Chronicle of Bakāffā

The first part of the chronicle deals with the first four years of 's reign. ዜናሁ፡ ለ ንጉሠ፡ ነገሥት፡ መሢሕ፡ ሰገድ፡ ገብረ፡ ንጉሠ፡ ነገሥት፡ እግዚአብሔር፡ ዘይሤለስ፡ ወይትወሐድ። ኦ፡ አምላክ፡ ዘለዓለም፡ ቀዳማይ፡ ወደኃራይ፡ ዘስውር፡ አንተ፡ እምነ፡ ኵሉ፡ ወክሡት፡ ለከ፡ ኵሉ። ወአመ፡ ፈጠርከ፡ ዓለመ፡ አልቦ፡ ዘረድአከ፡ እስመ፡ ከሀሊ፡ አንተ። ወኢኮንከ፡ ከመ፡ ብእሲ፡ ዘደክመ፡ ወአዕረፈ፡ አላ፡ ሰይፈ፡ እሳት፡ ይወፅእ፡ እምአፉከ። ዘፈቀድከ፡ በጊዜሃ፡ ትገብር። ወዘሐለይከ፡ በቅጽበት፡ ይከውን፡ ለከ። ወበእንተ፡ መድኃኒትነ፡ ፈነወተከ፡ ምሕረትከ፡ ኀቤነ።

አሥርቅ፡ ብርሃነ፡ አእምሮትከ፡ ውስተ፡ ነፍስየ። ወአብርህ፡ ውስተ፡ ልብየ፡ በከመ፡ አብራህከ፡ ልቡናሆሙ፡ ለሳሙኤል፡ ቀባዔ፡ ነገሥት፡ ወለናታን፡ ወጋድ፡ ከመ፡ ይጽሐፉ፡ ዜናሆሙ፡ ለነገሥት። ወደይ፡ ውስተ፡ አፉየ፡ አፍሐመ፡ እሳት፡ ዘወደይከ፡ ውስተ፡ አፉሁ፡ ለኢሳይያስ። ወጸውዓኒ፡ ከመ፡ ዕዝራ፡ እንዘ፡ ትብል፡ ፍታሕ፡ አፉከ፡ ከመ፡ ትስተይ፡ ጽዋዓ፡ ዘኅብሩ፡ ይመስል፡ እሳተ። ወረስየኒ፡ ጥዕጡዐ፡ ንባብ፡ ከመ፡ እንብብ፡ ኅዳጠ፡ እምነገሩ፡ ለዝንቱ፡ ዐቢይ፡ ንጉሥ፡ መሢሕ፡ ሰገድ፡ ወልደ፡ አድያም፡ ሰገድ፡ ጻድቅ፡ ወሰማዕት፡ ወልደ፡ አዕላፍ፡ ሰገድ፡ ጻድቅ፡ ወልደ፡ ዓለም፡ ሰገድ። ወአስምዕ፡ ለሰማዕያን፡ ኵሎ፡ ዘገብረ፡ ሎቱ፡ እግዚአብሔር፡ መንክረ፡ በዲበ፡ ምድር። ወዘከመ፡ ኮነ፡ ጥንተ፡ ልደቱ፡ በሥምረተ፡ እግዚአብሔር። ወዘከመ፡ ዐርገ፡ ውስተ፡ ደብረ፡ ወህኒ፡ ወኮነ፡ ህየ፡ በኅድአት። ወዘከመ፡ ወረደ፡ እምደብረ፡ ወህኒ፡ በትእዛዘ፡ አምላኩ፡ ለዘክሮቱ፡ ሰጊድ። ወወሀቦ፡ እግዚአብሔር፡ መንበረ፡ ዳዊት፡ አቡሁ። __

ክፍል፡ ፩ ። ይደልወኒኬ፡ ከመ፡ እጽሐፍ፡ ዘኮነ፡ እምቅድመዝ፡ ወእንዘ፡ ሀሎ፡ በይባባ፡አቡሁ፡ ኢያሱ፡ንጉሠ፡ ነገሥት፡ ዘሐጸበ፡ አልባሲሁ፡ በደም፡ ከመ፡ ጊዮርጊስ። ወተረግዘ፡ በኵናት፡ ከመ፡ ገላውዴዎስ። ወተወክፈ፡ ዋዕየ፡ እሳት፡ ከመ፡ ቂርቆስ። ወለብሰ፡ አስኬማ፡ ዘውእቱ፡ አርአያ፡ ዘመላእክት፡ ከመ፡ እንጦንዮስ። ሖረ፡ ምድረ፡ ፂማ፡ ርስተ፡ እሙ፡ ለበካፋ፡ እንተ፡ ይእቲ፡ ማርያማዊት፡ ወለተ፡ አቤቶ፡ ሚካኤል፡ ወልደ፡ ራስ፡ ወልደ፡ ጊዮርጊስ፡ ዐቢይ፡ ወግሩም፡ መኰንን፡ ዘበጽሐ፡ ስሙዓተ፡ ነገሩ፡ ውስተ፡ ኵሉ፡ ዓለም። ወውእቱ፡ ወልደ፡ አዛዢ፡ ፋሲለደስ፡ ወልደ፡ ቄስ፡ ሐፄ፡ ባሕርይ። ወአፍቀራ፡ ለይእቲ፡ ማርያማዊት፡ በእንተ፡ ሥነ፡ ላህያ፡ ወንጽሐ፡ ሕሊናሃ፡ ወበእንተ፡ ጸሎታ፡ ወትሕርምታ፡ እስመ፡ ጠባብ፡ ወፈራሂተ፡ እግዚአብሔር። ከሠተት፡ አፉሃ፡ በሕግ፡ ወዓቀመት፡ ሥርዓተ፡ በልሳና፡ ኃይለ፡ ወላህየ፡ ለብሰት።

ወአሐተ፡ ዕለተ፡ አእመራ፡ እንዘ፡ ድንግልት፡ ይእቲ፡ ወዘእንበለ፡ ይትቃረቡ፡ ዳግመ፡ ተረክበት፡ ፅንስተ። ወሶበ፡ በጽሐ፡ ዕለተ፡ ወሊዶታ፡ ወለደቶ፡ ለበካፋ። ወተፈሥሐ፡ ንጉሥ፡ ወአእኰቶ፡ ለእግዚአብሔር፡ ወተነበየ፡ ወይቤ፡ ዝንቱ፡ ሕፃን፡ ሥዩም፡ ለድቀቶሙ፡ ወለተንሥኦቶሙ፡ ለደቂቀ፡ እስራኤል። ናሁ፡ ይነግሥ፡ በመንግሥትየ፡ ወይነብር፡ ዲበ፡ መንበርየ፡ ወየሐውር፡ በፍኖትየ፡ ወአሐተ፡ ዕለተ፡ አእመራ፡ እንዘ፡ ድንግልት፡ ይእቲ፡ ወዘእንበለ፡ ይትቃረቡ፡ ዳግመ፡ ተረክበት፡ ፅንስተ። ወሶበ፡ በጽሐ፡ ዕለተ፡ ወሊዶታ፡ ወለደቶ፡ ለበካፋ። ወተፈሥሐ፡ ንጉሥ፡ ወአእኰቶ፡ ለእግዚአብሔር፡ ወተነበየ፡ ወይቤ፡ ዝንቱ፡ ሕፃን፡ ሥዩም፡ ለድቀቶሙ፡ ወለተንሥኦቶሙ፡ ለደቂቀ፡ እስራኤል። ናሁ፡ ይነግሥ፡ በመንግሥትየ፡ ወይነብር፡ ዲበ፡ መንበርየ፡ ወየሐውር፡ በፍኖትየ። ወይከውን፡ ሰላም፡ ወሣህል፡ በመዋዕሊሁ፡ ባሕቱ፡ ኢይትዓወቅ፡ ጊዜሁ። እሙኒ፡ አስተብፅዓቶ፡ ለእግዚአብሔር፡ እስመ፡ ወለደት፡ ሎቱ፡ ወልደ፡ በአርአያሁ፡ ወበአምሳሊሁ፡ ለ ንጉሥ። ወትቤ፡ ታዓብዮ፡ ነፍስየ፡ ለእግዚአብሔር፡ ዘርእየ፡ ትሕትናሃ፡ ለአመቱ፡ እምይእዜሰ፡ ያስተበፅዑኒ፡ ኵሉ፡ ትውልድ፡ እስመ፡ ገብረ፡ ሊተ፡ ኀይለ፡ ዓቢያተ። ወይከውን፡ ሰላም፡ ወሣህል፡ በመዋዕሊሁ፡ ባሕቱ፡ ኢይትዓወቅ፡ ጊዜሁ። እሙኒ፡ አስተብፅዓቶ፡ ለእግዚአብሔር፡ እስመ፡ ወለደት፡ ሎቱ፡ ወልደ፡ በአርአያሁ፡ ወበአምሳሊሁ፡ ለ ንጉሥ። ወትቤ፡ ታዓብዮ፡ ነፍስየ፡ ለእግዚአብሔር፡ ዘርእየ፡ ትሕትናሃ፡ ለአመቱ፡ እምይእዜሰ፡ ያስተበፅዑኒ፡ ኵሉ፡ ትውልድ፡ እስመ፡ ገብረ፡ ሊተ፡ ኀይለ፡ ዓቢያተ።

ለዝንቱሰ፡ ሕፃን፡ በካፋ፡ ኮኑ፡ አዝማዲሁ፡ ያፈቅርዎ፡ ወሶበ፡ በዝኁ፡ ይትማሠጥዎ፡ እሙ፡ ትፈቱ፡ ሐቂፎቶ፡ ወትጽሕቅ፡ ከመ፡ ትርአዮ። ወእመቦ፡ ዘይጸውሮ፡ በእዴሁ፡ ኢይሁቦ፡ ለካልኡ፡ ዘእንበለ፡ ግብር። ወኵሉ፡ ዘየሐቅፎ፡ በሕፅኑ፡ ትነብር፡ መዓዛሁ፡ ውስተ፡ አልባሲሁ። ደናግልኒ፡ ወዕቤራት፡ በነጽሮቱ፡ ያስተብፅዓሃ፡ ለወላዲቱ። ንጉሥኒ፡ ምዕረ፡ ይስዕም፡ ከናፍሪሁ፡ እስመ፡ ይነድድ፡ በፍቅሩ። ወልሕቀ፡ ሕፃን፡ በካፋ፡ በጥበብ፡ ወበጸጋ፡ ወአመ፡ ሖረ፡ አቡሁ፡ ኢያሱ፡ ምድረ፡ ጊቤ፡ ወእናርያ፡ አትለዎ፡ ድኅሬሁ፡ እንዘ፡ ያለብሶ፡ ግስላ፡ ወያጸውሮ፡ ረምሐ፡ ወኢሐወጾ፡ ፍርሃት፡ እንዘ፡ ወልደ፡ ዓመት። ወኢተጸርዐ፡ ትንቢተ፡ መንግሥቱ፡ እምአፈ፡ ካህናት፡ ወባሕታውያን፡ እምአመ፡ ተወልደ፡ እስከ፡ ይነግሥ። ኅድጉሰ፡ እሎንተ፡ አረማውያንሂ፡ የአምሩ፡ መንግሥቶ።

ስምዑኒኬ፡ ኦዓቃብያነ፡ መንግሥት፡ ዘእነግረክሙ፡ አነ፡ ጸሐፌ፡ ዝንቱ፡ ታሪክ፡ እስመ፡ ኮንኩ፡ እተልዎ፡ አቡሁ፡ በምድረ፡ ጊቤ። ወአመ፡ ግዕዘ፡ ንጉሥ፡ እምነ፡ ብሔር፡ እንተ፡ ትሰመይ፡ ቱሉ፡ ቁባ፡ ሉባ፡ ረከበኒ፡ ጋላ፡ ወተዘውዓኒ፡ ብዙኀ፡ ነገረ። ወይቤለኒ፡ አርእየኒ፡ እስኩ፡ ወልደ፡ ንጉሥ፡ ዘይሰመይ፡ በካፋ፡ ወአርአይክዎ። ወካዕበ፡ በሣልስ፡ ዕለት፡ ረከበኒ፡ ዝኩ፡ ጋላ፡ ወይቤለኒ፡ አእምርኬ፡ አንተ፡ ብእሲ፡ ናሁ፡ ዝንቱ፡ ሕፃን፡ ዘስሙ፡ በካፋ፡ ይነግሥ፡ ጽኑዐ፡ መንግሥተ። ወይቀንዮሙ፡ ለሜጫ፡ ወለቱለማ፡ ኅቡረ። ወእቤሎ፡ በምንት፡ ተአምር፡ እንዘ፡ አረማዊ፡ አንተ። ወይቤለኒ፡ በትእምርተ፡ አቡየ፡ አአምር። ወሶበ፡ ገባእነ፡ ውስተ፡ ትዕይንተ፡ ንጉሥ፡ ጐንደር፡ነገርክዎ፡ ለ ንጉሥ፡ ዘንተ፡ ነገረ። ወአይዳዕክዎሙ፡ ለብዙኃን፡ ሰብእ፡ ከመ፡ ይኩኑኒ፡ ስምዐ፡ እስመ፡ በዘርኢኩ፡ ወዘሰማእኩ፡ ሰማዕተ፡ እከውን፡ ወጽድቅ፡ ውእቱ፡ ስምዕየ። ወቦ፡ እለ፡ ሰምዑ፡ ዘንተ፡ ይዕዜ፡ እንዘ፡ እነግሮ፡ ለ ንጉሠ፡ ነገሥት፡ በካፋ፡ ወኮኑኒ፡ ሰማዕተ፡ በዝንቱ፡ ከመ፡ ኢሐሰውኩ።

ክፍል፡ ፪። ወእምዝ፡ እስከ፡ ይበጽሕ፡ ጊዜ፡ መንግሥቱ፡ አዕረግዎ፡ ለዝንቱ፡ ሕፃን፡ በካፋ፡ውስተ፡ ደብረ፡ ወህኒ።ወኮነ፡ ህየ፡ በኅድአት፡ ወትኅርምት፡ በጾም፡ ወበጸሎት፡ በስግደት፡ ወበውሂበ፡ ምጽዋት። ወኢያጸርዕ፡ እምአፉሁ፡ አንብቦ፡ መጻሕፍት፡ ወመዝሙረ፡ ዳዊት። ወኢይበልዕ፡ ጽባሐ፡ ዘእንበለ፡ ምሴት፡ ከመ፡ ሕገ፡ ባሕታዊ። ወኢይመልዕ፡ ከርሦ፡ እመብልዕ፡ ወስቴ፡ ዘእንበለ፡ ዘይጥዕም፡ ንስቲተ፡ ለቁመተ፡ ሥጋ። ወምስለ፡ ዝንቱ፡ ይፌኑ፡ ላእካነ፡ ኀበ፡ ባሕታውያን፡ ወይጼልዩ፡ ሎቱ፡ እለ፡ ሀለው፡ በገዳማት፡ ወበአታት፡ ወግበበ፡ ምድር፡ በማህበር፡ ወበአድባራት፡ በትዕይንት፡ ወበሀገር፡ እስመ፡ ይትሜነዩ፡ መንግሥቶ፡ ኵሉ፡ ዓለም፡ በምልዑ። ወይተግሁ፡ ለመንግሥቱ፡ እድ፡ ወአንስት፡ አዕሩግ፡ ወሕፃናት፡ ደናግል፡ ወመነኮሳት፡ ዕቤራት፡ ወእጓለ፡ ማውታ። ከመ፡ ምድር፡ ጽምእት፡ እንተ፡ ትሴፎ፡ ዝናመ፡ ከማሁ፡ ኵሉ፡ ይሴፎ፡ ምጽአቶ። ከመ፡ ያፈቅር፡ ኀየል፡ ኀበ፡ አንቅዕተ፡ ማያት፡ ከማሁ፡ ታፈቅር፡ ነፍሰ፡ ኵሉ፡ ኀበ፡ መንግሥቱ።

ክፍል ፡ ፫። ይእዜኒ፡ በኅዳጥ፡ እነግር፡ ከመ፡ ተሠሃለ፡ እግዚአብሔር፡ ላዕለ፡ ልህኵቱ፡ ወሰምዐ፡ ጸሎቶሙ፡ ወስእለቶሙ፡ ለፍቁራኒሁ፡ ወተወክፈ፡ አንብዓ፡ ለእሙ፡ ማርያማዊት፡ ወተዘከረ፡ ፃማሃ፡ ወገዓራ፡ እንዘ፡ ሀለወት፡ በጃኒከው። በ፸፻፪፻፲ወ፫ ዓመት፡ እምአመ፡ ተፈጥረ፡ ዓለም፡ እንዘ፡ መጥቅዕ፡ ፳ወ፡ ወአበቅቴ፡ ፡ በዘመነ፡ ማቴዎስ፡ ወንጌላዊ፡ አመ፡ ወ፡ ለግንቦት፡ ዘውእቱ፡ በዓሉ፡ ለቅዱስ፡ ሚካኤል፡ ወፍልሰተ፡ ዓፅሙ፡ ለአቡነ፡ ተክለ፡ ሃይማኖት፡ ወዕረፍተ፡ ዮሐንስ፡ አፈወርቅ፡ አዕረፈ፡ ንጉሥ፡ ዳዊት፡ እኁሁ፡ እግዚአብሔር፡ ያዕርፍ፡ ነፍሶ፡ ውስተ፡ ሕፅነ፡ አብርሃም፡ ይስሐቅ፡ ወያዕቆብ።

ወበሳኒታሃ፡ ለይእቲ፡ ዕለት፡ ዘውእቱ፡ በዓለ፡ ቅዱስ፡ ሩፋኤል፡ ወፅአ፡ ቃለ፡ ዓዋዲ፡ በትእዛዘ፡ ኵሉ፡ ዓለም፡ ወጠቀዓ፡ መጥቅዓ፡ ወይቤ፡ ናሁ፡ አዕረፈ፡ ንጉሥነ፡ ዳዊት፡ ወነግሠ፡ ንጉሥነ፡ በካፋ፡ ጸላእትነ፡ ይትኃፈሩ፡ ወፍቁራኒነ፡ ይትፌሥሑ።

አሜሃ፡ ኮነ፡ ዐቢይ፡ ፍሥሐ፡ ዘኢኮነ፡ እምአመ፡ ተፈጥረ፡ ዓለም፡ እስከኔሁ።በዛቲ፡ ዕለት፡ ኀብሩ፡ ትፍሥሕተ፡ መላእክት፡ ወሰብእ። ዛቲ፡ ዕለት፡ ትመስል፡ ዕለተ፡ ፀአቶሙ፡ ለእስራኤል፡ እምቅንየተ፡ ግብጽ። ወካዕበ፡ ትመስል፡ ዕለተ፡ ልደቱ፡ ለመድኃኒነ፡ ክርስቶስ፡ እስመ፡ ወረዱ፡ መላእክት፡ ኀቤሁ፡ እንዘ፡ ይብሉ፡ ስብሐት፡ ለእግዚአብሔር፡ በሰማያት፡ ወሰላም፡ በምድር፡ ሥምረቱ፡ ለሰብእ። ወበከመ፡ አብሠርዎሙ፡ መላእክት፡ ለኖሎት፡ እንዘ፡ ይብሉ፡ ዮም፡ ተወልደ፡ ለክሙ፡ መድኅን፡ በሀገረ፡ ዳዊት፡ ከማሁ፡ አብሰሮሙ፡ ቃለ፡ ዓዋዲ፡ ለሰብአ፡ ኵሉ፡ ዓለም፡ እንዘ፡ ይብል፡ ዮም፡ ነግሠ፡ እግዚእ፡ በካፋ።

እምቅድመ፡ ዝንቱሰ፡ ተጋብኡ፡ ውስተ፡ ቤተ፡ ራስ፡ ጊዮርጊስ፡ ኵሉ፡ መኳንንት፡ ወይቤሎሙ፡ መነ፡ ትፈቅዱ፡ ከመ፡ ናንግሥ፡ ለክሙ። ወነገርዎ፡ እሙንቱ፡ ዘይፈቅዱ፡ በበዘመዶሙ። ወድኅረ፡ ኵሉ፡ ይቤ፡ ራስ፡ ጊዮርጊስ፡ ናንግሦ፡ ለወልደ፡ ጊዮርጊስ፡ ወልደ፡ ነገላ፡ ማሚት። ወቦ፡ እለ፡ ኀብሩ፡ ሎቱ፡ በዝንቱ። ወቦ፡ እለ፡ ኢሠምሩ፡ በልቦሙ፡ በአፉሆሙሰ፡ ይቤልዎ፡ ይኩን፡ በከመ፡ ፈቀድከ። ወእምዝ፡ አዘዘ፡ በቃለ፡ ቀርን። ባሕቱ፡ ኀየሉ፡ እለ፡ አፍቀርዎ፡ ለ በካፋ፡ ወአግብርተ፡ ቤቱ። ወአውፅኡ፡ ቀርነ፡ ወነገሩ፡ እንዘ፡ ይብሉ፡ ንጉሥነ፡ በካፋ፡ በከመ፡ እቤ፡ ቀዳሚ። ወኮኑ፡ ህየ፡ ብዙኃን፡ ሕዝብ፡ እለ፡ ይተግሁ፡ ለመንግሥቱ። እለሰ፡ ጸልዑ፡ መንግሥቶ፡ ተዘርዉ፡ ከመ፡ ጢስ። ወኮኑ፡ ዘይደነግፁ፡ በድምፀ፡ ቈፅል።

አሜሃ፡ ሖሩ፡ እለ፡ ያወርድዎ፡ ለ በካፋ፡ እም ወህኒ። ወኮነ፡ ጋዕዝ፡ በወህኒ፡ ማእከለ፡ አዝማዲሁ፡ ለ በካፋ፡ ወማእከለ፡ እለ፡ ይፈቅዱ፡ ያንግሥዎ፡ እስመ፡ ይቤሉ፡ ኢናወርዶ፡ ለክሙ፡ ለ በካፋ፡ ዳእሙ፡ ንሕነ፡ ንኅረይ፡ ለክሙ፡ ወናንግሥ፡ በፈቃድነ፡ ዘይኄይሰነ። ወይቤልዎሙ፡ እለ፡ ሀለዉ፡ ውስተ፡ እግረ፡ ደብር፡ ዝሰ፡ ኢይከውን፡ እስመ፡ ኀብረ፡ ኵሉ፡ ዓለም፡ በዝንቱ፡ ወኀረዮ፡ ለ በካፋ። ወይቤልዎሙ፡ አዝማዲሁ፡ እመሰ፡ ዓበይክሙ፡ ናሁ፡ ቀተልናሁ፡ ለ በካፋ፡ ወመተርነ፡ አባላቲሁ፡ በበግማድ። ወሶበ፡ ተሀውከ፡ ኵሉ፡ ዓለም፡ በጐንድዮቱ፡ ለበካፋ፡ ሖረ፡ ብንያም፡ ውስተ፡ ጐንደር፡ እንዘ፡ ያበሥር፡ ርደተ፡ በካፋ፡ በበፍኖቱ። ወአምጽአ፡ ሎቱ፡ አልባሰ፡ እምቤተ፡ መንግሥት። ወአጽንዓ፡ ለዓለም፡ ከመ፡ ኢታንቀልቅል።

ወሶበ፡ ርእዩ፡ አዝማዲሁ፡ ከመ፡ ኢኮነ፡ ሎሙ፡ ኀደጉ፡ ነገረ። ወይቤሉ፡ ይምሐል፡ ለነ፡ ከመ፡ ኢይትቀየመነ። ውእቱኒ፡ ገብረ፡ ሎሙ፡ ምሕረተ፡ ወኢተቀየሞሙ፡ እስመ፡ የአምር፡ ዘይቤ፡ መጽሐፍ፡ በእንተ፡ ክርስቶስ፡ እንዘ፡ ይጼዕልዎ፡ ኢጸአለ፡ ወእንዘ፡ የሐምምዎ፡ ኢተቀየመ።

ወበዝንቱ፡ ኵሉ፡ ሁከት፡ ኢያንቀልቀለ፡ ልቡ፡ እምትውክልተ፡ እግዚአብሔር። ወአኀዘ፡ ይጼሊ፡ ንጉሥ፡ በካፋ፡ ወይቤ፡ ተዘከርኒኑ፡ እግዚአብሔር። ወካዕበ፡ ይቤ፡ አንሥእ፡ ኀይለከ፡ ወነዓ፡ አድኅነነ፡ አምላከ፡ ኀያላን፡ ሚጠነ። አብርህ፡ ገጸከ፡ ላዕሌነ፡ ወንድኃን። ወምዕረ፡ ይቤ፡ ኪያከ፡ ተወከልኩ፡ እግዚኦ፡ ወኢይትኃፈር፡ ለዓለም።ወበጽድቅከ፡ አንግፈኒ፡ ወባልሐኒ፡ እስከ፡ ተፍጻሜቱ። ዓዲ፡ ይቤ፡ እግዚኦ፡ ነጽር፡ ወስተ፡ ረዲኦትየ። እግዚኦ፡ አፍጥን፡ ረዲኦትየ፡ ይትኃፈሩ፡ ወይኅሰሩ፡ እለ፡ የኀሥሥዋ፡ ለነፍስየ። ወይግብኡ፡ ድኅሬሆሙ፡ ወይትኃፈሩ፡ እለ፡ መከሩ፡ እኩየ፡ ላዕሌየ። ወምዕረ፡ ይቤ፡ እስከ፡ ማዕዜኑ፡ እግዚኦ፡ ትረስዓኒ፡ ለግሙራ። ወቦ፡ ዘይቤ፡ እግዚአብሔር፡ ያበርህ፡ ሊተ፡ ምንትኑ፡ ያፈርሃኒ። እግዚአብሔር፡ ምእመና፡ ለሕይወትየ፡ ምንትኑ፡ ያደነግፀኒ። ወየኃሪ፡ መዝሙረ፡ ዘይሰነዓዎ፡ ለዕለቱ፡ እስመ፡ ይቤ፡ ቅዱስ፡ ፍልክስዩስ፡ ኤጲስ፡ ቆጶስ፡ ዘሀገረ፡ መንበግ፡ ወኅሪ፡ መዝሙረ፡ መጽንዔ።

ወካዕበ፡ ይገብእ፡ ኀበ፡ ቅድስት፡ ወንጽሕት፡ ድንግል፡ በኵሉ፡ ጊዜ፡ ማርያም፡ ወላዲተ፡ አምላክ፡ ወይስእላ፡ እንዘ፡ ይብል፡ እነግረኪ፡ እስመ፡ ምንተ፡ አንቲ፡ ተአምሪ፡ ዘሀሎ፡ ውስተ፡ ልብየ። ወብፅዓ፡ ብፅዓተ፡ ከመ፡ ይሕንጽ፡ ቤተ፡ ክርስቲያን፡ በስማ። ወአመ፡ ወ፮፡ ለዝንቱ፡ ወርኅ፡ በበዓለ፡ ኪዳነ፡ ምሕረት፡ ሰምዐ፡ እግዚአብሔር፡ ስእለቶ። ወበከመ፡ ገብረ፡ እግዚአብሔር፡ መንክረ፡ ለአበዊሁ፡ ጊዜ፡ መርሖሙ፡ መዓልተ፡ በደመና፡ ወኵሎ፡ ሌሊተ፡ በብርሃነ፡ እሳት፡ ገብረ፡ ሎቱ፡ መንክረ፡ ዐቢየ። ወአንጦልዓ፡ ደመና፡ ወሰወሮ፡ ለ ንጉሥ፡ በካፋ። ወምሴተ፡ ከዊኖ፡ ወረደ፡ እምወህኒ፡ወኀደረ፡ ታሕተ፡ እግረ፡ ደብር።

ወበሳኒታ፡ ኀደረ፡ ሳርባኵሳ። ወበቀዳሚት፡ ሰንበት፡ አመ፡ ፲ወ፰፡ ለግንቦት፡ በጽሐ፡ ውስተ፡ ትዕይንተ፡ ጐንደር። ወቦአ፡ ማእከለ፡ ማኅፈድ። ወአንገሥዎ፡ ህየ፡ ካህናት፡ ወመኳንንት። ወቀብዕዎ፡ ቅብዐ፡ መንግሥት። ወአንበሩ፡ አክሊለ፡ ዲበ፡ ርእሱ፡ እንዘ፡ ይብሉ፡ እስመ፡ በጻሕከ፡ በበረከት፡ ሠናይ፡ አንበርከ፡ አክሊለ፡ ዲበ፡ ርእሱ፡ ዘእምዕንቊ፡ ክቡር። ዘተርፈሰ፡ ነገሮ፡ ወዘኮነ፡ እምዝንቱ፡ ጊዜ፡ እስከ፡ ዘመነ፡ ሉቃስ፡ ወንጌላዊ፡ ኢጸሐፍኩ።

ክፍል፡ ፬። እምይእዜሰ፡ እነግር፡ ብዙኃ፡ መዓቱ፡ ለዝንቱ፡ ንጉሥ፡ በካፋ፡ መፍርህ፡ ወመደንግፅ፡ ወብዝኀ፡ ምሕረቱ፡ ዘኮነ፡ ላዕለ፡ ጃዊ፡ እስመ፡ በጥቃ፡ መዓቱ፡ ሀሎ፡ ብዙኀ፡ ምሕረቱ። ወአመ፡ ዓመተ፡ መንግሥቱ፡ ፩፡ ዓመተ፡ ወ፰፡ ዓውራኀ፡ መጽአ፡ ሎቱ፡ ዜና፡ ለንጉሥ፡ ከመ፡ አጽራረ፡ ጠለታ፡ ጃዊ፡ ዘአምጽኦ፡ አቡሁ፡ እምድረ፡ ጊቤ፡ አንበሮ፡ በጽንፈ፡ አባዊ።

አሜሃ፡ አዘዞ፡ ለ ቢትወደድ፡ ኤራቅሊስ፡ ከመ፡ ይዕቀብ፡ ትዕይንተ፡ እስመ፡ ህየ፡ ሀሎ፡ አክሊለ፡ መንግሥቱ። ወለበጅሮንድ፡ ማሞ፡ አማዕቀቦ፡ ኵሎ፡ ንዋየ፡ ቤቱ፡ እስመ፡ ምእመን፡ ውእቱ፡ ወተወክፈ፡ ስደተ፡ በእንቲአሁ። ለጳጳስኒ፡ አባ፡ ክርስቶዶሉ፡ ወለመምህር፡ ዘደብረ፡ ሊባኖስ፡ እጨጌ፡ ተክለ፡ ሃይማኖት፡ ወለዓቃቤ፡ ሰዓት፡ ወልደ፡ ሐዋርያት፡ ኀደጎሙ፡ ውስተ፡ ትዕይንት፡ ከመ፡ ይዘክርዎ፡ በጸሎቶሙ። ወኀደገ፡ እምነ፡ አግብርቲሁ፡ እለ፡ ይጸውሩ፡ ወላትወ፡ ወእምነ፡ ከኒሳ፡ ወፈነወ፡ ሎቱ፡ ለደጅ፡ አዝማች፡ ማሞ፡ ዘዳሞት፡ መጠነ፡ ፶ነፍጥ። ወአዘዘ፡ ንጉሥ፡ በካፋ፡ በቃለ፡ ዓዋዲ፡ ከመ፡ ይትልዎ፡ ኵሎ፡ ሐራዊ፡ እመኒ፡ ዘመድ፡ ወዘመደ፡ ዘመድ።

ወአመ፡ ፲ወ፭፡ ለጥር፡ በዕለተ፡ ሐሙስ፡ በዘመነ፡ ሉቃስ፡ ወንጌላዊ፡ ተንሥአ፡ ንጉሥ፡ በካፋ፡ እምነ፡ ጐንደር፡ ወኀደረ፡ በወይነ፡ ዓረብ። ወበሳኒታ፡ ተንሥአ፡ እምህየ፡ ወቦአ፡ ደሴተ፡ ምጽራኃ፡ ከመ፡ ይሳለማ፡ ለቅድስት፡ ቤተ፡ ክርስቲያን። ወወፂኦ፡ እምኔሃ፡ አዕረፈ፡ በአግድ፡ እስመ፡ ጊዜ፡ ሐሩር፡ ውእቱ፡ ወኀደረ፡ ቃሮዳ። ወበቀዳሚት፡ ሰንበት፡ ተንሥአ፡ እምነ፡ ቃሮዳ፡ ወበጺሖ፡ ማእከለ፡ መርህባ፡ ለርብ፡ ተፅዕነ፡ ዲበ፡ ፈረስ፡ ረዋፂ፡ ዘይዔምቅ፡ ምድረ፡ በግርማ፡ እንግድዓሁ። መኳንንትኒ፡ ተለውዎ፡ በበአፍራሲሆሙ፡ ወበጽሐ፡ አሪንጎ። ወበቅጽበት፡ አዘዘ፡ ይጥብሑ፡ አልህምተ፡ ብዙኃተ። ወአብልዖሙ፡ ለኵሎሙ፡ ሠራዊት፡ በምልዖሙ፡ እንዘ፡ ርሁባን፡ እሙንቱ። ወአስተዮሙ፡ ወይነ፡ እስመ፡ ርህሩኀ፡ ልብ፡ ውእቱ።በካፋ፡ ወከርሡ፡ ከርሠ፡ እም፡ ውእቱ። ወከመ፡ ሐፃኒት፡ እንተ፡ ተሐዝል፡ ደቂቃ፡ ከማሁ፡ ውእቱ፡ ያፈቅሮሙ፡ ለሠራዊቱ።

ወአመ፡ ፳ወ፱፡ ለጥር፡ ዘውእቱ፡ በዓለ፡ እግዚእ፡ አዘዘ፡ ንጉሥ፡ በቃለ፡ ቀርን፡ ወይቤ፡ ይትጋብኡ፡ ኵሉ፡ ሠራዊት፡ ከመ፡ እርአይ፡ ግብአቶሙ፡ በመርህበ፡ አሪንጎ። ወሶበ፡ ተጋብኡ፡ ወፅአ፡ ንጉሥ፡ ዲበ፡ ፈረሱ፡ ዘይሰመይ፡ የብሳ። በይእቲ፡ ዕለት፡ አንከረ፡ ኵሉ፡ ዓለም፡ እስመ፡ ተመሰለ፡ ንጉሥ፡ በካፋ፡ መልአከ፡ ሰማይ፡ ወኢመሰለ፡ ለባሴ፡ ሥጋ። ወርእየ፡ ሠራዊቶ፡ እንዘ፡ ኢይወርድ፡ እምነ፡ ፈረሱ። ወሶበ፡ ለበወ፡ ውሕደተ፡ ሠራዊቱ፡ ኅዳጠ፡ ሐወጸቶ፡ መዓት። ወእምቅድመ፡ ይዕርብ፡ ፀሐይ፡ አቍረረ፡ መዓቶ። ወነገረ፡ በቃለ፡ ቀርን፡ ወይቤ፡ ዮምሰ፡ መሐርክዎሙ፡ ለሠራዊትየ፡ ወኵሉ፡ ዘተርፈ። ለእመ፡ ኢመጽአ፡ ጌሠመ፡ ወሳኒታ፡ ያእምር፡ ከመ፡ አኃዝኖ2፡ በርስቱ፡ ወንብረቱ። ወነበረ፡ ንጉሥ፡ በአሪንጎ፡ ፲ወ፮፡ ዕለተ፡ ወፈነዎ፡ ላእከ፡ ኀቤሁ፡ ደጅ፡ አዝማች፡ ማሞ፡ ዘዳሞት፡ከመ፡ ጸብዖ፡ ወአሕለቆ፡ ለጠለታ፡ ጃዊ።

ክፍል፡ ፭። ወአመ፡ ፫፡ ለየካቲት፡ በዕለተ፡ ሰኑይ፡ አዘዘ፡ ንጉሥ፡ በቃለ፡ ቀርን፡ ወይቤ፡ ኵሉ፡ ይትልዎ፡ ለግራ፡ አዝማች፡ ህላዌ፡ ክርስቶስ፡ እስመ፡ የሐውር፡ በሕገ፡ ፊት፡ አውራሪ። ወተንሥአ፡ እምነ፡አሪንጎ፡ እንዘ፡ አቅርንቲሁ፡ ጽዑናን፡ ዲበ፡ አብቅልት። ወአዘዘ፡ ከመ፡ ኢይዝብጡ፡ አቅርንተ፡ ዘእንበለ፡ ዘይዘብጥ፡ ፊት፡ አውራሪ። ምዕረ፡ ለትእምርተ፡ ጒዕዞ። ወተድባቡ፡ ስፉሕ፡ ዲበ፡ ርእሱ። አግብርቲሁኒ፡ እለ፡ ይጸውሩ፡ ወላትወ፡ የሐውሩ፡ ቅድሜሁ። ወአግብርቲሁ፡ እለ፡ ይጸውሩ፡ ነፍጠ፡ የሐውሩ፡ ማእከለ፡ ወላትው፡ ወማእከሌሁ፡ እንዘ፡ ያርሕቁ፡ ሰብአ፡ ከመ፡ ኢይግሥሥ፡ ጸዓድዒዳነ፡ አልባሲሁ፡ ለ ንጉሥ። ወሊቀ፡ መኳስ፡ ገብረ፡ ልዑል፡ የሐውር፡ ቅድሜሁ፡ በከመ፡ ሥርዓቱ። ወመላህቀተ፡ አግብርቲሁ፡ ይከልኡ፡ ሰብአ፡ እምገጸ፡ ንጉሥ።

