Tārika Walda ʾAmid (β-recension)

This division into textparts and labels follows the division in .

Attribution to the author by the translator. The following text is taken from and . በስመ፡ እግዚአብሔር፡ መሓሪ፡ ወመስተሣህል፡ ቦቱ፡ እትረዳእ፡ ወእዌጥን፡ ጽሕፈተ፡ ታሪክ፡ ዘውእቱ፡ ዜናሆሙ፡ ለአበው፡ ቀደምት፡ ወሐሳበ፡ ኍልቈ፡ መዋዕሊሆሙ፡ ለነገሥት፡ እምአዳም፡ እስከ፡ ተፍጻሜቶሙ፡ ለእስራኤል፡ ወለአሕዛብ፡ ዘአስተጋብኦ፡ ክቡር፡ ወትሩፍ፡ ክርስቶሳዊ፡ ጊዮርጊስ፡ ወልደ፡ አሚድ፡ ዘብሔረ፡ ግብጽ። ወሰላመ፡ እግዚአብሔር፡ የሀሉ፡ ላዕለ፡ ንጉሥነ፡ገብረ፡ እግዚአብሔር፡ ክሳደ፡ ጊዮርጊስ፡ ለዓለመ፡ ዓለም፡ አሜን።

Introduction General introduction by the author containing a note on the final redaction of the work as well as chronographic and cosmographic considerations as witnessed in the Arabic edition in 176-191.

