Stanza 1: Introduction አኮኑ፡ ብእሲ፡ ሶበ፡ ሐኒጸ፡ ቤት፡ አፍትዎ፨ ኵሎ፡ ፃዕፃዖ፡ ያቀድም፡ አስተዳልዎ፨ እስእለኪ፡ ሀብኒ፡ መንፈሰ፡ ጥበብ፡ ወአለብዎ፨ መንክራተኪ፡ ማርያም፡ ሶበ፡ ፈቀድኩ፡ ዜንዎ፨ ወለሠናይትኪ፡ ረትዓኒ፡ እትልዎ፨

Stanza 2, referring to ሶበ፡ ወሀበኪ፡ ዘልፈ፡ ሰላመ፡ መልአክ፡ ብስራታዊ፨ ፍቁርኪ፡ ገባራዊ፨ ከመ፡ ባረኪዮ፡ ቅድመ፡ ማርያም፡ መጽሐፈ፡ ሓዊ፨ ባርክኒ፡ እግዝእትየ፡ ምስለ፡ ወልድኪ፡ ናዝራዊ፨ በበረከቶሙ፡ ለይሁዳ፡ ወልዊ፨

Stanza 3, referring to ዕብራዊ፡ ብፁዕ፡ ውስት፡ ምድረ፡ አክሚም፡ ዘልህቀ፨ እንዘ፡ ይሴብሕ፡ ስመኪ፡ ሶበ፡ ሰገደ፡ ወወድቀ፨ ከመ፡ አስተርአይኪዮ፡ ቅድመ፡ ወተናበብኪዮ፡ ጻድቅ፨ ማርያም፡ አስተርእይኒ፡ ኀበ፡ ረሰይኩ፡ ምርሩቀ፨ እስመ፡ ሕሊናየ፡ ዘንት፡ ያስትሐምም፡ ጥቀ፨

Stanza 4, referring to ለድምያኖስ፡ ዘተፀምደኪ፡ ዲበ፡ መልዕልተ፡ ደብር፡ ነዋኅ፨ ዘጸሐፍኪ፡ ስሞ፡ ኀበ፡ ዓምደ፡ ወርቅ፡ ቀይሕ፨ ምሥራቀ፡ ፀሓይ፡ ብሩህ፡ ማርያም፡ ጽባሕ፨ ጸሐፊ፡ ስመ፡ ዚአየ፡ ዲበ፡ ልብስኪ፡ ንጹሕ፨ ወበልብሰ፡ ወልድኪ፡ ከዕበ፡ ዘበደም፡ ንዙኅ፨

Stanza 5, referring to አመ፡ እዴሁ፡ መተረ፡ ነሢኦ፡ መጥበሕተ፡ ማኅመሜ፨ አባስ፡ ካህነ፡ ሮሜ፨ ከመ፡ ፈወስኪዮ፡ ቅድመ፡ ማርያም፡ እኅተ፡ ሰሎሜ፨ ፈውሲ፡ ቊስለ፡ ነፍስየ፡ ወጸግውኒ፡ ሱላሜ፨ ጊዜ፡ ተዘመርኩ፡ ስመኪ፡ ቀዋሜ፨

Stanza 6, referring to ይስሓቅ፡ መነኮስ፡ እምድኅረ፡ ጽሕቀ፡ ወትመነየ፨ ገጸኪ፡ ልኁየ፡ በዕለተ፡ ርእየ፨ ከመ፡ ትቤልዮ፡ ሎቱ፡ እስከ፡ ፈድፋደ፡ ትኃሥየ፨ በልኒ፡ እግዝእትየ፡ ተፈሣሕ፡ ቊልዔየ፨ እምድኅረ፡ ዕለታት፡ ሠላስ፡ ትሄሉ፡ ምስሌየ፨

Stanza 7, referring to ዘአትለውኪያ፡ ማርያም፡ ወነሣእኪያ፡ ጽሚተ፨ ለወለት፡ አሓቲ፡ እንተ፡ ትለብስ፡ ሜላተ፨ ከመ፡ አሣዕነኪ፡ እፁር፡ ወምርጉዘኪ፡ ሕይወተ፨ ኀበ፡ ሖርኪ፡ እግዝእትየ፡ አትልውኒ፡ ሊተ፨ ብፁዕ፡ ገብር፡ ዘይተሉ፡ እግዝእተ፨

Stanza 8, referring to ምለለ፡ ዓራቱ፡ ዘፅፅ፡ ጊዜ፡ ኅቡረ፡ ተነጽሓ፨ ከመ፡ ረዳእኪዮ፡ ቅድመ፡ ወባላህኪዮ፡ ኣሜሃ፨ ለዘሠዓኪ፡ ብእሲ፡ መካነ፡ ብካይ፡ ወፍሥሓ፨ ባልህኒ፡ እግዝእትየ፡ እንተ፡ ትሠረገዊ፡ ንጽሓ፨ ሶበ፡ አኅጒሎትየ፡ ጽህቀ፡ ለሐሰት፡ አቡሃ፨

Stanza 9, referring to ዐጸደ፡ ወይን፡ ማርያም፡ ዘጣዕመ፡ ፍሬሃ፡ አዳም፨ ወስነ፡ ጽጌሃ፡ ልምሉም፨ ኀበ፡ ተቀብረ፡ ወልድኪ፡ ኢየሩሳሌም፨ ሶበ፡ ሰአለኪ፡ በተማኅፅኖ፡ ነጋዲ፡ ሕሙም፨ ከመ፡ አብጸሕኪዮ፡ ለስዒም፡ አብጽሕኒ፡ ዮም፨