ወይእተ፡ ዕለተ፡ በጽሐ፡ ዝማሐ፡ወኀደረ፡ ውስተ፡ ቤቱ፡ ለ ባሻ፡ ያዕቆብ። ወበዕለተ፡ ሠሉስ፡ ኀደረ፡ ዙገራ። ወበይእቲ፡ ዕለት፡ ኮነ፡ ጸብእ፡ ግብታዊ፡ በትዕይንት፡ ሞተ፡ ፩፡ እምነ፡ ዋኛታ። ወበዕለተ፡ ረቡዕ፡ ኀደረ፡ በቅሎ፡ ፍለጋ፡ ወበዕለተ፡ ሐሙስ፡ ኀደረ፡ ገንታ። ወእንዘ፡ ሀሎ፡ ውስተ፡ ፍኖት፡ አዘዞ፡ ለባሻ፡ አርከሌድስ፡ ኀያል፡ ወሬዛ፡ ይዕቀብ፡ ሙራደ፡ ዓቀባ፡ ለገመድ፡ በር፡ ወኢያኅልፍ፡ ሰብአ፡ እምቅድመ፡ ይኅልፍ፡ ንጉሥ፡ እስመ፡ ፀባብ፡ ይእቲ፡ አንቀጽ። ወተአዚዞ፡ ሖረ፡ ወተከለ፡ ሐይመቶ፡ ውስተ፡ ወግር፡ ዘርእሰ፡ ይእቲ፡ ፍኖት። ወግዕዘ፡ ንጉሥ። እምነ፡ ገንታ፡ በዕለተ፡ ዓርብ፡ ወኀደረ፡ አንዳቤት።

ወበቀዳሚት፡ ሰንበት፡ በጽሐ፡ ንጉሥ፡ ደንቆር፡ምስለ፡ ትዕይንቱ፡ ወበቅጽበት፡ ተፅዕነ፡ ዲበ፡ ፈረሱ፡ ወሖረ፡ ምስለ፡ ኅዳጣን፡ አግብርቲሁ። ወበጽሐ፡ ኀበ፡ ተተክለ፡ ሐይመቱ፡ ለ ባሻ፡ አርከሌድስ፡ ወወረደ፡ እምነ፡ ፈረሱ፡ ወቦአ፡ ውስተ፡ ሐይመት። ወምስሌሁ፡ ሀለዉ፡ ግራ፡ አዝማች፡ እልፍዮስ፡ ጡጫ፡ ወ ባሻ፡ ወልደ፡ ጊዮርጊስ፡ ቈለኛ። ወሕቀ፡ ጐንዲዮሙ፡ በጽሑ፡ ብላቴን፡ ጌታ፡ ማሞዬ፡ ወ ሊቀ፡ መኳስ፡ ገብረ፡ ልዑል፡ ወሊጋባ፡ ስምዖን።

ወእምድኅረ፡ አዕረፈ፡ ሕቀ፡ ወፅአ፡ ንጉሥ፡ እምነ፡ ሐይመት፡ ጊዜ፡ ቀትር። ወተቈልቈለ፡ በእግሩ፡ ይእተ፡ ፍኖተ፡ ኀያል፡ ንጉሥ፡ በካፋ፡ ወወልደ፡ ውርዝውት፡ ወኢይውኅዶ፡ ኀይል፡ እስመ፡ ወልደ፡ ነአስ፡ ውእቱ። ዘንተኒ፡ አመረነ፡ ሱቱኤል፡ ዕዝራ፡ ረዓዬ፡ ኅቡአት፡ በመጽሐፉ፡ እንዘ፡ ይብል፡ ካልእ፡ ዘበኃይለ፡ ነአስ፡ ተወልደ። ወካልእ፡ ዘተወልደ፡ በማሕፀነ፡ ርስዕ፡ ወለሊከ፡ ተአምር፡ ባሕቱ፡ ከመ፡ ታውኅዱ፡ ኀይለ፡ እምቀደምትክሙ፡ አንትሙ። እለሂ፡ እምድኅሬክሙ፡ ያውኅዱ፡ እምኔክሙ።

ወእምዝ፡ አዘዞ፡ ለባሻ፡ አርከሌድስ፡ ከመ፡ ይሑር፡ ወይኅድግ፡ ዓቂበ፡ ይእቲ፡ ፍኖት። ወኮነ፡ ኵሉ፡ የሐውር፡ በከመ፡ ፈቀደ። ንጉሥሰ፡ ዓደወ፡ ፈለገ፡ ዓባዊ፡ ወኀደረ፡ አጋም፡ ወሀ። በእሑድ፡ ሰንበት፡ ግዕዘ፡ እምህየ፡ ወእንዘ፡ ሀሎ፡ በፍኖት፡ ተቀበልዎ፡ ሐራሁ፡ ቤልማ፡ ወጋዲሳ፡ ሌንጮ፡ ወወሬዛ፡ እንዘ፡ ይዘፍኑ። ወመልአኮሙ፡ ወሬዛ፡ ፍትው፡ አቡሊድስ፡ ያንሶሱ፡ ማእከሌሆሙ፡ ዲበ፡ ፈረሱ፡ ቀይሕ፡ እንዘ፡ ይለብስ፡ ግስላ። አሜሃ፡ በጽሐ፡ ንጉሥ፡ ደብረ፡ ፆት።

1ክፍል፡ ፮።2ይእዜኒ፡ በኅዳጥ፡ እነግር፡ በእንተ፡ ኂሩቱ፡ ወፍቅሩ፡ ወትሕትናሁ፡ ለዝንቱ፡ ዐቢይ፡ በካፋ። ወበዊኦ፡ ውስተ፡ ቤት፡ አዘዘ፡ ይጥብሑ፡ አልህምተ፡ ስቡሐተ2፡ ዘአልቦ፡ ኍልቊ። ወጸውዖሙ፡ ለመኳንንት፡ ወአንበሮሙ፡ ቅድሜሁ።5አሜሃ፡ አዘዘ፡ ያምጽኡ፡ ማዕደ። ወሰሚዖሙ፡ መኳንንት፡ ዘንተ፡ ተንሥኡ፡ ለወፂእ፡ ኀበ፡ ዴዴ፡ እስከ፡ ይሠራዕ፡ ማዕድ፡ በከመ፡ ልማዶሙ። ንጉሥሰ፡ ይቤሎሙ፡ ኢትፃኡ። ወተሠርዐ፡ ማዕድ፡ በቅድሜሆሙ። ወአጽገቦሙ፡ መብልዐ፡ ወስቴ፡ በበመዓርጊሆሙ፡ ለእለ፡ ይነብሩ፡ ወለእለ፡ ይቀውሙ፡ ለእለሂ፡ ይቀድሙ፡ ወለእለሂ፡ ይዴኃሩ5፡ እስመ፡ ጠቢበ፡ ልብ፡ ወበሊሐ፡ ልሳን፡ ውእቱ፡ በካፋ። ዘንተኒ፡ አለበዎ፡ መምህሩ፡ ክርስቶስ፡ ለዘክሮቱ፡ ሰጊድ፡ አመ፡ አጽገቦሙ፡ በበመአርጊሆሙ፡ እም ፭፡ ኅብስት፡ ወ፪፡ ዓሣ፡ ለ፶፻፡ ብእሲ፡ ዘእንበለ፡ አንስት፡ ወደቅ።9 ሶበ፡ ርእዮሙ፡ ርሁባኒሆሙ፡ እንዘ፡ ይቤሎሙ፡ ለአርዳኢሁ፡ አርፍቅዎሙ፡ በበምርፋቃቲሆሙ። እመሰ፡ ፈተውኩ፡ ለለ፩፩6: በአስተጠናቅቆ7፡ እፈጽም፡ ነገሮ፡ ለዝንቱ፡ ንጉሥ፡ በካፋ፡ ኢየኃልቅ፡ በብዙኅ፡ መዋዕል፡ አላ፡ ኀዲግየ፡ ኑኃ፡ ነገር፡ ኅዳጥ፡ እነግር።

ወበዕለተ፡ ሰኑይ፡ ዘውእቱ፡ በአተ፡ ጾመ፡ ነነዌ፡ ወዓለ፡ ንጉሥ፡ ህየ፡ እስከ፡ ይትጋባእ፡ ሰብእ። ህየኒ፡ መጽኡ፡ ደጃዝማች፡ ማሞ፡ ዘዳሞት፡ወአዛዢ፡ ብንያም፡ ዘይባባ። ወተራኪቦሙ፡ ምስለ፡ ንጉሥ፡ ገብኡ፡ ብሔሮሙ። ወበሠሉስ፡ ዕለት1፡ ግዐዘ፡ ንጉሥ፡ እምደብረ፡ ፆት፡ ወተፅዕነ፡ ዲበ፡ ፈረሱ፡ ወሖረ፡ ምስለ፡ ኅዳጣን፡ ሠራዊት።5ወበጺሖ፡ ውስተ፡ ቤተ፡ ክርስቲያን፡ ዘቅዱስ፡ ጊዮርጊስ፡ ኀደረ፡ ቻኵ።ወበዕለተ፡ ረቡዕ፡ ኀደረ3፡ ጀንስ።7ወበዕለተ፡ ሐሙስ፡ ዘውእቱ፡ ፋሲካ፡ ነነዌ፡ ኀደረ4፡ አረፋ።6ወበዕለተ፡ ዓርብ፡ ደርቅ፡ ወንዝ፡ ወበቀዳሚ፡ ሰንበት፡ በጽሐ፡ ወንዳ።

1ወበህየ፡ መጽኡ፡ ኅዳጣን፡ እምነ፡ ጃዊ፡ እለ፡ ይብልዎሙ፡ ቊፅር። ወይቤልዎ፡ ለ ንጉሥ፡ በቃለ፡ ጃዊ፡ መሐረነ፡ ኦ፡ ንጉሥ፡ እስመ፡ ንሕነ፡ አግብርቲከ፡ ወአግብርተ፡ አቡከ። እመኒ፡ አበስነ፡ እግዚኦ፡ እስመ፡ ለነ፡ አበሳ፡ ወለከ፡ ምሕረት።4ወይቤሎሙ፡ ንጉሥ፡ ሑሩኬ፡ መሐርኩክሙ። ባሕቱ፡ አምጽእዎሙ፡ ለሮጌ፡ ወለነጮ፡ እምዬ። እመሰ፡ ኢያምጻእክምዎሙ፡ ትበልዑ፡ ኵስሐክሙ፡ ወትሰትዩ፡ ስንተክሙ። ወኢያመሠጠኒ፡ ፩፡ እስከ፡ ዘያስተዓዝብ፡ ዲበ፡ ዐረፍት3።8 ወእሁብ፡ ሥጋክሙ፡ ለአዕዋፈ፡ ሰማይ፡ ለእመ፡ ኢመጻእክሙ፡ እስከ፡ ዕለተ፡ ረቡዕ፡ ኀበ፡ ሀሎኩ፡ አነ። ወምሴተ፡ ከዊኖ፡ ዕለተ፡ እሑድ፡ ተቈልቈለ፡ ንጉሥ፡ እምይእቲ፡ ወግር፡ ምስለ፡ ኅዳጣን፡ ሠራዊት። ወበጽሐ፡ ዋዳን፡ ዘይሰመይ፡ አባ፡ ጌራ። ወበሰኑይ፡ ተንሥኡ፡ ሠራዊት፡ እምህየ፡ ወበጽሑ፡ ዋዳን፡ ኀበ፡ ሀሎ፡ ንጉሥ፡

ወበዕለተ፡ ሠሉስ፡ አዘዘ፡ ንጉሥ፡ ከመ፡ ኢይበርብሩ፡ ቤተ፡ ወእክለ፡ ዘውእቱ፡ ብሔር። ወሶበ፡ አስተሐቀሩ፡ ቃሎ፡ ወበርበሩ፡ ፈነዎሙ፡ ለአግብርቲሁ፡ የአኀዝዎሙ1፡ ወያምጽእዎሙ። ወሶበ፡ አምጽእዎሙ፡ ለእሉ፡ በርበር፡ አምተረ፡ አእዛኒሆሙ2።4 ባሕቱ፡ ተራኅርኃ፡ ሎቱ፡ ለጸሐፌ፡ ዝንቱ፡ ታሪክ፡ በእንተ፡ ድክትምናሁ፡ ከመ፡ ኢይምትር፡ እዝነ3፡ ወዓሊሁ። ወይቤ፡ ኅድግዎ፡ ይሑር፡ ወኢትምትሩ፡ እዝኖ4። እግዚአብሔር፡ ያግርር፡ ፀሮ፡ ወየሀቦ፡ ምሕረተ፡ ዘለዓለም።

1ወእንዘ፡ ሀሎ፡ ህየ፡ መጽአ፡ ደጅ፡ አዝማች፡ ማሞ፡ እንተ፡ ባሕቲቱ።2ወፊት፡ አውራሪ፡ አግናጥዮስ፡ ዘኀለፈ1፡ ቅድመ፡ በደንገል፡ በር፡ መጽአ ምስለ፡ ሠራዊት፡ እለ፡ ተሠይመ፡ ዲቤሆሙ።3ወበዕለተ፡ ረቡዕ፡ ሶበ፡ አእመረ2፡ ንጉሥ፡ ከመ፡ አልቦ፡ ዘመጽአ፡ እምነ፡ ጃዊ፡ አስተጋብኦሙ፡ ለመኳንንት፡ ሥዩማን3፡ ወስዑራን4፡ ወይ(A156vb)ቤሎሙ፡ ምንተ፡ ትመክሩ፡ በእንተ፡ ጃዊ። ወበዝኁ፡ እለ፡ ይቤሉ፡ ንቅትሎ፡ ለጃዊ። ወፈነወ፡ ሐዋርያ፡ ኀበ፡ ደጅ፡ አዝማች፡ ተስፋ፡ ኢየሱስ፡ እንዘ፡ ይብል፡ ርግዞ፡ ወተቃተሎ፡ ለጃዊ። ምስለ፡ ጎጃም፡ ወሊበን፡ ወባሶ።(N63v) 6ወተቃተልዎ፡ ጽኑዓ፡ ቀትለ፡ ሊበን፡ ወባሶ። ወቀተሉ፡ ብዙኀ5፡ እምነ፡ ጃዊ። ወአውዓዩ፡ ቤቶ፡ በእሳት።8ወማኅረኩ፡ ንዋዮ፡ ወጥሪቶ፡ ብእሲቶ፡ ወውሉዶ፡ አልህምቲሁ፡ ወአባግዒሁ፡ ዘአልቦ፡ ኍልቊ።

ንጉሥ ኒ፡ ተንሥአ፡ እምዋዳን፡ በዕለተ፡ ሐሙስ፡ እንዘ፡ ፊት፡ አውራሪ፡ አግናጥዮስ። 2እስከ፡ ዝየሰ፡ ኮነ፡ ፊት፡ አውራሪ፡ ግራ፡ አዝማች1፡ ህላዌ፡ ክርስቶስ፡ ወኀደረ2፡ ደገሞ። ወበዕለተ፡ ዓርብ፡ በጽሐ፡ ንጉሥ፡ እናሞራ፡ ዘይሰመይ፡ ገብሮ፡ አምባ።4ወበህየ፡ ተቀበልዎ፡ ሰብአ፡ ዳሞት፡ ወአገው፡ አቦሌ፡ ቡታ፡ እንዘ፡ ይትዋነዩ፡ በበአፍራሲሆሙ፡ ወይዌድስዎ፡ በእንተ፡ ውርዛዌሁ።5ወአዘዞሙ፡ ንጉሥ፡ ለ ደጅ፡ አዝማች፡ ማሞ፡ ወለ አዛዢ፡ ብንያም፡ ከመ፡ ይጽብእዎ፡ ለጃዊ። ምስለ፡ አገው፡ ወ\መጫ። ወጌሡ፡ በቀዳሚት፡ ዕለት፡ ወኢተረክበ፡ ጋላ። አገውኒ፡ ገብአ፡ ድኅሬሁ፡ እስመ፡ ኢረትዓቶ፡ ይእቲ፡ ዕለት። ወሶበ፡ ኮነ፡ ከመዝ፡ ወረዱ፡ እምአፍራሲሆሙ፡ ደጅ፡ አዝማች፡ ማሞ፡ ወአዛዢ፡ ብንያም፡ ወቆሙ፡ በእግር። ወሶበ፡ ኢረከቡ፡ ዘይቀ ውም፡ ምስሌሆሙ4፡ ተፅዕኑ፡ ዲበ፡ አፍራሲሆሙ፡ ወገብኡ።

1ወበይእቲ፡ ዕለት፡ ቀዳሚት፡ ሰንበት፡ ተሰምዐ1፡ ዜና፡ ከመ፡ ሀለዉ፡ አልህምተ፡ ጃዊ። ኅቡአነ፡ በምድረ፡ ዳሞት። ሖሩ፡ ኵሎሙ፡ ወራዙተ፡ ትዕይንት፡ ወኵሎሙ፡ ሐራ፡ ጠንቀኛ፡ ወበሌንሳ። ወማኅረኩ፡ ኵሎ፡ አልህምተ፡ ወአባግዐ2፡ ወኣጣሌ። 3ወቦ፡ ዘጠብሐ፡ ባሕቲቱ፡ ፲ተ3፡ ወእመ፡ አኮ፡ ፭ተ። ኍልቈሰ፡ እመኒ፡ ፼ወ፪፼፡ እንዳኢ፡ ይኈልቆ፡ ቤቱ።5ወወዓለ፡ ንጉሥ፡ ቀበላ፡ ጾም፡ ህየ።

1ወበዕለተ፡ ሰኑይ፡ ዘውእቱ፡ በአተ፡ ጾም፡ ተንሥአ፡ ንጉሥ፡ እምነ፡ እናሞራ፡ በብዙኅ፡ ሞገስ፡ ወበዐቢይ፡ ግርማ፡ ወድልቅልቅ፡ እስመ፡ አዘዘ፡ ይጥቅዑ፡ መጣቅዕተ፡ ወይንፍሑ፡ አቅርንተ። ወኀደረ፡ በምድረ፡ ጋፋት፡ ዘይሰመይ፡ አቦላ። በእለተ፡ ሠሉስ፡ በጽሐ፡ ንጉሥ፡ ፍጼበድኝ፡ እንዘ፡ ያድለቀልቃ፡ ለምድር።ወሶበ፡ ሰምዐ፡ ጋላ፡ መጥቅዕ፡ ወርእየ፡ ብዝኀ፡ ሠራዊት፡ ደንገፀ።ፍርሀት፡ ወረዓድ፡ ወረደ፡ ላዕሌሁ። ወኀደገ፡ ቤቶ፡ ወንብረቶ፡ ወእክሎ፡ ወጐየ፡ ምስለ፡ ብእሲቱ፡ ወደቂቁ፡ ወእንስሳሁ። ወተኀብአ፡ ውስተ፡ አድባር፡ ወበኣታት፡ ወግበበ፡ ምድር። ወጸንዐ፡ ቦቱ፡ ሐሩረ፡ ፀሐይ፡ ወድምፀ፡ አራዊት፡ ወንስከተ፡ አክይስት፡ ወአቃርብት። ፀበበቶ፡ ዓለም፡ ለጃዊ፡ ወአኀዞ፡ ማሕምም፡ ከመ፡ ብእሲት፡ እንተ፡ ተሐምም፡ ወትግዕር፡ ለወሊድ። ወአውሐዘ፡ አንብዐ፡ ከመ፡ ማየ፡ ክረምት፡ ምስለ፡ ደቂቁ፡ ወብእሲቱ፡ ወሶበ፡ ጠየቀ፡ ወአእመረ፡ ከመ፡ በርበሩ፡ ቤቶ፡ ሰብአ፡ ትዕይንት፡ ወኢተርፈ፡ ሎቱ፡ እመኒ፡ ማዕፀድ፡ ወእመኒ፡ ማኅረስ፡ እስከ፡ መርፍዕ፡ ወኵሉ፡ ቈሳቊሰ፡ ቤት፡ ወጸዋትወ፡ ሐፂን፡ ወተረክበ፡ ብዙኅ፡ እክል፡ በአፍአ፡ ወቤት፡ መዓርኒ፡ ወቅብዕ፡ ወግብነት። ወተፈሥሑ፡ ኵሉ፡ ሰብአ፡ ትዕይንት፡ በብዝኀ፡ እክል፡ ኅዱግሰ፡ ሰብአ፡ አፍራስኒ፡ አዕዱግኒ፡ ወአብቅልት፡ ኢይጥዕሙ፡ ሣዕረ፡ ዘእንበለ፡ እክል፡ ወለከላስስተ፡ ጤፍ፡ ወለዳጉሳ፡ ረሰይዎ፡ መንጸፈ። ወቦቱ፡ ይከድኑ፡ ምጽላሎሙ፡ ወልገቶሙ፡ ከመ፡

ወሰሚዖሙ፡ ዘንተ፡ ኵሎ፡ ጠለታ፡ ጃዊ፡ ተበሀሉ፡ በበይናቲሆሙ፡ ወይ፡ ለነ፡ አሌ፡ ለነ። አይቴ፡ ንጐይይ፡ እምዝንቱ፡ ንጉሥ። እመኒ፡ ነዓርግ፡ ውስተ፡ ሰማይ፡ ወእመኒ፡ ንወርድ፡ ውስተ፡ ቀላይ፡ ኢናመሥጥ፡ እምእዴሁ። ወሶበ፡ ደለዎ፡ ፩፡ ለመቅሠፍትነ፡ እምኮነ፡ ክቡደ፡ ከመ፡ ኆፃ፡ ባሕር። ወእምዝ፡ ኀረዩ፡ ዕደወ፡ ወለአክዎሙ፡ እንዘ፡ ይብሉ፡ መሐረነ፡ ኦ፡ ንጉሥ፡ ወተሠሃለነ፡ አበስነሂ፡ ወጌገይነ። አንተሰ፡ መሐሪ፡ አቊርር፡ መዓተከ፡ እምኔነ፡ ወለዓለምሰ፡ ኢትትመዓነ። ወኢታንኅ፡ መዓተከ፡ ላዕለ፡ ትውልደ፡ ጃዊ። አኮኑ፡ አግብርተ፡ አቡከ፡ ንሕነ፡ ዘአውፅአነ፡ እምቀንየተ፡ አረሚ። ወአውፅአነ፡ ወአግአዘነ፡ ወወሀበነ፡ ጥምቀተ፡ ወቁርባነ። አንተኒ፡ አምጻእከነ፡ ምስሌሁ፡ እምቅድመ፡ ትስብር፡ አስናኒከ።

ወሰሚዖሙ፡ ዘንተ፡ እሉ፡ ዕደው፡ ዘውእቶሙ፡ ቊጽር፡ ሖሩ፡ ኀበ፡ ንጉሥ፡ እንዘ፡ ይስእሉ፡ ሣህለ። ወነገርዎ፡ እንዘ፡ ይርዕዱ፡ ወያንጸፈጽፉ፡ ሐፈ፡ ነጸፍጻፈ ደም።ሮጌኒ፡ ወነጮ፡ እምዬ፡ መጽኡ፡ ህየ፡ በፍርሃት፡ ወበትሕትና። ወለለ፩፡ ነስሐ፡ ንስሐ፡ ነነዌ፡ ወይቤ አበስኩ፡ እግዚኦ፡ አበስኩ።ወኃጢአትየኒ፡ እትአመን፡ እትመሐለል፡ ወእስእለከ፡ ወኢይደግም፡ እንከ፡ አብሶ። mመኳንንትኒ፡ ኀብሩ፡ በዝንቱ፡ ወሰአሉ፡ ሎሙ፡ ምሕረተ፡ ኀበ፡ ንጉሥ፡ ወይቤሉ፡ መሐክ፡ አግብርቲከ፡ እግዚኦ፡ ወኢትትበቀሎሙ። ወኅድግ፡ ሎሙ፡ አበሳሆሙ፡ እስመ፡ ሰብእ፡ ኵሉ፡ ኢኮነ፡ ንጹሐ፡ በቅድሜከ። አንተሰ፡ መሐሪ፡ ወመስተሣህል፡ ርኁቀ፡ መዓት፡ ወብዙኀ፡ ምሕረት፡ ከመ፡ አቡከ። ወተራኅርኃ፡ ንጉሥ። ወሰምዐ፡ ስእለቶሙ፡ ለመኳንንት፡ ወምህላሆሙ፡ ለጠለታ፡ ጃዊ። ወመሐሮሙ፡ ወሰረየ፡ ዕዳሆሙ። ወኮነ፡ ዐቢይ፡ ፍሥሐ፡ በምድረ፡ ጃዊ። ስብሐት፡ ለእግዚአብሔር፡ ዘወሀቦ፡ ኀይለ፡ ወመዊአ፡ ለዝንቱ፡ ንጉሥ፡ በካፋ፡ ዘሠጠቃ፡ ለጐዣም፡ ወዖደ፡ ኵሎ፡ አድያሚሃ፡ ወኀለፈ፡ እንተ፡ ማእከላ፡ ለዳሞት፡ እንበለ፡ ይባእ፡ ፍርሃት፡ ውስተ፡ ልቡ፡ እንዘ፡ ይሰምዕ፡ ነገረ፡ መሰግላን፡ አፅራሪሁ፡ እለ፡ ያደነግፁ፡ ሰብአ፡ ወይሰብሩ፡ ልበ፡ በጒሥዓተ፡ ልቦሙ፡ ወፍልሐተ፡ ምክሮሙ።

ወአመ፡ ፳ወ፯፡ ለየካቲት፡ በዕለተ፡ ሐሙስ፡ ገብሩ፡ ዐቢየ፡ ጸብአ፡ ዘዌ፡ ወ ወምበር፡ ምስለ፡ ወዓልቱ፡ ለ ባሻ፡ አርከሌድስ፡ በምክንያተ፡ ዘረፋ። ወረገዝዎሙ፡ ዘዌ፡ ለወዓልቱ፡ በኲናት፡ ወሞቱ፡ ፪። ፩፡ ኃያል፡ ወሬዛ፡ ሞተ፡ ወለተ፡ እኅቱ፡ ለባሻ፡ አርከሌድስ። ወ፩ሰ፡ ሕፃን፡ ሐፂር፡ ሞተ፡ ድኅረ፡ ብዙኅ፡ መዋዕል። ባሕቱ፡ ኀየሉ፡ ወሞኡ፡ ወዓልቱ፡ ወሐራሁ፡ ለባሻ፡ አርከሌድስ። ወቀተሉ፡ ብዙኃነ፡ ኃያላነ፡ እምነ፡ ዘዌ፡ በነፍጥ፡ እስመ፡ ንዋየ፡ ሐቅሉ፡ ለvባሻ፡ ነፍጥ፡ ውእቱ። ወሰሚዖ፡ ንጉሥ፡ አዘዞ፡ ለደጅ፡ አዝማች፡ ማሞ፡ ዘዳሞት፡ ከመ፡ ያኅድግ፡ ጸብአ። ወቦአ፡ እንተ፡ ማእከሎሙ፡ ወፈለጦሙ፡ ዘዘዚአሆሙ። ወይቤሎሙ፡ ንጉሥ፡ ለብላቴን፡ ጌታ፡ ማሙዬ፡ ወለደጅ፡ አዝማች፡ ተስፋ፡ ዘቋራ፡ ሑሩኬ፡ ኅሥዎ፡ ለዘአንሥአ፡ ጸብአ። ወሐዊሮሙ፡ ረከቡ፡ ፪፡ ዕደወ፡ እለ፡ አንሥኡ፡ ጸብአ፡ እምነ፡ ዘዌ። ወአምጽእዎሙ፡ ወአሰርዎሙ። ድኅረሰ፡ መሐሮሙ፡ ንጉሥ፡ እስመ፡ መሐሪ፡ ውእቱ።

1ክፍል፡ ፯። ወአመ፡ ፳ወ፱፡ ለየካቲት፡ በበዓለ፡ እግዚእ፡ በዕለተ፡ ቅዳሚት፡ ሰንበት፡ ድኅረ፡ ከዓወ፡ ምሕረተ፡ ላዕለ፡ ጃዊ፡ አንጸረ፡ ገጾ፡ ንጉሥ፡ ድኅሬሁ። ወተንሥአ፡ እምነ፡ ፈጼበድኝ፡ ወኀደረ1፡ ጕድላ። ወኮነ፡ አዛዢ፡ ብንያም፡ ጸራግ፡ ደዠን፡ ምስለ፡ ኤልማና፡ ወዴንሳ፡ ወሜጫ። ወበእለተ፡ እሑድ፡ በጽሐ፡ ደልማ፡ ወበዊኦ፡ ውስተ፡ ቤት፡ ተማከሮሙ፡ ለመኳንንት፡ ዘውእቶሙ፡ ግራ፡ አዝማች፡ ህላዌ፡ ክርስቶስ፡ ወባሻ፡ አርከሌድስ፡ በጅሮንድ፡ ወልደ፡ ጊዮርጊስ፡ ባላምባራስ፡ ወልደ፡ ጊዮርጊስ፡ ደጅ፡ አዝማች፡ ዮሐንስ፡ ደጅ፡ አዝማች፡ አሞኔዎስ፡ በጅሮንድ፡ ጳውሎስ፡ በዢሮንድ2፡ ወልደ፡ ልዑል፡ እዱግ፡ ጴጥሮስ።5 ወካልአን፡ ኮኑ፡ እምነ፡ ሥዩማን3፡ ወስዑራን። ወይቤሎሙ፡ ንጉሥ፡ ብንያም፡ ይቤለኒ፡ ይኄይሰከ፡ ሐዊር፡ ይባባ።7 ተስፋ፡ ኢየሱስኒ፡ ይቤለኒ፡ በጺሐከ፡ ጎዣም፡ ወዓዲወከ፡ በገመድ፡ በር፡ ሑርኬ፡ አሪንጎ። አንትሙ፡ መነ፡ ትኄይሱ፡ እም፪ሆሙ። መኳንንትሰ፡ ተናፈቁ። መንፈቆሙ፡ ይቤሉ፡ አሪንጎ፡ ወመንፈቆሙ፡ ይባባ። ንጉሥሂ5፡ ይቤ፡ በጺሐነ፡ ሮቢት፡ ነአምሮ፡ ኵሎ።

ወበዕለተ፡ ሰኑይ፡ ዘውእቱ፡ በአተ፡ መጋቢት፡ ግዕዘ፡ ንጉሥ፡ እምደልማ፡ ወኀደረ፡ ጎዴብ፡ ዘውእቱ፡ ወሰነ፡ ዳሞት፡ ወጎዣም። ወበእለተ፡ ሠሉስ፡ በጽሐ፡ አባዛዢ፡ ዘይሰመይ፡ ገልጥማ። ወሶበ፡ ኢአደሞ፡ ቤት፡ ዘየኀድር፡ ቦቱ፡ ወፅአ፡ ንጉሥ፡ ምስለ፡ ኅዳጣን፡ አግብርቲሁ፡ ወኀደረ፡ ዳንጕሌ። ሰብአ፡ ትዕይንትሰ፡ ኀደሩ፡ ህየ። ወበዕለተ፡ ረቡዕ፡ ግዕዙ፡ መኳንንት፡ ወኀደሩ፡ ዳንጉሌ። ንጉሥ ሰ፡ ተንሥአ፡ እምህየ፡ ምስለ፡ ኅዳጣን፡ ሠራዊት፡ እስመ፡ ደደክ፡ ወመካነ፡ በረድ፡ ይእቲ፡ ፍኖት፡ ወኀደረ፡ ከርነዋሪ። ወኢተራከበ፡ ምስለ፡ መኳንንቲሁ፡ እስከ፡ ይባባ።ወበዕለተ፡ ሐሙስ፡ ተንሢኦሙ፡ መኳንንት፡ ኀደሩ፡ ከርነዋሪ፡ ወበዕለተ፡ አርብ፡ ትክል፡ ድንጋይ። ወበቀዳሚት፡ ሰንበት፡ ያፄ፡ እፃናት፡ ወበህየ፡ አሰርገዎሙ፡ ንጉሥ፡ ለባሶ፡ ወሊበን፡ ወለሰብአ፡ ጎዣም። ወበዕለተ፡ እሑድ፡ ወዓለ፡ ንጉሥ። ወበዕለተ፡ ሰኑይ፡ ግዕዙ፡ መኳንንት፡ ወኀደሩ፡ ቈለላ፡ ወበዕለተ፡ ሠሉስ፡ የዛት፡ ወበዕለተ፡ ረቡዕ፡ ሽና። ወበይእቲ፡ ዕለት፡ ኀደረ፡ ንጉሥ፡ ፂማ፡ ምድረ፡ ሙላዱ፡ ውስተ፡ ቤቱ፡ ለብላቴን፡ ጌታ፡ ወሰን፡ ሰገድ። ወዖደ፡ ኩለንታሃ፡ ለፂማ፡ ወአፍቀራ፡ እስመ፡ ባቲ፡ ልህቀ። ወበዕለተ፡ ሐሙስ፡ አመ፡ ፲ወ፩፡ ለመጋቢት፡ መቅድመ፡ ቦአ፡ ይባባ፡ ንጉሥ፡ ወድኅሬሁ፡ ቦኡ፡ መኳንንት። ስብሐት፡ ለእግዚአብሔር፡ ዘአብጽሐነ፡ እስከ፡ ዛቲ፡ ብሔር።

ወምሴተ፡ ከዊኖ፡ ጸውኦሙ፡ ንጉሥ፡ ለመኳንንቲሁ። ወአብልዖሙ፡ ወአስተዮሙ፡ በከመ፡ ልማዱ።3 ወበዕለተ፡ እሑድ፡ ገብረ፡ ምሳሐ፡ ዘየዓቢ፡ ወኢያኅጥኦሙ፡ እምዘፈቀዱ፡ ለኵሉ፡ ሰብአ፡ ትዕይንት።(G6v)

1ክፍል፡ ፰። ወበዕለተ፡ ሰኑይ፡ አዘዞሙ፡ ንጉሥ፡ መኳንንቲሁ፡ ከመ፡ ይሑሩ፡ በታምሬ፡ ምስለ፡ አቅርንቲሁ፡ ወነፍጡ። ውእቱኒ፡ ተንሢኦ፡ እምነ፡ ይባባ፡ ኀደረ፡ ክብራን። ወበእለተ፡ ሠሉስ፡ ዘጌ፡ ወበዕለተ፡ ረቡዕ፡ ሰቀለጥ። ወበእለተ፡ ሐሙስ፡ ወዓለ። ወበእለተ፡ አርብ፡ ልጆሚ።7ወበህየ፡ አሰርገዎ2፡ ለአዛዢ፡ ብንያም፡ ሠናየ፡ ስርጋዌ3።8ወበቀዳሚት፡ ሰንበት፡ ኀደረ፡4 ወንድጌ፡ ወበእሑድ፡ ደንገል፡ በር፡ ወበዕለተ፡ ሰኑይ፡ ጣቁሳ፡ ወበዕለተ፡ ሠሉስ፡ ጅብጅባ፡ ወበዕለተ፡ ረቡዕ፡ ባለንገብ። መኳንንትኒ፡ ግዕዙ፡ በዕለተ፡ ሰኑይ፡ እምነ፡ ይባባ፡ ወኀደሩ5፡ እመ፡ ምሕረት፡ ወበዕለተ፡ ሠሉስ፡ ታምሬ፡ ወበእለተ፡ ረቡዕ፡ ጀፍጀፋ፡ ወበዕለተ፡ ሐሙስ፡ ጽንጁት፡ ወበዕለተ፡ ዓርብ፡ አባ፡ ጕንዳ6።10ወበቀዳሚት፡ ሰንበት፡ ሆድ፡ ገበያ፡ ወበዕለተ፡ እሑድ፡ ኰሸሽላ፡ ወበዕለተ፡ ሰኑይ፡ ዕንፍራዝ፡ ወበእለተ፡ ሠሉስ፡ ወይነ፡ ዓረብ፡ ወበዕለተ፡ ረቡዕ፡ ፀዳ። ወበዕለተ፡ ሐሙስ፡ ግዕዘ፡ (A158vb) ንጉሥ፡ እምነ፡ ባለንገብ፡ ወቦአ፡ ጐንደር።መኳንንትኒ፡ ቦኡ፡ በይእቲ፡ ዕለት።

1ወሶበ፡ ንኌልቊ፡ ዕለተ፡ እምዕለት፡ ዘተንሥአ፡ ቦቱ፡ እምጐንደር፡ እስከ፡ ዕለት፡ ዘገባዕነ1፡ ቦቱ፡ ጐንደር፡ ኮነ፡ ፸፡ ዕለተ።2አየ፡ አኰቴተ፡ ንክል፡ ዓሥዮቶ፡ ለእግዚአብሔር፡ እስመ፡ አግብአነ፡ በፍሥሐ፡ ወኢወግዓነ፡ ሦክ።3ለንጉሥነሂ፡ ኢረከቦ፡ አሐተ፡ ሰዓተ፡ ኢሐዘን2፡ ወኢሕማም።

እስከዝ፡ አብጻሕኩ፡ ጺሒፈ፡ ዜናሁ፡ ለንጉሥ፡ በካፋ፡ ኀበ፡ አዘዘኒ፡ እምቅድመ፡ የሀበኒ፡ ሢመተ፡ ጸሐፌ፡ ትእዛዝ። በከመ፡ ጸሐፍኩ፡ ዜናሁ፡ ለ ንጉሥ፡ ኢያሱ፡ አቡሁ፡ ዘኮነ፡ በምድረ፡ ጊቤ፡ እንዘ፡ ንኡሰ፡ ዓቅም፡ አነ፡ እስመ፡ ተለውክዎ፡ እምጥንቱ፡ እስከ፡ ተፍጻሜቱ። ወእምድኅረ፡ ሤመኒ፡ ንጉሥ፡ ጸሐፌ፡ ትእዛዝ፡ ናሁ፡ እጽሕፍ፡ ዘተርፈ፡ ነገሮ፡ ወዘኮነ፡ እምጊዜ፡ በአቱ፡ ለ ንጉሥ፡ በካፋ፡ እምዘመቻ፡ ጃዊ፡ እስከ፡ ጊዜ፡ ዘተሠየምኩ፡ ቦቱ፡ አነ፡ ጸሐፌ፡ ትእዛዝ። ዘመነ፡ ሢመትየሰ፡ እጽሕፍ፡ በጊዜሁ።ወሶበ፡ ቦአ፡ ንጉሥ፡ በካፋ፡ ውስተ፡ ጐንደር፡ እምዘመቻ፡ ጃዊ፡ አመ፡ ፳ወ፭፡ ለመጋቢት፡ ኮነ፡ ዓቢይ፡ ፍሥሐ፡ ውስተ፡ ኵሉ፡ ዓለም።