Authors Preface Note by the author, in which he presents an outline of the work and claims that his work was already being circulated in Egypt when he decided to add a story from another source about the Persian Empire, which he calls ነገረ፡ መንክር፡ እምዜናሆሙ፡ ለነገሥት፡ ዝንጉዓን፡ ዘውእቶሙ፡ አዘም። (e.g. 'Ruzbihans history'). The following edition is taken from and partly compared to and . ስብሐት፡ ለእግዚአብሔር፡ ቀዳማዊ፡ ዘእንበለ፡ ጥንት፡ ወደኃራዊ፡ ዘእንበለ፡ ተፍጻሜት፡ አብ፡ ወወልድ፡ ወመንፈስ፡ ቅዱስ፡ አሐዱ፡ አምላክ፡ በመለኮቱ፡ ዘኢያገምሮ፡ መካን፡ ወኢይትአመር፡ ዘከመ፡ እፎ፡ ውእቱ፡ ወዘኢይበጽሖ፡ ሕሊና፡ ሰብእ፡ ወኢይረክቦ፡ አልባበ፡ እጓለ፡ እመሕያው፡ አምላከ፡ አማላክት፡ ወእግዚአ፡ አጋእዝት፡ ወጣኔ፡ ዘመደ፡ ተሐዋስያን፡ ወዘዘዚአሁ፡ ፍትረታት፡ ገባሬ፡ ኵሉ፡ ዘይትረከብ፡ ወረካቤ፡ ኵሉ፡ ፈጣሪሆሙ፡ ለእለ፡ ሀለዉ፡ ወይሄልዉ፡ ወይትሌዓል፡ እምኵሉ፡ ፍጥረት፡ ዘይሴባሕ፡ በኵሉ፡ ልሳናት፡ ወይትቄደስ፡ በኵሉ፡ በሐውርት፡ ዘኢይትከሀል፡ ይትነገር፡ ክዋኔሁ፡ ወኢይረክቦ፡ ሙስና፡ አልቦ፡ ተፍጻሜት፡ ለመንግሥቱ። ነአኵቶ፡ ለዘጸገወነ፡ ሠናይቶ፡ ወንስአሎ፡ ከመ፡ ይሠሃል፡ ላዕሌነ፡ በዝ፡ ዓለም፡ ወበዘይመጽእ፡ ዓለም፡ አሜን። ወእምድኅረዝ፡ አስተጋባእኩ፡ ውስተ፡ ዝንቱ፡ መጽሐፍ፡ ኵሎ፡ ሐሳባተ፡ እምቀዳሜ፡ ፍጥረተ፡ ዓለም። ወነገርኩ፡ ውስቴቱ፡ ዘኮነ፡ በመዋዕለ፡ ትካት፡ ወአዝማን፡ እምነገራት፡ ወእምግባራት፡ እንተ፡ ኮነት፡ በውስተ፡ ትውልደ፡ ቀደምት፡ ወዘበጽሐ፡ወዘበጽሖ፡ በውስተ፡ አሕዛብ፡ ወሕዝብ፡ ውስተ፡ ኵሉ፡ መንግሥታተት፡ ኵሉ፡ ሕዝብ፡ እምድኅረ፡ ሕዝብ፡ ወመንግሥት፡ እምድኅረ፡ መንግሥት። ወሰመይኩ፡ አስማቲሆሙ፡ ለነቢያት፡ ነቢየ፡ እምድኅረ፡ ነቢይ፡ በበዘመኖሙ፡ ወመዋዕሊሆሙ። ወዘከርኩ፡ ንስቲተ፡ እስትግቡአ፡እስትጉቡአ፡ እምነ፡ መጽሐፈ፡ ትንቢቶሙ፡ ወዜናሆሙ፡ ለረዓይት፡ ወለጠቢባን፡ ወለማእምራን፡ ወለመዓልማት፡ ወዘከመ፡ ዓቀሙ፡ ጣልስማተ፡ ዘውእቱ፡ ግልፎ፡ ጣዖት፡ ወተአምራተ፡ ዘኮነ፡ ውስተ፡ ዓለም፡ በበመካኑ። ወነገርኩ፡ ክፍለ፡ ምድር፡ክፍላ፡ ለምድር፡ ወሰብዓቱ፡ በሐውርተ፡ ኑኆሙ፡ ወግድሞሙ፡ አብሕርቲሆሙ፡ ወአፍላቲሆሙ፡ ወአህጉራቲሆሙ፡ ወግብሮሙ፡ ለሰብእ፡ እለ፡ የኃድሩ፡ በበበሕውርት፡በበሕውርት፡ ወዘውስተ፡ ኵሉ፡ ብሔር፡ እምበቍዔታት፡ ወኅሱማት። ወዘከርኩ፡ ዜናሁ፡ ለሙሴ፡ ነቢይ፡ ሰላመ፡ እግዚአብሔር፡ ምስሌሁ፡ ወዘገብረ፡ እግዚአብሔር፡ በእዴሁ፡ እምተአምራት፡ ወመድምማት፡ ወመንኵራት፡ በቅደመ፡ ፈርዖን፡ ንጉሠ፡ ግብጽ፡ እስከ፡ አውፅኦሙ፡ ለደቂቀ፡ እስራኤል፡ እምድረ፡ ግብጽ፡ ወአብኦሙ፡ ውስተ፡ ምድረ፡ ርስት። ወእምዝ፡ ዘከርኩ፡ ድኅሬሁ፡ ዘከመ፡ ተንሥኡ፡ ነቢያት፡ ወመሳፍንት፡ ወእመኳንንት፡ ወነገሥተ፡ ደቂቀ፡ እስራኤል፡ ዜናሆሙ፡ ወፀብኦሙ፡ እስከ፡ አመ፡ ሙስናሁ፡ ለቤተ፡ መቅደስ፡ ወመንግሥቶሙ፡ ለሮም፡ ወለፋርስ፡ ወለካልአኒሆመ። ወዓዲ፡ ዘከርኩ፡ አስተርእዮቶ፡ ለእግዚእነ፡ ኢየሱስ፡ ክርስቶስ፡ ሎቱ፡ ስብሐት። እስትግቡአ፡እስትጉቡአ፡ አንሶስዎቶ፡ ውስተ፡ ዓለም፡ ወዘገብረ፡ ተአምራተ፡ ወመንክራተ፡ እስከ፡ ጊዜ፡ ዕርገቱ፡ ውስተ፡ ሰማያት። ወእምዝ፡ ይነግር፡ ድኅሬሁ፡ ዜናሆሙ፡ ለቅዱሳን፡ ሐዋርያት፡ ወለሊቃነ፡ ጳጳሳት፡ ወነገሥተ፡ ክርስቲያን፡ ወእስትጉቡአ፡ ዜናሆሙ፡ ወጸብኦሙ፡ እስከ፡ አስተርአየ፡ ሕጎሙ፡ ለተንበላት፡ ርኩሳን፡ ወዘኮነ፡ እምዜናሆሙ፡ ወዘከመ፡ እፎ፡ ነግሡ፡ ዓረብ፡ ወጸንዓ፡ ግብሮሙ፡ ወተሠልጡ፡ ላዕለ፡ ብዙኅ፡ መንግሥታት። ወዓዲ፡ እምድኅሬሆሙ፡ እመማክርት፡ ወነገሥተ፡ ተንበላት፡ ወኢኀደጉ፡ ምንተኒ። እምእስትግቡእ፡እምእስትጉቡአን፡ በአምጣነ፡ እክል፡ እስከ፡ አመ፡ ነግሠ፡ ንጉሠ፡ ዳኅረ፡ ዘስሙ፡ ርኩንዲን፡ርኵንዲን፡ በይበርስ፡በየበርስ፡ ዝብሂል፡ መአዝንተ፡ ሃይማኖት፡ እግዚአብሔር፡ ያጥፍእ፡ መንግሥቶሙ፡ ለተንበላት፡ ቅሩበ፡ አሜን። ወሶበ፡ ተከሥተ፡ ዝክረ፡ ዝንቱ፡ ታሪክ፡ ዘውእቱ፡ ሐሳብ፡ ውእተ፡ውስተ፡ ብሔረ፡ ግብጽ፡ ወተሰምዓ፡ ዜናሁ፡ ውስተ፡ ኵሉ፡ አጽናፈ፡ ምድር፡ ወጸሐፍዎ፡ መምህራን፡ ክቡራን። ወረከብኩ፡ እምድኅረዝ፡ ሐሳብ፡ ካልእ፡ ዘውስቴቱ፡ ነገረ፡ መንክር፡ እምዜናሆሙ፡ ለነገሥት፡ ዝንጉዓን፡ ዘውእቶሙ፡ አዘም፡ ኢረከብኩ፡ በዘቀደመ፡ ቀሠምኩ፡ እምፍሬሆሙ። ወአረርኩ፡ እምሠናይ፡ ዜናሆሙ፡ ኅዳጠ፡ ወሰኩ፡ ኀቤሁ፡ ወጸሐፍኩ፡ ውስቴቱ፡ ወአንበርኩ፡ ከመ፡ ኢይትኃጣእ፡ ዝንቱ፡ መጽሐፍ፡ እምትሩፋቲሆሙ፡ ወሠናይ፡ ነገሮሙ። ወእምዝ፡ ተከሥተ፡ ሊተ፡ ሐሳበ፡ ኍልቈ፡ ዓመታተ፡ ሁከት፡ ወጋእዝ፡ ማእከለ፡ እለ፡ ጸሐፉ፡ ሐሳበ፡ ወኢሰሰልኩ፡ እንዘ፡ አሐትት፡ በእንቲአሆሙ፡ እመጻሕፍት፡ ወሐሳባት፡ እስከ፡ አመ፡ ጠየቅዎ፡ ወአእመርክዎ፡ ወአሠነይክዎ፡ ወረሰይክዎ፡ በከመ፡ ይሤኒ፡ ለዘይፈቅድ፡ እምዘ፡ ኃለፈ። ወሶበ፡ ተፈጸመ፡ በገጽ፡ ርቱዕ፡ ወተሥዕረ፡ ዘሀሎ፡ ውስቴቱ፡ እምስሕተተ፡ ሐሳብ፡ ዘቀዲሙ። ወእምድኅረ፡ ዝንቱ፡ ሰአለኒ፡ ዘይደልዎ፡ ለዕሌየ፡ ተወክፎ፡ ስእለቱ፡ ወእሁቦ፡ ፍጻሜ፡ ጻህቁ፡ ከመ፡ አስተጋብእ፡ እምኔሁ፡ መጽሐፈ፡ ዘይቀልል፡ ጸዊሮቱ፡ ወይውሕድ፡ ስከመ፡ ወይበጽሕ፡ ውስተ፡ አልባብ፡ አእምሮቱ፡ ወተሰጠውክዎ፡ በከመ፡ ኃሢሦቱ፡ ወአስተፋጠንኩ፡ በከመ፡ ስእለቱ፡ ወሐገጉ፡ በጥንተ፡ ዝንቱ፡ ጉባኤ፡ ወአስተጋባእኩ፡ ውስቴቱ፡ ኍልቆሙ፡ ለዜናት፡ ወገድላት። ወኢያንተጉ፡ ውስቴቱ፡ ምንተኒ፡ እምነገራት፡ ግሁዳት፡ ወከዊኖታ፡ እውቃት፡ ዝኩራት። ወቀዲሙሰ፡ ይደሉ፡ ከመ፡ ንወጥን፡ ነገረ፡ በእንተ፡ ከዊነ፡ ዓለም፡ ወጥያቄ፡ አዝማን፡ እስመ፡ ሐሳብ፡ ይፈቅድ፡ ኪያሆሙ፡ እስመ፡ ውእቱ፡ ንዱቅ፡ ላዕሌሆሙ።