Stanza 10, referring to ዘካርያስ፡ ወሬዛ፡ ህየንተ፡ ኃምሳ፡ ጽጌ፡ ረዳ፡ አስትዓ፡ ማኅሌት፡ ለኪ፡ ሶበ፡ አወፈየኪ፡ ጋዳ፨ ከመ፡ አድኅንኪዮ፡ ቅድመ፡ እምቀትለ፡ ፈያት፡ ማእከለ፡ በዳ፨ አድኅንኒ፡ እግዝእትየ፡ ወበልህኒ፡ እምዕዳ፨ አመ፡ ወርቅ፡ ወባህርይ፡ ፀዓዳ፨

Stanza 11, referring to ኃይልኪ፡ ማርያም፡ ስነነ፡ ኃጥአን፡ ሰበረ፨ ኅብስተ፡ አዋልደ፡ ክልኤቲ፡ ሶበ፡ ተፍዕሙ፡ ኅቡረ፨ በኃይልኪ፡ ዝንቱ፡ እንተ፡ አርአየ፡ መንክረ፨ ጉበርኪ፡ እግዝእትየ፡ ዘኢያአምር፡ ተግባረ፨ ውስተ፡ መቅደስኪ፡ እፈቱ ኃዲረ፨

Stanza 12, referring to ዐረባውያን፡ ዕደው፡ እለ፡ ውኂዘ፡ ማይ፡ ኃየሎሙ፨ ማርያም፡ ስመኪ፡ ሶበ፡ ዘከሩ፡ ቀዲሙ፨ ከመ፡ ኮነ፡ ብእሲ፡ እንተ፡ ተሳለቀ፡ ቦሙ፨ ፀርኪ፡ እግዝእትየ፡ ለለጌሰሙ፡ ወዓሙ፨ ሲሳየ፡ ሐርገ ዕ ፅ ፡ ይኩን፤ ወይዘርዘር፡ ዓፅሙ፨

Stanza 13, referring to ኃይለኪ፡ ጽኑዓ፡ ወመንክረኪ፡ ትክሥቲ፨ ከመ፡ አፍለስኪያ፡ ቅድመ፡ ለደብረ፡ ዕቆና፡ እንታክቲ፨ መንገለ፡ ኃሣር፡ ወወይሌ፡ ማርያም፡ ወለት፡ ማቲ፨ አፍልሲ፡ ክብረ፡ ፀርየ፡ በጽንዓ፡ እዴኪ፡ ዛቲ፨ አኮኑ፡ ምክህየ፡ ወዝክርየ፡ አንቲ፨

Stanza 14, referring to ተወከፈኪ፡ ስእለቶ፡ እምሐሊብኪ፡ መንፈሳዊ፨ ዘቀባዕኪ፡ ዓይኖ፡ ለዮሓንስ፡ አረጋዊ፨ ማርያም፡ ድንግል፡ ወለተ፡ ንጉሥ፡ ሐሴቦናዊ፨ ተወከፊ፡ ቃለ፡ አፉየ፡ ወጽራኅየ፡ ለብዊ፨ ወኀበ፡ ስእለትየ፡ ከዕበ፡ ዕዝነኪ፡ ጽልዊ፨

Stanza 15, referring to ሕይወተ፡ ሕሙማን፡ ማርያም፡ ዘፈወስኪዮ፡ እምቊስሉ፨ ለባዕል፡ ጽርዓዊ፡ እንት፡ ትነድፈ፡ አበሉ፨ ከመ፡ ተአምረኪ፡ እስብክ፡ ወመንክረኪ፡ እተሉ፨ ስሕትኒ፡ ምስለ፡ ትፍሥሕት፤ ወምስለ፡ ጥዒና፡ አሀሉ፨ እስከ፡ አመ፡ እብል፡ ድኅረ፤ ተፈጸመ፡ ኵሉ፨

Stanza 16, referring to ለወለተ፡ ብእሲ፡ ባዕል፡ እንት፡ አዖራ፡ በደዶ፨ ዘአብራህኪ፡ ዓይና፡ ሶበ፡ ሰአለተኪ፡ በተዓንግዶ፨ ፈለገ፡ ረድኤት፡ ማርያም፡ ዘትሰመዪ፡ መጌዶ፨ ለንጉሥ፡ በዕለተ፡ መርዓ፡ ይበልዕ፡ ማዕዶ፨ በማየ፡ ንጽሕኪ፡ ዘሐፀበ፡ እዶ፨

Stanza 17, referring to ማርያም፡ ንግሥት፡ ምስለ፡ ኵሎሙ፡ ደቂቃ፨ ዘትትሜካህ፡ ብኪ፡ እመ፡ እስራኡል፡ ርብቃ፨ ለዕቤራይት፡ አሓቲ፡ ክበደ፡ ተፅናስ፡ እንተ፡ አጽዓቃ፨ ከመ፡ ናዘዝኪያ፡ ወፈጸምኪ፡ ጻህቃ፨ ናዝዝኒ፡ ጸሎትየ፡ ኢትግባእ፡ ዕራቃ፨

Stanza 18, referring to ብኪ፡ ተመይጡ፡ እምፍኖተ፡ ጌጋይ፡ዘኢመፍትው፨ እለ፡ ጸሐፉ፡ ስመኪ፡ ክልኤቱ፡ አኃው፨ ርኂተ፡ ምግባር፡ ማርያም፡ እምፀበለ፡ ኵሉ፡ አፈው፨ ቅድመ፡ ሠናይትኪ፡ ወርኅራኄኪ፡ ቅድው፨ አሥምሮ፡ ምኑን፡ ወላህይ፡ ሕስው፨