1ክፍል፡ ፱።2ሠረቀ፡ ሚያዚያ፡ በእለተ፡ ረቡዕ።3ወኮነ፡ በዓለ፡ ፋሲካ፡ አመ ፲ወ፱።

ክፍል፡ ፲።2ሠረቀ፡ ግንቦት፡ በዕለተ፡ ዓርብ። ወበውእቱ፡ ወርኅ፡ አዘዞሙ፡ ንጉሥ፡ ለውላጆች፡ ወለከኒሳ፡ ከመ፡ ይሑሩ፡ በበሪሞሙ፡ ወኢይፃኡ፡ እምሀገር፡ እንበለ፡ ትእዛዘ፡ ንጉሥ። ወሶበ፡ ተሀየዩ፡ ውላጆች፡ ቃለ፡ ንጉሥ፡ አዖደ፡ ዓዋዴ፡ ንጉሥ፡ ወይቤ፡ ኵሉ፡ ሰብእ፡ ዘተረክበ፡ ውላጅ፡ ውስተ፡ ቤቱ፡ የሐዝን፡ በርእሱ፡ ወንብረቱ። ወእምዝ፡ ወፅኡ፡ እምትዕይንት፡ ወሖሩ፡ ዐበይተ፡ አግብርተ፡ ጋዢጌ፡ ወከኒሳ፡ አንፆ።ምክንያቱሰ፡ ለዝ፡ ነገር፡ ኮኑ፡ እሉ፡ አግብርት፡ እኩያን፡ ወፀዋጋን። ወአልቦ፡ ፍልጠት፡ ማእከለ፡ ውላጆች፡ ወአጋንት። ወኢይትረኃርሁ፡ ሶበ፡ ይገብሩ፡ ግፍዐ። ቦ፡ እምኔሆሙ፡ ዘይቀትል፡ ነፍሰ፡ በእንተ፡ ፩፡ ኅብስት። ወቦ፡ ዘይነሥእ፡ ብእሲቶ፡ እንዘ፡ ያቀውሞ፡ ለምታ። ወቦ፡ ዘያማስን፡ ሕፃን፡ ድንግል፡ እንዘ፡ ተዓወዩ፡ ወትበኪ፡ በቅድመ፡ እማ። እስፍተ፡ እነግር፡ ነገረ፡ እከዮሙ፡ ዕውቅ፡ ወክሡት፡ ውስተ፡ ኵሉ፡ ዓለም። ለ ንጉሥኒ፡ ምዕረ፡ ይትረአይዎ፡ በትዕቢት፡ ወበተነፍኆ፡ ልብ። ወምዕረ፡ ይትሜነይዎ፡ ለሰይፍ፡ ወለኲናት፡ ወለበሎታ። ወእምዝ፡ ተማከሩ፡ እሉ፡ ውላጆች፡ በጋዢጌ፡ ወተበሀሉ፡ ንዑ፡ ንሑር፡ ውስተ፡ መዲና፡ ንጉሥ። ወንክዓው፡ ደማቲሆሙ፡ ወንግበር፡ ኵሎ፡ ዘፈቀድነ። ወእምዝ፡ መጽኡ፡ በከመ፡ መከሩ።

ክፍል፡ ፲፩። ሠረቀ፡ ሰኔ፡ በዕለተ፡ እሑድ። ወሶበ፡ ሰምዐ፡ ንጉሥ፡ ከመ፡ ኮኑ፡ ውላጆች፡ ጥቡዓነ፡ ወተባዕያነ፡ ለበዊአ፡ ውስተ፡ ትዕይንት፡ ፈነዎ፡ ለላሔን፡ ማሞ፡ ምስለ፡ ሐራሁ፡ ጠንቀኛ። ወረከቦሙ፡ በባርጫ፡ ለውላጆች፡ ቦ፡ ዘአፍራስ፡ ወቦ፡ ዘበእግር። ወእምዝ፡ አመ፡ ፪፡ ለሰኔ፡ አውደቆሙ፡ እግዚአብሔር፡ ይትሌዓል፡ ዝክሩ፡ በእደ፡ ጠንቀኛ። ወቀተልዎሙ፡ ወአሕለቅዎሙ፡ እንበለ፡ ያትርፉ፡ ነፋፂተ። ለከኒሳሂ፡ እለ፡ ሀለዉ፡ በአንፆ፡ አሕለቆሙ፡ አዛዢ፡ ብንያም፡ ምስለ፡ ኤልማና፡ ወዴንሳ፡ በትእዛዘ፡ ንጉሥ። ወቦ፡ ዘአምጽኦሙ፡ አሲሮ። ባሻ፡ አደራሂ፡ ሶበ፡ ረከቦሙ፡ በጣቊሳ፡ ለእለ፡ ተርፉ፡ አግብርት፡ አሰሮሙ፡ ወአምጽኦሙ። ወሶበ፡ ርእየ፡ ንጉሥ፡ እሱራነ፡ ቦ፡ ዘፈነወ፡ ውስተ፡ ግዞት፡ ወቦ፡ ዘአዘዞ፡ ይሑር፡ ኀበ፡ ዘፈቀደ፡ ወቦ፡ ዘመሐሮ፡ እስመ፡ መሐሪ፡ ውእቱ።

ወበዝ፡ ነገር፡ አልቦ፡ ዘኢያአኰቶ፡ ለእግዚአብሔር፡ ይዕበይ፡ ስሙ። ለንጉሥኒ፡ ወደስዎ፡ ዕድ፡ ወአንስት፡ አዕሩግ፡ ወሕፃናት፡ ዕቤራት፡ ወዕጓለ፡ ማውታ፡ መነኮሳት፡ ዘደስያት፡ ወባሕታውያን፡ ዘገዳማት፡ ወካህናት፡ ዘአድባራት፡ ዕውራንኒ፡ ወሐንካሳን፡ እስመ፡ አልቦ፡ እምእሉ፡ ኵሎሙ፡ ዘኢተገፍዓ፡ በእደ፡ ውላጅ። ስብሐት፡ ለእግዚአብሔር፡ ዘፈደዮሙ፡ ለእሉ፡ በከመ፡ ምግባሮሙ። ወወሀቦ፡ ለንጉሥ፡ ኀያል፡ በካፋ፡ ኀይለ፡ ወመዊዐ6።5ወመልዖ፡ ጸጋ፡ ወጽድቀ፡ ወሞገሰ።6 ወአመ፡ ፲ወ፩፡ ለሰኔ፡ አዕረፈት፡ ዌዘሮ፡ አጽቀ፡ ድንግል።

ክፍል፡ ፲፪። ሠረቀ፡ ሐምሌ፡ በዕለተ፡ ሠሉስ። ወአመ፡ ፪፡ ለሐምሌ፡ ሞተ፡ ባሻ፡ ወልደ፡ ጊዮርጊስ፡ ቈለኛ፡ ወተቀብረ፡ በደብረ፡ ብርሃን። ወበውእቱ፡ ወርኅ፡ ተስዕረ፡ ባሻ፡ አርከሌድስ፡ ወተሠይመ፡ ባሻ፡ አደራ።

ክፍል ፲፫። ሠረቀ፡ ነሐሴ፡ በዕለተ፡ ሐሙስ። ወእምይእቲ፡ ዕለት፡ አኀዘ፡ ንጉሥ፡ ቀኖና፡ ጾም፡ ወኢረከቦ፡ ሰብእ፡ እስከ፡ በዓለ፡ ፍልሰታ። ወአመ፡ ፳ወ፫፡ ለነሐሴ፡ አዕረፈት፡ እሙ፡ ለ ንጉሥ፡ ማርያማዊት፡ ክብርት፡ እግዝእት፡ ምህርተ፡ መጽሐፍ፡ ወተስፋ፡ ካህናት፡ ወምዕራፈ፡ ነዳያን። ወተቀብረተ፡ በደብረ፡ ብርሃን። ወኮነ፡ ዐቢይ፡ ሐዘን፡ ውስተ፡ ትዕይንት። ፈድፋደሰ፡ ጸንዐ፡ ቦቱ፡ ለ ንጉሥ፡ ሐዘነ፡ እሙ፡ እስመ፡ ኮነ፡ ያፈቅራ፡ እምንእሱ። ወለብሰ፡ ልብሰ፡ ሐዘን፡ ዘውእቱ፡ ከል፡ እስከ፡ ፵፡ ዕለት።

ክፍል፡ ፲፬።2ሠረቀ፡ ጳጕሜን፡ በቀዳሚት፡ ሰንበት። ወሤሞ፡ ለ ባሻ፡ አርከሊድስ፡ ቤገምድር፡ አዝማች፡ ወአስተሰነአሎ1።4 ወሖረ፡ ንጉሥ፡ ውስተ፡ ደሴት፡ ዘትሰመይ፡ ብርጊዳ፡ ከመ፡ ይብኪ፡ በእንተ፡ እሙ፡ ወበእንተ፡ ርእሱ። ሠረቀ2፡ መስከረም፡ በዕለተ፡ ዓርብ። ወወንጌላዊ፡ ዮሐንስ፡ አበቅቴ ፬፡ ወመጥቅ(A159vb)ዕ ፳ወ፮። ወመጽአ፡ ንጉሥ፡ እምነ፡ ብርጊዳ፡ ወገብረ፡ ተዝካራ፡ ለእሙ፡ ዕፁበ፡ ወመድምመ፡ ዘየዓቢ፡ እምተዝካረ፡ ኵሎን፡ ንግሥታት። ወአመ፡ ፳ወ፭፡ ለመስከረም፡ ዘውእቱ፡ ፍጻሜ፡ ሮል ፵፡ ለተዝካረ፡ እሙ፡ አሰርገዎ3፡ በአውቃፈ፡ ወርቅ፡ ኄር፡ ንጉሥ፡ ወማእምረ4፡ ልብ፡ በካፋ፡ ለጸሐፌ፡ ዝንቱ፡ ታሪክ፡ ሲኖዳ፡ ሶበ፡ ወሀቦ፡ ድርሰተ፡ መርስዔ፡ ሐዘን5።

ክፍል፡ ፲፭። ሠረቀ፡ ጥቅምት፡ በዕለተ፡ እሑድ። ወአመ፡ ፲ወ፪፡ ለጥቅምት፡ አዕረፈ፡ ቄስ፡ ሐፄ፡ ቀውስጦስ፡ ዐቢይ፡ ካህን።ወእምድኅረ፡ ኀለፈ፡ ጊዜ፡ ፱፡ ሰዓት፡ ጸውዖ፡ ንጉሥ፡ ለአባ፡ ዘወልደ፡ ማርያም፡ አበ፡ መጉና። ወነበረ፡ ዲበ፡ መንበረ፡ መንግሥት፡ በማዕከላይ፡ ግምብ። ወነገሮ፡ ከመ፡ የኀሥሥ፡ ጽድቀ፡ በሕጉ። ወአስተጋብኦሙ፡ ለካህናት፡ ወለቀሳውስት፡ ወለዲያቆናት፡ ምስለ፡ መባርህት፡ ወዕጣን፡ ወመስቀል። ወእምዝ፡ አምጽአ፡ ንጉሥ፡ ለአዋልደ፡ ንግሥት፡ ሠናይተ፡ ራእይ፡ ወብርህተ፡ ገጽ፡ ኀይለ፡ ወላህየ፡ ዘለብሰት። ወአንበራ፡ ንጉሥ፡ ዲበ፡ መንበረ፡ መንግሥት፡ አንጸረ፡ ገጹ፡ ቅርብተ።

ወሶበ፡ አብጽሑ፡ ካህናት፡ ኵሎ፡ ሥርዓተ፡ ብእሲ፡ ወብእሲት፡ ወአንበቡ፡ መጽሐፈ፡ ተክሊል፡ አልበስዎሙ፡ ፩፡ ልብሰ፡ ጸዓዳ፡ ለንጉሥ፡ ወለንግሥት። ወአስተአኃዝዎሙ፡ ለእድ። ወእምዝ፡ ይቤሎሙ፡ ንጉሥ፡ ለካህናት፡ መኑ፡ ያነብር፡ አክሊለ፡ ዲበ፡ ርእሳ። ወይቤልዎ፡ ካህናት፡ ንጉሥ፡ ያንብር፡ በከመ፡ ያነብር፡ ወትረ፡ አክሊለ፡ መንግሥት፡ በርእሰ፡ እጨጌ። አሜሃ፡ ገልበባ፡ ንጉሥ፡ በሻሽ፡ እንዘ፡ ፪ሆሙ፡ በ፪፡ መናብርት። ወአንበረ፡ አክሊለ፡ ዲበ፡ ርእሳ፡ ዘእምዕንቊ፡ ክቡር።

ወእምዝ፡ ተንሥአት፡ እመንበር፡ እንዘ፡ ዲበ፡ ርእሳ፡ አክሊለ፡ ዘውእቱ፡ ዘውድ።2ወሖረት፡ በእግራ፡ ቤተ፡ እተጌ1፡ እንዘ፡ ይጠቃዕ፡ መጥቅዕ፡ ወይትነፋሕ፡ ቀርን።3ወኢተርፈ፡ ኵሉ፡ ሥርዓተ፡ መንግሥት።4ወበዊአ፡ ነበረት፡ ዲበ፡ መንበር፡ በከመ፡ ሥርዓተ፡ ንግሥት።5ወመጽአ፡ ኵሉ፡ አቃቂረ፡ ማዕድ፡ እምቤተ፡ ንጉሥ።6ወአምሰየት፡ እንዘ፡ ታበልዕ፡ እስከ፡ መንፈቀ፡ ሌሊት።7ወበይእቲ፡ ሌሊት፡ ደወየት፡ ደዌ፡ ጽኑዓ3፡ ወአዕረፈት፡ አመ፡ ፴፡ ለጥቅምት፡ ወተቀብረት፡ በደብረ፡ ብርሃን፡ በጥቃሃ፡ ለእሙ፡ ቅድስት።8 ወገብረ፡ ንጉሥ፡ ተዝካራ፡ ከመ፡ ተዝካረ፡ ኵሎን፡ ንግሥታት።

ክፍል፡ ፲፮። ሠረቀ፡ ኅዳር፡ በዕለተ፡ ሠሉስ። ወለአከ፡ ደጅ፡ አዝማች፡ አርከሌድስ፡ ኀበ፡ ንጉሥ፡ እንዘ፡ ይብል፡ ፈኑ፡ ሊተ፡ ኦ ንጉሥ፡ ጭፍራ፡ ዘይረድአኒ፡ እስመ፡ ወፅአ፡ ጋላ፡ ዘአልቦ፡ ኍልቊ። ወእምዝ፡ አዘዞ፡ ንጉሥ፡ ለ ቢትወደድ፡ ኤራቅሊስ፡ ከመ፡ ይሑር፡ በጌምድር፡ ምስለ፡ እሙራን፡ ሠራዊት። አመ፡ ፰፡ ለኅዳር፡ ወሐሩ፡ ኵሎሙ፡ ኀበ፡ ሀለወ፡ ደጅ፡ አዝማች፡አርከሌድስ። ወሶበ፡ ኢረከቡ፡ ጋላ፡ገብኡ፡ ፍጡነ፡ በውእቱ፡ ወርኅ። ባሻ፡ አደረሰ፡ ተርፈ፡ ድኅረ፡ ኀበ፡ ደወየ። ወበዊኦጐንደር፡ ሞተ፡ አመ፡ ፳ወ፯፡ ለኅዳር፡ ወተቀብረ፡ በቃሐ።

1ክፍል፡ ፲፯። ሠረቀ፡ ታኅሣሥ፡ በዕለተ፡ ሐሙስ።2ወኮነ፡ በዕለተ፡ ሐሙስ፡ በዓለ፡ ልደት።

1ክፍል፡ ፲፰።2ሠረቀ፡ ጥር፡ በዕለተ፡ ቅዳሚት፡ ሰንበት።3ወአመ፡ ፯፡ ለጥር፡ ሞተ፡ አዛዢ፡ አርሴ፡ ወተቀብረ፡ በአዘዞ። ወአመ፡ ፳ወ፩፡ ለጥር፡ ተሠይመ፡ መጋቢ፡ ወልደ፡ ሐዋርያት፡ ጸሐፌ፡ ትዕዛዝ፡ ወአስተላጸቆ፡ ምስለ፡ ሢመተ፡ ሊቅና፡ ዘቅዱስ፡ ሩፋኤል።ወበይእቲ፡ ዕለት፡ ይቤሎ፡ ንጉሥ፡ ለሲኖዳ፡ ለአክ፡ ብየ፡ ሰብአ፡ ዘተአምኖ፡ ከመ፡ እሀብከ፡ ሢመተ፡ ዘትፈቅዶ። ወይቤ፡ ሠናይ፡ ቃለ፡ ንጉሥ፡ ባሕቱ፡ አልብየ፡ ካልእ፡ ዘአአምኖሰ፡ ርእስየ፡ ውእቱ፡ ወርእስየ፡ ይንግርከ። ወእምዝ፡ ይቤሎ፡ ንጉሥ፡ ወሀብኩከ፡ ሢመተ፡ ዘቅዱስ፡ ሚካኤል፡ ዘሀሎ፡ በጽርሐ፡ ንጉሥ፡ ወጌሠመ፡ ትነሥአኒ፡ እደ። ወኢወጽአ፡ ዝንቱ፡ ምስጢር፡ ለ፩ሂ፡ እስከ፡ ይትከሠት፡ በጊዜሁ፡ እስመ፡ ቃለ፡ ንጉሥ፡ ይመትር፡ ከመ፡ ነደ፡ እሳት።

ክፍል፡ ፲፱።2ሠረቀ፡ የካቲት፡ በዕለተ፡ ሰኑይ። ወአመ፡ ፲ወ፫፡ ለየካቲት፡ ሤሞ፡ ንጉሥ፡ ለአምኃ፡ ኢየሱስ፡ ርእሰ፡ ትዕይንት፡ ወቤገምድር፡ አዝማች። ወአስተዋቀሶ፡ ምስለ፡ ቢትወደድ፡ ኤራቅሊስ፡ ወብላቴን፡ ጌታ፡ ማሙዬ። ወገብረ፡ ዕርቀ፡ ማእከሌሆሙ።

1ክፍል፡ ፳።2ሠረቀ፡ መጋቢት፡ በዕለተ፡ ረቡዕ።3አመ፡ ፲፡ አዕረፈት፡ ዌዘሮ፡ ሰበኔ፡ እኅቱ፡ ለ ንጉሥ። ወበ፲ወ፪ ለመጋቢት፡ ዘውእቱ፡ ደብረ፡ ዘይት፡ ወበዓለ፡ ቅዱስ፡ ሚካኤል፡ ሊቀ፡ መላእክት፡ ሤሞ፡ ለ ፡ መልአከ፡ ገነት፡ እምዘአሰፈዎ፡ በ፶፡ ዕለት። ወበውእቱ፡ ወርኅ፡ አስተሰነአሎ፡ ንጉሥ። ለአምኃ፡ ኢየሱስ፡ ከመ፡ ይሑር፡ ቤገምድር። ወበውእቱ፡ ወርኅ፡ አዕረፈት፡ ዌዘሮ፡ ብስለንትያ፡ እኅቱ። ወአመ፡ ፳ወ፮፡ ለመጋቢት፡ ተስዕረ፡ እጨጌ፡ ተክለ፡ ሃይማኖት፡ ሶበ፡ ሐዘኑ፡ ቦቱ፡ ሰብአ፡ ደብር፡ ቅድመሰ፡ ኢፈቀደ፡ ንጉሥ። ወሶበ፡ በጽሐ፡ ጊዜሁ፡ ኮነ፡ ስዕረቱ፡ በፈቃደ፡ ንጉሥ።

ክፍል፡ ፳፩። ሠረቀ፡ ሚያዝያ፡ በዕለተ፡ ዓርብ። አመ፡ ፲፡ ኮነ፡ በዓለ፡ ፋሲካ። ወአመ፡ ፳ወ፪፡ ለሚያዝያ፡ አዘዞ፡ ንጉሥ፡ ለ ሊቀ፡ መኳስ፡ ገብረ፡ ልዑል፡ ከመ፡ ያምጽኦ፡ ለእጨጌ፡ ዮሐንስ፡ እምነ፡ አዘዞ። ወአመ፡ ፳ወ፯፡ ለሚያዝያ፡ ተሠይመ፡ እጨጌ፡ ዮሐንስ፡ በከመ፡ ልማደ፡ አበዊሁ።

1ክፍል፡ ፳፪።2ሠረቀ፡ ግንቦት፡ በዕለተ፡ እሑድ። ወበውእቱ፡ ወርኅ፡ ቦአ፡ ኑፋቄ፡ (A160vb) ውስተ፡ ልበ፡ ሰብእ፡ በእንተ፡ ዐመፃሁ፡ ለአምኃ፡ ኢየሱስ።

1ክፍል፡ ፳፫። ሠረቀ፡ ሰኔ፡ በዕለተ፡ ሠሉስ። ወበወእቱ፡ ወርኅ፡ ተገብረ፡ ሎቱ፡ ለዐቢይ፡ ንጉሥ፡ በካፋ፡ ዐቢይ፡ ኀይል፡ እምዐቢይ፡ እግዚአብሔር፡ ዘዐቢይ፡ ኀይሉ።ምክንያቱሰ፡ አንሥአ፡ ከተማ፡ ነገረ፡ ዘውእቱ፡ ወሬ፡ እንዘ፡ ይብል፡ የሐውር፡ ንጉሥ፡ ውስተ፡ ወልቃይት። ወበዝ፡ ተስፋ፡ ቦአ፡ ወሬኛ፡ ውስተ፡ መዲና፡ ወተኀብአ፡ በቤተ፡ አዛዢ፡ ዘርአ፡ ጽዮን። ወአኀዘ፡ ይስሕብ፡ ሰብአ፡ እንዘ፡ ይብል፡ ናሁ፡ እነግሥ፡ አነ፡ እስመ፡ በጽሐ፡ ጊዜ፡ መንግሥትየ። ወእሁበክሙ፡ ሢመተ፡ ወሢመተ፡ እገሌ፡ እሁብ፡ ለእገሌ። ወበዝ፡ ኀብሩ፡ ሎቱ፡ ብዙኃን፡ ሰብእ፡ ፈድፋደሰ፡ ወዓልቱ፡ ለማሙዬ። ወአደሙ፡ ሰብአ፡ እምደቀ፡ ቤተ፡ መንግሥት፡ ዘያርኁ፡ አንቀጸ፡ ቤተ፡ መዛግብት፡ ዘሀሎ፡ ውስቴቱ፡ አክሊለ፡ መንግሥት፡ ጊዜ፡ ምሴት፡ እስመ፡ ኢሀሎ፡ ንጉሥ። አሜሃ፡ ወኀደረ፡ ፀዳ።

ወጸውዖ፡ ዝኩ፡ ወሬኛ፡ ለኵርፋድ፡ ማሞ፡ ወይቤሎ፡ ኅበር፡ ሊተ፡ ለመንግሥትየ፡ እስመ፡ ሊተ፡ ኵሉ፡ ከተማ፡ ወምስሌየ፡ እሙንቱ፡ ኵሎሙ፡ መኳንንት። ለከኒ፡ እሁከ፡ ዓቢየ፡ ሢመተ። ወይቤሎ፡ ኵርፋድ፡ ማሞ፡ እፎ፡ ይትከሀል፡ ዝ: ዕፁብ፡ ነገር። ወይቤሎ፡ ወሬኛ2፡ አአምር፡ አነ፡ ከመ፡ ይትከሀለኒ ነጊሥ።5ወወፅአ፡ ኵርፋድ፡ ማሞ፡ እንዘ፡ ይመስሎ፡ ዘተሰነአዎ። ወነገሮ፡ ዘንተ፡ ኵሎ፡ ለብላቴን፡ ጌታ፡ ማሙዬ።

አሜሃ፡ አፍጠነ፡ ማሙዬ፡ ወኀረየ፡ ዕደወ፡ ጽኑዓነ፡ ወይቤሎ፡ ለኵርፋድ፡ ማሞ፡ ሑር፡ ምስለ፡ እሉ፡ ዕደው፡ ወአኀዞ፡ ለወረኛ። ወሐዊሮሙ፡ እሉ፡ ዕደው፡ ረከብዎ፡ በዘተኃብአ።ዝኩሰ ወረኛ፡ ተቃወሞሙ፡ በአብትር፡ ወመጣብሕ፡ ባሕቱ፡ ኀደጎ፡ እግዚአብሔር፡ በእዴሆሙ። ወአኀዝዎ፡ ወአምጽእዎ፡ ወምስሌሁ፡ ቅሞኔ፡ ሕዝቅያስ። ወአብእዎ፡ ውስተ፡ ቤተ፡ ማሙዬ፡ አመ፡ ፲ወ፪፡ ለሰኔ፡ ዘውእቱ፡ በዓለ፡ ቅዱስ፡ ሚካኤል። ኦ፡ ኃያል፡ ንጉሥ፡ በካፋ፡ አየ፡ አኮቴተ፡ ተዓስዮ፡ ለእግዚአብሔር፡ በእንተ፡ ኵሉ፡ ዘገብረ፡ ለከ። ምዕረ፡ ይፌኑ፡ ለከ፡ መልአኮ፡ ብርሃናዌ፡ ሚካኤልሃ፡ ዘረድአከ። ወምዕረ፡ ይሔውጸከ፡ ውእቱ፡ እግዚእ፡ በከመ፡ ይሐውጽ፡ ቅዱሳኒሁ። እምይእዜሰ፡ ይደልወከ፡ ትበል፡ እግዚአብሔር፡ ያበርህ፡ ሊተ፡ ወያድኅነኒ፡ ምንትኑ፡ ያፈርሃኒ። ይኄይስ፡ ተአምኖ፡ በእግዚአብሔር፡ እምተአምኖ፡ በዕጓለ፡ እመሕያው6።11 ኵሎሙ፡ አሕዛብ፡ ዓገቱኒ፡ ወበስመ፡ እግዚአብሔር፡ ሞዕክዎሙ። ተንተንኩ፡ ለወዲቅ፡ ወእግዚአብሔር፡ አንሥአኒ። ኀይልየኒ፡ ወዝክርየኒ፡ እግዚአብሔር።

ክፍል፡ ፳፬። እግባዕኬ፡ ኀበ፡ ነገርየ። አሜሃ፡ ኮነ፡ ዐቢይ፡ ድልቅልቅ፡ ውስተ፡ ቤቱ፡ ለማሙዬ። ወበዝኀ፡ እልልታ፡ ወዘፈን፡ ውስተ፡ ኵሉ፡ ዓውደ፡ ትዕይንት። ወኮነ፡ ዐቢይ፡ ፍሥሐ፡ ከመ፡ ዕለተ፡ መንግሥቱ፡ ለ ንጉሥ፡ በካፋ። ወበሳኒታ፡ ቦአ፡ ንጉሥ፡ እምፀዳ፡ ውስተ፡ ጽርሑ። ወእምዝ፡ ጸውዖ፡ ለወሬኛ፡ ወይቤሎ፡ ንጉሥ፡ ወልደ፡ መኑ፡ አንተ፡ ወመኑ፡ ስምከ። ወይቤሎ፡ ወልደ፡ ሐፄ፡ ያዕቆብ፡ አነ፡ ስምየኒ፡ ሕዝቅያስ፡ ውእቱ። ወይቤሎ፡ ንጉሥ፡ በእፎ፡ መጻእከ፡ ዝየ። ወይቤሎ፡ ወሬኛ፡ መጻእኩ፡ ከመ፡ እንግሥ፡ በፈቃድየ። ወሐተቶ፡ ኵሎ፡ ነገሮ፡ ዘከመ፡ ነበረ፡ ወዘከመ፡ ተሐፅነ። ውእቱኒ፡ ወሬኛ፡ ኢሰወሮ፡ ኵሎ፡ ኅቡአቶ። ወዘከረ፡ አስማቲሆሙ፡ ለእለ፡ ኀብሩ፡ ሎቱ፡ እምዐቢይ፡ እስከ፡ ንዑስ። ወኮነ፡ ሰማዕተ፡ በርእሱ፡ ከመ፡ ድልው፡ ለሞት፡ ውእቱ። ወእምዝ፡ አሰርዎሙ፡ ለእለ፡ ተረክቡ፡ እምወጀለኞች፡ እስከ፡ እዜክር፡ ስሞሙ፡ በጊዜሁ። ወተረክበ፡ ክታብ፡ በእደ፡ ወረኛ፡ ዘይኌልቍ፡ ስሞሙ፡ ለወዓልቱ፡ እለ፡ ኀደሩ፡ ሎቱ።

ወበአሐቲ፡ ዕለት፡ አስተጋብኦሙ፡ ንጉሥ፡ ለ፬፡ ሊቃውንት፡ ወለ፬፡ አዛዦች፡ ዘየማን፡ ወፀጋም፡ ወለኵሎሙ፡ መኳንንት፡ ሥዩማን፡ ወስዑራን፡ ወኰነንዎሙ። ወወቀስዎሙ፡ እለ፡ ይወቅሱ፡ ወትረ፡ ለእሉ፡ እሱራን፡ ዓማፅያን። ወአምኑ፡ ኵሉ፡ ኃ ጢአቶሙ፡ እንበለ፡ ሰማዕት። ወይቤሉ፡ ኵሎሙ፡ እወ፡ ተመሐልነ፡ ወተሰካተይነ፡ ምስለ፡ ዝንቱ፡ ወረኛ። ሶበኒ፡ ሐተትዎ፡ ለወረኛ። ወይቤልዎ፡ አማንኑ፡ መጻእከ፡ ዝየ፡ ከመ፡ ትንግሥ። ወይቤሎሙ፡ እወ፡ መጻእኩ፡ ከመ፡ እንግሥ፡ ወእንሣእ፡ መንግሥተ፡ አቡየ።እስመ፡ አቡሁ፡ አዛዦች፡ ሱስንዮስ፡ ነሥአ፡ መንግሠተ፡ አቡየ፡ ሐፄ፡ ያዕቆብ። አኮኑ፡ ዘቦአ፡ በፀሐይ፡ ይወፅእ፡ በዝናም።

ወሰሚዖሙ፡ ፈታሕት፡ ነገሮ፡ ፈትሑ፡ ላዕሌሁ፡ ፍትሐ፡ ሞት። ወይቤሉ፡ ይደልዎ፡ ይደልዎ፡ ሞት፡ ዘበኀሣር። እሉኒ፡ ዓማፅያን፡ ዘኀብሩ፡ ሎቱ፡ ይሙቱ፡ በጽኑዕ፡ ሞት። ለዝንቱኒ፡ ፍትሕ፡ አዕረግዎ፡ ለ ንጉሥ።´ ወሰሚዖ፡ ንጉሥ፡ ዘንተ፡ ፈትሐ፡ ፍትሐ፡ ሞት፡ ላዕሌሆሙ፡ ባሕቱ፡ ተራኅረኃ፡ ሎቱ፡ ርኅሩኀ፡ ልብ5፡ በካፋ። ወይቤ፡ ኢይሙት፡ ወሬኛ፡ ዳዕሙ፡ ይትመተር፡ እዴሁ።7 ወሶበ፡ መተርዎ፡ እዴሁ፡ ሞተ፡ ውእቱ፡ ወሬኛ፡ አመ፡ ፳ወ፩፡ ለሰኔ፡ እስመ፡ ኢመሐሮ፡ ንጉሠ፡ ሰማይ፡ ሶበ፡ መሐሮ፡ ንጉሠ፡ ምድር።

ወአመ፡ ፳ወ፭፡ ለሰኔ፡ አዘዘ፡ ንጉሥ፡ ይርግዝዎሙ፡ በኲናት፡ ለእልክቱ፡ ዓማፅያን። ወከዊኖ፡ ፍና፡ ሰርከ፡ ረገዝዎሙ፡ በአደባባይ። ወዝውእቱ፡ አስማቲሆሙ፡ ለእለ፡ ተቀትሉ፡ በይእቲ፡ ዕለት፡ ወልደ፡ ጊዮርጊስ፡ ወልዱ፡ ለደብረ፡ ጽዮን፡ ዮሴፍ፡ አጋፋሪ፡ ዘውግዴ፡ ወልደ፡ ገብርኤል፡ ገብር፡ ዘዕቃ፡ ቤት፡ ቅሞኔ፡ ሕዝቅያስ፡ ማርያም፡ ወደድ፡ ዘወልደ፡ ማርያም።4ወእምነ፡ ወዓልቱ፡ ለማሙዬ፡ ክፍሌ፡ ዘመንፈስ፡ ቅዱስ፡ አሞኔዎስ፡ ፍሣ፡ ጊዮርጊስ፡ ሲንጡ፡ ገላውዴዎስ። ወቦ፡ እለ፡ ጎዩ፡ ወአምሠጡ2፡ እምእለ፡ ኀብሩ3፡ ምስለ፡ ወሬኛ፡ ዘውእቶሙ፡ ታቦቴ፡ እኁሁ፡ ለወልደ፡ ጊዮርጊስ፡ ቈሚጥ፡ ማደሬ፡ ኤልያስ፡ ጻፊ፡ ድምያኖስ፡ ወብዙኃን፡ እለ፡ ኢዘከርነ፡ አስማቲሆሙ።6 ለኵርፋድ፡ ማሞሰ፡ ሤሞ፡ ንጉሥ፡ ሢመተ፡ አሳላፊ4፡ ወአሰርገዎ5፡ አውቃፋተ፡ ወርቅ፡ በእግሩ፡ ወእዱ፡ እስመ፡ ፈቀዳዊ፡ ውእቱ።

ወአመ፡ ፳ወ፯፡ ለሰኔ፡ ሰዓሮ፡ ንጉሥ፡ ለ ቢትወደድ፡ ኤራቅሊስ። ወአዘዞ፡ ከመ፡ ኢይኅድር፡ በከተማ፡ ዳእሙ፡ ይፃእ፡ ወይንበር፡ በሀገር። ወሤሞ፡ ለተስፋ፡ ኢየሱስ፡ መልአከ፡ ኀይሉ፡ ወአብኦ፡ በቤቱ፡ ወንብረቱ።ለኤራቅሊስ፡ ሊጋባ፡ ዳዊትኒ፡ ወለ ፊት፡ አውራሪ፡ ነጮ፡ ሞቅሖሙ፡ ወፈነዎሙ፡ ኀበ፡ ሀሎ፡ ብካይ፡ ወሐቅየ፡ ስነን።4 ወለ፩፡ እመሠርያን፡ ዘስሙ፡ ፈንጠሬ፡ ጳውሎስ፡ ወለሽፋጥ፡ ይማኔ፡ አዘዘ፡ ንጉሥ፡ ይምትሩ፡ እዴሆሙ፡ ወልሳኖሙ፡ አመ፡ ፲ወ፪፡ ለሐምሌ። ወበጊዜሃ፡ ሞተ፡ ይማኔ። ፈንጠሬ፡ ጳውሎስሰ፡ ከረመ፡ በአደባባይ፡ እንበለ፡ ምጽላል።ድኅረሰ፡ መሐሮ፡ ንጉሥ፡ ከመ፡ ይሑር፡ ውስተ፡ ቤቱ። ነገረ፡ ግፍዑሰ፡ ለበካፋ፡ ኢየሐልቅ።

ክፍል፡ ፳፭።ወአመ፡ ፳ወ፭፡ ለሐምሌ፡ ሖረ፡ ንጉሥ፡ ውስተ፡ ደሴት፡ ዘትሰመይ፡ ብርጊዳ። ወህየ፡ መጽአ፡ ወዓሊሁ፡ ለአምኃ፡ ኢየሱስ። ወተከሐደ፡ ምስለ፡ ማሙዬ፡ ከመ፡ አልቦ፡ ዐመፃ1፡ በእግዚኡ። ወይቤ፡ ይእስረኒ2፡ ንጉሥ፡ ዝየ፡ ወይፈኑ፡ ካልአ፡ ላእከ፡ ኀቤሁ። ወእመ፡ ኢመጽአ፡ ይምትሩኒ፡ ሊተ፡ በሰይፍ።6ወይቤሎ፡ ንጉሥ፡ ኢየአስረከ3፡ ሑር፡ በሎ፡ ለእግዚእከ፡ ነዓ፡ ፍጡነ፡ እመሰ፡ ኢመጻእከ፡ ተዓውቀ፡ ዐመፃከ4።7 ወአደሞ፡ ዕለተ፡ በዘይመጽእ።8ወሐዊሮ፡ ወዓሊሁ፡ አጽንዖ፡ በዐመፃሁ5። ወሶበ፡ ኀለፈ6፡ ዕለቱ፡ አሰሮ፡ ለያሬድ፡ ወልዱ።10ለእመ፡ መሰለ፡ ነገሩ፡ ሐሰተ፡ ፈትሖ፡ ወእመ፡ ተአመነ፡ ዐመፃ8፡ አቡሁ፡ ሞቅሖ፡ ዳግመ።11ወሰዓሮ9፡ ንጉሥ፡ ለአምኃ፡ ኢየሱስ።12ወሴሞ፡ ለኤፍሬም፡ ቤገምድር፡ አዝማች፡ መጺኦ፡ እምነ፡ ብርጊዳ፡ ድኅረ፡ ፈጸመ፡ ጾመ፡ ነሐሴ፡ በዐቢይ10፡ ቀኖና።13ወአመ፡ ፳ወ፯፡ ለነሐሴ፡ ፈነዎሙ፡ ንጉሥ፡ ውስተ፡አሪንጎ፡ ለደጅ፡ አዝማች፡ ኤፍሬም፡ ወለብላቴን፡ ጌታ፡ ማሙዬ፡ ለባሻ፡ ምዕናም፡ ወለፊት፡ አውራሪ፡ ገብረ፡ መድኅን።