Discourse on the temporality of the world The following text is taken from . Incipit and explicit are compared with . ነገር፡ በእንተ፡ ከዊነ፡ ዓለም፡ ተጋአዙ፡ በእንተ፡ ፍጥረተ፡ ጥንተ፡ ዓለም፡ ወጠቢባንሰ፡ ቦእምኔሆሙ፡ ዘይቤ፡ እስመ፡ ብሉይ፡ ውእቱ፡ ከመ፡ ፈጣሪሁ፡ፈጣሪሆሙ፡ አልቦቱ፡ ጥንት፡ ወኢተፍጻሜት፡ እስመ፡ ፍጡር፡ ወኢይትፈለጥ፡ እምፈጣሪሁ። ወዓለም፡ ቀዲሙ፡ በከመ፡ ቅድመቱ፡ ለፈጣሪ፡ ልዑል፡ እስመ፡ ኮነ፡ ሥርወ፡ በኀቤሆሙ፡ ኢይትፈለጥ፡ እምጕንዱ። ወዝንቱ፡ ሃይማኖተ፡ አርስጣጣሊስ፡ ወአብያጺሁ። ኢሉ፡ እሙንቱ፡ እስከንድር፡ ወልደ፡ ፊልጶስ፡ ዮናናዊ፡ ወአፍለጦን፡ ወእለ፡ ተለውዎ፡ እምቅድሜሆሙ፡ ወእለ፡ እምድኅሬሆሙ፡ ነጽር። ቀራኒ፡ እልፋራቤ፡ ወአቤዓሌ፡ ወልደ፡ ሲና፡ ዘእምድኅሬሆሙ። ወእሉ፡ ይቤሉ፡ እስመ፡ አልባብ፡ ወነፍሳት፡ ወከዋክብት፡ ወፈለከት፡ ነበሩ፡ እምትካት፡ በከመ፡ ኮኑ፡ ይእዜ፡ በፈቃዶሙ፡ ወበሥርዓቶሙ፡ እንተ፡ ይእቲ፡ ዘዲቤሃ፡ ይእዜ። ይቤሉ፡ ካዕበ፡ እስመ፡ ተሀውኮቶሙሰ፡ ለፈለካት፡ ወኵሉ፡ ዘይበእምኔሆሙ፡ ይተልዎ፡ ለዘ፡ በደረ፡ ወአልቦ፡ ለዘቀደመ። ወምትሐታውያንሰ፡ ፍጥረቶሙ፡ ቀዳሚ፡ ወገጸተ፡ መአልማትሰ፡ ዘዲቤሃ፡ ሐዳስ፡ ይተሉ፡ ዘይበጽሕ፡ ለዘ፡ በደረ፡ በከመ፡ ተሐውሶቶሙ፡ ለከዋክብተ፡ ፈለኮት። ወእምኔሆሙ፡ ይቤሉ፡ እስመ፡ ውእቱ፡ ቀዳማዊ፡ ርእስ፡ ዘሐዳስ፡ አምሳል፡ ወለእሉሂ፡ በሃይማኖቶሙ፡ ፍልጠታት፡ ኢይደሉ፡ ዘክሮቶሙ፡ ዝየ፡ እስመ፡ ፈቀድነ፡ ኅዲገ፡ ብዙኅ፡ ነገሮሙ። ወሠራዕያነ፡ ሕግሰ፡ ተጋብኡ፡ በበይናቲሆሙ፡ ወይቤሉ፡ በእንተ፡ ከዊነ፡ ዓለም፡ ከመ፡ ሎቱ፡ ጥንት፡ ወተፍጻሜት፡ ወአምጽኡ፡ ስምዓ፡ እምቃለ፡ ነቢያት፡ በዘተናገሩ፡ ቦቱ፡ በእንተ፡ እግዚአብሔር፡ ልዑል። ወበዘአስምዑ፡ ቦቱ፡ መጻሕፍት፡ እለ፡ ወረዱ፡ በኀበ፡ እግዚአብሔር፡ ላዕለ፡ ሙሴ፡ ወላዕለ፡ ነቢያት፡ ተጋቢኦሙ፡ ዘአምንዎ። ወዝንቱ፡ ውእቱ፡ ምክረ፡ ጽድቅ፡ ዘበአማን፡ ወጠቢባንሰ፡ ተናገሩ፡ በዘአእመሩ፡ በጥበቦሙ፡ ወበጕሥዓቶሙ፡ ዘአውፅኡ፡ እምአልባቢሆሙ። ወናሁ፡ ኀብረ፡ ጉባኤ፡ እንተ፡ ዘይሤኒ፡ እምኵሉ፡ መክፈልተ፡ እንስሳት፡ መክፈልተ፡ ሰብእ፡ ነቢያት፡ እሙንቱ፡ ወዘኮነ፡ ይሤኒ፡ ውእቱ፡ ፍጹመ፡ ልብ፡ ወዘኮነ፡ ፍጹመ፡ ልብሰ፡ ቃሎ፡ ይደሉ፡ ከመ፡ ይትወከፍዎ። ወአእመርነ፡ ፍጥረተ፡ ዓለም፡ እመጻሕፍተ፡ ኦሪት፡ ወነቢያት፡ ወረድኤትነሰ፡ እምኀበ፡ እግዚአብሔር።

Discourse on the nature of time The following text is taken from . Incipit and explicit are identical to . ነገር፡ በእንተ፡ ጥያቄ፡ አዝማን፡ ተጋአዙ፡ ሰብእ፡ በእንተ፡ ጥያቄ፡ አዝማን፡ ቦእምኔሆሙ፡ ዘክህደ፡ ወይቤ፡ አልቦ፡ ጥንት፡ ለዘመን። ወቦ፡ እምኔሆሙ፡ ዘይቤ፡ ከመ፡ ውእቱ፡ ርኩብ፡ ቅውም፡ በፈቃዱ፡ ኢይትዌለጥ፡ ወኢየኃልቅ። ወቦቱ፡ ተሰምዩ፡ ኵሎሙ፡ ረኪቦታት፡ እሉ፡ እሙንቱ፡ ይበጽሕ፡ ላዕሌሆሙ፡ ውላጤ፡ ወማኅለቅት። ወምክረ፡ ጽድቅሰ፡ ዘበአማን፡ ከመ፡ ውእቱ፡ መጠነ፡ መዋዕለ፡ ሁከታት፡ ፈለካት። ወሶበ፡ ኮነ፡ ፈለክ፡ ህውክ፡ በዓውደ፡ ሰማይ፡ ሁከተ፡ ወኁሉቃተ፡ ይታለዉ፡ በበይናቲሆሙ፡ ተረሰየ፡ መጠነ፡ ኵሉ፡ አሐተ፡ ሁከተ፡ ምዕረ፡ ታስተርኢ፡ ለሰብአ፡ ብሔር፡ እለ፡ የኃድሩ፡ ውስቴታ፡ ወአሐተ፡ ምዕረ፡ ትትኀባእ፡ እምኔሆሙ፡ በከዊነ፡ ምድር፡ ወበይነ፡ ውእቱ፡ ተፈልጠ፡ መጠነ፡ ሁከት፡ ዘይሰመይ፡ ዕለተ። ለሌሊት፡ ወለመዓልት፡ ወመዓልትሰ፡ ፍካሬ፡ ለጊዜ፡ ዘትዌጥን፡ ውስቴቱ፡ ፀሐይ፡ ወሌሊትሰ፡ ፍካሬ፡ ለጊዜ፡ ዘትትኃባእ፡ ውስቴቱ። ወዓዲ፡ ተከፍሉ፡ ለ፩ ፩ እምሌሊት፡ ወመዓልት፡ ለ፲ወ፪ክፍል፡ እንተ፡ ይእቲ፡ ሰዓታት።