Stanza 19, referring to ሶበ፡ ጊዮርጊስ፡ ኖመ፡ እምጽንዓ፡ ኵነኔ፡ ዕፁብ፨ ከመ፡ አስተርአይኪዮ፡ ሎቱ፡ በአርኣያ፡ ፅዕዱት፡ ርግብ፨ ወለተ፡ ንጉሥ፡ መክብብ፡ ማርያም፡ ጠባብ፨ መልዕልት፡ ምስሐል፡ ከመ፡ ይጼልል፡ ኪሩብ፨ ጸልልኒ፡ እግዝእትየ፡ ክንፈኪ፡ ዘላህብ፨

Stanza 20, referring to ዓቃቢ፡ ምዑክ፡ አመ፡ ምስለ፡ ከጢር፡ ተባአሰ፨ ዘአጽወስኪ፡ እግሮ፡ እስከነ፡ ፈለሰ፨ ንግሥተ፡ ሰማይ፡ ማርያም፡ እንት፡ ወለድኪ፡ ንጉሠ፨ እግረ፡ ዕድዋንየ፡ ረስዪ፡ ጽቡሰ ፨ ወበዲበ፡ ፀርየ፡ ከዕበ፡ ፈንዊ፡ ተፅናሰ፨

Stanza 21, referring to እንዘ፡ ገብረ፡ ዚአኪ፡ አነ፡ እንበለ፡ ሕፀፅ፡ ወንትጋ፨ ዘእትቀነይ፡ ለኪ፡ አምሳለ፡ አኃው፡ ዘብሔረ፡ ደልጋ፨ ማርያም፡ ድንግል፡ ማርያም፡ ምልዕተ፡ ጸጋ፨ ተገደፍኩኑ፡ እምቅድመ፡ አዕይንትኪ፡ እንጋ፨ ሶበ፡ ተዳደቀኒ፡ ግብተ፡ ለዘመን፡ ፁጋ፨

Stanza 22, referring to ለአፍርንጋዊ፡ ብእሲ፡ ሶበ፡ ኀቤኪ፡ ተማኅፀነ፨ ዘአሕየውኪ፡ እግሮ፡ እንት፡ ኮነ፡ ዕብነ፨ ማርያም፡ ለኪ፡ ጊዜ፡ አዓርግ፡ ቊርባነ፨ ውስተ፡ ትፍሥሕትየ፡ ኢትቶስሒ፡ ኀዘነ፨ ከ ወ መ ፡ ይቶስሑ፡ ምስለ፡ ማይ፡ ወይነ፨

Stanza 23, referring to ለመርቆሬዎስ፡ ካህን፡ ዘአንጻሕኪ፡ ለምጾ፨ ወአሕየውኪዮ፡ ፍጼመ፡ እምነ፡ ሕማም፡ ዘታረምጾ፨ ማርያም፡ ምልሒ፡ ለሕሊናየ፡ ሕፀፆ፨ ለወልድኪ፡ መምህረ፡ ሕግ፡ ከመ፡ ኢይርሣዕ፡ ተግሣጾ፨ ከመ፡ ዘይሬኢ፡ በመጽሔት፡ ገጾ፨

Stanza 24, referring to ለብእሲት፡ ስብርት፡ ዘአሕየውኪያ፡ እምጻማ፨ ሶበ፡ ሰአለተኪ፡ አስትሓሚማ፨ ንጉሠ፡ አስራኤል፡ አቡኪ፡ ለእለ፡ ውስተ፡ ጌት፡ ወኖባማ፨ ከመ፡ ወሀበ፡ አስትዓ፡ በጊዜ፡ ነሥአ፡ ሰቂማ፨ ጸጋ፡ መንፈስ፡ ቅዱስ፡ ሀብኒ፡ ማርያም፡ ዘራማ፨

Stanza 25, referring to መቅደሰ፡ ኦሪት፡ ማርያም፡ ወወንጌላዊት፡ ሕንፃ፨ ጰራቅሊጦስ፡ ዘይሔውጻ፨ እምከርሠ፡ ሶፍያ፡ ፍጡነ፡ ዘሠዐርኪ፡ ፅንሰ፡ ዓመፃ፨ ይሠዓር፡ ኃዉአትየ፡ ለስእለትኪ፡ በድምፃ፨ ከመ፡ ምክረ፡ በሕር፡ ትሥዕረ፡ ቡኖፃ፨

Stanza 26, referring to እምብልሀ፡ አስይፍት፡ ወኵያንው፡ እስከ፡ ነስሓ፡ ወትጋነየ፨ ዘዐቀብኪዮ፡ ለባሮክ፡ እንት፡ ይሰመይ፡ ጠዋየ፨ ኵሎ፡ ዘመነ፡ እንበለ፡ ዳእሙ፡ ሠናየ፨ ዕቀብኒ፡ እግዝእትየ፡ ከመ፡ ኢይርኣይ፡ ጌጋየ፨ ወለእመኒ፡ ጌገይኩ፡ ምሕረትኪ፡ ብየ፨

Stanza 27, referring to ታቦተ፡ አምላክ፡ ማርያም፡ ዘትትከደኒ፡ ውቱረ፨ ወርቀ፡ ቅድስና፡ ጽሩየ፡ ወአኮ፡ ብሩረ፨ አንስጣስዮስ፡ ገብርኪ፡ አመ፡ በደዌሁ፡ ትፅዕረ፨ ከመ፡ አብሰርኪዮ፡ ዘያስትፌሥሕ፡ ነገረ፨ ብስራተ፡ ሰላም፡ አስምዕኒ፡ ወትረ፨

Stanza 28, referring to እንበለ፡ ማኅፄ፡ ወመፍጽሕ፡ አመ፡ ገዳመ፡ ፈለሰ፨ ዘሰቈርኪ፡ ሎቱ፡ አረፍት፡ ዕብን፡ ይቡሰ፨ ለዘሰአለኪ፡ ብእሲ፡ እንት፡ ይሰመይ፡ ሣሉሰ፨ ስቊሪ፡ ገቦ፡ ፀርየ፡ ወዘጸላእትየ፡ ከርሠ፨ ነሢአኪ፡ ሚርያም፡ መጥባሕተ፡ ሐዲሰ፨