1ክፍል፡ ፳፮።2ሠረቀ፡ መስከረም፡ በቀዳሚት፡ ሰንበት።3ወወንጌላዊ፡ ማቴዎስ፡ ፲ወ፭፡ አበቅቴ፡ ወመጥቅዕ፡ ፲፭።4ወሶበ፡ ሰምዐ1፡ ንጉሥ፡ ከመ፡ (A162rb) ኮነ፡ ሁከት፡ በአሪንጎ፡ በእንተ፡ ምጽአተ፡ አምኃ፡ ኢየሱስ፡ ተንሥአ፡ ንጉሥ፡ እምጎንደር2፡ አመ፡ ፯፡ ለመስከረም፡ በዕለተ፡ ዓርብ።5ወበበጕዞሁ፡ ዘወትር፡ በጽሐ፡ አሪንጎ። ወእምህየ፡ ፈነዎሙ፡ ቅድመ፡ ለደጅ፡ አዝማች፡ ኤፍሬም፡ ወለብላቴን፡ ጌታ፡ ማሙዬ።7ደጅ አዝማች፡ ለጋስኒ፡ ዘጐጃም፡ ምስለ፡ ባሶ፡ ሖረ፡ እንተ፡ ካልእ፡ ፍኖት።(A162va)

ዜናሁ፡ ለንጉሠ፡ ነገሥት፡ መሢሕ፡ ሰገድ፡ ገብረ፡ ንጉሠ፡ ነገሥት፡ እግዚአብሔር፡ ዘይሤለስ፡ ወይትወሐድ። ኦ፡ እግዝእት፡ ቅድስት፡ ወብፅዕት፡ ወድንግል፡ ማርያም፡ ወላዲተ፡ አምላክ፡ ዘአጽንዓኪ፡ አብ፡ ወተሠገወ፡ እምኔኪ፡ ወልድ፡ ወቀደሰኪ፡ መንፈስ፡ ቅዱስ፡ ዘኢረኰስኪ፡ እምዘፈጠረኪ። ኦ፡ ልህኵት፡ ንጽሕት፡ ክብረ፡ ኵሉ፡ ዓለም፡ ብርሃን፡ ዘኢትጠፍዒ፡ መቅደስ፡ ዘኢትትነሠቲ፡ በትረ፡ ሃይማኖት፡ ዘኢትጸንኒ። ወፍጡነ፡ ይበውእ፡ ስእለተ፡ ኵሉ፡ ውስተ፡ እዝንኪ። ወኢይቀውም፡ መከልዕ፡ ውስተ፡ አንቀጽኪ፡ ከመ፡ ይበሎ፡ ለዘይመጽእ፡ ኀቤኪ፡ ኢትረክባ፡ ለእግዝእትነ፡ እስመ፡ ጊዜ፡ ንዋም፡ ውእቱ፡ ወአመ፡ አኮ፡ ጊዜ፡ መብልዕ፡ ወስቴ፡ ውእቱ። ዳእሙ፡ ርኅው፡ አንቀጽኪ፡ ኵሎ፡ ጊዜ፡ ለዘይበውእ፡ ወይወፅእ፡ በእግረ፡ ሕሊና፡ መንፈሳዊ። ወኢታመከንዪ፡ መዓልተ፡ በሐሩረ፡ መዓልት፡ ወሌሊተ፡ በቍረ፡ ሌሊት፡ እስመ፡ ዝንቱ፡ ልማድኪ፡ ተራኅርኆ፡ ለሥጋ፡ ወነፍስ፡ እምሰብእ፡ እስከ፡ እንስሳ፡ (N67V) በከመ፡ ርኢነ፡ ከመ፡ አስተይኪዮ፡ ማየ፡ ለጽሙዕ3፡ ከልብ።

ሥመሪ፡ ሊተ፡ ከመ፡ እንግር፡ ኅዳጠ፡ እምትሩፋቲሁ፡ ወገድላቲሁ፡ ለመፍቀሬ፡ ሰብእ፡ ንጉሥነ፡ በካፋ። ወባርክኒ፡ በእዴኪ፡ (G10v) ከመ፡ ባረኪዮ፡ ለኤፍሬም፡ ዘወደሰኪ፡ ውዳሴ፡ በኍልቈ፡ ዕለታት፡ ፯።3 አንቲኒ፡ በሊዮ፡ ለቅዱስ፡ ወልድኪ፡በካፋ፡ መንበርከ፡ በካፋ፡ ለዓለመ፡ ዓለም፡ በትረ፡ ጽድቅ፡ በትረ፡ መንግሥትከ።4 ዓዲ፡ በሊዮ፡ ኢይንበር፡ ዲበ፡ መንበርከ፡ ካልእ፡ ከመ፡ መንበረ፡ ደቅስዮስ፡ ዘጸሐፈ፡ መጽሐፈ፡ ተአምርኪ።ወኢይልበሳ፡ ባዕድ፡ ለልብሰ፡ መንግሥትከ፡ ዘእንበለ፡ ወልድከ፡ ወውሉደ፡ ውሉድከ፡ እስመ፡ ትሔውጽ፡ ኵሎ፡ ዕለተ፡ መቅደስየ፡ በእግረ፡ ፍቅር፡ ወምዕረ፡ ትዘሩ፡ ወርቀ፡ ኀበ፡ ታቦት፡ ዘተቀደሰ፡ በስምየ፡ ወምዕረ፡ ታሰረጉ፡ በካፓ፡ ወመጐናጸፊያ፡ ቤተ፡ መቅደስየ።6 ወሐነጽከ፡ ሊተ፡ አብያተ፡ ክርስቲያናት፡ በስምየ።

እሙን፡ ውእቱ፡ ዝንቱ፡ ኵሉ፡ ነገር። ናሁ፡ ሐነጸ፡ መንክረ፡ ሕንጻ፡ ማኅፈደ፡ በስምኪ፡ ዘትሰመይ፡ ወይብላ፡ በምድረ፡ ጉላና። ፈነወ፡ ህየ፡ ዕፁብ፡ መንበረ፡ ታቦት፡ ዘዕውድ፡ ኵለንታሁ፡ በብሩህ፡ መጽሔት። ወሠርዖሙ፡ ለካህናቲሃ፡ በአገላ። ዓዲ፡ ሐወጻ፡ ለታቦት፡ ዘተቀደሰት፡ በስመ፡ ኪዳንኪ፡ ዘሀለወት፡ በደሴተ፡ ቀለሙጅ፡ ወተሰምየት፡ ቀልሞን፡ ወአሰርገዋ፡ በብዙኅ፡ ስርጋዌ። ወሠርዐ፡ ላቲ፡ ካህናተ፡ በምድረ፡ ቡላ፡ እስመ፡ አውረድኪዮ፡ እምወህኒ፡ በዕለተ፡ በዓለ፡ ኪዳንኪ፡ እንዘ፡ ትሰፍሒ፡ ሎቱ፡ ደመና። እምይእዜሰ፡ እግባዕ፡ ኀበ፡ ነገርየ፡ እስመ፡ ኢየኀልቅ፡ በቀለም፡ ወብርዕ፡ ዘሀለወ፡ ፍቅር፡ ማእከሌኪ፡ ወማእከለ፡ ፍቁርኪ፡ ንጉሥ፡ በካፋ፡ ኦ ክብርት፡ ወልዕልት።

ዝውእቱ፡ መጽሐፈ፡ ታሪክ፡ ዘእጽሕፎ፡ እምአመ፡ አብጽሐኒ፡ ጠቢብ፡ ወማእምረ፡ ልብ፡ ንጉሥ፡ በካፋ፡ እስከዝ፡ መዓርገ፡ ሢመት፡ ዘውእቱ፡ ጸሐፌ፡ ትእዛዝ፡ እንበለ፡ ድልወትየ። ወከመዝ፡ ውእቱ፡ ዘመኑ፡ ወዕለቱ። እምአመ፡ ነግሠ፡ ኀይለ፡ ኀያላን፡ ወምክሐ፡ ወራዙት፡በካፋ፡ በ፬፡ ዓመት፡ ወበ፪፡ ወርኅ፡ ወበ፯፡ ዕለት፡ በዘመነ፡ ማቴዎስ፡ ወንጌላዊ፡ አመ፡ ፳ወ፬፡ ለሐምሌ፡ በዕለተ፡ እሑድ፡ ዘውእቱ፡ በዓለ፡ ቅዳሴ፡ ቤቶሙ፡ ለሥላሴ፡ ለዘክሮቶሙ፡ ሰጊድ፡ በደብረ፡ ብርሃን፡ ቦአ፡ ዐቢይ፡ ንጉሥ፡ በካፋ፡ ውስተ፡ ዝፋን፡ ቤት፡ ዘውእቱ፡ አዳራሽ፡ ወነበረ፡ ዲበ፡ መንበር፡ ወለብሰ፡ ዘየሐይድ፡ ዓይነ። ወቦኡ፡ መኳንንት፡ በበመዓርጊሆሙ፡ ቦ፡ እለ፡ ይነብሩ፡ ወቦ፡ እለ፡ ይቀውሙ።

አሜሃ፡ አዘዞ፡ ንጉሥ፡ ለተስፋ፡ ኢየሱስ፡ መልአከ፡ ኀይሉ1፡ ከመ፡ ይፃእ፡ እስከ፡ መድረከ፡ ኆኅት፡ ወይንግሮሙ፡ በበሢመቶሙ፡ ለእለ፡ ይሠየሙ።2ወእምዝ፡ በዊኦሙ፡ ነሥኡ፡ እደ፡ ንጉሥ።3እለሰ፡ ተሠይሙ፡ በይእቲ፡ ዕለት፡ ሲኖዳ፡ ወድሜጥሮስ፡ ጸሐፍተ፡ ትእዛዝ፡ ወሕዝቅያስ፡ ግራ፡ አዝማች፡ ወወልደ፡ ሃይማኖት፡ ሊቀ፡ መኳስ።(G11r)

ክፍል፡ ፪። ሠረቀ፡ ነሐሴ፡ በዕለተ፡ እሑድ። ወፈጸመ፡ ንጉሥ፡ ጾመ፡ ፍልሰታ፡ በቀኖና፡ በከመ፡ ተምህረ፡ እምነ፡ መምህር2፡ ወጠቢብ፡ አቡሁ3፡ ኢያሱ፡ ንጉሠ፡ ዓለም፡ እስመ፡ ወልድ፡ ሠናይ፡ ይገብር፡ ግብረ፡ አቡሁ፡ ሠናየ፡ ወወልድ፡ እኩይ፡ ያጼዕል4፡ አባሁ።3ወበውእቱ፡ ወርኅ፡ አዘዘ፡ ንጉሥ፡ በቃለ፡ ቀርን5፡ ወይቤ፡ ስማዕ፡ ስማዕ┐6፡ አልብስአ፡ ሰብአ፡ ቤትከ፡ እስመ፡ ኢተአምር፡ ሀገረ፡ ዘአብጽሐከ። ዘንተሰ፡ ዘይቤ፡ ንጉሥ፡ እስመ፡ ሀሎ፡ በልቡ፡ በቀለ፡ ላስታ፡ ኢወሀበ፡ ንዋመ፡ ለአዕይንቲሁ፡ ወኢድቃሰ፡ ለቀራንብቲሁ፡ እስከ፡ ይበረብራ፡ ለላስታ።

ዓዲ፡ በውእቱ፡ ወርኅ፡ ተንሥኡ፡ ሰብእ፡ ላዕለ፡ ከንቲባ፡ ናትናኤል። ወነገርዎ፡ ለንጉሥ፡ እንዘ፡ ይብሉ፡ ጠፍዐ፡ ሀገረ፡ ደምብያ፡ በእደ፡ ናትናኤል፡ በምክንያተ፡ ያፄቆሎ፡ ወይነሥእ፡ ህየንተ፡ ፩፡ ትርብዕት።ንሕነኒ፡ ንርታ(N68r)ዕ፡ ለከ፡ በዝንቱ።4አሜሃ፡ አዘዞ፡ ለተስፋ፡ ኢየሱስ፡ ከመ፡ ይኩን፡ ዳኛ፡ ምስለ፡ ፈታሕት፡ ወይስማዕ3፡ ነገሮሙ።5ወእምዝ፡ ጸውዖሙ፡ ተስፋ፡ ኢየሱስ፡ ለሊቃውንት፡ ወለአዘዦች፡ ዘየማን፡ ወዘፀጋም፡ ወኵሎሙ፡ መኳንንት፡ እለ፡ ያገምሩ፡ ፍትሐ።6አሜሃ፡ አቀምዎሙ፡ ለከሳሾች፡ በየማን፡ ወለናትናኤል፡ በፀጋም፡ እንዘ፡ ሀለዉ፡ በምድረ፡ ግምብ።

1ወእምድኅረ፡ ወቀስዎ፡ ብዙኀ1፡ አምጽኡ፡ ሎቱ፡ ሰማዕተ።2ቦ፡ እለ2፡ ይቤሉ፡ ይነሥእ፡ ያፄቆሎ፡ ህየንተ፡ ፩፡ ክልኤተ።3 ወቦ፡ ዘይቤ፡ ፫ተ።4አሜሃ፡ ፈትሑ፡ ኵሎሙ፡ ፈታሕት፡ በበመዓርጊሆሙ፡ እምንሶሙ፡ እስከ፡ ዐቢዮሙ3፡ እንዘ፡ ይብሉ ይደልዎ፡ ሙቃሔ፡ ለናትናኤል፡ እስመ፡ ዝንቱ፡ ነገረ፡ ንጉሥ፡ ውእቱ።5ወበላዕለ፡ ኵሎሙ፡ ፈትሐ፡ ተስፋ፡ ኢየሱስ፡ መልአከ፡ ኀይሉ4፡ ለንጉሥ፡ እስከ፡ መዓርገ፡ ቢትወደድ፡ ዓቢይ፡ ውእቱ።6ዓዲ፡ መከረ፡ ተስፋ፡ ኢየሱስ፡ ወይቤ፡ ፍትሐነሰ፡ ከመዝ፡ ውእቱ፡ ባሕቱ፡ ንልአክ5፡ ኀበ፡ ንጉሥ፡ ዘንተ፡ ፍትሕነ፡ ወዘተርፈ፡ ያበይን፡ ንጉሥ።7ወለአከ፡ ፩እምደቂቀ፡ ቤቱ።8ወአግብአ፡ ሎቱ፡ ንጉሥ፡ ስጣዌ፡ መልእክቱ፡ እንዘ፡ ይብል፡ እዴሁ፡ ይትአሰር6፡ ናትናኤል፡ ባሕቱ፡ ይኅድር፡ ውስተ፡ ቤቱ።9ለበትሬኒ፡ ዘወቀስዎ፡ ከመዝ፡ ውእቱ፡ ነገሩ፡ ንጉሥሰ፡ አዘዞ፡ ወይቤ፡ ይሑር፡ በትሬ፡ ውስተ፡ ቃሐ፡ ወኢይትአሰር7። ወበካልእት፡ ዕለት፡ መሐሮ፡ ንጉሥ፡ ለናትናኤል።11ወፈትሖ፡ በወሀሐስ፡ እስከ፡ ይፈዲ፡ ዕዳሁ፡ ዘላዕላሁ፡ በከመ፡ ፈትሑ፡ ፈታሕት፡ በበመዓርጊሆሙ።

መዓርገ፡ ፍትሕሰ፡ ወምክር፡ ዝውእቱ፡ ዘጸሐፎ፡ አዘዢ፡ ወልደ፡ ትንሣኤ፡ ጠቢብ፡ ወማእምረ፡ ነገር፡ ወግዕ፡ ርእዮ፡ መጽሐፈ፡ ታሪክ፡ ወክብረ፡ ነገሥት፡ ወዘጸሐፉ፡ አበው፡ ቀደምት፡ እለ፡ ነበሩ፡ አመ፡ ዘመነ፡ ሐፄ፡ መለክ፡ ሰገድ።

ክፍል፡ ፫።2ቀዳሜ፡ ኵሉ፡ ይመክር፡ የሽሕ፡ አለቃ፡ ዘደል፡ ጭፍራ። ወበላዕሌሁ፡ የሽሕ፡ አለቃ፡ ዘተሠርዐ፡ ጭፍራ፡ በሀገር፡ በበመዓርጊሁ፡ ወበበፆታሁ።4ወበላዕሌሁ፡ ጸጅ፡ አዘዢ፡ ወበላዕሌሁ፡ ሊቀ፡ መኳስ፡ ወበላዕሌሁ፡ በዓለ ሐምበል፡ ራስ፡ ወበላዕሌሁ፡ በዢር፡ ወንድ፡ ዘአንበሳ፡ ቤት።5 ወበላዕሌሁ፡ በዢሮንድ፡ ዘዝፋን፡ ቤት፡ ወበላዕሌሁ፡ ነጋድራስ፡ ዘይደልዎ፡ ዝፋን፡ ወመከዳ፡ ወበላዕሌሁ፡ ፊት፡ አውራሪ፡ ወበላዕሌሁ፡ ግራ፡ አዝማች። ወበላዕሌሁ፡ ቀኝ፡ አዝማች፡ ወበላዕሌሁ፡ ጥቃቅን፡ ባላቴኖች፡ ጌታ፡ ወበላዕሌሁ፡ ዣንደረባ፡ አዘዢ።ወበላዕሌሁ፡ ጣረስምባ፡ አዘዢ፡ ወበላዕሌሁ፡ ፬ቲሆሙ፡ አዛዦች፡ እለ፡ እመንገለ፡ ግራ ወቀኝ። ወበላዕሌሆሙ፡ ፪፡ ጸሐፍተ፡ ትእዛዝ፡ ወበላዕሌሆሙ፡ ውስጥ፡ አዛዢ፡ ዘውእቱ፡ ራቅ፡ ማሰራ፡ ወበላዕሌሁ፡ ባሻ፡ እስመ፡ ደጅ፡ አዝማች፡ ውእቱ፡ ወበላዕሌሁ፡ ጸሐፌ፡ ላሕም፡ ዳሞት፡ እስመ፡ ቀዳማይ፡ ውእቱ፡ ዳሞት፡ በከዊነ፡ ጨዋ፡ እምነ፡ ኵሉ፡ ኩነተ፡ ጨዋ።

1ወበላዕሌሁ፡ ጐዣም፡ ነጋሽ፡ እስመ፡ መልአከ፡ መላእክት፡ ውእቱ። ወበላዕሌሁ፡ ጐዣም፡ ነጋሽ፡ ዘአምሐራ፡ እስመ፡በትረያርክ፡ውእቱ። ወበላዕሌሁ፡ በጌምድር፡ አዝማች፡ እስመ፡ ሊቀ፡ ካህናት፡ ውእቱ፡ ዘወርወር። ወበላዕሌሁ፡ ስሜን፡ አጋፋሪ፡ እስመ፡ ነበሩ፡ ቀዳሚ፡ ዓለም፡ ሰገድ፡ እምቅድመ፡ መንግሥቶሙ፡ ስሜን፡ አጋፋሪ፡ ወበላዕላሁ፡ ትግሬ፡ መኰንን፡ እስመ፡ ንቡረ፡ እድ፡ ውእቱ፡ ዘአክሱም። ወበላዕሌሁ፡ ንቡረ፡ እድ፡ ዘአክሱም፡ ወበላዕሌሁ፡ ዓቃቤ፡ ሰዓት፡ ወበላዕሌሁ፡ ታላላቅ፡ ብላቴኖች፡ ጌታ።ወበላዕሌሁ፡ራስ፡ዘውእቱ፡ ብሕት፡ ወደድ፡ ወሢመተ፡ ብሕት፡ ወደድ፡ አኮ፡ ፩፡ ባሕቲቱ፡ ዘነበረ፡ ዳእሙ፡ ነበሩ፡ በቀዳሚ፡ ዘመን፡ ፪፡ ሥዩማን፡ ዘሢመተ፡ ብሕት፡ ወደድ፡ ዘግራ፡ ወቀኝ።ወበፍጻሜሁ፡ ላዕለ፡ ኵሎሙ፡ ይመክር፡ ወይፈትሕ፡ ንጉሥ፡ ኅሉቀ፡ ወምቱረ፡ ነገረ። ለዝኒ፡ ነገረ፡ ወግዕ፡ ወረከብዎ፡ ማእከለ፡ ራብዓዊ፡ ጥራዝ፡ ውስተ፡ ታሪከ፡ መንግሥቱ፡ ለመፍቀሬ፡ አምላክ፡ ጻድቅ፡ ወልደ፡ ጻድቅ፡ መሢሕነ፡ ኢያሱ። ወጸሐፍክዎ፡ ኀበ፡ አብጸሐኒ፡ ጊዜ፡ ለጽሒፍ።

ክፍል፡ ፬። እትመየጥኬ፡ ኀበ፡ ቀዳሚ፡ ነገርየ። ወሶበ፡ ተፈጸመ፡ ነገሩ፡ ለናትናኤል፡ ገብረ፡ ንጉሥ፡ በካፋ፡ ሠናየ፡ ግብረ፡ ወተራኅራኃ፡ ላዕለ፡ ብሔሩ። ወይቤ፡ በቃለ፡ ቀርን፡ እምይእዜ፡ ኢይኅልፍ፡ ሐፄ፡ ቆሎ፡ እምነ፡ ፩፡ ማድጋ፡ ወይትርፍ፡ እፍኝ፡ ወበህላት። ወእመቦ፡ ዘተዓደወ፡ ቃልየ፡ እኴንኖ፡ በመጥባሕትየ። ለጸሐፊኒ፡ ወለነጅ፡ ሠርዐ፡ ሎሙ፡ በበመጠኖሙ። ወበውእቱ፡ ወርኀ፡ ነሐሴ፡ ቦኡ፡ ከተማ፡ ድብኮ፡ አርሴ፡ ወደማትያኖስ፡ እለ፡ ነበሩ፡ ቀዳሚ፡ ምስለ፡ አምኃ፡ ኢየሱስ፡ እስመ፡ መሐሮሙ፡ ንጉሥ፡ መሐሪ፡ ዘልማዱ፡ ምሕረት።

1ክፍል፡ ፭።2ሠረቀ፡ ጳጕሜን፡ በዕለተ፡ ሠሉስ።2አመ፡ ፫፡ ለጳጕሜን፡ ገብረ፡ ንጉሥ፡ ምሳሐ፡ ለካህናት፡ በእንተ፡ በዓሉ፡ ለቅዱስ፡ ሩፋኤል1፡ መልአከ፡ ምሕረት፡ ዘተከሎ፡ በጥቃሁ፡ ከመ፡ ይኩኖ፡ ኀይለ2፡ ወረድኤተ።3ተፈጸመ፡ ዘመነ፡ ማቴዎስ።4አኮቴት፡ ለእግዚአብሔር፡ ዘአፈጸመነ፡ በዳኅና፡ ወወሀቦ፡ ለንጉሥነ፡ በካፋ፡ ኀይለ3፡ ወመዊአ፡ ላዕለ፡ ጸላእቱ፡ በዝንቱ፡ ዘመን።

1ክፍል፡ ፮።2ሠረቀ፡ መስከረም፡ በዕለተ፡ እሑድ።3ወወንጌላዊ፡ ማርቆስ፡ አበቅቴ፡ ፳ወ፮ ወመጥቅዕ ፬።4 ተንሥእ፡ ኦ ማርቆስ፡ ወንጌላዊ፡ ወርድኦ፡ ለንጉሥ፡ በካፋ፡ ዘይቀልል፡ እምንስር፡ ወይጸንዕ፡ እምአንበሳ፡ እስመ፡ የሐውር፡ ብሔረ፡ ጸብእ1።5ወአብጽሖ፡ እስከ፡ ዘመነ፡ ሉቃስ፡ በዳኅና።6ወአመ፡ ፲ወ፬፡ ለመስከረም፡ ሤሞሙ፡ ንጉሥ፡ አርሴ፡ ለድር፡ መገጭ፡ ሢመተ፡ ከንቲባ፡ ወለኤፍሬም፡ እዱግነት፡ ወለዘጊዮርጊስ፡ እኅወ፡ አዘዢ፡ ወልደ፡ ጊዮርጊስ፡ አዘዢነት። 7ዓዲ፡ በካልእት፡ ዕለት፡ ሤሞ፡ ለበጅሮንድ2፡ ማሞ፡ ሢመተ፡ ግራ፡ አዝማች፡ ሕዝቅያስ፡ ወለግራ፡ አዝማች፡ ሕዝቅያስ፡ ሢመተ፡ በዢሮንድ ማሞ፡ እስመዝ፡ ልማዱ፡ ለንጉሥ፡ ዘፈቀደ፡ ይሠይም፡ ወዘፈቀደ፡ ይስዕር3።(A138rb)

ወበውእቱ፡ መዋዕል፡ አስተዳለወ፡ ንጉሥ፡ ሥርዓተ፡ ቤቱ፡ ዘይከውን፡ ለዘመቻ፡ ላስታ፡ እስመ፡ ሠሪዓ፡ ቤት፡ ልማዱ፡ ውእቱ። ወአስፍሐ፡ ሐይመታተ፡ ብዙኃተ። ወአብአ፡ አብቅልተ፡ ዘውእቶሙ፡ ጎራዴ፡ ከመ፡ ይጽዓኑ፡ ቦሙ፡ አልባሳተ፡ ንጉሥ፡ ወኵሎ፡ ሥርዓተ፡ ቤተ፡ መንግሥት። ወቦ፡ እለ፡ ይጼዓኑ፡ አቃቂረ፡ እክል፡ ዘበበዘመዱ፡ ለመዓርኒ፡ ወቅብዐ፡ ኑግ፡ ወቅብዕ፡ አልቦሙ፡ ኍልቍ። ወአዘዘ፡ ይንድኡ፡ ጽገታተ፡ ብዙኃተ፡ ለአንቋሊት፡ ወለለጋ፡ ሐይብ፡ ወለሽፍታ፡ ከመ፡ ኢይኅጣዕ፡ እምዘፈቀደ። አልህምትኒ፡ ስቡሐት፡ ብዙኃት፡ እሙንቱ፡ እለ፡ ይትኃረዱ፡ በበፍኖቱ። ለሜስኒ፡ ወለአረቂ፡ አልቦሙ፡ ኁልቍ። ወአልበሰ፡ ኵሎ፡ ዕሩቃነ፡ እለ፡ ውስተ፡ ቤት፡ ወአፍአ። ወአክበደ፡ ስንቀ፡ ዘየአክል፡ ለብዙኅ፡ መዋዕል፡ እስመ፡ ልቡ፡ ለኄር፡ በካፋ፡ ኢይፈርህ፡ ውሂበ፡ ወዓይኑ፡ ኢይፈቅድ፡ ንኡሰ፡ ነገረ።

ካዕበኒ፡ ዘረወ፡ ብዙኀ፡ ወርቀ፡ ዘአልቦ፡ ኁልቍ፡ ለኵሎን፡ አብያተ፡ ክርስቲያናት፡ እለ፡ ሀለዋ፡ በመዲና፡ በበመጠኖን፡ እስመ፡ ዝንቱ፡ ልማዱ፡ ዘዘልፍ፡ ውእቱ። ባሕቱ፡ ኢይትሐዘቡኒ፡ እለ፡ ያነብብዋ፡ ለዛቲ፡ ታሪክ፡ እስመ፡ ወጠንኩ፡ ዘኢይክል፡ ፈጽሞ፡ ጽሒፈ፡ ሠሪዓ፡ ቤቱ፡ ለጠቢብ፡ ወልብው፡ ንጉሥ፡ በካፋ። ይትለዓል፡ ዝክሩ፡ ወይስፋሕ፡ መንግሥቱ፡ አሜን።

1ክፍል፡ ፯። ዜናሁ፡ ለንጉሠ፡ ነገሥት፡ መሢሕ፡ ሰገድ፡ ዘኮነ፡ በዘመቻ፡ ዘላስታ፡ ዳግማዊ፡ ዘከመ፡ ርኢኩ፡ ወጸሐፍኩ። እዘዝ፡ ወልዕልና፡ ይደሉ፡ ለመንግሥትከ፡ አምላክነ፡ ዘቀባዕካሁ፡ ለቅዱስ፡ በካፋ። ኦ መሐሪ፡ አሥርቅ፡ ውስተ፡ ልብየ፡ ብርሃነ፡ አእምሮትከ፡ ከመ፡ እጽሐፍ፡ ኅዳጠ፡ እምዜናሁ፡ ወኂሩቱ፡ ወትግሥቱ፡ ለንጉሠ፡ ነገሥት፡ መሢሕ፡ ሰገድ፡ ወልደ፡ አድያም፡ ሰገድ፡ ዐቢይ፡ ሰማዕት፡ ወልደ፡ አዕላፍ፡ ሰገድ፡ ክቡር፡ ጻድቅ፡ ወልደ፡ ዓለም፡ ሰገድ፡ ወልደ፡ ሥልጣን፡ ሰገድ።

ወውእቱ፡ ወልድ፡ ዘመናዊ፡ ወልደ፡ ወሬዛ፡ ወውርዙት፡ ኢይደክም፡ ሶበ፡ የሐውር፡ ዐቀበ፡ ወሙራደ። ወምሁር፡ ውእቱ፡ እምንእሱ፡ መጽሐፈ፡ ወተግባረ፡ ሐራ። ሶበ፡ ይጼዓን፡ ዲበ፡ ፈረስ፡ ኢይመስል፡ ዘይረውጽ፡ በፈረስ፡ ዳእሙ፡ ይመስል፡ ዘይሰርር፡ በአክናፍ። እንዳኢ፡ ተሰፍሑኑ፡ ፪፡ አቊያጺሁ፡ ምስለ፡ ኮርቻ፡ ከመ፡ ንሬእዮ፡ እንዘ፡ ያረውጽ፡ ፈረሰ፡ በአሸዋ። አመኒ፡ ይነሥእ፡ ነፍጠ፡ ወያውዒ፡ ዐይነ፡ ዳሄራ። ይዘብጥ፡ ዘተመነየ፡ ወፈቀደ፡ እስመ፡ ብሩሃት፡ ወፍሡሐት፡ አዕይንቲሁ፡ እምወይን።

ዓዲ፡ ለዝንቱ፡ ዐቢይ፡ ወግሩም፡ ንጉሥ፡ በካፋ፡ ዕፁብ፡ ነገሩ። የአምር፡ ዘውስተ፡ ልበ፡ ሰብእ፡ ወዘእንበለ፡ ንሰአሎ፡ ይሁብ፡ ፍትወተነ።ይጼጉ፡ ሢመተ፡ ለዘይፈቅድ፡ ሢመተ፡ እንበለ፡ አዘካሪ፡ ወተናጋሪ። ወምዕረ፡ ይዘሩ፡ ወርቀ፡ ለኅጡአነ፡ ተስፋ። ወያስተዋርስ፡ ምድረ፡ ዘእንበለ፡ ያገብርዎ። ወያጸግብ፡ ዘልፈ፡ ኵሎ፡ ስቡሐ፡ ሥጋ፡ ወጽሩየ፡ ወይነ፡ ወኅብስተ፡ ልምሉመ፡ ወጸብኀ፡ ጥዑመ።

ናሁ፡ ጸውዓተኒ፡ መፍቅድ፡ ከመ፡ እንግር፡ ትሩፋቲሁ፡ ለዝንቱ፡ ንጉሥ፡ ዘይበዝኅ፡ እምትሩፋተ፡ ነገሥት፡ አበዊሁ።2 ወከመዝ፡ ውእቱ፡ ልማዱ፡ ዘዘልፍ። ሶበ፡ ይበጽሕ፡ ጊዜ፡ መብልዕ፡ ይነብር፡ ንጉሥ፡ ዲበ፡ መንበር፡ ስርግው። አሜሃ፡ ይበውእ፡ ግብረ፡ ንጉሥ፡ ውስተ፡ ጽርሕ፡ እመኒ፡ ራስጌ፡ ቤት፡ ወእመኒ፡ ደንቀዝ፡ ግምብ፡ ወእመኒ፡ ወርቅ፡ ሰቀላ፡ ወእመኒ፡ ማእከለ፡ ወርቅ፡ ሰቀላ።5 እመኒ፡ ሞላሌ፡ ግምብ፡ ወእመኒ፡ ሐዳስ፡ ሻሽና፡ እንተ፡ ሣረራ፡ በውርኁ፡ ወሥዕልት፡ ይእቲ፡ እንተ፡ ውስጣ፡ ወእንተ፡ አፍአሃ። ወይሰፋሕ፡ ቅድሜሁ፡ ማዕድ፡ ዘውእቱ፡ አዝማች። ወይመልዕ፡ ዲቤሁ፡ አቃቂረ፡ መብልዕ፡ ዘይትከሀል፡ ለተናግሮ፡ ወኢይትፌጸም፡ በኍልቍ፡ ዳእሙ፡ በአንክሮ፡ ይትፌጸም።

ወእምድኅረዝ፡ ያነብሮሙ፡ ንጉሥነ፡ በካፋ፡ ለመኳንንት፡ ወለሊቃውንት፡ በየማኑ፡ ወለአኃቲሁ፡ ወለኵሎን፡ አዋልደ፡ መንግሥት፡ ያነብሮን፡ በፀጋሙ። ወእምድኅረ፡ ዝኒ፡ ይቀርቡ፡ ደቀ፡ ቤቱ፡ እለ፡ አንጽሑ፡ እደዊሆሙ፡ ከመ፡ ያበልዕዎሙ፡ በበመፍቅዶሙ። ወእንዘ፡ ዓዲ፡ መብልዖሙ፡ ውስተ አፉሆሙ፡ ይመጽእ፡ ሎሙ፡ ጽሩይ፡ ወይን፡ በጽዋዓት፡ ጽሩያት። ወእምድኅረ፡ ጸግቡ፡ መጠነ፡ ፈቀዱ፡ ይቅውሙ፡ እለ፡ በየማን፡ ወእለ፡ በፀጋም። አሜሃ፡ ይንጦላዕ፡ ንጹሕ፡ መንጦላዕት፡ ቅድመ፡ ገጸ፡ ንጉሥ፡ ከመ፡ ኢይርአይ፡ ኵሉ፡ ዘሥጋ፡ እንዘ፡ የዓርግ፡ ማየ፡ ሕጽበት፡ ውስተ፡ እዴሁ፡ እስመ፡ ዐቢይ፡ ንጉሥ ውእቱ፡ ዝንቱ፡ በካፋ፡ እምእለ፡ ነግሡ፡ ነገሥት፡ ቀደምት። ወእምዝ፡ ያረፍቆሙ፡ ለእድ፡ ወለአንስት፡ በበምርፋቃቲሆሙ፡ ወያሰትዮሙ፡ ሜሰ፡ ጸወርተ፡ ሜስ፡ በበጽዋዖሙ። ወኢያስተኃልፉ፡ ጽዋዓ፡ ፩ለ፩፡ እስከ፡ ይወፅኡ፡ እመኒ፡ ጊዜ፡ መንፈቀ፡ ሌሊት፡ ወእመኒ፡ ጊዜ፡ ንቅወተ፡ ዶርሆ።

ወሶበ፡ ተአተተ፡ ሕቀ፡ ማዕድ፡ እምገጸ፡ ንጉሥ ይጼውዑ፡ መላሕቅተ፡ ሐራሁ፡ እለ፡ ይቴሐቱ፡ እምቀደምት፡ ወኵሎሙ፡ ደቂቀ፡ ሐራ። እሙንቱኒ፡ ኢየኃጥኡ፡ እምዘፈቀዱ። ወቀዊሞሙ፡ ይሰትዩ፡ ሜሰ፡ ወይወፅኡ። ወእምዝ፡ ይረፍቁ፡ እለ፡ ይጸውሩ፡ ወላትወ፡ እዴሁ፡ ወእለ፡ ይጸውሩ፡ ነፍጠ። ወእስከ፡ ይእዜ፡ ኢየሐጽጽ፡ ማዕድ፡ እምነ፡ ምልዓቱ። ወሶበ፡ ይወፅኡ፡ እሉ፡ ይትጋብኡ፡ አግብርት፡ ወዓቃብያነ፡ ቤት፡ ወይጸውሩ፡ ኵሎ፡ ዘተርፈ፡ እማዕድ፡ በበአልባሲሆሙ።