Discourse about the quantity of time and how much of it has elapsed The following text is taken from . Incipit and explicit are identical to . ነገር፡ በእንተ፡ መጠነ፡ አዝማን፡ ወዘኃለፈ፡ እምኔሁ፡ ሶበ፡ ጸንዓ፡ ወተዓውቀ፡ ከዊነ፡ ዓለም፡ ወጥይቅና፡ አዝማን። ወውእቱ፡ ፍጹም፡ ወክልኤ፡ ጽንፉ፡ ናሁ፡ አመረነ፡ ማእምር፡ ለባዊ፡ ወሐጋጊ፡ ከመ፡ ሎቱ፡ ጥንት፡ ወተፍጻሜት። ወሶበ፡ ይትኍለቍ፡ ዳግመ፡ ይትገአዝ፡ መጠኑ፡ ውስቴቱ። ወእለሰ፡ የአምሩ፡ ሐሳበ፡ ከዋክብት፡ ይቤሉ፡ እስመ፡ ኍልቍ፡ እምጥንተ፡ ተሀውኮ፡ ከዋክብት፡ እምቀዳሚ፡ ነጠብጣብ፡ እምኮከበ፡ ሐመል፡ ለእስከ፡ ፍጻሜ፡ ዓመት። ፯፻፹ወ፪፵፻ወ፫፻፴ወ፪፼፫፻፹ ወ፩ ዓመት፡ ወ፯ አውራኅ፡ ወ፲ወ፯ ዕለት። ወይቤሉ፡ ከመ፡ ውእቱ፡ ዕውቅ፡ በከሢት፡ እምኀበ፡ መዳልወ፡ ከዋክብት፡ ወይቤ፡ አርስጣጣሊስ፡ በውስተ፡ መጽሐፉ፡ አስጣማጢስ፡ ዘህርምስ፡ ጠቢብ፡ ቀዳማዊ፡ ከመ፡ ሢመቱ፡ ለኵሉ፡ ኮከብ፡ እምነ፡ ፯ ከዋክብት፡ እለ፡ የሐውሩ፡ ፲፻ ዓመት። ወሶበ፡ ትትፌጸም፡ ይገብእ፡ ኀበ፡ ቀዳሚ፡ እስከ፡ ዘአልቦቱ፡ ተፍጻሜት። ወሠራዕያነ፡ ሕግሰ፡ ይቤሉ፡ እስመ፡ ኍልቈ፡ ዓለም፡ እምጥንቱ፡ እስከ፡ ተፍጻሜቱ፡ ፸፻ ዓመት፡ ወአልቦሙ፡ አእምሮ፡ ለዝክቱ፡ እመጻሕፍቲሆሙ፡ ወክርስቲያንሰ፡ ጸመው፡ ወጽሕቁ፡ ለአርትዖ፡ ታሪኮሙ፡ ዘውእቱ፡ ሐሳባቲሆሙ፡ ወዘኃለፈ፡ እምአዝማን፡ እመጻሕፍተ፡ ብሊት፡ ወሐዲስ፡ ወመጻሕፍት፡ እለ፡ ይኍልቁ፡ ሐሳበ፡ ወዘተጠየቀ፡ በኀቤሆሙ፡ ከመ፡ መጠነ፡ እምጊዜ፡ ተፈጥረ፡ አቡነ፡ አዳም፡ ሰላመ፡ እግዚአብሔር፡ ላዕሌሁ፡ ወእስከ፡ ጊዜ፡ አስተርአየ፡ እግዚእነ፡ ኢየሱስ፡ ክርስቶስ፡ ሎቱ፡ ስብሐት፡ ፶፻ወ፭፻ ዓመት፡ ወተፈልጦተ፡ ዝንቱ፡ ይነግር፡ በውስተ፡ መካኑ፡ ክሡተ፡ ወብዩነ፡ ለአመ፡ለእመ፡ ሠምረ፡ እግዚአብሔር፡ ልዑል።