Stanza 29, referring to ፍቅርኪ፡ አድኀኖ፡ ለበላዔ፡ ሰብእ፡ ጊጉይ፨ በእንት፡ ኅፍነ፡ ማይ፡ ዘቆመ፡ በገቦ፡ ነዳይ፨ ከንቱ፡ ከንቱ፡ ዘታሕት፡ ሰሚይ፨ ምንትኑ፡ ለእጓለ፡ እመሕያው፡ ሠናይ፨ እንበለ፡ ፍቅርኪ፡ ማርያም፡ ባህርይ፨

Stanza 30, referring to , ኦንግሥት፡ ወላዲተ፡ ንጉሥ፡ ፈራቂ፨ ከመ፡ አድኀንኪዮ፡ ቅድመ፡ ለወልደ፡ መበለት፡ ሠራቂ፨ ማርያም፡ ዘልፈ፡ አድኅኖትየ፡ ጸሐቂ፨ ለፀርየኒ፡ እስከ፡ አስናኒሁ፡ የሐቂ፨ ላዕሌሁ፡ ፈንዊ፡ ጋኔነ፡ ዘይሣቂ፨

Stanza 31, referring to ለብእሲት፡ ፅንስት፡ በሰዓት፡ ወሊድ፡ ወሐሪስ፨ ሚእከለ፡ ሞገድ፡ መፍርህ፡ ዘከደንኪያ፡ በልብስ፨ ከማሃ፡ ክድንኒ፡ ኢያጽዕቀኒ፡ ትጽናስ፨ ማርያም፡ እግዝእትየ፡ ዘአጥረይክኒ፡ እምከርሥ፨ አፅዳለ፡ ብርሃን፡ ወአኮ፡ ዘማዕስ፨

Stanza 32, referring to ሴስይኒ፡ ማርያም፡ ለፀማድኪ፡ ዐሳብ፨ ኅብስተ፡ አእምሮ፡ ሠናይ፡ ወወይነ፡ ጥበብ፨ እመኒ፡ ፈድፈደ፡ ኃጢአትየ፡ እምሕዝብ፨ ተዘከሪ፡ እግዝእትየ፡ በርኅራኄኪ፡ ዕፁብ፨ ከመ፡ አስተይኪዮ፡ ማየ፡ ለጽሙዕ፡ ከልብ፨

Stanza 33: General praise መላእክት፡ ሰማይ፡ ኵሎሙ፡ እለ፡ ስብሓተ፡ ለመዱ፨ ወጠቢባነ፡ ምድር፡ ዓዲ፡ እለ፡ ኅቡረ፡ ተዓለዱ፨ ጽሔፈ፡ ውዳሴኪ፡ እሙ፡ እንዘ፡ ይፈቅዱ፨ ኢይክሉ፡ ጥንቁቀ፡ ፈጽሞ፡ ለለአሓዱ፡ አሓዱ፨ እስመ፡ ከመ፡ ኖፃ፡ ብዙኅ፡ ኢውሱን፡ ፍቅዱ፨

Stanza 34: Relating to a miracle accomplished at the monastery of Kalamun on behalf of an angel who had disobeyed God ወላዲት፡ አምላክ፡ ማርያም፡ እንበለ፡ ሰብሳብ፡ ወሩካቤ፨ በይነ፡ ዘአቅረብኩ፡ ለኪ፡ ንስቲተ፡ ቃለ፡ ይባቤ፨ ፈትቲ፡ እሙ፡ በረከተ፡ አፉኪ፡ ሙሐዘ፡ ከርቤ፨ ለነዳይ፡ ብእሲ፡ ወለዘረከቦ፡ ምንዳቤ፨ ኅብስተከ፡ ፈትት፡ ኢሳይያስ፡ ይቤ፨