ዓዲ፡ ጊዜ፡ ይፈቅድ፡ ንጉሥ ሰትየ፡ ስቴ፡ ይቀድሕ፡ ቀዳሒ፡ እምቀሱተ፡ ፍንጃል፡ ዘዕውድት፡ በወርቅ፡ አፉሃ። ጸዋሬ፡ ሜስኒ፡ ዘውእቱ፡ አሳላፊ፡ ይጸውር፡ ጽዋዓ፡ ንጉሥ በየማነ፡ እዴሁ፡ ወበፀጋመ፡ እዴሁ፡ ይእኅዝ፡ ንእስተ፡ ፍንጃለ። ወያመጽኡ፡ ፬፡ ዕደው፡ ወእመ፡ ኮነ፡ ፫፡ ጸዓዳ፡ መንጦላዕተ፡ ዘውእቱ፡ በፍታ፡ መጋረጃ። ወየዓውድዎ፡ ለጸዋሬ፡ ሜስ፡ በውእቱ፡ መጋረጃ፡ ከመ፡ ኢይርአዮ፡ ሰብእ፡ እስከ፡ ይበጽሕ፡ ኀበ፡ ገጸ፡ ንጉሥ። ወበጺሖ፡ አሳላፊ፡ ይፈልቅ፡ ውስተ፡ ይእቲ፡ ንእስት፡ ፍንጃል፡ ዘፀጋሙ፡ ወይጥዕም፡ ቅድመ። አሜሃ፡ ይነሥእ፡ ንጉሥ፡ ጽዋዓ፡ እምእደ፡ አሳላፊ፡ ወየኀልፍ፡ ሎቱ። ከመዝ፡ ወጠነ፡ ሐዲሰ፡ ግብረ፡ ጠቢብ፡ ንጉሥ፡ በካፋ፡ እስመ፡ በሊሐ፡ ልብ፡ ባሕቲቱ፡ እምኵሎሙ፡ ነገሥት። ነገሩሰ፡ ለዝ፡ ንጉሥ፡ በብዙኅ፡ ነገር፡ ኢየኀልቅ። ባሕቱ፡ ኀዲግየ፡ ኑኀ፡ ነገር፡ እገብእ፡ ኀበ፡ ጽሒፈ፡ ታሪክ።

ክፍል፡ ፰። በ፸፻ወ፪፻፲ወ፰፡ ዓመተ፡ ዓለም፡ ወበ፲፻ወ፯፻፲ወ፰፡ ዓመት፡ እምልደተ፡ ክርስቶስ፡ እንዘ፡ አበቅቴ፡ ፳ወ፮፡ ወመጥቅዕ፡ ፬፡ በዘመነ፡ ማርቆስ፡ ወንጌላዊ። ወእምአመ፡ ነግሠ፡ ንጉሠ፡ ነገሥት፡ በካፋ፡ ላዕሌሁ፡ ሰላም፡ በ፬፡ ዓመት፡ ወ፬፡ ወርኅ፡ ወ፲ወ፮፡ ዕለት፡ አመ፡ ፳ወ፰፡ ለመስከረም፡ በዕለተ፡ ቅዳሚት፡ ሰንበት፡ ተንሥአ፡ ንጉሠ፡ ነገሥት፡ በካፋ፡ እምትዕይንቱ፡ ጐንደር፡ ርእሰ፡ አህጉራት፡ ዘኢይትኃጣእ፡ ባቲ፡ ኵሉ፡ መፍቅድ። ለጳጳስኒ፡ አባ፡ ክርስቶዶሉ፡ ወመምህር፡ ዘደብረ፡ ሊባኖስ፡ አባ፡ዘወልደ፡ ማርያም፡ እምትዕይንት፡ ከመ፡ ይዘክርዎ፡ በጸሎቶሙ። ለታቦታትኒ፡ ዘግምጃ፡ ቤት፡ ወኢየሱስ፡ ኀደጎሙ፡ ህየ፡ ከመ፡ ያጽንዑ፡ ካህናቲሆሙ፡ ምህላ። ወለበጅሮንድ፡ ሕዝቅያስ፡ አማዕቀቦ፡ አክሊለ፡ መንግሥቱ። ዓቃቤ፡ ሰዓት፡ ወልደ፡ ሐዋርያትሰ፡ ኢተፈልጠ፡ እምንጉሥ። ወበይእቲ፡ ዕለት፡ ኀደረ4፡ ንጉሥ፡ ፀዳ። ወበሳኒታ፡ ዘውእቱ፡ ዕለተ፡ እሑድ፡ ኮነ፡ ወዕሎ።

ወበሳኒታ፡ ዕለተ፡ ሰኑይ፡ ዘውእቱ፡ ተፍጻሜተ፡ መስከረም፡ አዘዞሙ፡ ንጉሥ፡ ለቢትወደድ፡ ተስፋ፡ ኢየሱስ፡ ወለመኳንንትሁ፡ ከመ፡ ይትልዉ፡ ሥዕለ፡ ኵርአተ፡ ርእሱ፡ በመካነ፡ አክሊለ፡ መንግሥቱ፡ ቀኒቶሙ፡ ሐቌሆሙ፡ በከመ፡ ልማዶሙ።ወኀደሩ፡ በወይነ፡ ዓረብ። ወበዕለተ፡ ሠሉስ፡ ዘውእቱ፡ ሥርቀተ፡ ጥቅምት፡ ግዕዙ፡ እምወይነ፡ ዓረብ፡ ንጉሥ፡ ወመኳንንት፡ ወኀደሩ፡ በዕንፍራዝ። ወበዕለተ፡ ረቡዕ፡ ኮነ፡ ውዕሎ፡ ወበዕለተ፡ ሐሙስ፡ ኀደሩ፡ ቃሮዳ፡ ወበዕለተ፡ ዓርብ፡ ዓመድ፡ በር። ንጉሥሰ፡ ቦአ፡ ሀገረ፡ ሰላም። ወበዕለተ፡ ቀዳሚት፡ ሰንበት፡ ቦኡ፡ መኳንንት፡ አሪንጎ።

1ወአመ፡ ፭፡ ለጥቅምት፡ ተገብረ፡ ምሳሕ፡ በቤተ፡ መንግሥት፡ በእንተ፡ ተዝካሩ፡ ለ ንጉሥነ፡ ኢያሱ፡ ሰማዕት፡ ዘሐጸበ፡ አልባሲሁ፡ በደም። አመ፡ ፯፡ ለጥቅምት፡ ቦአ፡ ንጉሥነ፡ በካፋ፡ አሪንጎ። ወበሳኒታ፡ አጽገበ፡ ኵሎ፡ ርሁባነ፡ በከመ፡ ልማዱ።4ወአመ፡ ፲፡ ለጥቅምት፡ በዕለተ፡ ሐሙስ፡ አዘዘ፡ ንጉሥ፡ በቃለ፡ ቀርን፡ ወይቤ፡ ይትጋብኡ፡ ጌሠመ፡ ኵሉ፡ ሐራ፡ በቄጠማ፡ እስመ፡ ያርእዩኒ፡ ግብአተ፡ ዘወእቱ፡ ተጋብኦተ፡ ሠራዊት።

ክፍል፡ ፱ ።ወአመ፡ ፲ወ፪፡ ለጥቅምት፡ ዘውእቱ፡ በዓለ፡ ቅዱስ፡ ሚካኤል፡ ሊቀ፡ መላእክት፡ ርኅሩኀ፡ ልብ፡ ዘየዓቅቦሙ፡ ለነገሥት፡ በበዘመኖሙ፡ በቀዳሚት፡ ሰንበት፡ ተንሥአ፡ ንጉሥ፡ በካፋ፡ እምነ፡አሪንጎ፡ በሥርዓተ፡ መንግሥቱ፡ እንዘ፡ ያድለቀልቅ፡ መጣቅዕተ፡ ወአቅርንተ። ወአንጸረ፡ ገጾ፡ ኀበ፡ ላስታ፡ እስመ፡ ሀሎ፡ በቀል፡ ውስተ፡ ልቡ፡ ለመሢሕነ፡ እምአመ፡ ቀዳማይ፡ ዘመን። ምክንያቱሰ፡ ኮነ፡ ፩፡ ብእሲ፡ ዕቡየ፡ ዓይን፡ ወስሱዐ፡ ልብ፡ ዘስሙ፡ አምኃ፡ ኢየሱስ፡ ዘጥንተ፡ ሙላዱ፡ እምትውልደ፡ አዕዱግ፡ ወልዱ፡ ለይሰይጣን፡ ፀራ፡ ለጽድቅ፡ ዘየዓብዮ፡ ለሰናክሬም፡ በትዕቢት፡ ወይትሌዓሎ፡ ለጎልያድ፡ በትምይንቱ።

ወሤሞ፡ ንጉሥ፡ ርእሰ፡ ትዕይንት፡ ወደጅ፡ አዝማች፡ ዘቤገምድር። ወሶበ፡ ርእየ፡ ውእቱ፡ ዕቡይ፡ ከመ፡ ኵሉ፡ ዓለም፡ ታሕተ፡ ሥልጣኑ፡ ፈቀደ፡ ይንበር፡ በመንበረ፡ እግዚኡ፡ ከመ፡ ዲያብሎስ፡ ፈቀደ፡ ይንበር፡ በመንበረ፡ አምላኩ፡ እስመ፡ ዝንቱ፡ ፈቃደ፡ መንግሥት፡ ኮነ፡ ውስተ፡ ልቡ፡ እምቀዳሚ፡ ዘመን። ወከመ፡ ይስሐብ፡ ሰብአ፡ በነገረ፡ ሐሳዊ፡ ጠንቋይ፡ ይቤ፡ በጽሐ፡ ጊዜ፡ መንግሥትየ። አግሃደ፡ ዐመፃሁ። ወወሀቦ፡ ወለቶ፡ ለጉባላ። ወኵሉ፡ ዓለም፡ ተለወ፡ ድኅሬሁ።

ወእምድኅረ፡ ተዓገሦ፡ ብዙኀ፡ ዘመነ፡ ንጉሥነ፡ መሐሪ፡ ወመስተሣህል፡ ወመስተዓግሥ፡ በካፋ፡ ተምዐ፡ በልቡ፡ ወጥኅረ፡ ከመ፡ አንበሳ፡ እጓለ፡ አንበሳ፡ በካፋ። ወአመ፡ ፯፡ ለመስከረም፡ ተንሥአ፡ ንጉሥ፡ እምነ፡ ጎንደር፡ በሥርዓተ፡ መንግሥቱ። ወአመ፡ ፬፡ ለጥቅምት፡ እንዘ፡ ሀሎ፡ በግብፃዊት፡ ተኃቢኦ፡ ወድቀ፡ ዝኩ፡ ዐማፂ፡ ዕቡይ፡ በእደ፡ ሐራዊ፡ ዘስሙ፡ ተወልደ፡ ሕፃን። ዝውእቱ፡ ኀይሉ፡ ለእግዚአብሔር፡ ወዝውእቱ፡ ፍሬ፡ አምልኮቱ፡ ለእግዚአብሔር።

ወአመ፡ ፳ወ፪፡ ለጥቅምት፡ እንዘ፡ ሀሎ፡ ንጉሥ፡ በቀጭን፡ አምባ፡ አዘዞሙ፡ ለመኳንንት፡ በበፍኖቶሙ፡ ከመ፡ ኢይግበሩ፡ ጸብአ፡ ዘእንበለ፡ ብርብራ፡ ወአውዕዮ፡ ቤት። ብላቴ፡ ጌታ፡ ማሙዬሰ፡ አንሥአ፡ ጸብአ፡ ዘእንበለ፡ ፈቃደ፡ ንጉሥ። ወሶበ፡ መልዐ፡ ድንጋፄ፡ ወፍርሃተ፡ ናባል፡ ውስተ፡ ልቡ፡ ጐየ፡ ወገብአ፡ እንዘ፡ ያንዘፈዝፍ፡ ወያንቀጠቅጥ፡ ከመ፡ አኀዞ፡ ቍር። ወቦ፡ እለ፡ ይቤሉ፡ መልዕልተ፡ በቀላሁ፡ ዘተገብረ፡ እምወርቅ፡ ጽሩይ፡ ለብሰ፡ አነዳ፡ በግዕ6፡ ከመ፡ ኢያእምሮ፡ ሰብእ። አሜሃ፡ ኀየሉ፡ አፅራር። ወእንዘ፡ ያረውጽዎ፡ ለማሙዬ፡ ረከብዎ፡ ቅውመ፡ ለፊት፡ አውራሪ፡ ገብረ፡ መድኅን፡ ወቀተልዎ። ወበይእቲ፡ ዕለት፡ ተቀትሉ፡ ብዙኃን፡ ሰብእ፡ ወተኃፍረ፡ ኵሉ፡ ሰብእ፡ በምክንያተ፡ ማሙዬ። ንጉሥሂ፡ ሐዘነ፡ ጥቀ፡ ወይቤ፡ በልቡ፡ ዝንቱ፡ ስም፡ ኮነ፡ ብየ፡ ወአኮ፡ በማሞዬ፡ እስመ፡ ገብረ፡ ዘኢአዘዝክዎ፡ ይፈድዮ፡ እግዚአብሔር፡ በከመ፡ ምግባሩ። ናሁ፡ ጸሐፍኩ፡ ዘንተ፡ እንበለ፡ ጊዜሁ፡ ኀበ፡ ሰሐበኒ፡ ነገር፡ ኀበ፡ ነገር፡ እስመ፡ ይደልዎ፡ ለነባቢ፡ ይስሐብ፡ ነገረ።

ክፍል፡ ፲። እግባእኬ፡ ኀበ፡ ነገርየ። ወበይእቲ፡ ዕለት፡ ዘተንሥአ፡ ባቲ፡ እምአሪንጎ፡ ኀደረ፡ ንጉሥ፡ ቄጠማ። ወበሳኒታ፡ ዕለተ፡ እሑድ፡ ገብረ፡ ውዕሎ። በህየ፡ አዘዘ፡ ንጉሥ፡ በቃለ፡ ቀርን፡ ወይቤ፡ ስማዕ፡ ስማዕ፡ አልቦ፡ ዘየሐውር፡ እምቅድመ፡ ፊት፡ አውራሪ፡ ወኢትስፍር፡ እንበለ፡ ካስማከ። ወህየ፡ አዘዞሙ፡ ለመነኮሳት፡ ወለዌዛዝር፡ ይግብኡ፡ በበብሔሮሙ። ወእምዝ፡ ተመይጠ፡ ቄስ፡ ሐፄ፡ እልፍዮስ። እለ፡ ተርፉሰ፡ ተለውዎ፡ እስከ፡ አግሪት፡ ተጋፊዖሙ።

ወምሴተ፡ ከዊኖ፡ ገብረ፡ ማዕደ፡ በከመ፡ ልማዱ። ወበማእከለ፡ ማዕድ፡ አንሥኡ፡ ጋዕዘ፡ ባሻ፡ ርቱ፡ ወባልጋዳ፡ ተክለ፡ ሃይማኖት፡ እስመ፡ ጋዕዝ፡ ቦሙ፡ እምቅድም። ንጉሥሰ፡ ተዐገሶሙ። ወህየ፡ ወሀቦ፡ መጥባሕተ፡ ለብላቴን፡ ጌታ፡ ኩቾ።5ዓዲ፡ ይቤሎሙ፡ ለጸ (G14v)ሐፍተ፡ ትእዛዝ፡ ሲኖዳ፡ ወድማጥሮስ፡ አንትሙሰ፡ ኢትጋብኡኑ፡ ውስተ፡ጐንደር። ወይቤልዎ፡ እፎ፡ ንገብእ፡ እንዘ፡ ንሕነ፡ ጸሐፍተ፡ ታሪክ።7ወይቤሎሙ፡ እንከሰ፡ ንግሩኒ፡ ኵሎ፡ ዘኃጣእክሙ፡ (N70v) እስመ፡ እሁበክሙ፡ አነ። ወህየ፡ መጽአ፡ ደጅ፡ አዝማች፡ ሞት፡ እምዳሞት። ወህየ፡ መጽኡ፡ አዮ፡ ወስብስቴ፡ ወአሳሔል፡ እስመ፡ መሐሮሙ፡ ንጉሥ፡ ዘስሙ፡ መሐሪ፡ ወመስተሣህል።

ወበዕለተ፡ ሰኑይ፡ ግዕዘ፡ ንጉሥ፡ እምቄጠማ፡ ወኀደረ፡ ፈርፃ፡ በቤተ፡ ኢሳይያስ።መኳንንትኒ፡ ኀደሩ፡ ዋዶ፡ ሜዳ። ወበዕለተ፡ ሠሉስ፡ መላጢት፡ ዘትሰመይ፡ ገላግይኝ፡ ወበዕለተ፡ ረቡዕ፡ ሸንችሆ፡ ወበዕለተ፡ ሐሙስ፡ መሸለሚያ፡ ወበዕለተ፡ ዓርብ፡ ገምቻት። ወበይእቲ፡ ዕለት፡ ሰቀለ፡ ደጅ፡ አዝማች፡ ለጋስ፡ ፪፡ እምነ፡ ባሶ፡ በእንተ፡ እከዮሙ፡ በፈቃደ፡ ንጉሥ። ንጉሥሰ፡ ኀደረ፡ ቀዘባ። ወበዕለተ፡ ቀዳሚት፡ ሰንበት፡ ኃለፍናሃ፡ በጽኑዕ፡ ግብር፡ ለጨጨሆ፡ ወኀደርነ፡ መውቀርያ። ንጉሥኒ፡ በጽሐ፡ አገሪት።ወበይእቲ፡ ብሔር፡ ቦአ፡ ደጅ፡ አዝማች፡ኤፍሬም፡ ወነሥአ፡ እደ፡ ንጉሥ። ወበዕለተ፡ እሑድ፡ በጻሕነ፡ አገሪት። ወጊዜ፡ ፱፡ ሰዓት፡ ቦአ፡ ንጉሥ፡ ውስተ፡ ሐይመት፡ ወነበረ፡ ዲበ፡ መንበር። ወቦኡ፡ መኳንንት፡ ወጸናሕያነ፡ ዴዴ፡ ቍዕርኒ፡ እምነ፡ ጋላት፡ ነሥኡ፡ እደ።

ወበምሴት፡ ይቤ፡ ቃለ፡ ዓዋዲ፡ በቃለ፡ ንጉሥ፡ ጌሠመ፡ እሬኢ፡ ግብአተ። ወበዕለተ፡ ሰኑይ፡ ዘውእቱ፡ በዓለ፡ እግዝእትነ፡ ቅድስት፡ ወድንግል፡ በኵሉ፡ ጊዜ፡ ማርያም፡ ወላዲተ፡ አምላክ፡ ተተክለ፡ ሐይመተ፡ ንጉሥ፡ ውስተ፡ ንኡስ፡ ወግር።ወአንበሩ፡ ውስቴቱ፡ መንበረ፡ ክብረ። ወነጸፈ፡ ቦቱ፡ መንጸፈ፡ ብርህተ፡ ዘተሥዕሉ፡ ባቲ፡ አንበሳ፡ ወተኵላ። ወወፅአ፡ ንጉሥ፡ ዲበ፡ ፈረስ፡ ወቦአ፡ ውስተ፡ ሐይመት፡ ወነበረ፡ ዲበ፡ መንበር። ወሀለዉ፡ ቅሩባኒሁ፡ ዓቃቤ፡ ሰዓት፡ ወልደ፡ ሐዋርያት፡ ወ ብላቴን፡ ጌታ፡ ወሰን፡ ሰገድ፡ ወግራ፡ አዝማች፡ እልፍዮስ።ወአንበሮሙ፡ ለመኳንንት፡ ወለሊቃውንት፡ በየማኑ፡ ወበፀጋሙ። ወቆሙ፡ ከመዝ፡ እለ፡ ይጸውሩ፡ ነፍጠ፡ ወወላትወ፡ እዴሁ። ወአርአይዎ፡ ግብአተ፡ ኵሉሙ፡ ሰገራተ፡ ትዕይንት። ወርእየ፡ ግብአተ፡ ዳሞት፡ ወጃዊ፡ ወአገው፡ ወግብአተ፡ ጐዣም፡ ወባሶ። በከመ፡ ኢይትኌለቍ፡ ከዋክብተ፡ ሰማይ፡ ወኆፃ፡ ባሕር፡ ከማሁ፡ ኢይትኌለቍ፡ ሠራዊቱ፡ ለኀያል2፡ ንጉሥ፡ በካፋ፡ ላዕሌሁ፡ ሰላም።

ወበዕለተ፡ ሠሉስ፡ ግዕዙ፡ ንጉሥ፡ ወመኳንንት፡ እምአገሪት። ወኀደሩ፡ ገረገራ። መራሔ፡ ፍኖቱሰ፡ ለንጉሥ፡ ጋፋት፡ ወልዴ፡ ውእቱ፡ እምአገሪት፡ እስከ፡ላስታ፡ ወእምነ፡ ላስታ፡ እስከ፡ ገምቦቻት። ወበረቡዕ፡ ኀደሩ፡ ወቄጣ፡ ወበዕለተ፡ ሐሙስ፡ድብኮ። ወእምድኅረ፡ ሰፈረ፡ፊት፡ አውራሪ፡ ጎራ፡ ውስተ፡ አሐቲ፡ መርህብ፡ መጽአ፡ ዘተአዘዘ፡ እምኀበ፡ ንጉሥ፡ ወይቤሎ፡ ተንሥእ፡ ወስፍር፡ ኀበ፡ ዘሰፈርነ፡ ቦቱ፡ በዘኀለፈ፡ ዓም። ወገብረ፡ ዘተአዘዘ።

ንጉሥኒ፡ ቦአ፡ ውስተ፡ ቤቱ፡ ለአዮ፡ ወበዕለተ፡ ዓርብ፡ ወዓለ፡ ህየ። ወበዕለተ፡ ቀዳሚት፡ ሰንበት፡ ግዕዘ፡ ንጉሥ፡ እምህየ፡ ወሰፈረ፡ በዳቦ፡ ከተማ። ወበዕለተ፡ እሑድ፡ ኮነ፡ ውዕሎ። ወእምድኅረ፡ ኀለፈ፡ ጊዜ፡ ቀትር፡ አንበሩ፡ ሎቱ፡ መንበረ፡ ለንጉሥ፡ ውስተ፡ አሐቲ፡ ሐይመት፡ ወነበረ፡ ህየ። ወመጽኡ፡ ኵሎሙ፡ መኳንንት፡ ወሠራዊት። ወተማከሮሙ፡ ንጉሥ፡ ኵሎ፡ ዘይገብር። እሙንቱሂ፡ ተናገሩ፡ በበነገሮሙ። ጃዊኒ፡ ወሰብአ፡ አምሐራ፡ ወኵሎሙ፡ ሰብአ፡ ትዕይንት። ወቦ፡ እለ፡ ይቤሉ፡ ንቅትሎ፡ ለገለሶት፡ እስመ፡ ዓማፂ፡ ውእቱ።

ወአሜሃ፡ አምጽኡ፡ ሎቱ፡ ለንጉሥ፡ ፫፡ ሐሳውያነ፡ እምነ፡ አምሐራ። ወይቤልዎ፡ ሐታትያን፡ ለ፩፡ ወልደ፡ መኑ፡ አንተ። ወይቤሎሙ፡ ወልደ፡ ሐፄ፡ ያዕቆብ፡ አነ። ወይቤልዎ፡ እፎ፡ ኍልቈ፡ ትውልድከ፡ ወዘመድከ። ወይቤሎሙ፡ ወፃእኩ፡ እምሐቌሁ፡ ሐፄ፡ ያዕቆብ፡ ዘመንየሂ፡ እመንግሥተ፡ ሐፄ፡ ዮሐንስ፡ ውእቱ። ዓዲ፡ ይቤልዎ፡ ለካልኡ፡ አንተሰ፡ ወልደ፡ መኑ፡ አንተ። ወይቤሎሙ፡ ወልደ፡ ሐፄ፡ ኢያሱ፡ አነ። ወይቤልዎ፡ እስፍንቱ፡ ዘመነ፡ ልደትከ። ወይቤሎሙ፡ ፳፡ ውእቱ።

ወእምድኅረ፡ ተግህደ፡ ሐሰቶሙ፡ ይቤሎሙ፡ በቃለ፡ ንጉሥ፡ መዘክር፡ አዛዢ፡ ተክለ፡ ሃይማኖት፡ ለመኳንንት፡ ፍትሑኬ፡ ዘከመ፡ ሰማእክሙ፡ እምቃሎሙ። ወወጠነ፡ ፍትሐ፡ ውእቱ፡ ወይቤ፡ ምንተ፡ ንፈቅድ፡ ስምዐ1፡ እስመ፡ ሰምዑ፡ በርእሶሙ፡ ድልዋን፡ እሙንቱ፡ ለሞት።3ወከመዝ፡ ኀብሩ2፡ ፍትሐ፡ ኵሎሙ፡ ፈታሕት።4ወሶበ፡ በጽሐ፡ ፍትሕ፡ ኀበ፡ ንጉሥ፡ መሐሮሙ፡ እስመ፡ ዝንቱ፡ ንጉሥነ፡ በካፋ፡ ርኅሩኀ3፡ ልብ፡ ውእቱ፡ ወስሙ፡ መሐሪ፡ ወመስተሣህል።5 ወይቤ፡ ባሕቱ፡ ከመ፡ ኢይድግሙ፡ ይትመተር፡ አንፎሙ፡ ወከመዝ፡ ኮነ።6ሣልሳዊሰ፡ መነኮስ፡ ውእቱ፡ ወኀደጎ4፡ እስመ፡ ኢተረክበ፡ ቦቱ፡ ነገር።

1ወበዕለተ፡ ሰኑይ፡ ግዕዘ፡ ንጉሥ፡ እምዳቦ፡ ከተማ፡ ወዓደዋ፡ ለተከዜ፡ ወበጽሐ፡ ምድረ፡ ላስታ፡ ዘስማ፡ ገለሶት፡ እንተ፡ ትሰመይ፡ ዝብጋዝ። 2ወሶበ፡ ወረደ፡ እምነ፡ በቅሉ፡ ነበረ፡ ውስተ፡ ወግር። ወሕቀ፡ ጐንዲዮ፡ ቦአ፡ ውስተ፡ ቤት።4ወገብረ፡ በከመ፡ ልማዱ፡ ማዕደ፡ ዕፁበ፡ ወመድምመ፡ ዘኢየሐጽጽ1፡ እምጎንደር። ወይኑሂ፡ ከማሁ፡ አጽገበነ፡ ብዙኀ2፡ ወኢያኅጥአነ፡ እምዘፈቀድነ።5ወህየ፡ ለአከ፡ ጉባላ፡ ኀበ፡ ንጉሥ፡ እንዘ፡ ሀሎ፡ በእመኪና፡ ወይቤ፡ መሐረኒ፡ ኦ፡ ንጉሥ፡ ጸባሕተኒ፡ እጸብሕ3።6ወ፪፡ መናብርተ፡ ዘአምጻእክዎሙ፡ እምንጉሠ፡ አደል፡ እፌኑ፡ ለከ።7ወለቶሂ፡ ለአምኃ፡ ኢየሱስ፡ ወኵሎ፡ ንዋዮ፡ እ(G15v)ፌኑ። 8ወልድየሂ፡ እሁበከ፡ አኀዘ።9እስከዝ፡ ተገሠጸ፡ ጉባላ፡ በድምፅከ።10ኦ፡ ንጉሥ፡ እስመ፡ እግዚአብሔር፡ አምላክከ፡ ምስሌከ፡ አልቦ፡ ዘይክለከ።

1ወእንዘ፡ ሀሎ፡ ንጉሥ፡ በፍኖት፡ ሶበ፡ ርእየ፡ ከመ፡ አውዓየ፡ ጃዊ፡ አብያተ፡ ገለሶት፡ ፈነዎ፡ ለዘገብርኤል፡ ሊቀ፡ መያስያን፡ ከመ፡ ይርአይ፡ ኵሎ።2ወተአዚዞ፡ ገብአ፡ ፍጡነ፡ በፈረስ።3 ወይቤሎ፡ ንጉሥ፡ ለዘገ(A141vb)ብርኤል፡ እፎ፡ ኮነ፡ ነገሩ።4ወይቤሎ፡ ዘገብርኤል፡ ርኢኩ፡ ናሁ፡ ኵሉ፡ ሰብአ፡ ገለሶት፡ ተኃብኡ፡ ውስተ፡ ጾላዕ፡ ምስለ፡ ደቂቆሙ፡ ወአንስቲያሆሙ፡ ወእንስሳሆሙ፡ ወንዋዮሙ።5ጃዊኒ፡ ከበቦሙ፡ ወቀተለ፡ እምኔሆሙ፡ ፫ተ፡ ባሕቱ፡ ይትሜነዩ1፡ ነፍጠ።6 ወእምዝ፡ አዘዞሙ፡ ንጉሥ፡ ለደጅ አዝማች፡ ኤፍሬም፡ ወለደጅ፡ አዝማች፡ የማነ፡ አብ፡ ወይቤሎሙ፡ ሑሩኬ፡ ዕቀብዎ፡ ለፀር፡ ከመ፡ ኢይጕየይ፡ ወእምከመ፡ ረከብክምዎ፡ ለአኩ፡ ብየ፡ ጌሠመ፡ ወኢታንሥኡ፡ እደ፡ ላዕሌሁ።

1ወጸቢሖ፡ ዕለተ፡ ሠሉስ፡ ዘውእቱ፡ በዓለ፡ እግዚእነ፡ ወአምላክነ፡ ወመድኃኒነ፡ ኢየሱስ፡ ክርስቶስ፡ ለዘክሮቱ፡ ሰጊድ፡ ለአኩ፡ ኀበ፡ ንጉሥ፡ መኳንንት፡ እንዘ፡ ይብሉ፡ ናሁ፡ ሀለዉ፡ ጽዑራነ1፡ ስዱዳነ፡ ገለሶት።2ወአኀዞሙ2፡ ማሕምም፡ ከመ፡ ብእሲት፡ እንተ፡ ትግዕር፡ ወተሐምም፡ ለወሊድ።3ወሰሚዖ፡ ዘንተ፡ ወፅአ፡ ንጉሥ፡ ወተቈልቈለ፡ በእግሩ።3ወአዘዘ፡ ይጽዓኑ3፡ መጥቅዓ፡ ወኢይጥቅዑ።4 ወተጽዕነ4፡ ዲበ፡ በቅሉ፡ ወተሰፍሐ፡ ተድባበ፡ ዲበ፡ ርእሱ፡ ወቅኑት፡ ሐቌሁ፡ በቅናተ፡ ጸብእ5።5ወተለውዎ፡ ሠራዊት፡ ወሖረ፡ ወበጽሐ፡ ውስተ፡ ርእሰ፡ (A142ra) ይእቲ፡ ጾላዕ።6ወነበረ፡ ህየ፡ እንዘ፡ ተድባቡ፡ ስፉሕ፡ ዲበ፡ ርእሱ።

1አሜሃ፡ አውየዉ፡ እንዘ፡ ይብሉ፡ አይቴ፡ ንበጽሕ፡ እመኒ፡ ነዓርግ፡ ውስተ፡ ሰማይ፡ ወእመኒ፡ ንወርድ፡ ውስተ፡ ቀላይ፡ ኢናመሥጥ፡ እምእዴሁ፡ ለበካፋ።2ወይቤልዎ፡ ለደጅ፡ አዝማች1፡ ኤፍሬም፡ አስተምሕር2፡ ለነ፡ ኀበ፡ ንጉሥ፡ ወበሎ፡ ከመዝ፡ መሐረነ፡ እግዚኦ፡ እስመ፡ ለነ፡ አበሳ፡ ወለከ፡ ምሕረት።3 አበስነ፡ ዓመፅነሂ፡ ወጌገይነ።4ወኢትትበቀለነ፡ በመዓምቅቲሃ፡ ለምድር።5ወሰሚዖ፡ ንጉሥ፡ ዘንተ፡ መሐሮሙ፡ ወአውፅኦሙ፡ እማዕምቅ። 6 ወእንዘ፡ ይዘፍኑ፡ እድ፡ ወአንስት፡ ቅድሜሁ፡ አስተርአዩ።7ወ፩ያርብሐዊ፡ ዘስሙ፡ አያ፡ ሰገደ፡ ታሕተ፡ እገሪሁ፡ ለንጉሥ፡ ምስለ፡ አኃዊሁ።8 ወኮነ፡ ከመዝ፡ በይእቲ፡ ዕለት፡ ዐቢይ3፡ ኀይል4።9ወረሰዮሙ፡ (N71v) ለእሉ፡ ስዱዳን፡ በምኵናነ፡ አይዳኝ።

1ወእምዝ፡ ተጽዕነ፡ ንጉሥ፡ ዲበ፡ በቅሉ።2ወእንዘ፡ ያድለቀልቅ፡ መጣቅዕተ፡ በጽሐ፡ ዓቀበ፡ ይእቲ፡ ወግር።3አሜሃ፡ መጽአት፡ ቀላል፡ ነፋስ፡ አንጻረ፡ ገጹ፡ ለንጉሥ።3ወሶበ፡ ርእያ፡ አፍጠነ፡ ወሪደ፡ እምነ፡ በቅሉ፡ ወኢበጽሐት፡ ቦቱ፡ ነፋስ፡ እስመ፡ ከለለቶ፡ ምሕረተ2፡ እግ(G16r)ዚእነ፡ በዕለተ፡ ክቡር፡ በዓሉ። ባሕቱ፡ ሆከቶ፡ ንስቲተ፡ ለጸዋሬ፡ ተድባቡ።5ብላቴን፡ ጌታ፡ ተስፋ፡ ኢየሱስኒ፡ ወአዛዢ፡ ወልደ፡ ጊዮርጊስ፡ ወሪዶሙ፡ እምነ፡ በቅሎሙ፡ በጽሑ፡ ኀበ፡ ንጉሥ፡ እንዘ፡ ይትራወጹ3።6ወበቅጽበት4፡ ተጽዕነ5፡ ንጉሥ፡ ዲበ፡ በቅሉ፡ ወቦአ፡ ውስተ፡ ጽርሑ።7አዘዢ፡ ወልደ፡ ጊዮርጊስኒ6፡ በጽሐ፡ በእግሩ፡ እንዘ፡ ይሠግር፡ ቅድሜሁ።

1ወበዕለተ፡ ረቡዕ፡ ይቤ፡ ንጉሥ፡ በቃለ፡ ቀርን፡ ኢይትርፍከ፡ እክለ፡ ዛቲ፡ ብሔር፡ ይቡሰ1፡ ተሴሰይ፡ አንተ፡ ውርጡበ፡ ሴሲ፡ ለእንስሳከ።2 ወህየ፡ መጽአ፡ ዘወልድ፡ መልአከ፡ ራስጌ፡ ቤት፡ እስመ አዘዞ፡ ንጉሥ፡ ቅድመ፡ በጽንፈ፡ ተከዚ፡ እንዘ፡ ይብል፡ ኀበ፡ ጉባላ፡ ለምንት፡ ትገብር፡ ከመዝ፡ አኮኑ፡ ዘአኃጥእ፡ ሰብእ፡ ዘእኴንኖ፡ ወፈረሰ፡ ዘእጽዓኖ2፡ ዳእሙ፡ እፃሙ፡ በእንተ፡ ስም።3ይእዜኒ፡ ለእመ፡ ትትቀነይ፡ ተቀንይ፡ ወእመ፡ አኮ፡ ንግረኒ፡ ዘትፈቅድ። ወሰሚኦ3፡ ዘንተ፡ ጉባላ፡ አርአየ፡ ትእምርተ፡ ተቀንዮቱ።5ወፈነዋ፡ ለወለተ፡ አምኃ፡ ኢየሱስ፡ ምስለ፡ አግብርቲሃ፡ ወኵሎ፡ ቁሳቍሰ፡ ቤታ።6ለወልዱኒ፡ ዘይሰመይ፡ ልቤ፡ ፈነዎ፡ ጸባሕተ4። 7ዓዲ፡ ጸብሐ5፡ ፪፡ መናብርተ፡ ሠናያተ6፡ ወፈነወ፡ ንብቲራቲሁ፡ ወንዋያቲሁ፡ ለአምኃ፡ ኢየሱስ፡ ዘኢይደሉ፡ ይዝክሩ፡ ስሞ።8ወተፈ(A142va)ጸመ፡ መፍቅዱ፡ ለንጉሥ፡ በይእቲ፡ ዕለት፡ እንተ፡ ይእቲ፡ ተፍጻሜተ፡ ጥቅምት።

1ወአኀዙ1፡ መኳንንት፡ ምክረ።2ወይቤልዎ፡ ለንጉሥ፡ ምንት፡ ብነ፡ በላስታ፡ እምከመ፡ ተፈጸመ፡ ፈቃድከ፡ ኦ ንጉሥ።3ጉባላኒ፡ ወልዶ2፡ ጥቀ፡ ኢምህከ፡ ኢንገብእኑ፡ ውስተ፡ ብሔርነ።4ወይቤሎሙ፡ ንጉሥ፡ ኦሆ፡ ባሕቱ፡ ንጽንሖ፡ ለማሞ፡ እስመ፡ ሖረ፡ ርሑቀ፡ ምስለ፡ ጃዊ፡ ይትቃተል፡ እስከ፡ ብሔረ፡ እልፍዮስ፡ ዓማፂ።

1ክፍል፡ ፲፩።2ሠረቀ፡ ኅዳር፡ በዕለተ፡ ሐሙስ።3ወበይእቲ፡ ዕለት፡ አዘዞ፡ ንጉሥ፡ ለደጅ፡ አዝማች፡ ኤፍሬም፡ ወይቤሎ፡ በሎ፡ ለማሞ፡ ግባዕ፡ እምከመ፡ ረትዓት፡ መንግሥትነ፡ ወተቀንየ፡ ለነ፡ ላስታ፡ በምልዑ።3ወገብረ፡ በከመ፡ አዘዞ።4ደጅ፡ አዝማች፡ ማሞሰ፡ ተወደሰ፡ ብዙኀ1፡ በሠሪዓ፡ ቤቱ2።5ወአልቦ፡ ዘኢወሀቦ፡ ፍሪዳ፡ እምኵሉ፡ ሰብአ፡ ከተማ።6ጃዊኒ፡ ገብአ፡ ምስለ፡ ብዙኅ፡ ዕልገት፡ ወምህርካ፡ ሰብእ፡ ወእንስሳ።7ባሕቱ፡ ሆከነ፡ ጃዊ፡ ንስቲተ፡ እንዘ፡ ይሰልብ፡ ልብሰ፡ ሰብአ፡ ቤትነ፡ በምክንያተ፡ ምሥያጥ።