Discourse on the commencement of the Creation The following text is taken from . Incipit and explicit are identical to . ነገር፡ በእንተ፡ ጥንተ፡ ፍጥረት፡ ይደሉ፡ ከመ፡ ንክሥት፡ ትእምርተ፡ ዘጠየቅነ፡ ባቲ፡ ጥንተ፡ ፍጥረት፡ እምጥንተ፡ ዓለም፡ ወጊዜ፡ ርእየተ፡ ሌሊት፡ ወመዓልት፡ ሶበ፡ ይበውእ፡ ፀሐይ፡ ውስተ፡ መስኮተ፡ ሐመል፡ አመ፡ ፲ወ፫ ለወርኃ፡ አዳር፡ ለሮም፡ ወውእቱ፡ በኀበ፡ አይሁድ፡ ኔሳን፡ ዘውእቱ፡ ወርኃ፡ ምያዝያ፡ ዘይቤሎ፡ እግዚአብሔር፡ ለሙሴ፡ ነቢይ፡ ዝንቱ፡ ወርኅ፡ ይኩንክሙ፡ ርእሰ፡ አውራኅ። ጠቢባን፡ ከመ፡ ቦቱ፡ ይከውን፡ ኅልቀተ፡ ዓለም። ወተብህለ፡ ከመ፡ በይእቲ፡ ወርኅ፡ ወፅኡ፡ ባቲ፡ ደቂቀ፡ እስራኤል፡ እምድረ፡ ግብጽ፡ ወዓርገ፡ ሙሴ፡ ውስተ፡ ደብረ፡ ሲና። ወጾመ፡ ፵ መዓልተ፡ ወ፵ ሌሊተ፡ ወነበቦ፡ እግዚአብሔር፡ ለሙሴ፡ ወወሀቦ፡ ጸጋ፡ ትንቢተ፡ ወጥበበ፡ ወአጠየቆ፡ ከመ፡ እፎ፡ ፈጠረ፡ እግዚአብሔር፡ ዓለመ፡ በ፮ ዕለት። ወአውረደ፡ ላዕሌሆሙ፡ ኦሪተ፡ ወጸሐፈ፡ ፭ መጻሕፍተ፡ ኦሪት። ቀዳማይት፡ ኦሪት፡ ዘልደት፡ ዘከመ፡ እፎ፡ ውእቱ። ወዳግሚት፡ መጽሐፍ፡ ተናገረ፡ ደቂቀ፡ እስራኤል፡ እምድረ፡ ግብጽ። ወሣልሲት፡ መጽሐፍ፡ ተናገረ፡ በውስቴቱ፡ ምግባራተ፡ ካህናት፡ ወለዋውያን። ወራብዒት፡ መጽሐፈ፡ ኍልቈ፡ ደቂቀ፡ እስራኤል። ወኃምሲት፡ መጽሐፍ፡ ውእቱ፡ ሕግ፡ ዘዳግም። ትቤ፡ ኦሪት፡ ዘልደት፡ ኦሪተ፡ ሙሴ፡ ጥንተ፡ ፍጥረት፡ ወይቤ፡ ሙሴ፡ ነቢይ፡ ውስተ፡ ርእሰ፡ መጽሐፍ፡ ቀዳማይ፡ እምነ፡ ኦሪት። በቀዳማይ፡ ገብረ፡ እግዚአብሔር፡ ሰማየ፡ ወምድረ። ወምድርሰ፡ ሀለወት፡ እምትካት፡ ወኢታስተርኢ፡ ወኢኮነት፡ ድሉተ፡ ወጽልመት፡ መልዕልተ፡ ቀላይ፡ ወመንፈሰ፡ እግዚአብሔር፡ ይጼልል፡ መልዕልተ፡ ማይ። ወእምዝ፡ ፈጠረ፡ ብርሃነ፡ ወፈለጠ፡ እግዚአብሔር፡ ማእከሌሁ፡ ወማእከለ፡ ጽልመት፡ በቀዳማይ፡ ዕለት። ወፈጠረ፡ ሰማየ፡ በዕለት፡ ዳግማይ። ወአዘዞሙ፡ እግዚአብሔር፡ ለማያት፡ ዘመትሕተ፡ ሰማይ፡ ከመ፡ ይትጋብኡ፡ ውስተ፡ ፩ መካን፡ ወያስተርኢ፡ የብስ። ወሰመይ፡ እግዚአብሔር፡ ለየብስ፡ ምድረ፡ ወለምዕላዲሁ፡ ለማይ፡ ሰመዮ፡ ባሕረ። ወአዘዘ፡ ከመ፡ ታብቍል፡ ሐመልማለ፡ ሣእር፡ ወዘርእ፡ ወዕፀወ፡ ዘይፈሪ፡ በበዘመዱ፡ በዕለት፡ ሣልሲት፡ ወፈጠረ፡ ፀሐየ፡ ወወርኃ፡ ወከዋክብተ፡ በዕለት፡ ራብዕ። ወገብረ፡ እግዚአብሔር፡ ዓሣተ፡ ወአእዋፈ፡ እምነ፡ ማይ፡ ወፈጠረ፡ አናብስተ፡ ዓበይተ፡ በዕለት፡ ኃምስ። ወፈጠረ፡ እምድር፡ እንስሳ፡ ወአራዊተ፡ ወኵሎ፡ ዘይትሐወስ፡ ዲበ፡ ምድር። ወዓዲ፡ ገብሮ፡ ለእጓለ፡ እመሕያው፡ ወባረኮ፡ ወአብሖ፡ ከመ፡ ይብላዕ፡ እምነ፡ ሐመልማል፡ ወእምነ፡ እንስሳ፡ በዕለት፡ ሳድስ። ይቤ፡ መጽሐፍ፡ ወአዕረፈ፡ እግዚአብሔር፡ እምኵሉ፡ ግብሩ፡ በዕለት፡በዕለተ፡ ሳብዕ፡ ወባረካ፡ ወቀደሳ።

The pre-Islamic history from to . Textparts for the first 15 generations (from Adam to Eber) are taken from Incipits and explicits are compared to and .