አኮኑ፡ ብእሲ፡ ሶበ፡ ሐኒጸ፡ ቤት፡ አፍተዎ፨ ኵሎ፡ ፃዕፃዖ፡ ያቀድም፡ አስተዳልዎ፨ እስእለኪ፡ ሀብኒ፡ መንፈሰ፡ ጥበብ፡ ወአለብዎ፨ መንክራተኪ፡ ማርያም፡ ሶበ፡ ፈቀድኩ፡ ዜንዎ፨ ወለሠናይትኪ፡ ረትዓኒ፡ እትልዎ፨ ሶበ፡ ወሀበኪ፡ ዘልፈ፡ ሰላመ፡ መልአክ፡ ብስራታዊ፨ ፍቁርኪ፡ ገባራዊ፨ ከመ፡ ባረኪዮ፡ ቅድመ፡ ማርያም፡ መጽሐፈ፡ ሓዊ፨ ባርክኒ፡ እግዝእትየ፡ ምስለ፡ ወልድኪ፡ ናዝራዊ፨ በበረከቶሙ፡ ለይሁዳ፡ ወልዊ፨ ዕብራዊ፡ ብፁዕ፡ ውስተ፡ ምድረ፡ አክሚም፡ ዘልህቀ፨ እንዘ፡ ይሴብሕ፡ ስመኪ፡ ሶበ፡ ሰገደ፡ ወወድቀ፨ ከመ፡ አስተርአይኪዮ፡ ቅድመ፡ ወተናበብኪዮ፡ ጽድቀ፨ ማርያም፡ አስተርእይኒ፡ ኀበ፡ ረሰይኩ፡ ምርፋቀ፨ እስመ፡ ሕሊናየ፡ ዘንተ፡ ያስተሐምም፡ ጥቀ፨ ለድምያኖስ፡ ዘተፀምደኪ፡ ዲበ፡ መልዕልተ፡ ደብር፡ ነዋኅ፨ ዘጸሐፍኪ፡ ስሞ፡ ኀበ፡ ዓምደ፡ ወርቅ፡ ቀይሕ፨ ምሥራቀ፡ ፀሓይ፡ ብሩህ፡ ማርያም፡ ጽባሕ፨ ጸሐፊ፡ ስመ፡ ዚአየ፡ ዲበ፡ ልብስኪ፡ ንጹሕ፨ ወበልብሰ፡ ወልድኪ፡ ካዕበ፡ ዘበደም፡ ንዙኅ፨ አመ፡ እዴሁ፡ መተረ፡ ነሢኦ፡ መጥባሕተ፡ ማኅመሜ፨ አባስ፡ ካህነ፡ ሮሜ፨ ከመ፡ ፈወስኪዮ፡ ቅድመ፡ ማርያም፡ እኅተ፡ ሰሎሜ፨ ፈውሲ፡ ቍስለ፡ ነፍስየ፡ ወጸግውኒ፡ ሱላሜ፨ ጊዜ፡ ተዘመርኩ፡ ስመኪ፡ ቀዋሜ፨ ይስሓቅ፡ መነኮስ፡ እምድኅረ፡ ጽሕቀ፡ ወተመነየ፨ ገጸኪ፡ ልኁየ፡ በዕለተ፡ ርእየ፨ ከመ፡ ትቤልዮ፡ ሎቱ፡ እስከ፡ ፈድፋደ፡ ተኃሥየ፨ በልኒ፡ እግዝእትየ፡ ተፈሣሕ፡ ቍልዔየ፨ እምድኅረ፡ ዕለታት፡ ሠላስ፡ ትሄሉ፡ ምስሌየ፨ ዘአትለውኪያ፡ ማርያም፡ ወነሣእኪያ፡ ጽሚተ፨ ለወለት፡ አሓቲ፡ እንተ፡ ትለብስ፡ ሜላተ፨ ከመ፡ አሣዕነኪ፡ እፁር፡ ወምርጉዘኪ፡ ሕይወተ፨ ኀበ፡ ሖርኪ፡ እግዝእትየ፡ አትልውኒ፡ ሊተ፨ ብፁዕ፡ ገብር፡ ዘይትሉ፡ እግዝእተ፨ ምስለ፡ ዓራቱ፡ ዘዕፅ፡ ጊዜ፡ ኅቡረ፡ ተነጽሓ፨ ከመ፡ ረዳእኪዮ፡ ቅድመ፡ ወባላህኪዮ፡ ኣሜሃ፨ ለዘሠዓለኪ፡ ብእሲ፡ መካነ፡ ብካይ፡ ወፍሥሓ፨ ባልህኒ፡ እግዝእትየ፡ እንተ፡ ትሠረገዊ፡ ንጽሓ፨ ሶበ፡ አኅጕሎትየ፡ ጽህቀ፡ ለሐሰት፡ አቡሃ፨ ዐጸደ፡ ወይን፡ ማርያም፡ ዘጣዕመ፡ ፍሬሃ፡ አዳም፨ ውስነ፡ ጽጌሃ፡ ልምሉም፨ ኀበ፡ ተቀብረ፡ ወልድኪ፡ ኢየሩሳሌም፨ ሶበ፡ ሰአለኪ፡ በተማኅፅኖ፡ ነጋዲ፡ ሕሙም፨ ከመ፡ አብጸሕኪዮ፡ ለስዒም፡ አብጽሕኒ፡ ዮም፨ ዘካርያስ፡ ወሬዛ፡ ህየንተ፡ ኃምሳ፡ ጽጌ፡ ረዳ፨ አስትዓ፡ ማኅሌት፡ ለኪ፡ ሶበ፡ አወፈየኪ፡ ጋዳ፨ ከመ፡ አድኀንኪዮ፡ ቅድመ፡ እምቀትለ፡ ፈያት፡ ማእከለ፡ በዳ፨ አድኅንኒ፡ እግዝእትየ፡ ወባልህኒ፡ እምዕዳ፨ አመ፡ ኢያሰልጥ፡ ወርቅ፤ ወባህርይ፡ ፀዓዳ፨ ኃይልኪ፡ ማርያም፡ ስነነ፡ ኃጥአን፡ ሰበረ፨ ኅብስተ፡ አዋልድ፡ ክልኤቲ፡ ሶበ፡ ተፍዕሙ፡ ኅቡረ፨ በኃይልኪ፡ ዝንቱ፡ እንተ፡ አርአየ፡ መንክረ፨ ገብርኪ፡ እግዝእትየ፡ ዘኢያአምር፡ ተግባረ፨ ውስተ፡ መቅደስኪ፡ እፈቱ፡ ኃዲረ፨ ዐረባውያን፡ ዕደው፡ እለ፡ ውኂዘ፡ ማይ፡ ኃየሎሙ፨ ማርያም፡ ስመኪ፡ ሶበ፡ ዘከሩ፡ ቀዲሙ፨ ከመ፡ ኮነ፡ ብእሲ፡ እንተ፡ ተሳለቀ፡ ቦሙ፨ ፀርኪ፡ እግዝእትየ፡ ለለጌሰሙ፡ ወዓሙ፨ ሲሳየ፡ ሐርገፅ፡ ይኩን፤ ወይዘርዘር፡ ዓፅሙ፨ ኃይለኪ፡ ጽኑዓ፡ ወመንክረኪ፡ ትክሥቲ፨ ከመ፡ አፍለስኪያ፡ ቅድመ፡ ለደብረ፡ ዕቆና፡ እንታክቲ፨ መንገለ፡ ኃሣር፡ ወወይሌ፡ ማርያም፡ ወለተ፡ ማቲ፨ አፍልሲ፡ ክብረ፡ ፀርየ፡ በጽንዓ፡ እዴኪ፡ ዛቲ፨ አኮኑ፡ ምክህየ፡ ወዝክርየ፡ አንቲ፨ ተወኪፈኪ፡ ስእለቶ፡ እምሐሊብኪ፡ መንፈሳዊ፨ ዘቀባዕኪ፡ ዓይኖ፡ ለዮሓንስ፡ አረጋዊ፨ ማርያም፡ ድንግል፡ ወለተ፡ ንጉሥ፡ ሐሴቦናዊ፨ ተወከፊ፡ ቃለ፡ አፉየ፡ ወጽራኅየ፡ ለብዊ፨ ወኀበ፡ ስእለትየ፡ ካዕበ፡ ዕዝነኪ፡ ጽልዊ፨ ሕይወተ፡ ሕሙማን፡ ማርያም፡ ዘፈወስኪዮ፡ እምቍስሉ፨ ለባዕል፡ ጽርዓዊ፡ እንተ፡ ተነድፈ፡ አባሉ፨ ከመ፡ ተአምረኪ፡ እስብክ፡ ወመንክረኪ፡ እተሉ፨ ስሕትኒ፡ ምስለ፡ ትፍሥሕት፤ ወምስለ፡ ጥዒና፡ አሀሉ፨ እስከ፡ አመ፡ እብል፡ ድኅረ፤ ተፈጸመ፡ ኵሉ፨ ለወለተ፡ ብእሲ፡ ባዕል፡ እንተ፡ አዖራ፡ በደዶ፨ ዘአብራህኪ፡ ዓይና፡ ሶበ፡ ሰአለተኪ፡ በተዓንግዶ፨ ፈለገ፡ ረድኤት፡ ማርያም፡ ዘትሰመዪ፡ መጌዶ፨ ለንጉሥ፡ በዕለተ፡ መርዓ፡ ይበልዕ፡ ማዕዶ፨ በማየ፡ ንጽሕኪ፡ ዘሐፀበ፡ እዶ፨ ማርያም፡ ንግሥት፡ ምስለ፡ ኵሎሙ፡ ደቂቃ፨ ዘትትሜካህ፡ ብኪ፡ እመ፡ እስራኤል፡ ርብቃ፨ ለዕቤራይት፡ አሓቲ፡ ክበደ፡ ተፅናስ፡ እንተ፡ አጽዓቃ፨ ከመ፡ ናዘዝኪያ፡ ወፈጸምኪ፡ ጻህቃ፨ ናዝዝኒ፡ ጸሎትየ፡ ኢትግባእ፡ ዕራቃ፨ ብኪ፡ ተመይጡ፡ እምፍኖተ፡ ጌጋይ፡ ዘኢመፍትው፨ እለ፡ ጸሐፉ፡ ስመኪ፡ ክልኤቱ፡ አኃው፨ ርኂተ፡ ምግባር፡ ማርያም፡ እምፀበለ፡ ኵሉ፡ አፈው፨ ቅድመ፡ ሠናይትኪ፡ ወርኅራኄኪ፡ ቅድው፨ አሥምሮ፡ ምኑን፡ ወላህይ፡ ሕስው፨ ሶበ፡ ጊዮርጊስ፡ ኖመ፡ እምጽንዓ፡ ኵነኔ፡ ዕፁብ፨ ከመ፡ ኣስተርአይኪዮ፡ ሎቱ፡ በአርኣያ፡ ፅዕዱት፡ ርግብ፨ ወለተ፡ ንጉሥ፡ መክብብ፡ ማርያም፡ ጠባብ፨ መልዕልተ፡ ምስሐል፡ ከመ፡ ይጼልል፡ ኪሩብ፨ ጽልልኒ፡ እግዝእትየ፡ ክንፈኪ፡ ዘላህብ፨ ዓቃቢ፡ ምዑክ፡ አመ፡ ምስለ፡ ከጢር፡ ተባአሰ፨ ዘአጽወስኪ፡ እግሮ፡ እስከነ፡ ፈለሰ፨ ንግሥተ፡ ሰማይ፡ ማርያም፡ እንተ፡ ወለድኪ፡ ንጉሠ፨ እግረ፡ ዕድዋንየ፡ ረስዪ፡ ጽቡሰ፨ ወበዲበ፡ ፀርየ፡ ካዕበ፡ ፈንዊ፡ ተፅናሰ፨ እንዘ፡ ገብረ፡ ዚአኪ፡ አነ፡ እንበለ፡ ሕፀፅ፡ ወንትጋ፨ ዘእትቀነይ፡ ለኪ፡ አምሳለ፡ አኃው፡ ዘብሔረ፡ ደልጋ፨ ማርያም፡ ግንግል፡ ማርያም፡ ምልዕተ፡ ጸጋ፨ ተገደፍኩኑ፡ እምቅድመ፡ አዕይንትኪ፡ እንጋ፨ ሶበ፡ ተዳደቀኒ፡ ግብተ፡ ለዘመን፡ ፁጋ፨ ለአፍርንጋዊ፡ ብእሲ፡ ሶበ፡ ኀቤኪ፡ ተማኅፀነ፨ ዘአሕየውኪ፡ እግሮ፡ እንተ፡ ኮነ፡ ዕብነ፨ ማርያም፡ ለኪ፡ ጊዜ፡ አዓርግ፡ ቍርባነ፨ ውስተ፡ ትፍሥሕትየ፡ ኢትቶስሒ፡ ኀዘነ፨ ከወ፡ ይቶስሑ፡ ምስለ፡ ማይ፡ ወይነ፨ ለመርቆሬዎስ፡ ካህን፡ ዘአንጻሕኪ፡ ለምጾ፨ ወአሕየውኪዮ፡ ፍጹመ፡ እምነ፡ ሕማም፡ ዘታረምጾ፨ ማርያም፡ ምልሒ፡ ለሕሊናየ፡ ሕፀፆ፨ ለወልድኪ፡ መምህረ፡ ሕግ፡ ከመ፡ ኢይርሣዕ፡ ተግሣጾ፨ ከመ፡ ዘይሬኢ፡ በመጽሔት፡ ገጾ፨ ለብእሲት፡ ስብርት፡ ዘአሕየውኪያ፡ እምጻማ፨ ሶበ፡ ሰአለተኪ፡ አስተሓሚማ፨ ንጉሠ፡ እስራኤል፡ አቡኪ፡ ለእለ፡ ውስተ፡ ጌት፡ ወኖባማ፨ ከመ፡ ወሀበ፡ አስትዓ፡ በጊዜ፡ ነሥአ፡ ሰቂማ፨ ጸጋ፡ መንፈስ፡ ቅዱስ፡ ሀብኒ፡ ማርያም፡ ዘራማ፨ መቅደሰ፡ ኦሪት፡ ማርያም፡ ወወንጌላዊት፡ ሕንፃ፨ ጰራቅሊጦስ፡ ዘይሔውጻ፨ እምከርሠ፡ ሶፍያ፡ ፍጡነ፡ ዘሠዐርኪ፡ ፅንሰ፡ ዓመፃ፨ ይሠዓር፡ ኃጢአትየ፡ ለስእለትኪ፡ በድምፃ፨ ከመ፡ ምክረ፡ ባሕር፡ ተሥዕረ፡ በኆፃ፨ እምብልሀ፡ አስይፍት፡ ወኵያንው፡ እስከ፡ ነስሓ፡ ወተጋነየ፨ ዘዐቀብኪዮ፡ ለባሮክ፡ እንተ፡ ይሰመይ፡ ጠዋየ፨ ኵሎ፡ ዘመነ፡ እንበለ፡ ዳእሙ፡ ሠናየ፨ ዕቀብኒ፡ እግዝእትየ፡ ከመ፡ ኢይርኣይ፡ ጌጋየ፨ ወለእመኒ፡ ጌገይኩ፡ ምሕረትኪ፡ ብየ፨ ታቦተ፡ አምላክ፡ ማርያም፡ ዘትትከደኒ፡ ውቱረ፨ ወርቀ፡ ቅድስና፡ ጽሩየ፡ ወአኮ፡ ብሩረ፨ አንስጣስዮስ፡ ገብርኪ፡ አመ፡ በደዌሁ፡ ተፅዕረ፨ ከመ፡ አብሰርኪዮ፡ ዘያስተፌሥሕ፡ ነገረ፨ ብስራተ፡ ሰላም፡ አስምዕኒ፡ ወትረ፨ እንበለ፡ ማኅፄ፡ ወመፍጽሕ፡ አመ፡ ገዳመ፡ ፈለሰ፨ ዘሰቈርኪ፡ ሎቱ፡ አረፍተ፡ ዕብን፡ ይቡሰ፨ ለዘሰአለኪ፡ ብእሲ፡ እንተ፡ ይሰመይ፡ ሣሉሰ፨ ስቍሪ፡ ገቦ፡ ፀርየ፡ ወዘጸላእትየ፡ ከርሠ፨ ነሢአኪ፡ ማርያም፡ መጥባሕተ፡ ሐዲሰ፨ ፍቅርኪ፡ አድኀኖ፡ ለበላዔ፡ ሰብእ፡ ጊጉይ፨ በእንተ፡ ኅፍነ፡ ማይ፡ ዘቆመ፡ በገቦ፡ ነዳይ፨ ከንቱ፡ ከንቱ፡ ዘታሕተ፡ ሰማይ፨ ምንትኑ፡ ለእጓለ፡ እመሕያው፡ ሠናይ፨ እንበለ፡ ፍቅርኪ፡ ማርያም፡ ባህርይ፨ ኦንግሥት፡ ወላዲተ፡ ንጉሥ፡ ፈራቂ፨ ከመ፡ አድኀንኪዮ፡ ቅድመ፡ ለወልደ፡ መበለት፡ ሠራቂ፨ ማርያም፡ ዘልፈ፡ አድኅኖትየ፡ ጸሐቂ፨ ለፀርየኒ፡ እስከ፡ አስናኒሁ፡ የሐቂ፨ ላዕሌሁ፡ ፈንዊ፡ ጋኔነ፡ ዘይሣቂ፨ ለብእሲት፡ ፅንስት፡ በሰዓተ፡ ወሊድ፡ ወሐሪስ፨ ማእከለ፡ ሞገድ፡ መፍርህ፡ ዘከደንኪያ፡ በልብስ፨ ከማሃ፡ ክድንኒ፡ ኢያጽዕቀኒ፡ ተጽናስ፨ ማርያም፡ እግዝእትየ፡ ዘአጥረይክኒ፡ እምከርሥ፨ አዕዳለ፡ ብርሃን፡ ወአኮ፡ ዘማዕስ፨ ሴስይኒ፡ ማርያም፡ ለፀማድኪ፡ ዐሳብ፨ ኅብስተ፡ አእምሮ፡ ሠናይ፡ ወወይነ፡ ጥበብ፨ እመኒ፡ ፈድፈደ፡ ኃጢአትየ፡ እምሕዝብ፨ ተዘከሪ፡ እግዝእትየ፡ በርኅራኄኪ፡ ዕፁብ፨ ከመ፡ አስተይኪዮ፡ ማየ፡ ለጽሙዕ፡ ከልብ፨ መላእክተ፡ ሰማይ፡ ኵሎሙ፡ እለ፡ ስብሓተ፡ ለመዱ፨ ወጠቢባነ፡ ምድር፡ ዓዲ፡ እለ፡ ኅቡረ፡ ተዓለዱ፨ ጽሒፈ፡ ውዳሴኪ፡ እሙ፡ እንዘ፡ ይፈቅዱ፨ ኢይክሉ፡ ጥንቁቀ፡ ፈጽሞ፡ ለለአሓዱ፡ አሓዱ፨ እስመ፡ ከመ፡ ኆፃ፡ ብዙኅ፡ ኢውሱን፡ ፍቅዱ፨ ወላዲተ፡ አምላክ፡ ማርያም፡ እንበለ፡ ሰብሳብ፡ ወሩካቤ፨ በይነ፡ ዘአቅረብኩ፡ ለኪ፡ ንስቲተ፡ ቃለ፡ ይባቤ፨ ፈትቲ፡ እሙ፡ በረከተ፡ አፉኪ፡ ሙሐዘ፡ ከርቤ፨ ለነዳይ፡ ብእሲ፡ ወለዘረከቦ፡ ምንዳቤ፨ ኅብስተከ፡ ፈትት፡ ኢሳይያስ፡ ይቤ፨