ወአመ፡ ፪፡ ለኅዳር፡ ሜጠ፡ ገጾ፡ ንጉሥ፡ ወተንሥአ፡ እምነ፡ ዝብጋዝ። ወእንዘ፡ የዓዱ፡ ባሕረ፡ ተከዚ፡ ረከበ፡ ንጉሥ፡ ሰረቅተ፡ ወመተረ፡ እዝኖሙ። ወበጽሐ፡ ዳቦ፡ ከተማ። ወበሳኒታ፡ በቀዳሚት፡ ሰንበት፡ ተጋብኡ፡ መኳንንት፡ ኀበ፡ አንቀጸ፡ ንጉሥ፡ ለጸኒሐ፡ ዴዴ። ወከዊኖ፡ ጊዜ፡ ምሳሕ፡ እስመ፡ አእመረ፡ ንጉሥ፡ ከመ፡ ርሁባን፡ እሙንቱ።ለአከ፡ ፩፡ እምደቁ፡ ዘስሙ፡ ወልደ፡ ሚካኤል፡ ኀበ፡ ሀለዉ፡ ቢትወደድ፡ ተስፋ፡ ኢየሱስ፡ ወደጅ፡ አዝማች፡ ማሞ፡ አዛዢ፡ ወልደ፡ ጊዮርጊስ፡ አዛዢ፡ ተክለ፡ ሃይማኖት፡ አዛዢ ሲኖዳ፡ ብላቴን ጌታ፡ ኩቾ፡ ባላምባራስ ህላዌ፡ ክርስቶስ፡ ቀኝ፡ አዝማች፡ ካሶ፡ ግራ፡ አዝማች፡ ማሞ፡ ደጅ፡ አዝማች፡ ርቱ፡ ዘስሜን፡ ባሻ፡ ርቱ፡ ፊት፡ አውራሪ፡ ጎራ፡ ወኵሎሙ፡ ስዑራን፡ ወሥዩማን3፡ ወይቤሎሙ፡ በሊዓክሙ፡ ኢተሐውሩኑ። ወይቤሉ፡ ኵሎሙ፡ ኅቡረ፡ ሠናይ፡ ነገር፡ ውእቱ፡ ኦ፡ እግዚእነ። ወአዘዘ፡ ንጉሥ፡ ያስተዳልዉ፡ ማዕደ፡ ውስተ፡ አሐቲ፡ ሰቀላ፡ ድንኳን፡ ወአጽገቦሙ፡ በከመ፡ ልማዱ።

1ዓዲ፡ ገብረ፡ ንጉሥ፡ እንግዳ፡ ነገረ፡ ወተራኅርኃ፡ ሎቱ፡ ለወልደ፡ ጉባላ።2ወአሰርገዎ1፡ ሠናየ፡ ስርጋዌ2፡ እምርእስ፡ እስከ፡ እግር።3 ወይቤሎ፡ ተመየጥኬ፡ (N72r)ኀበ፡ አቡከ፡ ወነዓ፡ በጊዜሁ።4ወወሰዶ፡ ዘወልድ፡ ወመጠዎ፡ ለአቡሁ፡ ምስለ፡ ሰይፍ፡ ወአውራሪስ፡ በሎታ።(A143ra)

ወእምዝ፡ ግዕዘ፡ ንጉሥ፡ እምነ፡ ዳቦ፡ ከተማ፡ ወበጽሐ፡ ድብኮ። ወበዕለተ፡ እሑድ፡ ወዓለ፡ ንጉሥ፡ እንዘ፡ ይሰምዕ፡ ነገረ። ህየኒ፡ በጽሐ፡ ዌዛዝር፡ ለቀበላሁ፡ ወነሥኣ፡ እደ፡ ንጉሥ፡ ጊዜ፡ ማዕድ። ወበዕለተ፡ ሰኑይ፡ ግዕዙ፡ መኳንንት፡ እምነ፡ ድብኮ፡ ወኀደሩ፡ ፍንጥራ፡ ወቦ፡ እለ፡ ይብልዎ፡ ጉልጌ። ንጉሥኒ፡ ኀደረ፡ ሾለጌ፡ ወወዓለ፡ ህየ፡ እስከ፡ ጌሠም። ወበዕለተ፡ ሠሉስ፡ ግዕዙ፡ መኳንንት፡ እምነ፡ ፍንጥራ፡ ወበጽሑ፡ አግሪት። ንጉሥኒ፡ ወሀቦሙ፡ ብዙኀ፡ ወርቀ፡ ወአልባሰ፡ ለጐዣም፡ ወለባሶ። ወበዕለተ፡ ረቡዕ፡ ግዕዙ፡ መኳንንት፡ ወኀደሩ፡ መውቀሪያ። ንጉሥኒ፡ ተንሥአ፡ እምህየ፡ ወበጽሐ፡ እስከ፡ አግሪት፡ በፈረስ፡ ወቦአ፡ ውስተ፡ ሐይመቱ። ወአዘዘ፡ ህየ፡ ይምትሩ፡ አእዛነ፡ ፬፡ ፈያት፡ እለ፡ ሰረቁ፡ ጐራዴሁ፡ በመቄት።

ሰብአ፡ መቄትሰ፡ ወጠኑ፡ ዓመፃ፡ አመ፡ ሰንበተ፡ ንጉሥ፡ በቤተ፡ አንስጤ፡ ቀቲሎ፡ ፭፡ ሰብአ፡ እምነ፡ ዘዌ።2 ወኢተቀበሉ፡ እንዘ፡ የሐውር፡ ወይገብእ፡ ንጉሥ፡ ወኢጼሑ፡ ሎቱ፡ መንገደ።3ወመቄት፡ ውእቱ፡ መዳበቂያሁ፡ ለላስታ፡ ለንዋዩ፡ ወለእንስሳሁ፡ ወጥሪቱ። ወበእንተዝ፡ ከዓዎ፡ ንጉሥ፡ ለጽዋዓ፡ መዓት፡ ባሶ፡ ላዕለ፡ መቄት።5ባሶኒ፡ ቀተለ፡ እምሰብአ፡ መቄት፡ መጠነ፡ ፈቀደ1፡ ወማህረከ2፡ ኵሎ፡ እንስሳሁ፡ ወአንስቲያሁ።6 ወአዕረፈ፡ ልቡ፡ ለባሶ፡ እስመ፡ ኮነ፡ ይነድድ፡ ቅድመ፡ ሶበ፡ ኢረከበ፡ ምህርካ፡ በላስታ፡ ከመ፡ ጃዊ፡ ወይትቃንዑ፡ ጃዊ፡ ወባሶ፡ ወይትናጸሩ፡ በዐይነ3፡ ጽልእ4።

1ወጊዜ፡ ቀትር፡ ወፅአ፡ ንጉሥ፡ እምአግሪት፡ ወኀደረ1፡ ቀዘባ፡ ወበዕለተ፡ ሐሙስ፡ ገምቦቻት።2ህየኒ፡ ፈነወ፡ ጉባላ፡ ለኀያል2፡ ንጉሥ፡ በካፋ፡ (G17r)ቀርነ፡ ዐቢየ3፡ ዘውእቱ፡ 3ሰንተል፡ ነጋሪት፡ ዘተሐይደ፡ እምእዴሁ፡ ለአዳቦ፡ ዘማርያም፡ ዘበመዋዕሊሁ፡ ተከፍለት፡ ሀገር፡ በዘመነ፡ ንጉሠ፡ ነገሥት፡ ሥልጣን፡ ሰገድ፡ ወመጽሐፈ፡ ታሪክ፡ ወመንጸፈ፡ ዐቢየ4፡ ዘውእቱ፡ ብሳጥ።4ንጉሥሰ፡ ኢተወክፎ5፡ ለብሳጥ፡ እስመ፡ አኮ፡ መፍቀሬ፡ ንዋይ።5ዓዲ፡ ለአከ፡ ጉባላ፡ ወይቤ፡ እመጽእ፡ ወእኔጽር፡ ገጸ፡ እግዚእየ፡ ወእስዕም፡ እገሪሁ፡ ለንጉሥየ።6ንጉሥሂ፡ ወሀቦ፡ ፫፡ አህጉራተ፡ ወፈነወ፡ ሎቱ፡ ስርጉተ6፡ መፃምር፡ በቅለ፡ ከመ፡ ይምጻእ ፍጡነ።7ኦ ኀይል7፡ ዘተገብረ፡ ለመሢሕ፡ በካፋ፡ ዘኢተገብረ፡ እምአመ፡ ንጉሥ8፡ ሥልጣን፡ ሰገድ፡ እስከ፡ ይእዜ።

ወበዕለተ፡ ዓርብ፡ ተንሥአ፡ ንጉሥ፡ እምነ፡ ገምቦቻት፡ ወኀደረ፡ ሸንቸሆ። ወበዕለተ፡ ቀዳሚት፡ ሰንበት፡ በጽሐ፡ ፋርፃ፡ ወኀደረ፡ ቄጠማ። ወወዓለ፡ ህየ፡ ዕለተ፡ እሑድ፡ ወዕለተ፡ ሰኑይ፡ እስመ፡ በዓሉ፡ ለሚካኤል፡ መልአከ፡ ምሕረት፡ ወዲበ፡ ሠናይቱ፡ ለሰብእ፡ ተአዛዚ። ወበዕለተ፡ ዓርብ፡ ግዕዙ፡ መኳንንት፡ እምነ፡ ገቦቻት፡ ወኀደሩ፡ መሸለሚያ።ወበቀዳሚት፡ ሰንበት፡ ኀደሩ፡ በጽንፈ፡ ጐሎጌ፡ ዘትሰመይ፡ ጥጥራ። ወዕለተ፡ እሑድ፡ ጽንጀና፡ ወበዕለተ፡ ሰኑይ፡ በጽሑ፡ ቄጤማ፡ በከመ፡ ልማዶሙ፡ እንዘ፡ ይተልዉ፡ ሥዕለ፡ ኵርዓተ፡ ርእሱ። ስብሐት፡ ለእግዚአብሔር፡ ዘአብጽሐነ፡ እስከ፡ ዛቲ፡ ሀገር፡ እንዘ፡ ኢይትለከፍ፡ ሥዕርተ፡ ርእስነ። ለንጉሥነሂ፡ የሀቦ፡ ዕድሜ፡ ነዋ፡ ወጽሩየ፡ ፍትሐ።

1ወበዕለተ፡ ሠሉስ፡ ግዕዘ፡ ንጉሥ፡ እምቄጠማ፡ በሥርዓተ፡ መንግሥቱ፡ ወቦአ፡ አሪንጎ። አኮቴት፡ ለእግዚአብሔር፡ ዘአብጽሐነ፡ እስከ፡ ዛቲ፡ ሰዓት። ወምሴተ፡ ከዊኖ፡ ገብረ፡ ዕፁብ፡ ማዕደ፡ ዘኢይትከሀል፡ ለነጊር። ወበዕለተ፡ ረቡዕ፡ ተአዘዘ፡ እምኀበ፡ ንጉሥ፡ ቃለ፡ ዓዋዲ፡ ወይቤ፡ ኵሉ፡ ዘቦ፡ ነገር፡ ያሕልቅ፡ በተስፋ፡ ኢየሱስ፡ ክርስቶስ፡ ወእመ፡ አድለወ፡ ቦቱ፡ ይንግር፡ ለዓቃቤ፡ ነገር፡ ዘውእቱ፡ ጯሂ፡ ጠባቂ።

1ክፍል1፡ ፲፪። ወጊዜ፡ ቀትር፡ ወፅአ፡ ንጉሥ፡ እንተ፡ ባሕቲቱ፡ እምነ፡ አሪንጎ፡ ወሖረ፡ ሀገረ፡ ሰላም።3 ወአዘዞ፡ ለቢትወደድ፡ ተስፋ፡ ኢየሱስ፡ ከመ፡ ይንበር፡ በ አሪንጎ፡ ምስለ፡ ሥዩማን፡ ወስዑራን2፡ እስከ፡ ይመጽእ፡ ደኃሪ፡ በዕለት፡ ዘአዘዞ። 3ንጉሥሂ፡ ነበረ፡ በሀገረ፡ ሰላም፡ ፲ወ፪፡ ዕለተ። ወህየ፡ መጽኡ፡ ሊቃወንተ፡ ቤተ፡ ክርስቲያን፡ እለ፡ አኀዙ3፡ ምህላ፡ በጎንደር፡ ወነሥኡ፡ እደ፡ ንጉሥ።

1ወእምዝ፡ አዘዞሙ፡ ንጉሥ፡ ለሊቃውንት፡ ወለደጅ፡ አዘማች፡ እልፍዮስ፡ ዘቋራ፡ ወለዓቃቤ፡ ሰአት፡ ወልደ፡ ሐዋርያት፡ ከመ፡ ይሰዱ፡ እስከ፡ ጎንደር፡ በዐቢይ1፡ ክብር፡ ሥዕለ፡ ኵርዓተ ርእሱ፡ ለአምላክነ፡ ወመድኃኒነ፡ ኢየሱስ፡ ክርስቶስ፡ ወዕፀ፡ መስቀሉ፡ ዘተነዝኀ2፡ (G17v) ቦቱ፡ ንጹሕ፡ ደሙ፡ ዘአንጽሐ፡ ኵሎ፡ ዓለመ፡ እምኃጢአት። 2ወአቅረቦሙ፡ ኀበ፡ አቡሁ፡ ለእለ፡ ኮኑ፡ ርሑቃነ3፡ በጌጋየ፡ አዳም።

1ካህናትኒ፡ ተቀበልዎ፡ በማኅሌት፡ ወበዝማሬ፡ ከመ፡ ሥርዓተ፡ ንጉሥ።2ከንቲባ፡ አርሴኒ፡ ወአዛዢ፡ ኢዮሴ፡ ወበዢሮንድ፡ ሕዝቅያስ፡ ወእዱግ፡ ኤፍሬም፡ ተወክፍዎ፡ እንዘ፡ ይዘብጡ፡ አቅርንተ።3ወአብእዎ፡ ውስተ፡ ጽርሐ፡ ንጉሥ፡ ለሥዕለ፡ ኵርዓተ፡ ርእሱ፡ እስመ፡ ውእቱ፡ ረድኦ፡ በላስታ፡ ወኮኖ፡ መድኃኒተ፡ ለንጉ(A144ra)ሥ፡ በካፋ፡ ላዕሌሁ፡ ሰላም።4ወቆመ፡ ሎቱ፡ አመ፡ ፳ወ፱፡ ለጥቅምት፡ ዘውእቱ፡ በዓለ፡ እግዚእነ፡ ለዘክሮቱ፡ ሰጊድ።

1ወአመ፡ ፳ወ፯፡ ለኅዳር፡ በዕለተ፡ ሰኑይ፡ ጸውዐ1፡ ንጉሥ፡ እምነ፡ መኳንንት፡ እለ፡ ኀረየ2፡ እምነ፡ አሪንጎ። ወተንሥአ፡ እምሀገረ፡ ሰላም፡ ወኀደረ3፡ ቃሮዳ፡ ወበዕለተ፡ ሠሉስ፡ ዕንፍራዝ፡ ወበዕለተ፡ ረቡዕ፡ ምንዝሮ።3 ወበዕለተ፡ ሐሙስ፡ ዘውእቱ፡ በዓለ፡ እግዚእነ፡ በጽሐ፡ ፀዳ፡ ወበዕለተ፡ ዓርብ፡ ኮነ፡ ውዕሎ።4ተፈጸመ፡ ወርኀ4፡ ኅዳር፡ ስብሐት፡ ለእግዚአብሔር፡ ዘአብጽሐነ፡ እስከ፡ ዛቲ፡ ሰዓት።

1ክፍል1፡ ፲፫። 2ሠረቀ፡ ወርኀ2፡ ታኅሣሥ።3ወበቀዳሚት፡ ሰንበት፡ ተንሥአ፡ ንጉሥ፡ እምነ፡ ፀዳ፡ ወተቀበልዎ፡ ካህናት፡ በጥዑም፡ ዝማሬ።4ቅድመሰ፡ እለ፡ ተወከፍዎ፡ ካህናት፡ ዘአዘዞ።5ወካዕበ፡ ዘደፈጫ፡ ወሣልስ፡ ዘግምጃ፡ ቤት፡ ወራብዕ፡ ዘኢየሱስ፡ ወኃምስ፡ ዘአቡነ፡ ተክለ፡ ሃይማኖት፡ ወሳድስ፡ ዘቅዱስ፡ ሚካኤል፡ ወሳብዕ፡ ዘደብረ፡ ብርሃን፡ ወሳምን፡ ዘልደታ፡ ወታስዕ፡ ዘአቦራ፡ ወዓሥር፡ ዘቅዱስ፡ ሚካኤል፡ ዘሀሎ፡ በጽርሐ፡ ንጉሥ፡ ወ፲ወ፩፡ ዘመድኃኔ፡ ዓለም፡ ወቅዱስ፡ ጊዮርጊስ፡ ወአቡነ፡ ገብረ፡ መንፈስ፡ ቅዱስ፡ ወ፬፡ እንስሳ፡ ወቅዱስ፡(A144rb)ገብርኤል፡ ድሙራን፡ ወ፲ወ፪፡ ዘሐመረ፡ ኖኅ፡ ወ፲ወ፫፡ ዘቅዱስ፡ ሚካኤል፡ ታሕታይ፡ ፲ወ፬፡ ኤዎጣቴዎስ። ወበዘከመዝ፡ ዝማሬ።7አንስትኒ፡ እንዘ፡ ይዘፍና፡ በበመካኖን፡ ቦአ፡ ንጉሥ፡ ሀገሮ፡ ዘይእቲ፡ ጎንደር።

1ወበዊኦ፡ ውስተ፡ ጽርሑ፡ መጽአቶ፡ ሕሊና፡ ሠናይት፡ ለንጉሥ፡ ርኅሩኀ3፡ ልብ፡ በካፋ፡ ወምሁር፡ ፈሊጠ፡ ምግባራት።2 ወይትረኃራኅ፡ ላዕለ፡ ርሁባን፡ ወጽሙዓን4፡ ከመ፡ ትትራኃራኅ5፡ እም፡ ላዕለ፡ ሕፃን፡ ዘሐቀፈቶ።3ይፈትን፡ ልበ፡ ወኵልያተ፡ ከመ፡ እግዚአብሔር፡ እስመ፡ ውእቱ፡ አምላክ፡ በጸጋ።4ኢይፈቅድ፡ ይንግርዎ፡ ግዕዘ፡ ሰብእ፡ እስመ፡ ኅዱር፡ ላዕሌሁ፡ ሀብተ፡ አእምሮ።5 እመኒ፡ ይጌሥጽ፡ ሰብአ፡ ፍጡነ፡ ይናዝዞ፡ ለዘይጌሥጾ፡ በከመ፡ ይቤ፡ ጳውሎስ፡ ገሥጽ፡ ወናዝዝ።

1አሜሃ፡ ጸውዖ፡ ለአዘዢ፡ ወልደ፡ ጊዮርጊስ፡ ወይቤሎ፡ ጸውዖሙ፡ ለኵሎሙ፡ ሊቃውንተ፡ ቤተ፡ ክርስቲያን፡ ሥዩማን፡ ወስዑ(G18r)ራን1፡ እስመ፡ ኢይፈቅድ፡ ይሑሩ፡ ጽውማኒሆሙ2፡ ወርሁባኒሆሙ።2ወአስተጋብኦሙ፡ አዘዢ፡ ወልደ፡ ጊዮርጊስ፡ በከመ፡ አዘዞ፡ ንጉሥ።3ወእምዝ፡ ቦአ፡ ንጉሥ፡ ውስተ፡ ቤቱ፡ ወርቅ፡ ሰቀላ፡ ወነበረ፡ ዲበ፡ መንበሩ።4ወተሠርዐ3፡ ማዕድ፡ በከመ፡ ልማዱ። ዜና፡ ማዕዱሰ፡ ለንጉሥ፡ ጸሐፍኩ፡ ኅዳጠ፡ በቀዳማዊ፡ አንቀጽ።(N73r) 6ወአንበሮሙ፡ ከመ፡ ዘልፍ፡ ለመኳንንት፡ በየማኑ፡ ወለዌዛዝር፡ በፀጋሙ።7ለካህናትሰ፡ ሠርዐ4፡ ሎሙ፡ አቃቂረ፡ መብልዕ፡ ዘአጽዋም፡ በካልእ፡ ማዕድ፡ እስመ፡ ውእቱ፡ የአምር፡ ፈሊጠ፡ ምግባራት።8ወአጽገቦሙ፡ ብዙኀ5።9ወእምዝ፡ ቆሙ፡ ኵሎሙ፡ ካህናት፡ ወመኳንንት፡ ወዌዛዝር፡ እስከ፡ የዓርግ፡ ማየ፡ ሕጽበት5፡ ውስተ፡ እዴሁ።10ወሶበ፡ ተአተተ፡ መንጦላዕተ፡ ሕጽበት፡ እምገጸ፡ ንጉሥ፡ አርፈቆሙ፡ ለኵሎሙ፡ በበምርፋቃቲሆሙ።11ለካህናትኒ፡ እለ፡ ኢይደለዎሙ፡ ነቢር፡ አንበሮሙ፡ ወአርወዮሙ፡ ጽሩየ6፡ ሜሰ፡ እስከ፡ ይወፅኡ፡ በፈቃዶሙ።

1መኑ፡ ነገሮ፡ ለንጉሥ፡ ዘንተ፡ ኵሎ፡ ኂሩተ።2አኮኑ፡ ነቅዐ1፡ እምሕሊናሁ፡ እንበለ፡ ይንግርዎ፡ በከመ፡ እቤ፡ ቀዳሚ።3 ሥርዓተ፡ ቤቱሰ፡ ለንጉሥ፡ በይእቲ፡ ዕለት፡ ሠርዐ2፡ እምነ፡ ቤቱ፡ አዘዢ፡ ኢዮሴ፡ ዘተአምነ፡ ላዕለ፡ ዝንቱ፡ ምስጢረ፡ እልፍኝ።3 ወአመገቦ፡ ንጉሥ፡ ላዕለ፡ ኵሉ፡ ንዋያቲሁ።4ወተቀበሎ፡ ለንጉሥ፡ ባሕቲቱ፡ በዘከመዝ፡ ማዕድ፡ ስፉሕ፡ ወምዑዝ፡ ጸብሕ3፡ ወሥጋ፡ ስቡሕ፡ እስመ፡ ብእሲሁ፡ በሀሊ፡ ውእቱ፡ ለንጉሥ፡ መፍቀሬ፡ እ(A144vb)ግዚአብሔር፡ ለዘክሮቱ፡ ሰጊድ።5 ወአመ፡ ፪ለታኅሣሥ፡ አዕረፈ፡ እጨጌ፡ ዘሚካኤል።

1ክፍል፡ ፲፬።2ወአመ፡ ፭፡ ለታኅሣሥ፡ ተረክበ፡ ንጉሥ፡ በከመ፡ ልማዱ፡ ውስተ፡ ማእከላዊት፡ ቤት፡ ወርቅ፡ ሰቀላ፡ ዘዕውድት፡ ለፌ፡ በአዳራሽ፡ ወለፌ፡ በራስጌ፡ ቤት።3አሜሃ፡ ሰዐሮ1፡ ለበትሬ፡ እምሢመተ፡ ቃሐ፡ ወሤሞ፡ ለጎሼ።3ዓዲ፡ ተስዕረ2፡ ተክለ፡ ሃይማኖት፡ የሻለቃ፡ ዘጠንቀኛ፡ ወተሠይመ፡ የሰላ፡ ዘንተ፡ ሢመተ።

1ወአመ፡ ፯፡ ለዝ ወርኅ፡ እንዘ፡ ሀሎ፡ ንጉሥ፡ ውስተ፡ ይእቲ፡ ቤት፡ ምዕዝት፡ እንተ፡ ይእቲ፡ ወርቅ፡ ሰቀላ፡ እምድኅረ፡ ተሠርዐ1፡ ማዕድ፡ በከመ፡ ልማድ፡ አዘዞ፡ ማእምረ2፡ ኅቡአት፡ ወወልደ፡ መንክራት፡ በካፋ፡ ለጸሐፌ፡ ትእዛዝ፡ ሲኖዳ፡ አምጽአ፡ መጽሐፈ፡ ታሪክ፡ ዘጸሐፍከ፡ በዝ፡ ዘመን።2 ወአንብባ፡ በቅድመ፡ ሰብእ፡ ከመ፡ ይስምዑ፡ ይስምዑ፡ እለ፡ ኢሰምዑ።3ንሕነሰ፡ ርኢናሃ፡ በ አሪንጎ። አሜሃ፡ ገብረ፡ ሲኖዳ፡ በከመ፡ አዘዞ፡ ወአንበባ፡ ማእከለ፡ መኳንንት፡ ወዌዛዝር።5ዓዲ፡ አዘዞ፡ ከመ፡ ይደምራ፡ ምስለ፡ ታሪከ፡ ነገሥት፡ አበዊሁ፡ አዕላፍ ፡ ሰገድ፡ ወአድያም፡ ሰገድ።

1ክፍል፡ ፲፭። 2ወበሳኒታ፡ ወረደ፡ ንጉሥ፡ ቃሐ፡ ወአመ፡ ፲ወ፩፡(A145ra) ለ(G18v) ታኅሣሥ፡ መጽአ፡ ንጉሥ፡ እምነ፡ ቃሐ። 3 ወሶበ፡ ቦአ፡ ውስተ፡ ቅጽረ፡ ንጉሥ፡ ረከበ፡ ፩ደ ብእሴ፡ ዘኬደ፡ ቃለ፡ ንጉሥ።4ወጸውዖ፡ ንጉሥ፡ ወይቤሎ፡ ቦእከኑ፡ ውስተ፡ ጽርሕየ፡ ሶበ፡ እቤለከ፡ ኢትባእ፡ ውስተ፡ ከተማየ፡ ወንበር በሀገር። ወሶበ፡ በልየ፡ ነገር፡ እምአፉሁ፡ ለውእቱ፡ ዕቡይ፡ አዘዘ፡ ንጉሥ፡ ይምትሩ፡ እግሮ።6 ወበቅጽበት፡ ተራኅራኃ፡ ንጉሥ፡ ወይቤ፡ ኢትምትርዎ።7ባሕቱ፡ አፍጠነ፡ ቤት፡ አንሳ፡ መቲሮቶ።8ወከመዝ፡ ልማዱ፡ ለንጉሥ፡ በካፋ፡ ዘእንበለ፡ ይዕርብ፡ ፀሐይ፡ ያቈርር፡ መዓቶ፡ ወበጥቃ1፡ መዓቱ፡ ሀሎ፡ ብዙኀ3፡ ምሕረቱ።

1ወአመ፡ ፲ወ፫፡ ለታኅሣሥ፡ ተገብረ፡ በዓሉ፡ ለመልአክ፡ ክቡር፡ ሩፋኤል፡ ሊቀ፡ መላእክት፡ ውስተ፡ ቤተ፡ ክርስቲያኑ፡ ቅድስት፡ ሠናይተ፡ ሕንጻ፡ ዘሐነጻ1፡ ንጉሥነ፡ በካፋ።2ወተጋብኡ፡ ህየ፡ ሊቃውንተ፡ ቤተ፡ ክርስቲያን፡ ለገቢረ፡ በዓል፡ ወወዓሉ፡ በማኅሌት፡ ወዝማሬ፡ ጥዑም።3 ወሶበ፡ በጽሐ፡ ጊዜ፡ ድራር፡ ፈነወ፡ ሎሙ፡ ኅብስተ፡ ወጸብሐ2፡ ወሜሰ፡ ዘአልቦ፡ ኍልቍ፡ ወስቡሐነ፡ አልህምተ፡ ለካህናት፡ ውስተ፡ ቤተ፡ መልአኮሙ፡ ጸሐፌ፡ ትእዛዝ፡ ድሜጥሮስ።4ወአጽገቦሙ፡ ብዙኀ3።4 5ባሕቱ፡ በይእቲ፡ ዕለት፡ ውስተ፡ ቤተ፡ ክርስቲያነ፡ ቅዱስ፡ ሩፋ(A145rb)ኤል፡ ተቀንየ፡ ባሕቲቱ፡ (N73v) ጸሐፌ፡ ትእዛዝ፡ ሲኖዳ፡ ሥላሴ፡ ወይቤ። 6ሩፋኤል፡ በቤትከ፡ ኅብስተ፡ ርሁባን፡ አመ፡ በላዕከ፡ ኢተረክበ፡ ኀይል1፡ ዘይቤ፡ እምአብያጺከ፡ ኀይላት2፡ ሐሜት፡ ዝንቱ፡ ወዝንቱ፡ ኀፍረት3። 7እመሰ፡ ላዕሌከ፡ ኢሀሎ፡ በዘከመዝ፡ ሐሜት፡ አንፃረ፡ በካፋ፡ በኵረ፡ ነገሥት። 8ድግምኬ፡ በሊዐ4፡ ኅብስት፡ ውስተ፡ ዛቲ፡ ቤትከ፡ እምርት። 9ወበዝንቱ፡ ወርኅ፡ ተሠይመ፡ በትሬ፡ ሢመተ፡ አዛዢ፡ አዮ።10ወኮነ፡ በዓለ፡ ልደት፡ በቀዳሚት፡ ሰንበት።

1ክፍል፡ ፲፮።2ሠረቀ፡ ጥር።3ወበውእቱ፡ ወርኅ፡ ተሠይመ፡ ዘገብርኤል፡ ሢመተ፡ ወህኒ1።4ወአመ፡ ፯፡ ለጥር፡ መጽአ፡ እምአሪንጎ፡ ቢትወደድ፡ ተስፋ፡ ኢየሱስ፡ ምስለ፡ ኵሎሙ፡ መኳንንት፡ ወቦአ፡ ጐንደር። 5ወበይእቲ፡ ዕለት፡ አዕረፈ፡ ዐቢይ3፡ ብእሲ፡ ብላቴን፡ ጌታ፡ ወሰን፡ ሰገድ፡ እኅወ፡ አቡሃ፡ ለእመ፡ ንጉሥ።6እግዚአብሔር፡ ያዕርፍ፡ ነፍሶ።7ወአመ፡ ፱፡ ለጥር፡ ሖረ፡ እጨጌ፡ (G19r) ዘወልደ፡ ማርያም፡ እንተ፡ ባሕቲቱ፡ ውስተ፡ ቤተ፡ ጳጳስ፡ ከመ፡ ይዛዋዕ፡ ኵሎ፡ ሥርዓተ፡ ምስጢር።8ወተሰነአዉ4፡ ፪ሆሙ፡ በኵሉ፡ ነገር፡ እስመ፡ ተዛውዑ፡ ፪ተ፡ ወ፫ተ፡ ዕለተ፡ በከመ፡ ተሰነዓዉ፡ ጳጳስ፡ ወእጨጌ፡ ዮሐንስ፡ ዘኀለፈ5፡ ዓም6።

1ወበአሐቲ፡ ዕለት፡ (A145va) መጽኡ፡ ኅዳጣን፡ መነኮሳት፡ እምነ፡ ዋልድባ፡ ወተራከቡ፡ ምስለ፡ ጳጳስ።2ወይቤልዎ፡ ለጳጳስ፡ ናሁ፡ እስከ፡ ይእዜ፡ ኢንዘክር፡ ስመከ፡ በቅዳሴ፡ ወበመስተብቍዕ።3ለቀሳውስትኒ፡ ወለዲያቆናት፡ እለ፡ ነሥኡ፡ መዓርገ፡ እምኔከ፡ ኢናበውሆሙ፡ ለተልእኮ፡ ውስተ፡ ቤተ፡ ክርስቲያን፡ ሶበ፡ ይቤሉነ፡ ሊሉይ፡ ነገሩ፡ ለጳጳስ፡ ክርስቶዶሉ1፡ እምነ፡ ጳጳሳት፡ ቀደምት።4ወተናገረ፡ ካልአ፡ ነገረ፡ በአደባባይ፡ ዘውእቱ፡ አዋጅ፡ መንገሪያ።

1አውሥአ፡ ጳጳስ፡ ወይቤሎሙ፡ ለመነኮሳት፡ አማንየ፡ እብል፡ ከመ፡ ኢወለጥኩ፡ ሃይማኖተ፡ እምነ፡ ጳጳሳት፡ አባ፡ ሲኖዳ፡ ወአባ፡ ማርቆስ።2ትእምርተ፡ ዝኒ፡ ከመ፡ ታእምሩ1፡ መጽኡ፡ ብየ፡ ብዙኃን፡ ሰብእ።3ወይቤሉኒ፡ ሐድስ፡ ለነ፡ ቅስናነ፡ ወዲቁናነ፡ ዘነሣእነ፡ እምነ፡ አባ፡ ሲኖዳ፡ ወአባ፡ ማርቆስ።4ወቀድስ፡ ለነ፡ ዳግመ፡ ታቦተ፡ ዘቀደስዎ፡ እሉ፡ እስመ፡ ኢነኃብር፡ በሃይማኖቶሙ።5አነሂ፡ እቤሎሙ፡ ዝንቱሰ፡ ኢይደሉ፡ በከመ፡ ኢይደሉ፡ ይስቅልዎ፡ ለወልደ፡ እግዚአብሔር።6ወሶበ፡ ተሐየደ፡ ነገርየ፡ ቦ፡ እምእሉ፡ ዘቀሠፍክዎ፡ በመቅሠፍተ፡ ጥብጣቤ፡ ዘሐብል።7 ወቦ፡ ዘመተርክዎ፡ በሰይፈ፡ ግዘት።8ወቦ፡ ዘወሀብክዎ፡ (A145vb)ቀኖና፡ ጽኑዓ፡ እስመ፡ አልቦ፡ ፍልጠት፡ ማእከሌየ፡ ወማእለከለ፡ አባ፡ ሲኖዳ፡ ወአባ፡ ማርቆስ።9ሶበኒ፡ አዕረጉኒ፡ ውስተ፡ አዋጅ፡ መንገሪያ፡ ይቤሉኒ፡ በተጓሕልዎ፡ ለእመ፡ ኢወፃእከ፡ አንተ፡ የኀልቅ2፡ ሰብእ፡ በሞት፡ ንጉሥኒ፡ ኢይተርፍ።10ወበእንተዝ፡ ወፃእኩ።11 ነገርሰ፡ አልቦ፡ ዘተናገርኩ፡ እንዳኢ፡ ለእመ፡ ሐሰዉ፡ ብየ፡ የአምር፡ እግዚአብሔር፡ እስመ፡ ኢየአምር፡ ልሳኖሙ፡ አሜሃ።

1ነገርየሂ፡ ከመዝ፡ ውእቱ፡ ለዘተወልደ፡ እምእግዚአብሔር፡ እምቅድመ፡ ዓለም፡ ወለደቶ፡ ቅድስት፡ ድንግል፡ ማርያም፡ በሥጋ፡ ልደተ፡ ባሕርያዌ፡ በደኃሪ፡ መዋዕል።2ወለዘወለደቶ፡ ማርያም፡ ወልደ፡ አብ፡ በመለኮት፡ ልደተ፡ ባሕርያዌ፡ እምቅድመ፡ ዓለም፡ ውእቱ፡ አምላክ፡ ዘኮነ፡ ሰብአ።3ወውእቱ፡ ሰብእ፡ ዘኮነ፡ አምላከ2፡ በተዋሕዶተ፡ መለኮት።4ወበዘከመዝ፡ ጽንዓ፡ ተዋሕዶ፡ ወልድ፡ ዋሕድ፡ ውእቱ።ግብጽ፡ ከመዝ፡ የአምኑ።6ወይቤልዎ፡ መነኮሳት፡ ዝኒ፡ ሠናይ፡ ውእቱ።7ቦ፡ እለ1፡ ይቤሉ፡ በቅብዓት፡ ኮነ፡ መለኮተ።8ወይቤሎሙ፡ ጳጳስ፡ በመዓት፡ ብሂለ፡ ዝንቱ፡ ውእቱ፡ መለ(G19v)ኮት፡ ሞተ፡ እስመ፡ ቅብዓት፡ ሕገ፡ ትስብዕት፡ ውእቱ፡ ከመ፡ ሞት፡ ውእቱ፡ ሕገ፡ ትስብዕት፡ ወአኮ፡ ሕገ፡ መለኮት።

1ወይቤልዎ፡ መነኮሳት፡ አማን፡ ቃልከ፡ ኦ፡ አቡነ። ነገረ፡ ቅብዓትሰ፡ እፎ፡ ውእቱ። ወይቤሎሙ፡ ጳጳስ፡ በቅብዓት፡ ኮነ፡ መሢሐ።4 ወእምነ፡ ምጽዋ፡ እስከ፡ ይእዜ፡ እንዘ፡ እመጽእ፡ ኮንኩ፡ እብሎሙ፡ ለእለ፡ ይሴአሉኒ፡ በተዋሕዶ፡ ወል(A146ra)ድ፡ ዋሕድ፡ ውእቱ፡ ወበቅብዓት፡ ኮነ፡ መሢሐ። ሊቀ፡ ጳጳሳትሂ፡ ዘግብጽ፡ ወሊቃናተ፡