1st Generation: Adam ወይቤ፡ ተከለ፡ እግዚአብሔር፡ አምላክ፡አምላከ፡ ገነተ፡ ውስተ፡ ኤዶም፡ ዘመንገለ፡ ጽባሕ፡በምሥራቅ። ወአንበሮ፡ ለእጓለ፡ እመሕያው፡ ህየ፡ ወፈለግ፡ ይወፅእ፡ እምኔሁ፡ ወይትፈለጥ፡ ለ፬ መዓዝነ፡ ዓለም። ስሙ፡ ለ፩ ፈለግ፡ ኤፌሶን፡ ወለዳግም፡ ግዮን፡ ወለሣልስ፡ ጤግሮን፡ ወለራብዕ፡ አፍራጦስ። ይቤ፡ ወአምጽአ፡ እግዚአብሔር፡ ድቃሰ፡ ላዕለ፡ አዳም፡ ወነሥአ፡ ፩ እምአዳመ፡ ገቦሁ፡ ፈጠረ፡ እምኔሁ፡ ብእሲተ፡ እንተ፡ ይእቲ፡ ሔዋ። ወአዘዞሙ፡ ከመ፡ ይብልዑ፡ እምኵሉ፡ ዕፅ፡ ዘውስተ፡ ገነት፡ ዘእንበለ፡ ዕፅ፡ ዘያሌቡ፡ ሠናየ፡ ወእኩየ፡ እስመ፡ ውእቱ፡ ይቤሎሙ፡ በዕለት፡ እንተ፡ ትበልዑ፡ እምኔሁ፡ ሞተ፡ ትመውቱ፡ ወአስሐተታ፡ ከይሲ፡ ለሔዋ፡ ወበልዐት፡ እምፍሬሁ፡ ወወሀበቶ፡ ለአዳም፡ ወበልዐ፡ ወአእመረ፡ እግዚአብሔር፡ ስቡሕ፡ ወልዑል፡ ተዐድዎቶሙ፡ ወአውፅኦሙ፡ እምገነት። ወሰመዮሙ፡ ለኵሎሙ፡ አራዊተ፡ ምድር፡ ወአዕዋፍ፡ አዳም፡ ወኮነ፡ ንጉሠ፡ ላዕሌሆሙ፡ ወአውሰባ፡ አዳም፡ ለብእሲቱ፡ ወወለደት፡ ቃየንሃ። ወኮነ፡ መስተገብረ፡ ምድር፡ ወይዘርእ። ወእምድኅሬሁ፡ ተወልደ፡ አቤል፡ ወኮነ፡ ኖላዌ፡ አባግዕ። ወአምጽአ፡ ቃየን፡ እምፍሬ፡ ምድሩ፡ መሥዋዕተ፡ ወኢተወክፎ፡ እግዚአብሔር። ወአቤልሂ፡ አምጽአ፡ እምነ፡ በኵረ፡ አባግዒሁ፡ ስቡሓን፡ ወተወክፈ፡ እግዚአብሔር፡ ቍርባኖ፡ ወኀዘነ፡ ቃየነ፡ ወቈጸረ፡ ገጸ፡ ወቀተሎ፡ ለአቤል፡ እኁሁ። ወገሠጾ፡ እግዚአብሔር፡ ወቀሠፎ፡ ለቃየል፡ ወአኅደሮ፡ ውስተ፡ ምድር፡ ኀበ፡ ቀተለ፡ ውስቴታ፡ አኁሁ። ወአውሰባ፡ ቃየል፡ ለብእሲቱ፡ ወወለደት፡ ሎቱ፡ ወልደ፡ ወሰመዮ፡ ሄኖኅ። ወወለዶ፡ ሄኖኅ፡ ለጋይዳድ፡ ወለዶ፡ ለሜዔል፡ ወሜዔል፡ ለማቱሳላ። ወማቱሳላ፡ ለላሜሕ፡ ወነሥአ፡ ላሜሕ፡ ለርእሱ፡ ክልኤ፡ አንስትያ፡ ለአሐቲ፡ ስማ፡ ሐዳ፡ ወለካልእታ፡ ሴላ። ወወለይቶ፡ ሐዳ፡ ለዮሴድ፡ ወውእቱ፡ ቀዲሙ፡ ዘገብረ፡ ሐይመተ፡ ወኃደረ፡ ውስቴታ፡ ወአጥረየ፡ እንስሳ። ወስመ፡ አቡሁ፡ ዮቤል፡ ወውእቱ፡ ቀዲሙ፡ ዘአርአየ፡ ማኅሌተ፡ ወመሰንቆ። ወሴላሂ፡ ወለደቶ፡ ለቶቤል፡ ወውእቱ፡ ቀዲሙ፡ ዘኮነ፡ ነሀቤ፡ ብርት፡ ወሐፂን፡ ወይዘብጥ፡ በሰፌልያ። ይቤ፡ መጽሐፍ፡ ወሶበ፡ ኮኖ፡ ለአዳም፡ ፪ተ፡ ፻ወ፴ ዓመተ፡ ወለዶ፡ ለሴት፡ ወኮነ፡ ብእሴ፡ ዘሠናይ፡ ላሕዩ፡ ወጽኑዕ። ወሐይወ፡ አዳም፡ እምድኅረ፡ ውእቱ፡ ፯፻ ዓመተ፡ ወወለደ፡ ውሉደ፡ ብዙኃነ፡ ፴ ዕደ፡ ወ፴ አዋልደ፡ በበመንታ፡ አሐደ፡ ተባዕተ፡ ወአሐደ፡ አንስተ፡ ወበዝኃ፡ ዘርኡ። ወሶበ፡ ቀርበ፡ ዕለተ፡ ሞቱ፡ ጸውዖ፡ ለወልዱ፡ ሴት፡ ወለአኃዊሁ፡ ለውሉዶሙ፡ ወለአኃቲሆሙ፡ ወአዘዞሙ፡ ከመ፡ ይኅድሩ፡ ውስተ፡ ደብር፡ አንጻረ፡ ገነት፡ ወኢይረዱ፡ እምኔሁ፡ ወኢይደመሩ፡ እምዘርአ፡ ቃይን፡ ቀታሌ፡ እኁሁ። ወአዘዞሙ፡ ሶበ፡ ፈለሱ፡ እምደብር፡ ያፍልሱ፡ ሥጋሁ፡ ምስሌሆሙ፡ ወይቅብርዎ፡ ውስተ፡ ማእከለ፡ ምድር። ወረሰየ፡ ሴትሃ፡ ወልዶ፡ ህየንቴሁ፡ እምድኅሬሁ፡ ላዕለ፡ ውሉዱ፡ ወውሉደ፡ ውሉዱ። ወአዕረፈ፡ አዳም፡ በዕለተ፡ ዐርብ፡ አመ፡ ፲ወ፬ በሠርቀ፡ ሌሊት፡ አመ፡ ፯ ለወርኃ፡ ኔሳን፡ ዘውእቱ፡ ምያዝያ፡ በዓመት፡ ፱፻ወ፴ እምፍጥረተ፡ ዓለም፡ ወገነዝዎ፡ በከርቤ፡ ወበዕጣን፡ ወሰሊክ፡ ወቀበርዎ፡ ውስተ፡ በዐተ፡ መዛግብት፡ ውስተ፡ ርእሰ፡ ደብር፡ ወላሐዉ፡ ላዕሌሁ፡ ፵ ዕለተ።

2nd Generation: Seth ዳግም፡ እምአዳም፡ ወውእቱ፡ ህየንቴሁ፡ እምድኅሬሁ፡ ሴት፡ ወልደ፡ አዳም፡ ሰላመ፡ እግዚአብሔር፡ ላዕሌሁ፡ ኃደረ፡ ውስተ፡ ደብር፡ ቅዱስ፡ ውእቱ፡ ወአኃዊሁ፡ ወውሉዶሙ፡ ወአንስቲያሆሙ፡ በከመ፡ አዘዞሙ፡ አዳም፡ አመ፡ ይመውት። ወተረፈ፡ ቃየን፡ ወውሉዱ፡ ወኵሉ፡ ዘርኡ፡ ውስተ፡ ምድር፡ ኀበ፡ ቀተሉ፡ ለአቤል፡ መትሕተ፡ ምድር። ወመገቦሙ፡ ሴት፡ ለሕዝቡ፡ ወሖሩ፡ በፍኖተ፡ ጽድቅ፡ ወንጽሕ፡ ወኮኑ፡ ይሴብሕዎ፡ ለእግዚአብሔር፡ ወይስምዑ፡ ቃለ፡ መላእክት፡ በውስተ፡ ገነት፡ እንዘ፡ ይሴብሕዎ፡ ለእግዚአብሔር፡ ወይቄድስዎ፡ እስመ፡ ገነት፡ ኢኮነት፡ ልዕልተ፡ እምነ፡ ምድር፡ ዘእንበለ፡ ፲ወ፭ በእመት፡ ማእከሌሁ፡ ወማእከለ፡ ምድር፡ ርኂብ፡ ወስፉሕ፡ ዘኢይትለከፍ። ይቤ፡ ወኮኑ፡ ይሴሰዩ፡ እምፍሬ፡ ዕፀው፡ ዘውስተ፡ ደብር፡ ቅዱስ። ወቃየን፡ ወዘርኡ፡ ይሴሰዩ፡ እምፍሬሃ፡ ለምድር፡ ኢንተ፡ ይዘርእዋ። ወሐይወ፡ ሴት፡ ፪፻ ወ፭ ዓመተ፡ ወወልዶ፡ ለሄኖስ፡ ወውእቱኬ፡ በዓመት፡ ፬፻፵ ወ፭ እምጥንተ፡ ዓለም። ወሐይወ፡ እምድኅረዝ፡ ፯፻ወ፯ ዓመተ፡ ወወለደ፡ ውሉደ፡ ብዙኃ፡ ወበዝኁ፡ ዘርኡ። ወይቤ፡ ጠቢብ፡ ቀሪጦን፡ እስመ፡ ሴት፡ ቀዲሙ፡ ዘከሠተ፡ ኆኅያተ፡ ጽሕፈት፡ ወአዖቀ፡ ልሳነ፡ ዕብራዊ። ወቦ፡ ዘይቤ፡ እመጻሕፍተ፡ ታሪክ፡ ከመ፡ ለአዳም፡ ወውሉዱ፡ ኮነ፡ ልሳኖሙ፡ ሶርያዊ፡ እስከ፡ ጊዜ፡ ዝርወተ፡ ልሳናት። ወሶበ፡ ቀርበ፡ ዕለተ፡ ሞቱ፡ ለሴት፡ አስተጋብኦሙ፡ ኀቤሁ፡ ለሄኖስ፡ ወለቃይናን፡ ወለመለልኤል፡ ወያሬድ፡ ወሄኖኅ፡ ወውሉዶሙ፡ ወአንስቲያሆሙ፡ ወኵሎ፡ ሰብኦሙ፡ ወባረከ፡ ላዕሌሆሙ፡ ወአዘዞሙ፡ ከመ፡ ያምልክዎ፡ ለእግዚአብሔር፡ ወኢይረድ፡ መኑሂ፡ እምኔሆሙ፡ እምደብር፡ ወኢይደመሩ፡ ምስለ፡ ዘርአ፡ ቃየል፡ ቀታሊ፡ ወረስዮ፡ ለወልዱ፡ ሄኖስ፡ ህየንቴሁ፡ እምድኅሬሁ፡ ላዕለ፡ ውሉዱ። ወሞተ፡ በ፱፻ ወ፲ወ፪ዓመት፡ በዕለተ፡ ሠሉስ፡ አመ፡ ፳ወ፬ለወርኃ፡ አብ፡ ዘውእቱ፡ ነኀሴ፡ በዓመት፡ ፲ወ፩፻፵ ወ፪እምጥንተ፡ ዓለም። ወገነዝዎ፡ ውሉዱ፡ ወቀበርዎ፡ ውስተ፡ በዓተ፡ መዛግብት፡ ውስተ፡ ርእሰ፡ ደብር፡ ቅዱስ፡ ወላሐዉ፡ ላዕሌሁ፡ ፵ መዓልተ።

