebin, ka kiyaook, ka ikagolok kaieorakinet; ka ainakineta nuikearitai nuka isasedotin. Konye kapakio kanun kere kamamei eoŋ koYerusalem: naarai kokaru loka akaisauni ka luarei loka Aratasasata ekabaka loka Babulon, abu kalot mama ejai ekabaka, kosodi ketuboros apaarasia kenitu ekabaka: kabu Yerusalem, kajenu aronis naabu Eliasib kiswama kanuka Tobia, aitemokin ŋes agola kalaroi nuka etogo loka Edeke. Ketakadik eoŋ noi: ŋes ainakin acakar kina iboro kere luka Tobia. Kasodi aicorakin, kitesegaasi agolai: kayau do bobo iboro luka etogo loka Edeke, ka ainakineta nuka akiria ka lueur maa. Kaienu ebe mam aponi koinakinitete Ilebin akorakinetakee; ŋes akeritotor Ilebin ka ikayook lueswamaete aswam, ninitunanan omanikorike. Kasodi ketoron ikayaitok, kabala ebe, “Kanukinyo inyeinere etogo loka Edeke?” Katukonoki kes, kebwaik aiboisiokec. Kosodete luka Yuda kere ayaun icliopet kotomon yenika akima ka ebino ka akinyet aiŋadisia. Kadakak ikedarak aiŋadisia, Selemia esasedoti, ka Sadok ekewadikan, lokoLebin da Pedaia: kotupak kes Kanan okoku loka Sakur, okoku loka Matania: naarai aomitai araut lumunon, aswamukec ŋes akoranakin iinacanakec. Wu Ekadeke, kiitununei eoŋ kanuka nin, ido sirikimwata aswamisioka nuejok nueswamanakini etogo loka Ekadeke, ka aiiaanakinike. Kapaarasia kanun abu kaany kotoma Yuda ituŋa luepudapudaete acueta kapaaran nakasabato, kitolomete da ikes, kibwaanakinete iboro asigiriakec: ebino da, imusabibun, ka itinin, ka abwokon nuka iponesio kere, lukitolomete Yerusalem kapaaran nakasabato: karaun ekaienan kamakec kapaaran naagwelanariata inyamat. Ajaas da ituŋa luka Turo kanen, luetolomete lukecor, ka iboro luka iponesio kere, kitwegelanarete idwe luka Yuda, ko Yerusalem da kapaaran nakasabato. Kasodi ketoron isotia luka Yuda, katema kes atiar, “Aronis anyoin na naiswamaete, amunamun apaaran nakasabato? Mere kwape kwaŋin eswamaete lukapapaakus, Edekewok da mam eyauna aronis na kere mamawok, ka ere lo da? Konye yes iyatakinete ayaun anyunyura toma Isirael kanuka amunamun apaaran nakasabato.” Kosodi kanen, napikamusi aige nakasabato korutei luka Yerusalem, kecorak aigol ikekia, kecorak da sirikenaar aitodol naedaunor nakasabato: kebwaiki ice kokejaanakinakaka aidar irutei, kinyeis aitolomun abwokon kere kapaaran nakasabato. Kosodete ikagwelanarak ka ikagwelak luka iboro luka iponesio kere koperoto kina ka Yerusalem irwan atipet arai aarei. Karaun ekajenan mamakec, kabala kes ebe, “Kanukinyo iperioto yesi airimor arwatat? Arai kiswamata bobo kwaŋin, kaeni yes.” Kosodi ageun kapaaran kaŋin mam bobo apotu kopotu kanakasabato, Kasodi aicorakin Ilebin aitalaun bonik, aponare aidar irutei, aitalaun apaaran nakasabato. Wu Ekadeke, kiitununei eoŋ kanuka ŋin, kitim kwape ejaar akoniitim naepol noi. Kapaarasia kanun da abu kaany lyudayan luamanyitos aŋor nuka Asudod, ka nuka Amon, ka nuka Moab: kinerasi idwekec da aŋajep nainyalinyala naka Asudod, kwabo mam apedorete einer aŋajep naka Iyudayan, konye kwape ajaar aŋajep naka ninlteker. Kasodi ketoron kes, kelamaki da kes, kanaŋanana da ice kakesi, kainyul da ikecetima, kesiyapoik kes kolimito Edeke ebe, “Mam ikoranakinete adwekus odwekec, karaida amanyanakin adwekec odwekus, karaida yes ikulepek. Mam kereka abu Solomon eka baka loka Isirael kodiak kotoma kanun? Konye toma atekerin nuipu mam etakanuna ekabaka loariakatar ŋesi, abu Ekedeke komina ŋes, abu Edeke kitarau ŋes ekabaka loka Isirael kere: konye apotu aŋor numo kitapaasi ŋes, Aso do kopupunoi yes da iswamaete aronis na naepol kere, aibucar mama ejai Edekewok aimany aŋor numo?” Kerai ediopet kodwe luka Yoiada, okoku loka Eliasib esasedoti lopeti ekamuran loka Sanabalat Ekoronit: kanuka nun abu kerenea ŋes kamakaŋ, Wu Ekadeke, kiitununei kes, naarai komunamunata esasedotene, ka aitutuket naka esasedotene, ka naka Ilebin. Kwaŋin abu ketesegaaria kes mama ejaas imo kere, kaseik aijaanakin naka isasedotin ka naka Ilebin, ŋinituŋanan toma aswamuke: ka ainakinet naka akito, kapaarasia nueseunitai, ka nuka araito nugeet. Wu Ekadeke, kiitununei eoŋ kanuka ajokis. Kosodi kanen kapaarasia nuka Akasuero, (ŋes Akasuero ŋol loerumit ibukui akwatat ka akaisaarei ka lukanykaarei, anyoun koIndia kiton Etiopia:) kapaarasia kaŋun, nakiboikinor ekabaka Akasuero oicoloŋ loka ajakanutuke, loajai Susa togo lokapolou, kokaru lokiwuniet loka airumuke, abu kipoik epueit ikapolokoke kere ka ikekejaanakinak; kojaun apedor naka Perusia ka Media, kes ijaka ka ikapolok luka ibukui akonyeneke: abu kitodia abar naka akejakanut nakaibuses, ka aiturio naka apolouke naitelekarit, apaarasia nuipu, kes apaarasia akwatat ka akaisakanykauni, Kosodi ketuboros apaarasia ŋun, abu ekabaka kipoik epucit ituŋa kere luajaas nen Susa togo lokapolou, lukapolok ka ludidik da, apaarasia akanykaarei, kotoma alaro naka emanikor loka etogo lokapolou loka ekabaka: ajaas aigalisio nuka egoe loekwaŋ, lopiria, lobululu koenitete kaunoi nuka ebaputa loejok, ka lomuge, kigiluna luka epuesa ka ipirin luka amor nukijesesinei: keraas itutio luka esabu ka epuesa, kamor nukijesesinei nuepesitai nukareŋak, nukakwaŋak, nudos, ka nukirionok da. Koinakis kes aimat koboro luka esa bu, (kogelegela iboro kaputokee,) kepol da noi ebino loka ekabaka, kwape ajaar aikor naka ekabaka, Aimat da kojai kwape ejaar ekisil; komamei yenepedor aitiŋaikinit: naarai abu ekabaka kicorakinite ikekapolokitok kere lukotogoke kwaŋin, kiswama ŋinituŋanan kwape ekotor. Abu Basiti da akabaka, kipoik aŋor epueit kotogo loka ekabakane loarai loka ekabaka Akasuero, Kapaaran nakikanyetekaarei, naalakaror etau loka ekabaka kanu ebino, kicorak ŋesi Mekumam, Bisita, Karabona, Bigita, ka Abagata, Setar, ka Karakas, ibwaein ikanykaarei luejaanakinete kakonyen nuka Akasuero ekabaka, ayaun Basiti akabaka kakonyen nuka ekabaka konapite aboko naka ajakanut aitodikin ituŋa ka ikapolok ajokisike: naarai kerai naatemel. Konyc koŋer akabaka Basiti abunore kaicorakinet naka ekabaka kobwaein: ŋes anyunyurikinor noi ekabaka, koresiar da akenyunyura kotomake. Kosodi do ekabaka atemar lukacoa, luejenete apakio, (naarai kerai ŋol epone loka ekabaka mama ejaas kere luejenete ikisila ka etube: kidunyasi Karasena, ka Setar, ka Adamata, ka Tarusis, ka Meres, ka Marasena, ka Memukan, kaŋes, ikapolok ikanykaarei luka Perusia ka Media, luaanyununete akonyen nuka ekabaka, luaraas lusodit kotoma ajakanut:) kotema atiar, “Kekwaikis ai akabaka Basiti kwape ajaar ekisil, naarai mam erimarit ŋin naabu ekabaka Akasuero kicorak kobwaein?” Koboŋok Memukan kakonyen nuka ekabaka ka ikapolok ebe, “Mam akabaka Basiti ediakarit mama ejai ekabaka bon, konye mama ejaas ikapolok kere, ka ituŋa da kere luejaas obulmi kere luka ekabaka Akasuero, Naarai epupunete do aŋor kere aswamisioit na naka akabaka, emwaŋenenete ikeeekiliok kakonyenekee naelimitere ebe, ‘Abu ekabaka Akasuero kicorak Basiti akabaka ayaunio kakonyeneke, konye mam ebuno.’ Apaaran na da akapolok nuka Perusia ka Media nueiras nuka aswamisioit naka akabaka elimokinete kwaŋin ikapolok kere luka ekabaka, Aso ejaun do emwaŋit loepol ka anyunyura da. Arai kitojok ekabaka, kieorakinai do aicorakinet naka ekabaka, kiwadikai da kokisila luka Iperusian ka Imedian, kinyek ailocio, ebe, ‘Sirikebu bobo Basiti kakonyen nuka ekabaka Akasuero’; koinak ekabaka apolouke naka akabaka ace naitelekarit ŋes ajokis. Kosodi naelimorere ekisil loka ekabaka loelosi ŋesi aisilakin anatar ajakanutuke kere, (naarai epol,) kosodete do aŋor kere ayoŋite ikiliokokec, lukapolok ka ludidik da.” Kitalaka akirot nin ekabaka ka ikapolok; kiswama ekabaka kwape ajaar akirot naka Mcmukan: Naarai kijuka ibaluan obukui kere luka ekabaka, toma ŋolibuku kwape ejaar eiwadikaeke mama ejai ŋiniteker kwape ejaar aŋajepekec, koyaite nolitunanan ekaleke elopet, ido kolimoroi da kwape ejaar aŋajep naka iketuŋa. Akaulo kanun, nakiyamakinor anyunyura naka ekabaka Akasuero, kiitu Basiti, ka nueswama ŋesi, ka naaponi kisilakinai mamakeŋ. Kosodete ikejaanakinak luka ekabaka luijaanakinete ŋes atemari ŋes atiar, “Mere komoikinai ekabaka abekon nukatumunak nuitemelelas: koseu ekabaka ijaka kobukui kere luka ajakanutuke, kotukonokis abekon kere nukatumunak nuitcmelelas Susa togo lokapolou, togo loka aŋor, toma akan naka Kegai ebwacit loka ekabaka, ekedaran aŋor; kijaikinai iborokee luka aitesegaario: apese da naitojokit ekabaka koraun akabaka aibois naka Basiti.” Kitalaka akirot nin ekabaka; kiswama kwaŋin. Kojai Eyudayat toma Susa togo lokapolou, ekekiror Morudekai, okoku loka Yair, okoku loka Simei, okoku loka Kis, Ebenyamenit: lokeyanaario ko Yerusalem nepepe ka lueioreunitai ka Yekonia ekabaka loka Yuda, loabu Nebukadanesar ekabaka loko Babulon koyana. Kitanu ŋesi Kadasa, ŋes Esita, akoku naka papake lodidi: naarai amamei nin papa karaida toto, etemelel apese ajok asesen noi; ketwana papake ka totoke, koyana Morudekai ŋes araun akokuke, Kosodi kanen, kepupun aicorakinet naka ekabaka, ka ekekisil, kotukokinitete apesur nuipu Susa togo lokapolou, akan naka Kegai, koyanaarai Esita togo loka ekabaka, kotoma akan naka Kegai, ekedaran loka aŋor. Kisiyalamik ŋes apese, kodum asianut kamaken; kisunya ŋesi ainakin ŋin iboroke luka aitesegaario, ka akorakinetake, ka apesur akanykaarei nuibusakinit ainakinio kotogo loka ekabaka: abu kiloeo ŋes ka apesuruke kitolomik kes aibois naitelekarit ajokis kotogo loka aŋor, Mam abu Esita kitejenu atekerike ka ikeinacan: naarai abu Morudekai kieorite ŋes ebe sirikitejenu. Kitorenenei Morudekai nolikolonit kinaren kalaro naka etogo loka aŋor, ajenun kwape ejaar Esita, ka nuedoikinete ŋes. Kedol abeikin naka ninipese alomar mama ejai ekabaka Akasuero, kedaun ŋes aiswamakinio kwape ejaar ekisil loka aŋor, ilapio itomon ka luarei, (naarai kedoloto kwaŋin apaarasia nuka aitesegaariokec, kes ilapio ikanykape akinyet naka luesaete, ka ilapio ikanykapc aures namaa, ka iboro luka aiteseg aŋor,) ŋes do ebunio apese mama ejai ekabaka, koinakinai ŋes nuekoto kere alosit kaŋes enyouni kotogo loka aŋor alomar togo loka ekabaka. Elosi ŋesi eboŋ, kobonun tupuruc toma togo lokiareit loka aŋor, akan naka Saasagas, ebwacit loka ckabaka, loidari abusian: mam bobo nin alomanar mama ejai ekabaka, dimikito isiyalamikinit ekabaka, enyaraunitai ekirorike. Kosodi nakedolio abeikin naka Esita, akoku naka Abikail papa lodidi loka Morudekai, loabu koya ŋes araun akokuke, alomar mama ejai ekabaka, mam abu kipuda ibore dimarai luaseiki ŋes Kegai ebwacit loka ekabaka, ekedaran loka aŋor. Kominunai Esita kakonyen nuka ŋul kere luasesenete ŋes. Aponi Esita koyanaarai mama ejai ekabaka Akasuero toma togoke loka akabakane olap lokitomonet, ŋes elap Tebet, okaru lokikanyetekaarei loka airumuke. Komina ekabaka Esita aitclekarit aŋor kere, kodum ŋes asianut ka aminunio kakonyeneke aitelekarit abekon kere; kibwaik ŋesi aboko naka akabakanc akouke kitarau ŋes akabaka aibois naka Basiti. Kosodi ekabaka aipoikin ikapolokoke ka ikejaanakinakake epucit loepol, ŋes epucit loka Esita; koinak ibukui aitimio, kokor ainakineta, kwape ajaar aikor naka ekabaka. Naatukokinotor abekon irwan nakiareit, abu Morudekai kiboikin orute loka ekabaka. Mam ber Esita etejenunit ikeinacan ka aketeker; kwape ecorakinia Morudekai; naarai kiswama Esita aicorakinet naka Morudekai, kwape eswamaenena eroko ŋesi esai ŋes. Apaarasia kanun iboie Morudekai korute loka ekabaka, konyunyurikinos ibwacin iarei luka ekabaka, Bigitan ka Teres, kanul luidarete ekek, komoata aikamun ekabaka Akasuero. Kojenu Morudekai, kiteienu ŋesi Esita akabaka; kolimok Esita ekabaka nun kokiror loka Morudekai. Kedautu aiŋic akiro ŋun, apotu kotakanut ebe ikote nen, aponi kes kere iarei kikajakinai okitoi: aponi kiwadikai da oitabo loka aisiitonokin kakonyen nuka ekabaka. Akaulo kanun kodakak eka baka Akasuero Kaman okoku loka Kamedata Egagait, kitopolo ŋes, kitodok ekeicoloŋ kuiu aitelekar ikapolok kere luajaas kaŋes, Kokukumoto ikejaanakinak kere luajaas orute loka ekabaka, kisudedoto Kaman: naarai abu ekabaka kicorakinite kwaŋin kanuke. Konye mam abu Morudekai kokukumik ŋes karaida aisudedikin ŋes. Kosodete ikejaanakinak luka ekabaka luajaas orute loka ekabaka atemar Morudekai atiar, “Kanukinyo idiakaria aicorakinet naka ekabaka?” Kosodi kanen, naenerananatar kaŋes ninipaaran, komam ŋes epupuni kes, kolimokis Kaman, aanyun arai ca eketakinos akiro nuka Momdekai: naarai abu kolimokinite kes ebe erai ŋesi Eyudayat. Keanyu Kaman ebe mam Morudekai ekukumit karaida mam abu kisudedikin ŋes, konyunyurikin Kaman noi. Konye komwan aikamun Morudekai bon; naarai aponi kitejenikinitete ŋes ateker naka Morudekai: kanuka nun komoote Kaman amudiar Iyudayan kere luajaas anatar ajakanut kere naka Akasuero, ŋes ateker naka Morudekai. Kolap losodit, ŋes elap Nisan, kokaru lokitomonet kaarei loka ekabaka Akasuero, kilamilamata Pur, kes iroeta, kakonyen nuka Kaman ŋinipaaran, ka ŋolilap, kiton olap lokitomonet kaarei, ŋes elap Adar. Kotema Kaman ekabaka Akasuero atiar, “Ejaas ituŋa luisiarakina aikaara toma atekerin kobukui kere luka ajakanutukon; kogelara ikisilakec kanul luka ateker ace; mam kes ericete ikisila luka ekabaka: kanuka ŋun mam ajokis ekabaka aeamakinit kes. Arai kitojok ekabaka, kiwadikai komudiarai: atacakini eoŋ atalatan alukumin atomon nuka epuesa akanin nuka ŋul kaluidarete akiro nuka ekabaka, ayaun toma aiŋadisia nuka ekabaka.” Kolaea ekabaka ekegilut kakanike, koinak Kaman okoku loka Kamedata Egagait, lokasurup loka Iyudayan. Kotema ekabaka Kaman atiar, “Kiinakinitai jo epuesa, ka ituŋa da, aiswamakin kes kwape itoiokitor.” Kosodete konyaraunai ikewadikak luka ekabaka kolap losodit, kapaaran nakitomonet kauni, aponi kiwadikai kere kwape ajaatar nuecorakini Kaman lukibukui luka ekabaka, ka ikayaitok luka ŋolibuku, ka ikapolok luka atekerin kere; mama ejai ŋolibuku kwape ejaar eiwadikaeke, ka ŋiniteker kwape ejaar anaiepeke; ewadikatai kokiror loka ekabaka Akasuero, kipucakinai da aanyunet kegilut loka ekabaka. Kijukarai ibaluan kikakerak obukui kere luka ekabaka, amudiar, aiar, ka aidany Iyudayan kere, ludidik ka imoionai, idwe ludidik ka aŋor, kapaaran adiopet, ŋes apaaran nakitomonet kauni naka elap lokitomonet kaarei, ŋes elap Adar, ayaŋaar da lunatunakec araun imejan. Aponi kokorai aikopunet naka aiwadikaet mama ejaas ibukui kere, tetere elimorio ekisil atekerin kere, tetere ekapanakinos apaaran nin. Kiwonyas ikakerak kanuka aicorakinet naka ekabaka, kolimoroi da ekisil koSusa togo lokapolou: kiboikinos ekabaka ka Kaman aimat; konye kobuonokinos lukore loka Susa. Keienu Morudekai nueswamao kere, kocil Morudekai ikenapen, konap epuko kekurwon, koloma kidin ore, kodelo eporoto loepol lokican. Kobu kinaren orute loka ekabaka: naarai emamei yenepedori alomar orute loka ekabaka konapite epuko. Kanolibuku da neadolenenei aicorakinet naka ekabaka ka ekekisil, koiai aibworo naepol oYudayan, ka ailuŋ, ka aimony akiyo, ka elulu: koperoto luipu opukoi ka ekurwon. Kopotu apesur nuka Esita ka ibwacinake kolimokis ŋes; kokadak akabaka noi noi: kijuka anapito aitanap Morudekai ka alaear da epuko: konye mam abu kiyu. Kosodi Esita anyaraun Katak, ediopet kobwacin luka ekabaka, luabu ŋesi koseu aijaanakin ŋes, kicorak ŋes alosit mama ejai Morudekai, ajenun akirot nin ido kanukinyo kejaar. Koloma do Katak mama ejai Morudekai neejai aibois naelal naka ere, naesesenas kerute loka ekabaka. Kolimok Morudekai ŋes nuadoikis ŋes kere, ka etiai obe loabu Kaman kisumun ekabaka ataeakin aiŋadisia nuka ekabaka kanuka Iyudayan, amudiar kes. Koinak da aikopunet naka aiwadikaet naka ekisil loalimoritai koSusa amudiar kes, aitodikin Esita, ka alimokin ŋes da; ka aicorakin ŋes alomar mama ejai ekabaka, aiŋaiŋa ŋes, ka ailipakin atekerike kakonyeneke. Kobu Katak kolimok Esita akiro nuka Morudekai. Kosodi Esita einer ka Katak, koinak ŋes akiro nuiinara Morudekai ebe, “Ejenete ikejaanakinak kere luka eka baka, ka ituŋa da luka ibukui luka ekabaka, ebe, ŋinituŋanan kere, arai ekiliokit arai aberu, yenelomari alaro nakotoma mama ejai ekabaka, yenimam enyaritai, ejai ekisil ediopet neejai ŋesi, ebe, eario, dimikito yen yenidodit eka baka kesas loka esabu, ŋes ejari: konye mam eoŋ kanyararitai mama ejai ekabaka apaarasia nu akaisauni.” Kolimokinai Morudekai akiro ŋun nuka Esita. Kosodi Morudekai aicorakin kes ainyakakin Esita akiro ebe, “Siriwomit kotaukon ebe ikui ijo kotogo loka eka baka aitelekarit Iyudayan kere. Naarai arai kililini ijo cut kapak kana, enyouni do aiŋarakin ka aitajar naka Iyudayan kamaee, konye imudiario jo ka ekek loka papakon: ido iŋai bo nat ejeŋi ebe elemuni ibu ijo toma ajakanut kanuka apakio nuikote kwape nu?” Kosodi Esita aicorakin kes ainyakakin Morudekai akiro ebe, “Kolot kotukok Iyudayan kere luejaas Susa, kolunata kanukan, sirikinyama karaida aimat apaarasia auni paaran ka kuare da: aluni eoŋ da ka akapesur kwape kwaŋin; ŋes konyet alomaria mama ejai ekabaka, namam erai kwape ejaar ekisil: arai da kamudiar, kamudiar.” Kolot do Morudekai, kiswama kwape ejaatar kere nueeorakinit Esita ŋes. Kosodi kanen, kapaaran nakiwuniet, konap Esita akenapito nuka ekabakane, kobwo kalaro nakotoma naka etogo loka ekabaka, asesen etogo loka ekabaka: kiboikin ekabaka oicoloŋoke loka ekabakane togo loka ekabakane asesen neelomarere togo. Kosodi keanyu ekabaka Esita akabaka ebwoi kalaro, kodum asianut kakonyeneke; korio ekabaka esas loka esabu loetinit kakanike adodia Esita. Kikuny do Esita, kotiro akou naka esas. Kosodi ekabaka atemar ŋes atiar, “Inyo bo ikoto ijo, akabaka Esita? Inyo bo ilipit ijo? Kiinakinio jo kiton atutubet naka ajakanutuka.” Kotema Esita atiar, “Arai kito kitojokit ekabaka, kobu ekabaka ka Kaman lolo opueit loepoikinit ŋes,” Kosodi ekabaka atemar atiar, “Kisuburikis Kaman, keswamata nuebala Esita.” Kobu do ekabaka ka Kaman opucit loepoit Esita. Kotema ekabaka Esita kopucit loka ebino atiar, “Inyo bo ilipit ijo? Kiinakinio joo iŋaiŋait ca inyo? Itodolikinio kiton atutubet naka ajakanut.” Kosodi Esita aboŋokin ebe, “Akaiŋaiŋa ka ailipika ŋes nata: arai kadum asianut kakonyen nuka ekabaka, arai da kitojok ekabaka ainakin eoŋ naelipit, ka aitodolikin naenainait eoŋ, kopotu ekabaka ka Kaman opueit loepoikini kes, moi da, ŋes eswamaa kwape etemaria ekabaka.” Kosodi Kaman alomar iyalama kaparit kaŋin, kolakara da kotauke: konye keanyu Kaman Morudekai korute loka ekabaka, komam ebwoi karaida anyoun kanuken, konyunyurik noi Morudekai. Konye do kotitinik Kaman, kolot ore; kijuka aomare ikepapero ka Seres akeberu, Kitatamik Kaman kes ailiil naka abarake, ka aipues da naka idweke, ka akiro kere da nuadakaki ŋes ekabaka, kwape kitopoloo ŋes aitelekarit ikapolok ka ikeiaanakinak luka ekabaka. Ido kotema Kaman atiar, “Eebo, mam abu Esita akabaka kisunup ituŋanan alomar nepepe kekabaka opueit loepoit ŋesi nabarai eoŋ; moi da kanyararit eoŋ nepepe kekabaka. Konye nun kere kamamikinit aiokis, eroko eoŋ aanyuni Morudekai Eyudayat iboie korute leka ekabaka.” Kosodi Seres akeberu ka ikepapero kere atemar ŋes atiar, “Kosipokinai akito aojauke ikubitin akaisakany, kinerut moi ka ekabaka aikajakin Morudekai nen; ŋes konyet ilomaria ka ekabaka ilakara opucit.” Kisiyalamik nin Kaman; kicorak asipokin Kakuare kaŋin abu kikoler ekabaka; kicorak ayaun eitabo loka aisiitonokin, kosiomai kakonyen nuka ekabaka. Aponi kodumunai iwadi katai ebe alimo Morudekai nuka Bigitana ka Teres, iarei kobwacin luka ekabaka, kanul kaluedarenenete ekek, luapotu kotamito aikamun ekabaka Akasuero. Kotema ekabaka atiar, “Aibuses anyoin ka apolou aponi kiswamaldnai Morudekai kanuka ŋun?” Kosodete ikejaanakinak luka ekabaka luijaanakinete ŋes atemar ebe, “Mam ibore aponi kiswamakinai ŋes,” Kotema ekabaka atiar, “Iŋai bo ejai alaro?” Alomunit do Kaman alaro nakokina naka etogo loka ekabaka, ainerun ka ekabaka aikajakin Morudekai akito nuabu kosipokinite ŋes. Kotemasi ikejaanakinak luka ekabaka ŋes atiar, “Koany, ebwoi Kaman kalaro.” Kotema ekabaka atiar, “Kolom bo.” Kolom do Kaman. Kotema ekabaka ŋes atiar, “Ikwaikinio bo ai etuŋanan loisiyalamikinit ekabaka ainakin aibuses?” Kobala do Kaman kotauke ebe, “Iŋai bo ti loisiyalamikinit ekabaka ainakin aibuses adepar ca eoŋ?” Kotema Kaman ekabaka atiar, “Etuŋanan loisiyalamikinit ekabaka ainakin aibuses, koomai anapito nuka ekabakane, nulem enapenenei ekabaka, ka ebalasit loibwanenenei ekabaka, konapakinai da aboko naka ekabakane; kijaikinai anapito ka ebalasit akan naka ediopet kokapolok luka ekabaka loitelekarit aibuses, kitanapai ŋun etuŋanan loisiyalamikinit ekabaka ainakin aibuses, kisibwanen ŋes ebalasit aitor orot loka ere, kolimo kakonyeneke ebe, ‘Ikwaikinio nen etuŋanan loisiyalamikinit ekabaka ainakin aibuses.’’’ Kosodi ekabaka atemar Kaman atiar, “Kiwonya kolem anapito ka ebalasit, kwape ibalar, kiswamak Morudekai Eyudayat, loiboie korute loka ekabaka, kwape ibalar: kinye akurwokin adiokirot kanun kere nuibala.” Kosodi Kaman ayaŋaar anapito ka ebalasit, kitanapik Morudekai, kisibwanen aitor orot loka ere, kolimo kakonyeneke ebe, “Ikwaikinio nen etuŋanan loisiyalamikinit eka baka ainakin aibuses.” Koboŋo Morudekai orute loka ekabaka. Konye kiwonya Kaman alosit oreke, ekadakinit kimukorite da akekou. Kitatamik Kaman Seres akeberu ka ikepapero kere nuadoikinito ŋes kere, Kosodete iketuŋa lukacoa ka Seres akeberu atemar ŋes atiar, “Morudekai loigeu ijo aibiror kakonyeneke, arai erai loka aur naka lyudayan, mam ipikori ijo ŋes, konye abeit ibirori kakonyeneke.” Eriŋa kesi inerasi kaŋes, kopotu ibwaein luka ekabaka, kisunyasi ayaare Kaman opucit loepoit Esita. Kopotu do ekabaka ka Kaman opucit ka Esita akabaka. Kotema bobo ekabaka Esita kapaaran nakiareit kopueit loka ebino atiar, “Inyo bo ilipit ijo, akabaka Esita? Kiinakinio. Inyo ca da iŋaiŋait ijo? Itodolikinio kiton atutubet naka ajakanutuka.” Kosodi Esita akabaka aboŋokin ebe, “Arai kadum asianut kakonyenekon, wu ekabaka, arai da kitojokit ekabaka, koinakinai aijaraka kanuka ailipika, ka ikatuŋa da kanuka aiŋaiŋaka: naarai kagwelaritai, eoŋ ka ikatuŋa, amudiario, adanyio, ka aolior da. Konye arai gwai kigwelaritai araut ibulesin ka abulesin, ti keliliŋ, karaida mam tikepedo lokasurup aigel lutiketwania ekabaka.” Kosodi ekabaka Akasuero atemar aka baka Esita atiar, “Iŋai bo ŋol, ido ai ca do ejai ŋesi, eŋaŋat atitimkin kotauke aikwaikin nen?” Kotema Esita atiar, “Lokasurup ka lokadinakinit, ŋesi bo lo Kaman lokaronon.” Kosodi Kaman akurianar kakonyen nuka ekabaka ka akabaka. Konyou do eka baka kopucit loka ebino kanyunyurake, koloma omanikor loka etogo lokapolou: kobwo Kaman ailip aijarake kaneejai Esha akabaka; naarai abu koany aronis naenerak ekabaka ŋes. Kosodi koboŋ ekabaka komanikor loka etogo lokapolou kolom aibois naka epueit loka ebino; kibirokina Kaman otut loeboio Esha. Kosodi ekabaka atemar atiar, “Itinaikin ca akabaka kakonyeneka otogo?” Napalomun akirot aituk naka ekabaka, aponi korapai akonyen nuka Kaman. Kosodi Karabona ediopet kobwaein luajaas kakonyen nuka ekabaka atemar atiar, “Ido koany, akito nueojak ikubitin akaisakany, nueswamakinit Kaman Morudekai loabu kiner nuejok kanuka ekabaka, ebwoete kotogo loka Kaman.” Kotema ekabaka atiar, “Kikajakis ŋes nen.” Kikajakinai do Kaman akito nuetemokinit Morudekai. Kosodi do anyunyura naka ekabaka aiyamakin. Kapaaran kaŋin abu ekabaka Akasuero koinak Esita akabaka etogo loka Kaman lokasurup loka Iyudayan. Kobu Morudekai kakonyen nuka eka baka, naarai abu Esita akabaka kolimok kwape ejaar kamake. Kolaeu eka baka egilutuke loalemun kama ka Kaman, koinak Morudekai. Kibwaik Esita Morudekai ayait etogo loka Kaman, Kinera bobo Esita kakonyen nuka ekabaka, kibirokin akejeneke, kinaina ŋes emonyi akiyo alemar aronis naka Kaman Egagait, aibil da eboteteke mama ejaas Iyudayan. Kosodi ekabaka arior esas loka esabu mama ejai Esita, Konyou do Esita, kobwo kakonyen nuka ekabaka. Kotema atiar, “Arai kitojok ekabaka, arai da kadum asianut kakonyeneke, arai kesub akirot bala edolit kakonyen nuka ekabaka, eoŋ da esiyalamik akonyeneke, kiwadikai ailoc ibaluan luenerunitor Kaman okoku loka Kamedata Egagait, luewadika amudiar Iyudayari luejaas obukui kere luka ekabaka: naarai ekoni apedor ai atitiŋikin asesen aronis naebunokini ituŋaka? Ekoni apedor ai da atitiŋikin asesen amudiar naka lukatekerika?” Kosodi ekabaka Akasuero atemar Esita akabaka ka Morudekai Eyudayat atiar, “Koany, ainak Esita etogo loka Kaman, aponi kikajakinai ŋes akito, naarai abu kibwaik akanike oYudayan. Kiwadikakis yesi lyudayan, kwa pe itojokitotor yesi, kokiror loka ekabaka, kipueakis da aanyunet kegilut loka ekabaka: naarai aiwadikaet naiwadikatai okiror loka ekabaka, ido naipucakinitai aanyunet kegilut loka ekabaka, emamei ituŋanan yenepedori ailocokin, Kosodi kapak kaŋin aponi konyaraunai ikewadikak luka eka baka kolap lokiwuniet, ŋes elap Siban, kapaaranike naka akaisaarei ka nuuni; aponi kiwadikai kere nuabu Morudekai kicorak Iyudayan, ka ibukui, ka ikayaitok, ka ikapolok luka ibukui luejaas anyoun kolndia kiton Etiopia, ibukui akwatat ka akaisaarei ka lukanykaarei, mama ejai ŋolibuku kwape ajaar eiwadikaeke, ka niniteker kwape ajaar anaiepeke, ka Iyudayan kwa pe ajaar eiwadikaekee, ido kwape ajaar auaiepekec. Kiwadik kokiror loka ekabaka Akasuero, kipucak aanyunet kegilut loka ekabaka, kijuka ibaluan koyanaasi ikakerak luebwanenito ibalasin, luebwanenito ibalasin luetiroko luetwasamatai aijaanakinia ekabaka, luaurio kosipanloka ekabaka. Koeamak ekabaka Iyudayan luajaas kaŋolire atukonokin, abwoikin aijarakee, amudiar, aiar, ka aidany, apedor kere naka ituŋa ka ebuku kaluekotosi asurokin kes, ka ikeeedwe ludidik ka aŋorokec, ayaŋaar da lunatunakec araun imeian, kapaaran adiopet kobukui kere luka ekabaka Akasucro, ŋes nakitomonet kauni naka elap lokitomonet kaarei, ŋes elap Adar, Aponi kokorai aikopunet naka aiwadikaet mama ejaas atekerin kere, tetere elimoro ekisil kanolibuku, kokapakina da Iyudayan kebu apaaran ŋin ainyaŋ lukasurupokec. Kolomasi do ikakerak ibwanenito ibalasin luetiroko luetwasamatai aijaanakinia ekabaka, kobubuakinai kisuburikinai kaicorakinet naka ekabaka; kolimoroi da ekisil koSusa togo lokapolou. Koloma Morudekai kakonyen nuka ekabaka enapit anapito nuka ekabakane nuka lobululu ka lokakwanan, ka aboko naepol naka esabu, ka egoe loka ebaputa loejok ka lomuge; kibwon ere loka Susa kiyalama da. Ajaas Iyudayan kaica ka aiyalama, ka ailel ka aibuses, Kanolibuku da, ka ŋolire, kama edolokini aicorakinet naka ekabaka ka ekekisil, ajaas Iyudayan kaiyalama ka ailel, epucit ka apaaran naejok da. Koluoros luipu luka atekerin nuka akwap Iyudayan; naarai kodoikinite kes akurian Iyudayan. Kosodi kolap lokitomonet kaarei, ŋes elap Adar, kapaaranike nakitomonet kauni, naabu koapunitor aicorakinet naka ekabaka ka ekekisil aitodolikinio, kapaaran naamunotor lukasurup luka Iyudayan ayait kes; kwabo abu kilocokin abuburiar kes, koyaitos Iyudayan ŋul lukelaito kes. Kotukonokinos Iyudayan oreriakec anatar ibukui kere luka ekabaka Akasuero, aikam nul luemootos aitican kes: amamei da ituŋanan yenepedor airebokin kes: naarai kodoikinite atekerin kere akurian kes. Apotu ikapolok kere lukibukui, ka lukibukui, ka ikayaitok, ka ŋul da lukiswamaenenete aswam naka ekabaka kinarakis Iyudayan; naarai kodoikinite kes akurian Morudekai. Naarai kerai Morudekai ekapolon kotogo loka ekabaka, kisiarakina eemutuke anatar ibukui kere: naarai kiyatanakin etuŋanan ŋol Morudekai apoloor noi. Kodanyata Iyudayan lukasurupokee kere iposete kes kekilen, ka aiar, ka amudiar, kiswamakis nul lukelaito kes kwape akototor. KoSusa togo lokapolou apotu Iyudayan koarata komudiasi ituŋa akwat akany, Ka Parasanadata, ka Dalapon, ka Asapata, ka Porata, ka Adalia, ka Aridata, ka Paramasata, ka Arisai, ka Aridai, ka Baisata. Koarata da odwe lutomon luka Kaman okoku loka Kamedata, lokasurup loka Iyudayan; konye mam kes apotu kibwaikis akecekan onasit, Kapaaran kaŋin aponi koyaunai etiai loka nul luaarakinio Susa togo lokapolou mama ejai eka baka. Kotema ekabaka Esita akabaka atiar, “Aarata Iyudayan amudiasi da ituŋa akwat akany koSusa togo lokapolou, ka odwe lutomon luka Kaman da; asa do eswamata anyoika kobukui ice uka ekabakal Inyo bo ca ilipit ijo? Kiinakinio. Arai inyo bo bobo Iinainait? Kiswamai.” Kosodi Esita atemar atiar, “Arai kitoiok ekabaka, kocamakinai Iyudayan luejaas Susa aswam moi da kwape ejaar ekisil loka lolo, kikaiakinai da odwe lutomon luka Kaman akito.” Kicorak ekabaka kikwaikinai nepenen: kolimoroi ekisil koSusa togo lokapolou; kikajakinai da odwe lutomon luka Kaman. Kotukonokinos Iyudayan luajaas Susa apaaran nakitomonet kaonon da naka elap Adar, koarata ituŋa akwat auni koSusa; konye mam kes apotu kibwaikis akecekan onasit, Kotukonokinos Iyudayan ice luajaas obukui, kobwoikis aijarakee, koiaut kaibworar kama kalukasurupokec, koarata ilukumin akaisakanykaarei ka lukany kanul kalukelaito kes; konye mam kes apotu kibwaikis akanikec onasit, Aponi nun kiswamai kapaaran nakitomonet kauni naka elap Adar; kapaaranike nakitomonet kaonon kibworasi kesi, kituluosi apaaran naka ipucino ka aiyalama. Konye apotu Iyudayan luajaas Susa kotukonokinos kapaaran nakitomonet kauni ka apaaran nakitomonet kaonon da; kapaaran nakitomonet kakany kibworasi, kituluosi apaaran naka ipucino ka aiyalama. Ŋes ituluoriata Iyudayan luka ireria ludidik luibojete koreria luemameete arwatatin apaaran nakitomonet kaonon naka elap Adar apaaran naka aiyalama ka ipucino, apaaran da naejok, naijaanakinotor da akoreta. Kiwadika Morudekai ŋun, kijuka ibaluan mama ejaas Iyudayan kere luajaas obukui kere luka ekabaka Akasuero, lueapiete ka luelwaka da, kicorak kes aidar apaaran nakitomonet kaonon naka elap Adar, apaaranike nakitomonet kakany da, nolikaru. Kes apaarasia nuadumuniata Iyudayan aibworar kama kalukasurupokee, elap da loebelokinotor ieanikee araun aiyalama, nakaibworo araun apaaran naejok; kituluosi kes apaarasia nuka ipucino ka aiyalama, ka nuka aijaanakinor akoreta, ainakinia da lukican ainakineta. Kisumunoto Iyudayan aiswamaenen kwape egeariata, ido kwape ewadikakinia kes Morudekai; naarai abu Kaman okoku loka Kamedata, Egagait, lokasurup loka Iyudayan kere, kopeleik amudiar Iyudayan, abu kilamilam Pur kes iroeta, apiar kes, ka amudiar da; konye kedol akirot akonyen nuka ekabaka, kicorak kobaluan eboteteke lokaronon loabilakinit ŋesi Iyudayan kobe akouke elopet; ŋes da ka odweke kikajakinai akito. Ŋes kemaikinere apaarasia ŋun Purim, kwape ejaar ekiror Pur. Kosodi kanuka akiro kere nuka ebalua kanol, ka nuadautu kesi aanyun kakirot kaŋin, ka nuadoikis kes da, ŋes kieorakiniata Iyudayan, kisumunot da kanukec, kanuka aurikec da, ka nul kere luimoranakinos kakes, ebe, idarenenete apaarasia nun nuarei kwape ajaar aiwadikaeteke, ido kwape ajaar apak naeseunitai nolikaru. Kiitununio apaarasia ŋun kidareneneo da anatar aturio kere, ikekia kere, kanolibuku ka ŋolire; kinyeis apaarasia ŋun nuka Purim aitwatanario koYudayan, karaida aiitunetekec aolior kaurikec. Kosodi Esita akabaka, akoku naka Abikail, ka Morudekai Eyudayat, aiwadik kapolou kere aitogogoŋ ebalua ŋol lokiareit loka Purim, Kijuka ibaluan mama ejaas Iyudayan kere, mama ejaas ibukui akwatat ka akaisaarei ka lukanykaarei luka ajakanut naka Akasuero, kakiro nuka ainapakin ka abeit, aitogogoŋ apaarasia ŋun nuka Purim kapakiokee nueseunitai, kwape kicorakinia Morudekai Eyudayat ka Esita akabaka, ido kwape kicorakiniata kesi kanukec ka aurikec da, kakiro nuka ailunukec ka aimony. Kitogogon aicorakinet naka Esita akiro nun nuka Purim. Kiwadikai da oitabo. Kosodi kitelem ekabaka Akasuero esolo kakwap, ka apujan da nuka aŋolol. Aswamisio kere nuka akepedor ka akegogoŋ, ka akiro kere nuka apolou naka Morudekai naetopolooria ekabaka ŋes, mam kereka iwadikatai oitabo loka aisiitonokin nuka ikabakan luka Media ka Perusia? Naarai kiareikin Morudekai Eyudayat ekabaka Akasuero, kopol ko Yudayan, kocamunai kaipues naka iinaeanake; komoote ajokis naka iketuŋa, kinera nukainapakin mama ejai aurike kere. Kojai etuŋanan kakwap naka Us, ekekiror Yob; kerai etuŋanan ŋol lomam itoronitai, loeteni, loayoŋit Edeke, kosacite da aronis. Kourite idwe lusap ikanykaarei, ka lupesur iuni. Ido iboroke araas amerekekin alukumin akanykaarei, ka akaalai alukumin auni, ka ajookon akwat akany nuka imoŋin iareiarei, ka asigirian nuŋor akwat akany, ka ikejaanakinak luipu noi; kanuka ŋun kerai etuŋanan loapol aitelekar idwe kere lukokide. Koloto odweke kipooto epueit ŋolidiopet kotogoke kapaaranike; kijukanarete anyaraunun ainaeanakee auni ainyam ka aimat nepepe kakes, Kosodi ketuboros apaarasia nuka epucitikee, kijuka Yob kitalau kes, kodilonokin anyounun tupuruc, koinanak ainakineta nuieweio kwape ketiaikee kere: naarai kobala Yob ebe, “Musiki adiakasi odweka, aiŋer Edeke toma otauonokec.” Kwape kwaŋin abu Yob kirueurue aiswamaenen. Kosodi kapaaran adiopet kopotu odwe luka Edeke aitodiar kakonyen nuka EJAKAIT, kobu Satan da nepepe kakes. Kobala EJAKAIT ebe, “Satan, kibuni kai?” Koboŋok Satan kobala ebe, “Abuni kabonobono keilat kakwap kariariat lailo ka laiie.” Kobala EJAKAIT Satan ebe, “Iwomit ijo nuka ekakejaanakinan Yob? Naarai emamei loeputos kaŋes kakwap, etuŋanan lomam itoronitai, loeteni, loeyonit Edeke, esaeit da aronis.” Kosodi Satan aboŋokin ebe, “Eyonit kereka Yob Edeke atai? Mam ibwaikinit abwas aisirimor nes, ka etogoke, ka iboro kere luejaatar, kowaitin kere? Isirerenit aswam naka akaninike, iyatakina ikeboro kakwap. Konye korio cani akanikon, kotiro kere lueiaatar, ido kinerokini ŋesi jo kakonyenekon.” Kobala EJAKAIT Satan atiar,” Koany, kere luejaatar ejaas toma akanikon, konye mam iriori akanikon mama ejai ŋesi elopet.” Konyou do Satan kama ejai EJAKAIT. Kapaaran adiopet kenyamete ikedwe lusap ka lupesur, komasete da ebino kotogo loka onaeekee lokapolon, kobu ekiyakia neejai Yob, kotema atiar, “Ajaas imoŋin ekoriete, kodakasi asigirian osiepikee: aŋatasi Isabean ayanaasi kes; eebo, aarata ikatumunak kakwanis naka ekileŋ; eoŋ bon aku alimokin jo.” Eroko inera ŋesi, kobu eee kotema atiar, “Ebirun akim naka Edeke edokuni kokuiu, anyama amerekekin, ka ikatumunak, amudia kes; eoŋ bon aku alimokin jo.” Eroko inera ŋesi, kobu eee kotema atiar, “Etemokis Ikaludean irioneta iuni, aŋatasi akaalai, ayanaasi kes, eebo, aarata ikatumunak kakwanis naka ekileŋ; eoŋ bon aku alimokin ijo.” Eroko inera ŋesi, kobu eee da kotema atiar, “Anyamete ikonidwe lusap ka lupesur amasete da ebino kotogo loka onaeekee lokapolon: ido koany, kobu ekwam loepol kamodiŋ, kinom agoria aoŋon nuka etogo, korapak ikatumunak, atwaka da; eoŋ bon aku alimokin jo.” Kosodi Yob anyoun kocil elouke, kobaren akekou, kibirokin kwap, koma; Kobala ebe, “Abu kalom kakoik naka totoka emujalal, aboŋori da emujalal: EJAKAIT nes abu kainak, ido EJAKAIT nes alemaa; kituritete ekiror loka EJAKAIT,” Kotoma kanun kere mam abu Yob kodiaka mam da abu komoro Edeke abaŋaanut. Kojai bobo apaaran kopotu odwe luka Edeke aitodiar kakonyen nuka EJAKAIT, kobu Satan da nepepe kakes aitodiar kakonyen nuka EJAKAIT. Kobala EJAKAIT Satan ebe, “Kibuni kai?” Koboŋok Satan EJAKAIT ebe, “Abuni kaboŋobono keilat kakwap, kariariat lailo ka laije.” Kobala EJAKAIT Satan ebe, “Iwomit ijo nuka ekakejaanakinan Yob? Naarai emamei loeputos kaŋes kakwap, etuŋanan lomam itoronitai, loeteni, loeyoŋit Edeke, esaeit da aronis: ido eroko itogogoŋit abeiteke, karaida kiimaimait eoŋ ebe keliko nes komam akirot.” Koboŋok Satan EJAKAIT, kotema atiar, “Amuny itia amuny, eebo, einakini etuŋanan kere lueiaatar itia aijarake, Konye korio cani akonikan, kotiro akekoio ka akekuan, ido kinerokini ŋesi jo kakonyenekon.” Kobala EJAKAIT Satan ebe, “Koany, ejai akanikon; konye koeoite akeijar.” Konyou do Satan kama ejai EJAKAIT, kitedek Yob abusion nuetioko anyoun kotau loka akeiuke kiton osiadukuke. Kolem atibolok akoio; kipwokakin okurwon. Kotema aberuke nes atiar, “Iroko kereka itogogoŋit abeitekon? Koner Edeke, kotwana.” Konye kobala nes ebe, “Inera ijo kwape ineratatar aŋor nubaniok, Wu okwe! Kidumununei kereka nuejok kakan naka Edeke, komam kidumuni nueroko?” Kotoma kanun kere mam abu Yob kodiaka kanaiepeke. Kosodete kepuputu ipapero luuni luka Yob aronis na kere naadoikini ŋes, kopotu, konyounite niniruŋanan kaiboisike; Elipas Etemanit, ka Bilidad Esukit, ka Sopar Enaamatit: kitutukis adolokin amonyakin ka aitalakar ŋes. Kiteluosi kama elwana, mam apotu kojenut ŋes, kodelosi, komonyata; kocil ŋolituŋanan ekelou, kituanasi apua kuiu kakwesikec, Kiboioto kaŋes kokwap kodautu apaarasia akanykaarei ka akuaresia akanykaarei, komam loelimokini ŋes adiokirot: naarai apotu kireikis ieanike ipu noi. Kokau kanun, kooŋo Yob akeituk, kiken akepaaran. Koboŋok Yob kotema atiar: “Koolio do apaaran nakolo kauriere eoŋ, ka akuare da nakinera atiar, ‘Epotio ikoku yenisapat.’ Koraun apaaran nin amuton! Kinyek Edeke aite ŋes ejai toma akuj, Aica da kinyek ailiyaikin ŋes, Konyarata amuton ka etoribe loka atwanare nakec, Kiboikin edou tomake; kitukurianata luisirionete kere apaaran. Koŋat amuton naejesi cueueue akuare nin! Kinyek aiyalama nepepe kapaarasia nuka ekaru; kinyek alomar otiai loka ilapio. Koany, korau akuare nin arakan; kinyek eporoto lokaiyalama adolokin. Kikenoto ŋul luikenete apaaran, luetemokino agwaun Lebiatan. Komutokoros aacer nuka aikamus: komo aica, konye komam edumuni; komam eseseni abukio nuka atupurue; Naarai mam abu kogol ikekia luka akoik naka totoka, karaida aibwa iean kakonyeneka, “Kanukinyo mam abu katwania ameun kakoik? Kanukinyo da mam abu kajalia aijar naalomunia kakoik? Kanukinyo da keyuuniata akuŋin? Kanukinyo da keyuuniata ikisin, tape anaki? Naarai kwana tikapere kelilin; tikajotoor; kasodi aibworar; nepepe ka ikabakan ka ikenerunak luka akwap, lukedukete ojeburun kanukee; arai nepepe kikapolok luajaas ke sa bu, luelelebito itogoikee epuesa, Arai kwape ikoku yenikijeeuna yenikibwaitai timam kajaun; kwape imukerun lumam apotu koanyutu aica. Kaŋina aionoosi ikaronok aitican; kaŋina da nes ibworariata luilolonyito. Kaŋina ijakakaete ienan; mam epupete eporoto loka eketwasaman. Ejaas ŋina ludidik ka lukapolok; eosikin ebulesit kaneejai ejakaitike. “Kanukinyo einakinia yenikiean aanyun aica, ka yenerieba kotau aanyun aijar? Luimielas atwanare, konyc komam edolokin; luebokete adumun ŋes aitelekarit abar naibwaitai; luibwonas cut noi, luiyalamasi, naepedoriata adumun ates. Kanukinyo kiinakinia aica etuŋanan loibwaitai ekerot, loabu Edeke kirigak eriga? Naarai ebuni eidinyika eriŋa enyama, ebukunun agataka kwape akipi. Naarai kabunoki eoŋ ibore yeneyalononi, kadolok eoŋ ibore yenakurianar. Mam eboie ejok, karaida aiyamakina, karaida aiyeŋun; konye kadolokis ican.” Kosodi Elipas Etemanit aboŋokin, kotema atiar: “Arai etamakini etuŋanan einer kajo, inyunyurikini? Konye iŋai itikokin kinyek einer? Koany, ituutoo luipu, ibu kitogogoŋ akanin nuekalanyaka, Apotu akonikiro kigaŋata nin yenikibiror, ibu kitogogoŋ akuŋin nuelejekekas. Konye kwana adolut mamakon, iilor; kitirosi, iyalonon. Akoniiyoŋ Edeke mere ŋes kigagauni? Atenit naka ikonirotin da mere ŋes akonimunonut? “Keŋaiŋait, kiitu, iŋai abu kooliorite, komamei akirot? Arai luetenito kotauon ai bo emudiaritere? Kwape abu kaanyunia, ŋul luekoriete numam adolit, lueyeete ameŋeranut, esakete ŋupeŋun, Eoliorete kanuka eiyeŋane loka Edeke, epiaros da kanuka akutun naka akenyunyura. Agat naka eŋatuny, ka eporoto loka eŋatuny lokadeden an, ka ikel luka iŋatunyo ludidik, ebilasi, Etwani eŋatuny lomoion keolikis imejan, kisiarakinos idwe luka aŋatuny. “Aponi kaeedakin akirot, kopupok akakit aiyeiyeaken, Kotoma aomisio nuelomunete kaitapoeta nuka akuare, nailuranariata ituŋa ajo nuipu, kabunok akurian ka amaran, naelokilokete akakojo kere, Kosodi kitor emoyo kakonyeneka; kobalasi itima luka akouka sau sau. Kobwoi kopalarite, konye mam abu kapedo amisiikin kwape eputor; kojai etoil kakonyeneka: kidasite tiiti, kosodi apupun eporoto loebala ebe, ‘Epedori kereka etuŋanan loetwani araut loedolit kakonyen nuka Edeke? Epedori kereka etuŋanan araut loesega kakonyen nuka Ekasubanike? Koany, mam emunokina ikekejaanakinak; Itepeseni da ikemalaikan kanuka apaarikec: Itelekarit eama aitepesenit ŋul lueperete otogoi luka alup, apetetaitikec ejai toma apua, luideeideeio kwape ikaporipor! Emudiaros kotoma apak naejai kidin atupuruc ka eboŋ, eoliorete ikar kere komam yenibwaikinit etau. Mam kereka eutunio auno nakotoma owemakec? Etwakete, komam adiocoa kere.’ “Kiworo cani; ejai yenikibonokini jo? Iŋai ka lukalaunak loibelokin jo? Naarai eari anyunyura etuŋanan loban, ekokote da eari lomam acoa, Abu kaany lobaŋ eremori alias; konye kelamak katipet aiboisike. Kolwanik idweke ainapakin, koridakinai korute komamei yeneyuuni kes. Enyami yenikeriebi eteŋei nuedwenyete, elemununei da kokukwa, ilikonori da yenikakure iborokec, Naarai mam elomunete numam adolit kotoma apua, karaida iean abwaŋun kai up; konye etuŋanan eurikinitai iean, kwape edetarotor atwenyitweny kuiu, “Konye eoŋ, ti akoto amoot Edeke, ido ti akoto aititin Edeke akakiro: loiswamai nuepolok numam emounos; nukaumokin numam imarunos: loisitepi akiru akwap, loiiukari akipi omanikoria: kosodi adakakin ŋul luejaas kwap; edakuni ŋul luibworos toma ainapakin. Itapalauni ainerun naka luepiriaka, tetere mam epedorete akecekanin aswam nuepeleunete. Isipoki lukacoa kapirianutukee: isurukanyari aitanan ainerun naka lukelepa. Iriamete kamuton paaran, erarapitos kidiŋ paaran bala kuare. Konye itaiari kokilen loka aitukekec, itaiari yenipuda kakan naka Iokagogoŋon, Kwaŋin ejai lokican kamunonut, ebutarete numam adolit. “Koany, elakar ituŋanan yenitoroni Edeke; aso sirikimen aleeor naka Lokapedor kere. Naarai isiriebi, ido imadi; imusuŋi, ido akaninike kes itanaleunete. Kiyuununei ŋesi jo katiokisio akanykape; eebo, kakanykaarei mam kitirori jo aronis. Kilakununei kobeli komam itwani; kojie da kapedor naka ekileŋ, Kibwaio jo kama ejai edaset loka aŋajep; mam da ikurianari amudiario naebunio. Ikienar amudiario ka ebeli; mam da ikurianari itian luka akwap. Naarai itutukete aitutuket kamor nukomanikor; inapakinos itiaŋ luka ais kajo. Ijenuni kwape inapakinor ekoniwema; ido imanimani ekonisipan komam itwaniari ibore. Ijenuni da ebe akoniwur elalaari, itataikon da kwape anya nuka akwap. Idolokini ailitikon kobusite ikar luipu, kwape elomunia eisuta loka akima kokaruke. Koany nun, kipou kanicutu, ikote nen: kepup, kojen ijo kosodi kojaun ejok.” Kosodi koboŋok Yob kotema atiar: “Arai kininitete anyunyuraka, arai kibwaikinitete nepepe kepolaka toma aitemis! Naarai kwape kwana ti do kitelckasi alaŋir naka asine naka aijololin: kanuka nun ŋes esunyitor akakiro, Naarai ejaas imalia luka Lokapedor kere kotomaka, emasi ekamoyo aisoritike; iderakina etasuro loka Edeke asurokin eoŋ. Emonyi kereka asigiria naka ais arai eia ŋes anya? Arai emoŋ aruo koiaas inyamatake? Ipedori kereka ainyam Iuepiaka komamci abalaŋ? Arai bo ejai ibore ycnebala jel osirapurapu loka abeet? Enerir ekatau atiror kes; esubitos bala Iunyaman Iuketal kaneajai. “Karai kapedoo adumun nuelipit; tikainak Edeke eoŋ nuenobelei! Tikisiyalamik Edeke aidecidec eoŋ; tikeial akekan, kagela eut! Ŋes konyet adumunia aitalakario; eebo, tikeeur kanuka ariebo namam rtimi; naarai mam anerenenei akiro nuka Lokalaunan. Agogoŋuka nes bo inyo, kedareu? Awasiaka da nes bo inyo, katitiŋik? Erai tope agogoŋuka agogoŋ naka amor? Arai akakuan naka aisinit? Konye abeit emamei yenikeŋarakini kotomaka, Erenear da aswam nakapirianut kama ajai, “Ibusakinit ekepapero aitodiar asianut mama ejai ŋol loekoto aiilor; ŋol da loinyeini ayoŋit Lokapedor kere. Inalanalas ikainacan bala aguurut, bala ecilet loka aguurun nueoliorete; nuirioko eucueuc kanuka akipi nuikamunito, nes neenopia akaka: kapakio nuka amwanis, ilicaros; naejaenenara aibuse, eonikinete kaiboisiokec, Epaarete ikalotok luelosete aririkee; elosete toma amodiŋ, eoliorete. Apotu ikalotok luka Tema kiteoto, kidareut atukon nuka Seba kes. Kirumata ileic naarai apotu komunokinos; keporu ŋina kitirirata. Aso yes da ikote nen kaneajai; ianyunete yenikitukuriani, ikuriakaros. Abu kereka kalimokinite yes ebe, ‘Koinakinai’? Arai ebe, ‘Koinakis koborokus araut ainakinet kanukan’? Arai ebe, ‘Koyuunai kakan naka lokasurup’? Arai ebe, ‘Kolakunai kakan naka ikareitok’? “Kisisianakinai, eoŋ da elilini: Kiteienunai neapaaritor. Akiro nukaitenara eraas ca nukagogoŋ! Konye epegetekus itoroni inyo? Iwomitos aitoron akiro? Naarai einer loka ŋol kaloejurununit esubit bala ekwam. Eebo, tikilamilamata eroet kanuka ikoki, Tikimutunoto kaneejai opaperokus, Aso do kiyuutu kosesenata eoŋ; naarai abeit mam eŋalai kakonyenekus. Kibelokinos, kenainait, kinyeis numam ebeito ajakut; eebo, kibelokinos bobo, edolit akakirot. Ejaas numam ebeito kotoma anaiepeka? Mam epedori akainyigol amisiikin nukameneranut? “Mere ejai ituŋanan ejie toma akwap? Akepaarasia da mam eputos bala apaarasia nuka ŋol kaloeropio? Kwape ebulesit loiŋobelei noi etolim, kwape kaŋol loeropio komuno eropitike; Kwape kwaŋin eoŋ da ketebeitai ilapio lueraas ikamameak, Aponi kakorakin akuaresia nuka aitapasitoi. Naaperenenoo eoŋ kener atiar, ‘Anyoun wori’? Konye eoia akuare; kebelonokini aisiwalar akwap. Enapit akuanaka ikur ka aapoŋor nuka apua; erubanakini amunyoka kosodi kidedeununei bobo. Isunyito akapaarasia aitelekarit ibore yenitolomanari ekasonyan egoe, edaunos komamei adiomuno, “Wu okwe kiitunite ebe akaijar erai ekwam; mam akakonye esesenete bobo aiokis. Mam bobo akoŋu naka ŋol kalokaseseni eoŋ kaanyuni bobo: esesenete akonikonye eoŋ, konye kamamei. Kwape edaunor edou kilicar, kwape kwaŋin nin yenijesari Okatwak mam bobo edokuni, Mam bobo eboŋuni togoke, akeibois da mam bobo ejenuni ŋes, “Ŋes mam apedoria aisililiŋ akaituk; eneri kotoma aburun nakomoyoka; erurumai kotoma adwaris nakotauka, Arai kereka eoŋ aŋolol, arai etiaŋ loeiliili lokaŋolol, tape ibwaikini ikedarak asesen eoŋ? Arai kener ebe, ‘Ketalakarit eoŋ ekaitada, etoioniari ekajam arieboka’; nes konyet kisiyalononoo eoŋ kairuiasia, kitukuriani kaitapoeta: Tape ekatau eseuni amiedio, ka atwanare aitelekarit akakojo nu. Kapianiki akaijar; mam epuda aibut ikar kere: kinyeinai eoŋ; naarai akapaarasia eraas aamameak. Inyo bo ituŋanan tape jo itopoloori ŋes, tape jo ibwaikinit nes etaukon, tape ianyanari nes ninirupuruc, aitem ŋes ninipak? Itodoli bo ai mam jo inyeini asesen eoŋ, karaida ajalakin aitodol neelikoria eoŋ aimulaka? Arai kadiakit, keswamak jo inyo, ijo loiseseni ituŋa? Kanukinyo kibwaikinia araut adeseikinetekon, tape kalanirikini eoŋ bon? Kanukinyo mam isionio aibueareteka, alemar da numam adoliteka? naarai kwana aperi kotoma apua; ikukurikini amoot eoŋ, konye kamamei.” Kosodi koboŋok Bilidad Esukit kotema atiar: “Itodoli ai einer nun? Itodolete da ai akiro nuka aitukukon asubit bala ekwam Iokagogoŋ? Ibelokini kereka Edeke etube? Arai bo ibelokini Lokapedor kere abeit? Arai apotu idwekon kodiakasi kama ejai, nes da kokoraki kes akan naka aibucaretekec: arai ikoto ijo akukurikin amoot Edeke ka aiŋaiŋa da Lokapedor kere; arai kosegara ijo ido kitenara da; abeit tikekwenyu kanukon, tikitekeriana aibois naka adolitekon. Karaida kedit ageunetekon, tikiyatakini noi esanekon. “Naarai, kenainait, kinitu aturio nuatuboros, kibwaik etau ŋun nuapotu lukapapaakee konicut; naarai kirai oni luka bian, mam nukijeni, naarai apaarasia nukidauni kakwap eraas kwape etoribe. Mam kereka kes kisisianakinete jo, ka alimonokin jo da, kinerasi akiro nuelomunete kotoma otauonokee? “Epedori kereka aladot apoloor komamei erit? Epedori da esege abwaŋun komameete akipi? Eriŋa itosokok, komam etubub, erinyori do ageikin ikui ice kere. Ikote nen irotin luka nul kere luimurwokinete Edeke; eolionori amun naka ituŋanan yenimam eyonit Edeke. Ebila amunonutuke, Yeniyuunit ŋes esubit bala elago loka asimokok. Egoŋakina ŋesi etogoke, konye mam ebwoenenei: Iketanakini, konye mam egogoŋoor. Itosokok kaneejai akoloŋ, akekui da eliaiete airiamar emanikorike. Ienienete aliasike atukot nakamor, eseseni aibois naka amor. Arai emudiario kotoma aiboisike, kosodi eneri ŋesi ebe, ‘Mam kaanyununei jo.’ Koany, ŋin ŋes alakara naka erotoke, ebwaŋunete ice kotoma alup, “Koany, mam Edeke ireneari ituŋanan yenedolit, kwabo mam igaŋenenei nul luiswamaete nueroko. Kiton neisilelebia akoniituk akiena, anajepekon da eibwoŋ, Ileicikinete nul lukilaito jo; mam ejaununei bobo ewema loka ikaronok.” Kosodi koboŋok Yob kotema atiar: “Abeit aleni ebe ikote nen: Konye ikonakini ai ituŋanan eraun yenikadoliton kaneejai Edeke? Arai ipuda ŋesi apega kaŋes, mam epedori aboŋokin akirot adiopet kotoma alukumit. Eco ŋesi kotau, ido epol kotoma agogoŋ: Iŋai ŋin yenininikiar kaneejai ŋesi, kosodi aisirerenio? Loeukori ironan, komam ejenete, naebuburiaria kes kanyunyurake. Loiianari akwap kotoma aiboisike, komaranete ipirinoke. Loicorakini akoloŋ kinyek alomun; ido ipueakini aacer. Loepesikini bon akuj, ido ieakaeakai akailan nuka aŋolol. Loesubi Adubu, * ka Orion, * ka Pleiades, ka agolai nuka eŋalakimak, Loiswamai nukos numam enicunos; eebo, nukaumokin numam imarunos. Koany, etubori kodieka, komam aanyuni nes; iyatakini da akelosit, konye mam ajenuni. Koany, ikamuni lumejan, iŋai bo epedori aitikokin ŋes? Iŋai bo da etemari ebe, ‘Inyo bo iswamai ijo?’ “Mam Edeke inyakuni akenyunyura; Ekukumete ikenarakinak luka Rakab kokwapuke. Ekoni eoŋ ai apedori aboŋokin ŋes, aseun akakiro ainerun kaŋes? Karaida kadolit, mam tikabonok ŋes; tikenaina lokasurupika. Tikeworo, ŋes da kabonokini; mam tieyuunit ebe apupu ŋesi ekaporoto. Naarai kabili ŋesi eoŋ kekwam, iyatanakini amusununuka komam akirot. Mam kesiikini aiyenanar apuru, konye kesilelebi adwaris. Arai kinera nuka agogoŋ naka lokagogoŋon, koany, ejai! arai nuka etube, iŋai bo ketetemikini apak? Karaida kadolit, akaituk ketetelekari akiro: karaida ketenara, ketejenuni kwape araar lomagul. Etenara eoŋ; mam asesena bon; ameni aijaraka. Kere eraas adiopet; ŋes katemaria ebe, Emudiari luitenara ka lukaronok. Arai kenesa akaŋas atular, isekeli ŋesi epola loka yenimam akiro. Einakinitai akwap akan naka ikaronon: erapaari akonye nuka ikatubokoke; arai mere ŋes, ŋes ca iŋai? “Etiroko akapaarasia aitelekarit ekakeran: ekerete, mam eanyunete aiokis. Etubonoros kwape atakerin nuka aladoi: kwape euruporia emorukaalet imejaunake. Arai abala ebe, ‘Kemurwoki airurumakan, ejulakini eoŋ akakonyen nuakadakinito, kalakari’: Ayoŋit aitururuka kere ajeni ebe mam kiinyarit eoŋ lomam akiro. Ketelekarete akiro; kanukinyo ca etaaritor atai? Arai kelon kakipi nuelaete noi noi, ketesega noi akakanin; Konye kibirokini ijo eoŋ aipany, kalaete eoŋ ikanapen, Naarai mere ŋes etuŋanan, kwape eoŋ, eoŋ aboŋokin nes, tetere kiriamakin kotube. Emamei ekadiekan kokidinikosi, loibwaikini akekanin kamakosi kere. Kolema ŋesi ekebela kamaka, kinyek etasuroke aitukurian eoŋ: ŋes konyet ti enerar, komam akurianar; naarai mam ikote nen kamakaŋ. “Apianik ekatau akaijar; Erurumai koleleete akakiro; eneri kadwaris naka ekatau. Kabala eoŋ Edeke ebe, Sirikititeleka eoŋ akiro; kitodikinai nukiinakinit ijo apega keoŋ, Isiyalamikinit kereka ijo areit, tetere imwani aswam naka akaninikon, Acaikin da ainerun naka ikaronok? Ŋaas kereka ijo akonye nuka akuan, arai bo ianyuni ijo da kwape eanyuniata ituŋa? Eputosi tope apaarasiakon kapaarasia nuka ituŋa, arai bo ikarukon kwape apaarasia nuka ituŋa? Tape inici numam adoliteka, imoi da akaronis, Karaida kijeni ebe mam eoŋ arono; emamei da loepedori ayuun kakanikon, Akaninikon kes kelunulununete kasubunete da nepepe ammor; konye kimudia eoŋ, Kenainait; kiitu kwape kisubunia kelupe; ido ikoto ainyakar bobo toma apua? Mam kereka jo kibukunit eoŋ kwape kakile” kisicarakamit eoŋ kwape edika? Kitanapit eoŋ amuny ka akiriŋ, ibu kisimorikik eoŋ kakoio ka aputio. Ibu koinak eoŋ aijar ka asianut, aibuakinitekon ŋes iricitor ekamoyo. Konye ibu kimunono akiro nu otaukon; ajeni ebe ajaas ŋun kajo; arai kadiaka, irerei ijo, mam kilacari eoŋ kanumam adoliteka. Arai arono eoŋ, itukwi eoŋ; arai adolit, mam teni ekeuni akakou; Emuara eoŋ noi, etei akaiticanio, Arai ketopoloo akakou, kiriga kwape kenatuny; kosodi bobo itoduna iumokina kaneajai. Kiteteu ikonikaienak kaneaiai, iyatakini akadakinitekon kaneajai; kiiny eoŋ ajoresio ka ejie. “Aso ca kanukinyo kitolomunia eoŋ kakoik? Tikajal ajiar, komam akoŋu aanyun eoŋ. Tikajau bala mam abu kajai; tikadakun anyoun kotoma akoik aitarasario toma ailit. Mam apaarasiaka ikidioko? Aso kopala do, kinyeinai, kalakari mot, eroko keloto nina nemam abonunio bobo, ŋes akwap naka amuton ka etoribe loka atwanare; akwap naka amuton naeiesi ŋaŋ, naemutono eueueuc; akwap naka etoribe loka atwanare, naijulujula, naesubit aicake bala amuton.” Kosodi koboŋok Sopar Enaamatit kotema atiar: “Mam kereka ibusakinit aboŋokin akiro nuipu? itoiokio da etuŋanan loinerana? Aiturokinikon tikepedo aisililiŋ ituŋa? Naisekelor ijo, mam ituŋanan kisurumi ileic? Naarai itema ebe, ‘Akaisisianakin itenara, alai eoŋ da kakonyenekon. Konye wu arai tikiner Edeke, koon akeituk aluikin jo, arai tikipukokinit nukaiyeiyea nuka acoa, kwape eraatar nuka ipitenyo luipu toma aswam nakapirianut. Aso kojen ebe mam Edeke kitepeseni ijo kwape ibusakinitor numam adolitekon. “Ipedori kereka aanyun Edeke kanuka amoot? Ipedori kereka adolokin osaŋeta luka Lokapedor kere? Icelelei kwape akui; inyo ipedori ijo aswam? Idul adepar Okatwak; inyo ipedori ijo aijen? Aitemisike edeparit akwap kaojau, ido elal adepar akar. Arai etubor, eeni ituŋa, enyarauni da kes atubokinio, iŋai gwai itikokini? Naarai ejeŋi ituŋa luutai; ido eanyuni numam adolit, karaida mam eomit. Konye emamei etuŋanan lootai ajenun, eebo, eurio ituŋanan kwape ikoku yenika atuko, “Naitemonokinio ijo ejok ekonitau iriori akaninikon mama ejai ŋesi; arai ejaas numam adolit akanikon, kibwaik neelwana, sirikisiik nukaronok aiboienen kowemanakon; Ŋes konyet ipedoria aikeun akonikonyen komamei aitakinet; eebo, icasi, komam ikurianari. Naarai kimurwokinete icanikon; iituni kes bala akipi nuatuboros. Ipiororoi akoniijar aitelekarit kidin paaran; karaida ejai amuton, eraun bala atupuruc, Inapakini ijo da, naarai ejai amunonut; eebo, inolenolei kosodi aiyen kinapakina. Ido iriori, komam yenikitukuriani; eebo, ipu lukikanikanete joo Konye ekurwokinete akonye nuka ikaronok, emameikini kes neekeriara, eraun amunokee aijal aijar.” Kosodi koboŋok Yob kotema atiar: “Komamei abuonokin iraas yesi ituŋa obe, etwani acoa da kayes. Konye eoŋ da ejai ajenun kwape yes; mam yes kideparito eoŋ; eebo, iŋai bo mam ejeŋi nuikote nen? Asubit eoŋ bala loekienare kama ejai eidunyeteke, loabu keworo Edeke, kaboŋok; etuŋanan loedolit, loitenara ŋes ekienare. Toma aomisioit naka ŋol kaloijakakai ejai amwanit aronis; ekapakina ŋul luejurusiaros kakeeekeje. Ekerianaros iweman luka ikaŋatak, inapakinos ŋul luitunyunyurikinete Edeke; lueyaunete ekecedeke toma akanikec. Konye do kinit itiaŋ, kisisianakinete jo; ka akweny nuka apak da, kilimonokinete. Arai kinerakinos kalup, kisisianakinete jo; iboro lukeeor da, kitetemonokinete. Iŋai bo mam ejeŋi kotoma kanul kere, ebe akan naka EJAKAIT ŋes abu kiswama ŋun? Aiiar naka ŋinibore yenikajaran ejai akanike, ka eiyeŋane da loka Ituŋasinei kere. Mam kereka akit igimori akiro, kwape iiriata aanyigol ikeeenyamat? Ejai acoa ka ituŋa lumoion, ajenun da ebuni kotoma aibut. “Ejai acoa ka apedor kaŋes; nes ejai ainerun ka ajenun. Koany, ekesi, komam bobo epedorio aiduk; egolokini irunanan, komam epedorio ajaar. Koany, itikokini akipi, koonikis; bobo da ijukari kes, korapaasi akwap, Ejai agogoŋ ka aswam nakapirianut kaŋes; yeninalao ka yeninalai kesi luke. Erikori ikenerunak enataritai, ituluori ikatubok ibaŋiok, Elaeari irikoi luka ikabakan, ido eeni akecenabes kausi. Erikori isasedotin enataritai, elatakini da lukagogoŋok kwap. Itubutari lumunon, elemari ajenun naka imakio. Ebukokini ikapolok emenit, ido elaeuni arokoba naka lukagogoŋok, Epukori nukaidules elemuni kamuton, itaeauni etoribe loka atwanare. Itupuci atekerin ido emudiari kes; itanyanyaari atekerin kosodi aitolomar. Elemari itauono luka ijaka luka ituŋa luka akwap, ido itotori kes amodiŋ neemamei erot. Erarapitos kotoma amuton komam aica, einakini kes aigetanar kwape ekameran. “Koany, aanyu akakoŋu gun kere, Abu akakit kopup kojenu da. Nuijenete yesi, eoŋ da ajeni: mam yes kideparito eoŋ. Konye akoto einer kaLokapedor kere, ido emiela ainerun ka Edeke. Konye yes iraas ikajukok aiŋal, yes kere imurwokluutaai. Okwe tikililinikis cut! Tierai akusicoa. Aso kopuputu akakirot, kiirasi eirab loka akaituk, Inerakinete kereka Edeke numam adolit, Inerakinete kereka nukaiŋal? Itubusikinete yesi ŋes? Ipegasi yesi kanuka Edeke? Ejok tope ŋes airere yes? Arai bo kwape yeninalanalai ituŋanan, iŋalaŋalaete ŋes da? Abeit kitoroni yes, arai itubusikinete ituŋa kaiyeiyea. Mam akepolou kitukuriani yes? Etasuroke da mam kidoikini? daesiakus eraas awaragasia nuka ekurwon, ikegalikinokokus kes ikegalikinok luka elupe. Kililinata, kinyeinai kener, keja nuepote kopotu. Kanukinyo ayaŋaaria akakuan okelaka, ka aibwaikin akaijar akanika? Karaida kaar ŋesi eoŋ, konye edareuni ŋes; konye etogogoŋi eoŋ ikarotin kakonyeneke. Ido ŋin ŋes akaitaiario; ŋol lomam eyonit Edeke mam edolenenei akonyeneke. Kopupokis noi akakiro, ka ŋun da nualimori koiaut toma akiikus. Aso koany, esuduny akakiro; ajeni ebe arai loadolit. Iŋai bo ŋin yenikipegakinor eoŋ? Kasocli kelilin kajal akaijar. Na bon sirikiiswamak akiro aarei kasodi mam anopi kakonyenekon. Kolema akanikon kolwaniar kamaka; kinyek etasurokon aitukurian eoŋ, Aso kiworo ijo, eoŋ da eii; arai bo kinyeinai kener, ido koboŋok. Imwaasi ai numam adoliteka ka aronisioka? Kitejenunai cani aibuearetaka ka akaronis. Kanukinyo ibwaia akonyenekon, konyara da lokasurupikon? Itapasi kereka ijo akiot naekutaria ekwam? Irukitor ijo ariaŋ naconit? Isilakini ijo adwaris aluikin eoŋ, ido isurumi numam adolit nuka eiditeuka; Ieni ijo akakeien koloit, irerei ikasokono kere; igiri eikor aisirimor akakeje. Karaida kasubit bala ibore yenabos aipirisiar, bala egoe loenyami ekajekelut. Ituŋanan yeneurie aberu ikidioko akepaarasia, ileleba ican. Elomuni kwape aturot, erinyori; iirori kwape etoribe, mam ebusi. Egiparete kereka akonyenekon yenikoni nen koyau atubokinio mamakon? Iŋai bo epedori aitolomun ibore yenelai kotoma yenimam elai? Mam idio da. Naarai inerunit apaarasiake, etiai loka ilapioke ejai kajo, ibu kibwaik eikor lomam epedori ailam; koŋolia neniee, kiyeŋ, aitodol naedaunia apaaranike kwape yeneropio. “Naarai ejai amun ebe ekitoi keiepar, itocuni bobo, mam edaunos alibunetake. Karaida kemoionata akejeke kotoma alup, aketorom da etwanikini alup; konye kanuka ainuun akipi elibuni, iganete atenuna kwape iraat yenilidio. Konye etwani ituŋanan, elosi inona; eebo, ejali irunanan akeijar, ejai bo ai? Kwape eonikinioto akip kaŋolol, ebosuni ecor eonikini; Kwape kwaŋin eperi ituŋanan komam enyouni: aitodol naedaunor akuj, mam ekwenyunete, karaida aitekwenyunio kajokec. Wu okwe arai kiitonop eoŋ toma Okatwak, tikimunon kaiyeiyeakon, kiton naetuboror anyunyurakon, tikibwaik apak naeseunitai, kiitu eoŋ! Arai ketwana ituŋanan ejari kereka bobo? Tikedareu adaun apaarasia kere nuka ejieka, aitodol needolunio akaosikinio. Tikiinyarau, eoŋ da eii: tiimiela aswam naka akaninikon. Konye kwana imari akailameta; mere iseseni akaronis? Eenen akadiakar toma oeoe loipucitai, iburit numam adoliteka. “Abeit iŋoŋar eronat kodaun, ati iba da elemunio kaiboisike; iturususete akip amor; ailapanarikec itelelearete apua naka akwap: imudiari da amuno naka ituŋanan. Ipikori ijo nes ikar kere, etubor; ijulakini ijo akonyeneke, kijuka. Edolete odweke aibuses, komam ŋes ejeŋi; itisilio kes, komam ŋes ejeŋi kwape ejaatar, Epupuni ariebo naka akuanake, kokuudiani da akeijar.” Kosodi koboŋok Elipas Etemanit kotema atiar,: “Ti kereka kebonoki lokaeoa kaijen naatai, kisileleb akoikike kekwam lokokide? Tikepegata kakiro nuemameete ajokis, arai bo aibakibak numam epedoros? Eebo, itapalauni aiyoŋ, ido itikokini aima Edeke. Naarai numam adolitekon kes isisianakinete aitukukon, iseuni ijo aŋajep naka araparap. Akoniituk ŋes kitubok aitelekar jo, konye mere eoŋ; eebo, akoniituk ŋes akajenanikon. “Ijo tope ibu kogeik ituŋa kere auruunio? Arai bo kourii jo eroko imor? Ipupunit kereka kolo ijo ainerun nakaiyeiyea naka Edeke? Iwomikina ijo bon araun lokaeoa? Anu bo nuijeni ijo numam sio kijeni? Anu bo da nuimisiikinit ijo komam sio? Ejaas kamakosi da luabwanutu akoruo ka luemoioŋito noi, luitelekarito papakon kamoion, Aitalakar naka Edeke mam kidaunit jo, ka akirot naiswamai kaio kaiyapepera? Kanukinyo kiyanaaria ekonitau? Kanukinyo da erenatatar akonikonye? Tape ibelokini ekonitau aluikin Edeke, acamakin akiro nuikote nen alomun kaitukukon, Inyo bo ituŋanan tape elaunit? Ka yeneuriei aberu tape edolit? Koany, mam Edeke emuno lukalaunakake; eebo, mam akuj elai kakonyeneke. Ikwaikini bo do ai ŋin yenimodok yenebos, ituŋanan yenemasi numam adolit kwape kakipi! “Ketodikini jo, kopup eoŋ: Kanun nuabu kaany alimokini: (nuapotu lukacoa kolimosi ameun kalukapapaakec, komam aimunon. Aponi koinakinai kes akwap, kwabo komamei imoit yenikitori kamakec). Ikilianar ikaronon kariebo apaarasiake kere, kes etiai loka ikar kaluisinadikinitai ikareiton. Edolokinete iporotoi luketasuro akike: kekerianar ebunokini ekaŋatan ŋes. Mam iyuuni ebe eboŋuni kotoma amuton, ido idareunit ekileŋ ŋes. Irii lunyaman, kobala ebe, ‘Ai bo ejaas?’ Ejeŋi ŋesi ebe ekapakina apaaran naka amuton aapu kaŋes. Aburun ka ariebo itukurianete ŋes; ipikorete, kwape ekabaka loitemonokino ejie, Naarai ario akekan neejai Edeke, edorit Lokapedor kere. Emotakini kitininikite emurisin, kojaas imugogol luepolok oupaliake. Naarai arapaki atumes akonyeneke, ijaŋililos aŋaliŋalin kosiepionoke; iboienenei koreria luiswapito, kotogoi luemamei ituŋanan kotoma, luelosete araun aapoŋor. Mam ebarenenei, karaida ikeboro aibut kaneejai, karaida akeeeraito mam ilururuete. Mam enyoununei kamuton; itooni akim aketenuna, ido eoliori cut kanuka eiyeŋane loka aitukuke. Kinyek amunokin aamameak, amodomoda bon; naarai aamameak kes eraunos ekeropit, Etacakinio eriŋa apakike kedolo, mam aketenut eraun naetiitii. Eraraari araitoke numam ekokito kwape emusabibu, ido itodoori aturoke kwape keseituni. Naarai atukot naka ŋul kalumam eyoŋito Edeke eraunun arakan, enyamenenei akim iweman luka ainakineta nuitumudakete akonye. Epotuunete aronis, kosodete aur numam adolit, itemonokinete itauonokee aiŋal.” Kosodi koboŋok Yob kotema atiar: “Apupunun nuipu nuikote nen: iraas yesi kere iketalakarak luitapasete. Enaŋete kereka akiro nukamameak? Arai bo inyo kitunyunyurikini tape iboŋokini? Eoŋ da tikapedo einer kwape ineratatar yesi; arai kejaas ikusitauon toma aibois naka ekatau, tikapedo airue akiro aitoronia yes, Aimunumunakinia yes akakou. Tiketogogoŋ yes kakanaiep, aitalakar da naka akaituk tiketojono ariebokus. “Karaida enera, mam akariebo ejoni; ido karaida katitiŋik inyo iŋogari kamakaŋ? Konye kwana ketapas; itisilio akatukot kere. Ido kieuik ijo eoŋ noi, ŋes ekajenan kamakaŋ: akadokoror kanyoikini, ketejenikini kakonyeneka. Kagwaragwar kakenyunyura, kareit; kanianaki ikelake: kedetanakini lokasurupika akekonye. Kitoonanakis aitukekec; kebapanasi amatanen kaimuar: katukonokinotor alosikinit eoŋ, Kakorakini Edeke mama ejaas lumam eyoŋito ŋes, kaeakakini akanin nuka ikaronok. Abu kajai toma aijamam kabilibil ŋesi eoŋ, eebo abu ketin kalari, kepicipie: ido kasipok araun egumatake. Kerimosi ikagumakake iwaitin kere, ecili ŋesi ikaneretenya, komam itimi; ebukokini epiuka kwap. Kapedepede apedon nuipu, kakerik kwape ekagogoŋon. Adonyoki eoŋ epuko amunyoka, ebwaik amumwarataka apua. Amunaunos akonyeneka kanuka aimony, ejai etoribe loka atwanare abukioka; karaida kemamei akaje kakaninika, ililiauna akailip. “Wu jo akwap, sirikirap akaokot, akaimony da kinyek aisiyeŋunio, Aso kwana da, koany, ejai ekajenanika toma akuj, ido ekabwaaranika ejai toma akuj. Kamwanito ikapapero; konye emonyete akakonye akiyo mama ejai Edeke, tetere iticasi ewai loka ituŋanaa mama ejai Edeke, ka loka okoku loka ituŋanan mama ejai iidunyeteke. Naarai ketuboros ikar luikidioko alosi eoŋ erot lomam abonunio. Adaun ekatau, akapaarasia da erikakinos; kedarit ailit, Abeit ejaas ikesekelok mamaka, ibusakinit akakoŋu aite aitunyunyurikinikee. “Koinakinai do aititiŋet, korau ijo elopet ekabwoiaranika. Iŋai bo yeniketiŋ akakan? Naarai imunonik ekecetau kinyeis ajenun: ŋes mam itopolooria kes, Ŋol loirupeenenei ipaperoke aituluor imeian, etwakete akonye nuka idweke. “Ketuluo eoŋ ikienis kotoma otuŋa, arau ibore yenikimuaritono kakere. Awariwarata akakonye kanuka aburunit, araut akatutubeta kere kwape etoribe, Eumokinete iruna luitenara ŋun, ŋin da yenemamei akirot ecerededei aluikin lumam eyoŋito Edeke. Konye ederenenei ikadoliton ekerot, Ŋin da yeneiaas akanin nuelaete iyatanakini agogoŋor. Konye kobonutu yesi kere, kopotu do: mam adumunit yenikacoa kotomakus. Atuboros akapaarasia, abila ainerunika, aomisio da nukotoma otauka. Ejulakis akuare araun apaaran, ebe, ‘Idunyas aica kamuton.’ Arai kamunokini Okatwak araut etogoka; arai apesikinit aperitika toma amuton; arai kalimok aipany ebe, ‘Ŋo papaka,’ ka ekurut da ebe, ‘Ŋo totoka,’ ido ‘kinaeika’; Ai bo ejai akamun? Iŋai ca eanyuni akamun? Edokari kereka mama ejaas atiketa nuka Okatwak? Kiupari nepepe kejesaros toma apua?” Kosodi koboŋok Bilidad Esukit kotema atiar, cc Itodoli ai alokit akiro? Koomoom ber, kokau kinera isio. Kanukinyo kinayaraa sio itiaŋ, Karaunos lumam elaete kakonyenekon? Ŋo loigwaragwara bon kanuka akoninyunyura, epedori akwap ainyeinio kanukon? Arai bo atiida alemario kaiboisike? “Ee bo, ituduniorio aica naka ikaronon, mam asara naka akimike eeauni. Eraun aica amuton kowemake, ituduniorio atalake naejai kujuke. Eridakina agogoŋ naka ailametake, elatanari ainerunike ŋes. Naarai akekeje kes ebirokinete ŋes oboi, ido elosenenei neejaas aloketa. Ikamuni atacit aketatinyo, ipoki eie ŋes. Imurumuraritai aipany kalup, ka ataeit korot. Itukuriani ŋes etasuro kowaitin kere; ido korukitor adudunit atatinyonoke. Itamamauni eteŋei akegogoŋ, iguanakini ŋesi kobunokin epola. Enyamenenei atutubeta nuka akuanake, eebo, enyamenenei ekiyai loka atwanare atutubetake. Erutununo kowemake loemuno ŋesi; ido eyaununo mama ejai ekabaka loka etasuro. Iboienenei kowemake yenimam erai yenike obe: ebukokinio acukuman toma aiboisike. Eonionokinete cut akeliasio kwap kokuju da itelio aketenuna. Eoliori aiituneteke kakwap, emameun ekekiror korot. Ireneario toma amuton anyoun kaica, ido emejao anyoun kotoma akwap. Mam ejaunos kikoku, karaida epapait kotuŋake, karaida yenideikini ŋes kaneeboienenoo. Eumonokinete luetupanakinete akepaaran, kwape kitukurianitere ŋul lukegeikinete. Abeit ikote nen itogoi luka lumam edolito, ido ŋin ŋes aibois naka ŋol kalomam ejeŋi Edeke.” Kosodi koboŋok Yob kotema atiar: “Itodolete ai aisiyaloŋoŋ aijaraka, ka abilibil eoŋ kakiro? Kimoromoroto eoŋ irwan nu atomon: mam kileicikinito alaŋirikinit eoŋ. Arai abeit apaarit eoŋ apaarika ejai keoŋ elopet. Arai abeit kitopolooros aluikin eoŋ, kosodete apega keoŋ kanuka amorositika, kojenutu na ebe nes Edeke loketagwauni, kabwau keboike. Koany, elalai ebe, ‘Akaje,’ konye mam kapupunio: amony aiŋarakinio, konye komamei etube. Anwok ŋesi ekarot komam apedori aitor, ido ebwaik amuton korotinika. Kalaca da akaibuses, ido alema aboko kakouka. Kabilibil eoŋ iwaitin kere, aeka eoŋ da: aruto akamun kwape kekitoi. Enepu da akenyunyura neajai, kemarak eoŋ araut lokasurupike. Epote irionetake nepepe, itutuete ekecerot mamaka, idukurete airigaun ewemaka. “Etwalan ikainaean kama ajai, ka ŋul da luajeni araunos bala lumam ajeni, Esokosi Iukatekerika, kapalut da ikapapero. Ŋul da Iukiboienenete kotogoka, ka akejaanakinakaka, kanyaritos do eoŋ elonwau: arau emoit kakonyenekec, Anyarauni ekakejaanakinan, mam kabonokini eoŋ, karaida kenaina kakaituk. Mam akaberu ejeŋi eiyenaneka, kasaeitos idwe luka toroka. Kamwanata idwe ludidik; arai anyouni, kalimonokinete nukaronok. Kalaitos ipadicaka kere: nul da Iuamina kaluikis. Akonororata akakojo, akuit kamuny naka ikelaka. Kitimoi, kitimoi, wu yes ipadieaka; naarai katiro akan naka Edeke. Kanukinyo kireitotor kwape ka Edeke, kanukiyo mam yes kiupitor akakuan? “Okwe arai kiwadikatete akakiro! Okwe arai kigirigirai oitabo! Arai kigirigirai atiida kakwara nakasuat ka asasit ikar kere! Konye ajeni ebe ejari Ekalakunanika, ido kawasia ebwoi kakwap: kedau amunyoka amudiario kwaŋin, konye kotoma akuanaka aanyuni Edeke. Eoŋ ŋes aanyuni ŋes elopet, akakonye da kes esesenete, kwabo mere nuka ece. Epirisiar aijaraka kotomaka. Arai ibalas yesi ebe, ‘Kireu ea ma ŋes! Naarai adumun aliasit naka akirot kotomaken”; Koyonata ekileŋ: naarai anyunyura eyaŋauni aitieanio kekilen, kosodete kojenutu ebe ejai etube.” Kosodi koboŋok Sopar Enaamatit kotema atiar, “Ŋes kabonokinioto akaomisio, kanuka aisunyit naejai kotomaka. Apupu aitoronio nakesurumit ileic, ido kabonok eoŋ emoyo loka ajenunika. Mam ibu kojen nu sek ageun naebwaikinere irunanan akwap, ebe, euriana apak naipikoriata ikaronok, ailel da naka lumam eyoŋito Edeke erai naka apak adio? Karaida kimukurur akepolou kiton akuj, akekou da adolokin odouon; Konye eoliori ikar kere kwape kakecin; ebalasi nul Iuaanyunito nes ebe, ‘Ejai bo ai?’ Elicari ŋesi kwape airujasit, komam etakani: eebo, ireneanario cut kwape aitapoet naka akuar. Akoŋu nakeanyunit ŋes mam eanyuni bobo; mam babo etakanuni aiboisike, Emoete ikedwe asianut naka lukican, inyakanakinete akekanin abarake. Ileleba akekojo akurunanake, konye eperenenei kaŋes kotoma apua. “Karaida keiiiim aronis kaitukuke, karaida kibwa kwap kanajepeke, karaida inadakini, komam ekoto aijal, konye itasalikini aitukuke; kwabo iumakinete inyamatake kakoikike, eraunos aisorit naka asigirikoloŋa kotomake. Abu kiliko abar, ido elekuni babo: ebukuni Edeke kotoma akoikike. Imuiumuii aisorit naka asigirikoloŋa; eari aŋajep naka emusaga ŋes. Mam ŋes eseseni icorin, icileta lueleleete kesik ka akinyet. Inyakakini nuka akeitaaritoi, komam ilikonori; mam iyalamikini kanuka ameda naka aimutunuke. Naarai abu koreite ka aijal lukican; abu konatu etogo kagogoŋ, lomam adukit. “Naarai mam abu kojenu aiyamakina kotomake, mam itukui imodiobore kanul kalukisiyalamikinete ŋes. Mam abu kitasal imodiobore, konyama pit; kanuka ŋun mam akerianutuke ebusi. Karaida kebarara iboroke konye erai yeneridakina; ebunokini ŋes agogoŋ kere naka lueburunito. Napedwara ageun aigigin, ebukonokini Edeke ŋes adedeŋ naka akenyunyura, isitepanakini kwape lunyamanake. Ekerenenei ŋesi yenijiis yenika asuat, ipelonori emal loka aisinit ŋes. Eutuni alemun kakuanake; eebo, elomuni amilisisike naemwekimweki kopiuke; ejaas nuketasuro kamake. Aponi kinadakinai amuton kere abarake; icweikini ŋes akim namam isinepito ituŋa; idopori ŋul luesalakinete owemake. Epukori akuj numam adoliteke, enyoikini da akwap ŋes. Enyouni ameda nakotogoke, elelearete ikeboro kapaaran naka anyunyurake. Ŋin ŋes akorakinet naka ituŋanan yenikaronori kama ejai Edeke, airumet da naeseikinit Edeke ŋes.” Kosodi koboŋok Yob kotema atiar: “Kiirasi koiokan akakiro; koraut ŋun nukitalakarete. Kisiikinai, kener eoŋ da; kadau einer, kiyatakis aisekel, Erurumaikinit kereka eoŋ ituŋa? Inyo bo kesimikit eoŋ amamus katitiŋikin? Kosesenai eoŋ, koumokis, kibwaikis akaninikus aitukekus. Naeitunio, eyaloŋoni, kekamuni etasuro akuanaka. Kanukinyo ebusioto ikaronok, emoionete, eebo, kogogoŋioto kapedor? Icasit aurikee kakonyenekee, ipapaikee da kakonyenekee. Inapakina ireriakee komam akurian, ebela da loka Edeke emamei kakes. Eurianakini emonokec lomasenik, komam ekurwokini; eurie akeceiten, komam ijeci. Ŋukarete ludidikikee kwape esipan, ikosiete da ikeeedwe. Eyeete kalueruos ka adeudeun, kolelakinito da eporoto loka alamaru. Edaunete apaarasiakec kokeriaka, etwakete katipet, Konye apotu kotemasi Edeke ebe, ‘Irwa; naarai mam sic kipuda ajenun ikonirotin. Lokapedor kere ŋes iŋai, tape kijaanakini ŋes? Tikiimedau inyo, arai kilipenenei ŋes?’ Koany, emamei akerianutukee kakaninikee: Elwana ainerun naka ikaronok kamaka. “Irwan imwaasi ai itudenio atala naka ikaronok? Ebunokinia kes epola? Ekorakinia da Edeke ican kotoma anyunyurake? Tetere esubito kesi bala ariaŋ naekutari ekwam, ka agugu nuekutari etapipirio? Ibalas yesi ebe, ‘Iŋadakinit Edeke ikedwe numam adoliteke.’ Ŋes elopet etacakini, tetere ejenuni. Koanyutu akekonye akemudiar, ido komat ŋesi anyunyura naka Lokapedor kere, Naarai ikonakini ai isiyalamikini eketogo akauleke, ketubi kokidin etiai loka ikelapio? Ejai kereka yenisisianakini Edeke aijen? Naarai etubi ŋesi akiro nuka nul kaluitopolooritai. Ejai yenetwani kojai agogoŋuke kere, Iyamakina eut kainapakina; Ileleba akile okisinake, iinatos asume nuka akojoke. Etwani ice ikilikila kotauke, mam iirenenei ajokis. Eperete kere kotoma apua, eraparete ikur, “Koany, ajeni aomisiokus, ka ibotei da lueroko, luikotosi abilakin eoŋ. Naarai ibalas ebe, ‘Ai bo ejai etogo loka lokapolon?’ Ebe da, ‘Ai bo ejai ewema lokiboioto lukaronok?’ Mam ipotu kinisitos luelosete korot? Ido mam iienete aanyunetakee? Ebe inyeinio ituŋanan yenikaronon kapaaran naka epola? Itolomunio da kina kapaaran naka anyunyura? Iŋai bo elimonokini ekerot kakonyenek’? Ido iŋai bo etacanakini nuabu kiswama? Konye edakario toma ailit, idarenenete ates, Ejijimanakinete ŋes aapoŋor nuka aditot, etupanakinete ŋes ituŋa kere, kwape inarenikinitotor lumam imarunos, Ikwaikinete yesi ai aitalakaaria eoŋ kaamameak, naarai toma abonokinikus asala aisab bon?” Kosodi koboŋok Elipas Etemanit kotema atiar, “Epedori etuŋanan ajaut kajokis mama ejai Edeke? Abeit lokacoa itoioka bon. Isiyalamikinit kereka Lokapedor kere jo araun loidolit? Arai ca edumuni ŋesi ameda jo aitodolit ikonirotin? Kitoronit ca ŋesi jo kanuka ayoŋit ŋes, Tape kitubokini? Mam epol akonironis? Kwabo mam esanete numam adolitekon. Naarai idema ijo onacekon aititineta titai, kosodi ailac Iuemuialalas ikecenapen. Komam itamasenenei ikapasiton akipi, ibu kimik yeniketeŋei inyamat, Konye abu lokagogoŋ koyoŋa akwap, loeminai da abu kiboikin toma, Ibu kipapel apuserun, kobilai da akanin nuka ikokiok. Ŋes kiinakini atacin kirimorete, kisiyalonoŋi akurian nakisirienuni. Arai amuton komam ipedori aanyun, kiraparete akipi nukepwak. Mam kereka Edeke ejai neimukurur toma akuj? ido koany aacer nukokuju kwape isididiatar! Ka jo da inera ebe, ‘Inyo bo ejeŋi Edeke? Epedori kereka ŋesi aitub akiro ejai toma amuton nairiono cueucuc? Eraparito ŋes idouon luitolimakinito, tetere mam eanyuni; elosenenei ŋesi kairim naka akuj.’ Ikoto aitup erot lomoion lokicakacakaete ituŋa lukaronok? Luaponi kourupooroi koroko apakiokec kedolo, aleleas akip ageunetakec. Luapotu kobalas Edeke ebe, ‘Irwa’; Ebe da, ‘Epedori Lokapedor kere aiswamakin sio inyo?’ Kwabo abu ŋesi kilelebik ikecetogoi iboro luejok: konye ainerun naka lukaronok elwana kaneajai eoŋ. Eanyunete luedolito ŋun, kiyalamikinos; ekienatatar luemamei akirot kes. Kobalas ebe, ‘Abeit emudiario ŋul lukinyoikinete sio, anyama akim ŋul luedeuna.’ “Koeamanaros ka Edeke, kinapakin: kwaŋin idumununia aiokis. Kenainait, kijau aituutoorio kaitukuke, kinadak da akiroke otaukon. Arai ibonori mama ejai Lokapedor kere, kiteteunio; arat kisukunya numam adolit kolwaka kowemaikon. Arai kibwaik abarakon toma apua, ka esabu loka Opir toma alica nuka aguuruto; Kosodi eraun Lokapedor kere abarakon, ka epuesa loka akais nuipu mamakon. Naarai kwaŋin isiyalamanakinia Lokapedor kere, Itonyouni da akonyenekon mama ejai Edeke. Kilipenenei ŋes, iiranari ŋesi jo; itacanakini akoniiyaposio. Arai ineruni akirot, itogogoŋio mamakon; ecaanakini aica ikonirotin. Nakibiroriata jo, itemanari ebe, ‘Ejai aitonyounio.’ Itajari ŋesi yenitasono. Eyuuni da nin yenimam aitoronio; eebo, kiyuununio kanuka alaunit naka akaninikon.” Kosodi koboŋok Yob kotema atiar: “Lolo da elitoro akairurum; elaŋir akekan aitelekarit eidinyika. Okwe arai kaieni neapedoria aanyun ŋes, arai kapedori adolore neiboio! Tikesuduny akakiro kakonyeneke, ketorip akiro kaitukuka. Tikajen akiro nukabonokini, kajenuni da nukabala eoŋ. Tikereka ketepeg kotoma apolou naka apedorike? Mam; ti ŋes da kapupoki eoŋ. Tikepedo etuŋanan loetenara kotau apurokin bon kaŋina kamake; kwaŋin ti kalakunere apaarasia kere kama ejai ekatubonika. “Koany, alosi kinaren, konye emamei ŋesi; kabono kau da, konye mam apedori aanyun ŋes. Amoi ŋes kediany da, konye mam apedori aanyun ŋes; kebelokini teten, konye mam apedori aite ŋes. Konye ejeŋi ŋesi erot loaderit; Kaadau ŋesi aigimor eoŋ, alomuni kwape esabu. Ieasete akakeje kokukutuke; abu kader ekerot, komam apaari. Mam abu kajal aicorakinet naka aitukuke; abu kenadak akiro nuka anaiepeke otauka. Konye erai ŋesi lokepone ediopet, iŋai bo epedori aibelokin ŋes? Nuipuda ŋesi, ŋun iswamai da. Naarai itodoli ŋesi ŋun nukaseikinitai sek: ejaas kaŋes nuipu nuikote nen. Ŋes eyalononoo naejaar ŋesi; naaomoomaa, akurianar ŋes. Naarai isiiliori Edeke ekatau, kesiyalonon eoŋ Lokapedor kere: naarai mam abu kabur kanuka amuton, karaida kanuka amuton naeiesi ŋaŋ naerapiari akakonyen. “Kanukinyo mam Lokapedor kere iŋadakinia apakio? Kanukinyo da mam ŋul luejenete ŋes eanyuniata akepaarasia? Ejaas luiloeete iikorun luka alupokee; enaŋete isipanin kadeden, kosodete aitadak. Emearete asigiria naka ikoki, eyaŋaarete emoŋ loka apuserut araun aititiŋet, Isinaeete luilwaritos erot; eŋopete lukican luka akwap nepepe, Koany, kwape atukoi kamodiŋ, elomarete aswamukec, edunyakinito amoot luenyamete; einakini ais kes inyamat luka idwekec. Etubete inya lukokitui; irarete da imono luka emusabibu loka lokaronon. Eperete akuare kia kimujalalas, komameete inapen, karaida lukimukos kanuka aaterot, Ebaunete kanuka elimilim loka ironan, etunete atiiba kemamiki neemecete, Ejaas luiwuruporete ikoki kokisin, ka alemar aititiŋet naka lukican. Kolosete imujalalas emameete inapen, koriebi kes eteŋei ibwokito isutan, Icuete akinyet kotoma arwatatin nuka ituŋa kaŋul, icakaeakaete aeuetakec nuka ebino, kojakite akur. Irianaros ituŋa ej aas ore loipu ituŋa, emonyete itauon luka luimusunitai, konye mam Edeke epodo ailipikec. “Ejaas ŋul toma otiai loka ŋul kaluepaliikis aica, mam ejenete ikerotin, komam etuparete ikesokono. Enyouni ekaaran ecila kide, eari lukican ka luilwaritos, kewar akwap esubi bala ekokolan. Idarit akoŋu naka lodote amuton, kobala ebe, ‘Emamei yenikaanyuni.’ Itegelikini akekonyen. Kotoma amuton ŋes ebokiata itogoi, egoloros paaran; mam ejenete aica. Naarai atupuruc esubit kamakec kere kwape etoribe loka atwanare, naarai enaikinito nuketasuro nuka etoribe loka atwanare. “Ibalasi yesi ebe, ‘Ŋelelearos katipet kokuju akipi, ikenitoi akorakinetekec kakwap: mam epaari orot loebei omanikoria luka emusabibu. Akamu ka amwanis itoonikinete akipi nuepote koronan, atwanare da nul lukadiakanarak. Imurwokini ŋes aliliget; enyamete ŋes ikur kojijimikis; mam iitunio bobo: ebilio do amamus adolit kwape kekitoi.’ “Enyami ŋesi arakan namam euriei: mam iswamakini apuserut ejok, Konye Edeke kapedorike itubusi ikadedeŋak, enyounete, namam emunototor ajaut kaijar. Einakini kes araut luinapakina, egonakinos nen; esesenete akonyeke da irotinikec. Itopoloorio kes; konye ketubor apak naedit, eoliorete; eebo, itidisiario, elemario korot kwape ice kere, esakario da kwape aluŋuren nuka akima. Arai mam ikote nen kwana, iŋai bo kelepilepi kwape enalaa, aitodikin da ebe nuenera eoŋ eraas aamameak?” Kosodi koboŋok Bilidad Esukit kotema atiar: “Airum ka etasuro ejaas ka Edeke; eyauni ŋesi ainapakin kaiboisioke nukokuju. Ipedori kereka aimar ajoresioke? Iŋai bo da yenimam ecaikini aicake? Epedori Irunanan biai araun ikadoliton kama ejai Edeke? Epedori da biai nin yeneuriei aberu araun yenikalaunan? Koany, emamei da elap ailiya, mam aacer da esegara kakonyeneke: aitelekarit konyet ituŋanan, yenerai ekurut! Okoku loka etuŋanan da, loerai eritanit!” Kosodi koboŋok Yob kotema atiar, “Iŋaraki ca ma ijo ŋol loemamei apedor! Ilaku ca ma ijo akan namam agogoŋ! Itetemik ca ma ijo ŋol loemamei acoa, kosodi alimor nuipu noi nuka ajenun ejok! Ilimoki nit iŋai akonikiro? Ido lokanai etau loalomu kamakon? Emaranete lukatwak kwap kakipi ka luibojete kotomakec. Imujalal Okatwak kakonyen nuka Edeke, emamei Amudiario eimukos. Epesenenei ŋesi ari naka agolitomei toma apak atai, ka aikaiakin akwap komamei ibore, Eeni akipi kodouonoke luitolimakinito, komam ecila edou kokwapukec. Erapari ereet loka eicoloŋoke, kopesiki ekedou. Abu kigirak eikor koinaren kakipi, aitodol neenanit aica ka amuton, Emaranete ipirin luka akuj, kosodete aumokin kanuka aitoronoke. Itukulai aŋolol kanuka akepedor, icumucumei Rakab kanuka aienunike. Itesegaari akuj kanuka ekemoyo; abu akekan kicum emun loipilitoi. Koany, nu kes aririeik nuka irotinike: edit ca aiyeiyeake nakipupi! Konye airetun naka akepedor, iŋai bo epedori ajenun?” Kosodi kiyatak Yob akewarag, kotema atiar: “Kwape ejaria Edeke, loabu kadema eoŋ akapolou, ka Lokapedor kere, loabu kipiiki adwaris toma otauka; (naarai akaijar eroko itekoro kamakaŋ, ka eiyeŋane da loka Edeke ejai toma okumesika;) Abeit mam akaituk inera numam edolito, karaida akaŋajep alimonor nukainal. Madi akui eoŋ aitoiok yes, mam alemari akabeit kamakaŋ aitodol neatwania. Etogogoŋi akadolit, komam aosikini, mam ekatau ketoroni akapaarasia kere. “Koraun lokasurupika kwape ekaronon, ka ŋol da lokanyoikini koraun kwape lomam edolit. Naarai amuno naka ŋol kalomam ejeŋi Edeke ŋes inye, arai kemudia Edeke ŋes, ido bo kelema Edeke akeijar? Epupununei kereka Edeke akeimony, arai kedolonokis ŋes ican? Epedori kereka ŋesi aisiyalamikin mama ejai Lokapedor kere, kosodi amonyenen mama ejai Edeke apaarasia kere? Kesisianakini yes nuka akan naka Edeke, mam emunonikini nuejaas ka Lokapedor kere, Koany, ipotu yesi kere koanyutu kanukus, asa inyo bo kituluori cut iamameak? “Lo ŋes ewai loka lokaronon kama ejai Edeke, airumet naka ikamenitok, naeinakinio kes kama ejai Lokapedor kere. Arai kiyatanakinos ikedwe, iyatanakinos okileŋ: mam akelwak imonianakinos inyamat. Luesalakinete kaŋes idaenenoo atular, mam akepuserun ekuudianete ŋes. Karaida ketukokinit epuesa kwape apua, kitemonokinite inapen kwape elupe; epedori aitemokin, konye loedolit ŋes enapi, ido loemamei akirot ŋes ekori epuesa. Eduki eketogo kwape asimokok, kwape eswam loiswamai ekedaran. Eperi korai ekabaran, konye mam etukokinio; ekwenyuni, ido komamei. Edolokinete ŋes nuketasuro kwape kakipi; esiia ŋes etapipirio kuare. Eyaŋaari ekwam lokokide, koeka; eurupoori nes kaiboisike. Naarai ibiri Edeke nes komam itimi, tikeker anyoun kakanike. Ibapakinete ituŋa ŋes akanin, isuario konyou kaiboisike. “Abeit ejai aipany naebokere epuesa, ka aibois da naka esabu loijililiete kesi. Elemunio asua kotoma alup, ido ecalunio aisinit kotoma amor. Itasanete ituŋa amuton, ido aitodol oikor lokawasia emoete amor, toma amuton naeiesi cucucuc, naka etoribe loka atwanare. Ebokete apanya kolwaka koreria luka ituŋa; imurwokinete ituŋa luitorete kokuiukec, ijululunio kolwaka kituna, iiekosi ewai kewai. Elomunete inyamat kalup, konye kotoma kwap ibelokinio alup kwape kakim. Amorukec nes aibois naka asapiro, ejai da apua naka esa bu. “Emamei akweny nakamejan naejeni erot ŋol, kwabo akonye da nuka etoori mam eanyunete, Itiaŋ luiturosi mam apotu kicakata, karaida eŋatuny lokadedenan mam itorit nen. Eriori akanike atiida naegogoŋ, ebuburiari ironan alemun kageunetekec, Itcitoikini alelesia atibiba; esesenete akonyeke ŋinibore yeniketiai loepol. Itikokini icileta kinyeis alel, ka ibore da yenibwaitai itolomuni toma aica. “Konye do ai bo etakanunia acoa? Ai ea da ejai aibois naka ajenun? Mam ituŋa ejenete etiaike, mam da etakani kakwap naka ikajarak. Ebala ataro ebe, ‘Emamei kamakaŋ.’ Ebala aŋolol da ebe, ‘Emamei kamakaŋ.’ Mam edumunio kanuka esabu, karaida epuesa mam itemio itia eketiai. Mam epedorio aitirian kesabu loka Opir, karaida amor nuemelemeloto nuka akais nuipu, karaida asapiro. Mam epedorete esabu ka agilas ariakakin kaŋes, mam epedorete iboro luka esabu loelai aisieeun ŋes. Mam inerai nuka akoral ka akurusitalo: eebo, etiai loka acoa itelekarit ilulun. Mam atopasit naka Etiopa eriakakinos, mam itirianio da kesabu loelai. “Aso ebuni kai acoa? Ai bo da ejai aibois naka ajenun? Naarai ibwaitai kakonyen nuka ikajarak kere, imunonikinitai akweny nuka apak. Ebalas Amudiar ka Atwanare da ebe, ‘Kipou kapuputu iemutoke kakiikosi.’ “Ejeŋi Edeke erotoke, ejeŋi ŋesi aiboisike da. Naarai eseseni aitodol osaŋeta luka akwap, itei da kwap kakuj kere. Iswamaikini ekwam aininet, eebo, itemi akipi kaitemis. Nakibwaikinia akiru ekisil, ka erot loka aimiliaunun nuka eires; Kosodi konyet aanyun, ka alimor da, Abu kitieat, eebo, ka aiŋic cut. Kotema ŋesi ituŋa ebe, ‘Koany, ayoŋit EJAKAIT, nin ŋes acoa, anyoun karonis da ŋes ajenun.’’’ Kiyatak Yob akewarag, kotema atiar, “Okwe arai kajai kwape kajaar toma olapio luatuboros, kwape kajaar toma apaarasia nukedarenenea Edeke; Nakecaanakinia aketala akouka, aicake ŋes ketotorenenei amuton; kwape kajaar kapaarasia nuka akurunanaka, naajaananar aiyeiyea naka Edeke roma owemaka; Naarokor Lokapedor kere kija kooŋ, Korina ikadwe da kerimorito. Nakilosenenere akailameta kakile, atiiba da nakabukonokinia eoŋ icorin luka akinyet! Nakalomununia kalosenenei orute loka ere, naketemonokinio ekaicolon asisiarin, Kaanyunete itelepai konopete, konyoununete imakio aibwo; kinyaanakinete ikapolok einer, kipikanakinete akecekanin aitukekec; kisililinai iporotoi luka isotia, kiminaikinos anaiepakec aŋiiritokec. Naarai nakapupununio akit kasodi aimal eoŋ, akoŋu da nakaanyununia koraunun akajenanika: naarai ayuununei yenikican yenemonyi, ikoki da, yenimam yeniŋarakini. Kadoik arereŋ naka ŋin kayenaapiarit aolior, ketoyo akalakara etau loka apuserut. Abu kanap adolit, karapaa; kosubite ekatube bala anapito ka ibore yenitorokino akou. Karaunun akonye mama ejai yenimuduk, ido karaunun akejen mama ejai yenicodo. Karaunun papakec kaluilwaritos, kaŋicenenei akiro nuka ŋol kalomam ajeni. Abilenenei abokony naka lomam edolit, keriuni imejauna alemun kokelake. Kasodi atemar ebe, ‘Atwanikini akaika, ido eyatanakini akapaarasia kwape kasine, Alianas akalias akipi, ejaenenas akopyo toma atenunaka aitiwalar akwap. Itet akaibuses kaneajai, itet da akakabwa kakanika.’ Kapuponokinete ituŋa kedareunete, kililiŋanakinete ainerunika. Akaulo kakiroka mam bobo kes apotu kinerata, edoikini kes ekainer. Kedarenenete kwape idarere akiru, Eoonanarete akeceituke kwape eoonanariata kanuka akiru naka aiporo. Abu kamuionor naaiurununitotor kesi; mam apotu kituluroto alakara naka akonyeneka. Abu kaseanakini ekecerot, keboonokini eoŋ kwape lokapolon, keboienenei kwape ekabaka kajore, kwape loitalakari luibworosi. “Konye kwana kakienatatar eoŋ luetelekarit kapolou, abu kamen lukapapakec komam ejaikini aupakin kainokwo lukosipanika. Eebo, agogoŋ naka akecekanin tikaadumakis inyo? Ituŋa luadaun akurunanakec. Agonororata kanuka aibabanitoi ka ebeli, iboiboete aapoŋor nueokito, kaneemutono ka neesil. Edeete atilo kotoma amonieik, aliasia nuka erotem kes inyamatakec. Ireŋeario kokidiŋ otuŋa, ilulukinete kes kwape ilulukinere ekokolan. Ibusakinit kes aiboi toma akabaan nukotoma aditon, toma apanya nuka akwap ka iburin luka imor. Emonyete kotoma amonieik, etukonokinos kwap kikukwa. Eraas idwe luka ibaŋiok, eebo, idwe luka ituŋa luemameete ikiroria; Eleio kirenearete kakwap. “Kwana da araun eoŋ ekosiokec, eebo, araun emocis kamakec. Kalaata, abwata kaneajai, mam inyeinete aimuanakin aimul akonyeneka. Naarai alaea Edeke akeuno, karoiki, ido aeakasi kesi aenet kakonyeneka. Enyounete lukelepa kakanika nakoteten, eremorete akakejen, ido itutuete irotinikee luka amudiar neajai. Emunaunete ekarot, esiotikinete ekapola, ituŋa luemameete ekenarakinan. Kwape ebelununotor kotoma arorwa naelal, kokidiŋ kaaponor ikokorununos neaiai.’ Ibelokinos nuketasuro mamaka, irusito aibusesuka kwape kekwam, elicari akakerianut da kwape kedou. “Kwana da ebukokinitai ekatau kotomakan, kekamutu da apaarasia nuka aitieanitoi. Kanorocete akakojo da kuare kotomaka, ariebo da nakeboiboi eoŋ mam iyeŋuni. Amunaunos ikanapen kanuka agogoŋ naepol naka adekaka, keenieni cut kwape karoot naka ekootika. Kacakaki toma orit, araun kwape kapua ka ekurwon. Amonyi neijai, mam kiboŋokinit, abwoi, kiseseni. Ibelokin araun lokadedenan kama ajai, kanuka agogoŋ naka akonikanin kireu. Kitonyou kaneejai ekwam, kisibwanen, kisiiliil kokwamin. Naarai ajeni kitodoli toma atwanare, togo loiŋadakinitai lukajarak kere. “Abeit mam kereka Ituŋanan eriori akekan kotoma aapoŋor, karaida ejaun toma opolake mam emonyi aiŋarakinio? Mam kereka abu kamony akiyo mama ejai ŋin yenajai ocan? Mam kereka ekatau akadakin yenilwaritoi? Nakaomitor nuejok, kopote ca nueroko: nakedaritor aica, kodolun ca amuton. Ekulaete aomisioka, komam iyenunete, kadolokis apaarasia nuka aiticanitoi. Alosi ebworo komamei akoloŋ, abwoi kotoma aurianet, eluluei keŋarakis. Arai eoŋ onace loka ikuei, epadie da loka ikuului. Erioniar amunyoka, eregar, akakoio da amwakuut noi. Ŋes keraunor akadeudeu nakakuudian, akalamaru da koraun eporoto loka ŋul kaluemoayete akiyo. “Abu ketutuk aitutuket kakonyeka; Aso ti kapedo biai asesen apese? Naarai akorakinet anyoin naka Edeke naebuni kokuju, airumet nanyoin da naka Lokapedor kere naebuni kokuju? Mam kereka erai epola mama ejai yenimam edolit, ka abili da mama ejaas luiswamaete numam adolit? Mam kereka nes eseseni ikarotin, imari da akailameta kere? “Arai kiupanara kaamameak, arai da ewonyarito akakeje aiŋal, (Mere ketemi kaitemis naerian, tetere ejenuni Edeke abeiteka!) arai epaarit akakeju korot, ka ekatau da arai abu kotupa akakonye, ido arai iminaikina aitakinet kere akaninika; aso mere kaye, konyam ice, eebo, korutoi inyamat lukomanikorika. “Arai ecodara ekatau mama ejai aberu, arai da aperunit eoŋ kokek loka eidunyeteka: asa kirieik akaberu ice, ido kirukumete ŋes. Naarai tierai nin naketal, eebo, tierai aronis naibusakinit ikatubok aitican; naarai erai akim naidopori kiton Amudiario, ido naekoto arutor eiyasika kere. “Arai abu kamen akirot naka ekakejaanakinan arai naka akakejaanakinan, naketepeseniata, asa ekwaikini ai arai kenyou Edeke? Nakabunokinia, aboŋokini biai? Lokasubi eoŋ kotoma akoik mere ŋes kesubi nes da? Mere ediopet Iokiluŋuhnjuuni oni kakoik? “Arai abu kemik lukican yenimielas, arai abu kesiriono akonye nuka apuserut; arai abu kanyam bon akatap, komam ekoki enyamit; (Konye mere, ageun keiditeuka kipoloi keoŋ kwape kaneejai papa, abu karai ekenarenikinonike ageun kakoik naka totoka.) Arai abu kaany yenetwani kanuka amamus inapen, arai yenilwaritoi komamei yenikimukis; arai aŋabeteke mam kemalat, ido arai mam emwanunit kajulo nuka amerekekika; arai abu kario akakan mama ejai ikoki, naarai abu kaany aiganio korute: kosodi kigwegweun ekeperika kolagagamit, kobila da akoit naka akanika. Naarai abu kakuriana epola loebuni kama ejai Edeke, ido kanuka akepolou mam nuabu kapedo aswam, “Arai abu kamunokin esabu, arai da abu katema esabu loejok ebe, ‘Ŋo amunonutuka.’ Arai abu kesiyalamik akabar naapol noi, naarai akeriana akakan; arai abu kasesen akoloŋ naeeai, arai elap loelosi iliyai; kosodi ekatau aiiodoorio kaiyeiyea, akaituk da konu akanika: Ŋin da tierai aronis naibusakinit ikatubok aitiean, naarai tikenala Edeke loejai toma akuj. “Arai abu kesiyalamik amudiar naka ŋol kalokalai, arai abu kekeu nakedoloki ŋes aronis; (Eebo, mam abu kaeam akaituk adiakar, toma ailip akeijar elama.) Ituŋa lukowemaka arai mam apotu kotemasi atiar, “Iŋai epedori adumun ituŋanan yenimam imonikin ikenyamat? Mam ipejonon aperenenei orot; konye abu kanaanakini ikaloton ikakekia; Arai abu karap aidiakaka kwape Adam, kanuka aibwa numam adoliteka kotoma atorobuka; naarai abu kayon atukot naepol, kakurianar amwanio naka ikekia, tape elilini komam alomari kiŋa— Wu okwe arai kejai yenikapupi! (Koany, na nes aanyuneteka, kabonok eoŋ Lokapedor kere!) Arai kiija keoŋ ŋin naewadikat lokasurupika aiwosa eoŋ! Abeit tikarion kokeperika, tikaenik kwape kaboke. Tikabilaki ŋes aimwaus naka akailameta, tikekunyaki neejai ŋesi kwape lokapolon. “Arai apotu alupoka kiworoto aitepesen eoŋ, ibwololoete da aloboikee nepepe; arai abu kanyam akeeeraito komam aitae, arai bo abu kedosilana ikulepek, kobwanut ikukwa aibois naka akima, ka igitun aibois naka esairi.” Asana ne akiro nuka Yob. Kosodete ituŋa nul iuni kinyeis aboŋokin Yob, naarai kerai loedolit kakonyeneke elopet. Kosodi anyunyura naka Eliku okoku loka Barakel Ebusit, loka ateker naka Ram ainepun: kinepu akenyunyura mama ejai Yob, naarai kitojokikina elopet kwabo mere Edeke. Ido kinepu akenyunyura neejaas ikepapero luuni, naarai mam apotu kodumut nabonokino, konye kotubokis aitelekar Yob. Abu ca Eliku kidarite einet ka Yob, naarai kepolok luee aitelekarit ŋes. Kosodi Eliku keanyu emamei aboŋokinet kaituke nuka ituŋa nul luuni, kinepu akenyunyura, Kosodi Eliku okoku loka Barakel Ebusit koboŋok ebe, “Arai eoŋ lodidi, yes da imojonito noi; ŋes kainakini aitikokina, komam atamakin aitodikin yes nuaomit. Atema atiar, ‘Mere kinerata apaarasia, mere aipues naka ikar kisisianakis acoa.’ Konye ejai emoyo otuŋa, eiyeŋane da loka Lokapedor kere einakini ajenun, Ikapolok mere kes lukacoa, karaida imakio mere kes luejenete etube. Ŋes enerar atiar, ‘Kopupunoi; ido etodun eoŋ da nuaomit.’ “Koany, abu kedarit akirokus, kapupokinite einerikus, naimoiata yesi nuinerasi. Eeba, ketoikinit akit neijaas, ido koany, emamei loitelekarit Yob, karaida loebonokini akekiro, kotomakus. Kocoitos kinyeis einer ebe, ‘Kidumu acoa; epedori Edeke aipikor ŋes, konye mere etuŋanan.’ Naarai mam abu kitemoki ekeiner mama ajai eoŋ, kwabo mam aboŋokini ŋes koinerikus. “Eumokinitos, mam bobo eboŋokinete: emamei akirot nainerasi. Ido edari kereka eoŋ da, naarai mam inerasi, naarai ebwoete atai, komam ebonokinere? Aboŋokini eoŋ da nuka, etodiari eoŋ da nuaomit. Naarai ileleba eoŋ akiro, naarai ketinaikinit emoyo loejai tomakaŋ, Koany, eputosi akoikika ebino loemamei neelomunia, kwape iriagin lukitetiak luka imukulen, eapie acila. Kebusakinit einer tetere ebworari, aooŋi akaituk aboŋokini. Kenainait, kenyek atiakatiak ituŋa; karaida aiiodiiod idiotuŋanan kere. Naarai mam ajeni aijodijod; tikalema Lokasubanika eoŋ katipet. “Konye jo Yob, keŋainait kopup ekainer, kiira da akakiro kere. Koany, aooŋ akaituk, ener aŋajepeka kaitukuka. Elimorete akiroka aitenara naka etauka; ineri akaituk nuejeni kabeit. Naarai emoyo loka Edeke ŋes kasubi, eiyeŋane da loka Lokapedor kere ŋes kainakini aijar. Arai ipedori, kobonokinoi, kinap akonikiro kakonyeneka, kobwo kokidiŋ. Koany, ajai eoŋ neejai Edeke kwape ijaar ijo da, eoŋ da abu kelunulunuun kalup. Koany, mam etasuroka kitukuriani jo, kwabo mam akaridanakin kilanironokini, “Abeit iner ijo kapupi eoŋ, eira da eporoto loka akonikiro ebe, ‘Arai loasegara, komamei aibucar; arai lomam aronis, ido emameete numam edolit kotomakan. Koany, emoi ŋesi nukabenyanut kamakaŋ: kanyarit lokasurupike; eeni akakejen oloit, erosi ŋesi ikarotin kere.’ “Koany, kabonokini jo, mam jo idolit kakirot kaŋin, naarai itelekarit Edeke ituŋanan kapolou. Kanukinyo itepegia ŋes? Naarai mam ŋes imari etiai loka akiroke kere. Naarai inera Edeke irwan atipet, Eebo, irwan aarei, karaida mam ituŋa ibwaikinitos itauon. Toma airujasit, kaitapoet naka akuare, arai kikamutu aio nuipu ituŋa, kojotoete kaperisio, Ŋes konyet eŋaaria aki nuka ituŋa, kosodi aibwaikin aanyunet toma aisisianakiniokec, tetere elemuni ituŋanan kotoma ainerunike, kosodi aibwa aiwoŋonut kotunanan; itikokini etauke kinyek adoere aipany, ka akeijar da kinyek atwanare kekilen, “Eleeonorio da kariebo kaperisike, kauta namam enaŋi kakojoke: tetere akeijar esaci atap, ka eketau da inyamat lueminakinitos. Edauni akekirin komam bobo etakanuni; ideleleunete akekojo numam lem etakanete, Eebo, ikunyakini etauke aipany, ka aijarake da neeiaas luemudiarete. Arai ejai emalaika kaŋes, ekejulan, ediopet kotoma olukumit, aitodikin ituŋa nuibusakinito; esiana mama ejai, etemari atiar, ‘Koyu ŋes kalomar toma aipany, adum nalakunet; iteteuni akuanake aitelekarit naka ikoku; eboŋokini toma apaarasia nuka atumunike.’ Ilipi Edeke, ido einakini asianut, tetere eseseni akekonyen kaiyalama, ido inyakakini ituŋanan adoliteke. Eyei kakonyen nuka ituŋa kobala ebe, ‘Adiaka eoŋ, kebelok nuedolito, komam nukenarakinete. Alaku ekatau kinye alomar toma aipany, akaijar da esesenenei aica.’ Koany, iswamai Edeke akiro ŋun kere, irwan aarei, eebo, irwan auni, neejai ituŋanan, ainyakun eketau kotoma aipany, tetere ecaikini aka naka lukajarak. Kojenu ijo Yob, kopupunoi: kililin, kener eoŋ. Arai ejaas nuinera, kobonokinoi, kiner, naarai akoto aitojok joo Arai mam, kopupunoi, kililin, eoŋ da kesisianakini jo acoa.” Kosodi bobo koboŋok Eliku ebe, “Kopuputu akakiro, yes ituŋa lukacoa; kitoikis aki neajai, yes luejai aijen. Naarai itemi akit akiro, kwape iiriata aanyigol inyamat. Kaseutu oni nuedolito, kajenutu oni bonik nuejok. Naarai ener Yob atiar, ‘Arai eoŋ loadolit, ido kadema Edeke akabeit; karaida karai lokabeit kanyaritai ekeŋalan, mam akamusunut itanaleun, karaida amamei eoŋ adiakar.’ Iŋai bo etuŋanan loeputosi ka Yob, loemasi amwanit kwape kakipi? loeupenenas kalukeswamak numam adolit, loelosenenei kituna lukaronok. Naarai ener atiar, ‘Mam ajokis irunanan aisiyalamikin Edeke.’ “Aso kopupunoi, yes ituŋa luejai aijen: madi Edeke, aswam nueroko; madi Lokapedor kere, aswam numam edolito. Naarai etacanakini ituŋanan akeswam, itudumikini ŋinituŋanan kwape ejaatar ikerotin. Eebo, abeit, mam Edeke iswamai aronis, karaida Lokapedor kere aibelokin etube. Iŋai cabo adakakinit ŋes ayait akwap? Iŋai bo da kititiŋit ŋes akwapisinei kere? Tikinyakaa eketau, tiketukonoki ekemoyo ka eiyenanake, tikeolios kere luejaas awat, eboŋorete bobo ituŋa toma alup. “Aso arai ijai kaijen, kopup nu: kiira eporoto loka akakiro. Eyait kereka yenelait adolit? Ikoto atubokin aitelekar loedolit ka loegogoŋ? Ibus kereka alimokin ekabaka ebe, ‘Isiliana ijo’? Arai bo isotia ebe, ‘Iroko yesi’? Ido bo lomam etiakatiakai ikapolok, karaida asesen lukabarak aitelekarit lukican, Naarai eraas kere aswam naka akekanin? Etularos kidinebai; ijaŋijaŋio ituŋa kotuboros, elemario lukagogoŋ komamei akan. “Naarai esesenete akekonye irotin luka ituŋanan, ido eanyuni alositoke kere. Emamei amuton, karaida etoribe loka atwanare, neepedoriata lukeswamak numam adolit aiŋop. Naarai mam ipuda ŋesi aiyatakin aomoom nuka ituŋanan, tetere edoli akonyen nuka Edeke atubokinio. Ebilibili lukagogoŋ komam aiŋit, ido edakakini ice aiboisiokec. Kanuka ŋun naarai ejeŋi akeceswamisio, ebuburiari kes kuare, tetere emudiaros. Inomi kes kwape lukaronok, kosesenete ice. Naarai kopaasi kinyeis atupar nes, koneroto apodokin edio korotinike. Kanuka ŋun koinakis aimony naka lukican adolokin ŋes, kopup ŋesi aimony naka lureitono. Arai einakini ŋesi ainapakin, iŋai bo epedori atubokin ŋes aitelekar? Ido arai kibwa akekonyen, iŋai bo epedori aanyun ŋes? Arai ateker, arai ituŋanan, kere eputos: kinye etuŋanan lomam ejeŋi Edeke ayait, kinyeis da ajaut luelokete ituŋa, “Naarai ejai kereka yeŋalimokinit Edeke atiar, ‘Kalecor, mam bobo adiaki; kisisianakinai numam aanyunit, arai eswamat numamadolit, mam bobo eswamai’? Kitepeseni kereka ŋesi jo kwape ikotor, naarai iŋerit ŋun? Naarai ibusakinit ijo aseun, konye mere eoŋ; Aso kiner nuijeni. Ituŋa luejai aijen kalimokinete, Eebo, ŋinituŋanan yenikacoa yenikapupi eoŋ ebala ebe, ‘Inera Yob komamei aijen, akekiro da emameete acoa.’ Arai tope kigimoritete Yob aitodol awasia, naarai eboŋokini kwape ituŋa lukaronok. Naarai iyatanakini aijerukanut toma aronisike, ibapibapi akekanin kokidinikosi, ido iyatanakini akekiro aitepegia Edeke.” Koboŋok bobo Eliku, kobala ebe, “Iwomit ijo ebe edolit akirot ŋin? Arai bo ibala ebe, ‘Adoliteka itelekarit naka Edeke,’ tape ibala ebe, ‘Ajokis anyoin mamakon?’ Bobo ebe, ‘Adumuni ajokis anyoin adepar natikadum arai kadiakarite?’ ‘Kaboŋokini eoŋ jo, ka lukaupakon da. Koŋolia akuj, kite; ido koany akuj, nakitelekarit jo kamukurur. Arai idiakarit, iswamakin anyoika? Aibueanarikon arai iyatanakin, iswamakin anyoika? Arai idolit, iinakini inyo? Arai ijaari ŋesi inyo kakanikon? Epedori akonironis aisirieb ituŋanan kwape kajo? Adolitekon da epedori aiŋarakin okoku loka etuŋanan. Emonyete kanuka amwanio naepol noi, iluluete tetere edumunete aiŋarakinio kanuka akan naka ikagogoŋok. Konye emamei yeninera ebe, ‘Ai bo ejai Edeke Lokasubanika, loeinakini ikososinei kuare, lokisisianakini aitelekar itian luka akwap, ido lokiinakini acoa aitelekar akweny nuka apak?’ Emonyete kaŋina, konye emamei yenebonokini, kanuka aiwoŋonut naka ituŋa lukaronok. Abeit mam Edeke epupuni aamameak, karaida Lokapedor kere asesen kes. Aso epupuni biai arai kitema ebe mam ianyunit ŋes? Ejai akirot kakonyeneke, ka jo da idareununei! Konye kwape kwana, naarai mam kitieani kakenyunyura, ido mam ibwaikinit noi etau neejai apaar, Ŋes keinakini Yob aoonar akeituk einer aamameak; iyatanakini akiro komamei aijen.” Kosodi Eliku aiyatakin einer ebe: “Kobwou ber, keteienu; naarai eriŋa ejaas nuakoto einer kanuka Edeke. Aomi aijeneka kama elwana, ainakini Ekasubanika adolit, Naarai abeit akiroka mam eraas nuka aiŋal: etuŋanan loedolit kotoma aijen ejai kajo. “Koany, Edeke nes Lokapedor, ido mam emenit ituŋanan kere; erai lokapedor kagogoŋ naka ajenun. Mam idari aijar naka lukaronok, konye einakini luiticanio nukec. Mam elemari akekonyen kaneejaas ikadolitok, konye ibwaikini kes nepepe ka ikabakan koicoloŋo luka ajakanut ikar kere, kitopolooritete. Ido arai keeni kirikoi, kikamun da kaunoi nuka aiticanio, ŋes konyet itodikinia aswamisiokec ka aibucarikec, ebe iswamatos nukeitur. Ido epukori akiikec apupun aisisianakinio, icorakini kobonutu anyoun kotoma numam adolit. Arai kepuput kijaanakis ŋes, edaunete apaarasiakee kotoma akerianut, ikarukec da kotoma kanuisiyalamikinito. Konye arai mam epupete, emudianario kekilen, etwakete komamei aijen. “Konye ŋul lumam ejenete Edeke kotauon ibwaete anyunyura, mam iluluete tetere inarakinio arai keeni kes. Etwakete korina edisiak, emudianari akeceijar kaneejaas lumam elaete. Eyuuni yenitieanio kanuka aiticanioke, epukori akiikec arai emwanitai, Eebo, tikiiiodou kotoma ocan, kitolomik aibois naelal, komamei aridanakinio, ka ŋin yenibwaikinio omesakon tiileleba atarion, “Konye ileleba ijo etube loka ikaronok, kikamunete etube ka abeit. Kocoite kinyek anyunyura aijodoor jo toma asekel, kinyek etiai loepol loka alakunio aitapaar joo Kidauni kereka jo akonibara, kinyek aanyun iean? arai bo apedor kere naka akonigogoŋ? Sirinobelei akuare, neemudianarotor atekerin kaiboisikec. Koeoite kinyek aite numam adolit, naarai iseu nun aitelekarit aitieanio. Koany, itopolooritai Edeke kotoma apedorike, iŋai bo ekesisianakinan loeputos kaŋes? Iŋai bo kolo kicorakini ŋes ekerot? Arai bo iŋai epedori einer ebe, ‘Iswama numam adolit’? “Kiitu aitopoloorit aswamisioke, nukeyoononoto ituŋa, Iteenenete ituŋa kere, iteluonorete ituŋa kama elwana. Koany, epol Edeke, ido mam oni kijeni ŋes; mam emoun etiai loka ikaruke. Naarai iriari kuju aitanakineta nuka akipi, nuetepete akiru naebuni kolisinake: naebukuni akuj, kiceki naepol otuŋa. Eebo, ejai kereka yenepedori ajenun idouon naepesikinotor, airetun da nakowemake? Koany, epesikini akeica airimor ŋes, ido erapakini ataro naka aŋolol. Naarai kanuka nun etubi akiro nuka atekerin; ekori inyamat luipu noi. Erapakini akekanin toma oimilia, icorakini ainom yenitikinom. Itatamete iporotoikee akekiro, ido elimonokinete ibaren ikwamin lueponito. “Ido itamarani ŋin ekatau, Edouni etau kaiboisike. Kopuputu airuruma naka ekeporoto, ka agiro naelomuni kaitukuke. Ŋukuni kwap kakuj kere, eimiliake da osaŋeta luka akwapin. Kokauke egirokini eporoto; iretuni keporoto loka apolouke: ido mam itikokini eimiliake naepupunere ekeporoto. Iretuni Edeke kekeporoto kaumokin, iswamai nuepolok, numam kipedori amisiikin. Naarai ebala ŋesi akaka ebe, ‘Kodoo akwap’; bobo da elimilim loka akiru kes ilimilimia luka akiruke naepol. Ipiikini aanyunet akan naka ŋinituŋanan, tetere ejenete ituŋa kere luasubi gesi. Kosodete itiaŋ koloto toma anopisiakec, iboikinos toma abuaikec. Toma agola naka eŋalakimak ŋes neebunio ekwam: aaterot da ebuni kagolitomei. Eiyeŋane loka Edeke ŋes eyauni akipi nueruruwakito, eridakina apesiara naka akipi. Eebo, ilelebi edou loitolimakinit akipi, epesiari edou loka eimiliake. Ido ijulujulio kanuka akirotoke, tetere iswamaete kere nuicorakini, kakwapin kere neiboioto ituŋa. Arai kanuka aikwenyar, arai kanuka akwapuke, arai kanuka aitim, ŋes eyaunia. “Kiira na, wu Yob; kopala, koomoom aswamisio nukaumokin nuka Edeke. Ŋeni kereka ijo epone loicorakinia Edeke kes? ka aitacaikini aica naka edouke? Ŋeni kereka ijo aitirian naka idouon? Aswamisio nukaumokin nuka ŋol kaloedolit kaijen? Ikonakinete ca ai ikoninapen emwakuunete, naililinia akwap kanuka ekwam loka eŋalakimak? Ipedori tope ijo apesikin akuj nepepe kaŋes, naegogoŋ kwape aroet naecaluna? Kisisianakinai sio nukinera kaŋes, naarai mam kipedori aisuduny akirokosi kanuka amuton. Elimokinio kereka nes arai akoto einer? Arai tiekoto etuŋanan ailikorio? “Mam ituŋa epedorete asesen aica naemwekimweki kokuiu kiton kwana: ketubor ekwam ipiororoi akuj. Enyouni amwekimwek naesubit bala esabu kagolitomei, enapit Edeke apolou naenosib, Lokapedor kere, mam kipedori aŋicun ŋes; Lokapolon ŋes kotoma apedor: elope etube ka adolit naepol mam ŋes ereuni. Kanuka ŋun eyoŋito ituŋa ŋes; mam ŋes eseseni ŋul lueomitos bonik araut lukacoa.” Kosodi koboŋok EJAKAIT Yob kotapipirio, kotema atiar: “Iŋai ŋin yenitumutoni ainerun kakiro nuemamei aijen? Aso do koen aŋabet kwape kekiliokit, naarai kenisi jo, ijo da kitejenuni eoŋ. “Ai bo kijai ijo naapesikinia kolo apeteta nuka akwap? Kitejen, arai ijai kaijen. Iŋai bo kolo kineruni aitemisioke, arai cani ijeni? Iŋai bo keriori aunoke? Mama kinyo itieasitere apetetake? Iŋai bo teni ebwaikini amoru nuka agor, naayeoto nepepe aacer nuka atupurue, idwe da luka Edeke kere kikareoto kanuka aiyalama? “Iŋai bo do egolokini aŋolol kikirigin? Naalelea bala yenelomuni kakoik; naeswamakinia idouon araut akenapito, amuton naejesi ŋaŋ eimukosike, ido kesilak ŋes eikoruke, kebwaik atiketa ka ikirigin, kabala ebe, ‘Idoluni kiton ne, konye mam idepari; nepe ne da itikokinio adakunun naka akonikailan.’ “Ibu ijo kicorak atupuruc ageun kapaarasiakon? ka aitejenikin Acilakide akeibois? Tetere ikamuni isaneta luka akwap, ailakilakar ikaronok. Ilocokinio kwape elupe lokipueakinitai, etakanete kwape inapen: isimikio ikaronok akeeeiea, ido ebila akan naitopolooro. “Ibu tope ijo kolomarite akonyen nuka aŋolol? Arai bo ibu kolosenenei kaidules naka ataro? Kinaikinitai kereka jo ikirigin luka atwanare? Arai bo ibu koany ikirigin luka etoribe loka atwanare? Ibu tope ijo kojen alalau naka akwap? Kitejen cani, arai ijeni kere. “Ai bo ejai erot loebei neiboio aica? Ai bo da ejai aibois naka amuton? Tetere iyaŋaari ŋes oikoruke, tetere da imisiikini isokono luebeete oreken, Iieni ba, naarai aponi kourii apaki ya, ido epo! etiai loka apaarasiakon! “Ilomarit kereka ijo aiŋadisia nuka akipi nuerurwakito? Arai bo ianyunit aiŋadisia nuka akako? Nueŋadakinit apakio nuka ican, ido apakio nuka aremo ka ejie? Erot enyoin ketiakere aica, arai bo ekwam lokokide aisiarakinio akwap? “Iŋai bo acili aleles naka akalele, arai bo erot loka eimilia ka eires? Aitetepikin akiru akwap naemamei ituŋanan; amodiŋ da, naemamei irunanan; aisimonikinia alup nuelarion nuesilok, aisibwanunia da amel? “Ejai kereka akiru papake? Iŋai bo da aurie aiiseta nuka akopyo? Akoik naka iŋai alomunia akako? Ido akipi nuidoudouto kanuka aaterot, iŋai bo keurie? Erurwakito akip kwape amoru, ikamakina ataro. “Ipedori kereka ijo ajen erikot loka Pleiades*? Arai bo alacun aeneta nuka Orion*? Ipedori kereka ijo aitolomun Imasarot* kapakikec? Arai bo ipedori ijo aiŋarenikin Adubu kikedwe? Ŋeni kereka ijo aicorakineta nuka akuj? Ipedori ijo aiticat ayaiteke kakwap? “Ipedori kereka ijo aikeseun ekoniporoto kiton odouon, tetere kiraparete akip nukepwak? Ipedori kereka ijo aiyaki aimiliaunun, kolosete, kolimokis jo ebe, ‘Kija bo isio’? Iŋai bo ebwaikini acoa odouon? Arai bo iŋai ainakini ekipie aijen? Iŋai bo epedori aimar idouon kanuka acoa? Arai bo iŋai epedori aitulur imukulen luka akipi nuka akuj, naiminaikinotor apua agogoŋor, ido iketakinos aapoŋor? “Imejaikini kereka ijo aŋatuny imejasit? Arai bo isimonikini eipud loka idwe luka eŋatuny, Naidipidipioto kesi kabuaikec, naenasiata kaŋopisia aperun? “Iŋai bo edumakini ekuruk ikenyamat, naemonyiata idweke mama ejai Edeke, irimete kanuemamikinitotor inyamat? “Ŋeni kereka ijo apak naeuriata akinei nuka ais nukomoru? Iseseni ijo naiwacuniata amiameik? Ipedori kereka ijo aimar ilapio luedaunete kesi? Arai bo ijeni ijo apak naeuriata? Ekukumete, euriete ikecedwe, ecakarete aitururukec. Etumete idwekec, epolokinete ais; enyounete, komam eboŋunete bobo. “Iŋai bo kisilapadai etuko? Arai bo iŋai kelacakini aeneta nuka etuko? Abu keswamak eketogo amodiŋ, akwap naka abalaŋ da akeibois. Emwaŋit ŋesi ecelet lokore, kwabo mam iirari eporoto loka ekameeton. Alalau naka ironan ŋes eronyike, Emoot ŋinibore kere yenelibuni. “Ecamuni tope ekosobwan aijaanakin jo? Arai bo aiboienen kaujokon? Ipedori kereka ajen ekosobwan kaenetake kotoma aloboi? Arai bo ekoriei aditon kokaukon? Imunonena kereka ijo ŋes, naarai epol akegogoŋ? Arai bo inyeanakinia ŋes aitaaritoikon? Imunonena kereka ijo ŋes, ainyakun ikinyomokon ore, Atukonokin da alos kopejalikon? “Abebenoka nuka ekuulu iyalamasi; Konye bo abebenokake ka akuuluike esiaka? Naarai inyeini abeeike kalup, kosodi aitwamanaun kapua, Kosodi aimurwokin ebe epedori akeju abulubul, arai etiaŋ loka ais epedori aicakacak. Ededenikini idweke bala lumere luke; karaida kitaaritoi atai, mam ekurianar; naarai abu Edeke kolema nes acoa, kwabo mam koinak ajenun. Naedakununor akerit, emwani ebalasit ka ekebwanenonike. “Ibu ca ijo koinak ebalasit akegogoŋ? Ibu kitanap ŋes esigigirike loejaŋijaŋi? Ibu ca ijo koinak ŋes adesitoi kwape kemaase? Aruoke nakanosibib erai naketasuro. Ekuri toma aditot, isiyalamikinit akegogoŋ: elomari airiamun kituna luekapito lujiis, Ekienar akurian, mam eburuni; kwabo mam eboŋori kau kaneejai ekileŋ. Eruosi imalia wokowok kaneejai ŋesi, akwara naemwekimweki ka ebuku. Ilikori alup kadeden ka anyunyura; mam ecamuni abwoun kepupu arupepe. Ŋinipak naeruor arupepe, ebala ebe, ‘Eee!’ Iŋuuni ejie kama elwana, airetun naka ikayaitok ka ecelet. “Acoakon ŋes kereka epororia ekokom kuju noi, eterari abebenokake aibwot ari naka eŋalakimak? Edokari kereka emorukaalet kaicorakinetekon, koduk akaike kuju? Iboie kamor, eketogo da ejai nepenen, adoketa nuka emoru, kaibois naegogoŋ, Kanen irerei imejan: egiparete akekonye kaneelwana. Ŋujuete ikedwe aokot: ido neejaas luearitai, nepenen da ejai ŋesi.” Kosodi bobo koboŋok EJAKAIT Yob kobala ebe, “Itepegi kereka loiulana Lokapedor kere? Loitonolopi Edeke, koboŋok ŋesi,” Kosodi Yob aboŋokin EJAKAIT, kobala ebe, “Koany, mam eoŋ arai ibore; kabonokini anu? Abun akaituk. Ener irwan atipet, mam aboŋokini; eebo, irwan aarei, konye mam bobo eyatakini.” Kosodi koboŋok EJAKAIT Yob kotapipirio, kobala ebe, “Koen do aŋabetekon kwape kekiliokit: kenisi, ijo da koboŋok, Iloeokini kereka ijo etubeka loatubit? Itetelekari kereka ijo eoŋ akirot, tetere iraun loedolit? Arai ca ijaas kakan naka Edeke? Ido ipedori tope airetun keporoto Ioeputos kaloken? “Konap cani ijo ajokis ka ayoŋit; kisiri aibuses ka apolou, Kobuko nuilapanaros nuka anyunyurakon; kosesen ŋinituŋanan yeniturokina, kitisil. Kosesen ŋinituŋanan yeniturokina, kijesa; kicakaeak ikaronok kaneebwoiata. Kitonop kes nepepe kotoma alup; koen akonyenekec kaibois naibwaitai. Kasodi eoŋ da alimori jo ebe, epedori akanikon nakoteten aitajar joo “Koany do emiria loasubuni nepepe kajo; enyami inya kwape kemon. Koany do, ejai akepedor toma aŋabetekeŋ, ido akegogoŋ toma akiriŋ naka akoikike. Ekosi ekorike kwape eres, imorikikina aputio nuka amurwosike. Eputosi akekojo kwape ipiin luka aisinir; akejeke da kwape atiketa nuka asua. “Epol korotin luka Edeke: Ŋes elopet lokesubi epedori aisukunyikin ekekileŋ. Abeit itolomunete ironan ikenyamat, neeboliananatar itian kere luka ais. Eperi ŋesi kwap kikito luketolim, kanopis naka esege ka erit. Ikito luketolim imukorete ŋes kitolimokec. Kirimorito ikito lukaguurut. Koany, arai ilapanari ecor, mam emarani: icasi, karaida kiboru Yorodan kiton aitukuke. Epedori bo ituŋanan aikamun ŋes naenoliaria, arai kieum ekumeke kedobo? “Ipedori kereka ijo amun akinyan kegolu? arai bo aridakin anaiepeke kauno? Ipedori tope aridakin auno okumeke? Arai bo aicum abokonyoke kemutu? Kimaimai kereka ŋesi jo nuipu? Arai bo kilimokini ŋesi jo nuepataka? Itutukete kereka ŋesi kajo aitutuket, tetere iyanaari nes araut ebulesit apaarasia kere? Iboliasi kereka ijo kaŋes kwape iboliatar kikweny? Arai bo aenikin ŋes akonipesur? Egwelarete kereka ikodeta luka ikalokak ŋes? Ekoranakinete tope ikagwelanarak? Ipedori kereka aileleb emukuleke kasua nuejaas igoluna? Arai bo akouke kimaearin? Kidokok ŋes akonikan; kiitu ejie ŋol, kinye aiyatakin aswam kwaŋin. Koany, amunoke atai: nakeanyunia ituŋanan ŋes mam kereka ibirori? Emamei ekadedenan loetitinikini atwarun ŋes: aso ai bo ejai yenepedori aibwo kakonyeneka? Iŋai bo gwai keesiauni aijaikin ibore, katacak eoŋ ŋes? Kere lueiaas kwap kakuj eraas lukan. “Mam eoŋ enyeini alimor aketutubeta, karaida agogoŋuke naepol, karaida asubuneteke naejok. Iŋai bo epedori alaear inapeneke lukokuju? Iŋai bo da edoliori toma arukanasiake aarei? Iŋai bo da epedori aŋaar ikirigin luka akonyeneke? Irimorit etasuro ikekel. Aabeleke nuegogoŋ ŋes eiturike, nuimorikikina kwape aanyunet naipueue. Idunyanara noi, mam epedori ekwam aitor kokidinikec. Inieakina; iminaikina, komam epedorete atiak. Eikaresoneke isimwekimweki aica, akonyeneke da eputosi abukio nuka atupuruc. Elomununete akalasia nuenokete kaitukuke, eporonunete atwenyitweny nuka akim. Elomuni apuru kokumesike, kwape kamot naekulai ka aladoi nuieweio. Isinepuni eiyeŋaneke atotol, ido elomununei akim kaitukuke. Iboie agogoŋ komurisinike, ikosie etasuro kakonyeneke. Inicakina aolokony nuka akirinike: imakakina; mam epedorete alemario. Egogoŋ eketau kwape amoru, eebo, egogoŋ kwape kakukuse. Naenyounio ekuriakaros ikagogoŋok: ikerepikinete kanuka aburun. Arai kieumi kekilen, mam epedori ibore, karaida akwara, karaida emaear, karaida emal loeit. Itaraunit asua bala ariaŋ, aisinit da bala akito nuebosito. Mam epedori ekojo aiteker ŋes: alica da nueporoeio eraunos ariaŋ kamaken, Itaraunio ibotei bala ariaŋ: ekienar agumar naka eliru. Atutubetake nukokwap eputosi katiboloka nuekwaka: aootoke korit esubit bala agali nakicomis. Itukulauni ataro kwape kamot: ituputori aŋolol akinyet. Itacauni ekerot kokauke; tiaomitai ataro araut akako. Emamei yeneputosi kaŋes kakwap, yenesubitai komam akurian. Eseseni ninibore yenejai kuju: ŋes ekabaka loka idwe kere luka eitur.” Kosodi koboŋok Yob EJAKAIT ebe, “Ajeni ebe ipedori ijo kere, ido emamei akirot nainerunit naepedori aitikokinio. Iŋai bo lo loimunoni ainerun komamei aijen? Ŋes alimunio mm numam aienunit, akiro nukaumokin nukadeparito, numam ajeni. Keŋaiŋait, kiira, kener eoŋ da: keŋit, koboŋok. Abu kapupunite ijo kapupun naka akit; konye kwana kaany kakakonu, Ŋes kaupiata, ketoronikin kotoma apua ka ekurwon.” Kosodi nakedaunia EJAKAIT atemar Yob akiro ŋun, kotema EJAKAIT Elipas Etemanit atiar, “Enepu akanyunyura aluikin jo, ka ipaperokon luarei: naarai mam ineritos akirot naibeeokino mamakan, kwape enerar ekabulesit Yob. Aso do, kolemutu imoŋin ikanykaarei ka imerekekin ikanykaarei, koloto neejai ekabulesit Yob, koinakis ainakineta nuieweio; kilipakini yes ekabulesit Yob; naarai ŋol ŋes acamunit, kenyek aiswamakin yes kwape ejaar akusibanaanut; naarai mam ineritos akirot naibeeokino mamakaŋ, kwape enerar ekabulesit Yob.” Kosodi Elipas Etemanit, ka Bilidad Esukit, ka Sopar Enaamatit koloto, kiswamata kwape kicorakinia EJAKAIT: kosodi EJAKAIT aeamun Yob. Kibelok EJAKAIT anatario naka Yob, naelipakinia ipaperoke: koinak EJAKAIT Yob irwan aarei adepar nul luaiaatar nasodit. Kosodete kopotu ikeinaean kere mama ejai, ka akeinaean kere, ka nul kere lukejenete nes sek lukenyamenenete atap kaŋes kotogoke: komonyata, kitalakasi ŋes kotoma aronis kere nakebu EJAKAIT koinu ŋes: ido koinak ŋinituŋanan ŋes atutubet naka epuesa, ka ŋinituŋanan egilut loka esabu. Kwaŋin kisireren EJAKAIT awasia naka Yob adepar ageuneteke: kojaunos kamererekekin alukumin atomon kaonon, ka akaalai alukumin akanykape, ka ajookon alukumit nuka imoŋin iareiarei ka asigirian alukumit. Ido kojaas kidwe lutelepai ikanykaarei ka lupesur iuni. Nasodit komaik ekekiror Yemima; ekiror da loka nakiareit Kesia; ekiror da loka nakiwuniet, Keren-kapuk. Kotoma akwap kere amameete apesur nuajokuka aitelekar adwe nuka Yob: koinak papakec airumet kama kiinacanakec. Kokau kanun kobut Yob ikar akwatat ka akaisaoŋon, koany odweke, ka odwe luka odweke, kiton aturio aoŋon. Kotwana do Yob, emojonit cut, edaunit apaarasia nuipu. Isirereŋitoi ituŋanan yenimam elosenenei kotoma ainerun naka ikaronok, Karaida abwoenen korot loka ikadiakanarak; Karaida aiboienen koicoloŋ loka ikamenak. Konye akelakanar ejai toma okisil loka EJAKAIT; Okisilike da eomoomaa paaran ka kuare da. Eputoori da ekitoi loiraikinitai ariri naka aleles naka akipi; Loeraenenei akeraito kedol apak, Akekiot da mam erinyori; Ikemeri kanuiswamaenenei kere. Mam ikote nen kama kalukaronok; Konye esubito bala agugu nuituari ekwam. Ŋes mam epedoriata ikaronok aibwo kotoma atubokinio; Karaida ikadiakanarak katukot naka ikadolitok. Naarai ejeni EJAKAIT erot loka ikadolitok: Konye etwaniari rwaru erot loka ikaronok. Kanukinyo enyunyuratatar atekerin, Kanukinyo da itetemonoriata ituŋa aamameak kotauonokec? Etemonokinos ikabakan luka akwapin, Enerut ikayaitok da nepepe, Asurokin EJAKAIT ka Kristoke atiar, Kaiŋedeŋedata ikecerikoi, Kacakasi da aunoikec.” Ekienie ŋol loiboie kotoma akuj; Isekelei kes EJAKAIT. Kosodi isiejanakini kes; Iticani kes kakeisiop naepol, Ebe, “Konye ebwaik Ekakabaka Koukotoka lokalaunan loka Sion.” Alimokini nuka ekisil: Abu EJAKAIT katema eoŋ atiar, “uoŋ Okokuka; Lolo kauru jo Kilipai, kainakini atekerin aluor akoniirumet, Isaiŋeta da luka akwap aluor lukon. Ibili kes kebela loka asuat; Ibwaŋabwaŋai kes cut bala amot naka ekajean.” Aso do kocoutu, yes ikabakan: Kituutooros, yes ikatubok luka akwapin. Kijaanakis BJAKAIT kayoŋit; Kiyalamikinos kamaran. Konuata Okoku, kinyek anyunyurikin, kosodete yesi aolior! korot, Naarai isunyari akenyunyura ainepun. Isirereŋitoi kere luemunos ŋes. EJAKAIT, eyatakinos cama noi lukasurupoka! Ipu lukanyoikis. Ipu luetemarete etauka atiar, Mam Edeke itajari ŋes. Konye ijoŋ, wu EJAKAIT, irai ebukuka; Akaibuses, eketonyounon da loka akouka. Eworoi kekaporoto mama ejai EJAKAIT; Kaboŋokini ŋesi eoŋ koukotoke lokalaunan. Abu eoŋ kaper kajotoor; Kakweny; naarai EJAKAIT keganit. Mam akurianar ilukumin itomon luka ituŋa, Luederakinos airigaun asurokin eoŋ. Konyou, wu EJAKAIT; kitajarai, wu Ekadeke: Naarai inaŋanaŋ ijo lukasurupoka kere amateŋen; Ibilana ijo ikela luka ikaronok. Erai aitajar naka EJAKAIT: Kojai akonisuliany mama ejaas ikonituŋa. Koboŋokinoi nakeworoo, wu Edeke loka adoliteka; Ibu kocilak eoŋ apak naajar ocan: Kitimoi, kiira akailip. Okwe, yes isap luka ituŋa, itodolete ai aijulanakin akaibuses toma oleic? Itodolete ai amin aamameak ka aibwapit aiŋalanut? Konye kojenutu ebe abu EJAKAIT elopet kotiaka yeneyoŋit ŋes: Epupuni EJAKAIT naeworoo eoŋ ŋes. Kobwoete koyonito, sirikidiakasi: Koomoomata kotauonokus kaperitokus, kopalarito. Koinakisi asuban nuka adolit, Komunosi da EJAKAIT. Ejaas luipu luineras atiar, “Iŋai bo kitodikini oni ajokis? EJAKAIT, kitonyoikinoi sio aica naka akonyenekon.” Ibu kibwaik aiyalama otauka, Adepar naiyatakinotor akimakec ka ebinokec. Kaper kajotoor enapakina: Naarai ijo bon, EJAKAIT, kisiboikini eoŋ kainapakina. Kitoik akit akakiro, wu EJAKAIT, Kibwaik etau toma aomoomoka. Kopupok eporoto loka akaiwonet, Ekakabaka ka Ekadeke da; Naarai kelipit jo. Wu EJAKAIT, ipupununei ekaporoto tupuruc; Etemonokini akailip tupuruc mama ijai, kedarite. Naarai mam irai Edeke loisiyalamikinit nukaronok; Mam aronis iboie kamakon. Mam luiwoŋoko ebwoete kakonyenekon; Ilait kere luiswamaete numam edolito. Imudiari luineras nukaiŋal: Elait EJAKAIT ikaaran ka ikamodan. Konye kanukaŋ, toma ailiil naka akonisianut-nakamin alomari togokon: Kotoma ayoŋit jo ŋes amaia kaseseni eyekalukon lokalaunan. Kiŋarenikinoi, wu EJAKAIT, kotoma adolitekon, kanuka lukasurupoka; Kisideleleu erotokon kakonyeneka. Naarai emamei amunonut kaitukekec; Atutubetakec nukotoma eraas nukaronok cut: Elogorotokec ŋes ailit naeŋaara; Ijodijodete kaŋajepakec. Komudia kes, wu Edeke; Kibiroros kanuka akeceinerun kikulepek: Koremo toma aipues naka apaarikec; Naarai kipaliikis jo. Konye kolakaros kere luemunos jo, Kibwoŋata kanuka aiyalama apaarasia kere, naarai iiikinit ijo kes: Ido kiyalamasi lueminas ekonikiror kotomakon, Naarai isirereni ijo ikadoliton; Wu EJAKAIT, irigauni ŋes kasianut kwape kebuku. Wu EJAKAIT, sirikiitoron eoŋ kanyunyurakon, Karaida alecor kotoma akadakinikon naepol. Kitimoi eoŋ, wu EJAKAIT, naarai arinyo eoŋ cut: Wu EJAKAIT, kitanaleunoi; naarai eyaloŋoŋoto akakojo. Eyaloŋoŋo da noi akaijar: Konye jo, wu EJAKAIT, itodoli bo ai? Koboŋ, WU EJAKAIT, koyu akaijar: Kitaiarai kanuka akonisianut-nakamin, Naarai emamei akiitun jo kotoma atwanare: Iŋai bo kimalai jo kotoma Okatwak? Ketapas ekaidiny: ŋinikuare etapapalenenei ekajam; Eleleete akiyoka oitadaka. Aoniki akakoŋu kanuka aimony; Awariwar kanuka lukasurupoka kere. Irwa do kamakaŋ, yes kere luiswamaete numam edolito; Naarai eira EJAKAIT eporoto loka aimonyoka. Eira EJAKAIT akaiŋaiŋa; Ecamuni EJAKAIT akailip. Irumete ileic lukasurupoka kere, Iyaloŋoŋoete da noi: Eboŋorete, isunyarete ileice airum. Wu EJAKAIT, Ekadeke, kamuno jo: Kitajarai kama ejaas ŋul lukarukitotor, koyuunai. Kinyek apoopo akaijar kwape keŋatuny, Anyilinyil ŋes, komamei yenikayuuni. Wu EJAKAIT, Ekadeke, arai eswamat na; Arai ejaas numam edolito akaninika; Arai ekwaikinit erono ŋin yenikinapapai keoŋ, (Eebo, ayu ŋin yeniketokokolit eoŋ atitai:) Korukio lokasurup akaijar, kodolok; Eebo, kipudapud akaijar kokwap, Kiperik akaibuses toma apua. Konyou, wu EJAKAIT, kotoma anyunyurakon, Kodakun asurokin adedeŋ naka lukasurupoka: Kokweny kanukaŋ; icorak ijo etube. Kirimo ijo atukot naka ituŋa: Kodok kes koboŋoria toma akuj, Uaikini EJAKAIT etube otuŋa: Kotubokinai wu EJAKAIT, kwape ejaar akadolit, Ka abeit da naejai tomakaŋ, Konaŋ ca do aronis naka ikaronok, konye kiticat ijo ikadolitok: Naarai itemi Edeke lokadoliton itauon ka iŋeretenya. Ekabuku ejai ka Edeke, Loitajari luejaas itauon luitenara. Edeke ŋes ekatubon lokadoliton; Eebo, ŋes Edeke loisiopit ŋinipaaran. Arai mam ituŋanan ibelokin, ipeni Edeke ekekileŋ; Eketaki akekabwa, alok da. Etemonoki da ŋesi iboro lukaarak; Itasarani ikemalia. Koany, erieba ikaronon aidoun numam edolito; Eebo, apotuu ameŋeranut, edou da aiŋalanut. Abu kigir aipany, kobok da, Ebirokin elopet toma acukulet naaboki. Eboŋokini akemeneranut akouke kelopet, Eboŋokini da akededeŋ osiadukuke. Emalai EJAKAIT kwape ejaar akedolit: Ayei aiturit ekiror loka EJAKAIT Loejai kuju kakuj. Wu EJAKAIT, EkosiJAKAIT, Ejok ca ma noi ekonikiror kakwapisinei kere! Lokibwaikini aibusesukon kuju kakuj. Ibu kiticat agogoŋ kaituke nuka imukerun ka idwe luenakete, Kanuka lukasurupokon, Tetere itapalaari yenikasurup ka ikenyaŋan, Naasesenia eoŋ akonikuj, aswam naka ikonibokoro, Elap ka aacer nukibwaikini ijo; Inyo bo ituŋanan, tape jo ipodo ŋes? Okoku loka ituŋanan da, tape jo ianyanari ŋes? Naarai ibu kosub ŋes nepetai arianakin ka Edeke, Itanapit ŋes aboko naka aibuses ka ayoŋio. Isurumit ŋes aswamisio nuka akaninikon; Ibwaikinit iboro kere kwap kakejeneke: Amerekekin kere ka imoŋin, Eebo, ka itiaŋ da luka ais; Akweny nuka apak, iboro da luka ecor, Kere luitoritos orotin luka aŋololin. Wu EJAKAIT, EkosiJAKAIT, Ejok ca ma noi ekonikiror kakwapisinei kere! Emalaenenei EJAKAIT kekatau kere; Etodianari aswamisiokon kere nukaumokin. Eyalamanakin, alakanar kotomakon; Ayeenenei aiturit ekonikiror, wu Jo Loijai kuju kakuj. Naeboŋoriata lukasurupoka kau, Iguikinos, emudiaros kakonyenekon. Naarai ibu ijo kitodolo akabeit ka akiroka; Ibu kiboikin oicoloŋ aitub kadolit. Ibu kitoron atekerin, komudia ikaronok, Komwata ikiroriakec ikar kere. Adaunos lukasurupo, asilikis ikar kere; Ireria da lukiweliweli, Amudiar aiitunetekec mudic. Konye iboienenei EJAKAIT erai ekabaka ikar kere: Etemonoki eicoloŋoke atubokinia. Etubokini akwapisinei kere kadolit, Einakini ituŋa etube kotoma abeit. Eraun EJAKAIT aŋopis naka luereitai, Eebo, aŋopis kapakio nuka ationis: ŋul da luejenete ekonikiror kimunonenos; Naarai ijo, EJAKAIT, mam ijalakinit ŋul lukimoete. Koyeoto aiturit EJAKAIT, loiboie koSion; Kolimonokis ituŋa akeswamisinei. Naarai ŋol loiburai aokot iituni kes: Mam imurwokini aimony naka lukibakor. Kitimoi, wu EJAKAIT; Koany aiticanitoika naketaanyut lukalaito, Ijo lokitonyouni eoŋ korutei luka atwanare; Tetere etodiari aituriokon kere: Korutei luka akoku naka Sion, Ebwoŋenena kotoma aitajarakon, Ebirokinos atekerin toma aipany nakebokete: Epok akecekeju kikulepek kotoma atacit nakelokete. Etejenun EJAKAIT elopet, adau etube: Epok yenikaronon kotoma aswam naka akaninike kilopet. Eboŋorete ikaronok Okatwak, Kes atekerin kere nuemurwokis Edeke. Naarai mam luilwaritos imurwokinio apaarasia kere, Karaida amun naka luitasonos mam eoliori ikar kere. Konyou, wu EJAKAIT, kinyek ituŋanan aipikor: Kotubokinai atekerin kakonyenekon. Kitukurian kes, wu EJAKAIT: Kojenut atekerin ebe eraas ituŋa atai! Kanukinyo ibwasitor, wu EJAKAIT? Kanukinyo iŋopenenaa kapakio nuka ationis? Idopeo yenikican kotoma aiwoŋonut naka ikaronok; Kikamunai kes kobotei lukebilete. Naarai ituro ikaronon kanuka aiŋobel nakotauke, Yenikebit da eŋerit, eebo, elait ŋesi EJAKAIT, Ebala ikaronon kotoma aiwoŋonutuke ebe, “Mam itepeseni.” Ebalas akeomisio kere ebe, “Emamei Edeke.” Eninik ikerotin apaarasia kere; Itubesiakon iyedara kuju noi kakonyeneke: Ido imuanari lukasurupoke kere, Ebala kotauke ebe, “Mam eriaŋiriaŋa; Mam aanyuni ican aitodol aturio kere.” Ileleba aitukuke elamit ka aimod ka areit; Kwap kaŋajepeke ejai ameŋeranut ka numam adolit. Iboikin aiboisio nuperunet koronyia: Eari yenemamei aronis kaiboisio nuka aiyeiyea. Imwarakinit yenikalany akekonyen. Eŋopi kaperunet kwape keŋatuny kotoma abuake: Idasi aikamun yenikican; Ikamuni yenikican, ibwosuni koboike. Ekukumi, elolot, Ibirorete ikekagogoŋok lukalanyak. Ebala kotauke ebe, “Emurwoki Edeke: Ebwa akekonyen; mam eanyununei.” Konyou, wu EJAKAIT; Wu Edeke, kodak akonikan: Sirikiimurwok yenikibakor. Kanukinyo emenitor ikaronon Edeke, Atemar kotauke ebe, “Mam itepeseni”? Ibu koany; naarai iseseni ameŋeranut ka aidupor, aibwaikin akanikon: Eluŋakina ikalany mama ijail: Ibu koraun ekeŋarakinan loka ikokiok. Kobil akan naka ikaronon: Ituŋanan yenikaronis da, komo ijo akeronis aitodol neemamuunor. EJAKAIT ŋes Ekabaka loka ikar kere: Amudiaros atekerin kotoma akwapuke. EJAKAIT, ibu kiira eipud loka luitasonos: Itemonokini itauonokec, isiirari akonikit: Airabakin ikokiok ka luemwaŋitai, Kinyek ituŋanan yenelomuni kalup ajaut kanuitukurianete. EJAKAIT ŋes loamuno eoŋ; Ikote ibalasi ai ekatau atiar, “Koker oroŋatakus kwape kakweny”? Naarai koany, ikesete lukaronok akabwa, Itemonokinete ekojokec, Agumia kamuton luitenara itauon. Arai emudiario apeteta, Ikwaikini ai ikadoliton? Ejai EJAKAIT oyekaluke lokalaunan, EJAKAIT, ejai ekeicoloŋ toma akuj; Esesenete akekonye idwe luka ituŋa, itemete akebukio kes. Itemi EJAKAIT ikadoliton; Konye elait eketau ikaronon ka ŋin yenekot nukagogoŋ. Isitepi atacin mama ejaas lukaronok; Akim, ka acukuman ka ikwamin luepeonorete eraananas akoretait naka akolikec, Naarai edolit EJAKAIT; ekot adolit; Eanyunete luitenara itauon akekonyen. EJAKAIT, kiŋarak; naarai asaŋ yeneyoŋit Edeke; Naarai eŋoŋaros luiyuunito kodwe luka ituŋa, Inerasi aamameak ŋinituŋanan kiidunyeteke; Ŋodoete inerasi kitauon iarei. Etubori EJAKAIT aituke kere nuijodoete, Aŋajep da nainera akiro nuepolok; Luenerata atiar, “Kipikori kaŋajepewok; Aitukewok kes nuwok; iŋai bo kiyait oni?” Kanuka aŋatario naka lukibakor, kanuka eidiny da loka luiyarorotos, Ebala EJAKAIT ebe, “Natikwana anyouni, Esinapikini ŋin yenimuarete.” Akiro nuka EJAKAIT eraas akiro nuesegara: Kwape itemere epuesa koupa kotoma akwap, Itesegaario aatenak akanykaarei. Idarenenei kes, wu EJAKAIT, Iiyari kes katur kana apaarasia kere. Ikaikinos ikaronok alosit iŋoliwai, Naitopoloorere asilianut kodwe luka ituŋa. Itodoli ai, wu EJAKAIT, aimurwonokin eoŋ ikar kere? Itodoli ai aisiŋopikinit eoŋ akonikonyen? Etodoli ai ainerunun kotauka, Kaitururwenen kotauka aitiwar akwap? Itodoli ai lokasurupika aitopoloonorio kamakaŋ? Koomoom Koboŋok, wu EJAKAIT, Ekadeke: Kitacau akakonyen kenyek ajotoor ajo nuka atwanare; Kinyek lokasurupika atemar atiar, “Epiko ŋes”; Kinyeis lukekoloka eibwoŋ naeriaŋiriaŋar eoŋ. Konye amuno akoniitim: Ibwoŋa ekatau kotoma aitajarakon. Ayoonokinenei EJAKAIT, Naarai kekonaki nukajokak. Atema yenibaŋ kotauke atiar, “Emamei Edeke.” Abosa kesi, eswamata nukasilianut; Emamei yeniswamai nuejok. Abu EJAKAIT kosesen kokuju idwe luka ituŋa kokwap, Aanyun arai cani ejaas luejenete, Luemoete da Edeke. Apaasi kere; emodumodunos; Emamei yeniswamai nuejok, emamei imodio da. Emamei kereka luiswamaete numam adolit kere aijen? Luenyamete ikatuŋa kwape enyamiata atap, Komam iwoneto EJAKAIT. Akuriaka noi kaŋina; Naarai ejai Edeke katur naka luedolito, Itisilete ainerun naka lukican, Naarai EJAKAIT ŋes neekerianarake. Okwe, arai kolom aitajar naka Isirael koSion! Nainyakunia EJAKAIT iketuŋa luaŋataritai, Ti Yakob kibwoŋ, kiyalamikin Isirael. EJAKAIT, iŋai bo iboienenei kowemakon? Iŋai bo iboienenei koukotokon lokalaunan? ŋin yenelosenenei itenara, kiswamai nuedolito, Kinera da nuka abeit kotauke. Yenimam akeŋajep esabanakinenei, Karaida aikwaikin erono ikepapero, Komam eeamunit ikeidunyet asiomio. Yenemenito akekonye ikaronon, Konye itubusikinit kes lueyonito EJAKAIT. Naiyapoo, mam ibelokin, karaida ketwania. Ŋin yenimam eyuuni kanuka aimedaun, Kwabo mam eropio kanuka aitetelekar akiro yenimam akirot. Ŋin yeniswamai ŋun, mam iriaŋiriaŋenena. Kidarai, wu Edeke; naarai kamuno jo Atema eoŋ EJAKAIT atiar, “ljoŋo EJAKAITika: Emamei eoŋ ajokis dimarai mamakon.” Lukalaunak luejaas kakwap, Eraas kesi luejok noi, tomakec ŋes ejai akaiyalama kere. Itupuo ican luka ŋul kaluisiecarete EJAKAIT itia edeke ece, Mam ainakini asubanakec numatan nuka aokot, Kwabo mam alimuni ikecekiroria kakaituk. EJAKAIT ŋes akorakinet naka akairumet ka naka akakoli da; Idari ijo ŋun nukabeikinete. Kebirokinos eoŋ aunoi kaiboisio nuketalakarak; Eeca, ejai bo eoŋ airumet naejok. Emalai EJAKAIT, loabu kenerak eoŋ; Eeca, kesisianakinete iŋeretenyaka kosawan luka akuare, Etilinenenei EJAKAIT tiritir; Naarai ejai iŋesi akanika nakoteten, mam eriaŋiriaŋenena. Ŋes iyalamar ekatau, ibwoŋar da akaibuses: ŋes iboieneneo akakuan inapakina, Naarai mam inyeini ekatau kOkatwak; Kwabo mam icamakini ikalaunanikon aibos. Kitodianakini eoŋ erot loka aijar: Neijai ijo ŋes aiyalama naitekoro; Akanikon nakoteten ŋes ejaas nuitalakarito ikar kere. Kiira naedolit, wu EJAKAIT, kopupok akaiwor; Kitoik akit akailip, namam ebuni kaituk nakamodan. Kolom akatubokinio kamakon; Kosesenata akonyekon nuedolito. Igimo ijo ekatau; kilatok eoŋ kuare; Kirere eoŋ kwabo mam eanyuna akirot; Akaŋau eoŋ ebe mam akaituk epaari. Kwape ejaatar aswamisio nuka ituŋa, kanuka akirot naka aitukukon, Abu kenac irotin luka ikadedeŋak. Ecat akalosit korotinikon, Mam ejurusiara akakeje. Kewonei jo, naarai kiboŋokini eoŋ, wu Edeke; Kitoikinai akonikit, kopup nuenera. Kitodia akonisianut-nakamin nakaumokin, Wu jo loitaiari lukimunosi jo, Kama ejaas luenyoikinete, kakonikan nakoteten, Kidarai kwape ecopot loka akoŋu, Kibwaai kotoribe loka abebenokakon, Kama ejaas ikaronok lukaŋasete, Lukasurupoka lukakotosi aiar, lukerigaunito. Arapia kes asiepaikec; Inerasi nuka eitur kaitukekec. Kirigaut sio kalositekosi: Etogogoŋoto akecekonye aibirokin sio kwap, Esubit bala eŋatuny loibitiikinit kanuka imejaunake, Ido bala ikoku yenika eŋatuny yenedapadapat kaiboisio nuperunet. Konyou, wu EJAKAIT, Kotereikin, kibirok ŋes kwap; Koyu ekatau kekonikileŋ kama ejai ikaronon. Kama ejaas ituŋa, kanuka akonikan, wu EJAKAIT, Kama ejaas ituŋa luka akwapin, luejaas akorakinetekec kotoma aijar kana, Luitilelebi abarakon akoikikec: Epuikis kes idwe, Inyeiniata ikecedwe ikeceboro luideunos. Konye bo eoŋ, aanyuni akonikonyen kotoma adolit: Naakwenyunia kadaunit asimakon. Kamina jo, wu EJAKAIT, akagogoŋ, EJAKAIT ŋes atiibaka, abwasika, ka ekayuunanika; Edekeka, atiibaka nakagogoŋ, amunonena ŋes; Ekabuku, amumwarat naka aitajarioka, abwasika naicelelei, Ewonenenei EJAKAIT, loibusakinit aiturio; Ketajareneneo kwaŋin kama kalukasurupoka, Kaena aunoi nuka atwanare, Ketukuriana ŋol akalele nuka numam ayoŋit Edeke. Kerimorito aunoi nuka Okatwak: Kepoka iica luka atwanare. Keworo EJAKAIT kotoma ocanika, Kamony mama ejai Ekadeke: Abu kiira ekaporoto koyekaluke, Kodolok aimonyoka akiike. Kosodi kijaŋiiana akwap, komarani, Kilokilokos da apeteta nuka iroŋan, Kijaŋijaŋasi, naarai anyunyura ŋesi. Kisusumau apuru kokumesike, Kidonyo akim nakelomuni kaitukuke; Kisinep atotol. Kitukukum akuj, kodok; Kojai amuton naejesi ŋaŋ kwap kakejeke. Kibwanen ekerubi, koporo: Eebo, koporo kiiror kabebenoka nuka ekwam, Kituluo amuton akeŋopis, ekewema loiswaparit ŋes; Amuton naka akipi, idouon luitolimakinito luka akuj. Kikutasi ikedouon luitolimakinito kanuka amwekimwek naka akonyeneke, Akako ka atotol nuka akim. Kiretu da EJAKAIT kotoma akuj, Kolimo Loejai kuju kakuj ekeporoto: Akako ka atotol nuka akim. Koguma ikekojoi, kisiarisiar; Eebo, koguma aimiliaununeta nuipu, kisiyaloŋoŋ kes. Kotakanutu do alelesia nuka akipi, Kideleleut apeteta nuka akwapin, Kanuka airetakinikon, wu EJAKAIT, Kanuka akutun naka eiyeŋane loka ikumesikon. Abu kijuk kokuju, kayaŋa; Kegalala kakipi nuipu. Abu kayu kama kalokasurupika lokagogon, Kama kakesi da lukalaito, Naarai ketelekarito eoŋ kagogoŋ. Kabunokis kapaaran naka epolaka: Konye EJAKAIT ŋes ketogogoŋi. Ido abu ketoloma aibois naelal; Abu kayu eoŋ naarai kesiyalamikinit. Karop EJAKAIT eoŋ kwape ejaar akadolit; Kataeak kwape ejaar alaunite naka akaninika. Naarai abu karic irotin luka EJAKAIT, Ido mam abu kejerukana kama ejai Ekadeke, Naarai ajaas itubesiake kere kakonyeneka, Ido mam abu kajal akeicorakineta. Abu karai loadolit kamake, Abu kedara kenyek aswam numam adolit. “Ŋes katacakinia EJAKAIT kwape ejaar akadolit, Kwape ejaar alaunite naka akaninika kakonyeneke. Mama ejai yeniketimon itodianakini aitim; Mama ejai yenikadoliton itodianakini adolit; Mama ejai yenesegara itodianakini aseg; Ido mama ejai yenetumaana itodianakini airebokinet. Naarai itajari ituŋa luemwaŋitai; Konye itisili akonye nuka lueomiara Naarai itonokuni ijo akatala; Itacauni EJAKAIT Ekadeke akamuton. Naarai kanukon arukitor ajore; Ido kanuka aiŋarakinio naka Edekeka elami abwas. Konye Edeke, edolit ekerot; Egimor akirot naka EJAKAIT; iŋol ŋes ebuku loka ŋul kere luemunos ŋes, Naarai iŋai bo Edeke dimarai EJAKAIT? Iŋai bo da atiiba dimarai Edekewok? Edeke loketanapikinit agogoŋ, Loitodolit da ekarot. Ituluori akakejen kwape nuka amiam: Ido kebwaikini eoŋ aiboisioka nukokuju. Isisianakini akakanin ejie; Tetere ikesete akakanin akabwa naka aikomon. Ido kiinak eoŋ ebuku loka akoniitajar: Kegagauni akonikan nakoteten, Ketopoloo eoŋ aiyapeperakon. Kitalalik eoŋ neetorit, Mam ejurusiaros akatitiban. Ebwapi lukasurupoka, kadolok: Bobo da mam aboŋuni aitodol neemudiarotor. Ecumucumei cut komam epedorete anyoun: Ibirokinos kwap akejeka. Naarai ibu kitanapik eoŋ agogoŋ najus: Itukukum ŋul lukanyoikinete. Isiboŋik lukasurupoka ikecepuran neajai eoŋ, Tetere amudiari lukalaito. Apotu kiworoto, konye komameun yenitaiari: Kiworoto EJAKAIT, konye mam abu Koboŋok. Kasodi kepudapud kes bala apua naekutari ekwam: Kacaka kes bala erit loka irotin. Ibu koyu eoŋ kotoma aŋolopa naka ituŋa: Kituluo ekeŋarenon loka atekerin: Kejaanakinete eoŋ ituŋa lumam lem ajeni. Atipet kepuput nukaŋ karimarete; Kanonokikinete imo. Eoliorete imo, Elomunete emaranete kaiboisiokec nuŋopis. Ejari EJAKAIT; kituritete atiibaka; Kitopolooritete Edeke loka akaitajario. Ŋes Edeke lokenyaŋakini, Ketapatanikini eoŋ ituŋa. Kaiyaŋari eoŋ kama ejaas lukasurupoka: Eebo, kidaka eoŋ kuju kaŋul kalukanyoikinete: Kiyu eoŋ kama ejai ituŋanan yenikelepa. Ŋes kemalaenena jo kotoma atekerin, wu EJAKAIT. Ayeenenei aiturit ekonikiror. Einakini ekabakake aitajar naepol: Itodianakini da nukasianut-nakamin ekinyonyoikitonoke akinyet, Daudi ka akeur ikar kere. Elimorit akuj aibuses naka Edeke; Itejenunit da apak aswam naka akaninike. Apaaran ineras kapaaran, Akuare ka akuare itodianakinos aijen, Emameete akiro karaida aŋajep; Mam iirario ekeceporoto. Anataa eikorukec akwap kere, Akecekiro da kiton osaŋe loka akwap. Tomakec ebwaiki akoloŋ ewema, Naesubit bala eteran loelomuni kotogoke, Kolakara kwape ediŋiriria ekagogoŋon eboloboloi. Akelomun egeuni kosaŋe loka akuj, Akeirimor da kiton osaŋeke; Kwabo emamei ibore yenibwaio kamwanisike, Edolit ekisil loka EJAKAIT, inyakuni etau; Icasit aitejenunet naka EJAKAIT, itocouni ibaŋ. Etenete aituutoonoreta nuka EJ AKAIT, isiyalamikinete etau: Esegara aicorakinet naka EJAKAIT, itacauni akonye. Ayoŋit naka EJAKAIT erai nakalaunan, ejaenena ikar kere; Itubesia luka EJAKAIT eraas lukabeit, Luedolito cut. Ibusakinit eimiel aitelekarit esabu, Eebo, esabu loepol loililiauna: Ejijim aitelekarit esik ka akap naka ao. Ikwenyarete teni ŋun ekonibulesit: Toma aricit ŋun ŋes ejai eropit loepol. Iŋai bo yenepedori ajenun akepaar? Kolemarai eoŋ aibucanareta nuibwaa. Kitikok da ekonibulesit kotoma aisosolonut; Kinyek ayait eoŋ; kasodi kebecokin, K enyek adiakar akirot naepol. Kocam akiro nuka aitukuka ka aomoom nakotauka kakonyenekon, Wu EJAKAIT, atiibaka, ekalakunanika da. Koboŋok EJAKAIT jo kapaaran naka aiyaloŋoŋ! Ekiror da loka Edeke loka Yakob kitadakari jo kuju Kijukanakini ŋesi jo aiŋarakinio naebuni kaibois nakalaunan, Koinanakini agogoŋ naebuni koSion. Kiitununei ŋesi ainanakinetakon kere, Kocamununei akonisuban nuicweio. Koinanakini ŋesi jo nuimiela ekonitau, Kitodolenenei nuineruni kere. Kipikonori isio kotoma aitajarakon; Kikianari imederanawok kokiror loka Edekewok. EJAKAIT kitodolonokini nuilipi ijo kere. Natikwana ajeni ebe itajari EJAKAIT ekinyonyoikitonoke akinyet; Eboŋokini kojai akujuke nakalaunan Kagogoŋ naitaŋaleuni naka akekan nakoteten. Emunosi ice agalin, ice da ibalasin; Konye oni kilimit ekiror loka EJAKAIT Edekewok. Akukumoto, ebiroros: Konye oni kinyou, kibwoi. Kitajar, wu EJAKAIT: Koboŋok Ekabaka oni nakiworoo. Isiyalamanakini ekabaka akonigogoŋ, wu EJAKAIT; Elakanari ca noi kanuka akoniitajar! Uaik ŋes nuimiela eketau, Kwabo mam imikit nuilipit akeituk. Naarai iŋarenikini ŋes karereŋesio nuka ajokis: Itanapikini akouke aboko naka esabu loililiauna. Abu kilip ijo aijar, ibu koinak; Apaarasia nuipu, nuka ikar kere. Epol akeibuses kotoma aitajarakon: Itanap ayoŋio ka apolou. Naarai itarau ŋes loka arereŋesio ikar kere: Isiyalamikini ŋes kalakara kakonyenekon. Naarai emuno ekabaka EJAKAIT, Ido kanuka asianut-nakamin naka Loejai kuju kakul mam iriaŋiriaŋa. Edolokini akonikan lukasurupokon kere: Edolokini akonikan nakoteten ŋul lukilaito. Itusubi kes bala eupa loesarani kapak naka anyunyurakon. Ilikori EJAKAIT kes kotoma aliliteke, Ido enyamari kes akim. Imudiari akeceraito kakwap, Akeceur da kodwe luka ituŋa. Naarai apotu kokaŋata aiswamakin jo aronis: Kobila da ebotet lomam epedorete aitodol. Naarai inyakari kes kau, Itemonokini da aunoikon nuka akabwa kakonyenekec. Kitopolooritete jo, wu EJAKAIT, kotoma agogoŋukon! Kayeenenete isio da aiturit apedorikon. Wu Ekadeke, Ekadeke, kanukinyo kijalakinia? Kanukinyo ilwaniaror aiŋarakin eoŋ, kakiro nuka aumenoka? Wu Ekadeke, eworoi paaran, konye mam iboŋokini; Kuare da mam eliliŋi. Konye irai ijo lokalaunan, Ijo loiboie kotoma aiturit naka Isirael. Kimunonenos jo lukapapaakos: Kimunonenos, ibu koyuununei kes. Kiworoenenete jo, koyuununete: Kimunonenos jo komam irumenenete ileic. Konye eoŋ arai iritanit, kwabo mam arai ituŋanan;’ Imoromorot ka imenitono da yenika ituŋa. Kakienatatar lukaanyunete kere, kesekelete: Isuanaros, imuŋumuŋete akwes, kineras ebe, “Koluŋakin neejai EJAKAIT; tetere eyuuni ŋes; Tetere eyuuni ŋes, naarai elelakinit ŋes!” Konye ijo ŋol lokisidouni eoŋ kakoik naka totoka: Lokisumunoori da aroko anaki. Aponi ketitiŋi jo ameuni kaurunioka: ljoŋ Ekadeke ameuni kakoik naka totoka. Sirikilwaniar kaneajai; naarai eapie aronis; Naarai emamei yenikeŋarakini. Kerimorito imaseniko luipu; Kerigaunito imaseniko lukagogoŋ luka Basan. Kaooŋanakinete aitukekec, Kwape eŋatuny loikuna loegat. Kabukor kwape kakipi, Elionyonokinos akakojo da kere: Esubit ekatau bala edipor; Acalar kokidiŋ amoetenaka. Aono akagogoŋ bala atibolok; Emakakin akaŋajep abokonyaka, Kiyau da toma apua naka atwanare. Naarai kerimorito inokwo: Karidakinit atukot naka lukeswamak aroŋis; Kecumata akakanin ka akakejen, Apedori aimarun akakojo kere; Kasesenete kedetakinito akonye: Akorokorata akanapito, Kilamilamata eroet kanuka ekasoka. Konye sirikilwaniar, wu EJAKAIT! Uo ekakeŋarakinan, kiwonyuni aiŋarakin eoŋ. Koyu ekatau kokileŋ; Iminataka kapedor naka ekiŋok. Kitajarai kotoma aituk naka eŋatuny; Eebo, ibu Koboŋok da kamumwar nuka ekosobwan. Alimonokinenei ekonikiror mama ejaas iinacanaka: Keturenenei jo kokidiŋ katukot, Kiturito ŋes, yes Iuiyoŋito EJAKAIT! Kitopoloonorete ŋes, yes kere aur naka Yakob; Koyoŋenenete ŋes, yes kere aur naka Isirael. Naarai mam abu komen kwabo mam abu kola Ican luka ŋol kaloiticanio; Kwabo mam abu kibwa akekonyen kamakeŋ; Konye naeworoo, abu kiira, Mamakon ŋes elomunia aituriteka kotoma okodet loepol: Etodoli akaiyaposio kakonyen nuka ŋul kalueyoŋito ŋes. Enyamete luitasonos kimonikinos: Iturete EJAKAIT ŋul luemootos ŋes. Kojarenenete ikusitauon ikar kere. Iitunete rwaru awaitin kere nuka akwap, kibelokinos neejai EJAKAIT: Emai ajena kere naka atekerin kakonyenekon. Naarai ajakanut erai naka EJAKAIT: ŋes da irumit atekerin, Ituŋa luiusak kere enyamete emaete da: ŋul da Iueboŋorete toma apua ekukumete kakonyeneke, Ŋopeŋol lomam epedori aitajar eketau. Uaanakini aur ŋes: Elimokinio nuka EJAKAIT aitodol atur naejauni. Epote elimonokinete adoliteke Mama ejaas ituŋa lumoolo eurio, ebe eswama ŋin. EJAKAIT ŋes ekeCokonika; Emamei ibore yenepuda, Kesiperikini amelo: KeŊarenikini ariri naka akipi nueliiliete, Iteteuni ekatau; KeŊarenikini korotin luka adolit kanuka ekekiror, Eebo, karaida ketor aditot naka etoribe loka atwanare, Mam akurianar aronis kere; Naarai ijai ijo keoŋ; Akonimorok ka ebelakon kes ketalakarito, Itemonokini ijo emesa neajai eoŋ Kakonyen nuka lukasurupoka; Inyonyoik akinyet akouka; Ilapanar kadereka. Abeit ajokis ka aitim katupenenete eoŋ Apaarasia kere nuka aijaraka; Eboienenei kotogo loka EJAKAIT ikar kere. Alup eraas nuka EJAKAIT, ka ailelebakec; Akwap kere, ka ŋul da luiboienenete ‘kotoma, Naarai abu ŋesi kosipok toma aŋolol, Abu kisicat kakaleleŋ, Iŋai bo yenedokari moru loka EJAKAIT? Iŋai bo da yenebwoi kaiboisike nakalaunan? ŋin yenejaas akanin nuelaete, etau da loesegara; Yenimam itonyounit eketau mama ejaas aamameak, Kwabo mam iyapot aimod. Itusulianyi EJAKAIT ŋin, Edeke da loka akeitajario einakini adolit, Na ŋes atur naka ŋul kaluemoete ŋes, Luemoete akonyenekon, wu Edeke loka Yakob. Kitonyoutu akwesikus, yes irutei! Konyoutu yesi da, ikirigin lumam idaunos! Koloma Ekabaka loka aibuses, Iŋai bo Ekabaka loka aibuses? EJAKAIT lokagogon lokapedor, EJAKAIT lokagogoŋon kojie. Kitonyoutu akwesikus, yes irutei! Eebo, kitonyoutu, yes ikirigin lumam idaunos! Koloma Ekabaka loka aibuses. Iŋai bo Ekabaka lo loka aibuses? EJAKAIT loka ajoresio, Ŋopeŋol ŋes Ekabaka loka aibuses. Sela. Etonyouni ekatau mama ljai jo, wu EJAKAIT. Wu Ekadeke, kamunonena jo, Kenyeis ileic airum; Kenyeis da lukasurupoka aipikor eoŋ. Eebo, lukidarito jo emamei yenirumete ileic: ŋul luebilete ibotei luutai kes irumete ileic. Kitodikinai ikonirotin, wu EJAKAIT; Kisisianakinai ikonisokono. Kiŋarenikinoi kotoma abeitekon, kisisianakinai; Naarai irai ijo Edeke loka akaitajar; Kedareunenei jo aitiwar akwap, Kiitu, wu EJAKAIT aitimikon nakajokan, ka asianutukon-nakamin; Naarai kejaas apeŋo, Sirikiitu aronisio nuka akatumun, karaida akadiakanar: Kiitunai kwape ejaar akonisianut-nakamin, Kanuka akonijokis, wu EJAKAIT. Ejok EJAKAIT ido edolit: ŋes isisianakinia ikadiakanarak korot. Iŋarenikinenei luitasonos kotube: Ido isisianakinenei luitasonos ekerot. Isokono kere luka EJAKAIT eraas asianut-nakamin ka abeit, Mama ejaas ŋul lueriete aitutuketeke ka aitejenunetake. Kanuka ekonikiror, wu EJAKAIT, Kisionioi numam adoliteka naarai ipu, Iŋai bo ituŋanan yeneyoŋit EJAKAIT? ŋipeŋin isisianakinenei korot loeseikini. Iboienenei eketau inapakina: lrumenenei aurike akwap. Aiyeiyea naka EJAKAIT ejai kaŋul kalueyoŋito ŋes: Itodianakinenei akeitutuket. Esesenenete akakonye EJAKAIT apaarasia kere; Naarai elemununei ŋesi akakeje koboi. Kibelokin neajai, kitim; Naarai kasiliki bon, eticanitoi. Eyatakinos ican lukotauka: Okwe kolemunai kotoma aitururuka! Koomoom nuka aiticanioka ka aitaaritoika; Kisionioi akaronisio kere, Koomoom nuka lukasurupoka, naarai ipu; Kalaito da kalait naedwar. Okwe kidarenenei ekatau, koyuununei eoŋ! Kenyeis ileic airum, naarai kamuno jo. Kedarata eoŋ alaunit ka adolit, Naarai kedareunit jo, Kolaku Isirael, wu Edeke, Kotoma ocanike kere, Kotubokinai, wu EJAKAIT, naarai abu kalosenenei kotoma abeiteka: Abu da kamunoneno EJAKAIT komam ajurusiar. Koŋicai, wu EJAKAIT, kiniŋoi; Kitem ikaŋeretenya ka ekatau da. Naarai ejai akonisianut-nakamin kakonyeka; Abu kalosenenei da kotoma abeitekon. Mam abu keboienenei kituŋa luutai; Mam da kiupakin kaluijoseoko. Alait eoŋ atukot naka lukeswamak nueroko, Mam da kiboikin kalukaronok. Elosenenei akakanin kotoma amamut karonis; Kwaŋin kasodi airimor ekonitem, wu EJAKAIT: Tetere esiirari eporoto loka aimal, Alimori da akoniswamisio kere nukaumokin. Wu EJAKAIT, amina aibois naka etogokon, Ka aibois naiboieneno aibusesukon. Sirikimoria ekatau nepepe kikadiakarak, Karaida akaijar nepepe kikaarak: Toma akaninikec ejai ameŋeranut, Akanikec nakoteten ileleba ainakineta nuitumudakete akonye. Konye eoŋ alosenenei kabeiteka: Kolakunai, kitimoi. Ebwoi akakeju kaibois naiiyakina: Eturenenei EJAKAIT kotoma okodeta. EJAKAIT ŋes akaica ka akaitajar: da; Akurianar iŋai? EJAKAIT ŋes agogoŋ naka akaijar; Akerit iŋai? Nakasurokiniata luiswamaete aronis ainyam akakuan, Kes lukasurupoka lukekoloka da, Eguiikis ebiroros. Karaida kidukur ajore aitiji, Mam ekatau ekurianar: Karaida kaadoikis ijiisio, ŋul da aŋirikini, Abu kelip EJAKAIT akirot adiopet, ŋipeŋin naamoenenei; Aiboienen kotogo loka EJAKAIT Apaarasia kere nuka aijaraka, Asesenen ajokis naka EJAKAIT, Aomoomoenen da koyekaluke. Naarai kapaaran naka aiyaloŋoŋ Kedari kaiyeiyea kotogoke; Kaŋopis naka ekewema ŋes kebwaia; Ketonyouni katiiba. Natikwana itonyouni akouka kokuju kalukasurupoka lukerimorete; Ainakini da asuban nuka aiyalama owemake; Ayeenenei, eebo, ayeenenei aiturit EJAKAIT. Wu EJAKAIT, kiira naeworoo keporotoka: Kitimoi da, Koboŋok. Naitemaria atiar, “Komoata akakonyen”; Kobala ekatau jo ebe, “EJAKAIT, amoenenei akonikonyen.” Sirikibwa akonikonyen kaneajai; Sirikireŋea ekonibulesit kanyunyura. Irai ijo ekenarakinanika; Sirikiicaka, kwabo sirikiijalak, Wu Edeke loka akaitajario! Naarai kajalakis papaka ka totoka, Konye ketanuni EJAKAIT. Kisisianakinai ekonirot, wu EJAKAIT; Kitetenai kosokot loetakani, Kanuka lukasurupoka. Sirikiinak mama ejaas lukasurupoka aiswamakin nuipudasi: Naarai kanyoikis ikasabak, ka ŋul luinerasi nuka adedeŋ. Tikeilor arai kemam eyuunit aanyun ajokis naka EJAKAIT Kakwap naka lukajarak! Kidareu EJAKAIT! Kogogoŋior, kotitiŋior; Eebo, kidareu EJAKAIT! Kewonei jo, wu EJAKAIT: Atiibaka, sirikikimiŋanar kamakaŋ: Arai kiililiŋik Aputoori ŋul luijesaros aipany, Kiira eporoto loka akaiŋaiŋa, naeworoo, Naarioria akaninika neejai aiboisikon nakalaunan. Sirikiidilidila nepepe kikaronok, Ka ŋul da luiswamaete numam adolit; Luineras nuka ainapakin kiidunyetakec, Konye kojai ameŋeranut toma otauonokec, Koinak kes kwape ejaatar akeceswamisio, Kwape ejaar aronis naka nuiswamaete; Koinak kwape iswamaata akecekanin, Korop nuibusakinito kes. Naarai mam esesenete aswamisio nuka EJAKAIT, Karaida nuesubete akekanin, Itakitaki kes, komam eduki. Kituritete EJAKAIT! Naarai eira eporoto loka akaiŋaiŋa, EJAKAIT ŋes akagogoŋ, ka ekabuku da; Emunoneno ekatau ŋes, keŋarakin; ŋes eyalamikinor ekatau noi; Eturenenei ŋes kekosioka. EJAKAIT ŋes agogoŋukec, ŋes aŋopis naka aitajar neejai ekinyonyoikitonoke akinyet. Kitajar ikonituŋa, kisirereŋ akoniirumet: Kitanyamenenei kes, kigaŋite da ikar kere. Koinakisi EJAKAIT, yes odwe luka ikagogoŋok, Koinakisi EJAKAIT aibuses ka agogoŋ. Koinakisi EJAKAIT aibuses naibusakinit ekekiror; Komaata EJAKAIT konapito luelaete. Ejai eporoto loka EJAKAIT akipi: Iretuni Edeke loka aibuses; Ejai EJAKAIT akipi nukepuak. Egogoŋ eporoto loka EJAKAIT; Ileleba eporoto loka EJAKAIT apolou. Ebili eporoto loka EJAKAIT iresia; Eebo, ebilibilei EJAKAIT iresia luka Lebanon. Itucuri da kes kwape kitaok; Lebanon ka Sirion kwape kikosobwan. Ecili eporoto loka” EJAKAIT aŋajepa nuka akim. Isirieŋuni eporoto loka EJAKAIT amodiŋ; Isirieŋuni EJAKAIT amodiŋ naka Kades. Isidouni eporoto loka EJAKAIT amiamieik, Iregari amonieik; Ebala ŋinibore koyekaluke ebe, “Aibuses!” Abu EJAKAIT kiboikin akalele kwape ekabaka; Eebo, iboie EJAKAIT kwape ekabaka ikar kere. Einakini EJAKAIT iketuŋa agogoŋ; Isirereŋi EJAKAIT iketuŋa kainapakin. Ketopoloorenenei jo, wu EJAKAIT, naarai kikia eoŋ, Mam isiyalamikinit lukasurupoka aipikor eoŋ. Wu EJAKAIT, Ekadeke, Abu keworo, kitaŋaleu, Wu EJAKAIT, ibu kitonyou ekatau kOkatwak: Ibu kidar akaijar kenye aijesar toma Aipany. Koyeenenete aiturit EJAKAIT, yes lukalaunakake, Kimalaenenete ekekiror lokalaunan. Naarai etubor akenyunyura atipet; Toma aminake ejai aijar: Diat kimonyi akuare kia, konye kilakar tupuruc. Eoŋ da naakerianar kabala ebe, “Mam eriaŋiriaŋenena.” Ijo EJAKAIT, kotoma aminakon, Ibu kiticat ekaroŋat kogogoŋ; Ibu kibwa akonikonyen; keyaloŋoŋ, Keworoi jo, wu EJAKAIT: Ido keŋaiŋa EJAKAIT ebe, “Ajokis anyoin ejai toma aokotoka, kejesar Aipany? Kiturenenei kereka apua jo? Elimonokini kereka abeitekon? Kiira, wu EJAKAIT, kitimoi: EJAKAIT, koraun ijo ekakeŋarakinan.” Ibelok akaibworo araun ekosio; Ilaca igoen luka aibworoka, kitanap aiyalama: Tetere kiyoonokini akaibuses aiturit jo, komam ililiŋi, Wu EJAKAIT Ekadeke, kemalaenenei jo apaarasia kere, Wu EJAKAIT, kamuno jo; Kenyek aisurumeneneo ileic: Kolakunai kadolitekon, Kitoikinai akonikit; Kisunyite alakun eoŋ. Koraun atiibaka nakagogoŋ, Etogo loegalikinio aitajar eoŋ. Naarai ijo atiibaka ka akabwas da; Kanuka ŋun korikoroi kiŋarenikinoi kanuka ekonikiror. Kolemunai kotoma oboi lokalokitere kaiyeiyea; Naarai irai ijo akabwas. Eŋadakini ekamoyo akanikon: Ibu kolaku eoŋ, wu EJAKAIT, ijo Edeke loka abeit. Alait ŋul lueomitos aamameak nuka aiŋal; Konye amuno eoŋ EJAKAIT. Alakanar eyalamanakin kanuka akoniitim: Naarai ibu koany akaiticanio; Ibu kojen ekatau kotoma ocan: Kwabo mam ibu kogoloo eoŋ akan naka lokasurup: Ibu kibwaik akakeje aibois naelal. Kitimoi, wu EJAKAIT, naarai kakadaki: Aoniki akakoŋu kanuka aimony, Eebo, ekatau ka akakuan da. Naarai iiŋoŋanar akaijar kaiturur, ka ikaruka da keidiny: Etegaki akagogoŋ kanuka numam adoliteka, Akakojo da aoko. Kanuka lukekoloka kere araun eoŋ amorosit, Eebo, mama ejaas ikaidunyeta cut, Ido akurian mama ejaas ipaupaka: Lukaanyunete korot kakerete. Kemurwokin bala ikatwan yenimam eomitai: Asub bala atido naabwaŋa, Naarai abu keira areanakin naka luipu, Etasuro loepol iwaitin kere! Naeneruniata aluikin eoŋ, Kotuboto acoa amudiar akaijar. Konye kamuno jo, wu EJAKAIT: Katema atiar, “Uo Ekadeke.” Ejaas akapaarasia akanikon: Koyuunai kakan naka lukasurupoka, Kaneejaas ŋul da lukemanito. Kitacaik ekonibulesit akonikonyen: Kitajarai kakonisianut-nakamin. Kenyeis ileic airum, wu EJAKAIT; Naarai keworo jo: Kisurumenenei ikaronok ileic, Kisililiŋ kes kOkatwak. Kisibuta aituke nukeŋalak: Nuinerasi nuka epali mama ejaas ikadolitok, Kelepa ka emwaŋit. Eiliili cama akonijokis Naiŋadakinit ŋul lukiyoŋito, Naiswamakinia ŋul lukimunos, Kakonyen nuka odwe luka ituŋa! Ibwai kes kotoma aŋopis naka ajautukon Kobotei luka ituŋa: Idarenenei kes kaiyeiyea kowema Kama ejai aŋolopa naka anajepa. Kituritete EJAKAIT! Naarai ketodiki akesianut-nakamin nakaumokin Kotoma ore loegogoŋ. Esuburiarit eoŋ einer ebe, “Kamudiar kakonyenekon”: Kwabo ibu kopup eporoto loka akaiŋaiŋa Nakeworoo jo. Kominasi EJAKAIT, yes kere ikekalaunak: Itanaleuni EJAKAIT lumunon, Eropi noi ekeswaman nukelepa. Kogogoŋoto, kotitiŋioto, Yes kere luidareunito EJAKAIT. Isirerenitoi ŋin yenisionio adiakarike, Yenerapitai da akeronis. Isirerenitoi ituŋanan yenimam imarakini EJAKAIT numam adolit, Yenimam emodit komoyoke. Nakeliliŋia, komojoŋata akakojo Kanuka aumenoka aitiwar akwap. Naarai kalaŋirikinit akonikan paaran ka kuare: Koonikis akakip bala aonit naka akamu. Abu kalimok jo akaronis, Komam ebwait numam adoliteka: Kabala ebe, “Alimori adiakaretaka mama ejai EJAKAIT.” Ibu kisioni numam adolit nuka akaronis. Kanuka ŋun kilipenenei jo ŋinituŋanan yeneyoŋit Edeke kapak naitakanunia: Abeit naeleleata akip nuipu mam edolokinete ŋes. ljoŋ anopisika; kiiyari ijo eoŋ kocan; Kirigauni eoŋ kikososinei luka alakunio. Ketuutonori jo, kesisianakini da korot loiloseneneo: Kekwenyari jo kakakoŋu, Sirisubito bala ibalasin, arai bala inyubun, luemamei ajenun: Luibusakinit ajen kasua ka amunyin aitikokinia kes, Kinyeis aikunyakin mama ijai, Ejaunos ikaronok ican luipu; Konye yenemuno EJAKAIT irigauni ŋin aitim. Kiyalamikinos kotoma EJAKAIT, kolelata yesi ikadolitok: Kibwoŋata kanuka aiyalama, yes kere luitenara itauon, Kolelata toma EJAKAIT, yes ikadolitok: Aiturit ibusakinit yenitenara kotau. Kimalata EJAKAIT kadeudeu: Koyeikis aiturit ŋes kisabulin luka aputio atomon. Koyeikisi ŋes ekosio lokitetet: Koramakis ejok keporoto loepol. Naarai etenit akirot naka EJAKAIT; Akeswam da kere iswamai kamunonut. Emin adolit ka etube: Ileleba akwap asianut-nakamin naka EJAKAIT. Asubunio akuj kakirot naka EJAKAIT; Ajoreke da kere keiyeŋane loka aitukuke. Etukonokini akipi nuka aŋololin nepepe bala atukit: Iŋadi ataroi toma odula. Koyoŋ akwap kere EJAKAIT: Komaranata luiboiete kere kotoma akwap. Naarai abu kolim, kiswamai; Abu kicorak, kicat da. Itapalauni EJAKAIT ainerun naka atekerin: Itwataniari aomisio nuka ituŋa. Icasit ainerun naka EJAKAIT ikar kere, Aomisio da nukotauke mama ejaas aturio kere. Isirerenitoi ateker naerai EJAKAIT Edekekec; Ituŋa luaseu araun airumeteke. Eseseni EJAKAIT kokuju; Itei da idwe kere luka ituŋa; Kotoma aibois naiboio Eseseni kere luiboiete kakwap; ŋopeŋol loitemonokini itauonokec kere, ŋes da loeomoomoi aswamisiokec kere. Emamei ekabaka loitajaritai kanuka ajore naepol; Mam lokagogoŋ eyuunio kanuka agogoŋuke naepol. Erai ebalasit ibore yenitai kanuka aitajar: Mam da eyuuni imodio kere kanuka akegogoŋ naepol. Koany, itei akoŋu naka EJAKAIT ŋul lueyonito ŋes, Ka ŋul da luemunos aitimike; Ayuun itauonokec kotoma atwanare, Aitajar da kes kotoma obeli. Idarito itauonowok EJAKAIT: Erai ewokokeŋarakinan ka ewokobuku da. Isiyalamikinito iwokotauon ŋol, Naarai kimunokin ekekiror lokalaunan. Kodolok sio akoniitim, wu EJAKAIT, Kwape kimunokinor jo. Emalaeneriei EJAKAIT apakio kere: Aituriteke ejaununei toma aitukuka. Eolobobot ekatau kotoma EJAKAIT: Iirarete luitasonos iyalamikinos da. Kitopoloosi EJAKAIT yesi ka eoŋ da, Keturoto ekekiror nepepe! Abu kamo EJAKAIT, kaboŋok, Kayu eoŋ kotoma akurianuka kere. Apotu kosesenata ŋes, kitacaunai: Mam bobo akonyenekec ileicikinete. Abu lokican lo kiworo, kiira EJAKAIT ŋes, Kitajar ŋes kocanike kere. Idukuri emalaika loka EJAKAIT alukun ŋul lueyonito ŋes, Eyuuni da kes. Kiir ber, koany ebe ejok EJAKAIT! Isirereŋitoi ituŋanan yenemuno ŋes! Koyonito EJAKAIT, yes ikalaunakake: Naarai emamei ibore yenipudas ŋul lueyonito ŋes. Ilwaritos iŋatunyo ludidik, eriebete eteŋei: Konye ŋul luemoete EJAKAIT mam eolikinete ibore kere yenejok. Kopotu, yes idwe, kopupunoi: Kesisianakinete yes aiyoŋ EJAKAIT. Iŋai bo ituŋanan yenimiela aijar, Yenemina da apaarasia nuipu, tetere edumuni ajokis? Kisinac aŋajepekon nukaronok, Ka aitukukon da aimod. Konyou kotoma aronis, kiswama ajokis; Komo ainapakin, kotupa da. Esesenete akonye nuka EJAKAIT ikadolitok, Itoikinit da akiike apupun aimonyokec. Egirito akonyen nuka EJAKAIT ŋul luiswamaete aronis, Amwatar aiitunetekec kotoma akwap. Apotu ikadolitok kiworoto, kopup EJAKAIT, Koyu kes kocanikec kere. Eapie EJAKAIT kaneejaas ŋul kere luebilil itauon, Itajari ŋul luejaas emoyo loitoronikina. Ipu aicaneta nuka ikadoliton: Konye eyuuni EJAKAIT ŋes kotoma kaŋun kere. Idari akojoke kere: Mam da amodio naebila. Eari aronis ikaronok: Etubokinio ŋul luelaito ikadolitok. Elakuni EJAKAIT itauon luka ikekejaanakinak: Mam etubokinio idio kaluemunosi ŋes. Wu EJAKAIT, kopegata kaŋul luepegasi keoŋ: Kitiji ŋul luketijiete eoŋ. Kokap ebuku ka eupal, Kobwo kiŋarak eoŋ. Kout akwara da kigalik erot loka ŋul kalukarukitotor: Kolimok ekatau ebe, “Eoŋ akoniitajar.” Kisurum ileic kitisil da ŋul luemoete akaijar: Kitoboŋo kau kisiyaloŋoŋ ŋul luinerunete aiswamakin eoŋ aronis. Kosubata kesi bala agugu nuekutari ekwam, Kireŋe kes emalaika loka EJAKAIT. Koraun ekecerot amuton ka arurut, Korukitor kes emalaika loka EJAKAIT, Naarai apotu kolokikis eic toma aipany alokia eoŋ komameete akiro, Abokikis ekatau aipany komameete akiro. Kobunok ŋes amudiario komam ecoit, Kipok ŋes elopet eicike loalokit: Kibirokin komudiar. Kosodi elakar ekatau kotoma EJAKAIT: Elelakini akeitajar. Etemarete akakojo kere ebe, “EJAKAIT, iiŋai bo iputotor ijo, Loiyuuni lokican kama kaŋol kaloitelekarit ŋes kagogoŋ, Eebo, lokican ka loilwaritoi kama kaŋol kaloenetart?” Anyout ikajenak lumam edolito; Keŋita akiro numam ajeni. Eropete eoŋ karonis itia ajokis, Aitisilikin ekatau. Konye eoŋ, kedekakinos kesi, Anapi inapen luka aibworo: Ketaari ekatau ailuŋ; Eboŋokini akailip toma atorobuka alopet. Abu kekonak kwape tikeraar ekapapero arai onaceka: Kakukum aibworo kwape yenekuudiani totoke. Konye do kecodokin eoŋ kiyalamikinos, kotukonokinos; Katukonokinotor lueŋolopaka, komam ajeni; Kanyilinyilata komam ejoŋoete: Kwape lukesekelok lueinyanakinete kopucino, Kakonyanakiniata ikel. EJAKAIT, itodoli ai itei? Kitajar ekatau kotoma amudiarikec, Iminataka kama ejaas iŋatunyo. Kemalai jo kokodet loepol: Keturenenei jo kotuŋa luipu. Kinyeis ŋul lueraas lukasurupoka aiyalamikin kaiŋal: Karaida ŋul lukalaito komameete akiro aedia akonye. Naarai mam inerasi ainapakin: Konye inerunete akiro nuka aiŋal Aluikinio ŋul luiyapaara kakwap. Eebo, kaoonikinitos noi aitukekec; Kobalas ebe, “Us, ijo ba! Abu akosikoŋu kogipa!” Ibu ijo kogipu, wu EJAKAIT: sirikililiŋ: Wu EJAKAIT, sirikilwaniar kamakaŋ, Kokweny, konyou kotubok eoŋ akiro, Akakiro, Edekeka ka EJAKAITika. Kotubokinai wu EJAKAIT Ekadeke, kwape ejaar akonidolit; Kinyeis aiyalamar eoŋ. Kinyeis atemar kotauonokec ebe, “ljo ba, kwaŋin kito!” Kinyeis atemar ebe, “Kiliko oni ŋes elue.” Kisurum ileje kisiyaloŋoŋ kere Luisiyalamikinito eoŋ adumun aronis! Kitanap ileje ka asiles lukadakanarotor! Kibwoŋata kanuka aiyalama, kolakaros, Luitojokitos akakirot nakadolit: Eebo, kinerenenas duc ebe, “Kitopolooritete EJAKAIT, Loeminakinit akerianut naka ekebulesit.” Kosodi inerenena akaŋajep adolitekon, Aituritekon da aitiwar akwap. Inera adiakar naka ikaronon kotauke ebe, Emamei akurian Edeke kakonyeneke. Naarai iturokina bon kakonyeneke ebe, Numam adoliteke mam ejernunio, mam elaio da. Eraas akiro nuka aitukuke numam adolit ka aiŋal: Enyeki nukacoa ka aswam da nuejok, Ineruni numam adolit koitadake, Ibwaikina elopet bon orot lomam ejok; Mam esacit aronis. Wu EJAKAIT, ejai akonisianut-nakamin toma akul; Edolit amunonutukon toma akuj. Esubit adolitekon bala itoŋan luka Edeke; Itubesiakon eraas ataro naepol: Wu EJAKAIT, idari ijo irunanan ka itiaŋ da. Elok ca ma akonisianut-nakamin, wu Edeke! Eŋopete idwe luka ituŋa kotolim loka abebenokakon. Imonikinos kojokan atarion nakotogokon; Itamasi kes ecor loka aiyalamakon. Naarai neijai ijo ŋes ejai atan naka aijar: Toma aicakon ŋes kianyunia isio aica. Kiyatak ijo akonisianut-nakamin mama ejaas ŋul lukijenete jo; Ka adolitekon da mama ejaas luitenara itauon. Kinyek akeju naka luituros aluikin eoŋ, Kinyeis da akanin nuka lukaronok aireŋear eoŋ. Ebirokinos nen ikeswamak numam adolit: Alatanakin kwap, mam epedorete anyoun. Siriyaloŋoŋoenenei kanuka lukeswamak aronis, Sirikokotekit da ŋul luiswamaete numam adolit. Naarai etubio kwape anya, Erinyorete bala amel. Komunonena EJAKAIT, kiswamaenenei nuejok; Kiboienenei kakwap, kotupenenei amunonut. Kolakanar kama ejai EJAKAIT; Kiinakini ŋesi da jo nuimiela ekonitau. Kititiŋik EJAKAIT ekonirot; Komunonena ŋes, itodolenenei ŋesi da. Itoduuni akonidolit bala aica, Akoniitub da kwape kidiŋ paaran. Kililiŋ kaneejai EJAKAIT, kidareununei katitiŋikinit; Siriyaloŋoŋoenenei kanuka ŋin yenekeriana korotoke, Kanuka ituŋanan yenitodoli ibotei luka aronis. Kinyek anyunyura, kojal adedeŋ; Siriyaloŋoŋoenenei, naarai iriuni ŋin aronis. Naarai egelario luiswamaete nueroko: Konye ŋul luidarito EJAKAIT, kes irumete akwap. Naarai kapak naedit, emameun ikaronon: Eebo, irerei cut akeibois, ido emameun. Konye luitasonos irumete akwap; Iyalamanakinos kainapakin naeiliili. Ineruni ikaronon aluikin ikadoliton, Ekonyanakinor ŋes ikel. Konye ekienar EJAKAIT ikaronon; Naarai eanyuni ebe eapie akepaaran. Autut ikaronok ikileŋa, eketata akabwaikec; Aibirokin yenikican ka yenilwaritoi, Aiar ŋul luitenara korot: Icumete ikecekileŋa itauonokec kikulepek, Ebilas akabwaikec. Idis Iuejaatar ikadoliton Itelekaritos aipues naka iboro luka ikaronok luipu. Naarai ebilas akanin nuka ikaronok: Konye igaŋit EJAKAIT ikadolitok. Ejeŋi EJAKAIT apaarasianuka luitenara: Ejaenena akeceirumet ikar kere. Mam irumenenete ileic kapakio nuka aronis: Imonianakinos da kapaarasia nuka eteŋei. Konye eoliorete ikaronok, Iliearos lukasurupo luka EJAKAIT kwape ajokis naka elet; Icweikinio; epuriorete bala apuru. ljauni ikaronon, komam inyakakini bobo: Konye ekori yenedolit kasianut, einakini da, Naarai luisirerenitoi irumete akwap; Ka ŋul luikenit ŋesi egelario, Iticasi EJAKAIT alosit naka ituŋanan; Isiyalamikinit da ekerot. Karaida kibiror, mam elatar noi; Naarai igaŋit EJAKAIT kakekan. Adite kolo eoŋ, konye kwana amoloŋ; Konye eriŋa eanyuna yenedolit ejalakinitai, Karaida akeur ilipitoi inyamat, Ekori kasianut aitiwar akwap, eyuuni; Isirereŋitoi da akeur. Konyou kotoma aronis, kiswama nuejok; Kobut ikar kere. Naarai emin EJAKAIT etube, Ido mam ejalakini lukalaunakake; Idario kes ikar kere: Konye egelario aur naka yenikaronon. Irumete ikadolitok akwap, Ebusete kotoma ikar kere. Inera aituk naka ikadoliton nuka acoa, Elimonokini da akeŋajep etube, Ikisila luka Edekeke ejaas otauke: Mam ejurusianar kotoma alositeke kere. Eseseni ikaronon ikadoliton, Kokoto aiar. Mam EJAKAIT inyeini kakanike, Karaida aitetelekar ŋes naetubokinere akiro. Kidareununei EJAKAIT, kotupenenei ekerot, Ŋes da kitopoloori jo airum akwap: Ianyuni egelario lukaronok, Abu kaany ikaronon ejai apedor naepol, Kigananai kwape kekitoi loelomunit kalupoke. Konye kitor, ido koany, emamei: Eebo, abu kamo, konye mam etakanuna. Koŋicenenei yenedolit, kiteenenei yenetenit: Naarai esaŋe loka ituŋanan kaŋin ŋes ainapakin. Konye ikadiakanarak emudiario nepepe: Egelario cut esaŋe loka yenikaronon. Konye aitajario naka ikadolitok ebuni kama ejai EJAKAIT: Ŋol ŋes anopisikec kotoma apakio nuka icaŋo Ido iŋarakini EJAKAIT, itanaleuni kes: Itaŋaleuni kama ejaas ikaronok, itajari kes, Naarai akeriasi neejai ŋesi. Wu EJAKAIT, sirikiiretak kakoninyunyura: Karaida alecor eoŋ kotoma akadakinikon naepol. Naarai kediriakinos cut ikonikojoi, Karidakinit eoŋ akonikan noi. Emamei aŋaleu kakuanaka kanuka aisiopitekon; Kwabo emamei aiyeŋun kotoma akojoka kanuka akaronis. Naarai elaparos numam adoliteka kakouka: Kalaŋirikis noi kwape abwokon naepol. Auruut akamusunun ido abosuut, Kanuka akabaŋaanut, Kesiriebi kacuikinitai noi; Alosi amonyi aitiwar akwap. Naarai ilelebikina akaŋabet amwanis; Ido emamei aŋaleu kakuanaka. Eilor aiionokineta nuipu: Eluluk kanuka aiyaloŋoŋ nakotauka. EJAKAIT, nuemiela kere ejaas akonyenekon; Mam ibwaa ekaidiny kamakon. Ebala ekatau pukupuk, eŋoŋar akagogoŋ; Asesen naka akakonye, kaoliki ŋin da. Abwataros lukaminasi ka ikapapero kama ejaas aromaka; Abwataros da lukajenaka. Ŋul da Iuirigaete aijaraka, kalokete; Ka ŋul da luitojokito eoŋ aanyun iean Ineras nuka ameŋeranut, Ido itetemonorete nuka aiŋal kotauonokec aitiwar akwap. Konye eoŋ, asubit bala ekimin, mam epupi; Asubit bala ebaŋ lomam eooŋari akeituk. Eebo, asubit bala etuŋanan lomam epupi, Emamei aitukuke aitoron, Naarai kamuno jo, wu EJAKAIT: Kiboŋokini wu EJAKAIT Ekadeke. Naarai abu katema atiar, “Kinyeis kesi aiyalamar eoŋ: Keiurusiar akakeju kadakanarotor.” Naarai eapie eoŋ aicodokin, Akaiturur ejai akonyeneka tiritir. Naarai alimori numam adoliteka, Kakadakinite kanuka akaronis. Konye eŋaleete Iukasurupoka egogoŋ da: Eyatakinos ŋul lukalaito kotoma aiŋal, Ka ŋul da Iuinyaŋete aronis itia ajokis Kes lukasurupoka, naarai atupit eoŋ akirot naejok, Sirikiijalak, wu EJAKAIT. Wu Ekadeke, sirikilwaniar kaneajai. Kiwonyuni aiŋarakin eoŋ, Wu EJAKAIT loka akaitajario. Abu katema atiar, “Edarenenei ikaponesio, Kenyek aibucar kaŋajepeka: Aeni akaituk kamuny, Naejaar lokaronon akonyeneka.” Abu kebanubanun keliliŋi, Kabuta komam enera karaida nukajokak; Kiyatakin akaiturur. Komwanu ekatau kotomaka; Naaomoomaa kinep akim: Kasodi kener kaŋajepeka ebe: “Wu EJAKAIT, kitejenunai esaŋeka, Ido kwape ejaar aitemisioit naka apaarasiaka; Kitejenunai kwape araar Ioaloŋwana, Koany, ibu kituluo akapaarasia kwape alalau naka akan; Akaibut da erai ibore yenitai kakonyenekon: Abeit ŋinituŋanan naicasitor erai eiyeŋane lootai. Abeit elosi ŋinituŋanan bala etoribe, Abeit iyaloŋoŋoete atai: Etuki abar, komam ejeni yeneyaari. Aso do, wu EJAKAIT, edareunit inyo? Ejai akamun mamakon. Koyuunai kapaaretaka kere: Sirikiituluo amorosit naka ibaŋiok. Abu kebaŋubaŋun, mam abu kaooŋa akaituk; Naarai ibu kosub. Kolema ebelakon kamaka: Karumo ainomio naka akonikan. Naitetenia ituŋanan kairetakin kanuka numam adolit, Irumori akejokis kwape ekaporiporit: Abeit ŋinituŋanan erai eiyeŋane lootai. Kopup akailip, wu EJAKAIT, kitoik akit akaiwonet; Sirikililiŋik akakiyo: Naarai arai eloŋwait kamakon, Ekeboiororon, kwape ajaatar lukapapaaka. Okwe kideunai eoŋ, tetere ecasicasi, Eriŋa kenyouno, kamameun kane.” Abu kedareununei EJAKAIT katitiŋikinit; Ketoik ŋesi eoŋ akit kopup akaimony. Ido kalem kaipany naka amudiario, Kotoma orit loiminai; Kibwaik akakeje atiiba, Kiticat akalosit. Epikaki ekosio lokitetet aitukuka, ŋes aiturit Edekewok: Eanyunete luipu, koyonata, Komunokinos EJAKAIT. Isirereŋitoi ituŋanan yenemuno EJAKAIT, Yenimam ibwaikinit aibuses luiwoŋoko, Karaida luepaarete aiŋal. Wu EJAKAIT Ekadeke, ipu aswamisio nukaumokin nuibu kiswama, Ka aomisiokon nuejaas mamakosi; Mam epedorete aitemokin kamakon; Arai akoto alimor ka einer kes, Ipu mam imarunos, Mam isiyalamikinit asubanit ka ainakinet; Ipuko akaki; Mam ibu kokoto ainakinet naicweio, Karaida ainakinet naka adiakaret. Kasodi kener ebe, “Koany, abu eoŋ; Ewadikatai nukaŋ oitabo lonunuko: Wu Ekadeke, esiyalamikinit eoŋ aswam nuikoto ijo, Eebo, ejaas ikonikisila otauka.” Alimonok adolit kotoma atukot naepol; Koany, mam etubutanari akaituk, Wu EJAKAIT, ijeni ijo, Mam ebwait akonidolit kotauka; Alimonok amunonutukon ka akoniitajar: Mam emunonit akonisianut-nakamin ka abeitekon kama ejai atukot naepol. Wu EJAKAIT, sirikiimik eoŋ akoniitim naiyapaara; Kedarete tiritir akonisianut-nakamin ka akonibeit. Naarai kerimorito nukaronok numam imarunos, Kadolokis numam adoliteka, ŋes mam apedoria asesen kuju; Epuata aitelekarit itim luka akouka, Eteg ekatau. Wu EJAKAIT, kitojok ayuun eoŋ. Wu EJAKAIT, kiwonyuni aiŋarakin eoŋ, Kirumata ileic kimuarai kere Luemoete amudiar akaijar: Kinyakarai kau komwaŋai ŋul luisiyalamikinito eoŋ adumun aronis. Kosilikis, kanuka ileicikec Lukesuanarete ebe, “Uus, Uus!” Kiyalamikinos kolakaros da kotomakon kere lukimoete: Kinerenenas tiritir lueminas akoniitajar ebe, “Kitopolooroi EJAKAIT!” Konye arai eoŋ lokican loelwaritoi da; Keitunit EJAKAIT eoŋ; ljo ekakenarakinan ido ekakayuunan; Sirikiyap, wu Ekadeke. Isirerenitoi ŋin yeniitunit yenikican: Eyuuni EJAKAIT ŋes kapaaran naka aronis, Idarenenei EJAKAIT ŋes tetere ebusi, Ido isirereŋitoi kakwap; Sirikiinak ŋes mama ejaas lukasurupoke aiswamakin nuipudas. Igaŋi EJAKAIT ŋes ilworuna koitada: Itemonokini ijo cut akeperit kedekakin. Katema atiar, “Wu EJAKAIT, kitimoi: Kitaŋaleu ekatau; naarai adiaka kamakon.” Ineras lukasurupoka nueroko mamaka ebe, “Wori bo etwania, koolio ekekiror?” Naebunio ediopet aanyun eoŋ, inera aamameak; Etuki eketau numam edolito: Itatami da ŋun ilato. Iyeiyeas lukalaito kere nepepe: Inerunete aiswamakin eoŋ aronis. Ebalas ebe, “Adoiki adek nakaronon: Kwape do eperio mam bobo enyouni.” Eebo, epadicaka loabu kamuno, loanyamenenei akatap, Ketonyoiki aketitibat, Konye jo, wu EJAKAIT, kitimoi, kitonyounoi, Tetere enyaŋari. Ŋes ajenunia ebe kisiyalamikinit eoŋ, Naarai mam Iokasurupika kepikorit. Kigaŋit ijo eoŋ kotoma adoliteka, Kibwaikinit da akonyenekon apaarasia kere. Kituritete EJAKAIT, Edeke loka Isirael, Ageun apeŋo aitodol ikar kere, Amen ka Amen. Kwape iyeŋanakinor amiam kanuka akipi nuka aleles, Kwape kwaŋin iyeŋanakinor ekatau kanukon, wu Edeke. Ejakit ekatau akur kanuka Edeke, kanuka Edeke lokajaran: Adoli wori ketaanyun kakonyen nuka Edeke? Araunos akakiyo ikanyamat paaran ka kuare, Nakeŋisiananata aitiwar akwap ebe,’ “Ai bo ejai Ekonideke?” Eituni akiro ŋun, abukokin ekatau toma, Nakiupar kekodet keŋarenikinite kes togo loka Edeke, Kiporotoi luka ailel ka aiturit, Etuŋ at loidari apaaran nakalaunan, Kanukinyo ilurio, wu etauka? Kanukinyo iyaloŋoŋnoo kotomaka? Komuno Edeke: naarai eturenenei ŋes, Kanuka aŋaleu naka akonyeneke. Wu Ekadeke, alur ekatau kotomaka: ŋes keitunio kakwap naka Yorodan, Komoru da Kerumon, koukot loka Misar. Ataro iworoi ataro kairurum naka akipikon nuibulubulas: Karapia eoŋ akalelekon ka akailanakon kere. Konye icorakini EJAKAIT akesianut-nakamin paaran, Kuare da kijaun eoŋ kekekosio, ŋes ailip Edeke loka akaijar. Eŋisi eoŋ Edeke atiibaka ebe, “Inyo bo kimurwokinia eoŋ? Inyo bo alosio ebworo Kanuka aroikinit naka lokasurup?” Kamoromoroete lukasurupoka bala ekileŋ loicumit akakojo; Nakeŋisiananata ebe, “Ai bo ejai Ekonideke?” Kanukinyo ilurio, wu etauka? Kanukinyo iyaloŋoŋoo kotomaka? Komuno Edeke, naarai eturenenei ŋes, Loerai aŋaleu naka akonyeneka, ka Ekadeke da. Kotubokinai, wu Edeke, kopurokinai Kama ejai ateker namam eyonit Edeke: Kitajarai kama ejai ituŋanan yenikeŋalan Ka yenimam edolit, Naarai irai ijo Edeke loka akagogoŋ; Inyo bo kicakaria? Inyo bo alosio ebworo Kanuka aroikinit naka Iokasurup? Okwe kijuk akoniica ka akonibeit; Keŋarenikis: Kayautu eoŋ morukon Iokalaunan, Owemaikon lukalaunak. Kasodi alosit otem loka Edeke, Mama ejai Edeke aileleka namam itemio; Keturenenei kadeudeu, wu Edeke, Ekadeke. Kanukinyo ilurio, wu etauka? Kanukinyo iyaloŋoŋoo kotomaka? Komuno Edeke: naarai eturenenei ŋes, Loerai aŋaleu naka akonyeneka, ka Ekadeke da. Kipou keirasi kakosiki, wu Edeke, Apotu lukapapaakosi kolimonokis sio, Aswamisinei nukiswamaenenei kapaarasiakec, Kapaarasia nukolosek. Ibu kireŋea atekerin kakonikan, kiraik kes: Ibu kitican ituŋa, kisiarisiar kes. Naarai mam erumete akwap kanuka ekilenikec, Karaida akecekan mere ŋes etajari kes: Dimarai akonikan nakoteten, ka aica naka akonyenekon, Naarai ibu komina kes. Irai ijo Ekakabaka, wu Edeke: Kicorak aitajar kanuka Yakob. Kiremori lukasurupokosi kanukon: Kicakacakai ŋul lukinyoikinete sio kanuka ekonikiror. Naarai mam amuno akakabwa, Ekakileŋ da mere ŋes ketajari eoŋ. Konye ibu ijo kitajar sio kama kalukasurupokosi, Ibu kisurum ŋul lukilaito sio ileic. Toma Edeke kitureneneo aitiwar akwap; Kimalaenenei ekonikiror ikar kere. Konye natikwana kicaka ijo sio, kitisil; Kwabo mam iupanaros kajoresiokosi. Kinyaki sio kau kaneejaas lukasurupokosi; Enaŋete ŋul lukilaito sio kanukec, Ibu kituluo sio bala imerekekin lueseunitai ainyam; Ibu kisiarak sio toma atekerin. Igwelari ikonituŋa atai, Komam idumunit ameda kotiaikec. Kituluo sio amorosit kama ejaas iidunyetakosi, Lukisekelio ka lukisuanara kama ejaas ŋul lukirimorito. Kituluo iwaraga kotoma atekerin, Ikimuŋumuŋes akwes kotuŋa. Ejai aitisilioka akonyeneka aitiwar akwap, Adakar akakou, Kanuka eporoto loka yenimoromoroi ka yeneinyanakini; Kanuka lokasurup ka lokenyaŋan da, Kidolokis ŋun kere; konye mam sio kimurwokinit jo, Kwabo mam sio kiŋalat kotoma aitutuketekon. Mam ikositauon eboŋorito kau, Karaida akosikejen mam epaarito korotokon; Karaida ibu kipicipic sio noi kaibois naka ikuwei, Ibu kiteribo sio ketoribe loka atwanare. Arai kimurwokinit isio ekiror loka Edekekosi, Arai kiiriorit akosikanin mama ejai edeke logela; Mam kereka Edeke eŋicuni ŋun? Naarai ejeni aiyeiyea nakotau. Eebo, kanukon kiario aitiwar akwap; Kimario bala imerekekin lutubutubo. Kokweny! Kanukinyo ijotoo, wu EJAKAIT? Konyou! Sirikiicaka ikar kere. Kanukinyo ibwaia akonikonyen, Kimurwok aiticanitoikosi ka aroikiniokosi? Naarai aluroosi ikositauon toma apua; Eminaikinos akosikoikes alup. Konyou kiŋarakinai, Kolakunai sio kanuka akonisianut-nakamin. Ilapanar akirot naejok kotauka; Enera akiro nuapeleu nuka ekabaka: Aŋajepeka ŋes ekalamu loka ekewadikan loekapakina. Itemelel ijo aitelekarit idwe luka ituŋa; Ebukokinitai asianut aitukukon: ŋes kisirereŋio Edeke jo ikar kere. Koenik ekonikileŋ otul, ijo ekagogoŋon, Koen akoniibuses ka apoloukon. Kibwanen kapoloukon kipiko, Kanuka abeit ka aitasono ka adolit: Akonikan da nakoteten kisisianakini jo akiro nusogim. Eitak ikonikojoi: Ibironoros ituŋa kakonyenekon; Ejaas ikonikojoi otauon luka lukasurupo luka ekabaka. Ejaenena ekoniicoloŋ loka ajakanut ikar kere, wu Edeke: Ebela lokadolit ŋes ebela laka ajakanutukon. Imina adolit, ilait aronis: Tape Edeke, Ekonideke, kinyonyoikini jo Akinyet naka aiyalama aitelekarit lucekon. Eurok ikoninapen kere sa luesaete, icicikwa, ka ekasia; Kisiyalamikinito jo iraman luka aputio Kotoma otogoi luka ekabaka luka ikel luka etom. Ejaas adwe nuka ikabakan toma aŋorokon nukaibuses: Ebwoi akabaka kakanikon nakoteten enapit esabu loka Opir. Kiira, ijo apese, koomoom, kitoik akitikon: Kimurwokis ituŋakon, ka ekal laka papakon. Ŋes do imielakinor ekabaka akonitemelel: Naarai ŋes ekonijakait; komaenenei ŋes. Ebuni da apese naka Turo kainakinet; Iŋaiŋaete lukabarak kotuŋa akonimin. Erai akoku naka ekabaka naibus kotoma ore loka ekabaka: Esonyitai inapeneke kesabu. Eyaŋaunio mama ejai ekabaka enapit lueculuculo: Eyaŋaunio neijai ijo Abekon nukaupake nuetupitos. Eyaŋaunio kaiyalama ka ailel: Elomarete togo loka ekabaka. Aibois naka lukapapakon ejaunos ikonidwe, Luituluori ijaka kakwap kere. Esiitununei aturio kere ekonikiror; ŋes kimalaeneneata jo ituŋa ikar kere. Edeke ŋes neekerianarawok, ka agogoŋuwok, Ekeŋarakinan lokirurukit noi kotoma ocan. Ŋes mam kikuriakaror, karaida kijulakin akwap, Karaida keukonoros iroŋan kidiŋ aŋololin: Karaida kirurumata akip kiluŋuluŋanaros, Karaida kemaranata iroŋan kanuka adakununukec, Ejai nen ecor, italakarete iciletake ere loka Edeke, Aibois nakalaunan naka iweman luka ŋol loejai kuju kakuj. Ejai Edeke kidinike; mam eukun: Iŋarakini Edeke ŋes tupuruc sek, Erurumata atekerin, aukonoros ajakanuto; Kelimo ekeporoto, kocalar akwap. Ejai EJAKAIT loka ajoresio kaoni; Edeke loka Yakob ŋes neekerianarawok. Kopotu, koanyut aswamisio nuka EJAKAIT, Nukaumokin nueswamaki akwap. Itasaŋi ijiisio kiton osaŋe loka akwap; Ebili akabwa, etubutubei akwaras; Icwei agalin kakim. Kopalasi, kojenut ebe Eoŋ Edeke: Ketopoloonorio katekerin, Ketopoloonorio kakwap. Ejai EJAKAIT loka ajoresio kaoni; Edeke loka Yakob ŋes neekerianarawok. Kibapata akanin, yes ituŋa kere! Kibwoŋata mama ejai Edeke keporoto loka aipikor. Naarai eyoŋitai EJAKAIT loejai kuju kakuj; ŋes Ekabaka lopeti kakwap kere. Kitapatanikini oni ituŋa, Atekerin da akejewok. Kiseikini oni airumetewok, Ajokis naka Yakob loamina ŋesi. Adoka Edeke kecelet loka ailel, Adoka EJAKAIT keporoto loka arupepe, Koyooto aiturit Edeke, koyooto aiturit ŋes! Koyooto aiturit Ekabakawok, koyooto aiturit ŋes! Naarai Edeke ŋes Ekabaka loka akwap kere: Koyooto aiturit ŋes kaijen. Irumit Edeke atekerin; Iboie Edeke koicoloŋoke Iokalaunan, Atukonokinos ijaka luka ituŋa Neejaas ituŋa luka Edeke laka Aburaam: Naarai ibukui luka akwap eraas luka Edeke; Itopolooritai ŋes noi. Epol EJAKAIT, ibusakinit aiturio noi, Kotoma ore loka Edekewok, koroŋatake lokalaunan. Ejokuna aiceleleke, ailel naka akwap kere, ŋes emoru Sion, kari naka agolitomei, Ere loka Ekabaka lokapolon. Etejenun Edeke kotogoike lukapolok Ebe Erai neekerianara. Naarai koany, apotu ikabakan kotukonokinos, Kotuboros nepepe. Apotu koanyut, kosodete aumokin; Kiyaloŋoŋoto, kiwonyasi, Komaranata kanen; Koriebasi bala aberu naerieb aidoun. Ekwam lokokide ŋes ibilibilia ameerin nuka Tarusis, Kwape kipupunio, kianyu kwape kwaŋin Kore loka EJAKAIT loka ajoresio, Kore loka Edekewok: lticasi Edeke ŋes ikar kere. Wu Edeke, kiwoomoom isio akonisianut-nakamin, Kokidiŋ oyekalukon. Wu Edeke, kwape ejaar ekonikiror, Ejai kwape kwaŋin akoniiturit aitodol osaŋe loka akwap: Ileleba akonikan nakoteten adolit. Kolakar emoru Sion, Kolelata adwe nuka Yuda, Kanuka itubesiakon. Aso kirimosi Sion, kimanimanata, Kimarata itogoike lukaojak. Kirereoto arwatatinike, Koomoomata nuka itogoike lukapolok; Tetere itatamanakinete atur naetupakini. Naarai Edeke ŋol erai Edekewok ikar lumam enaŋete: Erai ekeŋarenikinoniwok aitodol atwanare. Kiirasi nu, yes atekerin kere; Kitoikisi aki, yes kere luiboienenete kakwap: Imukopin ka lukapolok, Lukabarak ka lukibakor kere nepepe. Inerenena akaituk nuka acoa; Eomoomoenenei ekatau nuka aijen. Etoikini akakit apupun awarag: Ekujuni kadeudeu akakirot naemunonit. Inyo bo akurianar kotoma apaarasia nuka aronis, Nakerigaunitor amamus adolit atitibanaka? Luemunos abarakec, Koomiara kanuka aipues naka abarakec. Emamei kaŋul yenepedori alakun onaceke nepetai da, Karaida ainakin Edeke lugelis ŋes: (Naarai eiliilete akais nuka alakun akeceilar, Ibusakinit ainyeinio ikar kere.) Tetere ebusi ikar kere, Komam ebosi. Naarai eanyuni ebe etwakete lukacoa, Yenibaŋ ka yenesubit etiaŋ eoliorete kere nepepe, Inyeiniata da ice akecebar, Eomitos kotauonokec Ebe Ejaenenas ikecetogoi apaarasia kere Aiboisiokec da enatarete aturio kere: Emaanakinete akecekwapin ikiroriakec kikulepek. Konye mam ebusenenei etuŋanan kayoŋio: Esubit bala itiaŋ lueoliorete. Ekecerot ŋol ŋes akecebaŋaanut: Konye ituŋa luetupakinete kes itojokete akecekiro. Elomarete Okatwak bala amerekekin; Eraun atwanare ekecokonikec: Eyaenenete luetenito kes kiwala akwap; Eraun aputokec nailikorio kokatwak, Tetere emameikini aibois. Konye elakuni Edeke akaijar kotoma agogoŋ naka Okatwak: Naarai ŋes kesukunyikini. Siriyoŋenenei etuŋanan kebar, Kiyatakin aibuses naka eketogo: Naarai naetwania mam eyaŋaari imodiobore; Mam akeibuses etupari ŋes. Karaida abu konyarite akeijar nakarereŋ naariŋar ejari, Ido kiturito ituŋa jo naiswamanakinor nukajokak, Elosi ŋesi neejai atur naka lukapapaake; Mam eanyunete bobo aica. Ituŋanan yenejai aibuses komamei aijen, Esubit bala itiaŋ lueoliorete. Edeke, ŋes Edeke, EJAKAIT, ener, Anyara akwap anyoun kaneelomunia akoloŋ Aitodol neelomaria bobo. Anyoun koSion, ajokis naedolit, Eliyau Edeke. Ebunit Ewokodeke, mam Ililiŋi: Enyami akim koiŋareneke, Irimorito ŋes ikwamin lueiliilete. Iworoi akuj kokuju, Akwap da, tetere etubokini iketuŋa; Kotukonokisi lukalaunakaka nealai; ŋul luetutukete keoŋ aitutuket kasubanit. Elimonokini akuj akedolit; Naarai Edeke elopet ŋes ekatubon. “Kiirasi, okwe ikatwa, kener eoŋ: Ijo Isirael, ketejenuni jo: Arai eoŋ Edeke, Ekonideke. Mam ketoroni kanuka asubanakon; Ejaas ainakinetakon nuicweio akonyeneka tiritir. Mam alemuni emoŋ lotobait kotogokon, Karaida ikorwa lumaseniko kosipaninikon. Naarai iŋolitiaŋ loka amagoro erai lokaŋ, Ka ibaren luejaas koukono ilukumin. Ajeni akweny kere nukoroŋan: Ka itiaŋ da luka ais eraas lukaŋ. Arai kaariebi eteŋei, timam kalimok jo: Naarai erai akwap nakaŋ, ka ailelebake. Anyamenenei kereka eoŋ akirig naka imoŋin lumaseniko? Arai amasenenei kereka eoŋ aokot nuka ikorwa? Koinanakinenei Edeke asubanit naka aimal: Kitodolenenei akoniiyaposio mama ejai ŋol loejai kuju kakuj: Ido kiworoununei eoŋ kapaarasia nuka ican; Kayuuni jo, kitopoloori ijo da eoŋ.” Konye ebala Edeke yenikaronon ebe, “Ipodo inyo alimonokin akaicorakineta, Aitwasam da akaitutuket kaitukukon? Naarai isacit aituutoorio, Icakanari da akakiro kaukon. Naianyunia ekokolan, ibu koupakinos kaŋes, Ido kimorikikinos kidotea. Itacamikinit akoniituk einer aronis, Inera da akoniŋaiep nuka aiŋal.’ Iboie komoromoroi onacekon; Ido isabanakini okoku loka totokon. Ibu kiswamaenenei ŋun, keliliŋi eoŋ; Koomite ebe opaputokon cut eoŋ: Konye ketoroni jo, eterereikini kes akonyenekon. Aso do kiitutu nu, yes lukimurwokis Edeke, Kenye apoopo yes, komameun yenikiyuuni; Yeneinakini asubanit naka aimal, ketopoloori eoŋ: ŋin da yenitemokini ekerot Etodikini eoŋ ŋes aitajar naka Bdeke.” Kitimoi, wu Edeke, kwape ejaar akonisianut-nakamin: Komwata apaanaretaka kwape ejaar aipues naka aitimesiakon, Kiloŋarai eoŋ cut numam adoliteka, Kitesegarai da akadiakar. Naarai ajeni eoŋ apaanaretaka: Akadiakar da ejai duc akonyeneka, Adiaka eoŋ kaneijai jo bon, Eswama nukaronok kakonyenekon: Tetere kitojokio jo nainerar, Kosegara naitubio. Koany, toma numam adolit ŋes kauriere: Toma adiakar da ŋes kapotuunio totoka, Koany, imiela ijo abeit kotoma atutubeta nukotoma: Kitejenuni ijo eoŋ acoa kotoma atutubet naibwaa. Kidetarai kesop, alauni eoŋ da: Kiloŋai, kakwaŋu aitelekarit akile. Kisiirarai alakara ka aiyalama; Tetere iyalamikinos akojo nuibu kobil. Kibwa akonyenekon kinyeis aanyun adiakanaretaka, Komwata numam adoliteka kere. Kosubakinai etau loelai, wu Edeke; Kibwaikinai emoyo lokitetet loetenit tomakaŋ. Sirikiicaka kakonyenekon; Sirikilema ekonimoyo lokalaunan kamakaŋ, Kinyakakinai alakara naka aitalarakon: Kigaŋai eoŋ kemoyo loka asianut. “Kasodi aisisianakin ikapaanarak ikoniponesio; Ibeleunos do ikadiakanarak mamakon. Wu Edeke, koyuunai kotoma akirot naagwaunit naka aokot, Ijo Edeke loka aitajaraka; Ikalalai akaŋajep ayoore akonidolit. Wu EJAKAIT, kitooŋa akaituk; Itodiari akaituk akoniiturio. Naarai mam isiyalamikinit asubanit; tikainak: Mam da itojokit ainakinet naicweio. Asubanit naka Edeke ŋes emoyo loebilil: Wu Edeke, mam imeni etau loebilil loisilarit. Kiswamak Sion ejok kakotekon naejok; Koduk ijo arwatatin nuka Yerusalem. Kosodi ijo aisiyalamikin asuban nuka adolit, Ainakinet naicweio ka ainakinet napeot; Kosodete kesi ainakin imoŋin lutobai kotemukon. Kanukinyo iwolobobotor kotoma ameŋeranut, ijo ekagogoŋon? Ejaenena aitim naka Edeke tiritir. Itetemonori akoniŋalep nukaronok; Iswamai nuka aiŋal kwape kebarenit loekwana. Imina aronis adepar ajokis; Ka aiŋal da adepar einer nuka adolit. Imina akiro kere nuisiriebete, Okwe ijo aŋajep nakeŋalan, Kimudiari Edeke jo ikar kere, Kidakuni jo, kiwurupuuni jo kowemakon, Kirutuni anyoun kakwap naka lukajarak. Eanyunete da ikadolitok, eyoŋete, Ekienatatar kinerasi ebe, “Koany, etikesa lo ŋes lomam abu kitarau Edeke akegogoŋ: Konye komunokin akebar naepol, Kiketakin kotoma aronisike.” Konye asubit eoŋ bala eseituni Loelibilibi kotogo loka Edeke: Amuno aitim naka Edeke ikar lumam enaŋete, Kemalaenenei jo apaarasia kere, naarai ibu kosub: Edareununei ekonikiror, naarai ejokuna, Kakonyen nuka lukalaunakakon, Atema ibaŋ kotauke ebe, “Emamei Edeke.” Abosata, eswamata aronis naketal; Emamei yeniswamai nuejok. Abu Edeke kosesen kotoma akuj idwe luka ituŋa, Aanyun arai kejaas ice kakesi luajenete, Luamoete Edeke. Aboŋo ŋinituŋanan kakesi kau: asiliakata kere; Emamei yeniswamai nuejok, emamei idio da, Emamei kereka lukeswamak numam edolito aijen? Luenyamete ikatuŋa kwape enyamiata atap, Ido mam iwoneete Edeke. Apotu kokuriakata noi kanen, kaneamamei akurian: Naarai esiarisiar Edeke akojo nuka ŋin kayenidukurit asurokin jo; Isurum kes ileic, naarai aŋer Edeke kes. Arai kebunit aitajario naka Isirael koSion! Nainyakunia Edeke iketuŋa lueŋataritai, Elakar do Yakob, iyalamikin Isirael. Kitajarai, wu Edeke, kanuka ekonikiror, Kotubokinai kagogoŋukon. Wu Edeke, kiira akailip; Kitoik akit akiro nuka aitukuka. Naarai kanyoikis imo, Emoete ikadedeŋak akaijar: Mam ibwaikinito Edeke akonyenekec, Koany, Edeke ŋes ekakeŋarakinan: Ejai EJAKAIT nepepe kaŋul kaluigaŋito akaijar. Itoboŋikini aronis neejaas lukasurupoka: Komudia ijo kes kotoma abeitekon. Kainakini jo ainakinet nakakote: Wu EJAKAIT, emalaenenei ekonikiror, naarai ejokuna. Naarai kayuu kotoma ocan kere; Asesen da akakoŋu nuakotor lukasurupoka. Wu Edeke, kitoik akit akailip, Kwabo sirikiŋopik akaiŋaiŋa. Koŋolearai, koboŋokinoi: Elolitoi eoŋ kaŋurianaka, edinyil da; Kanuka eporoto loka lokasurup, Kanuka aroikinit naka ikaronok; Naarai kacakanakis numam edolito, Ido kerigaete kanyunyura. Kariebi etau noi kotomaka: Kadoiki da etasuro loka atwanare. Kadoloki arieŋun ka amaran, Kaunia akurian. Kasodi eoŋ ebe, “Arai kiija kabebenoka nuka ajelei Tikaporoo, kalot keyen, Koany, tikapaa neelwana, Tikaper modiŋ. Tikadiŋirir nemecat Ikwamin ka akiru naepol.” Komudia, wu EJAKAIT, kotiakatiak akecenalepa: Naarai aany adedeŋ ka eŋuŋet kore. Edapadapata karwatatin paaran ka kuare aswam ŋun: Ido nepenen ejaas numam adolit ka ameŋeranut, Nepenen da ejaas nukaronok: Mam aroikinit ka emodit enyounete korotinike. Naarai mere lokasurup kamoromoroi; Tikapedo atitiŋikin: Mere iŋopeŋol lokalait loitopolooro bon aluikin eoŋ: Tikaŋopik. Konye ijo, etuŋanan oparianaka, Opaperoka, opadieaka loanaikinit noi. Kipou kenerununete nepepe kaiyalama, Kipou kalosenenete kotogo loka Edeke kikodeta. Koŋesa kes atwanare, Kodokasi Okatwak ejarete: Naarai ejai aronis otogoikec, kokidiijikec. Ewonenenei eoŋ elopet Edeke; Ido ketajarenenei EJAKAIT. Eboŋ ka atupuruc, kokidiŋ paaran da, Aŋuriani, edinya da: Iiranari ŋesi da ekaporoto, Abu kolaku akaijar kotoma ainapakin Kojie lokasurokinitere: Naarai epu luketijiete eoŋ. Iirari Edeke, eboŋokini kes, Ŋes ŋol loebusi ameun apeŋo, Ŋul lumam ijulakinos, Lumam eyoŋete Edeke. Ario akekanin mama ejaas ŋul luenapapaete kaŋes: Abu kobil akeitutuket. Ajijim akeituk bala akinyet, Konye kojio eketau: Kononok akekiro aitelekarit akinyet, Konye koraas ikileŋa lueutunitoi. Kowoik EJAKAIT alaŋirukon, Ŋes da kigaŋununei jo: Mam ecamakinit ikadolitok aijananario, Konye jo, wu Edeke, itodokari kes toma aipany naka amudiario: Ikaarak ka ikeŋalak mam ebusete adaun atutubet naka apaarasiakec; Konye eoŋ kamunoneno jo Kitimoi, wu Edeke; naarai kakotosi ituŋa ailikor eoŋ: Itiwarete akwap ejios aroikinit eoŋ. Ekotosi lukasurupoka ailik eoŋ aitiwar akwap: Naarai ipu luketijiete kaiwoŋonut. Apaaran naakurianar eoŋ, Kamunoneno jo. Mama ejai Edeke ŋes etureneneo akekirot: Amunokina Edeke, mam akurianar; Keswamakini ituŋanan eoŋ inyo? Iloconokinete akakiro aitiwar akwap; Kaluikinitos akeceomisio kere aiswamakin eoŋ aronis. Etukonokinos, eŋopete, Irereete ikakukut, Kwape edariata ekatau. Ekuete kereka kanuka numam adolit? Wu Edeke, kibiro ituŋa kanyunyura! Imari ijo akairimeta: Kibwaik akakiyo acupakon: Emameete kereka koitabokon? Kosodete lukasurupoka aboŋor kau Kapaaran naeworoo: Ajeni na ebe, ejai Edeke keoŋ. Mama ejai Edeke ŋes etureneneo akekirot: Mama ejai EJAKAIT ŋes etureneneo akekirot. Amunokina Edeke, mam akurianar; Keswamakini ituŋanan eoŋ inyo? Akoniiyaposio ejaas keoŋ, wu Edeke: Kejaikini jo ainakineta nuka aimal. Naarai ibu koyu akaijar kinyek atwanare: Mam kereka ibu koyu akakeje kinyeis aiguikin? Tetere alosenenei kakonyen nuka Edeke Kotoma aica naka lukalarak, Kitimoi, wu Edeke, kitimoi; Naarai emecit ekatau mamakon: Eebo, toma otoribe loka abebenokakon ŋes amecenenei, Aitodol needaunotor aronisio nu. Eworoi Edeke loejai kuju kakuj; Edeke lokeswamaki kere. Ŋukuni kokuju, ketajar, Karat iŋol lokakoto ailikor eoŋ; ljukuni Edeke akeitim ka akebeit. Ejai akaijar kidiŋ oŋatunyo; Aperi kidiŋ kaŋul kaluenokete, Kes idwe luka ituŋa, ikecekel kes akwaras ka imalia, Akeceŋalepa da kes ikileŋa luekwaka. Kitopoloor ijo, wu Edeke, kokuju kakuj! Kojau akoniibuses da kuju kakwap kere. Etemonokis eboi akejeneka; Alur akaijar: Abokikis aipany orotoka; Ebirokinos kes ikulepek kidiŋike. Ecat etauka, wu Edeke, ecat etauka: Ayei, eebo ayei aiturit. Kokweny, ijo akaibuses! Kokwenyutu, esabuli ka adeudeu! Eoŋ elopet adilokini akwenyun. Wu EJAKAIT, kemalai jo kotuŋa: Ayei aiturit jo katekerin. Naarai epol akoniitim kiton akuj, Ka akonibeit da kiton odouon. Kitopoloor ijo, wu Edeke, kokuju kakuj! Kojau akoniibuses da kuju kakwap kere! Ineras kereka yesi nuka adolit eililiŋa? Itubenenete kereka akiro nuka abeit, yes odwe luka ituŋa? Konye iswamaete yesi nueroko kotauonokus; Itemete epali loka akaninikus kotoma akwap. Egelaros ikaronok ameun kakoik: Epaarete kesi ageun kaurunio, iŋalaete. Eputos aisoritikec kaisorit naka emun: Esubitos bala emusaga lokimin loisikakini akekit: Lomam iirari eporoto loka ikesupak, Karaida kisupata kacoa, Wu Edeke, kolokono ikel kotoma aitukekec; Wu EJAKAIT, kolokono cut itirikada luka iŋatunyo ludidik. Kiliearos bala akipi nueleleete atipet: Naedeseikinia kikololke, koraut bala Iuetubutubo. Koraut bala totokacelet nailiear komameun: Ido bala yenikijecuna yenika aberu yenimam eanyunit akoloŋ. Eriŋa amotiikus italalamuna kokukwa, Eyaŋaari kes ketapipirio, luepalal ka luenokete kere. Iyalamikin ikadoliton keanyu einyaŋane ŋol: Ilosi akekele kaokot nuka lukaronok. Aso etemarete ituŋa ebe, “Abeit ejai ainakinet kanuka ikadolitok: Abeit ejai Edeke loetubi akiro nuka akwap.” Wu Ekadeke, koyuunai kama kalukasurupoka: Kikiarai kama kaŋul kalukanyoikinete. Koyuunai kama kaŋul kaluiswamaete numam adolit, Kitajarai kama ejaas ikaarak. Naarai koany, eperunito akaijar; Etukonokinos ikagogoŋok asurokin eoŋ: Mere kanuka apaarika, kwabo mere kanuka akadiakar, wu EJAKAIT. Ekerete itemonokinos komam eoŋ ebucarit. Kokweny kiŋarak eoŋ, koany. ljo, wu EJAKAIT Edeke loka ajoresio, Edeke loka Isirael, Konyou aitican atekerin kere: Sirikitim ikapaanarak lueroko kere. Sela, Eboŋunete eboŋ, emonyete bala iŋokwo, Irimorete ere. Koany, ijerasi kesi; Ekwaka aitukekec bala ekileŋ: Naarai ineras ebe, “Iŋai bo iirari?” Konye jo, wu EJAKAIT, ikienar kes; Isekelei atekerin kere. Wu jo agogoŋuka, kedareununei jo: Naarai Edeke ŋes akaŋopis naicelelei. Kenarenikini eoŋ Edeke loka akaitimio: Ketaanyununei Edeke nuemiela kama kalukasurupoka. Sirikiar kes, kinyeis ikatuŋa aimurwokin: Kisiarisiar kagogoŋukon, kisurum ileic, Wu EJAKAIT, ekosibuku. Kanuka aronis naka aitukekec, Ka akiro da nuka aŋalepakec, Kikamunai kanuka eiturikec, Ido kanuka nuineras nuka eilam ka aiŋal. Komudia kanyunyura, Komudia kes, kinyeis bobo ajakut: Kojenut ebe irumit Edeke kotoma Yakob, Aitodol osaŋeta luka akwap. Koboŋut eboŋ, emonyete bala iŋokwo, Irimorete ere. Irimete amoot inyamat, Iwalakinete arai mam imonikinos, Konye eoŋ ayeenenei nuka agogoŋukon; Eebo, ayeenenei teni nuka akoniitim tupuruc: Naarai irai akaŋopis naicelelei, Amecis da kotoma apaaran naka icanika, Wu jo akagogoŋ, ayoonokini aiturit jo: Naarai Edeke ŋes akaŋopis naicelelei, Edeke loka akaitimio. Wu Edeke, kicaka sio, kibilibil: Ibu konyunyurikin; okwe kinyakunai bobo. Ibu kisimaran akwap; ibu kocil ŋes: Kiteteu neetiyanakina; naarai ijaŋijaŋa. Ibu kitodik ikonituŋa nuetioko; Kitamat da sio ebino luka aigesitoi, Iinak ŋul lukiyoŋito jo emedera, Tetere itodiario ŋes kanuka abeit. Tetere eyuunio iminanakon, Kitalar kakonikan nakoteten, koboŋokinoi. Ener Edeke kotoma alauniteke ebe: “Ebwoŋakini; Atiaki Sekem, akori aditot naka Sukot. Gilead akaŋ; Manase da akaŋ; Epuraim ŋes aigaet naka akouka; Yuda ŋes ekabela loka ajakanut. Moab da ŋes akailoŋis; Edom ŋes acakakini akamukat: Ijo Pilisitia, kibwoŋ kanukaŋ.” Iŋai bo ketolomari ore Ioegogoŋ’ Iŋai bo keŋarenikini kiton Edom? Wu Edeke, mam kereka kicaka ijo sio? Kwabo mam iupasi kalorekosi, wu Edeke. Kiŋarakinai kama ejai lokasurup: Naarai aiŋarakin naka ituŋa emamei ajokis. Kiswamai oni nuka atitiŋ kaiŋarakin naka Edeke: Naarai ŋol ŋes ipudapudai lukasurupowok. Wu Edeke, kiira aimonyoka; Kopupok akailip. Keworoi jo kosaŋe loka akwap, nakiilor ekatau: Kiŋarenikinoi aitodokar atiiba nakadeparit eoŋ kaojau. Naarai irai ijo amecisika, Aŋopis naegogoŋ kama ejai lokasurup. Eboienenei kowemakon lokalaunan ikar kere: Ameci kotoribe loka abebenokakon. Naarai ijo, wu Edeke, iira aiyaposioka: Kiinak eoŋ airumet naka ŋul kalueyoŋete ekonikiror. Iyatakini apaarasia nuka aijar naka ekabaka: Eraunos ikaruke bala aturio nuipu. Iboienenei kakonyen nuka Edeke apaarasia kere: Okwe, kitemonok asianut-nakamin ka abeit, Tetere idarete ŋes. Kwaŋin ayei aiturit ekonikiror apaarasia kere, Tetere etodolenenei ŋinipaaran aiyaposioka. Idarit ekatau Edeke bon: Mamake ŋes ebunio akaitajario. Ŋes bon akatiiba ka aitajarioka: Erai ŋes! aŋopisika naicelelei; mam eoŋ elaŋakini noi. Itodolete ai asuronokin ituŋanan, Yes kere aiar ŋes, Bala arwatat naerii, bala abwas naijaŋijaŋa? Inerunete aitidisiar ŋes kaibusesuke; Isiyalamikinito kesi aiŋal. Ilipakinete arereŋ kaitukekec, Konye kikenos kotauonokec. Ekatau, kidareununei Edeke bon; Naarai elomunit amunoka kamakeŋ. Ŋes bon atiibaka, akaitajario da: Erai ŋesi aŋopisika naicelelei; Mam eoŋ elaŋakini. Ejai akaitajario ka aibusesuka mama ejai Edeke: Atiiba naka agogoŋuka, ka amecisika, ejai neejai Edeke. Komunosi ŋes apaarasia kere, yes ituŋa; Kobukokisi ikusitauon akonyeneke: Edeke ŋes amecisiwok. Abeit ituŋa lumam aibuses eraas eiyeŋane, Ituŋa da luka aibuses eraas aiŋal: Ikiaros kuju kotoma aitemis; Ebenen kesi kere adepar eiyeŋane. Sirimunos emwanit, Sirisosoloko kotoma aiŋat: Arai kiyatakin abar, sirikibwaikis ikusitauon tomake, Ener Edeke irwan atipet, Apup eoŋ da nu irwan aarei; Ebe Edeke ŋes elopet apedor: ljo, wu EJAKAIT, elopet aitim: Naarai itaeanakini ninitunanan kwape ejaar akeswam. Wu Edeke, irai ijo Ekadeke; kadilokini aimo: Ejakit ekatau akure kanukon, imwit akakuan jo, Kotoma akwap naeonit nakailolony, naemameete akip. Ŋes kasesenenia jo kotoma aibois nakalaunan, Aanyun akonipedor ka akoniibuses. Naarai ejijim akonisianut-nakamin aitelekarit aijar; Kiturenenei jo aitukuka. Kwaŋin kemalaenenei jo aroko ajari: Arionori akakanin okirorikon. Isimonanakinio ekatau kwape imonikinor ituŋanan asumet ka atarion; Kiturenenei jo akaituk kaŋajep naiyalama. Nakeitunio kaperitika, Naaomitor nukon kapakio nuakwenyunia kuare. Naarai jo irai ekakeŋarakinan, Eyalamikin kotoribe loka abebenokakon. Edunyit ekatau aibwapit jo: Kegaŋit akonikan nakoteten. Konye ŋul luemoete amudiar akaijar Elosete kwap alup. Einakinio mama ejai agogoŋ naka ekileŋ: Eraunos akorakinet naka ikuwei. Konye elakara ekabaka kotoma Edeke: Iyalama ŋin yenelimit ŋes; Naarai itubutario aituke nuka ŋul kaluineras nuka aiŋal, Wu Edeke, kiiranari eporotoka, kotoma akadanakinika: Kidarenenei aijaraka kenyek akurianar yenikasurup. Kisiŋopai eoŋ kama ejai ainerun nakaiyeiyea naka ikeswamak nukaronok; Kama ejai ecelet loka ikeswamak numam edolito. Luepenata aŋajepekec kwape ekileŋ, Luetebeikis imaliakec, kes akiro nuedwarak: Tetere egumete ŋol loedoliorit toma aiboisio nukaiyeiyea: Eŋesarete aigum ŋes, komam ekuriaka. Isidikete itauonokec kotoma ainerun aronis: Inerununete ailok iica kaiyeiyea; Kobalas ebe, “Iŋai eanyuni kes?” Emoete numam edolito; Kobalas ebe, “Kidau akukunyikin aimo noi.” Idul aomisioit nakotoma naka ŋinituŋanan ka etau da. Konye egumi kes Edeke; Eŋesario aimusuŋ kemal. Iguanakinos kwaŋin, idupori kes aŋajepekec: Kere lueanyunete kes imunumunete akwesikec. Ekuriakaros ituŋa kere; Elimorete da aswam naka Edeke, Eomoomoete akeswamisio kacoa. Iyalamikinos ikadolitok kotoma EJAKAIT, Emunokinos da ŋes; Iturete luitenara kotauon. Wu Edeke kidarit jo aiturit koSion: Ido mamakon itodolenenere aiyaposit. Wu jo loiirari ailip, Mamakon epote kere luejaas awat. Ketelekasi eoŋ numam adolit: Iluci ijo aibucanaretakosi. Isirereŋitoi ŋin yeniseuni ijo, ka aisukunyikin da, Tetere iboienenei kalaroikon: Kisimonikinio sio alokis naka ekonitog, Aibois nakalaunan naka eyekalukon. Kotoma akiro nusogim kiboŋokini ijo sio kadolit, Wu Edeke loka aitajariokosi; Ijo loirai amun naka isaŋeta kere luka akwap, Ka naka ŋul da kaluelwaka luejaas aŋolol: ŋol loiticasi imor kakegogoŋ; Konapite apedor: Loisinapikini airuruma naka aŋololin, airuruma naka akailanakec, Ka ecelet loka atekerin. Ŋul da luiboiete kawasia naka akwap akuriakaros kanuka aanyunetakon: Iinakinit ijo elomune loka tupuruc ka loka atiboŋ alakera. Ianyanari akwap, icocoi da, Itabari noi; Ecor loka Edeke ileleba akip: Itudumikini kes akima, Kidau aitemonokin akwap kwaŋin. Icocoi noi alelesiake; Idipakini itutioke: Itonokoki kelimilim; Isirereŋi akebwaŋun. Itorokini aboko naka ajokisikon okaru; Edoenenete ikonirotin atarion, Idonanakinos oronyia luka amodiŋ: Enapete iukon aiyalama. Enapito ironyia isipanin; Akima da erapito aditon; Ikareete kanuka aiyalama, eyeete da, Kikare akwap kere kaiyalama mama ejai Edeke: Koye nuka aibuses naka ekekiror: Kitubusik akeiturit. Kolimok Edeke ebe, “Iŋosibibos ca ma akoniswamisio! Kanuka ailiil naka akonipedor kinonokikinete lukasurupokon. Kimai jo akwap kere, Kiyeikinete; Eyeikinete ekonikiror. Kopotu, koanyut aswamisio nuka Edeke; Inosibib ŋesi kotoma nuiswamakini idwe luka ituŋa, Abu kituluo aŋolol aonit; Apotu kitoroto ocor kakeje; Kanen kipou kalakaros kotomaken. Irumit kakegogon ikar kere; Esesenete akekonyen atekerin: Kinyeis lukepali aitopoloor bonik. Aso do yes ituŋa, kiturenenete Edekewok, Kisiirasi eporoto loka akeiturio: Ibwaikinit itauonowok toma aiiar, Mam isunupit akeiewok airiaŋiriaŋa, Naarai jo, wu Edeke, ibu kigimo sio: Ibu kililiau sio, kwape ililiaunere epuesa. Ibu kitolomik sio oboi; Ibu koinak sio aigugunatoi naelanir kanabesikosi. Isibwaneni ituŋa kosodete aidok kakwesikosi; Kipou ketoro akim ka akipi da; Konye ibu kitolomik sio aibois naidilas iboro. Alomuni togokon kasuban nuicweio, Katacakini jo aiyaposioka, Nuabu akaituk kiner, Ka nuabu akaŋajep kolim, nakaburunia. Kainakini jo asuban nuicweio nuka kaluetarioko, Ka lukisupurununo luka imerekekin lumaseniko: Ainakini imoŋin lutoba ka akinei. Kopotu, kiirasi, yes kere luiyonito Edeke, Kalimonokis nuabu ŋesi kiswamak ekatau, Abu keworo kakaituk, Kitopolooroi ŋes kakanaiep. Arai aomit numam adolit kotauka, Mam EJAKAIT epupuni. Konye abeit apupu Edeke; Eira eporoto loka akailip. Kituritete Edeke, Lomam abu kirenea akailip, Kwabo mam kemikit akeitim, Kitimenenei Edeke oni, kitusulianyenenei da: Kitacaik oni akekonyen; Tetere ejenun ekonirot kakwap, Analeukon da naitajari kotoma atekerin kere. Kiturito jo ituŋa, wu Edeke; Kiturito jo Ituŋa kere. Kolakaros atekerin koyooto kaiyalama: Naarai itubokini ituŋa kadolit, Irumi atekerin kotoma akwap. Kiturito jo ituŋa, wu Edeke: Kiturito jo ituŋa kere. Ara akwap akemio: Edeke da, Edeke lopewok, kitusulianyi oni. Kitusulianyi Edeke oni: Isaneta da kere luka akwap eyoŋete ŋes. Konyou Edeke, kisiarakinos lukasurupoke; Ŋul da luelaito ŋes kokerata kamaken. Kwape irenearere apuru, kirenea ijo da kes kwaŋin: Kwape ecalaror edipor kakim, Kooliosi ikaronok kwaŋin kakonyen nuka Edeke. Konye kiyalamasi ikadolitok; Kibwoŋasi kakonyen nuka Edeke: Eebo, kolakaros kaiyalama, Koyeikisi Edeke, koyooto aiturit ekekiror: Kiswamaut erot loka ŋol kaloibwanenit kitorite amodiŋ; YAWE ŋes ekekiror; kibwonasi do kakonyeneke. Edeke kotoma aiboisike nakalaunan, Ŋes papa loka ikokiok, ekeraban da loka apuserun. Einakini Edeke obonipe ekal: Elaeuni lueenitai kaenis aitekeriana kes: Konye luipaliok iboiete kakwap naconit. Wu Edeke, nakinarenikinitor ituŋakon, Naitoritor ijo amodiŋ: Abu akwap komaran, Kodaeun akuj kakonyen nuka Edeke: Komaran emoru je Sinai kakonyen nuka Edeke, Edeke loka Isirael. Ŋo, wu Edeke, ibu kitetep akiru naepol, Kitogogon airumetekon naalolonyitor. Abu ekodetekon kiboikin nen: Ŋo, wu Edeke, ibu kitemonok ajokisikon lukican. Elimuni EJAKAIT akirot: Agor nuisiarakinete eemut eraas ajore naepol. Ekerete ikabakan luka ajoresio, ekerete: ŋin da naesali ore ekori lunatuna. Iperete kereka yesi osipanin luka amerekekin, Kwape kabebenoka nuka ajele nuerapara kepuesa, Ka akekopir nuejaas esabu loodos? Nakitisiarikinia Lokapedor kere ikabakan kanen, Kosubite bala akako naetepakini Salumon, Eronat Basan ŋes eronat loka Edeke; Eronat Basan ŋes eronat loeoja. Yes ironan lukaojak, kanukinyo iteoto kekokote Erogat loakoto Edeke aiboikin? Eebo, iboienenei EJAKAIT kanen ikar kere. Agalin nuka EJAKAIT kes alukumin akaisaarei, Kes alukumin nuka alukumin: Ejai EJAKAIT tomakee, kwape toma Sinai, aibois nakalaunan. Idoka kuiu, iioreu ijoreunokon, Ŋau ijo ainakineta kotuna, Eebo, kama kaluipaliok da, tetere iboienenei EJAKAIT Edeke nepepe kakes. Kituritete EJAKAIT: Loibwokenenei ŋinipaaran alagiruwok, ŋes Edeke loerai aitajariowok, Erai Edeke kamakosi Edeke lokayuununan; EJAKAIT YAWE ŋes elopet aitajar kotoma atwanare, Konye icumi Edeke akou naka lukasurupoke, Aipelor esiaduk loitatelooritai loka ginituŋanan yenedunyakinit agwaunun akiro. Abala EJAKAIT ebe, “Enyakuni kes anyoun koBasan, Enyakuni kes anyoun katar naka aŋolol: Tetere idomakini akonikeju aokot, Tetere edumunete aŋaiepa nuka inokwokon akorakinetakec kama ejaas lukasurupokon.” Aanyut kesi alositokon, wu Edeke, Alosito nuka Ekadeke. Ekakabaka, ilomanari aibois nakalaunan. Kiŋarenoto ikayook, kotupakis luetiŋito iboro lueruos, Kokidiŋ apesur nuiyekete isiman. “Kituroto Edeke kotoma atukono, Ŋes EJAKAIT, yes luka atan naka Isirael.” Ejai Benyamin lodidi ekayaitonikee, Ikapolok luka Yuda ka aurianetekee, Ikapolok luka Sebulun, ka ikapolok luka Naputali. Ecoraki Edekekon akonigogoŋ: Kitogogoŋ, wu Elieke, nuibu ijo kiswamak sio. Kanuka eyekalukon loejai Yerusalem Ŋes kiinuniata ikabakan jo ainakineta. Kitoron etiaŋ lokotoma osege, Ekodet loka imerukwai ka itak luka ituŋa, Ipudapudai kakeje atutubeta nuka epuesa; Esiarisiar ituŋa luelelakinitos ejie, Elomunete ikapolok koMisiri; Isunyakini Etiopia arior akekanin mama ejai Edeke. Koyeikisi Edeke, yes ajakanuto nuka akwapin; Koyooto aiturit EJAKAIT; Mama kaŋol kaloibwanenit akuj naka akuj, nakejai ageun apeŋo; Koany, inera keporotoke, eporoto lokagogoŋ. Koinakisi Edeke agogoŋ, Irumit akejokis Isirael, Akegogoŋ da ejai toma akuj. Wu Edeke, iŋosibib ijo kotoma aiboisiokon nukalaunak: Edeke loka Isirael, ŋes ekori agogoŋ ka apedor mama ejaas ituŋake, Kituritete Edeke! Wu Edeke, kitajarai: Naarai alomasi akip kiton otauka, Kepok erit loidul, nemam ipedoria abwoia: Adolok atar, nekelikoria akalele. Kapas akaimony; aono ekaporoto: Eriokuut akakonye naedaritor Ekadeke. Ipu ŋul lukalaito atai edeparito itim luka akouka: Ŋul luekotos aicutar eoŋ, Lukasurupoka kanuka aiŋal, eraas ikagogoŋok: Kasodi kenyakak lumam aŋatarit, Wu Edeke, ijeni akabaŋaanut; Mam akadiakanareta imunonitai kamakon, Kinyeis ŋul lukidareunito jo aileicikin kanukaŋ, Wu EJAKAIT Edeke loka ajoresio: Kinyeis ŋul lukimoete jo aitisilio kanukaŋ, Wu Edeke loka Isirael. Naarai apotu kamoromoroto eoŋ kanukon; Kodakar akakou. Araun emoit koinaeanaka, Eloŋwait kodwe luka tntoka. Naarai kaari ekokote loka ekonitogo; Kebirokinos amorosito nuka ŋul kalukimoromoroete jo. Naamonyia, ido kaleeo ekatau ketenei, ŋun kes kamoromoroere. Naanapia epuko, Karau egaraea kama ejaas. Kinerasi ŋul lueboiete korutei nukan; Arai eoŋ ekosio loka ikamerak. Konye kanukan, akailip ejai neijai ijo, wu EJAKAIT, kapak nakacamunio: Wu Edeke, kotoma aitimikon naepol, Kobonokinoi kotoma abeit naka akoniitajar. Koyuunai kotoma orit, kenyek alumor: Kayuun kama ejaas lukalaito, kataro da. Kinyek akalele arapar eoŋ, Karaida ataro ailikor eoŋ; Kinyek aipany abunakin eoŋ. Kobonokinoi, wu EJAKAIT; naarai ejok akonisianut-nakamin: Kwape ejaar aipues naka aitimesiakon, konolearai. Sirikitonopik ekonibulesit akonikonyen; Naarai kaburunit; kisunya aboŋokin eoŋ, Kodudun ekatau, koyuu: Kolakunai kama kalukasurupoka. Ŋeni ijo akamorosit, ikaleie, akaitisilio da: Ejaas lukasurupoka kere akonyenekon. Ecum amorosit ekatau; kagor noi: Amo luketimete, konye emamei idio da; Ka luketalakarete, konye mam abu kadum, Apotu kainakis da epiu araun inyamataka; Nakajakitor akur ketamata yenikadwaran. Korau ekecemesa eic kakonyenekec; Ido naijamamaata korau akuluma. Komudukakata akecekonye, kinyeis aanyun; Kisitelitel aŋabesikec tiritir, Kobukok kes akoninyunyura, Kodolok kes adedeŋ naka akonikadakin. Kosilior etogokec; Kinyek da ituŋanan kere ajaut owemanakec, Nacrai ereito ŋol loinomo ijo; Emocatar ican kanul kaluimusunit ijo. Kiyatanak numam adolit mama ejaas numam adolitekec: Kinyeis alomar adolitekon. Komwatarai kes koitabo loka aijar, Kinyeis aiwadikao nepepe kikadolitok. Konye ecana eoŋ ido etururue: Kekeu akoniitajara kuju, wu Edeke. Eturi eoŋ ekiror loka Edeke kekosio, Etopoloori ŋes kaimal. Isiyalamikinete ŋul EJAKAIT aitelekarit cmon, Arai emoŋ lotobait loeja amumwar ka imageger. Aanyutu luitasonos nun, ido eyalamikinos: Yes luimoenenete Edeke, kojarata ikusitauon, Naarai epupununei EJAKAIT luilwaritos, Mam emwaŋit ienanake. Akuj ka akwap kituroto ŋes, Aŋololin ka iboro kere luirimete kotoma. Naarai eyuuni EJAKAIT Sion, Eduki da ireria luka Yuda; Kes da ibojenenete kanen, kirumito da. Aur da naka ikekejaanakinak irumi ŋes, Kes da lueminas ekekiror ibojenenete kotoma, Wu Edeke, korurukun ayuun eoŋ; Wu EJAKAIT korurukun aiŋarakin eoŋ. Kileieikis, kodakaros akeeekwes: Luemoete ekatau! Kitobonoroi kau kosodete kitisiloi Luisiyalamikinito arieboka. Kitobonoroi kes kau kanuka ikeeeleie Lukakienatatar ebe, “Ha, ha, ha!” Kolakaros kere lukimoete jo, kiyalamikinos kotomakon; Ŋul da lueminas akoniitajar kobalananas due ebe, “Kitopolooroi Edeke.” Konye ecana eoŋ elwaritoi, Wu Edeke, korurukai: Ŋo ekenarakinanika ekakayuunan da; Wu EJAKAIT, sirikiyap. Wu EJAKAIT, ebwaik akamuno tomakon: Sirikerumata bobo ileje. Koyuunai, kitajarai kadolitekon: Kitoik akonikit mamaka, kitajarai, Koraun ijo kamaka atiiba naeboionono, Naalosenenei dueudue: Icorak ijo aitajar eoŋ; Naarai ijo ŋes akatiiba ido akabwas da. Koyuunai, wu Ekadeke, kakan naka ikaronon, Kakan da naka yenemamei adolit ka yenemeŋerana. Naarai ijo akamuno, wu EJAKAIT Edeke: Ŋo amunoka ageun koiditeuka. Ageun naajaar akoik naka totoka jo kigagat eoŋ: Ŋo ŋol lokitolomuni eoŋ kakoik naka totoka: Keturenenei jo tiritir. Arai eoŋ aumokinet kaneeja luipu; Konye irai ijo akaŋopis nakagogon. Ilelebun akaituk aituriokon, Ka aibusesukon apaaran kere, Sirikiirenea kapak nakamoionuka; Sirikiiial nakinonoor akagogoŋ. Naarai lukasurupoka ineras nukan; Ka ŋul da lueperunete ekatau inerununete nepepe, Kobalas ebe, “Ajal Edeke ŋes: Korukioto kikamut ŋes; Naarai emamei yeneyuuni.” Wu Edeke, sirilwanikina kamakaŋ; Wu Ekadeke, korurukun aiŋarakin eoŋ. Kileicikis kodaunos da lueraas lukasurup luka ekarau; Korapiasi kes amorosito ka aitisilio Luemoete aisirieb eoŋ. Konye eoŋ amunonena tiritir; Eyatakini noi aiturit joo Elimori akaituk adolitekon, Ka aitajarakon apaaran kere; Naarai mam ajeni etiaikec. Abuni kaswamisio nuka apedor naka EJAKAIT Edeke: Alimonori nuka adolitekon nupekon bon. Wu Edeke, kisisianak ijo eoŋ ameun keiditeuka; Aitodol kwana da alimo akoniswamisio nukaumokin. Eebo, karaida kamoion koja da akorwo, Wu Edeke, sirikiijal; Aitodol nealimoro akonigogoŋ Mama ejai aturi naetupakini, Akonipedor da mama ejai yenebuni kere. Akonidolite da, wu Edeke, ikiara noi. Ŋo loiswama nuepolok, Wu Edeke, iŋai bo iriakatar jo? Ŋo, lokitodik sio ican luipu luetioko; Kitajari sio bobo, Kitodokuni sio kaidules naka akwap. Kiyatak jo akapolou, Ido kibelokin bobo kitalaka eoŋ. Keturi da jo kibore kayenikutat, Abeitekon da, wu Ekadeke: Ayeikinenei aiturit jo kadeudeu, Wu jo Lokalaunan loka Isirael. Iyalamikin noi akaituk naayeikinio aiturit jo; Ka ekatau da loibu kolaku. Inerenenei da akaŋajep adolitekon Apaaran kere: Naarai eleicikis, adakaros da akecekwes, Luemoete aisirieb eoŋ. Wu Edeke, koinak ekabaka itubesiakon, Okoku loka eka baka da akonidolit. Irabanakini ŋesi ikoniruna kadolit, Ka lukicanikon ketube. Einunete ironan ituŋa ainapakin, Ka iukono da adolit. Irabanakini ŋesi lukican kotuna, Eyuuni idwe luka luilwaritos, Emunyumunyei da ikamwanan. Eyoŋete jo eriŋa akoloŋ ejai, Eriŋa da elap ecai, anatar aturio kere. Ŋesuni kwape etepakinia akiru anya nuetubub: Kwape irwairwaikinia elimilim akwap. Ekeriakaros ikadolitok kapaarasiake; Ainapakin da naepol aitodol naemamuunor elap. Emeari akejakanut kaŋolol kiton aŋolol, Koeor kiton osaŋeta luka akwap. Luibojete kamodiŋ ekukonokinos ŋes; Lukasurupoke da idielete apua. Eyaunete ikabakan luka Tarusis ka luka apujana ainakineta; Ikabakan da luka Syeba ka Seba einakinete akorakineta. Eebo, isudedikinos ikabakan kere kakonyeneke: Ŋaanakinete ŋes atekerin kere. Naarai eyuuni yenilwaritoi kemony; Ka yenikican yenemamei ekenarakinan. Itimi yenikican ka yenilwaritoi, Itajari da aijar naka luilwaritos, Elakuni aijarakee kotoma amwanio ka adedeŋ: Aokotokec da eraunos nuka etiai loepol kakonyeneke. Ejarete; einakinio ŋes esabu loka Syeba: Ilipanakinete ŋes ituŋa tmtir; Imalaete ŋes apaaran kere. Idiliunete akima kakwap kaidiasia nuka ironan; Araitoke da kijaŋijaŋa kwape ka Lebanon: Epolooros lukore bala anya nuka akwap. Ebusi ekekiror ikar kere: Ikopa ekekiror kwape ebusio akoloŋ: Isirerenio ituŋa kotomaken; Atekerin kere nuka akwap enyaraete ŋes lokareren, Kituritete EJAKAIT Edeke, Edeke loka Isirael, Loesubi bon nukaumokin. Kituritete ekekiror lokaibuses ikar kere; Akwap kere kilelebun akeibuses. Amen, Amen. Asanata ne ailipasia nuka Daudi okoku loka Yese. Abeit ejok Edeke mama ejai Isirael, Ido mama ejaas luesegas kotauon. Konye eoŋ, nepetai akakeje apaar; Nepetai da eoŋ aiurusiar kotoma alositeka. Naarai etokokolit eoŋ luituroko, Naanyunia akerianut naka ikaronok. Naarai emamei ariebo katwanarekee: Konye icasit akecegogoŋ. Mam kes iticanitos bala icetuŋa; Karaida aisiriebio kwape kalucetuna. Kanuka ŋun esubit eitur bala erikot loenapakinitai omurisiŋakee; Imukorit akaie kes bala anapito. Itulereras akeeekonye kanuka atumes: Ipu noi luejaatar adepar luipudas ikecetauon. Isekelos, ido kotoma aronis ŋes ineratar nuka areit: Ineras kitopoloro bonik. Eluikinit akeeeituk akuj; Ido itorit akecenaiep kakwap. Ŋes abonunioto iketuŋa nee: Tape ikokoorete akipi nuileleba aikopo. Kobalas ebe, “Ikwaikini Edeke ejenum ai? Ejai da adiocoa neejai Loejai kuju kakui?” Koany, ŋul kes ikaronok; Kanuijamamata due, iyatanakin abarakec. Abeit etesega eoŋ ekatau taai; Elot akakanin kotoma amamut aronis. Naarai ketieani apaaran kere, Ŋinitupurue da kalecorio. Arai katemarite ebe, “Mere kener kwaŋin,” Koany, ti kabilakebotet aturi naka idwekon. Naaomoomaa epone lojenunet ŋin, Abu kesirieb eoŋ noi; Aitodol nealomaria eoŋ aibois nakalaunan naka Edeke, Kaomoom esanekec lokokau. Abeit ibwaik ijo kes aiboisio nuerurut, Icakak kes toma amudiario. Aluoros kesi asiles atipet! Amudia kes eut etasuro. Kwape airujasit kekwenyu irunanan; Kwaŋin, wu EJAKAIT, naikwenyunia ijo, imwani ijo akeceput, Naarai abu kokadak ekatau, Aponi keeumi oŋeretenyaka: Abu kasubite bala etiaŋ, loemamei aijen; Karai eoŋ etiaŋ kakonyenekon. Konye ajaenena kaio due: Itiŋi ijo akakan nakoteten. Kinarenikini ijo eoŋ kainerunetekon, Kokau kanun kisukunyikini eoŋ kaibuses. Iŋai bo ikan yenejai toma akui, nabarai ijo? Emamei idiotuŋanan kakwap yenepuda eoŋ dimarai ijo. Arumoros akakiriŋ ka ekatau: Konye Edeke ŋes atiiba naka ekatau, ŋes ekawai ikar kere, Naarai, koany, nul luelwaka kamakon eoliorete cut: Imudia ijo ŋul kere lukinyeis jo kolosete eporo, Konye ejok eoŋ aapu kama ejai Edeke: Etarau EJAKAIT Edeke akaŋopis, Tetere alimonokini nukaswamisiokon kere. Wu Edeke, kanukinyo kicakaria ijo sic ikar kere? Kanukinyo epurionokinia anyunyurakon amerekekin nukoronyikon? Kiitu ekodetekon, lokolo ibu ijo kogwel, Loibu ijo kolaku araun ateker nakairumetekon; Ka emoru Sion lokiboieneno ijo, Kodakak akonikeje amejei numam edaunos, Nukaronok kere nueswamaki lokasurup aibois nakalaunan, Ikunasi lukasurupokon kokidin katukotokon; Ebwaikis imederanakee araun aanyuneta. Kosubito bala ituŋa luapotu kikeut aepeikec Ajepia amoni naka ikito, Aswamisio nuigirir kere Ajepa kesi kaepei ka anyulia, Eeweikis akoniibois nakalaunan; Etisilioto aibois naiboieneno ekonikiror atiyakis kwap. Apotu kotemasi kotauonokee ebe, “Katiyatiyata kes cut”: Eeweanakis da atukosia kere nuka Edeke kotoma akwap. Mam kianyuni aanyunetawok: Emamei bobo enabi edio da; Kwabo emamei kamawok idio yenejeni ebe itodoli ai. Wu Edeke, itodoli lokasurup ai emoromoroi? Einyanakini kereka da lokasurup ekonikiror ikar kere? Kanukinyo inyakaria ijo akonikan, akonikan nakoteten? Kolem ŋes katorobukon komudia kes, Konye Edeke ŋes Ekabakaka apeŋo, Loiswamai aitajar kokidin kakwap. Ibu kotiak aŋolol kanuka akonigogoŋ: Idecideci akwes nuka apiuan kakipi. Idecideci akwes nuka Lebiatan, Iinak ŋes araun inyamat luka ituŋa luiboienenete kamodiŋ, Ibu kocil atan ka akalele da: Kitoonik icorin luepolok noi. Apaaran erai nakon, akuare da nakon: Ibu kitemok aica ka akoloŋ da. Ibu kibwaik iikoruno kere luka akwap: Ibu kiswama akamu ka aiporo da. Kiitu na, wu EJAKAIT, ebe amoromor lokasurup, Ituŋa da lubaniok ainyanakis ekonikiror. Sirikiinak aijar naka ajelekon mama ejai etiaŋ loka ais: Sirikiimurwok aijar naka lukieanakon ikar kere. Koricite aitutuket: Naarai aiboisio nuemutoko nuka akwap ileleba itogoi luka akaje. Okwe kinyeis luereitai aboŋun ileicikinito: Kituroto lukican ka luilwaritos ekonikiror. Konyou, wu Edeke: kopurokin bon, Kiitu kwape kimoromoroo jo ituŋanan yeniban apaaran kere. Sirikiimurwok eporoto loka lukasurupokon: Edokununei tiritir eeelet loka ŋul kalukisurokinito joo Wu Edeke, kimalaenenei isio jo, Kimalaenenei, naarai eapie ekonikiror: Elimonorete iruna nuka aswamisiokon nukaumokin. Naadolokinia eoŋ apak naeseunitai, Atubi kabeit. Karaida kemudicar akwap, ka luibojete kotomaken kere: Asipokinit eoŋ ipirinoke. Abu kalimok luituroko ebe, “Sirikiswamata nuka abaŋaanut”: Kalimok da ikaronok ebe, “Sirikikeut amumwar: Sirikikeut akusimumwar kuju noi; Sirikinera kimurisina lueninik.” Naarai mere ari nakokide, arai ari nakoto, Mere da ari naka eŋalakimak ebunio aikeunun. Konye Edeke ŋes ekatubon: Ŋesari ice kwap, ido ikeari ice kuiu. Naarai toma akan naka EJAKAIT ejai aikopo, ebino da eren; Ipu luinyalinyalitere, ebukununei ŋesi kotoma; Abeit emasete ikaronok kere lukotoma akwap, Ikokoorete asidak nakotoma. Konye alimori ikar kere, Ayeenenei aiturit Edeke loka Yakob. Atubonori amumwar kere nuka ikaronok; Konye amumwar nuka ikadolitok ikeunio kuju. Ejen Edeke kotoma Yuda: Epol ekekiror kotoma Isirael. Ejai ekewema lokalaunan toma Salem, Toma Sion da iboieneno. Ŋina abilia ŋesi ikojoi luka akabwa; Ebuku, ka ekileŋ, ka ejie. Irai ijo lokaibuses, Loitelekarit ironan lumam edaunos. Anatar lueninik itauon, ajototo akecejo; Emamei da loieasit kotuna Iukagogonok. Wu Edeke loka Yakob, itoroni ijo, Kosodete aio nuka atwanare aikamar agali ka ebalasi. Ŋo, ijo loisogim, ibus koyoni: Iŋai bo da epedori abwa kakonyenekon nainyurtyurikinor ijo? Abu ekonitube kopupun anyoun kokuju; Kokurianar akwap, kopalaa, Naanyounio Edeke aitub, Aitajar luitasonos kere lukotoma akwap. Abeit kiruri jo anyunyura naka irunanan: Inapi da anyunyura naesalakinit, Kiyapo, kitodolik neejai EJAKAIT Ekonideke: Luelukunito ŋes kere koyaut ainakineta Mama ejai ŋol loibus ayonio. Emudiari ŋesi imoyon luka ikapolok: Erai losogim kama ejaas ikabakan luka akwap. Amonyi kekaporoto mama ejai Edeke; Ebwololoi kekaporoto mama ejai Edeke, Ŋesi da kapupuni. Toma apaaran naka icanika abu kamo EJAKAIT: Korioro akakan kuare komam itegi; Kogir ekatau aitalakario. Eitunit Edeke, keyalononi: Kanuriani, emwokolikin ekamoyo. Isikoler akakonye: Mam apedori ener da naarai eticanitoi noi. Aomoom apaarasia nukolo kasonya: Ikar da lukolono sek. Eitunit ekakosio loka akuare: Aomoom kotauka bon; Ekamoyo da ekukunyikina amoote. Ecakari kereka Edeke ikar kere? Mam bobo ŋes itoduni aminake? Asaŋa cut akeitim ikar kere? Atwania akeisumunet ikar ka ikar? Emurwoki Edeke araut lokasianut? Etasana da ŋesi akeitimesia kotoma anyunyura? Katema ebe, “Na ŋes akailworuna; Konye eituni ikar luka akan nakoteten naka Loejai kuju kakuj.” Alimonori aswamisio nuka EJAKAIT; Naarai eituni nukaumokinikon nukolono. Aomoomoenenei da aswamisiokon kere, Ido enyogonokini aomoom nuisubenenei. Wu Edeke, ekonirot ejai toma aibois nakalaunan. Iŋai bo edeke loepol kwape Edeke? Irai ijo Edeke loiswamai nukaumokin: Itejenu ijo akonigogoŋ kotuna, Ilaku ijo ikonituŋa kakonikan, Odwe luka Yakob ka Yosep. Apotu akip koanyut jo, wu Edeke; Apotu akip koanyut jo, koyonata, Komaranata da ataroi. Apotu idouon kobukut akipi, Kijuk akuj eires: Kisiarakinos da imaliakon. Eporoto loka airetunikon abu kojai toma otapipirio Eimilia da kitacau akwap: Komaran akwap kijaŋijaŋa. Kojai erotokon toma aŋolol, Ka isokonokon da toma akipi nuipu, Konye mam ajenio ikonikukut. Ibu kinarenikinite ikonituŋa kwape kesipan loka amerekekin, Kakan naka Musa ka Aaron, Wu ikatuŋa, kopupokisi ekakisil: Kitoikisi akusiki akiro nuka aitukuka. Awonaari akaituk kotoma awarag; Eneri akiro nuimunonoro nukolono. Nukipupu ka nukijenu, Nukilimonokis oni lukapapaawok, Mam kimunoni kes kama ejaas idwekec, Alimonokin aturi naebunit aiturio naka EJAKAIT, Ka akegogoŋ ka akeswamisio da nukaumokin nueswama. Abu kiticat aitejenunet kotoma Yakob, Kibwaik ekisil toma Isirael, Loabu kicorak lukapapaawok, ebe, Ibusakinit aitejenun kes idwekec. Tetere aturi naebunit ejenuni kes, Ka idwe da lueponio aur; Luepote anyoun alimokin kes ikecedwe. Tetere ibwaikinete amunokee toma Edeke, Komam imurwokinete aswamisio nuka Edeke, Konye koricito akeicorakineta. Ido kinyeis aiput lukapapaakec, Aturi naaninik naepaliono; Aturi namam abu kitemok eketau, Namam ekemoyo eketakina mama ejai Edeke. Akapakina idwe luka Epuraim kaluiiis, kitiŋito akabwai, Kobonosi kau kotoma apaaran naka, ejie. Mam aricito aitutuket naka Edeke, Konero alosenen kokisilake; Kimurwokis akeswamisio, Ka nukaumokin nuabu kitodik kes, Abu kiswama nukaumokin kakonyen nuka lukapapaakec, Kotoma akwap nako Misiri, omanikor da loka Soan, Abu kotiak aŋolol, kitotor kes toma; Kitobwo akipi kwape kabwas. Paaran kiŋarenikinite kes kedou, Akuare da kere kaica naka akim. Abu kocil atiiba kotoma amodiŋ, Kitamat kes akipi nuepu bala nuelomunete kataro, Kitolom icileta kotoma atiiba, Kitelelea da akipi kwape kicorin. Konye kodiakanarete kesi kwape kwaŋin kamaken, Aipaliikin Loejai kuju kakuj kotoma amodiŋ, Apotu kokodut Edeke kotauonokec Kanuka eibelikec kiisito inyamat. Eebo, apotu koluikinito Edeke koinerekec; Kobalas ebe, “Epedori kereka Edeke aitemokin emesa kotoma amodiŋ? Koany, abu ŋesi kinom atiiba, kibulubulunos akip, Koleleata icileta; Epedori kereka ŋesi ainakin atap da? Itudumikini kereka ŋesi iketuŋa akiriŋ?” Kanuka ŋun kepupu EJAKAIT, konyunyurikin: Kinepak akim Yakob, Konyoik da anyunyura Isirael. Naarai mam eyuunito Edeke, Komam da emunos akeitajar. Konye abu kicorak akuj, Konaa da ikekia luka akuj; Kitetepik kes emanu ainyam, Koinak da kes akima nukokuju. Apotu ituŋa konyamata atap naka lukapedor: Kijukak kes inyamat luaupete eut. Kitukut ekwam loka ari nakokide kotoma akui: Abu kinarenik ekwam loka ari naka eŋalakimak kotoma apedorike. Kitetepik kes akiriŋ kwape kapua, Ka alurueik da kwape kasinei naka aŋololin. Kitodoik kidin oidukurunukee, Alukun akeeeiboisio. Kwaŋin apotu konyamata, kimonikinos cut; Koinak luekibelikinito kes. Mam ekeeeibel abu kinoŋoor, Korina akecekirin ejai aitukekee, Konyoiki kes anyunyura naka Edeke, Koar luetelekaritos atumit kakesi, Kodany ikatumunak luka Isirael. Keja ŋun kere da, kodiakanarete ca kwape kwaŋin, Komam iyuunito aswamisioke nukaumokin. Kanuka nun, abu ŋesi konetak akeeepaarasia kotoma nukamameak, Ka ikeeekaru da kotoma akurian naepol. Naaaria kes, ŋes konyet ewoneoto ŋes: Kobonut kodunyakis amoote Edeke. Kiitut da ebe Edeke ŋes atiibakee, Edeke Loejai kuiu kakuj ŋes ekalakunanikee. Konye komodakito aiturite ŋes kakeeeituk, Kinalanalata da ŋes kakecenaiepa. Naarai mam ekeeetau atenit kamaken, Ido mam keraas imunon kotoma aitutuketeke. Konye ŋes, kanuepoloor aitim, abu kisioni numam adolitekec, Mam abu komudia kes: Eeca, irwan ipu abu ŋesi kisinae akededen, Ido mam abu kidikok akenyunyura kere. Kiitu ŋesi ebe keraas kesi awat; Ekwam loetubor, komam eboŋuni bobo. Ipu ca ma aatenak nuapotu kipaliikinioto ŋes kotoma ais: Kitakadikiniata ŋes kotoma amodiŋ! Kibelokinos da bobo kokodut Edeke, Kitunyunyurikis Lokalaunan loka Isirael. Mam apotu kiitut akekan, Karaida apaaran naalakunia kes kama kalukekolo. Kwape kibwaikinia akeanyuneta toma Misiri, Ka nukaumokinike da omanikor loka Soan; Kitarau ikeeeeorin aokot, Ka ikeeecileta da tetere mam epedorete aimat. Kijukak kes atukon nuka icuc, luapotu konyamata kes: Ka aidodoka da nuapotu komudiasi kes. Kitanyam ekutelek akecemio, Ka lukorionokec da kitanyam emaase. Komudia ikeeemusabibun kakako, Ka isukumorinikee da komudia kakako naepol noi. Ikeeebaren da kotula kakako, Ka ikeeesipanin luka amerekekin kotula kamwanis naka eipyei. Kocakak mamakec adedeŋ naka aitakadikinioke, Anyunyura, ka aisiop, ka ican da, Ekodet loka imalaikan Iukaronok, Abu kocilak akenyunyura esokot, Mam abu kideu aijarakec kaneejai atwanare, Konye kotulana. Kodany ikiyaik kere kotoma Misiri, Ageunet naka agogonukec koweman luka Kam. Konye komea iketuŋa kwape kamerekekin, Kinareaik kes kotoma amodiŋ kwape kesipan loka amerekekin Komea kes kainapakina, ŋes mam akuriakatar: Konye abu aŋolol korapia lukasurupokec. Koyau kes akwapuke nakalaunan, Kiton oron at lo, loagwelit akanike nakoteten. Kirenea atekerin nuaia kinarenekec, Kokoranak kes airumetekec, Kisiboik da idwe luka Isirael owemanakec. Konye kokodut bobo kipaliikis Edeke Loejai kuju kakuj, Mam da aricito aitejenunetake. Kibelooros kau kiswamata nukamodomod kwape kalukapapaakec: Kopaasi awai bala akabwa nakenalan, Naarai apotu kitunyunyurikis ŋes kaiboisiokee nuiceleleete, Kitokokoloto da ŋes kaputosiakec nuikee. Kepupu Edeke nun, konyunyurikin, Kosae cut Isirael. Kwaŋin abu kojal ewema lokalaunan loka Silo, Ewema loeboieneno ŋesi kokidin otuŋa, Koinak akegogoŋ toma anatario, Akeibuses da toma akan naka lukasurup. Koinak iketuŋa da neejai ekileŋ; Konyunyurikinite airumeteke. Konyam akim ikatumunakakec; Apesurukec da amamei ekosio loenyamanarere adukokin. Kodany ekileŋ isasedotinikee; Apuserunukec da mam akuudianete. Kosodi EJAKAIT akwenyun bala yenekwenyuni kajo, Kwape etuŋanan lokagogonon loecela kanuemerar aion. Koreto lukasurupoke kau: Kisurum kes ileic lumam edaunos. Bobo da abu kogir ewema loka Yosep, Mam abu koseu ateker naka Epuraim. Konye koseu ateker naka Yuda, Emoru Sion loamina. Koduk aiboisike nakalaunan kwape kimor, Kwape kakwap naeticat ŋesi ikar kere. Koseu Daudi da ebulesitike, Kolem ŋes kanuk naka amerekekin. Kolem ŋes kaeok amerekekin nuetanakete, Aitanyam Yakob iketuŋa, ka Isirael airumeteke. Kwaŋin kitanyam kes kwape kejaar aliogot naka etauke; Kinarenik da kes kapirianut naka akaninike. Wu Edeke, apotu ikapirin toma airumetekon; Amunaut eyekalukon; Atiyanakis Yerusalem aitaraun aapoŋor. Etanyamata akweny nuka akuj akiriŋ naka awat nuka ibulesinikon lukatwak, Ainakis itian luka akwap akiriŋ naka lukalaunakakon. Abukonosi da akeceokot kwape kakipi airimor Yerusalem, Komamei da yenidai kes. Kiraun isio amorosit kama ejaas iidunyetakosi, Aisekelio ka akienar kama ejaas lukirimorito sio. Wu EJAKAIT, itodoli ai inyunyura ikar kere? Enokenenei kereka ekonikolo bala akim? Kobukok akoninyunyura mama ejaas ikapirin lumam kijenete jo, Kobukok da mama ejaas ajakanuto numam iwoneete ekonikiror. Naarai anyamasi Yakob, Etisilioto da akeibois. Sirikiitu kamakosi numam adolit nuka lukapapaakosi, Konye koruruk sio akoniitim: Naarai kisilior isio noi. Kinarakinai sio, wu Edeke loka aitaiariokosi, Kanuka aibuses naka ekonikiror: Kolaku sio, koluc akosironisio, Kanuka ekonikiror. Kanukinyo atemariata do ikapirin ebe, “Ai bo ejai Ekecedeke?” Ibus ainyaŋ aokot nuka ibulesinikon nuabukoros, Kojenun kotoma okapirin keteete isio da. Kobu aumeno naka ienan akonyenekon; Kwape ejaar apolou naka apedorikon kitajar ijo ŋul lueraas idwe luka atwanare, Kinyakak toma atorobu naka iidunyetakosi irwan akanykaarei, Amorositokec, nukimoromoroto jo, wu EJAKAIT. Kasodete isio ikonituŋa, amerekekin nukoroiyikon, Aimalaenen jo ikar kere: Kitodikini aturio kere akoniiturio. Wu ekecokon loka Isirael, kopupok, Ijo loinarenikinit Yosep bala esipan loka amerekekin; Ŋo loiboie kama kikerubin, kocaik. Kisidik akonigogoŋ kakonyen nuka Epuraim ka Benyamin ka Manase, Kobu aitajar sio, Kinyakarai sio bobo, wu Edeke; Kitacau akonikonyen, sio da kitajario, Wu EJAKAIT Edeke loka ajoresio, Itodoli ai inyunyurikinit ailip naka ikonituŋa? Itanyam ijo kes atap naka akiyo, Itamat kes akiyo nuipu noi. Kitarau sio eŋuŋet kama ejaas iidunyetakosi: Lukasurupokosi ekienanakinos bonik. Kinyakarai sio bobo, wu Edeke loka ajoresio; Kitaeau akonikonyen, sio da kitajario. Ibu kitolom emusabibu anyoun kakwap nako Misiri: Ibu kirenea atekerin, kiraik ŋes, Ibu kirienya akwap kakonyeneke, Koremo akeieke kwap noi, kiriam akwap kere. Abu etolimike korapia ironan, Aketenuna koputos kiresia luka Edeke. Kigananata aketenun kiton aŋolol, Akelibuneta da kodolo Oeor. Kanukinyo ibilia ijo akebwas, Tape luitorete orot kere edenete? Iboiboi eputir akitoike, Itian da lukadedenak lukais enyamete ŋes. Wu Edeke loka ajoresio, kinainait jo, kibelokin bobo: Konolia kwap ijai kuju, kosesen, Koanyana emusabibu lo, Atorom naabu akonikan nakoteten kiraik, Ka atenu naibu ijo kitogogon kanukon, Ieweio kakim, ajepar eut: Etwakete kisinir luka akonyenekon. Koiaun akanikon neejai etuŋanan loka akanikon nakoteten, Ncejai okoku loka etuŋanan loibu ijo kitogogon kanukon. Kwaŋin mam sio kibonori kama ijai ijo: Kitajarunai sio, sio da kiwonei ekonikiror. Kinyakarai sio bo bo, wu EJAKAIT Edeke loka aioresio; Kitaeau akonikonyen, sio da kitajario. Koboorianata ayoere mama ejai Edeke agogonuwok: Kikareoto kaiyalama mama ejai Edeke loka Yakob. Koyooto esabuli kituruoto da isiman, Ka adeudeu naeiiiim ka yenikutat. Kokutakis arupepe kilamu elap: Kepoloor da eut elap, kapaaran naka epueitiwok loiyamakina. Naarai erai ekisil kotoma Isirael, Aicorakinet naka Edeke loka Yakob, Abu koseu ŋes kotoma Yosep araun aitejenunet, Naalosio aluikin akwap nako Misiri: Nama apupunio aŋajep namam ajeni. “Abu kalema alaniru kokeperike: Ka akekanin da kojalas kodita, Ibu konyara kotoma oean, abu kayu; Kabonok jo kotoma aibois nakaiyeiyea naka airetun; Abu ketem jo kakipi nuka Meriba. Kopuputu, wu ikatuŋa, eoŋ da ketejenuni yes: Wu Isirael, tikipupok eoŋ! Sirikejaun edeke ece loegelara tomakon; Karaida jo aima ecedeke loegelara. Arai eoŋ EJAKAIT Ekonideke, Loabu kitolom jo kakwap nako Misiri: Koona noi akoniituk, kelelebik. Konye ikatuŋa mam apotu kopupokis ekaporoto; Ido Isirael mam kakoto eoŋ. Kwaŋin abu kajalak kes atupar aninik naka itauonokec, Tetere elosenenete kotoma ainerununikec nuka ikulepek. Konye karai ikatuŋa kapupokis eoŋ: Kosodi Isirael alosenen korotinika! Tieon ketonokok lukasurupokec atipet, Kasodi aibelokin akakan asurokin luitokokolito kes. Luelaito EJAKAIT tiiyapaara kamaken: Konye timam akecepak kedaun. Tiketanyam yes akima nuejok noi adepar: Tikesimonik kesik lokomoru.” Ebwoi Edeke katukot naka Edeke; Imbi kokidin kidekesio. “Itodolete yesi ai irabete komam itupito abeit, Ido itubusikinito ikaronok? Sela, Kirabakisi lukican ka ikokiok: Kirabakisi da kabeit luereitai ka lukibakor. Kolakutu lukican ka luilwaritos: Koyuutu kes kakan naka ikaronok.” Mam ejenete, mam eomoomoete; Irimete kesi taai kotoma amuton, Apeteta kere nuka akwap eianaros. Katema atiar, “Iraas yesi idekesio, Yes kere iraas odwe luka Loejai kuiu kakuj. Karaida kwaŋin itwakete yesi kwape kituna, Ibiroros da kwape kediopet kotoma ikapolok.” Konyou, wu Edeke, kotubok akwap: Naarai irumit ijo atekerin kere. Wu Edeke, sirikililiŋ: Wu Edeke, sirikitau ti, sirikipala, Naarai, koany, ecelasi lukasurupokon: Ŋul da lukilaito jo ekeut akwes. Inerunete kapirianut abilakin ikoniruna ebotet, Initanaros nepepe aluikin lukibwaitonokon. Atemasi atiar, “Kopotu, kamudiasi kes kinyeis araun ateker: Tetere mam bobo ekiror loka Isirael iitununoo.” Naarai eŋitanaros nepepe, acamut da kediopetau; Etutukoto aluikin joo Iweman luka Edom ka Isimaelin; Moab ka Ikagarein; Gebal, ka Amon, ka Amalek; Pilisitia ka luibojete kotoma Turo. Asuria da imorikikina nepepe kakes, Enarakis kesi idwe luka Lot. Kiswamak ijo kes kwape kaMidian; Kwape ka Sisera, kwape ka Yabin kocor loka Kison: Luatwakikinete En-dor; Koraunos da aworet naka akwap. Kiswamak ikapolokokec kwape ka Oreb ka Seeb: Eebo, ikapolokokec kere kwape ka Seba ka Salumuna. Luatemasi ebe, “Ketarautu oni Ironyia luka Edeke luwok.” Wu Ekadeke, kituluo kes kwape apua naka etapipirio; Kwape da kagugu nuekutari ekwam. Kwape kakim naicwei amagoro, Kwape kaipelonoreta nuka akim nuinokokinete ironan; Kibwap kes kwaŋin kekonikwam loededeŋ, Kitukurian kes kekonitapipirio loepol! Kisileleb ileic akonyenekec; Tetere emoete ekonikiror, wu EJAKAIT. Kisurumai kes ileic, kisiyalonoŋoi ikar kere; Kitisiloi kitoolioroi da. Tetere ejenunete ebe ijo bon, Loerai ekonikiror YAWE, Irai Loijai kuju kakuj koyaite akwap kere. Eiokuka ca ma ikoniweman lukalaunak, Wu EJAKAIT loka ajoresio! Imiela ekamoyo, eebo, iilonori da Kanuka alaroi nuka EJAKAIT; Ekatau ka akakuan da eyeete kaiyalama Mama ejai Edeke Lokaiaran, Eebo, adumu anyiporit etogoke, Iporoidoliat da adum akai naeurianakini ikedwe, Kes itemwanakon, wu EJAKAIT loka ajoresio, Ekakabaka Ekadeke da. Isirerenitoi ŋul luibojete kotogokon: Iyatanakinete due aiturit jo. Isirerenitoi nin yeneiai agogoŋuke tomakon: Yenejaas otauke irotin luepolok luebeete Sion, Itorito toma aditot naka Aimony Ituluorete ŋes aibois naka akonye nuva atanin; Eebo, akiru naeliŋun erapiari ŋes karereŋio. Elosete anyoun kagogoŋ kiton agogoŋ, Ŋinidiopet kakesi etakanuni kakonyen nuka Edeke kotoma Sion, Wu EJAKAIT Edeke loka aioresio, kopup akailip: Kopupokinai, wu Edeke loka Yakob. Koany, wu Edeke loirai ebukukosi, Konolek ereet loka lokinyonyoikitonokon akinyet. Naarai apaaran adiopet kotoma alaroikon Itelekarit apaarasia kamace alukumit, Ibus eoŋ araun ekedaran ekek kotogo loka Edekeka, Itia aiboi koweman luka aronis. Naarai EJAKAIT Edeke ŋes akoloŋ ka ebuku: Einakini EJAKAIT asianut ka aibuses; Emamei ibore yenejok yenimiki ŋesi Ŋul luelosenenete kadolit. Wu EJAKAIT loka ajoresio, Isirerenitoi irunanan yenikimuno jo! EJAKAIT, kiminakinit akonikwap; Inyaku arereŋ naka Yakob. Isioni numam adolit nuka ikonituŋa, Irapaa aronisikec kere. Ilema akoninyunyura kere: Ibelokin anyoun kadeden naka akoniisiop. Kibelokinoi sio, wu Edeke loka akosiitajario, Kitanan akoniisiopanakin sio. Inyunyurikini kereka ijo sio ikar kere? Isinatari kereka akoninyunyura aturio kere? Mam kereka bobo kitaiari sio: Tetere ikonituŋa iyalamikinos kanukon? Wu EJAKAIT, kitodikinai sio akoniitim, Koinakinai sio akoniitaiar, Eirari eoŋ nuinera Edeke EJAKAIT: Naarai elimonokini ituŋake ka lukalaunakake ainapakin: Konye sirikemanasi bobo neejai abaŋaanut. Abeit eapie aitajarake kanul kalueyonito ŋes; Tetere iboienenei aibuses kakwapuwok. Eriamunos aitim ka abeit; Anuanaros adolit ka ainapakin. Elibi abeit kotoma alup; Ete adolit kwap kojai toma akuj. Eebo, einakini EJAKAIT ajokis; Emienenei awokokwap. Iŋarenikini adolit ŋes; Itemokini erot loitorete akekeie, Kitoik akonikit, wu EJAKAIT, koboŋokinoi; Naarai eeana eoŋ ido elwaritoi. Kidar akaijar; naarai ayoŋit eoŋ Edeke: Wu jo Ekadeke, - kitaiar ekonibulesit lokimuno jo. Kitimoi, wu EJAKAIT; Naarai amonyi mamakon aitiwar akwap. Kisiyalamik aijar naka ekonibulesit; Naarai ekeunit ekatau mama ijai, wu EJAKAIT. Naarai ijok ijo, EJAKAIT, itemokino aisioni, Epol aitimikon mama katjul kere lukiwoneetc joo Wu EJAKAIT, kitoik akit akailip; Kopupok eporoto loka akaiŋaiŋa. Kapaaran naka ieanika ewonei jo; Naarai kibonokini eoŋ. Wu EJAKAIT, emamei loiputotor jo kodekesio; Emameetc da nueputotor akoniswamisio. Wu EJAKAIT, epote atekerin kere nuibu kosub aima jo; Itopoloorete da ekonikiror. Naarai ipol ijo, iswamai da nukaumokin; Ŋo bon Edeke. Wu EJAKAIT, kisisianakinai ekonirot, Alosenenei kotoma abeitekon: Kimorikik ekatau ayoŋ it ekonikiror bon. Wu EJAKAIT Ekadeke, keturi jo kekatau kerc; Etopoloori ekonikiror ikar kere. Naarai epol akoniitim mama ajai: Ibu koyu akaiiar kaipany naejai kwap noi. Wu Edeke, kanyoikis luiwonooko, Emoi da atukot naka lukakaje akaiiar, Komam kibwaikinito jo akonyenekee. Konye jo, wu EJAKAIT, irai Edeke loileleba aision, isiana da, Iyapi anyunyurikin, epol akoniitim ka abeit. Okwe, kibelokin mama ajai, kitimoi; Koinak ekonibulesit akonigogoŋ, Kitajar ikoku yenika akonibulesit. Kitodikinai aanyunet naka ajokis; Tetere lukalaito eanyunete, kirumata ileic, Naarai ijo, EJAKAIT, ibu kinarak eoŋ, kitalaka da. Akepetetait ejai oroŋan lukalaunak. Emin EJAKAIT irutei luka Sion, Adepar aiboisio kere nuka Yakob. Inerai nukaibusesukon, Wu ere loka Edeke. Alimori nuka Rakab ka Babulon, Kotoma kakesi nukajenete eoŋ; Koany Pilisitia, ka Turo, nepepe ka Etiopia; Ebalasi ebe, “Aurikinio ŋin nina.” Eebo, elimunio nuka Sion da ebe, “Aurikinio ŋin ka ii tomake”; Loejai kuju kakuj ŋes elopet iticasi. Naiwadikaa EJAKAIT ituŋa, imarakini ebe, “Aurikinio ŋin ŋina.” Kes lueyeete ka kes da luikosiete etemarete ebe, “Akatanin kere eja tomakon.” Wu EJAKAIT, Edeke loka akaitajario, Amonyi paaran ka kuare da kakonyenekon: Koeamak akailip kolom neijai ijo; Kitoik akonikit mama ejai aimonyoka. Naarai ileleba emoyoka ican, Akaijar da aapia Okatwak. Kemarakinitai eoŋ nepepe kanul kaluijesaros toma Aipany; Arai eoŋ kwape kitunanan yenemamei aiijarakinio. Kacakakin neeja ikatwak, Kwape luaaritai lueperete kates, Lumam ijo iitunit bobo cut; Agelaros kakanikon, Kiperik ijo eoŋ toma Aipany nakokwap noi, Toma aiboisio nuemutoko, toma ataro, Kalanirikinit noi akoninyunyura, Kinaru ijo eoŋ kakonikailan kere. Isieka ijo ikapapero kamakaŋ, Kitarau da eoŋ ibore yeneketal kamakee; Kagoloritai, mam apedori alomun kina. Aororor akakoŋu kanuka aitieanioka; Wu EJAKAIT, ewonenenei mamakon ninipaaran, Egagat akakanin mamakon. Itodikini kereka ijo lukatwak nukaumokin? Enyounete kereka itoilon aiturit jo? sela Elimor kereka akonisianut-nakamin kotoma ates? Arai bo akonimunonut kotoma Amudiario? Ejenunos kereka nukaumokinikon kotoma amuton? Adolitekon da kotoma akwap naka aimurwonut? Konye wu EJAKAIT, mamakon amony eoŋ, Ido tupuruc elipenenaa kakonyenekon. EJAKAIT, kanukinyo icakaria ijo ekamoyo? Kanukinyo da ibwaia ijo akonikonyen kamakaŋ? Ketieanio kaapianari atwanare ameun koiditeuka: Nakesiriebiata nuketasurokon eyaloŋoni. Karapa eoŋ anyunyurakon naededen: Kagelasi eoŋ nuketasurokon. Apotu ke si kerimosi eoŋ bala akipi apaaran kere; Apotu da kalukut eoŋ, Isieka ijo kama kayeniminat ka ipapero; Ipaupaka da amuton. Ayei nuka aitim naka EJAKAIT ikar kere: Itejenuni da akaituk amunonutukon mama ejaas aturio kere, Naarai atema atiar, “Edukio aitim ikar kere: Itieasi ijo akonimunonut kotoma akuj cut. Etutuk kaloseunaka, Eyapoik Daudi ekabulesit; Eticasi aurikon ikar kere, Aduki eicolonokon loka ajakanut mama ejaas aturio kere.” Wu EJAKAIT, ituri akui nukaumokinikon, Akonimunonut da katukot naka lukalaunak, Naarai iŋai bo EJAKAIT kitirianere jo kotoma akuj? Iŋai da kodwe luka idekesio iputotor ijo? Edeke loinosibib noi kainerunet naka lukalaunak, Loibus ayoŋit adepar ŋul kere luirimorito ŋes, Wu EJAKAIT Edeke loka ajoresio, Iŋai bo lokapedor kwape kajo, wu Edeke? Akonimunonut da kirimorit jo, Iyait ijo ewono loka aŋolol; Naedakunotor akailan nukotoma, isililinl ijo kes, Ibilibil ijo Rakab kwape yenearitai; Isiarisiar lukasurupokon kakan nakagogonukon. Erai akuj nakon, ka akwap da erai nakon; Akwap ka ailelebake, ijo kisubuni kes. Ŋo ŋes isubi ari naka agolitome ka ari naka eŋalakimak: Iyalamas Tabor ka Kerumon kokirorikon. Ejai jo akaa naka apedor: Erai akanikon nakagogon, ikiara akanikon nakoteten, Adolit ka etube kes apeteta nuka eicolonokon, Aitim ka abeit kes kinarenikinito jo, Isirerenitoi ituŋa lueienete aruo naka arupepe: Wu EJAKAIT, elosenenete kotoma aka naka akonyenekon. Isiyalamikinito ekonikiror apaaran kere: Itopoloorio da kes kadolitekon, Naarai ijo aibuses naka agogonukec: Kotoma asianutukon ŋes itopoloorere amumwaratakosi. Naarai ebukuwok ŋes loka EJAKAIT; Ekabakawok da ŋes loka Lokalaunan loka Isirael Ibu kolo kiner kalukalaunakaken kaitapoet, Kotema atiar, “Ebwaik aiŋarakinio neejai ŋol loegogon; Etopoloo da ediopet loeseunitai kotuna, Aseu Daudi ekabulesit; Enyonyoik ŋes akakinyet nakalaunan: Iticasenenei akakan; Akakan da itogogoni ŋes. Mam lokasurup eŋasi ŋes; Karaida okoku loka aronis aitican ŋes. Esibirori eoŋ lukasurupoke kakonycneke; Adanyi da luelaito ŋes. Konye akamunonut ka akaitim eiaununos nepepe kaŋes; Kokirorika itopoloorere akemumwarat Ebwaikini akekan aŋolol, Akekan da nakoteten ebwaikini oeorin. Emonyenenei mamaka ebe, ‘Irai ijo papaka, Ekadeke, atiiba da naka aitajarioka.’ Etarauni da ŋes ekakiyai, Ido loitelekarit ikabakan kere luka akwap, Edarenenei akaitim kanukeŋ ikar kere, Akaitutuket da icasi cut kamaken Mam etanaŋi akeur ikar kere, Ka ekeicoloŋ loka ajakanut kwape kepaarasia nuka akuj. Arai keiala ikedwe ckakisil, Komam etupito itubesiaka; Arai kebila ikakisila, Komam ericete akaicorakineta; Ŋes do etieania eoŋ aibucaretakec kebela, Numam adolitekec da kamaeareta. Konye mam erikari eut aitimika kamaken, Karaida aiŋoŋar akamunonut. Mam abili akaitutuket, Karaida aiiulakin akirot naadau alomun kaitukuka. Eyapo adiopekirot kalauniteka; Mam eŋalai Daudi; Eiaenena aurike ikar kere, Ekeicoloŋ da loka ajakanut kwape kakoloŋ kama ajai. Iticasio ikar kere kwape kelap, Ido kwape kekajenan lomunot kotoma akuj.” Konye ieakar ijo isac da, Inyunyurik lokinyonyoikitonokon akinyet, Ila aitutuket naka ebulesitikon: Itisil da akeboko acakakin kwap. Ibelebel ijo iregiake kere; Itiyatiya da ikereria. Luitorete orot kere enaŋete ŋes: Araun ŋesi amorosit koidunyetake. Itopoloo ijo akan nakoteten naka lukekoloke; Isiyalamik da lukasurupoke kere. Eebo, itiŋiŋ ijo akwanis naka ekilenike; Mam ibu kitobwo ŋes kojie, Itanaŋ apiripirike, Icakak eicoloŋoke loka ajakanut kwap. Ituurian apaarasia nuka atumunike; Iburia da ŋes kileic. Wu EJAKAIT, itodoli ai inopit ikar kere? Itodoli ai akoninyunyura enoki bala akim? Okwe kutu kwape eurianar apakika; Aamameak anyoika kisubia kolo idwe kere luka ituŋa! Iŋai bo ituŋanan yencian yenimam eanyuni atwanare, Yeneyuuni akeijar kapedor naka Okatwak? Sela. EJAKAIT, ai bo abeata aitimesiakon nulem? N uibu kiyapok Daudi kamunonutukon. EJAKAIT, kiitu amorosit naka ibulcsinikon; Kwape adakitor katorobuka amorosit naka ituŋa kere lukagogoŋok; Nakemoromoroto lukasurupokon, wu EJAKAIT, Nakemoromoroto ikukut luka lokinyonyoikitonokon akinyet. Kituritete ETAKAIT ikar kere. Amen, Amen. EJAKAIT, irai ijo akosiibois nakiboienenoo, Anatar aturio kere. Eriŋa iroŋan kesubuna, Eriŋa jo kesubuna alup ka akwap, Ameun ikar Iuno kiton ikar kere, ijo ŋes Edeke. Inyakari irunanan toma apua; Kobala ebe, “Koboŋosi, yes idwe “luka ituŋa!” Naarai kakonycnekon ikar elukumit Esubito bala nakabian naatubor, Ido bala akwenyunet naka akuare. Iyaŋaari kes kwape kakalele; esubito bala ajo: Tupuruc esubito bala inya luebwanunete, Elibunete tupuruc epoloete da, Etubio eboŋ, erinyorete. Naarai kimudia sio akoninyunyura, Kisiyalononoi sio akoniisiop. Ibwaik numam adolitekosi akonyenekon, Adiakanaretakosi nukaiyeiyea da aica naka akonyenekon. Naarai atuboros akosipaarasia kere kotoma anyunyurakon: Kitanani ikosikar bala aomisioit. Apaarasia nuka ikarukosi kes ikar akaisakanykaarei, Arai kija kagogon imwaunete ikar akaisakanykauni; Konye ekeceitur erai aitaaritoi ka aiturur bon; Naarai eoliori atipet, kimameun da. Iŋai bo ejeŋi apedor naka akoninyunyura, Ka akoniisiop kwape kibusakinitor ayoŋ it jo? Kisisianakinai do Sio aimar akosipaarasia, Tetere kidumuni etau loka acoa. Koboŋ, wu EJAKAIT! Itodoli bo ai? Kiitu ikonibulesin. Kisimonikinai sio tupuruc kakoniitim; Kasodete ailel ka aiyalamikin akosipaarasia kere. Kisiyalamikinai sio kwape ejaatar apaarasia nuibu kiticania, Ka ikar da lukianyunitor aronis. Kotakanik ikonibulesin akoniswam, Ka akoniibuses da odwekec. Kojaikin ajokis naka EJAKAIT Ekosideke mamakosi: Kiticat ijo aswam naka akaninikosi kamakosi, Eebo, kitieat aswam naka akosikanin. Yeniboie kaibois naka aiyeiyea naka Loejai kuju kakuj, Iboienenei kotoribe loka Lokapedor kere. Alimuni nuka EJAKAIT ebe, “Ŋes neekerianaraka ka abwasika; Ekadeke, loamuno.” Naarai kiyuuni jo kairukutu naka ekalokan akweny, Ka atular da naerono. Kirapiari jo kakopirike, Imeci ijo kwap kabebenokake: Akebeit erai ebuku ka aupal. Mam ikurianari etasuro loka akuare, Karaida emal loegumunio paaran; Karaida atular naebuni kamuton, Karaida amudiar naemunauni paaran. Ibirokinos ilukwnin osiepikon, Ka ilukwnin itomon kakonikan nakoteten, Konye mam kidolokini joo Konye iseseni ijo kakonikonye, Ianyuni da eropit loka ikaronok. Naarai jo, wu EJAKAIT, irai neekerianaraka! Itarau Loejai kuju kakuj aiboisikon naiboieneno; Mam adioronis kidoikini jo, Karaida adiotular adolokin owemakon. Naarai einakini ikemalaikan aidar jo, Korieito jo korotinikon kere. Kidakete jo kakaninikec, Kinyek amoru aiguikin akonikeju. Icaki ijo eŋatuny ka emusaga: Ipudapudai iŋatuny ka emun. Ayuuni ŋes, naarai kaminakin eoŋ noi; Ekeuni ŋes kuju naarai ajenu ekakiror. Kewonei eoŋ, eoŋ da aboŋokini ŋes; Ajaenena kaŋes kotoma ocan; Ayuuni ŋes, etopoloori da. Esimonikini ŋes aibut naka apaarasia nuipu, Ido etodikini ŋes akaitajar, Ejok aimalaenen EJAKAIT, Ayoere aiturit ekonikiror, wu jo Loiiai kuju kakui, Aitodunia asianutukon-nakamin tupuruc, Amunonutukon da ŋinikuare. Kobore yeniramat yenikaputio atomon, ka isabulin, Ka aruo naiyapaara naka adeudeu. Naarai ijo, EJAKAIT, kisiyalamik eoŋ kaswamukon: Ebwonenena da kaswamisio nuka akanikon. Epolok ca ma aswamisiokon, wu EJAKAIT! Aomisiokon da idulok noi. Etuŋanan loesubit bala etiaŋ mam ejeŋi; Ebaŋ da mam ejenuni ŋun. Naelibuniata ikaronok bala inya, Naekeriakarotor lukeswamak numam adolit kere; Iswamaete kwaŋin tetere emudiario ikar kere. Konye ijo, wu EJAKAIT, ijai kuju ikar kere, Naarai, koany, lukasurupokon, wu EJAKAIT, Naarai, koany, etwakete lukasurupokon; Isiarakinio da lukeswamak numam adolit kere. Konye itopoloo ijo akamumwarat kwape kamumwarat naka ekosobwan: Kenyonyoikin akinyet nakitetet. Aanyu akakoŋu nuemiela eoŋ kodoikis lukasurupoka, Apuput da akaki nuemiela apupun kama ka luiswamaete nukaronok lukanyoikis asurokin eoŋ. Ekerianar loedolit kwape edukudukut; Epoloi da kwape eres loka Lebanon. Ŋul luiraikinio togo loka EJAKAIT, Ekeriakaros kalaroi nuka Edekewok. Eraenenete araito kemoionata; Ileleba kes akip elibilibete da. Aitodunia ebe eteni EJAKAIT; Erai atiibaka, emamei da amamus adolit kotomaken, Irumit EJAKAIT: enapit apolou; Enapit EJAKAIT, eenikinit agogoŋ: Icasit akwap da, mam epedori aijaŋijaŋa. Ecat eicolonokon apeŋo: Ŋai ijo ageun kolo jo. Wu EJAKAIT, ekeut akalele, Ekeut akalele ekeceporoto; Ekeut akalele akecekailan. Edeparit iporotoi luka akipi nuipu, Akailan nukapolok nuka aŋolol, EJAKAIT lokokuju ŋes agogoŋ! Eraas aiteienunetakon numunon cut: Alaunit ŋes itubusikinit ekonitogo Ikar kere, wu EJAKAIT. Wu EJAKAIT, ijo Edeke lokenyanan, Ŋo Edeke Iokenyanan, kocaik! Konyou, ijo ekatubon loka akwap, Koinak luituros nuibusakinito kes. EJAKAIT, itodolete ai ikaronok, Itodolete ai ikaronok kibwonatarar? Ineras aamameak, ineras da nuka eitur, Eoloboboto bonik ikeswamak numam adolit kere. Wu EJAKAIT, emunyumunyete kesi ikonituŋa, Aŋarut da akoniirumet. Earete apuserut ka imoit, Earete da ikoki. Kobalas ebe, “Mam EJAKAIT eanyuni, Mam Edeke loka Yakob eomoomoi.” Koomoomata yesi luisubito bala itiaŋ kotuna: Ka yes da ibaŋiok, icounete wori? Ŋol lokiswamauni akit, ŋes emam epupi? Lokesubi da akoŋu, ŋes emam eanyuni? ŋol loeleeori atekerin, ŋes emam iteteni? Ŋopeŋol loisisianakini ituŋanan acoa, Ejeŋi EJAKAIT aomisio nuka ituŋanan ebe, Eraas nukamameak. Wu EJAKAIT, isirerenitoi ituŋanan yenileeorit ijo, Yenisisianakini ijo kokisilakon. Isibworari ijo ŋes kinyek aanyun apaarasia nuka ican, Aitodol naebokikinere ikaronok aipany, Naarai mam EJAKAIT ecakari ikeruna, Karaida aiial airumeteke. Naarai etube eboŋori mama ejai adolit; Kes da luitenara kotauon etuparete ŋes, Iŋai bo enyouni kanukatj aluikin ikeswamak nukaronok? Iŋai bo ebwoi kanukan aluikin ikeswamak numam adolit? Kedim EJAKAIT araut ekenarakinanika, Esunyakinit ekatau aiboikin eililina. Naalimunio ebe, “Ejurusiar akakeiu”; Wu EJAKAIT, aitimikon ŋes keganit. Kotoma aipues naka aomisioka kotomaka, Isiyalamikinito aitalakaretakon ekatau. Epedorete kereka ikayaitok lukaronok aimorikikin kajo, Luisilakinete nukameneranut? Etukonokinos nepepe aluikin aijar naka luedolito, Etubokinete da aiar aokot numam aronis. Konye korai EJAKAIT ekapir loeoja: Ekadcke da korai atiibaka nakerianara. Enyakaki ŋesi kes numam adolitekec, Emudiari da kes karonisikec; Emudiari kes EJAKAIT Edekewok. Kopotu, kayeikis EJAKAIT: Kekareete kaiyalama mama ejai Atiiba naka aitaiariowok. Kekunyakis akonyeneke kaimal, Kekareete mamake kaiyalama kisabulin. Naarai EJAKAIT ŋes Edeke Lopeti, Ekabaka da lopeti, adepar idekesio kere. Agururin nuka akwapin ejaas roma akanike, Aidiasia da nuka ironan eraas nuken. Aŋololin nuken, ŋes kolo kesubi: Akekanin elunulunete akwap naconit. Kopotu, kamaata kakukumo; Kakukonokinos kakonyen nuka EJAKAIT Ekasubaniwok. Naarai ŋes Ewokodeke, Oni da kirai ituŋa lukoronyike; Amerekekin nuka akanike. Lolo, arai kiirasi ekeporoto! Sirikitininikata ikusitauon, kwape koMeriba, Kwape kapaaran naka Masa kamodiŋ: Nakakoduniata eoŋ lukapapaakus, Ketogogonoto, koanyut akaswam. Ikar akaisaoŋon apotu lukatur kaya ketakadikis; Kabala ebe, “Kes iruna luapuoros kotauonokee, Komam ejenete ikarotin.” Ŋes keyapoikinio’ kakaisiop ebe, Mam elomunete rwaru aibworareteka. Koyeikisi EJAKAIT ekosio lokitetet: Koyeikisi EJAKAIT, yes akwapin kere. Koyeikisi EJAKAIT, kiturito ekekiror: Kitodiasi akeitaiar ŋinipaaran. Kolimosi akeibuses katekerin, Aswamisioke nukaumokin kotuna kere. Naarai epol EJAKAIT, loibusakinit noi aiturio: Loibusakinit ayonio adepar idekesio kere. Naarai idekesio kere luka iruna eraas aputosia: Konye EJAKAIT ŋes asubi akui, Aibuses ka apolou ejaas akonyeneke: Agogoŋ ka atemelel ejaas aiboisike nakalaunan. Koinakis EJAKAIT, yes atekerin nuka ituŋa, Koinakis EJAKAIT aibuses ka agogoŋ, Koinakis EJAKAIT aibuses naibusakinit ekekiror: Koyautu ainakinet, kolomut alaroike. Komaata EJAKAIT konapito luelaete: Komaran kakonyeneke akwap kere. Kolimosi katekerin ebe, “Irumit EJAKAIT: Icasit akwap da, komam epedori aijaŋijaŋa: Etubokini Iruna kabeit.” Kiyalamikin akuj, kolel akwap; Kirurum aŋolol, ka ailelebake kere. Kole! ekitui, ka luejaas toma kere; Kosodetc do ikito kere luka amagoro ayoore kanuka aiyalama; Kakonyen nuka EJAKAIT, naarai ebunit; Naarai ebunit atubokin akwap: Etubokini akwap kadolit, Ka ituŋa da kakebeit. Eyait EJAKAIT; kolel akwap; Kiyalamikinos apuiana nuipu. Irimorito ŋes idouon ka amuton: Adolit ka etube kes apetetait naka eicoloŋoke. Iŋarenikinit akim ŋes, Icwei lukasurupoke luirimorito. Abu eimiliake kinwak akwap: Koany akwap, komaran. Kocalaros iukon bala edipor kakonyen nuka EJAKAIT, Kakonyen nuka EJAKAIT loka akwap kere. Elimori aku; akedolit, Aanyut da ituŋa kere akeibuses. Kirumata ileic kere luijaanakinete aputosia nuikee, Lueoloboboto kanuka aputosia: Komaata ŋes, yes idekesio kere. Abu Sion kiira kiyalamikin, Kolelata da adwe nuka Yuda; Kanuka itubesiakon, wu EJAKAIT. Naarai ijo, EJAKAIT, ijai kuju noi icelelei kakwap kere: Kitopolooritai noi aitelekarit idekesio kere. Aso ca, yes luiminasi EJAKAIT, kolaata aronis: Idari ŋesi itauon luka lukalaunakake; Eyuuni kes kakan naka ikaronon. Eniuni aica kanuka ikadolitok, Aiyalama da kanuka luitenara kotauon. Kiyalamikinos kotoma EJAKAIT, yes ikadolitok; Kimalata ekekiror lokalaunan. Koyeikisi EJAKAIT ekosio lokitetet; Naarai es wama nukaumokin: Akekan nakoteten ka akekan nakalaunan Eswamakis ŋes aitajar. Eteienu EJAKAIT akeitaiar, Edeleleu da adoliteke kakonyen nuka atekerin. Eitu akeitim ka akemunonut Mama ejai ekek loka Isirael; Isaŋeta kere luka akwap aanyut aitajar naka Edekewok. Kikare akwap kere kaiyalama mama ejai EJAKAIT; Koboorianata ayoore kai yala ma, eebo, koyooto aiturit. Koycikisi aiturit EJAKAIT kadeudeu; Kadeudeu keporoto loka ayoore, Karupepen karuo naka apeet, Kikareoto kaiyalama kakonyen nuka Ekabaka, EJAKAIT. Kiruruma aŋolol, ka ailelebake; Akwap da ka luibojete kotoma. Kibapa akalele akecekanin; Koyeikis iukon nepepe kanuka aiyalama, Kakonyen nuka EJAKAIT, naarai ebuni atubokin akwap: Etubokini akwap kadolit, ka ituŋa kere kabeit, Eyait EJAKAIT, komaranete ituŋa; Iboie kama kikerubin; kijaŋijaŋa akwap. Epol EJAKAIT kotoma Sion; Ejai kuju noi aitelekarit iruna kere, Kituroto kesi ekonikiror loepol lokanosibib; Lokalaunan ŋesi! Emina agogoŋ naka ekabaka da etube; Iticasi ijo abeit; Itubi kabeit kadolit kotoma Yakob. Kitopoloosi yesi EJAKAIT Ewokodeke, Ido komaata koicoloŋoke: Lokalaunan ŋesi! Musa ka Aaron kotoma osasedotinike, Ka Samuel da kotomakec kaluiworoete ekekiror; Apotu kiworoto EJAKAIT Koboŋok ŋesi kes. Kiner kakes kopir loka edou: Apotu koricata aiteienunetake, Ka ekisil loabu koinak kes, Wu EJAKAIT Ekosideke, ibu Koboŋok kes; Ŋo Edeke loibu kisioni kes, Karaida kinyanenenei nuka aswamisiokec. Kitopoloosi yesi EJAKAIT Ewokodeke, Komaata da koukotoke lokalaunan; Naarai EJAKAIT Ewokodeke erai Lokalaunan. Kikareoto kaivalama mama ejai EJAKAIT; yes akwapisinei kere. Kijaanakis EJAKAIT kaiyalama; Kopotu akonyeneke kayoore. Kojenutu EJAKAIT ŋes Edeke; Ŋol ŋes kolo kisubi, kirai oni da lukeŋ; Kirai iketuŋa, amerekekin da nukoronyike. Kolomasi oruteike kaimal, Alaroike da kaiturit: Kimalata ŋes, kiturito ekekiror. Naarai ejok EJAKAIT; Ejaenena akeitim ikar kere; Akemunonut da mama ejaas aturio kere. Ayeenenei nuka aitim ka etube: Mama ijai ijo, wu EJAKAIT, ayeenenei aiturit. Eswamai kacoa kopone loetenit: Okwe, wori bo ibunio mama ajai? Alosenenei kotogoka ketau loetenit. Mam ebwaikini idiobore yenerono akonyeneka: Alait eoŋ aswam naka ŋul kaluepaarete awai: Mam keminaikin eoŋ. Enyouni etau loeninik kamaka: Mam ajeni idiobore yenikaronon. Amudiari eoŋ loesabanakini eidunyeteke kaiyeiyea: Mam da atitiŋikin loejai akoŋu naeomiara ka etau loituro, Eteenenei lumunon kakwap tetere ibojenenete keoŋ: Loelosenenei kopone loetenit, ŋes keiaanakini eoŋ. Loemodomodoi mam iboikin togo ka: Loinera nuka aiŋal da mam ieasi kakonyeneka. Ŋinitupurue amudianari ikaronok kere luka akwap; Agelari ikeswamak numam adolit kere kore loka EJAKAIT. Wu EJAKAIT, kiira akailip, Akaimony da kodolu mama ijai, Sirikibwa akonyenekon kama ajai, Kapaaran naanyunitor ican: Kitoik akonikit mama ajai; Kapaaran naeworoo Koboŋok katipet. Naarai edaunos apaarasiaka kwape kapuru, Akakojo da icweio kwape kakalas. Anomor ekatau bala inya, arinyo da; Naarai kemurwoki ainyam ikanyamat. Kanuka eporoto loka eidinyaka Eminaikinos akakoio amunyoka. Asubit bala etolut loka amodiŋ, Aput bala etukuri loka ais. Akwenyi, ido asubit bala anyiporit, Naesilikinit bon koswi. Kamoromoroete lukasurupoka apaaran kere; Luekerepikis mamaka ikenere. Naarai anyam eoŋ ekurwon bala atap, Enyalak numatanaka kakiyo. Kanuka aisiopokon, ka akoninyunyura: Naarai kidak eoŋ kosodi acakar. Esubito apaarasiaka bala etoribe loeoliori; Arinyo eoŋ bala inya. Konye jo wu EJAKAIT, iboienenei ikar kere; Aiitunetekon da mama ejaas aturio kere. Inyouni, itimi da Sion: Naarai adolu apak aitim ŋes, Ecbo, adolu apale naaseikinitai, Naarai isiyalamikinito ikonibulesin amoruke, Ido etimoto akepua. Kwape kwaain eyoŋete atekerin kere ekiror loka EJAKAIT, Ikabakan da kere luka akwapin akoniibuses. Naarai aduk EJAKAIT Sion, Atakanu kotoma aibusesuke. Asesen ailip naka lukibakor, Komam emenit ailipikec. Iwadikakinio nun aturi naebunit: Ituŋa da luesubunio iturete EJAKAIT. Naarai ete ŋesi kwap koiai kaiboisike nakalaunan naicelelei; Abu EJAKAIT kosesen akwap kojai kuju: Akiirar eidiny loka eenat; Alacun nul luidaritere atwanare; Tetere elimorete ituŋa ekiror loka EJAKAIT koSion, Ka aituriteke da koYerusalem; Naetukonokinotor ituŋa, Ka ajakanuto da, aijaanakin EJAKAIT. Abu kitjoŋa akagogoŋ korot, Kituurian da akapaarasia. Katema atiar, “Wu Ekadeke, sirikiiyana eroko kedauna akapaarasia: Ikarukon enatarito aturio kere.” Ageun apeŋo ibu ijo kopet apetetait naka akwap; Aku; da erai aswam naka akaninikon, Edaunos ŋul, konye ibusenenei ijo: Eebo, ŋul kere emoionete kwape kanapito; Iloci kes kwape kanapito, ido iloconokinos: Konye ijo nopenol, Ikonikar da mam enaŋete, Ibojenenete idwe luka ibulesinikon Aurikee da iticasio kakonycnekon. Kiturite EJAKAIT, ijo etauka; Ka iboro da kere luejaas tomakaŋ Kituroto ekekiror Iokalaunan. Kiturite EJAKAIT, ijo etauka: Sirikiimurwokis akejokisio kere. Loisionie numam adolitekon kere; Loitanaleuni adekesiakon kere. Loelakuni akoniijar kotoma amudiario; Loitanapit jo aboko naka asianut-nakamin ka aitimesia nukaiokak, Loisimonikini jo luejok; Kosodi akonitumun aiteteun bala emorukaalet. Iswamai EJAKAIT nuedolito, Ka itubesia luka ituŋa kere luemwanitai. Abu ŋesi kitejen Musa ikerotin, Ka akeswamisio da mama ejaas idwe luka Isirael. Ileleba EJAKAIT aisioni, esiana da, Iyapi anyunyurikin, epol da akeitim. Mam itoroni apaarasia kere; Karaida anyunyuranakin ikar kere. Mam kiswamakinit oni kwape ejaatar awokoronisio, Karaida airop oni kwape ejaatar numam adolitewok. Naarai kwape eiaar akuj kuju noi akwap, Epol kwaŋin akeitim mama ejaas lueyonito ŋes. Kwape elwaniar kide anyoun koto, Esieka kwaŋin aibucanaretawok. Kwape itimio papa ikedwe, Kwape kwaŋin itimi EJAKAIT lueyonito ŋes. Naarai ejeŋi asubunetewok; Iitunit ebe kirai oni apua. Etuŋanan, esubito akepaarasia bala inya; Bala aturot naka ekitui, epoloi kwaŋin, Naarai ekutakini ŋes ekwam, emameun; Akeibois da mam bobo ejenuni ŋes. Konye aitim naka EJAKAIT ejai ameun apaarasia nuno kiton apaarasia kere Mama ejaas nul lueyonito ŋes, Akedolit da mama ejaas idwe luka idwe; Mama ejaas luerieito aitutuketeke, Ka luiitunito aicorakinetake aitodol kes. Eticat EJAKAIT ekeicoloŋ kotoma akuj; Ido irumit akejakanut kere, Kituroto EJAKAIT, yes ikemalaikan; Yes lukapedor kotoma agogoŋ, luitodolete akekirot, Kopupete eporoto loka akekirot, Kituroto EJAKAIT, yes akejoresio kere; Yes ikejaanakinakake, luiswamaete nuekoto ŋesi, Kituroto EJAKAIT, yes akeswamisinei kere, Kaiboisio kere nuka airumiteke. Kiturite EJAKAIT, ijo etauka. Wu EJAKAIT Ekadeke, ipolo ijo noi! Inapit aibuses ka apolou, Loimukori bon kaica bala anapito; Loapesikinit akuj bala aigalisit: Loiriikini akito nuka agolaike kakipi; Loituluori idouon agalike; Loelosenenei kabebenoka nuka ekwam, Loituluori ikwamin ikekiyakia; Ikekejaanakinak akim naesarani. Loapesi apeteta nuka akwap, Tetere mam ijaŋijaŋa ikar kere. Irapaa ŋes kataro kwape kegoe; Kibwaut akip kokuju kiroŋan. Apotu kokerata kaitoronokon; Kiwonyasi kanuka eporoto loka airetunikon. Kodokas oron an, kiiesaros aditon, Kiton aiboisio nuibu kosubakinite kes. Ibu kibwaik eikor lomam kes etubete; Tetere mam bobo eboŋorete arapiar akwap. Ŋukari akipi nuka atanin aditon; Eleleete koronan: 1 tamasete ŋolitiaŋ loka ais; Eŋaleunete itukoi akecekure. Ibojenenete akweny nuka akuj karirikec, Eruosi katenun. Itapapali ironan klikip nuka agolaike; Emonikin akwap araito nuka aswamisiokon. Isibwanikini ibaren inya, Iiaikini ituŋa da ikui; Tetere elemunete inyamat kalup r Ka ebino loisiyalamikinit etau loka etuŋanan, Ka akinyet naisimilimilio akekonyen, Ka atap da naeinakini etau loka ituŋanan agogoŋ, Imonikinos ikito luka EJAKAIT; Iresia luka Lebanon, luabu kiraik; Mama edukonokinete akweny akecekais: Etolut da iberosin kes eketogo. Ironan lueojak eraas luka akinei nuka ais; Imor kes ameceta nuka ipooi. Abu kibwaik elap abilia apakio; Ejeŋi akoloŋ akelomar, Isubi ijo amuton, koraun akuare; Naecedunotor itian kere luka amagoro. Egatasi iŋatunyo ludidik adumun lumejauna, Emoete da ikecenyamat kama ejai Edeke. Elomuni akoloŋ, eboŋorete, Eperete kabuaikec. Elosete ituŋa aswamukec, Aitaaritoikee aitodol eboŋ. Wu EJAKAIT, ipu ca ma ipitenyo luka aswatnisiokon! Isubit kes kere kacoa: Ileleba akwap abarakon. Ejai aŋolol ya, epol ido elal, Ejaas toma iboro lueliatos lumam emarunos, Itian ludidik ka lukapolok da. Elosete ameerin kanen; Ejai nen Lebiatan, loibu kosubak abolia kanen. Ŋul kere kidarito jo, Tetere iinakini kes ikecenyamat kedol apak, Etukonokinete luiinakini kes; Ilakari akonikan, imonikinos kesi lukaiokak. Ibwai akonikonyen, iyalononoete; Idemari eiyenanekec, etwakete, Eboŋorete da apuakec. Ŋukuni ekonimoyo, esubunio kes; Ido iteteuni ijo alup. Koiaenena aibuses naka EJAKAIT ikar kete; Kolelak EJAKAIT aswamisioke: Loenolekini akwap, kosodi akwap amaran; Etirori iroŋan, epurunete, Ayeonokini eoŋ EJAKAIT apaarasia kere nuka aijaraka: Ayeonokini aiturit Ekadeke aroko ajari. Koiokik ŋes akaomoom; Alelakini EJAKAIT. Komudiarai ikadiakanarak kakwap, Komameunos da ikaronok. Kiturite EJAKAIT, ijo etauka. Kituroto yesi EJAKAIT, Kimalata EJAKAI:” kiworoto ekekiror; Kiteienut aswamisioke otuŋa. Koyeikisi ŋes, koyeikisi aiturit ŋes, Kitatamata aswamisioke kere nukaumokin. Kitubusikina kokirorike lokalaunan, Kolakaros itauon luka ŋul kaluemoete EJAKAIT. Komoata EJAKAIT ka akegogoŋ; Komoata akonyeneke ikar kere, Kiitutu akeswamisio nukaumokin nueswama; Nukaumokinike ka Itubesia luka aitukuke; Wu yes aur naka Aburaam ebulesitike, Yes idwe luka Yakob, luseunake. Ŋes EJAKAIT Ewokodeke: Ejaas iketubesia akwap kere. Eitu ŋesi aitutuketeke ikar kere, Akirot naabu kicorak aturio alukumit. Aitutuket naetutuki ŋesi kAburaam, Ka aiyapositike mama ejai Isaak. Abu kitogogon da ŋipeŋin mama ejai Yakob araun ekisil, Mama ejai Isirael araun aitutuket namam edaun. Kotema atiar, “Kainakini jo akwap naka Kanaan; Koraun ewai loka airumetekon.” Nakeraatar kesi ituŋa luekidioko, Eebo, luekidioko noi, kiboiororoto kotomake, Kirimete kateker kiton ateker, Anyoun kajakanut adiopet kiton otuŋa ice. Mam abu kocamak idiotuŋanan aikonakin kes erono, Eebo, abu kitoron ikabakan kanukec; Kobala ebe, “Sitikitirosi lukinyonyoikitonoka akinyet, Sirikiswamakis ikanabin aronls.” Konyarak akwap ebeli, Abu kobil ebela kere loka atap, Abu kijuka etuŋanan aiŋarenikin kes; Aponi Yosep kogwelarai araun ebulesit: Aponi kisiriebai akekeje kirikoi, Kiperikinoi orikoi luka asua. Aitodol apak naetodolere akekirot; Kigimo akirot naka EJAKAIT ŋes. Kijuka eka baka kolacak ŋes, Ekayaiton loka ituŋa, koosik ŋes. Kitarau ŋes ekapolon loka etogoke, Ekayaiton da iboroke kere. Ajen ikapolokoke kwape etoiokitor ŋesi, Aisisianakin imakioke apirianut. Kobu Isirael da Misiri; Kiboikin Yakob akwap naka Kam. Kitupuu iketuŋa noi, Kitogogon da kes adepar lukasurupokec. Kibelok itauonokee alaite iketuŋa, Amodanakin ikebulesin. Abu kijuka Musa ekebulesit, Aaron da loabu koseu, Kitodikis kes aanyunetake, Ka nukaumokin kakwap naka Kam. Kijukak amuton, kitumuton; Mam apotu kipaliikis akekiro. Kituluo akeeekipi aokot, Koar da ikeceboro lukeeor. Kileleba akeeekwap aidodoka, Kagolai nuka ikabakanakec. Abu kiner, kopotu do icuc luipu noi, Ka ilae koikorunokee kere. Kitetepik kes akaka itia akiru, Ka eimilia loededeŋ akwapukee. Kipot imusabibunukec ka itininikec; Kobilibil ikito luka oikorunokec, Abu kiner, kobu do emaase, Ka enyede, lomam imarun, Konyam ŋinikiot kakwapukee, Konyam da araito nuka akeeekwap. Abu kodany da ikiyaik kere kakwapukee, Ageunet naka akecegogoŋ, Abu kitolom kes koiaas kepuesa ka esabu: Komamei idiopet yenineniakauna katekerinike, Eyalama Misiri naanyounioto kesi; Naarai apotu kesi kokuriakata kes, Kotera edou araun eimukos; Ka akim aica kuare, Kilipata, koinu kes alurueik, Kisimonik kes atap naka akuj. Kona atiiba, kibulubulunos akip; Koleleata kaiboisio nueokito bala ecor. Naarai abu kiitu akekirot nakalaunan, Ka Aburaam da ekebulesit. Kitolom iketuŋa kaiyalama, Luseunake kayoore. Koinak kes akwapin nuka atekerin; Kodemut lukorion luka ituŋa aitaraun lukee: Tetere ericete ikekisila, Idarete da aicorakinetake. Kituroto yesi EJAKAITI Kituroto yesi EJAKAIT! Kimalata ma EJAKAIT; naarai ejok ŋesi: Naarai eiaenena akeitim ikar kere. Iŋai bo gwai epedori alimor aswamisinei nukos nuka EJAKAIT, Arai aitodiar akeiturit kere? Isirerenitoi ŋul luerieete etube, Ŋin da yeniswamai nuedolito kapakio kere. Wu EJAKAIT, kiitunoi kasianut naitodianakini ikonituŋa; Koanyanarai kaitajarakon: Kasodi kaany akerianut naka luseunakon, Kalel kaiyalama naka atekerekon, Ketur nepepe kairumetekon. Kipou kadiakasi kalukapapaakosi, Kiswama numam adolit, kisub nukaronok. Mam lukapapaakosi apotu kojenut nukaumokinikon koMisiri; Mam aporu kiitut aipues naka aitimesiakon; Konye apotu kipaliikis kaŋolol, ŋes Aŋolol Nakareŋan, Konye abu ŋesi kitajar kes kanuka ekekiror, Aitejenunia akepedor nakos. Abu kiretak da Aŋolol Nakarenan, koono: Kitotor kes ataro kosubite bala itorito amodiŋ, Kitajar kes kakan naka ŋol kaloalait kes, Kolaku da kes kakan naka lokasurup. Korapias akip lukasurupokec; Amamei ediopet da loabu kideun. Kosodete kiyuut kesi akekiro: Koyooto aiturite ŋes. Kisunyasi kesi akekiro aimurwokin; Mam apotu kidareut ainerunike: Konye kikibelikis noi kamodiŋ, Kokodut Edeke kamodiŋ, Koinak kes nuelipito; Konye kiteseny ikecetauon. Apotu kikokotekis Musa koidukurun, Ka Aaron da ekalaunan loka EJAKAIT. Konaar akwap kiliko Datan, Koburia atukot naka Abiram. Kinep akim katukotokec; Kiewe akim ikaronok. Kiswamaut itaok koKoreb, Komaata aput naealuna. Kwaŋin kisiecasi aibusesukec Kaput naka emoŋ loenyami inya. Kimurwokis Edeke eketajaranikee, Loabu kiswama nukapolok koMisiri: Aswamisio nukaumokin kakwap naka Kam, Ka nusogim kariri naka Aŋolol Nakarcnan, Kanuka ŋun kobala ebe tikemudia kes, Kedim Musa loseunake aibwo kakonyeneke aidiek, Aibelokin akenyunyura, kinyek amudiar kes. Eebo, komwanata akwap naejok, Mam apotu kiyuut akekirot; Konye kirurumata kowemanakec, Mam da apupete eporoto loka EJAKAIT. Kanuka ŋun korio akekan mama ejaas, Aisibiroria kes kamodiŋ, Isiarisiari aurikec atekerin, Ikaikin kes toma akwapin. Kimorianakinos ka Baal-peor, Konyama asuban nuka lukatwak. Kwaŋin kitunyunyurikis ŋes kakeceswamisio; Kodoik atular mamakec. Kosodi Pinekas aibwo, kitodol etube: Kitananai atular. Kimarakinai ŋes adolit ŋin, Anatar aturio kere ikar kere. Kitunyunyurikis ŋes bobo kakipi nuka Meriba, Kodum Musa arereŋ naerono kanukec: Naarai apotu kipaliikis ekemoyo, Kisud einer. Mam kes apotu komudias ituŋa Kwape ecorakinitor EJAKAIT; Konye kinyalinyalunos katekerin, Kisisiaut da akeceswamisio: Kijaanakis aputosiakec: Nuapotu koraunos iica kamakec, Eebo, apotu koinakis ikecedwe lusap ka lupesur araun asuban mama ejaas aiokin, Kobukosi aokot numam aronis, Kes aokot nuka ikeeedwe lusap ka lupesur, Luainakinete kesi araun asuban mama ejaas aputosia nuka Kanaan; Komunaun akwap kaokot. Kwaŋin komunaunos kanueswamaete, Koelos da kaswamisiokec. Kanuka nun kinep anyunyura naka EJAKAIT aluikin iketuŋa, Kola da airumeteke. Koinak kes akanin nuka atekerin; Lualaito kes kirumata kes. Koroikis kes lukasurupokec, Kitonokokai kamakee. Abu koyu kes irwan nuipu; Konye kipaliikis kainerunikec, Kitisiloto numam adolitekec. Konye abu kosesen icanikec, Naapupunio aimonyokee: Kiitu aitutuketeke kamakec, Kiitu da kwape ejaar aipues naka aitimesiake. Koinak kes artmno Kama ejaas ŋul kere luanatarito kes. Kitajarai sio, wu EJAKAIT Ekosideke, Kotukonokinai sio katekerin, Aimalaenen ekonikiror lokalaunan, Kebwonananas kotoma aiturit joo Kituritete EJAKAIT, Edeke loka Isirael, Ameun ikar luŋo kiton ikar kere. Kotemasi ituŋa kere ebe, “Amen.” Kituroto yesi EJAKAIT! Kimalata ma EJAKAIT; naarai ejok ŋesi: Naarai ejaenena akeitim ikar kere. Koremasi lulakuna luka EJAKAIT kwaŋin, Lualaku nesl kakan naka lokasurup; Kotuk kes kakwapin, Anyoun kokide koto da, Anyoun kagolitomei ka eŋalakimak da. Kitoroto amodiŋ ipasitos; Mam apotu kodumut ere loiboikinos. Kiilor etaukec kotomakec Kanuka eteŋei ka akure. Kosodete kesi aimony mama ejai EJAKAIT kotoma ocanikec, Koyu kes kationisikec. Kinarenik kes korot loitenara, Tetere elosete ore loiboikinos. Okwe ti ca iruna kituroto EJAKAIT kanuka ajokisike, Kanuka aswamisioke da nukaumokin mama ejaas idwe luka ituŋa! Naarai isimonikini etau loimiela, Etau da loeriebi eteŋei ilelebi nukaiokak. Ŋul lueboiete kamuton kotoribe da loka atwanare, Koenitete kaiticanit ka asuat; Naarai apotu kipaliikis akiro nuka Edeke, Komenata ainerunet naka Loejai kuju kakuj: Kanuka ŋun abu ŋesi kitisil ekecetau kaitaaritoi; Kibiroros, komamei yeninarakinit. Kosodete kesi aimony mama ejai EJAKAIT kotoma oeanikee, Kitajar kes kationisikec. Kitolom kes kamuton kotoribe da loka atwanare, Kobilibil aenetakec. Okwe ti ca ituŋa kituroto EJAKAIT kanuka aiokisike, Kanuka aswamisloke da nukaumokin mama ejaas idwe luka ituŋa! Naarai abil ikirigin luka aisinit, Atub da atiketa nuka asua. Iticanio ibaŋiok kanuka epalikec, Kanuka numam adolitekec da. Egirit ekecetau inyamat luka ŋolipone kere; Ikunyakinete da orutei luka atwanare. Kosodete kesi aimony mama ejai EJAKAIT kotoma ocanikee, Kitajar kes kationisikec. Ŋukari akekirot, itanaleuni kes, Eyuuni da kamudiariokec. Okwe ti ca iruna kituroto EJAKAIT kanuka ajokisike, Kanuka akeswamisio da nukaumokin mama ejaas idwe luka ituŋa! Koinakisi asuban nuka aimal, Kolimosi da akeswamisio kayoore, Ŋul luelosete aŋolol kotoma ameerin, Luiswamaete kotoma akar naepol; Eanyunete ŋul aswamisio nuka EJAKAIT, Ka nukaumokinike kataro. Naarai icorakini, itukusi da ekwam lokos, Loedakuni akailan. Edokarete kiton akui, kobonorete bobo ataro: Eburunete ikecetauon kanuka iean. Iriananaros lailo ka laiie, kigetigetas bala ekameran, Kipirisiaros ikecetauon piris. Kosodete kesi aimony mama ejai EJAKAIT kotoma oeanikee, Kitolom kes kationisikee. Kisinapikini ekwam, Tetere akailan epalarete. Kosodete kesi aiyalamikin naarai apalasi; Kwaŋin eyaŋaari kes odoket loakotosi kesi adokaria. Okwe ti ca ituŋa kituroto EJAKAIT kanuka ajokisike, Kanuka akeswamisio da nukaumokin mama ejaas idwe luka ituŋa! Kitopoloosi kesi da ŋes katukot naka ituŋa, Kituroto da ŋes kaibois naka imakio, Ituluori ieorin amodiŋ, Ka atanin da akwap naconit; Akwap nakamio ituluori amodiŋ naka abalaŋ, Kanuka aronis naka nul kaluiboiete kotoma. Ituluori amodiŋ abwal naka akipi, Ka akwap naconit da atanin. Isiboikini nina lueriebi eteŋei, Tetere itemokinete ere loiboikinos; Eyeete amanat, iraete da imusabibun, Edumunete amio naepol. Isirercni kes da, tetere euriaros noi; Mam eeamakini ikeeebaren aiŋoŋar. Kosodi bobo nainonarere kes, naitukukumere Kanuka aroikinio, ka ican, ka aiturur, Ebukokini ikapolok emenit, Isirimi da kes kamodiŋ naemamei erot. Kwabo itonyouni luilwaritos alemun kaiticaniokee, Einakini ikalia luesubito bala esipan. Eanyunete luitenara kotauon, kiyalamikinos; Numam adolit kere ebutarete. Ŋin yeneeo kibwaik ŋun otau, Koomoomata aitimesia nuka EJAKAIT. Wu Edeke, ecat ekatau; Ayei, eebo, ayei aiturit, kaibusesuka. Kokwenyutu, esabuli ka adeudeu! Adilokini eoŋ elopet akwenyun, Wu EJAKAIT, kemalaenenei jo kotuna: Ayei aiturit jo katekerin. Naarai epol akoniitim kokuju kakuj, Akonibeit da edolit akuj. Wu Edeke, kitopolooritete jo kokuju kakuj: Akoniibuses da kokuju kakwap kere. Tetere eyuunio iminatakon, Kitajar kakanikon nakoteten, kobonokinoi. Ener Edeke kalauniteke ebe: “Ebwoŋakini: Atiaki Sekem, akori aditot naka Sukot. Gilead akan; Manase da akaŋ; Epuraim ŋes aigaet naka akouka; Yuda ŋes ekabela loka ajakanut. Moab da ŋes akailoŋis; Edom ŋes acakakini akamukat: Ekareikini koPilisitia,” Iŋai bo ketolomari ore loebwaitai? Iŋai bo kenarenikini kiton Edom? Wu Edeke, mere kijala ijo sio? Ido mam iupasi kakosijore, wu Edeke. Kinarakinai kama ejai lokasurup: Naarai aiŋarakin naka iruna emamei ajokis. Kiswamai nuka atitiŋ kainarakin naka Edeke: Naarai ŋol ŋes ipudapudai lukasurupowok. Sirikililiŋ, wu Edeke loerurenenei; Naarai kaoonikis ikaronok ka ikeŋalak akeceituke: Enerata keoŋ kanaiep naenalai, Kalukut kakiro nuka alait, Ketijioto da komamei akirot. Itia aminaka ŋes araunotor lukasurupoka: Konye elipenenei eoŋ, Karopata eoŋ aronis itia ajokis, Ka alait da itia akamin. Kodakak ijo ekaronon ayait ŋes: Kitobwo da lokasurup kakanike nakoteten. Naetubokinere ŋes, kolom itelekarito akiro; Kitaraunai da akeilip adiakaret, Kikidiokoto akepaarasia; Koyana ice akeibois. Koraunos ikedwe luemameete papakec, Akeberu da apuserut. Koraunos ikedwe ipasoi, inyamuren da; Komoata inyamat kaneelwana anyoun koreriakee luatiyanakinos. Koyana lokapeseneke kere luejaatar ŋesi: Konatasi imo ikorionoke. Komamuun yeniswamakini ŋes nukasianut; Komamuun da yenitimi idweke luemamei papakee. Kitananai aurike; Komwatarai da ekeeekiror katuri nactupak ini, Kiitu EJAKAIT numam adolit nuka lukapapaake; Sirikemwatar aronis naka totoke, Kojaenenas kesi kakonyen nuka EJAKAIT dueudue, Tetere itanani aiitunetekec kakwap, Naarai mam abu kiitu aitodun aitim, Konye irigai yenikican ka yenilwaritoi, Ka yenebilil etau, aiar kes, Eebo, amina ŋesi ekenit, kobunok ŋes; Mam abu kisiyalamik ailipakin arereŋ, kolwanari do kamaken, Konap ekenit bala anapitoke, Koloma da tomake bala akipi, Ido bala akinyet toma akoioke. Koraun kamake bala anapito naerapitor akekuan, Ka amuny da naeenitor ŋes due. Ŋol ŋes eropit loka lukasurupoka kama ejai EJAKAIT, Loka ŋul da luineras nueroko aluikin ekatau. Konye wu Edeke EJAKAIT, kiswamakinai, kanuka ekirorikon, Naarai ejok aitimikon, koyuunai, Naarai eeana ido elwaritoi, Ekatau da imusunitai kotomakan, Alosi bala etoribe loeoliori; Kelakilakar eoŋ bala emaase. Anonokata akakuŋin kanuka aikany eteŋei; Adokoror akakuan. Araun eoŋ amorosit kamakee: Nakaanyuniata eoŋ imunumunete akecekwes. Wu EJAKAIT Ekadeke, kinarakinai; Okwe, kitajarai kwape ejaar akoniitim: Tetere ejenunete ebe ŋin ŋes aswam naka akanikon; Ebe ijo, EJAKAIT, ŋes iswama. Kikenoto kesi, konye kisireren ijo: Naenyounioto, irumete ileic, konye eleli ekonibulesit. Kitanapai lukasurupoka aitisilio, Kimukoros da ikeeeleic bala elou. Emalaenenei noi EJAKAIT kaitukuka; Eebo, eturenenei ŋes kokodet. Naarai ebwoenenei ŋesi kakan nakoteten naka yenilwaritoi, Aitaiar ŋes kama ejaas luetubokinete eketau, Abu EJAKAIT kotema ekaiakait ehe, “Kiboikin akanika nakoteten, Aitodol naebwaikinia lukasurupokon kwap kakeienekon.” Iiukari EJAKAIT ebela loka akonigogoŋ anyoun ko Sion: Kirumite ijo kokidin kalukasurupokon. Ŋaikinos ikonituŋa kakote kapaaran naka apedorikon: Kajokisio nuka alaunit, kakoik naka atupuruc, Ejaas jo akopyo nuka ikatumunakakon. Eyapoiki EJAKAIT, ido mam ijulakini, ebe “Irai ijo esasedoti ikar kere Kwape ejaar epone loka Melukisadek.” EJAKAIT, kakanikon nakoteten Icumi ikabakan aipelor kapaaran naka anyunyurake. Etubokini ŋesi atekerin, Isilelebikini aiboisio awate nukatwak; Icumi aipelor ikapolok kakwapin nuipu, Emasi akipi nuka aguurut nakorot: Kanuka ŋun ikeuni akou. Kituroto yesi EJAKAIT. Emalaenenei EJAKAIT kekatau kere, Kotoma aurianet naka luitenara kotauon, kotoma okodet da. Epolok aswarmsio nuka EJAKAIT, Emoete ŋul kere luisiyalamikinito kes: Akeswam erai aibuses, ka apolou; Ejaenena akedolit ikar kere. Eswama nukaumokinike aiitunio: Esiana EJAKAIT, ileleba aitim. Ainak ŋul lueyonito ŋes inyamat: Iitununei aitutuketeke ikar kere. Etodiki iketuŋa apedor naka akeswamisio, Kotoma ainakin kes airwnet naka atekerin. Aswamisio nuka akaninike kes abeit ka etube; Aicorakinetake kere icasito. Icasito ikar kere, Iswamao kotoma abeit ka atenit, Ejukaki iketuŋa alakunio; Ecoraki akeitutuket ikar kere: Lokalaunan ekekiror, loeyonon da! Ayoŋit EJAKAIT ŋes ageunet naka acoa; Ŋul luiswamaete kwaŋin ejaas kaijen naejok: Ejaenena aituriteke ikar kere. Kituroto yesi EJAKAIT. Isirereŋitoi ituŋanan yeneyoŋit EJAKAIT, Yenisiyalamikinit noi akeicorakineta. Akeur eraun nakapedor kakwap; Isirerenio atur naka luitenara kotauon. Abar ka akerianut ejaas togoke, Ejaenena da akedolit ikar kere, Ecaikini Iuitenara kotauon aica kamuton, Esiana ŋesi, ido ileleba aitim ka adolit. Ejok kama kiruŋanan yeniswamai nuka asianut koyuununci; Etogogoŋi akekirot kotube, Naarai mam eut irianiriaŋa; Iitunio ikadoliton ikar kere. Mam ekuriana akiro nueroko; Icasit eketau, emuno EJAKAIT. Ecat eketau, mam ekurianar, Aitodol naeanyunia nuipuda ŋesi edoikinete lukasurupoke. Akoro, ainaki luilwaritos; Ejaenena akedolit ikar kere: Itopoloorio akemumwarat kaibuses. Eanyuni ikaronon, ekadakini; Ekonyanakini ikekel, kosodi ailiear: Eoliori eipud loka ikaronon. Kituroto yesi EJAKAIT! Kituroto, yes ibulesin luka EJAKAIT, Kituroto ekiror loka EJAKAIT, Kituritete ekiror loka EJAKAIT Amear kapak kana aitodol ikar kere. Ageun kama eniunia akoloŋ aitodol naelomaria Ibusakinit aiturit ekiror loka EJAKAIT. Icelelei EJAKAIT kokuju katekerin kere, Akeibuses da kokuju kakuj. Iŋai bo eputos ka EJAKAIT Ewokodeke, Loejai eicoloŋoke kuju, Loitasonokin asesen iboro Luejaas toma akuj toma akwap da? Itonyouni yenikiean kapua, Ikeuni da yenilwaritoi kasusujo; Tetere isiboikini ŋes nepepe kikapolok, Kes ikapolok luka iketuŋa. Einakini arakan ekal, Itarauni da toto naisiyalamikinit idwe. Kituroto yesi EJAKAIT! Naalomunia Isirael koMisiri, Etogo da loka Yakob kotuna luka aŋajep naagelara: Koraun Yuda aiboisike nakalaunan, Isirael ŋes ayaetaitike. Koany aŋolol ŋun, koker; Kitobonooroi Yorodan, Kicuroto ironan bala imerekekin, Iukena ludidik da bala imerekekin ludidik. Ikwaikini bo ijo ai, wu aŋolol, tape ikeri? Ŋo Yorodan, tape ibonori? Yes iroŋan, tape icurosi bala imerekekin; Yes da iukono bala imerekekin ludidik? Komaran ijo akwap, kama ejai EJAKAIT, Kama ejai Edeke loka Yakob; Loabu kituluo atiiba abwal naka akipi, Iikepia da atan naka akipi. Mere mamakosi, wu EJAKAIT, mere mamakosi, Konye koinak ekonikiror aibuses, Kanuka aitimikon ido kanuka abeitekon, Kanukinyo etemariata atekerin ebe, “Ai bo kwana ejai Edekekec?” Konye Edekewok ejai toma akuj: Eswama nuepuda elopet. Eraas aputosiakec epuesa ka esabu, Aswam naka akanin nuka ituŋa. Ejaas aituke, konye mam ineras; Ejaas da akonye, konye mam esesenete. Ejaas aki, konye mam epupete; Ejaas da ikumes, konye mam iŋuunete. Ejaas akanin, konye mam itiŋere: Ejaas da akeie, konye mam elosete, Mam ineras kiporotoikee. Ŋul luesubete kes eputokinos kakes; Eebo, ninidioper yenemuno kes, Wu Isirael, komunonena ijo EJAKAIT: Erai ŋesi ekenarakinanikec ido ekeeebuku. Okwe ekal loka Aaron, komunonena EJAKAIT, Erai ŋesi ckenarakinanikec ido ekecebuku, Yes luiyonito EJAKAIT, komunonenasi EJAKAIT: Erai ŋesi ekenarakinanikec ido ekecebuku, Naarai abu EJAKAIT kiitu oni; kisirereni ŋesi oni: Isirereni ekal loka Isirael, Isirereŋi ekal loka Aaron. Isirereni ŋul lueyonito EJAKAIT, Kere lukapolok ka ludidik da. Kiyatanak EJAKAIT yes noi noi, Yes ka ikusidwe. Isirerenitoi yes kama ejai EJAKAIT Lokesubi akuj ka akwap da. Akuj ŋes akuj naka EJAKAIT: Konye akwap abu koinak idwc luka ituŋa. Mam ikatwak iturito EJAKAIT, Karaida ŋul kere luijesaros toma aililiŋ. Konye oni kiturenenei EJAKAIT, Amear kapak kana aitodol ikar kere. Kituroto yesi EJAKAIT! Amina eoŋ EJAKAIT, naarai eira Ekaporoto ka akaiŋaiŋa, Naarai ketoiki akekit, Ŋes do ewonenenoo ŋes apaarasia kere nuka akaiiar, Kalukunito aunoi nuka atwanare, Ketiŋa eoŋ ariebesia nuka Okatwak, Adum iean ka aiturur. Ŋes do ewoneo ekiror loka EJAKAIT ebe: “Wu EJAKAIT, kenainait jo, koyu ekatau.” Esiana EJAKAIT, ido edolit; Eebo, itimono Ewokodeke. Idari EJAKAIT iiimat: Aponi ketisili konye ketaiar ŋesi eoŋ. Okwe ekatau, koboŋ toma aibworarikon; Naarai kikonak EJAKAIT nukajokak. Naarai iyuu ijo ekatau katwanare, Akakonye da kakiyo, Ka akakeje da kotoma aibiror. Alosenenei kakonyen nuka EJAKAIT Kakwap naka ikajarak. Eyuunit, naatemaria ebe, “Aponi keticani noi”: Alimuni kamarani ebe, “Eraas ituŋa kere ikeŋalak.” Inyo bo ainakini eoŋ EJAKAIT Kanuka ajokisioke kere nukekonaki ŋesi eoŋ? Ayaŋaari aikopo naka aitajario, Kasodi aiwone ekiror loka EJAKAIT. Ataci akaiyaposio mama ejai EJAKAIT, Eebo, kakonyen nuka iketuŋa kere. Atwanare naka lukalaunakake Erai naketiai loepol kakonyen nuka EJAKAIT. Wu EJAKAIT, abeit arai eoŋ ebulesitikon: Arai eoŋ ebulesitikon, okoku loka akonibulesit; Ŋarijarak ijo aunoi nukaenito. Ainakini jo asubanit naka aimal, Ido ewonei ekiror loka EJAKAIT. Ataei akaiyaposio mama ejai EJAKAIT, Eebo, kakonyen nuka iketuŋa kere; Kalaroi nuka etogo loka EJAKAIT, Kokidiijikon, wu Yerusalem. Kituroto yesi EJAKAIT! Okwe kituroto EJAKAIT, yes atekerin kere; Kitopoloosi ŋes, yes ituŋa kere. Naarai epol akeitim kama kiia oni: Ejaenena abeit naka EJAKAIT ikar kere. Kituroto yesi EJAKAIT! Okwe kimalata EJAKAIT, naarai ejok ŋesi: Naarai eiaenena akeitim ikar kere, Kotema do Isirael ebe, “Ejacnena akeitim ikar kere.” Kotema do ekal loka Aaron ebe, “Ejaenena akeitim ikar kere.” Kotemasi kesi da lueyonito EJAKAIT ebe, “Ejaenena akeitim ikar kere.” Abu kewone EJAKAIT kationisika: Kaboŋok EJAKAIT, kebwaik da aibois naelal. Ejai EJAKAIT owaika, mam akurianar: Inyo bo epcdori ituŋanan aiswamakin eoŋ? Ejai EJAKAIT owaika kama kanul kalukenarakinete eoŋ: Kanuka ŋun aanyuni eoŋ nuepuda kama kanul kalukalaito eoŋ. Eiok amun EJAKAIT, Itia amunokina ituŋanan. Eiok amun EJAKAIT, Itia amunokina ikapolok. Kalukut eoŋ atekerin, Kokiror loka EJAKAIT amudiari kes. Kalukut eoŋ, eebo, kalukut: Kokiror loka EJAKAIT amudiari kes. Kalukut eoŋ bala ao; Aduniosi kesi bala akim nakokukwa: Kokiror loka EJAKAIT amudiari kes. Ibu koremo eoŋ noi tetere ebiror: Konye abu EJAKAIT kenarak, EJAKAIT ŋes akagogoŋ, ekakosio da, Ido araun ŋesi akaitajar. Eporoto loka ailel ka aitajario ejai toma oweman luka ikadolitok: Iswamai akan nakoteten naka EJAKAIT nukatitin. Itopolooritai akan nakoteten naka EJAKAIT: Iswamai akan nakotetcn naka EJAKAIT nukatitin, Mam atwani konye ajari, Kasodi alimor aswamisio nuka EJAKAIT. Kaleco noi EJAKAIT eoŋ, Konye mam abu kainak atwanare. Koŋaikinai eoŋ ikirigin luka adolit: Alomari tomakec, emalai EJAKAIT. Ŋol ŋes erute loka EJAKAIT; Elomarete ikadolitok tomake. Kemalaenenei jo, naarai kibonok eoŋ, Ido iraun akaitajar, Amoru naanerete ikadukok Araun nakapolon naka agor. Ŋin ŋes aswam naka EJAKAIT; Eumokina noi kakonyenewok. Na ŋes apaaran naasubi EJAKAIT; Kileli keyalamasi da kotomake. Wu EJAKAIT, kitajarai kinainair: Wu EJAKAIT, kiŋaiŋait, kijuk akerianut. Isirerenitoi ŋol loebuni kokiror loka EJAKAIT: Kilipaki isio yes arereŋ kotogo loka EJAKAIT. EJAKAIT ŋes Edeke, kiinak oni aica: Koenikisi asubanit kaunoi amumwar nuka etem, Irai ijo Ekadeke, kemalaenenei jo, Irai ijo Ekadeke, ketopoloonori. Okwe kimalata EJAKAIT; naarai ejok ŋesi; Naarai ejaenena akeitim ikar kere. Isirerenitoi ŋul luedolito cut korot, Luelosete kokisil loka EJAKAIT. Isirereniroi ŋul luericito aiteienunetake, Luemoete ŋes kekecetau kere. Eebo, mam ŋul iswamaete numam adolit, Elosenenete korotinike. Ibu kicorak sio aituutooretakon, Tetere kidunyakini airic kes. Okwe karai kicasito ikarotin: Tiaricenenei ikonikisila! Ŋes do mam kerumiata ileic Naacamunia akoniicorakineta kere. Kemalaenenei jo ketau loitenara, Naesisiaunia itubesiakon luedolito. Aricenenei ikonikisila: Okwe sirikiijal cut! Ikonakini ai ekatumunan italauni ekerot? Kocoite kwape eiaar akonikirot. Kamo eoŋ jo kekatau kere: Okwe, kenyek apaar kaicorakinetakon. Enadak eoŋ akonikirot otauka, Kenye adiakar kamakon. Kituritete jo, wu EJAKAIT: Kisisianakinai eoŋ ikonikisila, Alimonok eoŋ kakanaiep Itubesia kere luka aitukukon. Alelakinit eoŋ erot loka aiteienunetakon, Kwape alelakinitor abar kere. Aomoomoenenei aituutooretakon, Ido acamunit ikonirotin. Esiyalamikinit ikonikisila: Mam kemurwokini akonikirot, Kikonak ekonibulesit nukajokak, tetere ajari; Kasodi karic akonikirot. Kitikweny akakonye, Kaany nukaumokin kokisilakon. Arai eoŋ ekeboiororon kakwap: Sirikibwa akoniicorakineta kamakaŋ, Emwokolikin ekatau kanuka eimiel noi Itubesiakon apakio kere. Ibu kitoron luiturokina: Kikenoi luepaarete kaieorakinetakon. Kolema amoromoro ka amwanio kamakaŋ, Naarai aric eoŋ aitejenunetakon. Apotu ikapolok da kiboikinos kinerasi aluikin eoŋ: Konye abu ekonibulesit koomoomoi ikisilakon. Esiyalamikinit eoŋ aitejenunetakon, Eraas da iinerunetaka. Eminaikin ekatau apua: Kitaiarunai kwape ejaar akonikirot. Alimo ikarotin, ijo da ibu Koboŋok: Kisisianakinai ikisilakon. Kiteienunai erot loka aituutooretakon: Kasodi konyet aomoom aswamisiokon nukaumokin. Epirisiar ekatau kanuka alaŋir: Kitogogoŋoi kwape ejaar akonikirot. Kolema erot loka aiŋal kamakaŋ, Ido koinakinai ikonikisila kasianut. Aseu eoŋ erot loka amunonut: Ebwaik itubesiakon akonyeneka. Eminaikin eoŋ aiteienunetakon: Wu EJAKAIT, sirikiisurum ileic. Akerianari orot loka aicorakinetakon, Naitalalaaria ekatau. Wu EJAKAIT, kisisianakinai erot loka ikisilakon: Kasodi aricit aitodol awasia. Ae acoa, kasodi aidar ekonikisil: Eebo, arici eoŋ kekatau kere. Kitotoroi eoŋ osokot loka aicorakinetakon; Naarai esiyalamikinit eoŋ kes. Kogoŋak ekatau aitejenunetakon, Konye mere airananut. Kibelok akakonye kaite aamameak, Kitaiarai da korotinikon. Kitogogonik ekonibulesit akonikirot, Naerai naka ayoŋite jo, Kibelok akamorosit naketukuriani; Naarai ejokuka itubesiakon. Koany, emiela eoŋ airuutooretakon, Kitajarai kotoma adolitekon. Wu EJAKAIT, kadolokis eoŋ aitimesiakon, Aitaiarakon kwape ejaar akonikirot. Kwaŋin adumuni eoŋ aboŋokinet naabonokini yenikamoromoroi; Naarai amuno eoŋ akonikirot. Sirikilema akirot naka abeit kaitukuka: Naarai amunokin itubesiakon. Kasodi adunyakin airic ikonikisila, Ikar ka ikar. Kalakakin kalositeka; Naarai amoot aituutooretakon. Eneri da nuka aiteienunetakon kakonyen nuka ikabakan, Mam kerumete ileic. Esiyalamikini eoŋ aicorakinetakon, Nuamina. Ariori akakan mama ejaas aicorakinetakon, nuamina; Aomoomoi da nuka ikisilakon. Kiitu akirot kama ejai ekonibulesit, Naarai ibu kisumun eoŋ. Na ŋes alakaraka kotoma aiticanioka., Naarai akonikirot ketaiar eoŋ, Kesekeloto eoŋ noi luisosoloko: Konye mam apaarit kokisilakon. Eitu itubesiakon lukolo jo, wu EJAKAIT Alakara da. Kerum eoŋ anyunyura naepol, Kanuka ikaronok lueialete ikonikisila. Araunos ikisilakon ikakososinei Kotojo loka ejobiraneka. Wu EJAKAIT, eitu ekonikiror kuare, Arie ikonikisila. Ejai eoŋ ŋin Naarai aricit aituutooretakon. EJAKAIT ŋes akorakineteka: Abu kalimo ebe arici akonikiro. Abu kenaiŋa asianutukon kekatau kere: Kitimoi kwape eiaar akonikirot. Abu kaomoom irotinika, Kebeleu da akakeje mama ejaas aitejenunetakon. Abu kesunyak, mam abu ketumor, Airie aicorakinetakon. Kekodikodata aunoi nuka ikaronok; Konye mam kemurwokinito ikonikisila. Anyouni kidinebai aimal jo Kanuka itubesiakon luedolito. Arai eoŋ epaup loka ŋul kere Iukiyonito jo, Ka ŋul da luericito aituutooretakon. Wu EJAKAIT, ileleba akwap akoniitim: Kisisianakinai ikonikisila. Ibu kikonak ekonibulesit ejok, Wu EJAKAIT, kwape eiaar akonikirot. Kisisianakinai etube loejok ka aijen; Naarai eyuu akoniieorakineta. Eroko eoŋ kiticana abu kapaa; Konye kwana arieit akonikirot, Iiok ijo, ido iswamai nuejok; Kisisianakinai ikonikisila. Kenyonyoikis eoŋ luiturokina aiŋal: Arici aituutooretakon kekatau kere, Etariono ekeeetau bala asiepai; Konye eoŋ esiyalamikinit ikonikisila. Ejok keticani; Tetere esisiauni ikonikisila. Ekisil loka aitukukon ejok kamakaŋ, Adepar ilukumin luka esabu ka epuesa da. Akonikanin kasubete eoŋ keticata da; Ae acoa tetere esisiauni aicorakinetakon. Kaanyunete eoŋ ŋul lukiyonito jo kosodete aiyalamikin; Naarai amunokin akonikirot. Wu EJAKAIT, ajeni ebe edolito itubesiakon, Ebe da kitiean ijo eoŋ kotoma amunonut. Kenainait, ketalaka asianutukon-nakamln, Kwape eiaar akonikirot mama ejai ekonibulesit. Kadolokis eoŋ akoniitimesia nukajokak, tetere ajari: Naarai kesiyalamikinito ikonikisila. Kisurumai luiturokina ileic; naarai kebirosi kasabanakin: Konye eoŋ aomoomoi nuka aituutooretakon, Kibeleunos ŋul lukiyoniro jo mama ajai, Ejenunete da aiteienunetakon. Korau ekatau loedolit kokisilakon: Tetere mam kerumete ileje. Imwokolikin ekatau kanuka aitajarakon: Konye amunokin akonikirot, Ewariwarete akakonye kanuka akonikirot, Nape atemaria ebe, “Wori bo kitalakaaria?” Naarai asub bala eriagi loka emukule kotoma apuru: Konye mam kemurwokinito ikonikisila. Imwaasi ai apaarasia nuka ekonibulesit? Wori bo itodolio ijo etube mama ejaas ŋul lukemanito eoŋ? Kabokanakis luiturokina apanya, Lumam etupito ikonikisila. Aicorakinetakon kere eraas numunon: Kemanito kasabanakin; kiŋarakinai eoŋ. Nepetai kes amudiar eoŋ kakwap; Konye mam abu kajal aituutooretakon, Kitajarai kwape ejaar asianutukon-nakamin; Kwaŋin ariei aitejenunet naka aitukukon Wu EJAKAIT, icasit akonikirot Kotoma akuj ikar kere. Enatarit amunonutukon aturio kere: Iticat ijo akwap, ido iboie. Iboiete lolo kwape ejaatar aicorakinetakon; Naarai iboro kere eraas ikonibulesin. Kedim eoŋ aisiyalamikinit ikonikisila, Ti do eoŋ kaolio kotoma aiticanioka. Mam eut kemurwokinete aituutooretakon; Naarai kes kitajaria ijo eoŋ, Arai eoŋ ekon, kitajarai; Naarai amoot eoŋ aituutooretakon. Kedareut ikaronok amudiar eoŋ; Konye eoŋ aomoomoi nuka aitejenunetakon. Aany esaŋe loka adolit kere; Konye elal noi akoniicorakinet. Amina ca ma eoŋ ikonikisila! Aomoomoi eoŋ nukec apaaran kere. Ketocout eoŋ aicorakinetakon adepar lukasurupoka, Naarai ejaenenas keoŋ tiritir. Epol eoŋ aijen adepar ikakesisianakinak kere; Naarai aomoomoenenei nuka aitejenunetakon. Ajeni eoŋ nuipu adepar imakio, Naarai aricit eoŋ aituutooretakon. Etikok akakeje aibe ŋolirot kere loerono, Tetere arici akonikirot. Mam apaarit kotubesiakon; Naarai kisisianak ijo eoŋ. Ewinyak ca ma akirokon kaŋajepeka! Eebo, ewinyak adepar esik kaitukuka! Aituutooretakon kes adumanakini eoŋ aijen: Kanuka ŋun alait ŋolirot loka aiŋal. Akonikirot ŋes atala naka akejeka, Aica da nakosokotoka. Eyapo, ido etogogoŋ ŋun ebe, Arici itubesiakon luedolito. Keticani noi: Wu EJAKAIT, kitajarai kwape ejaar akonikirot. Keŋaiŋait jo, kocam ainakineta nukakote nuka aitukuka, Wu EJAKAIT, kisisianakinai da ikonitubesia. Ejai ekatau ducuduc akanika; Konye mam kemurwokinito ikonikisila. Kalokata ikaronok keic; Konye mam abu kapaa kaituutooretakon. Etarau eoŋ aitejenunetakon bala airumet ikar kere; Naarai elelakinit ekatau kes. Agoŋak ekatau aitodol ikonikisila, Ikar kere, aitodol awasia. Alait eoŋ ŋul luka itauon iarei; Konye amina ikonikisila. ŋjo ŋes akaŋopis ekabuku da: Amunokin eoŋ akonikirot. Konyout kamaka yesi luiswamaete aronis; Tetere arici eoŋ aicorakineta nuka Ekadeke, Kigaŋai, kwape ejaar akonikirot, tetere ajari; Kenyeis ileic airum kotoma amunoka. Kigaŋai, keyamakin, Kasodi acamun ikonikisila ducuduc, Iner ijo ŋul kere luepaarete kokisilakon; Naarai aiŋalakec erai aamameak. Icaka ijo ikaronok kere luka akwap bala asusujo: Kanuka ŋun amina eoŋ aitejenunetakon, Emarani akakuan kanuka ayoŋit jo; Ido ayoŋit itubesiakon. Etodol eoŋ etube ka abeit: Sirikiijalak kama ejaas lukaroikinito eoŋ, Kobwaa ekonibulesit, kanuka ajokis: Kinyeis luiturokina aroikin eoŋ. Ewariwarete akakonye kanuka aitajarakon, Ido kanuka akirotokon naedolit. Kikonak ekonibulesit kwape ejaar akoniitim, Kisisianakinai da ikonikisila. Arai eoŋ ekonibulesit, ae acoa; Tetere ajenuni aitejenunetakon, Adol apak EJAKAIT aswam, Naarai etapalaut kesi ikonikisila. Kanuka ŋun amiria aicorakinetakon, Adepar esabu, eebo, adepar esabu loejok. Ŋes aderio aituutooretakon kere nuka akiro kere nuejok; Alait da ŋolirot loka aiŋal, Eumokina aitejenunetakon: Ŋes ericia ekatau kes. Naeŋaarotor akonikiro itacaikinete; Itejenikinete ijimat, Abu kaoon akaituk noi, abu keyeŋanakin; Naarai emiela aicorakinetakon. Kibelokin mama ajai, kitimoi, Kwape itapitor aikonanakin ŋul lueminas ekonikiror. Kiteten ekalose kakirotokon, Kinyeis numam adolit kere ayait eoŋ, Kolakunai karoikinio naka ituŋanan: Kwaŋin ŋes aricia aituutooretakon. Kitacaik ekonibulesit akonikonyen; Kisisianakinai da ikonikisila. Eleleete icorin luka akipi kakonyeka, Naarai mam ituŋa ericito ikonikisila. Wu EJAKAIT, idolit ijo, Ikonitubesia da itenara. Ibu kicorak aitejenunetakon kadolit, Ka amunonut naepol. Kerum eoŋ ekokote Naarai emurwokis Iukasurupoka akonikiro. Ililiauna akonikirot noi; Kanuka ŋun ŋes eminaritor ekonibulesit. Adite eoŋ kamenitai da: Konye mam kemurwokinito aituutooretakon. Adolitekon ŋes adolit namam enaŋi, Ikonikisila da kes abeit. Kadoikis eoŋ ican ka ariebo; Konye kesiyalamikinito aicorakinetakon. Edolite aitejenunetakon ikar kere; Ae acoa, tetere ajari. Abu kewone kekatau kere; koboŋokinoi, wu EJAKAIT: Arieenenei ikonikisila. Abu kewone jo; kitajarai, Tetere arici aitejenunetakon, Abu kanyou eroko etop kelomuna, kamony: Kamunokina akonikirot. Abu kakweny eroko akwenyuneta nuka akuare, Tetere aomoomoi akonikirot. Kiira eporotoka kwape ejaar akonisianut-nakamin: Wu EJAKAIT, kitajarai kwape ejaatar itubesiakon. Ikunyunete die luibwapito aronis; Elwaka kesi kokisilakon. Wu EJAKAIT, ijai ijo die, Akoniicorakineta da kere eraas abeit. Abu kajen apeŋo kaitejenunetakon ebe, Iticasit kes ikar kere. Koomoom aiticanitoika, ido koyu eoŋ; Naarai mam kemurwokinito ikonikisila. Kopurokinai akakirot, kolakunai: Kitajarai kwape ejaar akonikirot. Elwana aitajario kama ejaas ikaronok, Naarai mam kes emoete ikonikisila, Wu EJAKAIT, epolok noi aitimesiakon nuejok: Kitajarai kwape ejaatar itubesiakon. Ipu lukemanito ka lukasurupoka da; Konye mam eoŋ apaarit kaitejenunetakon. Abu kaany luemodomodoete, keturur; Naarai mam ericito akonikirot. Koomoom kwape aminar eoŋ aituutooretakon: Kitajarai, wu EJAKAIT, kwape ejaar asianutukon-nakamin. Etiai loka akirokon ŋes abeit; Itubesiakon luedolito kere ejaenenas ikar kere. Kemanata eoŋ ikapolok komam akirot, Konye ebwoi ekatau koyoŋite akonikiro. Alelakinit eoŋ akonikirot, Kwape ituŋanan yenedumuni iŋatan luipu, Alait eoŋ asacit da aiŋalanut; Konye amina ikonikisila. Keturenenei jo irwan akanykaarei apaaran; Kanuka itubesiakon luedolito. Lueminas ikonikisila ejaas ainapakin naepol; Emamei da adiokirot naisiguikini kes. Wu EJAKAIT, amunokin aitajarakon, Eswama da aicorakinetakon. Abu ekatau koric aitejenunetakon; Ido amina kes noi. Abu karic aituutooretakon ka aitejenunetakon; Naarai ejaas ikarotin kere akonyenekon. Wu EJAKAIT, kikuny aimonyoka neijai: Ae acoa kwape ejaar akonikirot. Kodol aiŋaiŋaka akonyenekon: Koyuunai kwape ejaar akonikirot. Kolim akaituk aiturit; Naarai kisisianakini ijo eoŋ ikonikisila. Koye akaŋajep akonikirot; Naarai edolito aicorakinetakon kere. Kitemokino akonikan aiŋarakin eoŋ; Naarai aseu aituutooretakon. Wu EJAKAIT, emiela aitajarakon; Esiyalamikinit ikonikisila. Kojar ekatau, kosodi aiturit jo; Keŋarakis da eoŋ itubesiakon. Apaa eoŋ bala amerekek naeoliorit; komou ekonibulesit; Naarai mam kemurwokinito aicorakinetakon. Abu kamony mama ejai EJAKAIT kocanika, Kaboŋok eoŋ, Wu EJAKAIT, koyu ekatau Kama kaituke nuiŋalaete, Ka aŋajep da naemodomodoi.’ Inyo bo kiinakinio jo, Ido anyoika bobo ace nukikonakinio jo, ijo aŋajep naimodomodoi? Imalia lueitak luka ikagogoŋok, Ka akuk nuka erotem. Wu okwe, naarai eboiororor koMesek, Eboienenei koweman luka Kedar! Eboi ekatau apak naepol Kayenelait ainapakin. Enapakina eoŋ: Konye naeneria, ekotosi kesi ejie. Eteluori akakonye mama ejaas iroŋan: Ai bo ebunio akaiŋarakinio? Ebuni akaiŋarakinio kama ejai EJAKAIT, Lokesubi akuj ka akwap. Mam ŋes ecamakini akonikeju aigetanar: Ŋol lokidari jo mam iluranar. Koany, ŋol loidari Isirael Mam iluranar karaida ajotoor. EJAKAIT ŋes ekedaranikon: EJAKAIT ŋes etolimikon kakanikon nakoteten. Mam akoloŋ kinomori jo paaran, Karaida elap kuare, Kidarenenei EJAKAIT jo karonis kere; Idari ŋesi ekonitau. Idarenenei EJAKAIT akonilosit ka akoniboŋun da, Amear lolo aitodol ikar kere. Abu keyalamikin nakalimokiniata ebe, “Kaloto togo loka EJAKAIT.” Ebwoete akosikeje Koruteikon, wu Yerusalem. ljo Yerusalem, idukuk Bala ere loidunyudunyitai: Loedokiata atekerin, Kes atekerin nuka EJAKAIT, Araut aitejenunet mama ejai Isirael, Aimal ekiror loka EJAKAIT. Naarai esipokinitai nen Iicoloŋo luka aitub, Iicoloŋo luka etogo loka Daudi. Kilipakis Yerusalem ainapakin: Ekeriakaros lukiminasi jo. Kojau ainapakin kotoma arwatatinikon, Akerianut da otogoikon lukapolok. Kanuka ikainacan ka ikapaup, Alimuni do ebe, “Kojaun ainapakin tomakon.” Kanuka etogo loka EJAKAIT Ewokodeke Kamoikini jo ajokis. Keteluori jo kakakonye, Wu jo loiboie kotoma akuj. Koany, kwape eseseniata akonye nuka ibulesin akan naka ekecejakait, Ido kwape eseseniata akonye nuka abulesit ajakaitike; Kwape kwaŋin eseseniata akosikonye EJAKAIT Ekosideke, Aitodol nakitimio ŋesi sio. Kitimoi sio, wu EJAKAIT, kitimoi sio: Naarai kiup isio cut amenio. Aupa ikositauon Aisekelio naka ŋul kaluijakakaete, Ka amenio naka luiturosi. Kiner do Isirael ebe, Kedim EJAKAIT ajakut owaiwok, Kedim EJAKAIT ajakut owaiwok, Nakinyoikinioto ituŋa asurokin oni: Ti do kes kilikorito oni kajarete, Naenepunia akecenyunyura asurokin oni: Ti do akipi kilelearito oni, Aleles da tierapiarit iwokotauon. Ti do akipi nuedakununos Erapiarito iwokotauon. Kituritete EJAKAIT, Lomam abu koinak oni okelakec bala lumejauna. Aku ewokotau bala akweny naekui kairukutu naka ikalokak: Elakulakun airukutu, kiku do oni. Aiŋarakiniowok ejai okiror loka EJAKAIT, Lokesubi akuj ka akwap. Ŋul luemunos EJAKAIT esubito bala emoru Sion, Lomam epedorio aijaŋar, konye ebwoi ikar kere, Kwape irimoritotor iroŋan Yerusalem, Irimorit kwaŋin EJAKAIT ikeruna, Amear lolo aitodol ikar kere. Naarai ebela loka aronis mam esalakini airumet naka ikadolitok; Tetere mam ikadolitok eriorete akecekanin mama ejaasn adolit. Wu EJAKAIT, kikonak ejok ŋul luejok, Ka ŋul da luitenara kotauonokec. Konye ŋul luepaarete orotinikec lumagul, Itolomari EJAKAIT kes nepepe kikeswamak numam adolit. Kinapakin Isirael. Naebelokinio bobo EJAKAIT anatario naka Sion, Kipou kasubata bala ŋul luirujaete. Kilelebuni do akiena aitukewok, Ayoore da aŋajepawok: Kotemasi do atekerin ebe, “Eswamaki EJAKAIT kes nuepolok.” Kiswamak oni EJAKAIT nuepolok; Ŋes kiyalamar. Wu EJAKAIT, kibelok bobo akosiŋatario, Kwape kalelesia nuka ari naka Eŋalakimak. Ŋul lueyeete komonyete akiyo, Esakete kailel. Karaida elosi korotoke komonyi akiyo, Kitiŋite ikinyom luyean; Eboŋuni kailel, eyaŋauni da iisutanake. Dimikito keduk EJAKAIT etogo, Itaaritos atai luedukete: Dimikito kidar EJAKAIT ere, Ekwenyi lokedaran atai, Idilokinete yesi akwenyun atai, ka aitumor aiyeŋun, Ainyam da atap naka aitapasitoi: Naarai einakini kwaŋin iminanake ajo. Koany, idwe kes airumet naka EJAKAIT: Aur da naka akoik ŋes ainakineteke. Kwape kimalia kakan naka ekagogoŋon, Esubito kwaŋin idwe luka atumun. Iyalama etuŋanan loilelebit kes ocoeke: Emameete ileic, Naineratar kalukasurupokec orute. Isirereŋitoi ŋinituŋanan yeneyoŋit EJAKAIT, Yenelosenenei korotinike. Naarai inyami aitaaritoi naka akaninikon: Iyalamikini ijo, ijaun ejok. Epusi akoniberu bala emusabibu loerai noi, Kaiboisio nukotoma nuka togokon: Elukunete idwekon emesakon bala aitoceta nuka iseitunin, Koany, isirereŋio kwaŋin Ituŋanan yeneyoŋit EJAKAIT. Kisirereŋi EJAKAIT jo koSion: Ianyununei da ajokis naka Yerusalem Apaarasia kere nuka aijarakon. Eebo, ianyuni idwe luka idwekon. Kinapakin Isirael. Kotema do Isirael ebe: “Keticanata eoŋ irwan ipu ameun keiditeuka, Keticanata eoŋ irwan ipu ameun keiditeuka: Konye mam kepikorito. Apotu ikakoriok kokorioto opuraka; Etoojasi aloboikec.” Edolit EJAKAIT: Aŋed ŋesi aunoi nuka ikaronok. Kisurumai kes ileic kitoboŋooroi, Ŋul kere luelaito Sion. Kosubata kesi bala anya koswion luka itogoi, Nueokete eroko kepolooro: Numam ilelebia ekasakan akekan, Karaida loeeni iisutan atorobuke. Luitorete nen da mam etemarete ebe, “Arereŋ naka EJAKAIT kojai kayes; Kilipakini yes arereŋ kokiror loka EJAKAIT.” Wu EJAKAIT, abu kamony mama ijai kataro naidul. EJAKAJT, kiira ekaporoto: Kitoik akoniki Eporoto loka aiŋaiŋaka. EJAKAIT, arai imarcnenei numam adolit, Wu EJAKAIT, iŋai bo yenebwoi? Konye ejai aisioni mama ijai, Tetere kiyoŋio, Edareunit eoŋ EJAKAIT, idareunit ekatau, Amunokina da akekirot. Ipuda ekatau EJAKAIT, Aitelekarit eipud loipudatar ikedarak atupuruc, Eebo, aitelekarit eipud loka ikedarak atupuruc. Wu Isirael, komunokin EJAKAIT; Naarai mama ejai EJAKAIT ejai aitim, Mamakeŋ ŋes ejai alakun naepol. Elakuni da ŋesi Isirael Kotoma numam adoliteke kere. EJAKAIT”, mam ekatau iwoŋoono, Karaida akakonye aomiara; Mam da alomanakin akiro nukapolok, Karaida akiro nukekarunito. Abeit etapala esililiŋ da ekatau; Kwape ikoku yenejakarit kodakite totoke, Esubit ekatau bala ikoku yenejakarit, Wu Isirael, komunokin EJAKAIT, Amear lolo aitodol ikar kere. EJAKAIT, kiitu Daudi Aicanioke kere; Kwape eyapoikinio EJAKAIT, Kiyapoik da Lokapedor loka Yakob ebe: “Abeit mam alomari owema loka ekatogo, Karaida alosit aperitika; Mam acamakini akonyeka ajo, Karaida abukioka ailuranar; Aitodol naadumakinia EJAKAIT aibois, Ewema lokalaunan loka Lokapedor loka Yakob.” Koany, kipou keirasi nuke kotoma Epurata; Kadumakisi da ŋes amana naka amonieik. Kilomari owemanake lukalaunak; Kimai ŋes kokwap keicoloŋ loka akejeke. Konyou, wu EJAKAIT, koloma aiboisikon nakiyeŋunet; ljo, ka asaduku naka agogoŋukon, Konapata isasedotinikon adolit; Kikareoto lukalaunakakon kanuka aiyalama. Kanuka Daudi ekonibulesit, Sirikibelok akonyen nuka lokinyonyoikitonokon akinyet. Eyapoiki EJAKAIT Daudi kotoma abeit; Mam ijulakini: Ebe, “Kaur naka akuanakon esiboikini oicoloŋokon, Arai kerica ikonidwe aitutuketeka Ka aitejenunetaka nuesisianakini kes, Iboikinos do ikecedwe da oicoloŋokon ikar kere.” Naarai aseu EJAKAIT Sion; Ekilakin aitaraun akeibois. Na ŋes aibois nakiyenisika ikar kere: Nee ŋes neeboikin eoŋ; naarai ekilakin ŋes. Esirereŋi cut inyamatake: Esimonikini lukicanike katap. Etanapi isasedotinike aitajario: Lukalaunakake da ikareete kanuka aiyalama. Esilibuni kaŋina amumwarat naka Daudi: Etemok atala kanuka lokinyonyoikitonoka akinyet. Etanapi lukasurupoke ileici Konye emwekimweki abokoke kamakeŋ, Koany, ejok ca ma ido ibus Iinacan aiboi nepepe kidicasi! Esubit bala akinyet naka akais nuipu kakou, Naelelei kiton ajulo nuka epenek, Epenek loka Aaron; Naelelei kiton adal naka inapeneke. Bala akopyo nuka Kerumon, Nueleleete koroŋan luka Sion: Naarai ŋina ecorakin EJAKAIT arereŋ, Ŋes aijar naka ikar kere, Koany, kituroto EJAKAIT, Yes ibulesin kere luka EJAKAIT, Luibwoete kuare kotogo loka EJAKAIT. Koriosi akusikanin mama ejai aiboisike nakalaunan, Kituroto da yesi EJAKAIT. Kisirereŋ EJAKAIT jo koSion; Ŋes lokesubi akuj ka akwap. Kituroto yesi EJAKAIT! Kituroto ekiror loka EJAKAIT; Kituroto ŋes, yes ibulesin luka EJAKAIT; Yes luibwoete kotogo loka EJAKAIT, Kalaroi da nuka etogo loka Edekewok. Kituroto yesi EJAKAIT; naarai ejok EJAKAIT: Koyooto aiturit ekekiror; naarai ibus, Naarai aseu EJAKAIT Yakob kanukeŋ, Isirael da araun abarake obe. Naarai ajeni ebe epo! EJAKAIT, Itelekarit da EwokoJAKAIT idekesio kere. Nuetojokit EJAKAIT, nupeŋun eswama ŋesi, Kotoma akuj, ka akwap, ka aŋololin, ka ataroi kere da. Itupurionori ilisinai kosaneta luka akwap: Ka eimilia aupa kakiru; Itukutuni ikwamin kaiŋadisiake. Loabu kodany ikiyaik luko Misiri, Luka ituŋa ka luka itiaŋ da. Abu kijuk aanyuneta ka nukaumokin kidiŋikon, ijo Misiri, Mama ka Parao, ka ikebulesin kere. Loabu kodany atekerin nuipu, Koara da ikabakan lukagogoŋ: Sikon ekabaka loka Imorain, Ka Og ekabaka laka Basan, Ka ajakanuto kere da nuka Kanaan: Koinak akecekwap araun airumet, Airumet naka Isirael iketuŋa, Wu EJAKAIT, ejaenena ekonikiror ikar kere; Wu EJAKAIT, ejaenena aiitunetekon anatar aturio kere. Naarai etubokini EJAKAIT iketuŋa, Iituni da ikebulesin. Aputosia nuka atekerin eraas epuesa ka esabu, Aswam naka akanin nuka ituŋa, Ejaas kes aituke, konye mam ineras; Ejaas akonye, konye mam esesenete; Ejaas aki, konye mam epupete; Emamei da edioiyeŋane kaitukekec, Eputokinos lueswamaete kes kakes; Eebo, ŋinidiopet yenemuno kes, Ijo ekek loka Isirael, kituroto EJAKAIT: Ijo ekek loka Aaron, kituroto EJAKAIT: Ijo ekek loka Lebi, kituroto EJAKAIT: Yes luiyoŋito EJAKAIT, kituroto EJAKAIT. Kituritete ETAKAIT koSion, Loiboie ko Yerusalem. Kituroto yesi EJAKAIT. Kimalata ca EJAKAIT; naarai ejok ŋesi: Naarai ejaenena akeitim ikar kere. Kimalata ca Edeke loka idekesio: Naarai ejaenena akeitim ikar kere. Kimalata ca EJAKAIT loka ijaka: Naarai ejaenena akeitim ikar kere. Ŋol loiswamai bon nukaumokin nukapolok: Naarai ejaenena akeitim ikar kere, Ŋol lokesubi akuj kacoake: Naarai ejaenena akeitim ikar kere. Ŋol loaterari akwap kokuju kakipi: Naarai ejaenena akeitim ikar kere. Ŋol loasubi luecaete luepolok: Naarai ejaenena’ akeitim ikar kere, Akoloŋ ayait apaaran: Naarai ejaenena akeitim ikar kere. Elap ka aacer ayait akuare: Naarai ejaenena akeitim ikar kere. Ŋol loabu kodany Misiri kotoma okiyaikike: Naarai ejaenena akeitim ikar kere. Kitolom Isirael kamakec: Naarai ejaenena akeitim ikar kere. Kakan nakagogoŋ, kakan naerioro da: Naarai ejaenena akeitim ikar kere. Ŋol leabu kotiak Aŋolol Nakarenan: Naarai eiaenena akeitim ikar kere. Kosodi aitotor Isirael kidiŋike: Naarai ejaenena akeitim ikar kere. Konye kocakak Parao ka ajoreke Aŋolol Nakareŋan: Naarai ejaenena akeitim ikar kere. Ŋol loeŋarenikinit iketuŋa kamodiŋ: Naarai ejaenena akeitim ikar kere. Ŋol loabu kodany ikabakan lukapolok: Naarai ejaenena akeitim ikar kere, Koara da ikabakan luajenas: Naarai ejaenena akeitim ikar kere. Sikon ekabaka loka Imorain: Naarai ejaenena akeitim ikar kere. Ka Og ekabaka loka Basan: Naarai ejaenena akeitim ikar kere. Koinak akwapukec araun airumet: Naarai ejaenena akeitim ikar kere. Airumet naka Isirael ekebulesit: Naarai ejaenena akeitim ikar kere. Loabu kiitu oni kotoma aitisiliowok: Naarai ejaenena akeitim ikar kere. Kilaku oni kama ejaas lukasurupowok: Naarai ejaenena akeitim ikar kere. Einakini ŋinikuan inyamat: Naarai ejaenena akeitim ikar kere, Kimalata ca Edeke loka akuj: Naarai ejaenena akeitim ikar kere. Kipou keboikinos kwap kariri naka icorin luka Babulon, Eebo, kipou kamonyata akiyo kanen, Nakiitunio Sion. Kipou kekajakisi akosideudeun Okito lukanen. Naarai akotosi lukiŋatarito sio ikososio kamakosi, Ŋul da lukimwanito sio akotosi aboliasio, kobalas ebe, “Koyeikinai sio ediopet kokososio luka Sion.” Kiyei isio biai ekosio loka EJAKAIT Kacekwap? Arai keemurwoki ijo, wu Yerusalem, Kimurwoki da akakan nakoteten apirianutuke. Kiminaikin do akaŋajep aŋiirit naka aitukuka, Arai mam keitunit jo; Arai mam etopoloorit Yerusalem Adepar akaiyalama kere. Wu EJAKAIT, kiitu aluikin idwe luka Edom, Kanuka apaaran naka Yerusalem; Luabalas ebe, “Kotiyaikisi, kotiyaikisi, Kiton apetetaitike.” Wu apese naka Babulon, kimudiario jo: Iyalamikini ŋesi yenikiropi jo Kwape kiswamakinia sio. Iyatamikini ŋesi, yenedakuni kosodi aidecakin Ludidikikon atiiba. Kemalai jo kekatau kere: Ayei aiturit jo kakonyen nuka idekesio. Kamaenenei jo kaseseni eyekalukon lokalaunan, Emalai da ekonikiror kanuka akonisianut-nakamin ka abeitekon: Naarai itopoloo ijo akonikirot adepar ekonikiror kere. Kapaaran nakewonetor ibu Koboŋok, Kisinyikok eoŋ kagogon kotauka, Wu EJAKAIT, kimalaete rwaru jo ikabakan kere luka akwap, Naarai apuput akiro nuka aitukukon. Eebo, eyeete nuka irotin luka EJAKAIT; Naarai epol aibuses naka EJAKAIT. Naarai karaida kejai EJAKAIT kuju, irerei luitasonos; Konye luiwonoko ejeni kama elwana. Karaida ketorit kidiŋ ocan, kitajari eoŋ; Iriori akonikan asurokin anyunyura naka lukasurupoka, Akonikan nakoteten ŋes ketajari eoŋ, Itodoli EJAKAIT nukaŋ: Wu EJAKAIT, ejaenena akoniitim ikar kere; Sirikijal aswamisio nuka akonikanin. Wu EJAKAIT, ibu koŋic eoŋ, kojenu da, Ŋeni aiboika ka anyounika da, ljni akaomisoit eroko elwana. Iŋici ekasokot, ka aperoka da, gjeni da ikarotin kere, Naarai emamei akirot kaŋajepeka, Konye koany, wu EJAKAIT, ijeni ŋes cut. Kiluk eoŋ kiŋaren kokau da, Ido kidokok eoŋ akonikan. Aijen naikoni nen kekarunit; Ikiara noi, mam apedori adolokin ŋes. Ai bo alosi anyoun komoyokon? Ai bo da akereari anyoun kakonyenekon? Arai kadoka kuju, ijai ijo nen: Arai kapesik akaperit toma Okatwak, koany, ijai Ijo nen da. Arai kaporo kabebenoka nuka tupuruc, Kasodi aiboikin osaŋe cut loka aŋolol: Keŋarenikini akonikan ŋina da, Ketini akonikan nakoteten. Arai kener ebe, “Abeit karapiari amuton, Aica da nakalukunit eraun akuare.” Mam amuton kiŋopikini jo, Konye ecai akuare kwape kapaaran: Eputos amuton ka aica kamakon. Naarai ibu ijo kosub iŋeretenyaka: Ibu koburia eoŋ kakoik naka totoka. Kemalaenenei jo; naarai kasubunitai eoŋ kopone loeyoŋoŋ ka loeumokina da: Nukaumokin akoniswamisio; Ejeni ekatau ŋun jokan. Mam akasubunet ibwaa kamakon, Nakasubere kaiyeiyea, Nakeswamaere kapirianut katutubeta nukokwap nuka akwap. Apotu akonikonye koanyut eoŋ alidio, Ewadikatai akatutubeta kere oitabokon, Nukeswamaere ŋinipaaran, Koroko ketakanuna adiokakesi. Wu Edeke, akoniwomisio eraas nuka akais nuipu kamakaŋ: Epol ca ma etiaikec! Arai kemar kes, epol etiaikec adepar asiŋe: Naakwenyunia, eriŋa ajai nepepe kajo. Wu Edeke, abeit iari ikaronok: Aso konyoutu kaneajai yes ikaarak. Naarai inerasi nueroko asurokini jo, Lukasurupokon da elimito ekonikiror atai. Wu EJAKAIT, mam kereka alait eoŋ kes lukilaito jo? Mere asacit eoŋ ŋul lukinyoikinete jo? Alait kes kalait alopet: Emarakinit kes araut lukasurupoka. Wu Edeke, koŋicai, kojen ekatau: Kitemoi, kojen akaomisio: Koany arai ejai ediorot loerono tomakaŋ, Ido kiŋarenik eoŋ korot lomam edaun. Wu EJAKAIT, koyuunai kama ejai ituŋanan yenikaronon; Kidarai kama ejai ituŋanan yenikadedeŋan: Luitetemonorete ameŋeranut kotauonokec; Icebokinitos atukonokin nepepe ejie. Epenata akeceŋajep bala emun; Ejai aisorit naka emusaga kwap kaŋajepekec. Wu EJAKAIT, kidarai kakanin nuka ikaronok: Kidarai da kama ejaas ituŋa lukadedeŋak: Lualosikis aitapaar akakeje. Ebwaata luituros eic lokalokitotor, ka aunoi; Aterakis eboi ariri kerot; Etemokis da atacin alokia eoŋ. Abu katema EJAKAIT atiar, ljo ŋes Ekadeke: Wu EJAKAIT, kitoik akit eporoto loka aiŋaiŋaka, Wu Edeke EJAKAIT, agogoŋ naka aitajarioka, Irapia akakou kapaaran naka ejie, Wu EJAKAIT, sirikijaik yenikaronon nuipuda; Sirikitodol ekebotet lokaronon; Kinyeis aitopoloor bonik. Konye akwes nuka ŋul kalukerimorito, Korapia kes ameŋeranut nakaŋajepakec, Kotepakis kes atotol nuesaranete: Kocakakinai kes akim; Toma apanya nuidulok, tetere mam bobo enyounete. Mam iticasio kakwap yeninera nueroko: Emejai aronis aibiror ituŋanan yenikadedeŋan, Ajeni ebe itodoli EJAKAIT akiro nuka luereitai, Ka abeit da naka luilwaritos. Abeit imalaete ikadolitok ekonikiror: Iboikinos luitenara akonyenekon. EJAKAIT, kewonet jo; kiwonyuni mama ajai, Kitoik akonikit eporotoka nakewoneo jo Kojaun ailipika bala lukisupurununo kakonyenekon; Arionor da naka akaninika bala asubanit naka atiboŋ, Wu EJAKAIT, kidar akaituk; Kidar ekek loka aŋajepeka. Sirikigoŋak ekatau obore kere yenerono; Ailolitoi kaswamisio nuka aronis Kituŋa Iuiswamaete numam adolit; Sirikanyam lukajijimakakec. Kenomata do ikadolitok, eraun asianut; Ketoron ŋesi eoŋ, eraun bala akinyet naebukokinio akou; Sirikener akakou ŋes: Konye iyatanakin akailip kotoma aronisikec da. Acakar ikecekatubok ariri naka atiiba; Epupunete da akakiro; naarai ejijim kesi. Kwape ekorio ituŋanan kotiakatiakai alup, Awokokojo da isiarakinos aituk naka ates. Naarai kaseseni jo, wu Edeke EJAKAIT: Kamunokini jo; sirikinyek ekatau esilikinit. Kidarai koic lokalokitotor, Ka atacin da nuka ikeswamak numam adolit. Kibirokinos do ikaronok oboyanakec, Kakui bo do eoŋ. Amonyi kekaporoto mama ejai EJAKAIT; Eŋaiŋai EJAKAIT kekaporoto. Adoriani kakonyeneke; Etoduni ikacan. Naeiloror ekamoyo kotomaka, Ibu kojen ekasokot. Ebwaata kesi eic lokalokitotor korot loetorit. Kosesen akanika nakoteten, koany; Naarai emamei ituŋanan yenikajeni: Kakurwoki aiku; emamei ituŋanan yenepodo ekatau, Wu EJAKAIT, abu kamony mama ijai; Kabala ebe, ljo neekeriaraka, Airumeteka da kakwap naka ikajarak. Kopupok akaimony; Naarai ketisili noi. Koyuunai kama ejaas lukemanito; Naarai ketelekarito eoŋ kagogoŋ, Kitolom ekatau kaidaris, Tetere emalai ekonikiror: Kerimorito ikadolitok; Naarai kikonakini ijo eoŋ nuejok. Wu EJAKAIT, kiira akailip: Kitoik akit akaiŋaiŋa: Koboŋokinoi kamunonutukon kadolitekon da. Sirikitubok ebulesitikon; Naarai kakonyenekon emamei ikajaran yenitojokio. Naarai emana lokasurup ekatau; Enomo aijaraka alatakin kwap: Kesiboiki aiboisio nuka amuton, kwape kaŋul kaluatwakata sek. Kanuka ŋun eilor ekamoyo kotomakaŋ; Asiliki etauka kotomakaŋ. Eitu apaarasia nukolosek; Aomoomoi aswamisiokon kere: Enoosikin aomoom aswam naka akaninikon. Ariori akakanin mama ijai: Ejakit ekatau akur kanukon, kwape kakwap kanaeonit, Wu EJAKAIT, kisunyite ca bo aboŋokin eoŋ; Eilor ekamoyo: Sirikibwa akonikonye kamakaŋ; Kenye aiput ŋul luelomarete Aipany. Kisiirarai akonisianut-nakamin tupuruc; Naarai kamuno jo Kitejenunai erot loibusakinit eoŋ aitorenen: Naarai etonyouni ekatau mama ijai. Wu EJAKAIT, koyuunai kaneejaas lukasurupoka: Akeruni aiŋop mamakon. Kisisianakinai aiswamaenen nuikoto ijo; Naarai irai ijo Ekadeke; Ejok emoyokon; Kinarenikinoi toma akwap naka aitenara. Kitajarai, wu EJAKAIT, kanuka ekonikiror: Kotoma adolitekon kitolom ekatau kotoma ocan, Ido kanuka akonisianut-nakamin komudia lukasurupoka, Kodanya kere luereito ekatau; Naarai arai eoŋ ekonibulesit. Kituritete EJAKAIT atiibaka, Loisisianakini akakanin ejie, Ikabokoro da anaŋ. Edeke ŋes akasianut-nakamin, ka abwasika, Ekapir loeoja, ekayuunanika; Ekabuku, ka ŋol loamuno eoŋ; Loketononokikini ikatuŋa. EJAKAIT, inyo bo ituŋanan, tape jo ijeni ŋes? Arai bo okoku loka ituŋanan, tape jo iwomit nuke? Esubit ituŋanan bala aamameak: Akepaarasia da bala etoribe loetubor. Wu EJAKAIT, kitulur akonikui, kijesun da: Kotiro iroŋan, epuruunete. Kocaku eimilia, kisiarisiara kes; Kijuku ikonimalia, kisiyaloŋoŋ kes. Korio akonikan kokuju; Kolakunai, koyuunai kakipi nukepuak, Kakan naka imo: Luineras akeceituk aamameak, Akecekan da nakoteten erai akan nakoteten naka aiŋalanut, Wu Edeke, kayeikini jo ekosio lokitetet: Ayei aiturit jo kadeudeu naka aputio atomon. Ŋes ŋol Ioitajar! ikabakan: Loeyuuni Daudi ekebulesit kokilen kaloekwana, Kolakunai, koyuunai da kakan naka imo, Luineras akeceituk aamameak, Akecekan da nakoteten erai akan nakoteten naka aiŋalanut. Naesubiata odwewok bala iraan luepolok koiditeukec; Adwewok da bala amoru nuka agor nuigirio kwape nukore lokapolon; Nailelebunotor idulaawok, kojaas inyamat toma luegelegela; Naeuriata awokomerekekin ilukumin ka ilukumin itomon koronyiawok; Naibwokiata iwokomoŋin luipu; Naemameunor acilun, arai acilar, Komamei da elulu korotiniwok; Iyalamas ituŋa luikote nen: Eebo, iyalamas ituŋa, luerai EJAKAIT Ekecedeke. Ketopoloori jo Ekadeke, wu Ekabaka; Eturenenei ekonikiror ikar kere. Keturenenei jo ŋinipaaran; Eturenenei ekonikiror ikar kere. Epol EJAKAIT, loibusakinit aiturio; Mam akepolou emounio. Aturi adiopet ituri aswamisiokon mama ejai aturi ace, Elimori da akoniswamisio nukapedor. Nuka aibuses naepol naka apoloukon, Ka akoniswamisio nukaumokin, kes aomoomoi. Itatamete ituŋa apedor naka aswamisiokon nuketasuro; Alimori eoŋ da apoloukon. Iŋerete aiitunet naka ajokisikon naepol, Eyeete da nuka adolitekon. Esiana EJAKAIT, ileleba aision; Iyapi anyunyurikin, ido loka aitim naepol. Ejok EJAKAIT kama kakere; Aitimesiake nuejok ejaas mama kaswamisioke kere. Kimalaete jo akoniswamisio kere, wu EJAKAIT; Kiturete jo lukalaunakakon. Iŋerete nuka aibuses naka ajakanutukon, Itatamete da akonipedor; Aitejenun odwe luka ituŋa aswamisioke nukapedor, Aibuses da naka apolou naka akejakanut. Akonijakanut erai ajakanut namam enaŋi, Ejaenena da ayaitekon anatar aturio kere. Igaŋi EJAKAIT luibiroros kere, Itonyouni da ŋul kere luekukumito. Kidarito jo akonye nuka kere, Iinakini kes ikecenyamat kedol apak. Ipukori akonikan, Isimonikini da eimiel loka ŋinibore kere yenikajaran, Edolit EJAKAIT korotinike kere, Esiana da kaswamisioke kere, Eapie EJAKAIT kama ejaas luiwoneete ŋes kere, Kama kaŋul kere luiwoneete ŋes kabeit, Itodoli eimiel loka ŋul kalueyoŋito ŋes; Epupuni da aimonyokec, itajari kes. Idari EJAKAIT ŋul kere lueminasi ŋes; Konye emudiari ikaronok kere. Ineri akaituk aiturit EJAKAIT; Kitur ŋinikuan kere ekekiror lokalaunan ikar ka ikar. Kituroto yesi EJAKAIT! Kiturite EJAKAIT, wu ekatau, Eturi EJAKAIT aroko abusi: Ayei aiturit EJAKAIT aroko ajari. Sirikimunokin ikapolok, Karaida okoku loka ituŋanan, loemamei aiŋarakin. Elosi eiyeŋaneke, eboŋori alupoke; Eoliorete aomisioke apaaran ŋipeŋin. Iyalama ŋin yenerai Edeke loka Yakob ekenarakinanike, Yenemuno EJAKAIT Ekedeke: Lokesubi akuj ka akwap, Aŋolol, ka luejaas tomakec kere; Loidari abeit ikar kere: Loitodoli etube kanuka luemwaŋitai; Loitanyami lueriebi eteŋei inyamat. Elacakini EJAKAIT lueenitai; Itwekenyuni EJAKAIT akonye nuka imudukiok; Itonyouni EJAKAIT luekukumito; Emina EJAKAIT luedolito; Idari EJAKAIT imo; Igaŋi ikokiok ka apuserun; Konye ebuburiari erot loka ikaronok. Irumi EJAKAIT ikar kere, Edekekon, wu Sion, anatar aturio kere, Kituroto yesi EJAKAIT! Kituroto yesi EJAKAIT! Naarai ejok ayoore aiturit Edekewok; Naarai ejok, ibus aiturit. Eduki EJAKAIT Yerusalem; Etukonokini luaponi kireŋeai koIsirael. Itaŋaleuni ŋesi luejaas itauon luebilil, Eeni da amusuŋunukec, Imari ŋesi etiai loka aacer; Emaanakini kes kere ikecekiroria. Epol EwokoJAKAIT, egogoŋ kapedor Aijeneke mam imarun, Igaŋit EJAKAIT luitasonos, Ecakakini ikaronok kwap. Koyeikisi EJAKAIT kaimal; Koyeikisi aiturit Edekewok kadeudeu: Loerapakini akuj kidouon, Itemokini akwap akiru, Isibwanuni inya koroŋan. Einakini itiaŋ ikecenyamat, Ikuruka da ludidik luemonyete. Mam isiyalamikinit agogoŋ naka ebalasit; Kwabo mam itojokit akeje nuka ituŋanan, Itojokit EJAKAIT ŋul lueyoŋito ŋes, Ŋul luemunos akeitim. Ijo Yerusalem, kiturite EJAKAIT, ljo Sion, kiturite Edekekon, Naarai etogogoŋ atiketa nuka iruteikon; Esirereŋ idwekon kotomakon, Eyauni ainapakin oikorunokon; Kisimonikini jo apokoi nuka akima. ljukuni aicorakineteke toma akwap; Etirono akekirot. Ekori ŋesi akako kwape kajulo nuka amerekek; Ebwasi akopyo nuidoudouto kanuka aaterot kwape kekurwon. Ecakanari akekipi nuerurwakito kwape kararasia; Iŋai bo epedor abwoikin aaterotoke? gjukuni akirotoke, ecalari kes, Itukusi ikwaminike, elelearete akip. Itodikinit Yakob akekirot, Ka Isirael da ikisilake ka itubesiake. Mam iswamakinit adioceteker kwaŋin; Mam ejenunito itubesiake, Kituroto yesi EJAKAIT! Kituroto yesi EJAKAIT! Kituroto yesi EJAKAIT kokuju: Kituroto ŋes kaneicelelei. Kituroto ŋes, yes ikemalaikan kere: Kituroto ŋes, yes akejore kere. Kituroto ŋes, ijo akoloŋ ka elap: Kituroto ŋes, yes aacer kere nuicaete. Kituroto ŋes, yes akuj naka akuj, Ka yes da akipi nuejaas kuju kakuj. Kituroto ŋul ekiror loka EJAKAIT: Naarai abu kicorak, kosubunai. Eticat da kes ikar kere: Esilaki ekisil lomam edaun. Kituroto EJAKAIT kakwap, Yes akinyaŋa, yes da ataroi kere: Akim ka akako, akiru ka ilisinai; Ekwam loeiliili, itodolete akekirot. Iroŋan ka iukon kere; Ikito lueraete noi ka iresia kere: Itiaŋ ka ibaren kere; Iboro lueliatos ka akweny nueporitos. Ikabakan luka akwap ka ituŋa kere; Ikapolok ka ikatubok kere luka akwap: Isap ka apesur; Imakio ka idwe da. Kituroto ŋul ekiror loka EJAKAIT; Naarai ekekiror bon itopolooritai: Akeibuses edeparit akwap ka akuj da. Ekeu ŋesi amumwarat naka iketuŋa, Aiturit naka lukalaunakake kere; Kes idwe luka Isirael, ituŋa luidunyas kaŋes. Kituroto yesi EJAKAIT. Kituroto yesi EJAKAIT! Koyeikisi EJAKAIT ekosio lokiteter, Aiturioke da katukot naka lukalaunak. Kiyalamikin Isirael kanuka ŋol lokolo kesubi ŋes: Kolakaros idwe luka Sion kanuka ekabakakec. Kituroto kesi ekekiror kikosiete: Koyeikis aiturit ŋes, kisiman ka adeudeu. Naarai iyalamikinit EJAKAIT iketuŋa: Itubusi luitasonos kaitajar. Kitopoloosi lukalaunak ŋes kaibuses: Koyeenenete kaiyalama kaperitokec. Kojaun aiturit naikiara naka Edeke oporotoikec, Ka ekileŋ da loekwaka iwaitin iarei akaninikec; Aitodol enyaŋit katekerin, Ka aiticaneta kotuŋa; Aien ikabakanakec kirikoi, Ka ikapolokokec kaeneta nuka asua. Aitodolikin kes etube loiwadikatai. Ejai lukalaunakake kere aibuses ŋin. Kituroto yesi EJAKAIT! Kituroto yesi EJAKAIT! Kituroto Edeke kotoma aiboisike nakalaunan: Kituroto ŋes kotoma apak naka agogoŋuke, Kituroto ŋes kanuka aswamisioke nukagogoŋ: Kituroro ŋes kwape ejaar apolouke kaibuses. Kituroto ŋes keporoto loka arupepe: Kituroto ŋes kisabulin ka adeudeu. Kituroto ŋes kisiman ka ekosio: Kituroto ŋes kiraman luka aputio ka alamaru. Kituroto ŋes kaisinin nueruosi noi: Kituroto ŋes kaisinin nueruosi bala iciirin. Ŋinibore kere yenejai eiyeŋane kiturit EJAKAIT. Kituroto yesi EJAKAIT! Awaragasia nuka Solomon okoku loka Daudi, ekabaka loka Isirael. Ajenun acoa ka aituutoorio: Amisiikin akiro nuka ajenun: Adumun aituutoorio kotoma aswam nukacoa, Kotoma adolit, ka etube, ka nuetenito Ainakin ijimat acobeu, Ka ekatumunan da aijen ka apirianut: Tetere epupuni lokacoa, iyatakini aisisiaun; Etuŋanan da loejenuni edolokini ainerun naeŋalei: Ajenun awarag, ka agarac; Akiro nuka lukacoa ka aibukaanaretakec. Ayoŋit EJAKAIT ŋes ageunet naka aijen: Konye luebaŋaaka emenete acoa ka aituutoorio. Okokuka, kiira ijo aituutoor naka papakon, Sirikiŋer da aicor naka totokon: Naarai eraun aboko nakasianut kakoukon, Ka erikot komurisiŋikon. Okokuka, arai kijodijodete ikadiakanarak, Sirikicam. Arai ebalas ebe, “Biya, kauparos, Kaperutu aiar, Kaŋopikis tai lumam akirot kaiboisio nukaiyeiyea; Kelikosi kes ejarete kwape Okatwak, Koŋaieete, kwape kaŋui kaluijesaros Aipany; Kidumuni iboro kere lukakais nuipu, Kilelebi itogoiwok iuŋatan; Kitebeikini eroetekon mamakosi; Kimori enasoro ediopet.” Okokuka, sirilosenenei kakes; Kitiku akejukon korotokec: Naarai ekerete akeeekeje mama ejai aronis, Ewonyasi da abukor aokot. Naarai epesikinio eboi taai Kakonyen nuka ŋinikweny kere: Eperunete ŋul akeceokot, Eŋopikinete akeceijar kaiboisio nukaiyeiyea. Ŋul kes iponesio luka ŋolituŋanan loikibelikini ameda; Elemari aijar naka ikulepek. Ikalalat acoa korot; Ikeseuni ekeporoto kaiboisio nuelaiak; Iworoi kaibois nakapolon naetukonokinoi; Kaneelomarere korutei, ore, ineria akekiro ebe: “Yes lumam acoa, itodolete ai iminas amamut kacoa? Ka lukesuarak aisiyalamikinite aisuar, Ka ibaŋiok aila aijen? Kibelokinos kanuka aitoronoka: Koany, abukokini emoyoka mama ijaas, Ketejenunete akakiro. Naarai eworo, ineroto: Ario akakan, kwabo emamei yenapodokinit. Konye itapalaut ainerunika kere, Kwabo mam ikotosi aitoronoka nepetai da: Aso eoŋ da akiena kapaaran naka apolakus: Esekelo kedolu akurianukus: Kedolu akurianukus kwape ekwam, Nakidoikinio epola kwape etapipirio, Nakibunokiniata aiyaloŋoŋ ka aoyanar. Kosodete konyet aiwor eoŋ, konye mam aboŋokini; Kamoete noi, konye mam kadumunete: Naarai apotu kolaata aijen, Komam eseunete ayoŋit EJAKAIT. Mam akotosi cut akainerun; Apotu komenata aitoronoka kere: ŋes enyamiata araito nuka ekecerot loka ikulepek, Kimonikinos ainerunikec naka ikulepek. Naarai ajurusiar kau naka lumam acoa eari kes, Ido akerianut naka ibaŋiok emudiari kes, Konye ŋin yenikeirari eoŋ iboienenei icasit, Iyamakina komam ekuriana aronis.” Okokuka, arai kicam akiroka Kinadak da aicorakinetaka mamakon; Tetere itoikini akonikit mama ejai acoa, Ibwaikini da ekonitau ajenun; Eebo, arai kimonyak amisiikin; Ikeseun da ekoniporoto adumun ajenun; Arai kimoi ŋes kwape epuesa, Kirii ŋes kwape abar naibwaitai; Ŋes konyet ijenunia ayoŋit EJAKAIT, Idumuni da aijen Edeke, Naarai einakini EJAKAIT acoa; Elomuni aijen ka ajenun kaitukuke. Iŋadakini ŋul luitenara kotauon acoa naenalei, Erai ŋesi ebuku loka ŋul kaluelosenenete kabeit; Tetere igalikini isokono luka etube, Idari erot loka lukalaunakake. Ŋes konyet ijenunia adolit ka etube, Ka nuetenito, eebo, ŋolirot loejok. Naarai elomari acoa otaukon, Aijen da isiyalamikini ekonitau; Acobeu ŋes kidari jo, Ajenun da kirici joo Kiyuunete jo korot loka aronis, Kotuna luinerenenas nukelepa; Luejalete isokono luka atenit Alosit korotin luka amuton. Luelelakinito aswam nueroko, Luisiyalamikinito elepa loka aronis; Luimagululos korotinikec, Luipaanarete kosokonokec. Kiyuunete jo kaberu naadote, ŋes nakerimon naiiodiiodi kakiroke; Naeiali epaperoke loka atumunike, Imurwokini da aitutuket naka Ekedeke: Naarai ijesari etogoke kiton atwanare, Irotinike da kiton okatwak. Mam ŋul luelosete mama ejai eboŋunete bobo, Karaida adolore orotin luka aijar. Tetere ilosenenei ijo korot loka ituŋa kaluejok, Koric da isokono luka luedolito. Naarai ibojenenete luitenara kotauon kakwap, Idonete luedolito tomake. Konye egelario lukaronok kakwap, Erutorio luebilete ibotei. Okokuka, sirikimurwonokini ekakisil: Konye koricenenei akaicorakineta kotaukon: Naarai kiyatakinio kwaŋin aibut apaarasia, Ka ikar luipu, ka ainapakin da, Kinyek aitim ka abeit aijal jo; Koenanakini omurisinikon; Kiwadikaenenei kes apukenit naka etaukon: ŋes idumunia aminunio ka ajenun naejok, Kakonyen nuka Edeke ka ituŋa da. Komunonena EJAKAIT kekonitau kere, Kwabo sirigonakina toma aienunikon, Kolimonori ŋes korotinikon kere; ŋes da iteteni akonilosit. Siriraenena loka acoa kakonyenekon elopet; Koyonirenenei EJAKAIT, konyou karonis. Eraun ŋin aŋaleu naka akonikuan, Asumeta da nuka akojokon. Kitubusik EJAKAIT koborokon, Ka lugeet kere luka akerianutukon. Ilelebunos kwaŋin idulaakon amio, Ilapanar da ebino kaalakanyakon. Okokuka, sirimwanenenei aicor naka EJAKAIT; Kwabo kinyek akeriemeriem aitapas jo. Naarai eriemeriemei EJAKAIT yenemin; Kwape eriemeriemaa papa ikekoku yenelelakinit. Elakara ituŋanan yenedumuni acoa, Ka ŋin da yenedumuni ajenun, Naarai emutunuke itelekarit emutunu loka epuesa, Akemeda da itelekarit esabu loejok. Erai acoa naka akais nuipu aitelekarit amoru nukarenak nuka akais: Kwabo emamei ibore yenipedori aiŋobel aitiriania ŋes. Ejai aibut akanike nakoteten; Toma akanike nakokediany da ejai abar ka aibuses. Irotinike eraas irotin lukaiokis, Isokonoke da kere eraas ainapakin. Ŋes ekitoi loka aijar mama ejaas ŋul luikamunete nes: Elakara da ninitunanan yenericit nes. Toma acoa kesipokinia EJAKAIT akwap; Toma ajenun da kiticasia akuj. Toma aiienike acilatar ataroi, Itodoununei aku; akopyo, Okokuka, koricit acoa naenalei ka acobeu, Sirienyounete kakonyenekon; Tetere eraunos aijar kotaukon, Asianut da komurisiŋikon. Ŋes konyet ilosenenoo kainapakina, Komam iguikini akonikeiu. Naiperenenoo, mam ikurianari; Eebo, iperi, ido kijijimikinete akonijo. Sirikikurianar etasuro Iokisirieŋuni, Karaida amudiario naka ikaronok, naebunio: Naarai eraun EJAKAIT amunokon, ldari ŋesi akonikeju kinyek aipok. Sirikimik ajokis ŋul lutikebeito, Nakepedoria akonikan aiswamaun. Sirikitema eidunyetekon ebe, “Kolot, kobonu bobo, Kainakini moi”; kwabo ejai ibore diekon. Sirikineru aronis aluikin eidunyetekon, Naarai iboie kamakon kainapakina. Siripegasi kerunanan komam akirot, Arai mam kikwaikinit jo erono. Sirikikokotik etuŋanan loka akaje, Sirikiseu irotinike. Naarai loepaarit erai loketal mama ejai EJAKAIT: Konye ipaperikini ŋesi kaluitenara kotauon. Ikeni EJAKAIT etogo loka Iokaronon; Konye isirereni neiboienenoo lokadoliton. Isekeli ŋesi luisekelete, Konye einakini luitasonos asianut. Irumete lukacoa aibuses, Konye irumete ibaŋiok ileic. Ikadwe, kopuputu aituutoor naka papa, Kibwaikis itauon ajenun: Naarai kainakini yes aituutoor naejok; Sirikiialakis aisisianakinika. Naarai arai eoŋ okoku mama ejai papaka, Yenanonok, yeniminat kwape iteluna mama ejai totoka, Abu ŋol kesisianak eoŋ, katema atiar, “Kikam akakiro kotaukon; Koric aicorakinetaka, kojar: Kodum acoa, kodum ajenun; Sirikiimurwok, sirikipaa da kakiro nuka aitukuka: Sirikijal acoa, kosodi ŋesi aidar jo; Komina ŋes, kosodi ŋesi aricit joo Ageunet naka acoa ŋes nata: kodum acoa: Eebo, kanuidumunit kere, kodum ajenun. Kitopoloo ŋes, ŋesi da kitcpoloori jo: Kitubusi ŋesi jo, naitunia ijo ŋes. Etorokini ŋesi akoukon aboko nakasianut: Kijaikini ŋesi jo aboko nakaibuses.” Ŋo okokuka, kiira, kocam da akiroka: Kosodi aibut ikar luipu. Kesisianakinit jo erot loka acoa; Kenarenikinit jo kosokono luka atenit. Nailosenenoo, mam eridanakinio akejekon; Arai ikeri, mam kiguikini. Kikam cut aituutoorio; sirikiwosik: Koric ŋes; naarai erai ŋesi aijarakon. Sirikiloma osokot loka ikaronok, Kwabo sirikilot orot loka ituŋa lukaronok. Kinac ŋes, sirikitor nen; Kibelokin kotubor. Naarai mam ejotoete dimikito kiswamata ameneranur; Ikolerikito akonye, dimikito kitiguikis ice. Naarai enyamete atap naka aronis, Emasete ajon nuka akaie, Konye esubit esokot loka ikadolitok bala aica nakaiwalar, Naeyatanakin aeaun aitodol apaaran naedoliorit. Esubit erot loka ikaronok bala amuton: Mam ejenete nuitiguikinete kes. Okokuka, kibwaik akakiro otau; Kitoik akonikit nuenera. Sirienyounete kakonyenekon; Koric kes kokidin otaukon. Naarai eraas aijar mama kanul kaluedumunete kes, Aŋaleu da nakawatekec, Kodunyakinite noi aidar ekonitau; Naarai kotomake ŋes elomuniata nuka aijar. Kolema kamakon aituk namagul, Kibwaik kama elwana aŋajep naepaanari. Kogipas akonyekon, Kinarenikinitos abukiokon asesen tenan. Kitetena esokot loka akeiekon, Kicasito ikonirotin kere, Sirikipaa akan nakoteten, karaida nakokediany: Kolemu akonikeju karonis. Okokuka, kibwaik akaeoa otaukon; Kitoik akonikit ajenunika; Tetere idari acobeu, Koric da akoniituk aijen. Naarai elelei esik kaituk naka aberu naadote, Ejijim akenaiep adepar akinyet: Konye edwar awasiake ria ria, Ekwana kwape kekilen loekwaka iwaitin iarei. Ŋesaros akeieke mama ejai atwanare; Ederi akelosit Okatwak; Tape mam edumuni esokot loitenara loka aiiar, Irianirianas ikerotin, mam da ejeŋi ŋun. Aso do, ikadwe, kopupunoi, Sirikinyout kakiro nuka aitukuka. Kitwalan ekonirot kamaken, Sirikikunyak okek loka etogoke: Kinyek ainakin ice aibusesukon, Ikonikar mama ejaas luededen: Kinyeis imo aimonikin akonigogoŋ; Aitaaritoikon da ajaut togo loka lukacekwap; Idinya ijo kosanekon, Naedaunor akonikirin ka akonikuan. Ibala rwaru ijo ebe, “Ala eama aituutoorio, Amwaŋ da ekatau aitoronio; Mam abu karimarite eporoto loka ikesisianakinakaka, Karaida aitoikin akakit ŋun luketuutoorete! Kaapik eut aronis kere, Kidiŋ kekodet ka atukot.” Komasenenei akipi nukamotikon, Akipi nueleleete katanikon. Tikereka ejok akonyen nuka eeoakon kikaikina, Icorin da luka akipi korotin? Koraut nukon bon, Ido mere nuka imo kaio, Kis irerenoi akoŋu naka ecoakon, Kolakara kaberu naka atumunikon. Kwape amori naminat ka amiam naelok, Kominakinitos jo ikisinake apakio kere; Kolelakinite aminake. Naarai okokuka, kanukinyo ilelakinitor aberu naadote, Kitunia atorob naka nakerimon? Naarai ejaas irotin luka etuŋanan kakonyen nuka EJAKAIT, Iteteni ŋesi ikesokono kere. Numam adolit nuka ikaronon kes ipokete ŋes, Eenio kaunoi nuka akeronis. Etwani kanu emamear aituutoorio; Eoliori kanu epolor abanaanuruke, Okokuka, arai kiraun ijo ekabwoaran eidunyetekon, Arai kititiŋ akonikan eloŋwait, Arai kipok kakiro nuka akoniituk, Kikamunio kakiro nuka akoniituk, Kiswama kwanata okokuka, koyuun bon; Naarai idoo ilo akan naka eidunyetekon; Kiwonya, kolot, kikanikan eidunyetekon. Sirikicamak akonikonyen ajo, Karaida abukiokon ailuranar. Koyuun bon kwape amori kakan naka ekamelan, Ka akweny da kakan naka ekalokan. Kolot mama ejai esunwoit, ijo loilonwana; Koomoom ikeponesio, koeou: Emamei ŋes ejakait, Ekaanyanaran, karaida ekayaiton, Idiasi ikenyamen luka akamu, Etukonokini ikenyamat kaidweny. Itodoli ai iperi, ijo loilonwana? Wori bo inyounio kajokon? Aio nuikidioko, ailuranar naedit, Ailokony akanin nepetai arior aiotoor, Kwaŋin kibunokini jo ailwaritoi kwape ekerurwon, Ka eipudikon da kwape etuŋanan loekapit ebuku. Etuŋanan Jotai, etuŋanan lomam edolit; Elosenenei ŋesi inera numagul; Eedi kakonyeke, isuti kakejeke, Idodikini kibokoroke; Ejai elepa otauke, Epwakununei aronis tiritir: Eyeenenei ŋesi ikinyom luka aŋolopa, Kanuka ŋun ebunokini nes aronis katipet; Ebilio katipet, komamei aŋaleun. Ejaas akiro akanykape nuelait EJAKAIT; Eebo, akanykaarei nueraas nuketal kamaken: Akonye nuepogas, aŋajep nakenalan, Akanin da nuebukorete aokot numam akirot; Etau loepwakuni aomisio nukaronok, Akeje nuisunyito akerit mama ejai ameŋeranut; Ekajenan lokainal loesabi, Ka ŋol da loeyei ikinyom luka aŋolopa koinaean. Okokuka, korie aicorakinet naka papakon, Sirikiner da aicor naka totokon: Kiminanakinenei kes otaukon, Koenanakini kes omurisinikon. Nailosenenoo, kinarenikinenete jo, Naiperenenoo, kidarenenete jo; Naikwenyununaa, iyalaenenete kaio, Naarai aicorakinet ŋes atala; ekisil da ŋes aica; Aitoroneta nuka aituutoorio nes erot loka aijar: Aricit jo kama kaberu nakaronon, Kaijodijod naka aŋajep naka nakerimon. Sirikinobel aiokisike kotaukon; Karaida aeamun abukioke aipok jo. Naarai irii naadote adiotap, Konye nakeporon emeiai aijar nakakais nuipu. Epedori kereka etuŋanan aibwaikin akim otorobuke, Komam enyami ikenapen? Arai bo itori etuŋanan atotole nuesaranete, Komam enomorete akekeje? Ikoni nen ŋol loelomari mama ejai aberu naka eidunyeteke, ŋol kere loetirori ŋin mam eswaki aiticanio. Mam kereka ituŋa emwanete ekokolan arai ekokoi Aisimonikin aijarake kerieb eteŋei? Konye arai kedumun, etacakini irwan akanykaarei; Einakini iboro kere lukotogoke. Ŋol loedotei emamei aijen; Loekoto amudiar aijarake iswamai ŋun. Ebeikinete nes amusuŋun ka aitisilio: Mam akemorosit emwatario, Naarai ekokote itunyunyurikini ekiliokit; Mam itimi kapaaran naka ainyaŋ, Mam ecamuni lugelis; Mam italakario, karaida kiinak ŋes ainakineta nuipu. Okokuka, korie akiroka, Kinadak da aicorakinetaka mamakon. Koric aicorakinetaka, kojar; Ekakisil da kwape keeopot loka akonukon. Koenanakini kes obokorokon; Kiwadikaenenei kes apukenit naka etaukon. Kolimok acoa ebe, “Irai ijo kinacika”; Komaik da ajenun apaikon: Tetere kidarete kama ejai aberu naadote, Kama ejai nakerimon nakijodijodi kakiroke, Naarai kadirisa nakotogoka, Kereik kapedotoka; Kaany kotoma luiimat, Kamisiik kotoma okatumunak, Ekatumunan loemamei aijen, Itorit orot eapie kagorike, Kolot orot loebei togoke; Napitiboni, apak naka atiboŋ, Napiriono akuare, kamuton. Ido koany, kisiriama aberu ŋes, Kanapito nuka kanaadote, epiriana kotau. Ilebilebitoi ŋesi, irimi; Mam akekeie idonete oreke: Ejai do orotin, ejai do asisiarin, Eperuni da kaŋinigor. Ikamuni do je, konu, Etemari aeomilikonyen ŋes atiar: “Ejaas asuban nuka ainapakin oreka; Lolo ŋes etodolio aiyaposioka. Ŋes alomunia aisiriam jo, Adunyakinit amoot akonikonyen, kadum joo Apesit erutika kaimuketa, Kigoen lueererin lukiusiok lukoMisiri. Abwatanakinit akaperit Kemina, ka icicikwa, ka akinomon. Kaloto, kemonikinos amin kiton atupurue; Kalakanaros kamin. Naarai emamei okilenika kore, Elosit neelwana: Ayaŋa eriagi loka apesan nepepe kaŋes, Eboŋuni ore naikesakinia elap.” Kakiroke nuipu nuejok kimaima ŋes, Kaijodijod naka anaiepeke kitinaiki ŋes alosit. Korupak ŋes katipet, K wape elosio emoŋ aario, Arai aeneta aleeor ebaŋ: Aitodol naicumia emal emanyike; Kwape iwonyaria akweny aracit, Komam ejeŋi ebe eyaaaari aijarake. Aso do, ikadwe, kopupunoi, Kibwaikis akiro nuka aitukuka otauon. Sirikitoik ekonitau orotinike, Sirikipaa osokonoke. Naarai alataki luipu kwap imusunitai, Eebo, lueari ŋesi kere kes aiore naepol. Eketogo nes erot Joebei Okatwak, Ŋesari agolai nuka atwanare, Mam kereka ikalalat acoa, Ido mam iworoi ajenun ekeporoto? Ebwoi kasisiarin, Kaneimukurur kariri naka erot. Ikalalat kariri naka irutei, Kane elomarere ore lokapolon, Kokekia kane elomarere toma, atiar: “Ikatuŋa, keworoto yes; Ekaporoto da ejai mama ejaas idwe luka ituŋa. Yes luiimat, kojenut apirianut; Ka yes da lubaniok, koiautu ketau loka ajenun. Kiirasi; naarai eneri akiro nukajokak noi; Aooŋ da naka akaituk elomunete akiro nuedolito. Naarai inera akaituk abeit; Erai aronis naketal kanaiepeka. Akiro kere nuka aitukuka eraas adolit; Emamei ibore yenimagul karaida yenepaarit kotoma. Ideleleete kere kama ejai nin yeneieni, Ido itenara kama kanul kaluedumunete aijen. Kodumutu akaisisianakin, kwabo mere epuesa; Ido aijen aitelekarit esabu loseuna. Naarai acoa ejok aitelekarit amor nukarenak nuka akais; Iboro da kere luimielai mam epedorio aitiirian kaŋes, Eoŋ Acoa etuluo apirianut ekatogo, Amoot da aijen ka ainerun. Ayoŋit EJAKAIT ŋes aisac aronis; Aiwoŋonut, ka eitur, ka erot lokaronis, Ka aituk naepaarit, kes nuasacit. Ainerun erai nakan, ka aijen naicasit; Arai eoŋ ajenun; ajai kagogon. Kanukan irumete ikabakan, Icorakinete da ikayaitok abeit, Kanukan eyaitos ikapolok, Isotia ka ikatubok kere luka akwap. Amina ŋul lukaminas eoŋ; Ka ŋul da lukadunyakinito amoot kaanyunete, Abar ka aibuses ejaas keoŋ; Eebo, abar namam edaun ka adolit. Akaraito ejok aitelekarit esabu, eebo, esabu lokaiokan; Ekaiyas da aitelekarit epuesa loseuna. Etorit orot loka adolit, Kidin osokono luka etube, Tetere esurumi lukaminas iboro nul, Tetere esilelebanari da akeceinadisia, Abu EJAKAIT kasub eoŋ ageunet naka aisubuke, Nasodit naka akeswamisio nupeno. Aponi keticasi kole kasonya, kageunet, Eriŋa akwap keiauna. Aponi kasubi naamamear ataro, Naamameatar atanin nuedilas akip. Eriŋa kiticata iron an, Aponi eoŋ kasubi ageikin iukon. Eroko ŋes kesuba akwap, karaida ais, Karaida nugeet nuka apua naka akwap. Nakitemokinio ŋesi akuj, ajai eoŋ: Nakelukunia eikor loka ataro: Nakiticasia idouon kokuiu: Nakitogogonio akonye nuka ataro: Nakeinakinia aŋolol eikoruke, Tetere mam akipi etubete aicorakineteke: Nakigiria apeteta nuka akwap: Ajai do eoŋ kaŋes, kwape akeswaman naejok, Arai eoŋ aiyalamake ŋinipaaran, Kalakanar kakonyeneke tiritir: Kalakanar kakwapuke naepedorio aiboikin: Ajai akaiyalama neeiaas idwe luka ituŋa, Aso do, ikadwe, kopupunoi: Naarai isirerenitoi ŋul luericito ikaponesio. Kopuputu aituutoorio, koraut lukacoa, Sirikiŋeroto. Isirerenitoi etuŋanan lokapupuni, Irereenenei ninipaaran oruteika, Idareununei kacuneta nuka ikiriginika. Naarai ŋol lokadumuni eoŋ, edumuni aijar, Ejaun kasianut naka EJAKAIT. Konye ŋol loediaki kamakaŋ iticani akeijar: Ŋul da kere lukalaito eminas atwanare.” Aduk acoa eketogo, Asipok ikepirin ikanykaarei: Aar iketian; enyalinyala ebinoke; Etemok da ekemesa. Abu kiyakia akepesur aiwor Kaiboisio nuiceleleete nukore, Ebe: “ŋol lojimat, komanu lailo.” Etemari da ŋesi ŋol lomam acoa atiar, “Kopotu, konyamata akatap, Komata ebino loenyalinyalit. Kinyeis aiimat, kojarata; Ido kolosenenete korot loka ajenun.” Ŋol loeriemiriemei ekesekelon erasio, ŋol da loitoroni ekaronon emoromoroo. Sirikitoron ekesekelon, kinyek aila jo; Kitoron lokacoa, kiminuni ŋesi joo Kituutoo lokacoa, iyatakini acoun: Kisisianak ekadoliton, iyatakini da aisisiaun. Ayoŋit EJAKAIT ŋes ageunet naka acoa: Aijen Lokalaunan ŋes ajenun, Naarai kanukan ipuatar akonipaarasia, Iyatanakinotor da ikar luka aijarakon. Arai ijai kacoa, ijai kacoa kanukon: Arai da isekeli, eraas ŋun nukon. Ilebilebitoi aberu naebanaana; Ajimat, mam ejeŋi adis da. Iboie ŋesi okek loka etogoke, Oicoloŋ kaiboisio nuiceleleete nukore, Anyaraun ŋul luitorete, Luelosete orotinikec, Ebe, “ŋol loiimat, komanu lailo.” Etemari da neai ŋol lomam acoa atiar, “Elilim akipi nukokoan, Ejijim da atap naenyamio kaiyeiyea.” Konyc mam ŋol ejeŋi ebe ejaas nen lukatwak; Ipejokoke da ejaas kwap noi toma Okatwak. Awaragasia nuka Solomon. Okoku loeeobe einakini papake alakara: Konye okoku loebanaana itakadikini totoke. Iboro lukakais nuipu luedumunio kanuka aronis mam imedaete, Konye adolit nes kiyuuni katwanare, Mam EJAKAIT eeamakini aijar naka ekadoliton eriebi eteŋei: Konye ireneari aiŋobel naka ekaronon. Akan naelonwana eyauni ican, Konye akan naekukurana itabari. Loetukonokini kakamu ŋes okoku loeeobe: Konye ŋol loeiotoi kaidweny ŋes okoku loiswamai nukileic. Ejaas arereŋesio kakou naka ekadoliton: Konye erapit akaje aituk naka ekaronon. Isirereni akiitun ekadoliton; Konye ebosi ekiror loka ekaronon. Iyuunete lukacoa kotauon aicorakineta: Konye ibirori loinerenenei nukabanaanut. Ŋol loelosenenei itenara elosenenei kainapakina: Konye ejenunio lomagul ikerotin. Loeedi kakonuke eyauni iean, Konye ibirori loinerenenei nukabanaanut. Aituk naka ekadoliton ŋes atan nakaijar: Konye erapit akaie aituk naka ekaronon. Elait isidiki inuneta: Konye crapi amina aibucanareta kere. Edumunio acoa kaituk naka ŋol kaloemisiana, Konyc ejai ebela kanuka ŋol kaloemamei ajenun. Inadakinete lukacoa aijen: Konye aituk naka loebanaana isukunyuni amudiario. Abara naka ekabaran ŋes ereke loegogon: Amudiar naka lukican nes icanikee. Aitaaritoi naka ekadoliton itebei ŋes aiiar, Eiyas loka ekaronon itebei nes aronis. Ŋol loibwaikini etau aituutoorio ejai orot loebei aijar: Konye epaari nol loijalijala aitoronio. Ŋol loimunoni elait erai loka aituk nakenalan: Ebanaana da ŋol loesabanakinenei. Kaipues naka akiro mam eswaki aibucar: Konye ŋol loetiki akenaiep iswamai kacoa. Eputos aŋajep naka ekadoliton ka epuesa loseuna: Etau loka ekaronon erai lootai. Itanyami aituk naka ekadoliton luipu: Konye etwakete lubaŋiok naarai eolikinete acoa. Arereŋ naka EJAKAIT itabari, Mam da inyalakini ican kaŋes. Aswam aronis esubit bala abolia mama ejai ebaŋ: Aswam da nukaeoa itojokit ctunanan lokaienun, Nuekurianari ekaronon kes nuedoikinete ŋes: Ido einakinio ekadoliton nuimiela. Ketubor etapipirio, emamei bobo ekaronon: Konye icasit ekadoliton ikar kere. Kwape ebino loedwar ria kokel, ka apuru toma akonye, Ikoni nen loilonwana kama ejaas ŋul luiyakito nes. Ayoŋit EJAKAIT iyatakini apaarasia: Konye ituurianitai ikar luka ekaronon. Amun naka ekadoliton itodoli aiyalama: Konye eoliori amun naka ekaronon. Erai EJAKAIT abwas naegogon mama ejaas luitenara kotauon: Konye erai amudiar mama ejaas ikeswamak numam adolit, Mam eut ikadolitok elemanario: Konye mam ikaronok ibojenenete kakwap. Itolomuni aituk naka ekadoliton acoa: Konye emudiario aŋajep naepaarit. Ejeŋi aituk naka ekadoliton nuecamunio: Konye aituk naka ekaronon ejeŋi nuepaarito. Aitemis nakainal nes naketal mama ejai EJAKAIT: Konye isiyalamikinit ŋes emisani loedolit. Naebunio aiwoŋonut ŋes eponiata ileic: Konye ejai acoa kaluitasonos. Abeit naka luitenara kotauon nes iijarenikini kes: Konye amagul naka luebilete ebotet ŋes emudiari kes. Mam abar isikeriani kapaaran naka anyunyura: Konye eyuuni adolit katwanare. Iteteni adolit naka loliogot otau ekerot: Konye ibirori ekaronon kanuka akeronis. Adolit naka luitenara kotauon ŋes eyuuni kes: Konye ipoki ameneranutukec nul luebilete ebotet, Naetwania ekaronon, eoliori akemun: Eoliori da amun naka numam adolit. Eyuunio ekadoliton kotoma ocan, Kobuni do ekaronon aiboisike. Emudiari etuŋanan lomam eyonit Edeke ekeidunyet kaitukuke: Konye eyuunio ekadoliton kanuka aijen, Nakeanyuniata ikadolitok aiokis, elakara ere: Nakeolioroto ikaronok ejai eibwoŋ. Itopoloorio ere kanuka aisirerenio naka luitenara kotauon: Konye etiyaikinete aituke nuka ikaronok. Ŋol loemwaŋi ekeidunyet emamei acoa, Konye ililiŋi etuŋanan Iokaienun. Otibeele loideidei epukori nukaiyeiyea: Konye ŋol lokemoyo lomunot imunoni akirot. Neemamei aitetenio ibiroros ituŋa: Konye kaipues naka ikenerunak ejai ainapakin. Ŋol loerauni ekabwoaran loka emoit eanyuni iean: Konye inapakina ŋol loelait abwoanar. Aberu nakasianut edumuni aibuses: Ikiliok lukakaje edumunete abar. Etuŋanan loitimi iswamakini aijarake ejok: Konye ŋol loededeŋ iticani akuanake. Edumuni ekaronon eropit lokainal: Konye ŋol loeyei adolit edumuni eropit lokabeit. Ŋol loiketakina kadolit edumuni aijar: ŋol da loetupari aronis earakini bon. Ŋul lueiaas itauon lumagul eraas luketale mama ejai EJAKAIT: Konye ŋul luedoliorito korotokec isiyalamikinete ŋes. Abeit etuŋanan lokaronon mam eswaki aiticanio, Konye eyuunio aur naka ekadoliton. Kwape etet loka esabu kokume loka epege, Ikoni nen aberu naitemelel naemamei acobeu. Ejok luimiela ekadoliton: Konye amuno naka ikaronok ŋes anyunyura. Ejai loisiarisiari, ido iyatanakini adumun; Ejai da loimiki aitelekarit luibusakinito, konye etwaniari. Iturumio ojokotau: Ŋol da loieoeoi akipi icocoikinio. Ikenete ituŋa ŋol loimiki kes akima: Konye ejai arereŋ akou naka ŋol kaloegwelari. Ŋol loinyikokin amoot adolit, emoot asianut: Konye ŋol loemoot ameŋeranut, edolokini nes, Ibiror ŋol loemunokina akebar: Konye ekerianar loedolit kwape kakuii nuelibete. Ŋol loiticani ekaleke irumi ekwam: Eraun ebaŋ ebulesit loka lokacoa kotau. Araito naka ekadoliton nes ekitoi loka aijar; Ka ŋol da loejai acoa edumuni aijar naka ituŋa. Koany, einakinio ekadoliton eropit kakwap: Itelekarito cama ekaronon ka ekadiakanaran! ŋol loekoto alimokinio, ekoto ajenun: Konye ŋol loelait aitoronio esubit bala etiaŋ, Etuŋanan loejok edumuni asianut kama ejai EJAKAIT, Konye etubokini ŋesi aitelekar etuŋanan lokibotei lueroko. Mam etuŋanan icasit kanuka aronis: Konye esali aliasit naka ekadoliton komam ijaŋijaŋio. Aberu naejok nes aboko naka okilenike: Konye ŋin naitisili esubit bala abosus kotoma akojoke. Edolito aomisio nuka ikadolitok: Konye iŋalana ainerun naka ikaronok. Eperunete akiro nuka ikaronok aokot: Konye eyuuni aituk naka luitenara, Elatario ikaronok koolios: Konye ebwoi etogo loka ekadoliton. Iturio etuŋanan kwape eiaar acoake: Konye emenio ŋol loejai etau lomagul. Lomam enyaritai araut ibore, kojai ebulesit, Itelekarit ŋol loiturokina, komameete inyamat. Eomit ekadoliton aijar naka Iketian: Konye eroko aitimesia nuka ikaronok. Loekoriei alupoke ejaunos kinyamat luipu: Konye ŋol loerupari aamameak emamei aijen. Iŋobelei ekaronon eboi loka lukelepa: Konye aliasit naka ekadoliton erai araito. Aibucar naka aituk nes eic mama ejai lokelepa: Konye ekui ekadoliton koean. Imonikini etuŋanan araito nuejok nuka aitukuke: Inyakakinio etuŋanan aswamisio nuka akaninike. Itojokit Ioban ekerot kakonyeneke: Konye lokaeoa epupokini ainerun. Ejenunio atipet anyunyura naka lobaŋ: Konye ibwai etuŋanan lokacobeu ileje. Ŋol loelimokini nukabeit isideleleuni adolit, Konye ekaienan lokainal isideleleuni aiŋalanut. Ejai loisudi akiro kwape aicum kekilen; Konye eŋaleuni aŋajep naka lukacoa. Iketakina aituk naka abeit apaarasia kere: Konye aŋajep nakainal erai naka aied akoŋu. Ejai aiŋalanut otauon luka nul kaluepwakunete aronis: Konye iyalamasi ŋul luinerunete ainapakin. Mam ican edoikinete ekadoliton: Konye imonikinos ikaronok aronis. Aituke nukainal eraas nuketale mama ejai EJAKAIT; Konye isiyalamikinete ŋes nul luiswamaete nukabeit, Ibwai etuŋanan loecobe aijen: Konye ilabilabete itauon luka ibaŋiok abaŋaanut. Eyai akan naka luekukuraka: Konye eraunos luekalanyaka ikeswamak nukailolitoi. Aiyaloŋoŋ kotau loka etuŋanan itukukumi: Konye isiyalamikinete ŋes akiro nuejok. Eraun ekadoliton ekenarenikinon eidunyeteke: Konye erot loka ikaronok itapaari kes. Etuŋanan lokalanyana mam epei luamejau: Konye iboro luka akais nuipu luka ituŋa eraunos luka kaluekukuraka, Ejai aijar toma orot loka adolit; Emamei atwanare korot kaŋol. Epupi ikoku yenikacoa aicorio naka papake: Konye yenemwanana mam epupuni aitoronio, Enyami etuŋanan nuejok kanuka araito nuka aitukuke: Konye etau loka kaluebilete ebotet enyamenenei epali. Yenidari akenaiep itogogoni aiiarake: Konye Ioitoonari noi akeituk edumuni amudiario. Inobelei etau loka kaloelonwana, komam edumuni ibore: Konye imonikin etau loka kaloekukurana. Elait etuŋanan loedolit aiŋal: Konye etuŋanan lokaronon esiliana, ido irumete ileic, Igalikini adolit Ioetenit korot: Konye isibirori aronis ekadiakanaran. Ejai loitabarikin, kwabo komamei ibore: Ejai loicanakin, kwabo koiaas kabar naepol. Elakuni abarake aijar naka etuŋanan: Konye mam lokican epupuni aitukurianio kere. Iyalama aica naka luedolito: Konye itudenio atala naka ikaronok. Eyauni aiwoŋonut epeget bon: Konye ejaun acoa kanul kaluinerunete ejok, Inonario abar naedumunio kanuka aamameak: Konye iyatakinio loetukonokini kakukuranut. Amuno naiyapi itudusaununei etau: Konye naebunio yeninobeleo eraun ekitoi loka aijar, Eyauni ŋol loemenit akirot amudiario: Konye einakinio loeyonit aicorakinet eropit. Erai ekisil loka lokacoa atan naka aijar, Anyoun koica luka atwanare. Eyauni ajenun ejok aminunio: Konye ikurajaj erot loka kaJuebilete ebotet, Iswamaenenei nolitunanan lopirioit kaijen: Konye ebaŋ isiarakini abaijaanut, Ibirokin ekijukitono lokaronon aronis: Konye erai ekiyakia lomunot aŋaleu, Eiaunete iean ka ileje ŋol loeŋeri aicorio: Konye itubusikinio loibwaikinit etau toma aitoronio. Eiiiimikini etau aiŋobel naetodolikin: Konye anyoun karonis erai naketal kama ejaas ibaŋiok, Koupenenas kalukacoa, ieouni ijo da: Konye eswalar aupakee loka ibaŋiok. Ekerikinit aronis ikadiakanarak: Konye etacakinio ikadolitok aiokis. Inyeinia etuŋanan loejok idwe luka idweke airumet; Inadakinio ikadolitok abar naka ikadiakanarak. Ejaas inyamat luipu toma mana naka lokican: Konye ejai loemudiario kanuka aitub namam abeit. Loitikokini aparisike, elai okokuker. Konye loemina oko kuke ekukurikina aiteten nes. Enyami ekadoliton kimonikin eketau: Konye ijoganitoi akoik naka ekadiakanaran. Eduki ninibcru nakaeoa etogoke: Konye etiyatiyai naban kakaninike. Ŋol loelosi kateniteke eyon it EJAKAIT: Konye ŋol lomagul korotinike emeni nes, Toma aituk naka loban ejai ebela loka aisosolonut: Konye aituke nuka lueeobe idarete ikulepek. Elai auj naemameete imoŋin: Konye ebuni eiyas kagogon naka emoŋ. Ekaienan lomunot mam esabi: Konye esabanakini ekajenan lokenalan, Emoi ekesekelon acoa komam edumuni: Konye epatana aijen kama ejai nol loejai ajenun. Konyou kakonyen nuka loban, Naarai mam ianyuni aituk naka aijen kamaken. Acoa naka loeeobe nes ajenun ekerot: Konye abaŋaanut naka ibaŋiok nes aiŋal. Emoeasi ibaŋiok kotoma adiakaret: Konye isirerenitoi luitenara itauon. Ejeŋi etau akadakinike; Emoit da mam imorikikini kaiyalamake, Etiyatiyao etogo loka ekaronon: Konye ekerianar ewema loka loitenara etau. Ejai erot loeomit etuŋanan bon ebe ejok, Konye osaŋeke kes irotin luka atwanare. Karaida kekieni, konye itururwei etau; Esaŋe da loka aiyalama nes aiurunun. Loebonori kau kotauke imonikini ikerotin: Etuŋanan da loejok imonikini nuke elopet. Iyuunit iiimat ŋinikirot: Konye ericit loeeobe alositeke. Iyapaara lokaeoa, ido enyouni karonis, Konye iranaana loban, ido iilokin. Iswamai etuŋanan loisunyit anyunyuranakin nukabaijaanut: Elaio da ŋol lokibotei lueroko. Irumito luiimat abaŋaanut: Konye idokokinio lueeobe aboko naka aijen. Ekukumito lukaronok kakonyen nuka lukajokak; Ka lukelepa da korutei luka ikadolitok. Lokican elai ŋes ekeidunyet da: Konye ekabaran ejaas ipapero luipu. Ediakarit loemenit ekeidunyet: Konye elakara loitimi lukican. Mam kereka ŋul luepwakunete aronis epaarete? Konye eiaununos aitim ka abeit kanul kaluepwakunete ajokis. Ejai ameda toma aitaaritoi kere: Konye ailabilabanut eyauni aibabanitoi. Abarakec ŋes aboko naka lukacoa, Konye abaŋaanut naka ibaŋiok ŋes abaŋaanut bon. Itajari ekaienan lokabeit aijar naka luee: Konye loesabana itapaari. Loeyonit EJAKAIT ejai amun naegogon: Ikedwe da edumunete neekereanara. Ayoŋit EJAKAIT ŋes atan naka aijar, Anyoun koica luka atwanare. Aibuses naka ekabaka ŋes aipues naka ituŋa; Konye naemameatar Iruna emudiario Iokapolon. Loiyapi anyunyurikin ejaas kaijen naepol: Konye ŋol loisunyit anyunyurikin itopoloori abaŋaanut. Etau loibeeokino ŋes aijar naka akuan: Konye ekokote ŋes aibos naka akoio, Loemwani lokican emoromoroi Lokasubanike: Konye ŋol loitimi loilwaritoi Itubusakini nes, Elatakinio lokaronon kwap kanuka akeronis: Konye ekadoliton emuno aketwanare, Ejai acoa otau loka ŋol kaloejai aijen: Konye ejenunio nuejaas otauon luka ibaŋiok. Itopoloori adolit ateker: Konye aronis emorere ateker kere. Ejai asianut naka ekabaka neejai ekejaanakinan loiswamai nukacobeu: Konye enyunyurikini ŋol loiswamai nukileie. Aboŋokinet naiyapaara irebori anyunyura: Konye akiro nuededen isidikete anyunyura. Aŋajep naka lokaeoa ekori aijen naibeeokino: Konye ebukuni aituk naka ebaŋ nukabanaanut. Ejaas akonye nuka EJAKAIT ŋiniibois, Irereete aronis ka ajokis. Aŋajep naiperioro ŋes ekitoi loka aijar: Konye akiro numagul ebilete emoyo. Emeni lobaŋ aicor naka papake: Konye loibwaikini etau aitoronio edumuni acobeu. Ejai abara naepol togo loka ekadoliton: Konye luedumuni lokaronon eraas iean bon. Isilosikinete aituke nuka lueeobe aijen: Konye mam ikote nen kotauon luka ibaŋiok. Asuban nuka ekaronon eraas nuketale kaneejai EJAKAIT: Konye isiyalamikini ailip naka Iuitenara itauon. Erot loka ekaronon erai Ioketale kaneejai EJAKAIT: Konye emina ŋesi loetupari adolir. Ejai aisisianakinio naetioro neejai ŋol loinyeini erot: Ŋol da loelai aitoronio etwani. Ideleleete Okatwak ka Amudiario kakonyen nuka EJAKAIT: Aso ideleleete do noi itauon luka idwe luka ituŋa! Mam ekamwanan emina aitoronio: Mam da ekoto alosit neeiaas lukacoa. Etau loiyalama italakari akonyen: Konye ican lukotau kes ebilete emoyo, Etau loka ŋol kaloeiai ajenun emoot aijen: Konye aituke nuka ibaŋiok enyamete abaŋaanut. Eroko apaarasia kere nuka luiticanio: Konye ŋol loejai etau loelakara enyami epucit lomam edaun. Ajaut kaluikidioko ka ayoŋit EJAKAIT, Itelekarit abar naepol naejaas icano Ejok ainyam edia lokigalala kominanara, Itia ainyam atarion naka emoŋ konunanara. Etuŋanan lokanyunyura isidiki aŋolopa: Konye ŋol loiyapi anyunyura isinapikini epeget. Erot loka loekalanyana esubit bala abwas naka ikukwa: Konye esokot loka luitenara itauon eraun erot loelal. Okoku lokacoa isiyalamikinit papake: Konye lobaŋ emeni totoke. Abaŋaanut ŋes aiyalama neejai ŋol loemamei acoa: Konye iteteni etuŋanan loejai aijen alositeke. Neemamei ainerun etwakiarete nuelosikinitoi: Konye icatunete kaipues naka ikenerunak. Isiyalamikinit etuŋanan aboŋokinet naka aitukuke: Ejok ca ma akirot nainerai kapakike naebeit! Edokari erot loka lokacoa kuiu neejai aijar, Tetere enyouni kokwap kaneejai Okatwak. Erutori EJAKAIT etogo loka loiwonoono, Konye iticasi eikor loka apuserut. Aomisio nuka ikaronok eraas nuketale kaneejai EJAKAIT: Konye ejokuka akiro nuisiyalamikinito. Loiranai ameda iti cani eketogo: Konye ejari ŋol loesaci ainakineta. Eomoomoi etau loka ekadoliton nuebonokini: Konye ebukuni aituk naka ekaronon nukelepa. Elwana EJAKAIT kaneejaas ikaronok: Konye iirari ailip naka ekadoliton. Isiyalamikinit aica naka akonye etau: Itutumete akiro nuejok akojo. Akit naepupuni aitoron naka aijar Iboienenei kalukacoa, ŋol loeneri aicorio emeni eketau: Konye ŋol loepupuni aitoronio edumuni aijen. Ayoŋit EJAKAIT nes aituutoorio nakaeoa; Ido aitasonikin iŋarenikini aibuses. Nuelosikinit etau eraas nuka etuŋanan, Konye ebuni aboŋokinet naka aŋajep kaneejai EJAKAIT. Elaete irotin kere luka etuŋanan kakonyeke: Konye itemi EJAKAIT imoyon. Kititinik EJAKAIT aswamisiokon, Akoniwomisio da iticasio. Esubakinit EJAKAIT ŋinibore aswamuke: Eebo, lukaronok da esubakinit apaaran naka aronis. Ŋolituŋanan loiturokina kotauke erai loketale kaneejai EJAKAIT: Abeit, mam eswaki aiticanio. Aitim ka abeit kes elueete numam adolit: Ido ayoŋit EJAKAIT isinaei ituŋa aronis. Arai isiyalamikinete irotin luka etuŋanan. EJAKAIT, Isinapikini lukasurupoke da. Eiok ajaut kaluikidioko ka adolit, Itia ajaut kameda naepol ka amamus etube lokabeit. Ineruni etau loka etuŋanan irotinike: Konye EJAKAIT iteteni akejeke. Adwaranut ejai aituk naka ekabaka: Mam ediakari anaiepeke kotoma otube. Aitemis ka imisanin luedolito eraas nuka EJAKAIT: Luitemete kere lukoriagi eraas aswamuke. Aswam aronis erai naketal kaneeiaas ikabakan, Naarai adolit iticasi eicoloŋ loka ajakanut. Isiyalamikinete ikabakan aituke nuedolito: Eminasi kesi ŋol loinera nuitenara. Esubit anyunyura naka ekabaka bala ikiyakia luka atwanare: Konye lokaeoa isinapikini ŋes. Ejai aijar toma aica naka akonyen nuka ekabaka: Esubit akesianut bala idouon luka akiru naka aiporo. Adumun acoa ejok ca ma itia adumun esabu! Eebo, ejok aseun aieaun itia epuesa. Erot lokapolon loka luitenara ŋes anyoun karonis: Loericit erotoke itaiari aijarake. Iŋarenikinit eitur amudiario, Emoyo da Ioiwonoono iŋarenikinit aibiror. Ejok ajaut kemoyo loitasono mama ejaas lukican, Itia akorokoro luŋatuna kalukeitur. Ŋol loibwaikini eketau akirot edumuni aiokis, ŋol da loemuno EJAKAIT ejaas kalakara, Lukacoa kotauon enyaritai lueeobe: Aiiiim da naka aituk iyatakini aimaima. Ajenun ŋes atan naka aijar mama ejai ŋol loeiaatar: Konye abaŋaanut ŋes aiticanet naka ibaŋiok. Isisianakini etau loka lokaeoa aitukuke, Iyatakini da aimaima anaiepeke. Akiro nuisiyalamikinete esubito bala akap nuka ao, Eiijimikinito aiiar, ido eraas aŋaleu naka akoio. Ejai erot loeomit etuŋanan bon ebe ejok, Konye osaŋeke kes irotin luka atwanare. Aiŋobel naka ekeswaman iswamakini nes aswam; Naarai isinyikokini akeituk. Epwakuni etuŋanan lotai ameŋeranut; Esubito akiroke bala akim naenomori, Eyei etuŋanan lomagul epeget: Ido etiaki ekedeideon ipapero. Ŋodijodi lokelepa ekeidurryet, Kosodi ayaŋaar toma orot lomam ejok. Ŋol loeedi akekonye nes aipwak akiro numagul, ŋol da loebutarit itodolikini aronis, Akou naabwanut akorwo nes aboko nakaibuses: Edumunun korot loka adolit, ŋol loiyapi aayunyurikin ejok aitelekarit ikagogoŋok: Ŋol da loeyait ekemoyo itelekarit loenatari ere, Ilamilamakinio eroet ogoen, Konye EJAKAIT nes itebeikini. Ejok aiban neejai aiyapaara, Itia ainyam epucit kotogo loeleleba aŋolopa. Ebulesit lokacoa eyai ikoku yeniswamai nukileie, Ido irumi airumet koinaean. Amot nes ililiaunere epuesa, eupa da esabu; Konye EJAKAIT itemi itauon, Ibwaikini loiswamai aronis eketau neejaas aituke nueroko: Iirari da lokenalan aŋajep naka ameŋeranut. Loemoear lukican emoromoroi Lokasubanike: Ŋol da loisiyalamikinit ican mam eswaki aiticanio, Idwe luka idwe kes aboko naka imakio; Aibuses da naka idwe ŋes lukapapakee. Mam ibusakinit loban einer nuepolok: Ido bo do aituk nakainal ibusakinit biai lokapolon? Esubit ainakinet bala amoru nakarereŋ kakonye nuka nol kaloejaatar nin: Ekerianari neibelokinor kere. Ŋol loerapakini aibucaret emoi amina: Konye loieeeemono etiaki ipapero. Elomari noi aitoronio toma otunanan lokaijen, Aitelekarit ibelai akwatat kaneejai loban. Etuŋanan lokaronon cmoi epali bon; ŋes kijukarere ekiyakia loededeŋ mamakeŋ, Eiok etuŋanan airiamakin kadubu naedemaritai ikedwe, Itia airiamakin ebaŋ kabanaanutuke, Loetaeakini aronis itia aiokis, Mam enyouni aronis kokaleke. Ageunet naka eeelet esubit bala etuŋanan loepeduni akipi: Aso do kinyek epeget, eriŋa ejauna aŋolopa. Ŋol loitojoki lokaronon, ka nol da loititelekari ekadoliton, Eraas kesi kere luketal kaneejai EJAKAIT, Kanukinyo ejaatar loban apesan akanike agwelia acoa, Kwabo emamei ŋes aijen? Emina epapero apaarasia kere, Ido onaee euritai kanuka apakio nuka icano Etuŋanan loemamei aijen ititini akan, Eraun ekabwoaran kakonyen nuka eidunyeteke. Loemina eeelet emina aibucar: da loitoojari ekekike emoi amudiario. Ŋol loemagul etau mam edumuni ajokis: Ŋol da loemagul aŋajep ibirokin aronis. Loeurie ebaŋ eanyuni ican: Papa da loka ebaŋ mam iyalama. Etau loelakara nes ekia loejok: Konye emoyo loebilil itooni akoio, Iiauni ekaronon ainakinet katorob, Aibelokinio irotin luka etube. Ejai acoa akonyen nuka nol kaloeiai aijen: Konye akonye nuka ebaŋ ejaas osaŋeta luka akwap, Okoku loban itakadikini papake, Ido erai adwaris mama ejai nakeurie nes. Ido mam ejok aitican ekadoliton, Karaida aile isotia kanuka aitenarakec, Loitikokini akekiro ejaas kaiien: Erunanan Ioeiai emoyo loelilim emisiana. Loban da arai ililhji enyaritar lokaeoa: Arai ebutarit eomitai loecobe. Ŋol loetiakar bon emoi ekeimiel elopet, Epega kacoa kere naenalei, Mam ebaŋ isiyalamikinit aijen, Konye ekoto apukonor nukotauke. Arai kebu lokaronon, ebuni da amwanio, Ido aitisilio da ebuni kamoromoroo. Akiro nuka aituk naka etuŋanan esubito bala akipi nuidulok; Atan nakaeoa erai aguurut naelelei. Mam ejok acamun akonyen nuka lukaronok, Karaida aireŋe Iokadoliton kotube. Aŋajep naka ebaŋ eyauni epeget, Iriuni da akeituk aleio. Aituk naka ebaŋ ŋes amudiarioke, Anaiepeke da ŋes eic loka aiiarake, Akiro nuka ekerupean esubito bala edia loejijim, Elomarete toma atutubeta nukotoma nuka akoik. Ŋol da loijaliiala kotoma aswamuke, ŋes onace kanol kaloemudiari. Ekiror loka EJAKAIT nes ere Loegogoŋ: Ekeri ekadoliton nen kosodi aiyar. Abara naka ekabaran ŋes ekere loegogon, Kwape karwatat naeoja kotoma aomisioke. Eriŋa emudiara, iturokina etau loka etuŋanan, Aitasonikin da inarenikinlt aibuses. Loebonokini korina epupuno, ŋes abaŋaanut ka ileje kamaken, Emoyo loka etuŋanan etitinikini adekake; Konye iŋai bo epedori atitiŋikin emoyo loebilil? Etau loka Ioecobe edumuni aijen; Akit da naka lokaeoa emoi aijen, Ainakinet naka etuŋanan enyaikini nes aibois, Ido itodoli akonyen nuka lukapolok. Loisiauni aosan esubit bala ŋes edolit; Konye ebuni ekeidunyet, kosodi aiŋic. Itanani eroet ipegeta, Edieki da ikagogoŋok, Arai kenyunyrikin onac etiono ainyakun aitelekarit ere Ioegogoij: Ipegeta luikote nen eputokinos katiketa nuka ere. Akoik naka etuŋanan ilelebun araito nuka aitukuke; Imonikini da keiyas naka anaiepeke. Atwanare ka aijar ejaas toma apedor naka aŋaiep: Ka nul da luipudasi nes enyamete araitoke. Loedumuni aberu edumuni aiokis, Edumuni da asianut naka EJAKAIT. Imaimaitoi lokican: Konye isieianakini lokabaran. Loisipaperi luipu iriuni amudiario: Konye ejai epapero loimorikikina noi aitelekarit onac. Ejok lokican loelosenenei kabeiteke Itia lokaituk namagul ido kobanaana, Arai mam aijar ejaas kaijen, mam ejok; ŋol da loiwonyi kakekeje ediaki. Eburiari abaŋaanut naka etuŋanan ekerot; Kosodi enyunyurikini eketau EJAKAIT. Abara iyatakini ipapero luipu: Konye lokican etiakas kepaperoke. Ekaienan lokenalan mam eswaki aiticanio; ŋol da loesabanakini mam ekui. Ipu luimaimaete asianut naka ekapolon: Ido nolitunanan erai epapero loka ŋol kaloeinakini ainakineta. Elaete lokican ikeinaean kere: Itelekarito ca ma ikepapero alwakiar kama eiail Ibwapit kes kakiro, konye koekarito. Loedumuni acoa emina aijarake: Loerici aijen edumuni ajokis. Ekaienan lokenalan mam eswaki aiticanio; ŋol da loesabanakini emudiario. Aiiamam mam ibusakinit loban; Aso ikoni ibusakinit ai ebulesit ayait lukapolok? Acobeu einakini etuŋanan aiyap anyunyura; Ido aibusesuke ŋes aisioni aibucaret. Anyunyura naka ekabaka esubit bala agat naka eŋatuny; Konye akesianut bala akopyo kanya. Erai okoku lobaŋ ican kaneejai papake: Aŋolopa da naka aberu nes aiit naduc. Etogo ka abara kes airumeta nuepote kaneeiaas lukapapa: Konye aberu naecobe ebuni kaneejai EJAKAIT. Akalanyanut eyaŋauni aio nuipu; Aiiar da naiialiialana eriebi eteŋei. Loidari aicorakinet idari akeiiar: Konye lomam ibwaikinit eketau toma orotinike etwani, Loitimi lokican eyuuni EJAKAIT, Ido etacakini ŋesi bobo aswamuke naejok. Koleeo ikonikoku naarai ejai amun; Kwabo sirikinobel amudiarioke. Etuŋanan lokanyunyura naepol egeli: Naarai arai kiyu ŋes ibusakinit airucakin ayuun. Kopupununei ainerun, kiyuununei aisisianakinio, Tetere iraun lokacoa kapaarasiakon nukawasia. Ipu nuelosikinit etau loka etuŋanan, Konye ainerun naka EJAKAIT icasit. Nuimiela etuŋanan nes asianutuke: Lokican da itelekarit ekeŋalan. Ayoŋit EJAKAIT eyauni aijar; Ŋol da loeiaatar nin iboie imono; Mam aronis ebunokini ŋes. Idoni akan naka loelonwana aruba, Komam bobo ekot ainyakun toma aitukuke. Kinom loemwanana, isisiauni iiimat acobeu: Kitoron loejai aijen, ejenuni da aijen, Loenasi papake, kirenea da totoke, ŋes ikoku yenisurumi ileic, iriuni da amorosit. Okokuka, kinyek akiirar aisisianakinio Ipaari do anyoun kakiro nuka aijen, Isekeli ekajenan lotai etube: Ilikori aituk naka ekaronon numam adolit. Itemokinitoi itubesia kanuka Iukamwanak, Ka ibelai da kanuka ipuran luka ibaŋiok. Erai, ebino ekamwanan, nuitemerete da ebenyaka: Loirianitoi kanuka ŋun emamei acoa. Etasuro loka ekabaka esubit bala agat naka enaruny: Loitunyunyurikini ŋess emunaari aijarake. Itubusikini etuŋanan atiakar kopeget: Konye ekoto ŋolibaŋ aŋolopa. Eneri loelonwana akoru kapak naka ailob; Emootoi kedolu aisak, mam edumuni ibore. Ainerun nakotoma otau loka etuŋanan esubit bala atan naidul; Konye epedori etuŋanan lokaijen aiwok. Ilabilabete ituŋa luipu ŋolituŋanan akesianut: Konye iŋai bo epedori adumun etuŋanan lomunot? Etuŋanan loedolit loelosenenei kabeiteke, Isirerenitoi ikedwe luetupanakinete ŋes. Ekabaka loiboie koicoloŋoke loka aitub Epietari aronis kere kakonyeneke, Iŋai epedori atemar atiar, “Etalau ekatau, Arai loasegara kotoma aronisika”? Imisanin luegelegela ka, aitemisio nuegelegela, Eraas kere luketale kaneejai EJAKAIT. Ikoku yenididi da ejenunio kanuka aswamisioke, Arai esegara aswamuke, arai ejok. Akit naiirari, akoŋu da naeseseni, EJAKAIT ŋes esubit kere. Sirimina aio kinyek adolore ailwaritoi; Kokwenyut akonikonyen, kosodi kimonikin inyamat. Ebala ekagwelan ebe, “Erono, erono.” Konye keeka, ŋes do ituror, Ejai esabu ka amor nukarenak nuipu noi: Konye aituk naka aijen ŋes ibore yenika akais nuipu. Kolema anapito naka ŋol kaloebwoari elonwau, Korau ŋesi aititiŋet loebwoari nakerimon. Ejijimikini etuŋanan atap naka aiŋal; Konye kokau ilelebunos inaroi aitukuke. Ŋin nailosikini itogogonitai kainerun: Koii ejie kainarenikinio nakaeoa. Loirimirimi kideideonokini epukori nukaiyeiyea: Aso siriupasi kanol kaloeoonanari akeituk. Loilami papake arai totoke, Itudenio atalake kamuton naejesi eucucuc. Airumet nairasakini adumun kageunet, Mam isirerenitoi kawasiake, Sirikitema atiar, “Enyaŋi aronis”: Kidareu EJAKAIT, ŋes da kitaiari joo Aitemisio nuegelegela eraas nuketale kaneejai EJAKAIT; Emisani da Iokenalan mam ejok. Alosito nuka etuŋanan eraas nuka EJAKAIT. Ikwaikini ai epedori etuŋanan ajenun erotoke? Erai eic kaneejai erunanan aisunyit atemar atiar, “Erai lokalaunan,” Kosodi kedau aiyapo iŋisi. Epiesi ekabaka lokaeoa ikaronok, Ido eyauni agali nakicomis kuiukec, Emoyo loka etuŋanan nes atala naka Edeke, Enici atutubeta kere nukotoma akoik. Itajarete aitim ka abeit ekabaka: Ido aitim nes iganuni ekeicoloŋ loka ajakanut, Aibuses naka ikatumunak nes agogonukec: Atemelel da naka imakio nes akoruo nuka akwesikee. Apipil naka imaearin itesegari aronis: Ibelai da italaunete atutubeta nukotoma. Ejai etau loka ekabaka akan naka EJAKAIT kwape aleles naka akipi: Ibelokini ŋes kwape ekotor. Ŋolirot loka etuŋanan edolit kakonyeneke: Konye itemi EJAKAIT itauon. Aswam nukabeit ka etube, Iyuunit EJAKAIT aitelekarit asuban. Akonye nueomiara ka etau lokaiwononut, Atala naka ikaronok, ŋes aronis. Aomisio nuka luekukuraka eyaŋaunete aipues: Konye nolirunanan loisunyit, isunyari toma aibabanitoi. Adumun abar kanaiep nakenalan, Esubit bala eiyeŋane loekutario, eic da lokatwanare. Akaje naka ikaronok epiyari kes; Naarai eŋerito aswam nuketube. Emagul noi erot loka ŋol kaloigugunatoi karonis: Konye ejokuka aswamisio nuka Ŋol kaloesegara. Eiok aiboi kagor naka etogo kokuiu, Itia aiboi kaberu naeŋolopana kotogo loelal. Iŋobeli etau loka ekaronon aronis: Mam ekeidunyet edumuni asianut kakonyeke. Arai iticanio ekamwanan, itoeouni ijimat, Arai isisianakinio lokaeoa edumuni aijen, Eomoomoi ekadoliton etogo loka ekaronon; Kwape elatarere lukaronok kooliosi. Loisikakini akeki aimony naka lokican, Ŋes da kemony, konye mam epupunio. Ainakinet nakaiyeiyea isinapikini anyunyura, Ainakinet da nakotorob isinapikini anyunyura naepol. Aitodol etube isiyalamikini ikadolitok, Konye emudiari luiswamaete numam adolit. Etuŋanan loepaari anyoun koroto loka aijen Ibworari kokodet loka lukatwak. Loimiela aiyalama eraenena lokican, Loimiela aion ka akinyet mam ebari. Eraun ekaronon alakunet naka ekadoliton: Luebilete ibotei da ebeete aibois naka Iuitenara. Ejok aiboienen kakwap nakamodin, Itia aiboi kaberu naenolopana naedelana. Ejai abar naka akais nuipu ka akinyet togo loka ekadoliton; Konye ilikori loban. Ŋol loibwapit adolit ka aitim Edumuni aiiar ka adolit, ka aibuses da, Edokari lokaeoa ore loka luegogon, Etiyaikini agogoŋ nakemunosi. Ŋol loidari aitukuke ka anaiepeke, Idari akeijar kinyek adumun icano Ekamwanan ŋes ekiror loka etuŋanan loiwonoono, loeomiara, Iswamai ŋesi kaisosolonut nakaiwonoonut. Eari aiŋobel Ioelonwana: Naarai eŋerito akekanin aswam. Eranana ekaronon aitiwar akwap: Konye ekadoliton einakini komam imiki. Asubanit naka ekaronon erai naketale: Arai eyaunit ketau lokaronon itelekarit ca araut naketale! Eoliori ekaienan lokenalan: Konye ejaenena akirot naka etuŋanan kaloepupuni. Etuŋanan lokaronon itogogonit akekonyen: Konye loitenara iteteni ikerotin. Emamei acoa karaida aijen, Karaida ainerun arianakin ka EJAKAIT. Ekapakinitai ebalasit kapaaran naka ejie: Konye ebuni aipikor kaneejai EJAKAIT. Tiejok aseun ekiror loejok itia abar naepol, Ido asianut nakamin itia epuesa ka esa bu. Iriamanakinos lukabarak ka lukican: EJAKAIT ŋes ekasubanikec kere. Eanyuni etuŋanan loecobe aronis, kosodi aiŋop: Konye itorete lujimat nen, iticanio. Eropit lokaitasono ka ayoŋ it EJAKAIT, ŋes abar, ka aibuses, ka aijar da. Ejaas ikukwa ka iica korot loka lomagul: Ŋol loidara bon clwaniar kamakee. Kitanaik ikoku erot loibusakinit alosenenoo, Karaida kemoion mam enyouni kanen, Eyait lokabaran lokican, Loeyuuna da erai ebulesit loka loeyuuni. Loeyei numam adolit esaki ilou: Edaun da ebela loka anyunyurake. Isirerenitoi loeja kakonye nuesiaka; Naarai einakini lukican inyamatake. Kireŋea ekamwan an, emamuun da epeget; Eebo, enaŋi aŋolopa ka amoromor. Loekot etau loescgara, Kanuka asianut naka aitukuke ŋes eraunor ekabaka epaperoke, Esesenete akonye nuka EJAKAIT ŋol loejai anen, Konye itapalauni akiro nuka etuŋanan loebili ibotei. Ebala loelonwana ebe, “Ejai eŋatuny kina: Kaari korot.” Aituk naka aberu kanaadote nes aipany naidul: Kenyunyuriki EJAKAIT etuŋanan ibirokini nen. Eenitai abaŋaanut kotoma otau loka ikoku: Konye ibelai lukaleeor irenearete neelwana kamaken. Ŋol loeroikini lokican adumunia amedake, Ŋol da loeinakini lokabaran iboro, edolokini ŋol aibabanitoi. Kitoik akonikit, kiira akiro nuka lukacoa, Kibwaik da ekonitau mama ejai akaijen. Naarai ejok arai irici kes kotomakon, Arai icasito kaitukukon. Kojai amunonutukon neejai EJAKAIT, ŋes ketejenunia lolo jo da. Mam kereka kewadikakinit jo akiro nuejokuka no;’ Nuka ainerun ka nuka aijen da? Aitejenikini jo cut akiro nukabeit, Tetere iboŋokini akiro nukabeit ŋul lukijukarito. Sirinasi lokican, naarai icana, Karaida aroikin luiticanio korute. Naarai epurokini EJAKAIT kes, Ido enatari aijarakec kaŋul kaluenasete. Sirikisipaper etuŋanan loenyunyurana; Siriupasi ketunanan loisiopana: Kinyek aisisiaun ikerotin, Ipoki aijarakon koie. Sirijaananas kanul kaluititinete akanin, Kanul kaluebwoanarete lukapesenin: Arai imameete jo lutacakinet, Kanukinyo ma eyanaaria ŋesi aperitikon kamakon? Sirikijul aanyunet naka eikor losek, Nakesipokinete lukapapaakon. Iany etuŋanan ekukurikinit aitaaritoike? Ebwoi ŋesi kakonyen nuka ikabakan; Mam ebwoi kakonyen nuka ipasoi. Arai kiboikin aimor nepepe kalokapolon, Koomoom noi loejai kakonyenekon; Kibwaik ekileŋ ologorotokon Arai irai ijo etuŋanan lokerana. Sirikinobel lukajijimakake; Naarai kes inyamat lukaimod. Siritaaritoi adumun abar; Kopalu acoakon ŋin. Igipakinit cabo akonikonyen ibore yenemamei? Naarai abeit esubuni abar abebenoka, Kwape emorukaalet loeporori kuiu noi. Sirinyamenenei inyamat luka ŋol kaloibitiono, Karaida aiŋobel lukaiiiimakake: Naarai kwape eomitor ŋesi kotomake, ikoni nen: Kiitema ŋesi jo ebe, “Konyam, komat”; Konye etauke mam ejaas nepepe kajo. Ilekari aoduneta nuinyama, Kosodi atwaniar akirokon nuejok. Sirinera kopupi ebaŋ; Naarai emeni ŋesi acoa naka akonikiro, Sirikiiul aanyunet naka eikor losek, Karaida alomar omanikoria luka luemameete lukapapakec: Naarai egogoŋ Ekalakunanikee; Epurokini ŋesi kes aluikin jo. Kibwaik ekonitau toma aisisianakinio, Akiikon da akiro nuka aijen. Sirikitikok ikoku apueunio; Arai kileco nes kebela mam etwani. Koleco ŋes kebela, Koyu aijarake kokatwak. Okokuka, arai keeou etaukon, Iyalamikini ekatau, loka ba: Eebo, elelete ikaneretenya, Arai inera akoniituk nukajokak. Kinyek ekonitau aikokoteikin ikadiakanarak: Konye koiaenena kayoŋ it EJAKAIT aitiwar akwap. Naarai abeit ejai eropit; Mam etwaniari amunonutukon. Kiira ijo, okokuka, kocou, Kiteteni ekonitau korot. Siriiaananas kanul kaluemeranakinos; Kaŋul da luisinyooko ainyam akiriŋ: Naarai edolokini ailwaritoi ekameran ka loisinyoono: Ailuranar da itanapi etuŋanan inyilinyilia. Kiiranari papakon lokiwuriei, Ido sirimwanenenei totokon kemoioŋ. Kogwel abeit, sirigwelanari; Eebo, kogwel acoa, ka aituutoorio, ka ajenun da. Iyalamikini noi papa loka ekadoliton: Ŋol da loeuriei ikoku yenikacoa isiyalamikini ŋes. Kiyalamikinos papakon ka totokon, Kolele ŋin nakiwuriei joo Okokuka, ae ekonitau, Kisiyalamikis akonikonye ikarotin. Naarai erai naadote asoogot naidul: Erai da aberu nakerimon aipany naedidin, Eebo, eperuni bala ekerurwon, Iyatakini luebilete ibotei kotuna. Iŋai bo eburunit? Iŋai bo eanyunit ican? Iŋai bo ejai aŋolopa? Iŋai bo enuuriani? Iŋai bo ejaas amusuŋun nuutai? Iŋai bo da iterenit akonye? Kes nul luinoosikinos toma aion: Kes nul luelosete airi ajon nuinyalinyala. Siriseseni ajon nueupapanata, Kitodias aputokec kotoma adere, Naijililiarotor. Kokau kitodete bala emun, Kiswalarete bala emusaga. Eanyunete akonikonye nuilocokino, Ineranakin ekonitau da epali. Eebo, isubi bala ŋin yeneperi kataro, Arai yeneperi kokuju opir loka ataker. Inera ijo kwana ebe, “Kebuŋai, komam arieba: Kenomonomoi, komam ajeni: Akwenyuni wori? Kerii bobo kes.” Sirikikokotik ituŋa lukaronok, Karaida aiŋobel ajaun kakes. Naarai inerunete ikecetauon emwaŋit, Inerasi akeceituke da nukameneranut, Edukio etogo kacoa; Itieasio da kajenun. Aijen da isilelebi agolaike, Kabara kere naka akais nuipu ka naisiyalamikinit. Egogoŋ etuŋanan lokacoa; Eebo, iyatanakini etuŋanan lokaijen apedor. Naarai ijii ekonijie kaiŋarenikinio nakaeoa: Kaipues da naka ikenerunak ejai ainapakin. Ikiara acoa mam ebaŋ edolokini: Mam ewooni akeituk korute. Loepeleikini aswam aronis Emaikinete ituŋa emenerana. Awomisioit nakabaŋaanut ŋes aronis: Ekamwanan da ŋes loketal neeiaas ituŋa, Arai kiilor kapaaran naka ican, Edit akonigogoŋ. Koyuununei nul lueyanaario atwanare, Kitikok da ŋul luirianaros aario. Arai kitemari ebe, “Koany, mani kiienunit ŋin,” Ŋol loitemi itauon mam kereka eomoomoi? Ŋol loerici aiiar, mam ejeŋi? Mam da etacakini nolitunanan kwape ejaar akeswam? Okokuka, konyamenenei esik loka ao, naarai ejok; Akekape da, nueiiiimikinete akonianyigol. Kojenu da kwaŋin acoa kotoma otaukon: Arai kidum ŋes, ejaun eropit, Mam etwaniari da amunokon. Ijo etuŋanan lokaronon, sirikiperu etogo loka ekadoliton; Sirikinat akeibois naiyenununa. Naarai ibironori etuŋanan lokadoliton aatenak akanykaarei, enyoununei da: Konye elatarete ican lukaronok. Sirikibwonak Iokasurupikon naibiroror, Kinyek ekonitau aiyalamikin naelatakinere ŋes kwap: Kinyek EJAKAIT aanyun, kosodi akadakin, Kibelok akenyunyura anyoun kamaken. Sirikiyaloŋoŋ kanuka luiswamaete aronis; Sirikikokotik lukaronok: Naarai mam ekaronon edumuni eropit; Itudenio atala naka ekaronon. Okokuka, koyoŋenenei EJAKAIT ka ekabaka: Ido siriupananas kanul kaluekotosi ailoconokin: Naarai itiunete epolakee; Iŋai bo da ejeŋi amudiariokec? Nu da nuka lukacoa. Mam ejok atiakit ituŋa kotube. Ŋol loetemari lokaronon atiar, “Idolit ijo”; Ikenete nes ituŋa, elaete ŋes atekerin. Konye iyalamas ŋul luitoronete nes, Edolokini da kes arereŋ naejok, Aituk naebonokini ejok ŋes enui. Kitemonok akoniswam kokina, Kitemok ekonimanikor; Kosodi konyet aiduk ekonitogo, Sirikiraun ekajenan aluikin eidunyetekon komam akirot; Ido sirikiŋala kaitukukon. Sirikitema ebe, “Eswamakini ŋes kwape keswamakinia eoŋ; Atacakini ŋes kwape ajaar akeswam.” Abu keriria emanikor loka loelonwana, Emanikor da loka emusabibu loka nol kaloemamei aijen; Ido koany, ebwanunito ikukwa kere, Iswapito ikodokodo, Etiyaara arwatatake nakamor. Kasodi aanyun, kaomoom noi jokan: Kaany, ketuutoor. “Ajo nuikidioko, ailuranar naedit, Ailokony akanin nepetai arior ajotoor”: Kwaŋin kibunokini jo ailwaritoi kwape ekerurwon; Ka eipudikon da kwape etuŋanan loekapit ebuku. Eraas nupe nu da awaragasia nuka Solomon, ituŋa luka Kesekia ekabaka loka Yuda. Aibuses naka Edeke nes aimunon akiro: Konye aibuses naka ikabakan ŋes aiŋic akiro. Akui kwape elwaniar kokuju, akwap da kwape idulor kokwap, Kwaŋin ŋes emam eŋicunere itauon luka ikabakan, Kolema elele kopuesa, Kosodi ejaunete ekatatan kaloitemokinio ati bo. Kolema ikaronok kakonyen nuka ekabaka, Kosodi iketakin eicoloŋoke loka ajakanut kadolit. Siriwomiara kakonyen nuka ekabaka, Karaida aibwo kaibois naka lukapolok: Naarai ejok alimokinio ebe, “Kikuny ne”; Itia aitisilio kakonyen nuka ekapolon. Nuaanyutu akonikonye, Sirikisunya alosit aitepeg; Kinyeis aolikin nuiswamai kokau, Nakisurumia ekoniidunyet jo ileic. Kopur akonikirot kekoniidunyet elopet, Kwabo sirikitejen nukaiyeiyea nuka ecetuŋanan: Kinye loepupuni aimoro jo, Komam enaŋete iemutokon lueroko. Akirot naibeeokino inerai Esubit bala araito nuka esabu kotoma obukito luka epuesa. Kwape etet loka esabu ka yenisirir yenika esabu loejok, Ikoni nen loitoroni akit naerimari. Kwape alilim naka akaka kapak naka aisak, Ikoni nen ekiyakia lomunot kaneeiaas luiiukarete, Naarai iteteuni itauon luka ikapolokitokoke. Kwape idouon ka ekwam kemamuun akiru, Ikoni nen ŋol loilabilabi kanuka ainakinetake numam cinakinit. Toma atitiŋikin noi ŋes iiodiiodio lokapolon, Aŋajep da naenonok ebili akoit. Arai idum esik loka ao, konyam lokidaunit; Kinyek ainyam noi kosodi ailek. Kocicin akonikeju kotogo loka eidunyetekon, Kinyek ŋesi apianikin jo, kosodi aila. Etuŋanan loesabanakini ekeidunyet Erai anyul, ka ekileŋ, ka ekojo loeiit. Amunokin etuŋanan lomere lomunot kapak naka iean, Esubit bala ekelai loipirit arai akeju naenabuikino, Kwape etuŋanan loelaeari inapeneke kapak naka aaterot. Ido kwape ebino loedwar toma osoda, Ikoni nen loeyeikini ikososio loekadakinit etau. Arai kerieb lokasurupikon eteŋei, kijaiki inyamat; Arai kejak akure koinak ŋes akipi komat: Naarai inokokini akim naka atotole akouke, Ido kiinakini EJAKAIT eropitikon. Eyaŋauni ekwam loka agolitomei akiru: Aŋajep da nakedeideon eyaŋauni kwaŋin akonyen nukanyunyura. Eiok aiboi kagor nakokuju togo, Itia aiboi kaberu naeŋolopana kotogo loelal. Kwape akipi nukalilimok nuearete akure, Ejaas kwaŋin akiro nuejok nuepote kakwap naelwana. Kwape atan naipuruiauna, ka akoŋu naka akipi naemunauna, Ikoni nen etuŋanan loedolit loeremorete lukaronok. Mam ejok ainyam esik lokao loepol: Kwaŋin arai emoete ituŋa aibusesukec, mam erai aibuses. Etuŋanan lomam eyait ekemoyo. Esubit bala ere loetiyatiyauna loemamei arwatat. Kwape akaka kapak naka akamu, ka akiru da kotoma aisak, Kwaŋin mam aibuses ibusakinit ebaŋ, Kwape inyiporit kairimike, kwape iporoidoliat kaporitoike, Kwaŋin mam ekenit lotaai ecamuni. Edaset kanuka ebalasit, amuny kanuka asigiria, Ka ebela da kanuka epura loka ebaŋ, Mam iboŋokini ebaŋ kwape ejaar akebanaanut, Kinyek ijo da aputoor nes. Koboŋok ebaŋ kwape ejaar akebanaanut, Kinyek araun lokaeoa kotoma aomoomoke. Ŋol loiyakiari akirot kakan naka ebaŋ, Ejepi akekeie, emasi akaje. Kwape akeje nuka loieodo, nuileiekekas; Ikoni nen awaragan kaituke nuka ibaŋiok. Kwape loeenikini alieait toma aporocet, Ikoni nen ŋol loeinakini ebaŋ aibuses. Kwape ekukwai loieumi akan naka ekameran, Ikoni nen awaragan kaituke nuka ibaŋiok, Kwape imusunia ekaguman ŋinituŋanan kere, Ikoni nen loisiwotei ebaŋ ka loisiwotei luitorete kere. K wape ekiŋok Ioebonori toma alekanake, Ikoni nen ebaŋ loinyogonokini akebanaanut. Iany kereka ijo etuŋanan loeomikina ebe erai lokacoa? Ipedori amunokin ebaŋ aitelekarit ŋes. Ebala loelonwana ebe, “Ejai eŋatuny kiŋal Ejai eŋatuny orot.” Kwape ibelonokinor ekirigi kotoma aenetake, Ibelonokini kwaŋin loelonwana kaperitike. Idomakini loelogwana akanike atuba, Isilolonyi ainyakun bobo aitukuke, Eomikina loelonwana araut lokaeoa, Aitelekarit iruna ikanykaarei luepedorete aboŋokin kacobeu. Loitorit kosodi aiilokin opeget lomere loke, Esubit bala etuŋanan loitiŋi ekiŋok kaki. Kwape lokikerep loecakari akalasia, Imalia ka atwanare; Ikoni nen etuŋanan loinalai ekeidunyet, Kobala ebe, “Mere emocet bon?” Edunei akim arai emameete akito: Epalunio epeget arai emamei ekerupean, Kwape akuk toma atotol nuesaranete, ka akito toma akim; Ikoni nen etuŋanan Ioenolopana isinepuni epeget. Akiro nuka ekerupean esubito bala edia loejijim, Elomarete toma atutubeta nukotoma nuka akoik. Aituk naimaimai, etau da lokaronon, Esubito bala amoti naka’ elupe nailadatai kelele loka epuesa, Loelait emodi kaitukuke, Konye inadaklnit aiŋal tomake. Nainerar nukasianut sirikiyuu; Naarai kotoma otauke ejaas nuketal akanykaarei. Karaida erapari elaitike kapirianut, Konye itodunio atonisike kakonyen nuka ekodet ŋol loeboki aipany ibirokini nen: ŋol da loikokoriori amoru, eboŋuni mamake. Aŋajep nakegalan elai ŋul luereit; Aituk da naemai iswamai amudiario. Sirikilabilab nuka moi: Naarai mam iieni nunyoika nueyagauni apaaran. Kitur ecetuŋanan jo, mere akoniituk alopet; Ice, mere anaiepekon alopet. Elagiri amoru, eposik da asiŋe; Konye anyunyura naka ebaŋ itelekarit kere alaŋir. Ededeŋ aisiop, elelei da anyunyura; Konye iŋai ca epedori aibwo kaneejai ekokote? Eiok aitoronio naekaŋaikinio Itia amin naibwaitai. Numunon amusuŋun nuka epapero: Konye anueta nuka lukasurup ipu noi. Etuŋanan loimonikini cut inyaikin akapet nakao: Konye etuŋanan loeriebi eteŋei ejijimikinit ŋinibore kere yenedwar, Kwape ikweny yenirimi anyoun kakaike, Ikoni nen etuŋanan loirimi anyoun kaiboisike. Isiyalmikini akinyet ka lueuru maa etau: Isiyalamikinit kwaŋin aiiiim naka epapero Ioka etuŋanan kainerun nakotauke. Sirikijal epaperokon, ka epapero loka papakon; Sirikilot togo loka onacekon kapak naka iloukon: Ejok eidunyet loeapie itia onacekon loelwana. Okokuka, kocou, kisiyalamik ekatau, Kasodi aboŋokini ŋol lokamori. Eanyuni etuŋanan loecobe aronis, kosodi aiŋop: Konye itorete Iuiimat nen, iticanio, Kolema anapito naka ŋol kaloebwoari elonwau; Korau ŋesi aititiŋet loebwoari nakerimon. Loilipakini ekepapero arereŋ keporoto loepol, edilokini anyoun tupuruc sek, Imario bala ekenit neejai, Aiit nadue kapaaran naetepia akiru naepol, Eputokinos kaberu naenolopana. Loekoto aitikokin ŋes, itikokini ekwam, Arai aibun akinyet kakekan nakoteten, Asuat ipeni asuat; Etuŋanan da ipeni kwaŋin akonyen nuka epaperoke. Ŋol loekorienenei etini enyamenenei araitoke, ŋol da loijaanakini ejakaitike edakakinio aibuses. Kwape esesenatar akonyen kakonyen kotoma akipi, Kwape kwaŋin esesenatar etau loka etuŋanan ketunanan. Mam Okatwak ka Amudiario imonianakinos; Akonye da nuka etuŋanan mam imonianakinos. Amot ŋes ililiaunere epuesa, eupa da esabu, Itemio etuŋanan da kotoma aiturioke. Karaida kicur ebaŋ kokisu karukit nepepe kalos, Mam akebanaanut enyouni kamaken, Kokukuranar ijo aijen isipaninikon luka amerekekin kwape ejaatar, Konicenenei noi isipaninikon luka aituk, Naarai abar mam erai nakapaarasia kere; Ido ejaenena kereka aboko aitodol aturio kere? Enerario anya, etakanuni do amel, Etukokinio da ikui luka ironan. Kitudumikinete idwe luka amerekekin iunapanakon, Akinei da kes akais nuka imanikoria: Ejaunos akile nuka akinei nukidaunete aitanyam jo, ka aitanyam da lukokalekon; Ka nuitania apesurukon. Ekerete lukaronok komamei etuŋanan loetupakini: Konye ikadolitok etitinikinete kwape kenatuny, Kanuka aidiak naka akwap ipuakaros ikapolokoke: Konye kanuka ituŋa luejai acobeu ka aijen iyatakini apolouke ajaenena, Loilwaritoi loeroikini lukican Esubit bala akiru naekusi naegiriari inyamat kere, Luejalete ikisila ituritos lukaronok: Konye nul luerieete ikisila itonolopete kes. Ituŋa lukaronok mam ejenunete etube: Konye ŋul luemoete EJAKAIT ejenunete akiro kere, Ejok lokican loelosenenei kabeiteke Itia ekabaran loemagul korotinike. Ŋol loerici ikisila erai ikoku yenikacoa: Konye ŋol loipaperikinos kituna luiranaka isurumi papake ileic. Loiyatakini iboroke kanuka luimedauna ka luiyatakina Etukonokini ŋesi ŋol loitimi lukican. Loibelokini akitike kinyek apupun ikisila, Ailipike da erai naketal. Loitapaari luitenara orot loerono, Ibirokini ŋesi elopet toma aipanyike, Konye iuedoliorito irumete ajokis. Eomikina loepalal akanin araut lokaeoa; Konye lokican loejai aijen emisiikini ŋes, Naipikoriata ikadolitok, ejai aibuses naepol: Konye naenyounioto lukaronok, eŋopete ituŋa. Loibwai aibucaretake mam ekerianari: Konye ŋol loelimori kosodi aisac edumuni aitimio, ŋol loeyoŋit elakara apaarasia kere: Konye ŋol loitinikiki eketau ibirokini aronis. Kwape eŋatuny loegat, ka adubu nairimi; Ikoni nen ekapolon lokaronon loeyait ituŋa lukican. Ido ekapolon loemamei aijen ejai noi kaimwan; Konye ŋol loelait airananut ebusi apaarasia nuipu. Etuŋanan loigugunatoi kaokot nuka etuŋanan eee kere, Ekereari toma aipany; emamei ediotuŋanan loitikuni. Eyuunio ŋol loelosenenei itenara: Konye ibirori atipet lokirotin lumagul. Loekoriei alupoke edumuni inyamat luipu: Konye ŋol loerupari aamameak edumuni ailwaritoi naepol. Ipuakaros arereŋesio kaneejai etuŋanan lomunot: Konye loisunyakini aibar mam eswaki aiticanio. Mam ejok atiakit kotuna: Karaida etuŋanan aibucar kanuka idisinyamat. Loibitiono isunyakini aibar, Kwabo mam ejeŋi needolokinio ŋes ailwaritoi. Loitoroni etuŋanan eminunio kokau, Aitelekarit ŋol loemai kanaiep. Loenasi papake arai totoke, kobala ebe, “Mam ŋin erono”; Ŋope ŋol ŋes epadie loka ekamudiaran, Loketau loiranana isidiki aŋolopa: Konye loemunokina EJAKAIT itutumio ŋes, Loemunokina etauke bon ebanaana: Konye loelosenenei kacoa eyuunio. Loekori mama ejaas lukican mam etwaniari ibore: Konye loitumudak akekonye edumuni ikenito luipu. Naenyounioto ikaronok, eŋopete Ituŋa: Konye naeolioroto, iyatakinos ikadolitok. Etuŋanan loitinikiki ekemurisin arai itoronio aatenak nuipu, Itiuni abilio komam eŋaleuni. Naiyatanakinotor ikadolitok iyalamasi ituŋa, Konye arai eyait etuŋanan lokaronon idinyasi ituŋa. Ŋol loekoto acoa isiyalamikinit papake, ŋol loiboiete kanudotia icanicani ikeboro. Iticasi ekabaka akwap kanuka etube: Konye loitelemi ainakineta emunauni akwap, Etuŋanan loemai ekeidunyet Elokikin eboi akejeke. Aibucar naka etuŋanan loerono ejai eic Konye eyei ekadoliton elakara da. Ejeŋi ekadoliton akiro nuka lukican: Konye emamei lokaronon aijen ajenun nun. Ituŋa lukamwanak ipurujaete ere: Konye lukacoa isibelokinete anyunyura, Arai epegasi lokaeoa keban, Enyunyurikini ekieniei, emamei da aiyeŋun, Elaete ikaarak ŋol loedoliorit: Emoete da aijar naka loitenara. Ebukuni ebaŋ akenyunyura kere: Konye etiki lokaeoa isiyamikini. Arai epupi ekayaiton nukaiŋalanut, Eraunos ikekejaanakinak kere lueroko. Iriamanakinos lokican ka lokamwanan Itacauni EJAKAIT akecekonye kere. Ekabaka loetubokini lukican kamunonut, Iticasio ekeicoloŋ loka ajakanut apaarasia kere. Ebela ka aitoronio eyaŋaunete acoa: Konye ikoku yenijalijalakinoi isurumi totoke ileic, Arai kiyatakinos lukaronok, iyatanakinos aibucareta da: Konye esesenete ikadolitok aibirorikec. Kituuto ikonikoku, kiinakin aiyeŋun, Eebo, isiyalamikin aijarakon. Neemamear aitapoet, ecakarete ituŋa aitikokinio: Konye isirereŋitoi loericit ikisila. Mam ebulesit ituutoor kakiro bon: Naarai karaida kejeni, mam ibwaikinit etau, Iany kereka ijo etuŋanan loisunyit akekiro? Epedorio amunokin ebaŋ aitelekarit ŋes. Ŋol loitani ekebulesit kaisijemikinit ameuni keiditeuke, Kokau edumuni araut okokuke. Etuŋanan lokanyunyura isidiki aŋolopa, Ipuakaros da aibucanareta nuka etuŋanan loisiopana. Itisili etuŋanan aomiarake: Konye loejaas ketau loitasono edumuni aibuses. Ŋol loimorikikinos kekokolan elai aijarake elopet, Epupuni aiyapoikinio komamunos oobo nuinera. Aiyoŋ ituŋa eyaŋauni eic, Konye loemunokina EJAKAIT ejaas kainapakin. Emoete luipu asianut naka ekayaiton: Konye atubokinio naka erunanan ebuni kama ejai EJAKAIT. Etuŋanan lomam edolit erai loketale neejaas lukadolitok: ŋol da loitenara korot erai loketale neejaas lukaronok. Akiro nuka Agur okoku loka Yake; abwokon. Elimokini etuŋanan Itiel, Itiel ka Ukal ebe, Abeit arai kwape etiaŋ aitelekarir ituŋa kere, Ido amamei kaijen naka etuŋanan. Mam esisiat acoa, Amamei da aijen naka Lokalaunan. Iŋai bo abu kodoka toma akuj kodoku da? Iŋai bo abu kotukonok ikwamin kakanike? Iŋai bo abu koen akipi konapeneke? Iŋai bo abu kiticat isaŋeta kere luka akwap? Iŋai ekekiror, iŋai da ekiror loka okokuke, arai ijeni? Igimorio ŋinikirot naka Edeke: Erai ŋesi ebuku neejaas ŋul luemunokina ŋes. Siriyatanakini akekiro, Kinyek ŋesi aitoron jo, kosodi jo araun lokeŋalan. Elipit jo akiro aarei: Sirikiimik eoŋ eriŋa etwana: Kolema nukamameak ka nukainal kisukunya kaneejai: Sirikiinak iean karaida abar; Kitanyamai inyamat lukebusakinito: Kenyek aimonikin, kaner jo, kabala ebe, “Iŋai bo EJAKAIT?” Arai bo kenyek araut Iokican, kasodi akoko, Keiner erono ekiror loka Ekadeke. Sirikisabanak ebulesit kaneejai ejakaitike, Kinyek aiken jo, jo da igwauni akirot, Ejaas ituŋa luikenete lukapapakec, Lumam ilipanakinete nukatotokec arereŋ, Ejaas ituŋa lueomitos bonik araut luesegara, Kwabo mam ilonara amodokokokee. Ejaas iruna, eomiara ca ma akeeekonyen! Ibekereras da akeeebukio! Ejaas ituŋa luesubito ikelakec bala ikileŋa, Itirikadakee da bala ikileŋa, Luenyamete lukican adaun kakwap, Ka luilwaritos da kotuna. Ejaas ediket apesur aarei, Nuikeseunete ebe, “Ae, ae.” Ejaas da iboro iuni lumam imonikinos apaarasia kere, Eebo, iwonon lumam eut ebalas ebe, “Kinye kwaŋin.” Okatwak; ka akoik narakan; Ka akwap namam imonikin akipi, Ka akim da namam eut ebala ebe, “Kinye kwaŋin.” Akoŋu naisekeli papake, Naemeni arimar totoke; Egorunete ikuruka luka aditot, Enyamete da idwe luka atarukon. Ejaas akiro auni nukaumokin nukekarunitos eoŋ, Eebo, aoŋon numam ajeni: Erot loka emorukaalet kotoma apak; Erot loka emun kotoma atiiba; Erot loka ataker kotoma aŋolol: Erot da loka etuŋanan kapese. Ikoni nen erot loka aberu naadote; Enyami, kosodi aimwat akeituk, Ebala ebe, “Mam aronis naeswamat.” Emarani akwap kanuka akiro auni, Eebo, aoŋon, numam epedori atitiŋikin, Ebulesit keraun ekabaka, Ebaŋ kimonikin inyamat; Aberu naelaitai kedukokin; Ka abulesit da nairumi aibois naka tataake. Ejaas iboro iwonon luedisiak kakwap, Konye ejaas kacoa naepol noi. Imukunyo kes ituŋa luemamei agogoŋ, Konye idiasete ikecenyamat kiporo; Ipooi kes ituŋa luekalanyaka, Konye edukete ikaisikec omor; Emaase emamei ekabaka, Konye inosit kirioneta, Aililian, itlnio kakanin, Konye iboie kotogoi luka ikabakan, Ejaas iboro iuni luesaara itorete, Eebo, iwonon luesaara elosete: Eŋatuny, loitelekarit itiaŋ kere kagogon, Kwabo mam ibelokini cut kama kakere, Ekiŋok loeriim egur; ekoroi da; Ka ekabaka lomam enyoonokinio. Arai iswamat nukabanaanut kodakanar bon, Arai iwomoomot nueroko, Kibwaanakin akan aitukukon, Naarai aibuk akile ŋes elomunia akinyet, Aicikakin ekume ŋes elomuniata aokot: Aicikakin da anyunyura ŋes elomunia aŋolopa. Akiro nuka ekabaka Lemuel: abwokon naesisianakini totoke, Anyoika tope, okokuka? Anyoika okoku loka akoikika? Anyoika da, ijo okoku loka aiyaposioka? Sirikiinak aŋor akonigogoŋ, Karaida ikonirotin neeiaas nun nuemudianarete ikabakan, Mere nuka ikabakan, ijo Lemuel, mere nuka ikabakan aimat ebino; Karaida ikapolok einer atiar, “Ai bo eia nuitemerete?” Kinyeis aimat, kosodete ikisila aimurwokin, Kosodete aibelokin etube loka etuŋanan kere loiticanio, Koinanakinete nuitemerete ŋol loeapikinit aolior, Ebino da lueriebasi kotauon: Komata, kimurwokis icanikec, Kinyeis akiitun bobo aburunikec. Koon akoniituk kanuka ebaŋ, Kirabak nul kere luasilikis, Kooŋ akoniituk, kotub kotenan, Kotubonokinenei lukican ka luilwaritos. Aberu naejok, iŋai epedori adumun? Naarai itelekarit noi etiaike amor nukarenak nuka akais. Emunokina etau loka okilenike ŋes, Kwabo mam etwaniari ameda. Iswamanakini nes nuejok, kwabo mere nueroko Apaarasia kere nuka aijarake. Emoi ŋesi ajulo ka abirai, Iswamai kakukuranut kakaninike. Eputosi kameerin nukagwelanar, Eyaŋaununei ikenyamat kama elwana. Edilokini anyoun eriŋa akwap iwalara, Einakini lukokaleke lunyaman, Ekorakini apesuruke akeeeswamisio. Irerei emanikor, kosodi agwel: Araito nuka akaninike ŋes iraia emanikor loka emusabibu. Eeni ŋesi anabetake kagogon, Itogogoŋi akaninike. Eanyuni ebe luegwelanari einunete ameda: Mam edunei aketala kuare. Ibwaikini akekanin akitoi napopiret, Itinito akekanin akitoi nawoiis eusi. Igagaunit lukican kakekanin, Eebo, eriori akekanin neejaas luilwaritos. Mam ekurianar ŋesi aaterot kanuka lukokaleke, Naarai enapito lukokaleke kere inapen lukarenak. Iswamanakini aimuketa; Enapenenei ebaputa loejok ka lumugeik. Ejenunio okilenike korutei, Iboienenei kanen kama ejaas lukapolok luka akwap. Esonyununei inapen luka ebaputa kogwelanari, Ŋaikini da ikagwelanarak ausio nukanabes. Inapeneke kes aibuses ka aiyoŋ; Ekieniei apaarasia nuepote, Eooŋi akeituk kacoa; Aisisianakin nakasianut eiaenena anaiepeke. Ericit noi iponesio lukokaleke, Ido mam enyami inyamat lukalonwanut Enyounete ikedwe enyaraete nakarereŋ: Okilenike da, ituri ŋes atiar; “Eswamata aŋor nuipu nuejok, Konye ca ijo nes itelekarit kere.” Eisupane iŋalai, atemelel da erai alon: Konye aberu naeyonit EJAKAIT itureneneo. Koinak ŋes araito nuka akaninike; Iturenenete da aswamisioke ŋes korutei. Akiro nuka Ekalimonokinan, okoku loka Daudi, ekabaka kotoma Yerusalem. Inera Ekalimonokinan ebe, Aamameak nuka aamameak; aamameak nuka aamameak, kere eraas aamameak. Anyoin ameda naedumuni etuŋanan kaitaaritoike kere naetaaritor kokwap kakoloŋ? Elosi atur, ebuni da atur ace; Konye iboienenei akwap ikar kere, Elomuni akoloŋ, elomari da akoloŋ, Iwonyari alosit aiboisike neelomunia. Elosi ekwam ari naka eŋalakimak, Kosodi aibelokin agolitomei; Ibelonokini ducudue kalositoke, Eboŋori bobo toma airimorike. Eleleete icorin kere toma aŋolol, Konye mam aŋolol ilelebun; Aibois naelosenenete icorin, Nepenen da elosenenete bobo. Ileleba iboro kere aipas; Mam epedori etuŋanan alimun: Mam akoŋu imonikin asesen, Akit da mam eupi akiirar. Nukejaas apeŋo kes nueiaunos rwaru; Nukiswamao apeŋo kes nuiswamao rwaru; Emamei ibore yenikitetet kokwap kakoloŋ. Ejai tope ibore yenebalas ituŋa ebe, “Koany, itet yen”? Keiau kolo ŋo kokaru lukigeikinete oni. Emamei aiitunet naka ikar lukolo ŋo: Mam ejaun da aiitunet naka ikar luekotosi aponare, Kotoma kanul kaluetupanakinete. Eoŋ Ekalimonokinan abu karai ekabaka loka Isirael kotoma Yerusalem. Abu kebwaik ekatau amoot ka aŋicun kacoa kere nuiswamas kokwap kakuj; ŋes aitaaritoi naepol naabu Edeke kijaik odwe luka ituŋa aitaaritor. Abu kaany aswamisio kere nuiswamas kokwap kakoloŋ; ido koany, kere eraas aamameak ka ainyam ekwam. Yenimagul mam epedori aitetenio: Yenemamei da mam epedorio aimar. Abu keneru kotauka, katema atiar, “Koany, adum acoa naepol adepar kere lukageikinete eoŋ ko Yerusalem: eebo, adumu ekatau acoa naepol noi ka aijen.” Abu kebwaik ekatau aijen acoa, aijen da ikerep, ka abaŋaanut: abu kaienu ebe eraas ŋun da ainyam ekwam. Naarai toma acoa naepol ŋes ejai akadakin naepol: Ŋol da loiyatakini aijen iyatakini ican. Abu katema kotauka atiar, “Aso cani, etemi kalakara; aso kiyalamikin.” Ido koany, nin da kerai aamamean. Abu katema nuka akiena atiar, “Ikerep”: ka nuka alakara da atiar, “Ajokis anyoin?” Abu kamoote kotauka kwape etalakaria akakuan kebino, korina ekatau keteteni eoŋ kacoa, ka epone da loekamunia abaŋaanut, kasodi ajenun nuibusakinito odwe luka ituŋa aswam kokwap kakuj apaarasia kere nuka aijarakec. Abu keswama aswamisio nuepolok; abu kaduk itogoi; keraa da imanikoria luka emusabibu; abu keswama amanat ka ironyia, ido keraa ikito roma lukiponesio kere luka araito. Abu keswama ataparin nuka akipi, aicococnenaa amagoro nakipepes ikito: abu kagwel ibulesin ka abulesin, kaurikis da ibulesin kotogoka; ido kajaas kabar naepol naka isipanin luka aituk ka luka imerekekin, aitelekarit nul kere lukageikinete ko Yerusalem: ido abu katukok epuesa ka esabu ka abar naka ŋinikwap naka ikabakan ka naka lukibukui; kadum ikayook ka akayook, ka abusian nuipu noi nuisiyalamikinete odwe luka ituŋa. Aso karaun loapol, kadepa noi nul kere lukageikinete ko Yerusalem: koiaun akacoa keoŋ. Nuemielas akakonye kere mam abu kemik kes: mam abu ketikok ekatau aiyalama kere, naarai abu ekatau kiyalama kanuka akaitaaritoi kere; ŋin ŋes kerai akakorakinet kotoma aitaaritoika kere. Kasodi asesen aswamisio kere nueswamaete akakanin, ka aitaaritoi naetaaritor eoŋ aswam: ido koany, kere araas aamameak ka ainyam ekwam, amamei da ameda kokwap kakoloŋ. Kasodi aibelokin aomoom nuka acoa, ka ikerep ka abaŋaanut: naarai ikwaikini ai etuŋanan loetupakini ekabaka? Dimarai ŋun nueswamatai sek. Kasodi aanyun ebe acoa itelekarit abaŋaanut kajokis, kwape itelekaritor aica amuton. Ejaas lokacoa akonye roma akouke, konye elosenenei ebaŋ kotoma amuton: kwabo amisiikini ebe edolokini adiopekirot kes kere. Kasodi atemar kotauka ebe, “Kwape edoikinio ebaŋ, ŋes kadoikinio eoŋ da; asa ca aiokis anyoin ajaut kacoa naepol?” Kasodi atemar kotauka ebe, “Ŋun da aamameak.” Naarai emamei aiitunet naka lokaeoa apaarasia kere, kwape ka ebaŋ da; naarai kapaarasia nuepote koinaren kodaunitos sek aimurwokinio. Etwani cama lokacoa kwape ebanl Kwaŋin abukala aijar; naarai aswam naiswama kokwap kakoloŋ ketakadikinit: naarai kere eraas aamameak ka ainyam ekwam. Abu kala aitaaritoika kere naetaaritor kokwap kakoloŋ; naarai kebusakinit ainyeinia etuŋanan lokatupakini. Iŋai ma ejeŋi arai eraun lokaeoa arai ebaŋ? Konye irumi ŋesi aitaaritoika kere naetaaritor, naeswamat kacoa kokwap kakoloŋ. Ŋun da aamameak. Kanuka nun kebelok aisiiurunun etauka kanuka aitaaritoi kere naetaaritor kokwap kakoloŋ. Naarai ejaun etuŋanan loetaaritoi kacoa ka aijen ka apirianut da; konye inyekinia etuŋanan lomam etaaritoi araut akekorakinet. Ŋun da eraas aamameak ka aronis naepol. Naarai anyoika nuedumuni etuŋanan kaitaaritoike kere, naetaaritor kokwap kakoloŋ? Naarai akepaarasia kere eraas ican, aitaaritoike da ŋes akadakin: eebo, kuare da mam eketau iyenuni. Ŋun da aamameak. Emamei ibore yenitelekarit ajokis korunanan alemar ainyam ka aimat, ka alelakinit aitaaritoike. Abu kaany ŋun da, ebe epote kakan naka Edeke. Naarai iŋai bo epedori ainyam, iŋai da epedori aiyalama adepar eoŋ? Naarai einakini Edeke etuŋanan loisiyalamikinit ŋes acoa, ka aijen, ka aiyalama da: konye einakini ekadiakanaran aitaaritoi, atukonokin ka aidiat, tetere einakini ŋol loisiyalamikinit Edeke. Ŋun da eraas aamameak ka ainyam ekwam. Ejai ŋinibore ekaruke, ninikirot da naejai kwap kakuj ejai apakike. Apak naka aurio, apak da naka atwanare; Apak naka aira, apak da naka airut ŋul lukiraio; Apak naka aiar, apak da naka aitaŋaleun; Apak naka aiket, apak da naka aiduk: Apak naka aimony akiyo, apak da naka akiena; Apak naka aibworo, apak da naka ekosio; Apak naka acakanar amor, apak da naka atukonokin amor; Apak naka aitun, apak da naka ainyein aitun; Apak naka amoot, apak da naka aitoolior; Apak naka aidar, apak da naka acakar; Apak naka aicil, apak da naka aidony; Apak naka aililiŋ, apak da naka einer; Apak naka aminanar, apak da naka alaikin; Apak naka aitiii, apak da naka ainapakin. Anyoin ameda naedumuni etuŋanan loiswamai kanun kere nuetaaritor? Abu kaany aitaaritoi kere naabu Edeke kijaik odwe luka ituŋa aitaaritor. Abu ŋesi kosub ŋinibore aibecokino kapakike: ido kibwaik akwapisinei otauonokee, konye kopone lomam epedoriata ituŋa aiŋic aswam naeswamai Edeke anyoun kageunet aitodol awasia. Ajeni ebe emamei ibore yenitelekarit ajokis kama ejaas ituŋa, alemar ailel ka aswam aiokis apaarasia kere nueiariata, Ido nolitunanan ainyam ka aimat ka adumun ajokis kaitaaritoike kere, ŋes ainakinet naka Edeke. Ajeni eoŋ ebe ŋinibore kere yeniswamai Edeke ejaenena ikar kere: emamei ibore kere yenepedori aiyatakinio, karaida ainonoorio: ido es wama Edeke nun, tetere eyoŋete ituŋa ŋes, Nuejaas kwana keiaas apeŋo; ŋun da nuekotosi ajakut apotu kojaas sek: emoot Edeke bobo nukolo ketuboros. Bobo da kaany kokwap kakoloŋ, aibois naka etube kojau aronis nen; aibois da naka adolit, kojau aronis nen. Abu katema kotauka ebe, Etubokini Edeke ikadolitok ka ikaronok; naarai itemokinit apak naka ninikirot ka ŋiniswam, Abu katema kotauka ebe, Akiro nuka odwe luka ituŋa igimori Edeke kes tetere eanyunete ebe esubito bala Itian. Naarai nuedoikinete odwe luka ituŋa edoikinete otian da; edoikini kes adiopekirot: kwape etwania ediopet etwani ece kwaŋin; eebo, kere ejaas keiyenane ediopet; mam ituŋanan itelekarit itian; naarai kere eraas aamameak, Elosete kere aibois adiopet; elomunete kere kapua, eboŋorete bobo kere apua. Iŋai bo ejeŋi emoyo loka ituŋanan arai elosi kuju, emoyo da loka itian arai elosi kwap toma alup? Ŋes kaanyunia ebe emamei ibore yenitelekarit ajokis kilema ituŋanan alelakinit aswamuke; naarai ŋin ŋes akekorakinet: naarai iŋai epedori ainyakun ŋes aanyun nuetupanakinete ŋes? Kasodi bobo kaany aimwaŋ kere naiswama kokwap kakoloŋ: ido koany, akiyo nuka nul kalukemwanitai, kwabo emameete luitalakarete kes; koiai da apedor neejaas luemwanito kes, konye komameete luitalakarete kes. Ŋes keturio lukatwak luadaut atwakare aitelekarit lueiarete lueroko eiarete, Eebo, kaomoom aitelekarit kere nin yeneroko ejauna, yenimam ber eanyunit aswamisio nukaronok nuiswamas kokwap kakoloŋ. Kasodi aanyun aitaaritoi kere ka niniswam kere nakapirianut, kanuka ŋun ŋes ikokotikinio etuŋanan ekeidunyet. Ŋun da eraas aamameak ka ainyam ekwam. Ilokonyikini ebaŋ akekanin, kosodi ainyam akekuan elopet. Amukunet adiopet naka akan kaiyamakina itelekarit amukuneta aarei kaitaaritoi ka ainyam ekwam. Kasodi bobo kaany aamameak kokwap kakoloŋ. Kojai obonipe, komamei lokiareit; eebo, emamei ŋes ikoku karaida onaee; konye aitaaritoike kere mam enaŋi, akekonye da mam imonikinos abar, Aso ebala ebe, “Etaarikini iŋai, emiki da ekatau ajokis kanuka ŋai?” Ŋun da aamameak, eebo, aitaaritoi naepol. Itelekarito iarei ediopet; naarai ejaas keropit loejok kanuka aitaaritoikec, Naarai arai kibiroros, itonyouni ediopet aupake; konye itukwi nin yeneiai bon naibiroror, yenemamei aupake loitonyouni, Bobo da, arai eperete iarei nepepe, ibusubusakinete: konye obonipe epedori biai aibusubusakin? Arai da itelekari etuŋanan obonipe, ipikorete ŋes iarei; auno da naicipitai kauni mam eneda atipet, Ekatumunan lokican lokacoa itelekarit ekabaka loemoionit kobanaana, lomam ecamuni bobo alimokinio. Naarai toma aenis ŋes kelomunia araun ekabaka; eebo, keurio kerai lokican kajakanutuke. Abu kaany lukaiarak kere luilatos kokwap kakoloŋ, koiaas nepepe kekatumunan, lokiareit, loabwoi kaiboisike. Emamei neesanakinete ituŋa kere, nul kere luirumit ŋesi: konye nul luetupanakinete mam isiyalamikinete ŋes. Abeit nun da eraas aamameak ka ainyam ekwam. Kocoite akonikeie nailomanaria togo loka Edeke: naarai ejok aikunyakin akiirar itia ainanakin asuban nuka ibaŋiok: naarai mam ejenete ebe iswamaete aronis. Sirikilebileb kaitukukon, karaida ekonitau aisunyit einer akirot kere kakonyen nuka Edeke; naarai ejai Edeke toma akuj, ijo da toma akwap; asa kikidiokoto akonikiro. Naarai ebuni airujasit kaipues naka aswamisio; eporoto loka ebaŋ da ebuni kaipues naka akiro. Naiyapoo ijo aiyaposit mama ejai Edeke sirikitilor aitodol; naarai mam isiyalamikini ibaŋiok: kitodolonokini nun nuiyapoi. Ejok timam kiyapo itia aiyapo kosodi akurwokin aitodolikin. Sirikijalak aitukukon aidupor akonikuan; sirikiner kakonyen nuka emalaika ebe kerai aibucaret: kanukinyo tienyunyurikinia Edeke ekoniporoto, amudiar da aswamisio nuka akaninikon? Naarai toma aipues naka airuiasia ka aamameak ejaas da akiro nuipu: konye jo koyonenenei Edeke. Karaida ianyuni lukican emwanitai, ido etube ka abeit da edemario kagogon kotoma obuku, sirikiwumok akirotnin: naarai loitelekarit apolou eseseni lokapolou, ejaas da lukapolou aitelekarit kes. Bobo da amio naka akwap erai naka kere: ekabaka da ijaanakinio komanikor. Ŋol Ioikila epuesa mam imonikin epuesa; ŋol da loikila luipu mam imonikini eiyas: ŋun da eraas aamameak. Arai kiyatakinos iboro, ŋul da luenyamete kes iyatakinos: ameda anyoin edumuni elopet dimarai asesen kes kakekonyen? Ejijim ajo nuka lokeswaman, arai enyami luikidioko arai luipu; konye aimonut naka ekabaran mam isiikini ŋes ajo. Ejai aronis naepol naabu kaany kokwap kakoloŋ ŋes nata, abar nainadakinit elopet eyaŋauni aronis: etwaniari abar ŋin kanuka arereŋ naerono; arai da keuri ikoku, komamei ibore kakanike, Kwape kelomunia kakoik naka totoke, eboŋori emujalal kwape kelomunia, kwabo mam eyaŋaari ibore kanuka aitaaritoike yenepedori ayaŋaar kakanike. Na da ŋes aronis naepol, kwape kelomunia elosi eut kwape kwaŋin: edumuni ameda anyoin etaaritor kanuka ekwam? Enyamenenei kamuton apaarasiake kere, ido eburuni noi, edekanakin enyunyuranakini da. Koany, nuabu kaany ebe ejok ibusak da kes nu, etuŋanan ainyam ka aimat, ka aisiyalamikin aitaaritoike kere, naetaaritor kokwap kakoloŋ, apaarasia kere nuka aijarake nakijaikin Edeke: naarai nin ŋes akekorakinet. Ido ninitunanan kere yenijaikinit Edeke abar ka iboro, ido ijaikinit apedor ainyam ka alemunun da akekorakinet, ka aisiyalamikin aitaaritoike; nin ŋes ainakinet naka Edeke. Naarai mam iituni noi apaarasia nuka aiiarake; naarai eboŋokini Edeke toma alakara naka etauke Ejai aronis naabu kaanyu kokwap kakoloŋ, ido naelanirikinit ituŋa: Etuŋanan loijaikinit Edeke abar, ka iboro, ka aibuses, tetere mam etwa niari kere nuimiela eketau, konye komam Edeke einakinit apedor ainyam kes, konye emoit enyami; nun eraas aamameak, ido ŋes adek naerono, Arai keuri etuŋanan idwe akwatat, kobut da ikar luipu, kipuakaros apaarasia nuka ikekaru, konye komam eketau imonikin aiokis, ido komam enukio; abala eoŋ ebe, Ikoku yenikijecuna da itelekarit ŋes. Naarai ebuni nin kaamameak, elosi da kamuton, erapario da ekekiror kamuton; Bobo da mam eanyunit akoloŋ, kwabo mam ejeŋi; ibworari nin adepar ŋol. Eebo, karaida kebut ŋesi ikar elukumit irwan aarei, komam isiyalamikinit aiokis: mam kereka eboŋokinete kere aibois adiopet? Aitaaritoi kere naka etuŋanan erai kanuka aitukuke, konye mam ainobeleke imonikin. Naarai itelekari biai lokacoa ebaŋ? Inyo bo da ejai lokican loejeni alosit kakonyen nuka lukajarak? Asesen kakonye ŋes itelekarit airimirim naka aiŋobel: nun da eraas aamameak ka ainyam ekwam. Ŋin yenikeiau, emaikinitai ekekiror sek, ejenio ebe erai etuŋanan: kwabo mam epedori aitepeg nol loitelekarit ŋes kagogon, Naarai ejaas akiro nuipu nuiyatakinete aamameak, iŋarakinete etuŋanan biai? Naarai iŋai ejeŋi luibusakinito etuŋanan kaijarake, apaarasia kere nukaijarake naatai nuebusio kwape etoribe? Naarai iŋai epedori alimokin etuŋanan nuejaunos atupanakin ŋes kokwap kakoloŋ? Ekiror loejok itelekarit akinyet naka akais nuipu; Apaaran da nakatwanare itelekarit apaaran nakaurio. Ejok alosit togo loka aibworo Itia alosit togo loka epucit: Naarai nen ŋes esaŋe loka ituŋa kere; Ibwaikini lokajaran ŋun otauke. Aiturur itelekarit akiena: Naarai akadakinit naka akonye ŋes ejokuunia etau. Etau loka lukacoa ejai togo loka aibworo: Konye etau loka ibaŋiok ejai togo loka ikososio. Ejok akiirar aitoronio naka lokaeoa Itia akiirar ekosio loka ibaŋiok. Kwape edeedeatar ikukwa kokwap kamot, Ikoni nen akiena naka ibaŋiok: Ŋun da aamameak. Abeit amwanit itaraun lokacoa ebaŋ; Ainakinet da emunauni aijen. Esaŋe loka akirot itelekarit ageuneteke kajokis: Loejai emoyo Ioinirikinit itelekarit loejai emoyo loeomiara. Sirikisunyak anyunyurikin komoyokon: Naarai iboie anyunyura katorob naka ibaŋiok. Sirikiner ebe, “Akirot anyoin itelekaritotor apaarasia nukolosek nuka kwana?” Naarai mam inisi ŋun kacoa. Ejok acoa nepepe kairumet: Eebo, ejok aitelekarit neeiaas nul lueanyunete akoloŋ. Naarai igalikinit acoa kwape igalikinitor epuesa da: Konye ajokis naka aijen ŋes na ebe idari acoa aijar naka ŋul kalueiaas kaŋes, Koomoom aswam naka Edeke: Naarai iŋai epedori aiteten nun nuasubunit ŋesi imagululos? Kolakara kapaaran naka aikemer, koomoom da kapaaran naka ican: asubunit Edeke adiopet kwape kanaee, tetere mam etuŋanan enicuni nuetupanakinete ŋes. Abu kaany nu kere kapaarasia nuka aijaraka naatai: ejai etuŋanan lokadoliton loeoliori kadoliteke, ejai da etuŋanan lokaronon loiyatakini aibut toma aronisike. Sirikilitokin kadolitekon: karaida alitokin kacoa: kanukinyo tikimudiaror bon? Sirikilitokin karonis, karaida araut ebaŋ: kanukinyo tikitwania eriŋa edoluno apakikon? Ejok korie ŋun; eebo kakwa da mam ijalakini kakanikon: naarai loeyonit Edeke ebeluni kakes kere. Erai acoa agogoŋ neejai lokaeoa aitelekarit ikayaitok itomon luejaas toma ore, Abeit emamei etuŋanan ekadoliton kakwap loiswamai nuejok, komam ediakari. Sirikibwaik etau akiro kere nuinerai; kinye akiirar ebulesitikon kikeni: naarai irwan ipu ejeŋi ekonitau da ebe ikeni ijo da luee kwape kwaŋin. Ŋun kere abu ketem kacoa; kener atiar, “Araun lokacoan; konye kalwanik. Nuejaas da, elwaka, ido idulok noi; iŋai bo epedori aŋicun? Abu kebelokin, ketininik ekatau ajenun, ka aŋicun, ka amoot acoa ka apolou naka akiro, ajenun da ebe aronis ŋes abaŋasnut, ka abaŋaanut da kes ikerep. Abu kadum da akirot naitelekarit atwanare kadwaris, ŋes aberu naerai etauke iica ka iboyan, akekanin da bala irikoi: ekui ŋolloisiyalamikinit Edeke kamaken; konye ikamuni ŋesi ekadiakanaran. Koany, ebala Ekalimonokinan ebe, Abu kadum na, kwape etiiriania akirot kakirot adumunia apolou: naerina emoot ekatau, konye mam adumunit: abu kadum ediopetunanan kotoma olukumit; konye mam abu kadum aberu kotoma kanul kere. Koany, abu kadum na bon ebe, kosub Edeke ituŋa itenara; konye apotu kesi komoata lupwakununa luipu. Iŋai loesubit bala lokaeoa? Ido itjai ejeŋi aitejenun akiro? Acoa naka etuŋanan itacauni akekonyen, Itegelikini da agogoŋ naka akekonyen. Kainakinit akirot ebe, Koricenenei aicorakinet naka ekabaka, ido kiswama ŋun kwaŋin kanuka aiyaposit naka Edeke, Sirisunyanari anyoun kaneejai; siridonit akirot naerono: naarai iswamai ŋesi nuekoto kere. Naarai akirot naka ekabaka ejai apedor: iŋai da epedori atemar ŋes atiar, “Iswamai inyo?” Ŋin yenerieenenei aicorakinet mam ejenuni akirot naerono; emisiikini etau loka etuŋanan lokaeoa apak ka etube: Naarai ŋinikirot ejai apakike ka etube; naarai elanirikinito noi etuŋanan icano Naarai mam ejeŋi nueiaunos; naarai iŋai bo epedori alimokin ŋes kwape eiaunotor? Emamei etuŋanan loejai apedor komoyo aitikokin emoyo; kwabo emamei ŋes apedor kapaaran naka atwanare; emamei atwario kojie, aronis da mam eyuuni ŋol loanaiki. Ŋun kere abu kaany, abu kebwaik ekatau toma niniswam naiswamao kokwap kakoloŋ; naeyaitor etuŋanan ediopet loce aiswamakin ŋes aronis, Kasodi bobo kaany lukaronok enukio, kolomanarete kolomununete da aibois nakalaunan, aponi kituroi kotoma ore kama kiswamaata akiro ŋun: ŋun da eraas aamameak. Naarai etube Ioetubokinio aswamisioit naerono mam itodolikinio katipet, ŋes etininikiata odwe luka ituŋa itauonokee aiswamaenen aronis. Karaida iswamaenenei ekadiakanaran aronis aatenak akwatat, kosodi kobut noi, konye ajeni abeit ejaunos ejok nul lueyonito Edeke, lueyonito kakonyeneke. Konye mam lokaronon ejaun ejok, kwabo mam ebusi apaarasia nuipu nuesubito bala etoribe; naarai mam eyonit kakonyen nuka Edeke. Ejaas aamameak nuiswamas kakwap; ejaas ikadolitok luedoikinete kwape eiaar aswam naka ikaronok; bobo da, ejaas ikaronok luedoikinete kwape ejaar aswam naka ikadolitok: kabala ebe, nun da eraas aamameak, Kasodi aiturit ikososio, naarai emamei etuŋanan ibore yenitelekarit aiokis kokwap kakoloŋ, dimarai ainyam, ka aimat, ka alakanar: naarai ŋun ejaunos kaŋes kotoma aitaaritoike apaarasia kere nuka aijarake, nuabu Edeke kijaik ŋes kokwap kakoloŋ, Naebwaikinia ekatau aijen acoa, aanyun da aswamisio nuiswamao kakwap: (naarai ejai lomam iiri ajo kakonyeke paaran ka kuare da:) kasodi kaany aswam kere naka Edeke, mam epedori etuŋanan aŋicun aswam naiswamao kokwap kakoloŋ: naarai etuŋanan arai itaaritoi biai amoot, konye mam enicuni; eebo, karaida eomit lokaeoa ajenun, konye mam epedori aŋicun. Naarai abu kebwaik nun kere toma otauka, airot ŋun kere; kwape ejaatar ikadolitok, ka lukacoa, ka aswamisiokec toma akan naka Edeke; arai amin arai alaio, mam etuŋanan ejeŋi; ejaas kere kakonyenekee. Eriakas akiro kere nuedoikinete kere: ejai adiopekirot neejaas ikadolitok ka ikaronok; neejaas luejok ka lueroko, ka luelaete ka lumam elaete da; neejai nol Ioeinakini asubanit, ka lomam einakini asubanit; kwape ejaar loejok, ikoni nen ekadiakanaran da; ka ŋol loiyapoi, bala loeyonit aiyaposit. Erai nin aronis naejai toma nuiswamao kere kokwap kakoloŋ, ebe, edoikini adiopekirot kere: eebo, bobo da, ileleba aronis toma otauon luka odwe luka ituŋa, ikerep da ejaas otauonokee eriŋa eiarete, ido kokau kanun elosete okatwak. Naarai ejai amun ŋol loimorikikina kalukajarak kere: naarai ejok ekiŋok loeiari itia eŋatuny loetwanit. Naarai ejenete lukajarak ebe etwakete: konye mam ikatwak ejenete ibore, mam bobo edumunete eropit; naarai imurwokinio aiitunetekee. Aolio kwana aminakee ka elaitikee ka ekokotekec da; mam bobo ejaas kakorakinet apaarasia kere kakiro kere nueswamao kokwap kakoloŋ. Ape do, konyamenenei ikoninyamat kaiyalama, komasenenei ebinokon ketau loelakara; naarai adau Edeke acamun aswamisiokon. Kokwanuut inapenekon apaarasia kere; siriemamuunun akinyet kakoukon. Kiboienenei kaiyalama kaberu naimina apaarasia kere nuka aijarakon naatai, nakiinakinit ŋesi jo kokwap kakoloŋ, apaarasiakon kere nuutai: naarai ŋin ŋes akorakinetekon kaiiar, kakoniitaaritoi naitaaritor kokwap kakoloŋ. Ŋin kere yenedumuni akonikan aswam, kiswamaenenei kakonigogon; naarai emamei aswam, karaida ainerun, karaida aijen, karaida acoa, kokatwak, kama ilosi. Abu kabon, kaany kokwap kakoloŋ ebe, abolobol mam erai naka luetiroko, karaida ejie loka ikagogoŋok, karaida inyamat luka lukacoa, karaida abar naka ituŋa lukaijen, karaida asianut naka ituŋa luepiriaka; konye edoikini kes kere apak ka arereŋ. Naarai mam etuŋanan ejeŋi akepak; kwape lukecor luikamunio koboi loerono, kwape da akweny nuipokete karuja, kwape kwaŋin da ipokiata ituŋa kapak nakaronis, naenesaria kes atipet, Ido abu kaany acoa kokwap kakoloŋ naikoni ne, esubit bala epol kamakaŋ: Kojai ere loedit, ikidioko da ituŋa luajaas toma; kobu ekabaka lokapolon aitiii, kirigau, koduk itutio luepolok: koiai do etuŋanan lokican lokacoa ore ŋol, abu ŋol koyu ere kanuka acoake; konye komamei yeneitunit etuŋanan ŋol lokican. Kasodi kabala ebe, Eiok acoa itia agogoŋ: konye emenitai acoa naka etuŋanan lokican, komam akiroke epupunio, Akiro nuinerasi lukacoa kaiyamakina epupunio aitelekarit ecelet loka ŋol kaloeyait ibaŋiok. Ejok acoa itia lujiis: konye ekadiakanaran ediopet emudiari nuejok nuipu. Icuc luetwakito itobosete tulutul akinyet naka ekenyalan aures naejok: Kwape kwaŋin elaŋir abaŋaanut naedit aitelekarit acoa ka aibuses, Etau loka etuŋanan lokacoa ejai kakanike nakoteten; Konye etau loka ebaŋ ejai kakanike nakokediany. Eebo, arai elosi ebaŋ korot, kodaun aijeneke, Elimokini ŋinituŋanan ebe erai ebaŋ, Arai kinyoikini jo emoyo loka ekayaiton asurokin, sirinyoununei kaiboisikon; Naarai anonokikin isiyamikini aronisio nuepolok. Ejai aronis naabu kaany kokwap kakoloŋ, kosubit bala adiakar naebuni kama ejai ekayaiton. Isiboikinio abaŋaanut aiboisio nuepolok, iboiete da ikabarak aiboisio nukokwap. Abu kaany ibulesin ibwanenito ibalasin, ka ikapolok elosete kakeie bala ibulesin kakwap. Loeboki aipany ibirokini neni ŋol da loebeli abwas, ekonyi emun ŋes. Ŋol loeuki amor ilunyulunyete ŋes; Ŋol da loibesi akito edumuni akaŋas, Arai keŋinior asuat, komam ituŋanan ipeni, Aso ibusakinit aiyatakin agogoŋ: Konye iŋarakini acoa aiteten. Arai ekonyi emun korina elemelema, Emamei ajokis ekalemeleman. Esiaka akiro nuka aituk naka lokacoa; Konye ilikori aituk naka ebaŋ elopet. Ageunet naka akiro nuka aitukuke ŋes abaŋaanut: Esaŋe da loka akiroke kes ikerep Iukameneranut, Iyatanakini ebaŋ akiro, Konye mam ituŋanan ejeŋi nuejaunos; Iŋai bo epedori alimokin nuejaunos atupanakin ŋes?” Aitaaritoi naka ibaŋiok egogori ŋolidiopet kakesi, Naarai mam ejeŋi neitori elosi ore. Itukwi, ijo akwap, naeraar ekabakakon ikoku, Enyamete da ikapolokokon tupuruc! llakara, ijo akwap, naeraar ekabakakon okoku loka lukapolok, Enyamete da ikapolokokon kapak naedolit, Adumunia agogoŋ, kwabo mere ameranakin! Edoi eswi kanuka aijalijalanut; Ido eisi etogo kanuka apalisonut naka akanin. Ipounio inyamat kanuka akiena, Ebino da italakari aijar; Apesan da eboŋokinete ŋinikirot, Sirikenenenei ekabaka, karaida toma aomisiokon; Sirikenenenei ekabaran kagolakon naiperenenei: Naarai eyaŋaari ikweny yenika apak eporotokon, Ŋin da yenejaas abebenoka itatami akirot. Kocakanakini ikoninyamat akipi: Naarai ianyuni kes ketuboros apaarasia nuipu. Koinak akorakinet mama ejaas ikanykaarei, eebo, kiton ikanykauni; Naarai mam iieni aronis anyoin ejaun toma akwap. Arai kibwala idouon akiru, Kotepete toma akwap: Arai kibiror ekitoi da ari naka eŋalakimak, arai agolitomei, Aibois ŋipeŋin naebirokin, nepenen eperio. Loeseseni ikwamin mam eyei; Loeseseni idouon da mam edwenyi. Kwape mam ijenia erot loka ekwam kwape ejaar, karaida akoio kwape epolooto kotoma aliliget naka akapotion; kwape kwaŋin mam ijenia aswam naka Edeke loiswamai kere. Koyeenenei ikonikinyom tupuruc, eboŋ da sirikitikok akonikan; naarai mam iieni kakesi luikemerete, arai lu arai nul, elemuni eriakakinos kere araun luejok. Abeit ejok aica, ido erai naka aiyalama akonye asesen akoloŋ. Eebo, kebut ituŋanan ikar luipu, kisiyalamikina kakes kere; konye kiitunite kereka apaarasia nuka amuton, naarai eraunos nuipu. Kere nuepote eraas aamameak. Kisiyalamikinite akonitumun, ijo esapat; kitalakaanar ekonitau kapaarasia nuka akonitumun, kolosenenei korotin luipuda ekonitau, kasesen da naks akonikonye: konye kojen ebe kitubokini rwaru Edeke kanuka nun kere. Aso kolema aiturur kere kotaukon, kolema da aronis kakuanakon: naarai atumun ka akurunan eraas aamameak. Kiitunite da Ekonikasuban kapaarasia nuka atumunikon, eroko kepona apaarasia nukaronok, eroko da ikar ikunyuna nainerar atiar, “Mam esiyalamikinit kes”: Eroko itudeneoro akoloŋ, ka aica, ka elap ka aacer, karaida kebono idouon kedau akiru aitep: kapaaran naemaranuniata ikedarak etogo, irapanakinos ikagogon ok, inyeinete akeriak da naarai ikidioko kes, naitumutonorere ikereonokinok kadirisan. Naegolokinere ikekia korot; naiyapaaror eporoto loka airiare, naenyounio ice kanuka aruo naka akweny, naisiyapaarere apesur kere nukekosiok: Eebo, ekuriakaros nin yenetopolooritai, ka luitukurianete korot; ituroi ekuŋur, elaŋirior ebeerei da, edaun da emulalu: naarai elosi ituŋanan oreke loka ikar kere, koriariatos ikebworok korotin: eroko kelacara auno naka epuesa, arai atido naka csabu abwan, arai amot abwan katan, eroko kebila akokoro da katapar; kobonorete apua toma alup kwape keiaatar, kobonori da emoyo mama ejai Edeke lokekorakini. Inera Ekalimonokinan ebe, Aamameak nuka aamameak, kere eraas aamameak, Bobo da, naarai kerai Ekalimonokinan lokacoa, kiyatak aisisianakin ituŋa aijen; eebo, koomoomoenenei, komo, kisuduny da awaragasia nuipu, Abu Ekalimonokinan komo adumun akiro nuitoiokitai, ka ŋun da nukiwadikatai kaitenara, kes akiro nukabeit. Esubito akiro nuka lukacoa bala iketetin, ido akiro nuka ikapolok luka atukosia bala aseito nuibubutoi koiokan noi, nueinakinio kama ejai ekecokon ediopet. Bobo da, okokuka, kocam aicorio: emamei esaŋe aiswamaenen iitabon luipu; aisisia da nuipu itapasi akuan. Na ŋes esaŋe loka akirot; eirar kere: koyonitenenei Edeke, koricenenei akeicorakineta; naarai ŋun kes nuibusakinito ituŋanan. Naarai eyauni Edeke ŋiniswam toma atubokinio, nepepe ka ŋinikirot nakibwaitai, arai naejok arai naerono. Ekosio loitelekarit ikososinei, ŋes loka Solomon. Mere eama kanu ŋesi eoŋ kanueta nuka aitukuke! Naarai aminakon itelekarit ebino kajokis. Eurok sa akinyetakon nukiledis; Esubit ekonikiror bala akinyet naebukoritai; Ŋes kiminatatar apesur, Kiriunai; kikeri isio da kitupit jo: Kayaŋ au ekabaka toma agolaike. Kiyalamikini kalakaros kotomakon, Kitatamenenei aminakon aitelekarit ebino: Kiminasi jo kadolit. Enono eoŋ, konye etemelel, Yes apesur nuka Yerusalem, Kwape iweman luka Kedar, Kwape aigalisio nuka Solomon. Sirikisesenete eoŋ, naarai awasar, Naarai kapeit akoloŋ. Kesiopakis odwe luka totoka, Ketaraut akedaran imanikoria luka emusabibu; Konye mam abu kedar emanikorika loka emusabibu. Wu jo loemina ekatau, kolimokinai, Neitadakenenei esipanikon, Naisiuriakenenea kidiŋ paaran: Naarai kanukinyo tikaraunor naerimi Kaneejaas isipanin luka ipaupakon? Arai mam ijeni, ijo naitelekarit aŋor kere katemelel, Koloma kibwap akejen nuka esipanikon loka amerekekin, Kitadak ikaleikon neejaas iweman luka ikeeokok, Wu jo naminataka, ketiriani jo Kabalasit naka agalin nuka Parao. Ibusak iitinyokon kaicipeta nuka itim, Ekonimurisiŋ da kaunoi nuka iboro luka akais nuipu. Kiswamakini jo aicipeta nuka esabu Nueropanakinio kepuesa. Nakiboio ekabaka kariri naka emesake, Kouru sa akakinyet nakesai, Lominataka esubit bala eriagi loka emina, Loenapakinitai kidiŋ kikisinaka. Lominataka esubit bala aibuŋet naka aturo nuka koper, Komanikoria luka emusabibu luka En-gedi. Koany, itemelel, ijo naminataka; koany, itemelel: Ŋaas kakonye nuka ajele. Koany, itemelel, lominataka, eebo, kesiyalamikinit: Imeloikinit etutiwok. Akito nuka etogowok kes iresia, Nuiriikino da iberosin. Arai eoŋ aturot naka Saron, Apecel naka aditon. Kwape apecel kotoma okukwa, Ikoni nen naminataka kotoma apesur. Kwape kelamai kokito lukomanikor, Ikoni nen lominataka kotoma otelepai. Abu keboikini kotolimike kaiyalama naepol, Koiiiimikis araitoke aanyigolika, Kayanau togo lokepucit, Emederake kokuiukan ŋes amin. Kigaŋ ai kimusabibun lueokito, kitalakarai kalam: Naarai ketedek amin. Koiai akekan nakokediany akouka, Katunite kakekan nakoteten. Kesiyapoi yes, wu apesur nuka Yerusalem, Kalimit amorio, ka amiameik nuka ais, Kinyeis aisidik arai aitwekenyun amin, Aitodol neakotokinor. Eporoto loka lominataka! Koany, ebunit, Etaci koronan, icuro koukon. Esubit lominataka bala amori arai amiam nadidi: Koany, ebwoi kokau karwatatakosi, Eseseni kotoma adirisan, Ireonokini kapedon. Kiner lominataka, katema atiar, “Konyou, naminataka, atemeleka, kaloto. Naarai koany, atubor aiporo, Adaun akiru, alot; Atakanut aturo kakwap; Adolut apaarasia nueyeioto akweny, Epupunio eporoto loka adudumer kakwapuwok; Itokoni etini araitoke, Ituroete imusabibun, Euruuni asakatakec. Konyou, naminataka, atemeleka, kaloto, Wu ajeleka, naejai toma acilana nuka atiiba, Toma aŋopis naka aibois naimukurur, Kaany ma akonyenekon, kapup eporotokon; Naarai ejok ekoniporoto, akonikonyen da nuitemelelas. Kikamakinai ikuei, ikuei ludidik luemunaunete imanikoria luka emusabibu: Naarai ituroete imanikoriawok.” Lominataka ŋes lokaŋ, eoŋ da nakeŋ: Itadakenenei esipanike neeiaas apecelun. Aitodol naeriripio apaaran, ilicaros itolimo, Kibelokin, lominataka, koput kwape amori arai amiam nadidi Koronan luka Beter. Kuare, kaperitika, abu kamoote ŋ ol loemina ekatau: Amoot ŋes, konye mam abu kadum. Kener atiar, “Mere kanyou do, kerimirim toma ore, Toma orotin, kaiboisio da nuelalak, Amoi ŋ ol loemina ekatau.” Abu kamoote ŋes, konye mam abu kadum. Apotu ikedarak luirimirimete roma ore kadumut: Kasodi atemar atiar, “Ianyunito gwai ŋ ol loemina ekatau?” Nediokasilon katubor, Kadum ŋ ol loemina ekatau: Kekam ŋes, komam aosikini ŋes, Aitodol neayanaunia togo loka totoka, Agola naka ŋin nakauriei. Kesiyapoi yes, wu apesur nuka Yerusalem, Kalimit amorio, ka amiameik nuka ais, Kinyeis aisidik, arai aitwekenyun amin, Aitodol neakotokinor. Inyo bo ŋin yenebuni kamodiŋ esubit bala ipirino luka apuru, Yenituwuritoi sa kemina ka lukisupurununo, Ka ikee kere luka ekagwelanaran? Koany, ŋes eitada loka Solomon; Kolukunito lukirigin akaisakanykape, Lukokirigin luka Isirael. Kere kitinito ikileŋa, koraas lukacoa aitiji: ŋolituŋ anaŋ koenit ekekileŋ otul, Kanuka etasuro kuare. Kiswamau ekabaka Solomon agali Naka akito nuka Lebanon. Kiswamau ipirinoke kepuesa, Kwapuke da esabu, eicoloŋoke lomuge, Kiladatete kidinike kamin Naka apesur nuka Yerusalem. Kolomasi, yes apesur nuka Sion, koanyut ekabaka Solomon, Enapit aboko naedokokini totoke kapaaran naka adukokinike, Kapaaran da nakelelia eketau Koany, itemelel, naminataka; koany, itemelel; Ŋaas kakonye nuka ajele kotoma aimukisikon: Esubito itimakon bala esipan loka akinei Nueperete neejululue moru Gilead. Esubito ikelakon bala esipan loka amerekekin nuetubio ajul Nuepote kailosio; ŋinidiopet kakesi imuunit imwatok. Komamei kakesi naetwaniarit, Esubit aitukukon bala eusi Lokareŋan, Itemelel da akoniituk: Esubit ereetekon bala atutubet naka ekamamaga Kotoma aimukisikon. Esubit ekonimurisiŋ bala etogo loeoja loka Daudi Lokedukitoi ainadanakin luiiis, Loekajakinitai iupalia elukumit, Ibukui kere luka lukirigin. Esubito ikisinakon luarei bala ikalei iarei lumwatok luka amori, Luedakas neeiaas apecelun. Aitodol naeriripio apaaran, ilicaros itolimo, Alosi oroŋat loka emina, Oukot da loka lukisupurununo. Itemelel cut, naminataka; Emamei akemer kotomakon, Bia kauparos anyoun koLebanon, ateranika, Kauparos anyoun koLebanon: Kosesen kaidi naka Amana, Kaidi naka Senir ka Kerumon, Kabuai nuka iŋatunyo, Koronan luka irisai. Inomo ekatau, inaeika, ateranika; Inomo ekatau kanoliar naka akonyekon. Kerikot ediopet lokomurisinikon. Eiok ca ma aminakon, inaeika, ateranika! Itelekarit ca ma aminakon ebino! Aures da naka akinyetakon itelekarito ca luesaete Lukiponesio kere lukaures naejok. Aitukukon, wu ateranika, eisi kwape kakape nuka ao: Esik ka akile ejaas kwap kanajepekon; Aures da naka inapenekon esubit bala aures naka Lebanon, Inacika, ateranika, ŋes emanikor loebwaitai; Akoŋu naka akipi nairwasitai, atan naipueue. Alibetakon kes emanikor loka akamamagan, loejai araito nuka akais nuipu; Koper, ka iraan lukesai. Lukesai ka saparon, Akalamus ka akinomon, ka ikito kere lukisupurununo; Emina ka icicikwa, ka lueuru ma kere luitelekarito aiokis. Irai ijo atan naka imanikoria, Eeoa loka akipi nukajarak, Ido aguuruto nueleleete anyoun koLebanon. Kokweny, ijo ekwam loka agolitomei, Kobia da, Ijo loka eŋalakimak; Kokutak omanikorika, kokut auresike. Kolom lominataka omanikorike, Konyam akeraito nuka akais nuipu. Alomuni eoŋ omanikorika, inacika, ateranika: Adeni eminaka ka lueuru ma; Anyami akapeka nuka ao kesikeka; Amasi ebinoka kakileka, Konyama yesi, ipaperoka; Komata, eebo, komata noi, luminanaka. Abu kajotor, konye abu ekatau kokwenyi: Ŋes eporoto loka lominataka loikuŋikuŋi, kobala ebe, “Koŋ aarai, inaeika, ateranika, ajeleka, aliogotoka; Naarai epalal akakou akopyo, Itimaka da kaiseta nuka akuare.” Alae inapeneka; anapi bobo biai? Elot akakeie; epwoki bobo biai? Kibwaik lominataka akekan kapedot naka ekek, Kikilakin ekatau. Kasodi anyoun anaikin lominataka; Koitata akakanin emina, Ikabokor kemina loepalal, Kakodeta nuka ekirigi. Kanaiki lominataka; Konye kebu lominataka kibelokin, keeka. Abu ekatau kodusaun naenerar ŋesi: Abu kamoote ŋes, konye mam abu kadum; Keworo ŋes, konye mam abu kabonok, Apotu ikedarak luirimirimete toma ore kadumut, Kenomonomata, kemusunata da; Apotu ikedarak luka arwatatin kademasi elouka, Kesiyapoi yes, wu apesur nuka Yerusalem, arai kidumut lominataka, Kolimokis ŋes ebe ketedek amin. Itelekari lominatakon biai lominat ece, Wu jo naitelekarit aŋor kere katemelel? Itelekari lominatakon biai lominat ece, Tape isiyapoikini sio kwaŋin? Ekwaŋ lominataka, eren da, Lokapolon kotoma ilukumin itomon. Esubit akekou bala esabu loejok noi, Epopiras itimake, irioko kwape kelibi, Esubit akekonye bala ajele kariri kaguuruto nuka akipi; Nuilositai kakile, ibwaikinitai kotenan. Esubito iitinyoke bala amanat nuka lueum ma, bala itutio luka ikui lueum ma: Esubit akeituk apecelun, nueisete emina. Esubito akekanin bala igilun luka esabu luibwaikinitai aberulo: Esubit akekuan bala ikel luka etom lueminaikina asapiro. Esubito akejeke bala ipirino luka amor nukijesesio luegelegela, Luesipokinio aigaŋ eta nuka esabu loejok: Esubit asimake bala Lebanon, ejok noi kwape iresia. Ejijim noi akeituk: eebo, ejok ŋesi noi cut. Ŋol ŋes lominataka, ŋol ŋes oupaka; Wu yes apesur nuka Yerusalem. Ai bo alot lominatakon, Wu jo naitelekarit aŋor kere katemelel? Ai bo ebelokin lominatakon, Tape kimoi ŋes nepepe kajo? Alot lominataka omanikorike, amanat nuka lueum ma, Ainyam komanikoria, ka aide da apecelun. Arai eoŋ naka lominataka, lominataka da erai lokaŋ: Itadaki esipanike kotoma apecelun. Ŋok ijo noi, wu jo naminatala, kwape Tirusa, Itemelel kwape Yerusalem, Naketasuro bala ajore naejaas imederan. Sirikisesen eoŋ, Naarai ketoolikis akonikonye. Esubito itimakon bala esipan loka akinei Nueperete neejululue Gilead. Esubito ikelakon bala esipan loka amerekekin, Nuepote kailosio; Ŋinidiopet kakesi imuunit imwatok, Komamei kakesi naetwaniarit, Esubit ereetekon bala atutubet naka akamamaga Kotoma aimukisikon. Ejaas akabakan akaisakanykape, ka abusian akaisakanykauni, Ka apesur nurmm imarunos. Ajeleka, aliogotoka, erai adiopet bon: Erai adiopet naka totoke; Naseuna naka nakeuriei. Koanyut ŋes apesur, konyarata ŋes nakarereŋ; Eebo, akabakan ka abusian da kituritos ŋes “Iŋai bo ŋin naiŋoliari, kwape atupuruc, Itemelel kwape kelap, Iliyai kwape kakoloŋ, Naketasuro bala ajore naejaas imederan?” Abu kejesar omanikor loka emaido, Aanyun iraan luelibete kaditot, Aanyun arai iburukunyit emusabibu, Arai ituroete akamamagan. Eriŋa eoŋ ejenuna, abu ekatau kebwaik Neejaas agalin nuka ikapolokitokoka. Koboŋ, koboŋ, wu jo Asulamit; Koboŋ, koboŋ, tetere kiseseni joo Kanukinyo ikototor asesen Asulamit, Kwape iseseniata ekosio loka Makanaim? Eiokuka ca ma akonikeie kotoma amuk, Ijo akoku naka lokapolon! Amurwosikon nupakir esubito bala iboro luka akais nuipu, Aswam naka akanin nuka ekeswaman loepiriana. Aipulekon esubit bala aikopo naeieuna, Namam etwaniarit ebino loinyalakinitai: Akoikikon esubit bala atukit naka akima, Naelukunito apecelun. Esubito ikisinakon bala ikalei iarei Lumwatok luka amori. Esubit emurisinikon bala etogo loeoia loka ikel luka etom; Esubito akonvekon bala ataparin nuka Kesibon nuejaas orute loka Bat-rabim; Esubito ikumesikon bala etogo loeoia loka Lebanon Loesesenas ka Damasiko. Esubit akoukon kotomakon bala Karamel, Esubito da itima luka akoukon bala lumugeik; Ikamuni ekabaka kaicipetakec. Itemelel ca ma ijo, isiyalamikinit da, Ŋo naminat, nakalakar! Esubit aojaukon na bala edukudukut, Ikisinakon bala aibuneta nuka emusabibu. Kener ebe, Adokar odukudukut ŋ ol, Ketin atenunake: Kosubito ikisinakon bala aibuneta nuka emusabibu, Aures naka eiyeijanekon bala alam. Kosubite aitukukon bala ebino loitelekarit kaiokis, Loitololoor lominataka, Loidiririei kaituke nuka ŋul kaluejotoete. Arai eoŋ naka lominataka, Aiŋ obeleke da ejai neajar, Kobia, lominataka, kaloto amanat; Kapero oreria. Kadiloto omanikoria luka emusabibu: Kaanyut arai iburukunyit emusabibu, eterara da aketur, Arai ituroto akamamagan: Kainak kaŋina aminaka. Eurok ma aiduduma, Okekiawok da ejaas araito nuka akais nuipu nuka iponesio kere, Nukitetiak ka numoion da, Nukenadakinit jo, lominataka. Arai korai ijo onaceka, Lokenaki ikisina luka totoka! Nakaanyunia kokiŋ a, tikanu; Eebo, komameun lokameni. Tikenarenikini jo aitolomar togo loka totoka, Nakesisianakini; Tiketamat jo ebino loinyalakinitai lueuru ma, Kakipi nuka akamamaganaka, Kojai akekan nakokediany akouka, Katunite akekan nakoteten. Kesiyapoi yes, wu apesur nuka Yerusalem, Kinyeis aisidik arai aitwekenyun amin, Aitodol neakotokinor. Iŋai bo na naebuni kamodiŋ, Egoŋakina kalominatake? Ketwekeny jo kokwap kelamai: Kanekeriebar totokon kiuriei, Kanekeriebar ŋin nakiuriei joo Kibwaikinai eoŋ otaukon kwape amacaret, Kwape amaearet kakanikon: Naarai egogoŋ amin kwape atwanare; Eninik ekokote kwape okatwak: Aimiliaununetake esubito bala aimiliaununeta nuka akim, Aipelonoreta eut nuka EJAKAIT. Mam epedorete akipi nuipu airuden amin, Karaida akalele ai tulumor ŋes: Arai iyuuni etuŋanan ainakin iboro kere lukokaleke itia amin, Tiemwanitai cut. Kiia sio kainacikosi nadidi, Emameete ŋes ikisin: Kikwaikini ai inacikosi Kapaaran naisinerere? Arai erai ŋesi arwatat, Kidukokini ŋes etogo loka epuesa: Arai erai ekirigi, Kigolokini ŋes katiketa nuka iresia. Arai eoŋ arwatat, ikisinaka da esubito bala itogoike: Kasodi ajaut kakonyeneke bala yenikainapakin, Ejai Solomon emanikor laka emusabibu ko Baal-kamon; Kititinik ikakoriok emanikor ŋol Ioka emusabibu; Koyaununut ŋinituŋ anaŋ atutubeta alukumit nuka epuesa itia araitoke, Emanikorika laka emusabibu loerai lokaŋ, ejai kakonyeneka: Ŋo, wu Solomon, ijaun kalukumit, Ka ŋul da luidarete araitoke akwat aarei. Ijo naiboie komanikoria, Iirarete aupasiakon ekoniporota, Kisiirarai eoŋ da. Kiwony, lominataka, Koputokin kamori arai amiam nadidi, Koronan lueuru ma. Aitapoet naka Isaia okoku loka Amos, nakeanyununei kanuka Yuda ka Yerusalem, kapaarasia nuka Usia, ka Yotam, ka Akas, ka Kesekia, ikabakan luka Yuda. Kiira, ijo akuj, kitoik akit, ijo akwap, Naarai ener EJAKAIT ebe: “Abu ketanak ka asa da idwe, Konye kaŋerokis, Ejeni emoŋ papake, Ejeni da asigiria auj naka ejakaitike; Konye mam Isirael ejeni, Mam ikatuŋa eomitos.” Wu okwe ateker nakaronon, ltuŋa luelaŋirikinito numam edolito, Aur naka luiswamaete aronis, Idwe luemunaarito! Enyeis EJAKAIT, Amena Ekalaunan loka Isirael, Agitaros, aboŋosi kau. Inyo bo ikototor ainomio bobo, Iyatakinotor da aipaliikin? Edek akou kere, iiloro etau kere. Anyoun kotau loka akeju aitodol akou, Emamei aŋaleu; Nabarai amusuŋun, ka aionokineta, Ka idola luebosak: Mam ebuleneneo, kwabo mam eenenenoo, Kwabo mam inyonyoanakinio akinyet, Eswap akusikwap; ecwei ikusireria kakim; Akwapukus da enyamete imo kakonyenekus, Ido eswap, naarai epikosi ŋes imo. Ido asal akoku naka Sion Kwape keidukuru loejai amana naka emusabibu, Kwape kaiteis naejai amana, naka akolil, Kwape ka ere loirigaunito lukasurup. Kedim EJAKAIT loka ajoresio Aitasalikin oni aatoŋot naedit noi, Tikirai kwape ka Sodom, Tikiiput kwape ka Gomora. Kiirasi akirot naka EJAKAIT, Yes ijaka lukoSodom; Kitoikis akit ikisila luka Edekewok, Yes ituŋa lukoGomora. Inera EJAKAIT ebe: “Anyoin ajokis naka asubanakus nuipu kamakaŋ? Kaidoto ainakineta nuicweio nuka imerekekin lumaseniko, Ka asiepai naka ibaren luipisio; Kwabo mam alelakinit aokot nuka itoba, Karaida nuka idwe luka amerekekin, karaida nuka ikorwa. “Naitakanuniata kakonyeneka, Iŋai bo kiburai aipudapud akalaroi? Siriyauŋunete bobo asuban nuka aamameak; Etalei eoŋ lukisupurununo. Elap lokelamunan ka asabato, anyara da atukosia, Mam acamunit, eraas numam edolito, Eebo, atukonokin da nakalaunan. Elait ekatau ilapiokus lukelamunak ka ipucinokus luicorakinitai; Eraas aitapasitoi kaneajai; Kapas atitiŋonokin kes. Ido nailoianariata akusikanin Ebwaenenei akakonye kama ijaas; Eebo, nailipenenata nuipu, mam eiranari: Imodimoda akusikanin aokot, Kilota, kitalaunos; Kolemasi aronis naka aswamisiokus kakonyeneka; Kinyeis aswam aronis. Kisisiautu aswam ejok, komoenenete etube; Koyuuŋunete yenereitai, Kirabanakinete ikokiok, Kopuronokinete apuserut.” Inera EJAKAIT ebe: “Kopotu ca do, kenerutu: Karaida kereŋak adiakanaretakus be, Ekwaŋuunete kwape kakile; Karaida kireremata kwape kaokot, Iliacaunete kwape ka epaaba. Arai iraas luinupaka ka luirimaka, Inyamenenete ajokis naka akwap. Konye do kiŋeroto kipaliikis, Kidanyio kekileŋ: Naarai ener aituk naka EJAKAIT,” Aluor ca ma ere lomunot lodote! Ŋol loeleleba kolo etube! Kiboie kolo adolit kotomake, Konye kwana ikaarak. Aluor epuesakon elele, Inyalakinitai ebinokon kakipi. Epaliikis ikapolokokon, Eraas ipadic luka ikokolak. Emina ŋolituŋanan ainakineta nuitumudakete akonye, Irii da ainakineta. Mam Isigalikinete ikokiok, Mam da etube loka apuserut edolokini kes. Kanuka ŋun inera EJAKAIT, EJAKAIT loka ajoresio, Lokagogoŋon loka Isirael ebe: “Bu, eyeŋuni do kama ejaas luketokokolito, Ido enyaŋi kama ejaas lukasurupoka. Ido ebelokini akakan mamakon, Aliliauni elelekon cut, Alemari da luinyalakina tomakon kere. Enyakakini ikatubokokon kwape sek, Ikenerunakakon da kwape kageunet, Kokau kinyarao Ere loka adolit, Ere lomunot.” Elakuni etube Sion, Adolit da ŋul lukotomake luibelokinos. Konye emudiaros ikcbueanarak ka ikadiakanarak nepepe, Isidoporio cut ŋul luejalete EJAKAIT. Naarai kirumete yes ileic kanuka iluan lukiŋobeleete, Edakaros akwesikus kanuka imanikoria Iukiseunete, Naarai iraunos kwape elua loeoni akekiot, Ido kwape emanikor loemameete akip. Eraun lokagogoŋ kwape esilot loka amujajut, Akeswam da kwape aatwenyitwenyit; Icweikinio kes kere, Komamei yenitudeŋi. Akirot naabu Isaia okoku loka Amos koany kanuka Yuda ka Yerusalem. Kosodi kanen kapaarasia nukoiŋaren, Iticasio eroŋat loka etogo loka EJAKAIT kaidi naka iroŋan, Itopoloorio aitelekarit iukon; Eleleete atekerin kere mamake. Elosete ituŋa luipu ebalasi ebe, “Kopotu, kadokasi mama ejai eroŋat loka EJAKAIT, Neejai etogo loka Edeke loka Yakob; Ido kisisianakini ŋesi oni irotinike, Kilosenenei da kosokonoke.” Naarai kotoma Sion ŋes elomuniata ikisila, Akirot da naka EJAKAIT koYerusalem. Etubokini ŋesi kotoma atekerin, Ido itoroni ituŋa luipu: Etataete kesi ikileŋakec aituluor imelekes, Ka akwarasikec da aituluor icilikikin lukidimet: Mam ateker ikiari ekileŋ asurokinia aceteker, Kwabo mam bobo isisiaunete ejie. Wu jo ekek loka Yakob, Kopotu, kalosenenete kaica naka EJAKAIT. Naarai ibu kinyek ituŋakon ekek loka Yakob, Naarai ileleba iponesio luepote kari nakokide, Ido ikadwarak kwape Ipilisitian, Itiŋanara akanin kidwe luka imo. Ileleba akwapukec epuesa ka esabu, Kwabo mam akecebar enaŋi; Ileleba akwapukec ibalasin, Kwabo mam agalinikec enaŋete, Ileleba da akeeekwap aputosia; Emaete aswam naka akaninikec, Nakesubete ikecebokoro. Itukukumio epasoit, Itisilio lokapolon: Aso sirikisioni kes. Koloma atiiba, koŋop kapua, Kakonyen nuka etasuro loka EJAKAIT, Ka aibuses naka apolouke. Itisilio akonyen nueomiara nuka ituŋanan, Itukukumio da aiwoŋonut naka ituŋa, Itopoloorio EJAKAIT bon kapaaran kaŋin, Naarai ejaun apaaran naka EJAKAIT loka ajoresio Mama ejaas kere luiwoŋooko ka lueomiara, Ka ŋin kere yenedakara; Ido itisilio. Mama ejaas iresia kere luka Lebanon, Lueojak luedakara, Ka neejaas iluan kere luka Basan: Mama ejaas iroŋan kere lueojak, Neejaas iukon da kere luedakara: Mama ejai nclitogo loeoja, Ka neejai ŋinirwatat naebwaitai; Mama ejaas ameerin kere nuka Tarusis, Ka neejaas aputosia kere nuseuna, Ido itukukumio adakara naka ituŋanan, Itisilio da aomiara naka ituŋa: Itopoloorio EJAKAIT bon kapaaran kaŋin, Eoliorete aputosia cut. Elomarete ituŋa abuai nuka imorun, Toma apanya da nuka akwap, Anyoun kakonyen nuka etasuro loka EJAKAIT, Ka aibuses da naka apolouke, Naenyounio ŋesi aitamaran akwap kakegogoŋ. Kapaaran kaŋin ecakakini eut etuŋanan inyukunyukia ka imeniai Aputosiake nuka epuesa, ka aputosiake nuka esabu, Nukiswamaunit aima: Tetere elosi abuai nuka imorun, Ka acileta nuka atiiba nueiriirete, Anyoun kakonyen nuka etasuro loka EJAKAIT, Ka aibuses da naka apolouke, Naenyounio aitamaran akwap kakegogoŋ. Kinyeis ituŋanan, yenejai eiyeŋane okumesike: Naarai ejautene enyoin ejaatar ŋesi? Naarai koany, elemari EJAKAIT, EJAKAIT loka ajoresio, Agoŋis ka aigaŋis koYerusalem, koYuda da, Agoŋis kere naka inyamat, Ka Agoŋis kere naka akipi; Etuŋanan lokirigi, ka ekajiot; Ekatubon, ka enabi, Ekadwaran ka ekimat; Ekapolokiton loka akaisakany, ka esoti, Ekenerunan ka ekejodijodon loepiriana, Ka emurwon loetionit. Ainakini idwe araut ikapolokokec, Eyaete imukerun kes, Eroikinio iluŋa, ŋinituŋanan kayeniceke, Ŋinituŋanan kiidunyeteke: Epoga ikoku kama kekimat, Epasoit da kama kesot. Naikamunia ituŋanan onaceke Kotogo loka papake, kobala ebe, “Ejai jo anapito, korau ekayaitonikosi, Koraunos amejei nu nuiyait.” Kapaaran kaŋin ikeseuni ekeporoto, kobala ebe, “Mam araun loketaŋaleunon; Naarai emameete inyamat kotogoka, karaida inapen: Mam kituluorete eoŋ ekayaiton loka ituŋa.” Naarai amudiar Yerusalem, ebiror Yuda da: Naarai aŋajepakec kaswamisiokee aluikis EJAKAIT, Aitunyunyurikin akonye nuka aibusesuke. Ejautene loka ireetakec itejenunit kes ebe itelekarito; Elimorete aronisikec kwape Sodom, mam ibwaete. Itukwi akeeeijar, Naarai eswamakinos bonik aronis. Kolimokisi ikadolitok ebe ejaunos ejok: Naarai enyamete araito nuka aswamisiokec. Itukwi ikaronon! ejaun erono; Naarai nueswamata akaninike, nupemam iswamakinio ŋes. Ikatuŋa, idwe ludidik eroikinete kes, Ido aŋor kes eyaitos. Wu ikatuŋa, lukiŋarenikinete yes kitapaarete, Emudiarete ekusirot loiloseneneoto. Ebwoi EJAKAIT apurokin, Ebwoi da atubokin ituŋa, Etubokini EJAKAIT etube loka imakio luka iketuŋa, ka ikapolokoke ebe: “Yes ca luinyamata cut emanikor loka emusabibu, Iŋatuna luka lukican ejaas otogoikus.” Ebala EJAKAIT, EJAKAIT loka ajoresio ebe, “Iswamaete inyo aidecidec ikatuŋa, Airie akonye nuka lukican?” Bobo da abala EJAKAIT ebe: “Naarai eomiara apesur nuka Sion, Ido elosete kimurisiŋa luikiara, Ka aerit akonye, Elosete epogasi, nuituruete akecekeje.” Kanuka ŋun ŋes kitedekia EJAKAIT kasalab Isiaduko luka akwes nuka apesur nuka Sion, Kosodi EJAKAIT apukor ileicikec. Kapaaran kaŋin elemari EJAKAIT ajokis naka aoŋakec, ka itibine, ka apelia nuka epuesa; luisirio ka amwolai, ka iitabalan; igoen luka akwes, agirai nukokuurunya, ka aeneta, ka asadukun nuka aures namaa, ka imakakin; igilun, ka igiluna lukokumes; inapen luka ipucino, ka iloun, ka aimukisio, ka iriagin; aroeta, ka ebaputa loejok, ka igoen lukieniena akwes, ka aiswapeta da. Kosodi kanen, ejaun abosus itia lukesai lueuru maa; Auno itia arokoba; epata loka akou itia itima luelacitai; anapito naka epuko itia anapito naibus: amacareta itia atemelel. Eari ekileŋ ikonituŋa, Etwakete ikiriginikon da kojie. Ekuudianete iruteike, ibworosi; Itisilio ŋes, iboikini kwap. Ido kapaaran kaŋin ikamunete aŋor akanykaarei ekiliokit ediopet, koba lasi ebe, “Kinyamenenei isio inyamatakosi, kinapenenei da inapene kosi: konye kisiikinai konyarai sio ekonikiror; kolema ijo amorositikosi.” Kapaaran kaŋin eraun atenut naka EJAKAIT naejok ido nakaibuses, eraunos da araito nuka akwap nukeitur nuejijimikinete ŋul luekuito luka Isirael. Kosodi kanen, ŋol loideuna koSion, ka ŋol loesalakinit Yerusalem enyarao lokalaunan, ŋes ŋinituŋanan yeniwadikatai araut yenikajaran koYerusalem: naedaunia EJAKAIT ailotar amodokok kere naka apesur nuka Sion, aitesegar da aokot nuka Yerusalem kokidiŋike, kanuka emoyo loka etube, ido kanuka emoyo loka aicwe. Ido esubakini EJAKAIT ŋolitogo kere loka emoru Sion ka atukonokinetake, edou ka apuru paaran, ka aica naka akim naesarani kuare: naarai eterakini eiswapet aibuses kere. Ejaun da ewema araun etolim lokapaaran kanuka aibuse, amecis ka aŋopis kanuka akako ka akiru. Mere kayeik ekapai ekosio loka epaika, Loka akemana naka emusabibu, Kejai ekapai amana naka emusabibu Komoru lopusuk noi. Abu kibokibok, koukono amor, Kiraik emusabibu lokajokan noi teni, Kodukok aiteis kidiŋ, Ido kobokik acues; Komuno ebe erai emusabibu, Konye abu kora emusabibu lokais. Aso ca do yes luibojete ko Yerusalem, Ka yes da ikiliok luka Yuda, Kenainaito, kotubokinai eoŋ ka akamana naka emusabibu. Tikeswamak inyo bobo akamana naka emusabibu Numam eswamat? Naamunor ebe kora emusabibu, Kanukinyo keraia emusabibu lokais? Aso ca do; ketejenut nueswamakini akamana naka emusabibu; Alemari ekeriga, ido emeorio cut; Elakari cut akebwas, ido ipudapudao cut, Ajalakini da eduan; Mam idimio karaida acapeneneo; Konye ebwaŋunete ikodokodo ka ikukwa; Eeorakini da idouon kinyeis atepanakin akiru. Naarai amana naka emusabibu naka EJAKAIT loka ajoresio Ŋes ekek loka Isirael, Ikiliok da luka Yuda kes akeraetait naisiyalamikinit: Abu komoote etube konye koany areio; Komoote adolit, konye koany aimony! Itukwi ŋul luimorikikinete etogo ka etogo, Luitanyanyaete amana ka amana, Aitodol naemamuunor apak, Yes da kisilikinete aiboi bonik kotoma akwap! Kotoma akiika inera EJAKAIT loka ajoresio atiar, “Abeit itogoi luipu eraunos rwaru amejei, Kiton lukapolok ka lukajokak da, Komamei yeniboie kotoma. Naarai amanat atomon nuka emusabibu elomuni akaalakany adiopet, Ido ebukit loileleba ikinyom elomuni edita ediopet bon.” Itukwi ŋul luedilonokinete akwenyun tupuruc, Airi nuitemerete; Luimododoete aitodol ebai, Kisibwaŋarete ajons! Ido adeudeu ka aunene, isiman ka alamaru, Ka ajon da ejaas toma obagaikec; Konye mam eomitos aswam naka EJAKAIT, Kwabo mam ipikakinito etau aswam naka akaninike. Tape eŋatario ikatuŋa, kanu aolikinio kes aijen: Koriebi eteŋei isotiakec, Ajak da akur ikecekodeta, Tape italalai Okatwak ajnobeleke, Aooŋa da akeituk namam itemio; Ido aibusesukec, ka aipuesukec, ka eceletekec, Ka ŋin da yeniyalama kotomakec, Ejorimakinos toma. Itukumio epasoit, itisilio da loekeriana, Isurumio ileijc akonye nuka kaluiwoŋooko, Konye itopolooritai EJAKAIT loka ajoresio kanuka ctube, Ido italaunitai Edeke Ekalaunan kanuka adolit. Kosodete edakenenas idwe luka amerekekin bala lem cjaas oronyikec, Ido enyamete rwaru ikejobirak aiboisio nukemutokoros nuka ikatumak. Itukwi ŋul luiriitos numam edolito kaunoi nuka aiŋal, Luiriitos aronis kwape kerikot: Luineras atiar, “Kisunyite, Kododor akeswam kaanyutu: Ainerun da naka Ekalaunan loka Isirael kikuny, Kodolu, kajenutu!” Itukwi ŋul luenyarito aronis ajokis, ka ajokis aronis; Luipikakinete amuton aibois naka aica, Ka aica da aibois naka amuton; Adwaris aibois naka ajijim, Ka aiiiim da aibois naka adwaris! Itukwi ŋul luepiriaka kakonyekec ikulepek, Ido lueeobe kotoma asesenekec ikulepek! Itukwi ŋul Iuejaas agogoŋ ajmat aionio, Ido lukajenak ainyal nuitemerete. Luitojokete luegwaunete akiro kanuka aropio, Luedemarete ekadoliton akedolit! Aso kwape icweia akim ariaŋi, Ido kwape idupokinotor anya nueokito akim, Kwaŋin eraun rwaru esusutukee bala abosis, Ka aturotokee da ituaar kwape kapua: Naarai kenerenenete ikisila luka EJAKAIT loka ajoresio, Ido komenata akirot naka Ekalaunan loka Isirael. Ŋes inepunia anyunyura naka EJAKAIT mama ejaas iketuŋa, Ario akekan asurokin kes, epot kes, Komaranata da imor, Koraas atesinakee bala asusuj korotin. Karaida kiswamata ŋun kere, mam ca ejoniarit akenyunyura, Konye eriŋa akekan erioro. Ikeikini naanyunet mama ejaas atekerin kama elwana, Iinyuni kes kosaŋe loka akwap: Ido koany, erasunete aiwonyun atipet! Emameun yenepasi karaida aiguikin kotomakec; Emameun yeniluranar karaida ajotoor; Kwabo mam elacunos aeneta nukaŋabesikec, Karaida mam eŋedas arukanasia nuka amukakec: Eitak ikoioikec, iketet da akabwaikee; Ituputoorio imageger luka ibalasinikec bala iikepia, Ido akokoronokec bala etapipirio. Eraun eikunikec bala loka eŋatuny, Ikunas rwaru kwape iŋatunyo ludidik; Eebo egatunete, esomakinos lumejanakee, Koyaŋaarete iyamito, kwabo emameun yeneyuuni. Kapaaran kaya irurumaete kwape airurum naka aŋolol; Arai kite ituŋanan neeonit, Koany amuton ka aburun, Itumutonio aica kodouonoke. Toma okaru ŋol loatwania ekabaka Usia abu kaany EJAKAIT iboie koicoloŋ, loikeara, loiceleleoritai, ereret da loka akenapito kileleba eyekalu. Kobwoete Iserapin kokujukeŋ; nolidiopet kojaas abebenoka akanykape; abu korapak aarei akonyeneke, korapak aarei akejeneke, aarei da kopororia. Kosodi kiworo ediopet mama ejai loce, kotema atiar, “Lokalaunan, Lokalaunan, Lokalaunan, EJAKAIT ‘loka ajoresio: Akwap kere ileleba akeibuses.” Ido komaranata ategerio nuka ekek kanuka eporoto laka ŋol kalokiworoi, etogo da kilelebun apuru. Kasodi atemar atiar, “Wu okwe! Abei ai? Naarai atwana, naarai arai eoŋ etuŋanan loka aituk namam elai: eboie da kokidiŋ otuŋa luka aituke numam elaete: naarai aanyut akakonye Ekabaka, EJAKAIT loka ajoresio.” Kosodi kopor ediopet koserapin mama ajai, kojaas katotolet naesarani kakanike, nakelemuni karidet kotem. Kotiroria akaituk, kobala ebe, “Koany, atiro na akoniituk: kilemar numam adolitekon, ka akonironis da aluci.” Keira eporoto loka EJAKAIT kobala ebe, “Ejukari bo iŋai? Iŋai da loecamuni alosikin sio?” Kasodi atemar atiar, “Eoŋ lo: kijukarai.” Kotema atiar, “Kolot, kolimok iluŋa lu ebe: “Kiiranarete, konye mam ijenunete; Koanyununete da, konye mam Imisiikinete.” Kitisiepaik itauon luka iluŋa kalu, Kisimina akiikec, kitumudak akonyekec; Kinyeis aanyun kakonyekec, Ka akiirar da kakeceki, Kojenut kotauonokec, kibelokinos, koŋaleut.” Kasodi eoŋ atemar atiar, “Wu EJAKAIT, itodolete bo ai?” Koboŋok ebe, “Aitodol neiswapiata ireria, komamei yeniboie kotoma, Itogoi da komamei ituŋanan, kiswap akwap cut, Kisibwosite EJAKAIT ituŋa neelwana, Kipuaros amejei kokidiŋ kakwap, Karaida kesal yenikitomonet kotomaken, Idoporio bobo cut: Kwape epeduru, arai elua loesali atoromike, naejepere.” Kwaŋin ikinyom lukalaunak kes atoromake. Kosodi kanen kapaarasia nuka Akas okoku loka Yotam, okoku loka Usia, ekabaka loka Yuda, apotu Resin ekabaka loka Suria, ka Peka okoku loka Remalia, ekabaka loka Isirael koloto Yerusalem aitiji; konye kokurwokis. Aponi kolimokinai ekek loka Daudi ebe, “Emorikikinos Suria ka Epuraim.” Komaran eketau, ka itauon luka iketuŋa da, kwape kikito luka amagoro luitamarani ekwam. Kosodi kotema EJAKAIT Isaia atiar, “Koloma kiriamunos ka Akas, ijo ka okokukon Sear-yasub, kosaŋe loka aleles naka atapar nakokuju, korot loka emanikor loka ekelotan; kolimok ŋes atiar, ‘Kocoite, kiyamakina; sirikikurianar, kinyek ekonitau ailworun, kanuka ikuk lu luka akalasia nuepurunete, kanuka anyunyura naededeŋ naka Resin ka Suria, ido okoku loka Remalia. Naarai eneru Suria aronis mama ijai, Epuraim da, ka okoku loka Remalia, kobalas ebe, “Kaloto kalomakis Yuda, kesiyaloŋoŋoto ŋes, kapedoto apedot kanuwok, kadakakis ekabaka kokidiŋike, ŋes okoku loka Tabeel”: Inera kwanata EJAKAIT Edeke ebe: Mam icasi, karaida aitodolokinio. Naarai akou naka Suria ŋes Damasiko, Akou da naka Damasiko ŋes Resin. (Eriŋa etuboro ikar akaisakanykape ka lukany ebilibilun Epuraim, mam bobo eraun ateker.) Akou naka Epuraim ŋes Samaria, Akou da naka Samaria ŋes okoku loka Remalia. Arai kiŋero yesi aiyuun, Abeit mam kiticasio.’” Kolimok EJAKAIT bobo Akas ebe, “Kilipu EJAKAIT Ekonideke aanyunet; kilipu kotoma aidules arai kokuju kakuj.” Konye kotema Akas atiar, “Mam elipi, karaida akodwi EJAKAIT.” Kotema atiar, “Aso kiirasi yesi, wu jo ekek loka Daudi; erai akirot naedit kaneijaas aitapas ituŋa, tape itapasete Ekadeke da? Kanuka ŋun ŋes kiinakinia EJAKAIT elopet aanyunet; koany, epotuuni abekot, idouni ikoku yenisapat, emaikini ekekiror Imanuel. Enyami akinyet ka esik, naejenunia aiŋer aronis, aseun da ajokis. Naarai eriŋa ikoku ejenuna aiŋer aronis, aseun da ajokis, ejalakinio akwap nailaia ijo ikabakanakec iarei, Eyauni EJAKAIT mamakon, ka ikonituŋa, ka ekek loka papakon apaarasia numam lem edoluno, ameun kapaarasia nukenyounio Epuraim koYuda; ŋes ekabaka loka Asuria.” Kosodi kanen kapaaran kaŋin, iinyuni EJAKAIT ecucut loejai atutubet nakawasia naka icorin luko Misiri, ka ao da naejai akwap naka Asuria. Epote do, ibworarete kesi kere kaditon nuiswapito, koburino luka atiiba, kokukwa kere, koronyia kere da. Kapaaran kaŋin, ebareni EJAKAIT kebarenit loeropioro loejai juwai naka Ecor, ŋes ekabaka loka Asuria, akou ka ajul nuka akeje: epiari da epenek, Kosodi kanen, kapaaran kaŋin, ipisi ituŋanan ataok, ka amerekekin aarei; kosodi kanen, enyami akinyet kanuka aipues naka akile nueinakinete: naarai enyamenenei ŋinituŋanan yenideuna kakwap akinyet ka esik. Kosodi kanen kapaaran kaŋin, ŋiniibois nakejaas kolo imusabibun elukumit luedumunete atutubeta nuka epuesa alukumit, eraun naka ikodokodo ka ikukwa. Epote ituŋa nen ejaas kakabwai kaimalia; naarai eraun akwap kere ikodokodo ka ikukwa. Mam idoliori oukon kere lukolo kibokibokio kemeleku naarai ikurianari ikodokodo ka ikukwa, konye eraunos lukibuaikina ibaren, ka luipudapudaete isipanin. Kosodi katema EJAKAIT atiar, “Kolem amoru naepol, kigirigir kakwara naka ituŋanan ebe, ‘Naka Maker-salal-kas-bas.’” Kadum ikajenak lumunon Aitejenunia, Uria esasedoti, ka Sekaria okoku loka Yeberekia, Kasodi kalot neejai anabi; kopotuu ŋesi, kidou ikoku yenisapat, Kosodi katema EJAKAIT atiar, “Komaik ekekiror Maker-salal-kas-bas. Naarai eriŋa ikoku ejenuna aiworo ebe, ‘Papaka’, ka ‘Totoka’, eŋatario abar naka Damasiko, ka luŋaruna luka Samaria kakonyen nuka ekabaka loka Asuria.” Kosodi kiyatak EJAKAIT boobo einer keoŋ katema atiar, “Naarai aŋeroto ituŋa lu akipi nuka Siloa nueleleete mot, kisiyalamikis da Resin ka okoku loka Remalia; aso do koany, eyauni EJAKAIT akipi nuka Ecor, nuegogoŋ nuipu, ŋes ekabaka loka Asuria ka akeibuses kere: ilapanari ŋesi alelesiake kere, ilelebuni oitolimanake kere. Ido iyatanakini alel kiton Yuda; ilapanari etubor; edolokini da kiton omurisiŋ; ilelebi aigarar naka abebenokake alalau naka akwapukon, ijo Imanuel.” Kocelata, yes atekerin, kibilibilio; Kitoikis aki, yes kere luka akwapin nuelwaka; Koenata aŋabes, kibilibilio; Koenata aŋabes, kibilibilio. Kinerutu akiro kere nepepe, itapalaunio; Kinerata akirot, mam itogogoŋio: Naarai ejai Edeke kasio, Naarai ener EJAKAIT keoŋ kwaŋin kakan nakagogoŋ, kesisianak kenye alosenen korot loka ituŋa kalu, kobala ebe, “Sirikinerata yesi ebe, Ainerun naka ebotet, kere nuenerasi ituŋa lu ebe, Ainerun naka ebotet; sirikikuriakaros akeceitukurian, karaida aituburuunio. EJAKAIT loka ajoresio, ŋes italaunete yesi; korau ŋesi akusikurian, korau ŋesi akusiburun. Eraun ŋesi aibois nakalaunan; konye eraun amoru naitiguikinet ka atiiba naka aibirokin mama ejaas ikekia kere luka Isirael, atacit ka eic neejaas luibolete koYerusalem. Ido itiguikinos luipu, ibiroros, ebilibilio, ipokete eyaŋaario.” Koen aitejenunet, kipuc da ikisila mama ejaas ikesisiakaka. Ido edareuni eoŋ EJAKAIT, loibwai akekonyen kama ejai ekek loka Yakob, ido amoi eoŋ ŋes. Koany, eoŋ ka idwe lukainakinit EJAKAIT kirai aanyuneta, ka nukaumokin koIsirael nuepote kama ejai EJAKAIT loka ajoresio, loiboie komoru Sion. Arai kitemarete ebe, “Komoata neeŋaas luejaas ajokin ka ikacudak, luididias ka luirurumaete”: mam tiemoata ituŋa Ekecedeke? Ti kereka kemoata kesi lukatwak kanuka lukajarak? Kaboŋutu neejaas ikisila ka aitejenunet! Arai mam inerasi akirot ŋin kwape ejaar, abeit mam iwalakini kes. Ido itorete kakwap kokuriaka noi koriebi eteŋei: kosodi kanen, naariebia eteŋei, ekadakinete, ikenete kolimito ekecekabaka ka Edekekec, koŋanyito akecekonyen kuiu: esesenete akwap, ido koany, aburun ka amuton, ka anyoridid naka ariebo; ireŋiario kamuton naejesi ŋaŋ. Konye mam ejaun amuton neejai ŋin naerieba. Kapak nakolo abu kitemen akwap naka Sebulun ka akwap naka. Naputali, konye kapak nakawasia abu kitarau nakaibuses, neejai erot loka aŋolol, okekwa Yorodan, Galilaya naka atekerin. Ituŋa lukelosenenete kotoma amuton Aanyut aica naepol: Kesi da lukiboienenete kakwap naka etoribe loka atwanare, Acaiki aica. Italal ateker, iyatak aiyalamakec: Iyalamasi kakonyenekon kwape ejaar aiyalama kotoma aidweny, Kwape iyalamatar ikiliok naekoriata iŋatan. Naarai eloit lokelaŋirikinit, Ka ebela lokokeperike, Esuretait loka ekamwaŋitonike, Ibu kobil kwape kapaaran naka Midian. Naarai lujiis kere luka ŋol kaloekapit lujiis kotoma autaar, Ka inapen lueŋurito aokot, Eraas rwaru luicweio, araun luicweio kakim. Naarai kiwurikinitai oni ikoku, Kiinakinitai oni ikoku yenisapat: Ejaenena rwaru airum okeperike: Ekekiror da enyarao “Lokaumokin, Ekapetan akiro, Edeke Lokagogoŋ, Papa lomam edaun, Ekapolon loka Ainapakin.” Mam enaŋete airumuke ka ainapakin aiyatanakin, Koicolon loka Daudi, kotoma ajakanutuke, Aiticat, ka aigagat ketube, Ka adolit da amear lolo aitodol ikar kere. Itodolikini rwaru ŋun adunyanut naka EJAKAIT loka ajoresio. Abu EJAKAIT kijukak Yakob akirot, Kodoik Isirael. Ejenunete ituŋa kere, Epuraim ka yeniboie koSamaria, Luinerasi kaiwoŋonut ka aninik nakotau ebe, “Ebiroros amatapalin, Konye kiduki kamor nuikeitoi: Ejeparitai isukumorin, Konye kibwaikini iresia aiboisikec,” Ŋes itopoloorla EJAKAIT luitokokolete Resin asurokin Ŋes, Isidiki da lukasurupoke; Isurian koiŋaren, ka Ipilisitian da kokau; Erumorete Isirael kaituk naeooŋi. Karaida kiswamata ŋun kere mam ca ejoniarit akenyunyura, Konye eriŋa akekan erioro, Konye mam ituŋa ibelokinos neejai ŋol lokedanyi, Kwabo mam emoenenetc EJAKAIT loka ajoresio. Ŋes kejepunia EJAKAIT akou ka ekori koIsirael, Atenut naka amusogot ka aladot kapaaran adiopet. Emojoŋ ka esot ŋes akou; Enabi da loisisianakini nukaiŋal, ŋes ekor. Naarai luiŋarenikinete ituŋa lu etapaasi; Ŋul da luiŋarenikinio emudiario. Ŋes mam isiyalamikinitor EJAKAIT ikatumunakakec, Mam da itimi ikokiokokec, ka apuserun: Naarai itisilo ŋinituŋanan, iswamai aronis, Inera ŋiniituk nukabaŋaanut. Karaida kiswamata ŋun kere, mam ca ejoniarit akenyunyura, Konye eriŋa akekan erioro. Naarai aronis icwei kwape kakim; Isidopori ikodokodo ka ikukwa; Eebo, inoki amonieik nuka amagoro, Iyeniyenaros kotoma okuna loepuriori. Kanuka anyunyura naka EJAKAIT loka ajoresio idopit akwap cut: Esubito ituŋa da bala akito nuka akim; Emamei yenitimi onaceke, Ekopuni ice kakan nakoteten, eriebi eteŋei; Enyami ice kakan nakokediany komam imonikin: Enyamete kesi ŋinituŋanan akuan naka iidunyetekeŋ: Manase, Epuraim; ka Epuraim, Manase: Esurokinete kesi kere Yuda, Karaida kiswamat ŋun kere, mam ca ejoniarit akenyunyura, Konye eriŋa akekan erioro. Itukwi ŋul luisilakinete ikisila lumam edolito, Ka ikewadikak luiwadikaete nuka aitapaar: Luireŋearete lukican kotube, Luedemarete luebeito lukican lukotuŋaka, Eraunos apuserun nuŋatunakec, Ikokiok da lumejaunakec! Ikwaikinete ai kapaaran naka aiticanio, Kamudiar da naebuni kama elwana? Ikerete da neejai iŋai ayuunio? Ai bo da inyeiniata akusibar? Isudedeete kwap kienan, Ebirokinos kwap kalukearitai. Karaida kiswamata ŋun kere, mam ca ejoniarit akenyunyura, Konye eriŋa akekan erioro. ljo ba Eyasuriat, esuretait loka anyunyuraka, Ebela loka aisiopoka! Ejukakini ŋes asurokin ateker naitisilo, Ecorakini ŋes asurokin ituŋa luka akanyunyura, Aiŋat luŋatuna, ameja da lumelauna, Aipudapuda kes kwape erit loka irotin. Konye mam elosikinit aswam kwaŋin, Eketau da mam eomit kwaŋin; Konye ejai amudiar otauke, Agelar da atekerin kwabo mere nuikidioko. Naarai ebala ebe, “Mam kereka eraas ikapolokoka kere ikabakan? Kalino mam kereka eputosi ka Karakemis? Kamat da mam eputosi ka Arapak? Samaria da mam eputosi ka Damasiko? Kwape adolio akakan ajakanuto nuka aputosia, Nuejaas kaputosia nuegerer nuitelekarito ŋun nuejaas Yerusalem ka Samaria; Kwape keswamakinia Samaria ka aputosiake, Mam kereka eswamakini Yerusalem kwaŋin ka aputosiake?” Kosodi kanen naedaunia rwaru EJAKAIT akeswam kere komoru Sion ka Yerusalem, eticani araito nuka etau loegogoŋ loka ekabaka loka Asuria, ka aiwoŋonut naka akonyeke nueomiara. Naarai atema atiar, “Eswama kagogoŋ naka akakan, ka akaeoa da; Naarai arai loaeobe: Kebelok iikorun luka atekerin, Kaŋat abarakec, Abu kalem kwape emaswa ŋul luibolete koicoloŋo. Adum akakan abar naka atekerin kwape kakais; Ido kwape ituŋanan yenetukonokini abei nuejalitai, Atukokinit eoŋ kwape kwaŋin akwap kere: Emamei yenikibwakibwaki abebenok, Karaida yenikeooŋi aituk, karaida yenikididia.” Edakakini kereka aep aluikin ŋol loejepia? Itopoloor kereka emusemen aluikin ŋol loirii ŋes? Kwape ti eriaria ebela ŋul luikiarete ŋes, Arai kwape ti etonyounia asuretait ŋin yenimam erai akitoi! Kanuka ŋun ŋes ijukunia EJAKAIT, EJAKAIT loka ajoresio, Adokoror mama ejaas ituŋake luketumito; Ido inokokinio aitisisiet kwap kaibusesuke Kwape aitisisiet naka akim. Aica naka Isirael eraun akim, Lokalaunanike da eraun aipeloret naka akim; Icwei isidopori da ikukwake Ka ikodokodoke kapaaran adiopet. Emudiari aibuses naka amagoroke, ka naka imanikoriake luideŋeriaete, Aijar ka akuan da; Ejaun kwape edokororaror lokadekan. Ikidiokoros luedeunos luka ikito luka amagoroke, Epedori ikoku aiwadik kes. Kosodi kanen kapaaran kaŋin, mam bobo aatoŋot naka Isirael, ka ŋul da luideunos luka ekek loka Yakob egoŋakinos kaŋol kaloedanyi kes; konye egoŋakinos ka EJAKAIT, Lokalaunan loka Isirael, kabeit. Eboŋuni aatoŋot, aatoŋot naka Yakob, neejai Edeke Lokapedor. Naarai karaida kesubito ituŋakon Isirael bala asiŋe naka aŋolol, eboŋuni aatoŋot bon: inerunio amudiar, nailapara kadolit. Naarai itodoli EJAKAIT, EJAKAIT loka ajoresio, amudiar nainerunio, kokidiŋ kakwap kere, Aso inera kwanata EJAKAIT, EJAKAIT loka ajoresio ebe, “Wu yes ikatuŋa luibolete koSion, sirikikuriakaros Eyasuriat: karaida kiile yes kebela, ikiari esuretaiteke asurokin yes, kwape ejaar epone loko Misiri. Naarai eriŋa esalit apak edit noi, itodolikinio aisiop ka anyunyuraka kamudiariokec. Isidiki EJAKAIT loka ajoresio edaaset asurokin ŋes, kwape kearit loka Midian lokejai komoru Oreb: ejaun ekebela da kaŋolol, ikiari kwape ejaar epone loko Misiri. Kosodi kanen kapaaran kaŋin, enyouni abwokonike kokeperikon, ajookotoke komurisinikon, emudiario da ajookot kanuka ainyonyoikin akinyet.” Adolu ŋesi Aiat, atubor koMiguron; Kiŋadak abwokonike koMikimas: Atuboros karidat; koperoto Geba: Kitamarana Rama; aker Gibea loka Saul. Kiluluk keporotokon, ijo akoku naka Galim! Kopup ijo Laisa! Koboŋok ŋes, ijo Aŋatot! Aker Madumena; Etukonokinos luibolete koGebim akerit, Toma apaaran na naka lolo eperi Nob: Iniŋi akekan aluikin emoru loka akoku naka Sion, Eukot loka Yerusalem. Koany, ibesi EJAKAIT loka ajoresio atenuna ketasuro: Ejepario lueojak, itisilio luitopolooro. Ejepi kasuat amonieik nuka amagoro, Ibiror Lebanon kanuka lokapedor. Ido elomuni alibunet katorom naka Yese, Atenut da naelomuni kaliasioke erai araito. Iboie Emoyo loka EJAKAIT kaŋes, Emoyo loka acoa ka ajenun, Emoyo loka ainerun ka agogoŋ, Emoyo loka aijen ka ayoŋit EJAKAIT; Isiyalamikinit ayoŋit EJAKAIT. Mam etubokini kwape eanyuniata akekonye, Karaida aitoron kwape epupioto akeki: Konye etubokini lukican kadolit, Itoroni kaitenara luitasonos kakwap: Inomi akwap kebela loka aitukuke, Eari ikaronon keiyeŋane loka aitukuke. Adolit ŋes aenet naka aŋabeteke, Amunonut da ŋes aenet naka iŋeretenyake. Iboie epeet kimerekek yenididi, Eperi erisa kikalol; Itaok ka ikoku yenika eŋatuny ka yenetumit nepepe; Iŋarenikini kes ikoku yenididi. Edakas aiteŋ ka adubu; Eperete ludidikikec nepepe: Enyami eŋatuny inya kwape kemoŋ, Eboliai ikoku yenenaki kaipany naka asigirikoloŋ, Ikoku da yenejakarit ibwaikini akekan akai naka ekiriton. Mam isiriebete karaida amudiar koroŋataka kere lokalaunan: Naarai ilelebun akwap aijen EJAKAIT Kwape kakipi nuerapiarito aŋolol. Kosodi kanen kapaaran kaŋin, ebwoi atorom naka Yese, araun emedera loka atekerin, emoenenete atekerin neejai ŋol; eraun akeibois naibworaria nakaibuses. Kosodi kanen kapaaran kaŋin, eriori bobo EJAKAIT akekan irwan nakiareit ainyakunia aatoŋot naka ituŋake lukideunos, anyoun koAsuria, ka Misiri, ka Paturos, ka Kus, ka Elam, ka Sinar, ka Kamat, ka apujana da nuka aŋolol. Esipokini ŋesi emedera katekerin, Etukonokini luereŋetai koIsirael, Kosodi ayaŋaun luesiarisiaritai koYuda, Anyoun kagoria aoŋon nuka akwap. Ido edaun ekokote loka Epuraim, Emudiario da ŋul luitapasete Yuda: Mam Epuraim ikokoteikini Yuda, Yuda da mam itapasi Epuraim. Ekukusikinos kesi okeper loka Ipilisitian kari nakoto; Imorikikinos aiŋat idwe lukokide. Ikearete akecekanin mama ejaas Edom ka Moab; Erimarete da idwe luka Amon kes, Emudiari cut EJAKAIT aŋajep naka aŋolol nako Misiri; Ido ilakilakakini akekan neejai Ecor kekekwam loitooni, Inomi ŋes araun icileta ikanykaarei, Isidokari ituŋa kookito akecekejen. Ejaun erot lokapolon neejai aatoŋot naka iketuŋa luideunos anyoun ko Asuria; Kwape ajaar kanuka Isirael Kapaaran nakenyounio kakwap nako Misiri. Kapaaran kaŋin itemari ebe, “Kemalai jo, wu EJAKAIT; Naarai karaida ibu konyunyurik eoŋ, Ebelokin akoninyunyura, Ido kitalaka eoŋ, Koany, Edeke ŋes akaitajario; Amunoneno, komam akurianar: Naarai EJAKAIT YAWB ŋes akagogoŋ ka ekakosio; Ido araun ŋesi akaitajario.” Kanuka ŋun ŋes iriseneneoto akipi kaiyalama kotoma atanin nuka aitajario. Kapaaran kaŋin itemarete ebe, “Kimalata EJAKAIT, kiwoneoto ekekiror, Kitejenikis atekerin akeswamisio, Kolimonokis ebe itopolooritai ekekiror. “Koyeikis EJAKAIT; naarai eswama nuka aibuses: Kojenunai ŋun kakwapin kere. Kibwoŋ, kikare, ijo yeniboie koSion: Naarai epol Lokalaunan loka Isirael kokidinikon.” Abwokon naka Babulon nakeanyuni Isaia okoku loka Amos. Kosipokis emedera koroŋat lolarioŋ, Kikeseutu eporoto, kokwetut kakan, Kolomasi kesi korutei luka lukapolok. Ecoraki itiakunaka, Eebo, kanyarau ikatuŋa lukirigin kanuka akanyunyura, Kes lukaŋ luibwoŋas kaiturit, Ecelet loka ekodet koroŋan, kwape ateker naepol! Ecelet loka aumeno naka ajakanuto nuka atekerin nuetukonokinos! Inotuni EJAKAIT loka ajoresio ajore ejie. Epote kakwap naelwana, Kosaŋe da loka akuj, EJAKAIT ka lujiisike lukaisiopoke, Amudiar akwap kere. Kibwololoto; naarai eapie apaaran naka EJAKAIT; Ebuni kwape kamudiar naebuni kama ejai Lokapedor kere. Ŋes ilakajanarotor akanin kere, Ipirisiar etau loka ŋinituŋanan. Eburuunete. Ikamuni kes ariebo ka aiturur; Eriebasi kwape aberu naidouni. Eŋolianakinos kaumokinit; Esaranete akecekonyen. Koany, ebuni apaaran naka EJAKAIT kadedeŋ, Kanyunyura, ka aisiop naepol; Aitaraunia akwap naiswapit, Amudiar da ikadiakanarakake kotomakeŋ. Naarai mam ecaunete aacer nuka akuj ka atukonokec aicakec: Itumutonorio akoloŋ elomuni, Mam elap da ecauni akeica. Eticani eoŋ akwap kanuka aronisike, Ka lukaronok kanuka numam adolitekec: Etapalauni aiwoŋonut naka luiturokina, Etisili da aisosolonut naka luitasuroko. Etarauni iluŋanan yeneciciŋ aitelekarit esabu loejok, Ituŋa luecicin aitelekarit esabu loejok loka Opir. Kanuka ŋun ŋes etamarania akuj, ljanijanio da akwap anyoun kaiboisike, Kotoma anyunyura naka EJAKAIT loka ajoresio, Kapaaran da naka akeisiop naepol. Kosodi kanen, kwape amori naemejao, Ido kwape kamerekekin nuemamei yenetukonokini, Ibelokinos ŋiniluŋanan aboŋun otuŋake, Ekerete kesi ŋinituŋanan bukec. Ieumio nin yenetakanuni; Eari ekileŋ ŋinidiopet yenekamunio. Idecidecio imukerunukec kakonyenekec; Eŋasio itogoikec, ebuorio akeceŋor aiteper. Koany, esidiki eoŋ Imedin asurokin kes, Lumam ibwaikinito itauonokec toma opuesa, Mam isiyalamikinito da esabu. Ebilibilete akabwaikec ikatumunak; Mam itimete aur naka akoik; Mam akecekonye itimete idwe. Babulon da, aibuses naka ajakanuto, Ajokis naka aiwoŋonut naka Ikaludean, Eraun kwape Sodom ka Gomora Nakemudiaria Edeke kes. Mam bobo ituŋanan iboienenei kotoma, Kwabo mam iboienenei anyoun katurio kiton aturio: Mam Eyarabut idukuri ŋina; Mam bobo da ikecokok ituuriakete isipaninikec kaŋina, Konye eperenenete itiaŋ lukadedeŋak luka amodiŋ kaŋina; Ilelebunos ikeeetogoi itiaŋ luirurumaete; Ibolenenete ikuului kaŋina, Etacete da ikorwa kaŋina. Egatasi ipeen da kotogoikec luibwaitai, Ikuwei da kotogoikec luisiyalamikinete: Eapie akepak abunore, Mam akepaarasia iyatakinos. Naarai itimi EJAKAIT Yakob, eseuni bobo Isirael, ibwaikini kes akwapukec: imorikikini imoit kakes, iketakinos kekek loka Yakob. Eyaete da atekerin, kosodete ayaŋaun toma aiboisikec; ejaun ekek loka Isirael kakes kakwap naka EJAKAIT araun ibulesin ka abulesin: ijoreorete kesi ŋul luapotu kijoreosi kes; eyaete ŋul lukeroikinitos kes, Kosodi kanen, kapaaran nakisibworaria EJAKAIT jo kaitururukon, ka icanikon, ka aitaaritoi kere nakitaaritere, inera awaragan na aluikin ekabaka loka Babulon, itemari atiar: “Adaun ca ma ekaroikiton! Adaun ca ma ere lokesabu! Abil EJAKAIT ebela loka ikaronok, Ebela lokajakanut loka ikayaitok; Loadanya ituŋa kanyunyura kaidany natir, Loayaitor atekerin kaisiop, Karoikinit naemamei yenitikokinit. Ibworarit akwap kere, Ililiŋi: Egeunete ayoore. Eebo, iyalamasi iberosin kanukon, Ka iresia luka Lebanon, ebalasi ebe ‘Ameun kaitisiliokon, Emamei lokijepit sio.’ Iriaŋiriaŋa Okatwak kokwap kanukon Airiamakin kajo ibuni: Isidiki lukatwak kanukon, Lukapolok kere luka akwap, Itonyounit koicoloŋokec Ikabakan kere luka atekerin. Kes kere kiboŋokinete jo, Ebalasi ebe, ‘Ikalanyanari ijo da kwape kasio? Iput kwape kasio! Ikokororitai aibusesukon kiton Okatwak, Ka aruo naka adigidigiokon; Epesikinitai ikur kwapukon, Iritan da kimukoritere. Ibirun ca ma kakuj, ljo Aacer naka Atupuruc, okoku loka Acilakide! Kijeparitai ca ma kiton alup, ljo loibu kitisil atekerin! Ibu kiner kotaukon ebe, ‘Adokari toma akuj, Etopoloori ekaicoloŋ aitelekar aacer nuka Edeke; Ido eboikini omoru loka einos, Kosaŋe loka ari naka agolitomei: Adokari kuju adepar amukurur naka idouon; Aputokin ka Je loejai kuju kakuj.’ Konye kikokororio kiton Okatwak, Atutubeta nukokwap nuka aipany. Ŋul lukianyunete jo kiŋanyanakinete akonye, Kirereete jo, kobalas ebe, ‘Lopelo tope lokitamarani akwap, Lokijaŋijaŋi ajakanuto: Lokitarauni akwap amodiŋ, Loketiyakini ireriake; Lomam abu koosik ienanake aboŋor bukec?’ Ikabakan kere luka atekerin, kes kere, Ejotooros kaibuses, Ŋolituŋanan kotogoke. Konye jo kicakario kailitikon kwape atenut naelaitai, Konapite lukatwak, luecumucumutai kekileŋ, Luijesaros kiton amor nuka aipany; Kwape kates naicakacakao. Mam imorikikini kakes kanukio, Naarai imudiar akonikwap, Iar ikonituŋa, Mam elimorio aur naka ikeswamak nueroko ikar kere. Kitemokisi aario naka ikedwe Kanuka numam adolit nuka lukapapakec; Tetere mam enyounete, irumete akwap, Ilelebete ireria akwap kere. Ebala EJAKAIT loka ajoresio ebe, “Anyoikini eoŋ kes,” ebala EJAKAIT ebe, “Abilari koBabulon ekiror ka aatoŋot, okoku ka okoku loka okoku.” Ebala EJAKAIT loka ajoresio ebe, “Etarauni airumet naka eeoc, ka ataparin nuka akipi: apiari da kigweren luka amudiar,” Eyapoik EJAKAIT loka ajoresio, ebala ebe, “Abeit, kwape aomoomotor, ejaun kwaŋin; Kwape abu kenerunia, etogogoŋi kwaŋin. Abilari Eyasuriat kakwapuka, Ecakacakai koroŋanaka: Elemar akejookot kamakec, Abwokonike da kokeperinikec.” Ŋin ŋes ainerun nainerunitai kakwap kere: Ŋin ŋes akan naerioro mama ejaas atekerin kere. Naarai EJAKAIT loka ajoresio ŋes inerunit, Iŋai da itapalauni? Erioro akekan, iŋai da inyakakini? Kokaru loatwania ekabaka Akas kojaun abwokon na ebe: “Sirikiyalamikin, ijo Pilisitia kere, Naarai abila ebela lokiinomi: Naarai kotoma aliasit naka emun elomuni asigirikoloŋ, Aurike da eraun emun loesarani loeporitoi. Enyami yenikiyai yenika lokican, Eperi da yenilwaritoi kainapakina: Aari eoŋ aliasitikon kebeli, Eario aatoŋotokon. Kibwolol, ijo erut, Komony, ijo ere; Kocalar ijo Pilisitia kere; Naarai elomuni apuru kari naka agolitomei, Kwabo emamei yenepaari korioŋetakec.” Aso eboŋokini biai ikiyakia luka ateker? Ebe, “Abu EJAKAIT kibwaik apetetait naka Sion, Ŋes ekuianarete luereitai luka ikeruna kotomakec.” Abwokon naka Moab, Naarai kakuar adiopet komunaarai Ar loka Moab, Kitapalaunai; Naarai kakuar adiopet komunaarai Kir loka Moab, Kitapalaunai. Etor Bayit ka Dibon, aiboisio nuiceleleete, aibworo: Ibwololoi Moab koNebo, ko Medeba da: Kojai epata akwesikec kere, Kobarenitete ŋolipenek. Konapitos kesi ipukoi korotinikec: Kibwololoi ŋinituŋanan koswion luka itogoi, Kaiboisiokec nuelalak, Emonyi akiyo nuipu. Emonyete Kesibon ka Eleale da; Kopupos ikeceporotoi kiton Yakas: Kanuka ŋun edelorete ituŋa luka Moab luanapito luijiis; Komarani eketau kotomake. Emonyi ekatau kanuka Moab; Ekerete isotiake Soar, Egilat-selislya da; Naarai edokarete kaimony kaneedokarere Lukit; Naarai ilalaete nuka amudiario korot loka Koronaim. Naarai komunaaros akipi nuka Nimirim: Korinyosi inya, korumor amelo, Komamei da adiokiot, Kanuka ŋun edakarete luedeunos kotoma luadumutu, Luapotu kikuniatos, Aguurut naka ikito. Naarai ikaikina aimony koikoruno luka Moab; Aibwololoke kiton Egilaim, Aibwololoke da kiton Beer-elim. Naarai ileleba akipi nuka Dimon aokot: Naarai eyatakini bobo eoŋ ayaun ace koDimon, Eŋatuny abunokin ŋin yenekui yenika Moab, Abunokin da luedeunos. Kiiukakisi yesi ekayaiton loka akwap idwe luka imerekekin Anyoun koSela loitei amodiŋ, Kiton moru loka akoku naka Sion. Naarai kwape akweny nueturiatos, Kwape isiarisiarunotor kotoma akaisikec, Ikote nen adwe nuka Moab Kodoketa luka Arunon. Kopet akiro, kitodol etube; Kituput etoribekon kwape loka akuar kidiŋ paaran: Kitoŋop luereŋearitai; Siribeliana kama ejai yenipasitoi. Konupak lukaŋ luereŋearitai aiboienen kajo; Moab da, korau ijo aigalisitike kakonyen nuka ekaŋatan: Naarai eoliori ekamwanan, Enaŋi aiŋat, Emudiaros ikepudak kakwap. Iticasio eicoloŋ loka ajakanut kaitim, Iboikin ediopet kabeit kowema loka Daudi; Etubonokini, emoi etube, Isunyit aswam adolit, Kipupu eitur loka Moab, ebe eturokin noi; Aiwoŋonutuke, eiturike, ka anyunyurake da; Erai ailabilabake naatai. Kanuka ŋun ibwololoi Moab kanuka Moab, Ibwololoi ŋinituŋanan kere: Imonyete yesi imugatin luka emusabibu luka Kir-kareset, Kinomitai noi. Akalanyakata imanikoria luka Kesibon, Ka emusabibu loka Sibima; Apotu ijaka luka atekerin kobilibilata iraanake luetelekarito kajokis; Kodoloto Yaser, eturiatos kamodiŋ; Apesito atenunake, kilamaros kaŋolol, Kanuka ŋun kimori eoŋ aimony akiyo kaimony naka Yaser Emusabibu loka Sibima: Ecocoi jo kakiyoka, Wu Kesibon, ka Eleale: Naarai kedolok eibwoŋ loka ejie araitokon ka aisakakon. Elemaritai aiyalama, ka ailel komanikor loideŋeriat; Emameun ayoore komanikoria luka emusabibu, Karaida ekare loka aiyalama: Emameun yenicakacakai imusabibun kacuesia; Esililiŋ eoŋ eibwoŋ loka aisak. Ŋes eruor ekatau kwape kadeudeu kanuka Moab, Atutubetaka nukotoma da kanuka Kir-keres. Kosodi kanen, nakitodiaror Moab, kopasak aibois naicelelei, kobuni do aiboisike nakalaunan ailip, mam ŋes ipikori, Ŋin ŋes akirot naabu EJAKAIT kolim kolo nuka Moab. Konye kwana ener EJAKAIT ebe, “Eroko ketuboro ikar iuni, kwape ikar luka ŋol kaloiswamai eropit, kitisilio aibuses naka Moab kekodeteke kere loepol; luasalitos da luikidioko cut, komam kepodoi araut ibore cut.” Abwokon naka Damasiko. Koany, mam bobo Damasiko eraun ere, Konye eraun ameje, Kesiliokoto ireria luka Aroer: Eraunos luka isipanin, lueuriakete, Komam yenitukuriani kes. Iner EJAKAIT loka ajoresio ebe, Eoliori da etogo loegogoŋ koEpuraim, Eoliori da ajakanut koDamasiko, Ka luideunos koSuria; Esubete bala aibuses naka idwe luka Isirael. Kosodi kanen kapaaran kaya, Iŋoŋari aibuses naka Yakob, Esenyi da abures naka akuanake. Ikoni kwape naetukonokinia ekasakan akima nuebwoete. Esaki da akekan aluŋuren; Ecbo, ikoni kwape nairaria ituŋanan aluŋuren Kaditot naka Repaim. Inera EJAKAIT, Edeke loka Isirael ebe, Konye do ideunos lueleleŋio, Kwape ijaŋijaŋia eseituni araito aarei arai auni katenu naisididiara, Aoŋon arai akany katenuna nuelaanakina nuka ekitoi loideŋeriat, Kapaaran kaya eseseni etuŋanan Lokasubanike, iteete akekonye Lokalaunan loka Isirael. Mam eseseni itemwan, aswamisio nuka akaninike, mam da itei ŋin naeswamato ibokoroke, karaida Aserim, karaida aputosia nuka akoloŋ. Kapaaran kaya ikote ireriake luegogoŋ kwape aiboisio nuesiliok kamonieik ido kaidi naka eroŋat, nuesiliok kakonycn nuka idwe luka Isirael: eraun asilio. Naarai kimurwok Edeke loka aitajariokon, Kwabo mam iitunit Atiiba naka agogoŋukon; Kanuka ŋun irai iraan luitojokitai, Irai da lutubununo lumo: Kapaaran nairaia ijo ibwauni, Tupuruc da isilibuni ekonikinyomit; Konye ilicar aisak, Kapaaran naka akadakin ka aburunit naepol. Wu okwe, aiumuumo naka ituŋa luipu, Luirurumaete kwape airuruma naka aŋololin; Akalele naka atekerin nueleleete kwape alel naka akipi nuegogoŋ! Eleleete atekerin kwape alel naka akipi nuipu: Konye iretakini ŋesi kes isidisidiaros, Erukitere kwape agugu nuka iroŋan kakonyen nuka ekwam, Ido kwape apua naiyeŋiyenitoi kakonyen nuka etapipirio, Atiboŋ, koany, etasuro; Koriŋa iwalara, emameete, Ŋin ŋes akorakinetekee lukiŋasete oni, Naebeit ŋul lukiruruete oni. Wu okwe, akwap naka abebenoka nuipukupukos, Naejai okekwa kicorin luka Etiopia: Naijukari ikiyakia aitor aŋolol, Toma atakerin nuka aladoi ebe, Koloto, yes ikiyakia luitiroko, Mama ejai ateker naeojak ituŋa luerurut da, Ateker nasogim ameun kageunetekee kiton kwana; Ateker naekorokoroi naipudapudai, Naetiakito icorin akwapukec! Yes kere luibolete kakwapin, Ka yes da luidukurete kakwap, Naikeikinia emedera koronan, kosesenete yesi; Naekutakinere arupepe, kopuputu yesi. Naarai kabala EJAKAIT eoŋ kwanata ebe, “Apaluni eoŋ, aseseni ajai aiboisika naeboio; Kwape aibuse naipiororoi kocai akoloŋ, Kwape elisina loka akopyo kaibuse naka aisak.” Naarai eriŋa aisak kedoluno, kerinyosi atur, Eluoros atur imusabibun luimomwotos, Kotubutubei ŋesi luitocete kicilikikin lukidimet, Atenuna da nuepesitos ejepari ŋesi, elemari da. Ejalakinitai kere akweny nueurupitos nuka iroŋan, Ka itiaŋ da luka akwap, Toma aiporo enyamenenete akweny nueurupitos, Toma akamu da enyamenenete itiaŋ kere luka akwap. Kapak kaŋipe kaŋin einunio EJAKAIT loka ajoresio Ainakinet naka ituŋa lueojak luerurut da, Ateker nasogim ameun kageunetekec kiton kwana; Ateker naekorokoroi naipudapudai, Naetiakito icorin akwapukec, toma aibois naka ekiror loka EJAKAIT loka ajoresio, moru Sion. Abwokon naka Misiri. Koany, ibwanenit EJAKAIT edou loetirono, Kodoluni Misiri; Emaranete aputosia nuka Misiri kakonyeneke, Eburuni etau loka Misiri kokidiŋike, Esidiki eoŋ Imisirian asurokin Imisirian: Ejiikinos da ŋinituŋanan konaeeke, Ejiikinos da ŋinituŋanan kekeidunyet; Ejiikini ere kere, Ajakanut da kajakanut. Ikokoorio emoyo loka Misiri kokidiŋike, Etapaluni eoŋ ainerunikec: Emoete neejaas aputosia, ido mama ejaas imurwok, Ka ŋul luejaas ajokina, ka ikacudak da, Ebala EJAKAIT, EJAKAIT loka ajoresio ebe, Ejaikini eoŋ Imisirian akan naka ejakait loibworit, Koyaite kes ekabaka loededeŋ. Eonikinete akip kaŋolol, Idiumumaar ecor eoni de. Ewurunete icorin tulutul; Idianaros icileta luka Misiri eokete da; Erinyorete isegei ka aladoi. Eonikini erony loidunyas ka Nile, Ariri naka Nile, Eokete da kere lueyeiyo kariri naka Nile, Ireŋearitai, emamuunete cut. Ekuudianete da ikekamak, Ibworos rwaru ŋul kere luecakanakinete igolun Nile, Ekalanyakaros ŋul luepesete iboyan kakipi. Ido bobo da irumete ileic ŋul luitwasamaete abirai nuikisitai, Ka ŋul da luewojiete egoe loekwaŋ. Ebilibilunos ipirinoke, Ekadakinete ŋul kere luiswamaete eropit. Abaŋaakata cut ikapolok luka Soan; Ainerun naka ikenerunak lukacoa luka Parao araun bala naka itiaŋ: Ikwaikinete ai itemarete Parao atiar, “Arai eoŋ okoku loka lokacoa, Okoku loka ikabakan lukarioŋa”? Alu bo teni ikonituŋa lukacoa? Kolimokis cani kesi jo kwana; Kojenutu kesi nuelosikinit EJAKAIT loka ajoresio koMisiri. Aluoros ikapolok luka Soan ibaŋiok, Emoditai ikapolok luka Nop; Apotu ŋul lueraas amoru nuka agoria nuka atekerinike Kitapaasi Misiri. Enyalaki EJAKAIT emoyo loka aijerukanut tomake: Esigetaasi Misiri kaŋiniswam kere, Kwape igetakinor lokameran alekanake. Emameuni da Misiri adioswam kere naepedori akou, arai ekori, Atenut naka amusogot, karaida aladot aswam. Kapaaran kaya esubi Misiri kwape kaŋor: emarani ekurianari kanuka aijaŋijaŋ naka akan naka EJAKAIT loka ajoresio, naijaŋijaŋakini ŋes, Eluor akwap naka Yuda naketasuro koMisiri, ekurianari ŋinituŋanan yenepupuni nukeŋ, kanuka alosikinit naka EJAKAIT loka ajoresio, naelosikinit ŋeasi asurokin. Kapaaran kaya ejaunos ireria ikany kakwap nako Misiri luineras aŋajep naka Kanaan, luiyapoikinete EJAKAIT loka ajoresio; komaikinai ediopet ebe Ere loka amudiario. Kapaaran kaya ejaun etem loka EJAKAIT kidiŋ kakwap nako Misiri, ido epiri loka EJAKAIT koikoruke. Eraun ŋesi aanyunet, ido ekaienan mama ejai EJAKAIT loka ajoresio kakwap nako Misiri: naarai emonyakinete EJAKAIT kanuka ikamwaŋak, iyakikini ŋesi eketajaran, ekegalikinon, eyuuni kes. Ejenunio EJAKAIT koMisiri, ejenunete Imisirian EJAKAIT kapaaran kaya; eebo, emaete ŋes kainakin asuban ka ainakineta, iyapoikinete da EJAKAIT aiyaposit, ido itodolete. Inomi EJAKAIT Misiri, kinomite ka aitaŋaleun da; eboŋunete mama ejai EJAKAIT, iirari ŋesi aiŋaiŋakec, itaŋaleuni kes. Kapaaran kaya ejaun erot lokapolon anyoun koMisiri kiton Asuria, elomari Eyasuriat Misiri, Emisiriat da elomari Asuria; emaete Imisirian nepepe ka Iyasurian. Kapaaran kaya iuniikini Isirael Misiri ka Asuria, eraunete arereŋ kokidiŋ kakwap: naarai abu EJAKAIT kisirereg kes, kobala ebe, “Isireregitoi Misiri ikatuŋa, ka Asuria aswam naka akakanin, ka Isirael da airumeteka.” Kokaru loabu Taratan kobunokinia Asudod, nakiyakiaria Sarugon ekabaka loka Asuria ŋes, kitiji Asudod koyaŋa; kapak kaŋin kiner EJAKAIT kama ka Isaia okoku loka Amos ebe, “Kolot, kolaca epuko loinapit kaŋabetekon, kolaea da amuk kakejekon.” Kiswama kwaŋin, kosakasak imujalal, komam enapit idiobore kakejeke. Kotema EJAKAIT atiar, “Kwape kesakasakator Isaia ekakejaanakinan kimujalal, komam enapit idiobore kakejeke ikar iuni araun aanyunet ka nakaumokin koMisiri ka Etiopia da; kwape kwaŋin emearia ekabaka loka Asuria luijoreoritai koMisiri, ka luereŋearitai koEtiopia, ludidik ka lumoion, kimuialalas, komam enapitos idiobore kakejekec, komam erapap iwoos, aisurum Misiri ileic. Eburunete, irumete ileje, kanuka Etiopia amunokee, ka Misiti aibusesukec. Kapaaran kaya ineras luibolete kariri naka aŋolol na ebe, ‘Koany, ikoni nen amunowok, nekipou kakeriasi aisigalikinio tetere kiyuunio kama ejai ekabaka loka Asuria: ka oni da, kikwaikini ai kikui?’” Abwokon naka amodiŋ naka aŋolol. Kwape ekutaror itapipirion kari naka Eŋalakimak, Elomuni kamodiŋ kakwap nasogim. Kalimokin eoŋ aitapoet naetiono; Ekamodan emodomodoi, ekaŋatan da eŋasi. Kodoka, ijo Elam; kirigau, ijo Media; Esililiŋi eoŋ eidinyike kere, Kanuka ŋun ileleba aŋabeteka ariebo, Kekamut aayoi kwape aayoi nuka aberu naidouni: Ketipipilata komam apedori akiirar; Kaburunit komam apedori aanyun. Iyeŋiyeŋa ekatau, ketukurianata nusogim; Eloeokin akamukat naabu kemiela araun amaran kama ajai. Itemonokinete kesi emesa, epesete imukekan, Enyamete, emasete da. Konyoutu, yes ikapolok, Kinyonyoata ebuku akinyet. Naarai kabala EJAKAIT eoŋ kwanata ebe, “Kolot, kibwaik ekedaran; Kolimo ŋeasi nueanyuni: Naeanyunia ŋesi erioŋet loka ikebwanenok luelosete iareiarei, Erioŋet loka asigiria, erioŋet loka akaalai, Kodunyak ŋesi noi aipup.” Kikuna kwape eŋatuny ebe, “Wu EJAKAIT, abwoenenei tiritir kokuju kaiteis paaran, Kebwaanakinio kaiboisika akuaresia kere. Ido koany, ebunit erioŋet loka ituŋa, Ikebwanenok luelosete iareiarei.” Koboŋok kobala ebe, “Ebiror Babulon, ebiror; Abilibilunos aputosia kere nuegerer nuka idekesioke kiton akwap.” Wu jo, naieomomoka, ido alosika naepietet: Abu kalimok jo nuabu keira kama ejai EJAKAIT loka ajoresio, Edeke loka Isirael. Abwokon naka Duma. Ejai yenikeworoi eoŋ koSeir ebe, “Ekedaran, anyoika nuka akuar? Ekedaran, anyoika nuka akuar?” Koboŋok ekedaran ebe, “Ebunit apaaran, ido akuare da; Arai ikotosi aiŋitun, kiŋita: Koboŋutu bobo.” Abwokon naka Arabia. Iperete yesi ais naka Arabia, Yes luidiaete luka Idedanin. Koinasi akipi ŋin yenajakit akure: Apotu lueboiete kakwap naka Tema kisiriamasi luakerete Ka aijaikin da kes ikecenyamat, Naarai kekerete kesi kokileŋa, Kokileŋa lueutunitoi, akabwai nuikesitai, Kanuka awuruun naka ejie. Naarai kabala EJAKAIT eoŋ kwanata ebe, “Eriŋa ekaru ketuboro, kwape ejaatar ikar luka ekeswaman eropit, eoliori aibuses kere naka Kedar: ikidiokoros luideunos da kotiai loka ikeketak akabwai, ituŋa lukirigin luka idwe luka Kedar: naarai ener EJAKAIT, Edeke loka Isirael.” Abwokon naka aditot naka aitapoet. Anyoika bo ŋun, idokar ijo cut Oswion luka itogoi? Wu jo loileleba eibwoŋ, Ere lokecelet, ere lokcicur; Mam luaaranakon eario kekileŋ, Kwabo mam etwakito koile, Akerata ikayaitokokon nepepe, Apotu ikeketak akabwai koenata kes: Kere lukedumakinio mamakon aponi koenai nepepe, Apeata neelwana. Kanuka ŋun katema atiar, “Sirikiteete eoŋ, kamony noi akiyo; Siritaaritos aipudun eoŋ, Naarai enataritai akoku naka ikatuŋa.” Naarai ebunit apaaran naka aburun, Naka aipudapud, naka abuonokin da, Kama ejai EJAKAIT, EJAKAIT loka ajoresio, Kaditot naka aitapoet: Aitakitak arwatatin, amonyakin iroŋan, Arwa Elam akuraru, Ejaas kagalin nuka ituŋa ka ikebwanenok; Apuko Kir ebuku, Kosodi kanen, ileleba aditonokon nuejok agalin, Kiderakinos ikebwanenok orute. Kolaca arapetait naka Yuda. Ibu kosesen kapaaran kaŋin lujiis lukotogo loka amagoro. Ipotu koanyutu arorwaitin nukore loka Daudi; ipotu kotukonokis akipi nuka atapar naijesara. Ipotu kimarata itogoi luka Yerusalem, kotiyatiyata itogoi anwokia arwatat. Ipotu kobokata atapar kidiŋ karwatatin aarei kanuka akipi nuka atapar namojoŋ: konye mam ipotu kosesenata ŋol lokesubi ŋun, karaida aanyun akonyen nuka ŋol kalokolo kiswamai ŋun. Kapaaran kaya abu EJAKAIT, EJAKAIT loka ajoresio, Konyarau ituŋa aimony, ka aibworo, Ka abareno, ka anapit da ipukoi: Ido koany, aiyalama ka ailel, Aiar imoŋin ka aipu imerekekin, Ainyam akiriŋ, ka aimat ebino. “Mere kanyama, kamata da, Naarai kitwaki moi.” Kikujokin EJAKAIT loka ajoresio akiika, Ebala EJAKAIT, EJAKAIT loka ajoresio ebe, “Abeit mam kilucio yes numam adolit nu Aitodol neitwakiata.” Inera EJAKAIT, EJAKAIT loka ajoresio kwanata ebe, “Ape, kolot mama ejai ekeŋadan ŋol, ŋes Sebuna, loepolokinit etogo, kiner ebe, Iswamai inyo kane? Iŋai da ijaatar ijo ne, tape ibokit ailit ne? Ibokikinit ailit kuju, aikeikin aibois atiiba! Koany, kirutari EJAKAIT jo kagogoŋ, ijo lokagogoŋ: eebo, kilidi ŋesi jo ba ba. Abeit kiiliili jo ka acakar da kwape emupira akwap naelal; itwanikini nina, ŋina da ejaunos agalinikon nukaibuses, ijo ileic luka etogo loka eiakaitikon, Kerenei eoŋ jo kaswamukon, kidemario apoloukon. Kosodi kanen, kapaaran kaya anyarauni eoŋ ekakeiaanakinan Eliakim okoku loka Kilikia: etanapi eoŋ ŋes ekonikaso, etogogoŋi ŋes karokobakon, ejaikini ayaitekon akanike; eluori ŋesi papa loka luibojete koYerusalem, loka ekekloka Yuda da. Esirioni eoŋ elacetait loka ekek loka Daudi kokeperike; eŋaari ŋesi, emameuni da loegoli; egoli ŋesi, emameuni da loeŋaari, Esikakini ŋes kwape kekweru aibois naicasit; eraun ŋesi eicoloŋ loka aibuses kokek loka papake. Ikajakinete kesi kamake aibuses kere naka ekek loka papake, aur ka luetupanakinete, ŋinibore kere yenedit, ameun kaiwokito aitodol akaalakanya. Ebala EJAKAIT loka ajoresio ebe, kapaaran kaya, ilokulokun ekweru loisikakinitai aibois naicasit; ejepio, ibiror, emudiario da luebwokit ŋesi; naarai ener EJAKAIT.” Abwokon naka Turo. Kibwololoto, yes ameerin nuka Tarusis; Naarai eswap, ŋes emamea etogo, emamea neelomaret. Epukoritai kakwap naka Kitim. Kililiŋata, yes luibolete kapujan; Yes luapotu ikagwelanarak luka Sidon, Luekwaŋanaros kaŋolol, kisilelebata. Kakipi nuipu, ikinyom luka Sikor, Aisak naka Nile, ŋes esoloke; Kerai ŋesi agwelanaret naka atekerin. Kiruma jo ileic, wu Sidon, naarai ener aŋolol, Ere loegogoŋ loka aŋolol, ebe, “Mam eoŋ kariebit aidoun, karaida aidoun, Mam etanit ikatumunak, karaida aisa abekon.” Naedolioto iemuto Misiri, Ekadakinete kesi iemuto luka Turo. Kotuboros koloto Tarusis; Kibwololoto, yes luibolete kapujan, Erai teni lo erekus lokeicur, Lomojoŋ ageun kolo kasonya, Loatapit akejeke ayaŋanar ŋes Aiboioror kama elwana? Iŋai bo alosikinit ŋun koTuro, Ekakoran abokoi, Ikagwelanarakake eraas ikapolok, Luisiecanarete da eraas isotia luka akwap? EJAKAIT loka ajoresio ŋes alosikinit, Aitisilior aiwoŋonut naka aibuses kere, Aisimen isotia kere luka akwap, Kilapar akwapukon kwape Nile, ljo akoku naka Tarusis; Emamei bobo aitikokinet. Abu ŋesi kikeu akekan aŋolol, Kijaŋijaŋ ajakanuto: Ecoraki EJAKAIT nuka Kanaan Amudiar aiboisioke nuegogoŋ, Kotema atiar: “Mam bobo ileli, ijo akoku nabekot naemwaŋitai naka Sidon: Konyou, kotubor Kitim; ŋina da mam ibworari.” Koany, akwap naka Ikaludean; ateker na mam bobo ejai; ainakis Iyasurian araun naka Itiaŋ luka amodiŋ: kosipokis itutiokec, kotiyakis itogoikee lukapolok; kitaraut amejei, Kibwololoto, yes ameerin nuka Tarusis; Naarai eswap aiboisikon naegogoŋ. Kosodi kanen, kapaaran kaŋin, imurwokinio Turo ikar akaisakanykaarei, kwape ejaatar apaarasia nuka ekabaka ediopet: akaulo naka ikar akaisakanykaarei ikwaikini Turo kwape ejaar ekosio loka naadote ebe: “Kirum adeudeu, kirimirim ere, ljo naadote naimurwokinitai; Koram ejok, koye ikososio luipu, Tetere kiitunio.” Kosodi kanen akaulo naka ikar akaisakanykaarei eanyanari EJAKAIT Turo, eboŋori ŋesi oropitike, iteeloi ajakanuto kere nuka akwap kere. Eraunos lugwelanake ka eropitike lukalaunak kama ejai EJAKAIT: mam kiŋadakinio karaida aidiasio; naarai eraunos lugwelanake luka ŋul kaluiboienenete kakonyen nuka EJAKAIT, ainyam luedaunete, ainap da luibusak. Koany, ikokoori EJAKAIT akwap, itwasapi, ebuburiari, Itisiarikini da lulbojete kotoma, Ido ikote nen, kwape ejauniata ituŋa, ikoni nen esasedoti da; Kwape ejaunia ebulesit, ikoni nen ejakaitike da; Kwape ejaunia akejaanakinan, ikoni nen ajakaitike da; Kwape ejaunia ekagwelunan, ikoni nen ekagwelaran da; Kwape ejaunia ekayuunan, ikoni nen eyuuna da; Kwape ejaunia ekejaikinan kanuka ameda, ikoni nen ekejaaran kanuka ameda da. Itisilio akwap lio, eŋatario da cut; Naarai ener EJAKAIT akirot ŋin. Ibworos alup eoliorete da, Ekalanyanar akwap eoliori da, Ekalanyakaros lukapolok luka akwap. Emunar da akwap kama ejaas luibolete kotoma; Naarai abilata ikisila, elocokis aicorakinet, Abilata aitutuket namam edaun. Kanuka ŋun apia ekenit akwap, Egwaunitos luibolete kotoma akirot: Kanuka ŋun ameo akim luibolete kotoma akwap, Asalata ituŋa luikidioko. Ibworoi ebino lowinyiwiny, Ekalanyanar emusabibu, Idinyasi luelakara kotauon kere. Iŋoŋoor ailel naka isiman, Ililiŋi ecelet loka ŋul kaluibwoŋas, Edaun aiyalama naka adeudeu. Mam emasete ebino kikosiete; Edwarikinete nuitemerete ŋul luemasete. Etiyakin ere loka ainyalinyal: Egolol ŋolitogo kinyek ituŋanan alomar. Ejai aimony korotin kanuka ebino; Itumutonorio ailel kere, Ilicar akiena kere naka akwap, Esali asilio bon kore, Inomonomoo ekek ka amudiar. Naarai ikoni nen kokidiŋ kakwap mama ejaas ituŋa, Kwape ijaŋijaŋia eseituni, Kwape nueleleŋio nuka emusabibu kedaun aisak. Ikearete ŋul ikeceporotoi, ibwoŋas; Iworooete ejaas aŋolol kanuka apolou naka EJAKAIT. Aso kitopolosi yesi EJAKAIT kokide, Ekiror loka EJAKAIT, Edeke loka Isirael, Kapuiana nuka aŋolol, Kipou kapuput ikososio luapote kosaŋeta luka akwap, Aibuses mama ejaas ikadolitok Konye kabala ebe, “Edokororiari, Edokororiari, itukwi eoŋ! Eswamata ikamodak nukamodomod; Eebo, eswamata ikamodak nukamodomod cut.” Akurian, ka aipany, ka atacit ejaas mamakon, ljo loiboie kakwap. Kosodi kanen, ŋol loekeri ecelet loka akurian ibirokin aipany; Ŋol da loelomuni kokidiŋ kaipany ipoki atacit; Naarai eŋaaritai apedon nukokuju, Ijaŋijaŋas apeteta nuka akwap. Ebilil akwap mweny, Ebaunit akwap demedem, Ijaŋijaŋa akwap noi. Igetanar akwap kwape ekameran, Ijaŋijaŋa epuai kepuai kwape eidukuru; Elaŋirikini ŋes aijerukanutuke, Ibirori, mam bobo enyouni. Kosodi kanen kapaaran kaŋin iticani EJAKAIT ajore naka lukapolok lukokuju, Ikabakan da luka akwap kakwap. Etukonokinio kes, kwape etukonokinere ienan kaipany, Egolokinio kaidaris, Akaulo naka apaarasia nuipu, iticanio. Kosodi konyet elap aitirir, Kiruma akoloŋ ileic; Naarai irumi EJAKAIT loka ajoresio komoru Sion, ka Yerusalem, Ejaun da aibuses kakonyen nuka imakioke. Wu EJAKAIT, ijoŋ Ekadeke; Ketopoloonori jo, eturenenei ekonikiror; Naarai iswama nukaumokin, Nuibu kiner sek, kotoma amunonut ka abeit. Naarai ituluo ere aapoŋor; Ere loabwaa ituluo ameje; Etogo lopeti loka imo mam bobo erai ere; Mam bobo edukio cut. Ŋes kitopolooriata jo ituŋa lukagogoŋ, Kiyoŋl rwaru ere loka atekerin nuka etasuro. Naarai ibu korai aŋopis naka yenikibakor; Aŋopis naka yenilwaritoi kotoma aburunit, Nemecat akako, etolim lomecat aibuse, Naesubia airurum naka luketasuro bala akako naidesi arwatat. Isiyamikini rwaru ecelet loka imo, Kwape aibuse naejai aibois naconit; Kwape itililimio etoribe loka edou amwanis, Isililiŋi kwaŋin rwaru ekosio loka kaluketasuro. Koroŋat kalo da, ipoikini rwaru EJAKAIT loka ajoresio ituŋasinei epucit loka kaluetarioko, epuoit loka ebino loedwar, loka kaluetarioko luileleba asume, loka ebino Ioedwar loijililitai jokan. Ido itamameuni cut koroŋat kalo arapet naerapit akonye nuka ituŋasinei, ka arapet naimukotor atekerin kere. Abu kiliko eut atwanare apaarasia kere: emwatari rwaru EJAKAIT Edeke akiyo kakonye kere; ido elemari amorosit naka iketuŋa kakwapisinei kere: naarai ener EJAKAIT. Aso kapaaran kaya inerio rwaru atiar, “Koany lo ŋes Edekewok; kipou kedarito ŋes, kiyuuni oni: lo ŋes EJAKAIT; kipou kedarito ŋes, kiyalamikin oni kebwoŋakis aitajarake.” Naarai idokokin akan naka EJAKAIT oroŋat lo, icakacakao Moab kaiboisike, kwape icakacakaere ariaŋ kotoma akipi nuka etut. Erionori ŋesi akekanin kokidinike, kwape erionoria loidui aidu: itisili aiwoŋonutuke nepepe kapirianut naka akaninike. Etiyaikin aigalioret naeoja naka arwatatinikon, ibirokin, itodolikinit alup, aitodol apua. Kapaaran kaya eyeio ekosio lo kakwap naka Yuda ebe: “Ejai oni ere loegogoŋ; Ibwaikini ŋesi aitajario araun arwatatin ka aigalioreta. Koŋaasi yesi irutei, Tetere ateker naedolit naericit abeit elomari. Iricenenei ijo kainapakin ainapakin, Etau Ioegoŋakina mamakon: Naarai kimunonena jo, Komunonenas yesi EJAKAIT ikar kere: Naarai erai EJAKAIT YAWE atiiba namam edaun. Naarai abu ŋesi kitisil ŋul luibojete kokuju, ere loicelelei: Etisil, etisil kiton alup; Etodol apua. Ipudapudai akeju; Akeje nuka lukican, Alosito nuka luilwaritos.” Iiyaiyakina erot loka ikadolitok: Iiyaiyakini ijo erot loka ikadolitok. Eebo, kipou kedarito jo, wu EJAKAIT, Korot loka itubesiakon; Imielas ikositauon ekonikiror ka aiitunetekon. Kemiela jo kekatau kuare; Eebo, edunyakinit ekamoyo loejai kotomaka amoot jo; Naarai arai ejaas ikonitubesia kakwap, Isisiaunete luiboiete kakwap adolit. Karaida kitodikin yenikaronon asianut, Mam cut isisiauni adolit; Kakwap naka atenit iswamai nukaronok, Eŋeri asesen apolou naka EJAKAIT. Wu EJAKAIT, ikiara akonikan, Konye mam kes eanyunito: Konye eanyunete adunyanutukon mama ejaas ituŋa, irumete ileijc; Eebo, idopori akim lukasurupokon. EJAKAIT, icorakini ijo ainapakin mamakosi: Naarai kiswamak da akosiswamisio kere. Wu EJAKAIT Ekosideke, Apotu icejaka koyaito sio netikiyaitor ijo bon; Konye kanukon bon ŋes kilimoria ekonikiror. Atwaka kesi, mam ejarete; Aoliosi, mam ejarunete: Kanuka ŋun ibu koanyana kes komudia kes, Komwat aiitunetekec kere. Ibu kiyatak ateker, wu EJAKAIT, Ibu kiyatak ateker: kitopoloor: Italalaa iikorun kere luka akwap. EJAKAIT, naajaatar ocan apotu komootos jo, Kobukosi ailip nakilecoria ijo kes. Kwape aberu naepotiei, Nacapiaria apakike naka aidoun, Erieba emonyi karieboke; Kikoni isio nen kakonyenekon, wu EJAKAIT. Kipou kapotuut, kariebas, Kasubito bala kipou kedout ekwam; Mam kiswamat adiokiyuun kakwap; Mam luibolete kakwap edoo. Ejarete lukatwakakon; enyounete awatekec nukatwak. Kokwenyutu, koyooto, yes luibolete kapua! Naarai akopyokon esubito bala akopyo nuka aica, Elekunete alup lukatwak. Kopotu, ikatuŋa, kolomasi agolaikus, Kogolokis ikiriginikus: Koŋopata nediokasilon, Aitodol naetuboror anyunyura. Naarai, koany, elomuni EJAKAIT kaiboisike Aitepesen luibolete kakwap numam adolitekec: Ikuiunete alup da akeceokot, Mam bobo eraparete lukatwakakec. Kapaaran kaya itepeseni EJAKAIT Lebiatan (etiaŋ loeiliili loka aŋolol), emun loetirono, Lebiatan emun loekudukudo, kekekileŋ loeninik, loepol loegogoŋ; eari da apiu naejai aŋolol. Kapaaran ka ya ebe: “Amana naka emusabibu naejok, koyeikis ŋes. Eoŋ EJAKAIT aricit ŋes; Ecocoenenei ŋinipak; Aricenenei akuare ka apaaran, Kinyek idiotuŋanan aicanican ŋes. Emamei eoŋ anyunyura: Arai kaasurokis eoŋ ikodokodo ka ikukwa kojie! Tikedenyak kes, ti kecweik kes. Arai bo kikam ŋesi akagogoŋ, Kenapakinos keoŋ; Eebo, kenapakinos keoŋ.” Kapaarasia nuepote iremori Yakob akelias kwap; Ituroi Isirael ibutuni: Ilelebi akwap kere karaito. Inomit kereka ŋes kwape inomitor ŋul lukinomete ŋes? Arai bo eario ŋes kwape earere ŋul luabu ŋesi koar? Kaitemis, kanuka aireŋear, iŋolopas kaŋes; Kokuta kakutunike naededeŋ kapaaran naka ekwamuke lokokide. Kanuka ŋun, ŋes elucere numam adolit nuka Yakob, Nu da kes araito nuka alemar akeronis; Arai kitupusi amor kere nuka etem kwape enon loidecideeitai, Tetere mam bobo Aserim ka aputosia nuka akoloŋ esipokina. Naarai esil ere loebwaitai, Aibois naasilior, naejalakinitai, kwape amodiŋ: Edak itaok kaŋina, Euriaki da kaŋina, enyamenenei atenunake. Arai kerinyosi atenunake, ebilibilio; Epote aŋor, inokete kes. Naarai erai ateker namam ejeŋl; Kanuka ŋun mam ŋol loasubi kes itimi kes, Ŋol Iokiluŋiluŋi kes mam itodikini kes asianut. Kosodi kanen kapaaran kaŋin, icomi EJAKAIT anyoun kakalele naka Ecor kiton aguurut nako Misiri, kitukonokinio yes idiopet idiopet, yes idwe luka Isirael. Kosodi kanen kapaaran kaŋin, ekutakinio arupepe naepol; epote ŋul lueoliorito akwap naka Asuria, ŋul da luaponi kireŋearai akwap nako Misiri; emaete EJAKAIT koroŋat lokalaunan koYerusalem. Itukwi aboko naka aiwoŋonut naka ikamerak luka Epuraim, Itukwi da aturot naerinyi naka atemeleleke naka aibuses, Naejai akou naka aditot napusuk naka ŋul kaluepikosi ajon! Koany ejai EJAKAIT lokirigi lokagogoŋ; Kwape akiru naka akako, ekwam loemudiari; Kwape ailapanar naka akipi nuepolok nueleleete, Ecakakini kwap kakaje, Ipudapudao aboko naka aiwoŋonut Naka ikamerak luka Epuraim kakeje. Eputokinos aturot naerinyi naka atemeleleke naka aibuses Naejai akou naka aditot napusuk Kwape etini loegei akonore eriŋa aiporo; Nakeanyunia ŋin yeneseseni ŋes, Eriŋa ejai akanike kilikori lue, Kapaaran kaŋin eraun EJAKAIT loka ajoresio aboko naka aibuses, Amekemeket naetemelel, mama ejaas luideunos luka iketuŋa: Eraun da emoyo loka etube mama ejai ŋol loiboie kotube, Ido agogoŋ mama ejaas ŋul luitoboŋorete ejie korute. Konye ŋul da iriaŋiriaŋas kanuka ajon, Igetigetas kanuka nuitemerete; Iriaŋiriaŋas esasedoti ka enabi kanuka nuitemerete, Elikosi kes aion, Kopaasi kanuka nuitemerete; Iriaŋiriaŋa aanyunikec, iguikinete kotube. Naarai ileleba imesan kere kalekan ka amodokok, Emamei aibois naelai, Lukaŋai isisianakini ŋesi? Lukaŋai da itejenikini nupupuno? Ŋul ca luajakaar kakile, Lualemar kokisin? Naarai erai aicorakinet neejai aicorakinet, Aicorakinet neejai aicorakinet; Ekokoro neejai ekokoro, ekokoro neejai ekokoro; Lailo adis, laije da adis. Mam, konye kotuŋa luka aituke numo, Ka luka aŋajep ace, Elimokini EJAKAIT ateker na: Naabu ŋesi kotema atiar, “Na ŋes aibworar, Kisibworasi yesi ŋin yenepasi; Na ŋes aikwarun”: Konye koŋeroto akiirar. Kanuka ŋun eraun akirot naka EJAKAIT mama ejaas kesi Aicorakinet neejai aicorakinet, aicorakinet neejai aicorakinet; Ekokoro neejai ekokoro, ekokoro neejai ekokoro; Lailo adis, laije da adis; Tetere elosete, ebiroros kau, Ebilibilio, ipokete, eyanaario da. Kanuka ŋun kiirasi akirot naka EJAKAIT yes ikamwaŋitok, Lueyaito ituŋa lu luejaas Yerusalem! Naarai ipotu kotemasi atiar, “Kipou ketutukoto katwanare, Keboleikisi kOkatwak; Naetuboria edoi loenatari, mam kidolokini sio; Naarai kipou ketuluosi aisab neekereanarakosi, Kaŋopata da kotoma aimod.” Kanuka ŋun inera EJAKAIT Edeke kwanata ebe, “Koany, apesi eoŋ koSion amoru araun apetetait, Amoru naigimoritai, naka akais nuipu naka agor, Naka apetetait naicasit: Yeniyuuni mam erurukiari. Etusubi eoŋ etube ekokoro, Adolit da ebiriji: Epiari akak neekerianara naka aisab, Ilapanaros akipi aŋopis.” Itapalaunio aitutuketekus katwanare, Mam akusiiboleikin ka Okatwak ebwoi; Naetuboria edoi loenatari, Kosodete yesi aipudapudao, Apakio kere nuetuboror, kiyaŋaari yes; Naarai etubonori ŋinipaaran, paaran ka kuare: Ejaun etasuro loepol noi ajenun nupupuno. Naarai ewuriana eitada etuŋanan arior kotoma; Edidiŋ da eimukos etuŋanan aimukokinor. Naarai enyouni EJAKAIT kwape komoru Perasim, Enyunyurikini kwape toma aditot naka Gibeon; Tetere iswamai akeswam, akeswam namoit, Ido aitodol asubunike, asubunike namoit. Aso do siriraas ikamwaŋitok, Kinyeis aenetakus aitogogoŋio: Naarai abu kapup amudiar nainerunio kama ejai EJAKAIT, EJAKAIT loka ajoresio, kakwap kere. Kitoikis aki, kopuput ekaporoto; Kiirasi, kopuput akakiro. Ekorienenei teni ekakorion tiritir tetere eyei? Epukonori ca ido ebwaŋabwaŋai tiritir aapoŋor nuka alupoke? Kedau ŋesi aiyaiyanakin, Mam kereka iwelari ikumino lukirionok, iyei da ikumino. Irai akima okokoron, Esairi da kaiboisike, Ekusemet da koikoruke? Naarai ituutoori Ekedeke ŋes ejok, Isisianakini da. Naarai mam ikumino lukirionok icomitai kiboro lueitak, Karaida akokoro naka agali mam ibelibelo kokumino; Konye icomom ikumino lukirionok kadaet, Ikumino da kebela. Irieio akima nuka emugati; Naarai mam icomenenei tiririr: Ido karaida ikokoronori akokoro naka agalike, Mam iriei. Epote ŋun da kama ejai EJAKAIT loka ajoresio, Lokaumokin ŋesi kainerun, Itelekarit kere kacoa. Itukwi ijo Ariel, Ariel, Ere loedukuri Daudi! Kotukokisi ekaru mama ejai ekaru; Kodolonenete ipucin: Kasodi eoŋ aitakadikin Ariel, Ejauni aibworo ka akuudian: Eraun ŋesi mamakaŋ kwape Ariel. Edukuri eoŋ asurokin jo, Erigauni jo kabwas, Etutuei itutio asurokinia jo, Kitisilio jo, inera kalup, Elomnete akonikiro kokwap kaneejai apua; Eraun ekoniporoto kwape loka yenejai ajokit, ebuni kokwap, Iyeiyeas akonikiro epote kapua. Konye esubi aipues naka lukasurupokon kwape apua naidupukuk, Aipucs da naka luetasuro kwape agugu nuekutari. Eebo, eŋesuni atipet ŋipeŋin, Eanyanari EJAKAIT loka ajoresio ŋes kairetun, Ka amaran naka akwap, ka ecelet loepol, Ka etapipirio ka ekwam, Kairian naka akim naidopori. Ido aipues naka atekerin kere nuiŋuete Ariel, Kes kere nuitijiete ŋes ka akeibois naegogoŋ, Nukitakadikinete ŋes eraunos kwape airujasit, Aitapoet naka akuare. Ido esubi kwape nairujaa etuŋanan loeriebi eteŋei, Ido koany, enyami; Konye ekwenyuni, eorori etauke; Arai kwape nairujaa etuŋanan loejakit akur, Ido koany, emasi; Konye ekwenyuni, ido koany, iilor, eriŋa imiela: Ikote aipues naka atekerin kere nen, Nuitijiete moru Sion. Kidareutu koumokis; Komudukoto, koraut imudukiok: Komerikinos, konye mere kebino; Kigetigetas, konye mere kanuitemerete. Naarai abukok EJAKAIT tomakus emoyo loka ajo nuipu, Etumudak akusikonye, kes inabin; Emuko ŋesi akwesikus, kes ikadwarak. Eraunos aitapoeta kere kamakus kwape akiro nuka eitabo loipucakinitai, loijaikinio etuŋanan loepedori asoman ebe, “Kosiom nu, keŋaiŋait”: kobala ebe, “Mam apedori, naarai ipucakinitai.” ljaikinio etuŋanan lomam epedori asoman eitabo ebe, “Kosiom nu, kenainait”: kobala ebe, “Mam apedori asoman.” Kobala EJAKAIT ebe: “Naarai ikunyunete ituŋa lu mama ajai, Ketubusikinete eoŋ kaitukekec ka aŋajepakec, Konye elwaka ikecetauon kamakaŋ, Ayonitekec ŋes aicorakinet naka ituŋa naisisianakinitai: Aso koany, eswamai bobo aswam nakaumokin kotuŋa kalu, Aswam naisuwumokinit, nakaumokin: Eoliori acoa naka lukacoakec, Ibwaio ajenun naka Iuberianakec.” Itukwi ŋul luekotosi aibwa ainerunikec neidulokina kama ejai EJAKAIT, Ejaas akeceswamisio kamuton, Kobalas ebe, “Iŋai ca kianyuni oni? Iŋai ca da kijeni oni?” Ibuburiarete akiro! Imarakinio cabo ekajean kwape elupe? Tetere ibore yenisubuna elimokini nuka ŋol lokesubi ebe, “Mam ŋes kasubit eoŋ:” Arai ibore yenijeuna elimokini nuka ŋol lokejeuni ebe, “Emamei ŋes aijen”? Mam tope esalit apak edit noi, Kosodi Lebanon aluor emanikor loideŋeriai, Ido emanikor loideŋeriai imarakinio araut amagoro? Kapaaran kaijin epupi ekimiŋ akiro nuka eitabo, Akonye da nuka emuduki eanyunete Kotoma neejesi ŋaŋ ka amuton, Iyatanakinete da luitasonos ailelekec kotoma EJAKAIT, Lukican ‘kotuŋa da iyalamikinete Lokalaunan loka Isirael. Naarai itapalaunio loketasuro, enaŋi ekamwaŋiton, Emudiaros ŋul kere luegiparito numam adolit, Luisigwaunete ituŋanan akiro, Luelokete ŋol loitoroni korute, Luitapaarete ekadoliton atai. Kanuka ŋun inera EJAKAIT loalakuni Aburaam, nuka ekek loka Yakob, kwanata ebe: “Mam bobo ileic irumete Yakob, Mam bobo ilocokin ejese loka akonyeneke. Konye naeanyunia idweke, Aswam naka akaninika, kokidiŋike, Italaunete ekakiror: Eebo, italaunete Lokalaunan loka Yakob, Eyoŋete Edeke loka Isirael. Ŋul da luepaarete komoyo edolokinete aijen, Ŋul da luirurumaete enupete aisisianakinio.” Ebala EJAKAIT ebe, “Itukwi idwe luijerukaka, Luinerunete konye mere neajai eoŋ; Luimukokinos keimukos, konye mere kekamoyo, Tetere iyatanakinete aronis neejai aronis: Luelosete aijesar Misiri, Komam keŋisete kaitukuka; Tetere egogoŋoros kagogoŋ naka Parao, Amunokin etoribe loka Misiri! Kanuka ŋun eraun agogoŋ naka Parao ileicikus, Amunokin etoribe loka Misiri eraun aitirirakus. Naarai ejaas ikapolokoke Soan, Adolut ikiyakiake Kaŋes. Irumete kes kere ilele Kanuka ituŋa lumam epedorete aisimedaun kes, Lumam eraas aiŋarakinet karaida ameda, Konye ileic, ido amorosit.” Abwokon naka itiaŋ luka Eŋalakimak. Kotoma akwap naka ican ka aburun Naeponiata aŋatuny ka eŋatuny, Emusaga ka emun loesarani loeporitoi, Edakete abarakec kokeperin luka asigirian nudidik, Ikeceboro da luka akais nuipu karukia nuka akaalai, Mama ejaas ituŋa lumam isimedaunete kes. Naarai iŋarakini Misiri atai, atitai: Ŋes amaikinia ŋes “Rakab naidanyanyai.” Aso kolot, kiwadikak amoru kakonyenekec, Kigirigir da oitabo, Tetere eraun ekajenan kanuka apaarasia nuepote ikar kere. Naarai eraas ituŋa luijerukaka, idwe luesabaka, Idwe lueŋerito akiirar ekisil loka EJAKAIT. Luetemarete ikadwarak ebe, “Sirisesenete”; Luetemarete inabin da ebe, “Sirikidwarakis sio akiro nuetenete, Kolimokinai sio akiro nuepataka, Kodwarakinai nukaiŋal: Irwa yesi korot, kopaasi kosokot, Kitamamaut Lokalaunan loka Isirael kakonyenekosi.” Aso ebala Lokalaunan loka Isirael kwanata ebe, “Naarai imenata akirot na, Imunokinos aimwaŋ ka amagulul, Igoŋakinos yesi mamakec: Ŋes ejaunor namam adolit na mamakus, Kwape acilat naekoto aibiror, Eneara kiŋa karwatat naeoj, Itiuni aibirorike ebuni atipet. Abilunike ikoni kwape ebwaŋabwaŋaunor amot naka ekajean, Ebwaŋabwaŋai komam aitim; Tetere mam edumunos katutubetake Atibolok naeyaŋaarere akim kokyala, Arai naewokere akipi koico.” Naarai inera kwanata EJAKAIT Edeke, Lokalaunan loka Isirael, ebe, “Kitajario yes kanuka aboŋunun ka aiyeŋunun; Ejaun akusigogoŋ toma aiyamakina ka aicasit.” Konye yes inerito. Konyc ipotu kobalas ebe, “Mam, naarai kikeri kabalasin”; Kanuka ŋun ipote akerit: Ebe da, “Kibwaneni luetiroko”; Kanuka ŋun etiroko lukirukioto yes. Ekeri elukumit kairetakin naka ediopet; Ikerete yesi kairetakin naka ikany: Aitodol naisalakiniata kwape” epir kaidi naka eroŋat, Kwape aanyunet koukot. Kanuka ŋun idareuni EJAKAIT, tetere esianikini yes, Kanuka ŋun da itopolooritai ŋes, tetere kitimi yes. Naarai EJAKAIT ŋes Edeke loka etube; Isirereŋitoi kere luidareunete ŋes. Naarai yes ituŋa lukoSion luibolete koYerusalem: mam bobo imonyete; abeit esianikini ŋesi yes naepupio aimonyokus; naepupunio, ŋes konyet kibonokinio yes, Ido karaida einakini EJAKAIT yes inyamat luka aitaaritoi ka akipi nuka aiticanitoi, konye mam bobo eŋopi Ekusikesisianakinan, konye eanyunete akusikonye Ekusikesisianakinan. Epupunete da akoniki akirot kokaukon naebala ebe, “Lo ŋes erot, kitoroto kotoma”; naipaariata kakan nakoteten, ido naipaariata kediany. Imunaasi ailadad naka akusiputosia nuegerer nuka epuesa, ka arapeta nuka esabu nuka aputosiakus nuecalara: icakarete kes kwape ibore yenimam elai; ilimokinete ebe “Irwa!” Isitepi ŋesi akiru kanuka ikinyomokus, luiweete alup; inyamat da luka eiyas loka alup, ituraŋaŋas, ipuakaros: kapaaran kaŋin edakas ibarenekus oronyia luepolok, Imoŋin da ka asigirian nuekoriete alup enyamete lunyaman lueiaas abalaŋ, luepjesitai keritei ka ipukupuket. Ejaunos da icorin ka aguuruto nuka akipi toma ŋoliroŋat loeoj, ka ŋoliukot loeoj, kapaaran naka earit loepol, naibirunotor itogoi lueojak. Ido da eraun aica naka elap kwape aica naka akoloŋ, aica da naka akoloŋ iyatakina irwan akanykaarei, kwape aica naka apaarasia akanykaarei, kapaaran naeenia EJAKAIT ariebo naka ituŋake, naitaŋaleunia amusuŋunukec nukinomonomoo. Koany, ebuni ekiror loka EJAKAIT kama elwana, Enoki kanyunyurake, kotoma apuru naepol naitutumai: lleleba akeituk aisiop. Esubit akeŋajep da bala akim naidopori. Esubit eiyeŋaneke bala aleles nailapanar, Naedoli omurisiŋ, Aikeke atekerin kaikekeis naka amudiario: Aibwaikin abokonya nuka ituŋa amunyo naitapaari. ljaunos yesi kekosio kwape loka akuar naka epucit lokalaunan; ailele da nakotau, kwape naelosio ituŋanan kalamaru abunore oroŋat loka EJAKAIT, Atiiba naka Isirael. Isiirari da EJAKAIT ekeporoto loka aibuses, itodikini aijesun naka akanike, aisiop naka anyunyurakeŋ, airian naka akim naidopori, ajielelitoi naka akiru, ka ekwam, ka akako da. Ebilibilio Eyasuriat kanuka eporoto loka EJAKAIT, loinomi kebela. Ŋiniinometait da naka ebela loeseunitai, loinomi EJAKAIT ŋes, ejaun kisiman ka adeudeun: ejiikinos ŋesi ka kes kojiisio luka aijaŋijaŋ. Naarai aponi Topet kitemokinitete sek; eebo, etemonokinitoi kanuka ekabaka; etemoki kidul kopol: oupake ejai akim ka akito nuipu; isinepi eiyeŋane loka EJAKAIT ŋes, kwape aleles naka acukuman. Itukwi ŋul luijesaros Misiri aiŋarakinic, luegoŋakina ibalasin; Luemunosi agalin, naarai ipu kesi, Ikebwanenok da, naarai egogoŋ kesi noi; Konye mam esesenete Lokalaunan loka Isirael, Karaida amoot EJAKAIT! Konye eco ŋeasi da, eyauni aronis, mam inyakuni akekiro: Konye enyouni asurokin etogo loka ikeswamak aronis, Asurokin da luiŋarakinete luiswamaete numam adolit. Eraas Imisirian ituŋa, mam eraas Edeke; Eraas ibalasinikec da akiriŋ, konye mam eraas emoyo. Naikiaria EJAKAIT akekan, Iguikini loiŋarakini, ibirori da loiŋarakinio, Ikarakinete kes kere nepepe. Naarai kabala kwanata EJAKAIT eoŋ ebe, Kwape irurumaa eŋatuny arai iŋatuny kanuka lumejanake, Arai enyaraunio ekodet loka ikecokok asurokin ŋes, Mam ekurianar kanuka iporotoikec, Karaida apodokin eeeletekec: Kwape kwaŋin ijesuni EJAKAIT loka ajoresio Moru Sion ka eukotoke ejie, Kwape akweny nuepororete, Kwaŋin da ibuakinit EJAKAIT loka ajoresio Yerusalem, Ibuakinit, eyuuni, etubori, itukuei, Kibelokinos yesi mama ejai ŋol loipaliikinito, okwe yes idwe luka Isirael. Naarai kapaaran kaŋin ecakarete kesi ŋinituŋanan aputosiake nuka epuesa, ka aputosiake nuka esabu, nukisubakinete akusikanin araun aronis. Kosodi etwani Eyasuriat kanuka ekileŋ, lomere loka etuŋanan: Emudiari ŋes ekileŋ lomere loka etuŋanan; Ekeri ŋesi ekileŋ, Eraunos ikekatumunak ikeswamak nukailolitoi. Ebala EJAKAIT loejai akimike Sion, Eupake da koYerusalem ebe: “Etubori atiibake kanuka amaran, Eburunete ikapolokoke kanuka aanyunet.” Koany, eyai ekabaka kadolit, Eyaete lukapolok kerube, Ido eraun etuŋanan aŋopis kama ejai ekwam, Ka amecis akiru; Kwape ka icorin kaibois naeonit, Kwape ka etolim loka emoru loepol kakwap nakailolony. Mam emusimusete akonye nuka ŋul kaluekwenyete, Iirarete da aki nuka ŋul kaluepupete. Etau da loka loemositoi ejenuni acoit, Ka aŋajep naka Iuiŋejiŋejas itemonokino adesiar. Ebaŋ mam bobo enyarao ekasianan, Karaida otaupe anyarao ojokotau, Naarai inera ebaŋ nukabaŋaanut, Eketau da iswamai numam adolit, Esubi nukainyanakin Edeke, Elimit da nueriete mama ejai EJAKAIT, Aisirieb eteŋei aijar naka yeniketeŋei, Ka aikokoor da nutikemat yenejakit akur, Ido eroko iponesio luka otaupe, Ebili ibotei lueroko amudiar yenitasono kaiŋal, Karaida inera yenilwaritoi abeit, Konye iswamai ekasianan nukasianut; Ido icasit kotoma asianut, Konyoutu, yes aŋor nuijalijalas, kiirasi ekaporoto; Yes apesur nuibwalara, kitoikis aki akakiro. Yes aŋor nuibwalara, ianyunete ican apaarasia nuedeparito ekaru: Naarai emameun aide emusabibu, emameun da aisak. Komaranata, yes aŋor nuijalijalas; Kopodokinos yes nujbwalara; Kolacasi ikusinapen, komuialalata, Konapata ipukoi kaŋabesikus, Edipidipete atorobusio kanuka amanat nukajokak, Kanuka emusabibu da loerait. Ebwaŋunete ikukwa ka ikodokodo kotoma akwap naka ikatuŋa; Eebo, kotogoi kere lukaiyalama kotoma ore loiyalama. Naarai ebwosio rwaru kotogo lopeti: Inyeinio ere loipu ituŋa; Eukot ka aitelies eluoros abuai ikar kere, Alakara naka itukoi, erony loka isipanin; Aitodol nekijesakinere oni emoyo lokokuju, Koraun amodiŋ amana naapusuk, Ka amana da naapusuk konyarai amagoro. Kosodi etube aiboikin toma amodiŋ, Ejaikin da adolit mana naapusuk. Eraun aswam naka adolit ainapakin; Ido eyauni adolit aiyamakina ka aicasit ikar kere, Iboikinos ikatuŋa aibois nakainapakina, Kotogoi da luegogoŋ, kotoma aiyeŋuneta nuiyamakina. Konye etepi akak, aisibiror amagoro; Etiyakinio cut ere. Isirerenitoi yes luiyeete ariri naka akipi kere, Luimearete akeje nuka emoŋ ka asigiria neebearete kere. Itukwi, jo loimudiari, komam kimudiario: Loiswamai nukaimod, komam kes kiswamakinito jo nukaimod! Arai kidau ijo amudiar, kimudiario; Kidau aswam nukaimod, kiswamakinete kesi da jo nukaimod. Wu EJAKAIT, kiswamakinai sio asianut; Kipou kedareut jo: Korai ijo akanikosi ŋinitupuruc, Aitajariokosi da kapak naka ican, Kanuka airuruma naka ecelet ekerete ituŋa; Kanuka anyounikon isiarisiarunos atekerin. Etukokinio luŋatanakus kwape etukokinia ekurut: Esomakinos kwape esomanaror emaase, Itopolooritai EJAKAIT; naarai iboienenei kokuju; Isilelebit ŋesi Sion ketube ka adolit. Ejaun aicasit kapakiokon, Aidiles naka aitajario ka acoa, ka aijen: Ayoŋit EJAKAIT ŋes abarake. Koany, emonyete lukiriginikec kokiŋa; Emonyete noi ikiyakia luka ainapakin akiyo. Eswapa irotin lukapolok, enaŋi ekaloton: Abil aitutuket, amen ireria, Mam epodo ituŋanan. Ibworo akwap akalanyanar: Irumito Lebanon ileic erinyori: Eputokinos Saron kamodiŋ; Eraraaros Basan ka Karumel akuikec. Ebala EJAKAIT ebe, “Kwape kwana anyouni; Kwape kwana adakun; Kwape kwana etopoloor. Ipotiete agugu, idounete ariaŋ: Eiyeŋanekus ŋes akim nakidopori yes. Ikonakinete ituŋa bala icweikinitai araun ecoka: Bala ikukwa luejepitai, luicweio kakim.” Kiirasi, yes luilwaka, nueswamat eoŋ; Yes da luiapiete, kocamut akapedor. Akuriakaros ikadiakanarak luka Sion; Ekam amaran ŋul lumam eyoŋito Edeke. Iŋai bo kaoni epedori aiboienen kakim naidopori? Iŋai bo kaoni epedori aiboienen kaicwe namam edaun? Ŋol loelosenenei kadolit, loiŋerenenei nuetenete; Ŋol loemeni ameda naka aimwaŋ, Loilakilaki akekanin kinyeis aitiŋ ainakineta nuitumudakete akonye, Loisikakini akeki kinyeis aipup nuka aokot, Loitumudaki akekonye kinyeis asesen aronis; Iboienenei ŋol kokuju: Ejaun akeibois naŋopis atiiban nuegogoŋ noi: Einakinio ikenyamat; mam akekipi eonikinete. Iteete rwaru akonikonye ekabaka katemeleleke: Eanyunete akwap nainyaminyamakina noi. Eomoomoi ekonitau etasuro: Ali bo loimarit, ali bo loiniŋit esolo? Ali bo da loimarit itogoi lueojak? Mam ianyuni ateker naededeŋ, Ateker naka aŋajep naepagal amisiikin, Naka aŋajep naiŋejiŋeja namam ipedori ajenun, Kosesen Sion, ere loka ipucinowok lueseunitai: Eanyunete akonikonye Yerusalem aibois naiyamakina, ewema lomam elemario, Iloinoke mam eutunio cut, Karaida aunoike mam eŋedeŋedeunos. Konye ejaenena EJAKAIT kaoni kaŋina kapolou, Aibois naka icorin luelalak ka aguuruto; Nemam ataker naejaas akiŋola itori, Karaida ameeri nakejie mam etubori kanen. Naarai EJAKAIT ŋes ekatuboniwok, EJAKAIT ŋes Lokesilan ikisilawok; EJAKAIT ŋes ekabakawok; kitajari ŋesi oni. Ejarijarunos aunoikon; Mam apedorete aitogogoŋ akeju naka epirikee, Mam apedorete arior emedera: Kosodi ekorokoroi luŋatuna luipu luijoreunitai; Luiriadas kes eyaŋaarete lunatuna. Loiboienenei kanen mam ebala ebe, “Adek eoŋ”; Ituŋa luiboienenete kanen isionio numam adolitekec. Kikunyutu, yes atekerin, kopuput; Kiirasi, yes ituŋa!. Kopuput alup ka ailelebakee; Akwap, ka iboro kere da lueloŋmunete kotoma. Naarai enyunyurikinit EJAKAIT atekerin kere, Isiopakinit ajorekec kere: Amudia kes cut, ijaikinit kes aario. Ecakario luaaranakec, Enyouni abosus naka atesinakec, Ecalaros iroŋan kaokotokec, Ebauni ajore kere naka akuj, Enunukio akuj kwape emukule: Eraraar ajorekec kere, kwape eraraaror akiot komusabibu, Ido kwape eraraaror akiot kotini. Naarai amat ekakileŋ emonikin kotoma akuj; Koany, ijesuni mama ejai Edom, Otuna luka ekenitika, aitub akiro. Imono ekileŋ loka EJAKAIT aokot, Itutumio katarion, Kaokot nuka imerekekin ludidik ka akinei, Kasiepai nuka iŋalur luka imerekekin: Naarai ejai EJAKAIT asubanit koBosura, Earit loepol kakwap naka Edom. ljesunos ikosobwa kakes, imoŋin lutobai kimoŋin; Emerikini akwapukec aokot, itutumio apuakec katarion. Naarai ŋes apaaran naka enyaŋit loka EJAKAIT, Ekaru loka aitepesen aŋolopakec kaSion. Eluoros aguurutoke emina, Apuake da acukuman, Eluor akwapuke emina loenoki, Mam itudeŋio kuare karaida paaran; Epurienenei apuruke ikar kere: Iswapi ameun katur kiton atur; Emameun yenetubori kanen ikar ka ikar. Konye irumete etolut ka ecoc; Ibolenenete etukuri ka ekuruk: Eriori ŋesi ekokoro loka aitirira kamake, Ebiriji da loka apalapalat. Enyarakinete isotiake ajakanut, konye emameun idiopet; Eraunos lukapolokoke kere aamameak. Elibunete ikukwa kotogoike lukapolok, Ikodokodo ka isukukur kaiboisioke nuegogoŋ: Eraun aibois naka ikuwei, Alaro da naka ikuului. Iriamakinos itiaŋ luka amodiŋ kibuin; Emonyakini ekoroi aupake; Eebo, edoi akimat nakakuare nen, Edumakin aibois naka aibworar, Itemokini aipom ekaike kaŋina, euriei, Ebekuni, etukonokini kwap kotoribeke: Eebo, etukonokinos atoorion kaŋina, Ŋinidiopet kopadicake. Komoata yesi oitabo loka EJAKAIT, kosiomata: Mam idiopet kaŋul eoliori, Emameun naeoliori opadicake: Naarai aituk naka EJAKAIT ŋes icorakinit, Ekemoyo da ŋes atukokinit kes. Elamilamaki kes eroet, Akekan da ŋes akorakinit kes kokokoro: Irumete kesi ikar ka ikar, Ameun katur kiton atur ibolenenete kesi kotoma. Eyalamikin ais ka aibois naelarioŋoŋ; Eleli amodiŋ, ituroi kwape apecel, Ituroi noi, eleli kaitac ka ayoore; Einakinio aibuses naka Lebanon, Ajokis naka Karumel ka Saron: Eanyunete aibuses naka EJAKAIT, Ajokis naka Edekewok naitelekarit, Kitogogoŋoto yesi akanin nuekalanyaka, Kitogogoŋoto da akuŋin nuilejekekas. Kolimokis ŋul luejaas itauon luekuriaka ebe, “Kogogoŋoros, sirikikuriakaros: Koany, ebuni Ekusideke kenyaŋit, kaitepesen naka Edeke; Ebuni ŋesi, kitajar yes.” Kosodete akonye nuka imudukiok akwenyun, Epukorio aki nuka imajiŋa. Kosodi eŋwalas asomanar kwape amiam, Eyei aŋajep naka ebaŋ: Naarai ibulubulete akip kais, Aguuruto da kamodiŋ, Eraun asiŋe naemwekimweki abwal, Alup da nuejakit akur akonye nuka icowai: Kaibois naka ikuwei, neaperenenete, Ejaunos anya kagadai ka abiloi. Ejaun da erot lokapolon kaŋina, erot, Emaikinio Erot loka alaunit; Lumam elaete mam itorete nen; Konye eraun loka kwi ikalotok, Eebo, ibaŋiok mam epaarete nen. Emameun eŋatuny kaŋina, Karaida ediotiaŋ loemudiari mam itori nen, Mam edumunos kaŋina; Konye esakasakaete luelakunitai korot kaŋol. Eboŋunete lugweluna luka EJAKAIT, Epote Sion eyeete: Ejaun ailel namam edaun akwesikec: Edumunete aiyalama ka ailel, Ilicaros aiturur ka eidiny. Kosodi kanen kokaru lokitomonet kaoŋon loka ekabaka Kesekia, kobu Senakerib ekabaka loka Asuria asurokin ireria kere luka Yuda lukebwaitai, kirum. Kijuka ekabaka loka Asuria Rabasake anyoun koLakis alosit Yerusalem mama ejai ekabaka Kesekia ajaas kaiore naepol. Kobwo kariri kaleles naka atapar nakokuiu, korot loka emanikor loka ekelotan igoen. Kosodi kolom Eliakim okoku loka Kilikia loapolokinit ekal mama ejai ŋesi, ka Sebuna ekewadikan, ka Yoa okoku loka Asap ekesiitonokinan. Kotema Rabasake kes atiar, “Kolimokis do Kesekia ebe, ‘Inera ekabaka lokapolon, ekabaka loka Asuria, kwanata ebe, Amuno nanyoin naimuno? Abala eoŋ ebe, ainerunikon ka agogoŋ ejie eraas akiro nuutai: iŋai bo do imunokina ijo, tape kipaliikin eoŋ? Koany, imunokina ijo ebela loka egada lo loiriecakina, ŋes Misiri; arai kegoŋakini ituŋanan mamake, elomari akanike, icumi; ikoni nepenen Parao ekabaka loko Misiri mama ejaas ŋul kere luemunosi ŋes. Konye arai kiitema eoŋ atiar, “Kimuno isio EJAKAIT Ekosideke”; mere ŋes ŋol loalemari Kesekia aiboisioke nuiceleleete ka itemwanake, kolimok Yuda ka Yerusalem ebe, “Imaenenete kotem kalo”? Aso do, keŋaiŋait, koinakis ekajakait ekabaka loka Asuria iboro lukititina, kainakin eoŋ jo da ibalasin ilukumin iarei, arai ipedori ijo kowaikon aibwaikin luibwanenete. Aso ipedori biai aisibelokin akonyen nuka ekapolon ediopet kotoma ludidik kokejaanakinak luka ejakaitika, komuno Misiri kanuka agalin ka ikebwanenok. Abu kereka eoŋ asurokin aibois na amudiar komamei EJAKAIT? EJAKAIT ŋes kabala ebe, “Kolot kosurok akwap na, komudia.” Kosodi Eliakim ka Sebuna ka Yoa atemar Rabasake atiar, “Kiŋaiŋait, kiner kikonikejaanakinak kaŋajep nako Suria; naarai kijeni; sirikiner kasio kaŋajep naka Iyudayan, kaki nuka ituŋa luejaas arwatat.” Konye kotema Rabasake kes atiar, “Keyakuunit ekajakait mama ejai ejakaitikon, ka jo da einer akiro nu? Mam kereka keyakuunit otuŋa luibolete karwatat, ainyam acinikec, ka aimat akulakec nepepe kayes?” Kosodi Rabasake aibwo, kiworo keporoto loepol kaŋajep naka Iyudayan, kotema atiar, “Kopupokisi yesi akiro nuka ekabaka lokapolon ekabaka loka Asuria. Inera ekabaka kwanata ebe, ‘Kinyek Kesekia aiŋal yes; naarai mam epedori aitajar yes, Kinyek Kesekia ainakin yes amunokina EJAKAIT ebe, Abeit kitajari EJAKAIT oni, ere lo da mam ijaikinio akan naka ekabaka loka Asuria, Sirikipupokis Kesekia: naarai inera ekabaka loka Asuria kwanata ebe, ‘Kinerutu keoŋ nuka ainapakin, kopotu neajai; konyama yesi ŋinituŋanan emusabibuke, ŋinituŋanan nuka etinike, komata yesi ŋinituŋanan akipi nukoieoike; aitodol neabunio kayaŋaa yes akwap naeputosi kanakus, akwap naka akima ka ebino, akwap naka atap ka imanikoria luka emusabibu.’ Kocoito kinye Kesekia aijodoor yes ebe, ‘Kitajari EJAKAIT oni.’ Ejai cani edio kodekesio luka atekerin loitajarit akekwap kakan naka ekabaka loka Asuria? Alu bo idekesio luka Kamat ka Arupad? Alu bo idekesio luka Separabaim? Apotu tope kitajarata Samaria kakanika? Lukaŋai kodekesio kere luka akwapin kaŋun luapotu kitajarata akwapukec kakanika, tetere itajari EJAKAIT Yerusalem kakanika?” Konye kililiŋa, mam apotu kobonokis ŋes akirot: naarai kejai aicorakinet naka ekabaka ebe, ‘Sirikiboŋokis.’ Kosodi Eliakim okoku loka Kilikia, loapolokinit ekal, ka Sebuna ekewadikan, ka Yoa okoku laka Asap ekesiitonokinan kopotu mama ejai Kesekia, ecilicilito inapenekec, kolimokis ŋes akiro nuka Rabasake. Kosodi kanen, kepupu ekabaka Kesekia, kocil inapeneke, konap epuko, koloma togo loka EJAKAIT. Kijuka Eliakim, loapolokinit ekal, ka Sebuna ekewadikan, ka imakio luka isasedotin, konapitos ipukoi, mama ejai Isaia enabi okoku loka Amos. Kotemasi ŋes atiar, “Inera Kesekia kwanata ebe, Apaaran na erai apaaran naka ican, naka aitoronio, ka naka amoromoroo; naarai adol idwe aurio, emamei da agogoŋ nakaidoun. Motoko iirari EJAKAIT Ekonideke akiro nuka Rabasake, loejukuni ekabaka loka Asuria ejakaitike amoromor Edeke lokajaran, ka aitoron akiro nuapupu EJAKAIT Ekonideke: aso kitonyou ailipikon kanuka aatoŋot naedeun.” Kopotu do ikeiaanakinak luka ekabaka Kesekia neejai Isaia. Kotema Isaia kes atiar, “Kolimokis ejakaitikus kwanata ebe, ‘Inera EJAKAIT kwanata ebe, Sirikiyoŋ akiro nuipup, nukamoromorooto eoŋ ikejaanakinak luka ekabaka loka Asuria. Koany, ebwaikin emoyo tomake, epupuni ŋesi eemut, eboŋori bukee; ebirokini eoŋ da ŋes kekileŋ akwapuke.’’’ Koboŋo do Rabasake, kodum ekabaka loka Asuria ejiosi kaLibuna: naarai abu kopupunite ebe aboŋo ŋesi koLakis. Kopup inerai nuka Tiraka ekabaka loka Etiopia ebe, “Koany, alomu aitiji jo.” Kepupu ŋun, kiyakik ŋesi Kesekia ikiyakia ebe, “Ilimokinete Kesekia ekabaka loka Yuda kwanata ebe, ‘Kinyek Edekekon loimuno aiŋal jo ebe, Mam Yerusalem ijaikinio akan naka ekabaka loka Asuria. Koany, ipupunit ijo nueswamakis ikabakan luka Asuria akwapin kere, amudianarete kes cut: do konyet jo kiyuunio? Apotu kereka idekesio luka atekerin koyuununete kes, nuamudianarete lukapapaaka, Gosan, ka Karan, ka Resep, ka idwe luka Eden luajaas Telasar? Ai bo ejai ekabaka loka Kamat, ka ekabaka loka Arupad, ka ekabaka loka ere loka Separabaim, loka Kena, ka Iba da?’” Kijau Kesekia ebalua kakan naka ikiyakia, kosiom; kolot Kesekia togo loka EJAKAIT, kopesia kakonyen nuka EJAKAIT. Kilip Kesekia EJAKAIT, kobala ebe, “Wu EJAKAIT loka ajoresio, Edeke loka Isirael, loiboie kokerubin, ijo ŋes Edeke, ijo bon, loka ajakanuto kere nuka akwap; ijo kolo isubi akuj ka akwap. Kitoik akonikit, wu EJAKAIT, kiira; kokweny, wu EJAKAIT, koany; kopup akiro kere nuka Senakerib, nuejuku ŋesi amoromoroo Edeke lokajaran. Abeit, wu EJAKAIT, apotu ikabakan luka Asuria komudiasi atekerin kere, ka akecekwap da. Apotu koeakasi idekesiokec akim: naarai mam keraas idekesio, konye aswam naka akanin nuka ituŋa, ikito ka amor; ŋes kemudiarere kes. Aso do, wu EJAKAIT Ekosideke, kitajarai sio kakanike, tetere ejenunete ajakanuto kere nuka akwap ebe, ljo ŋes EJAKAIT, ijo bon ba.” Kosodi Isaia okoku loka Amos aijukakin Kesekia ebe, “Inera kwanata EJAKAIT, Edeke loka Isirael, ebe, Naarai ilip ijo eoŋ asurokin Senakerib ekabaka loka Asuria, na ŋes akirot naener EJAKAIT mama ejai ŋesi ebe: “Kimwaŋit akoku nabekot naka Sion jo, Ekienar jo kisekelei: Emuŋumuŋ akoku naka Yerusalem akouke neijai. Iŋai bo imoromor ijo, kisekel? Iŋai bo itopolooritor ijo ekoniporoto, ka aiteluor akonikonye kuju? Isurok Lokalaunan loka Isirael. Imoromor EJAKAIT kokiyakiakon, Kinera atiar, ‘Kaipues naka agalinika Adokari oswion luka iroŋan, Atutubeta nukotoma nuka Lebanon; Ajepi iresiake lueojak, ka iberosinike luejokuka; Alomari da aiboisike naiwasie, Amagoro naka emanikorike loideŋeriat. Abok, amat akipi, Etooni da kakakeju icorin kere luko Misiri.’ Mam ibu kopup kwape eswamaa kolo, Kasub agear apeŋo? Kwana da etodolit, Korai ijo loimudiari ireria lukebwaitai Araun aapoŋor nukamejei, Kanuka ŋun lueboiete kotoma keraas luedit agogoŋ, Koburut, kitirirata; Kosubito bala inya luka ais, kwape ikui, Kwape kinya luejaas kuju togo, Kwape emanikor loka akima eriŋa epolooro, Konye ajeni eoŋ akoniiboie, Alomarikon ka alomunikon, Aikerepoonutukon kaneajai. Kanuka aikerepoonutukon kaneajai, Ido naarai adolu emokodekon akiika, Ŋes ebwaikinia ekagolu okumesikon, Arukanaka da aitukukon, Kenyakari jo orot loilomunia. “Na ŋes eraun aanyunet mamakon: okaru lo inyamete yenebwaŋuni bon, okaru lokiareit yenitocuni kaii; okaru lokiwuniet koyeata, kodwenya, kiraata imanikoria luka emusabibu, konyama araitoke. Edupi aatoŋot naideuni naabu koku kokek loka Yuda alias kwap, kora araito kokuju. Naarai elomari aatoŋot koYerusalem, luekuete da komoru Sion: itodolikini ŋun adunyanut naka EJAKAIT loka ajoresio, “Aso inera kwanata EJAKAIT nuka ekabaka loka Asuria ebe, Mam edoluni ore lo, karaida agumakin emal, karaida adolokin kebuku, karaida aitutu etut asurokinia ŋes. Ebala EJAKAIT ebe, Orot lokelomunia, ŋopeŋol eboŋoria, ido mam edoluni ore lo. Naarai egaŋi eoŋ ere lo aitajar, kanukaŋ, ido kanuka ekakejaanakinan Daudi.” Koloma emalaika loka EJAKAIT oidukurun luka Iyasurian, kodany ilukumin akwatat ka ilukumin akaisakanykauni ka lukany: kenyout ituŋa tupuruc sek, koany, koraas kere ikatwak. Kosodi Senakerib ekabaka loka Asuria anyoun, kolot, koboŋo, kiboikin Ninebe. Kosodi kanen, emai ŋesi kotogo loka Nisurok ekedeke, koarata Aduram-melek ka Saresar odweke ŋes kekileŋ: kokereasi akwap naka Ararat. Kirum Esar-kadon okokuke aiboisike. Kapaarasia kaŋun kodekakin Kesekia nepetai atwanare, Kobu Isaia enabi okoku loka Amos mama ejai, kotema ŋes atiar, “Ebala EJAKAIT kwanata ebe, Kitemonok ekonitogo; naarai itwani, mam ijari.” Kosodi Kesekia aibelokin akekonyen arwatat, kilip EJAKAIT, kotema atiar, “Kiitu, wu EJAKAIT, keŋaiŋait, kwape aloseneneo kakonyenekon kabeit, ka etau loeteni, keswama nuejok kakonyenekon.” Komony noi Kesekia akiyo. Kosodi kobu akirot naka EJAKAIT mama ejai Isaia ebe, “Kolot, kolimok Kesekia ebe, ‘Inera kwanata EJAKAIT, Edeke loka Daudi papaakon ebe, Eira ailipikon, aany da akonikiyo: koany, eyatakini akonipaarasia ikar itomon ka lukany. Ketajari jo ka ere kalo kakan naka ekabaka loka Asuria: egaŋi eoŋ ere lo. “Na ŋes aanyunet mamakon naebuni kama ejai EJAKAIT, ebe iswamai EJAKAIT akirot ŋin naener: Koany, enyakari eoŋ etolim loejai ailameta, loisukunyarit akoloŋ ailameta nuka Akas aitoboŋor kau ailameta atomon.” Aso koboŋo akoloŋ ailameta atomon kailameta nealomaria ŋesi. Aiwadik naka Kesekia ekabaka loka Yuda, kedau adekakin kosodi aŋaleun kadekake. Kabala ebe, Kidiŋ paaran naka apaarasiaka, Alomari eoŋ orutei luka Okatwak: Kemiki nuesalito nuka ikaruka. Kabala ebe, Mam aanyuni EJAKAIT, EJAKAIT, Kakwap naka ikajarak: Mam bobo aseseni ituŋa kotoma luibolete kakwapin. Autor akaibois, alemar kamakaŋ kwape ewema loka ekecokon: Anunuk akaijar kwape ekaojion; Katubuni ŋesi eoŋ kousio: Paaran ka kuare da kitanaŋi eoŋ cut. Amonyi aiŋarakinio aitodol tupuruc; Ebilibilei akakojo kere kwape eŋatuny: Paaran ka kuare da kitanaŋi eoŋ cut. Kwape iporoidoliat arai ewalu, aŋuŋa eoŋ kwaŋin; Ebworo kwape ajele: Eriokuut akakonye kanuka asesen kuju; Wu EJAKAIT, keticanitai, koraun ijo ekabwoaranika, Enera biai? Abu ŋesi kiner keoŋ, Ido eswama ŋun: Alosenenei motimot ikaruka kere, Kanuka ariebo nakotauka, Wu EJAKAIT, ejarete ituŋa kanuka akiro kaŋun, Aijar da naka ekamoyo ejai tomakee eut: Wu okwe kitaŋaleunoi, kitajar eoŋ, Koany, kanuka ainapakinika, ŋes kariebar noi: Konye kaminakon ibu kitajar aijaraka kaipany naka amudiario: Naarai icaka akaronisio kere kaukon, Naarai mam Okatwak epedori aiturit jo, Mam atwanare epedori aima jo: Luijesaros aipany mam epedorete amunokin akonibeit, Ekajaran, ekaiaran, ŋes kituri jo, Kwape eoŋ lolo: Itejenikini papa idwe akonibeit, Itemokino EJAKAIT aitaiar eoŋ: Kanuka ŋun kiyei ikososioka koraman lukaputio Apaarasia kere nuka aijarakos Kotogo loka EJAKAIT. Abu Isaia kotema atiar, “Koodutu atap naka etini; kibwaikis abus, eŋaleuni do.” Ido abu Kesekia kotema atiar, “Ani bo aanyunet naitejeŋuni ebe adokari togo loka EJAKAIT?” Kapaarasia kaŋun kijukak Merodak-baladan okoku loka Baladan, eka baka loka Babulon Kesekia luetinito ibaluan ka ainakinet: naarai apupunit ebe abu kodekakin kosodi aŋaleun. Kiyalamikin Kesekia kanukee, kitodik kes etogo loka ikeboro luka akais nuipu, epuesa, ka esabu, ka lueuru maa, ka akinyet naka akais nuipu, ka etogo kere loka luiiisike, ido kere luadumuna koboroke luka akais nuipu: amamei ibore kotogoke karaida ayaetake kere, yenimam Kesekia etodikinit kes. Kosodi Isaia enabi abunore mama ejai ekabaka Kesekia, kotema ŋes atiar, “Anyoika bo nuabalasi ituŋa lu? Apote kai aponare mamakon?” Kotema Kesekia atiar, “Apote mamakan kakwap naelwana, Babulon.” Kotema atiar, “Inyo bo aanyut kotogokon?” Koboŋok Kesekia ebe, “Aanyut iboro kere luejaas togoka: emamei ibore koboroka luka akais nuipu yenimam eoŋ etodikinit kes.” Kosodi Isaia atemar Kesekia atiar, “Kopupok akirot naka EJAKAIT loka ajoresio. Koany, eponito apaarasia, eyanaario kere luejaas togokon, ka nul Iuapotu lukapapaakon kinadata kiton lolo, Babulon: ebala EJAKAIT ebe, emameun ibore yenepianun, Eyaŋaarete da lukodwekon lukiwuriei ijo elop: eraunos ibwacin kotogo lokapolon loka ekabaka loka Babulon.” Kosodi Kesekia atemar atiar, “Ejok akirot naka EJAKAIT nainera ijo.” Ido korema atiar, “Naarai ejaunos ainapakin ka abeit kapaarasiaka.” Ebala Ekusideke ebe, Kitalakasi, kitalakasi ikatuŋa, Kinerata nukaitalakar Yerusalem, kiworokis ŋes ebe, Adaun ejieke, esionii numam adolit; Ainakin kakan naka EJAKAIT irwan aarei kanuka aronisioke kere. Abu eporoto kiworoi ebe: “Kitemokisi erot loka EJAKAIT kais, Kitenasi erot loka Edekewok kamodiŋ, Itutuo rwaru ŋiniditot, ikeio ŋolimoru ka ŋoliukot; Itenario amagulul, iiyaiyakinio nuimugogolito. Epukorio rwaru aibuses naka EJAKAIT, Erataikinete ituŋasinei kere aanyun: Naarai ener aituk naka EJAKAIT.” Abu eporoto kotema atiar, “Kikalal.” Kojau yenebala ebe, “Anyoika ekalalaa?” Ituŋasinei kere eraas inya, Akecejokis da eputos bala aturot naka ais: Erinyorete inya, isokokoi da aturot; Naarai ekutakini ŋes euria loka EJAKAIT: Abeit eraas ituŋa inya. Erinyorete inya, isokokoi da aturot; Konye akirot naka Edekewok eperonori ikar kere. Wu jo loilimonokini Sion akiro nukajokak, Kodoka kuju oroŋat loicelelei: Wu jo loilimonokini Yerusalem akiro nukajokak, kikalal noi; Kikalal sirikiyoŋ; Kolimok ireria luka Yuda ebe, “Koanyutu Edekekus!” Koany, ebuni EJAKAIT Edeke kwape ekagogoŋon, Akekan da irumakinit ŋes; Koany, ejai aimalaeteke kaŋes, Ekeropit da ejai kakonyeneke. Itadaki ekesipan kwape ekecokon, Etukonokin idwe luka amerekekin akanike, Ka aidak katorobuke, Isiyapi da ŋun nuitanakete. Iŋai bo itemit akipi kotau kakanike, Itemit akuj katutubet naka ekubit, Egolorit apua naka akwap toma amot, Iniŋit iroŋan kaitemisioit, Iukon da kaitiirianet? Iŋai da itetenit emoyo loka EJAKAIT, Arai ituutorit ŋes kwape ekapetan akiroke? Inerunit ŋesi kaŋai, iŋai da kituutorit ŋes, Kisisianak ŋes erot loka etube, Kisisianak ŋes aijen, Kitodik ŋes erot loka ajenun? Koany, esubito atekerin bala aidonakinet naka akipi kamot, Imaritai kwape apua naidupukuk naejai toma aitemis: Koany edakit apujan kwape ibore yenedit noi. Mam Lebanon ilosikino araun akito nukinoka, Itiaŋike da mam ilosikinos araun ainakinet naicweio, Esubito atekerin kere bala mam eraas ibore kakonyeneke; Imaritai kes kamakeŋ araut atai, ido aamameak. Aso ituputoorete Edeke kwape kaŋai? Arai aput anyoin itiirianiata ŋes? Aput naegerer, ekeswaman ŋes itacalari, Ekatatan esabu ŋes iladai kesabu, Etataanakini ŋes irikoi luka epuesa. Ituŋanan yenikican yenimam epedori ainakin naikoni nen, Eseuni ekitoi lomam ipiri; Emouni ekeswaman loepiriana asipokin aput namam ijaŋijaŋa. Mam ca kijenunito? Mam ca kiirarito? Mam kilimonokinitai kageunet? Mam kimisiikis ageun kapeteta nuka akwap? Ŋopeŋol loiboie kokuju kalukunet naka akwap, Kosubito luibolete kotoma bala ibeerei; Loepesi akuj kwape aigalisit, Eterari ŋes kwape ewema lokibois. Itapalauni ŋesi ikapolok; Itarauni ikatubok luka akwap aamameak. Eebo, mam ber kiraitai; eebo, mam ber eyeitai; Eebo, mam ber aliasikec isiaranara kalup: Kosodi akutakin kes, erinyorete, Ekakaari etapipirio kes kwape ariaŋ. Ebala Lokalaunan ebe, “Aso kituputoorete eoŋ kwape kaŋai, Kasodi ariakakin kaŋes?” Kiteluosi akusikonye kuju, koanyutu, Iŋai bo kesubi ŋun? Loitolomuni ajorekec kimarite: Emaanakini kes kere ikiroria; Kanuka apolou naka apedorike, Ido naarai egogoŋ ŋesi katitiŋ, Mam adiopet eoliori. Kanukinyo ibalar ijo, wu Yakob, Inera, wu Isirael, ebe, “Ibwaitai ekarot kinye EJAKAIT aanyun, Atubor atubokinioka kama ejai Ekadeke”? Mam ca ijenunit? Mam ca iirarit? EJAKAIT ŋes Edeke lomam edaun, Lokasuban isaŋeta luka akwap. Mam iilori, karaida aipas; Mam epedorio amisiikin ajeŋunike. Einakini luiiloros atitiŋi; Iyatakini da agogoŋ ŋin yenemamei apedor. Karaida iiloros isap, epasete, Ibiroros ikatumunak kanuka ailolony: Konye ŋul luidareunete EJAKAIT iteteunete akecegogoŋ; Eterarete abebenoka kwape imorukaalen; Ekerete, komam epasete; Elosete kakeje, komam iiloros, Kililiŋata kakonyeneka, yes apujan; Kiteteut ituŋa akecegogoŋ: Kikunyutu kesi; kosodete einer: Kekunyakisi nepepe otube. Iŋai kitonyounit etuŋanan loebuni kokide, Loenyarauni ŋes kadolit abunore akejeke? ljaikini atekerin kakonyeneke, Einakini ŋes ayait ikabakan; gjaikini kes okilenike kwape apua, Kwape ariaŋ naekutaritai mama ejai akabwake. Erukitori kes, kotubor kainapakin; Korot lomam lem itorito akejeke. Iŋai bo kesubi, kiswama da, Lokenyarau aturio ameun kageunet? Eoŋ EJAKAIT, losodit, Ido nepepe ka lokawasia, eoŋ Ŋopeŋol, Apotu apujana koanyut, kokuriakaros; Komaranata isaŋeta luka akwap: Kikunyutu, kopotu. Kiŋaranakinos ŋinituŋanan kikeidunyet; Kobala ŋinituŋanan onaceke ebe, “Kotitiŋior,” Ekekeon isidiki ekatatan esabu, Loipadipadi kenyodo isidiki loedai kamoru, Ebala nuka airuc ebe, “Ejokuna”: Kimorianak kaseito, tetere mam ilokulokun. Konye jo, Isirael, ekakejaanakinan, Yakob loaseunit, Aur naka Aburaam opaperoka; ijo lokekamuni kosaŋeta luka akwap, Lokanyarauni kagoriake, Katema jo ebe, “ljoŋ ekakejaanakinan, Kaseunit jo, mama kacakari cut.” Sirikikurianar, naarai ajai eoŋ nepepe kajo; Sirikibur, naarai arai eoŋ Ekonideke: Ketogogoŋi jo; eebo, keŋarakini jo; Eebo, kegaŋi jo kakan nakoteten naka adoliteka. Koany, ŋul kere lukinyunyurikis jo, ileicikinete, itiriraete; Luiutas kajo eraunos mere ibore, eoliorete da, Imoi ijo luiŋolopatar, mam idumuni kes: Ŋul lukisurokinete jo eraunos mere ibore, kwape ibore yenitai. Naarai eoŋ EJAKAIT Ekonideke egagauni akonikan nakoteten, Kabala jo ebe, “Sirikikurianar; keŋarakini jo.” Sirikikurianar, ijo ekurut Yakob, yes ituŋa luka Isirael; Ebala EJAKAIT ebe, Keŋarakini jo, Ido ekalakunanikon ŋes Lokalaunan loka Isirael. Koany, ketuluori jo ibore yenikicomis yenikitetet, Yeneitara yenejaas ikel: Icomi ijo iroŋan, iriecirieci kes, Itusubi iukon kwape agugu, Ipiesi kes, ekutari kes ekwam, Isiarisiari kes etapipirio, Ilelakini EJAKAIT, itopoloori Lokalaunan loka Isirael. Emootos lukican ka luilwaritos akipi, ido emameete, Eokete akeceŋaiepa kanuka akure; Eoŋ EJAKAIT aboŋokini kes, Eoŋ Edeke loka Isirael mam ajalakini kes, Aŋaikini icorin kuju neelapat, Ka akonye nuka icowa kokidiŋ kaditon: Etarauni ais atapar naka akipi, Akwap naalarioŋ ikico luka akipi. Eraikini eres,* ka ekasia,* ka ekadas,* ka eseitun * loka ais toma ais; Ebwaikini eberos, * etidar, * ka eteasur kere nepepe amodiŋ: Tetere eanyunete, ejenete, eomoomoete, Kojenutu nepepe ebe akan naka EJAKAIT ŋes eswamat ŋun, Lokalaunan loka Isirael ŋes asubi. Ebala EJAKAIT ebe, “Koyaut akusikirot.” Ebala Ekabaka loka Yakob ebe, “Kitolomut nuitogogoŋito.” Kitolomut kes, kolimokis sio nuclosete ajaun: Kolimokis nusodit, kwape ejaatar, kaomoomata, kajenutu awasiakec; Arai bo kitodikis sio akiro nuepote. Kolimokis sio akiro nuepote moolo, Kajenutu ebe iraas yesi idekesio: Ecbo, kiswamata nuejok, arai kiswamata nueroko, Kobur, kaŋolianakinos. Koany, iraas yesi atai, akusiswam da atai: Loketale ŋol lokiseuni yes. Etonyounit etuŋanan loebuni kagolitomei, adolu; Etuŋanan loiwonei ekakiror loebuni kaneelomunia akoloŋ: Ebunokini ŋesi ikayaitok kwape elupot, Kwape ipudapudaa ekajean elupe. Iŋai bo kilimokinit ameun kageunet, tetere kijenuni? Ido ameun apeŋo, tetere kinera ebe, “Edolit ŋesi”? Eebo, emamei yenelimokinit, eebo, emamei yenitodikinit, Eebo, emamei yeniirarit akusikiro. Eoŋ ageuni alimokin Sion ebe, “Koany, koany kes”: Ido ainakini Yerusalem yeneyauni akiro nukajokak. Arai kasesen, emamei idiotuŋanan; Emamei kotomakec ekapetan akiro loepedori aboŋokin akirot, Arai keŋit ŋes. Koany, kes kere, eraas aswamisiokec atai, mere ibore; Eraas akeceputosia nuecalara ekwam ka aamameak. Koany ekakejaanakinan, loegaŋit; Eseunaka, loisiyalamikinit akaijar; Epiik emoyoka tomake; Itodiari rwaru etube neejaas imo. Mam iworoi, karaida elulu, Karaida aisiirar ekeporoto korot. Mam ebili egada loiriecakina, Karaida aitudeŋ eusi loepuriei; Itodiari etube kotoma abeit. Mam esiliori karaida ajuruŋuŋ Aitodol neibwaikinia etube toma akwap; Idarete da apujana ikekisila. Inera kwanata Edeke EJAKAIT, ŋol lokolo asubi akuj, kopesia; Kotera akwap ka luelomunete kotomake; Loeinakini ituŋa luejaas tomake eiyeŋane, Ka emoyo da luelosenenete kanen ebe: “Eoŋ EJAKAIT abu kanyarau jo kotoma adolit, Ketiŋenenei jo akonikan, kedarenenei jo, Kebwaik araun aitutuket naka ituŋa, aica da naka imo: Aitwekenyun akonye numudukiok, Alemun lueenitai kaipany, Ka ŋul da luibolete kamuton kotogo loka aenis. Arai eoŋ EJAKAIT: ŋopeŋol ekakiror; Mam ainakini ice akaibuses, Karaida akaiturio mama ejaas aputosia nuegerer. Koany, adolut nuageete, alimonokin nukitetiak; Kalimonokinete kes eroko etakanuna.” Koyeikis EJAKAIT ekosio lokitetet, Ka akeiturit da ageun kosaŋe loka akwap; Yes luijesaros aŋolol, ka luejaas tomake kere, Ka apujana, ka ŋul da luiboietc kotoma. Kikalalata amodiŋ ka ireria lukapolok luejaas toma, Ireria neibolo Kedar; Koyeikis luibojete kotoma Sela, Kikalalaete kaidiasia nuka iroŋan. Koinakis EJAKAIT aibuses, Ido kolimonokis akeiturit kapujana. Elomuni rwaru EJAKAIT kwape ekagogoŋon; Isidiki adunyanut kwape ekajion; Iworoi, eebo ikalalai; Iswamakini lukasurupoke nukagogoŋ, Abu keliliŋ ape; kapala, kaŋirik; Natikwana amonyi bala aberu naeriebi aidoun; Kenyikonokin keyeŋanakin da. Etisili rwaru iroŋan ka iukon, Etirinyoori da luebwaŋete kere kotomakec; Etuluori icorin apujana, etooni da ataparin. Ayauni imudukiok korot loeolito; Etotori kes osokono lueolito; Esicauni amuton kakonyenekec, Etenari da aiboisio nuekudukudo. Asubi ŋun, kwabo mam enyeini kes, Inyakario, ilcieikinete noi luemunosi aputosia nuegerer, Luelimokinete aputosia nuecalara ebe, “Iraas yesi ikosidekesio.” Kiirasi, yes ikimiŋiok; Kosesenete, yes imudukiok, tetere ianyunete. Iŋai bo emuduki, dimarai ekakejaanakinan? Arai bo iŋai ekimiŋ, kwape ekakiyakia loejukari? Iŋai bo emuduki kwape ŋol loagitunit, Arai bo emuduki kwape ekejaanakinan loka EJAKAIT? Itei ijo akiro nuipu, konye mam ianyuni kes; Epukoro akeki, konye mam epupi. Itojokit EJAKAIT aitopoloor ekisil, Kaitubusikin da, kanuka adoliteke. Konye lu kes ituŋa lueruruoritai, lukenataritai; Elokitai kes kere kapanya; itoŋopitai kaidarisia: Eraas lumejan, emamei yeneyuuni; Lunatan, emamei yenetemari atiar, “Kinyak.” Iŋai bo kayesi loitoikini akit ŋun? Loepupuni loeirari da nuka apak naebunit? Iŋai bo ejaikinit Yakob aŋatario, Isirael da ikeruruok? Mere EJAKAIT? Lokipou kadiakasi kamakeŋ, Koŋeroto kesi alosit korotinike, Mam kerimarito ikisilake. Kanuka ŋun kobukoki ŋes aresiar naka anyunyurake, Ka agogoŋ da naka ejie; Kisinepik ŋes akim airimor, komam ŋes ejeni; Konomo ŋes, konye mam kibwaikinit etau. Konye kwana inera kwanata EJAKAIT loabu kosub jo, wu Yakob, Ŋol Iokiluŋuluŋi jo, wu Isirael, ebe: “Sirikikurianar, naarai kalaku jo; Kanyarit jo kokirorikon, irai Lokaŋ, Arai itori toma akipi, ajaenena kajo; Toma ocorin, mam kiraparete: Arai itori toma akim, mam kinomori; Mam eiriani akim kama ijai, Naarai eoŋ EJAKAIT Ekonideke, Lokalaunan loka Isirael, eketajaranikon; Ainak Misiri araun lugelisikon, Etiopia da ka Seba kanukon. Naarai irai loka akais nuipu kakonyeneka, Lokayoŋio, kamina jo; Ŋes ainakinia ituŋa kanukon, Atekerin kanuka aiiarakon. Sirikikurianar; naarai ajai kaio: Ayauni eoŋ aurikon kokide, Kenotuni jo koto: Alimokini agolitomei ebe; Koosik; Eŋalakimak da ebe, Sirikitikok: Koyau ikadwe lusap kama elwana, Ka lupesur da kosaŋe loka akwap. Ŋinidiopet yenemaikinio ekakiror, Yenabu kasub kanuka aibusesuka; Keluŋuluŋ ŋes; eebo, kasub eoŋ ŋes.” Kitolomutu imudukiok luejaas akonye, Ka ikimiŋiok luejaas aki! Kinotunos atekerin kere, kotukonokinos ituŋa; Iŋai bo idio kakesi epedori alimokin ŋun, Aitodikin oni akiro nusodit? Koyaut kesi ikajenakakec, kitojokai; Kopuputu kesi, kobalas ebe, Abeit ŋin. Ebala EJAKAIT ebe, “Iraas yesi ikakajenak ka ekakejaanakinan lokaseunit: Tetere kiienete kiyuunete eoŋ, ljeŋunete ebe eoŋ Ŋopenol; Emamei Edeke lokesubitai ageikin eoŋ, Mam ejaun da lokatupakini. Eoŋ, eoŋ obe, arai EJAKAIT; Emamei eketajaran dimarai eoŋ, Alimo eoŋ, etajar, etodik, Amamei edeke lomoit kamakus.” Ebala EJAKAIT ebe, “Kanuka ŋun iraas yesi ikakajenak, Eoŋ da arai Edeke. Eebo, agear lolo, eoŋ ŋopeŋol; Kwabo emamei yenepedori ayuun kakanika: Eswamai eoŋ, iŋai bo itikokini?” Ebala kwanata EJAKAIT, ekusikalakunan, Lokalaunan loka Isirael ebe, “Kanukus ŋes kejukaria Babulon, Esijesari kes kere kwape luekerete, Kes Ikaludean, toma ameerin nuka aiyalamakec. Arai eoŋ EJAKAIT, lokalaunanikus; Lokasuban loka Isirael, ekabakakus.” Ebala kwanata EJAKAIT, Loesubi erot toma aŋolol, Esokot da toma akipi nukagogoŋ; Loitolomuni agali ka ebalasi, ajore ka apedor; Eperete nepepe, mam enyounete; Erikaros, itudeŋio kwape eusi, ebe: “Sirikiitut akiro nusodit, Karaida aomoom akiro nukasonya. Koany, eswamai eoŋ akirot nakitetet; Elibuni kwape kwana; mam yes ijenunete? Asubi eoŋ erot toma ais, Icorin da toma amodiŋ. Ketopoloorete eoŋ itiaŋ luka ais, ikuwei, ka ikuului; Naarai ainakini akipi kotoma ais, Icorin da kotoma amodiŋ, Aitamasia ituŋaka, luseuŋunaka; Ituŋa luasubuni eoŋ Tetere elimonorete aiturioka. “Konye mam kiwonet eoŋ, wu Yakob; Ketapasa jo, wu Isirael. Mam kiiununei eoŋ ibaren ludidik luka ainakinetakus nuicweio; Mam kitubusikinit eoŋ kasubanakon. Mam kesilaŋirikinit jo ainanakin eoŋ ainakineta, Karaida aitapas jo kaluisupuruununo, Mam kigwelanakinit eoŋ eitola kapesan, Karaida aisimonikin eoŋ kasiepai nuka asubanakon: Konye ibu ijo kisilaŋirikinite eoŋ karonisiokon, Kitapas eoŋ kanumam adolitekon, “Eoŋ, eoŋ obe, ŋopeŋol loamwatari adiakanaretakon kanukaŋ; Mam eituni akonironisio. Kisiitunoi; kapurokinos: Kopet akonikiro, tetere kitojokio. Kodiaka papaakon losodit, Kopaasi ikejulakakon kamakaŋ. Kanuka ŋun ketisil ikapolok luka aibois nakalaunan, Kejaik Yakob araun ekenit, Ka Isirael da amoromoroo. “Konye kwana kiira, wu Yakob ekakejaanakinan; Ka Isirael loaseunit. Ebala kwanata EJAKAIT lokisubi, Lokiluŋuluŋi jo ameun kakoik, lokiŋarakini ebe; Sirikikurianar, wu Yakob ekakejaanakinan; Ka jo da, Yesurun, loaseunit. Naarai abukokini akipi ŋin yenejakit akure, Aguuruto da akwap naconit: Abukokini ekamoyo akoniwur, Arereŋuka da odwekon: Elibunete kwape anya, Kwape ikito kama eleleata akip. Ebala ediopet ebe, ‘Arai eoŋ loka EJAKAIT’; Ece da emaikini bon ekiror loka Yakob; Ece da iwadikakini akanike ebe, ‘Loka EJAKAIT: Emaikini bon ekiror loka Isirael.” Inera kwanata EJAKAIT, Ekabaka loka Isirael, Ekalakunanike da, EJAKAIT loka ajoresio: Ebe: Arai eoŋ losodit, arai lokawasia da; Kwabo emamei ecedeke dimarai eoŋ. Iŋai bo eputos keoŋ? Kolimo do, Kitejen kitemonok kaŋukan. Iŋai bo elimorit apeŋo akiro nuepote? Kitejenut ŋun nuejaunete rwaru, Sirikiyoŋa, karaida akurianar: Mam apeŋo kalimonokini jo ka aitodianakin? Iraas yesi da ikakajenak. Ejai Edeke ece dimarai eoŋ? Eebo, emamei Atiiba; mam eoŋ ajeni adio da.” Ŋul luesubete aput naegerer eraas kere aamameak; emamei ameda kotoma oborokec luisiyalamikinete: ikajenakakec da mam eanyunete karaida ajenun; tetere irumete ileic. Iŋai bo asubi edeke, arai kecalari aput naetatao naemamei ameda? Koany, irumete ileic ipaupake kere; ikasubak da eraas ituŋa: kotukonokinai kere nepepe, kobwaata; ekuriakaros, irumete kere ileic. Etatai ekatatan aep, iswamai toma atotol, iluŋuluŋi kanyulia, esubi kakekan nakagogoŋ: eebo, eriebi eteŋei, emameun agogoŋuke; mam emasi akipi, iilor. Itemi ekekeon ekokoro; igiri kekalamu; esonyi kesonyet, itemi kaitemisio, ituputoori kwape aput naka ituŋanan, kwape ejaar atemelel naka ituŋanan, aiboi kotogoke. Ejepi iresia, eyaŋaari da etekwa ka elua, itogogoŋi kanukeŋ ediopet kokito luka amagoro: eraikini eberos, itani akiru. Kosodi konyet araun akito nuka ituŋanan; elemuni ipieri; eebo, inoki, ipoio inyamat: eebo, esubunia edeke, emai ŋes; esubunia aput na’ gerer, ekukonokini kakonyeneke. Icwei ŋesi atutubet kakim; atutubet ŋipeŋin ŋes enyamia akiriŋ; epei nupeon, imonikin: eebo, ipieri, kobala ebe, “Bu, amwanu eoŋ, aany akim.” Nuesalito esubunia edeke, aputoke naegerer; ekukonokini ŋes emai da, ilipi ŋes, kobala ebe, “Koyuunai; naarai irai ijo ekadeke.” Mam ejenete, karaida aomoom: naarai etumudak ŋesi akecekonye, tetere mam epedorete aanyun; ikecetauon da tetere mam epedorete ajenun. Emamei da yeniituni, emamei da aijen karaida amisiikin atemar ebe, “Ecweik eoŋ atutubet kakim; eebo, epoo atap katotoleke; ape akiriŋ, kanyam da; asubunia teni nuesalito ibore yeniketal? Akukonokini kereka apuŋure naka ekitoi?” Enyami ŋesi ekurwon: etapaa etau loeŋalatai tetere mam epedori ayuun eketau, karaida atemar atiar, “Mere ejai aiŋal akanika nakoteten?” Kiitu akiro nu, wu Yakob; Ka Isirael da, naarai irai ijo ekakejaanakinan; Eoŋ keluŋuluŋuni; irai ijo ekakejaanakinan; Wu Isirael, mam eoŋ kemurwokini jo. Amwata adiakanaretakon kwape edou loejamijami, Aronisiokon da kwape elisina: Koboŋu neajai; naarai kalaku jo. Koye, ijo akuj, naarai eswama EJAKAIT; Kikareoto yes atutubeta nukokwap nuka akwap; Kogeut ayoore, yes iroŋan, ljo amagoro, ka ŋolikitoi kotomake; Naarai alaku EJAKAIT Yakob, Itopolooritai koIsirael. Ebala kwanata EJAKAIT, ekalakunanikon, Ŋol lokiluŋuluŋi jo ameun kakoik ebe: “Arai eoŋ EJAKAIT, loasubi kere; Loapesit bon akuj; loaterarit akwap; Iŋai ca ejai keoŋ? Loerebokini aanyuneta nuka ikeŋalak, Esikerepikini ikaroak; Loetoboŋori lukacoa kau, Loesibanibani akeeeijen: Loetogogoŋi akirot naka ekakeiaanakinan, Etodoli da ainerun naka ikiyakiaka; Loenera nuka Yerusalem ebe, ‘Edumuni luiboikinos toma’; Nuka ireria luka Yuda da ebe, ‘Edukio, Eoŋ da etonyouni aiboisiokec nuiswapito’: Loalimokini ataro ebe, ‘Koono, Eoŋ da etooni icorinikon’; Loenera nuka Kuro ebe, ‘Ŋes ekakecokon, Itodoli ŋes! kere nuakoto eoŋ’; Enera da nuka Yerusalem ebe, ‘Edukio’; Nuka eyekalu da ebe, ‘Epesio akonipeteta.’’’ Ebala kwanata EJAKAIT Iokinyonyoikitonoke akinyet, ŋes Kuro, Loetiŋit eoŋ akekan nakoteten, aitonokok atekerin kakonyeneke, Alacar aŋabes nuka ikabakan; Aŋaar ikekia kakonyeneke, Ido mam irutei egolonokinio: Ebe: “Keŋarenikini eoŋ jo, Eiyakini aiboisio nuimugogolito: Abilibilei ikirigin luka aisinit, Atubutubei atiketa nuka asua. Kainakini jo iboro luka akais nuipu luka amuton, Abar da naibwaitai naka aiboisio nukaiyeiyea, Tetere ijenuni ebe Arai eoŋ EJAKAIT, Edeke loka Isirael, lokanyarit jo kekirorikon, Kanuka Yakob ekakejaanakinan, ka Isirael loseunaka, Kanyarit jo kekirorikon: Kamaikinit jo ekiror, karaida mam kijenunit eoŋ. Arai eoŋ EJAKAIT, emamei ece; Emamei Edeke dimarai eoŋ: Kaenikini arokoba, karaida mam kijenunit eoŋ. Tetere ejenunete ageun kalomun naka akoloŋ, Kiton to da, ebe emamei eee dimarai eoŋ: Arai eoŋ EJAKAIT, emamei eee, Eoŋ aluŋuluŋi aica, asubuni amuton; Ayauni ainapakin, asubuni aronis; Arai eoŋ EJAKAIT, loeswamai ŋun kere, “Kotep, ijo akuj, kokuju, Kobukut idouon adolit: Koooŋata da alup, tetere itolomunete aitajario, Isilibunete da adolit; Eoŋ EJAKAIT asubunit ŋun. “Itukwi ŋol loepegas ka Lokasubanike! Atibolok kotoma atiboloka nuka akwap! Iŋisi tope elupe ŋol lokiluŋuluŋi ebe, ‘Iswamai inyo?’ Arai aswamukon ebe, ‘Emameete ŋes akanin?’ Itukwi ŋol loebala papake ebe, ‘Iwuriei inyo?’ Arai aberu ebe, ‘Irieba awuruun inyo?’” Ebala kwanata EJAKAIT, Lokalaunan loka Isirael, ido Lokasubanike ebe, “Kiŋitunai nuka akiro nuepote; Kicorakinai cabo nuka idweka, Ido nuka aswam naka akaninika. Asubunit eoŋ akwap, Asubunit da etuŋanan kotomake: Eoŋ, akakanin epesikinito akuj, Ecorakinit eoŋ ajoreke kere.” Ebala EJAKAIT loka ajoresio ebe: “Etonyounit ŋes kadolit, eteteni ikerotin kere: Eduki ŋesi ekare, Eosikini atai lukaŋ lukireŋearitai, Mere kanuka agwelar, karaida aropio.” Ebala EJAKAIT kwanata ebe, “Aitaaritoi nako Misiri, ka lugwelanara luka Etiopia, Ka Isabean, ituŋa lukaojak, Epote mama ijai, eraunos lukon; Kitupakinete jo; epote kotoma orikoi: Kikukonokinos, kilipete jo ebe, ‘Abeit ejai Edeke mamakon; Emamei ece, emamei Edeke ece.’” Abeit irai ijo Edeke loiŋopi, Wu Edeke loka Isirael, Eketajaran. Irumete kes ileice, eebo, itiriraete, kes kere: Edakaros akwesikec kere luesubete aputosia. Konye itajari EJAKAIT Isirael kaitajario namam edaun: Mam yes irumenenete ileice, Karaida aitirir ikar lumam edaunos. Naarai ebala kwanata EJAKAIT loasubuni akuj; Ŋes Edeke; Lokiluŋuluŋi akwap, kosub: Kiticat, mam asubuni atai, Kiluŋuluŋi tetere iboikinoi kotoma, ebe: “Arai eoŋ EJAKAIT; emamei eee. Mam abu kener kaiyeiyea, Kaibois naka akwap naka amuton; Mam kabala aur naka Yakob ebe, ‘Komoai eoŋ atai”: Eoŋ EJAKAIT enera nukadolit, Alimokini akiro nuetenete. “Kotukonokinos, kopotu; Kikunyutu, yes luikuata luka atekerin: Emamei kes aijen luedakete akitoi naka aputokec naegerer, Ilipete edeke lomam epedori aitajar, Kolimosi, kikeut; Eebo, kinerutu nepepe. Iŋai bo kitoduunit ŋin ageun kasonya? Iŋai bo kelimokinit apeŋo? Mere Eoŋ EJAKAIT? Emamei ecedeke dimarai eoŋ; Edeke loedolit, ido eketajaran; Emamei ece dimarai eoŋ. “Kosesenai, kitaiarunos, isaneta kere luka akwap: Naarai arai eoŋ Edeke, emamei ece. Eyapoik kanukaŋ, Alomu akirot kaitukuka kadolit, Ido mam eboŋuni, ebe, ‘Kakukonokin ŋinikuŋ eoŋ, Keyapoikini ŋiniŋajep.’ Ejauni yenikabala ebe, Ejai adolit ka agogoŋ toma EJAKAIT bon: Epote ituŋa mamakeŋ, irumete ileice Ŋul kere luenyunyurikinete ŋes. Itojokio aur kere naka Isirael toma EJAKAIT, Ituro da.” Akukokin Bel, akukum Nebo; Idokonokino aputosiakec otiaŋ, obaren da; Iboro luidakitos yesi eraunos ibwokon, Alaŋir kaneejaas itiaŋ luepasete, Akukumo, akukonokinos nepepe; Mam apedorete ayuun alaŋiru, Konye ijoreorio kes ikulepek. “Kiirarai, ijo ekek loka Yakob, Aatoŋot kere naka ekek loka Isirael, Lukadakit ageun kakoik, Lukarioŋit ageun kauriokus: Kiton amojoŋukus Eoŋ ŋopeŋol, Ido kiton abwaŋun akoruokus, eoŋ kadakit yes: Asub, ido egaŋi; Eebo, adaki, etajari da. “Aso kituputoorete eoŋ kaŋai, kitiirianete, Kitusubito eoŋ inyo, kaputokinos? Luebukete esabu koriagi, Luitemete epuesa kaitemis, Eropete ekatatan-esabu, esubuni edeke; Ekukonokinos, eebo, emaete da, Erioŋete ŋes kokeper, edakete ŋes, Esipokinete aiboisike, kobwoi kanen; Mam enyouni kaiboisike; Eebo, iwonei mutan ŋes, konye mam epedori aboŋokin, Karaida ayuun kocanike. “Kiitutu ŋun, kocerededata; Kisiitonokinos, yes ikadiakanarak. Kiitutu akiro nusodit nukasonya: Naarai arai eoŋ Edeke, emamei ece: Arai eoŋ Edeke, emamei yenikiputor eoŋ: Alimori awasia ameun kageunet, Ido akiro nueriŋa iswama ameun apeŋo: Ebe, ‘Icasit akainerun, Ido etodolikini nuetojokit kere.’ Anyarauni ekweny loiraŋana kokide, Etuŋanan loka ainerunika anyoun kakwap naelwana; Eebo, ener, etodoli da; Alosikinit, ido eswamai. “Kiirarai, yes lueninik itauon, Luilwaka kadolit: Esukunyuni adoliteka, mam elwana, Mam akaitajar itumori: Ebwaikini eoŋ aitajario Sion, Kanuka Isirael aibusesuka.” Kijesun, kiboikin apua, ijo akoku nabekot naka Babulon; Kiboikin kwap komamei eicoloŋ loka ajakanut, ljo akoku naka Ikaludean:. Naarai mam bobo kinyaritai naenonok naijamamai. Kolem akaŋasia, kirie alos; Kolaca egoekon lokimukos, Kolaca da inapen, kisideleleo akeje, Kotubor kocorin. Epukorio amujalalakon, Eebo, etakanete ileicikon: Enyaŋi eoŋ, komam etimi idiotuŋanan. Ekalakunaniwok, EJAKAIT loka ajoresio ŋes ekekiror, Lokalaunan loka Isirael. Kiboie kililiŋi, koloma amuton, ljo akoku naka Ikaludean: Naarai mam bobo kinyaritai Ajakait naka ajakanuto, Abu kanyunyurik ikatuŋa, Ketisil akairumet, Kejaik kes akanikon: Mam ibu kitim kes: Kisibwok imakio ajookotokus kalaŋiru naepol. Ibu kotema atiar, “Araun ajakait ikar kere”; Kanuka ŋun mam ibwaikinit akiro ŋun otaukon, Karaida akiitun awasiakec. Aso do kiira nu, ijo naimina ailel, Naiboie kaijakak, Nainera kotaukon ebe, “Ajai eoŋ, ido emamei ece dimarai eoŋ; Mam eboikini kwape apuserut, Karaida aijen atwaniar idwe.” Konye kidoikinete akiro ŋun aarei katipet kadiopepaaran, Atwaniar idwe, ka eipuserune: Kidoikinete jo kaitemisikec naedoliorit, Karaida kipuakata aipiedetakon, Kidilas da noi icudetakon, Naarai imunokina nukaronokokon: Ibu kotema atiar, “Emamei yenikaanyuni”; Akonicoa ka akoniijen, kes kitapaarete: Kitema kotaukon atiar;” “Ajai eoŋ, emamei ece da dimarai eoŋ.” Kanuka ŋun kibunokini aronis: Namam ipedori ailuc: Kidoikin ameŋeranut, namam ipedori airebokin: Kituriaikini jo asiles namam ijeni. Aso do kobwo kicudetakon, kaipiedetakon nuipu noi, Nukitaaritor ageun keiditeukon; Motoko ipedori akerianar, Motoko ipedori aitukurian. Kipas ijo kanuka aipues naka ainerunikon; Kobwaata bo ŋul luketiakete akuj, Ikerereok aacer, ikadwarak akiro nuka ŋolilap, Kitajarata jo kakiro nukibunokinete, Koany, eraunos kwape ariaŋ; icwei kes akim; Mam eyuunos kapedor naka alian: Mam eraun atotol nukipiera, Karaida akim nakiririkina mamake. Ikote nen akiro nukitaaritor kamakon: Irimete luapotu kogwelanas kajo ageun keiditeukon, Ŋolituŋanan owaike; Emameun yenikitajari jo. Kiirasi yesi nu, yes lukokek loka Yakob, Luenyaritai ekiror loka Isirael, Lualomut kakipi nuka Yuda; Luiyapoete kolimito ekiror loka EJAKAIT, Luelimorete Edeke loka Isirael, Konye mere kabeit, karaida kadolit. Naarai inyarakina lukore lokalaunan, Igoŋakina mama ejai Edeke loka Isirael; EJAKAIT loka ajoresio ŋes ekekiror. “Alimo akiro nusodit ageun kasonya; Eebo, kolomut kaitukuka, ketodia kes: Keswama kes katipet, kodoloto. Naarai abu kajen ebe ininik ijo, Ekonimurisiŋ ŋes esilot lokasuat, Ereetekon aisinit; Ŋes kalimokinia jo ageun kasonya; Ketodik jo eriŋa kedolo: Kinyek ijo atemar atiar, ‘Akaput ŋes eswamat ŋun, Ecorakis ŋun akaput naegerer ka akaput naicalara.’ Ibu kopup ŋun; koanyutu ŋun kere; Mam yes kilimokinete? Ketodik jo akiro nukitetiak ageun kapak kana, Akiro nuibwaitai numam ijenunit, Esubunitai kwape kwana, mere ageun kasonya;- Kiton lolo mam lem ipupunit kes; Kinyek atemar atiar, ‘Koany, ajeni kes kolo.’ Eebo, mam ibu kopup; eebo, mam ibu kojen; Eebo, ageun kasonya mam epukoro akonikit: Naarai abu kajen ebe iswama noi kaimod, Kinyaritai ekapaaran ageun kakoik, Kanuka ekirorika etilori akanyunyura, Kanuka akaiturio etikokini kamakon, Kenyek amudiar jo. Koany, keliliau jo, konye mere kwape epuesa; Kegimo jo koupa loka aiticanitoi, Kanukaŋ teni, kanukaŋ, eswamai eoŋ ŋun; Naarai ikwaikini ai ekakiror itisilio? Mam ainakini ice akaibuses. Kiirarai, wu Yakob, ka Isirael lonyaraunaka; Eoŋ ŋopeŋol, Arai eoŋ losodit, ido arai lokawasia. Eebo, epesikinit akakan apeteta nuka akwap, Eterakinit akakan nakoteten akuj: Arai kanyarau kes, ebwoete nepepe. Kotukonokinos, yes kere, kopuputu; Iŋai bo kakesi elimorit ŋun? Emina EJAKAIT ŋes: Iswamakini ŋesi Babulon nuitojokit, Akekan da esurokini Ikaludean. Eoŋ, eoŋ obe, ener; eebo, anyarau ŋes: Kayau ŋes, ido ekerianar korotoke. Kikunyutu neajai, kopuputu nu; Ameun kageunet mam abu kener kaiyeiyea; Ageun kapak naajaar, ajai eoŋ.” Ido kwape kwana ejuku EJAKAIT eoŋ ka Emoyoke. Ebala kwanata EJAKAIT, Ekalakunanikon, Lokalaunan loka Isirael ebe: “Arai eoŋ EJAKAIT Ekonideke, Lokisisianakini jo aimeda, Lokiŋarenikini jo korot lotikilosio. Wu okwe, tikiirasi aicorakinetaka! Ŋes konyet esubia ainapakinikon kwape ecor, Akonidolit da kwape akailan nuka aŋolol, Ido esubi aurikon kwape asiŋe, Idwe luka akoikikon kwape kapuake: Ekekiror mam ti egelario karaida amudiario kakonyeneka, Kolomasi koBabulon, kokera kama ejaas Ikaludean; Kitodiasi keporoto loka ayoore, kolimokis, Kinerasi kiton osaŋe loka akwap: Kobalas ebe, “Alaku EJAKAIT ekekejaanakinan Yakob.” Mam kes ajakit akur nakiŋarenikinio kes kamodiŋo; Kisileleu akipi katiba kanukec: Kodi atiiba da, kilepunos akip. Ebala EJAKAIT ebe, “Emamei ainapakin kaneejaas ikaronok.” Kopupunoi, yes apujana; Kiirasi da yes ituŋa luilwaka: Abu EJAKAIT kanyarau kakoik; Kolimo ekakiror kaliliget naka totoka. Etusub akaituk bala ekileŋ loekwana, Kebwa kotoribe loka akanike; Ketarau ekojo loiputut, Ocoeke da ŋes karicitor: Katema eoŋ atiar, “gjo ekakejaanakinan; Isirael, ŋes ketubusikinere.” Konye katema atiar, “Abu ketaaritoi taai, Atwania akagogoŋ aloŋ, atwania taai: Konye abeit ejai akatubokinio neejai EJAKAIT, Ekaropit da ejaas ka Ekadeke.” Natikwana inera EJAKAIT lokasubi eoŋ kotoma akoik Araun ekekejaanakinan, Ainyakakin ŋes bobo Yakob, Ido kotukonokinai Isirael neejai: (Naarai ebusu eoŋ kakonye nuka EJAKAIT, Ekadeke da arau akagogoŋ.) Eebo, ebala ebe, “Erai akirot naebenen noi jo araun ekakejaanakinan Aitonyoun atekerin nuka Yakob, Ka aitajar luapiaŋunos kotoma Isirael: Kainakin jo da araun aica mama ejaas lukacekwapin, Koraenena akaitajar aitodol awasia naka akwap.” Inera kwanata EJAKAIT, Ekalakunan loka Isirael, ido Ekalaunanike, Mama ejai ŋol loemenito ituŋa, ŋol loelait ateker, Ekejaanakinan loka ikayaitok, ebe: “Eanyunete ikabakan, enyounete; Lukapolok da, emaete; Kanuka EJAKAIT loerai emunot, Ekalaunan loka Isirael, loabu koseu jo.” Inera kwanata EJAKAIT ebe, “Kaboŋok jo kapak nakacamunia, Ido keŋarak kapaaran naka aitajario: Ido kekuniai jo, Kainak araun aitutuket mama ejaas ituŋa, Aiticat akwap, aisurum airumeta nukamejei; Kolimonokini ŋul lueenitai ebe, ‘Kolomasi,’ Ka ŋul luejaas kamuton ebe, ‘Kitoduunos.’ Enyamenenete korotin, Komor kere luelapat nen eraun eronyikec, Mam kes eriebenenei eteŋei, karaida akure; Kwabo mam enomonori akoloŋ karaida aibuse: Naarai ŋol loitimi iŋarenenokini kes, Eyanaanari da atanin, Ido etuluori ikaroŋan kere araun erot, Iturio da ikarotin. Koany, epote lu kama elwana; Ido, koany, epote lu kagolitomei koto da; Ido epote lu kakwap naka Sinim, Koye, ijo akuj; kolakar, ijo akwap; Kogeut ayoore, yes iroŋan: Naarai etalaka EJAKAIT iketuŋja, Ido itimi luke lukiticanio. Konye kobala Sion ebe, “Kajalak YAWE, Kemurwoki EJAKAIT.” “Epedori aberu ikekoku yenenaki aimurwokin, Komam isionie okoku loka akoikike?” Eebo, epedorete ŋun aimurwokin, Konye mam eoŋ kemurwokini jo. Koany, kegiranakinit jo otauon luka akaninika; Ejaenenas arwatatinikon kakonyeneka tiritir. Isunyito ikadukokokon adepar ikamudiarakakon, Elomarete da ŋul lukitisilete kamakon. Kiteluo akonikonye, ido koany: Etukonokinos ŋul kere, epote mamakon. Ebala EJAKAIT ebe, Kwape ajaria, Abeit inapi kes kere kwape lukisiro, Iyogogoi kwape ateran. Naarai aiboisiokon nuiswapito nuesilok, Ka akwapukon naemudiara, Abeit kwape kwana ididinik luibojete kotomakon, Ŋul da lukilikorete elwakaros. Etemarete idwe luaurio kapak naka atwaniarikon akiikon ebe, “Kadidiŋiki eoŋ aibois: Konyaikinai keboikin.’ Kosodi ijo atemar kotaukon atiar, “Iŋai bo kaurikini ŋul, Naarai atwania idweka, do acuduŋun bon, Arai nakereŋearitai, nairimi lailo ka laije? Iŋai esai ŋul? Koany, asal bon; ai bo kejaas ŋul?’” Ebala EJAKAIT Edeke kwanata ebe, “Koany, ekeari akakan mama ejaas atekerin, Asipokini aanyuneteka mama ejaas ituŋa: Eyaunete odwekon katorobusiokec, Erioŋakinete adwekon okepirinikec. Eraunos ikabakan lukapapakon lukisaete, Akabakanakee da nukatotokon nukisaete: Ekukonokinos jo kitulurito akecekonyen kwap, Emeete adae nukakejekon; ljeŋuni da ebe arai eoŋ EJAKAIT, Ŋul da lukedareunete mam irumete ileic.” Edemario tope lumejan kama ka ikagogoŋok? Arai bo eyuunio lukikamuna luka ekadoliton? Konye ebala EJAKAIT kwanata ebe, “Edemario cabo lukikamuna luka ikagogoŋok, Eyuunio da lumejan luka lusogim: Naarai kiŋolopikin eoŋ kaŋol loiŋolopas kajo, Etajari ikonidwe. Etanyami eoŋ ŋul lukimwanito jo akiriŋikec kikulepek; Emerikinos akeceokot kikulepek, kwape kebino loewiny. Kosodete ejenunete awat kere ebe, Eoŋ EJAKAIT arai eketajaranikon, Ekalakunanikon, Ekagogoŋon loka Yakob.” Ebala EJAKAIT kwanata ebe, “Ali bo ebalua loka aireŋear totokus, Lokereŋearia ŋes? Arai bo iŋai bo kaŋul lukeburaete loabu ketwegel yes? Koany, kigwelaritai kanuka numam adolitekus, Ireŋearitai totokus kanuka adiakanaretakus. Kanukinyo kemamear ituŋanan naabunitor eoŋ? Nakanyaritor, kemamear yeneboŋokini? Aurianar cabo akakan, tetere mam epedori alakun? Emamei kereka eoŋ apedor ayuun? Koany, arai ketoron, etooni aŋolol, Etusubi icorin kwape amodiŋ: Ebosuunete iborokec lukecor, naarai emameete akip, Etwakete akure. Etanapi eoŋ aku; amonut, Emukori ŋes kepuko.” Kainak EJAKAIT Edeke eoŋ aŋajep naka ŋul kaluisisianakinitai, Tetere ajeni aigaŋ kakiro ŋin yenepasit: Itikwenyuni ŋinitupurue, Itikwenyuni akakit akiiranar kwape ŋul luisisianakinitai. Apuko EJAKAIT Edeke akakit, Ido mam eoŋ epaliono, Karaida aboŋor kau. Abu kainak epuraka ikasenesenok, Iitinyoka da mama kaŋul lukenyulanarete ajul: Mam abu karap akakonyen koleic Ka aimwanakinio da aimul. Naarai keŋarakini EJAKAIT Edeke, Ŋes mam etiriraa; Ŋes keticasia akakonyen bala eikep, Ido ajeni ebe mam kerumete ileic. Eapie ŋesi loketojoki eoŋ; Iŋai ca ketoŋolopi? Kabwaata bo nepepe. Iŋai ca lokekoloka? Kikuny mama ajai. Koany, EJAKAIT Edeke kenarakini; Iŋai ca ŋin yenikesitelekari? Koany, emojoŋete rwaru kesi kere kwape anapito; Idonyorete ikajekel kes pit. Iŋai ca kokidiŋikus yeneyoŋit EJAKAIT, Yenerimarit eporoto loka ekebulesit? Ŋin yenelosenenei kamuton, komam aica, Komun do ŋesi ekiror loka EJAKAIT, Kieatunitor Ekedeke. Koanyutu, yes kere luisinepete akim, Iyeŋanakinos bonik akalasia; Kolosenenete kotoma aica naka akimikus, Ido toma akalasia nuisinepata. Idumunete na kakanika, Iperete kotoma aiturur. “Kiirarai, yes luitupete adolit, Yes luimootos EJAKAIT: Kosesenata atiiba kama kikeunere, Apedot da naka aipany kama kibokunere, Kosesenata Aburaam papaakus, ka Sara da nakiwurie: Naarai nakeraar ediopet bon kanyarau ŋes, Kesirereŋ, ketalal ŋes noi. Naarai etalaka EJAKAIT Sion, Etalaka aiboisioke kere nuiswapito, Etuluo aisuke kwape Eden, Amodiŋike kwape emanikor loka EJAKAIT; Edumunos kaŋeri ailel ka aiyalama, Aimal, ka eporoto loka ayoore. “Kopupunoi, yes ikatuŋa; Kitoikinai akit, ijo atekereka: Naarai elomuni ekisil kamakaŋ, Etarauni eoŋ etubeka aica naka ituŋa. Eapie adoliteka, aloma aitajaraka, Etubokinete akakanin ituŋa; Kedareunete apujana eoŋ, emunos akakan. Kiteluosi akusikonye kuju toma akuj, Kosesenata da akwap kokwap: Naarai ilicari akuj kwape apuru, Emojoŋi akwap kwape egoe, Luibolete kotoma da etwakete kwape isiru: Konye ejaenena akaitajar ikar kere, Akadolit da mam itapalaunio. “Kiirarai, yes luijenete adolit, Ituŋa luejaas ekakisil otauonokec; Sirikikuriakaros amorosit naka ituŋa, Karaida aburun kanuka amoromorokee. Naarai enyami kes ekajekelut kwape enyamia egoe, Enyami kes aeoroi kwape ajul: Konye ejaenena akadolit ikar kere, Akaitajar da aitodol aturio kere.” Kokweny, kokweny, konap agogoŋ, ijo akan naka EJAKAIT; Kokweny, kwape kapaarasia nukasonya, aturio nukolo karobai. Mere jo naitubutubee Rakab, nakicumi apiu? Mere jo nakitooni aŋolol, akipi nuka ataro naepol; Nakituluori aidules naka aŋolol erot loetuborotor lulakuna? Ido eboŋunete lugweluna luka EJAKAIT, epote Sion kayoore; Ejaun ailel namam edaun akwesikec: Edumunete ailel ka aiyalama, Ilicaros aiturur ka eidiny. “Eoŋ, eoŋ obe, ŋopeŋol loketalakaari jo: Iŋai bo jo tetere ikuriana etuŋanan loetwani, Okoku loka etuŋanan da loeluori kwape anya? Kimurwok EJAKAIT Lokasubanikon, Loeterakinit akuj, kopet apeteta nuka akwap; Ikuriana tiritir apaaran kere kanuka adedeŋ naka ekamwaŋan, Naitemokinio ŋesi amudiar; Ani bo adedeŋ naka ekamwaŋan? Eenat loijoreoritai eosikinio katipet; Mam etwani kwabo mam elomari aipany, Karaida ikenyamat aiŋoŋar. Naarai arai eoŋ EJAKAIT Ekonideke, Loiguri aŋolol tetere irurumaete akailan: EJAKAIT loka ajoresio ŋes ekekiror. Ebwaik akakiro aitukukon, Kebwait jo kotoribe loka akanika, Tetere eraikini akuj, Apesi apeteta nuka akwap, Alimokini Sion ebe, ‘Iraas yesi ikatuŋa.’’’ Kokweny, kokweny, kobwo, ijo Yerusalem, Loimasit kakan naka EJAKAIT adere naka anyunyurake; Ibu komat asidak nakotoma adere naka aigetigeta, aikokoor. Emamei loinarenikini ŋes kodwe kere luaurie: Emamei da loirikit akekan kodwe kere luasai ŋesi. Kidoikis jo akiro nu nuarei; Iŋai bo kimonyi? Asilio ka amudiar, ebeli ka ekileŋ: Ekwaikini eoŋ ai ketalakari jo? Eiloros odwekon, eperete korotin kere kwape ekal kotoma oboi; Aup kes adedeŋ naka EJAKAIT, Airetakin naka Ekonideke. Aso do kiira nu, ijo naiticanitoi, Naimera, konye mere kanuka ebino: Ebala kwanata EJAKAIT kon, EJAKAIT, Ekonideke loepurokini akirot naka iketuŋa ebe, “Koany, alema eoŋ kakanikon adere naka aigetigeta, Atany naka adedeŋuka; Mam bobo imasenenei: Ebwaikini akan naka ŋul kalukiticanete; Lukilimokinete aijarakon ebe, ‘Kokukum, katuboros’; Ituluo epurakon kwape akwap, Ido kwape erot, kotubonorotor kesi.” Kokweny, kokweny, konap akonigogoŋ, ijo Sion; Konap inapenekon lukaseganut, ljo Yerusalem, ere lokalaunan: Naarai amear lolo mam bobo elomununei tomakon Yenimam ekepitai ka yenimam elai. Kitotwaar apua; konyou, kiboikin, ijo Yerusalem: Kolacakin korikoi lukomurisiŋikon, ljo apese naka Sion nakinataritai. Naarai inera kwanata EJAKAIT atiar, “Kiponi kogwelar atai; ido kilakunio komam apesan. Naarai inera kwanata EJAKAIT Edeke ebe, Ageun apotu ikatuŋa koloto Misiri aiboiororoi ŋina; koreu kes Eyasuriat atai. Inera EJAKAIT ebe, Aso natikwana asubi nyo kane, naarai aponi koyanaara ikatuŋa atai? Inera EJAKAIT ebe, Eresianaros ŋul lueyaito, emoromoroo da ekakiror duc apaaran kere. Ŋes ejenuniata ikatuŋa ekakiror: ŋes ejenuniata kapaaran kaya ebe Eoŋ ŋopeŋol loenera: koany, Eoŋ lopelo.” Ejokuka ca ma koroŋan akeje nuka ŋol kaloeyaunit akiro nukajokak, Loelimori ainapakin, loeyaunit akiro nukajokak nuka ajokis, Loelimori aitajario; Loebala Sion ebe, “Irumit Ekonideke!” Eporoto loka ikonikedarak! Ikeseunete eporoto,ikosiete nepepe; Naarai eanyunete rwaru akoŋu ka akoŋu, Naeboŋunio EJAKAIT Sion. Korwaunos ailel, koyooto nepepe, Yes aiboisio nuiswapito nuka Yerusalem; Naarai etalaka EJAKAIT iketuŋa, Alaku Yerusalem. Esideleleu EJAKAIT akekan nakalaunan kakonye nuka atekeriŋ kere, Isaŋeta kere luka akwapisinei eanyunete aitajar nake: Ewokodeke. Koloto, koloto, konyout kanen, Sirikitirosi ibore kere yenimam elai; Konyout kokidiŋike; Kitalaunos, yes luidakito iboro luka EJAKAIT. Naarai mam inyounete imaranete, Kwabo mam ilosete ikerete; Naarai kiŋarenikin yes EJAKAIT: Ido kitupit yes Edeke loka Islrael. Koany, iswamai rwaru ekakejaanakinan kacoa, Iturio, itopoloorio, ikiar noi. Kwape kiwumokinitotor jo luipu, (Emunauna akekonyen aitelekarit ituŋanan kere, Ka akesubunet aitelekarit naka idwe luka ituŋa.) Kwaŋin isirieŋuni atekerin nuipu; Ebutarete ikabakan kanukeŋ: Naarai eanyunete numam alimonokinitai kes: Ejenunete da numam kiiranarito. Iŋai iyuunit nukiirarit? Ido iŋai epukokinitai akan naka EJAKAIT? Naarai kopoloor kakonyeneke kwape yenikiraa yenitosokok, Kwape aliasit naelomuni kaneeonit: Emamei asubunet karaida aliogotot, tetere kiseseni ŋes, Emamei atemelel nakisiŋobelei. Aponi komenai, koŋeroto ituŋa; Etuŋanan lokican, loenaikinit aiturur: Kwape loibwaiata ituŋa akecekonyen komenai kwaŋin, Komam kinyarit idiobore. Abeit abu kibwok aitururuwok, kodaka icaniwok: Kwabo kipou kaomitos bala isiriebitai, Iticanitai Edeke, ereitai. Konye aponi kimusuŋai kanuka epaliwok, Aponi komacarai kanuka numam adolitewok: Aiticanio kanuka ainapakiniwok kojai kaŋes; Ikemaearin kes kitaŋaleunete oni. Kapaasi oni kere kwape amerekekin: Kibelokin ŋinituŋanan orotoke: Ebwaiki EJAKAIT kamake numam adolitewok kere, Aponi kimanai, kwabo kitasono komam eonit akeituk; Kwape kimerekek yeneyaŋaario aario, Ido kwape ililiŋia amerekek kakonyen nuka ikekatubok ajul: Eebo, mam kooŋ akeituk. Koyaŋaarai kanuka aimanit ka etube; Ido luka aketur, iŋai kakesi abu koomite ebe aponi kogelarai Anyoun kakwap naka lukajarak? Aponi kisiriebai kanuka epali loka ikatuŋa, Kobokikis akeilit nepepe ka lukaronok, Ido ka lukabarak katwanareke; Karaida mam kipaliikinit, Kwabo komamei aiŋalanut kaitukuke. Konye itojokit EJAKAIT amacar ŋes; Kisiturur; Naainakinia akeijar araun asubanit kanuka aronis, Eanyuni akeur, iyatakini akepaarasia, Ka ŋun nuemin EJAKAIT ekeriakaros kakanike. Eanyuni nuepote kaitaaritoi naka akeijar, ido italakarete: Kanuka aijeneke einakini ekakejaanakinan loedolit luipu adol Ibwoki numam adolitekec. Tape akorakini ŋes akorakinet nepepe ka lukapolok, Etiaki iŋatan nepepe ka lukagogoŋ: Naarai abu koluŋak akeijar kiton atwanare, Kimarakinai ka ikadiakanarak: Kwabo abu kibwok aronis naka luipu, Epurokini lukadiakanarak. Koye, ijo narakan, ijo namam iuriei; Kogeu ayoore, kikare, ijo namam irieba aidoun. Naarai ebala EJAKAIT ebe, Ipu idwe luka naesilikinit adepar idwe luka aberu ekiliokit. Kitalala aibois naka ewemakon, Koterarai aigalisio nuka aiboisiokon; Sirikitikok: Kitoojaa aunoikon, kitogogoŋ da iloinokon. Naarai ikaikini akan nakoteten ka nakokediany da; Irumi akoniur atekerin, Isiboikini ituŋa oreria luesilok, Sirikikurianar; naarai mam ileic kirumito: Karaida aitirir; naarai mam isurumio ileic: Naarai kimurwokinete ileic luka eiditeukon, Ido mam bobo iituni amorosit naka, eipuserunekon. Naarai Lokasubanikon ŋes okilenikon; EJAKAIT loka ajoresio ŋes ekekiror: Lokalaunan loka Isirael ŋes Ekalakunanikon: Enyaritai Edeke loka akwapisinei kere. Naarai ebala Ekonideke ebe, Kinyarit EJAKAIT jo kwape aberu naejalakinitai, naekadakir komoyoke, Aberu naka atumun, nairenearere, Kajal jo apak naedit noi; Konye katukonokini jo kaitim naepol. Ebala EJAKAIT ekalakunanikon ebe, Kanyunyura naelapara abu kebwa akakonyen kamakon apak naedit; Konye ketimi jo kasianut namam edaun. Naarai esubito nu kwape akipi nuka Noa kamakaŋ; Naarai kwape keyapoikinia ebe mam bobo enatarete aki nuka Noa akwap, Eyapoi kwaŋin ebe mam kanyunyurikini jo, Karaida airetakin. Naarai ebala EJAKAIT lokitimit jo ebe, Enyounete ironan, ijaŋiianas iukon; Konye mam enyouni akasianut kamakon, Karaida akaitutuket naka ainapakin mam ijaŋijaŋa. Wu jo nakitieanitoi, nailiganari ekwam, namam italakario, Koany, ebwaanakini akonimor ojeseslo luejokuka, Apetanakini apetetakon asapiro. Asubakini adirisanakon amor nukareŋak, Iruteikon amor nuimilias, Eikorukon kere da amor nuisiyalamikinete, Isisianakini EJAKAIT ikonidwe kere, Epol da ainapakin naka ikonidwe. Kiticasitai kadolit: Ilwana ijo kamwaŋio, naarai mam ikurianari; Ilwana da kotasuro, naarai mam kikunyakini jo Koany, motoko isidikete aŋolopa, Konye mere eoŋ loesidikit: Ŋin yenesidiki aŋolopa aluikin jo, Ibirori ŋesi kanukon. Koany, kasub ekatatan loicuki akim naka atotol, Elemuni ŋesi ibore yenikiswamas akeswam; Kasub da ekamudiaran tetere emudiari. Mam ekerianar ibore yenesubitai asurokinia jo; Itelekari ŋiniŋajep nakinyoikini jo kotube. Ebala EJAKAIT ebe, Ŋin ŋes airumet naka ikejaanakinak luka EJAKAIT, Ido adolitekec naebuni kamakaŋ. Yesi ba, ŋinidiopet yenejakit akur, Kopotu yesi neejaas akip, Ŋin da yenemameete apesan: Kopotu yesi, kogwela konyama; Eebo, kopotu, kogwela ebino ka akile, Komameete apesan, komamei da etiai. Kanukinyo iinakiniata akusipesan agwelia ibore yenimam erai inyamat? Aitaaritoikus agwelia lumam kisimonikinete? Kodunyakis akiirar eoŋ, konyamata lucjokuka, Kisiyalamikis atarion. Kitoikis akiikus, kopotu neajai; Kiirasi, ejari do akusiijar: Etutuki eoŋ aitutuket namam edaun kayes, Ŋes aitim nakabeit naka Daudi. Koany, ainak ŋes araun ekajenan mama ejaas atekerin, Ekeŋarenikinon ido ekeeoranakinan mama ejaas atekerin. Koany, inyarauni ateker namam ijeni, Ido ekeruni ateker namam lem kijeni jo mama ijai, Kanuka EJAKAIT Ekonideke, Ido kanuka Lokalaunan loka Isirael; Naarai kitopoloo ŋesi jo Komoata EJAKAIT kapak naepedoror adumun, Kiwoneete ŋes kapak naeapiar. Kojal ikaronon ekerot, yenimam adolit da akeomisio: Koboŋu mama ejai EJAKAIT, itimi ŋes; Mama ejai Edekewok, naarai isionie noi. Naarai ebala EJAKAIT ebe, Akaomisio mam eraas akusiwomisio, Karaida ikusirotin mam eraas ikarotin. Naarai kwape iceleleo akuj adepar akwap, Kwape kwaŋin iceleleoto ikarotin adepar ikusirotin, Akaomisio da adepar aomisiokus. Naarai kwape etepia akiru ka akaka abunore kakuj, Komam eboŋori ŋina, konye icocoi alup, Isibwaŋuni isiburukunyi, Einakini ekayean ikinyom, ekanyaman da inyamat; Ejaun kwape kwaŋin akakirot naelomuni kaitukuka; Mam eboŋuni mama ajai epalapalat, Konye itodoli nuetojokit eoŋ, Ido ekerianari kanueyakiaria. Naarai ilomarete kailel, iŋarenikinio kainapakin; Egeunete iroŋan ka iukon ayoore kakonyenekus, Ibapete ikito kere luka ais akecekanin. Elomuni eberos aibois naka ekukwai, Elomuni eteasur aibois naka ekodokodoi: Eraun ekiror mama ejai EJAKAIT, Aanyunet namam edaun namam egelario. Ebala EJAKAIT kwanata ebe, “Kidarenenete etube, kiswamaenenete adolit: Naarai eapie akaitajar abunore, Akadolit da apukorio. Isirereŋitoi ituŋanan yeniswamai ŋun, Okoku loka etuŋanan da loiketakini kes: Yenerieenenei asabato kinyek aitisil, Yenitikokini akekan kinyek aiswamaenen adioronis kere.” Kinyek imoit yenimorikikina neejai EJAKAIT atemar atiar, “Abeit kagitari EJAKAIT eoŋ kotuŋake”; Kinyek ebwacit da atemar atiar, “Koany, arai eoŋ ekitoi loeonit.” Naarai ebala EJAKAIT kwanata ebe, “Ibwaein luericenenete asabatonoka, Lueseunete akiro nuetojokit eoŋ, Luiketakinete akaitutuket: Ainakini eoŋ kes kotogoka, ido kotoma arwatatinika, Aiitunet ka ekiror loitelekarit idwe lusap ka lupesur; Ainakini kes ekiror lomam edaun, Lomam egelario. “Ido imo, luimorikikina neejai EJAKAIT, Aijaanakin ŋes, lueminasi ekiror loka EJAKAIT, Lueraunos ikejaanakinakake, Ŋinidiopet yenericenenei asabato kinyek aitisil, Yeniketakini akaitutuket; Ayauni eoŋ kes neejai eroŋataka lokalaunan, Ainakini kes alakara kotogoka lokilipet; Ecamakinitai ainakinetakec nuicweio, ka asubanakec kotemuka: Naarai enyaritai ekatogo etogo lokilipet loka ituŋasinei kere. Ebala EJAKAIT Edeke loetukonokini luereŋearitai luka Isirael ebe, Atukonokini ice da mamakeŋ, nepepe kalukeŋ luatukonokinitai.” Yes itiaŋ kere luka ais, kopotu ainyam, Yes itiaŋ kere luka amagoro, Eraas ikekedarak imudukiok, kes kere emamei aijen: Eraas kere iŋokwo lubaŋiok, mam epedorete eirem; Irujaete, eperete, eminas ajo. Eebo, iraŋaaka iŋokwo, mam imonianakinos; Ido lu kes ikeeokok lumam epedorete ajenun: Ebelokinos kere orotokee bonik, Ŋolidiopet kakemeda, kes kere, Ebalas ebe, “Kopotu yesi, kiwomi ajon, Kedeŋeoto nuitemerete; Moi da eputoori lolo, epol adepar aitemis.” Eoliori ikadoliton, emamei yenibwaikini ŋun etau; Elemario ikasiakak, Emamei yeneomoomoi ebe elemaritai ikadoliton karonis, Elomakini ainapakin; Ibworarete koitadanakec, Ŋinidiopet yenelosi itenara. Konye kikunyutu ne, yes odwe luka akacudan, Aur naka lodote ka naadote. Iboliatar iŋai? Iniŋitotor iŋai? Imielanakinotor iŋai aŋajepa? Mere yesi idwe luka adiakar, aur naka aiŋal, Yes luitumulaunete aiŋobel kotoma oluan, Kokwap kanolikitoi loepesit; Luiarakinete idwe aditon, Kaeilana nuka atiiban? Ewaikus ejai neejaas amor nuerurut nuka aditon; Kes, kes ba, nuebeikinit ekoniroet: Ibu kobukok kes ainakinet namatan, Ibu koinak ainakinet naka akiria. Kesiyamikinete kereka ŋun eoŋ? Itemokinit eitadakon koroŋat loeoja loicelelei: Ibu kolot ŋina da ainakin asuban. Isipokinit aiitunetekon kau kikirigin ka acuneta: Naarai ipukokinit mama ejai ece lomere eoŋ, idoka; Ibu kitalala eitadakon, kitutuk kakes, Komina eitadakec kama kianyunia. Ibu kolot mama ejai ekabaka kakinyet, Iyatakinit iponesio luegelegela lukakinyet lueurok maa, Kijuka ikiyakiakon kama elwana, Neidul kiton Okatwak. Kitapas alwanis naka erotokon; Konye mam ibu kotema atiar, “Emamei amun”; Idum aikwarun naka agogoŋukon; Ŋes mam iiloror. Irioŋi ikurianari iŋai tetere iŋalai, Komam kiitunit eoŋ, karaida aibwaikinit otaukon? Mam keliliŋikinit apak naepol, Ido mam jo ikurianar eoŋ? Alimokini akonidolit; Akoniswamisio da mam kimedaikinete, Naimonyia, koyuut ca aputosia nuitukonok ijo; Konye ekutari kes ekwam, elemari eiyeŋane kes kere: Konye yenemuno eoŋ eyai akwap, irumi eroŋataka lokalaunan. Ebalai ebe, “Kitutuoto, kitutuoto, Kitemokisi erot, Kolemasi ikomion korot loka ikatuŋa.” Naarai ebala kwanata ŋol loicelelei loimukurur loiboikini nemam edaun, Ekekiror Lokalaunan ebe: “Eboie eoŋ kaibois naicelelei nakalaunan, Nepepe kaŋin yenejai emoyo loitoronikina loitasono, Aisikwarun emoyo loka luitasonos, Ido aisikwarun emoyo loka luitoronikina. Naarai mam aŋolopa ikar kere, Karaida anyunyuranakin apaarasia kere: Naarai tikipirisiar emoyo kakonyeneka, Ka itauon lukasubi eoŋ. Kanuka numam adolit nuka airaŋanutuke kanyunyurik, Kenom ŋes, kebwa akakonyen, kanyunyurik: Kiyatakin ŋesi aibelokin ekaukau korot lokotauke. Aany ikerotin, etaŋaleuni ŋes: Ido eŋarenikini ŋes, Enyakakini ŋes ka ikebworokoke nuitalakaarete. Asubuni araito nuka aituke: Ebala EJAKAIT ebe, Ainapakin, ainapakin mama ejai ŋin yenelwana, Ka ŋin da yeneapie, Etaŋaleuni eoŋ ŋes. Konye esubito ikaronok kwape aŋolol naekulai; Naarai mam epedori apalar, Edakunete akipike erit ka amodokok.” Ebala Ekadeke ebe, “Emamei ainapakin kaneejaas ikaronok.” “Kikalal noi, sirikipala, kikeu eporotokon kwape arupepe, Kolimok ikatuŋa akecediakar, Ka ekek loka Yakob akeceronisio. Konye komoenenete eoŋ ŋinipaaran, Iyalamas ajenun ikarotin: Kwape ateker nakiswamaenenei nuedolito, Komam ejalete aicorakinet naka Edekekec, Kelipete eoŋ aicorakineta nukadolit, Iyalamas aikunyakin Edeke. Kineras atiar, ‘Kanukinyo kiluŋenenaa, komam jo ianyuni? Kanukinyo kitieanenenaa akosiijar, komam jo ibwaikinit etau?’ Koany, kapaaran naka ailuŋukus ŋes ianyuniata akusiiyalama, Koyaito da ikusikeswamak kere kagogoŋ, Koany, iluŋete kanuka eŋuŋet ka epeget, Ka aidip da kakan naka aronis: Mam iluŋete lolo kanuka aisiirar ikusiporotoi kuju. Ikoni tope kwaŋin ailuŋ naabu eoŋ kaseu? Apaaran naiticania ituŋanan akeijar? Ŋes tope aitulur akekou kwape amusala, Ka aipet epuko ka ekurwon? Ŋin tope ŋes kinyarit ailuŋ, Ka apaaran da naitojokit EJAKAIT? “Mere na ailuŋ naabu kaseu? Aijarijar aeneta nuka aronis, Alacar arukan naka eloit, Aosikin luereitai, Ibilata yesi ŋoliloit? Mere akorakin inyamatakon yeniketeŋei? Ka aisukunyun togokon yenikican yenireŋetai? Kiany yenimujalal, kitanap; Ido sirikiŋopik akonikuan alopet? Ŋes konyet ecilar akoniica kwape ecilar kide, Kisunya akoniŋaleun atakanun: Kiŋarenikini akonidolit: Kitupakini aibuses naka EJAKAIT, Kosodi iwonei, eboŋokin EJAKAIT: Iworoi, ŋes da iii ebe, Eoŋ lo. Arai kilema eloit kokidiŋikon, Ka aidod kebokorit, einer da nueroko; Bobo da arai kipalik akoniijar yeniketeŋei, Kisimonik aijar naiticanitai; Kosodi aicakon alomun kamuton, Esubi awariwarakon bala paaran: Kiŋarenikini jo EJAKAIT tiritir, Isimoni aijarakon kaiboisio nueokito, Itogogoŋi da akonikojo; Iraun ijo bala imanikor yenicocoo, Ido bala akoŋu naka atan, namam iŋoŋar. Edukete bobo lukon aiboisio nukejalakinitai kolo; Ikeuni apeteta nuka aturio nuipu; Kinyaritai Eketetean neetiyanara, Ekenyakanakinan irotin lukibois. “Arai kibelok akonikeju anyoun kasabato, Komam iswamaenenei nuitojokit ijo kapaaranika nakalaunan; Kinyara asabato aiyalama, Nakalaunan naka EJAKAIT, naeyoŋitai; Kitubusik ŋes komam Itupanari ikonirotin, Karaida amoot nuitojokit ijo, karaida ailabilab: Kosodi konyet isiyalamikin kotoma EJAKAIT; Eoŋ da ketodokari aiboisio nuimukururas nuka akwap, Ketanyami airumet naka Yakob papakon: Naarai ener ŋun aituk naka EJAKAIT.” Koany, akan naka EJAKAIT mam ituwurianitai, Tape mam epedori aitajar; Kwabo mam akekit ekimiŋana, Tape mam epedori apupun: Konye apotu numam adolitekus kogitasi yes ka Edekekus, Kibwaata akusironisio akekonyen kamakus, Tape eŋeri apupun. Naarai ermunaara akaninikus aokot, Ikusibokoro da numam adolit; Ineras aitukekus nukaiŋal, Irurumaete aŋajepakus nukaronok, Emamei yeniworoi kadolit, Emamei yenepuri kabeit: Emunosi aamameak, ineras nukaiŋal; Epotiete ameŋeranut, idounete numam adolit. Ebekunete abeei nuka asigirikoloŋa, Eojiete elago loka asimokok; Ŋin yenenyami akecebeei etwani, Naidecidecio da elomuni emusaga kotoma, Mam ikecelagoi eraunos inapen, Mam imukoros kakeceswamisio: Akeceswamisio eraas aswamisio nuka numam adolit, Aswam naka akaje ejai toma akaninikec. Ekerete akecekeje mama ejai aronis, Isunyitos abukor aokot numam akirot: Akeceomisio eraas aomisio nuka numam adolit: Ejaas asilior ka amudiar orotinikec. Mam ejenete erot loka ainapakin; Emamei etube kalositokec: Etemokis isokono lumagul; Ŋin da yenitori kanen mam ejeni ainapakin, Kanuka ŋun elwaniar etube kamawok, mam adolit kidolokinit oni: Kimoi aica, konye kianyuni amuton; Kimoi awaŋ, konye kisakasakai kamusimus. Kirarapitoi amoot arwatat bala imudukiok, Eebo, kirarapitoi bala ŋul luemameete akonye: Kiguikini kidiŋ paaran, bala toma aikamus; Kotoma kaŋul kaluekuruŋanete kisubi oni bala lukatwak. Kigata kere kwape idubun, Kibworo noi kwape ajeleik: Kimoi etube, konye emamei; Kimoi aitajario, konye alwaniar kamawok. Naarai epuakata adiakanaretakosi kakonyenekon, Itejenunete akosironisio kamakosi: Naarai ejaas adiakanaretakosi kasio, Ido kijeni numam adolitekosi. Kidiakanari, ido kinerenenei EJAKAIT, Kibelonokini kenyeis aitup Edekekosi, Kinerenena nukaimwaŋ ka nukepali, Kipwakuni kilimonokini da akiro nukaiŋal nuepote kotoma otau, Ibelokinio etube ekaukau, Ebwoi adolit kama elwana: Naarai ebirokin abeit orot, Ido mam atenit epedori alomun. Eebo, aolio abeit; Ŋin da yenenyouni kotoma aronis itaraun bon iŋatara, Koany EJAKAIT ŋun, kokadak, Naarai amamei etube. Koany ŋesi ebe amamei ituŋanan, Koumok naarai amamei yenedieki: Kanuka ŋun abu akekan elopet koyau aitajar; Akedolit da ŋes kigaŋit, Abu konap adolit kwape ibore yenikatorob, Akopira naka aitajar akouke; Konap igoen luka ainyaŋ araut inapen, Kimukok ekolo da kwape elou. Kwape ejaatar aswamisiokec, etacakini kwape kwaŋin, Adedeŋ mama ejaas lukediŋeteke, Eropit mama ejaas lukasurupoke; Etacakini apujana eropit. Kwaŋin eyoŋete ekiror loka EJAKAIT ageun koto, Akeibuses ageun kaneelomunio akoloŋ: Naarai ebuni kwape aguurut naelelei kagogoŋ, Naeremit eiyeŋane loka EJAKAIT. Ebala EJAKAIT ebe, “Ebuni ŋesi Sion kwape ekalakunan, Mama ejaas ŋul luibelokinos ainyein apaar kotoma Yakob.” Ebala EJAKAIT ebe, “Kanukaŋ, na ŋes aitutuketeka kakes; ekamoyo loejai kajo, akakiro da nuebwaikinit aitukukon, mam enyounete kaitukukon, karaida kaituk naka aurikon, karaida aituk naka aur naka aurikon, ageun kwana kiton ikar kere.” Konyou, koca, naarai adolu akoniica, Kiliyaik jo aibuses naka EJAKAIT. Naarai, koany, erapakini amuton akwap, Ka amuton nairiono cucucuc erapaari atekerin: Konye kiliyaikini jo EJAKAIT, Etakanuni da akeibuses kamakon, Epote atekerin aicakon, Ikabakan da epote amwekimwek naka ailiyaunikon. Kiteluo akonyekon koŋoleŋol, koany: Etukonokinos kere nepepe, epote mama ijai: Epote ikonisap kama elwana, Akonipesur da edakio. Kosodi kanen ianyuni kitacaikin, Erieŋuni ekonitau, eleli; Naarai ijulunio mamakon aipadara naejai aŋolol, Ebuni da abar naka atekerin mamakon. Kirapaari rwaru aipues naka ikaalai, Itak luka ikaalai luka Midian ka luka Epa da; Epote kere koSeba. Eyaunete esabu ka emina lokisupurununo, Elimorete da aiturio naka EJAKAIT. Etukonokinio neijai isipanin kere luka amerekekin luka Kedar, Kijaanakinete jo imerekekin lumaseniko luka Nebaiot: Edokanarete otemuka kacamunio, Etubusikini da etogo loka aibusesuka. Lukaŋai bo lu lueporitos bala idouon, Ido bala ajeleik kokekia luka akaisikec? Abeit kedareunete apujana, Egeunete atakerin nuka Tarusis ayaun ikonisap kama elwana, Nepepe ka epuesakec ka esabukec, Kanuka ekiror loka EJAKAIT Ekonideke, Ka Ekalaunan loka Isirael, Naarai ŋes kitubusik jo Ido edukete imo arwatatinikon, Kijaanakinete da ikabakanakec: Naarai abu kenom jo kotoma akanyunyura, Konye ketim kotoma akasianut. Ido eŋaanara duc iruteikon; Mam egoleneno paaran ka kuare da; Tetere kiiŋunete ituŋa abar naka atekerin, Ikecekabakan da iŋarenikinitai. Naarai edaun rwaru ateker ka ajakanut ŋin namam kijaanakini jo; Eebo, emudiario cut atekerin ŋun. Ebuni mamakon aibuses naka Lebanon, Ŋes eberos;” ka etidar, ka eteasur da; Aitojok aiboisika nakalaunan, Ido etubusikini aibois naka akakeje. Epote isap luka ŋul kaluapotu koŋarut jo airapanakin jo; Ka ŋul da kere luapotu komenito jo isudedeonokinos kwap kakejekon; Kinyaraete jo Ere loka EJAKAIT, Sion loka Ekalaunan loka Isirael. Karaida aponi kinyein kolai da, Komam ituŋanan yenikitorenenei neijai ijo, Ketuluori jo araun ajokis naepol namam enaŋi, Aiyalama naka aturio nuipu. Inaki rwaru akile nuka atekerin, Ido inaki ikisin luka ikabakan: ljenuni da ebe, Eoŋ EJAKAIT arai Eketajaranikon, Ido Ekalakunanikon, Ekagogoŋon loka Yakob, Ayauni esabu aibois naka aisinit, Epuesa da aibois naka asuat, Aisinit aibois naka akito, ka asuat da aibois naka amor: Etarauni ijakakon luisinapikinete, Ikoniketelemak da Iuisibecikinete. Mam epupunio bobo epali kakwapukon, Karaida ameje karaida amudiario koikorunokon; Konye imaikini arwatatinikon Aitajar, Ka iruteikon da. Aiturit. Mere bobo akoloŋ eraenena akoni ica paaran; Kwabo mere bobo elap kicaanakini jo kanuka ailiya; Konye EJAKAIT eraun kamakon aica namam edaun, Ido Ekonideke eraun aibusesukon. Mam bobo ibiror akonikoloŋ, Kwabo mam bobo elumori ekonilap: Naarai EJAKAIT eraun akoniica namam edaun, Konaŋete da apaarasia nuka akuudianakon. Ikonituŋa da eraunos kere ikadolitok, Irumete rwaru akwap ikar kere; Atenu nakolo eraikini eoŋ, aswam naka akakanin, Tetere ketubusikinio. Yenididi eraun alukumit, Yenedit da ateker nakagogoŋ: Kedol apakikec, Eoŋ EJAKAIT esunyakini ŋun. Ejai Emoyo loka EJAKAIT Edeke kaeoŋ; Naarai kenyonyoiki EJAKAIT eoŋ akinyet Alimonokin luitasonos akiro nukajokak; Kejuku eoŋ aider luebilil itauon, Alimonokin lueŋasitai aosikinio, Ka lueenen da alacakinio; Alimor da ekaru loecamunitai loka EJAKAIT, Ka apaaran naka Edekewok naka enyaŋit; Aitalakaar da luibworos kere; Ainakin kes aboko aibois naka ekurwon, Akinyet naka aiyalama aibois naka akuudian; Anapito naka aiturit aibois naka etau loekadakinit; Tetere emaikinio ikito luka adolit, Lukirai EJAKAIT, tetere itubusikinio ŋes, Edukete ijeburo, ipopounete nekolo enyeinete, Itemonokinete ireria luiswapitos, ljeburo luka aturio nuipu. Ido ebwoete imo kitadakete isipaninikus, Eraunete ipejok ikakoriokokus, Iketitak imusabibunukus. Konye yes kinyarao isasedotin luka EJAKAIT: Kinyaraete yes ituŋa ikejaanakinak luka Edekewok: Inyamete abar naka atekerin, Toma aibusesukec ŋes iwogatar. Aibois naka ileicikus idumunete irwan aarei; Aibois da naka aitirira isiyalamikinete ewaikec: Kanuka ŋun irumete irwan aarei kakwapukec: Ejaunos kailel namam edaun. Naarai eoŋ EJAKAIT amina etube, alait akoko ka numam adolit; Ainakini kes eropitikec kabeit. Etutuki aitutuket namam edaun kakes. Ejen aurikec kotoma atekerin, Idwekec da kotoma otuŋa: Ecamunete kere lueanyunete kes Ebe eraas kesi aur naisirereŋit EJAKAIT. Eyalamikini noi toma EJAKAIT, Elelakini akaijar Ekadeke; Naarai ketanap inapen luka aitajar, Kemukok ŋesi eoŋ ekaso loka adolit, Kwape isirio eteran aboko, Kwape iyogogoo ateran kiboroke luka akais. Naarai kwape itolomuniata alup ikabwaŋunanike, Ido kwape isibwaŋunia emanikor ikinyom lueyeitai toma; Kwape kwaŋin isibwaŋunia EJAKAIT Edeke adolit ka aiturio Kakonyen nuka atekerin kere. Kanuka Sion mam ber eliliŋi, Ido kanuka Yerusalem mam ber ebworari, Aitodol naelomunia adoliteke kwape ailiya, Aitajarake da kwape akalas naenoki. Eanyunete atekerin adolitekon, Ikabakan kere da aibusesukon: Kimaikinio ekiror lokitetet, Loemaikini aituk naka EJAKAIT. Ido da iraun ijo aboko naka atemelel kakan naka EJAKAIT Amekemeket naka ekabakane kakan naka Edekekon. Mam bobo kinyaritai Naejalakinitai; Ido akonikwap mam bobo enyaritai Naimucoŋoŋ: Konye imaikinio Nakesiyalamikinit, akwapukon da Naedukokinitai: Naarai kisiyalamikinit EJAKAIT jo, adukokinio akwapukon. Naarai kwape edukokinia ekaturŋunan abekot, Kwape kwaŋin kidukokiniata odwekon lo: Ido kwape elelakinia eteran ateran, Kwape kwaŋin kilelakinia Ekonideke jo. Ebwaikinit ikedarak arwatatinikon, ijo Yerusalem; Mam ililiŋenenete paaran ka akuar: Yes luisiitununete EJAKAIT, sirikipalasi, Sirikinupakis ŋes apalar, aitodol neiticasia Yerusalem, Ido aitodol neituluoria ŋes aiturio kakwap. Eyapoik EJAKAIT kolimite akekan nakoteten, Kakan da naka agogoŋuke ebe, “Abeit mam bobo ainanakini akimakon araun atap naka lukasurupokon; Imo da mam emasenenete ekonibino, loitaaritor: Konye ŋul luasakito kes enyamete, kituritos EJAKAIT,; Ŋul da luadenito kes emasete kalaroi nuka aiboisika nakalaunan.” Kotuboros, kotuboros korutei; Kitemokis erot loka ituŋa, Kitutuoto, kitutuoto erot lokapolon; Koukonosi amor; kikeikis ituŋa aanyunet. Koany, alimok EJAKAIT kiton osaŋe loka akwap, Kolimokis yesi akoku naka Sion ebe, “Koany, ebunit akoniitajario; Koany, ejai aimalaeteke kaŋes, Ekeropit da ejai kakonyeneke.” Emaikinio Ituŋa lukalaunak, Lulakuna luka EJAKAIT; Kimaikinio jo Naemootai, Ere lomam ejalakinitai. Iŋai bo ŋol loebunit koEdom, Ejaas kigoen luitereŋitai, ebunit koBosura? Ŋol loibusak ikenapen, kolosi kotoma apolou naka akegogoŋ? “Eoŋ loenera kotoma adolit, loapedorit aitajar.” Kanukinyo ereŋeatatar ikoninapen, Ikonigoen da koputos bala ŋol loicakacakai acuet? “Ecakacak eoŋ bon acuet: Ido kotuŋa amamei yenikijaar eoŋ: Eebo, ecakaeak kes kakaisiop, Ido epudapud kes kakanyunyura; Epiricanakinos aokot nuka aijarakee onapeneka, Emodimod eoŋ da ikagoen kere. Naarai ajai apaaran naka ainyaŋar otauka, Adolu da ekaru loka ilakunaka. Abu kaŋoleŋol, komamu idio yenikeŋarakini; Abu kaumok naarai amamei idio yenikegaŋuni: Kanuka ŋun akakan kelopet ŋes kainuni aitajar, Akanyunyura da ŋes kegaŋuni, Abu kecakacak ituŋa kakaisiop, Ketemer kes kakanyunyura, Kabukok kwap aokot nuka’ aijarakec.” Alimuni do asianut-nakamin naka EJAKAIT, Kaitureta nuka EJAKAIT, Kwape ejaatar ŋun kere nukiinakin EJAKAIT oni; Ka ajokis naepol mama ejai ekek loka Isirael, naeinakinit kes, Kwape ejaar akeitim, kwape ipadar akesianut-nakamin, Naarai abu kotema atiar, Abeit eraas kesi ikatuŋa, Idwe lumam do iŋalaete: Kanuka ŋun korau ŋesi Eketajaranikec, Aponi kiticanai ŋes kaiticaniokec kere, Koyu kes koimalaikaneke, Abu kolaku kes kotoma aminake ka akeitim da; Kodakenenei kibwokenenei da kes apaarasia kere nukasonya. Konye apotu kijerukikis, kitakadikis Emoyoke Lokalaunan: Kanuka ŋun abu kibelokin araun lokasurupikec, Koluik aitiji kes, Kosodi kiitu apaarasia nukasonya, Nuka Musa ka iketuŋa, Kobalasi ebe, Ai bo ejai ŋol lokitodokuni kes alemun kaŋolol, Nepepe ka ekecokon loka ekesipan? Ai bo ejai loabu kibwaik Emoyoke Lokalaunan tomakec? Loetolosi akekan nakaibuses kakan nakoteten naka Musa? Loatiaki akipi kakonyenekec, Amaikinor ŋes elopet ekiror lomam edaun? Loetotori kes ataro kwape ebalasi kamodiŋ, Kinyeis aiguikin? Kwape ijesarotor ibaren aditot, Abu Emoyo loka EJAKAIT kisiyeŋu kes: Kwaŋin ibu ijo kiŋarenik ikonituŋa, ljo elopet amaikinor ekiror lokaibuses. Kosesen kwap ijai akuj, Koany ijai aibois naka alaunitekon, ka naka aibusesukon da: Ani bo akokitekon ka aswamisiokon nuka agogoŋ? Aipielit naka ekonitau, ka aitimesiakon itikoritai kamaka. Naarai irai ijo Papakosi, Karaida kemam Aburaam kijeni sio, Isirael da mam kilimorit sio: Wu EJAKAIT, irai ijo Papakosi; Ekosikalakunan ameun ikar kere ŋes Ekonikiror. Wu EJAKAIT, kanukinyo kitapaanaria jo sio korotinikon, Kitinikikia da itauonokosi komam kiyonit jo? Koboŋ kanuka ikonibulesin, atekerin nuka airumitekon, Apotu ituŋakon lukalaunak kirumata aiboisikon nakalaunan nediokasilon: Ecakacakata ŋes lukasurupokosi, Kiluor bala ŋul lumam apeŋo jo irumit; Bala lumam apeŋo emaikinitai ekonikiror. Wu okwe, arai kodi ijo akuj, arai kijesun ijo, Kosodete iroŋan amaran kakonyenekon; Kwape inepunia akim kakito, Isiwalaria da akim akipi; Aitejenikin lukasurupokon ekonikiror, Kosodete atekerin amaran kakonyenekon. Nakiswamaa ijo kolo nusogim numam sio kimunonena, Ibu kijesun, komaranata da iroŋan kakonyenekon. Naarai ageun apeŋo mam ituŋa apotu kopuputu, karaida abiun kakit, Karaida akoŋu aanyun Edeke dimarai ijo, Loiswamakini ŋin yenidaret ŋes. Iriamakinos ijo kaŋin yenisiyalamikinit aswam adolit, Ŋul lukiitunete jo korotinikon: Koany, ibu konyunyura, sio da kadiakanasi: Kiboienenei kaŋin ameun apeŋo, kipedori kereka isio aitajario? Naarai kiraun isio kwape yenimam elai, Adolitekosi kere esubit bala anapito naamodok: Kirinyori isio kere kwape akiot; Numam adolitekosi kiyaŋaasi isio kwape kekwam. Emamei yeniwonei ekonikiror, Yenimuket bon aikamun jo: Naarai ibwa ijo akonikonyen kamakosi, Ibu kijaik sio akan naka numam adolitekosi. Konye do, wu EJAKAIT, irai ijo papakosi; Kirai isio elupe, ijo ekajeanikosi; Kirai isio kere aswam naka akanikon. Sirikinyunyurikin noi noi, wu EJAKAIT, Karaida akiitun numam adolit ikar kere: Koany, kosesen, kiŋaiŋait, kirai isio kere ikonituŋa. Araut ireriakon lukalaunak ais, Araun Sion ais, Yerusalem da asilio. Ekositogo lokalaunan lokajokan, Nekiituritotor kolo jo lukapapaakosi, anyam akim; Ecanicanunos da ikosiboro kere lukisiyalamikinito. Itikokin tope kakiro kaŋun, wu EJAKAIT? Ililiŋikini ca ka aitiean sio noi noi? Abu ketemokino ainiruŋio kama kaŋul lumam keŋisitos; Ketemokino adumunio kama kanul lumam kamootos: Kabala ebe, “Eoŋ lo, Eoŋ lo,” mama ejai ateker namam iwonet ekakiror. Ariorit akakanin apaaran kere mama ejaas ituŋa lukepali, Luelosenenete korot lomam ejok, Kwape ejaatar akeceomisio: Ituŋa luketunyunyuranakinete kakonyeneka tiritir, Lueinanakinete asuban omanikoria, Luisupurununete lukisupurununo kamatapalin; Luiboikinos atesin, lueperete kuare toma aiboisio nukaiyeiyea; Luenyamete akiriŋ naka epege, Ido acece nuka iboro luketal ejaas toma oborokec. Luebalas ebe, “Kobwo bon, Sirikikuny mama ajai, naarai agitara kamakon.” Eraas ŋun apuru okumesika, akim naenoki apaaran kere. Koany, iwadikatai kakonyeneka ebe, Ebala EJAKAIT ebe, “Mam eoŋ elilini, Konye atacakini, eebo, atacakini toma atorobusiokec, Numam adolitekus, ka numam adolit nuka lukapapaakus, Naarai kisupuruŋunete lukisupurununo koroŋan, Kamoromoroete eoŋ koukon: Kanuka ŋun etemi eoŋ katorobusiokee nuetacakinete aswamisiokec ŋuŋo,” Ebala EJAKAIT kwanata ebe, “Kwape edumunor ebino lokitetet kaibuŋet, Ebalai ebe, ‘Sirikimuna, naarai ejai arereŋ tomakeŋ’: Kwape kwaŋin eswamai eoŋ kanuka ikakejaanakinak, Kenyek amudiar kes kere. Etolomuni aur kotoma Yakob, ekeruman iroŋanaka koYuda: Irumete luseunaka, ibolenenete ikakejaanakinak kaŋina. Eraun Saron erony loka isipanin luka amerekekin, Aditot naka Akor da aibois naeuriakiata isipanin luka aituk, Kanuka ikatuŋa lukamootos. Konye yes luijalete EJAKAIT, lukimurwokini ekaroŋat lokalaunan, Luitemokinete Arereŋ emesa, Luilelebikinete Anerokin aderekai ebino loinyalinyalitai; Anerokin eoŋ yes okileŋ, ikukumete yesi kere earit; Naarai nakeworoo, mam ijito; Nakeneria, mam ipupunito; Konye iswamata nueroko kakonyeneka, Iseut numam kesiyalamikinito.” Kanuka ŋun ebala EJAKAIT Edeke kwanata ebe, “Koany, enyamete ikakejaanakinak, Konye yes kiriebi eteŋei: Koany, emasete ikakejaanakinak, Konye yes kijakit akur: Koany, elelete ikakejaanakinak, Konye yes kirumete ileic: Koany, eyeete ikakejaanakinak kanuka aiyalama naka etau, Konye yes imonyete kanuka aiturur naka etau, Ibwololoete kanuka akadakin naka emoyo. Inyeinete ekusikiror araun ekenit mama ejaas luseunaka, Kiari EJAKAIT Edeke; Emaikini ikekejaanakinak ekiror ece. Tetere ŋin yenilipakin bon arereŋ kakwap, Ilipakin bon arereŋ kolimite Edeke loka abeit, Ŋin da yeniyapoi kakwap iyapoi kolimite Edeke loka abeit; Naarai imurwokinete ican lusodit, Ido naarai ibwaitai kakonyeneka. Naarai koany, asubi akuj nakitetet, ka akwap da nakitetet: Mam nusodit iitunio, karaida alomar toma aomisio. Konye kiyalamikinos yesi, kolelakis ŋin yenasubi eoŋ ikar kere: Naarai koany, asubi Yerusalem araut eibwoŋ ka iketuŋa da aile. Ebwoŋakini eoŋ Yerusalem, alelakini ikatuŋa: Mam bobo epupunio eporoto loka aimony akiyo kotomake, Karaida eporoto loka ican Mam bobo ejaun imukeru yenejari apaarasia nuikidioko, Karaida ekimat lomam itodolikinit akepaarasia: Naarai etwani ikoku yenika ikar akwatat, Ikenio da ikadiakaran yenika ikar akwatat. Edukete itogoi, iboiete kotoma; Iraete imanikoria luka emusabibu, enyamete da araitokec. Mam edukete kosodete ice aiboi kotoma; Mam iraete, kosodete ice ainyam; Naarai ejaunos apaarasia nuka ikatuŋa kwape apaarasia nuka ekitoi, Ebusete luseunaka elelakinete aswam naka akaninikec. Mam itaaritos atai, karaida aidoun idwe luetulanario; Naarai eraas kesi aur naka luisirereŋit EJAKAIT, Ka ikecedwe da kakes. Kosodi kanen, eriŋa kes iwoneo, eii eoŋ; Ido eriŋa inera, eirari.” Ebala EJAKAIT ebe, “Edakasi rwaru epeet ka imerekek nepepe, Enyami eŋatuny ariaŋ kwape emoŋ: Apua ŋes eraun inyamat luka emun. Mam isiriebete karaida amudiar koroŋataka kere lokalaunan.” Ebala EJAKAIT kwanata ebe, “Erai akuj ekaicoloŋ, Erai akwap da eicoloŋ loka akejeka: Etogo lonyoin lokidukokinete eoŋ? Aibois nanyoin naeraun akaibworaret?” Naarai ebala EJAKAIT ebe, “Akakan ŋes asubi ŋun kere, Aso kwaŋin ejaunos iboro ŋul kere: Konye yen ŋes ituŋanan yenaseseni eoŋ, Ŋin yenitasono, yenikemoyo loitoronikina, Yenemarani kakakirot. “Ikoni loeari emoŋ kwape loeari etuŋanan; Ikoni loeinakini imerekek araun asubanit kwape loebili emurisiŋ loka ekiŋok; Loeinakini ainakinet naka akiria kwape loeinakini aokot nuka epege; Loisupuruuni lukisupurununo, kwape loilipakini aput arereŋ: Eebo, aseutu kesi ikecerotin, Isiyalamikinete ikecetauon italesiakec. Aseuni eoŋ da aiticanetakec, etodolikini kes nuekuriaka; Naarai nakeworoo eoŋ, amamei yeniii; Nakeneria, mam epupunito; Konye kiswamata nueroko kakonyeneka, Koseut numam kesiyalamikinito.” Kiirasi akirot naka EJAKAIT, yes luimaranete kakekirot: Ebe, “Apotu ikusiinacan lukilaito, Lukireŋearete kanuka ekakiror kotemasi atiar, ‘Kitopolooroi EJAKAIT, tetere kianyuni akusiiyalama’; Konye isurumio kes ileic. “Eporoto loka ecelet loebuni kore, Eporoto loebuni koyekalu, Eporoto loka EJAKAIT loetacakini lukasurupoke! “Eriŋa ŋes eriebakina, kidou; Eriŋa apipiluke edoluno, kidou ikoku yenisapat. Iŋai lem eirarit naikoni nen? Iŋai eanyunit nuikote nen? Eurio teni akwap kapaaran adiopet? Idounio tope ateker katipet? Naarai nepeariebakinor Sion, kidou idweke, Ebala EJAKAIT ebe, Etodolikini tope aur komam aisidoun? Ebala Edekekon ebe, Agolokini tope akoik, Eoŋ loesidouni? “Kiyalamikinos yesi kaYerusalem, kibwoŋata kanukeŋ, Yes kere luiminasi ŋes, Kiyalamikinos kailel nepepe kaŋes, Yes kere luibworosi kanukeŋ, Konakata do ikisin luka aitalakarike; kimonikinos; Kodeŋ noi, kiyalamikinos kaidiles naka aibusesuke.” Naarai ebala EJAKAIT kwanata ebe, “Koany, etalalari ainapakin kamake kwape ecor, Aibuses da naka atekerin kwape aguurut nailapanar; Inakete yesi, kidakitai yes kosiep, Kilepanario kakuŋin. Kwape yenitalakari totoke, Kwape kwaŋin etalakaria eoŋ yes; Kitalakario ko Yerusalem. Ianyunete, eyalamikinos ikusitauon, Epoloete akusikojo kwape amel: Ejenun akan naka EJAKAIT kama ejaas ikekejaanakinak, Enyunyurikini lukasurupoke. “Naarai koany, ebuni EJAKAIT kakim, Esubito agalinike kwape etapipirio; Aijaikin anyunyutake kadedeŋ, Airetakinike kalianeta nuka akim. Naarai etubokini EJAKAIT kakim, Kekekileŋ da, mama ejaas lukawat kere; Ipu da lueari EJAKAIT. “Ŋul luitalaunos, luesegakinos, alomar omanikoria, atupar ediopet kokidiŋ, luenyamete akiriŋ naka ipegei, ka yeniketal, ka emir: ebala EJAKAIT ebe, Enaŋete kere nepepe. “Naarai ajeni akeeeswamisio ka aomisiokee: abuni eoŋ atukonokin atekerin kere ka aŋajepa; epote kesi eanyunete akaibuses. Ebwaikini eoŋ aanyunet kamakec, ejukari iceke kakes luakuete mama ejaas atekerin, Tarusis, Pul ka Lud, luikesete akabwai, Tubal ka Yaban, apujana nuelwaka, lumam epupunito iemutoka, karaida aanyun aibusesuka; elimonokinete akaibuses mama ejaas atekerin, Ebala EJAKAIT ebe, Eyaunete kesi ikusiinacan kere anyoun katekerin kere araut ainakinet mama ejai EJAKAIT, kobalasin, kagalin, kagalin nuimukoritai, kanyubun, kakaalai da, epote oroŋataka lokalaunan Yerusalem, kwape eyauniata idwe luka Isirael ainakinetekec togo loka EJAKAIT, kotoma obore yenelai.” Ebala EJAKAIT ebe. “Alemuni ice kakes da araut isasedotin ka Ilebin.” Naarai ebala EJAKAIT ebe, “Kwape esalakinia kakonyeneka Akuj nakitetet ka akwap da nakitetet naasubi, Kwape kwaŋin esalakinia aurikus ka ekusikiror da.” Kosodi kanen, ebala EJAKAIT ebe, “Ageun kolap ediopet lokelamunan kiton ece, Ido ageun kasabato adiopet kiton ace, Eponenenete lukawat kere aima kakonyeneka. “Elomarete kesi, esesenete atesina kere nuka ituŋa luapaarete kamakaŋ: naarai mam ekurutukec etwani, karaida akecekim mam itudeŋio; eraunos kesi luesaeitai kama kalukawat kere.” Akiro nuka Yeremia okoku loka Kilikia, lokonabin luajaas Anatot akwap naka Benyamin, Loabuni akirot naka EJAKAIT mamakeŋ kapaarasia nuka Yosia okoku loka Amon, ekabaka loka Yuda, kokaru lokitomonet kauni loka airumuke. Kobu da kapaarasia nuka Yekoiakim okoku loka Yosia, ekabaka loka Yuda, kiton osaŋe loka ekaru lokitomonet kalodiop loka Sedekia okoku loka Yosia, ekabaka loka Yuda; kiton neejoreorere luko Yerusalem olap lokikanyet, Kosodi kobu akirot naka EJAKAIT mama ajal eoŋ kobala ebe, “Eriŋa kesuba jo kotoma akoik abu kajen jo, Ido eriŋa ilomuna kakoik abu ketalau jo: Kaseu jo araun enabi mama ejaas atekerin.” Kasodi eoŋ atemar atiar, “Wu okwe, EJAKAIT Edeke! Koany, mam apedori einer: naarai arai esapat.” Konye kabala EJAKAIT eoŋ ebe, “Sirikiner ebe, ‘Arai eoŋ esapat:’ Naarai ilosenenei mama ejaas ŋul kere lukejukanari jo, Inerenenei da ŋun kere nukecoranakini joo Ebala EJAKAIT ebe: Sirikikurianar kes: Naarai ajaenena kajo ayuun jo,” Kosodi EJAKAIT arior akekan kotiroria akaituk; kabala EJAKAIT eoŋ ebe: “Koany, ebwaik akakiro aitukukon: Koany, kadakak jo lolo ayait atekerin ka ajakanuto, Arutun ka abilibil, Amudiar, ka atiyaikin; Aiduk ka aira da,” Ido da kobu akirot naka EJAKAIT mama ajai kobala ebe, “Yeremia, ianyu inyo?” Kabala ebe, “Aany ebela loka ekuŋur,” Kosodi EJAKAIT atemar eoŋ atiar, “Iany ejok: naarai edarenenei akakirot aitodolikin.” Kobu akirot naka EJAKAIT nakiareit mama ajai kobala ebe, “Ianyu inyo?” Kabala ebe, “Aany amot naekulai; kipuŋuno da kagolitomei.” Kosodi EJAKAIT atemar eoŋ atiar, “Ebuni atohis abelun kagolitomei mama ejaas kere luiboienenete kakwap kana. Naarai ebala EJAKAIT ebe, Koany, anyarauni atekerin kere nuka ajakanuto nuka agolitomei; epote do, esipokinete kesi ŋinituŋanan ekeicoloŋ loka ajakanut neelomarere orutei luka Yerusalem, asurokin arwatatinike kere airimor, asurokin da ireria kere luka Yuda. Ido alimori ikatubesia aluikin kes kanuka nukaronokokec kere; naarai kajalata, kisupurunonokis lukisupurununo icedekesio, komaata da aswamisio nuka akaninikec. Aso do jo koen aŋabetekon, konyou, kolimok kes kere nukecoranakini jo: sirikiyaloŋoŋ nukee, kenyek eoŋ aisiyaloŋoŋ jo kakonyenekec, Naarai koany, ketuluo jo lolo ere loebwaitai, epir da lokasuat, arwatatin nukaisinin, aluikin akwap kere, aluikin ikabakan luka Yuda, aluikin ikapolokoke da, aluikin isasedotinike, ido aluikin ituŋa luka akwap kana. Ejiikinos kesi kajo: konye mam kipikorete: naarai ebala EJAKAIT ebe, Ajaenena eoŋ kajo ayuun jo.” Kosodi kobu akirot naka EJAKAIT mama ajai, kobala ebe, “Kolot, kiworo kaki nuka Yerusalem kiner atiar, Ebala EJAKAIT kwanata ebe, Eitunit asianut naka eiditeukon, Aminakon naka ateran; Kwape kiitupitotor eoŋ kotoma amodiŋ, Toma akwap namam eyeikinio ikinyom. Kerai Isirael lokalaunan mama ejai EJAKAIT, Araito nugeet nuka aidwenyike: Kere luanyamenenete kes itelekarito akiro; Ebala EJAKAIT ebe, Ebunokini kes aronis.” Kopuputu yesi akirot naka EJAKAIT, ijo ekek loka Yakob, ka ajena kere nuka ekek loka Isirael. Ebala EJAKAIT kwanata ebe, “Anyoika numam adolit nuapotu lukapapaakus kodumut kotamakan, Tape ebwataros neelwana kamakaŋ, Kotupito aamameak, koraunos lukaamameak? Mam apotu kobalas ebe, ‘Ali bo EJAKAIT Lokitolomuni oni kakwap nako Misiri; Lokinarenikini oni kotoma ais, Akwap naka amodiŋo ka apanya, Akwap naka akure ka etoribe loka atwanare, Akwap neamamei yenitori, namam iboikin ituŋanan?’ Ketolom yes akwap napusuk, Anyamenen araitoke, ka ajokisike: Konye nailomuniata itisiloto akwapuka, Kitaraut airumeteka naketal. Mam isasedotin apotu kobalas ebe, ‘Ali bo EJAKAIT?’ Ŋul luitinitos ikisila mam apotu kajenut eoŋ: Kodiakasi da ikayaitok kamakaŋ, Kodwarete inabin kolimitos Baal, Kotupitos da akiro numam ameda. “Kanuka ŋun ebala EJAKAIT ebe, Ŋes kipurio kayes, Ido apurokini idwe luka ikusidwe. Naarai kotuboros yesi kapujana nuka Kitim, koanyut; Kijukasi Kedar, kokukuranaros aomoom; Koanyut arai ajai lem akirot naikoni nen. Ejai tope ateker naelocoki idekesioke, Lumam eraas idekesio? Konye elocokis ikatuŋa aibusesukec Kanuka yenimam ameda. Ebala EJAKAIT ehe, Koumok ŋun, ijo akui, Kokurianar noi noi, kosilior lio, Naarai eswamata ikatuŋa nukaronok aarei; Kajalata eoŋ ekicoi loka akipi nukajarak, “Erai kereka Isirael ebulesit? Erai kereka ŋesi ebulesit loeurikinio ore? Kanukinyo araunor imejat? Agatakis ŋes inarunyo ludidik, ikunas noi; Amunaasi akwapuke; Ecwei ireriake, emamei yeniboie kotoma, Abelata idwe luka Nop ka Tapanes esiadukukon. Mam kereka jo isudunyikinit nun, Naarai ibu kojal EJAKAIT Ekonideke, Nakinarenikinitor korot? Kwana da ikwaikini ai korot loelosi Misiri, Aimat akipi nuka Sikor? Ido da ikwaikini ai korot loelosi Asuria; Aimat akipi nuka Ecor? Ebala EJAKAIT, EJAKAIT loka aioresio ebe, Aronisikon ŋes kilecori, Abononorikon kau ŋes kiretakini jo: Aso do kojen koany da ebe erai akirot naerono ido naedwar, Ijo aijal EJAKAIT Ekonideke, Emamei da ayoŋit eoŋ tomakon. “Naarai kolono abilibil ajookotokon, anedened aenetakon; Kosodi atemar atiar, ‘Mam kejaanakini,’ Ibu kirapanakin kanoliukot loemukurur, Ido kwap kaŋolikitoi loepesit, kwape naadote. Kwabo abu kolo kera jo emusabibu lokaiokan, Ekinyomit loetenit cut: Kikwaikini ai iraun kamaka ekiot loemunauna Loka emusabibu lokais? Naarai ebala EJAKAIT Edeke ebe, Karaida iloŋi kesoda, Itwasamai asabunyun nuipu, Konye emasikinito numam adolitekon kakonyeneka, Ikwaikini ai jo inera ebe, ‘Mam eoŋ emunauna, Mam atupenenei Ibaalin? Koany ekonirot kaditot, kojen nuiswamat: Isubit bala akaala naiiriai korotinike; Atuko naenaikinit amodiŋ, Naesupi ekwam kotoma oimielike; Toma apakike iŋai bo epedori aisibelokin ŋes? Ŋul kere luemootos ŋes mam itapasitos; Edumunete ŋes kolapake. Kimik akonikeje kinyeis ajaut komameete amuk, Kinyek elogorotokon da aonore akure: Konye ibu kiner ebe, ‘Emamei amun: Mam; naarai abu kamin imo, atupakini kes.’ “Kwape irumiata ileic ekokolan naedumunere, Kwape kwaŋin irumiata ileic ekek loka Isirael; Kes, ikeeekabakan, ka ikapolokokec, Ka isasedotinikec, ka inabinokec da; Luelimokinete apunure ebe, ‘Irai ijo papaka’; Amoru da ebe, ‘Ŋo kiwuriei eoŋ’: Naarai ebelokis ipuranakec mamakan, Kwabo mere akonyenekec: Konye kapak naka icanikec ebalas ebe, ‘Konyou, kitajarai!’ Konye alu bo idekesio lukisubuni? Konyoutu bo kesi, Arai epedorete aitajar jo kapak naka icanikon: Naarai kwape imwatatar ireriakon, Imwaasi kwaŋin ikonidekesio, ijo Yuda. Ebala EJAKAIT ebe, Kanukinyo kirurumakinitotor eoŋ? Ipotu kere kodiakasi kamakaŋ, Adany ikusidwe taai; Mam edumunito alecorio: Ajwenya ekusikilen ikusinabin, Kwape eŋatuny loemudiari. Ŋo atur, koanyutu yesi akirot naka EJAKAIT. Abu kereka karau ais kama ejai Isirael? Karau akwap naka amuton naijesi ŋaŋ? Kanukinyo ineratar ikatuŋa ebe, ‘Kijakakai; Mam bobo kibuni mamakon’? Epedori kereka apese aimurwokin lukisiroke, Arai ateran inapeneke? Konye ikatuŋa kemurwokis eoŋ Apaarasia numam imarunos. “Itemonokini ca ma ijo ekonirot amoot ipailon! Tape isisianakin aŋor nueroko ikonirotin. Ido edumuna kenapenekon aokot nuka aijar naka lukican luemameete akirot: Mam idumunito epakapakaete, Konye kanun kere Ibu kiner ebe, ‘Emamei eoŋ akirot; Abeit ebelokin akenyunyura kamakaŋ.’ Koany, katubokini jo akiro, Naarai inera ebe, ‘Mam eoŋ adiakit.’ Kanukinyo irimio ijo noi kwaŋin ailocoloc ekonirot? Misiri da kisurumi jo ileic, Kwape kisurumia Asuria jo ileic, Inyouni kamaken da ibwokit akaninikon kakou: Naarai aŋer EJAKAIT luimunokina, Mam ikerianari kamakec. Ebalai ebe, “Arai kirene etuŋanan akeberu, Enyouni ŋin da kamaken, Korau naka ecetuŋanan, Eboŋori tope je mamake bobo? Mam akwap ti kemunaun noi? Konye irau ijo naadote mama ejaas ipailon luipu; Konye ebala EJAKAIT ebe, Ikoto kereka aboŋun mama ajai? Kiteluo akonikonye kuju neelapat, koany, Anu bo numam kiteperitere? Ibu kiboie kawai kerot aidareun kes, Kwape Eyarabut kais; Ibu komunau akwap kadoteukon, ka aronisikon. Kanuka ŋun kimikitai elimilim, Komameun akiru naka akamu; Kwabo kijai kereet loka naadote, Ibu koner aileieikin. Mam kimonyakini eoŋ ageun lolo ebe, ‘Ipapa, kirai ijo epadie loka atumunika, Enyunyuranakini kereka ŋesi ikar kere? Isiopanakini kiton osaŋe?’ Koany, ibu kiner, konye kiswama nueroko, kwape kipedoria.” Ido da kabala EJAKAIT eoŋ kapaarasia nuka Yosia ekabaka ebe, “Iany ijo nueswama Isirael nakabononoran kau? Adoka ŋesi nolironat loimukurur ido kokwap kanolikitoi loepesit, kodotei kaŋina, Kabala ebe, ‘Kedau ŋesi aiswama akiro ŋun kere, eboŋuni do ŋesi mama ajai’; konye mam abu kobonu; abu Yuda kinaeike naemodana koany. Koany da, naerenearia Isirael nakabononoran kau kanuka adoteuke, kainak da ebalua lokairenear; konye Yuda kinacike naemodana mam akuriana, konye ‘kolot ŋin da kodotei. Kosodi kanen naarai ebenenikinit ŋes adoteuke, komuna akwap, kodotei kamor ka apunurei. Konye ebala EJAKAIT ebe, Karaida nun kere mam Yuda kinaeike naemodana eboŋunit neajai keketau kere, konye ijoseikinit.” Kabala EJAKAIT eoŋ atiar, “Isirael nakabononoran kau itodiara araun naedolit aitelekar Yuda naemodana. Kolot kolimonok akiro nu koseseni agolitomei, kiner atiar, Ebala EJAKAIT ebe, ‘Kobonu ijo Isirael nakabononoran kau; Mam kaseseni jo kanyunyura; Naarai ebala EJAKAIT ebe, Arai eoŋ lokaitim, Mam anyunyuranakin ikar kere. Ebala EJAKAIT ebe, Na bon, kolitno numam adolitekon, Ebe idiaka kama ejai EJAKAIT Ekonideke, Isiarak ikonirotin mama ejaas imo kokwap kanolikitoi loepesit, Komam irimarit ekaporoto. Ebala EJAKAIT ebe, Koboŋutu, Yes idwe luibononorete kau; Naarai arai eoŋ lokowaikus: Ido kalemuni yes, ediopet kore, iarei kokek, Kayau Sion. “Kainakini yes ikecokok kwape ejaar ekatau, lukitanyamenenete yes kacoa ka ajenun. Kosodi kanen, ebala EJAKAIT ebe, Naipuakarotor iyatanakinotor da kakwap, kapaarasia kanun mam oobo ineras ebe, “Asaduku naka aitutuket naka EJAKAIT.” Mam aomisioitike elomari otauonokec; mam iitunete ŋes; mam ipeionokinete ŋes; ido mam bobo iswamao. Kapak kaŋin emaikinete Yerusalem eicoloŋ loka EJAKAIT: etukonokinos atekerin kere mamakeŋ, okiror loka EJAKAIT, Yerusalem: ido mam bobo elosenenete kwape ejaar aninik naka itauonokee lueroko. Kapaarasia kanun euparos ekek loka Yuda kekek loka Isirael, enyounete nepepe kotoma akwap naka agolitomei epote akwap nakainakinit lukapapaakus araun airumet. “Konye abu kaomite kwape tikebwaikinia jo toma odwe, Ainakin jo akwap nakailel, Airumet naejok naka aioresio nuka atekerin. Abu kaomite ebe kinyaraete eoŋ Papa; Komam ibelokinos ainyein atupun eoŋ. Ebala EJAKAIT ebe, Abeit kwape enyounio aberu kama kokilenike kaimod, Kwape kwaŋin kimodiata yesi eoŋ, Wu ekek loka Isirael.” Epupuno eporoto kaiboisio nuiceleleete, Aimony ka aiŋaiŋa naka idwe luka Isirael; Naarai etirioto ekecerot, Emurwokis EJAKAIT Ekecedeke. Kobonutu, yes idwe luibononorete kau, Etaŋaleuni abononorikus kau. Koany, kiponi mama ijai; Naarai irai ijo EJAKAIT Edekekosi. Abeit aiŋarakinio naemunoi koukon erai naatai, Eeelet da koronan: Abeit ejai aitajario naka Isirael toma EJAKAIT Edekewok. “Konye ageun keiditeuwok abu ibore yeniketal koiwenya aitaaritoi naka lukapapaawok; isipaninikec luka amerekekin ka luka aituk, ka idwekec da lusap ka lupesur. Kapero kotoma oleiciwok, korap oni aitirirawok: naarai kidiaka kama ejai EJAKAIT Edekewok, oni ka lukapapaawok, ageun keiditeuwok kiton lolo: mam kipou karimarito eporoto loka EJAKAIT Edekewok.” Ebala EJAKAIT ebe, “Arai ikoto aboŋun mama ajai eoŋ, ijo Isirael, Ibonuni mama ajai: Arai kilema italesiakon kakonyeneka, Ŋes konyet mam irianirianar; Ido iyapoi ebe, ‘Kwape ejaria EJAKAIT,’ Kabeit, kotube, kadolit da; Ilipakinos atekerin arereŋ kotomaken, Tomakeŋ da ŋes itubusikinotor.” Naarai ebala EJAKAIT ituŋa luka Yuda ka Yerusalem da kwanata ebe: “Kokorioto alupokus nuiukarito, Sirikiyeata neeiaas ikukwa. Kokepas bonik kama ejai EJAKAIT, Kolemas amunym nuka itauonokus, Yes ituŋa luka Yuda, ka luibojete koYerusalem: Kinyek akanyunyura alomun kwape kakim, Kicwe komamei yenepedori aitudeŋ, Kanuka aronis naka aswamisiokus.” Kolimosi koYuda, kisiarakis akiro koYerusalem, kineras atiar, “Kokutata yesi arupepe kakwap: Kiworoto kobalas ebe, ‘Kotukonokinos, kaloto oreria luebwaitai.’ Kikeasi aanyunet naesesenas ka Sion: Kokerata kolakunos, sirikipaikis: Naarai ayauni aronis naebuni kagolitomei, Ka amudiar naepol. Adakun eŋatuny kamonike, ekamudiaran loka atekerin; Ejai orot, alom kaiboisike; Aitisilior akwapukon, tetere iswapete ireriakon, Komamei yeniboie kotoma. Kanuka ŋun konapa ipukoi, Kokuudianata kibwololoto: Naarai anyunyura naededen naka EJAKAIT Mam ibelokino kamawok. “Kosodi kanen kapaaran kaŋin ebala EJAKAIT ebe, Ipirisiar etau loka ekabaka, ka itauon luka ikapolok; isirienunio isasedotin, eumokinete da inabin.” Kasodi eoŋ atemar atiar, “Wu okwe, EJAKAIT Edeke! Abeit iŋalat noi ituŋa lu, ka Yerusalem da, kobala ebe, ‘Ŋaunos kainapakin’; kwabo adoloki ekileŋ aiiarakec.” Kapak kaŋin elimokinio ituŋa lu, ka Yerusalem da ebe, “Ekwam loemwana loebuni kaiboisio nuiceleleete kotoma amodiŋ mama ejai akoku naka ikatuŋa, mere aipiet, karaida aitalaun; Ŋes ekwam Loegogoŋ adepar ŋun loebuni kanukan: kwana eoŋ da enerakini kes itubesia.” Koany, ebuni ŋesi kwape idouon, Agalinike da kwape etapipirio: Etiroko ibalasinike adepar imorukaalen. Itukwi oni! naarai kinatario, Wu Yerusalem, kilot ekonitau alemar nukaronok, tetere kitajario. Itodoli ai eperete akoniwomisio nueroko kotomakon? Naarai elimori eporoto loebuni koDan, Elimonokini aronis naebuni koukon luka Epuraim: Kitwekenya atekerin; Koany, kolimonokis Yerusalem ebe, “Epote ikerereok anyoun kakwap naelwana, Edolokinete ireria luka Yuda. Kwape ikedarak emanikor esurokinete ŋes airimor; Naarai ebala EJAKAIT ebe, Kepaliiki eoŋ. Ekonirot ka aswamisiokon kes ayaunete akiro ŋun mamakon; Ŋin ŋes aronisikon, Naarai edwar, naarai adoloki otaukon.” Wu akaijar! Wu akaijar! Kaditarit teni kiton otauka; Ebala etauka ditidit; Mam apedori aililiŋ; Naarai apupi eporoto loka arupepe, Elala loka ejie. Iworot amudiar atupakin amudiar; Naarai enataritai akwap kere: Kitiut ikaweman eŋatario, Aigalisioka da katipet. Itodoli ai aanyun aanyunet, Kapupi eporoto loka arupepe? “Naarai ebanaka ikatuŋa, mam kajenete; Eraas idwe lujikit, emamei kes aijen: Ecoak kesi aswam nueroko, Konye emamei aijen aswam nuejok.” Abu kaany akwap, ido koany, ajai atai komam etiakak; Akuj da amamei aica. Abu kaany ironan, ido koany, komaranata, Kilokilokos iukon epuai kepuai, Abu kaany, ido koany, komamei ituŋanan, Kekerata akweny kere nuka apak. Abu kaany, ido koany, emanikor lopusuk araun ais, Ketiyanakinos ireriake kere kakonyen nuka EJAKAIT, Kakonyen nuka anyunyurake naededen. Naarai ebala EJAKAIT kwanata ebe, “Esilior akwap kere; konye mam etanaŋi cur. Kanuka ŋun ibworo akwap, Irioniar aku; kokuiu: Naarai abu kalim, abu kanerok, Ido mam abu keitu, ido mam ejulakini.” Ekerete lukore kere kanuka ecelet loka ikebwanenok ka ikeketak akabwai; Elomarete amonieik, edokarete atiiban, Asilior ŋolire, Emamei da ituŋanan yeniboie kotoma. Ka jo da, nakiŋatarere, iswamai anyoika? Karaida kinap inapen lukareŋak, Karaida kiyogog kiboro luka esabu Karaida italali akonyekon kekia, Itubusikina taai; Kimenete ipailonokon, emootos akoniijar Naarai apup eporoto kwape loka aberu naeriebi aidoun, Kwape loka aditar naka ŋin naidouni ekiyaike, Eporoto loka akoku naka Sion, nainyikonokini iyena, Korionori akekanin, kobala ebe, “Itukwi eoŋ! Eilori akaijar kakonyen nuka ikaarak.” Aso kokerata laije ka laiie korotin luka Yerusalem, Koanyut bo, kojenut, komoata kaiboisioke nuelalak, Arai ipedorete aanyun irunanan, Arai ejai yeniswamai nuebeito, yenemoot amunonut; Aso etimi eoŋ ere, Karaida kineras atiar, ‘Kwape eiaria EJAKAIT’; Abeit iyapoete nukaiŋal. Wu EJAKAIT, mere ma esesenete akonikonye abeit? Inom kes, konye mam itururwete; Idany kes, konye agiro aicorio: Etogogonoto akecekonyen aitelekarit atiiba; Agiro aboŋun, Kasodi einer atiar, “Abeit icanas lu: ebanaaka; Naarai mam ejenete erot loka EJAKAIT, Karaida ekisil loka Ekecedeke. Alosionori do mama ejaas lukapolok, kenera kakes; Naarai ejenete kesi erot loka EJAKAIT, ka ekisil loka Ekecedeke.” Konye abila ŋul eloit kediopetau, anedata aeneta. Kanuka ŋun eari rwaru kes eŋatuny loelomuni kamoni, Eŋasi kes epeet loka amodiŋ, Eperuni eris koreriakec, Ŋinituŋanan yenelomuni kotoma enyilinyilio; Naarai ipu adiakanaretakec, Eyatakin akecepaar. “Apedori biai aitim jo? Kajala ikonidwe eoŋ, Eyapoikis ŋul lumam eraas idekesio: Abu kesimon kes kosodete adotiar, Kotukonokinos katukon otogoi luka nudotia. Esubito bala ibalasin lukitadakio tupuruc: Ŋolituŋanan icicina kaberu naka yenice. Ebala EJAKAIT ebe: Mam kereka eticani kanuka ŋun? Ido mam tope inyani ekatau kateker naikoni nen? “Kodokasi arwatatinike, komudiasi: Konye sirikitanana cut: Kolemasi aketenun; Naarai mam eraas nuka EJAKAIT. Ebala EJAKAIT ebe, Naarai keŋala noi noi ekek loka Isirael, Ka ekek loka Yuda. Anerokis EJAKAIT, kineras atiar, ‘Mam nuiswamai ŋesi; Kwabo mam kidoikini oni aronis, Kwabo mam kianyuni ekileŋ karaida eteŋei, Eraunos inabin da ekwam, Kwabo emamei akirot kotomakec: Iswamakinio kes kwaŋin.’’’ Kanuka ŋun ebala kwanata EJAKAIT, Edeke loka aioresio, ebe: “Kanu ineratar akirot ŋin, Koany, etuluori akakiro kaitukukon araun akim, Ka ituŋa lu da araun akito, icwei kes. Ebala EJAKAIT ebe: Koany, ayauni mama iiaas ateker naebuni kama elwana, Ijo ekek loka Isirael: Ateker nakagogonon, ateker nakolo sek, Ateker namam ijeni akecenaiep, Kwabo mam ijenuni nuineras. Ecoekec loka ikoioi erai ailit naesabara, Eraas kere ikiliok lukirigin. Ido enyamete ikonidwenyan, ka ikoninyamat, Lutikenyama ikonidwe lusap ka lupesur: Enyamete ikonisipanin luka aituk ka luka amerekekin; Enyamete ekonimusabibu, ka etinikon: Ejepejepeete kekilen ikonireria luebwaitai, luimunokina.” “Konye ebala EJAKAIT ebe, karaida kapaarasia kanun, mam ketananete cut. Kosodi kanen, naineriata atiar, ‘Kanukinyo kiswamakinia EJAKAIT Ewokodeke akiro ŋun kere?’ Kosodi Koboŋok kes ebe, ‘Kwape kinyeiniata yesi eoŋ, kijaanakis idekesio lumo kakwapukus, ijaanakinete kwape kwaŋin imo kakwap namere nakus.’’’ Kolimosi nu kokek loka Yakob, Kolimonokis koYuda, kineras atiar, “Kiirasi nu, yes ituŋa luibanaaka, luemamei aijen; Lueiaas akonye, komam ianyunete; Lueiaas aki komam ipupunete. Ebala EJAKAIT ebe, Mam ca kiyoŋito eoŋ? Mam imaranete kakonyeneka? Ebwaik asine araun eikor loka aŋolol, Kokisil lomam edaun, tetere mam etubor, Karaida edakununos akailan, mam epedorete aipikor; Karaida irurumaete, mam epedorete atubor. Konye ejaas ituŋa lu itauon luepaarete ido luepaliikis; Apaasi aloto. Kwabo mam ebalas kotauonokec ebe, “Kayonate EJAKAIT Ewokodeke, Loeinakini akiru kapakike; Akiru naka aiporo ka naka akamu da; Loinadakini oni asabaton nuseuna nuka aidweny.’ Aremosi numam adolitekus akiro ŋun, Erebokis aronisiokus ajokis kamakus. Naarai edumunos ikaronok kotuŋaka: Idarete, kwape eperunioto ikalokak akweny; Elokete atacit, ipokete ituŋa. Kwape ilelebunotor akweny aruja, Kwape kwaŋin ilelebunotor itogoikec aiŋal: Ŋes apolokorotor, kobarata. Etumitos, inutakina: Eebo, elitoro kaswamisio nukaronok: Mam etubete kabeit akiro nuka ikokiok, Tetere ekeriakaros; Mam epurokinete luilwaritos nuebeito. Ebala EJAKAIT ebe, Mam kereka etieani kanuka ŋun? Mam ekatau inyani ateker naikoni nen?” Adoloki akirot nakaumokin ka nasogim akwap; Edwarete inabin lukenalak, Eyaito isasedotin kanuka aisigalikinikec; Ekotosi ikatuŋa kwaŋin; Ikwaikinete yesi ai kedolu esaŋe? Kokerata kolakunos, yes idwe luka Benyamin, Konyout kokidiŋ Yerusalem, Kokutata arupepe koTekoa, Kikeasi aanyunet koBet-kakerem: Naarai etakani aronis ebuni kagolitomei, Ka amudiar naepol. Agelari akoku naka Sion, Naitemelel naijamamai, Epote ikecokok kisipaninikee luka amerekekin asurokin ŋes; Ibubuete iwemanakec airimor; Itadakete kes, ŋinituŋanan kaiboisike. “Kokapanakinos ejie kaŋes; Konyoutu, kadokasi kidin paaran!” “Itukwi oni! naarai aiotaki akoloŋ, Aojaaros itolimon luka atibonl” “Konyoutu, kadokasi kuare, Kamudiasi itogoike lukapolok!” Naarai ebala EJAKAIT loka ajoresio ebe: “Kojeput ikito, kitutuoto etut, Asurokin Yerusalem: Lo ŋes ere lokitieana; Ileleba emwaŋit pas kidinike. K wape ibwelibwelio atan akekipi, Kwape kwaŋin da ibwelibwelio aronisike: Iirario akaje ka aiŋat kotomake; Ejai adek ka amusuŋun kakonyeneka tiritir. Kituutoor, ijo Yerusalem, Kinyek ekatau anyoun kama ijai; Kenyek aitaraun jo asilio, Akwap namam ituŋanan.” Ebala EJAKAIT loka aioresio kwanata ebe: “Inyogokinete aidepidep eut aatoŋot naka Isirael kwape emusabibu: Kinyakanyak bobo akonikan katenun kwape yenedeni emusabi bu.” Alimokini ŋai ka aikwenyar da tetere epupunete? Koany, mam akeeeki ekepep, Kwabo mam epedorete akiirar: Koany, araun akirot naka EJAKAIT amorosit kamakee; Mam isiyalamikinito. Kanuka ŋun ŋes elelebunor eoŋ anyunyura naka EJAKAIT; Kapas aitikokinit. “Kobukok odwe korot, Ido katukot naka ikatumunak ncpepe: Naarai eyanaario ekile ka nakowaike, Lomoion ka ŋol da loileleba apaarasia. Eluoros itogoikee luka ice, Nepepe kanorokec ka imanikoriakee: Naarai ebala EJAKAIT ebe, Ariori akakan mama ejaas luibojete kakwap kana. Naarai ageun kaloedit kakesi kiton lokapolon kakesi, Eraŋani ŋinituŋanan aimedaun; Ido ageun konabi kiton osasedoti, Emodi ŋinituŋanan. Etaŋaleut da amusuŋut naka ikatuŋa kaitapapanit, Kobalas ebe, ‘Ainapakin, ainapakin,’ Kereka emamei ainapakin. Eruma kereka kes ileje naadauniata aswam naketal? Be! Mam eut erumito ileje, Ido mam apedorete aitirir. Kanuka ŋun ebiroros nepepe kanul luebiroros: Ebala EJAKAIT ebe, Kapak naeticania kes elataros.” Ebala EJAKAIT kwanata ebe, “Kobwaata yesi korotin, koanyut, Kinita isokono lukolono, Neejai erot loejok, koloto kotoma, Ido idumunete aiyeŋun kotauonokus: Konye kobalas ebe, ‘Mam kilosi kotoma.’ Abu kebwaik ikedarak kamakus ebe, ‘Kopuputu eporoto loka arupepe!’ Konye kobalas ebe, ‘Mam kipupuni.’ Aso do kopuputu, yes atekerin, Kojen, ijo ekodet, nuedoikinete kes. Kopup, ijo akwap; koany, ayauni aronis otuŋa lu, Araito nuka akeceomisio, Naarai mam apotu kiirasi akakiro; Ido aneroto ekakisil. Anyoin kereka ajokis naka lukisupurununo luepote mamaka anyoun koSeba, Eitola da loebuni kakwap naelwana? Ainakinetakus nuieweio mam eeamunio, Asubanakus da mam kesiyalamikinito. Kanuka nun ebala EJAKAIT kwanata ebe: ‘Koany, ebwaikini ikomion akonyen nuka ituŋa kalu: Iguikinete lukapapa ka odwekee kere nepepe; Eoliori eidunyet ka epaperoke da.’” Ebala EJAKAIT kwanata ebe: “Koany epote ituŋa kakwap naka agolitomei; Ekwenyuni ateker naepol kowaitin luelwaka luka akwap. Itiŋito akabwai ka akwaras; Ibworitos kesi, mam itimenenete; Irurumaete ikeeeporotoi kwape aŋolol, Ibwanenito ibalasin; Ekapanakina nclitunanan kwape ekaiiot, Asurokin jo, wu akoku naka Sion.” Kipou keirasi eemutukee; Koleiekekaros akaniniwok; Kikam aditar, Ka ariebo kwape naka aberu naidouni. Sirikilomas okitui, karaida alosit korot; Naarai ejai ekileŋ loka lokasurup ka aitasuro kanoliwai, Wu jo akoku naka ikatuŋa, konap epuko, Kipunupunokin kotoma okurwon: Kibworo, kwape ibworor ikoku yenilemura, Akuudian naepol noi noi, Naarai kitiuni oni ekamudiaran. “Ketarau jo ekegimoron, ekeninon da kotoma otunaka; Tetere ijenuni igimori da ekecerot, Epaliikis kesi kere noi, Irimete kasabanakin; Eraas kesi aisinit ka asuat: Iswamaete kere nukamunaar. Ekusi acukut kagogoŋ; Idopori akim asasit; Iyatanakinete ailiaun atai; Naarai mam ikaronok edemario. Enyaritai epuesa loepalitai, Naarai agiri EJAKAIT kes.” Akirot naabu kobu mama ejai Yeremia kama ejai EJAKAIT, kobala ebe: “Kobwo korute loka etogo loka EJAKAIT, kolimo kanen akirot na, kiner atiar, Kiirasi akirot naka EJAKAIT, yes kere luka Yuda, luelomarete korutei kalu aima EJAKAIT. Ebala kwanata EJAKAIT loka ajoresio, Edeke loka Isirael, ebe, Kitemokis irotinikus ka aswamisiokus, eoŋ da kesiboikini yes aibois na, Sirikimunokinos akiro nukainal ebe, ‘Lo ŋes eyekalu loka EJAKAIT, eyekalu loka EJAKAIT, eyekalu loka EJAKAIT.’ “Naarai arai itemokinete kojokan irotinikus ka aswamisiokus; arai itodolete koiokan etube kokidin ketunsnan ka eidunyeteke; arai mam imwanete imoit, ka ikoki, ka apuserut, ido mam ibukokinete aokot numam akirot aibois na, komam itupanarete idekesio ice aiticanar bonik: Ŋes konyet kesiboikinio yes aibois na, akwap naainakinit lukapapaakus, ageun apeŋo kiton ikar kere. “Koany, imunosi akiro nukainal, numam epedorete aimedaun. Ikotosi kereka yesi akoko, ka aiar, ka adote, ka aiyapo nukainal, ka aisupuronokin Baal lukisupurununo, ka atupanar da idekesio ice lumam lem ijenete, kosodete aponare aibwo kakonyeneka togo lo, loemaikinitai ekakiror, kobalas ebe, ‘Kiyuunitai’; kiswamaenenete da italesia ŋul kere? Araun ca ma etogo lo, loemaikinitai ekakiror, abua naka ikokolak kakonyenekus? Ebala EJAKAIT ebe, Koany, eoŋ, eoŋ obe, aany ŋun. Konye koloto do yesi aiboisika naajai Silo, naesiaunia eoŋ aisiboikin ekakiror, koanyut nueswamakinit Ŋes kanuka aronis naka ikatuŋa Isirael. Ido ebala EJAKAIT ebe, Naarai ipotu kiswamata aswamisio ŋun kere, abu kener kayes, kadilok tupuruc kener, konye mam yes epupuno; kanyarit yes, konye mam iiito: Ŋes konyet eswamakinia etogo loemaikinitai ekakiror, loimunosi yesi, ido aibois nakainak yes ka lukapapaakus, kwape eswamakinitor Silo. Kacakari yes kakonyeneka, kwape acakaritor ikusiinacan kere, aur kere naka Epuraim. “Kanuka ŋun sirikilipak ituŋa lu, sirikitonyou aimony kanukec, karaida ailipasit, ido sirikiinaina eoŋ: naarai mam kapupuni jo. Mam kereka jo ianyunit nuiswamaete kesi kotoma oreria luka Yuda korotin da luka Yerusalem? Eraraete idwe akito, inokete lukapapakec akim, igurete aŋor da atap ailunulunanakinia akabaka naka akuj imugatin; ido ebukonokinete idekesio ice ainakineta numatan, tetere ketunyunyurikinete, Ebala EJAKAIT ebe, Ketunyunyurikinete teni eoŋ? Mere kitunyunyurikinos bonik, aitadakar akwesikec? Kanuka ŋun ebala EJAKAIT Edeke kwanata atiar, Koany, ebukokinio akanyunyura ka akaisiop aibois na, otuŋa, otian da okito lukomanikoria, ka araito da nuka alup; icwei ido mam itudenio.” Ebala kwanata EJAKAIT loka ajoresio, Edeke loka Isirael ebe: “Kiyatakisi ainakinetakus nuicweio toma asubanakus, konyamata akiriŋ, Naarai mam abu kener kalukapapaakus, kwabo mam ecorakinit kes kapaaran naketolomunia kes kakwap nako Misiri, nuka ainakineta nuicweio karaida asuban. Konye kecorakinit kes akirot na ebe, ‘Kiiranarete ekaporoto, eoŋ da araun Edekekus, yes da iraunos ikatuŋa, Kolosenenete korot kere lokeeorakini, tetere ijaunos ejok.’ Konye mam apotu kiirasi, mam apotu kitoikis akiikec, konye kolosenenete kainerunikee, kaninik naka itauonokee lueroko, kobononosi kau, mam apotu kiyatakis kinaren, Ageun kapaaran naalomuniata lukapapaakus kakwap nako Misiri kiton lolo, kejukak yes ikakejaanakinak kere inabin, kadilonokin tupuruc aijukunun kes: konye mam apotu keirasi, mam apotu kitoikis akiikec, konye kitininikata imurisiŋakee: kiswamata nueroko aitelekarit lukapapaakec. “Ido ilimokini kes akiro nun kere; konye mam kiirarete, ido inyarai kes; konye mam iiete. Ilimokini kes ebe, ‘Na ŋes ateker namam eirarit eporoto loka EJAKAIT Edekekee, ido mam eeamunito aituutoorio: aolio abeit, egelaritai kaitukekec. Konera itimakon, ijo Yerusalem, Kocaka neelwana, Kikeseu akuudian kokuju neelapat; Naarai aŋer EJAKAIT; ido ajal ituŋa luka atur naka anyunyurake.’ “Naarai ebala EJAKAIT ebe, Eswamata idwe luka Yuda neuroko kakonyeneka: ebwaikis italesiakee togo loemaikinitai ekakiror, amunaaria, Adukoto aiboisio nuiceleleete nuka Topet, naejai aditot naka okoku loka Kinom, aicweia ikeeedwe lusap ka lupesur kakim; numam ecorakinit, mam da aomisioitike alomarit otauka, Aso do koany, ebala EJAKAIT ebe, Epote apaarasia, mam bobo enyaritai Topet, karaida Aditot naka okoku loka Kinom; dimarai Aditot naka Earit: naarai idaanakinete kesi Topet, naarai emamei apak kamace, Eraunos atesina nuka ituŋa kalu akiriŋ naka akweny nuka apak, ka itian luka akwap; emameun yenetwaranari kes, Kasodi eoŋ aitanan koreria luka Yuda, korotin da luka Yerusalem, eporoto loka aitae ka eporoto da loka aiyalama, eporoto loka eteran ka eporoto da loka ateran: naarai eraun akwap naiswapit.” Ebala EJAKAIT ebe: “Kapak kaŋin itolomunete akoio nuka ikabakan luka Yuda, ka akoio nuka ikapolokoke, ka akojo nuka isasedotin, ka akojo nuka inabin, ka akojo da nuka luibojete ko Yerusalem, kailinakec: eloikinete kes kakonyen nuka akoloŋ, ka elap, ka aiore kere naka akuj, nuaminas kesi, nukiiaanakinete, nuatupenenete, nuamootos, nuamaete da: mam etukonokinio, karaida aidaio; eraunos kesi kwape aoret kalup. Ebala EJAKAIT loka aioresio ebe, Eseunio atwanare itia aijar kotoma aatoŋot kere naedeun naka ekek kalo lokaronon, luedeunos kaiboisio kere nukerenearit kes. “Bobo da ilimokini kes ebe, Ebala EJAKAIT kwanata ebe, Ibiroros kereka ituŋa, komam enyounete bobo? Eboŋori tope ituŋanan komam eboŋuni? Aso kanukinyo abonoriata ituŋa lu luka Yerusalem kau kaicebokinit abononor kau? Iketakinito aiŋal, aneroto aboŋun, Abu kapupok, keira da, konye mam eneras nuibecokino: Emamei yenitoronikin akeronis kinera ebe, ‘Ekwaik ai?’ Ibelokini ŋinituŋanan aboloboloke, Kwape ebalasit loitokaar ojie. Eebo ejeŋi atolut kotoma akuj apakioke nuseuna; Bnicete eluke ka iporoidoliat ka ewalu da apak naka aponarekec; Konye ikatuŋa mam ejenete ekisil loka EJAKAIT. “Ikwaikinete ai ineras ebe, ‘Kirai lukacoa, Ejai du ekisil loka EJAKAIT kaoni’? Konye koany, akwara nakainal naka ikewadikak etarau lokainal, Erumata lukacoa ileic, eburunito, ikamunitai: Koany, aneroto akirot naka EJAKAIT; Acoa anyoin ejai mamakee? Kanuka ŋun ainakini aŋorokec mama ejaas ice, Imanikoriakec mama ejaas nul lukirumetc kes: Naarai ageun ka loedit kakesi kiton lokapolon kakesi, Eraŋani ŋinituŋanan aimedaun, Ido ageun konabi kiton osasedoti Emodi ninitunanan. Etaŋaleut amusuŋut naka akoku naka ikatuŋa kaitapapanit, Kobalas ebe, ‘Ainapakin, Ainapakin,’ Kereka emamei ainapakin. Eruma kereka kes ileje naadauniata aswam naketal? Be! Mam eut erumito ileje, Ido mam apedorete aitirir: Kanuka ŋun ebiroros nepepe kanul luebiroros: Ebala EJAKAIT ebe, Kapak naeticania kes, elataros. Ebala EJAKAIT ebe, Naakotor aideŋ kes: Emameete imusabibun komusabibu, Karaida itinin kotini, Erinyorito dil akui; Ido nuainakinit kes atuboros kamakec.” Kanukinyo kiboio oni kapalarito? Kotukonokinos, kalomasi oreria luebwaitai, Kelilinata kaŋina: Naarai kisililin EJAKAIT Edekewok oni, Koinak oni akipi nuka epiu aimat, Naarai kipou kadiakasi kama ejai EJAKAIT. Kipou kamunos ainapakin, konye mam ajokis naebunit; Kamunos apak naka aŋaleun, konye koany aburun! “Epupunio ainoror naka ibalasinike koDan; Eporoto loka aruo naka ikagogonokoke Einakini akwap kere amaran; Naarai apotu konyamata akwap ka luejaas tomake kere; Ere, ka ŋul da luibojete kotoma, Naarai koany, ebala EJAKAIT ebe, Ejukuni imunwo, asigirikoloŋa kotomakus, Lumam elemelemeo, kitodotodoete yes.” Wu okwe karai kapedor aitalakar bon kenyek aiturur! Epirisiar etauka kotomaka. Koany, eporoto loka aimony naka akoku naka ikatuŋa, Kakwap naelwana noi: “Emamei kereka EJAKAIT koSion? Emamei ekabakake kotomake?” “Kanukinyo ketunyunyurikiniata kaputosiakec nuegerer, Ka aamameak da numo?” “Atubor aidweny, adaun ejet, Mam oni kitajaruna.” Kemusun eoŋ kamusunut naka akoku naka ikatuŋa: Eoŋ da ebworo; Kekam aitirir. Emamei kereka emina koGilead? Emamei emurwon kaŋina? Aso kanukinyo mam eŋaleunio aijar naka akoku naka ikatuŋa? Wu okwe arai kerai akouka akipi, Akakonye da koraas ikieo luka akiyo, Tetere amonyenenei akiyo paaran ka akuar Kanuka luearitai luka akoku naka ikatuŋa! Arai kajai kaiyenet naka ikalotok kamodiŋ; Tikajal ikatuŋa, anyoun kamakee! Naarai eraas kere ludotia, Atukot naka ituŋa kai uemodaka. Ikesete akecenaiepa kwape akabwaikec aiŋal; Agogonoros kakwap, konye mere kanuka abeit; Naarai ebala EJAKAIT ebe, Iwotonokinete anyoun karonis kiton aronis, Mam kajenete. Kocoito yesi ŋinituŋanan ekeidunyet, Sirikimunokinos onaee kere; Naarai onaee kere elomakini numere nuke Elatonori niniidunyet kasabanakin. Emodete kesi ŋinituŋanan ekeidunyet, Mam ineras nukabeit: Esisianakis anaiepakec einer nukainal; Itapasitos bonik aswam numam adolir Ebala EJAKAIT ebe, Ejai aiboisikon kidin aimod; Kanuka aimod ŋes agirioto ajenun eoŋ. Kanuka ŋun ebala EJAKAIT loka ajoresio kwanata ebe, “Koany, acalari kes, egimori da; Naarai ti kekwaik ai kanuka akoku naka ikatuŋa? Aŋajepekec ŋes ekoj loeari; inera nuka aimod; Inera ituŋanan kekeidunyet nuka ainapakin kanaiepeke, Konye kotauke eperunit ŋes. Ebala EJAKAIT ebe, Mam kereka etieani kes kanuka ŋun? Mam ekatau inyani ateker naikoni nen? “Ageuni eoŋ aimony ka elulu da kanuka ironan, Ido akuudian kanuka ironyia luka ais, Naarai ieweio tetere emamei yenitori nen: Ido mam epedorete ituŋa akiirar eporoto loka ibaren; Akera akweny nuka apak ka itiaŋ da, aloto. Etarauni do Yerusalem aapoŋor, Aibois naka ikuwei; Etisiliori da ireria luka Yuda, Komamei yeniboie kotoma.” Iŋai bo yenikacoa, yenejenuni ŋun? Iŋai da ŋin yenabu aŋajep naka EJAKAIT kolimok, tetere elimori? Kanukinyo amunaunor akwap icweio kwape kais, tetere emamei yenitori nen? Ido ebala EJAKAIT ebe, “Naarai ajalata ikakisila luebwaikinit kakonyenekec, ido mam erimarito ekaporoto, ido mam elosenenete kotoma; konye elosenenete kwape eiaar aninik naka itauonokec korupitos Ibaalin, lukisisianakinete lukapapaakec: kanuka ŋun ebala kwanata EJAKAIT loka ajoresio, Edeke loka Isirael ebe, Koany, etanyami kes, ituŋa ŋupeŋul, aliasit nakadwaris, etamasi da akipi nuka epiu. Esiarakini kes toma atekerin, numam lem kes ejenete karaida lukapapaakec: ejukari da ekileŋ atupakin kes, aitodol neamudiaria.” Ebala EJAKAIT lokajoresio ebe: “Koomoomata yesi, konyarautu aŋor nuibworos, kopotu: Kijukasi anyaraun aŋor nuepiriaka, kopotu kesi da; Kiwonyut, kogeut ailulukin kanukosi, Koleleete akiyo kakonyekosi, Kibwelibwelete akip kabukiokosi. Naarai epupio eporoto loka elulu koSion ebe, “Kinasi cut! Kitirira noi; Naarai kipou kenyeis akwap, Naarai ebirosi ikositogoi.’” Konye yes aŋor, kiirasi akirot naka EJAKAIT, Kijaut akusiki akirot naka aŋajepeke, Kisisianakis adwekus elulu, Kisisianak ŋinituŋanan akeidunyet akuudian. Naarai adoku atwanare kadirisanawok, Aloma otogoiwok lukapolou; Agela idwe kina, Ka ikatumunak da korotin. Kinerasi ebe, “Ebala EJAKAIT kwanata ebe: Ibiroros atesina nuka ituŋa kwape aoret kamanat, Ido kwape luedeunos akaulo kekasakan, Emameun yenedei kes.” Ebala EJAKAIT kwanata ebe, “Kinyek yenikacoa aolobobot kotoma acoake, kinyek da lokirigi aolobobot kotoma agogoŋuke, kinyek ekabaran da aolobobot kotoma abarake. Konye yeneolobobot koolobobote kana ebe kamisiikinit, ido kajeni eoŋ, ebe arai eoŋ EJAKAIT loeswamai nukasianut, nuketube, ka nukadolit da kakwap: naarai ebala EJAKAIT ebe, Kesiyalamikinito akiro ŋun.” Ebala EJAKAIT ebe, “Koany, epote apaarasia nueticania ŋul kere luekepep kotoma numam ekepepukec: Misiri, ka Yuda, ka Edom, ka idwe luka Amon, ka Moab, ka ŋul kere da luekebeb itimakec, luiboiete kais: naarai atekerin ŋun kere mam ekepep, ekek da kere loka Isirael mam ekepep kotau,” Wu ekek loka Isirael, kopuput akirot nakitemari EJAKAIT yes. Ebala EJAKAIT kwanata ebe: “Sirikisisiaut erot loka atekerin, Sirikiburununut kanuka aanyuneta nuka akuj; Naarai eburunito atekerin kanukec. Naarai iponesio luka ituŋa eraas aamameak: Naarai eiepep ekitoi kamagoro, Aswam naka akanin nuka ekeswaman kaep. Isirete kesi ŋes kepuesa, ka esabu; Iketakinete kaseito ka anyulia, Tetere mam ilokulokun. Esubito bala ipirin luikeitoi, mam inerasi: Ibusakinit adakio, naarai mam epedorete alosit, Sirikuriaka kes; Naarai mam epedorete aswam aronis, Ido emamei tomakec aswam nuejok.” Emamei yenerianas kaio, wu EJAKAIT; Ipol ijo, epol da ekonikiror kotoma apedor. Iŋai ca ma mam ti kiyoŋ jo, wu Ekabaka loka atekerin? Naarai kibusakinit: Naarai kotoma lukacoa kere luka atekerin Ido kotoma aiakanutokec kere, Emamei cut yenerianas kajo. Konye eraas kwape itian ido ebanabanato; Aisisianakin aputosia, erai ekomio atai, Ejai epuesa loerukuk loeyaunitai ko Tarusis, Ka esabu loeyaunitai koupas, Aswam naka ekeswaman, ka akanin nuka ekatatan esabu; Enapitos igoen lubululu ka lumugeik; Eraas kere aswam naka ituŋa luepiriaka. Konye EJAKAIT ŋes Edeke lokabeit; Erai ŋesi Edeke lokaiaran, ekabaka lomam edaun: Akenyunyura da isimarani akwap, Mam epedorete atekerin atitiŋikin akeisiop. Ilimokini kes kwanata ebe, “Idekesio lumam kesubete aku; ka akwap, eoliorete kakwap, ido kokwap kakui.” Kanuka apedorike abu kosub alup, Kanuka acoake abu kiticat akwap, Kanuka aiieneke abu kopesik akui, Naikeseunia eporotoke, ejai airurum naka akipi toma akui, Itonyouni elisina kosaneta luka akwap; Iswamakini akiru eimilia, Itolomuni da ekwam kainadisiake. Erai ŋinituŋanan bala itian, emamei aijen; Aputoke naegerer isurumi nolikatatan esabu ileic: Naarai aputoke naecalara erai aiŋal, Emamei eiyeŋane kotomakec. Eraas aamameak, aswam naka aiŋal: Kapak naka aiticaniokee eoliorete. Mam akorakinet naka Yakob eputosi kanun, Naarai erai ŋesi lokasuban iboro kere; Isirael da ŋes ateker naka airumeteke: EJAKAIT loka aioresio ŋes ekekiror. Kotukonok iborokon kokwap, Ŋo loiboie kore loirigaunitai. Naarai eba la EJAKAIT kwanata ebe: “Koany, aporocari luibojete kakwap kapak kana, Etuburuni kes, koriebakinos.” Itukwi abei ai akapipil! Akamusunut kesiriebi noi. Konye kabala ebe, “Abeit ŋin ŋes akadek, Kebusakinit da atitiŋikin.” Aŋatar ewemaka, anedas aunoika kere: Anyout idweka kamaka, ido emameete: Emamei yeneterari bobo ekawema, Asipokin aigalisioka. Naarai araut ikeeokok itian, Kwabo mam apotu kinitata EJAKAIT: Kanuka ŋun ŋes mam kekeriakarotor; Esiarakinos isipaninikec kere. Eporoto loka eemut! Koany ebuni, Autaar naepol naebuni kakwap naka agolitomei, Aitisilior ireria luka Yuda, Aitaraun aibois naka ikuwei. Wu EJAKAIT, ajeni ebe erot loka ituŋanan emamei kotomake ilopet: Emamei kotoma otunanan yenelosi aitetenar akekeie. Wu EJAKAIT, koleeoroi, konye kotube; Mere kakoninyunyura, kinyek aitidisiar, Kobukok anyunyurakon okapirin lumam kijenete, Atekerin da numam iwoneete ekonikiror; Naarai anyamasi Yakob; Eebo, anyamasi, adautu ŋes, etisilioto aiboisike. Akirot naabu kobu mama ejai Yeremia kama ejai EJAKAIT ebe, “Kiirasi yesi akiro nuka aitutuket na, kolimokis ituŋa luka Yuda, ka luibojete ko Yerusalem. Kolimok ijo kes ebe, Ebala kwanata EJAKAIT, Edeke loka Isirael ebe, Kikenoi ituŋanan yenimam epupi akiro nuka aitutuket kana, nakecorakinit lukapapaakus kapaaran naketolomunia kes kakwap nako Misiri, koupa loka asuat, enera ebe, Korimarito ekaporoto, kiswamata kwape ejaatar kere nukecorakinit yes: kwaŋin iraunos ikatuŋa, eoŋ da araun Ekusideke. Tetere eticasi aiyaposit nakeyapoikinit lukapapaakus, ainakin kes akwap naeleleete akile ka esik, kwape lolo.” Kasodi eoŋ aboŋokin ebe, “Kikote nepenen, wu EJAKAIT.” Kabala EJAKAIT eoŋ atiar, “Kolimonok akiro nu kere oreria luka Yuda, korotin da luka Yerusalem ebe, Kiirasi yesi akiro nuka aitutuket kana, kiswamata da. Naarai abu ketejenik noi lukapapaakus kapaaran naketolomunia kes kakwap nako Misiri, kiton lolo, kadilonokin tupuruc ido keteienikini ebe, Korimarito ekaporoto, Konye mam apotu korimasi, ido man apotu kitoikis akiikee, konye kolosenenete ŋinituŋanan kaninik naka etauke lokaronon: kanuka ŋun ketebeik kes akiro kere nuka aitutuket kana, nukeeorakinit kes aswam, konye mam apotu kiswamata.” Kabala EJAKAIT eoŋ atiar, “Atakanu ainerunet nakaiyeiyea kotuŋa luka Yuda, ka luibojete koYerusalem. Abonosi mama ejaas numam adolit nuka lukapapaakee, luapotu kogiroto apupun akakiro; atupasi kesi icedekesio aijaanakin: abilata ekek loka Isirael ka ekek loka Yuda akaitutuket naketutukit kalukapapaakee. Kanuka ŋun ebala EJAKAIT kwanata ebe, Koany, ayaun aronis mamakec, namam epedorete ainae; karaida kamonyakis, konye mam eoŋ eirari kes. Kosodete ireria luka Yuda ka luibojete koYerusalem alosit amonyakin idekesio luisupuronokino lukisupurununo: konye mam cut itajarete kes kapak naka icanikec. Naarai kwape imwatatar ireriakon, imwaasi kwaŋin ikonidekesio da, ijo Yuda; ido kwape imwatatar irotin luka Yerusalem, ipotu kosipokis ileic itemwan, kes itemwan aisupurikin Baal lukisupurununo. “Kanuka ŋun sirikilipak ituŋa lu, sirikitonyou aimony karaida ailipasit kanukee: naarai mam apupuni kes kapak nakamonyakiniata eoŋ kocanikec. Inyo bo ejaar naminataka togoka, naarai eswama nukasilianut? Epedorete kereka aiyaposio ka akiriŋ nakalaunan aituku yes katwanare? Ipedorete kereka eibwoŋ? Abu EJAKAIT komaik jo ekiror ‘Eseitun loepesit, loejok karaito nuejok’. Keporoto loka eeelet loepol enokoki akim, abilasi da atenunake. Naarai abu EJAKAIT loka aioresio lokiraikini jo kolim aronis kamakon, kanuka aronis naka ekek loka Isirael, ka naka ekek loka Yuda, nakiswamakinos bonik ketunyunyurikis eoŋ kanuka aisupuronokin Baal lukisupurununo.” Ketejenik EJAKAIT eoŋ, kajen: Kosodi ijo aitodikin eoŋ aswamisiokec. Konye kasub bala imerekek yenepatana yenerikorio aiar; Mam abu kajen ebe enerut kaiyeiyea asurckin eoŋ, Kobalasi ebe, ‘Kamudiasi ekitoi ka araitoke da, Kagelasi ŋes kakwap naka Iukaiarak, Tetere mam bobo iitunio ekekiror.’ Konye, wu EJAKAIT loka ajoresio, loitubi akiro kotenan, Loigimori aomisio ka etau, Kinye ber kaany enyanitikon kamakee: Naarai kekuiok jo akakirot. Kanuka ŋun ebala kwanata EJAKAIT nuka ituŋa luka Anatot, luemoetc aijarakon, kobalas ebe, “Sirikidwar kokiror loka EJAKAIT, kinyek atwanare kakanikosi.” Kanuka ŋun ebala kwanata EJAKAIT loka aioresio ebe, “Koany, eticani kes: etwakete ikatumunak kekilen: etwakete ikeeedwe da lusap ka lupesur eteŋei, Ido mam luideunos kakesi: naarai ayauni aronis kotuna luka Anatot, kokaru loka aiticaniokec.” Idolit ijo, wu EJAKAIT, naanuriania kamakon: Konye akoto apurokin bon kamakon akiro: Kanukinyo ekerianaror erot loka ikaronok? Kanukinyo iiamamaata kere luiswamaenenete noi nuka aimodi Ibu kira kes, eebo, kidirata alias; Epoloete, eebo, eraete araito: Iapiei ijo kaitukekee, Ilwanikina da kaomisiokee. Konye jo, wu EJAKAIT, kijeni eoŋ: Kiany eoŋ, igimori ekatau kamakon: Kiriu kes kwape amerekekin nuaarat, Kotiak kes kanuka apaaran naka earit. Itodoli ai akwap aibworo, Akui da nuka akwap kere arinyor? Kanuka aronis naka nul kaluiboiete kotoma Ŋes edaunotor itiaŋ ka akweny; Naarai ebakai ebe, “Mam ŋes eanyuni esanewok lokokau.” “Arai ibolito kituna luekerete kakeje, kitapasa jo, Ikwaikini ai ipedoriabolobol kibalasin? Ido arai ilatara ijo kakwap naka ainapakin, Ikwaikini ca ai kaiturokina naka Yorodan? Naarai ikoniinacan, ka ekek loka papakon, Ŋupeŋul kiswamakinete nuka aimod; Ŋupenul kiluluoto jo: Sirikiyu kes, karaida kiinerakis jo akiro nukajokak.” “Ajal etogoka, aeaka airumeteka; Ainak naemin ekatau noi akan naka lukasurupoke. Arau airumeteka kamakaŋ kwape eŋatuny kamagoro; Ekeseu ekeporoto asurokin eoŋ; Ŋes alaia ŋes. Erai kereka airumeteka kamakaŋ kwape ekweny loeerepus loemejai? Irigaunete kereka ŋes ikweny luemeiaete asurokin? Koloto yesi, kotukonokis itiaŋ kere luka ais, Koyautu kes konyamasi. Apotu ikeeokok luipu komunaasi emanikorika loka emusabibu, Kipudapudata ewaika kakeje, Kitaraut ewaika loejok ais naesil. Etaraut asilio: Ibworo mama ajai naarai esil; Itisilioritai akwap kere, Naarai emamei ituŋanan yenibwaikinit etau, Adoloto ikaŋatak kuju neelapat toma ais: Naarai iŋinyari ekileŋ loka EJAKAIT ageun kosane ediopet loka akwap kiton osaŋe eee loka akwap; Emamei akuan nainapakina. Apotu koyeata akima, konye kosakata ikukwa; Itapasitos atai, mam imedaunete: Kisurumito araitokus yes ileic, Kanuka anyunyura naededen naka EJAKAIT.” Ebala kwanata EJAKAIT asurokin iidunyetaka kere lueroko, luetirorete airumet naesurumit eoŋ ikatuŋa Isirael ebe: “Koany, arutori kes kakwapukee, arutori da ekek loka Yuda kokidinikec. Kosodi kanen, kadau arutor kes, aboŋuni etimi kes: ido enyakakini kes, ninitunanan airumeteke, ŋinituŋanan da alupoke. Kosodi kanen, arai edunyaka kesi aisisia iponesio luka ikatuŋa, iyapoete kolimito ekakiror ebe, ‘Kwape ejaria EJAKAIT’, kwape esisianakiniata kesi ikatuŋa aiyapo kolimito Baal; ŋes konyet edukokinere kidiŋ kikatuna. Konye ebala EJAKAIT ebe, Arai mam epupete, kasodi eoŋ arutor ateker ŋin, arutori ido amudiari.” Kabala EJAKAIT kwanata ebe, “Kolot kogwel aenet naka ebaputa, konapak aŋabetekon, mam idomakin akipi.” Abu do kagwel aenet kwape kejaar akirot naka EJAKAIT, kanapak anabeteka. Kobu akirot naka EJAKAIT mama ajai nakiareit ebe, “Koya aenet naigwelit, naejai aŋabetekon, konyou kolot Eupurate, kibwa kaŋina kobur loka atiida.” Kwaŋin do kalot, kebwa ŋes kariri naka Eupurate, kwape keeorakinia EJAKAIT. Kosodi kanen, ketuboros apaarasia nuipu, kabala EJAKAIT ebe, “Konyou, kolot Eupurate, kolem kaŋina aenet, nakecorakinit jo aibwa kaŋina.” Kasodi eoŋ alosit Eupurate, kabok, kalem aenet kaibois kama kebwaitor: ido koany, emunaara aenet amamei ajokis. Kosodi akirot naka EJAKAIT abunore mama ajai ebe, “Ebala EJAKAIT kwanata ebe, Amunaari kwape kwaŋin aiturokina naka Yuda, ka aiturokina naepol naka Yerusalem. Ituŋa lu lukaronok, lueŋerete akiirar akakiro, luelosenenete kaninik naka itauonokec, luetupasi idekesio ice aiiaanakin, ka aima kes, eraunos kesi kwape aenet na, naemamei ajokis. Naarai ebala EJAKAIT ebe, Kwape iketakinor aenet aŋabet naka ituŋanan, kwape kwaŋin kesiketikinia ekek kere loka Isirael ka ekek kere loka Yuda, tetere eraunos kamakaŋ ateker, ka ekiror, ka aiturit, ka aibuses da: konye koneroto akiirar. “Kanuka nun ilimokini kes akirot na ebe: Ebala kwanata EJAKAIT, Edeke loka Isirael ebe, “Ilelebio ninimot ebino.” Kilimokinete jo ebe,, Mam ca sio kijeni ebe, ilelebio ŋinimot ebino?’ Kosodi ijo atemar kes ebe, ‘Ebala EJAKAIT kwanata ebe, Koany, esilelebi emeret luibojete kere kakwap kana, ikabakan luibojete koicolon loka Daudi, ka isasedotin, ka inabin, ka luibojete da kere koYerusalem. Ebala EJAKAIT ebe, Esinananakini kes, lukapapa ka idwekec nepepe. Mam etimi, karaida aideun, karaida aisioni, komam amudiarit kes.’” Kiirasi yesi kitoikis da aki; Sirikipogakinos naarai ener EJAKAIT. Kitubusikis EJAKAIT Ekusideke, Eriŋa eyauna amuton, Ido eriŋa iguikina akusikeje Koronan luka aikamus; Ido naimoiata aica, Kituluo etoribe loka atwanare, Kitarau da amuton nairiono cueueuc. Konye arai iŋerete apupun, Emonyi ekatau kaiyeiyea kanuka akusiiwononut; Emonyete noi akakonyen, eleleete da akiyo, Naarai ijoreoritai esipan loka EJAKAIT. Kolimok ijo ekabaka ka toto naka ekabaka ebe, “Kitasonikinos, kiboikinos kwap: Naarai itisilitai nuinapito kakwes, Aboko naka aibusesukus.” Egolitoi ireria luka Eŋalakimak, Emamei da yenenaari kes: Yuda kere ijoreoritai; Ŋoreoritai eut kere. “Kiteluosi akusikonye, koanyutu kes luepote kagolitomei: Ali bo esipan lokiinakinitai, Ekonisipan loejok noi? Anyoika nuinera naedakakinia ŋesi ipaperokon kujukon, Naarai jo elopet isisianakinit kes asurokin jo? Mam tope kikamuni jo aiturur, Kwape aberu naeriebi aidoun? Arai kiner kotaukon atiar, ‘Kanukinyo kadoikinioto akiro nu?’ Kanuka ailiil naka numam adolitekon Ŋes epukorere ikonigoen, Eriebatar akonititiban kakaje. Epedori kereka Etiopiat aijulakin amunyoke, Arai bo eris aijulakin amerianutuke? Kosodete yesi aswam nuejok Luinaikinito aswam nueroko. Kanuka ŋun ŋes esiarisiaria kes, Kwape agugu nuekutari ekwam loka ais. Ebala EJAKAIT ebe, ŋin ŋes ewaikon, Akorakinet naketemokinit jo; Naarai kimurwokinit eoŋ, komunokina aiŋal. Kanuka ŋun ŋes eolunio ikonigoen akonyenekon, Kotakanut ileicikon. Abu kaany italesiakon, Ka adoteukon, ka aicicinakon, Ka asilianut naka adoteukon, Koukon luka ais. Itukwi ijo Yerusalem! Itodolete ai eriŋa kitalauna?” Akirot naka EJAKAIT naabu kobu mama ejai Yeremia nuka ekure: “Ibworo Yuda, iiunepepas iruteike, Iboiete iketuŋa kokwap, kokuudianete; Ekear aimony naka Yerusalem. Ŋukarete isotiakec inyamurenekec aomare akipi: Edolete atapar, mam edumunete akipi; Eboŋunete ewokito amotiikee; Irumito ileic itiriraete, Imukorete akwesikec. Kanuka alup nuecilicilas, Naarai emamei akiru naetepi akwap, Irumito ikakoriok ileje, Imukorete akwesikec. Eebo, ewurie amori kais, ejali ikokuke, Naarai emameete inya. Ebwoete itukoi kokuiu neelapat, Iyenanakinos adumunia ekwam kwape ikuwei; Ewariwarete akonyekec, Naarai emameete ikui. “Karaida kitejenikinete numam adolitekosi aluikin sio, Kiswama ijo kanuka ekonikiror, wu EJAKAIT: Naarai ipu akosibononoreta kau; Kidiaka isio kama ijai, Wu jo amun naka Isirael, Eketaiaranike kapak naka ican, Kanukinyo ti kiraunia kwape loiboiororor kakwap, Ido kwape ekaloton loepaari aidareun akwap aiwalar? Kanukinyo ti kiraunia kwape etuŋanan loeumokinit, Kwape lokirigi lomam epedori aitajar? Konye jo, wu EJAKAIT, ijai kidinikosi, Kimaikinitai ekonikiror; Sirikijal sio.” Ebala kwanata EJAKAIT ituŋa lu ebe, “Kwape kwaŋin aminas airim: Mam kitikokinito akejekee: Ŋes mam EJAKAIT ecamakinia kes; Iitunit kwana numam adolitekec, Iticani aronisiokee.” Kabala EJAKAIT eoŋ atiar, “Sirikilipak ituŋa lu ainakinio aiokis. Arai ikanyete eteŋei, mam apupuni aimonyokee; arai da einakinete ainakineta nuieweio ka ainakineta nuka akiria, mam acamuni kes: konye apiari kes kekilen, ka eteŋei, ka atular da.” Kasodi eoŋ ebe, “Wu okwe, EJAKAIT Edeke, koany, elimonokinete inabin kes ebe, ‘Mam ianyunete ekileŋ, mam da iiaunete ketenei; konye ainakini yes ainapakin naieasit kaibois kana.’’’ Kosodi EJAKAIT atemar eoŋ atiar, “Edwareteinabin nukainal kokirorika; mam eoŋ ejukarit kes, mam abu keeorak kes, karaida einer kakes: kidwarakinete yes aitapoer nakainal, ka aidwar naatai, ka aimod naka itauonokee bonik. Kanuka nun ebala kwanata EJAKAIT nuka inabin luedwarete kokirorika, komam eoŋ ejukarit kes, konye ebalasi ebe, ‘Mam ejaunos ekileŋ ka eteŋei kakwap kana’, ebe: Epiari ekileŋ ka eteŋei inabin ŋul. Ituŋa da luedwarakinete kesi irenearitai korotin luka Yerusalem kanuka eteŋei ka ekileŋ: emamikinete luidaete kes, kes ka aŋorokec ka idwekec lusap ka lupesur. Naarai abukokini kes aronisikec. “Ilimokini ijo kes akirot na ebe: Koleleata akiyo kakonyeka, Kuare kapaaran da, komam esanere; Naarai apaki akoku nabekot naka ikatuŋa arorwa naepol, Amusuŋut naerono noi. Arai alomari ais, Koany, luearar kekilen! Arai alomari ore, Aso koany, luedekasi eteneil Naarai irimorete enabi ka esasedoti kere akwap, Komamei kes aijen.” Iŋer teni ijo eut Yuda? Ala cut ekonitau Sion? Kanukinyo kidanyere sio, Komamei sio aŋaleun? Kipou kamunos ainapakin, Konye mam ajokis ebuno; Kimunos apak naka aŋaleun, ido koany aburun! Wu EJAKAIT, kilimori aronisikosi, Ka numam adolit da nuka lukapapaakosi: Naarai kipou kadiakasi kama ijai. Sirikiitapian, kanuka ekonikiror; Sirikitisil eicoloŋ loka aibusesukon: Kiitu, sirikibil aitutuketekon kasio, Ejaas kereka kotoma aamameak nuka ikapirin nuepedorete ayaun akiru? Epedori cabo akuj ayaun elimilim? Mere jo ŋopeŋol, wu EJAKAIT Edekekosi? Ŋes kidaria jo; Naarai isubi ijo iboro ŋul kere. Kosodi EJAKAIT atemar eoŋ Itiar,, Karaida kebwoata Musa ka Samuel kakonyeneka, timam ekatau epodo ituŋa lu. Kirenea kes kakonyeneka, kolomasi! Kosodi kanen arai kiremarete jo atiar, ‘Ai bo kilomaria?’ Ŋes konyet ilimokinia kes ebe, ‘Ebala EJAKAIT kwanata ebe: Lukatular neejai atular; Lukekilen, neejai ekileŋ; Luketenei neejai eteŋei: Ido luijoreorio neejai aijoreorio,’” “Ebala EJAKAIT ebe, Aseikini kes iponesio iwonon: ekileŋ aaria, iŋokwo apoopoia, akweny nuka apak ka itiŋŋ luka akwap aipinyaria ka amudiaria. Ainakini kes aisiarakinio toma ajakanuto kere nuka akwap, kanuka Manase okoku loka Kesekia ekabaka loka Yuda, kanueswamat ŋesi koYerusalem. “Naarai iŋai kitimi jo, wu Yerusalem? Iŋai gwai kikuudiani jo? Iŋai gwai epauni aiŋitun akonikiro? Ebala EJAKAIT ebe, Iner eoŋ, Ibononori kau: Ŋes arioria akakan asurokin jo, ka amudiar; Kapas eoŋ akiitunun. Epukupuk kes kaipukupuket korutei luka akwap; Alema idwekec, amudia ikatuŋa; Mam apotu kobonut korotinikee. Etupuu apuserunukec aitelekarit asine naka anolclin: Ayau mamakee ekamudiaran paaran asurokin nukatoto nuka ikatumunak: Etodoikin kes katipet aditar ka nuketasuro. Akalanyanar ŋin naawurit ikanykaarei; Apal aijarake; Aloma akolonoke eriŋa erai paaran; Isurumio ileic itirirai. Ido ebala EJAKAIT ebe, Ejaikini aatonotokec okileŋ kakonyen nuka lukasurupokec.” Wu okwe totoka, jo awuruun eoŋ, arai etuŋanan loka aŋolopa ka edinet kakwap kere! Mam abu kayu tetere emedauni, ido mam ituŋa apotu kayuut tetere imedaete: konye kekenete kesi kere, Kobala EJAKAIT ebe, Abeit ketogogoni jo kanuka ajokis; abeit ainakini lokasurup aiŋaiŋa jo kapak naka aronis, kapak da naka aitieanitoi. Epedori kereka ituŋanan aibil asuat, asuat naebuni kagolitomei, ka aisinit? “Ainakini ikoniboro, ka abarakon anatario komamei etiai, kanuka aronisiokon kere, koikorunokon kere. Kainakini yes aiiaanakin lukasurupokus kakwap namam ijenete: naarai inepunit akim kakanyunyura, nakieweikini yes.” Wu EJAKAIT ijeni ijo; Kiitunoi, koanyanarai, Kinyanakinai kama ejaas ikareitokoka; Sirikiiyana eoŋ kotoma atitinukon: Kojen ebe kamoromoroi eoŋ kanukon. Aponi kodumunai akirokon, kanyam kes; Keraas akirokon kamaka ailel ka aiyalama naka etauka; Naarai kamaikinitai ekirorikon, Wu EJAKAIT Edeke loka ajoresio. Mam abu keboi katukot naka nul kaluiyalamasi, Mam abu kalel: Abu keboi bon kanuka akanikon; Naarai ibu kilelebik eoŋ akadakin. Kanukinyo mam akariebo esania, Akamusunut da mam enaleunlo, Naenerit aimukeo? Iraun ijo kamakaŋ kwape aguurut naegalai, Kwape akipi nueonikinito? Kanuka ŋun ebala EJAKAIT kwanata ebe: “Arai ibonuni, kasodi eoŋ ainyakun jo, Tetere ibwoi kakonyeneka. Arai da ilemuni nuka akais nuipu kotoma nuutai, Iraun do kwape akaituk. Eboŋunete kesi mamakon, Konye mam jo ibonori mamakec. Ketaraun jo arwatat naebwaitai naka aisinit Mama ejaas ituŋa lu; Ŋiikinos kaio, konye mam kipikorete; Naarai ebala EJAKAIT ebe, Ajaenena kajo aitaiar jo, Ido ayuun joo Kayuuni jo kakan naka ikaronok, Kalakuni da kakan naka luketasuro.” Ido kobu akirot naka EJAKAIT mama ajai ebe: “Sirikimany aberu, kwabo mam iwurikini idwe lusap ka lupesur aibois na. Naarai ebala kwanata EJAKAIT nuka idwe lusap ka lupesur lukeurikinio aibois na, ido nuka nukatotokec nukeuriete kes, ido nuka lukapapakec lukeurikinete kes kakwap kana ebe: etwakete kanuka adekesia nueroko. Emamuunete luekuudianete kes, karaida aida kes; eraunos kwape aoret kakwap. Ekileŋ ka eteŋei kes epiarete kes; eraunos atesinakec inyamat luka akweny nuka apak, ka itian da luka akwap. “Naarai ebala EJAKAIT kwanata ebe: Sirikiloma togo neibworotor, mam ilosi akuudian, karaida aimony kes: naarai ebala EJAKAJT ebe, Alema eoŋ akainapakin koruna kalu, alema da akasianut-nakamin ka aitim. Etwakikinete lukapolok ka ludidik akwap na: mam idaio, ido mam ituŋa ekuudianete kes, karaida ager, ido mam ebarenete akwesikec kanukec. Mam ituŋa einarete kes atap ibworosi, aipudun kes kanuka lukatwak; ido mam ituŋa einakinete kes adere naka aitalakaar amasia kanuka papakec arai kanuka totokee. Ido sirikiloma togo loenyamiata epucit, aiboikin kakes, ainyam ka aimat. Naarai ebala kwanata EJAKAIT loka aioresio, Edeke loka Isirael ebe: Koany, etanaŋi kaibois kana, kakonyenekus, ido kotoma apaarasiakus, eporoto loka aitac, ka eporoto da loka aiyalama, eporoto loka eteran ka eporoto da loka ateran. “Kosodi kanen nailimokinia ituŋa lu akiro nu kere, kes da etemarete atiar, ‘Kanukinyo kinerakinia EJAKAIT aronis na kere naerono aluikin sio? Anyoika bo numam adolitekosi? Anyoin bo aronis nakidiaka kama ejai EJAKAIT Ewokodeke?’ Kosodi ijo atemar kes atiar: ‘Naarai ebala EJAKAIT ebe, Apotu lukapapaakus kajalata eoŋ, kotupata idekesio ice, kijaanakis kes, komaata kes, kaialata eoŋ, komam ericito ikakisila. Iswamata yesi da nukaronok adepar lukapapaakus; naarai koany ituparete yesi ŋinituŋanan aninik naka eketau loerono, ineroto apupun eog. Kanuka nun kereneari yes kakwap kana alomar akwap namam lem iienete, yes ka lukapapaakus da; kaŋina da ipote aiiaanakin idekesio ice paaran ka kuare da; naarai mam ketodikini yes asianut nepetai da.’ “Kanuka ŋun, koany, ebala EJAKAIT ebe, Mam bobo ebakai ebe, ‘Kwape eiaria EJAKAIT lokitolomuni idwe luka Isirael kakwap nako Misiri’; konye ebe, ‘Kwape eiaria EJAKAIT lokitolomuni idwe luka Isirael kakwap naka agolitomei, ido kakwapin kere kama erenearit.’ Naarai enyakuni kes akwapukee naabu kainak lukapapaakee. “Koany, ebala EJAKAIT ebe, Anyarauni ikalokak luipu, ikamete kes; akaulo kanun anyarauni ikamejak luipu, emeiaete kes kanolironat, ido kanoliukot, ido kabuwan nuka atiidan. Naarai esesenete akakonye irotinikec kere: mam enopito kakonyeneka, ido numam adolitekec mam imunonounos kakonyeka. Ido esiauni ber atacakin irwan aarei numam adolitekec ka aronisikec, naarai etisiloto akwapuka katesin nuka ikeeeboro luketal, elelebata kesi airumeteka kitalesiakee.” Wu EJAKAIT, akagogoŋ, akabwas da, Neakerianari kapaaran naka ican, Epote atekerin mamakon anyoun kosaneta nuka akwap, Ebalasi ebe, “Mam lukapapaakosi irumito idiobore dimarai nukainal, Aamameak ka akiro numam imedaunete. Esubuni kereka ituŋanan idekesio? Mam ŋul eraas idekesio!” “Kanuka ŋun, koany, eteienikini kes, irwan na atipet etejenikini kes akanika ka apedorika; ejenunete kesi ebe ekakiror ŋes EJAKAIT.” “Iwadikatai aronis naka Yuda kakwara naka asuat; kaitesu naka ekukwai igirakinitai amor nuka itauonokee, ido amumwar nuka itemwanakec. Kapak naiitunioto ikeeedwe itemwanakec ka Aserimikee, kama ejaas ikito luepesito, koukon da luiceleleete, koronan da luka ais. Ainakini ikoniboro ka abarakon kere anatario, aiboisiokon nuiceleleete kanuka aronis, anatar iikorunokon kere. Ŋo da ipaluni kama ejai airumetekon naabu kainakinite jo; kainakini jo aijaanakin lukasurupokon kakwap namam ijeni: naarai esinepu akanyunyura akim naieweenenei ikar kere.” Ebala EJAKAIT kwanata ebe: “Kikenoi ituŋanan yenemunokina ituŋanan, Yenitaraun akuan akekan, Eketau da enyoununei kama ejai EJAKAIT. Naarai eputokinos kekiot kamodiŋ, Mam eanyuni neeponiata nukaiokak. Iboikini aiboisio nuilariononos nuka ais, Akwap naka abalaŋ naemameete ituŋa. “Isirerenitoi ituŋanan yenemunokina EJAKAIT, Ido EJAKAIT ŋes akemun. Naarai eraun bala ekitoi loeraikinitai ariri naka akipi, Loisiliarit aliasioke ocor, Kwabo mam eyoni akoloŋ keca noi, Konye eribiribete akekui; Kwabo mam iyalononoi kokaru loka ekure, Kwabo mam inyeini aira araito.” Iŋalana etau aitelekarit iboro kere, Ido epol akedek noi: Iŋai bo epedori ajenun ŋes? “Eoŋ EJAKAIT ererei etau, etemi da inereteny, Ainakini ninitunanan kwape ejaatar ikeponesio, Kwape ejaatar da araito nuka akeswamisio.” Kwape irukumia etakura abeei numam eurit, Ikoni nen yenetukonokin abar, kwabo mere kotoma abeit; Kokidin kapaarasiake etiakas kakes, Kawasiake da eraun iban. Eicoloŋ lokaibuses loitopolooritai ameun kageunet, Ŋes aiboisiwok nakalaunan, Wu EJAKAIT, amun naka Isirael, Lukinyeinete ijo kere irumete rwaru ileic; Lukenyounete kere kaneijai iwadikao toma alup, Naarai enyeis EJAKAIT, Atan naka akipi nukajarak. Kitanaleunoi, wu EJAKAIT, ido aŋaleuni; Kitajarai, ido etajaruun; Naarai ijo ekaituritono. Koany, kabalas ebe, “Ai ca ejai akirot naka EJAKAIT? Kobu cabo!” Eoŋ da mam abu kesunyak ainyein araun ekecokon atupit jo; Mam abu kemiela apaaran naka epola; Iieni ijo; Nualomunete kaitukuka ajaenenas akonyenekon. Sirikirau loketasuro kamaka: Ŋo neekerianarakan kapaaran naka aronis. Kirumata ileic lukareito, Konye eoŋ kenyeis ileic airum; Koburut kes, Konye eoŋ kenyek aburun: Kitodolik kes apaaran naka aronis; Komudia kes kamudiar naka airucakin! Kabala EJAKAIT eoŋ kwanata ebe: “Kolot, kobwo korute loka idwe luka ituŋa, neelomununiata ikabakan luka Yuda neelomanariata da, korutei kere luka Yerusalem, Kolimok kes ebe: Kiirasi yesi akirot naka EJAKAIT, yes ikabakan luka Yuda, ka Yuda kere, ka luibojete kere koYerusalem, luelomununete korutei kalu. Ebala EJAKAIT kwanata ebe: Kocoito bonik, siribwokenenete lubwokon kapaaran naka asabato, karaida aitolomun korutei luka Yerusalem. Ido siribwokenenete lubwokon aitolomun kotogoikus kapaaran naka asabato, sirikiswamata adioswam kere: konye kitalaut apaaran nakasabato, kwape kecorakinitor lukapapaakus. Konye mam kes apotu kiirasi, karaida aitoikin akiikec, konye kitininikata imurisiŋakec, kinyeis akiirar, kinyeis da aituutoorio. “Kosodi kanen, ebala EJAKAIT ebe, Arai idunyakinito akiiranar eoŋ, komam itolomununete lubwokon kere korutei luka ere kala kapaaran nakasabato, konye italaunete apaaran nakasabato, komam iswamaete adioswam kere kapaaran kaŋin, ŋes konyet elomununiata korutei luka ere kalo ikabakan ka ikapolok luiboikinos oicoloŋ loka Daudi, ibwanenito agalin ka ibalasin, kes ka ikapolokokec, ituŋa luka Yuda, ka luibojete da ko Yerusalem: ejaenena ere lo ikar kere. Epote kesi koreria luka Yuda, kaiboisio da nuirimorito Yerusalem, kakwap naka Benyamin, kapuutona, koronan, ka Eŋalakimak da, eyaunete ainakineta nuieweio, ka asuban ka ainakineta nuka akiria, ka lukisupurununo, ido eyaunete asuban nuka aimal, togo loka EJAKAIT. Konye arai kiŋeroto akiirar eoŋ komam italaunete apaaran nakasabato, ibwokete da lubwokon ilomunete korutei luka Yerusalem kapaaran nakasabato; kasodi eoŋ ainokokin akim koruteike, epiari da itogoi lukapolou luka Yerusalem, komam ituduneori.” Akirot naabu kobu mama ejai Yeremia kama ejai EJAKAIT, ebe: “Konyou, kijesar togo loka ekajean, kaŋina da kesiirari jo akakiro.” Kasodi eoŋ aijesar togo loka ekajean, ido koany, iswamai akeswam kokokoroke. Ido naemunaunor amot naiswamai ŋesi kelupe kakan naka ekajean, kirueakini bobo aije amot ace, kwape itoiokitor ekajean aiie. Kosodi kobu akirot naka EJAKAIT mama ajai ebe: “Ebala EJAKAIT ebe, Wu jo ekek loka Isirael, mam kereka apedori eoŋ aiswamakin yes kwape eswamaa ekaiean lo? Koany, kwape elupe kakan naka ekajean, ikoni ijo nen kakanika, ijo ekek loka Isirael. Kapak kaŋin naenerar nuka ateker, ka nuka ajakanut, arutun ka abilibil ka amudiar da; arai ibelokin ateker nin, naabu kenerite nuke, ainyein aronisike, eitokini aronis naalosikinit aiswamakin kes. Ido kapak kaŋin naenerar nuka ateker ka nuka ajakanut, aiduk ka aira ŋes; arai kiswama aronis kakonyeneka, komam erimari eporotoka, kasodi eoŋ aiitokin aiokis naabu kener aitoiok ŋes. Aso do kolot, kolimok ituŋa luka Yuda, ka luibojete ko Yerusalem ebe: ‘Ebala kwanata EJAKAIT ebe: Koany, etemok aronis mama iiaas, eneru akirot asurokin yes. Kobonutu do yesi, ninitunanan korotoke lokaronon, kitojokata ikusirotin ka aswamisiokus da.’ “Konye etemarete ebe, ‘Emamei amun: naarai kitupi akirokosi, kiswamai da ninitunanan kwape ejaar aninik naka eketau lokaronon.’ “Kanuka ŋun ebala EJAKAIT kwanata ebe: Kinitiŋita yesi atekerin, Iŋai epupunit akiro nuikote nen? Eswama abekot naka Isirael akirot nasogim noi. Epedori kereka akaka naka Lebanon aimijar katiida naka ais? Eonikinete kereka akip nuelilim nueleleunete kama elwana? Naarai apotu ikatuŋa kemurwokis eoŋ, Apotu kisupurikis aamameak lukisupurununo; Kitiguikis kes korotinikec, kosokono lumoion, Atubitoi kokitui, nemam erot itutut, Aitaraun akwapukee aumokinet, Ka aijuar namam enaŋi. Eumokini ŋinituŋanan yenitori nen, Kimunimuni akouke. Esiarisiari kes akonyen nuka lukasurup Kwape kekwam lokokide: Etodikini kes ekapur konye mere akakonyen, Kapaaran naka epolakee.” Kosodete kesi atemar ebe, “Kopotu, kenerutu akiro asurokin Yeremia; naarai mam ikisila eoliorete kaneejai esasedoti, karaida ainerun kama ejaas lukacoa, karaida akirot kaneejai enabi. Kopotu do, kenomata ŋes kaŋajep, kenyeis oni aibwaikin etau akiroke kere.” Kibwaikinai eoŋ etau, wu EJAKAIT, Kiira eporoto loka ŋul kaluketonolopete eoŋ. Etacakinio kereka aronis itia ajokis? Naarai abokikis akaijar aipany. Kiitu kwape kabwoia kakonyenekon ainerakin kes ajokis, Aibelokin akoninyunyura kamakec. Kanuka ŋun kijaik ikecedwe otenei, Kokorak kes apedor naka ekileŋ; Aŋorokec kotwakiasi ikecedwe, koraut da apuserun. Kotularos ikecekiliok, Kodany ekileŋ ikecekatumunak kojie. Kopupunoi aimony kotogoikee, Naisituriaikinia kes erionerl Naarai abokata aipany alokia eoŋ, Ebwaata ataein aisipokia akakeje. Konye wu EJAKAIT, iieni ijo ainerunikee kere aiar eoŋ. Sirikisioni numam adolitekec, Sirikimwata da aronisikec kakonyenekon. Konye kolatarai kes kakonyenekon; Kitepesen kes kapak naka anyunyurakon. Ebala EJAKAIT kwanata ebe, “Kolot, kogwel amot naka elupe naka ekaiean, koyana ice komakio luka ituŋa, ice da komakio luka isasedotin; koloma neejai aditot naka okoku loka Kinom, naejai eiduny neelomarere orute loka Atiboloka, kitatam kaŋina akiro nukalimokini jo, Kinera ebe, ‘Kopuputu yesi akirot naka EJAKAIT, yes ikabakan luka Yuda, ka luibojete koYerusalem. Ebala kwanata EJAKAIT loka ajoresio, Edeke loka Isirael ebe, Koany, ayauni aronis aibois na, naisideloori aki nuka ninitunanan yeniirari. Naarai kajalata eoŋ, amunaut aibois na, kisupurununut lukisupurununo kotomake mama ejaas idekesio ice, lumam lem ejenete, kes ka lukapapaakec, ka ikabakan luka Yuda; kilelebata aibois na kaokot nuka lumam akirot. Apotu kodukoto aiboisio nuiceleleete nuka Baal, aicweia ikeeedwe kakim araun ainakineta nuicweio nuka Baal: numam eoŋ kecorakinit, karaida einer, mam da aomisioitike alomarit otauka. Kanuka ŋun koany, ebala EJAKAIT ebe, Epote apaarasia numam bobo aibois na enyaritere Topet, karaida Aditot naka okoku loka Kinom, konye Aditot naka Earit. Etapaluni ainerun naka Yuda ka Yerusalem kaibois kana; ebirokin eoŋ da kes kekilen kakonyen nuka lukasurupokee, kakan da naka ŋul kaluemootos aiiarakec, Ainakini atesinakee araun akiriŋ naka akweny nuka apak, ka itian da luka akwap. Etarauni ere lo aumokinet, ka aijuar; eumokini ŋinitunanan yenitori nen, isuari kanuka aitieanitoike kere. Ainakini kes konyama awat nuka idwekec lusap ka lupesur, ninituŋanan konyam akuan naka opaperoke, kirigaunitete, kicikakinitete, kanekicikakinete lukasurupokee, ka nul da luemootos akeeeijar.’ “Kosodi ijo aibwan amot kakonyen nuka ituŋa kaluiuparos kajo, ilimokini kes ebe, ‘Ebala kwanata EJAKAIT loka ajoresio ebe: Abwani kwape kwaŋin ituŋa lu ka ere lo, kwape ebwania ituŋanan amot naka ekaiean, namam bobo epedorio aipueakin. Ido idaikinete ituŋa Topet, naarai emamikini aibois kamace, Ebala EJAKAIT ebe, Eswamakini kwape kwaŋin aibois na, ka luibojete kotoma, aituputoor ere lo kwape Topet, Ido itogoi luka Yerusalem, ka itogoi luka ikabakan luka Yuda, luamunaaros, eraunos kwape aibois naka Topet, itogoi kere luesupurununere lukisupurununo oswionokee mama ejai aiore kere naka akuj, kobukokis icedekesio ainakineta numatan,’” Kosodi do kobu Yeremia anyoun koTopet, kama kiiukarit EJAKAIT aidwar; kobwo ŋesi kalaro naka etogo loka EJAKAIT kotema ituŋa kere atiar: “Ebala kwanata EJAKAIT loka ajoresio, Edeke loka Isirael ebe, Koany, ayauni ore lo ka ireriake kere aronis kere naenerak ŋes; naarai apotu kitininikata imurisiŋakec, aneroto apupun akiroka.” Abu Pasur esasedoti, okoku loka Imer, loarai ekapolokiton lokapolon kotogo loka EJAKAIT, kopup Yeremia edwari akiro mm. Kosodi Pasur aile Yeremia enabi, kibwaik ŋes oloit loejai orute lomukur loka Benyamin, loajai togo loka EJAKAIT, Kosodi kanen kapaaran naatupakini, kitolom Pasur Yeremia koloit. Kosodi Yeremia atemar ŋes atiar, “Mam EJAKAIT kimaikinit ekonikiror Pasur, konye Etasuro kowaitin kere. Naarai ebala EJAKAIT kwanata ebe: Koany, etaraun jo etasuro kamakon elopet, ido kama ejaas ipaperokon kere. Ibiroros kekilen loka lukasurupokec, eanyunete da akonyekon. Ainakini Yuda kere akan naka ekabaka loko Babulon; ijoreori kes Babulon, eari kes kekilen. Bobo da, ainakini abar kere naka ere kalo, ka amedake kere, ka iboroke kere luka akais nuipu, eebo, abar kere naka ikabakan luka Yuda ainakini akan naka lukasurupokec, luenatarete kes, ikamunete kes, eyaŋaarete Babulon. Kajo da, Pasur, ka luibojete kere kotogokon kiioreorio: idolokini Babulon; itwanikini ŋina, kidaikinio nina, ijo ka ipaperokon kere, luidwarak nukainal.” Wu EJAKAIT, ibu kijodijod eoŋ, kejodijodoor; Itelekari eoŋ kagogon, kipiko. Araun eoŋ akienis aitiwaria akwap; Kesekeli ŋinituŋanan. Naarai napenerar, amonyi; Eworoi ebe, “Akaje ka aŋatar!” Naarai arau akirot naka EJAKAIT amorosit kamakaŋ, Ido akienis, aitiwaria akwap. Arai katema atiar, “Mam alimit ŋes, Karaida einer bobo kokirorike,” Aso ejai otauka bala akim naenoki Naegolokinitoi akojoka, Eoŋ da kapas aitikokinit, kwabo mam apedori. Naarai eira ainunua naka kaluipu. Etasuro kowaitin kere! Ebalasi ipapero lukodicika kere, Luidarito eoŋ aibiror ebe, “Koluikisi, sio da kiluikini ŋes! Elemuni ijodijodoor, Oni da kipikori, ido kinyani.” Konye ejai EJAKAIT keoŋ kwape ekajiot lokanosibib: Ŋes iguikinotor lukareito, Kwabo mam kepikorete. Isurumio noi ileje, naarai mam eswamatos nukacoa. Aitisiliokec namam edaun mam imurwokinio. Konye, wu EJAKAIT loka ajoresio, loitemi ikadoliton, Aanyun inereteny ka etau, Kaany cani ainyanakon kamakec; Naarai kapukoki jo akakirot. Koyeikis EJAKAIT; Kituroto EJAKAIT! Naarai ayuu aijar naka nin kayenilwaritoi Kakanin nuka ikeswamak nueroko. Kikenoi apaaran nakawurunere! Apaaran nakawuria totoka kinyek aisirerenio! Kikenoi etuŋanan loainuni papaka akiro ebe, “Kiwurikin ikoku yenitelepat,” Kisiyalamik ŋes noi. Korau etuŋanan ŋol kwape ireria lukapolok Luatiyaiki EJAKAIT, komam itimi; Kiira aimony tupuruc, Ka elala kidin paaran; Naarai mam abu kaar ameun kakoik; Kwaŋin tikeraun totoka akailit, Akekoik da tikeraun naepol apaarasia kere. Kanuka inyo kalomunia kakoik Adumun aitaaritoi ka iean, Amunaunos akapaarasia kanuka ileic? Akirot naka EJAKAIT naabu kobu mama ejai Yeremia, nakijukaria ekabaka Sedekia Pasur okoku loka Malikiya, ka Sepania okoku loka Maaseia esasedoti, mama ejai, ebe, “Kenaiŋair, kiŋitakinai EJAKAIT, naarai itemonokino Nebukadaresar ekabaka loko Babulon aitiji oni: motoko kiswamakini EJAKAIT kwape ejaatar akeswamisio kere nukaumokin, tetere itobonoori ŋes.” Kosodi Yeremia kolimok kes ebe, “Ilimokinete Sedekia kwanata ebe: ‘Inera kwanata EJAKAIT, Edeke loka Isirael ebe: Koany, esinyakari lujiis luejaas akaninikus, luitijioto ekabaka loko Babulon, ka Ikaludean, lukirigaunito arwatatinikus; ido atukonokini kes kidin ore lo. Ido eoŋ elopet ketiiie yes, kakan naerioro, ka akan da nakagogon, kanyunyura, ka adedeŋ, ka adwaris naeta ria. Adanyi eoŋ da luibojete kore kalo, ituŋa ka itiaŋ da: etwakete atular naededen. Ido ebala EJAKAIT ebe, Akaulo kaŋun, ejaikini Sedekia ekabaka loka Yuda, ka ikekejaanakinak, ka ituŋa, ŋul luapianunos kore kalo kanuka atular, ka ekileŋ, ka eteŋei, akanin nuka Nebukadaresar ekabaka loko Babulon, ka akanin nuka lukasurupokec, ka akanin da nuka ŋul kaluemoete akeceiiar, Edanyi ŋesi kakwanis naka ekileŋ; mam ideuni kes, mam itimi, ido mam isionie.’ “Ilimokini ituŋa lu ebe, ‘Inera kwanata EJAKAIT ebe: Koany, ebwaik kakonyenekus erot loka aijar, ka erot loka atwanare. Yeniboikini ore lo, eari ekileŋ, ka eteŋei, ka atular; konye yenelomari, alunakin Ikaludean lukirigaunete, ebusi ŋipeŋin, akeijar da eraun anaruna. Naarai ebala EJAKAIT ebe, Asesen eoŋ ere lo kakonu kanaerono, konye mere kanaejok: ijaikinio akan naka ekabaka loko Babulon, Ŋes da icwei kakim.’ “Ido nuka ekek loka ekabaka loka Yuda, kiner ebe, ‘Kiirasi akirot naka EJAKAIT. Ŋo ekek loka Daudi! Ebala “EJAKAIT kwanata ebe: “Kodilok aitub akiro, Koyu inatara kakan naka ekareiton, Kinyek akadedeŋ alomar kwape akim, Kicwe komamei yenepedori aitudeŋ, Kanuka aronis naka aswamisiokus.” Ebala EJAKAIT ebe, “Koany, kanyoikinit jo, Ŋo yeniboie kaditot, atiiba naka apuuton; Yes luibalasi ebe, ‘Iŋai ca ikokorun asurokin oni? Iŋai bo da elomuni aiboisiowok?’ Ebala EJAKAIT ebe, Ketieani yes kwape ejaatar araito nuka aswamisiokus: Enokokini akim amagoroke, Isidopori da kere luirimorito.” Inera EJAKAIT kwanata ebe: “Kijesar togo loka ekabaka loka Yuda, kiner kaŋina akirot na, kolimok ebe, ‘Kiira akirot naka EJAKAIT, ijo ekabaka loka Yuda, loiboie koicolon loka Daudi, ijo ka ikonikejaanakinak ka ikonituŋa da luelomununete orutei lu, Inera EJAKAIT kwanata ebe: Kitodolenenete etube ka adolit, koyuutu inatara kakan naka ekareiton. Sirikireata, sirikiswamakis imoit, ka ikoki, ka apuserut, nukepali, sirikibukosi aokot numam akirot kaibois kana. Naarai arai teni kiswamata akirot ŋin, kwaŋin elomuniata korutei luka etogo kalo ikabakan luibojete koicolon loka Daudi, ibwanenito agalin ka ibalasin, kes, ka ikecekejaanakinak, ka ikeceruna da. Konye arai mam iirarete akiro ŋun, ebala EJAKAIT ebe, Eyapoikin elopet ebe, esilior etogo lo. Naarai inera kwanata EJAKAIT nuka ekek loka ekabaka loka Yuda ebe: “Isubit ijo bala Gilead kamakaŋ, Aidia naka Lebanon: Ateni ketuluori jo amodiŋ, Ka ireria luemameete ituŋa, Ido kesikapanakini ikamudiarak asurokin jo, Ŋolituŋanan ka lujiisike: Kijepakinete iresiakon luseuna, Kocakanakinete akim. “Itorete da atekerin nuipu ore lo, etemanaros atiar, “Kanukinyo kiswamakinia EJAKAIT kwana ere lo loepol?” Kosodete aboŋokin ebe, “Naarai apotu kojalata aitutuket naka EJAKAIT Edekekec, komaata idekesio lumo, kijaanakis da.” Sirikimonya ikatwan, kwabo sirikikuudianata: Konye komonyata noi loipidipiditere; Naarai mam eboŋuni bobo, Karaida aanyun akwap nakobukec. Naarai inera kwanata EJAKAIT nuka Salum okoku loka Yosia, ekabaka loka Yuda, loerumit aibois naka Yosia papake, loanyouni kaibois kana ebe:” Mam bobo eboŋuni nee. Nabarai ŋipeŋina neijoreoritai ŋes etwanikini, kwabo mam bobo eanyuni akwap na.” “Itukwi ŋol loeduki eketogo kairod, Ka agolaike nukokuju kanumam ebeito; Loitubusiani ikeidunyet tai, Komam eropi ŋes: Loebala ebe, ‘Mere kaduk etogo loelal, Ka agolai nukokuju nuepolok’, Kosodi apedonokin adirisan; Kigalio eswi kakito nuka eres, Kinyonyo aiteren, Irumi bo, naarai ikoto aitelekar keres? Mam kereka papakon arai ekanyaman ka ekamatan, Ekatubon loitenara lokabeit? Kwaŋin koiau ejok. Kotubenenei ŋesi akiro nuka lukican ka luilwaritos, Kwaŋin koiau ejok. Ebala EJAKAIT ebe, Mere kereka ŋin ŋes ajenun eoŋ? Konye akonikonye ka ekonitau mere kwaŋin, Dimarai aswam nukainobel, Ka abukor aokot numam akirot, Ka areit, ka akaie da.” Aso inera kwanata EJAKAIT nuka Yekoiakim okoku loka Yosia, ekabaka loka Yuda ebe: “Mam ekuudianete ŋes ebe, ‘Wu okwe onaceka!’ arai bo ‘Wu okwe inac!’ Mam ekuudianete ŋes ebe, ‘Wu okwe Ejakait!’ arai ‘Wu okwe aibusesuke!’ Idaio kwape idaere asigiria, Kiriitete acakar kiŋa kirutei luka Yerusalem,” “Kodoka Lebanon, komony; Kikesea eporotokon koBasan: Komony kotoma Abarim; Naarai amudiaros ipaelonokon kere. Abu kener kajo nakisikerianere; Konye ibu ijo kobala ebe, ‘Mam eirari.’ Ŋol ŋes eponekon ageun keiditeukon, Mam irimarit ekaporoto. Edaki ekwam ikecokokokon kere, Ipaelonokon da ijoreorio: Kosodi ateni kirumete ileic, Itirirai kanuka aronisikon kere, Ŋo loiboie koLebanon, Loiduki kaikon oresia, Itukwi ijo nakibunokinia ariebo, Aikilianar kwape naka aberu naidounil” Ebala EJAKAIT ebe, “Kwape ajaria, karaida kerai Konia okoku loka Yekoiakim, ekabaka loka Yuda, egilut lokapolou kakanika nakoteten, ti kautoo jo; ido ejaikini jo akan naka ŋul kaluemoete akoniiiar, akan da naka ŋul kaluiyoŋit, ŋes akan naka Nebukadaresar ekabaka loko Babulon, kakan da naka Ikaludean. Kacakari eoŋ da jo, ka totokon nakiiwuriei, ape akwap ace namam kiwurikinitai; itwakikinete ŋina, Konye toma akwap naimielas ikecetauon aboŋun, mam eboŋunete cut.” Erai kereka ekesa ŋol Konia amot naemenitai naebwanan? Erai kereka ŋesi amot namam isiyalamikinitai? Kanukinyo ereŋearere, ŋes ka akeur, Acakar akwap namam ejenete? Wu jo, akwap, akwap, akwap, Kiira akirot naka EJAKAIT! Inera EJAKAIT kwanata ebe: “Kiwadikata etuŋanan lo ebe loemameete idwe, Etuŋanan lomam isikerianio apaarasiake kere: Naarai emamei etuŋanan loka aurike loisikerianio, Aiboikin oicoloŋ loka Daudi, Karaida ayait bobo Yuda.” Ebala EJAKAIT ebe, “Itukwi ikeeokok luemudiarete, luisiarakinete amerekekin nukoronyika!” Kanuka ŋun ŋes inerar kwanata EJAKAIT, Edeke loka Isirael, nuka ikeeokok luitanyamete ikatuŋa ebe:” Isiarisiarata yesi ekasipan, ireneata, komam ianyanarete kes; koany, ebala EJAKAIT ebe, Edopei kamakus aronis naka aswamisiokus. Atukonokini eoŋ da aatoŋot naka esipanika kotoma akwapin kere nukerenearit, enyakuni bobo auioikec; kes da ewuriaros iyatanakinos. Adakakini eoŋ ikeeokok luitanyamete kes. Ebala EJAKAIT ebe, Ido mam eyoŋete bobo, karaida aiyaloŋoŋ, karaida idiopet kakesi aolior. “Koany, ebala EJAKAIT ebe, Eponito apaarasia, nuetilibikinia rwaru Daudi Atenu naedolit, ido kirumite kwape ekabaka, kokeriana, ido ipiori itubesia kabeit kotoma akwapin. Eyuunio Yuda kotoma apaarasiake, Isirael da iboienenei kainapakina. Emaikinio rwaru ŋes ekiror lo ebe, ‘EJAKAIT ŋes adolitewok.’ “Aso do koany, ebala EJAKAIT ebe, Ŋes eponitotor apaarasia numam bobo ebalananatar ebe, ‘Kwape ejaria EJAKAIT lokolo etolomuni idwe luka Isirael kakwap nako Misiri’; konye ebe, ‘Kwape eiaria EJAKAIT lokolo etolomuni kinarenik da aur naka ekek loka Isirael akwap naka ari naka agolitomei; ido anyoun kakwapin da kere nuabu kereŋeanarite kes.’ Kosodete aiboikin akwapukee obe.” Nuka inabin: Abila ekatau kotomaka, Ejanijaŋunos akakoio kere; Asub bala ekameran, Ido bala etuŋanan loeniaut ajon; Kanuka EJAKAIT, ido kanuka akekiro nukalaunak. Naarai elelebun adoteu akwap; Naarai kanuka ekenit ibworo akwap; Aokoto ironyia luka amodiŋ, Erono ekecerot, Akecegogoŋ da mam ejok. Naarai amunaunos enabi ka esasedoti; Ebala EJAKAIT ebe, Eebo, adum aronisikec kiton togoka da. Kanuka ŋun eraun ekecerot kamakec bala aiboisio nuerurut kamuton; Emeario, ibirokinos nen: Naarai ebala EJAKAIT ebe, Ayauni aronis mamakec, Okaru loka aiticaniokec, Aany eoŋ da abaŋaanut naka inabin luko Samaria; Adwarata kama ejai Baal, Aitapaar ikatuŋa Isirael. Konabin luka Yerusalem da aany akirot nasogim; Edoteete, kolosenenete kainal, Itogogonete akanin nuka ikeswamak aronis, Komamei yeninyeini aronisike: Esubito kes kere kamakaŋ bala Sodom, Ka luibojete kanen bala Gomora.” Kanuka ŋun ŋes inerar kwanata EJAKAIT loka ajoresio nuka inabin ebe: “Koany, etanyami kes aliasit naeta ria, Etamasi da kes akipi nuka epiu: Naarai kotoma onabin luka Yerusalem Alom amunaar akwap kere.” Inera kwanata EJAKAIT loka ajoresio ebe:” Sirikiirasi akiro nuka inabin kaluedwarete; isisianakinete yes aamameak: inerasi nuepote kotauonokec, kwabo mere nuepote kaituk naka EJAKAIT. Elimonokinete tiritir ŋul luemwanito akirot naka EJAKAIT ebe, ‘Ŋaunos ejok’; kolimonokinete ŋin yenelosi kaninik naka etauke ebe, ‘Mam aronis kidoikini jo.’ Naarai iŋai kakesi kebwoi kaurianet naka EJAKAIT, Yenikeanyuni kiira da akekirot? Iŋai bo yenikecoit akekirot kiira? Koany, etapipirio loka EJAKAIT alomul Adedeŋ, eebo etapipirio loipiripiritoi: Edoikini akou naka ikaronon. Mam eboŋuni anyunyura naka EJAKAIT: Aitodol neadaunia akeswam, Kiton aitodolikin nuelosikinit eketau, Apaarasia nukawasia iienunete jokan. “Mam abu kejuka inabin lu, Konye apotu kesi kokerata: Mam abu kener kakes, Konye apotu kodwarata, Arai kesi kobwoito kaurianeteka, Tiisiirarito ikatuŋa akiroka, Tiisibelikinito kotoma orotinikec lueroko, Ka aswamisiokec da nueroko. “Ebala EJAKAIT ebe, Arai kereka eoŋ Edeke lokodie, kwabo mam arai Edeke loelwana?. Ebala EJAKAIT ebe, Epedori kereka ituŋanan aiŋop kotoma aiboisio nukaiyeiyea komam eoŋ apedori aanyun? Ebala EJAKAIT ebe, Mam tope eoŋ eleleba akui ka akwap? Eira nueneras inabin luedwarete nukainal kokirorika ebe, ‘Eruja, eruja!’ Itodolete ai ŋun ajaut otauon luka inabin luedwarete nukainal; kiton inabin luedwarete aiŋal naka itauonokec? Luelosikinito aisimurwokin ikatuŋa ekakiror kanuka airujasiakec nuelimonokini ŋinituŋanan ekeidunyet, kwape kimurwokiniata lukapapaakec ekakiror kanuka Baal. Enabi loerujai, mere kolimok airujasit; ka ŋin da yenika akakirot, kinera akakirot teni. Ebala EJAKAIT ebe, Ikwaikinete ai agugu eriakakinos alos? Ebala EJAKAIT ebe, Mere esubit akakirot akim? Ido bala anyul naebwanabwanal amor? Ebala EJ AKAIT ebe, Aso koany, asurokini inabin, luekokoanakinos akakiro, Ebala EJAKAIT ebe, Asurokini inabin, luitwasamaete aŋajepakec kobalas ebe, ‘Ebala EJAKAIT ebe’. Koany, ebala EJAKAIT ebe, asurokini ŋul luedwarete airujasia nukainal, aitatamanakin, aitapaar ikatuŋa kanuka ainalakec, kanuka ailabilabanutukec naatai, kwabo mam eoŋ ejukarit kes, karaida aicorakin, Ebala EJAKAIT ebe, mam eyaunete adiojokis otuŋa lu. “N akinisiata jo ituŋa lu, arai enabi, arai esasedoti kineras ebe, ‘Anyoin abwokon naka EJAKAIT?’ kosodi ijo ilimokini kes ebe, ‘Abwokon ani? Ebala EJAKAIT ebe, Kacakari yes.’ Konye enabi ka esasedoti ka ituŋa luetemarete ebe, ‘Abwokon naka EJAKAIT,’ eticani eoŋ etuŋanan ŋol ka ekekal. Itemanaros ŋinituŋanan kikeidunyet, ka ŋinituŋanan konaeeke atiar, ‘Biai bo abonoki EJAKAIT?’ ido ‘Biai bo atema EJAKAIT?’ Mam bobo ilimunete nuka ‘abwokon naka EJAKAIT’: naarai abwokon ŋes akirot naka ŋinituŋanan ilopet; naarai itirioto akiro nuka Edeke lokajaran, nuka EJAKAIT loka ajoresio, Edekewok. Ilimokini kwanata enabi ebe, ‘Biai bo kibonok EJAKAIT? ‘ido’ Biai bo atema EJAKAIT?’ Konye arai itemarete atiar, ‘Abwokon naka EJAKAIT’; kanuka ŋun ŋes inerar EJAKAIT kwanata ebe, ‘Naarai inerasi akirot na ebe, “Abwokon naka EJAKAIT”, ido kejukak yes ebe, “Siribalas, Abwokon naka EJAKAIT.” Aso do koany, abeit kekeuni yes, kacakari yes, ka ere da loabu kainak yes ka lukapapaakus, aolior kama ajai. Ido kainuni yes amorosit namam edaun ka ileic lumam enaŋete, lumam imurwokinio.’’’ Akaulo naka Nebukadaresar ekabaka loko Babulon aijoreor Yekonia okoku loka Yekoiakim, ekabaka loka Yuda, ka ikapolok luka Yuda, nepepe ka ikeswamak ka ikatatak, anyoun koYerusalem, ayaŋaar Babulon; abu EJAKAIT ketodik, ido koany, ibwaikinitai iditai iarei luka etini koinaren keyekalu loka EJAKAIT. Edita ediopet ajai etini loaiok noi, kwape etini loegei akonore: edita lokiareit ajai etini loarono, lomam epedori anyamio, naarai arono noi. Kalimok EJAKAIT eoŋ ebe, “Yeremia, iany inyo?” Katema atiar, “Etini; etini loejok, loejok jokan; ka ŋol da loerono, loerono jokan, lomam epedori anyamio, naarai erono noi.” Kobu akirot naka EJAKAIT mama ajai ebe, “Inera kwanata EJAKAIT, Edeke loka Isirael ebe: Kwape eraar etini lo loejok, kwaŋin asesenia kanuka ajokis ijoreoriton luka Yuda, luabu kejuka kaibois kana alosit toma akwap naka Ikaludean. Naarai ebwaikini akakonye mamakec kanuka ajokis, enyakuni bobo kiton akwap na. Eoŋ da aduki kes, kwabo mere aibiror; erai kes, kwabo mere arutor. Ainakini kes etau lokajenun eoŋ, ebe Eoŋ EJAKAIT: kes da eraunos ikatuŋa, eoŋ da araun Ekecedeke: naarai eboŋunete mamakan kikecetauon kere. “Ido kwape etini loerono, lomam epedori anyamio, naarai erono noi, abeit ebala EJAKAIT ebe, Ekonakini kwaŋin Sedekia ekabaka loka Yuda, ka ikapolokoke, ka luapianunos koYerusalem, luasalakinete akwap na, ka nul da luibojete kakwap nako Misiri. Ejaikini kes aisiarisiario kanuka aronis toma ajakanuto kere nuka akwapin; araun amorosit, agaracio, ainyanakinio ka ekenit, kaiboisio kere nuereneari kes. Eiukari da ekileŋ, ka eteŋei, ka atular, mamakec, aitodol naemudiarotor kakwap naainakinit kes ka lukapapaakec.” Akirot naabu kobu mama ejai Yeremia nuka ituŋa kere luka Yuda, kokaru lokiwononet loka Yekoiakim okoku loka Yosia, ekabaka loka Yuda: ekaru ŋol ŋes ekaru losodit loka Nebukadaresar ekabaka loko Babulon; naalimokini enabi Yeremia ituŋa kere luka Yuda, ka ŋul kere luibojete koYerusalem kobala ebe: “Ageun kokaru lokitomonet kauni loka Yosia okoku loka Amon, ekabaka loka Yuda, kiton lolo, ikar lu akaisaarei ka luuni, kobunenenei akirot naka EJAKAIT mama ajai, kenerenena kayes, adilonokini tupuruc einer, konye mam yes ipotu kopuput. Ido abu EJAKAIT kiiukanakini yes ikekejaanakinak kere inabin, edilonokini tupuruc aijukunun; konye yes mam ipotu kopuput, karaida aitoikin akiikus akiirar. Ebala ebe, ‘Kobonutu kinye ninitunanan ekerot loerono, ka aronis naka aswamisiokus, kiboikinos akwap nakiinakinit EJAKAIT yes ka lukapapaakus, ageun apeŋo aitodol ikar kere; ido siritupanarete idekesio ice aijaanakin ka aima kes, sirikitunyunyuranakis eoŋ kaswamisio nuka akaninikus. Eoŋ da mam keswamakini yes aronis.’ Ebala EJAKAIT ebe, Konye mam ipotu kopuput eoŋ; kitunyunyurikis kaswamisio nuka akaninikus aiswamakin bonik aronis. “Kanuka mm ŋes inerar kwanata EJAKAIT loka ajoresio ebe: Naarai mam ipotu kopuput akakiro, ebala EJAKAIT ebe, Koany, ejukari aomare ikekia kere luka ari naka agolitomei, ka Nebukadaresar ekabaka loko Babulon, ekakejaanakinan, kayau kes aitiji akwap na, ka ŋul da luibojete kotoma, ka atekerin nu kere nuirimorito; ido amudiari cut, ketuluo kes aumokinet, aimuaret, asilio da namam edaun. Ido bobo, alemari kamakee eporoto lokaiyalama ka eporoto lokailel, eporoto loka eteran ka eporoto da loka ateran, aruo naka akaŋas, ka aica naka atala, Itisilio akwap na kere, eraun aumokinet; ijaanakinete da atekerin nu ekabaka loko Babulon ikar akaisakanykaarei. Kosodi kanen, ebala EJAKAIT ebe, Kedaunos ikar akaisakanykaarei, kasodi eticani eoŋ ekabaka loko Babulon, ka ateker ŋin, ka akwap naka Ikaludean, kanuka numam adolitekec, ido etisili ikar kere. Ido ayauni kakwap ŋin akakiro kere nuabu kenerite, kere nuewadikatai oitabo lo, loadwari Yeremia mama ejaas atekerin kere, Naarai atekerin nuipu ka ikabakan lukapolok itubusianete kes, eebo, kes da ba; atacakini kwape ejaatar aswamisiokec, ido kwape ejaar aswam naka akaninikee.” Naarai kaba la kwanata EJAKAIT, Edeke loka Isirael ebe: “Kolem adere na naka ebino loka adedeŋ kakanika, kitamat atekerin kere nukeiukari joo Emasete, igetanaros, ikerepikinete kanuka ekileŋ loejukari mamakee.” Kasodi alemun adere kakan naka EJAKAIT, ketamat atekerin kere nukejukari EJAKAIT eoŋ: ebe Yerusalem ka ireria luka Yuda, ka ikabakanakec, ka ikapolokokec, aituluor asilio, aumokinet, aimuaret, ka ekenit; kwape ejaar lolo; Parao ekabaka loko Misiri ka ikekejaanakinak, ka ikapolokoke, ka iketuŋa kere; ka ituŋa kere luinyalinyala, ka ikabakan kere luka akwap naka Us, ka ikabakan kere luka akwap naka Ipilisitian (Asukelon, ka Gasa, ka Ekuron, ka luapianunos luka Asudod); Edom, ka Moab, ka idwe luka Amon; ka ikabakan kere luka Turo, ka ikabakan kere luka Sidon, ka ikabakan luka apujan naejai okekwa juwai aŋolol; Dedan ka Tema, ka Bus, ka ituŋa kere luebarenete arokio; ikabakan kere luka Arabia, ka ikabakan kere luka ituŋa luinyalinyala luibojete kamodiŋ; ikabakan kere luka Simiri, ka ikabakan kere luka Elam, ka ikabakan kere luka Imedin; ka ikabakan kere luka ari naka agolitomei, luelwaka ka lueapiete, ameanakin; ka ajakanuto kere nuka akwapin, nuejaas akwap. Akaulokee emasi do ekabaka loka Sesak. “Ilimokini kes ebe, ‘Inera kwanata EJAKAIT loka ajoresio, Edeke loka Isirael ebe: Komata, komerikinos, koleka, kibironoros, mam bobo inyounete, kanuka ekileŋ loejukuni mamakus.’ “Kosodi arai keneroto aiiaar adere kakanikon aimat, kosodi ilimokini kes ebe, ‘Inera EJAKAIT loka ajoresio kwanata ebe: Kibusakinit yes aimat! Naarai koany, ageuni eoŋ aswam aronis kore loemaikinitai ekakiror, yes da mam kiticanio? Ebala EJAKAIT ebe, Mam iswakete aitieanio: naarai anyarakini ekileŋ asurokin kere luibojete kakwap.’ “Ŋo da kodwarak kes akiro nu kere, kolimok ebe: ‘Irurumai EJAKAIT kokuiu, Ikeseuni ekeporoto kaiboisike nakalaunan; Irurumakini auioke kagogon; Ereseikini kere luibojete kakwap, Bala ikepudapudak emusabibu. Edoli eeelet kiton osaŋe loka akwap, Naarai epurete EJAKAIT katekerin; Etubokini luejaas awat kere, Ebala EJAKAIT ebe, Apiari lukaronok kekilen.’ “Tnera kwanata EJAKAIT loka aioresio ebe: Koany, elomuni aronis anyoun kateker kiton ateker, Itukutuni etapipirio loepol anyoun kosaneta luka akwap! “Ka nul da lueari EJAKAIT kapaaran kaŋin ikaikinos anyoun kosanc loka akwap kiton osaŋe eee loka akwap. Mam ekuudianio, karaida atukonokinio, karaida aidaio; eraunete aoret kakwap. “Kibwololoto, yes ikecokok, komonyata; Kipunupunokinos kotoma okurwon, yes ikayaitok luka esipan: Naarai adolut cut apaarasia nuka aariokus, ka aisiarisiariokus, Yes da ibiroros bala ibore yenisiyalamikinitai. Mam ikecokok edumunete erot lokereara, Karaida ikayaitok luka esipan neekuiata. Eporoto loka aikalal naka ikeeokok. Ka aibwolol naka ikayaitok luka esipan! Naarai amunaa EJAKAIT ekecerony, Esiliŋiŋii aujoi nuinapakina Kanuka anyunyura naededen naka EJAKAIT. Enyeki akenopis, kwape eŋatuny, Naarai araun akecekwap aumokinet Kanuka adedeŋ naka ekileŋ loereit, Ido kanuka anyunyurake naededen.” Kageunet naka airum naka Yekoiakim okoku loka Yosia, ekabaka loka Yuda, kobu akirot na kama ejai EJAKAIT, kinera atiar, “Inera kwanata EJAKAIT atiar: Kobwo kalaro naka etogo loka EJAKAIT, kolimok ireria kere luka Yuda, luepote aima togo loka EJAKAIT, akiro kere nukecorakini jo alimokin kes; sirikimunon adiokirot, Diat iirarete, kibelokin ninitunanan ainyein ekerot loerono; kasodi keitu ainyein aronis, naalosikinit aiswamakin kes kanuka aronis naka aswamisiokec. Ido kolimonokini kes atiar, ‘Inera kwanata EJAKAIT atiar: Arai mam kipupete eoŋ, alosenen kokisilaka, luebwaikinit kakonyenekus, apuponokini akiro nuka ikabulesin inabin, lukejukanakini yes, kadilonokini tupuruc sek aiiukunun, konye mam yes ipupununete; aso etuluori rwaru etogo lo aiput kwape Silo, ido etuluori ere lo araun ekenit kotoma atekerin kere nuka akwap.’” Apotu isasedotin ka inabin ka ituŋa kere da kiirasi Yeremia inera akiro ŋun kotogo loka EJAKAIT. Kosodi kanen, kedau cut Yeremia einer akiro kere nukicorakinit EJAKAIT alimonokin ituŋa kere, kikamut ŋes isasedotin ka inabin ka ituŋa kere, kobalas ebe, “Abeit itwani ijo! Kanukinyo idwaria kokiror loka EJAKAIT, kinera atiar, ‘Eraun etogo lo kwape Silo, ka ere lo da eraun ameje, komamei ituŋanan yeniboie kotoma’?” Kotukonokinos ituŋa kere mama ejai Yeremia togo loka EJAKAIT. Nakiirariata ikapolok luka Yuda mm, kodokasi enyounete kotogo loka ekabaka, kopotu togo loka EJAKAIT; kiboikinos neelomarere kokek lokitetet loka etogo loka EJAKAIT. Kosodete isasedotin ka inabin kobalasi ikapolok ka ituŋa kere ebe, “Ibusakinit ekesa lo atwanare; naarai adwaraki ere lo kwape iirariata yesi da ikulepek kakusiki.” Kosodi kobala Yeremia ikapolok kere ka ituŋa kere ebe, “EJAKAIT ŋes kejukuni aidwar nuka etogo kala ka ere lo akiro kere nuiirasi yesi. Aso do kitemonokis ikusirotin ka akusiswamisio, korimasi eporoto loka EJAKAIT Ekusideke; aso iitokini EJAKAIT ainyein aronis nakinerakinit yes. Konye eoŋ, koany ajai akanikus. Kiswamakinai nuejok ka nuebeito kakonyekus, Kojenutu kereka yes, arai kiiara eoŋ, kibeikinete yes aokot nuemameete aronis kore kalo, ka ŋul luibojete kotoma; naarai abeit EJAKAIT kejukunit mama iiaas einer akiro nu kere kakiikus.” Kosodete ikapolok ka ituŋa kere kobalas isasedotin ka inabin ebe:” Mam ibusakinit etuŋanan lo atwanare: naarai inerit kaoni kokiror loka EJAKAIT Ewokodeke.” Kosodete konyout imakio ice luka akwap, kobalas atukot kere naka ituŋa ebe, “Abu Mikaia Emorasit kodwar kapaarasia nuka Kesekia ekabaka loka Yuda; kinera kituna kere luka Yuda, kobala ebe: ‘Inera kwanata EJAKAIT loka ajoresio atiar, Iloboo rwaru Sion kwape kamana; Yerusalem da eluori aapoŋor, Emoru da loka etogo eraun kwape aiboisio nuiukekeete nuka amoni.’ Kebu kereka Kesekia ekabaka loka Yuda, ka Yuda kere, kotamakis aiar? Mam abu koyon EJAKAIT, kinaina asianut naka EJAKAIT, kiitu EJAKAIT ainyein aronis nakinerakinit? Kwaŋin tikiidiaka oni ikulepek kotauonowok.” Ido da koiai etuŋanan loadwarit kokiror loka EJAKAIT, Uria okoku loka Semaia loka Kiriat-yearim. Abu ŋol da kodwarak ere lo ka akwap na kwape ejaatar akiro nun kere nuka Yeremia. Nakiiraria ekabaka Yekoiakim ka iketuŋa lukirigin kere ka ikapolok kere akekiro, kokoto ekabaka aiar ŋes: konye kiira Uria, kokurianar, koker, kolot Misiri, Kijuka ekabaka Yekoiakim ituŋa Misiri, Elunasan okoku loka Akubor, ka icetuŋa nepepe kaŋes, koomai Uria koMisiri, koyaunai mama ejai ekabaka Yekoiakim koara ŋes kekilen, kocakak akekuan ailin nuka ituŋa kere. Konye akan naka Akikam okoku loka Sapan kojai nepepe ka Yeremia, kinyeis ainakin akan naka ituŋa aiar ŋes. Kageunet naka airum naka Sedekia okoku loka Yosia, ekabaka loka Yuda, kobu akirot na naka EJAKAIT mama ejai Yeremia. Kabala EJAKAIT kwanata ebe: “Kiswamau aunoi ka aiookon, koenik omurisinikon, Kijukak ace mama ejai ekabaka loka Edom, ka ekabaka loka Moab, ka ekabaka loka idwe luka Amon, ka ekabaka loka Turo, ka eka baka loka Sidon, kakanin nuka ikiyakia luepote Yerusalem mama ejai Sedekia ekabaka loka Yuda. Kitetemik kes akiro nu ainar ikapolokokec kobala ebe: Inera kwanata EJAKAIT loka aioresio, Edeke loka Isirael ebe: Ilimokinete lukapolokokus kwanata ebe: Eoŋ abu kasub akwap, ka ituŋa, ka itiaŋ, lucjaas akwap, kapedorika naepol ka akanika naerioro; ainakini eoŋ nin yenetojokit. Kwana da ainak akwapin nu kere akan naka Nebukadaresar ekabaka loko Babulon, ekakejaanakinan; ainak da itiaŋ luka ais aiiaanakin ŋes, Atekerin da kere ijaanakincte ŋes ka okokuke, ka orataitike, aitodol needolioto apaarasia nuka akekwap: kosodete itubusianete ŋes atekerin nuipu ka ikabakan lukapolok. “Kosodi kanen, ateker arai ajakanut naeneri aijaanakin Nebukadaresar ŋol, ekabaka loko Babulon, ido luenerete aibwaikin imurisiŋakec aiookot naka ekabaka loko Babulon, ebala EJAKAIT ebe, Etieani ateker ŋin, kekilen, ka eteŋei, ka atular, aitodol neesimudiaria ŋes kes. Konye yes, sirikiirasi inabinokus, karaida ikaroakakus, karaida airujasiakus, karaida ikadwarakakus, karaida ikacudakakus, lukilimokinete ebe, ‘Mam ijaanakinete ekabaka loko Babulon.’ Naarai kidwarakinete yes nukainal, ayaŋaar yes naelwana kakwapukus; kasodi eoŋ aireŋear yes, ido iwoliorete. Konye ateker naibwaikini emurisinike ajookot naka ekabaka loko Babulon, kijaanak, ebala EJAKAIT ebe, Enyeini ŋin aiboi kakwapukee: ido ekoriete iboikinos nen.” Kalimok Sedekia ekabaka loka Yuda akiro nun kere kwape ajaatar, kabala ebe: “Kibwaikis imurisinakus aiookot naka ekabaka loko Babulon, kijaanakis ŋes ka iketuŋa, tetere iiarete. Kanukinyo ikototor atwakare, ijo ka ikonituŋa, kanuka ekileŋ, ka eteŋei, ka atular, kwape ineritor EJAKAIT nuka ateker naeneri aijaanakin ekabaka loko Babulon? Kwabo sirikiirasi akiro nuka inabin luineras kayes ebe, ‘Mam ijaanakinete ekabaka loko Babulon.’ Naarai edwarete kesi nukainal. Ebala EJAKAIT ebe, Naarai mam ejukununei kes, konye edwarete kokirorika aiŋal: tetere kereneari yes, ido iwoliorete yesi, ka inabin lukidwarakinete.” Ido da alimokin isascdotin ka ituŋa lu kere ebe, “Inera EJAKAIT kwanata ebe: Sirikiirasi akiro nuka jnabinokus lukidwarakinete, ebalas ebe, ‘Koany, iboro lukorogo loka EJAKAIT eapiete bo bo ainyakunio koBabulon,’ naarai edwarete nukainal. Sirikiirasi kes; kijaanakis ekabaka loko Babulon, tetere ijarete, Inyo bo ti keraunor ere lo asilio? Konye arai eraas inabin, ka akirot naka EJAKAIT da arai ejai kakes, kinainaata kito kesi EJAKAIT loka aioresio, kinyeis iboro luesalito kotogo loka EJAKAIT, kotogo da loka ekabaka loka Yuda, koYerusalem da ayanaario Babulon. Naarai inera kwanata EJAKAIT loka ajoresio nuka ipirin, ka nuka aŋolol, ka nuka aicegeria, ido nuka luapianunos luka iboro luesalito kore kalo, lumam iritonorit Nebukadaresar ekabaka loko Babulon, naej oreoria Yekonia okoku loka Yekoiakim ekabaka loka Yuda, alemar koYerusalem, koyanaa Babulon, ka ikapolok kere luka Yuda ka Yerusalem; eebo, inera kwanata EJAKAIT loka aioresio, Edeke loka Isirael, nuka iboro luapianunos kotogo Ioka EJAKAIT, kotogo da loka ekabaka loka Yuda, koYerusalem da ebe: Eyanaario Babulon, ido ebala EJAKAIT ebe, Ejaenenas nina, aitodol apaaran naaanyanaria kes, Kasodi alemuni enyakuni bobo aibois na.” Kosodi kanen, kokaru kanope kanol, kageunet naka airum naka Sedekia ekabaka loka Yuda, okaru lokiwononer, olap lokikanyet, abu Kanania okoku loka Asur, enabi, lokerai loka Gibeon kiner keoŋ kotogo loka EJAKAIT, koiaas isasedotin ka ituŋa da kere nepenen, kobala ebe, “Inera kwanata EJAKAIT loka aioresio, Edeke loka Isirael ebe: Abi! eoŋ aiookot naka ekabaka loko Babulon, Eriŋa cut edauna ikar iarei enyakuni bobo toma aibois na iboro kere lukotogo loka EJAKAIT, luabu Nebukaderesar ekabaka loko Babulon kolema kaibois kana kosodi ayaŋaar Babulon, Ido ebala EJAKAIT ebe, Enyakuni bobo toma aibois na Yekonia okoku loka Yekoiakim, ekabaka laka Yuda, ka ikijoreoritono kere luka Yuda, lualosito Babulon: naarai abili ajookot naka ekabaka loko Babulon.” Kosodi enabi Yeremia alimokin enabi Kanania kojaas isasedotin, koiaas da iruŋa kere ebwoete kotogo loka EJAKAIT, Kinerenabi Yeremia ebe, “Kikote ncpenen! Kikonak EJAKAIT kwaŋin: kitodol EJAKAIT akiro nuid war, ainyakun bobo iboro lukotogo loka EJAKAIT, ka ŋul kere luejoreoritai, alemun koBabulon ayaun aibois na. Konye ca kiira akirot na naenera kopupi ijo, kopupete da ituŋa kere ebe, Inabin lukageikinete eoŋ ido lukigeikinete ijo kolo, kedwarenenete ejie, ka aronis, ka atular nueponikinete akwapin nuipu, ka ajakanuto nuepolok. Enabi loedwari nuka ainapakin, kedol akirot naka enabi kanol, ŋes konyet ejenunere ebe, abeit EJAKAIT ejukunit enabi ŋol.” Kosodi Kanania enabi, kolem akitoi komurisin loka enabi Yeremia, kobil. Kiner Kanania koiaas ituŋa kere ebe, “Ebala EJAKAIT kwanata ebe: Abili kwaŋin ajookot naka Nebukadaresar ekabaka loko Babulon komurisina luka atekerin kere eriŋa cut edauna ikar iarei.” Kosodi enabi Yeremia asuenyikin. Kosodi kedau enabi Kanania aibil akitoi komurisin loka enabi Yeremia, kobu akirot naka EJAKAIT mama ejai Yeremia kobala ebe: “Kolot, kolimok Kanania ebe, ‘Inera EJAKAIT kwanata ebe, Ibila ijo ajookot naka akito; konye iswamauni do aiookon nuka asua aiboisikec. Naarai inera kwanata EJAKAIT loka aioresio, Edeke loka Isirael ebe: Ebwaik aiookot naka asua omurisina luka atekerin kanu kere, kijaanakis Nebukadaresar ekabaka loko Babulon; ido ijaanakinete: ainak da itian luka ais.’’’ Kosodi enabi Yeremia kotema enabi Kanania atiar, “Kiira kito, Kanania; mam EJAKAIT kiyakienenet: konye iinak ituŋa lu amunokina aiŋal, Ŋes ebalar EJAKAIT ebe: ‘Koany, kereneari jo kakwap: itwani kokaru kalo, naarai iner nuka epali mama ejai EJAKAIT.’’’ Kosodi kotwana enabi Kanania kokaru kanol kolap kalokikanyetekaarei. Nu kes akiro nuka ebalua loabu enabi Yeremia kijuka ejai Yerusalem mama ejai aatoŋot naka imakio lueioreoro, ka isasedotin, ka inabin, ka ituŋa kere luejoreorit Nebukadaresar alemar koYerusalem ayaŋaar Babulon. Kedau Yekonia ekabaka, ka toto naka ekabaka, ka ibwaein, ka ikapolok luka Yuda ka Yerusalem, ka ikeswamak, ka ikatatak, anyoun koYerusalem. Kijuka ebalua kakan naka Elasa okoku loka Sapan, ka Gemaria okoku loka Kilikia, luabu Sedekia ekabaka loka Yuda kijuka Babulon mama ejai Nebukadaresar ekabaka loka Babulon, ebe: “Inera kwanata EJAKAIT loka ajoresio, Edeke Ioka Isirael mama ejaas luejoreoro kere, luainakin aijoreoreo anyoun koYerusalem ayaŋaar Babulon, ebe: Kodukoto itogoi, kiboienenete kanen; kiraata imanikoria, konyama araitokec. Komanya aŋor, kowuriata idwe lutelepai ka lupesur; komanyanakis odwekus aŋor, kokorenenete apesurukus adukonokinio, kowurienenete idwe lutelepai ka lupesur; kilelebunos nina kwabo mam inonaros. Kokototor ere lokesijoreorit ainapakin, kilipakis kama ejai EJAKAIT: naarai kanuka ainapakinike ŋes idumuniata yesi da ainapakinikus. Naarai inera kwanata EJAKAIT loka ajoresio. Edeke loka Isirael ebe: Kinyeis inabinokus, luejaas kayes, ka ikaroakakus aiŋal yes, kwabo sirikicamut airujasiakus nuirujaete. Naarai kidwarakinete nukainal kokirorika: ebala EJAKAIT ebe, Mam keyakienenei kes. “Naarai ebala EJAKAIT kwanata ebe: Kedau Babulon aitodolikinio ikar akaisakanykaarei, kaanyanari yes, ka aitodolikin akakirot naejok mamakus, ainyakun yes bobo aibois na. Naarai ebala EJAKAIT ebe, Ajeni eoŋ aomisio nuaomit kanukus, aomisio nuka ainapakin, kwabo mere nueroko, ainakin yes amunokina nuepote. Iwoneete yesi da eoŋ, ilosete ailip eoŋ, ido eirari yes, Yes da kimoete eoŋ, kianyunete; arai kito kiimoata kikusitauon kere. Ebala EJAKAIT ebe, Kianyunete eoŋ; ebala EJAKAIT ebe, Ebelokini eoŋ aiioreoriokus, katukonokini yes alemun kotoma atekerin kere, ka aiboisio da kere, nukerenearit, ido kenyakuni yes bobo toma aibois nakesiioreoria. “Naarai inerata ebe, Kitonyoik EJAKAIT inabin kotoma Babulon. Ŋes inerar kwanata EJAKAIT nuka ekabaka loiboie koicolon loka Daudi, ka nuka ituŋa kere lueiaas ore lo, iinacanakus lumam aupara kayes alioreorio: inera kwanata EJAKAIT loka ajoresio ebe, Koany, eiukakini kes ekileŋ, ka eteŋei, ka atular, ido etuluori kes bala etini loebos, lomam epedori anyamio, naarai erono noi. Ido arukitori kes kekilen, ka erenei, ka atular, ainakini kes aisiarisiario kotoma ajakanuto kere nuka akwap, araut ekenit, ka aumokinet, ka aimuario, ka amorosit, kotoma atekerin kere kama kereŋearit. Ebala EJAKAIT ebe, Naarai mam apotu kiirasi akakiro, nueiukakinitor kes ikakejaanakinak inabin, adilonokini tupuruc aijukunun kes; ebala EJAKAIT ebe, Konye ipotu konero akiirar. Aso do kiirasi yesi akirot naka EJAKAIT, yes kere ikijoreoritono, lukayanaari Babulon anyoun koYerusalem. Inera kwanata EJAKAIT loka aioresio, Edeke loka Isirael nuka Akab okoku loka Kolaia, ido nuka Sedekia okoku loka Maaseia, lukidwarakinete yes aiŋal kokirorika, ebe: Koany, ainakini kes akan naka Nebukadaresar ekabaka loko Babulon: eari do ŋesi kes kakonyenekus. Naarai kanukec ŋes ikenioto ikiioreoritono luka Yuda luejaas Babulon ebe, “Kituput EJAKAIT jo kwape Sedekia ka Akab, luabu ekabaka loko Babulon kitisis kakim.” Naarai kiswamata nukabanaanut kotoma Isirael, ido kiteeloete aŋor nuka iidunyetakec, ido kineras kokirorika akiro nukainal, numam ecorakinit kes. Ebala EJAKAIT ebe, Eoŋ lo loajeni, ido arai ekaienan.” Nuka Semaia Enekelamit ilimokini ebe: “Ebala kwanata EJAKAIT loka aioresio, Edeke loka Isirael ebe: Naarai ijuka ibaluan kokirorikon mama ejaas ituŋa kere luejaas Yerusalem, ka neejai Sepania okoku loka Maaseia esasedoti, ido neeiaas isasedotin kere ebe, ‘Kituluo EJAKAIT esasedoti aibois naka Yekoiada esasedoti, koraut ijaka kotogo loka EJAKAIT kanuka ŋinitunanan yenikikerep, ka yenituluor enabi, kibwaik roma oloit ka akito nueridakinete emurisin. Aso do kanukinyo mam itoronia Yeremia loka Anatot, loituluoro elopet bon enabi kamakus? Naarai ejuku mamakosi Babulon ebala ebe, “Erai aijoreoriokus naka apak naepol: asa do kodukoto itogoi, kiboienenete kanen; kiraata imanikoria, konyama araitokec.”’” Kosodi Sepania esasedoti kosiom ebalua ŋol kopup enabi Yeremia. Kosodi kobu akirot naka EJAKAIT mama ejai Yeremia ebe, “Kijukak nul kere ikijoreoritono kobala ebe, “Inera kwanata EJAKAIT nuka Semaia Enekelamit ebe: Naarai kidwarak Semaia, kwabo mam eoŋ ejukunit, kiinak yes amunokina aiŋal; ŋes inerar EJAKAIT kwanata ebe: Koany, eti cani Semaia Enekelamit, ka akeur; ebala EJAKAIT ebe, Emamuun ituŋananike yeniboikin otuŋa lu, ido mam ŋes eanyuni ajokis naeswamakini ikaruna: naarai ener nukepali mama ejai EJAKAIT.’’’ Akirot naka EJAKAIT naabu kobu mama ejai Yeremia ebe: “Inera kwanata EJAKAIT, Edeke loka Isirael ebe: Kiwadik akiro kere nuka pukokini toma oitabo, Naarai koany, ebala EJAKAIT ebe, Epote apaarasia, nuenyakunia aijoreorio naka ikatuŋa Isirael ka Yuda. Ebala EJAKAIT ebe, Etobonuni kes akwap nakolo ainakini lukapapaakec, ido irumete.” Nu kes akiro nuabu EJAKAIT kiner nuka Isirael ka nuka Yuda da: “Inera EJAKAIT kwanata ebe: Kiira oni eporoto loka amaran, Loka aiyoŋ, kwabo mere loka ainapakin. Kiŋitata cani, koanyut, Epedori kereka ekiliokit aidoun? Kanukinyo do aanyunia ŋollikiliokit itinit aŋabet, Bala aberu nairieba aidoun? Kanukinyo elocokinor ejese loka akonyen kere? Wu okwe! Naarai epol apaaran ŋin, mam naeputotor: Ŋes apak naanyunia Yakob ican; Konye itajario kamakec, “Kosodi kanen ebala EJAKAIT loka aioresio ebe, Kapaaran kaŋin, abili akeiookot komurisinikon, ido anedenedei lukiyenitere; mam bobo imo itubusianete. Konye ijaanakinete kesi EJAKAIT Ekecedeke, ka Daudi ekabakakec, loetonyoikini. “Ebala EJAKAIT ebe, Aso sirikiyoŋ, ijo Yakob ekejaanakinanika; Ido sirikiyaloŋoŋ, ijo Isirael; Naarai koany, ketajari jo kama elwana, Ka akoniwur da kakwap naka aiioreoriokec; Eboŋuni Yakob, iyamakin do inapakin, Emameun da yenitukuriani. Naarai ebala EJAKAIT ebe, Ajai eoŋ nepepe kajo, aitajar jo: Naarai adauni eut atekerin kere nukesiarakinit, Konye jo mam kadauni cut; Konye kaleconori jo motimot, Kwabo mam kenyeini eut komam ketieanenenei. “Naarai inera EJAKAIT kwanata ebe: Mam ariebokon eŋaleuni, Eiliili amusunutukon. Emamei yenikipurokini, tetere kimadio; Emamei jo ekia loitanaleuni. Kimurwokis ipaelonokon kere; mam kimoete; Naarai kecum jo amusuŋut naka lokasurup, Kaiticanet naka loibworit; Kanuka aipues naka numam adolitekon, Naarai eyatakina aronisiokon. Imonyi inyo kanuka ariebokon? Mam icanikon edaunos; Kanuka aipues naka numam adolitekon, Naarai eyatakina aronisiokon, Ŋes kainakin keswamakini ŋun, Kanuka ŋun ejwenyario ŋul kere lukijwenyarete jo: Ŋoreorio da lukasurupokon kere, ŋinidiopet kakesi; Ŋul da Iukiŋasete, eraunete iŋatuna, Ŋul da kere Iukimejaete akorakini araut imejasit. Ebala EJAKAIT ebe, Naarai kenyakakini jo aijar, Ido ctanaleuni akonimusuŋun; Naarai kinyarito yenerenearitai, ebe: ‘Ŋes Sion, yenimam epodoi.’ “Inera EJAKAIT kwanata ebe, Koany, enyakuni bobo aijoreorio naka iweman luka Yakob, Etimi itogoike; Edukio bobo ere amejeke, Esali ere loka ekabaka kwape eiaar ekepone. Kanen elomuni aimal ka eporoto loka nul kaluikekemosi; Esupui kes, kwabo mam ikidiokoros; Ido etopoloori kes, Kwabo mam itidisiario, Ejaunete ikecedwe kwape kolo sek, Itieasio ekecekodet kamaka, Etieani kere lucreito kes. Eseunete lokapolonikec katekerikec, Elomuni ekayaitonikec kotomakec; Ebala EJAKAIT ebe, Esukunyikini ŋes, ŋes da kekunyakini: Naarai iŋai tope etitinikini eketau aikunyakin eoŋ? Iraunos ikatuŋa, Eoŋ da araun Ekusideke.” Koany, alomu etapipirio loka EJAKAIT, Ŋes adedenuke, etapipirio loipiripiritoi: Edoikini akou naka ikaronon, Mam eboŋuni anyunyura naka EJAKAIT, Aitodol naedaunia akeswam, Kiton aitodolikin nuelosikinit etauke. Apaarasia nukawasia ijenunete jokan. “Inera EJAKAIT ebe, Kapaarasia kanun, araun Edeke loka ikekia kere luka Isirael, kes da eraunete ikatuŋa.” Inera kwanata EJAKAIT ebe: “Ituŋa luedeunos kokilen adumut asianut kamodiŋ; Naalosio aisiyenuun Isirael. Abu EJAKAIT ketakanikin kolosek, ebe, Eebo, kekilakina jo kamin namam edauri; Ŋes keriunia jo kasianut-nakamin. Kaduki jo bobo, jo da kidukio, Ŋo abekot naka Isirael: Kisirio bobo kaisinin, Ilomari da toma okosio loka ŋul kaluibwalito. Iraikini bobo imanikoria luka emusabibu koronan luka Samaria; Iraete ikeraak, konyama araitoke. Naarai edoluni apaaran, naiworooto ikedarak koukon luka Epuraim ebe, “Konyoutu, kadokasi Sion neejai EJAKAIT Edekewok.’’’ Naarai inera kwanata EJAKAIT ebe: “Koyooto kaiyalama kanuka Yakob, Koboorianata kanuka nakapolon naka atekerin; Kolimosi, kituroto, kinerasi atiar, ‘Etajar EJAKAIT iketuŋa, aatoŋot naka Isirael.’ Koany, alemuni kes kotoma akwap nakari naka agolitomei, Atukokini kes anyoun kawaitin nuka akwap, Nepepe kanul da imuduki ka inwalas, Aberu naepotiei, Nepepe kaŋin da naerieb aidoun: Eboŋunete ne, erioŋet loepol. Epote emonyete, ido eŋarenikini kes kemaimaite; Etolosi kes kariri nuka aguuruto nuka akipi, Korot Ioitenara lomam iguikinotor: Naarai arai eoŋ papa mama ejai Isirael, Epuraim da ŋes ekiyaika. “Kiirasi akirot naka EJAKAIT, yes atekerin, Kolimokis apuiana nuelwaka; Kineras atiar, ‘ŋol loesiarari Isirael, ŋes erukonokini, Kidari, kwape idaria ekecokon esipanike.’ Naarai alaku EJAKAIT Yakob, Ayuu alemun kakan naka ŋol kaloetelekarit kagogon, Aso epote koyooto kaidi naka Sion, Ido ikomaunos neejai ajokis naka EJAKAIT, Neejaas akima, ka aion, ka akinyet, Ka ikaalei ka itak da lukosipan; Eraun etaukee da kwape emanikor loieoeoo akipi; Kwabo mam bobo itururuete eut. Kosodete iyalamikinos abekon kotoma okosio, Itelepai ka imakio da nepepe: Naarai etuluori akuudianakee aiyalama, Ido etalakari kes, kesiyalamik da kinyeis aiturur. Ebala EJAKAIT ebe, Esititirikini da etau loka isasedotin kasiepai, Ikatuŋa da imonikinos ajokisika.” Inera kwanata EJAKAIT ebe: “Eirar eporoto koRama, Akuudian, ka aibworo naepol, Emonyi Rakel ikedwe; Egirit aitalakario kanuka idweke, Naarai emameete.” Inera kwanata EJAKAIT ebe: “Kisililiŋ ekoniporoto kinye aibworo, Akonikonyen da komameut akiyo. Naarai ebala EJAKAIT ebe, Idumuni ainakinet kanuka akoniswam; Ido eboŋunete bobo anyoun kakwap naka lokasurup. Ebala EJAKAIT ebe: Ejai amuno awasiakon, Eboŋunete da bobo ikonidwe bukee. Abeit eira Epuraim emonyi ebe, “Kilecoo, kaleeorio, Kwape itaok yenimam enaikinit aiookot: Kibelokinoi, eoŋ da ebelokin, Naarai irai ijo EJAKAIT Ekadeke. Abeit naadaunia aisibelokinio, kesila; Ido kadau aisisianakinio, kebap akamurwo: Apotu keruma ileic, eebo, abu ketirir, Naarai abu kadaku amorosit naka eiditeuka.’ Ebala EJAKAIT ebe: Erai kereka Epuraim ikakoku yeniminat? Erai ŋesi ikoku yenikesiyalamikinit? Naarai napenerakinia aronis, Ariŋa eitununei ŋes. Aso epod etauka ŋes; Abeit etimenenei. “Kosipok aanyuneta nuka erot, Kiswamau ipirin luitejenunete, Kibwaik ekonitau neejai erot lokapolon, Ŋes erot loilomaria: Kobonu, wu abekot naka Isirael, Kobonu bobo oreriakon lu. Itodoli bo ai airim, Wu jo akoku naiboŋonori kau? Naarai esubit EJAKAIT akirot nakitetet kotoma akwap, Igalikinit aberu ekiliokit.” Inera kwanata EJAKAIT loka ajoresio, Edeke loka Isirael atiar: “Ejauni rwaru bobo einer lo kakwap naka Yuda koreriake da, naenyakunia kaijoreoriokec atiar: “Kisireren EJAKAIT, ijo aibois naiboio abeit, Ŋo eronat loka alaunit.’ Ido iboikin Yuda nen nepepe ka ikereria kere; ikakoriok, ka nul da luirimete kisipaninikec. Naarai esimonik etau loepasit, esileleb da ŋolitau loitururwei.” Kasodi konyet akwenyun, kaany; kajiiimikis akajo. Ebala EJAKAIT ebe, “Koany, epote apaarasia, nuayeikinia ekek loka Isirael ka ekek loka Yuda ekinyomit loka etuŋanan ka ekinyomit Ioka etiaŋ. Ebala EJAKAIT ebe, Kosodi kanen ejaun kwape kolo keteononoo kes arutun ka abilibil ka aibiror ka amudiar ka aitican; kwape kwaŋin eteenenei kes aiduk ka aira. Kapaarasia kaŋun mam bobo ineras atiar, ‘Anyama lukapapa imusabibun luedwarak, Ido aliokos ikel luka idwe.’ Konye etwani ŋinitunanan kanuka akeronis ilopet; ŋinituŋanan yenenyami imusabibun luedwarak, eliokos ikekel. Ebala EJAKAIT ebe, “Koany, epote apaarasia, nuetutukio aitutuket nakitetet kekek loka Isirael ka ekek loka Yuda, Ebala EJAKAIT ebe, Mere kwape ejaar aitutuket nakolo etutuki ka lukapapaakec kapaaran naketinia kakan aitonyoun kakwap nako Misiri: apotu kobilata aitutuket ŋin karaida abu karai lokowaikec. Konye ebala EJAKAIT ebe, Na ŋes aitutuket naetutuki rwaru kekek loka Isirael, akaulo kapaarasia kanun: epikakini rwaru ikakisila atutubetakec nukotoma, ewadikakini da otauonokec; eoŋ da araun Ekecedeke, kes da eraunos ikatuŋa, Kwabo mam bobo isisianakinos ŋinituŋanan ikeidunyet, ka ŋinituŋanan onaceke, kobalas ebe,, Kojen EJAKAIT:’ naarai ebala EJAKAIT ebe, Kajenunete rwaru kere, ameun ka yenididi aitodol yenikapolon kakesi, naarai etimi kes numam adolitekec, ido mam bobo eituni akecediakar.” Inera kwanata EJAKAIT, Loeinakini akoloŋ acaenen paaran, Ka aicorakineta nuka elap ka aacer acaenen kuare, Loigurokin aŋolol, kirurumata akekailan: EJAKAIT loka aioresio ŋes ekekiror, ebe: “Ebala EJAKAIT ebe, Arai kenyout aicorakineta nun kakonyeneka, Aso esaŋi aur naka Isirael da, Komam erai ateker kakonyeneka ikar kere.” Inera kwanata EJAKAIT atiar: “Arai epedor akuj naejai kokuiu aitemio, Ido arai epedorete apeteta nuka akwap amoio kokwap, Ebala EJAKAIT ebe, Aso acakari eoŋ da aur kere naka Isirael Kanuka ŋun kere nukiswamaete.” Ebala EJAKAIT ebe, “Koany, epote apaarasia, nuedukokinere EJAKAIT ere lo ageun kotogo loeoja loka Kananel aitodol orute loka Agor. Iriario auno nakitemis idererei kiton moru Gareb, iriamari da kiton Goa. Aditot kere da naka awat nuka lukatwak, ka ekurwon, ka imanikoria kere kiton aguurut Kiduron, kiton agor naka erute loka Ibalasin kokide, eraun nakalaunan kama ejai EJAKAIT. Mam erutorio, karaida amunaar bobo ikar kere.” Akirot naka EJAKAIT naabu kobu mama ejai Yeremia kokaru lokitomonet loka Sedekia ekabaka loka Yuda, ŋes ekaru lokitomonet kakanykauni loka Nebukadaresar, Kapak kaŋin abu aiore naka ekabaka loko Babulon kirigau Yerusalem: koenitete enabi Yeremia kalaro naka ikedarak, naajai togo loka ekabaka loka Yuda, Naarai Sedekia ekabaka loka Yuda, ŋes aenit, kobala ebe, “Kanukinyo kidwaria, kinera ebe: ‘Inera EJAKAIT kwanata ebe: Koany, ainakini ere lo akan naka ekabaka loko Babulon, ŋes da irumi: mam ekui Sedekia ekabaka loka Yuda kakan naka Ikaludean, konye abeit einakinio akan naka ekabaka loko Babulon, ineras kaŋes kaituke, eanyunete akekonyen akonyen nuka ŋol. Ido eyaŋaari Sedekia Babulon. Ebala EJAKAIT ebe, Iboie kaŋina aitodol naaanyanaria: karaida kijioto ka Ikaludean mam kisirereŋio’?” Kotema Yeremia atiar, “Abu kobu akirot naka EJAKAIT mama ajai ebe, Koany, ebuni Kanamel okoku loka Salum mamaikon mama ijai ebala ebe, ‘Kogwel emanikorika loejai Anatot: naarai kibeit ijo apedor naka alakun.’ Kosodi do Kanamel okoku loka mamaika kobu mama ajai alaro naka ikedarak, kwape keiaar akirot naka EJAKAIT, kobala ebe, ‘Keŋainait, kogwel emanikorika loejai Anatot, loejai akwap naka Benyamin; naarai airum nakon, ka alakun da nakon; kogwel ijo bon.’ Kasodi eoŋ ajenun ebe nin ŋes akirot naka EJAKAIT. Kagwel emanikor lokejai Anatot kama ejai Kanamel okoku loka mamaika, ketemok apesan, isekelin itomon kakanykaarei luka epuesa. Kewadika akiro, kepueak, keworou ikajenak, ketemok ŋes epuesa kaitemis. Kalema aiwadikaet naepucakinitai naka egwelet, ya nakibwaikinitai aipucet, kwape kejaar ekisil ka epone, ka ace da naepukoro: keiaik aiwadikaet naka egwelet Baruk okoku loka Neria, okoku loka Maseia, koseseni Kanamel okoku loka mamaika, kosesenete da ikaienak luewadikaete aiwadikaet naka egwelet, kakonyen nuka Iyudayan kere luibojete kalaro naka ikedarak. Keeorak Baruk kakonyenekee, kabala ebe, ‘Inera kwanata EJAKAIT loka aioresio, Edeke loka Isirael ebe: Kolema aiwadikaeta nu, aiwadikaet na naka egwelet naepueakinitai, ka aiwadikaet na naepukoro, kibwaik amot nakelupe; tetere edaunete apak naepol. Naarai inera kwanata EJAKAIT loka ajoresio, Edeke loka Isirael ebe: Egwelio bobo itogoi ka imanikoria luka emusabibu kakwap kana.’ “Ido kadau aijaikin Baruk okoku loka Neria aiwadikaet naka egwelet, abu kelip EJAKAIT ebe: ‘Wu okwe EJAKAIT Edeke! Koany, ijo kisubi akuj ka akwap kapedorikon naepol, ka akanikon naerioro, emamei adiokirot nakikaruni jo: loitimenenei ilukumin luka ituŋa, itacakini atorobusio nuka idwekec luetupakinete numam adolito nuka lukapapakec: Edeke lokapolon, lokapedor, EJ AKAIT loka ajoresio ŋes ekekiror; Ekapetan lokapolon, lokapedor aswam: esesenete akekonyen irotin kere luka ituŋa; ainakin ninitunanan kwape ejaatar irotinike, ido kwape ejaatar araito nuka aswamisioke; loibu kibwaik aanyuneta ka nukaumokin toma akwap nako Misiri, kiton lolo, kotoma Isirael ka ituŋa da; kodumunia ekiror kwape lolo. Kitolom ikonituŋa Isirael kotoma akwap nako Misiri, kaanyuneta ka nukaumokin, kakan nakagogoŋ, kakan da naerioro, ketasuro loepol; koinak akwap na, nakiyapoikinit lukapapaakec ainakin, akwap naeleleete akile ka esik. Kolomut kirumata; konye mam apotu korimasi ekoniporoto, karaida alosenen kokisilakon; mam eswamaete adiokirot kotoma kanun kanuieorakinit kes aswam; ŋes ainakini iyauni aronis na kere mamakec. Koany, adolut itutio ore airum; ainakin ere akan naka Ikaludean luitijiete, kanuka ekileŋ, ka eteŋei, ka atular da; adolo nuibu kiner; ido koany, iany. Ido wu EJAKAIT Edeke, ibu kolimok eoŋ ebe, “Kogwelu amana kapesan, konyarau ikajenak”: kwabo ere da ainakin akan naka Ikaludean.’’’ Kosodi kobu akirot naka EJAKAIT mama ejai Yeremia ebe: “Koany, arai eoŋ EJAKAIT, Edeke loka lueiaas awat kere: ejai kereka adiokirot nakekaruni? Ŋes ainakin EJAKAIT inera kwanata ebe: Koany, eiaikini ere lo akan naka Ikaludean, akan da naka Nebukadaresar ekabaka loko Babulon, ido irumi ŋes. Ikaludean da, Iuitijiete ere lo, epote inokokinete ere lo, icweikinete, ka itogoi da lukisupurionokiniata Baal lukisupurununo kokujukec, kobukonokinete icedekesio ainakineta numatan, aitunyunyurikin eoŋ. Naarai apotu idwe luka Isirael, ka idwe luka Yuda kiswamata nueroko bon kakonyeneka, ameun keiditeukec. Ebala EJAKAIT ebe, Mam apotu idwe luka Isirael kiswamata idiobore kakaninikee eut dimarai yenikaitunyunyurikin eoŋ, Naarai ketunyunyuranakini ere lo ka aisideden ameuni kapaaran naadukere kiton lolo; ŋes do acakaria kakonyeneka, Kanuka aronis kere naeswamaete idwe luka Isirael ka idwe luka Yuda aitunyunyurikin eoŋ, kes ka ikabakanakec, ka ikapolokokec, ka isasedotinikec, ka inabinokec, ka ituŋa luka Yuda, ka luibojete da kotoma Yerusalem. Kebelokis asebot kwabo mere akonyen; ido karaida kesisianakinit kes, adilonokin tupuruc aisisianakin, konye mam kiirara karaida aeamun aisisianakinio. Konye ebwaikis italesiakec toma togo loenyaritai ekakiror, amunaasi da. Adukoto aiboisio nuiceleleete nuka Baal, nuejaas aditot naka okoku loka Kinom, aitotor ikecesap ka akecepesur akim mama ejai Molek; numam ecorakinit, mam da aomisioitike alomarit otauka aswam nuketale ŋun: aisidiakar Yuda. “Aso do inera kwanata EJAKAIT, Edeke loka Isirael nuka ere lo loineras yesi ebe, ‘Einakinitai akan naka eka baka loko Babulon kanuka ekileŋ, ka eteŋei, ka atular da,’ ebe: Koany, atukonokini kes aitonyoun kakwapin kere nukereŋearit kanu ka anyunyuraka ka akadedeŋ, ka adwaris naeta ria; ido enyakuni kes bobo aibois na, kesiboik inapakina. Eraunos kesi ikatuŋa, eoŋ da araun Ekecedeke. Ainakini etau ediopet ka erot ediopet, kayonenenete eoŋ apaarasia kere; tetere ejaunete ejok, kes ka ikeeedwe da Iuetupanakinete, Ido etutuki kakes aitutuket namam edaun, komam ebelokini ainyein aiswamanakin kes ajokis, ebwaikin ayoŋit eoŋ otauonokec, kenyeis aijal. Eebo, esiyalamikini aiswamanakin nuejok, ido abeit, eraikini kes akwap na kekatau kere, ka akaijar kere. “Naarai ebala EJAKAIT kwanata ebe, Kwape ayaunia aronis na kere naepol otuŋa lu, kwape kwaŋin ainunia kes ajokis kere naesumunit. Egwelio imanikoria kakwap kana, nainerasi yesi ebe, Esil, emamei etuŋanan karaida etiaŋ; einakinitai akan naka Ikaludean. Egwelete ituŋa imanikoria kanuka apesan, iwadikaete aiwadikaeta, ipucete kes aipueeta, enyaraunete ikajenak, kakwap naka Benyamin, kotoma aiboisio nuidunyas Yerusalem, ka oreria da luka Yuda, kotoma oreria luka akwap nakiukon, kotoma oreria luka apuutona, koreria da luka Eŋalakimak; naarai ebala EJAKAIT ebe, Etobonuni aijoreoriokec.” Kobu akirot naka EJAKAIT irwan nakiareit mama ejai Yeremia, eroko eenitai kalaro naka ikedarak ebe: “Inera kwanata EJAKAIT loiswamai, EJAKAIT lokesubi aiticat, EJAKAIT ŋes ekekiror, ebe: Konyarai, eoŋ da kabonokini, kapukok nukapolok, ka nuetioko, numam iieni. Naarai inera kwanata EJAKAIT, Edeke loka Isirael, nuka itogoi lukore kalo, ido nuka itogoi luka ikabakan luka Yuda, luaponi kotiyanakinai adukio aigalioret aitikokinia itutio, ka ekileŋ, ebe: Elomunete Ikaludean ejie, ka aileleb kes kawat nukatwak nuka ituŋa, luadanyi kakanyunyura ka akadedeŋ, naarai ebwa akakonyen kore kalo kanuka aronisikec kere. Koany, ainuni aiiar ka aitanaleunio, eoŋ da etaŋaleuni kes; ido apukokini ainapakin ka abeit nuepolok noi teni. Enyakuni aijoreorio naka Yuda, ka aijoreorio naka Isirael, aduki, kwape sek. Ido elotari numam adolitekec kere, nukediakanariata kama ajai; esioniei numam adolitekec kere, nukediakanariata kama ajai, nukepaariata kama ajai. Ere lo da eraun kama ajai ekiror loka ailel, loka aiturit, loka aibuses da, kakonyen nuka atekerin kere nuka akwap, nuiirarete ajokis kere naeswamak, koyona, komaranata kanuka ajokis kere, ka ainapakin kere nuadumakini ŋes, “Inera EJAKAIT kwanata ebe: Toma aibois na nainerasi yesi ebe, ‘Eswap, emamei etuŋanan karaida etiaŋ,’ koreria luka Yuda, korotin da luka Yerusalem luesilok, emamei etuŋanan, emamei yeniboie kotoma, emamei da etiaŋ, iirario bobo eporoto loka ailel ka eporoto loka aiyalama, eporoto loka eteran, ka eporoto da loka ateran, eporoto loka nul luinerasi ebe, ‘Kimalata EJAKAIT loka ajoresio, Naarai ejok EJAKAIT, Naarai ejaenena akeitim ikar kere’; ido eporoto loka nul Iueyaunete asuban nuka aimal toma togo loka EJAKAIT, Naarai ebala EJAKAIT ebe, enyakuni bobo aijoreorio naka akwap kwape sek, “Inera kwanata EJAKAIT loka ajoresio ebe: Toma aibois na, naeswap, naemamei etuŋanan, karaida etiaŋ, koreriakee kere, ejaun bobo aibois naka ikecokok luituwuriakete ikecesipanin. Ebala EJAKAIT ebe, Itorete bobo isipanin akanin nuka ŋol loimari kes, koreria luka akwap nakiukon, koreria luka akwap naka apuutona, koreria luka Eŋalakimak, kakwap naka Benyamin ka aiboisio nuidunyasi kaYerusalem, koreria da luka Yuda. “Ebala EJAKAIT ebe, Koany, epote apaarasia nuetodolikinio akirot nin naejok naabu kener nuka ekek loka Isirael, ido nuka ekek loka Yuda. Kapaarasia kanun, kapak kaŋin, etilibikini Daudi Atenut naka adolit; ido itodoli ŋol nuketube ka nukadolit kakwap. Kapaarasia kanun itajario Yuda, Yerusalem da iboie inapakina; lo da ŋes ekiror loemaikinio ebe, ‘EJAKAIT ŋes akosidolit.’ “Naarai inera EJAKAIT kwanata ebe: Mam emamikini Daudi ekiliokit loiboikin oicoloŋ loka ekek loka Isirael ikar kere. Ido mam emamikini isasedotin Ilebin ekiliokit kakonyeneka loeinanakini ainakineta nuicweio, aicwe ainakineta nuka akiria, ka ainanakin asuban tir.” Kobu akirot naka EJAKAIT mama ejai Yeremia, kobala ebe: “Inera EJAKAIT kwanata ebe: Arai ipedorete aibil akaitutuket naka apaaran, ka akaitutuket naka akuare, kinye ajaun apaaran ka akuare kapakikec; asa epedori akaitutuket abilio nakolo kitutuki ka Daudi ekakejaanakinan, kinye ajaun kikoku yenirumi koicoloŋoke; ka akaitutuket da nakitutuki ka Ilebin isasedotin, ikakejaanakinak. Kwape ajore naka akuj mam epedori aimario, asine da naka aŋolol aitemio; kwape kwaŋin etanyanyaa aur naka Daudi ekakejaanakinan, ka Ilebin lukejaanakinete.” Kobu akirot naka EJAKAIT mama ejai Yeremia kobala ebe: “Mam kereka iwomoomoi nuenerata ituŋa lu ebe, ‘Aeaka EJAKAIT ikekia iarei luaseunit’? Amenata kwaŋin ikatuŋa, kinyeis bobo araun ateker kakonyenekec, Inera EJAKAIT kwanata ebe: Arai mam icasit kakaitutuker naka apaaran ka akuare, arai da mam ebwaikinit aicorakineta nuka akuj ka akwap, aso acakari aur naka Yakob, ka naka Daudi ekakejaanakinan, kenye ayaŋaar kaurike airum aur naka Aburaam ka Isaak, ka Yakob da; naarai enyakuni bobo aijoreoriokee, ido etimi kes.” Akirot naka EJAKAIT naabu kobu mama ejai Yeremia, nakejiotor Nebukadaresar ekabaka loko Babulon, ka aioreke kere, ka ajakanuto kere nuka akwap nuayait ŋesi, ka ituŋa kere, aitiji Yerusalem, ka ireriake kere, kobala ebe: “Inera kwanata EJAKAIT, Edeke loka Isirael ebe: Kolot, kinera ka Sedekia ekabaka loka Yuda, kolimok ebe, ‘Inera EJAKAIT kwanata ebe: Koany, ainakini ere lo akan naka ekabaka loko Eabulon, ŋes da icweikini kakim. Mam ikui ijo kakanike, konye abeit kikamario, kiinakinio akanike; eanyunete akonikonyen akonyen nuka ekabaka loko Eabulon, ŋes da inerakinos kaio kaituke, ido ilosi Babulon.’ Konye ca kiira akirot naka EJAKAIT, ijo Sedekia ekabaka loka Yuda. Inera EJAKAIT kwanata kanukon ebe: ‘Mam kiari ekileŋ. Itwani kainapakin. Ido kwape kisupuronokiniata lukapapaakon, ikabakan lulem kigeikinete jo, kwape kwaŋin kisupuronokiniata joo Ekuudianete kesi jo, kobalasi ebe, “Wu okwe ekosijakait!” Naarai ebala EJAKAIT ebe, eoŋ ener akirot nin.” Kosodi enabi Yeremia alimokin Sedekia ekabaka loka Yuda akiro ŋun kere kotoma Yerusalem. Kojiosi ajore naka ekabaka loko Babulon ka Yerusalem, ka ireria kere luka Yuda luapianuna, Lakis ka Aseka; naarai ŋul bon asalito koreria luka Yuda lukebwaitai. Akirot naka EJAKAIT naabu kobu mama ejai Yeremia, kodaunite ekabaka Sedekia aitutuk aitutuket kituna kere luajaas Yerusalem, alimor aosikinio kamakec. Ŋinitunanan aosikin ekebulesit, ka ninitunanan aosikin akebulesit, arai erai Eburaniat, arai Aburaniat; kinye ajaut yeriitubusiani Eyudayat, onaceke, Kosodete ikapolok kere ka iruna kere arimar, nul luetutukito aitutuket, ninirunanan aosikin ekebulesit, ka ŋinituŋanan aosikin akebulesit, kinyeis aitubusianio bobo; korimasi, koosikis, Konye kokau kibelokinos, kinyakutu ibulesin ka abulesin luaosikinito, koyaata kitubulesenoto bobo ibulesin ka abulesin. Ŋes abunio akirot naka EJAKAIT mama ejai Yeremia naebuni kama ejai EJAKAIT, kobala ebe: “Inera kwanata EJAKAIT, Edeke loka Isirael ebe: Abu ketutuk aitutuket ka iukapapaakus kapaaran naetolomunia kes kakwap nako Misiri, kotogo loka ebulesene, kabala ebe, ‘Ketuboros ikar ikanykaarei ewosianakini ŋinituŋanan onaceke loBuraniat, lokitwegelitai, lokiiaanak ikar ikanykape, iwosianakini ŋes anyoun kamakon.’ Konye mam apotu lukapapaakus keirasi, kwabo mam apotu ketoikis akeceki, Yesi da koloje pae ipotu kibelokinos, kiswamata nuejok kakonyeneka, ilimorete aosikinio ŋinituŋanan aupake; ido ipotu kitutukis aitutuket kotoma togo loenyaritai ekakiror. Konye kibelokinos, kisimoromoroto ekakiror, kinyakutu ŋinituŋanan ekebulesit ka ninirunanan akebulesit, luipotu koosikinito kwape ekototor; kitubulesenoto bobo, araut kamakus ibulesin ka abulesin, Ŋes enerar EJAKAIT kwanata ebe: Mam ipotu kiirasi eoŋ, alimor aosianakin, ŋinituŋanan onaceke, ka nininnjanan aupake, Ebala EJAKAIT ebe, Koany, alimori aosianakin kama ejai ekileŋ, ka atular, ka eteŋei; ido kainakini yes aisiarisiario roma ajakanuto kere nuka akwap, Ido ituŋa iuadiaka akaitutuket, lumam eswamato akiro nuka aitutuker naetutukete kakonyeneka, etuputoori itaok yenetubio katutubeta aarei, kosodete aitor kidin katutubetake; ikapolok luka Yuda, ka ikapolok luka Yerusalem, ka ibwacin, ka isasedotin, ka ituŋa kere luka akwap Iuetorete kidiŋ atutubeta nuka itaok, Ainakini teni kes akan naka lukasurupokec, akan da naka nul kaluemooto aijarakec. Akeeewat da nukatwak eraunete inyamat mama ejaas akweny nuka akuj, ka neejaas itian luka ais, Ainakini Sedekia ekabaka loka Yuda, ka ikapolokoke akan naka lukasurupokee, ka akan da naka nul kaluemooto aijarakec, akan da naka aiore naka ekabaka loko Babulon, luanyout kamakus. Ebala EJAKAIT ebe, Koany, ecorakini, etobonuni kes ore lo; ido itiiiete ŋes, ipikorete, icweikinete kakim, Etuluori ireria luka Yuda ameje, komamei yeniboie kotoma.” Akirot naka EJAKAIT naabu kobu mama ejai Yeremia kapaarasia nuka Yekoiakim okoku loka Yosia, ekabaka loka Yuda, kobala ebe: “Kolot okekia luka Irekabin, kinera kakes, kitolomik togo loka EJAKAIT, agola adioper, koinak ebino aimat.” Kasodi kayana Yaasania okoku loka Yeremia, okoku loka Kabasinia, ka ikeinacan, ka odweke kere, ka ekek kere loka Irekabin. Ketoloma kes togo loka EJAKAIT, toma agola naka odwe luka Kanan okoku loka Igidalia, etuŋanan loka Edeke, naidunyas kagola naka ikapolok, naajai kuju kagola naka Maaseia okoku loka Salum, ekagolon, Kebwaik ituol lueleleba ebino, ka aderekai, kakonyen nuka odwe luka ekek loka Irekabin; katema atiar, “Komata ebino.” Konye kes kobalas ebe, “Mam kima si ebino: naarai abu Yonadab okoku loka Rakab, papaakosi, kicorak kobala ebe, ‘Mam imasenenete ebino, yes, karaida odwekus ikar kere. Kwabo mam idukenenete etogo, ido mam iyeenenete ikinyom, karaida aira amanat nuka emusabibu, mam ijaenenas kakes; konye ibojenenete koweman akusipaarasia kere; kobuto ikar luipu kakwap naiboioto.’ Kipou karimasi eporoto loka Yonadab okoku loka Rekab, papaakosi, kakiro kere nukiititiŋi, amamus amasenen ebino, akosipaarasia kere, isio ka akosiŋor, ka ikosidwe lusap ka lupesur, karaida adukun itogoi lukibois, Ido emamei sio amana naka emusabibu, karaida imanikoria, karaida ikinyom; konye kiboienenei kowemart, ka-imarito, keswamaete kere nukieorakinit Yonadab papaakosi. Kosodi kanen nakebunio Nebukadaresar ekabaka loko Babulon aitiji akwap, kenerata ebe, ‘Kopotu, kaloto Yerusalem, kanuka akurian ajore naka Ikaludean, ka nuka akurian ajore naka Isurian.’ Aso ŋes kiboio koYerusalem.” Kosodi kobu akirot naka EJAKAIT mama ejai Yeremia, kobala ebe: “Inera kwanata EJAKAIT loka ajoresio, Edeke loka Isirael, ebe: Kolot, kolimok ituŋa luka Yuda ka luibojete koYerusalem ebe, Ebala EJAKAIT ebe, Mam kereka yes iyuunete aisisianakinio akiirar akakiro? Etodolikinitai akiro nuka Yonadab okoku loka Rekab nueeorakinit odweke amamus amasenen ebino, kwabo mam emasenenete aitodollolo, naarai erimarete aicorakinet naka papaakee: konye eoŋ abu kener kayes, adilonokin tupuruc einer; ido mam ipotu kopuput eoŋ. Kejukanakini da yes ikakejaanakinak kere inabin, adilonokin tupuruc aijukunun kes, kabala ebe, ‘Koboŋu cabo ŋinituŋanan ainyein ekerot loerono, kitetenata akusiswamisio, siritupanarete ieedekesio aijaanakin kes, ido iboiete kakwap naabu kainak yes ka lukapapaakus.’ Konye mam itoonokinete akusiki, kwabo mam ipotu kopuput eoŋ. Naarai etodolikis odwe luka Yonadab okoku loka Rekab aicorakinet naka papaakee naeeorakinit, konye ituŋa lu mam apotu karimasi eoŋ. Ŋes enerar kwanata EJAKAIT, Edeke loka ajoresio, Edeke loka Isirael, ebe: Koany, ayauni kotoma Yuda ka ŋul kere luibojete koYerusalem, aronis kere naenerakinit kes: naarai abu kener kakes, konye mam apotu kapuput; ido eworo, konye mam apotu kaboŋokis.” Kotema Yeremia ekek loka Irekabin atiar, “Inera kwanata EJAKAIT loka ajoresio, Edeke loka Isirael ebe: Naarai irimasi aicorakinet naka Yonadab papaakus, korieata aituutooretake kere, kiswamata kere nukieorakinit yes, ŋes inerar kwanata EJAKAIT loka ajoresio, Edeke loka Isirael ebe: Mam Yonadab okoku loka Rekab emamikini etuŋanan loebwoi kakonyeneka ikar kere.” Kosodi kanen kokaru lokiwoŋonet loka Yekoiakim okoku loka Yosia, ekabaka loka Yuda, kobu akirot naka EJAKAIT mama ejai Yeremia atiar: “Koyaŋa anunuket naka eitabo, kiwadika toma akiro kere nuabu kalimok jo aluikin Isirael, ka Yuda, ka atekerin kere, ameun apaaran nakenerar kajo, ameun kapaarasia nuka Yosia, kiton lolo, Motoko iirari ekek loka Yuda aronis kere naalosikinit aiswamakin kes; kibelokinos ŋinituŋanan ainyein ekerot loerono, kesioni numam adolitekec ka aronisikec.” Kosodi konyarau Yeremia Baruk okoku loka Neria, Kiwadik Baruk toma anunuket naka eitabo akiro kere nuka EJAKAIT, nuekopuni kaituk naka Yeremia nukelimonokinitai. Kicorak Yeremia Baruk atiar, “Kaenitai; mam apedori alosit togo loka EJAKAIT, Aso kolot ijo, kosiom nuka anunuket, nuiwadikat kaitukuka, akiro nuka EJAKAIT kaki nuka ituŋa kotogo loka EJAKAIT apaaran naka ailuŋ: isiomi da kaki nuka ituŋa kere luka Yuda, luelomunete koreriakee. Motoko edolokini ailipikee EJAKAIT, ibelokini ŋinituŋanan ainyein ekerot loerono: naarai epol anyunyura ka adedeŋ naka EJAKAIT, naenerit ŋesi mama ejaas ituŋa lu.” Kiswama Baruk okoku loka Neria kere nueeorakinit enabi Yeremia, kosiom kotoma oitabo akiro nuka EJAKAIT kotogo loka EJAKAIT. Kosodi kanen kokaru kalokikanyet loka Yekoiakim okoku loka Yosia, ekabaka loka Yuda, kolap kalokikanyetekaonon, apotu ituŋa kere luko Yerusalem, ka ituŋa da kere luapote Yerusalem anyoun koreria luka Yuda kolimosi ailuŋ kakonyen nuka EJAKAIT, Kosodi kosiom Baruk kotoma citabo akiro nuka Yeremia kotogo laka EJAKAIT kagola naka Gemaria okoku loka Sapan ekewadikan, kalaro nakokuju, kariri kerute lokitetet loka etogo laka EJAKAIT, kaki nuka ituŋa kere. Kepupu Mikaia okoku laka Gemaria, okoku loka Sapan, akiro kere nuka EJAKAIT kotoma oitabo, kiiesar togo laka ekabaka, toma agola naka ekewadikan; ido koany, kibojete kanen ikapolok kere: Elisama ekewadikan, ka Delaia okoku loka Semaia, ka El-natan okoku loka Akubor, ka Gemaria okoku loka Sapan, ka Sedekia okoku loka Kanania, ka ikapolok da kere. Kitejen Mikaia akiro kere nukiirari, naasiomia Baruk eitabo kaki nuka ituŋa, Kosodete ikapolok kere kiyakias Yekudi okoku loka Netania, okoku loka Selemia, okoku loka Kusi, mama ejai Baruk ebalas ebe, “Kolem anunuket na nan isiomi kaki nuka ituŋa, kobu.” Kosodi Baruk okoku laka Neria kolem anunuket, kolot neajaas. Kolimokis ŋes ebe, “Aso kiboikin, kosiom kakiikosi.” Kosiom Baruk kakiikec. Kosodi kanen, kiirasi akiro kere, konolianakinos kanuka akurian, kotemasi Baruk atiar, “Kibusakinit aitejenun ekabaka akiro ŋun kere.” Kinita Baruk kobalas ebe, “Aso cani kolimokinai, kiwadikai biai akiro nu kere? Ikopuni kereka ijo kaitukuke?” Kosodi Koboŋok Baruk ebe, “Kalimonokini ŋesi eoŋ akiro ŋun kere kaitukuke, kewadikai eoŋ toma oitabo kebwino.” Kosodete ikapolok alimokin Baruk ebe, “Kolot, konopa diidi, ijo ka Yeremia; sirikejenu ituŋanan neijaas.” Kolomasi alaro mama ejai ekabaka; konye kinadakinito anunuket togo loka Elisama ekewadikan; kitejenut ekabaka akiro kere. Kosodi ekabaka kijuka Yekudi aomare anunuket: kolem kotoma agola naka Elisama ekewadikan, Kosiom Yekudi kaki nuka ekabaka, kaki da nuka ikapolok kere luabwoete aapu kekabaka. Kiboie ekabaka kotogo loka aiporo olap lokikanyetekaoŋon, kojai da ekiala kinokokitete akim kakonyeneke. Kosodi kanen, naesiomia Yekudi apapulai auni arai aoŋon, kotubutubei ekabaka kekilen, kocakanakini akim nakokiala, kiton needoporia anunuket kere kotoma okiala. Konye mam apotu koyona, karaida acilicil ikecenapen, ekabaka, karaida ikekejaanakinak kere lueiraritos akiro ŋun kere. Karaida apotu El-natan ka Delaia ka Gemaria kinainaata ekabaka ainyein aicwe anunuket; konye koner apupun kes, Kicorak ekabaka Yerameel okoku laka ekabaka, ka Seraia okoku loka Asuriel, ka Selemaia okoku loka Abudeel, aikamun Baruk ekewadikan ka enabi Yeremia; konye kibwa EJAKAIT kes di. Kosodi kobu akirot naka EJAKAIT mama ejai Yeremia, kedau ekabaka aicwe anunuket, ka akiro nuewadikat Baruk kaituk naka Yeremia atiar: “Koyaŋa bobo acenunuket, kiwadika tomake akiro kwa kere nusek nuajaas toma anunuket nasodit, naecwei Yekoiakim ekabaka loka Yuda, Inera nuka Yekoiakim ekabaka laka Yuda ebe, ‘Inera EJAKAIT kwanata ebe, Ieweik anunuket ŋin, kobala ebe, “Kanukinyo kiwadikaa kotomake ebe, abeit ebuni ekabaka loko Babulon, amunaar akwap na, ido itanani kanen etuŋanan ka etiaŋ?” Kanuka nun inera kwanata EJAKAIT nuka Yekoiakim ekabaka loka Yuda ebe, Emameun ituŋanan yeniboikini oicoloŋ loka Daudi. Ecakario akuanake nakatwan kina neejai amwanis paaran, ka aterot da kuare. Eticani eoŋ ŋes ka akeur ka ikekeiaanakinak kanuka numam adolitekec; ayaun mamakec, ka neejaas luibojete koYerusalem, ka neejaas ituŋa luka Yuda, aronis kere naabu kenerak kes, konye mam apotu kopuput.’” Kosodi kolem Yeremia anunuket ace, koinak Baruk ekewadikan, okoku loka Neria; kiwadika nesl tomake kaituk naka Yeremia akiro kere nukoitabo loecwei Yekoiakim ekabaka loka Yuda: kiyatakinai tomakec akiro nuipu kwape kakwa. Kirum Sedekia okoku loka Yosia ekabaka, aibois naka Konia okoku loka Yekoiakim, loesurumi Nebukadaresar ekabaka loko Babulon akwap naka Yuda. Konye mam ŋes, ka ikekejaanakinak, ka ituŋa luka akwap, mam apotu kiirasi akiro nuka EJAKAIT nuenera kama ka Yeremia enabi, Kijuka Sedekia ekabaka Yekukal okoku loka Selemia, ka Sepania esasedoti, okoku loka Maaseia, mama ejai enabi Yeremia, atiar, “Kilipakinai kama ejai EJAKAIT Edekewok.” Ido kolomanari Yeremia kolomununei da otuŋa: naarai aroko egolokino aenis. Kelomunit aiore naka Parao anyoun ko Misiri: nakiirariata Ikaludean luerigaunito Yerusalem akirokec, konyout koYerusalem. Kosodi kobu akirot naka EJAKAIT mama ejai enabi Yeremia, kobala ebe: “Inera kwanata EJAKAIT, Edeke loka Isirael ebe: Ilimokini kwanata ekabaka loka Yuda, lokiiiukunit jo aiŋit eoŋ, ebe, ‘Koany, eboŋori ajore naka Parao Misiri, akwapukec, naanyounitaisigalikin yes. Eboŋunete bobo Ikaludean da, itijiete ere lo; irumete, icweikinete kakim. Inera EJAKAIT kwanata ebe, Sirikimodomodas ebe, “Abeit enyounete Ikaludean kamawok”; naarai mam enyounete. Naarai karaida kidanyata yesi aiore kere naka Ikaludean luejios kayes, kopianunos ituŋa Iuimusutjitai bonik kakesi, tikenyout kesi, ninitunanan kowemake, aicweikin ere lo kakim.’’’ Kosodi kanen, nakenyou ajore naka Ikaludean kotoma Yerusalem kekuriakata aiore naka Parao, kosodi Yeremia kolom ko Yerusalem alosit akwap naka Benyamin, adumun ekewai kaŋina kotoma otuŋa. Nakejaar Ŋesi orute loka Benyamin koiai ekapolokiton loka ikedarak, ekekiror Iriya okoku loka Selemia, okoku loka Kanania; kikam enabi Yeremia, kobala ebe, “Isii ijo mama ejaas Ikaludean.” Kobala Yeremia ebe, “Isabi ijo; mam eoŋ asiit oKaludean.” Konye koner Iriya akiirar. Kosodi kikam Yeremia koyaŋa mama ejaas ikapolok. Konyunyurikis ikapolok Yeremia, kibunata, kogolokis aenis togo loka Yonatan ekewadikan; naarai etuluoritai etogo ŋol aenis. Kosodi keloma Yeremia togo loka aipany, kiton igolai, kiboi Yeremia kaŋina apaarasia nuipu; kosodi kijuk ekabaka Sedekia aomare ŋes: kinit eka baka ŋes kaiyeiyea kotogoke, atiar, “Ejai tope adiokirot naka EJAKAIT?” Kobala Yeremia ebe, “Ejai bo.” Kobala bobo ebe, “Kiinakinio jo akan naka ekabaka loko Babulon.” Kotema bobo Yeremia ekabaka Sedekia atiar, “Nunyoika adiakaa kamakon, arai kokejaanakinakakon, arai kotuzja lu, tape kigolokinete aenis? Alu bo kwana inabinokus lukiidwarakinete ebe, ‘Mam ebuni ekabaka loko Babulon asurokin yes, karaida akusikwap’? Aso kwana, kiirarai, wu ekaiakait ekabaka, kenainair: kodolok akailip mamakon, kenainait; sirikiinyakak togo loka Yonatan ekewadikan, kenye atwanikin ŋina.” Kosodi ekabaka Sedekia kicorak, kibwaikis Yeremia aidaris naka alaro naka ikedarak, koinanakinai ninipaaran emugati loeyaunio korot loka ikapeok, aitodol neadaunotor imugatin kere lukore. Kosalak Yeremia alaro naka ikedarak. Kiirasi Sepatia okoku loka Matan, ka Gedalia okoku loka Pasur, ka Yukal okoku loka Selemia, ka Pasur okoku loka Malikiya, akiro nua limonokini Yeremia ituŋa kere ebe, “Inera EJAKAIT kwanata ebe, Yeniboikini ore lo eari ekileŋ, ka eteŋei, ka atular: konye yenelomari mama ejaas Ikaludean eiari, einakinio da akeiiar araun anatuna, ido eiari, Inera EJAKAIT kwanata atiar, Abeit einakinio ere lo akan naka aiore naka ekabaka loko Babulon, irumi ŋes.” Kosodete ikapolok atemar ekabaka atiar, “Kijainait koarai ekesa lo; naarai esiialiiala akanin nuka ikajiok luesalito ore lo, akanin da nuka ituŋa kere, kanuka alimonokin akiro nuikote kwaka ŋun; naarai ekesa ŋol mam emoikinit ituŋa lu aiokis, dimarai aronis.” Abu Sedekia ekabaka kotema atiar, “Koany, ejai akaninikus, naarai mam epedori ekabaka aisimik yes adiokirot.” Kosodete koyanaasi Yeremia, kocakakis aipany naka Malikiya okoku loka ekabaka, naajai alaro naka ikedarak: kijoliliosi Yeremia kaunoi, Amameete akip kotoma aipany, dimarai erit: kiliko erit Yeremia. Nakepupunio Ebed-melek, Etiopiat, ebwacit, loajai togo loka ekabaka, ebe, Ebwaikis Yeremia aipany; eboie ekabaka korute loka Benyamin; kolom Ebed-melek kotogo loka ekabaka, kotema ekabaka atiar, “Ekajakait ekabaka, eswamata ituŋa lu nueroko kakere nueswamakis Yeremia enabi, Ioacakakis aipany; ido ekot arwanikin aibois neejai kanuka eteŋei; naarai emameete inyamat kore.” Kosodi ekabaka aicorakin Ebed-melek Etiopiat, kobala ebe, “Koyaŋa kane ituŋa akaisauni, kouparos kakes, kolemutu Yeremia enabi kaipany, eroko ketwana.” Kosodi Ebed-melek koyana Innja, kouparos kakes, koloma togo loka ekabaka kwap kainadis, kolem inyakinyakia lumoion luaeakaritai, ka idapaiea, kisijolilio kaunoi aipany mama ejai Yeremia, Kosodi kotema Ebed-melek Etiopiat Yeremia ariar, “Kibwaik inyakinyakia lu lumoion luaeakaritai ka idapaiea lu akirididinikon kanuka aunoi.” Kiswama Yeremia kwaŋin, Kosodete airiun Yeremia kaunoi kaŋun, kolemut kaipany. Kosalak Yeremia alaro naka ikedarak. Kosodi kijuka Sedekia ekabaka, koyaunai Yeremia enabi mamake alomaret nakiwuniet naejai togo loka EJAKAIT. Kotema ekabaka Yeremia atiar, “Keenit akirot; sirikimunonik adiokirot kere.” Kosodi Yeremia kotema Sedekia atiar, “Arai kaalimok, mam kereka kipedor aiar eoŋ? Ido arai keecor, mam kiirari.” Kosodi Sedekia ekabaka kiyapoik Yeremia kaiyeiyea, kiner ebe, “Kwape ejaria EJAKAIT, lokiisubakini oni aijar na, mam kaari, kwabo mam kainakini akan naka ituŋa ŋul luemoete akoniijar.” Kosodi Yeremia atemar Sedekia atiar, “Inera kwanata EJAKAIT, Edeke loka ajoresio, Edeke loka Isirael ebe, Arai kiloma mama ejaas ikapolok luka ekabaka loko Babulon, aso ekui akoniiiar, ere lo da mam icweikinio kakim: ijari ijo da ka ekonikek, Konye arai kiner alomar alosit mama ejaas ikapolok luka ekabaka loko Babulon, asa einakinio ere lo akan naka Ikaludean, ido icweikinete kakim, ijo da mam ikui kakanikec.” Kosodi Sedekia ekabaka atemar Yeremia atiar, “Ayoŋit Iyudayan luasiata oKaludean, kenyeis ainakin akanikee, kesekeloro.” Konye kotema Yeremia atiar, “Mam kiinakinete. Kenainait, korima eporoto loka EJAKAIT, kanun nukalimok jo: asa ijaun ejok, ejari da ekonitau, Konye arai kiŋer alomar, na ŋes akirot naabu EJAKAIT ketodik eoŋ: Koany, aŋor kere nukinyeinio kotogo loka ekabaka loka Yuda itolomunio mama ejaas ikapolok luka ekabaka loko Baulon, iŋerete aŋor kwa ebe, “Kimodete ipapero lukodieikon, Kipikosi jo. Epokata akonikejen kotoma orit, Abonosi kesi kau.’ Ido itolomarete Ikaludean anorokon kere ka ikonidwe: ka jo da mam ikui kakaninikee, konye kikamario kakan naka ekabaka loko Babulon: idupori ere lo aicweikinio kakim.” Kosodi kolimok Sedekia Yeremia ebe, “Sirikejenu ituŋanan akiro nu, asa mam itwani. Konye arai kiirasi lukapolok ebe kinere kaio, epote kesi neiiai atemar ebe, ‘Aso cani kolimokinai nuibu kolimok ekabaka; bobo da nukilimok eka baka jo; sirikiimunonik sio, mam sio kiari jo’; Kosodi ilimokini kes ebe, ‘Abu kenaina ekabaka, kenyek ainyakar togo loka Yonatan, kenyek atwanikin ŋina.’’’ Kosodete kopotu ikapolok kere mama ejai Yeremia, kiŋita; kolimok akiro ŋun kere nueeorakini ekabaka, Kinyeis einer kaŋes, naarai mam apotu kopupos akiro. Kosodi kosalak Yeremia alaro naka ikedarak, kiton apaaran naerumiarere Yerusalem. Kokaru lokikanyetekaonon loka Sedekia ekabaka loka Yuda, olap lokitomonet, kobu Nebukadaresar ekabaka loko Babulon ka akeiore kere asurokin Yerusalem, kirigaut; kokaru lokitomonet kalodiopet loka Sedekia, kolap lokiwononet, kapaaran nakikanyetekaonon naka elap, kocila ere. Kosodi kanen naerumiarere Yerusalem, kolomas ikapolok kere luka ekabaka loko Babulon, kiboikinos orute lokokidin, kes Neregal-sarescr, Samugar-nebo, Saresekim lokerai Rab-saris, Neregal-sareser lokerai Rabmag, ka ikapolok ice kere luka ekabaka loko Babulon. Kosodi kanen, keanyu Sedekia ekabaka loka Yuda, ka ikajiok kere, kokerata, konyout kotoma ore kuare, korot loka emanikor loka ekabaka, korute lokokidiŋ arwatatin aarei: koloma korot loka Araba, Konye korukio ajore naka Ikaludean, kodolokis Sedekia kapuutona nuka Yeriko: kedaut aikamun, koyanaasi Ribula akwap naka Kamat, mama ejai Nebukadaresar eka baka loko Babulon, kotubokinai akiro, Kosodi koarak ekabaka loka Babulon odwe luka Sedekia Ribula, kakonyeneke; koar da ekabaka loko Babulon isotia kere luka Yuda. Ido kogorununoi akonye nuka Sedekia, koenai ŋes kirikoi, ayaŋaar Babulon. Kieweata Ikaludean etogo loka eka baka, ka itogoi luka ituŋa, kotiyatiyata arwatatin nuka Yerusalem, Kosodi Nebusaradan ekapolon loka ikedarak aijoreor luasalito luka ituŋa luapianuna kore, ka luasiete da mamakeŋ, ka luasalito luka ituŋa luapianuna, koyana Babulon, Konye kitasal Nebusaradan, ekapolon loka ikedarak, lukican kotuna, luamamei idiobore, toma akwap naka Yuda, koinak kes kapak kaŋin amanat nuka emusabibu ka imanikoria. Ido kicorak Nebukadaresar ekabaka loko Babulon Nebusaradan, ekapolon loka ikedarak, nuka Yeremia ebe, “Koyana ŋes, kidari ŋes ejok, sirikiswamak nueroko; konye nukilimokini, nun iswamakini ŋes.” Aso kijuka Nebusaradan, ekapolon loka ikedarak, ka Nebusasiban lokerai Rabsaris, ka Neregal-sareser lokerai Rab-mag, ka ijaka kere luka ekabaka loko Babulon; kijuka, kolemasi Yeremia kalaro naka ikedarak, kijaikis Gedalia okoku loka Akikam, okoku loka Sapan, ayaŋaar oreken. Kosodi kiboioto kituna. Kobu do akirot naka EJAKAIT mama ejai Yeremia, naaenitere kalaro naka ikedarak, kobala ebe: “Kolot, kolimok Ebed-melek Etiopiat ebe,, Inera kwanata EJAKAIT loka ajoresio, Edeke loka Isirael ebe, Koany, ayauni akakiro ore lo kanuka aronis, mere kanuka ajokis, ianyuni ijo da kes apaaran ya, Ebala EJAKAIT ebe, Konye kayuuni jo kapaaran kaya; ido mam kiinakinio akan naka ituŋa luikuriana. Naarai ebala EJAKAIT ebe, Abeit ketaiari jo, mam ekileŋ kiari; konye eraun aijarakon anatuna: naarai kimunokina eoŋ.’” Akirot naka EJAKAIT naabu kobu mama ejai Yeremia, kedau Nebusaradan ekapolon loka ikedarak aosikin ŋes anyoun koRama, nakeyanaaria eenen kirikoi nepepe kienan kere luka Yerusalem ka Yuda, lueioreorio Babulon, Koya ekapolon loka ikedarak Yeremia, kotema atiar, “Enerak EJAKAIT Ekonideke aronis na kere aibois na: Ido etodolik EJAKAIT, es wama kwape abu kinerar; naarai ipotu kodiakas kama ejai EJAKAIT, kwabo mam ipotu korimasi ekeporoto, kanuka nun kibunok akirot na, Ido kwana koany, kalacakini lolo korikoi luejaas akaninikon. Arai itojokit ijo aupar keoŋ Babulon, asa kobia, kedarenenei jo ejok; konye arai eraas nueroko jo aupar keoŋ Babulon, kinye: ko any, akwap kere ejai akonyenekon; kolot neitojokit ijo neiwomit edolit alosit.” Kosodi eriŋa enyouno aboŋor, kotema atiar, “Koboŋo do neejai Gedalia okoku loka Akikam, okoku loka Sapan, loainaki ekabaka loko Babulon ayait ireria kere luka Yuda, kiboikin oreke otuŋa; arai bo ilosi kere neiwomit edolit alosit.” Kosodi ekapolon loka ikedarak ainakin ŋes inyamat, ka ainakinet, kolakak. Kosodi Yeremia alosit mama ejai Gedalia okoku loka Akikam, Misipa, kiboikin oreke otuŋa luasalito kakwap. Nakiirariata ikapolok kere lukorioneta luajaas okitui, kes ka ikecetuŋa, ebe, ainak ekabaka loko Babulon Gedalia okoku loka Akikam, ayait akwap, ido etitin ikiliok ka aŋor ka idwe ludidik, kaijul lukican luka akwap, lumam eioreoritai Babulon; kopotu mama ejai Gedalia Misipa, Isimael okoku loka Netania, ka Yokanan ka Yonatan odwe luka Karea, ka Seraia okoku loka Tanumet, ka odwe luka Epai Enetopatit, ka Yesania okoku loka Emaakatit, kes ka ikecetuŋa da. Kosodi Gedalia okoku loka Akikam, okoku laka Sapan, kiyapoik kes ka ikecetuŋa kinera atiar, “Sirikiyoŋa aiiaanakin Ikaludean. Kiboikinos akwap, kijaanakis ekabaka loko Babulon, ido ijaununete ejok, Koany, ajaenena eoŋ Misipa, abwoenen kakonyen nuka Ikaludean, luepote mama kija oni. Konye yes, korukonokinete ebino, ka araito nuka akamu ka akinyet, kibwaanakinete oborokus, kiboienenete koreriakus luiruma.” Idokwape kwaŋin Iyudayan kere luajaas toma Moab, ka lukotoma odwe luka Amon, kotoma Edom, ka luajaas toma akwapin kere, nakiirariata kwape esidonio ekabaka loko Babulon aatoŋot kotoma Yuda, ido adakaki Gedalia okoku loka Akikam, okoku loka Sapan ayait kes, kosodete koboŋut Iyudayan kere anyoun kaiboisio kere nuerenearitai, kopotu toma akwap naka Yuda, mama ejai Gedalia, Misipa, kotukonokis ebino ka araito nuka akamu nuipu noi teni. Ido bobo kobu Yokanan okoku loka Karea, ka ikapolok kere lukorioneta luajaas okitui mama ejai Gedalia Misipa, Kobalas ebe, “Ŋeni kereka ijo ebe ejuku Baalis ekabaka loka idwe luka Amon Isimael okoku laka Netania aiar jo?” Konye kogirok Gedalia okoku loka Akikam kes, Kosodi Yokanan okoku loka Karea kinera ka Gedalia ko Misipa kaiyeiyea, kobala ebe, “Keŋaiŋait, mere kalot, kaar Isimael okoku Ioka Netania, komam ituŋanan yenejenuni. Tikiarak jo inyo, tape Iyudayan kere luatukokina mama ijai isiarisiarunos, koolio aatonor naka Yuda?” Konye Gedalia okoku loka Akikam kotema Yokanan okoku loka Karea atiar, “Sirikiswama akirot nin; naarai isabanakini Isimael.” Kosodi kanen kolap kalokikanyetekaarei kobu Isimael okoku loka Netania, okoku loka Elisama, lokaur naka ekabaka, ediopet ka lukapolok luka eka baka, nepepe kituija itomon mama ejai Gedalia okoku loka Akikam Misipa: komorata ainyam koMisipa, Kosodi konyou Isimael okoku loka Netania, ka ituŋa itomon Iuajaas kaŋes, kicumata Gedalia okoku loka Akikam, okoku loka Sapan, kekilen, koarata, loabu eka baka loko Babulon kodakak ayait akwap. Koar bobo Isimael lyudayan kere luajaas ka Gedalia, Misipa, ka Ikaludean luadumunio kaŋina, kes ikaiiok. Kosodi kanen apaaran nakiareit kedaun aiar Gedalia, komamei yenejeni, kopotu ituŋa anyoun koSekem, ka Silo, ka Samaria, ituŋa akaisakanykauni luabarenito ipeneka, kocilicila anapitokec, kogerito awat, ekoditos ainakineta ka lukisupurununo, ayaŋaun togo loka EJAKAIT, Konyou Isimael okoku loka Netania ko Misipa aisiriam kes, kolot mama ejaas emonyi. Kosodi kanen, kiriamakinos kakes, kotema kes atiar, “Kopotu neejai Gedalia okoku loka Akikam.” Kosodete kedolut kidiŋ ore, koar Isimael okoku loka Netania kes, kocakak aipany, ŋes ka ituŋa luajaas kaŋes, Konye kotakanut ituŋa itomon kotomakec, luatemarete Isimael atiar, “Sirikiara sio: naarai ejaas bukosi imono luebwaitai omanikor, akima, ka esairi, ka akinyet, ka esik.” Kosodi kinye, mam abu koar kes kwape kiinacanakec, Aipany nin naacakakini Isimael awat kere nukatwak nuka ituŋa luaari, kosiep loka Gedalia, ŋipenin aipany naaboki Asa eka baka kanuka akurian Baasa ekabaka loka Isirael. Kileleb Isimael okoku loka Netania kituna luaari. Kosodi kijoreo Isimaelluedeunos kere luka ituŋa luajaas Misipa, kiton adwe nuka ekabaka, ka ituŋa da kere luasalito Misipa, luabu Nebusaradan ekapolon loka ikedarak kititin Gedalia okoku loka Akikam. Kijoreo Isimael okoku loka Netania kes, konyou alosit mama ejaas idwe luka Amon. Konye nakiiraria Yokanan okoku loka Karea, ka ikapolok kere luka irioneta luajaas kaŋes, nukaronok kere nueswama Isimael okoku loka Netania, koyanaasi ituŋa kere, koloto aitiji Isimael okoku loka Netania, kodumakis atapar naepol naajai Gibeon. Kosodi kanen keanyutu ituŋa kere luajaas ka Isimael Yokanan okoku loka Karea, ka ikapolok kere luka irioneta luajaas kaŋes, kiyalamikinos. Apotu ituŋa kere luejoreorit Isimael anyoun ko Misipa kibelokinos kobonosi, koloto mama ejai Yokanan okoku loka Karea. Konye koku Isimael okoku loka Netania kama ejai Yokanan, ŋes nepepe kituna ikanykauni, kolot mama ejaas idwe luka Amon. Kosodi Yokanan okoku loka Karea, ka ikapolok kere luka irioŋeta luajaas kaŋes, koyanaasi aatoŋot kere naka ituŋa luabu Isimael kijoreo anyoun koMisipa, kedau aiar Gedalia okoku loka Akikam, kes ikajiok, ka aŋor, ka idwe, ka ibwacin, luenyakuni Yokanan koGibeon, Koloto, kiboikinos Gerut Kimam, eiduny ka Bet-lekem, alosior Misiri, kanuka Ikaludean; naarai kokuriakaros kes, naarai abu Isimael okoku loka Netania koar Gedalia okoku loka Akikam, loadakakinit eka baka loko Babulon ayait akwap. Kosodete kikunyakis ikapolok kere luka irioneta, ka Yokanan okoku loka Karea, ka Yesania okoku loka Kosaia, ka iruna kere ageun kalu didik kiton lukapolok, kotemasi enabi Yeremia atiar, “Kinainait, kocam akosiilip, kilipak sio mama ejai EJAKAIT Ekonideke, ilipakini aatoŋot na kere; (naarai kisal idis taai kotoma luetia nen, kwape aanyuniata akonikonye sio), Kitodik EJAKAIT Ekonideke sio erot lokibusakinit aitorenen, ka akirot da nakibusakinit aiswamaenen.” Kosodi kotema enabi Yeremia atiar, “Keira yes; koany, elipi EJAKAIT Edekekus kwape ejaatar akusikiro; kosodi kanen akirot kere nakibonokini yes EJAKAIT, kalimokinete; mam kemunonikin adiokirot kere.” Kosodete kotemasi Yeremia atiar, “Korau EJAKAIT ekajenan lokabeit lomunot kamawok, arai mam kiswamai kwape ejaar akirot kere nakijukunia EJAKAIT Ekonideke mamakosi. Arai ejok, arai erono, kirimari eporoto loka EJAKAIT Ewokodeke, lokijukarit isio jo mama ejai; tetere kiiaun ejok, arai kiirima eporoto loka EJAKAIT Ewokodeke.” Kosodi kanen ketuboros apaarasia atomon, kobu akirot naka EJAKAIT mama ejai Yeremia, Kosodi konyarau ŋesi Yokanan okoku loka Karea, ka ikapolok kere luka irioneta luajaas kaŋes, ka ituŋa kere ageun ka ludidik kiton Iukapolok. Kotema atiar, “Inera kwanata EJAKAIT, Edeke loka Isirael, lokiijukaritos mama ejai alimor akusiilip kakonyeneke ebe: Arai kicamutu aiboi kakwap kana, aso kaduki yes, kwabo mam kebirorete, kerai yes, kwabo mam karutorete; naarai eitok aronis naabu keswama. Ebala EJAKAIT ebe, Sirikikuriakata ekabaka loko Babulon, loikuriaka; sirikikuriakata ŋes, Naarai ajai eoŋ nepepe kayes aitajar, ka ayuun da yes kakanike. Ido ainakini yes aitimio, tetere kitimi ŋesi yes, kisiboik akwapukus. Konye arai ibalas ebe, ‘Mam kiboikin akwap na’; komam irimarete eporoto loka EJAKAIT Ekusideke; ibalas ebe, ‘Mam; konye kilosi akwap nako Misiri, nemam kianyuni ejie, kwabo mam kiirari eporoto loka arupepe, ido mam kiriebi eteŋei loka inyamat; ŋina ŋes kiboikin,’ asa do kiirasi akirot naka EJAKAIT, yes aatoŋot naka Yuda. Inera kwanata EJAKAIT loka ajoresio, Edeke loka Isirael ebe: Arai kitogogonoto akusikonyen eut alomar akwap nako Misiri, kolototo aiboi ŋina; kosodi kanen, kidolokini ekileŋ loiyonito kaŋina kakwap nako Misiri, eteŋei da loikuriaka, kiduduni yes kaŋina koMisiri, ido itwakikincte ŋina. Ikonakinio nen ituŋa kere luitogogoŋito akecekonyen alosit Misiri aiboi ŋina; eari ekileŋ, ka eteŋei, ka atular da: emamei idio yenesali yenekui karonis naainuni kes. “Naarai inera kwanata EJAKAIT loka aioresio, Edeke loka Isirael ebe, Kwape abu akanyunyura ka akadedeŋ kobukokinor mama ejaas luibojete koYerusalem, kwape kwaŋin ebukokinor akadedeŋ mamakus, arai kilomas Misiri; iraunete yesi aimuario, ka aumokiner, ka ekenit, ka amorosit, mam bobo ianyunete aibois na. Ener EJAKAIT mamakus, yes aatoŋot naka Yuda ebe, ‘Sirikiloto Misiri’: kojenutu cut ebe kekwenyarit yes lolo. Naarai iswamata nukaimod kotauonokus, yes ikulepek; naarai ipotu kijukasi eoŋ mama ejai EJAKAIT Ekusideke, ibalas ebe, ‘Kilipakinai kama ejai EJAKAIT Ewokodeke: kere da nueremari EJAKAIT Ewokodeke, kolimok sio, kiswamai isio da.’ Lolo da keteienu yes; konye mam ipotu korimasi eporoto loka EJAKAIT Ekusideke kakiro kere nukejukunia mama ijaas. Aso do kojenutu cut ebe kiari ekileŋ, ka eteŋei, ka atular da, kotoma akwap naikotosi alosit aiboi.” Kosodi kanen nakedaunia Yeremia einer kituna kere akiro kere nuka EJAKAIT Ekecedeke, nuejukunitor EJAKAIT Ekecedeke, kes akiro ŋun kere, kosodi Asaria okoku loka Kosaia, ka Yokanan okoku loka Karea, ka ituŋa kere luisoŋoloko, kinerata ka Yeremia kobalas ebe, “Iŋalai. Mam kijukunit EJAKAIT Ewokodeke einer ebe, ‘Sirikiloto Misiri aiboi nina.’ Konye Baruk okoku loka Neria ŋes kisidiki jo aijaikin sio akan naka Ikaludean, tetere kiarete kesi sio, ka aiioreor da Babulon.” Aso Yokanan okoku loka Karea, ka ikapolok kere luka irioŋeta, ka ituŋa kere, mam apotu korimasi eporoto loka EJAKAIT, aiboikin akwap naka Yuda. Konye koyana Yokanan okoku loka Karea ka ikapolok kere luka irioneta, aatoŋot naka Yuda luabonunito anyoun katekerin kere nuerenearitai aiboikin akwap naka Yuda, ikiliok, ka aŋor, ka idwe ludidik, ka adwe nuka eka baka, ka ŋinitunanan yenenyekinia Nebusaradan ekapolon loka ikedarak Gedalia okoku loka Akikam, okoku loka Sapan, ka enabi Yeremia, ka Baruk okoku loka Neria. Kolomasi akwap nako Misiri; naarai mam apotu korimasi eporoto loka EJAKAIT, Kodoloto Ta-panes. Kosodi kobu akirot naka EJAKAIT mama ejai Yeremia koTa-panes, koba la ebe: “Kolem amor nuepolok akanikon, kibwa kotoma alup nuka amatapalin, nuejaas neelomarere togo loka Parao koTa-panes, kosesenete da ituŋa luka Yuda; kolimok kes ebe: ‘lnera kwanata EJAKAIT loka aioresio, Edeke loka Isirael ebe: Koany, ejukuni alemuni Nebukadaresar eka baka loko Babulon, ekakejaanakinan, ebwaikini ekeicoloŋ loka ajakanut amor nu nuebwa; ido eterakini ewemake loka ekabaka mamakee. Ido ebuni, edanyi akwap nako Misiri; einakini lukatular, atular, lukiioreo aijoreorio, lukekileŋ okileŋ, Enokokini akim otogoi luka idekesio luko Misiri, ido icweikini kes, iioreori kes: enapi akwap nako Misiri, kwape enapia ekecokon anapitoke; enyouni kaŋina inapakina. Ido ebilibilei ipirin luka Bet-semes, loejai akwap nako Misiri; icweikini da kakim itogoi luka idekesio luko Misiri.’’’ Akirot naabu kobu mama ejai Yeremia nuka Iyudayan kere lueboiete kakwap nako Misiri, lueboiete koMigidol, ka Ta-panes, ka Nop, kakwap da naka Paturos, kobala ebe: “Inera kwanata EJAKAIT loka aioresio, Edeke loka Isirael ebe: Ianyut aronis kere naa bu kayau Yerusalem, koreria da kere luka Yuda. Ido koanv, eraas lolo ameiei, emamei ituŋanan yeniboie kanen, kanuka nukaronokokec nueswamata aitunyunyurikin eoŋ, naarai apaasi aisupuronokin lukisupurununo, ka aiiaanakin da icedekesio, lumam kolo ajenete, kes, karaida yes, karaida lukapapaakus. Konye abu keiukanak yes ikakeiaanakinak kere inabin, adilonokini tupuruc aiiukunun kes, kabala ebe, ‘Wu okwe! Sirikiswamata akirot na naketal naalait.’ Konye mam apotu kopuput, kwabo mam itoikino akeceki ainyein nukaronokokec, amamus aisupuronoldn icedekesio lukisupurununo. Ŋes abukokinia akanyunyura ka akadedeŋ, kinep koreria luka Yuda, korotin da luka Yerusalem; ido eswapa, emejeikis, kwape ejaatar lolo. Aso do ŋes inerar kwanata EJAKAIT, Edeke loka ajoresio, Edeke loka Isirael, ebe: Kanukinyo iswamakiniata ikusitauon aronis naetia ne, yes amudiar ekiliokit ka aberu, ka ikoku ka imukeru da kotoma Yuda, ainyein yes komamei yenasalit? Kanukinyo kitunyunyurikiniata eoŋ kanuka aswamisio nuka akaninikus, isupuronokinete icedekesio lukisupurununo kakwap nako Misiri naipotu kopotu aiboi; tape kimudiario, araun ekenit, ka amorosit kotoma atekerin kere nuka akwap? Kimurwok kereka yes aronis naka lukapapaakus, ka aronis naka ikabakan luka Yuda, ka aronis naka aŋorokec, ka aronisikus, ka aronis da naka aŋorokus, naapotu kiswamata kakwap naka Yuda, korotin da luka Yerusalem? Mam itisilaara kiton lolo, kwabo mam eyoŋito, ido mam elosenenete kokisilaka, karaida kaicorakinetaka, nuabu kebwaik kakonyenekus, kakonyen da nuka lukapapaakus. “Ŋes inerar kwanata EJAKAIT loka ajoresio, Edeke loka Isirael, ebe: Koany, kaseseni yes kakonu naerono, amudiar Yuda kere. Ayaŋaari aatoŋot naka Yuda, luetogogonete akeeekonyen alosit akwap nako Misiri aiboi kaŋina, epiario kes kere, Ebiroros kakwap nako Misiri; epiari ekileŋ, ka eteŋei; etwakete kekilen, ka eteŋei ageun kalodidi kiton lokapolon: eraunete aimuario, ka aumokinet, ka ekenit, ka amorosit. Naarai eticani ŋulluiboiete kakwap nako Misiri, kwape abu keticania Yerusalem, kekilen, ka erenei, ka atular da. Tetere mam ekui karaida aisal imodio kaatonot naka Yuda luaponito aiboi akwap nako Misiri, aboŋor akwap naka Yuda, naemielas kesi aboŋor aiboi. Naarai emamei yenebonori dimarai idis luekuete.”. Kosodete kobonokis ituŋa kere Yeremia, luajenete kwape esupuronokiniata aŋorokec icedekesio lukisupurununo, ka aŋor kere nukebwoete kosiepikec, atukot naepol, ituŋa kere luibojete kakwap nako Misiri, kotoma Paturos, kobalas ebe, “Akirot naibu kolimok sio kokiror loka EJAKAIT, mam kiirari. Konye abeit kiswamai ninikirot naelomuni kaitukekosi, aisupuronokin akabaka naka akuj lukisupurununo, abukonokin ŋes ainakineta numatan, kwape kiswamaa, isio ka lukapapaakosi, ikabakanakosi, ka ikapolokokosi, koreria luka Yuda, korotin da luka Yerusalem: naarai kapak kaŋin ŋes kimonianakinor inyamat, kajaut ejok, komam kianyunit nukaronok. Konye netikolo kinyeinia aisupuronokin akabaka naka akuj lukisupurununo, abukonokin ŋes ainakineta numatan, kitwakia kere, kipiari kekilen ketenei.” ‘Kobalas aŋor da ebe, “Nakiisupuronokinia akabaka naka akuj lukisupurununo, abukonokin da ainakineta numatan, kepoonokis imugatin amaia, kabukonokis ainakineta numatan, mam kereka acamunito ikosikiliok?” Kosodi kolimok Yeremia ituŋa kere, ikiliok ka aŋor da, kes ituŋa kere luabonokinete ŋes kwaŋin, kobala ebe: “Lukisupurununo luisupurununete koreria luka Yuda, korotin da luka Yerusalem, yes ka lukapapaakus, ikusikabakan ka ikapolokokus, ka iruna luka akwap, mam kereka abu EJAKAIT kiitu, ido mam apotu koiaut otauke? Tape mam epedori EJAKAIT eut atitiŋikin bobo, kanuka aronis naka aswamisiokus, kanuka italesia luipotu kiswamata; ŋes ainakin akwapukus eraun ameje, ka aumokinet, ka ekenit da, komamei yeniboie kotoma, kwape eiaar lolo. Naarai ipotu kisupurununut lukisupurununo, ido naarai ipotu kodiakasi kama ejai EJAKAIT, kwabo mam erimara eporoto loka EJAKAIT, ido mam eloseneno kokisilake, karaida kaicorakinetake, karaida toma aitejenunetake; ŋes ainakin aronis na kidolokini yes, kwape eiaar lolo.” Ido bobo kobala Yeremia ituŋa kere ka aŋor da kere ebe, “Kiirasi akirot naka EJAKAIT, yes kere luka Yuda luijaas akwap nako Misiri. Inera kwanata EJAKAIT loka aioresio, Edeke loka Isirael ebe: Inerata yesi ka akusiŋor kaitukekus, itodolikis da kakusikanin ebe, ‘Abeit kitodolikin aiyaposiokos nukiyapot, aisupuronokin akabaka naka akui lukisupurununo, ka abukonokin ainakineta numatan.’ Aso kitieata aiyaposiokus, kitodolo da aiyaposiokus. Aso do kiirasi akirot naka EJAKAIT, yes kere luka Yuda luibojete kakwap nako Misiri. Ebala EJAKAIT ebe, Koany, eyapo kalimit ekakiror lokos ebe mam bobo elimitoi ekakiror kaituk kere naka ituŋanan yenika Yuda kakwap kere nako Misiri, ebe, ‘Kwape ejaria EJAKAIT.’ Koany, eteenenei kes kakonu naerono, konye mere kanaejok; epiari ekileŋ ka eteŋei ituŋa kere luka Yuda Iuejaas akwap nako Misiri, aitodol needaunotor. Ŋul da luekuete kokilen enyounete kakwap nako Misiri eboŋorete akwap naka Yuda idis taai: ejenunete ŋul aatoŋot kere naka Yuda Iualomut aiboi akwap nako Misiri, nakanai akirot naebwoi, nakan, arai nakec. Ebala EJAKAIT ebe, Na ŋes aanyunet kamakus, ebe, etieani yes kaibois kana, kojenutu cut kwape Icasitotor akakiro kamakus kanuka aronis. Inera EJAKAIT kwanata ebe, Koany, ainakini Parao Kopura ekabaka loko Misiri akan naka lukasurupoke, kakan da naka ŋul kaluemooto akeijar; kwape abu kainakinia Sedekia ekabaka loka Yuda akan naka Nebukadaresar ekabaka loko Babulon, lokasurupike, loamoot akeiiar.” Akirot naka enabi Yeremia naatemari Baruk okoku loka Neria, naewadikaa oitabo akiro nu nuka aituk naka Yeretnia, kokaru loki wononet Ioka Yekoiakim okoku loka Yosia, ekabaka loka Yuda, kobala ebe: “Inera kwanata EJAKAIT, Edeke loka Isirael, neijai ijo, Baruk, ebe: Ibu kotema atiar, ‘Wu okwe! Abei ai? Naarai eyataki EJAKAIT iean toma arieboka; kapas eidinyaka, kwabo mam adumunit aiyeŋun kere.’ Itemari Ŋes kwanata atiar, Inera kwanata EJAKAIT ebe: Koany, aketari nin yenabu kaduk, arutori da ŋin yenabu kera; ido eswamakini kwaŋin akwap kere. Imoot ijo nuepolok? Sirimoot; naarai ebala EJAKAIT ebe: Koany, ayauni aronis mama ejaas ŋul kere Iueiai akuan, konye ainakini akoniijar araut anatuna kaiboisio kere nuilosenenei.” Akirot, naka EJAKAIT naabu kobu mama ejai enabi Yeremia kanuka atekenn. Kanuka Misiri, Nuka aiore naka Parao-neko ekabaka loko Misiri, naajai ariri naka ecor Eupurate koKarukemis naadanyi Nebukadaresar ekabaka loko Babulon kokaru lokiwononer loka Yekoiakim okoku loka Yosia, ekabaka loka Yuda. “Kokapata ebuku ka eupal, Kikunyakis ejie! Kopesikis nupetan abalasin; Kibwanenoto, yes ikebwanenok! Kiderakinos, konapitos abokoikus nuka aisrrun; Kopwata akwaras, konapitos ikootin luka asua! Kanukinyo aanyunia? Aburut, abonosi kau. Ebironor ikiriginikee, Ido anemesiaros, mam enoliarctc kau. Ebala EJAKAIT ebe, Ejai etasuro owaitin kere! Kinyeis luetiroko akerit, Karaida ekirigi aiku; Kari naka agolitomei kariri naka ecor Eupurate, Eguikis, ebiroros. Iŋai bo ŋin yenenyouni kwape Nile, Kwape ieorin lukibukas akipikec? Anyou Misiri kwape Nile, Ibukas akekipi kwape icorin. Kobala ebe, Anyouni, karapak akwap kere; Amudiari ere ka ŋul da luibojete kotoma. Kodokasi yesi, ibalasin; Kikerepikis yesi, agalin! Kolomasi ikirigin; Ituŋa luka Etiopia ka Put luekapitos iupalin; Ituŋa da luka Lud, luekapitos luikesito da akabwai, Naarai apaaran ŋin erai naka EJAKAIT, Edeke loka ajoresio, Apaaran naka enyaŋit, inyanakini lukasurupoke. Enyami ekileŋ, imonikini da, Ido emasi aokotokec itekori eut. Naarai ejai EJAKAIT, Edeke loka ajoresio, asubanit Akwap naka ari naka agolitomei, Kariri naka ecor Eupurate. Kodoka Gilead, kolem emina, Ŋo akoku nabekot nako Misiri! Itwasamai taai ikee luipu: Komamei aŋaleun kamakon. Eirasi atekerin ikonileic, Elelebun akoniimony akwap; Naarai eriama ekirigi ka ekirigi, Ebiroros kere nepepe.” Akirot naalimokini EJAKAIT enabi Yeremia, kwape ebunio Nebukadaresar ekabaka loko Babulon amudiar akwap nako Misiri. “Kolimosi koMisiri, kitisiarikis ko Migidol, Kitisiarikis koNop, ka Ta-panes; Kineras atiar, ‘Kobwou, kokapakin; Naarai anyam ekileŋ iwaitinikon.’ Kanukinyo amearere ikonikirigin? Mam ebwouna, naarai EJAKAIT erenet, Esiguik luipu, eebo, ebironoros, Kobalas ebe, ‘Kanyoutu, Kabonosi otunawok, akwap nakobuwok, Akerit ekileŋ lokireit.’ Konyarata Parao, ekabaka loko Misiri ekekiror, ‘Ekepopolan loitumori apak titai.’ “Ebala Ekabaka, ekekiror EJAKAIT loka ajoresio, ebe, Kwape ajaria, abeit kwape Tabor oroŋan, Ido kwape Karamel ariri kaŋolol, Ebuni ŋesi. Wu jo apese naiboie koMisiri, Kitemok iboro lukinatarere; Naarai eraun Nop ameje, Icweio, komamei yeniboikin. “Erai Misiri ataok naejok noi; Konye enyouni ekamonit kagolitomei, kobunok ŋes. Ido ituŋake lukeropit kotomake esubito bala itak luetumito; Naarai abonosi kesi da, akerata nepepe, Mam ebwouna: Naarai adolok kes apaaran naka icanikec, Apak naka aiticaniokec. “Tnororaar eporotokec kwape emun loeliat; Naarai eraeete lukasurupokec alosit aiore, Elosete kokapito aepei, Kwape ikaiepak ikito. Ebala EJAKAIT ebe, Ejepete amagoroke, Karaida mam epedori aitorio; Naarai itelekarito kesi emaase kaipues; Ido mam imarunos. Irumete apese nako Misiri ileje; Ŋaikinio akan naka ituŋa luka agolitomei.” Ebala EJAKAIT loka aioresio, Edeke Ioka Isirael ebe: “Koany, eticani Amon loka No, ka Parao, ka Misiti, ka ikedekesio ka ikabakanake da; Parao ka nul da luemunosi ŋes. Akorakini kes akan naka nul kaluemoete akeceiiar, kakan naka Nebukadaresar ekabaka loko Babulon, ka akan da naka ikekeiaanakinak, Ebala EJAKAIT ebe, Kokau iboikinos ituŋa, kwape apaarasia nukolosek. “Konye sirikiyoŋ, ijo Yakob, ekakejaanakinan, Kwabo sirikiibur, ijo Isirael: Naarai koany, ketajari jo kama elwana, Ka akoniwur da kakwap naka aiioreoriokec. Eboŋuni Yakob, iyamakin ijamamai, Emameuni do yenitukuriani. Ebala EJAKAIT ebe, Sirikiyoŋ, ijo Yakob ekakejaanakinan, Naarai ajaenena kaio, Naarai apiari atekerin kere nukerenearit, Konye jo, mam kapiari eut. Naarai kaleconori jo motimot, Kwabo mam kenyeini cut komam keticanenenei.” Akirot naka EJAKAIT naabu kobu mama ejai enabi Yeremia nuka Ipilisitian, koroko Parao emudiara Gasa. “Inera EJAKAIT kwanata ebe: Koany, edakunos akip kagolitomei, Eraunete kesi ecor loelelei; Eleleete kesi toma akwap ka iboro kere da luejaas toma, Ore ka luibojete kotoma. Emonyete ituŋa, Ibwololoete kere luibojete kotoma, Kanuka aruo naka imageger luekarabete luka ikagogonokoke, Amositoi naka agalinike, aikururitoi naka ikokoron, Mam lukapapa keŋolianarete kau mama ejaas idwekec, Naarai alaiakakas akaninikee, Kanuka apaaran naebuni aŋatar Ipilisitian kere, Amudiar ŋolikeŋarakinan kere Loideuna koTuro ka Sidon. Naarai enatari EJAKAIT Ipilisitian, Aatoŋot naka apuian naka Kaputor, Adoloki epata Gasa; Etamamaun Asukelon. Ŋo aatoŋot naka aditotokec, Itodoli ai agera? Wu jo ekileŋ loka EJAKAIT! Itodoli ai komam iyeŋuni? Koloma toma akurarukon; Kiyeŋu, kililiŋ! Ipedori bi ai aiyeŋun, Arai kieorakinit EJAKAIT? Ecorakinit mama ejai Asukelon, Ka ariri naka aŋolol.” Nuka Moab. Inera kwanata EJAKAIT loka ajoresio, Edeke loka Isirael cbe: “Itukwi Nebo! naarai eswap! Esurumi Kiriataim ileje, enataritai. Esurumi Misigab ileje, atiyatiyai; Emamei bobo aiturio nako Moab. Enerakin aronis kotoma Kesibon ebe, ‘Kopotu, kamudiasi kinyek araun ateker!’ Ŋo da, wu Madumen, kiaililinio; Kirukitori ekileŋ. “Eporoto laka ecelet loebuni koKoronaim, ‘Aiŋat, ka amudiar naepo!!’ Amudiar Moab; Apupun aimony naka idweke ludidik. Naarai kaneedokere Lukit edokarete Komonyenenete akiyo; Naarai kaneejesarere Koronaim, Apotu kopuputu aimony nakiean naka amudiario. Kokera! Kitajarata akusiijar! Kosubata bala ekiot loka amodiŋ! Naarai kanuka amunokina aswamisiokon, Ka abarakon jo da kikamario: Ŋoreorio Kemos, ka isasedotinike, Ka ikapolokoke da nepepe. Edolokini ekaŋatan nolire, Emameun ere loekui; Eoliori aditot, emudiario da apuuton; Kwape enerar EJAKAIT. “Koinak Moab abebenoka, Kopororia kolot; Eraunos ikereria amejei, Komamei da yeniboie kotoma. “Kikenoi nin yenipalisikini aswam naka EJAKAIT; kikenoi da ijin yenirebokini ekileŋ kinyek abukor aokot. “Ŋamamai Moab ageun keiditeuke, Ŋililiara akesidak; Komam ailocoloeoo anyoun kobore kiton obore, Ido mam ijoreoritai; Kanuka nun eroko esalit akejijim tomake, Ido mam auresike iiulakina. “Ebala EJAKAIT ebe, Aso koany, epote apaarasia nueiukunia nul luebukonorete, ido ebukonorete ŋes; itoonete amotiike, ebwanabwangaete da acupaike. Irumete Moab ileic kanuka Kemos, kwape erumiata ileic ekek loka Isirael kanuka Bet-el loamunokina. “Ibalasi ai ebe, ‘Kirai ikirigin Ka Iuetirin kojie’? Ebala Ekabaka, ekekiror EJAKAIT loka aioresio ebe, Adoku ekamudiaran loka Moab ka ireriake, Ekokorioros ikatumunakake luseuna oarit, Eapiete iean luka Moab adolun, Arurukun aiticanitoike. Kokuudianata ŋes, yes kere luirimorito, Ka yes da kere luijenete ekekiror; Kobalas ebe, ‘Abila ca ma ebela lokagogon, Esuretait loejok!’ “Wu jo apese naiboie kotoma Dibon, Kikokoror anyoun kaibusesukon, Kiboikin, koiakite akure. Naarai kibunok ekamudiaran loka Moab, Amudia abwasinakon nuegogon, Wu jo yeniboie kotoma Aroer, Kobwou korot airot: Kiŋit loekeri ka nin da naekui; Kiner ebe, ‘Anyoika bo?’ Esurumi Moab ileic, naarai abilibiliun; Kibwololoro, komonyata! Kolimosi kotoma Arunon ebe, Eswap Moab. “Adoloki atubokinio akwap naka apuutona; Kolon, ka Yasa, ka Mepaat, ka Dibon, ka Nebo, ka Bet-dibilataim; ka Kiriataim, ka Betgamul, ka Bet-meon; ka Keriot, ka Bosura, ka ireria kere luka akwap nako Moab, lueiaas kama elwana, ka lueapiete da. Ebala EJAKAIT ebe, Atubor amumwarat naka Moab, abila akekan da. “Kitemerata ŋes, naarai itopolooro kama ejai EJAKAIT; imodumodun Moab kalekanake, imuario da. Naarai mam kereka kerai Isirael eimuaritono kamakon? Aponi kereka kodumakinai kidiŋ kikokolak? Naarai nainerenenar nuke, imunimuŋi akonikou. “Yes luibojete koMoab, konyoutu koreria, Kiboioto katiiba! Kosuba bala adudumer naiswamai akaike Ariri kaituk naka ebur. Kipupu nuka eitur loka Moab, Ebe iturokina noi; Aitopolooroke, ka eiturike, aomiarake, Ka aisoŋolonut da naka crauke. Ebala EJAKAIT ebe, Ajeni ekepali; Iŋalaŋalai ailabilabake, Iŋalaŋalaete da akeswamisio. Ŋes ebwololoo kanuka Moab; Eebo, adelori kanuka Moab kere: Ebworo kanuka ituŋa luka Kir-kercs, Wu jo emusabibu loka Sibima, Amonyi akiyo kanukon, adepar aimony naka Yaser; Apesito akonitenun adepar aŋolol, Kodolot aŋolol naka Yaser; Ebirokin ekaŋatan araitokon nuka akamu, Ka ludwenyanakon. Alemar aiyalama ka alakara komanikoria lupusuk kakwap nako Moab; Ido etoonikini ebino kotoma acuesia; Emameuni yenicakacakai keibwon; Acela ŋin mam erai acela naka eibwoŋ. “Ageun kaimony naka Kesibon, aitodol Eleale, kiton Yakas da ekeseut ikeeeporotoi, ageun koSoar, aitodol Koronaim, kiton Egilat-selisiya, Naarai asilioros da akip nuka Nimirim, Ebala EJAKAIT ebe, Bobo da etanaŋi kotoma Moab yeneinakini asuban kaiboisio nuiceleleete, ka nin da yenisupurikini ikedekesio lukisupurununo. Kanuka nun emonyi ekatau kanuka Moab kwape alamarun, emonyi ekatau kwape alamarun kanuka ituŋa luka Kir-keres: kanuka ŋun aolio abar naatukonokinit. “Naarai ejai ninikou epat, ebarenito nolipenek: egerer akanin kere, ejai epuko aŋabes, Ejai akuudian kokuju otogoi kere luka Moab, korotinike da kere; naarai ebala EJAKAIT ebe, Abwan Moab kwape amot namam kesiyalamikinit. Abwana ca! Ebwololoto ca! Ebeloki ca ma Moab asebot kileic! Eraun do Moab naimuario naituburuni ŋul kere luirimorito ŋes.” Naarai inera EJAKAIT kwanata ebe: “Koany, eporori kwape kemorukaalet, Loeterari akebebenoka asurokin Moab. Erumi Keriot, isirienunio abwasin nukagogon, Eraunos itauon luka ikirigin luka Moab kapaaran kaŋin, Kwape etau loka aberu naerieba aidoun. Emudiario Moab komam bobo eraun ateker, Naarai itopolooro kama ejai EJAKAIT. Ebala EJAKAIT ebe, Wu jo loiboie koMoab, Kibunokinete jo etasuro, ka aipany, ka ataeit da, Ebala EJAKAIT ebe, ŋol loekeri kotasuro ibirokin aipany; Ŋol da loekui kaipany, ipoki atacit: Naarai ainuni Moab nun, Okaru loka aitieanioke. “Ebwoete luekerete komamei agogoŋ Kotolim loka Kesibon; Naarai alom akim koKesibon, Alomut aipelonoreta nuka akim kokidin Sikon; Anyamata agor naka Moab, Ka aboko da naka akwes nuka luecelas. Itukwi, ijo Moab! Aoliosi ituŋa luka Kemos: Naarai ijoreoritai ikusidwe lusap, Akusipesur da ijoreoritai. Konye ebala EJAKAIT ebe, Abeit enyakuni bobo aijoreorio naka Moab Kapaarasia nukawasia.” Adol ber ne atubokinio naka Moab. Nuka idwe luka Amon. Inera EJAKAIT kwanata ebe: “Emameete teni Isirael idwe lusap? Emamei kereka ekeruman? Aso kanukinyo irumia Malakam Gad, Iboioto da ituŋake koreriake? Ebala EJAKAIT ebe, Aso koany, epote apaarasia Nuetupupunio elala loka ejie Asurokin Raba loka idwe luka Amon; Eraun ameie naesilior, Icwei akim akepesur. Ebala EJAKAIT ebe, Kosodi lsirael airum lulem irumito ŋes. “Kibwolol, ijo Kesibon, naarai anasi Ai! Kikalalata, yes apesur nuka Raba! Konapata ipukoi, Kokuudianata, kokerata niniibois kere kabwasin! Naarai ijoreorio Malakam, Ka isasedotinike ka ikapolokoke da nepepe. Kanukinyo iwolobobotor kaditon, Aditotokon naelelei, Ijo apese naebononori kau? Naemunokina abarake, kobala ebe, ‘Iŋai bo kabunokini?’ Ebala EJAKAIT Edeke loka aioresio ebe, Koany, kainuni akurian, Kotoma kere lukirimorito; Kireneario yes ŋinituŋanan neelwana noi, ido emamei yenetukonokini Iuiposiaros. Konye ebala EJAKAIT ebe, Kokau enyakuni bobo aijoreorio naka idwe luka Amon.” Nuka Edom. Inera kwanata EJAKAIT loka aioresio ebe: “Emamei kereka bobo acoa koTeman? Aolio ca ainerun kotoma omisioitin? Elicar eut acoakec? Kokerata, koboŋ utu, konopa, Yes luibojete koDedan; Naarai ainuni Esau ican, Kapak naetieania ŋes. Arai kiponikinitos ikadenok luka emusabibu Mam ti kedepanasi ace? Arai kiponikinitos ikokolak kuare, Mam tikemudiasi aitodol neeupiata? Konye edokidokoorit eoŋ Esau, Apukorit akeiboisio nukaiyeiyea, Mam epedori aiŋop. Amudiar aurike, ka ikeinaean, ka ikeidunyeta da; Ŋes da arumor. Kinyek ikonidwe eraas ikokiok, Edari eoŋ koraut luejarete; Ka akonipuserun da kamunokinos eoŋ.” Naarai inera EJAKAIT kwanata ebe: “Koany, nul lumam ebusakinit aimat kadere abeit emasete; ijo da ŋolloikui cut komam kitieanio? Mam eut ikui aitieanio, konye abeit imasi. Naarai ebala EJAKAIT ebe, Eyapoikin elopet ebe eraun Bosura aumokinet, ka amorosit, ka ameie, ka ekenit da; eraunete ikereria kere amejei nutir.” Eira akiro nuepote kama ejai EJAKAIT, Iyakuunitai ekiyakia katekerin ebala ebe: “Kotukonokinos nepepe, kosurokis, Konyout kojioto! Naarai koany, ketidisiari jo kotoma atekerin, Ainakin da ituŋa aimwaŋ jo. Ebala EJAKAIT ebe, Kimodata jo airukurianetakon nusogim, Ka aisoŋolonut nakotaukon, Ŋo loiboie kabuai nuka atiida, Loirumit aidi naka eukot. Karaida kiduki akonikai kuiu kwape kemorukaalet, Ketodokuni kaŋina. “Eraun Edom aumokinet: eumokini ŋinituŋanan yenitori, isuari kanuka aitieanetake kere. Ebala EJAKAIT ebe, Kwape amudiarere Sodom ka Gomora ka ireria kere luidunyatar, emameun ituŋanan yenejaun ŋina, kwabo emameun ikoku yenika ituŋanan yeniboikin nen. Koany, edokari kwape eŋatuny loebuni kamoni naka Yorodan asurokin aibois naegogoŋ: konye etekeri ŋes katipet; ido adakakini nin yenaseuni ayait ŋes, Naarai iŋai bo eputosi keoŋ? Ido iŋai bo kebwaikini apak? Iŋai da ekeeokon lokabwoikini eoŋ? Aso kiirasi ainerun naka EJAKAIT, naeneru kanuka Edom; kanun nuelosikinit mama ejaas luibojete koTeman: abeit iriarete kesi ludidik luka esipan; abeit eburunete anukiakee kanukee. Emarani akwap kanuka epororo loka aibirorikec; ejai acalanari, epupunio eporotoke kAŋolol Nakarenan. Koany, edokari eporori kwape kemorukaalet, loeterari akebebenoka asurokin Bosura: eraunos itauon luka ikirigin luka Edom kapaaran kaŋin kwape etau laka aberu naerieba aidoun.” Nuka Damasiko. “Erumata Kamat ileje, ka Arapad da; Naarai eirasi akiro nueroko, Ajurununata itauon; Iyalononoete kwape aŋolol namam inapakina. Aleiekar Damasiko, ebelokin akerit, Ekamu amaran; Adumu ariebo ka iean, Kwape aberu naerieba aidoun. Kanukinyo mam inyeinere ere loka aiturit, Ere loka akaiyalama? Ebala EJAKAIT loka aioresio ebe, Kanuka nun ŋes ibironokinotor ikekatumunak orotinike, Emudiario da ikajiokoke kere kapaaran kaŋin, Ido enokokini akim arwatatin nuka Damasiko, Iewei itogoi lukapolok luka Ben-kadad.” Nuka Kedar, ka ajakanuto nuka Kasor, nuamudiari Nebukadaresar eka baka loko Babulon. Inera EJAKAIT kwanata ebe: “Konyoutu, kodokasi Kedar! Konata idwe lukokide! Elemunete iwemanakee ka isipaninikec; Aigalisiokee, ka iborokec kere, Edemarete da akaalaikee: Ilulukinere ebe, ‘Erum etasuro iwaitin kere!’ Ebala EJAKAIT ebe, Kokera, koriariata, konopata, Yes luibojete koKasor: Naarai eneru Nebukadaresar ekabaka loka Babulon nukasurokin yes, Apet nuelosikinit aiswamakin yes. “Ebala EJAKAIT ebe, Konyoutu, kodokasi mama ejai ateker naijamamai, Naiboie inapakina; Naemameete irutei karaida ariino, Naiboie egitara, Eraunete akaalaikec iŋatan, Isipanin da lukibarenekee lukoran. Ebala EJAKAIT ebe, Esiarakini luekebito arokio mama ejaas ikwamin kere, Ido ainuni kes ican luepote kowaitin kere, Eraun Kasor aibois naka ikuwei naiboienenoto, Ameje namam edaun: Emamuun ituŋanan ycnejaun ŋina, Kwabo emamuun ikoku yenika irunanan yeniboikin nen.” Akirot naka EJAKAIT naabukobu mama ejai enabi Yeremia nuka Elam, napegeuni Sedekia ekabaka loka Yuda airum, kobala ebe: “Inera kwanata EJAKAIT loka aioresio ebe: Koany, abili akabwa naka Elam, ŋes amun naka agogonokec. Ainuni Elam ikwamin iwonon anyoun kariino aoŋon nuka akuj, ido eweliwelari mama ejaas ikwamin ŋul kere; emameun areker namam edolete luerenearitai luka Elam, Ainakin Elam aburun kakonyen nuka lukasurupokec, kakonyen da nuka ŋul kaluemooto aiiarakec. Ebala EJAKAIT ebe, Ainuni kes aronis, ŋes akanyunyura naededen, eiukuni ekileŋ arukio kes, aitodol neamudiaria kes. Ebala EJAKAIT ebe, Ebwaikini ekaicolon Elam, amudiari kanen ekabaka ka ikapolok da. “Konye ebala EJAKAIT ebe, Kapaarasia nukawasia, enyakuni bobo aijorcorio naka Elam.” Akirot naabu EJAKAIT kiner kama ka Yeremia enabi kanuka Babulon, kanuka akwap naka Ikaludean, ebe: “Kolimosi kotoma atekerin, kitejenut da, Kikiasi emedera, Kiteienut, Sirikimunonikis: kineras atiar, ‘Aŋatar Babulon, Erumata Bel ileic, Eyalonoŋ Merodak, Erumata aputosiake ileje, Iyalononoete akeputosia nuegerer.’ “Naarai enyouni ateker kagolitomei asurokin ŋes, itisili akekwap, komameun yeniboie kotoma; akerata, aloto, ituŋa ka itiaŋ da. “Ebala EJAKAIT ebe, Kapaarasia kakwa, kapak kaŋin da, epote idwe luka Isirael, kes nepepe ka idwe luka Yuda; emonyete elosete, komootos EJAKAIT Ekecedeke. Inisete nuka Sion, kotereitos ereetakec nina, koba las ebe, ‘Kopotu, kemorikikinos ka EJAKAIT kaitutuket namam edaun namam imurwokinio.’ “Araur ikatuŋa amerekekin nukeoliorete; erooliosi ikecokokokec, etapaasi oroŋan: anyout koronat kiton oukor, imurwokinito nekeuriakenenata. Anyamata kere lukeanyunete: kobalas lukasurupokec ebe, ‘Mam kigwaunit akiro, naarai adiakasi kama ejai EJAKAIT, aiboisikec nakabeit, ŋes EJAKAIT, amun naka lukapapaakee.’ “Kokerata kokidin naka Babulon, konyoutu kakwap naka Ikaludean, kosubata bala ikorwa kakonyen nuka isipanin. Naarai koany, etwekenyuni etodokari da atukot naka atekerin nukapolok asurokin Babulon, nuepote kagolitomei: iderakinos asurokin ŋes: ameun kanen eŋatario. Eraunos ikeeekojoi bala luka ikirigin luenaikinito, lumam eboŋunete epalapalato, Ebala EJAKAIT ebe, Eŋatario Kaludea: imonikinos kere luenatarete Ŋes, “Naarai iyalamas, naarai ibwoŋas, Yes luinatasi akairumet, Naarai ieuros kwape ataok naieakaeakai akima, Icieinas kwape abalasin nuegogoŋ; Irumete totokus ileje noi; Itirirai ŋin nakiwuruuni, Koany, eraun ŋesi awasia naka atekerin, Amodiŋ, akwap nalarion, elet. Kanuka anyunyura naka EJAKAIT mam iboikinoi, Konye eraun asilio: Eumokin nin yenitori Babulon, Isuari icanike kere. Kiderakinos asurokin Babulon kowaitin kere, Yes kere luikesito akabwai; Kogumata ŋes, sirikitasalata imalia; Naarai adiaka kama ejai EJAKAIT. Kikeseut elala kowaitin kere, Alo akanin; Ebiroros apetetake, Atiyanar akerwatatin. Naarai lo ŋes enyaŋit loka EJAKAIT; Kinyanakis; Kwape kolo eswamaa, Kiswamakis ŋes kwaŋin, Komudiasi yeneyei koBabulon, Ka yenekapit ekurupeta kapak naka aisak: Kanuka aiyoŋ ekileŋ loereit, Eboŋori ŋinituŋanan mama ejaas iketuŋa, Ekeri ninitunanan akwap nakobukee. “Isirael ŋes amerekek namejat; ereneata iŋatunyo, Kisiau ekabaka loka Asuria ainyam, ka Nebukadaresar lo ekabaka loko Babulon, ŋes lokawasia ekoe akekojo. Ŋes inerar kwanata EJAKAIT loka ajoresio Edeke loka Isirael ebe: Koany, etieani ekabaka loko Babulon ka akekwap, kwape abu keticania ekabaka loka Asuria. Ido enyakuni Isirael bobo toma oronyiake, ido edakenena ŋesi Karamel ka Basan, imonikini eketau koukon luka Epuraim ka Gilead da, Ebala EJAKAIT ebe, Kapaarasia kanun, kapak kaŋin, emootai numam adolit nuka Isirael, kwabo emameete; aronisio da nuka Yuda, kwabo mam etakanunete: naarai esioniei ŋul lualeleni araun aatoŋot, “Kodokasi asurokin akwap naka Merataim, Kosurokis da luibojete koPekod, Ebala EJAKAIT ebe, Koara, komudiasi eut atupakin kes, Kiswamata kere nuabu kecorak. Ejai eeelet loka ejie toma akwap, Ka amudiar naepol! Aiepar cama anyuli naka akwap kere, abila ca! Aluor eama Babulon ameje kokidin atekerin! Abu kalok jo, ipok da, ijo Babulon, Mam ibu kojen: Itakanu, kikamun da, Naarai ipegata ka EJAKAIT. Anaa EJAKAIT akeinadis, Alemu lujiis luka anyunyurake, Naarai ejai EJAKAIT, EJAKAIT loka aioresio, Aswam naelosi aswam kaŋina, Kakwap naka Ikaludean. Kopotu kosurokis anyoun kanoliikoru, Kodakasi asotoi nuka idulake; Kotukonosi atukon, Kosodete amudiar cut: Sirikitasala imodiobore kere. Koarata imasenikoke kere; Kijesaros oarit. Itukwi kes! Naarai adolu akeeepaaran, Apak naka aitieaniokec. “Iporotoi luka nul kaluekerete aiku anyoun kakwap nako Babulon, alimor koSion enyaijit loka EJAKAIT Ewokodeke, ainyaŋ eyekaluke. “Konyarautu ikagumak imalia asurokin Babulon, nul kere luikesete akabwai. Kidukuro airigaun; sirikeku imodioke. Kotaeakis kwape ajaar aswamuke; kere nuabu kiswama, kiswamakis ŋes da: naarai iwonono kama ejai EJAKAIT, kama ejai Ekalaunan loka Isirael. Ebala EJAKAIT ebe, Kanuka nun ŋes ibirokinotor ikekatumunak orotinike, emudiario da ikajiokoke kere kapaaran kaŋin. “Ebala EJAKAIT, EJAKAIT loka ajoresio ebe, Koany, kasurokin eoŋ jo, ijo ekewonot, Naarai adolo akonipaaran, Apak naketieania. Iguikini ekewonot ibiror, Ido emameun yenitonyouni: Esinepikini akim oreriake, Enyami da nul kere luirimorito. “Inera kwanata EJAKAIT loka aioresio ebe: Ereitai idwe luka Isirael ka idwe luka Yuda; ŋul da kere luapotu kijoreosi kes eridakinito; eŋerito aosikin. Egogoŋ Ekalakunanikee, EJAKAIT loka ajoresio ŋes ekekiror. Abeit epuri kanukee, tetere isinapikini akwap, konye isiyalononoi luibojete koBabulon. “Ebala EJAKAIT ebe, Esurokini ekileŋ Ikaludean, Ka luibojete koBabulon, Ka ikapolokoke, ka lukaeoake da. Esurokini ekileŋ ikelabilabak, Koluoros ibaŋiok: Esurokini ekileŋ ikiriginike, Eburunete. Esurokini ekileŋ abalasinikee, ka agalinikec, Ka ituŋa kere luinyalinyaluna luejaas kokidinike, Eraunos nul bala aŋor. Esurokini ekileŋ abarake, Eŋatario. Eŋaikin akamu akipike, eokete! Naarai erai akwap naka aputosia nuegerer, Abanakaros kotoma aputosia, “Kanuka nun iboikinos itian luka ais nepepe kiku wei Babulon, iboikinos ikuului da ŋina: mam bobo ejaikinos ituŋa ikar kere; ido mam iboikinos ituŋa aturio katurio, Ebala EJAKAIT ebe, Kwape kolo ebiroria Edeke Sodom ka Gomora ka ireria kere luedunyatar, kwaŋin emameun ituŋanan yeneiaun ŋina, karaida ikoku yenika ituŋanan yeniboiororoi nen. “Koany, epote ituŋa kagolitomei; Ateker napeti, Isikwenyunio ikabakan luipu Anyoun kosaneta luka akwap. Ekapetc akabwai ka akwaras; Ededeŋ, emamei da aitim; Irurumai eporotokec bala aŋolol, Ibwanenitos abalasin; Ederakinos mamakon kwape ikajiok, Ŋo apese naka Babulon. “Eira ekabaka loka Babulon eemutokee, Alajakakata akaninike; Adita akirot etauke, Ka ariebo kwape naka aberu kanaerieba aidoun. “Koany, edokari kwape eŋatuny loebuni kamo ni naka Yorodan asurokin aibois naegogon; konye etekeri kes katipet; ido adakakini ayait ŋes ŋin yenaseuni. Naarai iŋai tope eputosi keoŋ? Ido iijai kebwaikin apak? Iŋai da ekeeokon lokabwoikin eoŋ? Aso kiirasi ainerun naka EJAKAIT, naeneru kanuka Babulon; kanun nuelosikinit mama ejai akwap naka Ikaludean: Abeit iriete kesi ludidik luka esipan; abeit ekuriakaros aiboisiokec kanukec. Emarani akwap kanuka eeelet loka aŋatar Babulon, epupunio adelonorike kotoma atekerin.” Inera EJAKAIT kwanata ebe: “Koany, etonyouni ekwam loemudiari Asurokinia Babulon, Ka nul da kere luibojete ko Kaludea. Ejukakini luepiesete Babulon, Ikekeete ŋes, Epiarete akwap: Naarai esurokinete kowaitin kere Kapaaran naka icano Lokakabwa sirikiket akabwake, Ido sirikebwo konapite anapitoke naka asua, Sirikitimo ikatumunakake; Komudiasi cut ajoreke kere. Ibirokinos lueario akwap naka Ikaludean, Luimusunitai da orotinike. Naarai Edeke, EJAKAIT loka ajoresio Mam ejalit Isirael ka Yuda; Karaida kileleba akwapukec adiakanareta Kama ejai Ekalaunan loka Isirael, “Kokerata anyoun koBabulon, Kitajar ŋinitunanan akeijar! Kinyeis amudiario kanumam adoliteke: Naarai erai apak naka enyaŋit loka EJAKAIT, Etacakini ŋes eropitike. Kerai Babulon aikopo naka esabu kakan naka EJAKAIT, Naitemerikinia akwap kere; Amata atekerin ebinoke; Kanuka ŋun ikerepikinito atekerin. Ebiror Babulon katipet ido amudiar; Kibwololoto kanukeŋ! Kolemikisi ekia kanuka arieboke, Diat itaŋaleunio, Tikiitanaleu Babulon, Konye mam itanaleun, Koiala do ŋes, Kaloto ŋinituŋanan obukec: Naarai adol aketubokinio toma akui, Ikiariokiton odouon Etolom EJAKAIT adolitewok; Kopotu, kalimosi koSion Aswamisio nuka EJAKAIT Edekewok. “Kipena imalia! Kokapa ibukui! Esidik EJAKAIT itauon luka ikabakan luka Imedin; naarai elosikinit amudiar Babulon; naarai erai enyaŋit loka EJAKAIT, ainyaŋ eyekaluke. Kikeut emedera asurokinia arwatatin nuka Babulon; Kitogogoŋoto eidare; Kibwaikis ikedarak; Kitemokis ikaperunok; Naarai elosikinit EJAKAIT, ido eswama Nuenerakinit luibojete koBabulon. Yes luibojete kakipi nuipu, Luidila abar, Adol awasiakus, Etiai loka eranakus. Eyapo EJAKAIT loka ajoresio elimit elopet ebe, Abeit kesilelebikini ituŋa, kwape enyede; Ikalalaete eibwoŋ kamakon. “Kanuka apedorike abu kosub alup, Kanuka acoake abu kiticat akwap, Kanuka aijeneke da abu kopesik akuj. Naikeseunia eporotoke, ejai airurum naka akipi toma akuj, Ido itodokaari elisina anyoun kosaŋeta luka akwap. Iswamakini akiru eimilia, Itolomuni da ekwam kaiŋadisiake. Araun ninitunanan bala etiaŋ, emamei aiicn; Aputoke naegerer isurumi nelikatatan-esabu ileje: Naarai erai aputoke naeealara aiŋal, Emamei eiyeŋane kotomake, Eraas aamameak, aswam naka aiŋal: Kapak naka aiticaniokec eoliorete. Mam akorakinet naka Yakob eputosi kaŋun; Naarai erai ŋesi lokasuban iboro kerc, Isirael da ŋes ateker naka airumuke; EJAKAIT loka ajoresio ŋes ekekiror. “Irai ijo aepeka ka lujiisika; Kabilibilia jo atekerin, Kamudiaria ajakanuto, Kabilibilia jo ebalasi ka ekebwanenonike; Kabilibilia jo agali ka ekereneanike; Kabilibilia jo ekiliokit ka aberu; Kabilibilia jo emojoŋ ka esapat; Kabilibilia jo ekatumunan ka apese; Kabilibilia jo ekecokon ka ekesipan; Kabilibilia jo ekakorion ka imoŋin luka ajookotoke; Kabilibilia jo ikayaitok ka ikapolokitok. “Ebala EJAKAIT ebe, Atacakini Babulon ka luibojete koKaludea kere kakonyenekus aronisikec kere naapotu kiswamakis Sion. Ebala EJAKAIT ebe, Koany, kasurokini jo, ijo eronat ekamudiaran, Loimudiari akwap kere; Ekiari eoŋ akakan asurokinia jo, Kekokori jo katiiban, Ketuluori jo eron at loidopi. Ebala EJAKAIT ebe, Mam elemunio kamakon amoru araun naka agor, Karaida amoru araun apetetait, Konye isilior do ikar kere, “Kikeut emedera kakwap, Kokuta arupepe katekerin, Kitemokis atekerin ejie kaŋes, Konyaraut ajakanuto, Nuka Ararat, ka Mini ka Asukenas ejie kaŋes; Koyautu ibalasin kwape enyede loikirimigito ajul. Kitemokis atekerin ejie kaŋes, Ikabakan luka Imedin, ka ikayaitokokee, ka ikegaŋitokoke kere, Ka akwap kere naka ayaiteke. Emarani akwap, erieba; Naarai itodolikinio nuelosikinit EJAKAIT asurokinia Babulon, Aitisilio akwap nako Babulon, Komameun yeniboie kotoma. Enyeis ikirigin luka Babulon ejie, Iboiete kaneerigatai; Enoŋarit akecegogoŋ, Araut kwape aŋor; Eewei aiboisioke, Abilas atiketake, Ekerete ikakerak inamunos, Ekerete da ikijukitono iriamunos, Alimokin ekabaka loko Babulon ebe Erumi ereke kowaitin kere. Erumutu neesedeny, Icweitai esege, Akuriakaros ikajiok. Naarai inera kwanata EJAKAIT loka aioresio, Edeke loka Isirael ebe: Esubit akoku naka Babulon bala epejal Kapak naipudapudaere; Esalit apak naedit Kodoli aidwenyeke.” “Kajwenya Nebukadaresar ekabaka loko Babulon, Kacuiki, kenyeki aonit, Keliko kwape etiaŋ loeiliili, Esileleb akoikike kanukaiokakaka, Kaeaka,” Etemari yeniboie koSion atiar, “Kobeik Babulon akaie nakeswamakinio eoŋ ka akuanaka.” Etemari Yerusalem da atiar, “Kobeikis akaokot mama ejaas luibojete koKaludea.” Ŋes enerar EJAKAIT kwanata ebe, “Koany, apuri akirokon, kenyatjakini jo, Etoonikini akeŋolol, etoonikini da aketan. Eraun Babulon aapoŋor, Aibois naiboioto ikuwei, Aumokinet, aimuario, Komamei yeniboie kotoma. “Kiunete nepepe kwape iŋatunyo ludidik; Irurumaete kwape idwe luka iŋatunyo. Ebala EJAKAIT ebe, Kemwakuut awatekee, Epoikini kes epucit, etemeri kes, Kolakaros, koiotooros ajo numam enaŋete, Komam akwenyun, Esijesari kes kwape idwe luka amerekekin aario, Kwape imerekekin ka ikorwa. “Erumi cama Sesak! Esirieŋun eituritono loka akwap kere! Araun eama Babulon asilio kotoma atekerin! Abunok aŋolol Babulon; Arapaa kanuka aipues naka akailanake. Araut ireriake asilio, Akwap naconit, amodiŋ da, Akwap namam iboio ituŋanan, Namam itorit okoku loka ituŋanan, Eticani Be! koBabulon, Esilekuni ŋes nuabu kilikono. Mam bobo eleleete atekerin mamake; Ibiror arwatat naka Babulon. “Yes ikatuŋa, konyoutu kamaken! Kitajarunos ninitunanan Kanyunyura naededen naka EJAKAIT. Kinyeis ikusitauon akiilor, Kwabo sirikiyoŋa kanuka nukabe nuiirario kakwaj, Naarai epote nukabe kokaru ediopet, Kosodi kokau kokaru eee epote nukabe, Ejai akaie da akwap, Ekayaiton ejiosi kecekayaiton. “Aso koany, epote apaarasia, Nuetepesenia aputosia nuegerer nuko Babulon; Irumete akwapuke kere ileje; Luke kere lueario ibirokinos kidinike. Ebala EJAKAIT ebe, Kosodete akuj ka akwap, Ka iboro kere luejaas toma, Ayoore kanuka aiyalama kanuka Babulon; Naarai epote ikaŋatak mamakeŋ kari naka agolitomei. Kwape kibiroria Babulon lukeario luka Isirael, Kwape kwaŋin ibirokinotor lukeario luka akwap kere Babulon, “Yes luikuata ekileŋ, Koloto, sirikibwaata kopalarito! Kiitutu EJAKAIT kama elwana, Ido koloma Yerusalem toma otauonokus. Kitirira oni, naarai kipupu amoromoroo; Erumata akonyenewok ileic, Naarai alomasi imo aiboisio nukalaunak Nuka etogo loka EJAKAIT.’ “Ebala EJAKAIT ebe, Aso do koany, epote apaarasia, Nuetepesenia aputosiake nuegerer; Idinyasi Iuimusunito Anatar akwapuke kere, Ebala EJAKAIT ebe, Karaida kedokarit Babulon kiton akuj, Karaida kitieasit amukurur naka agogoŋuke, Konye epote ikaŋatak neejai kamakaŋ, “Eporoto loka aibworo loebuni koBabulon! Ka loka amudiar naepol Loebuni kakwap naka Ikaludean! Naarai eŋasi EJAKAIT Babulon, Ido emudiar eeelet loepol kamaken, Ido irurumaete akailanakec kwape akipi nuipu, Edakun eeelet loka ipororoikec. Naarai abunoki ŋes ekaŋatan, Eebo, abunoki Babulon; Aŋatar da ikiriginike, Abilibilunos akabwaikee; Naarai EJAKAIT ŋes Edeke loetaci, Abeit eropi. Ebala Ekabaka, ekekiror EJAKAIT loka ajoresio cbe, Eremeri ikapolokoke, ka lukacoake, Ikayaitokoke, ka ikeganirokoke, ka ikiriginike da; Ido eiotooros aio numam enaŋete, Komam ekwenyunete, “Inera kwanata EJAKAIT loka aioresio ebe, Etiyatiyao cut arwatat naelal naka Babulon, Icweio iruteike luiceleleete. Itaaritos atekerin aamameak, Itapasitos atekerin kanuka akim.” Akiro nuecorakini Yeremia enabi Seraia okoku loka Neria, okoku loka Maseia, naalosio Babulon nepepe ka Sedekia ekabaka loka Yuda kokaru lokiwononet loka airumuke. Kerai Seraia ekapolon loka inyamat. Kosodi kiwadik Yeremia oitabo aronis kere naebunokin Babulon, kes akiro nun kere nuiwadikatai kanuka Babulon. Kotema Yeremia Seraia atiar, “Naidolio toma Babulon mam iswaki asoman akiro nun kere. Kinera ebe, ‘Wu EJAKAIT, ibu kinera nuka aibois kana, amudiar, kinyek idiotuŋanan kere aiboi kanen, ituŋanan karaida itian, konye kitisiloi do ikar kere.’ Kosodi kidau asoman eitabo lo, ienikini amoru kocakak kidin naka Eupurate. Ido kinera ebe, ‘Elumori Babulon kwaŋin, kwabo mam ikeuni bobo kanuka aronis naainuni ŋes, ido epasete.’’’ Ananata akiro nuka Yeremia ne. Kerai Sedekia loka ikar akaisaarei kalodiopet nakeraunor ekabaka; kirumak ikar itomon ka lodiopet ko Yerusalem. Ekiror loka totoke kerai Kamutal akoku naka Yeremia loka Libuna. Kiswama nueroko kakonyen nuka EJAKAIT, kwape ejaatar kere nueswamaenene Yekoiakim. Kosodi kanen abe it kitodolikinoi anyunyura naka EJAKAIT koYerusalem ka Yuda, kirenea kes kakonyeneke. Kipaliik Sedekia eka baka loko Babulon. Kosodi kanen kokaru lokikanyet kaonon loka airumuke, kolap lokitomonet, kapaaran nakitomonet naka elap, kobu Nebukadaresar ekabaka loko Babulon, ŋes ka akejore kere asurokin Yerusalem, kidukuroto airigaun ŋes; kitutuoto itutio lujiis. Kwaŋin kirigaut ere aitodol okaru lokitomonet ka lodiopet loka ekabaka Sedekia. Olap lokiwononet, kapaaran nakikanyet kaonon kodedeŋar eteŋei kore, komamikis eut ituŋa luka akwap inyamat. Kosodete kotiyasi arorwa kore, kokera ikajiok kere, kolomut kore kuare korot loka erute loejai kidin arwatatin aarei, loidunyas kemanikor loka ekabaka, (Kiriamarito Ikaludean ere kere.) Kobeata korot loka Araba. Konye korukio aiore naka Ikaludean ekabaka, kodolokis Sedekia kapuutona nuka Yeriko; kisiarakin aioreke kere aijal ŋes. Kosodete kikamas ekabaka, koyanaasi neejai ekabaka loko Babulon, Ribula, kakwap naka Kamat; kotubok ŋes akiroke. Koarak ekabaka loko Babulon odwe luka Sedekia akonyeneke; koar da ikapolok kere luka Yuda Ribula. Kogorunun ŋesi Sedekia akonye; koen ekabaka loko Babulon ŋes kirikoi, koyana Babulon, kibwaik toma aenis aitodol apaaran naketwania. Kosodi kolap kalokikanyet, kapaaran nakitomonet naka elap, ŋes ekaru lokitomonet kakanykaoŋon loka ekabaka Nebukadaresar, ekabaka loko Babulon, abu Nebusaradan, ekapolon loka ikedarak, lokebwoienenei kakonyen nuka ekabaka loko Babulon, kobu Yerusalem. Kiewe etogo loka EJAKAIT, ka etogo loka ekabaka; ka itogoi kere lukotoma Yerusalem, ŋolitogo kere loepol kicweikin kakim. Abu aiore kere naka Ikaludean luajaas ka lokapolon loka ikedarak, kotiyatiya arwatatin kere nuka Yerusalem ainamar. Kosodi kijoreo Nebusaradan ekapolon leka ikedarak lukican noi kotuna, ka aatoŋot naka ituŋa lukideuna kore, kanul da Iualunakina ekabaka loko Babulon, ka aatoŋot naka ikeswamak. Konye kitasal Nebusaradan ekapolon loka ikedarak lukican noi kakwap araut iketemonokinok emusabibu ka ikakoriok da. Kobilibilata Ikaludean ipirin luka aisinin lukejaas togo loka EJAKAIT, ka aicegeria, ka aŋolol naka aisinit nukejaas togo loka EJAKAIT, koyanaasi aisininikee kere Babulon. Ido koyanaasi amoti ka initia, ka airudencta, ka atanyia, ka akaalei, ka iboro kere luka aisinit lukijaanakiniata. Ka akolin da, ka atiboka nuigaete ekurwon, ka atanyia, ka amotii ka ipirin luka atalai, ka akaalei, ka atiboi da; nukeraas nuka esabu, esabu, ka nukeraas nuka epuesa epuesa, kwaŋin ayaŋaaria ekapolon loka ikedarak. Ipirin luarei, aŋolol adiopet, ka imoŋin itomon ka luarei luka aisinin lukeiaas kwap kacegeria, lueswamakinit ekabaka Solomon etogo loka EJAKAIT: aisinin nuka iboro kanul kere mam kepedorete ainiŋio, Ipirin da, aojau naka epir ediopet kerai ikubitin itomon ka lukanykauni; kolukunite aitemis naka ikubitin itomon ka luarei, aburesuke ibokor iwonon: eorori. Kejai akou naka aisinit kokuiuke; aoiau naka akou adiopet ikubitin ikany, kolukunito iboyan ka akamamagan akou, kere luka aisinit, ekoni epir lokiareit nepenen ka akamamagan. Kosiepion kejaas akamamagan akaisakanykaoŋon ka nukanykape; akamamagan kere lukelukunito iboyan emwaasi akwatat. Kosodi ekapolon loka ikedarak kikama Seraia esasedoti lopeti, ka Sepania esasedoti lokiareit, ka ikagolok luuni; Kikama kore ekapolokiton lokeyait ikajiok; ka ituŋa ikanykaarei kanul lukeanyununete akonyen nuka ekabaka, lukedumunio kore; ka ekewadikan loka ekapolon loka aiore, loaramununei ituŋa luka akwap; ka ituŋa akaisakanykape luka ituŋa luka akwap, lukedumunio kokidiŋ ore. Kikama Nebusaradan ekapolon loka ikedarak kes, koyau mama ejai ekabaka loko Babulon, Ribula. Kodany ekabaka loka Babulon kes, koarak Ribula akwap naka Kamat. Kwaŋin kijoreoroi Yuda anyoun kakwapuke. Lu kes ituŋa lukiioreori Nebukadaresar: kokaru lokikanyet kaarei Iyudayan ilukumin iuni ka akaisaarei ka luuni. Kokaru lokitomonet kakanykauni loka Nebukadaresar, kijoreo ŋesi koYerusalem ituŋa akwat akanykauni ka akaisauni ka luaarei; kokaru loka akaisaarei ka luuni loka Nebukadaresar kiioreo Nebusaradan ekapolon loka ikedarak Iyudayan akwat akanykaarei ka akaisaoŋon ka lukany: ituŋa kerc emwaasi ilukumin iwonon ka akwat akanykape. Kosodi kanen kokaru loka akaisauni ka lukanykaarei loka aenio naka Yekoiakin ekabaka loka Yuda olap lokitomonet kaarei, kapaaran nakakaisaarei kanukany naka elap, kokaru lokeraunor Ebil-merodak ekabaka loko Babulon, abu ŋes! kitopoloo akou naka Yekoiakin ekabaka loka Yuda, kolem kaidaris; Kinera kaŋes nukasianut, kitopoloo eicoloŋoke aitelekarit iicoloŋo luka ikabakan lukejaas kaŋes Babulon. Kiloeok inapeneke luka aidaris, konyamcnenei inyamat kakonyeneke, apaarasia kere nuka aijarake. Akorakineteke, abu ekabaka loko Babulon koinanak ŋes akorakinet ninipaaran, aitodol apaaran naka atwanareke, apaarasia kere nuka aijarake. Asilior ca ma ere, loeleleba kole ituŋa! Aluor ca ma bala apuserut! Ŋol lokerai loepol kotoma atekerin, Ekapolon kotoma obukui, Aluor ca do loitelemio esolo! Emonyi noi noi kuare, Akekiyo da eleleete koitinyo; Kopailonoke kere emamei idiopet yenitalakarit ŋes: Eŋalaŋalata ŋes ipaperoke kere, Aluoros da lukasurupoke. Aŋatar Yuda kanuka aitieanio, Ido kanuka ebulesene locpol: Iboie kotoma okapirin, Mam edumuni nekiyeŋunet: Ikekarcitok kere ekamakis Ŋcs aridat. Ibworos irotin luka Sion, Naarai emamei yenebuni neejai atukonokin nakalaunan; Emeieikis iruteike kere, Idinyas isasedotinike: Itieanitos apesuruke, Ewoyaanar ŋesi da elopet, Aluoros lukedineteke lukapolok, Akeriakaros lukasurupoke: Naarai etiean EJAKAIT ŋes Kanuka epalike loepol: Aŋatar ikedwe ludidik kakonyen nuka lokedinet, Ido atwania apese naka Sion akepolou kere: Aluoros ikapolokoke kwape amiamia numam edumunitos needakas, Aloto komameete agogoŋ Kakonyen nuka nol kaloerukitor, Eitu Yerusalem kapaarasia nukaiticanitoike, Ka aburunike, iboroke kere luesiyalamikinitos Luajaas kapaarasia nukolosek. Napebirokinotor iketuŋa akan naka lokediŋet, Kwabo kemamei yenikeŋarakini, Keanyut lukediŋetake, kisekeloto asilioke. Abu Yerusalem kodiaka noi noi; Ŋes aluoror bala ibore yenimam elai: Amenata kere luetubusikinito ŋes, Naarai aanyut amuialalake: Eebo, idinya, ibelokin da kau. Imodokok esialeke; Mam abu kiitu awasiake; Ŋes edooror noi; Emamei yenitalakari. “Wu EJAKAIT, koany akaitieanio, Naarai etopoloor lokasurup.” Etonyoiki lokedinet akekan Oboroke kere luisiyalamikinitos; Naarai aanyu ŋesi ebe Alomasi ikapirin aiboisike nakalaunan, Luieorakinit kinyeis alomar toma atukotokon, Idinyas ituŋake kere, Emoete inyamat; Ainakis iborokee luisiyalamikinitos Agwel inyamat lukisikwarunete etau, “Wu EJAKAIT, kosesen, koany; Naarai araun eoŋ esilioit.” “Mam ca ma ipodosi, yes kere luitubonoros? Koanyutu, kosesenata, Arai ejaas iean kere lueriakas ka ieanika, Lukeswamakin eoŋ, luketicania eoŋ EJAKAIT, Kotoma apaaran naka anyunyurake naededen, “Abu kiiuk akim abunore kokuju toma akojoka, Kitonokok kes: Alok akakejen keboi, Kesibono kau; Kenyeki kasilikinit, Ka aiiloro da apaaran kerc. “Aen adiakanaretaka ajookot; Akekan ŋes iridia; Idokokinitoi omurisinika; Eŋoŋa ŋesi akagogoŋ; Kejaik EJAKAIT akaninikee, Lumam apedori abwoikin, Amwaŋ EJAKAIT ikiriginika kerc kokidinika; Anyara atukot asurokinia eoŋ Aipiriearia ikatumunakaka: Epudapud EJAKAIT akoku nabekot naka Yuda Kwape toma acues, “Kanuka ŋun ŋes amonyia akiyo; Eleleete akiyo kakonyeneka; Naarai elwana eketalakaran lotikisikwaru akaijar: Asilikis ikadwe, Naarai epiko lokasurup.” Atera Sion akekanin, Emamei yenitalakari: Ecoraki EJAKAIT nuka Yakob Koraut luirimorito lukasurupoke; Erai Yerusalem kamakee Bala ibore yenimodokok. “Edolit EJAKAIT; Naarai epaliik eoŋ aicorakinetake; Kopuputu kenainait, yes ituŋa kere, Koanyutu ikaean; Ejorcor abekonoka ka ikatumunakaka. “Abu keworo ipailonoka, Konye kamodata: Isasedotinika ka imakioka Atwakikis ore, Naemoiata inyamat Aisikwarunia aijarakec. “Koany, wu EJAKAIT; Naarai etururwei; Iyaloŋoni akaijar; Eeuio ekatau kotomaka; Naarai epaliik noi: Eari ekileŋ kokiŋa; Togo da esubit bala ejai atwanare. “Apuputu eidinyika; Emamei yeniketalakari; Apuputu lukasurupoka kere nuka ikacan; Iyalamasi naarai iswama. Iyauni apaaran naibu kolimo, Eputokinos ŋul da keoŋ, “Kodol aronisikec kere kakonyenekon; Kiswamak kes kwape kiswamakinia eoŋ Kanuka adiakanaretaka kere: Naarai epol eidinyika, Eilori da ekatau.” Arapak ca ma EJAKAIT akoku naka Sion kedou Kotoma anyunyurake! Aeaku aibuses naka Isirael Anyoun kakuj kiton akwap, Kwabo mam iitunit iicoloŋ yenika akejeke Kapaaran naka anyunyurake. Eliko EJAKAIT aiboisio kere nuka Yakob, Komam itimit, Ebiru kotoma adedenuke abwasio nuka akoku naka Yuda; Atiyatiya kiton kwap: Amunaa ajakanut ka ikapolokoke. Ajepa amumwara kere nuka Isirael Kakenyunyura naededen; Enyaka akekan nakoteten kakonyen nuka lukasurup: Etisis ŋesi Yakob kwape akim naesarani, Nairiamarit iwaitin kere, Eket akekabwa kwape lokasurup, Ebwoi kakekan nakoteten kwape loitokokoli. Aar kere luetalakarito akonyen Kowema loka akoku naka Sion; Abukok akededen kwape kakim, Asub EJAKAIT bala lokasurup, Eliko Isirael; Eliko iketogoi kere lukapolou, Amunaa akebwasin: Eyataki ŋesi akoku naka Yuda Aibworo ka akuudian. Eweliwel ikeswam kagogon, Kwape yenikomanikor; Amunaa aiboisike natukonokina: Esumurwok EJAKAIT koSion Atukokinet naeseunitai ka asabato, Ido kanuka adedeŋ naka akenyunyura Amwana ekabaka ka esasedoti. Aeaka EJAKAIT eketem, Asae akeibois nakalaunan; Akoraki akanin nuka lukasurup Arwatatin nuka itogoike lukapolou: Acelut kotogo loka EJAKAIT Kwape kapaaran naka atukokinet naeseunitai. Eneru EJAKAIT amudiar arwatat Naka akoku naka Sion; Atera auno, Mam inyakara akekan kamudiar; Konyc etukuudian abwas ka arwatat da; Iiunepepas kere. Alumo iruteike toma akwap; Amunaa abilibil eut atiketa: Ekabakake ka ikapolokoke ejaas atekerin; Emameete bobo ikisila, Inabinoke da mam edumunete aitapoet Kama ejai EJAKAIT. Imakio luka akoku naka Sion Iboiete kokwap, ililiŋete; Ipurito apua akwesikee; Enapitos ipukoi: Itukumonokinito abekon nuka Yerusalem Akwesikee kiton alup. Ikabubutos akonyeneka kanuka akiyo, Itururwei ekatau, Abukokin emanyika kwap, Kanuka amudiar naka akoku naka ikatuŋa, Naarai iiloros idwe ludidik ka imukerun Korotin lukore, Emonyete mama ejaas nukatotokee, ebe, “Alu bo inyamat ka ebino?” Naiilorotor kwape luimusunitai korotin lukore, Naebukoror aijarakee atorobusio nuka nukatotokec, Ketejenuni anu? Ketupusi kinyo, ijo akoku naka Yerusalem? Ketiiriani kinyo ketalaka, Wu jo akoku nabekot naka Sion? Naarai epol akonieilat kwape kaŋolol: Iŋai kitaŋaleuni? Kidwaranakis ikoninabin Aitapoeta nuka aamameak ka abaŋaanut; Kwabo mam apotu kopukosi numam adolitekon, Tetere kinyakunete kaijoreoriokon: Konye kidwaranakis abwokon Nuka aamameak ka nukitapaarete, Kibapanakinete akanin luitorete kere, Isuarete imunimunete akeeekwes Mama ejai akoku naka Yerusalem, Kobalas ebe, “Lopelo tope ŋes ere Loamaikinitai Ajokis naedolit cut, Aiyalama naka akwap kere?” Lukasurupokon kere kiwoonanakis aituke: Kisuasi, kiriamanakinete ikel; Kobalas ebe, “Kiliko ŋes: Abeit na ŋes apaaran nakipou kemielas; Adolu do, kianyu da!” Eswama EJAKAIT nualosikinit; Etodoliki akekirot; Kwape ecorakinitor kolo sek, Ebiru, komam itimit: Esiyalamik lokasurupikon, Etopoloo amumwarat naka lukitokokolete joo Komonyiatar ikecetauon EJAKAIT; Wu jo arwatat naka akoku naka Sion, Koleleata akiyo kwape ecor, Paaran ka kuare! Mam iyenuni nepetai da; Mam erwakakin ecopot loka akonukon. Konyou, komony kuare, Kagcuneta nuka akwenyuneta; Kobuko ekonitau kwape akipi Kakonyen nuka EJAKAIT; Kikia akonikanin mamakeŋ Kanuka aiiar naka ikonidwe ludidik, Luckotos atwakare eteŋei Kasisiarin nuka irotin kere. Konolia, wu EJAKAIT, koany! Lukaŋai luibu kiswamak nuikote nen? Ti tope aŋor kenyama aurikec, Idwe luilepanarete kakaninikee? Ti tope kearakin esasedoti ka enabi Aibois nakalaunan naka EJAKAIT? Eperete esapat ka ekimat kapua nakorotin; Aar ekileŋ akabekon ka ikakatumunak: Iar kes kapaaran naka anyunyurakon; Iar, kwabo mam itimit, Inyarau luketasuroka kowaitin kere Kwape kapaaran naka atukokinet naeseunirai; Kwabo emamei idio yenabu koku karaida aisal Kapaaran naka anyunyura naka EJAKAIT; Amudia lokasurupika Ŋul luelepanari ka luasait. Arai eoŋ ituŋanan yenaanyunit aitieanio Kobela loka anyunyurake. Abu kenarenik, ketolot da, Kotoma amuton kwabo mere aica. Abeit ieebokinit aibelonokin akekan Asurokinia eoŋ apaaran kere. Esirinyo ŋesi akakiriŋ ka akamuny; Abilibil akakoio. Aduk mama ajai, Kerigau kepiu ka apason. Kesiboiki aiboisio nukamuton, Kwape luketwaka kolosek. Kabwau, mam apedori alomar; Esilanirir ekarikot. Eebo, kamony, kelala da ayuunio, Egoluni ailipika kina, Abwa irotinika kamor nuikee, Etukud ŋesi ikasokono, Esubit kamakaŋ bala adubu naeperuni, Kwape eŋatuny loeŋopi kaiboisio nukaiyeiyea. Ketapaa korotinika, kapoopo; Ketisilio. Eket akabwake, Kasipoki araut idesiara yenika emaleke. Etolomik imalia luka akuraruke Oŋeretenyaka. Arau lokimuaritono kotoma otunaka kere; Ekosiokee apaaran kere, Kesimono adwaris, Ketuup aliasit naeta ria, Abil da ikakel kinaroi, Karapak ekurwon. Itwalan ekatau kama ejai ainapakin; Kemurwoki aiyalama kwape ejaar, Kabala ebe, “Aolio akagogoŋ, Ka akamuno da mama ejai EJAKAIT.” Kiitu aitieanioka, ka aitururuka, Aliasit naeta ria ka epiu da. Iitununei ekatau, Ipirisiar kotomakan, Keitu nun, Ŋes ejaunor amun. Mam enaŋi aitim naka EJAKAIT, Naarai mam inorari aisionike. Itet ŋinitupuruc, Epol akonimunonut. Ebala ekatau ebe, “EJAKAIT ŋes akorakineteka; Tape amuno ŋes.” Ejok EJAKAIT kama ejaas luidarito ŋes, Kama ejai aijar naemoot ŋes. Ejok ituŋanan amunoneno ka aidarenen kaiyaparit Aitajar naka EJAKAIT. Ejok ituŋanan aidak aiookot Kotoma atumunike. Kogitar aiboi bon kililin, Naarai edokoki ŋesi ŋin. Kibwaik akeituk apua; Elemuni kojai amun. Koialak ekeitinyo necjai yenibapi; Kimonikin amoromoroo, Naarai mam EJAKAIT eiali Ikar kere. Naarai karaida keyauni ican, Konye isionie ŋesi kwape ejaar apolou naka aitimike. Naarai mam imiela aitiean idwe luka iruna, Karaida aitakadikin kes. Aipudapuda Ienan kere luka akwap, Aitirii etube loka ituŋanan Kakonyen nuka ŋol loejai kuju kakuj. Aitapaar ituŋanan kakiroke, Mam EJAKAIT itojokit ŋun. Iŋai bo ŋol loinera kitodolikinoi, Arai mam EJAKAIT icorakinit? Mam kereka elomunete aronis ka aiokis Kaituk naka ŋol loejai kuju kakuj? Kanukinyo irurumaa ituŋanan yenikajaran, Ituŋanan yeniticanio kanuka aronisioke? Kerereoto, ketemo iponesiowok, Kaboŋosi bobo mama ejai EJAKAIT. Ketonyoutu itauonowok ka akaniniwok da Mama ejai Edeke toma akuj. “Kidiaka ido kipaliiki; Mam jo isionit. “Irapar kanyunyura korukitor sio; Iar komam itimit. Irapar kedou Kinyek ailip apedor. Ibu kituluo sio aiswageta ka asusujo Kokidin katekerin. “Lukasurupokosi kere Kiwoonanakis aituke. Kidolokis sio akurian ka aipany, Aijasio ka amudiario, Elele akakoŋu ieorin luka akipi, Kanuka amudiario naka akoku naka ikatuŋa, “Ebuki akakoŋu akiyo, komam itanani, Komam eionoi, Aitodol naesesenia EJAKAIT kwap, Koany ejai toma akuj, Itakadikinit akakoŋu akaijar, Kanuka apesur kere nuka creka. “Kamejata noi lukasurupoka kwape kakwcny, Komam akirot, Kaeakakis toma aipany ajari, Kebiribiroto kamor. Arapasi akip akouka; Kabala ebe, ‘Aolio.’ “Abu kewone ekonikiror, wu EJAKAIT, Kajai aidules naka aipany, Ibu kiira ekaporoto ebe: “Sirikimina akonikii, Kaimonyoka aiŋarakinio.’ Ibu kikuny kapaaran nakewoneo jo: Kobala ebe, ‘Sirikikurianar.’ “Wu EJAKAIT, kipurok akiro nuka etauka; Ilaku akaijar. Wu EJAKAIT, iany akamwanio; Kotub ijo akakiro, Iany ekecenyanit kere, Ka akeeeinerun da kere mamakan. “Ibu kiira, wu EJAKAIT, amorositikee, Ka ainerunikec da kere mamakan; Aŋajepa nuka ŋul kalukanyoikinete, Ka nukalosikinito apaaran kere. Koany aiboikee ka anyounikee; Arai eoŋ ekecekosio, “Wu EJAKAIT, itaeakini kes Kwape ejaar aswam naka akaninikec. Iinakini kes aninik naka itauon, Ekonikenit mamakee. Irenet kes kanyunyura, Imudiari kes kokwap kakuj naka EJAKAIT.” Amasiki ca ma esabu! Eloeokin ca ma esabu loalai noi! Aeakanakin amor nuka aibois nakalaunan Asisiarin nuka ŋclirot. Itelepai luka etiai loepol luka Sion Lueriakasi kesabu loililiauna, Emari ca ma kwape amoti nuka elupe, Aswam naka akanin nuka ekajean! Ikuwei da einakinete ikisin, Konakete ludidikikee: Konye ebwor akoku naka ikatuŋa, Kwape ikuului luka amodiŋ. Emakakin aŋajep naka imukeru Odokolike kanuka akure: Ilipitos idwe ludidik inyamat, Kwabo emamei yenedutakini kes, Aoliosi korotin nul luanyamenenete kosogasi: Ŋul luapolokinete ogoen lukareijak Epcrete otutio luka ekurwon. Naarai numam adolit nuka akoku naka ikatuŋa Itelckaritos aronis naka Sodom, Loketiyakinio katipet, Emamei akan naaponi kibwaikinai. Asegara isotiake adepar akako, Eliaeanito adepar akile, Arenak awatekee adepar amor nukarcŋak, Apwatarakec da esubit bala asapiro. Kwana iriono aputokee aitelekar etulia; Mam ejenunos korotin: Eminaikin akeeemunyo kakojokec; Aono, esubit bala akitoi. Eiok lukeari ekileŋ itia lukeari eteŋei; Naarai adokororata, Icumitai kanu amamikiniata araito Nukomanikor. Apotu aŋor nuitimitoi kipooto ikeeedwe Kakaninikee akulepek; Korautu inyamatakee Kanuka amudiario naka akoku naka ikatuŋa. Etodolik EJAKAIT akededen, Abuku akenyunyura naededeŋ; Enokoki akim Sion, Etisisi da apetetake. Mam apotu ikabakan luka akwap kiyuunito, Karaida luibojete kotoma akwap kere, Ebe, epedorcte loitokokoli ka lokasurup Alomar korutei luka Yerusalem, Kanuka aronisio nuka inabinoke, Ka numam adolit nuka isasedotinike, Luapotu kobukosi aokot Nuka ikadolitok kokidiŋike. Eturiaitos korotin bala imudukiok, Amunaaros kaokot, Mam cur cpedorete ituŋa Atiror anapitokee. Iworoete ituŋa ebe, “Irwa! Mam ilaete! Irwa! Irwa! Sirikitirosi!” Kwaŋin koraut ikasiak ka ipasoitin, Kobalasi ituŋa kotoma atekerin ebe, “Mam iboikinos bobo kasio.” Esiarisiar kes anyunyura naka EJAKAIT; Mam eroko ibwaikinit kes etau: Mam eyoŋete akonyen nuka isasedotin, Mam eminasi da imakio. Apasata akonyencwok amoot aiŋarakinio naatai: Nakidaria kipou kedara ateker Namam epedori aitaiar oni, Emejaete nekilosi kere, Mam kipedori alosit korotiniwok, Eapie awasiawok adolun, Etodolikinos awokopaarasia; Naarai adolu awasiawok. Atiroko lukirukitotor Aitelekarit imorukaalei luka apak: Kibwapitos koronan, Kiperunete kamodiŋ. Eiyeŋane loka ikumesiwok, Lokinyonyoikitono akinyet naka EJAKAIT, Epok kotoma apanyiakee; Lokipou keneras ebe, “Kiboie kotoribeke kotoma atekerin.” Kolakar, kolel, ijo akoku naka Edom, Naiboic kakwap naka Us: Ikopuni akoli mamakon da; Imerikin, kosodi amujalalar. Etodolikin aiticanet naka numam adolitekon, Ijo akoku naka Sion; Mam bobo kiioreorio; Konye iticani numam adolitekon, Ŋo akoku naka Edom; Ilepilepi aronisiokon. Kiitu, wu EJAKAIT, nukibunokis sio; Koany, kosesen aitisiliokosi. Araun airumetekosi naka imo, Itogoikosi da luka Iukacekwapin, Kirau ikokiok, luemameete lukapapa, Asubata nukatotokosi bala apuserun, Kitaci akipi nukimasi, Kitwegelio akitokosi. Lukirukitotor ejaas omurisinakosi; Kilworun, emamei aibworar, Kiriiki Misiri akanin, Ka Iyasurian da, tetere isimonikinete inyamat. Apotu lukapapakosi kodiakanasi, ido emameete; Kibwokit isio da numam adolitekec. Kiyaito ibulesin: Emamei yenikilakuni kakanikec, Kidumuni inyamatakosi kaipal aiiar, Kanuka ekileŋ loka amodiŋ, Esarani amunyokosi bala emukaru, Kanuka amwanis naitisisiei naka ebeli, Ebuonorete aŋor koSion, Abekon da koreria luka Yuda, Ikajanakinete ikapolok akaninikec; Mam eyoŋito imakio. Edakete itelepai akaŋas, Iguanakinete idwe ludidik ibwokitos akito. Adaunos imakio kotoma orutei, Enyeis itelepai ayoorekec, Asana aiyalama nakotauonokosi; Aluor akosiisom aibworo. Ado aboko anyoun kakwesikosi: Itukwi isio! Naarai kidiakana, Ŋes eilorotor ikositauon; Kanuka ŋun ŋes awariwariata akosikonyen. Kanuka eronat loka Sion, loesil; Irimete ikuwei kanen. Konye jo, wu EJAKAIT, iiaenena ikar kere; Ejai ekoniicoloŋ ageun katur kiton aturio. Kanukinyo kimurwokinia apaarasia kere, Kojal isio apak naetia nen? Kitobonunoi, wu EJAKAIT, sio da kiboŋuni; Kiteteu akosipaarasia kwape kolosck. Konye kigiri kereka ijo sio eut? Kinyunyurik kereka noi? Kosodi kanen kokaru loka akaisauni, kolap lokiwoŋonet, kapaaran nakikanyet naka elap, naajaar nepepe kalukijoreoritono, ariri naka ecor Kebar, koŋaarai akuj, kaany aitapoeta nuka Edeke. Kapaaran nakikanyet naka elap, ŋes arai ekaru lokikanyet loka aijoreorio naka ekabaka Yekoiakin, kobu teni akirot naka EJAKAIT mama ejai Esekiel esasedoti, okoku loka Busi, kakwap naka Ikaludean, kariri naka ecor Kebar; kojau akan naka EJAKAIT mamakeŋ kaŋina. Kasesen, ido koany, kobu ekwam loepol kari naka agolitomei, edou loeiliili, ka akim naesarani, kirimorit amwekemwek, kotakan kokidiŋike ejese loka esabu loimilia, loejai kidiŋ kakim. Ido kokidiŋike kolomut luesubito bala isuban iwoŋon lukajarak. Kikoni ne atakanukee; asubito bala etuŋanan. Ŋinidiopet ajaas ireeta iwoŋon, ŋinidiopet da ajaas abebenoka aoŋon, Etenara akeeekejen: aicaketa da nuka akejenekec asubito bala aicaket naka itaok; komwekimwekete kwape aisinit naepwatat. Ajaas kes akanin nuka etuŋanan kwap kabebenokakec kosiepionokee iwoŋon. Ido ŋul iwoŋon ajaas ireetakec ka abebenokakec kwanata: eriamanakina abebenokakec; mam ebelonokinos naelosioto, kolototo ŋinidiopet ederit, Asubito ireetakee kwanata, ajai ŋillidiopet ereet loka etuŋanan; ido ŋul luoŋon ajai ŋinidiopet ereet loka eŋatuny kosiep lokoteten; ido ŋul luoŋon ajai ŋinidiopet ereet loka emoŋ kosiep lokokediany; ŋul luoŋon da ajai ŋinidiopet creet loka emorukaalet. Ekote nen ireetakee. Egararaete abebenokakec kokuju; eriamanakina abebenoka aarei nuka ŋinidiopet, arapitos aarei awatekec, Kolototo ŋinidiopet ederit; neekot emoyo alosit, ŋes elosete; mam ebelonokinos naalosenenoto. Kidiŋ kisuban lukajarak kojai ibore yenesubit bala atotol nuesaranete akim, bala akalasia; kirimi kokidiŋ kisuban lukajarak: asarani akim, kolom eimilia kakim. Kokerata isuban lukajarak, kohoŋut, kwape keimilia, Kosodi napaseseni isuban lukajarak, abu kaany akokoro kalup kosiep kisuban lukajarak, akokoro kaninidiopet kakesi luonon. Atakan naka akokoron ka aswamukee asubit bala ejese loka aberulo: ido kere aoŋon araas nuka aput adiopet: asubit atakanukec ka aswamukec bala akokoro kotoma akokoro, Naalosenenoto, kolosenenete kosiepionokee iwonon; mam ebelonokinos naalosenenoto. Ajaas akokoron ireren, ajaas da ipirin; kileleba akonye airimor ireren nul iwoŋon. Ido naalosenenoto isuban lukajarak, kolosencnete akokoron kosiepikee: ido naetonyoununere isuban lukaiarak kalup, kitonyoununio da akokoron. Neekot emoyo alosit, ŋes elosete; kouparos akokoron da kakes; naarai ajai emoyo loka isuban lukaiarak toma akokoron. Naalosenenoto nul alosete nu da; ido nakebwoeneniata nul abwoete nu da; ido naetonyounere nul kalup, kouparos akokoron da kakes; naarai ajai emoyo loka isuban lukajarak toma akokoron. Ido kuju kakou ka isubat yenikajaran ajai naesubit bala apak, eiese loka akurisitalo nakanosibib, aterakinitai kuju kakwesikec. Ido kwap kapak kitenara abebenokakec, adiopet kiteos kanaceke; ajaas ninidlopet abebenoka aarei nukeraparitor akuanake. Naalosenenoto, keira airurum naka abebenokakec, kwape airurum naka akipi nuipu, kwape eporoto loka Lokapedor kere, airurum naka ecelet kwape airurum naka ajore: nakebwoeneni ata, kijolulununete abebenokakec. Kejai eporoto kokuju apak nakejai kuju akwesikee: nakebwoeneniata, kijolulununete abebenokakec. Kuju kapak nakejai kuju akwesikee, ajai loasubit bala eicoloŋ, loetakani bala amoru nasapiro: ido kiboie loesubit bala etuŋanan kokuju kaloesubit bala eicoloŋ, Ido kaany bala eiese loka esabu loepwatat, bala akim kotomake airimor, ageun kaneasubit bala aŋabeteke kiton kuju; ido ageun kaneasubit bala anabcteke kiton kwap, kaany bala akim, kojai amwekimwek nairiamarit, Bala aput naka etaluka loejai odou kapaaran naka akiru, ekoni nen ejcse loka amwekimwek kowaitin kere. Ŋin ŋes arai aput naasubit bala aibuses naka EJAKAIT. Kosodi nakaany, kebiror ebuburia, keira eporoto loka ŋol lokinera. Kalimok eoŋ atiar, “Okoku loka etuŋanan, kobwo kakonikeje, cneri eoŋ da kajo.” Koloma emoyo tomaka nakinerar keoŋ, kesibwo kakakeje; keira ŋol lokinera keoŋ. Kalimok eoŋ atiar, “Okoku loka etuŋanan, keiukari jo mama ejaas idwe luka Isirael, mama ejaas atekerin nuipalioko, nukepaliikis eoŋ: kes ka lukapapaakec da apaasi kamakaŋ, kiton lolo. Elepaakata idwe da, ido aninikata itauon; kejukari mama ejaas nul: kolimok kes atiar, ‘Inera kwanata EJAKAIT EDEKE.’ Kes da, arai iirarete, arai eŋerete akiirar, (naarai eraas ekek lokepali) ejenunete kereka kwape ajaar enabi kidinikec. Ido da, okoku loka etuŋanan, sirikikurianar kes, kwabo sirikikurianar akecekiro, karaida ejaas ikodokodo ka ikukwa kajo, ido iboie kokiritona; sirikikurianar akecekiro, kwabo sirikiiurunun kanuka ekwenyekec, karaida eraas ekek lokepali. Ido ilimokini kes akakiro, arai iirarete, arai eŋerete akiirar: naarai ipalioko kesi noi. “Konyc jo, okoku loka etuŋanan, kiira nukalimok jo: siripaliono kwape kekek kanol lokepali: koon akoniituk, konyam ibore yenikainakini jo.” Naasesenia da, koany, koriunoi akan mama ajai; ido koany, kojai anunuket naka eitabo toma; kotera kakonyeneka; kiwadikatai iwaitin kere: kiwadikatete nen akuudian, aibworo, ka iean. Kabala ebe, “Okoku loka etuŋanan, konyam ŋin yenidumuni; konyam anunuket na, kosodi kolot, kolimok ekek loka Isirael.” Kasodi kaooŋ akaituk, kainak eoŋ ainyam anunuket, Katema atiar, “Okoku loka etuŋanan, kitanyam akonikoik, kisimonik aboikon anunuket na nakainak.” Kasodi kanyam; kowiny kaitukuka kwape kesik. Kosodi katema eoŋ atiar, “Okoku loka etuŋanan, kolot kodol neejai ekek loka Isirael, kiner akakiro mamakee. Naarai mam kiiukaritai neejai ateker naegelara aŋajepeke, ido luka aŋajep naetiono, nabarai togo laka Isirael: mere neejaas atekerin nuipu nuegelara aijaiepekec ido luka aŋajep naetiono, lumam ipedori ajenun akirokec, Abeit arai keejukarit neejaas ŋul, ti kiirasi. Konye ekek loka Isirael, mam kiirarete; naarai mam keirarete eoŋ; naarai ekek loka Isirael kere eraas luegogon akonyen, ido lueninik itauon. Koany, etogogon akonikonyen kama ejaas akeeekonyen, etogogon ekonireet da koreetakee. Kwape egogoŋior eikep adepar alicait, etuluo kwaŋin ereetekon: sirikikurianar kes, karaida aiurunun ekwenyekec, karaida kerai ekek lokepali.” Ido katema eoŋ bobo atiar, “Okoku loka etuŋanan, akakiro kere nukalimokini jo, kiyuu kotaukon, kiira da kakoniki. Ido kolot, kodol neejaas nul luijoreoritai, neejaas idwe luka ikonituŋa, kiner kakes kolimok ebe, ‘Inera kwanata Ejakait EDEKE’; arai iirarete arai eŋerete akiirar.” Kosodi kadaka eoŋ Emoyo, keira kokauka eporoto loka aunya naepol, inera ebe, Kituritete aibuses naka EJAKAIT kaiboisike. Keira eporoto loka abebenoka nuka isuban lukajarak eretonokinos, ka eporoto loka akokoron kosiepikee, eporoto loka aunya naepol. Kosodi kadaka eoŋ Emoyo, kayana: kalot kakadakinit, komulai ekatau, kicasite da akan naka EJAKAIT kamakaŋ. Kasodi abunore mama ejaas lukijoreoritono Tel-abib, lueboiete kariri naka ecor Kebar, neiboioto, Keboikin mamakee etirirai apaarasia akanykaarei, Kosodi kanen ketuboros apaarasia akanykaarei, kobu akirot naka EJAKAIT mama ajai, ebala ebe: “Okoku loka etuŋanan, ketarau jo ekedaran loka ekek loka Isirael: asa kiira akiro nuka aitukuka, kikwenya kes kanukan. Arai katema ikaronon atiar, ‘Abeit itwani’; komam jo ikwenyari ŋes, ido komam inera aikwenyar ikaronon anyoun korotoke loerono, aitaiar akeijar; etwanikini ikaronon ŋin toma numam adoliteke; konye etepeseni akeokot kakanikon. Konye arai ikwenyari ikaronon, kogiri aibelokin ainyein akeronis, karaida anyoun korotoke loerono, etwanikini toma numam adoliteke; konye kitajarite ijo akoniiiar. Bobo da, kibelokin ikadoliton ainyein akedolit, kiswama numam adolit, kebwaik eoŋ ekomio kakonyeneke, etwani; naarai mam ikwenyarit, etwanikini toma aronisike, mam iitunio akeswamisio nukadolit nueswamat; konye etepeseni akeokot kakanikon. Konye arai ikwenyari ikadoliton, kinyek ikadoliton aidiak, komam ediaki, abeit eiari, naarai aeamu aikwenyario; ijo da kitajarite akoniijar.” Koiau akan naka EJAKAIT mamakan kaŋina, kabala ebe, “Konyou, kolot apuuton, kineri eoŋ kajo kaŋina.” Kasodi kanyou, kalot apuuton: ido koany, abwoi aibuses naka EJAKAIT kaŋina, kwape aibuses naabu kaanyunite kariri naka ecor Kebar: kebiror ebuburia, Kalomak Emoyo, kesibwo kakejeneka; kiner keoŋ, katema atiar, “Kolot, kogolokin togokon, Konye jo, okoku loka etuŋanan, koany, kibwaikinio irikoi, kienere, tetere mam ipedori alomun otuŋa, Esimakakini anajepeken kodokolikon, korau ebaŋ, komam ipedori aitoron kes; naarai eraas ekek lokepali. Konye nakineria eoŋ kajo, esiwoonari akoniituk, ijo da ilimokini kes ebe, ‘Inera Ejakait EDEKE kwanata’; Ŋin yeniirari, kiira; ka ŋin da yeneneri akiirar koŋer; naarai eraas ekek lokepali. “Tio da, okoku loka etuŋanan, kolem amatapalit, kibwaik akonyenekon, kigir aput naka ere Yerusalem: kirigau, koduk arwatatin asurokinia, kitutu itutio; kiswama iidukurun asurokinia, kibwaik akuta nutiyanakinet airimor. Ido kolem aiwowas naka asuat, kibwaik araun arwatat naka asuat kidiŋikon ka ere: kotereik akonikonyen neejai, asa irigaunio do, ijo da irigauni ŋes, Eraun nin aanyunet mama ejai ekek loka Isirael. “Bobo da koper kosiepikon lokokediany, ebwaikini aiticanet naka ekek loka Isirael mamakon: etiai loka apaarasia nuiperi, kinuikin aiticanetekec. Naarai kaseik ikar luka aiticanetekec araut kamakon etiai loka apaarasia, kes apaarasia akwat auni ka akaisakanykaoŋon: kwaŋin kinuikin aiticanet naka ekek loka Isirael. Ido, naidaunia aitodolikin ŋun, iperi kosiepikon lokoteten, kinuikin aiticanet naka ekek loka Yuda; apaarasia akaisaoŋon, ninipaaran erianas kekaru, nupenun kaseik jo. Kotereik akonikonyen neejai airigaun naka Yerusalem, kopukorite akonikan; idwari asurokinia ere, Ido koany, kebwaik aeneta mamakon, komam ibelokini esiep epuai, aitodol neitodolikinio apaarasia nuka airigaunikon, “Kolem da enano, ka esairi, ka imare, ka ekao, ka akima, ka imumwa da, kibwaik kes obore idiopet, kono atap; inyamenenei nin apaarasia kere nuiperenenoo kosiepikon, kes apaarasia akwat auni ka akaisakanykaoŋon. Itemenenoo ŋinipaaran inyamat luinyamenenei isekelin akaisaarei: inyamenenel irwan atipet ninipaeran. Imasenenei akipi nuitemio, idiopet kokanykape yenika ekin: imasenenei irwan atipet ninipaaran. Inyamenenei bala aluŋuren nuka esairi, ipei da kacin nuka ituŋa kakonyenekec.” Kobala EJAKAIT ebe, “Kwape kwaŋin enyamenenata idwe luka Isirael inyamatakec lumam elaete, kotoma atekerin nuereneari kes.” Kasodi eoŋ atemar atiar, “Wu okwe Ejakait EDEKE! Koany, mam lem akaijar emunaaritai; naarai ameun koiditeuka kiton kwana mam anyamenenei ŋin yenetwani, karaida yenepoopoot etiaŋ; akiriŋ da naketal mam elomanari aitukuka.” Kosodi ŋesi atemar eoŋ atiar, “Koany, kainak aoret naka aituk aibois naka acin nuka ituŋa, itemonokinenei kanen ikoninyamat.” Bobo da katema eoŋ atiar, “Okoku loka etuŋanan, koany, abili ebela loka inyamat kotoma Yerusalem: enyamenenete inyamat luitemete, ido iyalononoete, emasenenete akipi nuitemete, ido koiurununito: tetere emamikinete inyamat ka akipi, konolianakinos kaiurunun, idokororaros kotoma aiticanetekec. “Ijo da, okoku loka etuŋanan, kolem ekileŋ loekwana, kitwasam bala ebarenit loka ekabarenon, kitorio akoukon kopenekekon da: kosodi kolem aitemis aitemio, kotiak itim. Iewei atutubet nakiwuniet kakim kokidiŋ ore, naitodolikinere apaarasia nuka airigaun; kolem atutubet nakiwuniet kireb kekilen airimor ere; atutubet nakiwuniet da kiwelana neejai ekwam, autuni eoŋ ekileŋ loetupari kes. Ilemuni idis, koen kanapitokon. Ilemuni kanul da, icakakini kidin akim, icwei kes; namakec elomuni akim nailosikini ekek kere loka Isirael. Inera kwanata Ejakait EDEKE ebe: Ŋin ŋes Yerusalem: ebwaik kidiŋ atekerin ka akwapin da nuirimorito. Abu kipaliik ikatubesia kiswamaenenei nukaronok adepar atekerin, ido epaliiki ikakisila adepar akwapin nuirimorito: naarai agiro ikatubesia, mam da elosenenete kotoma okisilaka. Kanuka nun ŋes inerar kwanata Ejakait EDEKE ebe: Naarai iloliaka yesi adepar atekerin nukirimorito, kwabo mam ilosikinito ikakisila, komam iricito ikatubesia, karaida aswam kwape elaatar itubesia luka atekerin nukirimorito; ŋes inerar kwanata Ejakait EDEKE ebe: Koany, eotj, eoŋ obe, arai lokasurupikon, etodolikini ikatubesia kamakon kakonyen nuka atekerin. Keswamakini jo numam eswamat apeŋo, mam bobo abuni aswam kwaŋin, kanuka italesiokon kere. Kanuka ŋun enyamete lukapapa idwe kokidinikon, idwe da enyamete lukapapakec; etodolikini itubesia kamakon, eweliweli da aatonotokon kere mama ejaas ikwamin kere. Ebala Ejakait EDEKE ebe, Aso, kwape ajaria, abeit, naarai imunaa akaibois nakalaunan kanuka iborokon kere luasacit, ka italesiakon kere, kanuka nun kenonari jo: mam akakoŋu isionie, ido mam etimi. Etwani atutubetekon nakiwuniet atular, epiari eteŋei kes kokidinikon; eari ekileŋ atutubetekon nakiwuniet airimor; eweliweli da atutubet nakiwuniet mama ejaas ikwamin kere, autuni ekakileŋ loetupari kes. “Kwaŋin itodolikinor akanyunyura, esimonikini akadedeŋ kamakec, kasodi aisiyamikin: ejenunete kesi cbe Eoŋ EJAKAIT ener kokokoteka, naadaunia aitodolikin akadedeŋ kamakec. Bobo da ketuluori asilio ka amorosit kotoma atekerin kere nukirimorito, koanyunete ŋul kere luitorete. Kosodi eraun amorosit, ka ainyanakin, ka aikwenyaret ka aumokinet da mama ejaas atekerin nukirimorito, naetodolikinio itubesia kamakon kanyunyura ka adedeŋ, kaitoronio naededen: Eoŋ EJAKAIT ener ŋun. Nakejukakinia imalia lueroko, luka eteŋei, ka luka amudiar, lukejukuni amudiaria; ido eyatakini eteŋei kamakus, abili do ebelakus loka inyamat. Kejukakini yes eteŋei ka itian lueroko, itwakiarete lukus; itori atular ka aokot mamakus; kainuni da ekileŋ. Eoŋ EJAKAIT ener ŋun.” Kobu akirot naka EJAKAIT mama ajai ebe: “Okoku loka etuŋanan, kite ironan luka Isirael, kodwarak kes. Kiner atiar, Yes ironan luka Isirael, kiiras akirot naka Ejakait EDEKE! Inera kwanata Ejakait EDEKE ironan ka iukon, isama ka aditon da ebe: Koany, eoŋ, eoŋ obe, kainuni yes ekileŋ, amudiari aiboisiokus nuiceleleete. Itisilio itemwanakus, ebilibilio aputosiakus nuka akoloŋ: acakakini ituŋakus lueario akonyen nuka aputosiakus. Ido eperikini atesin nuka idwe luka Isirael akonyen nuka aputosiakee; esiarisiari da akojokus airimor itemwanakus. Iswapete ireriakus kotoma aiboisiokus kere, itisilio aiboisio nuiceleleete; tetere iswapete itemwanakus, itisilio, ebilibilio aputosiakus edaunos, ejepejepeo aputosiakus nuka akoloŋ, emwatario da akusiswamisio. Ibirokinos lueario kidiŋikus, ijenunete da ebe arai eoŋ EJAKAIT. “Konye do etasali aatoŋot, Naarai ijaunete kice luekuete ekileŋ kotoma atekerin, nakisiarakinere akwapin, Keitunete ŋul luekuete kayes kotoma atekerin kama ijoreoritai, kadau aibil itauonokec ludotea luanyoutu kamakaŋ, ka aitumudak akonyenekec nuelosete eporo kaputosiakec; ekadakinete kesi kanuka aronisio nueswamata, ka italesiakec kere, Ejenunete ebe arai eoŋ EJAKAIT: mam ener atai ebe eswamakini kes aronis nin.” Inera kwanata Ejakait EDEKE ebe: “Kodip kakanikon, kopet kakejekon, kinera ebe, Wu okwe! Kanuka italesia kere lueroko luka ekek loka Isirael: naarai ibiroros kekileŋ, ka eteŋei, ka atular da. Yenelwana etwani atular; yeneapie eari ekileŋ; ka yenesali irigaunitai etwani eteŋei. Kwaŋin etodolikini akadedeŋ mamakec, Ŋenunete yesi ebe arai eoŋ EJAKAIT, naejauniata ikecetuŋa luearitai toma aputosiakee airimor itemwanakec, kaŋoliukot loimukurur, aidiasia kere nuka iron an, kokwap kaŋolikitoi loepesit, kokwap da kanolilua loiswapit, aiboisio nuainanakiniata lueuru saa aputosiakec kere. Ariikini kes akakan, aitisil akwap kiswap, anyoun kamodiŋ naka Dibila, airiamar ireriakec kere; ejenunete do ebe arai eoŋ EJAKAIT.” Bobo da kobu akirot naka EJAKAIT mama ajai ebe: “Ŋo da, okoku loka etuŋanan, inera kwanata Ejakait EDEKE akwap naka Isirael ebe: Awasia! Adolok awasia agoria aoŋon nuka akwap. Kwana kidolok awasia, kejukakini akanyunyura, katubokini jo kwape ejaatar ikonirotin; keticani jo kanuka italesiakon kere. Kwabo mam kisionie akakoŋu, ido mam etimi; konye keticani kanuka irotinikon, ejaunete da italesiakon kidinikon: iienunete da ebe arai eoŋ EJAKAIT, “Inera kwanata Ejakait EDEKE ebe: Aronis, aronis adiopet! Koany, ebunit. Adol awasia, adol awasia alopet; akwenyu asurokin jo. Koany, ebunit. Acila kide naka aijarakon, ijo yeniboie kakwap: adol apak, eapie apaaran; apaaran naka elala, konye mere naka eibwoŋ, koronan, Kwana eapie abukokin akadedeŋ mamakon, ketodoliki akanyunyura mamakon, katubokini jo kwape ejaatar ikonirotin; ido keticani kanuka italesiakon kere. Kwabo mam isionie akakoŋu, ido mam etimi: ketieani kanuka irotinikon, ejaunete da italesiakon kidinikon. Ŋenunete do ebe arai eoŋ EJAKAIT loadanyi. “Koany, apaaran! Koany, ebunit! Acila kide naka aijarakon; eturo ebela, ibutunit eitur, Apolou akaje araun ebela loka aronis; emameun yenideun kakesi, karaida aipuesikee, karaida abarakec: emameun apolou kamakee. Adol apak, aeku apaaran die. Kinyek yenegweli ailel, kinyek da yenegwelari akadakin: naarai ejai adedeŋ aipuesikee kere. Naarai mam eboŋori ikagwelaran neejai yenegwelarit, karaida keroko eiarete, Naarai ikamunit aitapoet aipuesikee kere, emameun yenebonuni; ido emameun yeniketakin kanumam edolito nuka aijarake. “Akutata arupepe, akapata kere; konye emamei yenelosi oiie: naarai ejai akanyunyura aipuesikee kere. Ejai ekileŋ kina, atular da ka eteŋei ejaas toma: nin yeneiai ais eari ekileŋ; ŋin da yenejai ore, emeori eteŋei ka atular. Konye ŋul luekuete kakesi ekuete, ido ejaunete oroŋan kwape idudumerun luka aditon, ekuudianete kere, ninitunanan kanumam adoliteke. Elajakakaros akanin kere, ekalanyakaros da akuŋin kere kwape akipi. Ido enapete ipukoi, erapari asogim kes; irumete ileje akonyenekee kere, ejaunos ipatai akwesikee kere. Eeakanakinete ekeeepuesa orotin, eraun da ekecesabu ibore yenimam elai; mam epedori epuesakee ka esabukec ayuun kes kapaaran naka anyunyura naka EJAKAIT; mam isimonikinete aiiarakec, ido mam ituupete akecekoikes, Naarai keraas nul ikomion luka numam adolitekec. Atemelel naka ikecebore yenisirio kiloco araun eitur, konye kiswamaut aputosia nuka italesiakee ka ikeeeboro luasaeit kaŋes: ŋes etuluoria kamakec kwape ibore yenimam elai. Ainakini akanin nuka imo araun imejat, ido mama ejaas ikaronok luka akwapin araun inatara; emunaarete da. Ido ebelokini kes akasebot, emunaarete da akaibois nakaiyeiyea: elomarete ikaŋatak, komunaasi. Kiswama erikot: naarai ileleba akwap iarito, ileleba da ere akaje. Kanuka ŋun ŋes ayaunia lukaeekwapin luitelekarito aronis, kiruma itogoikec: etanaŋi da aiwoŋonut naka ikagogoŋok; emunaario aiboisiokec nukalaunak. Ebunit amudiar, emoete ainapakin, komam edumunete. Ebuni ameŋeranut kameneranut, nukabe da nukabe; emoete aitapoet kaneejai enabi; konye eoliorete ikisila kama ejai esasedoti, ka ainerun da kama ejaas imakio. Ibworo ekabaka, enapi ekapolon aburun, emaranete akanin nuka ituŋa luka akwap. Eswamakini kes kwape ejaar ekecerot, ido atubokini kes kwape atubonokiniata; ejenunete do ebe arai eoŋ EJAKAIT.” Kosodi kanen kokaru lokikanyetekape, toma olap lokikanyetekape, kapaaran nakikanyet naka elap, naeboio kotogoka, kibojete da imakio luka Yuda kakonyeneka, kadoik eoŋ akan naka Ejakait EDEKE. Kasodi kasesen, ido koany, aputo naesubit bala akim; ageun kaneasubit bala aŋabeteke kiton kwap, akim: ageun da kaneasubit bala aŋabeteke kiton kuju, bala amwekimwek, bala eiese loka esabu. Korio naasubit bala akan, ketin eeuude; kadaku emoyo kokidin kakwap ka akuj, kayana Yerusalem kotoma aitapoeta nuka Edeke, mama ejai ekirigi loka erute loka alaro nakotoma joeseseni agolitomei: neajai eicoloŋ loka aput naka ekolo, naitokokoli. Ido koany, kojai nen aibuses naka Edeke loka Isirael, kwape ajaar aitapoer naabu kaany kapuuton. Kosodi kabala ebe, “Okoku loka etuŋanan, kiteluo kwana akonikonye orot loebei agolitomei.” Kasodi keteluo akakonye orot loebei agolitomei, ido koany, keiai aput nin naka ekolo, neelomarere orute loka etem ari nakagolitomei. Katema eoŋ atiar, “Okoku loka etuŋanan, iany kereka nuiswamaete? Italesia luepolok luiswamai ekek loka Isirael kane, tape ekunyari neelwana anyoun kaiboisika nakalaunan? Konye iyatakini bobo aanyun nukitalesia ace nuepolok.” Kasodi kayau okirigi loka alaro; kasodi kete, ido koany, kojai apedot arwatat. Kosodi atemar atiar, “Okoku loka etuŋanan, kobok arwatat”: ido kadau aibok arwatat, koany, kojai ekirigi. Katema atiar, “Koloma, koany italesia lukaronok luiswamaete kane.” Kaloma, kaany; ido koany, aponi kinomitete aputosia nuka nolipone loka lueliatos, ka itian luketal, ka aputosia kere nuka ekek loka Isirael, toma arwatat iwaitin kere, Kobwoete kakonyenekee ituŋa akaisakanykaarei komakio luka ekek loka Isirael, kobwoi Yaasania okoku loka Sapan kokidinikec, Kokodite nolituŋanan aisupuruuneteke; kopuru asakat naka lukisupurununo. Kosodi ŋesi atemar atiar, “Okoku loka etuŋanan, iany kereka nuiswamaete imakio luka ekek loka Isirael kamuton, nolitunanan kagolaike nuka aputosia? Naarai ebalas ebe, ‘Mam EJAKAIT kianyuni oni; enyek EJAKAIT akwap.’” Katema bobo atiar, “Iyatakini bobo aanyun nukitalesia ace nuepolok nuiswamaete,” Kosodi kayau okek loka erute loka etogo loka EJAKAIT loitei agolitomei; ido koany, kibojete aŋor kokuudianete Tamus. Katema atiar, “Iany kereka nu, ijo okoku loka etuŋanan? Iyatakini bobo aanyun nukitalesia ace nuepolok adepar ŋun.” Kayau alaro nakotoma naka etogo loka EJAKAIT, ido koany, kidin agola nalomaret ka etem, kejaas ituŋa kwaka akaisaarei ka lukany, lukibelokinitos asebon oyekalu loka EJAKAIT, ka ireetakec kide; komaete kesi akoloŋ kokide. Kosodi katema atiar, “Iany kereka nu, ijo okoku loka etuŋanan? Erai tope akirot naepatana kokek loka Yuda kes aswam italesia lueswamata kane? Naarai elelebata akwap akaje, aiyatakin aitunyunyurikin eoŋ. Ido koany, ibwaikinete atenut okumesikec. Aso ekonakini eoŋ da kadeden, mam isionie akakoŋu, ido mam etimi: karaida kemonyata keporoto loepol akiika, mam apupuni kes.” Kosodi ŋesi aimony kakiika keporoto loepol, kobala ebe, “Kisukunyutu ŋul luepolokinito ere, nolitunanan kokapite yeniiiisike yenemudiari kakanike.” Ido ko any, kopotu ikiliok ikanykape elomunete korot loka erute loikumemei, lokagolitomei, nolitunanan ekapit yeniiiisike yeneari kakanike; etuŋanan ediopet kidinikec loanapit ebaputa, konapite amumwarat naka ebwino loka ekewadikan kanabeteke. Kolomasi, kobwaata kariri ketem loka aisinit. Kedokunit aibuses naka Edeke loka Isirael anyoun kokerubi, nekejai, kiton ariiri kekek loka etogo; kiworo ŋesi etuŋanan loanapit ebaputa, lokejai amumwarat naka ebwino loka ekewadikan aŋabeteke. Kotema EJAKAIT ŋes atiar, “Kitor kidin ore, kidin Yerusalem, kibwaik aanyunet oreeta luka ituŋa luewoianaros ka luedinyasi kanuka italesia kere lueswamao kokidinike.” Kotema ŋesi ice kapupi eoŋ atiar, “Kitoro kidin ore atupakin ijol, kodanyata: mam isioniete akusikonye, ido mam itimete. Koarata eut imakio, ikatumunak ka apesur, idwe ludidik ka aŋor da: konye sirikikunyakis idiotuŋanan kere yenejai aanyunet, Kogeutu da kaiboisika nakalaunan.” Kosodete kogeut kimakio lukejaas kinaren ketogo. Kotema kes atiar, “Komunaasi etogo, kilelebata alaroi kalueario, Kolomasi.” Kolomasi do, kodanyata lukore. Kosodi kanen, nakedanyiata, kenyein eoŋ, kebiror ebuburia, kamony, kabala ebe, “Wu okwe Ejakait EDEKE! Imudiari kereka ijo aatoŋot kere naka Isirael kanuka abukokin adedenukon toma Yerusalem?” Kosodi katema atiar, “Ipu noi numam adolit nuka ekek loka Isirael ka Yuda, elelebun akwap da aokot, elelebun ere da etube loerii: naarai ebalasi ebe, ‘Enyek EJAKAIT akwap, ido mam EJAKAIT eanyuni.’ Eoŋ da, mam akakoŋu isionie, ido mam etimi, konye etebei akeeeswamisio akwesikee.” Ido koany, kinyak etuŋanan loanapit ebaputa, lokejai amumwarat naka ebwino aŋabeteke akiro, kobala ebe, “Eswama kwape ibu kicorakinia.” Kasodi kete, ido koany, kapak nakeiai kuju kakwes nuka ikerubin, kotakan kokujukec, naasubit bala amoru naka asapiro, bala atakan naka aput naka eicoloŋ. Kolimok etur-anan loanapit ebaputa ebe, “Koloma kidin kakokoron nuidiridirete, kokwap kikerubin, kileleb akonikanin kere atotol nuka akim nuejaas kidin kikerubin, kiwelanaa ore.” Koloma ŋesi kaseseni eoŋ. Kobwaata do ikerubin kakan nakoteten naka etogo, nakelomaria etuŋanan; kilelebun edou alaro nakotoma. Kodok aibuses naka EJAKAIT kotoma okerubin, kobwo kariri naka ekek loka etogo; kilelebun edou togo, kileleba da alaro amwekimwek naka aibuses naka EJAKAIT. Kopupos iporotoi luka abebenoka nuka ikerubin kiton alaro nakokina, kwape eporoto loka Edeke Lokapedor kere nainerar. Kosodi kanen, nakieorakinia etuŋanan ie loanapit ebaputa, kobala ebe, “Kolem akim kokidin kakokoron nuidiridirete, kokidin kikerubin,” koloma ŋesi, kobwo kosiep loka akokoro, Korio ekerubi akekan kokidin kikerubin kiton akim nakejai kidin kikerubin, kolem, koinak akanin nuka ŋol kaloanapit ebaputa; kitin ŋesi koloma. Kotakanu kokerubin naasubit bala akan naka etuŋanan kokwap kabebenokakec, Kete, ido koany, ajaas akokoron aoŋon kosiep loka ikerubin, akokoro adiopet kosiep loka nolikerubi: atakan naka akokoron kosubite bala eiese loka amoru naka aberulo. Atakanukee, aputosi kesi kere aoŋon, bala kejai akokoro kotoma akokoro. Naalosenenoto, kolosenenete kosiepionokec iwonon: mam ebelonokinos naalosenenoto, konye aibois nakesesenenei akou kotupanarete: mam ebelonokinos naalosenenoto, Eleleba akonyen awatekee owaitin kere, ipuranakee, ka akaninikee, abebenokakec, ka akokoron, kes akokoron nuajaas kesi iwonon, Kapup eoŋ akokoron enyaritai akokoron nuidiridirete, Ido ajai ŋinidiopet ireeta iwonon: ereet losodit kerai ereet loka ekerubi, ereet lokiareit kerai ereet loka etuŋanan, ereet lokiwuniet kerai ereet loka eŋatuny, ka ereet da lokiwoŋonet kerai ereet loka emorukaalet. Kodokasi ikerubin akuj. Ŋul kes isuban lukaiarak luabu kaany kariri kecor Kebar. Naalosenenoto ikerubin, kolosenenete akokoron kosiepionokee: nakitonyoununoto ikerubin abebenokakec adokar anyoun kokwap, akokoron da mam ebelonokinos anyoun kosiepionokec, Naabwoenenata ŋul, kobwoete nu da; nakedokanariata nul kuiu, kodokasi nu da kakes: naarai keiai emoyo loka isuban lukaiarak kotomakec, Koloma aibuses naka EJAKAIT anyoun kariri naka ekek loka etogo, kobwo kokuju kikerubin. Kitonyout ikerubin abebenokakec, kodokasi anyoun kokwap, ketei eoŋ kwape alomuniata, akokoron da kosiepionokee: kobwaata kokirigi loka erute lokokide loka etogo loka EJAKAIT; kojai da aibuses naka Edeke loka Isirael kokujukec. Ŋul kes isuban lukaiarak luabu kaany kokwap ka Edeke loka Isirael kariri naka ecor Kebar; kaienu ebe keraas ikerubin. Kejai nolidiopet ireeta iwonon, ido nolidiopet abebenoka aoŋon; aput naka akanin nuka etuŋanan kejai kwap kabebenokakec. Aput da naka ireetakec, keraas ireeta ŋupeŋul luabu kaany kariri naka ecor Kebar, atakanukee ka kes da ikulepek. Kolot ŋolidiopet ederit. Bobo da kadaku Emoyo, kayau orute lokokide loka etogo loka Ejakait, loaseseni kide, Ido koany, okirigi loka erute ajaas ituŋa akaisaarei kalukany; kaany kokidinikec Yaasania okoku loka Asur, ka Pelatia okoku loka Benaia, ikapolok luka ituŋa. Katema eoŋ atiar, “Okoku loka etuŋanan, lu kes ituŋa luepwakete numam adolit, lueinakinete ainerun naerono kore kalo. Luebalas ebe, ‘Eroko apak edolo aiduk itogoi: ere lo ŋes amot, oni da kirai akiriŋ.’ Aso kodwarak kes, kodwar, ijo okoku loka etuŋanan.” Kadoik emoyo loka EJAKAIT, katema eoŋ atiar, “Kiner ebe, Inera EJAKAIT kwanata ebe: Ibu kiner kwanata ijo ekek loka Isirael; naarai aleni akiro nuelomarete otauonokus. Itupuata iaranakus kore kalo, ilelebata da irotinike iaran. Aso do inera EJAKAIT EDEKE kwanata ebe: Iaranakus luiperionokinito kidinike, kes akiriŋ, ere lo da amot: konye kilemario yes anyoun kotomaken, Iyonito ekileŋ; konye ebala Ejakait EDEKE ebe, Kainunete ekileŋ. Kalemari yes kokidinike, keiaikini yes akanin nuka imo, etodolikini da itubesia kamakus. Kibirori ekileŋ; katubokini yes koikor loka Isirael; ijenunete da ebe arai eoŋ EJAKAIT, Mam ere lo eraun akusimot, ido mam iraunete akiriŋ kotomake; katubokini yes koikor loka Isirael; Iienunete da ebe arai eoŋ EJAKAIT: naarai mam ipotu kolosenenoto kokisilaka, ido mam itodolito ikatubesia, konye iswamata kwape ejaatar itubesia luka atekerin nukirimorito.” Kosodi kanen, napadwari, kotwana Pelatia okoku loka Benaia. Kasodi kebiror ebuburia, keworo keporoto loepol kabala ebe, “Wu okwe, Ejakait EDEKE! Itanani teni ijo eut aatoŋot naka Isirael?” Kobu akirot naka EJAKAIT mama ajai ebe: “Okoku loka etuŋanan, iinaeanakon, eeba, iinacanakon, ituŋa luka atekerikon, ka ekek kere loka Isirael, kes ŋul luapotu luibojete koYerusalem kolimokis ebe, ‘Kikunyasi kaneejai EJAKAIT; kiinakinitai sio akwap na araun airumet.’ Aso do kiner ebe, ‘Inera kwanata Ejakait EDEKE ebe: Karaida kalema kes kama elwana kotoma atekerin, karaida keweliwel kes kotoma akwapin, konye araun aibois nakalaunan kamakee nediokasilon kotoma akwapin nuadoloto.’ Aso do kiner ebe, ‘Inera kwanata Ejakait EDEKE ebe: Kedepidepi yes katekerin, katukokini yes kakwapin nuisiarakina, kainakin akwap naka Isirael.’ Naeponiata kaŋina, elemarete kanen iboro kere luasaeit ka Italesia kere, Ainakini kes etau ediopet, ebwaikini emoyo lokitetet kotomakec; alemuni etau lokamoru kawatekee, ainakini da etau loka akiriŋ: tetere elosenenete kokisilaka, koricenenete itubesiaka aiswamaenen: eraunos ikatuŋa, eoŋ da araun Ekecedeke. Ebala Ejakait EDEKE ebe, Konye ŋul Iuelosenenete ikecetauon atupit itauon luka iborokec luasaeit, ka italesiakec, etebei akeeeswamisio akwesikee kikulepek.” Kosodete kitonyout ikerubin abebenokakec, kojaas akokoron kosiepionokec; koiai da aibuses naka Edeke loka Isirael kokuiukec. Kodoka aibuses naka EJAKAIT anyoun kokidin ore, kobwo koronat loejai ari nakokide naka ere. Kadaku Emoyo eoŋ, kayau Kaludea kaitapoet naka Emoyo loka Edeke, mama ejaas nul lukijoreoritono. Kosodi konyou aitapoet kamakaŋ. Kasodi kalimok ŋullukijoreoritono akiro kere nuabu EJAKAIT ketodik. Kobu akirot naka EJAKAIT bobo mama ajai ebe: “Okoku loka etuŋanan, iboie kokidin kekek loka epali, luejaas akonye aanyun, kwabo mam eanyunete, ejaas aki apupun, kwabo mam epupunete, naarai eraas ekek loka epali, Aso do, ijo okoku loka etuŋanan, kitemok iboro luka aitwobosio, konyou aibwot paaran kosesenete kesi; ibwosi anyoun kaiboisikon kiton aibois ace kosesenete kesi, Diat eomoomoete, karaida eraas ekek loka epali. Itolomuni iborokon paaran kosesenete kesi, kwape iboro luka aitwobosio: ilomuni elopet eboŋ kosesenete kesi, kwape elomuniata ituŋa luirwobosio. Kobok ijo arwatat kosesenete kesi, kitotor iboro. Korion kokeperinikon, kosesenete kesi, kitolom kamuton; irapi akonikonyen, komam ianyuni alup: naarai kebwaik jo araun aanyunet mama ejai ekek loka Isirael.” Kasodi keswama kwaŋin kwape kecorakinitere: ketolom ikaboro paaran, kwape iboro luka aitwobosio, eboŋ da kabok arwatat kakakanin, ketolom kamuton, karion kokeperinika kosesenete kesi, Kosodi tupuruc kobu akirot naka EJAKAIT mama ajai ebe: “Okoku loka etuŋanan, mere kinisit jo ekek loka Isirael, ekek loka epali che,, Inyo bo iswamai?’ Kolimok kes ebe, ‘Inera kwanata Ejakait EDEKE ebe, Abwokon na naka ekapolon lokotoma Yerusalem, ka ekek kere loka Isirael loejai toma.’ Kolimok ebe, ‘Eoŋ aanyunetekus: kwape abu keswamaa, kwape kwaŋin iswamakinere kes: itwobosio, iioreorio.’ Ekapolon loejai kidinikec erioŋi kokeperike kamuton, elomari: ebokete arwatat aitotor iboro: erapi akonyeneke, naarai mam eanyuni alup kakonyeke. Ido aterakini ŋes ekaboi, ipoki kataeitika: ayauni ŋes Babulon akwap naka Ikaludean; konye mam eanyuni, karaida etwanikini nen. Eweliweli okwamin kere nul kere luirimorito aiŋarakin, ka ikekodeta da kere; autuni eoŋ ekileŋ loetupari kes. Ejenunete do ebe arai eoŋ EJAKAIT, naesiarisiaria kes kotoma atekerin, naeweliwelia kes kotoma akwapin. Konye apianuni ituŋa iuikidioko kakes, luekuete ekileŋ, ka eteŋei ka atular da; tetere elimorete italesiakec kere kotoma atekerin nuedolete; ejenunete do ebe arai eoŋ EJAKAIT,” Bobo da kobu akirot naka EJAKAIT mama ajai ebe: “Okoku loka etuŋanan, konyam ikoninyamat, komarani, komat akipikon komarani, kisorirai, Kolimok ituŋa luka akwap ebe, Inera kwanata Ejakait EDEKE nuka luibojete ko Yerusalem, ka akwap naka Isirael ebe: Epote ainyam inyamatakee kisoriraete, emasete da akeeekipi kitiriraete, naarai edokidokori iboro kakwapukee, kanuka akaje naka ŋul kere kaluiboiete kotoma. Iswapete ireria luiboioto ituŋa, itisilio akwap; ijenunete da ebe arai eoŋ EJAKAIT, Kobu akirot naka EJAKAIT mama ajai ebe: “Okoku loka etuŋanan, awaragan nanyoin na naijaatar kakwap naka Isirael, kineras ebe, “Eyapata apaarasia, aolio da ŋiniitapoet’? Aso do kolimok kes ebe, ‘Inera kwanata Ejakait EDEKE ebe: Etanaŋi awaragan na, mam bobo inerai kwape awaragan kotoma Isirael.’ Konye kolimok kes ebe, Aaput apaarasia, ka aitodolikinio da naka niniitapoet. Naarai mam ejaun bobo aitapoet natitai karaida aidwar naiteleli kotoma okek loka Isirael. Naarai eoŋ EJAKAIT eneri, ido itodolikinio akirot naeneri. Mam bobo itilorio. Ebala Ejakait EDEKE ebe, Naarai kapaarasiakus, ijo ekek loka epali, eneri eoŋ akirot, ido etodolikini.” Kobu bobo akirot naka EJAKAIT mama ajai ebe: “Okoku loka etuŋanan, koany, ebalasi lukokek loka Isirael ebe, ‘Aitapoet naeseseni ŋesi erai naka apaarasia nuipu koinaren, edwari ŋesi nuka apakio nuelwaka.’ Aso do kolimok kes ebe, Inera kwanata Ejakait EDEKE ebe: Mam bobo itilorio adio kakakiro. Ebala Ejakait EDEKE ebe, Konye akirot naeneri itodolikinio.” Kobu akirot naka EJAKAIT mama ajai ebe: “Okoku loka etuŋanan, kodwarak inabin luka Isirael luedwarete, kolimok ŋul luedwarete nuepote kotauonokec ikulepek ebe, ‘Kiirasi akirot naka EJAKAIT’, Inera kwanata Ejakait EDEKE ebc: Itukwi inabin lubaniok, luetuparete imoyonokec ikulepek, kwabo emameete nueanyunito! Wu jo Isirael, asubitos ikoninabin bala ikuwei kaiboisio nuiswapito. Mam idokanarete karorwaitin, karaida aiteteunun abwas kanuka ekek loka Isirael, tetere ebwoi kojie kapaaran naka EJAKAIT. Aanyut aamameak ka aidwar nakainal, luineras ebe, ‘Ebala EJAKAIT’: kwabo mam EJAKAIT iyakit kes, konye emunosi ebe itodolikinio akecekirot. Mam kereka ianyunito aitapoet natai ido mam idwarito nukainal, naarai ineras ebe, ‘Ebala EJAKAIT’; kwabo mam eoŋ enerit?” Aso do inera kwanata Ejakait EDEKE ebe: “Naarai inerata aamameak, ido ianyutu nukainal, ebala Ejakait EDEKE ebe, Aso koany, arai eoŋ lokasurupikus. Itusurupi akakaninabin lueanyunete aamameak, kaidwar nukainal: mam eiaunete aurianet naka ikatuŋa, ido mam iwadikao aiwadikaeta nuka ekek loka Isirael, ido mam elomarete akwap naka Isirael; ijenunete do ebe arai eoŋ Ejakait EDEKE. Naarai, eebo, naarai etapaarito ikatuŋa, kobalas ebe, ‘Ainapakin’; kwabo emamei ainapakin; ido naedukioto ituŋa arwatat iladaete inabin nul aitwakaŋ. Kolimok ŋulluiladaete aitwakaŋ ebe, Ibirori. Eiauni akiru naibiruni noi; ibiruni da akaka naepol; etiyaikini da ekwam loededeŋ. Koany, naetiyaikinor arwatat, mam kereka kiŋisio yes ebe, ‘Ai bo ejai akwaŋis naipotu kiladata?’ Aso do inera kwanata Ejakait EDEKE ebe: Atiyaikini kekwam loededeŋ kotoma aisiopoka; ido ejauni akiru naibiruni noi kanyunyuraka, ka akaka naepol kadeden amudiar. Kwaŋin atiyaikini arwatat naipotu kiladata aitwakaŋ, aitodolikin kwap, tetere epukorio apetetake; naibirunor, yes da kimudiario kokidinike; ijenunete do ebe arai eoŋ EJAKAIT, Ebala Ejakait EDEKE ebe, Kwaŋin etodolikini akaisiop arwatat, ka nul da lukiladaete aitwakaŋ; atemari yes atiar, Emamei arwatat, karaida nul lukiladaete; kes inabin luka Isirael luedwarete nuka Yerusalem, lueanyunete aitapoeta nuka ainapakin kanuken, kwabo emamei ainapakin. “Ŋo da, okoku loka etuŋanan, kitogogon akonikonyen mama ejaas apesur nuka ikonituŋa, nuedwarete nuepote kotauonokee akulepek; kodwarak kes, kinera ebe, Inera kwanata Ejakait EDEKE ebe: Itukwi aŋor nuedonyete imakakin luka akanin kere, nuesonyete itabalan luka akwes nuka ituŋa luka ninirian amejaa aijar! Imejaete ca ma aijar naka ikatuŋa, ka aitajar da aijar ace kanukus? Ipotu komoromoroto eoŋ kotoma otunaka kanuka aoduneta nuka esairi, ka alunureta nuka atap, aiar aiiar naka nul kalumam tiketwaka, aitajar da aiiar naka nul kalumam tikejara, aiŋal ikatuŋa lueeamunete nukaiŋal, “Aso do inera kwanata Ejakait EDEKE ebe: Koany, etusurupi imakakinikus, luimejaata aijar kwape akweny, anyilununei kakaninikus; aosikini aijar, aijar naka nul kaluimejaete kwape akweny. Anyilununei da itabalanakus, ayuuni ikatuŋa kakanikus, mam bobo eiaunete akaninikus amejao; ijenunete do ebe arai eoŋ EJAKAIT. Naarai itakadikinete etau loka ikadoliton kaiijal, yenimam eoŋ etakadikinit; ka aitogogoŋ akanin nuka ikaronon, komam aibelokin korotoke lokaronon aitaiar akeijar. Kanuka nun mam bobo ianyunete aamameak, karaida aidwar adwaresia; ayuuni da ikatuŋa kakaninikus. Ŋenunete do ebe arai eoŋ EJAKAIT.” Kosodete kopotu ice komakio luka Isirael mama ajai, kiboikinos kakonyeneka. Kosodi kobu akirot naka EJAKAIT mama ajai ebe: “Okoku loka etuŋanan, ayanaasi ituŋa lu aputosiakee kotauonokec, ebwaikis da ekomyo loka numam adolitekec kakonyenekee: epedorete nul biai aiŋit eoŋ nepetai da? Aso kiner kakes kobala ebe, Inera kwanata Ejakait EDEKE ebe: Ŋinitunanan yenikotogo loka Isirael yeneyanaari aputosiake kotauke, kibwaik ekomyo loka numam adoliteke kakonyeneke, kosodi abunore mama ejai enabi: Eoŋ EJAKAIT aboŋokini kanun kwape ejaar aipues naka aputosiake; tetere ekamuni itauon luka ekek loka Isirael, naarai agitaros kere kaneajai kanuka aputosiakee. “Aso kolimok ekek loka Isirael atiar, Inera kwanata Ejakait EDEKE ebe: Kobonutu, kibelokinos ainyein aputosiakus; kibelokis da akusikonyen ainyein ikusitalesia kere. Naarai ninitunanan yenikokek loka Isirael, arai ycnika imo luibojete kotoma Isirael, yenegitar kama ajai, koyana akeputosia kota uke, kibwaik ekomyo loka numam adoliteke kakonyeneke, kobu mama ejai enabi aiŋitun eoŋ: eoŋ EJAKAIT elopet ŋes aboŋokini; ido etogogoŋi akakonyen mama ejai ituŋanan nin, etuluori da aumokinet, araun aanyunet ka awaragan, agelari da kokidin otunaka; iienunete do ebe arai eoŋ EJAKAIT. Ido arai kinalai enabi kiner akirot, eoŋ EJAKAIT enalat enabi ŋol, ariori da akakan mama ejai, kamudia ŋes kokidin otunaka Isirael. Ibwokete da aitieanet naka numam adolitekec: aitieanet naka enabi erianakin cut kaiticanet naka nol kalokiŋisit ŋes. Inera Ejakait EDEKE ebe: Kinyek ekek loka Isirael apaar bobo anyoun kama ajai, karaida amunaar bobo kakecediakanareta kere; tetere konyet eraunos ikatuŋa, eoŋ da araun Ekecedeke.” Kobu akirot naka EJAKAIT mama ajai ebe: “Okoku loka etuŋanan, arai kiswama akwap aronis adiakanar mamakan, ariori eoŋ akakan kamake, abilari da ebela loka inyamatake, eiukuni eteŋei, amudiari da ituŋa ka itian. Ebala Ejakait EDEKE ebe, Karaida keiaas ituŋa lu luuni kotomaken, Noa, ka Daniel, ka Yob, tikeyuut aijarakee ikulepek bonik kanuka adolitekec. Arai ketotor itiaŋ lueroko toma akwap, emunaarete iswapi do, tetere emamei ituŋanan yenitori kanuka itian nul; ebala Ejakait EDEKE ebe, Kwape ajaria, karaida keiaas ituŋa nul luuni kotomaken, timam keyuut idwekec lusap ka lupesur; kes bonik tikeyuun, konye iswapi akwap. Arai da kayau ekileŋ akwap nin, kabala ebe, Ekileŋ, kitor akwap; kadau ituŋa ka itiaŋ; ebala Ejakait EDEKE ebe, Kwape ajaria, karaida keiaas ituŋa nul luuni kotomakeŋ, timam keyuut idwekec lusap ka lupesur, konye kes bonik tikeyuun, Arai da keiuk atular akwap nin, kabukok ca akadedeŋ kaokot, amudiar ituŋa ka itian: ebala Ejakait EDEKE ebe, Kwape ajaria, karaida keiaas Noa, ka Daniel ka Yob kotomaken, ‘timam keyuut idwekec lusap ka lupesur; tikeyuut aijarakee bonik kanuka adolitekec. “Naarai inera kwanata Ejakait EDEKE ebe: Itelekari ca ma noi naeiukaria itubesiaka iwonon luetioko Yerusalem, ekileŋ, ka eteŋei, ka itian lueroko, ka atular da, amudiar ituŋa ka itiaŋ! Konye arai kesal aatoŋot kotomaken naitolomuni idwe lusap ka lupesur, naelomuniata mamakus, ianyunete yesi da ikeeerotin ka akeeeswamisio: kitalakario kotoma aronis naayau eoŋ Yerusalem, nun ke re nuayau kotomaken. Ebala Ejakait EDEKE ebe, Kitalakarete kesi yes, naianyuniata ikecerotin ka akeeeswamisio: iienunete do ebe mam keswamakinit atitai kere nueswamat.” Kobu akirot naka EJAKAIT mama ajai ebe: “Okoku loka etuŋanan, itelekarit biai emusabibu ikito kere, atenut naka emusabibu naejai okito luka amagoro? Elemununo kereka akitoke aiswamaunia ibore kere? Arai bo elemununete kereka ituŋa iloit kaŋes aikajakinia ibore kere? Koany, ecakakinio toma akim araun akito nukinoka: enyami akim epuai ka epuai, ieweio da kidinike; ejai tope aiokis kaswam kere? Koany, kwape ajaar ber, mam epedori adioswam; ibusakini biai adioswam kedau akim ainyam, iewee da? Aso do inera kwanata Ejakait EDEKE ebe: Kwape emusabibu kokito luka amagoro, luainakinit akim araun akito nukinoka, kwaŋin ainakinia luibojete koYerusalem. Etogogoŋi akakonyen mama ejaas; elomunete kakim, konye enyami kes akim; ijenunete do ebe arai eoŋ EJAKAIT, naetogogonio akakonyen mama ejaas, Ebala Ejakait EDEKE ebe, Etisili akwap, naarai adiakasi.” Kobu bobo akirot naka Ejakait mama ajai ebe: “Okoku loka etuŋanan, kitejenik Yerusalem italesiake. Kiner atiar, Inera kwanata Ejakait EDEKE kaYerusalem ebe: Ageunetekon, ka auruniokon ajai akwap naka Ekanaanit; Emorait ŋes papakon, totokon da Akitit. Nakiwuruunerc, kapaaran nakiwuruunere mam aponi kotuboi aliligetekon, kwabo mam aponi kiloŋi kakipi aitalaunia; mam aponi kibwaikin adiobalaŋ, karaida adiokimukorio. Amamei akoŋu nakitimit, aiswamakin jo ŋun kere, aisioni jo; konye aponi kocakar kina ais, naarai kilaitai, kapaaran nakiwuruunere. Kosodi naetorio, kaany ibelibelo kaokotokon, katema atiar, ‘Karaida kijai aokotokon, kojar’; eebo, katema atiar, ‘Karaida kijai aokotokon, koiar.’ Ketupuu kwape aibutunet naka ais, kiyatanakin korau nakapolon, kodolok toma atumun naibus; eburut ikisinakon, apolooros itimakon; konye ijai titai imuialal. “Kosodi naetorio, kasesen jo, koany, apakikon kerai apak naka amin; kemuko kanapitoka, karap amujalalakon, Ebala Ejakait EDEKE ebe, Eebo, keyapoik jo, ketutuk aitutuket kaio, korau nakan. Kasodi kelon kakipi; eebo, kelota eut aokotokon, kenyonyoanak akinyet. Ketanap da anapito naesonyitai, ketanap amuk nuka emukule, kemuko kebaputa kaloejok, karapak aliiri. Kesiri dakiisiro, kebwaik aikomon akaninikon, erikot da omurisinukon, Kebwaik itetio okumesikon, kakiikon da, aboko da naetemelel akoukon. Kwaŋin ŋes kiisirere kesabu ka epuesa; kerai anapitokon naka ebaputa kaloejok, ka aliiri, ka anapito naesonyitai; konyamenenei atap naidicic, ka esik, ka akinyet. Kitemelel noi noi, kisirereni aitodol apolou naka ekabakane. Ebala Ejakait EDEKE ebe, Kilosikin eemutokon atekerin kanuka atemelelekon; naarai etodolikinitoi, kanuka apolouka naabu kebwaikinite jo. “Konye ibu komuno atemelelekon, koluor adote kanuka eemutokon, kiporoenenei neejai ŋolidiopet loetori; koraenena naken. Ibu kolem inapenekon, kiswamau aiboisio nuiceleleete nuesiritoi kijesesia luegelegela, kodotear kamakec; mam lem ejaenenas nuikote nen, karaida ajaun. Ibu kolem da ikoniboro luejok luka akais nuipu luka esabuka ka luka epuesaka lukainakinit jo, kiswamaa aputosia nuka ituŋa, kodotear kakes. Ibu kolem inapenekon luesonyitai, korapak kes, kibwaik akakinyet ka lukisupurununoka kakonyenekee. Ebala Ejakait EDEKE ebe, Ikanyamat da lukainakinit jo, atap naidicie, ka akinyet, ka esik, luketanyamenenei jo, ibu kibwaik kakonyenekee araut asakat naeuru saa. Bobo da, ibu kolem ikonidwe lusap ka lupesur, lukiwurikinit eoŋ, koinak nul araut asuban mama ejaas kwi ainyam. Kerai kereka akonidoteu ibore yenedit, tape iari ikadwe, kiiaik kes araut ainakinet naicweio mama ejaas? Ido kotoma otalesiakon kere ka adoteukon, mam ibu kiitu apaarasia nuka eiditeukon, naijacnenar titai imujalal, kibelibelo kaokotokon, “Ebala Ejakait EDEKE ebe, Itukwi, itukwi jo! Kosodi kanen akaulo kanukaronokokon kere, iduku aibois naikumemei, iswamau aibois naiidiara kanolirot, Iduku aiboisikon naiidiara asisiarin kere, ituluo atemelelekon araut naketal, ipukok akonikejen mama ejai ŋol kere loitori, iyatanak adoteukon, Ielokinos kimisirian da, ikoniidunyeta lueburok awat; iyatanak adoteukon, aitunyunyurikin eoŋ. Aso do koany, kariik akakan, eŋoŋa akorakinetekon, kejaik jo mama ejai akot naka nun nukilaito, adwe nuka Ipilisitian, nuirumito ileje kanuka eponekon lokadoteu. Idotear da mama ejaas Iyasurian, naarai mam kipedori atitirikin, eebo, idotear mama ejaas, kwabo mam kiupi. Ido bobo iyatanak adoteukon akwap naka Kanaan, kiton Kaludea; kwabo mam nun da kiupete. “Ebala Ejakait EDEKE ebe, Ekalanyana ca ma ekonitau! Naarai iswamai nu kere, aswam naka aberu naadote naidelana. Naarai iduki akoniibois naikumemei kaninisisiar, kiswamau akoniibois naiidiara kaŋolirot; kwabo mam ibu korai kwape adote, naarai imen eropit. Aberu naadote ba! Naisukunyuni ca ma imo aibois naka okilenike! Einakinete ituŋa adotea ainakineta; konye jo iinakini ainakinetakon mama ejaas ipailonokon kere, aijodounio, tetere epote neijai ijo kanoliwai kanuka adoteukon. Igelara ijo kanor ace kadoteukon, naarai emamei yenikitupuni jo aelokinor: ido naarai ibu korop, kwabo mam kiropio, kanuka ŋun igelara ijo. “Aso do ijo adote, kiira akirot naka EJAKAIT. Inera kwanata Ejakait EDEKE ebe, Naarai abukor akonisilianut, kopukoroi amuialalakon kanuka adoteukon mama ejaas ipailonokon; ido kanuka aputosia kere nuka italesiakon, kanuka aokot nuka idwekon luiinakinit kes; aso do koany, atukonokini ipailonokon kere, luibu kolakanarotor, ka nul kere lukimina, ka nul da kere luibu kolaite; atukonokini kes ciie kajo kowaitin kere, apukokini kes amujalalakon, koanyutu amuialalakon. Ido katubokini akiro, kwape etubokinere aŋor nuegircte adukokinikec nuebukorete da aokot; ido kainuni aokot nuka adedeŋ ka ekokote. Kakorakini akanin nuka ipailonokon, eeakarete kesi aiboisikon naikumemei, kotiyatiyata aiboisiokon nuiidiara; kilaearete inapenekon, enaŋete ikoniboro lukajokak luka akais nuipu: kinyeinete ijai titai imujalal. Kiinunete erioŋet asurokinia jo, kibiribirete kamor, kieumueumata eut kikecekilena. Ido ieweete ikonitogoi, itodolikinete etube kamakon kosesenete aŋor nuipu; kesinyeini adoteu, kwabo mam bobo iropi. Kwaŋin esimonikinia akadedeŋ kamakon, kinyein ekakokote, eyamakin, komam bobo anyunyurikin, Naarai mam iitununei apaarasia nuka eiditeukon, konye kitakadikin kanun kere; ebala EJAKAIT ebe, Aso koany, ayauni eoŋ ekonirot akoukon. Mam kereka iyatakinit adoteu kotalesiakon kere? Koany, ŋinituŋanan yeninera awaragasia kiwaragi jo ebe, ‘Epone ka toto, ŋes loka akokuke da.’ Irai ijo akoku naka totokon, naelait okilenike ka ikedwe; irai ijo inae naka akoniinaean, nuelaete ikiliokokec ka ikecedwe, Kerai totokus Akitit, papakus da kerai Emorait. Kinaeikon nakapolon ŋes Samaria, naejai akanikon nakokediany, ŋes ka adweke: kinaeikon nadidi naejai akanikon nakoteten, ŋes Sodom ka adweke. Konye mam ilosenenei korotinikec, ido mam iswamaenenei kwape ejaatar italesiakee; konye apak naedit, ibosit ijo adepar kes korotinikon kere, Ebala Ejakait EDEKE ebe, Kwape ajaria, mam kinaeikon Sodom, karaida adweke, eswamaenenete kwape iswamaa ijo ka adwekon, Koany, keraas nu numam adolit nuka kinaeikon Sodom; aiwoŋonut, ka aimonianakin inyamat, ka aijamam naka akerianut kejaas mamake ka adweke; mam ŋes esigalikinit yenikiean ka yenilwaritoi. Ido eomikina kesi, kiswamata nuketal kakonyeneka; ŋes kainakini alemar kwape abu ketojokia. Kwabo Samaria da mam eswamat atutubet naka aronisiokon; konye jo iyatanakini italesiakon adepar kes, iinakinit akoniinaean atakan bala nuedolito kanuka italesiakon kere luiswamat. Ijo da, kibwok alopet ikonileie, naarai iinakinit etube loka ainaeanakon abeneniar; kanuka aronisiokon nuiswamat nuketal adepar kes, ŋes kitelekaritotor ijo kadolit. Eebo, kitirira, ijo da kibwok ikonileie, naarai iinakinit akoniinaean atakan bala nuedolito. “Ido enyakuni aijoreoriokee, aijoreorio naka Sodom ka adweke, ka aijoreorio naka Samaria ka adweke, ka aijoreorio naka ijoreoritonokon luejaas kakes; tetere ibwoki ikonileie alopet, kirumata ileje kanuka ŋun kere nuiswamat, naarai italakari kes, Eboŋunete do ainaeanakon Sodom ka adweke apoloukee nakolo, eboŋunete da Samaria ka adweke apoloukec nakolo; ibonunete ijo da ka adwekon apoloukus nakolo. Mam kereka kiwaragit kinaeikon Sodom kapaaran naka aiwononutukon, eroko epukoro akonironis? Kwana da iputokinos kaŋes araut naamoromorot naka adwe nuka Edom, ka nun kere nuirimorito ŋes, ka adwe da nuka Ipilisitian, nukirimorito kimwanito jo, Ebala EJAKAIT ebe, Ibu kibwok adoteukon ka italesiakon. “Naarai inera kwanata Ejakait EDEKE ebe: Keswamakini teni kwape ibu kiswamaa, ijo naimwanit aiyaposit kanuka aibil aitutuket. Konye eituni akaitutuket kajo naka apaarasia nuka eiditeukon, ido eticasi kamakon aitutuket namam edaun. Kosodi konyet iituni irotinikon, kirumata ileic, nakainakinia jo ainaeanakon, nukapolok ka nudidik; kainakini kes araut adwe, konye mere kanuka akoniitutuket. Ido etieasi kamakon akaitutuket: ijenuni do ebe arai eoŋ EJAKAIT. Ebala Ejakait EDEKE ebe, Tetere iituni, itirirai, mam bobo iwoonari akoniituk, kanuka ileieikon; naadaunia aisioni jo kere nuiswamat.” Kobu akirot naka EJAKAIT mama ajai ebe: “Okoku loka etuŋanan, kolim asogol, kiner awarag mama ejai ekek loka Isirael: Kiner ebe, Inera kwanata Ejakait EDEKE ebe: Abu emorukaalet loepol lokejaas abebenoka nuepolok ka akopir nueojak, loeleleba aiul, loka iiesesia luipu kobu Lebanon, koyana aidi naka eres: kobila nakokuiu naka aibutunetake, kodaka akwap naka agwelanar; kibwaik ore loka ikagwelanarak. Koyana da ikinyom luka akwap kira alup nupusuk, abu kosipok neajaas akipi nuipu, Kibwaik kwape aderut. Kopoloor, koraun emusabibu loepesit kouriana, kibelokinos atenueikike mamake, koiaas aliasioke kwapuke. Aso koraun emusabibu, kopet atenun, kolibi akidikidin. “Keiai da emorukaalet eee loepol, lokejaas abebenoka nuepolok ka aiul nuipu: ido koany, kitukud emusabibu ŋol akeliasio mamake, kolibi atenueikike abear neejai, tetere ieoeoi. Kouko kapanya nueraitai, kiraik alup nuejok neajaas akipi nuipu, tetere epesi atenun, ido kora araito, koraun emusabibu loejok. Kiner ebe, Inera kwanata Ejakait EDEKE ebe: Isirereŋio? Mam kereka erutuni ŋesi aliasioke, koden akeraito, tetere erinyori? Tetere erinyorete akekwi kere nuepalal nuelibunete; mere kanuka agogoŋ naepol karaida kanuka ituŋa luipu arutun akelias. Eebo koany, kiraikin, isirerenio? Mam kereka erinyori cut, kijaŋ ekwam lokokide? Erinyori kotoma apanya nuapolokini.” Bobo da ko bu akirot naka EJAKAIT mama ajai ebe, “Kolimok ekek lokepali ebe, Mam kereka iienete apolou naka akiro kanun? Kolimok ebe, Koany, abu ekabaka loko Babulon kobu Yerusalem, kikama ekabakake, ka ikapolokoke, koyanau kes neajai Babulon. Koyana ediopet kaur naka ekabaka, kitutukoto kaŋes aitutuket; ido kisiyapo ŋes. (Koyana ikagogoŋok luka akwap: aitisil ajakanut, kinyek adakara, konye kicat kanuka airie aitutuketeke.) Konye kipaliik kiyakia ikekiyakia Misiri, koinakinai ibalasin ka ituŋa luipu, Isirerenio kereka ŋes? Ekui tope ŋol loiswamai nuikote nen? Ebili aitutuket, kosodi aiku? Ebala Ejakait EDEKE ebe, Kwape ajaria, abeit etwanikini loamwani aiyapositike, kobili akeitutuket, kidiŋ Babulon, aibois neiboio eka baka lokitarau ŋes eka baka, Kwabo mam Parao ka akeiore nakagogon ka ekekodet loepol inarakinetc ŋes kojie, naitutuoto itutio, edukete abwasin amudiaria ituŋa luipu. Naarai amwaŋ aiyaposit ka aibil aitutuket; ido koany, itogogonit kakanike, konye eswama ŋun kere; mam ekui, Aso do inera kwanata Ejakait EDEKE ebe: Kwape ajaria, abeit aiyapositika naabu komwana, ka akaitutuket nakebili, etodolikini akouke, Aloki ekaboi mamake, ipoki akatacit, ayanauni Babulon, kipuri kaŋes kaŋina kanuka akediakaret naadiakarit kamakaŋ. Ibiroros ikakerakake kere lukorionetake kere kekilen, isiarisiario nul kere luideunos kokwamin kere: ijenunete do ebe eoŋ EJAKAIT ener.” Inera kwanata Ejakait EDEKE ebe: “Alemari eoŋ aidi naicelelei naka eres, ebwaikini; abilanari kotoma nukokuiu nuka aibutunetake, naenonok, ka aira kuiu oroŋat loeoj loimukurur. Eraikini oroŋat loimukurur loka Isirael: elibi ŋesi atenun, ka aira araito, eraun eres loejok: iboiete akweny nuka ipoŋesio kere kotolim loka atenueikike. Ejenunete ikito kere luka ais ebe eoŋ EJAKAIT etisili ekitoi loeoi, etopoloo ekitoi loeuriana, esirinyori ekitoi loepesit, esilibi da ekitoi loeoŋit. Eoŋ EJAKAIT ener, eswama da.” Kobu bobo akirot naka EJAKAIT mama ajai ebe: “Apoloukus anyoin, inerasi awarag na nuka akwap naka Isirael ebe, ‘Anyamata lukapapa emusabibu loedwar, aliokos idwe ikel’? Ebala Ejakait EDEKE ebe, Kwape ajaria, mam bobo inerasi awarag na koIsirael. Koany, eraas itauon kere lukan; kwape etau loka papa, kwape kwaŋin etau loka ikoku da erai lokan; etau loiswamai aronis, ŋes etwani. “Konye arai edolit ituŋanan kiswamai nuicoranakinio nuibusakinito, kwabo mam enyamakinit oroŋan, ido mam iteluorit akekonye mama ejaas aputosia nuka ekek loka Isirael, komam emunaarit aberu naka aupake, komam ikunyakinit aberu apakio nuka atiakarike; komam erodit idiotuŋanan, konye kinyakak lokapesenike akeititinet, kwabo mam enasit idiotuŋanan kagogon, ido kitanyamenenei yeniketeŋei inyamat, kimukonokini da yenemuialal anapito; yeneyuununei komam aimedaun, kwabo mam ecamununei luitedeparito kere, yenelemari akekan kama kanumam edolito, yenikitodolenenei etube lokabeit loka etuŋanan ka aupake, yenikelosenenei kokisilaka, ido koricenenei itubesiaka, aswam nukabeit; ebala Ejakait EDEKE ebe, Edolit ŋin, abeit eiari.’ “Arai keuri ŋesi ikoku yenerai ikokolan, yenebukonori aokot, yeniswamai adio kakiro kanun, kwabo mam iswamai nuibusakinito kere, konye enyamakinit oroŋan, komuna aberu naka aupake, yenabu korod yenikican ka yenilwaritoi, konat kagogon, komam enyakakinit aititiŋet, eteluo akekonye mama ejaas aputosia, eswama nuketal, yenayuununei kanuka aimedaunia, yenacamunit luedeparito; asa eraun kereka ŋin ikajaran? Mam ejari. Eswama italesia ŋul kere: abeit etwani; ebeikinete ŋes akeokot. “Koany, arai keuri ŋesi ikoku, yeneanyuni aronisio kere nuka papake nueswamat, koyoŋ, komam iswamai nuikote nen, yenimam enyamakinit oroŋan, ido mam iteluorit akekonye mama ejaas aputosia nuka ekek loka Isirael, yenimam emunaarit aberu naka aupake, komam erodit ituŋanan kere, yenimam ayanaarit aititiŋet, karaida aiŋat kagogon, konye kitanyamenenei yeniketeŋei inyamat, kimukonokini yenemujalal anapito, Yenelemari akekan kama kanumam edolito, yenimam ecamunit aimedaun karaida luitedeparito, yenitodolenenei ikatubesia, kolosenenei kokisilaka; mam nin etwani kanuka numam adolit nuka papake, abeit ejari. Konye papake, naarai amwanit kadeden, konat onaceke kagogon, kiswama numam ejok kotuŋake, koany, etwani kanuka numam adoliteke. “Konye itemarete yesi atiar, ‘Kanukinyo mam ikoku ibwokia aronis naka papake?’ Arai iswamai ikoku nuicorakinio nuibusakinito, koricenenei ikakisila kere aswam kes, abeit ejari. Etau loeswamai aronis, ŋes etwani. Mam ikoku ibwoki numam adolit nuka papake, kwabo mam papake ibwoki numam adolit nuka okokuke; ejaun adolit naka ikadoliton mamakeŋ, ejaun da aronis naka ikaronon mamakeŋ, “Konye arai kibelokin yenikaronon kotoma aronisioke kere nueswamat, koric ikakisilaka kere, kiswama nuicorakinio nuibusakinito, abeit ejari, mam etwani, Mam iitunio akediakanareta nueswamat: eiari kadoliteke nueswamat. Ebala Ejakait EDEKE ebe, Esiyalamikinit tope atwanare naka ikaronon? Konye gwai kibelokin korotoke, kojar? Konye arai kibelokin ikadoliton kadoliteke, kiswama numam adolit, kiswama da kwape ejaatar italesia kere nuiswamai ikaronon, eraun kereka nin ikajaran? Mam iitunio adio kaswamisioke nukadolit nueswamat: kapaarike naepaarit, karonisike naeswamat, etwani kanuka nun. “Konye itemarete atiar, ‘Mam eriana erot loka EJAKAIT.’ Aso kiirasi, wu ekek loka Isirael: Mam teni ekarot eriana? Mere ikusirotin lumam erianasi? Arai kibelokin ikadoliton kadoliteke, kiswama numam adolit, kotwana kaŋun; kanumam adoliteke nueswamat, etwani kanuka nun, Bobo da, arai kibelokin ikaronon karonisike naeswamat, kiswama nuicorakinio nuibusakinito, itajari eketau. Naarai eomoomoi, ibelokini kapaaretake nueswamat, abeit ejari, mam etwani. Konye etemari ekek loka Isirael atiar, ‘Mam eriana erot loka EJAKAIT.’ Wu ekek loka Isirael, mam teni ikarotin erianasi? Mere ikusirotin lumam erianasi? “Ebala Ejakait EDEKE ebe, Kanuka nun ŋes katubokinia akirokon, ijo ekek loka Isirael, ninitunanan kwape ejaatar ikerotin. Kobonutu, kibelokinos ainyein akusipaar kere, kinyeis numam adolitekus amudiar yes. Koeakasi neelwana akusipaar kere nuipaarito; kiswamaut etau lokitetet ka emoyo lokitetet. Kanukinyo ikotor atwanare, ijo ekek loka Isirael? Ebala Ejakait EDEKE ebe, Naarai mam esiyalamikinit atwanare naka ŋin yenetwani: asa do kibelokinos, kojarata.” Bobo da kokuudianik ikapolok luka Isirael, kohala ebe: Kerai totokon inyo? aŋatuny: Naaperi konatunyo, kokidin onatunyo ludidik itanaki ikedwe. Abu kitan idiopet kodweke; Korau iŋatuny yenididi; Kisisiau amej; konyam ituŋa. Kopuputu atekerin nuken; Kikamunai kaipanyikec: Koyanaarai kigoluna akwap nako Misiri. Kosodi keanyu nin ebe edar, Koolio da akemun, Koseu ikokuke ice, Kituluo iŋatuny yenididi. Kirimirimi koŋatunyo, korau iŋatuny yenididi; Kisisiau amej, konyam ituŋa. Kojenu ikeeetogoi lukapolok, Kiteeek ireriakee; Kosilior akwap, ka iboro kere lukejaas, Kanuka eporoto loka agatake. Kosodete kosurokis atekerin kowaitin kere, ageun kobuku: Kolokikis eboikee, Kikamunai kaipanyikec. Koenata oloit kigoluna, Koyanaasi mama ejai ekabaka loko Babulon; Koyanaasi toma abwasin, Kinyek ekeporoto apupun bobo koronan luka Isirael. Asubit totokon bala emusabibu, kotoma aokotokon, Loeraitai neajaas akipi: Ideneriat, eleleba atenueik kanuka akipi nuipu. Ido kejaas ibelai luegogon araut ibelai luka ajakanut Kanuka nul kalueyaenenete, Kitopolooritai, etiaikee kokidin katenueik nueburok; Koanyunai kanuka aoiaukec kaipues naka atenueikikee. Konye korutunoi kadeden, koeakakinai kwap, Kitoon ekwam lokokide araitoke: Kobilunai ibelaike Iuegogon, korinyosi; Konyam akim kes. Kwana do eraikin amodiŋ, Akwap naewonit naka akure. Alomu akim kobelai luka atenueikike, Anyam araitoke, Komamun kamake ebela loegogon A raut ebela loka ajakanut loka ayait. Eraas nu nuka akuudian, eraunos da akuudian. Kosodi kanen kokaru lokikanyetekaarei, kolap lokikanyet, kapaaran nakitomonet naka elap, kopotu ice komakio luka Isirael aiŋit EJAKAIT, kiboikinos kakonyeneka. Kobu akirot naka EJAKAIT mama ajai ebe: “Okoku loka etuŋanan, kinera kimakio luka Isirael, kolimok kes ebe, Inera kwanata Ejakait EDEKE ebe: Iponito aiŋit eoŋ? Ebala Ejakait EDEKE ebe, Kwape ajaria, mam kinisete eoŋ, Okoku loka etuŋanan, itubokini kereka ijo kes? Itubokini kereka ijo kes? Kitejenik italesia luka lukapapaakee. Kolimok kes ebe, Inera kwanata Ejakait EDEKE ebe: Apaaran naaseunia Isirael, kekeu akakan mama ejai aur naka ekek loka Yakob, ketejenun mama ejaas kesi kakwap nako Misiri, naekeunia akakan mamakee, kener atiar, Arai eoŋ EJAKAIT Ekusideke. Apaaran ŋin kekeu akakan mamakee, aitonyoun kakwap nako Misiri aitolomar akwap naarotakinit kes, naeleleete akile ka esik, ŋes aibuses naka akwapin kere, Kabala kes ebe, Koeaka ŋinituŋanan italesia luimielas akonyekus, ido sirikimunaaros kaputosia nuko Misiri; arai eoŋ EJAKAIT Ekusideke. Konye kepaliikis, kagiroto akiirar; mam eeakara ninitunanan italesia luimielasi akonyeke, ido mam inyeina aputosia nuko Misiri. “Kasodi kener abukokini kes akadedeŋ, aitodolikin akanyunyura mamakee kokidin kakwap nako Misiri. Konye eswama eoŋ nun kanuka ekakiror, kinyek amoromoroo kakonyen nuka atekerin nukejaas kesi, nuketejenunor mamakee, ketolomu kakwap nako Misiri. Kwaŋin ketolomu kes kakwap nako Misiri, kayana modin, Kainak ikakisila, ketejenu ikatubesia, luejaria ituŋanan arai kiswama kes, Bobo da kainak akasabaton, araut aanyunet kidinikec ka eoŋ, tetere ejenunete ebe arai eoŋ EJAKAIT loetalauni kes, Konye kepaliik ekek loka Isirael kamodiŋ: mam alosenenete kokisilaka, kogiroto ikatubesia luejaria ituŋanan arai kiswama kes; komunaasi noi akasabaton, “Kasodi kener abukokini kes akadedeŋ kamodiŋ, amudiar kes. Konye eswama eoŋ ŋun kanuka ekakiror, kinyek amoromoroo kakonyen nuka atekerin, kanuetolomunia kes kakonyenekec. Bobo da kekeu akakan mamakec kamodiŋ, kenyek ayaun kes toma akwap naainakinit, naeleleete akile ka esik, ŋes aibuses naka akwapin kere. Naarai aneroto ikatubesia, komam elosenenete kokisilaka, komunaasi da akasabaton: naarai atupanarete ikecetauon aputosiakec, Konye kitim akakoŋu, kenyek amudiar kes, kwabo mam abu kapia kes cut kamodiŋ, “Kasodi alimokin ikecedwe kamodiŋ ebe, Sirilosenenete kokisila luka lukapapaakus, ido siriricenenete itubesiakec, kwabo sirikimunaaros kaputosiakec, Arai eoŋ EJAKAIT Ekusideke, kolosenenete kokisilaka, koricenenete ikatubesia, kiswamaenenete, ido kitalautu akasabaton; eraunete aanyunet kidinikus ka eoŋ, tetere ijenunete ebe arai eoŋ EJAKAIT Ekusideke. Konye kepaliikis idwe; mam kelosenenete kokisilaka, kwabo mam kericenenete itubesiaka aiswamaenen, luejaria ituŋanan, arai kiswama kes; komunaasi da akasabaton. “Kasodi kener abukokin kes akadedeŋ, aitodolikin akanyunyura mamakec kamodiŋ. Konye kenyaku akakan, keswama kanuka ekakiror, kinyek amoromoroo kakonyen nuka atekerin kanuetolomunia kes kakonyenekec, Bobo da kekeu akakan mamakec kamodiŋ ebe, eweliweli kes toma atekerin, esiarisiari kes toma akwapin; Naarai mam apotu kiswamata ikatubesia, konye koneroto ikakisila, komunaasi da akasabaton, ido emielas akecekonye aputosia nuka lukapapaakec. Bobo da abu kainak kes ikisila lumam ejok, ka itubesia lumam ejariata. Kamuna kes kanuka ainakinetakec, naarai kitotorenenoto ikiyaikec kere akim, tetere etisiliori kes, kojenutu ebe arai eoŋ EJAKAIT, “Aso do, okoku loka etuŋanan, kinera kekek loka Isirael, kolimok ebe, Inera kwanata Ejakait EDEKE ebe: Kanuka nu bobo ŋes kamoromorooto lukapapaakus, naarai apotu kepaliikis eoŋ. Naarai naadaunia ayaun kes akwap, nakekeu akakan ainakin kes, kosodete nakeanyuniata eukot loeoia, ka ekitoi loetumit, koinakis kanen asubanakec, koinakis kanen ainakinetakee nuitunyunyurikinete; kanen da kisupuruut asakatakec nueuru saa, kobukonokinete kanen ainakinetakec numatan. Kasodi alimokin kes ebe, Aibois naicelelei nailosete apolouke inyo? Kosodi komaikinai ekekiror Bama kiton lolo. Aso do kolimok ekek loka Isirael ebe, Inera kwanata Ejakait EDEKE ebe: Imunaaros ca kwape kejaar epone loka lukapapaakus? Ido idotearos ca atupar italesiakec? Naiinanakiniata ainakinetakus, naitotorioto idwekus akim, imunaaros ca kaputosiakus kere kiton lolo, Aso kinisete ca eoŋ, WU ekek loka Isirael? Ebala Ejakait EDEKE ebe, Kwape ajaria, mam kiŋisete eoŋ. “Kanin da naelomari otauonokus mam ejaun nepetai da; naarai ineras ebe, ‘Kirauni kwape atekerin, kwape ikekia luka akwapin, aijaanakin ikito ka amor.’ “Ebala Ejakait EDEKE ebe, Kwape ajaria, abeit arauni ekabakakus kakan nakagogon, kakan da naerioro, kadeden naebukoro. Ido kalemuni katekerin, katukonok yes alemun kakwapin nukiisiarakinio, kakan nakagogon, kakan da naerioro, kadeden naebukoro. Kayauni amodiŋ naka atekerin, ido kipuri kaŋina kayes kasesenas kakonyen. Ebala Ejakait EDEKE ebe, Kwape kapurio kalukapapaakus kamodiŋ naka akwap nako Misiri, kwape kwaŋin ŋes kipurio kayes da. Ketotori yes kwap kebela, ketolomari olomorut loka aitutuket; apiari lukepali kotomakus, ka nul da luediakarete mama ajai: alemuni kakwap naiboioto, konye mam elomarete akwap naka Isirael. Ŋenunete do ebe arai eoŋ EJAKAIT. “Inera kwanata Ejakait EDEKE ebe: Ka jo da, wu ekek loka Isirael, koloto kiiaanak ninitunanan aputosiake, amear lolo, arai kiineroro akiirar eoŋ: konye mam bobo imunaarete ekakiror lokalaunan kainakinetakus, ka aputosiakus. “Ebala Ejakait EDEKE ebe, Naarai koronataka lokalaunan, koronat loka aicelel naka Isirael, kanen kejaanakinia ekek kere loka Isirael, kes kere, kakwap: kanen ŋes acamunia kes, kanen da eburaa ainakinetakus, ka araito nugeet nuka ainakinetakus, ka iborokus kere lukalaunak. Acamuni yes kwape asakat naeuru saa, nakalemunia ayaun katekerin, katukonok alemun kakwapin nukiisiarakinitai; ketalaunio kamakus kakonyen nuka atekerin. Ŋenunete do ebe arai eoŋ EJAKAIT, naketolomaria akwap naka Isirael, akwap naabu kekeu akakan ainakin lukapapaakus. Kosodete iitunete kaŋina ikusirotin, ka aswamisiokus kere, nuipotu komunaarotor; kikadakinete kanuka aronisiokus kere nuiswamato. Ebala Ejakait EDEKE ebe, Ŋenunete ebe arai eoŋ EJAKAIT nakeswamakiniata yes kanuka ekakiror, mere kwape ejaatar irotinikus lueroko, karaida kwape ejaatar aswamisiokus nukasilianut.” Kobu akirot naka EJAKAIT mama ajai ebe: “Okoku loka etuŋanan, kitete akonikonyen eŋalakimak, kolimonok akonikirot kobei eŋalakimak, kodwarak amagoro naka ais nakotoma Eŋalakimak. Kolimok amagoro naka Eŋalakimak ebe, Kiira akirot naka EJAKAIT: inera kwanata Ejakait EDEKE ebe, Koany enokokini akim mamakon, kicwe nolikltoi loepesit kotomakon, ka nolikitoi loeoŋit: mam itudenio aipelonoreta nuka akim naesarani, enyami akim akonyen kere ageun kenalakimak kiton agolitomei. Eanyunete awat kere ebe eoŋ EJAKAIT enokokinit: mam itudenio.” Kasodi atemar atiar, “Wu okwe Ejakait EOEKB! Kabalas eoŋ ebe, c Mere ŋes eketataman loka awaragasia?’” Kobu akirot naka EJAKAIT mama ajai ebe: “Okoku loka etuŋanan, kitete akonikonyen Yerusalem, kolimonok akonikirot kobei aiboisio nukalaunak; kodwarak akwap naka Isirael. Kolimok akwap naka Isirael ebe, Inera kwanata EJAKAIT ebe: Koany, arai lokasurupikon, ido autuni ekakileŋ kalem kakuraruke, kapiaria eut ikadoliton ka ikaronon, Aso naarai kapiari eut ikadoliton ka ikaronon, ŋes einakini ekakileŋ alomun kakuraruke asurokinia awat kere ageun kenalakimak kiton agolitomei. Ejenunete do awat kere ebe eoŋ EJAKAIT autunit ekakileŋ kakuraruke; mam eboŋokini bobo. Aso ijo okoku loka etuŋanan, kidiny; kidiny kinereteny luebilil, kaiturur naepol kakonyenekec, Kosodi kanen, kiitemasi atiar, ‘Kanukinyo idinyar?’ kiner ebe, ‘Kanuka apupon, Naarai epote, eburuni ŋolitau, ilaiakakaros akanin kere, iilori nollmoyo, ekalanyakaros akuŋin kere kwape akipi.’ Ebala Ejakait EDEKE ebe, Koany, epote, iswamao da.” Kobu akirot naka EJAKAIT mama ajai ebe: “Okoku loka etuŋanan, kodwar, kiner ebe, Inera kwanata EJAKAIT ebe: Kiner ebe, Ekileŋ, ekileŋ, ipenitai, epwasitai da! Ipenitai tetere eari, epwasitai da tetere imilia! Aso kiyalamikini baea? Okokuka, imenit ijo ebela, ka ŋiniborc kere yenikakitoi. Einakinitai ekileŋ apwasio, tetere itinio; ipenitai, eebo, epwasitai da, aijaikin akan naka ekaaran. Okoku loka etunananrkomony, kibwolol: naarai esurokinit ituŋaka, esurokinit ikapolok kere luka Isirael: ekorakinitai mama ejai ekileŋ nepepe kikatuŋa, Aso kibap ekonitul. Ebala Ejakait EDEKE ebe, Naarai mam eraun eitemis; ikwaikini bo do ŋes ai arai imenit ebela? “Aso do ijo okoku loka etuŋanan, kodwar, kibap akanin; kitetemono ekileŋ irwan aarei, eebo irwan auni, ekileŋ loka nul kalueario; ŋes ekileŋ loka earit loepol, loiriamarit kes. Ebwaik emidet loka ekileŋ oruteikec kere, tetere eburunete ikecetauon, kiyatanakinete aiguikin. Wu okwe! etusubi bala eimilia, eisitai aaria, Kitemokin, kojep teten; kiderakin, kojep kediany; nen kere neebeit akwanisikon. Ebapi eoŋ da akakanin, esimoni akanyunyura: eoŋ EJAKAIT ener.” Kobu bobo akirot naka EJAKAIT mama ajai ebe: “Ijo da, okoku loka etuŋanan, kitodik irotin iarei, luebunio ekileŋ loka ekabaka loko Babulon; elomunete nul iarei kakwap adiopet. Kigir aibois, kigir neegeunitor eror loebei ore. Kitodik erot loka ekileŋ abunore Raba loka idwe luka Amon, ka Yuda kotoma Yerusalem loebwaitai. Naarai ebwoi ekabaka loko Babulon kaneetiakar erot, neegeunitotor irotin iarei, airo: ilamilami imalia, kinit iterapim, koro emany. Kakanike nakoteten eroet loka Yerusalem, aitemokin akuta nutiyanakinet, awoon aituk aiar, aikeseun eporoto keibwon, aitemokin akuta nutiyanakinet orutei, aitut itutio, aiduk arwatatin. Eraun kamakec bala aidwar naatai kakonyenekec, luiyapoikinete aiyaposio: konye isiituni kes numam adolit, tetere ikamunio. “Kanuka ŋun inera kwanata Ejakait EDEKE ebe: Naarai kisiituut numam adolitekus, naarai apukor adiakanaretakus, kotakanut aronisiokus kotoma aswamisiokus kere; ido naarai kiitunio kikamunio kakan. Ŋo da, lokaronon Ioimusuŋitai cut, ekapolon loka Isirael, kidolok apaaranikon, apak naka aiticaniokon nakawasia; Inera kwanata Ejakait EDEKE ebe: Kolac egoe lokienieni akou, koou aboko: mam bobo ejaunos ŋun kwaŋin: kitopoloo yenejai kwap, kitisil yenejai kuiu. Abuburiari, abuburiari, abuburiari: mam bobo nun ejaunete, aitodol neabunio elopet: ido ainakini ŋes. “Ŋo da, okoku loka etuŋanan, kodwar, kiner ebe, Inera kwanata Ejakait EDEKE nuka idwe luka Amon, ido nuka amorositikee; kiner ebe, Ekileŋ, ekileŋ loeutunitoi, epwasitai aaria, aiwenyaria, araun kwape eimilia: naeanyuniata aamameak kanukon, naedwariata nukaiŋal kanukon, aisiperikin jo omurisina luka ikaronok luimusunitai noi, lukedoloki akecepaaran, apak naka aitieaniokee nakawasia. Kinyakak akuraruke, Aibois nakisubakinitai, akwap nakiwurikinitai, nepenen katubokinia. Ido kabukokini jo akaisiop; kakutakini jo akim naka akanyunyura: kejaikini akanin nuka ituŋa luesubito bala itian, luepiriaka amudiar. Iraun akito nukinoka; ejaunos akoniwokot kidin akwap; mam kiitunio bobo: naarai eoŋ EJAKAIT ener.” Bobo da kobu akirot naka EJAKAIT mama ajai ebe, “Ŋo da, okoku loka etuŋanan, itubokini, itubokini kereka ijo ere loka aokot? Aso kitejenik ŋes italesiake kere. Kinera ebe, Inera kwanata Ejakait EDEKE ebe: Ere loebukokini aokot kidinike, tetere edolokini apakike, loiswamai aputosia amunaaror! Igwaunit akirot naka aokot nuibukoo, imunaar kaputosiakon nuiswama; isukuny apaarasiakon, ido idolok okarukon, ŋes kainakini ketuluori amorosit katekerin, ka yenikisekelo kakwapin kere. Lukiapiatar, ka luelwaka, kisekelete, ijo loejai ekiror lokamunaara, ido ileleba autaar. “Koany, ikapolok luka Isirael, ninitunanan kwape eiaar apedorike, kejaenenas kotomakon abukor aokot, Kotomakon kemenenenata papa ka toto; kidinikon kiswamanakiniata ipejonon nukamwanir: kotomakon kenyamanakiniata kepali yenemamei papake ka apuserut, Imwan ikaboro lukalaunak, imunaa da akasabaton. Keiaenenas ituŋa Iukasabanakinak kotomakon abukor aokot: kotomakon da ŋes kenyameneniata koronan: kidinikon kiswamaeneniata nukadoteu. Kotomakon kepukoriata amujalal naka lukapapakee: kotomakon kitisilioto aŋor numam alaete kanuka atiakarikec, Ido ejai ioiswamai nuketal kaberu naka eidunyeteke; ido ejai eee loemunaari kadoteu aberu naka okokuke; ido ejai eee kotomakon loitisili kinacike, akoku naka papake. Kotomakon eropio kes abukor aokot; ibu kotukonok ameda aitedepar, idum amakira kama ejaas iidunyetakon kanuka areit; ido ebala Ejakait EDEKE ebe, Kimurwok eoŋ. “Aso do koany, atuari akakanin kamakirakon nakaimod naidum, kaokot da nukejaenenas kidinikon, Epedori kereka ekonitau atitiŋikin, arai akonikanin ajaut kagogon, kapaarasia nukeswamakinia? Eoŋ EJAKAIT ener, eswamai da. Kesiarisiari jo katekerin, keweliweli kakwapin; etanaŋi da amodokokokon kotomakon. Kosodi imunaar kanukon, kakonyen nuka atekerin; ijenuni ebe arai eoŋ EJAKAIT.” Kobu akirot naka EJAKAIT mama ajai ebe, “Okoku loka etuŋanan, arau ekek loka Isirael elele kamaka; eraas kesi kere aisinin, ka adebe, ka asua, ka asasin kokidin oupa; eraas kesi elele loka epuesa. Aso do inera kwana ta Ejakait EDEKE ebe: Naarai iraunos kere elele, asa do koany, katukonokini yes kidiŋ Yerusalem, Kwape etukonokinerc epuesa ka aisinin, ka asua ka asasin ka adebe kidin oupa, aicukokin akim, aisiealaria; katukonokini yes kwaŋin kakanyunyura, kakadedeŋ; kebwaikini nen, kesicalari. Eebo, katukonokini, keeukokini akim naka akanyunyura, icalaros yesi kokidinike, Kwape ecalaror epuesa kokidin oupa, iealaros yesi da kwape kwaŋin kokidinike; ijenunete ebe eoŋ EJAKAIT kabukok yes akadedeŋ.” Kobu akirot naka EJAKAIT mama ajai ebe: “Okoku loka etuŋanan, kolimok ŋes ebe, Irai ijo akwap namam itesegario ido mam itetepio akiru kapaaran naka aisiop. Enerut inabinoke kokidinike, kwape eŋatuny loegat naepoopoaa imejauna: anyamata aiiar naka ituŋa; anatata iboro luka akais nuipu ka luka etiai loepol; etupuata apuserunuke kokidinike, Epaliikis isasedotinike ikakisila, amunaasi ikaboro lukalaunak; mam etiakitos iboro lukalaunak ka luka apakio kere, mam isisianakinito atiaketait kotoma lumam elaete ka Iuelaetc, ebwaata akecekonye kasabatonoka, kamoromoroo eoŋ da kamakec. Esubito ikapolokoke kokidinike bala ipeen luepoopoete imeiauna; abukor aokot, ka amudiar aijar, tetere imakiraete kaimod. Ido eladaata inabinoke kanukee aitwakaŋ, eanyunete aamameak, edwarakinete kes nukainal, kobalas ebe, “Inera kwanata Ejakait EDEKE,’ kwabo mam EJAKAIT inerit. Apotu ituŋa luka akwap komwana, kotupasi aiŋat; eebo, esiyaloŋoŋoto lukican ka luilwaritos, ido amwanata imoit atitai, Kamoote ituŋanan kotomakec, yeniketetean abwas, yenebwoi karorwa kakonyeneka kanuka akwap, kenyek amudiar; konye mam abu kaany imodio da. Ebala Ejakait EDEKE ebe, Kanuka nun ijes abukokinia kes akaisiop; kadau kes kakim naka akanyunyura: etebeik ekecerot akwesikee.” Kobu bobo akirot naka EJAKAIT mama ajai ebe: “Okoku loka etuŋanan, ajaas aŋor aarei, totokec adiopet: kiporoto Misiri; kiporoto koiditeukec: koridakinai ikecekisin kaŋina, kieikakis atibolok nuka abekonutukec kaŋina. Ikecekiroria Akola nakapolon, ka Akoliba kinacike. Koraut nukaŋ, kouriata idwe lusap ka Iupesur. Ikeeekiroria da, Samaria ŋes Akola, Yerusalem da ijes Akoliba. “Kiporo Akola nakeraar nakan; kikila ipailonoke, Iyasurian ikeidunyeta. Lukenapenenete lubulului, ikayaitok ka ijaka, kes kere ikarumunak luimielai, ikebwanenok luibwanenete ibalasin. Kokorak kes akedoteu, kes kere, ituŋa luseuna luka Asuria: ka ŋol da lokikila ŋesi, komunaar kaputosiakee kere. Kwabo mam kinyeini akedoteu anyoun kapaarasia nuka Misiri; naarai koperoto kaŋes katumunike, kicikakis atiboloka nuka abekonutuke: kobukokis ŋes akeeedoteu. Ŋes kakorakinia akanin nuka ipailonoke, akanin nuka Iyasurian, lukikila. Kopukosi nul amujalalake: koyanaasi ikedwe lusap ka lupesur, koara ŋes kekilen: koraun naejenio kanor; naarai aponi kotubokinai akiro. “Koany kinacike da Akoliba nun, konye kiteleka ŋesi ŋin kapaar naka eikilike, kotoma adoteuke da naitelekarit adoteu naka inacike. Kikila Iyasurian, ikayaitok ka ijaka, ikeidunyeta, lukenapenenete lukaibuses naepol, ikebwanenok luibwanenete ibalasin, kes kere ikatumunak luimielai. Kaany ebe emunaara; kotupasi kesi kere edioperor, Konye kiyatak ŋesi akedoteu: naarai koany ituŋa lukinomakinitai arwatat, aputosia nuka Ikaludean nukinomitai keiese Ioirananai. Koenitos arokoban aŋabesikec, kienienito akwesikee kigoen lukijesesinei, kes kere kotakanete kwape ikapolok, kwape ejaar aput naka Ibabulonin luka Kaludea, akwap nakobukec, Napaanyunia kes kikila, kiyakik ikiyakia koKaludea, Kopotu Ibabulonin mama ejai ŋesi kaperis naka amin, komunaasi ŋes kadoteukec, komunaar kakes, kopianik eketau kes. Kwaŋin kopuko akedoteu, kopuko da akemujalal: kopianik ekatau ŋes, kwape apianikinia ekatau kinacike. Konye kiyatak adoteuke, kiitu apaarasia nuka atumunike, nueporoo kakwap nako Misiri. Kikila ipailonokec, kosubito awatekec bala awat nuka asigiria, kosubite aurikec bala aur naka ibalasin. Kwaŋin iitunit adoteu naka atumunikon, nakieikakiniata Imisirian aiburun naka atibolokakon nuka atumunikon. “Aso do, inera kwanata Ejakait EDEKE ebe: Ŋo Akoliba, koany, etonyouni ipailonokon asurokin jo, luapianiki ekonitau, ayauni kes asurokin jo kowaitin kere; Ibabulonin, ka Ikaludean kere, Pekod ka Soa, ka Koa, ka Iyasurian kere nepepe kakes: ikatumunak luimielai, kes kere ikayaitok ka ijaka, ikapolok ka ituŋa luejenikina, kes kere ibwanenito ibalasin. Epote kesi asurokin jo ekapitos luiiis, kagalin, ka nukakokoron, ka atukot naka ituŋa; iderakioos ejie kaio kojaas kiupalin ka ibukwi ka akopiran owaitin kere: adakakini kes atubokin akiro, kitubokinete kwape ejaatar itubesiakec. Ederakini ekokoteka asurokin jo, kiticanete kadeden. Kituborete ikumesikon, ka akiikon; irikakini ekileŋ akonitutubet oaesali. Eyaŋaarete idwekon lusap ka lupesur; icweio akonitutubet naesali kakim. Kilacarete inapenekon, eyaŋaarete lukaseganutukon luejok. Kwaŋin etanania akonidoteu, ka eporokon lokolo iyauni kakwap nako Misiri: tetere mam iteluori akonikonye mamakee, karaida akiitun bobo Misiri. Naarai inera kwanata Ejakait EDEKE ebe: Koany, kakorakini jo akanin nuka nul kaluireit, akanin nuka ŋul kaluapianiki etaukon. Kiswamakinete jo nukanar, kidemarete aitaaritoikon kere, kijalakinete imujalal atitai: epukorio amuialal naka adoteukon. Eporokon ka adoteukon kere kiswamakinito kwaŋin naarai ibu kiporo mama ejaas ikapirin, ido naarai imunaar kaputosiakec. Ibu kotupa erot loka inacikoo; ŋes kainakinia akolike akanikon. Inera kwanata Ejakait EDEKE ebe: Imasi akoli naka inacikon, Naidul naepol; Kikienare noi kimuario; Naarai igauni ŋesi nuipu. Kilelebikin amera ka aiturur. Akoli naka aitirira ka ajalakinio, Ŋes akoli naka inacikon Samaria. Imasi aikokoor, Iboiboi abelekekake, Icili da ikonikisina: Naarai ebala Ejakait EDEKE ebe, Eoŋ ener. Aso inera kwanata Ejakait EDEKE ebe: Naarai kimurwok eoŋ, koeaka eoŋ kaukon, asa do jo da kibwok eporokon ka adoteukon.” Bobo da kalimok EJAKAIT eoŋ ebe: “Okoku loka etuŋanan, itubokini kereka Akola ka Akoliba? Aso kolimok kes italesiakec, Naarai adoteata, ejaas aokot akaninikec; adoteata aputosiakec; ido etotoroto ikecedwe lusap lukawurikinete akim ainakin nun ainyam. Ido oobo keswamakis eoŋ nu: amunaasi akaibois nakalaunan apaaran ŋipeŋin, amunaasi da akasabaton. Naarai kedautu aarakin ikecedwe mama ejaas aputosiakee, kosodete alomar aiboisika nakalaunan kapaaran kaŋin amunaar. Ido koany, kwape kwaŋin eswamaata kotogoka. Ido bobo ijukakis anyaraun ituŋa luepote kama elwana: luejukakinio ekiyakia, ido koany, kopotu. Kilon kanuka nul, kojuk akonyekon, kisir lukisiro. Kiboikin aperis nanepuk, kitemonokinitete emesa kinarenike, loibwaikinit lukisupurununoka ka akakinyet. Kojai eporoto loka ekodet loijamamai kaŋes: koyaunai ikamerak anyoun kamodiŋ nepepe kimukopin; kitanapai ŋun aikomon akaninikec, ka abokoi da nuejok akwesikee. “Kasodi eoŋ einer nuka nin naemoionikinit adoteu ebe, Kwana edoteete kaŋes, ŋin da kakes. Kolomasi mama ejai, kwape elomariata mama ejai naadote. Kwape kwaŋin kelomariata mama ejai Akola ka Akoliba, aŋor nukeporok. Etubokinete ikadolitok ŋun akiro kwape etubokinere nudotea, ido kwape etubokinere aŋor nuebukorete aokot; naarai eraas nudotea, ejaas aokot akaninikee.” Naarai ebala kwanata Ejakait EDEKE ebe: “Etonyoikini kes ekodet, kainakin aiiliilio ka anatario. Ibiribirei kes ekodet kamor, icutarete kikilenakec; earete ikecedwe lusap ka lupesur, ieweete ikecetogoi kakim. Kwaŋin etanania eporo kakwap, tetere isisianakinio aŋor kere kinyeis arokor eporokus. Ido kitacakinio eporokus, ibwokete aronisio nuka aputosiakus: ijenunete do ebe arai eoŋ Ejakait EDEKE. Bobo da, kokaru Iokikanyetekaonon, olap lokitomonet, kapaaran nakitomonet naka elap, kobu akirot naka EJAKAIT mama ajai ebe: “Okoku loka etuŋanan, kiwadik ekiror loka apaaran, apaaran napena. Ekunyu do ekabaka loko Babulon Yerusalem apaaran napena. Kinerak ekek lokepali awarag, kolimok ebe, Inera kwanata Ejakait EDEKE ebe: Kidorok amot, kidorok, Kobukok akipi: Kotukonok inerioke, Ŋoliiner Ioejok, amurwo ka akuat; Kileleb akoio nueseunitai. Koyana lueseunitai kosipan, Kotukok akoio kwapuke; Kitukul noi; Eebo kipooto noi akojoke kotomake. “Kanuka nun inera kwanata Ejakait EDEKE ebe: Itukwi ere lokaokot, amoti nairourounit, airourounike namam alomuni kotomake! Kisujau einer ka einer komam eroet edoikinit. Naarai ejaas akeokot kidinike; ebwaiki atiida naelapat; mam ebukokinit alup, arapar kapua. Tetere kitodoku adedeŋ ainyania, ebwaik eoŋ akeokot atiida naelapat, kinyeis arapara. Kanuka nun inera kwanata Ejakait EDEKE ebe: Itukwi ere lokaokot! Etopoloori da atukot nakakito. Kicul akito, kinokok akim, kipo noi akiriŋ, kisidiki acece, kosisioto akojo. Kosodi aibwaikin amot atotoleke komamei ibore kotoma, komwanuu, kidop aisinitike, kocalar amadokokoke, kodaun airourounike, Ketapas aitaaritoi; kwabo mam elemar airourounike naepol; mam airourounike elemar kakim. Airourounike ŋes eporokon lomodok. Naarai abu ketesega jo, komam jo isegar, mam bobo kitesegaario aitodol naesimonikinia akadedeŋ mamakon. Eoŋ EJAKAIT ener: edoli, eswamai da. Ebala Ejakait EDEKE ebe, Mam aboŋori kau, ido mam etimi, ido mam eitokini; kwape ejaatar ikonirotin, ido kwape ejaatar akoniswamisio, kitubokinete akiro.” Ido da kobu akirot naka EJAKAIT mama ajai ebe: “Okoku loka etuŋanan, koany, ademari katipet kamakon naimielas akonikonye: konye mam ikuudiani karaida aimony, karaida akiyo alele kakonyekon. Kidiny, konye eililina; sirikikuudian nakatwan. Koen ekonigoe loka akou, konap akonimuk kakejekon; sirikirapak aituk, karaida ainyam atap naka ikebworok.” Abu kener kituna tupuruc; kotwana akaberu eboŋ. Keswama atupurue naee kwape kecorakinetere. Kalimokis ituŋa ebe, “Kitejenunai sio anyoika akiro nu kamakosi, iswamaa kwana?” Kabala kes ebe, “Abu akirot naka EJAKAIT kobu mama ajai ebe: ‘Kolimok ekek loka Isirael ebe, Inera kwanata Ejakait EDEKE ebe: Koany, amunaari akaibois nakalaunan, eitur loka apedorikus, naimielas akonyekus, eipud da loka aijarakus; ibiroros ikusidwe lusap ka lupesur kekilen, luipotu koialakis, Iswamaete yesi da kwape eswamaa eoŋ: mam irapakinete aitukekus, kwabo mam inyamete atap naka ikebworok. Ejaunos igoenekus akwesikus, ka amukakus akeiekus: mam ikuudianete karaida aimony; konye idokororiaros kanumam adolitekus, idinyanakinos ŋinituŋanan kaupake. Kwaŋin eraun Esekiel aanyunet kamakus; kere nueswama ŋesi iswamaete yesi da. Naejauniata ŋun, kosodi do ijenunete ebe arai eoŋ Ejakait EDEKE.’ “Ka jo da, okoku loka etuŋanan, kapaaran naalemaria agogonukec, aiyalama naka aibusesukec, naimielas akonyekec, ka ŋin naebwaikinito ikecetauon, ka ikecedwe da lusap ka lupesur, apaaran ya ebuni yenekui mamakon, kisiira jo kaki. Kapaaran kaya iwooaaari aitukukon mama ejai ŋin yenekui, ineri da, komam bobo ibanaana, Kwaŋin iraunor aanyunet mamakee: ejenunete do ebe arai eoŋ EJAKAIT.” Kobu akirot naka EJAKAIT mama ajai ebe: “Okoku loka etuŋanan, kite idwe luka Amon, kodwarak kes. Kolimok idwe luka Amon ebe, Kiirasi akirot naka Ejakait EDEKE; Inera kwanata Ejakait EDEKE ebe: Naarai iner atiar, ‘Uus!’ aimwaŋ akaibois nakalaunan, nakemunaaror; aimwaŋ da akwap naka Isirael, nakitisilere; aimwaŋ da ekek loka Yuda, nakiioreorere; asa do koany, keiaikini jo araun airumet naka idwe lukokide, idukurete kesi tomakon, edukokinete ikeeetogoi tomakon; enyamcte akoniraito, emascte da akonikile, Etarauni Raba auj naka ikaalai, ka idwe da luka Amon aperis naka isipanin. Ŋenunete do ebe arai eoŋ EJAKAIT, Naarai inera kwanata Ejakait EDEKE ebe: Naarai ibap akaninikon, kotac kakejekon, kolelak kepali kere lokotaukon akwap naka Isirael; asa koany, ario akakan mamakon, kejaikini jo araun inatat yenika atekerin; keŋadaari jo kotoma otuŋa, ketooliori jo kakwapin: kamudiari. Ŋenuni do ebe arai eoŋ EJAKAIT. “Inera kwanata Ejakait EDEKE ebe: Naarai inerasi Moab ka Seir ebe, Koany, eputos ekek loka Yuda katekerin kere; asa koany, aŋaikini ewai loka Moab anyoun koreria, anyoun koreriake lukoikorunoke, aibuses naka akwap, Bet-yesimot, ka Baal-meon, ka Kiriataim. Mama ejaas idwe lukokide, aitiji idwe luka Amon, ainakini kes araun airumet, tetere mam bobo iitunio idwe luka Amon katekerin, Atubokini Moab. Ejenunete do ebe arai eoŋ EJAKAIT, “Inera kwanata Ejakait EDEKE ebe, Naarai eswamak Edom erono ekek loka Yuda ainyaŋ, ebuca noi, enyana kamakee: Ŋes inerar kwanata Ejakait EDEKE ebe, ariori akakan mama ejai Edom, apiari ituŋa ka itian; etisili ageun koTeman; aitodol Deden ibiroros kekilen. Ebwaikini Edom ekanyanit kakan naka ikatuŋa Isirael; iswamakinete Edom kwape ejaar akanyunyura ido kwape ejaar akadedeŋ. Ebala Ejakait EDEKE ebe, Ejenunete kesi ekanyanit, “Inera kwanata Ejakait EDEKE ebe: Naarai eswamata Ipilisitian enyaŋit, enyanata kepali loka otauonokec amudiar kaitusurup namam cnani; asa do inera kwanata Ejakait EDEKE ebe, Koany, ariori akakan mama ejaas Ipilisitian, apiari Ikeretin, amudiari da aatoŋot naka ariri naka aŋolol. Enyaŋi noi kamakec kairetakin naededen. Ejenunete do ebe arai eoŋ EJAKAIT, naebwaikinia kes ekanyanit.” Kosodi kanen kokaru lokitomonet kadiopet, kapaaran nasodit naka elap, kobu akirot naka EJAKAIT mama ajai ebe: “Okoku loka etuŋanan, naarai enerak Turo Yerusalem ebe, ‘Uus, abila nol Iokerai erute loka ituŋa; ebelokin neaiai: elelebun do, naarai kwana eswap ŋesi.’ Aso inera kwanata Ejakait EDEKE ebe: Koany, ijo Turo, kasurokini jo, ketonyoikini atekerin nuipu, kwape itonyounio aŋolol akekailan, Emudiarete kesi arwatatin nuka Turo, ka atiyatiya itogoike lueojak; ekisari apuake, etuluori atiiba naelapat. Ebala Ejakait EDEKE ebe, Eraun aibois naeterarere iboyan kokidin aŋolol: naarai eoŋ ŋes ener: eraun ŋesi enatat loka atekerin. Eario apesuruke nuejaas orony kekilen, Ejenunete do ebe arai eoŋ EJAKAIT, “Naarai inera kwanata Ejakait EDEKE ebe: Koany, ayauni Nebukadaresar ekabaka loko Babulon, ekabaka loka ikabakan, anyoun kagolitomei, asurokin Turo, ejaas kibalasin, ka agalin, ka ikebwanenok, ka ajore, ka ituŋa da luipu, Eari apesurukon nuejaas orony kekileŋ: eduki arwatatin asurokinia, itutuei etut asurokinia, kikeikini eupal. Ibwaikini skutake nutiyanakinet arwatatinikon, ido ejepejepei cut abwasinikon kaepeike. Kirapari apua naka ibalasinike naarai ipu: ilokilokos arwatatinikon kanuka ecelet loka ikebwanenok, ka loka akokoron, ka loka agalin, naelomaria koruteikon, kwape elomariata ituŋa ore loebelitai arorwa, Ipudapudai ikonirotin kere kimageger luka ibalasinike: eari ikonituŋa kekilen, ijesunos ipirin luka agogoŋukon kwap. Ido enaŋete akonibar, emejaete lugwelanarakon: etiyatiyaete eut arwatatinikon, emudiarete itogoikon lukaisiyalamikina: ecakanakinete amorukon ka akitokon ka apuakon kidin akipi. Ido etanaŋi eoŋ eporoto loka ikososiokon; mam iirario bobo aruo naka adeudeunokon. Ido ketuluori atiiba naelapat: iraun aibois naeterarere iboyan; mam kidukio bobo, Naarai ebala Ejakait EDEKE ebe, Eoŋ EJAKAIT ener. “Elimokini Ejakait EDEKE Turo kwanata ebe: Mam kereka emaranete apujana kanuka airetun naka aibirorikon, naidinyatar luimusunitai, naeiaar earit kidinikon? Kosodete ijesunos ikapolok kere luka aŋolol koicolonokec luka ajakanut, elemunete ikeeegoen, elaeunete ikeeenapen luesonyitai: enapete amaran; iboikinos kwap, emaranete ŋinipak, kiumokinete jo. Kikuudianete, kobalas ebe, ‘Imudiari ca, loeboienenoto ikekwaŋak aŋolol, Ere loajena, Lokegogon kaŋolol, Ŋol ka lukiboiete kotoma, Lokititasurokinit nul kere lueboiete kotoma. Kwana emaranete apuiana Kapaaran naka aibirorikon, Eebo, apuiana nuejaas aŋolol Eburunete kanuka alositekon.’ “Naarai inera kwanata Ejakait EDEKE ebe: Naketuluoria jo ere lokitisilio, kwape ireria luemameete luibojete kotoma; naketadakikinia akar, nakirapariata akipi nuipu; ŋes konyet kesijesunia jo nepepe kaŋul luijesunos toma Aipany, mama ejaas ituŋa luno, kesiboikini atutubeta nukokwap nuka akwap, aiboisio nuesilok nuŋo; nepepe kanul luiiesunos toma Aipany kinyek ajaut kituna; ido ebwaikini aibuses akwap naka ikaiarak. Ebala Ejakait EDEKE ebe, Ketuluori jo etasuro, mam bobo ijaun: karaida kiimoi, mam kianyunio bobo.” Kobu bobo akirot naka EJAKAIT mama ajai ebe: “Ŋo da, okoku loka etuŋanan, kokuudian Turo; kolimok Turo ebe, Wu jo loiboie kaneelomarere aŋolol, loirai ekagwelanaran loka atekerin mama ejaas apujana, inera kwanata Ejakait EDEKE ebe: Ijo, wu Turo, iner ebe, ‘Adolit eoŋ kaiokis.’ Ejaas iikorunokon otau loka aŋololin; Itodolito ikadukokokon ajokisikon. Eswamata abaoikon kere Koberosin lueyaunio koSenir: Ayaut iresia koLebanon Aiswamakinia jo epir. Eswamata akinolakon koluan luko Basan; Eswamata atutubetakon nukokwap koteasurin Lueyaunio kapuiana nuka Kitim, Kitwalitete kikela luka itomei. Korai emederakon loka ebaputa loejok Loesonyitai loeyaunio koMisiri, Koraun aanyunetekon; Ŋesesinei lubulului ka lumugeik Lueyaunio kapuiana nuka Elisa Kiswapito jo. Keraas ikonikekwanak Luibojete koSidon ka Arubad; Ŋo Turo, kejaas lukaeoakon kotomakon, Keraas ikeŋarenokokon. Imakio luko Gebal, ka lukacoake Keraas ikanwokakakon kotomakon; Atakerin kere nuka aŋolol nepepe kikenarenokokec Kejaas tomakon aisiecanar igwelanarakon. “Perusia ka Lud ka Put keiaas aiorekon, ikajiokokon: kikaianakinete ibukui ka akopiran tomakon; kiturito akoniiokis. Keiaenenas ituŋa luka Arubad nepepe kaiorekon kuju arwatatinikon airimor, kejaenenas Igamain toma abwasinikon: kikajanakinete ibukuikec arwatatinikon airimor; itodolito ajokisikon. “Kerai Tarusis ekagwelanaranikon kanuka aipues naka abar nakipoŋesio luipu; kisiceanarete epuesa, ka asua, ka adebe, ka asasin kanuka iborokon. Yaban, ka Tubal, ka Mesek, keraas ikagwelanarakakon; kisiceanarete kesi awat nuka ituŋa ka iboro luka aisinin kanuka igwelanarakon. Kisiceanarete lukokek loka Togaruma ibalasin ka ibalasin luka ejie ka inyubun kanuka iborokon, Keraas ituŋa luko Dedan ikagwelanarakakon: keraas apujana nuipu agwelanaret naka akanikon: kiinununete ikela luka itomei ka eboni, aisiceanar. Kerai Edom ekagwelanaranikon kanuka aipues naka aswamisiokon: kisiceanarete imeralidin, ka lumugeik, ka aswam naesonyitai, ka ebaputa loejok, ka koral, ka amor da nukareŋak kanuka iborokon. Yuda ka akwap naka Isirael keraas ikonikagwelanarak: kisiceanarete akima nuka Minit, ka Panag, ka esik ka akinyet, ka emim kanuka igwelanarakon, Kerai Damasiko ekagwelanaranikon kanuk: aipues naka aswamisiokon, kanuka aipues naka abar nakipoŋesio luipu kebino loka Kelubon, ka ajul nuekwanak nuka amerekekin. Kisiecanaret Bedan ka Yaban iusio kanuka iborokon: asua nuepwatat, ekasia, ka akalamu keraas igwelanarakon. Kerai Dedan ekagwelanaranikon loka igoei luketiai lukibwanenis. Arabia, ka ikapolok kere luko Kedar, keraas ŋul ikagwelanarak luka akanikon; imerekekin ludidik, ka imerekekin ka akinei keraas ikagwelanarakakon luka ŋul. Ikagwelanarak luko Seba ka Raama keraas ikagwelanarakakon: kisiceanarete luitelekarito kere kalueuru maa, ka amor kere nuketiai, ka esabu, kanuka iborokon, Karan, ka Kane, ka Eden, ikagwelanarak luko Seba, ka Asur ka Kilimad, keraas ikagwelanara kakon. Keraas nul ikagwelanarak luka iboro lueseunitai, iloun lubululu ka luesonyitai, ka asadukun nuka inapen luibusak, nueenitai kaunoi nueswamaunio keres, kalugwelanarakon. Keraas ameerin nuka Tarusi nukalotok nuka igwelanarakon. Kitelelebi, kitubusikinitete noi Kotoma otau loka aŋololin. Kiyanaasi ikekwaŋakakon akipi nuipu: Kibili ekwam lokokide kotau loka aŋololin. Abarakon, ka iborokon igwelanarakon, Ikekwaŋakakon, ka ikeŋarenokokon, Ikanwokakakon, ikesiceanarak luka igwelanarakon, Ka ituŋakon kere lukajiok, lueiaas tomakon, Nepepe katukotokon kere naejai kidinikon, Ibirokinos otau loka aŋololin Apaaran naka aibirorikon. Emaranete ironyia Kanuka eporoto loka aimony naka ikeŋarenokokon. Ŋesunos kameerinikec Kere luitinito akinolia. Ikekwaŋak, ka ikeŋarenok kere luka aŋolol, Ebwoete do kaneoŋit, Isiirarete ikeeeporotoi mamakon, Edelorete, Iwelanakinos apua akwesikee, Ibelibelos kokurwon. Ebarenos kanukon, enapete ipukoi, Ido emonyete akiyo kanukon kokadakinito itauonokee Kaibworo naedwar. Kotoma aimonyokee ekuudianete kanukon, Kikuudianikinete ebe, “Iŋai ma eputosi bala Turo, Bala ŋol loisililinio kokidin aŋolol? Nakelomuniata iborokon kotoma aŋolol, Kisimonik ituŋa luipu; Kanuka aipues naka abarakon ka igwelanarakon Kitabar ikabakan luka akwapin. Kwana kibilata aŋololin Kataro naka akipi, Kolumosi igwelanarakon ka atukotokon kere Nepepe kajo. Kiumokis luibojete kere kapujana, Akuriakata noi ikabakanakec, Anyorididoto ireetakee. Kisuasi ikagwelanarak kokidin otuŋa; Iraun etasuro, Mam bobo ijaun.’’’ Kobu bobo akirot naka EJAKAIT mama ajai ebe: “Okoku loka etuŋanan, kolimok ekapolon loka Turo ebe, Inera kwanata Ejakait EDEKE ebe: Naarai ekeun ekonitau, Ibu da kiner ebe, ‘Arai eoŋ edeke, Eboiei koicolon loka Edeke, Kokidiŋ kaŋololin’; Kwabo irai etuŋanan, me re Edeke, Karaida itupusit ijo ekonitau bala etau loka Edeke: Koany, irai ijo lokaeoa aitelekar Daniel; Mam kimunonikinitai jo nukaiyeiyea kere, Kanuka acoakon ka ajenunikon idum abar, Idum da esabu ka epuesa Kotoma ainadisiakon: Kanuka acoakon naepol, ido kanuka agwelanarikon Iyatanak abarakon, Ekeun da ekonitau kanuka abarakon. Aso do inera kwanata Ejakait EDEKE ebe: Naarai itupusit ijo ekonitau Bala etau loka Edeke; Aso koany, ayauni imo asurokin jo, Lusogim luka atekerin: Eutunete ikecekileŋa Asurokin aiokis naka acoakon, Emunaarete amwekimwekekon. Kijesarete jo kiton Aipany; Itwani atwanare naka nul kaluearitai, Kotau loka aŋololin. Irina kereka ijo inera ebe, ‘Arai eoŋ Edeke,’ Kakonyen nuka yenikiari? Kwabo irai etuŋanan, mere Edeke, Kakan naka yenikimusuni. Itwani atwanare naka lumam ekepitai Kakan naka imo, Naarai ebala Ejakait EDEKE ebe, Eoŋ ŋes ener.” Bobo da kobu akirot naka EJAKAIT mama ajai ebe: “Okoku loka etuŋanan, kokuudianik ekabaka loka Turo, kolimok ŋes ebe, Inera kwanata Ejakait EDEKE ebe: “Ibu ijo korai aanyunet naka etiai, Ileleba acoa, idoliorit kaiokis. Ŋai kolo toma Eden, emanikor loka EDEKE; Kerai ninlmoru naketiai arapetekon, Asadia, atopasit, ka daimod. Aberulo, naemelomelot, ka ayaseper, Asapiro, emeralid, ka karubunikol; Iminanakinitai kesabu loegerer. Kitemonokinitoi kapaaran nakisubunere. Abu kebwaik jo nepepe kekerubi loidari loinyonyoikinitai akinyet; Ibu koiai oroŋat lokalaunan loka Edeke; Kirimi kokidin amor nuka akim. Ibu kodolit korotinikon Ageun kapaaran nakisubunere, Aitodol neatakanuniata numam adolit kamakon, Kanuka aipues naka agwelanarikon, Kilelebi akaie, idiaka; Ŋes kaeakaria jo kwape ycnemunaara Anyoun koroŋat loka Edeke; Kireŋea jo ekerubi loidari Kokidin kamor nuka akim. Ekeun ekonitau kanuka ajokisikon; Kimuna acoakon kanuka amwekimwekekon: Kaeaka jo kiton akwap, Keperik akonyen nuka ikabakan, Tetere kisesenete. Kanuka aipucs naka numam adolitekon, Kanuka numam adolit nuka agwelanarikon, Imunaa aiboisiokon nukalaunak: Kanuka nun etolom akim kokidinikon, Kitisisi jo, ketuluo ekurwon kakwap, Kakonyen nuka nul kere lukisesenete. Kiumokinete nul kere Lukijenete jo kotoma otuŋa: Iraun etasuro, mam bobo iiaun.” Kobu akirot naka EJAKAIT mama ajai ebe: “Okoku loka etuŋanan, kite Sidon, kodwarak ŋes, kiner ebe, Inera kwanata Ejakait EDEKE ebe: “Koany, arai eoŋ lokasurupikon, ijo Sidon; Ketopoloor kokidiŋikon, Ejenunete do ebe arai eoŋ EJAKAIT. Kadau aitodolikin itubcsia kamake, Ketalaun kamake. Naarai eyakikini ŋes atular Ka aokot korotinike; Ibirokinos Iuimusuijitai kidinike, Kanuka ekileŋ loirimori ŋes kowaitin kere, Ejenunete do ebe arai eoŋ EJAKAIT. “Mam bobo eiaununete ikodokodo lueremeremete ekek loka Isirael, karaida ikukwa luisiriebcte nul luirimorcte kes, luiswamakinete kes nukepali, Ejenunete do ebe arai eoŋ Ejakait EDEKE. “Inera kwanata Ejakait EDEKE ebe: Naadaunia atukonokin ekek loka Isirael kotoma otuŋa kama isiarakina, ketalaun kamakec kakonyen nuka atekerin, kosodete iboikinos akwapukec nakainakinit ekabulesit Yakob. Iboikinos nen inapakina; eebo, edukete itocoi, iraete imanikoria luka emusabibu. Iboiete inapakina, kadau aitodolikin itubesia kama kanul kere luiswamaete nukepali kowaitin kere. Ejenunete do ebe arai eoŋ EJAKAIT Ekecedeke,” Kokaru Iokitomonet, kolap lokitomonet, kapaaran nakitomonet kaarei naka elap, kobu akirot naka EJAKAIT mama ajai ebe: “Okoku loka etuŋanan, kite Parao ekabaka loko Misiri, kodwarak ŋes, ka Misiri da kerc, Kiner, kobala ebe, Inera kwanata Ejakait EDEKE ebe: Koany, kasurokini jo, Parao eka baka loko Misiri, Apiu naepol naeperi kokidin ocorinike, Naabu kiner ebe, ‘Ekacor ekaŋ, Eoŋ elopet asubuni.’ Ebwaikini igolun abokonyakon, Eminaikini agaria nukoeorikon aabelekon; Kebwosuni jo kokidin oeorinikon, Ŋo ka agaria kere nukoeorinikon Nuiminaikina aabelekon. Kenyeini kieakakinitai amodiŋ, Ŋo ka agaria da kere nukoeorinikon: Ibirokin kina ais; Mam kitukonokinio, kwabo mam kimudio, Kainaki jo araun inyamat Luka itian luka akwap, ka akweny da nuka apak. “Ejenunete do luibojete kere koMisiri ebe arai eoŋ EJAKAIT. Naarai keraas ebela loka egada mama ejai ekek loka Isirael. Kiitini kakan, kobila, koeil ikeperinikee kere: kegonakinos jo, kobila, kisimaran aŋabesikec. Kanuka nun inera kwanata Ejakait EDEKE ebe: Koany, kainuni ekileŋ, amudiari ituŋa ka itiaŋ. Eraun akwap nako Misiri naesil naiswapit. Ejenunete do ebe arai eoŋ EJAKAIT. “Naarai abala ebe, ‘Ecor ekaŋ, eoŋ asubuni.’ Aso koany, arai eoŋ lokasurupikon ka ikonicorin da, etarauni akwap nako Misiri naiswapit cuc naesil, ageun kotogo loeoja loka Sebene kiton oikor loka Etiopia, Mam itorete akeje nuka ituŋanan, ido mam itorete akeje nuka itian, mam da ituŋa iboikinos toma adaun ikar akaisaoŋon, Etarauni akwap nako Misiri naesil kokidin akwapin nuesilok, ka ireriake da kokidin oreria luiswapito eraunetc luesilok adaun ikar akaisaoŋon. Esiarisiari Imisirian toma atekerin, eweliweli kes anatar akwapin. “Naarai inera kwanata Ejakait EDEKE ebe: Ketuboros ikar akaisaoŋon atukonokini Imisirian kotoma otuŋa kama esiarakina. Enyakuni aijoreorio nako Misiri, etobonuni kes kiton akwap nako Pataros, kiton akwap naewurikinitai; ejaunete nina ajakanut nakokwap, Eraun nakokwap aitelekarit ajakanuto kere; ido mam bobo itopoloor aitelekarit atekerin: enonori kes, komam bobo eyaito atekerin, Mam bobo eraun amun naka ekek loka Isirael kisiitununei numam adolitekec, naibelokinotor asesen kes. Ejenunete do ebe arai eoŋ Ejakait EDEKE.” Kosodi kanen kokaru loka akaisaarei ka lukanykaarei kolap losodit, kapaaran nasodit naka elap, kobu akirot naka EJAKAIT mama ajai ebe: “Okoku loka etuŋanan, abu Nebukadaresar ekabaka loko Babulon koinak ajoreke aitaaritoi naepol asurokinia Turo: adum ninikou epata, abuluear ŋolikeper: kwabo mam eropio ŋes karaida ajoreke koTuro, kanuka aitaaritoike naetaaritoi asurokin. Kanuka ŋun inera kwanata Ejakait EDEKE ebe: Koany, ainakini Nebukadaresar ekabaka loko Babulon akwap nako Misiri; eyaŋaari ŋesi ekodeteke, eŋasi, emejai da; eraun eropit loka ajoreke, Ebala Ejakait EDEKE ebe, Ainak ŋes akwap nako Misiri ataeia aitaaritoike, naarai keswamakis eoŋ. “Apaaran nin esibwanikini ekek loka Isirael amumwarat, esiwooni akoniituk kokidiijikec. Ejenunete do ebe arai eoŋ EJAKAIT.” Kobu bobo akirot naka EJAKAIT mama ajai ebe: “Okoku loka etuŋanan, kodwar, kiner ebe, Inera kwanata Ejakait EDEKE ebe: Kibwololoto ebe, ‘Itukwi apaaran!’ Naarai aapu apaaran, Aapu ca apaaran naka EJAKAIT; Apaaran naka idouon, Eraun apak naka ikapirin. Ebunokini ekileŋ Misiri, Ejaunete iean luipu ko Etiopia, Naibirokinotor luearitai koMisiri; Eyaŋaarete ekodeteke, Etiyakinio akepeteta, Etiopia, ka Put, ka Lud, ka ituŋa luinyalinyala kere, ka Kub, ka idwe luka akwap nakeboole, ibiroros kesi da ekileŋ “Inera EJAKAIT kwanata ebe: Ibiroros nul da luigaŋito Misiri, Ŋesuni eitur loka akepedor: Ebala Ejakait EDEKE ebe, Ageun kotogo loeoja loka Sebene Ibiroros ekileŋ, Esilikinete kokidin kakwapin nuesilok, Ejaunos ireriake kokidin kireria luiswapito. Ejenunete do ebe arai eoŋ EJAKAIT, Naadaunia ainokokin akim Misiri, Emudiaros ikeganitokoke kere. “Apaaran ŋin, elomarete ikiyakia koinarenika toma atakerin aitukurian Itiopian luebwalara: ejaunete ican mamakec kwape apaaran nako Misiri; naarai koany, ebunit! “Inera kwanata Ejakait EDEKE ebe: Etanaŋi da ekodet loko Misiri Kakan naka Nebukadaresar ekabaka loko Babulon. Itolomikinio ŋes ka iketuŋa nepepe kaŋes, Lusogim luka atekerin, amudiar akwap; Eutunete ikecekileŋa aitiji Misiri, Kilelebata akwap lueario. Etoonikini icorin, Agwelari akwap akan naka ituŋa lueroko; Etisili akwap, ka iboro kere luejaas roma; Kakan naka imo: Eoŋ EJAKAIT ener. “Inera kwanata Ejakait EDEKE ebe: Ido amudiari aputosia, Etanaŋi da lukamameak kotoma Nop; Mam ejaun bobo ekapolon kotoma akwap nako Misiri; Ebwaikini etasuro akwap nako Misiri, Etisili da Pataros, Enokokini akim Soan, Etodolikini da itubesia roma No. Abukokini Sin akadedeŋ, Abwas naegogon nako Misiri; Ido apiari ekodet loka No. Enokokini da akim Misiri; Eanyuni Sin iean luipu, Etiyatiyaun No: Eiaunete lukasurup Nop paaran. Ibiroros ikatumunak luka Aben ka luka Pi-beset kekilen: Iioreorio ireria ŋul. Emutonori da apaaran koTekapanekes, Naabilia iloin luko Misiri, Edauni da eitur loka akepedor: Eraparete idouon ŋes, Iioreorio akepesur. Kwaŋin etodolikinia itubesia Misiri. Ejenunete do ebe arai eoŋ EJAKAIT.” Kosodi kanen kokaru lokitomonet kadiopet, kolap losodit, kapaaran nakikanyetekaarei naka elap, kobu akirot naka EJAKAIT mama ajai ebe: “Okoku loka etuŋanan, abil eoŋ akan naka Parao ekabaka loko Misiri; ido koany, mam eenitai aisutakin ekia, karaida aider, tetere ejaun agogoŋ aitin ekileŋ. Aso do inera kwanata Ejakait EDEKE ebe: Koany, arai eoŋ lokasurup loka Parao ekabaka loko Misiri, ido abili akekanin kere, ŋin naegogon, ka nin da naebilil; etodoi ekileŋ kotoma akanike. Ido esiarisiari Imisirian toma atekerin, eweliweli da anatar akwapin, Etogogoŋi akanin nuka ekabaka loko Babulon, ebwaikini ekakileŋ toma akanike: konye abili akanin nuka Parao, idinya ŋesi kakonyeneke kwape etuŋanan loimusunitai noi. Ido egaŋi akanin nuka ekabaka loko Babulon, ibiroros do akanin nuka Parao; ejenunete do ebe arai eoŋ EJAKAIT, Naebwaikinia ekakileŋ toma akan naka ekabaka loko Babulon, edakakini ŋesi asurokin akwap nako Misiri, Esiarisiari Imisirian toma atekerin, eweliweli da anatar akwapin. Ejenunete do ebe arai eoŋ EJAKAIT.” Kosodi kanen kokaru lokitomonet kadiopet, kolap lokiwuniet, kapaaran nasodit naka elap, kobu akirot naka EJAKAIT mama ajai ebe: “Okoku loka etuŋanan, kolimok Parao ekabaka loko Misiri, ka ekekodet ebe: Iputosi kaŋai kapoloukon? Koany, kerai Eyasuriat eres loka atenueik nuejok koLebanon, Loejai etolim loerapari, loeoja: Kojai aidike odouon. Kitanete akipi ŋes, Kitopol aidules naka ieorinike, Lueleleete airimor emanikorike; Abu kitodol alelesiake Okito kere luka ais. Kanuka nun kitopolooroi Aitelekarit ikito kere luka ais; Kopeta atoromake, Koojakaros atenueikike, Kanuka akipi nuipu kotoma akidikidinike. Kodukoto akweny kere nuka apak Akaisikec atenueikike, Kouriata itian kere luka ais idwekec Kwap katoromake, Kiboioto atekerin kere nukapolok Kotolimike. Kwaŋin korai loejok kapolouke, Kaoiau naka atenueikike; Naarai kejaas akeliasio neejaas akipi nuipu. Iresia lukomanikor loka Edeke Mam apedorete aibwa ŋes: Mam iberosin ariakas katoromake, Mam iaremok eputosi atenueikike; Kwabo amamei ekitoi kere komanikor loka Edeke Loaputotor ŋes kajokis. Etojoka ŋes kanuka aipues naka atenueikike: Kwaŋin kitokokoloto ŋes ikito kere luka Eden, Luajaas omanikor loka Edeke. “Kanuka nun inera kwanata Ejakait EDEKE ebe: Naarai itopoloor kanuka aojau, ido ejai aidike odouon, ikeuna eketau kanuka aiceleleke; eiaikini ŋes akan naka lokapedor loka atekerin; abeit iswamakini ŋes kwape ejaatar nukaronokoke, Ereŋea ŋes. Ajepata ŋes imo, lusogim luka atekerin, enyekis. Ibiroros atenueikike koronan kaditono da kere, abilas atoromake kotoma alelesia kere nuka akwap; anyoutu atekerin kere nuka akwapin kotolimike, enyekis ŋes. Iboikinos akweny kere nuka apak akuanake naibiroro, ejaunos itiaŋ kere luka ais atenueikike: tetere mam itopoloori imodiokitoi kere yeneapias kakipi kaoiauke, karaida aitodol aidike odouon, karaida lukapedorike aibwo kaicelelekee, kere luemasete akipi: naarai ijaikinio kere atwakare, kiton atutubeta nukokwap nuka akwap, kokidin odwe luka ituŋa, nepepe kanul kaluijesaros Aipany. “Inera kwanata Ejakait EDEKE ebe: Kapaaran naejesaror Okatwak, esibwori aidules, aeni ieorinike, itikokinio akipi nuipu: esirioni Lebanon kanuke, iilooros ikito kere luka ais kanuke. Abu kesimaran atekerin kanuka airurum naka aibirorike, naaeakaria Okatwak nepepe kanul kaluijesaros Aipany: alakaros ikito kere luka Eden, luejok lueseunitai luka Lebanon, kere luemasete akipi, kotoma atutubeta nukokwap nuka akwap, Apotu kesi da kijesaros Okatwak nepepe kaŋes mama ejaas nul lukearitai kekilen; eebo, ŋul lukeraas akanike, lukiboienenete kotolimike kokidin katekerin. Iŋai ca ma iputotor kotoma aibuses ka apolou kokito luka Eden? Kwabo kiiesario nepepe kikito luka Eden kiton atutubeta nukokwap nuka akwap; iperi kokidin kalumam ekepitai nepepe kanul kalukeario kekilen, “Ebala Ejakait EDEKE ebe, ŋol ŋes Parao ka ekekodet kere.” Kosodi kanen kokaru lokitomonet kaarei, kolap lokitomonet kaarei, kapaaran nasodit naka elap, kobu akirot naka EJAKAIT mama ajai ebe: “Okoku loka etuŋanan, kokuudianik Parao ekabaka loko Misiri, kolimok ŋes ebe: Kitupusitoi kinatuny yenika atekerin: Kwabo iputos kapiu naejai anolclin; Ido ibeluni koeorinikon, Iticani akipi kakejekon, Komunaa ieorinikee. Inera kwanata Ejakait EDEKE ebe: Kapesikini jo ekaboi Katukot naka ituŋa luipu; Kibwosunete kekaboi. Kenyeini jo kaneeoŋit, Kaeakar kina ais, Ketodoikini jo akweny kere nuka apak, Kesimonikinia da itian luka alwap kere. Aloikini akonikirin oroŋan, Elelebi aditon kamukururukon, Ido ecocoi akwap kaokotokon nuiduio Kiton oroŋan; Ilelebi alelesia kere. Kasodi kadau aitudeŋ jo, arapari akuj, Etumutonori aacer; Arapakini edou akoloŋ, Kwabo mam elap eeauni. Ebala Ejakait EDEKE ebe, Etumutonori italai kere Lueeaete lukokuiukon, Etumutonori akonikwap. “Esiyalononoi itauon luka iruna luipu, naetodolio amudiariokon toma atekerin, akwapin numam lem ijeni. Eebo, esitirirai ituŋa luipu kanukon, ekuriakaros noi ikabakanakec kanukon, naeiliilia ekakileŋ kakonyenekee; emaranete ŋinipak, ŋolituŋanan kanuka akeijar, kapaaran naka aibirorikon. Naarai inera kwanata Ejakait EDEKE ebe: Kidolokini jo ekileŋ loka ekabaka loko Babulon. Ebirori ekonikodet kikilena luka lukapedor; eraas kere lusogim luka atekerin. Eŋasete eitur loko Misiri, emudiario ekodeteke kere. Amudiari da iketian kere Lueapias akipi nuipu; Ido mam bobo itieanete akeje nuka ituŋanan, Karaida imageger luka itiaŋ aitican kes. Ebala Ejakait EDEKE ebe, Kasodi aisiiriir akeeekipi, Ka aitelel icorinikee kwape kakinyet. Naetisilio akwap nako Misiri, Ka aitiswap akwap naetwaniarit ailelebake, Naadanyia kere luibojete kotoma, Kosodete do ejenunete ebe atai eoŋ EJAKAIT. Ebala Ejakait EDEKE ebe, Na ŋes akuudian rtaekuudianete; ekuudianete apesur nuka atekerin; ekuudianikinete Misiri ka ekekodet kere.” Kosodi kanen kokaru lokitomonet kaarei, kapaaran nakitomonet kakany naka elap, kobu akirot naka EJAKAIT mama ajai ebe: “Okoku loka etuŋanan, komonyak ekodet loko Misiri, kibironok kwap, ŋes nepepe ka apesur nuka atekerin nuaienas, kiton atutubeta nukokwap nuka akwap, nepepe kanul kaluijesaros Aipany: “Iŋai ca ideparit kajokis? Kiiesar, kiperikin nepepe kalumam ekepitai.’ Ibirokinos kidinikec luearitai kekilen: eiaikin okileŋ: kiriasi ŋes ka ekekodet kere. Ineras kaŋes lukagogon lukotoma lukapedor kokidin Okatwak nepepe kanul kalukeganitok ebe: ‘Ejesaros, aperoto anatata, lumam ekepitai, luearitai kekilen.’ “Ejai nen Asur ka aketukot kere; irimotito akeilin: kes kere earitai, ebirokin ekileŋ. Ejaas akeeeilin toma atutubeta nukokwap nuka Aipany, irimorit aketukot akeilit: kes kere earitai, ebirokin ekileŋ, luayaunete etasuro akwap naka ikajarak. “Ejai nen Elam ka ekekodet kere irimorit akeilit: kes kere earitai, ebirokin ekileŋ, luejesaros mam ekepitai loma atutubeta nukokwap nuka akwap, luayaunete etasuro akwap naka ikaiarak, ibwokito ikeeeleic nepepe kaŋul kaluijesaros Aipany. Apesikis ŋes aperis kokidin kaluearitai nepepe kekekodet kere; irimorito ŋes akeilin: kes kere lumam ekepitai, lueari ekileŋ; naarai eyaunio etasurokee akwap naka ikaiarak, ibwokito ikeeeleic nepepe kanul kaluijesaros Aipany; ibwaikinitai kidinikec kaluearitai. “Ejai nen Mesee, ka Tubal, ka ekeeekodet kere; irimorito kes akeeeilin: kes kere lumam ekepitai lueari ekileŋ: naarai ayaunete etasurokee akwap naka ikajarak. Ido mam eperete nepepe kalukapedor luebiroros lumam ekepitai luejesaros Okatwak ekapito luiiisikec, ibwaikinito ikileŋakec aicolon kakwesikee, ejaas numam adolitekec akoiokec; naarai keiai etasuro loka lukapedor kakwap naka ikajarak. Konye kibilakinio kidin kalumam ekepitai, iperi nepepe kanul kalueari ekileŋ, “Ejai nen Edom, ikekabakan ka ikekapolok kere, luibwaikinitai kakeeepedor nepepe kanul kalueari ekileŋ: eperete nepepe kalumam ekepitai, ido nepepe kanul kaluijesaros Aipany. “Ejaas nen ikapolok luka agolitomei, kes kere, ka Isidonin kere, luejesaros nepepe kaluearitai; karaida keyaunete etasuro kanuka agogonukec, irumete ileic; eperete mam ekepitai nepepe kanul kalueari ekileŋ; ibwokito ikeeeleic nepepe kanul kaluiiesaros Aipany. “Ebala Ejakait EDEKE ebe, Eanyuni kes Parao, elakar kanuka ekekodet kere: Parao ka akejore kere lueari ekileŋ. Ebala Ejakait EDEKE ebe, Naarai ebwaik eketasuro akwap naka ikajatak: iperikinio Parao ka ekekodet kere kidin kalumam ekepitai, nepepe kanul kalueari ekileŋ.” Kobu akirot naka EJAKAIT mama ajai ebe: “Okoku loka etuŋanan, kiner kidwe luka ikonituŋa, kolimok kes ebe, Naayaunia ekileŋ akwap, arai kelemut ituŋa luka akwap kaŋin ituŋanan idiopet kotomakec, kodakakis ŋes araun ekedaranikec: a arai kekutaki arupepe naeanyunia ekileŋ ebunokini akwap, ka aikwenyar ituŋa; kosodi nm yeniirari eporoto loka arupepe, komam ecamuni aikwenyario, arai kebu ekileŋ alemar ŋes, eiaunete aokotoke akouke kilopet. Abu kiira eporoto loka arupepe, komam ecamunit aikwenyario; ejaunete aokotoke kamaken. Konye araikeeamunit aikwenyario tikituku akeijar. Konye arai keanyu ekedaran ekileŋ ebuni, komam ekutakini arupepe, komam ituŋa ikwenyario, kobu do ekileŋ, kolema ituŋanan kamakec; elemario kanumam adoliteke, konye etepeseni akeokot kama kekedaran. “Aso do jo, okoku loka etuŋanan, kadakak jo araun ekedaran loka ekek loka Isirael; asa kiira akirot naka aitukuka, kikwenya kes kanukaŋ. Arai kalimok ikaronon ebe, Ŋo ikaronon, abeit itwani, komam jo inera aikwenyar ikaronon ii korotoke; etwanikini ikaronon ii numam adoliteke, konye etepeseni akeokot kamakon. Konye arai kikwenya ijo ikaronon aibelokin korotoke, komam ŋes ibelokini korotoke; etwanikini numam adoliteke, konye iyuuni ijo akoniijar. “Ka jo da, okoku loka etuŋanan, kolimok ekek loka Isirael ebe: Inerasi kwanata ebe, ‘Ejaas adiakanaretakosi ka aronisiokosi kasio, kiin kakes; kikwaikini do ai kijari?’ Kolimok kes ebe, Ebala Ejakait EDEKE ebe, Kwape ajaria, Mam esiyalamikinit atwanare naka ikaronon; konye kibelokin ikaronon korotoke kojar: kibelokinos, kibelokinos kotoma orotinikus lueroko; kanukinyo itwakiata, ijo ekek loka Isirael? Ijo da, okoku loka etuŋanan, kolimok idwe luka ikonituŋa ebe, Adolit naka ikadoliton mam eyuuni ŋes kapaaran naka adiakarike; ido da aronis naka ikaronon mam isibirori kapaaran naibelokinor anyoun karonisike: kwabo mam epedori ikadoliton aijar kanuka adoliteke kapaaran naediakaria. Arai kalimok ikadoliton ebe abeit ejari; arai kemunokin akedolit, kiswama numam adolit, mam iitunio adio kaswamisioke nuadolito; konye etwanikini numam adoliteke nueswamat. Ido bobo, arai kalimok ikaronon ebe, ‘Abeit itwani’; arai kibelokin ainyein akeronis, ka aswam da nuibusakinito ka nuedolito; Arai kinyakaki aititiŋet, kotac Iukekokwarit, kolosenene kokisila luka aiiar, komam iswamai numam adolit; abeit eiari, mam etwani. Mam iirunio adio karonisioke nueswamat: eswamat nuibusakinito nuedolito; abeit ejari. “Konye ebalas idwe luka ikonituŋa ebe, ‘Mam eriana erot loka EJAKAIT’: kwabo ikecerotin kes mam erianas. Naibelokinor ikadoliton ainyein akedolit, kiswama numam adolit, etwanikini ŋun. Naibelokinor ikaronon ainyein akeronis, kiswama nuibusakinito nuedolito, ejarakini ŋun. Konye ibalas yesi ebe, ‘Mam eriana erot loka EJAKAIT.’ Wu jo ekek loka Isirael, katubokini yes, ninitunanan kwape ejaatar ikerotin.” Kosodi kanen, kokaru lokitomonet kaarei loka aijoreoriokosi, kolap Iokitomonet, kapaaran nakikanyet naka elap, kobu etuŋanan mama ajai lokekui koYerusaletn, ebala ebe, “Ebiror ere.” Kabunok akan naka EJAKAIT eboŋ, eroko lokekui ebuno; kesiwoona akaituk, kiton nekadolokinio ŋol tupuruc; koonar akaituk kwabo mam bobo abanaana. Kobu akirot naka EJAKAIT mama ajai ebe: “Okoku loka etuŋanan, lueiaas aiboisio nu nuiswapito nuka akwap naka Isirael inerenenasi ebe, ‘Arai Aburaam ediopet, kirum akwap; konye oni kirai luipu; kiinakinitai akwap araut alrumet.’ Aso kolimok kes ebe, Inera kwanata Ejakait EDEKE ebe: Inyamete lneiaas aokot, iteluorete akusikonye mama ejaas aputosiakus, ibukorete da aokot; irumete tope yesi akwap? Ieatunito kokilenakus, iswamaete nuketal, komunaaros nolirunanan kaberu naka eidunyeteke: irumete tope yesi akwap? Ilimokini kes kwanata ebe, Inera kwanata Ejakait EDEKE ebe: Kwape ajaria, abeit etwakete nul kere luejaas aiboisio nuiswapito kekilen, ka Ŋin da yenejai kina ais akorakini ŋes konyama itian; ka ŋul da Iueiaas abwasin nuegogon ka abuai da etwakete atular. Etarauni akwap asilio ka aumokinet, enaŋi eitur loka akepedor; esilioros ironan luka Isirael, komam ituŋanan yenitori nen. Kosodete do ejenunete ebe arai eoŋ EJAKAIT, naetuluoria akwap asilio ka aumokinet, kanuka italesiakec kere lueswamata. “Ka jo da, okoku loka etuŋanan, kinerasi jo idwe luka ikonituŋa karwatatin, kokekia da luka itogoi, kineranakinos, ninitunanan konaceke, ebe, ‘Kaloto, kenainait, kapuputu akirot naelomunit kama ejai EJAKAIT.’ Epote neijai kwape eponiata ituŋa, iboikinos kakonyenekon kwape ikatuŋa, epupunete akakiro, konye mam iswamaete: naarai itodikinete amin naepol kanaiepakec, konye ekecetau etupari aimakirakec. Ido koany, irai kamakee ekosio loejok noi loka ekayoot loitalakarit noi, loejeni airam jokan; naarai epupunete akonikiro, konye mam iswamaete. Naitodolikinere ŋun, (koany itodolikinio), kosodete do ejenunete ebe ajai enabi kidinikec.’ Kosodi kobu akirot naka EJAKAIT mama ajai, kobala ebe: “Okoku loka etuŋanan, kodwarak ikecokok luka Isirael, kodwarak, kolimok kes, ikeeokok nul, ebe, Inera kwanata Ejakait EOEKH ebe: Itukwi ikecokok luka Isirael luitanyamas bonik! Mam ti ikeeokok itadakete amerekekin? Inyamete lukasiepai, konapete aiul, koarete luetarioko: kwabo mam itadakete amerekekin. Yeniroga mam iticasete, kwabo mam itanaleunete yenedek, kwabo mam iderete yenebilil, kwabo mam inyakununete yenerenearitai, kwabo mam imoenenete yeneoliorit; konye iyaitos kes kagogon ka adedeŋ. Kisiarakinos kesi kanuemamear ekeeokon: koraut inyamat luka itiaŋ kere luka ais, kisiarakinos. Kirimoto akamerekekin komor kere, ka noliukot loeoi; eebo, kisiarakinos akamerekekin akwap kere; kwabo amamei yenabu kinisinisitoi karaida amoun. “Aso, yes ikecokok, kiirasi akirot naka EJAKAIT: Inera Ejakait EDEKE ebe, Kwape ajaria, abeit naarai apotu akamerekekin koluoros amejan, koraut da akamerekekin inyamat luka itian kere luka ais, kanuamamear ekeeokon; kwabo mam ikakeeokok apotu komoata akamerekekin, konye kitanyamas ikeeokok bonik, komam itadakete akamerekekin; aso, yes ikeeokok, kiirasi akirot naka EJAKAIT: Inera kwanata Ejakait EDEKE ebe: Koany, etusurupi eoŋ ikeeokok; eburai da akamerekekin kakanikee, kesinyeik kes aitadak amerekekin; kwabo mam bobo ikecokok itanyamas, Ayuuni akamerekekin kaitukukec, kinyeis araun inyamat kamakec. “Naarai inera kwanata Ejakait EDEKE ebe: Koany, eoŋ elopet, eoŋ ba, enisinisitoi akamerekekin, amouni kes, Kwape emootor ekeeokon ekesipan kapaaran naejaatar amerekekinike ace nuesiarakina neelwana, kwaŋin amoia akamerekekin, ayuuni kes kaiboisio kere kama kisiarakina kapaaran naka idouon ka naka amuton. Alemuni kes kotuna, atukonokini kakwapin, ayauni kes akwapukec; etadaki kes oroŋan luka Isirael, kariri naka alelesia, ka aiboisio kere nuiboiere kakwap. Etadaki kes amel, koronan luiceleleete luka Isirael eraun anukukec: nepenen eperete anuk naejok, kotosata amel koronan luka Isirael. Ebala Ejakait EOEKH ebe, Eoŋ elopet etadaki akamerekekin, kesiperik. Amouni nin yenikeoliorit, enyakuni yenirenearitai, ederi yenebilil, eticasi yenedek: amudiari yenetumit ka yenikagogoŋ; etadaki da kaitub akiro. “Inera kwanata Ejakait EDEKE ebe, Ka yes da, wu ekasipan, koany, atubokini ibaren ka ibaren, imerekekin kwape ikorwa. Erai teni kamakus akirot naedit adak amel naatosok, konye kibusakinit tope aipupus kakusikeie amelokus nakesalit? Ido komata akipi nueliiliete, konye kibusakinit tope amunaar nukesalito kakusikeje? Edakasi kereka akamerekekin ŋin naipupusato kakusikeje, emasete da nun nuimunaasi kakusikeje? “Kanuka nun elimokini Ejakait EDEKE kes kwanata ebe: Koany, eoŋ, eoŋ obe, atubokini ibaren luetumito ka ibaren luesenyito. Naarai iremorete kisiepion ka ikeperin da, iremorete luedekasi kere kamumwarakus, aitodol neisiarakiniata neelwana, Aso etaiari ekasipan, mam eraunos bobo imejan; atubokini ibaren ka ibaren. Adakakini ekecokon ediopet, itadaki ŋesi kes, ŋes ekabulesit Daudi; itadaki kes, eraun ekecokonikec. Eoŋ EJAKAIT araun Edekekec, ekabulesit Daudi da ekapolon kokidinikec; Eoŋ EJAKAIT ener. “Etutuki kakes aitutuket naka ainapakin, etanaŋi itian lukadedenak kakwap; iboiete inapakina kamagoro, eiotooros kamonieik. Etuluori kes ka aiboisio da nuirimorito ekaronat arereŋ; ainakini elimilim kapakike; eraun da elimilim lokareren. Eraete ikito luka ais araitokec, einakini akwap amioke, eiaikinos akwapukee inapakina; ejenunete do ebe arai eoŋ EJAKAIT, naadaunia aibil akito nuka ajookotokec, ka ayuun da kakanin nuka luetubusianito kes. Mam bobo eraunete imejan mama ejaas ikapirin, karaida Itiaŋ luka akwap ainyam kes; konye iboiete inapakina, komam yenitukuriani kes. Etonyoikini kes emanikor loejena, mam bobo epiari ebeli kakwap, karaida aibwok bobo ileje luka ikapirin. Ebala Ejakait EDEKE ebe, Ejenunete do ebe Eoŋ EJAKAIT Ekecedeke ajai nepepe kakes, kes da ekek loka Isirael eraas ikatuŋa. Ebala Ejakait EDEKE ebe, Yes da akamerekekin, amerekekin nukoronyika, iraas ituŋa, eoŋ da arai Ekusideke.” Bobo da, kobu akirot naka EJAKAIT mama ajai ebe: “Okoku loka etuŋanan, kite emoru Seir, kodwarak ŋes. Kolimok ebe, Inera kwanata Ejakait EDEKE ebe: Koany, arai lokasurupikon, wu emoru Seir, ariori akakan asurokin jo, ketuluori asilio ka aumokinet. Etiswapi ireriakon, irauni ijo asilio: ijenuni ebe arai Eoŋ EJAKAIT. Naarai iraenena lokasurup, ikorak idwe luka Isirael mama ejai apedor naka ekileŋ kapak naka epolakec, kapak naka aitieaniokee naka awasia; asa ebala Ejakait EDEKE ebe, Kwape ajaria, ŋes ketemokinia aokot, ido kitupete aokot; naarai mam ibu kolaite aokot, ŋes do kitupiata aokot, Etuluori emoru Seir aumokinet ka asilio; etamamauni kanen yenitori ka yenebonuni, Elelebi ikeroŋan iketuija lukeario; toma oronanakon ka aditonokon ka alelesiakon kere ibirokinos lueari ekileŋ. Etuluori asilio namam edaun, mam bobo ejaunete ituŋa oreriakon; ijenunete do ebe arai eoŋ EJAKAIT. “Naarai iner ebe, ‘Atekerin nu aarei ka akwapin nu aarei da eraunos nukan, kirumi isio da; kwabo keiai EJAKAIT nen: asa ebala Ejakait EDEKE ebe, Kwape ajaria, eswamai kwape ejaar akoninyunyura, ido kwape ejaar ekonikokote loitodiarit kanuka areit kes; etejenikini eoŋ kes, nakatubokinia jo, Ŋenuni do ebe eoŋ EJAKAIT eira akoniinyanakin kere nainerakinit ironan luka Isirael, kobala ebe, ‘Etisiloor, kiinakin sio ajwenyar.’ Itopolooros kama ajai eoŋ kanaiepakus, ka akirokus nuiyatanakis mamakan; eira eoŋ nun. Inera kwanata Ejakait EDEKE ebe: Naeyalamikinor akwap kere, ketisili jo, Kwape kiyalamikinor airumet naka ekek loka Isirael, naarai asilior, keswamakini jo kwaŋin: isilior jo, emoru Seir, ka Edom kere, kere ba, Ejenunete do ebe arai eoŋ EJAKAIT. “Ŋo da, okoku loka etuŋanan, kodwarak ironan luka Isirael, kiner ebe, Yes ironan luka Isirael, kiirasi akirot naka EJAKAIT. Inera kwanata Ejakait EDEKE ebe: Naarai kinerak yes lokasurup ebe, ‘Uus!’ ido, ‘Aiboisio nuiceleleete nukolo sek araut bo do nukosi’: asa kodwar, kiner ebe, Inera kwanata Ejakait EDEKE ebe: Naarai, eebo, naarai kitisiliosi, kojwenyasi kowaitin kere, tetere kirumete nukesalete nuka atekerin, kilimitoi kanaiepa nuka ikeyalak, ka abekoi naerono naka ituŋa: kanuka ŋun, yes ironan luka Isirael, kiirasi akirot naka Ejakait EDEKE. Inera kwanata Ejakait EDBKB elimokini ironan ka iukon, ka alelesia, ka aditono, ka aiboisio nuiswapito nuesilok, ka ireria luinyeinitai, luaraas imejan ka amorosito mama ejaas nukesalete nuka atekerin nuirimorito. Ŋes inerar kwanata Ejakait EDEKE ebe: Abeit ener kotoma akim naka ekokoteka asurokin nukesalete nuka atekerin, ka Edom kere, luaseikinos ikulepek akakwap araun airumet naka aiyalama naka itauonokec kere, kanuka epali loka etau, tetere irumete araut ameiat. Kanuka ŋun kodwar nuka akwap naka Isirael, kolimok ironan ka iukon, ka alelesia ka aditono ebe, Inera kwanata Ejakait EDEKE ebe: Koany, ener kokokoteka, kadedenuka, narai ibwokata ileic luka ikapirin: aso inera kwanata Ejakait EDEKE ebe: Ekeu akakan, ebe, Abeit ikapirin lukirimorito, ibwokete kesi ikulepek ikeceleie. “Konye yes, ironan luka Isirael, ipesiarete atenueikikus, koraikis ikatuŋa Isirael araitokus; naarai eapie kes aboŋun. Naarai koany, ajai eoŋ owaikus, ebelokin eoŋ mamakus, kikorio kiyeio. Etupui ituŋa kamakus, ekek kere loka Isirael, kere ba: ejaunete ituŋa oreria, iteteununio aiboisio nuiswapito. Etupui ituŋa ka itian da kamakus: iyatanakinos, iwuriaros: ketudumikini yes ituŋa kwape lem ijaatar, ka aiswamakin yes ejok aitelekarit ageunetekus. Ŋenunete do ebe arai eoŋ EJAKAIT. Eebo, ainakin ituŋa aitorit nekus, kes ikatuŋa Isirael; kirumete, iraun airumetekec, mam bobo itwataniari kes ikeeedwe. Inera kwanata Ejakait EDEKE ebe: Naarai kilimonokinete ebe, ‘Inyami ijo ituŋa, itwataniari atekerikon idwe’: ebala Ejakait EDEKE ebe, Aso mam bobo iyatakini ainyam ituŋa, karaida aitwataniar akoniteker idwe. Ebala Ejakait EDEKE ebe, Mam bobo kesibwoki ileic luka ikapirin, ido mam bobo ibwoki amorosit naka ituŋa, ido mam bobo itiguikini akoniteker.” Bobo da kobu akirot naka EJAKAIT mama ajai ebe: “Okoku loka etuŋanan, nakiboio ekek loka Isirael kakwapukec, apotu komunaaros korotinikec ka aswamisiokec da: korau ekecerot kakonyeneka bala namam elai naka aberu naibami. Aso kabukoki kes akadedeŋ kanuka aokot nuapotu kobukokis akwap, kanu da amunaarotor kaputosiakec: kesiarisiar kes atekerin, kiweliwelai anatar akwapin: katubok kes kwape ejaar ekecerot, ido kwape ejaatar akeceswamisio. Nakedolioto kesi atekerin nualosete, komunaasi ekakiror lokalaunan; naarai kobalas ituŋa ebe, ‘Lu kes ituŋa luka EJAKAIT, anyoutu kesi da kakwapuke.’ Konye abu ketim ekakiror lokalaunan, loamunaari ekek loka Isirael kotoma atekerin nualosete, “Aso kolimok ekek loka Isirael ebe, Inera kwanata Ejakait EDEKE ebe: Mam eoŋ eswamai kanukus, ijo ekek loka Isirael, dimarai kanuka ekakiror lokalaunan, loipotu komunaasi kotoma atekerin nuilosete. Etalauni eoŋ ekakiror loepol, loamunaaritai katekerin, loimunaarete yesi kokidinikec, Ebala Ejakait EDEKE ebe, Ejenunete do atekerin ebe arai eoŋ EJAKAIT, naetalaunor kamakus kakonyenekee. Naarai kalemuni yes katekerin, katukonok alemun kakwapin kere, ketolomik akwapukus. Ido kabwasi yes akipi nuelaete, ilaunete: kedetarete kotoma amodokokus kere ka aputosiakus da kere. Kainakinete etau lokitetet, ebwaikini emoyo lokitetet tomakus: ido alemuni etau lokamoru kawatekus, kainakinete etau loka akiriŋ. Ebwaikini ekamoyo tomakus, ketoloto kokisilaka, ido iricete ikatubesia, kiswamata da. Iboikinos akwap nakolo kainakini lukapapaakus; iraenenas ikatuŋa, eoŋ da araenena Ekusideke. Ido etajari yes kanumam ailakus kere: anyarauni akima, ka aiyatakin, mam bobo kainunete ebeli. Ido esideneriai araito nuka ikito, ka amio nakomanikor, kinyeis bobo amoromoroo katekerin kanuka ebeli. Kosodete aiitun ikusirotin lueroko, ka akusiswamisio numam ajokuka; itakadikinos kanuka numam adolitekus, ka italesiakus. Ebala Ejakait EDEKE ebe, Kojenutu bo, mam eswamai nu kanukus. Kirumata ileje kitiriraata da kanuka ikusirotin, ijo ekek loka Isirael. “Inera kwanata Ejakait EDEKE ebe: Kapaaran nakedetaria yes kanumam adolitekus kere, esiboikini ituŋa toma oreria, edukio da aiboisio nuiswapito. Ekorio akwap naasil, nakerai naesil kakonyen nuka ŋul kere kalukitorenenete. Ebalasi do ebe, ‘Arau akwap na naasil bala emanikor laka Eden; ireria da lueswapito luasilok ka luatiyanakina abwai ido eboikinos ituŋa toma.’ Kosodete ejenunete atekerin nukesalete nukirimorito ebe Eoŋ EJAKAIT aduk aiboisio nuatiyanakina, era da neasil: Eoŋ EJAKAIT ener, eswamai da. “Inera kwanata Ejakait EDEKE ebe: Akoto ekek laka Isirael keŋisenenei eoŋ aiswamakin kes; etupui ituŋa bala esipan. Bala esipan loka asuban, bala esipan loka Yerusalem kopueinoke lueseunitai; kwaŋin elelebia ireria lueswapito isipanin luka ituŋa, Ejenunete do ebe arai eoŋ EJAKAIT.” Koiau akan naka EJAKAIT kaeoŋ, kayana kina komoyo loka EJAKAIT, kebwaik aditot naeleleba akojo. Ketotor airimor kes: ido koany, epu noi kaditot; ido koany, kookito de. Kalimok eoŋ ebe, “Okoku loka etuŋanan, epedorete tope akojo nu aijar?” Kabonok ebe, “Wu Ejakait EDEKE, jo ijeni.” Kalimok eoŋ bobo ebe, “Kodwarak akoio nu, kolimok ebe, Yes akojo nuiwokito, kiirasi akirot naka EJAKAIT. Inera kwanata Ejakait EDEKE akojo nu ebe: Koany, ketolomikini yes eiyeŋane, ido ijarete. Ebwaikini aputio mamakus, ayauni akiriŋ mamakus, karapakinete amuny, akutakini eiyan ane, ido ijarete; ijenunete do ebe arai eoŋ EJAKAIT.” Aso kadwara kwape kecorakinitere: napadwaria kojai airuruma, ido koany, komaran akwap, kiriamanakinos akoio, akoit mama ejai akoit naeeke. Kaany, ido koany, keiaas aputio mamakee, kolom akiriŋ, korapak amuny kokuju: konye kemamei eiyeŋane kotomakec. Kosodi kalimok eoŋ ebe, “Kodwarak eiyeŋane, kodwar, okoku loka etuŋanan, kolimok eiyeijane ebe, Inera kwanata Ejakait EDEKE ebe: Kobia, ijo eiyeŋane, kokwamin iwonon, kiyenak lu luearitai, kojarata.” Aso kadwara kwape kecorakinia, koloma eiyeŋane tomakec, kojarata, kobwaata kakecekeje, aiore naailiili noi. Kosodi kaIimok eoŋ ebe, “Okoku loka etuŋanan, eraas akojo nu ekek kere loka Isirael. Koany, ebalas ebe, ‘Aokoto akoiowok, aolio amunowok: kipiari eut.’ Kanuka riun kodwar, kolimok kes ebe, Inera kwanata Ejakait EDEKE ebe: Koany, apukori ailinakus, ketolomunete kailinakus, yes ikatuŋa; kayaunete kiton akwap naka Isirael. Ido ijenunete ebe arai eoŋ EJAKAIT, kadau apukor ailinakus, ka aitolomun kailinakus, yes ikatuŋa, Kepikakinete yes ekamoyo, ijarete, kebwaikinete akwapukus. Ebala Ejakait EDEKE ebe, Ŋenunete do ebe Eoŋ EJAKAIT ener, eswama da.” Kobu bobo akirot naka EJAKAIT mama ajai ebe, “Ka jo da, okoku loka etuŋanan, kolem ebela ediopet, kiwadik toma obela ebe, ‘Loka Yuda ka idwe luka Isirael ipaupake’; kosodi kolem eeebela, kiwadik toma obela, ‘Loka Yosep, ebela laka Epuraim, laka ekek kere laka Isirael ipaupake.’ Aso kimorikik nepepe araun ediopebela, korau ediopet kakanikon, Kosodete naineratar idwe luka ikonituŋa kaio, ebe, ‘Kiteienikinai apolou naka nun?” Kolimok kes ebe, Inera kwanata Ejakait EDEKE ebe: Koany, alemuni ebela loka Yosep, loejai akan naka Epuraim, ka atekerin nuka Isirael ipaupake; ebwaikini kes ebela loka Yuda, etarauni kes ebela ediopet, eraunete kesi ediopet kakanika. Ibelai da luiwadikat eiaunete akanikon kakonyenekec. Kolimok kes ebe, Inera kwanata Ejakait EDEKE ebe: Koany, alemuni idwe luka Isirael kokidin atekerin nualosito, katukonok kowaitin kere, kayau kes toma akwapukec. Ido etuluori ateker adiopet kakwap, koroijan luka Isirael; ekabaka ediopet eraun ekecekabaka kere: mam bobo eraunos atekerin aarei, kwabo mam etiakio eut bobo araun ajakanuto aarei. Ido mam emunaaros bo bo kanuka aputosiakee, karaida italesiakee, karaida adiakanaretakec kere: konye etaiari kes kotoma aiierukanutukec kere, naeswamaeneniata nukaronok, etesegi kes: asa eraunete do ikatuŋa, eoŋ da araun Ekecedeke. “Daudi ekabulesit ŋes erauni ekabakakee; edumunete ekeeokon ediopet. Ido elosenenete kotubcsiaka, ka airie ikakisila, iswamaenenete da. Ido iboikinos akwap nakolo ainakini Yakob ekabulesit, naeboienenoto lukapapaakus; aso iboikinos nen, kes ka ikeeedwe, ka idwe luka idwekec, ikar kere: Daudi da ekabulesit ŋes eraenena ekapolonikee ikar kerc. Ido bobo etutuki kakes aitutuket naka ainapakin: eraun aitutuket namam enaŋi kamakee: esirereni kes, etupui kes, ebwaikini akaibois nakalaunan kidinikec ikar kere. Eiaenena da ekawema kakes: eoŋ da araun Ekecedeke, kes da eraunos ikatuŋa. Ejenunete do atekerin ebe arai eoŋ EJAKAIT loetalaunit Isirael, naejaenenar akaibois nakalaunan kidinikec ikar kere.” Kobu akirot naka EJAKAIT mama ajai ebc: “Okoku loka etuŋanan, kite Gog, loka akwap naka Magog, ekapolon loka Ros, ka Mesek ka Tubal, kodwarak ŋes, kiner ebe, Inera kwanata Ejakait EDEKE ebe: Koany, arai lokasurupikon, ijo Gog, ekapolon loka Ros, ka Mesek ka Tubal. Kebelokini jo, kebwaikini igolun abokonyakon, ketolomuni jo ka akonijore kere, ibalasin ka ikebwanenok, kere luenapitos lujiis luilosikino, atukot naepol naejaas iupalin, ka ibukwi, ekapito kere ikileŋa: Perusia, ka Kus, ka Put nepepe kakes; ejaas kere ibukwi ka akopiran. Gomer, ka ikekodeta kere; ekek loka Togarama owaitin lukosane loka agolitomei, ka ikekodeta kere: ituŋa luipu luejaas kajo. “Kitemokin, eebo kitemokin ijo ka atukon kere nuetukokina mamakon, koraun ijo ekedaranikec, Akaulo kapaarasia nuipu kianyanario: ikar lukawasia ibuni kiton akwap naenyakunio kairum naka ekileŋ, akwap nakitukonokinere ituŋa anyoun katekerin nuipu, oroŋan luka Isirael, luaraas lueswapito due: konye itolomunio iketuŋa katekerin, iboikinos iyamakina, kes kere. Idokari, ibuni bala ekwam loepol, iraun bala edou arapakin akwap, ijo ka ikonikodeta kere, ka ituŋa luipu luejaas kajo. “Inera kwanata Ejakait EDEKE ebe: Kapaaran kaŋin elomarete aomisio otaukon, ipwakuni ijo nukiswama nueroko: Itemari atiar, ‘Adokari kiton akwap naka ireria lumam ebwaitai; alosikini luijamamaete, luibojete iyamakina, kere luibojete komameete arwatatin, karaida atiketa ka irutei’: aiŋat iŋatan ka amej imejan: ibelokini akonikan asurokin aiboisio nulem iswapito nuejaas ituŋa, ka asurokin ituŋa luetukokina anyoun katekerin, luadumunito ibaren ka iboro, luibojete kokidin kakwap. Seba ka Dedan, ka ikagwelanarak luka Tarusis, ka idwe luka iŋatunyo kere, kitemarete atiar, ‘Ibunit kereka ijo aiŋat iŋatan? Itukokinit kereka akonitukot amej imejan? Ayaŋaar epuesa ka esabu, alemar ibaren ka iboro, anatar iŋatuna luipu?’ “Aso do, okoku loka etuŋanan, kodwar, kolimok Gog ebe, Inera kwanata Ejakait EDEKE ebe: Kapaaran kaŋin naiboikinotor ikatuŋa Isirael iyamakina, mere ijeni ijo? Ibuni ijo kaiboisikon kosane loka agolitomei, ijo ka ituŋa luipu, ibwanenito kere ibalasin, atukot naepol, ka aiore da nakos: Idokuni asurokin ikatuŋa Isirael, kwape kedou loerapakini akwap. Koso di kanen kapaarasia nukawasia, kayauni jo asurokin akakwap, tetere kaienunete atekerin, naetalaunor kakonyenekee kamakon, ijo Gog. “Inera kwanata Ejakait EDEKE ebe: Ŋo kereka ŋol loenerenena eoŋ apeŋo kama kikabulesin inabin luka Isirael, luadwarenenete kapaarasia kakwa ikar luipu ebe kayauni jo asurokin kes? Ebala Ejakait EDEKE ebe, Kosodi kanen kapaaran kaya, naebunio Gog asurokin akwap naka Isirael, elomari akadedeŋ okumesika. Naarai ener kotoma okokoteka, ka akim naka akanyunyura ebe, Abeit kapaaran kaŋin ejauni amaran naepol kakwap naka Isirael, Emaranete iboro lukecor lukaŋolol, ka akweny nuka apak, ka itian luka ais, ka iboro kere lueliatos kalup, ka ituŋa da kere lueiaas akwap, kanuka abunoreka, eukonorio ironan, ibirori neicelelei, ibironoros da arwatatin kere kwap. Ebala Ejakait EDEKE ebe, Anyarakini ekileŋ koronanaka kere asurokin ŋes; esurokini ekileŋ loka ŋolituŋanan onaeeke. Atubokini ŋes katular ka aokot; etetepakini ŋes ka ikodetake, ka ituŋa luipu luejaas kaŋes, akiru naepol, ka akako naepol, ka akim, ka acukuman. Ido etopoloor ketalaun da, eteienun bon kakonyen nuka atekerin nuipu. Ejenunete do ebe arai eoŋ EJAKAIT. “Ka jo da, okoku loka etuŋanan, kodwarak Gog, kiner atiar, Inera kwanata Ejakait EDEKE ebe: Koany, arai lokasurupikon, ijo Gog, ekapolon loka Ros, ka Mesek, ka Tubal. Kebelokini, kameari, aitodokar anyoun kowaitin Iukosane loka agolitomei; kayauni oroŋan luka Isirael. Enomari akonikabwa kotoma akanikon nakokediany, etodoi da imaliakon kakanikon nakoteten. Ibirokini oroŋan luka Isirael, ijo ka ikonikodeta kere, ka ituŋa da Iuejaas kajo: kakorakini jo anyamio mama ejaas akweny, nuikibelito nuka ipoŋesio kere, ido kaneejaas Itian luka ais. Ibirokini ais; naarai ebala Ejakait EDEKE ebe, Eoŋ ener. Ido ejukari akim Magog, ka ŋul da kere luibojete kapujana iyamakina: ejenunete do ebe arai eoŋ EJAKAIT. “Erejenari ekakiror Iokalaunan kokidin kikatuna Isirael; kwabo mam acamakini ekakiror lokalaunan amoromoroo bobo: ejenunete da atekerin ebe arai eoŋ EJAKAIT, Lokalaunan loka Isirael. Ebala Ejakait EDEKE ebe, Koany, ebunit, ido iswamao; ŋin ŋes apaaran naabu kener, “Elomunete nul luibojete koreria luka Isirael, inokokinete akimian kalujiis, ieweikinete kes, ibukwi ka iupalin, akabwai ka imalia, ibelai luka akanin ka akwaras, inokokinete akimian ikar ikanykaarei. Mam eraraete akito okitui, kwabo mam ejepete kamagoron; naarai inokokinete akimian kalujiis. Ebala Ejakait EDEKE ebe, Enaŋete kesi luanasito kes, iruruete da Iueruruete kes. “Kosodi kanen kapaaran kaŋin, ainakini Gog aibois nakidaanakina kotoma Isirael, aditot naka ŋul kaluitorete kari nakokide naka aŋolol: ido itikokini nul luitorere: idaanakinete nen Gog ka iketuŋa kere: emaikinete Aditot naka Kamon-gog. Edauni ekek loka Isirael ilapio ikanykaare idaete kes tetere itesegarete akwap. Ebala Ejakait EDEKE ebe, Eebo idaete ituŋa luka akwap; eraun aitopoloor kamakec, apaaran naetopolooror. Etiakarete ituŋa luitorenenete akwap aida nul luesalito kakwap, tetere itesegarete akwap: ketuboros ilapio ikanykaarei emoete, Naitorioto toma akwap, naeanyunia ituŋanan akoit naka ituŋanan, esipokini nen aanyunet, aitodol neidaikiniata ikedaak Aditot naka Kamon-gog. Eraun Kamona da ekiror loka ere. Kwaŋin itesegariata akwap. “Ka jo, da, okoku loka etuŋanan, inera kwanata Ejakait EDEKE ebe: Kolimok akweny nuka ipoŋesio kere, ka nolitiar; loka ais ebe, ‘Kotukunos, kopotu; kotukokinos owaitin kere neejai akasubanit naetemonokinit yes, asubanit naepol koronan luka Isirael, ininyete akiriŋ, idiŋaete da aokot, Iŋinyete awat nuka ikagogoŋok, idiŋaete da aokot nuka ikapolok luka akwap, nuka imerekekin, ka imerekekin ludidik, ka nuka akinei, ka imoŋin lutoba, kes kere luetarioko luko Basan. Ininyete atarion kimonikinos, idiŋaete da aokot komerikinos, kasubanit naetemokinit yes. Ebala Ejakait EDEKE ebe, Imonikinos komesaka ibalasin ka ikebwanenok, ka lukirigin, ka ituŋa da kere lukajiok.’ “Ido ebwaikini akaibuses toma atekerin; eanyunete atekerin kere ekatube loetodolik, ka akakan naedokok kes. Aso ejenuni ekek loka Isirael ebe arai eoŋ EJAKAIT Ekecedeke, agear kapaaran kaŋin ka aiyatanakin da, Ejenunete atekerin ebe eioreorio ekek loka Isirael kanumam adolitekec; naarai apotu kodiakasi kamakaŋ, kebwa akakonyen kamakec: asa kainak kes akan naka lukasurupokee, kibiroros kesi kere kekilen, Kwape ajaatar amamus ailakec, ido kwape ajaar adiakarikee, kwape kwaŋin abu keswamak kes; kebwa akakonyen kamakec. “Kanuka mm inera kwanata Ejakait EDEKE ebe: Enyakuni kwana aijoreorio naka Yakob, etimi ekek kere loka Isirael; ido kerumi ekokote kanuka ekakiror lokalaunan. Imurwokinete ileicikec, ka adiakanaretakec kere nuadiakasi kamakaŋ, naiboikinotor akwapukec iyamakina, kwabo emamuunete luitukurianete kes, naadaunia ainyakun kes kotoma atekerin, ka atukonokin kotoma akwapin nuka lukasurupokee, naetalaunor kotomakec kakonyen nuka atekerin nuipu. Ejenunete do ebe arai eoŋ EJAKAIT Ekecedeke, naarai abu kainak kes aijoreorio atekerin, ido atukokinit kes kiton akwapukec, Kwabo mam bobo enyeini idio kakesi kere kaŋina. Ebala Ejakait EDEKE ebe, Mam bobo ebwai akakonyen kamakec: naabukokinia ekek loka Isirael Ekamoyo.” Kokaru loka akaisaarei ka lukany loka aijoreoriokosi, kageunet naka ekaru, kapaaran nakitomonet naka elap, kokaru lokitomonet kaonon akaulo kaipikorio naka ere, kapaaran kanipe kaŋin, kojau akan naka EJAKAIT keoŋ, kayanau ne, Kaitapoeta nuka Edeke kayau akwap naka Isirael, kebwaik eoŋ oroŋat loeoj noi, kujuke kojai ibore yenesubit bala ere kari naka Eŋalakimak. Kayanau eoŋ nen, ido koany, kojai etuŋanan, kosubite atakanuke bala atakanu naka aisinit, loetinit auno naka abirai kakanike, ka agada nakitemis; kobwo korute. Kalimok eoŋ etuŋanan ŋol che, “Okoku loka etuŋanan, koany kakonikonye, kiira da kakoniki, kibwaik ekonitau kere nuketodikini; naarai kiyaunio ne tetere ketodikini jo kes; nuianyuni kere kitejenik ekek loka Isirael.” Ido koany, kojai arwatat kina naka etogo kowaitin kere, ido kitinite etuŋanan egada nakitemis naaoj ikubitin ikanykape, ŋolikubit aoj ekubit ka alalau naka etau loka akan: kitem ŋesi abures naka arwatat, agada adiopet; ka amukururuke, agada adiopet. Kosodi kobu orute loeseseni kide, kodoka kadoketake; kitem okek loka erute, aburesuke agada adiopet: ka ekek eee aburesuke agada adiopet. Aoj ninigola nakidaret agada adiopet, alal agada adiopet; apak da kokidin kagolai nukidaret ikubitin ikany; ido ekek loka erute aapie kagola nalomaret orute atereikina ketogo, agada adiopet, Kitem da agola nalomaret orute atereikina ketogo, agada adiopet, Kosodi kitem agola nalomaret orute, ikubitin ikanykauni; ka ategerioke ikubitin iarei; kojai agola nalomaret orute atereikina ketogo. Emwaasi agolai nuka erute kari nakokide auni epuwai, ka auni da epuwai; kwa auni araas nuka aitemis adiopet: ategerio da nuka aitemis adiopet epuwai, ka epuwai da. Kitem alalau neenaario erute, ikubitin itomon; aojau da naka erute, ikubitin itomon ka luuni; ajai apak koiŋaren naka agolai, ekubit ediopet epuwai, ka apak ekubit ediopet epuwai da; emwaasi agolai ikubitin ikanykape epuwai, ka ikubitin ikanykape epuwai da. Kitem erute anyoun katunuru naka agola adiopet, kiton atunuru naka ace, alalau naka ikubitin akaisaarei ka lukany; kiteosi ekek ka ekek. Kitem neelomarere da, ikubitin akaisaarei, ido kirimorite alaro neelomarere orute. Anyoun koinaren naka erute kiton to naka agola nalomaret nakotoma, emwaasi ikubitin akaisakany. Ajaas agolai apedon nuagolokino, kejaas da toma ategerio toma orute airimor, kwape kwaŋin acuneta: koiaas apedon toma ammor: kojaas da idukudukun ategerio, Kosodi kayau eoŋ alaro nakokina, ido koany, ajaas agolai ka neitutuitoi naeswamakinitai alaro airimor: koiaas agolai akaisauni neitutuitoi, Kojai neitutuitoi kawai naka irutei kosesenas aojau naka irutei, neitutuitoi nakokwap. Kosodi kitem alalau anyoun koinaren kerute lokokwap kiton kiŋaren naka alaro nakotoma kokina ikubitin akwatat, kide ka agolitomei da. Ka erute loka alaro nakokina loeseseni agolitomei kitem aojauke ka alalauke. Emwaasi agolaike auni epuwai, ka auni da epuwai, ategerioke ka acunetake koriakasi kaitemis naka erute Iosodit: aoiauke ikubitin akaisakany, alalauke ikubitin akaisaarei ka lukany. Apedonoke, ka acunetake, ka idukudukunuke, koriakasi aitemis naka erute loeseseni kide: kojaas adoketa akanykaarei adokaria; koiaas da acunetake kinarenikec. Kojai erute alaro nakotoma kosesenas erute eee, kari naka agolitomei, kari da nakokide; kitem ageun korute kiton orute, ikubitin akwatat. Kenarenik eoŋ abear eŋalakimak, ido koany, erute loka eŋalakimak: kitem ategerioke ka acunetake kwape ajaatar aitemisio kwa. Koiaas apedon tomake, ido toma acunetake airimor, kwape apedon kwa: aoiauke ikubitin akaisakany, ka alalauke da ikubitin akaisaarei ka lukany. Kojaas adoketa akanykaarei adokaria, kojaas acunetake kiŋarenikec; koiaas idukudukun, ediopet epuwai, ediopet da epuwai, kotoma ategerioke. Kojai erute alaro nakotoma kari naka eŋalakimak: kitem ageun korute kiton orute kari naka eŋalakimak, ikubitin akwatat. Kosodi kayau alaro nakotoma korute loka eŋalakimak: kitem erute loka eŋalakimak kwape ajaatar aitemisio kwa. Ka agolaike, ka ategerioke, ka acunetake, kwape ajaatar aitemisio kwa: kojaas apedon tomake ka toma acunetake da airimor: aojauke ikubitin akaisakany, alalauke da ikubitin akaisaarei ka lukany. Koiaas acuneta airimor, aojaukee ikubitin akaisaarei kalukany, alalaukee da ikubitin ikany. Atereikina acunetake kalaro nakokiŋa; koiaas idukudukun kategerioke: needokarere koiaas adoketa akanykauni. Kayau alaro nakotoma naeseseni kide: kitem erute kwape ajaatar aitemisio kwa: agolaike, ka ategerioke, ka acunetake, kwape ajaatar aitemisio kwa: ido ajaas apedon tomake, toma acunetake da airimor: aojauke ikubitin akaisakany, alalauke ikubitin akaisaarei ka lukany, Atereikina acunetake kalaro nakokina: kojaas idukudukun kategerioke, epuwai, ka epuwai da: needokarere koiaas adoketa akanykauni. Kayau orute loka agolitomei: kitem ŋes kwape ajaatar aitemisio kwa, Agolaike, ka ategerioke, ka acunetake; koiaas apedon tomake airimor: aoiauke ikubitin akaisakany, alalauke ikubitin akaisaarei ka lukany. Atereikina acunetake kalaro nakokina; koiaas idukudukun kategerioke, epuwai, ka epuwai da; needokarere kojaas adoketa akanykauni. Kojai agola nepepe kekekike eapie ategerio korutei; nen kilosenenata ainakinet naicweio. Agola nalomaret naka erute ajaas imesan iarei epuwai, ka imesan da iarei epuwai, aarenena ainakinet naicweio, ka ainakinet naka adiakaret, ka ainakinet da naka aronis. Ajaas imesan iarei epuwai kokina, needokarere kalomaret naka erute loka agolitomei; ajaas da imesan iarei epuwai neebeit agola nalomaret orute. Ajaas imesan iwonon epuwai, ka imesan da iwonon epuwai eapias kerute; imesan ikanykauni luearanakinio asuban. Ajaas imesan iwonon luka ainakinet naicweio, luka amoru nuikee, aojaukee ekubit ediopet ka atutubet, alalaukee ekubit ediopet ka atutubet, amukururukee ekubit ediopet; luebwaanakinete iboro luaaris ainakinet naicweio ka asubanit. Itemokinitoi igolun lueojak alalau naka etau loka akan kotoma airimor: koiai akiriŋ naka ainakinet omesan. Ido kina kerute lokotoma ajaas agolai kanuka ikayook toma alaro nakotoma, naajai osiep loka erute loka agolitomei; kosesenete eŋalakimak: adiopet osiep laka crute lokokide koseseni agolitomei. Kosodi ŋesi atemar eoŋ atiar, “Agola na, naeseseni eŋalakimak, erai naka isasedotin, ikedarak luidarete etogo, Agola naeseseni agolitomei erai naka isasedotin, ikedarak luidarete etem: kes idwe luka Sadok, lukotoma odwe luka Lebi Iuikunyakinete aijaanakin EJAKAIT.” Kitem alaro, aoiauke ikubitin akwatat, alalauke ikubitin akwatat, koriana kowaitin kere; kojai etem kinaren ketogo. Kosodi kayau agola nalomaret togo, kitem ŋinitegerioit naka agola nalomaret, ikubitin ikany epuwai, ka ikubitin ikany da epuwai: alalau naka erute ikubitin iuni epuwai, ka ikubitin iuni da epuwai. Aojau naka agola nalomaret ikubitin akaisaarei, alalauke ikubitin itomon kadiopet; eapie kadoketa nuedokanarere: ajaas ipirin eapias kategerio, ediopet epuwai, ka eee da epuwai. Kayau oyekalu, kitem ategerio, alalaukee ikubitin ikanykape epuwai, ka ikubitin ikanykape epuwai, nakerai alalau naka ewema. Alalau naka alomaret ikubitin itomon; isiepiort luka alomaret keraas ikubitin ikany epuwai, ka ikubitin ikany da epuwai; kitem aojauke, ikubitin akaisaoŋon, alalauke ikubitin akaisaarei. Kosodi alomar toma, kitem ŋinitegerioit naka alomaret, ikubitin iarei; ka alomaret, ikubitin ikanykape; alalau naka alomaret, ikubitin ikanykaarei. Kitem aojauke, ikubitin akaisaarei, alalauke da ikubitin akaisaarei, koiŋaren keyekalu: katema eoŋ atiar, “Na ŋes aibois nakalaunan noi.” Kosodi kitem arwatat naka etogo, ikubitin ikanykape; alalau da naka ŋinigola nakosiep, ikubitin iwonon, airimor etogo kowaitin kere. Eeulul agolai nukosiep irwan auni, adiopet kuju kanaee: akaisauni kaŋinikiculet, Kolomasi ŋun arwatat naka etogo kanuka agolai nukosiep airimor, tetere iganio kanen, komam egoijakina arwatat naka etogo. Kiyatanakinos agolai nukosiep alalaar airimor, iwosete kuju: naarai airimor etogo eyatanakin aiwot kuju airimor etogo: ŋes ainakin alalau naka etogo iyatanakin kuju: kwaŋin kidoka anyoun kanakokwap kiton kuju itori aieulet nakokidin. Abu kaany da ebe kejai etut airimor: apeteta nuka agolai nukosiep keraas agada adiopet eut naka ikubitin ikanykape lueojak. Abures naka arwatat nakokiŋa naka agolai nukosiep kerai ikubitin ikany: atutubet nakesali kere aibois naka agolai nukosiep nukotogo. Ido kidin kagolai ajai abures naka ikubitin akaisaarei airimor etogo kowaitin kere. Ketereikina ikekia luka agolai nukosiep aibois nakesali, atereikina da ekek ediopet agolitomei, ka ekek eee eŋalakimak: abures naka aibois nakesali kerai ikubitin ikany airimor. Aduket nakejai kinaren kaneatiakaritai kari nakoto alalauke ikubitin akaisakanykaarei; abures da naka arwatat naka aduket kerai ikubitin ikany airimor, aojauke da ikubitin akaisakanykaoŋon. Kitem etogo, aojauke, ikubitin akwatat; kaneatiakaritai ka aduket nepepe karwatatinike aojauke ikubitin akwatat. Alalau da nakoinaren ketogo kokide, ka alaro kerai ikubitin akwatat. Kitem aoiau naka aduket koinaren kaneatiakaritai naejai kauke, ka ibalasanake epuwai ka epuwai, ikubitin akwatat. Eyekalu da lokotoma, ka agolai nulomaret nuka alaro, ariri naka ikekia, ka apedon nuagolokino, ka ibalasan luirimorito aiculetakee auni atereikina ariri naka ekek keraparito akito kowaitin kere, anyoun kokwap aitodol apedon; ido keraparitai apedon: aitodol apak nakejai kuju kekek kiton togo lokotoma, kokina da, karwatat da kere airimor kotoma, kokina da, kaitemis. Kegeritai ikerubin ka idukudukun; kejai edukudukut kidiŋ ekerubi ka ekerubi, kejaas nollkerubi ireeta iarei; kwaŋin kejai ereet loka etuŋanan atereikina edukudukut kepuwai, ka ereet loka ikoku yenika eŋatuny atereikina edukudukut kepuwai. Kiswamatai kwaŋin anatar etogo kere airimor; kegeritai ikerubin ka idukudukun anyoun kokwap kiton kuju okek: kikoni nen arwatat naka eyekalu. Oyekalu kejaas ategerio nueriakanara owaitin kere; koinaren naka aibois nakalaunan ajai ibore yenasubit bala etem loka akito, amukururuke ikubitin iuni, aojauke ikubitin iarei; agoriaike, kwapuke, ka arwatatinike keraas nuka akito. Katema eoŋ atiar, “Lo ŋes erŋesa loejai akonyen nuka EJAKAIT,” Ido eyekalu ka aibois nakalaunan da kere ajaas ikekia iarei. Araas ikirigin luka abaoi aarei, abaoi aarei nuesukonokinos; abaoi aarei nuka ekirigi ediopet, ka abaoi aarei nuka ekirigi lokiareit. Ido kegerakinitai okirigin luka eyekalu, ikerubin ka idukudukun, kwape ageritere arwatatin; ido kinaren kagola nalomaret kokina, kejaas abaoi nueburok nuka akito. Ajaas apedon nugolokino, ka idukudukun epuwai ka epuwai da, kowaitin luka agola nalomaret: kikote nen agolai nukosiep nuka etogo, ka abaoi nueburok. Kosodi ketolom alaro nakokina, erot loebei agolitomei: ketoloma agola naetereikina aibois naetiakaritai, ido naetereikina aduket kowai loka agolitomei. Aojau naka aduket nakejai owai loka agolitomei kerai ikubitin akwatat, ka alalauke da ikubitin akaisakany. Atercikina ikubitin akaisaarei luka alaro nakotoma ka atereikina etut loka alaro nakokina, keiai ebalasa atcreikina ebalasa eee kaiculeta auni. Ido kinaren kagolai ajai erot toma, alalauke ikubitin itomon; erot loka ikubitin akwatat, ketereikina ikekiakee agolitomei. Ido agolai nukokuju keraas nuewuriaka aitelekarit: naarai elikorito ibalasan apakikee, aitelekar apak naka kwa nukokwap, ka nukokidin, kotoma aduket, Naarai keiaas aieuleta auni, ido kemameete ipirin kwape ipirin luka alaro: kanuka nun adidin nakokuiu aitelekarit nakokwap, ka nakokidin anyoun kokwap. Arwatat nakejai kina naedunyasi kagolai, atereikina alaro nakokina asesena kagolai, aojauke ikubitin akaisakany. Naarai aojau naka agolai nukejaas alaro nakokina kerai ikubitin akaisakany: kwa nuatereikina eyekalu keraas ikubitin akwatat, Ido kwap kagolai nun ajai alomaret kowai lokokide, nailomaria tomakee anyoun kalaro nakokina, Kotoma abures naka arwatat naka alaro atereikina kide, koiŋaren kaibois naetiakaritai, koinaren da naka aduket, kejaas agolai. Erot lokeiai kinarenikec aputos bala atakanu naka erot loka agolai nuetereildna agolitomei; kwape ajaar aojaukee, ekoni nen alalaukec ido alomaretakee kere aputos kotoma asubuniokee, ka ikiriginikec. Ido kwape ikekia luka agolai nuetereikina eŋalakimak, kejai ekek kageunet naka erot, ŋes erot loajai kiŋaren karwatat, atereikina kide arai ilomari tomakec. Kosodi katema eoŋ atiar, “Agolai nuka agolitomei ka agolai nuka eŋalakimak, nuetereikina aibois naetiakaritai, ŋun kes agolai nukalaunak, nuenyamanakinete isasedotin lueapias ka EJAKAIT iboro lukalaunak noi: nen ibwaanakinete iboro lukalaunak noi, ainakineta nuka akiria, ka ainakineta nuka adiakar, ka ainakineta da nuka aronis; naarai aibois nin erai nakalaunan. Naelomanariata isasedotin aibois nakalaunan, mam bobo elomunete alaro nakokina koroko elaeara inapenekee luejaanakiniata; naarai eraas lukalaunak: asa enapenenete inapen ice tetere ikunyakinete ŋin naka ituŋa.” Kosodi kedau aitem etogo lokotoma, ketolom korot loka erute loeseseni kide, kitem airimor. Kitem ŋesi kowai lokokide kagada ŋin nakitemis, agadai akwat akany, kagada nakitemis, Kibelokin kitem kowai loka agolitomei, agadai akwat akany, kagada nakitemis, Kibelokin kitem kowai loka eŋalakimak, agadai akwat akany, kagada nakitemis. Kibelokin ari nakoto kitem agadai akwat akany kagada nakitemis. Kitem ŋesi kowaitin iwonon. Kejai arwatat airimor, aojau akwat akany, alalau akwat akany, aitiak nakalaunan ka naka ituŋa kere, Kosodi kokau kayau orute, ŋes erute loeseseni kide, Ido koany, kobu aibuses naka Edeke loka Isirael korot lokokide: eporotoke da kwa pe eporoto loka akipi nuipu; kiliyau akwap kanuka akeibuses. Kosuhite bala atakanu naka aitapoet naanyunit, bala aitapoet naabu kaany naabunio ŋesi amudiar ere: ekote aitapoeta bala aitapoet naabu kaany koeor Kebar; kebiror ebuburia. Koloma aibuses naka EJAKAIT oyekalu korot loka erute loeseseni kide. Kadaka Emoyo eoŋ, kayana kiton alaro nakotoma; ido koany, kileleba aibuses naka EJAKAIT togo. Kobwoi etuŋanan kosiepika, keira eporoto loenera keoŋ kotogo. Katema eoŋ atiar, “Okoku loka etuŋanan, na ŋes aibois naka eicolonoka, ka aibois naka aicaketa nuka akejeka, naeboio kidin ka idwe luka Isirael ikar kere. Kwabo mam bobo idwe luka Isirael emunaarete ekakiror lokalaunan, karaida kes, karaida ikabakanakec, kanuka eporokee, ido kanuka atesin nuka ikabakanakec kotoma aiboisiokec nuiceleleete; Kanuka aiduk aririkee naka ekek eiduny karirika, ategerioitikec eiduny kategerioitika, ajai arwatat bon kidin eoŋ ka kes. Amunaasi ekakiror lokalaunan, kanuka italesiakec lueswamaete: kanuka ŋun etanana kes kanuka akanyunyura. Kwana kolemasi ca kesi eporokee, ka atesina nuka ikabakanakec neelwana kamakaŋ, asa eboienenei kokidinikec ikar kere. “Ijo da okoku loka etuŋanan, kitodik ekek loka Isirael etogo lo, tetere irumete ileic kanuka numam adolitekec: kitemoto aputoke. Ido arai irumete ileic kanuka ŋun kere nueswamata, kitejenik kes asubunet naka etogo, ka aputoke, ka alomaretake, ka alomunetake, ka asubunetake kere, ka aicorakinetake, ka asubunetake kere, ka ikisilake kere, kiwadik kakonyenekee: tetere ericete asubuneteke kere, ka aicorakinetake kere, ka aswam da. Lo ŋes ekisil loka etogo: kuju aidi naka eronat kiton osaŋeke kere airimor eraun nakalaunan noi. Koany, ŋol ŋes ekisil loka etogo. “Nu kes aitemisio nuka etem kokubitin: (ekubit ŋes ekubit ka alalau naka etau loka akan:) kwapuke amukurur ekubit, alalauke ekubit, ka atokitoitike airimor aituk atutubet naka ekubit: nen ŋes kwap naka etem. Ageun kokwap naejai kwap kiton amurut nakokwap ikubitin iarei, alalauke ekubit; ido ageun kamurut naedit kiton amurut naepol, ikubitin iwonon, alalau da ekubit. Ido etem lokokuju ikubitin iwonon, ido ageun kokiala loka etem kiton kuju ejaunos amumwar aoŋon. Aojau naka ekiala loka etem eraun ikubitin itomon kaarei, alalau da ikubitin itomon kaarei, koriakas iwaitinike kere iwonon. Amurut da koriana alalau ka aojau ikubitin itomon ka luonon; atokitoitike eraun atutubet naka ekubit, kokwapuke ekubit airimor: esesenete akedoketa kide.” Katema eoŋ atiar, “Okoku loka etuŋanan, inera kwanata Ejakait EDEKE ebe: Nu kes aicorakineta nuka etem: kapaaran naiswamaata, ainakinia ainakineta nuicweio, ka abwatanakin aokot. Ebala Ejakait EDEKE ebe, Iinakini isasedotin Ilebin lukaur naka Sadok, Iueapiete keoŋ aijaanakin eoŋ, emoŋ lotobait araun ainakinet naka adiakaret. Ilemuni aokotoke, ibwaikini amumwarake aoŋon, ka agoria aoŋon nuka amurut, ka atokitoit airimor: kwaŋin itesegia ŋes, iluei da. Ilemuni da emoŋ lotobait loka ainakinet naka adiakaret, icweio ŋes kaibois naeseunitai naka etogo, kokina kaibois nakalaunan. Kosodi kapaaran nakiareit iinakini ekoroi lomam eŋwalit araut ainakinet naka adiakaret; itesegete etem, kwape etesegitotor komon lotobait. Naidaunia aiteseg, iinakini emoŋ lotobait lomam eŋwalit, ka emerekek lomam eŋwalit loelemunio kosipan. Isukunyikini kes akonyen nuka EJAKAIT, eeakanakinete isasedotin abalaŋ, einakinete kes araut ainakinet naicweio mama ejai EJAKAIT. Kapaarasia akanykaarei itemonokinene ŋinipaaran akinei araut ainakinet naka adiakaret: ido itemonokinete emoŋ lotobait, ka emerekek lomam eŋwalit loelemunio kosipan. Apaarasia akanykaarei ilueete kanuka etem, itesegarete; kwaŋin ŋes etiakariata. Kosodi kedautu apaarasia ŋun, edoli apaaran nakikanyetekauni, ka aiyatanakin da, einanakinete isasedotin ainakinetakus nuieweio, ka ainakinetakus nuka ainapakin kotem. Ebala Ejakait EDEKE ebe, Kaeamuni do yes.” Kosodi kenyak korot lokorute lokokiŋa loka aiboisnakalaunan, loeseseni kide; ido kegolol. Katema EJAKAIT eoŋ atiar, “Esalakini erute lo egolol, mam enaario, kwabo emamuun ituŋanan yenelomari, naarai aloma EJAKAIT, Edeke loka Isirael nen; ŋes agolere. Iboikin ekapolon nen, korai ekapolon, anyamanakin atap nen kakonyen nuka EJAKAIT; elomari korot loka agola nalomaret naka erute, ido elomuni korot ŋopeŋol.” Kosodi kayana korot lokorute loka agolitomei koinaren ketogo; kasesen, ido koany, kileleba aibuses naka EJAKAIT togo loka EJAKAIT: kebiror ebuburia. Katema EJAKAIT eoŋ atiar, “Okoku loka etuŋanan, kibwaik ekonitau noi, kosesen kakonikonye, ido kiira kakoniki ŋun kere nukalimokini jo nuka aicorakineta kere nuka etogo loka EJAKAIT, ka ikekisila kere: ido kibwaik ekonitau noi luelomanarete togo, ka luelomanarete da aibois nakalaunan. Ido ilimonokini lukepali, kes ekek loka Isirael ebe, Inera kwanata Ejakait EDEKE ebe: Wu jo ekek loka Isirael, kodautu italesiakus kere, naarai itolomununete imo, lumam ekepitai kotauon, ido Iumam ekepitai kawat, ajaut toma aiboisika nakalaunan, amunaar ekatogo, naiinanakiniata ikanyamat, atarion, ka aokot da. Ibilata yesi akaitutuket, aiyatakin italesiakus kere. Kwabo mam iricito ikaboro lukalaunak: konye ibwaikis yesi imo araut ikaricak akaibois nakalaunan. “Inera kwanata Ejakait EDEKE ebe: Emamuun emoit lomam ekepitai kotau, ido lomam ekepitai kakuan, loelomari aiboisika nakalaunan, emoit kere loejaunun toma odwe luka Isirael. Konye Ilebin lualuluasi kamakaŋ, luapaasi kamakaŋ atupar aputosiakec, naapaaria Isirael, ibwokete kesi numam adolitekec. Konye eraunete kesi ikejaanakinak kotoma aiboisika nakalaunan, aanyanar korutei luka etogo, kijaanakinete da kotogo: earanakinete nul ainakinet naicweio, ka asubanit kanuka ituŋa, ido ebwoenenete kakonyenekec aijaanakin kes. Ebala Ejakait EDEKE ebe, Naarai kijaanakis kes kakonyen nuka aputosiakec, koraut ekomio kanumam adolit mama ejai ekek loka Isirael; ŋes ekeikinia akakan aluikin kes, ido ibwokete numam adolitekec. Kwabo mam ikunyunete diekan, aitodol aswam naka esasedoti mamakaŋ, karaida aikunyakin idio koboroka lukalaunak, ka iboro da lukalaunak noi; konye ibwokete ikeceleic, kanuka italesiakee lueswamaenenete, Konye etuluori kes ikaricak etogo, kanuka aijaanakin kere nakotoma, kanuka akiro kere da nuiswamao kanen. “Ebala Ejakait EDEKE ebe, Konye isasedotin Ilebin, odwe luka Sadok, luaricenenete akaibois nakalaunan, naapaariata idwe luka Isirael kamakaŋ, nul kes ikunyunete diekan, aijaanakin eoŋ; ebwoete kakonyeneka ainakin eoŋ atarion ka aokot. Elomanarete kesi aiboisika nakalaunan, ikunyununete omesaka, aijaanakin eoŋ, ido ericete akakiro. Kosodi kanen naelomanariata orutei luka alaro nakotoma, enapenenete inapen luka ebaputa; kwabo mam enapenenete lukajul, naijaanakiniata korutei luka alaro nakotoma, kotoma da. Ejaenenas igoen lukieniena luka ebaputa akwesikee, ka epale loka ebaputa kanabesikec; mam enapenenete ibore kere yenisinyinyiri. Kosodi naelomununiata alaro nakokina, ŋes alaro nakokiŋa naka ituŋa, elacenenete inapenekec luejaanakiniata, kinadakis agolai nukalaunak; kosodete ainap inapen ice, tetere mam italaunete ituŋa kinapenekec. Ido mam ebarenenete akwesikec, karaida aipit itim; konye enerenenete itimakec. Mam emasenenei ediosasedoti ebino, naelomariata alaro nakotoma. Kwabo mam emanyenenete apuserut, karaida naerenearitai; konye komanyenenete abekon nuka aur naka ekek loka Isirael, arai apuserut nakerai apuserut naka esasedoti. Ido isisianakinete kesi ikatuŋa atiaketait kwape ejaar kidin yenikalaunan ka yenika ituŋa kere, itejenikinete da atiaketait kwape eiaar kidin yenimam elai ka yenelai. Etubonokinete kesi naeiaatatar ipegeta; etubonokinete kwape ejaatar ikatubesia. Koricito ikakisila ka akaicorakineta opueinoka kere Iuescunitai; kitalaununete da asabatonoka. Mam ikunyanakinete yenikatwan amunaaror: konye kanuka papa, arai toto, arai ikokukec yenisapat arai yenipese, arai onaee, arai kinaei naemamei ekiliokit, epedorete amunaar. Kedau aitesegaario, kimarakinai apaarasia akanykaarei. Ebala Ejakait EDEKE ebe, Kosodi kapaaran naelomaria aibois nakalaunan, alaro nakotoma, aijaanakin aibois nakalaunan, einakini ber ainakineteke naka adiakar. “Eiaunete kairumet; arai eoŋ airumetekee: kwabo mam iinanakinete alup kotoma Isirael; arai eoŋ alupokec. Enyamenenete ainakineta nuka akiria, ka ainakineta nuka adiakar, ka ainakineta nuka aronis; ido ŋinibore yenipoliatai koIsirael eraun yenikee. Ka luegeete kere luka araito kere nugeet, ka ŋiniinakinet kere naka ŋinibore kere, naka ainakinetakus kere, eraununos nuka isasedotin: iinanakinete da isasedotin atapakus nakainumunum, tetere isirerenio ekonitogo. Mam enyamenenete isasedotin ibore kere yenetwani bon, arai yenepoopootai, arai akweny, arai itiaŋ. “Bobo da, naikorokoraata akwap araun airumet koroet, iinanakinete EJAKAIT ainakinet, atutubet nakalaunan naka akwap: aojauke ikubitin ilukumin akaisaarei ka lukany, alalauke da ikubitin iluktunin itomon: eraun nakalaunan kowaitinike kere airimor. Ejaun nen aibois nakalaunan, aoiauke ikubitin akwat akany, alalauke da ikubitin akwat akany, ariakanara; ka ikubitin akaisakany kanuka ironyia airimor. Kaitemisioit na itemi aoiau naka ikubitin ilukumin akaisaarei ka lukany, ka alalau naka ilukumin itomon: tomake ejaun aibois nakalaunan, naerai nakalaunan noi. Erai atutubet nakalaunan naka akwap; eraun naka isasedotin, ikeiaanakinak luka aibois nakalaunan, luikunyakinete aijaanakin EJAKAIT: eraun aibois naka itogoikec, ka aibois nakalaunan kanuka aibois nakalaunan. Ido Ilebin, ikeiaanakinak lukotogo, ejaunos ka ikubitin ilukumin akaisaarei ka lukany aoiau, ka ikubitin ilukumin itomon alalau, araut alupokee, kanuka ireriakee luiboienenoto. “Igitarete alup nuka ere ikubitin ilukumin ikany alalau, ka ikubitin akaisaarei ka lukany aojau, kidunyakina kainakinet naka atutubet nakalaunan: eraunos nuka ekek kere loka Isirael. “Ido nuka ekapolon ejaunete epuwai ka epuwai kainakinet nakalaunan, ka alup nuka ere; kowaitin luka ainakinet nakalaunan, kowaitin da luka alup nuka ere, kariino nukokide ka nukoto: eriakanara aoiau atutubet adiopet, anyoun kari nakoto kiton ari nakokide. Eraunos alupoke kotoma akwap naka Isirael. Kwabo mam bobo ikapolokoka emwanete ikatuŋa; konye einakinete ekek loka Isirael akwap kwape ejaatar atekerinikec. “Inera kwanata Ejakait EDEKE ebe: Kodaut, yes ikapolok luka Isirael! Kolemasi akaje ka aiŋat, kitodoloto etube ka adolit: ebala Ejakait EDEKE ebe, Kinyeis aireŋear ikatuŋa, “Kojaenenas kaitemisio nuedolito, epa loedolit, ka akaalakany naedolit. Koraas epa ka akaalakany nuka aitemisioit adiopet, edoli akaalakany yenikitomonet yenika ekomer epa da yenikitomonet yenika ekomer: aitemisioitike koiaun kwape eiaar ekomer. Esekel da eriakas igeran akaisaarei: isekelin ikany eraunos isekelin ikany, isekelin itomon eraunos isekelin itomon, ka emanekus kes isekelin akaisakany. Na ŋes ainakinet naiinanakinete; idiopet kokanykape yenika epa yenelemunio kazjolikomer loka enano, iinanakinete da idiopet kokanykape yenika epa yenelemunio kanolikomer loka esairi: ka ainakinet naicorakinitai naka akinyet, naka akaalakany naka akinyet, eraun idiopet kotomon yenika akaalakany yenelemunio kokor, kes akaalakanya atomon, kes ekomer; naarai akaalakanya atomon kes ekomer: ka imerekek idiopet yenikosipan yenelemunio kakwat aarei, koronyia lukecoa luka Isirael. Ebala Ejakait EDEKE ebe, ŋin ŋes ainakinet naka akiria, ka ainakinet naicweio, ka ainakineta nuka ainapakin, alueio kes. Einanakinete ituŋa kere luka akwap ainakinet nin kanuka ekapolon loka Isirael. Eraun aswam naka ekapolon ainakin ainakineta nuieweio, ka ainakineta nuka akiria, ka ainakineta numatan, kopuein, ka nailamununia elap, kasabaton, kopuein kere lueseunitai luka ekek loka Isirael: ŋes itemonokini ainakinet naka adiakaret, ka ainakinet naka akiria, ka ainakinet naicweio, ka ainakineta nuka ainapakin, alucio ekek loka Isirael. “Inera kwanata Ejakait EDEKE ebe: Kolap losodit, kapaaran nasodit naka elap, iyanaari emoŋ lotobait lomam eŋwalit; kitesegia aibois nakalaunan. Elemuni esasedoti aokot nuka ainakinet naka adiakar, ejuki ategerio nuka etogo, ka agoria aoŋon nuka amurut naka etem, ka ategerio nuka erute loka alaro nakotoma. Ido iswamaenenei kwaŋin kapaaran nakikanyetekaarei naka elap, kanuka ŋinituŋanan yenepaari, kaŋin da yenijimat: kwaŋin ilucenenoto etogo. “Kolap losodit, kapaaran nakitomonet kaonon naka elap, kojaununos kAleleŋio, epueit loka apaarasia akanykaarei; kes enyamere imugatin lumam itubuunitoi. Kapaaran kaŋin itemonokini ekapolon emoŋ lotobait araun ainakinet naka adiakaret kanuken, kanuka ituŋa da kere luka akwap. Itemonokini ŋesi ainakinet naicweio mama ejai EJAKAIT apaarasia akanykaarei nuka epueit, imoŋin lutoba ikanykaarei, ka imerekekin ikanykaarei lumam eŋwalito ninipaaran adaun apaarasia akanykaarei; ka ekoroi da ŋinipaaran araut ainakinet naka adiakaret. Ido itemonokini ainakinet naka akiria, epa ediopet kaŋolimon lotobait, ka epa ediopet kanolimerekek, ka ekin loka akinyet kanoli epa. Kolap lokikanyetekaarei, kapaaran nakitomonet kakany naka elap, kopueit, kiswamaenenei kwape kwaŋin adaun apaarasia akanykaarei: kwape ejaar ainakinet naka adiakaret, ka ainakinet naicweio ka ainakinet naka akiria, ka naka akinyet, kwape ejaatar. “Inera kwanata Ejakait EDEKE ebe: Egolio erute loka alaro nakotoma loeseseni kide apaarasia akanykape nuka aswam; konye eŋaanario kasabato, kapaaran da nailamunia elap eŋaanario. Elomanari ekapolon korot loka agola nalomaret lokorute lokokina, kobwo eiduny kategerioit naka erute. Itemonokinete isasedotin ainakineteke naicweio, ka ainakinetake nuka ainapakin, emaenenei ŋesi kaneelomarere korute. Kosodi alomun, konye mam ekek egolonokinio aitodol eboŋ. Emaenenete ituŋa luka akwap kokek loka erute kanol kakonyen nuka EJAKAIT kasabaton ka nailamununia elap. Ainakinet da naicweio naeinanakini ekapolon mama ejai EJAKAIT kasabato eraenena imerekekin ikanykape ludidik lumam eŋwalito, ka emerekek lomam eŋwalit; ainakinet da naka akiria eraenena epa ediopet kanuka emerekek, ka ainakinet da naka akiria kanuka imerekekin ludidik kwape epedoria ainakin, ekin da naka akinyet kanoli epa. Kapaaran da nailamunia elap eraenena emoŋ lotobait lodidi lomam eŋwalit; ka imerekekin ludidik ikanykape ka emerekek; eraenenas lumam eŋwalito. Ido itemonokini ainakinet naka akiria, epa ediopet kanuka emoŋ lotobait, epa ediopet da kanuka emerekek, ido kanuka imerekekin ludidik kwape epedoria, ekin da loka akinyet kanoli epa. Naelomanaria ekapolon, elomanari korot loka agola nalomaret naka erute, ido ibononori korot kanope kanol. “Konye naeponenenata ituŋa luka akwap kakonyen nuka EJAKAIT kopucin lueseunitai, ŋol loelomanari korot lokorute loka agolitomei aima, elomununei korot lokorute loka eŋalakimak; ŋol da loelomanari korot lokorute loka eŋalakimak, elomununei korot lokorute loka agolitomei: mam ebononori korot lokorute loalomaria, konye itori lokoinarenike, Naelomanariata ituŋa, elomanari ekapolon da kakes, ido naelomununiata, elomununei ŋesi da. “Kopucin da ka apakio nueseunitai eraun ainakinet naka akiria epa ediopet kanuka emoŋ lotobait, ka epa ediopet kanuka emerekek, ido kwape epedoria ainakin kanuka imerekekin ludidik, ekin da loka akinyet kanoli epa. Ido naitemonokinia ekapolon ainakinet naka akote, ainakinet naicweio, arai ainakineta nuka ainapakin araut ainakinet naka akote mama ejai EJAKAIT, eŋaanakinio erute loeseseni kide, itemonokini da ainakineteke naicweio ka ainakinetake nuka ainapakin, kwape iswamaenenaa kasabaton. Kosodi do elomuni, kedau alomun egolenenoo erute. “Itemonokini imerekek yenika ekaru ediopet yenimam eŋwalit araut ainakinet naicweio mama ejai EJAKAIT ŋinipaaran: itemonokini da ŋinitupuruc. Itemonokini da ainakinet naka akiria nepepe kaŋes, ŋinitupuruc, idiopet kokanykape yenika epa, ka idiopet kouni yenika ekin loka akinyet ainyalakinia kakiria nuidicic; ainakinet naka akiria natir mama ejai EJAKAIT kanuka aicorakinet namam enaŋi. Kwaŋin itemonokinioto imerekek, ka ainakinet naka akiria, ka akinyet, ninitupuruc, araut ainakinet natir naicweio. “Inera kwanata Ejakait EDEKE ebe: Arai einakini ekapolon idio kodweke ainakinet, erai airumeteke, eraun da nakodweke; eraas alupokee nukiruma. Konye arai einakini nuka airumuke ainakinet mama ejai idio kobulesinike, eraun nake kiton okaru loka aosikinio; kosodi ainyakakinio neejai ekapolon; konye airumeteke eraun naka odweke. Bobo da mam ekapolon eyaŋaari airumet naka ituŋa, aireŋear kalupokec; einakini odweke airumet naelemuni kalupoke elopet: kinyeis ikatuŋa aisiarisiarun ŋinituŋanan anyoun kalupoke.” Kosodi ketotor neelomarere, kariri kerute, ketoloma agolai nukalaunak nuka isasedotin, nuesesenete agolitomei: ido koany, kojai aibois agule kari nakoto. Katema eoŋ atiar, “Na ŋes aibois naipoenenoto isasedotin ainakinet naka adiakaret ka ainakinet naka aronis, neepeenenoto ainakinet naka akiria; tetere mam itolomarete alaro nakokina, aitalaunia ituŋa.” Kosodi ketolom alaro nakokina ketotor agoria aoŋon nuka alaro; ido koany, kojai alaro toma ŋinigor. Kagoria aoŋon nuka alaro, kejaas alaroi nuedisiak nukebwaitai, aoiaukec ikubitin akaisaoŋon, alalaukec da ikubitin akaisauni: ŋun aoŋon nukejaas agoria keraas nuka aitemisioit adiopet. Kotomakec, keiai ekokoro loadukitoi airimor kes kere aoŋon, ido kiswamatai kojaas ikiallukipois kwap kikokoron airimor. Kosodi katema atiar, “Lu kes itogoi lukipois, lukipoenenata ikejaanakinak luka etogo asubanit kanuka ituŋa.” Kenyaka okek loka etogo; ido koany, koleleut akip alomun kokwap kariri ketogo kari nakokide, naarai koseseni etogo kide; koleleas akip alomun kokwap, kowai lokoteten loka etogo, kari naka eŋalakimak naka etem. Kosodi ketolom korot lokorute loka agolitomei, kayaŋa kesirimo orot lokokiŋa kiton orute 10 kokiŋa, korot lokorute loeseseni kide; ido koany koleleete akip kowai lokoteten. Koloma etuŋanan kobei kide kitiŋite auno kakanike, kitem ikubitin elukumit, ketotor akipi, akipi nuasaŋito okuurunya. Kitem bobo elukumit, ketotor akipi, akipi nuasaŋito akuŋin. Kitem bobo elukumit, ketotor akipi, akipi nuasaŋito aŋabet. Kosodi kitem elukumit; korau ecor lomam apedori aitor: naarai amukururas akipi, akipi nukiduis, ecor lomam epedorio aitor. Katema eoŋ atiar, “Okoku loka etuŋanan, iany nu?” Kosodi kayau ketoboŋ koitolima loka ecor. Kosodi naaboŋoria, koany, kojaas ikito luipu noi koitolima loka ecor epuwai ka epuwai. Kosodi katema eoŋ atiar, “Elelearete akip nu owai lokokide, ijesaros toma Araba; elosete aŋolol; aŋololŋes elosete akip nukitolomunio; ido itaŋaleunio akipi. Kosodi kanen ejari ŋinibore yenikajaran yenilweki, kaŋiniibois naedolete icorin; idilaros lukecor noi; naarai adolut akip nu, itaŋaleunio akipi nuka aŋolol, ido ejari ŋinibore kere kaneedolenenei ecor kere. Kosodi kanen ebwoete ikalokak koitolimake: anyoun ko En-gedi kiton En-egilaim eraun aibois naeakanakinet iboyan; eiaunete lukecor lukipoŋesio luipu noi, kwape lukecor luka Aŋolol Nakapolon, Konye aiboisio nukerit, ka isamake da mam itanaleunio; inyeinio eraas nukabalaŋ. Ido koitoliman luka ecor, epuwai ka epuwai, ebwaŋunete ikito lukipoŋesio kere luenyamio, lumam erinyorete akuikee, ido mam araitokee inonooros. Eraenenete araito nukitetiak nolilap, naarai apote akeeekipi kaibois nakalaunan. Eraunete akeeeraito inyamat, akeeekui da eraunete ekia lokitanaleunet.” Inera kwanata Ejakait EDEKE ebe: “Lo ŋes eraun eikor loitiakiata akwap araun airumet kwape ejaatar atekerin atomon kaarei nuka Isirael. Edumuni Yosep akorakineta aarei. Itiakatiakaete ŋes korianas; naarai abu kekeu akakan ainakin lukapapaakus: ibeata yesi da akwap na airum. “Lo ŋes eraun eikor loka akwap: kari naka agolitomei ageun kAŋolol Nakapolon, korot loka Ketulon, kiton neelomarere Sedad: Kamat, Berota, Siburaim, loejai kidin keikor loka Damasiko, ka eikor loka Kamat; kiton Kaseratikon, loejai oikor loka Kauran, Eikor da anyoun kaŋolol eraun Kasar-enon koikor loka Damasiko, kari naka agolitomei ejai eikor loka Kamat. Ŋol ŋes ewai loka agolitomei. Kowai lokokide da, kidin Kauran ka Damasiko ka Gilead, ka akwap naka Isirael, eraun Yorodan; itemete ageun koikor loka agolitomei kiton aŋolol nakokide. Ŋol ŋes ewai lokokide. “Kowai loka eŋalakimak ebei anyoun koTamar aitodol akipi nuka Meribot-kades, kiton aguurut nako Misiri, kiton Aŋolol Nakapolon. Ŋol ŋes ewai lokenalakimak. “Kowai lokoto eraun Aŋolol Nakapolon eikor, ageun koikor lokenalakimak kiton neesesenas kaneelomarere Kamat. Ŋol ŋes ewai lokoto. “Kwaŋin ikorokoraata akwap na kwape ejaatar atekerin nuka Isirael. Kosodi kanen, ikorete keroet araut airumetekus, ka naka imo luibojete kamakus, luewuriete idwe kokidinikus; eraunos kamakus kwape iwurian luka idwe luka Isirael; irumete kesi da nepepe kayes kotoma atekerin nuka Isirael. Ebala Ejakait EDEKE ebe, Kosodi kanen, niniteker naiboieneno imoit, nina ŋes iinakiniata airumeteke. “Lu kes ikiroria luka atekerin; ageun koikor loka agolitomei, kariri kerot loka Ketulon kiton neelomarere Kamat, kiton Kasar-enan koikor loka Damasiko, kari naka agolitomei eiduny Kamat; iikorunokec kide ka to; Dan, akorakinet adiopet. Koikor loka Dan, ageun kokide kiton to; Aser, akorakinet adiopet. Koikor loka Aser, ageun kokide kiton to; Naputali, akorakinet adiopet. Koikor loka Naputali, ageun kokide kiton to; Manase, akorakinet adiopet. Koikor loka Manase, ageun kokide kiton to; Epuraim, akorakinet adiopet, Koikor loka Epuraim, ageun kokide kiton to; Reuben, akorakinet adiopet, Koikor loka Reuben, ageun kokidekiton to; Yuda, akorakinet adiopet. Koikor loka Yuda, ageun kokide kiton to, ejaun ainakinet naiinakinete, alalauke ikubitin ilukumin akaisaarei ka lukany, aojauke kwape akorakinet adiopet, ageun kokide kiton to: ejaun da aibois nakalaunan kidinike. Aojau naka ainakinet naiinakinete mama ejai EJAKAIT eraun ikubitin ilukumin akaisaarei ka lukany, alalauke da ilukumin itomon. Ido ainakinet nakalaunan eraun naka nul, kes isasedotin, agolitomei aoiauke ikubitin ilukumin akaisaarei ka lukany, to alalauke ilukumin itomon, kide alalauke ilukumin itomon, eŋalakimak da aojauke ilukumin akaisaarei ka lukany: ejaun da aibois nakalaunan naka EJAKAIT kidiŋike. Eraun naka isasedotin luitalaunitai lukodwe luka Sadok, luarieito akaieorakinet; lumam apotu kopaasi naapaariata idwe luka Isirael, kwape apaariata Ilebin, Eraun kamakec ainakinet naelemunio kainakinet naka akwap, aibois nakalaunan noi, koikor loka Ilebin. Edumunete Ilebin eiduny keikor loka isasedotin ikubitin ilukumin akaisaarei ka lukany kaojau, ka ilukumin itomon kalalau. Aojau kere ikubitin ilukumin akaisaarei ka lukany, ka alalauke da ilukumin akaisaarei. Ido mam egwelanarete, karaida aisiceanar adiokalup kaŋun, karaida araito nugeet nuka akwap mam eraunos nuka ice: naarai eraas nukalaunak mama ejai EJAKAIT. “Ikubitin ilukumin ikany luideuna kalalau, ka akaisaarei ka lukany kaoiau, eraunos luebeete ituŋa kere, luka ere, aiboienenoo ka araut ironyia. Ejaun ere kidinike; nu kes aitemisioke; kowai loka agolitomei ikubitin ilukumin iwonon ka akwat akany, kowai loka eŋalakimak ilukumin iwonon ka akwat akany, kowai lokokide ilukumin iwonon ka akwat akany, kowai da loko to ilukumin iwonon ka akwat akany. Eiaunete ere ironyia; kari naka agolitomei ikubitin akwat aarei ka akaisakany, kari naka eŋalakimak akwat aarei ka akaisakany, kari nakokide akwat aarei ka akaisakany, kari nakoto da akwat aarei ka akaisakany. Luideuna kaoiau kowai loka ainakinet nakalaunan ikubitin ilukumin itomon kide, ka ilukumin itomon to; idunyasi kainakinet nakalaunan. Amioke da eraunos inyamat luka nul luiswamaete kore. Ŋul da luiswamaete kore, luka atekerin kere nuka Isirael ekorienenete. Ainakinet kere eraun aojau ikubitin ilukumin akaisaarei ka lukany, alalau da ilukumin akaisaarei ka lukany: iinakinete ainakinet nakalaunan korianas kowaitin iwonon, nepepe kalup nuka ere. “Atutubet naideuna eraun naka ekapolon, eiduny kainakinet nakalaunan, ka alup nuka ere, epuwai ka epuwai, kosiep loka ikubitin ilukumin akaisaarei ka lukany luka ainakinet atereikin eikor lokokide, kosiep loka ikubitin ilukumin akaisaarei ka lukany atereikin eikor lokoto, atereikina akorakineta, eraun naka ekapolon. Ainakinet nakalaunan, ka aibois nakalaunan naka etogo eiaunete kidiŋike; bobo da ageun kalup nuka Ilebin, ka alup nuka ere, nuejaas kidiŋ katutubet naka ekapolon, kidiŋ oikor loka Yuda, ka eikor loka Benyamin, eraunete nuka ekapolon. “Nuka atekerin nuideuna: ageun kokide kiton to; Benyamin, akorakinet adiopet. Koikor loka Benyamin ageun kokide kiton to; Simeon, akorakinet adiopet. Koikor loka Simeon, ageun kokide kiton to; Isakar, akorakinet adiopet. Koikor loka Isakar, ageun kokide kiton to; Sebulun, akorakinet adiopet. Koikor loka Sebulun, ageun kokide kiton to; Gad, akorakinet adiopet. Koikor loka Gad, kari naka eŋalakimak, ejaun eikor ageun koTamar kiton akipi nuka Meribat-kades, kiton aguurut nako Misiri, kiton Aŋolol Nakapolon. Ebala Ejakait EDEKE ebe, Ŋin ŋes akwap naikorokoroete keroet atekerin nuka Isirael araun airumet; nun da kes akorakinetakee. “Nu kes alomanareta nuka ere; kari naka agolitomei ikubitin ilukumin iwonon, ka akwat akany kaitemisioit: emaikinio irutei luka ere ikiroria luka atekerin nuka Isirael; irutei iuni kari naka agolitomei; erute loka Reuben, ka erute loka Yuda, ka erute loka Lebi. Kari nakokide ikubitin ilukumin iwonon, ka akwat akany; ka irutei iuni; erute loka Yosep; ka erute loka Benyamin; ka erute loka Dan. Kari naka eŋalakimak, ikubitin ilukumin iwonon, ka akwat akany; ka irutei iuni; erute loka Simeon; ka erute loka Isakar; ka erute loka Sebulun. Kari nakoto ikubitin ilukumin iwoŋon, ka akwat akany; ka iruteikec iuni; erute loka Gad; ka erute loka Aser; ka erute loka Naputali. Airimor ere ikubitin ilukumin itomon ka akanykauni. Ido ageun kapaaran kaŋin eraun ekiror loka ere, Ejai EJAKAIT nen.” Kokaru lokiwuniet loka airumit naka Yekoiakim ekabaka loka Yuda, abu Nebukadenesar ekabaka loko Babulon kobu Yerusalem, kirigau. Abu EJAKAIT kijaik Yekoiakim ekabaka loka Yuda akanike, kice koboro luka etogo loka Edeke; koyaŋa kes akwap naka Sinar togo loka ekedeke: kibwaik iboro aiŋadis togo loka ekedeke. Abu ekabaka kolimok Asupenas ekapolokiton ibwacinake aitolomikin ice kodwe luka Isirael, luka aur naka ekabaka ka naka ikapolok da; ikatumunak lumam eŋwalito, konye luejokuka akonyen, lueberiaŋ kacoa kere, luepiriaka kaijen, luedesiarete nuituutoorio, ka luibus da aibwo kotoma togo loka ekabaka; ido kisisianak kes acoa naka Ikaludean ka aŋajepekec da, Kicorak ekabaka adutanakin kes ŋinipaaran inyamat luka ekabaka ka ebino loemasenenei, ido kitanai kes ikar iuni; naedaunoror tetere kes ebwoete kakonyen nuka ekabaka. Kotoma kaŋul ajaas kodwe luka Yuda, Daniel, Kanania, Misael ka Asaria, Abu ekapolon loka ibwacin komaanak kes ikiroria: komaik Daniel Beletesasar; komaik Kanania Sadurak; komaik Misael Mesak; komaik da Asaria Abed-nego. Konye kopeleik Daniel kotauke kinyek amunaun kinyamat luka ekabaka, karaida kebino loemasenenei: kanuka ŋun kilip ekapolon loka ibwaein kinyek ŋesi amunaun. Abu Edeke koinak Daniel aminunio ka aitimio kakonyen nuka ekapolon loka ibwaein, Kotema ekapolon loka ibwacin Daniel atiar, “Ayoŋit eoŋ ejakaitika ekabaka, loabu kicorak luinyamenenete ka luimasenenete: kinyek aanyun akusikonyen mam ejokuka kwape nuka ikatumunak luka aturikus; kwaŋin iyaunete aronis akouka kama ejai ekabaka,” Kosodi Daniel atemar eketeon, loabu ekapolon loka ibwacin koinak ayait Daniel, ka Kanania, ka Misael, ka Asaria ebe: “Keŋaiŋait, kitem ber ikonibulesin apaarasia atomon; koinanakinete sio idiasio ainyam, ka akipi da aimat, Kosodete konyet airer akonyenekosi kakonyenekon, ka akonyen da nuka ikatumunak luenyamenenete inyamat luka ekabaka; ido kwape ianyunia ijo, kikwaik nen ikonibulesin,” Kopup ŋesi kes kakirot kaŋin, kitem kes apaarasia atomon. Kosodi ketuboros apaarasia atomon, kotakanut akonyenekee ejok, ido kibukeikinito awatekee, aitelekarit ikatumunak kere luanyamenenete inyamat luka ekabaka, Kosodi do eketeon alemar inyamatakee, ka ebino lotikemasenenete, koinanak kes idiasio. Konye abu Edeke koinak ikatumunak ŋul iwoŋon aijen ka apirianut kotoma aisisia kere ka acoa; abu Daniel korau lokacobeu kotoma aitapoeta ka airujasia da, Kosodete kedaunos apaarasia nuabu ekabaka kicorak aitolomunia, kitolom ekapolon loka ibwacin kes akonyen nuka Nebukadenesar, Kiyala ekabaka kakes; ido kotomakec kere mam apotu kotakanut lueputos bala Daniel ka Kanania, ka Misael, ka Asaria: kobwaata do kesi kakonyen nuka ekabaka, Ido kaŋinikirot kere naka acoa ka aijen, nakiŋisenenei kes ekabaka, koany kes ejok irwan atomon adepar imurwok ka ikasupok luajaas ajakanutuke kere. Abu Daniel kojau aitodol okaru losodit loka ekabaka Kuro. Kokaru lokiareit loka airumit naka Nebukadenesar kiruja ŋesi airujasia; kiyaloŋoŋ kotauke, kikoleroto akekonyen, Kosodi ekabaka aicorakin anyaraun imurwok, ka ikasupok, ka ikaroak, ka Ikaludean alimokin ekabaka airujasiake, Kolomasi do kobwaata kakonyen nuka ekabaka. Kotema eka baka kes atiar, “Erujat eoŋ airujasit, kiyaloŋoŋ da ekatau ajenun airujasit.” Kosodete Ikaludean atemar ekabaka kaIJajep naka. Asurian ebe, “Wu ekabaka, kobusi ikar kere: kolimok ikonikejaanakinak airujasit, ka sio da kitoduuni apolouke.” Koboŋok ekabaka kotema Ikaludean atiar, “Alom akirot kamaka: arai mam yes itejenunete eoŋ airujasit ka apolouke da, kijepejepeo yes, ikusitogoi da eraunos amejei. Konye do arai kitodutu airujasit ka apolouke, idumunete ainakineta ka iropito ka aibuses naepol da; asa kitodikinai eoŋ airujasit ka apolouke da.” Kirucakis aboŋokin ebe, “Kolimok do eka baka ikekejaanakinak airujasit, kasodete isio aitodiar apolouke.” Koboŋok ekabaka ebe, “Ajeni eut ebe ikotosi yesi aitumor naarai ianyut ebe alom akirot kamakaŋ. Konye arai mam kitejenikinete eoŋ airujasit, ejai ekisil ediopet kanukus: naarai ipotu kitemokis akiro nukaisab ka nukaronok einer kakonyeneka, aitodol nailoeokinotor apakio: asa do kolimokinai eoŋ airujasit, kasodi eoŋ ajenun ebe ipedorete aitodiar apolouke.” Kobonokis Ikaludean kakonyen nuka eka baka ebe, “Emamei da ituŋanan kakwap yenepedori aitodiar akirot naka ekabaka: naarai emamei ekabaka loepol ido lokapedor lolem inisit emurwon, arai ekasupon, arai Ekaludeat akirot naikoni nen. Epagal akirot naitinaikinit ekabaka, kwabo emamei yenepedori aitodikin ekabaka, dimikito idekesio lumam iboiete kaluejaas awat.” Kanuka ŋun kodedeniar ekabaka konyunyurikin noi, kicorak amudiar lukacoa kere luko Babulon. Aso kolimoroi ekisil loka aiar lukacoa; aponi komoai Daniel ka lukaupake da aiar. Kosodi Daniel aboŋokin kacoa kaiyapepera Ariok ekapolon loka ikedarak luka ekabaka, loalomarit aiar lukacoa luko Babulon; Koboŋok kotema Ariok ekapolon loka eka baka ebe, “Kanukinyo kisuburikinia ekisil loebunit kama ejai ekabaka?” Kosodi Ariok aitejenun Daniel akirot. Koloma Daniel, kilip ekabaka aseikin ŋes apak, tetere itodikini ekabaka apolou. Kosodi Daniel alosit togoke, kitejenik ikepaup Kanania, ka Misael, ka Asaria akirot. Tetere ilipete aitim naka Edeke loka akuj kanuka aiyeiyea kaŋin; kinyeis Daniel ka ikepaup amudiario nepepe ka lukacoa ice luko Babulon. Kosodi kopukokinai Daniel aiyeiyea kaitapoet naka akuar. Kosodi Daniel aimal Edeke loka akui. Koboŋok Daniel, kotema atiar, “Kituritete ekiror loka Edeke ikar ka ikar: Naarai acoa ka apedor eraas nuke. Ŋes da iloci apakio ka ikar: Elemari ŋesi ikabakan, edakakini da ikabakan: Einakini lukacoa acoa, Aijen da mama ejaas lueberian ajenun; Epukori ŋesi akiro nuidulok ka nukaiyeiyea: Ejeŋi ŋesi nuejaas toma amuton, Iboie aica kaŋes. Emalai jo, eturit jo, wu jo Edeke loka lukapapaaka, Lokiinak eoŋ acoa ka apedor, Kwana da kitejenik eoŋ nukipou kelipito jo: Naarai kitejenik sio akirot naka ekabaka.” Aso koloma Daniel mama ejai Ariok, loabu ekabaka koseu amudiar lukacoa luko Babulon: abu kolot kotema ŋes kwanata atiar, “Sirikimudia lukacoa luko Babulon: kitolomarai eoŋ mama ejai eka baka, eoŋ da etodikini ekabaka apolou.” Kosodi kisunya Ariok aitolomar Daniel mama ejai ekabaka, kotema ŋes kwanata ebe, “Adum eoŋ etuŋanan lokodwe Iuejoreunitai luka Yuda, itejenikini ŋesi ekabaka apolou.” Koboŋok ekabaka kotema Daniel, ekekiror Beletesasar, atiar, “Ipedori tope ijo aitejenikin eoŋ airujasit naabu kaany, ka apolouke da?” Koboŋok Daniel kakonyen nuka ekabaka ebe, “Mam epedorete lukacoa, ka ikasupok, ka imurwok, karaida ikadwarak aitodikin ekabaka nukaiyeiyea nuabu ekabaka kicorak: konye ejai Edeke toma akuj, loepukori nukaiyeiyea, ido kitejenik ŋesi ekabaka Nebukadenesar nuejaunete kapaarasia nukoinaren, Akoniirujasit, ka aitapoeta nuka akoukon kaperitikon, kes nuta: Wu ekabaka, apotu aomisio kopotu mama ijai ijo kaperitikon, nuka nuekotosi ajakut; ŋol da loepukori nukaiyeiyea kitejenik ijo nuekotosi ajakut. Konye mam kapukokinitai eoŋ aiyeiyea na kanuka adiocoa nakijaar eoŋ adepar yenikajaran kere, konye tetere itejenikinio ekabaka apolouke, ido tetere ijenuni aomisio nukotaukon, “Wu ekabaka, ibu kosesen, ido koany, aput nakos. Abu aput nin nakapedor, naimwekimwek aitelekar, kobwo kakonyenekon; eiponeke da loketasuro. Aput ŋin korai akouke nakesabu loejok, aketorobu da ka akaninike nukepuesa, akekoik ka amurwosike nukaisinit, akejeke nukasua, ka aicaketake da atutubet nakasuat ka atutubet nakelupe, Ibu kosesen aitodol neatiakar amoru, komam akan etirorit, kocam aput aicaketake nukasua ka elupe, kobilibil kes, Kobilibilunos da asuat, ka elupe, ka aisinit, ka epuesa, ka esabu da, koluoros kwape agugu nukopejal kamu; kokutar ekwam pit, komam kes edumunitos aibois: koluor amoru naabu kocam aput eronat lokos, kilelebun akwap kere. “Ŋin ŋes airujasit; kilimori kwana do apolouke kakonyen nuka ekabaka. Ŋo, wu ekabaka, irai ekabaka loka ikabakan, loabu Edeke loka akui koinak ajakanut, ka apedor, ka agogoŋ, ka aibuses. Kama iboioto da idwe luka ituŋa kere, abu kokorak akanikon itian luka ais ka ikweny luka akui, koinak ijo ayait kes kere: irai ijo akou naka esabu. Akaulokon kitupakin acejakanut namam eriakas kajo; ka ajakanut ace nakiwuniet naka aisinit naeyai rwaru akwap kere. Egogoŋ ajakanut nakiwononet kwape kasuat: naarai ebilibilei asuat iboro kere, idecideci da: ido kwape kipicipicia asuat nul kere, ebilibilei ipicipici ŋin da. Ido kwape kianyunia aicaketa ka ibokoro, atutubet naka elupe loka ekajean, atutubet da naka asuat, eraun ajakanut naetiakak; konye ejaun kotomake agogoŋ naka asuat, naarai ibu koany asuat inyalakina elupe lokenyadu. Ido kwape keraatar ibokor luka akejen atutubet nakasuat, atutubet da nakelupe, ikwaikin nen ajakanut, atutubet naegogon, ka atutubet da naebilil. Ido kwape kianyunia asuat inyalakina kelupe lokenyadu, inyalakin kwape kwaŋin aur naka ituŋa; konye mam imorianakinos, kwape mam inyalakinotor asuat kelupe. Ido kapaarasia nuka ikabakan nul edakakini Edeke loka akui ajakanut namam emudiario ikar kere, karaida airumuke ajalakinio ituŋa ice; konye ebilibilei emudiari da ajakanuto nun kere, ido kojaenena ikar kere. Ido naarai ibu koany amoru etiakun koronat komam akan etirorit, kobilibil asuat, ka aisinit, ka elupe, ka epuesa, ka esabu da; etejenu Edeke lokapolon ekabaka nuekotosi ajakut: erai airujasit nakabeit, etogogoŋi da apolouke.” Kosodi ekabaka Nebukadenesar aibiror ebuburia, koma Daniel, kicorak ainakin asubanit ka lueur maa. Koboŋok ekabaka kotema Daniel atiar, “Abeit Ekonideke ŋes erai Edeke loka idekesio, ka EJAKAIT loka ikabakan, ka ekapukoron nukaiyeiyea, naarai ipedo ijo apukor aiyeiyea nin.” Kitopoloo do ekabaka Daniel, koinak ŋes ainakineta nuipu nuepolok, koinak ŋes ayait ebuku kere loko Babulon, kitarau da ŋes ekayaiton lokapolon loka lukacoa kere luko Babulon. Kilip Daniel ekabaka, kitopol ŋesi Sadurak, ka Mesak, ka Abed-nego kotoma akiro nuka ebuku loko Babulon: konye kojaenena Daniel orute loka ekabaka. Abu ekabaka Nebukadenesar kosub aput naka esabu, aoiauke ikubitin akaisakanykape, alalauke da ikubitin ikanykape: kosipok apuuton naka Dura, obuku loko Babulon. Kosodi ekabaka Nebukadenesar aijukar atukonokin lukibukui, ka luketeok, ka lukitemwan, ikerabak, ka ikeŋadak, ikenerunak, ka iricakisila, ka ijaka kere lukobukui, aponare toma asuban nuka aitan aput naabu ekabaka Nebukadenesar kosipokinite, Kosodete lukibukui, ka luketeok, lukitemwan, ka ikerabak, ka ikeŋadak, ka ikenerunak ka iricakisila ka ijaka kere lukobukui, kotukonokinos kanuka asuban nuka aput naabu eka baka Nebukadenesar kosipokinite; kobwaata kesi kakonyen nuka aput, naasipokinit ekabaka Nebukadenesar. Kosodi lokalimoron aiworoor kuju ebe, “Kicorakinitai yes ituŋa, ka atekerin ka aŋajepa, naipupunioto aruo naka arupepe, ka alamaru, ka adeudeu, ka aiosi, ka etida, ka esos, ka nolipone kere loeruo, kosodete aisuded kere aima aput naka esabu naabu ekabaka Nebukadenesar kosipokinite: ido yenimam isudedei aima apak nipenin, ecakakinio kidin oupa loesarani noi.” Aso kapak kaŋin kepuput ituŋa kere aruo naka arupepe, ka alamaru, ka adeudeu, ka ajosi, ka etida, ka ŋolipone kere loeruo, kosodete ituŋa kere, atekerin, ka aŋajepa, aisuded aima aput naka esabu naabu ekabaka Nebukadenesar kosipokinite. Kosodi kapak kaŋin kikunyakis Ikaludean ice aideide Iyudayan. Kobonokis kotemasi ekabaka Nebukadenesar atiar, “Wu ekabaka Nebukadenesar, kobusi ikar kere, Ŋo, wu ekabaka, ibu kibwaik ekisil ebe, ŋin yeniirari aruo naka arupepe, ka alamaru, ka adeudeu, ka aiosi ka etida, ka esos, ka ŋolipone kere loeruo, kisudedei komai aput naka esabu: ido nin yenimam isudedei ka aima ecakakinio kidin oupa loesarani noi. Ejaas Iyudayan ice luibu ijo kitopoloo kotoma akiro nuka ebuku loko Babulon, Sadurak, ka Mesak, ka Abed-nego; ituŋa ŋul, wu ekabaka, mam kipodosi jo; mam ijaanakinete idekesiokon, karaida aima aput naka esabu naibu kosipok.” Kosodi konyet Nebukadenesar anyunyurikin koresiar kicorak ayaun Sadurak, ka Mesak, ka Abed-nego. Koyaunai ituŋa nul akonyen nuka ekabaka, Koboŋok Nebukadenesar kotema kes atiar, “Yes, Sadurak, ka Mesak, ka Abed-nego, ipeleikinito kereka yesi apele aigir aijaanakin ekadeke, aima da aput naka esabu naabu eoŋ kasipok? Aso natikwana arai itemonokino kipuput aruo naka arupepe, ka alamaru, ka adeudeu, ka ajosi, ka etida, ka esos, ka ŋolipone kere loeruo, kisudedeoto aima aput naabu kasub, aso; konye arai mam imaete, kicakakinio toma oupa loesarani noi; ido iŋai bo Edeke nol Iokiyuuni yes kakaninika?” Kobonokis Sadurak, ka Mesak, ka Abed-nego, kotemasi ekabaka atiar, “Wu Nebukadenesar, mam sio ibusakinit aboŋokin jo kotoma akirot kaŋin, Arai kikwaik nen, epedori Edekekosi lokijaanakini ayuun sio kotoma oupa loesarani noi, kiyuuni da kakanikon, wu ekabaka. Konye arai mere kwaŋin, kojen, wu ekabaka, kwape mam sio kijaanakinia idekesiokon karaida aima aput naka esabu naibu kosipok.” Kanen, konyunyurikin eut Nebukadenesar, kitegelikin epone loka akonyeneke mama ejaas Sadurak, ka Mesak, ka Abed-nego, kiner, kicorak aitasaran eupa aatenak akanykaarei adepar nelem esarania. Kicorak ikagogoŋok ice kanul luajaas ajoreke ajen Sadurak, ka Mesak, ka Abednego: ka acakakin da toma oupa loesarani noi. Aponi koenai ituŋa nul konapitos ipaleikee, ka ikootinikee, ka ilounakec, ka inapenekee ice, kocakakis kidin oupa loesarani nol. Kanuka nun naarai abu ekabaka kicorakinite eut kosaranunite eupa noi, apotu aipelonoreta nuka akim koarata ituŋa kwi luetiŋito Sadurak, ka Mesak, ka Abed-nego. Kodooto ituŋa nul luuni, Sadurak, ka Mesak, ka Abed-nego, eenen kidin oupa loesarani noi. Kosodi ekabaka Nebukadenesar aumokin, kodetun; kiner kotema ikekenerunak atiar, “Mam nat oni kicakakinit ituŋa iuni eenen kidiŋ akim?” Kobonokis kotemasi ekabaka atiar, “Abeit, wu ekabaka.” Koboŋok kotema atiar, “Koany, aseseni eoŋ ituŋa iwonon elaeara, elosete kokidin akim, kwabo emamei kes aronis; as ima naka Iokiwononet esubit bala okoku loka idekesio.” Kosodi kikunyak Nebukadenesar okek loka eupa loesarani noi; kotema atiar, “Sadurak, ka Mesak, ka Abed-nego, yes ibulesin luka Edeke Loejai kuju kakui, kolomutu, kopotu nee,” Kosodete Sadurak ka Mesak ka Abed-nego alomun kokidin akim, Kotukokinos lukibukui ka luketeok, ka lukitemwan, ka ikenerunak luka ekabaka, aanyun ituŋa nul, lumam akim apedorit awatekec, karaida itima luka akwesikee mam asisiito, karaida ikeeenapen mam ilocokino, karaida aures naka akim mam ajaas kakes. Kotema Nebukadenesar atiar, “Kituritete Edeke loka Sadurak, ka Mesak, ka Abed-nego, loejukuni ekemalaika, kitaiar ikebulesin luapotu komunokinos ŋes, kilocoto da akirot naka ekabaka, kijaikis awatekec kinyeis aijaanakin karaida aima edeke kere nabarai Edekekee bon. Ŋes esilakinia ekisil ebe, ŋulutuŋa, ka ateker, ka aŋajep, luinerenenas aronis kere mama ejai Edeke loka Sadurak, kaMesak ka Abed-nego, eiepeiepeo, itogoikec da ituluorio amejei: naarai emamei edeke ece loepedori aitajar kopone kanol.” Kosodi ekabaka aitopoloor Sadurak, ka Mesak ka Abed-nego, kobuku loko Babulon. Nebukadenesar ekabaka, mama ejaas ituŋa, ka atekerin, ka aŋajepa kere luibojete kakwap kere; kiyatanakin ainapakin mama iiaas. Etojok aitodiar aanyuneta ka nukaumokin nuabu Edeke Loejai kuju kakuj keswamak eoŋ, Epolok ca ma aanyunetake! Egogoŋ da nukaumokinike! Akejakanut ŋes ajakanut namam enaŋi, Airumiteke da ageun katurio kiton aturio. Ajai eoŋ, Nebukadenesar, kaijamam kotogoka, egananai da kotogoka lokapolou. Abu kaany airujasit naketukuriani; kesiyalonoŋoro aomisio kaperitika ka aitapoeta da nuka akouka. Ŋes esilakinia ekisil lukacoa kere luko Pabulon ayaunio mamaka, tetere ketejenikinete eoŋ apolou naka airujasit. Kosodete imurwok, ka ikasupok, ka Ikaludean, ka ikadwarak alomun: kalimok kes airujasit; konye mam apotu ketejenikis eoŋ apolouke. Konye kokau kolom Daniel mamaka, ekekiror Beletesasar, kwape ejaar ekiror loka ekadeke, ejai kotomake emoyo loka idekesio lukalaunak; kalimok ŋes airujasit ebe, “Wu Beletesasar, ekapolon loka imurwok, naarai ajeni ebe ejai emoyo loka idekesio lukalaunak kotomakon, ido emamei nakaiyeiyea nakisiyalononoi jo, kolimokinai aitapoeta nuka airuiasitika naabu kaany, ka apolouke da. Aitapoeta nuka akouka kaperitika kes nuta: abu kaany, ido koany, ekitoi kokidin kakwap, epol da aoiauke. Kopoloor ekitoi, kogogonor, kodol aidike toma akuj, kotakanu da kosane loka akwap kere, Koiokuka akuike, kipu da araitoke, kojaas kotomake inyamat luedaunito kere: kojaas itian luka ais otolimike, kibojete akweny nuka akuj katenunake, konyamenenete kere luejaas awat, Abu kaany kaitapoeta nuka akouka kaperitika, ido koany, kodoku ekedaran, ekalaunan, kokuiu, Kikeseu ŋesi ekeporoto kobala kwanata ebe, ‘Kojep ekitoi, Kojep da aketenun, kilakilaka akuike, kisiarisiar araitoke; konyoutu itian kokwapuke, ka akweny da katenunake. Konye do kinyek ekomio loka aliasike kalup, koenite kasuat ka aisinit kotoma anya nuka ais; kitapapal kakopyo nuka akuj, komora kitiaŋ ainyam inya luka akwap. Kilocokinoi etauke loka etuŋanan, koinakinai ŋes etau loka etiaŋ: kotuboros apakio akanykaarei mamakeŋ. Erai akirot kokisil loka ikedarak, aicorakinet da kakirot naka ikalaunak: tetere ejenunete lukajarak ebe irumit ŋol loejai kuju kakuj ajakanut naka ituŋa, einakini nin yenekoto, edakakini yenitasono kotuna.’ Abu eoŋ, ekabaka Nebukadenesar, kaany airujasit ŋin: ka jo da, wu Beletesasar, kolim apolouke, naarai mam epedorete lukacoa kere luka ajakanutuka aitejenikin eoŋ apolouke; konye ipedori ijo, naarai ejai emoyo loka idekesio lukalaunak kotomakon.” Kosodi Daniel, ekekiror Beletesasar, aumokin nediokasilon, kisiyalononoto ŋes akeomisio. Koboŋok ekabaka ebe, “Beletesasar, kinye airujasit, karaida apolouke, aisiyaloŋoŋ jo.” Koboŋok Beletesasar ebe, “Ekaiakait, korai airujasit naka nul kalukilaito jo, apolouke da naka lukasurupokon. Ekitoi loibu ijo koany, loapoloor, Ioagogon, loadolit aidike toma akuj, loatakani mama ejaas kere luka akwap; loajokuka akuike, loapol araitoke, loajaas kotomake inyamat luedaunito kere; loeboiete itian luka ais kokwapuke, loeboiete akweny nuka akuj katenunake: ŋes ijo, wu ekabaka, loipoloor, loigogon: naarai apoloor apoloukon, adol toma akuj, airumitekon da kiton osaŋe loka akwap, Ido kwape keanyunia ekabaka ekedaran, ekalaunan edokuni kokuju ebala ebe, ‘Kojep ekitoi, komudia ŋes; konye kinyek ekomio loka aliasike kalup, koenite kasuat ka aisinit, kotoma anya nuka ais; kopalal kakopyo nuka akuj, komora kitian luka ais, aitodol neatuborotor apakio akanykaarei mamakeŋ: Na ŋes apolouke, wu ekabaka, erai ekisil loka ŋol loejai kuju kakuj, loabunok ekajakait ekabaka: ebe, kireŋeario jo anyoun kotuna, ibojenenete ijo kitian luka ais, inyami anya kwape imoŋin, ipalalar kakopyo nuka akuj, etuboros apakio akanykaarei kamakon; aitodol naijenunia ijo ebe irumit ŋol loejai kuju kakuj ajakanut naka iruna, einakini da nin yenekoto ŋesi. Ido naarai ecorakin ainyein ekomio loka alias nuka ekitoi; icasi akonijakanut kamakon, kidau ajenun ebe eyait Akui, Aso do, wu ekabaka, kocam ainerunika, kosac akonironisio kanuka aswam adolit, numam adolitekon da kaitim lukican; motoko ejaun aitooiaar aiiamamakon.” Apotu nun kere kodoikis ekabaka Nebukadenesar, Ketuboros ilapio itomon ka luarei, kojai ŋesi irimi kotogo lokekabakane ko Babulon. Kiner ekabaka, kobala ebe, “Mere kereka lo Babulon lokapolon loabu kaduk araun aibois nakekabakane, kanuka agogoŋ naka apedorika, ka aibuses da naka apolouka?” Eriŋa akirot ejai aituk naka ekabaka, kodou eporoto ebuni kokuiu ebe, “Wu ekabaka Nebukadenesar, inerai mamakon: anyou ajakanut kamakon, Kirenear kotuna, ibojenenete ijo kitian luka ais; inyami anya kwape imoŋin, etuboros apakio akanykaarei kamakon; aitodol naijenunia ijo ebe irumit ŋol loejai kuiu kaku; ajakanut naka ituŋa, einakini da ŋin yenekoto ŋesi.” Kosawa kanol kitodolikinitai akirot mama ejai Nebukadenesar, aponi kirenearai kotuna, konyam anya kwape imoŋin, kopalal akekuan kakopyo nuka akuj, aitodol naepoloorotor iketima kwape aiulo nuka imorukaalen, akebelekeka da kwape kabelekeka nuka akweny. Ketuboros apaarasia, abu eoŋ Nebukadenesar keteluo akakonye akui, kobonu aijeneka mamaka, kemal ŋol loejai kuju kakuj, keturite ŋes, ketopoloo da ŋol loebusi ikar kere: Naarai airumiteke ŋes airum namam enaŋi, Akejakanut da ageun katurio kiton aturio. Luibojete kakwap da kere mam imarakinitai araut ibore: Iswamai ŋesi kwape ekotor kajore naka akuj, Ido mama ejaas luibojete kakwap: Emamei da yenepedori aitikokin akekan, Karaida atemar ŋes atiar, “Anyoika bo nuiswamai?” Kapak kaŋin da koboŋ aijeneka mamaka; ido kanuka aibuses naka ajakanutuka, koboŋ akapolou ka akamwekimwek da; komoata ikakenerunak ka ijakaka neajai; keticasi kajakanutuka, kiyatakinai mamaka apolou naedeparit. Kwana do eoŋ Nebukadenesar eturit, etopoloorit, etubusikinit da Ekabaka loka akuj; naarai eraas akeswamisio kere abeit, ikerotin da etube; nul da luelosete kaiturokina epedori ŋesi aitisil. Kipoik ekabaka Belesasar elukumit loka ijakake epucit, komat ebino kakonyen nuka elukumit ŋol. Kiir ŋesi ebino, kicorak Belesasar ayaun iboro luka esabu ka luka epuesa luabu Nebukadenesar papake konat koyekalu loajai Yerusalem; tetere emasi ekabaka ka ijakake, ka akenor ka akebusian da kotomakec. Aponi koyaunai iboro luka esabu luaponi konatarai koyekalu loka etogo loka Edeke loajai Yerusalem; komasia ekabaka ka ijakake, ka akenor ka akebusian da. Komasete ebino, kituritos idekesio luka esabu, ka luka epuesa, ka luka aisinin, ka luka asua, ka luka akito, ka luka amor da. Kosawa kanol kotakanut ibokor luka akan naka etuŋanan, kiwadik kinaren kepir loka atala, karwatat naeladatai naka etogo lokapolou loka ekabaka: koany ekabaka atutubet naka akan naewadikai. Kosodi kijulakinos akonyen nuka ekabaka, kisiyalononoto ŋes akeomisio; komaranata akojo nuka itulinike, koretonokinos akekunin, Kiworo ekabaka aitolomun ikasupok, Ikaludean, ka ikadwarak. Kotema ekabaka lukacoa luko Babulon atiar, “ŋin yenepedori asoman nuiwadikatai nu, ka aitodikin da eoŋ apoloukec, kitanapai lomuge, erikot da loka esabu omurisiŋike, eraun ekayaiton lokiwuniet loka ajakanut,” Kolomutu do lukacoa kere luka ekabaka: konye mam apedorete asoman nuiwadikatai, karaida aitejenikin ekabaka apolouke. Kosodi kiyalonoŋ ekabaka Belesasar noi, kijulakinos akekonyen, kobuonokinos ijakake. Kolom akabaka togo loka epucit kanuka akiro nuka ekabaka ka ijakake, Kotema akabaka atiar, “Wu ekabaka, kobusi ikar kere; kinyeis akoniwomisio aisiyaloŋoŋ jo, karaida akonyenekon aijulakin. Ejai etuŋanan toma ajakanutukon, loejai emoyo loka idekesio lukalaunak kotomake; kapaarasia da nuka papakon aponi kodumunai aica ka aijen ka acoa da tomake kwape kacoa naka idekesio. Abu ekabaka Nebukadenesar papakon, ŋes ekabaka, papakon, kitarau ŋes ekapolon loka imurwok, ka ikasupok, ka Ikaludean, ka ikadwarak da; naarai kojai kotoma Daniel ŋol loabu ekabaka komaik Beletesasar, emoyo loitelekarit, ka aijen ka apirianut aitejenun apolou naka airujasia, ka abeunun asogolin, ka ailae ilomorun. Aso konyarau Daniel, ŋes da kitodikini apoloukee.” Kosodi koyaunai Daniel akonyen nuka ekabaka. Kotema ekabaka Daniel atiar, “Ŋo kereka Daniel ŋol, loirai lokodwe luka aijoreunio naka Yuda, luejoreuni papaka koYuda? Apupu eoŋ nukon, ebe ejai emoyo loka idekesio kotomakon, ido ejai aica ka aijen ka acoa da naitelekarit tomakon. Kwana do aponi kitolomunai lukacoa, ikasupok, akonyeneka tetere esiomete nuiwadikatai ŋun, ketejenikis da eoŋ apoloukee: konye mam apedorete aitodikin apoloukee. Konye apupu nukon ebe ipedori ijo aitejen apolou, ka ailae ilomorun; asa arai ipedori ijo asoman nuiwadikatai ŋun, ka aitejenikin eoŋ apoloukee, kitanapi lomuge, ka erikot loka esabu omurisinikon, iraun ekayaiton lokiwuniet loka ajakanut.” Kosodi Daniel aboŋokin ekabaka ebe, “Koraut ainakinetakon nukon, koinak da ece iropitokon; konye asomakini eoŋ ekabaka nuiwadikatai, etejenikini ŋes apoloukee da. Wu jo ekabaka, abu Edeke loejai kuju kakuj koinak Nebukadenesar papakon ajakanut, ka apolou, ka aibuses, ka apedor: ido kanuka apolou naabu koinak ŋes, komaranata koyonito ituŋa kere, ka atekerin ka aŋajepa kakonyeneke: yenakoto ŋesi aiar, abu koar, yenakoto aidar ejari, abu kidar; yenakoto adakakin, abu kodakak, ka yenakoto da aitisil, abu kitisil. Konye naeomiaror eketau, koninikiar da ekemoyo tape iswamai nukeitur, aponi kolemarai koicoloŋoke loka ekabakane, kodemarai da akeibuses: kirenearai kodwe luka ituŋa; korau eketau kwape kitian, kiboienenei kitukoi; kitanyamai anya kwape imoŋin, kopalal akekuan kakopyo nuka akuj: aitodol naajenunia ebe irumit Edeke loejai kuju kakuj ajakanut naka ituŋa, ido edakakini ŋin yenekoto ŋesi, Ŋo da, okokuke, wu Belesasar, mam itasonikino kotaukon, karaida ibu kojen nun kere; konye iomiara aluikin EJAKAIT loka akuj; apotu koyaut iboro lukotogoke akonyenekon, ipotu komasiata ebino, ijo ka ijakakon, ka anorokon, ka abusianakon da; ibu kiturite idekesio luka epuesa, ka luka esabu, ka luka aisinin, ka luka asua, ka luka akito, ka luka amor da, lumam eanyunete, karaida akiirar, kwabo mam ejenete da: konye Edeke loejai eiyenanekon akanike, loerai elopet ikonirotin kere, mam ibu kitopoloo. “Kosodi aponi kijukunai atutubet naka akan anyoun kakonyeneke, aponi kiwadikai nuiwadikatai nu. Na ŋes aiwadika naewadikatai, MENE, MENE, TEKEL, UPARASIN. (Apolouke Kimario, kimario, kitemio, atiakatiakauneta.) Na ŋes apolou naka akirot; MBNE; abu Edeke kimar akonijakanut, kitanan da. TEKEL; kitemitoi jo kaitemisioit, ido itakanu ikadit, PERES; etiakak akonijakanut, einakinio Imedin ka Iperesian.” Kosodi Belesasar aicorakin, kitanapai Daniel lomuge, konapakis erikot loka esabu omurisiŋike, kolimoroi nuke ebe, korau ekayaiton lokiwuniet loka ajakanut. Kakuare kaŋin koarai Belesasar ekabaka Ekaludeat. Kirum Dario Emedit ajakanut, korai loka ikar kwaka akaisakanykape ka luarei. Kitoiok Dario adakakin kaiakanut lukibukui akwatat ka akaisaarei, luejaunos anatar ajakanut kere; Kopolokinito kes ikayaitok iuni, korai Daniel ediopet kakes; tetere imarete lukibukui ŋul ikeeeboro mama ejaas, komam ekabaka etwaniari luke. Kosodi kodakakinai Daniel ŋol aitelekarit ikayaitok ka lukibukui, naarai ejai emoyo loitelekarit kotomake: komuno ekabaka adakakin ŋes ayait ajakanut kere. Kosodete ikayaitok ka lukibukui amoot akiro nukiwosaet Daniel kotoma ajakanut; konye mam apedorere adumun akiro karaida aibucaret; naarai kerai ŋesi lomunot, amamei apaar karaida aibucaret kotomaken. Kosodete ituŋa ŋol atemar atiar, “Mam kianyuni akiro nuluikinet Daniel ŋol, dimikito kiiluiki ŋes kanuka ekisil loka Edekeke.” Kosodete kotukonokinos ikayaitok ka lukibukui mama ejai ekabaka, kotemasi ŋes kwanata atiar, “Ekabaka Dario, kobusi ikar kere. Apotu ikayaitok kere luka ajakanut, iketeok ka lukibukui, ka ikenerunak, ka lukitemwan, kinerutu nepepe aisilakin ekisil loka ekabakane, ido aitogogoŋ aicorakinet ebe, nin yenilipi akirot mama ejai edeke kere arai ituŋanan kere adaun apaarasia akaisauni, dimikito ilipi mamakon, wu ekabaka, ecakakinio ŋin toma abua naka iŋatunyo. Aso do, wu ekabaka, kitogogon aicorakinet, kiwadika ekonikiror toma nuiwadikatai, tetere mam ilocokinio, kwape ejaatar ikisila luka Imedin ka Iperesian, lumam ijulakinos.” Kibwaik teni ekabaka Dario ekekiror nuiwadikatai ka aicorakinet. Kejenu Daniel ebe etogogoŋi nuiwadikatai, koloma togoke; konaanara do akedirisan kagolake, nuiteete Yerusalem; kokukonokin kakuninike irwanauni ŋinipaaran, kilip, kimala kakonyen nuka Ekedeke, kwape atapitor aswam. Kosodete ituŋa ŋul atukonokin, kodumut Daniel ilipi inainai kakonyen nuka Ekedeke. Kosodete kesi aikunyakin, kinerasi kakonyen nuka ekabaka nuka aicorakinet naka ekabaka ebe; “Mam kereka jo ibwaikinit ekonikiror aicorakinet ebe ninitunanan yenilipi akirot mama ejai edeke kere arai ituŋanan adaun apaarasia akaisauni, dimikito ilipi mamakon, wu ekabaka, ecakakinio abua naka iŋatunyo?” Koboŋok ekabaka kotema atiar, “Erai nakabeit, kwape ejaatar ikisila luka Imedin ka Iperesian, lumam ijulakinos.” Kosodete kesi aboŋokin kotemasi kakonyen nuka ekabaka atiar, “Daniel ŋol, loerai lokodwe luka aijoreunio naka Yuda, mam epodokino jo, wu ekabaka, karaida aicorakinet naibwaikinit ijo ekonikiror, konye ilipenenei irwan auni ŋinipaaran,” Kosodi kepupu ekabaka akiro nun, kokadak noi, kibwaik eketau aitajar Daniel: kouta aitajar ŋes aitodol nealomaria akoloŋ. Kosodete ituŋa nul atukonokin mama ejai ekabaka, kotemasi ekabaka atiar, “Wu ekabaka, kojenu ebe erai ekisil loka Imedin ka Iperesian ebe mam epedori aicorakinet karaida ekisil loitogogoni ekabaka ailocokinio.” Kicorak do ekabaka, koyaut Daniel, kocakakisi ŋes abua naka iŋatunyo. Kiner ekabaka, kotema Daniel atiar, “Kitajari jo Ekonideke loijaanakinenei tiritir.” Aponi koyaunai amoru, kibwaikinai aituk naka abua; komacarik ekabaka kemacarike, ka emacar loka ijakake; tetere mam nuka Daniel ilocokinio. Kosodi do kolot ekabaka togoke lokapolou, kikany eteŋei akuare kiya: kwabo mam aponi koyaunai lueruosi kakonyeneke: kikoleroto akekonyen. Kodilok ekabaka anyoun tupuruc sek, koruruk alosit abua naka iŋatunyo. Nakikunyakinia abua mama ejai Daniel, kodelo keporoto lokican: kiner ekabaka kotema Daniel atiar, “Wu Daniel, ekejaanakinan loka Edeke lokajaran, epedorit kereka Edekekon loijaanakinenei ijo tiritir aitajar jo kama ejaas inarunyoj” Kosodi Daniel atemar ekabaka atiar, “Wu ekabaka, kobusi ikar kere. Abu Ekadeke kijuk ekemalaika, kitubuta aituke nuka iŋatunyo, mam kesiriebito eoŋ: naarai amamei eoŋ aitoronio kakonyeneke; ido kakonyenekon da, wu ekabaka, mam abu keswama aronis.” Kiton ekabaka alakar noi jokan, kicorak alemun Daniel kabua. Kolemunai do Daniel kabua, mam abu koany adioronis, naarai abu komunokina Ekedeke, Kicorak eka baka, koyaunai ituŋa nul Iuerupeete Daniel, kocakakinai abua naka iŋatunyo, kes, ka ikeeedwe, ka aŋorokec da: apotu iŋatunyo kopedosi kes, kobilibilata akojokee kere, eriŋa kedolo kwap kabua. Kosodi ekabaka Dario aiwadikakini ituŋa kere, ka atekerin, ka aŋajepa, luiboienenete akwap kere ebe: “Kiyatanakin ainapakin mama ijaas. Esilak eoŋ ekisil, toma ayaeta kere nuka ajakanutuka komaranete ituŋa koyonito kakonyen nuka Edeke loka Daniel: Naarai erai ŋesi Edeke lokajaran, Icasit ikar kere, Akejakanut da mam emudiario, Eiaunun airumiteke kiton osaŋe: Eyuuni ŋesi, itaiari da, Iswamai ŋesi aanyuneta ka nukaumokin Toma akuj, toma akwap da; Loabu koyu Daniel Kapedor naka iŋatunyo.” Kokerianar do Daniel ŋol kairumit naka Dario, kairumit da naka Kuro Eperesiat. Kokaru losodit loka Belesasar ekabaka loko Babulon, koany Daniel airujasit ka aitapoeta nuka akouke, kaperitike: kosodi ŋesi aiwadik airujasit, kolimo aomisioit naka akiro kanun. Kiner Daniel atiar, “Abu kasesen kaitapoeteka kuare, ido koany, komotakinos ikwamin luonon luka akuj aŋolol nakapolon. Kolomut itian iwonon lukos kaŋolol, luegelegela, Koputos losodit bala eŋatuny, kojaas kabebenoka nuka emorukaalet: abu kaany aitodol naedimere ajul nuka abebenokake, kitonyounoi kakwap kitobwoai kakejen aarei kwape etuŋanan, aponi koinakinai ŋes etau loka etuŋanan. Ido koany, ecetian, lokiareit, kwape kedubu, kikiara osiep ediopet, ajaas amarana auni aitukuke ekonyitos ikelake: kotemarai kwanata ebe,, Konyou, konyam akiriŋ naepol.’ Akaulo kanun abu kasesen, ido koany, ece kwape eris, koiaas opurake abebenoka aoŋon nuka akweny; ajaas etiaŋ kakwes aoŋon; aponi koinakinai ŋes ayait. Akaulo kanun abu kasesen kaitapoeta nuka akuare, ido koany, etiaŋ lokiwoŋonet, loketasuro losogim, ido lokagogon naepol noi; kojaas kikel lukos lukasua: konyam, kobilibil, kipudapud da luedeunos kakejeke: kogelara kitiaŋ ice kere luageikinete ŋes; koiaas kamumwara atomon. Abu kerere amumwara, ido koany, kolom kotomakec amumwarat ace, naedit, aponi korutoroi amumwara auni kanun nusodit kakonyeneke; ido koany, kojaas akonye toma amumwarat nin kwape kakonye nuka etuŋanan, ka aituk da naenera nukos. Abu kasesen aitodol neebwaikinere iicoloŋo, kiboikin emoion lonorot: ekwaŋ akenapito kwape kakako, itima da luka akouke kwape kaiulo nuliogot nuka amerekek; eicoloŋoke kosubite bala aipelonoreta nuka akim, akekokoron da bala akim naesarani. Kolom ecor loka akim kolelei akonyeneke: kijaanakinete ŋes ilukumin elukumit, kobwoete ilukumin itomon irwan ilukumin itomon kakonyeneke: koiau etube, kopukoroi iitabon. Abu kasesen kapak kaŋin kanuka eporoto loka akiro nukos nuenera amumwarat; abu kasesen aitodol neaarere etiaŋ, komudiarai akekuan, koinakinai aicweio kakim. Luesalito da luka itiaŋ aponi kolemarai ayaitekec, konye aponi kiyatakinai aijarakee ekaru ka apak. Abu kasesen kaitapoeta nuka akuare, ido koany, kobu etuŋanan kodouon luka akuj loesubit bala okoku loka etuŋanan, kobu ŋesi mama ejai emojoŋ lonorot, kisukunyikinai kakonyeneke. Aponi koinakinai ŋes ayait, ka aibuses, ka ajakanut, tetere ijaanakinete ŋes ituŋa kere, ka atekerin, ka aŋajepa. Ayaitike erai ayait namam enaŋi, namam etubor, akejakanut da namam emudiario. “Ido eoŋ, Daniel, kokadak emoyoka kotoma akuanaka, kesiyalononoto aitapoeta nuka akouka. Abu kekunyak ediopet kanul luabwoete kanen kenit ŋes abeit naka ŋun kere. Aso kalimok ŋesi eoŋ ketejen apolou naka akiro, ebe, ‘Itiaŋ ŋul lukos, luimwaasi iwonon, kes ikabakan iwonon luelomunete kakwap. Konye einakinio lukalaunak luka ŋol loejai kuju kakuj ajakanut, ido irumete ajakanut ikar kere, kes ikar ka ikar.’ “Kasodi kepuda ajenun abeit naka etiaŋ lokiwononet, loegelara kakesi kere, loketasuro loepol noi, lokejaas kikellukasua, ka abelekekake nukaisinin; loabu konyam, kobilibil, ka aipudapud da luedeunos kakejeke, Ido nuka amumwara atomon nuajaas akouke, ka amumwarat ace naabu kolom, kibirokinos auni akonyeneke; amumwarat ŋin naaiaas akonye, ka aituk naenera nukos, naatakani ebur aitelekarit nueeke. Abu kasesen, ido kojiikinos amumwarat ŋin kalukalaunak, kipiko kes; aitodol naebunio Emoion loŋorot, kotubokinai akiro mama ejaas lukalaunak luka ŋol loejai kuju kakuj; kodol apak naerumiata lukalaunak ajakanut. “Kotema kwanata ebe, ‘Eraun etiaŋ Iokiwononet ajakanut nakiwononet kakwap, naegelara kajakanuto kere, enyamari akwap kere, ipudapudai, ebilibilei da. Ido amumwara nun atomon, enyounete ikabakan itomon kotoma ajakanut ŋin: enyouni da ece atupakin kes; kogelara ŋesi kaŋul lusodit, elemari da ikabakan iuni. Ido inera ŋesi akiro aluikin ŋol loejai kuju kakuj, kitaari lukalaunak luka ŋol loejai kuiu kakuj; eomit ailoc apakio ka ikisila; einakinio akanike adaun apak, ka apakio ka atutubet naka apak. Konye ejauni etube, elemarete akeyaetait, apiar ka amudiar da kiton awasia. Ido ajakanut ka ayaetait, ka apolou da naka ajakanuto nuejaas kwap kakuj kere, einakinio ituŋa luka lukalaunak luka ŋol loejai kuiu kakuj: akejakanut ŋes ajakanut namam enaŋi, ijaanakinete ŋes ayaeta kere, erimarete da.’ “Esaŋi ne akirot. Ido eoŋ, Daniel, apotu akaomisio kesiyalononoto noi, kijulakinos akakonye: konye abu karie akirot ŋin kotauka.” Okaru lokiwuniet loka airumit naka ekabaka Belesasar ketaanyikin eoŋ Daniel aitapoet, atupakin ŋin naesiauni aitaanyikin eoŋ. Abu kaany kaitapoet; kikoni neta, naanyunia kajai Susan, etogo lokapolou loejai obuku Elam; ido abu kaany kaitapoet, bala ajai ariri kecor Ulai. Kasodi aiteluor akakonye, kasesen, ido koany, kobwo emerekek kariri naka ecor, loejaas amumwara aarei: koojak da amumwara nun aarei; konye kodeparite adiopet naee, ido kobwanu naedeparit kokau. Abu kaany emerekek eremonori ari nakoto, ka agolitomei, ka eŋalakimak da; emameete itiaŋ luepedorete aibwo kakonyeneke, emamei da yenepedori ayuun kakanike; konye kiswama kwape akotor, kitopolooro bon. Napaomoomoi eoŋ, koany, kobu ekoroi ebuni koto, konata akwap kere, komam etirorit akwap: kojai ekoroi amumwarat naedelelei kidiŋ akonyeke. Kobu ŋesi mama ejai emerekek loajaas amumwara aarei, loabu kaany ebwoi kariri kecor, komotakin ŋes kadeden naka apedorike. Kaany ŋes ikunyakinit emerekek, konyunyurik ŋes noi, konaŋ emerekek, kopaka amumwarake aarei; amamei da emerekek apedor aibwo kakonyeneke: konye kibirok kwap, kipudapud; amamei da yenepedori ayuun emerekek kakanike. Kitopoloor ekoroi bon noi noi: kosodi kegogonor, kopakar amumwarat nakapolon; kolomut amumwara aoŋon nuedeleleete aiboisike kotereikina ikwamin luonon luka akuj. Kolom amumwarat naedit kotoma adiopet kakesi, naabu kopoloor noi kari naka eŋalakimak, ka nakokide, ka ari da naka akwap nakaibuses. Kopoloor, kiton ajore naka akuj; kocakak ace kaiore naka aacer kwap, kipudapud. Eebo, kitopolooro bon, kiton neejai ekapolon loka ajore; kolemakama ejai ŋesi ainakinet naicweio natir, kotiyaikinai aiboisike nakalaunan. Kijaikinai da ŋes aiore nepepe kainakinet naicweio natir kanuka aibucaret; kocakak abeit kwap, kiswamai nuipuda kokerianar. Kasodi eoŋ aipup ekalaunan inera; kotema ekalaunan ece ŋol loenera ebe, “Itodoli bo ai ejauni aitapoet naka ainakinet naicweio natir, aibucaret da naitisili, aijaikin aibois nakalaunan ka ajore da aipudapudao kakeje?” Katema ŋesi eoŋ atiar, “Kiton atibona ka atupuruco alukumin aarei ka akwat auni; ŋes konyet itesegaarere aibois nakalaunan.” Kosodi kanen, kadau eoŋ, ŋes eoŋ Daniel, aanyun aitapoet, abu kakoto ajenun ŋes; ido koany, kobwo kakonyeneka yenesubit bala etuŋanan. Abu kapup eporoto loka etuŋanan kokidin Ulai, loeworoi, kobala ebe, “Gaburiel, kitejenik etuŋanan lo aitapoet.” Kikuny ŋesi die mama abwoia eoŋ; kebu ŋesi, abu kakurianar, kebiror ebuburia: konye katema ŋesi eoŋ atiar, “Kojenu, ijo okoku loka etuŋanan; naarai erai aitapoet naka apak nakosane.” Kosodi naenerar ŋesi keoŋ, abu kajotoor ajo nuipu ebuburia: konye katiro, ketobwo. Kotema atiar, “Koany, ketejenikini jo nuejaunete kapak nakokau naka anyunyura: naarai erai naka apak naeseunitai nakosane. Emerekek loibu koany loajaas kamumwara aarei kes ikabakan luka Media ka Peresia, Ekoroi da losanyir ŋes ekabaka loka Yonan: amumwarat da nakapolon naejai kidin kakonyeneke ŋes ekabaka losodit. Ŋin da naabila, kobwaata aoŋon kaiboisike, enyounete ajakanuto aoŋon kotoma ateker, konye mam ejaunos kapedorike. Ido kapak nakokau naka ajakanutukec, naitodolioto ikebucarak aronisikec, enyouni ekabaka loededeŋ akekonyen, loejenuni asogolin. Epol noi akepedor, konye mere toma apedorike elopet; emudiari ŋesi ketasuro, ekerianari kiswamai nuipuda; emudiari ŋesi ikadedeŋak ka ituŋa luka lukalaunak. Ido kanuka apirianutuke itekeriani aimod kakanike; itopolooro bon kotauke, eturiaikin amudiar luipu: ebwoikini da asurokin ekapolon loka ikapolok; konye ebilio komam akan. Ido aitapoet naka atibona ka atupuruco naalimokinio erai nakabeit: konye kimunon ijo aitapoet; naarai erai naka apaarasia nuipu nuepote. Abu eoŋ, Daniel keilor, kadekakin acepaarasia; kasodi konyet anyoun, keswama aswamisio nuka ekabaka: kaumok aitapoet komam abu kajenu ŋes. Kokaru losodit loka Dario okoku loka Akasuero, loka aur naka Imedin, loaraun ekabaka loka ajakanut naka Ikaludean; kokaru losodit loka airumiteke abu eoŋ Daniel kajenu kanuka iitabon etiai loka ikar luibusakinit atubor aitodolikin aimejeikin naka Yerusalem kwape ejaar akirot naka EJAKAIT mama ejai enabi Yeremia, kes ikar akaisakanykaarei. Kagipa mama ejai EJAKAIT Edeke, amoot ailip, ka aiŋaiŋa, kekanyi eteŋei, kanapite epuko ka ekurwon. Kelip EJAKAIT Ekadeke, kalimo, kenera ebe, “Wu EJAKAIT Edeke lopeti, loketasuro, loitodoli aitutuket ka aitim mama kanul lueminas ŋes korieito da akeicorakineta; Kidiaka isio, kiswama nukepali, kikwaik erono, kipaliiki isio apaar ainyein aituutooretakon, ka itubesiakon. Mam kipou keirasi ikonibulesin inabin, luapotu kinerasi kokirorikon mama ejaas ikabakanakosi, ka ikapolokokosi, ka lukapapaakosi, ido mama ejaas ituŋa kere luka akwap. Wu EJAKAIT, adolit ŋes nakon, konye do kirumito sio ileje, kwape lolo; ituŋa luka Yuda, ka luibojete koYerusalem, ka Isirael kere, lueapiete ka luelwaka, anatar akwapin kere nukireneari ijo kes, kanuka adiakaret naadiakasi mama ijai ijo. Wu EJAKAIT, kirumito sio ileje, ikosikabakan, ka ikosikapolok, ka lukapapaakosi, naarai kipou kadiakasi kamakon. Aitim ka aisioni eraas nuka EJAKAIT Ekosideke; karaida kipou kepaliikis ŋes: kwabo mam kirimarit eporoto loka EJAKAIT Ekosideke alosenen okisilake, lukibwaikin kakonyenekosi kobulesinike inabin. Eebo, ebuca Isirael kere ikonikisila, apaasi, kinyeis arimar ekoniporoto: ŋes kibukokinere ekenit ka aiyaposit naewadikatai okisila luka Musa ekeiaanakinan loka Edeke; naarai kidiaka kamake. Kitogogon ŋesi akekiro, nuenera aluikin sio, ka ikatubokokosi lukitubonokinete sio; nakiinunia sio aronis naepol: naarai kwap kakuj kere mam apeŋo iswamakinitai kwape eswamakinere Yerusalem. Kibunok sio aronis na kere, kwape iwadikatere okisila luka Musa: kwabo mam kipou kenainaata asianut naka EJAKAIT Ekosideke, kajalata numam adolitekos, kamisiikis akonibeit. Kanuka nun kirerei EJAKAIT aronis, koinu mamakos: naarai edolit EJAKAIT Ekosideke kakeswamisio kere nuiswamai, mam da kipou karimasi ekeporoto. Kwana da, wu EJAKAIT Ekosideke, lokitolom ikonituŋa kakwap nako Misiri kakan nakagogon, ido ibu kodumunia ekiror, kwape lolo; kidiaka isio, kiswama nueroko. Wu EJAKAIT, kwape ejaar adolitekon kere, kenainait, kibelok anyunyurakon ka aisiopokon anyoun korekon Yerusalem, eronatakon lokalaunan: naarai kanuka aronisiokosi ka numam adolit nuka lukapapaakosi, aluor Yerusalem ka ikonituŋa amorosit mama ejaas nul kere lukirimorito, Aso do, wu EJAKAIT Ekosideke, kiira ailip naka ebulesitikon, ka ainain ake, kitacaik akonikonyen aiboisikon nakalaunan naesil, kanuka EJAKAIT. Wu Ekadeke, kitoik akonikit, kopup; kokweny, kosesen amejeikosi, ka ere loemaikinitai ekonikiror: naarai mam kiyauni ainainakosi akonyenekon kanuka adolitekosi, konye kanuka akoniitim naepol. Wu EJAKAIT, kiira; wu EJAKAIT, kisioni: wu EJAKAIT, kopup, kiswama; sirikiyap; kanukon, wu Ekadeke, naarai emaikinitai erekon ka ituŋakon ekonikiror.” Kosodi napenerar, elipi, alimori da akaronis ka aronis naka ikatuŋa Isirael, ayait da aiŋaiŋaka akonyen nuka EJAKAIT, Ekadeke kanuka eronat lokalaunan loka Ekadeke; Eebo, eriŋa enera kailip, aponi kitoporounoi katipet etuŋanan Gaburiel, loabu kaany kaitapoet kageunet, kikuny kapak naka ainakinet naka atiboŋ. Ketejenik, kiner keoŋ, kotema atiar, “Ŋo Daniel, alom eoŋ kwana aitedesiar jo toma aijen, Ageunet naka aiŋaiŋakon kolom aicorakinet, abunit eoŋ da alimokin jo: naarai kiminai noi: asa koomoom akirot, kojen aitapoet. “Ecorakin asabaton akaisakanykaarei otunakon korekon da lokalaunan, aitanan adiakar, adaun da aronisio aitulue numam adolit, ainun adolit namam enaŋi, aipue da aitapoet ka enabi, ainyonyoikin da aibois nakalaunan noi akinyet. Aso do kojen komisiik, ageun naalomunia aicorakinet ainyakar ka aiduk Yerusalem kiton ekapolon loinyonyoikinio akinyet, ejaunos asabaton akanykaarei: asabaton da akaisakanykape ka nuarei, kodukoi bobo, irotin ka arwatatin, konye kapakio nuka ican. Ketuboros asabaton nun akaisakanykape ka nuarei, emudiario loinyonyoikinio akinyet, mam ejaun kibore: emudiarete ituŋa luka ekapolon loebuni ere ka aibois nakalaunan; ejaun esaneke kakalele, ejaunos da ijiisio kiton osaŋe; epeleikinitai aisimejeikin. Itogogoni ŋesi aitutuket kaluipu adaun asabato adiopet: itanani asubanit ka ainakinet atutubet naka asabato; ebuni da ŋol loisimejeikini kabebenok naka italesio; aitodol neebukokinere esaŋe loepeleikinitai mama ejai loisimejeikini. Kokaru lokiwuniet loka Kuro ekabaka loka Peresia, aponi kopukokinai Daniel loamaikinitai ekekiror Beletesasar akirot; korai akirot nakabeit, ŋes ej ie lokos: kojenu ŋesi akirot, komisiiki aitapoet. Kapaarasia kanun ebworo eoŋ Daniel asabaton auni kere. Mam abu kanyam inyamat luejijim, karaida akiriŋ karaida ebino aicak aitukuka, mam da abu keledanakin akinyet, aitodol neatuborotor asabaton auni cut, Kapaaran naka akaisaarei ka nuoŋon naka elap losodit, naajaar kariri naka ecor lokapolon, ŋes Kidekel, keteluo akakonye, kasesen, ido koany, etuŋanan loenapit ebaputa, koenite aŋabet esabu loelai loka Upas: eputos da akuanake aberul, kosubite ereeteke aimiliaun, akekonye da bala atalai nuka akim, akekanin ka akekejen koraas bala aisinin nuepwatat, eporoto da loka akiroke bala eporoto loka ekodet loepol. Abu eoŋ Daniel kaany aitapoet, eoŋ bon: naarai mam apotu ituŋa luajaas keoŋ koanyut aitapoet; konye komaranata noi noi, kokerata aiŋop. Kapaik do eoŋ bon, abu kaany aitapoet nanakapolon, mam abu agogoŋ kosalak tomakaŋ: naarai abu aiokisika koluor abosis kotomakan, kodaun agogoŋ, Konye do abu kapup eporoto loka akiroke: ido naapupunia eporoto loka akiroke, kasodi aibiror ebuburia kaiotoor aio nuipu, kosesenas ekareet kalup. Ido koany, katiro akan, kesikukok akuninoka kotauon da luka akaninika. Katema ŋesi eoŋ atiar, “Ŋo Daniel, ijo etuŋanan lominat noi, kojenu akiro nukabala jo, kobwo itenara; naarai keyakuunitai mamakon.” Kedau ŋesi alimokin eoŋ akirot ŋin, kabwo kamarani, Kosodi ŋesi atemar eoŋ atiar, “Sirikikurianar Daniel; naarai ageun kapaaran nasodit naibwaikinia ijo etaukon ajenun, ka aitasonikin kakonyen nuka Edekekon, aponi kopupuno akonikiro: abunit eoŋ da kanuka akonikiro. Konye abu ekabaka loka Peresia ketikok apaarasia akaisaarei ka nadiopet; konye koany, abu Mikael ediopet kojaka lukapolok kobu kenarak; kajalak ŋes ŋina nepepe kikabakan luka Peresia. Abunit do aitejenikin jo nuedoikinete otunakon kapaarasia nukawasia: naarai erai aitapoet naka apaarasia nuipu nuepote.” Nakedaunia ŋesi atemar eoŋ kwape ejaatar akiro ŋun, ketulur akakonye, kelilin, Ido koany, abu ediopet loeputos kwape idwe luka ituŋa kotiro aitukuka; kasodi kaoon akakituk, kener, kabala ŋol loabwoi kakonyeneka ebe, “Wu ekaiakait, kanuka aitapoet kabonok eoŋ ariebo kodaun agogoŋ; naarai ikoni epedori ai ekejaanakinan loka ejakaitika lo einer kejakaitika lo? Naarai kanukan, atipet kodaun agogoŋuka, mam da abu kosal eiyeŋane kotomaka.” Kosodi abu ediopet loesubit bala etuŋanan katiro bobo, ketogogon ŋesi eoŋ, Kotema atiar, “Ŋo etuŋanan lominat noi, sirikikurianar: ainapakin kojai mamakon, kicat, eebo, kicat.” Kosodi nakinerar keoŋ, abu kagogonoor, katema atiar, “Ekajakait, kiner; naarai ibu kitogogon.” Kosodi ŋesi atemar atiar, “Ŋeni ijo nukainakinito eoŋ abunore mama ijai? Kwana do aboŋori aitiji ekapolon loka Peresia: ido naalomaria, koany, ebuni ekapolon loka Yonan. Konye kalimokini jo nuigirigiritai toma aiwadika nakabeit: emamei da yenejai owaika asurokin ŋul dimarai Mikael ekapolonikus. “Eoŋ da, kokaru losodit loka Dario Emedit, abu kabwo aiticat ka aitogogoŋ ŋes. Kwana da ketodikini jo abeit. Koany, ebwoete ikabakan iuni bobo koPeresia; Iokiwononet da itelekari noi kes kere kabar; ido kegogoŋor kanuka abarake, isidiki kere ejie kajakanut naka Yonan. Ebwoi da ekabaka lokagogonon, loirumi kayait naepol, iswamai ŋesi kwape ekotor. Ido naebwoia ŋesi, ebila akejakanut, etiakatiakaun mama ejaas ikwamin luonon luka akuj; konye mam ekorakinio aurike karaida kwape ejaar airumiteke naerumit; naarai erutorio akejakanut, mama ejaas ice luegelara. “Egogoŋ ekabaka loka ari naka eŋalakimak, konye ediopet kokapolokoke egogoŋ adepar ŋes; airumiteke da eraun airumit naepol. Ketuboros ikar imorikikinos nepepe; ebuni akoku naka ekabaka loka ari naka eŋalakimak mama ejai ekabaka loka ari naka agolitomei aitutuk: konye mam nin icasi kapedor naka akekan; mam ŋol da ebwoi karaida aurike; konye ijaikinio ŋin, ka nul lukeyaunete, ka nol lokeurie, ka ŋol da loabu kitogogon ŋes kapakio kanun, “Konye ebwoi atenut naelomuni kaliasike aiboisike, edolokini ŋesi ajore, elomari ore loegogon loka ekabaka loka ari naka agolitomei, esurokini kes, ipikori da. Enatari da idekesiokec, ka aputosiakec nuecalara, ka iborokec luejok luka epuesa ka luka esabu, ayaŋaar Misiri; ido edauni icekaru komam esurokini ekabaka loka ari naka agolitomei. Elomari ŋesi ajakanut naka ekabaka loka ari naka eŋalakimak, konye eboŋori akwapuke, “Ejiosi odweke, etukonokinete ajore naepol naka irioneta lukapolok iyatanakini ŋes abunore, elelei, etubori; kosodi aboŋun ejie kiton aiboisike naegogon. Enyunyurikini ekabaka loka ari naka eŋalakimak, elomuni ejie kaŋes, ŋes ekabaka loka ari naka agolitomei; itonyouni aiore naepol, ijaikinio da ajore akanike. Naeyanaaria ajore, kiturokin eketau: ibirokini ilukumin luipu, konye mam ipikori. Eboŋuni ekabaka loka agolitomei, itonyouni ajore naepol aitelekarit nasodit; ido ketuboros ikar iyatanakini abunore kajore naepol ka iboro da luipu, “Kapaarasia kanun ebwoikinete luipu asurokin ekabaka loka ari naka eŋalakimak: ido itonyounos idwe luka luemeneraka kotunakon aiticat aitapoet; konye ibiroros. Kosodi do ekabaka loka agolitomei abunore, eduki etut, irumiar ere loebwaitai: mam ebwoete irionera luka eŋalakimak, karaida iketuŋa luaseunitai, mam da ejaun agogoŋ aibwo, Konye ŋol loebuni asurokin ŋes iswamai kwape ekotor, mam idio da yenebwoikini ŋes: ebwoi ŋesi kakwap nakaibuses, ejauni amudiar akanike. Itemokini akonyeneke abunore kagogon kere naka ajakanutuke, eyaŋauni lukabeit nepepe kaŋes; iswamai ŋun; ikorakini ŋes akoku naka aŋor amudiar ŋes; konye mam ebwoi, karaida aisigalikin ŋes. Akaulo kanun ibeloori akekonyen mama ejaas apujana, irumiari nuipu: konye itasani ekapolon amorosit nakeyauni ŋol; eebo, inyakakini ŋes amorositike. Kosodi konyet aibeloor akekonyen mama ejaas ireria luegogon luka akwapuke elopet: konye iguikini, kibiror, komam bobo etakanuni. “Kosodi do enyouni ediopet aiboisike itotori eketeleman esolo kotoma aibuses naka ajakanut: konye kapaarasia nuikidioko emudiario, konye mere kanyunyura, karaida kojie. Enyouni ekes Ioemwanitai aiboisike, lomam sek einakinitai aibuses naka ajakanut: konye ebuni ŋesi kapak nakainapakin, eyaŋaari ajakanut kanuka akiro nukaijodijod. Elelearete ajoresio kwape kakalele kakonyeneke, ebilas; eebo, ekapolon loka aitutuket da. Kedautu aitutuk iswamai kaliokonut; naarai edokari, eraun lokagogon, kojaas kituna luikidioko. Kapak nakainapakin elomari aiboisio nuitelekarito amio nukobuku; iswamai numam lukapapake iswamatos, karaida lukapapaake; ekorakini kes lumejauna, ka lunatuna, ka iboro da: eebo, ebilakini iboteike asurokin ireria luegogon, adaun apak. Ido isidiki akepedor ka aketitin asurokin ekabaka loka ari naka eŋalakimak kajore naepol: itijie da ekabaka loka ari naka eŋalakimak ŋes ejie kajore naepol noi naededen: konye mam ebwoi, naarai ebilakinete ŋes ibotei. Eebo, nul luenyamete ikenyamat, kes ca emudiarete ŋes, elelei ajoreke: ibiroros luipu edanyio. Ido ikabakan nul luarei, ibwaikinete itauonokec ameŋeranut, esabanakinete enyamete nepepe: konye mam ekeriakaros; naarai ejaun esaŋe kapak naeseunitai. Ŋes konyet ebonoria akwapuke kiboro luipu; konye esurokini eketau aitutuket nakalaunan: iswamai nuekoto, kobonori do akwapuke. “Bbonori do kapak naeseunitai, elomari ari naka eŋalakimak; konye mam ejaun kapak kaŋin kwape sek ajaar nasodit, Naarai epote ameerin nuka Kitim asurokin ŋes; ŋes konyet iburakinia, eboŋori, enyunyurikini aitutuket nakalaunan, iswamai nuekoto; eboŋori do ibwaikini etau ŋul luejalete aitutuket nakalaunan. Ebwoete irioneta kowaike, itisilianete aibois nakalaunan, ŋes ere loegogon, elemarete asubanit natir, esipokinete etal loisimejeikini. Itapaari ŋesi kaijodijod ŋul lueswamaete nueroko asurokin aitutuket: konye do icasito ituŋa Iuejenete Ekecedeke, iswamaete nukatitin. Lukacoa da lukotoma otuŋa ituutoorete luipu: konye ibirokinos okileŋ, ka akim, ka aijoreorio, ka anatario, apaarasia nuipu. Kosodi naibirorotor, inarakinio kainarakin naedit: konye imorikikinos luipu mamakee kakiro nukaijodijod. Ibiroros da ice kakesi lukacoa, aililiaun kes, aitesegaar, aitalaun kes aitodol apak nakawasia: naarai eroko ejai apak naeseunitai. “Iswamai ekabaka kwape ekotor; iturokin, itopoloor bon aitelekar ecedeke kere, inera da nukaumokin aluikin Edeke loka idekesio: ekerianari da aitodol naitodolikinio anyunyura; naarai nuepeleikinitai iswamao, Mam da epodokini idekesio luka lukapapaake, karaida loimielas aŋor, karaida apod edeke kere: naarai etopoloor aitelekar kere. Konye kaiboisike itubusikini edeke loka ireria luegogon: itubusikini edeke lomam kolo ajenete lukapapaake kesabu, ka epuesa, ka amor nuka akais nuipu, ka iboro luketiai loepol. Ikwaikini da ireria luegogon aitelekarit kinarakinite edeke lomoit; nul da luecamunete ŋes iyatakini aibuses: einakini kes airum luipu, ekori akwap kanuka etiai. “Kapak da nakosane eremori ŋes ekabaka loka ari naka eŋalakimak: ebuni ekabaka loka ari naka agolitomei asurokin ŋes kwape etapipirio, kagalin, ka ikebwanenok, ka ameerin nuipu; elomari ŋesi akwapin, elelei, etubori. Elomari da akwap nakaibuses, ibirokini luipu: konye itaiario nu kakanike, Edom, ka Moab, ka lukapolok luka idwe luka Amon. Eriori da akekan akwapin: akwap da nako Misiri mam ekui. Konye edumuni apedor kama ejaas ainadisio nuka esabu ka nuka epuesa, ka iboro da kere luka akais nuipu luko Misiri: etupakinete ŋes Ilibian ka Itiopian. Konye isiyalononoete ŋes iyemuto luepote kokide, kari da naka agolitomei: elomari kanyunyura naededen amudiar, ka aidany da cut luipu. Ido iraikini iweman lukotogoke lokapolou kidiŋ kaŋolol ka eronat lokaibuses lokalaunan; konye edolokini osaŋeke, komam yeniŋarakini ŋes. “Kapak kaŋin ebwoi Mikael, ejakait lokapolon loebwoikini idwe luka ituŋakon: ido ejaun apak naka aburun, namam apeŋo ejaunit ageun kateker ajaut aitodol apak nin: ido kapak kaŋin eyuunio ikonituŋa, ninidiopet yenetakanuni iwadikatai oitabo. Ekwenyunete da luipu kanul kaluejotoete kotoma apua naka akwap, ice neejai aijar namam edaun, ice da mama ejaas ileic ka amwanio namam edaun. Eeaunete da ŋul lukacoa kwape amwekimwek naka akuj; nul da luibelokinete luipu mama ejai adolit kwape aacer ikar ka ikar. Konye jo, wu Daniel, kimunon akiro, kipue eitabo, aitodol apak nakawasia: ekerete luipu lailo ka laije, iyatakin da aijen.” Kasodi eoŋ, Daniel, asesen, ido koany, ebwoete ice iarei, ediopet kowai lo kariri naka ecor, ece juwai kariri naka ecor. Kosodi ediopet kinit etuŋanan loenapit ebaputa, loajai kuiu akipi nukocor ebe, “Itodoli bo ai kiton osaŋe loka nukaumokin nu?” Korio erunanan loenapit ebaputa, loajai kuju akipi nukoeor, akekan nakoteten ka akekan nakokediany da kiton akuj, kasodi apupun ŋes iyapoi kolimite ŋol loejarenenei ikar kere ebe, itodoli apak, ka apakio, ka atutubet; ido kedaut kesi abilibil apedor naka ituŋa lukalaunak, kosodete konyet nun kere adaun, Kapup, konye mam abu kajen: kasodi atemar ebe, “Wu ekajakait, nuelomunete kanun kere anyoika?” Kotema atiar, “Kolot, Daniel: naarai emunon akiro, epueakin da aitodol apak nakawasia. Itesegaaros luipu, italaunos, ililiaunos; konye iswamaete lukaronok nukaronok; emameun yenikaronon yenejenuni: konye ejenunete nul lukacoa. Ido ageun kapak naelemarere ainakinet naicweio natir, esipokino da etal loisimejeikini, ejaunete apaarasia alukumit ka akwat aarei ka akaisakanykaoŋon. Isirerenitoi ŋin yenidaret, kodol apaarasia alukumit ka akwat auni ka akaisauni kanukany. Konye kolot ma ijo aitodol naejaunia awasia: naarai ibworari, ibwoi da kotoma nakibeit jo osaŋe loka apaarasia.” Akirot naka EJAKAIT naabu kobu mama ejai Kosea okoku loka Beeri, kapaarasia nuka Usia, ka Yotam, ka Akas, ka Kesekia da, ikabakan luka Yuda, kapaarasia da nuka Yeroboam okoku loka Yoas, ekabaka loka Isirael. Nakegeunia EJAKAIT einer ka Kosea, kobala EJAKAIT Kosea ebe, “Kolot, komany aberu nakadoteu, ka idwe luka adoteu: naarai adotear noi akwap, anyoun kama ejai EJAKAIT.” Aso abu ŋesi kolot komany Gomer akoku naka Dibilaim; kopotuu ŋesi, kourik ŋes isapat. Kotema EJAKAIT ŋes atiar, “Komaik ekekiror Yesereel; naarai eriŋa ber apak naedit kasodi ainyaŋ kokek laka Yeku aokot nuka Yesereel, etanaŋi da ajakanut naka ekek loka Isirael. Kosodi kanen kapaaran kaŋin, abili eoŋ akabwa naka Isirael toma aditot naka Yesereel.” Kopotuu bobo kouru ipese, Kotema EJAKAIT ŋes atiar, “Komaik ekekiror Lo-rukama, Naarai mam bobo etimi ekek loka Isirael, tetere esioniei kes, Konye etimi ekek loka Yuda, etajari kes kanuka EJAKAIT Ekecedeke, mam etajari kes kanuka akabwa, karaida ekileŋ, karaida ejie, karaida ibalasin, karaida ikebwanenok.”. Kosodi kedau aitajakaar Lo-rukama, kopotuu, kouru isapat. Kotema EJAKAIT atiar, “Komaik ekekiror Lo-ami; naarai mam eraas ikatuŋa, eoŋ da mam araun Ekusideke.” Konye do eraun etiai loka idwe luka Isirael kwape asiŋe naka aŋolol namam epedori aitemio karaida aimario; kosodi kanen, kaibois naaponi kotemarere kes ebe, “Mam iraas ikatuŋa,” etemario do kes ebe, “Yes odwe luka Edeke lokajaran.” Etukonokinos idwe luka Yuda ka idwe luka Isirael, eseunete lokapolon ediopet, enyounete kakwap: naarai epol apaaran naka Yesereel. Kolimokisi ikusiinacan ebe, “Ami”; ka akusiinaean ebe, “Rukama.” Kiŋaiŋaata totokus, kiŋaiŋaata; Naarai mam erai akaberu, Eoŋ da mam arai okilenike: Kosae ŋesi adoteuke kakonyeneke, Ka eporoke kokisinake; Kenyek aitumujalal ŋes, aibwaikin kwape kapaaran naauriere, Ketuput ŋes kwape amodiŋ, Kebwaik ŋes kwape akwap naconit, Kaar ŋes kakure. Eebo, mam etimi ikedwe; Naarai eraas idwe luka adoteu. Naarai adotear totokec: Eswama ŋin naapotuunit kes nukileic: Naarai abala ebe, ‘Alosi mama ejaas ipaelonoka, Lueinakinete eoŋ atapaka, ka akipika, Ajuloka ka abiraika, akinyeteka ka numatanaka.’ Aso do koany, abwai ekonirot kikukwa, Aduki arwatat kaneejai ŋesi, Tetere mam edumuni ikerotin. Etupari ŋesi ipaelonoke, Konye mam edolokini kes: Emoi kes, konye mani edumuni: Kosodi do ebala ebe, ‘Alosi Aboŋori mama ejai okilenika losodit Naarai ajai ejok kolo adepar kwana.’ Naarai mam ŋes ajeni ebe Eoŋ ŋes ainakinit ŋes Akima ka ebino ka akinyet, Keyatak mama ejai epuesa ka esabu Luejaanakiniata Baal. Ŋes enyakunia akimaka kapakike, Ka ebinoka kokaruke, Alemari da aiuloka ka abiraika Nutikerapiata amu; alalake, Kwana da etoduuni ikeleic Kakonyen nuka ipaelonoke, Emameun yeneyuuni ŋes kakanika. Etanaŋi da aiyalamake kere, Ipucinoke, ailamunun naka ilapioke, asabatonoke, Ka atukokinetake kere nukaiyamakina, Etiswapi imusabibunuke ka itininike, Luabu ŋesi kotema ebe, ‘Lu kes eropitika, Loapotu ipaelonoka kainakis eoŋ’; Etuluori kes amagoro, Enyamete da kes itian luka ais. Ebala EJAKAIT ebe, “Etieani ŋes Kanuka apaarasia nuka Ibaalim, Luabu ŋesi kisupurik lukisupurununo, Kisiri kitetio ka itibineke, Kibwapa ipaelonoke, kimurwok eoŋ, “Aso do koany, emaimai ŋes, Ayauni ŋes amodiŋ, Enerakin ŋes nuitalakarete. Ainakini ŋes kaŋina amanatake nuka emusabibu, Aditot naka Akor araun ekek loka amun: Eboŋokini ŋesi kaŋina, kwape kapaarasia nuka eiditeuke, Kwape kapaaran naanyounio kakwap nako Misiri, Ebala EJAKAIT ebe, “Kosodi kapaaran kaŋin, kimaikini eoŋ, Okilenika” mam bobo kimaikinit eoŋ ‘Baalika’, Naarai alemari ikiroria luka Ibaalim kaitukuke, mam bobo elimitoi ikiroriakec, Kapaaran kaŋin etutukikini kes aitutuket kitian luka ais, ka akweny nuka apak, ka lueliatos kakwap: abili akabwa ka ekileŋ ka ejie anyoun kakwap, esiperikini kes inapakina. Kesineri jo ikar kere; eebo, kesineri jo kadolit, kotube, kasianut-nakamin, ka aitimio da. Kesineri teni jo kamunonut: ijenuni do EJAKAIT,” Ebala EJAKAIT ebe, Kosodi kanen kapaaran kaŋin, Aboŋokini, aboŋokini akuj, Ŋes da eboŋokini akwap; Eboŋokini akwap akima, ka ebino, ka akinyet; Eboŋokinete kesi da Yesereel. Ayeikini ŋes akwap kanukaŋ; Etimi ŋin namam lem itimitoi: Alimokini ŋul lumam araas ikatuŋa ebe, ‘Iraas yesi ikatuŋa’; Kes da inerasi ebe, “Ŋono Ekadeke.’” Kosodi kabala EJAKAIT eoŋ ebe, “Kolot bobo, komin aberu naemina opaike, naadote, kwape eminar EJAKAIT idwe luka Isirael, karaida ibelo kinos mama ejaas idekesio ice, iminas aluŋuren nuka imusabibun nueokito.” Aso kagwelu ŋes katutubeta atomon ka nukany nuka epuesa, ka ekomer loka esairi ka atutubet naka ekomer loka esairi. Katema ŋes atiar, “Kiboikin keoŋ apaarasia nuipu; mam ilosi eporo, mam iraun aberu naka etuŋanan kere: eoŋ da ekonakini nen mamakon.” Naarai iboiete idwe luka Isirael apaarasia nuipu komamei ekabaka, karaida ekapolon, komamei asubanit, karaida epir, komamei da epod karaida iterapim. Akaulo kanun eboŋunete idwe luka Isirael, emoete EJAKAIT Ekecedeke, ka Daudi ekabakakec; epote kaiyon mama ejai EJAKAIT ka ajokisike kapaarasia nukokau. Kiirasi akirot naka EJAKAIT, yes idwe luka Isirael, Naarai ejai EJAKAIT aŋolopa kaluiboiete kakwap, Naarai emamei abeit, karaida aitim, Karaida ajenun Edeke kakwap. Emamei ibore dimarai aiyapo, ka aiŋal, ka aibil ebotet, ka aiar, ka akoko, ka adoteu; Ebelaros, aokot da edolokinete aokot. Kanuka ŋun ibworo akwap, Ekalanyana ninitunanan yeniboie kotoma, Nenipe kitian luka ais ka akweny nuka apak; Eebo, elemario da iboro lukecor. Konye kinyek ituŋanan epeget, Karaida ituŋanan aitoron; Naarai eraas ikonituŋa kwape luitepegete esasedoti. Kiguikini ijo paaran, Iguikini da enabi nepepe kaio kuare; Amudiari da totokon, Emudiaros ikatuŋa kanu amamus aijen: Naarai ibu koner aijen, eoŋ da kaneri jo, Mam iraun esasedoti mamakan; Naarai kimurwokis ikisila luka Edekekon, Eoŋ da kemurwokinete ikonidwe. Kwape epuarotor, kwape kwaŋin adiakanariata kamakaŋ: Elocokini eoŋ da aibusesukec araun ileic. Enyamenenete aronis naka ikaruna, Iranaete numam adolitekec, Aso eriakanara ituŋa ka esasedoti: Eticani kes kanuka iponesiokec, Aropi kes kanuka aswamisiokec. Enyamete, konye mam imonikinos; Edotearos komam ipuaros: Naarai enyekis aibwaikin etau mama ejai EJAKAIT. Adoteu ka ajon ka ajon nukitetiak, Kes elemarete ajenun. Inisete ikatuŋa atorominikec, Ebelakee da elimokini kes: Naarai etapaa kes emoyo loka adoteu, Aloto eporo anyoun kama ‘ejai Edekekec. Einanakinete asuban kaidiasia nuka ironan, Isupuruununete lukisupurununo koukon, Kwap kiluan, ka isiepen ka ipeduro, Naarai ejok itolimonokec. Kanuka ŋun eelos akusipesur, Edote aterakakus. Mam eticani akusipesur eelos, Karaida aterakakus edote: Naarai apaasi kesi ikulepek kanudotea, Einakinete asuban nepepe kakerimok: Ibirorio ituŋa lumam eienere. Karaida iporo ijo Isirael, Kinyek Yuda agwaun akirot; Sirikiloto Giligal, Karaida alosit Bet-aben, Karaida aiyapo ebe, “Kwape ejaria EJAKAIT.” Naarai eninik Isirael, Kwape ataok naeninik: Aso itadaki tope EJAKAIT kes Kwape imerekek kaibois naelal? Imorikikina Epuraim kaputosia, Kinyek ŋes. Edwarak amatanakec: Iporoonoros tiritir: Errinasi noi ikapolokoke ileic. Ekutari ŋes ekwam kabebenokake; Irumete ileic kanuka asuba Kiirasi na, yes isasedotin, Kopupokis yesi lukokek loka Isirael, Kitoik akit, ijo ekek loka eka baka, Naarai etube ŋes lokus; Naarai iraas yesi eic koMisipa, Ka eboi loepesikinitai Tabor. Etudulosi aipany naka Sitim; Konye etoroni eoŋ kes kere. Ajeni eoŋ Epuraim, Isirael da mam enopi kamakaŋ: Naarai kwana, ijo Epuraim, iporoi, Amunaun Isirael. Mam aswamisiokec ecamakinete kes Aibelokin mama ejai Edekekec: Naarai ejai emoyo loka eporo kotomakec, Mam ejenete EJAKAIT. Itejenuni aiturokin naka Isirael kakonyeneke: Kanuka nun iguikinete Isirael ka Epuraim toma numam adolitekec; Iguikini Yuda da kakes. Elosete nepepe kisipaninikec luka amerekekin ka aituk amoot EJAKAIT: Konye mam edumunete ŋes; ajal kes. Eswamakis EJAKAIT nukaibil cbotet; Naarai aurut idwe lumo, Kwana emudiari elap lokelamunan kes ka imanikoriakec, Kokuta apeen koGibea, ka arupepen koRama: Kokuta nuka elulu koBet-aben: Kokaukon, ijo Benyamin. Eraun Epuraim etisilio kapaaran naka aitoronio: Abu keteien atekerin nuka Isirael nuekotosi cut ajakut, Esubito ikapolok luka Yuda bala nul luisukunyikinete eikor: Abukokini kes akanyunyura kwape akipi. Eroikinio Epuraim, idecidecio kotube: Naarai itoiokit atupar aamameak, Ŋes konyet araunor kwape ekaiekelet mama erai Epuraim. Ido kwape aibos mama ejai ekek ioka Yuda. Nakeanyunia Epuraim adekake, ka Yuda da amusunutuke, Kosodi Epuraim alosit Asuria, Kijuka mama ejai ekabaka Yareb: Konye mam ŋes epedori aitaŋaleun jo, Mam epedori aitaŋaleun amusunutukon. Naarai araun eoŋ kwape eŋatuny mama ejai Epuraim, Kwape iŋatuny da mama ejai ekek loka Isirael: Eoŋ, eoŋ obe, apoopooi, kasodi alosit; Anatari, emameun da yeneyuuni. Alosi aboŋori aiboisika, Aitodol naelimoriata aidiakakec, emoete akakonyen: Edunyakinete amoot eoŋ kaiticanitoikec. “Kopotu kaboijosi neejai EJAKAIT; Naarai ŋes apoopoo, ŋes da kitanaleuni; Ŋes icumi, ijes da kimadi, Ketuboros apaarasia aarei kisikwaruni: Kitonyouni kapaaran nakiwuniet, Oni da kijari kakonyeneke. Kajenutu, kenyikokis ajenun EJAKAIT: Icasit akelomar kwape katupuruc: Ebuni mamawok kwape kakiru, Kwape kakiru nakiloboet nairwairwai akwap.” Wu Epuraim, kekonakini jo ai? Wu Yuda, kekonakini jo ai? Naarai esubit akusijokis bala edou loka atupuruc, Ido kwape akopyo nueokete nape sek. Ŋes kajepiata kinabin; Kaar kes kakiro nuka aitukuka: Esubito ikatubesia bala aica naipelun. Naarai emiela aitim konye mere asuban; Ka aijen Edeke aitelekarit ainakineta nuieweio. Konye adiakasi kesi aitutuket kwape Adam; Kamodata eoŋ kanen, Erai Gilead ere loka ŋul kaluiswamaete numam edolito, Eiukitoi aokot. Ido kwape idariata ikodeta luka ikaijatak etuŋanan, Eari kwaŋin atukot naka isasedotin korot loebei Sekem: Eebo, eswamata nukasilianut. Aanyik akirot naasogim okek loka Isirael; Atakanu adoteu koEpuraim, amunaun Isirael. Ka jo da, wu Yuda, kiseikinitai amio. Naenyakunia ikatuŋa kaijoreorio, Naakotor aitaŋaleun Isirael, Ŋes etakanunia numam adolit nuka Epuraim, Ka aronis da naka Samaria; Naarai emodete: Elomuni ekokolan kotoma, Eŋasi ekodet loka ikaŋatak kokina. Mam eomoomoete kotauonokec ebe eituni eoŋ aronisikec kere; Kwana do irigaunete kes akeeeswamisio, Ejaas kakonyeneka. Isiyalamikinete ekabaka karonisikec, Ka ikapolok da kaisabakec. Eraas kere idotea: Eraas bala ekiala loinoki ekepoon; Inyeini do aiyatakin akim, Ageun kainyon akiria aitodol naebuunioto, Kapaaran naka ekabakawok kodekakinos ikapolok kadwaris naka ajon; Korio akekan nepepe kikesekelok. Naarai etemokis ikecetauon kwape ekiala, eperunete; Eiotoi anyunyurakec akuare kia; Tupuruc enoki kwape akim naesarani. Emwaka kes kere kwape ekiala, Idoporete ikatubokokec; Ebiroros ikabakanakec kere: Emameun kotomakec yenikewonet eoŋ. Enyalakin Epuraim toma atekerin; Epuraim ŋes emugati lomam ibelokinitai. Anyamata imo akegogoŋ, komam ejeŋi; Eebo, abwanut akoruo kamake, komam ŋes ejeŋi, Itejenuni aiturokin naka Isirael kakonyeneke: Kwabo mam apotu kobonut mama ejai EJAKAIT Ekecedeke, Karaida amoot ŋes kanuka ŋun kere. Esubit Epuraim bala ajele naebaŋaana, Naemamei aijen: Iwoneete Misiri, elosete Asuria. Naelosioto, alokikini kes ekaboi; Alatakini kes kwap kwape akweny nuka apak: Alecori kes, kwape epupunio ekodetekec. Itukwi kesi! Naarai apaasi kamakaŋ; Komudiarai, naarai ebueasi kamakaŋ! Karaida akoto alakun kes, Konye apotu kasabanakis. Mam apotu kamonyakis eoŋ ketaukec, Konye ibwololoete kaperitokec: Egeras kanuka akima ka ebino, Kepaliikis ŋol. Karaida abu eoŋ ketuutoorite, ketogogonite da akecekanin, Konye itetemonorete ameŋeranut aluikin eoŋ. Eboŋunete, konye mere mama ejai ŋol loejai kuju; Esubito bala akabwa nakaimod: Ibiroros ikapolokokec kekilen, Kanuka adedeŋ naka aŋajepekec: Ŋin ŋes aisekeliokec kakwap nako Misiri Kibwaik arupepe aitukukon. Ebuni kwape emorukaalet asurokin etogo loka EJAKAIT: Naarai ebucasi aitutuketeka, Adiakasi da ikakisila. Kamonyete eoŋ ebe, Ekadeke, isio Isirael kijeni joo Aeaka Isirael ŋin naejok: Erukio lokasurup ŋes. Apotu kodakakis ikabakan, konye mere kanukaŋ; Aseut ikapolok, komam eoŋ ajeni: Eswamaut aputosia nuka epuesakee ka esabukee, Tetere egelario. Aeaka ŋesi itaokokon, ijo Samaria; Enepu akanyunyura aluikin kes: Iwori bo edolokinioto aseganut? Naarai ebuni ŋin da koIsirael. Ekeswaman ŋes asubi, mam nin erai Edeke: Eebo, ebilibilun itaok yenika Samaria, Naarai eyeete ekwam, esakete ca etapipirio: Emameete ŋes akima karaida atinoi; Mam ekokuunete aluŋuren; Konye karaida ekokuunete, Ilikorete do imo. Elikor Isirael: Ejaas kwana kotoma atekerin Kwape ibore yenimam isiyalamikinit. Naarai aloto Asuria kwape atuko naelosi abonipe: Eropi Epuraim ipaelon. Eebo, karaida eropete ikeganak kotoma atekerin, Kwana atukonokini eoŋ kes; Tetere epalarete nediokasilon Kainyonyoikin eka baka ka ikapolok akinyet. Naarai asub Epuraim itemwan luipu adiakia, Eraas mamake itemwan luka aidiak. Karaida kewadikaki ŋes ikakisila ilukumin itomon, Imarakinitai araut lukimo. Eminasi asuban; Einakinete asuban nuka akiriŋ, enyamete da; Konye mam EJAKAIT ecamuni kes: Iituni kwana numam adolitekec, Iticani kanuka aronisiokee; Eboŋorete kesi Misiri. Naarai emurwok Isirael Ekasubanike, Abu koduk itogoi lukapolou; Eyatak Yuda ireria luebwaitai: Konye eiukakini eoŋ akim oreriake, Idopori itogoi luegogoŋ. Sirikibwoŋ kailel, ijo Isirael! Kwape atekerin; Naarai iporo ijo ainyein Ekonideke, Imina aropio kanolipeial. Mam epejal ka acuet nakebino itanyamete kes, Emamikini ŋes ebino lokitetet, Mam ibojenenete kakwap naka EJAKAIT; Konye eboŋori Epuraim Misiri, Enyamete inyamat lumam elaete koAsuria. Mam ebukonokinete ainakineta nuka ebino mama ejai EJAKAIT, Mam akeeesuban isiyalamikinete ŋes; Eraun atapakec kwape atap naka aibworo; Luenyamete ŋes kere emunaunos: Naarai atapakec erai kanuka eteŋei ban: Mam itolomario togo loka EJAKAIT. Anyoika bo nuiswamaete yesi kapaaran naka atukokinet nakaiyamakina, Kapaaran da naka epueit loka EJAKAIT? Naarai koany, aekasi kamudiario, Etukokini Misiri kes, idai Memipis kes: Irumete iduanin ikeeeboro luisiyalamikinete luka epuesa: Elomunete ikukwa owemanakec. Adolut apaarasia nuka aiticanio, Adolut apaarasia nuka aitepesenio; Ejenuni Isirael: Ebanaana enabi, ekerepiki da ituŋanan yenejai emoyo, Kanu ipuatar numam adolitekon, Naarai epol asurup. Enabi ŋes ekedaran loka Epuraim, Ituŋa luka Ekadeke, Konye ejai atacit naka ekalokan-akweny orotinike kere, Asurup da togo loka Ekedeke. Amunaunos noi, kwape kapaarasia nuka Gibea: Iituni ŋesi numam adolitekec, Iticani kanuka aronisiokec. Abu kadum Isirael kwape imusabibun kamodiŋ; Kaany lukapapaakus kwape nugeet nuka etini kokaruke losodit: Konye apotu kopotu Baal-peor, Kotiakakinos mama ejaas ileic, Koraut luketale kwape Ŋin yenikeminas. Eporori aibuses naka Epuraim kwape kakweny; Emameun aur, ka nuejaas kakoikes, ka nuepotuunete da. Karaida itanete idwekec alemari eoŋ kes, Komam ituŋanan ideun; Eeba, itukwi kes naanyounio kamakec! Kwape kaanyunia, elosikinito odwe luka Epuraim araun lumejauna: Ibusakinit Epuraim aitolomun odweke aario. Koinaki kes, wu EJAKAIT: Anyoika nuiinakini? Koinak kes akoik naelomuni kina, ka ikisin lucokito. Ejai aronisikec kere Giligal; Kaŋina ber kalai kes: Kanuka aronis naka aswamisiokec Ereŋeari kes kotogoka: Mam bobo amina kes; Ipalioko ikapolokokec kere. Inomio Epuraim, erinyor aliasitikec, Mam eraete araito; Eebo, karaida euriete, Aari eoŋ idwekec luminan. Eeakari kes Ekadeke, Naarai mam apotu kopuputu ŋes: Eraunos ikeiobirak kotoma atekerin. Erai Isirael emusabibu loigananai, Loijaikini akeraito: Kwape epuatar araitoke, eyatanak ŋes! kwape kwaŋin itemwanake: Kwape ajokuunia akwapuke, etojokia kwape kwaŋin ipirinoke, Iŋalas ikecetauon; Kwana kitelekasi akiro: Ebili ŋesi itemwanakec, Emudiari ipirinokec. Abeit ebalasi ebe, “Emamei oni ekabaka: Naarai mam kiyonit EJAKAIT; Ekabaka da, anyoika nuepedori ncsi aiswamakin oni?” Inerasi akiro nuutai, Iyapoete nuka aiŋal itutuketc aitutuketa: Tape elomuni etube kwape eduan lokaisorit Kaloboi nuka emanikor, Emaranete luibojete koSamaria Kanuka itaok yenika Bet-aben: Naarai ibworos iketuŋa ŋes, Edelorete ikesasedotin kanuke, Naarai anyou aibusesuke kamaken, Edakario da mama ejai Asuria Araun ainakinet naka ekabaka Yareb: Irumete Epuraim ileje, Ileicikini da Isirael ainerunike, Samaria da, egelario ekabakake, Kwape akuletait naka akito kakipi. Emudiario da aiboisio nuiceleleete nuka Aben, Aronis naka Isirael: Elomuni ekukwai ka esukukurut kotemwanakee; Ebalasi kesi ironan ebe, Koraparai sio; Ka iukon du ebe, Kibirunos mamakosi. Wu Isirael, idiaka ijo ageun kapaarasia nuka Gibea: Apotu kobwaata kaŋina; Kinyek ejie adolokin idwe luka numam adolit koGibea.’ Naakotor, alecori kes; Etukokinos ituŋa asurokin kes, Naeleeorere kanuka adiaketakec aarei. Erai Epuraim ataok naetuutoorio, Naemina aicom; Abu kalelenite emurisinike loitemelel: Konye kwana ebwaikini Epuraim ajookot; Ekoriei Yuda, etwai Yakob. Koyeikinos adolit, Kosakata araito nuka amin; Kilobos alup nuiyenito, Naarai adol apak amoot EJAKAIT, Aitodol naebunio ijesi aisitepikini yes adolit, Ipotu kokorioto aronis, Isakata numam adolit; Inyamata araito nuka aiŋalanut; Naarai ipotu komunokinos ekusirot, Ka aipues da naka ikiriginikus. Aso enyouni ecelet kotunakon, Eŋatario ireriakon kere luegogoŋ, Kwape keŋataria Saluman Bet-arabel kapaaran naka ejie: Ipicipicitai nukatoto ka idwekec. Wu ekek loka Isirael, kikwaikinio yes kwaŋin, Kanuka aronisikon naepol noi: Egelario cut ekabaka loka Isirael ecila kide. Naaraar Isirael ikoku, abu kamina ŋes, Kanyarau ikakoku anyoun koMisiri. Kwape anyaraere kes, Kwape kwaŋin ekunyariata; Koinanakinete Ibaalim asuban, Kisupuronokinete lukisupurununo aputosia nuegerer, Konye kesisianak Epuraim alosit; Katunite kes kakaninika; Konye mam apotu kojenut ebe etanalcu kes. Kebwos kaunoi nuka etuŋanan, kaeneta nuka amin; Kasubite kama ejaas bala nul luelacete arukana kabokonyakee, Kebwaik inyamat kakonyenekec, Eboŋorete ke si akwap nako Misiri; Konye eraun Eyasuriat ekabakakec, Naarai aneroto aboŋun mamakan. Edoikini ekileŋ oreriake, Enyami da atiketake kodau, Kanuka ainerunikee bonik, Abolosi ikatuŋa itauon ajurusiar anyoun kaneajai: Karaida kenyaritai neejai ŋol loejai kuju, Mam idio da yenecamunit aitopoloor. Kaialakini jo biai, Epuraim? Kakorakini biai, Isirael? Ketuluori jo biai bala Aduma? Kebwaikini biai bala Seboim? Ebelokin ekatau kotoma, anoku akaitim. Mam etodolikini akanyunyura naededen, Mam aboŋuni amudiar Epuraim: Naarai arai eoŋ Edeke, kwabo mam arai etuŋanan; Ekalaunan loejai kidinikon: Mam abuni amudiar. Etuparete rwaru EJAKAIT, Loegatuni bala eŋatuny; Naarai egatuni, epote da idwe emaranete koto. Epote emaranete kwape akweny naebuni ko Misiri, Kwape ebunio ajele kakwap naka Asuria; Ido inera EJAKAIT ebe, Esiboikini kes otogoikec, Kesirimorit eoŋ Epuraim kainal, Ka ekek da loka Isirael kaimod: Konye eroko Yuda igesitoi kaneejai Edeke, Ido erai lomunot kaneejai Ekalaunan. Edak Epuraim ekwam, Etupit ekwam lokokide: Iyatanakini tiritir aiŋal ka aimod; Itutukete kAsuria, eyanaario akinyet Misiri. Ejai EJAKAIT aŋolopa ka Yuda, Iticani Yakob kwape ejaatar iponesioke; Itepeseni ŋes kwape ejaatar aswamisioke. Kakoik abu kitin onaceke katitibat; Ido kekurunan koutas ka Edeke: Eebo, koutas kemalaika, kipiko: Komony akiyo, kinaina ŋes: Kiriamunos ka Edeke koBet-el, Kaŋina da kinera Edeke kaŋes. Ŋes EJAKAIT, Edeke loka ajoresio; EJAKAIT ŋes ekekiror. Aso do kibelokin ijo mama ejai Ekonideke; Korieite aitim ka etube, Kidareununei tiritir Ekonideke. Ekagwelanaran, itinit aininesio nuka aiŋal kakanike: Emina aimod. Abala Epuraim ebe, “Abeit abar eoŋ, adum abar”: Konye mam abarake kere edauni aronis naadiaka ŋesi. Naarai arai eoŋ EJAKAIT Ekonideke Anyoun kakwap nako Misiri; Esiboikini bobo yes oweman, Kwape kapaarasia nuka epucit lokaiyamakina. Abu eoŋ kener da kinabin, Eoŋ ŋes eyatakini aitapoeta, Kainak awaragasia kama ka inabin. Arai ejaas numam adolit toma Gilead, Abeit eraunos aamameak; Arai einakinete imoŋin lutoba koGiligal, Eraunos itemwanakec atukon nuka amor Kaloboi nuka emanikor. Abu Yakob koker omanikor loka Aram, Kijaanak Isirael adumunia aberu, Kicokiei amerekekin adumunia aberu.’ Kitolom EJAKAIT Isirael koMisiri kenabi, Kidarenenei enabi kes. Etunyunyurik Epuraim noi noi: Kanuka nun kobeata ŋes akeokot, Inyakakini EJAKAIT ŋes akemorosit. Nakeneria Epuraim, kojai amaran; Kitopoloor koIsirael; Konye nakegwaunia akirot kanuka Baal, kotwana. Kwana da iyatanakinos adiakanar, Eswamaut aputosia nueealara nuka epuesakec, Kes aputosia kwape ejaat aijenikec, Kes kete aswam naka luepiriaka: Enerasi nukec ebe, Konuata ca ituŋa lueinakinete asuban itak. Kanuka ŋun eraunos kwape elisina loka atupuruc Kwape akopyo nuisunyito ailicar, Kwape agugu nuekutari etapipirio kopejal, Kwape apuru da naelomuni kapedot. Konye arai eoŋ EJAKAIT Ekonideke Anyoun kakwap nako Misiri; Mam ijeni ecedeke dimarai eoŋ, Emamei da ecetiaemar eoŋ ekal Abu kajen jo kamodiŋ Kakwap naka akure naepol. Kwape kedakananatar kimonianakinos; Kimonikinos kitopoloor ekecetau: Tape imurwokinete eoŋ, Kanuka nun araun eoŋ kwape eŋatuny kamakec: Edari korot kwape eris: Kiriamakin kakes kwape adubu naademaritai idweke, Apoopooi atorobukec: Kaŋina da anyami kes kwape eŋatuny; Epoopooi kes etiaŋ loka ais. Kamudiari jo, Isirael; Iŋai bo kinarakini? Ali bo ekabakakon, tetere kitaiari jo koreriakon kere? Ka ikatubokokon da luibala ijo ebe, “Koinakinai eoŋ ekabaka ka ikapolok?” Abu kainanak jo ikabakan kanyunyuraka, Abu kalema kes kaisiopoka. Eenitai numam adolit nuka Epuraim; Inadakinitai akeronis. Ebunokini ŋes ariebo naka aberu naidouni; Erai okoku loemamei acoa; Naarai kwana iyapi airukum okek loka akoik. Ageli kereka eoŋ kes kapedor naka ates? Alakuni kereka kes katwanare? Wu ju atwanare, ai bo ejai atularikon? Wu jo ates ai bo ejai amudiarikon? Ibwaitai aitoronikin kakonyeneka. Karaida euriara ŋesi koinacanake, Ebuni ekwam lokokide, Ekwam loka EJAKAIT loebuni kamodiŋ, Eonikini atanike, eonikini da eeoake: Enatarl ŋesi aiŋadisia nuka iboro kere luisiyalamikinito. Ibwoki Samaria akeronis; Naarai ipaliikinit Ekedeke: Etwakete kekilen; Ipicipicio imukerunukec, Enerereo aŋorokec nuepotiet Wu jo Isirael, kobonu mama ejai EJAKAIT Ekonideke; Naarai ibiror kanwnam adolitekon. Koyanau akiro, kobonu mama ejai EJAKAIT: Kolimok ŋes ebe, “Kolema numam adolit kere, Kocam nuejok: Kasodete isio ainakin aiturit naka aitukekosi. Mam Asuria kitaiari sio: Mam bobo kibwaneni ibalasin: Ido mam bobo kilimokini aswam naka akaninikosi ebe, ‘Yes ikosidekesio.’ Naarai kotomakon ŋes edumuniata ikokiok aitim.” Etaŋaleuni eoŋ akecejurusianar kau, Amina kes atitai: Naarai ebelokin akanyunyura kamakec. Araun eoŋ kwape akopyo mama ejai Isirael: Ituroi kwape aapeeel, Isiarakini akelias kwape Lebanon. Igananaete atenunake, Ajokisike da eputokini eseitun, Auresike kwape Lebanon. Eboŋunete ŋul luibojete otolimike; Ikwarunete kwape akima, Ituroete kwape emusabibu: Eraun auresike kwape ebino loka Lebanon. Wu Epuraim, anyoika eoŋ kaputosia? Aboŋokini eoŋ, aseseni da ŋes: Arai eoŋ kwape eberos loepalal; Kamakaŋ ŋes idumununia araitokon. Ŋin yenikacoa, kinoosikini ŋun, Yenicobe da kojenu kes, Naarai itenara irotin luka EJAKAIT, Itorenenete da ikadolitok tomakec; Konye iguikinete luepaarete. Akirot naka EJAKAIT naabu kobu mama ejai Yoel okoku loka Petuel. Kiirasi na, yes imakio, Kitoikis aki yes kere luibojete kakwap. Abu kereka na kojaun kapaarasiakus, Arai bo kapaarasia nuka lukapapakus? Kolimokisi yesi ikusidwe, Ikusidwe da kolimokis idwekec, Ka idwekec da atur ace. Luedeuni ogagul, anyam emaase; Luedeuni emaase anyam enyede; Luedeuni enyede anyam ekutelek. Kokwenyutu, yes ikamerak, komonya; Kodelosi, yes kere ikamatak ajon, Kanuka ajon nuwinyiwiny; Naarai ademaritai kaitukekus. Naarai ebunokinit ateker akwapuka, Naegogoŋ, namam unano; Esubito ikelake bala ikela luka eŋatuny, Ejaas itirikada luka aŋatuny. Etoono ekamusabibu, abil etinika: Erega eut, aeaka; Etwakaŋ atenunake. Kokuudian kwape abekot naenapit epuko Kanuka okilenike loka atumunike. Ademaritai ainakinet naka akiria ka ainakinet da namalat Kotogo loka EJAKAIT; Ibworos isasedotin, Ikejaanakinak luka EJAKAIT. Eswap emanikor, ibworo akwap; Naarai eswapata akima, Aoko ajon nukitetiak, Eŋoŋar akinyet. Kileicikisi, okwe yes ikakoriok, Kodelosi, okwe yes ikaeapak imusabibun, Kanuka akima ka esairi; Naarai aolio aidweny naka emanikor. Arinyo emusabibu, eŋoŋar elini; Arinyoto ekamamaga, ka eidukudukut, ka emucugwa, Ikito kere da lukomanikor: Naarai arinyo ailel kodwe luka ituŋa. Konapata ipukoi, kokuudianata, yes isasedotin; Kodelosi, yes ikejaanakinak luka etem. Kopotu, koperoto opukoi akuare kia, Yes ikejaanakinak luka Ekadeke: Naarai imikitai ainakinet naka akiria ka ainakinet namatat, Kotogo loka Edekekus. Kitalaut ailuŋ, konyaraut atukokin nakalaunan, Kotukonokinos imakio ka luibojete kakwap kere Kotogo loka EJAKAIT Ekusideke, Komonyata mama ejai EJAKAIT. Itukwi apaaran ŋin! Naarai aapu apaaran naka EJAKAIT, Ebuni kwape amudiar kaneejai Lokapedor kere. Mam kereka ademaritai inyamat kakonyenewok, Eebo, ailel ka aiyalama kotogo loka Edekewok? Ebosete ikinyom kaloboi; Esilioros idulai, Ebilio itujai; Naarai arinyoto akima. Idinyasi ca ma itiaŋ! Biurununito isipanin luka ibaren, Naarai emameete kes inya luedakas; Eebo, itisilio isipanin luka amerekekin. Wu EJAKAIT, amonyi eoŋ mama ijai: Naarai edopo akim ironyia luka amodiŋ, Ecweata aipelonoreta ikito kere luka ais, Eebo, iyeŋiyeŋas itiaŋ luka ais mama ijai: Naarai aokoto icileta luka akipi, Edopo akim ironyia luka amodiŋ. Kokuta yesi arupepe koSion, Kilalaata komoruka lokalaunan; Komaranata kere luibojete kakwap: Naarai ebunit apaaran naka EJAKAIT, naarai aapu: Apaaran naka amuton ka anyikilil, Apaaran naka idouon ka amuton naeiesi cucucuc, Kwape ecilar kide koronan; Etuŋat loepol loegogoŋ, Ageun apeŋo amamei loaputos kanol, Mam rwaru bobo ejaun lueputos kakes, Kiton ikar luka aturio nuipu. Idopori akim koiŋarenekee; Kokaukee da enokete aipelonoreta, Esubit akwap bala emanikor loka Eden koiŋarenekec, Kokaukec da amodiŋ nailaronon; Eebo, emamei da loabu koku kamakec. Atakanukec eputos bala atakan naka ibalasin; Ekerete kwape ikebwanenok. Esomanaros kwape eeelet loka agalin, Kaidiasia nuka ironan, Kwape ecelet loka aipelonoreta nuka akim Naidopori ariaŋ, Kwape ituŋa lukagogon luiderakinos ejie. Eriebas atekerin noi kakonyenekec: Ijulakinos akonyenekee kere. Ekerete kwape ituŋa lukirigin; Edokete arwatat kwape ikajiok; Eraei ninitunanan korotoke, Komam iieranakinos, Mam ediopet eremori loce; Eraei ninidioper korotoke: Etiakete kesi luiiis komam itikokinio. Esomanaros ore; Ekerete karwatat; Edokanarete otogoi; Elomanarete kadirisan kwape ekokolan. Ŋaŋakin akwap koinarenikec; Emarani akuj. Amutonor akoloŋ ka elap, Enyakasi aacer aicakec. Elimuni EJAKAIT ekeporoto koinaren kajoreke; Naarai ipu iidukurunuke; Naarai egogoŋ ŋesi loitodoli akekirot: Naarai epol apaaran naka EJAKAIT, nakanosibib naepol; Iŋai bo epedori abwoikin? Konye ebala EJAKAIT ebe, “Kibelokinos yesi mama ajai Kitauonokus kere, Kailun, ka aimony akiyo, ka aibworo: Koeila itauonokus, kwabo mere inapenekus.” Kibelokinos mama ejai EJAKAIT Ekusideke: Naarai esiana ŋesi, ileleba aitim, Iyapi anyunyurikin, ebarara aitim, Iituni kinyek aronis, Iŋai bo ejeŋi arai motoko ibelokin, Iituni, inyeini arereŋ kokauke, Ainakiner naka akiria ka ainakinet namatat da Mama ejai EJAKAIT Ekusideke? Kokuta arupepe koSion, Kitalaut ailuŋ, Konyarautu atukonokin nakalaunan; Korukonokis ituŋa, Kitalaut ekodet, Kinotut imakio, Kotukonokis idwe, Ka luenakete ikisin: Kolom eteran kagolake, Ka ateran da kotoma igolake. Komonyata isasedotin akiyo, Ikejaanakinak luka EJAKAIT, Kokidin kaneelomarere ka etem, Kotemasi atiar, “Kideu ikonituŋa, wu EJAKAIT, Sirikiinak airumetekon araun amorosit, Ka agaracio kotoma atekerin: Kanukinyo etemariata kesi katekerin ebe, ‘Ai bo ejai Ekecedeke?’” Kosodi EJAKAIT aikokotikin kanuka akwapuke, Kitim iketuŋa. Koboŋok EJAKAIT iketuŋa ebe, “Koany, kejukakini yes Akima ka ebino, ka akinyet, Kisimonete yes: Mam bobo ketarauni yes amorosit katekerin. “Konye esukunyari mama elwana Ajore naka agolitomei, Ereŋeari ŋ es akwap nailaronon, naesil, Ikenarenokoke kotoma aŋolol nakokide, Ka ikagolokoke kotoma aŋolol nakoto; Elomuni auresike, Elomuni da abosusuke naeur tulutul, Naarai eswama nuepolok. “Sirikikurianar, ijo akwap, Kiyalamikin, kolakar; Naarai eswama EJAKAIT nuepolok. Sirikikuriakaros, yes itiaŋ luka ais; Naarai ebwaŋunete ironyia luka amodiŋ, Naarai erai ekitoi araitoke, Ejaikini etini ka emusabibu agogonukec, “Aso do kiyalamikinos, yes idwe luka Sion, Kolakaros kotoma EJAKAIT Ekusideke: Naarai kiinakini ŋ esi akiru naka aiporo naedolit, Isitepakini yes akiru, Akiru naka aiporo, ka akiru naka akamu, Kwape lem sek. “Ilelebunos ipejala akima, Ilapanaros ebino ka akinyet kotoma akaalakanya. Enyakakini eoŋ yes ikar luanyam emaase, Ka enyede, ka ekutelek, ka ogagul, Akaiore naepol naejukunit mamakus. “Inyamete yesi amio, imonikinos, Iturete ekiror loka EJAKAIT Ekusideke, Lokiswamak yes nukaumokin: Mam bobo ikatuŋa ileicikinete. Ŋenunete ebe ajai eoŋ kotoma Isirael, Eoŋ arai EJAKAIT Ekusideke, emamei ece kere: Mam bobo ikatuŋa ileicikinete. “Kosodi kanen akaulo kanun, Abukokini ekamoyo kere luejaas awat, Edwarete idwekus lusap ka lupesur, Iruiaete ikusimakio airuiasia, Eanyunete ikusikatumunak aitapoeta. Bobo da kapaarasia kanun Abukokini ekamoyo obulesin ka abulesin. “Etodikini nukaumokin toma akuj, kotoma akwap da, aokot, ka akim, ka ipirin luka apuru. Eluor akoloŋ amuton, ka elap da araun aokot, korina edoluno apaaran nakos ka nakanosibib naka EJAKAIT. Kosodi kanen, itajaruunos kere luiwoneete ekiror loka EJAKAIT; naarai komoru Sion ka Yerusalem eiaunete luekuete, kwape enerar EJAKAIT, kotoma aatoŋot da ŋul luenyarauni EJAKAIT. “Naarai, koany, kapaarasia kakwa, kapak kaya da, naenyakunia luejoreoritai luka Yuda ka Yerusalem, atukonokini atekerin kere, ayauni kes aditot naka Yekosapat; apurokini kakes kanuka ikatuŋa ka akairumet Isirael, luapotu kesi kisiarakis katekerin, ka akorokor da akakwap. Apotu kilamilamata eroet kanuka ikatuŋa: ainakis esapat itia naadote, agwelasi apese itia ajon, tetere kes emasete. “Eebo, inyoika kereka yesi kaneajai eoŋ? Ŋo Turo, ka Sidon, ka akwapin kere nuka Pilisitia? Kitacakinete kereka eoŋ eropit? Ido arai kitaeakinete eoŋ, kesunyak eoŋ ainyakakin atipet akwesikus nuipotu kiswamata, Naarai ipotu koyanaasi epuesaka, ka esabuka, kodakasi iboroka luejok luisiyalamikinito abilaikus. Ipotu kogwelasi da idwe luka Yuda ka idwe luka Yerusalem mama ejaas Iyonanin, tetere eyaŋaarete kes kama elwana koikorunokec. Koany, esidiki kes aitonyoun kaibois naipotu kogwelas kes, enyakakini nuipotu kiswamata akwesikus, Agwelari ikusidwe lusap ka lupesur akanin nuka idwe luka Yuda, kes da egwelarete kes mama ejaas ituŋa luka Seba, ateker naelwana: naarai ener EJAKAIT.” Kolimonokis ŋun katekerin; Kokapakinos ejie; Kisidikis ituŋa lukirigin; Kikunyutu ikajiok kere, kopotu. Kotatata imelekesikus aituluor ikileŋa, Ka ieilikikinikus lukidimet aituluor akwaras: Kolimok loenonok ebe, “Agogoŋ eoŋ.” Kisunyito yesi, kopotu, Yes atekerin kere nuirimorito, Kotukonokinos: Kitodok ikagogoŋokokon, wu EJAKAIT. Konyout atekerin, Kopotu aditot naka Yekosapat; Naarai eboikin kanen Atubokin atekerin kere nuirimorito. Kodumutu ecilikiki, naarai akono aidweny: Kopotu kipudapudata, naarai ileleba aicues. Ilapanaros akaalakanya, Naarai epol aronisikec. Ikodeta, ikodeta, kotoma aditot naka etube! Naarai eapiei apaaran naka EJAKAIT, Kaditot naka etube. Amutonor akoloŋ ka elap, Enyakasi da aacer aicakec. Egatuni EJAJCAIT koSion, Elimuni ekeporoto koYerusalem; Ŋaniiaŋun akuj ka akwap, Konye eraun EJAKAIT aŋopis naka ituŋake, Ka abwas da mama ejaas idwe luka Isirael. “Kwaŋin iienunete yesi ebe arai eoŋ EJAKAIT Ekusideke, Loeboie koSion emoruka lokalaunan. Kosodi Yerusalem araun Iokalaunan, Mam bobo imo itorete tomake. “Kosodi kanen kapaaran kaya, Idonete ironan ebino loewiny, Eleleete iukon akile, Eleleete da aguuruto kere nuka Yuda akipi; Elomuni atan kotogo loka EJAKAIT, Naisinauni aditot naka Sitim. “Esilior Misiri, Eraun Edom da amodiŋ naesil, Kanuka nukadeden nueswamakinitai idwe luka Yuda, Naarai abukosi aokot numam aronis kakwapukec. Konye ibojenenei Yuda ikar kere, Ka Yerusalem da kiton aturio kere. Etesegi eoŋ aokotokee numam etesegaarir, Naarai iboie EJAKAIT ko Sion.” Akiro nuka Amos lokerai ediopet kokecokok luka Tekoa, nuabu ŋesi koany nuka Isirael kapaarasia nuka Usia ekabaka loka Yuda, kapaarasia da nuka Yeroboam okoku loka Yoas, ekabaka loka Isirael, ikar iarei eriŋa kedolo amaran naka akwap. Kotema atiar: “Egatuni EJAKAIT koSion, Elimuni ekeporoto koYerusalem; Ibworos ironyia luka ikeeokok, Erinyori aidi naka Karumel.” Ebala EJAKAIT kwanata ebe: “Kanuka aibucareta auni nuka Damasiko, Eebo, kanuka aoŋon, mam ejulakini aiticanioke; Naarai apotu kieomata Gilead Kiboro lukieomis luka asua. Konye ejukakini akim togo loka Kasael, Idopori itogoi lukapolou luka Ben-kadad.” Ebala EJAKAIT ebe, “Abili eoŋ atiket naka Damasiko, Agelari luibojete kaditot naka Aben, Ka ŋol da loitiŋit ebela loka ajakanut kotogo loka Eden: Ŋoreorio ituŋa luka Suria kiton Kir,” Ebala EJAKAIT kwanata ebe: “Kanuka aibucareta auni nuka Gasa, Eebo, kanuka aoŋon, mam ejulakini aiticanioke; Naarai ejoreosi ituŋa kere, Aijaikin kes Edom. Konye ejukakini akim arwatat naka Gasa, Idopori itogoike lukapolou.” Ebala EJAKAIT Edeke ebe, “Agelari luibojete koAsudod, Ka ŋol da loitinit ebela loka ajakanut koAsukelon; Ebelokini akanika asurokin Ekuron, Eoliori aatoŋot naka Ipilisitian.” Ebala EJAKAIT kwanata ebe: “Kanuka aibucareta auni nuka Turo, Eebo, kanuka aoŋon, mam ejulakini aiticanioke: Naarai apotu kijaikis Edom ituŋa kere, Mam apotu kiitutu aitutuket naka einacane. Konye ejukakini akim arwatat naka Turo, Idopori itogoike lukapolou.” Ebala EJAKAIT kwanata ebe: “Kanuka aibucareta auni nuka Edom, Eebo, kanuka aoŋon, mam eiulakini aiticanioke; Naarai abu korukitor onaceke kekilen, Koeaka aitim kere, Koresianar akeisiop tiritir, Koric akenyunyura ikar kere. Konye ejukakini eoŋ Teman akim, Idopori itogoi lukapolou luka Bosura.” Ebala EJAKAIT kwanata ebe: “Kanuka aibucareta auni nuka idwe luka Amon, Eebo, kanuka aoŋon, mam ejulakini aiticanioke; Naarai apotu konerereata aŋor nuepotiete nuka Gilead, Tetere italalaete eikorukee. Konye enokokini akim arwatat naka Raba, Idopori itogoike lukapolou, Kecelet kapaaran naka ejie, Ka ekwam da kapaaran naka etapipirio.” Ebala EJAKAIT ebe, “Elosi ekabakakec aijoreorio, ŋes nepepe ka ikapolokoke kere.” Ebala EJAKAIT kwanata ebe: “Kanuka aibucareta auni nuka Moab, Eebo, kanuka aoŋon, mam ejulakini aiticanioke; Naarai abu kiewe akoio nuka ekabaka loka Edom koraut ekurwon. Konye ejukakini Moab akim, Idopori itogoi lukapolou luka Keriot; Etwani Moab kelulu ka ecelet, Ka eporoto da loka arupepe.” Ebala EJAKAIT ebe, “Agelari ekatubon kokidinike, Aari ikapolokoke kere nepepe kaŋes.” Ebala EJAKAIT kwanata ebe: “Kanuka aibucareta auni nuka Yuda, Eebo, kanuka aoŋon, mam eiulakini aiticanioke; Naarai aneroto ekisil loka EJAKAIT, Mam apotu korieito akeicorakineta, Kitapaa kes ainalakec, Naatupenenete lukapapaakec. Konye ejukakini Yuda akim, Idopori itogoi lukapolou luka Yerusalem.” Ebala EJAKAIT kwanata ebe: “Kanuka aibucareta auni nuka Isirael, Eebo, kanuka aoŋon, mam ejulakini aitieanioke; Naarai egwelanarete ikadoliton kanuka epuesa, Ka yenikiean da kanuka amuk. Luipudapudaete akwes nuka lukican kotoma apua nuka alup, Lueremorete awai erot loka luitasonos: Elomanarete etuŋanan ka papake mama ejai apese, Aitisil ekakiror lokalaunan. Erioros eiduny kanolitem konapen luademasi araut aititineta, Ido toma togo loka Edekekee emasete ebino Loka ŋul luaponi kitegelai. “Konye abu eoŋ kamudia Emorait kakonyenekee, Kosubite akeoiau bala aojau naka iresia, Kogogon bala iluan; Konye abu kamudia araitoke kokuju, Ka aliasike da kokwap. Ido abu eoŋ ketolom yes kakwap nako Misiri, Kenarenik yes ikar akaisaoŋon kamodiŋ, Aisurum akwap naka Emorait. Abu eoŋ kadakak odwekus araun inabin, Ikusikatumunak da araun Inasirin.” Ebala EJAKAIT ebe, “Wu yes idwe luka Isirael, Mam kereka ekote nen? “Konye ipotu koinakis Inasirin ebino aimat; Ipotu kieorakis inabin ebe, ‘Sirikidwarata.’ “Koany, aridakini yes kaiboisikus, Kwape eridakinor agali naileleba iisutan, Etwaniari loetirono aŋopis, Mam lokagogonon itogogoni akegogoŋ, Karaida lokirigi aitajar akeijar. Loikesi akabwa mam ebwoi; Loetirono kakeje da mam eyuuni bon: Loibwaneni ebalasit da mam itaiari akeiiar.’ Ebala EJAKAIT ebe, “Ŋol da loetitin kotoma lukirigin Ekeri emuialal kapaaran kaŋin.’ Kiirasi akirot na nakinerak yes EJAKAIT, wu idwe luka Isirael, ka ajen kere naetonyouni alemun kakwap nako Misiri kabala ebe: “Yes bonik abu kaien kajenasinei kere nuka akwap: ŋes ketieania yes kanuka numam adolitekus kere. “Epedorete kereka iarei aup, Arai mam imorikikina? Egat kereka eŋatuny kamagoro, Komam emejaunit? Ikuna kereka iŋatuny kotoma abuake, Arai mam ikamunit ibore? Epedori kereka akweny aipok kokwap, Komam elokitai elabwata? Ejetakin kereka aloket kokwap, Arai mam ipokit ibore? Ekutakinio kereka arupepe kore, Komam ituŋa ekuriakaros? Edoikin kereka aronis ore, Arai mam EJAKAIT eycŋaunit? Abeit emameete nuiswamai EJAKAIT Edeke, Dimarai epukokinit ikebulesin inabin akeiyeiyea. Agatu eŋatuny; Iŋai bo mam ekurianar? Ener EJAKAIT Edeke, Iŋai bo ekurwokini aidwar?” Kolimonosi kotogoi luka Asudod, Kotogoi da kakwap nako Misiri, Kineras atiar, “Kotukonokinos koroŋan luka Samaria, Koanyut iceleta luetia nen lueiaas toma, Ka imwaŋito da kwape ejaatar kidiŋ nen.” Ebala EJAKAIT ebe, “Naarai mam ejenete aswam naejok, ŋul luinadaete epali ka aiŋat kotogoikec.” Ŋes inerar EJAKAIT Edeke kwanata ebe: “Ejaun lokasurup, airiamar akwap iwaitin kere: Itojoni akonigogoŋ, Eŋasio da ikonitogoi lukapolou.” Inera kwanata EJAKAIT ebe:” Kwape edemunia ekecokon akeie aarei arai itutubet yenikakit kaituk naka eŋatuny; eyuunio kwaŋin idwe luka lsirael luibojete koSamaria kotoma agor naka aperis, ka aicolonisio nuka aliiri nukotut.” Inera EJAKAIT Edeke, Edeke loka aioresio ebe: “Kiirasi, koraut ikaienak kokek loka Yakob. Naarai kapaaran naeticania Isirael adiakanaretake, Eticani da itemwan luka Bet-el, Eiepio da amumwar nuka etem, Kibirokinos kwap.” Ebala EJAKAIT ebe, “Atiyakini etogo loka aiporo, ka etogo da loka akamu; Eoliorete itogoi luka ikel luka etom, Enaŋete da itogoi lukapolou.” “Kopupokis akirot na, yes aituk nuka Basan, Nuejaas oronot loka Samaria, Nueroikinito lukican, nueeuete luilwaritos, Nuebalas ijakakec ebe, C Koyautu, kamata!’ Abu EJAKAIT Edeke kiyapo kolimit alauniteke ebe, Koany, kibunokinete yes apaarasia, Kilemario kigolun, Ka nuedeunos kayesi kilemario kigolun luka ikaokak.” Ebala EJAKAIT ebe, “Ilomarete karorwaitin, Ŋinidiopet kakonyencke, Kiremokinio Karumon. “Kopotu Bet-el kodiakasi; Giligal da, kiyatanakis aidiak; Koyaununut asubanakus ŋinitupuruc, Ka idiopet kaŋulutomon ŋunupaarasia auni. Kisupurikis asubanit naka aimal naka yenitubuunitoi, Kolimosi ainakineta nuka akote korama kes.” Ebala EJAKAIT Edeke ebe, “Naarai ŋun kitojokito yesi, wu yes idwe luka Isirael.” Ebala EJAKAIT ebe, “Kainak eoŋ yes alaunit naka ikel koreriakus kere, Ka amamus da inyamat kaiboisiokus kere: Kwabo mam ipotu koboŋut neajai eoŋ.” “Etikok eoŋ da akiru kamakus, Koroko esalito ilapio iuni adolokin aisak: Esitepanakini ere ediopet, Mam esitepanakini ere ece; Kotepenenei akiru aibois adiopet, Koono da aibois namam etepenenei akiru. Kirimenenete ireria iarei arai iuni Mama ejai ere ediopet aimat akipi, Mam imonianakinos.” Ebala EJAKAIT ebe, “Konye mam ipotu kobonut neaiai eoŋ. “Kenom ‘yes ketapipirio ka airouroun: Anyam ogagul aipues naka imanikoriakus, Ka amanatakus nuka emusabibu, Ka ikitokus da luka itinin ka iseitunun.” Ebala EJAKAIT ebe: “Konye mam ipotu kobonut neaiai eoŋ. “Kejukak yes atular koipone loko Misiri: Aar ikusikatumunak kekilen, Ayanaa ikusibalasin; Ketodok aures naka iidukurunukus okumesikus.” Ebala EJAKAIT ebe, “Konye mam ipotu kobonut neajai eoŋ. “Ebiro ice kayesi, Kwape ebiroria Edeke Sodom ka Gomora, Kosubito yesi bala akalas naalemuna kakim.” Ebala EJAKAIT ebe, “Konye mam ipotu kobonut neajai eoŋ. “Kanuka nun keswamakini jo nuikote nen, ijo Isirael; Ido naarai keswamakini jo nun, ijo Isirael, Kitemokin aisiriama Ekonideke!” Naarai koany, ŋol loilunuluni ironan, loesubi ekwam, Loelimokini ituŋanan aomisioke, Loituluori atupurue amuton, Loicakacakai da aiboisio nukokuju nuka akwap; EJAKAIT, Edeke loka ajoresio, ŋes ekekiror. Ŋo ekek loka Isirael, kiira akirot na, Naenera eoŋ akuudian joo “Ebiror abekot naka Isirael; Mam enyouni bobo: Alatakin alupoke; Emamei yenitonyouni.” Naarai ebala EJAKAIT Edeke kwanata ebe: “Ere loalomunia elukumit, Ideunos akwatat, Ŋol da loalomunia akwatat, Ideunos itomon, Lukokek loka Isirael.” Naarai ebala EJAKAIT ekek loka Isirael kwanata ebe: “Komoata eoŋ, ijarete; Konye sirikimoata Bet-el, Karaida alomar Giligal, Sirikitoroto Beer-seba: Naarai abeit elosi Giligal aijoreorio, Epalun Bet-el.” Komoata EJAKAIT, iiarete; Kinyek anokun kwape akim kokek loka Yosep, Idopori komameun yenitudeŋi kobet-el, Yes luibelokinete etube araun adwaris, Luicakakinete adolit kwap! Komoata ŋes lokesubi aacer Piliades ka Orion, Loibelokini etolim loka atwanare araun atupuruc, Loitumutonori apaaran kakuare; Loenyarauni akipi nuka aŋolol, Ebukokini kes toma akwap; EJAKAIT ŋes ekekiror. Enesari ŋesi lukagogonok katular, Tetere ebunokini amudiar ere loegogon. Elaete ŋin yenitoroni korute, Esacete ŋin yeninera nuitenara, Aso do naarai ipudapudaete lokican, Itelemete ŋes akima, Ipotu kodukoto itogoi luka amor nuegerer, Konye mam iboiete kotoma; Ipotu kiraata amanat nuejok nuka emusabibu, Konye mam imasete ebinokec. Naarai ajeni kwape ipuatar aibucanaretakus, Kwape da eiliiliotor aronisiokus; Yes luiroikinete ikadolitok, Luitelemenenete ainakineta, Luiremosi luilwaritos awai korute. Kanuka ŋun ililiŋi locobe kapak kaŋin; Naarai erai apak naerono. Komoata aiokis, konye mere aronis, Tetere ijarete: Tetere ejaenena EJAKAIT, Edeke loka ajoresio kayes, Kwape kibalatar. Kolaata aronis, kominas ajokis, Kiticat etube korute: Motoko kosianak EJAKAIT, Edeke Ioka ajoresio, Aatoŋot naka Yosep, Kanuka ŋun ebala EJAKAIT, Edeke loka aioresie, EJAKAIT, kwanata ebe: “Ejaun aimony toma asisiarin kere nuelalak; Ebalasi kotoma orotin kere ebe, ‘Wu okwe! Wu okwe!’ Enyaraunete ekakorion aibworo, Ka nul da luepiriaka akuudian, aimony.” Ebala EJAKAIT ebe, “Ejaun teni aimony amanat kere nuka emusabibu: Naarai etori eoŋ kidinikus.” Itukwi yes luimielas apaaran naka EJAKAIT! Kanukinyo ikototor apaaran naka EJAKAIT? Erai kereka amuton, kwabo mere aica. Bala ekeri etuŋanan kama kenatuny, Kiriamas kedubu; Arai elomari togo kogonakin akan arwatat, Kokonyi ŋes emun. Mam kereka apaaran naka EJAKAIT eraun amuton, Kwabo mere aica? Amuton naeiesi cueucue, Naemamei amwekimwek kotoma? “Alait, ameni ipueinokus, Kwabo mam esiyalamikinit atukonokinetakus nukaiyamakina. Eebo, karaida iinakinete eoŋ ainakinetakus nuieweio ka ainakineta nuka akiria, Mam acamuni kes: Mam da etei ainakinetakus nuka ainapakin Nuka itianikus luetarioko. Kolema ca ijo eporoto loka ikososineikon; Naarai aneri apupun aruo naka adeudeunokon, Konye kolelei etube kwape akipi, Ka adolit da kwape aguurut naelelei ikar kere. “Ijo ekek loka Isirael, ipotu kereka koinut eoŋ asuban ka ainakineta kamodiŋ ikar akaisaoŋon? Eebo, ipotu kodakata Sikut ekabakakus ka Kaiwan aputosiakus, aacerit naka edekekus, loipotu kiswamaut.” Ebala EJAKAIT, loerai ekekiror Edeke loka aioresio ebe, “Kanuka ŋun, ainakini yes aijoreoreo juwai Damasiko.” “Itukwi kes luebwalara koSion, Ka kes da Iuiiamamaete koronat loka Samaria, Lueienas luka nakapolon naka atekerin, Luepote lukokek loka Isirael mamakec! Kobeata yesi Kalune, koanyutu; Koloto anyoun kanen kiton Kamat lokapolon: Kosodete koloto Gat loka Ipilisitian: Ejokuka kereka kesi aitelekarit ajakanuto nu? Arai ca epol eikorukec aitelekarit eikorukus, Yes luitwalanete apaaran naerono, Luisukunyunete eicoloŋ loka akaje? Itukwi lueperete oitadan luka ikel luka etom, Luerioros kotutiokec, Luenyamete imerekekin ludidik lulemuna kosipan, Ka itak lulemuna kauj; Lueyeete ikososinei luutai koramete adeudeu; Luepwakunete bonik iboro lueruos kwape Daudi; Luemasete ebino kotoma atanya, Luinyonyoanakinos akinyet naejok aitelekar kere; Konye mam ekadakinete aiticanio naka Yosep! Aso kanuka ŋun ijoreorio kotoma lusodit kaluijoreorio, Eoliori eibwoŋ loka ŋul kaluapotu korioros.” Eyapo EJAKAIT Edeke elimit elopet, Ebala EJAKAIT Edeke loka ajoresio ebe: “Asaci apolou naka Yakob, Alait itogoike lukapolou: Kanuka ŋun ejaikini ere ka luejaas toma kere.” Kosodi kanen, arai edeunos ituŋa itomon togo ediopet, etwakete, Nakedakaria papake lodidi, ŋol loiewei ŋes, aitolomun akoio kina ketogo etemari ŋesi ŋol loejai to ketogo atiar, “Eroko idio ejai kajo?” Ebala ŋesi ebe, “Mam,” Kosodi ŋesi atemar atiar, “Kililin: naarai mam kibusakinit oni alimor ekiror loka EJAKAIT,” Naarai koany, icorakini EJAKAIT, etiyakin etogo lokapolon emunyumunyuun, ka etogo lodidi da, ebilibiluun. Ekerete kereka ibalasin katiiba? Ekoriei kereka ituŋanan nen kimonin? Konye ipotu yesi kijulakis etube araun epiu, Ka araito nuka adolit da araun adwaris. Yes luisiyalamikinete aamameak, Luibalas ebe, “Mam kereka kipou kademutu amumwara kagogonukosi?” Naarai koany, ebala EJAKAIT, Edeke loka aioresio ebe, “Ŋo ekek loka Isirael, adakakini ateker asurokin yes: Iroikinete kesi yes anyoun kaneelomarere Ka Abu Ejakait EDEKE ketodik kwanata: ido koany, kosub ŋesi emaase kageunet naka alomun naka alibun nakokau; ido koany arai alibun nakokau kedau ekabaka aiŋer anyake. Kosodi kanen kedau emaase ainyam anya nuka akwap, kasodi eoŋ atemar atiar, “Wu Ejakait EDEKE, kenainait, kisioni! Ikwaikini do ai Yakob ebwoi? Naarai edit ŋesi!” Kiitu EJAKAIT kanun; Kobala EJAKAIT ebe, “Mam ejauni.” Abu Ejakait EDEKE ketodik kwanata: ido koany, kiworo Ejakait EDEKE erube loka akim; kidopoo ataro naepol, kouta aiŋiny akwap. Kasodi eoŋ atemar atiar, “Wu Ejakait EDEKE, kenainait, kinyek! Ikwaikini do ai Yakob ebwoi? Naarai edit nesil” Kiitu EJAKAIT kanun; Kobala Ejakait EDEKE ebe, “Mam nin da ejauni.” Abu ŋesi ketodik kwanata: ido koany, ebwoi EJAKAIT eiduny karwatat naadukio kebiriji, itiŋit ebiriji kakanike. Katema EJAKAIT eoŋ atiar, “Amos, iany inyo?” Kabala ebe, “Ebiriji.” Kosodi EJAKAIT atemar atiar, “Koany, ebwaikini ebiriii kidin kikatuna Isirael; Mam bobo enaeenenei kes. Itisilio aiboisio nuiceleleete nuka Isaak, Iswapete aiboisio nukalaunak nuka Isirael; Anyoikini da ekek loka Yeroboam kekilen.” Kosodi Amasia esasedoti loka Bet-el aiyakiar mama ejai Yeroboam ekabaka loka Isirael ebe, “Inerunit Amos asurokin jo kokidin kekek loka Isirael: mam akwap epedori atitiŋikin akekiro kere. Naarai ebala Amos kwanata ebe, ‘Etwani Yeroboam kekilen, Abeit da ijoreorio Isirael Anyoun kakwapuke.’ ” Bobo da kotema Amasia Amos atiar, “Ŋo ekadwaran, kolot, kokerea akwap naka Yuda, konyam atap kaŋina, kodwara da kaŋina, Konye sirikidwara bobo koBet-el; naarai ŋes aibois nakalaunan naka ekabaka, erai da etogo loka ekabakane.” Kosodi Amos aboŋokin Amasia ebe, “Mam arai enabi, karaida okoku loka enabi; konye arai ekeeokon, ido eketemonokinon ikito luka esukumor. Abu EJAKAIT kalem kameet esipan, katema EJAKAIT atiar, ‘Kolot, kodwarak ikatuŋa Isirael.’ “Aso do, kiira akirot naka EJAKAIT. Ibala ijo ebe, ‘Sirikidwar aluikin Isirael, Sirikilimonok aluikin ekek loka Isaak.’ Kanuka ŋun ebala EJAKAIT kwanata ebe: Eraun akoniberu naadote kotoma ore, Ibiroros idwekon lusap ka lupesur kekilen, Ekorio alupokon kaitemis; Ŋo da itwanikini akwap namam elai, Abeit da ijoreorio Isirael anyoun kakwapuke.” Abu Ejakait EDEKE ketodik kwanata: ido koany, edita loka araito nuka akamu. Kotema atiar, “Amos, iany inyo?” Katema atiar, “Edita loka araito nuka akamu.” Kosodi EJAKAIT atemar eoŋ atiar, “Abunok esaŋe ikatuŋa Isirael; Mam bobo enaeenenei kes. Ebala EJAKAIT EDEKE ebe, Eraunos ikososinei luka eyekalu aibwolol kapaaran kaŋin; Ipu awat nukatwak; Kaniniibois kere ecakanarete kes kina kililinete.’ Kiirasi nu, yes luipudapudaete luilwaritos, Luitananete lukican luka akwap, Luibalas ebe, “Wori bo edaunor ailamun naka elap, Tetere kigwelari akima? Ka apaaran da nakasabato, Tetere kijaikini akima? Kitidisiari epa, kitopoloori esekel, Kimoda kainineta nukainal, Tetere kigweli yenikiean kepuesa, Ka yenilwaritoi kamuk, Kigwelari da agugu nuka akima.” Eyapo EJAKAIT elimit apolou naka Yakob ebe, “Abeic mam kemurwokin adiopet kaswamisiokee. Mam kereka akwap emarani kanuka ŋun, Ka ninirunenan da yeniboie kotoma aibworo? Eebo, enyouni eut kwape Ecor; Ilapanari kosodi aboŋori bobo kwape Ecor loko Misiri.” Ebala Ejakait EDEKE ebe, “Kosodi kanen, kapaaran kaŋin, Ecolomari akoloŋ kidin paaran, Erumutoni akwap toma aica naka apaaran. Eculuori ipucinokus aibworo, Ikososineikus kere akuudian; Ayauni ipukoi toma aŋabes kere, Ka epata toma ninikou; Etuluori bala aibworo okoku loteluna, Esaneke bala apaaran naedwar.” Koany, ebala Ejakait EDEKE ebe, “Epote apaarasia nuejukaria eoŋ ebeli kakwap, Mere ebeli loka inyamat, karaida akure naka akipi, Konye loka akiirar akiro nuka EJAKAIT. Irimete anyoun kaŋolol kiton aŋolol, Anyoun kagolitomei kiton kide; Ekerete lailo ka laije amoot akirot naka EJAKAIT, Komam edumunete. “Kapaaran kaŋin iiloros abekon nutemel Ka ikatumunak da kanuka akure. “Ŋul luiyapoete elimito aronis naka Samaria, Ebalas ebe, ‘Kwape ejaria ekonideke, ijo Dan,’ Ido ebe, ‘Kwape ejaria epone loka Beer-seba,’ Ibiroros kesi, mam oobo enyounete.” Abu kaany EJAKAIT ebwoi eiduny ketem: kotema ŋesi atiar, “Kinom acuneta, tetere ilokulokunos apeteta: Kobilibil kes kakwesikee kere; Aari yenegoli kakesi kekilen; Emameun idiokakesi yenekeri, Emameun da idiokakesi yenekui. “Karaida ebokete adolor Okatwak, Elemuni akakan kes kaŋina; Karaida edokarete kiton akuj, Etodokuni kes kaŋina da. Karaida eŋopete kaidi naka Karumel, Amoi alemun kes kaŋina da; Karaida ibwaio kes kakonyeneka kwap toma aŋolol, Ecorakini emun kaŋina, ekonyi kes, Karaida ijoreorio kakonyen nuka lukasurupokee, Ecorakini ekileŋ kaŋina, eari kes; Aseseni kes kakakonye ayaun aronis kwabo mere aiokis.” Naarai EJAKAIT, Edeke loka aioresio, Ŋes ŋol loetirori akwap ecalari, Ibworosi ŋul kere luibojete kocoma; Enyouni cut kwape Ecor; Eboŋori bobo, kwape Ecor loko Misiri. Ŋes ŋol loedukokini agolaike akuj, Etieat apetetake kakwap; Ŋol loenyarauni akipi nuka aŋolol, Ebukokini kes akwap, EJAKAIT ŋes ekekiror. Ebala EJAKAIT ebe, “Yes idwe luka Isirael, Mam iraas kamakaŋ kwape Itiopian? Mam kereka ketolomuni Isirael kakwap nako Misiri, Ka Ipilisitian anyoun koKaputor, Ka Isurian da koKir? Koany, esesenete akonye nuka Ejakait EDEKE ajakanut naerono, Amudiari eoŋ ŋes kakwap. Konye ebala EJAKAIT ebe, Dimarai mam amudiari eut ekek loka Yakob.” “Naarai koany, eeorakini, Ido ekekei ekek loka Isirael kotoma atekerin kere, Kwape ekekeia akima kotoma aikekeet, Konye mam idiokimait edoi kwap. Etwakete ikadiakanarak kere luka ikatuŋa kekilen, Luebalas ebe, ‘Mam aronis kidolikini, karaida airiamakin kaoni.’ “Kapaaran kaŋin etonyouni ewema loka Daudi loebiroro, Epuci aciletake; Etonyouni da aaponoruke, Eteteuni kwape kapaarasia nukolono. Tetere irumete kesi aatoŋot naka Edom, Ka atekerin kere nuemaikinio ekakiror.” Ebala kwaŋin EJAKAIT loiswamai ŋun. Ebala EJAKAIT ebe, “Koany, epote apaarasia Nuedolokinio ekakorion ekasakan, Ka ŋol loipudapudai emusabibu ŋol loeyei ikinyom; Idonete ironan ebino loewiny, Eleleete iukon kere. Enyakuni bobo aijoreorio naka ikatuŋa Isirael, Edukete ireria lueswapito, iboikinos toma; Iraete ke si amanat nuka emusabibu, Emasete da ebinoke; Ekoriete imanikoria, enyamete da araitokee.” Ebala EJAKAIT Ekonideke ebe, “Eraikini eoŋ kes akwapukee, Mam bobo erutunio kakwapukee naainakinit kes.” Aitapoet naka Obadia, Inera kwanata Ejakait EDEKE nuka Edom ebe: Kipupu akiro kaneejai EJAKAIT, Ejukunitai ekiyakia alimokin atekerin ebe: “Konyoutu yesi! Kanyoutu oni aitiji ŋes!” Koany, ketidisiari jo katekerin: Kimwaŋio noi. Kimodo jo eitur loka etaukon, Okwe jo loiboie kaciŋeta nuka emoru, Loiboie kaneicelelei; Loibala kotaukon ebe, “ŋai ca epedori aitodokun eoŋ kwap?” Ebala EJAKAIT ebe, Karaida kidir kuju bala emorukaalet, Karaida kejaun akaikon kidiŋ aacer, Ketodokuni jo kaŋina. Arai kibunokinito ikokolak jo, Arai kibunokinito ikerurwok kuare, (Mere kimudiario jo!) Mam tikekokwata aitodol naeupiata? Arai kibunokinito ikedeak emusabibu Mam tikideutu imusabibun lueroko bon? Eŋanyiŋanyi ca ma iboro luka Esau! Aŋici ca ma aiŋadisiake nuibwaa! Kireŋeut ituŋa kere lukitutukito kajo orotokon, Kiton oikor: Kimodata ituŋa luinapakina kajo, kipikosi da; ŋul luenyamete akonitap kilokata jo katacit: Emamei aijen kotomakeŋ. Ebala EJAKAIT ebe, Mam kereka eoŋ kapaaran kaŋin Amudiari lukacoa ko Edom, Ka aijen komoru loka Esau? Iyaloŋoŋoete ikagogoŋokokon, jo Teman, Ŋes ainakini ŋinituŋanan emudiario Komoru loka Esau kaario. Kirumete jo ileic kanuka adedeŋ Naibu kiswamak onacekon Yakob, Kimudiario ikar kere. Kapaaran naibu kobwoia kawai, Kapaaran naejoreoritotor imo ikeboro, Naalomariata lukaeekwap oruteike, Kilamilamata eroet kanuka Yerusalem, Kosubite ijo bala ediopet kakesi. Konye sirikite apaaran naka onacekon Kapaaran naka icanike, Siriyalama kanuka idwe luka Yuda Kapaaran naka amudiariokec; Karaida einer nuka eitur Kapaaran naka aiyaloŋoŋ. Sirikiloma orute loka ikatuŋa Kapaaran naka epolakec; Eebo, sirikite aiticanitoikec Kapaaran naka epolakec, Karaida aidokokin akonikanin oborokec Kapaaran naka epolakec. Sirikibwo kopidin amudiar luke luekuete; Sirikijaik luke luideunos kapaaran naka aiyaloŋoŋ, Naarai eapie apaaran naka EJAKAIT katekerin kere. Kwape ibu kiswamaa, kiswamakinio jo da kwaŋin, Eboŋokini akoniswam akoukon elopet. Naarai kwape ibu komasia koronataka lokalaunan, Emasete kwaŋin atekerin kere tiritir; Eebo, emasete, kilikorete, Ejaunos bala mam lem ejauna. Konye ejaunos luekuete Moru Sion, Eraun lokalaunan; Irumi ekek loka Yakob airumetake. Eraun ekek loka Yakob akim, Ekek loka Yosep da aŋajepa nuka akim, Ka ekek da loka Esau ariaŋ; Enokete kesi, enyamari kes: Emameun yenideun kokek loka Esau; Naarai ener EJAKAIT. Irumete luka ari naka Eŋalakimak emoru loka Esau; Irumete luka apuutona da Ipilisitian: Irumete emanikor loka Epuraim, ka emanikor da loka Samaria; Irumi Benyamin da Gilead. Luijoreoritai luka ajore na naka idwe luka Isirael Luajaas koKanaanin, irumete aitodol Sarepat; Luijoreoritai da luko Yerusalem, luejaas Separad, Irumete ireria luka ari naka Eŋalakimak. Epote iketaiarak Moru Sion atubokin Emoru loka Esau; Eraun ajakanut naka EJAKAIT. Kobu akirot naka EJAKAIT mama ejai Yona okoku loka Amitai ebe, “Konyou, kolot Ninebe, ore ŋol loepol, kiworo aikwenyar ŋes; naarai adolu aronisikec mamakaŋ.” Konye konyou Yona akerear Tarusis anyoun kakonyen nuka EJAKAIT. Kolot Yopa, kodum ameeri naalosi Tarusis: kotae etiai loka erotoke, kikwaŋar, alosit kakes Tarusis, anyoun kakonyen nuka EJAKAIT. Konye kijuka EJAKAIT ekwam loepol aŋolol, kojaun ekwam loepol noi aŋolol, koapikinite ameeri abilibilun. Kosodete ikekwaŋak akurianar, kiwone ŋinituŋanan ekedeke; kocakanakisi iboro luajaas ameeri aŋolol, tetere ebeneniar. Konye alomarit Yona atutubet nakotoma naka ameeri; koperi kojotoi. Kobu ekapolon loka ameeri neejai ŋesi, kotema ŋes atiar, “Biai bo, ijo loijotoi? Konyou, kiwone Ekonideke! Elemuni eomoomoi Edeke nuwok, kenyeis atwakare,” Kotemanaros, ŋinituŋanan aupake atiar, “Bia, kelamilamata eroet, tetere kijenuni akirot kanai kidoikinio oni aronis na.” Kilamilamata, kobe Yona eroet. Kosodete atemar ŋes atiar, “Kinainait jo, kolimokinai sio, akirot kanai kidoikinio sio aronis na? Anyoin akoniswam? Laali bo kibunio? Ai bo obukus? Loka lukanai bo jo?” Kotema kes atiar, “Arai eoŋ Eburaniat; ido ayoŋit EJAKAIT, Edeke loka akuj, loasubi aŋolol ka akwap naconit.” Kosodete ituŋa akurianar noi noi, kotemasi ŋes atiar, “Anyoika ŋun nuisub?” Naarai apotu iruna kojenut ebe ekerit ŋesi anyoun kakonyen nuka EJAKAIT, naarai abu kolimok kes. Kosodete atemar ŋes atiar, “Anyoika kiswamakini isio jo, tetere aŋolol iyamakin?” Naarai eyata ekwam noi noi kaŋolol. Kotema kes atiar, “Kodakarai eoŋ, kocakakis aŋolol; kwaŋin iyamakinor aŋolol: naarai ajeni ebe kanukan ŋes kibunokinia yes ekwam lo loepol.” Konye kikwanata ituŋa kagogon aboŋor neconit; konye mam kepedoro; naarai eyata ekwam noi noi kaŋolol aluikinite kes. Kanuka nun kiwoneoto EJAKAIT ebe, “Kinainait jo, wu EJAKAIT, kinainait, kenyeis isio atwakare kanuka aijar naka etuŋanan kalo, sirikibwaik mamakosi aokot numam aronis: naarai ijo, wu EJAKAIT, iswama kwape itojokitor.” Kodakutu Yona, kocakakis aŋolol: kiyamakin aŋolol. Kosodete iruna aiyoŋ EJAKAIT noi noi; koinakis EJAKAIT asubanit, kiyapoto. Kitemokinite EJAKAIT ibore yenikecor yenepol ailikor Yona; kojaun Yona akoik naka ibore yenikecor apaarasia auni ka akuaresia auni. Kosodi Yona ailip EJAKAIT Ekedeke kakoik naka ibore yenikecor. Kotema atiar, “Abu keworo EJAKAIT kocanika, Kabonok; Keworo da kakoik naka Okatwak, Ibu kiira ekaporoto, Naarai ibu kocakak eoŋ ataro, Otau loka aŋololin, Kerimo akalele; Elaparos akailanakon kere kamakaŋ, Katema atiar, “Kacakar kakonyenekon; Ekwaikini ai bobo aseseni eyekalukon lokalaunan?’ Apotu akip kalukunito eoŋ, kiton otauka; Kaluku da ataro; Kojai egirio akouka. Abu kejesar kwap eut naka ironan: Kagolo akwap kariinoke ikar kere: Konye ilem ijo aijaraka kaipany, Wu EJAKAIT Ekadeke. Naeiloror ekatau kotomakaŋ, Abu keitu EJAKAIT: Kodolo akailip mama ijai, Oyekalukon lokalaunan. Ŋul luepodos aamameak nuka aiŋal Ejalito akeceitimio. Konye kainakini jo asuban keporoto loka aimal; Etodoli nun nueyapo. Erai aitajar naka EJAKAIT!” Kiner EJAKAIT kaibore yenikecor, kolekak Yona akwap naconit. Kirucak akirot naka EJAKAIT abunore mama ejai Yona ebe, “Konyou, kolot Ninebe, ore ŋol loepol, kolimok ŋes akirot nakecorakin jo.” Konyou Yona, kolot Ninebe, kwape ajaar akirot naka EJAKAIT. Kerai Ninebe ere loepol noi noi, loka alosit naka apaarasia auni. Kogeu Yona alomar ore alosit naka adiopepaaran. Kiworo, kotema atiar, “Esalito apaarasia akaisaoŋon, kosodi konyet Ninebe atiyanakinio!” Kiyuut ituŋa luka Ninebe Edeke; kolimosi ailuŋ, konapitos ipukoi, ageun ka lukapolok kiton ludidik kakesi. Kodolokis akiro ekabaka loka Ninebe, konyou koicoloŋoke loka ajakanut, kolae ekegoe, konap epuko, kiboikin okurwon. Abu kolimo kitejen Ninebe kere ebe, “Kokisil loka ekabaka ka ikapolokoke; Sirikiir ituŋanan karaida itian, esipan loka aituk, karaida loka amerekekin, idiobore: sirikenyama, karaida aimat akipi; Konye kimukoros kipukoi, ituŋanan ka itian da, kiwoneoto noi Edeke: eebo, kibelokinos kesi ŋinituŋanan ainyein ekerot loerono, anyoun da kadeden naejai kakaninikec, Iŋai bo ejeŋi arai mam Edeke ibelokin iituni da, aibelokin ainyein akenyunyura naededen, tetere mam kitwaki?” Koany Edeke aswamisiokec, kwape ebelokinotor ainyein ekecerot loerono; kiitu Edeke kinyek aronis naabala iswamakini kes; mam abu kiswama. Konye kitakadikis ŋun Yona noi, konyunyurikin. Kilip EJAKAIT, kotema atiar, “Kenaiŋait, wu EJAKAIT, mere nuabala eoŋ nu, naarokor ajai bukosi? Kanuka ŋun abu kesunya akerit Tarusis; naarai abu kajeni ebe irai ijo Edeke loisiana, ileleba aisioni, iyapi anyunyurikin, ebarar aitimikon, iituni kinyek aronis, Aso do, wu EJAKAIT, kenaiŋait kolema aijaraka kamakaŋ; naarai ejok eoŋ atwanare itia aijar.” Kotema EJAKAIT atiar, “Isubit kereka ijo ejok anyunyurikin?” Kosodi Yona alomar kina naka ere, kiboikin ari nakokide naka ere, kidukur iswam. Kiboikin otolimike, aanyun nuedoikinete ere, Kitemok EJAKAIT Edeke ekakale, kitopolou ŋes kaneejai Yona, tetere eyaun etolim akouke, ayuun ŋes kationisike. Kiyalamikin Yona noi kanuka ekakale. Konye kitemok Edeke ekurut tupuruc apaaran naatupakini, konyam ekakale, korinyo. Kosodi kelom akoloŋ, kitemok Edeke ekwam lokokide loemwana; konomo akoloŋ akou naka Yona, kiilor; kilip atwanare, kobala ebe, “Eiok eoŋ atwanare itia aijar.” Kotema Edeke Yona atiar, “Isubit kereka ijo ejok anyunyura kanuka ekakale?” Kotema atiar, “Asubit ejok anyunyura kiton atwanare da.” Kotema EJAKAIT atiar, “Itimi ijo ekakale, lomam jo ibu kitaaritor, karaida aitopoloun; loalomuni akuare adiopet, loarinyori da akuar: adiopet. Mam ti eoŋ ebusakinit aitim Ninebe, ere ŋol loepol; loejaas ituŋa luedeparito ilukumin akwatat ka ilukumin akaisaarei lumam epedorete atiak akecekan nakoteten ka akecekan nakokediany; ka ibaren da luipu?” Akirot naka EJAKAIT naabu kobu mama ejai Mika Emorasit, naabu ŋesi koany nuka Samaria ka Yerusalem, kapaarasia nuka Yotam, ka Akas, ka Kesekia, ikabakan luka Yuda. Kiirasi, yes ituŋa, yes kere; Kiira, ijo akwap, ka luejaas tomake kere; Korau Ejakait EDEKE ekajenan kamakus, EJAKAIT koyekaluke lokalaunan, Naarai, koany, elomuni EJAKAIT kaiboisike, Edokuni, ieakaeakai aiboisio nuiceleleete nuka akwap. Ecalaros ironan kwapuke, Ecilunos aditon kwape edipor kakim, Kwape akipi nuebukoros aibois naiiululuei, Ŋun kere kanuka aibucaret naka Yakob, Kanuka aronisio da nuka ekek loka Isirael. Anyoin bo aibucaret naka Yakob? Mere Samaria? Anyoika bo aiboisio nuiceleleete nuka Yuda? Mere Yerusalem? Kanuka ŋun ŋes etuluoria eoŋ Samaria bala atukit komanikor, Bala aibois nairaio emusabibu: Abukokini amoruke aditot, Apukori apetetake. Ideeideeio aputosiake kere nuegerer, Icweio iropitoke kere kakim, Etisili eoŋ aputosiake kere nuemaio: Naarai abu kotukok kes keropit loka naadote, Eboŋorete da araut eropit loka naadote, Kanuka ŋun ŋes adcloria eoŋ ebworor da; Kalosi alaeara kemuialal: Adelori kwape ikuwei, Ebworo da kwape ikuului. Naarai mam epedori amusunutuke aŋaleun: Naarai adoloki Yuda da; Adol orute loka ikatuŋa, Ŋes Yerusalem, Sirikilimokis koGat, Sirikimonyata cut: Kibelibelokinos kapua KoBet-le-Apura. Kitoroto imujalalasi, kirumito ileic, Yes luibojete koSapir: Mam luibojete koSaanan elomuna: Aibworo naka Bet-esel kidema yes aibois nabwoet, Naarai idareunete luibojete koMarot Aiokis kaiyalonon; Naarai adoku aronis naebuni kama ejai EJAKAIT, Kiton orute loka Yerusalem, Kocnikis agali obalasit loetirono, Yes luibojete koLakis: Kerai ŋesi ageunet naka aronis mama ejai akoku naka Sion; Naarai edumuna aibucareta nuka Isirael kamakon. Kanuka nun ŋes iinakinia Moreset-gat ainakineta nuka aitwar; Eraunos itogoi luka Akisib lukaimod Mama ejaas ikabakan luka Isirael. Kainuni jo ŋol lokirumi, Wu jo yeniboie koMaresa; Edoluni aibuses naka Isirael Adulam. Kobaren itimakon, kopalororor akoukon, Kanuka idwe luka ailelekon: Kitalal apatakon kwape emorukaalet, Naarai ijoreoritai kamakon. Itukwi ŋul luinerunete numam edolito, Luiswamaete aronis kaperitokec! Kiwala akwap, itetemonorete, Naarai ejai toma apedor naka akanikee. Iŋobeleete alup, konasete; Itogoi da, kodemete; Emwanete etuŋanan ka eketogo, Ido etuŋanan ka akeirumet. Ŋes inerar EJAKAIT kwanata atiar: Koany, enerak aronis okek lo, Namam ilemarete komurisinakus, Karaida alosit iŋonasi; Naarai na ŋes apak naerono. Kapaaran kaŋin kiwaragio, Ekuudianete akuudian nakican, Ebe, “Kiŋasi cut; Esiec akorakinet naka ikatuŋa; Kademaa ca! Akoraki lukepali akosilup.” Ŋes mam ijaunia kayenecakari auno koroet Katukot naka EJAKAIT. “Siridwarete,” kwaŋin edwariata. “Mam ibus aidwar nuikote nen; Mam amorosito kidolokinete oni.” Ŋo ekek loka Yakob, Ibus kereka einer ŋun? Eŋoŋar ca ma emoyo loka EJAKAIT? Nu tope kes akeswamisio? Mam akakiro iswamakinete aiokis ŋol loelosi itenara? Konye idakunos yes asurokin ikatuŋa kwape lukasurup: Idemete asuukai konapen luka nul kaluitorete inapakina Kwape ituŋa lumam ekotosi ejie. Ireneanarete aŋor nuka ikatuŋa kotogoikee luisiyalamikinitos; Ilemarete akaibuses ikar kere kodwekec ludidik. Konyoutu, koloto: Naarai mere ne aiyenunetekus: Kanuka amodokok naemudiari, Ido ka amudiario naasogim. Arai esabi etuŋanan loelosi kokwam loka aiŋal, Ebe, “Kadwarakini jo nuka aion ka luitemerete”; Ŋopenol eraun ekadwaran loka ituŋa kalu! Mam aswaki atukonokin lukon kere, ijo Yakob: Mam aswaki atukokin aatoŋot naka Isirael: Ebwaikin nepepe kwape amerekekin nuka Bosura; Kwape esipan loejai kidiŋ oronyikec, Iumaumato noi kanuka aipues naka ituŋa. Adoka ekabelan kakonyenekec; Atikoros, atuboros adolior orute, Alomut kanen. Atubor ekabakakee kakonyenekec, Enareniki EJAKAIT kes. Abu katema atiar: Kopupokisi, kenainair, yes ikapolok luka Yakob, Ka ikayaitok luka ekek loka Isirael! Mere kereka nakus ajenun etube? Luisaeete ajokis, kominas aronis; Luibuluearete amunyinokec, Ka akiriŋikec alemar kakoiokec; Luinyamete akiriŋ naka ikatuŋa; Ŋenete amunyinokec, ibilete akojokec: Eebo, irikirikete kes, kwape toma amot, Kwape akiriŋ toma atakwa, Ŋes konyet emonyakiniata EJAKAIT, Konye mam ŋes eboŋokini kes: Eebo, ibwai ekereet kamakec kapak kaŋin, Naarai eswamata aronis kaswamisiokec. Inera EJAKAIT kwanata nuka inabin luitapaarete ikatuŋa, Luiworoete ebe, “Ainapakin,” Arai kejaas kaluekonyete kikecekel: Konye ekapanakinos ejie kanol Lomam ibwaikini ibore aitukekec, Kanuka ŋun eraun akuare mama iiaas, Komam aitapoet; Kimutonikis, komam idwarete. Elomari akoloŋ kama ejaas inabin, Koiesi da apaaran cucucuc kamakec. Irumete ikadwarak ileje, Edakaros akwes nuka ikaroak; Eebo, ebunete kesi aitukekec: Naarai emamei aboŋokinet naka Edeke. Konye abeit elelebun eoŋ agogoŋ, Ka Emoyo loka EJAKAIT, Ka etube, ka apedor da, Alimonokin Yakob aibucareteke, Ka Isirael da akeronis. Kopupokisi nu, kenaiŋait, Yes ikapolok luka ekek loka Yakob, Ka ikayaitok luka ekek loka Isirael, Luilaete etube, Luitiriete nuitenara kere. Edukete Sion kaokot, Ka Yerusalem da kanumam adolit. Etubete lukapolokoke akiro kanuka ainakinet, Isisianakinete isasedotinike kanuka eropit, Edwarete inabinoke kanuka apesan: Konye egoŋakina neejai EJAKAIT ebalas ebe, “Mere ejai EJAKAIT kidiniwok? Mam aronis kidoikini oni.” Aso kanukus ŋes ekoriere Sion kwape emanikor, Eraun Yerusalem aapoŋor, Eronat da loka etogo Kwape aiboisio nuiceleleete nuka amagoro. Kosodi konyet kapaarasia nukawasia Ecatunit eronat loka etogo loka EJAKAIT Kaidi naka ironan, Itopolooro kuju kiukon; Idiaete ituŋa mamakeŋ, Elosete atekerin nuipu kobalas ebe, “Kopotu, kadokasi oroŋat loka EJAKAIT. Togo da loka Edeke loka Yakob; Kisisianakini ŋesi oni ikeponesio, Kilosenenei korotinike.” Naarai elomuni ekisil koSion, Akirot da naka EJAKAIT koYerusalem. Etubokini ŋesi atekerin nuipu, Ediekakini atekerin nuegogon nuelwaka; Etataete kesi ikileŋakec aituluor imelekes, Ka akwarasikec da aituluor icilikikin lukidimet: Mam ateker ikiari ekileŋ asurokinia aceteker, Kwabo mam bobo isisiaunete ejie. Konye iboiete kesi ŋinituŋanan kwap kemusabibuke, Kwap ketinike da; Mam yenitukuriani kes: Naarai ener aituk naka EJAKAIT loka aioresio, Naarai elosenenete atekerin kere, Ŋinidiopet kokiror loka ekedeke, Konye kilosenenei oni kokiror loka EJAKAIT Ewokodeke Ikar ka ikar. Ebala EJAKAIT ebe, Kapaaran kaŋin Enotuni ŋin naicodo, Atukokini ŋin naerenearitai, Ka ŋin da naabu eoŋ ketiean; Etarauni ŋin naicodo aatoŋot, Ka ŋin da naereŋearitai ateker naegogoŋ: Irumi EJAKAIT kes komoru Sion Amear kwana, ido aitodol ikar kere. Ka jo da, wu etogo loeoja loka esipan, Eukot loka akoku naka Sion, Edolokini jo; Eebo, edolokini ayait nakolo, Alakanut naka akoku naka Yerusalem. Aso do kanukinyo ideloria? Emamei kereka ekabaka kotomakon? Aolio ekapetan akirokon, Tape kikamuni ariebo kwape naka aberu naidouni? Koriebakin, kitaaritoi aidoun, ijo akoku naka Sion, Kwape aberu naidouni: Naarai kwana ilomari kiŋa naka ere, Iboie okitui, idoli da Babulon. Kiyuunio kaŋina, Ŋina ŋes kilakunia EJAKAIT jo Kakan naka lukasurupokon. Kwana da etukonokinos atekerin nuipu asurokin jo, Nuebalas ebe, “Komunaun ŋesi, Koanyutu do awokokonye eimielikec koSion.” Konye mam ejenete kesi aomisio nuka EJAKAIT, Karaida ajenun ainerunike; Naarai atukok kes kwape iisutan kopejal. Konyou kicom, ijo akoku naka Sion: Naarai etaraun eoŋ amumwarakon asuat, Ka imagegerakon da aisinit: Inomonomoi atekerin nuipu; Igitari amedakec mama ejai EJAKAIT, Ka iborokec da mama ejai EJAKAIT loka akwap Kwana itukokin korioneta, Ŋo akoku naka moneta: Kirigau ŋesi sic asurokin: Inomete kesi ekatubon loka Isirael Kebela oitiny. Konye jo, Bet-lekem Epurata, Loidit ajaut toma okekia luka Yuda, Elomuni kotomakon kanukan Etuŋanan loeraun ekayaiton loka Isirael; Alomanaretake ejaas ameun apeŋo, Ameun ikar lumam enaŋete, Kanuka nun ijaikini kes, Aitodol apak naidounio nm naeriebi: Kosodete luideunos luka ikeinaean Aboŋor mama ejaas idwe luka Isirael. Ebwoi ŋesi, itadaki ekesipan kagogon naka EJAKAIT, Kapolou naka ekiror loka EJAKAIT, Ekedeke: Ibojenenete kesi; Naarai kwana eraun ŋesi loepol Kiton osaŋeta luka akwap, Eraun etuŋanan ŋol ainapakiniwok: Naelomunia Eyasuriat akwapuwok, Naecakia ŋesi itogoiwok lukapolou, Kasodete oni aitonyoun ikecokok ikanykaarei, Ka ituŋa ikanykauni lukapolok asurokin ŋes. Itisilete kesi akwap naka Asuria kekilen, Ka aiboisio nuelomarere nuka akwap naka Nimirod: Kiyuuni ŋesi oni kama ka Eyasuriat, Naelomunia ŋesi akwapuwok, Naecakia ŋesi kotoma oikoruwok. Eraun aatoŋot naka Yakob kokidin katekerin nuipu Kwape akopyo nuepote kama ejai EJAKAIT, Kwape elimilim neejaas anya; Lomam idareuni ituŋanan, Karaida aidareun idwe luka ituŋa. Eraun aatoŋot naka Yakob mama ejaas atekerin, Kokidin kituna luipu, Kwape eŋatuny mama ejaas itian luka amagoro, Kwape iŋatuny mama ejaas isipanin luka amerckekin: Naitorio, icakacakai epoopooi, Emamei yeneyuuni. Kikiara akonikan kuju kalukedinetakon, Komudiaros lukasurupokon kere. Kosodi kanen, ebala EJAKAIT ebe, Kapaaran kaŋin agelari ibalasinikon kokidinikon, Amudiari agalinikon: Agelari ireria luka akwapukon, Akesi ireriakon kere Iuegogon. Agelari icudeta kakanikon; Mam bobo ijaunos kikadwarak: Amudiari aputosiakon nuegerer, Ka ipirinokon kokidinikon; Mam bobo imai aswam naka akaninikon. Arutuni Aserimikon kokidiŋikon: Amudiari ireriakon. Etodoli eoŋ enyaŋit kanyunyura kaisiop Mama ejaas atekerin numam erimarito. Aso kiirasi nuinera EJAKAIT atiar: Konyou, kopur kakonyen nuka imor, Kisiira iukon ekoniporoto. Kiirasi, yes imor, aŋolopa naka EJAKAIT, Ka yes da apeteta nuka akwap numam edaunos; Naarai ejai EJAKAIT aŋolopa ka iketuŋa, Epuri ka Isirael. “Okwe ikatuŋa, kekonak eoŋ yes ai? Inyo gwai ketapasitor eoŋ yes? Kobonokinoil Naarai abu ketonyou yes kakwap nako Misiri, Kalaku kotogo loka ebulesene; Kesinarenik yes Musa, ka Aaron ka Miriam. Okwe ikatuŋa, kiitutu bo nueneruni Balak ekabaka loka Moab, Ka nuabonokini da Balaam okoku loka Beor; Kiitutu ageun koSitim kiton Giligal, Tetere ijenunete aswamisio nukadolit nuka EJAKAIT.” “Abunari inyo akonyen nuka EJAKAIT, Kesudede kakonyen nuka Edeke loitelekarit kere? Ekunyakini kereka ŋes kainakineta nuicweio, Ka itak luka ekaru ediopet? Itojoki kereka EJAKAIT imerekekin ilukumin, Arai icorin ilukumin itomon luka akinyet? Ainakini kereka eoŋ ikoku yenikiyai kanuka apaarika, Araito naka akuanaka kanuka aronis nakotauka?” Okwe etuŋanan, kipukok jo naejok; Inyo bo kiburai EJAKAIT, Mere aswam nuebeito, amin aitim, Alosit da kaitasono nepepe ka Ekonideke? Iworoi eporoto loka EJAKAIT mama ejai ere, Yenikaeoa da eyoni ekonikiror: “Kopupokisi yesi ebela, ka loaseuni ŋes. Eroko kereka ejaas iboro luka akais nuipu luka aronis Kotogo loka ikaronok, Ka aitemis da nainonara naerai naketal? Asegara kereka eoŋ kajaas kaininisio nukaronok, Ka eriagi da loka aitemisio nukainal? Naarai ileleba ikabarakake akaje, Esabanakinete luibojete kotomake, Iŋalaete aŋajepakec kotoma aitukekec. Kanuka nun ŋes kenomia eoŋ jo kamusunut naerono noi; Ketisil jo kanuka aronisiokon. Inyami, konye mam imonanakin; Iworoori kotomakon; Ilemari, konye mam iyuuni; ŋul da luiyuuni ejaikini eoŋ ekileg. Iyei, konye mam isaki; Ipudapudai iseitunin, konye mam inyonyoikin akinyet; Icui emusabibu da, konye mam imasi ebino, Naarai irieete ikisila luka Omiri, Ka aswamisio kere nuka ekek loka Akab; Ilosenenete kainerunikec: Tape ketuluor yes aapoŋor, Ka luibojete kotoma eraunos aijuaret; Ibwokete amorosit naka ikatuŋa. Wu okwe! Naarai asubit bala naedaunere atukokin araito nuka aiporo, Bala naedaunere aide emusabibu: Emamei aibuŋet naanyamat; Karaida etini loegeit akonore loimiela ekatau. Aolio innjanan yeneyoŋit Edeke kakwap, Emamei da yenitenara etau kotuna: Eperunete kere aiar; Emejai ŋinituŋanan onaceke keboi. Ejaas akecekanin mama ejai aronis, Ekukuraka aswam; Ilipi ekapolon, ekoto ekatubon eropit; Btunanan loepol ŋes da inera nuka aiŋobel nakaronon nakotauke; Kwaŋin ewojiete nepepe. Loejok kakesi erai ekodokodoi; Loitenara aitelekar luce erono kwape abwas naka ikukwa. Adolu apaaran naka ikedarakakon, ŋes aiticaniokon; Kwana ebuonokinos. Sirikimunokinos ipaper, Sirikigonakinos ekenarenon; Kidar ikekia luka aitukukon Kaneejai ŋin naeperi atorobukon. Naarai itisili okoku papake, Enyoikini akoku totoke, Aberu naka okoku eluikini tataake; Lukasurupo luka ituŋanan kes ituŋa lukokaleke. Konye kanukan, aseseni eoŋ EJAKAIT; Edareuni Edeke loka aitajarioka; Kapupok Ekadeke eoŋ, Sirikibwoŋ kanukan, ijo lokasurupika; Arai kebiror, anyouni; Naeboikinor amuton, Eraun EJAKAIT aica kamakaŋ, Atitinikim anyunyura naka EJAKAIT, Naarai adiaka kamaken: Aitodol nekapurokinia akakirot, Itodolikini eoŋ etube, Ketolomuni eoŋ toma aica; Aanyuni da akedolit. Kosodi nakasurup aanyun gun, Koraparito ileic nakabala eoŋ ebe, “Ai bo ejai EJAKAIT Ekonideke?” Elakara akakonye aanyun nin; Ipudapudao ŋes kwape erit lokorotin. Apaaran naka aiduk arwatatinikon! Kapaaran kaŋin italalaario eikorukon. Kapaaran kaŋin epote mama ijai Anyoun koAsuria ka ireria luko Misiri, Anyoun koMisiri da kiton Ocor, Anyoun kaŋolol kiton aŋolol, Koronat da kiton oron at. Konye esilior akwap kanuka ŋul kaluiboiete kotoma, Kanuka araito nuka aswamisiokec, Kitadak ikonituŋa kebelakon, Esipan loka airumetekon, Luibojete ilenokino, Toma amagoro kidin ka Karumel; Kodakasi kesi toma Basan ka Gilead, Kwape kapaarasia nupeno, Kwape kapaarasia nuilomunia ijo kakwap nako Misiri Etodikini ŋes akiro nukaumokin, Eanyunete atekerin, irumete ileje, Kanuka agogonukec kere: Ebunete aitukekee, Imaiinikinos akiikec. Emeorete apua kwape kemun; Elomunete emaranete kaiboisiokee nunopis, Kwape lueliatos kakwap: Epote kaiyor; mama ejai EJAKAIT Ewokodeke, Ekuriakaros kanukon. Iŋai bo Edeke loiputos kaio, Loisioniei numam adolit, Loinaci aibucar naka aatoŋot naka airumeteke? Mam enyunyuranakinenei ikar kere, Naarai isiyalamikinit aitim, Ibelokin bobo ŋesi, itimi; Icakaeakai numam adolitewok kokwap kakejeneke. Icakari ijo aronisiokee kere ataro naka aŋolol. Itodolikini abeit mama ejai Yakob, Ka aitim da mama ejai Aburaam, Nuibu kiyapoik lukapapaakos Ameun kapaarasia nupeno, Abwokon naka Ninebe, Eitabo loka aitapoet naka Nakum Elikosit, Erai EJAKAIT Edeke lokekolo, inyaŋi da; Inyaŋi EJAKAIT, ileleba anyunyura; Inyaŋi EJAKAIT kama ka lukediŋeteke, Elilikini lukasurupoke, Iyapi EJAKAIT anyunyurikin, eili ili da akepedor, Lomam itojoki luegwaunito akiro. Ejai EJAKAIT ekerot otapipirio, kokwamin da, Idouon kes adae nuka akeieke, Iretakini ŋesi aŋolol, itooni, Itooni da icorin kere: Enonokiar Basan, ka Karumel, Enonokiar da aturot naka Lebanon. Emaranete ironan kakonyeneke, Ecalaros iukon; Ebuburiar akwap kakonyeneke, Eebo, akwapin, ka luibojete kotoma kere. Iŋai bo epedori abwoikin aisiopoke? Iŋai da epedori atitiŋikin adedeŋ naka anyunyurake? Ebukunio anyunyurake kwape akim, Etiyatiyai ŋesi imor. Ejok EJAKAIT, abwas kapaaran naka ican; Ejeŋi ŋesi nul luemunosi ŋes. Konye itanani eut aiboisike kakalele naelapara, Erukoria lukasurupoke kiton amuton. Anyoika nuitetemonorete kaomisio aluikin EJAKAIT? Itanani ŋesi cut: Mam irucakini bobo aitican. Naarai karaida esubito bala ikukwa luikodikodito, Epalala kesi da kanumatanakec, Idoporio kes cut kwape ariaŋ naconit de. Aiomu idiopet kamakon yenitetemor aronis aluikin EJAKAIT, Yenineruni nukaronok. Inera EJAKAIT kwanata ebe: “Karaida egogoŋ kes cut, ipu da, Ejepio kes, eoliorete. Karaida abu kareite jo, Mam bobo karei joo Kwana abili aiookotoke kamakon, Aaŋololedi irikoikon.” Abu EJAKAIT kicorak nukon ebe: “Mam bobo eyeio ekonikiror; Kotogo loka idekesiokon Ajepi aput naegerer, ka aput da naecalara. Etemokini atesikon; Naarai isiliana ijo.” Koany, akejen nuka aŋololol kaloeyauni akiro nukajokak, Loelimonokini ainapakin koronan! Kidar ipucinokon, ijo Yuda, Kitodol aiyaposiokon: Naarai mam ikaronon itori bobo tomakon; Egelario eut. Abu aŋololol loidecideci kobu akonyenekon. Kidar abwas, kirere erot, Kitogogon aŋabetekon, Kiticat akonipedor baa ba. Naarai inyakuni EJAKAIT ajokis naka Yakob, Kwape aiokis naka Isirael: Naarai apiasi ikaŋatak kes, Amunaasi da atenunakec nuka emusabibu, Iterenitai ebuku loka iketuŋa lukirigin, Enapitos ituŋa lukatitiŋok lukarenak, Emwekimwekete aisinin nuka agalin Kapaaran naka aitemonokinike, Ininio noi akwaras. Ikerepikinito agalin korotin, Enananakinos korotin luelalak: Etakanete kesi bala akalasia, Egumitos bala aimiliaunun. Iituni ŋesi isotiake: Iguikinos kairaeakee; Iwonyete arwatatake, Itemonokinitoi eupal lopeti. Eŋaara irutei luka icorin, Ebaikini etogo loka eka baka. Epukoro Kusab, edakario, Ibworos apesuruke bala iporotoi luka ajeleik, Kodipidipete atorobusiokec. Konye ageun apeŋo koputos Ninebe Bala atapar naka akipi: Konye ekerete. Kiworoete ebe, “Kobwaata, kobwaata!” Konye mam yenenoliari kau. Koyanaasi yesi lunatuna luka epuesa, Koyaŋaasi da lunatuna luka esabu! Naarai mam iboro edaununos, Abar naka iboro kere luisiyalamikinito. Ikokooro ŋesi, asilior, emeieiki: Epirisar etau, iriamanakinos akuŋin, Eriebete noi aŋabes kere, Ŋulakinos da akonyenekec kere, Ani bo abua naka iŋatunyo, Ka aibois da naenyamiata iŋatunyo ludidik, Naesakasakatotor eŋatuny ka aŋatuny, Ka ikoku yenika enaruny, komam yenitukuriani kes? Kopoopo eŋatuny luedaunete idweke, Komiedanak anatunyoke; Kileleb abuaike lumejauna, Ka aburinike da lunatan. Ebala EJAKAIT loka ajoresio ebe, Koany aluikin eoŋ jo, ecwei agalinikon kotoma apuru, iŋinyari ekileŋ inarunyckon ludidik: amudiari da lumejaunakon kakwap, mam oobo iiraros iporotoi luka ikiyakiakon, n, Itukwi ijo ere loka aokot! Ileleba kere aiŋal ka luepoopootai; Mam enyounete lumejauna. Ecelet loka edaaset, Ka ecelet da loka airurum naka agalin; Ibalasin luidamaeacas, Agalin da nuesomanaros! Ekebwanenon loedoki, Ekileŋ loemwekimweki, ka akwara naimilia, Aipues da naka lueario, Ka atukot da naepol naka lukatwak, Mam edaununos atesin; Iguikinos atesinakecl Naarai apoloor adoteu naka naadote naetemelel, Alopet ecudet, Naegwelari atekerin kanuka adoteuke, Ka ikekia kanuka eeudeteke. Ebala EJAKAIT loka ajoresio ebe, Koany, aluikini eoŋ jo, Alaeari inapenekon kakonyenekon; Etodikini atekerin amujalalakon, Ka ajakanuto da ileieikon. Kacakakini jo luimodokokas, Etisili jo, Ebwaikini jo araun naesesenio kamenit. Kosodi kanen, kere lukisesenete jo Ekerete kamakon, Kobalas ebe, Esiliana Ninebe; Iŋai bo ibworo ŋes? Ai bo kamoikinia jo lukitalakarete? Ŋok kereka ijo adepar No-amon, Naaiai neajaas ieorin, Nairimorito akip: Etutike ŋes aŋolol, Arwatatake da kerai aŋolol? Keraas Etiopia ka Misiri agogoŋuke, Ŋin da namam enaŋi; Keraas Put ka Lubim da ikeŋarakinakakon, Konye kijoreoritai ŋes, kikamaritai: Kipieipicitai ikedwe ludidik Kasisiarin nuka irotin; Apotu kilamalamata iroeta akoria isotiake, Koenitete iketuŋa kere lukapolok kirikoi, Imerikin ijo da, ileleboi; Imoi ijo da abwas kanuka lokasurup. Eputokinos ireriakon kere luebwaitai Itinin luejaas araito nugeet: Arai kijaŋijaŋi, Edoununete aituk naka ikanyaman. Koany, eraas ituŋakon kamakon aŋor; Eŋaara noi kolalak irutei luka akonikwap Mama ejaas lukasurupokon; Edopo akim atiketakon, Kirit akipi eriŋa kirigauna, Kitogogon ireriakon luebwaitai: Kolot neejai elupe, kieak alupot, Kitiŋ atuba nasubet amatapalin. Idopori jo akim kanen, Kiiepi jo ekileŋ, Kidopori jo kwape enyede. Kipuaros kwape enyede, Kipuaros kwape emaase! Ibu kiyatak ikagwelanarakakon Adepar aacer nukokuiu, Ebutori enyede, kosodi aporor. Eputos lukon luitanapitai aboko kwape emaase, Ka ikewadikakakon kwape atukon nuka ibeerei, Luidukurete abwasin kapaaran naelilim, Konye kelom akoloŋ epororete, Aiboisikec da neaiaas mam ejenun. Ŋotoete ikonikecokok, Ŋo ekabaka loka Asuria; Iluranaros isotiakon, Isiarakinos ikonituija oroŋan, Emamci da yenetukokini kes, Mam ariebokon ejoniar; Epol amusunutukon. Kere luiirarete eemutukon Kibapakinete jo akaninikec. Naarai iŋai yenimam edolokinit Aronisikon naduc? Abwokon naabu Kabakuk enabi koany, Wu EJAKAIT, etodoli eoŋ ai aimony, Komam jo ipupuni? Eworo mama ijai nuka akaje, Komam jo itajari? Kanukinyo kitodikinia eoŋ numanl adolit, Asesen ameŋeranut? Naarai ejai amudiar ka akaje kakonyeneka: Ejai da epeget, elomuni do aŋolopa. Kanuka ŋun ŋes etapalunere ekisil, Mam etube da elomununei: Naarai irigauni ikaronon ikadoliton; ŋes elomununia etube lomagul. Koanyutu yesi kotoma atekerin, Kosesenete, koumokis noi: Naarai eswamai eoŋ aswam kapaarasiakus, Namam iyuunete karaida kilimonokinitai. Naarai koany, etonyouni Ikaludean, Ateker ŋin naededeŋ, naedodoro; Eracaete aitor alalau naka akwap, Airum aiboisio nuiboikinos numere nukee. Eraas luesogim ka luketasuro: Elomuni etubekee ka apoloukee kama kikulepek, Etiroko ibalasinikee aitelekarit irisai, Ededeŋ aitclekarit ipeen lukebon; Igararaete ikebwanenokokec, Eebo, epote ikebwanenokokee kama elwana; Eporitos bala emorukaalet loerurukit ainyam, Epote kesi kere kanuka akaje; Iŋarenikinit kes etasuro. Etukonokinete lukijoreoro kwape kasine. Eebo, isekelete kesi ikabakan, Emwanio ikapolok kamakee. Emwanete kesi niniibois naegogon; Naarai etukonokinete apua, irumete. Kosodete amotar kwape kekwam, Etuboros, luegwaunito akiro: Akecegogoŋ ŋes ekecedeke, Wu EJAKAIT Ekadeke, Ekalaunanika, Mam kereka jo ijai ageun apeŋo? Mam sio kitwaki. Wu EJAKAIT, ibu kicorak kes kanuka etube; Ŋo da, wu Atiiba, itieata kes kanuka alecor. Irai ijo loka akonye nuesegaara numam esesenete aronis, Mam ipedori aite ameŋeranut, Kanukinyo iteio ijo nul luebilakinete ebotet, Ililinia da nailikoria ikaronon ituŋanan ycnedolit aitelekarit ŋes? Ituluori ituŋa kwape agaria nuka aŋolol, Kwape lueliatos, luemameete ekayaitonikee. Ikami kes kere kegolu, Eloki kes karujake, Etukonokini kes oboike: ŋes ibwonar, kiyalamikin da. Kanuka nun ŋes einakinia asuban mama ejai aruiake, Isupurikini eboike lukisuputununo; Naarai kanukec ebur ewaike, epu inyamatake, Aso do ebukenenei kereka lukoboike, Mam inyeini aiar atekerin tiritir? Abwoi do eoŋ kaitelieisika, Adokari togo loeoi, Eteluori aanyun nuinera keoŋ, Ka nuabonokini nuka anuurianaka. Kabonok EJAKAIT eoŋ ebe: “Kiwadika aitapoct, kidelelei kamor, Tetere ekeri do yenesiomi. Naarai eriŋa aitapoet ejai kanuka apak naeseikinitai, Ewonyari mama ejai esaŋe, mam iŋalai. Karaida kitumor, kidareu ŋes; Naarai abeit ebuni, mam iyapi. Koany edakara aiiarake, Mam itenara kotomake: Konye ebusi ikadoliton kanuka aiyuunike. Eebo, ateni, ebino ŋes ekagwelanaran loemodi, Etuŋanan loiwonoono, lomam esalenenci ore; Loitalalaari eimielike bala Okatwak, Esubit bala atwanare, mam epedorio aimonikin, Konye etukonokini atekerin kere mamakeŋ, Etunakini ituŋa kere mamakeŋ. Mam lu kere itatamete awarag aluikin ŋes, agarac naikienatari ŋes, ebalasi ebe, “ltukwi ŋol loiyatakini lumere luke! Itodoli ai? Loigugunatoi kaititiŋeta!” Mam kereka kes enyounete katipet lukikonyete jo, Ekwenyunete lukitunyunyurikinete jo? Iraun do ijo lonatunakec. Naarai iŋat ijo atekerin nuipu, Kinasete jo luedeunos kere luka ituŋa; Kanuka aokot nuka ituŋa, ka akaje naeswamakinio akwap, Naeswamakinio ere ka luibojete kotoma kere, Itukwi ŋin yenedumakini etogoke ameda naerono, Tetere esipokini akaike neieelelei, Tetere itajario kakan naka aronis! Ineru nukileic abunokin etogokon, Naarai igela ijo atekerin nuipu; Idiaka kama ejai aijarakon. Naarai emonyi amoru kotoma arwatat, Abao da kotoma akito eboŋokini ŋes. Itukwi ŋin yeneduki ere kaokot, Kiticat ere kanumam adolit! Koany, mere naka EJAKAIT loka ajoresio Ituŋa aitaaritoi kanuka akim, Ka atekerin da agogoritoi kanuka aamameak? Naarai ilelebun akwap aijen aibuses naka EJAKAIT, Kwape erapitotor akip aŋolol. Itukwi ŋin yenitamasi iidunyereke, Kosodi ainyalakin aisoritike, Kitemer ŋes da tetere eseseni amujalalakec! Ileleba ijo ileje itia aibuses. Komat ijo da, koraun bala yenimam ekepep. Kibelokin aikopo naka akan nakoteten naka EJAKAIT mamakon, Ejaunos ileic luimodokokas mama ejai aibusesukon. Naarai kirapi jo akale nakiswamakin Lebanon, Kitukurian jo amudiar naka itiaŋ; Kanuka aokot nuka ituŋa, ka akaje nakiswamakin akwap, Ka ere, ka luibojete da kotoma kere, Anyoin ameda kidumakini aput naegerer, Naegeria ekasubanike ŋes; Aput naecalara, ka ekesisianakinan aimod? Naarai emunokina ekasubanike akeswam, Naesubunia aputosia nueban aaka. Itukwi nin yenetemari akito ebe, Kokweny; Amoru da naaban ebe, Konyou! Isisianakini tope ŋin? Koany, iladaaritai kesabu ka epuesa, Emamei cut eiyeŋane kotomake. Konye ejai EJAKAIT kotoma oyekaluke lokalaunan: Kililiŋ akwap kere kakonyeneke. Ailip naka Kabakuk ena bi, naituruo epororo loka Sigionot. Wu EJAKAIT, apup iemutokon, akurianar: Wu EJAKAIT, kisikwar akoniswam kokidin kikar, Kitejen kokidin kikar; Kanyunyura kiitu aitim, Ebuni Edeke koTeman, Lokalaunan komoru Paran. Erapi aibusesuke akuj, Ileleba akwap aituritike. Esubit amwekimwekeke bala aica; Kolomunete amumwara kakanike; Nen da ebwaitor akepedor, Kinarenik ŋes atular, Kolomasi imalia luesaranete kakejeneke. Abu kobwo, kitem akwap; Kosesen, kisirien atekerin; Kisiarisiar iroŋan luno, Kokukumoto iukon lukasonya. Akelosito araas nupeno. Abu kaany iweman luka Kusan kitieanitoi; Komaranete aigalisio nuka akwap nako Midian. Abu kereka EJAKAIT kokadak aluikin icorin? Koluiki kereka anyunyurakon icorin, Arai aisiopokon aluikin aŋolol, Tape ibwanenit ibalasinikon, Agalinikon nuka aitajar? Itoduu cut akabwakon; Ibwaik ikoioi auno. Ibu kocil akwap kicorin. Koanyutu jo iroŋan, kokuriakaros; Kotubor ekwam loepol kakipi: Kolimu atar ekeporoto, Kikea akekanin kuju. Kobwaata akoloŋ ka elap kopalarito kaiboisikec; Kaica naka imaliakon elosete, Kamwekimwek naka akwarakon naimilia. Ibu kitor akwap kaisiop, Kicom atekerin kanyunyura, Iloma ijo aitaiar ikonituŋa, Aitajar lokinyonyoikitonokon akinyet; Ibu kimusun akou kotogo loka ikaronon, Aitodun apetetair kiton omurisin. Ibu kieum akwes nuka ikaiiokoke kibelaike: Luapotu kopotu kwape etapipirio aitisiarikin eoŋ; Iyalamas bala luenyamete lukican kaiyeiyea. Ibu kieak aŋolol kibalasinikon, Atukot naka akipi nuegogon. Apupi, emarani da akoikika, Emarani aitukuka kanuka eporoto ŋol; Koloma aibos akojoka, amarani kaiboisika. Edareuni kaiyamakina apaaran naka ican Abunokin ituŋa lukisurokinete sio. Naarai karaida mam etini iturot, Karaida emamei araito komusabibun; Emameun aitaaritoi naka eseitun, Komam imanikoria eraete inyamat; Kogclarai esipan loka amerekekin kanuk, Komamei esipan loka aituk kaujoi: Konye alakari toma EJAKAIT, Eyalamikin Edeke loka aitajarioka. EDEKE, EJAKAIT, ŋes akagogoŋ, Itupusi ŋesi akakeie bala akeie nuka amori, Ketolosi kaiboisioka nuicelelecte. Loka Ekapolon loka iboro lueruos, koboroka lukaputio lueruos. Akirot naka EJAKAIT naabu kobu mama ejai Sepania okoku loka Kusi, okoku loka Gedalia, okoku loka Amaria, okoku loka Kesekia, kapaarasia nuka Yosia okoku loka Amon, ekabaka loka Yuda. Ebala EJAKAIT ebe, “Etanaŋi eut iboro kere kakwap,” Ebala EJAKAIT ebe, “Etanaŋi ituŋanan ka itiaŋ; Etanaŋi akweny nuka apak, ka iboro lukeeor, Ka luitiguikinete nepepe ka ikaronok; Amudiari da ituŋanan kakwap, Aŋori akakan mama ejai Yuda, Ka luibojete koYerusalem kere; Amudiari aatoŋot naka Baal kaibois kana, Ka ckiror da loka isasedotin luemaetc aputosia; Ka ŋul da luemaete ajore naka akuj Koswjon luka itogoi; Ka ŋul luemaete, luiyapoikinete mama ejai EJAKAIT, Iyapoikincte da elimito Malakam; Ka ŋul da luaboŋosi anyoun katupit EJAKAIT: Ka ŋul da lumam apotu komoata EJAKAIT, Karaida aiŋit nuke,” Kililiŋ kakonyen nuka Ejakait EDEKE: Naarai eapie apaaran naka EJAKAIT: Naarai etemoki EJAKAIT asubanit, Etalau da ikepejok. Kosodi kanen ejaun kapaaran naka asubanit naka EJAKAIT, “Etieani eoŋ ikapolok, ka odwe luka ekabaka, Ka ŋul kere luenapitos anapito numo, Kapaaran kaŋin etieani eoŋ ŋul kere luilamete ekek, Luilelebete etogo loka ejakaitikec akaje ka aiŋal.” Ebala EJAKAIT ebe, “Kapaaran kaŋin ejaun ecelet loka aimony Naebuni korute loka Agaria, Ka aibwolol kari nakiareit, Ka aigugururunun koukon. Kibwololoto yesi luibojete koMakatcs, Naarai amudiaros ituŋa kere lukagwelanarak: Ŋul kere luigugunatos kepuesa agelaros. Kosodi kanen kapak kaŋin Aŋiei eoŋ Yerusalem kakalasia; Etieani ituŋa luaburokoros kanuka adakaikee, Luebalas kotauonokee ebe, ‘Mam EJAKAIT iswamai nuejok, Karaida aswam nueroko.’ Eraun do abarakec amejauna, Ikecetogoi da ameiei, Eebo, edukete itogoi, Konye mam iboikinos toma; Iraete imanikoria luka emusabibu, Konye mam emasete ebinoke.” Eapie apaaran nakapolon naka EJAKAIT, Eapie, iwonyunit noi, Ŋes eporoto loka apaaran naka EJAKAIT; Emonyi noi erunanan lokirigi kanen. Apaaran ŋin ŋes apaaran naka anyunyura, Apaaran naka ican ka aburun, Apaaran naka asiŋo ka ameie, Apaaran naka amuton ka aiikilil, Apaaran naka idouon ka amuton naejesi cucucuc. Apaaran naka arupepe ka elulu, Aluikin ireria luebwaitai, Aluikin da itogoi lukagogonok Iueoiak. Ayauni eoŋ aburun otuŋa, Tetere elosete bala imudukjok, Naarai adiakasi kama ejai EJAKAIT: Ebukoros aokotokee bala apua, Akiriŋikec da bala aorer, Mam epedori epuesakee karaida esabukee aitajar kes Kapaaran naka anyunyura naka EJAKAIT, Konye idoporo akwap kere kakim naka ekoloke; Naarai itanani, eebo, itanaŋi ketasuro Ŋul kere luibojete kakwap. Kotukonokinos, eebo, kotukonokinos, Ŋo ateker namam ileieikin; Eroko elomuna ekisil, Eroko etuboro apaaran bala agugu, Eroko ebunokina yes anyunyura naededen naka EJAKAIT, Eroko apaaran naka anyunyura naka EJAKAIT ebunokina yes. Komoata EJAKAIT, yes kere luitasonos luka akwap, Luiswamaete akeicorakineta; Komoata adolit, komoata da aitasono: Motoko kitonopjo kapaaran naka anyunyura naka EJAKAIT, Naarai eialakinjo Gasa, Eraun Asukelon da ameje: Ireneaŋo ituŋa luka Asudod kidiŋ paaran, Eutoŋo da Ekuron, Itukwi luibojete kariri naka aŋolol, Ateker naka Ikeretin! Kiluik akirot naka EJAKAIT jo, wu Kanaan, Akwap naka Ipilisitian; Kamudiari jo komam esali yeniboie kotoma. Eraun ariri naka aŋolol ironyia, Ejaunos idukurun luka ikecokok, Ka anukia da nuka isipanin. Eraun ariri naka aŋolol airumet naka aatoŋot naka ekek loka Yuda; Itadakete isipaninikee kanen: Eperete kuare otogoi luka Asukelon. Naarai eanyanari kes EJAKAIT Ekecedeke, Inyakuni kaijoreoŋokec, “Apup eoŋ amorosit naka Moab, Ka amoromor naka idwe luka Amon, Nuamoromorooto ikatuŋa, Aitopoloor bonik aluikin eikorukec.” Kanuka nun ebala EJAKAIT loka ajoresjo, Edeke loka Isirael ebe, “Kwape ajaria eoŋ, abeit eraun Moab bala Sodom, Ka idwe luka Amon bala Gomora, Airumet naka ikukwa, ka apanya nuka abalaŋ, Ka ameje naka ikar kere. Luideunos luka ikatuŋa enaŋete kes, Aatoŋot naka atekereka irumi kes.” Edumunete ŋun kanuka eiturikec, Naarai amoromoroto ido kitopolooros bonik, Asurokin ituŋa luka EJAKAIT loka ajoresjo. Eraun EJAKAIT etasuro mama ejaas; Naarai isiriebi idekesjo kere luka akwap eteŋei; Emaete ŋes ituŋa, ŋinituŋanan kaiboisike, Kes apujana kere nuka atekerin, Yes da Iyetjopian, kiaŋo kekileŋika. Eŋori ŋesi akekan aluikin agolitomei, Emudiari Asuria; Ituluori ŋesi Ninebe ameie, Koono da bala amodiŋ. Eperenenete isipanin kokidinike, Itian kere luka atekerin; Iboie erere ka eeoe kopirinoke; Eruo etukuri kadirisan; Ejaun ekuruk okek; Naarai alaea aswam naka eres. Ŋol ŋes ere loibwona, loeboie komam epodo, Loabala kotauke ebe, “Ajai eoŋ, Emamei ece lokiputor eoŋ,” Buu! Arau ca ma ameje, Aibois neeperete itiaij! Ŋin yenitori etubor isuari ŋes, Iianiiani akanike. Itukwi ŋol lokepali loemunauna, Ere loemwanana! Mam erimarit eporoto; Mam ecamunit aleeoŋo; Mam emunokina EJAKAIT; Mam ikunyakinit Ekedeke. Ikapolokoke kokidinike kes iŋatunyo luegatas; Ikatubokoke kes ipeen luka eboŋ; Mam iteperorete ibore kiton tupuruc, Inabinoke kes ituŋa luebenen luebilakinete eboter: Amunaasi isascdotinike aibois nakalaunan, Eswamakis ekisil nuka akaie, Edolit EJAKAIT kokidinike; Mam iswamaenenei eut numam adolit; Isideleleuni eketube ninitupuruc. Mam ekurwori; Konye lumam edolito mam ejenete aileicikin. “Abu eoŋ kagela atekerin; Asiŋoros itogoikec lukagogonok; Etisil irotinikee, komamei yenitori; Amudiaros ireriakec, tape emamei ituŋanan, Emamei yeniboie kotoma. Kabala ebe, ‘Abeit kayoŋi eoŋ, Ecamuni aleeoŋo; Kinyek aiboisike agelaŋo, Kwape ajaatar kere nuaseu kanuke.’ Konye kodilokis anyoun kitobosata aswamisjokec kere.” Kanuka ŋun ebala EJAKAIT ebe, “Kidareutu yesi eoŋ, Aitodol apaaran naanyounjo ameiaun, Naarai apeleikinit atukonokin atekerin, Ainotun ajakanuto, Abukokin kes aisjopoka, Akanyunyura kere naededen; Naarai idopoŋo akwapin ke re kakim naka ekoloka, “Naarai kapak kaŋin ebelokini do einere loka atekerin Araun einere loesegara, Tetere iworoete kere ekiror loka EJAKAIT, Ka aijaanakin da ŋes ketau edjopet. Anyoun kokekwa juwai koeorin luka Etjopia, Eyaunete ikenainaakaka, Apese naka luisiarisiaraka, ainakineteka. “Kapaaran kaŋin mam kileicikin kanuka aswamisjokon kere, Nuibuearit kamakaŋ; Naarai alemari kokidinikus luituros luiwonooko, Mam bobo ipoga koronataka lokalaunan. Konye enyeini kokidiŋikon ituŋa lueroikinitoi lukican, Emunosi kesi ekiror loka EJAKAIT, Mam aatoŋot naka Isirael iswamai numam adolit, Karaida einer nuka aisab; Karaida mam edumuna aŋajepa nuka aiŋal aitukekee: Naarai enyamete eperete, Emameun da yenitukuriani kes.” Koye, ijo akoku naka Sjon, Kibwon, ijo Isirael! Kiyalama, kolakara ketau kere, Ŋo akoku naka Yerusalem! Alema EJAKAIT itubesiakon, Ereŋea lokasurupikon. Ekabaka loka Isirael, ŋes EJAKAIT, Ejai kidinikon: Mam bobo ikurianar aronis, Kapaaran kaŋin elimokinjo Yerusalem ebe, “Sirikikurianar, ijo Sjon, Kinyeis akonikanin aleiekekar, Ejai EJAKAIT Ekonideke kidinikon, Lokirigi loitaiari: Iyalamikini ŋesi kanukon kailel; Iyeŋi ŋesi kaminake, Elakari kayoore kanukon. Kwape kapaaran naka atukonokin nakalaunan, “Alemari abili kamakus, Tetere mam idumunete amorosit kanuke, Koany, kapak kaŋin Eswamakini eoŋ nul kere lukiroikinito jo; Etaiari ŋin naieodo, Etukonokini nin naereŋearitai: Etuluori ikeceleie araun aiturit ka ekiror, Kakwapin kere.” Ebala EJAKAIT ebe, “Kapak kaŋin kesukunyikini yes, Kapak kaŋin da atukonokini yes: Naarai ketuluori yes ekiror ka aiturit Kotuŋasinei kere luka akwap, Nakenyakunia kaijoreoŋokus kakonyenekus.” Kokaru lokiareit loka ekabaka Daŋo, kolap lokikanyetekape, kapaaran nasodit naka elap, kobu akirot naka EJAKAIT mama ejai Kagai enabi, ka Serubabel okoku loka Sealutiel, ekayaiton loka Yuda, ka Yosua okoku loka Yekosadak, esasedoti lopeti, ehe, “Inera EJAKAIT loka ajoresjo kwanata ebe: Ebalas ituŋa lu ebe, Eroko apak naduket etogo loka EJAKAIT edolo,” Kosodi kobu akirot naka EJAKAIT mama ejai Kagai enabi ebe, “Erai kereka na apak naibojoto yesi kotogoikus luitubusitai, kwabo asiljor etogo lo? Aso do inera EJAKAIT loka ajoresjo kwanata ebe: Koomoomata ikusiponesjo, Ipotu koyeata luipu, isakete luikidjoko; inyamete konye mam imonikinos; imasete, konye mam numatan kiupete; inapitoa igoen, konye emamei yenemwana; ŋin yenedumununei eropit, edumununei eropit aibwaikin oriagi loepedopedo, “Inera EJ AKAIT loka ajoresjo kwanata ebe: Koomoomata ikusiponesjo, Ebala EJAKAIT ebe, Kodokasi oroŋat, koyaut akito, kodukoto etogo; eoŋ da esiyalamikini ŋes, ketubusikinere, Ipotu koomito adumun luipu, ido keany, koraunos luikidjoko; naiyauniata kes ore, abu kakuta. Ebala EJAKAIT loka ajoresjo ebe, Kanukinyo? Kanuka ekatogo loasiljor, kwabo ikerete yesi ŋinituŋanan togoke, Kanuka ŋun etikoki akuj akopyo, etikoki da akwap akeraito kanukus, Abu kanyarak akamu toma akwap, ka iroŋan, ka akima, ka ebino, ka akinyet, ka lueraete kalup, ka ituŋa, ka ibaren, ka aitaaritoi da kere naka akanin,” Kosodi Serubabel okoku loka Sealutiel, ka Yosua okoku loka Yekosadak, esasedoti lopeti, ka luedeuna kotuna, arimar eporoto loka EJAKAIT Ekecedeke, ka akiro nuka Kagai enabi, kwape abu EJAKAIT Ekecedeke kijukaria ŋes; koyonata ituŋa EJAKAIT. Kosodi Kagai, ekiyakia loka EJAKAIT atemar kakirot naka EJAKAIT mama ejaas ituŋa atiar, “Ebala EJAKAIT ebe, Ajai eoŋ kayes.” Kisidik EJAKAIT emoyo loka Serubabel okoku loka Sealutiel, ekayaiton loka Yuda, ka emoyo loka Yosua okoku loka Yekosadak, esasedoti lopeti, ka imoyon da luka luedeuna kere kotuŋa; kopotu kiswamata aswam kotogo loka EJAKAIT loka ajoresjo, Ekecedeke, kapaaran naka akaisaarei ka nuoŋon naka elap, kolap lokikanyetekape. Kokaru lokiareit loka ekabaka Daŋo, kolap lokikanyetekaarei, kapaaran naka akaisaarei kanadjopet naka elap, kobu akirot naka EJAKAIT mama ejai Kagai enabi ebe, “Kolimok Serubabel okoku loka Sealutiel, ekayaiton loka Yuda, ka Yosua okoku loka Yekosadak, esasedoti lopeti, ka luedeuna kotuŋa ebe, ‘Iŋai bo esalit kayesi loabu koanyunite etogo lo kaibusesuke nasek? Etakani kwana biai kamakus? Mere esubit kakonyenekus bala ibore yenitai? Konye ebala EJAKAIT ebe, Kogogonjor, ijo Serubabel; kogogonjor, ijo Yosua, okoku loka Yekosadak, esasedoti lopeti; kogogonjoros, yes ituŋa kere luka akwap; ebala EJAKAIT ebe, Kiswamata: naarai ebala EJAKAIT loka ajoresjo ebe, Ajai eoŋ kayes, kwape ajaar akirot naabu ketutukik yes nailomuniata koMisiri, iboienenei ekamoyo kotomakus: sirikikuriakaros. Naarai inera EJAKAIT loka ajoresjo kwanata ebe: Irwan atipet bobo, apak naedit, eianakini akuj, ka akwap, ka aŋolol, ka akwap naconit; ejaŋiiani atekerin, epote iboro luimielas atekerin kere: ebala EJAKAIT loka ajoresjo ebe, Elelebi aibuses togo lo. Ebala EJAKAIT loka ajoresjo ebe, Erai epuesa ekaij, esabu da ekaŋ. Ebala EJAKAIT loka ajoresjo ebe, Aibuses naka etogo kalo nakoinaren itelekari nasek: Ebala EJAKAIT loka ajoresjo ebe, Esinapikini aibois na,” Kapaaran naka akaisaarei ka nuoŋon kolap lokikanyetekaonon, kokaru lokiareit loka Daŋo, kobu akirot naka EJAKAIT mama ejai Kagai enabi ebe, “Inera EJAKAIT loka ajoresjo kwanata ebe: Kinit cani isasedotin nuka ikisila ebe, ‘Arai kitiŋ ituŋanan akiriŋ nakalaunan katwele naka egoeke, kotiroria emugati, arai atap, arai ebino, arai akinyet, arai akiriŋ kere katweleke, araun kereka ŋin yenikalaunan?’” Kobonokis isasedotin ebe, “Mam.” Kosodi Kagai atemar atiar, “Arai ketiro yenimam elai kanuka akuan nakatwan idjopet koboro katjul eraun kereka nin yenimam elai?” Kobonokis isasedotin atiar, “Eraun yenimam elai.” Kosodi Kagai aboŋokin ebe, “Ebala EJAKAIT ebe, Ikote nen ituŋa lu, ikoni da nen ateker na kakonyeneka; ikoni nen ŋiniswam naka akaninikee; nin yeneinakinete kaŋina erai yenimam elai. Aso do, kenainait, koomoomata nuejaunete amear kapaaran kana ape. Eroko idokokino amoru kuju amoru koyekalu loka EJAKAIT: ipotu koiaas biai? Ameun kapaki kaŋin kere, naabunjo ituŋanan atukit naka aitemisjo akaisaarei, emwaasi do atomon bon; naabunjo ituŋanan acues naka ebino aokun amotii akaisakany, emwaasi do akaisaarei bon. Ebala EJAKAIT ebe, Abu kadany yes kaitukub, ka airouroun, ka akaka da kotoma aswamisjo kere nuka akaninikus; konye mam ipotu kibeleunos mama ajai. Kenainait, koomoomata amear kapaaran kana ape, amear kapaaran naka akaisaarei ka nuoŋon naka elap Jokikanyetekaoŋon. Amear kapaaran naasipokinere apetetait naka eyekalu loka EJAKAIT, koomoomata: eroko kereka ikinyom ejaas odula? Eroko teni mam erai emusabibu, ka etini, ka ekamamaga ka eseituni? Kesirereŋi yes ameari lolo,” Kobu akirot naka EJAKAIT irwan nakiareit mama ejai Kagai kapaaran naka akaisaarei ka nuoŋon naka elap ebe, “Kolimok Serubabel, ekayaiton loka Yuda ebe, Eianiiani aku; ka akwapin: abuburiari eicoloŋ loka ajakanuto; amudiari agogoŋ naka ajakanuto nuka atekerin; abuburiari agalin, ka nul da luibojete kotomakec; ibiroros abalasin ka lukebwanenokokee, ninitunanan kekileij loka onaceke. Ebala EJAKAIT loka ajoresjo ebe, Kapaaran kaŋin kayanaari jo, Serubabel ebulesitika, okoku loka Sealutiel; Ebala EJAKAIT ebe, Ketuluori jo egilut lokipucet, Ebala EJAKAIT loka ajoresjo ebe, Naarai kaseu jo.” Toma olap lokikanyetekauni, kokaru lokiareit loka Dario, kobu akirot naka EJAKAIT mama ejai Sekaria okoku loka Berekia, okoku loka Ido, enabi, kobala ebe, “Anyunyuriki noi EJAKAIT lukapapaakus. Kanuka ŋun kolimok kes ebe, Inera EJAKAIT loka ajoresio kwanata ebe: Ebala EJAKAIT loka ajoresio ebe, Koboŋutu neajai eoŋ, Ebala EJAKAIT loka ajoresio ebe, Eoŋ da aboŋuni mama ijaas, Sirikiputokinos kalukapapaakus, luamonyanakinete inabin lusek mamakee ebe, ‘Inera EJAKAIT loka ajoresio kwanata ebe, Koboŋutu ca yesi anyoun koponesiokus lueroko, ka aswamisiokus da nueroko.’ Konye ebala EJAKAIT ebe, Mam apotu kopuput, karaida akiirar eoŋ. Ai bo ejaas lukapapaakus? Inabin da, ejarenenete kereka kesi ikar kere? Konye akakiro ka ikakisila lueeorakinit ikakejaanakinak inabin, mam kes apotu kodolokis lukapapaakus? Kibelokis kotemasi atiar, Kwape keomitor EJAKAIT loka ajoresio aiswamakin oni, kwape ejaatar iponesiowok, kwape ejaatar da aswamisiowok, abu kiswamak oni kwape kwaŋin.” Kapaaran naka akaisaarei ka nuoŋon naka elap lokitomonet ka lodiopet, ŋes elap Sebat, kokaru lokiareit loka Dario, kobu akirot naka EJAKAIT mama ejai Sekaria okoku loka Berekia, okoku loka Ido, enabi. Kobala Sekaria ebe, “Abu kaany kuare, ido koany, etuŋanan ibwanenit ebalasit lokareŋan, kobwo ŋesi kaneajaas ikito luka ekadas luajaas ajesa; kauke da ajaas ibalasin lukareŋak, ka lukomolik, ka lukakwaŋak. Kasodi atemar ebe, ‘Wu ekajakait, inyoika bo lu?’ Kabala emalaika lokinera keoŋ ebe, ‘Etodikini jo kwape ejaatar.’ Koboŋok etuŋanan loabwoi neejaas ikito luka ekadas kotema atiar, ‘Lu kes luejukarit EJAKAIT alosit lailo ka laije kakwap.’ Kobŋokis kesi emalaika loka EJAKAIT loabwoi neajaas ikito luka ekadas, kotemasi atiar, ‘Kipou kaloto lailo ka laije kakwap, ido koany, iboie akwap kere iyamakina.’ Kosodi emalaika loka EJAKAIT aboŋokin ebe, ‘Wu EJAKAIT loka ajoresio, itodoli ai mam itimi Yerusalem, ka ireria luka Yuda, luinyunyurikinit ijo ikar lu akaisakanykaarei?’ Koboŋok EJAKAIT emalaika lokinera keoŋ kakiro nuejok, kes akiro nuitalakarete, Katema do emalaika lokinera keoŋ ebe, ‘Kiworo ijo ebe, Inera EJAKAIT loka ajoresio kwanata ebe: Ekokotikin noi Yerusalem ka Sion kekokote loepol. Anyunyurik noi atekerin nuebwalara; naarai abu kanyunyurikin edit, kiyatakis kesi aitieanet. Kanuka ŋun inera EJAKAIT kwanata ebe: Aboŋu eoŋ Yerusalem kaitim; ebala EJAKAIT loka ajoresio ebe, Edukokinio nen ekatogo, eriorio auno nakitemis ko Yerusalem. Kiworo bobo ebe, Inera EJAKAIT loka ajoresio kwanata ebe: Ilaparos bobo ireriaka kanuka akerianut; italakari bobo EJAKAIT Sion, eseuni bobo Yerusalem.’’’ Keteluo akakonye kete, ido koany, amumwar aoŋon. Katema emalaika lokinera keoŋ atiar, “Anyoika bo nu?” Kaboŋok ebe, “Nu kes amumwara nukisiarisiarete Yuda, ka Isirael, ka Yerusalem da.” Ketodik EJAKAIT eoŋ ikatatak iwoŋon. Kasodi atemar ebe, “Anyoika nueponitos lu aswam?” Kiner ebe, “Nu kes amumwara nukisiarisiarete Yuda, tape emameun ituŋanan yenitonyouni akouke: konye eponito lu aitukurian kes, aiket amumwara nuka atekerin nuadakakis amumwarakee akwap naka Yuda aisiarisiar ŋes.” Keteluo akakonye kete, ido koany, etuŋanan loitinit auno nakitemis kakanike. Kasodi atemar ebe, “Ai bo ilosi ijo?” Katema ŋesi eoŋ atiar, “Aitem Yerusalem, aanyun alalauke, ka aoiauke da.” Ido koany, koloma emalaika lokinera keoŋ, kolom eeemalaika aisiriamar ŋes. Kotema ŋes atiar, “Koker, kinera kekatumunan kanol ebe, ‘Ejaunos luibojete ko Yerusalem kwape koreria lumam ebwaitai, kanuka aipues naka ituŋa ka ibaren kotoma. Naarai ebala EJAKAIT ebe, Araun eoŋ arwatat naka akim airimor ŋes, araun da aibuses kidiŋike.’” Yesi ba, ebala EJAKAIT ebe, Yesi ba, kokerata anyoun kakwap naka agolitomei: naarai ebala EJAKAIT ebe, Kesiarisiari yes kwape kikwamin iwonon luka akuj. Ŋo ba, Sion, koyuun bon, ijo loiboiete kakoku naka Babulon. Naarai inera EJAKAIT loka ajoresio kwanata ebe: Akaulo kaibuses abu kejuk eoŋ mama ejaas atekerin nukinatarito jo: naarai ŋin yenikitirori jo etirorit eeopot loka akonuke: “Naarai, koany, elakilaki akakan kamakee, eraunos amejei mama ejaas ŋul lueiaanakinete kes. Ŋenunete do ebe kejuku EJAKAIT loka ajoresio eoŋ. Koye, kolel, ijo akoku naka Sion; naarai ebala EJAKAIT ebe, Koany, abuni, eboikini mamakon. Imorikikinos atekerin nuipu mama ejai EJAKAIT kapaaran kaŋin, eraunos ikatuŋa; eboikini mamakon, iienunete do ebe kejuku EJAKAIT loka aioresio eoŋ mamakono Irumi EJAKAIT Yuda bala ewaike kakwap nakalaunan, eseuni bobo Yerusalem.” Kililinata, awat kere, kakonyen nuka EJAKAIT: naarai akwenyu ŋesi anyoun kaiboisike nakalaunan. Abu ŋesi ketodik eoŋ Yosua esasedoti lopeti, ebwoi kakonyen nuka emalaika loka EJAKAIT, ebwoi Satan da kakekan nakoteten araun loka surupike. Kotema EJAKAIT Satan atiar, “Kitoron EJAKAIT jo, Satan! Eebo, EJAKAIT loabu koseu Yerusalem kitoron jo! Mere lo akalas naalemuna kakim?” Konapit Yosua inapen lumodok, ebwoi kakonyen nuka emalaika. Koboŋok, kolimok ŋul luebwoete kakonyeneke ebe, “Kolacak ŋes inapen lumodok.” Kotema ŋes atiar, “Koany, alaca numam edolitokon kamakon, ketanapi do jo igoen luejokuka cut.” Kabala ebe, “Kitanapikis ŋes egoe loelai lokieniena akouke.” Kitanapikis ca egoe loelai lokieniena akouke, kitanap da inapen; kobwo emalaika loka EJAKAIT kodieke. Kitogogon emalaika mama ejai Yosua kobala ebe, “Inera kwanata EJAKAIT loka aioresio ebe: Arai ilosenenei korotinika, arai da iricit aicorakineteka, ŋes konyet itubokinia ekatogo, idari da alaroika, kainakini eoŋ jo aibois alomunun nepepe kanul luebwoete kodie. Kopup bo ijo, Yosua, esasedoti lopeti, ijo ka ipaupakon luibojete kakonyenekon; naarai kes ituŋa lueraas aanyunet; naarai koany, etolomikini ekakeiaanakinan Atenut. Naarai koany, amoru naebwaikinit kakonyen nuka Yosua; ejaas akonye akanykaarei kamoru: koany, ebala EJAKAIT loka aioresio ebe, Egirakini emaeareteke, alemari da numam adolit naka akwap kana kadiopepaaran. Ebala EJAKAIT loka ajoresio ebe, Kapaaran kaŋin inyaraunete yesi ŋinitunanan ekeidunyet kwap kemusabibuke ido kwap ketinike.” Kobu bobo emalaika lokiner keoŋ kitekweny eoŋ, kwape itekwenyunia ituŋanan kaioke, Katema ŋesi eoŋ atiar, “Inyo bo iany ijo?” Katema atiar, “Aany, ido koany, epir loka atala loka esabu kere, atubake da kujuke, ejaas da kaketalai akanykaarei; ejaas da ipiin ikanykaarei kaninidiopet naka atalai, nuejaas kujuke. Kidunyas kikito iarei luka eseitun, ediopet kosiepike lokoteten loka atuba, ece da kosiepike lokokediany. Kabonok emalaika lokinera keoŋ atiar, “Ekajakait, anyoika bo nu?” Kosodi emalaika lokinera keoŋ aboŋokin eoŋ ebe, “Mam ca ma jo ijeni ŋun?” Katema atiar, “Eeea, ekaiakait.” Kosodi ŋesi aboŋokin eoŋ ebe, “Na ŋes akirot naka EJAKAIT mama ejai Serubabel ebe: Ebala EJAKAIT loka aioresio ebe, Mere kanuka agogoŋ, karaida kanuka apedor, konye kanuka Ekamoyo, Iŋai ca ma ijo, ijo eronat lokapolon? Iraun apuuton kakonyen nuka Serubabel; itolomuni ŋesi amoru nakapolon kibwonas ebe,, Asianut, asianut mama ejai!’” Ido kobu akirot naka EJAKAIT mama ajai ebe, “Apesikis akanin nuka Serubabel apetetait naka etogo kalo; enetakinete da akekanin ŋes. Ŋenuni ijo da ebe keiuku EJAKAIT loka aioresio eoŋ mama ijai. Naarai iŋai ca emenit apaaran naka iboro ludidik? Naarai iyalamasi kesi, eanyunete ebiriji kakan naka Serubabel, “Nu akanykaarei, kes akonye nuka EJAKAIT; ekerete lailo ka laije anatar akwap kere.” Kasodi eoŋ aboŋokin ŋes ebe, “Inyo bo ikito lu luarei luka eseitun kosiep lokoteten loka epir loka atala kosiepike da lokokediany?” Kabonok eoŋ nakiareit katema ŋes atiar, “Inyo bo aluŋuren nu nuarei nuka eseitun, nuidunyas kamodoi nuka esabu, nuebukonorete akinyet naka esabu?” Kabonok ŋesi eoŋ ebe, “Mam ca ma jo ijeni nun?” Kabala ebe, “Eeea, ekaiakait.” Kosodi ŋesi atemar ebe, “Ŋul kes luarei lukinyonyoikitono akinyet, luebwoete kodie ka EJAKAIT loka akwap kere.” Kasodi bobo eoŋ aiteluor akakonye, kete, ido koany, anunuket naka eitabo naeporitoi. Katema ŋesi eoŋ atiar, “Inyo bo iany ijo?” Kabonok ebe, “Aany anunuket naka eitabo naeporitoi; aoiauke ikubitin akaisaarei, alalauke da ikubitin itomon.” Kosodi ŋesi atemar eoŋ atiar, “Ŋin ŋes ekenit loelosi anatar akwap kere: naarai kwape ejaar owaike ediopet egelario ŋinituŋanan kere yenekokoi; ido kwape eiaar owaike ece egelario ninitunanan kere yeniyapoi. Ebala EJAKAIT loka aioresio ebe, Etolosi eoŋ ŋes, elomari ŋesi togo loka ekokolan, togo da loka ŋin yeniyapoi aiŋal elimit ekakiror: iboienenei togoke, emudiari ŋes ka akitoke ka amoruke da.” Kosodi emalaika lokinera keoŋ alomar, katema ŋesi eoŋ atiar, “Kiteluo cani akonikonye, kite ibore ii yenelosi.” Kabala ebe, “Inyo bo ii?” Kotema atiar, “Ŋin ŋes epa loelosi.” Ido kotema atiar, “Ŋin ŋes numam adolit kakwap kere.” Ido koany, aponi kikeunai arapetait naka asasit, ido kiboie aberu kotoma epa! Kobala ebe, “Na ŋes Aronis”; koeaka ŋes kotoma epa, kocaka alaniru naka asasit kaitukuke, Kasodi aiteluor akakonye, kete, ido koany, kolomut aŋor aarei. Kojai ekwam kabebenokakec; ajaas kes kabebenoka kwape abebenoka nuka etolut: kodakasi epa kidin kakwap ka akuj. Kasodi eoŋ atemar emalaika lokinera keoŋ atiar, “Ai bo eyaŋaarete nu epa?” Katema ŋesi eoŋ atiar, “Adukokinia ŋes etogo kakwap naka Sinar: naitem Keteluo bobo akakonye, kete, ido koany, kopotu agalin aoŋon kokidin kironan iarei; ironan da keraas ironan luka aisinit. Agali nasodit ajaas ibalasin lukarenak; agali nakiareit ibalasin lukirionok; agali nakiwuniet ibalasin Iukakwanak; ka agali da nakiwononet ibalasin luenirooko lukagogoŋok, Kasodi eoŋ aboŋokin emalaika lokinera keoŋ ebe, “Ekajakait, inyoika bo lu?” Kabonok emalaika eoŋ atiar, “Lu kes ikwamin iwonon luka akui, lualomasi anyoun kaibwo kakonyen nuka EJAKAIT loka akwap kere. Ebei agali naejaas ibalasin lukirionok akwap naka agolitomei; kotupakis lukakwanak kes; kobeete luenirooko akwap naka eŋalakimak.” Kobeete lukagogonok, komootos aimaniman lailo ka laije anatar akwap. Kobala ebe, “Koloto yesi, kimanimanata lailo ka laije da anatar akwap.” Kosodete kimanimanata akwap, Kosodi ŋesi aiworor eoŋ katema ebe, “Koany, ŋul luebeete akwap naka agolitomei apotu kisiyamikis Ekamoyo kakwap naka agolitomei.” Kobu akirot naka EJAKAIT mama ajai ebe: “Koyana kakesi kaluejoreoritai, kes Kelidai, ka Tobiya, ka Yedaia, luadolut anyoun koBabulon, kolot ijo da kapaaran kaŋin, koloma togo loka Yosia, okoku loka Sepania. Ido kiiau kes epuesa ka esabu, kiswamaunia abokoi, kitanapik kes akou naka Yosua okoku loka Yekosadak, esasedoti lopeti; kolimok ŋes ebe, ‘Inera kwanata EJAKAIT loka ajoresio ebe, Koany, etuŋanan ekekiror Atenu; epolouni ŋesi kaiboisike, eduki ŋesi eyekalu loka EJAKAIT. Eduki teni ŋesi eyekalu loka EJAKAIT; ibwoki ŋesi aibuses, iboie irumi koicoloŋoke loka ajakanut. Ejaun esasedoti die koicoloŋoke: ejaun ainerun naka ainapakin kidin kakesi luarei.’ Ejaunos abokoi mama ejaas Kelem, ka Tobiya, ka Yedaia, ka Ken * okoku loka Sepania araut aisiitunet koyekalu loka EJAKAIT. “Epote da nul luelwaka iŋarakinete aiduk eyekalu loka EJAKAIT, ijenunete ebe kejuku EJAKAIT loka ajoresio eoŋ mam ijaas, Ejaun do ŋin, arai ikukuraka arimar eporoto loka EJAKAIT Ekusideke.” Kosodi kanen, kokaru lokiwononet loka ekabaka Dario, kobu akirot naka EJAKAIT mama ejai Sekaria kapaaran nakiwononet naka elap loki kanyerekaonon, ŋes Kisileb. Apotu luko Bet-el kiyakias Sareser ka Regemmelak, ka ikecetuŋa aimaimaun asianut naka EJAKAIT, ka aiŋit da isasedotin luka etogo loka EJAKAIT loka ajoresio, ka inabin ebe, “Kebusakinit kereka eoŋ aimony ka ailuŋ kolap lokikanyet, kwape eswamaa ikar lu luipu?” Kosodi kobu akirot naka EJAKAIT loka ajoresio mama ajai ebe, “Kolimok ituŋa kere luka akwap, ka isasedotin ebe, Naipotu koluniata ka aibworo kolap lokikanyet ka lokikanyetekaarei, ikar lu akaisakanykaarei, ipotu tope kolunata mama ajai eoŋ, eoŋ ba? Nainyamiata, naimasiata da, mam kereka inyamete kanukus, komasete da kanukus? Mam kereka kibusakinito akiirar akiro nukelimonokini EJAKAIT konabin lusek, nakejaatar ituŋa lukiboiete koYerusalem, kisircreijitete da, ka ireria lukidunyas kaŋes, kejaas da ituŋa lukiboiete ari naka Eŋalakimak ka apuutona?” Kobu akirot naka EJAKAIT mama ejai Sekaria ebe, “Inera kwanata EJAKAIT loka ajoresio ebe, Kitodol etube lokabeit, kitodianak ŋinitunanan onaceke aitim ka aisioni. Sirikiroik apuserut, karaida ikoki, karaida imoit, karaida lukican; kinyek idio kayesi aitetemonor aronis kotauke aluikin onaceke.” Konye koneroto kesi apupun, kibelonokis ikeperin, kisikakis akiikec kinyeis apupun, Eebo, kituluos itauonokee bala eikep, kinyeis apupun ekisil, ka akiro nukijukunit EJAKAIT loka ajoresio komoyoke kama ka inabin lusek. Kanuka nun ŋes alomunia anyunyura naepol kama ejai EJAKAIT loka aioresio, Ebala EJAKAIT loka ajoresio ebe, “Kosodi kanen, kwape amonyia eoŋ, koneroto kesi apupun; emonyete kesi da kwaŋin, eoŋ da aneri apupun, Konye esiarisiari kes ketapipirio mama ejaas atekerin kere numam apotu koienete. Kosilior kwaŋin akwap akaulokec, komam ituŋanan etubor karaida aboŋun: naarai kitisilo akwap naajok.” Kobu akirot naka EJAKAIT loka ajoresio mama ajai ebe, “Ebala kwanata EJAKAIT loka ajoresio ebe: Ekokotikin Sion kekokote loepol, ekokotikin ŋes kanyunyura naepol. Inera EJAKAIT kwanata ebe: Aboŋuni eoŋ Sion, eboienenei kokidin Yerusalem: emaikinio Yerusalem Ere loka abeit: ka eronat da loka EJAKAIT loka aioresio Eronat lokalaunan. Inera kwanata EJAKAIT loka ajoresio ebe: Ibojenenete imakio ka amakio bobo korotin luka Yerusalem, kitiŋite ninitunanan ebelake loitabia kakanike naarai amoion noi. Ilelebunos irotin luka ere itelepai ka apesur koboliasi korotinike. Inera kwanata EJAKAIT loka aioresio ebe: Arai erai nakaumokin kakonyen nuka aatoŋot naka inuja kalu kapaarasia kanu; ebala EJAKAIT loka ajoresio ebe, Tikeraun nakaumokin da kakonyeneka? lnera kwanata EJAKAIT loka aloresio ebe: Koany, Etajari ikatuŋa anyoun kakwap nakokide, kakwap nakoto da: ayauni kes, ibojenenete kokidin Yerusalem; eraunos kesi da ikatuŋa, eoŋ da araun Ekecedeke, kotoma abeit ka adolit da.” Inera kwanata EJAKAIT loka ajoresio ebe: “Kogogoŋoto akusikanin, yes luipupete kapaarasia kanu akiro nu nuepote kaituke nuka inabin, luajaas kapaaran naapesikinere apetetait naka etogo loka EJAKAIT loka ajoresio, tetere edukio eyekalu. Naarai eriŋa kedolo apaarasia ŋun amamei eropit loka ituŋanan, karaida eropit loka etiaŋ; amamei da ainapakin nol loaloman ka loalomuni kanuka lokasurup: naarai abu ketuluik ŋinituŋanan kekeidunyet. Konye ebala EJAKAIT loka ajoresio ebe, Mam kwana ekoni nen mama ejai aatoŋot naka ituŋa lu kwape kapaarasia nukolono, Naarai ejaunos ikinyom luka ainapakin; einakini emusabibu araitoke, einakinete alup amiokec, einakini da akuj akopyoke; esurumi da aatoŋot naka ituŋa kalu iboroŋul kere. Kosodi kanen, kwape kiraar ekenit kotoma atekerin, ijo ekek loka Yuda ka ekek loka lsirael, ketajari do yes kwaŋin, iraunos yesi arereŋ. Sirikikuriakaros, konye kogogonoto do akusikanin.” Naarai inera kwanata EJAKAIT loka ajoresio ebe: “Kwape abu kaomitor aiswamakin yes aronis naketunyunyurikinitotor lukapapaakus eoŋ, ebala EJAKAIT loka ajoresio ebe, ido mam abu keitu; kwape kwaŋin kapaarasia kanu abu kaomite aiswamakin Yerusalem ka ekek loka Yuda ajokis: sirikikuriakaros. Nu kes akiro nuiswamaete; kinerasi yesi ninirunanan abeit mama ejai ikeidunyet; kitodolenenete etube loka abeit ka ainapakin koruteikus: kinyek idio kayesi aitetemonor aronis kotauke aluikin ikeidunyet; siriminas aiyaposit naka aiŋal: naarai ebala EJAKAIT ebe, Ŋun kere eraas nuasacit eoŋ.” Kobu akirot naka EJAKAIT loka ajoresio mama ajai eoŋ ebe, “lnera kwanata EJAKAIT loka aioresio ebe: Ailuŋ naka elap lokiwononet, ka ailuŋ naka lokikanyet, ka ailuŋ naka lokikanyetekaarei, ka ailuŋ naka lokitomonet eraunos ipucin lukailel ka lukaiyalama, ka lukalakara mama ejai ekek loka Yuda: kanuka ŋun kominas abeit ka ainapakin. “Inera kwanata EJAKAIT loka ajoresio atiar: Epote teni atekerin, ka luibojete koreria luipu: luibojete kore ediopet elosete ore ece, kinerasi ebe, ‘Karurukaros aimaimaun asianut naka EJAKAIT, ka amoun EJAKAIT loka ajoresio: alosi eoŋ da.’ Eebo, epote ituŋa luipu ka atekerin nuegogoŋ amoun EJAKAIT loka aioresio Yerusalem, ka aimaimaun da asianut naka EJAKAIT, Inera kwanata EJAKAIT loka aioresio atiar: Kapaarasia kanun, ikamunete ituŋa itomon, kotoma aŋajepa kere nuka atekerin, ikamunete kito anapito naka ituŋanan kayeni-Yudayat, ebe, ‘Kiupar kayes, naarai kiira isio ebe ejai Edeke kayes.’ ” Akirot naka EJAKAIT mama ejai akwap naka Kadurak, Ka Damasiko aibois naeounere. Naarai itei EJAKAIT akoŋu naka ituŋanan Ka naka atekerin kere nuka Isirael. Kamat da loidunyatar eikoruke: Turo ka Sidon, naarai eco ŋesi. Abu Turo koduk abwas naegogon kanuken, Kotukonok epuesa bala apua, Ka esabu loejok kwape erit loka irotin. Koany, ireneari ŋes EJAKAIT, Ecakari akebar toma aŋolol; ldoporio kakim. Eanyuni Asukelon ŋun, ekurianari; Gasa da, eriebakin noi; Ka Ekuron, naarai itisilio nuabu komuno. Eoliori ekabaka koGasa, Mam ituŋa ibojenenete koAsukelon. Iboie ateker nainyalakina koAsudod, Etanaŋi da eitur loka Ipilisitian. Alemari akeokot kaitukuke, Italesiake da kokidin okelake; Eraun ŋesi da aatoŋot naka Edekewok: Eraun kwape ekapolon koYuda, Ka Ekuron kwape Eyebusit. Edukuri airigaun ekatogo asurokin aiore, Komam yenitori karaida aboŋor: Mam bobo ekamwanan itori tomakec: Naarai kwana aany kakakonye. Kiyalamikin noi, ijo apese naka Sion! Kikalal, ijo apese naka Yerusalem! Koany, ebunit ekabakakon neijai: Erai loedolit ejaas kaitajario; Itasono kibwanenite da isigiria, Itaok yenika asigiria. Ademari Epuraim agali, Ka Yerusalem da ebalasi, Edemario da akabwa naka ejie; Elimokini da atekerin ainapakin; Ilosikin ayaiteke anyoun kaŋolol kiton aŋolol, Ido anyoun koCor kiton osaŋe loka akwapin. Ka jo da, kanuka aokot nuka aitutuketekon, Adau alemun ienanakon kotoma aipany namam akip, Kibelokinos neejai abwas naegogon, Yes ienan luemunos; Kalimonokin lolo ebe kenyakakini jo irwan aarei. Naarai abu ketukud Yuda kwape akakabwa, Etemok Epuraim araut ekemal; Esidiki da odwekon, wu Sion, Aluikin odwekon, wu Yaban, Ketuluori jo kwape ekileŋ loka lokirigi. Etakanuni EJAKAIT kamakec, Elomari emaleke kwape eimilia: Ekutakini Ejakait EDEKE arupepe, Euparos kitapipirion luka eŋalakimak, Eiikini kes EJAKAIT loka aioresio; Enyamete, icakacakaete alica nuka aporocet; Emasete akeceokot kwape kajon: Ilelebunos kwape atanyia, Kwape agoria nuka etem. Itaiari kes EJAKAIT Ekecedeke kapaaran kaŋin Kwape esipan loka iketuŋa: Naarai eraunos bala amor nuka aboko, Emwekimwekete kakwapuke. Naarai epol ca ma akejokis, Epol ca ma aketemelel! Itopolounete akima ikatumunak, Ka ebino da lokitetet apesur. Kilipa yesi EJAKAIT akiru Kapak naka akiru nakiloboet, Ŋes EJAKAIT loesubi aimiliaununeta; Einakini ŋesi kes ilimilimia luka akiru, Ŋinirunanan ikui komanikor. Naarai eneras iterapim aamameak, Apotu ikadwarak koanyutu aimod; Apotu ikerujak kolimokis airujasia nukainal, Italakarete atai. Kanuka nun ŋes epaariata ituŋa kwape amerekekin; Itieanio naarai emamei ekecokon. “Enepu anyunyuraka aluikin ikeeokok, Eticani ikorwa: Naarai aanyana EJAKAIT loka ajoresio esipanike, ekek loka Yuda, Itarauni kes kwape ekebalasit loejok kojie. Elomuni kamakee amoru naka agor, Kamakee eloit, kamakee akabwa naka ejie, Kamakee da nolikayaiton. Eraunos bala ituŋa lukirigin, Icakacakaete lukasurupokee korit loka irotin kojie; Ejiosi, naarai ejai EJAKAIT kakes: Isurumete ikebwanenok ibalasin ileje. “Etogogoŋi eoŋ ekek loka Yuda, Etajari da ekek loka Yosep. Enyakuni kes, naarai etimi kes; Eraunos bala mam eoŋ erenearit kes; Naarai arai eoŋ EJAKAIT Ekecedeke, eirari kes. Eraunos luka Epuraim kwape etuŋanan lokirigi, Elakara ikecetauon kwape luelakara kanuka ebino. Eebo, eanyunete ikeeedwe nun, elakaros: Iyalamikinos ikecetauon kotoma EJAKAIT. “Einyuni kes, atukonokini kes; Naarai alaku kes: Iyatanakinos kwape kolo eyatanakinototor. Karaida abu kesiarisiar kes kotuna; Keitunete kesi eoŋ kakwapin nuelwaka: Ebusete nepepe kidwekee, eboŋunete. Enyakuni kes bobo anyoun kakwap nako Misiri, Atukonokini kes koAsuria; Etolomuni kes akwap naka Gilead ka Lebanon; Komam akwap ilosikini kes. Itorete kesi aŋolol naka aitieanitoi, Inomio akailan nuka aŋolol, Eokete ataroi kere nuka Nile. Itisilio eitur loka Asuria, Enyouni da ebela loka ajakanut nako Misiri. Etogogoŋi eoŋ kes kotoma EJAKAIT, Ebala EJAKAIT ebe, Irimete kokirorike.” Koŋa ikekiakon, ijo Lebanon, Tetere idopori akim iresiakon. Kodelo ijo eberos, naarai ebiror eres, Naarai amudiaros ikito lukaiokak. Kodelosi, yes iluan luka Basan, Naarai aiepar amagoro naegogon, Eporoto loka adelor naka ikeeokok! Naarai eŋatara aibusesukec. Eporoto loka iŋatunyo ludidik luegatas! Naarai eŋatara eitur loka Yorodan. Abu EJAKAIT Ekadeke kiner kwanata ebe: “Korau ijo ekecokon loka esipan loebuni aario. Luegwelete kes earete kes, kobalas ebe mam adiokirot naitelekarit kes; nul da luegwelarete kes ebalasi ebe, “Kituritete EJAKAIT, naarai abar eoŋ’: mam ikeeokokokee itimete kes, Naarai ebala EJAKAIT ebe, Mam bobo etimi luibojete kakwap. Konye, koany, ejaikini ituŋa ninitunanan akan naka iidunyeteke, akan da naka ekabakake: edanyete lukakwap, mam eoŋ da ayuuni kes kakanikec.” Araun do ekeeokon loka esipan loebuni aario, kanuka ikagwelak amerekekin. Kalemu da ibelai iarei; abu kamaik ediopet ekekiror Asianut, kamaik da ece ekekiror Eidie. Ketadak da esipan. Kolap ediopet kamudia ikecokok iuni. Naarai etapasito ekatau, kes da kalaitos eoŋ. Kasodi eoŋ atemar atiar, “Mam teni araun ekecokonikus. Ŋin yenetwani, kotwana; nin yenemudiario, komudiarai; nul da luideunos konyamata ninidiopet akiriŋ naka yenice.” Ketin ekabela Asianut, kabil, tetere abili akaitutuket naetutukit kituna kere, Kobilai kapaaran kaŋin: kwaŋin kojenut ikagwelak amerekekin lukerereete eoŋ ebe kerai akirot naka EJAKAIT, Kabala kes ebe, “Arai kitojokito, koinakinai eoŋ ekaropit; arai mam, kinyeis.” Kitemoto do ekaropit atutubeta akaisauni nuka epuesa, Kabala EJAKAIT eoŋ ebe, “Kocakak ekaiean” etiai lokapolon loapotu ketemokis eoŋ. Kalem atutubeta akaisauni nun nuka epuesa, kacakak ekaiean, togo loka EJAKAIT. Kasodi eoŋ aibil ebelaka ece Eidie, tetere abili einaeane kama ejai Yuda ka Isirael. Kabala EJAKAIT eoŋ ebe, “Kolemu bobo iboro luka ekeeokon loebanaana. Naarai koany, adakuni ekecokon kakwap, lomam epod lueoliorito, karaida amoot luesiarakina, karaida aider luebilil; mam da itadaki luicasito, konye enyami ŋesi akiriŋ naka luetumitos, ecilicilei imagegerekee. Itukwi ekeeokon lotai loejali esipan! Kojaun ekileŋ akanike, akonuke da nakoteten! Koono de akekan, Komudukanar eut akekonu nakoteten!” Akirot naka EJAKAIT naka Isirael. Inera EJAKAIT lokepesikini akuj, lokepesi da apetetait naka akwap, lokesubi emoyo laka ituŋanan kotomake, ebe: “Koany, etuluor Yerusalem aikopo naka aigetigeta mama ejaas ituŋa kere luirimorito; ejaun mama ejai Yuda da kotoma airigaunio naka Yerusalem. Kosodi kanen, kapaaran kaŋin, etuluori Yerusalem amoru naelanir noi mama ejaas ituŋa kere; nul kere luedakete ŋes imusunanakinos noi. Etukonokinos atekerin kere nuka akwap asurokin ŋes, Ebala EJAKAIT ebe, Kapaaran kaŋin, esuumokini nolibalasit, esikeripikini ekebwanenonike. Konye esesenete akakonye ekek loka Yuda, naetumudakia ŋolibalasit loka ituŋa, Etemarete ijaka luka Yuda kotauonokec ebe, ‘Luibojete ko Yerusalem kes akagogoŋ kotoma EJAKAIT loka ajoresio Ekecedeke.’ “Kapaaran kaŋin etusubi ijaka luka Yuda bala atido naka akim kotoma akito, ido bala akalas naka akim kotoma oisutan; idoporete ituŋa kere airimor, kakan nakoteten ka nakokediany da; eriŋa bobo iboie Yerusalem kaiboisike, ŋes Yerusalem, “Isiauni EJAKAIT aitaiar iweman luka Yuda, tetere mam itopolooritai aibuses naka ekek loka Daudi ka aibuses naka luibojete koYerusalem adepar Yuda, Kapaaran kaŋin eiikini EJAKAIT luibojete koYerusalem; ŋin da yenikalanyana kakesi kapaaran kaŋin eraun kwape Daudi; ekek da loka Daudi eraun kwape Edeke, kwape emalaika loka EJAKAIT kakonyenekee. Kosodi kanen kapaaran kaŋin amoi eoŋ amudiar atekerin kere nuepote asurokin Yerusalem. “Abukokini ekek loka Daudi, ka luibojete koYerusalem, emoyo loka asianut ka loka aiŋaiŋa; esesenete ŋol loapotu kicumata: ibworos ŋes, kwape ibworor ituŋanan okokuke loteluna, ekuudiani ŋes, kwape yenekuudiani ekiyaike. Kapaaran kaŋin ejaun aibworo naepol ko Yerusalem, kwape aibworo naka Kadad-rimon kaditot naka Megidon, Ibworos lukakwap, ŋolikek kowaike; ekek loka etogo loka Daudi kowaike, ka akecenor kowaikee; ekek loka etogo loka Natan kowaike, ka akecenor da kowaikee; ekek loka etogo loka Lebi kowaike, ka akecenor kowaikee; ekek loka Isimein kowaike, ka akecenor kowaikee; ikekia kere luedeunos, nolikek kowaike, ka akecenor da kowaikec. “Kapaaran kaŋin epukorio atan inama ejai ekek loka Daudi, ka luibojete ko Yerusalem, aitalaunia kes karonis ka amamus aila. “Kosodi kanen kapaaran kaŋin ebala EJAKAIT loka aioresio ebe, Amudiari ikiroria luka aputosia kakwap, mam bobo iitunio: etonyouni da inabi ka emoyo loerono alemar kakwap. Kosodi kanen, arai ketakanu bobo ituŋanan edwari, kosodi papake ka totoke luauruunete ŋes atemar ŋes atiar, ‘Mam ijari; naarai inera ijo nukainal kokiror loka EJAKAIT.’ Icumete ŋes papake ka totoke luauruunete ŋes naedwaria. Kosodi kanen kapaaran kaŋin, ileicikinete inabin, ŋolituŋanan aitapoeteke, naedwaria; mam enapete da elou lokajul ainalaa; konye etemari atiar, ‘Mam eoŋ arai enabi, arai ekakorion akwap; naarai alup kes akairumet ameun keiditeuka.’ Arai kinit ŋes idio atiar, ‘Anyoika amusuŋun nun kopurakon?’ Kosodi ŋesi aboŋokin ebe, ‘Ŋun kes amusun nukemusuŋio kotogo loka ipaperoka.’” Ebala EJAKAIT loka ajoresio ebe, “Kokweny, ijo ekileŋ, asurokin ekeeokonika, Asurokin da etuŋanan epadieika: Kosen ekeeokon, kisiarakinos amerekekin; Ebelokini akakan mama ejaas ludidik. Kosodi kanen ebala EJAKAIT ebe, Kakwap kaŋin kere, egelario atutubeta aarei nukotomake, etwakete; Konye kinyeinai atutubet nakiwnniet nakotomake ejari. Etotori atutubet nin nakiwuniet akim, Eliliauni kes kwape eliliauna epuesa, Etemi kes kwape itemcre esabu. Iwoneete ekakiror, eirari kes. Kabala ebe, ‘Eraas ikatuŋa’, Kes da ebalasi ebe, ‘Erai EJAKAIT Ekadeke.’ ” Ekadeke.’ ” Koany, ebunit apaaran naka EJAKAIT, naekorokoroere lunatarakon kokidinikon. Naarai atukonokini atekerin kere asurokin Yerusalem aitijie; irumio ere, eŋatario itogoi, aŋor da emunaario: iioreorio atutubet naka ere, konye luideunos luka ituŋa mam egelario kore. Kosodi konyet elomari EJAKAIT, aitiji atekerin nun, kwape kejior kapaaran naka ejie. Kapaaran kaŋin ebwoete akekejen komoru loka Iseitunin, loitei Yerusalem kari nakokide; ecila emoru loka Iseitunin kokidinike kari nakoto ka ari da nakokide, ejaun aditot naepol noi; enyoun atutubet naka emoru aibe ari naka agolitomei, ka atutubeteke ace aibe ari naka eŋalakimak. Ikerete yesi da kaditot naka ironanaka, naarai edoli aditot naka ironan Asel: eebo, ikerete, kwape ikeriata anyoun kamaran naka akwap kapaarasia nuka Usia ekabaka loka Yuda. Kosodi kanen ebuni EJAKAIT Ekadeke, ka lukalaunak kere nepepe kaŋes. Kosodi kanen kapaaran kaŋin, mam ejaun aica kaimiliaun karaida amuton: konye eraun apaaran adiopet naeieni EJAKAIT; mere apaaran, mere kuare da: konye kanen do ejaun aica eboŋ, Kosodi kanen kapaaran kaŋin, elelearete akipi nukajarak anyoun ko Yerusalem; atutubetekee ebeete aŋolol nakokide, atutubetekee da ebeete aŋolol nako to: ejaunete kamu, ka aiporo da. Eraun EJAKAIT ekabaka loka akwap kere: kapaaran kaŋin eraun EJAKAIT ediopet, ekekiror da ediopet. Ituluorio akwap kere apuuton, anyoun koGeba kiton Rimon kari naka eŋalakimak naka Yerusalem. Konye esali Yerusalem, ieelelei kaiboisike, anyoun korute loka Benyamin kiton aibois naka erute losodit, kiton orute loka Agor anyoun da kotogo loeoja loka Kananel kiton acueta nuka ekabaka. Iboiete ituŋa da kotoma, mam bobo ekenit; konye iboie Yerusalem iyamakina, Na ŋes atular naedanyia EJAKAIT ituŋa kere luetijiete Yerusalem: ebosi akecekirin eriŋa ebwoete, ebosikinete akeeekonye toma adokoeokee, ebosikinete anaiepakec toma aitukekee. Kosodi kanen kapaaran kaŋin, ejaun aiticanio naebuni kama ejai EJAKAIT mamakee; ikamuni ninitunanan akan naka ikeidunyet, ikeuni da akekan asurokin akan naka ikeidunyet. Yuda da itijiei Yerusalem. Etukonokinio abar naka atekerin kere nuirimorito, esabu ka epuesa, ka anapito, luipu noi noi. Edoikini da atular kwape atular nin obalasin, onyubun, akaalai, asigiria, ka otian da kere luejaunos oidukurun ŋul. Kosodi kanen elosenenei ninituŋanan yenideun katekerin kere nuapotu koloto asurokin Yerusalem, elosenenei ŋesi nclikaru aima Ekabaka, EJAKAIT loka ajoresio, ido idari ŋesi epucit loka iswamin. Ejaun do ebe nin yenika ikekia kere luka akwap yenimam elosi Yerusalem aima Ekabaka, EJAKAIT loka aioresio, mam akiru etepakini kes. Arai da mam ekek loko Misiri elosi, aitodiar bon, kosodi edoikini atular mamakee, naedanyia EJAKAIT atekerin numam elosete aidar epucit loka iswamin. Ŋin ŋes eraun aiticanet naka Misiri, ŋes aiticanet da naka atekerin kere numam elosete aidar epueit loka iswamin. Kapaaran kaŋin egirir koeirin luka ibalasin ebe, “Yenikalaunan yenika EJAKAIT.” Eputokinos da amoti nukotoma otogo loka EJAKAIT, kwape atanya nukoinaren ketem. Eebo, eraun ninimot koYerusalem ka Yuda nakalaunan mama ejai EJAKAIT loka ajoresio: nul kere da lueinakinete asuban epote eyaŋaarete kes, ipoete akiriŋ naka asubanit kotoma. Kapaaran kaŋin da emameun bobo ekagwelanaran kotogo loka EJAKAIT loka ajoresio, Abwokon naka akirot naka EJAKAIT mama ejai Isirael kama ka Malaki. Ebala EJAKAIT ebe, “Kamina yes.” Konye ibalas yesi ebe, “Kimina ijo sio biai?” Ebala EJAKAIT ebe, “Mam kereka Esau arai onaee loka Yakob? Konye amina Yakob; kwabo alait Esau, ketuluo da ikeroŋan luiswapito, kainak da airumeteke ikuwei luka amodiŋ,” Karaida kebala Edom ebe, “Kitiyakin kwap, konye kiboŋori aiduk aiboisio nuatiyanakinos”; inera EJAKAIT loka ajoresio kwanata ebe, “Edukete kesi, konye atiyakini eoŋ kwap: emaikinete ituŋa kes Eikor loka aronis, ido Ituŋa luenyunyurikinit EJAKAIT ikar kere.” Eanyunete akusikonye, itemarete ebe, “Kitopolooritete EJAKAIT adepar eikor loka Isirael!” Ebala EJAKAIT laka ajoresio yes ebe, “Eyonit ikoku papake, ka ebulesit da ekeiakait, Arai do arai eoŋ papa, ani bo akapolou? Arai arai eoŋ eiakair, ani bo akayonio? Wu yes isasedotin luimwanito ekakiror. Ibalas yesi ebe, “Kimwanit biai ekonikiror?’ Iinakinete emugati loitisilitoi kotemuka. Ibalas ebe, ‘Kitisil isio jo biai?’ Naarai ibalas ebe, Emenen emesa laka EJAKAIT. Naiinakiniata ibarasit yenimuduk araun asubanit, mam erai aronis! Naiinakiniata da inwalas ka ikadekan, mam erai aronis! Ebala EJAKAIT loka aioresio ebe, Koinakisi do ekayaitonikus; kisiyalamikini kereka ŋeai jo? Ecamuni kereka jo? Kenainait, kilip asianut naka Edeke, tetere esianiar mamawok. Ebala EJAKAIT laka aioresio ebe, Alomunete nun kakaninikus: ecamuni kereka ŋesi idio kayesi? Ti ejok arai kojaun idiopet kayesi yenegolokini ikekia tetere mam yes isinepunete akim kotemuka titai! Ebala EJAKAIT loka aioresio ebe, Mam kesiyalamikinit yes, karaida acamun ainakinet naka akanikus. Naarai ameun kaneelomunia akoloŋ kiton neelomaria ŋesi epol ekakiror kama ka lukaeekwapin; ido kaniniibois einakinio lukisupurununo mama ejai ekakiror, ka ainakinet naelai: ebala EJAKAIT laka aioresio ebe, Naarai epol ekakiror kama ka lukacekwapin. Konye imunaunete yesi ŋes, naarai ibalas ebe, Esi! emesa laka EJAKAIT, emenen da ikenyamat, Ibalas da ebe, Koany, epol ca ma aitapasitoi! Ebala EJAKAIT laka aioresio ebe, Isuanasi ŋes. Iyaut luademunio kagogon, ka inwalasik, ka luedekas; iyaut kwaŋin ainakinet! Ebala EJAKAIT ebe, Acamuni tope eoŋ ŋin kakanikus? Konye ikenitoi ekamodan loejai ibarasit yenikiliokit osipanike, kiyapoi, kosodi ainakin EJAKAIT yenenwalit. Naarai ebala EJAKAIT loka ajoresio ebe, Arai eoŋ Ekabaka loapol, esogim da ekakiror kama ka lukacekwapin. Aso do, yes isasedotin, kitebeitai yes aicorakinet na. Ebala EJAKAIT laka aioresio ebe, Arai kinero yesi akiirar, arai da kinero yesi aibwaikin etau, aitubusikin ekakiror, ejukuni do ekenit mamakus, ekeni da arerenesiokus: eebo, adau aiken kes, naarai mam ibwaikinito etau, Koany, etoroni aurikus kanukus, aiukokini aoret akonyenekus, aoret naka asubanakus; kilemario yes nepepe kaŋes, Ebala EJAKAIT laka aioresio ebe, Iienunete ebe ejukunit aicorakinet na mamakus, tetere akaitutuket ejaun ka Lebi. Ajai akaitutuket naka aijar ka ainapakin kaŋes; abu kainak ŋes kes tetere eyoiji, abu kayon eoŋ, kokurianar da ekakiror. Ajai ekisil loka abeit aitukuke, mam adumakinio numam adolit anaiepeke. Alosenenei keoŋ kainapakin ka aitenara, kibelok luipu anyoun kanumam adolit. Naarai ibusakinit aŋajep naka esasedoti arieit aijen, ibusakinit da ituŋa amoot ekisil kaitukuke: naarai erai ŋesi ekiyakia loka EJAKAIT laka aioresio. Konye ebala EJAKAIT loka ajoresio ebe, Ipaasi yesi korot; itiguikis luipu kokisil; ibilata aitutuket naka Lebi. Kanuka nun kainak yes amenio ka asiles kakonyen nuka ituŋa kere, naarai mam ipotu koricata ikarotin, konye ipotu kotiaka ituŋa kokisil.” Mere kereka papawok kere ediopet? Mere kereka Edeke ediopet kisubuni oni? Kanukinyo kimodia oni ŋinituŋanan onaceke, aibil aitutuket naka lukapapawok? Abil Yuda ebotet, eswama naketale kolsirael ka Yerusalem; naarai amuna Yuda alaunit naka EJAKAIT naemin, amany akoku naka edeke lomoit. Emudiari EJAKAIT ŋol Joekwenyi ka ŋol loebonokini, koweman luka Yakob, ka ŋol loeinakini ainakinet mama ejai EJAKAIT loka aioresio, kama ejai ituŋanan yeniswamai ŋun. Iswamaete da bobo nu: irapiarete etem laka EJAKAIT kakiyo, ka aimony, ka eidiny, naarai mam bobo eseseni ainakinet, karaida aeamun kasianut kakanikus, Konye ibalas ebe, “Kanllkinyo?” Naarai arai EJAKAIT ekaienanikon ka aberu naka atumunikon, nakimodomodoi ijo, kwabo erai apaupakon, ka aberu naka aitutuketekon. Mam ŋes abu kosub idiopet, karaida abu kideu emoyo? Kanukinyo idiopet? Abu komo aur naejok, Aso do kocoito ikusimoyon, kinyek idiopet amodomod aberu naka atumunike. Naarai ebala EJAKAIT Edeke loka Isirael ebe, “Alait aireŋear, ŋin da yenerapiarit ekegoe kadedeŋ. Ebala EJAKAIT loka aioresio ebe, Aso, do koeoito ikusimoyon, kinyeis amodomod.” Itapasata EJAKAIT kakusikiro, Kwabo ibalas ebe, “Kitapasa nes biai?” Naarai ibalas ebe, “ŋinituŋanan yeniswamai aronis ejok kakonyen nuka EJAKAIT, ido isiyalamikinit nes.” Arai ebe, “Ai bo ejai Edeke loka etube?” “Koany, eiukuni ekakiyakia, itemonokini erot kakonyeneka: ido EJAKAIT, loimoete yesi enesun abunore oyekaluke; ebala EJAKAIT loka ajoresio ebc, Koany, ebunit ekiyakia loka aitutuket, loilelakinito yesi, Konye iŋai bo etitinikini apaaran naka abunoreke? Iŋai ca ma ebwoi ketakanu ncsi? “Naarai esubit bala akim naka ekeliliaunan, ido bala asabunyu naka ekapwatunan; iboie rwaru kwape ekeliliaunan, eketesegaaran da loka epuesa, itesegaari odwe luka Lebi, egelemari da kwape esabu ka epuesa; ijaanakinete asuban neejai EJAKAIT kotoma adolit, Kosodi eminakini EJAKAIT asubanit naka Yuda ka Yerusalem, kwape kapaarasia nuka asonya, kwape kokar lupeno. “Ebala EJAKAIT loka aioresio ebe, Ekunyuni airabakin yes; araun da ekajenan loisunyit asurokin ikacudak, ka ludotea, ka luiyapoete nuka aiŋal; ka nul lueridakinito ikeoteon kotoma oropitike, apuserut ka ikoki, ka luirenete da imoit kotoma nuebeito ŋes, ido mam kayonito eoŋ. “Naarai mam eoŋ EJAKAIT eiulakin; kanuka ŋun mam kimudiaritai, yes odwe luka Yakob. Ameun kapaarasia nuka Iukapapaakus ipaasi yesi kaieorakinetaka, mam irieito kes. Ebala EJAKAIT loka aioresio ebe, Kobonutu mama ajai, eoŋ da aboŋuni mama iiaas. Konye ibalas ebe, “Kiboŋuni biai?’ Ekokoi kereka ituŋanan kaneejai Edeke? Konye ikokoete yesi kaneajai eoŋ, Konye ibalas ebe, ‘Kikoko isio inyo kaneiiai ijo?’ Lukotomon ka ainakineta. Kikenitoi yes kekenit; naarai ikokoete yesi kaneajai eoŋ, ateker na kere, Ebala EJAKAIT loka ajoresio ebe, Koyautu yenikitomonet kere aiŋadis, tetere ejaunos inyamat togoka, kigimoriata eoŋ, arai mam eoŋ kaŋaikini yes apedon nuka akuj, kasodi abukokin yes arereŋ, namam ilosikin apak kanuka ailiilike. Ido etoroni ekanyaman kanukus, mam da emudiari araito naka alupokus; ebala EJAKAIT loka aioresio ebe, Karaida emusabibukus mam eraraari akeraito komanikor eroko apak. Ebala EJAKAIT loka aioresio ebe, Kinyaraete yes atekerin kere luisirereŋitoi; naarai iraunos akwap naisiyalamikinit, “Ebala EJAKAIT loka aioresio ebe, Kiluikinitos eoŋ kakiro kanuegogon, Konye ibalas ebe, ‘Kiluikinit jo biai koinerikosi?’ Itemasi ebe, ‘Erai aijaanakin Edeke naatai, Ido ajokis anyoin nakipou kedariata akekirot, kilosio da aibworo kakonyen nuka EJAKAIT loka ajoresio? Kwana kinyarit isio luituros Iuisirereŋitoi; eebo, edukio ŋul luiswamaete aronis; eebo, igimorete Edeke, eyuunio,’” Kosodete ŋul luayonito EJAKAIT aineranakin: kopup EJAKAIT, kiira, kiwadikai eitabo loka aiitunet kakonyeneke kanuka nul kaluayonito EJAKAIT, luaomoomoete nuka ekekiror. Ebala EJAKAIT loka ajoresio ebe, “Eraunos lukan, kapaaran naeswamaa, lukan luka etiai loepol; esioniei kes, kwape isionio etuŋanan okokuke loiiaanakini nes, Kosodete yesi aboŋun aitiak ikadolitok ka ikaronok, ŋcl loiiaanakini Edeke, ka ŋol lomam ijaanakini ŋes. “Naarai ebala EJAKAIT loka ajoresio ebe, Koany, ebunit apaaran, esarani bala eupa; craunos luituros kere, ka luiswamaete aronis kere ariaŋ: icwei kes apaaran naebunit, mam ideikini kes aliasit karaida atenu. Konye yes luiyonito ekakiror elomuni kanukus akoloŋ naka adolit ejai kaitanaleun kotoma abebenokake. Ilosete yesi icuros bala itak keŋaun kauj. Ebala EJAKAIT loka ajoresio ebe, Ipudapudaete yesi ikaronok; naarai eraunos ekurwon kotauon luka akeiekus kapaaran naeswamaa, “Kiitutu ikisila luka Musa ekabulesit, lueeorakini ŋes koKoreb kanuka Isirael kere, ikisila ka itubesia. “Koany, kejukakini yes Eliya enabi, eriŋa kebuno apaaran nin naepol nasogim naka EJAKAIT. Ibelokini ŋesi itauon luka lukapapa mama ejaas idwekec, ka itauon luka idwe mama ejaas lukapapakee: kenyek eoŋ abunore aidany akwap kekenit.” Eitabo loka aturio nuka Yesu Kristo, okoku loka Daudi, okoku loka Aburaam. Aburaam kouri Isaak, Isaak kouri Yakob, Yakob kouri Yuda ka ikeinacan; Yuda kouri Peres ka Sera kama ka Tamar; Peres kouri Kesuron; Kesuron kouri Ram; Ram kouri Aminadab; Aminadab kouri Nason; Nason kouri Salumon; Salumon kouri Boas kama ka Rakab; Boas kouri Obed kama ka Rusi; Obed da kouri Yese; Yese kouri Daudi ekabaka. Daudi kouri Solomon kama kaŋin nakerai aberu naka Uria; Solomon kouri Rekoboam; Rekoboam kouri Abiya; Abiya kouri Asa; Asa kouri Yekosapat; Yekosapat kouri Yoram; Yoram kouri Usia; Usia kouri Yotam; Yotam kouri Akas; Akas kouri Kesekia; Kesekia kouri Manase; Manase kouri Amon; Amon kouri Yosia; Yosia kouri Yekonia ka ikeinacan, apak naka aijoreorio Babulon, Kokau kaijoreorio Babulon abu Yekonia kouri Sealutiel; Sealutiel kouri Serubabel; Serubabel kouri Abiud; Abiud kouri Eliakim; Eliakim kouri Asor; Asor kouri Sadok; Sadok kouri Akim; Akim kouri Eliud; Eliud kouri Eleasar; Eleasar kouri Matan; Matan kouri Yakob; Yakob kouri Yosep ekile loka Mariam, naauriei Yesu loenyaritai Kristo. Kwaŋin aturio kere ameun ka Aburaam kiton Daudi emwaasi aturio atomon ka nuoŋon, ameun ka Daudi da kiton aijoreorio Babulon aturio atomon ka nuoŋon, ameun da kaijoreorio Babulon kiton Kristo aturio atomon ka nuoŋon. Aurio naka Yesu Kristo ekoni ne. Kedau Yosep aisiner Mariam totoke, koriŋa ejenakina, kotakan ŋesi ejai akoik naka Emoyo Lokalaunan. Konye ekileke Yosep kineru ainyein ŋes kaiyeiyea naarai korai ekiliokit loedolit, komam ekoto aisurum ŋes ileic, Konye nakeomoomaa ŋun, koany, kitakanikin ŋes emalaika loka Ejakait kotoma airujasit, ebala ebe, “Yosep, okoku loka Daudi, sirikiyoŋ aimany Mariam; naarai akepotuun erai naka Emoyo Lokalaunan. Idouni ŋesi ikoku yenisapat, imaikini ekekiror Yesu, naarai ŋes itajari iketuŋa kadiakanaretakec.” Iswamatai nu kere, tetere edoli akirot naenerit Ejakait kama ka enabi ebe: “Koany, epotuuni abekot, idouni ikoku yenisapat, Emaikinete ekekiror Imanuel” (apolouke ebe, Edeke ejai kaoni). Nakenyounio Yosep kajoo, kiswama kwape kicorakinia emalaika loka Ejakait, komany akeberu; mam abu kojen ŋes aitodol naauria ikoku yenisapat; komaik ekekiror Yesu. Nakeurii Yesu koBetelekem loka Yudaya kapaarasia nuka Kerode ekabaka, koany, kodolut lukacoa lukepote kokide Yerusalem, kobalas ebe, “Ai bo ejai ŋol lokeurio Ekabaka loka Iyudayan? Naarai kipou kaanyutu aaceritike kokide, ido kiponit isio aima ŋes.” Nakepupunio Kerode ekabaka ŋun, kiyaloŋoŋ, ka luko Yerusalem da kere nepepe kaŋes. Kotukonok isasedotin lupeti ka ikewadikak luka ituŋa kere, kiŋitana kes netieurikinitai Kristo. Kolimokis ŋes ebe, “Toma Betelekem loka Yudaya, naarai iwadikat enabi kwaŋin ebe, ‘Ka jo da Betelekem, akwap naka Yuda, Mam irai loidite kokapolok luka Yuda; Naarai kotomakon elomuni ekayaiton, Loicokiei ikatuŋa Isirael.’ ” Kosodi konyarau Kerode lukacoa kaiyeiyea, kinyikok aiŋitiŋit kes apak nakitaanyikinor aacerit. Kijuka kes Betelekem, kotema atiar, “Koloto, komoata ikoku kainyikokin; kidaut aanyun ŋes, kitejenut eoŋ akiro, tetere eoŋ da alosi aima ŋes.” Nakedauniata apupun akiro nuka ekabaka, koloto; ido koany, kiŋarenik kes aacerit ya nakeanyunete kokide, aitodol neabwoia kaibois kanaajai ikoku, Nakeanyuniata aacerit kiyalamikinos aiyalama naepol noi. Kolomasi togo, koanyut ikoku ka Mariam totoke; kibiroros komaata ŋes; kosodete kopukosi ikeceboro lukakais, kijaikis ŋes ainakineta, esabu ka lukisupurununo ka luesaete. Kosodi kikwenya kes Edeke kairujasit ebe sirikeboŋosi mama ejai Kerode, koboŋosi obukec kecerot. Nakedauniata kesi aekar, kitakanikin emalaika loka Ejakait Yosep kotoma airujasit, kobala ebe, “Konyou, koyaŋa ikoku ka totoke, kokeria Misiri, kiboie kaŋina aitodol nekalimokinia: naarai ekot Kerode amoun ikoku amudiar.” Konyou ŋesi, koyaŋa ikoku ka totoke kuare, koloto Misiri; kiboi kaŋina aitodol neatwania Kerode; tetere edoli akirot nakinerit Ejakait kama ka enabi ebe, “Abu kanyarau okokuka koMisiri.” Kosodi nakeanyunia Kerode ebe amodata lukacoa, konyunyurikin noi, kiyakia ituŋa aiar idwe kere lusap lukejaas Betelekem, koidunyetake da kere, lukeraas luka ikar iarei ka lumam edolito ŋul, kwape ejaar apak kaya nakinyikokinia aiŋitun kama ejaas lukacoa. Kosodi kitodolikin akirot nakinerit enabi Yeremia ebe, “Aponi kiirarai eporoto koRama, Aibworo ka akuudian naepol, Ibworo Rakel ikedwe, Komam ecamunit aitalakario, naarai emameete.” Konye ketwana Kerode, koany, kitakanikin emalaika loka Ejakait Yosep kairujasit koMisiri, kobala ebe, “Konyou koyaŋa ikoku ka totoke, kolot akwap naka Isirael: naarai atwakata luemootos aijar naka ikoku.” Konyou ŋesi, koyaŋa ikoku ka totoke, kodol akwap naka Isirael. Konye nakepupunio ebe erum Arekelao Yudaya aibois naka Kerode papake, kokurianar alosit ŋina; kosodi kikwenya Edeke ŋes kairujasit, kolot akwap nako Galilaya. Kolot kiboikin ore loenyaritai Nasaret: tetere itodolikinio akirot naenerito inabin ebe, “Enyarao Enasarayot.” Kapaarasia kaŋun kobu Yokana Ekebatisan, elimonokini kamodiŋ naka Yudaya, ebala ebe, “Kitoronikinos; naarai aapu ajakanut naka akuj.” Naarai ŋol ŋes lokinerai kama ka Isaia enabi ebe, “Eporoto loka loiworoi kamodiŋ ebe, Kitemonokisi erot loka Ejakait, Kitetenata ikesokono.” Konapenenei Yokana ŋol egoe loka ajul nuka ekaala, ka amunyo kaŋabetekeŋ; ikenyamat da keraas emaase ka esik loka ais. Kosodete kolomasi mama ejai lukoYerusalem ka luko Yudaya kere, ka lukakwapin kere nuidunyas Yorodan; kibatisa ŋesi kes kocor Yorodan, kolimonorete akecediakanareta. Konye nakeanyunia ŋesi epote Iparisayon ka Isadukayon luipu aibatisao, kolimok kes ebe, “Yes aur naka imusagan, iŋai bo kiikwenyari yes akerit anyunyura naebunit? Aso koraata araito nuibusakinito aitoronikin: kwabo siriwomito kotauonokus ebe, ‘Ejai oni Aburaam papaawok’: naarai kalimokini yes ebe epedori Edeke aitonyoikin Aburaam idwe kotoma amoru kanu. Nati kwape kwana da ibwaikinitai aep atoromin nuka ikito: aso ŋolikitoi lomam erai araito nuejok ejepario, ka acakakin akim. “Abeit eoŋ ebatisai kakip kanuka aitoronikin: konye loebuni atupakin eoŋ ketelekarit eoŋ agogoŋ, mam kebusakinit akodit akemuk; kibatisai ŋol yes kEmoyo Lokalaunan, ka akim. Ejai ekeritei akanike, epiari cut ekepejal; etukonokini akimake odula, konye icwei agugu kakim namam itudeŋio.” Kosodi konyou Yesu koGalilaya, kobu Yorodan mama ajai Yokana aibatisao. Konye kokoto Yokana aitikokin, ebala ebe, “Epuda jo aibatis eoŋ, ijo da ibuni mamakaŋ?” Konye Koboŋok Yesu, kolimok ŋes ebe, “Kocam do kwana; naarai kwaŋin ibusakinitor oni aitodol adolit kere.” Kosodi kocam. Nakedaunia Yesu aibatisao, atipet kodoku kakipi: ido koany, kopukokin akuj, koany Emoyo loka Edeke ijesun kwape ajele, ebuni mamakeŋ; ido koany, kobu eporoto kokuju ebe, “Lo ŋes Okokuka lominat, loalelia eoŋ noi.” Kosodi Emoyo kitodoka Yesu amodiŋ tetere Satan ecoduni ŋes. Koluŋ apaarasia akaisaoŋon apaaran ka akuare, kosodi konyet korieb eteŋei, Kobu ekacodan, kotema ŋes atiar, “Arai tope irai ijo Okoku loka Edeke, kicorak amor nu koraunos atap.” Konye Koboŋok ebe, “Iwadikatai ebe, Mam ituŋanan ejari kanuka atap bon, nabarai kanuka ŋinikirot naelomuni kaituk naka Edeke.” Kosodi Satan ayaŋaar ŋes ore lokalaunan; kisibwo koswi loka eyekalu, kolimok ebe, “Arai tope irai ijo Okoku loka Edeke, kosomari kwap: naarai iwadikatai ebe, Einakini ikemalaikan aidar jo, Kidakete jo kakaninikec, Kinyek amoru aiguikin akonikeju.” Kotema Yesu atiar, “Iwadikatai bobo ebe, Sirikodununei Ejakait Ekonideke.” Koyaŋa bobo Satan ŋes oroŋat loicelelei noi, kitodianak ajakanuto kere nuka akwap, ka aibusesukec; kotema ŋes atiar, “Kainakini ŋun kere, arai kibiror aima eoŋ.” Kosodi kotema Yesu atiar, “Irwa, Satan; naarai iwadikatai ebe, Komaenenei Ejakait Ekonideke, Kijaanakinenei ŋes bon.” Kosodi kinye Satan ŋes; ido koany, kopotu imalaikan kijaanakis ŋes. Nakepupunio ŋes ebe ekamar Yokana, kolot Galilaya; konyou koNasaret, kobu kiboikin Kaparanaum, loidunyas aŋolol, koikorun luka Sebulun ka Naputali, tetere itodolikinio akirot naenerit Isaia enabi ebe, “Akwap naka Sebulun, ka akwap naka Naputali, Abear aŋolol, kokekwa Yorodan, Galilaya naka Imo, Ituŋa lueboiete kamuton, Aanyut aica naepol, ŋul da lueboiete kakwap ka etoribe loka atwanare, Eliyaiki aica.” Agear kapak kaŋin kogeu Yesu alimonokin, ebala ebe, “Kitoronikinos; naarai aapu ajakanut naka akuj.” Nakitoritor ariri kaŋolol naka Galilaya, koany iinacan iarei, Simon loenyaritai Petero, ka Anderea onaceke, ecakakinete eboi aŋolol; naarai keraas ikalokak. Kotema kes atiar, “Kotupunai, eoŋ da ketaraun yes ikalokak ituŋa.” Atipet kinyeis iboyanakec, kotupasi ŋes. Kikunyak kiŋaren koany iinacan ice iarei, Yakob okoku loka Sebedayo, ka Yokana onaceke, lukejaas ataker nepepe ka Sebedayo papakec, erucete iboyanakec; konyarau kes. Atipet kinyeis ataker ka papakec, kotupasi ŋes. Kimanimani Yesu Galilaya kere, kisisianakini kotoma atukosiakec, kolimonokini da akiro nukajokak nuka ajakanut, kitaŋaleununei ŋinidek, ka akalanyanut kere kotoma otuŋa. Kikaikin ekeemut Suria kere: koinunai ituŋa kere lukedekas, lukikamunito iponesio luegelegela luka adekesia, ka ariebo, lukajokina, ka lukipumu, ka lukasenyak da; kitaŋaleu kes. Kotupasi ŋes ikodeta luipu lukepote koGalilaya ka Dekapoli, ka Yerusalem, ka Yudaya, ka okekwa Yorodan da. Kosodi nakeanyunia ikodeta, kodoka oroŋat: kiboikin, kopotu ikekesisiak mamakeŋ. Kooŋ akeituk, kisisianak kes, kobala ebe: “Isirereŋitoi lukican komoyo; naarai ajakanut naka akuj erai nakec. “Isirereŋitoi luitururuete: naarai italakario. “Isirereŋitoi luitasonos: naarai irumete akwapin. “Isirereŋitoi lueriebi eteŋei ka luejakit akur kanuka adolit: naarai isimonikinio. “Isirereŋitoi luketimok: naarai itimio. “Isirereŋitoi luesegara itauon: naarai eanyunete Edeke. “Isirereŋitoi ikesinapikinak: naarai enyarao idwe luka Edeke, “Isirereŋitoi luimanitai kanuka adolit: naarai ajakanut naka akuj erai nakec. “Isirereŋitoi yes nakimuaritotor, nakimanitotor, ka einer nukaronok nuipu nuka aiŋal asurokin yes, kanukaŋ. Kiyalamikinos, kolakaros noi: naarai epol ekusiropit kotoma akuj: naarai kimana kolo kwaŋin inabin lukigeikinete yes. “Iraas yesi abalaŋ naka akwap; konye arai kepianiar abalaŋ, itemokinio kinyo? Mam bobo ejai ajokis, dimarai ebukorio kiŋa kicakacakata ituŋa. “Iraas yesi aica naka akwap. Mam epedori ere aibwaio arai ejai kuju moru. Ido mam ituŋa inokokinete atala, ka abuburikin ebukit, dimarai ikajakinete ocoget, ecaikini kere luejaas togo. Kwaŋin kocau akusiica kakonyen nuka ituŋa, tetere eanyunete akusiswamisio nuejokuka, kitopoloosi Papakus loejai toma akuj, “Siriwomito ebe abunit amudiar ikisila karaida inabin: mam abunit amudiar, dimarai aitodolikin. Naarai abeit katemari yes atiar, Aitodol naedaunotor akuj ka akwap, mam cut edaun inyukuta idiopet, karaida aitakinet adiopet naka ikisila, aitodol neitodolikinere kere. Aso ituŋanan kere yenepaluni aicorakinet adiopet kotoma kaŋun kanueraas nudidik, ka aisisianakin ituŋa kwaŋin, enyarao yenididi cut kotoma ajakanut naka akuj: konye ŋin kere yeniswamai ka aisisianakin kes, enyarao ŋin ikapolon kotoma ajakanut naka akuj. Naarai katemari yes atiar, arai mam akusidolit itelekarit adolit naka ikewadikak ka Iparisayon, mam cut ilomunete toma ajakanut naka akuj. “Ipotu kiirasi kelimokinitai ituŋa lukolo sek ebe, Siriari; ido ituŋanan yeneari ibusakinit atubokinio, Konye eoŋ katemari yes atiar, Ŋinituŋanan yenenyunyurikini onaceke ibusakinit atubokinio; ka ŋin da yenemoromoroi onaceke ibusakinit airabis; ŋin da yenetemari atiar, Ibaŋaanal Ibusakinit eupa loidopit. Aso arai iyauni ainakinetekon otem, kosodi kiitu kanen ebe ejaas onacekon akiro kajo, kinyek ainakinetekon kotem, kolot ber; kopuco konacekon, kosodi konyet aboŋun ainakin ainakinetekon. Kocamanaros atipet kalokiwosat jo, apak naijaatatar kaŋes orot; kinyek je lokiwosat ayaŋaar jo mama ejai ekatubon, ekatubon da ayaŋaar jo mama ejai eserikalet, ijo da kiremokinio aidaris. Abeit katemari jo atiar, Mam cut inyouni kanen, aitodol neitacia ikapu yenikawasia. “Ipotu kiirasi kelimokinitai ebe, Siridote. Konye eoŋ katemari yes atiar, Ŋolituŋanan loeseseni aberu kaiŋobel, etielo ŋes kotauke. Arai kiduporit akonikoŋu nakoteten, kogoru, kocaka: naarai ibus koolio idiopet katutubetakon, kinye akonikuan kere acakario toma oupa. Arai kiduporit akonikan nakoteten, kojepa, kocaka; naarai ibus koolio idiopet katutubetakon, kinye akonikuan kere alosit toma oupa. “Kelimokinitai da ebe, ŋolituŋanan loireŋeari akeberu, koinak ŋin ebalua loka aitwar: konye eoŋ katemari yes atiar, ŋolituŋanan loireŋeari akeberu, dimarai kanuka adotear, esidotea ŋin: ŋol da loemanyi ya naereŋearitai, adotear. “Bobo da, ipotu kiirasi kelimokinitai ituŋa lukolo sek ebe, Siriyapoi nukaiŋal, konye kitodolik Ejakait akoniiyaposio. Konye eoŋ katemari yes atiar, Siriyapoi cut; karaida alimit akuj, naarai erai eicoloŋ loka Edeke; karaida alimit akwap, naarai erai iicoloŋ yenika akejeke; karaida alimit Yerusalem, naarai erai ere loka Ekabaka lokapolon. Kwabo siriyapoi alimit akonikou, naarai mam ipedori aituluor ekonitimat ediopet araun Ioekwaŋ arai loiriono. Konye nuineras koraas Eebo, eebo, arai Mam, mam: naarai nuedeparito ŋun epote kama ejai lokaronon. “Ipotu kiirasi kelimokinitai ebe, Akoŋu itia akoŋu, ekelai da itia ekelai. “Konye eoŋ katemari yes atiar, Sirikinyaŋa yenikaronon: konye ŋinituŋanan yenikibapi eitinyokon lokoteten, kibelok lokokediany da. Ka ituŋanan yenekot awoosan jo, ayaŋaar ekasokon, kinyeinia ŋes ekooti da. Ŋin da yenikitiŋaikini alosit amairo adiopet, kolot ka ŋes amairon aarei. Yenikilipi, koinak, ka yenekot ayuunio kamakon sirikiboŋok epur. “Ipotu kiirasi kelimokinitai ebe, Komina eidunyetekon, kola lokasurupikon. Konye eoŋ katemari yes atiar, Kominasi lukasurupokus, kilipanakinete da lukimanito; tetere iraunete idwe luka Papakus loejai toma akuj; naarai itacaikini ŋesi akekoloŋ lukaronok ka lukajokak da, isitepikini akiru luedolito ka lumam edolito da. Naarai arai iminasi lukiminas yes, idumunete eropit enyoin? Mam kereka iketelemak esolo iswamaete nuikote nen? Arai da iyogaete iinacanakus bon, iswamaete nunyoika adepar ice? Mam kereka Imo iswamaete nuikote nen? Aso iraunete yesi luidolito, kwape edolitor Papakus lokotoma akuj. “Kocoito kinyeis aswam nukadolitekus kakonyen nuka ituŋa, tetere eanyunete kesi: naarai arai kiswamata nuikote nen, mam idumunete eropit kama ejai Papakus loejai toma akuj. “Aso naikoria ainakineta nukaitim, sirikituru arupepe kakonyenekon, kwape iswamaata lukesoswai kotoma atukosia, korotin da, tetere itopoloorete ituŋa. Abeit katemari yes atiar, Adaut adumun eropitikec, Konye jo naikoria ainakineta nukaitim, kinyek akonikan nakokediany ajenun nuiswamai nakoteten; korau akoniikor nakaiyeiyea; Papakon da loeseseni kaiyeiyea kiropi jo. “Nailipiata da, siriraas kwapelukesoswai; naarai eminasi ailip kobwoete katukosia ka asisiarin da nuka irotin, tetere etakanete kotuŋa. Abeit katemari yes atiar, Adaut adumun eropitikec. Konye jo nailipenenaa, kolomanari toma agolakon, kidau agolokin ekonikek, kilip Papakon lokaiyeiyea, Papakon da loeseseni kaiyeiyea kiropi jo. “Ido nailipiata sirinyogonyogoete akiro atai, kwape ka Imo; naarai eomitos ebe iirario kanuka akirokec nuipu, Aso sirikiputokinos kaŋul: naarai ejeŋi Papakus nuipudasi yesi, eriŋa kilipa. Aso kilipenenete yesi kwanata: Papakosi loejai toma akuj, Ekonikiror kitalaunai. Akonijakanut kobu. Nuikoto kiswamai kakwapin Kwape iswamaere kotoma akuj. Koinakinai sio lolo ikosinyamat luka lolo. Kisionioi sio akosipesenin, Kwape kisionio isio lukapeseninikosi. Sirikiya sio toma acodunio, Konye koyuunai kama ejai lokaronon. [Naarai ajakanut, ka apedor, ka apolou, eraas nukon, ikar kere, Amen.] Naarai arai isioniete yesi luce akeceibucanareta, Papakus da lokotoma akuj kisionie yes. Konye arai mam yes isioniete luce akeceibucanareta, Papakus da mam kisionie yes akusiibucanareta. “Bobo da nailuŋiata, siriraas kwape lukesoswai luinyorididos ireeta; naarai emunaunete ireetakec, tetere etakanete kotuŋa ebe eluŋete. Abeit katemari yes atiar, Adaut adumun eropitikec. Konye jo, nailuŋia, kinyonyoenenei akinyet akoukon, kilosi da akonikonyen, tetere mam itakanuni kotuŋa ebe iluŋi, dimarai Papakon lokaiyeiyea: Papakon da loeseseni kaiyeiyea, kiropi jo. “Siriŋadanakinete kanukus abar akwapin, neemunaariata ikajekel ka amasikin da, ido neebokiata ikokolak ka akokwaar. Konye kiŋadanakinete kanukus abar akuj, nemam emunaariata ikajekel ka amasikin, ido nemam ebokiata ikokolak ka akokwaar da. Naarai nepejai akonibar, nepenen ejaikin ekonitau da. “Atala naka akuan ŋes akoŋu: aso arai eteni akonikoŋu, akonikuan kere ecauni. Konye arai erono akonikoŋu, akonikuan kere emutono. Aso arai emutono aica naejai kotomakon, epol ca ma amuton ŋin! Emamei ituŋanan yenepedori aijaanakin ijaka iarei; naarai arai elai ediopet, komina loce; arai bo iketakin kediopet, emeni loce. Mam ipedorete aijaanakin Edeke ka aijaanakin abar da. “Aso do katemari yes atiar, Siriyaloŋoŋoete kanuka akusiijar, Iuinyamete ka luimasete; karaida kanuka akusiwat, luinapete. Mam kereka aijar itelekarit inyamen, ka akuan da anapito? Kosesenata akweny nuka apak, mam eyeete, karaida aidweny, karaida atukonokin Emono; konye itanyami kes Papakus lokotoma akuj. Mam kereka yes itelekaritos ŋun ketiai? Iŋai bo kayesi kiyaloŋoŋ epedori aiyatakin akeibut? Kanukinyo iyaloŋoŋooto kanuka anapito? Koomito aapecelun nuka ais, kwape epolooto; mam itaaritos, ido mam eojiete: konye katemari yes atiar, Ka Solomon da kotoma aibusesuke kere mam esiritoi kojokan kwape adiopet kaŋun. Aso arai itanapi Edeke kwaŋin inya luka ais, luejaas lolo, ecakario moi oupa, mam kereka itelekari aitanap yes, okwe yes luedit aiyuun? Aso sirikiyaloŋoŋoto kobalas ebe, ‘Kinyami inyo?’ Arai ‘Kimasi inyo?’ Arai, ‘Kinapi inyo?’ Naarai emoete Imo ŋun kere; kwabo ejeni Papakus lokotoma akuj ebe ipudas ŋun kere. Konye komoata ber yesi akejakanut, ka akedolit da; ido kiyatakinio ŋun kere. “Aso sirikiyaloŋoŋoto nuka moi: naarai iyaloŋoŋi moi kanukeŋ. Edaunit apaaran aronisike. “Siritubonokinete, yes da kinyeis atubokinio. Naarai etube loitubete, ŋopeŋol kitubokinere; ka aitemis naitemioto, ŋipeŋin kitemere yes da, Aso kanukinyo isesenia igugut yenejai akoŋu naka onacekon, komam ipodo akitoi naejai akoŋukon kilopet? Arai ilimokini biai onacekon ebe, ‘Kinyek kalem igugut yenejai akoŋukon’; ido koany, ejai akitoi akoŋukon kilopet? Yenikesoswai ijo, kolem ber akitoi naejai akoŋukon kilopet; kosodi konyet asesen kotenan alemun igugut kakoŋu naka onacekon. “Sirikiinakis iŋokwo ibore yenikalaunan, ido sirikicakakis akusilulun kakonyen nuka ipegei, kinyeis aicakacak kakejekec, ka aibelokin agwaragwar yes. “Kilipa, kiinakinio; komoata, idumunete; kikuŋukuŋoto, kiŋaikinio. Naarai ŋin yenilipi ijaikinio; yenemoi edumuni; ka yenikuŋukuŋi da enaikinio. Arai iŋai kereka kayesi, kilip ikokuke emugati, einakini tope amoru? Arai kilip agar, einakini tope ŋes emun? Aso arai yes lukaronok ijenete ainakin ikusidwe ainakineta nuejok, mam kereka itelekarit noi Papakus loejai toma akuj ainakin ŋul Iuilipete ŋes iboro luejok? Aso nuikotosi ituŋa aikonakin yes, kikonakis yesi da kes kwape kwaŋin: naarai ŋun kes ikisila ka inabin da. “Kolomasi aitor orute loedidiŋ; naarai elal erut, ipajajai da erot, loebei amudiario, luelomarete da kotomake eraas luipu. Edidiŋ erut, eridid da erot loebei aijar, luedumunete da eraas luikidioko. “Kocoito inabin Iukeŋalak, lukiponikinete enapito inapen luka amerekekin, konye kotoma eraas ipeen luededeŋ. Ijenunete kes kakeceraito. Edeŋete kereka ituŋa imusabibun kokito luka ikukwa, arai bo itinin kokodokodo? Kwape kwaŋin ŋolikitoi loejok erai araito nuejok; konye do ekitoi loerono erai araito nueroko. Mam epedori ekitoi loejok aira araito nueroko, karaida ekitoi loerono aira araito nuejok. Ŋolikitoi lomam erai araito nuejok ejepario, kocakakinai akim. Kanuka ŋun ijenunete kes kakeceraito. “Ŋinituŋanan yenikabala eoŋ ebe, ‘Ejakait, Ejakait,’ mere ŋes elomuni ajakanut naka akuj; dimarai yeniswamai nuekoto Papaka loejai toma akuj. Katemarete luipu kapaaran kaŋin atiar, ‘Ejakait, Ejakait, mam kereka kipou kadwarata kokirorikon, kokirorikon da kereŋeasi ajokin, kokirorikon da keswamata aswamisio nukapedor nuipu?’ Kasodi alimor mamakec ebe, ‘Mam lem kajeni yes nepecep da: konyoutu kama ajai, yes lukeswamak nukepali.’ “Aso ŋin yeniirari akakiro nu kiswama kes, ituputoorio ketuŋanan lokacoa, lokeduki eketogo atiida: kotep akiru, kolelek akalele, kokuta ikwamin, koleata etogo ŋol; mam ibiroro: naarai kepesikinitai atiida. Ŋin da yeniirari akakiro nu, komam iswamai, ituputoorio ketuŋanan lobaŋ, lokeduki eketogo asiŋe: kotep akiru, kolelek akalele, kokuta ikwamin, koleata etogo ŋol; kibiror; akeibiror da korau naepol.” Kosodi kanen, kedau Yesu akiro ŋun, koumokis atukon jokan akeisisianakin, Naarai kisisianakini kwape etuŋanan loejai apedor, kwabo mere kwape ikewadikakakec. Kedoku Yesu koroŋat, kotuput ikodeta luipu. Ido koany, kobu etuŋanan lokatapon mama ejai, koma ŋes, kobala ebe, “Ejakait, arai ikoto, ipedori aiswagar eoŋ.” Korio Yesu akekan, kotiro ŋes, kotema atiar, “Akoto; kiswagar.” Atipet kiswagar aketapon. Kolimok Yesu ŋes ebe, “Kocoite, sirikilimok idiotuŋanan; konye kolot, kitodiar mama ejai esasedoti, koinak ainakinet nakolo kicorakini Musa, araun aitejenunet kamakec.” Kosodi nakelomaria Kaparanaum, kobu ekapolokiton erioŋet mamakeŋ, kiŋaiŋa, kotema atiar, “Ejakait, eperi ekatelepat kotogo edeka eseny, erieba noi jokan.” Kotema ŋes atiar, “Abuni aitaŋaleun.” Koboŋok ekapolokiton kobala ebe, “Ejakait, mam eoŋ kebusakinit jo alomun kwap kekaswi; konye kolim akirot bon, eŋaleuni ekatelepat. Naarai eoŋ da arai etuŋanan lokayaitai, ejaas iserikalei luayait eoŋ: ido alimokini ediopet ebe, ‘Kolot,’ elosi; ece da ebe, ‘Bia,’ ebuni; ekabulesit da ebe, ‘Kiswama na,’ ido iswamai.” Nakiiraria Yesu ŋun, koumok, kotema kwi luketupito atiar, “Abeit katemari yes atiar, Mam lem adumunit aiyuun naepol naetia na, karaida toma Isirael kere, Katemari yes atiar, Epote rwaru luipu anyoun kokide koto da, kiboikinos kesi nepepe ka Aburaam, ka Isaak, ka Yakob, toma ajakanut naka akuj. Konye idwe luka ajakanut ecakario toma amuton nakokiŋa: ejaun kaŋina aimony ka airiamanakin ikel.” Kotema Yesu ekapolokiton atiar, “Kolot, kwape ejaar akoniiyuun, kojau kwape kwaŋin.” Koŋaleu etelepat kosawa kaŋol. Nakelomaria Yesu togo loka Petero, koany amuranike eperi edeka ekamidi. Kotiro akekan, koŋaleu ekamidi; konyou kijaanak ŋes. Nakitiboŋ, koinunai lukajokin luipu: kireŋea ajokin kakekirot, kitaŋaleu lukadekak kere, Tetere itololikinio akirot naenerit Isaia enabi ebe, “Kolema ŋesi elopet awokokalanyanut, kibwok adekesiawok.” Kosodi keanyu Yesu atukon nuipu irimorito ŋes, kicorak aikwaŋar juwai. Kobu ekewadikan ediopet mama ejai, kotema ŋes atiar, “Ekesisianakinan, katupenenei jo kama ilosi kere.” Kotema Yesu ŋes atiar, “Ejaas ikuwei apanya, akweny da nuka apak ejaas akaisikec; konye Okoku loka etuŋanan emamei nama iperikini akekou.” Kotema ece kokesisiak ŋes atiar, “Ejakait, kisiikinai ber kalot keda papaka.” Konye kotema Yesu ŋes atiar, “Kotupunai; kinye lukatwak kidaata lukatwakakec.” Nakedokaria ataker, kotupasi ikekesisiak. Ido koany, kodakun ekwam loepol kaŋolol, korapasi akailan ataker: konye kejotoi ŋesi. Koloto ikekesisiak mama ejai kitwekenyut, kobalas ebe, “Ejakait, kitajarai; kimudiar.” Kotema kes atiar, “Kanukinyo ikuriakarotor, yes luedit aiyuun?” Kosodi konyou, kiretak ikwamin ka aŋolol; kojaun aiyamakin cut, Koumokis ituŋa, kobalas ebe, “Ikoni bo ai etuŋanan lo? Naarai ikwamin ka aŋolol da erimasi ŋes.” Nakedolio ŋesi okekwa juwai toma akwap naka Igadarenin, kiriamunos kituŋa iarei lukajokin, lukepote katesin, lukededeŋ noi, komamei ituŋanan yenikepedori aitor korot kaŋol, Ido koany, kiworoto, kobalas ebe, “Ijo Okoku loka Edeke, anyoika ijo kasio? Ibu kereka ijo aitican sio eroko apakikosi kedolo?” Ido kojai esipan loka ipegei luipu edakasi kama elwana. Kiŋaiŋaata ajokin ŋes kobalas ebe, “Arai kiireŋea sio, kijukarai kalomasi osipan je loka ipegei.” Kotema kes atiar, “Kolototo.” Kolomutu kolomasi toma opegei; ido koany, komotar esipan kere nejululuei kibirokinos aŋolol, kotwakikis akipi. Kokerata ikecokok, kolomasi ore, kolimonokis akiro kere, ka nukedoikinete kwi Iukajokin. Ido koany, kolomut lukore kere airiamun ka Yesu: nakeanyut, kiŋaiŋaata ŋes anyoun koikorunokec. Kodoka Yesu ataker, kikwaŋar, kodol ore lokobukec. Ido koany, koinut ŋes etuŋanan lokasenyan, eperi koitada: nakeanyunia Yesu akeceiyuun, kotema lokasenyan atiar, “Okoku, kotitiŋior; esionii akonidiakanareta.” Ido koany, kotemasi ice kokewadikak kotauonokec atiar, “Einyanakini lo Edeke.” Konye kojen Yesu aomisio nukotauonokec, kotema atiar, “Kanukinyo iwomitotor nukaronok kotauonokus? Ani bo naepatana, atemar atiar, Esionii akonidiakanareta, arai bo atemar ebe, Konyou, kolot? Konye tetere ijenunete ebe ejai Okoku loka etuŋanan apedor kakwap aisioni adiakanareta” kosodi kotema ŋesi lokasenyan atiar, “Konyou, kibwok ekoniitada, kolot orekon.” Konyou ŋesi, kolot oreke. Konye nakeanyuniata ikodeta, kokuriakaros, kitopoloosi Edeke, lokeinakini ituŋa apedor naikoni na. Nakitoritor Yesu kanen, koany etuŋanan iboie kaitelemis esolo, ekekiror Matayo; kotema ŋes atiar, “Kotupunai.” Konyou, kotupa ŋes. Kosodi kanen, nakiboikin togo ainyam, koany, kopotu luketelemak esolo ka ikadiakanarak luipu kiboikinos nepepe ka Yesu ka ikekesisiak. Nakeanyuniata Iparisayon, kotemasi ikekesisiak atiar, “Kanukinyo emoriata Ekusikesisianakinan ka iketelemak esolo ka ikadiakanarak da?” Konye nakepupunio Yesu, kotema atiar, “Lukaŋaleok mam ipudasi emurwon, dimarai lukadekak. Konye koloto yesi kisisiata apolou naka akiro nu ebe, ‘Akoto aitim, kwabo mere asuban.’ Naarai mam abunit anyarit ikadolitok, dimarai ikadiakanarak.” Kosodete kopotu ikesisiak luka Yokana mama ejai, kobalas ebe, “Kanukinyo kilunia isio ka Iparisayon, konye ikonikesisiak mam eluŋete?” Kotema Yesu kes atiar, “Epedorete kereka luenyaritai oiterane aibworo, naeiaarar ka eteran? Konye eponito apaarasia nuedemarere eteran, eluŋete do, Emamei ituŋanan yenedonyokini acana naka egoe lokitetet toma ananito namojoŋ; naarai acana naibwaikinio ecili anapito, iyatakini do acilat. Kwabo mam ituŋa ibwaikinete ebino lokitetet toma oriagin lumojoŋ luka emukule; arai kibwaikis, enedasi iriagin, ebukor ebino, emunaaros iriagin; dimarai ibwaikinete ituŋa ebino lokitetet oriagin lukitetiak, tetere ikuniaete kere.” Napelimokini ikesisiak luka Yokana ŋun, koany, kobu ekayaiton, kokukokin kotema atiar, “Adaun akokuka kwape kwana; konye bia ma kidokok ŋes akonikan, ejari do.” Konyou Yesu kotupa ŋes, nepepe kikekesisiak. Ido koany, kobu aberu kokauke, nakedeka alel naka aokot ikar itomon ka luarei, kotiro atwele naka anapitoke; naarai kotema kotauke atiar, “Arai katiro anapitoke bon, aŋaleuni.” Kibelokin Yesu, koany ŋes, kotema atiar, “Kotitiŋior akokuka; kitaŋaleu jo akoniiyuun.” Koŋaleu aberu ameun kosawa kaŋol, Nakedolio Yesu ore loka ekayairon, koany luekusere alamarun, ka ekodet eborianete, kotema atiar, “Kolomasi kiŋa; naarai mam etwanit ipese konye eiotoi.” Kokienatar ŋes. Konye kedau aitolomar ekodet, kooma toma, kitiŋ akan naka ipese, konyou ŋin. Kilosikinos akiro ŋun akwap ŋin kere; Nakitorio Yesu kanen, kotupasi imudukiok iarei, kiworoto kotemasi atiar, “Okoku loka Daudi, kitimoi sio.” Keloma ŋes itogo, kopotu imudukiok mama ejai; kotema kes Yesu atiar, “Iyuunitos ebe apedori eoŋ aswam na?” Kotemasi atiar, “Eebo, Ejakait.” Kosodi kotiro akonyenekec kobala ebe, “Kwape ejaar akusiiyuun kiswamakin yes kwaŋin.” Kokwenyutu akecekonyen. Kicoro Yesu kes noi ebe, “Kocoito, kinyek imodiotuŋanan ajenun.” Konye konyoutu kesi, kisiarakis ekeemut akwap ŋin kere. Napenyounete kwi, koany, koinunai ebaŋ loajai ajokit. Kireŋear ajokit kiner lobaŋ; koumokis ikodeta, kobalas ebe, “Mam lem etakanunitos nuikote nen kotoma Isirael.” Konye kobalas Iparisayon ebe, “Ireŋeari ŋesi ajokin kanuka lokapolon loka ajokin.” Kimaniman Yesu ireria kere, kokialon da, isisianakini katukosiakec ka alimonokin Akiro Nukajokak nuka ajakanut, ka aitaŋaleunun ŋolipone kere loka adek ka akalanyanut da, Keanyu ikodeta, kitim kes, naarai kilworuna ka aisiarakina, bala amerekekin nuemamei ekecokon. Kosodi kotema ikekesisiak atiar, “Ipu idwenyan, konye ikidioko ikeswamak; aso kilipa Ejakait loka aidweny kijuk ikeswamak toma aidwenyeke.” Konyarau ikekesisiak itomon ka luarei, koinak kes apedor mama ejaas imoyon lueroko, aireŋear kes, ka aitaŋaleun ŋolipone kere loka adek ka akalanyanut da. Ikiroria luka ikiyakia itomon ka luarei kes luta: losodit, Simon, loenyaritai Petero, ka Anderea onaceke; Yakob okoku loka Sebedayo, ka Yokana onaceke; Pilip ka Batolomayo; Tomas ka Matayo eketeleman esolo; Yakob okoku loka Alipayo, ka Tadayo; Simon Ekananayot, ka Yuda Isikariot, lokebilakini ŋes ebotet. Kijuka Yesu ŋul itomon ka luarei, kicorak kes ebe, “Sirikilomasi orotin luka lukacekwapin, sirikilomasi da ediore kere loka Isamarian, konye gwai koloto mama ejaas amerekekin nueoliorito nuka ekek loka Isirael. Nailosioto kolimonokis ebe, ‘Aapu ajakanut naka akuj’. Kitaŋaleununete lukadekak, kitajarununete lukatwak, kiswaganarete lukatapon, kireŋeanarete ajokin, Kiinakinitai atitai, yes da koinakis atitai. Sirikiyaŋaasi koriaginikus esabu, karaida epuesa, karaida aikomon, karaida ecoe loka alosit, karaida ikootin iarei, karaida amuk, karaida ebela; naarai ibusakinit ekeswaman ikenyamat. Ido ŋolire arai ekialo loilomanarete, komoenenete yenibusakinit kanen, kosalenenete mamake aitodol neinyounioto. Nailomariata togo, kiyogaete. Arai ibusakinit etogo, kodol ainapakinikus tomake; konye arai mam ibusakinit, koboŋu do ainapakinikus mamakus. Arai mam kisukunyikinio karaida akiirar akirokus, nailomuniata kotogo kaŋol, arai kore kaŋol, kilakilakete adae nuka akejenekus. Abeit, katemari yes atiar, Epatanikini rwaru akwap naka Sodom ka Gomora atitiŋikin kapaaran naka etube aitelekarit ere ŋol. “Koany, keyakiari yes kwape amerekekin kokidiŋ opeen; aso kopiriaka bala imunwo, ido kiyapaara bala ajeleik, Konye kocoito ituŋa; naarai kiyaŋaarete aurianeta, kidaete da kotoma atukosiakec. Kiriarete akonyen nuka ikayaitok ka ikabakan kanukaŋ, araut ikajenak kamakec, kama kalukacekwapin da. Konye nakiyaŋanariata, sirikiyaloŋoŋoto epone loineratar karaida nuinerasi; naarai kiinakinio kapak kaŋin nuinerasi; naarai mere yes inerasi, dimarai Emoyo loka Papakus loinera kotomakus. Onace einakini onaceke aario, papa da ikokuke, enyoikinete idwe lukauriakakec aicutar; kiŋarunete yes ituŋa kere kanuka ekakiror. Konye yenetitiŋikini kiton awasia ŋes itajario. Nakireiata yes kore ediopet, kokerata ore ece, naarai abeit katemari yes atiar, Mam idaunete ireria kere luka Isirael aitodol naebunio Okoku loka etuŋanan. “Ekesisian mam itelekarit ekesisianakinanike, karaida ebulesit mam itelekarit ejakaitike, Edaunit ekesisian aputoor ekesisianakinanike, ka ebulesit aputoor ejakaitike. Arai enyaraete elopet etogo Beelesebul, edeparete ca do amoromor luejaas okaleke. “Aso sirikikuriakaros kes; naarai emamei akirot naerapitai namam epukorio, karaida naibwaitai namam ejenunio. Nukalimokini yes kamuton, kinerata yesi kotoma aica; nuiirarete kaiyeiyea, kolimonokis kokuju otogoi. Sirikikuriakaros ŋul luearete akuan komam epedorete aiar aijar; konye gwai kokuriaka ŋol loepedori amudiar akuan ka aijar da kotoma oGeena. Mam kereka egwelete anyiporin aarei apesa adiopet? Emamei adio da naedoi kwap komam Papakus ejeni, Konye yes, imaritai itima da kere luka akwesikus. Aso sirikikuriaka; iraas yesi luka etiai adepar anyiporin nuipu. Aso ŋinituŋanan yenikalimori eoŋ kakonyen nuka ituŋa, alimori eoŋ da ŋes kakonyen nuka Papaka loejai toma akuj; konye ŋin yenikaŋeri eoŋ kakonyen nuka ituŋa, aŋeri eoŋ da ŋes kakonyen nuka Papaka loejai toma akuj. “Siriwomito ebe abu kabu ayaŋaun ainapakin kakwap: mam abu kabu ayaŋaun ainapakin, dimarai ekileŋ, Naarai abu kabu aitusurupikin etuŋanan ka papake, apese ka totoke, aberu naka okokuke ka tataake. Lukokale luka etuŋanan kes eraunos lukasurupoke. Ŋin yenemina papake arai totoke adepar eoŋ, mam kebusakinit; ŋin da yenemina ikokuke yenitelepat arai yenipese adepar eoŋ, mam kebusakinit. Ŋin da yenimam erioŋi ekemusalaba ka atupar eoŋ, mam kebusakinit. Ŋin yenedumuni akeijar itooliori, ŋin da yenitooliori akeijar kanukaŋ edumuni. “Ŋin yenikisukunyikini yes, kesukunyikini eoŋ, ŋin da yenikesukunyikini, isukunyikini ŋol lokejukuni. Ŋin yenisukunyikini enabi naarai erai enabi, edumuni eropit loka enabi, ŋin da yenisukunyikini ekadoliton naarai erai ekadoliton, edumuni eropit loka ekadoliton. Ŋin yenitamasi idiopet ka ludidik kalu akoli naka akipi nuelilim bon, naarai erai ikesisian, abeit katemari yes atiar, mam etwaniari cut eropitike.” Kosodi kanen, kedau Yesu aicorakin ikekesisiak itomon ka luarei, konyou kanen kolot aisisianakin ka alimonokin da koreriakec. Kosodi nakiiraria Yokana kaidaris aswamisio nuka Kristo, kijuka ikekesisiak aiŋit, kobalas ebe, “Irai kereka ijo ŋol loebunit, arai bo kedarata ece?” Koboŋok Yesu kotema kes atiar, “Koloto, kolimokis Yokana akiro nuiirasi ka nuianyut: Ekwenyunete imudukiok, elosete iŋwalasik, iswagio lukatapon, epupete ikimiŋiok, itajario lukatwak, elimonokinio da lukican akiro nukajokak. Isirereŋitoi da ŋol lomam itiguikin kanukaŋ.” Kosodete keboŋosi kwi, kogeu Yesu alimokin ikodeta nuka Yokana ebe, “Kilomarete alosit amodiŋ aanyun inyo? Egada lokijaŋijani ekwam? Konye bo kilomarete asesen inyo? Etuŋanan lokenapit anapito naanebek? Koany, ŋul luenapito anapito nuunebek ejaas toma otogoi luka ikabakan. Konye kanukinyo kilomariata? Asesen enabi? Eebo, katemari yes atiar, Loitelekarit enabi. Ŋol ŋes iwadikatere nu ebe, ‘Koany, ejukari ekakiyakia kakonyenekon, Loitemonokini ekonirot kakonyenekon.’ Abeit katemari yes atiar, eriŋa enyouno etuŋanan kotoma lukeuriete aŋor loitelekarit Yokana Lokebatisan; konye loedit kotoma ajakanut nakotoma akuj ŋes epol aitelekarit ŋes. Ameun kapaarasia nuka Yokana Lokebatisan kiton kwana ebuikinitoi ajakanut naka akuj, enatarete da ikabuorok. Naarai apotu inabin kere ka ikisila kodwarata kiton apak naka Yokana; Arai ikotosi acamun, ŋes Eliya loedwara abunore. Yenejaas aki kiira. “Konye etupusi kinyo atur na? Eputos kidwe luiboiete kagwelanaret luenyaritos ipaupakec kobalas ebe, ‘Kikut alamarun, mam yes esoma; Kibwolol, mam yes ibworo.’ Naarai abu Yokana kobu komam enyami karaida aimat, kobalas ebe, ‘Ejai ajokit.’ Abu Okoku loka etuŋanan kobu enyami emasi da, kobalas ebe, ‘Koany, ekeraŋat lo, ekameran da, epapero loka iketelemak esolo ka ikadiakanarak!’ Konye aswamisioke kes itojokere acoa.” Kosodi kogeu aitoron ireria lukiswamaa nukaumokinike nuipu, naarai mam itoronikina. Kobala ebe, “Itukwi ijo Korasin! Itukwi ijo Betesaida! Naarai arai kiswamatai koTuro ka Sidon nukaumokin nukiswamatai kamakus, ti kitoronikinos ŋo sek, ka ainap da ipukoi ka ekurwon. Konye katemari yes atiar, Epatanikini rwaru Turo ka Sidon atitiŋikin kapaaran naka etube aitelekarit yes. Ka jo da, Kaparanaum, kitopoloorio kereka kiton akuj? Kijesario do kiton Okatwak, Naarai arai kiswamatai koSodom nukaumokin nukiswamatai kamakon, ti kesal ore ŋol kiton lolo. Konye katemari yes atiar, Epatanikini akwap naka Sodom atitiŋikin kapaaran naka etube aitelekarit jo.” Kapak kaya Koboŋok Yesu kobala ebe, “Kemalai jo, wu Papa, Ejakait loka akuj ka akwap, naarai ibu kimunonik akiro nu lukacoa ka lukaijen, kopukok da idwe Iudidik; eebo, Papa, naarai kwaŋin ibu kitojokia kakonyenekon. Kainak Papaka iboro kere; ido emamei yenejeni Okoku dimarai Papa, kwabo emamei yenejeni Papa dimarai Okoku, ka ŋin da yenekot Okoku apukokin ŋes, Kopotu neajai, yes kere luitaaritos ka lukilaŋirikinito, eoŋ da kesiyenuni yes, Korioŋata ajookotoka, kisisiautu kamakaŋ; naarai etasiono eoŋ, eyapepera kotau, yes da idumunete aiyeŋun kotauonokus. Naarai imeimeo akajookot, akabwokon da ebenen.” Kapak kaŋin kitor Yesu mana naka akima apaaran nakasabato; koriebi ikekesisiak eteŋei, kogeut aijejeunun aluŋuren nuka akima ka ainyam. Konye keanyutu Iparisayon, kobalas ŋes ebe, “Koany, iswamaete ikonikesisiak namam ibusakinit aswam apaaran nakasabato.” Kotema kes atiar, “Mam kereka isomenenete nukiswamai Daudi, nakeriebia eteŋei, ŋes ka ikepaup; kwape kelomaria togo loka Edeke, konyam imugatin luka aitodikin, lumam ebusakinit ŋes ainyam karaida ipaupake, dimarai isasedotin bonik? Arai bo mam kereka isomenenete kotoma okisila ebe apaaran nakasabato kemunaasi isasedotin koyekalu asabato; komam egwaunete akiro? Katemari yes atiar, ejai ne yenitelekarit eyekalu. Konye arai kojenete apolou naka akiro kanu ebe, ‘Akoto aitim kwabo mere asuban,’ timam kititelekaasi lumam egwaunito akiro. Naarai Okoku loka etuŋanan ŋes erai ejakait loka asabato.” Konyou kaŋina koloma toma atukosikec, Ido koany, kojai etuŋanan lokeonit akan. Kiŋita ŋes kotemasi atiar, “Ibus kereka aitaŋaleun kapaaran nakasabato?” Tetere iwosaete ŋes. Kotema kes atiar, “Iŋai bo kayesi, yenejai amerekek adiopet yenimam iriuni ka alemun arai kibirokin aipany kapaaran nakasabato? Mam tope ituŋanan itelekarit amerekek kotiai? Aso ibus aswam nuejok kapaaran nakasabato.” Kosodi kotema ŋesi etuŋanan atiar, “Korio akonikan.” Korio, koŋaleu, koputokinos kanace. Konye kolomasi Iparisayon kinerut asurokin ŋes, ka epone loemudiariata ŋes. Komisiik Yesu ŋun, konyou kanen; kotupasi ituŋa luipu; kitaŋaleu kere. Kicor kes kinyeis aitakanun ŋes. Tetere itodolikin akirot naenerit kama kenabi Isaia ebe: “Koany, ekakejaanakinan loseuna, Eminataka loisiyalamikinit ekatau, Ebwaikini Ekamoyo mamakeŋ, Elimokini lukacekwapin etube. Mam epega, karaida aiwor; Karaida ituŋanan apupun ekeporoto korotin; Mam ebili agada nairiecakina, Mam itudeŋi abirait naepuriei, Aitodol naijukunia etube aipikor; Emunokinos lukacekwapin ekekiror.” Kosodete koinut emuduki ekimiŋ loejai ajokit, kitaŋaleu, kiner ekimiŋ ka akwenyun da. Koumokis ituŋa kere, kobalas ebe, “Mere caat lo okoku loka Daudi?” Konye kiirasi Iparisayon kotemasi atiar, “Mam ŋol ireŋeari ajokin dimarai kanuka Beelesebul, ekapolon loka ajokin.” Kosodi kejeni Yesu akeceomisio kotema kes atiar, “Ŋinijakanut naetiakatiakaun asurokin bon emudiar, ere da arai etogo loetiakatiakaun asurokin bon mam icasi. Satan arai ireŋeari Satan, etiakatiakaun asurokin bon; aso ikonakini ai akejakanut icasi? Arai ereŋeari eoŋ ajokin kanuka Beelesebul, ido bo ikusidwe ireŋearete kanuka iŋai? Kanuka ŋun ŋes eraatar ŋul ikusikatubok. Konye arai ereŋeari eoŋ ajokin kEmoyo loka Edeke, aso adolu ajakanut naka Edeke mamakus. Arai bo ikwaikini epedori ai etuŋanan alomar togo loka ekagogoŋon ka aiŋat ikeboro, arai mam ber eenit ekagogoŋon ŋol? Kosodi konyet epedori aiŋat eketogo. Ituŋanan yenimam ejai keoŋ ŋes yenikekoloka, ituŋanan da yenimam etukonokini keoŋ isiarakini. Kanuka ŋun katemari yes atiar, Isionio niŋironis ka ŋiniinyanakin naka ituŋa, konye mam cut isionio ainyanakin Emoyo. Ŋinituŋanan da yeninera akirot asurokin Okoku loka etuŋanan isionio; konye ŋin yeninera asurokin Emoyo Lokalaunan mam isionio kotoma okar kalu, karaida kaluepote. “Kituluosi ekitoi loejok ka akeraito da nuejok, arai bo kituluosi ekitoi loerono ka akeraito da nueroko; naarai ejenunio ekitoi kanuka araitoke. Yes aur naka imusagan! Ikote ipedorete ai einer nuejok arai iraas luiroko? Naarai inera aituk nuilapununos kotau. Itolomuni ituŋanan yenejok nuejok kotoma nuiŋadat nuejok, ituŋanan da yenikaronon itolomuni nukaronok kotoma nuiŋadat nueroko. Katemari yes atiar, Ŋinikirot nakejal naineras ituŋa itodiarete kapaaran naka etube. Naarai kanuka akonikiro kimarakinio adolit, kanuka akonikiro da kitubokinio aitelekar.” Kosodete koboŋokis ice kokewadikak ka Iparisayon kotemasi atiar, “Ekesisianakinan, kikoto aanyun aanyunet kamakon.” Konye Koboŋok kes kotema atiar, “Atur nakaronon naadote emoi aanyunet; kwabo mam einakinio aanyunet dimarai aanyunet naka enabi Yona. Naarai kwape keiaar Yona toma akoik naka etiaŋ lokos loka aŋolol adaun apaarasia auni ka akuaresia auni, kwape kwaŋin Okoku loka etuŋanan edauni apaarasia auni ka akuaresia auni kakoik naka akwap. Enyounete ikiliok luka Ninebe kapaaran naka etube nepepe katur na, itetelekarete ŋes akiro; naarai apotu kesi kitoronikinos kanuka alimonokin naka Yona, ido koany, ejai ne yenitelekarit Yona. Enyouni akabaka naka Eŋalakimak kapaaran naka etube nepepe katur na, itetelekari kes akiro; naarai abu ŋesi kobu kosaŋe loka akwap akiirar acoa naka Solomon, ido koany, ejai ne yenitelekarit Solomon. “Kenyou emoyo loerono kotuŋanan, itori aiboisio nuemameete akip emoot nekiyeŋunet, komam edumuni. Kosodi etemari atiar, ‘Aboŋori togoka nekabunio’; keboŋu edumuni esil, epieitai, epesitai da. Kosodi elosi eupunos nepepe kimoyon ice ikanykaarei luitelekarito ŋes aronis, elomarete kesi da esalete nen; ejautene loka ituŋanan kaŋin lokawasia eraun loerono adepar losodit. Kwape kwaŋin ejaunia atur na nakaronon.” Naperoko ineras kikodeta, koany, kebwoete totoke ka ikeinacan kokiŋa, kokotosi einer kaŋes. Kolimoki etuŋanan ŋes ebe, “Koany, totokon ka ikoniinacan ebwoete kokiŋa, ekotosi einer kajo.” Koboŋok ŋol lokelimokini ŋes ebe, “Iŋai bo erai totoka, lukaŋai da eraas ikainacan?” Kitodik ikekesisiak kakekan, kotema atiar, “Koany, totoka ka ikainacan! Naarai ŋin yeniswamai nuekoto Papaka loejai toma akuj, ŋin ŋes onaceka; ka inacika, ka totoka da.” Kapaaran kaŋin kolomu Yesu kotogo kiboikin ariri kaŋolol. Kotukokinos ikodeta luipu mama ejai, kodoka ataker kiboikin; kobwoi ekodet kere koitolima. Kolimonok akiro nuipu kawaragasia, kotema atiar, “Koany, abu ekayean koloma aiye. Napeyei, kodooto ikinyom ice ariri kerot, kopotu akweny, konyamata. Kodooto ice aŋaŋam, nemam kipu alup, atipet kobwaŋutu, kanumam idulotor alup, konye kecau akoloŋ konomosi, kanuamameatar alias korinyosi. Kodooto ice okukwa, kolibut ikukwa koridakis. Kodooto ice alupo nuejok koraata, ice akwatat, ice akaisakanykape, ice da akaisauni. Yenejaas aki, kiira.” Kosodi kopotu ikekesisiak mama ejai, kotemasi atiar, “Kanukinyo kineratar kakes kawaragasia?” Koboŋok kotema kes atiar, “Kiinakinitai yes ajenun nukaiyeiyea nuka ajakanut nakotoma akuj, konye kes mam einakinitai. Naarai yenejai ibore, einakinio luiyatakina luipu; konye yenemamei ibore, ŋin da yenejaas kaŋes edemario. Kanuka ŋun kinera kakes kawaragasia, naarai naeseseniata mam esesenete, naeirariata da mam iirarete, karaida ajenun. Ido itodolikinio akirot naka enabi Isaia kamakec naebala ebe, ‘Akiirar iirarete, konye mam ijenunete cut, ido asesen isesenete, konye mam ianyunete cut. Naarai esiepaikis itauon luka ituŋa kalu, Kimiŋarito akiikec, Itumudakito akecekonye, Tetere mam eanyunete kakecekonye, Ka akiirar kakeceki, Ka ajenun da kikecetauon, Kibelokinos ketaŋaleu.’ Konye isirereŋitoi akusikonye, naarai esesenete, ka akusiki da, naarai iirarete. Abeit katemari yes atiar, Apotu kimielas inabin luipu ka ikadolitok aanyun nuisesenete yesi, mam eanyuna, ka akiirar da nuiirarete yesi, mam iirara. “Aso kopupokisi awaragan naka ekayean. Naiiraria ituŋanan akirot naka ajakanut, komam ejenuni ŋes, ebuni lokaronon kourupo nukeyeitai otauke; ŋul kes lukeyeio ariri kerot. Ŋul da lukeyeio aŋaŋam, ŋul kes luiirarete akirot, atipet kiyuutu kaiyalama; konye emameete alias kotomakec, kicata nediokasilon, kedolokis ican arai areio kanuka akirot, atipet itiguikinos. Ŋul da lukeyeio okukwa, ŋul kes luiirarete akirot, konye aiyaloiŋon naka ikar kalu, ka aiŋal naka abar koridakis akirot, mam eraa. Ŋul da lukeyeio alup nuejok, ŋul kes luiirarete akirot ka ajenun; eraete ŋul, ice akwatat, ice akaisakanykape, ka ice da akaisauni.” Koinu kes acewaragan, kobala ebe, “Ajakanut naka akuj; eputos ketuŋanan lokeyei ikinyom luejok amanake: konye kejotooros ituŋa, kobu lokasurupike koyeik igitun toma akima, kolot. Konye kebwaŋut akima, ka aisur, kotakanut igitun da. Kopotu ibulesin luka elopet etogo kolimokis ŋes ebe, ‘Ejakait, mam tope kiyeit ikinyom luejok amanakon? Kepote bo kai igitun?’ Kotema kes atiar, ‘Lokasurup ŋes kiswamai ŋun.’ Kotemasi ibulesin ŋes atiar, ‘Aso ikoto kaloto karutosi kes?’ Konye kotema atiar, ‘Mam; elemuni nairusioto igitun, kimoriununut kakima da.’ Kinyeisi kere kopolooros kiton aidweny; ido kapak naka aidweny alimokini ikadwenyak ebe, ‘Koruto ber igitun, koenata ikes kicweata; konye akima kotukonokis odulaaka.’ ” Koinu kes acewaragan, kobala ebe, “Eputos ajakanut naka akuj; bala ecokat loka ekaradali, lokelemari etuŋanan kiraik toma amanake. Kedit ŋesi aitelekarit ikinyom kere, konye kepoloor, kiteleka ikui kere koraun do ekitoi, kopotu akweny nuka apak koperenenete atenieikike.” Kolimok kes awaragan ace ebe, “Eputos ajakanut naka akuj bala aitubuunet nakelemari aberu kibwa kotoma aitemisio auni nuka akiria, kiton neabuunioto kere.” Kolimok Yesu ikodeta ŋun kere kawaragasia; kwabo arai emamei awaragan mam kelimokini akirot. Tetere itodolikin akirot nakinerit enabi ebe, “Etooŋari akaituk kawaragasia, Alimori da nukibwaitai ameun kapetetait naka akwap.” Kosodi kotwar ikodeta, koloma togo. Kopotu ikekesisiak mama ejai, kotemasi atiar, “Kitejenunai sio awaragan naka igitun lukomana.” Koboŋok kotema kes atiar, “Lokeyei ikinyom luejok erai Okoku loka etuŋanan; Amana da erai akwap, ikinyom luejok eraas idwe luka ajakanut; igitun eraas idwe luka lokaronon, lokasurup lokeyei kes erai Satan; aidweny erai awasia naka akwap, ikadwenyak da kes imalaikan. Kwape etukonokinere igitun ka aicweikin kakim, ikonakinio nen kawasia naka akwap. Ijukuni Okoku loka etuŋanan ikemalaikan, etukonokinete kotoma ajakanutuke kere nuitiguikinete kere, ka luiswamaete nukepali, ecakakinete oupa loka akim; ejaun kaŋina aimony ka airiamanakin ikel. Kosodete ecaunete ikadolitok kwape kakoloŋ kotoma ajakanut naka Papakec, Yenejaas aki, kiira, “Eputos ajakanut naka aku; bala abar nakibwaitai kotoma amana, nakedumuni etuŋanan kimunona; kosodi kanuka akeiyalama kolot kogwela lukejaatatar kere kogwelu amana ŋin. “Bobo da, eputos ajakanut naka akuj; bala ekagwelanaran loemoi ilulun luejok; nakedumunia elulu ediopet loka etiai loepol, kolot kogwela Iukejaatatar kere, kogwelu. “Bobo da, eputos ajakanut naka akuj; bala eboi lokecakakinio aŋolol, kotukonok lukecor luka iponesio kere. Kosodi kilelebun, kiriut ituŋa oitolima, kiboikinos, kotukonokis luejok oboro, konye lueroko kocakasi. Ikoni nen awasia naka akwap. Epote imalaikan, etiakarete lukaronok kama ka lukadolitok, ecakakinete kes oupa loka akim; ejaun kaŋina aimony ka airiamanakin ikel.” Kiŋit Yesu kes ebe, “Ijenutu kereka yesi ŋun kere?” Kotemasi atiar, “Eebo.” Kotema kes atiar, “Kanuka ŋun ŋinikewadikan yenituutooritai kajakanut naka akuj; eputos bala etuŋanan elopet etogo loelemuni kotoma abarake iboro lukitetiak ka lumojoŋ da.” Kosodi kedau Yesu awaragasia ŋun, konyou, kolot. Nakedolio bukec, kisisianak kes kotoma atukosikec, koumokis kotemasi atiar, “Kedumuni bo lo kai acoa na ka nukaumokin nu? Mam kereka lo erai okoku loka ekekeon? Mere totoke naenyaritai Mariam? Mere ikeinacan Yakob ka Yosep ka Simon ka Yuda? Emameete akeinacan kere kane kamawok? Aso kedumun bo lo kai nu kere?” Kitiguikinos kanukeŋ. Konye kotema Yesu kes atiar, “Mam eswaki enabi aitopoloorio dimarai bukec kotogoke da.” Mam abu kiswama nukaumokin nuipu kanen, kanu amamus aiyuunikec. Kapaarasia kaŋun kiira ekabaka Kerode eemut loka Yesu; Kotema ikekejaanakinak atiar, “Erai ŋol Yokana Lokebatisan, ajaru kotoma okatwak; kanuka ŋun iswamai nukapedor ŋun kotomakeŋ.” Naarai kikamunit Kerode Yokana koen, kibwaik aidaris, kanuka Kerodia aberu naka Pilip onaceke. Naarai abu Yokana kolimok ŋes ebe, “Mam ibusakinit jo ajaut kaŋes.” Kokoto aiar ŋes konye kokurianar ekodet, naarai aomito ebe kerai Yokana enabi. Konye kedol apaaran nakaurio naka Kerode, kosom apese naka Kerodia kakonyen nuka ituŋa, kisiyalamik Kerode, kanuka ŋun kisumunik kaiyaposit ebe einakini ŋes ibore kere yenilipi. Kicoro totoke ŋes, kosodi kotema atiar, “Ae kane katuba akou naka Yokana Lokebatisan.” Kokadak ekabaka; konye kanuka akeiyaposio ka lukemorete kaŋes kicorak ainakinio, Kijuka kotubunoi akou naka Yokana kaidaris, koyaunai akekou katuba koinakinai apese, koyaŋa neejai totoke, Kopotu ikekesisiak koyaŋaasi akuan, kidaata; kosodete koloto kolimokis Yesu. Kiira Yesu ŋun, konyou kanen kotoma ataker, kolot amodiŋ neejaikinor bon, Kiirasi ikodeta, kotupasi ŋes itorito kaneeonit anyoun koreria, Kelom Yesu koany ekodet loepol; kitim kes, kitaŋaleu lukadekakakec. Kitiboŋ akwap, kopotu ikekesisiak mama ejai, kotemasi ŋes atiar, “Aibois na erai amodiŋ, atuboto isawan; aso, kotwar ikodeta tetere elomanarete okialon agwel inyamat.” Kotema Yesu atiar, “Mam ipudasi alosit; koinakis yesi kes lunyaman.” Kotemasi ŋes atiar, “Emamei sio idiobore kane dimarai imugatin ikany ka lukecor iarei.” Kotema atiar, “Koinunai.” Kicorak ikodeta aiboikin anya; kolem imugatin lukany, ka lukecor luarei, kosesen akuj, kisirereŋ, kobilibil imugatin, koinak ikesisiak, koinakis ikesisiak da ikodeta. Konyama kere kimonikinos. Kotukonokinai atutubeta nuabilibila nuasalete iditai itomon ka luarei ileleba. Lukenyamete emwaasi bala ikiliok ilukumin ikany, kilema aŋor ka idwe. Atipet kitiŋaik ikekesisiak adokar ataker aiŋarenikin ŋes okekwa juwai, naarokor ŋesi etwari ikodeta. Kedau ŋesi aitwar ikodeta, kodoka oroŋat neejaikinor bon ailip. Kitiboŋ akwap, kojai ŋina bon. Konye kedaunit ataker aikwaŋar neelwana koitolima kibukete akailan; naarai kekutunit ekwam kakonyen, Kakwenyunet nakiwoŋonet naka akuar kobu Yesu mama ejaas, kicakacakai aŋolol, Konye nakeanyuniata ikesisiak ŋes icakacakai aŋolol, kiyaloŋoŋoto, kotemasi atiar, “Erai etoil” Kiworoto kanuka akurian. Atipet kiner Yesu kakes kotema atiar, “Kotitiŋioros! Eoŋ lo, sirikikuriakaros.” Koboŋok Petero kotema ŋes atiar, “Ejakait, arai erai jo ŋol, kicorakinai kabu mama ijai kokuju akipi.” Kotema atiar, “Bia,” Kodoku Petero kataker, kicakacakai akipi alosit mama ejai Yesu. Konye nakeanyunia ekwam, kokurianar, kogeu alumor, kiworo ebe, “Ejakait, kitajarai.” Atipet korio Yesu akekan kitiŋ ŋes, kotema atiar, “Ijo loedit aiyuun, kanukinyo ibuonokinor?” Kedokasi kesi ataker kopala ekwam. Komaata ŋes lukejaas toma ataker kotemasi atiar, “Abeit irai ijo Okoku Ioka Edeke.” Kedaut aikwaŋar juwai, kodoloto akwap naka Genesaret. Kejenut ituŋa luka aibois kaŋin, koramata luka akwap ŋin kere, koinut ŋes lukadekak kere. Kiŋaiŋaata ŋes acamakin kes atironor atwele naka anapitoke bon; koŋaleutu kere luketirorete. Kosodete kopotu Iparisayon ka ikewadikak mama ejai Yesu aponare koYerusalem, kotemasi atiar, “Kanukinyo ijalijalatar ikonikesisiak epone loka imakio? Naarai mam ilosete akecekanin naenyamiata.” Koboŋok kotema kes atiar, “Kanukinyo ijalijalatar yesi aicorakinet naka Edeke kanuka eponekus? Naarai abu Edeke kobala ebe, ‘Koyoŋitenene papakon ka totokon,’ ido ebe, ‘Ŋin yenimoromoroi papake arai totoke, abeit etwani.’ Konye yes ibalasi ebe, Arai elimokini ituŋanan papake arai totoke ebe, Lutikidum kamakaŋ ainakin Edeke, mam itepesenitai ayoŋit papake arai totoke. Aso kanuka eponekus, itapalaut akirot naka Edeke. Yes Iukesoswai! Araas nuebeito nuadwarit Isaia kanukus, ebe: ‘Ketopoloorito ituŋa lu kaitukekec, Konye elwaka ikecetauon kama ajai; Konye kamaete eoŋ atai, Isisianakinete aituutooreta nuka ituŋa bala erai aisisianakin nakabeit.’ ” Konyarau ekodet kotema kes atiar, “Kiirasi kojenutu da: ŋin yenelomari kaituk mam emunaari ituŋanan, dimarai nuelomunete kaituk, ŋun emunaarete ituŋanan.” Kosodete kopotu ikekesisiak mama ejai, kotemasi ŋes atiar, “Ijeni kereka ijo ebe naeirariata Iparisayon akirot ŋin, apotu konyunyurikinos?” Koboŋok kobala ebe, “Ŋinikiraa yenimam irait Papaka lokotoma akuj erutunio, Kinyeis ŋul; eraas ikeŋarenok lumudukiok, Arai emuduki iŋarenikini emuduki, ibirokinos kere iarei toma aipany.” Kosodi Koboŋok Petero kotema atiar, “Kitejenunai awaragan ŋin.” Kotema atiar, “Eriŋa yes da emamei ajenun? Mam ijenete ebe ŋinibore kere yenelomari kaituk edoli akoik, kosodi ikiŋaario? Konye nuitorunete aituk elomunete kotau, ŋun kes emunaarete ituŋanan. Naarai toma otau epote aomisio nukaronok, aiar, adoteu, aelo, akokolanut, asabanakin, amoromor, Ŋun kes emunaarete ituŋanan; konye ainyam eriŋa ilota akanin mam emunaari ituŋanan.” Konyou Yesu kanen, kolot atutubeta nuka Turo ka Sidon. Ido koany, kolom aberu Akanaanit koikorun kaŋul, kiworo ebe, “Kitimoi, wu Ejakait, ijo okoku loka Daudi; ikapese iticani noi ajokit.” Konye ŋes mam eboŋokino akirot, Kopotu ikekesisiak mama ejai kiŋaiŋaata ebe, “Kotwara ŋin; naarai iworotoi kokauwok.” Konye Koboŋok kobala ebe, “Mam kejukunio dimarai mama ejaas amerekekin nukeoliorete nuka ekek loka Isirael.” Konye kobu ŋin, koma ŋes, kobala ebe, “Ejakait, kiŋarakinai.” Koboŋok ebe, “Mam ejok alemun inyamat luka idwe, acakakin iŋokwo.” Konye kotema atiar, “Eebo, Ejakait; konye iŋokwo da enyamete ararasia nuedoununete komesa loka ijakakec.” Kosodi koboŋok Yesu kotema ŋes atiar, “Ijo ba toto, epol akoniiyuun; kojaut mamakon kwape ikotor.” Koŋaleu akepese ameun kosawa kaŋol. Konyou Yesu kaŋina kitor ariri kaŋolol naka Galilaya, kodoka oroŋat, kiboikin nen. Kopotu ikodeta luipu mamakeŋ, koinut luecodos, ka imudukiok, ka ibaŋiok, ka iŋwalasik, ka ice da luipu, kibwaikis akejeneke; kitaŋaleu kes, Koumok ekodet, nakeanyuniata ibaŋiok ineras, iŋwalasik etenete, luecodos elosete, ka imudukiok da ekwenyete; kituroto Edeke loka Isirael. Kosodi konyarau Yesu ikekesisiak kotema kes atiar, “Etim ekodet, naarai adaut apaarasia auni iboiete keoŋ, kwabo emamei ibore yenenyamete; mam akoto aitwar kes koriebi eteŋei, kinyeis aiilor korot.” Kotemasi ikekesisiak atiar, “Kidumuni kai inyamat luipu kamodiŋ aisimonikinia ekodet loetia ne?” Kotema Yesu kes atiar, “Ejaas yes imugatin imwaasi ai?” Kobalas ebe, “Ikanykaarei, ka agaria nuikidioko.” Kicorak ekodet aiboikin kwap, Kolem imugatin ikanykaarei ka agaria, kimal, kobilibil koinak ikekesisiak, kosodete ikesisiak koinakis ikodeta. Konyamata kere, kimonikinos; kotukonokis atutubeta nuabilibila nukesalete ibukito ikanykaarei ileleba. Lukenyamete keraas ikiliok ilukumin iwoŋon, kilema aŋor ka idwe, Kotwara ikodeta, kodoka ataker kolot atutubeta nuka Magadan. Kopotu Iparisayon ka Isadukayon mama ejai, kokodokodata ŋes, kilipata ŋes aitodikin kes aanyunet naebuni kokuju, Koboŋok kotema atiar, “Naitiboŋia, ibalas ebe, ‘Ipiororoi moi, naarai ereŋ akuj.’ Tupuruc da ebe, ‘Etepi lolo, naarai ereŋ akuj, edalidali da.’ Ijenete yesi amisiikin kwape ejaar akuj, konye mam ipedorete amisiikin aanyuneta nuka apakio. Atur naerono naadote emoot aanyunet, konye mam einakinio aanyunet, dimarai aanyunet naka Yona.” Kinyek kes, kolot. Kedoloto ikesisiak okekwa juwai, kimurwokis ayaŋaar imugatin. Kotema Yesu kes atiar, “Kokwenya, kocoito aitubuunet naka Iparisayon ka Isadukayon.” Kiŋitanakinos bonik ebe, “Mam kiyaunit imugatin.” Konye kojen Yesu, kotema atiar, “Wu yes luedit aiyuun, kanukinyo iŋitanakinotor, naarai emameete yes imugatin? Eriŋa yes ejenuna? Karaida akiitun imugatin kwi ikany luka ilukumin ikany, ka iditai luemwaasi nen Iuipotu kotukonokis? Arai bo imugatin ikanykaarei luka ilukumin iwoŋon, ka ibukito luemwaasi nen luipotu kotukonokis? Ikonakinito bo yesi ai mam imisiikinito ebe mam enera kayes nuka imugatin? Kocoito aitubuunet naka Iparisayon ka Isadukayon.” Kosodete kojenut ebe mam kelimokinit kes acoit aitubuunet naka emugati, dimarai aisisianakin naka Iparisayon ka Isadukayon. Kosodi kobu Yesu atutubeta nuka Kaisarea Pilipi, kiŋit ikekesisiak ebe, “Ebalas ituŋa Okoku loka etuŋanan ebe erai iŋai?” Kobalas ebe, “Ebalas ice ebe Yokana Lokebatisan, ice Eliya, ice da Yeremia arai ediopet konabin.” Kotema kes atiar, “Ido bo yes kibalas ebe arai eoŋ iŋai?” Koboŋok Simon Petero kobala ebe, “Irai ijo Kristo, Okoku loka Edeke lokajaran.” Koboŋok Yesu kotema ŋes atiar, “Kisirereŋitoi jo, Simon okoku loka Yona! Naarai mam akuan ka aokot kipukokinito jo ŋun, dimarai Papaka loejai toma akuj, Eoŋ da kalimokini jo ebe irai ijo Petero, adukokini ekakanisa toma atiida na, ikirigin da luka okatwak mam ipikorete, Kainakini jo ilaceta luka ajakanut naka akuj, kere nuieni ijo kakwap, eenio kokuju, kere da nuilacakini ijo kakwap, elacakinio kokuju.” Kosodi kicor jokan ikesisiak sirikelimokis idiotuŋanan ebe erai ŋesi Kristo. Ameun kapak kaŋin kogeu Yesu aikwenyar ikekesisiak ebe ibusakinit ŋes alosit Yerusalem, aiticanio da nuipu kama ka imakio ka isasedotin lupeti ka ikewadikak, ka aario, ka ajarun kapaaran nakiwuniet. Koyaŋa Petero Yesu, kogeu aitoron ŋes, kobala ebe, “Madi akuj, Ejakait! Mam kiponikinete jo ŋun.” Konye kibelokin kotema ŋesi Petero atiar, “Koboŋo kaukaŋ, Satan! Irai ijo ekomio kamakaŋ; naarai mam iwomit nueraas nuka Edeke, dimarai nuka ituŋa.” Kosodi kolimok Yesu ikekesisiak ebe, “Arai ekoto ituŋanan kere atupit eoŋ, koŋerokin ilopet korioŋ ekemusalaba, katup eoŋ. Naarai ŋin yenekoto aitajar akeijar etwaniari, ka yenetwaniari akeijar kanukaŋ edumuni, Naarai ajokis anyoin kedum etuŋanan akwap kere kosodi atwaniar akeijar? Arai bo elemuni ituŋanan inyo alakunia akeijar? Naarai ebuni rwaru Okoku loka etuŋanan nepepe kikemalaikan kotoma aibuses naka Papake, kosodi etacakini ŋinituŋanan kwape ejaatar akeswamisio. Abeit katemari yes atiar, ejaas ituŋa luebwoete kane lumam iirete cut atwanare kiton naeanyuniata Okoku loka etuŋanan ebuni toma ajakanutuke.” Ketuboros apaarasia akanykape abu Yesu koyaŋa Petero ka Yakob ka Yokana onaceke, kogitaros bonik, kitodoka ŋesi kes oroŋat loeoja. Kituluor kakonyenekec, koiriir ekereet kwape kakoloŋ, kokwaŋuut akenapito kwape kaica. Ido koany, kitakanikinos Musa ka Eliya, inerasi kaŋes. Koboŋok Petero kotema Yesu atiar, “Ejakait, ejok oni ajaut ne; arai ikoto, eswami ne iswamin iuni, ediopet lokon, ediopet loka Musa, ka ediopet da loka Eliya.” Napekinerar ŋun, koany, kiteribo kes edou loemilia; ido koany, kolom eporoto kotoma odou kobala ebe, “Lo ŋes Okokuka lominat, loalelakinit noi; kiirasi ŋes.” Nakiirariata ikesisiak ŋun, kibiroros ebuburia, kokuriakaros noi. Kobu Yesu kotiro kes, kotema atiar, “Konyoutu, sirikikuriakaros.” Kikeutu akecekonye, mam eanyuna ituŋanan dimarai Yesu bon. Napedokunete koroŋat, kicorak Yesu kes kotema atiar, “Sirikilimokis idiotuŋanan kere nuianyut, aitodol naejarunia Okoku loka etuŋanan kotoma okatwak.” Kiŋita ikekesisiak ebe, “Aso kanukinyo ineratar ikewadikak ebe, ibusakinit ber Eliya aige abunore?” Koboŋok ŋesi ebe, “Abeit ebunit ber Eliya, itemokini ŋesi kere: konye katemari yes atiar, Adau Eliya abunore, mam apotu kojenutu ŋes, konye kiswamakis kere nuakotos, Kwape kwaŋin elosi Okoku loka etuŋanan da aiticanio kamakec.” Kosodete kojenut ikesisiak ebe enera ŋesi kakes nuka Yokana Lokebatisan, Nakedolokinioto ekodet, kobu etuŋanan ediopet mamakeŋ, kokukokin, kobala ebe, “Ejakait, kitim ikakoku, naarai edek ipumu iticanete noi; naarai irwan ipu ibironokin akim, irwan ipu da akipi. Abu kainu ikonikesisiak, mam epedoro aitaŋaleun ŋes.” Koboŋok Yesu kotema atiar, “Wu atur namam iyuunit, naepaarit, etodoli ai aiboi kayes? Etodoli ai da atitiŋikinit yes? Koinunai kane.” Kiretak Yesu ŋes, kolom ajokit: koŋaleu etelepat ameun kosawa kaŋol. Kosodete kopotu ikesisiak mama ejai Yesu kaiyeiyea, kotemasi atiar, “Kanukinyo mam sio kipedoria aireŋear ŋes?” Kotema atiar, “Kanuka aiyuunikus naedit. Naarai abeit katemari yes atiar, arai kijaas kaiyuun naetia ecokat loka ekaradali, ilimokinete eroŋat lo ebe, ‘Konyou kane, kolot laije,’ enyouni do; kwabo emamei akirot nakikaruni yes. [ Konye mam enyouni epone lo, dimarai kanuka ailip ka ailuŋ.]” Nakiboioto koGalilaya, kotema Yesu kes atiar, “Elosi Okoku loka etuŋanan ainakinio akanin nuka ituŋa, earete ŋes, apaaran nakiwuniet ejaruni.” Kokadakis kes noi. Nakedolioto Kaparanaum, kopotu iketelemak esolo loka atutubet naka esekel mama ejai Petero, kobalas ebe, “Mam kereka ekesisianakinanikus elemi esolo loka atutubet naka esekel?” Kobala Petero ebe, “Elemi.” Nakelomaria togo, koliŋ Yesu aiŋit ŋes ebe, “Iwomit ijo biai, Simon? Edumunete ikabakan luka akwap esolo loka akwap arai esolo loka ekayaiton kotuŋa inyoika? Kodwekec, arai bo komo?” Napekiner ebe, “Komo,” kobala Yesu ebe, “Aso anu ikote nen, ijakakaete cado odwe. Konye kenyeis aitiguikin kes, kolot aŋolol kocakak egolu, kolem agar nasodit naikeuni; kiŋaa aitukuke, ianyuni esekel; koyaŋa ŋol, koinak kes kanukaŋ, kanukon da.” Kosawa kaŋol kopotu ikesisiak mama ejai Yesu, kotemasi atiar, “Aso iŋai bo erai lokapolon kotoma ajakanut naka akuj?” Konyarau ikoku kisibwo kokidiŋikec; kotema atiar, “Abeit, katemari yes atiar, Arai mam ibelokinos koluoros bala idwe, mam ilomarete cut toma ajakanut naka akuj. Aso ŋinituŋanan yenitasonikin ilopet kwape kikoku kayen, ŋin ŋes erai yenikapolon kotoma ajakanut naka akuj. “Ŋin da yenisukunyikini ikoku idiopet kwaka yen kokirorika, kesukunyik eoŋ; konye ŋin yenitapaari idiopet ka ludidik kalu lukeyuunito eoŋ, ti ejok ŋes aenikinio akukuse omurisiŋike ka acakakin ataro nakaŋolol, “Itukwi akwap kanuka akiro nuitiguikinete! Naarai mam eswakete nuitiguikinete ajaut, konye itukwi ituŋanan ŋin yeneyauni akiro ŋun nuitiguikinete! Arai kiidupo jo akonikan, arai akonikeiu, kotubo kocaka; ejok jo alomar toma aijar iŋwalit arai icodo, itia acakakinio akim namam eduŋei, ijaas kakanin aarei arai akeje aarei. Arai kiidupo jo akonikoŋu, kogoru kocaka; ejok jo alomar toma aijar idoponyony itia acakakinio oupa loka akim. “Kocoito sirimwaŋito idiopet ka ludidik kalu; naarai katemari yes atiar, Toma akuj esesenenete ikecemalaikan akonyen nuka Papaka loejai toma akuj, [ Naarai abu Okoku loka etuŋanan kobu aitajar yenikeoliorit.] Iwomito biai? Arai ejaas ituŋanan amerekekin akwatat, keolio adiopet, mam kereka inyeini akaisakanykaoŋon ka nukanykaonon, kolot oukon amoote ŋin nakeoliorit? Arai kedumu, abeit katemari yes atiar, Iyalamikini noi kanuka ŋin itia kwa akaisakanykaoŋon ka nukanykaonon numam aoliorito, Kwaŋin mam Papakus loejai toma akuj ekoto idiopet kaludidik kalu aolior. “Arai kediak onacekon kamakon, kolot, kikwenya kadiakareteke, ijo ka ŋes bon: arai kiira, idum onacekon. Konye arai mam kiirari, kouparos do ka ediopet arai iarei, tetere itogogoŋio ŋinikirot kaituke nuka ikajenak iarei arai iuni. Arai kegir akiirar ŋul, kolimok ekanisa; arai kegir akiirar ekanisa da, korau ŋesi kamakon bala emoit ka eketeleman esolo. Abeit katemari yes atiar, ŋin yenieni ijo kakwap eenio kotoma akuj, ŋin da yenilacari kakwap elacario kotoma akuj. Bobo da katemari yes atiar, Arai kecamanaros iarei kayesi kakirot kere nailipete, iswamakini kes Papaka lokotoma akuj, Naarai neetukokinotor iarei arai iuni kokirorika, ajai eoŋ da nepenen kidiŋikec.” Kosodi kobu Petero mama ejai Yesu, kotema ŋes atiar, “Ejakait, kediaka onaceka kamakaŋ, esioniei ŋes irwan imwaasi ai? Kiton irwan akanykaarei?” Yesu kotema ŋes atiar, “Mam kalimokinit jo irwan akanykaarei, dimarai ebe akaisakanykaarei irwan akanykaarei. “Kanuka ŋun ajakanut naka akuj eputosi bala ekabaka lokekoto aimar ikeboro kama kikebulesin. Kegeu aimar, koinunai etuŋanan ediopet Iokiburao atalantan alukumin atomon, Kemamikis nutacet, kicorak ejakaitike ŋes agwelario, ka akeberu, ka ikedwe, ka luajaatar kere, kotacakinere apesen. Kokukokin do ebulesit, kiŋaiŋa, kobala ebe, ‘Okwe Ejakait, kotitiŋikinoi, eoŋ da katacakini jo kere.’ Abu ejakait loka ebulesit kaŋol kitim ŋes, koosik, kisioni apesen. Konye koloma ebulesit ŋol, kiriama ŋesi kediopet ebulesit aupake lokiburai adenarin akwatat; kikam ŋes, komied, kobala ebe, ‘Kotacakinai akapesen.’ Kokukokin do ebulesit aupake kiŋaiŋa, kobala ebe, ‘Okwe, kotitiŋikinoi, eoŋ da katacakini jo kere.’ Konye koŋer, kolot kibwaik aidaris aitodol naetacakinia apesen. Kosodete nakeanyuniata ibulesin luce nukiswamas, kokadakis noi, koloto kitejenut ejakaitikec kere nukiswamas. Kosodi konyarau ejakaitike ŋes kotema atiar, ‘Ebulesit ijo loirono! Abu kesioni jo apesen ŋin kere nakiŋaiŋaia; ti mam kereka jo da ibusakinit aitim aupakon, kwape ketimio eoŋ jo?’ Konyunyurikin ejakaitike, kijaik ikedarak, aitodol naetacakinia apesenike kere. Ikonakini nen Papaka lokotoma akuj ŋinidiopet kayesi, arai mam isioniete yesi ŋinituŋanan onaceke kotauonokus.” Kosodi kanen nakedaunia Yesu akiro ŋun, konyou koGalilaya, kodol oikorun luka Yudaya okekwa Yorodan. Kotupasi ikodeta luipu; kitaŋaleu kes kaŋina. Kopotu Iparisayon mama ejai kocodut, kotemasi atiar, “Ibus kereka etuŋanan ainyein akeberu kanuka akirot kere?” Koboŋok kotema kes atiar, “Mam isomenenete ebe Lokesubi kes kageunet abu kosub kes yenikiliokit, ka yeniberu. Kotema atiar, ‘Kanuka ŋun inyeini etuŋanan papake ka totoke kirotakinos kakeberu, ŋul luarei eraunos adiopetekuan’? Aso mam bobo eraas iarei dimarai adiopetekuan. Aso lukimorikikini Edeke, kinyek ituŋanan aitiak.” Kotemasi ŋes atiar, “Aso do kanukinyo kicorakinia Musa ainakin ebalua loka atiak, ka ainyein?” Kotema atiar, “Kanuka aninik naka ikusitauon abu Musa kocam yes ainyein akusiŋor, konye ameun kageunet mam arai kwaŋin. Katemari yes atiar, Ŋolituŋanan loinyeini akeberu dimarai kanuka aelo, komany ace, adotiar; ŋol da loemanyi nakinyeinio adotiar.” Kobalasi ikesisiak ŋes ebe, “Arai ikote nen akiro nuka etuŋanan ka akeberu, emamei ajokis aimany.” Konye kotema kes atiar, “Mam ituŋa kere epedorete acamun akirot ŋin, dimarai ŋul lueinakinitai. Naarai ejaas ibwacin lukeurio kopone kaŋol ameun kakoikes nuka nukatotokec; bobo da ejaas ibwacin lukidoŋete ituŋa; bobo da ejaas ibwacin lukibwaciikinete kanuka ajakanut naka akuj, ŋol da loepedori acamun akirot na, kocam.” Kosodete koinutu idwe ludidik tetere idokokini akaninike ka ailipakin kes. Koriemeriemata ikesisiak ituŋa. Konye kobala Yesu ebe, “Kocamutu idwe ludidik kopotu mama ajai, kwabo sirikisimika kes; naarai lueputos kaŋul ajakanut naka akuj erai nakec.” Kidokok kes akekanin, konyou kaŋina. Ido koany, kobu ece mamakeŋ, kotema atiar, “Ekesisianakinan, kebusakinit aswam akirot anyoin naejok, tetere adumuni aijar naka ikar kere?” Kotema ŋes atiar, “Kanukinyo kiŋisia eoŋ nuka ajokis? Ejai ediopet loerai loejok. Konye arai ikoto alomar aijar, koricite ikisila.” Kotema atiar, “Alu?” Kotema Yesu atiar, “Siriari, Siridote, Sirikokoi, Sirisabanakinenei, Koyoŋitenenei papakon ka totokon, Komina da ikoniidunyet kwape iminar bon.” Kobala etelepat ebe, “Aricit ŋul kere; inyo eriŋa kaolikinit bobo?” Kotema Yesu ŋes atiar, “Arai ikoto araun loitekoro, kolot, kogwela kere luijaatar, kokoranak lukican, ijaunete kabar toma akuj; kosodi kobu kotup eoŋ.” Nakiiraria etelepat ŋun kolot itururwei; naarai kejaas iboro luipu. Kotema Yesu ikekesisiak atiar, “Abeit katemari yes atiar, etionikini ekabaran alomar toma ajakanut naka akuj. Katemari bobo atiar, Epatanikinit akaala aitor apedot naka ekus itia ekabaran alomar ajakanut naka Edeke.” Nakiirariata ikesisiak ŋun koumokis noi, kotemasi atiar, “Aso iŋai bo do epedori aitajario?” Konye kosesen Yesu kes, kotema atiar, “Mam epedorio akiro ŋun kotuŋa, konye kama ejai Edeke epedoros kere.” Kosodi koboŋok Petero kotema Yesu atiar, “Koany, kipou isio kenyeis kere katuputu jo. Inyoin bo do kidumuni?” Kotema Yesu kes atiar, “Abeit, katemari yes atiar, kotoma akwap nakitetet naiboikinor Okoku loka etuŋanan oicoloŋ loka aibusesuke, yes da lukiitupunete eoŋ iboikinos toma oicoloŋo itomon ka luarei, itubokinete atekerin atomon ka nuarei nuka Isirael. Ŋinituŋanan yenikinyeini itogoi, arai iinacan, arai ainacan, arai papa arai toto, arai idwe arai amanat, kanuka ekakiror, edumuni irwan akwatat ka airum da aijar naka ikar kere. Konye luipu lueraas lusodit eraunete lukawasia, ka lukawasia da eraunete lusodit.” “Naarai ajakanut naka akuj eputos ketuŋanan elopet etogo, lokelomuni tupuruc aiboleikin kikeswamak aswam toma amanake naka emusabibu. Kedau ŋesi acamanar ka ikeswamak ainakin adenari kanuka apaaran, kijuka kes amanake naka emusabibu. Kolom kwaka esawa lokiwuniet, koany ice ebwoete kagwelanaret ebolwaka. Kotema kes atiar, ‘Koloto yesi da toma amanaka naka emusabibu, karopete yes nuedolito.’ Koloto kesi. Kolom bobo kwape isawan ikanykape ka ikanykaoŋon da, kikon kwape kwaŋin. Kolom da kwaka isawan itomon kalodiopet, kodum ice ebwoete; kobala kes ebe, ‘Kanukinyo ibwoiata kane apaaran kere kobolwaka?’ Kobalas ebe, ‘Naarai emamei ituŋanan yenikiboleikinit.’ Kotema atiar, ‘Koloto yesi da toma amanaka naka emusabibu.’ Napekitiboŋ, kotema ejakait loka amana naka emusabibu ekapolokitonike atiar, ‘Konyarau ikeswamak, korop eropitikec, agear ka lukokau kiton lukegeete.’ Kepotu kwi luka isawan itomon kalodiopet, kodum ŋolituŋanan adenari. Kepotu lukegeete, koomitos ebe edumunete kesi iyatakina; kodumut kesi da ŋolituŋanan adenari. Konye kedaut adumun, kirurumakis elopet etogo, kobalas ebe, ‘Ŋul lukokau eswamata esawa ediopet bon, itiirian ijo kes kasio lukitapasitoi apaaran kere kikanyi adedeŋ naka akoloŋ.’ Konye Koboŋok ŋesi ediopet kakesi, kotema atiar, ‘Opapero, mam keswamakinit jo erono; mam kereka kiboleikinit ijo keoŋ adenari? Koyaŋa naerai nakon, kolot; akoto ainakin ŋol lokokau kwape kajo. Mam kereka apedori aitwasam ikaboro kwape akotor? Arai bo erono akonikoŋu, naarai ajokuna eoŋ?’ Kwape kwaŋin lukokau eraunos Iusodit, ka lusodit da eraunos lukokau.” Napedokari Yesu alosit Yerusalem, koyaŋa ikekesisiak itomon ka luarei aiyeiyea, kotema kes korot atiar, “Koany, kidokari alosit Yerusalem; einakinio Okoku loka etuŋanan akanin nuka isasedotin lupeti ka ikewadikak, etubokinete ŋes atwanare; ijaikinete ŋes Imo aboliar, ka aida, ka aibubukin, apaaran nakiwuniet ejaruni.” Kosodi kobu toto naka odwe luka Sebedayo nepepe kodweke mama ejai Yesu, kokukokin kilip akirot, Kotema atiar, “Ikoto inyo?” Kotema atiar, “Kicorak ebe kiboikinos odweka lu luarei, ediopet kakanikon nakoteten, ediopet da nakokediany, kotoma akonijakanut.” Koboŋok Yesu ebe, “Mam ijenete nuilipete. Ipedorete kereka aimat akoli naamasi eoŋ?” Kotemasi atiar, “Kipedori,” Kotema kes atiar, “Imasete bo akolika, konye aiboikin akanika nakoteten ka nakokediany, mere nakaŋ aikor, konye erai nakec kaŋul kaluitemokinit Papaka.” Kepuputu lutomon, konyunyurikis iinacan iarei. Konye Yesu konyarau kes, kotema atiar, “Ijenete ebe ikayaitok luka atekerin eyaito kes kagogoŋ, ejaas lukapolokokec kapedor mamakec. Konye mam ikote nen kamakus; konye ŋinituŋanan yenekoto araut yenikapolon kamakus korau ikusikejaanakinan, ŋin da yenekoto araut yenisodit korau ikusibulesit; kwape mam ebunitor Okoku loka etuŋanan aijaanakinio dimarai aijaanakin, ka ainakin da akeijar alakunia ikepuak.” Nakeponiata koYeriko, kotupa ŋes ekodet loepol. Ido koany, kiboiete imudukiok iarei kariri kerot, nakiirariata kesi ebe itorit Yesu, kiworoto, kotemasi atiar, “Kitimoi, Ejakait, Okoku loka Daudi!” Kiretak ekodet kes tetere ililiŋete; konye kiyatakis aiworo kotemasi atiar, “Kitimoi, Ejakait, Okoku loka Daudi!” Kobwou Yesu, konyarau kes, kobala ebe, “Ikotos keswamakis inyo?” Kotemasi atiar, “Ejakait, kikoto kitwekeny akosikonye.” Kitim Yesu kes, kotiro akecekonye, atipet kokwenyut, kotupasi ŋes. Naeapiariata kesi Yerusalem, kodolot Betapage, moru loka Iseitunin, kosodi Yesu kijuka ikesisiak iarei, kotema kes atiar, “Koloto ore loisesenete, atipet idumunete asigiria naeenitai, ka ikekoku, kolacut, koinut eoŋ. Arai kitemari idiotuŋanan akirot, iboŋokinete ŋes ebe, ‘Ejakait ipuda kes.’ Kosodi atipet kijaikini kes.” Kojaut ŋun tetere edoli akirot nakinerit enabi ebe, “Kolimokis yesi akoku naka Sion ebe, Koany, ebunit Ekabakakon mamakon, Loitasono, ibwanenit asigiria, Ibwanenit ikoku, ikoku yenikatiaŋ nakebwokan.” Koloto ikesisiak, kiswamata kwape kicorakinitor Yesu kes. Koinut ŋes asigiria, ka ikekoku, kopetanakis ikecenapen; kibwanen ŋesi. Kopetanakis ituŋa luipu lukotoma okodet ikecenapen orot, ice da kojepununut atenieik kokito, kopetanakis kes da orot. Kiworoto ikodeta lukiŋarenikinito ka luketupakinito ŋes ebe, “Kosana mama ejai Okoku loka Daudi! Isirereŋitoi loebunit kokiror loka Ejakait! Kosana kuju noi kakuj!” Nakelomaria ŋesi Yerusalem, korieŋut lukore kere, kobalas ebe, “Iŋai bo lo?” Koboŋokis ikodeta ebe, “Ŋol ŋes enabi Yesu loko Nasaret nako Galilaya.” Kosodi koloma Yesu toma oyekalu loka Edeke, kireŋea kere lukegwelanarete ka lukegwelete kotoma oyekalu, kobuburiana imesan luka ikesiecanarak arupian, ka iicoloŋo luka ŋul kalukegwelanarete ajeleik, kotema kes atiar, “Iwadikatai ebe, ‘Ekatogo enyaritai etogo lokilipet,’ konye yes ituluosi abua naka ikaŋatak.” Kopotu imudukiok ka luicodos mama ejai oyekalu, kitaŋaleu kes. Konye nakeanyuniata isasedotin lupeti ka ikewadikak nukaumokin nukiswamai, ka idwe lukiworoete koyekalu ebe, “Kosana mama ejai Okoku loka Daudi!” konyunyurikinos; kotemasi ŋes atiar, “Ipupi ijo nuinerasi lu?” Kotema kes Yesu atiar, “Eebo, mam isiomitos ebe, ‘Kaituke nuka idwe ludidik ka luenakete, Itodol aiturit?’ ” Kinye kes, koloma kiŋa ka ere kiton Betania, koper ŋina. Tupuruc, nakeboŋoria ore, korieb eteŋei, Koany etini kariri kerot, kolot neejai, mam eanyuna ibore kokujuke dimarai akui bon. Kolimok ŋes ebe, “Mam bobo iraenenei araito ikar kere!” Atipet korinyo etini. Nakeanyuniata ikesisiak, koumokis, kobalas ebe, “Ekonaki bo ai etini erinyori atipet?” Koboŋok Yesu kotema kes atiar, “Abeit katemari yes atiar, Arai ijaas kaiyuun komam ibuonokinos, mam iswamaete ŋin naka etini bon, konye arai ilimokinete eroŋat lo ebe, ‘Koukor kocakar aŋolol,’ iswamaun. Kere da nuilipete kailipikus iyuunito, idumunete.” Nakedaunia alomar toma oyekalu, kopotu lusasedotin lupeti ka imakio luka ituŋa mamakeŋ napisisianakini, kobalas ebe, “Iswamai ijo nu kapolou anyoin? Iŋai da kiinakini jo apolou ŋin?” Koboŋok Yesu kotema kes atiar, “Eoŋ da keŋisi yes akirot adiopet; arai kiboŋokinete eoŋ, ŋes konyet kalimokiniata yes apolou nakeswamaa nu. Aibatisa naka Yokana kebuni kai? Kebuni kotoma akuj, arai bo kotuŋa?” Kiŋitanakinos bonik ka bonik, kobalas ebe, “Arai kiitema ebe, ‘Kebuni kotoma akuj’; kitemari ŋesi oni ebe, ‘Aso kanukinyo mam kiyuuniata ŋes?’ Arai kiitema ebe, ‘Kebuni kotuŋa,’ kikuriana ekodet; naarai eomito ituŋa kere ebe kerai Yokana enabi.” Koboŋokis Yesu kobalas ebe, “Mam kijeni.” Kotema kes atiar, “Eoŋ da mam kalimokini yes apolou nakeswamaa nu.” “Konye iwomito biai? Kojaas etuŋanan idwe iarei; kolot mama ejai losodit kotema atiar, ‘Ikakoku, kolot lolo kiswama toma amana naka emusabibu.’ Koboŋok ebe, ‘Alosi Ipapa,’ konye mam eloto. Kolot mama ejai lokiareit kinera ŋupeŋun; Koboŋok ebe, ‘Mam akoto,’ kokau abu kitoronikin, kolot. Aso ali ka luarei kaŋul loabu kiswama nuakoto papake?” Kotemasi atiar, “Lokiareit.” Kotema Yesu kes atiar, “Abeit, katemari yes atiar, Kigeikinete yes iketelemak esolo ka nudotea alomar toma ajakanut naka Edeke. Naarai abu Yokana kobu mamakus korot loka adolit, mam yes iyuuna, konye apotu iketelemak esolo ka nudotea kiyuutu ŋes; yes da nakianyuniata, mam ipotu kitoronikinos kokau, ka aiyuun ŋes, “Kopupokis awaragan ace. Kejai kolo etuŋanan elopet etogo, kira ŋesi amana naka emusabibu, kirigak abwas, kobokik aipany nacues tomake, koduk aiteis, kititiŋ ikeswamak, kolot akwap ace. Keapu apak naka araito, kijuka ikebulesin mama ejaas ikeswamak, adumun akeraito. Konye kikamut ikeswamak ikebulesin kodaata ece, koarata ece, ka ece da kibiribiroto kamor. Kijuka bobo ibulesin ice luipu adepar lusodit; kikonakis ŋul da nepenen. Kokau kijuka okokuke mamakec, kobala ebe, ‘Eyoŋete okokuka.’ Konye nakeanyuniata ikeswamak okoku, kineranakinos bonik ka bonik kobalas ebe, ‘Erai lo ekeruman; aso kaarata ŋes, kabeata oni akeirumet.’ Kikamut ŋes kocakas kiŋa kamana naka emusabibu koarata. Aso naebunio ejakait loka amana naka emusabibu ikonakini ai ikeswamak kwi?” Kotemasi atiar, “Emudiari erono ikaronok kwi, ititiŋi amana naka emusabibu ikeswamak ice lueinanakinete araito kedolo apak.” Kotema Yesu kes atiar, “Mam isiomito nuiwadikatai ebe: ‘Amoru nakeŋerete ikadukok Ŋin ŋes keponi kitaraunai nakapolon naka agor; Abuni akirot ŋin kama ejai Ejakait, Erai nakaumokin kakonyenewok.’ Kanuka ŋun katemari yes atiar, Elemario ajakanut naka Edeke kamakus, einakinio ateker ace naerai akeraito.” Yenibirokini kuju amoru ŋin ebilibiliun; konye ŋin yenibirokin amoru, ipicipicari ŋes cut. Nakiirariata isasedotin lupeti ka Iparisayon awaragasiake, kojenut ebe inerakinit kes. Nakemoiata aikamun ŋes, kokuriakata ikodeta, naarai aomito ebe erai ŋesi enabi. Koboŋok Yesu bobo, kiner kakes kawaragasia ebe, “Ajakanut naka akuj eputos bala ekabaka lokipoikini okokuke epucit loka eiterane. Kijuka ikebulesin anyaraun lukenyaritai aponare opucit; konye kogiroto kwi aponare. Kijuka bobo ibulesin ice, kobala ebe, ‘Kolimokis kwi lukenyaritai ebe, Koany, etemonok ikanyamat, adau aiar ikamoŋin ka ikatak lurobok, adau aitemonokin kere; kopotu do opucit.’ Konye kes mam apotu kopodos, koloto, ediopet omanikorike, ece agwelanarike, lukesalete da kikamut ikebulesin, kiswamakis nukepali, koarata, Kosodi konyunyurikin ekabaka, kijuka akejore komudia ikaarak kwi, kicwe da erekec, Kosodi kotema ikebulesin atiar, ‘Itemokino epucit, konye lukenyaritai mam ibusakinito. Aso koloto asisiarin nuka irotin, konyarautu ŋinituŋanan kere yenidumunete kobu opucit.’ Konyoutu ibulesin ŋul koloto orotin, kotukonokis lukedumunete kere, lueroko ka luejok da; kilelebun etogo loka epucit ipejok. Konye nakelomaria ekabaka aanyun ipejok, koany kanen etuŋanan lomam enapit anapito nakepucit. Kotema ŋes atiar, ‘Opapero, kilomuni ne biai komamei anapito nakepucit?’ Kobuta. Kosodi kotema ekabaka ikejaanakinak atiar, ‘Koenata akanin ka akeje, koyaŋaasi kocakakis amuton nakokiŋa; kaŋina ejaun aimony ka airiamanakin ikel.’ Naarai ipu luenyaritai, konye luseuna ikidioko.” Kosodete koloto Iparisayon kinerut ailok ŋes kakiroke. Kiyakikis ŋes ikesisiakakec, nepepe ka Ikerodian, kobalas ebe, “Ekesisianakinan, kijeni ebe irai ijo lokabeit, isisianakini da erot loka Edeke kotoma abeit, kwabo mam ipodo idiotuŋanan kere; naarai mam iseseni ejautene loka ituŋa. Aso kolimokinai iwomit biai? Ibus kereka ainakin Kaisar esolo, arai bo mam?” Konye Yesu kojen akeceronis, kotema atiar, “Yes lukesoswai, kanukinyo kikoduniata eoŋ? Kitodikinai cani apesa naka esolo.” Koinunai adenari. Kotema Yesu kes atiar, “Nakaŋai aput na, ka nuiwadikatai?” Kotemasi atiar, “Nuka Kaisar.” Kosodi kotema kes atiar, “Aso kotacakis Kaisar nueraas nuka Kaisar, ka Edeke da nueraas nuka Edeke.” Kepuputu kesi koumokis; kinyeis ŋes koloto. Kapaaran kaŋin kopotu Isadukayon mamakeŋ, luebalas ebe emamei ajarun; kiŋita ŋes, kobalas ebe, “Ekesisianakinan, abu Musa kobala ebe, ‘Arai ketwana etuŋanan, komameete idwe, emanyi onaceke akeberu, tetere edumakini onaceke aur.’ Aso, kejaas iinacan ikanykaarei kamakosi; komany losodit, kotwana, ido naarai emamei ŋes aur kinyeinia onaceke akeberu; kwape kwaŋin lokiareit, ka lokiwuniet, aitodol kere ikanykaarei. Akaulo kakere, kotwana aberu ŋin da. Aso, kotoma ajarun, eraun ŋin aberu naka ŋai kakwi kalukanykaarei? Naarai kere apotu kojaas kaŋes.” Koboŋok Yesu kotema atiar, “Ipaarete yesi, naarai mam iienete nuiwadikatai karaida apedor naka Edeke. Naarai kotoma ajarun mam emanyete karaida adukokinio, konye eraas bala imalaikan kotoma akuj. Bobo da kakiro nuka ajarun kokatwak, mam isiomito akirot nakinerit Edeke ebe, ‘Arai eoŋ Edeke loka Aburaam, Edeke loka Isaak, ka Edeke loka Yakob da’? Mam ŋes erai Edeke loka lukatwak, konye loka lukaiarak.” Nakiirariata ikodeta, koumokis akeisisianakin. Kosodete kiirasi Iparisayon ebe etubuta Isadukayon, kotukokinos, Ediopet kakes, ericakisila, kiŋit ŋes aiŋiset naekoduni, ebe, “Ekesisianakinan, aicorakinet ani erai nakapolon kotoma okisila?” Kotema ŋes atiar, “Komina Ejakait Ekonideke kekonitau kere, ka akoniijar kere, ka akonicoa da kere. Na ŋes aicorakinet nakapolon nasodit. Ejai da nakiareit naeputotor ebe, Komina ikoniidunyet kwape iminar bon, Kotoma aicorakineta nu aarei kes icatunitotor ikisila kere ka inabin da.” Ketukokinos Iparisayon, kiŋit Yesu kes ebe, “Anyoika nuiwomito kanuka Kristo? Erai Okoku kaŋai?” Kotemasi ŋes atiar, “Loka Daudi.” Kiŋit kes ebe, “Aso kikwaikini ai Daudi enyarit ŋes Ejakait, koMoyo ebe, ‘Abu Ejakait kotema Ekajakait ebe, Kiboikin akanika nakoteten, Aitodol neebwaikinia lukasurupokon kwap kakejekon’? Aso arai enyarit Daudi ŋes Ejakait, kikonakini bo ai erai ikekoku.” Mam apedorit ituŋanan aboŋokin ŋes akirot, ido ameun kapaaran kaŋin amamei bobo yeniketitiŋikinit aiŋit ŋes adiokirot. Kosodi kotema Yesu ikodeta ka ikekesisiak atiar, “Iboikinos ikewadikak ka Iparisayon oicoloŋ loka Musa; aso nukilimokinete kere kiswamata, koricito da, konye sirikiswamata nuiswamaete kesi; naarai inerasi kesi kwabo mam iswamaete. Eenete arita nuelaŋir nuetioko aibwok, kisirioŋata ituŋa; kwabo mam kes ikulepek ekotosi atiror kebokoritikec, Iswamaete aswamisiokec kere tetere eanyunete ituŋa; naarai italalaarete ikuniaikec luetoronokinete oreeta; itoojaete da atokito nuka inapenekec. Ekotosi aibois nakapolon kopucin, ka iicoloŋo lukapolou kotoma atukosia, ka ayogao kagwelanareta, konyaritos ituŋa kes ebe Rabi. Konye yes, sirikinyaritai Rabi, naarai ejai yes ekesisianakinan ediopet, yes da kere iraas iinacan. Sirikinyarata ediotuŋanan papa kakwap, naarai ejai yes Papakus ediopet, loejai toma akuj. Sirikinyaritai da ikeŋarenok, naarai ejai yes ekeŋarenon ediopet, ŋes Kristo. Konye loerai lokapolon kotomakus eraun ekusikejaanakinan. Yenitopoloor bon itidisiario, yenitidisiar bon da itopoloorio. “Itukwi yes, ikewadikak ka Iparisayon, lukesoswai! Naarai igolokinete ituŋa ajakanut naka akuj; naarai yes ikulepek mam ilomarete, kwabo luelomarete da mam icamakinete alomar. [ Itukwi yes, ikewadikak ka Iparisayon, lukesoswai! Naarai icamete itogoi luka apuserun, kanuka ejose da ilipete ailipasia nueojak; kanuka ŋun kitubokinio aitelekarit.] Itukwi yes, ikewadikak ka Iparisayon, lukesoswai! Naarai irimirimete aŋolol ka akwap, tetere ibelokinete idiopetuŋanan, kedau aibelokin ituluorete ŋes ikoku yenika Geena irwan aarei aitelekarit yes ikulepek. “Itukwi yes, ikeŋarenok lumudukiok, luibalas ebe, ‘Arai kiyapo ituŋanan kolimite eyekalu, mam akiro; konye ituŋanan yeniyapoi kolimite esabu loka eyekalu, aenikin.’ Ibaŋiok yesi, imudukiok! Naarai ali bo epol!, esabu arai bo eyekalu loitalauni esabu? Ebe da, ‘Arai kiyapo ituŋanan kolimite otem, mam akiro; konye ituŋanan yeniyapoi kolimite asubanit naejai otem, aenikin.’ Imudukiok yesi! Naarai ani bo epol, ainakinet, arai bo etem loitalauni ainakinet? Aso yeniyapoi kolimite etem, iyapoi kolimite ŋes ka ŋinibore kere yenejai tomake; ŋin da yeniyapoi kolimite eyekalu, iyapoi kolimite ŋes ka ŋol da loiboie kotomakeŋ; ŋin da yeniyapoi kolimite akuj, iyapoi kolimite eicoloŋ loka Edeke, ka ŋol da loiboikin tomakeŋ. “Itukwi yes, ikewadikak ka Iparisayon, lukesoswai! Naarai itacakinete iitomoneta luka emopim, ka aneta ka ekumin, konye inyeis akiro nuepolok nuka ikisila, kes etube ka aitim ka aiyuun; ibusakinit yes aswam ŋun, komam inyeinete kwa da. Yes ikeŋarenok lumudukiok, ijililiete esirut, ilikorete da akaala! “Itukwi yes, ikewadikak ka Iparisayon, lukesoswai! Naarai itesegarete kiŋa kakolin, ka asanin, konye kotoma ileleba aiŋat ka airaŋanut, Ijo Eparisayot lomuduk! Kilot ber toma akoli ka asanit, tetere kiŋa da elauni. “Itukwi yes, ikewadikak ka Iparisayon, lukesoswai! Naarai iputosi katesina nuiworiworitai kakwanis, etakanete kokiŋa ejokuka, konye toma ileleba akojo nuka lukatwak ka amodokok da kere, Yes da kwape kwaŋin itakanete kokiŋa kaneejaas ituŋa koraas luidolito, konye kotomakus ileleba aisoswanut ka epali. “Itukwi yes, ikewadikak ka Iparisayon, lukesoswai! Naarai idukete atesin nuka inabin ka aitubus ailiin nuka ikadolitok, ka einer ebe, ‘Arai kiija isio kolo kapaarasia nuka lukapapaakosi, timam kiimorikikin kakes toma abukor aokot nuka inabin.’ Kanuka ŋun itejenunos bonik ebe iraas yesi ikecedwe kalukearete inabin. Aso kilelebata aitemis naka lukapapaakus. Yes imunwo, yes ailwek naka imusagan, ikuete biai atubokinio naka Geena? Kanuka ŋun koany, kejukakini yes inabin, ka lukacoa, ka ikewadikak; iarete ice kakesi, ka aibubuonokin, idaete ice kotoma atukosiakus, irukitotor da koreria kere. Tetere kibeikinete yes aokot kere nuka ikadolitok nukebukokinos kakwap, ageun kaokot nuka Abel ekadoliton, kiton aokot nuka Sakaria okoku loka Barakia, lokiarakinete kidiŋ aibois nakalaunan ka etem, Abeit katemari yes atiar, Eponikinete akiro ŋun kere atur na. “Wu okwe, Yerusalem, Yerusalem, loeari inabin, ka aibiribir kamor ŋul lukiyakunio mamakon! Irwan imwa ai abu kakotor atukonokin ikonidwe, kwape etukonokinia akokor ikemiyoi kwap abebenokake, konye mam yes ekotokino! Koany kinyeinere yes ekusitogo esil. Naarai katemari yes atiar, Mam kianyunete eoŋ bobo cut, aitodol naitemariata ebe, ‘Isirereŋitoi ŋol loebunit kokiror loka Ejakait.’” Kolom Yesu koyekalu, ido napelosi, kopotu ikekesisiak mama ejai, kitodikis aduketa nuka eyekalu. Konye Koboŋok kes kotema atiar, “Ianyut kereka nu kere? Abeit katemari yes atiar, mam esalakini ne amoru kuju kamoru, namam etiyakinio.” Nakiboio koMoru loka Iseitunin, kopotu ikesisiak mama ejai kaiyeiyea, kobalas ebe, “Kolimokinai, ejaunete akiro ŋun wori, anyoin da aanyunet naka abunorekon, ka naka esaŋe loka akwapin?” Koboŋok Yesu kotema kes atiar, “Kocoito kinyek ituŋanan aitapaar yes. Naarai epote rwaru luipu kokirorika, ebalas ebe, ‘Eoŋ arai Kristo,’ itapaarete kesi luipu. Iirarete yesi nuka ijiisio ka iemuto luka ijiisio; kocoito sirikiyaloŋoŋoto; naarai ibusakinit ŋun ajaun, konye koroko awasia edoluno. Naarai enyoikini ateker asurokin ateker, ajakanut da asurokin ajakanut, ejaunun ebel ka amaran naka akwap aiboisio nuegelegela; eraas ŋun kere ageunet naka ariebo naka aidoun, “Kapak kaŋin kijaikinete yes aiticanio, kiarete; kiŋarunete yes atekerin kanuka ekakiror. Kosodete iguikinete luipu, kes da ebilanakinos ibotei, ka aŋaranar. Enyounete inabin luipu lukeŋalak, itapaarete luipu. Ido naarai iyatakina epali, ejoniari amin naka luipu. Konye ŋin yenetitiŋikini kiton awasia, ŋes itajario. Elimonokinio Akiro nu Nukajokak nuka ajakanut anatar akwapin kere, araut akajenak mama ejaas atekerin kere; kosodi konyet edoluni awasia. “Aso naianyuniata etal loemudiari lokinerit enabi Daniel ebwoi kotoma aibois nakalaunan (kojenu ikasoman), ŋes konyet ekeriata ŋul luejaas Yudaya oroŋan; ituŋanan yenejai kuju togo sirikedoku ayaŋaar iboro luejaas togoke; ido yenejai mana da sirikeboŋu kau ayaŋaar akenapito. Konye itukwi kes nuepotiete, ka nuitanakete da kapaarasia kaŋun! Kilipata yesi kinyek akusikerit adolun kiporo, karaida apaaran naka asabato: naarai ejaunos ican luipu, lumam peŋo etakanunito ameun kageunet naka akwap kiton kwana, ido mam bobo ejaunete cut. Arai kedim iŋoŋaritai apaarasia ŋun, timam kitajari akuan kere; konye kanuka luseuna iŋoŋario apaarasia ŋun. Kapak kaŋin arai kitemari yes ituŋanan atiar, ‘Koany, ejai Kristo ne,’ arai, ‘Ejai laije’, sirikiyuut. Naarai enyounete lukriston lukeŋalak, ka inabin Iukeŋalak, itoduunete ŋul aanyuneta nuepolok, ka nukaumokin da; tetere itapaarete luseuna arai epedoros. Koany, kadau aikwenyar yes eroko nu epona. Aso arai kitemarete yes atiar, ‘Koany, ejai amodiŋ’; sirikiloto. Ebe da, ‘Koany, ejai toma agola’ sirikiyuut. Naarai kwape imiliaunia ageun kokide kotakani kiton to; ikoni nen abunore naka Okoku loka etuŋanan. Naarai neejai akuan nakatwan, etukonokinos da atarukon nen. “Konye atipet, ketuboros ican luka apaarasia kakwa, itumutonorio akoloŋ, mam elap ecauni, ibirununos aacer kotoma akuj, iianiianio da nukapedor nuka akuj; kosodi konyet etakanuni aanyunet naka Okoku loka etuŋanan kokuju; kosodete konyet ibworos atekerin kere nuka akwap, eanyunete Okoku loka etuŋanan ebuni kodouon luka akuj kapedor ka aibuses naepol. Ijukuni ikemalaikan keporoto loepol loka arupepe, etukonokinete luseunake anyoun kokwamin iwoŋon, ameun kosaŋe ediopet loka akuj kiton loce. “Kisisiautu akewaragan kama ejai etini; kedaut aketenieik alibun, itolomuni akekui, ijenunete ebe eapie apak naka aidweny; aso yes da naianyuniata ŋun kere, kojenut ebe eapie ŋesi, kokek, Abeit katemari yes atiar, mam atur na edaun aitodol naedolioto akiro ŋun kere, Edaunos akuj ka akwapin, konye akakiro mam edaunos cut. “Konye akiro nuka apaaran kaya ka esawa da emamei yenejeni, karaida imalaikan luejaas toma akuj, karaida Okoku, dimikito Papa bon. Naarai kwape kejaatar apaarasia nuka Noa, ikonakini nen abunore naka Okoku loka etuŋanan, Naarai kwape kejaatar toma apaarasia nukegeikinete akalele, anyamete, amasete, amanyasi, amanyio da, kiton apaaran nakelomaria Noa toma ataker, komam kejenete kiton neadolunio akalele kolelea kere, ikonakini nen abunore naka Okoku loka etuŋanan. Kapak kaŋin ejaikinos ituŋa iarei omanikor; eyaŋaario ediopet, inyeinio loce. Ejaikinos aŋor aarei iriete; eyaŋaario adiopet, inyeinio nace. Aso kokwenyete; naarai mam ijenete apaaran anyoin naebunio Ejakait ikus. Konye kojenutu na ebe, arai kejeni elopet etogo apak naka akuare naebunio ekokolan, tikekweny, kwabo timam kejalaki eketogo abokio. Kanuka ŋun kokapakina yesi da; naarai ebuni Okoku loka etuŋanan kosawa lomam iwomito. “Aso iŋai bo ebulesit lomunot loepiriana da, lokedakakini ejakaitike ayait lukokaleke akoranakin kes ikecenyamat apakio nuedolito? Isirereŋitoi ebulesit ŋol loedumuni ejakaitike iswamai kwaŋin naebunio. Abeit katemari yes atiar, Edakakini ŋes ayait luejaatar kere. Konye arai ketema ebulesit ŋol lokaronon kotauke atiar, ‘Eyapa papaka,’ kogeu aibuŋa ibulesin lukaupake, ainyam ka aimat nepepe kalukamerak, ebuni ejakait loka ebulesit kaŋol kapaaran namam ŋes eomit, ka esawa da lomam ejeni, etubi ŋes katutubeta aarei, itebei ekewai nepepe ka lukesoswai; ejaun kanen aimony ka airiamanakin ikel. “Kapakio kaŋun ituputoorio ajakanut naka akuj kapesuru atomon nukelemunete atalaikec koloto airiamun keteran. Akany kakes kebanaaka, akany da kepiriaka. Naarai nakeyaŋaariata nukebaŋaaka atalaikec, mam apotu koyaŋaasi akinyet da; Konye nukepiriaka koyaŋaasi akinyet kokubeikec nepepe katalaikec. Nakiyapia eteran, kiluranaros kere, kojotooros. Konye kidiŋebai kojau ecelet ebe, ‘Koany, eteran! Kolomutu kisiriamasi.’ Kosodete konyout apesur ŋun kere, kitemonokis atalaikec. Kotemasi nukebaŋaaka nukepiriaka ebe, ‘Koinakinai sio da amodiokinyetekus, naarai aduŋeosi akositalai.’ Konye koboŋokis nukepiriaka ebe, ‘Diat mam ilosikin sio kayes; koloto gwai mama ejaas ikagwelanarak kogwelut.’ Konye napelosete agwel, kobu eteran, kolomasi nuetemokino nepepe kaŋes toma opucit; kogolokinoi ekek. Kokau kopotu apesur nuce da kobalas ebe, ‘Ejakait, ejakait, koŋaarai.’ Konye Koboŋok, kotema atiar, ‘Abeit katemari yes atiar, mam kajeni yes.’ Aso kokwenyete, naarai mam ijenete apaaran karaida esawa. “Naarai esubit bala etuŋanan loelosi apejo konyarau ikebulesin, kititiŋ kes ikeboro. Koinak ediopet atalatan akany, ka ece aarei, ka ece da adiopet, ŋolituŋanan kwape kejaar apedorike; kosodi kolot akwap ace. Atipet kolot ŋol lokedumuni atalatan akany, kogwelana, kitobon ameda naka atalatan ace akany. Kwape kwaŋin lokeinakinitai aarei, kitobon ameda naka atalatan ace aarei. Konye lokeinakinitai atalat adiopet, kolot kobok alup, kibwa apesan nuka ejakaitike. Kosodi ketuboros apaarasia nuipu, kobu ejakait loka ibulesin kaŋul, kimar kakes akepesan. Kobu lokeinakinitai atalatan akany, koyau atalatan ace akany, kotema atiar, ‘Ejakait, ibu kititiŋ eoŋ atalatan akany; koany, etoboŋu atalatan ace akany.’ Kotema ejakaitike atiar, ‘Ejok, ebulesit ijo loejok lomunot da; ibu korau lomunot kaluikidioko, kadakakini jo ayait luipu; aso kolom ma toma aiyalama naka ejakaitikon.’ Kobu da ŋol lokeinakinitai atalatan aarei, kotema atiar, ‘Ejakait, ibu kititiŋ eoŋ atalatan aarei; koany, etoboŋu atalatan ace aarei.’ Kotema ejakaitike atiar, ‘Ejok, ebulesit ijo loejok lomunot da; ibu korau lomunot kaluikidioko, kadakakini jo ayait luipu; aso kolom ma ijo da toma aiyalama naka ejakaitikon.’ Kobu da ŋol lokeinakinitai atalat adiopet, kotema atiar, ‘Ejakait, abu kajen ebe irai ijo etuŋanan loeninik, idwenyi kama nemam iyeikinit, itukonokini kanemam isiarakinit; aso kakurianar, kalot kebwa akonitalat kalup: koany, napekon na.’ Konye Koboŋok ejakaitike kotema atiar, ‘Ebulesit ijo loerono loeloŋwana! Ibu kojen ebe adwenyi kama nemam ayeikinit, atukonokini da kanemam esiarakinit; ti ibusakinit ijo ainakin akapesan mama ejaas ikeŋadak arupian, eoŋ da kabu tikadum nuaraas nukaŋ ka amedakec da. Aso kodemasi ŋes atalat, koinakis ŋol loeiaas atalatan atomon. Naarai yenejai ibore einakinio, ido edumuni luipu noi; konye yenemamei ibore, ŋin da yenejaas kaŋes edemario. Kocakakisi ebulesit ŋol lomam ajokis amuton nakokiŋa: ejaun kanen aimony ka airiamanakin ikel.’ “Naebunio Okoku loka etuŋanan kotoma aibusesuke, ka imalaikan da kere nepepe kaŋes, iboikini oicoloŋoke loka aibuses; etukonokinos atekerin kere akonyeneke, etiakatiakai ŋesi kes kwape etiakatiakaa ekecokon amerekekin ka akinei: ibwaikini amerekekin akanike nakoteten ka akinei da akanike nakokediany. Kosodi etemari ekabaka lukakanike nakoteten atiar, ‘Kopotu yesi lukisirereŋit Papaka, kirumata ajakanut nakitemonokinitoi ameun kaisub akwapin; naarai kariebi eteŋei, ipotu koinakis aimuj, kaiakit akur, ipotu koinakis numatan; arai epejonon, ipotu kisukunyikis; amujalal, ipotu kitanapa; adeka, ipotu koanyanasi; ajai toma aidaris, kopotu mama ajai.’ Kosodete eboŋokinete ikadolitok ebe, ‘Ejakait, kipou kaanyutu jo wori kiriebi eteŋei, kesimujata? Arai kijakit akur, ketamata? Kipou kaanyut jo wori irai epejonon, kesukunyikis? Arai imujalal, ketanapa? Kipou da kaanyutu jo wori ideka, arai toma aidaris, kapotu mama ijai?’ Kanen eboŋokini ekabaka ebe, ‘Abeit katemari yes atiar, Kwape kiswamakiniata idiopet kalu iinacanaka ludidik, ipotu kiswamakis eoŋ.’ Kosodi do etemari lukakanike nakokediany atiar, ‘Irwa yesi, lukilamakinitai, kolomasi akim naka ikar kere naitemokinitoi Satan ka ikemalaikan. Naarai kariebi eteŋei, mam ipotu koinakis aimuj; kajakit akur, mam ipotu koinakis numatan; arai epejonon, mam ipotu kisukunyikis; amujalal, mam ipotu kitanapa; adeka, ajai da toma aidaris, mam ipotu koanyanasi.’ Kosodete eboŋokinete kesi da ebe, ‘Ejakait, kipou kaanyutu jo wori iriebi eteŋei, arai kijakit akur, arai irai epejonon, arai imujalal, arai ideka, arai ijai toma aidaris, komam kijaanakinit jo?’ Kanen eboŋokini kes ebe, ‘Abeit katemari yes atiar, Kwape mam kiswamakiniata idiopet kaludidik kalu, mam ipotu kiswamakis eoŋ.’ Elosete ŋul alomar toma aiticanio naka ikar kere, konye luedolito elosete toma aijar naka ikar kere.” Nakedaunia Yesu akiro ŋun kere, kotema ikekesisiak atiar, “Ijenete ebe esalito apaarasia aarei, kosodi ejaun Aleleŋ, ijaikinio Okoku loka etuŋanan aibubukinio.” Kosodete kotukonokinos isasedotin lupeti ka imakio luka ituŋa toma alaro naka esasedoti lopeti, ekekiror Kaiapa, kinerut nepepe tetere ikamunete Yesu kapirianut kosodete aiar. Konye kobalas ebe, “Mere toma apak naka epucit, kinyek ecelet ajaun kotuŋa.” Nakejaar Yesu Betania togo loka Simon lokatapon, kobu aberu mamakeŋ nakejai ekube loka akinyet naketiai loepol noi, kobukok akouke, iboie enyami, Konye nakeanyuniata ikekesisiak, konyunyuras kobalas ebe, “Anyoin aimadiŋ na? Naarai tikegwelar akinyet na apesan nuipu, akoranakin lukican.” Konye kojenu Yesu, kotema kes atiar, “Kanukinyo itiyaloŋoŋooto aberu na? Naarai keswamaki eoŋ aswam naejok. Naarai apaarasia kere ejaas lukican nepepe kayes, konye eoŋ mam kija kayes apaarasia kere. Naarai kanu abukokinia akuanaka akinyet ŋin, eswama kwaŋin tetere itemokini eoŋ aidaio. Abeit katemari yes atiar, Neelimonokinio Akiro nu Nukajokak kotoma akwapin kere, ŋin naeswama aberu na elimorio akiitunitor ŋes.” Kapak kaŋin kolot ediopet kalutomon kaarei, ekekiror Yuda Isikariot, mama ejaas isasedotin lupeti, kotema kes atiar, “Kiinakinete eoŋ inyo arai kejaik ŋes mamakus?” Kotacakis ŋes atutubeta akaisauni nuka epuesa. Ameun kapak kaŋin komoote apak naejok aijaikinia ŋes. Kapaaran nasodit naka imugatin lumam itubuunitoi, kopotu ikesisiak mama ejai Yesu, kotemasi atiar, “Ikoto ketemokis lali konyamak lukaleleŋ?” Kotema atiar, “Kolot ore mama ejai mutan, kolimokis ŋes ebe, ‘Ebala Ekesisianakinan ebe, aapu akapak; etodolikini Aleleŋ orekon nepepe kikakesisiak.’ ” Kiswamata ikesisiak kwape kicorakinia Yesu, kitemokis lukaleleŋ. Nakimukoki akwap, kiboikin ainyam nepepe kikesisiak lutomon kaarei; napenyamete, kotema atiar, “Abeit katemari yes atiar, ediopet kayes kabilakini eoŋ ebotet.” Kitururwoto noi, kogeut aiŋitanar ŋes ediopet ediopet ebe, “Ŋes ca nat eoŋ ya, Ejakait?” Koboŋok ebe, “Ŋol lokicunyi keoŋ atibo, ŋes kabilakini ebotet. Elosi Okoku loka etuŋanan kwape kiwadikatere kanukeŋ, konye itukwi etuŋanan ŋol loebilakini Okoku loka etuŋanan ebotet! Tiejok kama ketuŋanan kaŋol arai mam kewuruunitai.” Koboŋok Yuda lokebilakinit ŋes ebotet kotema atiar, “Ŋes ca nat eoŋ ya, Rabi?” Kotema atiar, “Ijo ibala.” Napenyamete, kolem Yesu emugati, kisirereŋ, kobilibil, koinak ikesisiak, kobala ebe, “Kolemutu, konyamata; lo ŋes akakuan.” Kolem akoli da, kedau aimal, koinak kes, kobala ebe, “Komata yesi kere lo: naarai nu kes akaokot nuka aitutuket, nuebukoros kanuka ikepuak alemar aronisio, Katemari yes atiar, Mam amasi bobo cut nuka araito na naka emusabibu kiton apaaran ya naamasia nukitetiak nepepe kayes kotoma ajakanut naka Papaka.” Nakedauniata ayoore ekosio, kolomasi koloto Moru loka Iseitunin, Kosodi Yesu kotema kes atiar, “Iguikinos yesi kere kakuar kana kanukaŋ; naarai iwadikatai ebe, ‘Ebuŋai rwaru ekecokon, isiarakinos amerekekin nukosipan.’ Konye kadau ajarun, keŋarenikinete yes alosit Galilaya.” Koboŋok Petero kotema ŋes atiar, “Karaida kiguikinos kere kanukon, konye eoŋ mam keguikini cut.” Kotema Yesu ŋes atiar, “Abeit katemari jo atiar, akuar na, eriŋa ekokoro keruikino, kiŋeri eoŋ irwan auni.” Kotema Petero atiar, “Karaida kebusakinit atwanare kajo, mam kaŋeri jo cut.” Kinerata ikesisiak kere da kwape kwaŋin. Kosodi kodolok Yesu nepepe kakes aibois naenyaritai Getesemane, kotema ikekesisiak atiar, “Kiboikinos ber ne, kekunya ŋina ailip.” Koyaŋa Petero ka odwe iarei luka Sebedayo, kogeu aiturur ka aburun. Kosodi kotema kes atiar, “Itururwei ekatau noi, aapiar atwanare; kosalata yesi ne, kokwenya nepepe keoŋ.” Kikunyak nediokasilon, kibiror ebuburia, kilip ebe, “Wu Papaka, arai epedoros, kenac akoli na; konye mere nuakoto eoŋ, dimarai kwape ikotor ijo.” Kobu mama ejaas ikesisiak, kodum kes ejotoete; kotema ŋesi Petero atiar, “Aso ca mam ipedorete aikweny nepepe keoŋ esawa ediopet? Kokwenya, kilipa kinyeis alomar toma acodunio; ekoto bo emoyo, konye ekalanyana akuan.” Koboŋo bobo nakiareit kilip ebe, “Papaka, arai mam epedori akoli na ainac komam eoŋ amasi, kiswamai do nuikoto ijo.” Kobu bobo kodum kes ejotoete, naarai eluranaros ajo. Kinye kes bobo, kolot kilip nakiwuniet, inera bobo akiro kwapekwa. Kosodi kobu mama ejaas ikesisiak, kotema kes atiar, “Iroko kereka ijotoete, iyeŋito? Koany aapu esawa, einakinio Okoku loka etuŋanan akanin nuka ikadiakanarak. Konyoutu, kaloto; koany, eapie lokabilaki ebotet.” Napinera ŋesi kobu Yuda, ediopet kotomon kaluarei, koupas kekodet loepol lokejaas ikileŋa, ka ibelai, epote kama ejaas isasedotin lupeti ka imakio luka ituŋa, Koinakinite lokebilakini ŋes ebotet kes aanyunet ebe, “Loanui eoŋ ŋes ŋol; kikamutu ŋes.” Atipet kolot mama ejai Yesu, kotema atiar, “Yoga, Rabi!” Konu noi, Kotema Yesu ŋes atiar, “Opapero, kiswama nukiyaunito.” Kosodete kikunyakis koriosi akecekanin kikamut Yesu, Ido koany, ediopet kaŋul kalukejaas kaYesu korio akekan, kout ekekileŋ, kinom ebulesit loka losasedoti lopeti, kojepa akekit. Kosodi Yesu kotema ŋes atiar, “Kinyakak ekileŋikon aiboisike; naarai kere luekapito ikileŋa, emudiari ekileŋ. Arai iwomitos ebe mam apedori aiŋaiŋa Papaka, kejukak kwape kwana irioŋeta luedeparito itomon ka luarei luka imalaikan? Aso edolete biai nukiwadikatai ebe ibusakinit ŋun ajaun?” Kosawa kaŋol kotema Yesu ikodeta atiar, “Ilomutu teni yesi kikileŋa ka ibelai aikamun eoŋ, bala ekaŋatan? Ŋinipaaran eboonokin kotoma oyekalu esisianakini, komam kikamunete eoŋ, Konye ajaut nu kere tetere edolete nukiwadikato inabin.” Kosodete kojalakis ŋes ikesisiak kere, kokerata. Lukikamunete Yesu koyaŋaasi mama ejai Kaiapa losasedoti lopeti, neketukonokina ikewadikak ka imakio. Kotupa Petero kama elwana, kiton alaro naka losasedoti lopeti, koloma toma, kiboikin nepepe ka ikedarak aanyun nuebeikinete. Aso komoata isasedotin lupeti ka aurianet kere ikajenak lukeŋalak aluikin Yesu tetere earete, mam edumuna, karaida ketakanut ikajenak luipu lukeŋalak, Konye kokau kotakanut iarei, kobalas ebe, “Abala ŋol ebe, apedori aiket eyekalu loka Edeke, ka adukokin apaarasia auni.” Kosodi kobwo losasedoti lopeti kotema atiar, “Mam ca bo iboŋokini akirot? Anyoika ŋun nuetejenut ŋul aluikin jo?” Konye kililiŋ Yesu. Kotema losasedoti lopeti ŋes atiar, “Kesiyapoi jo mama ejai Edeke lokajaran, kolimokinai cani sio arai irai ijo Kristo, Okoku loka Edeke.” Kotema Yesu ŋes atiar, “Ijo ibala, Konye katemari yes atiar, Amear kwana ianyunete Okoku loka etuŋanan iboie kakan nakoteten naka Apedor, ebuni kotoma odouon luka akuj.” Kosodi kocil losasedoti lopeti ikenapen, kobala ebe, “Ainyanaki, Anyoika bobo kipudar ikajenak? Koany, iirasi kwana akeinyanakin, Iwomitos anu?” Koboŋokis ebe, “Ibusakinit atwanare.” Kosodete kimwaanakis aimul akonyeneke, kodipidipoto ŋes; ice da kibapanasi, kobalas ebe, “Ijo Kristo, kodwarak iŋai! Iŋai bo kibuŋa?” Kiboie Petero kokiŋa kotoma alaro: kobu apese mama ejai kobala ebe, “Ijai nan ijo da nepepe kaYesu Egalilayat.” Konye koŋer kakonyen nuka ituŋa kere, kobala ebe, “Mam ajeni nuinera ijo.” Konye nakelomunia okek, koany acepese ŋes, kotema ŋesi lukejaas nen atiar, “Ajai lo da nepepe ka Yesu Enasarayot.” Koŋer bobo kaiyapo ebe, “Mam ajeni etuŋanan ŋol.” Nediokasilon kopotu lukebwoete kanen, kotemasi Petero atiar, “Abeit irai ijo lokec, naarai itejenunit ekoniiner.” Kosodi kogeu eilam ka aiyapo ebe, “Mam eoŋ ajeni etuŋanan ŋol.” Atipet koruik ekokor. Kiitu Petero akirot nakelimokini Yesu ŋes ebe, “Eriŋa ekokor keruikino, kiŋeri eoŋ irwan auni.” Koloma kiŋa komonyi noi akiyo. Napekiwala akwap, kinerut isasedotin lupeti ka imakio kere luka ituŋa asurokin Yesu aiar; koenata ŋes, koyaŋaasi, kijaikis Pilato lokerai ekayaiton. Kosodi Yuda lokebilakini ŋes ebotet, keanyu ebe adaun atubokin aitelekar, kiitok, kinyakak isasedotin lupeti ka imakio atutubeta akaisauni nuka epuesa, kobala ebe, “Abu kadiak, abilakin ebotet aokot numam akirot.” Konye kotemasi kesi atiar, “Anu nat kamakosi? Nukon bo ŋun.” Kocakak atutubeta kwa nuka epuesa aibois nakalaunan, konyou; kolot komiedakin. Kolemasi isasedotin lupeti atutubeta nuka epuesa, kobalas ebe, “Mam ibus aibwaikin kes aiŋadis, naarai eraas etiai loka aokot.” Kinerut, kogweluniata emanikor loka ekajean, aidaanakin nen ikalotok. Kanuka ŋun ŋes enyaritere emanikor ŋol, Emanikor loka Aokot, kiton lolo, Kosodi kitodolikinoi akirot nakinerit Yeremia enabi ebe, “Apotu kolemasi atutubeta akaisauni nuka epuesa, etiai loka ŋol kalokitirianitai, lokitirianete ice kodwe luka Isirael: kogweliata emanikor loka ekajean kwape kicorakinia Ejakait.” Kobwo Yesu kakonyen nuka ekayaiton; kiŋit ekayaiton ŋes ebe, “Irai kereka ijo ekabaka loka Iyudayan?” Kotema Yesu atiar, “Ijo ibala.” Nakiwosaata ŋes isasedotin lupeti ka imakio mam eboŋokino akirot. Kosodi kotema Pilato ŋes atiar, “Mam kereka jo ipupi nuetia nen nuiwosaete kesi?” Mam ŋes eboŋokino, karaida amodiokirot: koumok noi ekayaiton. Ketapit ekayaiton kopucit aosianakin ekodet eenat ediopet lokekotonokinos, Kejaas keenat loajenikina kapak kaŋin, lokenyaritai Baraba. Naketukokinotor, kotema Pilato kes atiar, “Ikotosi kaosikis yes iŋai? Baraba arai bo Yesu loenyaritai Kristo?” Naarai ajeni ŋesi ebe ainakis kanuka ekolo. Nakiboikinor oicoloŋ loka aitub, kiyakik akeberu ŋes, kotema atiar, “Sirikiswamak ekadoliton ŋol adiokirot; naarai keticani nuipu kairujasit kakuar kana kanukeŋ.” Kosodete kisidikoto isasedotin lupeti ka imakio ikodeta tetere ilipete Baraba, ka amudiar Yesu. Konye Koboŋok ekayaiton kotema kes atiar, “Ikotosi kaosikis yes iŋai ka luarei?” Kobalas ebe, “Baraba,” Kotema Pilato kes atiar, “Aso do ekonakini ai Yesu loenyaritai Kristo?” Kobalas kere ebe, “Kibubukinoi.” Kobala ebe, “Kanukinyo? Naanyoin aronis nakiswamai?” Konye kiyatakisi kesi aiworo noi ebe, “Kibubukinoi,” Kosodi keanyu Pilato ebe mam nuepedori, konye iyata ecelet, kolem akipi, kilot akekanin kakonyen nuka ekodet, kobala ebe, “Emamei eoŋ akirot kotoma aokot nuka etuŋanan kalo loedolit: nukus bo ŋun.” Koboŋokis ituŋa kere ebe, “Kobeikisi akeokot sio, ka ikosidwe da.” Kosodi koosik kes Baraba: konye kedau aida Yesu, koinak tetere ibubukinio, Kosodete iserikalei luka ekayaiton koyaŋaasi Yesu toma opuraitorion, kotukonokin erioŋet kere mama ejai, Kolacasi ikenapen, kitanapa anapito nakareŋan, Kojeata aboko naka ikukwa, kitanapikis akouke, ka agada da kakanike nakoteten; kokukonokinos kakonyeneke, kokienatar, kobalas ebe, “Yoga, ijo Ekabaka loka Iyudayan!” Kimwaanakis aimul, kodemasi agada ŋin kinomonomiata akouke. Kosodete kedautu akienar ŋes, kolacasi anapito ŋin, kitanapa ikenapen, koyaŋaasi aibubukin. Napenyounete kore, kodumut etuŋanan Ekurenayot, ekekiror Simon: kitiŋaikis ŋol airioŋ emusalaba loka Yesu. Nakedolioto aibois naenyaritai Gologota, apolouke ebe, Aibois naka Abelekek naka Akou, koinakis aimat ebino loinyalakinitai epiu: kedau akiir, koŋer aimat. Kedautu aibubukin, kokorokorata akenapito, kailamilam eroet. Kiboikinos kidarata ŋes kaŋina. Kikaiakis kuju kakouke nueosatai ŋes nuewadikatai ebe, LO ŊES YESU EKABAKA LOKA IYUDAYAN. Kapak kaŋin kibubukinoi ikaŋatak iarei nepepe kaŋes, ediopet kakanike nakoteten, ka ediopet da kakanike nakokediany, Lukitorito nen koinyanakinete ŋes, kimuŋumuŋete da akecekwes, kobalas ebe, “Ijo lokaketan eyekalu, ka aiduk da kotoma apaarasia auni, kitajarun cani: arai irai ijo Okoku loka Edeke, kodoku komusalaba.” Kikote nen da isasedotin lupeti kokienatar ŋes, nepepe ka ikewadikak ka imakio, kobalas ebe, “Etajar ice; mam epedori aitajarun bon. Erai ŋesi Ekabaka loka Isirael; kodoku kwana komusalaba, kiyuuni do ŋes. Emunokina Edeke; mere cani kitajar ŋes kwana, arai ekoto ŋes; naarai abu kinera ebe, ‘Arai eoŋ Okoku loka Edeke.’ ” Ikaŋatak kwi da lukibubukinitoi nepepe kaŋes, korutonokis ŋes akiro kwapekwa. Ameun kosawa lokikanyetekape kojau amuton akwap kere kiton osawa Iokikanyetekaoŋon. Bala esawa Iokikanyetekaoŋon kodelo Yesu keporoto loepol, kobala ebe, “Eli, eli, lama sabakatani?” apolouke ebe, “Ekadeke, Ekadeke, kanukinyo kijalakinia eoŋ?” Ice kaŋul kalukebwoete kanen, kiirasi, kobalas ebe, “Enyarit ŋol Eliya.” Atipet koker ediopet kakesi, kolem acago, kileleb ebino loedwar ria, kibwaik toma agada, kitamat ŋes, Kobalas ice ebe, “Kinyek; kaanyutu arai cani ebuni Eliya aitajar ŋes.” Kodelo Yesu bobo keporoto loepol, kojal ekemoyo. Ido koany, kocila aigalisit naka eyekalu kaarei, ameun kokuju kiton kwap; komaran akwap; kobwaŋabwaŋas amor; koŋaanaros atesin; kitonyounoi awat nuipu nuka lukalaunak kalukolo keiotooros; kedau Yesu ajarun kolomut katesin, kolomasi ore lokalaunan, kitakanikinos luipu. Nakeanyuniata ekapolokiton ka ŋul da lukejaas kaŋes idarete Yesu, amaran naka akwap, ka akiro da nukiswamas, kokuriakaros noi, kobalas ebe, “Abeit kerai teni ŋol Okoku loka Edeke.” Kojaas da aŋor nuipu ŋina, nukesesenete kama elwanikina, nuketupito Yesu anyoun koGalilaya, ijaanakinete ŋes; kotomakec kejai Mariam Magadalene, ka Mariam toto naka Yakob ka Yosep, ka toto naka odwe luka Sebedayo. Kosodi napekitiboŋ, kobu ekabaran loka Arimataya, ekekiror Yosep, ŋes da elopet kerai ekesisian loka Yesu. Kolot ŋol mama ejai Pilato kilip akuan naka Yesu. Kosodi kicorak Pilato ŋes ainakinio. Kolem Yosep akuan, konunukik toma obaputa Ioelai, kibwaik toma atesike nakitetet, nakebokit ŋesi atiida; kikokorik amoru naepol agolokinio ekek loka ates, kolot. Kejaas nen Mariam Magadalene ka Mariam ace, iboiete kotereikina ates, Apaaran naatupakini, ŋes atemar ebe, akaulo kapaaran naka Aitemonokin, kotukokinos isasedotin lupeti ka Iparisayon mama ejai Pilato, kobalas ebe, “Ejakait, kiitunit isio ebe abala lem ekeŋalan ŋol naarokor ejari ebe, ‘Akaulo kapaarasia auni ajaruni.’ Kanuka ŋun kicorak kidarai ates kojokan aitodol apaaran nakiwuniet, kinyeis ikekesisiak alosit akokwar ŋes, kosodete alimonokin ituŋa ebe, ‘Ajaru kotoma okatwak’ itelekari do aiŋal nakokau ya nasodit.” Kotema Pilato kes atiar, “Ejaas yes iserikalei lukedarak; koloto, kidarata kojokan kwape ipedoriata.” Koloto do kidarata ates kojokan, kipucakis amoru ka aibwaikin da iserikalei lukedarak. Akaulo kasabato, napecila kide kapaaran nasodit nakasabato, koloto Mariam Magadalene ka Mariam ace aanyun ates. Ido koany, kejai amaran naka akwap; naarai kodok emalaika loka Ejakait kokuju, kobu kikokoro amoru awai, kiboikin kujuke. Kotakanu bala eimilia, ikenapen da kiliacanito kiac. Komaranata ikedarak kanuka akurianar ŋes, kosubata bala lukatwak, Koboŋok emalaika kotema aŋor atiar, “Sirikikuriakaros yesi; naarai ajeni ebe imootos Yesu lokibubukinitoi. Emamei kane; naarai ajaru, kwape eneritor. Kopotu koanyut aibois naeperikinitoi. Koloto yesi da atipet, kolimokis ikekesisiak ebe, ‘Ajaru kotoma okatwak’; ido koany, kiŋarenikini yes alosit Galilaya; ianyikinete ŋes ŋina; koany kadau alimokin yes.” Konyout atipet kates kakurian ka aiyalama naepol, kokerata alimokin ikekesisiak. Ido koany, kiriamakin Yesu kakes, kobala ebe, “Yoga!” Kikunyakis kitiŋata akekejen komaata ŋes, Kosodi Yesu kotema kes ariar, “Sirikikuriakaros; koloto kolimokis ikainacan koloto Galilaya, ŋina kaanyikinete.” Napelosete, koany, kolomasi ice kokedarak ore, kolimokis isasedotin lupeti akiro nukedoikinete, Kotukokinos nepepe kimakio kinerut, koinakis iserikalei arupiyan nuipu, kobalas ebe, “Kinerata yesi ebe, ‘Apotu ikekesisiak kopotu kuare, kokokwasi ŋes kiiotoi isio.’ Arai kiirar akirot na kama ekayaiton, kimaimai isio ŋes, kinyeis yes aiticanio.” Kolemasi arupiyan kiswamata kwape kisisianakinitere; kisiarakin akirot na toma oYudayan kiton lolo. Konye kolot ikesisiak itomon ka lodiopet Galilaya, oroŋat lokicorakinit kes Yesu, Nakeanyuniata ŋes, komaata; konye kobuonokinos ice kakesi. Kobu Yesu neejaas kinera kakes, kotema atiar, “Kainakin eoŋ apedor kere kokuju kakwapin da. Aso kolot kituluosi lukatekerin kere ikesisiak, kibatisaete kes kokiror loka Papa, ka loka Okoku, ka loka Emoyo Lokalaunan; kisisianakinete kes aricit akiro kere nukecorakinit yes; ido koany, ajai eoŋ nenipe kayes apaarasia kere, kiton awasia naka ikar kere,” Ageunet naka Akiro Nukajokak nuka Yesu Kristo, Okoku loka Edeke. Kwape kiwadikatere toma Isaia enabi ebe: “Koany, ejukari ekakiyakia kakonyenekon, Loitemonokini ekonirot; Eporoto loka yenikiworoi kamodiŋ ebe, ‘Kitemonokis erot loka Ejakait, Kitetenata ikesokono.’ ” Kotakanu Yokana Lokebatisan elimonokini kamodiŋ aibatisa naka aitoronikin kanuka alemar adiakanareta. Kolosenenete lukakwap kere naka Yudaya ka luko Yerusalem da kere mama ejai; kibatisai kes kocor Yorodan, kolimonorete akecediakanareta. Konapenenei Yokana ajul nuka akaal, ka amuny naka emukule kaŋabeteke, konyamenenei da emaase ka esik loka ais. Kolimonokini, kobala ebe, “Ebunit kokaukaŋ loketelekarit eoŋ kagogoŋ, lomam eoŋ kebusakinit akukum alacun amuny naka amukake. Kebatisat eoŋ yes kakip; konye ŋes kibatisai yes kEmoyo Lokalaunan.” Kosodi kanen kapaarasia kaŋun, kobu Yesu koNasaret loko Galilaya, abu Yokana kibatisa ŋes koYorodan. Atipet napedokuni kakipi, koany akuj ecilil, kodoku Emoyo mamakeŋ kwape ajele. Kobu eporoto kotoma akuj kobala ebe, “Irai ijo Okokuka lominat, Kalelakinit jo noi.” Atipet kireŋea Emoyo ŋes toma amodiŋ, Kojau toma amodiŋ apaarasia akaisaoŋon, ecoduni Satan ŋes; kojaas nenipe kitiaŋ luka ais, kijaanakinete ŋes imalaikan. Kedau Yokana aikamario, kobu Yesu Galilaya, elimonokini Akiro Nukajokak nuka Edeke, kobala ebe, “Adol apak, aapu da ajakanut naka Edeke. Kitoronikinos, kiyuut Akiro Nukajokak.” Nakitoritor ariri kaŋolol naka Galilaya, koany Simon ka Anderea onaceke ecakakinete eboi aŋolol; naarai keraas ikalokak. Kotema Yesu kes atiar, “Kotupunai, ketuluori yes ikalokak ituŋa,” Atipet kinyeis iboyanakec, kotupasi ŋes, Kiyatak alosit nediokasilon, koany Yakob okoku loka Sebedayo ka Yokana onaceke, lukejaas toma ataker erucete iboyan. Atipet konyarau kes; kinyekis papakec Sebedayo kataker nenipe kikewoteok, kotupasi ŋes. Kolomasi Kaparanaum; atipet apaaran nakasabato koloma toma atukos kisisianak. Koumokis noi ituŋa akeisisianakin, naarai kisisianakini kwape elopet apolou, kwabo mere kwape ikewadikak. Atipet kojai toma atukosikec etuŋanan lokejai emoyo loerono. Kiworo, kobala ebe, “Anyoika sio ka jo, Yesu loko Nasaret? Ibu kereka amudiar sio? Kajeni jo kwape iraar, Lokalaunan loka Edeke.” Kiretak Yesu ŋes ebe, “Kobuta, kolom kamakeŋ!” Kitamaran ŋes emoyo lokaronon, kodelo keporoto loepol, kolom kamakeŋ. Koumokis kere, kiŋitanaros kobalas ebe, “Anyoika bo nu? Itet ca ma aisisianakin na! Naarai icorakini kapedor imoyon lueroko da, erimasi ŋes!” Atipet kisiarakin ekeemut aiboisio kere anatar atutubeta kere nuirimorito nuko Galilaya. Napekelomuniata katukos, kolomasi togo loka Simon ka Anderea, nepepe ka Yakob ka Yokana. Keperi kanen amuran naka Simon edeka ekamidi, atipet kolimokis Yesu akekiro. Kikunyak kitiŋ akekan, kitonyou ŋes. Atipet koŋaleu ekamidi, kijaanak kes, Nakitiboŋ, keloma akoloŋ, koinut ŋes kere lukedekas ka lukajokin. Kotukokinos lukore kere orute, Kitaŋaleu luipu lukejaas adekesia nuegelegela, kireŋea da ajokin nuipu; mam kecamakinit ajokin einer, naarai kejenete ŋes. Tupuruc sek eriŋa emutono, konyou ŋesi koloma kolot aibois naesil, kilip kaŋina. Kibwapito ŋes Simon ka ikepaup. Nakedumuniata kotemasi ŋes atiar, “Kimooto jo ituŋa kere.” Kotema kes atiar, “Kaloto nenice, oreria lueapiete, tetere alimonokini ŋina da; naarai ŋin abunitor eoŋ.” Kolot ilokidai Galilaya kere, elimonokini katukosiakec ka aireŋeanar da aiokin. Kobu lokatapon mamake, kiŋaiŋa, kokukokin, kotema atiar, “Arai ikoto, ipedori aiswagar eoŋ.” Konyunyura, korio akekan, kotiro kotema atiar, “Akoto; kiswagar.” Atipet koŋaleu atapon, kiswagar. Kisiopak Yesu ŋes, kireŋea atipet, kotema ŋes atiar, “Kocoite sirikilimok idiotuŋanan adiokirot. Konye kolot, kitodiar mama ejai esasedoti, koinak nukolo kicorakinit Musa kanuka aiswagariokon, koraut akajenak kamakec.” Konye koloma, kogeu alimonokin noi, ka aitisiarakin akirot, komam bobo Yesu epedori alomar ore kaitebeikin, konye kojai kiŋa toma aiboisio nuemameete ituŋa, Kopotu ituŋa mamakeŋ anyoun kaiboisio kere. Akaulo kapaarasia ace, nakelomaria bobo Kaparanaum, kiirarai ebe ejai ore, Kotukokinos ituŋa luipu, komamei adiopak naesalit karaida kokek; kolimonokini kes akirot, Kopotu koinut ŋes etuŋanan lokasenyan ibwokito ituŋa iwoŋon. Namam kepedoriata aikunyakin ŋes kanuka ekodet, koketasi eswi kama kejai; kedaut apukor, kijesut akapet nakiperikinitoi lokasenyan. Nakeanyunia Yesu akeceiyuun, kotema lokasenyan atiar, “Okokuka, esionii akonidiakanareta.” Ikewadikak ice lukejaas nen iboiete, kopegas kotauonokec ebe, “Kanukinyo inerar ŋol kwaŋin? Einyanakini Edeke. Iŋai bo epedori aisioni adiakanareta, dimarai Edeke bon?” Atipet kojenu Yesu kotauke ebe epegas kwaŋin kotauonokec, kotema kes atiar, “Kanukinyo ipegatatar kwaŋin kotauonokus? Ani bo naepatana, alimokin lokasenyan ebe, ‘Esionii akonidiakanareta,’ arai bo atemar ebe, ‘Konyou, kibwok akonikapet kolot?’ Konye tetere ijenunete ebe ejai Okoku loka etuŋanan apedor kakwap aisioni adiakanareta” kanen kotema lokasenyan atiar, “Katemari jo atiar, konyou, kibwok akonikapet, koboŋo orekon.” Atipet konyou, kibwok akekapet koloma kakonyenekec kere: koumokis kere, kitopoloosi Edeke, kobalas ebe, “Mam lem kianyununei nuikote nen.” Konyou bobo kolot ariri kaŋolol. Kolot ekodet kere mama ejai, kisisianak kes. Nakitoritor, koany Lebi okoku loka Alipayo iboie kaitelemis, kotema atiar, “Kotupunai.” Konyou kotupa ŋes. Kosodi kanen, nakiboio enyami koreke, kiboiete iketelemak esolo luipu ka ikadiakanarak da nepepe ka Yesu ka ikekesisiak; naarai araas luipu. Kotuparito da ikewadikak luka Iparisayon, ido nakeanyuniata ŋes emorete kikadiakanarak ka iketelemak esolo, kiŋita ikekesisiak atiar, “Kanukinyo emoriata ŋesi ka iketelemak esolo ka ikadiakanarak?” Nakiiraria Yesu, kotema kes atiar, “Lukagogoŋok mam ipudas emurwon, dimarai lukadekak. Mam abunit anyarit ikadolitok, dimarai ikadiakanarak.” Aluŋete ikesisiak luka Yokana ka Iparisayon. Kopotu ituŋa mama ejai Yesu, kotemasi ŋes atiar, “Kanukinyo eluŋiata ikesisiak luka Yokana ka ikesisiak luka Iparisayon, konye ikonikesisiak mam eluŋete?” Koboŋok Yesu kes ebe, “Epedorete biai ipapero luka eteran ailuŋ eriŋa eteran ejai kakes? Apak kere naejaatar keteran, mam epedorete ailuŋ, Konye eponito apaarasia nuedemarere eteran; eluŋete do kapaaran kaŋin, Emamei yenedonyokini atutubet naka egoe lokitetet anapito namojoŋ; arai kikonaki nen, atutubet nakitetet ecili ya namojoŋ, iyatakini acilat. Emamei da yenebukokini ebino loitet oriagin lukemukule lumojoŋ; arai kikonaki nen, ecili ebino iriagin, imadiŋikin ebino ka iriagin da; konye ebukonokinio ebino loitet oriagin lukitetiak.” Kosodi kanen, nakitoritor amanat apaaran nakasabato, napelosete kogeut ikekesisiak aijeje aluŋuren nuka akima. Kotemasi Iparisayon atiar, “Koany! Kanukinyo iswamaata numam ibus kapaaran nakasabato?” Kotema kes atiar, “Mam lem isiomito nukiswamai Daudi, nakipudar korieb eteŋei, ŋes ka ikepaup; kwape kelomaria togo loka Edeke apaarasia nukeraar Abiatar esasedoti lopeti, konyam Imugatin luka Aitodikin, lumam ibus ainyam dimarai isasedotin, koinak ikepaup da?” Kotema kes atiar, “Asubio Asabato kanuka etuŋanan, kwabo mere etuŋanan kanuka Asabato. Kwaŋin Okoku loka etuŋanan ŋes Ejakait loka Asabato.” Koloma bobo atukos; kejai nen etuŋanan lokewonit akan. Kiteikinitoi ŋes, aanyun arai itaŋaleuni kapaaran nakasabato, tetere iwosaete ŋes. Kotema ŋesi etuŋanan lokejai akan nakewonit atiar, “Kobwo kokidiŋ.” Kiŋit kes ebe, “Ibus kereka aswam nuejok kapaaran nakasabato, arai bo aswam nueroko, aitajar aijar, arai bo aiar?” Konye kililiŋata, Kosesen kes kanyunyura, kokadak kanuka aninik naka ikecetauon, kolimok etuŋanan ebe, “Korio akonikan.” Korio ŋesi akekan, koŋaleu, Kolomasi Iparisayon, kinerutu atipet kaluKerodian asurokin ŋes, ka epone loemudiariata ŋes. Kosodi kogitar Yesu nepepe kikekesisiak, kolot aŋolol, kotupa ekodet loapol lokebuni koGalilaya; koYudaya da, ko Yerusalem ka Idumea, ka okekwa Yorodan, ka ariino da nuka Turo ka Sidon, ekodet loapol, lokiirarit akiro kere nukiswamat, kobu mamakeŋ. Kolimok ikekesisiak aitemokinit ataker aidaret ŋes, kanuka ekodet, kinyeis aridakin ŋes; naarai kitaŋaleunit luipu, tape da kere Iukiticanete adekesia ebelaros atiror ŋes, Nakeanyuniata ŋes imoyon lueroko, kibiroros kakonyeneke, kiworoto kobalas ebe, “Irai ijo Okoku loka Edeke.” Kicorenenei kes jokan kinyeis aitejenun ŋes. Kodoka oroŋat, konyarau lukipuda elopet; kopotu mamakeŋ. Koseu itomon kaluarei ajaenena kaŋes, ido aiyakienen alimonokin; koiaas da kapedor aireŋear ajokin. Koseu lutomon kaluarei lu: Simon, komaik ekekiror Petero; ka Yakob okoku loka Sebedayo, ka Yokana onaceke (komaik kes ekiror Boanerege, apolouke ebe, Idwe luka airetun); ka Anderea, ka Pilipo, ka Batolomayo, ka Matayo, ka Tomas, ka Yakob okoku loka Alupayo, ka Tadayo, ka Simon Ekanaanit ka Yuda Isikariot, ŋes lokebilakini ebotet. Koboŋo ore. Kotukokin bobo ekodet, komam epedorete ainyam idisinyamat. Nakiirariata lukeŋ, kolomasi aikamun ŋes, naarai kobalas ebe, “Amunaar.” Kobalas ikewadikak lukijesunos koYerusalem ebe, “Ejai Beelesebul, ido ireŋeari ajokin kanuka ekapolon loka ajokin.” Konyarau kes kolimok kawaragasia ebe, “Epedori biai Satan aireŋear Satan? Ajakanut arai etiakatiakaun bon, mam epedori ajakanut ŋin aicasit. Arai da etogo etiakatiakaun bon, mam epedori etogo ŋol aicasit. Aso arai enyoikino Satan bon, etiakatiakaun da, mam epedori aicasit; konye enaŋete nuke nen, Konye emamei loepedori alomar togo loka ekagogoŋon, ka aiŋat ikeboro, arai mam ber eenit ekagogoŋon ŋol; ŋes konyet eŋasia eketogo, “Abeit katemari yes atiar, Isionio adiakanareta kere nuka ituŋa, ka ainyanakineta da kere nueinyanakinete; konye yeneinyanakini Emoyo Lokalaunan mam isionio cut; konye egwaunete akiro nukadiakar naka ikar kere.” Naarai apotu kobalas ebe, “Ejai emoyo loerono.” Kopotu do totoke ka ikeinacan; kobwaata kokiŋa, kiyakikis akirot anyaraunia ŋes, Kiboie ekodet elukunit ŋes; kobalas ŋes ebe, “Koany, totokon ka ikoniinacan ejaas kiŋa, kimootos jo.” Koboŋok kes kotema atiar, “Iŋai bo totoka ka ikainacan?” Kirere ŋul lueboiete elukunito ŋes, kotema atiar, “Koany, totoka, ka ikainacan! Naarai ituŋanan kere yeniswamai nuekoto Edeke, ŋin ŋes onaceka, ka inacika, ka totoka da.” Kogeu bobo aisisianakin kariri kaŋolol. Kotukokin ekodet loapol noi mama ejai, kanuka ŋun kodoka ŋesi ataker kiboikin aŋolol; koiai ekodet kere neeonit kariri kaŋolol. Kisisianak akiro nuipu kotoma awaragasia, kolimok kes kotoma aisisianakinike ebe, “Kiirasi! Koany, abu ekayean koloma aiye. Kosodi kanen napeyei, kodooto ikinyom ice ariri korot, kopotu akweny, konyama. Kodooto ice aŋaŋam, nekikidioko alup; atipet kobwaŋutu, naarai kesedeny alup. Nakecaunia akoloŋ konomo; ido naarai kemameete alias, korinyosi. Kodooto ice okukwa; kolibut ikukwa koridakis, mam apotu koraata araito. Kodooto ice alup nuejok, koraata araito, kopolooros, kiyatakinos; koraata akaisauni, ka akaisakanykape, kiton akwatat da.” Kotema atiar, “Yenejaas aki nuka akiirar, kiira.” Kosodi nakejaar bon, apotu ituŋa lukelukunito ŋes ka ikesisiak itomon kaluarei kiŋita ŋes akiro nuka awaragasia. Kotema kes atiar, “Kiinakinitai yes ajenun aiyeiyea naka ajakanut naka Edeke; konye mama ejaas kwi luejaas kiŋa eraas kere awaragasia: tetere aanyun eanyunete komam emisiikinete; akiirar da iirarete komam ejenunete; kinyeis aibelokin ka aisionio.” Kotema kes atiar, “Mam kereka yes ijenete awaragan na? Aso ijenunete biai awaragasia kere? Eyei ekayean akirot. Ŋul lukariri kerot kama keyeikinio akirot kes lu; kedaut akiirar, atipet ebuni Satan, elemari akirot nakeyeikinio otauonokec. Ikote nen da lukeyeikinio aŋaŋam, kedaut akiirar akirot, atipet ecamunete kaiyalama. Kwabo emameete alias kotomakec, konye etitiŋikinete nediokasilon; kosodete naeponikiniata aiticaneta ka areio kanuka akirot, atipet iguikinos. Ice kes lukeyeikinio okukwa; kes lukiirarete akirot, kosodi aiyaloŋoŋ naka akwapin, ka aiŋal naka abar, ka eraŋa loka acekiro elomarete, eridakinete akirot, mam erai. Ka ŋul da lukeyeikinio alup nuejok kes lukiirarete akirot, kocamut, koraata araito, akaisauni, ka akaisakanykape kiton akwatat da.” Kotema kes atiar, “Eyaŋaunio kereka atala aibwaikin obukit, arai bo kwap keitada? Mam kereka ibwaikinio kuju ocoget? Naarai emamei akirot naibwaitai, dimarai kito aitakanunio; kwabo emamei akirot naimunonitai, dimarai kito aikujunio. Arai ejaas ituŋanan aki nuka akiirar, kiira.” Kotema kes atiar, “Kocoito nuipupete. Aitemis naitemioto yesi, ŋipeŋin kitemere yes, kiyatakinio da. Naarai yenejai ibore einakinio ice; konye yenemamei ibore, edemunio ŋin da yenejaas kaŋes.” Kotema atiar, “Ikoni ne ajakanut naka Edeke bala etuŋanan lokeyei ikinyom alup; kojotoor, ka anyoun, kuare ka paaran; kobwaŋutu ikinyom kopolooros, komam ŋes ejeŋi kwape kikonakinere. Eraete alup kanukec, egeuni akiot, kosodi aluŋuret, kosodi konyet akima nuekokito. Konye kekoko araito, atipet ijukari ecilikiki, naarai adol aidweny.” Kotema atiar, “Kitupusi kinyo ajakanut naka Edeke, arai ketetemo kawaragan anyoin? Eputos ka ecokat loka ekaradali, loeyeikinio toma alup, karaida kedit aitelekarit ikinyom kere luka akwapin; konye nakeyeikin, epoloor, eraun lokapolon aitelekarit idiasio kere, kijany atenieik nuepolok, tape edukete akweny nuka apak akaisikec otolimike.” Kolimok kes akirot kawaragasia nuipu nuekote nen, kwape kepedoriata akiirar. Kwabo mam abu kolimok kes emamei awaragan: konye kitebeik ikekesisiak akiro kere kaiyeiyea. Kapaaran kaŋin, nakitiboŋ, kotema kes atiar, “Kekwaŋaros okekwa juwai.” Kinyeis ekodet, koyaŋaasi ŋes nepepe kakes kwape kejaar, kotoma ataker. Koupasi atakerin ace da. Kokut ekwam loededeŋ, Koretonokinos akailan ataker, aitodol neapiatar akipi ailelebun ataker, Konye kejai ŋesi elopet okori kataker, ejotoi kaicolonit. Kitwekenyut ŋes kotemasi atiar, “Ekesisianakinan, mam jo ipodo kimudiari oni?” Kokweny ŋesi, kiretak ekwam, kolimok aŋolol ebe, “Kililiŋ! Kinapakin!” Kopala ekwam, kojaun aiyamakin naepol. Kotema kes atiar, “Kanukinyo ikuriakarotor? Eroko ca ma yes iyuuna?” Kolomak kes aiyoŋ naepol, kotemanaros atiar, “Iŋai bo lo, naarai ekwam ka aŋolol da erimasi ŋes?” Kodolot okekwa kaŋolol, akwap naka Igerasenin. Nakedokunia kataker, atipet kiriamunos ketuŋanan lokemoyo loerono, lokebuni katesin, Kiboienenei ŋol katesin. Komamei ituŋanan yenepedori aien ŋes bobo, karaida kirikoi; naarai keenenenoo irwan ipu kiloin ka irikoi, koŋedeŋedei irikoi, kobilibil da aeneta; komamei ituŋanan kere yenikejaas kagogoŋ aitapatan ŋes, Apaarasia kere, apaaran ka akuar, kojaenena atesin ka oroŋan, iworoi, ka atubutubo kamor. Nakeanyunia Yesu kama elwana, koker koma ŋes. Kiworo keporoto loepol, kobala ebe, “Anyoika eoŋ ka jo, Yesu, Okoku loka Edeke Loejai kuju kakuj? Kesiyapoi kalimite Edeke, sirikiitican eoŋ.” Naarai abu Yesu kotema ŋes atiar, “Ijo emoyo loirono, kolom kotuŋanan!” Kiŋit Yesu ŋes ebe, “Ekonikiror iŋai?” Koboŋok ebe, “Ekakiror erai Ajore; naarai kipu isio.” Kiŋaiŋa noi ebe kinyek aireŋear kakwap kaŋin. Kanen koroŋat kojai esipan loapol loka ipegei edakasi. Kiŋaiŋaata ŋes imoyon ebe, “Kijukarai toma opegei, kalomakisi kes.” Kocamak kes. Kolomut imoyon lueroko kolomasi toma opegei: komotar esipan kere neijululuei kiton aŋolol, emwaasi bala ilukumin iarei; kotwakikis aŋolol. Kokerata ikecokok, kisiarakis akiro ore, kokialon da. Kolomut ituŋa aanyun nuadoikis. Koloto mama ejai Yesu, koanyut lolem ajaas ajokin iboie, enapit igoen, kejokiar adam, ŋopeŋol lokejai lem ajore ŋin; kokuriakaros. Ŋul da luapotu koanyut kolimokis kes nuadoikis lolem ajaas ajokin, ka nuka ipegei da. Kogeut aiŋaiŋa Yesu anyoun koikorunokec. Nakedokaria ataker, kiŋaiŋa lolem ajaas ajokin aupar kaŋes. Konye koŋer Yesu, kotema ŋes atiar, “Kolot orekon mama ejaas lukobukus, kolimonok akiro nukapolok nuetia nen nukiswamak Ejakait, ido kwape kitimio jo.” Kolot, kogeu alimonokin kotoma Dekapoli akiro nukapolok nuetia nen nukiswamakinit Yesu ŋes; koumokis ituŋa kere. Nakedaunia Yesu aikwaŋar bobo aboŋor kataker okekwa, kotukokin ekodet loapol mamakeŋ; kojai ŋesi kariri kaŋolol. Kobu ekayaiton ediopet loka atukos, ekekiror Yairo; nakeanyunia Yesu, kibirokin akejeneke, kiŋaiŋa noi, kotema atiar, “Ikapese eapikinit airidakin, keŋaiŋait kobu kidokok ŋes akonikanin, tetere itaŋaleuni ŋes, kojar da.” Kolot nepepe kaŋes. Kotupa ekodet loapol, koridakis ŋes. Kojai aberu nakedeka alele nakaokot ikar itomon kaluarei; nakiticanitoi noi kakanin nuka imurwok luipu, nakitatacio kere lukejaatar, komam eŋaleuni, konye do kinyikokinite adek. Nakiiraria akiro nuka Yesu, kitor okodet kikuny kokauke, kotiro akenapito. Naarai abu kotema atiar, “Arai katiro anapitoke bon ketaŋaleunio.” Atipet koonik alele naka akeokot; kojen kakuanake ebe aŋaleu ican ŋul. Atipet kojen Yesu ebe aloma apedor kamake, kibelokin kotoma okodet, kotema atiar, “Iŋai bo atiro anapitoka?” Kotemasi ikekesisiak atiar, “Iany ekodet kiiridak, ibala ebe, ‘Iŋai bo katiro?’” Kirere Yesu aanyun iŋai kiswamat ŋin, Konye kokurianar aberu komaran, kojen nukiswamakinio kobu kibirokin akonyeneke, kolimok abeit kere. Kotema ŋes atiar, “Akokuka, kitaŋaleu jo akonikiyuun; kolot inapakina, koŋaleu icanikon.” Napinera ŋun, kopotu lukepote kore loka ekayaiton loka atukos, kobalas ebe, “Atwana akokukon, Kanukinyo itaaria bobo Ekesisianakinan?” Konye nakiiraria Yesu akirot ŋin nainerai, kolimok ekayaiton loka atukos ebe, “Sirikikurianar, kiyuu aiyuun.” Mam abu kisunup icetuŋanan atupar ŋes dimarai Petero ka Yakob ka Yokana onaceke. Kodoloto togo loka ekayaiton loka atukos, koany ecelet, ka ituŋa emonyete kibwololoete noi. Nakelomaria, kotema kes atiar, “Kanukinyo icelatar komonyete? Mam ikoku etwanit, konye ejotoi.” Kokienatar ŋes. Konye nakedaunia aireŋear kes kere kiŋa, koyaŋa papa loka ikoku ka totoke, ka ŋul da lukejaas kaŋes, koloma nekejai ikoku. Kitiŋ akan naka ikoku kotema atiar, “Talita kumai”; apolouke ebe, “Ipese katemari jo atiar, konyou.” Atipet konyou ipese kosakasak; naarai kerai yenika ikar itomon kaluarei. Atipet koumokis kaumokin naepol. Kicor jokan kinye ituŋanan ajenun akiro ŋun, kicorak kes ainakin ŋes inyamat. Konyou kanen kobu akwapukec. Kotupasi ikekesisiak. Apaaran nakasabato kogeu aisisianakin kotoma atukos. Nakiirariata luipu koumokis, kotemasi atiar, “Kedumuni lo ŋun kai? Anyoin acoa naeinakinitai ŋes? Anyoika nukapedor nuetia nen nuiswamai kakaninike? Mere lo ekekeon, okoku loka Mariam, onace loka Yakob ka Yose ka Yuda ka Simon, akeinacan da emameete kane kamawok?” Kiguikis kanukeŋ. Kotema Yesu kes atiar, “Enabi mam emwaŋio dimarai akwapuke, kaneejaas ipajenake, ka lukotogoke.” Mam abu kopedo aswam nakapedor adio da kaŋina, dimarai aidokokin lukadekak idis akekanin kitaŋaleu kes. Koumok kanuka amamus aiyuunikec. Kimaniman ireria kere isisianakini. Konyarau lutomon kaarei, kogeu aiyakiar kes iareiarei. Koinak kes apedor kama kimoyon kalueroko; kicorak kes kinyeis ayaŋaar idiobore yenikerot, dimarai ebela bon; mam karaida inyamat, karaida ecoe, karaida apesan kamunyinikec; konye konapito amuk; ido sirinapenenete ikason iarei. Kotema kes atiar, “Ŋolitogo loilomanarete, kosalenenete nen aitodol nainyounioto kore kaŋol. Kaŋiniibois kere namam kisukunyikinere yes, karaida akiirar, nainyounioto kanen, kilakilakenenete adae nuejaas akejenekus araut akajenak kamakec.” Koloto kesi kolimonokis ituŋa aitoronikin. Kireŋeanasi ajokin nuipu, kinyonyoanakis lukadekak luipu akinyet, kitaŋaleut. Kopup ekabaka Kerode ŋun; naarai aruo ekiror loka Yesu. Abakai ebe, “Ajaru Yokana Lokebatisan kotoma okatwak, kanuka ŋun iswamaete nukapedor kotomakeŋ.” Konye kobalas ice ebe, “Erai Eliya.” Ice da ebe, “Erai enabi, kwape ediopet kotoma onabin.” Konye nakiiraria Kerode, kotema atiar, “Yokana, lokajepari eoŋ akekou, ajaru ŋol.” Naarai abu Kerode elopet kijuka kikam Yokana, koenik aidaris kanuka Kerodia, aberu naka Pilipo onaceke; naarai amanyit ŋes, kosodi Yokana alimokin Kerode ebe, “Mam ibus jo ajaut kaberu naka onacekon.” Kwaŋin kolil Kerodia, kokoto aiar ŋes; mam epedoro; naarai keyoŋit Kerode Yokana, kojen ebe erai etuŋanan loedolit, lokalaunan, koricite ŋes. Nakiiraria kobuonokin noi; kiiranari ŋes kaiyalama. Kosodi kodolok apak naajok nakipoikinio Kerode ijakake, ka ikapolokitok lukapolok, ka ituŋa lukapolok luko Galilaya epucit kanuka apaaran naka aurioke, Kanen kolom akoku naka Kerodia kikosi, kisiyalamik Kerode ka lukejaas kaŋes opucit. Kolimok ekabaka apese ebe, “Kilipai eoŋ ibore kere yenikoto, kainakini jo.” Kiyapoik ŋes ebe, “Ŋinibore kere yenilipi, kainakini jo, kiton atutubet naka ajakanutuka.” Koloma ŋin kiŋit totoke ebe, “Elipi inyo?” Kotema atiar, “Akou naka Yokana Lokebatisan.” Atipet kisunya alomun mama ejai ekabaka, kilip ebe, “Akoto koinak kwape kwana akou naka Yokana Lokebatisan katuba.” Kokadak ekabaka noi; konye kanuka akeiyapo, kanuka ŋul da lukejaas opucit, mam abu kokoto aimik ŋes. Atipet kiyakia ekabaka eserikalet, kicorak ayaun akouke. Kolot koiepu akouke kaidaris. Koyau akouke katuba, koinak apese; apese da koinak totoke. Nakiirariata ikekesisiak akiro, koloto koyaŋaasi akekuan, kidaikis ates. Kotukonokinos ikiyakia mama ejai Yesu; kolimokis ŋes akiro kere nueswamata ka nuesisianakis. Kotema kes atiar, “Kogitunos yesi bonik aibois naesil, kibworasi nediokasilon.” Naarai kejaas ituŋa luipu eponenenete koboŋonorete, komam adiopak da naka ainyam. Koloto toma ataker kogitaros aibois naesil. Koanyutu ituŋa kes elosete, kojenata luipu, kokerata ŋina kakejen anyoun koreria kere, koliŋakis adolore. Nakedokunia kataker koany ekodet loapol, kitim kes, naarai kesubito bala amerekekin nuemamei ekecokon: kogeu aisisianakin kes akiro nuipu. Ketubor akwap, kopotu ikekesisiak mamakeŋ, kotemasi atiar, “Aibois na erai amodiŋ, atubor da akwap, Kotwar kes, tetere elosete amanat koreria da luirimorito, kogwelata lunyaman.” Konye Koboŋok kotema kes atiar, “Koinakis yesi kes lunyaman.” Kotemasi atiar, “Kilosi ca kagwelata imugatin luka adenarin akwat aarei tetere kiinakini kes konyama?” Kotema kes atiar, “Ejaas yes imugatin imwaasi ai? Koloto koanyut.” Nakedauniata ajenun kotemasi atiar, “Ikany ka agaria aarei.” Kicorak aisiboikin ituŋa kere katukon toma anya numel. Kiboikinos katukon, ice akwatat ka ice akaisakany. Kolem imugatin lukany ka agaria aarei, kosesen akuj, kisirereŋ, kobilibil imugatin; koinak ikekesisiak akorokor. Kokoranak agaria aarei mamakec kere. Konyamata kere kimonikinos. Kotukonokinai atutubeta nuabilibila nuelelebete idita itomon kaluarei, ka atutubeta nuka agaria da. Lukenyamete emwaasi ikiliok ilukumin ikany. Atipet kitiŋaik ikekesisiak adokar ataker, aiŋarenikin ŋes adokar okekwa Betesaida, apak naatwaria ŋesi ekodet. Kedau aitwar kes, kolot oroŋat ailip. Kimukok, kojai ataker kidiŋ aŋolol, kojai ŋesi da bon oitela. Koany kes itaaritos aikwaŋ, naarai kemeunit ekwam koiŋaren, kedol akwenyunet nakiwoŋonet naka akuar, kobu mama ejaas kicakacakai aŋolol; kokoto adepar kes, Konye nakeanyuniata ŋes icakacakai aŋolol, keomitos ebe erai etoil, kilalaata: naarai apotu kere koanyut, kokuriakaros. Atipet kinera kakes, kotema atiar, “Kotitiŋioros! Eoŋ lo. Sirikikuriakaros.” Kodoka ataker nekejaas kesi; kiyamakin ekwam. Koumokis noi kotauonokec; naarai mam apotu kojenutu nuka imugatin, konye keninik ikecetauon. Nakedauniata aikwaŋar, kodolo akwap naka Genesaret, koenata ataker oitolima. Nakedokuniata, atipet kojenut ituŋa ŋes. Kokerata kirimosi akwap ŋin kere, kogeut ayaŋanar lukadekak kakapekec, alosit ŋiniibois nakepupunete ebe ejai ŋesi, Ido kama kelomanari kere, oreria, ka oreria da lukapolok, arai amanat, kiperionokis lukadekak agwelanareta, kiŋaiŋaata atiror atwele naka anapitoke. Luketironorete kere kitaŋaleunoi. Kotukokinos Iparisayon ka ice kokewadikak lukepote ko Yerusalem mamakeŋ, koanyutu ice kokesisiakake enyamete inyamat kakanin numam elaete, ŋes atemar ebe numam ilotaritai. (Naarai mam Iparisayon ka Iyudayan kere enyamete dimikito ilosito noi akecekanin, kiketakina kopone loka imakio. Bobo da keboŋut kagwelanaret, arai mam itesegaaros, mam enyamete: ejaas da akiro ace nuipu, nukeinakinitai kes aiketakinit, kwape aitesegar akolin, ka amoti, ka iboro da luka aisinin.) Kiŋita Iparisayon ka ikewadikak ŋes ebe, “Kanukinyo emam ikonikesisiak elosioto kwape ejaar epone loka imakio, konye enyamete inyamat kakanin numam elaete?” Kotema kes atiar, “Abu Isaia kodwar kojokan akirokus yes lukesoswai, kwape kiwadikatere ebe, ‘Ketopoloorito ituŋa lu kaitukekec, Konye elwaka ikecetauon kamakaŋ, Konye kamaete eoŋ atitai, Isisianakinete aicorakineta nuka ituŋa bala aisisianakinikec.’ Inyeinete yesi aicorakinet naka Edeke, iketakina koinono loka ituŋa.” Kotema kes atiar, “Iŋerete jokan aicorakinet naka Edeke, tetere iricito einonokus. Naarai abala Musa ebe, ‘Koyoŋitenene papakon ka totokon’; ido ebe, ‘Yenemoromoroi papa arai toto, koarai’. Konye yes ibalas ebe, ‘Arai ketema ituŋanan papake arai totoke atiar, Nutikainak jo aiŋarakinia erai Koroban’, ŋes atemar ebe Einakinitai Edeke; mam bobo icamakinete ŋes aswam imodiobore kere kanuka papake arai totoke. Itapalaunete akirot naka Edeke kanuka einonokus loikopete: ido iswamaete akiro nuipu nuikote nen.” Konyarau bobo ekodet kere kotema atiar, “Kiirasi yesi kere, kojenutu da. Emamei ibore yenejai kiŋa ketuŋanan, keloma tomakeŋ yenepedori amunaar ŋes, Konye nuelomunete kotoma otuŋanan kes ŋun nuemunaarete ŋes. [ Yenejaas aki nuka akiirar, kiira.]” Nakelomaria togo kinyek ekodet, kiŋita ikekesisiak akiro nuka awaragan ŋin. Kotema kes atiar, “Kiton yes da emamei ajenun? Mam ijenete ebe, ŋinibore yenejai kiŋa ketuŋanan, keloma tomakeŋ, mam epedori amunaar ŋes? Naarai mam elomari otau dimarai akoik bon, kanen ikiŋaario.” Kanuka ener kwaŋin, abu kitalau inyamat kere. Kotema atiar, “Nuelomunete kotuŋanan, kes emunaunete ituŋanan. Naarai toma otauon luka ituŋa elomunete aomisio nukaronok; adoteu, akokolanut, earit, aelonut, airaŋaanut, ameŋeranut, aiŋal, abenyanut, akoŋu naerono, asabanakin, aiwoŋonut, abaŋaanut: elomunete akiro nu kere nueroko kotoma, kes da emunaarete ituŋanan,” Konyou kanen, kolot oikorun luka Turo ka Sidon. Koloma togo, komam ekot ituŋanan ajenun: konye mam abu kopedo aiŋop, Konye atipet kobu aberu, nakejai ikepese emoyo loerono, naabu kiira akiroke, kibirokin akejeke. Kerai aberu ŋin da Ayonanit, aketeker Suropoenike, kiŋaiŋa ŋes aireŋear ajokit kama kikepese, Kotema Yesu atiar, “Kinyek ber idwe kimonikinos: naarai mam ejok alemun inyamat luka idwe acakakin iŋokwo.” Konye Koboŋok kotema atiar, “Eebo, Ejakait: konye iŋokwo da luejaas kwap kemesa enyamete ararasia nuka idwe.” Kotema ŋes atiar, “Kanuka akirot kaŋin kolot; anyou ajokit kapesekon.” Kolot aberu orekec, kodum ikoku iperikinitoi oitada kedau ajokit anyoun. Konyou Yesu bobo katutubeta nuka Turo, kitor kidiŋ Sidon kolot kiton aŋolol naka Galilaya, itorit atutubeta nuka Dekapoli. Koinunai ekimiŋ loiŋejiŋeja; kiŋaiŋaata ŋes aidokokin akekan, Kogita ŋes bon awai kama ejai ekodet, kibwaik ikebokor akike, kimuik aimul kotiro akeŋajep; kosesen akuj, kiyeŋak, kotema ŋes atiar, “Epata,” apolouke ebe, “Kopukor.” Kopukoros akike, kolacar aŋajepeke, kiner kotenan. Kikwenya kes sirikelimokis idiotuŋanan; konye kwape kiyatanakinia aikwenyar, kwape kwaŋin eyatanakiniata aitisiarikin akiro. Koumokis noi adepar, kobalas ebe, “Eswama akiro kere ejok, Isipedori ikimiŋiok akiirar, ka lumam ineras da einer.” Kapaarasia kaŋun, nakejaar bobo atukot naapol, kemameete kes inyamat, konyarau ikesisiak, kolimok kes ebe, “Etim ekodet, naarai adaut apaarasia auni iboiete keoŋ, kwabo emameete kes inyamat, Arai katwara kes alosit oreriakec eriebi eteŋei, iiloros korot; ice kakesi eponito kama elwana.” Koboŋokis ikekesisiak ebe, “Okwe, epedori biai ituŋanan aisimonikin ituŋa lu kimugatin kane kamodiŋ?” Kiŋit kes ebe, “Ejaas yes imugatin imwaasi ai?” Kobalas ebe, “Ikanykaarei.” Kicorak ekodet aiboikin kwap; kolem imugatin lukanykaarei, kimala, kobilibil, koinak ikekesisiak akoranakin, kokoranakis kesi da ekodet. Kejaas da agaria nuikidioko. Kisirereŋ kes, kolimok kokoranakis ŋun da. Konyama, kimonikinos; kotukonokis atutubeta nuabilibila nukesalete, ibukito ikanykaarei. Keraas ituŋa bala ilukumin iwoŋon. Kotwar kes. Atipet kodoka ataker nepepe kikekesisiak, kolot atutubeta nuka Dalamanuta. Kopotu Iparisayon mamakeŋ, kogeutu epeget kaŋes. Kokotos aanyunet naebuni kokuju, kokodokodata ŋes. Koom etau, kokadak komoyokeŋ, kotema atiar, “Kanukinyo emootor atur na aanyunet? Abeit katemari yes atiar, Mam cut atur na einakinio aanyunet.” Kinye kes kodoka bobo ataker, kolot okekwa juwai. Kimurwokis kes ayaŋaar imugatin; dimarai kejai emugati ediopet bon kakes toma ataker, Kicor kes kobala ebe, “Kokwenya, kocoito aitubuunet naka Iparisayon, ka aitubuunet da naka Kerode.” Kiŋitanakinos bonik naarai amameete imugatin. Konye kojen Yesu kotema kes atiar, “Kanukinyo iŋitanakinotor, naarai emameete yes imugatin? Eriŋa ber emisiikina, karaida ajenun? Eninik ca ma ikusitauon? Ijaas kakonyen, mam ca ianyunete; ijaas kaki da, mam ca ipupunete? Mam kereka iitunito? Naabilibilia imugatin ikany kanuka ituŋa ilukumin ikany, ipotu kotukonokis iditai imwaasi ai lueleleba atutubeta nuabilibila?” Kolimokis ŋes ebe, “Itomon kaluarei.” Ebe da, “Ka lukanykaarei kanuka ilukumin iwoŋon, ipotu kotukonokis ibukito imwaasi ai lueleleba atutubeta nuabilibila?” Kolimokis ŋes ebe, “Ikanykaarei.” Kotema kes atiar, “Eriŋa ca yes ejenuna?” Kodoloto Betesaida. Koinunai emuduki, kiŋaiŋaata atiror ŋes. Kitiŋ akan naka emuduki, kitoloma kiŋa naka ere; kosodi kedau aimuikin akonyeke, ka aidokokin akekanin, kiŋit ŋes ebe, “Ianyuni ibore?” Kosesen kuju kotema atiar, “Aanyuni ituŋa; konye esubito bala ikito elosete.” Kanen kidokok bobo akekanin akonyeke; kosesen kotenan, koŋaleu, koany iboro kere ejok. Kotwar ŋes alosit oreke, kobala ebe, “Sirikiloma ber ore lo.” Konyou Yesu nepepe kikekesisiak, koloto oreria luka Kaisarea Pilipi, Korot kiŋit ikekesisiak kotema atiar, “Ebalas ituŋa ebe arai eoŋ iŋai?” Kolimokis ŋes ebe, “Yokana Lokebatisan; ice ebe ‘Eliya’; ka ice da ebe, ‘Ediopet konabin.’ ” Kiŋit kes ebe, “Ido bo yes kibalas ebe arai eoŋ iŋai?” Koboŋok Petero kotema atiar, “Irai ijo Kristo.” Kicor kes kinyeis alimokin idiotuŋanan akiroke. Kogeu aisisianakin kes ebe, ibusakinit Okoku loka etuŋanan aiticanio nuipu, egirete da imakio ka isasedotin lupeti ka ikewadikak, ka aiar, kapaaran da nakiwuniet ejaruni, Kinera ŋun aitebeunun. Koyaŋa Petero ŋes, kogeu aitoron, Konye kibelokin kosesen ikekesisiak, kitoron Petero, kotema atiar, “Koboŋo kaukaŋ, Satan; naarai mam iwomit aomisio nuka Edeke konye nuka ituŋa.” Konyarau ekodet nepepe kikekesisiak, kotema kes atiar, “Arai ekoto ituŋanan aitup eoŋ, koŋerokin ilopet, korioŋ ekemusalaba, katup eoŋ. Naarai ŋin yenekoto aitajar akeijar etwaniari; konye ŋin yenetwaniari akeijar kanukaŋ, kanuka akiro nukajokak da, itajari ŋes. Naarai ajokis anyoin arai kedumu ituŋanan akwapin kere, kitwatania akeijar? Naarai etacakini ituŋanan inyo alakunia akeijar? Naarai yenirumete ileic kanukaŋ kanuka akakiro da kotoma atur na naadote nakadiakanaran, irumete ileic Okoku loka etuŋanan da kanukeŋ, naebunio rwaru kaibuses naka Papake nepepe kimalaikan lukalaunak.” Kotema kes atiar, “Abeit katemari yes atiar, ejaas ituŋa kaŋul kaluebwoete kane lumam iirete cut atwanare, aitodol neaanyuniata ajakanut naka Edeke abu kapedor.” Akaulo naka apaarasia akanykape koyaŋa Yesu Petero ka Yakob ka Yokana, kogitaros bonik, kitodoka ŋesi kes oroŋat loeoja; kituluor kakonyenekec, kimilias ikenapen, kokwanut kiac, kopone lomam epedori ekelotan loka akwap aitwakaŋuunia. Kitakanikinos Eliya ka Musa, inerasi ka Yesu. Koboŋok Petero kotema Yesu atiar, “Ekesisianakinan, ejok oni ajaut ne; ikoto keswamata iswamin iuni, ediopet lokon, ediopet loka Musa, ka ediopet da loka Eliya.” Naarai mam kejeni nukinera, naarai apotu kokuriakata noi. Kobu edou kiteribo kes, kolom epororo kotoma odou ebe, “Lo ŋes Okokuka lominat; kiirasi ŋes.” Atipet koŋoleŋoleoto, mam bobo eanyuna idiotuŋanan nepepe kakes dimarai Yesu bon. Napedokunete koroŋat, kicor kes kinyeis alimokin idiotuŋanan kere nuaanyut, aitodol naejarunia Okoku loka etuŋanan kotoma okatwak, Koricito akirot, kiŋitanaros bonik ebe ajarun kotoma okatwak ikoni bo ai? Kiŋita ŋes, kotemasi atiar, “Kanukinyo ineratar ikewadikak ebe ibusakinit ber Eliya aige abunore?” Kotema kes atiar, “Abeit ebunit ber Eliya aiteteun akiro kere; ido iwadikatai bo biai nuka Okoku loka etuŋanan, ebe iticanio nuipu ka amwaŋio da? Konye katemari yes atiar, Adau Eliya abunore, kiswamakis ŋes kere nuakotos, kwape Iwadikatere nukeŋ.” Nakedolioto mama ejaas ikesisiak, koanyut ekodet loapol elukunit, ka ikewadikak lukepegas kakes. Atipet nakeanyuniata ŋes lukokodet kere, koumokis noi, kokerata mama ejai kiyogata ŋes. Kiŋit kes ebe, “Nunyoika nuipegas kakes?” Koboŋok ediopet kotoma okodet ebe, “Ekesisianakinan, ayaŋaunit ikakoku mamakon, ejai ajokit naabaŋ; ido naikamunia kere, ibirokini kwap: ekui ekuetete, iriamanakin ikel, idekererar; elip ikonikesisiak aireŋear ŋes; mam epedoro.” Koboŋok kes kotema atiar, “Wu okwe yes atur namam iyuunit, etodoli eoŋ ai ajaut kayes? Etodoli ai da atitiŋikinit yes? Koinunai.” Koyaut ŋes mamakeŋ; atipet nakeanyunia kisiilio ajokit; kibirokin kwap, kibelibel koku ekuetete. Kiŋit Yesu papake ebe, “Apak anyoin adau ŋesi ikoni nen?” Kotema atiar, “Ameuni keiditeu. Ecakanakini irwanipu toma akim, toma akipi da, tetere emudiari: konye arai ipedori akirot kere, kitimoi sio, kiŋarak.” Kotema Yesu ŋes atiar, “Arai ipedori! Epedorio kere kama ejai yeniyuunit.” Atipet kiworo papa loka ikoku kotema atiar, “Eyuunit; kiŋarak amamus aiyuunika.” Nakeanyunia Yesu ebe akeru ekodet mama ejai, kiretak ajokit naerono, kotema atiar, “Ijo ajokit naabaŋ naakimiŋ, kecorakinit jo ebe kolom kaneejai ŋesi, ido sirikiboŋok bobo.” Komony, kitamaran jokan, kolom do: kosubite ikoku bala atwana; kotemasi luipu ebe, “Atwana.” Konye Yesu kitiŋ akekan, kitonyou ŋes; kobwo do. Nakelomaria togo, kiŋita ŋes ikekesisiak kaiyeiyea ebe, “Kanukinyo mam sio kipedoria aireŋear ŋes?” Kotema kes atiar, “Mam epedori epone lo aireŋeario kanuka akirot kere dimarai kanuka ailip bon.” Konyoutu kanen kitoroto Galilaya: komam ŋes ekoto ituŋanan ajenun. Naarai kisisianak ikekesisiak, kotema kes atiar, “Elosi Okoku loka etuŋanan ainakinio akanin nuka ituŋa, kes da earete ŋes; kedau aario, akaulo kapaarasia auni ejaruni.” Konye mam kes apotu kojenut akirot ŋin, koyoŋata aiŋit ŋes. Kodoloto Kaparanaum: nakejaar togo kiŋit kes ebe, “Nuunyoika nan ipegas korot?” Konye kililiŋata: naarai kepegas bonik ka bonik korot ebe iŋai bo lokapolon. Kiboikin, konyarau lutomon kaluarei kotema kes atiar, “Arai ekoto ituŋanan araun yenisodit, koraun yenikawasia adepar kere, ido ikejaanakinan yenika luce kere.” Kolem ikoku, kisibwo kokidiŋikec: kotun ŋes, kotema atiar, “Ŋin yenisukunyikini idiopet kodwe kwaka yen kokirorika, kesukunyikinit eoŋ; ŋin da yenikesukunyikini eoŋ, mam kesukunyikinit eoŋ, dimarai je lokejukuni.” Kotema Yokana ŋes atiar, “Ekesisianakinan, kipou kaanyutu etuŋanan ireŋeari ajokin kokirorikon lomam kiupa kaoni: kesimika ŋes, naarai mam kiupa kaoni.” Konye kotema Yesu atiar, “Sirikisimika: naarai emamei ituŋanan yeniswamai nakapedor kokirorika, yenepedori atipet amoromor eoŋ. Naarai yenimam kitusurupit oni, erai yenikowaiwok, Naarai ŋin yenikitamasi yes akoli naka akipi, naarai kimaikinitai luka Kristo, abeit katemari yes atiar, Mam cut etwaniari ainak ineteke. “Ido yenidupori idiopet ka ludidik kalu kalukeyuunito, tiejok aenikin akukuse naepol omurisiŋike, ka acakakin aŋolol, Arai kidupori jo akonikan, kojepa; ejok jo alomar aijar koŋwalite itia ajaut kak anin aarei alosit ogeena, neejai akim namam eduŋei. [ Nemam etwania ekurutukec, karaida akim mam eduŋei.] Arai kidupori jo akonikeju, kojepa; ejok jo alomar aijar icedo, itia ajaut kakeje aarei acakakinio ogeena. [ Nemam etwania ekurutukec, karaida akim mam eduŋei.] Arai kidupori jo akonikoŋu, kogoro: ejok jo alomar ajakanut naka Edeke idoponyony, itia ajaut kakonyen aarei acakakinio ogeena; nemam etwania ekurutukec, karaida akim mam eduŋei. Naarai ibwaikinio ŋinituŋanan akim kwape ibwaikinere abalaŋ, Ejok abalaŋ; konye arai kepianiar, itemokinio kinyo? Kojaas kabalaŋ tomakus, kojaas kainapakin bonik ka bonik.” Konyou kaŋina, kolot oikorun luko Yudaya okekwa Yorodan: kotukokinos bobo ikodeta mamakeŋ; kisisianak kes bobo kwape atapitor. Kopotu Iparisayon mamakeŋ, kiŋita ŋes ebe, “Ibus kereka etuŋanan aitwar akeberu?” Kokodut ŋes. Koboŋok kotema kes atiar, “Anyoika kicorakinit Musa?” Kotemasi atiar, “Abu Musa kocam aiwadik ebalua loka alacakin, ka aitwar.” Konye kotema Yesu kes atiar, “Kanuka aninik naka ikusitauon abu ŋesi kiwadik aicorakinet ŋin kanukus. Konye ameun kageunet naka asubunio, ‘Abu kosub yenikiliokit ka yeniberu.’ Kanuka akirot kaŋin ŋes inyeinia etuŋanan papake ka totoke, kirotakinos kakeberu; eraunete ŋul luarei adiopetekuan: mam bobo eraas iarei dimarai adiopetekuan. Kwaŋin luadau Edeke airotakin, kinyek ituŋanan aitiak.” Kiŋita bobo ikekesisiak akirot ŋin naajaar togo. Kotema kes atiar, “Ŋolituŋanan loetwari akeberu komany ace, adotear, adiaka kama ejai aberuke. Ŋin da arai inyeini okilenike, kodukok ece, adotear.” Koinunai idwe ludidik da tetere etirori kes; kitorona ikekesisiak ŋul lukeyaunete kes. Konye nakeanyunia Yesu kokadak noi, kotema kes atiar, “Kocamutu idwe ludidik abunore mama ajai, sirikisimika kes; naarai lueputos kalu ajakanut naka Edeke erai nakee. Abeit katemari yes atiar, Ŋin yenimam iyuuni ajakanut naka Edeke kwape ikoku yenididi, mam cut elomari toma.” Kotun kes, kidokok akekanin, kisirereŋ da. Napenyouni ŋesi alosit orot, kokeru etuŋanan; kokukokin ŋes, kiŋit ebe, “Ekesisianakinan lokajokan, keswama anyoika tetere erumi aijar naka ikar kere?” Kotema Yesu ŋes atiar, “Kanukinyo kinyaraaa eoŋ lokajokan? Emamei yenikajokan dimarai ediopet, ŋes Edeke. Ijeni aicorakineta ebe, Siriari, Siridote, Sirikokoi, Sirisabanakinenei, Sirirodi, Koyoŋitenenei papakon ka totokon.” Kotema ŋes atiar, “Ekesisianakinan, aricit ŋun kere ameun keiditeuka.” Kosesen Yesu ŋes komina, kotema atiar, “Kiwolik adiopekirot: kolot, kogwela luijaatar kere, kokoranak lukican, ijaunete moolo kabar kotoma akuj: kosodi kobu kotup eoŋ.” Konyorididior ereeteke kanuka akirot kaŋin, kolot itururwei: naarai kejaas iboro luipu. Koŋoleŋole Yesu, kotema ikekesisiak atiar, “Etiono ca ma lukabarak alomar ajakanut naka Edeke!” Koumokis ikekesisiak kanuka akiroke, Konye Koboŋok Yesu bobo, kotema kes atiar, “Idwe, etiono ca ma lukabarak alomar ajakanut naka Edeke! Epatana ekaal aitor apedot naka ekus, itia ekabaran alomar ajakanut naka Edeke.” Koumokis noi jokan, kotemasi ŋes atiar, “Aso iŋai bo do epedori aitajario?” Kosesen kes Yesu kotema atiar, “Mam epedorio kotuŋa, konye mam ikote nen kama ejai Edeke: naarai epedoros kere kama ejai Edeke.” Kogeu Petero alimokin ŋes ebe, “Koany, kipou isio kenyeis kere, katuputu jo.” Kotema Yesu atiar, “Abeit katemari yes atiar, Emamei ituŋanan yeninyeinit etogo, arai iinacan, arai ainacan, arai toto, arai papa, arai idwe, arai amanat, kanukaŋ, kanuka Akiro Nukajokak da, konye edumuni irwan akwatat kwape kwana apak na, itogoi, ka iinacan, ka ainacan, ka nukatoto, ka idwe, ka amanat, nepepe kareio; kosodi moolo toma okar luepote aijar naka ikar kere, Konye luipu lueraas lusodit eraunete lukawasia; ka lukawasia da eraunete lusodit.” Kejaas orot, edokarete alosit Yerusalem; kiŋarenikinit kes Yesu: koumokis; kes da luketupitos kokuriaka. Koyaŋa bobo lutomon kaluarei, kogeu alimonokin kes akiro nuedoikinete ŋes. Kobala ebe, “Koany, kidokari alosit Yerusalem; einakinio Okoku loka etuŋanan akanin nuka isasedotin lupeti ka ikewadikak; etubokinete ŋes atwanare, ijaikinete ŋes mama ejaas Imo, Eboliatar, ka aimuanakin aimul, ka aida, ka aiar da; akaulo kapaarasia auni ejaruni.” Kikunyut Yakob ka Yokana, odwe luka Sebedayo mama ejai, kotemasi atiar, “Ekesisianakinan, kikoto kiswamak sio kere nukilipi jo.” Kotema kes atiar, “Ikotosi keswamakis inyo?” Kotemasi ŋesi atiar, “Kocamakinai sio keboikinos ediopet akanikon nakoteten, ediopet da akanikon nakokediany, kotoma aibusesukon.” Konye kotema Yesu kes atiar, “Mam ijenete nukilipito. Ipedorete tope aimat akoli naamasi eoŋ? Arai aibatisao kaibatis nakebatisatai eoŋ?” Kotemasi ŋes atiar, “Kipedori.” Kotema Yesu kes atiar, “Imasete bo akoli naamasi eoŋ: ido ibatisao kaibatis nakebatisatai eoŋ: konye akiro nuka aiboikin akanika nakoteten arai nakokediany mere nakaŋ aikor: konye einakinio ŋul luitemokinitoi sek.” Kosodete nakepupunioto lutomon kogeut anyunyurikin Yakob ka Yokana. Konyarau Yesu kes kotema atiar, “Ijenete ebe ŋul lueomitai araut ikayaitok luka Imo, eyaete kes kagogoŋ: ejai ikapolokokec apedor kamakec. Konye mam ikote nen kamakus: konye ituŋanan yenekoto araut yenikapolon kamakus, korau ikusikejaanakinan; ŋin da yenekoto araut yenisodit kamakus, korau ibulesit yenika ituŋa kere, Naarai Okoku loka etuŋanan da mam abu kobu aijaanakinio, dimarai aijaanakin, ka ainakin da akeijar alakunia luipu.” Kodoloto Yeriko: napelosi anyoun ko Yeriko, nepepe kikekesisiak ka ekodet loapol, abu okoku loka Timayo, Batimayo, emuduki ekelipiton, kiboie kariri kerot, Nakiiraria ebe erai ŋol Yesu loko Nasaret, kogeu aiworo, kobala ebe, “Yesu, ijo okoku loka Daudi, kitimoi eoŋ.” Kiretakis luipu tetere ililiŋi: konye ŋes kiyatak noi aiworo ebe, “Wu ijo okoku loka Daudi, kitimoi eoŋ.” Kobwou Yesu, kotema atiar, “Konyarautu ŋes,” Konyaraut emuduk, kotemasi atiar, “Kotitiŋior: konyou, kinyarit ŋesi jo.” Kocaka akenapito, kodetun, kobu mama ejai Yesu. Koboŋok Yesu kotema ŋes atiar, “Ikoto keswamak jo inyo?” Kotema emuduk atiar, “Raboni, (Ekesisianakinan,) akoto kakweny.” Kotema Yesu ŋes atiar, “Kolot: kitaŋaleu jo akoniiyuun.” Atipet kokweny, kotupa ŋes korot. Nakeapiariata Yerusalem, die ka Betapage ka Betaniya, moru loka Iseitunin, kijuka iarei kokesisiakake, Kotema kes atiar, “Koloto kiton ore loisesenete: atipet kilomasi idumunete ikoku yenika asigiria eenitai, yenimam lem ibwanenit idiotuŋanan; kolacut, koinut. Arai kitemari yes ituŋanan ebe, ‘Kanukinyo iswamaata kwaŋin?’ ilimokinete ŋes ebe, ‘Ejakait ipuda ŋes, ido inyakuni bobo ne atipet.’” Koloto, kodumut isigiria eenikinitai okek kiŋa orot; kolacut. Kotemasi ice kalukebwoete kanen atiar, “Kanukinyo ilacariata yesi isigiria?” Koboŋokis kes kwape alimokinitor Yesu: kocamakis kes alosit. Koinut Yesu isigiria, kocakanakis ikecenapen; kibwanen ŋesi. Kopetanakis luipu ikecenapen orot; ice da akui nukejepununete kamanat. Kiworoto ituŋa lukiŋarenikinito ka luketupakinito ebe, “Kosana! Isirereŋitoi loebunit kokiror loka Ejakait! Isirereŋitoi ajakanut naebunit, naka papaakosi Daudi! Kosana kuju noi kakuj.” Koloma ŋesi Yerusalem, toma oyekalu; nakedaunia asesen iboro kere, naarai kitiboŋit akwap konyou kolot Betaniya nepepe kalutomon kaluarei. Apaaran naatupakini, nakeponiata ko Betaniya, korieb eteŋei. Kiteluo etini kama elwana eribiribi, kolot aanyun arai diat epedori adumun amodioraito kotomakeŋ; nakedolokinio mam edumuna amodioraito dimarai akui bon; naarai mam kerai apak naka itinin. Koboŋok kotema ŋes atiar, “Sirikenyam ituŋanan araitokon amear lolo kiton ikar kere.” Kopupete ikekesisiak. Kodoloto Yerusalem: koloma toma oyekalu, kogeu aireŋear lukegwelanarete ka lukegwelete kotoma oyekalu, kobuburiana imesan luka ikesiecanarak arupian ka iicoloŋo luka ŋul kalukegwelanarete ajeleik; kwabo mam ecamakina ituŋanan aibwokit ibore kotoma oyekalu. Kisisianak kes, kotema atiar, “Mam kereka iwadikatai ebe, ‘Enyarao ekatogo etogo lokilipet kanuka atekerin kere’? Konye yes ituluosi abua naka ikaŋatak.” Kiirasi isasedotin lupeti ka ikewadikak ŋun, komoata epone loemudiariata; naarai kekuriaka ŋes, naarai keumokinit ekodet kere kanuka akeisisianakin. Nakitiboŋenenaa akwap kolomanarenenei kore. Nakitorioto tupuruc, koanyutu etini ŋol kerinyo ameun kakeje. Kiitu Petero akiroke, kotema atiar, “Rabi, koany, kerinyo etini lokilamakini ijo.” Koboŋok Yesu kotema kes atiar, “Kiyuutu Edeke, Abeit katemari yes atiar, Ŋinituŋanan yenelimokini eroŋat lo ebe, ‘Koukor, kocakakin aŋolol’; komam ebuonokini kotauke, konye kiyuunite ebe nuinera edolete; iswamakinio. Kanuka ŋun katemari yes atiar, Akiro kere nuilipete ka nuiŋaiŋaete kiyuunito ebe kiinakinitai, ido kiswamakinio. Naibwoenenaata ilipete, kisioniete, arai ijaas kakirot kayenice; tetere Papakus loejai toma akuj isioniei akusiibucanar. [ Konye arai mam yes isioniete, Papakus da loejai toma akuj mam isioniei akusiibucanar.]” Kodoloto bobo Yerusalem: ido nakitoritor oyekalu, kopotu isasedotin lupeti ka ikewadikak ka imakio mama ejai; kotemasi ŋes atiar, “Iswamai ijo nu kapolou anyoin? Iŋai da kiinakini jo apolou nakiswamaa nu?” Kotema Yesu kes atiar, “Mere eoŋ da keŋit yes akirot adiopet, yes da koboŋokis eoŋ, ŋes konyet kalimokiniata apolou nakeswamaa nu. Aibatisa naka Yokana kebuni kotoma akuj, arai bo kotuŋa? Koboŋokinoi.” Kiŋitanakinos bonik ka bonik, kobalas ebe, “Arai kiitema ebe, ‘Kebuni kotoma akuj’; etemari ŋesi ebe, ‘Aso kanukinyo mam kiyuuniata ŋes?’ Konye arai kiitema ebe, ‘Kebuni kotuŋa’ kokuriaka ituŋa: naarai aomito ituŋa kere ebe kerai Yokana enabi abeit. Koboŋokis Yesu ebe, ‘Mam kijeni.’ ” Kotema Yesu kes atiar, “Eoŋ da mam kalimokini yes apolou nakeswamaa nu.” Kogeu einer kakes kawaragasia ebe, “Abu etuŋanan kira amana naka emusabibu, kirigak abwas, kobok aipany nacues, koduk aiteis, kititiŋ ikakoriok, kolot akwap ace. Kedol apak kiyakia ebulesit mama ejaas ikakoriok, tetere edumuni araito nuka amana naka emusabibu kama ejaas ikakoriok. Kikamut ŋol, kibuŋata, kotwarata atitai. Kijuka bobo ecebulesit mamakec; kobelebelata, kisuruma ileic, Kijuka ece; koarata ŋes: ka ice da luipu; kibuŋata ice, ice da koarata. Aso kesalit bobo ediopet, okoku lominat: kiyakia ŋol da kawasia, kobala ebe, ‘Eyoŋete okokuka.’ Konye kineranakinos ikakoriok ŋul ebe, ‘Lo ŋes lokeruman; aso kaarata ŋes, koraun airum nawok.’ Kikamut ŋes, koarata, kocakasi kiŋa kamana naka emusabibu. Aso ikonakini ai ejakait loka amana naka emusabibu? Ebuni emudiari ikakoriok ŋul, einakini ice amana naka emusabibu, Mam kereka isiomito nuiwadikatai nu ebe, ‘Amoru nakeŋerete ikadukok, Ŋin ŋes keponi kitaraunai amor nakapolon naka agor: Abuni akirot ŋin kama ejai Ejakait, Erai nakaumokin kakonyenewok’?” Komoata aikamun ŋes; konye kokuriaka ekodet; naarai apotu komisiikis ebe enerakinit kes awaragan ŋin: kinyeis ŋes koloto. Kiyakiasi ice koParisayon ka luKerodian mamakeŋ, tetere elokete ŋes kakiro. Nakedolokis, kotemasi atiar, “Ekesisianakinan, kijeni ebe irai ijo lokabeit, kwabo mam ipodo idiotuŋanan kere: naarai mam iseseni ejautene loka ituŋa, konye isisianakini erot loka Edeke kotoma abeit. Ibus kereka ainakin Kaisar esolo arai bo mam? Kiinakini, arai bo mam kiinakini?” Konye kojen ŋesi ekecesoswai, kotema kes atiar, “Kanukinyo kikoduniata eoŋ? Koinunai adenari, kaany.” Koinut. Kotema kes atiar, “Nakaŋai aput na ka nukiwadikatai?” Kotemasi atiar, “Nuka Kaisar.” Koboŋok Yesu kotema kes atiar, “Kotacakis Kaisar nueraas nuka Kaisar, ka Edeke da nueraas nuka Edeke.” Koumokis noi jokan. Kopotu Isadukayon mamakeŋ, luebalas ebe emamei ajarun; kiŋita ŋes ebe, “Ekesisianakinan, abu Musa kiwadikak sio ebe, Arai ketwana onace ketuŋanan, kinyek akeberu emamei ikoku, eyaŋaari onaceke akeberu, tetere edumakini onaceke aur. Kejaas iinacan ikanykaarei: komany losodit aberu, kotwana komam inyeinit aur; Kirum lokiareit ŋes, kotwana, komam inyeinit aur; ka lokiwuniet da kwape kwaŋin. Kiton lukanykaarei kere komam inyeinito aur. Kokaukec kere kotwana aberu da. Aso kotoma ajarun eraun ŋin aberu nakaŋai kama kaŋul? Naarai kerai aberu naka lukany kaarei kere.” Kotema Yesu kes atiar, “Mere akirot na ŋes ipaanariata yesi? Naarai mam ijenete nukiwadikatai, karaida apedor naka Edeke. Naarai naejaruniata kotoma okatwak, mam emanyete, karaida amanyio: konye eraas bala imalaikan toma akui, Konye nuka lukatwak ebe itajarunio; mam isiomito kotoma oitabo loka Musa kotoma owai loka Ekiot, kwape kelimokinia Edeke ŋes ebe, ‘Arai eoŋ Edeke loka Aburaam, Edeke loka Isaak, ka Edeke loka Yakob da’? Mam ŋes erai Edeke loka lukatwak, dimarai loka lukajarak; ipaarete noi.” Kobu ediopet kokewadikak, kiira kes iŋitanaros, kojenu ebe aboŋoki kotenan, kiŋit ŋes ebe, “Ani aicorakinet nasodit kakere?” Koboŋok Yesu ebe, “Nasodit ŋes na ebe, ‘Kiira wu Isirael; Ejakait Ewokodeke, erai Ejakait ediopet. Komina Ejakait Ekonideke kekonitau kere, ka akoniijar kere, ka akonicoa kere, ka akonigogoŋ kere.’ Nakiareit da ŋes na ebe, ‘Komina ikoniidunyet kwape iminar bon.’ Emamei aicorakinet ace nakapolon aitelekarit nu.” Kotema ekewadikan ŋes atiar, “Abeit, Ekesisianakinan, iner kotenan ebe erai ŋesi ediopet; kwabo emamei ece dimarai ŋes, Amina ŋes ketau kere, ka ajenun kere, ka agogoŋ kere, ka amina ikeidunyet kwape eminar bon, itelekarit noi ainakineta nuicweio kere ka asuban da.” Nakeanyunia Yesu ebe aboŋoki kapirianut, kotema ŋes atiar, “Mam jo ilwana kajakanut naka Edeke.” Akaulo kaŋun amamei bobo yeniketitiŋikinit aiŋit ŋes akirot. Koboŋok Yesu, nakisisianakinia koyekalu, ebe, “Biai bo ebalatatar ikewadikak nuka Kristo ebe erai okoku loka Daudi? Abu Daudi elopet kiner kanuka Emoyo Lokalaunan ebe, ‘Abu Ejakait kotema Ekajakait ebe, Kiboikin akanika nakoteten, Aitodol neebwaikinia lukasurupokon kwap kakejenekon.’ Daudi elopet enyarit ŋes Ejakait; aso keraun bo biai ikekoku?” Kopupokinite ekodet loapol kaiyalama, Kinera kaisisianakinike ebe, “Kocoito ikewadikak, luekotosi alosit konapito inapen lueojak, ka aiyogao kagwelanareta, ka iicoloŋo lukapolou katukosia, ka aiboisio nukapolou kopucin. Luecamete itogoi luka apuserun, luijoseete ebe ilipete nukaojak; edumunete ŋul atubokinio naitelekarit.” Kiboikin koseseni aiŋadis, koany kwape ecakanakinia ekodet apesan toma aiŋadis; luipu keraas ikabarak kocakanakis nuipu. Kobu apuserut nakican kocakak ikapun iarei luerai apesa. Konyarau ikekesisiak, kotema kes atiar, “Abeit katemari yes atiar, acakaki apuserut ŋin nakican luipu adepar kere luecakanakinete aiŋadis, Naarai acakakis ŋul kere kideikina luipu; konye ŋin kotoma ocanike acakaki lukejaatar kere, ŋes aijarake kere.” Nakelomunia koyekalu, abu ediopet kokesisiakake kolimok ŋes ebe, “Ekesisianakinan, koany amoru nu kwape ejaatar, ka aduketa nu da kwape ejaatar!” Kotema Yesu ŋes atiar, “Iany aduketa nu nuepolok? Mam esalakin amoru adiopet kuju kanace, namam etiyakinio.” Nakiboioo kotoma omoru loka Iseitunin atereikina eyekalu, kiŋita ŋes Petero ka Yakob ka Yokana ka Anderea kaiyeiyea ebe, “Kolimokinai, ejaunete bo ŋun wori? Anyoin da aanyunet naka apak naeapuuniata ŋun kere aitodolikinio?” Kogeu Yesu atemar kes atiar, “Kocoito kinyek ituŋanan aitapaar yes. Epote rwaru luipu kokirorika, kobalas ebe, Eoŋ ŋopeŋol; itapaarete kesi luipu. Naiirariata nuka ijiisio ka iemuto luka ijiisio, sirikiyaloŋoŋoto: ibusakinit ŋun ajaun; konye koroko awasia edoluno, Naarai enyoikini ateker asurokin ateker, ka ajakanut da asurokin ajakanut: ejaununete amaraneta nuka akwap kaiboisio nuegelegela; ejaunun da ebel: ŋun ŋes ageunet naka ariebo naka aidoun, “Konye kocoito yesi ikulepek: naarai kiyaŋaarete yes airabisia; kibuŋao katukosia; ibwoete kakonyen nuka ikayaitok ka ikabakan kanukaŋ, araut ikajenak kamakec, Ibusakinit ber Akiro Nukajokak alimonokinio atekerin kere, Nakiyaŋaariata yes aijaikin atubokinio, sirikiliŋa aiyaloŋoŋ nuinerete: konye nukiinakinio kosawa kaŋol kinerata ŋun: naarai mere yes inerasi, dimarai Emoyo Lokalaunan. Ijaikini onac onaceke atwanare, papa da ikekoku; enyoikinete idwe da lukauriakakec, tetere eario. Kiŋarunete yes ituŋa kere kanuka ekakiror: konye yenetitiŋikini kiton awasia, ŋes itajario. Konye naianyuniata etal loemudiari ebwoi nemam ibusakinit (yenesiomi kojenu), ŋes konyet ekeriata ŋul luejaas Yudaya oroŋan, Ituŋanan yenejai kuju togo sirikedoku, karaida alomar ayaŋaar ibore kotogoke. Yenejai mana da sirikeboŋu kau ayaŋaar akenapito. Konye itukwi kes nuepotiete, ka nuitanakete da kapaarasia kaŋun! Kilipata yesi kinyek apak ŋin adolun kiporo. Naarai eraunos apaarasia ŋun nukican, numam peŋo etakanunito ameun kasubio naasubia Edeke kiton kwana, komam bobo ejaunete cut. Kedim Ejakait aiŋoŋar apaarasia timam kitajari akuan kere; konye kanuka luseuna, luabu ŋesi koseu, eŋoŋa apaarasia. Kapak kaŋin arai kitemari yes ituŋanan ebe, ‘Koany, ejai Kristo ne’; arai bo, ‘Koany, ejai laije’; sirikiyuut. Naarai enyounete luKriston lukeŋalak ka inabin lukeŋalak, itodikinete ŋul aanyuneta ka nukaumokin da, tetere itapaarete luseuna, arai epedoros. Konye kocoito yesi kadau aikwenyar yes eroko akiro nu kere epona, “Konye kapaarasia kaŋun akaulo ka ican ŋul, itumutonorio akoloŋ, mam elap ecauni, ibirununos aacerin kotoma akuj, itamaranio da nukapedor nuejaas toma akuj. Kosodi konyet eanyunete Okoku loka etuŋanan ebuni kodouon, kapedor naepol ka aibuses. Kosodi ijukuni imalaikan, etukonokini luseunake anyoun kokwamin iwoŋon, ameun kosaŋe loka akwap kiton osaŋe loka akuj. Aso kisisiautu akewaragan kama ejai etini; kedaut aketenieik alibun, itolomuni akekui, ijenunete ebe eapie apak naka aidweny. Aso yes da, naianyuniata ŋun edolunete, kojenut ebe eapie ŋesi, kokek, Abeit katemari yes atiar, Mam edaun atur na aitodol naejaunotor akiro ŋun kere. Edaunos akuj ka akwapin, konye akakiro mam edaunos cut. “Konye akiro nuka apaaran kaya ka esawa da emamei yenejeni, karaida imalaikan luejaas toma akuj, karaida Okoku, dimikito Papa bon. Kocoito, kokwenyete, kilipete: naarai mam ijenete naejaikinor apak. Eputos bala etuŋanan ekepejon loiboiororoi kacekwap, kinyeinite eketogo, koinakinite ikebulesin apolou, ŋinituŋanan akeswam, kicorakinite da ekagolon aikweny. Aso kokwenyete: naarai mam ijenete naebunio ejakait loka etogo, arai eboŋ, arai kidiŋ ebai, arai naeruikinioto ikokoroi, arai tupuruc; kinyek aŋesun atipet kodum yes ijotoete. Ido nukalimokini yes, alimokini kere, ebe Kokwenyete.” Kosodi esalito apaarasia aarei eroko epucit loka Aleleŋ ka imugatin lumam itubuunitoi kedolo: komoata lusasedotin lupeti ka ikewadikak epone lokikamunet kapirianut, ka aiar ŋes, Naarai kobalas ebe, “Mere toma apak naka epucit, kinye diat ecelet ajaun otuŋa.” Nakejaar ŋesi Betaniya togo loka Simon lokatapon, iboie enyami, kobu aberu nakejai ekube loka akinyet naelai naka etiai loepol naeuru maa: kobwaŋ ekube, kobukok akouke. Konye kojaas ice lukenyunyuras, kotemanaros atiar, “Kanukinyo emadiŋikinor akinyet kopone kaŋol? Naarai tikepedor agwelar akinyet ŋin adenarin akwat auni ka aitedepar da, kokoranakinai lukican.” Kitorona ya. Konye kotema Yesu atiar, “Kinyekisi; kanukinyo itiyaloŋoŋooto ŋes? Keswamak eoŋ aswam naejok. Naarai apaarasia kere ejaas lukican nepepe kayes, ido naikototor ipedorete aiswamakin kes nuejok: konye eoŋ mam kija kayes apaarasia kere. Eswama nuepedorit: ageik ainyonyoikin akakuan akinyet kanuka aidaare. Ido abeit katemari yes atiar, Neelimonokinio Akiro Nukajokak kotoma akwapin kere, ŋin naeswama aberu na elimorio akiitunitor ŋes.” Konyou Yuda Isikariot, lokerai ediopet kotomon kaluarei, kolot mama ejaas isasedotin lupeti, tetere ijaikini ŋes mamakec. Kosodete nakiirariata, kiyalamikinos, kisumunoto ainakin ŋes arupian. Komo apak naejokiar aijaikin ŋes mamakec. Kapaaran nasodit naka imugatin lumam itubuunitoi, naearere lukaleleŋ, kotemasi ikekesisiak ŋes atiar, “Ai bo ikoto kaloto ketemokis konyamak lukaleleŋ?” Kiyakia iarei kokesisiakake kotema kes atiar, “Koloto ore, iriamunos yesi ketuŋanan loibwokit amot naka akipi: kotupasi ŋes. Kere neelomari, kolimokis elopet etogo ebe, ‘Ebala Ekesisianakinan ebe, Ani bo akagola nakipejok, neanyamakini lukaleleŋ nepepe kikakesisiak?’ Kitodikini ŋesi yes agola naepol nakokuiu epesitai itemokino: kitemonokis nen kanuwok.” Konyout ikekesisiak, koloto ore, kodumut kwape kelimokinitor: kitemokis lukaleleŋ. Nakimukoki akwap kobu nepepe kalutomon kaluarei. Napiboiete enyamete, kotema Yesu atiar, “Abeit katemari yes atiar, ediopet kayesi lokimori keoŋ kabilakini nat ebotet.” Kogeut akadakin, kotemanasi ediopet ediopet atiar, “Eoŋ ca nat ya?” Kotema kes atiar, “Ediopet kotomon kaluarei, lokicunyi keoŋ atibo, Naarai elosi Okoku loka etuŋanan kwape kiwadikatere kanukeŋ; konye itukwi, etuŋanan ŋol loebilakini Okoku loka etuŋanan ebotet! Tiejok kama ketuŋanan kaŋol arai mam kewuruunitai.” Napenyamete, kolem emugati, kedau aisirereŋ, kobilibil, koinak kes, kotema atiar, “Kolemutu: lo ŋes akakuan.” Kolem akoli da, kedau aimal, koinak kes; komatata kere, Kotema kes atiar, “Nu kes akaokot nuka aitutuket, nuebukoros kanuka ikepuak. Abeit katemari yes atiar, Mam amasi bobo cut nuka araito naka emusabibu, kiton apaaran ya naamasia nukitetiak kotoma ajakanut naka Edeke.” Nakedauniata ayoore ekosio, koloto moru loka Iseitunin. Kobala Yesu kes ebe, “Iguikinos yesi kere: naarai iwadikatai ebe, ‘Ebuŋai rwaru ekecokon, isiarakinos amerekekin.’ Konye kadau ajarun, keŋarenikinete yes alosit Galilaya.” Konye kotema Petero ŋes atiar, “Karaida kiguikinos kere, konye eoŋ mam.” Kotema Yesu ŋes atiar, “Abeit katemari jo atiar, Lolo akuare na, eriŋa ekokor eruikino irwan aarei, kiŋeri eoŋ irwan auni.” Konye kiyatak ŋesi noi kobala ebe, “Karaida kebusakinit atwanare kajo, mam kaŋeri jo cut.” Luce da kere kinerata kwape kwaŋin, Kodolokis aibois ekekiror Getesemane; kobala ŋesi ikekesisiak ebe, “Kiboikinos ne, kelipi ber eoŋ.” Koyaŋa Petero ka Yakob ka Yokana nepepe kaŋes, kogeu ainoŋanakin noi ka aburun. Kotema kes atiar, “Itururwei noi ekatau aapiar atwanare: kosalata yesi ne, kokwenyete.” Kikunyak nediokasilon, kibiror ebuburia, kilip ebe arai kepedoros kinac esawa ŋol. Kobala ebe, “Aba, Papa, kere epedoros kamakon: kolemarai akoli na: konye mere nuakoto eoŋ, dimarai nuikoto ijo.” Koboŋ, kodum kes ejotoete, kotema ŋesi Petero atiar, “Simon, ijotoi ca ijo? Mam ipedori aikweny esawa ediopet? Kokwenya kilipa, kinyeis alomar acodunio; ekoto bo emoyo, konye ekalanyana akuan.” Kikunya bobo, kilip, kinera akiro kwapekwa, Koboŋ bobo, kodum kes ejotoete, naarai eluranaros ajo; mam apotu kojenut nueboŋokinete ŋes, Koboŋ bo bo nakiwuniet, kotema kes atiar, “Iroko kereka ijotoete, iyeŋito? Aso do; adolu esawa; koany, einakinio Okoku loka etuŋanan akanin nuka ikadiakanarak, Konyoutu, kaloto; koany, eapie lokabilaki eb otet.” Atipet napinera, kodolu Yuda, edioper kotomon kaluarei, koupas kekodet lokejaas ikileŋa ka ibelai, epote kama ejaas isasedotin lupeti ka ikewadikak ka imakio. Koinakinite kes lokebilakini ŋes ebotet aanyunet, kobala ebe, “Loanui eoŋ, ŋes ŋol; kikamutu ŋes, koyaŋaasi ikokito.” Napekedolu, atipet kolot mama ejai Yesu, kobala ebe, “Rabi”; konu noi. Koriosi akecekanin, kikamut ŋes. Konye ediopet kakesi lukebwoete eapie, kout ekekileŋ, kinom ebulesit loka esasedoti lopeti, kojepa akekit. Koboŋok Yesu kotema kes atiar, “Ilomut teni yesi kikileŋa ka ibelai aikamun eoŋ, bala ekaŋatan? Ajaenena kayes ŋinipaaran toma oyekalu, esisianakini, komam kikamunete; konye ajaut nu tetere edolete Nukiwadikatai.” Kosodete kojalakis ŋes kere, kokerata. Kotupa etelepat ediopet, lokijelokinit egoe lokebaputa bon. Kikamut ŋes, Konye kinyek egoe lokebaputa, koker imujalal. Koyaŋaasi Yesu mama ejai losasedoti lopeti; kotukonokinotor isasedotin lupeti kere ka imakio ka ikewadikak da. Petero da kotupite kama elwana, kiton toma alaro naka losasedoti lopeti; kiboiete nepepe kikejaanakinak, ipieri akim. Komoata isasedotin lupeti ka aurianet kere ikajenak aluikin Yesu, tetere earete; mam edumuna. Naarai apotu luipu kitejenut nukaiŋal, konye mam emorikikina akeceitejenun. Kobwaata ice, kitejenut nukaiŋal, kobalas ebe, “Kipou isio keirasi ŋes ebala ebe, ‘Akesi eoŋ eyekalu lo lokedukio kakanin, adukuni ece kotoma apaarasia auni lomam edukio kakanin.’” Karaida kwaŋin mam aitejenunikec emorikikina. Kobwo losasedoti lopeti kokidiŋ, kiŋit Yesu ebe, “Mam cabo iboŋokini akirot? Anyoika ŋun nuetejenut ŋul aluikin jo?” Konye ŋes kililiŋ, mam eboŋokino akirot, Kiŋit bobo losasedoti lopeti, kotema atiar, “Irai kereka ijo Kristo, Okoku loka Loituritoi?” Kotema Yesu atiar, “Eoŋ ŋopeŋol; ido ianyunete rwaru Okoku loka etuŋanan iboie kakan nakoteten nakapedor, eupunos kidouon luka akuj.” Kocil losasedoti lopeti ikenapen, kobala ebe, “Inyo bo kipudar bobo ikajenak? Iirasi ainyanakinike: iwomitos anu?” Kotubokis kere ebe ibusakinit atwanare. Kogeut ice aimwaanakin aimul, korapakis akekonyen, kodipidipoto, kobalas ebe, “Komurwo.” Ikejaanakinak da lukeyaŋaarete, kibapanasi ŋes. Kosodi nakejaar Petero kwap alaro, kobu adiopet kakejaanakinak nuka losasedoti lopeti; koany Petero ipieri akim, kosesen ŋes, kobala ebe, “Ijai nan ijo da nepepe ka Enasarayot je Yesu.” Konye koŋer, kobala ebe, “Mam ajeni, ido mam apupi nuinera ijo.” Koloma kiŋa kiton neelomarere: koruik ekokor. Koany akejaanakinan ya ŋes, kogeu bobo alimokin ŋul lukebwoete kanen ebe, “Erai lo lokec.” Konye koŋer bobo. Apak edit bobo kolimokis Petero lukebwoete kanen ebe, “Abeit irai ijo lokec; naarai irai ijo Egalilayat.” Konye kogeu eilam ka aiyapo ebe, “Mam eoŋ ajeni etuŋanan ŋol loilimito yesi.” Atipet koruik ekokor irwan nakiareit. Kiitu Petero akirot nakelimokini Yesu ŋes ebe, “Eriŋa ekokor keruikino irwan aarei, kiŋeri eoŋ irwan auni.” Komulau eketau, komony. Atipet tupuruc sek kinerut isasedotin lupeti ka imakio ka ikewadikak, ka aurianet kere, koenata Yesu, koyaŋaasi, kijaikis Pilato. Kiŋit Pilato ŋes ebe, “Irai kereka ijo Ekabaka loka Iyudayan?” Koboŋok kotema atiar, “Ijo ibala.” Kiwosatos ŋes isasedotin lupeti kakiro nuipu. Kiŋit bobo Pilato ŋes ebe, “Mam cabo iboŋokini akirot? Koany akiro nuetia nen nukiwosatere,” Mam bobo Yesu eboŋokino akirot; koumok Pilato. Kopucit atapit aosikin kes eenat ediopet, loelipete. Kejai etuŋanan lokenyaritai Baraba, lokeenitai nepepe kalukipaliikinete, lukearete ituŋa kotoma aipaliikin ŋin, Kobu ekodet kogeu ailip aiswamakin kes kwape kenaikinitotor. Koboŋok Pilato kes ebe, “Ikotosi kaosikis yes Ekabaka loka Iyudayan?” Naarai ajeni ŋesi ebe ainakis isasedotin kanuka ekolo. Konye kisidikoto isasedotin lupeti ekodet ebe, koosik gwai Baraba. Koboŋok bobo Pilato, kotema kes atiar, “Aso ekonakini ai ŋol loibalasi yesi ebe erai Ekabaka loka Iyudayan?” Kiworoto bobo ebe, “Kibubuk ŋes.” Kotema Pilato kes atiar, “Kanukinyo, naanyoin aronis nakiswamai?” Konye kiyatakisi kesi aiworo noi ebe, “Kibubuk ba.” Kosodi kokoto Pilato aisiyalamikin ekodet, koosik kes Baraba, ido kedau aida Yesu koinak tetere ibubukinio. Kitolomasi ŋes iserikalei alaro, naerai Epuraitorion, kotukokis erioŋet kere. Kitanapa anapito namuge, kojeata aboko naka ikukwa, kitanapikis akouke. Kogeut ayogan ŋes ebe, “Yoga, ijo Ekabaka loka Iyudayan!” Kinomonomata akouke kagada, kimwaanakis aimul, kokukonokinos komaata. Kosodete kedaut akienar ŋes, kolacasi anapito namuge, kitanapata akenapito. Kitolomasi kiŋa aibubukin. Kitiŋaasi etuŋanan lokitorit, Simon Lokurenayot lokebuni kamanat, papa loka Alegesanda ka Rupo, tetere erioŋi emusalaba loka Yesu. Koyaŋaasil aitodol aibois naenyaritai Gologota, apolouke ebe, Aibois naka Abelekek naka Akou. Koinakis ebino lokinyalakinitai lukesai; konye mam abu kocam. Kibubukis ŋes, kokorokorata ikenapen, kilamilamata eroet, aanyun lueyaŋaari ŋolituŋanan. Kerai esawa lokiwuniet, kibubukis ŋes. Kojai da ebalua loka nueosatai ŋes loewadikatai kuju ebe, “EKABAKA LOKA IYUDAYAN.” Kibubukis ikaŋatak iarei nepepe kaŋes; ediopet kakanike nakoteten, ka ediopet da kakanike nakokediany. [ Kosodi kitodolikinoi Nukiwadikatai ebe, “Aponi kimarakinai nepepe kalukepali.”] Lukitorito nen koinyanakinete ŋes, kimuŋumuŋete da akecekwes, kobalas ebe, “Aso cado! Ijo loikesi eyekalu, ka adukun kotoma apaarasia auni, kitajarun cani, kodoku komusalaba!” Kikote nen da isasedotin lupeti kokienatar ŋes bonik ka bonik nepepe kikewadikak, kobalas ebe, “Etajar ice; mam epedori aitajarun bon. Kristo, Ekabaka loka Isirael, kodoku komusalaba, kaanyutu, keyuutu da.” Ŋul da lukibubukinitoi nepepe kaŋes kimuasi ŋes. Napekedolo esawa lokikanyet kape, kojau amuton akwap kere kiton osawa lokikanyet kaoŋon. Kosawa lokikanyet kaoŋon kodelo Yesu keporoto loepol kobala ebe, “Eloi, Eloi, lama sabakatani?” apolouke ebe, “Ekadeke, Ekadeke, kanukinyo kijalakinia eoŋ?” Ice kalukebwoete kanen, kiirasi, kobalas ebe, “Koany, enyarit Eliya.” Koker ediopet, kileleb acago ebino loedwar ria, kibwaik toma agada, kitamat ŋes, kobala ebe, “Kinyeisi; kaanyutu arai cani ebuni Eliya aitodokun ŋes.” Konye Yesu kodelo keporoto loepol, kiridak. Kocila aigalisit naka eyekalu kaarei ameun kokuju kiton kwap. Keanyu ekapolokiton lokebwoi kanen atereikina, ebe eridaki kwaŋin, kobala ebe, “Abeit etuŋanan lo kerai Okoku loka Edeke.” Kojaas da aŋor nukesesenete kama elwanikina: kotomakec kejai Mariam Magadalene, ka Mariam toto naka Yakob lodidi ka Yose, ka Salome da, nuaupenenas kaŋes, naajaar Galilaya, ijaanakinete ŋes; ka aŋor ace da nuipu nukedokarete nenipe kaŋes Yerusalem. Kosodi napekitiboŋ, naarai kerai Aitemonokin, ŋes atemar ebe apaaran naeliŋakini nakasabato, kobu Yosep loko Arimataya, esot lokaurianet, lokemunokina ajakanut naka Edeke; kotitiŋior koloma mama ejai Pilato, kilip akuan naka Yesu. Koumok Pilato kwape ketwania atipet: konyarau ekapolokiton, kiŋit arai teni kedau atwanare. Kedau ajenun kama kekapolokiton, kocam ainakin Yosep akuan. Kogwel ŋesi egoe loka ebaputa, kolacu akuan, konunukik ogoe loka ebaputa, kibwaik toma ates nakikeitoi atiiba; kikokorik amor okek loka ates. Kosesenete Mariam Magadalene ka Mariam toto naka Yose aibois naebwaikinio. Kosodi ketubor nakasabato, kogwelut Mariam Magadalene, ka Mariam toto naka Yakob, ka Salome, lueuru maa, tetere elosete ainyonyoanakin ŋes. Kosodi tupuruc sek kapaaran nasodit nakasabato, koloto ates napeŋiuni akoloŋ, Kineranakinos bonik ka bonik ebe, “Iŋai bo kikokorikini oni amoru alemar kokek loka ates?” Nakiteluoroto, koanyutu amoru ikokorioritai awai; naarai apol noi. Kolomasi ates, koanyutu etelepat iboie kowai lokoteten, enapit anapito nailiacanit; koumokis. Kotema kes atiar, “Sirikiwumokis; imoete yesi Yesu Enasarayot lokibubukinitoi: ajaru; emamei kane; koanyutu aibois kama kibwaikinitai ŋes! Konye koloto, kolimokis ikekesisiak ka Petero da ebe, Kiŋarenikini ŋesi yes alosit Galilaya; ianyikinete ŋes ŋina, kwape kilimokinitor yes.” Kolomutu kiŋa, kokerata anyoun kates; naarai apotu komaranata, ka aumokin: mam elimokina imodiotuŋanan akirot; naarai akuriaka. [ Nakedaunia ajarun tupuruc apaaran nasodit nakasabato, kisiau aitakanikin Mariam Magadalene, nakolo kireŋeari ŋesi ajokin akanykaarei. Kolot ŋin kolimok lukejaenenas kaŋes, nakibworotor komonyete. Kes da nakiirariata ebe ejari, aanyu ŋesi, mam apotu kiyuut. Akaulo kaŋun, kitakanik ituŋa iarei kakesi kopone loegelara, napelosete okialo, Koboŋosi kolimokis luce; mam apotu kiyuut ŋul da. Kokau kitakanikin lutomon ka lodiopet iboiete enyamete; kitoron kanumam iyuuniata ka aninik naka ikecetauon, naarai mam apotu kiyuut ŋul lukeanyunete ŋes kedau ajarun okatwak. Kotema kes atiar, “Koloto yesi akwapisinei kere, kolimonokis ŋinisubat kere Akiro Nukajokak. Yeniyuuni kibatisai, itajario; konye yenimam iyuuni itelekarete akiro. Etupanakinete aanyuneta nu ŋul luiyuunete; kokirorika ireŋeanarete ajokin: inerenenas aŋaiepa nukitetiak; ikamununete imunwo, karaida kemata ibore yenikaaran, mam isiriebi kes cut; idokonokinete lukadekak akecekanin, eŋaleunete.” Kosodi Ejakait Yesu kedau einer kakes, koyaŋaarai toma akuj; kiboikin akan nakoteten naka Edeke. Konyoutu kwi, kolimonokis kotoma aiboisio kere, kiswamai Ejakait nepepe kakes, kitogogoŋ akirot kanuka aanyuneta nuketupanakinete. Amen.] Naarai apotu luipu kotamakis aiwadik kotenan akiro ŋun nuetodolikinos kamawok, kwape kiilimonokiniata kwi lukeraas ikajenak lukeanyunito ameun kageunet, ido ikejaanakinak luka akirot kaŋin, ketojok eoŋ da, naarai abu kamoote abeit naka akiro ŋun kere ameun kanusodit, kesuduny da, kewadikak jo Teopilo lokaibuses, tetere ijenuni abeit naka akiro nukiisisianakinio. Kapaarasia nuka Kerode ekabaka loka Yudaya, kejai esasedoti ekekiror Sakaria, loka abeanakin naka Abiya: kerai aberuke naka aur naka Aaron, ekekiror Elisabet. Keraas kesi kere luedolito kakonyen nuka Edeke, kolosenenete kaicorakineta ka ikisila da kere luka Ejakait komam aitoronio. Kemamei kes ikoku, naarai arakakit Elisabet, ido kemojoŋito kesi kere. Kosodi kanen, nakiswamaa ŋesi aswam naka esasedoti kakonyen nuka Edeke, kwape kebeikinitor, kwape kejaar epone loka esasedotene, kobeik ŋes eroet alomar aibois nakalaunan naka Ejakait, aisupuruun lukisupurununo. Kilipi ekodet kere loka ituŋa kokiŋa kosawa loka aisupuruun. Kitakanikin ŋes emalaika loka Ejakait ebwoi kowai lokoteten loka etem loka aisupuruun. Nakeanyunia Sakaria ŋes, kiyaloŋoŋ, kokurianar. Konye kotema emalaika ŋes atiar, “Sakaria, sirikikurianar; naarai eirar akoniilip, kiwurikini jo akoniberu Elisabet ikoku yenisapat, imaikini ekekiror Yokana. Ilakar ijo, iyalamikin; ido isiyalamikinete luipu akeurunio. Naarai eraun lokapolon kakonyen nuka Ejakait, kwabo mam emasi ajon karaida nuitemerete; ilelebun Emoyo Lokalaunan, ameun kakoik naka totoke, Ido inyakuni ŋesi luipu kodwe luka Isirael mama ejai Ejakait Ekecedeke. Iŋareni kakonyeneke komoyo ka apedor naka Eliya, ainyakun itauon luka lukapapa mama ejaas idwe, ka lukepali mama ejai acoa naka ikadolitok; aitemonokin Ejakait ituŋa luesikapikinitai.” Kotema Sakaria emalaika atiar, “Ajenuni biai ŋun? Naarai amojoŋit eoŋ, akaberu da atuboros ikekar.” Koboŋok emalaika kotema ŋes atiar, “Eoŋ Gaburiel, loabwoi kakonyen nuka Edeke; keyakuunitai einer kajo, ka alimokin jo akiro nu nukajokak. Ido koany, ililiŋi ijo komam ipedori einer, aitodol apaaran naedolioto nu, naarai mam iyuunit akakiro, nuitodolikinio kapakikec.” Edarito ituŋa Sakaria, koumokis kanu etumoror kaibois nakalaunan. Nakelomunia, mam apedori einer kakes: kojenut ebe aanyunit aitapoet kotoma aibois nakalaunan: kiyatak aitetem kakanin, kosal mam epedori einer. Kosodi kanen, nakitodolikinotor apaarasia nuka aijaanakinike, koboŋo oreke. Akaulo kapaarasia kaŋun kopotuu akeberu Elisabet; koŋop ilapio ikany, kobala ebe, “Kekonak Ejakait kwanata kapaarasia nukasesenia, tape kawoori ikaleic kakonyen nuka ituŋa.” Kolap lokikanyetekape aponi kijukunai emalaika Gaburiel kama ejai Edeke alosit Galilaya ore Nasaret, mama ejai abekot nakisinerit ekiliokit ekekiror Yosep, lokokek loka Daudi; ekiror loka abekot ŋes Mariam. Koloma emalaika mama ejai, kotema atiar, “Yoga, naisirereŋitoi noi, ejai Ejakait kajo!” Konye kiyaloŋoŋ ŋesi noi kanuka akiroke, koomoom kotauke ebe ikoni bo ai ayogan na, Kotema emalaika ŋes atiar, “Sirikiyoŋ, Mariam, naarai idum asianut kama ejai Edeke. Ido koany, ipotuuni, idouni ikoku yenitelepat, imaikini ekekiror Yesu. Eraun ŋol lokapolon, enyarao Okoku loka je Ioejai kuju kakuj; Ejakait Edeke einakini ŋes eicoloŋ loka Daudi papaake, irumi ekek loka Yakob ikar kere; akejakanut da mam enaŋi.” Kotema Mariam emalaika atiar, “Ikwaikinete bo ai ŋun, naarai mam ajeni ekiliokit?” Koboŋok emalaika ŋes ebe, “Kidoikini jo Emoyo Lokalaunan, kirapiari agogoŋ naka Je loejai kuju kakuj; kanuka ŋun yeneuruunio enyarao yenikalaunan, Okoku loka Edeke. Ido koany, Elisabet kinacikon, ŋes da epotiei ikoku yenitelepat kotoma amojoŋuke; elap lo da ŋes lokikanyetekape loka ŋin nakenyaritai arakan. Naarai emamei akirot naikaruni Edeke.” Kobala Mariam ebe, “Koany, arai eoŋ abulesit naka Ejakait; kojaut mamakaŋ kwape kakonikiro.” Kosodi konyou emalaika kamakeŋ. Kapaarasia kaŋun konyou Mariam, kisunya alosit akwap nakiukon, kiton ore ediopet loko Yuda; koloma togo loka Sakaria kiyoga Elisabet. Kosodi kanen, nakiiraria Elisabet ayogan naka Mariam, kicuru ikoku kakoikike; kilelebai Elisabet Emoyo Lokalaunan; kodelo jokan, kotema atiar, “Isirereŋitoi jo kotoma aŋor, isirereŋitoi da araito nuka aliligetekon. Kepote bo nu kai, toto naka Ekajakait abunore mamakaŋ? Naarai koany, napadolunio ayoganikon akiika, kicuru ikoku kakoikika kanuka aiyalama, Isirereŋitoi da ŋin naiyuunit; naarai itodolikinio nualimokinitai ŋes kama ka Ejakait.” Kotema Mariam atiar, “Itopoloori ekatau Ejakait, Elelakinit da ekamoyo Edeke Ekaketaiaran. Naarai aanyu ican luka akebulesit. Naarai koany, amear lolo kanyaritos eoŋ aturio kere naitusulianyitai. Naarai keswamaki Lokapedor nuepolok: Lokalaunan ekekiror. Akeitim ejai kaŋul lueyoŋito ŋes, Anatar aturio kere. Etodia agogoŋ kakekan, Esiarisiar ikewoŋok kaomisio nuka itauonokec. Ereŋea lukapolok koicoloŋokec, Etopolo luitasonos, Esimoniki Iuketeŋei iboro luejok, Epapel ikabarak. Eitu akeitim, Eŋaraki Isirael ekebulesit. Kwape kisumunio lukapapaawok, Aburaam ka aurike apaarasia kere.” Kosalak Mariam kaŋes bala ilapio iuni, kosodi koboŋo orekec, Kosodi kanen kodol apak naka Elisabet aidoun, kidou ikoku yenitelepat. Kiirasi ikeidunyeta ka ikepajen ebe etopoloo Ejakait akeitim mamakeŋ, kiyalamikinos nenipe kaŋes. Kosodi kapaaran nakikanyetekauni kopotu aikep ikoku; kokotosi amaikin ekiror loka papake Sakaria. Koboŋok totoke kotema atiar, “Mam, konye emaikinio Yokana.” Kotemasi ŋes atiar, “Emamei yenikajenakon yenemaikinitai ekiror ŋol.” Kokwetut papake ajenun ebe ekoto amaikin iŋai. Kilip ibore yenikiwadika, kiwadik ebe, “Ekekiror erai Yokana.” Koumokis kere. Atipet kopukoroi akeituk, kolacarai da akeŋalep, kiner, iturit Edeke, Kokuriakaros ikeceidunyeta kere, Kitisiarakinai akiro ŋun anatar akwap kere nakiukon naka Yudaya; kere lukiirarete koricata kotauonokec, kobalas ebe, “Aso eraun ikoku yen yenikepone enyoin?” Naarai akan naka Ejakait ajai kaŋes, Kilelebun papake Sakaria Emoyo Lokalaunan, kodwar kobala ebe, “Kituritete Ejakait Edeke loka Isirael, Naarai aanyana iketuŋa alaku da, Etonyoiki oni amumwarat naka aitajar Kokek loka Daudi eketelepat. Kwape enerar kolo kageunet Kaituke nuka inabinoke lukalaunak; Ebe kitaiari oni kama kalukasurupowok, Kakan da naka ŋul kere lukireito; Itodoli aitim naesumunit lukapapaawok, Ka aiitun akeitutuket nakalaunan, Aitodolikin aiyaposit naeyapoikinit Aburaam papaawok, Ainakin oni ketajarunos kakan naka lukasurupowok, Kejaanakis ŋes komam kikuriaka; Kotoma alaunit ka adolit kakonyeneke Apaarasia kere nuka aiiarawok, Ŋo da ikoku, kinyarao enabi loka Je loejai kuju kakuj; Naarai iŋareni kakonyen nuka Ejakait aitemokin ikerotin, Kitejen iketuŋa aitajario kotoma aisionio akecediakanareta, Kanuka aitim nakotau loka Edekewok, Kipejok oni Acilakide naabuni kokuju, Acaikin ŋul luiboete kotoma amuton, Kotoribe da lokatwanare, Aiteten awokokeie korot loka ainapakin.” Kopoloor ikoku, kiyatanakin agogoŋor komoyo; kojai kamodiŋo aitodol apaaran nakitakanikinor Isirael. Kosodi kanen kapaarasia kaŋun, kobu ekisil kama ka Kaisar Augusito ebe ibusakinit ituŋa luka akwapin kere aiwadikao. Ŋin ŋes aiwadikao nasodit nakeraar Kuirinio ekayaiton loka Suria. Koloto ituŋa kere aiwadikao, ŋinituŋanan bukec. Konyou Yosep da koGalilaya, kore Nasaret, kodoka alosit Yudaya, ore loka Daudi, loenyaritai Betelekem, naarai kerai ŋesi lokokek ka ajena naka Daudi; tetere iwadikao nepepe ka Mariam, nakisinerit ŋesi, epotiei. Kosodi kanen, ejaas ŋina, kodoloto akepaarasia nuka aidoun. Kidou yenikiyaike yenisapat; kimuko kigoen lukimukeru, kiperik atuba nakenyamenenata ibaren, naarai mam adumunito apak kotogo loka ipejok. Kojaas ikecokok kakwap kaŋin lukiboiete kais idarete ekecesipan kuare. Kotakanik kes emalaika loka Ejakait, kocau aŋosibib naka Ejakait airiamar kes: kokuriakaros noi. Kotema emalaika kes atiar, “Sirikikuriakaros; naarai koany, kainunit yes akiro nukajokak nuka aiyalama naepol naejauni mama ejaas ituŋa kere; naarai auruun lolo kanukus Eketaiaran, ŋes Kristo Ejakait kotoma ore loka Daudi, Na ŋes aanyunet kamakus; idumunete ikoku yenimukeru imukoritai kigoen lukimukeru, eperi kotoma atuba nakenyamenenata ibaren.” Atipet kojai nepepe kemalaika kaŋol ekodet loka ajore naka akuj ituritos Edeke, ebalasi ebe, “Kojai aibuses mama ejai Edeke kokuju kakuj, Ka ainapakin da kakwapin mama ejaas ituŋa luitoiokit.” Kosodi kanen, kenyout imalaikan aboŋor toma akui, kotemanaros ikecokok ebe, “Aso kaloto kiton Betelekem, kaanyut ŋun nuiswamatai, nukitejenu Ejakait oni,” Koloto atipet, kodumutu Mariam ka Yosep, nepepe kimukeru eperi katuba nakenyamenenata ibaren, Keanyutu, kiteienut akirot nakelimokinio kes naka ikoku kaŋin, Koumokis lukiirarete kere akiro nukelimokinete ikecokok. Konye koricite Mariam akiro ŋun kere, koomite kotauke. Koboŋosi ikecokok, itopoloorito ituritos da Edeke kanuka akiro kere nukiirarete, ka nuaanyut da, kwape kelimokinitere. Kedolo apaarasia akanykauni nuka aikep ŋes, komaikis ekekiror Yesu, kwape kemaikinia emalaika eriŋa epotuuno. Kedol apak naka aitesegariokec kwape ejaar ekisil loka Musa, koyaŋaasi ŋes Yerusalem aitodiar mama ejai Ejakait. (Kwape iwadikatere kokisil loka Ejakait ebe, “Ŋinikoku yenikiliokit yenepukori aliliget enyaritai yenikalaunan mama ejai Ejakait.”) Koinakis da asuban kwape kineritere kokisila luka Ejakait, “Ajeleik aarei arai ilukei iarei ludidik.” Ido koany, kejai etuŋanan Yerusalem, ekekiror Simeon, kerai etuŋanan loedolit loeyoŋit Edeke, edaret aitalakario naka Isirael, kejai ŋes Emoyo Lokalaunan. Kikwenyarit Emoyo Lokalaunan ŋes ebe mam etwani eroko eanyuna Kristo loka Ejakait. Kobu ŋol toma oyekalu iŋarenikinit Emoyo; ido nakeyauniata ikauriak ikoku Yesu tetere iswamakinete ŋes kwape ejaar epone loka ikisila, kodak ŋes elopet kakaninike, kimal Edeke, kotema atiar, “Ejakait, kotwar kwana ekonibulesit inapakina, Kwape ejaar akonikirot; Naarai aanyut akakonye akoniitajar, Nakitemonokinit kakonyen nuka ituŋa kere, Aica naapukoo lukaŋekwapin, Araun aibuses naka ikonituŋa Isirael.” Koumokis papake ka totoke ŋun nukinerai kanukeŋ. Kilipak Simeon kes arereŋ, kotema ŋesi Mariam totoke atiar, “Koany, ibwaikinitai ikoku yen kanuka aibiror ka anyoun da naka luipu kotoma Isirael, Ido araut aanyunet naitepegitai. Ijo da alopet kicumi ekileŋ ekonitau, Tetere epukoros aomisio nukotauon kaluipu.” Kejai da anabi, ŋes Ana, akoku naka Panuel loka ateker naka Aser; kedaunit ikar luipu, kiboikino kokilenike ikar ikanykaarei ameun kabekonutuke, kerai apuserut ikar akaisakanykauni ka luoŋon, Mam kenyoununei koyekalu, konye komaenenei Edeke paaran ka kuare da kailuŋ ka ailip. Kotakanu ŋin da kapak kaŋin, kimala Edeke, kolimok lukidareto alakunio naka Yerusalem nuka ikoku. Kosodete nakedauniata aitodolikin kere kwape kicorakinitere kotoma okisila luka Ejakait, koboŋosi Galilaya, orekec Nasaret. Kopoloor ikoku, kiyatakin agogoŋ, kileleba acoa; asianut da naka Edeke kojai kaŋes. Kolosenenete ikauriakake ŋolikaru Yerusalem apak naka epucit loka Aleleŋ. Nakedol ŋesi ikar itomon kaarei, koloto kwape kejaar epone loka epucit; nakedaut aitodolikin apaarasia, apak naka aboŋorikec, kosalak isapat Yesu Yerusalem, komam ikekauriak ejenete. Konye koomitos kesi ebe ejai toma okodet, koloto alosit naka apaaran adiopet; kosodete komoata ŋes opajenakec ka opaperokec da. Nakekurwokis adumun, koboŋosi Yerusalem emootos ŋes. Kosodi kanen, ketuboros apaarasia auni kodumakis ŋes oyekalu, iboie kokidiŋ kikesisianakinak, epupi, kiŋisi da aiŋiseta. Koumokis kere lukiirarete ŋes akeijen ka akeboŋonokin da. Nakeanyuniata, koumokis: kotema totoke ŋes atiar, “Ikakoku, kanukinyo kikonakinia sio kwaŋin? Koany, papakon ka eoŋ da kipou kamootos jo kaiturur.” Kotema kes atiar, “Kanukinyo kimoiata eoŋ? Mam kereka yes ijenete ebe kebusakinit aiboi kotogo loka Papaka?” Mam kes apotu kojenut akirot ŋin nakelimokini kes, Kijesar nepepe kakes, kiton Nasaret; kononokikinite kes. Koricite totoke akiro ŋun kere kotauke. Kiyatanakini Yesu kotoma acoa ka apoloor, ka asianut mama ejai Edeke ka ituŋa da. Kokaru lokitomonet kakany loka airumit naka Kaisar Tiberio, korai Pontio Pilato ekayaiton loko Yudaya, ka Kerode da ekabaka loko Galilaya, ka Pilipo onaceke ŋes ekabaka loka akwap naka Ituraya ka Turakonito, ka Lusania ŋes eka baka loka Abilene, kapak nakeraatar Ana ka Kaiapa lusasedotin lupeti, kobu akirot naka Edeke mama ejai Yokana okoku loka Sakaria kamodiŋ. Kolot akwap kere naidunyasi Yorodan, elimonokini aibatisa naka aitoronikin kanuka alemar adiakanareta. Kwape kiwadikatere koitabo loka akiro nuka enabi Isaia ebe, “Eporoto loka yenikiworoi kamodiŋ ebe, Kitemonokis erot loka Ejakait, Kitetena ikesokono. Itutuo rwaru ŋinidirot, Ikeio ŋoliroŋat ka ŋoliukot; Itetenio neekudukudo, liyaiyakinio nuimugogolito; Eanyunete kere luejaas awat aitajar naka Edeke.” Aso kolimok ikodeta lukepote mamakeŋ aibatisao ebe, “Yes aur naka imusagan, iŋai bo kiikwenyari yes akerit anyunyura naebunit? Aso koraata araito nuibusakinito aitoronikin, ido sirikigeut einer kotauonokus ebe, ‘Ejai oni Aburaam papaawok’; naarai kalimokini yes ebe, Epedori Edeke aitonyoikin Aburaam idwe kotoma amor kanu, Nati kwape kwana da ibwaikinitai aep atoromin nuka ikito: asa ŋolikitoi lomam erai araito nuejok ejepario, ka acakakin akim.” Kiŋita ŋes ikodeta ebe, “Aso keswamara anyoika?” Koboŋok kes kotema atiar, “Yenejaas ikason iarei, koinak yenemamei; ka yenejaas inyamat da kikon nepenen.” Kopotu luketelemak esolo da aibatisao, kiŋita ŋes ebe, “Ekesisianakinan, keswamata isio da anyoika?” Kotema kes atiar, “Siritelemenenete luedeparito lukicorakinitai.” Kiŋita ŋes iserikalei da ebe, “Ka sio da, keswamata anyoika?” Kotema kes atiar, “Siribenyaka kama ejai ituŋanan, sirisabanakinete; kisiyalamikinito da ekusiropit,” Kosodete komunos ituŋa, koomoomoete ituŋa kere kotauonokec nuka Yokana, arai diat erai ŋesi Kristo; Koboŋok Yokana kotema kes kere atiar, “Abeit kebatisai yes kakipi; konye ebunit loketelekarit eoŋ kagogoŋ, lomam eoŋ kebusakinit alacun amuny naka amukake: kibatisai ŋol yes kEmoyo Lokalaunan ka akim, Ejai ekeritei akanike, epiari cut ekepeial, etukonokini akimake odula; konye icwei agugu kakim namam itudeŋio.” Ido kaicoreta ace nuipu kolimonok ituŋa akiro nukajokak. Konye ekabaka Kerode, kanuetoronia Yokana ŋes kanuka Kerodia aberu naka onaceke, ka nukaronok kere nukiswamat Kerode, kiyatak na da tomakec, kogolok ŋesi Yokana aidaris, Kosodi kanen, kedaut ituŋa kere aibatisao, kibatisauna Yesu da, napilipi ŋesi, koŋaar akuj, kijesun Emoyo Lokalaunan mamakeŋ kakuan bala ajele, kolom eporoto kakuj, ebe, “Irai ijo Okokuka Iominat; kalelakinit jo noi.” Yesu elopet nakegeunia aisisianakin kerai loka ikar bala akaisauni, koomitete araut okoku loka Yosep, okoku loka Keli, Okoku loka Matat, okoku loka Lebi, okoku loka Meliki, okoku loka Yanai, okoku loka Yosep, okoku loka Matatia, okoku loka Amos, okoku loka Nakum, okoku loka Esili, okoku loka Nagai, okoku loka Maat, okoku loka Matatia, okoku loka Semein, okoku loka Yosek, okoku loka Yoda, okoku loka Yoanan, okoku loka Resa, okoku loka Serubabel, okoku loka Sealutiel, okoku loka Neri, okoku loka Meliki, okoku loka Adi, okoku loka Kosam, okoku loka Elamadam, okoku loka Er, koku loka Yesu, okoku loka Elieser, okoku loka Yorim, okoku loka Matat, okoku loka Lebi, okoku loka Simeon, okoku loka Yuda, okoku loka Yosep, okoku loka Yonam, okoku loka Eliakim, okoku loka Melea, okoku loka Mena, okoku loka Matata, okoku loka Natan, okoku loka Daudi, okoku loka Yese, okoku loka Obed, okoku loka Boas, okoku loka Salumon, okoku loka Nason, okoku loka Aminadab, okoku loka Arani, okoku loka Kesuron, okoku loka Peres, okoku loka Yuda, okoku loka Yakob, okoku loka Isaak, okoku loka Aburaam, okoku loka Tera, okoku loka Nakor, okoku loka Serug, okoku loka Reu, okoku loka Peleg, okoku loka Eber, okoku loka Sela, okoku loka Kainan, okoku loka Arupakasad, okoku loka Sem, okoku loka Noa, okoku loka Lamek, okoku loka Metusela, okoku loka Enok, okoku loka Yared, okoku loka Makalaleel, okoku loka Kainan, okoku loka Enos, okoku loka Set, okoku loka Adam, okoku loka Edeke. Kosodi Yesu, kilelebun Emoyo Lokalaunan, koboŋo koYorodan, kiŋarenik Emoyo Lokalaunan amodiŋ, kodau apaarasia akaisaoŋon, ecoduni Satan ŋes. Kapaarasia kaŋun mam kenyami ibore: kedaunos, korieb eteŋei, Kotema Satan ŋes atiar, “Arai tope irai ijo Okoku loka Edeke kicorak amoru na koraun atap.” Koboŋok Yesu ŋes ebe, “Iwadikatai ebe, Mam ituŋanan ejari kanuka atap bon.” Kitodoka kuju, kitodianak ajakanuto kere nuka akwapin, katipet, Kotema Satan atiar, “Kainakini jo apolou na kere, ka aibusesukec; naarai kainakinitai eoŋ; eoŋ da ainakini yenakoto kere. Aso arai kiima eoŋ, eraunete kere nukon.” Koboŋok Yesu kotema ŋes atiar, “Iwadikatai ebe, Komaenenei Ejakait Ekonideke, kijaanakinenei ŋes bon.” Koyaŋa ŋes Yerusalem, kisibwo koswi loka eyekalu, kotema atiar, “Arai tope irai ijo Okoku loka Edeke, kosomari kwap. Naarai iwadikatai ebe, Icorakini ikemalaikan kanukon, kidarata joo ido, Kidakete jo kakaninikec, Kinyek amoru aiguikin akonikeju.” Koboŋok Yesu kotema ŋes atiar, “Ebalai ebe, Sirikodununei Ejakait Ekonideke.” Nakedaunia Satan ŋinicodunet, kinyek ber ŋes. Koboŋ Yesu kapedor naka Emoyo, kolot Galilaya: kisiarakin ekeemutu anatar akwapin kere nuidunyatar. Kisisianakinenei kotoma atukosiakec, kitopolooritos ituŋa kere. Kobu Nasaret, kama kitopolounere; kapaaran nakasabato koloma toma atukos, kwape kejaar ekepitene, kobwo asoman. Koinakinai eitabo loka enabi Isaia. Kopuko eitabo, kodum aibois mama kiwadikatai ebe, “Emoyo loka Ejakait ejai keoŋ, Naarai abu kenyonyoik akinyet alimonokin lukican akiro nukajokak; Kejuk eoŋ alimor aosikinio mama ejaas luijoreoritai, Ka imudukiok da akwenyun, Alakakin lueridakinitai, Alimor da ekaru loka Ejakait loecamunitai.” Korapak eitabo, kinyakak ekejaanakinan, kiboikin; kosesenata ŋes noi ituŋa kere lukejaas atukos. Kogeu alimokin kes ebe, “Etodolikin lolo nukiwadikatai nu toma akiikus.” Kitejenut kere, koumokis akiro nukasianut nukelomunete kaitukuke: kobalas ebe, “Mere lo okoku loka Yosep?” Kotema kes atiar, “Abeit ipote ainerakin eoŋ awaragan na ebe, ‘Emurwon, kitaŋaleun bon: ŋun kere nukiiranari ebe kiswamat Kaparanaum, kiswama kane da kobukus.’ ” Kotema atiar, “Abeit katemari yes atiar, Emamei enabi loecamunio kobukec. Konye abeit katemari yes atiar, Kojaas kolo apuserun nuipu koIsirael kapaarasia nuka Eliya, apak nakegolitere akuj ikar iuni ka ilapio ikanykape, nakedoikinio ebeli loepol akwap kere; mam aponi kijukarai Eliya mama ejai adiopet kakesi, dimarai Sarapeta, kakwap naka Sidon, mama ejai aberu nakerai apuserut, Kojaas da lukatapon luipu koIsirael kapaarasia nuka Elisa enabi; mam yenaponi kiswagarai, dimarai Naaman Esuriat.” Nakiirariata kesi akiro ŋun kotoma atukos, kilelebunos kere anyunyura. Konyoutu, koremosi kiŋa ka ere, koyaŋaasi neetukum koukot loadukokinitai ekecere, tetere eremorete ŋes kwap cut. Konye ŋes kitoro kidiŋikec kolot. Kikokorun kiton Kaparanaum, ore loko Galilaya. Kisisianak kes kapaaran nakasabato, Koumokis noi ituŋa akeisisianakin; naarai kejai akekirot apolou, Kejai etuŋanan atukos lokejai emoyo loka ajokit naerono, kiworo keporoto loepol ebe, “Kinyeinai! Anyoika isio kajo, Yesu loko Nasaret? Ibu kereka amudiar sio? Kajeni jo kwape iraar, Lokalaunan loka Edeke.” Kiretak Yesu ŋes ebe, “Kobuta, kolom kamakeŋ.” Kibirok ajokit lokadekan kidiŋikec, konyou kamakeŋ, komam imadiŋit, Koumokis kere, kineranakinos bonik ka bonik ebe, “Akirot anyoin na? Naarai icorakini imoyon lueroko kapolou ka apedor, elomunete da.” Kisiarakin ekeemut anatar aiboisio kere nuidunyatar akwap ŋin. Konyou katukos koloma togo loka Simon. Kedeka toto naka aberu naka Simon ekamidi loepol; kiŋaiŋaata ŋes kanukeŋ. Kobwo kama ejai, kiretak ekamidi; kinyek ŋin: atipet konyou kijaanak kes. Napibiror akoloŋ, ŋul kere lukejaas ituŋa lukedekasi adekesia nuegelegela koinut ŋes; kidokok akekanin ŋinidiopet kaŋul, kitaŋaleu kes. Konyoununut ajokin da kaneejaas luipu, kiworoto ebe, “Irai ijo Okoku loka Edeke.” Kiretak kes, kisimik einer, naarai kejenete ebe ŋes Kristo. Kosodi kiwala akwap, konyou kolot aibois naesil; komoata ŋes ikodeta, kopotu mama ejai, kokotosi aitasal ŋes, kinyek anyoun kamakec, Konye kotema kes atiar, “Kebusakinit alimonokin akiro nukajokak nuka ajakanut naka Edeke koreria ice da: naarai ŋin keyakuunere.” Kolimonokinenei katukosia nuko Galilaya. Kosodi kanen nakeridakiniata ŋes ikodeta iirarete akirot naka Edeke, kebwoi ŋesi kariri kaŋolol naka Genesaret. Koany atakerin aarei nukeiaas oitolima loka aŋolol; konye kedokunito ikalokak ilosete iboyanakec. Kodoka ataker adiopet, nakerai naka Simon, kilip ŋes aisukunyar nediokasilon anyoun koitolima, Kiboikin kisisianak ikodeta kojai ataker. Nakedau einer, kotema ŋesi Simon atiar, “Koremo ataker kiton ataro, kocakakis iboyanakus aikamia lukecor.” Koboŋok Simon kotema atiar, “Ejakait, kipou ketaaritos akuare kiya, komam kidumuni idiobore: konye kanuka akonikirot, acakakini bo iboyan.” Kedaut aswam ŋun, kipokata iboro lukecor luipu noi: kokotosi ikeceboyan aŋed; kokwetut lukaupakec lukejaas ataker ace aponare aiŋarakin kes. Kopotu, kisilelebata atakerin kere aarei kiton neebuciata alumor. Konye keanyu Simon Petero ŋun, kibirokin kwap akuŋin nuka Yesu, kobala ebe, “Wu Ejakait, kinyeinai, naarai arai eoŋ ekadiakanaran.” Naarai koumok ŋesi, ka ŋul kere lukejaas kaŋes, kanuka aipues naka lukecor lukikamunete: koumokis da Yakob ka Yokana, odwe luka Sebedayo, lukemoranara ka Simon. Kotema Yesu Simon atiar, “Sirikikurianar; amear natikwana iraun ekalokan ituŋa.” Nakedauniata aitodokun atakerinikec oitolima, kinyeis kere, kotupasi ŋes. Kosodi kanen, nakejaar ore ediopet, kojai etuŋanan loelelebikina atapon: nakeanyunia ŋesi Yesu, kibirokin kwap ebuburia, kiŋaiŋa kotema atiar, “Ejakait, arai ikoto, ipedori aiswagar eoŋ.” Korio Yesu akekan, kotiro ŋes, kotema atiar, “Akoto; kiswagar.” Atipet konyou atapon kamakeŋ. Kicor ŋes sirikelimoki idiotuŋanan; konye ebe, “Kolot, kitodiar mama ejai esasedoti, koinak kanuka aiswagariokon kwape kolo kicorakinitor Musa, araun aitejenunet kamakec.” Konye kiyatakinos akekiro aisiarar: kotukonokinos ikodeta luipu akiirar, ido aitaŋaleunio adekesiakec. Konye ŋes kogitar kolot amodiŋ, kilip. Kosodi kanen kapaaran adiopet kaŋun, isisianakini ŋesi: ido kiboiete Iparisayon ka ikesisianakinak luka ikisila kanen, lukepote koreria kere luko Galilaya ka Yudaya ka Yerusalem: kojai agogoŋ naka Ejakait kaŋes aitaŋaleun. Ido koany, kibwokut ituŋa etuŋanan loesenyit koitada: kokotos aitolomar ŋes toma, ka aibwaikin akonyeneke, Nakekurwosi aitolomar kanuka ekodet, kodokasi kuju oswi, kijoliliut ŋes aitorunio ametegulan koitadake kokidiŋ, akonyen nuka Yesu, Nakeanyunia ŋesi akeceiyuun kotema atiar, “Ijo ba, esionii akonidiakanareta.” Kogeut ikewadikak ka Iparisayon epeget kobalas ebe, “Tŋai bo lo loinera nukainyanakin Edeke? Iŋai bo epedori aisioni adiakanareta, dimarai Edeke bon?” Konye kojeni Yesu ekecepeget, koboŋok kotema kes atiar, “Kanukinyo ipegatatar kotauonokus? Ani bo naepatana, atemar ebe, ‘Esionii akonidiakanareta,’ arai bo atemar ebe, ‘Konyou kolot?’ Konye tetere ijenunete ebe ejai Okoku loka etuŋanan apedor kakwap aisioni adiakanareta,” (kolimok lokasenyan ebe,) “Katemari jo atiar, Konyou, kibwok ekoniitada, kolot orekon.” Atipet konyou kakonyenekec, kibwok akeperit, kolot oreke, itopoloorit Edeke. Koumokis kere, kitopoloorito Edeke; kilelebunos akurian, kobalas ebe, “Kiany lolo nukaumokin.” Kokau kaŋun koloma, koany eketeleman esolo, ekekiror Lebi, iboie kaitelemis, kotema ŋes atiar, “Kotupunai.” Kinyek kere, konyoi: kotupa ŋes, Kipoik Lebi ŋes epucit loepol koreke: kojau ekodet loepol laka iketelemak esolo ka ke lukemorete kakes, Kirurumakis Iparisayon ka ikewadikakakec ikekesisiak kobalas ebe, “Kanukinyo inyamiata imasiata da nepepe ka iketelemak esolo ka ikadiakanarak da?” Koboŋok Yesu kotema kes atiar, “Lukaŋaleok mam ipudas emurwon; dimarai lukadekak. Mam abunit anyarit ikadolitok, dimarai ikadiakanarak tetere itoronikinos.” Kotemasi ŋes atiar, “Eluŋete ikesisiak luka Yokana irwan ipu, ka ailip; ikote nen da ikesisiak luka Iparisayon; konye lukon enyamete emasete da.” Kotema Yesu kes atiar, “Ipedorete kereka aituluŋ luenyaritai opucit loka eiterane, naejaatar keteran? Konye eponito apaarasia, nuedemarere eteran, eluŋete do kapaarasia kaŋun.” Kolimok kes awaragan, ebe, “Emamei yeneciluni atutubet kanapito nakitetet, ka adonyokin ŋes anapito namojoŋ; arai kikonaki nen eciluni nakitetet, atutubet da naecilunio kama kanakitetet, mam ecamanaros kanamoion. Emamei da yenebukokini ebino loitet oriagin lukemukule lumoioŋ; arai kikonaki nen, ecili ebino loitet iriagin, ebukor ebino, imadiŋikinos iriagin da. Konye ebukonokinio ebino loitet oriagin lukitetiak. Kwabo emamei yenemasi ebino loikuniatai, yenekoto loitet; naarai ebala ebe, ‘Ejok loikuniatai.’ ” Kosodi kanen nakitoritor amanat apaaran nakasabato, kijejeata ikekesisiak aluŋuren nuka akima, koninata kakanin konyama. Konye ice koParisayon kotemasi atiar, “Kanukinyo iswamaata yesi numam ibus kapaaran nakasabato?” Koboŋok Yesu kotema kes atiar, “Mam isiomito na nakiswamai Daudi, nakeriebia eteŋei, ŋes ka ikepaup; kwape kelomaria togo loka Edeke, kolem imugatin luka aitodikin, konyam, koinak da ikepaup; lumam ibus ainyam dimarai isasedotin bonik?” Kotema kes atiar, “Okoku loka etuŋanan ŋes ejakait loka asabato.” Kosodi kanen, kanakasabato ace, koloma toma atukos kisisianak: kojai nen etuŋanan, lokewonit akekan nakoteten. Kiteikinito ikewadikak ka Iparisayon, aanyun arai itaŋaleuni kapaaran nakasabato; tetere edumunete akirot nakiwosaet ŋes. Konye kojeni akeceomisio; kolimok etuŋanan lokejai akan nakewonit ebe, “Konyou, kobwo kokidiŋ.” Konyou ŋesi kobwo. Kotema Yesu kes atiar, “Keŋisit yes ebe, Ibus kereka aswam nuejok kapaaran nakasabato, arai bo aswam nueroko, aitaiar aijar arai bo amudiar?” Kosesen kes kere, kolimok je ebe, “Korio akonikan.” Kikonak nen: koŋaleu akekan, Konye kilelebun kes anyunyura, kinerut bonik nuiswamakinete Yesu, Kosodi kanen kapaarasia kaŋun, kolot oroŋat ailip; kilip Edeke akuare kiya, Kiwala akwap, konyarau ikekesisiak; koseu itomon ka luarei kotomakec, luabu komaik ikiyakia; Simon, loamaikini Petero, ka Anderea onaceke, ka Yakob ka Yokana, ka Pilip ka Batolomayo, ka Matayo ka Tomas, ka Yakob okoku loka Alupayo, ka Simon loenyaritai Selot, ka Yuda okoku loka Yakob, ka Yuda Isikariot, lokebilakini ŋes ebotet. Kikokorun nepepe kakes, kobwo kaibois kanaeriana, ka ekodet loepol loka ikekesisiak, ka ituŋa luipu noi lukepote koYudaya kere ka Yerusalem, ka ariri nakaŋolol nako Turo ka Sidon, lukepote akiirar ŋes, ka aitaŋaleunio akecedekesia: ŋul da lukiticanete imoyon lueroko aponi kitaŋaleunoi. Kokotos lukokodet kere atiror ŋes; naarai kolom apedor kamakeŋ kitaŋaleu kes kere. Kikeu akekonye kosesen ikekesisiak, kotema atiar, “Isirereŋitoi yes lukican; naarai ajakanut naka Edeke erai nakus, “Isirereŋitoi yes lukiriebi eteŋei kwana; naarai imonikinos. “Isirereŋitoi yes luimonyete kwana: naarai ikieniete. “Isirereŋitoi yes, nakiŋaruniata ituŋa, kigitarete yes, kimoromoroete, ecakarete ekusikiror bala ibore yenerono, kanuka Okoku loka etuŋanan, Kolelakis ka eicur apaaran ŋin: naarai koany, epol ekusiropit kotoma akui: naarai kikonakis, lukapapaakec inabin kwaŋin. “Konye itukwi yes lukabarak! Naarai idaut adumun akusiitaakario, “Itukwi yes, luimonikinos kwana! Naarai ebuni eteŋei airieb yes. “Itukwi yes, luikienasi kwana! Naarai ipote aibworo ka aimony. “Itukwi yes, lukiturete kwana kere! Naarai kikonakis lukapapaakec inabin lukeŋalak kwaŋin. “Konye katemari yes luipupete atiar, Kominasi lukasurupokus, kikonakinete nuejok ŋul lukinaras yes, kilipakis arereŋ ŋul lukilamete, kilipakis da ŋul lukireito yes. Yenikibapi eitinyo, kibelok loce da; yenikidemari ekonilou, sirikimik ekaso da. Koinak ŋinituŋanan kere yenikilipi; yenikidemari jo ikoniboro sirikiburau bobo. Kwape ikototor ituŋa aikonakin yes, kikonakis yesi da kes kwape kwaŋin. “Arai iminasi ŋul lukiminasi yes, kimalao kanuka inyo? Naarai ikadiakanarak da eminasi lueminasi kes. Arai da iswamakinete nuejok ŋul lukiswamakinete yes nuejok, kimalao kanuka inyo? Naarai ikadiakanarak da iswamaete kwape kwaŋin, Arai da iyuunete ŋul luimunos adumun kamakec, kimalao kanuka inyo? Ikadiakanarak da eyuunete ikadiakanarak tetere edumunete ŋupeŋul bobo. Konye kominasi lukasurupokus, kiswamakisi nuejok, koyuut, komam ijuruŋuŋito; epol rwaru ekusiropit, iraunete yesi idwe luka Je kaloejai kuju kakuj: naarai esiana ŋesi mama kalumam imalaete ka lueroko da. Koraas luketimok, kwape eraar Papakus loketimon. “Siritubonokinete, yes da kinyeis atubokinio: sirisitelekanarete, yes da kinyeis aisitelekario; kisioniete, yes da kisionio; koinakisi, yes da kiinakinio; aitemis naejok, naicikakinitai, naijaŋijaŋitai, kiton abukonor, ŋin ŋes kiinakinete ituŋa atorobusiokus. Naarai aitemis naitemioto, ŋipeŋin kitemere yes da.” Kolimok kes awaragan ebe, “Epedori kereka emuduki aiŋarenikin emuduki? Mam ibirokinos kere iarei toma aipany? Mam ekesisian itelekari ekesisianakinanike, konye ŋinituŋanan yenituutooritai cut erianakinos ka ekesisianakinanike. Aso kanukinyo isesenia igugut yenejai akoŋu naka onacekon, komam ipodo akitoi naejai akoŋukon kilopet? Arai ipedori biai alimokin onacekon ebe, ‘Onaceka, kinyek kalem igugut yeneiai akoŋukon’, komam iseseni akitoi naejai akoŋukon kilopet? Yenikesoswai ijo, kolem ber akitoi naejai akoŋukon, kosodi konyet asesen kotenan alemun igugut kakoŋu naka onacekon. “Naarai emamei ekitoi loejok loerai araito nukaronok; karaida ekitoi loerono loerai araito nuejok. Naarai ejenunio ŋolikitoi kanuka araitoke. Naarai kotoma okukwa mam ituŋa edeŋete itinin, karaida toma okodokodo aideŋ imusabibun. Itolomuni ituŋanan yenejok nuejok kotoma kanuejok nuiŋadakinit otauke; ituŋanan da yenikaronon itolomuni nukaronok kotoma kanueroko nuiŋadakinit: naarai inera akeituk nuilapununos kotauke. Kanukinyo kinyaritotor eoŋ ebe, ‘Ejakait, Ejakait,’ kwabo mam iswamaete nuabala eoŋ? Ŋinituŋanan kere yenebuni mamakaŋ, kiira da akakiro ka aswam kes, ketodikini yes kwape eputor: Eputos bala ekadukon etogo, loeboki kwap noi, epesikini apetetait atiida; naeleleunia akalel, naeretonokinotor akip nukecor togo ŋol, mam epedori aijaŋijaŋa: naarai edukitoi ejok. Konye yenepupuni, komam iswamai, eputos bala lokeduki eketogo alup komamei apetetait; koretonokinos akip nukecor togo ŋol, atipet kibiror; kepol da atiyakinike.” Nakedaunia akekiro kere kopupete ituŋa, koloma Kaparanaum, Keiai ekapolokiton-erioŋet ekebulesit lokemina noi, lokedeka eapikinit airidakin, Nakiiraria ŋol eemut loka Yesu, kiyakia imakio luka Iyudayan ailip ŋes abunore aitaŋaleun ekebulesit. Nakedolioto kesi mama ejai Yesu, kiŋaiŋaata noi, kobalas ebe, “Ibus ŋesi, kiswamaki nu: naarai emin awokoteker, kidukok sio akositukos.” Kouparos Yesu kakes, Nakeapikinia etogoke, kiyakik ekapolokiton ikepapero kotema atiar, “Ejakait, sirikitaar: naarai mam eoŋ kebusakinit jo alomun kwap kekaswi. Ŋes mam aomitor aibusakin abunore mamakon: konye kolim akirot bon, eŋaleuni ekatelepat. Naarai eoŋ da arai etuŋanan lokayaitai, ejaas iserikalei luayait eoŋ: ido alimokini ediopet ebe, ‘Kolot’, elosi; ece da ebe, ‘Bia,’ ebuni; ekabulesit da ebe, ‘Kiswama na,’ ido iswamai.” Nakiiraria Yesu akiro ŋun, koumok kanukeŋ, kibelokin kolimok ekodet loketupit ŋes ebe, “Katemari yes atiar, Mam lem adumunit aiyuun naepol naetia na, karaida toma Isirael kere.” Nakeboŋoriata lueyakunitai ore, kodumut ebulesit keŋaleu. Kosodi kanen ketubor apak naedit kolot ore loenyaritai Nain, koupas ikekesisiak kaŋes ka ekodet loepol. Nakeapiaria orute loka ere, koany, kibwokunitai lokatwan kiŋa, lokerai loteluna, totoke da kerai apuserut: kejaas ituŋa luipu lukore nenipe kaŋes. Nakeanyunia Ejakait ŋin kitim, kotema ŋes atiar, “Sirikimony.” Kikunyak kotiro ekirigi lokibwokitere, kobwout lukibwokito. Kotema atiar, “Etelepat, katemari jo atiar, Konyou.” Kiboikin lokatwan kogeu einer. Koinak ŋes totoke, Kokuriakaros kere; kitopoloosi Edeke, kobalas ebe, “Atakanu cama enabi lokapolon kamawok!” ebe da, “Aanyana Edeke iketuŋol” Kisiarakinos akiro ŋun toma Yudaya kere, ka akwap kere naidunyatar. Apotu ikesisiak luka Yokana kolimokis ŋes akiro ŋun kere. Kenyarau Yokana iarei kokesisiakake kiyakia mama ejai Ejakait, iŋisit ebe, “Irai kereka ijo ŋol loebunit, arai bo kedarata ece?” Nakedolioto ituŋa mamakeŋ, kobalas ebe, “Kijukunit Yokana Lokebatisan sio mamakon iŋisit ebe, ‘Irai kereka ijo ŋol Iocbunit, arai bo kedarata ece?’ ” Kosawa kaŋol kitaŋaleu luipu akecedekesia, ka ican ka imoyon lueroko; koinak imudukiok luipu aanyun. Koboŋok kotema kes atiar, “Koloto, kolimokis Yokana ŋun nuianyut ka nuiirarito da; ekwenyunete imudukiok, elosete iŋwalasik, iswagio lukatapon, epupete ikimiŋiok, itajario lukatwak, elimonokinio da lukican akiro nukajokak. Isirereŋitoi da ŋol lomam itiguikin kanukaŋ.” Kosodi kedaut ikiyakia luka Yokana alosit, kogeu alimokin ikodeta nuka Yokana ebe, “Kilomarete alosit amodiŋ aanyun inyo? Egada lokijaŋijaŋ! ekwam? Konye bo kilomarete asesen inyo? Etuŋanan lokenapit anapito naanebek? Koany, luisiritoi kaluibusak, luenyamete da luetaitaete, ejaas toma alaroi nuka ikabakan. Konye kilomarete asesen inyo? Enabi? Eebo, katemari yes atiar, loitelekarit enabi. Ŋol ŋes iwadikatere nu ebe, ‘Koany, ejukari ekakiyakia kakonyenekon, Loitemonokini ekonirot kakonyenekon.’ Katemari yes atiar, Kotoma lukeuriete aŋor emamei yenepol aitelekarit Yokana: konye loedit kotoma ajakanut naka Edeke ŋes epol aitelekarit ŋes.” (Nakiirariata ituŋa kere, ka iketelemak esolo da, kitogogoŋoto adolit naka Edeke, naarai kibatisauna kaibatisa naka Yokana. Konye koŋeroto Iparisayon ka iricakisila ainerun naka Edeke, naarai mam apotu kibatisaunos kamakeŋ.) “Aso do etupusi kinyo ituŋa luka atur kana, eputosi kesi kinyo? Eputosi kidwe luiboiete kagwelanaret, konyaras, kobalas ebe, ‘Kikut alamarun, mam yes esoma; Kibwolol, mam yes emonya.’ Naarai kobu Yokana Lokebatisan komam enyami karaida aimat ebino; ibalasi yesi ebe, ‘Ejai ajokit’. Kobu Okoku loka etuŋanan enyami emasi da; ibalasi yesi ebe, ‘Koany, ekeraŋat lo, ekameran da, epapero loka iketelemak esolo ka ikadiakanarak!’ Konye ikedwe kere kes itojokere Acoa.” Kosodi konyara ediopet koParisayon Yesu aimor kaŋes. Koloma togo loka Eparisayot, kiboikin ainyam. Ido koany, kepupu aberu nakore kaŋol, nakerai nakadiakanaran ebe eboikin togo loka Eparisayot ainyam, koyau ekube loka akinyet; kobwo kokauke koapie kakejeke, emonyi, kogeu aitodoonokin akiyo akejeke, koninana kitima luka akouke, konu akejeke, kinyonyoanak akinyet. Keanyu Eparisayot lokenyararit, kotema kotauke atiar, “Arai kerai etuŋanan lo enabi, tikejenu aberu ŋin erai iŋai, ido nakepone enyoin, naetironori ŋes, naarai erai nakadiakanaran.” Koboŋok Yesu kotema atiar, “Simon, ejai akirot naakoto alimokin jo.” Kotema atiar, “Aso, Ekesisianakinan, kiner.” Kotema atiar, “Kejaas etuŋanan kalukapesen iarei; kiburai ediopet adenarin akwat akany, lokiareit da akaisakany. Amameete kes nutacet, abu kitim kes kere iarei. Kotoma kes luarei, iŋai bo eminuni ŋes aitelekarit?” Koboŋok Simon ebe, “Aomit ebe je lokisionio nuipu.” Kotema ŋes atiar, “Itub kotenan.” Kibelokin mama ejai aberu kotema ŋesi Simon atiar, “Iany ijo aberu na? Alom eoŋ togokon, mam jo einakina akipi nuka akejeka, konye na etodoonoki akiyo akejeka ka anina da kitimake. Mam jo ibu konu eoŋ, konye ameun napenan alomunia mam na inyeina ainu noi akakeje. Mam jo ibu kinyonyo akinyet akouka, konye na enyonyo akinyet akejeka, Kanuka ŋun katemari jo atiar, Isionio akediakanareta nuipu, naarai epol akemin; konye yenisionio nuikidioko, edit akemin.” Kotema ŋesi ŋin atiar, “Esionii akonidiakanareta.” Kosodete kogeutu lukemorete kaŋes atemanar atiar, “Iŋai ca lo, loisioniei adiakanareta?” Kotema ŋesi aberu atiar, “Kitajar jo akoniiyuun; kolot inapakina.” Kosodi kanen ketubor apak naedit, kimaniman ireria kere lukapolok ka luedisiak, elimonokini ka alimor akiro nukajokak nuka ajakanut naka Edeke, kojaas nenipe ka lutomon kaarei, ka aŋor ace nukitaŋaleunitai imoyon lueroko ka adekesia, Mariam naenyaritai Magadalene, nakelomunete ajokin akanykaarei, ka Yoana aberu naka Kusa ekeŋadan loka Kerode, ka Susana, ka ace nuipu nukijaanakinete kiborokec lukejaatar. Naketukokinor ekodet loepol, kopotu da lukepote kaŋolire mamakeŋ, kiner kawaragan atiar, “Abu ekayean koloma aiye ikekinyom; napeyei, kodooto ice ariri kerot; kicakacakai, konyama ikweny luka apak. Kodooto ice aŋaŋam; nakegeuniata abwaŋun, kooko, kanuemameatar akip. Kodooto ice okukwa; kopolooto ikukwa kakes, koridakis, Kodooto ice alup nuejok, kopolooros, koraata araito kiton akwatat.” Nakinerar akiro ŋun, kiworo ebe, “Yenejaas aki nuka akiirar, kiira.” Kiŋita ŋes ikekesisiak ebe inyo bo apolou kawaragan kaŋin, Kotema atiar, “Kiinakinitai yes ajenun nukaiyeiyea nuka ajakanut naka Edeke; konye ice kawaragasia; tetere eanyunete komam eanyunete, ido iirarete komam ejenunete, Aso apolou naka awaragan ŋes nata: Ekinyomit ŋes akirot naka Edeke. Kwi da lukariri kerot kes lukiirarete; kosodi ebuni Satan, alemar akirot kotauonokec, tetere mam iyuunete ka aitajario da. Kwi da lukaŋaŋam kes lukiirarete kocamut akirot kailel; konye komameete alias, iyuunete nediokasilon, kosodete kapak naka acodunio etiakaros, Kwi da lukedoete okukwa, kes lukiirarete, ido kelototo koridakinos aiyaloŋoŋ, ka abar, ka aiyalama naka aijar, komam ititionete adioraito, Kwi da luka alup nuejok, kes luka itauon luitenara luejok lukiirarete akirot, koricito, koraata araito katitiŋikin, “Emamei ituŋanan yeninokokini atala, kobuburik ibore, arai aibwaikin kwap keitada; konye ibwaikini kuju ocoget, tetere epedorete luelomunete aanyun akeija. Naarai emamei akirot naibwaitai, namam ikujunio, karaida naimunonitai namam ejenunio ka aikujunio. Aso kocoito kwape ipupioto; naarai yenejai ibore, einakinio ice; ka yenemamei ibore, edemunio ŋin da yeneomit ŋesi ebe ejaatar.” Kopotu do totoke ka ikeinacan, mam apedorete aikunyakin ŋes kanuka ekodet. Kolimokinai ebe, “Ebwoete totokon ka ikoniinacan kokiŋa; ekotosi aanyun jo.” Konye Koboŋok kotema kes atiar, “Totoka ka ikainacan kes ŋul luiirarete akirot naka Edeke, kiswamata da.” Kosodi kanen adiopet kapaarasia kaŋun, kodoka ataker, ŋes ka ikekesisiak; kotema kes atiar, “Aso kekwaŋaros aŋolol juwai”; kogeut alosit. Konye napikwaŋasi kojotoor ŋesi, kokut ekwam loepol kaŋolol; kogeut akipi ailelebun ataker, kojaut toma ationis. Koloto mama ejai kitwekenyut, kobalas ebe, “Ekapolon, ekapolon ba, kitwaka.” Kokweny ŋesi, kiretak ekwam ka agat naka akipi: kopalasi kojaun aiyamakin. Kotema kes atiar, “Ani bo aiyuunikus?” Kokuriakata, koumokis, kotemanaros atiar, “Aso iŋai bo lo, naarai icorakini kiton ikwamin ka akipi da, korimarete?” Kodolot akwap naka Igerasenin, naetereikina Galilaya, Nakedokunia koitolima, kiriamunos ketuŋanan loka ore kaŋol lokejaas ajokin; apak naepol mam anapit inapen, mam abu kosal togo, konye toma atesin, Nakeanyunia ŋol Yesu, kilala, kibirokin kakonyeneke, kiner keporoto loepol ebe, “Anyoika eoŋ kajo, Yesu, Osoku loka Edeke loejai kuju kakuj? Keŋaiŋait, sirikiitican eoŋ.” Naarai abu kicorak emoyo loerono alomun kotuŋanan. (Naarai kikamununei ŋes irwan ipu; kidareneno, koenen kirikoi ka iloin; koŋedeŋedei lukeenitere; kokerianara ŋes ajokit amodiŋ.) Kiŋit Yesu ŋes ebe, “Ekonikiror iŋai?” Kobala ebe, “Ajore,” naarai kelomakinitos ŋes ajokin nuipu. Kiŋaiŋaata ŋes sirikicorak kes alomar aipany. Kejai nen esipan loka ipegei luipu edakasi oroŋat; kiŋaiŋaata ŋes acamakin kes alomar opegei. Kocamak kes, Kolomut ajokin kotuŋanan, kolomasi toma opegei: komotar esipan kaneijululuei, kibirokin aŋolol, kotwakikis akipi. Nakeanyuniata ikecokok nuadoikis, kokerata, kisiarakis akiro toma ore kamanat da. Koloto aanyun nuadoikis; kopotu mama ejai Yesu, kodumut etuŋanan lokelomunete ajokin, iboie kakejen nuka Yesu, enapit igoen, kejokiar adam; kokuriakaros. Ŋul da luapotu koanyut kitejenut kes kwape kitaŋaleunere ŋol lolem ajaas ajokin, Kosodete ituŋa kere luka akwap naka Igerasenin airiamar kilipa ŋes anyoun kamakec; naarai kikam kes akurian naepol; kodoka ataker, koboŋo. Konye kilip etuŋanan lokelomunete ajokin aup kaŋes; konye kotwar, kobala ebe, “Koboŋo orekon, kolimonok nukapolok nukiswamak jo Edeke.” Kolot, kolimonok anatar ere kere nukapolok nukiswamakini ŋes Yesu. Kosodi nakeboŋunio Yesu, kisukunyik ekodet ŋes kaiyalama; naarai kidaritos ŋes kere. Ido koany, kobu etuŋanan ekekiror Yairo, lokerai ekayaiton loka atukos; kibirokin akejen nuka Yesu, kiŋaiŋa ŋes alomar togoke; Naarai kejai ŋes apese nateluna, naka ikar itomon ka luarei, keapikinit atwanare. Konye napelosi koridakis ikodeta, Kosodi aberu nakedeka alele nakaokot ikar itomon ka luarei, naketacakinit imurwok lukejaatar kere, komam epedori ituŋanan aitaŋaleun, komanu kokauke, kotiro atwele naka anapitoke; atipet kosaŋ alele nakaokotoke. Kotema Yesu atiar, “Iŋai bo katiro?” Kosodete nakeŋerioto ituŋa kere, kobala Petero ebe, “Ekapolon, kilukut jo ikodeta kiridakis da!” Konye kotema Yesu atiar, “Katiro ma ituŋanan: naarai amisiik ebe alom apedor kamakaŋ.” Nakeanyunia aberu ebe mam epedori aibwaio, kobu emarani, kibirokin akonyeneke, kitejenu kakonyen nuka ituŋa kere akiro nukeinakinete ŋes atiror, ido kwape kitaŋaleunere atipet. Kotema ŋes atiar, “Akokuka, kitaŋaleu jo akoniiyuun; kolot inapakina.” Napinera ŋun, kobu etuŋanan kore loka ekayaiton loka atukos, kobala ebe, “Adaun akoonipese; sirikitaar bobo Ekesisianakinan.” Konye nakiiraria Yesu ŋun koboŋok ebe, “Sirikikurianar; konye kiyuu aiyuun, itaiario.” Nakedolio togo, mam abu kisunup ituŋanan alomar nepepe kaŋes, dimarai Petero, ka Yokana, ka Yakob, ka papa loka ikoku ka totoke. Emonyete kere kibworos; konye kotema atiar, “Sirikimonya; naarai mam etwanit, konye ejotoi.” Kokienatar ŋes noi, naarai kejenete ebe adau ikoku atwanare. Konye kitiŋ akekan, kiworo ebe, “Ipese, kokweny.” Koboŋu ekemoyo, atipet konyou; kicorak ainakin ŋes inyamat, Koumokis ikekauriak; konye kicor kes kinyeis alimokin ituŋanan nukiswamao. Konyarau lutomon ka luarei nepepe, koinak apedor ka apolou kama ejaas ajokin kere, ka aitaŋaleun adekesia. Kiyakia kes alimonokin ajakanut naka Edeke, ka aitaŋaleun da lukadekak, Kotema kes atiar, “Sirikiyaŋaasi ibore kere yenikerot, karaida ebela, karaida ecoe, karaida inyamat, karaida apesan, karaida ajaut kikason iarei. Kaŋolitogo loilomanarete, kosalenenete nen, aitodol nainyounioto alosit. Ŋul lumam kisukunyikinete yes, nainyounioto kotoma ore kaŋol, kilakilakenenete adae nuka akejenekus araut akajenak kamakec.” Koloto kesi, kiriamas ireria, elimonokinete Akiro Nukajokak, ka aitaŋaleun da kaŋiniibois. Kosodi kiira ekabaka Kerode nukiswamao kere; kiyaloŋoŋ noi, naarai kebalas ituŋa ice ebe, ajaru Yokana kotoma okatwak; ka ice da ebe, “Atakanu Eliya”; ka ice da ebe, “Ajaru ediopet kotoma onabin lukolo sek.” Kobala Kerode ebe, “Abu kajepa akou naka Yokana; konye iŋai bo lo loapupi eoŋ akiro nuetia nen?” Kokoto aanyun ŋes. Kosodi keboŋut ikiyakia kitejenut Yesu akiro kere nuapotu kiswamata, Koyaŋa kes, kogita kiton ore loenyaritai Betesaida. Konye nakejenuniata ikodeta kotupasi ŋes; kisukunyik kes kaiyalama kolimok kes nuka ajakanut naka Edeke, kitaŋaleu da lukipudas aitaŋaleunio, Kejotaki akoloŋ; kopotu lutomon kaarei mama ejai, kotemasi atiar, “Kotwar ekodet, tetere elosete toma oreria ka amanat da nuidunyatar, kodumutu neeperete ka inyamat da; naarai kijaa ne amodiŋ.” Konye kotema kes atiar, “Koinakisi yesi kes lunyaman.” Kotemasi atiar, “Emamei sio ibore yenedeparit imugatin ikany ka agaria aarei; arai mam kilosit agwelakin etuŋat lo kere inyamat.” Naarai emwaasi ikiliok bala ilukumin ikany. Kotema ikekesisiak atiar, “Kisiboikis kes katukon bala akaisakany ŋinitukot.” Kiswamata kwaŋin, kisiboikis kes kere. Kolem imugatin lukany, ka agaria aarei, kosesen akuj, kisirereŋ kes, kobilibil; koinak ikesisiak akoranakin ekodet. Konyama, kimonikinos kere; kotukonokinai atutubeta nuabilibila nukesalete, iditai itomon ka luarei. Kosodi kanen, napilipi ŋesi kogitara, kojaas ikekesisiak nenipe kaŋes: kiŋit kes ebe, “Ebalas ikodeta ebe arai eoŋ iŋai?” Koboŋokis ebe, “Yokana Lokebatisan; konye ice Eliya; ice da ebe ajaru ediopet konabin lukolo sek.” Kotema kes atiar, “Ido bo yes kibalas ebe arai eoŋ iŋai?” Koboŋok Petero ebe, “Ijoŋ Kristo loka Edeke.” Konye kicor kes, kisimik alimokin idiotuŋanan akirot ŋin. Kobala ebe, “Ibusakinit Okoku loka etuŋanan aiticanio nuipu, egirete da imakio ka isasedotin lupeti ka ikewadikak, ka aiar, kapaaran da nakiwuniet ejaruni.” Kolimok kes kere ebe, “Arai ekoto ituŋanan aitup eoŋ, koŋerokin ilopet, korioŋ ekemusalaba ŋinipaaran, katup eoŋ. Naarai ŋin yenekoto aitaiar akeijar etwaniari; konye ŋin yenetwaniari akeijar kanukaŋ, itajari ŋes, Naarai ajokis anyoin arai kedumu ituŋanan akwapin kere, kitoolio arai kotwania akeijar? Naarai yenirumete ileic kanukaŋ, kanuka akakiro da, irumete ileic Okoku loka etuŋanan da kanukeŋ, naebunio kaibusesuke, ka naka Papa, ka naka imalaikan da lukalaunak. Konye abeit katemari yes atiar, Ejaas ice kaluebwoete kane lumam iirete cut atwanare aitodol neaanyuniata ajakanut naka Edeke.” Kosodi kanen akaulo kakiro kaŋun bala apaarasia akanykauni, koyaŋa Petero ka Yokana ka Yakobo, kodoka oroŋat ailip. Napilipi, kogelakin epone loke ereeteke, kiliacanata ikenapen komwekimwekete, Ido koany, kineras ituŋa iarei kaŋes, lukeraas Musa ka Eliya; luketakanete kaibuses, kineras akiro nuka atwanareke naelosi ŋesi aitodolikin koYerusalem. Kilurunito Petero ka lukejaas kaŋes ajo; konye nakekwenyuniata koanyutu aibusesuke, ka kwi da iarei lukebwoete kaŋes, Kosodi kanen, napetiakas kaŋes, kotema Petero Yesu atiar, “Ekapolon, ejok oni ajaut ne; aso keswamata iswamin iuni; ediopet lokon, ediopet loka Musa, ka ediopet da loka Eliya.” Komam ejeŋi nukinera. Napinera ŋesi ŋun, kobu edou, kiteribo kes; kokuriakaros nakelomariata odou. Kolom eporoto kotoma odou, kobala ebe, “Lo ŋes Okokuka, loseunaka; kiirasi ŋes.” Napinera eporoto ŋol, kotakan Yesu bon. Kililiŋata kesi, komam elimokinete idiotuŋanan kapaarasia kaŋun adiokirot kanuaanyut. Kosodi kanen apaaran naatupakini nakedokuniata koroŋat, kiriamunos kekodet loepol. Ido koany, kiworo etuŋanan kotoma okodet ebe, “Ekesisianakinan, keŋaiŋait, koany ikakoku; naarai erai ikateluna; Ido koany, ikamununei ajokit ŋes, atipet isilalai; bobo da kisiilio, kokui ekuetete, mam inyeini dimarai kationis, idecideci ŋes, eŋaiŋa ikonikesisiak aireŋear ŋes, konye mam epedoro.” Koboŋok Yesu kotema atiar, “Wu okwe yes atur namam iyuunit, naepaarit, etodoli eoŋ ai ajaut kayes, ka atitiŋikinit da yes? Koyau ma ikonikoku ne.” Napebuni kibirok ajokit kwap, kisiilio. Kiretak Yesu ajokit naerono, kitaŋaleu isapat kinyakak papake. Koumokis kere apolou naka Edeke. Konye napeumokinitos kere akiro kere nueswamai, kotema ŋesi ikekesisiak atiar, “Kitolomasi akiro nu akiikus; naarai einakinio Okoku loka etuŋanan akanin nuka ituŋa.” Konye mam kes apotu kojenut akirot ŋin, kimunonitai kamakec, kinyeis amisiikin; koyoŋata aiŋit apolou naka akirot kaŋin. Kogeut epeget kotomakec ebe iŋai bo kakesi eraun lokapolon. Konye kejen Yesu epeget loka itauonokec, koyau ikoku yenididi, kisibwo kodieke, kotema kes atiar, “Ŋin yenisukunyikini ikoku yen kokirorika kesukunyikinit eoŋ, ŋin da yenikesukunyikini eoŋ, isukunyikinit ŋol lokejukuni; naarai loerai loedit kokidiŋikus kere, ŋol ŋes erai lokapolon.” Koboŋok Yokana kotema atiar, “Ekapolon, kipou kaanyutu etuŋanan ireŋeari ajokin kokirorikon, kesimika ŋes, naarai mam kiupa kaoni.” Konye Yesu kotema ŋes atiar, “Sirikisimika; naarai ŋol lomam erai lokasurupikus, erai lokowaikus.” Kosodi kanen, keapuut apaarasiake nuka aitodokario, kitogogoŋ akonyeneke alosit Yerusalem. Kijuka ikiyakia aliŋakin ŋes, koloto kolomasi ore loka Isamarian tetere itemokinete kanukeŋ; konye mam kes apotu kisukunyikis, naarai atereit akekonyen aibe Yerusalem. Keanyut ikekesisiak Yakob ka Yokana ŋun, kobalas ebe, “Ejakait, ikoto kecorakis akim kodoku kokuju komudia kes [kwape kolo eswamaa Eliya]?” Konye kibelokin, kitoron kes, [kotema atiar, “Mam ijenete epone loka emoyo loejai kayes. Naarai mam abunit Okoku loka etuŋanan amudiar aijar naka ituŋa, dimarai aitaiar.”] Koloto ore ece. Napelosete kesi korot, kotema etuŋanan atiar, “Katupenenei jo kama ilosi kere.” Kotema Yesu ŋes atiar, “Ejaas ikuwei apanya, akweny da nuka apak ejaas akaisikec; konye Okoku loka etuŋanan emamei nama iperikini akekou.” Kotema ŋesi ece atiar, “Kotupunai.” Konye kobala ebe, “Ejakait, kisiikinai ber kalot keda papaka.” Konye kotema ŋes atiar, “Kinye lukatwak kidaata lukarwakakec; konye jo, kolot kolimono ajakanut naka Edeke.” Kobala ece da ebe, “Ejakait, katupenenei jo; konye kisiikinai ber katwar ituŋa lukokaleka.” Konye Yesu kotema ŋes atiar, “Emamei yenetiŋit emeleku lokimoŋin, kosesen kau, yenibusakinit ajakanut naka Edeke.” Kosodi kokau kaŋun koseu Ejakait ice akaisakanykaarei, kiyakia kes iarei iarei aiŋarenikin ŋes alosit ŋolire ka ŋiniibois naekoto ŋesi elopet alosit. Kotema kes atiar, “Ipu idwenyan, konye ikidioko ikeswamak; aso kilipa Ejakait loka aidweny kijuk ikeswamak toma aidwenyeke. Koloto yesi; koany, keyakiari yes kwape idwe luka amerekekin kokidiŋ opeen. Sirikiyata eriagi, karaida ecoe, karaida amuk; sirikiyogata da ituŋanan korot. Ido ŋolitogo loilomanarete, kotemasi ber atiar, ‘Kojau ainapakin togo lo!’ Arai kejaun okoku loka ainapakin kanen, esalakini ŋes ainapakinikus; arai mam, kiboŋokini yes ainapakinikus. Kosalata ber togo ŋopeŋol, inyamete komasete lukiinakinete yes, naarai edolit ekeswaman aropio; siribwosenenete otogoi ice. Ido ŋolire kere loilomanarete kiisukunyikis, konyamata inyamat lukiinakinete yes; kitaŋaleununete lukadekak luejaas nen, kolimonokinete ebe, ‘Ekunyu ajakanut naka Edeke mamakus.’ Konye ere kere loilomanarete, arai mam kisukunyikinete, kolomutu orotinike, kineras ebe, Kilakilakanakini yes adae nukakejenekosi; konye kojenutu na ebe, ‘Ekunyu ajakanut naka Edeke mamakus.’ Katemari yes atiar, Kapaaran kaya, epatana Sodom atitiŋikin aitelekarit ere ŋol. “Itukwi ijo Korasin! Itukwi ijo Betesaida Naarai arai kiswamatai koTuro ka Sidon nukapedor ŋun nukiswamatai kamakus, tikitoronikinos ŋosek, kibojete kopukoi ka ekurwon. Konye apaaran naka etube epatanikini Turo ka Sidon atitiŋikin aitelekarit yes. Ka jo da Kaparanaum, kitopoloorio kereka kiton akuj? Kijesario do kiton Okatwak. “Yenikiirari yes, keirari eoŋ; yenikipaluni yes, kapaluni eoŋ da; yenikapaluni eoŋ epaluni lokejukuni.” Kosodete koboŋut kwi akaisakanykaarei kaiyalama, kobalas ebe, “Ejakait, kononokikis sio ajokin da kokirorikon!” Kotema kes atiar, “Aany Satan ibiruni kokuiu kwape keimilia, Koany, kainakinit yes apedor aicakacak imunwo ka ikiritona, ido kama ejai apedor kere naka lokasurup; emamei da ibore kere yenikikonakini yes erono. Konye sirikiyalamikinos kanu kinonokikiniata yes ajokin; konye kiyalamikinos naarai iwadikatai ikusikiroria kotoma akuj.” Kosawa kaŋol kolakar kOmoyo Lokalaunan, kotema atiar, “Kemalai jo, wu Papa, Ejakait loka akuj ka akwap, naarai ibu kimunonik akiro nu lukacoa ka lukaijen, kopukok da idwe ludidik; eebo, Papa, naarai kwaŋin ibu kitojokia kakonyenekon. Kainak Papaka iboro kere; ido emamei yenejeni Okoku dimarai Papa, kwabo emamei yenejeni Papa dimarai Okoku, ka ŋin da yenekot Okoku apukokin ŋes.” Kosodi kibelokin mama ejaas ikekesisiak, kiner kakes kaiyeiyea ebe, “Isirereŋitoi akonye nuesesenete nuisesenete yesi. Naarai katemari yes atiar, ‘Apotu kimielas inabin luipu ka ikabakan aanyun nuisesenete yesi, mam eanyuna, ka akiirar da nuiirarete yesi, mam iirara.’ ” Ido koany, kobwo ericakisil ediopet kokodokod, kobala ebe, “Ekesisianakinan, ekonakini ai tetere erumi aijar naka ikar kere?” Kotema ŋes atiar, “Iwadikatai bo inyo toma okisila? Isiomi biai?” Koboŋok ŋes ebe, “Komina Ejakait Ekonideke kekonitau kere, ka akoniiiar kere, ka akonigogoŋ kere, ka akonicoa kere; ka ekoniidunyet da kwape iminari bon.” Kotema ŋes atiar, “Iboŋok kotenan; kikonaki nen, iiari.” Konye ŋes ekoto aitoiokikin, kiŋit Yesu ebe, “Iŋai bo ekaidunyet?” Koboŋok Yesu kobala ebe, “Abu etuŋanan kijesar anyoun koYerusalem alosit Yeriko, kiriamunos kikaŋatak, lukelacarete ŋes inapen, kibuŋata, koloto kinyeis eapie airidakin. Kosodi kanen kitor esasedoti orot ŋol; nakeanyunia ŋes, kinac kotubor, Elebit da kwape kwaŋin, nakedolio aibois ŋin, koany ŋes, kinac kotubor. Konye Esamariat ediopet kalositeke, kedol nen nekejai; nakeanyunia, kitim ŋes, kikunyak koen akemusuŋun, kobukok akinyet ka ebino; kibwanenik otiaŋake koyaŋa kiton togo laka ipejok, kimuke, Apaaran nakiareit kolem adenarin aarei koinak elopet etogo, kobala ebe, ‘Kimuke lo; ibore kere yenitaci aitedepar, katacakini jo naaboŋunio.’ Iŋai kaŋul kaluuni loiwomit ijo araut ekeidunyet kaje kalokiriamunos kikaŋatak” Kotema atiar, “Ŋol lokitimi ŋes.” Kolimok Yesu ŋes ebe, “Kolot ijo da, kikonak nen.” Kosodete napebeete, koloma ore ediopet; kisukunyik aberu ekekiror Marita togoke, Kejai ŋes kainacike naenyaritai Mariam, nakiboie kakejen nuka Yesu, iirari akekiro, Konye abu Marita kitaaritoi kanuka aijaanakin naapol; kolot mama ejai Yesu kotema ŋes atiar, “Ejakait, mam kereka ipodo ebe kenyeinia kinacika aijaanakin bon? Aso kolimok ŋes keŋarak eoŋ.” Konye Koboŋok Ejakait kotema atiar, “Marita, Marita, iyaloŋoŋoi ilolonyi da kanuka akiro nuipu; konye ipudai luikidioko, arai bo idiopet bon; naarai aseu Mariam ewai loejok, lomam edemario ŋes.” Kosodi kanen, nakilipia kaibois adiopet, nakedaunia, kotema ediopet kosesisiakake atiar, “Ejakait, kisisianakinai sio ailip, kwape kisisianakinia Yokana da ikekesisiak.” Kotema kes atiar, “Nailipiata, kineras ebe, Papakosi loejai toma akuj, ekonikiror kitalaunai. Akonijakanut kobu. Nuikoto kiswamai kakwap, kwape iswamaere kotoma akuj. Koinanakinai sio ikosinyamat luka ŋinipaaran; Kisionioi sio akosidiakanareta; naarai kisioniei isio lukapeseninikosi. Sirikiya sio toma acodunio, konye koyuunai sio kama ejai lokaronon.” Kotema kes atiar, “Iŋai kayesi yenejai ekepapero, kelot mama ejai kidiŋ kuare, kotema ŋes atiar, ‘Opaperoka, koyuunai ber kimugatin iuni; naarai adolu ekapapero mamaka ebuni kalosit, emamei eoŋ idiobore yenainakini ŋes ainyam’; eboŋokini lokotogo ebe, ‘Sirikiitapas eoŋ; egolol ekek, kiperi eoŋ nepepe kikadwe koitada; mam apedori anyoun ainakin jo’? Katemari yes atiar, Karaida mam enyouni ainakin naarai erai ekepapero, konye kanuka akeiŋaiŋait enyouni einakini ŋes luipuda kere. Katemari yes atiar, Kilipa, kiinakinio; komoata, idumunete; kikuŋukuŋoto, kiŋaikinio, Naarai ŋin yenilipi ijaikinio, yenemoi edumuni, ka yenikuŋukuŋi da enaikinio. Iŋai bo kayesi erai papa, arai kilipi ikokuke emugati, einakini tope amoru? Arai bo agar, ido aibois kagar einakini tope ŋes emun? Arai kilip abeet, einakini tope ekiriton? Aso arai yes lukaronok iienete ainakin ikusidwe ainakineta nuejok, mam kereka itelekarit noi Papakus loejai toma akuj ainakin ŋul luilipete ŋes Emoyo Lokalaunan?” Kosodi kanen ireŋeari ŋesi ajokit nabaŋ, Kelom ajokit, kiner lobaŋ; koumokis ikodeta. Konye kobalas ice kakesi ebe, “Ireŋeari ŋesi ajokin kanuka Beelesebul ekapolon loka ajokin.” Kocodut ice, kokotosi aanyunet naebuni kotoma akuj. Konye kejeni ŋesi akeceomisio, kotema kes atiar, “Ŋinijakanut naetiakatiakaun asurokin bon emudiar; arai etogo ketogo ibiror. Aso arai etiakatiakaun Satan bon, ikonakini ai akejakanut icasi? Naarai ibalasi yesi ebe ereŋeari eoŋ ajokin kanuka Beelesebul. Aso arai ereŋeari eoŋ ajokin kanuka Beelesebul, ido bo ikusidwe ireŋearete kanuka iŋai? Kanuka ŋun ŋes eraatar ŋul ikusikatubok. Konye arai ereŋeari eoŋ ajokin kebokorit loka Edeke, aso adolu ajakanut naka Edeke mamakus, Etuŋanan lokagogon ekapi lujiisike idari alaroke, inapakina ikeboro: Konye naebunokinia ekagogoŋon loedeparit ŋes, ipikori edemari lujiisike kere luamunokina ŋesi, ka akorokor iŋatanake, Ituŋanan yenimam ejai keoŋ, ŋes yenikekoloka; ituŋanan da yenimam etukonokini keoŋ, isiarakini. “Kelonu emoyo loerono kotuŋanan, itori aiboisio nuemameete akip, emoot nekiyeŋunet; keoliki, ebala ebe, ‘Aboŋori togoka nekabunio.’ Keboŋu, edumuni epieitai, epesitai da. Kosodi do elosi eupunos kimoyon ice ikanykaarei luitelekarito ŋes aronis; elomarete kesi da esalete nen; ejautene loka ituŋanan kaŋin lokawasia eraun loerono adepar losodit.” Kosodi kanen, napinera akiro ŋun, kiworo adiopeberu kotoma okodet, kotema atiar, “Isirereŋitoi aliliget nakipotiere jo, ka ikisin da lukinaki.” Konye Yesu kobala ebe, “Konye ca, nuitelekarito, isirereŋitoi luiirarete akirot naka Edeke, koricata da!” Kosodi naketukokinotor ikodeta mamakeŋ, kogeu atemar kes atiar, “Atur na erai atur nakaronon; emoot aanyunet, kwabo mam einakinio aanyunet, dimarai aanyunet naka Yona. Naarai kwape keraar Yona aanyunet kama ejaas ituŋa luko Ninebe, kwape kwaŋin eraunia Okoku loka etuŋanan kama ejai atur na, Enyouni akabaka naka Eŋalakimak kapaaran naka etube nepepe kituŋa luka atur kana, itetelekari kes akiro; naarai abu ŋesi kobu kosaŋe loka akwap akiirar acoa naka Solomon, ido koany, ejai ne yenitelekarit Solomon. Enyounete ikiliok luka Ninebe kapaaran naka etube nepepe katur na itetelekarete ŋes akiro; naarai apotu kesi kitoronikinos kanuka alimonokin naka Yona, ido koany, ejai ne yenitelekarit Yona, Emamei yeninokokini atala kibwaik aipany arai toma obukit, dimarai ikajakini ocoget, tetere epedorete luelomunete aanyun aica. Atala naka akuan ŋes akonikoŋu; arai oteni akonikoŋu, akonikuan kere ecai; konye arai erono, akonikuan da emutono. Aso kocoite kinye aica nakotomakon araun amuton. Aso arai ecai akonikuan kere, komamei adiotutubet naemutono, ileleba kere aica pas, kwape katala nakinwakakinit jo kaicake.” Napinera, konyara Eparisayot ediopet oreke aimor kaŋes lukapaaran; koloma kiboikin ainyam. Keanyu Eparisayot ŋol koumok, naarai mam ber kilosit eroko enyama. Kotema Ejakait ŋes atiar, “Kwana yes Iparisayon itesegarete kiŋa kakolin ka asanin, konye kotomakus ileleba aiŋat ka aronis, Ibaŋiok yesi! Lokesubi lukokuiu mere ŋes lokesubi lukotoma da? Konye koinakisi lukotoma araut ainakineta nukaitim; ido koany, elaete kere kamakus. “Konye itukwi yes Iparisayon! Naarai iinanakinete idiopet kotomon yenika alilot ka ecaboi ka ŋinikiyot kere, inyeinete etube ka amin naka Edeke; ibusakinit yes aswam ŋun komam inyeinete kwa da. Itukwi yes Iparisayon! Naarai iminasi iicoloŋo lukapolou katukosia, ka aiyogao kagwelanareta. Itukwi yes! Naarai iputos katesin numam etakanete, nuitorito ituŋa komam ejenete.” Koboŋok ediopet koricakisila kotema ŋes atiar, “Ekesisianakinan, kiner ijo kwaŋin kimoromor sio da.” Kotema atiar, “Itukwi yes da iricakisila! Naarai isibwokete ituŋa ibwokon lukalaŋirok, konye yes ikulepek mam itirorete ibwokon kediopet kobokorokus. Itukwi yes! Naarai idukete atesin nuka inabin luapotu lukapapaakus koara. Aso iraas ikajenak icamunito da aswamisio nuka lukapapaakus; naarai kes lukearete, yes da idukete atesinakec, Kanuka ŋun inera acoa naka Edeke ebe, ‘Ejukakini kes inabin ka ikiyakia, earete ice kakes, ereete,’ tetere itepesenio atur na aokot nuka inabi; kere, nukebukoros ameun kapetetait naka akwap, ameun kaokot nuka Abel kiton aokot nuka Sakaria, lokearakinio kidiŋ ketem ka aibois nakalaunan. Eebo, katemari yes atiar, Itepesenio kotoma atur kana. Itukwi yes iricakisila! Naarai ilemut alacetait naka aijen; mam yes ilomarito, ido itikokinito luakotos alomar.” Nakelomunia kanen, kogeut ikewadikak ka Iparisayon aridakin jokan, ka aiŋitiŋit akiro nuipu, kolokata ŋes tetere ipoki kakirot naelomuni kaitukuke. Kapaarasia kaŋun, naketukonokinotor ilukumin luka ikodeta kiton aicakacaka, kogeu alimokin ber ikekesisiak ebe, “Kocoito aitubuunet naka Iparisayon, ŋes aisoswanut. Konye emamei akirot naimunonitai, namam epukorio; karaida naibwaitai, namam ejenunio, Aso nuinerata kamuton iirario kaica; ido nuiyeiyeata kagolai nukotoma elimonokinio kokuju otogoi. “Katemari yes ikapapero atiar, Sirikikuriakaros luearete akuan, kosodi mam bobo nuepedorete aswam. Konye kekwenyari yes loikuriaka: kokuriaka ŋol loejai apedor kedau aiar acakakin Ogeena; eebo, katemari yes ariar, Kokuriaka ŋol. Mam kereka egwelete anyiporin akany apesan aarei? Kwabo mam imurwokinio adiopet kakonyen nuka Edeke. Konye imaritai itima da kere luka akwesikus kere, Sirikuriaka; iraas yesi luketiai adepar anyiporin nuipu. “Katemari yes atiar, ŋinituŋanan yenikalimori eoŋ kakonyen nuka ituŋa, elimori da Okoku loka etuŋanan ŋes kakonyen nuka imalaikan luka Edeke; Konye ŋin yenikaŋeri eoŋ kakonyen nuka ituŋa, enerio ŋin da kakonyen nuka imalaikan luka Edeke. Ŋinituŋanan da yeninera akirot asurokin Okoku loka etuŋanan isionio; konye yeneinyanakini Emoyo Lokalaunan mam isionio. Nakiyaŋaariata yes akonyen nuka atukosia ka ikayaitok ka lukapolou, sirikiyaloŋoŋoto epone arai akiro nuiboŋokinete arai nuineras; naarai kisisianakini Emoyo Lokalaunan kosawa kaŋol nuibusakinit einer.” Kotema ediopet kokodet atiar, “Ekesisianakinan, kolimok onaceka katiakata keoŋ akosikirumet.” Konye kotema ŋes atiar, “Ikatunanan, iŋai bo kadakakini eoŋ araut ekatubon arai ekakoran kamakus?” Kotema kes atiar, “Kocoito, kidaras bonik kama ejai airaŋaanut kere; naarai aijar naka ituŋanan mere iboro luipu luejaatar ŋesi.” Kolimok kes awaragan ebe, “Kebwaŋunito noi alup nuka etuŋanan lokabaran. Kogeu aomoom kotauke ebe, ‘Kekonak ai, naarai emamei neengadakini ikanyamat?’ Kotema atiar, ‘Ekonakini ne; atiyatiyai idulaaka, ka aje da luitelekarito; eŋadakini nen akakima kere ka ikaboro.’ Atemari akaijar atiar, ‘Aijar, ejaas jo iboro luipu luimonot kanuka ikar luipu; aso kijamam, konyam, komat, kolakara da.’ Konye kotema Edeke ŋes atiar, ‘Ibaŋaana ijo! Ekotoi akoniijar akuare na; iboro da luitemokinit, eraunete lukaŋai?’ Ikoni nen yeniŋadakinit iboro luka akais kanuke elopet, komam ebari mama ejai Edeke.” Kotema ikekesisiak atiar, “Kanuka ŋun katemari yes atiar, Siriyaloŋoŋoete kanuka akusiiiar, luinyamete, karaida kanuka akusiwat luinapete, Naarai aijar itelekarit inyamat, ka akuan da itelekarit anapito. Koomito ikuruka ebe mam eyeete kwabo mam idwenyete, emameete aiŋadisia karaida idulaa; konye itanyami kes Edeke, Itelekarito cama yesi noi akweny! Iŋai bo kayes kiyaloŋoŋ epedori aiyatakin akeibut? Aso do arai mam ipedorete akirot naedit noi kwaŋin, kanukinyo iyaloŋonooro kanuka ace kere? Koomito aapecelun, kwape epolooto; mam itaaritos, karaida aoj; konye katemari yes atiar. Ka Solomon da kotoma aibusesuke kere mam esiritoi kojokan kwape adiopet kaŋun. Aso arai itanapi Edeke kwaŋin inya luka ais, Iuejaas lolo, ecakario moi oupa; itelekarit cama noi aitanap yes, okwe yes luedit aiyuun. Sirikimoata luinyamete karaida nuimasete, kwabo sirikibuonokinos. Naarai emooto atekerin kere nuka akwapin ŋun kere: konye ejeŋi Papakus ebe ipudasi yesi ŋun. Konye komoata akejakanut, kiyatakinio da ŋun. “Ijo esipan loedit, sirikikurianar, naarai isiyalamikinit Papakus ainakin yes ajakanut. Kogwelanasi luijaatar, kokora lukaitim; kodonyonokinos iriagin lumam emojoŋete, emono kotoma akuj lomam iŋoŋar, aibois namam eapikini ekokolan, karaida ikajekel amunaun. Naarai nepejai akusibar, nepenen ejaikinos ikusitauon da. “Koenito akusiŋabes, konokete da akusitalai; yes da ikulepek kosubito bala ituŋa luidarete ejakaitikec naebonunio koiterane tetere naebunio aikuŋukuŋ konaikis atipet. Isirereŋitoi ibulesin ŋul luedumuni ejakaitikec ekwenyete naebunio; abeit, katemari yes atiar, eeni akeŋabet, isukunyikini kes onyamat, ebuni ŋesi elopet ijaanakini kes. Arai kebu kakwenyunet nakiareit, arai nakiwuniet, kodum ikote nen, isirereŋitoi ibulesin ŋul. Konye kojenutu akirot na ebe arai kejeni elopet etogo esawa loebunio ekokolan, tikekweny, kwabo timam kejalaki eketogo abokio. Yes da kokapakina; naarai ebuni Okoku loka etuŋanan kosawa lomam iwomito.” Kotema Petero atiar, “Ejakait, kilimokinit sio bon awaragan ŋin, arai bo ituŋa kere?” Kotema Ejakait atiar, “Aso iŋai bo erai ekeŋadan lomunot loepiriana, lokedakakini ejakaitike ayait lukokaleke kere akoranakin kes ikecenyamat kapakikec? Isirereŋitoi ebulesit ŋol, loedumuni ejakaitike iswamai kwaŋin naebunio. Abeit katemari yes atiar, Edakakini ŋes ayait luejaatar kere. Konye arai etemari ebulesit ŋol otauke ebe, ‘Eyap ejakaitika abunore,’ kogeu aibuŋ itelepai ka apesur, ka ainyam ka aimat ka amer da; ebuni ejakait loka ebulesit kaŋol kapaaran namam eomit, ka esawa da lomam ejeni, etubi ŋes katutubeta aarei, itebei ekewai nepepe kalumam iyuunito. Ebulesit ŋol loeieni nuekoto ejakaitike, komam ekapakin, karaida aswam nuekoto ejakaitike, edaio luipu. Konye ŋol lomam ejeni, kiswama da nuibusakinito adaia, edaio luikidioko. Ŋin da yeneinakinitai nuipu, emoio nuipu kamake; ŋin da yenititiŋito ituŋa nuipu, iburaete nuiyatakina. “Abunit acakakin akim akwap; ti akoto kinokokinitete sek! Ejai aibatis naebusakinit aibatisao; ido aridakina cama eoŋ kiton neitodolikinere! Aso iwomitos kereka ebe abu kabu ayaŋaun ainapakin toma akwap? Katemari yes atiar, Mam; dimarai atiakatiak: naarai amear kwana ejaikinos ituŋa ikany togo ediopet, etiakas iuni aluikin iarei, ka iarei da aluikin iuni; etiakas, papa eluikini okokuke, ka okoku da eluikini papake, toto eluikini akokuke, ka akoku da eluikini totoke, tataa eluikini ateranike, ateran da eluikini tataake.” Kotema ŋesi ikodeta da atiar, “Naianyuniata edou edakun koto, atipet ibalas ebe, ‘Etepi nat akir’; ido ejaun kwaŋin, Naianyuniata ekusi ekwam loka eŋalakimak, ibalas ebe, ‘Ejaun aibuse naepol’; ejaun da kwaŋin, Yes lukesoswai, ijenete aŋicun ejautene loka akwap ka akuj; konye kanukinyo mam ijeniata aŋicun apak na? “Kanukinyo mam yes ikulepek itubioto nueraas nukabeit? Naarai naiupatarar ka lokiwosat alosit mama ejai ekayaiton, kinyikok ainerun kaŋes korot nuka aipuc, kinyek aidilidilar jo mama ejai ekatubon, ekatubon da kijaikini akanin nuka eketatacan, eketatacan da kieakakini aidaris. Katemari jo atiar, Mam cut ilomuni kanen aitodol naidaunia atacakin apesa nakawasia.” Kapak kanipe kaŋin kojaas ituŋa lukitejenunete ŋes nuka Igalilayan, lukinyalakini Pilato akeceokot kasubanakec, Koboŋok kotema kes atiar, “Iwomito kereka ebe keroko Igalilayan ŋul aitelekarit Igalilayan ice kere, naarai iticanio ŋun? Katemari yes atiar, Mam; konye arai mam yes itoronikinos, imudiaros kere kwape kwaŋin, Arai kwi itomon kakanykauni lukibirokin etogo loeoja, koSiloam, koara kes, iwomito kereka ebe ebucarito ŋul aitelekarit ituŋa kere lukiboiete koYerusalem? Katemari yes atiar, Mam; konye arai mam yes itoronikinos, imudiaros kere kwape kwaŋin.” Kiner awaragan na ebe, “Kejai etuŋanan ka etini lokiraikinitai manake naka emusabibu; kolot amoot araitoke, mam edumuna. Kotema ŋesi ekeswaman loka amana naka emusabibu atiar, ‘Koany, ikar iuni lu abu amoot araito naka etini kalo, mam adumunit amodio. Kojepa; kanukinyo imadiŋikinia alup?’ Koboŋok kotema atiar, ‘Ejakait, kinyek ber ekaru lo da, kebokibok kewor da. Arai kera do araito okaru je, ejok; konye arai mam, ijepari.’ ” Kapaaran nakasabato isisianakini kotoma adiopet katukosia. Ido koany, kojai aberu nakejai ajokit nakalany ikar itomon kakanykauni; nakekudokina, komam epedori cut aitenar, Nakeanyunia Yesu ŋes, konyarau, kotema ŋes atiar, “Toto, kilacar kotoma akalanyanutukon.” Kidokok ŋes akekanin, atipet kitenar, kitopolo Edeke. Konye konyunyura ekayaiton loka atukos naarai etaŋaleun Yesu kapaaran nakasabato, kotema ituŋa atiar, “Ejaas apaarasia akanykape nuejokiar ituŋa aiswamaa aswam; aso kopotu aitaŋaleunio kapaarasia kaŋun, kwabo mere kapaaran nakasabato.” Konye Ejakait Koboŋok ebe, “Yes lukesoswai! Kapaaran nakasabato mam kereka ilacununete ninidioper kayes ekemoŋ arai akesigiria kotoma auj, koyaŋa aitamat? Aberu na da, naerai aur naka Aburaam, nakeeni Satan ikar lu itomon kalukanykauni, mam tope kibusakinit alacakinio kaenet kana apaaran nakasabato?” Nakinerar ŋun, kirumata ileic lukasurupoke kere: kiyalamikin ekodet kere kanuka akiro kere nukaibuses nukiswamai ŋesi. Aso kotema atiar, “Eputos ajakanut naka Edeke kinyo? Etupusi kinyo? Eputosi kecokat loka ekaradali lokelemari etuŋanan, kocakak toma omanikorike; kobwaŋ, koraun ekitoi; koperenenete akweny nuka apak atenieikike.” Kotema bobo atiar, “Etupusi kinyo ajakanut naka Edeke? Eputosi kaitubuunet nakelemari aberu kibwa kotoma aitemisio auni nuka akiria, kiton neabuunioto kere.” Kiyatak akelosit aitor koreria lukapolok ka ludidik, isisianakini, ebei Yerusalem, Kiŋit ŋes etuŋanan ediopet ebe, “Ejakait, ikidioko ca luitaiario?” Kotema kes atiar, “Kokokito alomar kokek kaloedidiŋ: naarai katemari yes atiar, Ekotokinos luipu alomar kwabo mam epedorete. Apak naanyounio elopet etogo agoloki da ekek, igeunete yesi aibwo kokiŋa, ka aikuŋukuŋ ekek, kobalas ebe, ‘Wu okwe Ejakait, koŋaarai;’ eboŋokini ŋesi etemari atiar, ‘Mam ajeni nekiponiata.’ Kanen igeunete atemar atiar, ‘Kipou kanyama kamata da kakonyenekon, ijo da kisisianakini korotinikosi;’ etemari ŋesi atiar, ‘Katemari yes atiar, Mam ajeni nekiponiata; irwa kamakaŋ, yes kere lukeswamak numam adolit.’ Kanen ejaun aimony ka airiamanakin ikel, naianyuniata Aburaam, ka Isaak, ka Yakob, ka inabin kere, kotoma ajakanut naka Edeke, ka yes da ikulepek kicakario kiŋa. Epote ituŋa anyoun kokide, koto, ka agolitomei ka eŋalakimak da, iboikinos kesi toma ajakanut naka Edeke, Ido koany, ejaas lukawasia lueraunos lusodit, ejaas da lusodit, lueraunos lukawasia.” Kosawa kaŋol kopotu Iparisayon ice kotemasi ŋes atiar, “Konyou kane kolot nenice; naarai ekoto Kerode aiar jo.” Kotema kes atiar, “Koloto kolimokis ekuwe ŋol ebe, ‘Koany, ereŋeari ajokin, etaŋaleununei da lolo ka moi, kapaaran nakiwuniet etodolikin. Konye kebusakinit aibe ekarot lolo ka moi, ka apaaran naetupakini da; naarai mam ibusakinit enabi amudiario kokiŋa naka Yerusalem.’ Wu okwe Yerusalem, Yerusalem, loeari inabin ka aibiribir kamor ŋul lukiyakunio mamakon! Irwan imwa ai abu kakotor atukonokin ikonidwe kwape etukonokinia akokor ikemiyoi kwap abebenokake, konye mam yes ekotokino! Koany, kinyeinere ekusitogo. Katemari yes atiar, Mam kianyunete eoŋ bobo cut, aitodol naitemariata atiar, ‘Isirereŋitoi ŋol loebunit kokiror loka Ejakait!’ ” Kosodi kanen nakelomaria ainyam togo loka ekayaiton ediopet loka Iparisayon kapaaran nakasabato, kiteikinito, Kosodi koany, kiŋarenike kejai etuŋanan lokedeka eidada. Koboŋok Yesu iricakisila ka Iparisayon kobala ebe, “Ibus kereka aitaŋaleun kapaaran nakasabato arai bo mam?” Konye kes kililiŋata. Kitim, kitaŋaleu ŋes, kotwar. Kotema kes atiar, “Iŋai bo kayesi, arai kibirokin akeiteŋ arai akesigiria toma aipany, yenimam iriuni ŋes atipet kapaaran nakasabato?” Kes da mam apotu kopedosi aboŋokin ŋun. Kolimok awaragan ŋul lukenyaraunitai, naaanyunia epone lokeseata kesi iicoloŋo lukapolou, kobala kes ebe, “Arai kinyararit jo ituŋanan opucit loka eiterane, sirikiboikin oicoloŋ lokapolou, kinyek loenyarit ŋesi lokitelekarit jo apolou abunore. Kosodi ŋol lokiinyarari jo ka ŋes alimokin jo ebe, ‘Koosik lo aibois,’ kanen kigeunete ileic airum, ibei da aibois nakokwap. Konye nakinyararere, kolot kiboikin aibois nakokwap, tetere naebunio je lokinyararit jo kolimok ebe, ‘Opapero ba, kikuny ne kuju’; kanen ijaunete kaibuses kakonyen nuka ŋul kere kalukiboiete kajo. Naarai ŋin kere yeniturokin itisilio, ka yenitisilikin iturio.” Kotema da lokenyarit ŋes atiar, “Naipoio inyamat luka paaran arai luka eboŋ, sirikinyarau ikonipapero karaida ikoniinacan, karaida ikonipajen, karaida iidunyeta lukabarak, kinyeis ŋul anyarar jo bobo, jo da kitacakinio. Konye naipoio epucit, konyaraununei lukican, ka iŋwalasik, ka luicodos, ka imudukiok da, kwaŋin kisirereŋitoi; naarai emameete ŋul lukitacakiniata; naarai kitacakinio kotoma ajarun naka luedolito.” Nakiiraria ŋun ediopet kalukemorete kaŋes, kotema atiar, “Isirereŋitoi ŋin yenenyami atap kotoma ajakanut naka Edekel.” Konye kotema ŋes atiar, “Kojai etuŋanan loabu kipo epucit loepol, konyarau ituŋa luipu; kedol apak naka ainyam kiyakia ekebulesit alimonokin kwi luanyaritai ebe, ‘Kopotu; naarai adaun aitemonokin iboro kere.’ Konye kogeutu kere aiyanar kediopetau. Kobala losodit ebe, ‘Agwel emanikor, kebusakinit alosit aanyun; keŋaiŋait kiikinai.’ Kobala ece ebe, ‘Agwel imoŋin ajookon akany, alosi aitetemor; keŋaiŋait, kiikinai.’ Kobala ece ebe, ‘Amany aberu, ŋes mam apedoria abunore.’ Kobu ebulesit kolimok ejakaitike akiro ŋun kere. Kosodi konyunyurikin elopet etogo, kotema ekebulesit atiar, ‘Koloma atipet kolot toma orotin ka isokono da luka ere, koyau ne lukican, ka iŋwalasik ka imudukiok, ka luicodos da.’ Kotema ebulesit atiar, ‘Ejakait, ŋun nukicorak eswamasi, konye ca eriŋa aibois ejai.’ ” Kotema ejakait ebulesit atiar, “Koloma kolot orotin lukapolok ka asisiarin da, kitiŋau ituŋa alomun, tetere ilelebun ekatogo. Naarai katemari yes atiar, Kotoma kwi kalukenyaritai emamei edio da loiiri ekapueit.” Kouparos ikodeta luipu kaŋes; kibelokin kotema kes atiar, “Arai ebuni etuŋanan mamaka, komam elai papake, ka totoke, ka nakowaike, ka ikedwe, ka ikeinacan ka ainacan, eebo, kiton akeijar alopet, mam epedori araun ekakesisian. Ŋin yenimam erioŋi ekemusalaba, katup eoŋ, mam epedori araun ikakesisian, Naarai iŋai bo kayesi, arai ekoto aiduk etogo loeoja, mam iboikini ber aimar eketiai, ebe luejaatar edaunete? Kinyek diat kedau aipet apetetait, komam epedori adaun, egeunete ituŋa kere lueanyunete akienar ŋes, kobalas ebe, ‘Abu etuŋanan ŋol kogeu aiduk, komam epedori adaun.’ Arai bo ekabaka enyoin, arai ekoto alosit ejie kekabaka ece, lomam ber iboikini ainerun arai epedori kilukumin itomon airiamakin kaje loebunit asurokin ŋes kilukumin akaisaarei? Arai keanyu ebe mam epedori, iyakiari ikiyakia ailip nukainapakin, eriŋa je elwana. Aso kwaŋin ŋinituŋanan kayesi, yenimam epaluni luejaatar kere mam epedori araun ikakesisian. “Ejok abalaŋ; konye arai kepianiar abalaŋ, itemokinio kinyo? Mam ibusakini alup, karaida etut; ebukorete ituŋa kiŋa, Yenejaas aki nuka akiirar, kiira.” Kosodete kikunyakis iketelemak esolo ka ikadiakanarak kere akiirar ŋes. Kirurumata Iparisayon ka ikewadikak ebe, “Isukunyikini etuŋanan ŋol ikadiakanarak, emorete da kakes.” Kolimok kes awaragan na ebe, “Iŋai bo kayes yenejaas amerekekin akwatat, keolio adiopet, mam kereka inyeini akaisakanykaoŋon ka nukanykaonon kamodiŋ, kolot amoot ŋin nakeoliorit aitodol needumunia? Kedau adumun, erioŋakini okeperinike, kolakara. Naedolio togoke, enyarauni ikepapero ka ikeidunyeta, kolimok ebe, ‘Kolakaros nepepe keoŋ, naarai adum akamerekek naaoliorit.’ Katemari yes atiar, Kwape kwaŋin ŋes ejaunor alakara toma akuj kanuka ikadiakanaran idiopet yenitoronikin itia kanuka ituŋa akaisakanykaoŋon ka lukanykaoŋon lumam ipudasi aitoronikin. “Arai iŋai bo aberu, ejaas karupiyan atomon, arai koolio adiopet, mam inokokini atalake ka aipie etogo ka amoot kainyikokinit kiton needumunia? Kedau adumun, enyarauni akepapero ka akeidunyeta kolimok ebe, ‘Kolakaros nepepe keoŋ, naarai adum arupiya naaoliorit.’ Katemari yes atiar, Kwape kwaŋin ejai alakara kakonyen nuka imalaikan luka Edeke kanuka ikadiakanaran idiopet yenitoronikin.” Kobala ebe, “Kojai etuŋanan lokejaas odweke iarei. Kotema lodidi papake atiar, ‘Papa, ae atutubet naka ikoniboro lukabeito eoŋ.’ Kokorak do kes lukejaatar, Ketuboros apaarasia nuikidioko, kotukonok lodidi lukebeito ŋes kere, kolot akwap naelwana, kiweliwel ikeboro kaŋina koponesio luutai. Nakedaunia aitwasam kere, kodo ebeli akwap ya, kogeu ŋesi da aiyarorotoi. Kolot kimorikikinos kediopet kokulepek akwap, kijuka ŋol ŋes oronyike acok ipegei. Konat aimonikin abubuk nukenyamete ipegei; kemamei da ituŋanan yeneinakini ŋes idiobore. Nakiitoki kotauke, kobala ebe, ‘Imwaasi ai ikejaanakinak luka papaka luenyamete inyamat kosala, eoŋ da kane atwani eteŋei. Anyouni do kalot mama ejai papaka, kalimok ŋes ebe, “Papa, adiaka kama ejai akuj, kakonyenekon da; Mam bobo kebusakinit anyarao okokukon; kikonakinai bala ediopet kokejaanakinakakon.” ’ Konyou kobu mama ejai papake. Konye naperoko elwana, koany papake ŋes, kitim, koker kibirokin omurisiŋike, konu ŋes. Kotema okoku ŋes atiar, ‘Papa, adiaka kama ejai akuj, kakonyenekon da; mam bobo kebusakinit anyarao okokukon.’ Konye kobala papake ikekejaanakinak ebe, ‘Koyaŋautu atipet anapito naitelekarit aibuses, kitanapa ŋes; kitanapikis da egilut obokoritike, ka amuka da akejeke; koyaŋautu da itaok yenirobok koarata, kanyama kalakaros; naarai okokuka lo abu kotwana, ajaru bobo; aoliorit, atakanu bobo.’ Kogeut alakar. “Kojai okokuke lokapolon amana; konye napebuni aapikin ere, kiira lueruos ka ekosio. Konyarau ediopet kotelepai kiŋit ebe, ‘Ikote bo ai ŋun?’ Kolimok ebe, ‘Abu onacekon, aaraki papakon itaok yenirobok, naarai abwatu ŋes eŋalei.’ Konye konyunyurikin, mam abu kokoto alomar toma. Kolom papake kiŋa kiŋaiŋa. Konye Koboŋok ŋesi papake ebe, ‘Koany, keiaanak jo ikar lu luipu, kwabo mam adiakit adioicorakinetekon; konye mam kiinakinit eoŋ imodiokalol, kalakarotor kikapapero. Konye napabunio okokukon ŋol, loabu konyam ikoniboro nepepe kanudotea, iarak ŋes itaok yenirobok.’ Kotema papake atiar, ‘Ikakoku, ijai ijo keoŋ apaarasia kere, kere da lukijaar eoŋ eraas lukon. Ibusakinit alakar ka aiyalamikin, naarai onacekon ŋol abu kotwana, ajaru bobo; aoliorit, atakanu bobo.’ ” Kotema bobo Yesu ikekesisiak atiar, “Kojai etuŋanan ekabaran lokejai ekekeŋadan, kirupeai ŋol kamake ebe eweliwel iboroke. Konyarau kotema ŋes atiar, ‘Akiro nunyoika nu nueirarit kamakon? Kimar iboro luka akoniiŋad, naarai mam ipedori bobo araut ekeŋadan.’ Kotema ekeŋadan je kotauke atiar, ‘Kekonak ai, naarai kadema papaka aiŋad? Emamei eoŋ agogoŋ akor, kerumito da ileic ailipitoi. Ajeni nueswamai, tetere keereŋei kaiŋadakaŋ, kesukunyikis otogoikec.’ Konyarau lukapesenin luka ejakaitike ŋolidiopet, kotema losodit atiar, ‘Inyo bo kiburai ejakaitika jo?’ Kobala ebe, ‘Aitemisio akwatat nuka akinyet.’ Kolimok ebe, ‘Kolem akoniitutuket, kiboikin atipet, kiwadik akaisakany.’ Kosodi atemar ece atiar, ‘Inyo bo kiburao jo?’ Kobala ebe, ‘Aitemisio akwatat nuka akima.’ Kotema ŋes atiar, ‘Kolem akoniitutuket, kiwadik akaisakanykauni.’ Kitojok ejakaitike ekeŋadan lokeŋalan kanuka aswam nukapirianut; naarai idwe luka akwapin kanu kotoma aturikec ejaas kapirianut aitelekarit idwe luka aica. Katemari yes atiar, Koneronosi ipapero kotoma abar naka amamus adolit, tetere naemamuunor, kisukunyikis yes toma aiboisio nuka ikar kere. “Yenimunot kakirot naedit noi, erai yenimunot kakirot naepol; ŋin da yeniŋalai kakirot naedit, erai yeniŋalai da kakirot naepol. Aso arai mam yes iraas lumunon kotoma abar naka aiŋal, iŋai bo kisiŋadikini yes abar nakabeit? Arai mam iraas lumunon kotoma kaŋul kalueraas luka ice, iŋai bo kiinakini yes lueraas lukus ikulepek? Emamei ekejaanakinan loepedori aijaanakin ijaka iarei, naarai arai elai ediopet, komina loce, arai bo iketakin kediopet emeni loce. Mam ipedorete aijaanakin Edeke ka aijaanakin abar da.” Kiirasi Iparisayon lueminas apesan ŋun kere, kimuasi ŋes. Kotema kes atiar, “Iraas yesi luitojokas araut ikadolitok kakonyen nuka ituŋa, konye ejeŋi Edeke ikusitauon; naarai yenitopolooritai kotuŋa erai yeniketal kakonyen nuka Edeke. “Kejaas ikisila ka inabin kiton Yokana; ameun kapak kaŋin elimonokinio akiro nukajokak nuka ajakanut naka Edeke, ebelakini da ŋinituŋanan kagogoŋ. Konye epatana akuj ka akwap adaun itia aicunyakinet adiopet naka ikisila apalunio. “Ŋolituŋanan loereŋeari akeberu komany ace adotear, ŋol da loemanyi nakireŋeari okilenike adotear. “Kojai etuŋanan lokabaran, lokenapenenei egoe lomuge ka ebaputa loejok, kolakanar ŋinipaaran koboro luetaitaete. Kojai da lokican ekekiror Lasaro, loeperionokino oruteke, kojaas kajimii nuipu. Kimiela ŋesi aimonianakin ararasia nukedoenenete komesa loka ekabaran; koponenenete iŋokwo da aime akejimii. Kosodi kanen kotwana lokican, kodakasi imalaikan atorob naka Aburaam. Kotwana ekabaran da, konukai. Kitonyou akekonye kotoma Okatwak, kanekejaar toma aikilianar naepol, koany Aburaam kama elwana ka Lasaro da katorobuke. Kiworo ebe, ‘Aburaam Papa, kitimoi, kijuk Lasaro kidomak kiŋaren kebokoritike akipi ketojonia akaŋajep; naarai arieba noi kotoma akim na.’ Kobala Aburaam ebe, ‘Okokuka, kiitu ebe ibu ijo kodum nukajokakakon kotoma aijarakon, ka Lasaro da kwaŋin kodum nukaronok; konye kwana italakario ŋes kane, ka jo da kisiriebio. Mere ŋun bon, konye kidiŋikosi kayes ejai asoogot naidul, tetere ŋulluekotosi anyoun kane mam epedorete atubun mamakus, emameete da luepedorete anyoun kaŋina ailamun mamakosi.’ Kotema atiar, ‘Aso papa, keŋaiŋait, kijuka ŋes togo loka papaka, naarai ejaas eoŋ iinacan ikany, tetere ikwenyari kes, kinyeis kesi da adolun aibois na nakaikilianar.’ Konye kobala Aburaam ebe, ‘Ejaas kes kaMusa ka inabin, kiirasi ŋul.’ Kotema atiar, ‘Mam, Aburaam Papa; konye arai kelot etuŋanan loenyouni kokatwak, itoronikinos.’ Kotema ŋes atiar, ‘Arai mam iirarete Musa ka inabin, mam ecamunete karaida kejaru ituŋanan kokatwak.’” Kotema ikekesisiak atiar, “Mam eswakete nuitiguikinete abunore; konye itukwi ituŋanan ŋin yeneyaŋauni ŋun! Tiejok ituŋanan ŋin aenikin akukuse omurisiŋike, kocakakinai aŋolol itia aitiguikin idiopet kaludidik kalu. Kocoito; arai kediak onacekon, kitoron ŋes; arai kitoronikin kisioni. Arai kediak kamakon irwan akanykaarei kapaaran adiopet, koboŋu mamakon irwan akanykaarei, kobala ebe, ‘Etoronikin,’ kisioni ŋes.” Kotemasi ikiyakia Ejakait atiar, “Kiyatakinai aiyuunikosi!” Kotema Ejakait atiar, “Arai kijaas kaiyuun naetia ecokat loka ekaradali, tikilimokis esukamin lo ebe, ‘Koukor, kiraikin aŋolol.’ Tikiirimak yes. “Ido iŋai bo kayesi yenejai ekebulesit loekoriei arai loicokiei amerekekin yenelimokini ŋes atipet napeboŋunio kotoma amana ebe, ‘Kobia atipet kiboikin ainyam’. Arai bo elimokini ŋes ebe, ‘Kitemokinoi ikanyamat lukatiboŋ, koen aŋabet, kijaanak eoŋ, kiton neadaunia eoŋ ainyam ka aimat; kosodi konyet inyami ijo da ka aimat’? Imalai kereka ŋesi ebulesit naarai eswama nuecorakinitai? Kwape kwaŋin yes da, naidauniata aswam kere nukicorakinitai, kineras ebe, ‘Kirai isio ibulesin lumam ajokis; kiswama bon nukibusakinit aswam.’ ” Kosodi kanen napelosi Yesu Yerusalem, kitor kidiŋ Samaria ka Galilaya. Napelomari ore ediopet, kiriamunos kalukatapon itomon, lukebwoete kama elwana, kiworoto kobalas ebe, “Wu Yesu, Lokapolon, kitimoi sio.” Nakeanyunia kes kotema atiar, “Koloto, kitodiaros mama ejaas isasedotin.” Ido napelosete kiswagarai. Kosodi ediopet kakesi nakeanyunia ebe aŋaleu, koboŋu, kitopolo Edeke keporoto loepol. Kibirokin ebuburia akejen nuka Yesu, kimala ŋes. Kerai da ŋol Esamariat. Koboŋok Yesu kiner atiar, “Mam eswagara itomon kere? Ai bo do ejaas kwi ikanykaoŋon? Mam ca etakanunit edio da aboŋun aitopoloor Edeke dimarai emoit lo?” Kotema ŋes atiar, “Konyou, kolot; kitajar jo akoniiyuun.” Nakiŋisiata Iparisayon ebe ebuni bo wori ajakanut naka Edeke, Koboŋok kes kotema atiar, “Mam ebuni ajakanut naka Edeke iteio; kwabo mam ineras ebe, ‘Koany, ejai lailo!’ arai, ‘Ejai laije!’ Naarai koany, ejai ajakanut naka Edeke tomakus.” Kotema ikekesisiak atiar, “Epote rwaru apaarasia, nuimielatar aanyun adiopet kotoma apaarasia nuka Okoku loka etuŋanan, komam ianyunete. Kilimokinete ebe, ‘Koany, ejai laije!’ ‘Koany, ejai lailo!’ Sirikiloto, kwabo sirikitupasi da. Naarai kwape imiliaunia eimilia ameun kowai ediopet loka akuj, inwakit kiton owai ece loka akuj, kwape kwaŋin ejaunia Okoku loka etuŋanan kotoma apaaranike. Konye ibusakinit ber ŋes aiticanio nuipu, kogir atur na. Kwape kejaatar kapaarasia nuka Noa, kwape kwaŋin ejauniata kotoma apaarasia nuka Okoku loka etuŋanan, Konyama, komata, komanya, ka amanyio da, kiton apaaran nakelomaria Noa toma ataker, kijesun akalele komudia kere. Kwape kwaŋin kwape kejaatar kapaarasia nuka Lot; konyama, komata, kogwela, kogwelasi, kiraata, koduko da; konye kapaaran nakelomunia Lot koSodom, kotep akim ka acukuman abunore kakuj, komudia kere. Ikote nen kapaaran naepukorere Okoku loka etuŋanan, Kapaaran kaŋin, yenejai kuju togo, kojaas ikeboro toma togo, sirikijesun alemun; kwape kwaŋin yenejai mana sirikeboŋu kau, Kiitut aberu naka Lot. Inituŋanan yenekoto aitajar akeijar, itooliori; ka ŋin da yenitooliori akeijar itajari. Katemari yes atiar, kakuare kaŋin ejaunos ituŋa iarei oitada ediopet; eyaŋaario ediopet, inyeinio loce. Ejaunos aŋor aarei iricete nepepe; eyaŋaario adiopet, inyeinio nace. [ Ejaunos ituŋa iarei amana; eyaŋaario ediopet, inyeinio loce]” Kotemasi ŋes atiar, “Laali bo, Ejakait?” Kotema kes atiar, “Neejai akuan, etukonokinos da atarukon nen.” Kolimok kes awaragan, aikwenyar ebe ibusakinit kes ailipenen Edeke komam itapalikina. Kotema kes atiar, “Kojai kolo ekatubon ore ece, lomam eyonit Edeke, kwabo mam kepodo ituŋa. Kojai da apuserut ore ŋol; nakicebokinit abunenen mamake, kobala ebe, ‘Kigaŋai kama kalokasurupika.’ Koŋer ber; konye kokau kotema kotauke atiar, ‘Karaida mam ayoŋit Edeke, karaida mam apodo ituŋa, konye naarai kecebokinit apuserut na, egaŋi ŋes, kenye aitapas eoŋ kanuka arim tiritir neajai.’ ” Kotema Ejakait atiar, “Kiirasi nuenera ekatubon lomam edolit. Mam kereka igaŋi Edeke luseunake, luemonyakinete paaran ka kuare, etitiŋikinit ŋesi kanukec? Katemari yes atiar, Igaŋi kes atipet. Konye naebunio Okoku loka etuŋanan, edumuni kereka aiyuun kakwap?” Kolimok da awaragan na ituŋa lukemunokina ebe eraas kesi luedolito komwaŋito luce; “Kodokasi ituŋa iarei oyekalu ailip, ediopet Eparisayot, loce da eketeleman esolo. Kobwo Eparisayot kilip kwana kotauke ebe, ‘Wu Edeke, kemalai jo naarai mam eoŋ kiputo kicetuŋa, ikaŋatak, ikeŋalak, idotea, karaida bala lo eketeleman esolo. Aluŋenenei eoŋ irwan aarei ŋinisabato, ainanakini da yenikitomonet kotoma kaluadumuni kere.’ Konye kobwo eketeleman esolo kama elwana, kwabo mam ketitinikinit aikeun akekonyen akuj, konye kodipidip aketorob, kobala ebe, ‘Wu Edeke, kitimoi eoŋ ekadiakanaran!’ Katemari yes atiar, Abu ŋol kodok alosit oreke imarakinitai adolit aitelekarit je; naarai ŋinituŋanan yeniturokin itisilio, konye yenitisilikin iturio.” Koinunai idwe ludidik da tetere etirori kes; konye nakeanyuniata ikesisiak, kitorona kes. Konye Yesu konyarau kes kotema atiar, “Kocamutu idwe ludidik abunore mama ajai, kwabo sirikisimika kes; naarai lueputosi kalu ajakanut naka Edeke erai nakec, Abeit katemari yes atiar, ŋin yenimam iyuuni ajakanut naka Edeke kwape kikoku yenididi, mam cut elomari toma.” Kiŋit ŋes ekayaiton ediopet ebe, “Ekesisianakinan Iokajokan, keswama anyoika tetere erumi aijar naka ikar kere?” Kotema Yesu ŋes atiar, “Kanukinyo kinyaraa eoŋ lokaiokan? Emamei yenikajokan dimarai ediopet, ŋes Edeke. Ijeni aicorakineta ebe: ‘Siridote, Siriari, Sirikokoi, Sirisabanakinenei, Koyoŋitenenei papakon ka totokon.’ ” Kotema atiar, “Aricit ŋun kere ameun keiditeuka.” Nakiiraria Yesu ŋun, kotema ŋes atiar, “Eriŋa kiwolikit adiopekirot. Kogwela luijaatar kere, kokoranak lukican, ijaunete moolo kabar kotoma akuj; kosodi kobu, kotup eoŋ.” Konye nakiiraria ŋun kokadak noi, naarai kebarit noi. Nakesesenia Yesu ŋes kotema atiar, “Etiono cama lukabarak alomar ajakanut naka Edeke! Epatana ekaal aitor apedot naka ekus, itia ekabaran alomar ajakanut naka Edeke.” Kotemasi ŋul lukiirarete atiar, “Aso iŋai bo do epedori aitaiario?” Konye kotema atiar, “Numam epedorio kotuŋa epedorio kama ejai Edeke.” Kobala Petero ebe, “Koany, kipou isio kenyeis ikosiboro katuputu jo.” Kotema kes atiar, “Abeit katemari yes atiar, Emamei etuŋanan loenyeinit etogo arai aberu, arai iinacan, arai ikauriak, arai idwe, kanuka ajakanut naka Edeke, lomam edumuni ipu noi aitelekarit kapak kana, ido kokar luepote aijar naka ikar kere.” Koyaŋa lutomon ka luarei, kotema kes atiar, “Koany, kidokari alosit Yerusalem, itodolikinio akiro kere nukiwadikaete kolo inabin kama ka Okoku loka etuŋanan, Naarai einakinio mama ejaas Imo, eboliatar, iswamakinio nukepali, imwaanakinio aimul: edaete ka aiar ŋes; kapaaran da nakiwuniet ejaruni.” Konye mam kes apotu kojenut adis kaŋun; naarai kimunonikinitai kes akirot ŋin, kwabo mam ejenuna nukinerai. Kosodi kanen, nakeapiaria Yeriko, kejai etuŋanan emuduk iboie kawai kerot ilipitoi. Nakiiraria ekodet itorit, kiŋit ebe, “Ikote bo ai ŋun?” Kolimokis ŋes ebe, “Yesu loko Nasaret itorit.” Kiworo ebe, “Yesu, okoku loka Daudi, kitimoi eoŋ.” Ŋul da lukiŋarenito kiretakis tetere ililiŋi: konye ŋes kiyatak noi aiworo ebe, “Wu jo okoku loka Daudi, kitimoi eoŋ.” Kobwou Yesu, kicorak ayaunio mama ejai, Napekeapiki, kiŋit ŋes ebe, “Ikoto keswamak jo inyo?” Kotema atiar, “Ejakait, akoto kakweny.” Kotema Yesu ŋes atiar, “Kokweny: kitaŋaleu jo akoniiyuun.” Atipet kokweny, kotupa ŋes, itopoloorit Edeke. Nakeanyuniata ituŋa da kere, kituritos Edeke. Koloma Yeriko kitorite kidiŋike, Ido koany, kojai etuŋanan ekekiror Sakayo; korai eketeleman esolo lokapolon, kerai da ekabaran, Kemoot ŋol aanyun Yesu kerai loka epone enyoin, mam epedoro kanuka ekodet, naarai kewuriana ŋesi. Koker kiŋaren, kodoka kuju osukamin, tetere eanyuni; naarai itorunit orot ŋol. Nakedolio Yesu aibois ŋin, kosesen okitoi, kotema atiar, “Sakayo, kodoku atipet; naarai kebusakinit lolo aiboikin togokon.” Kodoku atipet, kisukunyik ŋes kaiyalama, Nakeanyuniata ituŋa kirurumata kere, kobalas ebe, “Aloma aiboikin ketuŋanan lokadiakanaran.” Kobwo Sakayo, kotema ŋesi Ejakait atiar, “Koany, Ejakait, akorakini lukican atutubet naka ikaboro; arai da arodit ituŋanan idiobore, atacakini irwan aoŋon.” Kotema Yesu ŋes atiar, “Adolu lolo aitaiario togo lo, naarai erai ŋesi da okoku loka Aburaam. Naarai abu Okoku loka etuŋanan amoot ka aitajar yenikeoliorit.” Nakiirariata ŋun, kiyatak alimokin awaragan, naarai keapie ko Yerusalem, ido naarai komunosi ebe etakanuni ajakanut naka Edeke atipet. Aso kobala ebe, “Kojai etuŋanan lokapolon, kolot akwap naelwana, tetere edumuni ajakanut, kosodi konyet aboŋun, Konyarau itomon kobulesinike, koinak kes ŋinituŋanan arupian atomon, kotema kes atiar, ‘Aso kogwelanasi aitodol neaboŋunio.’ Konye kolaata ŋes ituŋa lukoreke, kiyakiasi ikiyakia atupar ŋes, alimokin ebe, ‘Mam kikoto ŋol ayait sio.’ Kosodi kanen nakeboŋunio, kodumunite akejakanut, kicorak anyaraun ibulesin ŋul luainakinit arupian, tetere ejenuni ameda naadumut kanuka agwelanar. Kobu losodit akonyeneke, kobala ebe, ‘Ejakait, akonirupia emedau ace atomon.’ Kotema ŋes atiar, ‘Iswama ejok, ijo ebulesit loejok! Naarai irai lomunot kakirot naedit noi, koyaŋa apolou naka ireria itomon.’ Kobu lokiareit da, kobala ebe, ‘Ejakait, akonirupia emedau ace akany.’ Kotema ŋes atiar, ‘Ijo da koyaŋa ireria ikany.’ Kobu ece da kobala ebe, ‘Ejakait, koany akonirupia na, naeŋadakinit ogoe. Naarai abu kakurianar jo, naarai irai loininik: ilemuni numam ibwaikinit, idwenyi da numam iyeit.’ Kotema ŋes atiar, ‘Katubokini jo kakiro nuka aitukukon, ijo ibulesit loerono! Ibu kojeni ebe aninik eoŋ, alemi numam ebwaikinit, adwenyi da numam ayeit. Aso kanukinyo mam kiinakinia akarupian mama ejaas ikagwelanarak, tetere neabunio kadum nepepe kamedakec?’ Kobala lukebwoete eapias ebe, ‘Kodemut arupia, koinakis je loka arupian atomon.’ Kotemasi ŋes atiar, ‘Ejakait, ejaas ŋes arupian atomon.’ ‘Katemari yes atiar, yenejai ibore einakinio; konye yenemamei ibore, edemunio ŋin da yenejaas kaŋes. Bobo da ŋul lukasurupoka, lumam akotos eoŋ ayait kes, koyaut ne, koarata kakonyeneka.’ ” Nakedaunia einer ŋun, kiŋarenik kes adokar Yerusalem. Kosodi kanen nakeapiki Betepage ka Betaniya, komoru loenyaritai loka Iseitunin, kijuka iarei kokesisiak, kobala ebe, “Koloto ore loisesenete; nailomariata toma idumunete ikoku yenika asigiria eenitai, yenimam lem ibwanenit idiotuŋanan: kolacut, koinut. Arai kiŋisi ituŋanan ebe, ‘Kanukinyo ilacariata?’ iboŋokinete ebe, ‘Ejakait ipuda ŋes.’ ” Koloto lukijukario kodumut kwape kelimokinitere. Napelacunete ikoku yenika asigiria, kobalas ikulepek ebe, “Kanukinyo ilacariata isigiria?” Koboŋokis ebe, “Ejakait ipuda ŋes.” Koyaŋaut mama ejai Yesu, kopetanakis isigiria ikecenapen, kisibwanenoto Yesu. Napelosi, kopetanakis ikecenapen orot, Nakeapikinia aijesaret naka Emoru loka Iseitunin, kogeu ekodet kere loka ikesisiak ailel ka aiturit Edeke keporoto loepol kanuka aswamisio kere nukapedor nuaanyut. Kobalas ebe, “Isirereŋitoi Ekabaka loebunit kokiror loka Ejakait! Ainapakin kotoma akuj, ka aibuses da kokuju kakui!” Ice koParisayon lukejaas toma okodet kotemasi ŋes atiar, “Ekesisianakinan, kitoron ikonikesisiak.” Koboŋok ebe, “Katemari yes atiar, Arai kililiŋata lu, iworoete do amor.” Nakeapiki koany ere, komonyak, kobala ebe, “Arai kojeni ijo kapaaran kana akiro nukiinakinete ainapakin! Konye kwana ibwaitai kakonyenekon. Naarai epote apaarasia nukidukokiniata lukasurupokon itutio airigaunia, kiridakinete jo airiamar iwaitin kere, kibirokinete jo kwap, ka ikonidwe kotomakon, komam kinyeiniata amoru naidokokino amoru nace; naarai mam ibu kojen apak naka aanyanariokon.” Koloma toma oyekalu kogeu aireŋear lukagwelanarak. Kobala kes ebe, “Iwadikatai ebe, ‘Ekatogo eraun etogo lokilipet’; konye yes ituluosi abua naka ikaŋatak.” Kisisianakini ŋinipaaran kotoma oyekalu, Konye komooto isasedotin lupeti ka ikewadikak ka ikapolok luka ituŋa amudiar ŋes; konye mam eanyuna nuepedorete aswam, naarai kokotos noi ituŋa kere akiirar ŋes. Kosodi kanen kapaaran adiopet nakisisianakinia ituŋa koyekalu, ka alimonokin da akiro nukajokak, koponikis ŋes isasedotin lupeti ka ikewadikak nepepe kimakio. Kotemasi ŋes atiar, “Kolimokinai iswamai ijo nu kapolou anyoin, bobo da iŋai bo kiinakini apolou ŋin?” Koboŋok ebe, “Eoŋ da keŋisi yes akirot adioper; kolimokis; aibatis naka Yokana kebuni kereka kotoma akuj arai bo kotuŋa?” Kiŋitanakinos bonik ka bonik, kobalas ebe, “Arai kiitema ebe ‘Kebuni kotoma akuj’, etemari ŋesi atiar, ‘Aso kanukinyo mam kiyuuniata ŋes?’ Konye arai kiitema ebe, ‘Kebuni kotuŋa’ kibiribirete oni ituŋa kamor; naarai acamunito ebe kerai Yokana enabi.” Koboŋokis ebe mam kejenete nekebunio. Kotema Yesu kes atiar, “Eoŋ da mam kalimokini yes apolou nakeswamaa nu.” Kogeu alimokin ituŋa awaragan na ebe, “Abu etuŋanan kira amana naka emusabibu, kititiŋ ikakoriok, kolot akwap ace kiboioror apak naeoj, Kapak naka aidweny kiyakia ebulesit mama ejaas ikakoriok, tetere einakinete araito nuka emusabibu; konye kibuŋata ikakoriok ŋol, kireŋeasi titai. Kiyakia ebulesit ece: kibuŋata ŋol da, kisuruma ileic, kireŋeasi titai. Kiyakia lokiwuniet da: kimusunata ŋol da, kocakasi kiŋa, Kobala ejakait loka amana naka emusabibu ebe, ‘Ekonakini ai? Ejukari okokuka lominat: elemuni eyoŋete ŋes.’ Konye nakeanyuniata ikakoriok, kinerut bonik ka bonik, kobalas ebe, ‘Lo ŋes lokeruman: aso kaarata ŋes, tetere eraun airum nawok.’ Kocakasi kiŋa kamana naka emusabibu, koarata. Aso ikonakini kes ai ejakait loka amana naka emusabibu? Ebuni emudiari ikakoriok ŋul, einakini ice amana naka emusabibu.” Nakiirariata ŋun, kobalas ebe, “Madi akuj!” Konye kosesen kes, kotema atiar, “Anyoin apolou naka akirot kana naiwadikatai ebe, ‘Amoru nakeŋerete ikadukok, ŋin ŋes keponi kitaraunai amoru nakapolon naka agor?’ Ŋinituŋanan yenibirokini kuju amoru ŋin ebilibiliun; konye ŋin yenibirokin amoru ipicipicari ŋes cut.” Apotu ikewadikak ka isasedotin lupeti komooto aikamun ŋes kosawa kaŋol, konye kokuriaka ituŋa; naarai apotu kojenut ebe inerakinit kes awaragan ŋin. Kiteikinitoi, kijukasi ikarotak, lukijoseete araut lukabeit, tetere ikamunete ŋes kakiroke, kosodete aijaikin ŋes mama ejai ayait ka apolou naka ekayaiton. Kiŋita kobalas ebe, “Ekesisianakinan, kijeni ebe inera, isisianakini da nukabeit, kwabo mam isei ituŋa, konye isisianakini erot loka Edeke kotoma abeit. Ibus kereka sio ainakin Kaisar esolo, arai bo mam?” Konye kojeni akecepirianut, kotema kes atiar, “Kitodikinai adenarit. Nakaŋai aput na, ka nuiwadikatai?” Koboŋokis ebe, “Nuka Kaisar.” Kotema kes atiar, “Aso kotacakis Kaisar nueraas nuka Kaisar, ka Edeke da nueraas nuka Edeke.” Ido mam apedorete aikamun ŋes kakiroke kakonyen nuka ituŋa; koumokis akeboŋokin koŋatakis. Kopotu ice koSadukayon mamakeŋ, luebalas ebe emamei ajarun, kiŋita ŋes ebe, “Ekesisianakinan, abu Musa kiwadikak sio ebe, arai ketwana onace ketuŋanan, loemanyit, komamei ikoku, ibusakinit onaceke ayaŋaar aberu, kodumak onaceke aur. Aso kejaas iinacan ikanykaarei: komany losodit aberu, kotwana komamei ikoku; ka lokiareit da, Koyaŋa Iokiwuniet da; ka ice da kere ikanykaarei, kotwaka komam inyeinito idwe. Kawasia kotwana aberu da, Aso kotoma ajarun eraun ŋin aberu nakaŋai? Naarai kemanyito ikanykaarei kere.” Kotema Yesu kes atiar, “Emanyete odwe luka akwapin kanu, emanyario da; konye ŋul luimaritai araut luibusakinito adolokin akwap ya ka ajarun kokatwak, mam emanyete, karaida amanyio. Naarai mam epedorete atwakare bobo: naarai eriakakinos ka imalaikan; kes da eraas idwe luka Edeke, kanu eraatar idwe luka ajarun. Konye ebe itaiarunio lukatwak, abu Musa da kitodik, kotoma owai laka Ekiyot, nakelimoria Ejakait araut Edeke laka Aburaam, ka Edeke laka Isaak, ka Edeke loka Yakob da. Mam ŋes erai Edeke laka lukatwak, dimarai loka lukajarak; naarai ejarete kere kamakeŋ,” Koboŋokis ikewadikak ice, kotemasi atiar, “Ekesisianakinan, iner ejok.” Naarai mam bobo etitiŋikino aiŋit akirot. Kotema kes atiar, “Biai bo ebalatatar ituŋa ebe erai Kristo okoku loka Daudi? Naarai Daudi elopet inera koitabo loka Isabulin ebe, ‘Abu Ejakait kotema Ekajakait atiar, Kiboikin akanika nakoteten. Aitodol neebwaikinia Iukasurupokon araut iicoloŋ yenika akejekon.’ Aso enyarit Daudi ŋes Ejakait, kikonakini bo ai erai ikekoku?” Kopupete ituŋa kere, elimokini ikekesisiak ebe, “Kocoito ikewadikak, luekotos alosit konapitos ikason Iueojak, kominasi aiyogao kagwelanareta, ka aiboikin aiboisio nukokuiu katukosia, ka iicoloŋo lukapolou kopucin; ecamete itogoi luka apuserun, kanuka ejose da ilipete ailipasia nueojak; edumunete ŋul atubokinio naitelekarit.” Kikeu akekonyen, koany ikabarak icakanakinete ainakinetakec toma aiŋadis, Koany apuserut adiopet nakican ecakakini ikapun iarei. Kotema atiar, “Abeit katemari yes atiar, acakaki apuserut ŋin nakican luipu adepar ice kere: Naarai acakanakis ŋul kere kotoma luebarara, konye ŋin kotoma ocanike acakaki Iukejaatar kere.” Nakineratar ice nuka eyekalu, kwape kitubusitere kamor nuejok ka ainakineta, kotema atiar, “Ŋun nuisesenete, epote apaarasia numam esalakinia amoru adiopet kuiu kanace namam etiyakinio.” Kiŋita ŋes ebe, “Ekesisianakinan, ejaunete bo ŋun wori? Anyoin da aanyunet naeapuuniata ŋun adolun?” Kotema atiar, “Kocoito kinyein aitapaar yes; naarai epote luipu kokirorika, kobalas ebe, ‘Eoŋ ŋopeŋol!’ Ebe da, ‘Aapuu apak!’ Aso sirikitupasi ŋul. Naiirariata rwaru nuka ijiisio ka iceleta, sirikikuriakaros, naarai ibusakinit ber ŋun ajaun, konye mam awasia edoluni atipet.” Kosodi kotema kes atiar, “Enyoikini ateker asurokin ateker, ka ajakanut da asurokin ajakanut. Ejaununete amaraneta nuepolok nuka akwap, ejaunun da ebeli, ka atular kaiboisio nuegelegela; ejaunete nuketasuro ka aanyuneta nukos abunore kotoma akui. Konye eriŋa ŋun edoluno, kikamunete yes, kireete, kijaikinete yes kakonyen nuka atukosia ka aidarisia, kiyaŋaario kakonyen nuka ikabakan ka ikayaitok kanuka ekakiror. Eraunete ŋun akajenak kamakus. Aso kibwaikisi otauonokus ebe sirikiwomoomata ber nuiboŋokinete; naarai kainakinete yes aituk ka acoa, numam lukasurupokus kere epedorete aitepeg karaida airebokin. Kijaikinete ikauriakakus, ka iinacanakus, ka lukatekerekus, ka ipaperokus, earete ice kayesi; kiŋarunete yes ituŋa kere kanuka ekakiror. Konye mam eoliori etimat ediopet loka akwesikus. Kotoma atitiŋikinikus ikucaunete akusiijar. “Konye naianyuniata irimorito ajoresio Yerusalem, aso kojenut ebe aapiki amudiarioke. Ŋes konyet ekeriata ŋul luejaas Yudaya oroŋan, kolomutu ŋul luejaas kotomake kiŋa, sirikelomasi ŋul luejaas amanat; naarai eraas nu apaarasia nuka einyaŋane, tetere edolete kere nuiwadikatai. Itukwi kes nuepotiete, ka nuitanakete da kapaarasia kaŋun! Naarai ejaun ationus naepol toma akwap, ka anyunyura da asurokin ateker na, Eŋianakinere akwanis naka ekileŋ, ijoreorio toma atekerin kere; icakacakaete Imo Yerusalem, aitodol naedolioto apakio nuka Imo. Ejaunete moolo aanyuneta toma akoloŋ ka elap ka aacer, ido toma akwap aburun naka atekerin, nuebuonokinos kanuka agat naka aŋolol ka akailan; ipirisiaros itauon luka ituŋa kanuka akurian, ido kanuka aidaret akiro nueponikinito akwap: naarai itamaranio nukapedor nuka akuj. Kosodi konyet eanyunete Okoku loka etuŋanan ebuni kodou kapedor ka aibuses naepol. Konye naegeuniata ŋun atakanun, kikeutu akwesikus, kosesenata kuju, naarai aapu alakuniokus.” Kolimok kes awaragan ebe, “Koanyutu etini, ka icekito kere. Apak naegeuniata ailib, ianyunete, ijenunete da kanukus ebe aaput apaarasia nuka aidweny, Aso do, yes da, naianyuniata akiro ŋun ketakanut, kojenutu ebe aapu ajakanut naka Edeke. Abeit katemari yes atiar, Mam edaun atur na, aitodol naejaunotor akiro kere. Edaunos akuj ka akwapin; konye akakiro mam edaunos cut. “Konye kocoito yesi kinyek airaŋanut ka emeret ka aiyaloŋoŋ da naka aijar kana aisilaŋirir ikusitauon, konesakin apaaran ŋin kwape ipokia akuluma, Naarai edolokini ituŋa kere luejaas akwapin kere. Konye kokwenya apakio kere, kiŋaiŋaata tetere idumunete agogoŋ aiku kakiro ŋun kere nuedolokinete, ka aibwo da kakonyen nuka Okoku loka etuŋanan.” Kisisianakinenei ŋinipaaran koyekalu, konye kolosenenei apero kuare moru loenyaritai loka Iseitunin. Kodilenenete ituŋa kere tupuruc sek alosit mama ejai oyekalu akiirar ŋes. Kosodi koapu epucit loka Imugatin lumam itubuunitoi loenyaritai Aleleŋ. Komootos isasedotin lupeti ka ikewadikak epone loka aiar ŋes; naarai apotu kokuriaka ituŋa, Kolomak Satan Yuda loenyaritai Isikariot, lokerai ediopet kotomon ka luarei; kolot kinerut ka lusasedotin lupeti, ka ikapolokitok iserikalei, epone loka aijaikin ŋes akaninikec. Kiyalamikinos, kitutukoto ainakin ŋes arupian. Kocam, komo apak naka aijaikin ŋes mamakec, komamei ekodet. Kodol apaaran naka Imugatin lumam itubuunitoi, naibusiar aaria imerekekin lukaleleŋ. Kiyakia Yesu Petero ka Yokana kobala ebe, “Koloto kitemonokis lukaleleŋ kanuwok, tetere kinyami.” Kotemasi ŋes atiar, “Ikoto ketemokis lali?” Kotema kes atiar, “Koany, nailomariata ore, iriamunos ketuŋanan loibwokit amot naka akipi; kotupasi ŋes, kolomasi togo loelomari ŋesi, Ilimokinete elopet etogo ebe, ‘Ebala Ekesisianakinan ebe, Ani bo agola nakipejok, neanyamakini lukaleleŋ nepepe kikakesisiak?’ Kitodikini ŋesi yes agola naepol nakokuju naepesitai; kitemonokis nen.” Koloto, kodumutu kwape kelimokinia; kitemonokis lukaleleŋ, Nakedolio apak, kiboikin ainyam nepepe kikekesisiak. Kotema kes atiar, “Abu kemiela noi aimor kayes lukaleleŋ lu, eriŋa eoŋ kiticana; naarai katemari yes atiar, Mam anyami bobo Iukaleleŋ kiton naitodolikinere kotoma ajakanut naka Edeke.” Kolem akoli, kedau aimal kobala ebe, “Kolemutu na, kijaanakinos: naarai katemari yes atiar, Amear kwana mam amasi araito nuka emusabibu kiton neebunio ajakanut naka Edeke.” Kolem emugati, kedau aimal, kobilibil, koinak kes, kobala ebe, “Lo ŋes akakuan, nakeinakinio kanukus: kiswamaenenete kwaŋin akiitunitor eoŋ,” Ka akoli da kwape kwaŋin kedautu ainyam, kobala ebe, “Akoli na erai aitutuket nakitetet kotoma aokotoka, nuebukoros kanukus. Konye koany, akan naka ŋol kalokabilakini ebotet ejai keoŋ omesa. Naarai elosi Okoku loka etuŋanan kwape kelosikinitere; konye itukwi etuŋanan ŋol loebilakini ŋes ebotet!” Kogeutu aiŋitanar bonik ebe Iŋai bo kakesi ekoto aswam akirot ŋin. Kolom epeget kotomakec ebe, Iŋai bo loeomitai araut lokapolon. Kotema kes atiar, “Irumitos ikabakan lukacekwapin ikecetuŋa; ŋul da lukapedor kamakec enyaritai ikeswamak ajokis. Konye yes mam ikote kwaŋin, dimarai lokapolon kamakus koraun bala erai lodidi, ka lokeŋarenikinon da bala ŋol loijaanakini. Naarai iŋai bo lokapolon, ŋol loiboikini ainyam, arai bo ŋol lojaanakini? Mere tope je loiboikini ainyam? Konye ajai eoŋ kokidiŋikus bala ekejaanakinan. “Iraas yesi luipotu kotitiŋikis keoŋ kotoma acodunioka; eoŋ da keŋadakinit yes ajakanut, kwape keŋadakinitor Papaka eoŋ, tetere inyamete ka aimat komesaka kotoma ajakanutuka, ka aiboikin oicoloŋo luka ajakanut, itubokinete atekerin atomon kanuarei nuka Isirael. “Simon, Simon, koany, enit Satan yes, tetere kipiesi kwape kalos, Konye kelipak eoŋ jo kinyek akoniiyuun akurwor; ijo da naibelokinor, kitogogoŋ ikoniinacan.” Kotema ŋes atiar, “Ejakait, etemokino aupar kajo aenio, kiton atwanare da.” Kotema atiar, “Kalimokini jo, Petero, ebe mam lolo ekokor eruikini aitodol nakiŋerio eoŋ irwan auni ebe mam kijeni.” Kiŋit kes ebe, “Nakejukaritor yes emamei eriagi, karaida ecoe, karaida amuk, ipotu kereka kipudas imodiobore?” Kobalas ebe, “Mam,” Kotema kes atiar, “Konye kwana, yenejai eriagi koyaŋa, ka yenikecoe da kwape kwaŋin. Yenemamei ekileŋ kogwela ekelou, kogwelunia. Naarai katemari yes atiar, Ibusakinit ŋun nuewadikatai aitodolikinio mamakaŋ ebe, ‘Aponi kimarakinai nepepe ka lukepali’; naarai nukabeito eoŋ ejaas aitodolikiniokec.” Kobalas ebe, “Ejakait, koany, ejaas ne ikileŋa iarei.” Kobala kes ebe, “Aso do.” Kolom, kolot Moru loka Iseitunin, kwape atapitor; kotupasi ikekesisiak da. Nakedolio aibois ŋin kotema kes atiar, “Kilipa, kinyeis alomar toma acodunio.” Kotiakar ŋesi elopet bala apak naetiakara amoru, kokukokin, kilip, ebe, “Wu Papa, arai ikoto, kolema akoli na kamakaŋ; konye mere nuakoto eoŋ, dimarai nuikoto ijo kiswamai.” Kitakanikin ŋes emalaika loabuni kokuju, kitogogoŋ ŋes. Kosodi kanuka aikilianar kiyatak noi ailip; kosubito ainyinyirake bala imany luka aokot nuedoenenete kwap, Nakenyounio kotoma ailipike, kobu mama ejaas ikesisiak kodum kes ejotoete kanuka aiturur. Kotema kes atiar, “Kanukinyo ijotooto? Konyoutu kilipa kinyeis alomar toma acodunio.” Atipet napinera ŋesi, koany, kotakan ekodet, iŋarenikinit etuŋanan loenyaritai Yuda, ediopet kotomon ka luarei. Kikunyak mama ejai Yesu tetere enui. Kotema Yesu ŋes atiar, “Yuda, ibilakini kereka ijo Okoku loka etuŋanan ebotet kainu?” Ŋul da lukejaas die kaŋes, kojenutu nuekotosi adoikin, kobalas ebe, “Ejakait, kajepejepata ca kikileŋa?” Ediopet kakesi kojepe ebulesit loka losasedoti lopeti kotubo akekit nakoteten, Koboŋok Yesu ebe, “Kinyeis ŋun!” Kotiro akekit kitaŋaleu. Kosodi kobala Yesu isasedotin lupeti ka ikapolokitok luka eyekalu ka imakio lukeponikinito ŋes ebe, “Ilomutu ca ikapito ikileŋa ka ibelai bala aikamun ekaŋatan? Apaarasia kere ajaenena eoŋ nenipe kayes toma oyekalu, konye mam ipotu kikamut eoŋ. Konye lo erai ekusisawa, ka apedor naka amuton.” Kosodete kikamut ŋes, koyaata togo loka losasedoti lopeti, konye kotupite Petero kama elwana. Kedaut ainokokin akim kidiŋ alaro, kiboikinos nepepe, kiboie Petero da kokidiŋikec, Kanen koany apese ŋes, iboie kaneejai akim, kojene, kobala ebe, “Ajaas nan etuŋanan lo nenipe kaŋes.” Konye koŋer, kobala ebe, “Ŋo ba na, mam eoŋ ajeni ŋes,” Nediokasilon koany ece ŋes, kobala ebe, “Ijo da irai lokec.” Konye Koboŋok Petero ebe, “Ijo ba lo, mere eoŋ,” Ketubor bala esawa ediopet kitogogoŋ ece ebe, “Abeit ajai lo nepepe kaŋes; naarai erai ŋesi da Egalilayat.” Konye kobala Petero ebe, “Ijo ba lo, mam ajeni nuinera ijo.” Atipet napinera ŋesi koruik ekokor. Kibelokin Ejakait kosesen Petero. Kiitu Petero akirot ya naka Ejakait, nakelimokinit ŋes ebe, “Lolo, eriŋa ekokor eruikino, kiŋeri eoŋ irwan auni.” Koloma kiŋa komony noi. Kosodete ituŋa lukikamunete Yesu koboliatar ŋes, kinomonomata; korapanakis akekonye kiŋita atiar, “Kodwaru cani! Iŋai bo kinom jo?” Koinyanakinete da kakiro nuipu nuka amoromor. Kosodi kiwala akwap, kotukonokin atukot naka imakio luka ituŋa, ka isasedotin lupeti ka ikewadikak; koyautu toma aurianetekec, kobalas ebe, “Arai irai ijo Kristo, kolimokinai.” Kobala ebe, “Karaida kaalimokis yes, mam iyuunete cut; Arai keeŋit yes, mam iboŋokinete. Konye amear natikwana iboikin Okoku loka etuŋanan akan nakoteten naka apedor naka Edeke.” Kobalas kere ebe, “Aso irai kereka ijo Okoku loka Edeke?” Kobala kes ebe, “Yes ibalas ebe arai eoŋ.” Kobalas ebe, “Kipudar bo inyo bobo nuitejenunete? Naarai kiira oni ikulepek akiro nuka aitukuke.” Konyou atukot kere, koyaŋaasi Yesu mama ejai Pilato. Kogeutu aosan, kotemasi atiar, “Kianyu lo itapaari atekerekosi, ka aiteŋer ituŋa ainanakin Kaisar esolo, ebala ebe ŋes elopet erai Kristo ekabaka.” Kiŋit Pilato ŋes ebe, “Irai kereka ijo ekabaka loka Iyudayan?” Koboŋok ebe, “Ijo ibala.” Kobala Pilato isasedotin lupeti ka ikodeta ebe, “Mam aanyunit akirot naerono kotuŋanan kalo.” Konye kiketakis kesi noi, kobalas ebe, “Isidiki ituŋa, isisianakini kotoma Yudaya kere, ameun koGalilaya kiton ne da.” Kiira Pilato ŋun, kiŋit arai erai etuŋanan ŋol Egalilayat. Nakejenu ebe erai eyaitono loka Kerode, kijuka ŋes mama ejai Kerode, naarai kejai ŋesi da Yerusalem kapaarasia kaŋun, Kosodi napekeanyu Kerode Yesu, kiyalamikin noi, naarai abu kokoto lem aanyun ŋes, naarai abu kiiranar akekiro, komuno aanyun aanyunet naiswamai. Kiŋiriŋit ŋes kakiro nuipu; konye ŋes mam eboŋokino amodiokirot. Kobwaata isasedotin lupeti ka ikewadikak, kiwosata ŋes kakiro nuipu. Kosodete Kerode nepepe kikeserikalei kowena Yesu, koboliatar; kitanapata anapito naibus, kinyakas mama ejai Pilato. Kosodi kapaaran kaŋin kominunos do Kerode ka Pilato, naarai kekolosi lem. Kosodi kotukonok Pilato isasedotin lupeti ka ikayaitok ka ituŋa, kotema kes atiar, “Kiinut etuŋanan lo kwape loitapaari ituŋa, eoŋ da eŋitana ŋes kakonyenekus, ido koany, mam abu kaany amodiodiakaret kotoma akiro ŋun kere nuiwosatotor ŋes. Karaida Kerode, naarai enyaku ŋes mamawok. Aso koany, emamei akirot kere naeswamat naibusakinit atwania; kanuka ŋun alecori ŋes kasodi aosikin.” [ Kibusakinit ŋes aosikin kes ediopet kopucit.] Konye kiworoto kere nepepe ebe, “Koyaŋa lo, koosik sio Baraba.” Kerai ŋesi etuŋanan lokeenitai kanuka aipaliikin kotoma ore, ka aiar da, Kosodi kiner Pilato kakes bobo, kokoto aosikin Yesu; konye kiworoto ebe, “Kibubuk, kibubuk baa!” Kolimok irwan nakiwuniet ebe, “Kanukinyo, naanyoin aronis naeswamat lo? Mam aanyunit kamakeŋ adiokirot naibusakinit atwania; kanuka ŋun alecori ŋes kasodi aosikin.” Konye kes kiketakis, kilipa kiporotoi luepolok ebe ibusakinit ŋes aibubukinio. Kipikosi iporotoikec. Kotub Pilato kwape eŋaiŋaitotor. Koosik etuŋanan lokeenitai kanuka aipaliikin ka aiar, lokilipete; konye koinak Yesu aiswamakinio kwape kekototor. Nakeyaŋariata ŋes, kikamut Simon loka Kurene, lokebuni kamanat, kisirioŋa emusalaba, arionit atupitor Yesu, Kotupite ekodet loepol loka ituŋa, ka aŋor da nukedipidipeete atorobusio ibworosi ŋes. Konye kibelokin Yesu kobala ebe, “Yes apesur nuko Yerusalem, sirikiimonyata eoŋ, konye komonya akulepek, ka ikusidwe. Naarai koany, epote apaarasia nuetemariata atiar, ‘Isirereŋitoi arakanin, ka aliligeta numam eurito, ka ikisin da lumam itanakito!’ Kanen egeunete kesi alimokin iroŋan ebe, ‘Kibirunos mamakosi’; ka iukon da ebe, ‘Koraparai’. Naarai arai kiswamata nu kokitoi loepalal, ikonakinete bo do ai kaloeonit?” Koyaŋaasi ice da iarei, ikeswamak nueroko, aario nenipe kaŋes, Nakedolioto aibois naenyaritai Abelekek naka Akou, kibubukis ŋes nen, ka kwi ikeswamak nueroko, ediopet akanike nakoteten, ka ediopet da akanike nakokediany. Kotema Yesu atiar, “Papa, kisioni kes; naarai mam ejenete nuiswamaete.” Kokorokorata ikenapen kailamilam eroet. Kobwoete ituŋa esesenete; konye ikayaitok koinyanakinete kobalas ebe, “Etajari lem ice; kitaiarun ŋes elopet, arai erai kito Kristo loka Edeke, Loseunake!” Kokienatar iserikalei da, koloto koinutu ŋes ebino loedwar ria; kobalas ebe, “Arai irai cani Ekabaka loka lyudayan, kitaiarun jo elopet!” Kujuke da kojai aiwadikaet ebe, “LO ŊES EKABAKA LOKA IYUAYAN.” Ediopet ka ikeswamak nueroko lukikajakinitai koluik ŋes kobala ebe, “Mere ijo Kristo? Kitaiarun bon ka sio da!” Koboŋok loce kitoron ebe, “Mam jo iyonit Edeke, naarai ijai ijo toma atubokinio napena? Erai na nakabeit kamawok; naarai kitacakinio nukibusakinito kanuka aswamisiowok; konye lo mam iswamat adiokirot naerono.” Kotema atiar, “Wu Yesu, kiitunoi eoŋ nailomaria toma ajakanutukon.” Kotema ŋes atiar, “Abeit katemari jo atiar, lolo ijaun nepepe keoŋ Paradais.” Kedol bala esawa lokikanyetekape, komutonor akwap kere kiton osawa lokikanyetekaoŋon. Komamu aica naka akoloŋ; kocila aigalisit naka aibois nakalaunan kaarei. Kodelo Yesu keporoto loepol ebe, “Wu Papa, ebwaikini ekamoyo akaninikon.” Kedau einer ŋun, kiridak. Keanyu ekapolokiton nuadoikis, kitur Edeke, kobala ebe, “Abeit kerai etuŋanan lo loedolit.” Ikodeta da kere luatukokina aanyun ŋun, keanyutu nuadoikis, koboŋosi ore edipidipeete atorobusio. Kere da lukejenete ŋes, ka aŋor nuketupito ŋes anyoun koGalilaya, kobwoete kama elwanikina, esesenete akiro ŋun. Ido koany, kojai etuŋanan ekekiror Yosep, lokerai lokaurianet, etuŋanan loejok loedolit da. (Mam ŋes acamunit ainerunikec ka aswamisioitikec da.) Kerai ŋesi loka Arimataya, ere ediopet loka Iyudayan, edaret ŋesi ajakanut naka Edeke. Kolot ŋol mama ejai Pilato, kilip akuan naka Yesu. Kolacu, konunukik ogoe loka ebaputa, kiperik ates nakikeitoi atiiba, namam lem kiperikinitoi idiotuŋanan. Kerai apaaran naka Aitemonokin, koapie asabato ageun. Kotupito aŋor nukepote kaŋes koGalilaya, koanyutu ates, ka epone lokiperikinere akekuan. Koboŋosi kitemonokis lueuru maa ka akinyet. Kiyeŋutu kapaaran nakasabato, kwape kejaar aicorakinet. Konye kapaaran nasodit nakasabato, tupuruc sek, koloto ates, koyaŋaasi lueuru maa lukitemokinito. Kodumut amoru kikokorior kates. Kolomasi toma mam eanyuna akuan naka Ejakait Yesu. Kosodi kanen, napebuonokinos kanuka akirot kaŋin, koany, kobwaata ituŋa iarei aapu kakes enapito inapen luimilias; nakekuriakarotor kesi ka aitulur akonyenekec kwap, kotemasi ŋul atiar, “Kanukinyo imoototor lokajaran mama ejaas lukatwak? Emamei kane, konye ajaru, Kiitutu kwape enerar kayes eroko ejai Galilaya, ebe ibusakinit Okoku loka etuŋanan ainakinio akanin nuka ikadiakanarak, ka aibubukinio, ka ajarun da kapaaran nakiwuniet.” Kiitut akiroke, koboŋosi kates, kolimokis lutomon kadiopet ka ice da kere, akiro ŋun kere, Keraas kesi Mariam Magadalene, ka Yoana, ka Mariam toto naka Yakob, ka aŋor ace nuajaas nepepe kakes, nualimokinete ikiyakia akiro ŋun. Kosubito akiro ŋun kakonyenekec bala nukabaŋaanut; mam apotu kiyuut kes. Konye konyou Petero, koker kiton ates; kokukum kireik toma, koany igoen luka ebaputa egitara; koboŋo ore eumokinit nuajaut. Ido koany, kapaaran kaŋin alosete iarei kakesi ore ediopet ekekiror Emao, lokelwanikina ko Yerusalem bala amairon akanykaarei, kineranakinos kesi bonik akiro ŋun kere nuadoikis. Napinerasi epeganakinos, kikunyak Yesu elopet koupakinos kakes. Konye koraparai akecekonye kinyeis ajenun ŋes, Kotema kes atiar, “Akiro anyoika ŋun nuineranakinos ilosete?” Kobwaata ekadakinito. Kosodi ediopet kakes, ekekiror Keleopa, Koboŋok ebe, “Ijo bon ipejonikinit ko Yerusalem tape mam ijeni nuadoikis nen kapaarasia kanu?” Kotema kes atiar, “Anyoika?” Kotemasi ŋes atiar, “Akiro nuka Yesu loko Nasaret, lokerai enabi lokapedor kotoma aswamisio ka akiro kakonyen nuka Edeke ka ituŋa da kere. Bobo da epone loejaikiniata ŋes isasedotin lupeti ka ikayaitokowok toma atubokinio naka atwanare, kibubukis, Konye kipou isio kamunosi ebe ŋes loekoto alakun Isirael. Eebo, keja ŋun da, lolo ŋes apaaran nakiwuniet ameun naeswamatar akiro ŋun. Bobo da, kituwumokis sio ace kaŋor nukokodetekosi, nuadilito sek ates, mam eanyuna akekuan; kopotu ebalas ebe etakanikina kes imalaikan luabalas ebe ejari ŋesi. Ice da lukejaas nenipe kasio apotu koloto ates, koanyut kwape kwaŋin kwape eneratar aŋor kwa; konye mam apotu koanyutu ŋes.” Kotema kes atiar, “Wu yes luedit aijen, luiyapete da itauon aiyuun kere nukineras inabin! Mam kereka ebusakinit Kristo aiticanio ŋun, ka alomar da toma aibusesuke?” Kosodi ageun kama ka Musa ka inabin kere kitejen kotoma kanukiwadikatai kere akiro nuabeito ŋes. Keapikis ere lokelosete, kosubite bala elitor kiŋaren; konye kitiŋaasi ŋes, kobalas ebe, “Kosalak ne kasio, naarai ekamus akwap, aapu apaaran adaun.” Koloma kosal kakes. Kosodi nakiboioto kakes enyamete, kolem emugati, kisirereŋ, kobilibil koinak kes. Kopukoroi akecekonye kojenut ŋes; koolio kakonyenekec. Kotemanaros bonik atiar, “Mam tope amulaete iwokotauon naenerar kaoni korot, ka aikujonokin oni nukiwadikatai?” Konyout kosawa kaŋope kaŋol koboŋosi Yerusalem, kodumut lutomon ka lodiopet etukokina, kes ka lukejaas nepepe kakes, ebalas ebe, “Abeit ajaru Ejakait, etakanikin ŋesi Simon,” Kes da kolimokis akiro kwa nukorot, ka epone lokitejenunor mamakec kotoma abilibil emugati. Napinerasi akiro ŋun kobwo Yesu elopet kokidiŋikec, kotema kes atiar, “Kinapakinos.” Konye korieŋutu kokuriakata noi, koomitos ebe aanyut etoil. Kotema kes atiar, “Kanukinyo iyaloŋoŋooto, kanukinyo da iŋitanarotor kotauonokus? Koanyutu akakanin ka akakeje, ebe eoŋ lopelo: kotiroroi, koanyutu; naarai emamei etoil akuan, ka akojo da, kwape ianyuniata ejaas eoŋ.” Kedau einer ŋun, kitodik kes akekanin ka akekeje, Naarokotor mam iyuuna kanuka aiyalama, koumokis da, kotema kes atiar, “Ejaas yes idisinyamat?” Koinakis atutubet naka agar naipoo. Kolem, konyam kakonyenekec. Kotema kes atiar, “Nu kes akakiro, nuabu kalimok yes, naariŋar ajai kayes, ebe ibusakinit kitodolikinos akiro kere nuiwadikatai kokisila luka Musa, ka inabin, ka isabulin, nukabeito.” Kosodi kikujok akececoa ajenun nukiwadikatai. Kotema kes atiar, “Kwaŋin iwadikatai ebe ibusakinit Kristo aiticanio, ka ajarun da kotoma okatwak kapaaran nakiwuniet. Ebe da elimonokinio atekerin kere kokirorike aitoronikin ka aisionio naka adiakanareta, agear ko Yerusalem, iraas yesi da ikajenak luka akiro kaŋun. Ido koany, kejukakini yes aisumunet naka Papaka; konye kiboikinos ore, aitodol nekitanapere yes apedor naebuni kokuiu.” Kosodi kiŋarenik kes kiton Betaniya, korio akekanin kisirereŋ kes. Kosodi kanen napisirereŋi kes, kotiakar kamakec, koyaŋaarai toma akuj. Komaata ŋes, koboŋosi Yerusalem kailel naepol: Kojaenenas duc toma oyekalu, ituritos Edeke. Kageunet ajai Akirot, ajai Akirot mama ejai Edeke, korai Akirot Edeke, Kojai ŋol kageunet mama ejai Edeke. Kesubio iboro kere kanukeŋ; kemamei ŋesi mam kesubi ibore kere yenikesubio. Kojai aijar tomakeŋ; korai aijar ŋin aica naka ituŋa. Ecai aica kamuton, ido mam amuton ipikorit, Kobu etuŋanan, lokijukuni Edeke, ekekiror Yokana. Kobu ŋol araut ekajenan, tetere itejenuni nuka aica kaŋin, tetere iyuunete kere kanukeŋ, Mam ŋol kerai aica ŋin, dimarai kobu tetere itejenuni nuka aica, Kejai aica nakabeit naecaikini ŋinituŋanan ebunit toma akwap, Kejai ŋesi toma akwap, kesubio akwap kanukeŋ, ido mam akwap abu kojenu ŋes, Abu kobu obukeŋ, ido ŋul lukeraas iketuŋa mam apotu kisukunyut, Konye ŋul kere lukisukunyunete ŋes, koinak apedor araut idwe luka Edeke, kes ŋul luiyuunito ekekiror: lumam keurio kaokot, karaida koipud loka akuan, karaida koipud loka ekiliokit, dimarai kanuka Edeke. Koraun akirot akuan, kiboiororoi kamawok, (kaanyut oni da akeibuses, aibuses naka eteluna lokebuni kama ka Papa,) ileleba asianut ka abeit. Etejenuni Yokana nukeŋ, eworoi ebe, “Ŋol ŋes loabu eoŋ kabala ebe, ŋol loebunit kokaukaŋ arau lokageikini; naarai ajai ŋesi sek ageikin eoŋ.” Ido kotoma ailelebake kipou kere kadumutu, asianut da itia asianut. Naarai ikisila etorunere neejai Musa, konye asianut ka abeit etorunere neejai Yesu Kristo. Emamei ituŋanan yeneanyunit Edeke kapakio kere; Okoku loteluna, loejai atorob naka Papa, ŋol ŋes etejenuni. Na ŋes aitejenunet naka Yokana, naejukakiniata lyudayan isasedotin ka Ilebin anyoun koYerusalem, aiŋit ŋes ebe, “Iŋai bo ijo?” Kolimo, mam abu kogir, konye kolimo ebe, “Mam eoŋ arai Kristo.” Kiŋita ŋes ebe, “Inyo bo do? Irai kereka ijo Eliya?” Kotema atiar, “Mam arai,” “Irai kereka ijo enabi je?” Koboŋok ebe, “Mam.” Kanuka ŋun kotemasi ŋes atiar, “Iŋai bo do ijo? Kaboŋokisi kwi lukiijukunete. Ibala bo ijo ai kanukon?” Kotema atiar, “Arai eoŋ eporoto loka yeniworoi kamodiŋ ebe, ‘Kitetenata erot loka Ejakait,’ kwape kineritor enabi Isaia.” Ejukunitai kes kama ejaas Iparisayon. Kiŋita ŋes, kotemasi atiar, “Kanukinyo ibatisaa, arai mam jo irai Kristo, arai Eliya, karaida enabi je?” Koboŋok Yokana kotema atiar, “Ebatisai eoŋ kakip; konye ebwoi kokidiŋikus lomam yes ijenete, ŋes ŋol loebunit kokaukaŋ, lomam kebusakinit eoŋ ailac arukan naka amukatake.” Eswamao ŋun koBetaniya okekwa Yorodan, neajai Yokana ibatisai. Kapaaran naatupakini koany Yesu ebunit mamake, kotema atiar, “Koany Imerekek yenika Edeke, yenelemari adiakar naka akwapin! Ŋol ŋes loabu eoŋ kenerite ebe, ‘Ebunit kokaukaŋ etuŋanan lokageikini, naarai ajai ŋesi sek ageikin eoŋ.’ Kwabo mam abu kajeni ŋes; konye abu eoŋ kabu ebatisai kakipi tetere itodikinio ŋes Isirael.” Kitejen Yokana ebe, “Aany Emoyo edokuni kokuju kwape kajele, kosal mamakeŋ. Kwabo mam abu kajeni ŋes; konye kabala ŋes lokejukuni eoŋ aibatis kakipi ebe, ‘Ŋol loianyuni Emoyo edokuni mamakeŋ kosalak, ŋes ŋol loibatisai kEmoyo Lokalaunan.’ Aany eoŋ, etejen da ebe erai ŋol Okoku loka Edeke.” Bobo da kapaaran naatupakini kobwoi Yokana nepepe kikekesisiak iarei; kosesen Yesu elosi, kotema atiar, “Koany Imerekek yenika Edeke!” Kiirasi ikesisiak ŋul iarei inera ŋesi, kotupasi Yesu. Kibelokin Yesu koany etupito ŋes, kotema kes atiar, “Imoete inyo?” Kotemasi ŋes atiar, “Rabi, (apolouke Ekesisianakinan,) iboie kai?” Kotema kes atiar, “Kopotu ianyunete.” Koloto, koanyutu nekiboio; kosalakis mamakeŋ apaaran ŋin, naarai kerai bala esawa lokitomonet. Anderea, onaceke ka Simon Petero, ŋes arai ediopet kaluarei lueirarete Yokana, kotupasi Yesu. Kodum ber ŋesi Simon onaceke, kotema ŋes atiar, “Kidumu Mesia,” (apolouke ebe Kristo), Koyaŋa ŋes mama ejai Yesu. Kosesen Yesu ŋes, kotema atiar, “Ijo Simon okoku loka Yokana, Kinyarao Kepa” (apolouke ebe Petero, arai Amoru), Kapaaran naatupakini kokoto alosit Galilaya, kodum Pilip kotema ŋes atiar, “Kotupunai.” Kerai Pilip loko Betesaida, ere loka Anderea ka Petero, Kodum Pilip Natanael, kotema ŋes atiar, “Kidum ŋol lokiwadikai Musa kotoma okisila, ka inabin da, Yesu loko Nasaret, okoku loka Yosep.” Kotema Natanael ŋes atiar, “Epedori tope ibore yenejok alomun koNasaret?” Kotema Pilip atiar, “Bia koany.” Koany Yesu Natanael ebunit mamakeŋ, kiner nuke ebe, “Koany, lokIsirael obe, loemamei aimod kotomakeŋ!” Kotema Natanael ŋes atiar, “Kikonakini ai kijenuni eoŋ?” Koboŋok Yesu ebe, “Eriŋa Pilip kenyarauna jo, naijaar kwap ketini abu kaany jo.” Koboŋok Natanael ebe, “Rabi, irai ijo Okoku loka Edeke! Irai ijo Ekabaka loka Isirael!” Koboŋok Yesu ebe, “Naarai kalimok jo ebe abu kaany jo kwap ketini, ŋes iyuunia? Ianyuni akiro nuepolok aitelekarit nu.” Kotema ŋes atiar, “Abeit, abeit, katemari yes atiar, Ianyunete akuj eŋaara, ka imalaikan luka Edeke edokarete edokunete da mama ejai Okoku loka etuŋanan.” Apaaran nakiwuniet kojai adukokin koKana loka Galilaya; kojai toto naka Yesu da ŋina: konyararai Yesu da ka ikekesisiak opucit. Kedaun ebino, kotema totoke Yesu atiar, “Emamei kes ebino.” Kotema Yesu ŋes atiar, “Toto, anyoika eoŋ ka jo? Eroko akapak edolo.” Kolimok totoke ikejaanakinak ebe, “Nukilimokini kere, kiswamata.” Aso kejaas nen akaalakanya akanykape nuka amor, kibwaikinitai kes nen kanuka epone loka Iyudayan loka aitesegaar, nuilosikinos akeito aarei arai auni. Kotema Yesu kes atiar, “Kilelebata akaalakanya akipi.” Kes da kilelebata kiton atokitoit, Kotema kes atiar, “Aso do kooko, koinasi ekapolon loka epucit.” Koinasi. Kosodi kiir ekapolon loka epucit akipi nukeluoros ebino, komam ejeŋi nekebunio, (konye kojenete ikejaanakinak luaokete akipi,) konyarau ekapolon loka epucit eteran, kotema ŋes atiar, “Ŋinituŋanan itemokini ber ebino loejijim, kosodi kedaut ituŋa aimat noi, eyaunio do loepiana; konye jo iŋadak loejijim kiton kwana,” Abu Yesu kiswama aanyunet na nasodit koKana loko Galilaya, kitodia da akeibuses; kiyuutu ikekesisiak ŋes. Kokau kaŋun kijesar kiton Kaparanaum, ŋes ka totoke, ka ikeinacan ka ikekesisiak da; kosala ŋina apaarasia nuikidioko. Keapie Aleleŋ naka lyudayan, kodoka Yesu Yerusalem. Kodum kotoma oyekalu lukegwelanarete imoŋin ka amerekekin ka ajeleik da, ka ikesiecanarak arupian iboiete. Kosub edaset kaunoi, kireŋea kes kere koyekalu, amerekekin ka imoŋin da; kobuko arupian nuka ikesiecanarak, kobuburiana imesanakec, Kolimok ŋul lukegwelanarete ajeleik ebe, “Kolemasi ŋun; sirikituluosi etogo loka Papaka araut logwelanaret.” Kiitut ikekesisiak ebe iwadikatai ebe, “Kaari ekokote loka ekonitogo.” Kosodete koboŋokis Iyudayan kotemasi ŋes atiar, “Aanyunet anyoin nakitodikini ijo sio naarai iswama nu?” Koboŋok Yesu ebe, “Kotiyakisi eyekalu lo, ido adukokini eoŋ apaarasia auni.” Kosodete kotemasi Iyudayan atiar, “Eyekalu lo lokedukokinio ikar akaisaoŋon ka lukanykape, iduki tope ijo kotoma apaarasia auni?” Konye enera ŋesi nuka eyekalu loka akuanake. Aso nakejarunia kotoma okatwak, kiitut ikekesisiak ebe enerit ŋun; kiyuut nakiwadikatai ka akirot da nakinera Yesu, Nakejaar Yerusalem kapak naka epucit loka Aleleŋ, kiyuut ituŋa luipu ekekiror, nakeanyuniata aanyuneta nukiswamai, Konye Yesu mam abu komunokina kes, naarai kejeni ituŋa kere, komam ipuda ituŋanan aitejenun ŋes nuka ituŋa; naarai kejeni ŋesi elopet nukejaas otuŋa. Kojai etuŋanan loka Iparisayon, ekekiror Nikodemo, ekayaiton loka Iyudayan, Kobu ŋol mama ejai Yesu kuare, kotema ŋes atiar, “Rabi, kijeni ebe irai ijo Ekesisianakinan loibunit kama ejai Edeke; naarai emamei ituŋanan yenepedori aswam aanyuneta nu nuiswamai ijo, dimikito ejai Edeke kaŋes.” Koboŋok Yesu kotema ŋes atiar, “Abeit, abeit, katemari jo atiar, Arai mam ituŋanan eurio nakiareit, mam epedori aanyun ajakanut naka Edeke.” Kobala Nikodemo ŋes ebe, “Ikwaikini ai ituŋanan eurio kemojoŋ? Epedori kereka airucakin alomar akoik naka totoke, kouriai?” Koboŋok Yesu ebe, “Abeit, abeit, katemari jo atiar, Arai mam ituŋanan eurio kakipi ka Emoyo, mam epedori alomun ajakanut naka Edeke. Ibore yeneuriei akuan erai akuan; ka yeneuriei Emoyo erai emoyo, Sirikiwumok naarai kabala jo ebe, Ibusakinit yes aurio nakiareit. Ekusi ekwam mama ekot, ipupi airurumake; konye mam ipedori aijen kama kebunio, karaida mama ebei; ikoni nen ŋinituŋanan yeneuriei Emoyo.” Koboŋok Nikodemo kotema ŋes atiar, “Ikwaikinete ŋun ai epedoros?” Koboŋok Yesu kotema ŋes atiar, “Irai tope ijo ekesisianakinan loka Isirael, komam ijeni akiro ŋun? Abeit, abeit, katemari jo atiar, Kinera nukijeni, kitejenuni da nukianyunit; konye do mam yes icamunito akosiitejenun. Arai abu kalimok yes akiro nuka akwap komam iyuunete, ikote Iyuunete ai arai kaalimokis akiro nuka akuj? Emamei yenabu kodokarite toma akuj, dimarai ŋol lokedokuni kotoma akuj, ŋes Okoku loka etuŋanan. Kwape kolo kikajakinia Musa emun kamodiŋ, ibusakinit Okoku loka etuŋanan da aikajakinio kwape kwaŋin: tetere ŋinituŋanan yeniyuuni ŋes kojaas kaijar naka ikar kere.” Naarai komina Edeke akwapin kwanata, abu koinak Okokuke loteluna, tetere ŋinituŋanan yeniyuuni ŋes kinye aolior, konye kojaas kaijar naka ikar kere. Naarai mam Edeke ejukunit Okokuke akwapin tetere itelekarete akwapin akiro, dimarai tetere itajario akwapin kanukeŋ. Ŋin yeniyuuni ŋes mam itelekarete akiro; yenimam iyuuni ŋes adaut akiro aitelekar, naarai mam abu kiyuu ekiror loka Okoku loteluna loka Edeke, Lo da ŋes etube, ebe abu aica kobu akwapin, konye kominas ituŋa amuton aitelekarit aica, naarai aroko aswamisiokec. Naarai ŋinituŋanan yeniswamai nueroko elait aica, kwabo mam ebuni neejai aica, kinyeis akeswamisio aideleleun. Konye yeniswamai nukabeit ebuni neejai aica, tetere etakanete akeswamisio, ebe iswamatai kotoma Edeke. Kokau kaŋun kolot Yesu ka ikekesisiak akwap nako Yudaya; kiboie kaŋina nepepe kakes ibatisai. Kibatisai Yokana da kAenon naeapias ka Salim, naarai kejaas akipi nuipu nen; kolosenenete ituŋa mamakeŋ kibatisai, Naarai koriŋa Yokana eenikina aidaris. Aso kojau epeget ikekesisiak luka Yokana ka Eyudayat kanuka aitalaun. Koloto mama ejai Yokana, kotemasi atiar, “Rabi, ŋol loajai nenipe kajo okekwa Yorodan, lokitejenunit, koany, ibatisai ŋol, ido elosenenete ituŋa kere mamakeŋ.” Koboŋok Yokana ebe, “Mam epedori ituŋanan adumun akirot kere dimikito einakinitai abunore kotoma akuj. Itejenut yesi ikulepek ebe, abu kener ebe, Mam eoŋ arai Kristo, dimarai kejukunitai aiŋarenikin ŋes, Loejaas kateran ŋes eteran; konye epapero loka eteran, loebwoi iirari ŋes, elelakinit noi eporoto loka eteran; aso adol do akaiyalama ŋin. Ibusakinit ŋes aiyatakin, konye eoŋ aiŋoŋar.” Ŋol loebuni kokuju eyait kere; ŋol loerai loka akwap erai loka akwap, inera nuka akwap; ŋol loebuni kokuju eyait kere. Itejenuni ŋun nueanyunit ka nuiirarit da, kwabo emamei yeniyuuni akeitejenun. Yeniyuunit akeitejenun itogogoŋit ebe Edeke ŋes abeit. Naarai lokijukuni Edeke inera akiro nuka Edeke: naarai mam Edeke einakini Emoyo kaitemis. Emina Papa Okoku, ititiŋit iboro kere. Yeniyuuni Okoku ejaas kaijar naka ikar kere; konye yenimam erima Okoku mam eanyuni aijar, konye esalakini ŋes anyunyura naka Edeke. Aso nakejenunia Ejakait ebe eirasi Iparisayon ebe adum Yesu ikesisiak luipu aitelekar Yokana ka aibatis, (Kwabo mam Yesu elopet kibatisai, dimarai ikekesisiak,) kinye Yudaya kolot bobo Galilaya. Kibusakinit ŋes aitor kidiŋ Samaria. Kosodi kodol ore loko Samaria, loenyaritai Sukar, loaapias kamana nakeinakini Yakob okokuke Yosep. Kejai nen atan naka Yakob, aso naarai kepasit Yesu kanuka alositeke, kiboikin atan. Kerai bala esawa lokikanyetekape. Kobu aberu naSamariat aiwok akipi. Kotema Yesu ŋes atiar, “Ae akipi kamat.” Naarai kelositos ikekesisiak ore agwel inyamat. Kotema aberu naSamariat ŋes atiar, “Ikonakini ai ijo Eyudayat kilipi eoŋ akipi, eoŋ naarai Asamariat?” Naarai mam Iyudayan imorikikina kIsamarian, Koboŋok Yesu kotema atiar, “Arai kijeni ainakinet naka Edeke, ka ŋol da lokibala ebe, Ae akipi kamat, tikilipi ŋes, tikiinak jo akipi nukajarak.” Kotema aberu ŋes atiar, “Ejakait, emamei jo ibore yeniwokunet, idul atan da; aso idumuni kai akipi ŋun nukajarak? Ipol kereka ijo aitelekarit papaakosi Yakob, loabu koinak sio atan na, ŋes da elopet komat akipike, nepepe kikedwe, ka ikebaren da?” Koboŋok Yesu kotema ŋes atiar, “Ŋin yenemasi akipi nu ejaki bobo akur, konye yenemasi akipi nuainakini eoŋ, mam ejaki akur ikar kere; konye akipi nuainakini eoŋ eraunete kotomake atan naka akipi nuibulubulitos kiton aijar namam edaun.” Kobala aberu ŋes ebe, “Ejakait, koinakinai eoŋ akipi ŋun kenyek akur aijak, karaida abunenen ne aiwok akipi.” Kotema Yesu ŋes atiar, “Kolot, konyarau okilenikon, koboŋu ne,” Koboŋok aberu ebe, “Emamei eoŋ ekiliokit.” Kotema Yesu atiar, “Inera abeit ebe, Emamei eoŋ ekiliokit; naarai kijaas kikiliok ikany, ŋol da loijaatar kwana mam erai okilenikon; inera nu abeit.” Kotema aberu atiar, “Ejakait, aanyun ebe irai enabi, Kemaete lukapapaakosi koroŋat kalo; ibalasi yesi ebe Yerusalem ŋes aibois naibusakinit amaia.” Kotema Yesu ŋes atiar, “Toto, kiyuunai, ebunit esawa lomam imaiata bobo Papa koroŋat kalo karaida Yerusalem, Imaete yesi yenimam ijenete; kimai isio yenikijeni, naarai ebunit aitajario kotoma oYudayan. Konye ebunit esawa, ejai da kwana, loemaiata ikamaak lukabeit Papa, kotoma omoyo ka abeit, naarai emoot Papa ituŋa luikote nen aima ŋes. Erai Edeke Emoyo, ŋul da luemaete ŋes, ibusakinit aima kotoma omoyo ka abeit.” Kotema aberu ŋes atiar, “Ajeni ebe ebunit Mesia (ŋol Ioenyaritai Kristo); naebunio ŋesi kipukokini sio akiro kere.” Kotema Yesu ŋes atiar, “Eoŋ lopelo lokinera kajo.” Atipet kopotu ikekesisiak, koumokis naarai kineras kaberu, konye mam loabu kolim ebe, “Ikoto inyo?” Arai ebe, “Kanukinyo ineratar kaŋes?” Aso kinyek aberu akemot, kolot ore, kolimok ituŋa ebe, “Kopotu, koanyut etuŋanan lokalimoki akiro kere nukeswamaenenei. Epedori kereka lo araut Kristo?” Kolomutu kesi kore koloto mamakeŋ. Kapak kaŋin kiŋaiŋaata ikesisiak ebe, “Rabi, konyam.” Konye kotema kes atiar, “Ejaas eoŋ inyamat lumam yes ijenete.” Kineranakinos ikesisiak ebe, “Eiai ca nat yeneinunit ŋes inyamat?” Kotema Yesu kes atiar, “Ikanyamat kes luta, aswam nuekot lokejukuni, ka aitodol da akeswam. Mam kereka ibalasi yesi ebe, ‘Eroko esalito ilapio iwoŋon, kodoli aidweny’? Katemari yes atiar, Kikeutu akusikonye, koanyut amanat ebe adaut areŋeun adwenyio, Eropio ekadwenyan, etukonokini araito kanuka aijar namam edaun, tetere iyalamikinos ekayean ka ekadwenyan nepepe. Naarai erai akirot nakabeit ebe, ‘Eyei ice, edwenyi da ice.’ Abu kejuka yes aidweny ŋun numam kitaaritotor; konye kitaaritos ice, ilomakis yesi aitaaritoikec.” Kiyuut Isamarian luipu kotoma ore kaŋol kanuka akirot naka aberu, nakitejenunit ebe, “Abu kalimok akiro kere nukeswamaenenei.” Aso nakeponiata Isamarian mamakeŋ, kiŋaiŋaata ŋes asalakin kakes; kosalak do nen apaarasia aarei. Kiyuut ice luipu kanuka akekirot, Kotemasi aberu atiar, “Kiyuunit kwana, mere kanuka ekoniiner bon, naarai kiira isio ikulepek, kijenu da ebe abeit erai ŋol Eketajaran loka akwapisinei.” Akaulo kapaarasia kaŋun aarei konyou kanen kolot Galilaya. Naarai kitejen Yesu elopet ebe mam enabi eyoŋio kobukec. Aso nakedolio Galilaya, kisukunyikis Igalilayan, naarai apotu koanyutu akiro kere nukiswamai koYerusalem kopucit, naarai kelosito ŋul da opucit. Kobu bobo Kana loko Galilaya mama etuluoria akipi ebino. Kojai etuŋanan lokapolou Kaparanaum, lokejai okokuke edeka. Kiira ŋol ebe ebunit Yesu Galilaya anyoun koYudaya, kolot neejai kiŋaiŋa aijesar aitaŋaleun okokuke, naarai keapikinit atwanare, Kotema Yesu ŋes atiar, “Arai mam ianyunete aanyuneta ka nukaumokin, mam iyuunete cut.” Kobala lokapolou ebe, “Ejakait, kijesar eroko ikakoku ketwana.” Kotema Yesu ŋes atiar, “Kolot; ejari okokukon.” Kiyuu etuŋanan akirot nakelimokini Yesu ŋes, kolot, Kosodi napijesar kiriamakinos kikebulesin, lukebalas ebe ejari okokuke. Kiŋit kes esawa lokegeunia aitemokin, kolimokis ŋes ebe, “Bian esawa lokikanyetekaarei alakakinia ekamidi ŋes.” Kosodi kojen papake ebe ŋes esawa je lokelimokinia Yesu ebe, “Ejari okokukon.” Kiyuu ŋesi ka lukokaleke kere. Ŋin ŋes aanyunet nakiareit nakiswamai Yesu nakenyounio koYudaya adolore Galilaya. Akaulo kaŋun kojai epucit loka Iyudayan, kodoka Yesu Yerusalem. KoYerusalem ejai atapar ariri kerute loka amerekekin, nakenyaritai kAburanian Betesata, naejaas alomareta akany. Koperenenete lukadekak luipu kanen, imudukiok, ka luicodos, ka lukasenyak da, [lukidarito akulaun naka akipi, Naarai keiai apak nakedokununia emalaika loka Ejakait atapar, kigur akipi: aso yenikegei alomar kedaun aigur akipi koŋaleuni adeka kere nakikamunit.] Kojai nen etuŋanan, lokedeka ikar akaisauni ka lukanykauni. Nakeanyunia Yesu ŋol eperi kojen ebe kikoni nen ikar luipu, kotema ŋes atiar, “Ikoto aŋaleun?” Koboŋok lokadekan ebe, “Ejakait, emamei eoŋ etuŋanan lokebwaikini eoŋ atapar naitukulaunere akipi, konye naalosio, kageikini icetuŋanan adokar.” Kotema Yesu ŋes atiar, “Konyou, kibwok akonikapet, kolot.” Atipet koŋaleu etuŋanan ŋol, kibwok akekapet, kolot. Kerai da apaaran ŋin nakasabato. Kanuka ŋun kolimokis Iyudayan etuŋanan lokitaŋaleunio ebe, “Erai lolo nakasabato, mam ibus jo aibwok akonikapet.” Konye Koboŋok ebe, “Ŋol loketaŋaleuni ŋes kalimokini ebe, ‘Kibwok akonikapet, kolot.’ ” Kiŋita ebe, “Iŋai bo ŋol lokilimokini ebe, ‘Kibwok, kolot?’ ” Konye etuŋanan lokitaŋaleunio mam kejeni ebe erai iŋai, naarai koekarite Yesu, naarai ajaas ituŋa luipu aibois ŋin, Kokau kaŋun kodum Yesu ŋes koyekalu, kotema ŋes atiar, “Koany, iŋaleu! Sirikidiaka bobo, kinyek akirot naerono adepar ŋin adoikin jo.” Kolot etuŋanan kolimok Iyudayan ebe kerai Yesu lokitaŋaleuni ŋes, Kanuka ŋun kimanata Iyudayan Yesu, naarai kiswamai ŋun kapaaran nakasabato. Konye Koboŋok Yesu kes ebe, “Iswamai Papaka kiton kwana, eoŋ da eswamai.” Aso kanuka akirot kaŋin kiyatakis Iyudayan amoot aiar Ŋes, naarai mere bon aibil asabato, konye kanu anyaritor Edeke Papake, kitiriana da ka Edeke. Aso Koboŋok Yesu kotema kes atiar, “Abeit, abeit, katemari yes atiar, Mam Okoku epedori aswam adiokirot elopet, dimarai ŋin naeanyuni ŋesi Papa iswamai; naarai nuiswamai Papa kere, ŋupeŋun iswamai Okoku da. Naarai emin Papa Okoku, itodikini ŋes kere nuiswamai ŋesi elopet; itodikini da aswamisio nuitelekarito ŋun, tetere yes iwumokinete. Naarai kwape itajaria Papa lukatwak ka ainakin kes aijar, kwaŋin einakinia Okoku da ŋul luekot aijar. Mam Papa etubokini idiotuŋanan kere akiro, konye ainak Okoku etube kere, tetere ituŋa kere itopoloorete Okoku, kwape itopolooritotor Papa. Ŋin yenimam itopoloori Okoku mam itopoloori Papa da lokijukuni. Abeit, abeit, katemari yes atiar, ŋin yeniirari akakirot ka aiyuun ŋol lokejukuni, ejaas kaijar naka ikar kere; kwabo mam elomari toma atubokinio, konye anyou kotoma atwanare aloma aijar. “Abeit, abeit, katemari yes atiar, Ebunit esawa, ejai da kwana, loiirariata lukatwak eporoto loka Okoku loka Edeke, ŋul da luiirarete ejarete, Naarai kwape ejaatar Papa aijar kotomakeŋ, kwape kwaŋin abu koinak Okoku da ajaut kaijar kotomakeŋ; koinak ŋes apedor naka aitub, naarai erai Okoku loka etuŋanan, Sirikiwumokis akiro nu; naarai ebunit esawa, loiirariata ituŋa kere luejaas toma atesin ekeporoto, elomunete; ŋul luiswamato nuejok mama ejai ajarun naka aijar; ka ŋul da luiswamato nueroko, mama ejai ajarun naka atubokinio. “Mam eoŋ apedori aswam adiokirot kanukaŋ elopet; kwape eiraria, kwape kwaŋin atubio: ekatube da erai lokabeit, naarai mam amoot nuakot eoŋ dimarai nuekot ŋol lokejukuni. Arai ketejenu eoŋ nukaŋ elopet, akaitejenun mam erai nakabeit; ejai ece loitejenuni nukaŋ, ajeni eoŋ ebe akeitejenun naitejenunia nukaŋ erai nakabeit. Ipotu yesi kijukut ituŋa mama ejai Yokana, kitejenu ŋesi abeit. Konye eoŋ mam adumuni aitejenunio naebuni kotuŋa; konye enera eoŋ nu tetere yes kitajario. Kerai ŋol atala naenoki kocai, yes da ikotos aisiyalamikin akeica apak naedit. Konye aitejenun nakijaar eoŋ erai naepol adepar naka Yokana; naarai aswamisio nukainakinit Papa aitodolikin, aswamisio akulepek nueswamai, itejenunito nukaŋ ebe, kejukunit Papa. Papa da lokejukunit, etejenunit nukaŋ, Mam yes iirarito ekeporoto apaarasia kere, karaida aanyun akeput. Mam da akekirot esalit tomakus, naarai mam yes iyuunitos lokijukuni ŋesi. Imoete kotoma nukiwadikatai, naarai iwomito ebe ijaunete kaijar naka ikar kere kotomakec; ŋun da itejenunito nukaŋ; kwabo iŋerete aponare mamakaŋ tetere ijaunete kaijar. Mam eoŋ adumuni aibuses kotuŋa. Konye kajeni yes, ebe emamei amin naka Edeke kotomakus. Abu kabu kokiror loka Papaka, mam yes kisukunyikis eoŋ; arai kebu ece kokirorike elopet, isukunyikinete ŋol. Ipedorete biai aiyuun, yes luidumanakinos aibuses bonik komam imoete aibuses naebuni kama ejai Edeke ediopet bon? Siriwomito ebe kewosai yes kama ejai Papa; ejai lokiwosai, ŋes Musa, loimunosi yesi. Naarai arai kiyuunito Musa, tikiyuut eoŋ da, naarai abu ŋesi kiwadika nukaŋ. Konye arai mam iyuunito akeiwadikaeta, ikwaikinete ai iyuunete akakiro?” Akaulo kaŋun kolot Yesu okekwa juwai loka aŋolol naka Galilaya, naerai naka Tiberia. Kotupa ekodet loepol, naarai apotu koanyut aanyuneta nukiswamakini lukadekak. Kodoka Yesu oroŋat, kiboikin nen nepepe kikekesisiak. Keapie Aleleŋ, epucit loka Iyudayan. Aso kikeu Yesu akekonye, koany ekodet loepol ebunit mama ejai, kotema ŋesi Pilip atiar, “Kigweli kai inyamat, konyamata lu?” Kinera ŋun aitem ŋes: naarai ajeni ŋesi elopet nuelosi aswam. Koboŋok Pilip ebe, “Inyamat luka adenarin akwat aarei mam ilosikinos kes, arai kenyam ŋinituŋanan idis tai.” Ediopet kokesisiakake, ŋes Anderea onace loka Simon Petero, kotema ŋes atiar, “Ejai ne isapat, yenejaas imugatin ikany lukesairi, ka agaria aarei: konye epedorete inyo ŋul kotuŋa luetia nen?” Kotema Yesu atiar, “Kisiboikis ituŋa.” Kejaas anya nuipu aibois ŋin, Aso kiboikinos ikiliok, kwaka ilukumin ikany. Kosodi kolem Yesu imugatin; kedau aimal, kokorak lukiboiete; kikonak nen agaria, koinak kwape akototor. Nakimonikinotor, kolimok ikekesisiak ebe, “Kotukonokisi atutubeta nuabilibila nuesalito, sirikedepar imodiobore.” Kosodete kotukonokis, kilelebata ibukito itomon ka luarei atutubeta nuabilibila nuka imugatin ikany lukesairi, nukitasalete kwi lukenyamete. Kosodete nakeanyuniata ituŋa aanyunet naeswamai, kobalas ebe, “Abeit lo ŋes enabi loebunit akwapin.” Kosodi kejenu Yesu ebe kekotosi aponare aikamun ŋes tetere itaraunete ekabaka, kogitar kolot bobo oroŋan ŋes elopet bon. Nakitiboŋia kijesaros ikekesisiak aŋolol, kodokas ataker, kogeut aikwaŋar alosit Kaparanaum. Komutonor akwap, komam ber Yesu ebunit mamakec. Kogeu aŋolol akulaun kanuka aikut naka ekwam loepol. Nakikwaŋarotor bala amairon auni arai aoŋon, koanyut Yesu itorit aŋolol, ikunyunit ataker; kokuriakaros. Konye kotema kes atiar, “Eoŋ lo: sirikikuriakaros.” Aso kokotosi aisukunyuun ŋes ataker; atipet kodol ataker akwap naabeete kesi. Apaaran naatupakini keany ekodet loabwoi kokekwa kaŋolol ebe emamei acetaker, dimarai adiopet bon, bobo da ebe mam Yesu adokarit ataker ŋin nepepe kikekesisiak, konye alosito ikekesisiak bonik. (Konye kopotu atakerin ace anyoun koTiberia koapias kaibois nakenyamiata imugatin kedau Ejakait aimal.) Aso nakeanyunia ekodet ebe emamei Yesu kanen, karaida ikekesisiak, kodokasi kesi ikulepek atakerin, koloto Kaparanaum, emooto Yesu. Nakedumuniata ŋes kokekwa kaŋolol, kotemasi ŋes atiar, “Rabi, kibuni ijo ne wori?” Koboŋok Yesu ebe, “Abeit, abeit, katemari yes atiar, kimoete eoŋ, mere kanuianyuniata aanyuneta, konye naarai ipotu konyama imugatin kimonikinos. Siritaaritos kanuka inyamat luedaunos, konye kanuka inyamat luikuniasi kiton aijar naka ikar kere, lukiinakini Okoku loka etuŋanan; naarai ŋol ŋes loepucakinit Papa.” Kosodete kotemasi ŋes atiar, “Kikonakini ai tetere kiswamai aswamisio nuka Edeke?” Koboŋok Yesu kotema kes atiar, “Na Ŋes aswam naka Edeke, kiyuut ŋol lokijukuni ŋesi.” Kosodete kotemasi ŋes atiar, “Aso ca iswamai aanyunet anyoin, tetere kianyun keyuutu jo? Iswamai aswam anyoin? Apotu lukapapaakosi konyama emanu kamodiŋ; kwape iwadikatere ebe, ‘Koinak kes inyamat lukepote kotoma akuj ainyam.’” Kotema Yesu kes atiar, “Abeit, abeit, katemari yes atiar, Mere Musa kiinakini yes inyamat ŋul lukepote kotoma akuj; konye Papaka ŋes kiinakini yes inyamat lukabeit luepote kotoma akuj. Naarai inyamat luka Edeke ŋes ŋin yenijesuni kotoma akuj, ka ainakin akwapisinei aijar.” Kotemasi ŋes atiar, “Ejakait, koinakinai inyamat lu apaarasia kere.” Kotema Yesu kes atiar, “Arai eoŋ inyamat luka aijar; ŋin yenebuni mamakaŋ mam cut eriebi eteŋei, ŋin da yenikeyuuni eoŋ mam cut ejakenenei akur, Konye katema yes atiar kianyut eoŋ, komam iyuunito, Kere lukainakini Papa epote mama ajai; ŋin da yenebuni mamakaŋ mam cut ereŋeari, Naarai ejesuna kotoma akuj, mere aswam nuakoto eoŋ, dimarai nuekot lokejukuni. Nuekot lokejukuni kes nu ebe, Kotoma kaŋul kere lukainakini siriketoolio idiopet da, konye ketajar kapaaran nakawasia. Naarai nuekot Papaka kes nu ebe, Yeneanyuni Okoku ka aiyuun ŋes kojaut kaijar naka ikar kere; etajaruni eoŋ ŋes kapaaran nakawasia.” Kosodete kirurumakis ŋes Iyudayan, naarai abala ebe, “Arai eoŋ inyamat lukijesunos kotoma akuj.” Kobalas ebe, “Mere kereka lo Yesu, okoku loka Yosep, lokijeni papake ka totoke? Ikwaikini ai ebala ebe, Ejesun eoŋ kotoma akuj?” Koboŋok Yesu kotema kes atiar, “Sirikirurumata bonik ka bonik. Emamei ituŋanan yenepedori abunore mamakaŋ arai mam eriunit Papa lokeiukuni; eoŋ da etajaruni ŋes kapaaran nakawasia. Iwadikatai kotoma onabin ebe, ‘Isisianakini Edeke kes kere.’ Ŋin yeniirarit, ka aisisiaun kaneejai Papa, ebuni mamakaŋ. Mere ebe eanyunit ituŋanan Papa, dimarai ŋol loabuu kama ejai Edeke; ŋol ŋes eanyunit Papa. Abeit, abeit, katemari yes atiar, Yeniyuunit ejaas kaijar naka ikar kere. Arai eoŋ inyamat luka aijar. Apotu lukapapaakus konyamata emanu kamodiŋ, kotwaka da. Lu kes inyamat luijesunos kotoma akuj, tetere enyami ituŋanan kes komam etwani. Arai eoŋ inyamat lukajarak lukijesunos kotoma akuj; arai kenyam ituŋanan inyamat lu, ebusi ikar kere; inyamat da luainakini eoŋ kanuka aijar naka akwapisinei ŋes akakuan.” Kopegasi Iyudayan bonik ebe, “Epedori biai etuŋanan lo ainakin oni akekuan ainyam?” Aso kotema Yesu kes atiar, “Abeit, abeit, katemari yes atiar, Arai mam inyamete akuan naka Okoku loka etuŋanan, ka aimat da akeokot, emamei aijar kotomakus. Yenenyami akakuan ka aimat da akaokot ejaas kaijar naka ikar kere, eoŋ da etajaruni ŋes kapaaran nakawasia. Naarai akakuan kes inyamat lukabeit, akaokot da kes numatan nukabeit. Yenenyami akakuan ka aimat da akaokot esalakini tomakaŋ, eoŋ da tomakeŋ, Kwape kejukunia Papa lokajaran eoŋ, ajari eoŋ da kanuka Papa, kwape kwaŋin yenikanyami eoŋ ejari kanukaŋ, Lu kes inyamat lukijesunos kotoma akuj, mere kwape kenyamiata lukapapaa kotwaka; yenenyami inyamat lu ejari ikar kere.” Enera ŋesi akiro ŋun kotoma atukos, naesisianakinia Kaparanaum. Nakiirariata ice luipu kokesisiakake kobalas ebe, “Etiono ca akirot na; iŋai bo epedori aiirar?” Konye kojeni Yesu kotauke ebe erurumata ikekesisiak kanuka akirot kaŋin, kotema kes atiar, “Kitiguiki ca yes akirot na? Ikonakinete bo do ai arai ianyunete Okoku loka etuŋanan edokari nekolo kejai sek? Emoyo ŋes einakini aijar, mam akuan epedori ibore; akiro nukalimokinit yes eraas emoyo, eraas da aijar. Konye ejaas ice kotomakus lumam iyuunito.” Naarai kejeni Yesu ameun kageunet lumam iyuunito, ka ŋol da loebilakini ŋes ebotet. Kobala ebe, “Kanuka ŋun katema yes ebe emamei ituŋanan yenepedori abunore mamakaŋ, dimikito einakinitai kama ka Papa.” Kanuka ŋun koboŋosi luipu kokesisiakake, komam bobo eupasi kaŋes. Aso kotema Yesu lutomon kaarei atiar, “Ikotosi kereka yesi da aboŋor?” Koboŋok Simon Petero ebe, “Ejakait, kilosi mama ejai iŋai? Ijaas ijo kakiro nuka aijar naka ikar kere. Kiyuunit isio, bobo da kijeni ebe irai ijo Lokalaunan loka Edeke.” Koboŋok Yesu kes ebe, “Mere kereka eoŋ kaseunit yes lutomon kaarei, ediopet da kayesi erai Satan?” Enera nuka Yuda okoku loka Isikariot, naarai ŋol loebilakini ŋes ebotet, ŋes da ediopet kotomon ka luarei. Akaulo kaŋun kitorite Yesu Galilaya; naarai mam kekoto aitorit Yudaya, naarai kemootos lyudayan aiar ŋes. Keapie epucit loka lyudayan loka iswamin. Aso kotemasi ŋes ikeinacan atiar, “Konyou kane kolot Yudaya, tetere eanyunete ikonikesisiak akoniswamisio nuiswamai. Naarai emamei ituŋanan yeniswamai akiro kaiyeiyea, yenekoto ŋes elopet aitebeun. Arai kiswama nu kitodiar kakwapin.” Naarai ikeinacan da mam eyuunito ŋes, Aso kotema Yesu kes atiar, “Eroko akapak edolo; konye itemokino akusipak apaarasia kere. Mam akwapin kipedorete aila yes, konye kalaito eoŋ, naarai etejenu eoŋ ebe eroko akeceswamisio. Kodokasi yesi opucit, mam ber eoŋ edokari opucit ŋol, naarai eroko akapak itodolikino.” Nakedaunia alimokin kes ŋun kosalak Galilaya. Konye nakedauniata ikeinacan adokar opucit, kanen kodoka ŋesi da elopet, mere kaitebeikin konye bala kaiyeiyea. Aso komoata Iyudayan ŋes kopucit, kobalas ebe, “Ai bo ejai ŋol?” Kojau airuruma naepol kokodeta kanukeŋ; kobalas ice ebe, “Erai etuŋanan loejok.” Kobalas ice da ebe, “Mere kwaŋin, konye itapaari ekodet.” Konye emamei ituŋanan yeninera kaitebeikin naarai kekuriaka Iyudayan. Kosodi kanen kokidiŋ kepucit kodoka Yesu, koloma oyekalu, kogeu aisisianakin. Koumokis Iyudayan, kobalas ebe, “Kikonakini lo ai ecouni komam isisiat?” Aso Koboŋok Yesu kotema kes atiar, “Akaisisianakin mere nakaŋ dimarai naka ŋol lokejukuni; arai ekoto ituŋanan aswam nuekot ŋol, ejenuni nuka aisisianakin kana, arai kebuni kama ejai Edeke, arai bo enera kanukaŋ bon. Yeninera kanukeŋ bon emoot akeibuses ilopet; konye yenemoot aibuses naka ŋol kalokijukuni ŋes erai yenikabeit, ido kotomake emamei aiŋalanut. Mam kereka Musa kiinakinit yes ikisila? Konye emamei idio kayesi yenericit ikisila. Kanukinyo kimoiata aiar eoŋ?” Koboŋok ekodet ebe, “Ejai jo ajokit! Iŋai bo emoot aiar jo?” Koboŋok Yesu kotema kes atiar, “Abu keswama aswamisioit adiopet, iwumokinito yesi kere, Kanuka ŋun abu Musa koinak yes aikep (konye mam abuni kama ka Musa, konye kama ka lukapapaa); ikepete yesi etuŋanan kapaaran nakasabato, Arai ekepio etuŋanan kanakasabato, tetere mam ekisil loka Musa ebila, kinyunyurikis kereka eoŋ kanu etaŋaleunio cut etuŋanan kapaaran nakasabato? Sirikituboto kwape eseseniata akusikonye, konye kotuboto kotoma adolit.” Aso kotemasi ice lukoYerusalem atiar, “Mere lo loemootos kesi aiar? Konye, koany, inera kaitebeikin, kwabo mam elimokinete adiokirot! Motoko ejenete ikayaitok abeit ebe erai lo Kristo? Konye kijeni lo neebunitor; konye naebunio Kristo, emamei yenejeni neebunio.” Kiworo Yesu isisianakini koyekalu kobala ebe, “Ijenete eoŋ, ijenete nekabunio da; kwabo mam eoŋ abunit kanukaŋ, konye ŋol lokejukuni erai lokabeit, lomam yes ijenete. Ajeni eoŋ ŋes; naarai abuni kamakeŋ, ŋes da kejukuni.” Kosodete komootos aikamun ŋes; konye mam etuŋanan abu korio akekanin aikamunia, naarai ariŋa edoluno ekesawa, Konye luipu lukokodet kiyuut ŋes; kobalas ebe, “Naebunio Kristo, iswamai kereka ŋesi aanyuneta nuipu aitelekarit nuiswamat lo?” Kiirasi Iparisayon ikodeta irurumaete ŋun kanukeŋ; kosodete isasedotin lupeti ka Iparisayon kijukasi ikejaanakinak aikamun ŋes, Kosodi Yesu kobala ebe, “Eroko apak edit ajai nenipe kayes, kasodi alosit mama ejai lokejukuni. Kimoete eoŋ komam kidumunete: neajai eoŋ mam yes ipedorete aponare.” Kosodete kineranakinos Iyudayan ebe, “Ai bo elosi lo nemam oni kipedori adumunia ŋes? Elosi kereka ŋesi mama ejaas luisiarakina oYonanin, ka aisisianakin da Iyonanin? Akirot anyoin na nainerit ebe, ‘Kimoete eoŋ komam kidumunete’, ido, ‘Neajai eoŋ mam ipedorete aponare’?” Kosodi kapaaran nakawasia naka epucit, ŋes apaaran nakapolon, kobwo Yesu kiworo ebe, “Arai kejak ituŋanan akur, kobu mamakaŋ komat. Yenikeyuuni, kwape ineratar nuiwadikatai ebe, ‘Eleleete icorin luka akipi nukajarak kotomakeŋ.’” Enerit akirot ŋin kanuka Emoyo, loeinakinio luiyuunito ŋes: naarai ariŋa ber Emoyo einakina, naarai eriŋa Yesu itopolooro. Aso nakiirariata ice kokodet akiro ŋun, kobalas ebe, “Abeit erai lo enabi je.” Ice da kobalas ebe, “Erai lo Kristo.” Konye ice kobalas ebe, “Mam, ebuni tope Kristo koGalilaya? Mam kereka ebalas nukiwadikatai ebe ebuni Kristo kaur naka Daudi, kotoma Betelekem, ere lokejai Daudi?” Kwaŋin kojai atiakatiakaun kotuŋa kanukeŋ, Kokotosi ice aikamun ŋes, konye komamei yenikibwaikini ŋes akanin; Koboŋosi ikejaanakinak mama ejaas isasedotin lupeti ka Iparisayon, luketemarete kes atiar, “Kanukinyo mam kiyauniata ŋes?” Koboŋokis ikejaanakinak ebe, “Mam inerit cut idiotuŋanan kwape inerar etuŋanan lo.” Kosodete koboŋokis Iparisayon ebe, “Aso cama kitapaa yes da? Iŋai bo kotoma ikayaitok loiyuunit ŋes, arai kotoma oParisayon? Konye ikenitoi ekodet ŋol lomam ejeni ikisila.” Kobala Nikodemo, ŋes lokelosit kolo mama ejai Yesu, lokerai ediopet kakesi ebe, “Etubokinete kereka ikisilawok etuŋanan, eriŋa ber iirara ŋes ka ajenun nuiswamai?” Koboŋokis kotemasi ŋes atiar, “Ibunit kereka ijo da koGalilaya? Koŋic, koany ebe mam enyouni enabi koGalilaya.” Koboŋo ŋolituŋanan oreke. Konye kolot Yesu moru loka Iseitunin. Koboŋo tupuruc sek oyekalu, kopotu ituŋa kere mamakeŋ; kiboikin kogeu aisisianakin kes. Koyaut ikewadikak ka Iparisayon aberu naekamunitai kadoteu; kibwaikis kidiŋ, kobalas ŋes ebe, “Ekesisianakinan, ikamunitai aberu na edotei. Aso kotoma okisila abu Musa kicorak aibiribir nuikote nen kamor; aso ca ibala bo ijo ai?” Kinerasi kesi akiro ŋun ekodunete ŋes, tetere edumunete akirot nakiwosaet. Konye kokukum Yesu, kiwadik alup kekebokorit. Nakiyatanakiniata aiŋit ŋes, kitenar kotema kes atiar, “Yenemamei adiakaret kotomakus, kogeu aibir ŋes kamoru.” Kokukum bobo, kiwadik alup kekebokorit. Kes da, nakiirariata, kilepilepata itauonokec, kolomasi idiopet idiopet, ageun komakio kiton lukawasia; kosalak Yesu bon, ka aberu ebwoi kanen kokidiŋ, Kitenar Yesu, kotema ŋes atiar, “Toto, alu bo ŋul lukiwosato jo? Emamei kereka yenikitubokini jo?” Kotema atiar, “Emamei, Ejakait.” Kotema Yesu atiar, “Eoŋ da mam katubokini jo: kolot; konye sirikidiaka bobo.” Kinera Yesu bobo kakes, kotema atiar, “Arai eoŋ aica naka akwapin; yenikatupuni eoŋ mam cut elosi kamuton, konye ejaas kaica naka aijar.” Kotemasi Iparisayon ŋes atiar, “Itejenuni ijo elopet boni mam akoniitejenun erai nakabeit.” Koboŋok Yesu kotema kes atiar, “Karaida ketejenun eoŋ elopet erai akaitejenun nakabeit; naarai ajeni nekabunio, ka nealosi da; konye yes mam ijenete nekabunio, karaida nealosi. Itubete yesi kwape ejaar akuan; mam eoŋ atubokini ituŋanan. Karaida katubi eoŋ, erai ekatube lokabeit; naarai mam eoŋ ajai bon, konye eoŋ ka lokejukuni. Bobo da kotoma okisilakus iwadikatai ebe aitejenun naka ituŋa iarei erai nakabeit. Etejenuni eoŋ elopet, ketejenuni Papa da lokejukuni.” Kosodi kotemasi atiar, “Ejai bo ai Papakon?” Koboŋok Yesu ebe, “Mam kijenete eoŋ karaida Papaka; arai kiijenete eoŋ, tikijenut Papaka da.” Kinera akiro ŋun kotoma agola naka aiŋad, nakisisianakinia koyekalu; kwabo amamei etuŋanan loekamuni ŋes; naarai aroko ekesawa edoluno. Kotema bobo atiar, “Alosi eoŋ, yes da kimoete, itwakete yesi kotoma adiakanaretakus; nealosi eoŋ mam yes ipedorete aponare.” Kosodete kotemasi Iyudayan atiar, “Earakin ca, naarai ebala ebe, ‘Nealosi eoŋ mam yes ipedorete aponare’?” Kotema kes atiar, “Iraas yesi lukokwap, arai eoŋ lokokuju; iraas yesi luka akwapin kanu; mam eoŋ arai loka akwapin kanu. Kanuka ŋun kalimokis yes ebe itwakete kotoma adiakanaretakus; naarai arai mam iyuunito ebe arai eoŋ, itwakete kotoma adiakanaretakus.” Kosodete kotemasi ŋes atiar, “Irai bo ijo iŋai?” Kotema Yesu kes atiar, “Ŋopeŋol lokalimokinit yes ameun kageunet, Ejaas nuipu einer ka aitub da kanukus: konye ŋol lokejukuni erai abeit; nueirari eoŋ kamake, kes enera kotoma akwapin.” Kwabo mam apotu kojenut ebe inerakinit kes nuka Papa, Aso kotema Yesu atiar, “Naidauniata aikeun Okoku loka etuŋanan, ŋes konyet ijenuniata ebe eoŋ ŋopeŋol, ebe da mam eswamai akirot kanukaŋ bon, dimarai kwape kesisianakinia Papa, enera kwaŋin. Ejai ŋol lokejukuni nenipe keoŋ; mam kenyeinit eoŋ bon; naarai eswamaenenei nuekot ŋesi apaarasia kere.” Nakinerar ŋesi ŋun, kiyuut luipu. Aso kotema Yesu lyudayan lukiyuunito ŋes atiar, “Arai kisalakis toma akirotoka, abeit iraas ikakesisiak; ijenunete da abeit, abeit da kiwosikini yes.” Koboŋokis ŋes ebe, “Kirai isio aur naka Aburaam, kwabo mam kiraunit ibulesin luka idiotuŋanan kere apakio kere: ikwaikini ijo ibala ai ebe, Kiwosikinio yes?” Koboŋok Yesu ebe, “Abeit, abeit, katemari yes atiar, Ŋinituŋanan yenediakanari erai ibulesit yenika adiakar. Mam ibulesit iboie kotogo ikar kere; konye iboie okoku ikar kere. Aso arai kiiwosik Okoku, iraas lukiwosikinitai cut. Ajeni ebe iraas yesi aur naka Aburaam; konye kimootos aiar eoŋ, naarai emamei akakirot aibois kotomakus. Nuaanyunit kaneejai Papa kes nuenera eoŋ: yes da iswamaete akiro nukiirarito kaneejai papakus.” Koboŋokis kotemasi ŋes atiar, “Papakosi ŋes Aburaam.” Kotema Yesu kes atiar, “Arai kiraas idwe luka Aburaam, tikiswamata aswamisio nuka Aburaam, Konye kwana kimootos aiar eoŋ, lokalimoki yes abeit, naeirarit kama ejai Edeke: mam Aburaam abu kiswama kwaŋin. Iswamaete yesi aswamisio nuka papakus.” Kotemasi ŋes atiar, “Mam sio kiwuritai kadoteu; ejai sio Papa ediopet, ŋes Edeke.” Kotema Yesu kes atiar, “Arai kerai Edeke Papakus, tikiminas eoŋ; naarai abu kalom kama ka Edeke kabu; naarai mam kabuni kanukaŋ bon, konye ŋes kejukunit. Kanukinyo mam ijenuniata ŋun nuenera eoŋ? Naarai mam ipedorete aiirar akakirot. Iraas yesi luka Satan papakus, ikotosi da aswam airaŋaanut naka papakus. Kerai ŋesi ekaaran ameun kageunet, mam icasit kotoma abeit, naarai emamei abeit kotomakeŋ. Nainerar nukaiŋal, inera nueraas nukeŋ elopet; naarai erai ekeŋalan, papa da loka aiŋalanut. Konye naarai enera eoŋ abeit mam kiyuunito eoŋ. Iŋai kayes kelepilepi nukaronok? Arai enera eoŋ abeit, kanukinyo mam yes iyuuniata? Yenerai yenika Edeke iirari akiro nuka Edeke; kanuka ŋun mam yes iirarete, naarai mam iraas luka Edeke.” Koboŋokis Iyudayan kotemasi ŋes atiar, “Aso ca ma mam teni sio kinerit ejok ebe irai Esamariat, ido ejai jo ajokit?” Koboŋok Yesu ebe, “Emamei eoŋ ajokit; konye ayoŋit eoŋ Papaka, konye yes kimwaŋito eoŋ. Kwabo eoŋ mam amoot akaibuses; ejai loemoot ka aitub da. Abeit, abeit, katemari yes atiar, Arai keric ituŋanan akakirot, mam egipari atwanare ikar kere.” Kobalas Iyudayan ebe, “Kwana do kijeni ebe ejai jo ajokit, Kotwana Aburaam, ka inabin da; ibala ijo ebe, ‘Arai keric ituŋanan akakirot, mam iiri atwanare ikar kere.’ Itelekarit tope ijo kapolou papaakosi Aburaam loketwani? Inabin da luketwakete; ituluori ijo elopet iŋai?” Koboŋok Yesu ebe, “Arai ketopoloor eoŋ elopet, akaibuses mam erai ibore; loketopoloorit eoŋ ŋes Papaka; ŋol loibakasi yesi ebe erai Ekusideke; kwabo mam ipotu kojenut ŋes; konye eoŋ ajeni ŋes; arai kener ebe, ‘Mam ajeni ŋes,’ tikaraun ekeŋalan kwape kayesi; konye ajeni ŋes, aricit da akekirot. Abu papaakus Aburaam kolelakinite aanyun akapaaran; ŋes da koany, kiyalamikin.” Kosodete kotemasi lyudayan atiar, “Eroko jo edolo ikar akaisakany, ianyunit tope ijo Aburaam?” Kotema Yesu kes atiar, “Abeit, abeit, katemari yes atiar, Eroko Aburaam ejauna, ajai eoŋ.” Kosodete kirarata amor tetere ibiribirete; konye Yesu koŋop, koloma koyekalu. Nakitoritor, koany etuŋanan emuduki ameun kaurioke, Kiŋita ŋes ikekesisiak ebe, “Rabi, iŋai bo kediakarit, etuŋanan lo arai bo ikekauriak, tape eurio emudukana?” Koboŋok Yesu ebe, “Mam lo ediakarit, karaida ikekauriak; konye tetere itodiaros aswamisio nuka Edeke kotomakeŋ. Kibusakinit aswam aswamisio nuka ŋol lokejukuni, eroko apaaran; ebuni akuar, namam epedoria ituŋanan aswam. Naajaar eoŋ akwapin, arai eoŋ aica naka akwapin.” Nakedaunia einer ŋun, kimuik aimul kwap, kosubunia elupe, kinyonyo akonye nuka etuŋanan kelupe, Kotema ŋes atiar, “Kolot kilota katapar naka Siloam” (apolouke ebe Loiyakiaritai), Kosodi kolot, kilota, koboŋu eseseni, Kosodete ikeidunyeta ka lukeanyununete lem erai ekelipan kotemasi atiar, “Mere kereka lo lolem iboienenei ilipitoi?” Kobalas ice ebe, “Ŋes ŋol”; ka ice da ebe, “Mam, konye eputosi kaŋes.” Kobala ŋesi ebe, “Eoŋ lopelo.” Kotemasi ŋes atiar, “Kekwenyunete biai akonikonye?” Koboŋok ebe, “Etuŋanan loenyaritai Yesu kosub elupe kenyonyoik akakonye katema atiar, ‘Kolot Siloam kilota’; kasodi kalot, kelota, kakweny.” Kotemasi ŋes atiar, “Ai bo ejai ŋol?” Kotema atiar, “Mam eoŋ ajeni.” Koyaŋaasi lokerai lem emuduki mama ejaas Iparisayon. Kerai apaaran nakasabato nakesubia Yesu elupe ka aitwekenyun da akekonye. Aso kiŋita ŋes bobo Iparisayon da epone lokekwenyunia, Kotema kes atiar, “Abu kibwaik elupe akonyeka, kelota, kwana do aseseni.” Kobalas ice koParisayon ebe, “Mam etuŋanan ŋol ebunit kama ejai Edeke, naarai mam ericit nakasabato.” Konye kobalas ice ebe, “Epedori biai ekadiakanaran aswam aanyuneta nuikote nen?” Kojaun atiakatiakaun kamakec. Kobalas bobo emuduki ebe, “Ido bo jo ibala biai kanukeŋ, naarai abu kitwekeny akonikonyen?” Kobala ebe, “Erai enabi.” Aso mam Iyudayan apotu kiyuut akekiro ebe kerai lem emuduki, kosodi akwenyun, kiton neanyarauniata ikauriak luka lokitwekenyunio, kiŋita kes ebe, “Erai kereka lo okokukus? Loibalasi aurio emudukana? Ikwaikini bo ai ekwenyi kwana?” Koboŋokis ikekauriak ebe, “Kijeni ebe lo ŋes okokukosi, ebe da aurio emudukana; konye epone loekwenyia kwana mam kijeni; mam kijeni da yenikitwekenyuni ŋes akonye. Kiŋita ŋes; epol ŋesi, ineri elopet kanukeŋ.” Enerasi ikekauriak kwaŋin naarai akuriaka Iyudayan; naarai enerunitos Iyudayan ebe arai elimori ituŋanan ŋes araut Kristo, ireŋeario katukos. Kanuka ŋun ŋes eneratar ikekauriak ebe, “Epol ŋesi; kiŋita ŋes.” Konyaraut nakiareit etuŋanan loamudukana, kotemasi ŋes atiar, “Kitopolo Edeke; kijeni isio ebe erai etuŋanan ŋol ekadiakanaran.” Koboŋok ebe, “Arai ca erai ekadiakanaran, mam eoŋ ajeni; ajeni adiopekirot ebe karai eoŋ emuduki, kwana do akwenyi.” Kosodete kotemasi ŋes atiar, “Kiikonakini ai? Kiitwekenyuni biai akonikonye?” Koboŋok kes ebe, “Kadau alimokin yesi komam iirarete. Kanukinyo bobo ikototor akiirar? Ikotosi yesi da araun ikekesisiak?” Komoromoroto, kobalas ebe, “Ijo irai ekekesisian; konye kirai isio ikesisiak luka Musa. Kijeni isio ebe abu Edeke kinera ka Musa; konye ŋol mam kijeni nekebunio.” Koboŋok etuŋanan kotema atiar, “Eraas nu nukaumokin, ebe mam yes ijenete nekebunio, konye abu ketwekeny akakonye. Kijeni ebe mam Edeke iirari ikadiakanarak; konye arai emai ituŋanan Edeke, iswamai da nuekoto ŋesi, iirari ŋol. Ameun kageunet naka akwapin mam lem iiraritai ebe itwekenyunit ituŋanan akonye nuka yeneuritai emudukana, Arai kemam ŋol ebunit kama ejai Edeke, ti mam kepedo aswam akirot kere.” Koboŋokis kotemasi ŋes atiar, “Kiwuritai cut jo kotoma adiakar, kisisianakini kereka ijo da sio?” Kireŋeasi ŋes kiŋa, Kiira Yesu ebe ereŋeasi kiŋa, kodum ŋes kotema atiar, “Iyuunit kereka ijo Okoku loka etuŋanan” Koboŋok ŋesi kotema atiar, “Ŋes bo iŋai, Ejakait, keyuu ŋes?” Kotema Yesu ŋes atiar, “Iany ŋes, ŋes ŋol loineras kajo.” Kotema atiar, “Ejakait, eyuunit.” Komaa ŋes, Kotema Yesu atiar, “Abu kabu toma akwapin nu kanuka etube, tetere eanyunete lumam eanyunete, koraut da lueanyunete imudukiok.” Nakiirariata ice koParisayon lukejaas nepepe kaŋes, kotemasi ŋes atiar, “Kirai kereka isio da imudukiok?” Kotema Yesu kes atiar, “Arai kiraas imudukiok, timam ijaas kadiakar; konye kwana ibalasi ebe ‘Kikwenyi,’ aso esalit adiakarikus.” “Abeit, abeit, katemari yes atiar, yenimam itori orute elomari anuk naka amerekekin konye kodoka kamace, erai ŋin ikokolan ka ikaŋatan da; konye yenitori orute ŋes erai ekecokon loka amerekekin. Eŋaikini ekagolon ŋes; iirarete amerekekin ekeporoto, enyarai ŋesi akemerekekin kikiroriakec, itolomari kes kiŋa, Kedau aitolomar nukeŋ kere, iŋarenikini kes, etupakinete amerekekin, naarai ejenete ekeporoto. Mam etuparete cut eloŋwau, konye ekerete kama ejai, naarai mam ejenete eporoto loka iloŋwau.” Abu Yesu kolimok kes awaragan ŋin, konye mam ejenuna akiro nualimokini kes. Kolimok Yesu kes bobo ebe, “Abeit, abeit, katemari yes atiar, arai eoŋ erute loka amerekekin. Kere lukageikinete keraas ikokolak ka ikaŋatak; konye mam apotu amerekekin kiirasi kes. Arai eoŋ erute; arai kitoro ituŋanan mamakaŋ, itajario, elomari ka alomun, edumuni da erony. Mam ekokolan ebuni atai dimarai akoko, ka aiar, ka amunaar da; abu eoŋ kabu tetere ejaunete kaijar, ejaunete da kanaedeparit. Arai eoŋ ekecokon lokajokan. Einakini ekecokon lokajokan akeijar kanuka amerekekin. Etuŋanan loeropio, lomam erai ekecokon, amerekekin da mam eraas nuke, eanyuni epeet ebuni, inyeini amerekekin, ekeri; ikami do epeet kes, isiarakini. Ekeri ŋol naarai erai loeropio, mam epodo amerekekin. Arai eoŋ ekecokon lokajokan; ajeni ŋun nueraas nukaŋ, nukaŋ da kajenete eoŋ, kwape kajenia Papa, eoŋ da ajeni Papa; ainakini akaijar kanuka amerekekin. Ido ejaas eoŋ amerekekin ace, numam eraas nuka anuk kana; kebusakinit ayaun ŋun da, iirarete ekaporoto; kosodete araun esipan ediopet, ka ekecokon ediopet. Kanuka na kamina Papa, naarai ejaikini akaijar, tetere alemuni bobo. Emamei ituŋanan yenikademari, konye ejaikini eoŋ elopet. Ejai eoŋ apedor naka aijaikin, ejai da apedor alemun bobo; adumunit aicorakinet na kama ejai Papaka.” Kojau bobo atiakatiak koYudayan kanuka akiro kaŋun, Luipu kakes kobalas ebe, “Ejai lo ajokit, ekerepiki; kanukinyo iirariata ŋes?” Kobalas ice ebe, “Akiro ŋun mam eraas nuka ituŋanan yenejai ajokit. Epedori kereka ajokit aitwekenyun akonye nuka imudukiok?” Kerai epucit loka Atiakunio koYerusalem; kapak naka aterot; kitorit Yesu oyekalu alomaret naka Solomon. Kosodete kolukut ŋes Iyudayan kotemasi atiar, “Itodoli ai isibuonokini ikositauon? Arai irai Kristo, kolimokinai kaitebeikin.” Koboŋok Yesu ebe, “Abu kalimok yes, konye mam iyuunito. Aswamisio nueswamai eoŋ kokiror loka Papaka, kes ketejenunito. Konye yes mam iyuunito, naarai mam iraas lukotoma amerekekinika. Iirarete akamerekekin ekaporoto, ajeni kes, kes da katupito eoŋ; ainakini kes aijar naka ikar kere, mam cut eoliorete, kwabo emamei ituŋanan yeneurupoori kes kakanika. Papaka lokainakini ŋun erai lokapolon aitelekarit kere, kwabo emamei ituŋanan yenepedori aurupoor kes kakan naka Papaka. Kirai eoŋ ka Papa ipe.” Kosodete kirarata bobo Iyudayan amor aibiribirio ŋes. Koboŋok Yesu kes ebe, “Ketodik yes aswamisio nuipu nuejok nuepote kama ejai Papa; kanuka aswamisioit anyoin kaŋun kibiribirioto eoŋ kamor?” Koboŋokis Iyudayan ebe, “Mam kibiribiri jo kanuka aswamisioit naejok, konye kanuka ainyanakin Edeke; naarai jo etuŋanan, ituluori bon Edeke.” Koboŋok Yesu ebe, “Mam kereka iwadikatai kokisilakus ebe, ‘Kabala iraas yesi idekesio’? Arai abu konyara kes idekesio ŋul lukebunokini akirot naka Edeke (ido mam epedorete nukiwadikatai abilio), ibalasi kereka yesi lokitalauni Papa kijuk akwapin ebe, ‘Iinyanakini Edeke’; kanu abalar ebe, ‘Arai eoŋ Okoku loka Edeke’? Arai mam eswamai aswamisio nuka Papaka, sirikiyuut. Konye arai eswamai, karaida mam kiyuunito eoŋ, kiyuutu aswamisio; tetere ijenunete ipiirikinete da ebe ejai Papa tomaka, eoŋ da toma Papa.” Komoata bobo aikamun ŋes; konye koku kakanikec. Kolot bobo okekwa Yorodan aibois nakegeunia Yokana aibatis; kosalak ŋina. Kopotu luipu mamakeŋ; kobalas ebe, “Abeit mam Yokana eswamat aanyunet kere: konye nukinera Yokana kere kanuka ŋol keraas abeit.” Kiyuut luipu kaŋina. Kodeka etuŋanan, ekekiror Lasaro loko Betaniya, lokorekec loka Mariam ka Marita kinacike. Ŋes Mariam nakinyonyoanakini Ejakait akinyet, konina akekeje kitimake, ŋipeŋin nakedeka onaceke Lasaro. Aso kiyakiasi ainacan ŋun mama ejai Yesu ebe, “Ejakait, edeka ŋol loimina ijo.” Konye nakiiraria Yesu kobala ebe, “Adeka na mam erai nakatwanare; konye kanuka aibuses naka Edeke, tetere itopoloorio Okoku loka Edeke kanuka ŋun.” Komina Yesu Marita ka inacike, ka Lasaro da. Aso nakiiraria ebe edek, kosalak nekejai apaarasia aarei, Kosodi kokau kaŋun kotema ikekesisiak atiar, “Kaloto bobo Yudaya.” Kotemasi ŋes ikekesisiak atiar, “Rabi, koloje kwape kwana kikotos Iyudayan aibiribir kamor, ilosi teni bobo ŋipeŋina?” Koboŋok Yesu ebe, “Mam kereka eraas isawan luka paaran itomon ka luarei? Arai elosi ituŋanan paaran mam iguikini, naarai eanyuni aica naka akwapin kanu. Konye arai kelot kuare, iguikini, naarai emamei aica kotomakeŋ.” Kinera ŋun, kosodi kotema kes atiar, “Opaperowok Lasaro ejotoi, konye alosi eoŋ ketwekeny.” Kotemasi ikekesisiak ebe, “Ejakait, arai eiotoi, eŋaleuni.” Konye kinera Yesu nuka atwanareke, koomitos kesi ebe enera akiro nuka ajo. Kosodi kolimok Yesu kes kaitebeikin ebe, “Atwana Lasaro. Ido eyalamikin eoŋ kanukus naarai amamei eoŋ kaŋina, tetere iyuunete. Konye kaloto do mamakeŋ.” Kosodi Tomas loenyaritai Didumo kobala ikepaup ikesisiak ebe, “Kaloto oni da, katwaka nepepe kaŋes.” Kosodi nakedolio Yesu kodum edaunit ŋesi apaarasia aoŋon kates, Keapias Betaniya ka Yerusalem, bala amairon aarei, keponitos ituŋa luipu ko Yudayan mama ejai Marita ka Mariam aipudun kes kanuka onacekec. Kosodi nakiiraria Marita ebe ebunit Yesu, kolot aisiriam ŋes; kosalakinite Mariam togo. Kosodi kotema Marita Yesu atiar, “Ejakait, arai kijai ijo ne, timam onaceka ketwana. Konye kwana da ajeni ebe kere nuilipi ijo Edeke kiinakini Edeke.” Kotema Yesu ŋes atiar, “Ejaruni onacekon.” Kotema Marita ŋes atiar, “Ajeni ebe ejaruni kotoma ajarun naka apaaran nakawasia.” Kotema Yesu ŋes atiar, “Arai eoŋ ajarun ka aijar da; ŋin yenikeyuuni eoŋ, karaida ketwana, ejari. Ŋin da yenejari yenikeyuuni eoŋ mam etwani ikar kere. Iyuunit kereka ijo ŋun?” Kotema ŋes atiar, “Eebo, Ejakait; eyuunit eoŋ ebe irai ijo Kristo, Okoku loka Edeke, loebunit akwapin.” Nakedaunia einer ŋun, kolot, konyarau kinacike Mariam kaiyeiyea, kobala ebe, “Ejai Ekesisianakinan ne, kinyarit jo.” Nakiiraria ŋesi ŋun, kodetun atipet, kolot mamakeŋ, Aroko Yesu edoluno ore, konye aroko ejai aibois naesiriamia Marita. Kosodete Iyudayan luajaas ka Mariam togo ipudunete, nakeanyuniata edetun atipet ka alomar kiŋa, kotupasi ŋes, koomito ebe elosi ates aimony ŋina. Kosodi nakedolio Mariam nekejai Yesu, koany ŋes, kibirokin akejeke, kotema atiar, “Ejakait, arai kijai ijo ne timam onaceka ketwana.” Nakeanyunia Yesu ŋes emonyi, ka Iyudayan da lukeupas kaŋes emonyete, komulau eketau, kokadak, kotema atiar, “Ibwaikinito ai?” Kotemasi ŋes atiar, “Ejakait, bia koany.” Komony Yesu, Kosodete kotemasi Iyudayan atiar, “Koany, kwape lem keminar ŋes!” Konye kobalasi ice kakesi ebe, “Ŋol lokitwekenyuni akonye nuka emuduki mam tikepedo aisimik ŋol atwanare?” Kosodi Yesu, komulau bobo eketau, kodol ates; kerai abua, kerapakinitai amoru, Kotema Yesu atiar, “Kolemasi amoru.” Kobala Marita inac naka lokatwan ebe, “Ejakait, eur kwana, naarai edaunit apaarasia aoŋon etwanit.” Kotema Yesu ŋes atiar, “Mam kereka kalimokinit jo ebe arai iyuunit, ianyuni aibuses naka Edeke?” Kosodete kolemasi amoru. Kikeu Yesu akekonye akuj, kotema atiar, “Kemalai jo Papa, naarai kiira eoŋ. Kajen ebe kiiranari eoŋ apaarasia kere, konye kener nu kanuka ekodet kalo loejai ne, tetere iyuunete ebe jo kijukunit eoŋ.” Nakedaunia einer ŋun, kiworo keporoto loepol ebe, “Lasaro, kolom.” Kolom lokatwan, eenitai akanin ka akeje kigoen luka aida; eenitai akekonye da keitabala. Kotema Yesu kes atiar, “Kolacasi ŋes, koosikis kolot.” Kosodete kiyuutu ŋes luipu kotoma oYudayan lukeponito mama ejai Mariam, lukeanyunito nueswamat Yesu. Konye ice kakesi koloto mama ejaas Iparisayon, kolimokis nukiswamai Yesu. Kosodete isasedotin lupeti ka Iparisayon kotukokis aurianet, kobalas ebe, “Kikwaikini ai? Naarai iswamai etuŋanan ŋol aanyuneta nuipu. Arai kiinyei, iyuunete ŋes ituŋa kere: epote Iromayon kidemarete oni aiboisiwok ka awokoteker da.” Konye ediopet kakesi, ŋes Kaiapa, lokerai losasedoti lopeti kokaru kaŋol, kotema kes atiar, “Mam iienete adiokirot kere. Kwabo mam iwomito ebe ibusakinit ediopetuŋanan atwanare kanuka ituŋa, kinye ateker kere amudiar.” Mam ŋes kinera akirot ŋin kanukeŋ bon; konye naarai kerai losasedoti lopeti kokaru kaŋol, abu kodwar ebe etwani Yesu kanuka ateker; kwabo mere kanuka ateker kaŋin bon, konye tetere etukokini nepepe idwe luka Edeke lukisiarakinos araut ipe, Ameun kapaaran kaŋin kinerut nuka aiar ŋes. Kanuka ŋun mam bobo Yesu alosi kaitebeikin kotoma oYudayan, konye konyou kaŋina kolot aibois naeapias kamodiŋ, kiton ore loenyaritai Epuraim; kosal ŋina nenipe kikekesisiak. Keapie Aleleŋ naka Iyudayan; kodokasi luipu Yerusalem anyoun kamanat aliŋakin Aleleŋ, tetere italaunos. Kosodete komoata Yesu, kineranakinos ebwoete koyekalu ebe, “Iwomito inyo? Mam kereka ŋes ebuni opucit lo?” Kicorakinito isasedotin lupeti ka Iparisayon ebe arai kejenu ituŋanan neejai, kitejenu kes, tetere ikamunete. Kosodi esalito apaarasia akanykape eriŋa edoluno Aleleŋ, kobu Yesu Betaniya, nekejai Lasaro, lokitajaruni Yesu kotoma okatwak. Kitemokinoi epucit kanen; kijaanak Marita, konye kerai Lasaro ediopet kalukemorete kaŋes. Kosodi kolem Mariam elatiri loka akinyet naelai naka etiai loepol, kinyonyoanak akeje nuka Yesu, konina akekeje kitimake; kilelebun aures naka akinyet etogo kere, Konye kobala Yuda Isikariot, ediopet kokesisiakake, loekoto abilakin ŋes ebotet, ebe, “Kanukinyo mam egwelarere akinyet na adenarin akwat auni, koinakinai lukican?” Kinera nu mere kanu etimitor lukican; konye naarai kerai ekokolan, ŋes etiŋenenei eriagi koyaŋanar nukibwaanakinio toma. Kosodi kotema Yesu atiar, “Kinyeisi ŋes, kiŋadak kanuka apaaran naka aidaioka, Naarai ejaas lukican nenipe kayes apaarasia kere, konye eoŋ mam kija kayes apaarasia kere.” Kosodete kejenut luipu koYudayan ebe ejai ŋina; kopotu kesi, mere kanuka Yesu bon, dimarai aanyun Lasaro da, lokitajaruni ŋesi kotoma okatwak. Konye kinerut isasedotin lupeti aiar Lasaro da; naarai kanukeŋ apotu luipu koYudayan kotiakas, kiyuut Yesu. Apaaran naatupakini kiira ekodet loepol loabunit kanuka epucit ebe ebuni Yesu Yerusalem. Kogweununut atenieik nuka amusogon, kolomasi aisiriam ŋes, kiworoto ebe, “Kosana! Isirereŋitoi ŋol loebunit kokiror loka Ejakait, Ekabaka loka Isirael!” Adumunit Yesu ikoku yenika asigiria, kibwanen; kwape iwadikatere ebe, “Sirikikurianar, ijo akoku naka Sion; Koany ebunit Ekonikabaka, Ibwanenit ikoku yenika asigiria.” Mam ber ikekesisiak apotu kojenut ŋun: konye kedau Yesu aitopoloorio, ŋes konyet kiitunioto ebe iwadikatai ŋun kanukeŋ, eswamakis da ŋes ŋun. Kitejen ekodet lokejai kaŋes nakenyaraunia Lasaro alomun kates, kitajaru da ŋes kokatwak. Kanuka ŋun kolot ekodet aisiriam ŋes naarai apotu kiirasi ebe eswamat aanyunet ŋin, Kineranakinos Iparisayon bonik ebe, “Koanyutu mam ipedorete ibore; koany, atupasi ŋes lukakwapin kere.” Kejaas Iyonanin ice kotoma kalukedokarito aima kopucit, Aso koloto ŋul mama ejai Pilip, etuŋanan loko Betesaida loko Galilaya, kilipata ŋes ebe, “Ejakait, kikoto isio aanyun Yesu.” Kolot Pilip kolimok Anderea; kouparos Anderea ka Pilip, kolimokis Yesu. Koboŋok Yesu kes ebe, “Adol esawa kitopolooroi Okoku loka etuŋanan, Abeit, abeit, katemari yes atiar, Arai mam ecokat loka akimait edoi kwap kotwani, esalit ikoni nepenen; konye arai ketwana, erai araito nuipu. Yenemina akeijar itooliori; ka yenelait akeijar kakwapin kanu idari kiton aijar naka ikar kere. Arai kejaanakini ituŋanan eoŋ, katup; neajai eoŋ ejauni ikakejaanakinan da nepenen; arai kejaanakini ituŋanan eoŋ, itopoloori Papa ŋes. “Kwana ekadakinit ekatau; atemari ai? Papa, koyuunai kosawa kalo. Konye kanuka ŋun abu kadol osawa lo. Papa, kitopoloo ekonikiror.” Kosodi kobu eporoto kotoma akuj ebe, “Etopolo, ido etopoloori bobo.” Nakiiraria ekodet lokebwoi kanen kobalas ebe Eretu akuj; kobalas ice ebe, “Emalaika enerata kaŋes.” Koboŋok Yesu kotema atiar, “Mam ebunit eporoto lo kanukaŋ, konye kanukus. Atubokin kwana akwapin nu akiro: ereŋear kwana ekapolon loka akwapin kanu. Eoŋ da arai keekiar kakwap, eriari ituŋa kere mamakaŋ.” Konye kinera nu itodikini aketwanare naetwani. Koboŋok ekodet kotema ŋes atiar, “Kiirarit isio kotoma okisila ebe ebusi Kristo ikar kere: ikwaikini ai ijo inera ebe ibusakinit Okoku loka etuŋanan aikiario? Iŋai bo ŋol erai Okoku loka etuŋanan?” Kotema Yesu kes atiar, “Eroko aica ejai kayes apak naedit. Koloto yesi eroko aica ejai kayes, kinye amuton adolokin yes; ŋin yenelosi kamuton mam ejeni neelosi. Eroko aica ejai kayes, kiyuutu aica ŋin, tetere iraunete idwe luka aica.” Kiner Yesu ŋun, konyou kamakec koŋop. Karaida abu kiswama aanyuneta nuipu noi kakonyenekec mam apotu kiyuut ŋes; tetere edoli akirot naka enabi Isaia nakinerit ebe, “Ejakait, iŋai eyuunit akosikirot? Iŋai da epukokinitai akan naka Ejakait?” Kanuka ŋun ŋes mam kiyuuniata naarai enerit bobo Isaia ebe, “Etumudak akecekonye, etininik ikecetauon, Kinyeis aanyun kakecekonye, kojenut kotauonokec, Ka aibelokin, ketaŋaleu kes.” Kinera Isaia akiro ŋun naarai abu koany aibusesuke, kolimo akiroke. Konye kiton ikayaitok da kiyuut ŋes luipu; konye kanuka Iparisayon mam apotu kolimosi, kinyeis aireŋeario katukos: naarai keminasi aibuses naka ituŋa aitelekarit aibuses naka Edeke. Kiworo Yesu kobala ebe, “Ŋin yenikeyuunit eoŋ, mam keyuunit eoŋ, dimarai je lokejukuni. Yenikaanyuni eoŋ, eanyuni je lokejukuni, Abu eoŋ kabu araun aica toma akwapin, tetere ŋin yenikeyuunit mam esalakini amuton, Arai kiira ituŋanan akakiro, komam erici, mam eoŋ atubokini ŋes; naarai mam eoŋ abunit atubokin akwapin, dimarai aitajar akwapin. Yenikaŋeri eoŋ, yenimam ecamuni akakiro, ejai ekatubokinanike: akirot naenerit, ŋes etubokini kapaaran nakawasia. Naarai mam eoŋ enerit kanukaŋ bon; konye Papa lokejukuni kainakinit aicorakinet, nuatemari ka nuenera da. Ajeni ebe akeicorakinet erai aijar naka ikar kere: aso akiro nuenera eoŋ, kwape kalimokinitor Papa, kwape kwaŋin enerar.” Kosodi eriŋa edolo epucit loka Aleleŋ, kejeni Yesu ebe adolu ekesawa loenyounio kakwapin kanu alosit mama ejai Papa, kemina ŋesi iketuŋa lukejaas akwapin, komina kes aitodol awasia, Napenyamete lukatiboŋ, kodaunite Satan aibwaikin Yuda Isikariot, okoku loka Simon, etau lokabilakin ebotet, kejeni Yesu ebe ainaki Papa akiro kere akaninike, ebe da alomu kama ejai Edeke, elosi da mama ejai Edeke, konyou konyamat, kolaca ikenapen; kolem aninaet, koenik aŋabeteke. Kosodi kobukok akipi atuba, kogeu ailot ikekesisiak akeje, ka anina kes kaninaet nakenapit. Kodolok do Simon Petero. Kotema Petero ŋes atiar, “Ejakait, ilosi ijo akakeje?” Koboŋok Yesu kotema ŋes atiar, “Nueswamai eoŋ mam ijeni kwana, konye ijenuni kokau.” Kotema Petero atiar, “Mam jo ilosi akakeje cut kiton ikar kere.” Koboŋok Yesu ebe, “Arai mam kelosi jo, mam imorikikina keoŋ.” Kotema Simon Petero ŋes atiar, “Ejakait, mere akakeje bon, konye akakanin ka akakou da.” Kotema Yesu ŋes atiar, “Yenedauni ailoŋ emamei eipud dimarai ailot akeje, konye elai akuan kere: ilaete yesi da, konye mere kere.” Naarai ajeni ŋesi loekoto abilakin ŋes ebotet; ŋes abalar ebe, “Mam ilaete kere.” Kosodi nakedaunia ailot akejekec, ka alemun ikenapen, ka aiboikin bobo, kotema kes atiar, “Ijenut kereka nukeswamak eoŋ yes? Kinyarito eoŋ Ekesisianakinan ka Ejakait da; inerasi yesi kotenan, naarai arai eoŋ kwaŋin. Aso arai eoŋ, Ekusijakait ka Ekusikesisianakinan da, kelot yes akeje, ibusakinit yes da ailot akeje nuka lucekus. Naarai kainak yes aitodikinet, tetere iswamaete yesi da kwape keswamakinia yes. Abeit, abeit, katemari yes atiar, Mam ebulesit itelekarit ejakaitike; karaida ekiyakia aitelekarit lokiyakiari. Arai kijenutu ŋun, isirereŋitoi yes arai kiswamata, Mam enera nukus kere: ajeni luaseunit; konye kodol naiwadikatai ebe, ‘Lokenyami ikanyamat, ŋes ketonyoik aketitibat.’ Amear kwana kalimokini eriŋa edoluno, tetere naedolunioto, kiyuut ebe eoŋ ŋopeŋol, Abeit, abeit, katemari yes atiar, Yenisukunyikini ŋin yeneyakiari, kesukunyik eoŋ; yenikesukunyikini eoŋ isukunyikinit je lokejukuni.” Kedau Yesu einer ŋun, kokadak kotauke, kitejenu kobala ebe, “Abeit, abeit, katemari yes atiar, ediopet kayesi kabilakini ebotet.” Koŋoleanakinos ikesisiak, kobuonokinos iŋai bo ŋol loelimit ŋesi, Kejai ediopet kokesisiakake lokegoŋakina atorob naka Yesu, lokemina Yesu. Aso kokwet Simon Petero ŋes, kobala ebe, “Kiŋitu cani loelimit ŋesi.” Aso egoŋakina ŋesi kwape kwaŋin atorob naka Yesu, kotema atiar, “Ejakait, ŋes bo iŋai?” Koboŋok Yesu ebe, “Loecunyakini aodunet kainak, ŋes ŋol.” Kosodi kedau aicunyakin aodunet, kolem koinak Yuda okoku loka Simon Isikariot. Kokau kaodokinet, kolomak Satan ŋes, Kosodi kotema Yesu ŋes atiar, “Nuiswamai, kisunyite aswam.” Kwabo emamei etuŋanan kalukemorete kaŋes lokejeni akirot nakelimokinia ŋes ŋun. Naarai koomitos ice ebe naarai itiŋit Yuda eriagi, abu Yesu kolimok ŋes ebe, “Kogwel lukipuda kanuka epucit,” arai ebe kijaik lukican ibore. Kosodi kedau ŋol aijaar aodokinet, atipet koloma: kerai da kuare. Kosodi nakedaunia ŋol alomar, kotema Yesu atiar, “Kwana itopolooritai Okoku loka etuŋanan; Edeke da itopolooritai kotomakeŋ, Itopoloori Edeke ŋes kotomakeŋ, itopoloori da atipet. Yes idwe ludidik, eroko apak naedit ajai nepepe kayes. Kimoete eoŋ; kwape abu kalimokinitor Iyudayan ebe, ‘Nealosi eoŋ, mam yes ipedorete abunore’; kwana da kalimokini yes kwape kwaŋin, Kainakini yes aicorakinet nakitetet ebe, Kominanaros; kwape abu kaminar yes, kominanaros yesi da kwape kwaŋin. Kanuka ŋun ejenunete ituŋa kere ebe iraas yesi ikakesisiak, arai iminanaros bonik.” Kotema Simon Petero ŋes atiar, “Ejakait, ilosi bo ai?” Koboŋok Yesu ebe, “Nealosi eoŋ, mam kipedori atupun kwana; konye kitupuni kokau.” Kotema Petero ŋes atiar, “Ejakait, kanukinyo mam eoŋ apedoria atupar jo kwana? Ainakini akaijar kanukon.” Koboŋok Yesu ebe, “Iinakini kereka ijo akoniijar kanukaŋ? Abeit, abeit, katemari jo atiar, Mam ekokor eruikini, aitodol nakiŋerio eoŋ irwan auni. “Sirikiyaloŋoŋoto ikusitauon; kiyuutu Edeke, eoŋ da kiyuunai. Togo loka Papaka ejaas aiboisio nuipu; arai mere kwaŋin tikalimokis kereka yes ebe alosi aitemokin yes aibois? Arai kalot eoŋ aitemokin yes aibois, aboŋuni bobo kesukunyu yes mamakaŋ, tetere neajai eoŋ ijaikinos yesi da nen. Ijenete yesi erot loalosi eoŋ,” Kotema Tomas atiar, “Ejakait, mam sio kijeni neilosi ijo; kijenuni biai erot?” Kotema Yesu atiar, “Arai eoŋ erot, ka abeit, ka aijar da; emamei yenebuni mama ejai Papa, dimikito itorit tomakaŋ. Arai kiijenete eoŋ, tikijenutu Papaka da; amear kwana ijenete ŋes, ianyut da.” Kotema Pilip atiar, “Ejakait, kitodikinai Papa, kidauni.” Kotema Yesu atiar, “Ajai lem eoŋ kayes apak naetia nen kere, mam jo da kijeni eoŋ, Pilip? Yenikaanyunit eoŋ, eanyunit Papa; aso biai bo ibalar ijo ebe, ‘Kitodikinai Papa’? Mam kereka jo iyuunit ebe ajai eoŋ toma Papa, Papa da tomakaŋ? Akiro nuabala yes mam enera kanukaŋ bon; konye Papa loiboie tomakaŋ iswamai akeswamisio. Kiyuunai ebe ajai eoŋ toma Papa, Papa da tomakaŋ; arai mere kwaŋin, kiyuunai kanuka aswamisio akulepek. “Abeit, abeit, katemari yes atiar, Yenikeyuuni eoŋ, iswamai ŋesi da aswamisio nueswamai eoŋ; iswamai da aswamisio nuitelekarito ŋun, naarai alosi neejai Papa. Akirot kere nailipete kokirorika, eswamai ŋin, tetere itopoloorio Papa kotoma Okoku; Arai kilipa akirot kere kokirorika, eswamai ŋin, “Arai kiminas eoŋ, iricete akaicorakineta. Eoŋ da elipi Papa, kiinakini ŋesi yes Ekayuunan ece, tetere ejaenena kayes ikar kere, ŋes Emoyo lokabeit, lomam epedorete akwapin adumun; naarai mam eanyunete ŋes karaida ajenun; ijenete yesi ŋes; naarai esalit mamakus, ejaenena da tomakus. “Mam kenyeinete yes iraas ikokiok; abuni mama ijaas. Apak edit mam kaanyunete bobo akwapin; konye yes kianyunete; naarai ajari eoŋ, yes da ijarete. Kapaaran kaŋin ijenunete ebe ajai eoŋ toma Papaka, yes da tomakaŋ, eoŋ da tomakus. Ŋin yenejaas kakaicorakineta, koricite da kes, ŋin ŋes kamina eoŋ: ŋin da yenikamina eoŋ, eminuni Papaka, eoŋ da aminuni ŋes ka aitakanikin mamake.” Kotema Yuda (mere Isikariot) atiar, “Ejakait, ikwaikini ai ikoto aitakanikin mamakosi, kwabo mere akwapin?” Koboŋok Yesu ebe, “Arai kamina ituŋanan, erici da akakirot, eminuni Papaka, sio da kiponi mamakeŋ kitarauni ŋes ekosire. Ŋin yenimam kamina eoŋ, mam erici akakiro; akirot da naiirarete mam erai nakaŋ dimarai naka Papa lokejukuni. “Kalimokis yes akiro ŋun, naariŋar ajai kayes. Konye Ekayuunan, ŋes Emoyo Lokalaunan, loijukuni Papa kokirorika, kisisianakini ŋol yes akiro kere, kisiituni da kere nukalimokinit yes. Kenyeiniata ainapakin; kainak yes akainapakin; mere kwape einakiniata akwapin, kainakinia eoŋ yes. Sirikiyaloŋoŋoto ikusitauon, kinyeis da akurian. Ipuput eoŋ abala ebe, Alosi eoŋ, abuni da bobo mama ijaas. Arai kiiminasi eoŋ, tikilakaros, naarai alosi mama ejai Papa; naarai Papa ŋes lokapolon adepar eoŋ. Kwana da kalimok yes eriŋa edoluno, tetere naedolunio, kiyuut. Mam bobo kinera kayes akiro nuipu, naarai ebunit ekapolon loka akwapin kanu. Konye emamei ŋes adiokirot kotomakaŋ; konye eswamai eoŋ kwape kecorakinitor Papa, tetere ejenunete akwapin ebe amina eoŋ Papa. Konyoutu do, kaloto kane. “Arai eoŋ emusabibu lokabeit, Papaka da ŋes lokeswaman. Ŋinitenu kotomakaŋ namam erai araito, elemari ŋesi, ka ŋinitenu da naerai araito igweri, tetere iyatakini aira araito. Idaut yesi araut luilaete kanuka akirot nakalimokinit. Kosalakis tomakaŋ, eoŋ da tomakus. Kwape mam epedoria atenu aira araito alopet bon, arai mam esalit toma omusabibu, kwape kwaŋin yes da mam ipedorete, arai mam isalito tomakaŋ. Arai eoŋ emusabibu, iraas yesi atenun. Yenesalit tomakaŋ, eoŋ da tomakeŋ, erai ŋin araito nuipu, naarai neamamea eoŋ mam ipedorete ibore. Ituŋanan arai mam esali tomakaŋ, ecakario kiŋa kwape katenu, erinyori; etukokinio atenuna, ecakakinio akim, kidoposi. Arai isalito tomakaŋ, akakiro da esalito tomakus, kilipata nuikotosi kere, kiswamakinio. Itopolooritai Papaka kotoma nu arai iraete yesi araito nuipu, iraunos da ikakesisiak, Kwape kaminar Papa, eoŋ da kamina yes kwape kwaŋin; kosalata toma aminaka. Arai iricete akaicorakineta, isalete toma aminaka, kwape aricitor eoŋ aicorakineta nuka Papaka, asalit da toma aminake. Kalimokis yes akiro ŋun tetere ejaun aiyalamaka tomakus, kitodolikinoi da aiyalamakus. “Na ŋes akaicorakinet ebe Kominanaros, kwape abu kaminar yes, Emamei yenejaas kamin naepol aitelekarit na, ituŋanan ainakin akeijar kanuka ipaperoke. Iraas yesi ikapapero arai iswamaete nukecorakini yes. Mam kanyarit bobo ibulesin, naarai ebulesit mam ejeni nuiswamai ejakaitike, konye kanyara yes ikapapero, naarai ketejenu yes kere nueirarit kama ejai Papaka. Mere yes kiseunete eoŋ, dimarai eoŋ kaseu yes, kadakak yes tetere ilosete koraata araito, araitokus da kosalito; tetere nuilipete Papa kere kokirorika, kiinakini. Kecorakini yes ŋun tetere iminanaros. “Arai kilai yes akwap, kojenutu ebe abu kala eoŋ eriŋa elaa yes. Arai kiraas lukakwap, tiemina akwap yenerai yenikeŋ; konye naarai mam iraas lukakwap, konye abu kaseu yes kotoma akwap, kanuka ŋun ŋes kilaia yes akwap. Kiitunito akirot nakalimokinit yes ebe, Mam ebulesit itelekarit ejakaitike kapolou. Arai kareito eoŋ, kireete yes da; arai kericito akakirot, ericete nakus da. Konye kiswamakinete yes ŋun kere kanuka ekakiror, naarai mam ejenete lokejukunit, Arai kemam abunit einer kakes, timam ejaas karonis; konye kwana mam eiyaros karonisikec. Yenikaŋara eoŋ eŋara Papaka da. Arai mam keswamat kamakec aswamisio numam icetuŋanan iswamat, timam ejaas karonis, konye kwana kaanyut kaŋarut eoŋ ka Papaka da. Konye itodolikinio akirot naewadikatai kotoma okisilakec ebe, ‘Apotu kalaata atitai.’ Konye kebu Ekayuunan, lokejukakini yes anyoun kama ejai Papa, ŋes Emoyo Lokabeit, loebuni kama ejai Papa, itejenuni ŋol nukaŋ; Yes da itejenunete, naarai ijaas keoŋ ameun kageunet. “Abu kalimok yes akiro nu, kinyeis aitiguikinio, Kireŋeanario katukosia; eebo, ebunit esawa loeomitor ŋinituŋanan yenikiari yes ebe iiaanakini Edeke. Iswamaete ŋun da naarai mam ejenunito Papa, karaida eoŋ. Konye abu kalimok yes ŋun tetere naedolio esawakec, kiitunete ebe abu kalimokinite yes. Mam abu kalimok yes nu ameun kageunet, naarai ajai nepepe kayes. “Konye kwana alosi mama ejai je lokejukunit; emamei edio kayesi lokeŋisi ebe, ‘Ilosi bo ai?’ Konye naarai kalimokis yes akiro nu, elelebunos ican otauonokus, Konye eoŋ kalimokini yes abeit; ejok kamakus arai kalot eoŋ, naarai arai mam alosi mam ebuni Ekayuunan mama ijaas; konye arai alosi ejukuni ŋes mamakus. Kebu ŋol, ilepilepi ŋesi akwapin kanuka aronis ka adolit, ka etube da, Aronis, naarai mam keyuunito eoŋ; adolit, naarai alosi mama ejai Papa, mam bobo kianyunete; ka etube da, naarai adaun lokapolon loka akwapin kanu atubokinio. “Eroko ejaas eoŋ nuipu alimokin yes, konye mam ipedorete atitiŋikin kwana. Kebu je, Emoyo loka abeit, kiŋarenikini yes kabeit kere; naarai mam inera nuke bon, konye inera kere nuepupuni, kitejenuni da yes akiro nuepote. Ketopoloori ŋesi eoŋ, naarai elemuni nueraas nukaŋ kitejenuni yes, Nuejaatar Papa kere eraas nukaŋ; kanuka ŋun ŋes abalar ebe elemuni nueraas nukaŋ ka aitejenun yes. “Apak naedit, mam kianyunete eoŋ; bobo da apak naedit, kianyunete.” Kineranakinos ice kokesisiakake atiar, “Anyoika bo nu nuebala ŋesi oni ebe, ‘Apak naedit, mam kianyunete eoŋ, bobo da apak naedit, kianyunete’; ido ebe, ‘Naarai alosi mama ejai Papa’?” Kobalas ebe, “Anyoika bo nu nuebala ebe, ‘Apak naedit’? Mam kijeni nuinera.” Kojeni Yesu ebe ekotosi aiŋit ŋes; kotema kes atiar, “Nupenu kereka nuiŋitanaros yesi nuabala eoŋ ebe, ‘Apak naedit, mam kianyunete eoŋ, bobo da apak naedit kianyunete’? Abeit, abeit, katemari yes atiar, Imonyete yesi, ka aibworo, konye iyalamikinos akwapin; itururwete yesi, konye akusiiturur eraun ailel. Naeriebar aberu aidoun eanyuni ican, naarai adolu ekesawa; konye kedau auruun ikoku, mam bobo iituni ariebo ŋin, kanuka ailel! naarai aurii ituŋanan kotoma akwapin, Yes da, kwape kwaŋin ianyunete ican kwana, konye eoŋ kaanyuni yes bobo, elelete ikusitauon, emamei yenikidemari akusiilel. Kapaaran kaŋin mam kiŋisete eoŋ adiokirot. Abeit, abeit, katemari yes atiar, Arai kilipa Papa akirot kere kiinakini kokirorika. Kiton kwana mam ipotu kilipata akirot kokirorika; kilipa, idumunete tetere itodolikin akusiilel. “Enera eoŋ ŋun kayes kawaragasia; konye ebunit esawa lomam kinerar bobo kayes kawaragasia, konye kalimokinete kaitebeikin nuka Papa. Kapaaran kaŋin ilipete kokirorika; kwabo mam kabala ebe eoŋ kelipakini yes kama ejai Papa; naarai Papa elopet kimina yes, naarai kiminasi yesi eoŋ, ido iyuunito ebe abu kabu kama ejai Papa. Abu kabu kama ejai Papa, kabu toma akwapin; bobo da enyeini akwapin, alosi mama ejai Papa.” Kotemasi ikekesisiak atiar, “Kwana do inera kaitebeikin, kwabo mam bobo inera kawaragan. Kijeni do kwana ebe ijeni akiro kere, mam bobo ipuda ituŋanan aiŋit jo; kanuka ŋun kiyuunit ebe ibu kobu kama ejai Edeke.” Koboŋok Yesu kes ebe, “Aso iyuunito do kwana? Koany, ebunit esawa, eebo, adau adolun, naisiarakinotor ŋolituŋanan oreke, ka ajalakin eoŋ kasilikinit, Konye mam eoŋ kasilikini, naarai ejai Papa keoŋ. Kalimokis yes akiro ŋun tetere ijaunete kainapakin tomakaŋ, Toma akwapin ejaas yes ican; konye kotitiŋikis, epiko eoŋ akwapin.” Kinera Yesu ŋun; kikeu akekonye akuj, kobala ebe, “Papa, adol esawa; kitopolo Okokukon, tetere Okokukon da kitopoloori jo. Kwape ibu koinakinia apedor kama kaluejaas awat kere, tetere einakini kere lukiinakini ŋes aijar namam edaun. Aijar namam edaun ŋes na ebe, kojenutu jo Edeke ediopet lokabeit, ka Yesu Kristo Iokijukuni. Ketopolo eoŋ jo kakwap, naarai etodolik aswam naibu koinak eoŋ aswam. Kwana da, wu Papa, kitopolooroi eoŋ kamakon kaibuses nakijaar eoŋ kajo eroko akwapin ejauna. “Etodia ekonikiror mama ejaas ituŋa lukiinakinit kakwapin; araas lukon kosodi ainakin eoŋ: aricata da akonikirot. Kwana ejenete ebe kere lukiinak apote kamakon: naarai akiro nukiinakinit eoŋ ainak kes; acamut, ajenut da abeit ebe abu kalom kamakon, eyuut ebe ijo kijukuni eoŋ. Elipakini eoŋ ŋul: mam elipakini akwapin, konye ŋul lukiinak; naarai eraas lukon. Ŋul da kere lueraas lukaŋ eraas lukon, lueraas lukon da lukaŋ; ketopolooritai eoŋ tomakec. Mam eoŋ aroko bobo ajai toma akwapin, konye lu ejaas toma akwapin, abuni eoŋ mamakon. Papa Lokalaunan, kidar kotoma okirorikon lukiinakinit eoŋ, tetere eraunete ipe, kwape kiraar oni ipe. Naariŋar ajai kakes, abu kedar kes kotoma okirorikon lokiinakinit; kegalikinite kes, kwabo emamei ediopet kakesi loeoliorit dimarai okoku loka aolior; tetere edoli nakiwadikatai. Konye kwana abuni mamakon; enera akiro nu toma akwapin, tetere ejaunete kaiyalamaka naedolit kotomakec. Ainak eoŋ kes akonikirot; alaata akwapin kes naarai mam eraas luka akwapin, kwape mam eoŋ araar loka akwapin. Mam eoŋ elipi ebe kolema kes kakwapin, konye kidar kes kama ejai lokaronon, Mam kes eraas luka akwapin, kwape mam eoŋ araar loka akwapin, Kitalau kes kotoma abeit; akonikirot ŋes abeit. Kwape ibu kijukunia eoŋ toma akwapin, ejuka eoŋ da kes kwape kwaŋin. Etalauna kanukec, tetere italaunio kes da kotoma abeit. “Mam elipakini lu bon, konye ŋul da lukeyuunete kanuka akecekirot; tetere eraunete kere ipe; kwape ijo Papa ijaar tomakaŋ, eoŋ da tomakon, ŋul da kojaut tomawok: tetere iyuunete akwapin ebe ijo ŋes kijukunit, Eoŋ da ainak kes aibuses nakiinakinit eoŋ; tetere eraunete ipe, kwape kiraar oni ipe: eoŋ tomakec, ijo da tomakaŋ, tetere edolete aitekoro naka eipeone; tetere ejenunete akwapin ebe ijo ŋes kijukunit, komina kes kwape ibu kominar eoŋ. Papa, akoto kes lukiinakinit ajaut nenipe keoŋ kere neajai; koanyutu akaibuses nakiinakinit; naarai ibu komina eoŋ eriŋa epesikina apetetait naka akwapin. Wu Papa Ekadoliton, mam akwapin kijenete, konye kajeni jo; ejenete lu ebe ijo ŋes kijukunit. Etejenu eoŋ kes ekonikiror, ido etejenuni, tetere amina nakiminar eoŋ ejaun tomakec, eoŋ da tomakec.” Nakedaunia Yesu einer akiro ŋun, koloma nepepe kikekesisiak kodoka aguurut Kidiron, nekejai emanikor, koloma ŋesi ka ikekesisiak. Kejeni Yuda da loakoto abilakin ŋes ebotet aibois ŋin; naarai kelosenenei Yesu ŋina irwan ipu nenipe kikekesisiak. Kosodi kedau Yuda ainakinio erioŋet loka iserikalei, ka ikejaanakinak kama kisasedotin lupeti ka Iparisayon, kolot ŋina katalai ka akalasia ka lujiis, Kosodi Yesu, kojeni kere nuedoikinete, kolom kotema kes atiar, “Iŋai bo imootos?” Koboŋokis ebe, “Yesu loko Nasaret.” Kotema Yesu kes atiar, “Eoŋ lo.” Kebwoi Yuda da lokebilakini ŋes ebotet nenipe kakes. Nakelimokinia kes ebe, “Eoŋ lo,” koboŋosi kau, kibirokinos kwap. Kosodi kiŋit bobo ebe, “Iŋai bo imootos?” Kotemasi atiar, “Yesu loko Nasaret.” Koboŋok Yesu ebe, “Kadau alimokin yes ebe eoŋ lo: aso arai kimootos eoŋ, kinyeis lu koloto.” Tetere edoli akirot naenerit ebe, “Lukiinakinit eoŋ mam etooliorit ediopet.” Kosodi Simon Petero, kejai ekileŋ, kout kinom ebulesit loka losasedoti lopeti, kotub akekit nakoteten. Kerai ekiror loka ebulesit Malako. Kotema Yesu Petero atiar, “Kinyakak ekileŋikon akuraruke; mam kereka eoŋ amasi akoli nakainakinit Papa?” Kosodete iserikalei ka ekapolokiton ka ikejaanakinak luka Iyudayan kikamut Yesu, koena, Koyaŋaasi ber mama ejai Anas; naarai kerai ekamuran loka Kaiapa lokerai esasedoti lopeti okaru ŋol. Kaiapa ŋol lokeinakin Iyudayan aomisioit ebe ejok etuŋanan ediopet atwanikin ituŋa, Kotupa Simon Petero Yesu, ka ekesisian ece da. Kejenikina ekesisian ŋol kama ka losasedoti lopeti, koloma ŋesi nepepe ka Yesu alaro naka losasedoti lopeti; konye kobwoi Petero korute kokiŋa. Kosodi kolom ekesisian ece lokejenikina kama ka losasedoti lopeti, kinerata ka akagolon, kitolom Petero. Kosodi kotema apese nakagolon Petero atiar, “Irai kereka ijo da ediopet kokesisiak luka etuŋanan kaŋol?” Konye ŋes kobala ebe, “Mere eoŋ.” Kebwoete ibulesin ka ikejaanakinak inokokinito akim naka atotol; naarai kededen aaterot; ipierete akim; kejai Petero da nenipe kakes ebwoi ipieri. Kiŋit losasedoti lopeti Yesu nuka ikekesisiak ka nuka akeisisianakin da. Koboŋok Yesu ebe, “Enerit eoŋ kakwapin kaitebeikin; esisianakinenei apaarasia kere katukosia ka oyekalu da, neatukonokinos Iyudayan kere; kwabo mam eoŋ enerit akirot kere kaiyeiyea. Kanukinyo kiŋisitor eoŋ? Kiŋit lukeirarito anyoika nukalimokinit kes; koany, ejenete ŋul nuenerit eoŋ.” Nakedaunia einer ŋun, abu ekejaanakinan lokebwoi aapu kaŋes kibapa Yesu, kobala ebe, “Iboŋokini kwaŋin esasedoti lopeti?” Koboŋok Yesu ebe, “Arai enerit nukaronok kitejen nukaronok; konye arai enerit nuejok, kanukinyo kibapia?” Kosodi kijuka Anas ŋes eenitai mama ejai Kaiapa losasedoti lopeti. Kebwoi Simon Petero ipieri akim. Kosodete kobalas ŋes ebe, “Irai kereka ijo da ediopet kokesisiakake?” Koŋer kobala ebe, “Mere eoŋ.” Kobala ediopet kobulesin luka losasedoti lopeti, lokerai lokajen naka je loketubi Petero akekit ebe, “Mam kereka kaanyunit jo komanikor nepepe kaŋesi” Kosodi koŋer bobo Petero: atipet koruik ekokor. Kosodete koyaŋaasi Yesu anyoun kama ka Kaiapa kiton ore loka ekayaiton: kerai napetupuruc sek: konye mam kes elomara toma ore loka ekayaiton, kinyeis amunaar, konye kopedosi ainyam lukaleleŋ, Kosodi kolom Pilato kiŋa mamakec, kobala ebe, “Nunyoika iwosatere etuŋanan lo?” Koboŋokis kotemasi atiar, “Arai mam etuŋanan lo iswamat nueroko, timam kiyau mamakon.” Kotema Pilato kes atiar, “Aso koyaŋaasi yesi, kotubokis kokisilikus.” Kotemasi Iyudayan ŋes atiar, “Emamei sio apedor aiar ituŋanan.” Tetere edoli akirot naka Yesu nakinerit, itodikini atwanare naekoto atwanare. Kosodi koloma Pilato bobo toma ore loka ekayaiton, konyarau Yesu, kotema ŋes atiar, “Irai kereka ijo Ekabaka loka Iyudayan?” Koboŋok Yesu ebe, “Inera kereka ijo nu kanukon bon, arai bo kilimokis ituŋa ice nukaŋ?” Koboŋok Pilato ebe, “Arai tope eoŋ Eyudayat? Akoniteker ka isasedotin lupeti kes kijaikinete mamakaŋ, Iswamat anyoika?” Koboŋok Yesu ebe, “Akajakanut mere naka akwapin kanu: arai kerai akajakanut naka akwapin kanu, tikejioto ikakejaanakinak, kenyek aijaikin mama ejaas Iyudayan; konye akaiakanut mere naka ne.” Kotema Pilato ŋes atiar, “Irai kereka ijo ekabaka?” Koboŋok Yesu ebe, “Ijo ibala ebe arai eoŋ ekabaka. Kauritai eoŋ kanuka ŋun, kanuka ŋun da abu kabu akwapin, tetere etejenuni abeit. Yenerai yenikabeit iirari ekaporoto.” Kotema Pilato atiar, “Inyo bo abeit?” Kedau einer ŋun, koloma bobo mama ejaas Iyudayan, kotema kes atiar, “Mam eoŋ aanyunit adioronis kamakeŋ. Konye ejai yes epone, eoŋ aosikin yes ediopet apak naka Aleleŋ: aso ikotosi kereka kaosikis Ekabaka loka Iyudayan?” Kiworoto bobo ebe, “Mere lo, dimarai Baraba.” Kerai Baraba ŋol ekaŋatan. Kosodi Pilato koyaŋa Yesu, koda ŋes. Kojeata iserikalei aboko naka ikukwa, kitanapikis akouke, kitanapata da anapito naamuge; koponenenete mama ejai, kobalas ebe, “Yoga, Ekabaka loka Iyudayan!” Kibapanasi ŋes. Kosodi kolom bobo Pilato kiŋa, kotema kes atiar, “Koany ayaŋauni ŋes kiŋa mama ijaas, tetere ijenunete ebe mam eoŋ aanyunit adioronis kamakeŋ.” Kolom do Yesu, enapit aboko naka ikukwa ka anapito naamuge, Kotema Pilato kes atiar, “Koany etuŋanan!” Kosodete keanyutu isasedotin lupeti ka ikapolokitok, kiworoto ebe, “Kibubuk, kibubuk ba!” Kotema Pilato kes atiar, “Koyaŋaasi yesi, kibubukis, naarai mam eoŋ aanyunit adioronis kamakeŋ.” Koboŋokis Iyudayan ebe, “Ejai sio ekisil, ido kanuka ekisil kaŋol ibusakinit ŋes atwanare, naarai abu kitarauna bon Okoku loka Edeke.” Kosodi nakiiraria Pilato akirot ŋin, kiyatak akurianar; koloma bobo oPuraitorion kotema Yesu atiar, “Laali bo kibunio?” Konye mam Yesu eboŋokino. Kanuka ŋun kotema Pilato ŋes atiar, “Mam inera keoŋ? Mam ijeni ebe ejai eoŋ apedor aosikin jo, ejai da apedor aibubukin?” Koboŋok Yesu ebe, “Ti mam jo ijaas kapedor kere mamakaŋ, arai mam kidumunit abunore kokuju; kanuka ŋun ŋol lokejaikini eoŋ akaninikon ŋes erono adepar.” Ageun kapak kaŋin komoote Pilato aosikin ŋes, konye kiworoto Iyudayan ebe, “Arai kiwosik lo, mam irai epapero loka Kaisar; ŋolituŋanan loedakakini bon araun ekabaka itokokoli Kaisar.” Nakiiraria Pilato akiro ŋun, kitolom Yesu kiŋa, kiboikin oicoloŋ loka aitub, aibois naenyaritai Amor Nuepesitai, konye kAburanian enyaritai Gabata. Kerai da apaaran naka Aitemokin Aleleŋ; kerai bala esawa lokikanyetekape. Kotema Pilato Iyudayan atiar, “Koany, Ekabakakus!” Kanuka ŋun kiworoto ŋul ebe, “Kolema, kolema, kibubuk!” Pilato kotema kes atiar, “Ebubukini kereka Ekabakakus?” Koboŋokis isasedotin lupeti ebe, “Emamei sio ekabaka ece dimarai Kaisar.” Kosodi kijaik ŋes akaninikec aibubukinio. Koyata Yesu, koloma, erioŋit ekemusalaba kiton aibois naenyaritai Abelekek naka Akou, kAburanian ebe Gologota. Kibubukis nen, ka ice iarei nenipe kaŋes, ediopet epuai ka ece da epuai, ka Yesu kidiŋikec. Kiwadik Pilato aitejenunet, kikajak omusalaba; ewadikatai ebe, “YESU LOKO NASARET, EKABAKA LOKA IYUDAYAN.” Kosioma luipu koYudayan aitejenunet ŋin, naarai keapie aibois nakibubukinitoi Yesu kore; kiwadikatai kAburanian, ka Aromayon, ka Ayonanin da. Kosodete isasedotin lupeti luka Iyudayan kotemasi Pilato atiar, “Sirikiwadika ebe, ‘Ekabaka loka lyudayan’, dimarai ebe, ‘Abala ŋesi ebe Eoŋ ekabaka loka Iyudayan.’” Koboŋok Pilato ebe, “Nuewadik, ewadik.” Nakedauniata iserikalei aibubukin Yesu, koyaŋaasi akenapito kokora katutubeta aoŋon, ŋoliserikalet nakeŋ, ka ekaso da. Konye ekasoke kemamei airiamasit, naarai kejeitai ameun kokuju kiton kwap; Kotemanaros bonik atiar, “Sirikiicil, konye kelamilamakisi eroet aanyun iŋai ebeikini.” Tetere edolete nukiwadikatai ebe, “Akorokorata anapitoka, Kilamilamata kanuka ekasoka.” Kiswamata iserikalei kwaŋin. Konye kobwoete totoke ka inaci naka totoke, ŋes Mariam aberu naka Kelopa, ka Mariam Magadalene, eapiete kemusalaba loka Yesu. Kosodi keanyu Yesu totoke, ka ekesisian lokemina ebwoi kodie, kotema totoke atiar, “Toto, koany okokukon!” Kosodi kotema ŋesi ekesisian atiar, “Koany totokon!” Ameun kosawa kaŋol koyaŋa ekesisian ŋin oreke. Kokau kaŋun, kojeni Yesu ebe aŋetakinos kere, tetere itodolikini nakiwadikatai kobala ebe, “Kajak akur.” Kejai nen amot naeleleba ebino loedwar; kibwaikis acago naileleba ebino ŋol loedwar kuju akwara, kikiasi kiton aitukuke. Kedau Yesu aijaikinio ebino loedwar, kobala ebe, “Aŋetakinos.” Kitulur akekou, kijaik ekemoyo. Aso naarai kerai apaaran naka Aitemonokin, kinyeis awat asalakin omusalaba apaaran nakasabato (naarai kerai nakasabato ŋin apaaran nakapolon), ŋes kilipiata Iyudayan Pilato akejekec abilio, tetere elemunio. Kopotu do iserikalei kobilata akeje nuka losodit, ka nuka lokiareit lokibubukinitoi nenipe kaŋes; konye kedolokis Yesu koanyut ebe kedau nan atwanare, mam ebila akejeke, Konye ediopet koserikalei kicum amaranake kakwara, atipet kolomutu aokot ka akipi. Ŋol da lokeanyuni iteienunit, ido akeitejenunet erai nakabeit, ŋes da ejeni ebe inera abeit, tetere yes da iyuunete. Naarai kedoikinete ŋun tetere edoli nakiwadikatai ebe, “Mam ebilio akekoit.” Ka nakiwadikatai ace da ebala ebe, “Esesenete moolo ŋol lokicumete.” Kokau kaŋun abu Yosep loka Arimataya lokerai ekesisian loka Yesu, konye kaiyeiyea kanuka akurian Iyudayan, kilip Pilato apedor alemar akuan naka Yesu: kisiik Pilato. Kosodi kolot, kolema akuanake. Kolot Nikodemo da, lokelosit ber mama ejai ŋesi kuare, koyaŋa lukesaete ka icicikwa luinyalal, bala alaŋir naka ilatirin akwatat. Kosodete kolemut akuan naka Yesu, konunukikis ogoen luka ebaputa nepepe kalukesai, kwape ejaar epone loka Iyudayan loka aida. Nepenen nekibubukinitoi kejai emanikor; ido toma omanikor kejai ates nakitetet namam lem kibwaikinitai idiotuŋanan. Kosodi kanuka Aitemonokin naka Iyudayan, kibwaikis Yesu nen, naarai aapie ates. Apaaran nasodit nakasabato kodil Mariam Magadalene alosit ates, eroko emutono akwap, koany amoru ikokororitai awai kates. Koker, kolot mama ejai Simon Petero ka ekesisian ŋol lokemina Yesu, kolimok kes ebe, “Kelemar Ejakait kates, mam kijeni neibwaikinitai.” Kosodi konyou Petero ka ekesisian ece, koloto ates, Kokerata kere iarei, konye kilany ekesisian ŋol Petero, koliŋ adolore ates; kokukum, kireik toma, koany igoen lukebaputa ejaas nen, konye mam abu koloma. Kosodi kodolu Simon Petero da, etupakinit ŋes, koloma toma ates; koany igoen lukebaputa ejaas nen, ka eitabala, lokejai akouke, mam kejaas kigoen lukebaputa konye kenunukitoi kaiboisike bon. Kosodi koloma da ekesisian ece, lokeliŋi adolore ates, koany ŋesi kiyuu da; naarai mam ber kes aienunito nakiwadikatai ebe ibusakinit ŋes ajarun, Kosodete koboŋosi bobo ikesisiak oreriakec. Konye kebwoi Mariam kokiŋa eapie kates emonyi, napemonyi kokukum kireik toma ates; koany imalaikan iarei lukenapito luakwaŋak, iboiete, ediopet kakou, ediopet da kakejen kanekiperikinitoi akuan naka Yesu. Kes da kotemasi ŋes atiar, “Imonyi inyo, toto?” Kotema kes atiar, “Naarai kelemar Ekajakait, mam ajeni neibwaikinitai.” Kedau einer ŋun kibelokin kau koany Yesu ebwoi, komam ejeni ebe ŋes Yesu, Kotema Yesu ŋes atiar, “Imonyi inyo, toto? Imoi iŋai?” Konye ŋin koomite ŋes araut ekeswaman emanikor, kotema atiar, “Ejakait, arai ilemarit ijo ŋes, kolimokinai neibwaikinit, eoŋ da ayaŋaari.” Kotema Yesu ŋes atiar, “Mariam,” Kibelokin ŋesi kotema kAburanian atiar, “Raboni!” (Ŋes atemar ebe, “Ekesisianakinan,”) Kotema Yesu ŋes atiar, “Sirikitiŋ eoŋ, naarai eriŋa edokara mama ejai Papa; konye kolot mama ejaas ikainacan kolimok kes ebe, Adokari alosit mama ejai Papaka, ŋes Papakus da, mama ejai Ekadeke, ŋes Ekusideke da.” Kolot Mariam Magadalene kolimok ikesisiak ebe, “Aanyu eoŋ Ejakait.” Kolimok da kes nuabu kinera kaŋes. Kosodi kikamus apaaran ŋin nasodit naka asabato, kegolol ikekia kaneajaas ikesisiak kanuka akurian Iyudayan, kobu Yesu kobwo kokidiŋikec, kotema kes atiar, “Kinapakinos,” Kedau einer ŋun, kitodik kes akekanin ka akemarana. Kosodete kiyalamikinos ikesisiak nakeanyuniata Ejakait, Kotema Yesu kes bobo atiar, “Kinapakinos. Kwape keyakuunia Papa, eoŋ da keyakiari yes kwape kwaŋin.” Kosodi kedau einer ŋun, kiyeŋak kes, kotema atiar, “Kijautu Emoyo Lokalaunan. Arai isioniete adiakanareta nuka ituŋanan kere, isionio; arai da ienete adiakanareta nuka ituŋanan kere, eenio.” Konye ediopet ka lutomon kaarei, ŋes Tomas lokenyaritai Didumo mam kejaas kakes nakebunio Yesu. Aso kolimokis ikesisiak ice ŋes ebe, “Kianyu Ejakait.” Konye kotema atiar, “Arai mam eoŋ aanyunit apoorei nuka aseito kakaninike, ka aibwaikin da ikabokor apedon nuka aseito, ka aibwaikin akakan toma amaranake, mam eoŋ eyuuni nepetai da.” Ketuboros apaarasia akanykauni kojaas bobo ikekesisiak togo, kojai Tomas da nepepe kakes. Kegolol ikekia konye kobu Yesu kobwo kokidiŋikec, kotema atiar, “Kinapakinos,” Kosodi kotema ŋesi Tomas atiar, “Koyau ne ekonibokorit, koany akakanin; koyau da akonikan, kibwaik toma amaranaka; kwabo sirikiraun lomam iyuunit, dimarai loiyuunit.” Koboŋok Tomas ebe, “Ekajakait, Ekadeke da!” Yesu kotema ŋes atiar, “Naarai kiany eoŋ ŋes konyet iyuunia? Isirereŋitoi luiyuunete komam eanyunito.” Kiswama Yesu aanyuneta ace nuipu kakonyen nuka ikesisiak, numam iwadikatai oitabo lo; konye iwadikatai nu tetere iyuunete yesi ebe Yesu ŋes Kristo, Okoku loka Edeke, ido kanuka aiyuun ŋin kojaut kaijar kokirorikeŋ. Akaulo kaŋun kitakanikin bobo Yesu ikesisiak kaŋolol naka Tiberia; kitakanikin kwanata: kejaas nepepe Simon Petero, ka Tomas loenyaritai Didumo, ka Natanael, loko Kana loko Galilaya, ka odwe luka Sebedayo, ka ice iarei kokesisiakake. Kotema Simon Petero kes atiar, “Alosi ailok.” Kotemasi atiar, “Isio da kiupari kajo.” Kolomasi, kodokasi ataker; konye kakuar kaŋin mam ikamuna ibore. Napiwalari akwap kobwo Yesu koitolima; konye mam ikesisiak ajenete ebe erai ŋesi Yesu. Kosodi kotema Yesu kes atiar, “Idwe, ejaas yes idinyaman?” Koboŋokis ebe, “Mam.” Kotema kes atiar, “Kocakakisi eboi kowai lokoteten loka ataker, idumunete yesi.” Kosodete kocakakis, kwana do mam epedorete airiun kanuka aipues naka lukecor. Kosodi ekesisian lokemina Yesu kotema Petero atiar, “Ŋes Ejakait.” Nakiiraria Simon Petero ebe ŋes Ejakait, konap akenapito (naarai kimujalal), kibirokin aŋolol, Konye kopotu ikesisiak ice kotoma ataker, iriitos eboi ileleba lukecor, naarai mam kelwanikina kaneeonit, konye bala iyadin akwatat. Kosodi nakedokuniata oitolima koanyut kanen akim naka atotol, ibwaikinitai yenikecor ka emugati da. Kotema Yesu kes atiar, “Koyaut lukecor ice luikamunito.” Kosodi kodoka Simon Petero ataker kiriu eboi oitolima, ileleba lukecor luepolok, akwatat ka akaisakany ka luuni: karaida kipu kwaŋin, mam eboi eŋeda, Kotema Yesu kes atiar, “Kopotu konyama.” Kwabo emamei ediopet kokesisiak loketitiŋikini aiŋit ŋes ebe, “Iŋai bo ijo?” Kojenut ebe kerai Ejakait. Kobu Yesu, kolem emugati koinak kes, ka yenikecor da kwape kwaŋin. Ŋin ŋes irwan nakiwuniet nakitakanikinor Yesu ikekesisiak kedau ajarun kokatwak. Nakedauniata ainyam, kotema Yesu Simon Petero atiar, “Simon, okoku loka Yona, kimina eoŋ aitelekarit lu?” Kotema ŋes atiar, “Eebo, Ejakait, ijo ijeni ebe kamina.” Kotema ŋes atiar, “Kitadakenenei idwe luka amerekekinika.” Kolimok bobo nakiareit ebe, “Simon, okoku loka Yona, kimina eoŋ?” Kotema ŋes atiar, “Eebo, Ejakait, ijo ijeni ebe kamina,” Kotema ŋes atiar, “Kipisenenei akamerekekin.” Kolimok irwan nakiwuniet ebe, “Simon okoku loka Yona, kimina eoŋ?” Kokadak Petero naarai abu kolimok irwan nakiwuniet ebe, “Kimina eoŋ?” Kotema ŋes atiar, “Ejakait, ijeni akiro kere; ijeni kamina.” Kotema Yesu ŋes atiar, “Kitadakenenei akamerekekin. Abeit, abeit, katemari jo atiar, Nairaar kolo ikatumunan ikapakini bon, ilosi neikoto: konye naimojoŋia iriori akonikanin, kisikapi ece, kiyaŋaari nemam ikoto.” Kinera ŋun itodikini atwanare naetopolooria Edeke. Nakedaunia einer ŋun, kotema atiar, “Kotupunai.” Kibelokin Petero, koany ekesisian lokemina Yesu etupit, ŋes ŋol lokegoŋakina katorob naka Yesu kapak kaya naka inyamat lukatiboŋ, loabala ebe, “Ejakait, iŋai bo kibilakini ebotet?” Aso keanyu Petero ŋol, kotema ŋesi Yesu atiar, “Ejakait, ido bo lo ikwaikinio ai?” Kotema Yesu ŋes atiar, “Arai akoto ŋol aidarit aitodol neabunio, ipodo bo ijo inyo? Kotupunai ijo eoŋ.” Kisiarakin akirot ŋin oinacan, ebe mam ekesisian ŋol etwani, konye mam kebala Yesu ebe mam etwani; konye ebe, “Arai akoto ŋol aidarit aitodol neabunio, ipodo bo ijo inyo?” Ŋol ŋes ekesisian ŋol loitejenuni akiro ŋun, loewadikai ŋun; kijeni oni ebe akeitejenun erai nakabeit. Ejaas da akiro ace nuipu nueswamat Yesu, arai kiwadikatai ŋinidiopet, aomit ti mam akwapin ilosikinos iitabon lutikiwadikai. Abu kewadik eitabo losodit, wu Teopilo, kotoma akiro kere nukegeuni Yesu aswam ka aisisianakin da, kiton apaaran naayaŋarere ŋes toma akuj, naadaunitor aicorakin ikiyakia luaseunit kanuka Emoyo Lokalaunan, Nakedaunia aiticanio kitodikin kes ejari kanuka nuitogogoŋete nuipu, kitakananakin kes apak naka apaarasia akaisaoŋon, ka ainerenen akiro nuebeito ajakanut naka Edeke. Nakiriamunotor kakes kicorak kinyeis anyoun koYerusalem, konye kidarata aisumunet naka Papa. Kobala ebe, “Ipotu kiirasi ŋun kamakaŋ; naarai abu Yokana kibatis kakip, konye yes kibatisao kEmoyo Lokalaunan eriŋa etuboro apaarasia nuipu.” Kosodi naketukokinotor, kiŋita ŋes ebe, “Ejakait, apak na ŋes kereka nainyakakinia Isirael ajakanut?” Kotema kes atiar, “Mere nakus ajenun apakio karaida ikar luabu Papa kitemok kapedorike. Konye idumunete agogoŋ kedau Emoyo Lokalaunan adoikin yes; iraunete yesi ikakajenak kotoma Yerusalem, ka Yudaya kere, ka Samaria, kiton osaŋe da loka akwap.” Kedau einer ŋun, naperoko esesenete, kodakarai, kiteribo edou kakonyenekec, Napesesenete noi akuj naalosio ŋesi, koany kobwaata ikiliok iarei aapu kakes enapito lukakwaŋak, kobalas ebe, “Yes ikiliok luko Galilaya, kanukinyo ibwoiata kosesenete akuj? Yesu ŋol, loayaŋaar kamakus alosit toma akuj, eboŋuni kopone kaŋope kaŋol loianyuniata ŋes elosi toma akuj.” Kosodete koboŋosi Yerusalem anyoun komoru loenyaritai loka Iseitunin, loeapias ka Yerusalem, alosit bala naka apaaran nakasabato. Nakelomariata kodokasi agola nakokuju, nakiboienenoto; Petero ka Yokana, ka Yakob, ka Anderea, Pilip ka Tomas, Batolomayo ka Matayo, Yakob okoku loka Alipayo, ka Simon Selot, ka Yuda okoku loka Yakob. Ŋul kere kinyikokinito ailip ketau ediopet, nepepe kaŋor ka Mariam toto naka Yesu, ka ikeinacan. Kapaarasia kaŋun kobwo Petero kokidiŋ kiinacan, (etiai loka ekodet kerai bala akwatat ka akaisaarei) kobala ebe, “Iinacan, ibusakinit kodolo nakiwadikatai, nakinerit kolo Emoyo Lokalaunan kaituk naka Daudi, nuka Yuda lokiŋarenikinit ŋul lukikamunete Yesu. Naarai kimaritai nepepe kaoni, kodum ekewai kotoma aijaanakin kana. (Naarai kogwelia etuŋanan ŋol amana keropit loka aronisike; kibiror keŋeso kocila, kolomut amoetenake kere. Kojenunos kotuŋa kere luibojete koYerusalem, konyarai amana ŋin kaŋajepakec Akeledama, apolouke ebe Amana naka Aokot.) Naarai iwadikatai kotoma oitabo loka Isabulin ebe, ‘Kosilior ekere, Komamuun ituŋanan yeniboie kanen.’ Bobo da ebe, ‘Kirum ece akepolou,’ Aso kotoma otuŋa luaupenenas kaoni kapakio kere nukelomanaria Ejakait Yesu kolomununei da mamawok, ameun kaibatis naka Yokana, kiton apaaran naayaŋarere kamawok alosit toma akuj, ibusakinit ediopet kakesi araun ekajenan loka ajarunike nepepe kaoni.” Koseut iarei, Yosep loenyaritai Barasaba, lokerai ekekiror Yusito, ka Matiya. Kilipa, kotemasi atiar, “Ijo Ejakait loijeni itauon luka ituŋa kere, kitodikinai loiseunit ijo kotoma kalu luarei, kirum aibois kotoma aijaanakin kana ka aiyakianut na, naebuci Yuda kolot akeibois elopet.” Kilamilamata eroet, kobeik eroet Matiya; kimarakinai nepepe kikiyakia itomon kalodiopet. Nakedolio apaaran naka Pentekosit, kejaas kere nepepe aibois adiopet, Koŋesun airuruma kokuju bala airuruma naka ekwam loekusi ka gogoŋ, kilelebun etogo kere lokiboioto. Kotakanut aŋajepa nuketiakatiaka bala nuka akim; kodoik ŋinidiopet kakesi. Kilelebai kere Emoyo Lokalaunan, kogeut einer aŋajepa ace, kwape keinakinia Emoyo kes einer. Kejaas Iyudayan lukiboiete koYerusalem, ituŋa luiyapaarito lukepote kaŋiniteker nakokwap kakui. Kosodi nakiirarere airuruma ŋin, kotukokinos ikodeta, kitirirata, naarai abu ŋinituŋanan kiira kes inerasi aŋajepeke. Koumokis kere noi noi, kobalas ebe, “Koany, mam kereka lu kere luinerasi eraas Igalilayan? Inyo bo ainaki oni aiirar, ŋinituŋanan aŋajepewok nakiwuriere? Iparatian, ka Imedin, ka Iyelamin, ka luibolete koMesopotamia, ko Yudaya da, ka Kapadokia, koPonto ka Asia, ko Purugia, ka Pampulia, ko Misiri ka atutubeta nuka Libua aapu ka Kurene, ka ice lukepote ko Rome, Iyudayan ka ikebelokinok, Ikuretan, ka Iyarabun, kiira kes inerasi aŋajepawok aswamisio nuepolok nuka Edeke.” Koumokis kere, kobuonokinos, kotemanaros atiar, “Inyo bo apolou kanu?” Konye kokienatar ice kobalas ebe, “Emeras ajon nuwinyiwiny,” Konye kobwo Petero nepepe ka lutomon ka lodiopet, kikeseu ekeporoto kolimok kes ebe, “Yes ikiliok luko Yudaya, ka yes da kere luibojete koYerusalem, kojenut akirot na, kopuputu akakiro. Mam ituŋa lu Emerasi, kwape iwomitotor yesi, naarai eraas isawan iuni luka apaaran; konye erai na naenerit enabi Yoel ebe: ‘Ebala Edeke ebe, Ejaun kapaarasia nukawasia, Abukokini awat kere Ekamoyo, Edwarete rwaru ikusidwe lusap ka lupesur, Eanyunete ikusikatumunak aitapoeta, Irujaete ikusimakio airujasia. Eebo apaarasia ŋun abukokini ikabulesin ka akabulesin Ekamoyo, edwarete kesi. Etodikini nukaumokin kokuju toma akuj, Ka aanyuneta kakwap kokwap, Aokot, ka akim, ka euria loka apuru; Ituluorio akoloŋ amuton, Elap da araun aokot, Eroko edoluno apaaran naka Ejakait, Nakapolon naejenikina, Kosodi kanen, ŋin yeniwonei ekiror loka Ejakait itajario.’ “Yes ikiliok luka Isirael, kopuputu akiro nu: Yesu loko Nasaret, ekiliokit lokitodiar Edeke mamakus kanuka aswamisio nukapedor, ka nukaumokin ka aanyuneta da nukiswamai Edeke kotomakeŋ kokidiŋikus, kwape ijeniata yesi ikulepek, Yesu ŋol, lokijaikinio kanuka ainerun ka aijen naka Edeke ameun apeŋo, ipotu yesi kibubukis, koarata kakanin nuka ituŋa lukaronok. Konye kitajaru ŋes Edeke, kolaca ariebo naka atwanare; naarai mam epedoro aikamunit ŋes, Naarai inerit Daudi kanukeŋ ebe, ‘Abu kaanyununei Ejakait kakonyeneka, Naarai ejaenena akanika nakoteten, Kenyek airiaŋiriaŋa. Ŋes iyalamikinor ekatau, elakanari da akaŋajep; Bobo da iboie akakuan kotoma amun. Naarai mam jo inyeini ekatau kokatwak, Karaida aijaikin Lokalaunanikon aibos. Kitejenik eoŋ irotin luka aijar; Kilelebikini eoŋ aiyalama kakonyenekon.’ “Ikiliok iinacan, apedori atitiŋikin alimokin yes nuka papaawok Daudi ebe abu kotwana konukai, ejai da atesike mamawok kiton lolo. Aso kanu keraar enabi, kojeni ebe iyapoikinit Edeke aiyaposit ebe, kotoma aurike edakakini ediopet oicoloŋoke, abu ŋesi kogeik aanyun kinera da nuka ajarun naka Kristo ebe, mam aponi kinyeinai Okatwak, karaida akekuan aibos. Yesu ŋol abu Edeke kitajaru, kirai isio kere ikajenakake. Aso kedaun aitodokaar kiton akan nakoteten naka Edeke, ka ainakinio kama ejai Papa aisumunet naka Emoyo Lokalaunan, abuku lo loianyunete loipupete da. Naarai mam Daudi abu kodoka toma akuj; konye ebala ŋesi elopet ebe, ‘Abu Ejakait kotema Ekajakait ebe, Kiboikin akanika nakoteten, Aitodol naebwaikinia lukasurupokon kere Araut iicoloŋ yenika akejekon.’ Aso kojen ekek kere loka Isirael kabeit ebe etarau Edeke ŋes Ejakait ka Kristo da, ŋes Yesu loipotu kibubukis.” Nakiirariata ŋun koditasi ikecetauon, kobalas Petero ka ikiyakia ice ebe, “Kekonakis ai, iinacan?” Kotema Petero atiar, “Kitoronikinos, kibatisaunos, ŋinituŋanan kayesi, kokiror loka Yesu Kristo, kanuka aisionio naka adiakanaretakus; kiinakinio ainakinet naka Emoyo Lokalaunan, Naarai aisumunet erai kanukus ka ikusidwe da, ka ituŋa kere luelwaka, kere luenyarauni Ejakait Edekewok mamakeŋ.” Kitejenu kes kakiro ace nuipu ka aicor da ebe, “Kitajarunos katur kana namagul.” Aponi kibatisai ŋul lukecamunete akekirot, kiyatakinos ituŋa kapaaran kaŋin bala ilukumin iuni. Kinyikokinito kaisisianakin naka ikiyakia, ka eidicane, ka aibil emugati, ka ailipasia da. Kokurianari ŋinituŋanan; kitwasamai ikiyakia aswam nukaumokin nuipu ka aanyuneta da. Kojaas luiyuunito kere nepepe, kimorikikina koboro kere; Kogwelanasi luebeito ka iborokec ka akoranakin ituŋa kere, kwape kipudar ŋinituŋanan. Kinyikokinito ŋinipaaran ketau ediopet kotoma oyekalu, ebilete emugati kore, komorete kalakara ka etau loelai, ituritos Edeke kitojokito ituŋa kere. Kiyatanakini Ejakait otiaikec ŋinipaaran lukitajario. Kosodete edokarete Petero ka Yokana alosit oyekalu esawa loka ailip, ŋes lokikanyetekaoŋon. Ido adakitai etuŋanan Ioeŋwalit ameun kaurioke, lokibwaanakinio ŋinipaaran orute loka eyakalu loenyaritai Lokajokan, tetere ilipitoi nukaitim kama ejaas ituŋa luelomanarete toma oyekalu, Keanyu ŋol Petero ka Yokana elomarete oyekalu, kilip kes nukaitim. Kosodi Petero kosesen ŋes nepepe ka Yokana, kotema atiar, “Kiteoi sio.” Koŋolia kes, komun adumun ibore kamakec. Konye Petero kotema atiar, “Emamei eoŋ epuesa karaida esabu; konye yenikija keoŋ, kainakini ŋin, Kokiror loka Yesu Kristo loko Nasaret, kosakasak.” Kitiŋ akekan nakoteten, kitonyou ŋes: atipet kodomut akekeje ka ikekurunya agogoŋ. Kodetu, kobwo, kogeu alosit; koloma oyekalu nepepe kakes, elosi, esomanari, iturit Edeke, Koanyut ituŋa kere elosi iturit Edeke. Kojenata ebe kerai ŋesi ŋopeŋol lokiboie ilipitoi nukaitim korute Lokajokan loka eyekalu: koumokis noi ŋin naedoikinit ŋes. Naperiŋa ŋesi itiŋit Petero ka Yokana, kokerut ituŋa kere mama ejaas toma alomaret naenyaritai naka Solomon, eumokinitos noi. Nakeanyunia Petero, Koboŋok ituŋa ebe, “Yes ikiliok luka Isirael, kanukinyo iwumokinitotor nu, kanukinyo da kiseseniata sio, bala Iem kitolosi ŋes kakosipedor arai bo kakosiyoŋit Edeke? Edeke loka Aburaam, ka loka Isaak, ka loka Yakob, Edeke loka lukapapaawok etopoloo Eketelepat Yesu; loipotu yesi kijaikis, ka aiŋer kakonyen nuka Pilato, nakekotor aosikin ŋes. Konye yes ipotu koŋeroto Lokalaunan Lokadoliton, kilipa ainakinio ekaaran, koarata Ekapolon loka aijar; lokitajaruni Edeke kotoma okatwak, Kirai isio ikekajenak. Kanuka aiyuun ekekiror ainak ekekiror etuŋanan lo agogoŋ, loianyunete loijenete da; eebo, aiyuun ŋin naejai mamakeŋ ainak lo aŋaleu naeleleba kakonyenekus kere. “Kwana da iinacan, ajeni ebe iswamato ŋun kanu mam ijeniata, kwape eswamaata ikayaitokokus da. Konye akiro kwa nukelimonokini Edeke ameun apeŋo kaituk nuka inabin kere ebe ibusakinit Kristoke aiticanio, etodoliki kwaŋin, Aso do kitoronikinos, kibelokinos, komwatarai akusidiakanareta, tetere edolete apakio nuka aisikwarunio nuepote kama ejai Ejakait, Ido tetere ijukuni Kristo lokiseikinitai apeŋo, ŋes Yesu: loibusakinit akuj aisukunyikin aitodol apakio nuiteteunere akiro kere nukinerit Edeke kaituke nuka inabinoke lukalaunak ameun kageunet naka akwapin. Naarai enerit teni Musa ebe, ‘Kitonyoikini yes Ejakait Edeke enabi kotoma oinacanakus loeputos keoŋ. Ŋol ŋes iirarete kotoma akiro kere nukilimokini yes. Kosodi kanen, ŋinituŋanan yenimam iirari enabi ŋol emudiario kotuŋa.’ Eebo, inabin kere ameun ka Samuel ka luketupakinete ŋes, kere lukineras, kelimonokinete nuka apaarasia kanu. Iraas yesi idwe luka inabin ka aitutuket ŋin nakitutuki Edeke kalukapapaakus, elimokini Aburaam ebe, ‘Isirereŋio atekerin kere nuka akwapin kotoma aurikon.’ Kedau Edeke aitaiarun eketelepat Yesu, kijuku ber mamakus, tetere kisirereni yes aibelokin ŋinidiopet kayesi kotoma nukaronokokus.” Napineras kituŋa, koponikis isasedotin ka ekapolokiton loka eyekalu ka Isadukayon, ekadakinito noi naarai isisianakinete ituŋa, ka alimono kin ajarun naka Iukatwak kotoma Yesu. Kikamut kogolokis aidaris kiton tupuruc: naarai kitiboŋit akwap, Konye kiyuunito luipu luapotu kiirasi akirot; etiai da loka ikiliok kodol kwaka ilukumin ikany. Kosodi kanen tupuruc, kotukonokinos ikayaitokokec ka imakio ka ikewadikak Yerusalem; ka Anas losasedoti lopeti, ka Kaiapa, ka Yokana, ka Alegesanda da, ka ŋul lukeraas luka ekek loka losasedoti lopeti. Kedautu aisibwo kes kokidiŋ, kiŋita ebe, “Kanuka apedor anyoin, ka okiror enyoin, iswamaata yesi nu?” Kosodi Petero, kilelebun Emoyo Lokalaunan, kotema kes atiar, “Yes ikayaitok luka ituŋa, ka imakio, arai kiiŋisi lolo akiro nukajokak nueswamakinio loŋwalas, epone lokitanaleunere, kojenutu yesi kere, ka ituŋa kere luka Isirael ebe, Kokiror loka Yesu Kristo loko Nasaret, lokibubukinete yesi, lokitajaruni Edeke kokatwak, kanuka ŋol ebwoi etuŋanan lo kakonyenekus eŋalei, ŋol ŋes amoru nakinerete yesi ikadukok, naebwaikin araut amoru nati naka agor. Kwabo emamei aitajar kotoma ece kere: naarai emamei ecekiror kokwap kakuj loeinakinitai ituŋa, loibusakinitor oni aitajario.” Kosodi keanyutu atitiŋ naka Petero ka Yokana, komisiikis da ebe eraas ituŋa lumam isisianakinitai, luemamei aijen, koumokis; kojenut da ebe kejaas kaYesu. Nakeanyuniata da lokitaŋaleunio ebwoi nepepe kakes, komamuut nueboŋokinete, Konye kicorakis kes alomar kaurianet, kineranakinos ebe, “Kikonakini ai ituŋa lu? Naarai idelelei kotuŋa kere luibojete koYerusalem ebe eswamai aanyunet naejenio kamakec; kwabo mam kipedori aiŋer. Konye kinye akirot na aiyatakin aisiarakin otuŋa, ketukuriana kes, sirikinerata bobo kediotunanan kere kokiror kaŋol.” Konyaraut kes, kicorakis kinyeis einer cut karaida aisisianakin kokiror loka Yesu. Konye koboŋokis Petero ka Yokana kotemasi kes atiar, “Arai edolit kakonyen nuka Edeke aiirar yes aitelekarit Edeke, kotuboto yesi: naarai mam kipedori ainyein einer akiro nukianyunit ka nukiirarit da.” Nakedauniata aitukurian bobo, koosikis, mam apedorete aitican kes kanuka ituŋa; naarai kitopolooritos ituŋa kere Edeke kanuka ŋun nukiswamao. Naarai keraas ikar luka etuŋanan lokiswamakinio naanyunet ŋin naka aitaŋaleun luedeparito akaisaoŋon, Nakeosikinere koloto neejaas ikecetuŋa, kitatamikis kes akiro kere nukelimokinete isasedotin lupeti ka imakio, Nakiirariata, kikeut ikeceporotoi nepepe mama ejai Edeke, kotemasi atiar, “Wu Ejakait, lokisubi akuj, ka akwap, ka aŋolol, ka kere da luejaas tomakec: ibu kiner kotoma Emoyo Lokalaunan kaituk naka papaakosi Daudi ekonitelepat ebe, ‘Kanukinyo enyunyuratatar lukacekwapin, Ka ituŋa da itetemonoroto aamameak? Etemonokinos ikabakan luka akwapin, Etukonokinos ikayaitok nepepe, Asurokin Ejakait, ka Lokinyonyoikitonoke akinyet.’ Naarai abeit etukonokinos Kerode ka Pontio Pilato, nepepe ka Imo ka ituŋa luka Isirael ore lo asurokin ekonitelepat lokalaunan Yesu, loinyonyoikinit akinyet, tetere iswamaete kere nuelosikinit akonikan, ka nuinerunit ŋol ajaun. Kwana da, wu Ejakait, kosesen aitukurianakec: koinak ikonibulesin einer akirot katitiŋ kere, nairioria akonikan aitaŋaleun; kiswamai da aanyuneta ka nukaumokin kanuka ekiror loka ekonitelepat lokalaunan Yesu.” Nakedauniata ailip, kitamaranai aibois kama ketukonokina; kilelebunos kere Emoyo Lokalaunan, kinerata akirot naka Edeke katitiŋ. Kejaas ekodet kere loka luiyuunito ketau ediopet ka aijar adiopet: kwabo emamei idiopet yenikebala ebe ibore kere yenejaatar erai yenike; dimarai emorikikinito iboro kere. Kitejenut ikiyakia ajarun naka Ejakait Yesu kapedor naepol, kojai asianut naepol mamakec kere. Amamei yenilwaritoi kotomakec, naarai ituŋa kere lukejaas amanat arai itogoi, apotu kogwelanasi, koyaata etiai loka iboro lukegwelunete kibwaikis akejen nuka ikiyakia: kokorakinai ŋinituŋanan kwape kipudar. Yosep da, lokenyaraete ikiyakia Baranaba, (apolouke Okoku loka aitalakaar) Elebit, lokeurikinio Kupuro, kejai ŋes amana kogwela, koyau apesan kibwaik akejen nuka ikiyakia. Konye ekiliokit ediopet, ekekiror Anania, ka akeberu Sapira, abu kogwela ibore yenajaatar, kiŋadak acepesan kotiai, kojeni akeberu da, koyau ace, kibwaik akejen nuka ikiyakia. Konye kotema Petero atiar, “Anania, kanukinyo kisilelebia Satan etaukon aimod Emoyo Lokalaunan, ka aiŋadakin da acepesan kotiai loka amana? Arai kesalakinit mam egwelara, mam kereka kesalit erai nakon? Nakedaunere agwelar, mam kerai nakakonipedor? Kikonakini bo ai ibwaikin akirot ŋin otaukon? Mam imodit ituŋa konye Edeke.” Nakiiraria Anania akiro ŋun, kibiror kotwana. Kokuriakaros ituŋa kere noi lukiirarete ŋun. Konyout ikatumunak konunukoto, kodakasi kiŋa, kidaata. Ketuboros bala isawan iuni kolom akeberu da komam ejeni nukedoikinete. Kotema Petero atiar, “Kolimokinai, ipotu kereka kogwelasi amana kotiai kaŋol” Kotema atiar, “Eebo, kotiai kaŋol.” Kotema Petero atiar, “Kanukinyo ineruniata akodun Emoyo loka Ejakait? Koany, akejen nuka luedaete okilenikon ejaas okek, kidakarete jo da.” Atipet kibirokin akejeke kotwana. Kolomut ikatumunak kodumut ketwana, kodakasi kiŋa, kidaata kidunyas kokilenike. Kokurianar Ekanisa kere, ka ituŋa kere lukiirarete ŋun, Kiswamai aanyuneta ka nukaumokin nuipu kotuŋa kakanin nuka ikiyakia. Kojaenenas kere nepepe kediopetau alomaret naka Solomon. Ice da mam apotu kotitiŋikis aimorikikin kakes, konye ituŋa kitopoloorito kes. Kiyatanakinos lukiyuunito mama ejai Ejakait, ikepuak, ikiliok ka aŋor; kodakununete lukadekak orotin, ka aiperionokin ojam ka opalisin, tetere naitorio Petero kodolokini etoribeke ice kakesi. Kotukonokinos da ituŋa lukoreria lukeapias ko Yerusalem, koyaununete lukadekak ka ŋul lukiticanenete ajokin nueroko; kitaŋaleunoi kes kere. Konye konyou losasedoti lopeti ka lukejaas nepepe kaŋes kere, ŋes erioŋet loka Isadukayon, ileleba ekolo, Kikamut ikiyakia koenikis aidaris naka ituŋa kere. Konye kuare koŋaa emalaika loka Ejakait ikekia luka aidaris, kitolom kes kotema atiar, “Koloto, kobwaata koyekalu kolimokis ituŋa akiro kere nuka Aijar kana.” Nakiirariata kesi, kolomasi oyekalu tupuruc sek, kisisianakis. Konye kobu losasedoti lopeti, ka ŋul lukejaas nepepe kaŋes, konyaraut aurianet, ka imakio kere luka idwe luka Isirael, kiyakiasi ituŋa aidaris tetere eyaunete kes. Konye nakedolioto ikejaanakinak mam eanyuna kesi kaidaris; koboŋut kolimokis kes ebe, “Kidum aidaris eenen ejok, ebwoete ikedarak da kokekia; konye nakiŋaaria mam edumuna idiotuŋanan kotoma.” Nakiiraria ekapolokiton loka eyekalu ka isasedotin lupeti akiro ŋun, kobuonokinos noi kanukec ebe, “Ikonakini bo do akirot na ai?” Kobu etuŋanan kolimok kes ebe, “Ituŋa ŋul lukienikinito yesi aidaris ejaas toma oyekalu, ebwoete isisianakinete ituŋa.” Kosodi kolot ekapolokiton nepepe ka ikejaanakinak koomata kes, konye mere kagogoŋ, naarai kekuriaka ituŋa kinyeis aibiribir kes kamor. Nakeyauniata, kibwaikis akonyen nuka aurianet. Kiŋit losasedoti lopeti ebe, “Kipou kecorakis yes kagogoŋ ebe Sirikisisianakis kokiror kalo; ido koany, ilelebata Yerusalem kaisisianakinikus, ikotosi ayaŋaun aokot nuka etuŋanan kaŋol mamakosi.” Konye koboŋokis Petero ka ikiyakia ebe, “Kibusakinit arimarit Edeke aitelekarit ituŋa. Abu Edeke loka lukapapaawok kitaiaru Yesu, lokiarete kaikajakin okitoi. Etopoloo Edeke ŋes kakanike nakoteten korau Lokapolon ka Eketaiaran, koinak Isirael aitoronokin ka aisionio adiakanareta. Kirai isio ikajenak luka akiro kaŋun, nepepe ka Emoyo Lokalaunan, loainak Edeke kere luerimasi ŋes.” Nakiirariata ŋun, konomos noi ikecetauon, kinerut aiar kes. Konye etuŋanan ediopet, Eparisayot ekekiror Gamaliel, ekesisianakinan loka ikisila, lokeyonito ituŋa kere, kobwo kaurianet, kicorak kitolomarai ber ikiyakia kiŋa. Kotema kes atiar, “Yes ikiliok luka Isirael, kocoito nuiswamakinete ituŋa ŋul. Naarai eroko apaarasia nu edoluno abu Teudas konyou, kituro ebe erai lokapolon; kimorikikinos ŋes kituŋa bala akwat aoŋon; konye koarai ŋes, kere da lukerimarete ŋes kisiarakinos, mam eraun ibore. Akaulo kaŋol konyou Yuda Egalilayat, kapaarasia nuka aibil akwes, kiria ice kotuŋa atupar ŋes; ŋes da abu koolio; kere da lukerimarete ŋes kisiarakinos. Kwana da katemari yes atiar, Kinaca ituŋa ŋul, kinyeisi kes; naarai akirot na arai aswam na, arai erai naka ituŋa, eoliori; konye arai erai naka Edeke, mam ipedorete aitoolior kes; kinyeis diat atakanun bala itijiete Edeke.” Kocamut akekiro; nakenyarauniata ikiyakia, kodaata, kicorakis kes kinyeis einer kokiror loka Yesu, koosikis. Aso kolomut kesi kaurianet, iyalamasi naarai imaritai luibusakinit aiticanio kanuka Ekiror kaŋol, Ido ŋinipaaran, koyekalu ka oreria da mam inyeina aisisianakin ka alimonokin nuka Yesu ebe ŋes Kristo. Kapaarasia kaŋun nakiyatakinor etiai loka ikesisiak, kojau aŋuurian naka Iyonanin aluikin Iburanian naarai aponi kopalunai apuserunukec kotoma aijaanakin naka ŋinipaaran. Konyaraut lutomon ka luarei ekodet ŋol loka ikesisiak, kotemasi atiar, “Mam ibusakinit sio ainyein akirot naka Edeke aijaanakin komesan. Aso do, iinacan, koseutu ituŋa ikanykaarei kokidiŋikus, luijenete ebe ejokuka, luileleba Emoyo ka acoa, lukipedori adakakin oswam na. Konye sio kinyikokini kotoma ailip ka aijaanakin naka akirot.” Kitojokai akirot na kokodet kere, koseut Sitepan etuŋanan loileleba aiyuun ka Emoyo Lokalaunan, ka Pilip, ka Porokoro, ka Nikanor, ka Timon, ka Pamena, ka Nikolao, ekebelokinon loko Antiokia. Kibwaikis ŋul akonyen nuka ikiyakia, kosodete nakedauniata ailip, kidokokis kes akecekanin. Konyanyaar akirot naka Edeke; kiyatakin noi etiai loka ikesisiak ko Yerusalem, korimasi luipu lukosasedotin aiyuun ŋin. Kilelebun Sitepan asianut ka apedor, kiswama nukaumokin nukos ka aanyuneta kotuŋa, Konye ice kotuŋa lukatukos naanyaritai atukos naka Luaosikinitai, ka luko Kurene, ka luko Alegesanderia, ice da lukoKilikia ka Asia, konyoutu kopegata ka Sitepan, Konye mam apedorete abwoikin acoa ka Emoyo lokinerar. Kosodete kicora ituŋa, lukebalas ebe, “Kipou keirasi ŋol inera akiro nukainyanakin Musa ka Edeke.” Kisidiko ituŋa ka imakio ka ikewadikak, koponikis ŋes, kikamut, koyaŋaasi aurianet, kisibwaata ikaienak lukeŋalak luabalas ebe, “Etuŋanan lo mam inyeinit einer akiro nuka asurokin aibois na nakalaunan ka ikisila da; naarai kipou keirasi ŋes inera ebe ebuni Yesu ŋol Enasarayot amudiar aibois na, ka ailocokin iponesio lukiinakini Musa oni.” Koŋanyakis ituŋa kere lukiboiete kaurianet ŋes akonyen, koanyut ekereet eputosi bala loka emalaika. Kotema losasedoti lopeti atiar, “Ikote kereka akiro ŋun nen?” Kosodi Sitepan ebe, “Iinacan ka lukapapa da, kiirarai. Abu Edeke loka aibuses kotakanik papaawok Aburaam, nakejaar Mesopotamia, eroko iboikino Karan, kotema ŋes atiar, ‘Konyou kotoma akwapukon, ka ajenakon, kolot akwap naketodikini.’ Kosodi konyou kakwap naka Ikaludean, kiboikin Karan. Ketwana papake kitonyou Edeke ŋes kanen kiton akwap na naiboito yesi kwana; kwabo mam keinakinit adioirumet, karaida nekicakakina akeju, konye kisumun ainakin ŋes airum, ka aurike naetupanakini, nakerokor ŋes ikoku emamei, Kinera Edeke nuikote nen ebe eraun akeur apeionon kotoma akwap naka ituŋa ice, luitubulesenete kes, ikonakinete kes erono apak naka ikar akwat aoŋon. Kobala Edeke ebe, ‘Atubokini eoŋ ateker ŋin naitubulesene kes; akaulo kaŋun elomunete, kamaete eoŋ kaibois kana.’ Koinak ŋes aitutuket naka aikep. Kouri do Aburaam Isaak, kokep kapaaran nakikanyetekauni; Isaak kouri Yakob, Yakob da kouri lukapapaawok lutomon ka luarei. “Koreata lukapapaawok Yosep, kogwelasi Misiri. Kojai Edeke nenipe kaŋes, Kolem ŋes kotoma aiticanioke kere, koinak aminunio ka acoa kakonyen nuka Parao, ekabaka loko Misiri, kitarau ŋes ekayaiton loko Misiri kere, ka eketogo da kere. Kosodi koiau ebeli akwap kere nako Misiri ka Kanaan da, ka aiticanio naepol, lukapapaawok da mam edumuna inyamat lukedaunito. Konye nakiiraria Yakob ebe ejaas akima Misiri, kijuka lukapapaawok irwan nasodit, Kiton alosit nakiareit kitejenikin Yosep ikeinacan, kojenun do ateker naka Yosep kama ka Parao, Kijuka Yosep, konyarau Yakob papake, ka akejena kere, ituŋa akaisakanykaarei ka lukany. Kijesar Yakob Misiri, Kotwana, ŋes ka lukapapaawok; koyaŋaarai kiton Sekem, kidaikinai toma ates ya nakegwelit Aburaam kotiai loka epuesa kama ejaas odwe luka Kamor koSekem. “Konye nakeapuunia apak naka aisumunet naabu Edeke koinak Aburaam, kipuaros ituŋa, kiyatakinos noi koMisiri, aitodol naanyounio ekabaka ece koMisiri, lomam ajeni Yosep. Koŋopik ŋol atekerewok, kikonak lukapapaawok erono, kicorak acakanar ikecemukerun tetere mam ejarete. Kouriai Musa kapak kaŋin, kerai ŋesi yenikejok noi kama ejai Edeke. Kosaai ilapio iuni kotogo loka papake; kiton neacakarere, kiraru akoku naka Parao, kitan ŋes kwape ikekoku. Kituutooroi Musa kacoa kere nako Misiri, kogogoŋor kotoma akiro ka aswamisio da. “Kedolo ikekaru bala akaisaoŋon, kineru kotauke alosit aanyun ikeinacan idwe luka Isirael. Koany ediopet ikonakinio erono, koyu ŋol lokereitai kinyaŋak kinom Emisiriat: koomit ebe ejenunete iinacanake ebe ainak Edeke aitajario kakanike; konye mam apotu kojenut. Kapaaran naatupakini kitakanikin kes nakecelatar, kokoto aidiek kes, kobala ebe, ‘Ikatuŋa, iraas yesi iinacan, kanukinyo ikonanakinotor erono?’ Konye lokikonakini onaceke erono koremo ŋes, kobala ebe, ‘Iŋai bo kiidakakini jo araut ekayaiton ka ekatubon kamakosi? Ikoto kereka aiar eoŋ da, kwape bian iaria Emisiriat?’ Koker Musa kakirot kaŋin, korau epejonon kakwap nako Midian, kouru kaŋina idwe iarei. “Kosodi ketuboros ikar akaisaoŋon, kitakanikin emalaika loka Ejakait kotoma amodiŋ naka Emoru Sinai, kaipelonoreta nuka akim kotoma okiot. Nakeanyunia Musa, koumok nuaanyu; nakikunyakinia aanyun, kobu eporoto loka Ejakait ebe, ‘Arai eoŋ Edeke loka lukapapaakon, Edeke loka Aburaam, ka loka Isaak, ka loka Yakob da.’ Komaran Musa, komam etitiŋikini asesen. Kotema Ejakait ŋes atiar, ‘Kolaca amuk kakejenekon, naarai aibois naibwoia erai akwap nakalaunan, Abeit aany aiticanio naka ikatuŋa luejaas Misiri, eira da eidinyikec, ejesun eoŋ ayuun kes. Aso kwana, kejukari jo Misiri.’ “Musa ŋol lokegirete kobalas ebe, ‘Iŋai bo kiidakakini jo araut ekayaiton ka ekatubon da?’ ŋes kijukari Edeke araut ekayaiton ka ekayuunan kakan naka emalaika lokitakanikin kotoma okiot. Ŋol ŋes kitolomuni kes, kedau aswam nukaumokin ka aanyuneta koMisiri ka Aŋolol Nakareŋan, kamodiŋ da apak naka ikar akaisaoŋon, Ŋes Musa ŋol lokelimokini Isiraelin ebe, ‘Kitonyoikini Edeke yes enabi kotoma oinacanakus kwape kaeoŋ.’ Ŋol ŋol loajai okanisa toma amodiŋ nepepe ka emalaika Iokineras kaŋes kotoma Moru Sinai, ido kalukapapaawok; ŋes lokedumuni akiro nuka aijar ainakin oni. Kogiroto lukapapaawok arimar ŋes, konye koremosi, kinyakasi ikecetauon Misiri, kolimokis Aaron ebe, ‘Kosubakinai sio idekesio lukiŋarenikinete; naarai mam kijeni nuadoikis Musa ŋol, lokiitolomuni kotoma akwap nako Misiri.’ Kapaarasia kaŋun kosubut itaok, koinakis asuban mama ejai aput ŋin, kolelakis aswam naka akaninikec. Konye kibelokin Edeke, kojalak tetere emaete ajore naka akuj; kwape kiwadikatere oitabo loka inabin ebe, ‘Ipotu kereka koinakis eoŋ itiaŋ luearitai ka asuban, Ŋo ekek loka Isirael, ikar akaisaoŋon kamodiŋ? Ipotu kodakasi ewema loka Molok, Ka aacerit naka edeke Repan, Aputosia nuiswamata tetere imaete: Ketwobosi yes koloto neelwana adepar Babulon.’ “Kejaas lukapapaawok ewema loka aitejenunet kamodiŋ, kwape kicorakinia lokineras ka Musa, aswam koriakas kaput nakeanyuni. Apotu lukapapaawok, kabeikinikec kitolomut ŋes nepepe ka Yosua, nakebeata airumet naka atekerin, nuereŋear Edeke kakonyen nuka lukapapaawok, kiton apaarasia nuka Daudi; lokedumun asianut kakonyen nuka Edeke, kilip adumakin Edeke loka Yakob eyekalu. Konye abu Solomon kodukok ŋes etogo. Kwabo Loejai kuju kakuj mam iboie kotogoi luiswamao kakanin; kwape inerar enabi ebe, ‘Akuj ŋes ekaicolon, Ka akwapin da iicoloŋ yenika akakeie, Ebala Ejakait ebe, Etogo enyoin kidukokinete eoŋ? Arai aibois anyoin naebworaria? Mere kereka akakan iswamat ŋun kere?’ “Yes lueninik imurisiŋa, lumam ekepitai itauon ka aki, irebirebete tiritir Emoyo Lokalaunan. Kwape eswamaata lukapapaakus, yes da iswamaete kwape kwaŋin, Enabi ali lomam lukapapaakus areito? Apotu koarata lukedwarete akiro nuka abunore naka Ekadoliton; lokwana ibilakis yesi ebotet, koarata da, yes luipotu kodumut ikisila kwape icorakinitotor imalaikan, komam iricito.” Kosodi nakiirariata akiro ŋun, konomos noi itauonokec, kiriamanakis ikel asurokinia ŋes. Konye Sitepan kileleba Emoyo Lokalaunan, kosesen toma akuj, koany aibuses naka Edeke, ka Yesu da ebwoi kakan nakoteten naka Edeke; kotema atiar, “Koany, aanyuni akuj eŋaara, ka Okoku loka etuŋanan ebwoi kakan nakoteten naka Edeke.” Konye koresiaros keporoto loepol, kisikakis akeceki, kosomakinos ketau ediopet, Kireŋeasi kore, kibiribiroto kamor; kibwaikis ikajenak ikecenapen akeje nuka ekatumunan loanyaritai Saul. Kibiribiroto Sitepan kamor, kilip ŋesi ebe, “Ejakait Yesu, kiira ekamoyo.” Kokukokin kiworo keporoto loepol ebe, “Ejakait, sirikimarak kes aronis na.” Kedau einer ŋun, kojotoor. Kitojokit Saul da akeario. Kapaaran kaŋin kodakun aimanit naepol aluikin ekanisa lokejai Yerusalem; kisiarakinos kere akwap nako Yudaya ka Samaria, dimarai ikiyakia. Apotu ituŋa lueyoŋito Edeke kidaata Sitepan, kokuudianata da ŋes noi. Konye komuna Saul ekanisa, kolomanari ŋolitogo, kidilidiliununei ikiliok ka aŋor da, kibwaik aidaris. Kosodete ŋul lukisiarakinio koloto elimonokinete akirot, Kijesar Pilip ore loko Samaria, kolimonok Kristo. Kopupokis ikodeta kacoit ketau ediopet nukinera Pilip, naiirariata ka aanyun da aanyuneta nukiswamai. Naarai apotu ajokin nuipu nueroko kolomut kama kaŋul lukikamunito, kiworoto keporoto loepol: luipu da lukasenyak ka iŋwalasik kitaŋaleunoi. Kojau aiyalama naepol ore ŋol. Konye koiai etuŋanan ekekiror Simon, lolem eswamaenenei nukecudet kore kaŋol, kisiwumok ituŋa luko Samaria, kobala ebe ŋes lokapolon. Kopupokito kesi kere kacoit, ameun ka yenididi kiton yenikapolon kobalas ebe, “Etuŋanan lo erai apedor naka Edeke naenyaritai Nakapolon.” Kopupokito kacoit, naarai abu kisiwumok kes apak naepol kanuka ecudeteke, Konye nakiyuuniata Pilip elimonokin akiro nukaiokak nuka ajakanut naka Edeke, ka ekiror da loka Yesu Kristo, kibatisai, ikiliok ka aŋor da. Simon da elopet abu kiyu; kedau aibatisao koupakinos ka Pilip. Koumok nakeanyunia aanyuneta ka nukapedor nukapolok nukiswamai Pilip. Kosodete nakiirariata ikiyakia lukejaas Yerusalem ebe eyuu Samaria akirot naka Edeke, kiyakiasi Petero ka Yokana mama ejaas, lukijesaros kilipakis kes, tetere edumunete Emoyo Lokalaunan: naarai mam ber kedoikinit idio kakesi, konye ebatisatai ber kokiror loka Ejakait Yesu, Kosodete kidokokis kes akecekanin, kodumut do Emoyo Lokalaunan, Konye nakeanyunia Simon ebe einakinio Emoyo Lokalaunan kanuka aidokokin akanin nuka ikiyakia, kokoto ainakin kes arupian, kobala ebe, “Koinakinai eoŋ da apedor na, tetere ŋinituŋanan yenedokokini akakanin kodumun Emoyo Lokalaunan.” Konye kotema Petero atiar, “Koolio epuesakon nepepe kajo; naarai iwomit ebe idumuni ainakinet naka Edeke kanuka arupian, Emamei jo akorakinet karaida ewai kotoma akirot kana; naarai mam itenara ekonitau kakonyen nuka Edeke. Aso kitoronikin aronisikon na, kilip Ejakait, elemuni kisionii aomisioit na naketaukon, Naarai kaanyu jo ileleba adwaris kwape kepiu, ido da kienit elomorut loka amamus adolit.” Koboŋok Simon ebe, “Kilipakinai yesi eoŋ kama ejai Ejakait, kenyeis akiro ŋun nuinerata adolokin eoŋ.” Kosodi nakedauniata aitejenun ka alimonokin akirot naka Ejakait, koboŋos! Yerusalem, elimonokinete Akiro Nukajokak oreria luipu luka Isamarian. Konye kinerata emalaika loka Ejakait ka Pilip, kotema atiar, “Konyou kobe ari naka eŋalakimak kiton orot loijesar anyoun ko Yerusalem alosit Gasa.” Ŋes amodiŋ. Konyou kolot. Ido koany, etuŋanan loko Etiopia, ebwacit, ejakait loka Kadake akabaka naka Etiopia, loapolokinit abarake kere, kelosit ŋesi Yerusalem aima; eboŋuni ŋesi iboie kagalike, esiomi eitabo loka enabi Isaia. Kotema Emoyo Pilip atiar, “Kikunyak agali ŋin, koupakinos kaŋes.” Aso koker Pilip mama ejai, kiira ŋes esiomi eitabo loka enabi Isaia, kiŋit ebe, “Ijeni kereka ijo ŋun nuisiomi?” Kobala ebe, “Ekonakini ai ajenuni, arai mam keŋarenikinit ituŋanan?” Kiŋaiŋa ŋesi Pilip adokar aiboikin kaŋes. Ewai loka nukiwadikatai lokisiomi ŋesi ŋes lota ebe: “Koyaŋaarai aario kwape kamerekek; Ido kwape ililiŋia ikoku yenika amerekek kama kekatubon ajul, Kwape kwaŋin mam ŋes eoŋari akeituk; Kaitisilioke aponi kolemarai aketubokinio; Iŋai bo epedori aitejenikin aketur? Naarai alemar akeijar kakwap.” Kotema ebwacit Pilip atiar, “Keŋaiŋait, kinera enabi akiro ŋun kanuka ŋai? Eraas kereka akekiro, arai bo nuka ece?” Kooŋ Pilip akeituk, kogeu kanakiwadikatai kaŋin kolimok ŋes akiro nukajokak nuka Yesu. Napelosete korot, kodoloto neajaas akip; kotema ebwacit atiar, “Koany, akipi nu; inyo ca kesimikit eoŋ aibatisao?” [ Kotema Pilip atiar, “Arai iyuunit kekonitau kere, epedoros.” Koboŋok ebe, “Eyuunit ebe Erai Yesu Kristo Okoku loka Edeke.”] Kicorak agali aibwo; kijesaros kesi iarei akipi, Pilip ka ebwacit, kibatisa ŋes, Kedaut adokun kakipi abu Emoyo loka Ejakait kourupo Pilip; mam bobo ebwacit eanyuna, konye kiyatak akelosit iyalama. Konye kotakanu Pilip kotoma Asoto, nakitoritor kolimonok akiro nukajokak koreria kere, kiton adolore Kaisarea. Konye Saul, kiyatakinite nukaitukurian ka nukaiar ikesisiak luka Ejakait, kolot mama ejai losasedoti lopeti, kilip ibaluan lulosit Damasiko lukiwadikakinitai atukosia, tetere arai kedum ituŋa luka Erot kalo, ikiliok ka aŋor da, koeni ka ayaun Yerusalem. Ido napelosi eapikinit Damasiko, atipet kimiliau aica nakebuni kokuju airiamar ŋes. Kibirokin kwap, kiira eporoto lokelimokini ŋes ebe, “Saul, Saul, kanukinyo kimanitor eoŋ?” Kobala ebe, “Ijo iŋai, Ejakait?” Kotema ŋes atiar, “Eoŋ Yesu loimanit ijo. Konye konyou, koloma ore, kilimokinio nuibusakinit aswam.” Ituŋa da lukeupas kaŋes, kobwaata ililiŋete, iirarete eporoto, komam eanyunete etuŋanan, Konyou Saul kokwap; komudukaka akekonyen, komam eanyuni ibore; kitiŋata akan, korikosi ŋes kiton Damasiko, Kodau apaarasia auni komam eseseni, komam enyami da karaida aimat. Kojai ekesisian Damasiko, ekekiror Anania, Kolimok Ejakait ŋol kaitapoet ebe, “Anania,” Kobala ebe, “Eoŋ lo, Ejakait.” Kotema Ejakait ŋes atiar, “Konyou, kolot orot loenyaritai Loitenara, kiŋitu kotogo loka Yuda etuŋanan loenyaritai Saul loko Taruso; naarai koany, ilipi, eanyunit da etuŋanan ekekiror Anania, elomari ka aidokokin ŋes akanin, tetere ekwenyuni bobo.” Konye Koboŋok Anania ebe, “Ejakait, abu keira akiro nuka etuŋanan kaŋol kotuŋa luipu, nukaronok nuipu nuabu kiswamak lukalaunakakon, koYerusalem; kiton ne da ejai ŋes apolou naebuni kaneejaas lusasedotin lupeti ajen kere lukiwoneete ekonikiror.” Konye kotema Ejakait ŋes atiar, “Kolot, naarai erai ŋol ibore yeneseunitai kamakaŋ adakar ekakiror kakonyen nuka atekerin ka ikabakan ka idwe luka Isirael; naarai etodikini ŋes nuipu nuibusakinit ŋes aiticanio kanuka ekakiror.” Kolot do Anania koloma togo. Kidokok akanin, kotema atiar, “Onac Saul, keyaku Ejakait, ŋes Yesu lokiitakanikini jo korot lokibunio, tetere ikwenyuni bobo, kilelebi Emoyo Lokalaunan.” Atipet kodooto iboro kakonyeneke bala aabel, kokweny. Konyou kibatisai, konyam inyamat, kodum agogoŋ. Kiboioto apaarasia ace ka ikesisiak luajaas Damasiko. Atipet kolimonok Yesu katukosia ebe, “Ŋes Okoku loka Edeke.” Koumokis lukiirarete kere, kotemasi atiar, “Mere lo etuŋanan loabu komuna ŋul lukiwoneete ekiror ŋol koYerusalem? Ne da abu kobunite kanuka akirot kaŋin ajen kes ka ayaŋaar mama ejaas isasedotin lupeti.” Konye kiyatak Saul agogoŋoor, kisitirira Iyudayan lukejaas Damasiko, itogogoŋit ebe erai ŋol Kristo, Kosodi ketuboros apaarasia nuipu, kinerut Iyudayan aiar ŋes, konye kojenu Saul ekecebotet. Kidarata korutei paaran ka kuare da tetere earete ŋes, Konye koyaŋaasi ikekesisiak ŋes kuare, kitodokasi karwatat, kijoliliosi kobukit. Kosodi kedol ŋesi Yerusalem, abu kotam aimorikikin kikesisiak; kokuriakaros ŋes kere, naarai mam eyuunito ebe kerai ekesisian, Konye Baranaba koyaŋa ŋes, kitoloma mama ejaas ikiyakia, kitejen kes kwape keanyunia Ejakait koroto, ebe da kinera kaŋes, ido kwape kelimonokinia katitiŋ kokiror loka Yesu koDamasiko. Kojau kakes kolomanari kolomununei da koYerusalem, elimonokini katitiŋ kokiror loka Ejakait; inera ka apeg ka Iyonanin; konye komootos kesi aiar ŋes, Konye nakejenuniata iinacan, koyaŋaasi ŋes Kaisarea, kijukasi alosit Taruso. Kwaŋin kinapakina ekanisa anatar Yudaya kere ka Galilaya ka Samaria da, kodukoi; ido kiyatanakin kolosenenei kayoŋit Ejakait, ka aitalakar naka Emoyo Lokalaunan. Kosodi kanen nakimanimania Petero owaitin kere, kijesar mama ejaas lukalaunak lukiboiete koLuda. Kanen kodum etuŋanan ekekiror Aenea, eperi koitada adaun ikar ikanykauni, naarai kesenyit. Kotema Petero ŋes atiar, “Aenea, kitaŋaleu jo Yesu Kristo; konyou, kopet ekoniitada.” Atipet konyou. Koanyutu ŋes ituŋa kere lukiboiete koLuda, ka Saron, kibelokinos mama ejai Ejakait. Kojai akesisian koYopa, ekekiror Tabita, apolouke ebe Dorokas arai Amiam. Eleleba aberu ŋin aswamisio nuejok ka nukaitim nuakorenenei. Kosodi kanen kapaarasia kaŋun kodekakin, kotwana; nakedauniata ailoŋ, kiperikis agola nakokuju. Kosodi kanueapiatar Luda ka Yopa, kiirarito ikesisiak ebe ejai Petero ŋina, kiyakiasi ituŋa iarei mamakeŋ, kiŋaiŋaata ebe, “Sirikiyap abunore mamakosi.” Konyou do Petero kouparos kakes. Nakedolio, koyaŋaasi agola nakokuju. Kobwaata apuserun kere aapu kaŋes emonyete, ka aitodikin ikootin ka inapen lukedonyenenei Dorokas apak nakejaar kakes. Konye kitoloma Petero kes kere kiŋa, kokukokin, kilip; kedau, kibelokin neejai akuan, kotema atiar, “Tabita, konyou.” Kokwenyu ŋesi; nakeanyunia Petero, konyou kiboikin. Koinak ŋes akekan kitonyou; kosodi konyarau lukalaunak ka apuserun, kitodia ŋes ejari. Kojenunai kore kere loko Yopa, kiyuutu da ituŋa luipu Ejakait. Kosodi kosalak Petero Yopa apaarasia nuipu togo loka etuŋanan ekekiror Simon, ekekisikisan imukulen. Kojai etuŋanan koKaisarea ekekiror Korunelio, ekapolokiton loka erioŋet loenyaritai Italian, etuŋanan loeyoŋit Edeke, nepepe ka lukokaleke kere, lokekorenenei nukaitim nuipu otuŋa, ka ailipenen da Edeke tir. Kosawa lokikanyetekaoŋon loka apaaran koany kaitapoet kaitebeikin emalaika loka Edeke ebunit neejai ŋesi, lokinera ebe, “Korunelio.” Kosesen noi, kokurianar, kobala ebe, “Anyoika, Ejakait?” Kotema ŋes atiar, “Adokasi ailipikon ka aikorokon araun aisitunet akonyen nuka Edeke. Aso kwana kiyakia ituŋa Yopa, konyarau Simon loenyaritai Petero: Ipejokinit ŋesi Simon, ekekisikisan imukulen, loejai eketogo ariri kaŋolol.” Nakelosio emalaika loeneras kaŋes, konyarau iarei kokejaanakinakake lukotogo, ka eserikalet ediopet loeyoŋit Edeke kotoma kaŋul kalukijaanakinete ŋes tiritir; nakedaunia aitatamikin akiro kere, kijuka kes Yopa. Kapaaran naatupakini, nakelosioto, ka aapikin ere, kodoka Petero kuju oswi loketogo ailip, kosawan ikanykape luka paaran. Korieb noi eteŋei, kokoto ainyam: konye napitemonokinio, kogelakin ekemoyo, koany akuj eŋaara, ka ibore yenejesunitai, bala aisuka naepol, ijoliliunitoi kwap kowaitin iwoŋon, Nakejaas iponesio kere luka itiaŋ, ka lueliatos kakwap, ka ikweny luka apak, Kobu eporoto ebe, “Petero, konyou; koar, konyam.” Konye kotema Petero atiar, “Mam cut, Ejakait; naarai mam anyamenenei ibore yeniketal, karaida yenimam elai.” Kobu eporoto irwan nakiareit ebe, “Luitalaunit Edeke, sirikinyara ijo luketal.” Kiswama akirot ŋin irwan auni, atipet kinyakarai ibore ii toma akuj. Napebuonokin Petero kotauke apolou naka aitapoet naanyunit, koany, kobwoete ituŋa lukiyakuunit Korunelio kokek, kedaut aiŋitun etogo loka Simon, Konyarata kiŋita arai ipejot Simon loenyaritai Petero nen. Napeomoomoi Petero aitapoet, kotema Emoyo ŋes atiar, “Koany, ejaas ituŋa iuni lukimooto jo. Aso konyou, kijesar kwap, koupakinos kakes komam ibuonokin; naarai eoŋ ejukunit kes.” Kijesun Petero mama ejaas ituŋa, kobala ebe, “Eoŋ lo lokimooto; iponitos kanuka akiro anyoika?” Kotemasi atiar, “Korunelio, ekapolokiton, etuŋanan loedolit Ioeyoŋit Edeke, loitojokitai kotoma ateker kere naka Iyudayan, abu emalaika lokalaunan kikwenya ŋes anyaraun jo alosit togoke, tetere iirari akiro kamakon.” Kisukunyik kes araut ikepejok. Kapaaran naatupakini konyou kolot kakes, koupakinos da ice koinacan luko Yopa kaŋes. Kapaaran naatupakini kolomasi Kaisarea. Kidaret kes Korunelio, kotukokinite lukajenake ka ikepadic da. Napelomari Petero, kisiriam Korunelio ŋes, kibirokin akejeke, koma ŋes. Konye Petero kitonyou ŋes, kobala ebe, “Kobwo; arai eoŋ da etuŋanan.” Napinera, koloma kodum ituŋa luipu etukokina; kotema kes atiar, “Ijenete yesi ikulepek kwape eraar naketal Eyudayat aimorikikina arai aipejokin etuŋanan kere loka ateker ace; konye abu Edeke ketodik eoŋ ebe mam ebusakinit anyara idiotuŋanan yeniketal arai yenimam elai. Kanuka ŋun nakanyaraunere, abu komam aŋeri, Aso keŋisit anyoin akirot nakinyaritotor eoŋ.” Kotema Korunelio atiar, “Eraas apaarasia aoŋon atuboros, kwape esawa lo, abu karicite esawa lokikanyetekaoŋon loka ailip kotogoka; ido koany, kobwo etuŋanan kakonyeneka enapit luimiliasi, kabala ebe, ‘Korunelio, eirar akoniilip, akoniikor da eitun kakonyen nuka Edeke. Aso kiyakia ituŋa Yopa, konyarau Simon loenyaritai Petero; ipejokinit ŋesi togo loka Simon, ekekisikisan imukulen, kariri naka aŋolol.’ Aso abu kanyarau jo atipet, iswama ejok abunore. Aso kwana kija ne kere akonyen nuka Edeke, keirasi kere nukicorakinit Ejakait jo.” Kosodi kooŋ Petero akeituk, kotema atiar, “Abeit ajenu ebe mam Edeke etiakatiakai ituŋa, konye kotoma ŋiniteker yeneyoŋit, kiswama da nuedolito, ecamuni ŋesi. Akirot nakijukakini idwe luka Isirael, elimonokini akiro nukajokak nuka ainapakin kotoma Yesu Kristo, (ŋes Ejakait loka kere,) ijenete yesi akirot naalimoritai anatar Yudaya kere, ageun koGalilaya, akaulo ka aibatisa naalimonokini Yokana; Kwape kinyonyoikinia Edeke Yesu loko Nasaret akinyet naka Emoyo Lokalaunan ka apedor; lokelosenenei iswamai nuejok, itaŋaleununei kere lukiticani Satan, naarai kejai Edeke nenipe kaŋes. Kirai isio ikajenak luka akiro kere nukiswamai ŋesi kakwap naka Iyudayan, koYerusalem da; koarata ŋol kaikajakin okitoi, Abu Edeke kitajaru ŋes kapaaran nakiwuniet, koinak ŋes aitodiario; mere kotuŋa kere, konye mamakosi luabu Edeke koseu sek araut ikajenak, lukinyami ka aimat da nepepe kaŋes kedau ajarun kokatwak, Kicorak sio kalimonokis ituŋa, ka aiteienun da ebe ŋol ŋes lekedakakini Edeke araut ekatubon loka ikajarak ka ikatwak da. Ŋol ŋes itejenunitos inabin kere ebe kanuka ekekiror ŋinituŋanan yeniyuuni ŋes edumuni aisionio naka adiakanareta.” Naperiŋa Petero inera ŋun, kodoik Emoyo Lokalaunan kere lukiirarete akirot. Koumokis lukiyuunito lukekepitai lukeupunos ka Petero, naarai abukokin Imo da ainakinet naka Emoyo Lokalaunan. Naarai kiirasi kes ineras kaŋajepa ka aitopoloor Edeke. Kosodi Koboŋok Petero ebe, “Epedori kereka ituŋanan aisimik akipi nuka aibatis ituŋa lu, luainakin Emoyo Lokalaunan kwape kaoni?” Kicorak kes aibatisao kokiror loka Yesu Kristo. Kosodete kilipata ŋes asalakin apaarasia nuipupuuto. Kosodete kiirasi ikiyakia ka iinacan luajaas Yudaya ebe eyuut Imo da akirot naka Edeke. Kosodi nakedolunio Petero Yerusalem, ko pegata lukekepitai nepepe kaŋes, kobalas ebe, “Ibu kolot otuŋa lumam ekepitai, komorata kakes.” Konye kogeu Petero aitejenun kaisudunyit, kotema atiar, “Abu kajai ore loka Yopa elipi; kogelakin ekamoyo kaany aitapoet, ijesun ibore, bala aisuka naepol, ijoliliunio kokuju kowaitin iwoŋon; kadolok. Kerere, kaŋic, ido kaany itiaŋ luka akwap, ka itiaŋ luededeŋ, ka lueliatos, ka akweny nuka apak. Keira eporoto ebala ebe, ‘Petero, konyou; koar, konyam.’ Konye katema atiar, ‘Mam cut, Ejakait; naarai ibore yenerai yeniketal karaida yenimam elai mam elomarit cut aitukuka.’ Konye Koboŋok eporoto irwan nakiareit ebuni kokuju ebe, ‘Lukitalauni Edeke mam ibusakinit jo anyarit luketal.’ Kiswama akirot na irwan auni, kosodi kiriarai bobo kere toma akuj. Atipet ŋipeŋin, kobwaata ituŋa iuni koiŋaren ketogo lokija, lukiyakuunio mama ajai koKaisarea. Kalimok Emoyo aupar kakes komam abuonokin. Koloto iinacan lu ikanykape nepepe keoŋ, kalomasi togo loka etuŋanan kaje. Kitejenik epone lokeanyunia emalaika lokebwoi kotogoke ka atemar ebe, ‘Kiyakia ituŋa Yopa, konyarau Simon loenyaritai Petero; lokilimokini akiro nukitaiarete, ijo ka lukokalekon kere.’ Konye napageari einer, kodoik kes Emoyo Lokalaunan kwape kiidoikinio oni kageunet, Keitu do akirot naka Ejakait, kwape kinerar ebe, ‘Abu Yokana kibatis kakip, konye yes kibatisao kEmoyo Lokalaunan.’ Aso arai ainaki Edeke kes ainakinet ŋin nakiinakinit oni nakiyuunia Ejakait Yesu Kristo, eoŋ bo iŋai lotiapedori airebokin Edeke?” Nakiirariata akirot ŋin kililiŋata. Kitopoloosi Edeke, kobalas ebe, “Ainak Edeke kiton Imo da aitoronikin naeyauni ajiar.” Kosodete lukisiarakinos kanuka aimanit nakedoikini kanuka akiro nuka Sitepan, koloto kiton Poenike ka Kupuro ka Antiokia, komam elimonokinete akirot dimarai oYudayan bon, Konye ice kaŋul luko Kupuro ka Kurene, nakedolioto Antiokia, kinerata ka Iyonanin da elimonokinete akiro nukajokak nuka Ejakait Yesu. Kojai akan naka Ejakait nenipe kakes, kiyuut ituŋa luipu kibelokinos neejai Ejakait. Kodol eemut loka ituŋa kaŋul aki nuka ekanisa lokejai toma Yerusalem, kiyakiasi Baranaba Antiokia. Nakedolio koany da asianut naka Edeke, kiyalamikin; kicor kes kere aikokoikin aimorikikina ka Ejakait kikecetauon kere; naarai kerai etuŋanan loejok, loeleleba Emoyo Lokalaunan ka aiyuun. Kiyatakinos ituŋa luipu mama ejai Ejakait. Kosodi kolot Baranaba Taruso amoot Saul, Nakedumunia koyau ŋes Antiokia. Kosodi kanen kotukonokinos nenipe kekanisa adaun ekaru kere, kisisianakis ituŋa luipu; ido kotoma Antiokia Ŋes ageunere amaikin ikesisiak Ikristayon. Kapaarasia kaŋun kijesaros inabin anyoun koYerusalem kiton Antiokia. Kobwo ediopet kakesi ekekiror Agabo, kodwar kanuka Emoyo ebe, ebuni ebeli loepol anatar akwapin kere; kojau da kapaarasia nuka Kulaudia. Kinerut ikesisiak, ŋinituŋanan kwape epedoria, aijukakin iinacan lueboiete ko Yudaya iboro luiŋarakinete; Kiswamata kwaŋin, kijukakis imakio kakanin nuka Baranaba ka Saul. Kapak kaŋin korio Kerode ekabaka akekanin aikonakin erono ice lukokanisa. Koar Yakob onace loka Yokana kekileŋ; nakeanyunia ebe itojokito Iyudayan, kiyatak aikamun Petero da. Keraas apaarasia ŋun nuka Imugatin lumam itubuunitoi. Nakedaunia aikamun, kogolok aidaris, kibwaik akanin nuka irioŋeta iwoŋon luka iserikalei iwoŋon iwoŋon, tetere idarete; kokoto aitolomun ŋes neejaas ituŋa kedaun Aleleŋ. Aso kidarai Petero kaidaris; konye kinyikokis noi lukokanisa ailip Edeke kanukeŋ. Kakuar kaŋin naakotor Kerode aitolomun ŋes, kojotoi Petero kokidiŋ kiserikalei iarei, eenitai kirikoi iarei, kojaas ikedarak okek idarete aidaris; ido koany, kobwo emalaika loka Ejakait aapu kaŋes, kocau aica kagola; kinom Petero osiep kitwekeny, kobala ebe, “Konyou atipet.” Kodooto irikoi kakaninike. Kotema emalaika ŋes atiar, “Konap, kirupak da akonimuk.” Kiswama kwaŋin, Kotema ŋes atiar, “Kimukok ekonilou, kotupunai.” Koloma kotup ŋes; mam abu kojen ebe nueswamai emalaika eraas nukabeit, konye aomit ŋesi ebe aanyu aitapoet. Naketuborotor kaidaret nasodit ka nakiareit, kodoloto okek lokasua lolomaret kiŋa toma ore; koŋaari bon, kolomasi kiŋa kitoroto orot ediopet; atipet kinye ŋes emalaika. Kosodi nakejenunia kotema atiar, “Kwana ajeni abeit ebe ejuku Ejakait ekemalaika alemun eoŋ kakan naka Kerode ka kere nuemuno ateker naka Iyudayan.” Nakedaunia aomoom ŋun, kolot togo loka Mariam, toto naka Yokana ŋol loerai ekekiror lokiareit Marako; ketukokina ituŋa luipu nen, ilipete. Nakikuŋukuŋio ekek loka erute, kobu apese ekekiror Roda ajaar. Nakejenunia eporoto loka Petero, mam eŋaara ekek kanuka aiyalama, konye koker koloma toma, kobala ebe, “Ebwoi Petero kokek.” Kotemasi ŋes atiar, “Kikerepiki ca ijo.” Konye kitogogoŋ noi ebe ikote nen. Kotemasi atiar, “Erai ekemalaika.” Konye kiyatak Petero aikuŋukuŋ; kiton neaŋaariata, koanyutu ŋes, koumokis. Konye kisililin kes kakekan, kitatamik kes kwape kelemunia ŋes Ejakait kotoma aidaris. Kotema atiar, “Kolimokis Yakob ka iinacan da akiro ŋun.” Kosodi konyou kolot aibois ace. Nakiwalaria akwap, kobur iserikalei kanuadoikis Petero, Nakemoia Kerode komam edumuni, kiŋitiŋit ikedarak, kicorak aario. Kosodi kijesar anyoun koYudaya alosit Kaisarea, kosalak nen. Konyunyurik Kerode ituŋa luko Turo ka Sidon, kolosikis Ŋes ketau ediopet, ido kedaut aipaperikin ka Bulasito, lokedaran agola naperot naka ekabaka, kilipa ainapakin, naarai kedumunit akwapukec inyamat kakwap naka ekabaka. Kapaaran naaseunitai konap Kerode ikenapen luka ekabakane, kiboikin oicoloŋ loka ekabakane, kiner akiro kamakec. Kocelut ituŋa kobalas ebe, “Ŋes eporoto loka edeke, mere loka etuŋanan!” Atipet kinom emalaika loka Ejakait, naarai mam kitubusikinit Edeke; konyamata ŋes ikur, kotwana. Konye kiyatakin akirot naka Ejakait, konyanyaar. Koboŋosi Baranaba ka Saul koYerusalem, kedaut aijaanakinikec, kouparos Yokana loenyaritai Marako kakes. Ko Antiokia, kokanisa lokejai kanen koiaas inabin ka ikesisianakinak, kes Baranaba, ka Simeon loenyaritai Niger, ka Lukio loko Kurene, ka Manaen Lokitanakio nepepe ka Kerode ekabaka, ka Saul da. Kosodi napijaanakinete Ejakait, ka ailuŋ, kotema Emoyo Lokalaunan atiar, “Kogitakinai Baranaba ka Saul kanuka aswam naanyarakinit kes.” Kosodi kedaut ailuŋ ka ailip, kidokokis kes akecekanin kotwarata. Kosodi kijuka Emoyo Lokalaunan kijesaros Seleukia; kenyoutu kanen kikwaŋaros kiton Kupuro. Nakedolioto Salamis, kolimonokis akirot naka Edeke katukosia nuka Iyudayan. Kojaas ka Yokana ijaanakini kes. Nakedauniata aitor apujan kere kiton Papo, kodumut ekacudan, enabi lokeŋalan, Eyudayat, ekekiror Bar-Yesu; kejaas etuŋanan ŋol nepepe ka ekayaiton, Serugio Paul, etuŋanan loka acoa. Konyara ekayaiton Baranaba ka Saul, kokoto aiirar akirot naka Edeke. Konye Elumayo ekacudan (ŋes apolou naka ekekiror) kopegata kakes, kokoto aitapaar ekayaiton ainyein aiyuun. Konye Saul, ŋes Paul, kilelebun Emoyo Lokalaunan, koŋanyak ŋes akonye, kobala ebe, “Ijo loileleba aimod ka aronis kere, ijo okoku loka Satan, lokasurup loka adolit kere, mam kereka inyeini aitapaar irotin luitenara luka Ejakait? Kwana da, koany, ejai akan naka Ejakait mamakon, imudukanar ijo, komam ianyuni akoloŋ adaun apak.” Atipet kodoik ŋes elisina ka amuton, koturiaitoi ka amoot luerikete kakan. Kosodi kiyu ekayaiton, nakeanyunia nukiswamao, naarai koumok aisisianakin naka Ejakait. Kosodete kikwaŋaros Paul ka ikepaup anyoun koPapo, kodoloto Peruga toma Pampulia. Kinye kes Yokana kanen koboŋo Yerusalem. Konye kes, konyout koPeruga kitoroto akwap kodoloto Antiokia ere loka Pisidia. Kolomas atukos kapaaran nakasabato, kiboikinos. Kedaut asoman ikisila ka inabin, kiyakiasi ikayaitok luka atukos mamakec ebe, “Iinacan, arai ijaas kakirot nakaicor ituŋa, kolimut.” Kobwo Paul kokwet kakan kobala ebe, “Ikiliok luka Isirael, ka yes da luiyoŋito Edeke, kiirasi. Edeke loka ituŋa kalu luka Isirael abu koseu lukapapaawok, kitopoloo ituŋa nakiboiororoto kakwap nako Misiri, kitolom kakan naerioro. Apak bala naka ikar akaisaoŋon kotitiŋik kes kamodiŋ, Nakedaunia amudiar atekerin akanykaarei kotoma akwap nako Kanaan, koinak kes akecekwap araut airumet, apak naka ikar bala akwat aoŋon ka akaisakany. Akaulo kaŋun koinak kes ikatubok kiton Samuel enabi. Kosodete kilipa ekabaka; koinak Edeke Saul okoku loka Kis, lokateker naka Benyamin, apak naka ikar akaisaoŋon, Nakelemaria ŋol, kodakak Daudi araut ekabakakec; lokitejenuni ŋesi ebe, ‘Adum Daudi okoku loka Yese etuŋanan loitalakarit ekatau, loebuni aswam nuakoto eoŋ kere.’ Kotoma aur naka etuŋanan kaŋol ainu Edeke Isirael Eketaiaran, ŋes Yesu, kwape esumunitor. Eriŋa ŋesi ebuno abu Yokana koliŋak alimonokin ituŋa kere luka Isirael aibatis naka aitoronikin, Napedauni Yokana akelosit, kobala ebe, ‘Kiwomito eoŋ araut iŋai? Mam arai ŋol. Konye koany, ebunit kokaukaŋ lomam kebusakinit eoŋ alacar amuk nuka akejeke.’ “Iinacan, idwe luka aur naka Aburaam, ka luiyoŋito Edeke da kotomakus, ejukun akirot naka aitaiario mamawok. Naarai luiboiete koYerusalem, ka ikayaitokokec, kanu mam ajenuniata ŋes, karaida akiro nuka inabin nuesiomenenoo ŋinisabato, etodolikis kanuka atubokin ŋes, Karaida mam eanyunitos akirot naibusakinitor atwanare, konye kilipata Pilato koarai, Nakedauniata aitodolikin kere nukiwadikatai kanukeŋ, kijesut kokitoi, kibwaikis ates, Konye kitajaru ŋes Edeke kokatwak. Apaarasia nuipu kitakanikin ŋul lukedokarete nepepe kaŋes anyoun koGalilaya kiton Yerusalem, lueraas kwana ikajenakake mama ejaas ituŋa. Kiinunit isio yes akiro nukajokak nuka aisumunet nakeinakinio lukapapaawok, ebe etodolik Edeke oni ikecedwe aisumunet ŋin, kanuka aitajarun Yesu; kwape iwadikatere kotoma osabuli lokiareit ebe, ‘Irai ijo Okokuka, Lolo kawuru jo.’ Ido kanuka akirot kaŋin ebe etajaru ŋes kokatwak, kinye bobo aboŋor aibos, inera kwanata ebe, ‘Kainakini yes arereŋesio nukalaunak ka nuicasito nuka Daudi.’ Kanuka ŋun inera kosabuli ece ebe, ‘Mam icamuni Ekalaunanikon aibos.’ Naarai Daudi, kedau aijaanakin ainerun naka Edeke katurike, abu kojotoor, kibwaikinai nepepe ka lukapapaake, kobos; konye ŋol lokitajaruni Edeke mam abu kobos, Aso do iinacan, kojenutu ebe, kotoma otuŋanan kaŋol elimonokinio yes aisionio naka adiakanareta; ido kotomakeŋ ŋin yeniyuuni imarakinio adolit kakiro kere, numam epedorere aimarakin adolit kokisila luka Musa, Aso kocoito, kinye akirot adoikin yes, nainerito inabin ebe: ‘Koanyutu, yes ikamenak, koumokis, kooliosi; Naarai eswamai eoŋ aswam kapaarasiakus, Aswam namam iyuunete cut, karaida kiilimonok ituŋanan yes.’ ” Napelomarete, kiŋaiŋaata alimokin akiro ŋun kasabato naatupakini. Nakisiarakinor atukokin naka atukos, apotu Iyudayan luipu ka ikebelokinok lueyoŋito Edeke kotupasi Paul ka Baranaba, lukinerasi kakes, kisicerededata aiyatakin kotoma asianut naka Edeke. Kosodi kasabato naatupakini kotukokinos ituŋa luipu, aapie ere kere, aiirar akirot naka Edeke. Konye nakeanyuniata Iyudayan ikodeta, kilelebun ekolo, kitepega nuenera Paul, komoromoroto da. Kinerata Paul ka Baranaba katitiŋikin ebe, “Ibusakinit akirot naka Edeke ainerio ber kamakus. Konye naarai igaguarete kamakus, itubokinos bonik araut lumam ibusakinito aijar namam edaun, koany, kibelokin do mama ejaas Imo, Naarai abu Ejakait kicorak sio kwaŋin ebe, ‘Kebwaik jo araut aica naka Imo, Tetere iyauni aitajario kiton osaŋeta luka akwapin.’ ” Nakiirariata Imo ŋun, kiyalamikinos, kitopoloos akirot naka Ejakait; ŋul da lukelosikinito aijar namam edaun kiyuut do. Kisiarakin akirot naka Ejakait akwap ŋin kere. Konye kicecemoto Iyudayan aŋor nueyoŋito nukapolou ka ikeŋarenikinok luka ere, kisidikoto aimanit Paul ka Baranaba, kireŋeasi koikorunokec. Konye kilakilakata adai nuka akejekec, koloto Ikonium. Kilelebunos ikesisiak aiyalama ka Emoyo Lokalaunan. Kosodi kanen kotoma Ikonium, kolomasi nepepe toma atukos naka Iyudayan, ido kanuka ŋun nuenerasi kiyu ekodet loapol loka Iyudayan ka Iyonanin. Konye Iyudayan lumam kiyuunito kisidikoto Imo kitolomikis etau loerono asurokin iinacan. Kosodete kosala nen apak naepol, inerasi katitiŋ kotoma Ejakait, lokitejenuni akirot naka akesianut, kocamak aanyuneta ka nukaumokin aiswamao kakaninikec, Konye kotiakas ituŋa lukore; ice owai loka lyudayan, ice da owai loka ikiyakia, Kiton neatakanunia asurokin naka Imo ka Iyudayan, nepepe kikayaitokokec, aiswamakin kes erono, ka aibiribir kamor. Kejenut kes ŋun, kokereasi Lusitura ka Derube, ireria luka Lukaonia, ka akwapin nuedunyatar; kanen da kolimonokis akiro nukajokak. Kanen koLusitura kojai etuŋanan iboie, ilejekekas akekeje, eŋwalas ameun kakoik naka totoke, lomam alosi cut. Abu ŋol kiira Paul inera; kosesen Paul ŋes, koany ebe ejai aiyuun naitanaleuni, kolimok keporoto loepol ebe, “Kobwo kotenan kakonikeje.” Kodetun atipet, kosakasak. Nakeanyuniata ikodeta nukiswamai Paul, kikeseut iporotoikec, kobalas kaŋajep naka Lukaonia ebe, “Kijesakinos oni idekesio kaput naka ituŋa.” Komaikis Baranaba Seu, ka Paul da Kereme, naarai kerai ŋesi lokiŋarenikinit einer. Koyau esasedoti loka Seu, lokejai eyekaluke kiŋaren naka ere, imoŋin ka abokoi nuka atur kiton okek, kokoto ainakin asuban nepepe kikodeta. Konye nakejenuniata ikiyakia Baranaba ka Paul, kocilata ikecenapen, kokerata kolomasi okodet, kiworoto ebe, “Ikatuŋa, kanukinyo iswamaata nu? Kirai isio da ituŋa lukepone kwape kayesi, kiinunit yes akiro nukaiokak, tetere ibelokinos ainyein akiro nu nukamameak kosesena Edeke lokajaran lokesubi akuj ka akwap ka aŋolol ka iboro da kere luejaas tomakec, Katurio nuatuboros abu kojalak atekerin kere alosit kotoma orotinikec; konye mam kinyein komamei aitejenunet, naarai kiswama nuejok, koinak yes akiru abunore kakuj, ka apakio nuka amio, isimonikini ikusitauon kinyamat ka aiyalama.” Kakiro kaŋun, kitikokis ikodeta kationis ainakin kes asuban. Konye kodolut Iyudayan luapote koAntiokia ka Ikonium; kisidikoto ikodeta, kibiribiroto Paul kamor, kiriasi kiŋa naka ere, koomito ebe atwana, Konye napelukunito ikesisiak, konyou, koloma ore; kapaaran naatupakini kolot Derube nepepe ka Baranaba. Kosodi nakedauniata alimonokin akiro nukajokak toma ore ŋol, ka adumun ikesisiak luipu, koboŋosi Lusitura ka Ikonium ka Antiokia, kitogogoŋo itauon luka ikesisiak, ka aikwenyar kes kosalito toma aiyuun ŋin, ebe da kibusakinit alomar toma ajakanut naka Edeke kotoma aiticanio nuipu. Nakedauniata aseikin kes imakio kotoma ŋolikanisa, kailip, ka ailuŋ, kibwaikis kes akanin nuka Ejakait lokiyuunito. Kitoro Pisidia, kodolot Pampulia. Kedaut alimonokin akirot toma Peruga, kijesaros kiton Atalia; konyout kanen kikwaŋaros kiton Antiokia nekolo elipakinere kes asianut naka Edeke kanuka aswam naadaut aitodol. Nakedolioto, kotukokis ekanisa, kitatamikis akiro kere nukiswamai Edeke nepepe kakes, ebe da aŋaik Imo ekek loka aiyuun, Kiboioto kanen apak namam edit nepepe kikesisiak. Konye kijesunos icetuŋa anyoun koYudaya, kisisianakis iinacan ebe, “Arai mam kikepio kwape ejaar epone loka Musa, mam ipedorete aitajario.” Kosodi kedaut Paul ka Baranaba epeget kituŋa kaŋul ka aibakibak noi, kicorakis iinacan Paul ka Baranaba ka ice kakesi adokar Yerusalem mama ejaas ikiyakia ka imakio kanuka akirot kaŋin. Aso kotwar ekanisa kes kitoro akwapin nuko Poinike ka Samaria, itatamete aibelokin naka Imo, kisiyalamikis noi iinacan, Nakedolioto Yerusalem, kisukunyik ekanisa, ka ikiyakia ka imakio, kitejenut akiro kere nukiswamai Edeke nepepe kakes. Konye konyout lukiyuunito ice lukorioŋet loka Iparisayon, kobalas ebe, “Ibusakinit aikep kes, ka aicorakin da airic ikisila luka Musa.” Kotukokinos ikiyakia ka imakio tetere eomoomoete akirot ŋin, Kedaut aibakibak noi, kobwo Petero kotema kes atiar, “Iinacan, ijenete ebe kapaarasia nugeet, abu Edeke koseu kokidiŋikus, tetere iirarete Imo akirot naka Akiro Nukajokak kaitukuka, kiyuut. Edeke da loejeni itauon luka ituŋa kitejenik kes, koinak Emoyo Lokalaunan kwape kiinakinia oni; kwabo mam etiakit oni ka kes, konye itesegaari itauonokec kaiyuun. Aso kanukinyo ikoduniata Edeke kanuka aibwaikin aiookot omurisiŋa luka ikesisiak, namam lukapapaawok karaida oni kipedorit airioŋ? Konye kiyuunit ebe kitajario kanuka asianut naka Ejakait Yesu, kwape kakesi.” Kosodi kililiŋ atukot kere; kopupokis Baranaba ka Paul itatamete aanyuneta ka nukaumokin nukiswamai Edeke kotomakec komo, Nakedauniata aililiŋ koboŋok Yakob ebe, “Iinacan, kiirarai. Kitejenu oni Simeon kwape kisiaunia Edeke aanyanar Imo, alemun kotomakec ituŋa kanuka ekekiror. Ecamanara nu kakiro nuka inabin, kwape iwadikatere ebe, ‘Akaulo kaŋun aboŋuni, Aduki bobo ewema loka Daudi lokibiror; Aduki bobo amejeke, Eticasi ŋes, Tetere luesalito luka ituŋa emoete Ejakait, Ka Imo kere luenyaritai ekakiror, Ebala Ejakait nu, loitejenunit akiro nu ameun apeŋo.’ Kanuka ŋun atubi eoŋ kwanata ebe, Mam kiticani ŋul luibelokinos mama ejai Edeke kotoma Imo, konye kewadikakisi kes kinaca nuesiliaka nuka aputosia, ka adoteu, ka itiaŋ luemiedio ka aokot. Naarai ameun katurio nupeŋo ajaas lualimonokinete akiro nuka Musa kaŋolire, naarai esiomio ŋinisabato kotoma atukosia.” Kosodete kitojoka ikiyakia ka imakio ka ekanisa kere, aseun ituŋa lukotomakec, aiyakiar Antiokia nepepe ka Paul ka Baranaba; kes luta, Yuda loenyaritai Barasaba, ka Sila, lukeraas ikeŋarenikinok koinacan: kiwadikata kwanata kijukasi kakaninikec ebe: “Iinacan ikiyakia ka imakio mama ejaas iinacan lueraas Imo kotoma Antiokia ka Suria ka Kilikia, ayogan, Naarai kipupu ebe ituŋa ice lukepote kamakosi kiticanata yes kakirokec, isibuonokinete itauonokus, numam sio kicorakinit, kitojok sio, kemorikikina ketau ediopet, aseun ituŋa aiyakuun mama ijaas nepepe ka Baranaba ka Paul luminanawok, ituŋa luijaikinito aijarakec kanuka ekiror loka Ejakaitiwok Yesu Kristo, aso kijuku Yuda ka Sila, lukilimokinete akiro nupenu kaitukekec. Naarai itojokit Emoyo Lokalaunan ka sio da kenyeis aisibwok yes abwokon naitelekarit akiro nu nuibusakinito: Kes nuta ebe, Kinaca iboro lueinakinio aputosia araut asuban, ka aokot, ka itiaŋ luemiedio, ka adoteu da. Arai kitikokinos kaŋun, iswamaete ejok, Yoga do,” Kosodi ketwar, kijesaros Antiokia; kotukokis ekodet kere, koinakis ebalua. Nakesiomiata, kiyalamikinos kanuka aitalakario kaŋin, Yuda ka Sila da, lukeraas inabin, kitalakasi iinacan kakiro nuipu, kitogogoŋo kes. Kosalakis ŋina adaun apak, kotwara kes iinacan aboŋor kainapakin mama ejaas lukiyakuunete. [ Konye kitojok Sila asalakin nen.] Konye kosalakis Paul ka Baranaba Antiokia, isisianakinete ka alimonokin akirot naka Ejakait, nepepe ka icetuŋa da luipu. Ketuboros apaarasia adis, kotema Paul Baranaba atiar, “Aso kabonosi kwana kaanyanasi iinacan kaŋolire nekiilimonokinit akirot naka Ejakait, kaanyutu kwape ejaatar.” Kokoto Baranaba ayaŋaar Yokana loenyaritai Marako aupar kakes, Konye mam kitojokit Paul ayaŋaar ŋol lokinyeini kes koPampulia, komam elosete kakes aswam. Kosodi kojau epeget loepol kidiŋikec kiton neatiakatar, koyaŋa Baranaba Marako kikwaŋaros Kupuro, konye Paul koseu Sila konyou, ilipakinete iinacan tetere einakinio asianut naka Ejakait. Kitor Suria ka Kilikia, itogogoŋi ikanisan. Ido kodol Derube ka Lusitura: nekejai ekesisian ekekiror Timoteo, okoku loka aberu Ayudayat nakiyuunit; konye papake kerai Eyonanit. Kitejenut iinacan lukiboiete koLusitura ka Ikonium kwape ejokiar ŋesi, Kokotokin Paul ŋol aupakin kaŋes; koyaŋa kokep ŋes kanuka Iyudayan lukejaas atutubeta ŋun, naarai kejenete kere ebe kerai papake Eyonanit. Kosodete nakitoritotor oreria, koinakis kes aicorakineta nukicorakinete ikiyakia ka imakio luko Yerusalem tetere ericete. Kwaŋin kitogogoŋoi ikanisan kotoma aiyuun ŋin, kiyatanakin etiaikec ŋinipaaran. Kitoroto akwap naka Pirugia ka Galatia, kisimik kes Emoyo Lokalaunan alimonokin akirot toma Asia. Nakedolioto atereikina Musia, kotama alosit Bitunia, konye mam Emoyo loka Yesu abu kocamak kes, Aso kinaca Musia kijesaros Tiroa. Koany Paul aitapoet kuare: bala ebwoi etuŋanan loko Makedonia iŋaiŋait kobala ebe, “Kikwaŋun Makedonia, kiŋarak sio.” Nakedaunia aanyun aitapoet, atipet kakotos alosit Makedonia, naarai kiwomit cut ebe kinyarit Edeke sio alimonokin kes akiro nukajokak. Aso kekwaŋaros anyoun koTiroa, karasasi Samoturake, kapaaran da naatupakini kadoloto Neapoli. Kanyoutu kanen kadoloto Pilipi, ere lokapolon loka akwap nako Makedonia, akwap nakebwotunito ice ko Romayon. Keboioto kore kaŋol apaarasia adis. Kosodi kapaaran nakasabato kalomutu korute kaloto ariri kecor, nekiwomit ebe kejai aibois nakilipet; keboikinos kenerata kaŋor nukidumuni kanen. Aberu, ekekiror Ludia, nakegwelanari iboro lumugeik, naka ere loka Tuatira, naeyoŋit Edeke, kopup sio: nakepukorit Ejakait eketau tetere ecoit akiro nuenera Paul. Kosodi kedau aibatisao, ŋes ka lukokaleke, kiŋaiŋa sio, kobala ebe, “Arai ianyunito eoŋ arai naiyuunit Ejakait, kolomutu togoka kipejoto.” Kitiŋa sio. Napekilosi aibois naka ailip, keriamata kapese naejai aiokit naka aidwar, nakedumanakini ikejaka ameda naepol naka aidwar. Kotupu ŋin Paul ka sio iworoi ebe, “Ituŋa lu eraas ikejaanakinak luka Edeke loejai kuju kakuj, lukilimonokinete yes erot loka aitajario.” Kikoni nen apaarasia nuipu. Konye koŋoiar Paul, kibelokin kotema ajokit atiar, “Kecorakini jo kokiror loka Yesu Kristo kolom kamakeŋ.” Kolom kosawa kaŋope kaŋol, Konye nakeanyuniata ijakake ebe atwakiasi ameda naamunos, kikamutu Paul ka Sila, kidilidilasi kiton agwelanaret akonyen nuka ikayaitok; koyaŋaasi mama ejaas ikatubok kotemasi atiar, “Ituŋa lu eraas Iyudayan, amunaasi erewok, bobo da elimonokinete iponesio lueraas luketal kamawok Iromayon acamun karaida aswam.” Konyou ekodet kere asurokin kes: kolacasi ikatubok inapenekec kagogoŋ, kicorakis kes aleio kisureta. Nakedauniata aile noi, kogolokis aidaris, kicorakis ekedaran aidar kes kacoit, Kedau adumun aicorakinet ŋin, kibwaik kes toma aidaris nakotoma, koen akejekec oloin. Konye kidiŋebai ilipete Paul ka Sila, eyeikinete Edeke ikososio luka aiturit, kopupete ienan da ice; atipet kojau amaran naepol naka akwap, komaranata apeteta nuka aidaris; atipet koŋaaros ikekia kere, kolacaros da aeneta nuka ituŋa kere, Kokweny ekedaran, nakeanyunia ebe eŋaara ikekia luka aidaris, kout ekekileŋ, kokoto aarakin, koomit ebe asiata ienan. Konye kiworo Paul keporoto loepol ebe, “Sirikimusuŋikin, naarai kija isio ne kere.” Konyarau atalai, komotar toma, emarani kanuka akurian, kibirokin akonyen nuka Paul ka Sila, kitolom kiŋa, kotema atiar, “Ikajaka, kekonak ai tetere ketajario?” Kobalasi ebe, “Kiyuu Ejakait Yesu, kitaiario jo ka lukokalekon kere.” Kolimokis ŋes ka ituŋa kere luajaas togoke akirot naka Ejakait, Kisukunyik kes kosawa kaŋol loka akuare, kilot ikecemacarin, atipet kibatisai ŋes ka iketuŋa kere. Kosodi koyau kes togoke, koinak kes inyamat, kolakara noi, ŋes ka ekekale kere, naarai iyuunit Edeke. Konye kiwala akwap, kiyakiasi ikatubok ikapolok luka iserikalei, kobalas ebe, “Koosikis ituŋa ŋul koloto.” Kitejen ekedaran Paul akiro ŋun ebe, “Eyakuut ikatubok aosikin yes: aso do kolomutu, koloto inapakina.” Konye kotema Paul kes atiar, “Apotu koleata sio kakonyen nuka ituŋa kere, komam etubokina, kwabo kirai isio Iromayon, bobo da kigolokis aidaris; kwana da ekotosi cabo alacakin kaiyeiyea? Mam cut; konye kopotu kesi ikulepek kolacakis sio.” Kolimokis ikapolok luka iserikalei ikatubok akiro ŋun; kokuriakaros nakiirariata ebe eraas ŋul Iromayon; kopotu, kiŋaiŋaata; nakedauniata aitolomun, kilipa kes anyoun kore kaŋol. Konyoutu do kaidaris kolomasi togo loka Ludia: ido kedaut aanyun iinacan, kitalakasi kes, koloto. Nakedauniata aitor Amipipoli ka Apolonia, kodoloto Sesalonika, nekejai atukos naka Iyudayan, Kosodi koloma Paul mama ejaas, kwape kejaar ekepone, kopeta kakes nukiwadikatai asabaton auni. Kikujok kitogogoŋ da ebe ebusakinit Kristo aiticanio ka ajarun kotoma okatwak, ebe da, “Yesu ŋol lokalimonokini yes, ŋes Kristo.” Kiyuut ice kakesi, kimorikikinos ka Paul ka Sila; ka Iyonanin lukiyaparito luipu noi, ka aŋor da nukapolok numam ikidioko, Konye kilelebun Iyudayan ekolo, koyaŋas ituŋa lueroko luutai, kotukokis ekodet, kigurut ere, kosurokis etogo loka Yason, kokotos aitolomun kes otuŋa, Nakekurwokis adumun kes, kiriasi Yason ka ice koinacan mama ejaas ikapolokitok ere, kiworoto ebe, “Ituŋa lu luabuburiasi akwap adolutu ne da, esukunyiki Yason kes; iswamaete ŋul kere nuesurokinete ikisila luka Kaisar, kobalas ebe, ejai ekabaka ece, loenyaritai Yesu.” Kiyaloŋoŋoto ekodet ka ikapolokitok ere nakiirariata ŋun, Kosodete nakedauniata aitelemun Yason ka ikepaup aititiŋet, koosikis kes alosit. Atipet kijukasi iinacan Paul ka Sila Beroea kuare; nakedolioto ŋina kolomasi atukos naka lyudayan. Konye kejokuka lu aitelekarit luko Sesalonika, naarai apotu kocamut akirot kitauon luekapakina, koŋicenenata nuiwadikatai ŋinipaaran ajenun arai ikote akiro ŋun nen, Kanuka ŋun kiyuut luipu kakesi, ka aŋor nuYonanin nusotia ka ikiliok da lumam ikidioko. Konye kejenut Iyudayan luko Sesalonika ebe elimonokini Paul akirot naka Edeke koBeroea da, kopotu nen da kisidikoto kigurut ikodeta. Kosodi atipet kijukasi iinacan Paul alosit adolore aŋolol, konye kosalata Sila ka Timoteo nen. Konye lukinyamakinete Paul koyaŋaasi kiton Asene; kosodete kicorakinai alimokin Sila ka Timoteo abunore mama ejai atipet kwape epedoriata, koloto. Kosodi nakejaar Paul Asene idaret kes, koriebakin eketau nakeanyunia ere ileleba aputosia. Kwaŋin kopetanak lyudayan ka Iukeyoŋito Edeke akiro kotoma atukos, ido ŋinipaaran kagwelanaret kaŋul lukiriamununos kaŋes. Ice luka ikaminak acoa luka Ipikurean ka Isitoikin kiriamunos kaŋes, Kobalas ice ebe, “Ekoto kereka ekenerat lo einer anyoika?” Kobalas ice ebe, “Etakani bala elimonokini akiro nuka idekesio lumo.” Naarai kelimonokini Yesu ka ajarun. Kikamut ŋes koyaŋaasi Areopago, kobalas ebe, “Kipedori kereka isio ajenun anyoin aisisianakin na nakitetet nainera ijo? Naarai iyaŋaut akiro numo akiikosi; asa do kikoto ajenun apolou naka akiro kanu,” Naarai kemameete luka Asene ka imo lukiboienenete kanen aceswam dimarai aitatam arai aiirar akiro nukitetiak. Kobwo Paul kokidiŋ Areopago, kobala ebe, “Yes ituŋa luka Asene, amisiiki ebe iraas luka edini kakiro kere. Naarai naketoritor, ka aanyun iboro luimaete, abu kadum etem lokiwadikatai akiro nu ebe, ‘LOKA EDEKE LOMAM EJENA.’ Aso kalimonokini yes ŋol loimaete komam ijenete. Edeke lokesubi akwapisinei ka iboro kere luejaas toma, naarai erai ŋesi Ejakait loka akuj ka akwap, mam iboie kabilai nuedukio kakanin, kwabo mam ijaanakinio kakanin nuka ituŋa, bala ipuda idiobore; naarai ŋes elopet einakini kere aijar ka eiyeŋane ka iboro da kere, Kojautene ediopet kosub atekerin kere nuka ituŋa aiboi kakwapin kere, nakedaunia aibwaikin apakio ka iikorun luka aiboisiokec, tetere emoete Edeke, moto erarapete ka adumun ŋes; karaida mam elwana kaneejai ŋinidiopet kaoni, ‘Naarai kotomakeŋ, kijari, kilosi, kijai da’; kwape abalatar ice kokapwakunakakus ebe, ‘Naarai kirai oni aurike.’ Aso naarai kirai oni aur naka Edeke, mam kibusakinit aomit ebe eput Edeke ka esabu, karaida epuesa, karaida amor, iboro luegerio kanuka apirianut ka acoa naka ituŋa. Mam abu Edeke kosesenenei apakio nuka aolit, konye kwana icorakini ituŋa kere luejaas aiboisio kere aisilar: naarai abu kibwaik apaaran naebunio atubokin akwapin kadolit, kotuŋanan loaseunit; ido itogogoŋit ŋun mama ejaas ituŋa kere, kanuka aitajarun ŋes kokatwak.” Kosodi nakiirariata nuka ajarun naka ikatwak, kokienatar ice; konye kobalas ice ebe, “Kiirari bobo jo kakiro kaŋun.” Kosodi konyou Paul kinye kes. Konye kimorikikinos icetuŋa kaŋes, kiyuut; kotomakec kojai Dionusio Eareopagot, ka aberu naenyaritai Damaris, ka icetuŋa da nepepe kaŋul. Kokau kaŋun konyou ko Asene kodol Korinto. Kodum Eyudayat ekekiror Akuila, euriat koPonto, kerai ŋesi abunore ŋipeŋin koItalia nepepe kakeberu Pirisikila, naarai abu Kulaudio kicorakinite Iyudayan kere anyoun koRome. Kodol Paul mama ejaas; naarai kerai akeceswam adiopet, kosal mamakec, kiswamata nepepe, naarai keraas ikasubak iweman. Kopetanak akiro katukos ŋinisabato, kotam aimaumaun Iyudayan ka Iyonanin. Konye nakijesunotor Sila ka Timoteo koMakedonia, kitiŋaik akirot Paul, kitejenanak lyudayan ebe Yesu ŋes Kristo. Nakitepegiata ka ainyanakin Edeke, kilakilak inapeneke, kotema kes atiar, “Kojaas aokotokus akwesikus; alai eoŋ; amear kwana alosi mama ejaas Imo.” Konyou kanen, koloma togo loka etuŋanan ekekiror Tito Yusito, loemai Edeke, lokeapias eketogo katukos. Abu Kirisipo ekayaiton loka atukos kiyuu Ejakait, nepepe ka lukokaleke kere; nakiirariata Ikorinton luipu Paul kiyuut, kibatisai. Kolimok Ejakait Paul kaitapoet kuare ebe, “Sirikikurianar, konye kiner, sirikililiŋ; naarai ajai eoŋ nenipe kajo, kwabo emamei ituŋanan yenikisurokini aitican; naarai ejaas eoŋ ituŋa luipu ore lo.” Kosalak nen apak naka ekaru ediopet ka ilapio ikanykape, isisianakini kes akirot naka Edeke. Konye nakeraar Galio ekayaiton loko Akaia, konyoikis Iyudayan Paul ketau ediopet, koyaata airabis. Kobalas ebe, “Ijodijodi ekesa lo ituŋa aima Edeke asurokin ikisila.” Konye nakekotor Paul aooŋ akeituk, kotema Galio Iyudayan atiar, “Wu yes Iyudayan, arai erai akirot naka aswam aronis arai naka adiakaret naerono, tikebusakinit atitiŋikin kayes; konye arai erai akirot naka aiŋiseta nuka akiro ka ikiroria ka ikisilakus, nukus bo ŋun; mam eoŋ akoto araut ekatubon kaŋun.” Kireŋea kes kairabis. Kikamutu kere Sosetene, ekayaiton loka atukos, koleata kairabis. Konye mam Galio apodo ŋun. Kokau kaŋun kosalak Paul apaarasia nuipu, kosodi kotwar iinacan, kikwaŋar alosit Suria, kouparos ka Pirisikila ka Akuila. Kobaren akekou koKenekerea, naarai kiyapot. Kodoloto Epeso, kinye kes kaŋina; konye koloma ŋesi elopet atukos, kopeta ka Iyudayan akiro. Nakilipiata ŋes asalakin apak naepol, koŋer; konye kotwaras kakes kobala ebe, “Aboŋuni bobo mama ijaas arai itoiokit Edeke.” Kikwaŋa anyoun ko Epeso. Nakedokunia Kaisarea, kodoka kiyoga ekanisa, kijesar Antiokia. Kosalak nen adiopak, kosodi konyou, kitor anatar akwapin nuka Galatia, ka Pirugia, itogogoŋi ikesisiak kere. Kobu Eyudayat Epeso, ekekiror Apolo, euriat loka Alegesanderia, etuŋanan loisisianakinitai; kerai lokapedor kotoma nukiwadikatai. Aponi kituutooritete korot loka Ejakait; kodunyakinite komoyo, kinera kisisianakini kacoit akiro nuka Yesu, konye kojeni aibatis naka Yokana bon. Kogeu einer katitiŋ katukos; konye nakiirariata Pirisikila ka Akuila, koyaŋaasi ŋes, kiyatakis aitejenun kacoit erot loka Edeke. Nakekotor aikwaŋar alosit Akaia, kisicerededata iinacan, kiwadikakis ikesisiak aisukunyikin ŋes, Nakedolio, kiŋarak noi ŋul lukiyuunito kanuka asianut, naarai kiteleka Iyudayan kagogoŋ, kaitebeikin, itodikini kakiro nukiwadikatai ebe Yesu ŋes Kristo. Nakejaar Apolo Korinto, kitor Paul akwap naimukurur, kodol Epeso. Kodum ikesisiak ice kaŋina, Kiŋit kes atiar, “Ipotu kereka ko dumut Emoyo Lokalaunan nakiyuuniata?” Kobalas ebe, “Mam, karaida aiirarit ebe ejai Emoyo Lokalaunan.” Kotema atiar, “Aso kibatisatai yes aibatis anyoin?” Kotemasi atiar, “Aibatis naka Yokana.” Kotema Paul atiar, “Abu Yokana kibatis kaibatis naka aitoronikin, elimonokin ituŋa aiyuun loebunit kokaukeŋ ŋes Yesu.” Nakiirariata ŋun, kibatisaunos kokiror loka Ejakait Yesu. Kosodi nakedaunia Paul aidokokin kes akekanin, kodoik kes Emoyo Lokalaunan; kinerata kaŋajepa, ka aidwar. Keraas kere bala ituŋa itomon ka luarei. Koloma Paul atukos, kinerenena katitiŋ ilapio iuni, epesi akiro kituŋa kiyamuyam kes toma akiro nuka ajakanut naka Edeke. Konye ice lueninik kogiroto aiyuun, kinerasi nueroko nuka Erot kakonyen nuka ekodet, kosodi kinyek kes, kogita ikesisiak, kopegenenas ka ituŋa ŋinipaaran kosomero loka Turano. Kiyatanakinos akiro ŋun apak naka ikar iarei; kiton lukiboiete kere koAsia aiirar akirot naka Ejakait, Iyudayan ka Iyonanin da. Kiswama Edeke nukaumokin nuedeparito kakanin nuka Paul, kiton ayaŋaar iitabalan ka inapen kakuanake mama ejaas ikadekak, konyout adekesia kamakec, kolomut da ajokin nueroko kamakec. Konye koŋasikinos ice koYudayan lukerimok, ikereŋeak ajokin, alimor ekiror loka Yesu mama ejaas lukejaas aiokin nueroko, kobalas ebe, “Kecorak yes kanuka Yesu loelimonokini Paul.” Kosodi kojaas idwe ikanykaarei luka Sekeba esasedoti lopeti loYudayat, lukiswamaenenete ŋun. Konye Koboŋok kes ajokit naerono ebe, “Ajeni Yesu, ajeni Paul da; konye yes lukaŋai?” Kosomakin kes etuŋanan lokejai ajokit naerono, kiteleka kes kere, kipiko, tape ekerete kotogo kaŋol imujalalas, imusuŋitai, Kojenut ŋun kere Iyudayan ka Iyonanin lukiboiete ko Epeso; kirum akurian kes kere; kitopolooroi da ekiror loka Ejakait Yesu. Kopotu luipu da kaŋul luiyuunito, kolimosi, kilepilepata da akeceswamisio. Ka ituŋa luipu kaŋul lukiswamaete nukamurwonut, kotukonokis ikeceitabon, kicweata kakonyen nuka ituŋa kere; kimarata etiaikec, kodumut ebe edolit atutubeta alukumin akaisakany nuka epuesa. Kwaŋin kopoloor akirot naka Ejakait, kitelekarit kagogoŋ. Kedaunos akiro ŋun kolosik Paul Komoyo aitor Makedonia ka Akaia alosit Yerusalem, kobala ebe, “Kadau ajaut ŋina, kebusakinit aanyun Rome da.” Kiyakia iarei kokejaanakinakake alosit Makedonia, kes Timoteo ka Erasito, kosalak ŋes elopet Asia apak. Kapak kaŋin kodakun aigurun namere naedit kanuka Erot. Naarai etuŋanan ekekiror Demeterio ekatatan epuesa, lokesubenenei abilai nuka epuesa nuka Aratemi, lokedumanakini ikeswamak luepiriaka ameda naepol; kotukonoki ŋul nepepe ka ikeswamak ice luka aswam kaŋin, kobala kes ebe, “Ikatuŋa, iienete yesi ebe kidumuni abarawok kotoma aswam kana. Bobo da ianyut, iirarete da ebe, mere koEpeso bon, konye eapie toma Asia kere, ejodijod Paul lo ituŋa luipu ka aijulakin akeceomisio, ebala ebe ŋulluiswamao kakanin mam eraas idekesio: mere atemar ebe aswamuwok na bon emwaŋio, konye eyekalu da loka adeke nakapolon Aratemi mam imario araut ibore, ebuni aitisilio kapolouke, ŋin naemaete luko Asia kere ka akwapisinei da.” Nakiirariata ŋun konyunyurikinos, kiworoto kobalas ebe, “Aratemi naka Ipeson ŋes nakapolon!” Kilelebun ere ecelet; komotaros ketau ediopet alomar alaro naka aboliasio, kedaut aikamun Gaio ka Arisitariko, ituŋa luko Makedonia, lukeupas ka Paul kalositeke. Kokoto Paul alomar otuŋa, kisimika ikesisiak. Ikapolok ice da luka Asia, lukeraas ikepapero kiyakiasi mamakeŋ, kiŋaiŋaata ŋes kinyek alomar alaro naka aboliasio, Aso kiworoto ice ace, ka ice da ace; naarai kitolutoluno ekodet; naarai luipu kakesi mam kejenete akirot naeinakinit kes atukokin. Kolemut Alegesanda kotoma okodet, lokisibwoete Iyudayan kakonyen nuka ituŋa. Kokwetu Alegesanda kakanike, kokoto apurokin kakonyen nuka ituŋa. Konye nakejenuniata ebe erai ŋesi Eyudayat, kiworoto kere keporoto ediopet bala apak naka isawan iarei ebe, “Aratemi naka Ipeson ŋes nakapolon!” Nakedaunia ekewadikan loka ere aisiyamikin ekodet, kobala ebe, “Okwe ikatuŋa luko Epeso, iŋai bo ituŋanan yenimam ejeni ebe, erai ere loka Epeso ekedaran loka eyekalu loka Aratemi nakapolon, ka loka aput nakedouni kokuju? Aso naarai mam epedorio aiŋer akiro ŋun, ibusakinit yes aiyamakin, komam isunyito akirot, Naarai iyaut ituŋa lu ne lumam ekokoto iboro luka eyekalu, karaida ainyanakin adekewok. Aso arai ejaas Demeterio ka ikeswamak ice ipaupake akiro nuiwosaete kituŋanan, ejai airabet, ejaas da ikayaitok; kiwosakinos. Konye arai imootos acekirot, itemonokinio katukot naduc. Naarai kija toma aronis aiwosao kanuka ecelet loka lolo, loemamei akirot; ido kotoma akirot kana mam kipedori aitojok atukokin na.” Kedau einer ŋun kotwar atukot. Kinapakin ailoŋiloŋa, konyarau Paul ikesisiak, kicor, kotwar kes, konyou kolot Makedonia, Nakedaunia aitor atutubeta ŋun, ka aitalakar kakiro nuipu, kodol Yonan. Kosalak nen ilapio iuni, ido nakineruniata Iyudayan asurokin ŋes edwar aikwaŋar alosit Suria, kopeleik aboŋor korot loko Makedonia. Kouparos kituŋa kalu, Sopater loka Beroea, okoku loka Puro, ka Arisitariko ka Sekundo Isesalonikan; ka Gaio loka Derube, ka Timoteo; ka Tukiko ka Toropimo luko Asia. Konye keliŋara ituŋa ŋul, kidareut sio koTiroa, kekwaŋaros isio anyoun koPilipi akaulo kapaarasia nuka imugatin lumam itubuunitoi, kadolokis kes koTiroa kalosit naka apaarasia akany; kasalakis nen apaarasia akanykaarei. Kapaaran nasodit nakasabato, nakiriamunor tetere kibili emugati, kiner Paul kakes, apele alosit apaaran naatupakini; kiyatak einerike kiton kidiŋebai. Kojaas atalai nuipu kagola nakokuju kama kitukokina. Iboie etelepat ekekiror Eutuko kadirisa; kilurutu noi ajo; kiyatakinit Paul noi alimonokin, kipikosi ajo, kibiror kwap kagola nakiwuniet, kodakunai etwanit. Konye kodoka Paul kokukum kamake, kotun, kobala ebe, “Sirikiyaloŋoŋoto; naarai eroko ŋesi ejari.” Kodoka bobo kuju, kobil emugati, konyam, kiyatak einer kakes apak naepol, kiton tupuruc, kosodi kolot. Koyaut etelepat ejari, kolakara alakara naepol. Konye sio kaliŋa alosit ataker, kekwaŋaros kiton Assos, kamunos aitodokun Paul ataker kaŋina; naarai kitemokinit ŋesi kwaŋin, komuno ŋes; aitorit neeonit, Nakiriamunor Assos, ketodokutu ŋes ataker, kasodete kadoloto Mitulene, Kekwaŋaros anyoun kaŋina kadolo apaaran nakiareit aibois naetereikina ka Kios; apaaran da naatupakini kabwoutu koSamos, ka naatupakini ŋin kadoloto Mileto. Naarai abu Paul kitojokite ainac Epeso tetere mam itumor kotoma Asia; naarai kemarani arai epedori adolore Yerusalem eroko apaaran naka Pentekote edolo, Nakejaar Mileto kiyakik anyaraun imakio luka ekanisa koEpeso, Nakedolunioto mamakeŋ, kotema kes atiar, “Ijenete yesi kwape keboienenoo kayes apak kere ageun kapaaran kanasodit naadolio Asia, ejaanakinenei Ejakait kaitasono kere, ka akiyo, ka acoduneta nukadoikinete kobotei luka Iyudayan, mam abu kenac alimonokin yes akirot kere naeyaun aiokis, kesisianakinenei yes kaitebeikin, ido kaŋolitog, etejenuni lyudayan ka Iyonanin da nuka aitoronikin mama ejai Edeke ka aiyuun da Ejakaitiwok Yesu Kristo, Aso kwana, koany, alosi Yerusalem, kaenitai komoyo, mam ajeni akiro nukadoikinete kaŋina, dimarai ketejenuni Emoyo Lokalaunan kaŋolire ebe kedareto aeneta ka areio. Konye mam apodo akaijar araun naketiai kamakaŋ, dimikito kaŋetak akaigerosit ka aijaanakin nakadumuni kama ejai Ejakait Yesu, aitejenun Akiro Nukajokak nuka asianut naka Edeke. Aso kwana, koany, ajeni eoŋ ebe yes kere lukerimorit alimonokin ajakanut naka Edeke mam bobo ianyunete akakonyen, Kanuka ŋun ketejenuni yes lolo ebe mam akusiwokot kabeikinete eoŋ, naarai mam abu kenac alimonokin yes ainerun kere naka Edeke. Kocoito yesi, ka esipan da kere loadakaki Emoyo Lokalaunan yes araut ikaanyanarak, tetere icokiete ekanisa loka Edeke, lokikurauni kakeokot elopet. Ajeni ebe kanyou eoŋ epote ipeen luededeŋ mamakus, mam itimete esipan; bobo da enyounete kotomakus ikiliok luineras nuitapaarete airiar ikesisiak atupar kes. Asokokwenyete, kiitunitos ebe ikar iuni mam abu kenyek aicor ŋinituŋanan paaran ka kuar kakiyo. Kwana da ketitiŋ yes Edeke, ka akirot naka akesianut naepedori aiduk yes ka ainakin da airumet nepepe kaŋul kere luitalaunitai. Mam abu kemiela epuesa karaida esabu karaida inapen luka ituŋanan. Ijenete yesi ebe akakanin nu apotu kiswamata nukeipudika, ka loka ŋul kalukija nepepe keoŋ. Kotoma akiro kere ketodik yes ebe kaitaaritoi naikoni nen ibusakinit aiŋarakin luekalanyaka, kaiitunite akiro nuka Ejakait Yesu, nukebala ebe, ‘Ainakin erai nakarereŋ adepar adumun.’ ” Nakedaunia einer ŋun kokukokin kilip nepepe kakes kere. Komonyata noi kere, kotunata Paul konuata, Ekadakinitos noi kanuka akirot ŋin nakinera ebe mam bobo eanyunete akekonyen. Kinyamakis do kiton ataker. Kosodi kanen nakidaunia atwarakin, kekwaŋaros kiderit kadoloto Kos, apaaran da naatupakini kadoloto Rodo, kanyout kanen kadolo Patara. Kadumutu ataker naekoto aikwaŋar kiton Poenike, kadokasi, kekwaŋaros. Nakianyunia Kupuro kipou kenyeisi ŋes kakan nakokediany, kediata kiton Suria, kadokutu koTuro; naarai nen kekotor ataker alemario iboro lueleleba. Kiidau amoun ikesisiak, kasalakis nen apaarasia akanykaarei. Kolimokis kesi Paul kanuka Emoyo ebe sirikedoka Yerusalem. Kosodi kedaunos apaarasiakosi kanen, kanyoutu kasodokinete; apotu ituŋa kere, nepepe kaŋorokec ka idwekec kinyamakis sio kiton kiŋa naka ere; kakukokinos oitolima kelipa kasodete katwarakinos. Kadokas isio ataker, koboŋosi do kesi orekec. Kasodete nakidaunia alositekosi anyoun koTuro, kadoloto Pitolomai; keyogata iinacan kasalata mamakec apaaran adiopet. Tupuruc kanyoutu kadoloto Kaisarea; kalomasi togo loka Pilipo ekalimonokinan, lokerai ediopet kokanykaarei, kasalata mamake. Kejaas ŋol apesur aoŋon abekon, nukeraas akadwarak. Nakisalitor nen apaarasia nuipu, kodoku enabi ekekiror Agabo anyoun koYudaya. Nakedolunio mamakosi kolem amuny naka Paul, koen elopet akekeje ka akekanin, kotema atiar, “Ebala Emoyo Lokalaunan kwanata ebe, Kwape kwaŋin eeniata Iyudayan luko Yerusalem elopet amuny na, ijaikinete da akanin nuka Imo.” Nakiiraria ŋun, isio ka ituŋa luka aibois kaŋin, keŋaiŋaata ŋes sirikedoka Yerusalem. Kosodi Koboŋok Paul ebe, “Anyoika iswamaete yesi, aimony ka aibil ekatau? Naarai akapakina mere aenio bon, konye atwanare da kotoma Yerusalem, kanuka ekiror loka Ejakait Yesu.” Nakegirio akosiiŋaiŋa, kapalutu do kabalas ebe, “Nuekoto Ejakait kiswamai.” Akaulo kapaarasia kaŋun, ketemokisi ikosiboro kadokasi kiton Yerusalem. Kouparos ice kokesisiak luko Kaisarea kasio, koyaŋaasi sio ore loka Menason loko Kupuro, ekesisian lokolo sek, lokipejoi mamakeŋ. Nakidolio Yerusalem kisukunyikis iinacan sio kaiyalama. Kapaaran naatupakini koloma Paul nepepe kasio mama ka Yakob; kojaas da imakio kere. Akaulo kayogan kes, kitatam kisudunyite akiro kere nukiswamai Edeke kama ka Imo kotoma aijaanakinike. Nakiirariata, kituroto Edeke. Kotemasi ŋes atiar, “Onacekosi, iany kwape imwaatar ilukumin luka Iyudayan luiyuunito, irumit kes kere ekokote kanuka ikisila, elimonokinitai kes nukon ebe isisianakini Iyudayan kere luejaas Omo ainyein Musa, ilimonokini kes ebe sirikekepata ikecedwe karaida atupit iponesio. Aso ikwaikinio bo do ai? Abeit epupunete ebe ibu ijo. Aso kiswama nukilimokini jo, Ejaas sio ikiliok iwoŋon lueenit aiyaposit; koyaŋa ituŋa lu, kitalaun nepepe kakes, kotacak kes tetere ebarenete akwesikec. Kojenut ituŋa kere ebe akiro kwa nukelimonokinitai kanukon mam ebeito, konye jo elopet iricit aitodol ikisila. Konye kanuka Imo luiyuunito, kipou kewadikata ebalua katubito ebe kinaca kesi iboro lueinakinio aputosia araut asuban, ka aokot, ka itiaŋ luemiedio, ka adoteu.” Kosodi Paul ayaŋaar ikiliok ŋul, kitalaun elopet nepepe kakes apaaran naatupakini, koloma oyekalu, aitejenun apak naitodolikinere apaarasia nuka aitesegaario naeinakinere asubanit kanuka ŋolidiopet kakesi. Keapuut apaarasia akanykaarei aŋetakin, koanyut lyudayan lukepote koAsia ŋes koyekalu, kisidikoto ekodet kere, kikamutu ŋes, kocelut ebe, “Yes ikiliok luka Isirael, kiŋarakinai sio! Lo ŋes etuŋanan loisisianakini ituŋa kere kaiboisio kere asurokin atekerewok ka ikisila ka aibois na da; ido da ayau ŋesi Iyonanin toma oyekalu, amunaa aibois na nakalaunan.” Naarai keanyunitos Toropimo Epesot nepepe kaŋes kore, koomitos da ebe ayau Paul ŋes toma oyekalu. Kosodi kibwaa ere kere, kokerut ituŋa; kikamutu Paul kibwosasi kiŋa keyekalu, atipet kogolokinoi ikekia. Nakemoototor epone loaret, kodolokis akiro ekapolon loka erioŋet ebe enyalinyalun Yerusalem kere. Atipet kolem iserikalei ka ikapolokitokokec, koker mamakec; kosodete nakeanyuniata ekapolon ka iserikalei kinyeis aibuŋa Paul. Kosodi koapik ekapolon kikam ŋes, kicorak aenio kirikoi iarei, Kiŋit ebe, “Iŋai bo lo?” ido ebe, “Anyoika eswama?” Kocelas ice kokodet ace, ka ice da ace; namam kepedoria ajenun akiro kanuka ecelet, kicorak ayaŋaario ore loka iserikalei. Nakedolio adoketa kodakasi ŋes iserikalei kanuka agogoŋ naka ekodet; naarai ketupit ekodet loka ituŋa luipu, ecelasi, kobalas ebe, “Kicutasi ŋes!” Konye napedwar kes aitolomar ŋes orekec, kiŋit Paul ekapolon ebe, “Ibus kereka eoŋ alimokin jo akirot?” Kobala ŋesi ebe, “Ijeni tope ijo Ayonanin? Mere kereka ijo Emisiriat je, loitonyounit pac ituŋa ilukumin iwoŋon lukenyaritai Ikaarak, kiŋarenik amodiŋ?” Koboŋok Paul ebe, “Arai eoŋ Eyudayat, loko Taruso kotoma Kilikia, lokore lomere loedit; keŋaiŋait, kisiikinai kener kituŋa kalu.” Kisiik ŋes, kosodi kobwo Paul kadoketa, kokwet ituŋa; kojau aililiŋ tiiti, kiner kakes kaŋajep nAburaniat, ebe: “Yes ikiliok iinacan ka lukapapaka, kiirarai kwana nuenera aiiyaror.” Nakiirariata ebe inera kakes kaŋajep nAburaniat, kiyatakis aililiŋ tii. Kobala ebe: “Arai eoŋ Eyudayat, kaurikinio Taruso, koKilikia, konye kasaunio kore kalo kakeje nuka Gamaliel, kesisianakinio kainyikokin kokisila luka lukapapaawok, abu kerumite ekokote kanuka Edeke kwape ijaatar yesi kere lolo. Kareite ituŋa luka Erot kala kiton atwanare, kaenenei karemonokin aidaris ikiliok ka aŋor da, kwape itejenikina esasedoti lopeti ka imakio kere luka aurianet, Abu kadum ibaluan kamakec ainar iinacan, kalot Damasiko tetere ekamuni luejaas ŋina da, ka ayaun kes Yerusalem eenitai tetere iticanio. “Kosodi kanen napalosi, aapikin Damasiko, kidiŋ paaran, atipet kemiliaik aica naepol naabuni kokuju. Kebirokin kwap, keira eporoto lokabala eoŋ ebe, ‘Saul, Saul, kanukinyo kireitor eoŋ?’ Kaboŋok ebe, ‘Ijoŋo iŋai, Ejakait?’ Kabala ebe, ‘Arai eoŋ Yesu Enasarayot, loireit ijo.’ Ŋul da lukejaas keoŋ apotu koanyut aica ŋin, konye mam apotu kiiras eporoto loka ŋol kalokinera keoŋ. Kabala ebe, ‘Keswama anyoika, Ejakait?’ Katema Ejakait eoŋ atiar, ‘Konyou, koloma Damasiko, kanen kilimokinio kere nuitemokinitoi jo aswam.’ Konye namam apedoritor aanyun kanuka amwekimwek naka aica kaŋin, karikosi eoŋ ŋul lukejaas keoŋ, kaloma Damasiko. Kanen Anania, etuŋanan loeyoŋit Edeke kwape ejaatar ikisila, loetojokitai koYudayan kere lukiboiete kanen, kobu mamakaŋ, kobwo kodiekaŋ kabala ebe, ‘Onaceka Saul, kokweny.’ Ido kosawa kaŋol abu kakweny kaany ŋes. Kobala ŋesi ebe, ‘Kiseu jo Edeke loka lukapapaawok tetere ijenuni nuekoto ŋesi, ka aanyun da Ekadoliton, apupun eporoto loelomuni kaitukuke; naarai iraun ekekajenan kotuŋa kere kakiro kaŋun nuiany ka nuiiraa da. Aso kwana idaret inyo? Konyou, kibatisai, kilota akonidiakanareta, kiwonete ekekiror.’ “Kosodi kanen nakadaunia aboŋun Yerusalem, elipi koyekalu, kogelakin ekamoyo, Abu kaany ŋes, katema eoŋ atiar, ‘Kisunyite, konyou atipet koYerusalem, naarai mam ecamunete akoniitejenun kamakaŋ.’ Kabala ebe, ‘Ejakait, ejenete kesi ebe abu eoŋ kaenenenei ka aibuŋ da ŋul lukiyuunito jo kaŋinitukos kere. Naabukorere da aokot nuka Sitepan ekajenanikon, ajai eoŋ da abwoi eapie, ketojokite, kedari inapen luka lukearete ŋes.’ Katema eoŋ atiar, ‘Ape; naarai keyakiari jo neelwana mama ejaas Imo.’ ” Apotu kopupokis ŋes kiton akirot ŋin; kosodete kodelosi kiworoto ebe, “Kicutasi oloŋai ŋol kakwap. Naarai mam ibus ŋes aijar.” Napecelasi, ka acakanar ikecenapen ka aiwelanar da apua kuju, kicorak ekapolon aitolomar ŋes ore loka iserikalei, kotema ŋes aŋicio kadaio, tetere ejenuni nuainakinit kes ecelas kwaŋin kanukeŋ, Nakedauniata aien ŋes kaunoi, kobala Paul ekapolokiton lokebwoi eapie ebe, “Ibus kereka yes aida etuŋanan loerai Eromayot komam etubokinitai?” Nakiiraria ekapolokiton kolot kitejen ekapolon kobala ebe, “Nunyoika ikoto ijo aswam? Naarai erai etuŋanan ŋol Eromayot.” Kobu ekapolon kiŋit ŋes ebe, “Kolimokinai, irai teni ijo Eromayot?” Kobala ebe, “Eebo.” Koboŋok ekapolon ebe, “Abu eoŋ kagwel araut Eromayot karupian nuipu.” Kobala Paul ebe, “Konye eoŋ euriat.” Atipet kobwata lukekapakina aiŋit ŋes; kokuriana ekapolon da, naarai ajenu ebe erai Eromayot ido abu koen ŋes. Apaaran naatupakini, kokoto ajenun abeit nuainakinete Iyudayan aosan ŋes, kolacak, kicorak isasedotin lupeti ka aurianet kere atukokin, koyanau Paul da kisibwo ŋes kakonyenekec. Kikesite Paul akonye kaurianet, kobala ebe, “Ikiliok iinacan, abu kajar kakonyen nuka Edeke ketau kaloejok kiton lolo.” Kicorak Anania losasedoti lopeti lukebwoete aapu kaŋes aibap ŋes akeituk. Kosodi Paul atemar ŋes atiar, “Kibapi jo Edeke, ijo arwatat naiworiworitai kakwanis! Iboikin kereka ijo atubokin eoŋ kwape ejaatar ikisila, kwabo icorak eoŋ aibapio aitegelikin ikisila?” Kobalas lukebwoete aapu kaŋes ebe, “Ijo ba, imoromoroi kereka esasedoti lopeti loka Edeke?” Kotema Paul atiar, “Iinacan, mam ajeni ebe erai esasedoti lopeti; naarai iwadikatai ebe, ‘Sirikiner erono mama ejai ekayaiton loka ikonituŋa.’” Konye nakejenunia Paul ebe atutubet adiopet kerai naka Isadukayon, ka nace da naka Iparisayon, kiworo kaurianet ebe, “Ikiliok iinacan, arai eoŋ Eparisayot, okoku loka Iparisayon; katubokinitai eoŋ kanuka amun naka ajarun naka ikatwak.” Nakedaunia einer ŋun, kojau epeget kidiŋ Iparisayon ka Isadukayon; kotiaka atukot, Naarai ebalas Isadukayon ebe emamei ajarun, karaida emalaika, karaida emoyo; konye ecamunito Iparisayon ŋun kere. Kojau ecelet loepol; kobwaata ikewadikak ice owai loka Iparisayon, koutasi kobalas ebe, “Mam sio kidumuni adiokirot naerono kotuŋanan kalo. Arai bo emoyo inera kaŋes, arai bo emalaika?” Kiyatakin ecelet apoloor, kokurianar ekapolon ebe enyilinyiliete kesi Paul, kicorak iserikalei adokun ka alemun ŋes kagogoŋ kakaninikec, ainyakar da ore loka iserikalei. Kakuare kaŋin kobwo Ejakait aapu kaŋes, kobala ebe, “Kotitiŋior, naarai kwape itejenunia nukaŋ koYerusalem, kwape kwaŋin ibusakinit ijo aitejenun ko Rome da.” Nakiwala akwap, kitutuko Iyudayan, koenikinos kaiyaposit ebe mam enyamete karaida aimat kiton neaariata Paul. Lukiyapoikinete kwaŋin emwaasi ituŋa akaisaoŋon ka adepar da. Koloto kesi mama ejaas isasedotin lupeti ka imakio, kotemasi atiar, “Kienikin noi kaiyaposit ebe mam kiiri ibore kiton nekiaria Paul. Aso do kwana, kikwenyasi yesi ka aurianet ekapolon ayaŋaun Paul mama ijaas, bala ikotosi ajenun kotenan akekiro, Kikapakina isio da aiar ŋes eriŋa eekuna die.” Kiira ecen loka Paul nuka aperunikec; kolot koloma ore loka iserikalei, kolimok Paul. Konyarau Paul ekapolokiton ediopet kotemaatiar, “Koyaŋa etelepat lo mama ejai ekapolon; naarai ejai akirot naelimokini ŋes.” Kanuka ŋun koyaŋa ŋes, kitoloma neejai ekapolon, kobala ebe, “Abu Paul ŋol eenat kanyara eoŋ, kelip aitolomun etelepat lo mamakon, naarai ejai akirot naineras kajo.” Kitiŋ ekapolon akekan kogitaros kaŋes, kiŋit kaiyeiyea ebe, “Anyoin akirot naikoto ijo alimokin eoŋ?” Kobala ebe, “Enerut Iyudayan aiŋitun jo aitodokar Paul moi toma aurianet, bala ekotos aiŋitiŋit kotenan akekiro. Aso siri jo kicam; naarai eperunito ŋes ituŋa luedeparito akaisaoŋon kakesi, luaenikinos kaiyaposit ebe mam enyamete karaida aimat kiton neaariata ŋes; aso kwana ekapakina kesi, idaretos akoniisumunet.” Kosodi kotwar ekapolon etelepat, kicoro ebe, “Sirikilimok idiotuŋanan ebe kikwenyarit eoŋ.” Kosodi konyarau ikapolokitok iarei, kobala ebe, “Kitemokis iserikalei akwat aarei, ka ikebwanenok akaisakanykaarei, ka lukakwaras da akwat aarei, alosit kiton Kaisarea, osawa lokiwuniet loka akuar. Kitemokis itiaŋ lukisibwaneno Paul da, koyaŋaasi ŋes mama ejai Pelikis ekayaiton eiyara.” Kiwadik ebalua kepone kalota: “Kulaudio Lusia mama ejai ekayaiton lokaibuses Pelikis, ayogan. Ikamunito Iyudayan etuŋanan lo, aapikinito aiar ŋes, kabunok kes nepepe ka iserikalei, kayu, kajenu ebe erai Eromayot. Kakoto ajenun akirot naeosatotor, ketodoka aurianetekec. Kadum ebe kiwosatai kanuka aiŋiseta nuka ikisilakec, kwabo mam kiwosatai adiokirot kere naibusakinitor aaria karaida aenia. Kosodi nakapukokinere ebe ejaun ebotet loebilakinete ekiliokit lo, atipet kejuku mamakon, kecoraki da lukewosatok einer akecekiro kakonyenekon.” Kosodete koyaŋaasi iserikalei Paul kwape kicorakinitere kinyamasi kuare kiton Antipaturi. Tupuruc do koboŋosi kesi ore loka iserikalei kinyeis ikebwanenok aiyatakin alosit kaŋes, Kedolo ŋul Kaisarea, ka ainakin ekayairon ebalua, kisibwaata da Paul kakonyeneke, Ŋes da nakedaunia asoman, kiŋit ebe, “Erai ŋesi loko buku ali?” Nakejenunia ebe erai loko Kilikia, kotema atiar, “Keirari jo naeponiata lukiwosato.” Kicorak aidario kotogo lokapolou loka Kerode. Kosodi ketuboros apaarasia akany, kijesar Anania esasedoti lopeti nepepe kice komakio, ka ekeneranikec, Teratulo. Kikujokis kesi ekayaiton nuesurokinitotor Paul. Kenyaraun ŋes, kogeu Teratulo aosan ebe: “Naarai kidumunit ainapakin naepol kanukon, wu Pelikis lokaibuses, kanuka apiirikinikon da eteteun akiro nuka ateker kana, kicamunit da kaimal naepol koponesio kere kaiboisio da kere. Konye kenyek aitapas jo noi, keŋaiŋait jo kopupok sio kasianutukon kanuesupaaka. Naarai kidum isio ekesa lo erai ekamunaaran, ekesidikon da loka ecelet koYudayan kere anatar akwapin kere, ekeŋarenon da loka erioŋet loka Inasarayon. Bobo da abu kotam amunaar eyekalu, kekamut, [kakotos atubokin kwape ejaatar ikisilakosi. Konye kobu ekapolon Lusias kolema ŋes kagogoŋ naepol kakaninikosi,] kicorak da ikewosatokoke aponare akonyenekon. Ijo elopet kaiŋitiŋitikon ipedori adumun akiro nukiwosat isio ŋes.” Kiwosata Iyudayan da kobalas ebe, “Ikote nepenen.” Kosodi kokwet ekayaiton Paul einer, Koboŋok ebe: “Naarai ajeni ebe irai ijo ekatubon loka ateker kana ikar luipu, atubo elop ketau kaloelakara, naarai ipedori ajenun ebe eroko apaarasia edepara atomon kanuarei ageun naadokaria eoŋ Yerusalem aima; mam ituŋa lu apotu kadumut koyekalu kipega kidiotunanan, karaida aituwutaar atukot, karaida katukosia, karaida kore. Kwabo mam epedorete aitogogoŋ akiro ŋun nuiwosaete kwana. Konye alimori kamakon nu ebe kwape ejaar Erot, loenyarito kesi erioŋet, kwaŋin amaia Edeke loka lukapapaakosi, eyuunit kere nuelimito ikisila, ka nuiwadikatai oitabon luka inabin, amunokina Edeke, ŋol loecamunito kesi da ikulepek, ebe ejaun ajarun naka luedolito ka lumam edolito da. Kanuka ŋun enyikokinit ajaut ketau lomam itoronio mama ejai Edeke ka ituŋa da apaarasia kere. Akaulo naka ikar luipu abu kabu ainun atekereka nukaitim ka ainakineta da. Kaŋun kadumut eoŋ koyekalu etesegaara, komamei ekodet karaida autar. Konye Iyudayan ice lukepote ko Asia— lutiebusakinit ajaut ne akonyenekon aosan eoŋ, arai ejai adiokirot keoŋ, Arai bo kolimut lupelu aibucaret naeanyunitos kamakaŋ naabwoia kaurianet, dimarai akirot na adiopet bon nakeworoi kabwoi kokidiŋikec ebe, ‘Kanuka ajarun naka ikatwak katubokinio lolo kakonyenekus.’ ” Konye kisiyap Pelikis kes, naarai kejeni ace nuka Erot, kobala ebe, “Naijesunor Lusias ekapolon atubi akirokus.” Kosodi kicorak ekapolokiton aidar Paul konye kajalakinit, komam isimiki idio kopaperoke aijaanakin ŋes. Kosodi ketuboros apaarasia kodol Pelikis nepepe ka Durusila akeberu, nakerai Ayudayat, kiyakia anyaraun Paul, kiira ŋes inera nuka aiyuun naejai toma Kristo Yesu. Kopesik Paul ŋes akiro nuka adolit, ka nuka ayaikina, ka atubokinio naebunit, kokurianar Pelikis, Koboŋok ebe, “Kolot do kwana; kadum eoŋ apak, keworouni.” Komuno da ebe einakini ŋes Paul arupian, Kanuka ŋun konyaraunun eyala kaŋes, Kosodi ketuboros ikar iarei, kodakakinai Porukio Pesito airum aibois naka Pelikis; kekoto Pelikis aitojokio kama ka Iyudayan, kwaŋin kinyek Paul kaidaris. Kosodi nakedolio Pesito obuku, ketuboros apaarasia auni kodoka Yerusalem anyoun koKaisarea. Kikujokis ŋes isasedotin lupeti ka ikeŋarenok luka Iyudayan nuka Paul, kiŋaiŋaata ŋes, kilipata kasianutuke ayaun Paul Yerusalem, tetere eperunete ka aarakin orot, Konye Koboŋok Pesito ebe idario Paul koKaisarea, eapie ŋes da alosit ŋina. Kobala ebe, “Aso ŋulluejai apedor kayesi kauparos kaeoŋ, arai kito ejai akirot naerono kotuŋanan kaŋol, kiwosata do.” Nakesalitor kakes apaarasia numam edeparito akanykauni arai atomon, kijesar Kaisarea; apaaran naetupakini kiboikin oicoloŋ loka etube, kicorak Paul ayaunio. Nakedolunio Paul, kobwaata Iyudayan lukijesunos koYerusalem airimor ŋes, kiwosata ŋes akiro nuipu nuelaŋir, numam apedorete aitogogoŋ, Kobala Paul eiyar ebe, “Mam eoŋ adiakit akirot karaida kokisila luka Iyudayan, karaida oyekalu, karaida mama ejai Kaisar.” Konye Pesito kekoto aitojokio kama ka Iyudayan, Koboŋok Paul ebe, “Ikoto kereka ijo alosit Yerusalem atubokinio kaŋina kakonyeneka kakiro kanu?” Konye kobala Paul ebe, “Abwoi eoŋ kane koiŋaren keicoloŋ loka etube loka Kaisar, nekebusakinitor atubokinio; mam adiakit akirot koYudayan, kwape ijenia ijo kotenan. Aso arai adiakit, arai eswamat akirot naibusakinitor atwania, mam aŋeri atwanare; konye arai emamei abeit kanukewosatotor, emamei yenepedori aijaikin eoŋ akaninikec. Eyatakinit mama ejai Kaisar.” Kosodi nakedaunia Pesito einer kituŋa luka aurianet Koboŋok ebe, “Iyatakinit ijo mama ejai Kaisar; ilosi do mama ejai Kaisar.” Ketuboros apaarasia, kodol Agiripa ekabaka, ka Berenike Kaisarea ayogan Pesito. Nakesalitotor nen apaarasia nuipu, kitatamik Pesito ekabaka akiro nuka Paul ebe, “Ejai ne etuŋanan lokinyeini Pelikis eenitai; lokekujokinete isasedotin lupeti ka imakio luka Iyudayan akiroke nakajaar Yerusalem, kokotosi ŋes atubokinio. Abu kaboŋok kes ebe mam erai epone loka Iromayon aijaikin etuŋanan kere eroko yeniwosatai etereikina ka luiwosato, ka adumun apak naka aiyar kotoma kanuiwosatai. Aso naketukonokinotor ne, mam abu keyap, konye apaaran naatupakini keboikin oicoloŋ loka etube, kecorak etuŋanan ŋol ayaunio. Kosodi nakebwoiata lukiwosato ŋes mam eyauna akirot naerono kwape abu kaomitor; konye ejaas aiŋiseta ace nuka edinikec, ido nuka etuŋanan ece Yesu loabu kotwana, konye loitogogoŋit Paul ebe ejari. Kaoliki eoŋ aiŋic aiŋiseta ŋun, abu keŋit arai ekoto alosit Yerusalem atubokinio kaŋina kakiro kaŋun. Konye Paul kiyatak aidario tetere etubokini Kaisar, kecorak ŋes aidario kiton neejukaria ŋes mama ejai Kaisar.” Kotema Agiripa Pesito atiar, “Eoŋ da elopet abu kakoto apupun etuŋanan ŋol.” Kobala ebe, “Ipupuni ŋes moi.” Kosodi kapaaran naatupakini kobu Agiripa nepepe ka Berenike kaibuses naepol, kolomasi aibois naka aipup akiro nepepe ka ikapolok luka iserikalei ka ikiliok luejenikina lukore. Kicorak Pesito Paul ayaunio. Kotema Pesito atiar, “Ekabaka Agiripa, ka yes kere luijaas ne nepepe kasio, ianyut etuŋanan lo lokelipito eoŋ Iyudayan kere luko Yerusalem ka ne da, kiworoete ebe mam bobo ebusakinit ŋes aijar. Konye abu kaany ebe mam iswamat akirot naibusakinitor atwanare; ŋes da elopet iyatakinit mama ejai Kaisar, abu kaomite aijukar. Eoŋ da emamei akirot nakabeit naewadikakini ejakait. Kanuka ŋun ayau ŋes ne akonyenekus, aitelekarit akonyenekon, wu Ekabaka Agiripa, tetere kidau aiŋitiŋit kadum akirot naewadikai. Naarai aomit eoŋ ebe mam ejok aijukar eenat komam itodiara nuiwosatere ŋes.” Kobala Agiripa Paul ebe, “Kinup jo einer kanukon.” Kosodi korio Paul akekan, koiyar, kobala ebe: “Wu Ekabaka Agiripa, kekemer naarai kaiyar lolokakonyenekon kanuka akiro kere nukewosatotor Iyudayan, aitelekarit naarai ijeni ijo iponesio kere ka aiŋiseta da kere nuejaas oYudayan. Kanuka ŋun kemaimait kopupok eoŋ katitiŋikinit. Naarai ejenete Iyudayan kere ekajautene ameun keitelepane, lokejai kageunet kotoma atekereka, ido ko Yerusalem da. Apotu kajenut ameun apeŋo, arai ekotosi aitejenun, ebe abu karai Eparisayot lokorioŋet loetokit noi kotoma odinikosi. Kwana da abwoi kane atubokinio kanuka amun aisumunet nakisumunit Edeke lukapapaakosi, naemunosi atekerinikosi atomon ka nuarei adolokin, emaenenete Edeke kainyikokinit paaran ka kuare da. Kanukinyo eomitere kamakus araut akirot namam ecamuna ebe itaiari Edeke ikatwak? “Abeit abu eoŋ elopet kaomite ebe kebusakinit aswam nuipu airebokin ekiror loka Yesu Enasarayot. Abu keswama ŋun ko Yerusalem; abu kaen ice kalukalaunak aidaris, kadau ainakinio apedor kaneejaas isasedotin lupeti, ido da abu kekeik akan luaario. Ido irwan ipu abu keticanenenei kes katukosia kere, ketiŋaikinite ainyanakin Edeke; kareite kes kaibworit kiton oreria Iukokiŋa da. “Kasodi alosit Damasiko kanuka aswam kaŋin, kija kapedor ka anupakinio naka isasedotin lupeti. Kosodi kidiŋ paaran, wu ekabaka, abu kaany aica nakebuni kokuju, nakedeparit ailiya naka akoloŋ, kacaikin eoŋ ka ŋul lukija nenipe keoŋ. Kebirokinos isio kere kwap, keira eporoto lokinera keoŋ kaŋajep naka Aburanian ebe, ‘Saul, Saul, kanukinyo kireitor eoŋ? Kitionikinit ijo aipet iketetin.’ Kabala ebe, ‘Iŋai bo ijo, Ejakait?’ Katema eoŋ Ejakait atiar, ‘Eoŋ Yesu loireit ijo. Konye konyou, kobwo kakejekon; naarai ketakanikin jo kanuka nu, adakakin jo araun ekejaanakinan ka ekajenan loka akiro nuibu koanyunia eoŋ, ido kaŋun nuketakanikinor, kayuuni jo kama kituŋakon ka Imo da-lukeyakiari mamakec, aitwekenyun akecekonye, tetere ibelokinos ainyein amuton kesesenata aica, ainyein da apedor naka Satan kosesenata Edeke, kosodete adumun aisionio adiakanareta, ka airumet kokidiŋ; kaŋul kaluitalaunitai kanuka aiyuun naejai tomakaŋ.’ “Kanuka ŋun, wu Ekabaka Agiripa, mam abu kepaliik aitapoet nakakuj, konye abu kageu alimonokin luko Damasiko, kosodi koYerusalem, kotoma akwap kere da naka Iyudayan, ka Imo da, ebe kitoronikinos, kibelokinos mama ejai Edeke, iswamaete aswamisio nuibusakinito aitoronikin. Kanuka ŋun ŋes kekamuniata Iyudayan kotoma oyekalu, katamakis aiar da. Aso kiton lolo adum aisigalikinio naebuni kama ejai Edeke, abwoi aitejenun ludidik ka lukapolok da, kwabo mam eneri akirot dimarai ŋun nukinerasi Musa ka inabin ebe ejaunete: ebe ibusakinit Kristo aiticanio, ido da korau ŋesi losodit ajarun kokatwak, elimonokini aica mama ejaas ituŋakosi ka Imo da.” Kosodi nakeiyaror kwaŋin, kotema Pesito keporoto loepol atiar, “Kikerepiki cama ijo, Paul, kijulaki jo aisisiakon naepol.” Konye kobala Paul ebe, “Mam kekerepikinit, wu Pesito lokaibuses, dimarai enera akiro nukabeit ka nukapirianut da obe. Naarai ejeŋi ekabaka nuka akiro kaŋun, eoŋ da enera kaŋes katitiŋ; naarai etogogoŋit ebe emamei akirot kotoma kaŋun naimunonikinitai ŋes, naarai mam nu eswamas kagor. Ekabaka Agiripa, iyuunit tope ijo inabin? Ajeni ebe iyuunit.” Kotema Agiripa Paul atiar, “Kanaesupaana ikoto aituluor eoŋ da Ekristayot!” Koboŋok Paul ebe, “Arai kanaesupaana, arai kanaepol elipi Edeke mere ijo bon, konye kaŋul da kere lukapupete lolo, koraut kwape keoŋ-dimarai aeneta nu.” Kosodi kobwo ekabaka, ka ekayaiton ka Berenike, ka ŋul lukiboiete kakes; napenyounete, kineranakinos ebe, “Mam etuŋanan lo iswamat akirot naibusakinitor atwanare karaida aenio.” Kobala Agiripa Pesito ebe, “Arai kedim etuŋanan ŋol aiyatakinit mama ejai Kaisar ti kelacakin.” Kosodi nakicorakinere sio aikwaŋar kiton Italia, kijaikis Paul ka ienan ice mama ejai ekapolokiton erioŋet loka Augusito, ekekiror Yulio. Kadokas ataker naka Aduramutio, nakekapakina alosit kiton oreria luka oitolima luka Asia, kekwaŋasi, kauparos ka Arisitariko Emakedoniat loko Sesalonika. Apaaran naatupakini kadolo Sidon; kikonak Yulio Paul asianut, kocamak ŋes alosit mama ejaas ipaperoke tetere imukeo. Kanyoutu kanen kekwaŋaros kediata keririto Kupuro, naarai kemeunito ikwamin kakonyen. Ketoro aŋolol naka Kilikia ka Pampulia, kadolo Mura nako Lukia. Kanen kodum ekapolokiton ataker naka Alegesanderia idiai Italia, kadokikis ŋin, Kekwaŋaros motimot apaarasia nuipu, kadolo Kinido kationis, ido naarai kitikokinit ekwam, keririata Kurete katereikina Salumone, Ketoroto kationis aapu koitolima, kadolo aibois naenyaritai Odoketa Lukajokak naidunyas ka ere Lasea. Kiilonya apaarasia, kojau aronis alosit naarai atuboros apaarasia nuka Ailuŋ, kidelu Paul, kobala kes ebe, “Lukipa, aanyunit eoŋ ebe ejaun amunaar ka atwaniar alosit na, mere iboro bon ka ataker, konye aijarawok da.” Konye abu ekapolokiton kopupok ekekwaŋan lokapolon ka elopet ataker aitelekarit ŋun nuenera Paul. Ido da mam ebusakinit edoket ŋol aiboio apak naka aaterot, kidelut luipu kakesi aikwaŋar anyoun kanen, tetere elemuni edolete Poenike, edoket loka Kurete, loetereikina agolitome nakokide, ka egalakimak nakokide, kasala nen kapak naka aaterot. Kosodi napekusi ekwam lokeŋalakimak kiyamakina, koomitos ebe adumutu nukekotos, kibwosut edobo lokitapaikinet, kikwaŋaros aapu koitolima loka Kurete. Ketubor apak naedit kokut ekwam lokagogon, loenyaritai Eurakulon ebuni kaneonit, Kokutar ataker, mam epedoro atereikina ekwam, kajalakisi kikutario, Kanen ketoro atipet ariri naka apujan naedit naenyaritai Kulauda, kekurautu ajen itaker. Kekiasi ŋes, kitwasamata aisigalikineta, koenikis kwap ataker; ido naarai kokuriaka aipok koSuritis, kijoliliosi iboro, kwaŋin kokutarai. Naarai kiiliilit ekwam, apaaran naatupakini kogeut acakar iboro aŋolol; apaaran nakiwuniet da kocakanasi kakaninikec ikulepek iboro luka ataker. Mam atakani akoloŋ karaida aacer apaarasia nuipu, kokuta sio ekwam loededeŋ, kokau kodaun amun kere naka aitajario. Nakiboioto apak naapol mam enyamete, kosodi kobwo Paul kokidiŋikec, kotema atiar, “Lukipa, ti ebusakinit yes aiirar eoŋ, amamus aikwaŋar anyoun koKurete, adumun amunaar ka atwaniar na. Aso kwana kecori yes kolakaros; naarai emameun yenetwaniari akeijar, dimarai ataker bon. Naarai kakuar kana abu emalaika loka Edeke, loarai eoŋ lokeŋ, loamaenenei da, kobwo aapu keoŋ, kalimok eoŋ ebe, ‘Paul, sirikikurianar; ibusakinit ijo aibwo kakonyen nuka Kaisar; ido koany, kiinak Edeke ituŋa lu kere luiupatar.’ Aso, lukipa, kolakaros, naarai eyuunit eoŋ Edeke, ebe ejaun kwape kalimokinitere. Konye ibusakinit aipok kapujan.” Kosodi kedol apaaran nakitomonet kaoŋon, nakikaleleor aŋolol naka Adiria, bala kidiŋ ebai koomitos ikekwaŋak ebe aapikis neeonit. Kitemo, kodumut aidules akaisaarei; kiyatakis edit kitemo bobo, kodumut aidules atomon kakany. Kokuriakaros aipok katiban, koosikis idoboi iwoŋon lukitapaikinet kokori, kilipa akwap aiwalar. Nakekototor ikekwaŋak aisii kataker, apotu kijoliliosi itaker toma aŋolol, kijoseikinito bala eosikinete idoboi lukitapaikinet kokume. Kolimok Paul ekapolokiton ka iserikalei ebe, “Dimikito esalete ituŋa lu ataker, mam ipedorete aitajario.” Kosodete iserikalei aitub aunoi nuka itaker, kojalakis kodo. Napiwalari, kiŋaiŋa Paul kes kere ainyam inyamat, kobala ebe, “Lolo ŋes apaaran nakitomonet kaoŋon aidaret kailuŋ, komam inyamete ibore. Aso keŋaiŋait, konyamata; naarai eraun mamakus aitaiario, naarai emamei karaida etimat loka akwesikus loeoliori.” Kedau einer ŋun, kolem emugati, kimala Edeke kakonyenekec kere, kobil, kogeu ainyam. Kosodete kolakaros kere, konyama kesi da. Isio lukija toma ataker kimwa ituŋa kere akwat aarei ka akaisakanykaarei, ka lukanykape. Kedaut aimonikin, kitebebenata ataker, kocakakis akima aŋolol. Kiwala akwap, mam ejenuna akwap ŋin, dimarai apotu koanyutu agule naejai oitolima, kinerut aisukunyar ataker ŋina arai epedor. Kocakasi idoboi lukitapaikinet, kinyeis kes kaŋolol, nepepe kaijarijar aunoi nueenis aiteteneta; kikeut egoe tetere ekutari ekwam kobeasi oitolima. Konye kodoloto neiriamata akailan kipok ataker kokwap, kiminaikin ekume, kosalak komam ijaŋijaŋa, konye kobila akailan ekori. Kinerut iserikalei aiar ienan, kinye idiokakesi aiduor ka aisi; konye kokoto ekapolokiton aituku Paul, kitikok kinyeis aswam nuenerunitotor. Kicorak luapedorete aidu kisiaut aibironokin aŋolol kobeata neeonit, lukesalete da kabaoi ka oboro ke luka ataker. Kwaŋin kokuasi ituŋa kere neeonit. Nakidaunia aiku, kajenut ebe apujan ŋin kenyaritai Melita. Kiswamakis sio ikulepek akwap asianut namam etapit, naarai apotu kinokokis akim, kisukunyikis sio, kanuka edou loketepi, ido kanuka aterot da. Nakeraraa Paul ekesit loka akito, kibwaik akim, kolom emusaga kanuka amwanis, kidolakin akanike. Nakeanyuniata ikulepek akwap emun edelideli kakanike, kotemanaros ebe, “Abeit erai etuŋanan lo ekaaran, Karaida kekuit kaŋolol, mam Etube isiikit ŋes aijar.” Konye ŋes kilakilakak emun akim komam edumunit amusuŋut, Kidarito, komunosi ŋes abuun arai aibiror atwanare eŋeso; konye kedaut aidar apak naepol koanyut ebe amamei adiomusuŋut kere, kibelokinos kotemasi ebe erai edeke. Aapu kaibois kaŋin kejaas amanat nuka ekapolon loka apujan, ekekiror Publio, kisukunyik ŋol sio ketau loka eipaperone apaarasia auni. Kosodi kanen kedeka papa loka Publio ekamidi ka aleporit aokot, koloma Paul mamakeŋ, kilip, kidokok ŋes akekanin, kitaŋaleu, Akaulo kaŋun, kopotu ice lukedekas kapujan kaŋin kitaŋaleunoi. Kosodete kitubusikis sio kainakineta nuipu; ido nakikwaŋaror kibwaikis iboro kere lukipuda ataker, Akaulo naka ilapio iuni, kediata kataker naka Alegesanderia, nakesalakinit apujan apakio nuka aterot, aanyuneteke kerai Iinacan Imwatok, Kadolo Surakusa, kasalakis nen apaarasia auni. Anyoun kanen kerimosi kadolo Regium; ketubor apaaran adiopet kokut ekwam lokeŋalakimak, kadolo Puteoli apaaran nakiareit. Kanen kadumut iinacan, kiŋaiŋaata sio asalakin mamakec apaarasia akanykaarei. Kwaŋin kadolo do Rome. Kiirasi iinacan lukaŋina nukosi, kopotu kiton Agwelanaret naka Apius ka Iswamin Iuni aisiriam sio. Nakeanyunia Paul kes, kimal Edeke, kotitiŋior. Nakilomaria Rome, kocamakinai Paul aiboi bon nepepe ka eserikalet loidari ŋes. Akaulo kapaarasia auni konyarau lukeraas ikapolok koYudayan; kedaut atukokin, kotema kes atiar, “Iinacan, karaida mam eswamat aronis kotuŋa karaida koponesio luka lukapapaawok, aponi kejaikin ko Yerusalem toma akanin nuka Iromayon aenio. Kaadaut aiŋitanar, kakotosi alacakin, naarai kemamei adiokirot kamakaŋ naaret, Konye nakepegatar Iyudayan, ketiŋaikin aiyatakin mama ejai Kaisar-kwabo amamei nakiwosaet ituŋa luka atekereka. Aso kanuka ŋun kanyarautu yes aponare aanyun eoŋ keiner keoŋ, naarai kanuka amun naka Isirael ŋes kaenitere korikot kalo.” Kotemasi kesi ŋes atiar, “Mam sio kidumunit ebalua anyoun koYerusalem kakirokon, ido emamei onace edio da loebunit ne loelimorit ka ainerit akirot naerono kanukon. Konye kikoto apupun kamakon nuiwomit; naarai kanuka akiro nuka erioŋet kalo ejenikina kamakosi ebe ereitai noi kaŋinikibois.” Kedaut aseikin ŋes apaaran kopotu luipu noi mamakeŋ togo lokiboio. Kitetemik kes ka aitejenun ameun tupuruc kiton eboŋ nuka ajakanut naka Edeke, ikujokini akiro nuka Yesu kanuka ikisila luka Musa ka inabin da. Apotu ice kiyuut nuenerai, kwabo ice mam iyuuna. Namam kecamanarotor, koloto do, kedau Paul einer akirot adiopet na ebe: “Abu Emoyo Lokalaunan kinera kotenan kama ka enabi Isaia mama ka lukapapaakus ebe: ‘Kolot mama ejaas ituŋa lu, kolimok kes ebe: Kiiranarete konye mam ijenunete, Koanyununete da konye mam imisiikinete, Abaŋaakata itauon luka ituŋa kalu, Ijikititas akiikec, Itumudakito akecekonyen, Kinyeis aanyun kakonyenekec, Ka aiirar kakeceki, Kojenut kotauonokec, Kibelokinos ketaŋaleu kes.’ Aso kojenutu ebe ejukakin aitaiario na naka Edeke Omo: iirarete kesi da.” [ Kedau einer ŋun koloto Iyudayan, epeganakinos noi.] Kodau Paul ikar iarei kotogoke loketacanakini, kisukunyanakinenei kere lukeponenenete mamakeŋ, elimonokini ajakanut naka Edeke, ido ka aisisianakin katitiŋ akiro nuka Ejakait Yesu Kristo, komam itikokinio. Paul ebulesit loka Kristo Yesu, Iokenyaraunio araun: ekiyakia, Iokegitakinio alimonokin Akiro Nukajokak nuka Edeke, nuesumunit Edeke kolo kama ka inabinoke kotoma nukiwadikatai nukalaunak, kes akiro nuka okokuke Yesu Kristo Ejakaitiwok, lokeurio kaur naka Daudi kwape ejaar akuan, loedakakinitai araut Okoku loka Edeke kapedor kwape ejaar Emoyo loka Alaunit, kanuka ajarun kokatwak, kotomakeŋ ŋes kipou kadumuniata asianut ka eiyakiane tetere erimarete lukatekerin kere aiyuun kanuka ekekiror, kotomakec yes da kinyaritai araut luka Yesu Kristo; Mama ejaas ŋul kere luejaas Rome luminan luka Edeke luenyaritai araut ikalaunak: Asianut kojai mamakus ka ainapakin nuepote kama ejai Edeke Papawok ka Ejakait Yesu Kristo. Esiauni aimal Ekadeke kotoma Yesu Kristo kanukus kere, naarai elimonokinio akusiiyuun anatar akwapin kere. Naarai Edeke, loamai komoyoka kotoma Akiro Nukajokak nuka Okokuke, ŋes ekajenanika ebe alimununei yes kailipika komam apalari. Ecebokinit ailip arai motoko kanuka akoteke kesipedori Edeke arurukun mama ijaas. Naarai kemuit aanyun yes tetere kekopakin yes adioinakinet naka emoyo nakiticasi yes, ŋes atemar ebe aitalakanario bonik ka bonik kanuka aiyuunikus, ka nakaŋ da. Konye iinacan, akoto yes ajenun ebe irwan ipu alosikinit abunore mamakus, tetere adumuni adioraito kamakus kwape kama kImo ice, konye ketikokinitai kiton kwana. Keburaete Iyonanin ka lukacekwapin da, keburaete lukacoa ka lueolito da: kanuka ŋun akapakina eoŋ kowaika alimonokin Akiro Nukajokak kiton mamakus da luijaas Rome. Naarai mam Akiro Nukajokak kesurumito ileic: naarai erai apedor naka Edeke ainun aitajario mama ejai ŋinituŋanan yeniyuuni, mama ejai Eyudayat ber, ka Eyonanit da. Naarai tomakec epukoritai adolit naka Edeke, anyoun kaiyuun kiton aiyuun; kwape iwadikatere ebe, “Ebusi ikadoliton kanuka aiyuun.” Naarai epukoritai anyunyura naka Edeke abunore kokuju mama ejai epali kere ka amamus adolit naka ituŋa luitikokinete abeit kanuka amamus adolitekec, Naarai ejenas akiro nuka Edeke ideleleete kotomakec, naarai abu Edeke kisideleleu mamakec. Naarai ameun kaisub akwap, atakanut iboroke lumam etakanete, ŋes atemar akepedor namam enaŋi, ka Eidekeoneke, kotoma oboro lukesubi. Aso emamei kes aiyar: naarai apotu kojenut Edeke, mam kes itubusikinito ŋes kwape Edeke, karaida aima ŋes, dimarai kooliosi kotoma aomisiokec, kitumutoroi ikecetauon luemamei ajenun. Kineras ebe eraas lukacoa, kobaŋaakaros, kisiecata aibuses naka Edeke lomam etwani aituputoor aputosia nuka ituŋa kaluetwakete, arai nuka akweny, arai nuka itiaŋ, arai nuka lueliatos. Kanuka ŋun abu Edeke kojalak kes toma oraŋasia luka itauonokec mama ejai amamus aila, ka aitisilio da naka awatekec bonik ka bonik, naarai apotu kisiecata abeit naka Edeke araun aiŋal, koyoŋito komaata da isubat itia Ekasuban loituritoi ikar kere! Amen. Kanuka ŋun abu Edeke kojalak kes ainekit naka ileic, naarai apotu aŋorokec da kilocokis einono lokaurunet aituluor lomere lokaurunet, ikiliok da kwape kwaŋin kinyeis einono lokaurunet loka aberu kibworo kotoma oraŋakec ŋolituŋanan mama ejai locekeŋ, ikiliok kiswamanakis ikiliok nukileic, ido koinanakinos eropit loebusakinit apaarikec. Ido kwape mam apotu kocamuniata ajenun Edeke, abu Edeke kojalak kes aomisio numam ajokis, kiswamata numam ibusakinito. Ileleba amamus adolit kere, nukaronok, airaŋaanut, ameŋeranut; ileleba ekokote, earit, aŋolopa, aiŋal, aomisio nueroko, ikedeideok, ikasiomak, luelaito Edeke, lukepali, luepogaka, luituros, ikapwakak nueroko, luiulakinito ikauriakakec, luemamei acoa, luejalete aitutuket, lumam eminanara, luemamei aitim, luejenete aitepesenit naka Edeke, ebe luiswamaete nuikote nen ibusakinit atwanare, mam bon iswamaete ŋun, konye itojokito da ŋul lukiswamaete ŋun. Aso emamei jo aiyar, ijo ituŋanan yenitubokini yenice; naarai ŋun nuitubokini yenice, itubokin ilopet aitelekar, naarai jo yenitubi, iswamai da ŋupeŋun, Kijeni oni ebe aitub naka Edeke erai nakabeit mama ejaas ŋul luiswamaete nuikote nen. Ijo ituŋanan, yenitubokini luiswamaete nuikote nen, iswamai ijo da ŋupeŋun, iwomit ebe ikui tope kaitub naka Edeke? Imwaŋit kereka ijo abar naka ajokisike, ka aŋirikin, ka atitiŋikinitike da? Mam kereka ijeni ebe ajokis naka Edeke kiriuni jo aitoronikin? Konye kanuka aninikukon, ka etaukon loemamei aitoronikin, iŋadakin bon anyunyura kapaaran naka anyunyura ka apukorio naka etube loedolit loka Edeke, loetacakini ŋinituŋanan kwape ejaatar aswamisioke; mama ejaas ŋul luemoete aibuses ka ayoŋio, ka aibut, kotoma atitiŋ naka aswamisio nuejok einakini aijar naka ikar kere. Ido kaŋul kalueŋolopaka, luiulakinito abeit, luerimasi amamus adolit, edumunete anyunyura ka adedeŋ. Ejaunete ican ka aridakinio toma aijar naka ŋinituŋanan yeniswamai nueroko, aisiaun lyudayat, ka Iyonanit da, konye aibuses ka ayoŋio ka ainapakin mama ejai ŋinituŋanan yeniswamai nuejok, aisiaun Iyudayat, ka Iyonanit da. Naarai emamei aitiak ituŋa kama ejai Edeke. Naarai lukediakarete kere komameete ikisila, emudiaros da komameete ikisila, ŋul da kere lukediakarete kojaas kikisila, etubokinio kokisila. Naarai mere ŋul luiirarete ikisila kes eraas ikadolitok kakonyen nuka Edeke, konye ikeswamak ikisila kes luitojokio araut ikadolitok. Naarai naiswamaata Imo luemameete ikisila koinono loka ikisila, karaida emameete ikisila eraas kesi ikulepek ikisila. Itodikinete ebe iwadikatai aswam naka ikisila toma otauonokec itejenikini da etaukec, iwosaete akeceomisio nuepegasi bonik ka bonik, arai bo eiyaros; kapaaran naetubokinia Edeke nukaiyeiyea nuka ituŋa kama ka Yesu Kristo kwape ejaatar Akiro Nukajokak nuketitiŋitai eoŋ. Konye jo, arai kinyaritai Eyudayat kogoŋakina okisila, iwoloboboi kama ejai Edeke, kojeni nuekoto ŋesi, icamuni da nuitelekarito ajokis, kituutooritai kotoma okisila, itogogoŋit bon araut ekeŋarenon loka imudukiok, aica da naka ŋul kaluejaas amuton, eketetenan loka ibaŋiok, ekesisianakinan loka imukerun, ijai kaput naka aijen ka abeit toma okisila, aso jo loisisianakini loce, mam tope isisianakini bon? Jo loilimonokini ebe Sirikokoi, ikokoi kereka ijo? Jo loibala ebe Siridote, idotei ijo? Jo loisacit aputosia, iŋasi ijo abilai? Jo loiwolobobot kotoma okisila, itisili kereka Edeke kanuka apaar kokisila? Naarai kwape iwadikatere ebe, “Einyanakinio ekiror loka Edeke katekerin kanukus.” Naarai ejai akepio ajokis arai iswamai ikisila; konye arai irai ijo loipaarit kokisila, arau akonikepio amamus akepio. Aso arai erici lomam ekepep aicorakineta nuka ikisila, mam kereka amamus akepioke imarakinio araut akepio? Ŋol da lomam ekepitai koinono loerici ikisila, mam kereka kitubokini jo loijaas kaiwadikaet ka akepio da, loipaari kokisila? Naarai ŋol loerai Eyudayat kokuju mere ŋol Eyudayat cut, karaida akepio nakokuju toma akuan; dimarai ŋol loerai Eyudayat kotoma, ka akepio nakotau kotoma omoyo kwabo mere aiwadikaet. Akeiturio mam ebuni kotuŋa dimarai kama ejai Edeke. Itelekarit kereka Eyudayat kinyo? Arai anyoin bo ajokis naka akepio? Itelekarit noi kaŋolipone. Nasodit, naarai isiŋadikinitai Iyudayan akiro nuka Edeke. Anyoika bo arai ice kakesi araas lumere lumunon? Amamus amunonutukec itapalauni tope amunonut naka Edeke? Madi akuj! Korai Edeke lokabeit, ŋinituŋanan da ikeŋalan, kwape iwadikatere ebe, “Tetere itojokio araut loedolit kakirokon, Ipikori da kotoma atubokiniokon.” Konye arai amamus adolitewok iticasi adolit naka Edeke, kenera anu? Ebe Mam Edeke erai loedolit aitican oni kanyunyura? (Enera kopone loka etuŋanan.) Madi akuj! Kanuka ŋun ikonakini ai Edeke etubokini akwapin? Konye arai kanuka aiŋalaka iyatanakini abeit naka Edeke aitodiar akeibuses, kanukinyo eriŋa katubokinitere eoŋ kwape ekadiakanaran? Ido kanukinyo mam kibalar ebe, “Keswamata nukaronok tetere epote nukajokak”? kwape kisabanakiniata icetuŋa sio ebe kinera isio kwaŋin, Edolit atubokiniokec. Biai bo do? Kijokuka oni aitelekarit ice? Mam cut, nepepec da; naarai kidau aosan Iyudayan ka Iyonanin da kere ebe eyait adiakanar kes, kwape iwadikatere ebe: “Emamei ikadoliton, karaida idiopet; Emamei yenejenuni, emamei da yenemoot Edeke. Apaasi kere, emamei kes kere ajokis; Emamei yeniswamai nuejok, emamei karaida idiopet.” “Elogorotokec ŋes ailit naeŋaara; Ijodijodete kaŋajepakec, Eiai aisorit naka emusaga kwap kaŋajepakec.” “Ileleba aitukekec elamit ka adwaris.” “Erurukito akejenekec abukor aokot, Ejai amudiar ka aburun orotinikec, Mam apotu kojenut erot loka ainapakin.” “Emamei ayoŋit Edeke kakonyenekec.” Aso kijeni ebe akiro kere nuelimito ikisila, inerasi mama ejaas ŋul lueyaito ikisila, tetere itubutario ŋiniituk, akwap kere da kojau otube loka Edeke. Kanuka ŋun emamei yenejai akuan yenitojokio araut yenedolit kakonyeneke kanuka aswamisio nuka ikisila, naarai kanuka ikisila ŋes ejenunor adiakar. Konye kwana edeleleu adolit naka Edeke komameete ikisila, itejenunitai kokisila ka inabin da, ŋes adolit naka Edeke naejai kanuka aiyuun Yesu Kristo, mama ejaas kere luiyuunito. Naarai emamei atiaketait; naarai adiakasi kere, komam edolokinito aibuses naka Edeke, akesianut naeinakini atitai ŋes itojokit kes araut luedolito, kanuka alakunio naejai toma Kristo Yesu, loibwaikinit Edeke araut aitupucet kanuka aiyuun akeokot, tetere itodikini akedolit kanuka ajalakin adiakanareta nukolo nueŋirikinit Edeke; kosodi kitodik adoliteke kapak kana, tetere eraun loedolit ka loitojoki da ŋin yeniyuuni Yesu araut loedolit. Aso ai bo ejai aolobobot? Agolor kiŋa, Kanuka ikisila inyoika tope? Luka aswamisio? Mam cut, konye kanuka ikisila luka aiyuun. Naarai kitogogoŋit ebe itojokio ituŋanan araut yenedolit kanuka aiyuun, komameete aswamisio nuka ikisila. Erai kereka Edeke loka Iyudayan bon? Mam kereka erai loka Imo da? Eebo, loka Imo da, naarai erai Edeke ediopet; loitojoki luekepitai kotoma aiyuun, ka lumam ekepitai da kanuka aiyuun ŋipeŋin. Aso kitapalauni kereka ikisila kanuka aiyuun ŋin? Madi akuj! Konye kiticasi ikisila. Aso kinera anyoika nuka Aburaam papaakosi kwape ejaar akuan? Naarai arai kitojokitai Aburaam kanuka aswamisioke, ejai naeolobobaa, konye mere kakonyen nuka Edeke. Naarai inerasi biai nuiwadikatai? Ebe, “Abu Aburaam kiyu Edeke, kimarakinai ŋes araun adolit.” Konye mama ejai ekeswaman, mam ekeropit imarakinio kanuka asianut, dimarai iburao. Kwabo mama ejai yenimam iswamai, konye iyuuni ŋol loitojoki luetumaaka, imarakinio akeiyuun araun adolit. Kwape inerar Daudi ebe isirereŋitoi ituŋanan yenimarakinit Edeke araun ikadoliton komameete aswamisio; Ebe, “Isirereŋitoi luisionio aronisio, ka luerapitai da adiakanareta; Isirereŋitoi etuŋanan lomam Ejakait imarakinit adiakar.” Aso ca isirereŋitoi ŋol loekepitai arai bo ŋol lomam ekepitai da? Naarai kinera ebe, Kimarakinai aiyuun naka Aburaam araun adolit. Kimarakinio biai? Kedaun aikep, arai bo eroko kekepa? Mere kedaun aikep, dimarai eroko ekepa, Abu ŋesi kodum akepio araun aanyunet arai nakaipucakinet naka adolit naka akeiyuun eroko ekepa, tetere eraun papa loka lukeyuunak kere karaida mam ekepitai, tetere imarakinio kes adolit. Eraun da papa loka akepio mere mama ejaas ŋul luekepitai bon, konye mama ejaas ŋul da luetupito ikukut luka aiyuun naka papaakosi Aburaam nakejaatar eriŋa ekepa. Naarai aisumunet ŋin mama ejai Aburaam ka aurike da ebe eraun ekeruman loka akwapin, mam kebuni kokisila, dimarai kanuka adolit naka aiyuun, Naarai arai luka ikisila kes ikerumak, eraun aiyuun atitai, aisumunet da itapalaunio. Naarai eyaŋaunete ikisila anyunyura, konye naemameatar ikisila emamei apaar. Kanuka ŋun ebuni aisumunet kotoma aiyuun, tetere egoŋakina aisumunet asianut, kitogogoŋoi da mama ejai aur kere, mere mama ejaas ŋul luka ikisila bon, dimarai mama ejaas ŋul luka aiyuun naka Aburaam, (loerai papaawok kere, kwape iwadikatere ebe, “Kadakaki jo araun papa loka atekerin nuipu,”) kakonyen nuka Edeke loiyuunit ŋesi, loeinakini lukatwak aijar, loenyarauni da iboro luemameete bala luejaas. Kemamei amun abu kiyuu kotoma amun, tetere eraun papa loka atekerin nuipu; kwape kelimokinere ebe, “Kwape kwaŋin ejaun akoniwur.” Mam abu akeiyuun kononokiar, naaomitor ejautene loka akuanake naketwanit, nakeraar loka ikar bala akwatat, ka akoik da naka Sara nakerakakinit, konye mam abu kobuonokin kanuka aisumunet naka Edeke kamamus aiyuun, dimarai kogogoŋor kaiyuun, kitopoloo Edeke, kojeni cut ebe epedori Edeke aswam nuisumunit. Kanuka ŋun, “kimarakinai ŋes adolit.” Konye mam kiwadikatai kanukeŋ bon ebe, “Kimarakinai ŋes”, dimarai kanuwok da, Kiponio aimarakin oni da lukiyuunit ŋol lokitajaruni Yesu Ejakaitiwok kokatwak, lokeinakinio kanuka aibucanaretawok, kitajarunai da aitojok oni araun luedolito. Aso naarai kitojokitai araun luedolito kanuka aiyuun, kajaut kainapakin mama ejai Edeke kanuka Ejakaitiwok Yesu Kristo. Kanukeŋ kidumu erot loka aiyuun lokitodoli asianut ŋin nakibwoia, kiwoloboboi da kotoma amun aibuses naka Edeke. Kwabo mere ŋun bon, dimarai kiwoloboboi da kotoma aiticanio, kajenete ebe aiticanio eyaŋauni atitiŋikin, atitiŋikin da eyaŋauni aitogogoŋio, aitogogoŋio da eyaŋauni amun, amun da mam itisili, naarai ekwamakinitai amin naka Edeke otauonowok kanuka Emoyo Lokalaunan lokiinakinitai oni. Naarai nakirokor kikalanyaka, kedol apak abu Kristo kotwanik luetumaaka, Naarai etiono ituŋanan atwanikin ikadoliton, konye diat eluŋakin ituŋanan aŋirikin atwanikin yenejok. Konye iturit Edeke akemin mamawok, naarai nakirokor kirai ikadiakanarak abu Kristo kotwanik oni. Aso aitelekarit noi kiidau kwana aitojokio kotoma akeokot, kitajario da kanukeŋ alemunio kama ejai anyunyura. Naarai arai nakiraar kolo lukasurup kitupucitoi kEdeke kanuka atwanare naka Okokuke, aitelekarit noi kiidau aitupucio, kitajario kotoma aijarake. Kwabo mere ŋun bon, konye kiwoloboboi da kotoma Edeke, kanuka Ejakaitiwok Yesu Kristo, lokidumunia kwana aitupuciowok. Kanuka ŋun kwape kelomunia adiakanar akwapin kanuka etuŋanan ediopet, kolom da atwanare kanuka adiakar, kwaŋin kodolok atwanare otuŋa kere, naarai apotu kere kodiakasi— naarai ajai adiakar toma akwap aliŋakin ikisila, konye mam emaritai adiakar naemameatar ikisila, Konye erumit atwanare ameun ka Adam kiton Musa, erumit da ŋesi lumam apotu kodiakasi kopone loka apaar naka Adam, loerai aput naka ŋol kaloebunit. Konye ainakinet mam eputos kaibucaret. Naarai arai apotu luipu kotwaka kanuka aibucaret naka ediopet, aitelekarit noi epoloor asianut naka Edeke ka ainakinet naejai toma asianut naka etuŋanan ediopet Yesu Kristo, kanuka luipu. Ido ainakinet mam eputos kanaayau loadiakaa. Naarai etube loabu kobu kanuka ediopetuŋanan abu koyau atubokinio, konye ainakinet naabu kobu kanuka aibucanareta nuipu ayau aitojokio. Aso, arai kanuka aibucar naka ediopetuŋanan abu atwanare kirum kanuka etuŋanan ŋol, aitelekarit noi ŋul luedumunete aipadara naka asianut ka ainakinet naka adolit irumete toma aijar kanuka etuŋanan ŋol ediopet, Yesu Kristo. Aso ca kwape iriaria aibucaret adiopet ituŋa kere atubokinio, kwape kwaŋin iriaria aswamisioit adiopet nakadolit ituŋa kere aitojokio ka aiiar da. Naarai kwape keraunotor luipu ikadiakanarak kanuka epali loka ediopetuŋanan, kwape kwaŋin itaraunio luipu ikadolitok kanuka arima naka etuŋanan ediopet, Apotu ikisila kolomut tetere iyatanakin aibucar; konye nekiyatakinor adiakar, abu asianut kodepa noi noi, tetere kwape erumitor adiakar kotoma atwanare, kwape kwaŋin irumi asianut kanuka adolit kiton aijar naka ikar kere kanuka Yesu Kristo Ejakaitiwok. Aso do kinera anu? Kasalakis kereka adiakanar, tetere iyatakin asianut? Madi akuj! Oni lukitwaka kama kadiakar kikwaikini ai kirina kibusi kotomakeŋ? Arai bo mam ijenete ebe oni kere lukibatisatai kotoma Kristo Yesu, aponi kibatisai kotoma atwanareke? Aso aponi kidaai nepepe kaŋes kanuka aibatis kotoma atwanare, tetere kwape kitajarunere Kristo kokatwak kanuka aibuses naka Papa, kwape kwaŋin oni da kilosenenei kaijar nakitetet. Naarai arai kirotakinitai kaŋes kotoma aput naka atwanareke, kwape kwaŋin kirotakinio kotoma aput naka ajarunike. Kijeni na ebe aponi etuŋananiwok lokolo kibubukinoi kaŋes, tetere itapalaunio akuan nakadiakanar, komam bobo adiakanar kitubuleseni oni. Naarai yenatwana eosikinitai anyoun kadiakar, Konye arai kipou katwaka nepepe ka Kristo, kiyuunit ebe kijari da nepepe kaŋes. Kijeni ebe kedau Kristo ajarun kokatwak, mam etwani bobo, mam bobo atwanare eyait ŋes. Naarai atwanare naketwani, abu kotwanik adiakar irwan atipet bon, konye aijar naejari, ejari mama ejai Edeke. Yes da kwape kwaŋin koomito bonik araut lukatwak kama ejai adiakar, konye ikajarak mama ejai Edeke kotoma Kristo Yesu. Aso kinye adiakar airum awatekus nuetwakete, yes arimar aiŋobelekec, Kwabo sirijaikinete akusitutubeta mama ejai adiakar aitwasamaa amamus adolit, dimarai kijaikis bonik mama ejai Edeke, kwape ikajarak luanyout kokatwak, akusitutubeta da mama ejai Edeke aitwasamaa adolit; naarai mam adiakar kiyait yes, naarai mere ikisila kiyaito yes, dimarai asianut. Biai bo do? Kadiakasi, naarai mam ikisila kiyaito oni, dimarai asianut? Madi akuj! Mam kereka ijenete ebe loijaikinos bonik arimar kwape ibulesin, iraas do ibulesin luka ŋol kaloirimarito, arai adiakar naeyauni atwanare, arai bo arima naeyauni adolit? Konye kimalai Edeke, naarai iraas kolo ibulesin luka adiakar, konye ipotu korimasi kotauonokus aput naka aisisianakin nakiinakinio yes, ido nakiwosikinere anyoun kadiakar koraut ibulesin luka adolit. Enera eoŋ kopone loka etuŋanan kanuka akalanyanut naka awatekus. Naarai kwape kijaikiniata kolo atutubetakus aitwasamao kotoma amodokok, ka epali loeyauni epali, kwape kwaŋin kijaikis do kwana atutubetakus aitwasamao kotoma adolit naeyauni aitalaunio. Naarai nakiraatar ibulesin luka adiakar, kiwosikinitai anyoun kadolit. Anyoika kereka araito nuipotu kodumut kapaarasia kaŋun, kakiro kaŋun nukisurumito kwana ileic? Naarai awasia naka akiro kaŋun ŋes atwanare. Konye kwana kidaut aosikinio anyoun kadiakar iraut ibulesin luka Edeke, idumut araito nueyaunete alaunit, awasiakec da ŋes aijar naka ikar kere. Naarai eropit loka adiakar ŋes atwanare, konye ainakinet naka Edeke erai aijar naka ikar kere kotoma Kristo Yesu Ejakaitiwok. Iinacan, mam kereka ijenete-naarai enera kaŋul kaluejenete ikisila ebe eyaito ikisila etuŋanan eroko ejari? Naarai eenito ikisila aberu naemanyitai eroko okilenike ejari; konye ketwana ekiliokit, eosikinitai ŋin kokisila luka okilenike. Kanuka ŋun enyarao naadote arai kedumun kecekiliokit, apak naeriŋar okilenike ejari. Konye arai ketwana okilenike, eosikinitai anyoun kokisila, mam da erai naadote arai kemany ekiliokit ece. Ikainacan, yes da kwape kwaŋin ipotu kotwakata kama kikisila, kanuka akuan naka Kristo, tetere iraunos luka ece, ŋes ŋol loitajarunitai kokatwak, tetere kidumakini Edeke araito. Naarai nakiraar kolo luka akuan, abu airaŋaanut naka adiakar kiswama kotoma atutubetawok kanuka ikisila, kasodete adumakin atwanare araito. Konye kwana kiwosikinitai anyoun kokisila, kitwaka kama ejai ŋin nakijoreorit, kasodete kejaanakis komoyo lokitetet kwabo mere kaiwadikaet namojoŋ. Aso do kinera anu? Eraas kereka ikisila adiakar? Madi akuj! Konye timam kajenu adiakar kedim ikisila. Naarai timam kajenu aiŋobel kedim ikisila atemar ebe, “Siriŋobelei.” Konye adiakar, naabu kodum apak kanuka aicorakinet, kiswama kotomakaŋ ŋolipone loka aiŋobel, Naarai etwanit adiakar emameete ikisila. Abu eoŋ karai kolo loajari komameete ikisila, konye nakebunio aicorakinet kojaru adiakar, katwana do eoŋ. Kerai aicorakinet naeyauni aijar kosubite ŋin kamakaŋ naeyauni atwanare. Naarai abu adiakar, naabu kodum apak kanuka aicorakinet, keŋala eoŋ, kaaria da. Kwaŋin eraas ikisila lukalaunak, ka aicorakinet da nakalaunan, ka naedolit ka naejok da. Aso do koraun kereka ajokis atwanare kamakaŋ? Madi akuj! Konye adiakar, tetere etakanuni araut adiakar, abu kiswama atwanare kotomakaŋ kanuka ajokis, tetere iyatakin adiakar araut adiakar naerono noi kanuka aicorakinet, Naarai kijeni ebe eraas ikisila luka emoyo; konye eoŋ arai lokakuan, kagwelaritai ayait naka adiakar. Naarai mam ajeni nueswamai, Naarai nuakoto, mere kes nueswamai, konye eswamai nualait. Konye arai eswamai numam akoto, acamunit ebe ejokuka ikisila. Aso kwana mere eoŋ eswamai ŋun dimarai adiakar naiboie kotomakaŋ, Naarai ajeni ebe emamei ibore yenejok yeniboie kotomakaŋ, ŋes atemar ebe toma akuanaka. Naarai ejai akote diekaŋ, konye aswam ajokis be. Naarai mam eswamai ajokis naakoto, konye aronis namam akoto, ŋes eswamai. Konye arai eswamai numam akoto, mam bobo eoŋ eswamai dimarai adiakar naiboie kotomakaŋ. Kwaŋin adumuni ekisil ebe naakotor eoŋ aswam nuejok, kaapikin aronis. Naarai alelakinit ikisila luka Edeke kotoma otuŋanan lokotoma, Konye aanyuni ekisil ece kotoma atutubetaka ejiosi kekisil loka aomisioka, ka aituluor eŋatara loka ekisil loka adiakar loejai toma atutubetaka. Itukwi eoŋ lokican! Iŋai bo kayuuni eoŋ kakuan kana nakatwanare? Emalai Edeke kanuka Yesu Kristo Ejakaitiwok! Aso do eoŋ elopet ejaanakini ekisil loka Edeke kaomisioka, kwabo ekisil loka adiakar kakuanaka. Aso do kwana emamei ŋul luejaas toma Kristo Yesu atubokinio. Naarai kaosikis eoŋ ikisila luka Emoyo loka aijar loejai toma Kristo Yesu anyoun kokisila luka adiakar ka atwanare. Naarai ŋun numam apedorito ikisila, kanuka akalanyanut naka akuan, abu Edeke, naejukunia Okokuke elopet kaput naka akuan nakadiakaran ido kanuka adiakar, kotubok adiakar kotoma akuan, tetere aicorakineta nuka ikisila itodolikinio kotomawok, lumam kilosenenei atupar akuan dimarai atupar Emoyo. Naarai ŋul luetuparete akuan eomitos nuka akuan, konye ŋul luetuparete Emoyo, eomitos nuka Emoyo. Naarai aomit naka akuan ŋes atwanare, konye aomit naka Emoyo ŋes aijar ka ainapakin. Kanuka ŋun aomit naka akuan ŋes aitusurup Edeke; naarai mam enonokikinit ikisila luka Edeke, kwabo mam epedori anonokikin; kes da luejaas toma akuan mam epedorete aisiyalamikin Edeke. Konye arai iboie Emoyo loka Edeke kotomakus, mam ijaas toma akuan dimarai toma Omoyo. Arai da emamei ituŋanan Emoyo loka Kristo, mam ŋin erai yenike. Konye arai ejai Kristo kotomakus, atwakata awatekus kanuka adiakar, konye ejarete ikusimoyon kanuka adolit. Konye arai iboie Emoyo loka ŋol lokitajaruni Yesu kokatwak kotomakus, ŋol lokitajaruni Kristo Yesu kokatwak einakini da akusiwat nuetwakete aijar kanuka Ekemoyo loiboie kotomakus. Aso do, iinacan, kija kapesen, mere mama ejai akuan atupar aijar naka akuan, naarai arai ijarete atupar akuan, ikotosi atwakare, konye arai kitwataniasi aswamisio nuka akuan kanuka Emoyo, ijarete do. Naarai kere luiŋarenikinit Emoyo loka Edeke, ŋul kes odwe luka Edeke, Naarai mam idumunito emoyo loka ebulesene aboŋor bobo akurian, dimarai idumunito emoyo loka araun odwe. Kanuka ŋol kimonya ebe, “Abba! Papa!” Emoyo elopet itejenikini imoyonowok ebe kirai idwe luka Edeke, arai kirai idwe, kirai da ikerumak, ikerumak luka Edeke, luirumete nepepe ka Kristo, arai ca kiiticani nepepe kaŋes, tetere kitubusikinio da kaŋes. Aomit eoŋ ebe aiticanio naka apak kana mam ibusakinit aitiirianio kaibuses naekoto apukokinio oni. Naarai idarete isuban keimiel noi apukokinio naka odwe luka Edeke; naarai kitononokikinai isuban aamameak, mere kanuka eipudikec, dimarai kanuka ŋol lokitononokikini kotoma amun; naarai eosikinio isuban da anyoun kobulesene loka aibos, alomar aosikinio naka aibuses naka idwe luka Edeke. Naarai kijeni ebe idinyasi isuban kere, eriebasi da nepepe kiton tinenikwana; kwabo mere ŋul bon, dimarai oni da ikulepek luejaas araito nugeet nuka Emoyo, kidinya oni da kotomawok, kedareto araut odwe, ŋes atemar ebe alakun naka awatewok Naarai kiponi kitajari kanuka amun. Konye ketakanu ibore yenikemunoi emamei bobo amun. Naarai iŋai tope emunokina ibore yenetakani? Konye arai kimunokina yenimam etakani, kidaret katitiŋikin. Kwape kwaŋin da isigalikini Emoyo akalanyanutuwok; naarai mam kijeni kwape ibusakinitor ailip, konye kinainaanakin Emoyo oni keidiny lomam inerio, Ŋol da loirerei itauon ejeni aomisio nuka Emoyo, kwape ejaatar, naarai iŋaiŋaaŋakini lukalaunak kwape ekotor Edeke, Kijeni ebe iswamaete iboro kere nepepe kanuka ajokis mama ejaas ŋul lueminasi Edeke, ŋes atemar ŋul lukenyaraunio kanuka alosikiniteke. Naarai ŋul luabu kojenu sek, abu koseu da sek aituput kes aput naka Okokuke, tetere erauni ŋesi ekiyai kotoma oinacan luipu. Ŋul da luabu koseu sek, konyarau da kes; ŋul da luabu konyarau, kitojok da kes; ŋul da luabu kitojok, kitubusik da kes. Aso do kinera anu kaŋun? Arai ejai Edeke kanuwok iŋai tope kisurokini oni? Ŋol lomam abu kimik Okokuke elopet, konye koinak ŋes kanuwok kere, mam kereka kikorakini iboro kere da nepepe kaŋes? Iŋai bo iwosai luseuna luka Edeke? Edeke itojokit; iŋai bo etubokini? Kristo Yesu loketwani, konye aitelekarit lokitajarunio, loejai akan nakoteten naka Edeke, loiŋaiŋaanakini oni. Iŋai bo kitiaki oni kamin naka Kristo? Arai bo ican, arai aridakinio, arai areio, arai ebeli, arai amujalal, arai aronis, arai ekileŋ? Kwape iwadikatere ebe, “Kanukon kiario aitiwar akwap, Kimario bala amerekekin nutubutubo.” Konye kotoma ŋun kere kipikori noi kanuka ŋol lokimina oni. Naarai etogogoŋi ebe karaida atwanare, karaida aiiar, karaida imalaikan, karaida lueyaito, karaida nuejaas, karaida nuejaunete, karaida lukapedor, karaida amukurur, karaida aidules, karaida isubat kere, mam kipedorete aitiak oni kamin naka Edeke naejai toma Kristo Yesu Ejakaitiwok. Enera abeit kotoma Kristo, mam eŋalai; itejenunete akaomisio kotoma Emoyo Lokalaunan, ebe kakadakinit noi ka ariebo da namam enaŋi kotauka. Naarai tikapedo ailip eoŋ elopet aikenio atiakario kama ka Kristo kanuka ikainacan, lukatekerika kwape ejaar akuan, kes luka Isirael, lukeinakinio araut odwe, ka aibuses, ka aitutuketa, ka ainakinio ikisila, ka aijaanakin Edeke, ka aisumuneta da; eraas lukapapaa lukec, ido kotomakec alomunia Kristo kwape ejaar akuan. Kituritete Edeke loeyait kere ikar ka ikar. Amen. Kwabo mere ebe ekarun akirot naka Edeke. Naarai luelomunete kotoma Isirael, mere kere luka Isirael obe, karaida keraas lukaur naka Aburaam, mam kere eraas idwe; konye “toma Isaak ŋes enyaritere akoniwur.” Ŋes atemar ebe idwe luka akuan mere ŋul idwe luka Edeke, dimarai idwe luka aisumunet imaritai araut akeur. Naarai akirot na ŋes ebalar aisumunet ebe, “Kedol apak, aboŋuni, ido ejaunete Sara da kikoku.” Kwabo mere ŋin bon, konye Rebeka da kedum akoik kokiliokit ediopet, ŋes Isaak papaawok, karaida mam ber euruunitai idwe ŋul, komam iswamato adiokirot naejok arai naerono, tetere icasit alosikinit naka Edeke naka aseun, mere kanuka aswamisio, dimarai kanuka anyariteke, aponi kolimokinai ŋin ebe, “Ijaanakini lokapolon lodidi.” Kwape iwadikatere ebe, “Abu kamina Yakob, konye kala Esau.” Aso kinera anu? Ejai kereka amamus adolit kaneejai Edeke? Madi akuj! Naarai ebala ŋesi Musa ebe, “Etimi yenakoto aitim, ido ekonakini asianut yenakoto aikonakin asianut.” Aso do mere kanuka loekot karaida loekeri, dimarai kanuka aitim naka Edeke. Naarai ebala nakiwadikatai Parao ebe, “Kanuka nu ŋes ketonyounio jo tetere etodikini akapedor mamakon, ido tetere elimorio ekakiror kakwapin kere.” Aso do itimi loekot, ido itininiki loekot. Aso kitemari eoŋ ebe, “Kanukinyo eriŋar ŋesi itoronitor? Naarai iŋai kereka enyoikini nuelosikinit ŋesi?” Ijo ba ituŋanan, iŋai bo ijo yeniboŋokini Edeke? Epedori kereka ibore yenisubuna alimokin yenikesubuni ebe, “Kanukinyo kiisubia eoŋ kwana?” Emamei kereka ekajean apedor kama kelupe, asubun ibore yenibus ka ibore da yenesil kaluŋuret ŋipeŋin? Konye anyoika bo arai ekoto Edeke aitodikin anyunyura ka aitejenun da akepedor, abu kotitiŋikin katitiŋ kanaepol iboro luka anyunyura luasubitai amudiario, tetere itejenuni abarara naka akeibuses kotoma oboro luka aitim, luetemonokinit apeŋo kodumut aibuses, kes oni lukiinyarauni mere Iyudayan bonik, dimarai Imo da? Kwape kineritor da kama ka Kosea ebe, “Ŋul lumam araas ikatuŋa, anyarai ikatuŋa, ŋin da namam kerai naminataka, anyarai naminat.” “Bobo da toma aibois ŋin nakelimokinitere kes ebe, ‘Mam yes iraas ikatuŋa,’ Nepenen enyaraere idwe luka Edeke lokajaran.” Kiworo Isaia da nuka Isirael ebe, “Karaida kerai etiai loka odwe luka Isirael kwape asiŋe naka aŋolol, aatoŋotokec bon itajario; naarai iswamai Ejakait akekirot kakwap aitodol ka atubutub da.” Ido kwape kegeunia Isaia einer ebe: “Arai kemam Ejakait loka ajoresio kinyeinitor oni aur, Ti kiirau bala Sodom, ti kiiputokin ka Gomora.” Aso do kinera anu? Ebe Imo lumam atupito adolit apotu kodumut adolit, ŋes adolit naelomuni kaiyuun. Konye do luka Isirael luetupito ikisila luka adolit, mam edolokinito ikisila ŋul. Kanukinyo? Naarai mam apotu kotupata korot loka aiyuun, dimarai korot loka aswamisio. Kitiguikinos kamoru naketiguikinan, kwape iwadikatere ebe, “Koany, ebwaikini toma Sion amoru naketiguikinan ka atiiba nakebiroron; Yeniyuuni ŋes mam isurumio ileic.” Ikainacan, nuemiela kotauka, ido nuelipi Edeke kanukec ŋes aitajariokec. Naarai etejenuni kanukec ebe edunyaka kanuka Edeke, konye mere kotoma aijen, Naarai kanumam ejeniata adolit naka Edeke, kokotos aitogogoŋ adolitekec kikulepek, mam apotu korimasi adolit naka Edeke. Naarai Kristo ŋes aŋetakinet naka ikisila, tetere ŋin yeniyuuni itojokio araut ikadoliton. Naarai abu Musa kiwadik ebe ituŋanan yeniswamai adolit naelomuni kokisila ejari kotoma ŋin. Konye adolit naelomuni kaiyuun inera kwanata ebe, Sirikiner kotaukon ebe, “Iŋai bo yenekot adokari toma akuj?” (Ŋes atemar ebe, ayaun Kristo kwap.) Arai bo ebe, “Iŋai bo yenekot aijesar toma aipany?” (Ŋes atemar ebe, ayaun Kristo kuju anyoun kokatwak.) Konye inera anu? Ebe, Eapie akirot kamakon, kaitukukon, kotaukon da, (ŋes atemar ebe akirot naka aiyuun nakilimonokini isio). Naarai arai ilimori kaitukukon ebe Yesu ŋes Ejakait, iyuuni da kotaukon ebe abu Edeke kitajar ŋes kokatwak, kitajario. Naarai iyuuni ituŋanan kotauke kiton adumun adolit, elimori da kaitukuke kiton adumun aitajario, Naarai ineras nuiwadikatai ebe, “Ŋin yeniyuuni ŋes mam irumete ileic.” Naarai emamei atiaketait, Eyudayat ka Eyonanit; naarai erai ŋesi Ejakait loka kere, ekabaran mama ejaas kere luiwoneete ŋes. Naarai “Ŋin yeniwonei ekiror loka Ejakait itajario.” Aso iwoneete biai ŋol lomam iyuunito? Ido da iyuunete biai ŋol lomam iirarito? Iirarete da biai komamei ekalimonokinan? Elimonokinete biai komam iyakiaritai? Kwape iwadikatere ebe, “Ejokuka cama akeje nuka ŋul kaluelimonokinete Akiro Nukajokak!” Konye mam kes kere apotu korimasi akiro nukajokak. Naarai inera Isaia ebe, “Ejakait, iŋai bo iyuunit akiro nueirarit kamakosi?” Aso aiyuun elomuni kotoma aiirar, aiirar da kanuka akirot naka Kristo. Konye abala eoŋ ebe, mam kereka apotu kiirasi? Eebo, eirasi; “Anata ekeceporoto akwap kere, Akecekiro da kiton osaŋeta luka akwapin.” Konye abala eoŋ ebe, mam kereka luka Isirael ajenunito? Nugeet inera Musa ebe, “Kesurumi yes ekokote kama kaŋul lumam eraas ateker; Ketunyunyurikini do yes kanuka ateker naemamei aijen.” Isaia da etitiŋ noi einer ebe, “Abu kadumun kama kaŋul lumam kamooto; Abu ketejenun mama kaŋul lumam keŋisito.” Konye nuka Isirael ebala ebe, “Abu kariorite akakanin aitiwar akwap mama ejaas ituŋa lukepali ka luirebirebete.” Aso abala ebe, Aŋer kereka Edeke iketuŋa? Madi akuj! Naarai arai eoŋ da loka Isirael, loka aur naka Aburaam, loka ateker naka Benyamin. Mam Edeke enerit iketuŋa luabu kogeu ajenun, Mam kereka ijenete nuineras nuiwadikatai kanuka Eliya, kwape iwosaa luka Isirael kakonyen nuka Edeke? Ebe, “Ejakait, aarata inabinokon, atiyanakis da itemwanakon, eoŋ bon asal, ido emoete akaijar.” Konye aboŋokinet naka Edeke ebala biai? Ebe, “Etasalit kanukaŋ ikiliok ilukumin ikanykaarei, lumam ekukokinos Baal.” Aso kwape kwaŋin apak na, naka kwana, ejai aatoŋot naeseunitai kanuka asianut. Konye arai erai kanuka asianut, mam bobo elomuni kanuka aswamisio; arai timam asianut eroko erai asianut. Biai bo do? Ibore ŋin yenikemoot Isirael, mam edumuna. Luseuna apotu kodumut, konye ice kere aponi kitininikai, kwape iwadikatere ebe, “Abu Edeke koinak kes emoyo loka ajo, Akonye numam eanyunete, Aki da numam iirarete, Kiton apaaran naka lolo.” Ebala Daudi da ebe, “Korau emesakec eic ka akuluma, Ka ibore yenikitiguikinet, ka yenikitegelet kes, Kitumudakai akonyekec, tetere mam esesenete, Kitukukum ipuranakec apaarasia kere.” Aso abala ebe, eguikis kereka kiton aibiror cut? Madi akuj! Konye kanuka aibucarikec adolok aitajario Imo, tetere isurumio luka Isirael ekokote. Aso arai eraun aibucarikec abar naka akwapin, atwaniarikec da araun abar naka Imo, itelekarit cama aitodolikiniokec! Konye enera kayes Imo. Aso naarai arai eoŋ ekiyakia loka imo, etopoloori aijaanakinika, tetere esurumi lukatekerika ekokote, ka aitajar da ice kakesi. Naarai arai acakariokec ayau aipuc naka akwapin, anyoin aisukunyuniokec dimarai aijar anyoun kokatwak? Arai araito nageet erai nakalaunan, kwape kwaŋin aluŋuret da; arai da aliasit erai nakalaunan, kwape kwaŋin atenieik da. Konye arai epakanaritai ace katenieik, ijo da, eseitun loka ais kiraikinitai kidiŋikec, korau ikamoran yenika ajokis naka aliasit, sirikiwolobob katenieik kaŋun. Arai kiwolobob, mere jo idakit aliasit dimarai aliasit kidakit jo: Aso itemari atiar, “Kepakario atenieik ŋun tetere keraikinio eoŋ.” Abeit ŋun. Epakanaritai kes kanuka amamus aiyuunikec, ido da icasi kanuka aiyuunikon. Sirikiturokin, konye koyoŋ. Naarai arai mam Edeke itimit atenieik akulepek, mam kitimi jo da. Aso koany ajokis ka adedeŋ naka Edeke; adedeŋ mama ejaas luibiroros, konye aiokis naka Edeke mamakon, arai kisalak ajokis ŋin; arai mere kwaŋin jo da kijepario. Ka ŋul da, arai mam esalito toma amamus aiyuun, iraikinio, naarai epedori Edeke airaikin kes bobo. Naarai arai kijepunitai jo katorom naka eseitun loka ais, kiraikinitai oseitun lokoriot lomam erai einono, itelekarito cama atenieik akulepek airaikinio ainyakakin oseitunikec. Naarai iinacan, akoto yes ajenun aiyeiyea na kinyeis aomit bonik araut lukacoa; ebe, aninikiar atutubet naka Isirael aitodol naelomunia etiai kere loka Imo, kwaŋin itaiario luka Isirael kere; kwape iwadikatere ebe, “Ebuni Ekalakunan koSion, Isiyekari amamus ayoŋit Edeke kotoma Yakob”; “Na da ŋes akaitutuket kakes, Naalemaria adiakanaretakec.” Aso kotoma Akiro Nukajokak araut lukasurup luka Edeke kanukus; konye kotoma aseunio araut lueminai kanuka lukapapaakec. Naarai mam Edeke iitokini ainakinetake ka anyariteke da. Naarai kwape kolo kipaliikinioto yesi Edeke, konye kwana idumut aitimio kanuka aipaliikinikec, kwape kwaŋin epaliikinioto kesi kwape kwana tetere edumunete aitimio kanuka aitim naipotu yesi kodumut. Naarai agoloki Edeke kere nepepe toma aipaliikin, tetere itimi kere. Eiliili cama abar ka acoa ka aijen naka Edeke Mam ireikinos itubesiake, irotinike da mam ibwapunos! “Naarai iŋai tope ejeni aomisio nuka Ejakait, Arai iŋai bo kerai ekapetan akiroke?” “Arai iŋai bo keinakinit ber ŋes ainakinet, Etacakinio ŋes bobo?” Naarai epote iboro kere kamakeŋ, ejaas da kanukeŋ, ido eboŋorete mamakeŋ. Kojai aibuses mamakeŋ ikar kere. Amen. Kanuka ŋun, iinacan, keŋaiŋait yes, kanuka aitimeta nuka Edeke, kijaikis akusiwat koraut asubanit naejari, nakalaunan, naisiyalamikinit Edeke, ŋes erai aimakus naibus. Kwabo sirikiputo nuka ikar kalu, konye kanuka aisiteteunio naka aomisiokus kijulakinos, tetere igimorete nuekoto Edeke, nuejok, ka nuisiyalamikinito, ka nuedolito da. Naarai kanuka asianut nakainakinitai alimokini ŋinituŋanan kayesi ebe siriwomiara adepar naibusakinit aomit, konye koomito kacoit, kwape ekorakinitor Edeke aitemis naka aiyuun. Naarai kwape kijaar katutubeta nuipu toma akuan adiopet, kwabo mam atutubeta kere iswamaete aswam adiopet, kwape kwaŋin oni da lukipu, kirai akuan adiopet kotoma Kristo, ka atutubeta da nuka lucewok bonik ka bonik. Aso naarai kija kainakineta nuegelegela kwape ejaar asianut nakiinakinitai, ketwasamata kes; arai adwaranut, kwape ejaar aiyuuniwok; arai aijaanakin, kotoma aijaanakiniwok; yenisisianakini, kotoma aisisianakinike; yenicori, kotoma aicoroke; yenekori, kotau loliogot; yeniŋarakini, kadunyanut; yenitimi da, kaiyalama. Korau amina naemamei aisoswanut. Kolaata aronis, kiketakinos kotoma kanuejok. Kotoma amin naka einacane, kominanaros bonik ka bonik; kotoma aibuses kitopoloorite ŋinituŋanan aupake. Kotoma adunyanut sirikalanyaka, kokokito komoyo, kijaanakis Ejakait. Kolelakinito amun kotitiŋioto koean, kicebokinito ailip. Kokoranakisi lukalaunak nuipudasi, kisukunyanakisi ipejok. Kilipanakisi arereŋ lukimanito yes; kilipanakisi arereŋ kwabo sirikilamata. Kolelata kaluelelete, komonyata kaluemonyete. Koomito adiopekirot bonik ka bonik. Siridakara, konye koupanaros kaluitasonos. Siriraas lukacoa kakonyenekus ikulepek. Siritacakis aronis kanuka aronis, kocoito nuejok kakonyen nuka ituŋa kere. Arai epedoros kowaikus, kinapakina kituŋa kere. Luminan, sirinyaŋanakinos, konye kinac anyunyura; naarai iwadikatai ebe, “Ebala Ejakait ebe, Enyaŋit ekaŋ, eoŋ atacakini.” Konye “arai eriebi lokasurupikon eteŋei, kitanyam, arai ejakit akur, kitamat ŋes; naarai naiswamaa kwaŋin inokokini atotole akouke.” Sirikiipiko aronis, konye kipiko aronis kanuka ajokis. Kononokikinite ŋinituŋanan ikapolok lueyaito, naarai emamei apolou dimarai naebuni kama ejai Edeke, ka ŋin da naejai icorakinit Edeke. Kanuka ŋun yenitepegi apolou etepeg aicorakinet naka Edeke, ido luitepegete itudumikinos etube, Naarai ikayaitok mere luitukurianete kotoma aswamisioit naejok, dimarai kotoma naerono. Ikoto kereka ijo kinyek akurian apolou? Kiswama do nuejok, kituri ŋesi joo Naarai erai ŋesi ekejaanakinan loka Edeke kamakon kanuka ajokis, Konye arai kiswama naerono, kokuriana, naarai mam edakit ekileŋ atai; erai ŋesi ekejaanakinan loka Edeke, loinyaŋi kanyunyura yeniswamai nueroko. Kanuka ŋun ibusakinit anonokikin, mere kanuka anyunyura bon, dimarai kanuka aomisio nuilepilepete. Naarai kanuka ŋun itacete da esolo, naarai eraas kesi ikejaanakinak luka Edeke, icebokinito ŋipeŋin. Kotacanakisi kere nuebeito, loitelemi esolo loka ituŋa, esolo loka ituŋa; loitelemi esolo da loka iboro, esolo loka iboro; kotacanakisi ayoŋit luebeito ayoŋit, aibuses da mama ejaas lukaibuses. Sirijaas kapesen mama ejai ituŋanan kere, dimikito aminanara; naarai yenemina aupake etodol ikisila. Naarai na ebe, “Siridote, Siriari, Sirikokoi, Siriŋobelei,” ka aceicorakinet kere, imorikikinitai toma akirot na ebe, “Komina ikoniidunyet kwape iminar bon.” Amin mam ikonakini iidunyet erono; kwaŋin amin ŋes aitodolikinet naka ikisila. Ka ŋun da, ijenete apak, ebe adol esawa yes akwenyun kajoo. Naarai kwana eapie aitajariowok aitelekarit nakigeunia aiyuun; aeka akuar, eapie da apaaran. Aso kalacasi aswamisio nuka amuton, kanapa lujiis luka aica, Kalosenenete kebusak kwape paaran, mere kotoma aboliasio ka emeret, mere kotoma adoteu ka abenyanut, mere kotoma aŋolopa ka ekokote, konye konapa Ejakait Yesu Kristo, kwabo siribuakinito akuan aitodol nuimiela. Kisukunyut yenekalanyana kaiyuun, kwabo mere atubokin abuonokinike. Ituŋanan yeniyuunit enyami kere, konye yenekalanyana enyami ikui. Kinyek yenenyami aimen yenimam enyami, karaida yenimam enyami siriketuboki yenenyami; naarai isukunyikinit Edeke ŋes, Iŋai bo jo yenitubokini ebulesit loka yenice? Ebwoi ŋesi arai ibirori kama kejakaitike elopet. Eebo, isibwoio naarai epedori Ejakait aisibwo ŋes. Eomit ice apaaran adiopet adepar apaaran ace, eomit ice apaarasia kere araut nueriakanara. Kitogogoŋite ŋinituŋanan kaomisioke ilopet. Yenericit apaaran, ericit kanuka Ejakait. Yenenyami da, enyami kanuka Ejakait, naarai imalai Edeke. Yenimam enyami da, mam enyami kanuka Ejakait, imalai da Edeke. Naarai emamei ituŋanan kotomawok yenejari kanuke bon, emamei da yenetwani kanuke bon. Aso arai kijari, kijari kanuka Ejakait, arai kitwaki da, kitwaki kanuka Ejakait. Aso arai kiiari, arai kitwaki da, kirai luka Ejakait. Naarai abu Kristo kotwana kojaru da tetere eraun Ejakait loka lukatwak ka lukajarak da. Konye jo, kanukinyo itubokinia onacekon? Ijo da, kanukinyo imenitor onacekon? Naarai kibwoi rwaru kere kakonyen nuka eicoloŋ loka aitub loka Edeke, Naarai iwadikatai ebe, “Ebala Ejakait ebe, Kwape ajaria, ekukokini ŋinikuŋ mamakaŋ, Elimori da ŋiniŋajep Edeke.” Aso do inera ŋinituŋanan kaoni akekiro ilopet kakonyen nuka Edeke. Kanuka ŋun kenyeis bobo atubonokin bonik ka bonik, konye aitelekarit kitogogoŋoto na ebe sirikibwaikis ekomio karaida aitiguikinet orot loka onacekon Ajeni eoŋ bobo da etogogoŋit noi kotoma Ejakait Yesu ebe emamei ibore yeniketal kotoma oinonoke. Konye ŋin yeneomit ibore araut yeniketal, erai yeniketal kamakeŋ. Naarai arai ekadakinit onacekon kanuka inyamatakon, mam bobo ilosi kwape ejaar amin. Sirikimudia yenabu Kristo kotwanik kanuka inyamatakon. Aso kinyek yenejok kamakus ainyanakinio. Naarai ajakanut naka Edeke mere ainyam ka aimat, dimarai adolit ka ainapakin ka aiyalama da kOmoyo Lokalaunan; naarai ŋin yenijaanakini Kristo kotoma akiro kaŋun, isiyalamikinit Edeke, ecamunito da ituŋa. Aso do katupasi akiro nuka ainapakin ka nuka adukonor bonik ka bonik. Sirikimuna aswam naka Edeke kanuka inyamat. Abeit elaete kere, dimarai erono ituŋanan yenenyami kitiguikinia ice; ejok ainyein ainyam karaida aimat ebino, karaida aswam akirot kere naitiguikini onacekon, Aiyuun naijaatar, kojaut kaŋin ijo elopet kakonyen nuka Edeke. Isirereŋitoi ŋin yenimam etubokin ilopet kotoma akirot naceamunit. Konye yenebuonokin arai enyami etubokinio aitelekar, naarai mam enyamit kaiyuun; naarai ŋiniswamisioit namam elomuni kaiyuun erai adiakar, Kibusakinit oni lukagogoŋok aibwok akalanyanut naka luemamei agogoŋ, kwabo mere aisiyalamikina bonik. Kesiyalamikisi oni ŋinituŋanan ikeidunyet kodum ajokis kodukoi da. Naarai Kristo da mam esiyalamikina elopet bon; dimarai kwape iwadikatere ebe, “Amorosito nuka lukimoromoroete jo, apotu kadoikis eoŋ.” Naarai nuewadikatai sek, ewadikatai kanuka aisisianakinia oni, tetere kanuka atitiŋikin ka aitalakara naka nukiwadikatai kidumuni amun. Edeke da loka atitiŋikin ka aitalakara koinak yes aomit adiopet bonik ka bonik koidicane loka Kristo Yesu, tetere itopoloorete Edeke Papa da loka Ejakaitiwok Yesu Kristo, ketau ediopet ka eporoto da ediopet. Kanuka ŋun, kisukunyanakinos bonik ka bonik, kwape kiisukunyikinia Kristo oni, tetere itopoloorio Edeke. Naarai kalimokini ebe araun Kristo ebulesit loka aitutuket naka akepio kanuka abeit naka Edeke, tetere itogogoŋi aisumuneta nuka lukapapaakosi, bobo da tetere Imo itopoloorete Edeke kanuka akeitim, Kwape iwadikatere ebe, “Kanuka ŋun ŋes kalimonoria jo kotoma atekerin, Ayeikinenei ekonikiror.” Bobo da ebe, “Kolelata, yes atekerin, nepepe kiketuŋa.” Bobo da ebe, “Yes atekerin kere, kituroto Ejakait, Kituroto da ŋes Ituŋa kere.” Bobo da ebala Isaia ebe, “Ejaun aliasit naka Yese, Ŋes loenyouni ayait atekerin; Emunokinos ŋol atekerin.” Edeke da loka amun kilelebik yes aiyalama kere ka ainapakin kotoma aiyuun, kiyatanakinos noi ajaut kamun kotoma apedor naka Emoyo Lokalaunan. Ikainacan, etogogoŋit eoŋ elopet kanukus ebe ileleba yes da ajokis, isilelebitai acoa kere, bobo da ipedorete aikwenyanar bonik ka bonik. Konye kewadikakinit yes katitiŋ naepol katutubeta ace, aisiitun, kanuka asianut nakainakinit Edeke, tetere araun ebulesit loka Kristo Yesu mama ejaas atekerin, keswamak Akiro Nukajokak nuka Edeke aswam naka esasedoti, tetere eraunete atekerin asubanit naecamunitai, naitalaunit Emoyo Lokalaunan, Aso ejai akirot naaolobobotor kotoma Kristo Yesu kakonyen nuka Edeke. Naarai mam atitiŋikini einer akirot namam Kristo iswamat kotomakaŋ, tetere erimarete atekerin, kanuka akirot arai aswamisioit, kotoma apedor naka aanyuneta ka nukaumokin, kotoma apedor naka Emoyo Lokalaunan, kwaŋin ameun ka Yerusalem, kiton da airiamar Iliriko etodol alimonokin Akiro Nukajokak nuka Kristo, kwabo alosikinit alimonokin Akiro Nukajokak, mere neelimoritere ekiror loka Kristo, kenyek adukokin apetetait naka icetuŋanan, konye kwape iwadikatere ebe, “Eanyunete ŋul lumam alimonokinitai akekiro, Ejenunete da ŋul lumam iirarito.” Kanuka ŋun ŋes ketikokinitere irwan ipu kenyek abunore mamakus, konye kwana, naarai emamei bobo eoŋ aibois katutubeta kanu, bobo da ameun ikar luipu emiela abunore mamakus, amuno aanyun yes naetorio alosit Sipain, yes da kinyamakinete eoŋ korotoka, kadau ber aipejokin yes adaun aimue. Konye kwana alosi Yerusalem, ejaanakini lukalaunak. Naarai isiyalamikinito luko Makedonia ka Akaia atukonokin iboro akorakin lukican lukotoma lukalaunak luejaas Yerusalem. Naarai isiyalamikinito kesi, ido da ejai kes apesen kamakec, naarai arai imorikikinete Imo arereŋesiokec nuka emoyo, ibusakinit da kes aijaanakin ŋul karereŋesiokec nuka akuan. Aso kadau eoŋ ŋun, kepucak kes araito ŋin, etori mamakus alosit Sipain; ido ajeni ebe naabunio mamakus, abuni kaileleba naka arereŋ naka Kristo. Keŋaiŋait yes, iinacan, kanuka Ejakaitiwok Yesu Kristo, kanuka amin da naka Emoyo, koutas nepepe keoŋ kotoma ailipikus kanukaŋ mama ejai Edeke, ebe ketajari kama ejaas lukepali kotoma Yudaya, bobo da akaijaanakin nakijaar ŋina Yerusalem korau naisiyalamikinit lukalaunak; tetere adoluni mamakus kaiyalama, kanuka akote naka Edeke, keyeŋ nepepe kayes. Edeke loka ainapakin kojai nepepe kayes kere. Amen. Eturit Poibe kinaciwok kamakus, naerai akejaanakinan naka ekanisa loka Kenekerea, tetere isukunyikinete ŋes kotoma Ejakait kwape ibusakinitor lukalaunak, kisigalikis ŋes kotoma akirot kere naipuda kamakus, naarai arau ŋesi akeŋarakinan naka ituŋa luipu, ka eoŋ da elopet. Kiyogata Pirisika ka Akuila ikeswamak lukaupaka kotoma Kristo Yesu, luakapakina cut ajepario akwesikec kanuka aijaraka, luemalai, kwabo mere eoŋ bon konye ikanisan kere luka Imo, kiyogata da ekanisa loejai togokec. Kiyogata Epaineto lominataka, loerai losodit loko Asia kotoma Kristo. Kiyogata Mariam, nakitaaritoi noi kanukus. Kiyogata Anderoniko ka Yunia ipajenaka ka ikijoreoritono nepepe keoŋ; luejenikina kokiyakia, lukageikinete eoŋ toma Kristo. Kiyogata Amupiliato lominataka toma Ejakait. Kiyogata Urubano ekeswaman aupawok toma Kristo, ka Sitakus lominatakaŋ. Kiyogata Apele, loecamunitai toma Kristo. Kiyogata lukokale loka Arisitobolo. Kiyogata Kerodion epajenaka, Kiyogata lukokale loka Narakiso luejaas toma Ejakait. Kiyogata Turupaina, ka Turuposa nuitaaritos toma Ejakait. Kiyogata Perisida naminat, naitaaritoi noi toma Ejakait. Kiyogata Rupo loseuna toma Ejakait, ka totoke ka nakaŋ da. Kiyogata Asunikirito, ka Pelegon, ka Kereme, ka Pataroba, ka Kerema, ka iinacan luejaas nenipe kakes. Kiyogata Pilologo ka Yulia, ka Nerea ka inacike, ka Olumupa, ka lukalaunak kere luejaas kakes. Kiyoganakinos bonik ka bonik kainu nakalaunan. Kiyogaete yes ikanisan kere luka Kristo. Keŋaiŋait yes iinacan, kocoito ŋul lueyaunete atiaketa ka nuitiguikinete, asurokin aisisianakin naipotu yesi kisisiata; kinacata kes. Naarai luikote kwaŋin mam ijaanakinete Ejakaitiwok Kristo, dimarai akecekoikes; iŋalaarete itauon luka luemamei akirot kanuka akecekiro nuejijim nuijodijodete. Naarai adolok akusirima ituŋa kere. Aso aleli kanukus, konye akoto yes koraas lukacoa kotoma akiro kanuejok, ka luiyapaara kotoma akiro kanueroko. Edeke da loka ainapakin idecideci Satan atipet kwap kakejenekus. Asianut naka Ejakaitiwok Yesu Kristo kojai kayes. Kiyogai yes Timoteo ekeswaman aupaka; ka Lukio ka Yason ka Sosipater, ipajenaka. Eoŋ Teretio, ekewadikan ebalua lo, keyogai yes toma Ejakait. Kiyogai da Gaio lokesipejo eoŋ ka ekanisa kere. Erasito, ekeŋadan loka ere, ka Kuarito onacewok, kiyogaete. [ Asianut naka Ejakaitiwok Yesu Kristo kojai kayes kere.] Mama ejai ŋol loepedori aitogogoŋ yes kwape ejaatar Akakiro Nukajokak, ka alimonokinio naka Yesu Kristo, kwape ejaar apukokinio naka aiyeiyea naimunonitai ameun ikar lupeŋo, konye kwana itakanunitai, ido kanuka aiwadikaeta nuka inabin itejenunitai mama ejaas atekerin kere kwape kicorakinitor Edeke loka ikar kere tetere erimarete aiyuun— Mama ejai Edeke bon lokacoa kojai aibuses kotoma Yesu Kristo ikar ka ikar. Amen. Paul, lokenyarao araut ekiyakia loka Kristo Yesu kanuka akot naka Edeke, ka Sosetene onace, Mama ejai ekanisa loka Edeke loejai Korinto, ŋul lukitalaunio kotoma Kristo Yesu, lukenyarao koraut lukalaunak, nepepe kaŋul kere luiwoneto ekiror loka Ejakaitiwok Yesu Kristo kaŋiniibois, loerai Ejakaitikec ka lowok da: Kojai asianut mama ijaas, ka ainapakin nuepote kama ejai Edeke Papawok ka Ejakait Yesu Kristo. Emalaenenei Edeke tiritir kanukus, kanuka asianut naka Edeke nakiinakinio yes, kotoma Kristo Yesu. Naarai aponi kitabari yes kaŋolipone kotomakeŋ, kotoma akiro kere ka aijen da kere kwape kitogogoŋere aitejenunet naka Kristo kotomakus, tetere mam itwakiarete amodioinakinet kere, idarete apukorio naka Ejakaitiwok Yesu Kristo; loitogogoŋi yes kiton awasia, komamei aitoronio kapaaran naka Ejakaitiwok Yesu Kristo. Erai Edeke lomunot, lokinyarauni yes alomun oidicane loka Okokuke, Yesu Kristo Ejakaitiwok. Aso iinacan, keŋaiŋait yes, kokiror loka Ejakaitiwok Yesu Kristo, ebe kinerata kere adiopekirot, kinye atiakatiakaun ajaun kidiŋikus, konye kidicakina ketau ediopet ka ainerun da adiopet. Naarai, ikainacan, kalimokis eoŋ lukokale loka Kloe, ebe ejai aŋolopa kidiŋikus. Aso naabala nata ebe, ebala ŋinidiopet kayesi ebe, “Arai eoŋ yenika Paul,” ice da ebe, “Konye eoŋ yenika Apolo,” ka ice da ebe, “Arai eoŋ yenika Kepa,” ka ice da ebe, “Arai eoŋ yenika Kristo.” Okwe, etiakatiaka kereka Kristo? Ibubukinitoi kereka Paul kanukus? Arai bo iponi kibatisai kokiror loka Paul? Emalai naarai mam ebatisat idio kayesi dimarai Keresipo ka Gaio; kinyek idiotuŋanan atemar ebe aponi kibatisai kokirorikaŋ. (Abu kebatis da lukokale loka Sitepan, Alemar ŋul mam ajeni arai abu kebatis ice kere.) Naarai mam Kristo keyakit aibatis, dimarai alimonokin Akiro Nukajokak, kwabo mere kacoa naka akirot, kinyek emusalaba loka Kristo araun aamameak. Naarai akirot naka emusalaba erai abaŋaanut kama ejaas lueoliorete, konye mama kija oni lukitajario erai apedor naka Edeke, Naarai iwadikatai ebe, “Amudiari acoa naka lukacoa, Etapalauni da apirianut naka luepiriaka.” Ai bo ejai lokacoa? Ai bo ejai ekewadikan? Ai bo ejai eketepegan loka ikar kalu? Mam kereka Edeke abu kitababaŋ acoa naka akwap? Naarai kotoma acoa naka Edeke, mam akwap abu kojen Edeke kanuka acoa, abu kisiyalamik Edeke aitajar luiyuunito kotoma abaŋaanut naka akirot naelimonokinio, Naarai ekotosi Iyudayan aanyuneta, Iyonanin da emootos acoa, konye sio kilimonokini Kristo loebubukinitoi, loerai aitiguikinet mama ejaas Iyudayan, abaŋaanut da mama ejaas Imo, konye mama ejaas ŋul luenyaritai, Iyudayan ka Iyonanin da, erai Kristo apedor naka Edeke, ka acoa da naka Edeke. Naarai abaŋaanut naka Edeke erai acoa aitelekarit naka ituŋa, akalanyanut da naka Edeke egogoŋ aitelekarit naka ituŋa. Naarai, iinacan, koomito anyarauniokus, ebe mam luipu kayesi keraas lukacoa kwape ejaar aitemis naka akwap, mam ipu lukapedor, mam ipu lukapolou da luenyaraunitai, konye abu Edeke koseu lukabaŋaanut luka akwap tetere isurumi lukacoa ileic; bobo da abu Edeke koseu luekalanyaka luka akwap tetere isurumi lukagogoŋok ileic; bobo da abu Edeke koseu imukopin, ka luemwaŋitai kotoma akwap, eebo, ka iboro da luemameete, tetere itamamauni ŋul luejaas, kinyek idiotuŋanan aolobobot kakonyen nuka Edeke. Konye kanukeŋ ijaut yes toma Kristo Yesu, loabu Edeke kituluo awokocoa, ka adolit, ka aitalaunio, ka alakunio da; kanuka ŋun kwape iwadikatere ebe, “Yeneolobobot, koolobobote kotoma Ejakait.” Eoŋ da, iinacan, naabunio mamakus, mam abunit alimonokin yes nukaiyeiyea nuka Edeke kakiro nuejijim karaida kacoa. Naarai abu kenerunite ainyein ajenun adiokirot kokidiŋikus, dimarai Yesu Kristo loebubukinitoi. Eoŋ da naajaar mamakus, akalanyana, kakurian ka amaran naepol; akakirot ka akalimonokin da mam keraas akiro nukacoa nuijodoete, dimarai nuitodiarito Emoyo ka apedor, tetere akusiiyuun mam egoŋakina acoa naka ituŋa dimarai toma apedor naka Edeke. Konye ejai acoa nakinera kama kaluapolokoto konye mam erai acoa naka ikar kalu, karaida naka ikayaitok luka ikar kalu, luepote amameun, konye kinera acoa naka Edeke kotoma nukaiyeiyea, acoa naibwaitai, nakicorakinit Edeke eriŋa ikar ejauna, kanuka aibusesuwok. Mam ikayaitok luka ikar kalu apotu kojenut ŋin; naarai arai kejenete timam kibubukis Ejakait lokaibuses. Konye kwape kiwadikatere ebe, “Numam keanyunit akoŋu, karaida akit aibiun, Numam kelomarito da otau loka ituŋanan Nuetia nen nukitemokinit Edeke lueminasi ŋes.” Konye kipukok Edeke oni kanuka Emoyo. Naarai irerei Emoyo kere, kiton nuidulok nuka Edeke. Naarai iŋai tope kotuŋa yenejeni aomisio nuka ituŋa, dimarai emoyo loka ituŋanan loejai kotomakeŋ? Kwape kwaŋin emamei yenejeni aomisio nuka Edeke dimarai Emoyo loka Edeke, Konye oni, mam kidumunit emoyo loka akwap, dimarai Emoyo loebuni kama ejai Edeke, tetere kijenuni ainakineta nukiinakini Edeke oni atitai. Kinera ŋun mere kakiro nuisisianakini acoa naka etuŋanane, dimarai nuisisianakini Emoyo, kitiiriani nuka emoyo kanuka emoyo. Ituŋanan kauruuneteke mam ecamuni akiro nuka Emoyo loka Edeke, naarai eraas nukabaŋaanut mamakeŋ, kwabo mam epedori ajenun kes naarai emisiikinio kanuka emoyo. Konye ituŋanan yenika emoyo emisiikini kere, kwabo emamei yenemisiikini ŋes. “Naarai iŋai kereka ejenunit aomisio nuka Ejakait, tetere ituutoori ŋes?” Konye kijaa oni kaomisio nuka Kristo. Eoŋ da, iinacan, mam apedorit einer kayes kwape luka emoyo, dimarai luka akuan, kwape imukerun kotoma Kristo. Abu ketamata yes akile, kwabo mere inyamat; naarai mam ipedorito; eebo, kiton kwana da mam ipedorito, naarai iriŋa iraas luka akuan. Naarai naejaar ekokote ka aŋolopa, mam kereka iraas ituŋa luka akuan, ilosenenete kwape ituŋa atai? Naarai naebalar idiopet ebe, “Arai eoŋ yenika Paul,” ice da ebe, “Arai eoŋ yenika Apolo,” mam kereka iraas ituŋa atai? Aso iŋai bo Apolo? Iŋai bo da Paul? Kes ikejaanakinak lukiyuunete yesi kamakec, ka ŋin diopet da kwape keinakinia Ejakait. Abu eoŋ kera, kicoco Apolo, konye kitopolo Edeke. Kwaŋin ekeraan mam erai ibore, karaida ekecocoan, dimarai Edeke loitopoloi. Aso loirai ka loicocoi eraas ipe, ido edumuni ŋinituŋanan ekeropit kwape ajaar akeitaaritoi. Naarai kirai isio ikeswamak nepepe ka Edeke; iraas yesi amana naka Edeke, aduket naka Edeke. Kwape ejaar asianut naka Edeke nakainakinitai eoŋ, abu kapesik apetetait kwape ekadukon lokapolon lokacoa, konye eduki ece. Konye kocoite ŋinidiopet kwape edukio. Naarai emamei yenepedori apesikin apetetait ace, dimarai ŋin naedaunitai apesikin, ŋes Yesu Kristo. Konye arai keduk ituŋanan toma apetetait ŋin esabu, arai epuesa, arai amor nuketiai, arai akito, arai anya, arai ariaŋ da, etakanuni aswam naka ŋinituŋanan; naarai isideleleuni Apaaran, naarai epukorio kotoma akim, itemi da akim aswam naka ŋinituŋanan kwape ejaar. Arai esalit aswam naedukit ituŋanan toma apetetait, edumuni ŋesi eropit. Arai kidopoo aswam naka ituŋanan, etwaniari, kwabo itajario ŋes, konye bala kotoma akim. Mam kereka ijenete ebe iraas yesi eyekalu loka Edeke, ebe da iboie Emoyo loka Edeke kotomakus? Arai kemuna ituŋanan eyekalu loka Edeke, emunaari Edeke ituŋanan ŋin. Naarai erai eyekalu loka Edeke lokalaunan, ŋes yesi. Sirikemodakin ituŋanan. Arai ejai kotomakus ituŋanan yeneomit ilopet araut yenikacoa kokar kalu, korau ŋesi yenibaŋ, tetere eraun yenikacoa. Naarai acoa naka akwap kana ŋes abaŋaanut kama ka Edeke. Naarai iwadikatai ebe, “Ikamuni ŋesi lukacoa koboteikec.” Bobo da ebe, “Ejeni Ejakait aomisio nuka lukacoa, ebe eraas aamameak.” Kwaŋin kinyek ituŋanan aolobobot kotoma otuŋa. Naarai eraas kere lukus, arai Paul, arai Apolo, arai Kepa, arai akwap, arai aijar, arai atwanare, arai nuejaas kwana, arai nuepote, kere eraas nukus, iraas yesi da luka Kristo, Kristo da loka Edeke. Koomit ituŋanan sio kwanata, kwape ikejaanakinak luka Kristo, ka ikeŋadak da luka nukaiyeiyea nuka Edeke. Bobo da iburao ikeŋadak atakan eraas lumunon. Konye kamakaŋ erai akirot naedit noi yes, arai airabet kere naka etuŋanan, atubokin eoŋ. Mam da atubokin bon. Naarai mam ajeni nuewosakin bon, konye mam kemarakinio adolit kanuka ŋun, konye Ejakait ŋes katubokini. Aso sirikitubo akirot eroko apak, aitodol naebunio Ejakait, loitacauni nuibwaitai nuka amuton, ido isideleleuni ainerun naka itauon. Kosodi edumuni ŋinituŋanan akeiturio kama ejai Edeke. Aso iinacan, etuputoo ŋun aputokaŋ ka Apolo da kanukus, tetere kanukosi isisiaete ainyein adepar nuiwadikatai, kinye idio kayesi adakanun kanuka ediopet aitelekarit loce. Naarai iŋai kitegelikinit jo kama kaluce? Inyoin kereka ejai jo yenimam kiinakinitai? Konye arai kiinakinitai, kanukinyo iwolobobotor bala mam kiinakinitai? Idaut aimonikin! Idaut adumun abar! Iyaitos kamameete isio! Eebo, arai tiiyaito, tetere kimori ayait kayes! Naarai aomit ebe etodia Edeke sio ikiyakia awasia, kwape ituŋa luetubokinitai aario: naarai kiraun isio ibore yenisesena kakwap, kama ka imalaikan ka ituŋa da. Kirai isio ibaŋiok kanuka Kristo, konye iraas yesi lukacoa kotoma Kristo, Kikalanyaka isio, konye igogoŋ yesi. Kitubusikinitai yes, konye sio kitisilitoi, Kiton osawa lo da, kiriebi eteŋei ka akure da, kimujalal, kibuŋao, bobo da emameete sio ireria, kitaaritoi aswam kakaninikosi. Nakimoromoroere, kilipanakini arereŋ; nakiticanere, kititiŋikinit; nakisabanakinere, kiŋaiŋai; kitusubi bala asusuj nuka akwap, ediirit da loka iboro kere, kiton kwana. Mam ewadikai nu aisurumia yes ileic, konye aikwenyar yes kwape idweka luminan. Karaida kejaas yes ikesisianakinak ilukumin itomon kotoma Kristo, konye emameete lukapapa luipu. Naarai eoŋ ŋes kaurit yes kotoma Kristo Yesu kanuka alimonokin Akiro Nukajokak. Aso keŋaiŋait yes koputoorito eoŋ. Kanuka ŋun ejuk Timoteo mamakus, loerai okokuka lominat, lomunot da kotoma Ejakait, lokisiituni yes irotinika luejaas toma Kristo, kwape esisianakinia kaŋiniibois kotoma ŋolikanisa. Konye edakanunos ice kayesi ebe mam abuni mamakus. Konye abuni atipet mamakus, arai ekot Ejakait, abuni eoŋ ajenun mere akiro nuka ŋul kaluedakanunos dimarai apedorikec. Naarai mam ajakanut naka Edeke ejai toma akirot, dimarai toma apedor. Ikotosi anyoika? Kabu kereka mamakus kebela, arai bo kabu kamin komoyo loiyapepera? Isiarakina eemut ebe ejai adoteu kotomakus, adoteu da namam ejauna kotoma atekerin; ebe etuŋanan ajaut kaberu naka papake. Yes da idakanunos, kwabo mam kikadakinit, tetere elemario kokidiŋikus ŋol lokiswamai akirot ŋin. Naarai, karaida amamei kakuan, konye ajai komoyo, adau eoŋ elopet atubokin ŋol lokiswamai akirot ŋin kwape tikajaar, kotoma okiror loka Ejakait Yesu, naitukonokinotor nepepe ka ekamoyo, ka apedor da naka Ejakaitiwok Yesu, kijaikis ŋol Satan tetere emudiario akuanake, tetere itajario emoyoke kotoma apaaran naka Ejakait Yesu. Mam aolobobokus ejok. Mam kereka ijenete ebe aitubuunet naedit itubuuni aluŋuret kere? Kitesegaaros do kaitubuunet namojoŋ, tetere iraunos aluŋuret nakitetet, kwape iraatar lumam itubuuno. Naarai aponi Kristo Aleleŋewok koinakinai araut asubanit. Aso karicata epucit, mere kaitubuunet namojoŋ, karaida kaitubuunet naka ameŋeranut ka aronis, dimarai ka namam itubuuno naka aipioror naka emoyo ka abeit. Abu kewadikak yes kotoma obaluaka ebe sirikimorianakinos kidotea; mam abala ebe kinacata cut idotea luka akwapin kanu, arai ikeraŋak, arai ikaŋatak, karaida ŋul luemaete aputosia, naarai arai kerai kwaŋin ti ibusakinit anyoun kakwapin kanu. Konye kwana kewadikakini yes ebe sirikimorianakinos kaloenyaritai onac arai erai edote, arai ekeraŋan, arai loemai aputosia, arai ekamoromoron, arai ekameran, arai ekaŋatan; etuŋanan loikoni kwaŋin mam acamunit yes karaida aimor kaŋes. Naarai anyoin ajokis kamakaŋ atubokin luejaas kiŋa? Mam kereka yes itubokinito luejaas toma okanisa? Konye etubokini Edeke ŋul luejaas kiŋa, Kireŋeasi yesi ekaronon ŋol loejai kidiŋikus. Arai ejai edio kayesi akirot kama ka onaceke, ijecekini kereka ŋesi aosan ŋes kakonyen nuka lumam edolito, kwabo mere kakonyen nuka ikalaunak? Arai bo mam ijenete ebe etubokinete ikalaunak akwapin? Aso arai itubokinete yesi akwapin, mam kereka ipedorete aitub akiro nuedisiak noi? Mam kereka ijenete ebe kitubokini imalaikan? Kikurwokinito biai akiro nuka aijar kana! Aso arai ijaas kaitub akiro nuka aijar kana, idakakinete kereka lumam eomitai kokanisa araut ikatubok? Enera ŋun aisurumia yes ileic. Emamei kereka kotomakus lokacoa ediopet, loepedori aitub akiro nuka iinacanake, konye iwosanakinos iinacan bonik, bobo da kakonyen nuka lumam iyuunito. Aso kwana ejai aŋwal kotomakus, naarai iwosanakinos bonik, Kanukinyo gwai mam kikonakinere erono? Kanukinyo gwai mam kinasere iborokus. Konye yes ikonakinete erono, ido iŋasete, kiton iinacanakus da. Mam kereka ijenete ebe lumam edolito mam irumete ajakanut naka Edeke? Sirikiŋalas; karaida idotea, karaida luemaete aputosia, karaida lueeloko, karaida ikiliok luituluoros bala aŋor, karaida iketepak ikiliok, karaida ikokolak, karaida ikeraŋak, karaida ikamerak, karaida ikamoromorok, karaida ikaŋatak, mam irumete ajakanut naka Edeke. Ice kayesi da ipotu koraas kwaŋin; konye aponi kilotar, konye aponi kitalaun, konye aponi kitojoki araut luidolito, kokiror loka Ejakait Yesu Kristo, kotoma Emoyo da loka Edekewok. “Ibus iboro kere kamakaŋ”; konye mam iboro kere isigalikinete. “Ibus iboro kere kamakaŋ”; konye mam ketubulesene idiobore. “Eraas inyamat luka akoik, akoik da naka inyamat” itapalauni Edeke kere, ŋin ka ŋul da. Mam akuan erai naka adoteu, dimarai naka Ejakait, Ejakait da loka akuan. Konye abu Edeke kitajar Ejakait, kitajari oni da kapedorike. Mam kereka ijenete ebe eraas awatekus atutubeta nuka Kristo? Aso kalema kereka atutubeta nuka Kristo, ketaraut atutubeta nuka naadote? Madi akuj! Arai mam kereka ijenete ebe lokirotakinos kanaadote eraas adiopetekuan? Naarai ebala ebe, “Ŋul luarei eraunos adiopetekuan.” Konye ŋol lokirotakinos ka Ejakait, erai emoyo ediopet kaŋes, Kinacata adoteu, ŋinidiakaret naiswamai ituŋanan erai nakokiŋa akuanake; konye ŋin yenedotei adiaka kotoma akuanake alopet. Mam kereka ijenete ebe awatekus kes eyekalu loka Emoyo Lokalaunan loejai tomakus, lokiinakini Edeke? Mam iraas kanukus; naarai kigwelitai kakais nuipu. Aso kitopolooritos Edeke kotoma awatekus. Konye nuka akiro nuipotu kiwadikakis eoŋ. Ejok kama kekiliokit kinyek atiror aberu. Konye kanuka adoteu, kojau ŋolikiliokit kakeberu, ŋiniberu da kokilenike. Kotacak ŋolikiliokit akeberu nuibusakinito ŋes, kwape kwaŋin da kotacak ŋiniberu nuibusakinito okilenike. Mam aberu alopet eyait akekuan, dimarai okilenike; kwape kwaŋin da mam ekiliokit elopet eyait akekuan, dimarai akeberu. Sirimikanaros bonik, alemar diat icamanaros adaun apak, tetere iluŋakinos ailip; kosodete konyet aimorikikin bobo, kinyek Satan acodun yes kanuka amamus ayaikina. Enera ŋun kacamun, kwabo mere kaicorakinet. Konye emiela ituŋa kere araut kwape kaeoŋ elopet. Konye ejai ŋinidiopet ainakineteke naebuni kama ejai Edeke, idiopet kopone ece, idiopet da kopone ece. Konye alimokini lumam edukokina ka apuserun da, ebe ejok kamakec arai esalito kwape kaeoŋ. Konye arai mam epedorete ayaikina bonik, kodukokinos. Naarai ejok adukokin itia ainok. Ecorakini luedukokina, kwabo mere eoŋ, dimarai Ejakait, ebe, kinyek aberu aisac okilenike. Konye arai esaci, kosal mam edukokina, arai bo kopuco kokilenike. Bobo da kinyek ekiliokit aireŋear akeberu. Alimokini ice, eoŋ mere Ejakait, ebe, arai ejaas onace kaberu namam iyuunit, ecamuni ŋin da aiboienen kaŋes, kinyek aireŋear ŋin. Arai da ejaas aberu kekiliokit lomam iyuunit, ŋes da ecamuni aiboienen kaŋin, kinyek anyoun kama kokilenike. Naarai italaunitai ekiliokit lomam iyuunit kanuka akeberu, aberu da namam iyuunit italaunitai kanuka okilenike. Arai mere kwaŋin tieraas ikusidwe lumam elaete, konye kwana eraas lukalaunak Konye arai enyouni lomam iyuunit, konyou do ŋesi; kakiro nuikote nen mam onac arai kinac eenitai. Naarai abu Edeke konyarau oni toma ainapakin. Ijo aberu, ijenuni biai, wolo bo itajari okilenikon? Ijo da ekiliokit, ijenuni biai, wolo bo itajari akoniberu? Konye na bon, kolosenenei ŋinidiopet kwape kekorakinitor Ejakait, ŋinidiopet da kwape kenyaraunitor Edeke. Ecoranakini kwaŋin kotoma okanisan kere. Kenyaraunitai kereka etuŋanan ekepitai? Kinyek araun lomam ekepitai. Kenyaraunitai kereka etuŋanan lomam ekepitai? Kinyek akepio. Naarai akepio mam erai ibore, amamus akepio da mam erai ibore, dimarai aricit aicorakineta nuka Edeke. Kosalak ŋolituŋanan kanyaraunio nakenyaraunere. Irai kereka ebulesit nakinyaraunere? Siripodo ŋun, Konye arai ipedori araun loeosikinitai, kitwasama gwai kwaŋin. Naarai lokenyaraunio erai ebulesit, erai loeosikinitai loka Ejakait; kwape kwaŋin da lokenyaraunio erai loeosikinitai erai ebulesit loka Kristo. Aponi kogweli yes kakais nuipu; sirikiraut ibulesin luka ituŋa. Aso iinacan, kosal ŋinidiopet nepepe ka Edeke kwape kenyaraunere, Nuka abekon emamei eoŋ aicorakinet naka Ejakait, konye kapesikis yes akiro kwape etuŋanan lomunot kanuka aitim naka Ejakait. Aomit eoŋ ebe kanuka ican luka tinenikwana ejok arai kesal ituŋanan kwape ejaar. Kirotakinitai kereka jo kaberu? Sirimoot alacakinio, Emamei kereka jo aberu? Sirimoot aberu. Konye arai imanyi, mam idiakit, arai da edukokin apese, mam ŋin ediakit. Konye luikote nen eanyunete ican luka akuan, ido akoto aiyar yes ŋul. Enera na, iinacan, ebe eŋoŋar apak; kanuka ŋun koraut luejaas kaŋor kwape kaluemameete, luemonyete da kwape kalumam emonyete, ka luiyalamasi kwape kalumam iyalamasi, luegwelete da kwape kaluemameete iboro, luitwasamaete akwap koraut kwape kalumam itwasamaete, Naarai etubor epone loka akwapin kanu. Akoto yes koraut lumam iyaloŋoŋoete. Lomam emanyi iyaloŋoŋoi akiro nuka Ejakait, kwape epedoria aitelel Ejakait; konye loamanyit iyaloŋoŋoi akiro nuka akwapin, kwape epedoria aitelel akeberu, ido ejai atiaket. Aberu namam edukokinitai, arai bo apese, iyaloŋoŋoi akiro nuka Ejakait, tetere eraun nakalaunan toma akuanake ka omoyoke da. Kwabo naedukokina iyaloŋoŋoi akiro nuka akwapin, kwape epedoria aitelel okilenike. Enera ŋun kodumut yes ajokis, mam akoto ailok yes koic, dimarai aitetemikin nuibusakinito, kijaanakinete Ejakait komamei yenitapaari aomisiokus. Arai eomit etuŋanan ebe mam ikonakinit ejok naisinerit, arai imiela noi, ido ibusakinit, aso kiswama ŋesi kwape ekotor, komany ŋes, mam ediaki. Konye loicasit kotauke, komamei ibore yenitinaikinit, loepedori ayait akoteke, itogogoŋit da kotauke aricit naisinerit, iswamai ejok. Kwaŋin loemanyi naisinerit, iswamai ejok; lomam emanyi da iswamai ejok aitelekarit. Irotakinio aberu kokilenike apak kere naejaria ŋol. Konye arai ketwana okilenike, eosikinitai adukokin loekot, konye toma Ejakait. Konye aomit eoŋ ebe iyalama aitelekarit arai esali kwaŋin, Ido aomit ebe ajai kEmoyo loka Ejakait. Nuka asuban nueinakinitai aputosia; kijeni ebe, “Ejai sio kere aijen.” Edakunun aijen, konye do eduki amin. Arai eomit ituŋanan ebe ejeni akirot, eriŋa ejenuna kwape ibusakinitor ajenun, Konye arai emina ituŋanan Edeke, ejeni Edeke ŋin. Aso nuka inyamat lueinakinitai aputosia, kijeni ebe, “Aput mam erai ibore kakwap,” ido ebe, “Emamei Edeke dimarai ediopet.” Ido karaida ejaas luemaikinitai idekesio arai toma akuj arai toma akwap, kwape ejaatar “idekesio” luipu ka “ijaka” luipu, konye kamawok ejai Edeke ediopet bon, ŋes Papa, loeponiata iboro kere kamakeŋ, oni da kirai lukeŋ, ejai da Ejakait ediopet, Yesu Kristo, lokejauniata iboro kere, oni da kirai kanukeŋ. Konye ajenun ŋin mam ejai otuŋa kere. Konye ice luenaikinito aputosia kiton kwana, enyamete bala iboro lueinakinio araut asuban mama ejaas aputosia; ido naarai ekalanyaka aomisiokec, emunaaros. Mam inyamat kitojokaarete oni kakonyen nuka Edeke, Arai mam kinyami, mam kitwaniari, arai kinyami da mam kiyatakinio. Konye kocoito kinyek akusipedor araun aitiguikinet mama ejaas luekalanyaka. Naarai arai keanyu ituŋanan jo loijai kaijen, iboikin ainyam toma abila naka aput, mam kereka aomisio nuka ŋol nuekalanyaka etitiŋikinete ainyam lueinakinio aputosia? Kwaŋin eoliori loekalanyana kanuka akoniijen, ŋope ŋol onace loabu Kristo kotwanik. Ido kwaŋin naidiakanariata kama ejaas iinacanakus, ka aimusuŋ akeceomisio nuekalanyaka, idiakanaretc kama ejai Kristo, Kanuka ŋun arai itiguikinete inyamat onaceka, abeit mam anyami akiriŋ ikar kere, kenyek aitiguikin onaceka. Mam kereka eoŋ ejakakai? Mam kereka arai ekiyakia? Mam kereka eoŋ abu kaany Yesu Ejakaitiwok? Mam kereka yes iraas akaswam toma Ejakait? Naarai arai mam eoŋ arai ekiyakia kama ka ice, konye arai ekiyakia kamakus; naarai iraas yesi aipucakinet naka ekiyakianekaŋ kotoma Ejakait. Ŋin ŋes aboŋokineteka mama ejaas ŋul lukeŋisete, Emamei kereka sio apedor ainyam ka aimat? Emamei kereka sio apedor aup kaberu naerai inac, kwape kikiyakia ice, ka iinacan luka Ejakait, ka Kepa da? Arai bo eoŋ bon ka Baranaba emamei apedor ainyein aswam? Eserikalet enyoin elosi ejie kotacakin ŋes elopet? Iŋai tope irai emusabibu komam enyami araitoke? Iŋai tope icokiei esipan komam emasi akile nuka esipan? Okwe enera kereka ŋun kotuŋanane? Arai bo mam inerasi ikisila ŋupe ŋun? Naarai iwadikatai toma okisila luka Musa ebe, “Sirikien emoŋ loipudapudai aicom akima.” Epodo kereka Edeke imoŋin? Arai bo inera ŋun kanuwok? Eebo, iwadikatai kanuwok, naarai ibusakinit ekakorion akor kamun, ekecoman da aicom kamun ebe edumuni ewaike. Aso arai kiraikinit yes akiro nuka emoyo, erai ca akirot naepol arai kiidweny nukakuan kamakus? Arai emorete ice apedor ŋin kamakus, mam kereka sio kitelekarit? Konye mam kitwasamata apedor ŋin, dimarai kiŋirikinit akiro kere, kenyeis aitikokin Akiro Nukajokak nuka Kristo. Mam kereka ijenete ebe luiswamaete aswam naka eyekalu enyamete koboro luka eyekalu, ka ŋul da luijaanakinete kotem ejaas kewaikec kotoma oboro luka etem? Kwape kwaŋin icorakinit Ejakait ebe ŋul luelimonokinete Akiro Nukajokak, ejarete kanuka Akiro Nukajokak. Konye mam eoŋ etwasamat akiro ŋun karaida adiopet. Kwabo mam ewadikat ŋun tetere ejaunete kwaŋin kamakaŋ. Naarai ejok eoŋ atwanare itia idiotuŋanan aitapalaun aoloboboteka. Naarai arai alimonokini Akiro Nukajokak, emamei eoŋ naaolobobotor. Naarai ketiŋaikinitai. Itukwi eoŋ arai mam eoŋ alimonokini Akiro Nukajokak! Naarai arai eswamai ŋun kakoteka, ejai aropio, konye arai mere akoteka, kamunoi kotoma ajokon. Aso enyoin kereka ekaropit? Ŋes lota, ebe, kalimonok Akiro Nukajokak atai, komam etwasamai akapedor kere nakijaar kotoma Akiro Nukajokak, Naarai karaida kaosikinitai kotuŋa kere, etuluoro ebulesit loka kere, tetere eriuni luipu aitelekarit. Abu karau bala Eyudayat kama ejaas lyudayan, tetere eriuni Iyudayan; kama kaŋul kalueyaito ikisila, abu karau loeyaito ikisila-karaida mam eoŋ elopet kayaito ikisila-tetere eriuni lueyaito ikisila. Kama kaŋul kaluemameete ikisila abu karau loemameete ikisila-mere ŋes amamuut kikisila kama ejai Edeke, konye aricit ikisila luka Kristo-tetere eriuni ŋul luemameete ikisila. Abu karau ekalany kama ka luekalanyaka, tetere eriuni luekalanyaka. Karau lokiponesio kere kotuŋa kere, tetere korotin kere ketajar ice. Eswamai ŋun kere kanuka Akiro Nukajokak, tetere kimori ka ice kotomakec. Mam kereka ijenete ebe lueboloboloete, eboloboloete kere, konye ediopet edumuni ainakinet? Aso koboloboloete tetere idumunete. Yenepega kabolobol eyaikina kakiro kere. Iswamaete ŋul kwaŋin tetere edumunete aboko naemunaar, konye oni namam emunaar. Eoŋ da mam aboloboloi atitai, mam anaŋi da bala loenaŋi apak; konye eticani akakuan, ketubulesen ŋes, kenyek kadau alimonokin ice, araun eoŋ elopet loeneritoi. Naarai iinacan, akoto yes ajenun ebe abu edou kiteriborite lukapapaakos kere, kitoroto kere aŋolol, aponi kibatisai da kere kama ka Musa kotoma odou kotoma aŋolol da, konyamata da kere inyamat luka emoyo, ido komata kere numatan nuka emoyo. Naarai apotu komata kAtiiba naka emoyo naatupit kes, Atiiba ŋin da kerai Kristo. Konye mam Edeke abu kolelakinite luipu kakesi; naarai aponi komudiarai kamodiŋ. Aso keraas akiro ŋun aput mamawok, tetere mam kiraŋai nueroko, kwape kiraŋaata ŋul. Sirikiraut luimaete aputosia, kwape ice kakesi; kwape kiwadikatere ebe, “Kiboikinos ituŋa ainyam ka aimat, kosodete konyout abolia.” Kwabo sirikidoteata, kwape ice kakesi, kibiroros da ituŋa ilukumin akaisaarei ka luuni kapaaran adiopet. Kwabo sirikikodut Ejakait, kwape kekoduniata ice kakesi, komudiasi imunwo. Kwabo sirikirurumakis, kwape ice kakesi, komudia kes Ekamudiaran. Aso akiro ŋun apotu kodoikis ŋul aikwenyar, iwadikatai aituutooria oni, lukidoloki awasia naka ikar. Kanuka ŋun kocoite ŋin yeneomit ebe ebwoi, kinyek aibiror. Emamei acodunet nakidoikini yes, namam erai naka ituŋa kere. Konye erai Edeke lomunot, mam ejalakini yes acodunio adepar nuipedorete, konye nenipe kacodunet itemokini neekuianara, tetere ipedorete atitiŋikin. Kanuka ŋun, luminanaka, kinacata aima aputosia. Enera kayes kwape lukacoa; kotuboto yesi nuenera eoŋ, Aikopo ŋin nakarereŋ nakilipakini arereŋ, mere kereka ŋes aimor kaokot nuka Kristo? Emugati ŋol lokibili, mere kereka ŋes aimor kakuan naka Kristo? Naarai erai emugati ediopet, oni da lukipu, kirai akuan adiopet, naarai kimori oni kere emugati ediopet. Koanyutu kwape kiswamaa Isirael; mam kereka eraas luenyamete asuban ikamorak luka etem? Aso do enera anu? Luainakinitai aputosia eraas kereka ibore? Arai bo ebe erai aput ibore? Mam, konye lueinakinete ikapirin, einakinete mama ejaas ajokin, kwabo mere Edeke. Eoŋ da mam akoto yes aimor kajokin. Mam ipedorete aimat aikopo naka Ejakait, ka aimat da aikopo naka ajokin. Mam ipedorete aimor komesa loka Ejakait, komesa da loka ajokin. Kisurumikereka oni Ejakait ekokote? Ejai tope oni agogoŋ aitelekarit nakeŋ? “Ibusak akiro kere,” konye mam kere isigalikinete. “Ibusak akiro kere,” konye mam kere edukete. Sirikemo ituŋanan akejokis bon, konye naka lucekeŋ, Konyam ŋinibore kere yenegwelario kagwelaret naka akiriŋ, komam iŋisete kanuka abuonokin. Naarai “erai akwap naka Ejakait, ka ailelebake.” Arai kiinyara yes lomam iyuunit, ikotosi da alosit, konyamata ŋinibore yenibwaikinio kakonyenekus, komam iŋisete kanuka abuonokin. Konye arai kiilimok ituŋanan ebe, “Ibore ŋin ainakinitai araut asubanit,” sirikinyama, kanuka ŋin yenikiitodikini yes, kanuka abuonokin da— abala eoŋ ebe kanuka abuonokin, mere nakus, konye nakeŋ. Naarai kanukinyo etubokinere akaosikinio kanuka abuonokin naka ice? Arai amori kaimal, kanukinyo kamoromoroere kanuka ŋin yenemalai? Aso arai inyamete arai imasete, arai iswamaete adiokirot kere, kiswamata kere kanuka aibuses naka Edeke. Sirikitiguikis Iyudayan, karaida Iyonanin, karaida ekanisa loka Edeke, kwape etalakaritor eoŋ kere kakiro kere, komam amoot akajokis dimarai naka luipu, tetere itajario. Koputoorito eoŋ, kwape eoŋ da aputoritor Kristo. Keturit yes naarai kiitunito eoŋ kakiro kere, ido iricito iponesio kwape kejaikinitor yes. Konye akoto yes ajenun ebe erai Kristo akou naka ŋolikiliokit, ekiliokit da erai akou naka aberu, akou da naka Kristo ŋes Edeke. Ŋolikiliokit loilipi arai loedwari kimukorite akouke, itisili akouke, Konye ŋiniberu nailipi arai naedwari komam akekou imukoro, itisili akouke. Naarai esubit bala ebarenitoi akouke. Naarai arai mam imukoro aberu, koŋera do itimake, Konye arai irumete aberu ileic abarenio arai aŋerio, kimukori do, Naarai mam ibusakinit ekiliokit aimukorit akouke, naarai erai aput ka aibuses naka Edeke; konye aberu ŋes aibuses naka ekiliokit. Naarai ekiliokit mam elomunit kama ka aberu, dimarai aberu kama kekiliokit. Ido mam aponi kosubai ekiliokit kanuka aberu, dimarai aberu kanuka ekiliokit. Kanuka ŋun ibusakinit aberu ajaut kaimukoret akouke kanuka imalaikan. Kwabo toma Ejakait emamei aberu komamei ekiliokit, karaida ekiliokit komamei aberu. Naarai kwape kelomunia aberu kotoma okiliokit, kwape kwaŋin da euruunio ekiliokit kama ka aberu. Epote da iboro kere kama ejai Edeke. Kotuboto kanukus; ibus kereka aberu ailip Edeke komam imukoro? Mam kereka einono elopet kisisianak yes ebe, arai ipisi ekiliokit itimake eraas nukileic kamakeŋ? Konye arai eojak itima luka aberu, ŋes aibuses kamakeŋ? Naarai einakinitai itimake araparia. Konye arai ekot ituŋanan aitepeg, emamei sio epone loikoni nen, karaida ikanisan luka Edeke. Konye kaicorakinet kana mam keturit yes, naarai naitukonokinotor mam erai ajokis, dimarai aronis. Nasodit, naarai naitukonokinotor okanisa, eira ebe ejaas atiaketa kidiŋikus, eyuunit da ace. Naarai ibusakinit irioŋeta ajaut kotomakus, tetere etakanunete lukabeit kotomakus. Naitukonokinotor yesi mam erai tetere inyamete inyamat luka Ejakait, Naarai kotoma ainyamakus, eyaŋaari ŋinidiopet ikenyamat, kogei ainyam, idiopet da eriebi eteŋei, ice da emerikin. Okwe emameete kereka yes itogoi neinyamiata, ka aimat? Arai bo imenete ekanisa loka Edeke, itisilete da luemameete iboro? Enera anu kayes? Keturit gwai yes? Mam keturit yes kanuka ŋun. Naarai abu kadum kama ka Ejakait, ŋun nukejaikinit yes ebe, kakuare kaya nakebilakinere ebotet, abu Ejakait Yesu kolem emugati, kedau aimal, kobilibil; kotema atiar, “Lo ŋes akakuan naerai kanukus. Kiswamaenenete ŋun aiitunitor eoŋ.” Kwape kwaŋin da kedaut ainyam, kirum akoli, kobala ebe, “Akoli na erai aitutuket nakitetet kotoma akaokot. Kiswamaenenete ŋun naimasiananata kere, aiitunitor eoŋ.” Aso irwan kere nuinyamenenata emugati ŋol, arai imasenenata akoli ŋin, ilimorete atwanare naka Ejakait, aitodol naebunio ŋesi. Kwaŋin ŋin yenenyami emugati arai yenemasi akoli naka Ejakait komam ibusakinit, egwaunit akiro nuka akuan ka aokot nuka Ejakait. Konye koŋica ituŋanan ilopet, kosodi konyam nuka emugati, komat da nuka akoli. Naarai yenenyami ka aimat komam imisiikini akuan, enyami emasi da atubokinio. Kanuka ŋun ipu kayesi luekalanyaka, ka luedekasi, ice da ajotooros. Konye arai kimisiikina bonik, mam kitubokinio. Konye nakitubokini oni Ejakait, kilecorio, kenyeis aitelekario nepepe kakwapin. Aso do ikainacan, naitukonokinotor ainyam, kidareununos, arai ejai yeneriebi eteŋei, konyam korekeŋ; kinyek atukonokinikus atubokinio. Etetemi acekiro kere naabunio. Nuka ainakineta nuka emoyo, iinacan, mam akoto yes koolik aijen. Ijenete ebe nairaatar ikapirin kitapaaritai mama ejaas aputosia numam ineras, kwape kiŋarenikinitere. Kanuka ŋun ketejenuni yes ebe emamei ituŋanan yeninera kOmoyo loka Edeke ebe, “Kikenoi Yesu!” kwabo mam epedori ituŋanan atemar ebe, “Yesu ŋes Ejakait,” dimarai kOmoyo Lokalaunan. Aso ejaas ainakineta nuegelegela, konye Emoyo ediopet; ejaas da iponesio luegelegela luka aijaanakin, konye Ejakait ediopet; ejaas da iponesio luegelegela luka aswam, konye Edeke ediopet, loiswamai aswamisio kere toma kere. Konye einakinio ŋinituŋanan apukokinio naka Emoyo akerianaror. Naarai einakinio idiopet akirot naka acoa kanuka Emoyo, ice da akirot naka aijen kanuka Emoyo ŋol, ice da aiyuun kanuka Emoyo ŋopeŋol, ice da ainakineta nuka aitaŋaleun kanuka Emoyo ŋol ediopet, ice da aswamisio nuka apedor, ice da aidwar, ice da aitiak komoyon, ice da iponesio luka aŋajepa, ice da aijul aŋajepa, Konye iswamai Emoyo ediopet aswamisio ŋun kere, ŋes ŋol loekorakini ŋinituŋanan kwape ekotor. Naarai kwape eraar akuan adiopet, ejaas da atutubeta nuipu, kwabo atutubeta kere nuka akuan kaŋin, karaida kipu, eraas akuan adiopet, kwape kwaŋin Kristo da. Naarai aponi kibatisai oni kere kotoma emoyo ediopet araun akuan adiopet, karaida Iyudayan, karaida Iyonanin, karaida ibulesin, karaida luijakakaete-aponi oni kere kitamasi Emoyo ediopet. Naarai mam akuan erai atutubet adiopet dimarai nuipu. Arai ketema akeju ebe, “Naarai mam eoŋ arai akan, mam eoŋ arai naka akuan,” mam ŋun itamamaunete ŋes kakuan. Ido arai ketema akit ebe, “Naarai mam eoŋ arai akoŋu, mam eoŋ arai naka akuan,” mam ŋun itamamaunete ŋes kakuan, Arai kerai akuan kere akoŋu, ti kereka aiirar ejai bo ai? Arai kerai akuan kere akit, ti kereka aiŋuun ejai bo ai? Konye do kwana ibwaikinit Edeke atutubeta, ŋinidiopet kakesi toma akuan kwape akotor. Arai keraas kere atutubet adiopet, ti kereka akuan ejai bo ai? Konye kwana ejaas atutubeta nuipu, konye akuan adiopet. Mam epedori akoŋu alimokin akan ebe, “Mam eoŋ kepuda jo,” karaida akou alimokin akeje ebe, “Mam eoŋ kepuda yes.” Konye aitelekarit noi, atutubeta nuka akuan nueomitai araut nuekalanyaka aitelekarit, ipudai noi, atutubeta da nuka akuan nueomitai araut numam ibusak, ŋupeŋun kiinakinit aibuses noi, atutubetawok da nuemamei ajokis, ejai ajokis aitelekarit, namam atutubetawok nuejaas ajokis ipudasi. Konye abu Edeke kimorikik akuan, kaitubusikin noi atutubet naiŋoŋara, tetere mam ejaun atiaketait kakuan, konye kiŋaranakinos atutubeta bonik ka bonik. Arai keriebakin atutubet adiopet, koriebakinos nuce kere kaŋes; arai kitopoloor atutubet, kolakaros atutubeta kere kaŋes. Aso iraas yesi akuan naka Kristo, ka atutubetake, ŋinituŋanan kanukeŋ, Ido ebwaik Edeke ice toma oKanisa, lusodit ikiyakia, lukiareit inabin, lukiwuniet ikesisianakinak, kosodete ikeswamak nukapedor, kosodete lueinakinitai aitaŋaleun, ikeŋarakinak, ikayaitok, ka iponesio luka aŋajepa da. Eraas kereka kere ikiyakia? Eraas kereka kere inabin? Eraas kereka kere ikesisianakinak? Iswamaete kereka kere nukapedor? Ejaas kereka kere ainakineta nuka aitaŋaleun? Inerasi kereka kere aŋajepa? Ijulete kereka kere? Kimielas noi ainakineta nukapolok. Ido ketodikinete yes erot loitelekarit noi ajokis. Arai kener kaŋajepa nuka ituŋa ka nuka imalaikan, kwabo emamei eoŋ amin, arai ibore yeneruo arai aisinin nueruos tai. Bobo da arai ajai kaidwar, ajenuni da nukaiyeiyea kere, ka aijen kere, arai da ajai kaiyuun kere naepedori aitwobot iroŋan, komamei eoŋ amin, mam arai ibore. Bobo da arai kakorak ikaboro kere aitanyamia lukican, bobo da arai kainak akakuan aicweikinio, komamei eoŋ amin, emamei adiojokis, Eŋirikinit amin, esiana amin; mam amin ikokoteono, mam epogana, mam edakunun, mam iswamai numam ibusakinito, mam emoot nuke bon, mam itunyunyurikinio, mam eliliei, mam elelakinit numam edolito, konye elelakinit abeit. Etitiŋikinit amin kere, iyuunit kere, emuno kere, ikanyi kere. Mam amin enaŋi cut; konye kejai aidwar itapalaunio; kejaas aŋajepa, enaŋete; kejai aijen, itapalaunio. Naarai kijeni nuikidioko, kidwari da nuikidioko, konye naejaunia naitekoro, itapalaunio do nuikidioko ŋun. Naaraar ikoku, abu kenera bala ikoku, kajeni bala ikoku, kaomoomoi bala ikoku; naapolooror ketapalau nukeiditeu. Naarai kwana kiseseni karoet kowariwari, konye kapak kaŋin kisesena kakonyen; kwana ajeni nuikidioko, konye kapak kaŋin ajenuni noi kwape kajenunere noi. Aso kwana esalete aiyuun, ka amun, ka amin, ŋun auni; konye naepol aitelekarit kaŋun ŋes amin. Kotupasi amin, kimielasi noi ainakineta nuka emoyo, konye aitelekarit tetere ilimonokinete, Naarai yeninera kaŋajepa mam ineras kituŋa dimarai ka Edeke, naarai emamei yenepupuni konye inera nukaiyeiyea kotoma Omoyo. Konye ŋin yenelimonokini ineras kituŋa nuedukete ka nuitalakarete, ka nuisicerededete da. Yeninera kaŋajep eduko bon, konye yenelimonokini eduki ekanisa. Akoto yes kere einer kaŋajepa, konye aitelekarit noi tetere ilimonokinete. Naarai yenelimonokini epol adepar yeninera kaŋajepa, alemar ejai yenijuli, tetere epedorio aiduk ekanisa. Aso iinacan, arai kabu mama ijaas, kener kaŋajepa, ketudumikini yes ajokis anyoin, dimarai kinera kayes kotoma apukokinio, arai korot loka aijen, arai kalimonokin, arai kaisisianakin? Iboro luemamei aijar lueruos, bala alamaru arai adeudeu, arai tope mam eruosi kiporotoi luegelegela, ikonakinio ai etiakunio yenekusio arai yeneramio? Arai da itorokok eporoto loka arupepe, iŋai bo ekapakin kanuka ejie? Kwape kwaŋin yes da; arai ineras kaŋajep akiro numam ideleleete, ikonakini ai akirot nainerasi ejenun kama ejaas luepupete? Naarai inerasi apak atai, Motoko ejaas iporotoi luka iponesio luipu akwapin, konye emamei loemamei apolou, Aso arai mam ajeni apolou naka eporoto kaŋol, araun bala emoit kama ejai yeninera, ka yeninera da eraun imoit kamakaŋ, Kwape kwaŋin yes da; naarai imielasi noi araut luka ainakineta nuka emoyo, komoata araut luitekoro kotoma aiduk ekanisa. Kanuka ŋun yeninera kaŋajep kilip aijul. Naarai arai kelip kaŋajep, ilipi ekamoyo, konye emameete akaomisio araito. Aso anyoika bo do? Elipi kemoyo, elipi da kaomisio; ayei kemoyo, ayei da kaomisio. Arai imalai kemoyo, eboŋokini biai yeniboie kaibois naka yenemamei ainakineta ebe, “Amen,” naidaunia aimal, arai mam ejeni nuinera ijo? Naarai elemuni imalai ijo ejok, konye mam yenice edukio. Emalai eoŋ Edeke, naarai enera kaŋajepa adepar yes kere; konye kotoma okanisa akoto einer akiro akany kaomisioka, tetere esisianakini ice, itia einer akiro alukumin atomon kaŋajep. Iinacan, sirikiraut idwe kotoma aomisiokus; konye kotoma aronis koraut imukerun, konye kotoma aomisiokus koraut luipolok. Iwadikatai kotoma okisila ebe, “Ebala Ejakait ebe, Abuni einer kituŋa kalu kotuŋa luka aŋajepa ace, kaituke da nuka imo, karaida kwaŋin, mam keirarete eoŋ.” Aso eraas aŋajepa aanyunet mere mama ejaas luiyuunito, dimarai lumam iyuunito, konye alimonokin mam erai kanuka ŋul lumam iyuunito dimarai kanuka luiyuunito. Aso arai etukokina ekanisa kere, kinerasi kere kaŋajepa, arai kelomasi luemameete ainakineta, arai lumam iyuunito, mam kereka ebalasi ebe kikerepiki yes? Konye arai elimonokinete kere, kolom yenimam iyuunit, arai yenemamei ainakineta, itoronete ŋes kere, etubokinete ŋes kere, ilepilepio nukaiyeiyea nukotauke; kwaŋin ibirori ebuburia, emai ŋesi Edeke, elimori ebe, “Abeit ejai Edeke kayes.” Aso iinacan, anyoika bo? Nakitukokinotor, ejai ŋinidiopet ekosio, arai aisisianakin, ejai apukokinio, arai aŋajep, arai aijul. Kiswamas akiro kere kanuka aiduk. Arai inera ituŋanan kaŋajep, kinerata iarei arai iuni, mere adepar, bobo da kabeanakin; kijul da idiopet. Konye arai emamei yenikejulan, kililiŋ kotoma okanisa, kinerakin ilopet ka Edeke, Kinerata da inabin iarei arai iuni, komisiikis luce. Konye arai kepukokin yeniboie akirot, kililiŋ yenisodit. Naarai ipedorete yesi kere alimonokin idiopet idiopet, tetere isisiaunete kere, kitalakarai da kere; korima emoyo loka inabin inabin. Naarai mam Edeke erai Edeke loka ecelet, dimarai loka ainapakin. Kwape ejaar kokanisan kere luka lukalaunak, kililiŋete aŋor kotoma okanisan. Naarai mam ecamakinitai einer, dimarai korimasi, kwape ebalatar ikisila da. Arai ekotos aisisiaun akirot kere, kiŋita ikiliokokec koreriakec, Naarai mam ibus aberu einer kokanisa. Kebuni kereka akirot naka Edeke kamakus, arai bo kidolokinit yes bonik? Arai eomit ituŋanan ebe erai enabi, arai bo yenikemoyo, koŋic ŋun nuewadikakinit yes, ebe, eraas aicorakinet naka Ejakait. Konye arai emamei ituŋanan aijen, kojau kwaŋin. Aso ikainacan, kimielas alimonokin, sirikitikokinos einer kaŋajepa; konye kiswamas akiro kere kwape ibusakinitor, ido kopone kaloejok. Iinacan, ketejenik yes Akiro Nukajokak nuabu kalimonok yes, nuipotu yesi kijaut, nuicasitotor da, kanuka ŋun da kitajario, arai kiricata noi akirot naabu kalimonok yes-dimikito iyuunito atai. Naarai abu kejaik yes nusodit nuabu eoŋ da kejau, ebe abu Kristo kotwana kanuka adiakanaretawok, kwape ejaatar nuiwadikatai, ebe da aponi konukai, ebe da aponi kitajarunai kapaaran kanakiwuniet, kwape ejaatar nuiwadikatai, ebe da kitakanikin Kepa, kosodi lutomon kaluarei. Kosodi kitakanikin irwan atipet iinacan luadeparito akwat akany, luipu kotomakec ejarete kiton kwana, konye ajotooros ice. Kosodi kitakanikin Yakob, kosodi ikiyakia kere. Awasia naka ituŋa kere, abu ketakanikin eoŋ da, kwape ikoku yenikijecuna. Naarai arai eoŋ loadit noi kokiyakia kere, lomam kebusakinit anyarao ekiyakia, naarai abu kemanite ekanisa loka Edeke. Konye kanuka asianut naka Edeke arai kwape araar kwana, akesianut da mamakaŋ mam kerai naatitai; dimarai abu keyatak noi aswam adepar kes kere, kwabo mere eoŋ, dimarai asianut naka Edeke nakijaar. Aso arai kerai eoŋ, arai kes, kilimonokini kwaŋin, kwaŋin da ŋes ipotu kiyuuniata. Konye arai elimonokinio Kristo ebe aponi kitajarunai kokatwak, inerasi biai ice kayesi ebe emamei ajarun naka ikatwak? Konye arai emamei ajarun naka ikatwak, mam Kristo da itajarunitai. Konye arai mam Kristo itajarunitai, aso erai akosilimonokin atitai, akusiiyuun da atitai. Ido kitakani kirai ikajenak luka Edeke lukeŋalak, naarai kitejenunit nuka Edeke ebe abu kitajar Kristo, lomam abu kitajar arai mam ikatwak itajarunio. Naarai arai mam ikatwak itajarunio, Kristo da mam itajarunitai. Ido arai mam Kristo itajarunitai, erai akusiiyuun atitai, isalakinito toma adiakanaretakus. Ido ŋul da lukejotooros kotoma Kristo aoliosi. Arai kimunokina Kristo kotoma aijar kana bon, kirai lukitimitoi adepar ituŋa kere. Konye kwana adau Kristo aitajarunio kokatwak, ŋes araito nugeet nuka ŋul kaluejotooros. Naarai kwape ajaunia atwanare kanuka etuŋanan, kwape kwaŋin ajau da ajarun naka lukatwak kanuka etuŋanan, Naarai kwape etwakiata kere kotoma Adam, kwape kwaŋin ejarete da kere kotoma Kristo. Konye ŋinituŋanan kwape ebeikinia: Kristo ŋes araito nugeet; kosodete naebunio ŋesi ŋul lueraas luka Kristo. Kosodi edoluni esaŋe, naijaikinia ŋesi Edeke Papa ajakanut; naedaunia aitapalaun airumit kere, ka apolou kere ka apedor da, Naarai ibusakinit ŋes airumit aitodol naicakakinia lukasurupoke kere kwap kakejeneke. Lokasurup lokawasia amudiario ŋes atwanare. “Naarai itononokikini Edeke iboro kere kwap kakejeneke.” Konye naetemaria ebe itononokikinio iboro kere, idelelei ebe mam elimunitoi ŋol lokitononokikini iboro kere. Naitononokikinitere iboro kere, ŋes konyet itononokikinitere Okoku da elopet mama ejai ŋol lokitononokikini iboro kere, tetere eraun Edeke loka kere kotoma kere. Ikonakinete bo do ai luibatisauna kanuka lukatwak? Arai mam cut itajarunio ikatwak, kanukinyo kibatisaere kes kanukec? Kanukinyo do kijaar sio ationis ŋolisawa? Iinacan, etogogoŋit kanuka aoloboboteka kanukus nakijaar toma Kristo Yesu Ejakaitiwok, ebe, atwani ŋinipaaran Arai apotu kajioto kitiaŋ kotoma Epeso, kwape etuŋanan, ajokis anyoin? Arai mam itajarunio ikatwak, aso, “Kanyama, kamata, naarai kitwaki moi.” Sirikiŋalas; “Aup kalueroko emunaari iponesio luejok.” Kikwarut kadolit, ido siridiakanarete, Naarai ejaas ice lumam ejenete Edeke. Enera ŋun aisurumia yes ileic, Konye etemari ituŋanan atiar, “Ikwaikini ai itajarunio lukatwak? Ido epote kakuan anyoin?” Ibaŋaana ijo, ŋin yeniyei mam ejari dimikito ketwana. Ŋin da yeniyei, mam iyei akuan naejauni, nabarai ikinyomit bon, motoko akimait, arai yenika epone ece. Konye Edeke einakini ŋes akuan kwape akotor, einakini ŋolikinyomit akuanake bon. Naarai akiriŋ kere mam eputonoro; konye ejai akiriŋ naka ituŋa, ace naka itiaŋ, ace da naka ikweny, ace da naka lukecor. Ejaas da awat nuka akuj, ka awat nuka akwap; konye aibuses nakokuju erai ace, aibuses da nakokwap erai ace. Ejai aibuses naka akoloŋ, aibuses ace naka elap, ka aibuses ace da naka aacer: naarai egelegela aacerit adiopet kaacerit ace kotoma aibuses. Ikoni nen ajarun naka Iukatwak, Eyeio komamei aibuses; itajarunio kaibuses; eyeio kakalanyanut; itajarunio kapedor. Eyeio akuan naka akiriŋ; itajarunio akuan naka emoyo. Iwadikatai kwanata ebe, “Korau etuŋanan losodit Adam ekesa loejari.” Korau Adam lokawasia emoyo loeinakini aijar, Konye lokemoyo mam kerai losodit, dimarai lokakiriŋ; kosodi konyet ŋol lokemoyo. Abuni etuŋanan losodit kotoma alup, ŋes lokapua; etuŋanan lokiareit abuni kotoma akuj. Kwape ejaar etuŋanan loka apua, ikote nen luka apua; kwape ejaar da loka akui, ikote nen luka akui. Kwape kiputooro etuŋanan loka apua, kiputoori da lokokuju, Konye iinacan, enera nu ebe, mam epedorete akiriŋ ka aokot airum ajakanut naka Edeke; ido aibos mam irumi amamus aibos. Koany, kalimokinete nakaiyeiyea ebe: Mam oni kere kijotoor, konye kilocokinio kere, katipet, bala arwakakin akoŋu, keruiki arupepe nakawasia; naarai erui arupepe, itajarunio lukatwak kamamus aibos, kilocokinio oni da. Naarai ibusakinit naebosi na ainap amamus aibos, ibusakinit da naetwani na ainap amamus atwanare. Naebosi na naenapia amamus aibos, naetwani na da naenapia amamus atwanare, ŋes konyet itodolikinor akirot naiwadikatai ebe: “Ejwenyario atwanare kotoma aipikor.” “Wu jo atwanare, ai bo ejai akoniipikor? Wu jo atwanare, ai bo ejai ekonitidot?” Etidot loka atwanare ŋes aronis; apedor da naka aronis kes ikisila. Konye kimalai Edeke lokiisipikori oni kanuka Ejakaitiwok Yesu Kristo. Aso do ikainacan luminan, kicata, komam iriaŋiriaŋas, kiyatanakis ŋinipaaran aswam naka Ejakait, naarai ijenete ebe mam itaaritos atai kotoma Ejakait. Konye nuka atukonokin iboro kanuka lukalaunak; kwape ekorakinitor ikanisan luka Galatia, kiswamata yesi da kwape kwaŋin. Apaaran nasodit naka asabato kiŋadak ŋinituŋanan kayesi kidiat, kwape ekerianar, kinyeinai atukonokin naabunio eoŋ, Konye naadolunio, luitojokete yesi kobalua, ŋul eyakiari ayaŋaar akusiinakineta Yerusalem. Arai ibusakinit eoŋ da alosit, kiupari kesi keoŋ. Konye abuni mamakus naadaunia aitor Makedonia, naarai etori Makedonia, Konye motoko asalakin mamakus, arai adaun apak naka aterot kayes, tetere kinyamakinete eoŋ nealosi kere. Naarai mam akoto aanyun yes kwana etori aitor; naarai amuno asalakin kayes apak arai keesiiki Ejakait, Konye asalakini Epeso kiton naka Pentekote, naarai kaŋaikinitai ekek loepol kanuka aswam, ido ejaas luipu luirebirebete. Arai kebu Timoteo, kocoito ebe ejai kayes komamei akurian, naarai iswamai aswam naka Ejakait, kwape kaeoŋ. Kinyek ituŋanan kere aimen ŋes. Konye kinyamakisi ŋes kainapakin, tetere ebuni mamakaŋ; naarai edaret ŋes nepepe kiinacan. Nuka onac Apolo, abu keŋaiŋa ŋes noi abunore mamakus nenipe kiinacan, kwabo mam erai akoteke nepepec da abunore kwana. Konye ebuni naedumunia apak. Kokwenyete, kicata kotoma aiyuun, kiswamata ekiliokone, kogogoŋoto Kiswamata akusikiro kere kotoma amin. Aso iinacan, ijenete lukokale luka Sitepan, ebe eraas lugeet luka Akaia ido ejaikinos aswam naka aijaanakin lukalaunak; keŋaiŋait yes, kononokikisi yesi da ituŋa luikote nen, ka ŋinituŋanan yenikeswaman nenipe kakes ka yenitaaritoi da, Alakara kanuka abunore naka Sitepan ka Porutunato ka Akaiko, naarai apotu kelelebikis eoŋ nueŋoŋara kamakus; naara esiyeŋut ekamoyo, ka imoyonokus da. Aso kojenete noi ituŋa luikote nen. Kiyogaete ikanisan luka Asia yes. Kiyogaete da Akuila ka Pirisika noi kotoma Ejakait, ka ekanisa da loejai orekec. Kiyogaete iinacan kere yes. Kiyoganakinos kainu nakalaunan. Eoŋ Paul ŋes ewadikat ayogan na kakanika elopet. Arai ejai yenimam emina Ejakait, korau yenikenitoi. Ebunit Ejakait! Asianut naka Ejakait kojai kayes. Kojai akamina kayes kere toma Kristo Yesu Amen. Paul ekiyakia loka Kristo Yesu kanuka akot naka Edeke, ka Timoteo onacewok, Mama ejai ekanisa loka Edeke loejai Korinto, nenipe ka lukalaunak kere luejaas Akaia kere: Kojai asianut mama ijaas ka ainapakin nuepote kama ejai Edeke Papawok ka Ejakait Yesu Kristo. Kituritete Edeke Papa loka Ejakaitiwok Yesu Kristo, Papa loka aitim, Edeke da loka aitalakar kere, lokitalakarit oni kotoma aiticanitoiwok kere, tetere oni da kipedori aitalakar ŋul luejaas toma aiticanitoi kere, kaitalakar ŋin nakitalakaria Edeke oni. Naarai kwape iyatanakinor ariebo naka Kristo kamawok, kwape kwaŋin da iyatanakinor aitalakariowok kanuka Kristo. Arai kiticanitoi sio, erai kanuka aitalakariokus ka aitajariokus da; ido arai kitalakario sio, erai kanuka aitalakariokus naeyauni atitiŋikin kariebo ŋin nakisiriebio sio da. Icasit amunokosi kanukus; naarai kijeni ebe kwape imoriata ariebokosi, imorete kwape kwaŋin aitalakariokosi da. Naarai, iinacan, mam kikoto yes kinyeis ajenun aiticanitoi nakidoikinit sio ko Asia, ebe kinuaritai noi noi adepar apedorikosi, komam kiwomit aijar. Kwabo kipou isio kapuput atwanare kotomakosi, kenyeis amunokina bonik, dimarai Edeke loitajaruni lukatwak; ŋ es abu koyuu sio kotoma atwanare naetia nen, ido kiyuuni, lokimunokina ebe iyatanakini ayuun, Yes da kiŋarakinos ailipanakin sio, tetere imalaete luipu kanukosi, kanuka ainakinet nakiinakinitai sio kanuka ailip naka ituŋa luipu. Naarai aolobobotekosi ŋes nata, ajenanut naka aomisiokosi ebe kipou kalosenenete kotoma akwapin aitelekarit mamakus, kotoma alaunit ka aipioror naka emoyo loebuni kama ejai Edeke, mere kanuka acoa naka akuan, dimarai kanuka asianut naka Edeke, Naarai mam kiwadikakinit yes akirot dimarai nuipedorete asoman ka ajenun, ido amuno ebe ijenunete ŋun kiton awasia, kwape ipotu kojenuniata ace kamakosi, ebe kirai isio aolobobotekus, kwape irauniata yesi da nakosi, kapaaran naka Ejakaitiwok Yesu. Kotoma amun ŋin abu kakoto ailiŋ abunore mama ijaas, tetere idumunete asianut nakiareit; aitor mamakus alosit Makedonia, ka aboŋun bobo mama ijaas anyoun ko Makedonia, ka yes da ainyamakin eoŋ alosit Yudaya. Aso naakotor ŋun, apotu kereka akaomisio kijulanakinos? Arai bo abu kenerunite ŋun kopone loka akuan, tetere ikote nen kamakaŋ, “Eebo, eebo,” ka “Mam, Mam”? Konye kwape eraar Edeke lomunot, akosikirot mamakus mere Eebo ka Mam. Naarai Kristo Yesu Okoku loka Edeke, lokipou isio kalimonokis yes, eoŋ ka Silibano ka Timoteo, mam kerai Eebo, ka Mam; dimarai tomakeŋ eraenena Eebo. Naarai aisumuneta kere nuka Edeke eraas Eebo kotomakeŋ, ido kanuka ŋol ŋes kibalar ebe Amen tetere itopoloorio Edeke. Aso ŋol lokiticasi sio nenipe kayes kotoma Kristo, loinyonyoikinit da oni akinyet, ŋes Edeke. Ŋes kipucakini oni aipucet, ka ainakin da Emoyo toma otauonowok araun aititiŋet, Konye eoŋ ewonet Edeke araut ekajenan loka aijaraka, ebe kanuka aitimit yes, mam abu kabu Korinto, Mere ŋes atemar ebe kiyait aiyuunikus, dimarai kirai ikegaŋak luka alakarakus, naarai icasitos kanuka aiyuunikus. Konye alosikinit na ebe mam bobo abuni mamakus kotoma akadakinit. Naarai arai keetakadik yes, aso iŋai bo ketalakari eoŋ, dimarai ŋol loetakadikinit eoŋ? Abu kewadikak ŋupeŋun kenyek naabunio akadakin kanuka ŋul lutiketalakasi eoŋ, naamunokinor yes kere ebe alakaraka ŋes nakus da kere. Naarai abu kewadikak yes kotoma aiticanio naepol ka aburun naka etau, ka akiyo da nuipu, mere aitakadikin yes, dimarai tetere ijenunete kwape edeparitor noi aminaka mamakus. Konye arai itakadikinit ituŋanan, mam ketakadikinit eoŋ bon, dimarai yes kere nepetai, kenyek ainuar. Ilosikino aiticanet ŋin yenikoni nen naedumuni kama ejaas luipu; ŋes ibusakinitor yes gwai aitim ka aitalakar ituŋanan yenikoni nen, kinyek diat yenikoni nen ailikorio kotoma akadakinike naedeparit. Kanuka ŋun keŋaiŋait yes aitogogoŋ amin kamakeŋ. Naarai abu kewadik kanuka ŋun, tetere ketemi yes, wolo bo irimasi kotoma akiro kere. Konye arai isioniete ituŋanan akirot kere, eoŋ da esioniei ŋes. Naarai arai esionit ituŋanan akirot, esionit kanukus, kakonyen nuka Kristo, kinye Satan aipikor oni; naarai mam kiswakit aijen iboteike. Naadolio Teroa alimonokin Akiro Nukajokak nuka Kristo, aponi kaŋaikin ekek kotoma Ejakait; konye mam ekamoyo eyeŋunit naarai mam adumunit Tito onaceka. Konye abu katwar kes, kalot Makedonia. Konye kimalai Edeke lokisipikonori tir kotoma Kristo, ido loitodiari aures naka aijen ŋes kaŋiniibois kotomakosi. Naarai kirai isio asakat naka Kristo kama ejai Edeke, kotoma kaŋul kaluitaiario, kaŋul da lueoliorito, mama ejaas lukiareit, aures naka atwanare naeyauni atwanare, konye mama ejaas ŋul lusodit aures naka aijar naeyauni aijar. Iŋai kereka ilosikino ŋun? Naarai mam kirai kwape luipu luegwelanarete akirot naka Edeke, konye kinera kotoma Kristo kwape luipiororoete itauon, kwape luepote kama ka Edeke, akonyen nuka Edeke. Kigeuni kereka aiturokina bobo? Arai bo kwape kicetuŋa kipuda tope ibaluan luka aiturit mamakus, arai kamakus? Iraas yesi ebaluakosi, iwadikatai otauonokus, ejena esiomete da ituŋa kere. Itakanete ebe iraas yesi ebalua loka Kristo, lokijaanakini isio, iwadikatai mere kebuino dimarai kEmoyo loka Edeke lokajaran, mere amor, dimarai otauon luka awat. Kimunokina Edeke kwaŋin kanuka Kristo, Mam sio kilosikino aomit bonik araut ibore kanukosi; kwabo ebuni aisilosikiniokosi kama ka Edeke, lokisilosikini sio araut ikejaanakinak luka aitutuket nakitetet, mere luka enyukuta, dimarai luka Emoyo; naarai eari enyukuta, konye Emoyo einakini aijar. Aso arai aijaanakin naka atwanare naigirigiritai kinyukutan kamoru, abu kobu kaibuses, tetere mam idwe luka Isirael apedorete asesen akonyen nuka Musa kanuka aibuses naka akonyeneke, aibuses ŋin naitapalaunio, mam kereka aijaanakin naka Emoyo itelekarit kaibuses? Naarai arai kejai aijaanakin naka atubokinio kaibuses, itelekarit noi aijaanakin naka adolit ajaun kaibuses. Naarai naitubusikinitai mam kitubusikinitai kakirot kana, kanuka aibuses naedepari noi noi. Naarai arai naitapalaunio kejai kaibuses, itelekarit noi naesalenenei ajaun kaibuses. Aso kija kamun naetia nen kitwasamai atitiŋ;, naepol, kwabo mere kwape Musa loemukorit akekonyen, kinyeis idwe luka Isirael asesen awasia naka naitapalaunio. Konye kitininikitai ikecetauon. Naarai kiton lolo naesiomenenere aitutuket namojoŋ eriŋa esalit aimukoret ŋipeŋin mam epukoritai; naarai toma Kristo itapalaunitai, Konye kiton lolo naesiomenenere nuka Musa epesikina aimukoret otauonokec; konye naibelonokinor tuŋanan mama ejai Ejakait, elemario aimukoret, Konye erai Ejakait Emoyo, ido neejai Emoyo loka Ejakait, nepenen da ejaikin aosikinio. Konye oni kere kiseseni aibuses naka Ejakait kwape toma aroet, kakonyen numam imukoritai, kiloconokinio aputor ŋes, anyoun kaibuses kiton aibuses, naarai epote ŋun kama ka Ejakait, loerai Emoyo. Kanuka ŋun, kija kaijaanakin na kwape kidumunitor aitimio, mam kitapalikina, konye kiŋer nuibwaitai nuka ileic; kwabo mam kilosenenei ketute karaida aipurujaun akirot naka Edeke kaiŋal, konye kaitodiar naka abeit kitubusikina mama ejaas aomisio kere nuka ituŋa kakonyen nuka Edeke. Ido arai imukoritai Akosikiro Nukajokak, imukoritai kama kalueoliorito. Abu edeke loka ikar kalu kitumudak acoa naka lumam iyuunito kinyeis aanyun ailiya naka Akiro Nukajokak nuka aibuses naka Kristo, loerai aput naka Edeke. Naarai mam kilimonokini bonik dimarai Kristo Yesu Ejakait, ka sio da ikusibulesin kanuka Yesu. Naarai ŋes Edeke loabu kobala ebe, “Kocai aica kotoma amuton,” loecaikinit itauonowok tetere iliyai aijen naka aibuses naka Edeke kakonyen nuka Kristo. Konye kija kabar kana oboro lukelupe, tetere ebuni aidiles naka apedor kama ejai Edeke, kwabo mere kamakosi. Kiticanitoi koponesio kere, konye mam kiridakinio; kibuonokin, konye mam kitapalikina; kimanio, konye mam kijalakinitai; kicakario, konye mam kimudiario; kidakenenei tir kawatekosi atwanare naka Yesu itetere etakani da aijar naka Yesu kawatekosi. Naarai nakijaria kijaikinio tir atwanare kanuka Yesu, tetere etakani da aijar naka Yesu kawatekosi nuetwakete. Kwaŋin iswamai atwanare tomakosi, konye aijar tomakus. Konye kija kemoyo ediopet loka aiyuun, kwape iwadikatere ebe, “Abu keyuu, ŋes enerar.” Isio da kiyuunit, kanuka ŋun da kinera. Kijeni ebe ŋol lokitajaruni Ejakait Yesu, itajaruni sio da nepepe ka Yesu, ka aisibwo sio nenipe kayes kakonyeneke. Naarai eraas kere kanukus, tetere kwape iyatanakinor asianut kanuka luipu, iyatanakini da aimal, kitopolooritete Edeke. Kanuka ŋun mam kitapalikina. Karaida emunauna etuŋananekosi Iokokiŋa, konye iteteo lokotoma ŋinipaaran. Naarai ican lu luebenen luka apak naedit, kiswamakinete oni alaŋir naedepari noi noi naka aibuses, naarai mam kiseseni iboro lueanyuna, dimarai lumam eanyuna; naarai lueanyuna eraas luka apak naedit, kwabo lumam eanyuna eraas luka ikar kere. Naarai kijeni ebe arai emunauna iswamuwok yenika akwap kana yenikiboiororor, kija kaduket naebuni kama ejai Edeke, ŋes etogo lomam iswamatai kakanin, loka ikar kere kotoma akuj, Naarai kane kidinya kabeit, kemielas noi aitanapio etogowok loebuni kokuju, kosodi nakitanapere, kenyeis atakanun kimujalal. Naarai kidinya oni lukija toma oswam yen, naarai kilaŋirikinito; mam kikoto alacar, konye aitanapio, tetere ejwenyari aijar yenetwani. Konye ŋol lokiswamakinit oni akirot ŋin ŋes Edeke, lokiinakinit oni Emoyo araun aititiŋet. Aso kititiŋikini oni apaarasia kere, naarai kijeni ebe nakijaar toma akuan, kilwaniar kama ejai Ejakait, naarai kilosi kanuka aiyuun mere kanuka aanyun. Kanuka ŋun kititiŋikini, kikoto alwaniar kakuan, kajaut die ka Ejakait. Aso kigipari aisiyalamikin Ejakait, arai kija die arai kilwaka da. Naarai kibusakinit kere atakanun koiŋaren keicoloŋ loka aitub loka Kristo; kodum ŋinituŋanan nukiswamai akuanake, kwape eswamator, arai nuejok arai nueroko. Aso naarai kijeni ayoŋit Ejakait, kijodouni ituŋa; konye kitakanunitai sio kakonyen nuka Edeke, ido amuno ebe kitakanunitai kotoma aomisiokus da. Mam kiturokina bobo kamakus, dimarai ainakin yes nuiwolobobototor kanukosi, tetere ipedorete aboŋokin ŋul luewoloboboto kakiro nukokuiu bon, kwabo mere nukotauon. Naarai arai kemamu sio acoa, erai kanuka Edeke; arai da kijau isio acoa, erai kanukus. Naarai kitiŋaikinit sio amin naka Kristo, naarai kitogogoŋit ebe abu ediopet kotwanik ituŋa kere; kanuka ŋun apotu kere kotwaka. Ido abu ŋesi kotwanik ituŋa kere, tetere luejarete mam ejarete bobo kanukec bonik, dimarai kanuka ŋol loabu kotwana, kojaru da kanukec. Ŋes mam kitenunia ituŋanan kere kwape ejaar akuan amear lolo, karaida kipou kajenutu Kristo kwape eiaar akuan, konye kwana mam bobo kijeni ŋes kopone kaŋol, Kanuka ŋun, arai ejai ituŋanan kotoma Kristo, arau isubat yenikitetet; atuboros nukolo; koany, araut nukitetiak. Epote kere kama ejai Edeke, loabu kitupuc oni kanukeŋ kotoma Kristo, abu koinak da sio aijaanakin naka aitupuc; ŋes atemar ebe kejai Edeke toma Kristo itupuci akwap kanukeŋ, komam imarakini kes aibucanaretakec, ebwaiki da tomakosi akirot naka aitupuc. Ŋes kiraar ikiyakia kanuka Kristo, kosubit bala iŋaiŋai Edeke kotomakosi. Kiŋaiŋait yes, kanuka Kristo, kopucoto ka Edeke. Lomam ajeni adiakar kitarau adiakar kanuwok, tetere kiraun oni adolit naka Edeke kotomakeŋ, Aso kiswamai nepepe kaŋes, kiŋaiŋait yes sirikicamut asianut naka Edeke atitai. Naarai inera ebe, “Apak naka acamunio abu keira yes, Kapaaran naka aitajario abu keŋarak yes.” Koany, kwape kwana ŋes apak naka acamunio; koany, kwape kwana ŋes apaaran naka aitajario. Mam kiyaun aiguikinet kere kotoma akirot kere, kinyek akosiijaanakin aitoronio, konye kotoma akiro kere kituro kwape ikejaanakinak luka Edeke; kotoma atitiŋikin naepol, kotoma ocan, kotoma oipud, kotoma aridakinio, kotoma aleconorio, kotoma aenio, kotoma iceleta, kotoma aitaaritoi, kotoma aikolerit, kotoma ailuŋ, kotoma alaunit, kotoma aijen, kotoma aikany, kotoma asianut, kotoma Omoyo Lokalaunan, kotoma amin namam esoswai, kotoma akirot naka abeit, kotoma apedor naka Edeke, kanuka lujiis luka adolit luka akan nakoteten, ka luka akan nakokediany; kanuka aitopoloorio ka amwaŋio da, kanuka amoromoroo ka aitojokio da, kwape ikeŋalak konye lukabeit, kwape lumam ejenunio, konye luejenunio noi; kwape luetwakete, konye koany, kijari; kwape luiticanio, konye mam kiario, kwape luitururuete konye luelelete tir; kwape luicanas, konye luitabarete ikepuak; kwape luemamei ibore, konye ejaas iboro kere, Wu yes Ikorinton, itooŋaaritai akosiituk mamakus; italalaaritai da ekositau. Mam yes iridakina tomakosi, dimarai iridakina kotauonokus, Konye tetere kitacakinete kotiai lokidumuniata, enera kayes kwape ikadwe, kitalalai da itauonokus. Sirikienikinos ajookot nepepe kalumam iyuunito. Naarai emorete biai adolit ka amamus adolit? Arai ejai eidicane enyoin kidiŋ kaica ka amuton? Anyoin da acamanara naka Kristo ka Belial? Arai bo anyoin akorakinet naka yeniyuunit ka yenimam iyuunit? Anyoin aitutuket kidiŋ ka eyekalu loka Edeke ka aputosia? Naarai kirai oni eyekalu loka Edeke lokajaran; kwape abalar Edeke ebe, “Eboikini tomakec alosenenei da kokidiŋikec, Araun eoŋ da Edekekec, kes da eraunos ikatuŋa, Kanuka ŋun ebala Ejakait ebe, Konyoutu kokidiŋikec, kotiakas kakes, Sirikitirosi ibore yenimam elai; Kesukunyuni eoŋ da yes. Ebala Ejakait Lokapedor kere ebe, Araun eoŋ Papa kamakus, Yes da iraunos ikadwe lusap ka lupesur.” Aso luminan, naarai kija kaisumuneta ŋun, ketesegaaros kotoma asilianut kere naka akuan ka naka emoyo da, ketodoloto alaunit kotoma ayoŋit Edeke. Koinakinai apak kotauonokus; mam kikonakinit idiotuŋanan erono, karaida amunaar idiotuŋanan, mam da kirodit idiotuŋanan. Mam enera akirot ŋin tetere atubokini yes, naarai abu kenerite sek ebe ijaas yes otauonokosi, kiton atwanare nepepe ka aijar da nepepe. Kija katitiŋ naepol mamakus; kija kaolobob naepol kanukus; ileleba eoŋ alakara. Ilapara noi aileleka kotoma aiticaniokos kere. Naarai nakidolio Makedonia da mam awatekosi iyeŋuna, konye kiticani kowaitin kere-kiŋa kejai ejie, toma da akurian. Konye Edeke, loitalakari luitisilitoi, abu kitalaka sio kanuka abunore naka Tito; kwabo mere kanuka abunoreke bon, konye kanuka aitalakario nakitalakario ŋes kamakus, kolimonok sio akiro nuka eimielikus, nuka akuudianakus, ka adunyanutukus kanukaŋ, ŋes eyatakinia alakar. Naarai karaida abu kesiturur yes kanuka ebaluaka, mam eitokina, (karaida abu keitok,) naarai aany ebe abu ebalua ŋol kisiturur yes, karaida adaun apak naedit. Konye kwana aleli, mere naarai kitururuoto, dimarai naarai kitururuoto kiton aitoronikin; naarai ipotu kitururuoto mama ejai Edeke, kinyeis atwakiar akirot kere kamakosi. Naarai aiturur mama ejai Edeke iswamai aitoronikin, kiton aitajario namam iitokin, konye aiturur naka akwap iswamai atwanare. Naarai koany aiturur ŋin mama ejai Edeke abu kiswamak yes adunyanut naetia nen, aiyara da, ka anyunyura, ka akurian, ka eimiel, ka akukuranut, ka ainyaŋ da. Kaŋinikirot itodiara yesi araut luilaete kotoma aswamisioit kaŋin, Aso karaida kewadikakinit yes, mere kanuka yenekonit erono, karaida kanuka ŋin yenikikonakinitai erono, dimarai kitoduunai adunyanutukus kanukosi mamakus kakonyen nuka Edeke. Kanuka ŋun kitalakaritai. Bobo da kotoma aitalakariokosi kipou kalelata noi jokan kanuka aile! naka Tito, naarai ipotu yesi kere kisiyenut ekemoyo, Naarai arai abu kaolobobote kamakeŋ kotoma akirot kere kanukus, mam kesurumitai ileic; konye kwape kiilimonokinitor yes akiro kere kabeit, kwape kwaŋin da aolobobotekosi kama ka Tito kerai nakabeit. Ido iyatanakin aminake mamakus, naiitunio kwape irimatar kere, kwape kisukunyikiniata ŋes kakurian ka amaran. Aleli naarai kotoma ŋinikirot icasit amunoka kanukus. Konye iinacan, kikoto yes ajenun asianut naka Edeke nakeinakinio kotoma okanisan luko Makedonia. Naarai nakitemere kes kaiticanio naepol, abu ailelekec nailapara, ka aiyarorotoikec naepol kiyatanak kiton abarara naka aikorokec. Naarai etejenun ebe kwape ejaar apedorikec, ka adepar apedorikec, apotu koseut akorakin iborokec. Apotu kilipata kaiŋaiŋa naepol, kanuka asianut ŋin ka eidicane loka ajiaanakin lukalaunak. Apotu kiswamata kwaŋin, mere kwape kimunor isio, dimarai apotu kogeut ainakin bonik mama ejai Ejakait, ido mamakosi da kanuka akote naka Edeke. Kanuka ŋun kipou kecorata Tito ebe kwape abu kogeunia, koŋetak da kwape kwaŋin asianut ŋin kotomakus. Konye kwape itelekaritotor yesi kakiro kere, kaiyuun, ka einer, ka aijen, ka adunyanut kere, ka akusimina da mamakosi, kitelekarito da kasianut ŋin, Mam enera ŋun kaicorakinet, dimarai kanuka adunyanut naka ituŋa ice aitemio ebe erai akusimin nakabeit. Naarai ijenete asianut naka Ejakaitiwok Yesu Kristo, karaida kerai lokabaran, konye korau lokican kanukus, tetere kitabari yes kanu ka icanike. Ido kakiro kaŋun ketetemik yes; ejok na kamakus luipotu kogeikis ekaru je, mere bon aswam, dimarai akot da, konye kwana koŋetakis kaswam, tetere kwape ipotu kokapakinotor akot, kwape kwaŋin da koŋetakis kotoma kaluijaatar yesi, Naarai arai ekapakina ituŋanan aikor, ecamunitai kwape ejaatar luejaatar ŋesi, kwabo mere kwape ejaatar luemameete ŋes, Naarai mam enera ŋun tetere isiyeŋunio ice, ka yes da aiticanio, konye aitirian, luidilasi yes kapaarasia kanu itodolete luetwakiarito kesi, kosodete luidilasi kes da itodolete luitwakiarito yesi, kwaŋin ejaun ariakanara, Kwape iwadikatere ebe, “Yeniketukonokini loepol mam edeuni, yeniketukonokini loedit, mam epuda bobo.” Konye kimalai Edeke loibwaikinit adunyanut ŋipeŋin kanukus otau loka Tito. Naarai abu kocam aicorokosi, kwabo erai loedunyana noi ebuni mama ijaas kakoteke bon. Kijuku nenipe kaŋes onac loituritoi anatar ikanisan kere kanuka alimonokin Akiro Nukajokak, ido mere ŋun bon, konye apotu ikanisan koseutu ŋes aupun kasio kakirot naka asianut kana nakijaanakini isio aitopolooria Ejakait, ka aitodiar da akapakinakosi, Kicoikinit kinyek idiotuŋanan aitoron sio kanuka ainakinet kana naepol nakijaanakini isio, naarai kipodo nuejok mere bon kakonyen nuka Ejakait, konye kakonyen nuka ituŋa da. Nepepe ka ŋul da kijuku onacewok lokipou ketemoto irwan ipu kakiro nuipu araut loedunyana, konye kwana loedunyana aitelekarit kanuka amunoke naepol mamakus. Nuka Tito da, erai epadicika ka ekeswaman da nepepe keoŋ kanukus; nuka iinacanawok, eraas ikiyakia luka ikanisan, aibuses naka Kristo, Aso kitodikisi kes kakonyen nuka ikanisan aitodikinet naka aminakus, ka aolobobotekosi da kanukus. Mam epuda aiwadikakin yes nuka aijaanakin lukalaunak. Naarai ajeni akusikapakina naaolobobotor kanukus mama ejaas Imakedonian, ebe etemokino Akaia ameun kokaru kaje; abu akukuranutukus da kisidik luipu. Konye ejuku iinacan kinyek aolobobotekosi kanukus araun atitai kakirot kaŋin, tetere itemokino yesi, kwape abu kenerar; kosodete arai epote Imakedonian nepepe keoŋ kodumut da yes mam itemokino, kinyeis ilek airum sio, komam kinera yes da, kamuno kaŋin, Aso abu kaomit ebe kebusakinit aicor iinacan koliŋa aponare mamakus, kogeut kesi aitemokin arereŋ ŋin naipotu kisumunoto, tetere etemokin, mere kwape naitelemunitai kwabo nakarereŋ, Konye enera nata ebe, yeneyei luikidioko, esaki da luikidioko, yeneyei da karereŋ, esaki da karereŋ. Kiswama ŋinituŋanan kwape inerunitor kotauke, mere kaiturur karaida kaitiŋaikin, naarai emina Edeke yenekori kalakara. Konye epedori Edeke ainakin yes asianut kere naidila; tetere yes da itekoro apaarasia kere kakiro kere, idilas aswamisio kere nuejok. Kwape iwadikatere ebe, “Akoro ŋesi, ainaki Iuilwaritos, Ejaenena akedolit ikar kere.” Konye ŋol loeinakini ikayean ikinyom, lunyaman da ainyam, einakini ka aitupuu ikinyomokus, iyatakini da araito nuka adolitekus. Kitabario yes kakiro kere kiton abar naka aikor kere, naeyauni aimal Edeke kanukosi. Naarai aswam naka aijaanakin na mam bon itodoli nuetwakiarito lukalaunak, konye idila da kanuka aimalaesia nuipu mama ejai Edeke. Kanuka aitem naka aijaanakin na itopoloorete Edeke kanuka arimanutukus alimor Akiro Nukajokak nuka Kristo, ka abararakus naka eidicane mamakec ka ituŋa da kere; kes da ilipanakinete yes, imielas yes kanuka asianut naka Edeke naedeparit mamakus. Kimalai Edeke kanuka ainakineteke namam epedorio aitejenun! Eoŋ Paul keŋaiŋait yes, kanuka aiyapepera ka aiyamara naka Kristo, eoŋ loarai loitasono nakijaar kayes, konye naamamear loacerededet kamakus, konye elipi ebe nakijaar kayes kenyek aeereded kamuno kaŋin naaomit atitiŋikin kama ka icetuŋa lueomito ebe kilosenenei isio kwape ejaar akuan. Naarai karaida kilosenenei toma akuan, mam kijio kwape ejaar akuan, naarai lujiis luka ejiewok mam eraas luka akuan, dimarai luka apedor mama ejai Edeke, amudiar aiboisio nuegogon, Kimudiari ipegeta, ka ŋiniirebokinet naikiaritai asurokinia aijen naka Edeke, kijoreori da ŋiniwomisioit arimar Kristo, kitemokin da ainyaŋ amamus arimar kere, naitodolere arimanutukus. Kosesenete nuejaas akonyenekus, Arai itogogoŋit ituŋanan ebe erai yenika Kristo, koomoom bobo na kanuke ebe, kwape eraar ŋesi yenika Kristo, kirai isio da kwape kwaŋin, Naarai arai aoloboboi adepar nuka apoloukosi, naabu Ejakait koinak aiduk yes kwabo mere amudiar, mam kesurumio ilek. Tetere mam asubit bala etukuriani yes kanuka ibaluanaka. Naarai ebalasi kesi ebe, “Elaŋir ikebaluan, egogoŋ da, konye naejaar ŋesi kasio ekalanyana akekuan, akekirot da mam epodoi.” Kojenut luikote nen ebe nukinera kibaluan nakimamear, ŋupeŋun kiswamai da nakijaar, Naarai mam kineikina atubokina arai aitiriana bonik ka icetuŋa luiturokina, Konye kes itemos bonik ka bonik, itirianas da bonik ka bonik, emamei kes ajenun. Konye mam sio kiwoloboboi adepar aitemis, konye kwape ejaar aitemis naka aikor loekorakinit Edeke sio kwape aitemis, adolokin kiton yes da, Naarai mam kinyaara bonik, bala mam kidolokinit yes; naarai kigeik isio adolokin yes toma Akiro Nukajokak nuka Kristo. Mam kiwoloboboi adepar aitemis kotoma aitaaritoi naka icetuŋa; konye kimuno ebe naiyatanakinor aiyuunikus, kitopoloorio sio kotomakus kwape ejaar eikorukos kiton adepar da, tetere kilimonokini Akiro Nukajokak aiboisio nuelitoro kamakus, komam kiwoloboboi oikor loitemokino loka icetuŋanan, Konye “Yeneolobobot, koolobobote kotoma Ejakait.” Naarai yeniturokina, mere ŋin yenecamunitai, dimarai yeniturit Ejakait. Arai koŋirikinito eoŋ kotoma abaŋaanut naedit; eebo, koŋirikinito eoŋ! Naarai ekokotikinit yes kekokote loka Edeke, naarai abu kesinerik yes ekiliokit ediopet, tetere ketodiari kwape abekot naelai mama ejai Kristo, Konye acoit kinyeis akusiwomisio aitapaario kama ka aipioror ka alaunit nuka Kristo, kwape ejodijodio emun Keba kotoma apirianutuke. Naarai arai ebuni ituŋanan elimonokini Yesu ece lomam sio kilimonokinit, arai bo idumunete emoyo ece lomam idumunito, arai bo icamunito Akiro Nukajokak nuegelara kanuipotu kocamut, iŋirikinete ejok, Naarai aomit ebe mam eoŋ eŋoŋara kadiokirot nakejaatar ikiyakia lukapolok noi. Konye karaida arai eoŋ lomam ajeni einer, mere kwaŋin kotoma acoa; konye koponesio kere kitodia ŋin kakiro kere mamakus, Adiakarit kereka eoŋ aitasonikin tetere yes kitopoloorio, naarai abu kalimonok yes Akiro Nukajokak nuka Edeke, komam eropit? Abu kaŋat ikanisan ice adumunio aropio kamakec tetere kejaanakini yes. Ido nakijaar kayes, elwaritoi da, mam abu kalaŋirik ituŋanan, naarai apotu iinacan lukepote koMakedonia kainakis lukepuda. Bon da kotoma akiro kere abu kedarakina kenyek alaŋirikin yes, ido edarakina, Kwape ejaar abeit naka Kristo tomakaŋ, emamei ituŋanan yeniketubutaari kotoma aolobobot ŋin kotoma atutubeta nuka Akaia. Kanukinyo? Naarai mam kamina yes? Ejeŋi Edeke. Konye nueswamai, eyatakini aswam, tetere egaliori einer loka ŋul kaluekotosi einer, tetere kotoma kaŋin naeolobobototor kotakanete araut kwape kasio, Naarai luikote nen eraas ikiyakia lukeŋalak, ikeswamak aimod, luituluoros bonik bala ikiyakia luka Kristo. Mam erai nakaumokin, naarai Satan da ituluonor bon bala emalaika loka aica. Aso mam erai naepol arai ikekeiaanakinak da ituluoros bonik kwape ikejaanakinak luka abeit. Eraun awasiakec kwape akeceswamisio. Enera bobo ebe kinyek ituŋanan aomit eoŋ araut ebaŋ; konye arai kiwomito eoŋ kwaŋin, kocamunitos eoŋ kwape ebaŋ, tetere eoŋ da aoloboboi nuikidioko. Naenera, mam enera kaicorakinet naka Ejakait, konye kwape toma abaŋaanut, kotoma atitiŋ na naka aolobobot. Naarai eolobobotos luipu kopone loka akuan, eoŋ da aoloboboi. Naarai iŋirikinitos luebaŋaka kaiyalama, iraas yesi lukacoal Naarai iŋirikinitos arai kiitubulesen yes ituŋanan, arai kiiliko yes, arai kiiŋata, arai kedakunun, arai kiibapana yes akonyen. Enera kanuka aitisilikin, ebe kirai isio lukalanyak. Konye arai etitiŋikini ituŋanan akirot kere,—enera kabaŋaanut,—eoŋ da atitiŋ. Eraas kereka kesi Iburanian? Eoŋ da. Eraas kereka kesi Isiraelin? Eoŋ da, Eraas kereka kesi aur naka Aburaam? Eoŋ da. Eraas kereka kesi ikejaanakinak luka Kristo? Enera bala loikerepikinit-eoŋ adeparit-kotoma aitaaritoi naedeparit noi, kotoma aenio naedeparit noi, kotoma aleconorio numam imarunos, irwan ipu kotoma atwanare. Irwan akany aponi kaleconor koYudayan idas akais aoŋon alemar idiopet. Irwan auni aponi kaleconor kasureta; irwan atipet aponi kebiribirii kamor. Irwan auni abu ataker kobwaŋa; ajai ataro akuare ka apaaran; irwanipu kotoma alosit, karonis naka icorin, karonis naka ikaŋatak, karonis naka Iukatekereka, karonis naka Imo, karonis kotoma oreria luepolok, karonis nakotoma amodiŋ, karonis nakotoma aŋolol, karonis naka iinacan lukeŋalak; kaitaaritoi ka ailolony, irwan ipu kotoma aikoler, kotoma eteŋei ka akure, irwan ipu kotoma ailuŋ, kaaterot ka amujalal da. Komam imarakinit nukokiŋa, ejai nakalanirikinit tiritir, ŋes aiyaloŋoŋ kanuka ikanisan kere. Iŋai bo ekalanyana, komam eoŋ da akalanyana? Iŋai bo kitiguikinitai, komam eoŋ da anoki? Arai kebusakinit aolobob, aoloboboi kanuka akiro nuka akalanyanutuka. Edeke Papa loka Ejakait Yesu loituritoi ikar kere ejeŋi ebe mam eŋalai, Ko Damasiko, abu ekayaiton loka Areta ekabaka kidar ere loka Damasiko tetere kekamuni, konye kejoluluun kotoma obukit kadirisa naka arwatat, kakuu kotoma akaninike. Kebusakinit aolobob, karaida mam eyauni ajokis; konye adolokini aitegelikineta nuka emoyo, ka apukoreta nuka Ejakait, Ajeni etuŋanan kotoma Kristo, atuboros kwana ikar itomon kaluoŋon,—arai kejai toma akuan, arai kejai kiŋa kakuan, mam ajeni, ejeni Edeke, kowuruporoi loikoni nen kiton akuj nakiwuniet, Ido ajeni etuŋanan loikoni nen-arai kotoma akuan, arai komamei akuan, mam ajeni, ejeŋi Edeke,– ebe kowuruporoi kiton Paradais, kiira akiro numam inerunos, numam ibus etuŋanan einer. Aoloboboi kanuka loikoni nen, kwabo mam aoloboboi kanukaŋ, dimarai nuka akalanyanurukaŋ. Naarai arai kakoto aolobob, timam arai lobaŋ, naarai enera abeit. Konye etikokina, kinyek ituŋanan aomit kamakaŋ nuedeparito nueseseni ka nuiirari kamakaŋ, Ido kenyek aiturokina kanuka apukoreta nuidilas noi, aponi kainakin ekukwai kotoma akuan, ekiyakia loka Satan, tetere kebuŋai, kenyek aiturokina adepar. Abu keŋaiŋa Ejakait irwan auni kanuka ibore kaŋin, tetere elemario kamakaŋ. Konye abu katema eoŋ atiar, “Akasianut kidaunit jo, naarai itodolitoi akapedor kotoma akalanyanut.” Aso aoloboboi kaiyalama naepol kanuka akalanyanutukaŋ, tetere karapari apedor naka Kristo. Ŋes esiyalamikinitor akalanyanut, aikonakinio nukepali, ailwaritoi, areio, ka aridakinio da, kanuka Kristo; naarai naakalanyanar, nepenen agogoŋoror, Abu karau ebaŋ! Yes kitiŋaikinito. Naarai yes tiibusakinit aiturit eoŋ. Naarai mam eoŋ eŋoŋara kadiokirot nakejaatar ikiyakia lukapolok noi, karaida mam arai ibore. Abeit aponi kiswamai aanyuneta nuka ekiyakia kokidiŋikus, kotoma aŋirikin kere, kanuka aanyuneta, ka nukaumokin ka nukapedor. Naarai inyo kereka ibore yeniŋoŋara kamakus itia ikanisan ice, dimarai mam eoŋ abu kalaŋirik yes? Kitimoi eoŋ aibucaret ŋin! Koany na ŋes irwan nakiwuniet naakapakina abunore mamakus. Ido mam kalaŋirikinete, naarai mam amoot iborokus, dimarai yes; naarai mam tiibusakinit idwe aiŋadanakin kanuka ikauriakakec, dimarai ikauriak kanuka idwekec. Konye akori ido kakorakinio kaiyalama naepol kanuka aijarakus. Arai kamina yes aitelekarit, eŋoŋar kereka eoŋ aminunio? Konye kikona nen, mam kalaŋirikinit yes, konye karai loepiriana, abu kalok yes kaimod. Abu kereka kadum ameda kamakus kotoma edio kaŋul lukeiukakinit yes? Abu kecor Tito, kejuk da onac ŋol nenipe kaŋes, Abu kereka Tito kodum ameda kamakus? Mam kereka kilosenenei kOmoyo ediopet? Mam kereka kitupit ikukut ŋupeŋul? Iwomitos kereka apak na kere ebe kiiyari bonik kamakus? Kakonyen nuka Edeke kinera isio toma Kristo. Konye luminan, eraas kere adukio yes. Naarai acoikina ebe motoko abuni kadum yes ijaas kwape mam akotor, yes da kidumunete eoŋ ajai kwape mam ikototor; kinyeis ipegeta ajaut, ka ekokote, ka anyunyura, ka aŋolopa, ka esiomit, ka aideideonokin, ka adakunun, ka iceleta da. Kinyek Ekadeke aitisil eoŋ kakonyenekus, naabunio bobo, kakuudian luipu luadiakasi sek, komam itoronikinos kanuka amamus ailakec, ka adoteu, ka abenyanut, naapotu kiswamata. Na ŋes irwan nakiwuniet naabunio mamakus. Itogogoŋio ŋinikirot kaituke nuka ikajenak iarei arai iuni. Abu kekwenya ŋul kere luadiakasi sek, ka luce kere da, ido ekwenyari kes kwana naamamear, kwape nakijaar kayes nakiareit, ebe arai abuni bobo mam etimi kes, naarai imootos naitogogoŋi ebe inera Kristo kotomakaŋ. Mam ŋes ekalanyana, konye lokapedor kotomakus. Naarai aponi kibubukinoi kotoma akalanyanut, konye ejari kotoma apedor naka Edeke, Naarai kikalanyaka isio kotomakeŋ, konye kijari nepepe kaŋes toma apedor naka Edeke mamakus. Koŋicas arai ijaas toma aiyuun; kitemos. Arai bo mam ijenete ebe ejai Yesu Kristo kotomakus? Dimarai iraas lumam icamunitai. Konye amuno ebe ijenunete ebe mam sio kirai lumam ecamunitai. Konye kilipi Edeke ebe mam iswamaete adioronis, mere tetere kitakani isio kirai lukicamunitai, dimarai tetere iswamaete yesi aiokis, karaida kirai isio kwape kalumam ecamunitai. Naarai mam kipedori ibore asurokinia abeit, dimarai kanuka abeit, Naarai kileli nakikalanyakar, konye yes igogoŋoros. Kilipi na da ebe yes aitodolikinio, Kanuka ŋun ewadikai nu naamamear, kenyek adedeniar naabunio, kwape ejaar apolou nakainakinit Ejakait adukio, kwabo mere amudiar. Nukawasia, iinacan, yoga do. Kitodolikinos, kitalakanaros, koomitos adiopekirot, kinapakinos, kosodi ejaun Edeke loka amin ka ainapakin kayes. Kiyoganakinos kainu nakalaunan. Kiyogaete yes Iukalaunak kere. Asianut naka Ejakait Yesu Kristo, ka amin naka Edeke, ka eidicane loka Emoyo Lokalaunan, kojai kayes kere. Paul ekiyakia-mere kama kituŋa, karaida kanuka ituŋanan, dimarai kanuka Yesu Kristo ka Edeke Papa lokitajaruni ŋes kokatwak— ka iinacan kere luejaas nepepe keoŋ, Mama ejaas ikanisan luka Galatia: Asianut kojai mama ijaas ka ainapakin nuepote kama ejai Edeke Papawok, ka Ejakait Yesu Kristo, loabu koinakin kanuka adiakanaretawok, tetere kiyuuni oni kama kikar kalu lueroko kwape ejaar akot naka Edekewok ka Papa; kojai aibuses mama ejai ikar ka ikar, Amen. Aumok eoŋ ebe isunyito yesi kwaŋin aibwot kama kaŋol lokinyaraunit yes kotoma asianut naka Kristo, mama ejaas Akiro Nukajokak ace— numam eraas ace, konye ejaas icetuŋa luiticanete yes, luekotosi aibelokin Akiro Nukajokak nuka Kristo, Konye arai sio da arai emalaika loebuni kotoma akuj, kilimonok yes Akiro Nukajokak nuegelara ka ŋun nukipou kalimonokisi yes, korau loikenitoi. Kwape kipou kalimokiniata sek, kwana da alimokini bobo, arai kilimonokini yes ituŋanan Akiro Nukajokak nuegelara kaŋun nuipotu kocamut, korau yenikenitoi. Naarai ejodouni kereka eoŋ ituŋa, arai bo Edeke? Arai bo amoot kereka eoŋ aisiyalamikin ituŋa? Arai ariŋa esiyalamikinit ituŋa timam karau ebulesit loka Kristo. Naarai iinacan, akoto yes ajenun ebe Akiro Nukajokak nuabu eoŋ kalimonok, mam keraas kopone loka ituŋanan, Naarai mam abu kadum kes kama kituŋanan, kwabo mam kesisianakinitai, dimarai kotoma apukokinio naka Yesu Kristo. Naarai ipotu kiirasi kwape kekonitor sek kodini loka Iyudayan, kwape kareitor noi noi ekanisa loka Edeke, kamuna da ŋes. Ido abu keyatakin kodini loka lyudayan adepar luatumunete nepepe keoŋ luka atekereka, kekokotikinite noi jokan iponesio luka lukapapaaka. Konye Edeke loabu katiaku eoŋ ameun kakoik naka totoka, kanyaraun da kanuka akesianut, nakisiyalamikinitor apukokin eoŋ Okokuke, tetere alimonokini ŋes mama ejaas Imo; atipet mam enerunit kakuan ka aokot, karaida adokar Yerusalem mama ejaas ŋul lukageikinito eoŋ araun ikiyakia, konye abu kalot Arabia, kasodi konyet aboŋor Damasiko. Kosodi akaulo naka ikar iuni abu kadoka Yerusalem, aipejokin Kepa, abu kasal kaŋes apaarasia atomon kanukany. Konye mam abu kaany ice kokiyakia, dimarai Yakob onac loka Ejakait, (Nukewadikak yes, koany, kakonyen nuka Edeke mam eŋalai!) Kasodi alosit atutubena nuka Suria ka Kilikia, Ido komam ejenuna akakonyen kokanisan luko Yudaya lukejaas toma Kristo, konye apotu kiirasi bon ebe, “ŋol lokireit oni sek, elimonokini kwana aiyuun ŋin nalem emunaarit,” Kitopoloosi da Edeke kanukaŋ. Kosodi akaulo naka ikar itomon kaluoŋon abu kadoka bobo Yerusalem, nepepe ka Baranaba, kayaŋaasi da Tito nenipe kasio, Konye abu kadoka kanuka apukokinio; ido abu kapesik kes Akiro Nukajokak nualimonokinit Imo, konye kaiyeiyea kakonyen nuka ŋul kaluecamunitai, kenyek asubit bala akeri, arai bo abu kaker atitai. Konye Tito da lokijaa keoŋ, karaida erai Eyonanit, mam kitiŋaikinitai akepio. Konye kanuka iinacan lukeŋalak lukitolomunitai kaiyeiyea, lualomunito airot aosikiniowok nakijaar kotoma Kristo Yesu, tetere kitubulesenete oni, mam kipou kacamut anonokikin kes nepecep da, tetere kisalakini yes abeit naka Akiro Nukajokak. Konye kama kaŋul kaluecamunitai araut lukapolok, (kwape ejaatar kesi, mam eoŋ apodo; mam Edeke etiaki kotuŋa), mam ŋul luecamunitai apotu keyatakis eoŋ adiokirot, konye kepuwai nakeanyuniata ebe aponi ketitiŋi Akiro Nukajokak alimonokin lumam ekepitai, kwape Petero da luekepitai, (naarai ŋol loiswamakinit Petero ekiyakiane mama ejaas luekepitai, ŋes keswamakinit eoŋ da mama ejaas Imo,) nakejenuniata da asianut nakainakinitai eoŋ, apotu Yakob, ka Kepa, ka Yokana, luecamunitai araut ipirin, kainakis eoŋ ka Baranaba akan nakoteten naka eidicane, tetere kilosi isio mama ejaas Imo, konye kes mama ejaas luekepitai. Konye kokotosi sio aiitunite, lukican, akirot ŋin da nakadunyakinit aswam. Konye nakebunio Kepa Antiokia, abu kerebok ŋes atereikina, naarai kitelekarito ŋes akiro. Naarai eriŋa ituŋa ice epona kama ka Yakob, abu komor ainyam nepepe ka Imo; konye nakedolunioto kesi, abu kikunya kogitar bon, ekuriana luekepitai. Kijoseikis da lyudayan ice kere nepepe kaŋes, kiton Baranaba da ayaŋaario kesoswaikec. Konye naabu kaanyunia ebe mam kes etenete kabeit naka Akiro Nukajokak, abu kalimok Kepa kakonyenekec kere ebe, “Arai jo loirai Eyudayat, itupi iponesio luka Imo, kwabo mam itupi luka Iyudayan, ikwaikini ai itiŋaikini Imo atupar iponesio luka Iyudayan?” Isio lukirai Iyudayan kauruunet kwabo mere Imo lukadiakanarak, konye kijeni ebe mam ituŋanan itojokio araun yenedolit kanuka aswamisio nuka ikisila, dimarai kanuka aiyuun Kristo Yesu, isio da kipou keyuut Kristo Yesu, tetere kitojokio araut luedolito kanuka aiyuun Kristo, kwabo mere kanuka aswamisio nuka ikisila; naarai kanuka aswamisio nuka ikisila emamei yenejai akuan yenitojokio araun yenedolit. Konye arai nakimootor aitojokio araun lukidolit kotoma Kristo, kitakanuni kirai ikadiakanarak, erai kereka Kristo ekejaanakinan loka adiakar? Madi akuj! Naarai arai aduki bobo ŋun nuabu kamudia, etogogoŋi ebe arai ekebucaran. Naarai kanuka ikisila abu eoŋ katwana mama ejaas ikisila, tetere ajari mama ejai Edeke, Aponi kebubukin nepepe ka Kristo; konye ajari, kwabo mere bobo eoŋ, konye ejari Kristo kotomakaŋ; aijar da naajaria kwana toma akuan, ajari toma aiyuun Okoku loka Edeke lokamina eoŋ, lokijaikin bon da kanukaŋ. Mam etapalauni asianut naka Edeke; naarai arai ejai adolit kanuka ikisila, aso atwana Kristo atitai. Okwe yes Igalatian luemamei acoa! Iŋai bo kilemelem yes, luaponi Yesu Kristo kolimonokinai kaitebeikin kakonyenekus? Akoto aisisia akirot na bon kamakus; Idumut kereka Emoyo kanuka aswamisio nuka ikisila, arai bo kanuka aiirar kaiyuun? Iraas kereka luemamei acoa kwaŋin? Naigeuniata ka Emoyo, iŋetakinete kereka kwana kakuan? Iriebas nuetia nen atitai?