ሰላም፡ ለኪ፡ ማርያም፡ ስብሕት፡ ቀስተ፡ መሐላሁ፡ ለኖኅ፨ ውስተ፡ ገጸ፡ ምድር፡ ዳግመ፡ እምደመና፡ ላሕ፨ ኢያንጠብጥብ፡ ዝናመ፡ አይኅ፨ ሰላም፡ ለኪ፡ ማርያም፡ ጎምር፡ ወላዲተ፡ ክርስቶስ፡ መና፨ እንበለ፡ ሩካቤ፡ ወዘርእ፡ በድንግልና፨ በገዳም፡ ደብረ፡ ሲና፨ ሰላም፡ ለኪ፡ ለሊቀ፡ ካህናት፡ አሮን፡ ማርያም፡ ልብሱ፨ ወጸናጽለ፡ ወርቅ፡ ብኪ፡ ዘስክዕት፡ በናሕሱ፨ ከመ፡ ከመ፡ ትድምፂ፡ ጊዜ፡ ያንሶሱ፨ ሰላም፡ ለኪ፡ ርግብ፡ ዘወደሰኪ፡ መጽሐፍ፨ በሐመልማለ፡ ወርቅ፡ ጽሩይ፡ ወብሩር፡ ንጡፍ፨ ሥርጉተ፡ ገበዋት፡ ምስለ፡ አክናፍ፨ ሰላም፡ ለኪ፡ ማርያም፡ ገነቱ፡ ለወልደ፡ ኢያራጥ፡ ወሬዛ፨ ዘተረክበ፡ ብኪ፡ ለድኂን፡ ወቤዛ፨ ፍሬ፡ ጽድቅ፡ ምስለ፡ መዐዛ፨ ሰላም፡ ለኪ፡ ማርያም፡ ባሕርይ፡ ጽድልተ፡ ንጻሬ፡ ወዜና፨ እምጸዳለ፡ ዕንቍ፡ ለባሕር፡ በማሕፀና፨ ዘትወልድ፡ ዖፈ፡ ብርጋና፨ ሰላም፡ ለኪ፡ ማርያም፡ ሀብኒ፡ ልብሰ፡ ትፍሥት፡ ወተድላ፨ ከመ፡ ወሀብኪዮሙ፡ ቅድመ፡ ምስለ፡ መሐላ፨ ለደቅስዮስ፡ ወኒቆላ፨ ሰላም፡ ለኪ፡ ቅድሜየ፡ ቁሚ፡ ማርያም፡ ለለ፡ ጊዜ፡ እቀብጽ፡ ተስፋ፨ ዖፈ፡ ተኣምርኪ፡ ርግብ፡ ዘትሰፍሕ፡ ክንፋ፨ ከመ፡ ቆመት፡ ቅድመ፡ ከሊፋ፨ ሰላም፡ ለኪ፡ ማርያም፡ አብሕኒ፡ ዘአባሕኪዮሙ፡ ሶበ፡ ቅድሜኪ፡ ጸለዩ፨ ለመነኮሳት፡ ዘግብጽ፡ መጠነ፡ ሐለዩ፨ ሰይጣነ፡ ከመ፡ ይቅነዩ፨ ሰላም፡ ለኪ፡ ወልድኪ፡ ነፍሳተ፡ ሶበ፡ አርአየኪ፡ በእሳተ፡ ኵነኔ፡ ዘሐሙ፨ ማርያም፡ ትብሊ፡ በእንቲአሆሙ፨ ቅትለኒ፡ ለቤዛሆሙ፨ ሰላም፡ ለኪ፡ ታስትዪዮ፡ ማየ፡ በአሣእንኪ፡ ለጽሙእ፡ ከልብ፨ ከመ፡ ተራኅራኅኪ፡ ማርያም፡ ርግብ፨ ተራኅርኂ፡ ለቤዛ፡ ሕዝብ፨ ሰላም፡ ለኪ፡ ማርያም፡ ጸግዊ፡ ለደቂቀ፡ ዛቲ፡ ምሥያጥ፨ እምንዋየ፡ ጽድቅ፡ ብዙኅ፡ ወአኮ፡ ኅዳጥ፨ ቅድመ፡ ይጸራእ፡ መዋዕለ፡ ሤጥ፨ ሰላም፡ ለኪ፡ ድካመ፡ ጌጋይየ፡ ትማእ፡ ማርያም፡ ጽድቀ፡ ዚአኪ፡ በጽንዐ፨ መዳልወ፡ ጥበብ፡ ሶበ፡ መልአ፨ ሰማኒተ፡ ነፋሳተ፡ ወሰብዓ፡ ኅፍነ፡ ማይ፡ ኀየለ፡ ወሞአ፨