3rd Generation: Enosh ሣልስ፡ እምአዳም፡ ሰላመ፡ እግዚአብሔር፡ ላዕሌሁ፡ ሄኖስ፡ መገበ፡ ሕዝቦ፡ ወመርሖሙ፡ ፍኖተ፡ ጽድቅ፡ ወፈሪሃ፡ እግዚአብሔር። ወሐይወ፡ ፻ወ፺ ዓመተ፡ ወወለዶ፡ ለቃይናን፡ ወውእቱኬ፡ በዓመት፡ ፯፻፳ ወ፭እምጥንተ፡ ዓለም። ወሐይወ፡ እምድኅረዝ፡ ፯፻፲ ወ፭ ዓመተ፡ ወወለደ፡ ውሉደ፡ ብዙኃ፡ ወበዝኁ፡ ዘርኡ። ወበ፫፻ ዓመት፡ እመዋዕሊሁ፡ ተቀትለ፡ ቃየን፡ እኅወ፡ አቡሁ። ወውእቱኬ፡ እስመ፡ ላሜክ፡ ዘእምዘርኡ፡ ለቃየን፡ ኮነ፡ ዕውረ፡ ወወፅአ፡ ውስተ፡ ገዳም። ወ፩ ወሬዛ፡ እምውሉዱ፡ ይመርሖ፡ ወሀሎ፡ ቃየን፡ ውስተ፡ ገዳም፡ ወሰምዓ፡ ላሜክ፡ ድምፀ፡ በውስተ፡ ገዳም፡ ወመሰሎ፡ ከመ፡ ውእቱ፡ አንበሳ፡ እምአናብስት፡ ወወገረ፡ በዕብን፡ ወወድቀ፡ ላዕለ፡ ቃየን፡ ወቀተሎ፡ በስሕተት። ወይቤሎ፡ ወሬዛ፡ ዘይመርሖ፡ ምንተ፡ ገብረ፡ ናሁ፡ ቀተልከ፡ ለቃየል። ወኀዘነ፡ ላሜኅ፡ ወጠፍሐ፡ ክልኤሆን፡ እደዊሁ፡ በበይናቲሆን፡ በከመ፡ ልማድ፡ ዘይኔስሕ፡ ወሀሉ፡ ውእቱ፡ ወሬዛ፡ ቅድሜሁ፡ ወበጽሐ፡ እዴሁ፡ ዲበ፡ ርእሰ፡ ወሬዛ፡ ወቀተሎ፡ ዘእንበለ፡ ፈቃዱ። ወመጽአ፡ ላሜክ፡ ኀበ፡ አንስቲያሁ፡ ሐዳ፡ ወሴላ፡ ወይቤሎን፡ ስምዓኒ፡ ቃልየ፡ ለእመ፡ ኮነ፡ ዘቀተሎ፡ ለቃየን፡ ይትፈደይ፡ እምኔሁ፡ ፯ በቀለ፡ ወለላሜክሰ፡ ፸ በበስብዕ፡ እትፈደይ፡ እምኔሁ፡ በእንተ፡ ዘቀተለ፡ ብእሴ፡ በውግረተ፡ ዕብን፡ ወወሬዛ፡ በጠፊሃ፡ እድ። ወሞተ፡ ቃየን፡ በ፯፻ ወ፵ ዓመተ፡ ሕይወቱ። ወበእማንቱ፡ መዋዕል፡ ሀለወት፡ ኑሒም፡ እኅቶሙ፡ ለቶቤል፡ ወዮቤል። ወቶቤልሰ፡ እምዘርአ፡ ቃየን፡ ወኖሒምሰ፡ ኮነት፡ ትሤኒ፡ ፈድፋደ፡ እምኵሎን፡ አንስት፡ ወላሕይት፡ ጥቀ። ወይእቲ፡ ቀዲሙ፡ ዘከሠተት፡ ሜላተ፡ ወኅብራተ፡ ዘዘዚአሁ፡ ወእኁሁሰ፡ ዮቤድ፡ የአምር፡ ማኅሌተ፡ ወመሰንቆ፡ ወኵሎ፡ አውታራተ፡ ወውእቱ፡ ቀዳሚ፡ ዘአርአየ፡ ዘንተ። ወተብህለ፡ እስመ፡ አራዊት፡ ወአዕዋፍ፡ ኮኑ፡ ይትጋብኡ፡ ኀቤሁ፡ ከመ፡ ይስምዑ፡ ቃሎ፡ ወኢይትሐሶሙ፡ በበይናቲሆሙ፡ በእንተ፡ ጥዑም፡ ዜማሁ። ወአፈድፈዱ፡ ውሉደ፡ ቃየን፡ ተውኔተ፡ ወፍግዐ፡ ወአፍቀሩ፡ ጽጋበ፡ ወዘፊነ፡ ወኢያጸርዑ፡ መዓልተ፡ ወሌሊተ፡ ወኮኑ፡ ውሉደ፡ ሴት፡ መለዕልተ፡ ደብር፡ ቅዱስ፡ ይኔጽሩ፡ ኀቤሆሙ፡ ወይሰምዑ፡ ቃሎሙ፡ ወአጽነኑ፡ ልቦሙ፡ ኀበ፡ ምግባረ፡ እሎንቱ፡ ወሞኦሙ፡ ፍትወት። ወቦ፡ እምኔሆሙ፡ ወረዱ፡ ኀበ፡ ውሉደ፡ ቃየን፡ ወተደመሩ፡ ምስሌሆሙ፡ ወኮነ፡ ምክንያተ፡ ዝንቱ፡ ኢዮቤል፡ ወእኅቱ፡ ኑኄም፡ ወተከሉ፡ ደብተራ፡ ወኃደሩ፡ ውስቴታ። ወሶበ፡ ቀርበ፡ ሞቱ፡ ለሄኖስ፡ አስተጋብአ፡ ኀቤሁ፡ ኵሎ፡ አበወ፡ ውሉደ፡ ወውሉዶሙ፡ ከመ፡ ይትባረኩ፡ እምኔሁ፡ ባረኮሙ፡ ወአዘዞሙ፡ በንጽሕ፡ ወይቤሎሙ፡ ተዓቀቡ፡ እምተድምርተ፡ ዘርአ፡ ቃየን፡ ቀታሊ። ወረሰዮ፡ ለቃይናን፡ ወልዱ፡ ህየንቴሁ፡ ላዕሌሆሙ፡ ወሞተ፡ በ፱፻፹ወ፭ ዓመት፡ በዕለተ፡ ቀዳም፡ አመ፡ ፭ ለወርኃ፡ ታስሪን፡ ዘውእቱ፡ ወርኃ፡ ጥቅምት፡ በዓመት፡ ፲፻ወ፫፻፵ እምጥንተ፡ ዓለም፡ ወተቀብረ፡ ውስተ፡ በዓተ፡ መዛግብት፡ ውስተ፡ ደብር፡ ቅዱስ፡ ወላሐዉ፡ወሀለዉ፡ ላዕሌሁ፡ ፵ መዓልተ።