1ወሰሚዖሙ፡ ዘንተ፡ መነኮሳት፡ ሰገዱ፡ በገጾሙ፡ ቅድመ፡ ጳጳስ1፡ ወወድቁ፡ ወይቤሉ፡ መሐረነ፡ ኦ፡ አቡነ፡ ወኢትዝክር፡ አበሳነ፡ ዘትካት። እምይእዜሰ፡ ንጼውዕ2፡ ስመከ፡ በኵሉ፡ ልማድ። ለሰብእሂ፡ ዘአዳቈንኮሙ3፡ ወአቅሰስኮሙ፡ ናበውሆሙ፡ ይትለአኩ፡ ለቤተ፡ ክርስቲያን።

1ጳጳስኒ፡ መሐሮሙ፡ ወባረኮሙ፡ በረከተ፡ ሰማይ፡ ወምድር።2ወነገሮሙ፡ ኵሎ፡ ዘከመ፡ ነገሮ፡ ለእጨጌ፡ ዘወልደ፡ ማርያም።3ወነሢኦሙ፡ እደ፡ ጳጳስ1፡ ወፅኡ፡ እሉ፡ መነኮሳት።4ወሖሩ፡ ኀበ፡ እጨጌ2፡ ወነገርዎ፡ ዘንተ፡ ኵሎ፡ ወይቤልዎ፡ ሐዊረነ፡ ብሔረነ፡ ናበውሆሙኑ3፡ በቃልከ፡ ከመ፡ ይትለአኩ፡ ለቤተ፡ ክርስቲያን፡ ለእለ፡ ከላእናሆሙ፡ ቅድመ።5ወይቤሎሙ፡ ሠናየ፡ ነበብክሙ።6ባሕቱ፡ ቅ(A146rb)ድሙ፡ ወአስተጋብኡ፡ አበወ፡ ወአዕሩገ፡ ወንግርዎሙ፡ ዘንተ፡ ኵሎ።7ወእመ፡ ፈቀዱ፡ ግብኡ፡ ኀቤየ፡ ወዜንዉኒ፡ ወእገብር፡ ለክሙ4፡ ዘትፈቅዱ።8ወተአዚዞሙ፡ ሖሩ፡ መነኮሳት፡ ውስተ፡ ብሔሮሙ።

1ክፍል፡ ፲፯።2ወአመ፡ ፲፡ ለጥር፡ ለአኮ፡ ጳጳስ፡ ለእዱግ፡ ኤፍሬም፡ ኀበ፡ ንጉሥ፡ እንዘ፡ ይብል፡ እረድኑ፡ ጌሠመ፡ ውስተ፡ ቃሐ፡ ለገቢረ፡ በዓለ፡ ጥምቀት።3 ወይቤ፡ ንጉሥ፡ እወ፡ ይረድ ጳጳስ፡ በከመ፡ ፈቀደ። ዓዲ፡ ፈነወ፡ ሎቱ፡ ንጉሥ፡ ለጳጳስ፡ ዕፁብ፡ ስርጋዌ1፡ ዘውእቱ፡ ስኒ፡ በርኖስ፡ ምስለ፡ ቀማይስ፡ ወልብ፡ አልባ፡ ዘመጠነ፡ ሤጡ፡ ፳ሰቅል፡ በሰቅል፡ ቅዱስ።

1ወአመ፡ ፲ወ፩፡ ለጥር፡ በዕለተ፡ ሐሙስ፡ ወረዱ፡ ውስተ፡ ቃሐ፡ ጳጳስ፡ ክርስቶዶሉ፡ ወእጨጌ፡ ዘወልደ፡ ማርያም፡ ከመ፡ ይግበሩ፡ በዓለ፡ ጥምቀት። ወምስሌሆሙ፡ ሀለዉ፡ ሊቀ፡ ማዕምራን፡ ረብኀ1፡ ክርስቶስ፡ ወፅራግ፡ ማሰሬ፡ ማሞ፡ ወጸሐፍተ፡ ትእዛዝ፡ ሲኖዳ፡ ወድሜጥሮስ፡ ወኵሎሙ፡ ሊቃውንተ፡ ቤተ፡ ክርስቲያን።3ወአንበሩ፡ ሎሙ፡ ፪፡ መናብርተ፡ ፩፡ መንበር፡ ዘጳጳስ፡ ወካልኡ፡ መንበር፡ ዘእጨጌ። ወነበሩ፡ ቅሩባነ፡ በበመናብርቲሆሙ፡ ወኅቡረ፡ ባረኩ፡ ዕጣነ፡ በ፩፡ ማዕጠንት፡ እስመ፡ ኀብሩ2፡ በኵ (A146va)ሉ፡ ነገሮሙ። ወ፩፡ እምግብጻውያን፡ ዘይሰመይ፡ አቡነ፡ ቀሲስ፡ ይእኅዝ፡ ማዕጠንተ፡ ወያቀርብ፡ ዕጣነ። ወይነሥኡ፡ እምውእቱ፡ ዕጣን፡ ጳጳስ፡ ወእጨጌ፡ ወይዌግሩ፡ ውስተ፡ ማዕጠንቱ።7ወሶበ፡ አብጽሑ፡ ጸዋትወ፡ ጸሎት፡ ተንሥአ፡ ጳጳስ፡ ወአንበበ፡ በልሳነ፡ ግዕዝ፡ ወንጌለ፡ ማቴዎስ፡ ኀበ፡ ዘይብል፡ ወበውእቱ፡ መዋዕል፡ መጽአ፡ ዮሐንስ፡ መጥምቅ።8ወአንከረ፡ ኵሉ፡ ዘርእየ።9ወሰምዐ3፡ ብልሐተ፡ ልቡ፡ ለጳጳስ፡ እስመ፡ አልቦ፡ ዘተምህረ፡ ልሳነ፡ ግዕዝ፡ እምነ፡ ጳጳሳት፡ ቀደምት፡ ዘእንበለ፡ ዝንቱ፡ ጳጳስ።

1ወእም (G20r)ድኅረ፡ ተጠምቁ፡ ኵሉ፡ ሕዝብ፡ ተንሥኡ፡ ጳጳስ፡ ወእጨጌ።2ካህናትኒ፡ እምድኅረ፡ ፈጸሙ፡ ሥርዓተ፡ ቅኔሆሙ፡ አንሥኡ፡ ታቦተ፡ ኢየሱስ።3ወተለውዎ፡ ኵሎሙ፡ እስከ፡ መቅደሱ1።4ወሶበ፡ በጽሑ፡ ውስተ፡ አንቀጸ፡ ቤተ፡ ክርስቲያን፡ ተፋለጡ፡ ጳጳስ፡ ወእጨጌ፡ ወሖሩ፡ በበፍኖቶሙ፡ በሰላም።5 ለታቦተ፡ ሥላሴሰ፡ ዘደብረ፡ ብርሃን፡ ገብሩ፡ በዓለ፡ ጥምቀት፡ ውስተ፡ አንገረብ፡ ምስለ፡ ካህናቲሆሙ፡ መልአከ፡ ብርሃናት፡ ፀሐየ፡ ልዳ፡ ወሊቀ፡ መዘምራን፡ ማሞ።(N74v)

1ክፍል፡ ፲፰።2ወአመ፡ ፲ወ፪፡ ለጥር፡ አዕረፈ፡ መልአከ፡ ብርሃናት፡ እልፍዮስ፡ እንዘ፡ ሥዩም፡ ው(A146vb)እቱ፡ በልደታ፡ እግዚአብሔር፡ ያዕርፍ፡ ነፍሶ።3ወአመ፡ ፳ወ፩፡ ተሠይመ፡ ኤራቅሊስ፡ ሢመተ፡ ፀዢ፡ አዛዢ።4ወአመ፡ ፳ወ፯፡ ለዝ፡ ወርኅ፡ አዕረፈ፡ ብርሃነ፡ ዓለም፡ ወምሁረ፡ ሃይማኖት፡ አባ፡ ኤዎስጣቴዎስ፡ ዘአዘዞ።5ዘጼነወ1፡ መዓዛ፡ ትምህርቱ፡ ውስተ፡ ኵሉ፡ ዓለም፡ ወኖኀ2፡ እምአርእስተ፡ አድባር፡ ወአልቦ፡ ዘይመስሎ፡ እምካህናተ፡ ዛቲ፡ ዘመን፡ በትርጓሜ፡ መጻሕፍተ3፡ ብሉይ፡ ወሐዲስ4፡ ወመጻሕፍተ፡ ሊቃውንት።6ወአመ፡ ፳ወ፰፡ ለጥር፡ ቦአ፡ ንጉሥ፡ ውስተ፡ ዝፋን፡ ቤት፡ ጊዜ፡ ምሴት፡ ወአብጽሐ፡ ሎቱ፡ ሥርዓተ፡ ትግሬ፡ መኰንን፡ ለማሞ፡ ወልደ፡ ገብረ፡ ክርስቶስ።

1ክፍል፡ ፲፱። 2ሠረቀ፡ የካቲት፡ በዕለተ፡ ረቡዕ። 3ወበውእቱ፡ ወርኅ፡ መጽኡ፡ መነኮሳት፡ ዘዋልድባ፡ እንዘ፡ ይስእሉ፡ ምሕረተ፡ እምኀበ፡ ንጉሥ፡ ለአያና፡ እግዚእ።3ውእቱኒ፡ መሐረ፡ ሎሙ።4አመ፡ ለ፯፡ ለዝ፡ ወርኅ፡ ወነገረ፡ ሎቱ፡ ንጉሥ፡ በቃለ፡ ቀርን፡ ወይቤ፡ ኵሉ፡ ዘአኀዞ1፡ አያና፡ እግዚእ፡ በዘመነ፡ አቡየ፡ ይጽናዕ2፡ ሎቱ፡ ዘእንበለ፡ ምድረ፡ ሢመቱ።4 ወይቤሎሙ፡ ንጉሥ፡ ለመነኮሳት፡ ይምጻእ፡ አያና፡ እግዚእ፡ ወይንሥአኒ፡ እደ።5ወተአዚዞ፡ በዢሮንድ፡ ወልደ፡ ጊዮርጊስ፡ ሖረ፡ ምስለ፡ መነኮሳት፡ ከ(A147ra)መ፡ ያምጽኦ፡ ለአያና፡ እግዚእ።

1ወበይእቲ፡ ዕለት፡ ወፅአ፡ ንጉሥ፡ በካፋ፡ ዘሠናይ፡ ሥርዓተ፡ ቤቱ፡ ከመ፡ ይሑር፡ መንገለ፡ አደን፡ እንዘ፡ ያሤኒ፡ ሥርዓተ፡ ቤት፡ በከመ፡ ልማዱ።2ወወረደ፡ ውስተ፡ ልደታ፡ ወቦአ፡ ውስተ፡ ቤተ፡ ክርስቲያን፡ ከመ፡ ይትመሐፀን፡ ኀበ፡ ቅድስት፡ ወንጽሕት፡ ድንግል፡ ማርያም፡ እስመ፡ ይእቲ፡ ትረድኦ፡ ወትፌጽም፡ ሎቱ፡ መፍቅደ፡ ልቡ።3 ወወፂኦ፡ ቦአ፡ ውስተ፡ ቤቱ፡ ለደጅ፡ አዝማች1፡ አፅሜ፡ ወኀደረ2፡ ህየ።

ወበሳኒታ፡ በዕለተ፡ ረቡዕ፡ ዘውእቱ፡ ፍጻሜ፡ ጾመ፡ ነነዌ፡ ተንሥአ፡ ንጉሥ፡ እምነ፡ ልደታ፡ ወኀደረ፡ከርከር። ወበዕለተ፡ ሐሙስ፡ ዋልያ። ወበዕለተ፡ ዓርብ፡ ተንሥአ፡ እምህየ፡ ወበጽሐ፡ ወርቅ፡ ለብሆ፡ ወተቀበልዎ፡ ለንጉሥ፡ መነኮሳት፡ በቡራኬ፡ መጠነ፡ ክሂሎቶሙ፡ ወኀደረ፡ ፉቸና። ወበቅዳሚት፡ ሰንበት፡ ጭርቂን። ወበበፍኖቱ፡ ይጠብሕ፡ ንጉሥ፡ መግዝዓ፡ ወያጸግቦሙ፡ ለመኳንንቲሁ፡ ወያረውዮሙ፡ ጽሩየ፡ ሜሰ፡ በበጊዜሁ። ወበእሑድ፡ ወዓለ፡ ህየ። ወበዕለተ፡ ሰኑይ፡ ዓደወ፡ ፈለገ፡አንገረብ፡ወረከበ፡ ውስተ፡ ብሔር፡ ዘትሰመይ፡ ገዠረት፡ አርዌ፡ ሐሪስ፡ ተባዓ። ወተራከቡ፡ ተባዕ፡ ለተባዕ። ወኀየለ፡ ተባዕ፡ ንጉሥ፡ በካፋ፡ ወረገዞ፡ በኲናት፡ በሊሕ። ወቀተሎ፡ ለአርዌ፡ ሐሪስ፡ በኀይለ፡ እግዚኡ።

1ወበዕለተ፡ ሠሉስ፡ ኀደረ1፡ ንጉሥ፡ ቅሩበ፡ ፈለግ፡ ዘትሰመይ፡ ሠረቋ።2ወበረቡዕ፡ ወዓለ፡ ህየ።3ወበይእቲ፡ ዕለት፡ ቀተለ፡ ደጅ፡ አዝማች፡ ለጋስ፡ አርዌ፡ ሐሪስ፡ በከመ፡ አመሮ፡ ንጉሥ።4ወበሐሙስ፡ ተመይጠ፡ ወኀደረ2፡ ጭርቂን፡ ወበዓርብ፡ ፉቸና፡ ወበቀዳም፡ ዋልያ፡ ወበእሑድ፡ ከርከር።5ወአመ፡ ፳፡ ለየካቲት፡ ዘውእቱ፡ በአተ፡ ጾም፡ ቦአ፡ ንጉሥ፡ ውስተ፡ ከተማሁ።6 ወአመ፡ ፳ወ፰፡ ለዝ፡ ወርኅ፡ አዕረፈ፡ አቤቶ፡ ቈስጤ፡ ወልደ፡ ራስ፡ ወልደ፡ ጊዮርጊስ፡ ወተቀብረ፡ በደብረ፡ ብረሃን፡ በነጋሪት፡ ወሰንደቅ።7ወአመ፡ ፳ወ፱፡ አምጽኦ፡ በዢሮንድ፡ ወልደ፡ ጊዮርጊስ፡ ለአያና፡ እግዚእ፡ ወነሥአ፡ እዶ።8ንጉሥኒ፡ ፈነዎ፡ በሰላም፡ ብሔሮ።

1ክፍል፡ ፳።2ሠረቀ፡ መጋቢት፡ በዕለተ፡ ዓርብ።3ወአመ፡ ፲ወ፯፡ ለዝ፡ ወርኅ፡ አምጽኦ፡ ለጉባላ፡ እምነ፡ ላስታ፡ ሥልጣነ፡ ዝንቱ፡ ንጉሥ፡ መፍርህ፡ ወመደንግፅ፡ በካፋ።4ወአንከረ፡ ኵሉ፡ ዘርእዮ፡ እስመ፡ ነበረ፡ በእመኪና፡ ፴፡ ዓመተ፡ ከዊኖ፡ ወረኛ።5ንጉሥሰ፡ ርኅሩኀ1፡ ልብ፡ አብኦ፡ ውስተ፡ ቤቱ፡ ቃሐ። 6ወሠርዐ2፡ ሎቱ፡ (NL75r) ማዕደ፡ ቤቱ፡ መጠነ፡ (A147va) ፈቀደ።

1ወአመ፡ ፲ወ፱፡ ለመጋቢት፡ ቦአ፡ ንጉሥ፡ ውስተ፡ አዳራሽ፡ ወጸውዖ፡ ለጉባላ፡ እምነ፡ ቃሐ፡ ከመ፡ ይንሣእ፡ እደ።2 ወበዊኦ፡ ጉባላ፡ ውስተ፡ አዳራሽ፡ ሰገደ፡ ቅድመ፡ ንጉሥ፡ እንዘ፡ ይርዕድ።3ወነሥአ፡ ህየ1፡ እደ፡ ከዊኖ ርሑቀ፡ ከመ፡ ኵሉ፡ ሰብእ፡ ወኅዳጠ፡ ተናገሮ፡ ንጉሥ።4ወእምዝ፡ ወፅአ፡ ጉባላ፡ ወሖረ፡ ቃሐ።5ወአመ፡ ፳ወ፪፡ ለዝ፡ ወርኅ፡ አልበሶ፡ ንጉሥ፡ ለጉባላ፡ ካፓ፡ ምስለ፡ ፫፡ ደቂቁ። 6ወአቅነቶ፡ መጥባሕተ፡ ዘውእቱ፡ ወርቅ፡ አፋ።7መንክርኬ፡ ርኅራኄከ፡ ኦ፡ ንጉሥ፡ በካፋ፡ ወአልቦ፡ ዘከማከ፡ ኃዳጌ፡ በቀል።8መኑ፡ እምገብረ፡ ዘንተ፡ ዕፁበ፡ ለፀሩ።9ባሕቱ፡ የሀብከ፡ እግዚአብሔር፡ ዓስበ፡ መስተዓግሥ።10ወያስተዋርስከ፡ ምድረ፡ የዋሃን፡ በከመ፡ ይቤ፡ ብፁዓን፡ የዋሃን፡ እስመ፡ እሙንቱ፡ ይወርስዋ፡ ለምድር።

1እግባዕኬ፡ ኀበ፡ ነገርየ።2ወበካልእት፡ ዕለት፡ ተሰነዓለ፡ ጉባላ፡ እምኀበ፡ ንጉሥ፡ ከመ፡ ይሑር፡ ብሔሮ፡ ዘወሀቦ፡ ንጉሥ። ወቦአ፡ እመኪና፡ በሥልጣነ፡ ንጉሥ። ወኢተቃወምዎ፡ ሰብአ፡ ላስታ፡ ለጉባላ፡ እስመ፡ ፈርህዎ፡ ለኀያል1፡ ወመፍርህ፡ ንጉሥ፡ ይዕበይ፡ ስሙ።5 ወወፅአ፡ ስሙዓተ፡ ነገሩ፡ ውስተ፡ ኵሉ፡ ዓለም፡ ለዐቢይ2፡ ንጉሥ፡ በካፋ።

1ክፍል፡ ፳፩።2ሠረቀ፡ ሚያዝያ፡ በዕለተ፡ እሑድ።3ወአመ፡ ፯፡ ለሚያዝያ፡ ቦአ፡ ተክሌ፡ (A147vb) ወልዱ፡ ለወልዴ፡ ውስተ፡ ጎንደር፡ ምስለ፡ ብዙኅ፡ ጸባሕት1፡ ወገጸ2፡ በረከት፡ ዘአልቦ፡ ኁልቊ።4ወሶበ፡ ስእነ፡ ወልዴ፡ መጺኦ3፡ እምትግሬ፡ አርአየ፡ ከመዝ፡ ትእምርተ፡ ተቀንዮቱ። ለንጉሥ፡ ዝኒ፡ ፈቃዱ፡ ውእቱ፡ ለንጉሥ።6 ወበሳኒታ፡ ዘውእቱ፡ ሆሣዕና፡ እንዘ፡ ሀሎ፡ ንጉሥ፡ ማእከለ፡ ወርቅ፡ ሰቀላ፡ ምስለ፡ መኳንንት፡ ወዌዛዝር፡ በገቢረ፡ ምሳሕ፡ በከመ፡ ልማዱ፡ ነሥአ፡ እደ፡ ንጉሥ፡ ወልዱ፡ ለወልዴ።

1ክፍል፡ ፳፪።2ወአመ፡ ፱፡ ለሚያዝያ፡ በዕለተ፡ ሰኑይ፡ ዘውእቱ፡ ጥንተ፡ ሕማማቲሁ፡ ለእግዚእነ፡ ኢየሱስ፡ ክርስቶስ፡ ለዘክሮቱ፡ ሰጊድ፡ አዘዘ፡ ንጉሥ፡ ይስቅልዎ፡ በአደባባይ፡ ለ፩፡ መዓምፅ፡ ወሰይጣን፡ ዘስሙ፡ ማኅተመ፡ ወልድ።3 ወኢኀደጎ1፡ ፍርደ፡ እግዚአብሔር፡ እስመ፡ ብዙኀ2፡ ጊዜ፡ ተጓሕለዎ፡ ለንጉሥ፡ ከዊኖ፡ ምስለ፡ አምኃ፡ ኢየሱስ።4 ሶበኒ፡ ሞተ፡ አምኃ፡ ኢየሱስ፡ ኢኀደገ3፡ ዘትካት፡ እከዮ፡ ዝኩ፡ ማኅተመ፡ ሰይጣን።5እምይእዜሰ፡ ይደልወከ፡ ኦንጉሥ፡ ጠቢብ፡ ወበሊሐ፡ ንባብ፡ በካፋ፡ ከመ፡ ትበሎ፡ ለእግዚእከ። አንተ፡ አኅሰርኮ4፡ ለዕቡይ፡ ከመ፡ ቅቱል።7አንተ፡ ቀጥቀጥከ፡ አርእስቲሁ፡ ለከይሲ። ኦ፡ እግዚእየ፡ በካፋ፡ ኵሉ፡ ስጡሕ፡ በቅድሜከ። ወዘሐለይከ፡ በቅጽበት5፡ ይከውን፡ ለከ።9 ወኢያመሥጠከ፡ ፀርከ፡ ይቀድመከ፡ በእ(A148ra)ንተ፡ ቅንዓተ ልብከ፡ እስመ፡ ፀርከ፡ ይቀድመከ፡ ወአንተ፡ ኢትቀድሞ።

1ክፍል፡ ፳፪።2ወአመ፡ ፱፡ ለሚያዝያ፡ በዕለተ፡ ሰኑይ፡ ዘውእቱ፡ ጥንተ፡ ሕማማቲሁ፡ ለእግዚእነ፡ ኢየሱስ፡ ክርስቶስ፡ ለዘክሮቱ፡ ሰጊድ፡ አዘዘ፡ ንጉሥ፡ ይስቅልዎ፡ በአደባባይ፡ ለ፩፡ መዓምፅ፡ ወሰይጣን፡ ዘስሙ፡ ማኅተመ፡ ወልድ።3ወኢኀደጎ1፡ ፍርደ፡ እግዚአብሔር፡ እስመ፡ ብዙኀ2፡ ጊዜ፡ ተጓሕለዎ፡ ለንጉሥ፡ ከዊኖ፡ ምስለ፡ አምኃ፡ ኢየሱስ።4ሶበኒ፡ ሞተ፡ አምኃ፡ ኢየሱስ፡ ኢኀደገ3፡ ዘትካት፡ እከዮ፡ ዝኩ፡ ማኅተመ፡ ሰይጣን።5እምይእዜሰ፡ ይደልወከ፡ ኦንጉሥ፡ ጠቢብ፡ ወበሊሐ፡ ንባብ፡ በካፋ፡ ከመ፡ ትበሎ፡ ለእግዚእከ።6አንተ፡ አኅሰርኮ4፡ ለዕቡይ፡ ከመ፡ ቅቱል።7አንተ፡ ቀጥቀጥከ፡ አርእስቲሁ፡ ለከይሲ።7ኦ፡ እግዚእየ፡ በካፋ፡ ኵሉ፡ ስጡሕ፡ በቅድሜከ።8ወዘሐለይከ፡ በቅጽበት5፡ ይከውን፡ ለከ።9 ወኢያመሥጠከ፡ ፀርከ፡ ይቀድመከ፡ በእ(A148ra)ንተ፡ ቅንዓተ ልብከ፡ እስመ፡ ፀርከ፡ ይቀድመከ፡ ወአንተ፡ ኢትቀድሞ።

1ክፍል1፡ ፳፫።2ዓዲ፡ እንዘ፡ ሀሎ፡ ንጉሥ፡ በማእከለ፡ ወርቅ፡ ሰቀላ፡ ጊዜ፡ ማዕድ፡ በመኃትወ፡ ሆሣዕና፡ አንሥኡ፡ ተካህዶ፡ አዘዢ፡ ወልደ፡ ጊዮርጊስ፡ ዘውእቱ፡ ውስጥ2፡ አዛዢ፡ ወዳዊት፡ ደጋሚ፡ ሕዝቅያስ፡ ዘውእቱ፡ መትሕተ፡ ጸጅ፡ አዘዢ።3ወሶበ፡ ኖኀ3፡ ነገሮሙ፡ አዘዘ፡ ንጉሥ፡ በካፋ፡ ለተስፋ፡ ኢየሱስ፡ መልአከ፡ ኀይሉ4፡ ከመ፡ ይኩኖሙ፡ ዳኛ።4ወበይእቲ፡ ዕለተ፡ ሰኑይ፡ ጸውዖሙ፡ ተስፋ፡ ኢየሱስ፡ ለ፬ቲሆሙ፡ አዛዦች፡ ወለ፬ቲሆሙ፡ ሊቃውንት፡ ዘየማን፡ ወፀጋም።5ወአስተዋቀሶሙ፡ ለ፪ሆሙ፡ ቅድሜሆሙ።6ወእምዝ፡ ፈትሑ፡ አዛዦች፡ ወሊቃውንት።7 ወበላዕሌሆሙ፡ ፈትሐ፡ ቢትወደድ፡ ተስፋ፡ ኢየሱስ፡ ከመ፡ ይደልዎ፡ ሙቃሔ፡ ለአዛዢ፡ ወልደ፡ ጊዮርጊስ።8 ወእምዝ፡ ተሞቅሐ፡ በቃለ፡ ንጉሥ፡ በካፋ5።

1ክፍል፡ ፳፬።2ወአመ፡ ፲ወ፭፡ ለሚያዝያ፡ ኮነ፡ በዓለ፡ ፋሲካ።3ወአዘዘ፡ ንጉሥ፡ የሀብዎሙ፡ ፍሪዳ፡ ለመኳንንት፡ ወለካህናት፡ ወለዌዛዝር፡ በበሕጎሙ፡ እስመ፡ ዘልፈ፡ ያፈቅር፡ ገቢረ፡ ሠናይ፡ ለኵሉ።4ወአመ፡ ፳ወ፮፡ ለዝ፡ ወርኅ፡ ቦአ፡ ንጉሥ፡ ውስተ፡ ዝፋን፡ ቤት። ወሶበ፡ ተራኅራኃ፡ ሎቱ፡ ለናትናኤል፡ ሤሞ1፡ ሢመተ፡ ውስጥ2፡ አዘዢ፡ እስመ፡ የአምር፡ ንጉሥ፡ ከመ፡ የአምር፡ ናትናኤል፡ ሠሪዓ ቤት።5ኦ፡ ንጉሥ፡ መፍቀሬ፡ እግዚአብሔር፡ በካፋ ታነሥኦ፡ ለነዳይ፡ እምድር፡ በፈቃድከ፡ ወታሌዕሎ፡ እመሬት፡ ለምስኪን፡ በሥምረትከ።6 ባሕቱ፡ ይፈጽም፡ ለከ፡ እግዚአብሔር፡ ጸጋሁ፡ ዘከመ፡ ወጠነ።

1ክፍል፡ ፳፭።2ሠረቀ፡ ግንቦት፡ አመ፡ ፩፡ ወረደ፡ ንጉሥ፡ በካፋ፡ ውስተ፡ ልደታ።3ወገብረ፡ በዓላ፡ ለእግዝእትነ፡ ማርያም፡ እስመ፡ ኮነ፡ ያፈቅራ፡ ወይትመሐፀን፡ ባቲ፡ ለለወርኁ።4ወእምብዝኀ1፡ አፍቅሮቱ፡ ኪያሃ፡ ሐነጸ2፡ ቤተ፡ በጥቃሃ፡ ዘእራስጌ፡ ቤቱ፡ ቤተ፡ ንጉሥ፡ ወአዳራሽ፡ ሰቀላ፡ ወሐደሰ፡ ቅጽረ፡ ዘመዝበረ።5ወአመ፡ ፪፡ ለግንቦት፡ ሞተ፡ ከንቲባ፡ ማቴዎስ።6ወአመ፡ ፲ወ፬፡ ለግንቦት፡ አውዓዮ፡ እሳት፡ ለቤተ፡ ክርስቲያነ፡ ቅዱስ፡ ሚካኤል፡ ዘሀሎ፡ በፊት።

1ክፍል፡ ፳፮።2ሠረቀ፡ ሰኔ፡ አመ፡ ፳ወ፬፡ ለሰኔ፡ ተረክበ፡ ንጉሥ፡ ውስተ፡ አዳራሽ።2 ወሰዓሮ1፡ ለደጅ፡ አዝማች፡ ኤፍሬም፡ ወሤሞ፡ ለባላምባራስ፡ ህላዌ፡ ክርስቶስ፡ ቤገምድር፡ አዝማች፡ ወለባልድራስ፡ አይከል፡ ባላባራስ።

1ክፍል፡ ፳፯። ሠረቀ፡ ሐምሌ።3ወበውእቱ፡ ወርኅ፡ ተስዕረ1፡ ደጅ፡ አዝማች፡ ርቱ፡ ወተሠይመ2፡ ባልጋዳ፡ ተክለ፡ ሃይማኖት፡ ስሜን አጋፋሪ። ወዓዲ፡ ተሠይሙ3፡ ሊቀ መኳስ፡ ማርቆስ፡ ወኒቆላ (A148va)ዎስ፡ የሻለቃ፡ ዘጠንቀኛ።5ወአመ፡ ፲ወ፭፡ ለሐምሌ፡ ሤሞሙ፡ ንጉሥ፡ በካፋ፡ ለሊቀ፡ መዘምራን፡ ማሞ፡ መልአከ፡ ብርሃናት፡ ዘደብረ፡ ብርሃን፡ ወለመልክአ፡ ብርሃናት፡ ፀሐየ፡ ልዳ፡ ሢመተ፡ ልደታ፡ ምስለ፡ ሊቀ፡ መዘምራንነት፡ ወለስምዖን፡ ሊጋባ።6ወአመ፡ ፳ወ፱፡ ለሐምሌ፡ ዘውእቱ፡ በዓለ፡ እግዚእ፡ ለዘክሮቱ፡ ሰጊድ፡ አዘዘ፡ ንጉሥ፡ ከመ፡ ይቅሥፍዎ፡ በአደባባይ፡ ለሻለቃ፡ የሰላ፡ ፫፻ወ፶፡ ቅሥፈታተ።7 በማሰሬ፡ እስመ፡ ቀዳሚ፡ ተንሥኡ፡ ቦቱ፡ ጠንቀኞች፡ ወወቀስዎ፡ ወረትዕዎ፡ በኵሉ፡ ዓመፃሁ።8 አመ፡ ፴፡ ለሐምሌ፡ ተስዕረ3፡ ግራ፡ አዝማች፡ ማሞ፡ ቆቅ፡ አዳኝ፡ ወተሠይመ፡ ምዕናም፡ ዘንተ፡ ሢመተ።

1ክፍል፡ ፳፰።ሠረቀ፡ ነሐሴ።ወአኀዘ፡ ንጉሥ፡ ቀኖና፡ ጾም።4ወአመ፡ ፮፡ ለነሐሴ፡ አዕረፈ፡ አዛዢ፡ ሲኖዳ፡ ዐቢይ2፡ ካህን፡ መምህረ፡ ደቂቀ፡ ንጉሥ፡ ወጸሐፌ፡ ታሪክ፡ ዘጊቤ፡ ወጃዊ፡ ወላስታ፡ ወው(G22r)እቱ፡ ዘጸሐፈ፡ መጽሐፈ3፡ ሰዋስው፡ ዘበጽሐ፡ ውስተ፡ ኵሉ፡ ዓለም። ወዓዲ፡ ደረሰ፡ መዝሙረ፡ ሐፄ፡ ኢያሱ፡ ሰማዕት፡ ሐዲስ።6ባሕቱ፡ እግዚአብሔር፡ ያዕርፍ፡ ነፍሶ፡ ውስተ፡ ሕፅነ፡ አብርሃም፡ ይስሐቅ፡ ወያዕቆብ 3።

1ክፍል፡ ፩።2ወእምዝ፡ ጸሐፈ፡ ወልዱ፡ ክንፈ፡ ሚካኤል። ወአመ፡ ፲ወ፫፡ ለነሐሴ፡ ዘውእቱ፡ በዓለ፡ ደብረ፡ ታቦር፡ ዐርገ1፡ ንጉሥ፡ በካፋ፡ ውስተ፡ (A148vb) ደብረ፡ ብርሃን፡ ወቦአ፡ ውስተ፡ ቤተ፡ ክርስቲያን። ወወፂኦ፡ ተራከቦ፡ ለመልአከ፡ ብርሃናት፡ ማሞ፡ ወተስእለ2፡ በእንተ፡ ሞቱ፡ ለሲኖዳ። ወሐዘነ፡ ብዙኀ4፡ እስመ፡ ኮነ፡ ያፈቅሮ።

1ወአመ፡ ፲ወ፮፡ ለነሐሴ፡ ገብረ፡ በዓለ፡ ፍልሰታ፡ ለእግዝእትነ፡ ድንግል፡ ማርያም። ወወሀቦሙ፡ ፍሪዳ፡ ለመኳንንት፡ ወለዌዛዝር፡ ወለካህናት። ወአመ፡ ፳ወ፫፡ ለነሐሴ፡ ሖረ፡ ንጉሥ፡ ውስተ፡ ብርጊዳ፡ ምስለ፡ መኳንንት፡ ከመ፡ ይርአይ፡ ግብረታ፡ ለመርከብ፡ ዘገብርዋ፡ ጠቢባን፡ እለ፡ መጽኡ፡ እምብሔረ፡ ግብጽ፡ ዘአስማቲሆሙ፡ ድሜጥሮስ፡ ወጊዮርጊስ፡ እንዘ፡ ይትራድእዎሙ፡ በተግባረ፡ እድ፡ እሳት፡ ውላጅ፡ ወአንፃጭ፡ ማሞ፡ ወበምክር፡ ኤራቅሊስ፡ ሊቀ፡ መያስያን፡ ዓዲ፡ በመብልዕ፡ ወስቴ። አርአያሰ፡ ለመርከብ፡ እትናገር፡ ድኅረ።

1ኦ፡ ኀይል1፡ ዘተገብረ፡ ለንጉሥነ፡ በከፋ፡(N76r) ዘኢተገብረ፡ ለአበዊሁ፡ ነገሥት፡ እስመ፡ ተገብረ፡ ሎቱ፡ መርከብ።2 ወፆሮ፡ ማየ፡ ፃና፡ ለመርከብ፡ ዘኢኮነ፡ ቀዳሚ፡ ይጸውሮ፡ በእንተ፡ ቊረቱ። ዮምሰ፡ ኮነ፡ ከመ፡ ማይ፡ ዘምጽዋ፡ ምውቀ። 4 በከመ፡ ተገብረ፡ ሎቱ፡ ለባሕቲቱ፡ እንግዳ፡ ነገር፡ ዘውእቱ፡ እምነተ፡ ላስታ፡ ወተቀንዮተ፡ ጉባላ፡ እስከ፡ መጽአ፡ እምነ፡ ደቂቁ፡ ውስተ፡ ትዕይንቱ፡ ጎንደር፡ ወሰገደ፡ ሎቱ፡ ታሕተ፡ እገሪሁ፡ ለንጉሥ፡ በካፋ። ወዓዲ፡ ተቀንየ፡ ሎቱ፡ ወልዴ፡ ዘኢተቀንየ፡ ቀዳሚ2፡ እስከ፡ ነሥአ፡ ወለተ፡ ንጉሥ፡ ለወልዱ3።

1ክፍል፡ ፪። ሠረቀ፡ ጳጕሜን።3አመ፡ ፪፡ ለጳጕሜን፡ ተመይጠ፡ ንጉሥ፡ እምነ፡ ብርጊዳ፡ ውስተ፡ ትዕይንቱ፡ ጐንደር፡ በዐቢይ1፡ ፍሥሐ። አመ፡ ፫፡ ለጳጕሜን፡ ገብረ፡ በዓለ፡ ቅዱስ፡ ሩፋኤል፡ በቃለ፡ ቀርን።5ተፈጸመ፡ ዘመነ፡ ማርቆስ፡ ወንጌላዊ፡ ወስብሐት፡ ለእግዚአብሔር፡ ለዓለመ፡ ዓለም።

1ክፍል፡ ፫።2ሠረቀ መስከረም፡ ወንጌላዊ፡ ሉቃስ፡ በ፸፻ወ፪፻፲ወ፱፡ ዓመተ፡ ዓለም፡ አበቅቴ፡ ፯፡ ወመጥቅዕ፡ ፳ወ፫፡ ወዕለተ፡ ዮሐንስ፡ ሰኑይ።3ይደልወኒኬ፡ በዝየ፡ ከመ፡ እጽሕፍ፡ ዜናሃ፡ ለመርከብ፡ በከመ፡ ጸሐፈ፡ ኖኅ፡ በመጽሐፈ፡ ሄኖክ፡ አርአያሃ፡ ለታቦት፡ ዘከመ፡ (G22v)ነገሮ፡ እግዚአብሔር።4 በከመ፡ ጸሐፈ፡ ሙሴ፡ ግብራ፡ ለደብተራ፡ ዘከመ፡ አርአዮ፡ እግዚአብሔር፡ በደብረ፡ ሲና፡ በአምደ፡ ደመና።5 ወበከመ፡ ጸሐፉ፡ ነቢያተ፡ እስራኤል፡ ዜናሃ፡ ለመቅደሰ፡ ሰሎሞን፡ ጠቢብ፡ ንጉሥ፡ ወዜና፡ ቤቱ፡ ዘተሐንጸ፡ በሊባኖስ፡ በቀርን1፡ ዘነጌ፡ ወዜና፡ አሕማር፡ ፪ቲ፡ ዘገብሮን፡ ለሊሁ፡ በጋስዮን፡ ጋቤር፡ ከመ፡ ያምጽአ፡ ሎቱ፡ ወርቀ፡ እምነ፡ አፌር፡ ወአልባሰ፡ ክቡራተ፡ እምነ፡ ጢሮስ፡ ሀገረ፡ ኪራም፡ ባዕል፡ ዘሐይወ፡ ፭፻፡ ዓ( A149rb)መተ።