—arai bo erai atitai. Ŋol lokiinakini yes Emoyo, loiswamai da nukapedor kotomakus, iswamai kereka kanuka aswamisio nuka ikisila, arai bo kanuka aiirar naka aiyuun? Kwape kiyuunitor Aburaam Edeke, ido kimarakinai ŋes araun adolit. Aso kojenutu ebe ŋul Iuka aiyuun, kes eraas odwe luka Aburaam. Kwabo naki wadikatai naeanyunia sek ebe itojoki Edeke Imo araun luedolito kanuka aiyuun, abu kolo kolimonok Aburaam Akiro Nukajokak ebe, “Isirereŋio atekerin kere kotomakon.” Aso ŋul luka aiyuun isirereŋitoi nepepe ka Aburaam lokerai ekeyuunan. Naarai kere lueraas luka aswamisio nuka ikisila ikenitoi; naarai iwadikatai ebe, “Kikenoi ŋin kere yenimam ericenenei akiro kere nuiwadikatai oitabo loka ikisila, aiswamaenen kes.” Aso idelelei ebe emamei ituŋanan yenitojokio kakonyen nuka Edeke kotoma okisila; naarai ebe, “Ejari ikadoliton kanuka aiyuun.” Konye ikisila mam eraas kanuka aiyuun, konye ebe, “Yeniswamai kes ejari kanukec.” Abu Kristo kolaku oni kama kekenit loka ikisila, nakeraunia ekenit kanuwok, naarai iwadikatai ebe, “Kikenoi ŋin kere yenikajakinitai okitoi.” Tetere edoikini Imo arereŋ naka Aburaam toma Yesu Kristo, tetere kidumuni aisumunet naka Emoyo kanuka aiyuun. Iinacan, enera kopone loka etuŋanan; emamei yenitapalauni aitutuket naka ituŋanan naitogogoŋitere, karaida aiyat akiro. Aponi kolimokinai Aburaam aisumuneta, ka aurike da. Mam inera ebe, Auriarikon, bala keraas luipu, dimarai bala kerai ediopet, “Aurikon”, ŋes Kristo. Konye naenera nata ebe, mam ikisila itapalaunito aitutuket naitogogoŋit Edeke sek ikaru akwat aoŋon ka akaisauni eriŋa ikisila ejauna, ŋes mam itamamauniata da aisumunet. Naarai arai kerai airumet kanuka ikisila, mam bobo erai kanuka aisumunet; konye abu Edeke koinak Aburaam airumet kanuka aisumunet. Aso inyo bo ikisila? Aponi kiyatakinai kanuka aibucanareta, kiton naebunio aur nakisumunitere; kicorakinitai kanuka imalaikan kakan naka ekadiekan, Konye ekadiekan mam erai kanuka ediopet, kwabo erai Edeke ediopet. Aso esurokinete kereka ikisila aisumuneta nuka Edeke? Madi akuj! Naarai arai keinakinitai ikisila luepedorete ainakin aijar, abeit tikerai adolit kanuka ikisila. Konye agoloki naiwadikatai iboro kere toma adiakar, tetere einakinio luiyuunito aisumunet kanuka aiyuun Yesu Kristo. Aso eriŋa aiyuun kebuno kiyaito ikisila kigolokinitoi kiton naepukorere aiyuun, ŋes eraatar ikisila ekeŋarenikinoniwok mama ejai Kristo, tetere kitojokio araun luedolito kanuka aiyuun. Konye kwana adolu aiyuun mam bobo kiyait ekeŋarenikinon, Naarai iraas kere odwe luka Edeke kanuka aiyuun kotoma Kristo Yesu. Naarai yes kere lukibatisatai kotoma Kristo, inapata Kristo. Emamei Eyudayat karaida Eyonanit, emamei ebulesit karaida loijakakai, emamei lokiliokit karaida naberu, naarai iraas yesi kere idiopet kotoma Kristo Yesu. Ido arai iraas luka Kristo, aso iraas aur naka Aburaam, ikerumak da kwape ejaar aisumunet. Konye abala ebe ekeruman naeriŋar erai ikoku, emamei atiaketait ka ebulesit, karaida kerai ejakait loka kere; konye eyaito ŋes ikedarak ka ikeŋadak aitodol apak naetetemit papake. Oni da kwape kwaŋin, nakirokor kirai idwe, karaas ibulesin luka kanugeet nuka akwapin. Konye naadolio apak naabeit, abu Edeke kijuk Okokuke, lokewuruuni aberu, lokewuruunio koyaito ikisila, tetere elakuni ŋul lukeyaito ikisila, tetere oni kitaraunio odwe, Ido naarai iraas odwe, abu Edeke kijuk Emoyo loka Okokuke otauonowok, loiworoi ebe, “Abba, Papa!” Kanuka ŋun mam bobo irai ebulesit dimarai okoku, ido arai irai okoku, aso irai ekeruman kanuka Edeke, Konye apak ya namam ijeniata Edeke, ipotu koraas ibulesin luka ŋul lumam eraas idekesio kauruunet; konye kwana ijenut Edeke, konye aitelekarit ajenu Edeke yes, ikonakinete ai iboŋorete bobo mama ejaas nugeet nuekalanyaka ka nukibakor nuikotosi yesi kitubulesenoto bobo? Iricito apaarasia, ka ilapio, ka apakio ka ikar da! Acoikinit akaitaaritoi kamakus kinyek araun natitai. Iinacan, keŋaiŋair yes, koraut kwape kaeoŋ, naarai arau eoŋ da kwape kayesi. Mam ipotu kikonakis erono kakirot kere; konye ijenete ebe abu kalimonok yes Akiro Nukajokak irwan nasodit kanuka akalanyanut naka akuan; ido karaida akakuan kerai acodunet kamakus, mam ipotu komwaŋata, karaida aiŋer eoŋ, konye ipotu kisukunyikis eoŋ kwape emalaika loka Edeke, kwape Kristo Yesu. Aso ani bo akusiisirereŋikino? Naarai etogogoŋit nukus ebe, arai kepedor tikigorununut akusikonyen, koinakis eoŋ. Arau kereka lokasurup kamakus kanuka alimonokin yes nukabeit? Kikokotikinitos yes konye mere kotoma ajokis, dimarai kikotos agolor yes kiŋa, tetere yes ikokotikinete kes. Konye ejok aikokotikinio duc kanuka akirot naejok, kwabo mere apak nakijaar eoŋ kayes bon. Ikadwe, luariebar bobo bala nakedounon, aitodol naesubunere Kristo kotomakus, konye tikemuit ajaut kayes kwana, aijulakin ekaporoto, naarai abuonokin kanukus. Kolimokinai, yes luikotos koyaito ikisila, mam kereka ipupete ikisila? Naarai iwadikatai ebe ajaas Aburaam odweke iarei, ediopet loka abulesit, ediopet da loka naijakakai. Konye ŋol loka abulesit keurio kwape ejaar akuan, konye loka naijakakai kanuka aisumunet. Akiro ŋun eraas aput: naarai eraas aŋor ŋun aitutuketa aarei. Ebuni adiopet komoru Sinai, naeuriei kanuka ebulesene, ŋin ŋes Kagar. Kwabo Kagar na ŋes erai emoru Sinai kotoma Arabia; erianas ka Yerusalem loka tinenikwana; naarai erai ŋesi abulesit nenipe kikedwe da. Konye Yerusalem lokokuju ŋes naijakakai, ŋes ŋin totowok. Naarai iwadikatai ebe, “Kolakar ijo arakan namam iwuriei, Kodelo, kiworo ijo namam irieba aidoun, Naarai ipu idwe luka naejalakinitai aitelekarit luka ŋin naejai ekiliokit.” Konye iinacan, kirai oni idwe luka aisumunet, kwape ka Isaak. Konye kwape kolo abu ŋol loawurio kwape ejaar akuan koreitor lokeurio kwape eiaar Emoyo, kwape kwaŋin kwana da. Konye ebala ai naiwadikatai? Ebe, “Kireŋea abulesit ka okokuke, naarai mam okoku loka abulesit irumete kikoku loka naijakakai.” Aso iinacan mam kirai idwe luka abulesit, dimarai luka naijakakai. Kotoma aosikin ŋin abu Kristo koosik oni; kanuka ŋun kicata, kwabo sirikilomasi bobo ajookot naka ebulesene. Koany, eoŋ Paul kalimokini yes ebe arai kiikepi, mam Kristo kitudumikini yes ajokis. Konye etogogoŋi bobo ebe ŋinituŋanan yenekepitai itepesenitai aitodol ikisila kere. Kitiakar kama ejai Kristo, yes luikotosi aitojokio kanuka ikisila; ibiroros ainyein asianut. Naarai oni kotoma Omoyo kidarete amun naka adolit kanuka aiyuun. Naarai kotoma Kristo Yesu mam akepio epedori ibore, karaida amamus akepio, dimarai aiyuun naiswamai kanuka amin. Ikerete lem ejok, iŋai bo kitikokinit yes arimar abeit? Aijodijod ŋin mam kebuni kama kaŋol lokinyarit yes. Aitubuunet naedit itubuuni aluŋuret kere. Ejai eoŋ amun mamakus kotoma Ejakait ebe mam ijaunete kaomisio ace, konye ŋin kere yenikisiyaloŋoŋoi yes, ebeikini aketubokinio, Eoŋ da, iinacan, arai eriŋa alimonokini akepio, kanukinyo eriŋar kareitere? Kwaŋin alemar ekomio loka emusalaba. Arai kepedor ŋul lukiticanete yes tikegitaros! Naarai iinacan, aponi konyaraun aosikinio; konye aosikiniokus kinyek araun naisigalikini akuan, konye kijaanakinos kanuka amin. Naarai itodolikinio ikisila kere kotoma akirot adiopet, ŋes nata ebe, “Komina iidunyetekon kwape iminar bon.” Konye arai ikonyokonyas, inyamas, kocoito kinyeis amudianar bonik. Konye abala nata ebe, Kolosenenete kotoma Omoyo, kwabo siritodolete nuimiela akuan. Naarai imiela akuan asurokin Emoyo, Emoyo da asurokin akuan; naarai eutasi bonik; kanuka ŋun mam ipedorete aswam nuikotosi. Konye arai kiŋarenikinit Emoyo, mam kiyaito ikisila. Aso ideleleete aswamisio nuka akuan, kes nupenu: adoteu, asilianut, abenyanut, aima aputosia, ecudet, asurup, epeget, ekokote, anyunyura, aŋolopa, atiakara, irioŋeta, alilit, emeret, eraŋa, ka nuikote nen da. Kotoma kaŋun kekwenya yes kwape abu kekwenyaritor ebe, luiswamaete nuikote nen mam irumete ajakanut naka Edeke. Konye araito nuka Emoyo kes nupenu: amin, aiyalama, ainapakin, atitiŋikin, asianut, ajokis, aiyuun, aiyapepera, aitikokina; emamei ekisil loisimiki nuikote nen. Ŋul da lueraas luka Kristo Yesu apotu kibubukis akuan nepepe ka aiŋobeleke ka eimielike da, Arai kijari kotoma Omoyo, kalosenenete da kotoma Omoyo, Sirikiiturokin atai, sirikiitunyunyuranakin, sirikiijau da kalilit bonik ka bonik. Iinacan, arai kedumun ituŋanan ibucarit, yes luiraas luka Emoyo kiteteut yenikoni nen komoyo lokaiyapepera. Koŋica bon, kinyek Ijo da acodunio. Kodakenenete nuelaŋirikinito ice, kwaŋin itodolete ikisila luka Kristo. Naarai arai ewomit idiotuŋanan ebe erai ibore, kwabo mam erai ibore, iŋala bon. Konye kitem ŋinidiopet akeswam, kosodi konyet ejai naeoloboboo kanukeŋ, kwabo mere kanuka yenice. Naarai edaki ŋinidiopet abwokonike. Konye komorata yenisisianakinio akirot nepepe ka yenisisianakini kajokisio kere, Sirikiŋalas; mam Edeke isekelio, naarai lueyei ituŋanan, ŋupeŋul esaki da. Naarai yeneyeikini akuanake, esaki aibos; konye yeneyeikini Emoyo, esaki aijar naka ikar kere. Kenyeis aitapalikina aswam nuejok, naarai kedol apakike kisaki, arai mam kiilor. Aso naeriŋar oni apak ejai, keswamanakisi ituŋa kere ajokis, ido aitelekarit ŋul lukokal loka aiyuun, Koanyutu kewadikak yes inyukuta luepolok luetia nen kakanika. Ŋul luekotosi atakan ejok toma akuan, ŋupeŋul kitiŋaikinete yes akepio, konye kinyeis areio kanuka emusalaba loka Kristo. Naarai luekepitai mam ikulepek ericete ikisila, konye ekotosi yes akepio tetere eoloboboete kotoma awatekus. Konye eoŋ madi akuj eoŋ aolobob, dimarai kotoma emusalaba loka Ejakaitiwok Yesu Kristo, lokotomakeŋ kibubukinio akwap kamakaŋ, eoŋ da kama kakwap. Naarai akepio mam erai ibore, karaida amamus akepio, dimarai yenisubat yenikitetet. Ido ŋul kere luelosenenete koikor kalo, kojai ainapakin ka aitim mamakec, ido mama ejai Isirael loka Edeke. Ameari kwana kinyek idiotuŋanan aitican eoŋ; naarai adakit eoŋ imacarin luka Yesu kotoma akuanaka. Iinacan, kojai asianut naka Ejakaitiwok Yesu Kristo kimoyonokus. Amen. Paul ekiyakia loka Kristo Yesu kanuka akot naka Edeke, Mama ejaas lukalaunak luejaas Epeso, ka luiyuunito lukotoma Kristo Yesu: Kojai asianut mama ijaas ka ainapakin nuepote kama ejai Edeke Papawok ka Ejakait Yesu Kristo. Kituritete Edeke, Papa da loka Ejakaitiwok Yesu Kristo, lokisirereŋit oni karereŋ kere naka emoyo kotoma Kristo, toma aiboisio nuka akuj. Kwape abu koseunia oni kotomakeŋ eriŋa kepesikina akwap, tetere kirauni oni lukalaunak, luemamei aitoronet da, kakonyeneke kotoma amin, Abu kineru sek oni araut idwe mamakeŋ kanuka Yesu Kristo, kwape itojokitor akoteke, tetere itopoloorio aibuses naka akesianut, nakikwamak oni kotoma Lominat. Kotomakeŋ ŋes kidumunia alakunio kanuka akeokot, isioniei aibucanaretawok, kwape ejaar abar naka akesianut, nakidilakini mamawok kotoma acoa kere ka acoit, nakitejenikinia oni aiyeiyea naka akoteke. Abu kolo kitojok kwaŋin alosikinit kotomakeŋ, kanuka aijokokinio nakokar naedolioto, aisimorikikin iboro kere toma Kristo, luejaas toma akuj, ka luejaas toma akwapin da. Kotomakeŋ kiseunitai sek araut ikerumak kwape ejaar alosikinit naka ŋol loiswamai kere kwape inerunia akoteke, tetere kitopoloori aibusesuke lukigeikini amunokin Kristo, Kotomakeŋ yes da luiirarito akirot naka abeit, Akiro Nukajokak nuka aitajariokus, luiyuunito kotomakeŋ, abu Emoyo Lokalaunan lokisumunitoi kipucak yes da aipucet. Erai Emoyo ŋol aitogogoŋet naka airumetewok, kiton nealakunere lueraas luka Edeke, kitopolooroi akeibuses. Kanuka ŋun eoŋ da, naapupunitor nuka akusiiyuun kotoma Ejakait Yesu, ka akusimin da mama ejaas lukalaunak kere, mam enyeini aimal kanukus, eitununei yes kailipika, ebe Edeke loka Ejakaitiwok Yesu Kristo, Papa loka aibuses, koinak yes emoyo loka acoa ka apukokinia ajenun ŋes, kinwakenenai akonyen nuka itauonokus, tetere ijenunete amun kwape ejaar naka anyariteke, abar da kwape ejaar naka aibuses naka airumeteke kotoma kalukalaunak, apolou da kwape ejaar naedeparit naka akepedor mamawok lukiyuunit, kwape ejaar aswam naka ailerit naka akegogoŋ, nakiswamak Kristo nakitajarunia ŋes kokatwak, kisiboik da kakekan nakoteten kotoma aiboisio nuka akuj, kuju noi adepar ayait kere, ka apolou, ka apedor, ka ejakaene, ka ekiror da kere loelimitoi, mere bon kokar kalu konye kaluepote da; ido kitononokik iboro kere kwap kakejeneke, koinak da ŋes araun akou ayait iboro kere kama ka ekanisa, loerai akekuan, aitekoro naka ŋol loitekori kere toma kere. Ido kitajaru yes da, lukolo itwakito kanuka akusiibucanareta ka adiakanareta da, nukolo kilosenenete kotoma, kwape ejaar epone loka akwapin kanu, kwape ejaar ekapolon loka apolou naka apak, emoyo loiswamakini kwana odwe luiulaka. Kipou isio da kere kekonenenete nen kolo kotoma aiŋobel naka awatekosi, keswamaenenete nuekoto akuan ka aomisio, kirai koinono idwe luka anyunyura kwape kaluce da kere. Konye Edeke loebarit aitim, kanuka akemin naepol nakiminaar oni, nakitwakitor kanuka aibucanaretawok, abu kituluo oni ikajarak nepepe ka Kristo, (itajarunitai kanuka asianut,) kitonyou oni nepepe kaŋes, kisiboik oni nepepe kaŋes aiboisio nuka akuj kotoma Kristo Yesu, tetere kokar luepote itodikini abar naedeparit naka akesianut kotoma ajokis naejai mamawok kotoma Kristo Yesu. Naarai asianut ŋes kitajari yes kanuka aiyuun; kwabo mam kebuni kamakus, ŋes ainakinet naka Edeke, mam kebuni kanuka aswamisio, kinyek ituŋanan kere aolobobotor. Naarai kirai oni akeswamisio, nuesubunitai kotoma Kristo Yesu aswam aswamisio nuejok nukegeunia Edeke aitemonokin tetere kilosenenei kotomakec. Kanuka ŋun kiitunito ebe iraas kolo Imo kotoma akuan, luenyarito ŋul luenyarakina bonik luekepitai, lumam ekepitai, ŋes atemar ebe, akepio naka akuan nakiswamaete akanin,— kiitunito ebe kapak kaŋin amamei yes Kristo, igelara kajena naka Isirael, imo luamameete aitutuketa nuka aisumunet, amamei yes amun, amamei da yes Edeke kotoma akwapin. Konye kwana kotoma Kristo Yesu yes lukolo kilwaka, kisukunyunitai die kotoma aokot nuka Kristo. Naarai erai ŋesi ainapakiniwok, lokiituluorit oni kere ediopet, kotiyaik arwatat nakokidin nakitiakit oni, kitamamau asurup kotoma akuanake, ikisila luka aicorakineta kotoma apucuneta, tetere esubuni kotomakeŋ luarei araut etuŋanan ediopet lokitetet, kiswama ainapakin, tetere itupuci da luarei kere mama ejai Edeke kotoma akuan adiopet kanuka emusalaba, nakearia ŋes elopet asurup. Kosodi kobu kolimonok Akiro Nukajokak nuka ainapakin yes lukilwaka, ainapakin da lueapiete; naarai kanukeŋ oni kere iarei kikunyakini Papa kotoma Omoyo ediopet. Aso do mam bobo iraas Imo ka luiboiororos, konye iraas lukajen naka lukalaunak, ka lukokal da loka Edeke, naarai aponi kodukokin apetetait naka ikiyakia ka inabin, kerai Kristo Yesu elopet amor nakapolon naka agor, kotoma ŋol imorianakino aduketa kere, epoloor araun eyekalu lokalaunan kotoma Ejakait; kotoma ŋol yes da kidukio nepepe araut aibois naiboio Edeke kotoma Omoyo. Kanuka ŋun eoŋ Paul, eenat loka Kristo Yesu kanukus kImo,— arai ipotu kiirasi nuka aijokokinio naka asianut naka. Edeke nakainakinio kanukus, kwape ketejenikinere kapukokinio aiyeiyea kwape abu kewadikaa sek kanuesupaaka. Naisiomiata nu ipedorete ajenun akamisianut nakotoma aiyeiyea naka Kristo, namam apotu odwe luka ituŋa kojenut katurio ace, kwape apukorere kwana mama ejaas ikekiyakia lukalaunak ka inabin da kotoma Omoyo; ŋes atemar ebe eraas Imo ikerumak nepepe kasio, atutubeta nuka akuan adiopet, ka ikamorak da luka aisumunet kotoma Kristo Yesu kanuka Akiro Nukajokak. Abu eoŋ karau ekejaanakinan loka ŋun, kwape ejaar ainakinet naka asianut naka Edeke nakainakinitai eoŋ, kwape ejaar aswam naka akepedor, Kainakinitai eoŋ asianut na, loarai loadit noi adepar lukalaunak kere alimonokin Imo Akiro Nukajokak nuka abar namam imarun naka Kristo, ka aitacaikin da ituŋa kere tetere eanyunete aijokokinio kwape ejaar nakaiyeiyea nakibwaitai ameun apeŋo kotoma Edeke lokesubi iboro kere; tetere ejenunete ikayaitok ka lukapolou lukotoma aiboisio nuka akuj, acoa naka Edeke nakiponesio luipu, kotoma okanisa; kwape ejaar alosikinit naka ikar kere nakelosikinit kotoma Kristo Yesu Ejakaitiwok, Kotomakeŋ kija katitiŋ, kikunyakini da kamun, kanuka aiyuun ŋes. Kanuka ŋun kelipit yes sirikitapalikinos kanuka aiticanioka kanukus, naerai aibusesukus. Kanuka ŋun akukonokin Papa kakuninika, kama emaikinere eipapaene kere loka akuj ka loka akwap da, ebe koinak yes kwape ejaar abar naka akeibuses, aitogogoŋio kapedor kotoma Omoyoke toma otuŋanane lokotoma, kiboienenei Kristo kotoma otauonokus kanuka aiyuun; tetere yes, icasete aliasiokus, iketakina da apetetaitikus, kotoma amin, kogogoŋoros ajenun nepepe kalukalaunak kere kwape ejaar alalau, ka aojau, ka amukurur, ka aidules, ka ajenun da amin naka Kristo naedeparit ajenunio, tetere itekoro kiton aitekoro kere naka Edeke. Aso mama ejai ŋol loepedori aswam noi noi adepar kere nukilipi arai nukiwomit, kwape ejaar akepedor naiswamai kotomawok, kojai aibuses kotoma okanisa, kotoma Kristo Yesu da, kiton aturio kere ikar ka ikar. Amen. Aso eoŋ eenat kotoma Ejakait, keŋaiŋait yes alosenen kwape ibusakinitor anyaraunio nakinyaraunere, kaitasono kere ka aiyapepera da, katitiŋikin, koŋirionokinos kotoma amin, kodunyakinito aricit eipeone loka Emoyo kotoma olomorut loka ainapakin. Ejai akuan adiopet, ka Emoyo ediopet, kwape kolo kinyaraunere kotoma amun adiopet naka anyarauniokus, Ejakait ediopet, aiyuun adiopet, aibatis adiopet, Edeke ediopet, ŋes Papa loka kere, loeyait kere, loitorit toma kere, loejai da toma kere. Konye aponi koinakinai ŋinidiopet kaoni asianut kwape ejaar aitemis naka ainakinet naka Kristo. Ŋes ebalar ebe, “Naadokaria kuju abu kijoreo ikijoreoro, Koinak da ituŋa ainakineta.” Akirot ŋin ebe, “Abu kodoka”, ŋes atemar ai dimarai ebe abu kijesar da ariino nukokwap noi nuka akwap? Ŋol loabu kijesar ŋes ŋopeŋol loabu kodoka kuju noi adepar akuj kere, tetere itekori iboro kere. Ŋol da abu koinak ice araun ikiyakia, ka ice inabin, ka ice ikalimonokinak Akiro Nukajokak, ka ice ikecokok, ka ice da ikesisianakinak, aitodolikinio lukalaunak kanuka aswam naka aijaanakin, kosodi akuan naka Kristo adukio; kiton nepekidolio oni kere oipeone loka aiyuun, ka ajenun da Okoku loka Edeke, kiton nekidolio okiliokone loibecokino, kiton aitemis naka apolou naka aitekoro naka Kristo; tetere mam kirai bobo imukerun luiriaŋiriaŋas, lukiyaŋanari ŋolikwam loka aisisianakin kotoma aimod naka ituŋa, kotute lokibotei luitapaarete. Konye karicata abeit kotoma amin, kapolooros da adolore tomakeŋ kakiro kere, loerai akou, ŋes Kristo. Tomakeŋ akuan kere kerucokin ka ainicakinio ejok kanuka aisigalikin naka ŋinikilenyasit, kwape ejaar aswam kotoma aitemis naka ŋinitutubet, kiyatanakini akuan apoloor kanuka aiduk kotoma aminanar. Aso enera na etejenun da kotoma Ejakait, ebe, sirilosenenete bobo kwape elosenenoto Imo, kotoma aamameak nuka aomisiokec; itumutonitai akececoa, egelara kotoma aijar naka Edeke kanuka aolit naejai tomakec, kanuka aninik naka itauonokec. Erum kes esumerededek, aluŋakinos kes ikulepek toma abenyanut aswam nukasilianut kere kotoma airaŋaanut, Konye mam yes isisiato Kristo kwaŋin, arai ipotu kiirasi ŋes, ka aisisianakinio da kotomakeŋ, kwape ejaar abeit toma Yesu. Kotoma akiro nuka iponesiokus lusodit, kolacasi etuŋanane lokolo, loebosi kanuka aiŋobel naka aiŋal, ido kiteteunos kotoma omoyo loka aomisiokus, konapata da etuŋanane lokitetet, lokesubio toma aput naka Edeke, toma adolit ka alaunit da naka abeit. Kanuka ŋun kolacasi asabanut kinerenenasi abeit, ŋinituŋanan kikeidunyet, naarai kirai atutubeta ŋinidiopet kayenice. Konyunyurasi, kwabo sirikidiakasi; kinyek akoloŋ alomar koriŋa inyunyurasi, kwabo sirikiinakis Satana apak. Kinyek ekokolan akoko bobo, konye gwai kokokak aswam ejok kakaninike, tetere edumuni lueinakini yeniyarorotoi. Sirikelomu adiokirot kere naebosit kaitukekus, dimarai naejok naeduki kwape ipudar, kosodi ainakin asianut ŋul luepupunete. Ido sirikitakadikis Emoyo Lokalaunan loka Edeke, lokolo kipucakini yes aipucet kiton apaaran naka alakuniokus, Kolemaros kamakus adwaris kere, ka anyunyura, ka adedeŋ, ka ecelet, ka ainyanakin, nepepe ka ameŋeranut kere, koraas luisiaka bonik ka bonik, luitimonoros, ido kisionionoros, kwape kisionio Edeke da yes kotoma Kristo. Aso koputorito Edeke kwape idwe luminan. Kolosenenete da kotoma amin, kwape Kristo da kiminar yes koinakin elopet kanuwok, ainakinet ka asubanit da naeuru maa mama ejai Edeke. Konye adoteu ka asilianut kere ka airaŋaanut sirielimitoi cut kotomakus, kwape ibusakinitor lukalaunak. Kinyeis nukileic, ka eyala nukabaŋaanut, karaida aboliar akiro, numam ibusakinito; konye gwai aimalaenen. Naarai ijenete yesi kabeit ebe emamei yenedote, karaida yenesiliana, karaida yeniranaana, ŋes yenemai aputosia, yenejaas kairumet toma ajakanut naka Kristo ka Edeke, Kinyek ituŋanan aiŋalaŋal yes kakiro nuemameete, naarai kanuka ŋun ŋes ebunokinia anyunyura naka Edeke odwe luiulaka. Aso sirikimorianakinos kakes, naarai iraas kolo amuton, konye kwana iraut aica kotoma Ejakait; kolosenenete do kwape idwe luka aica. Naarai araito nuka aica ejaas ajokis kere ka adolit ka abeit da. Kitemete nuitojokit Ejakait. Kwabo siridicasi kaswamisio numam eraete, nuka amuton, konye kitoronata kes. Naarai erai nakileic alimit ŋun nuiswamaete kesi kaiyeiyea; konye nuitoronit aica kere, etakanunete, naarai ŋinikirot kere naetakanunitai, ŋes aica. Ŋes ebalar ebe, “Kokweny, ijo yenijotoi, kojaru kokatwak, Kicaikini Kristo.” Aso kocoito noi kwape ilosenenoto, mere kwape luemamei acoa, dimarai kwape luejai acoa, koyuununete apak, naarai eroko apaarasia nu. Kanuka ŋun siriraas ibaŋiok, konye kojenut nuekot Ejakait kwape ejaatar, Kwabo sirimeranakinos ajon, naarai eyaunete iceleta; konye kilelebununos Emoyo, kinerenenas kotoma osabulin, ka ikososinei, ka nupwakan nuka emoyo, koyeenenete, kituruonokinete Ejakait lueruos kotauonokus, kimalaenenete Edeke Papa apaarasia kere, kanuka kere, kokiror loka Ejakaitiwok Yesu Kristo. Kononokianakinos bonik kotoma ayoŋit Kristo. Yes aŋor, kononokikis ikiliokokus kwape inonokikiniata Ejakait, naarai ekiliokit ŋes akou naka aberu, kwape Kristo da eraar akou naka ekanisa, ŋes Eketajaran loka akuan. Konye kwape enonokikinitor ekanisa Kristo, kwape kwaŋin aŋor da kononokikis ikiliokokec kaŋinikirot, Yes ikiliok, kominasi aŋorokus, kwape Kristo da keminar ekanisa koinakin kanukeŋ, tetere italauni ŋes, kedau aitesegaar kailotar kakipi toma akirot, tetere ijaikini ŋes elopet ekanisa lokaibuses, komamei akemer, karaida asukokinet, karaida ibore kere yenikoni nen, konye korai lokalaunan, loemamei aitoronet, Kwape kwaŋin da ibusakinit ikiliok aminenena aŋorokec kwape awatekec kikulepek. Loemina akeberu eminakina bon. Naarai emamei etuŋanan loelait akekuan elopet, konye itani ka aricit, kwape Kristo da iswamakinitor ekanisa, naarai kirai atutubeta nuka akuanake. “Kanuka ŋun ŋes inyeinia etuŋanan papake ka totoke da, kirotakinos kakeberu, kes da iarei eraunos adiopekuan.” Epol aiyeiyea ŋin, konye enera nuka Kristo ka ekanisa. Konye ŋolituŋanan kayesi kominenena akeberu, kwape eminar bon, koyoŋitenenei aberu da okilenike. Yes idwe, korimasi ikauriakakus kotoma Ejakait, naarai ibus ŋin. “Koyoŋite papakon ka totokon” ŋes aicorakinet nasodit naejai aisumunet, “tetere ijai ejok ido ibusi kakwap.” Yes da lukapapa, sirikitunyunyuranakis ikusidwe, konye kosaenenete kes kariemiriem ka aituutoor naka Ejakait. Yes ibulesin, korimasi ŋul lueraas ijakakus kwape ejaar akuan, kakurian ka amaran kaipioror naka itauonokus, kwape irimatar Kristo; mere bala kaijaanakin nakokuju kwape luitoiokito ituŋa, konye kwape ibulesin luka Kristo iswamaenenete nuekot Edeke kotauon, ijaanakinete kaiyalama, bala ijaanakinete Ejakait, kwabo mere ituŋa, kojenete ebe nuejok nuiswamai ituŋanan, ŋes einakinio bobo kama ejai Ejakait, arai erai ebulesit, arai bo erai loijakakai. Yes da ijaka, kiswamanakinete kes kwape kwaŋin, kinyeis aitukurian, naarai ijenete ebe ejai Ejakaitikec ka lokus toma akuj, kwabo emamei atiakit ituŋa kamakeŋ. Nukawasia, kojaas kagogoŋ toma Ejakait, kotoma ailerit naka agogoŋuke. Konapata lujiis kere luka Edeke, tetere ipedorete abwoikin ibotei luka Satana. Naarai mam kiwuta kaokot ka akuan, dimarai ka ikayaitok, ka lukapolou, ka lueyaito akwap naka amuton kana, ka ajoresio nuka imoyon luka aronis, luejaas toma aiboisio nuka akuj. Kanuka ŋun kolemutu luiiis kere luka Edeke tetere ipedorete abwoikin kapaaran nakaronis, ido kidau aswam kere, aibwo. Aso kobwaata, koenito akusiŋabes kabeit, konapito yenikatorob yenika adolit, konapito da amuk nuka akapakina naka Akiro Nukajokak nuka ainapakin; aitelekarit kere, kolemutu ebuku loka aiyuun, loipedoriata aitudeŋ imalia kere luenokete luka lokaronon. Kijautu da akopira naka aitajario, ka ekileŋ loka Emoyo, ŋes akirot naka Edeke. Kilipenenete apakio kere kOmoyo, kailip kere ka aiŋaiŋa. Kanuka ŋun kokwenyenenete kainyikokin kotoma aiŋaiŋaanakin lukalaunak kere, ido kanukaŋ da, tetere kainakinio aoŋaar akaituk einer, aitejenikin katitiŋ aiyeiyea naka Akiro Nukajokak, nuaraar ekiyakia kotoma orikoi; tetere enera katitiŋ kotoma kaŋun, kwape kebusakinitor einer. Konye tetere ijenunete kwape ajaar eoŋ, ka nueswamai, ebuni Tukiko onac lominat, ekejaanakinan da lomunot kotoma Ejakait aitejenikin yes akiro kere. Ejuk ŋes mamakus kanuka ŋun, tetere iienunete kwape kijaar, ŋes da italakari itauonokus. Kojai ainapakin mama ejaas iinacan, ka amin, nepepe kaiyuun, nuepote kama ejai Edeke Papa, ka Ejakait Yesu Kristo. Kojai asianut mama ejaas ŋul kere lueminasi Ejakaitiwok Yesu Kristo kamina namam iŋoŋar. Paul ka Timoteo, ibulesin luka Kristo Yesu, Mama ejaas lukalaunak kere lukotoma Kristo Yesu luejaas Pilipi, nepepe kikaanyanarak ka ikejaanakinak; Asianut kojai mama ijaas ka ainapakin nuepote kama ejai Edeke Papawok ka Ejakait Yesu Kristo. Emalaenenei Ekadeke nakeitununoo yes, nakelipanakinia yes kere tir, eŋaiŋaenenei kaiyalama, kanuka eidicanekus aisilosikin Akiro Nukajokak ameun kapaaran nasodit kiton kwana. Eoŋ da etogogoŋit ebe ŋol loabu kogeu aswam naejok kotomakus, itodoli kiton apaaran naka Yesu Kristo, kwape eraar naedolit eoŋ aomit ŋin kanukus kere, naarai ijaas yesi otauka, naarai iraas yesi kere luidicakina keoŋ kotoma asianut, kotoma aenioka, ka aiyar kaitogogoŋ da Akiro Nukajokak. Naarai erai Edeke ekajenanika, kwape kemuitor yes kere kotoma otau loka Kristo Yesu. Na da ŋes ailipasitika ebe, kiyatanakin akusimin ailapanar kotoma aijen ka amisiikin kere, tetere icamunete nuejok, iraunos luliogot, komamei aitoronet kiton apaaran naka Kristo, kilelebi araito nuka adolit nuepote kama ejai Yesu Kristo kanuka aibuses ka aitopoloorio naka Edeke. Konye iinacan, akoto yes ajenun ebe nukadoikinete apotu kisilosikis Akiro Nukaiokak, kiton akaenio atakanun ebe ejai kotoma Kristo, kokidiŋ oserikalei kere, ka ice da kere; luipu da luka iinacan agogonoros kotoma Ejakait kanuka aenioka, etitiŋikinete aitelekarit einer akirot naka Edeke komam ekuriaka. Elimonokinete ice Kristo kanuka ekokote ka epeget, konye ice ketau kaloejok, Elimonokinete lu kanuka amin, kojenete kwape kebwaikinere ne kanuka aiyar naka Akiro Nukajokak, konye kwi elimonokinete Kristo kanuka aŋolopa, mere kotoma abeit, koomito aitican eoŋ kotoma aenioka. Aso anyoika bo? Dimarai kotoma oponesio kere, arai kotoma ojose, arai kotoma abeit, elimonokinio Kristo; ido alelakinit ŋin. Eebo, alelakini do. Naarai ajeni ebe kainunete eoŋ ŋun aitaiario kanuka ainainakus ka ainakinio naka Emoyo loka Yesu Kristo, kwape emielar noi kamuno da ebe mam kerumete ileic kakirot kere, dimarai katitiŋ kere, kwana, kwape kapaarasia kere, kitopolooroi Kristo kotoma akuanaka, arai kotoma aijar, arai bo kotoma atwanare. Naarai kamakaŋ aijar ŋes Kristo, atwanare da erai ameda. Konye arai aijar toma akuan ŋes araito naka aswam kamakaŋ, aso mam ajeni nuaseuni. Karidakinito akiro ŋun aarei, emiela alosit ajaut ka Kristo, naarai ŋes ejok aitelekarit. Konye asalit toma akuan ibusakinit aitelekarit kanukus, Ido naarai etogogoŋit kwaŋin, ajeni ebe asali, ido asalenenei nepepe kayes kere, tetere iyatanakinos yesi kaiyalama kotoma aiyuun, tetere ilapar akusiwolobobot kanukaŋ kotoma Kristo Yesu, kanuka ajaun kayes bobo. Konye ejautenekus korai loibusakinit Akiro Nukajokak nuka Kristo, tetere arai abuni aanyun yes, arai bo amamei, apupuni nukus ebe icasitos kotoma omoyo ediopet, iutas nepepe, ketau ediopet kanuka aiyuun naka Akiro Nukajokak, kwabo mam ikuriaka lukasurupokus kotoma akirot kere. Kowaikec ŋes aanyunet naka aolior, konye kowaikus ŋes aanyunet naka aitajario, naebuni kama ejai Edeke. Naarai kiinakinitai yes, kanuka Kristo, mere bon aiyuun ŋes, dimarai aisiriebio da kanukeŋ, kojaas kauta kaŋin nakianyunete kotomakaŋ, ido naipupete kwana ejai tomakaŋ. Aso arai ejai aitalakar kotoma Kristo, arai aiyamakina naka amin, arai eidicane loka Emoyo, arai aisioni ka aitim, kitodolete akaiyalama, tetere iwomitos adiopekirot, ijaas kamin adiopet, luka emoyo ediopet, iwomitos nepepe. Sirikiswamata akirot kere kanuka aŋolopa, karaida eitur atai, dimarai kaitasono ŋinituŋanan kitopoloorite aupake, itia ŋes ilopet. Kinyek ŋinituŋanan asesen nuke bon, konye nuka luce da. Koomitos yesi kotomakus, kwape aomitor Kristo Yesu, lokejai einono loka Edeke, komam imarakina arianakin ka Edeke araun ibore yenimariauna, konye kitisilikin, koyaŋaa einono loka ebulesit, kouriai toma aput naka etuŋanan. Abu kotakan ejaas kasubunet bala naka etuŋanan, kitasonikin, korima kiton atwanare, atwanare da naka emusalaba. Ŋes etopolooria noi Edeke ŋes, koinak ŋes ekiror ŋol loitelekarit ikiroria kere, tetere ekukonokini ŋinikuŋ ekiror loka Yesu, nuka akuj, ka nuka akwap, ka nukokwap kakwap da; ido kolimonori ŋiniŋajep ebe Yesu Kristo ŋes Ejakait, kitopolooritete Edeke Papa. Aso, luminanaka, kwape ipotu korimanariata apaarasia kere, mere naajaar eoŋ bon, konye aitelekarit noi kwana naamamea eoŋ, kitodolenenete aitajariokus, kayoŋite ka amaran da, naarai Edeke ŋes iswamai kotomakus, ainakin yes akot ka aswam da nuitoiokit ŋesi. Kiswamaenenete kere komamei aŋurian ka epeget, tetere iraas idwe luka Edeke luemamei aitoronet, luiyapaara, luemamei akemer kokidiŋ katur kanamagul, ka naepaarit, naitakaniata bala aica kotoma akwapin, itodiarete akirot naka aijar, kasodi aolobob kapaaran naka Kristo, ebe mam abu kaker atai, karaida aitaaritoi atai, Konye karaida kaabukokinio asubanit ka aijaanakin naka aiyuunikus, eyalama, ido eyalama nepepe kayes kere. Kiyalamas yesi da kwaŋin, kiyalamikinos da nepepe keoŋ. Konye amuno kotoma Ejakait Yesu aijukakin yes atipet Timoteo, kasodi atitiŋior kadau ajenun akirokus. Naarai emamei eoŋ icetuŋanan yeneriakasi kaŋes, loepodo noi ejautenekus. Naarai ŋul kere emootos nukec bonik, kwabo mere nuka Yesu Kristo. Konye ijenete akeiturio, ebe kwape ikoku kapapake abu kijaanakini Akiro Nukajokak nepepe keoŋ, Aso amuno aijukun ŋes atipet kadau ber aanyun nukadoikinete; konye amuno kotoma Ejakait ebe eoŋ da abuni atipet. Konye abu kaomit ebe kebusakinit aijukakin yes Epapurodito onaceka, loiswamai ka ejie da nepepe keoŋ, konye ŋes ekiyakiakus, ekejaanakinan da loka eipudika. Naarai abu kimuite yes kere, kokadakinite noi, naarai ipotu kiirasi ebe edek. Naarai abu kodekakin noi nepetai atwanare, Konye abu Edeke kitim ŋes, kwabo mere ŋes bon, konye eoŋ da, kinyek aiturur aiyatakin toma aitururuka. Ŋes akokakinia noi aijukun ŋes, tetere naianyuniata ŋes bobo, kiyalamikinos, eoŋ da iŋoŋar akaiturur. Aso kisukunyikisi ŋes kotoma Ejakait, kaiyalama kere; ido kitubusikis luikote kwaka ŋol, naarai aapiarit nepetai atwanare kanuka aswam naka Kristo, abu koluŋak akeijar tetere itodolikini nuemameete kotoma aijaanakinikus kamakaŋ. Nuesalito, ikainacan, kiyalamas kotoma Ejakait. Mam ketapasi eoŋ aiwadikakin yes ŋupeŋun, konye kiticasete yes. Kocoito iŋokwo, kocoito ikeswamak nueroko, kocoito luegeras. Naarai kirai oni luka akepio nakabeit, lukimai kOmoyo loka Edeke, lukiwolobobot kotoma Kristo Yesu, ido lumam kimunokina akuan. Karaida kapedori eoŋ amunokina akuan. Arai eomit etuŋanan ece kere amunokina akuan eoŋ etelekarit: aponi kakepi kapaaran nakikanyetekauni, loka ajena naka Isirael, loka ateker naka Benyamin, Eburaniat obe loka Iburanian; kakiro nuka ikisila, Eparisayot, kakiro nuka adunyanut, kareite ekanisa, kakiro nuka adolit naejai toma okisila, mam abu kajai kaitoronet. Konye kere nukeraas ameda kamakaŋ, abu kaomit atwaniar kanuka Kristo. Konye abu kaomite cut iboro kere araut atwaniar kanuka ajokis naepol noi naka ajenun Kristo Yesu Ejakaitika, Abu katwania iboro kere kanukeŋ, kaomite da araut acin, tetere adumuni Kristo, kasodi adumunio kotomakeŋ, komamei adoliteka, naebuni kotoma okisila, dimarai ŋin naebuni kanuka aiyuun Kristo, adolit naebuni kama ejai Edeke kotoma aiyuun, tetere ajenuni ŋes, ka apedor naka ajarunike, ka aimor kaŋes arieboke, ketuputoritere katwanareke, tetere arai apedori, adolokini ajarun nakokatwak, Mere ebe adau adumun karaida aitodolikinio; konye ebwapit tetere ekamuni, naarai kekamunit Kristo Yesu eoŋ. Iinacan, mam aomit ebe adau aikamun, konye eswamai adiopekirot, kemurwokinete nukokau, kewopei nuejaas kiŋaren, ebwapit adolore neepegare, neejai ainakinet naka anyarit nakokuju naka Edeke toma Kristo Yesu. Aso oni kere lukipoloor, kaomitos ŋun; ido arai iwomitos yesi nuegelara, kipukokini da Edeke yes ŋin. Konye ca nukidoloki, kalosenenete kaŋun, Iinacan, koputorito eoŋ nepepe, ido kosesenete ŋul luelosete kwape ejaar yes aanyunet kamakosi. Naarai elosete luipu, luabu kalimonok yes irwan ipu, kwana da kalimokini kamonyi, ebe kes lukasurupo luka emusalaba loka Kristo, Esaŋekec ŋes amudiar, edekekec ŋes akoik, aibusesukec da ejai toma oleic, eomitos nuka akwap. Naarai obuwok ejai toma akuj, ŋina da kidareo Eketaiaran, Ejakait Yesu Kristo, loilocokini awatewok nuesilok, aputoor akekuan nakaibuses, kwape ejaar aswam naka akepedor aitononokikin iboro kere kwapukeŋ. Aso iinacanaka luminan, lukemuit da, akaiyalama ka akaboko da, kobwaata kwaŋin kicasito kotoma Ejakait, luminan, Eŋaiŋait Euodia, eŋaiŋait da Suntuke, koiaas kaomit adiopet, kotoma Ejakait. Eebo, kelipit jo da, ekiŋariŋaret ajookot lokabeit, kiŋarak aŋor ŋun, nuetaaritos nenipe keoŋ toma Akiro Nukajokak, ka Kelement da, ka ikeswamak ice da lukaupaka, luejaas ikiroriakec toma oitabo loka aijar. Kiyalamas kotoma Ejakait apaarasia kere; abala bobo ebe kiyalamas. Kojenun akusiiyapaara kotuŋa kere. Eapie Ejakait. Siriyaloŋoŋoete akirot kere, konye kotoma akiro kere toma ailip ka aiŋaiŋa nepepe kaimal, kitejenut Edeke nuikotosi. Ainapakin da naka Edeke naedeparit ajenun kere, kidarenenei itauonokus ka aomisiokus kotoma Kristo Yesu. Nuesalito iinacan, nueraas nukabeit kere, nuibusakinito kere, nuedolito kere, nukalaunak kere, nutemela kere, nuisupete kere, arai ejai ajokis kere, ido arai ejai aiturit, koomoomoete ŋun. Akiro da nuipotu kisisiata kamakaŋ, kodumutu da, kopuputu da, koanyutu da kamakaŋ, kiswamaenenete ŋun; ejaenena da Edeke loka ainapakin kayes. Konye eyalama noi kotoma Ejakait, naarai kwana atubor apak ekwarutu da akusiwomisio kanukaŋ, kwabo ipotu koomitos ŋun konye kemamei yes apak, Mere ebe enera kanuka eipud; naarai abu kesisia adauna kwape ajaar kere. Ajeni aitisilio, ajeni da alitoro; kaŋinikirot, ido kotoma akiro kere, ketuutooritai aiyeiyea naka aimonikin ka ariebo eteŋei da, alitoro ka aiŋonara da. Apedorit kere kotoma kaŋol kaloketogogoni. Konye ipotu kiswamata ejok naimorikikinotor kaiticaniokaŋ, Ijenete yesi da Ipilipin ebe, kotoma ageunet naka Akiro Nukajokak, naanyounio koMakedonia, amamei ekanisa loemorikikina keoŋ kotoma akirot naka aikor ka aijaun, dimarai yes bonik, naarai koSesalonika da ipotu kijukakis eoŋ irwan atipet ka nakiareit kanuka eipudika. Mere naarai amoot ainakinet, konye amoot araito nuiyatanakinos otiaikus. Konye ajai kiboro kere, alitoro da; etekoro, kadau aijaun lukijukunete kama ka Epapurodito, aures naeuru maa, asubanit naecamunitai naitoiokit Edeke. Ekadeke da itekori luipudasi kere kwape ejaar akebar kotoma aibuses toma Kristo Yesu. Kojai aibuses mama ejai Edeke Papawok ikar ka ikar. Amen. Kiyogaete ŋinikalaunan kere kotoma Kristo Yesu. Kiyogaete yes iinacan luejaas keoŋ, Kiyogaete yes lukalaunak kere, aitelekarit ŋul lukokal loka Kaisar. Asianut naka Ejakait Yesu Kristo kojai kimoyonokus. Paul ekiyakia loka Kristo Yesu kanuka akot naka Edeke, ka Timoteo onacewok, Mama ejaas lukalaunak ka iinacan luiyuunito lukotoma Kristo luejaas Kolosai: Asianut ka ainapakin kojaas mama ijaas nuepote kama ejai Edeke Papawok. Kimalaenenei Edeke Papa loka Ejakaitiwok Yesu Kristo apaarasia kere nakilipanakinia yes, naarai kipou keirasi nuka aiyuunikus kotoma Kristo Yesu, ka aminakus mama ejaas lukalaunak kere, naejai kanuka amun naiŋadakinio toma akuj kanukus. Ipotu kiirasi ŋin kolo toma akirot naka abeit naka Akiro Nukajokak, nuadolokis yes; ido kwape eraiata araito, iyatanakinos da kotoma akwapin kere, kwape kwaŋin kotomakus da, ameun kapaaran naipupioto, kojenut da asianut naka Edeke kabeit, kwape isisiaata kama ka Epapurasi ebulesit aupawok lominat. Erai ŋesi ekejaanakinan lomunot loka Kristo kanukosi, lokitejenik da sio akusimin kotoma Omoyo. Kanuka ŋun sio da, ameun kapaaran nakipupunio, mam kinyeinenei ailipanakin yes kaiŋaiŋa ebe, kilelebikin ajenun nuekoto Edeke, kacoa kere, ka acoit naka emoyo, kolosenenete kwape luibusakinito Ejakait aisiyalamikin ŋes kakiro kere, koraete araito kotoma kaŋiniswam kere naejok, kiyatanakinos da ajenun Edeke. Kitogogoŋoi kapedor kere, kwape ejaar agogoŋ naka aibusesuke, kiton atitiŋikinit kere, ka aikany da nepepe kaiyalama, kimalaenenete Papa lokitubusikinit oni aimor kairumet naka lukalaunak kotoma aica. Abu ŋesi kolaku oni alemar kapolou naka amuton, kisibwot alomar ajakanut naka Okokuke lominat. Kija kalakunio kotomakeŋ, ŋes aisionio naka adiakanareta. Erai ŋesi aput naka Edeke lomam etakani, ekiyai loka isuban kere; naarai kotomakeŋ ŋes kesubere iboro kere, luejaas toma akuj, ka luejaas toma akwap, luetakanete ka lumam etakanete, arai iicoloŋo lukajakanuto, arai ijaka, arai ikayaitok, arai lukapolou, kesubio iboro kere kotomakeŋ ido kanukeŋ. Egeikinit ŋesi iboro kere, icasito da iboro kere nepepe kotomakeŋ. Erai ŋesi da akou naka akuan, ŋes ekanisa; erai ŋesi ageunet, ekiyai kotoma okatwak, tetere eraun ŋesi elopet losodit kotoma kere. Naarai kotomakeŋ kitojokit aitekoro naka Edeke aiboienen, kotomakeŋ da aitupuc iboro kere mamakeŋ, arai luejaas akwap, arai da luejaas akuj, kisinapik kanuka aokot nuka emusalabake. Ka yes da lukolo igelara, lukasurup da kaomisiokus, kaswamisio nueroko, konye kwana abu ŋesi kitupuc yes kotoma akekuan naka etuŋanan, kanuka aketwanare, tetere kitodiari yes lukalaunak, luemamei akemer ka luemamei aitoronet da kakonyeneke, arai bo isalenenete kotoma aiyuun, iketakina apetetaitikus, icasito komam iriaŋiriaŋas, ainyein amun naka Akiro Nukajokak nuipotu kopuput, nuaponi kolimonokin ŋinisubat kere yenejai kwap kakuj, nuabu karaunor eoŋ, Paul, ekejaanakinanikec. Kwana eyalamikin arieboka kanukus, etodoli da nuikadidio nuka aiticanio naka Kristo toma akuanaka kanuka akuanake, ŋes ekanisa, lokaraunor eoŋ ekekejaanakinan kwape ejaar aijokokinet naka Edeke nakainakinitai kanukus, aitodolikin akirot naka Edeke, aiyeiyea nakibwaitai ameun kikar ka aturio da, konye kwana ikujokinitai mama ejaas lukalaunakake. Abu Edeke kokoto kes aitejenikin Imo abar kwape ejaar naka aibuses naka aiyeiyea kaŋin, naerai Kristo kotomakus, amun naka aibuses. Kilimonokini ŋes, kekwenya ŋinituŋanan, kisisianakini da ŋinituŋanan kacoa kere, tetere kitodiari ŋinituŋanan epol kotoma Kristo. Kanuka ŋun ŋes etaaritor aut kwape ejaar akegogoŋ naiswamai kotomakaŋ kapedor. Naarai akoto yes ajenun aut naetia nen naauta kanukus, kanuka ŋul da luejaas Laodikia, ka ŋul kere lumam eanyunito akakonyen toma akuan; tetere italakario ikecetauon, inicakina kotoma amin, koanyut abar kere naka acoit naitogogoŋitoi, kojenut cut aiyeiyea naka Edeke, ŋes Kristo, loibwaitai kotomakeŋ iboro kere luketiai loepol luka acoa ka ajenun da. Enera ŋun kinyek idiotuŋanan aitapaar yes kakiro nuka aijodijod. Naarai karaida amamei eoŋ kotoma akuan, konye ajai kayes kotoma omoyo, eyalama da aanyun ekusipone loeteni ka aicasit naka aiyuunikus kotoma Kristo. Aso kwape ijauniata Kristo Yesu Ejakait, kolosenenete kwaŋin kotomakeŋ; kicasito aliasiokus, kodukokina kotomakeŋ, ido kitogogoŋitete kotoma aiyuun, kwape kisisianakinere, kilapara kaimal. Kocoito kinyek idiotuŋanan aŋatar yes kanuka aminacoa ka aiŋal naatai, kwape ejaatar iponesio luka ituŋa, kwape ejaatar nugeet nuka akwapin, kwabo mere kwape ejaar Kristo, Naarai kotomakeŋ iboie aitekoro kere naka Eidekeone kakuan, yes da itekoro kotomakeŋ, loerai akou naka ayait kere ka apolou da. Kotomakeŋ da kikepitai yes kakepio namam iswamatai kakanin, ilacata akuan naka etuŋanan kotoma akepio naka Kristo; kinukio nepepe kaŋes kaibatis, kaŋin da aponi kitajarun nepepe kaŋes, kanuka aiyuun aswam naka Edeke lokitajaruni ŋes kokatwak, Yes da lukitwakito kotoma aibucanareta, ka amamus akepio naka awatekus, abu Edeke koinak yes aijar nepepe kaŋes, kedau ŋesi aisioni oni aibucanaretawok kere, kedau aimwatar aitutuket naewadikatai toma okisila nakitusurupi oni; abu kolema awai, kibubuk omusalaba. Kolaca ŋesi ikayaitok ka lukapolou kitodia kes katitiŋ, kipiko kes komusalaba. Aso kinyek idiotuŋanan atubokin yes kakiro nuka inyamat, arai numatan, arai bo kakiro nuka epucit, karaida ailamun naka elap, karaida nuka apaaran nakasabato. Eraas nu etoribe loka nuepote; konye akuan ŋes naka Kristo. Kinyek idio ademar ainakinetekus, yenekoto aitisilikin, ka aima imalaikan, kitogogoŋooro kaitapoeta, iturokina atai kanuka aomisioke nuka akuan, kwabo mam iketakina Akou, lokotomakeŋ akuan kere isigalikinio ka ainicakinio kanuka ailenyeta ka amoori, iyatanakin keiyas loka Edeke. Arai ipotu kotwaka nepepe ka Kristo ainyein nugeet nuka akwapin, kanukinyo inonokikinitotor ikisila bala iroko ijarete kotoma akwapin, ebe, “Sirikitiŋ, Sirikiir, Sirikitiro”, (ŋul kere eoliorete toma aitwasamao) atupar aicorakineta ka aisisianakin naka ituŋa? Akiro ŋun kere ejai aput naka acoa kotoma aima naepwakunete ituŋa bonik, ka aitisilikin, ka aitican akuan; emamei ŋun ajokis nepetai da aitikokinia aiŋobel naka akuan. Aso arai kitajarunitai nepepe ka Kristo, komoenenete nuejaas kuju, neejai Kristo, iboie kakan nakoteten naka Edeke. Koomoomoete nuejaas kuju, kwabo mere nuejaas akwap. Naarai ipotu kotwaka, ibwaitai da akusiijar nepepe ka Kristo, toma Edeke. Naetakanunia Kristo, ŋes aijarawok, kosodete yesi da itakanunete nepepe kaŋes kotoma aibuses. Aso kitwataniasi akusitutubeta nuejaas akwap; adoteu, asilianut, ainekit, eimiel loerono, ka airaŋaanut, ŋes aima aputosia. Kanuka ŋun ŋes ebunokinia anyunyura naka Edeke odwe luiulaka. Ipotu yesi da kolosenenete kolo kaŋun, naijariata kotomakec. Konye yes da kwana kolemasi ŋun kere awai; anyunyura, adedeŋ, aronis, ainyanakin, einer nukileic kaitukekus. Siriŋalaŋalas, naarai ipotu kolacasi etuŋanan lokolo nepepe kaswamisioke, konapa da etuŋanan lokitetet loisiteteununio kiton ajenun kwape ejaar aput naka ŋol lokesubi ŋes, Emamei kanen Eyonanit, karaida Eyudayat, akepio ka amamus akepio, imoit, Esukusit, ibulesit, karaida yenijakakai, konye Kristo ŋes kere, ejai da kotoma kere, Aso konapenenete etau loka aitim, asianut, aitasono, aiyapepera, atitiŋikin, kwape luseuna luka Edeke, lukalaunak ka luminan da; koŋirionokinos, kisionionoros, arai ejai ituŋanan kere aŋurian kayenice, ido kwape kisionio yes Ejakait, yes da kisioniete kwape kwaŋin. Ido aitelekarit ŋun kere konapa amin, naerai elomorut loka adolior. Kodiekenenei ainapakin naka Kristo kotoma otauonokus, nakinyarakinio da toma akuan adiopet, kimalaenenete da. Kiboienenei akirot naka Kristo kabarara kotomakus, kacoa kere: kisisianakinete ido kikwenyanaros kisabulin, ka ikososio, ka nupwakan nuka emoyo; iyeonokinete Edeke kasianut kotoma otauonokus. Ido nuiswamaenenete kere kakirot arai kaswam, kiswamaenenete kokiror loka Ejakait Yesu, kimalaenenete Edeke Papa kotomakeŋ. Yes aŋor, kononokikis ikusikiliok, kwape ibusakinitor kotoma Ejakait, Yes ikiliok, kominas akusiŋor, siridedeŋanakinete kes. Yes idwe, korimasi ikusikauriak kotoma akiro kere, naarai ŋin itojokit Ejakait. Yes lukapapa, sirikitunyunyuranakis ikusidwe, kinyeis ajuruŋuŋ. Yes ibulesin, korimasi ikusijaka luka akuan kotoma akiro kere; mere kaijaanakin nakokuju kwape luitoiokito ituŋa, dimarai kaipioror nakotau, koyoŋito Ejakait, Yeniswamaete kere, kiswamaenenete kaijar kere, bala iswamanakinete Ejakait kwabo mere ituŋa, Kojenete ebe kiinakini Ejakait eropit loka airumet; ijaanakinete Ejakait Kristo. Naarai yeniswamai erono, etacakinio bobo kwape ejaar akeronis, ido emamei atiakit ituŋa. Yes ijaka, kokorakis ikusibulesin nukadolit ka aitiirian, kojenete ebe ejai yes da Ejakait toma akuj. Kicebokinito kotoma ailip, kokwenyenenete kotomake kaimal. Kilipanakinete sio da, ebe koŋaik Edeke sio ekek kanuka akirot, einer aiyeiyea naka Kristo, nakaenitere eoŋ kanukeŋ; tetere etodiari kwape kebusakinitor einer, Kolosenenete kacoa mama ejaas ŋul lukokiŋa, koyuununete apak. Kinerenenasi apaarasia kere kasianut, kokonyite abalaŋ, tetere ijenete kwape ibusakinitor aboŋonokin ŋinituŋanan, Kitejenikini yes Tukiko nukadoikis kere; erai ŋesi onace lominat ka ekejaanakinan lomunot, ido ebulesit aupakosi kotoma Ejakait. Ejuk ŋes mamakus kanuka akirot kana, tetere ijenunete nukidoikis sio, ido kitalaka ŋesi ikusitauon, nepepe ka Onesimo, onace lomunot ka lominat da, lokobukus. Kitejenikinete kesi yes akiro kere nukane. Kiyogai yes Arisitariko, ekijoreoritono aupaka, ka Marako ecen loka Baranaba, (Ioaponi kicorakin yes kanukeŋ; arai ebuni mamakus, kisukunyikis ŋes), ka Yesu loenyaritai Yusito, Eraas lu lukotoma luekepitai, kes bonik ikeswamak lukaupaka kanuka ajakanut naka Edeke, luapotu ketalakasi eoŋ noi. Kiyogai yes Epapurasi, loerai lokobukus, ebulesit loka Kristo Yesu, euta apaarasia kere kanukus kotoma ailipike, tetere ibwoenenete kopolok, kitogogoŋito da kere nuekot Edeke. Naarai etejenaara kanukeŋ ebe itaaritoi ŋesi noi kanukus, kanuka luko Laodikia da, kanuka luko Kierapoli da. Kiyogai yes Luka emurwon lominat, ka Dema da. Kiyogaete iinacan luejaas Laodikia, Numpa da ka ekanisa loejai togoke. Ido naidauniata yesi asoman ebalua lo, kosiomata da kotoma okanisa loka Laodikia; kosiomata yesi da loebuni koLaodikia. Kolimokis da Arikipo ebe, “Kocoite aijaanakin naibu kodum kotoma Ejakait, tetere itodoli.” Eoŋ Paul ewadikai ayogan na kakakan elopet. Kiitununete akaenio. Asianut kojai mama ijaas. Paul ka Siluano ka Timoteo, mama ejai ekanisa loka Isesalonikan kotoma Edeke Papa ka Ejakait Yesu Kristo: Asianut kojai mama ijaas ka ainapakin, Kimalaenenei Edeke kanukus kere apaarasia kere, kilimununei yes kotoma ailipikosi, komam kinyeinenei aiitunun kakonyen nuka Edeke Papawok aswamukus naka aiyuun, ka aitaaritoi naka amin, ka atitiŋikin da naka amuno naka Ejakaitiwok Yesu Kristo, Naarai iinacan luemina Edeke, kijeni aseuniokus; naarai Akosikiro Nukajokak mam apotu kodolokis yes kotoma akirot bon, dimarai kotoma apedor, ido kotoma Omoyo Lokalaunan, ido kaitogogoŋio naepol, kwape ijeniata epone lokitodiaror tomakus kanukus. Ido ipotu koputosi sio ka Ejakait, naarai ijaut akirot kotoma aiticanio naepol, kaiyalama naka Emoyo Lokalaunan; kosodete araun aanyunet mama ejaas luiyuunito kere kotoma Makedonia ka Akaia da, Naarai anyoun kamakus epup akirot naka Edeke, mere kotoma Makedonia ka Akaia bon, dimarai isiarakina akusiiyuun kotoma Edeke ŋiniibois kere, emamei bobo sio eipud einer akirot kere. Naarai alimosi kesi ikulepek akirokosi kwape kiilomunia mamakus, ido kwape ibelokinotor mama ejai Edeke, kinyeis aputosia, tetere ijaanakinete Edeke lokajaran lokabeit, ka aidareun Okokuke abunore kokuju, lokitajaruni ŋesi kokatwak, ŋes Yesu lokiyuuni oni kotoma anyunyura naebunit. Naarai ijenete yesi iinacan, ebe akosilomun mamakus mam kerai atai; konye karaida kiiticanitai ka aiswamakinio da nukepali koPilipi, kwape ijeniata, kipou katitiŋikisi kotoma Edekewok, alimonokin yes Akiro Nukajokak nuka Edeke kauta naepol. Naarai alimonokinikosi mam erai naka aiŋal, karaida naka asilianut, karaida kotoma aimod, konye kwape kicamakinia Edeke isio araut lukimunoi kotoma Akiro Nukajokak, kwape kwaŋin kinerar, mere aitalakar ituŋa, dimarai aitalakar Edeke loiteteni itauonokosi, Naarai mam kijaa kakiro nuisupete apakio kere, kwape ijeniata, karaida nuerapete airaŋaanut, erai Edeke ekajenan; mam kipou kamootos aibuses kama kituŋa, karaida kamakus, karaida kama kice, nakipedoria alaŋirikinit yes, kwape ikiyakia luka Kristo. Konye kipou keyapeperas kokidiŋikus, kwape akasaan naitani ikedwe alopet. Kwaŋin kipodori yes, ketojokata akorakin yes mere Akiro Nukajokak nuka Edeke bon, konye akosiijar da, naarai iraas iminanakosi noi. Naarai, iinacan, iitunito yesi akosiitaaritoi ka ailolony; nakiswamaenena akuare ka apaaran da, kenyeis alaŋirikin ituŋanan kere kayesi, kalimonokinete yes Akiro Nukajokak nuka Edeke. Iraas yesi ikajenak, ka Edeke da, kwape kijaar kamakus luiyuunito kalaunit, ka adolit, komamei aitoronet; kwape ijeniata yesi ebe, kwape icoria papa ikedwe, kipou kecorata ŋinidiopet kayesi, kesinyikokito, ka aitejenun da, tetere ilosenenete kwape luibusakinito Edeke, lokinyarit yes alomar toma ajakanutuke ka aibuses da. Kanuka ŋun da kimalaenenei Edeke tiritir, naarai naijauniata akirot naka Edeke naipupunete kamakosi, ipotu kocamut, mere kwape akirot naka ituŋa, konye kwape eraar abeit akirot naka Edeke, naiswamai da kotomakus kaluiyuunito, Naarai, iinacan, ipotu koputosi ikanisan luka Edeke Iukotoma Kristo Yesu, Iuejaas Yudaya; naarai apotu ikusituŋa kiticanata yes da, kwape eticaniata Iyudayan lukec; luapotu koarata Ejakait Yesu ka inabin da, ido kireŋeto sio, kwabo mam kes isiyalamikinito Edeke, isuruposi kituŋa kere, kirebokinito da sio alimonokin Imo tetere itajario, kosodete aitodolikin adiakanaretakec apaarasia kere. Konye ekokoikin kes cut anyunyura naka Edeke. Konye iinacan, kipou isio katiakasi kayes apak naedit, kakonyen, kwabo mere kotauon, kipou kadunyakis noi noi aanyun akusikonyen kaimue naepol; naarai kipou kakotosi aponare mamakus, eoŋ Paul, irwan nasodit ka nakiareit da, konye kitikok Satan sio. Naarai inyo bo amunokosi, arai aiyalama, arai aboko naka aolobob kakonyen nuka Ejakaitiwok Yesu kotoma abunoreke? Mere yes? Naarai iraas yesi akosiibuses ka aiyalama da. Kanuka ŋun namam bobo kipedoria atitiŋikin, kipou ketojokata ainyeinio bon ko Asene, kejukas Timoteo onacekosi ido ekejaanakinan loka Edeke toma Akiro Nukajokak nuka Kristo, tetere iticasi yes ka uitalakar da kotoma aiyuunikus, kinyek ituŋanan kere airiaŋiriaŋa kotoma aiticanio kana. Naarai ijenete yesi ebe kitebeitai ŋin. Naarai nakijaar kayes, kipou kekwenyasi yes ebe kidumuni aiticanio; kwape kedounio da, ido kwape ijeniata. Kanuka ŋun namam bobo apedoria atitiŋikin, abu kejuk kasodi ajenun aiyuunikus, kinyek ekacodan acodun yes, aitaaritoikosi da koraun natitai. Konye kwana naadolunio Timoteo mamakosi ebuni kamakus, abu koinu sio akiro nukajokak nuka aiyuunikus ka aminakus, ebe da kiitununete yesi sio ejok apaarasia kere, kimuito aanyun sio, kwape sio da yes,— kanuka ŋun, iinacan, kitalakaritai kanukus kotoma aridakiniokos kere ka aiticanio, kanuka aiyuunikus, naarai kwana kijari arai ibwoete yesi icasito kotoma Ejakait. Naarai aimal anyoin kipedori atacakin Edeke kanukus, kanuka aiyalama kere nakiyalamar kanukus kakonyen nuka Edekewok, kidunyakinit ailip akuare ka apaaran da ebe kaanyut akusikonyen, ka aitemonokin nuiŋoŋara kotoma aiyuunikus? Konye Edeke elopet Papawok ka Ejakaitiwok Yesu kiteten ekosirot aponare mamakus; Ejakait da koinak yes aiyatanakin ka aidilakin aminanar bonik, ka ituŋa kere, kwape sio da kiminar yes, tetere kiticat ikusitauon koraas Iuemamei aitoronet kotoma alaunit kakonyen nuka Edeke Papawok, naebunio Ejakaitiwok Yesu nepepe kalukalaunakake kere. Nuesalito, iinacan, kiŋaiŋait yes ka aicor da kotoma Ejakait Yesu, kwape kijauniata kamakosi kwape ibusakinitor yes alosenen ka aisiyalamikinit Edeke, kwape ilosenenoto, kiyatanakinos bobo kwaŋin, Naarai ijenete kwape ejaatar aicorakineta nukipou kainakis yes kanuka Ejakait Yesu, Naarai naekoto Edeke ŋes nata, aitalauniokus: kinacata adoteu; kojenu ŋinituŋanan kayesi ajaut kakeberu kotoma alaunite ka ayoŋit, mere kotoma ainekit naka eimiel kwape ikapirin Iumam ejenete Edeke; kinyek ediotuŋanan aibucar karaida airod onaceke kotoma akirot, naarai erai Ejakait ekenyaŋan kotoma kaŋun kere, kwape kipou kekwenyariata yes ka aitejenun da noi. Naarai mam Edeke kinyarakinit oni asilianut, dimarai toma alaunit, Aso yeneŋeri, mam eŋeri etuŋanan dimarai Edeke, lokiinakini yes Ekemoyo Lokalaunan. Konye nuka amin iinacan mam ipudasi eoŋ aiwadikakin yes, naarai kisisianakinit Edeke yes aminanara; naarai iswamanakinete akirot ŋin iinacan kere luejaas Makedonia kere, Konye, iinacan, keŋaiŋait yes kiyatanakinos adepar nen, koŋaŋato aiyapaara, kiswamaenenete nukus bonik, kitaaritos da kakusikanin, kwape kipou kecorakiniata yes, tetere ilosenenete koponesio luejok kama kalukokina komam ilwaritos. Konye iinacan, mam kikoto yes aolit nuka ŋul kaluejotoete, tetere mam itururwete kwape ice luemamei amun. Naarai arai kiyuunit ebe abu Yesu kotwana, kojaru da, kwape kwaŋin kanuka Yesu eyauni Edeke nepepe kaŋes ŋul luejotoete. Naarai kilimokini yes na kakirot naka Ejakait, ebe onilukijari lukipaikinit kiton abunore naka Ejakait, mam kigeikini lueiotoete, Naarai edokuni Ejakait elopet abunore kotoma akuj kaiworo, keporoto loka emalaika lokapolon, ka arupepe naka Edeke. Ŋul da luketwakete kotoma Kristo, kes eliŋete ajarun; kosodi konyet oni lukijari, lukipaikinit, kiwuruporio nepepe kakes toma odoun, airiamun ka Ejakait toma apak; kwaŋin kijaenena ka Ejakait apaarasia kere. Aso kitalakanaros bonik kakiro kaŋun. Konye iinacan, mam ipudasi eoŋ aiwadikakin yes nuka apakio ka ikar. Naarai ijenete yesi jokan ebe ebuni apaaran naka Ejakait kwape ekokolan kuare. Naineratar ebe, “Ejai ainapakin ka aiyamakina,” eŋesakin do kes amudiar kwape eŋesakinor ariebo aberu naidouni, kwa bo mam ekuete nepepec da. Konye iinacan, mam ijaas amuton, apaaran ŋin aturiaikin yes kwape ekokolan. Naarai iraas yesi kere odwe luka aica, ka odwe luka apaaran; mam oni kirai luka akuar karaida luka amuton. Aso do kenyeisi ajotoor kwape ka ice, konye kakwenyenenete, kenyeis amer, Naarai luejotoete, ejotoete kuare, luemerasi da emerasi kuare, Konye do oni kirai luka apaaran, kenyeis amer, kanapa yenikatorob yenika aiyuun ka amin, akopira da korai amun naka aitajario. Naarai mam Edeke kibwaikinit oni kanuka anyunyura, dimarai adumun aitajario kanuka Ejakaitiwok Yesu Kristo, loabu kotwanik oni tetere kijari nepepe kaŋes, arai kikwenyi, arai bo kijotoi, Aso kitalakanaros bonik, kodukonoros ŋinituŋanan kayenice, kwape iswamaata da. Konye iinacan, kiŋaiŋait yes ajenun ŋul Iuitaaritos kotomakus, lukiyaito yes kotoma Ejakait, ka lukicorete da, koyoŋito kes noi kamin kanuka aswamukec, Kojaas kainapakina kotomakus, Konye iinacan, kiŋaiŋait yes, kicorata luitotolikino, kiticasete luipirisiaros itauon, kisigalikis luekalanyaka, kotitiŋikis ituŋa kere, Koanyutu ebe emamei yenetacakini aronis kanuka aronis, konye komootos apaarasia kere aikonanakin lucekus ejok, ka ituŋa da kere. Kiyalamasi apaarasia kere, kilipenenete tiritir, kimalaenenete kotoma ŋinikirot kere; naarai ŋin ŋes naekoto Edeke kamakus kotoma Kristo Yesu. Siritudeŋete Emoyo, sirimenete aidwar, konye kitemoto akiro kere; kikamutu cut nuejok, kinacata ŋolipone kere loerono, Edeke da elopet loka ainapakin kitalau yes cut, kidaritete cut imoyonokus, ka aijarakus, ka awatekus da, komamei aitoronet kiton naebunio Ejakaitiwok Yesu Kristo. Lokinyarit yes erai lomunot, ido ebuni aswam. Iinacan, kilipanakinai sio. Kiyogaete iinacan kere kainu nakalaunan. Kesiyapoete kalimite Ejakait ebe kosiomakinai ebalua lo iinacan kere. Asianut naka Ejakaitiwok Yesu Kristo kojai kayes. Paul, ka Siluano, ka Timoteo, Mama ejai ekanisa loka Isesalonikan lokotoma Edeke Papawok ka Ejakait Yesu Kristo; Asianut kojai mama ijaas ka ainapakin nuepote kama ejai Edeke Papa ka Ejakait Yesu Kristo. Iinacan, kiburao sio aimalaenen Edeke apaarasia kere kanukus, kwape kibusakinitor, naarai iyata noi akusiiyuun, idila da akusiminanar ŋinituŋanan kayesi kere mama kayenice. Kiton sio da kiwolobobot kanukus kotoma okanisan luka Edeke kanuka atitiŋikinikus, ka aiyuun kotoma areokus kere, ka aiticanio naiŋirikinito. Ŋes aanyunet cut naka etube loedolit loka Edeke, kosodete kitubusikin yes ajakanut naka Edeke, nakiticanere yes kanuke. Naarai edolit kakonyen nuka Edeke atacakin aiticanio lukiticanete yes, yes da luiticanio kisiyeŋunio nepepe kasio, kotoma apukorio naka Ejakait Yesu naebunio kotoma akuj nepepe ka imalaikan luka akepedor, kotoma akim naesarani, inyaŋi kama kaŋul lumam ejenete Edeke, ka ŋul da lumam erimarito Akiro Nukajokak nuka Ejakaitiwok Yesu. Egelitikec ŋes amudiario naka ikar kere, enyounete kakonyen nuka Ejakait, ka aibuses naka agogoŋuke da, naebunio ŋesi kapaaran kaŋin, tetere itopoloorio kotoma kalukalaunakake, ka aumokinio da kotoma kaluiyuunito kere, naarai iyuunitos yesi akosiitejenun. Tape da kilipanakini yes apaarasia kere, tetere kitubusik yes Ewokodeke kanyariteke, kitodolik da kapedor ŋiniwomisioit kere nakajokis, ka aswam da naka aiyuun, tetere itopoloorio ekiror loka Ejakaitiwok Yesu kotomakus, yes da kotomakeŋ, kwape ejaar asianut naka Edekewok ka Ejakait Yesu Kristo. Konye iinacan, kiŋaiŋait yes, kakiro nuka abunore naka Ejakaitiwok Yesu Kristo, ka atukonokiniwok nepepe kaŋes, kinyeis aisunyit airiaŋiriaŋa kotoma aomisiokus, karaida aiyaloŋoŋ, karaida komoyo, karaida kakirot, karaida kobalua loebuni kamakosi, ebe adolu apaaran naka Ejakait, Kinyek idiotuŋanan aitapaar yes kopone kere; naarai mam apaaran ŋin ebuni, dimarai isiauni atiakatiakaun ajaun, epukorio da etuŋanan ŋol lokepali, okoku loka amudiar, loirebirebi, ido loitopoloor bon aitelekarit ibore kere yenenyaritai edeke, arai yenemaio; kosodi iboikin oyekalu loka Edeke, kitodiara ebe ŋes Edeke. Mam kereka iitunito ebe nakijaar kayes abu kalimok yes ŋun? Ido ijenete yenitikokinit kwana, tetere epukorio ŋes kapakike. Naarai ageu aiyeiyea naka epali aswam; konye loitikokinit kwana iswamai aitodol naelemarere ŋol awai. Kosodi konyet epukorio lokepali, eari Ejakait Yesu ŋes keiyeŋane loka aitukuke, ka amudiar da kotoma atakanun naka abunoreke. Abunore naka ŋol lokepali naiswamai Satan ejaun kapedor kere, kaanyuneta ka nukaumokin da nukeŋalak, ka aitapaar kere namam adolit mama ejaas ŋul lueoliorito, naarai mam apotu kocamut amin abeit, kosodete aitajario. Kanuka ŋun ijukakini kes Edeke aswam naka apaar, tetere iyunete nuka aiŋal, tetere etubokinio kere lumam iyuunito abeit, konye luisiyalamikinito amamus adolit, Konye kiburao sio aimalaenen Edeke apaarasia kere kanukus, iinacan luemina Ejakait, naarai abu Edeke koseik yes ameun kageunet aitajario, kanuka aitalaunio naka Emoyo, ka aiyuun da abeit. Abu konyarak yes ŋin kanuka Akosikiro Nukajokak, kanuka adumun aibuses naka Ejakaitiwok Yesu Kristo. Aso do iinacan, kobwaata kicasito, kikamut iponesio lukisisianakinitai, arai kotoma akirot, arai kotoma obaluakosi, Konye Ejakaitiwok Yesu Kristo elopet, ka Edeke Papawok, lokimina oni, loabu koinak da aitalakar naka ikar kere, ka amun naejok kotoma asianut, kitalaka ikusitauon, kiticat da kotoma kaŋiniswam ka ŋinikirot da naejok. Nuesalito, iinacan, kilipanakinai sio, tetere ekeri akirot naka Ejakait, koinakinai aibuses, kwape kotomakus, isio da kayuunos kama ka ituŋa luemamei acoa, ikaronok; naarai ejaas ice lumam iyuunito. Konye erai Ejakait lomunot; lokiticasi yes, kidari da kama ka lokaronon. Konye kija kamun kotoma Ejakait kakirokus, ebe iswamaete, ido ipote aswam nukicorakini. Konye kiteten Ejakait ikusitauon toma amin naka Edeke, ka atitiŋikin da naka Kristo. Konye iinacan, kicorakini yes kokiror loka Ejakait Yesu Kristo, kinacata onac kere loitotolikino komam elosenenei kwape ejaar epone loipotu kodumut kamakosi. Naarai ijenete yesi kwape ibusakinitor yes aputorit sio; naarai mam sio kitotolikino kamakus, mam kipou kanyama inyamat luka idiotuŋanan atitai, konye kaitaaritoi ka ailolony, kipou keswamata akuare ka apaaran da, tetere mam kilaŋirikini idiotuŋanan kayesi. Mere naarai emamei sio apolou, konye kiinakin yes aanyunet tetere kiputorete sio. Naarai nakijaar nepepe kayes, kipou kecorakis yes nata ebe: Arai mam ituŋanan ekoto aswam, kinyek ainyam da. Naarai kipupi ebe ejaas ice luelosete itotolikino kotomakus, mam iswamaete konye iramaitos nuka luce. Kicorakini kotoma Ejakait Yesu Kristo, kikwenyari da luikote nen ebe, kiswamata kaiyapaara, konyamata ikecenyamat kikulepek. Konye yes, iinacan, sirikitapalikinos aswam nuejok. Konye arai etuŋanan kere mam erimari akirotokosi kotoma obalua kalo, koŋicutu ŋol, kinyeis aimorikikin kaŋes, tetere irumete ileic. Sirikimarata ŋes kwape lokasurup, konye kikwenyanarete kwape onac. Ejakait da elopet loka ainapakin, koinak yes ainapakin apaarasia kere toma akiro kere. Kojai Ejakait kayes kere. Eoŋ Paul ewadikai ayogan na kakakan elopet. Ŋes aanyunet kotoma ŋolibalua; ewadikai kwaŋin. Asianut naka Ejakaitiwok Yesu Kristo kojai kayes kere. Paul ekiyakia loka Kristo Yesu kwape ejaar aicorakinet naka Edeke Eketajaraniwok, ka naka Yesu Kristo amunowok, Mama ejai Timoteo, ikakoku obe kotoma aiyuun: Asianut, ka aitim, ka ainapakin nuepote kama ejai Edeke Papa, ka Kristo Yesu Ejakaitiwok, Kwape abu kecorakinia jo asalakin Epeso, naalosio Makedonia, tetere icorakini icetuŋa kinyeis aisisianakin nuegelara, karaida aomoom nuka awaragasia nutai, ka iitabon luka aur lumam edaunos, lueyaunete ipegeta itia aijokokinet naka Edeke naejai toma aiyuun; kwabo awasia naka aicorakinet ŋes amin naelomuni kotau loelai, ka aomisio nuejok ka aiyuun namam esoswai. Akudosi icetuŋa apaasi alomar toma akiro nutai, ekotosi araun ikesisianakinak luka ikisila, komam ejenete nuinerasi karaida akiro nuitogogonito. Konye kijeni ebe ejokuka ikisila, arai kitwasam ituŋanan kes kwape ejaatar ikisila, kojen na ebe mam ibwaikinitai ikisila kanuka yenedolit, dimarai kanuka lukepali ka luetumaaka, kanuka lumam eyoŋito Edeke ka ikadiakanarak, luemamei alaunit, ka luemunaara, luearete lukapapakee, ka luearete nukatotokec, ka luearete iruna, ludotea, iketepak ikiliok, luijoreete ituŋa, ikeŋalak, luiyapoete nuka aiŋal, ka ŋin kere da yenirebirebi aisisianakin naka aijar, kwape ejaatar Akiro Nukajokak nukaibuses nuka Edeke loituritoi nuketitiŋitai. Emalai ŋol loketogogoni, ŋes Kristo Yesu Ejakaitiwok naarai abu kaomite eoŋ araun lomunot, kadakak aijaanakin, karaida abu kainyanakini ŋes kolo, kareite, ka amoromor da; konye aponi ketimi naarai abu keswama kamamus aijen kotoma amamus aiyuun, konye kiyatakin noi asianut naka Ejakaitiwok nepepe kaiyuun ka amin naejai toma Kristo Yesu. Namunot akirot na, ido naibusakinit ituŋa kere acamun ebe, Abu Kristo Yesu kobu toma akwap aitajar ikadiakanarak, Eoŋ losodit kakesi. Konye kanuka na ŋes ketimere, tetere itodiari Yesu Kristo kotoma eoŋ losodit aketitiŋikin kere, araun aanyunet mama kaŋul luepote aiyuun ŋes kiton aijar naka ikar kere. Mama ejai Ekabaka loka ikar, ekabuton, lomam etakani, Edeke ediopet bon, kojai aiturit ka aibuses ikar ka ikar. Amen. Ketitiŋi jo, Timoteo okokuka, aicorakinet na kwape ejaatar akiro nuka inabin nukinerakinito jo kolo, tetere ijio kotoma kaŋun ejie lokajokan, kikam aiyuun ka aomisio nuejok. Apotu ice koremosi ŋun, kobila ataker naka aiyuunikec. Kotomakec ejai Kumenaio ka Alegesanda, luabu kejaik Satan, tetere isisiaete ainyein ainyanakin. Aso nasodit kakere, ecori ebe kiswamaenenete aiŋaiŋa, ka ailip, ka aipur, ka aimal da, kanuka ituŋa kere, kanuka ikabakan ka ŋul kere luejaas apolou, tetere kijaun kaijar naitenera, naiyamakina, toma ayoŋit Edeke, ka aiyaparit kere. Ejok ŋun, ido ecamunitai kakonyen nuka Edeke Eketajaraniwok, loekot ituŋa kere aitaiario, adolokin da ajenun abeit. Naarai ejai Edeke ediopet, ejai da ekadiekan ediopet loka Edeke ka ituŋa, ŋes etuŋanan Kristo Yesu, loabu koluŋakin araun alakunet kanuka kere, aitejenunet naejaun kapakioke. Kebwaikinitai eoŋ araun ekalimonokinan, ekiyakia da kanuka ŋun, (enera abeit, mam eŋalai) ekesisianakinan loka Imo kotoma aiyuun ka abeit, Ŋes akotor ikiliok ailipenen kotoma ŋiniibois, koriorito akanin nukalaunak komamei anyunyura karaida aŋolopa; kwape kwaŋin da aŋor kisirete anapito nuibusak, kaitasono ka acoit, mere kaicip itim, karaida kesabu, karaida ilulun, karaida igoen luketiai, dimarai kaswamisio nuejok, kwape ibusakinitor aŋor nuelimorete ebe eyoŋito Edeke. Kisisia aberu kaiyamakina kanonokikinit kere, Konye mam esiikinit aberu aisisianakin, karaida ayait ekiliokit, dimarai aiyamaara. Naarai kisiau Adam asubio, kosodi konyet Keba. Bobo da mam Adam kijodijoditoi, konye Keba ejodijoditoi, kojaikin aibucar. Konye itajario aberu kanuka auruun idwe, arai esalete kesi toma aiyuun, ka amin, ka alaunit nepepe kacoit. Namunot akirot na ebe: Arai eŋaŋat etuŋanan araun ekaanyanaran, imiela aswam naejok. Aso ibusakinit ekaanyanaran araun loemamei aitoronet, ekiliokit loka aberu adiopet, loitikokina, loecoit, loiyapaara, loisukunyikini ipejok, loejeni aisisianakin, lomam emer, lomam ibuŋai; dimarai lokaiyapepera, lomam eŋolopana, lomam emin apesan; loeyait ejok lukokaleke, loitononokikini ikedwe kaiyapaara kere; naarai arai mam etuŋanan ejeŋi ayait lukokaleke, ikwaikini ai imukei ekanisa loka Edeke? Mere ekeyuunan lokitetet, kinyek adakunun, ka aibirokin otube loka Satan. Konye ibusakinit lukokiŋa aitejen nukajokak kamakeŋ, kinyek aibirokin amorosit, kotoma atacit da naka Satan. Ikejaanakinak kwape kwaŋin kiyapaara, mere luideideok, mere luemasete ajon nuipu, mere luiŋobelete apesan, luejai aiyeiyea naka aiyuun kotoma aomisio nuelaete. Konye kisiautu ber ŋul da aitemio, kosodete konyet aijaanakin, arai eraas luemamei aitoronet, Aŋor da kwape kwaŋin kiyapaara, mere akasabak, nuitikokina, numunon kakiro kere. Koraut ikejaanakinak ikiliok luka adiopeberu, lueyaito ejok ikecedwe ka lukokaliakec. Naarai luejaanakis ejok, edumakina adoket naejok, ka atitiŋ naepol kotoma aiyuun naejai toma Kristo Yesu. Kewadikakini jo nu amuno abunore mamakon atipet, konye arai etumori, tetere ijenuni kwape ibusakinitor ituŋa ajaut kotoma otogo loka Edeke, loerai ekanisa loka Edeke lokajaran, epir ka eigaŋet loka abeit. Ido komamei abuonokin, epol noi aiyeiyea naka ayoŋit Edeke: Abu kitodiar kotoma akuan, Kitojokai kotoma Omoyo, Apotu imalaikan koanyut ŋes, Aponi kolimonokinai kotoma atekerin, Aponi kiyuunai kotoma akwapin, Kodakarai kuju toma aibuses. Konye inera Emoyo kaitebeikin ebe kotoma apakio nuepote etiakatiakaunos ice ainyein aiyuun, epupete imoyon luepaarete, ka aisisianakin naka ajokin, kanuka aisoswanut naka ikeŋalak, luieweio aomisiokec kemacar loesarani, imikete aimany, italeete lunyaman, luabu Edeke kosub tetere ijaunete luiyuunito ka luejenete noi abeit kaimal, Naarai ejok ŋinibore kere yenikesubi Edeke, emamei da ibore yeneŋerio, arai ecamunio kaimal; naarai italaunitai kanuka akirot naka Edeke ka ailip da. Arai isiituni iinacan akiro ŋun iraun ekejaanakinan loejok loka Kristo Yesu, kitanete jo akiro nuka aiyuun, ka aisisianakin naejok naibu kotup, Kinac awaragasia numam eraas nuka edini, nukabaŋaanut. Konye kitwasama bon kotoma ayoŋit Edeke; naarai aitwasam akuan ejai ameda naedit, konye ayoŋit Edeke ejai ameda kakiro kere, naarai ejai aisumunet naka aijar naka tinenikwana, ka aijar da naebuni. Namunot akirot na, ido naibusakinit ituŋa kere acamun. Naarai kitaaritoi kiwuta da kanuka ŋun, naarai kimunokina Edeke lokajaran, loerai Eketaiaran loka ituŋa kere, aitelekarit loka luiyuunito. Kicorak akiro ŋun, kisisianak da kes, Kinyek idiotuŋanan aimen atumunikon, konye korau ijo aanyunet mama ejaas luiyuunito kotoma oiner, ka ejautene, kotoma amin, kotoma aiyuun, ka asegara da. Aitodol neabunio, kodunyak asoman, ka aicor, ka aisisianakin da. Sirikijal ainakinet naejai kotomakon, nakiinakinitai kanuka adwaranut ka aidokokinio akanin nuka imakio. Koomitenenei ŋun, kojaenena kotomakec, tetere etakani akonijokiar otuŋa kere. Kocoite bon ka aisisianakinikon da; kosalak toma ŋun, naarai arai kiswama kwaŋin itajara bon, ka ŋul da lukipupete joo Sirikitoron ekimat, konye kicorenenei kwape papakon; ikatumunak kwape iinacan, amakio kwape nukatoto, akatumunak da kwape ainacan, kotoma asegara kere, Koyoŋit apuserun nueraas apuserun cut. Konye apuserut arai ejaas kidwe arai itatai, kisiaunete aisisia ayoŋit Edeke kokaliakec, ka atacakin ikauriakakec; naarai ecamunitai ŋin kakonyen nuka Edeke. Konye ŋin naerai apuserut cut, kinyeinai bon, emunokina Edeke, kosalak aiŋaiŋa ka ailipenen akuare ka apaaran. Konye ŋin naeminakinito aboliasio, etwanit karaida kejari. Kicorak kes ŋun da, tetere eraas nuemamei aitoronet. Konye ituŋanan kere arai mam idari lukeŋ, aitelekarit lukokaleke ilopet, aŋer ŋesi aiyuun, erono da adepar yenimam iyuunit. Siriwadikao apuserut namam edolit ikar akaisakanykape, nakerai aberu naka ekiliokit ediopet; itejenunitai kanuka aswamisio nuejok; arai esait idwe, arai abu kisukuny ipejok, kilot akeje nuka lukalaunak, iŋarakinit luiticanio, arai da edunyit atupit ŋiniswam kere naejok, Konye koŋer aiwadik apuserun nukatumunak; naarai naiyatakiniata aipaliikin Kristo, ekotosi adukokin; egwaunete akiro naarai enyeis aiyuunikec nasodit. Bobo da isisiaunete araut nuebwalaka, kirimete otogoi; kwabo mere nuebwalaka bon, konye ibeeleaka ka nuiramaaka da, inerasi numam ibusakinito. Aso akoto apuserun nukatumunak adukokin, kouriata idwe, koyaito ikalia, komam einakinete lokasurup apak naemoromoroo. Naarai ejaas kwana ace nuapaasi atupar Satan. Arai ejaas aberu naiyuunit apuserun, kiŋarak ŋin kes, kinyeinai alaŋirikin ekanisa, tetere iŋarakini nueraas apuserun cut, Kimarakinai imakio lueyaito ejok araut luibusakinito ayoŋio irwan aarei, ido aitelekarit luitaaritos kotoma akirot ka aisisianakin da; naarai ebala naiwadikatai ebe, “Sirikien aituk naka emoŋ loipudapudai aicom akima.” Ebe da, “Ekeswaman ibusakinit ekeropit.” Sirikicam yeniwosai ekimat, dimarai kama ka ikajenak iarei arai iuni, Luediakanarete kitoron kakonyen nuka ituŋa kere, tetere luce da eyoŋete, Kecorakinit kakonyen nuka Edeke ka Kristo Yesu, ka imalaikan luseuna koricit ŋun komam isunyit aitub, sirikiswama akirot kere kotiakite ituŋa. Sirisunyit aidokokin ituŋanan kere akanin, karaida aimor adiakanareta nuka ituŋa ice; kidarakina kosegara. Sirimasenenei bobo akipi bon, konye komat ediobino kanuka akoikikon, naarai idekanakin da irwan ipu. Ideleleete adiakanareta nuka icetuŋa, kiŋarenikinete kiton atubokinio; konye nuka ice ideleleunete kokau, Kwape kwaŋin da ideleleete aswamisio nuejok; karaida ŋun numam ideleleete, mam epedorete aibwaio. Kere lueraas ibulesin kwap kajookot, koomitos ijakakec araut luibusakinito ayoŋio kere, kinyek ekiror loka Edeke ka aisisianakin da ainyanakinio. Ido luejaas ijaka luiyuunito, sirikemwaŋata kes, naarai eraas iinacan, konye gwai kiyatakis aijaanakin kes, naarai luedumunete ajokis naka aswamukec eraas luiyuunito, luminan da. Kisisianakin ŋun, kicor da. Arai isisianakini ituŋanan nuegelara komam enupit akiro nuejarete nuka Ejakaitiwok Yesu Kristo, ka aisisianakin da naetupit ayoŋit Edeke, edakunun, komam ejeŋi akirot, konye edek ipegeta, ka ijiisio luka akiro, mama eponiata ekokote, aŋolopa, ainyanakin, aomoom nueroko, iceleta luka ituŋa luamunaar acoakec, lualemar abeit, lueomito ebe ayoŋit Edeke ŋes adumun ameda, Konye ayoŋit Edeke nepepe kalakara ŋes ameda naepol. Naarai mam kiyaunit ibore toma akwap, ido mam kipedori ayaŋaar ibore; konye kijaa ka inyamat ka inapen, kalakaros kaŋul. Konye luekotos abar ebirokinos acodunio ka atacit, ka eimiel loepol loemamei acoa ka loimadiŋi da, aitulum ituŋa toma aolior ka amudiar. Naarai amin apesan ŋes aliasit naka aronisio kere; ejaas ituŋa luiŋaŋatos ŋun, kesodete kitapaaros anyoun kotoma aiyuun, kicumakinos cut kican luipu. Konye jo, wu etuŋanan loka Edeke, koker ŋun, kotupenenei adolit, ayoŋit Edeke, aiyuun, amin, atitiŋikin, ka aiyapepera da. Koji ejie lokajokan loka aiyuun; kitiŋ aijar naka ikar kere, nakinyarakinitai, nailimorit alimoret naejok kakonyen nuka ikajenak luipu. Kecori jo kakonyen nuka Edeke loeinakini kere aijar, ka Kristo Yesu loetejenuni alimoret naejok mama ejai Pontio Pilato, kidarenenei aicorakinet komamei akemer, komamei da aitoronet, kiton atakanun naka Ejakaitiwok Yesu Kristo; naitodikini kapakioke Elopet apedor ediopet bon loituritoi, Ekabaka loka ikabakan, Ejakait da loka ijaka, lobon ejai amamus atwanare, loiboie toma aica namam edolokinio, lomam idiotuŋanan eanyunit, emamei da yenepedori aanyun. Kojai aibuses ka apedor naka ikar kere mamakeŋ, Amen. Kicorenenei lukabarak luka ikar kalu kinyeis aitopoloor, karaida amunokin abar namam erai naduc, konye komunokinos Edeke, lokiinakini oni iboro kere kabarara tetere kisiyalamanakin kaŋun, Kiswamata nuejok, kobarata kotoma aswamisio nuejok, koraas ikakorak, ikamorak da, kidiasete bonik apetetait naejok kanuka apaarasia nuepote, tetere itiŋete aijar naerai aijar obe. Wu jo Timoteo, kidar nakititinitai. Kinacite akiro nutai numam eraas nuka edini, ka airebokin akiro nuenyaritai aijen kotoma aiŋal, ejaas icetuŋa lualimosi ŋun, kosodete apaar kotoma aiyuun. Kojai asianut kayes. Paul ekiyakia loka Kristo Yesu kanuka akot naka Edeke, kwape ejaar aisumunet naka aijar naejai toma Kristo Yesu, Mama ejai Timoteo ikakoku yeniminat: Asianut, aitim, ka ainapakin nuepote kama ejai Edeke Papa ka Kristo Yesu Ejakaitiwok. Emalai eoŋ Edeke loejaanakini ameun ka lukapapaaka kaomisio nuelaete, nakeitununio jo komam apali kotoma ailipika, akuare ka apaaran, Emuit aanyun jo, naeitunio akonikiyo, tetere ilelebun aiyalamakaŋ. Nakesiitunere aiyuun namam esoswai naejai kotomakon, naageuni aiboi kotoma tataakon Lois, ka totokon Eunike; ido etogogoŋit ebe ejai kotomakon da, Kanuka ŋun ŋes kesiitunio jo aitunyonokin ainakinet naka Edeke naejai kotomakon, kanuka aidokokinio akaninika, Naarai mam Edeke abu koinak oni emoyo loka akurian, dimarai loka apedor ka loka amin, ka loka aiyapaarit da. Aso kinyeis ileic airum jo kanuka aitejenun naka Ejakaitiwok, karaida kanukaŋ, eenatake, konye kiticaneneno nepepe kAkiro Nukajokak, kwape ejaar apedor naka Edeke, loabu kitajar oni, konyarau da anyarit nakalaunan, mere kwape ejaatar aswamisiowok, dimarai kwape ejaar alosikiniteke elopet ka asianut, naabu koinak oni kotoma Kristo Yesu eriŋa apakio nuka ikar, konye kwana etakanun asianut ŋin kanuka aitodikinio naka Eketajaraniwok Kristo Yesu, loabu kitapalau atwanare, kitacau da aijar ka amamus aibos kanuka Akiro Nukajokak, nukadakakinere eoŋ araun ekalimonokinan, ka ekiyakia, ka ekesisianakinan da. Kanuka ŋun da ŋes ariebar kwaŋin. Konye mam kerumito ileic, naarai ajeni loabu keyuu, ido etogogoŋi ebe epedori ŋesi aidarenen nuketitiŋitai kiton apaaran ŋin. Kojau kaanyunet naka akiro nuka aijar nuibu kopup kamakaŋ, kotoma aiyuun ka amin naejai toma Kristo Yesu, Kidarenenei ibore yenejok yenikititiŋitai kanuka Emoyo Lokalaunan loiboie kotomawok. Ijeni ijo na ebe, kere luejaas toma Asia apotu kebonokis ipuran, kotomakec ejai Pugelo, ka Keremogene, Kitim Ejakait eka! loka Onesiporo, naarai abu kesiyenu eoŋ irwan ipu, kwabo mam apotu ileic kiruma ŋes kanuka erikotoka. Konye nakejaar Rome, kinyikok amoot eoŋ, kadum da— koinak Ejakait ŋes adumun aitimio kama ka Ejakait kapaaran kaŋin-ido kaijaanakin kere naabu kijaanak ko Epeso, ijeni ijo noi jokan. Aso do jo, ikakoku, kogogoŋor kotoma asianut naejai toma Kristo Yesu, Nuibu kopup da kamakaŋ kotoma ikajenak luipu, kititiŋ ŋun ituŋa lumunon, ido Iuibusakinito aisisianakin ituŋa ice. Kiticaneneno nepepe keoŋ kwape eserikalet lokajokan loka Kristo Yesu, Mam eserikalet ekacakin kotoma aitaaritoi naka aijar kana kapak naka ejie, tetere itojoki lokiwadikai ŋes araun eserikalet, Arai da eboloboloi ituŋanan, mam einakinio aboko, arai mam eboloboloi kwape icorakinitere. Ibusakinit ekakorion loitaaritoi ageun ayaŋaar araito. Koomoom nuener, naarai kiinakin Ejakait ajenun kotoma akiro kere. Kiitu Yesu Kristo, loetajarunio kotoma okatwak, loka aur naka Daudi, kwape ejaatar Akakiro Nukajokak, nueticanitor kiton aenio kwape loiswamai aronis. Konye akirot naka Edeke mam eenio. Kanuka ŋun ŋes atitiŋikinio kere, kanuka luseuna, tetere kes da edumunete aitajario naejai toma Kristo Yesu nepepe kaibuses naka ikar kere. Namunot akirot ŋin: naarai arai kipou katwaka nepepe kaŋes, kijari da nepepe kaŋes; arai kititiŋikini, kirumi da nepepe kaŋes; arai kiŋeri ŋes, ŋes da kiŋeri oni; arai mam kirai lumunon, esali ŋesi erai Iomunot, naarai mam epedori ŋesi aŋerokin bon. Kisiitu kes ŋun, kicor kakonyen nuka Edeke, kinyeis ejie kakiro, numam iŋarakinete, nuitotolikinete luepupete. Kinyikok aitoduun bon korai lokitojokit Edeke, ekeswaman lomam ipuda kirumata ileic, loitubi kotenan akirot naka abeit. Kinac akiro nutai, numam eraas nuka edini, naarai itedeparos kotoma amamus ayoŋit Edeke, enyami kes akecekirot kwape eŋoti. Kotoma kaŋul ejai Kumenaio ka Pileto, luapaasi kotoma aiyuun, kinerasi ebe adau ajarun ajaun, itotolikinete da aiyuun naka ituŋa ice. Konye icasit apetetait naegogoŋ naka Edeke, ejai aipucet na ebe, “Ejeŋi Ejakait lueraas luke,” ido ebe, “Konyou kotoma amamus adolit, ŋin kere yenelimori ekiror loka Ejakait.” Konye kotoma togo lokapolon mam ejaunos iboro luka esabu ka luka epuesa bonik, dimarai luka akito ka luka elupe, ice da luka aibuses, ice da lumam aibuses. Aso arai itesegaar ituŋanan kaŋun, eraun ibore yenika aibuses, yenitalaunitai, yenibusakinit ejakait aitwasam, yenitemonokinitai ŋiniswam naejok. Aso koker eimiel loka atumun, konye kotup adolit, aiyuun, amin, ka ainapakin da, nepepe kaŋul luiwoneete Ejakait kotoma otauon luelaete. Konye koŋer ipegeta luka abaŋaanut, ka lumam aisisianakinio; ijeni ebe euriete ijiisio. Ido mam ibusakinit ebulesit loka Ejakait ejie, dimarai araun loiyapepera mama ejaas kere, ekesisianakinan, loetitiŋikin, loicori kaiyapepera luirebirebete. Motoko einakini Edeke kes aitoronikin kodoloto ajenun cut abeit, ido ikwaaros anyoun kotoma atacit naka Satan, kedau ŋesi aikamun kes aswam nuekoto Edeke. Konye kojen na ebe kapaarasia nukawasia epote apakio nuetioko. Naarai eraunos ituŋa lueminas bonik, lueminas apesan, Iuituros, luepogaka, ikainyanakinak, luiulakinito ikauriakakec, lumam imalaete, luemamei alaunit, lumam eminanara, Iuiketara, ikasabak, lumam itikokinos, ikadedeŋak, lumam eminas ajokis, ikabilak ibotei, luemositos, luedakakina, lueminas aitelelio itia amin Edeke, ejaas kaput naka ayoŋit Edeke, konye koŋeritos apedorike. Kiboŋok ŋul epur. Naarai kotomakec ejaas ŋul luelomanarete otogoi, kijoreoto aŋor nubaŋiok nuelaŋirikito adiakanareta, nuiriarit aiŋobel naka iponesio luipu, isisiaete apaarasia kere, komam epedorete cut adolokin ajenun abeit. Kwape aponiata Yane ka Yambure kobwoikiniata Musa, kwape kwaŋin ebwoikiniata kwi da abeit, ituŋa luemunaara acoa, luegiritoi kakiro nuka aiyuun. Konye mam iyatanakinos noi, naarai ideleleuni akecebaŋaanut kotuŋa kere, kwape kideleleunio abaŋaanut naka ŋul kaluarei. Konye jo ibu kotup akaisisianakin, ka ekapone, ka nualosikinit, ka aiyuun, ka aŋirikin, ka amin, ka atitiŋikin, bobo da areio, ka aiticanio, akiro nukadoikinete ko Antiokia, ka Ikonio, ka Lusitura, areio naetia nen naekanyakinit; konye abu Ejakait kayu eoŋ kotoma kaŋun kere. Ido da ereunio kere luekotos aijar kayoŋit Edeke kotoma Kristo Yesu. Konye ituŋa lukaronok ka ikamodak iyatanakinos aroniar, iŋalaete ido kiŋalas da. Konye kosal ijo toma akiro nuisisiat, ka aitogogoŋ, ijeni mama ka lukaŋai kisisiaunia, ebe da ameun keiditeu ibu kojen nuiwadikatai nukalaunak, nuepedorete aitocoun jo kiton aitajario kanuka aiyuun naejai toma Kristo Yesu. Ŋinikirot naiwadikatai naiyeŋakit Edeke ejai ajokis aisisianakinia, aikwenyaria, aitetenia, aituutooria da toma adolit, tetere ilosikino etuŋanan loka Edeke, loisilosikinitai kotoma ŋiniswamisioit naejok. Kecorak jo jokan kakonyen nuka Edeke, kakonyen da nuka Kristo Yesu loebuni airabakin ikajarak ka ikatwak da, kanuka atakanunike ka akejakanut; kolimonok akirot, kokapakina kapak naejok, ka apak da namam ejok, kiretak, kitoron, kicor, katitiŋikin kere ka aisisianakin. Naarai ebuni apak naegirioto ituŋa aisisianakin naka aijar, ejaas kaki nuipiete, etukonokinete bonik ikesisianakinak kwape ejaar aiŋobelekec bonik, eekarete kesi ainyein aiirar abeit, epaarete mama ejaas awaragasia nutai. Konye jo, kitikokina kakiro kere, kotitiŋikite nueroko, kiswama aswam naka ekalimonokinan loka Akiro Nukajokak, kitodolik akoniijaanakin. Naarai kwana kabukokin eoŋ asubanit; adol apak naka akalosit. Aji ejie lokajokan, adau abolobol, aricit aiyuun. Amear kwana keŋadakinitai aboko naka adolit, nakainakini Ejakait, ekatubon loedolit, kapaaran kaŋin, ido mere eoŋ bon, konye kere da luaminasi atakanunike. Kokukunyuun abunore mamakaŋ katipet. Naarai kajalaki Dema, emina ikar luka tinenikwana, alot da Sesalonika; alot Keresike Galatia, ka Tito da Dalamatia. Luka bon ejai keoŋ. Kodum Marako koyau; naarai ibus ŋes kamakaŋ kanuka aijaanakin. Abu kejuka Tukiko Epeso. Naibunio ijo, koyaunia elou loabu kenyek kaneejai Karapo ko Teroa, iitabon da, aitelekarit lukimukulen. Abu Alegesanda ekatatan aikomon keswamak nueroko nuipu; etacakini Ejakait ŋes kwape ejaatar akeswamisio, Kidara ijo da kamakeŋ, naarai abu kirebok noi akirowok. Kaiyarika nasodit amamei yenikowaika, konye kajalakis kere. Kinyeis ŋun aimarakinio kes! Konye abu Ejakait kobwo kodiekaŋ, ketogogoŋ da, tetere etodolikini akiro nualimonokini, kopupete da Imo kere, kayuunio da kotoma aituk naka eŋatuny. Kayuuni Ejakait eoŋ kotoma kaŋiniswam kere naerono, ketajari da kiton akejakanut nakokuju. Kojai aibuses mamakeŋ ikar ka ikar. Amen. Kiyoga Pirisika ka Akuila, ka lukokal da loka Onesiporo. Abu Erasito kosalak Korinto; konye abu kenyek Toropimo Mileto edeka, Kokukunyuun abunore eriŋa apaarasia nuka aaterot edoluno. Kiyogai Eubulo jo, Pudes da, ka Lino, ka Kulaudia, ka iinacan kere kiyogaete jo. Kojai Ejakait kemoyokon, Asianut kojai kayes. Paul, ebulesit loka Edeke, ekiyakia da loka Yesu Kristo aisilosikinia aiyuun naka luseuna luka Edeke ka ajenunikec naka abeit kiton ayoŋit Edeke, kotoma amun naka aijar naka ikar kere, naabu Edeke, lomam iŋalai, kisumun eriŋa apakio nuka ikar, konye kapakike abu kitodia akekirot kotoma alimonokin nakejokokinio kwape ejaar aicorakinet naka Eketajaraniwok Edeke: Mama ejai Tito ikakoku obe kotoma aiyuun nakimorit: Asianut ka ainapakin nuepote kama ejai Edeke Papa, ka Kristo Yesu da Eketajaraniwok. Kanuka nu ŋes kenyeinia jo koKurete, tetere iteteni nuideuna, kodakak da imakio kaŋolire kwape kecorakinia jo, arai ejai loemamei aitoronet, ekiliokit loka aberu adiopet, loiyuunito ikedwe, komam iwosatai ebe eraas luka iponesio lutai, ka luetumaaka. Naarai ibusakinit ekaanyanaran araut loemamei aitoronet, kwape ekeŋadan loka Edeke; mere loisiyalamikina bon, mere loenyunyurana, lomam emer, lomam ibuŋai, lomam iŋobelei apesan, konye loisukunyikini ipejok, loemina ajokis, loecoit, loedolit, lokalaunan, loitikokina da; loericit akirot naka aiyuun kwape ejaar aisisianakin, tetere epedori aicor kotoma aisisianakin naka aijar, bobo da aitoron luirebirebete. Naarai ejaas luetumaaka luipu, luinerasi aamameak, ka luiŋalas da, aitelekarit lueraas luekepitai. Ibusakinit aisililiŋ kes, naarai itotolikinete ituŋa kere lukokalia, isisianakinete numam ibusakinit kes aisisianakin, kanuka ameda nakileic. Abu ediopet kakesi, enabikec kikulepek, kobala ebe, “Eraas Ikureton ikeŋalak apaarasia kere, itiaŋ lueroko, ikeraŋak lueloŋwaka.” Aitejenunet ŋin erai nakabeit da, Kanuka ŋun kitoron kes kadedeŋ, tetere eŋaleete kotoma aiyuun, kinyeis acoit awaragasia nutai nuka Iyudayan, ka aicorakineta da nuka ituŋa luepaarete ainyein abeit, Elaete iboro kere mama ejaas luelaete. Konye emamei ibore yenelai mama ejaas luemunaara ka lumam iyuunito; konye emunaara do adamakec ka aomisiokec da. Elimorete ebe ejenete Edeke, konye eŋerito ŋes kaswamisiokec; eraas luesacitai, luiulaka, luegiritoi da kaŋiniswam kere naejok. Konye jo, kiner nuibusakinito aisisianakin naka aijar. Koraas imakio luitikokina, luiyapaara, luecoito, lueŋaleete kotoma aiyuun, ka amin, ka atitiŋikin da. Kwape kwaŋin da koraas amakio nukejautene lokayoŋit, mere akasabak, karaida abulesin nuka ajon nuipu; konye nuisisianakinete nuejok, tetere ituutoorete akatumunak araut nueminasi ikiliokokec, ka nueminasi ikecedwe da, koraas nuecoito, nuesegara, nuiswamaete ore, nuejok, nuenonokikinito ikiliokokec, kinyek akirot naka Edeke ainyanakinio. Kwape kwaŋin, kicor ikatumunak acoit. Kakiro kere kitoduun korai aanyunet naka aswamisio nuejok, kotoma aisisianakin kitoduun korai lomam imunaara, loiyapaara, kakiro nueŋaleete lomam itoronio, tetere isurumio ekapegan ileic, komamei ŋes akirot naerono einer asurokinia oni. Kicor ibulesin kononokikis ikecejaka kakiro kere, koraut luitojokete, mere luirebirebete, mere luelemelemaka iboro, konye kitodiasi kamunonut kere naejok, tetere isirete aisisianakin naka Eketajaraniwok Edeke kakiro kere. Naarai atakanu asianut naka Edeke einunit ituŋa kere aitajario, kituutoori oni ebe, kaŋeroto amamus ayoŋit Edeke, ka aiŋobel naka akwapin, kajarata kacoit, ka adolit, ka ayoŋit da Edeke, kotoma okar luka kwana, kedareto noi amun nakarereŋ naka atakan nakaibuses naka Edeke lokapolon ka Eketajaraniwok Yesu Kristo, loabu koinakin bon kanuwok, tetere kilakuni oni kama kepali kere, ka aitalaun kanukeŋ ituŋake obe, luekokakinito aswamisio nuejok. Kiner ŋun, kicor da, kitoron da kapolou kere. Kinyek idiotuŋanan aimen joo. Kisiitu kes anonokikin ikayaitok ka lukapolou da, korimasi, kitemokino kaŋiniswam kere naejok, kinyeis amoromor idiotuŋanan, kinyeis da aŋolopamit, luiyapaara, kitodikis ituŋa kere aiyapepera kere. Naarai kirai kolo oni da lukibaŋaaka, lukiulaka, lukiŋala, ibulesin luka aiŋobel ka nuisiyalamikinete nukiponesio luipu, ketorito kotoma ameŋeranut ka ekokote, lukilaitai, lukilait luce; konye naketakanunia asianut ka amin naka Eketajaraniwok Edeke, abu kitajar oni, mere kanuka aswamisio nukiswamat kadolit, dimarai kwape ejaar akeitim, kanuka ailotario naka aurio nakiareit ka aisiteteunio naka Emoyo Lokalaunan, nakibukok akwamakin oni kanuka Yesu Kristo Eketajaraniwok, tetere kitojokio araut lukidolit kanuka akesianut, karaut da ikerumak kwape ejaar amun naka aijar naka ikar kere. Namunot akirot ŋin. Akoto jo aitogogoŋ akiro ŋun, tetere luapotu kiyuut Edeke ibwaikinito itauonokec aigaŋ aswamisio nuejok; eraas ŋun nuejok ido nueinunete ituŋa ajokis. Konye kinac ipegeta lukabaŋaanut, ka iitabon luka aur ka aŋolopa ka ijiisio luka ikisila, naarai eraas lumam ajokis ka lutai da. Koŋer ituŋanan yenekot agitara, kidau aikwenyar irwan atipet ka nakiareit, ijeni ebe yenikoni nen erii, adiak da, itetelekara bon, Nakejukakinia jo Aretemo arai Tukiko, kokukunyuun abunore mamakaŋ Nikopoli, naarai alosikinit aiboi nen adaun apaarasia nuka aaterot. Kokukunyikin aitwar ejok Sena ericakisila, ka Apelo; tetere mam etwakiarete ibore. Konye kisisiaut luwok aigaŋ aswamisio nuejok kiton aijaikin luipudasi, tetere mam eraas luemameete araito. Kiyogaete jo kere luejaas keoŋ, Kiyoga ŋul lukiminasi oni kotoma aiyuun. Asianut kojai kayes kere, Paul eenat loka Kristo Yesu, ka Timoteo onac, Mama ejai Pilemon lominat, ekeswaman da aupakosi, ka Apia inac, ka Arikipo ekajion aupawok, ka ekanisa da loejai orekon: Asianut kojai mama ijaas ka ainapakin nuepote kama ejai Edeke Papawok, ka Ejakait Yesu Kristo da. Emalai Ekadeke apaarasia kere nakeitununio jo kailipika, kapup nuka aminakon ka aiyuun da, naejai mama ejai Ejakait Yesu, ka lukalaunak da kere, Elipi da ebe eidicane loka aiyuunikon iswamai noi kiton ajenun cut ajokis kere naerai nawok kotoma Kristo. Naarai abu kadum aiyalama naepol ka aitalakario da kanuka aminakon, onace, naarai ibu kisiyeŋu itauon luka lukalaunak. Kanuka ŋun karaida ajai katitiŋ naepol toma Kristo aicorakin jo naipudai, konye gwai kanuka amin, keŋaiŋait-eoŋ loekoni nen Paul ekimat, konye kwana eenat da loka Kristo Yesu,— keŋaiŋait jo kanuka ikakoku, Onesimo, loaurit kotoma aenioka. Kolo amamei ŋes ajokis mamakon, konye kwana ejai ajokis mamakon ka mamakaŋ da. Enyakuni ŋes mamakon, ŋol loerai ekatau. Akoto ti aitasal ŋes mamakaŋ, tetere kejaanakin eoŋ kanukon kotoma aenioka kanuka Akiro Nukajokak, konye mam abu kakoto aswam ibore komam jo ijeni, tetere ejaun akonijokis mere kanuka aitiŋaikin, dimarai kanuka akot. Diat kanuka ŋun ŋes kitiakere kajo adaun apak, tetere ijaunete kaŋes ikar kere, mere bobo kwape ebulesit, konye adepar ebulesit, onac lominat, aitelekarit mamakaŋ, konye gwai itelekarit ca ma mamakon, toma akuan ido toma Ejakait da. Aso arai kidica keoŋ, kisukunyik ŋes kwape kisukunyikinia eoŋ. Arai abu kiswamak jo adioronis arai bo ejai apesen, kitepesen eoŋ ŋun. Eoŋ Paul ewadikai nu kakakan elopet, atacakini eoŋ-komam alimokini jo ebe ejai jo apesen mamakaŋ, ijo ilopet obe. Eebo, onac, akoto adumun ajokis kamakon toma Ejakait. Kisiyeŋu ekatau toma Kristo, Kewadikak jo kajai kamun naka arimanutukon, ajeni da ebe iswamai ijo adepar nuenera eoŋ, Bobo da kitemokino aisipejo eoŋ, naarai amuno ebe kanuka ailipikus, kainakinia mamakus. Kiyogai jo Epapuras, ekijoreoritono aupaka toma Kristo Yesu, Marako da, ka Aristariko, ka Dema, ka Luka, ikeswamak lukaupaka. Asianut naka Ejakait Yesu Kristo kojai kimoyonokus. Abu kolo Edeke kinera kalukapapaawok koponesio luipu luegelegela kotoma onabin; konye kapaarasia kanu nukawasia ener kaoni kotoma Okoku, loabu kodakak araun ekeruman loka kere, kanukeŋ da abu kosub akwapisinei. Erai ŋesi ailore naka aibuses naka Edeke, erai da einono loka ejauteneke, edakit iboro kere kakirot naka akepedor. Nakedaunia aitesegaar adiakanareta, kiboikin akan nakoteten naka Loejai kuju kakuj, kotoma akuj, korau loedeparit noi imalaikan kajokis, kwape erumitor ekiror loedeparit noi lokec kajokis, Naarai iŋai bo komalaikan abu Edeke kobala ebe, “Irai ijo Okokuka, lolo kauri jo”? Bobo da ebe, “Araun eoŋ Papake, ŋes da eraun okokuka”? Bobo da, naayaunia ekiyai toma akwapin ebala ebe, “Komaata ŋes imalaikan kere luka Edeke.” Inera nuka imalaikan ebe, “Loesubi ikemalaikan araut imoyon, Ka ikejaanakinakake da aŋajepa nuka akim.” Konye nuka Okoku ebe, “Wu Edeke, ejaenena ekoniicoloŋ ikar ka ikar, Ebela da lokadolit, ŋes ebela loka ajakanutuke. Ido komina adolit, kolaite da epali, Tape Edeke, Ekonideke, kinyonyoikini jo akinyet naka ailel Adepar lukaupakon.” Bobo da ebe, “Ijo, wu Ejakait, ameun kageunet, Ibu kopet apetetait naka akwap, Akuj da erai aswam naka akonikanin; Edaunos ŋun, konye jo ibusenenei; Emojoŋgete da kere kwape anapito; Ido inunuki kes kwape eimukoret, Ilocokinio da kwape anapito. Konye ijo ŋopeŋol, Ikonikar da mam enaŋete.” Konye iŋai bo komalaikan abu ŋesi kobala ebe, “Kiboikin akanika nakoteten, Aitodol naebwaikinia lukasurupokon Araut iicoloŋ yenika akejekon”? Mere kereka kes kere imoyon luijaanakinete, luiyakiaritai aijaanakin, kanuka ŋul luepote airum aitajario? Kanuka ŋun ibusakinit oni aiyatakin noi aibwaikin itauon ŋun nukipupu, kenyeis aikaleleorio kamakec. Naarai arai icasit akirot nakineras imalaikan, tape eropio kadolit ŋiniibucaret ka ŋiniiulanut, kikwaikini ai kikui oni arai kijali aitajario naetia nen? Abu Ejakait kogeu alimokin ŋin, kosodete lukiirarete ŋes apotu kitogogoŋoto mamawok, Edeke da abu kitejen nepepe kakes kotoma aanyuneta ka nukaumokin, ka nukapedor nuka iponesio luegelegela, kotoma akorakineta da nuka Emoyo Lokalaunan, kwape ejaar akoteke elopet. Naarai mam einakinit Edeke akwapin nueponito nukinera, anonokikin imalaikan. Konye ejai aibois naitejenunitor ediopet, kinera ebe, “Inyo bo etuŋanan, tape jo iitunit ŋes? Arai bo okoku loka etuŋanan, tape jo ianyanari ŋes? Ibu kosub ŋes nepetai airianakin ka imalaikan adaun apak naedit, Itanapit ŋes aboko naka aibuses ka ayoŋio, Isurumit ŋes aswamisio nuka akonikanin. Itononokikinit iboro kere aibwaikin kwap kakejeneke.” Konye kiseseni Yesu loaponi kosubai nepetai airianakin ka imalaikan adaun apak naedit, kanuka aiticanio naka atwanare, aponi kitanapai aboko naka aibuses ka ayoŋio, tetere kanuka asianut naka Edeke, iiri atwanare kanuka ŋinituŋanan. Naarai ebusakinit ŋol, loejaas iboro kere kanukeŋ, ido loepote iboro kere kamakeŋ, naeyaunia odwe luipu toma aibuses, aitodolikin ekapeleunan loka aitajariokec kanuka aisiriebio. Naarai loitalauni ka luetalaunitai eraas kere luka ediopet. Kanuka ŋun ŋes mam irumiata ŋes ileic anyarit kes iinacan, kinera ebe, “Alimokini ikainacan ekonikiror, Keturenenei jo, kokidiŋ katukot.” Bobo da ebe, “Amunoneno eoŋ ŋes.” Ido bobo ebe, “Koany, eoŋ ka idwe lukainak Edeke.” Aso naarai imorikikinete idwe aokot ka awat, abu ŋesi da elopet komor kakes ejautenekec, tetere kanuka atwanareke emudiari ŋol loejai apedor naka atwanare, ŋes Satan. Tetere elacakini da ŋul kere lukejaas toma obulesene apaarasia kere nuka aijarakec, kanuka akurian atwanare, Naarai abeit mam iŋarakinit imalaikan, dimarai iŋarakinit aur naka Aburaam. Ŋes iburaa ŋes aitupusio ikeinacan kotoma kere, tetere eraun esasedoti lopeti lokaitim lomunot kotoma akiro nuejaas neejai Edeke, kanuka ailuc adiakanareta nuka ituŋa. Aso naarai abu ŋesi da elopet korieba ecodunio, ŋes epedoria aiŋarakin ŋul luecodunio. Aso, iinacan lukalaunak, luimorete anyaraunio nakokuju, koomoomata Yesu, Ekiyakia ido Esasedoti lopeti lokilimonori oni. Kerai ŋesi lomunot mama ejai ŋol loaseuni ŋes, kwape Musa da keraar lomunot kotogoke kere. Naarai ibusakinit Yesu ainakinio aibuses naepol adepar Musa, kwape edumunia loeduki etogo ayoŋio adepar etogo. Naarai ejai ŋolitogo ekadukonike, konye loaduki kere ŋes Edeke. Musa da kerai lomunot kotogoke kere kwape ebulesit, kanuka aitejenun nuepote ainerio, konye Kristo kerai lomunot kotogoke kwape okoku. Kirai oni etogoke, arai kikamuni kagogoŋ ati tiŋ ka aolobobot naka amun kiton awasia. Aso kwape ebalar Emoyo Lokalaunan ebe, “Lolo, arai kiirasi ekeporoto, Sirikitininikata ikusitauon, kwape toma aitunyunyurikinio, Kwape kapaaran naka acodunio toma amodiŋ, Nakakoduniata eoŋ lukapapaakus, ketemo, Koanyutu da akaswamisio ikar akaisaoŋon. Ŋes abu kanyunyurikinia atur ŋin, Kabala ebe, ‘Epaarete apaarasia kere kotauonokec; Komam ejenete ikarotin,’ Kwape keyapoikinia kakanyunyura ebe, ‘Mam cut elomunete aibworareteka.’ ” Kocoito, iinacan, kinyek ajaun kotoma idio kayesi etau loerono lomam iyuunit, lokitonyouni kama ejai Edeke lokajaran. Konye kicorenenas ŋinipaaran, naeriŋar enyaritai “naka lolo”, kinyek aiŋal naka adiakar aitininik idio kayesi. Naarai kirau ikamorak luka Kristo, arai kikamuni kagogoŋ ageunet naka amunowok kiton awasia. Kwape eriŋar inerai ebe, “Lolo, arai kiirasi ekeporoto, Sirikitininikata ikusitauon, kwape toma aitunyunyurikinio.” Naarai lukaŋai bo kiirarete, kitunyunyurikisi? Mere kereka ŋul kere luanyounete koMisiri kanuka Musa? Ido lukaŋai bo luabu konyunyurik ikar akaisaoŋon? Mere kereka ŋul luapotu kodiakas, lukibirokinos akecetesin amodiŋ? Ido lukaŋai bo luabu kiyapoik ebe mam cut elomarete aibworareteke, nabarai ŋul lueulakinete? Ido kianyu ebe mam apotu kopedosi alomar kanuka amamus aiyuun. Aso, naeriŋar aisumunet naka alomar aibworareteke esalit, kakuriakaros, kinyek idio kayesi atakanun mam edolokinit. Naarai oni da kilimonokinitai Akiro Nukajokak kwape kakesi; konye akirot nakiirarete mam abu koinu kes ajokis, naarai mam aponi kimorikikinai kotoma aiyuun nepepe kaŋul luapotu kiirasi. Naarai oni lukidau aiyuun, kilomari toma aibworaret ŋin, kwape abalar ebe, “Kwape keyapoikinia kakanyunyura ebe, ‘Mam cut elomunete aibworareteka,’ ” karaida apotu aswamisioke kodaunos ameun kageunet naka akwapin. Naarai ejai neinerar nuka apaaran nakikanyetekaarei ebe, “Abu Edeke kibwora kapaaran nakikanyetekaarei, kotoma aswamisioke kere.” Bobo da kotoma kana ebe, “Mam cut elomunete aibworareteka.” Aso naarai esalit ice alomar tomake, ka ŋul da luageunete alimonokinio akiro nukajokak mam elomarete kanuka aiulanut, bobo etiaki ŋesi apaaran ace, ebala kama ka Daudi ketubor apak naetia nen, ebe, “Lolo,” kwape abalar sek ebe, “Lolo arai kiirasi ekeporoto, Sirikitininikata ikusitauon.” Naarai arai kisiyenunit Yosua kes, timam kinera nuka apaaran ace akaulo kapaarasia kaŋun, Aso esalit aibworaret naka asabato mama ejaas ituŋa luka Edeke; naarai yenelomari aibworareteke, eyenu do ŋesi da kotoma aswamisioke, kwape abu Edeke da kiyenunia kotoma nukeŋ, Aso kadunyakis alomar aibworaret ŋin, kinyek Idiotuŋanan aibirokin opone ŋol loka aiulanut. Naarai erai akirot naka Edeke nakajaran, nakapedor da, ekwana adepar ŋolikileŋ loekwana kowaitin kere, ipelori da kiton aitiak aijar ka emoyo, ailenyeta ka asum, emisiikin da aomisio ka nuelosikinit etau. Kwabo emamei isubat yenimam etakani kakonyeneke, konye imujalalas iboro kere, ido ideleleete kakonyen nuka ŋol loejaas akirowok. Aso naarai kija ka esasedoti lopeti lokapolon, lokelomari toma akuj, Yesu Okoku loka Edeke, keketakis noi alimoriwok, Naarai emamei oni esasedoti lopeti lomam epedori arieba nepepe kaoni akalanyanutuwok, konye lokecodunio kakiro kere ariaka kaoni, komam adiakar. Aso kekunyakis katitiŋ mama ejai eicoloŋ loka asianut, tetere kitimio, kadumutu da asianut nakinarakini oni kapakio nuka eipud. Naarai ŋolisasedoti lopeti loketiakunio kotuŋa ibwaikinio kanuka ituŋa kakiro nuka Edeke, tetere ijaikini ainakineta ka asuban da kanuka adiakanar, Epedori aiyamiyamar lueolito ka luepaarito, naarai ŋes da elopet igogoleori akalanyanut. Kanuka ŋun ŋes da iburao ainakin asuban kanuka adiakarike, kwape kanuka ŋun nuka ituŋa, Kwabo emamei etuŋanan kere eyaŋaikin bon apolou ŋin, dimarai ŋol loenyarit Edeke, kwape ka Aaron. Kwape kwaŋin Kristo da mam abu kitopoloor bon aluor esasedoti lopeti, dimarai ŋol loabu kolimok ŋes ebe, “Irai ijo Okokuka, lolo kauru jo.” Kwape inerar kamace da ebe, “Irai ijo esasedoti kiton ikar kere, Kwape ejaar epone loka Melukisadek.” Kapaarasia nuka akuanake, abu Yesu kiŋaiŋa kilip da, kaiworo naepol ka akiyo da, mama ejai ŋol loepedori aitajar ŋes katwanare, kopupunoi da kanuka ayoniteke Edeke. Karaida kerai Okoku abu kisisia arimanut kanuka ŋun kanuesiriebete; kosodi nakedaunia aitodolikinio, korau loeinakini ŋul kere luerimarete ŋes aitajario naka ikar kere, loamaikini Edeke esasedoti lopeti kwape ejaar epone loka Melukisadek. Kija kakiro nuipu einer kamakeŋ, ido nuetioko aitejenun, naarai ikimiŋakaros yesi. Naarai kapak kana tikibusakinit araut ikesisianakinak, kwabo ipudasi bobo yenikisisianakini yes nusodit nuegeunete nuka akiro nuka Edeke. Ido iluoros luipudasi akile kwabo mere inyamat luenyakao. Naarai yenemasi akile mam ejeni akirot naka adolit, naarai erai ikoku. Konye inyamat luenyakao eraas luka lukapolok, ŋul luiruutooritai acoakec kanuka aitwasam, tetere etiakete nuejok ka nueroko da. Kanuka ŋun kenyeis einer akiro nusodit nuka Kristo, keyatakinos apoloor; kenyeis bobo aipet apetetait naka aitoronikin kanuka aswamisio nuetwakito, ka aiyuun Edeke, aisisianakin naka aibatis, ka aidokokinio akanin, ka ajarun naka lukatwak, ka atubokinio da naka ikar kere, Kiswamai da kwaŋin arai ekoto Edeke. Naarai ŋul luadaut kolo ainwakakinio, kiirata da ainakinet nakakuj, luaraunos ikamorak Emoyo Lokalaunan, kiirata da ajokis naka akirot naka Edeke, ka apedor da naka ikar luepote, mam epedorete aiteteun bobo aitoronikin arai kibiroros ainyein ŋun, naarai ebubukis bobo Okoku loka Edeke kanukec, esurumata da ileic kaitebeikin. Naarai akwap naamat akiru naetepanakini irwan ipu, kosodi kobwaŋ akui nuibusakinito ŋul luekorionokinio, edumuni arereŋ naebuni kama ejai Edeke. Konye arai kitolom ikukwa ka isukukur, eneritoi, ido eapie aikenio; esaŋeke aicweio. Konye luminan, karaida kinera ŋun kwaŋin, kitogogoŋ kamakus akiro nuejok adepar, ido nueraas nuka aitajario. Naarai Edeke mam erai lomam edolit aimurwokin aswamukus, ka amin naipotu kitodiasi mama ejai ekirorike naijaanakiniata lukalaunak, ido kwana iroko ijaanakinete. Konye kiŋata noi ŋinituŋanan kayesi aitodiar adunyanut ŋipeŋin kanuka aitodolikin cut amun ŋin kiton osaŋe, kinyeis araut luijalijalasi, konye luipusete ŋul luirumete aisumuneta kanuka aiyuun ka atitiŋikin da. Naarai naesumunio Edeke Aburaam, naarai amamei loapol aitelekarit ŋes loelimit iyapoi, abu kiyapo kolimite elopet, kobala ebe, “Abeit kotoma arereŋ kesirereŋenenei jo, ka aiyat keyatanakinenei jo.” Kwape kwaŋin kanuka atitiŋikin abu kodum aisumunet ŋin. Naarai iyapoete ituŋa kolimito loepol aitelekarit kes, ido kotoma opegetakec kere, edauni aiyapoet aitogogoŋ, Aso naakotor Edeke aitodikin cut noi ikerumak luka aisumunet kwape mam ijulakinor akekot, abu kodiek kaiyaposit, tetere kanuka akiro aarei numam ijulakinos, numam epedori Edeke aiŋal, kidumuni aitalakario naegogoŋ, oni lukirurukit aikamun amun naibwaikinitai kakonyenewok. Kija kaŋin kwape edobo loka aijar, loicasit loegogoŋ, amun naelomari mama ejai naejai toma aigalisit, neabu Yesu koloma kwape ekeŋarenon kanuwok, abu koraun esasedoti lopeti ikar kere kwape ejaar epone loka Melukisadek Naarai Melukisadek ŋol, ekabaka loko Salem, esasedoti loka Edeke Loejai kuju kakuj, loeriamunos ka Aburaam naaboŋunio kaiar ikabakan, abu kilipak ŋes arereŋ; loabu Aburaam kokorak idiopet kotomon koboroke kere. Nasodit, arai ijulakini ekekiror, erai ŋesi ekabaka loka adolit, bobo da ekabaka Ioka Salem, ŋes atemar ebe ekabaka loka ainapakin. Emamei ŋes papa, karaida toto, karaida lukapapaake, emamei ageunet naka apaarasiake, karaida esaŋe loka aijarake, konye itupusitoi ka Okoku loka Edeke, esalakinit erai esasedoti apaarasia kere. Aso ca koomito etuŋanan ŋol, kwape keraar loepol! Abu Aburaam papaawok koinak ŋes idiopet kotomon kaluŋatuna. Ŋul da lukodwe luka Lebi lueinakinio esasedotene ejaas kaicorakinet ayaŋanar idiopet kotomon kotuŋa kwape ejaatar ikisila, kes iinacanakec, karaida ŋul da kelomunete kotoma akuan naka Aburaam. Konye ŋol lomam imaritai lukapapaake kamakec, abu kodum idiopet kotomon kama ka Aburaam, kilipak arereŋ loejaas kaisumuneta. Konye emamei epeget nepepec da, ebe, ŋipakini lokapolon lodidi arereŋ. Kane da edumunete ituŋa luetwakete idiopet kotomon, konye kalaije, ŋol loiteienunio ebe ejari, Epedorio einer ebe Lebi da, loedumuni idiopet kotomon, abu koinak idiopet kotomon kotoma Aburaam, naarai koriŋa ejai toma akuan naka papaake naeriamunotor Melukisadek kaŋes, Aso arai kejai aitodolikinio kanuka esasedotene loka Ilebin, (naarai apotu ituŋa kodumut ikisila kanuka ŋol,) kanukinyo ipudare bobo esasedoti ece anyoun kwape ejaar epone loka Melukisadek, komam imarakinio kwape ejaar epone loka Aaron? Naarai naelocokinere esasedotene, ibusakinit ikisila da ailoeokinio. Naarai ŋol loalimitere akiro ŋun kerai loka ateker ace, nemam ebunitor etuŋanan kere lokijaanakini kotem. Naarai idelelei ebe elomunit Ejakaitiwok kotoma Yuda, ateker namam apeŋo Musa elimitor akiro nuka esasedotene, Bobo da iyatasi ŋun aideleleun noi, arai enyounit esasedoti ece kwape ejaar aput naka Melukisadek, loaraun esasedoti, mere kwape ejaatar ikisila luka aicorakinet naka akuan, dimarai kwape ejaar apedor naka aijar namam edaun. Naarai itejenunitai ebe, “Irai ijo esasedoti kiton ikar kere, Kwape ejaar epone loka Melukisadek.” Naarai kepuai epaluni aicorakinet nageet kanuka akalanyanut ka amamus ajokisike, (naarai emamei ibore yenitodolete ikisila;) kepuai da aponi kitolomikin amun naitelekarit ajokis, nakikunyaria mama ejai Edeke. Ido mam abu kojau komamei aiyaposit. Naarai koraut kesi isasedotin komamei aiyaposit, konye je kitaraunai kaiyaposit kanuka ŋol lokelimokini ŋes ebe, “Abu Ejakait kiyapo, komam iitokini ebe, ‘Irai ijo esasedoti kiton ikar kere.’” Abu Yesu da korau kwaŋin ekabwoaran loka aitutuket naitelekarit ajokis. Kes da aponi kitaraununai isasedotin luipu, naarai etikokinit kes atwanare ajaenena osasedotene; konye ŋol, esasedoteneke mam ikopanar, naarai ejaenena ikar kere. Kanuka ŋun ŋes epedoria aitajar cut luepote mama ejai Edeke kotomakeŋ, naarai ebusi ŋesi apaarasia kere apuronokin kes. Naarai ibusakinit oni ajaut kesasedoti lopeti loikoni nen, lokalaunan, loemamei aronis, karaida elos, loetiakunitai kama ejaas ikadiakanarak, loitopolooritai da adepar akuj. Mam ŋes iburao ŋinipaaran, kwape isasedotin kwi lupeti, ainanakin asuban, naegei kanuka adiakanaretake, kosodi konyet kokau kanuka ŋun nuka ituŋa; naarai abu ŋesi kiswama, kwaŋin irwan atipet bon naejaikinor elopet. Naarai eseunete ikisila ituŋa luekalanyaka, araun isasedotin lupeti; konye do akirot naka aiyaposit naetupakini ikisila, abu koseu Okoku loitodolikinitoi kiton ikar kere. Akirot alopet nakibala ŋes nata ebe: kija kesasedoti lopeti loikoni nen, lokiboikin akan nakoteten naka eicoloŋ naka Lokapolou toma akuj, ekejaanakinan toma aiboisio nukalaunak, ka ewema lokabeit, lokibubukini Ejakait kwabo mere etuŋanan, Naarai ŋolisasedoti lopeti edakakinio tetere einakini ainakineta ka asuban; kanuka ŋun ibusakinit esasedoti ŋol da lopeti ajaut kibore yeneinakini. Aso arai kejai akwap, timam keraun esasedoti nepetai da, naarai ejaas isasedotin lueinakinete ainakineta kwape ejaatar ikisila. Ijaanakinete ŋul aput ka etoribe loka aiboisio nukalaunak nukotoma akuj; kwape kicorakinia Edeke Musa napeapie aiswamaun ewema ebe, “Kocoite ebe iswamauni iboro kere kwape ejaar aput nakiitodikinio jo koroŋat.” Konye kwana abu Kristo kodum aijaanakin naitelekarit noi, naarai erai ekadiekan loka aitutuket naitelekarit noi ajokis, naisilakinitai kotoma aisumuneta nuitelekarito noi aiokis. Naarai arai kerai aitutuket nasodit naemamei aitoronet timam kemoi aibois kanuka nakiareit. Naarai itoroni kes naebalar ebe: “Ebala Ejakait ebe, epote apaarasia, Nuetodolikinio aitutuket nakitetet kekek loka Isirael, Ka ekek loka Yuda. Ebala Ejakait ebe, Mere kwape ejaar aitutuket nakolo etutuki ka lukapapaakec Kapaaran naketiŋia kakan aitonyoun kakwap nako Misiri; Naarai mam ŋul kesalito toma aitutuketeka, Eoŋ da abu kajal kes. Ebala Ejakait ebe, Na ŋes aitutuket naetutuki kekek loka Isirael, Akaulo kapaarasia kaŋun; Epikakini ikakisila aomisiokec, Ewadikakini da otauonokec; Eoŋ da araun Ekecedeke, Kes da eraunos ikatuŋa. Kwabo mam bobo isisianakinos ŋinituŋanan ikeidunyet, Ka ŋinituŋanan da onaceke, kobalas ebe, ‘Kojen Ejakait,’ Naarai kajenunete rwaru kere, Ameun ka yenididi aitodol yenikapolon kakesi. Naarai etimi kes numam adolitekec, Ido mam bobo eituni akecediakar.” Nainerar ebe Aitutuket nakitetet, itomojoŋi nasodit. Konye ŋin naamojoŋiar, naekokosanit da eapie ailicar. Aso aitutuket nasodit da kejaas kaicorakineta nuka aima Edeke ka aibois nakalaunan naka akwap. Naarai itemokinitoi ewema losodit, lokejai epir loka atalai, ka emesa, ka imugatin luka aitodikin, nen ŋes kenyaritai Aibois nakalaunan. Kau naka aigalisit nakiareit kejai ewema lokenyaritai Aibois nakalaunan noi, lokejai etem loka lukisupurununo lokesabu, ka asaduku naka aitutuket nakiladaaritai kesabu iwaitin kere, nekejai atido nakesabu nakejai emanu, ka ebela loka Aaron loeburukunyit, ka amor da nuka aitutuket; kujuke da Ikerubin luka aibuses, iteriborito eicoloŋ-lokaitim. Emamei apak kwana einer akiro nuka iboro kaŋul idiopet idiopet. Aso kedaut iboro ŋul aitemonokinio kwaŋin, elomanarete isasedotin tiritir owema losodit, itodolikinete akiro nuka aijaanakin; konye owema ŋol lokiareit elomanari esasedoti lopeti bon, irwan atipet ŋolikaru, mere komameete aokot nueinakini kanuke, ido kanuka aibucareta nuka aolit naka ituŋa. Isideleleuni Emoyo Lokalaunan ebe mam ber erot etakanuna alomar aiboisio nukalaunak, naeriŋar ewema losodit ebwoi. Ŋin ŋes aput naka apak nakwana, naejaas ainakineta ka asuban nueinakinio numam epedorete aitodol aomisio nuka yenemai; naarai eraas ikisila luka akuan bon, lunyaman ka lumatan, ka luka ailoŋ naka iponesio luegelegela, lukicorakinio aitodol apak naka aiteteunio. Konye kedau Kristo abunore, loerai esasedoti lopeti loka akiro nuejok nuejaunete, kotoma owema loepol aitelekarit loitodolikinio jokan, lomam kiswamao kakanin, ŋes atemar ebe, mere loka akwap kana, kwabo mere kanuka aokot nuka akinei ka itak lurosok, konye kanuka akeokot elopet, abu koloma irwan atipet bon Aibois Nakalaunan, nakedaunia adumun alakun naka ikar kere. Naarai arai aokot nuka akinei ka imoŋin, ka ekurwon loka ataok, lukebwatanakinio luemunaara, italaunete kiton aitesegaar akuan, itelekarito cama aokot nuka Kristo, lokeinakin bon mama ejai Edeke kotoma Omoyo loka ikar kere, araun asubanit naemamei akemer, itesegarete aomisiokus kaswamisio nukatwak tetere ijaanakinete Edeke lokajaran. Kanuka ŋun erai ekadiekan loka aitutuket nakitetet, tetere edumunete ŋul lukenyaraunitai aisumunet naka airumet naka ikar kere, naarai abu atwanare kojau naelakuni kes kotoma apaanareta nukotoma aitutuket nasodit. Naarai neejai aitutuket naka airum, ibusakinit kojai atwanare naka yenikitutuki ŋin. Naarai icasit aitutuket naka airum nakejaunia atwanare, naarai emamei ŋes agogoŋ arai eroko ejari yenikitutuki. Kanuka ŋun kiton aitutuket nasodit da mam itaŋitai komameete aokot. Naarai nakedaunia Musa alimokin ituŋa kere ninikicorakinet kwape ejaatar ikisila, abu kolem aokot nuka itak lurosok ka nuka akinei nepepe kakipi ka eusi loereŋ, ka esop da, kobwatanak eitabo ka ituŋa kere, kobala ebe, “Nu kes aokot nuka aitutuket nukiicorakini yes Edeke,” kobwatanak aokot kopone kaŋol ewema, ka iboro kere da luka aijaanakin. Abeit kotoma ikisila aapiei iboro kere aitesegario kaokot, ido arai emamei abukor aokot emamei aisionio. Aso ibusakinit aputosia nuka iboro lukokuju aitesegario kaŋun, konye iboro lukokuju ikulepek ibusakinit aitesegario kasuban nuitelekarito ŋun kajokis. Naarai mam Kristo alomarit aibois nakalaunan nakiswamao kakanin, nakeputosi kaŋin kanakabeit, konye toma akuj alopet, atakanu kwana kakonyen nuka Edeke kanuwok. Kwabo mere ainanakin bon irwan ipu, kwape elomanaria esasedoti lopeti Aibois Nakalaunan ŋolikaru kaokot numam eraas nuke; naarai tiibusakinit ŋes arieb irwan ipu ameun kaisub akwapin. Konye kwana, atakanu irwan atipet bon kawasia naka ikar alemar adiakanareta kanuka ainakin bon araut asubanit. Ido kwape itemokinitere ituŋa atwanare irwan atipet, kosodi akaulo kaŋin atubokinio, kwape kwaŋin Kristo da, nakeinakinere irwan atipet aibwok adiakanareta nuka ikepuak, etakanuni irwan nakiareit komamei adiakar mama kaŋul luidareto ŋes kanuka aitaiario, Naarai ejai ikisila etoribe loka ajokisio nuepote, kwabo mere aput obe naka akiro kaŋun, mam epedorete cut aitodolikin ŋul luikunyakinete, kanuka asuban ŋupeŋun nueinanakinete tiritir, ŋolikaru ŋolikaru. Arai mere kwaŋin, mam ti do kinyeis ainanakin? Naarai luemaete naedauniata aitesegario cut irwan atipet, timam bobo kilepilep adiakar. Konye kotoma asuban ŋun ejai aisiitunio adiakanareta ŋolikaru, ŋolikaru. Naarai mam epedorete aokot nuka imoŋin ka akinei alemar adiakanareta. Naarai naalomunia Kristo toma akwapin abala ebe, “Mam ibu kokoto asubanit ka ainakinet, Konye ibu kitemok akuan kanukaŋ; Mam isiyalamikinit ainakineta nuicweio, karaida ainakineta nuka adiakar, Kasodi kener ebe, ‘Koany, abu eoŋ,’ (Iwadikatai nukaŋ oitabo lonunuko) ‘Aswam nuikoto ijo, wu Edeke.’ ” Naarai naenerar kokuju ebe, “Asuban ka ainakineta ka ainakineta nuicweio, ka nuka adiakar, mam ibu kokoto, karaida aisiyalamikin,” (ŋun kes nueinanakinio kwape ejaatar ikisila), kosodi konyet einer ebe, “Koany, abu eoŋ aswam nuikoto ijo.” Elemari nasodit tetere iticasi nakiareit. Kotoma akot kaŋin aponi oni kitalaun kanuka ainakinet naka akuan naka Yesu Kristo irwan atipet bon. Ŋolisasedoti da ebwoi ŋinipaaran kotoma aijaanakinike, icebokinit ainanakin asuban ŋupeŋun, numam cut epedorete alemar adiakanareta. Konye nakedaunia Kristo ainakin asubanit adiopet kanuka adiakanareta naedauni ikar kere, kosodi kiboikin akan nakoteten naka Edeke, ameuni kanen idareunit aitodol naibwaikinere lukasurupoke araun iicoloŋ yenika akeieke, Naarai kotoma ainakinet adiopet abu kitodolik luitalaunio kiton ikar kere. Emoyo Lokalaunan da itejenari nuwok, naarai naadaunia einer ebe, “Ebala Ejakait ebe, Na ŋes aitutuket naetutuki kakes, Akaulo kapaarasia kaŋun, Epikakini ikakisila otauonokec, Ewadikakini da aomisiokec.” Kosodi konyet ebala ebe, “Mam bobo eituni adiakanaretakec ka epalikec.” Konye napejaar alemario ŋun, mam bobo einakinio asubanit kanuka adiakar. Aso iinacan, naarai kija katitiŋ alomar toma aibois nakalaunan kanuka aokot nuka Yesu, kotoma orot lokitetet ka loejari da, lokicilakini oni kotoma aigalisit, ŋes atemar ebe, akekuan, ido kwape kijaar kesasedoti lokapolon loeyait etogo loka Edeke, kekunyakis ketau lokabeit, ka aiyuun naedoliorit cut, kobwatai itauonowok da ainyein aomisio nueroko, kiloŋai da awatewok kakipi nuelaete. Keketakis alimor amunowok komam kiriaŋiriaŋa, naarai lokisumunit erai lomunot. Kaomoomas aisinyikokin bonik ka bonik amin ka aswam nuejokuka, kenyeis apalun atukonokin nepepe, kwape iswamaata ice, konye kecoras; ido keyatanakinito ŋun kwape ianyuniata apaaran ŋin eyapuunit adolun. Naarai arai kilosikinit adiakanar nakiidaunia ainakinio ajenun abeit, mam esalit bobo asubanit kanuka adiakanareta, dimarai aidarit kakurian atubokinio, ka adedeŋ naka akim naebunit aicwe lukasurup. Yenemwaŋi ikisila luka Musa etwani komam itimio, kanuka ikajenak iarei arai iuni. Iwomito biai, nanyoin aiticanet naitelekarit noi naibusakinit ituŋanan yenipudapudai Okoku loka Edeke, komunaa da aokot nuka aitutuket, nuapotu kitalaut ŋes, komor da Emoyo loka asianut? Naarai kijeni ŋol loabu kiner ebe, “Enyaŋit ŋes lokaŋ, eoŋ ataci.” Bobo da ebe, “Irabakini Ejakait iketuŋa.” Erai akirot naesogim aibirokin akanin nuka Edeke lokajaran. Konye kiitutu apaarasia nukolo, naidauniata ainwakakinio, nuititiŋikinioto aut naepol naka aisiriebio, acepakio araun lusesena kanuka amoromor ka areio, acepakio da naimorianakinotor kaluiswamakinio ŋun, Naarai ipotu kitimoto ienan, ido ipotu kotitiŋikis kalakara aŋatario naka ikusiboro, kojenete ebe ejaas yes iboro luejok adepar ido lueperonorete. Aso sirikicakasi atitinikus, naejai eropit loepol. Naarai ipudasi atitiŋikin, tetere iswamaete nuekoto Edeke, kosodete kijaut naisumunitai. “Naarai eriŋa esalit apak naedit noi, Kosodi loebuni ebuni komam itumor; Konye ekadolitonika ejari kanuka aiyuun, Ido arai eboŋori kau, Mam ekatau elelakinit ŋes.” Konye mam oni kirai lukibonori kau toma amudiario, konye kirai luka aiyuun kanuka aitajar aijar, Aiyuun ŋes apetetait naka akiro nuemunoi, aitogogoŋet naka akiro numam eanyuna. Naarai kotomakeŋ ŋes etejenunere imakio. Kanuka aiyuun kijen ebe kesubio akwapin kere kakirot naka Edeke, tetere mam iswamao nueanyuna kotoma kaŋun kanuetakanete. Kanuka aiyuun abu Abel koinak Edeke asubanit naitelekarit naka Kain kajokis, kanuka ŋin ŋes kitejenikinere araut loedolit, kitejen Edeke kanuka acamun ainakinetake, ido kanuka aiyuunike, karaida abu kotwana, konye eriŋa inera. Kanuka aiyuun aponi koyaŋaarai Enok tetere mam eanyuni atwanare, ido mam abu kotakan, naarai abu Edeke koyaŋa ŋes. Naarai eriŋa eyanaara etejenikinitai ebe abu kitelel Edeke. Konye neemamea aiyuun mam epedor aitelel ŋes. Naarai yenikunyakini Edeke ibusakinit aiyuun ebe ejai ŋesi, ido ebe eropi ŋul luemoete ŋes, Kanuka aiyuun abu Noa loekwenyarit Edeke kanuka akiro nukeroko etakanuna, koyoŋ ejok, kitemok ataker aitaiaria lukokaleke; kanuka gin kotubok akwapin aitelekario, koraun ekerunan loka adolit naejai toma aiyuun. Kanuka aiyuun abu Aburaam korimak nakenyaraunere alomar toma aibois naelosio ainakin araun airumet; abu koloma komam ejeŋi neelosi. Kanuka aiyuun abu kiboioror kakwap naka aisumunet, bala akwap namere nakeŋ, iboienenei koweman nepepe ka Isaak ka Yakob ikerumak lukaupake luka aisumunet ŋipeŋin. Naarai abu kidareunite ere loejaas apeteta, loapwakun Edeke loaduki da. Kanuka aiyuun abu Sara alopet kodum apedor apotuun karaida kedepara ikaruke, naarai abu koomite ŋol loesumuni araut lomunot. Kanuka ŋun anyoun kotuŋanan ediopet, ido loasubit bala etwanit, aponi kowuriai lueputosi bala aacer nuka akuj kaipues, ido kwape asiŋe naejai ariri naka aŋolol namam imarun. Apotu ŋul kere kotwakikis toma aiyuun, koroko einakina nuesumunitai, konye apotu koanyutu kimalaete da kama elwana, kolimosi ebe keraas imo ka ikalotok kakwap. Naarai luinerasi nuikote nen isideleleunito ebe emoete akwap naebeit kes. Ido arai kiitunito akwap ŋin naalomuniata, tiejaas kapak aboŋor, Konye kwana iŋobeleete akwap naitelekarit ajokis, ŋes nakotoma akuj. Ŋes mam irumiata Edeke ileic anyarao Edekekec, naarai abu kitemok kes ere. Kanuka aiyuun, abu Aburaam koinak Isaak, naetemere, ido loabu kodum aisumuneta kalakara etemokino ainakin okokuke loteluna, loaponi kinerai ebe, “Kotoma Isaak ŋes enyaraere akoniwur.” Koomite ebe epedori Edeke aitajarun, kiton kokatwak da; neadumunia kotoma aput. Kanuka aiyuun abu Isaak kilipak Yakob ka Esau arereŋ kotoma akiro nuepote, Kanuka aiyuun keapu Yakob atwanare, abu kilipak odwe luka Yosep kere iarei arereŋ, koma, kokukumi kakou naka ebelake. Kanuka aiyuun keapu Yosep atwanare abu kiner nuka anyoun naka idwe luka Isirael, kicorak da nuka akojoke. Kanuka aiyuun nakeuriere Musa, apotu ikauriakake kimunonata ŋes ilapio iuni, naarai aanyunito ebe itemelel ikoku; komam ekuriaka aicorakinet naka ekabaka. Kanuka aiyuun nakepoloor Musa, kogir anyarao okoku loka apese naka Parao, koseu aikonakinio erono nepepe kituŋa luka Edeke itia aitalakara kotoma aronis naka apak naedit. Koomite amorosit naka Kristo araut abar naepol itia iboro luka akais nuipu luko Misiri, naarai abu kosesen aropio. Kanuka aiyuun abu konyou ko Misiri, komam ekuriana adedeŋ naka ekabaka; naarai abu konirik bala eanyuni lomam etakani. Kanuka aiyuun abu koricite Aleleŋ ka aibwat aokot kinyek Ekamudiaran ikiyaik atiror kes. Kanuka aiyuun apotu kitoroto Aŋolol Nakareŋan bala akwap naconit; konye naketamakiniata Imisirian aitor nen, kolumosi. Kanuka aiyuun kotiyaros arwatatin nuka Yeriko, nakedaunere airimor apaarasia akanykaarei. Kanuka aiyuun mam Rakab naadote emudiara nepepe ka lumam erimasi, naarai abu kisukunyik ikarotak kainapakin. Kener anyoika bobo? Naarai mam apak kelosikino arai kalimok nuka Gideon, ka Barak, ka Samuson, ka Yeputa, ka Daudi, ka Samuel ka inabin da,— lukipikorete ajakanuto kanuka aiyuun, kiswamata adolit, kodumut aisumuneta, kitubutaasi aituke nuka iŋatunyo, kitojonata apedor naka akim, kokuata akwanis naka ekileŋ, kisipedoroi nakekalanyakatar, koraut lukagogoŋ kotoma ojie, kitekerata ajoresio nuka lukacekwapin. Apotu aŋor kodumut lukatwakakec kotoma aitajarunio, konye ice aponi kisiriebai kaibworit, komam ecamunete ayuunio, tetere edumunete aitajarunio naejok adepar. Aponi ice kitemoi kaisekelio ka aleio, eebo, kiton aeneta ka aidaris da. Aponi kibiribiroi kamor, kotuboi kimusumenon, kitemoi, aponi koarai kekileŋ; apotu kirimirimoto enapito imukulen luka imerekekin ka luka akinei; apotu kilwaritos, ereitai, kikonakinitai erono,— ituŋa lumam ebusakinit akwap, apotu kilokidaete kamodiŋo, ka oroŋan, ka abuai ka apanya da nuka akwap. Ituŋa ŋul kere da nakedaunere aitejenun kanuka aiyuunikec, mam edumuna aisumunet, naarai abu Edeke kojenikinite ibore yenejok aitelekarit kanuwok, tetere ŋul mam itodolikinio komam oni. Aso naarai kilukunit oni kere elisina loepol loetia nen, loka ikajenak, kalacasi ŋinibore kere yenelaŋir; adiakar da naepatanikinit aigogo leonor oni, kaboloboloto katitiŋ epeget loibwaikinitai kakonyenewok, kasesenete Yesu, ekagean ka eketodolon loka aiyuuniwok, loabu kotitiŋik emusalaba, komen ileic, kanuka aiyalama naebwaikinitai kakonyeneke, iboie kakan nakoteten naka eicoloŋ loka Edeke. Koomoomata do noi ŋol loketitiŋikini asurup naetia nen naka ikadiakanarak kanukeŋ, kinyeis aipas, kiiloros kotauonokus. Mam ber ijiito kiton abukor aokot, iwutas kadiakar. Bobo kimurwok aicor, nainera kayes kwape odwe ebe, “Okokuka, sirimwanenenei alecor naka Ejakait, Kwabo sirikiilor nakiriemeriemaa ŋesi. Naarai elecori Ejakait yenemina, Elei da ŋinikoku yenecamunit ŋesi.” Kanuka alecorio ititiŋikinete. Kiswamakini yes Edeke kwape odwe; naarai ikoku inyoin yenimam papake elecori? Aso arai mam kilecorio, naimorikikinit kere, kwaŋin iraas lukiwurikinitai okal! kwabo mere odwe, Bobo da ajaas oni lukapapawok luka akuan lukiileconorete, oni da kayonito kes. Mam itelekarit noi oni anonokikin Papa loka imoyon, kajara da? Naarai apotu kesi koleconorete oni apaarasia nuikidioko, kwape kekototor, konye ŋol kilecori kanuka ajokis tetere kimori alauniteke. Alecorio kere naka apak kana mam esubit bala nakaiyalama, dimarai nakican; konye kokau erai araito nuinapakina nuka adolit, kama kaŋul kaluituutooritai kaŋin. Kanuka ŋun koriosi yesi akusikanin nuekalanyaka, kitogogoŋoto da akusikuŋin nuilejekekas, kiswamakis akusikejen irotin luitenara, kinyek yenenwalit aitapaario, konye gwai kitaŋaleunoi. Kotupata ainapakin nepepe kituŋa kere, ka alaunite da, neemamea ŋin emamei yeneanyuni Ejakait. Koanyanasi ebe emamei yeneolikinit asianut naka Edeke; kinyek “Aliasit naka adwaris” alibun ka aitican yes, kosodete luipu amunaar; kinyek idiotuŋanan araun yenidote arai yenimam eyonit Edeke kwape Esau, loabu kogwela apolouke naka ekiyai kanuka adutunet adiopet naka inyamat. Naarai ijenete ebe akaulo kaŋun, naakotor airum arereŋ, aponi kogiroi, naarai mam abu kodum apak naka aitoronikin, karaida abu komoote noi kakiyo. Naarai mam idolokinito emoru loepedorio atirorio, loenoki da akim, karaida neejai amuton naejesi cucucuc, ka idouon luitolimakito, ka ekwam, ka aruo naka arupepe, ka eporoto loka akiro, luapupete apotu kiŋaiŋaata sirikelimokin kes bobo acekirot. Naarai mam apotu kopedosi atitiŋikin akirot naecorakinio ebe, “Arai ketiro itiaŋ emoru ŋol ibiribirio kamor.” Ido kerai naetakani nasogim kwaŋin, abu Musa da kobala ebe, “Akurianari noi, amaran da.” Konye idolokinito Emoru Sion ka ere loka Edeke lokajaran, Yerusalem lokotoma akuj, kaneejaas ajoresio nuka imalaikan lumam imarunos, ka atukot naka ikiyaik luiwadikatai toma akuj, ka neejai Ekatubon loerai Edeke loka kere, ka neejaas imoyon luka ikadolitok luitodolikinitoi, ka neejai Yesu, ekadiekan loka aitutuket nakitetet, ka neejaas aokot nubwatan nuinerasi nuejok aitelekarit kwa nuka Abel. Kocoito ebe mam iŋerete ŋol loinera. Naarai arai mam apotu kokuata nakeŋerioto ŋol loekwenyari kes ejai akwapin, kitelekari noi oni amamus aiku, arai kiŋeri ŋol loikwenyari ejai toma akuj. Abu eporotoke kitamaran akwap kapak kaya, konye isumuni kwana ebe, “Irwan atipet bobo ejaŋakini, mere akwap bon, konye akuj da.” Konye akirot ŋin ebe, “Irwan atipet bobo,” itejenuni alemario naka ŋul luitamaranio, kwape luesubitai, tetere esalete lumam itamaranio. Kanuka ŋun naarai kidumuni ajakanut namam itamaranio, kajaas kasianut, nakijaanakinia Edeke aijaanakin naitoiokit ŋesi, nepepe kayoŋit ka acoit; naarai erai Edekewok akim naenyamiari. Kojaenena amin iinacan. Sirikiimurwokis aisukuny ipejok, naarai kanuka ŋin apotu ice kisukunyikis imalaikan komam ejenete, Kiitunito ienan, bala kienitai nepepe kakes; ka luiswamakinitai erono, naarai ijaas yesi da toma akuan. Kitubusikis ituŋa kere adukokin, ejam da korai lomam emunaara; naarai etubokini Edeke ludotea ka lueelosi. Kidaras kinyeis amin apesan, kodaut luijaatar; naarai abu ŋesi elopet kobala ebe, “Mam ketukurwori jo cut, karaida aijal.” Ŋes kinerar katitiŋ ebe, “Ejakait ŋes erai ekenarakinanika, Mam akurianari, Inyo bo epedori ituŋanan aiswamakin eoŋ?” Kiitunito ikeŋarenikinokokus, lukilimonokinete akirot naka Edeke; koŋicete noi esaŋe loka ejautenekec, korokosi aiyuunikec. Erai Yesu Kristo ŋopeŋol bian ka lolo, ido kiton ikar kere. Sirikiyananario kaisisianakin nakiponesio luipu naegelara; naarai ejok aitogogoŋ etau kasianut, kwabo mere kanuka inyamat, lumam apotu kinarakis ŋul lualosioto. Ejai oni etem loemamei luijaanakinete ewema apedor ainyam iboroke. Naarai itiaŋ lueyaŋaari esasedoti lopeti aokotokec toma aibois nakalaunan kanuka adiakar, icweio awatekec kokiŋ kiidukurun. Kanuka ŋun Yesu da, abu korieba kokiŋ kerute, tetere italauni ituŋa kaokotoke elopet. Aso kalomasi oni da mamakeŋ kiŋa kiidukurun, kebwokitos amorositike. Naarai emamei oni ere loeperonori kane, konye kimoot je loekot ajaun. Aso kainanakis Edeke asubanit naka aiturit tiritir kotomakeŋ, ŋes araito nuka aituke nuelimorete ekekiror. Konye sirikimurwokis aswam ejok, ka aimor luijaatar, naarai itojokit Edeke asuban nuikote nen. Korimarito ikeŋarenikinokokus, kononokikinito da; naarai ekwenyete ŋul kanuka aijarakus, kwape luinyakunete akirot; tetere iswamaete ŋun kaiyalama kwabo mere keidiny; naarai timam ŋin kiiŋarak yes. Kilipanakinai sio, naarai kitogogoŋit ebe kija kaomisio nuejok, kikoto ajaut kiponesio luejok kotoma akiro kere. Ido aitelekarit noi keŋaiŋait yes aikonenen nen, tetere kenyakunio katipet mamakus. Konye Edeke lokainapakin, loetoboŋuni Ejakaitiwok Yesu Kristo kokatwak, ekecokon lokapolon loka amerekekin, kanuka aokot nuka aitutuket naka ikar kere, kitodolik yes kotoma kaŋinikirot naejok, tetere iswamaete nuekot ŋesi, kiswamai ŋesi da kotomakus naitojokitai kakonyeneke, kanuka Yesu Kristo; kojai aibuses mamakeŋ ikar ka ikar. Amen. Konye iinacan, keŋaiŋait yes, koŋirikis akirot naicori, naarai kewadikakinit yes kanuesupaaka. Kojenutu ebe alacakin onacewok Timoteo. Arai kebu ŋol katipet, kaanyuni yes nepepe kaŋes. Kiyogaete ikeŋarenikinokokus kere, ka lukalaunak da kere. Kiyogaete yes luko Italia. Asianut kojai kayes kere, Amen. Yakob ebulesit loka Edeke ka loka Ejakait Yesu Kristo, Mama ejaas atekerin atomon kanuarei nuesiarakinos: Yoga. Iinacanaka, koomitos kere araut nukaiyalama, naidoioto toma acodunio nakiponesio luipu, kojenete ebe aitemio naka aiyuunikus eyauni atitiŋikin, Ido kojau atitiŋikin kaswam naedoliorit, tetere iraunos luipolok, luitekoro, komam adiokirot nakiwolikinit. Arai ejai kayes yenewolikinit acoa, kilip Edeke loeinakini kere kajalit, kwabo mam itoroni, ŋes da einakinio. Konye kilip kotoma aiyuun, komam ebuonokin, naarai yenebuonokini eputosi bala akailan naka aŋolol, naekutanari ekwam kibukanari. Kinyek ituŋanan ŋin aomit ebe edumuni ibore kama ejai Ejakait; ituŋanan yenika itauon iarei, yenimam icasit korotinike kere, Konye koolobob onace loitisilitoi kanuka aitopoloorioke, koolobob lokabaran da kanuka aitisilioke, naarai eraraar kwape aturot naka inya. Naarai elomuni akoloŋ isirinyori amwanis inya, edoi aturotoke, eoliori da ajokis naka aputoke. Isokokoi lokabaran da kwape kwaŋin kotoma alositeke. Isirereŋitoi etuŋanan loetitiŋikin acodunio, naarai kedau acamunio, edumuni aboko naka aijar naisumunikinit Ejakait lueminasi ŋes. Kinyek yenecodunio einer ebe, “Edeke kacoduni eoŋ” naarai mam epedori Edeke acodunio kanukaronok, ido ŋes elopet mam ecoduni ituŋanan kere. Konye ŋinituŋanan ecodunio kiriite ekeimiel elopet kaijodijodio, Kosodi kepotuu eimiel euriei adiakar, adiakar ŋin da kepoloor idouni atwanare. Ikainacan luminan, siriŋalas. Ŋiniinakinet naejok, ka ŋiniijaikina naedolit ebuni kokuju, ijesuni kama ejai Papa loka luecaete, emamei ailoconokin kamakeŋ, karaida etoribe loka aibelonokin. Kanuka akoteke abu kouri oni kakirot naka abeit, tetere kirauni kwape araito nusodit nuka isubanake. Ijenete ŋin, iinacanaka luminan. Aso korai ŋinituŋanan yenisunyit aiirar, yeniyapi einer, yeniyapi anyunyura, naarai anyunyura naka etuŋanan mam iswamai adolit naka Edeke, Kanuka ŋun kolacasi asilianut kere ka aronis naelitoro, kijaut kaiyapepera akirot nairaitai toma, naepedori aitajar aijarakus. Konye koraas ikeswamak akirot, kwabo mere ikeirarak bon, luimodas. Naarai arai iirari ituŋanan akirot, komam iswamai, eputosi ŋin ituŋanan yeneanyuni akonyen nuka aurioke kotoma aroet; naarai eanyuni, kolot, atipet imurwokini kwape eputor. Konye yenirerei ikisila luedolito, luka aosikinio, kodunyakinite kotomakec, sirikeraun ikeiraran yenimurwokini, konye ikeswaman aswam, isirereŋitoi ituŋanan ŋin kotoma kanuiswamai. Arai eomit ituŋanan kere ebe erai yenikedini, komam itikokin aŋajepeke, kiŋalai etauke, edini loka ituŋanan kaŋin erai lotai. Edini loelai, loemamei elos kakonyen nuka Edeke Papa ŋes lota: aanyanar ikokiok ka apuserun kotoma ocanikec, ka aidar bon kakwap komamei amasikinet. Iinacanaka, siritiakito ituŋa naijaatar kaiyuun naka Ejakaitiwok Yesu Kristo, Ejakait loka aibuses. Naarai arai elomuni etuŋanan atukosikus, loenapit egilut loka esabu, ka inapen luibusiak, elomuni da lokican enapit luenyilinyila, yes da isukunyikinete loenapit luibusiak, itemarete atiar, “Kiboikin ijo ne neejok,” itemarete da lokican atiar, “Kobwo ijo kalaije,” arai bo, “Kiboikin kwap kakejeka,” aso mam kereka itiakasi kotomakus, iraunos ikatubok luka aomisio nueroko? Kiirasi, iinacanaka luminan, Mam kereka abu Edeke koseu lukican lukakwapin araut ikabarak luka aiyuun, ka ikerumak luka ajakanut naisumunikinit ŋul lueminasi ŋes? Konye ipotu yesi komwaŋa lokican. Mere kereka lukabarak kiridakinito yes, kiyaŋaarete airabis? Mere kes emoromoroete ekiror loejok lokimaikinitai yes? Konye arai kitodoloto ekisil loka akabakanut, kwape ejaar naiwadikatai ebe, “Komina ekoniidunyet kwape iminari bon,” iswamaete ejok. Konye arai itiakito ituŋa iswamata erono, kitoronete ikisila yes kwape ikebucarak. Naarai yenerici ikisila kere, konye kibuca kediopet, egwauni akiro nuka kere. Naarai ŋol loabu kiner ebe, “Siridote,” abu kiner da ebe, “Siriari.” Arai mam idotei, konye iari, iraun do ijo yenibili ikisila. Kinerasi kwaŋin, kiswamata da kwaŋin, kwape luepote atubokinio akiro kokisila luka aosikinio. Naarai etube mam itimi ŋin yenimam iswamai nukaitim; naarai eoloboboi aitim kotube. Iinacanaka, ajokis anyoin, arai ebala ituŋanan ebe ejai kaiyuun, konye emameete ŋes aswamisio? Epedori kereka akeiyuun aitajar ŋes? Arai inyilinyilitoi onac arai inac, emameete da inyamat luka ŋinipaaran, konye ebala idiopet kayesi kes ebe, “Koloto inapakina, kodumutu aibuse, kimonikinos,” kwabo mam iinakinete kes nuipuda akuan, ajokis anyoin? Kwaŋin aiyuun da, kemamuutu aswamisio, atwana. Konye inera idiotuŋanan ebe, “Ejai jo aiyuun, eoŋ da kija kaswamisio.” Kitodikinai cani aiyuunikon komameete aswamisio, eoŋ da ketodikini jo akaiyuun kotoma aswamisio. Iyuunit ijo ebe erai Edeke ediopet; iswamai ejok. Iyuunete ajokin da, komaranete. Ijo etuŋanan lotai, ikoto kereka ajenun ebe aiyuun komameete aswamisio erai arakan? Mam kereka aponi kitojokai Aburaam papaawok araun loedolit kanuka aswamisio, naainakinia okokuke Isaaka kotem? Iany aiyuun kwape iswamaa nepepe kaswamisioke, ido etopoloor aiyuun kanuka aswamisio; Ido kitodolikinai naiwadikatai nainera ebe, “Kiyuu Aburaam Edeke, kimarakinai araut adolit”; komaikinai epapero loka Edeke. Ianyut kwape itojokere ituŋanan araun yenedolit kanuka aswamisio, mere kanuka aiyuun bon. Kwape kwaŋin da mam kereka aponi kitojokai Rakab naadote araun naedolit kanuka aswamisio, nakisukunyikinia ikiyakia, kitotor kes orot ece? Naarai kwape etwania akuan emamei emoyo, kwape kwaŋin da etwania aiyuun emameete aswamisio. Ikainacan, sirikiraut ikesisianakinak luipu; kojenut ebe kidumuni oni atubokinio naitelekarit apolou. Naarai kibucari oni kere kakiro nuipu; arai mam ibucari ituŋanan kakirot, ŋol ŋes etuŋanan loepol, loepedori aitikokin kiton akuanake kere. Konye arai kibwaiki iboro luitikokinet aituke nuka ibalasin, tetere kirimarete oni, kibelonokini awatekec kere. Koany atakerin da, karaida kepolok kwaŋin, eyaŋaarete ikwamin luededeŋ, ibelonokin kes akiŋol naedit noi, kama itojokit ekereŋean kere kotoma akoteke, Kwape kwaŋin da erai aŋajep atutubet naedit, ilabilabi nuepolok, Koany ikito luipu luetia nen enokete akim naedit! Erai aŋajep akim. Erai aŋajep akwap naka amamus adolit kotoma atutubetawok, emunaari akuan kere, isinepuni akokoro naka auruunet, Geena da isinepuni ŋes. Naarai epedorio aitapatan ŋolipone kere loka itiaŋ, ka akweny, ka lueliatos, ka luka aŋolol da, ido adaut ituŋa aitapatan, konye emamei ituŋanan kere yenepedori aitapatan aŋajep, erono, iloliana, ileleba aisorit naeari. Ŋin ŋes kituritor Ejakait ka Papa; ŋin ŋes kikenio ituŋa lukesubio kaput naka Edeke. Elomunete aiturit ka aiken kotoma aituk ŋin adiopet. Ikainacan, mam ibus akiro ŋun ajaut kwaŋin, Eleleunete kereka akipi nuejok ka nuedwarak da kotoma akoŋu adiopet naka atan? Ikainacan, epedori kereka etini aira iseitunin, arai bo emusabibu aira itinin? Mam da epedorete akipi nuejai amunyu aluor nuejok. Iŋai bo kayes ejai acoa ka ajenun? Kitodu cani aswamisioke koponesioke luejok kotoma aiyapepera naka acoa. Konye arai kijaunos kekokote loedwar ka aŋolopa toma otauonokus, siriwoloboboete, siriŋalaete da asurokin abeit. Mam acoa ŋin erai naebuni kokuju, konye erai naka akwap, naka auruunet, naka Satan. Naarai neejai ekokote ka aŋolopa, nepenen da ejai aitotolikin, ka ŋiniswamisioit kere da naerono. Konye acoa naebuni kokuju nasodit erai naesegara, kosodi nakainapakin, nakaiyapepera, naenonokikinit, ileleba aitim ka araito nuejok, emamei abuonokin, emamei da esoswai. Eyeitai araito nuka adolit toma ainapakin mama ejaas ŋul luiswamaete nukainapakin. Epote kai ijiisio, ai bo da ebunio asurup kotomakus? Mere kane, kotoma kanukisiyalamikinete yes nuejiosi kotoma atutubetakus? Iŋobeleete, ido mam idumunete; iarete, ido imielas, kwabo mam ipedorete adumun. Isurorete, ijiosi da, Mam idumunete naarai mam ilipete. Ilipete, kwabo mam kiinakinio, naarai ilipete erono, tetere imonikinos nukisiyalamikinete yes. Yes aŋor nudotea, mam ijenete ebe aipaperokin kakwapin ŋes asurup ka Edeke? Aso ituŋanan kere yenekot araun ipapero yenika akwapin ituluor yenikasurup yenika Edeke. Arai bo iwomitos ebe inera atai naiwadikatai? Imiela kereka emoyo loiboie kotomawok ekolo? Konye iyatanakini ainakin asianut. Kanuka ŋun ebala ebe, “Itepegi Edeke luiwoŋoko, konye einakini luitasonos asianut.” Aso kononokikis Edeke. Kitepegata Satan, kikeri ŋesi da yes. Kikunyakis neejai Edeke, ŋes da ikunyuni mama ijaas. Yes ikadiakanarak, kilota akaninikus, kitalautu itauon, yes luejaas itauon iarei. Kitururuoto, kokuudianete, komonyata da. Koluor akienakus akuudian, ka aiyalama da ajuruŋuŋ. Kitasonokinos kakonyen nuka Ejakait, ŋes da kitopoloori yes. Iinacan, sirinerenenas nueroko. Yeninera nueroko nuka onac, arai bo yenetubokini onaceke, inera nueroko kokisila, ido etubokini ikisila. Konye arai kitubok ikisila, mam irai ikeswaman yenika ikisila, dimarai ikatubon. Ejai ekesilakinan ikisila ediopet ka ekatubon, ŋol loepedori aitajar ka amudiar da. Konye iŋai bo ijo yenitubokini iidunyetekon? Aso ca yes luineras ebe, “Lolo arai moi kilosi ore mutan, kidauni da kaŋina ekaru ediopet, kigwelanari kimedaun da,” kwabo mam ijenete nuka moi. Inyo bo akusiijar? Iraas elisina, loetakanuni apak naedit, kosodi ailicar. Ti gwai ineras ebe, “Arai ekoto Ejakait, kijari kiswamai da nu ka nu.” Konye kwana iwoloboboto kotoma apoganutukus. Erono aolobob kere naikoni nen. Aso yenejeni aswam nuejok, komam iswamai, erai adiakar kamakeŋ. Aso ca yes ikabarak, komonyata kibwololoto kanuka ican lukiponikinete yes, Abos abarakus, anyama ikajekel akusinapito. Amasiki esabukus ka epuesakus, amasikinikec da eraun ajenanut mamakus, enyami awatekus kwape kakim. Ipotu kidiata iborokus luka akais nuipu toma apaarasia nukawasia. Koany, iworoi eropit loka ikeswamak luasakata imanikoriakus, loimikitos yesi; aloma aimony naka ikadwenyak aki nuka Ejakait loka ajoresio. Ipotu kisiyalamikinos kakwap, kominakinito aboliasio; kitutumata ikusitauon kotoma apaaran naka aario. Ipotu kitetelekasi akiro ekadoliton, koarata da; mam ŋes itepega yesi. Aso iinacan, kotitiŋonokinete, kiton abunore naka Ejakait. Koany, idarit ekakorion araito nuka akwap nuketiai loepol, etitiŋikinit kes kiton ainakinio akiru naka aiporo ka naka akamu da. Kotitiŋonokinete yesi da, kiticata itauonokus, naarai eapie abunore naka Ejakait. Iinacan, siriŋuurianakinos, kinyeis atubokinio; koany, ebwoi ekatubon kokek. Iinacan, koyaŋaasi inabin araut aanyunet naka aiticanio ka atitiŋikin, luapotu kinerasi kokiror loka Ejakait. Koany, kinyarit luetitiŋikinete luisirereŋitoi. Ipotu kiirasi nuka atitiŋikin naka Yob, ido ipotu koanyut kwape kiswamakinia Ejakait ŋes kawasia, kwape eraar Ejakait lokasianut naepol ka aitim. Konye nuitelekarito kere, ikainacan, siriyapoenenete, karaida alimit akuj, karaida akwap, karaida aiyaposit ace kere, konye akusikirot, “eebo,” korai eebo, ka “mam” da korai mam, kinyeis aibirokin atubokinio. Ejai kereka yeniticanio kotomakus? Kilip. Ejai bo yenelakara? Koye nukaiturit. Ejai kereka yenedeka kotomakus? Konyarau imakio luka ekanisa, kilipakis ŋes, kinyonyoikis akinyet kokiror loka Ejakait; ailip da nakaiyuun itajari ikadekan, itonyouni da Ejakait ŋes; arai da kiswamat nukadiakanar, isionio ŋes. Aso kolimonokinos akusidiakanareta bonik ka bonik, kilipanakinos da, tetere iŋaleunete. Ailip naka ikadoliton epedori noi aswam, Kerai Eliya etuŋanan lokepone kwape kalowok, kilip noi kinye akiru aitep, ido mam abu kotepak akwap adaun ikar iuni ka ilapio ikanykape. Kosodi kilip bobo, koinak da akuj akim, kora akwap araitoke. Ikainacan, arai kepaa idio kayesi ainyein abeit, kosodi idiopet ainyakun ŋes, kitejenut ŋes ebe yeninyakuni ikadiakanaran kotoma apaar naka erotoke, itajari akeijar kotoma atwanare, erapari da adiakanareta nukepuak. Petero, ekiyakia loka Yesu Kristo, Mama ejaas luseuna luesiarakinos luiboiororos kotoma Ponto, ka Galatia, ka Kapadokia, ka Asia, ka Bisunia, kwape kolo esiaunia Edeke Papa ajenun, kotoma aitalaunio naka Emoyo, kiton arimanut ka abwatakinio aokot nuka Yesu Kristo: Kiyatanakin asianut ka ainapakin mamakus. Kituritete Edeke ka Papa loka Ejakaitiwok Yesu Kristo! Kwape ejaar akeitim naepol abu kouri oni irwan nakiareit, tetere kija kamun naejari, kanuka ajarun naka Yesu Kristo kokatwak, kadumut airumet namam edaun, naemamei elos, namam erinyori naiŋadakinitai yes toma akuj;, yes lukigalikinit apedor naka Edeke kanuka aiyuun kiton naidumuniata aitajario naitemokino apukorio kapak nakawasia. Iyalamasi noi kotomakeŋ, karaida ibusakinit diat aitakadikinio kwana apak naedit, kanuka acodunio naka iponesio luipu, tetere aitemio naka aiyuunikus naitelekarit noi etiai loka esabu loedaun karaida kitemio kakim, kotakanu ituritoi, itopoloorio, ka aitubusikinio da, kotoma apukorio naka Yesu Kristo. Iminasi ŋes karaida mam ipotu koanyut ŋes; karaida mam ianyunito ŋes kwana konye iyuunito ŋes, iyalamasi noi kaiyalama namam inerio naitepolooritai. Idumunete esaŋe loka aiyuunikus ŋes aitajario naka aijarakus. Apotu inabin, luadwarenenete nuka asianut naekot abunore mamakus, komoenenete ka aiŋic akiro nuka aitajario kaŋin; koŋicata ani bo apak, arai ali bo epone lokikwenyaria Emoyo loka Kristo lokejai tomakec, nakegeia aitejen aiticanio naka Kristo ka aibuses naetupakin ŋin. Aponi kes! kopukokinai ebe mere kanukec bonik, dimarai kanukus, apotu kijaanaki! ŋun nukidaun alimokin yes kwana, kama kaŋul lukilimonokinete yes Akiro Nukajokak, kanuka Emoyo Lokalaunan loejukunio kotoma akuj, akiro ŋun imielas imalaikan aireonokin. Kanuka ŋun koenata aŋabes nuka acoakus, kinyeis amer, komunosi cut asianut nakiinunio kotoma apukorio naka Yesu Kristo, Kwape idwe luerimaka, sirituputoro keimiel loka apak nakaolitekus nakolo, konye kwape eraar lokinyarit yes lokalaunan, koraut yesi da lukalaunak koponesio kus kere, naarai iwadikatai ebe, “Iraunos yesi lukalaunak, naarai arai eoŋ lokalaunan,” Arai inyarito Papa ŋol loetubokini ŋinituŋanan kwape ejaatar aswamisioke, komam etiaki ituŋa, kolosenenete kakurian kapali nairaatar ikalotok, Kojenete ebe mam aponi kolakun yes kiboro luedaunos, kwape epuesa arai esabu, koponesiokus lutai lukirokunete kama kalukapapaakus, dimarai kaokot nuketiai Ioepol nuka Kristo, kwape nuka imerekek yenemamei aŋwal, karaida akemer. Aponi kisiaunai ajenun ŋes koriŋa akwapin kesuba, konye aponi kitakanunai kawasia naka apakio kanukus. Kotomakeŋ iraut luiyuunito Edeke, loetajaruni ŋes kokatwak, koinak da aibuses, kosodi aiyuunikus ka amunokus ajaut mama ejai Edeke. Naarai idaut aitalaun aijarakus kotoma arimarite abeit, kiton amin iinacan namam esoswai, kodunyakis noi aminanara kotoma otauon, Naarai aponi kourii yes irwan nakiareit, mere kikinyom luebosete, dimarai kalumam ebosete, kanuka akirot naka Edeke naejari naeperonori, Naarai “Akuan kere esubit bala anya, Ka aibusesuke kere da kwape aturot naka anya, Erinyorete anya, aturot da eraraar, Konye akirot naka Ejakait eperonori ikar kere.” Akirot ŋin da kes Akiro Nukaiokak nuaponi kolimokin yes. Aso kolemasi awai aronis kere, ka aimod kere, ka aisoswanut, ka ekokote, ka esiomit da kere. Kwape imukerun lupeurio kwape kwana kimielas akile nukemoyo nuemamei aimod, tetere kitopoloete yes adolore aitajario; arai ipotu kiirata ajokis naka Ejakait. Ipote mamakeg, amoru naejari, naanerete ituŋa, konye kama ejai Edeke erai naseuna, naketiai loepol; ka yes da kwape amor nukajarak kidukio koraut etogo lokemoyo, esasedotene lokalaunan, ainanakin asuban nukemoyo, nuitojokit Edeke kanuka Yesu Kristo. Naarai ejai toma nuiwadikatai ebe: “Koany, apesikini eoŋ koSion amoru nakapolon naka agor, Naseuna, naketiai loepol, Ido yeniyuuni ŋes mam irumete ileic.” Aso mamakus luiyuunito erai ŋesi loketiai loepol; konye mamakec lumam iyuunito, “Amoru naanerete ikadukok, Araun nakapolon naka agor.” Bobo da, “Amoru naitiguikinet, ka atiiba nakebiroron”; iguikinos akiro naarai mam erimarito, kwape elosikinitere kes. Konye yes iraas ajena naseuna, esasedotene loka ekabakane, ateker nakalaunan, ituŋa obe luka Edeke, kosodete alimonokin nukajokak nuka ŋol lokinyarauni yes anyoun kamuton alomar toma aicake nakaumokin. Mam kolo iraas ituŋake, konye kwana iraas ituŋa luka Edeke; mam kolo kitimitoi, konye kwana idumut aitimio. Luminan, keŋaiŋait yes kwape ikalotok ka ikeboiororok, ainacenen aiŋobel naka akuan, naejio kaijar. Kojaas kiponesio luejok kotoma Omo, tetere nakisiomiata yes bala ikeswamak nueroko, kitopoloosi Edeke kapaaran naka aanyanario kanuka aswamisiokus nuejokuka. Kononokikis ŋiniicorakinet naka ituŋa kanuka Ejakait, arai erai naka ekabaka naarai ŋes itelekarit kere; arai naka ikayaitok, luijukuni ŋesi aitican luiswamaete nueroko, ka aiturit da ŋul luiswamaete nuejok, Naarai nuekoto Edeke kes nuta, yes aswam nuejok tetere itubutarete abaŋaanut naka ituŋa lueolito, Luijakakaete, kwabo mere luitwasamaete aijakak ŋin bala araparet aronis; konye bala ibulesin luka Edeke. Kitopoloorito ituŋa kere. Kominas iinacan. Koyoŋito Edeke, Kitopoloorito ekabaka, Yes ibulesin, kononokikis ikusijaka kayoŋite kere, mere lukajokak bonik ka luiyapeperas, konye ka lukadedeŋak da. Naarai na ŋes itojokitai, ituŋanan aŋirikin ican kanuka aiitun Edeke, isiriebio komameete akiro. Naarai aiturio anyoin, arai kidiakasi, kibapanar ititiŋikinete? Konye arai kiswamata nuejok, kisiriebi, ititiŋikinete, itojokitai ŋun, kama ejai Edeke. Naarai aponi konyarakin ŋin, naarai Kristo da aponi kisiriebai kanukus, kinyekinia yes naanyunet tetere ituparete ikukutuke, Mam ŋes abu kodiaka, karaida aimod adumun kaitukuke. Naamoromoroere ŋes, mam abu kinyaŋa aimor; naesiriebere, mam abu kitukurian; konye abu kijaikin mama ejai ŋol loetubokini kadolit. Abu ŋesi elopet kibwok adiakanaretawok kakuanake kokitoi, tetere nakidaunia atwanare kama ejaas adiakanareta, kajarata mama ejai adolit. Imacarinike kes kitaŋaleunete yes. Naarai ipotu kopaarito kwape amerekekin, konye kwana iboŋut mama ejai Ekecokon Ekaanyanaran da loka aijarakus. Yes aŋor da kwape kwaŋin, kononokikis ikiliokokus, tetere ice, karaida mam erimasi akirot, kiriasi iponesio luka aŋorokec komamei akirot, naeanyuniata iponesiokus luesegara, ka luka ayoŋit. Kinyek aisiritekus araut nakokuju, naka aicip itim, ka aidelonokin esabu, ka ainap inapen, konye korai etuŋanane loibwaa lokotau, anapito namam edaun naka emoyo loiyapepera ka aiyapaara, loerai loketiai loepol kakonyen nuka Edeke. Naarai kwape kwaŋin kolo sek kisirenenoto aŋor nukalaunak nuamunosi Edeke, kononokikinito da ikiliokokec. Kwape kerimaritor Sara Aburaam, konyarite ŋes ejakait. Iraas yesi da idweke, arai iswamaete ejok, komam kitukuriani etasuro kere. Yes da ikiliok kwape kwaŋin, kiboienenete kakusiŋor koomito nukec, kitopoloorito aberu kwape ibore yenitelekarit akalanyanut, naarai kes da akerumak nukaupakus nuka asianut naka aijar, kinyek akusiilip aitikokinio. Nakawasia, koraas kere luicamanara, luitimonoros, luiminanara kwape iinacan, luisiaka, luitasonos da. Sirinyaŋarete aronis kanuka aronis, karaida amorosit kanuka amorosit; konye gwai kilipakis arereŋ, naarai aponi konyarakin ŋin, tetere irumete asianut. Naarai ebe: “Yenimiela aijar, ka aanyun da apaarasia nuejok, Kitikok aŋajepeke kama karonis, Aitukuke da kinyek einer nukaimod. Konyou kotoma aronis, kiswama ajokis; Komo ainapakin, kotup da. Naarai esesenete akonyen nuka Ejakait ikadolitok, Itoikinit da akiike apupun ailipikec. Konye egirito akonyen nuka Ejakait ŋul luiswamaete aronis.” Iŋai tope kiswamakini yes erono arai idunyakinito nuejok? Konye karaida kisiriebio kanuka adolit kisirereŋitoi, Sirikikuriakaros aitukurianakec, kwabo sirikiyaloŋoŋoto, konye kitalautu Kristo kotauonokus araut Ejakait. Kokapakina apaarasia kere aboŋokin ŋinituŋanan yenikiŋisi yes akiro nuka amun naejai tomakus, konye ca kaiyapepera ka ayoŋit, Kojaas kaomisio nuejok, tetere kaŋun nukisiomere, irumete ileic ŋul luemoromoroete ikusiponesio luejok kotoma Kristo. Naarai ejok aisiriebio kanuka aswam nuejok, arai ŋes naekot Edeke, itia kanuka aswam nueroko. Naarai Kristo da aponi kisiriebai kanuka adiakanar irwan atipet, lokadolit kanuka lumam edolito, tetere kiyauni mama ejai Edeke, nakearere akuanake, konye koinakinai aijar kotoma omoyo, loalosio da alimonokinia imoyon luejaas aidaris, lumam kerimasi kolo, naedareunitor atitiŋikin naka Edeke, kapaarasia nuka Noa, naetemonokinere ataker, kama etajarere ituŋa idis, kotoma akipi, kes ituŋa ikanykauni. Eputosi akiro ŋun kaibatisao, naitajari yes kwana, mere alemar elos loka akuan, dimarai einer kaomisio nuejok mama ejai Edeke, kanuka ajarun naka Yesu Kristo, ejai akan nakoteten naka Edeke, kedau adokar toma akuj; imalaikan, ka lukapolou, ka lukapedor da kononokikis ŋes. Aso naarai Kristo aponi kisiriebai akuan, konapenenete yesi da lujiis luka aomisioit kaŋin, naarai yenisiriebio akuan enyek adiakar, tetere idaunete apaarasiakus nuideuna iriŋa ijaas toma akuan, mere bobo kanuka aiŋobel naka ituŋa, konye kanuka ŋun nuekot Edeke. Naarai apaarasia nuatuboros kidaunito aiswamaenen nuekotos Imo, alosenen toma abenyanut, aiŋobel, emeret, aboliasio, edeŋo, ka aima da aputosia nuketal. Isiwumokinito kes naarai mam ikerete nepepe kakes kotoma oponesio ŋupeŋul luutai, komoromoroete yes; konye inyakunete kesi akirot mama ejai ŋol loitemonokino atubokin lukajarak ka lukatwak da. Naarai ŋin ŋes elimonokinere lukatwak da Akiro Nukajokak, tetere kes da etubokinio kwape ituŋa luejaas awat, konye kojarata kotoma omoyo kwape ka Edeke, Eapie awasia naka iboro kere; aso koomito kacoit, kinyeis da amer, tetere ilipenenete. Aitelekarit kere kodunyakis noi aminanara, naarai erapari amin adiakanareta nukepuak. Kisukunyanakinete ipejok bonik ka bonik, komamei aŋuurian. Kwape kedumunia ŋinituŋanan ainakinet, kijaanakis lucekus kaŋin, kwape ikeŋadak luejok luka asianut naka Edeke naka iponesio luipu; arai ejai yeninera, kwape yeninera akiro nuka Edeke; arai ejai yenijaanakini, kwape kanuka agogoŋ naekori Edeke; tetere itopolooritai Edeke kotoma kere kanuka Yesu Kristo. Aibuses ka ayait kojaas mamakeŋ ikar ka ikar. Amen, Luminan, siriwumokinete aitemio naka akim nakibunokinit yes, bala kidoik yes ibore yenikaumokin. Konye kiyalamasi naarai imorete aisiriebio naka Kristo, tetere naepukorere da akeibuses, iyalamas kailel naepol. Arai kiimoromoroi kanuka ekiror loka Kristo, isirereŋitoi, naarai kidoik yes Emoyo loka aibuses, ka loka Edeke da. Konye kinyek idio kayesi aisiriebio kanuka araut ikaaran, arai bo ikokolan, arai yeniswamai nueroko, arai kanuka araut yeniramaana; konye arai kisiriebio kanuka araut Ikristayot, kinyeis ileic airum, konye kitopoloor Edeke kokiror kaŋol. Naarai adol apak naegeunere atubokin lukokal loka Edeke; ido arai egeuni kaoni, anyoin bo awasia naka ŋul lumam erimasi Akiro Nukajokak nuka Edeke? Bobo da, ebe, “Arai etiono aitajar ikadoliton, Ai bo do etakanunia yenikepali ka ikadiakanaran?” Kanuka ŋun kiswamata ejok ŋul luisiriebio kwape ejaar akot naka Edeke, kisiŋadata Ekasuban lomunot akeceijar. Aso eoŋ loarai ekimat aupakus ka ekajenan da loka aisiriebio naka Kristo, ekamoran da loka aibuses naekoto apukorio, ecori imakio kotomakus: kicokienenete esipan loka Edeke lokotomakus, mere kanuka aitiŋaikinio, dimarai kanuka alosikinit, mere kanuka ameda nakileic, dimarai koipud, mere kwape lueyaito kagogoŋ nukibeito, konye koraut aanyuneta nuka esipan. Kosodi naetakanunia Ekecokon lokapolon, idumunete aboko nakaibuses namam erinyori. Yes da ikatumunak kwape kwaŋin, kononokikis imakio. Konapito yesi kere aitasonikino bonik ka bonik, naarai “itepegi Edeke luiwoŋoko, konye einakini luitasonos asianut.” Aso kitasonikinos kokwap kakan nailerit naka Edeke, tetere kitopoloori yes kedol apak. Kowoikis ŋes aiyalononokus kere, naarai epod ŋesi yes. Kinyeis amer, kokwenyenenete. Lokasurupikus Satan irimirimi kwape eŋatuny loegat, emoot yenenyamari. Kitepegata ŋes, kicasito kaiyuun, kojenete ebe itodolitoi aisiriebio ŋipeŋin koinacanakus luejaas akwapin. Konye Edeke lokasianut kere, lokinyarakinit yes aibusesuke naka ikar kere toma Kristo, kidaut aisiriebio apak naedit, kitetemikini yes, kiticat, ka aitogogoŋ da. Kojai ayait mamakeŋ ikar ka ikar. Amen. Kejukakinit yes ebalua lo kakan naka Siluano, loaomit eoŋ araut onace lomunot, kewadikakinit kakiro nuikidioko, kecor ka aitejenikin noi ebe ŋin ŋes asianut obe naka Edeke, kobwaata yesi kotomakeŋ. Kiyogai yes ŋin naejai Babulon, naseuna aupakus, ka Marako da okokuka. Kiyoganakinos kainu nakamin. Ainapakin kojai mamakus kere luijaas toma Kristo. Simon Petero ebulesit ekiyakia da loka Yesu Kristo, Mama ejaas ŋul luadumutu aiyuun naketiai loepol naeriakas kanakosi kotoma adolit naka Edekewok, Eketajaran da Yesu Kristo: Kiyatanakin asianut ka ainapakin mamakus toma ajenun Edeke ka Ejakaitiwok Yesu Kristo. Naarai abu apedor naka eidekeoneke koinak oni akiro kere nuka aijar ka nuka ayoŋit Edeke, kanuka ajenun ŋol lokinyarauni oni kanuka aibusesuke ka ajokisike elopet; nukiinakinia oni aisumunetake nuepolok nuketiai loepol; tetere kotoma kaŋun iraunete ikamorak luka einono loka Edeke, nuipotu kokuiata anyoun kotoma amudiario naejai toma akwapin kanuka aiŋobel. Konye kanuka ŋupe kaŋun da kodunyakis noi aiyatakin ajokis kotoma aiyuunikus, kotoma ajokisikus da ajenun, kotoma ajenun du aitikokina, kotoma aitikokina da atitiŋikin, kotoma atitiŋikin da ayoŋit Edeke, kotoma ayoŋit Edeke da amin iinacan, kotoma amin iinacan da amin, Naarai arai kijaunos kaŋun kidilas, kituluorete yes lumam iloŋwaka, ka lueraete araito kotoma ajenun cut Ejakaitiwok Yesu Kristo. Naarai yenemameete ŋun, erai imuduki yeneturiaitoi, kimurwokinite aitesegario adiakanaretake nukolo, Aso iinacan, kiyatanakis noi adunyakin aitogogoŋ anyarauniokus ka aseunio da, naarai arai iswamaete ŋun, mam iguikinos nepetai da; naarai kwaŋin kiinakinio kabarara alomaret nakotoma ajakanut namam edaun naka Ejakaitiwok ido Eketajaran Yesu Kristo. Kanuka ŋun ŋes ecebokinitor apaarasia kere aisiitun yes ŋun, karaida ijenete kicata da kotoma abeit naijaatar, Konye aomit eoŋ ebe edolit, aroko ajai toma oidukuru lo aisinyikokin yes kaisiitun, naarai ajeni ebe eapie apak naka alacar eidukuruka kwape ketejenunia Ejakaitiwok Yesu Kristo. Adunyakini da aisipedor yes ŋinipak aiitun ŋun kadau atwanare. Naarai mam kipou katupenenete awaragasia nuepwakunitai kacoa, nakitejenunia yes apedor ka abunore naka Ejakaitiwok Yesu Kristo, konye kipou kaanyutu akepolou kakonyenekosi. Naarai naainakinere aiturio ka aibuses nuapotu kama ejai Edeke Papa, kobu da eporoto mamakeŋ kotoma aibuses nakapolou naimwekimweki ebe, “Lo ŋes Okokuka lominat, loalelakinit noi;” kipou keirasi eporoto ŋol loabuni kotoma akuj, nakijaar kaŋes moru lokalaunan, Ido kija kakirot naka inabin naitogogoŋitoi aitelekarit, Ido iswamaete ejok aibwaikin ŋin etau, kwape atala naecaikini aibois nakamuton, aitodol naiwalaria akwap, elomuni da etop kotoma otauonokus. Kojenutu na nasodit ebe, emamei akirot naiwadikato inabin naepedori ituŋanan aijul kanuke bon, naarai emamei akirot nakedwaritai kakote naka ituŋanan, konye enerenenasi ituŋa nukepote kama ejai Edeke kodoikinite Emoyo Lokalaunan. Konye apotu kojaut inabin lukeŋalak kotoma otuŋa, kwape ejauniata ikesisianakinak lukeŋalak kotomakus, luitolomunete kaiyeiyea apaar naemudiari, ido koŋerito Lokapolon loagweli kes, iriunete bonik amudiar nakatipet. Etuparete da luipu abenyanutukec, ido emoromoroo kanukec erot loka abeit, Kotoma airaŋaanut da itudumunos ameda naepol kamakus kakiro nuepwakunete; atubokiniokec ageun apeŋo mam itiloro, amudiariokec da mam iluranari, Naarai arai mam abu Edeke kitim imalaikan naadiakariata, konye kocakak kes ataro, kibwaik da apanya nukamuton, aidaria atubokinio, mam da abu kitim akwapin nukolo sek, konye kidar Noa ekalimonokinan loka adolit nepepe kituŋa ice ikanykaarei, naayaunia akalele akwapin nuka lumam eyoŋito Edeke; naabu kituluoria ireria luka Sodom ka Gomora ekurwon, kotubok akiro kibiro, kibwaik naanyunet mama ejaas ŋul luepote amamus ayoŋit Edeke; koyuu da Lot ekadoliton loeyaloŋoŋoi noi kanuka iponesio luka abenyanut naka ikaronok, (naarai ekadoliton ŋol loeboie kotomakec, naaanyunia ka aiirar da, aponi kiticanai ekemoyo loedolit, ŋinipaaran kanuka aswamisiokec nukepali), ejeni Ejakait ayuun lueyoŋito Edeke kotoma acodunio, ka aidar lumam edolito kiticanete kiton apaaran naka atubokinio; konye aitelekarit ŋul luelosenenete atuparit akuan kotoma aiŋobel nakasilianut, komenito ayaio. Iilokina, iswamaete nuekotos, mam emaranete emoromoroete lukaibuses, kwabo imalaikan, karaida kepolok aitelekarit kagogoŋ ka apedor, mam eyaunete akiro nuka amorosit mama ejai Ejakait kamakec. Konye kes, kwape isuban luemamei acoa, lueuritai bala itiaŋ lutai aikamunio ka amudiario da, emoromoroete kotoma akiro numam ejenete, emudiario cut kotoma amudiarikec, ikonakinio kes erono ŋes eropit loka aronis. Eomito nukaiyalama abolia paaran. Eraas akemerin ka amasikineta, eboliaete kopucinokec luka aminanar, emorete kayes. Ejaas kakonye nuileleba adoteu, mam inyeinete adiakar. Ijodijodoete imoyon lumam icasito. Ejaas itauon luituutoro airaŋaanut. Idwe luikenen! Inyeinete erot loetenit, kosodete apaar atupar erot loka Balaam, okoku loka Beor, loamina eropit loka amamus adolit, konye aponi kitoronai kanuka epalike; abu asigiria namam inera kiner koporoto loka etuŋanan, kitikok ikerep luka enabi. Eraas kesi ikico luemameete akipi, ka ilisinai luekutari ekwam; idaritere kes amuton nairiono cucucuc. Naarai inerasi nukailabilab nuepolok nutai, ijodijodoete kaiŋobel naka akuan kotoma abenyanut, ŋul luakuito apak naedit kama kaŋul kaluelosenenete kotoma apaar. Isumunete kes aosikinio, kwabo eraas kesi ikulepek ibulesin luka amudiar; naarai ŋin yenipikori ituŋanan, eraun ŋesi ibulesit yenika ŋin. Naarai nakedauniata aiku anyoun kotoma asilianut naka akwapin, toma ajenun cut Ejakait, ido Eketajaran Yesu Kristo, arai inyalinyalunos bobo kaŋin, kipikoroi, eraunos nukawasiakec nukaronok adepar nusodit. Naarai tiejok kamakec arai kemam kejenunito erot loka adolit, itia aboŋor kau ainyein aicorakinet nakalaunan naaponi koinakinai kes kedaut ajenun. Adoiki kes kwape ejaar awaragan nakabeit ebe, Eboŋori ekiŋok alekanake, ka apege da nailoŋoŋ eboŋori eipwok orit. Luminan, lo ŋes ebalua lokiareit lokewadikakini yes; kotoma kes kere kesinyikokini noi akusiwomisio nuiliogototas aisiitun; tetere iitununete akiro nueneritos inabin lukalaunak, aicorakinet da naka Ejakait ido Eketajaran kama kikiyakiakus. Kojenutu na nasodit ebe epote ikesekelok kapaarasia nukawasia isekelete, etuparete aiŋobelekec bonik, inerasi ebe, “Ejai bo ai aisumunet naka abunoreke? Naarai ageun netikolo ajotoorotor lukapapaawok, esalito iboro kwape ajaatar kageunet naka asubio.” Naarai epeleikinito aimurwokin na ebe kejai akuj ameun apeŋo, ka akwap naalomuni kotoma akipi, ido kokidiŋ akipi, kanuka akirot naka Edeke, ŋes ainakini akwap nakolosek amudiario kakalele naka akipi. Konye iŋadakinitai akuj ka akwap nukatinenikwana akim, kanuka akirot kaŋin, idaritere kiton apaaran naka atubokinio ka amudiario naka ituŋa lumam eyoŋito Edeke. Konye luminan, sirikimurwok akirot na adiopet, ebe, esubit adiopepaaran kama ka Ejakait, bala ikar elukumit, ka ikar elukumit da bala adiopepaaran. Mam iyapia Ejakait aisumuneteke, kwape eomitotor ice aiyapia, konye etitiŋikinit mamakus, komam ekoto idio kayesi aolior, konye kodoloto kere aitoronikin. Konye ebuni apaaran naka Ejakait kwape ekokolan, kosodi edaun akuj kagat naepol, ecalaros nugeet kamwanis kanaidopit, kosodi icweio da akwap ka aswamisio nuejaas tomake. Aso naarai ecalaros iboro ŋul kere kwaŋin, ibusakinit yes ajaun biai kotoma oponesio lukalaunak ka ayoŋit Edeke, komunos, kimielas da noi abunore naka apaaran naka Edeke, naecalarere akuj naitonokunio, ka nugeet da ecalaros kamwanis kanaidopit. Konye kwape ejaar aisumunetake, kimuno akuj nakitetet ka akwap da nakitetet, neiboio adolit. Aso luminan, naarai imunosi ŋun, kodunyakis adumakinio toma ainapakin, komamei elos karaida aitoronet, kakonyeneke. Koomito atitiŋikin naka Ejakaitiwok araut aitajario. Abu onacewok lominat Paul kiwadikak yes kwaŋin kwape ejaar acoa naainakinitai ŋes, ido inera ŋun kotoma obaluanake kere. Ejaas kotomakec acekiro nuetioko ajenun, nuemojirete lumam esisiato ka lumam icasito, kwape iswamakiniata nuiwadikatai ace, kiton amudiariokec, Aso luminan, yes luidaut sek ajenun ŋin, kidaras kinyeis aibiror anyoun kotoma aicasitekus, kosodete ayaŋaario kapaar naka lukaronok. Konye kopolokis toma asianut, ka ajenun da Ejakaitiwok ido Eketajaran Yesu Kristo. Koinakinai ŋol aibuses lolo kiton apaaran naka ikar kere. Amen. Ŋin nakejai ameun kageunet, nakipou kapuput, nakianyunit kakosikonye, nakipou kasesenata, katirosi da kakosikanin, naka akirot naka aijar,— kotakan da aijar, ido kipou kaanyut, kitejenuni da, kilimonokin yes aijar ŋin naka ikar kere, nakejai neejai Papa, nakitakanikinio sio,— nakipou kaanyut, kapuput da, kilimonokini yes da, tetere idieasi yesi da kasio. Eidicanewok da ejai nepepe ka Papa, ido nepepe ka Okokuke Yesu Kristo. Kiwadikai nu tetere itodolikinio awokokiyalama. Na ŋes aitejenunet nakipou kapuput kamakeŋ, nakilimonokini yes, ebe, Erai Edeke aica, ido kotomakeŋ emamei cut adiomuton. Arai kinera ebe kidica kaŋes, kalosenenete da kotoma amuton, kiŋala bonik, komam kiswamai nukabeit. Konye arai kilosenenei kotoma aica, kwape ejaar ŋesi toma aica, kidicenena bonik ka bonik, ido kitesegarete oni aokot nuka Yesu Okokuke kama kadiakar kere. Arai kinera ebe emamei oni adiakar, kimoda bonik, emamei da abeit kotomawok. Arai kilimori adiakanaretawok, erai ŋesi lomunot ido loedolit, isioniei oni adiakanareta, itesegari da oni kama kamamus adolit kere. Arai kinera ebe mam kipou kadiakasi kituluori ŋes ekeŋalan, emamei da akekirot kotomawok. Ikadwe ludidik, kewadikakini yes nu kinyeis adiakar. Arai kediaka ituŋanan ejai oni Ekapuron neejai Papa, Yesu Kristo ekadoliton. Erai ŋesi alucet naka adiakanaretawok, kwabo mere kanuwok bonik, konye kanuka akwapin kere da. Kana da ŋes kijenunia ebe kijeni ŋes, arai kiricit aicorakinetake. Yeninera ebe, “Ajeni ŋes,” komam ericit aicorakinetake erai ikeŋalan, emamei da abeit kotomakeŋ. Konye ŋin yenericit akekirot abeit apoloo amin naka Edeke kotomakeŋ. Kana ŋes kijenunia ebe kija tomakeŋ. Ŋin yeninera ebe esalenenei tomakeŋ, iburao ŋin alosenen kwape alosenenoo ŋesi. Luminan, mam kewadikakini yes aicorakinet nakitetet, dimarai aicorakinet namojoŋ naidumut ameun kageunet; aicorakinet namojoŋ ŋes akirot naipotu kopuput. Kewadikakini yes bobo aicorakinet nakitetet, naerai nakabeit tomakeŋ, tomakus da, naarai edaun amuton, ecai da kwana aica nakabeit. Yeninera ebe ejai toma aica, kolaite da onaceke, ejai toma amuton kiton kwana. Yenemina onaceke esalit toma aica, emamei da aiguikinet kotomakeŋ, Konye yenelai onaceke ejai toma amuton, elosenenei da kotoma amuton, komam ejeŋi neelosi, naarai etumudak amuton akekonye, Kewadikakini yes, idwe ludidik, naarai esionii yes adiakanaretakus, kanuka ekekiror. Kewadikakini yes, lukapapa, naarai ijenete ŋol loejai ameun kageunet. Kewadikakini yes, ikatumunak, naarai ipikos lokaronon. Kewadikakini yes, idwe, naarai ijenete Papa. Kewadikakini yes, lukapapa, naarai ijenete ŋol Ioejai ameun kageunet. Kewadikakini yes, ikatumunak, naarai igogoŋ, esalit da akirot naka Edeke tomakus, ipikos da lokaronon. Siriminas akwapin, karaida iboro luejaas toma akwapin. Arai emina ituŋanan akwapin, emamei amin naka Papa kotomakeŋ, Naarai ibore kere yenejai toma akwapin, aiŋobel naka akuan, aiŋobel naka akonye, ka eitur da loka aijar kana, mam elomunete kaneejai Papa, dimarai elomunete kakwapin. Edaunos da akwapin, ka aiŋobelekec; konye yeniswamai nuekot Edeke esalenenei kiton ikar kere, Idwe, adolu esawa lokawasia, ido kwape ipotu kopupunioto ebe ebuni lokasurup loka Kristo, adolut kwana lukasurup luipu luka Kristo; ŋes kijenunia ebe adolu esawa lokawasia. Apotu konyout kamawok, konye mam keraas luwok; naarai arai keraas luwok, tikesalata kaoni, konye konyout tetere itakanunio ebe mam keraas kere luwok. Konye yes abu Lokalaunan kinyonyoik akinyet, ido ijenete kere. Mam kewadikakini yes naarai mam ijenete abeit, konye naarai ijenete ŋin, ido naarai emamei aiŋal kere naelomuni kotoma abeit. Iŋai bo erai ikeŋalan dimarai yeneŋeri ebe Yesu mere Kristo? Lo ŋes lokasurup loka Kristo, loeneri Papa ka Okoku da. Ŋin kere yeneŋeri Okoku, emamei ŋin Papa. Ŋin yenelimori Okoku ejai ŋes Papa da. Kosal tomakus naipuput ameun kageunet. Arai kesal tomakus naipuput ameun kageunet, isalete da toma Okoku ido toma Papa, Na ŋes aisumunet naisumunit ŋesi oni, aijar naka ikar kere. Kewadikakini yes nu nuka ŋul lukitapaarete. Yes da, esalit tomakus ainyonyoikinio akinyet naidumut kamakeŋ, komam ipudasi ituŋanan aisisianakin yes; konye kwape kisisianakinia yes ainyonyoikinike akinyet akiro kere, erai da nakabeit, kwabo mam erai aiŋal, ido kwape kisisianakinitor yes, kosalata tomakeŋ, Kwana da, idwe ludidik, kosalata tomakeŋ, tetere naetakanunia ŋesi kajaas katitiŋ, kinyeis ileic airum oni kakonyeneke naebunio ŋesi. Arai ijenete ebe edolit ŋesi, kojenut ebe ŋin kere yeniswamai nukadolit ŋes eurit, Koanyut amin naetia nen nakiinakinit Papa oni, tetere kinyaritai idwe luka Edeke, kirai da. Kanuka ŋun ŋes mam akwapin kijeniata oni, naarai mam apotu kojenut ŋes. Luminan, kirai kwana idwe luka Edeke, mam ber etakani kwape kiraunor, konye kijeni ebe naetakanunia ŋesi kiputori oni ŋes, naarai kianyuni ŋes kwape ejaar. Ŋin kere yenejai amun ŋin, italauna kwape eraar ŋol lokalaunan, ŋin kere yeniswamai adiakar, iswamai da epali, adiakar ŋes epali. Ijenete da ebe abu ŋesi kotakan tetere elemari adiakanareta, emamei da adiakar kotomakeŋ, ŋin kere yenesalit tomakeŋ mam ediakari; ŋin kere yenediakari, mam abu koany ŋes karaida ajenun Idwe ludidik, kinyek ituŋanan aitapaar yes. Yeniswamai nukadolit erai yenedolit, kwape eraar ŋol loedolit. Yeniswamai adiakar erai yenika Satan, naarai ediakit Satan ameun kageunet. Kanuka ŋun ŋes etakanunia Okoku loka Edeke, tetere emudiari aswamisio nuka Satan. Ŋin kere yeneurio kama ejai Edeke mam iswamai adiakar, naarai esalit ekinyomitike tomakeŋ; ido mam epedori adiakar naarai keurio kama ejai Edeke. Kana ŋes etakanuniata idwe luka Edeke ka idwe luka Satan; ŋin kere yenimam iswamai nukadolit mam erai yenika Edeke, karaida yenimam emin onaceke, Naarai na ŋes aitejenunet naipotu kopuput ameun kageunet, ebe, kaminanaros. Mere kwape Kain, lokerai loka lokaronon, koar da onaceke: Ido kanukinyo kearia ŋes? Naarai keroko akeswamisio, kwabo kedolito nuka onaceke. Sirikiwumokis, iinacan, arai kilaete akwapin. Kijeni oni ebe kipou kanyoutu katwanare alomar aijar, naarai kimina iinacan. Yenimam emin esalit toma atwanare. Ŋin kere yenelai onaceke, erai ikaaran, ijenete da ebe emamei ikaaran kere yenesalit aijar naka ikar kere tomakeŋ. Kana ŋes kijenunia amin, naarai abu ŋol kopal akeijar kanuwok; oni da kiburao aipal aijarawok kanuka iinacan. Arai ejai yenejaas kiboro luka akwapin, kitei da onaceke iyarorotoi, egolokini da etauke kamakeŋ, ikwaikini ai esalakini amin naka Edeke tomakeŋ? Idwe ludidik, kenyeis aminanara kakirot, karaida kaŋajep, dimarai kaswam ka abeit. Kana ŋes kijenunia ebe kirai luka abeit, kesicerededata da iwokotauon kakonyeneke, kama kitoroniata kere iwokotauon; naarai epol Edeke adepar iwokotauon, ejeni da kere. Luminan, arai mam itauonowok kitoronete, kija katitiŋ neejai Edeke; ŋin yenikilipi da kidumuni kamakeŋ, naarai kiricit aicorakinetake, kiswamai da nuisiyalamikinete kakonyeneke. Na ŋes aicorakineteke, oni aiyuun ekiror loka Okokuke Yesu Kristo, kaminanaros da kwape kiinakinitor oni aicorakinet. Ŋin yenericit aicorakinetake esalit tomakeŋ, ŋes da tomakeŋ. Kana ŋes kijenunia ebe esalit tomawok, kanuka Emoyo lokiinakinit oni. Luminan, sirikiyuut ŋolimoyo, konye kitemoto imoyon arai eraas luka Edeke; naarai alomasi inabin luipu lukeŋalak toma akwapin. Kana ŋes ijenuniata Emoyo loka Edeke; ŋolimoyo loelimori ebe abu Yesu Kristo toma akuan, erai loka Edeke. Ŋolimoyo da lomam elimori Yesu, mam erai loka Edeke, ŋol erai lokasurup loka Kristo, loipuput ebe ebunit, kwana da ejai toma akwapin, Idwe ludidik, iraas yesi luka Edeke, ipikosi kes, naarai epol ŋol loejai tomakus adepar ŋol loejai toma akwapin. Eraas kesi luka akwapin, kanuka ŋun inerasi nuka akwapin, iirarete da akwapin kes, Kirai oni luka Edeke. Yenejeni Edeke kiirari oni, yenimam erai yenika Edeke mam kiirari oni. Kana ŋes kijenunia emoyo loka abeit ka emoyo loka apaar, Luminan, kaminanaros, naarai amin erai naka Edeke, ŋin da kere yenemina eurio kama ejai Edeke, ejeni da Edeke. Yenimam emin mam ejeni Edeke, naarai erai Edeke amin. Kana ŋes etakanunia amin naka Edeke mamawok, naarai abu Edeke kijuk Okokuke loteluna toma akwapin tetere kijari kanukeŋ. Kana ŋes ejaar amin, mere ebe kimina oni Edeke, konye abu ŋesi komina oni, kijuk da Okokuke araun alucet naka adiakanaretawok. Luminan, arai kimina Edeke oni kwaŋin, kiburao oni da aminanara. Emamei cut ituŋanan yeneanyunit Edeke apaarasia kere; arai kiminanara, esalit Edeke tomawok, akemin da apoloor kotomawok. Kana ŋes kijenunia ebe kisalit tomakeŋ, ka ŋes da tomawok, naarai abu koinak oni nuka Emoyoke. Kianyunit, kitejenuni da ebe abu Papa kijuk Okokuke araun Eketajaran loka akwapin. Arai elimori ituŋanan ebe Yesu ŋes Okoku loka Edeke, esali Edeke tomakeŋ, ŋes da toma Edeke, Kijeni, kipou keyuut da, amin naejai Edeke mamawok. Edeke ŋes amin; ŋin da yenesalit toma amin, esalit toma Edeke, Edeke da esalit tomakeŋ, Kana ŋes apolooror amin nepepe kaoni, tetere kija katitiŋ kapaaran naka aitub akiro; naarai kwape eraar ŋesi, kirai oni da kwaŋin toma akwapin nu. Emamei akurian kotoma amin, naarai amin naapoloor ireŋeari akurian. Naarai ejai akurian aiticanio, yenekuriana da mam epolooro kotoma amin. Kimina oni, naarai ŋes kigei amin oni. Arai inera ituŋanan ebe, “Amin Edeke,” kolaite da onaceke, erai ikeŋalan. Naarai yenimam emina onaceke loeanyunit, mam epedori amin Edeke lomam eanyunit. Ejai da oni aicorakinet na kamakeŋ, ebe yenemina Edeke, komina da onaceke. Ŋin kere yeniyuunit ebe Yesu ŋes Kristo, eurio kama ejai Edeke, ŋin kere da yenemin ikaurian emin ŋin yeneuriei ŋesi. Kana ŋes kijenunia ebe kimina idwe luka Edeke, nakiminar Edeke, kiswamai da aicorakinetake. Naarai na ŋes amin naka Edeke, ebe kiricit aicorakinetake. Ido mam aicorakinetake elaŋir, Naarai ŋin kere yeneurio kama ejai Edeke ipikori akwapin; na ŋes aipikor naipikori akwapin, aiyuuniwok. Iŋai bo ipikori akwapin, dimarai yeniyuunit ebe Yesu ŋes Okoku loka Edeke? Ŋes ŋol loabu kobu kanuka akipi ka aokot, Yesu Kristo; mere kotoma akipi bonik, konye kotoma akipi ka aokot da. Erai Emoyo ekajenan, naarai erai Emoyo abeit. Ejaas ikajenak iuni, Emoyo, ka akipi, ka aokot da; acamanara iuni kidiopet. Arai kicamuni aitejenunet naka ituŋa, epol aitejenunet naka Edeke adepar, naarai na ŋes aitejenunet naka Edeke naitejenunit nuka Okokuke. Yeniyuunit Okoku loka Edeke ejai aitejenunet tomakeŋ, Yenimam iyuunit Edeke, etuluo ŋes ekeŋalan, naarai mam abu kiyuu aitejenunet naitejenunit Edeke nuka Okokuke. Na ŋes aitejenunet ebe, abu Edeke koinak oni aijar naka ikar kere, ejai da aijar ŋin toma Okokuke. Yenejai Okoku, ejai da aijar; yenemamei Okoku loka Edeke emamei aijar. Kewadikak yes nu tetere ijenete ebe ejai yes aijar naka ikar kere, ŋul luiyuunito ekiror loka Okoku loka Edeke. Na da ŋes atitiŋ nakija kaoni kamakeŋ, ebe, arai kiilip ibore kwape ejaar akoteke, kipupuni ŋesi oni. Arai kijeni ebe kipupuni ŋesi oni, ŋin kere yenikilipi, kijeni ebe kidumu iboro lukilipit kamakeŋ. Arai keanyu ituŋanan onaceke kediakaa adiakaret namere naka atwanare, ilipi, einakini Edeke ŋes aijar kanuka ŋul lumam ediakarito kiton atwanare. Ejai adiakar naka atwanare; mam enera ebe kilipakinai ŋin. Amamus adolit kere ŋes adiakar, ejai da adiakar namere naka atwanare. Kijeni ebe ŋin kere yeneurio kama ejai Edeke mam ediakari, konye loeurio kama ejai Edeke ericit ŋes, mam lokaronon etirori ŋes. Kijeni ebe kirai luka Edeke, iboiete da akwapin kere kotoma lokaronon. Konye kijeni ebe abu Okoku loka Edeke, abu koinak oni ajenun tetere kijeni ŋol loerai abeit, kija oni toma ŋol loerai abeit, toma Okokuke Yesu Kristo. Ŋol ŋes Edeke lokabeit, aijar da naka ikar kere. Idwe ludidik, kidarasi bonik kama kaputosia. Eoŋ ekimat ewadikakini ajakait naseuna ka idweke, luamina kabeit, ido mere eoŋ bon konye ŋul kere da luejenete abeit, kanuka abeit naesalit tomawok, ido ejaun nepepe kaoni ikar kere: Asianut, ka aitim, ka ainapakin ejaunete kaoni kama ka Edeke Papa, ido kama ka Yesu Kristo Okoku loka Papa, toma abeit ka amin. Abu keyalamikin noi naarai abu kadum ice kodwekon elosenenete kotoma abeit, kwape kidumunia aicorakinet kama ka Papa. Ido kwana ajakait, kelipi jo, mere bala kewadikakini jo aicorakinet nakitetet, konye ŋin nakijaatar ameun kageunet, kaminanaros bonik ka bonik. Na da ŋes amin, kalosenenete kwape ejaatar aicorakinetake; na ŋes aicorakinet, kwape ipupunitotor yesi ameun kageunet, ebe, kolosenenete kotoma amin. Naarai alomasi ikeŋalak luipu toma akwapin, lumam elimorete abunore naka Yesu Kristo kotoma akuan; ŋol ŋes ekeŋalan ido lokasurup loka Kristo. Kocoito kinyeis atwaniar nukiswamat, konye kijaut eropit loitekoro. Ŋin kere yenelitori komam esalit toma aisisianakin naka Kristo, emamei ŋin Edeke; yenesalit toma aisisianakin, ejai ŋin Papa ka Okoku da. Arai ebuni ituŋanan mamakus, komam eyaunit aisisianakin ŋin, sirikisukunyikis ŋes togo, karaida ayogan ŋes; naarai yeniyogai ŋes emorete kaŋes akeswamisio nukaronok. Ejaas nuipu aiwadikakin yes, konye mam akoto aitwasam apapula ka ebwino, konye amun abunore mamakus, kenerata kaituke, kosodi kodol awokokiyalama. Kiyogaete jo idwe luka inacikon naseuna. Eoŋ ekimat ewadikakini Gaio lominat, loamina kotoma abeit. Lominat, kelipak jo ajaut ejok kakiro kere, koŋale da, kwape ejaar akoniijar ejok. Naarai abu keyalama noi naadolunioto iinacan kitejenut da abeitekon; kwape ilosenenoo kotoma abeit. Emamei eoŋ aiyalama naepol adepar na, apupun ebe elosenenete ikadwe kotoma abeit, Lominat, iswamai aswam namunot naiswamakini iinacan ka ipejok da, lukitejenut akonimin kakonyen nuka ikanisan. Iswamakini kes ejok ainyamakin kes kwape ibusakinitor Edeke. Naarai alomasi kesi kanuka Ekiror, komam ijaunito ibore kama ka ikapirin. Aso kiburao oni aisukunyun luikote nen, tetere kiraun ikeswamak lukaupakec kotoma abeit. Abu kewadikak ekanisa ece; konye Dioterepes loekot aiŋarenikin mam abu kisukunyik sio. Kanuka ŋun, arai kabu, esiituni akeswamisio nuiswamai; kidacanakini sio akiro nueroko, Komam ŋun edaunete ŋes, eŋeri ŋesi aisukunyun iinacan, itikokini da ŋul luekotosi aisukunyikin kes, ireŋeari kokanisa, Lominat, siriroki nueroko, dimarai nuejok, Yeniswamai nuejok erai yenika Edeke; yeniswamai nueroko mam eanyunit Edeke. Itejenunete ituŋa kere nuka Demeterio, itejenuni da abeit alopet; isio da kitejenuni, ido ijeni ebe erai aitejenunikosi nakabeit. Ajaas eoŋ nuipu aiwadikakin jo, konye mam akoto aiwadikakin jo kebwino ka akwara; konye amuno aanyun jo katipet, kenerata kaituke. Kojai ijo ainapakin. Kiyogaete jo ipapero. Kiyoga ipapero kwape ejaatar ikiroriakec. Yuda, ebulesit loka Yesu Kristo, onace loka Yakob, Mama ejaas luenyaritai, luminan toma Edeke Papa, luericakinitai Yesu Kristo: Kiyatanakin aitim mamakus, ka ainapakin, ka amin da. Luminan, eswamai kadunyanut kere aiwadikakin yes nuka aitajariowok nakimori, ketiŋaikinitai aiwadikakin yes kecor yes aut noi kanuka aiyuun naainakinitai lukalaunak irwan atipet bon. Naarai alomut icetuŋa kaiyeiyea, lukiwadikatai sek alomar otube lo, ituŋa lumam eyoŋito Edeke, luilocete asianut naka Edekewok araun abenyanut, eŋerete da Ekapoloniwok ediopet bon Ejakait Yesu Kristo. Konye akoto aisiitun yes karaida ijenut kere atipet bon, ebe kedau Ejakait aitajar ituŋa kakwap nako Misiri, akaulo kaŋun abu komudialumam eyuunito. Imalaikan da lumam apotu koricata ayaitekee, konye kinyeis akeceibois kikulepek, abu ŋesi kidar korikoi lumam edaunos kamuton kiton atubokinio naka apaaran nakapolon. Kwape ka Sodom ka Gomora, ka ireria da luerimorito kes, luapotu koluŋakinos adoteanut kopone loka ŋul, kotupata acekuan, ibwaikinitai araut aanyunet, iticanio kakim naka ikar kere. Konye kopone kaŋol ituŋa lu da kairujasiakee emunaarete akuan, Kerete ayaio, emoromoroete da lukaibuses. Konye nakeŋolopatar Mikael emalaika lokapolon kaSatan, epegas kanuka akuan naka Musa, mam abu koneikin aosan ŋes katubokinio nakamoromor, konye kobala ebe, “Kitoron Ejakait jo,” Konye ituŋa lu emoromoroete ŋun kere numam ejenete, konye ŋun nuejenete kaurunet, kwape itiaŋ luemamei acoa, kaŋun emudiario kes. Itukwi kes! Naarai elosete korot loka Kain, kokubokinos kapaar naka Balaam, kanuka eropit komudiarai kopeget loka Kora. Eraas lu amor numam etakanete kopueinokus luka aminanar, emorete kayes komam ekuriaka, icokiete bonik; idouon luemameete akipi luekutarete ikwamin; ikito luka akamu luemameete araito, luatwaka irwan aarei, luarutuno; akailan nuededeŋ nuka aŋolol, nuekuete ekuetete, lokileieikee; I aacer nuepaarete nuidarakinitai amuton nairiono cucucuc kiton ikar kere. Konye nuka ŋul abu Enok da, lokikanyetekaarei anyoun ka Adam, kodwarakinite ebe, “Koany, ebunit Ejakait nepepe ka lukalaunakake ilukumin itomon, aiswamakin kere etube, ka aitoron da kere lumam eyoŋito Edeke kanuka aswamisiokec kere nuka amamus ayoŋit Edeke, ido kanuka akiro kere nueninik nuenerata ikadiakanarak lumam eyoŋito Edeke asurokinia ŋes.” Eraas lu ikerurumak, ikaŋuurianak, luelosete kwape ejaar aiŋobelekec, ineras da aitukekec akiro nukasoga, emaete ituŋa adumunia ameda. Konye yes luminan, kiitut akiro nukolo kinerata ikiyakia luka Ejakaitiwok Yesu Kristo; apotu kolimokis yes ebe, “Kapak nakawasia ejaunete ikesekelok, luelosete kwape ejaar aiŋobelekec nakamamus ayoŋit Edeke.” Eraas lu lueyaunete atiakatiak, luka aijar kana, luemamei Emoyo. Konye yes, luminan, kodukonoros kaiyuunikus nakalaunan noi, kilipenenete kOmoyo Lokalaunan, kidaras bonik toma amin naka Edeke; kidareut aitim naka Ejakaitiwok Yesu Kristo kiton aijar naka ikar kere. Kitimoto ice, luebuonokinos; kitajarata ice, kouruput kotoma akim; kitimoto ice kakurian, kolaata anapito da naejai elos loka akuan. Mama ejai ŋol loepedori aidar yes kinyeis aiguikin, kaisibwo yes kakonyen nuka aibusesuke komamei aitoronet, kaiyalama naepol noi, mama ejai Edeke ediopet bon, Eketajaraniwok kanuka Yesu Kristo Ejakaitiwok, kojai aibuses, ka apedor, ka ailerit, ka apolou da, ageikin ikar kere, tinenikwana da, ido kiton ikar kere. Amen. Apukokin naka Yesu Kristo naabu Edeke koinak ŋes aitodikin ikebulesin nuibusakinit adoikin atipet, kitejen kanuka aijukar ekemalaika mama ejai Yokana ekebulesit, lokitejenuni akirot naka Edeke, ka ajenanut naka Yesu Kristo, kere nuabu koany. Isirereŋitoi ŋin yenesiomi, ka ŋul da luepupete akiro nuka adwarasit kana, ka luericete da nuiwadikatai kotomakeŋ; naarai eapie apak. Yokana mama ejaas ikanisan ikanykaarei luka Asia: Asianut kojai mama ijaas ka ainapakin nuepote kama ejai ŋol loejai, ido lokejai, ido loebuni, ido kama ejaas Imoyon ikanykaarei luejaas kiŋaren keicoloŋoke, ido kama ejai Yesu Kristo, ekajenan lomunot, ekiyai loka ikatwak, ekayaiton da loka ikabakan luka akwapin. Mama ejai ŋol lokimina oni, lokilacuni da kotoma adiakanaretawok kanuka aokotoke, kituluo da oni ajakanut, isasedotin luka Edeke Papake, mama ejai ŋol kojai aibuses ka ailerit, kiton ikar ka ikar. Amen. Koany ebuni nepepe kidouon, eanyuni ŋes ŋinikoŋu, kere lukicumete ŋes; ibworos atekerin kere nuka akwap kanukeŋ. Eebo, Amen, Ebala Ejakait Edeke ebe, “Arai eoŋ Alupa ka Omega, loejai, ido lokejai, ido loebuni, Lokapedor kere,” Eoŋ Yokana, onacekus, loamori nepepe kayes aiticanio, ka ajakanut, ka atitiŋ, nuejaas toma Yesu, abu kajai apujan naenyaritai Patumo, kanuka akirot naka Edeke, ka aitejenun da nuka Yesu. Abu kajai kotoma Omoyo kapaaran naka Ejakait, kasodi apupun eporoto loepol kokaukaŋ, bala loka arupepe, kobala ebe, “Kiwadik nuiany toma oitabo, kijukak ikanisan ikanykaarei, mama ejai Epeso, ka Sumuruna, ka Perugamo, ka Suatira, ka Sarudio, ka Piladelupia, ka Laodikia da.” Abu kebelokin aanyun eporoto loenera keoŋ, ido naebelokinor abu kaany ipirin lukatalai ikanykaarei luka esabu, ido kokidiŋ kipirin lukatalai kaany loeputosi bala okoku loka etuŋanan enapit anapito naedolit akejen, koenite da amuny naka esabu atorobuke; kokwaŋ akouke ka iketim da kwape ajul nukakwaŋak, kwape akako; akekonye da kwape aipeloret naka akim, akekeje da aikomon nuepwatat, bala naililiauna kotoma oupa, eporotoke da kosubite bala eporoto loka akipi nuipu; ido abu kitiŋite aacer akanykaarei kakanike nakoteten, ido kolom kaitukuke ekileŋ loekwana kowaitin iarei kere, ereeteke da kosubite bala akoloŋ naecai kakepedor, Naanyunia ŋes, abu kebirokin akejeneke bala atwanit. Kedokok akanike nakoteten, kabala ebe, “Sirikiyoŋ, arai eoŋ losodit ka lokawasia da, ido Lokajaran; abu katwanite, ido koany ajari ikar ka ikar, ajai kilaceta luka Atwanare ka luka Okatwak. Aso kiwadik nuiany, nuejaas, ka nuejaunete da akaulo kaŋun. Aiyeiyea naka aacer akanykaarei nuiany kakanika nakoteten, ka ipirin lukatalai ikanykaarei luka esabu. Aacer ŋun akanykaarei kes imalaikan luka ikanisan ikanykaarei, ka ipirin da lukatalai ikanykaarei kes ikanisan ikanykaarei. “Kiwadikak emalaika loka ekanisa lokotoma Epeso ebe: Inera kwanata ŋol loitiŋit aacer akanykaarei kakanike nakoteten, loelosenenei kokidiŋ opirin lukatalai ikanykaarei luka esabu ebe: “Ajeni akoniswamisio, ka aitaaritoi, ka aŋirikinitekon, ido kwape mam ipedoria atitiŋikin ituŋa lukaronok, ido ibu kitem ŋul luenyaras bonik ikiyakia, kwabo mam eraas, kodum ebe eraas ikeŋalak, Iŋirikinit ka atitiŋikin kanuka ekakiror, kwabo mam ibu kopas. Konye ejai eoŋ akirot na kajo ebe ibu kojal akonimin nasodit. Aso kiitu nekibirunor, kitoronikin, kiswama da aswamisio nusodit. Konye arai mam iswamai kwaŋin, abuni mamakon, alemari da epirikon lokatala kaiboisike, dimikito kitoronikin. Konye ejai jo na ebe ilait aswamisio nuka Inikolain, nualait eoŋ da. Ŋin yenejai akit, kopup nuelimokini Emoyo ikanisan. Ŋin yenipikori ainakini ŋes ainyam araito nuka ekitoi loka aijar, loejai Paradais loka Edeke. “Ido kiwadikak emalaika loka ekanisa lokotoma Sumuruna ebe: Inera kwanata ŋol losodit ka lokawasia da, loabu kotwanite ido ejari, ebe: “Ajeni aiticaniokon, ka ikonibakor, (konye irai ekabaran) ka amoromor naka ŋul kaluenyaras bonik Iyudayan, kwabo mam eraas, konye eraas atukos naka Satan. Sirikiyoŋ nukidoikinete aisirieb jo, Koany, elosi Satan acakakin ice kayes aidaris, tetere kitemio, kiticanio da yes apaarasia atomon. Koraenena lomunot kiton atwanare, eoŋ da kainakini jo aboko naka aijar, Ŋin yenejai akit, kopup nuelimokini Emoyo ikanisan. Ŋin yenipikori mam epipilikini cut atwanare nakiareit. “Ido kiwadikak emalaika loka ekanisa lokotoma Perugamo ebe: Inera kwanata ŋol loejai ekileŋ loekwana kowaitin iarei kere ebe: “Ajeni mama iboio, neejai eicoloŋ loka Satan; ido ikamunit noi ekakiror, kwabo mam ibu koŋer aiyuunika, karaida kapaarasia nuka Antipa ekajenanika, lomunotoka, loaarakinio mamakus, mama iboio Satan. Konye ejai eoŋ akiro nuikidioko kajo, naarai ejaas jo ituŋa luikamunito aisisianakin naka Balaam, loesisianakini Balak acakakin aitiguikinet akonyen nuka idwe luka Isirael, ainyam nueinakinio aputosia, ka adotear da. Ejaas jo da kwaŋin ituŋa luikamunito aisisianakin naka Inikolain, Aso kitoronikin. Konye arai mam iswamai kwaŋin abunit atipet mamakon, ajiikini kakes kekileŋ loka aitukuka. Ŋin yenejai akit, kopup nuelimokini Emoyo ikanisan. Ŋin yenipikori ainakini ŋes emanu loebwaitai, ainakini da ŋes amoru naekwaŋ, ido iwadikatai amoru ekiror lokitetet, lomam ituŋanan ejeni nabarai yenijauni. “Ido kiwadikak emalaika loka ekanisa lokotoma Suatira ebe: Inera kwanata Okoku loka Edeke, ŋol loejaas akonyeke bala aipelonoreta nuka akim, akejeke da eputosi kwape aikomon nuepwatat ebe: “Ajeni akoniswamisio, ka amin ka aiyuun ka aijaanakin, ka aŋirikinitekon da, ka aswamisiokon nukawasia kwape itelekaritotor kwa nusodit. Konye ejai eoŋ akirot na kajo, naarai inyeinit aberu ŋin, Yesebel, naenyara bon anabi, isisianakini iŋalaari da ikabulesin tetere edotearos, ka ainyam nueinakinio aputosia. Abu kainak ŋes apak tetere itoronikin, kwabo mam ekoto aitoronikin kotoma adoteuke. Koany, acakakini ŋes ojam, ka ŋul da luedoteete nepepe kaŋes acakakini toma aiticanio naepol, dimikito kitoronikinos kotoma aswamisioke. Ido aari ikedwe katwanare. Ejenunete da ikanisan kere ebe eoŋ ŋopeŋol loererei aomisio ka itauon, eoŋ da ainakini ŋinidiopet kayesi kwape ejaatar aswamisiokus. Konye kabala yes ice luijaas Suatira luemamei aisisianakin ŋin kere, lumam ijenete nuidulok nuka Satan, kwape ineratar, mam kebwaikini yes abwokon ace; nabarai kikamut noi yenijaatar, kiton naabunio. Ŋin yenipikori, ka aricit aswamisioka kiton awasia, ainakini ŋes apolou kama ejaas atekerin, Ŋes da icokiei kes kebela loka asuat, kwape ebwaŋabwaŋatar amoti nuka ekajean, kwape kainakinia da Papaka eoŋ; eoŋ da ainakini ŋes etop. Ŋin yenejai akit, kopup nuelimokini Emoyo ikanisan. “Ido kiwadikak emalaika loka ekanisa lokotoma Sarudio ebe: Inera kwanata ŋol loejaas Imoyon ikanykaarei luka Edeke, ka aacer akanykaarei ebe: “Ajeni akoniswamisio; ebe ejai jo ekiror ebe ijari, konye irai lokatwan. Kokweny, kitogogoŋ da nuesalito nuekotosi atwakare, Naarai mam abu kadum akoniswamisio nuedolito kakonyen nuka Edekeka. Aso kiitu kwape kijaunia, kwape kipupunio da; koric, kitoronikin da. Aso arai mam ikwenyi, abuni eoŋ kwape ekokolan, kwabo mam ijenuni esawa loabunio mamakon. Konye ejaas jo ikiroria luikidioko koSarudio, ituŋa lumam emunaarito inapenekec; elosenenete kesi nepepe keoŋ enapito lukakwaŋak, naarai ibusakinito. Ŋin yenipikori itanapio kwaŋin inapen lukakwaŋak, kwabo mam cut amwatari ekekiror koitabo loka aijar; eoŋ da alimori ekekiror kakonyen nuka Papaka, kakonyen da nuka imalaikanake. Ŋin yenejai akit, kopup nuelimokini Emoyo ikanisan. “Ido kiwadikak emalaika loka ekanisa lokotoma Piladelupia ebe: Inera kwanata Lokalaunan, lokabeit, loejaas kelacet loka Daudi, loeŋaari kwabo emamei yenegoli, loegoli da kwabo emamei yeneŋaari, ebe: “Ajeni akoniswamisio. Koany, ebwaiki kakonyenekon ekek loeŋaara, lomam epedori ituŋanan kere agolokin. Ejai jo apedor naedit, iricit da akakirot, kwabo mam ibu koŋer ekakiror. Koany, ainakini lukatukos naka Satan, luenyaras bonik Iyudayan, kwabo mam eraas, konye iŋalaete; koany, ainakini kes aponare, akukonokin kakejenekon, ejenunete da ebe kamina jo. Naarai iricit akakirot naka aŋirikinit, eoŋ da karici jo kotoma osawa loka aitemio, loebuni kakwapin kere, aitem ŋul luiboiete kakwap. Abuni eoŋ atipet; kikam yenijaatar, kinye ituŋanan kere ayaŋaar abokokon. Ŋin yenipikori, etarauni ŋes epir kotoma oyekalu loka Edekeka; kwabo mam cut elomari kiŋa; eoŋ da ewadikakini ŋes ekiror loka Edekeka, ekiror da loka ere loka Edekeka, ŋes Yerusalem lokitetet loijesuni abunore kotoma akuj; kama ka Edekeka, ekirorika da lokitetet. Ŋin yenejai akit, kopup nuelimokini Emoyo ikanisan, “Ido kiwadikak emalaika loka ekanisa lokotoma Laodikia ebe: Inera kwanata ŋol loerai Amen, ekajenan lomunot lokabeit da, ageunet naka aisub naka Edeke ebe: “Ajeni akoniswamisio, ebe mam ililim karaida mam imwana. Tiejok arai kolilim arai komwana! Aso naarai ijalam, kwabo mam imwana karaida mam ililim, kalekari jo kaitukuka. Naarai ibala ebe, Arai ekabaran, ido abarit, kwabo mam epuda ibore. Kwabo mam ijeni ebe irai lokican, lokitimitoi, loilwaritoi, emuduk, loimujalal da. Aso ketetemikini jo ebe, kogwel kamakaŋ esabu loililiaunitai kakim, tetere ibari, ka inapen da lukakwaŋak tetere inapi, kinyeis ileic luka amujalalakon atakanun, ka ekiya da lokinyonyoa akonyekon tetere ikwenyi. Etoroni eoŋ ŋul kere luamina, alecori da; aso kodunyak, kitoronikin da. Koany, abwoi kokek ekuŋukuŋi; arai epupi ituŋanan kere ekaporoto, koŋaa da ekek, alomari mamakeŋ, amori nepepe kaŋes, ŋes da keoŋ. Ŋin yenipikori, ainakini ŋes aiboi nepepe keoŋ oicoloŋoka, kwape abu kepikoria keboikin nepepe ka Papaka oicoloŋoke. Ŋin yenejai akit, kopup nuelimokini Emoyo ikanisan.” Akaulo kaŋun abu kete, ido koany, ekek loeŋaara toma akuj! Kobala da eporoto loagei eoŋ apupun inera keoŋ kwape loka arupepe, ebe, “Kodoku ne, eoŋ da ketodikini jo nuibusakinito ajaun akaulo kanu.” Atipet abu kajai kotoma Omoyo, ido koany, kibwaikinitete eicoloŋ toma akuj, ka loiboie koicoloŋ kaŋol! Ŋol da lokiboie kotakani koputosi bala amoru naka ayaseper, ka naka sarudio, kirimorite etaluka eicoloŋ, kotakani koputosi bala emeralid. Kirimorito iicoloŋo akaisaarei kaluoŋon eicoloŋ, kiboiete imakio akaisaarei kaluoŋon koicoloŋo kaŋul, konapito inapen lukakwaŋak, kojaas da abokoi nuka esabu akwesikec, Kolomununei aimiliaunun koicoloŋ, ka iporotoi, ka agiro, konokete da atalai akanykaarei nuka akim koiŋaren keicoloŋ, kes Imoyon ikanykaarei luka Edeke; ido kiŋaren keicoloŋ bala aŋolol naka aroet, koputosi bala agilasi. Kokidiŋ keicoloŋ, kowaitin da kere luka eicoloŋ, kejaas lukajarak iwoŋon, lukileleba akonye kiŋaren kokau da. Keputosi lokajaran losodit bala eŋatuny, ka lokajaran lokiareit bala itaok, kejai lokajaran lokiwuniet ereet bala loka etuŋanan, ka lokajaran lokiwoŋonet da bala emorukaalet loeporitoi, Lukajarak ŋul luoŋon kejaas ŋolidiopet abebenoka akanykape, kileleba akonye iwaitin kere, kotoma da, kwabo mam iyeŋete paaran ka kuare da ayoore ebe, “Lokalaunan, lokalaunan, lokalaunan, Ejakait Edeke Lokapedor kere, Lokejai, ido loejai, ido loebuni da!” Ido napeinanakinete lukajarak loiboie koicoloŋ loejari ikar ka ikar aibuses, ka ayoŋio, ka aimal da, kanen ibiroros imakio akaisaarei ka luoŋon kakonyen nuka ŋol kaloiboie koicoloŋ, emaete ŋol loejari ikar ka ikar, kocakanakinete abokoikec kiŋaren keicoloŋ, koyeete ebe, “Ibusakinit ijo, Ejakaitikosi ka Edekekosi da, Adumun aibuses, ka ayoŋio, ka apedor, Naarai ibu ijo kosub iboro kere, Ijo kojaut, kesubio da kanuka akotekon.” Abu kaany eitabo lokiwadikatai iwaitin kere, kotoma akan naka ŋol kaloiboie koicoloŋ, ipucakinitai aipuceta akanykaarei. Abu kaany da emalaika loegogoŋ elimokini keporoto loepol ebe, “Iŋai bo ibusakinit apukor eitabo, ka aibil da aipucetake?” Kwabo emamei ituŋanan kotoma akuj, karaida kakwap, karaida kokwap kakwap, yenepedori apukor eitabo ŋol karaida asesen tomake. Abu kamony noi, naarai mam edumuna yenibusakinit apukor eitabo, karaida asesen tomake. Kalimok ediopet komakio ebe, “Sirikimony; koany epiko Eŋatuny loka ateker naka Yuda, Aliasit naka Daudi, tetere epedori apukor eitabo ka aipucetake akanykaarei.” Abu kaany kokidiŋ keicoloŋ, ka lukajarak ŋul luoŋon, kokidiŋ da naka imakio ebwoi Imerekek, esubit bala earitai, ejaas amumwara akanykaarei ka akonye da akanykaarei, nueraas imoyon ikanykaarei luka Edeke lukijukunio toma akwap kere. Kolot ŋesi kolem eitabo kakan nakoteten naka ŋol kalokiboie koicoloŋ. Napelemuni eitabo ŋol, kibiroros lukajarak luoŋon ka imakio akaisaarei ka luoŋon, kakonyen nuka Imerekek, ŋolidiopet kakesi kejai adeudeu, ka atanyia nuka esabu nukileleba lukisupurununo, nueraas ailip naka lukalaunak; koyooto ekosio lokitetet, ebe, “Ibusakinit ijo alemun eitabo, ka apukor da aipucetake, Naarai aponi koari, kogwelak Edeke kaokotokon ŋiniteker, ka aŋajep, ka ituŋa, ka ajena, Kituluo kes ajakanut ka isasedotin mama ejai Edekewok, Irumete kesi kakwap.” Kasodi kaany, keira eporoto loka imalaikan luipu kowaitin kere luka eicoloŋ, ka lukajarak, ka imakio, etiaikec keraas ilukumin itomon irwan ilukumin itomon ka ilukumin irwan ilukumin, ebalas keporoto loepol ebe, “Ibusakinit Imerekek yenaponi koarai, adumun apedor, ka abar, ka acoa, ka agogoŋ, ka ayoŋio, ka aibuses, ka arereŋ da!” Keira da ŋinisubat kere yenejai toma akuj, ka akwap, kokwap da kakwap, kaŋolol, ka iboro kere luejaas tomake, kobalas ebe, “Mama ejai ŋol loiboie koicoloŋ, ido mama ejai Imerekek, kojai arereŋ, ka ayoŋio, ka aibuses, ka ailerit kiton ikar ka ikar!” Kobalas lukajarak luoŋon ebe, “Amen!” Kibiroros da imakio komaata. Kasodi kaany naapukoria Imerekek adiopet naka aipuceta akanykaarei, keira da ediopet ka lukajarak luoŋon inera bala eporoto loka agiro ebe, “Bia!” Kaany, ido koany, ebalasit lokakwaŋan, kejai ekebwaneniton da akabwa; koinakinai aboko, koloma da aipikor, ido ipikori. Naapukoria ŋesi aipucet nakiareit, keira lokajaran lokiareit ebala ebe, “Bia!” Kolom do ebalasit ece, loereŋ; koinakinai ekebwanenitonike alemar ainapakin kotoma akwap, tetere ituŋa earas; koinakinai da ŋes ekileŋ loepol. Naapukoria ŋesi aipucet nakiwuniet, keira lokajaran lokiwuniet ebala ebe, “Bia!” Kaany, ido koany, ebalasit lokirionon, kejai ekebwanenitonike aitemis akanike. Keira bala eporoto kokidiŋ lukajarak luoŋon ebala ebe, “Aitemis naka akiria naka adenari, ka aitemisio auni nuka esairi nuka adenari, kwabo mam imunaari akinyet karaida ebino!” Naapukoria ŋesi aipucet nakiwoŋonet, keira eporoto loka lokajaran lokiwoŋonet ebala ebe, “Bia!” Kaany, ido koany, ebalasit loekwele, ekebwanenitonike da ekekiror Atwanare, kotupa ŋes Okatwak; koinakinai kes apolou kama katutubet nakiwoŋonet naka akwap, koarete kekileŋ, ka ebeli, ka atular, ka itiaŋ luededeŋ luka akwap. Naapukoria ŋesi aipucet nakikanyet, kaany kokwap ketem, imoyon luka ŋul kalukeario kanuka akirot naka Edeke, kanuka ajenanut da nakejaatar. Kiworoto keporoto loepol ebe, “Ijo Ejakait, Lokalaunan, lokabeit, itodoli ai mam kitubokini, karaida ainyaŋ aokotokosi kama ejaas ŋul luiboiete kakwap?” Koinakinai kes ŋinidiopet anapito nakakwaŋan, kolimokinai da kes aiyeŋun bobo apak naedit, kiton naitodolikinor etiai loka ibulesin lukaupakec, ka ikeceinacan, luepote aario kwape kakesi. Naapukoria ŋesi aipucet nakikanyetekape, kaany, kejai amaran naepol naka akwap; kirioniar akoloŋ bala epuko loka ajul nukirionok, koluor elap da kere bala aokot, kibirununos aacer nuka akuj toma akwap, kwape eraraununia etini araitoke nuelidio naejanijaŋia ekwam loepol. Kilicarai akuj bala eitabo loenunukitoi, kolemarai ŋoliroŋat ka ŋinipujan kaiboisike. Kosodete ikabakan luka akwap, ka ikapolok, ka ikapolokitok iserikalei, ka ikabarak, ka ikagogoŋok, ka ŋinibulesit ka yenejakakai, koŋopata kotoma abuai, ka atiiban nuka iroŋan, kobalas iroŋan ka atiiban ebe, “Kibirunos mamakosi, kitoŋopai sio kakonyen nuka ŋol kaloiboie koicoloŋ, ka anyunyura da naka Imerekek; naarai adol apaaran naepol naka anyunyurakec, iŋai bo do epedori aibwo?” Akaulo kaŋun abu kaany imalaikan iwoŋon ebwoete kagoria aoŋon nuka akwap, itikokinete ikwamin luoŋon luka akwap, kinyek ekwam aikut akwap, karaida aŋolol, karaida okitoi kere, Kaany da emalaika ece ikeun kama elomunia akoloŋ, kejai aipucet naka Edeke lokajaran, kiworo mama ejaas imalaikan lukeinakinitai apedor amunaar akwap ka aŋolol da, keporoto loepol, ebe, “Sirikimunaasi akwap, karaida aŋolol, karaida ikito, kiton nekidaunia aipucakin aipucet oreeta luka ibulesin luka Edekewok.” Keira da etiai loka luepucakinitai emwaasi ilukumin akwatat ka akaisaoŋon ka luoŋon luepucakinitai, lukotoma ŋiniteker naka idwe luka Isirael. Luepucakinitai lukateker naka Yuda, ilukumin itomon ka luarei, lukateker naka Reuben, ilikumin itomon ka luarei, lukateker naka Gad, ilukumin itomon ka luarei, lukateker naka Aser, ilukumin itomon ka luarei, lukateker naka Naputali, ilukumin itomon ka luarei, lukateker naka Manase, ilukumin itomon ka luarei, lukateker naka Simeon, ilukumin itomon ka luarei, lukateker naka Lebi, ilukumin itomon ka luarei, lukateker naka Isakar, ilukumin itomon ka luarei, lukateker naka Sebulun, ilukumin itomon ka luarei, lukateker naka Yosep, ilukumin itomon ka luarei, lukateker da naka Benyamin, ilukumin itomon ka luarei. Akaulo kaŋun abu kaany, ido koany, ekodet loepol noi, loemamei ituŋanan yenepedori aimar, ituŋa luka ŋinijena, ka luka atekerin, ka ituŋa, ka aŋajepa, ebwoete koiŋaren keicoloŋ, kakonyen da nuka Imerekek, itanapitai inapen lukakwaŋak, kitiŋito amusog kakaninikec, kiworoete keporoto loepol ebe, “Ebeit Edekekosi loiboie koicoloŋ, ka Imerekek da aitajar!” Kobwoete imalaikan kere airimor eicoloŋ, ka imakio, ka lukajarak da luoŋon, kibiroros kesi ebuburia kiŋaren keicoloŋ, komaata Edeke, kobalas ebe, “Amen! Kojai arereŋ, ka aibuses, ka acoa, ka aimal, ka ayoŋio, ka apedor, ka agogoŋ mama ejai Edekekosi ikar ka ikar! Amen.” Koboŋok ediopet komakio, kalimok eoŋ ebe, “Lukaŋai bo lu, luitanapitai inapen Iukakwaŋak, ai bo da keponiata kesi?” Katema ŋes atiar, “Ekajakait, ijo ijeni.” Kabala ebe, “Lu kes lukepote kotoma aiticanio naepol, elota inapenekec, etwakaŋata kes kotoma aokot nuka Imerekek. Kanuka ŋun ejaas kiŋaren keicoloŋ loka Edeke, Ijaanakinete paaran ka kuare kotoma oyekaluke; Ŋol da loiboie koicoloŋ, erapari kes kewemake. Mam bobo eriebi kes eteŋei, karaida akure aijak, Mam bobo akoloŋ enomonori kes, karaida amwanis apeor. Naarai icokiei kes Imerekek yenejai kidiŋ keicoloŋ, Iŋarenikini kes atanin nuka akipi nukajarak; Emwatari da Edeke akiyo kere kakonyenekec.” Naapukoria Imerekek aipucet nakikanyetekaarei, kejai aililiŋ toma akuj bala apak naka atutubet naka esawa. Kasodi kaany imalaikan ikanykaarei luebwoenenete kakonyen nuka Edeke, koinakinai kes arupepen akanykaarei. Kobu emalaika ece kobwo koiŋaren ketem, kejai aisupurunet naka esabu; koinakinai ŋes lukisupurununo luipu tetere ibwaikin nepepe kailip naka lukalaunak kere otem loka esabu lokejai kiŋaren keicoloŋ, Kopurio apuru naka lukisupurununo nepepe kailip naka lukalaunak, kakan naka emalaika, kakonyen nuka Edeke. Kolem emalaika ŋol aisupurunet, kilelebik akim nakejai otem, kocakak akwap; kojau agiro, ka iporotoi, ka eimilia, ka amaran da naka akwap. Kokapakinos imalaikan ikanykaarei lukejaas arupepen akanykaarei tetere ekusete. Kokut losodit akerupepe, kojau akako ka akim inyalakina kaokot, kocakakinai akwap; kicwea atutubet nakiwuniet naka akwap, kicwea da atutubet nakiwuniet naka ikito, kicwea da anya kere nuepalal. Kokut emalaika lokiareit akerupepe, kocakakinai yenesubit bala eroŋat loepol, loenoki akim, toma aŋolol; koraun atutubet nakiwuniet naka aŋolol aokot, kotwana atutubet nakiwuniet naka isuban lukejaas toma aŋolol lukejai aijar; komudiarai atutubet nakiwuniet naka atakerin. Kokut emalaika lokiwuniet akerupepe, kibirun aacerit nakapolon kotoma akuj, enoki kwape akalas, kibirokin atutubet nakiwuniet naka icorin, ka atanin da nuka akipi. Ekiror loka aacerit ŋes Adwaris. Koraun atutubet nakiwuniet naka akipi adwaris, kotwaka ituŋa luipu kanuka akipi kaŋun, naarai etadwaritai, Kokut emalaika lokiwoŋonet akerupepe, kinomai atutubet nakiwuniet naka akoloŋ, ka atutubet nakiwuniet naka elap, ka atutubet nakiwuniet da naka aacer, tetere itumutonio atutubetekec nakiwuniet, kinye atutubet nakiwuniet naka apaaran acaun, akuare da kwape kwaŋin. Kasodi kaany, keira da emorukaalet ediopet, loeporitoi kokidiŋ kakuj, ebala keporoto loepol ebe, “Itukwi, itukwi, itukwi ŋul luiboiete kakwap, kanuka iporotoi ice luka arupepen nuka imalaikan iuni lukekapakina aikut!” Kokut emalaika lokikanyet akerupepe, abu kaany da aacerit naebirun kakuj toma akwap, aponi koinakinai ŋes elacetait loka aipany naemamei enaŋeke. Kolaca aipany naemamei enaŋeke, kolom apuru kaipany, kwape apuru naka eupa loepol. Kitumuton apuru naalomuni kaipany akoloŋ ka apak da. Kolom emaase kapuru toma akwap, aponi koinakinai ŋes apolou, kwape ejaatar ikiritona luka akwap apolou. Aponi kolimokinai ŋes ebe mam emunaari anya nuka akwap, karaida ikiot kere yenepalal, karaida ekitoi kere, dimarai ituŋa bonik luemamei aipucet naka Edeke koreetakec; aponi koinakinai ŋes aisirieb kes noi, ilapio ikany, kwabo mere aiar kes; korai aisiriebeke kwape aisirieb naka ekiriton naekonyia ituŋanan. Kapaarasia kaŋun da emoete ituŋa atwakare, konye mam edumunete, imielas atwakare, ekeri da atwanare kamakec, Kotakan aput naka emaase bala ibalasin luisikapikinitai ejie, kakwesikec da kojaas nuesubito bala abokoi nuka esabu, koputosi akecekonyen bala akonyen nuka ituŋa, Kejaas kes itima kwape itima luka aŋor, ikelakec da kwape ikel luka iŋatunyo, kejaas kes iboro lukatorob, bala luka aswa, airurum da naka abebenokakec kerai kwape airurum naka agalin nuipu nuka ibalasin luekuboros ojie. Kejaas kes ikorio lueputosi ikiritona, ka itido, toma okoriokec ŋes ejai apedorikec aisirieb ituŋa ilapio ikany. Kejai kes ekabakakec ŋes emalaika loka aipany naemamei enaŋe, ekekiror kAburanian Abadon, ka Ayonanin da ekekiror Apoluon. Atuboros ican lusodit; koany eriŋa eponito iarei akaulo kaŋun. Kosodi kokut emalaika lokikanyetekape akerupepe, abu keira da eporoto loalomuni kamumwar aoŋon nuka etem loka esabu loejai akonyen nuka Edeke, loalimokini emalaika lokikanyetekape, lokejai arupepe ebe, “Kolac imalaikan iwoŋon lueenitai kocor lokapolon Eupurate.” Kolacakinai imalaikan iwoŋon luetemokinitoi esawa, ka apaaran, ka elap, ka ekaru da, tetere earete atutubet nakiwuniet naka ituŋa, Etiai loka ajoresio nuka ikebwanenok emwaasi ilukumin itomon irwan ilukumin itomon irwan aarei; abu kapup etiaikec. Ido abu kaany kotoma aitapoet kana ibalasin, ka ŋul da luebwanenito kwana ta: konapito iboro lukatorob bala luka akim, ka luka ebululu, ka luka acukuman; koputosi akwes nuka ibalasin bala akwes nuka iŋatunyo, kolom akim ka apuru ka acukuman kaitukekec. Apotu aiticaneta nu auni nualomunete kaitukekec koarata atutubet nakiwuniet naka ituŋa, kes akim, ka apuru, ka acukuman. Naarai ejai apedor naka ibalasin toma aitukekec, ido toma okoriokec; naarai eputosi ikoriokec bala imunwo, ejaas akwes, nuisiriebiata, Ituŋa ice kere da, lumam aponi koarai kotoma aiticaneta ŋun, mam apotu kitoronikinos kotoma aswamisio nuka akaninikec, ainyein aima ajokin, ka aputosia nuka esabu, ka epuesa, ka aikomon, ka amor, ka akito, numam epedorete aanyun, karaida aiirar, karaida alosit; ido mam apotu kitoronikinos kotoma aiarakec, karaida kotoma ocudetekec, karai da kotoma adoteukec, karaida kotoma akokokec. Kasodi kaany emalaika ece Loegogoŋ ijesuni kakuj, enapit edou, kojai etaluka akouke, koputosi akekonyen bala akoloŋ, akekeje da bala ipirin luka akim. Kojai iitabo yenididi yenepukoritai akanike, Kibwaik akejuke nakoteten aŋolol, ka akejuke da nakokediany akwap, kiworo keporoto loepol kwape loka eŋatuny loegat, Napiworoi, kinerata agirokineta akanykaarei ikeceporotoi. Ido naadauniata agirokineta einer, abu kakoto aiwadik, konye abu keira eporoto loebuni kotoma akuj ebala ebe, “Kipucak nuenerata agirokineta akanykaarei, konye sirikiwadik ŋun.” Emalaika da loabu kaany ebwoi kaŋolol ka akwap da, kikeu akekan nakoteten mama ejai akuj, kiyapo kolimite ŋol loejari ikar ka ikar, lokesubi akuj; ka luejaas toma, ka akwap da, ka luejaas toma, ka aŋolol da, ka luejaas toma, ebe mam bobo ejaun apak, konye toma apaarasia nuka eporoto loka emalaika lokikanyetekaarei, naekotor aikut akerupepe, kosodi aiyeiyea naka Edeke aitodolikinio, kwape ejaatar akiro nukajokak nuabu kolimonok ibulesinike inabin, Kosodi abu eporoto loabu keira ebuni kotoma akuj kinera bobo keoŋ kobala ebe, “Kolot, kolem eitabo loepukoro kakan naka emalaika kaloebwoi kaŋolol ka akwap da.” Kalot mama ejai emalaika, kalimok ŋes ainakin eoŋ iitabo. Kabala ŋesi eoŋ ebe, “Kolem, konyam ŋes; edwaruni kakoikikon, konye kaitukukon ewinyuni kwape esik loka ao,” Kalem iitabo kakan naka emalaika, kanyam, kowiny kotoma aitukuka kwape esik loka ao, konye kadau ainyam, kodwaru akoikika. Kalimokis eoŋ ebe, “Kibusakinit jo adwarakin bobo ituŋa luipu ka atekerin, ka aŋajepa ka ikabakan da luipu.” Aponi kainakin egada loeputosi bala ebela, kabala ebe, “Konyou, kitem eyekalu loka Edeke, ka etem, ka ŋul da luemaete kotomakeŋ, Konye alaro naejai kiŋa keyekalu, kinyek kokiŋa, mam itemi ŋin, naarai aponi koinakinai atekerin, ido icakacakaete kesi ere lokalaunan ilapio akaisaoŋon ka luarei. Ainakini da ikakajenak iarei edwarete apaarasia alukumit ka akwat aarei ka akaisakanykape, konapito ipukoi.” Ŋul kes iseitunin iarei ka atalai aarei nuebwoete kakonyen nuka Ejakait loka akwap, Arai ekoto ituŋanan aikonakin kes erono, elomuni akim kaitukekec, enyamari lukasurupokec; ido arai ekoto ituŋanan aikonakin kes erono, ibusakinit ŋes aario kwaŋin. Ejai kes apedor agolokin akuj, kinyek akiru aitep apaarasia nuka aidwarakec, ejai kes apedor toma akipi aituluor kes aokot, ido ka aitican akwap kaiticaneta kere irwan nuipu kwape ekototor. Ido kedaut aitejenunetekec ebuni etiaŋ loedokuni kaipany naemamei enaŋe aitiji kes, ipikori kes, eari da kes. Ejaunos awatekec orot loka ere lokapolon loenyaritai kotoma omoyo Sodom ka Misiri, neebubukinitoi Ejakaitikec, Esesenete lukotuŋa, ka atekerin, ka aŋajepa, ka ajena awatekec apaarasia auni ka atutubet, komam ecamakinete awatekec anukio toma ailin. Iyalamikinos luiboiete kotoma akwap kanukec, elelete, ijukanakinos bonik ainakineta, naarai apotu inabin ŋul luarei kisiriebata noi luiboiete kotoma akwap. Konye akaulo kapaarasia kakwa auni ka atutubet, koloma emoyo lokajaran loebuni kama ejai Edeke tomakec, kobwaata kakejekec, kodoik akurian naepol ŋul luapotu koanyutu kes, Kopuput eporoto loepol loabuni kotoma akuj, kobala kes ebe, “Kodokutu ne!” Kodokasi toma akuj; toma odou, kosesenete da lukasurupokec. Kosawa kaŋol kojai amaran naepol naka akwap, kibiror atutubet nakitomonet naka ere; koarai ituŋa ilukumin ikanykaarei kotoma amaran ŋin naka akwap, kokuriakaros noi luasalito, kituritos do Edeke loka akuj. Atuboros ican lukiareit; koany, eponito lukiwuniet atipet. Kosodi kokut emalaika lokikanyetekaarei akerupepe, kojaas iporotoi luepolok toma akuj, kobalasi ebe, “Aluor ajakanut naka akwapin ajakanut naka Ejakaitiwok ka naka Kristoke, irumit ŋesi ikar ka ikar.” Kibiroros imakio akaisaarei ka luoŋon ebuburia, luiboiete kakonyen nuka Edeke koicoloŋokec, komaata Edeke. Kobalas ebe, “Kimalai jo Ejakait Edeke Lokapedor kere, Loejai, ido lokejai, Naarai ilem ijo akonipedor naepol, irumit da. Konyunyurikinos atekerin, kobu da anyunyurakon, Ka apak da naka lukatwak atubokinio, Ka naka ainakin ikonibulesin inabin, ka lukalaunak, Ka ŋul da lueyoŋito ekonikiror, ludidik ka lukapolok, eropitikec, Ka naka amudiar da luemudiarete akwap.” Kosodi koŋaarai eyekalu loka Edeke loejai toma akuj, kotakan asaduku naka aitutuketeke kotoma oyekaluke, kojau aimiliaunun, ka iporotoi, ka agiro, ka amaran naka akwap, ka akako da naepol. Kotakan aanyunet naepol kotoma akuj, aberu naenapit akoloŋ, kojai elap kwap kakejeke, kojai da aboko naka aacer atomon ka nuarei akouke; kepotiei, kodelo karieboke naka aidoun, kikilianar aidoun. Kotakan aanyunet ace toma akuj, ido koany, apiu naepol naereŋ, kojaas kakwes akanykaarei ka amumwara atomon, kojaas da amekemeken akanykaarei akwesike, Kiria ekorike atutubet nakiwuniet naka aacer nuka akuj, kocakak kes toma akwap, Kobwo apiu kakonyen nuka aberu naekoto aidoun, tetere naedounio ikokuke konyamari. Kidou ŋesi ikoku yenisapat, yenekoto acok atekerin kere kebela loka asuat, konye kouruporoi ikokuke mama ejai Edeke, ido mama ejai eicoloŋoke. Koker aberu toma amodiŋ, naejai aibois naitemokinit Edeke ŋes, tetere itanete ŋes kanen apaarasia alukumit ka akwat aarei ka akaisakanykape. Kojau ejie toma akuj, kitiji Mikael ka ikemalaikan apiu. Koji apiu ka ikemalaikan, komam ipikorete, kwabo mam bobo etakanuna aiboisikec kotoma akuj. Kocakarai apiu ŋin naapol, emun ŋol lokolo sek, loenyaritai Ekejodijodon, ka Satan da, ekeŋalaaran loka akwapin kere, kocakakinai toma akwap, kocakakinai da ikemalaikan nepepe kaŋes. Kapup eporoto loepol kotoma akuj, loabala ebe, “Adol kwana aitajar, ka apedor, ka ajakanut naka Edekewok, ka apolou naka Kristoke, naarai acakar loirupei iinacanawok, loirupei kes kakonyen nuka Edekewok, paaran ka akuare da. Ipikorete ŋul da kanuka aokot nuka Imerekek, ido kanuka akirot naka aitejenunetekec; komam eminasi aijarakec kiton atwanare. Kanuka ŋun, kolel, ijo akuj, ka yes da luiboiete kotomake! Itukwi akwap ka aŋolol, naarai ejesun ekejodijodon mamakus, ejai kanyunyura naepol, naarai ejeni ebe edit akepak!” Naaanyunia apiu ebe acakar ŋes toma akwap, komeja aberu naedouni ikoku yenisapat. Koinakinai aberu abebenoka aarei nuka emorukaalet loepol, tetere eporori adolore toma amodiŋ, toma aiboisike, naitanere apak, ka apakio, ka atutubet naka apak, kotoma akonyen nuka emun, Kolek emun akipi kotoma aitukuke kwape ecor, kakonyen nuka aberu, tetere eyaŋaarete akip aberu. Kiŋarak akwap aberu, kooŋ akwap akeituk, komataa ecor loalekuni apiu kotoma aitukuke. Konyunyurik apiu aberu, kolot aitiji lukaurike luesalito, luericito aicorakineta nuka Edeke, luejai aitejenunet naka Yesu, Kobwo kotoma asiŋe naka aŋolol. Abu kaany etiaŋ edokuni kaŋolol, ejaas amumwara atomon ka akwes akanykaarei, amumwarake da kojaas amekemeken atomon, akwesike da ikiroria luka ainyanakin. Koputosi da etiaŋ loabu kaany bala eris, ka akekeje da bala nuka edubu, akeituk da bala aituk naka eŋatuny. Abu apiu koinak ŋes akepedor, ka eicoloŋoke, ka apolou da naepol. Kesubit adiopet kakwesike bala ebelitai aŋole naka atwanare, konye koŋaleu aŋole naka atwanare, kotupa akwap kere etiaŋ eumokinit. Komaata ituŋa apiu, naarai abu koinak etiaŋ apolou, komaata da etiaŋ, kobalas ebe, “Iŋai bo eputosi ketiaŋ kaŋol, iŋai bo da epedori aitiji ŋes?” Aponi koinakinai etiaŋ aituk nainera akiro nuepolok ka nuka ainyanakin, aponi koinakinai da apolou aswam ilapio akaisaoŋon ka luarei. Kooŋ da akeituk ainyanakin Edeke, ainyanakin ekekiror, ka ewemake, kes luiboiete kotoma akuj. Aponi koinakinai ŋes ejie ka lukalaunak, ka aipikor kes, koinakinai da apolou kama kaŋiniteker, ka ituŋa, ka aŋajep, ka ajena da. Emaete ŋes ituŋa kere luiboiete kakwap, ŋin yenimam iwadikatai ekirorike oitabo loka aijar loka Imerekek yenaponi koarai, eriŋa epesikina apetetait naka akwap, Arai ejai yenejai akit, kopup: Arai kijoreor ituŋanan, elosi aijoreorio, Arai kear ituŋanan kekileŋ, ibusakinit ŋes da aario kekileŋ, Ne ŋes ejai atitiŋikin ka aiyuun naka lukalaunak. Kasodi kaany etiaŋ ece elomuni kotoma akwap; ejaas amumwara aarei nueputosi bala imerekek, kinera kwape apiu, Kitwasam apolou kere naka etiaŋ losodit kakonyeneke. Koinak akwap ka luiboiete kotoma aima etiaŋ losodit, loaŋaleuni aŋoleke naka atwanare. Iswamai ŋesi aanyuneta nuepolok, kiton aitodoun da akim abunore kotoma akuj, kiton akwap, kakonyen nuka ituŋa, Itapaari da luiboiete kotoma akwap, kanuka aanyuneta nukeinakinitai ŋes aswam kakonyen nuka etiaŋ, elimokini luiboiete kotoma akwap aiswamakin etiaŋ ŋol aput, loaponi kobelitete kekileŋ, kojar, Koinakinai ŋes aiyeŋakin eiyeŋane aput naka etiaŋ, tetere inera da aput naka etiaŋ, ka ainakin da ŋul kere lumam emaete aput naka etiaŋ aario. Koinak ŋesi kere, ludidik ka lukapolok, lukabarak ka lukican, luijakakaete, ka ibulesin da, aibwaikinio emacar akanikec nakoteten, arai bo oreetakec, tetere emamei yenepedori agwel karaida agwelar dimikito ejai emacar, ŋes ekiror loka etiaŋ, arai bo aimwaus naka ekirorike. Ne ŋes ejai acoa. Ŋin yenejai aijen, kimar aimwaus naka etiaŋ, naarai ŋes aimwaus naka ituŋanan. Aimwausike erai akwat akanykape ka akaisakanykape ka nukanykape. Kasodi kaany, ido koany, kobwoi Imerekek komoru Sion, ka ituŋa ilukumin akwatat ka akaisaoŋon ka luoŋon nepepe kaŋes, luiwadikatai ekirorike, ka ekiror loka Papake oreetakec. Keira da eporoto loebuni kotoma akuj bala eporoto loka akipi nukepuak, bala da eporoto loka agiro naepol; eporoto da loabu keira kosubite bala eporoto loka ikaramak lueramete adeudeunokec, Koyeete ekosio lokitetet koiŋaren keicoloŋ, kakonyen da nuka ikajarak luoŋon, ka imakio. Kwabo emamei ituŋanan yenepedori aisisiaun ekosio ŋol, dimarai ŋul ilukumin akwatat ka akaisaoŋon ka luoŋon, lualakunio kotoma akwap. Ŋul kes lumam emunaara kama ejaas aŋor naarai eraas ibekon; ŋul kes luetupito Imerekek kama elosi kere; ŋul kes lualakunio kotoma otuŋa araut araito nugeet nuka Edeke, ka nuka Imerekek, ido mam edumuna aimod kaitukekec, naarai emamei kes aitoronet, Kasodi kaany emalaika ece eporitoi kokidiŋ kakuj, ejaas Akiro Nukajokak nuka ikar kere alimonokin luiboiete kotoma akwap, luka ŋinijena, ka ateker, ka aŋajep, ka ituŋa da; kobala keporoto loepol ebe, “Koyoŋito Edeke, kiturito ŋes, naarai adol esawa loka aitubuke, komaata ŋol lokesubi akuj; ka akwap ka aŋolol, ka atanin da nuka akipi.” Kotupak emalaika ece, lokiareit, kobala ebe, “Ebiror, ebiror Babulon lokapolon, loetamasi atekerin kere ebino loka adedeŋ naka adoteuke.” Kotupak da emalaika ece, lokiwuniet, kobala keporoto loepol ebe, “Arai kema ituŋanan etiaŋ ka aputoke, kedumu da emacar koreeteke arai bo kakanike, emasi ŋin da ebino loka adedeŋ naka Edeke, loebukokinitai lomam inyalitai toma aikopo naka anyunyurake, isiriebio ŋes da kotoma akim ka acukuman kakonyen nuka imalaikan lukalaunak, kakonyen da nuka Imerekek, Epuriori da apuru naka aisiriebiokec kuju, ikar ka ikar, kwabo mam iyeŋunete paaran ka kuare da, luemaete etiaŋ ka aputoke, ka ŋin da yenedumuni emacar loka ekirorike.” Ne ŋes ejai atitiŋikin naka lukalaunak, ŋul luericito aicorakineta nuka Edeke ka aiyuun da naka Yesu. Abu keira eporoto loebuni kotoma akuj kobala ebe, “Kiwadik ebe: Isirereŋitoi lukatwak, luetwakete kotoma Ejakait amear lolo.” Eebo, ebala Emoyo ebe, “Tetere ibworarete kotoma aitaaritoikec; naarai euparos akeceswamisio kakes!” Kasodi kaany, ido koany, edou lokakwaŋan, kiboie da kodou loeputosi bala okoku loka etuŋanan, kejai aboko naka esabu akouke, ka ecilikiki da loekwana akanike. Kolomu emalaika ece koyekalu, kiworoi keporoto loepol mama ejai ŋol loiboie kodou, ebe, “Kijuka ecilikiki, kosak, naarai adol apak naka aisak, naarai akoko noi isakan luka akwap.” Kosodi loiboie kodou acakar ecilikikike toma akwap, kosakai do akwap. Kolomu do emalaika ece koyekalu lokotoma akuj, kojai ŋes da ecilikiki loekwana. Kosodi kolom emalaika ece kotem, kojai apolou kama ejai akim, kiworoi keporoto loepol mama ejai ŋol loejai ecilikiki loekwana, ebe, “Kijuka ecilikikikon loekwana, kode aibuŋeta nuka emusabibu loka akwap, naarai akoko noi imusabibunuke.” Kocaka do emalaika ecilikikike toma akwap, kode emusabibu loka akwap, kocakak acuet naepol naka adedeŋ naka Edeke. Kicakacakai acuet kokiŋa naka ere, koleleata aokot alomun kacuet, kiton arukanasia nuka ibalasin, kwape alosit naka amairon akwat aarei. Kasodi kaany aanyunet ace naepol nakaumokin kotoma akuj, imalaikan ikanykaarei luejaas aiticaneta akanykaarei nukawasia, naarai kotomakec, ŋes enaŋia adedeŋ naka Edeke. Abu kaany ibore yenesubit bala aŋolol naka agilas nainyalakina akim, kobwoete da luepikorete etiaŋ ka aputoke, ka aimwaus da naka ekirorike, kodie kaŋolol naka agilas, kojaas kadeudeun nuka Edeke. Koyeete da ekosio loka Musa ebulesit loka Edeke, ka ekosio da loka Imerekek, kobalas ebe, “Epolok aswamisiokon, ido nukaumokin da, Wu Ejakait Edeke Lokapedor kere! Edolito ikonirotin ido lukabeit da, Ijo ekabaka loka atekerin! Wu Ejakait, iŋai bo yenimam kiyoŋit jo, Ka aitopoloorit da ekonikiror? Naarai ijo bon lokalaunan, Naarai epote atekerin kere, emaete da kakonyenekon, Naarai atakanut aswamisiokon nukadolit.” Akaulo kaŋun abu kaany, koŋaarai eyekalu loka ewema loka aitejenunet kotoma akuj, kolomut do imalaikan ikanykaarei luejaas aiticaneta akanykaarei kotoma oyekalu, konapito ebaputa loelai loimilia, koenito atorobosiokec amunyin nuka esabu, Abu ediopet kotoma lukajarak luoŋon koinak imalaikan lukanykaarei atanyia akanykaarei nuka esabu, nuileleba adedeŋ naka Edeke loejari ikar ka ikar; kilelebun da eyekalu apuru naebuni kotoma aibuses naka Edeke, kotoma apedorike da, komamei da yenepedori alomar oyekalu kiton neanaŋiata aiticaneta akanykaarei nuka imalaikan ikanykaarei. Kasodi keira eporoto loepol loebuni kotoma oyekalu elimokini imalaikan ikanykaarei ebe, “Koloto, kobukokis atanyia akanykaarei nuka adedeŋ naka Edeke toma akwap.” Kosodi losodit alosit, kobukok atanyike toma akwap, koraun edola loerono loetiono kotuŋa luejai emacar loka etiaŋ, luemaete da aputoke, Kobukok emalaika lokiareit atanyike toma aŋolol, koraun aokot bala nuka yenikatwan, kotwaka da iboro kere luejarete, lukejaas toma aŋolol. Kobukok emalaika lokiwuniet atanyike toma ocorin ka atanin nuka akipi, koraunos aokot. Keira emalaika loka akipi ebala ebe, “Idolit ijo, loijai, ido lokijai, Lokalaunan, Naarai itubok kwaŋin, Naarai apotu kobukosi aokot nuka lukalaunak ka nuka inabin, Ijo iinak kes aokot aimat, Ibusakinito kes!” Keira da etem ebala ebe: “Eebo, Ejakait Edeke Lokapedor kere, Eraas itubesiakon lukabeit ka luedolito da.” Kobukok emalaika lokiwoŋonet atanyike toma akoloŋ, aponi koinakinai ŋes anomor ituŋa kakim. Konomoroi ituŋa kamwanis naepol, koinyanakis ekiror loka Edeke, loejai apolou kama ejaas aiticaneta ŋun, kwabo mam apotu kitoronikinos, karaida aitopoloor ŋes. Kobukok emalaika lokikanyet atanyike oicoloŋ loka etiaŋ, kitumutonoroi ajakanutuke; kokonyokonyata aŋajepakec kanuka ariebokec. Koinyanakis Edeke loka akuj kanuka ariebokec, ka idolakec, kwabo mam apotu kitoronikinos kotoma aswamisiokec. Kobukok emalaika lokikanyetekape atanyike toma ocor lokapolon Eupurate, koonikis akipike, tetere itemokino erot loka ikabakan luepote kokide. Abu kaany da imoyon iuni lueroko lueputosi kaidodokai, elomunete kaituk naka apiu, kaituk da naka etiaŋ, kaituk da naka enabi lokeŋalan. Naarai eraas imoyon luka ajokin luiswamaete aanyuneta, luelosete mama ejaas ikabakan luka akwapin kere, atukonokin kes ojie loka apaaran nakapolon naka Edeke Lokapedor kere, (“Koany, abuni kwape ekokolan! Isirereŋitoi yenekwenyi, koricite ikenapen, kinyek alosit imujalal, kinyeis ituŋa da aanyun ileicike!”) Kotukonokis kes aibois naenyaritai kAburanian Arumagedon. Kobukok emalaika lokikanyetekaarei atanyike apak, kolom eporoto loepol koyekalu, ebuni koicoloŋ, ebala ebe, “Eswamaun!” Kojau aimiliaunun, ka iporotoi, ka agiro, kojau da amaran naepol naka akwap, namam ejai apeŋo netikolo ajaatar ituŋa akwap, kopol amaran ŋin naetia nen, Kotiaka ere lokapolon atutubeta auni, kibiroros da ireria luka atekerin, Kiitu Edeke Babulon lokapolon, ainakin ŋes aimat aikopo naka ebino loka adedeŋ naka anyunyurake. Koker ŋinipujan, kwabo mam edumuna iroŋan; kodounun akako naepol, naelaŋir kwape atalant, abunore kotoma akuj mama ejaas ituŋa, koinyanakis ituŋa Edeke kanuka aiticanet ŋin naka akako, naarai kepol noi jokan akeitieanet. Kosodi kobu ediopet komalaikan ikanykaarei luajaas atanyia akanykaarei, kenerata keoŋ ebe, “Bia, ketodikini jo atubokinio naka naadote nakapolon naiboie kakipi nuipu, naadoteata ikabakan luka akwap, ka ŋul da luiboiete kotoma akwap amerikinos ebino loka adoteuke.” Abu kadaka eoŋ modiŋ kotoma Omoyo; kaany da aberu iboie kotiaŋ loereŋ, loileleba ikiroria luka ainyanakin, kojaas akwes akanykaarei ka amumwara da atomon, Konapit aberu anapito namuge ka nakareŋan kisiritete esabu ka amor nuka akais nuipu, ka ilulun, kojai aikopo naka esabu akanike, naileleba italesia, ka asilianut naka adoteuke; iwadikatete da oreeteke ekiror loka aiyeiyea ebe: “Babulon lokapolon, toto naka nudotea, ka italesia da luka akwap.” Abu kaany aberu ŋin emera aokot nuka lukalaunak ka aokot nuka ikajenak luka Yesu. Nakaanyunia ŋes abu kaumok aumokin naepol. Kabala emalaika eoŋ ebe, “Kanukinyo iwumokinitor? Kalimokini jo aiyeiyea naka aberu, ka naka etiaŋ loedakit ŋes, loejaas akwes akanykaarei, ka amumwara da atomon. Kejai etiaŋ loibu koany, ido emamei, ido ebuni adokun kotoma aipany naemamei enaŋe, elosi da amudiario; eumokinete da ŋul luiboiete kotoma akwap, lumam iwadikatai ikiroriakec oitabo loka aijar ameun kapetetait naka akwap, naeanyuniata etiaŋ, naarai kejai, ido emamei, ido ejaun. Ne ŋes ejai aijen naejai acoa: akwes akanykaarei kes iroŋan ikanykaarei, luiboikino aberu; eraas da ikabakan ikanykaarei, ebiroros ikany, ejai ediopet, eriŋa ece ebuno, ido naebunio ibusakinit ŋes asalakinit apak naedit. Etiaŋ da lokejai, ido emamei, erai ŋol lokikanyetekauni, konye erai lokokanykaarei, elosi da amudiario. Amumwara da atomon nuibu koany eraas ikabakan itomon lueriŋa edumuna ajakanut, konye edumunete apolou kwape ikabakan adaun esawa ediopet, nepepe ketiaŋ, Ejai kes ainerun adiopet, einakinete etiaŋ apedorikec ka apoloukec da. Ejiosi ŋul ka Imerekek, ipikori Imerekek kes, naarai erai ŋesi Ejakait loka ijaka, ka Ekabaka da loka ikabakan, ŋul da luejaas kaŋes eraas luenyaritai, lueseunitai, ka lumunon da.” Kabala ŋesi eoŋ ebe, “Akipi nuibu koany, kama iboio naadote, kes ituŋa ka ikodeta, ka atekerin ka aŋajepa. Amumwara da atomon nuibu koany, ka etiaŋ, elaete kesi naadote; einakinete ŋes asilikinit, ka amujalal, enyamarete akuanake, icweikinete ŋes kakim, naarai abu Edeke kibwaik otauonokec aswam naenerunit, ajaut kainerun adiopet, ka ainakin da etiaŋ ajakanutukec, aitodol naitodolere akiro nuka Edeke. Aberu da naibu koany ŋes ere lokapolon loirumit ikabakan luka akwap.” Akaulo kaŋun abu kaany emalaika ece ijesuni kotoma akuj, ejai kapolou naepol; kitacau aibusesuke akwap. Kiworo keporoto loegogoŋ ebe, “Ebiror, ebiror Babulon lokapolon! Arau aibois naiboioto ajokin, Ka aidaris naka imoyon lueroko, Aidaris da naka ŋinikweny yenerono yenelaitai; Naarai ebiroros atekerin kere kanuka ebino loka adedeŋ naka adoteuke, Adoteata da ikabakan luka akwap kaŋes, Abarata da ikagwelanarak luka akwap Kanuka agogoŋ naka eporoke.” Kasodi keira eporoto ece ebuni kotoma akuj ebala ebe, “Ikatuŋa, kolomutu kotomakeŋ, Kinyeis aimorikikin kadiakanaretake, Kinyeis ainakinio aiticanetake; Naarai iculul adiakanaretake kiton akuj, Eitu da Edeke amamus adoliteke. Kotaca ŋes kwape atacia ŋesi, Kiyatakis ŋes irwan aarei kwape ejaatar aswamisioke: Toma aikopo naenyalia ŋesi, kinyalakis ŋes irwan aarei. Kwape etopolooror bon, koporo da, Kwape kwaŋin koinakis ŋes aisiriebio noi ka akuudian, Naarai ebala kotauke ebe, ‘Eboie eoŋ kwape akabaka, Mam arai apuserut, mam cut aanyuni akuudian.’ Kanuka ŋun ŋes eponiata aiticanetake toma apaaran adiopet, Atwanare, ka akuudian, ka ebeli, Icweikinio cut kakim; Naarai egogoŋ Ejakait Edeke loetubokini ŋes.” Emonyakinete ŋes, ibwololoete da ikabakan luka akwap luadoteata kaŋes ka eporo da, naeanyuniata apuru naka aicweioke; kobwoete kama elwana, kanuka akurian naka aisiriebioke, kobalasi ebe, “Itukwi! Itukwi! Ere lokapolon, Babulon, ere lokapolon loegogoŋ! Naarai adolu atubokiniokon toma osawa ediopet.” Emonyete ikagwelanarak luka akwap, ekuudianete da kanukeŋ, naarai emamei bobo yenegweli igwelarakec, igwelara luka esabu, ka epuesa, ka amoru nuka akais nuipu, ka ilulun, ka ebaputa loejok, ka lomuge, ka aliri, ka lokareŋan, ka ŋolikitoi loeuru maa, ka ŋinibore kere yenika ikel luka itomei, ka ŋinibore kere yenika ekitoi loka akais nuipu noi, ka aikomon, ka asua, ka amor nuka ijesesinei, akinomon, ka lueuru maa, ka emina, ka luesaete, ka lukisupurununo, ka ebino, ka akinyet, ka akiria nuicidie, ka eŋano, ka ibaren, ka amerekekin, ka ibalasin, ka agalin, ka ibulesin, ka aijar da naka ituŋa. “Araito da nuimiela ekonitau anyout mamakon, Iboro kere da luetarioko ka luimilias anyout kamakon, Komam bobo ituŋa edumunete kes!” Ikagwelanarak iboro ŋul, luetabari ŋesi, ebwoete kama elwana, kanuka akurian naka aisiriebioke, komonyete ka akuudian, kobalasi ebe, “Itukwi! Itukwi! Ere lokapolon, Loaponi kitanapai ebaputa loejok, ka lomuge ka lokareŋan, Kisiritete kesabu, ka amor nuka akais nuipu, ka ilulun da! Naarai amudiar abar naetia nen kosawa ediopet.” Kobwoi da ŋolikapolon loka ataker, ka yenelosi aibois kere kotoma ataker, ka ikekwaŋak, ka ŋul kere da luiswamaete toma aŋolol, kobwoete kama elwana, ido naaanyuniata apuru naka aicweioke, kiworoto ebe, “Inyo bo eputosi ka ere lokapolon?” Kiwelanakis apua akwesikec, kiworoto emonyete ka akuudian ebe, “Itukwi! Itukwi! Ere lokapolon, Loetabari kere lukejaas atakerin toma aŋolol kanuka akaisike nuipu! Naarai amudiar kotoma osawa ediopet. Kiyalamikin kanukeŋ, ijo akuj, Ka yes lukalaunak, ka yes ikiyakia, ka yes da inabin, Naarai kitubok Edeke akirokus kamakeŋ!” Kosodi kodak emalaika loegogoŋ amoru, kwape akukuse naepol, kocakak aŋolol cikil, kobala ebe, “Kwaŋin ecakakinere Babulon ere lokapolon, Kwabo mam bobo etakanuni, Karaida eporoto loka ikaramak adeudeun, ka luejaas lueruosi, ka luekusete alamarun, ka luekusete arupepen, Mam epupunos bobo kotomakon. Karaida epirioit loka aswam kere, mam etakanuni bobo kotomakon; Karaida eporoto loka akukuse mam epupuni bobo kotomakon; Karaida aica naka atala, mam ecai bobo kotomakon; Karaida eporoto loka eteran ka ateran mam epupuni bobo kotomakon; Naarai keraas ikagwelanarakakon ikapolok luka akwap, Naarai toma ocudetekon ŋes eŋalaarere atekerin kere, Kotakanut da kotomake aokot nuka inabin ka nuka lukalaunak, Ka nuka ŋul kere luaario kotoma akwap.” Akaulo kaŋun abu keira bala eporoto loepol loka ekodet loepol kotoma akuj, kinerasi ebe, “Aleluia! Aitajar ka aibuses, ka apedor eraas nuka Edekewok, Naarai eraas itubesiake lukabeit, ka luedolito da; Naarai atuboki akiro naadote nakapolon, Naamunaari akwap kadoteuke, Enyaŋaa kamakeŋ aokot nuka ikebulesin.” Kirucakis einer nakiareit ebe, “Aleluia! Epuriori apuruke ikar ka ikar.” Kibiroros imakio akaisaarei ka luoŋon ka lukajarak iwoŋon, komaata Edeke loiboie koicoloŋ, kobalasi ebe, “Amen. Aleluia!” Kobu eporoto koicoloŋ kinera atiar, “Kituroto Edekewok, yes kere ikebulesin, Yes luiyoŋito ŋes, ludidik ka lukapolok da.” Keira bala eporoto loka ekodet loepol, ido bala eporoto loka akipi nuipu, ido bala eporoto loka agiro naegogoŋ, kobala ebe, “Aleluia! Naarai irumit Ejakait Edekewok Lokapedor kere. Keyalamikinos, kalakaros noi, kainakis ŋes aibuses, Naarai adolu adukokin naka Imerekek, Itemokino da ateranike; Aponi koinakinai ŋes ainap ebaputa loejok, loimilia, loelai”— naarai ebaputa loejok kes aswamisio nuedolito nuka lukalaunak, Katema emalaika eoŋ atiar, “Kiwadik ebe: Isirereŋitoi luenyaritai toma opucit loka eterane loka Imerekek.” Katema ŋesi eoŋ atiar, “Eraas nu akiro nukabeit nuka Edeke,” Kasodi aibirokin kiŋaren kakejeke, aima ŋes, Katema ŋesi eoŋ atiar, “Koany, sirikiswama kwaŋin! Arai eoŋ ebulesit aupakon, ka lokoinacanakon, luejaas kaitejenunet naka Yesu. Koma Edeke.” Naarai aitejenunet naka Yesu ŋes emoyo loka adwaranut. Kasodi kaany akuj eŋaara, ido koany, ebalasit loekwaŋ! Lokibwanenit ŋes enyaritai Lomunot ido Lokabeit, etubokini ka aitiji kadolit. Ido akekonyen eraas aipeloret naka akim, kejaas amekemeken nuipu akouke; kojai kekiror loiwadikatai lomam ejeni idiotuŋanan dimarai ŋes bon. Konapite anapito naebwasitai aokot; enyaritai ekekiror Akirot naka Edeke. Kotupakis ŋes ajoresio nukotoma akuj, kibwanenito ibalasin lukakwaŋak, konapito ebaputa loejok, loekwaŋ, loelai. Elomuni ekileŋ loekwana kaitukuke, loinomia atekerin, icokiei kes kebela loka asuat; icakacakai ŋesi acuet naka ebino loka adedeŋ naka anyunyura naka Edeke Lokapedor kere, Ejai ekiror loiwadikatai anapitoke kamurwoke da ebe, EKABAKA LOKA IKABAKAN, IDO EJAKAIT LOKA IJAKA. Kasodi kaany emalaika ebwoi kotoma akoloŋ, kiworo keporoto loepol kobala akweny kere nueporitos toma apak ebe, “Kopotu, kotukonokinos opucit loepol loka Edeke, tetere inyamete akiriŋ naka ikabakan, ka akiriŋ naka ikapolokitok, ka akiriŋ naka lukagogoŋ, ka akiriŋ naka ibalasin, ka naka ŋul kaluibwanenete kes, ka akiriŋ naka lujiakakaete, ka naka ibulesin, naka ludidik ka naka lukapolok da.” Kaany etiaŋ ka ikabakan luka akwap, ka ajoresiokec, etukokinos ejie kaŋol kaloebwanenit ebalasit ka ajoreke da, Kikamunai etiaŋ nepepe ka enabi lokeŋalan loeswamai aanyuneta kakonyeneke, nueŋalaaria ŋul luadumut emacar loka etiaŋ, ka ŋul da luamaete aputoke. Kocakakinai iarei kere ejarete toma aŋolol naka akim naenoki kacukuman, Koarai luasalete kekileŋ loka ŋol kaloebwanenit ebalasit, loalomunit kaitukuke; kimonikinos akweny kere akiriŋikec. Kasodi kaany emalaika ijesuni kotoma akuj, itiŋit elacetait loka aipany naemamei enaŋe, ka erikot da loepol kakanike. Kikam apiu, emun ŋol lokolosek, loerai Ekejodijodon ido Satan, koen ŋes adaun ikar elukumit, kocakak ŋes aipany, kogolok, kipucak aipucet kujukeŋ, kinyek bobo aiŋalaŋal atekerin, aitodol naedaunotor ikar elukumit. Akaulo kaŋun ibusakinit ŋes aosikinio apak naedit. Kasodi kaany iicoloŋo, kojaas lueboiete kotomakec, koinakinai kes aitub akiro. Kaany da aijar naka ŋul kaluajepanario akwesikec kanuka aitejenunet naka Yesu, ido kanuka akirot naka Edeke, ka ŋul da lumam apotu komaata etiaŋ, karaida aputoke, lumam edumunito emacar koreetakec karaida kakaninikec. Kojara, kirumata da nepepe ka Kristo ikar elukumit. Luasalete luka lukatwak mam apotu kojara aitodol naedaunotor ikar elukumit. Ŋin ŋes ajarun nasodit. Isirereŋitoi, ido erai yenikalaunan, yenejai akorakinet kotoma ajarun nasodit! Emamei atwanare nakiareit apolou kamakec, konye eraunos isasedotin luka Edeke ka luka Kristo, ido irumete nepepe kaŋes ikar elukumit. Kosodi naedaunotor ikar ŋul elukumit, eosikinio Satan kaidarisike, elomuni da aiŋalaŋal atekerin nuejaas agoria aoŋon nuka akwap, Gog ka Magog, atukonokin kes kojie; etiaikec bala asine naka aŋolol, Kodokut kalalau naka akwap, kirimorito iidukurun luka lukalaunak, ka ere da lominat; konye kijesun akim kotoma akuj, konyama kes, Kocakakinai ekejodijodon loeŋalaŋalai kes aŋolol naka akim ka acukuman, nekejaas etiaŋ ka enabi lokeŋalan, isiriebio kes noi paaran ka kuare ikar ka ikar. Kasodi kaany eicoloŋ loepol loekwaŋ, ka ŋol da lokiboie kotoma; kokera akuj ka akwap kakonyeneke, mam bobo kes edumuna aibois. Kaany da lukatwak, lukapolok ka ludidik da, ebwoete koiŋaren keicoloŋ, kopukoroi iitabon. Kopukoroi eceitabo da, loerai loka aijar. Kotubokinai lukatwak kotoma ŋun kanuewadikatai oitabon kwape kejaatar aswamisiokec. Kijaik aŋolol lukatwak lukejaas tomakeŋ, Atwanare da ka Okatwak kijaikis lukatwak lukejaas tomakec, kotubokinai da ŋinidiopet kwape kejaatar aswamisioke. Kosodi kocakakinai Atwanare ka Okatwak aŋolol naka akim. Ŋin ŋes atwanare nakiareit, aŋolol naka akim, Arai kedumun idiotuŋanan yenimam iwadikatai toma oitabo loka aijar, kocakakinai aŋolol naka akim. Kasodi kaany akuj nakitetet, ka akwap nakitetet; naarai atubor akuj nasodit, ka akwap da nasodit, mam bobo aŋolol ejai. Kaany da ere lokalaunan, Yerusalem lokitetet, ijesun kotoma akuj, kama ka Edeke, itemokino kwape ateran naisirokinitai okilenike, Keira da eporoto loepol loebuni kotoma oicoloŋ kobala ebe, “Koany, ejai ewema loka Edeke nepepe kituŋa, iboienenei kakes, eraunos kesi iketuŋa, Edeke da elopet ejaenena kakes. Emwatari akiyo kere kakonyeneke, mam bobo ejaun atwanare, karaida akuudian, karaida aimony, karaida ariebo, mam bobo ejaunos; naarai atuboros nusodit.” Ŋol da loiboie koicoloŋ kobala ebe, “Koany, eteteuni eoŋ kere.” Kobala da ebe, “Kiwadik, naarai eraas akiro nu numunon ido nukabeit.” Katema ŋesi eoŋ atiar, “Eswamaunos! Arai eoŋ Alupa ka Omega, ageunet ka esaŋe da, Ainakini yenejakit akure aimat atai atan naka akipi nuka aijar. Yenipikori irumi ŋun, araun eoŋ Ekedeke, ŋes da eraun okokuka. Konye ikuriesik, ka lumam iyuunito, ka luesiliaka, ka ikaarak, ka idotea, ka ikacudak, ka luemaete aputosia, ka ikeŋalak kere, ejaun akorakineteke toma aŋolol naenoki kakim ka acukuman; ŋes atwanare nakiareit.” Kosodi kobu ediopet komalaikan ikanykaarei lukejaas atanyia akanykaarei nueleleba aiticaneta akanykaarei nukawasia, kinera keoŋ, kobala ebe, “Bia, ketodikini jo ateran, aberu naka Imerekek.” Kadaka kotoma Omoyo oroŋat loepol, loeoja, ketodik eoŋ ere lokalaunan Yerusalem, ijesun kotoma akuj kama ka Edeke, ejaas kaibuses naka Edeke, koputosi aicake bala amoru naka akais nuipu noi, kwape amoru naka ayaseper naipiororoi noi, Kejai arwatat naepol, naeoja, kejaas irutei itomon ka luarei, kejaas imalaikan itomon ka luarei orutei, kiwadikatai da ikiroria luka atekerin atomon ka nuarei nuka idwe luka Isirael orutei. Kide irutei iuni, agolitomei irutei iuni, eŋalakimak irutei iuni, to da irutei iuni, Kojaas apeteta atomon ka nuarei arwatat naka ere, kotomakec da ikiroria itomon ka luarei luka ikiyakia itomon ka luarei luka Imerekek. Kojai ŋol lokinera keoŋ egada lokitemis loka esabu, tetere itemio ere, ka iruteike, ka arwatatake, Etirianitai da ere iwaitin kere, aojauke koriakasi kalalau. Kitem ŋesi ere kegada amairon alukumit ka akwat akany; koriakanara aojauke ka alalauke ka amukururuke da. Kitem da arwatatake ikubitin akwatat ka akaisaoŋon ka luoŋon, kwape ejaar aitemis naka etuŋanan, ŋes naka emalaika. Adukio naka arwatatake korai naka ayaseper, ere da korai loka esabu loelai, kwape aroet naelai. Kisiritete apeteta nuka arwatat naka ere kaŋinimoru kere naka akais nuipu; apetetait nasodit ayaseper, nakiareit asapiro, nakiwuniet aget, nakiwoŋonet emeralid, nakikanyet naemelomelot; nakikanyetekape asadia; nakikanyetekaarei akurusoliso; nakikanyetekauni aberul; nakikanyetekaoŋon atopasit; nakitomonet akurusopuraso; nakitomonet ka nadiopet ayasit; nakitomonet kanuarei da ametusit, Keraas irutei itomon ka luarei ilulun itomon ka luarei, ŋolidiopet korutei kerai elulu ediopet; erot da loka ere kerai esabu loelai bala aroet naipiororoi. Mam abu kaany eyekalu kore, naarai eyekaluke ŋes Ejakait Edeke Lokapedor kere ka Imerekek, Mam ere ipuda akoloŋ karaida elap acaikin ŋes; naarai inwakakinit aibuses naka Edeke, atalake da ŋes Imerekek. Elosenenete da atekerin kaicake, eyaunete ikabakan luka akwap aibusesukec tomake; mam cut egolokinio iruteike paaran, naarai mam ejaun akuare ŋina; einunete ŋes aibuses ka ayoŋio nuka atekerin. Ido mam elomari cut ibore kere tomake yenemunaara, karaida yeniswamai nukasilianut, ka aiŋalanut, dimarai ŋul bonik luiwadikatai toma oitabo loka aijar loka Imerekek. Kosodi ketodik eoŋ ecor loka akipi nuka aijar, loemwekimweki kwape aroet, eleleuni kotoma oicoloŋ loka Edeke ka loka Imerekek, kokidiŋ kerot loka ere, kojai ekitoi loka aijar epuai ka epuai kecor, loerai araito nukiponesio itomon kaluarei, loerai araitoke ŋolilap; keraas akui nuka ekitoi nuitaŋaleunete atekerin. Mam ejaun bobo ekenit; ejaun eicoloŋ loka Edeke ka loka Imerekek da tomake; ijaanakinete ŋes ikebulesin; eanyunete akekonyen, ejaun da ekekiror oreetake. Mam ejaun bobo akuare; mam ipudasi aica naka atala, ka aica da naka akoloŋ, naarai icaikini kes Ejakait Edeke, irumete kesi ikar ka ikar. Katema ŋesi eoŋ atiar, “Eraas akiro nu numunon ido nukabeit. Ejuku Ejakait Edeke loka imoyon luka inabin ekemalaika aitodikin ikebulesin nuekotosi ajakut atipet. Ido koany, abunit atipet.” Isirereŋitoi yenerici akiro nuka adwarasit naka eitabo kalo. Eoŋ Yokana abu kapup ka aanyun da ŋun, Ido naapupunio ka aanyun abu kebiror aima koiŋaren kakeje nuka emalaika loketodikini ŋun. Katema ŋesi eoŋ atiar, “Koany, sirikiswama kwaŋin! Arai eoŋ ebulesit aupakon lokoinacanakon inabin, ka ŋul da luericito akiro nuka eitabo kalo. Koma Edeke.” Kabala eoŋ ebe, “Sirikipucak aipucet akiro nuka adwarasit naka eitabo kalo, naarai eapie apak ŋin, Yeniswamai numam edolito, kiyatak aswam amamus adolit, yenesiliana da, kiyatak asilianar, yenedolit da kiyatak aswam nukadolit, yenikalaunan da kiyatak aitalaunio.” “Koany, abunit eoŋ atipet, ayauni eropitika da, atacia ŋinituŋanan kwape ejaar akeswam. Arai eoŋ Alupa ka Omega, losodit ka lokawasia, ageunet ka esaŋe da.” Isirereŋitoi luilosete anapitokec, tetere ejaunos kapedor kokitoi loka aijar, elomarete da ore itorete oruteike. Ejaas iŋokwo kiŋa, ka ikacudak, ka idotea, ka ikaarak, ka luemaete aputosia, ka ŋinituŋanan kere yenemin ka aswam da aiŋal. “Eoŋ Yesu ejuk emalaikaka aitejenun yes ŋun kanuka ikanisan. Arai eoŋ aliasit ka etatait loka Daudi, aacerit naemwekimweki naka atupuruc.” Ebalas Emoyo ka ateran ebe, “Bia.” Yenepupuni da kobala ebe, “Bia.” Ŋin da yenejakit akure kobu; yenekoto kooko atai akipi nuka aijar. Etejenikini ŋinituŋanan yenepupuni akiro nuka adwarasit naka eitabo kalo ebe: Arai kiyataki ituŋanan kotomakec, iyatakini Edeke tomakeŋ aiticaneta nuiwadikatai toma oitabo lo, bobo da arai elemari ituŋanan kotoma akiro nuka eitabo loka adwarasit kana, elemari Edeke akorakineteke kokitoi loka aijar, kore da lokalaunan, nuiwadikatai toma oitabo lo. Loitejenunit nu inera ebe, “Eebo, abunit atipet.” Amen. Kobia, Ejakait Yesu! Asianut naka Ejakait Yesu kojai ka lukalaunak; Amen.