1ክፍል፡ ፬። አርአያሃሰ1፡ ዝውእቱ። መቅድመ፡ ኵሉ፡ ሀሎ፡ ሰረገላ፡ ስኩብ፡ በማእከል፡ ኑኁ፡ ፳፡ በእመት፡ ወስሙ፡ ለውእቱ፡ ሰረገላ፡ እም።4 ተሰምዮቱሰ2፡ እመ፡ እስመ፡ ያስተጋብእ፡ ኵሎ፡ ዕፀወ፡ ሐመር፡ ከመ፡ እንተ፡ ታስተጋብእ፡ ዶርሆ፡ እጐሊሃ፡ ታሕተ፡ ክነፊሃ።5ወበላዕለ፡ ውእቱ፡ ሰረገላ፡ ሀሎ፡ ጸፍጸፍ፡ ከመ፡ ጸፍጸፈ፡ ማኅፈድ ጽፉቅ።6ወማእከላዊ፡ ጸፍጸፍ፡ ፫፡ በእመት።7ወእምዝ፡ የሐውር፡ ኵሉ፡ ጸፍጸፍ፡ ኀበ3፡ የሐጽጽ4፡ እመንገለ፡ ከዋላ፡ ወፍፅም።8ወለውእቱ፡ ጸፍጸፍ፡ በበጽንፉ፡ ይቀውሙ፡ ከመ፡ ዐረፍት5፡ ፳ወ፱፡ ዕፀው፡ በየማን፡ ወ፳ወ፱፡ በፀጋም።9ወስሞሙ፡ ገበዋት።9ወበበዘባናቲሆሙ፡ ለእሙንቱ፡ ገበዋት፡ ልኩዕ፡ ሳንቃ፡ ዲበ፡ ሳንቃ።10ወይትላጸቅ፡ ምስለ፡ እማንቱ፡ ገበዋት።11ወእንዘ6፡ ብዙኅ፡ ኁልቁ፡ ለሳንቃ፡ ይመስል፡ ፩ደ፡ እምብዝኀ7፡ ተሰናዕዎ፡ እስመ፡ የአምሩ፡ እሉ፡ ጠቢባን፡ አስተሰናዕዎተ፡ ዕፅ፡ ምስለ፡ ዕፅ፡ ከመ፡ ኢይባእ፡ ማይ፡ መጠነ፡ አሐቲ፡ ነጥብ፡ እንተ፡ ስቊረቱ።12ወበላዕለ፡ እሉ፡ ገበዋት፡ ወሳንቃ፡ ፲ወ፪፡ ሰረገላት።13 ወበላዕሌሆሙ፡ ጽፉቅ፡ ጸፍጸፍ።14ወበላዕለ፡ ታሕታዊ፡ ሰረገላ፡ ዘስሙ፡ እም፡ ትኩላን፡ ፪፡ አዕማድ።15፩፡ ዓ(A149va)ምድ፡ ዘሀሎ፡ መንገለ፡ ፍጽመ፡ ሐመር፡ ሐፂር፡ ውእቱ።16ወኢየዓርግ፡ ላዕለ።17፩ሰ፡ ዓምድ፡ ዘቆመ፡ በማእከል፡ ነዊኅ፡ ጥቀ።18ወበስቊረተ፡ ክሳዱ8፡ ለውእቱ፡ ዓምድ፡ ሀሎ፡ ዕፅ፡ ግድመ፡ ዘይሰቀል፡ ቦቱ፡ መጋረጃ። 19ለዝኒ፡ መጋረጃ፡ ቦቱ፡ ፮፡ መንኰራኵራት፡ ዘብርት፡ ወህየ፡ ሀለዉ፡ ፮፡ አሕባለ፡ ፈትል፡ ጽኑዓን።20ወያጸንዑ9፡ ኵሎ፡ ዕፀወ፡ ሐመር።21 ወዲበ፡ ርእሱ፡ ለዓምድ፡ ሀሎ፡ አላማ፡ ዘያመጽእ፡ ነፋሰ፡ ወይወስዶ፡ ለመርከብ፡ ውስተ፡ መርሶ፡ ኀበ፡ ፈቀደ። 22ለዝኒ፡ አላማ፡ ሶበ፡ ኢፈቀዱ፡ ሐዊረ፡ ይጠውምዎ፡ ወያወርድዎ፡ ታሕተ።23ወሶበ፡ ፈቀዱ፡ ሐዊረ፡ ይሰፍሕዎ፡ ወያሌዕልዎ፡ ላዕለ፡ በከመ፡ ይቤ፡ ሉቃስ፡ ወንጌላዊ፡ በመጽሐፈ፡ ግብረ፡ ሐዋርያት፡ ወአልዓሉ፡ ስራዓ፡ ለይእቲ፡ ሐመር።24በዝየ፡ ተፈጸመ፡ ነገረ፡ ዕፀ፡ ሐመር።(N76v)

1ክፍል፡ ፭። ወእምዝ፡ እጽሕፍ፡ ነገረ፡ መጥበቅ፡ እስመ፡ ኵለንታሃ፡ ለመርከብ፡ ልቡጥ፡ በብዙኅ፡ አቃቂረ፡ መጥበቅ፡ ከመ፡ ምርገ፡ ዐረ(G23r)ፍት።3መጥበቅኒ፡ ዝውእቱ። ረሰይዎ፡ ለዕጣን፡ ከመ፡ መሬተ፡ ምድር፡ ወለቅብዐ፡ ኑግ2፡ ከመ፡ ማየ፡ ፈለግ፡ ወለባዘቶ፡ ከመ፡ ጭድ።5ወለዝ፡ ኵሉ፡ አቃቂር፡ ኢይትዓወቅ፡ መስፈርቱ።6 ባሕቱ፡ ሰረገላ፡ ታሕታይ፡ ወዘላዕሌሁ፡ ጸፍጸፍ፡ ወእ(A149vb)ለ፡ ይቀውሙ፡ ገበዋት፡ ወሳንቃት፡ ወሰረገላት፡ ፲ወ፪፡ ወጸፍጸፈ፡ እሉ፡ ሰረገላት፡ ወአዕማድ፡ ቅውማን፡ ፪ቱ፡ ኵሎሙ እኍዛን፡ በንዋይ፡ ኅሩይ፡ ዘውእቱ፡ ብረት፡ ዘተኀርየ3፡ ለመፍቅደ፡ እጓለ፡ እመሕያው።7ኍልቁሰ፡ ለብረቱ፡ ፪፻፡ ማረሻ።8ወይእቲ፡ ትሰመይ፡ ታቦተ፡ እስመ፡ ማኅደር፡ ይእቲ።9 ወሐመረ፡ እስመ፡ ስፍሕት፡ ይእቲ።10ወጀልባ፡ እስመ፡ ቀላል፡ ይእቲ።11መርከበሂ፡ ትትበሃል፡ በእንተ፡ ልዕልናሃ።12 ወኵሎሙ፡ ዕፀዊሃ፡ እምዕፅ፡ ዘኢይነቅዝ፡ ዘውእቱ፡ ዋንዛ።13ወፍጻሜ፡ ከዋላሃ፡ ይመስል፡ ወምበረ፡ ወክሳዳ፡ ይመስል፡ ከመ፡ ክሳደ፡ ገመል።

1ክፍል፡ ፮።2ወአመ፡ ወረደ፡ ንጉሥ፡ በካፋ፡ ውስተ፡ ብርጊዳ፡ ምስለ፡ ኵሎሙ፡ መኳንንት፡ ሥዩማን1፡ ወተፈሥሐ፡ በግብሩ፡ ከመ፡ ሠናይ።

1ክፍል፡ ፯።2አመ፡ ፩፡ ለመስከረም፡ ተምዖ፡ ንጉሥ፡ በበትሬ፡ ሶበ፡ ዐበየ1፡ ትእዛዞ፡ እመ፡ ይጼውዖ፡ በምክንተ፡ ደዌ።3 ወረከብዎ፡ ላእካን፡ ሕያወ።4ወአውፅእዎ፡ እምቤተ፡ ንጉሥ፡ እንዘ፡ ይጸፍዕዎ2፡ ገጾ።4ዓዲ፡ አብእዎ፡ እንዘ፡ ይነከንክዎ፡ ወሞቅሕዎ።

1ክፍል፡ ፰።2ወበካልእት፡ ዕለት፡ አዘዞ፡ ንጉሥ፡ ለቢትወደድ፡ ተስፋ፡ ኢየሱስ፡ ከመ፡ ያስተጋብኦሙ፡ ለሊቃውንት፡ ወለአዛዦች፡ ወለኵሎሙ፡ ሥ(A150ra)ዩማን1፡ ውስተ፡ ጐድን፡ ደጅ።3ወአቀምዎ፡ ለበትሬ፡ ማእከለ፡ ጉባኤ፡ እንዘ፡ ይቀንት፡ ጸርቀ2፡ ዳቡሬ፡ በገመድ፡ ታሕተ፡ ሐቌሁ፡ ወላዕለ፡ አብራኪሁ።4ወእምዝ፡ ወቀሶ፡ አዛዢ፡ ሕዝቅያስ፡ ዳዊት፡ ደጋሚ፡ በቃለ፡ ንጉሥ።5ወአቀመ፡ ሎቱ፡ መሳክርተ፡ ከመ፡ ሐሳዊ፡ ውእቱ፡ ወቀሣጤ፡ ቤተ፡ መንግሥት፡ ወከመ፡ የኀሥሥ3፡ ሥራየ፡ ለንጉሥ፡ ወይሴአል፡ ጠንቆሌ፡ ወሟርተኛ።8ወዓዲ፡ ያስተዋዲ፡ ኀበ፡ ንጉሥ፡ ቅሩባኒሁ፡ ወአኃቲሁ4፡ ለንጉሥ፡ በነገረ፡ ሐሰት።9በዝ፡ ኵሉ፡ ረትዖ፡ ሕዝቅያስ፡ ፈቀዳዊ።

1ክፍል፡ ፱።2ወእምዝ፡ ፈትሑ፡ ፈታሕት፡ በበመዓርጊሆሙ፡ ወይቤሉ፡ ይደልዎ፡ ለበትሬ፡ ሞት፡ ዘበኃሣር።3 ንጉሥሰ፡ አንበሮ፡ ውስተ፡ ቤተ፡ ሞቅሕ፡ ኀበ፡ ሀሎ፡ ብካይ፡ ወሐቀየ1፡ ስነን።4ወአመ፡ ፳ወ፰፡ ለመስከረም፡ ሞተ፡ ከንቲባ፡ አርሴ፡ ወተቀብረ፡ በልደታ።

1ክፍል፡ ፲።2ሠረቀ፡ ጥቅምት፡ አመ፡ ፫፡ ለጥቅምት፡ ሞተ፡ ሊቄ1፡ ክፍሌ።3ወአመ፡ ፲ወ፫ ለጥቅምት፡ ቦአ፡ ንጉሥ፡ በካፋ፡ ውስተ፡ አዳራሽ፡ ለተወክፎ፡ ዕንቁጣጣሽ።4ወእምዝ፡ ተወክፈ፡ ፻፡ መንጸፈ፡ ወ፭፻፡ (G23v)ወቄት፡ ዘወርቅ፡ ዘፈነዎ፡ ወልዴ።5 ወቦ፡ ዘወሀቦ፡ አፍራሰ፡ ወቦ፡ ዘወሀቦ፡ ነፍጠ፡ ወኵሉ፡ ወሀበ፡ በበሥርዓቱ።

1ወአመ፡ (A150rb) ፲ወ፮፡ ለጥቅምት፡ አንሥኡ፡ ጋዕዘ፡ ባሻ፡ ርቱ፡ ወደጅ፡ አዝማች፡ ተክለ፡ ሃይማኖት፡ በከመ፡ ልማዶሙ።2 ወይቤሎ፡ ባሻ፡ ርቱ፡ ለተክለ፡ ሃይማኖት፡ እስከ፡ ዮም፡ ተዓገሥኩከ፡ ወኀባእኩ1፡ ለከ፡ ከመ፡ አንተ፡ ወልደ፡ ንጉሥ፡ ኢያሱ።3ይእዜሰ፡ እትናገር፡ ኵሎ፡ ዓመፃከ።4 ወዓዲ፡ ትትማከር፡ ምስለ፡ ብላቴና፡ ዘውስጥ2፡ ወተሐይጦ፡ እንዘ፡ ትብል፡ እሁበከ፡ እንድኪ፡ ከመ፡ የሀብ፡ ለከ፡ ሥራየ፡ ለንጉሥ።

ወይቤ፡ ተክለ፡ ሃይማኖት፡ ኵሉሰ፡ ይትርፍ፡ እመ፡ የአምረኒ፡ ዝኩ፡ ብላቴና፡ ይቅትለኒ፡ ንጉሥ፡ ወኢይምሐረኒ። በዝኒ፡ ነገር፡ ተመሐሉ፡ በስመ፡ ንጉሥ። 3 ንጉሥሰ፡ በካፋ፡ ኮነ፡ ማእከለሆሙ፡ ከመ፡ ገላጋይ፡ ወከመ፡ አብ፡ መሐሪ፡ ሶበ፡ ተበአሱ፡ ቦቱ፡ ፪፡ ውሉድ፡ እስመ፡ ኢይፈቅድ፡ ተኃጕሎተ፡ ሰብእ።

1ወሶበ፡ በዝኀ1፡ ሁከ (N77r)ቶሙ፡ አዘዞ፡ ንጉሥ፡ ለቢትወደድ፡ ተስፋ፡ ኢየሱስ፡ ከመ፡ ይኩኖሙ፡ ዳኛ፡ ወይስማዕ2፡ ነገሮሙ፡ አስተጋቢኦ፡ ኵሎ፡ ፈታሕተ።2ወገብረ፡ በከመ፡ አዘዞ።3ወእምዝ፡ ቆመ፡ ባሻ፡ ርቱ፡ በየማን፡ ወደጅ፡ አዝማች3፡ ተክለ፡ ሃይማኖት፡ በፀጋም።4ወጸውዕዎ፡ ለርእሰ፡ ቃል፡ ብላቴና፡ ዘውስጥ፡ ወሐተትዎ፡ እንዘ፡ ይብሉ፡ ተአምርኑ፡ ለተክለ፡ ሃይማኖት።5እንድኪሰ፡ ወሀብከኑ።6ወይቤ፡ ርእሰ፡ ቃል፡ እ(A155va)ወ፡ አአምሮ።6 እንድኪሰ፡ ኢወሀበኒ፡ ዳእሙ፡ ይቤለኒ፡ እሁበከ፡ ጥቁር፡ ቀሚስ፡ ወናዝወርድ፡ ሰናፊል።

1ዓዲ፡ ጸውዖሙ፡ ባሻ፡ ርቱ፡ ለመሳክርት፡ ወይቤሎሙ፡ ተአምሩ፡ ሊተ፡ ከመ፡ ኮነ፡ ተክለ፡ ሃይማኖት፡ ወልደ፡ ንጉሥ፡ ኢያሱ፡ ወይብል፡ እነግሥ።መልዕልተ፡ ዝኒ፡ ተአምሩ፡ ዐመፃሁ1፡ ዘጥንት፡ ከመ፡ አንገሠ፡ ወሬኛ2፡ በላስታ፡ በዘመነ፡ ዮስጦስ፡ ንጉሥ፡ ወተሠይመ፡ ለሊሁ፡ ሢመተ፡ በሕት፡ ወደድ፡ ወበዘመነ፡ ዳዊት፡ ንጉሥ፡ ከመ፡ ቀተለ፡ ብዙኃነ፡ መኳንንተ3፡ ከዊኖ፡ ምስለ፡ ወልዴ።5 ወልዴኒ፡ ይፈቅድ፡ ያንግሥ፡ በትግሬ፡ ውእቱኒ፡ ይብል፡ በትግሬኑ፡ እነግሥ፡ ከመ፡ ወሬኛ4፡ ዳእሙ፡ በጎንደር።

ወተንሥኡ፡ ፲ወ፩፡ መሳክርት፡ ወይቤሉ፡ ነአምር፡ ቦቱ፡ ዘንተ፡ ኵሎ፡ ዐመፃሁ1።2ወንሰምዕ፡ ወሬ፡ ከመ፡ ይብልዎ፡ ወልደ፡ ንጉሥ።3፩ሰ፡ መነኮስ፡ ይቤ፡ አአምር፡ ኵሎ፡ ዐመፃሁ2፡ ወዜነወተኒ፡ እሙ፡ ከመ፡ ወለደቶ፡ እምነ፡ ንጉሥ።4ወእምዝ፡ መስየ፡ ወኀደረ3፡ ነገር፡ በውዝፍ። 5 ውእቱኒ ተክለ፡ ይማኖት፡ ተአስረ4፡ ወወሰድዎ፡ ወዓልተ፡ ቢትወደድ፡ 4እስመ፡ ኵሉ፡ ዘተአስረ5፡ የኀድር6፡ ውስተ፡ ቤተ፡ ዳኛ።6ለወዓልቱሰ፡ ይቤልዎሙ፡ አጽንኡ፡ ዓቂበ፡ ቤተ፡ እግዚእክሙ።

1ወበሳኒታ፡ አዘዞ፡ ንጉሥ፡ (A150vb) ለተስፋ፡ ኢየሱስ፡ ከመ፡ ያስተጋ(G24r) ብኦሙ፡ ለኵሎሙ፡ ፈታሕት፡ ዘትማልም፡ በምድር፡ ግምብ።2ዓዲ፡ ያስተጋብኦሙ፡ የሻለቆች፡ ዘጭፍራ፡ ምስለ፡ አጋፋሮች፡ ወሊቃውንተ፡ ቤተ፡ ክርስቲያን፡ ወለኵሎሙ፡ ደቂቀ፡ ጨዋ፡ ወለጸሐፍተ፡ ትእዛዝ፡ ወለዌዛዝር። 3ወእምዝ፡ ይቤልዎሙ፡ ለባሻ፡ ርቱ፡ ወለደጅ፡ አዝማች፡ ተክሌ፡ በሉ፡ አኀዙ1፡ ነገረክሙ።4አሜሃ፡ ለአከ፡ ንጉሥ፡ እንዘ፡ ይብል፡ ኵሎ፡ ዘፈታሕክሙ፡ አግብኡ፡ ሊተ።5ወይቤ፡ ባሻ፡ ርቱ፡ ስማዕ2፡ ነገርየ፡ ወተወከፍ፡ ሞተ፡ በምስክር፡ ዘትማልም፡ እስመ፡ መሐልከ፡ በሐሰት፡ ስመ፡ ንጉሥ።6ወይቤ፡ ተክለ፡ ሃይማኖት፡ ሊተሰ፡ አልብየ፡ ተዋስኦ3፡ ምስሌከ፡ ዳእሙ፡ ይቅትለኒ፡ ንጉሥ፡ እመ፡ የአምር፡ ዐመፃየ4።7ዘንተኒ፡ ለአከ፡ ተስፋ፡ ኢየሱስ፡ ኀበ፡ ንጉሥ። ንጉሥኒ፡ ፈነዎ፡ ለአሳላፊ፡ ወልዱ፡ ኀበ፡ ተክለ፡ ሃይማኖት፡ እንዘ ይብል፡ እንብየኑ፡ ትብል፡ ስማዕ5፡ ነገሮ፡ ወይቤ፡ ኦሆ።

1ወእምዝ፡ ወቀሶ፡ ባሻ፡ ርቱ፡ ከመ፡ ቀዳሚ፡ በእንተ፡ ነገረ፡ ርእሰ፡ ቃል።2ውእቱኒ፡ ተአመነ፡ አበሳሁ።3 ወይቤ፡ በዝሰ፡ ይደልወኒ፡ መዊት፡ እስመ፡ ሐሰውኩ፡ ላዕለ፡ ንጉሥ፡ ወኢይጸንሕ፡ እስከ፡ ይፈትሑ፡ ብየ።5 ፈታሕትኒ፡ ይቤሉ፡ በአፉሁ፡ ዘአምነ፡ እምነ፡ ሞት፡ ኢይርከብ፡ ድኂነ፡ (A151va)፡ ንሕነኒ፡ ፈታሕነ፡ በከመ፡ ፈትሐ፡ ውእቱ፡ ላዕለ፡ ርእሱ።7ወበላዕለ፡ ኵሎሙ፡ ፈትሑ፡ ቢትወደድ፡ ተስፋ፡ ኢየሱስ።9ወአግብአ፡ መጋብያ፡ ለንጉሥ።

1ንጉሥኒ፡ ይቤ፡ ዘንተሰ፡ ኅድጉ፡ ዳእሙ፡ ፍትሑ፡ በዘወቀሶ።2ወወሀቦ፡ መሳክርተ።3ተክለ፡ ሃይማኖትኒ፡ ሰሚዖ፡ ዘንተ፡ ተፈሥሐ።4 ወባረኮ፡ ለንጉሥ፡ ወይቤ፡ እምከመ፡ መሐረኒ፡ ንጉሥ፡ ዘንተ፡ አበሳየ፡ እትናገር1፡ ኀዲርየ2፡ መሳክርተሂ፡ እትዌከፍ፡ ሐቂፍየ፡ ወነቂፍየ።5ዘንተኒ፡ ለአኩ፡ ኀበ፡ ንጉሥ።6ወይቤ፡ ንጉሥ3፡ ኀዲረሰ4፡ ኢይኅድር፡ ዳእሙ፡ ዮም፡ ይትወከፍ፡ መሳክርተ፡ ሐቂፎ፡ ወነቂፎ።

1ወእምዝ፡ አኀዘ1፡ ባሻ፡ ርቱ፡ ይወቅሶ፡ ከመ፡ ቀዳሚ።2ወጸውዖሙ፡ ለመሳክርት፡ ዳግመ።3ውእቶሙኒ፡ ተናገሩ፡ ነገሮሙ፡ ዘቀዳሚ።4ተክለ፡ ሃይማኖትሰ፡ ነቆፎሙ፡ ለኵሎሙ፡ መሳክርት፡ በምክንያተ፡ ጽልእ2፡ ወይቤሎ፡ መኑ፡ እምሰብአ፡ ትግሬ፡ ዘኢተቀባዕክዎ፡ ደመ፡ ወዘኢያውዓይኩ፡ ቤቶ፡ በእሳት።5ወእምዝ፡ ይቤሎሙ፡ ባሻ፡ ርቱ፡ ለመኳንንት፡ ፍትሑ፡ በ(N77v)ከመ፡ ሰማዕክሙ፡ እምነ፡ አፉሁ፡ ወእምነ፡ መሳክርት፡ ኵሎ፡ ዓመፃሁ።6አሜሃ፡ ፈትሑ፡ ኵሎሙ፡ ፈታሕት፡ በበመዓርጊሆሙ፡ እንዘ፡ ይብሉ፡ ይደልዎ፡ ሞት፡ ለተክለ፡ ሃይማኖት።7በዢሮንድ፡ ወልደ፡ ጊዮርጊስሰ፡ ወቀኝ፡ አዝማች፡ ጴጥሮስ፡ ወ(A151rb)ናትናኤል፡ ወዓሊሁ፡ ለቢትወደድ፡ ተስፋ፡ ኢየሱስ፡ ዘቆመ፡ ማእከሌሆሙ፡ ከዊኖ፡ ዳኛ፡ ፈትሑ፡ እንዘ፡ ይብሉ፡ መዊትሰ፡ ኢይሙት3፡ (G24V)በመሳክርት4፡ ዘይቤሉ፡ ሰማዕነ፡ ወሬ፡ ወዘወሀቦሙ፡ ወእቱ፡ ከመ፡ ዘደም፡ ዳእሙ፡ ይትዌከፍ፡ ሞቃሔ።9ዘንተኒ፡ አግብኡ፡ መጋብያ፡ ለንጉሥ።

1ወሰሚዖ፡ ዘንተ፡ ንጉሠ፡ ነገሥት፡ መሲሕ፡ ሰገድ፡ አስተሐቀረ፡ ፍትሖሙ፡ ለመኳንንት፡ እስመ፡ ለሊሁ፡ ያሐጕል፡ ጥበቢሆሙ፡ ለጠቢባን፡ ወይሜንን፡ ምክሮሙ፡ ለመካርያን።2አሜሃ፡ ተከሥተ፡ ሎቱ፡ ምስጢረ፡ ኅቡእ፡ ዘውእቱ፡ ፍትሕ፡ ውስተ፡ ልበ፡ መኳንንት፡ ዘኢተሐለየ።3 ወይቤ፡ ከመዝኑ፡ ትፈትሑ፡ ሞተ፡ በምስክር፡ ዘይቤ፡ ሰማዕኩ፡ አንሰ፡ ኢይፈትሕ፡ ከመዝ፡ ዳእሙ፡ ትምጻእ፡ እሙ፡ እምነ፡ ትግሬ፡ ወትትናገር፡ ጽድቀ፡ ምሒላ፡ በሥጋሁ፡ ወደሙ፡ ለእግዚእነ፡ ኢየሱስ፡ ክርስቶስ።4ወእምዝ፡ እፈትሕ፡ ዘእፈትሕ።

1ወካዕበ፡ ይቤሎ፡ ለተክለ፡ ሃይማኖት፡ ንጉሥ፡ ለአክ፡ ኀበ፡ እምከ፡ ከመ፡ ታስተፋጥን፡ መጺአ፡ አነኒ፡ እልእክ፡ ሰብአ።2ወበዝ፡ ኀልቀ1፡ ነገር።3ዘንተኒ፡ ሰሚዖሙ፡ ኵሎሙ፡ ሰብአ፡ ትዕይንት፡ አስተብፅዕዎ፡ ብዘኀ2፡ ለንጉሠ፡ ነገሥት፡ መሢሕ፡ ሰገድ፡ እስመ፡ አሕየዎ፡ ለተክለ፡ ሃይማኖት፡ እሞት፡ ዘተፈትሐ፡ ቦቱ፡ ፪፡ ጊዜ።

1ክፍል፡ ፲፩።2ሠረቀ፡ ኅዳር።3አ(A151va)መ፡ ፳ወ፯፡ ለኅዳር፡ መጽአት፡ እምነ፡ ትግሬ፡ ዌዘሮ፡ ክርስቶሳዊት፡ እሙ፡ ለተክለ፡ ሃይማኖት፡ በትእዛዘ፡ ንጉሥ፡ ውስተ፡ ከተማ።4ወበምሴት፡ ሞቅሖሙ፡ ንጉሥ፡ ለቅማንት፡ ካሳ፡ ወለገብረ፡ መድኅን፡ አሳላፊ፡ ወለዮሐንስ፡ ነፍጠኛ፡ በዘአእመረ፡ እከዮሙ። 5 ወበሳኒታ፡ አመ፡ ፳ለወ፰፡ ለኅዳር፡ አዘዘ፡ ከመ፡ ይስቅልዎሙ፡ ለ፫ቲሆሙ፡ ወለ፩፡ ወረኛ፡ ዘተረክበ፡ በጽላሎ፡ ተኪሎሙ፡ ተራዳ፡ በሥጋ፡ ገበያ፡ ከመ፡ ይርአይ፡ ኵሉ፡ ሰብእ።

1ወበ፱፡ ሰዓተ፡ መዓልት፡ ተረክበ፡ ንጉሥ፡ ውስተ፡ ዝፋን፡ ቤት፡ በዓቢይ፡ ግርማ።2ወገደፉ፡ አሜሃ፡ ኀያላነ1፡ አምሐራ፡ ወቤገምድር፡ ብዙኀ2፡ ዕልገተ፡ ቈላፋን።3ወደጅ፡ አዝማች፡ ወዳጀ፡ ፈነወ፡ ብዙኀ3፡ ሰለባ፡ ፅዒኖ፡ ዲበ፡ ፈረስ፡ ወጸዊሮሙ፡ በዕርፍ፡ ፪፡ ወራዙት፡ በእደ፡ ጸቢ፡ መርዶክዮስ። 4ወእምነ፡ ኀያላን4፡ ቦ፡ ዘአምጽአ5፡ ምህርካ፡ ጋላ፡ ብዙኀ6። 5ወ፩፡ ንጉሠ፡ ወሎ፡ ውእቱ፡ ምስለ፡ ቦርቦቲሁ፡ ወእምነ፡ ኀያላነ7፡ ቤገምድር፡ ፩፡ ድብኮ፡ አዮ፡ ወ፩፡ አይዳኝ።6ወኮነ፡ ሰለባ፡ ከመ፡ ክምረ፡ እክል፡ በቅድሜሁ፡ ለንጉሥ።7 ወኵያንው፡ ከመ፡ ዕፀው፡ ኮኑ።8ወላትውሂ፡ ኮኑ፡ ከመ፡ ኵበት።

1ወይእተ፡ ጊዜ፡ ሤሞ፡ ንጉሥ፡ ለህላዌ፡ ክርስቶስ፡ ደጅ፡ አዝማች፡ ዘስሜን፡ እስመ፡ አምጽኦ፡ እምነ፡ ቤገምድር፡ ኀበ፡ ኢፈቀደ፡ ተራኅቆተ1፡ ገጹ፡ እምገጹ።2ወፈቀደ፡ ይንበር፡ (A151vb) በከተማ፡ እንዘ፡ የዓቅቦሙ፡ ለዕቤራት፡ ወለእጓለ፡ ማውታ፡ ወይስማዕ2፡ ነገረ፡ ግፉዓን፡ እስመ፡ ኄር፡ ብእሲሁ።3ለዝንቱ፡ ህላዌ፡ (G25r) ክርስቶስ፡ ዘሰብአ፡ አፍአ፡ ይንዕድዎ፡ በኵሉ፡ ምግባረ፡ ሠናይ።4ዓዲ ይቤሎ፡ ንጉሠ፡ ነገሥት፡ መሢሕ፡ ሰገድ፡ ኦ፡ ገብር፡ ኄር፡ ዘበውኁድ፡ ምዕመነ፡ ኮንከ፡ ዲበ፡ ብዙኅ፡ እሠይመከ፡ ባእ፡ ውስተ፡ ፍሥሐሁ፡ ለእግዚእከ።5ወዳግመ፡ ሤሞሙ፡ ንጉሥ፡ ለዘገብርኤል፡ ሥዩመ3፡ ወህኒ፡ በዢሮንድ፡ ዘአንበሳ፡ ቤት፡ ወለሥሙር፡ ግራ፡ አዝማችነት፡ ወለኮምቤ፡ በጌምድር፡ አዝማች።

1ክፍል፡ ፲ወ፪።2ሠረቀ፡ ታኅሣሥ፡ አመ፡ ፲ወ፩፡ ለታኅሣሥ፡ አስተጋብኦሙ፡ ንጉሥ፡ ከመ፡ ቀዳሚ፡ ለኵሎሙ፡ መኳንንት፡ ወለሊቃውንት፡ ወለአዛዦች፡ በምድር፡ ግምብ፡ ከመ፡ ይሕትትዋ፡ ለዌዘሮ፡ ክርስቶሳዊት1፡ በእንተ፡ ነገረ፡ ወልዳ፡ ተክለ፡ ሃይማኖት፡ እንዘ፡ ይብሉ፡ መኑ፡ አቡሁ፡ ለተክለ፡ ሃይማኖት፡ ወእምነ፡ መኑ፡ ወለድኪዮ። 2ወእምዝ፡ ሐተትዋ፡ በቃለ፡ ንጉሥ።3ይእቲኒ፡ አውሥአቶ፡ ወትቤ፡ ቀዳሚ፡ ወሰደኒ፡ ደጅ፡ አዝማች፡ ዘማርያም፡ ውስተ፡ ትግሬ፡ እንዘ፡ አነ፡ (N78r) ወለት፡ ነዓስ፡ ዘ፯፡ ዓመት፡ ወወለድኩ፡ እምኔሁ፡ ፫፡ ውሉደ፡ ካልአነ።4ወእምዝ፡ ፀነስክዎ፡ ለተክለ፡ ሃይማኖት።5ወበ፯፡ አውራኅ፡ እምዘፀነስክዎ፡ አምጽአኒ፡ ዘማርያም፡ ወአ(A152ra)ንበረኒ፡ በቤገምድር1፡ ወበህየ፡ ወለድክዎ። 6ወእምድኅረ፡ ወለድክዎ፡ በ፫፡ አውራኅ፡ ወሰደኒ፡ ዳግመ፡ ውስተ፡ ትግሬ፡ እንዘ፡ ኢይበውእ፡ ውስተ፡ ከተማ።7በትግሬኒ፡ ወለድኩ፡ ፯፡ ውሉደ። 8ወእምድኅረዝ፡ ሞተ፡ ምትየ፡ ዘማርያም፡ አሜሃ፡ ቦእኩ፡ ከተማ፡ ወአእመረኒ፡ ንጉሥ፡ ኢያሱ።9ነገረ፡ ወለትየሰ፡ ሀሎ፡ በልበ፡ ንጉሥ።

1ወእምዝ፡ ፈትሑ፡ እግር፡ ዛቊኖች፡ ወየሽሕ፡ አለቆች፡ እንዘ፡ ይብሉ፡ አልቦቱ፡ አበሳ፡ ለተክለ፡ ሃይማኖት።2 ሊቃውንሰ ወአዘዦች፡ ወኵሎሙ፡ ዐበይተ1፡ መኳንንት፡ ከመዝ፡ ይቤሉ፡ እምከመ፡ ትቤ፡ እሙ፡ አእመረኒ፡ ንጉሥ፡ ይደልዎ፡ ግዞት።

1ዓዲ፡ ይቤሎ፡ ባሻ፡ ርቱ፡ አስተጋብእ፡ ውሉደከ። 2ወይቤ፡ ተክለ፡ ሃይማኖት፡ እፎ፡ ይትከሃለኒ፡ አስተጋብእ፡ ደቂቅየ፡ እንዘ፡ አነ፡ በሙቃሔ፡ ወኢየአምር፡ ኀበ፡ ተዘርዉ።3በዝኒ፡ ፈትሑ፡ እግር፡ ዛቊኖች፡ ወየሽሕ፡ አለቆች፡ ወይቤሉ፡ ኢይደልዎ፡ ለሙቁሕ፡ ያስተጋብእ፡ ደቂቆ።4 ሊቃውንተሰ፡ ወአዛዦች፡ ዐበይት2፡ መኳንንት፡ ፈትሑ፡ እንዘ፡ ይብሉ፡ ይደሉ፡ ያስተጋብእ፡ ደቂቆ።5 ወሰሚዖ፡ ንጉሥ፡ ዘንተ፡ ፍትሐ፡ ይቤ፡ አነሰ፡ ጌሠመ፡ እፈትሕ፡ ዘእፈትሕ።

1ክፍል፡ ፲፫1። 2ወአመ፡ ፲ወ፫፡ ለታኅሣሥ፡ ገብረ፡ ንጉሠ፡ ነገሥት፡ መሢሕ፡ ሰገድ፡ በዓለ፡ ቅዱስ፡ ሩፋኤል፡ በቃለ፡ ቀርን።3ዓዲ፡ ጊዜ፡ ምሴት፡ ገብረ፡ ዐቢየ2፡ ኂሩ(A152rb)ተ፡ በእንተ፡ ፍቅሩ፡ ለቅዱስ3፡ ሩፋኤል።4ሶበ፡ አብዑ፡ ደቀ፡ ቤቱ፡ ግብረ፡ በትእዛዘ፡ ንጉሥ፡ ውስተ፡ (G25v) ወርቅ፡ ሰቀላ፡ እንዘ፡ ያእምር፡ ንጉሥ፡ ከመ፡ ተሠርዐ4፡ በህየ፡ ምሳሐ፡ ካህናት፡ አዘዘ፡ ከመ፡ ያንሥኡ፡ ግብረ፡ ዚአሁ፡ ወያብልዕዎሙ፡ ለካህናት።

1ወአመ፡ ፳ወ፩፡ ለታኅሣሥ፡ ዘውእቱ፡ በዓለ፡ እግዝእትነ፡ cቅድስት፡ ድንግል፡ በ፪1: dማርያም፡ ወላዲተ፡ አምላክ፡ ተረክበ፡ ንጉሥ፡ ውስተ፡ ዝፋን፡ ቤት።2ወሤሞ፡ ለተስፋ፡ ኢየሱስ፡ ከንቲብነት፡ ወለዋልዋጆ፡ ወሀቦ፡ ሢመተ፡ ወህኒ2።3ወኮነ፡ በዓለ፡ ልደት፡ በዕለተ፡ እሑድ።

1ክፍል፡ ፲፬1።2ሠረቀ፡ ጥር፡ አመ፡ ፰፡ ለጥር፡ አዘዘ፡ ንጉሥ፡ በአዋጅ፡ ወይቤ፡ ኵሉ፡ ጨዋ፡ ዘይትጋባእ፡ በበዓለ፡ ጥምቀት2፡ የዓል፡ በበሀገሩ፡ ወያስተዳሉ፡ ስንቆ።3አመ፡ ፲፩፡ ለጥር፡ በበዓለ፡ ጥምቀት፡ አዘዞሙ፡ ንጉሥ፡ ለግራ፡ አዝማች፡ ሥሙር፡ ወለባላምባራስ፡ አይከል፡ ከመ፡ ይትልዉ፡ ታቦተ፡ ኢየሱስ፡ ምስለ፡ ጭፍራ፡ ዘደል3። (G26r) (N78v)