4th Generation: Kenan ራብዕ፡ እምአዳም፡ ቃይናን፡ ወልደ፡ ሄኖስ፡ መገበ፡ ሕዝቦ፡ ወመሀሮሙ፡ ከመ፡ ይሑሩ፡ በሠናይ፡ ወወለዶ፡ ለመላልኤል፡ በ፻ወ፸ ዓመት፡ እመዋዕሊሁ፡ ወውእቱኬ፡ በ፯፻፺ወ፭ ዓመት፡ ለመዋዕለ፡ ዓለም፡ ወሐይወ፡ እምድኅረ፡ ውእቱ፡ ፯፻ ወ፵ ዓመተ፡ ወወለደ፡ ውሉደ፡ ብዙኃ፡ ወበዝኁ፡ ዘርኡ፡ ወሶበ፡ ቀርበ፡ ዕለተ፡ ሞቱ፡ ጸውዖሙ፡ ለውሉዱ፡ ወለውሉዶሙ፡ ወአኃዊሁ፡ ወእኅወ፡ አቡሁ፡ ወአንስቲያሆሙ፡ ደኃሮሙ፡ ወባረኮሙ፡ ወአዘዞሙ፡ ከመ፡ የሀልዉ፡ በንጽሕ፡ ኢይሪዱ፡ እምደብር፡ ወኢይደመሩ፡ ምስለ፡ ዘርአ፡ ቃየል፡ ቀታሊ። ወአዘዞ፡ ለመላልኤል፡ ወልዱ፡ ዘይልህቅ፡ ከመ፡ ይኩን፡ ህየንቴሁ፡ ላዕሌሆሙ፡ ወሞተ፡ በዕለተ፡ ረቡዕ፡ አመ፡ ፲ወ፫ ለወርኃ፡ ሐዜን፡ ዘውእቱ፡ ወርኃ፡ ሰኔ፡ በዓመት፡ ፲፻ ወ፭፻፵ወ፭ እምፍጥረተ፡ ዓለም። ወሐይወ፡ ፱፻ወ፲ ዓመተ፡ ወገነዝዎ፡ ወቀበርዎ፡ ውስተ፡ በዓተ፡ መዛግብት፡ ወላሐዉ፡ ሳዕሌሁ፡ በከመ፡ ልማድ።

5th Generation: Mahalalel ኃምስ፡ እምአዳም፡ መላልኤል፡ ወልደ፡ ቃይናን፡ መገቦሙ፡ ለሕዝቡ፡ ወመሀሮሙ፡ ፍኖተ፡ ጽድቅ፡ ወንጽሕ። ወወልዶ፡ ለያሬድ፡ በዓመት፡ ፻፹ወ፭ እመዋዕሊሁ፡ ወውእቱኬ፡ በዓመት፡ ፻፹ወ፭ እምፍጥረተ፡ ዓለም። ወሐይወ፡ እምድኅረዝ፡ ፯፻ወ፵ ዓመተ፡ ወወለደ፡ ውሉደ፡ ብዙኃ፡ ወበዝኁ፡ ዘርኡ። በ፻፵ወ፭ ዓመት፡ እመዋዕሊሁ፡ ሞተ፡ አዳም፡ ሰላመ፡ እግዚአብሔር፡ ላዕሌሁ። ወሶበ፡ ቀርበ፡ ሞቱ፡ ለመላልኤል፡ ጸውዖሙ፡ ለውሉዱ፡ ወለውሉዶሙ፡ ወባረከ፡ ላዕሌሆሙ፡ ወረሰዮ፡ ለያሬድ፡ ወልዱ፡ ዘይልህቅ፡ ህየንቴሁ፡ ላዕሌሆሙ፡ ወሞተ፡ በዕለተ፡ ሰንበት፡ አመ፡ ፪ ለወርኃ፡ ኔሳን፡ ዘውእቱ፡ ምያዝያ፡ በዓመት፡ ፲፻ወ፯፻ወ፺ ለፍጥረተ፡ ዓለም፡ ወኮነ፡ ኵሉ፡ መዋዕሊሁ፡ ፰፻ወ፺ወ፭ ዓመት። ወቀበርዎ፡ ውስተ፡ በዓተ፡ መዛግብት፡ ወላሐዉ፡ ላዕሌሁ፡ በከመ፡ ልማድ።

6th Generation: Jared ሳድስ፡ሣልስ፡ እምአዳም፡ ያሬድ፡ያሮድ፡ ወልደ፡ መላልኤል፡ መገቦሙ፡ ለሕዝቡ፡ ወመሀሮሙ፡ ሑረተ፡ ሠናየ፡ ወወለዶ፡ ለሄኖኅ፡ እንዘ፡ መዋዕሊሁ፡ ፻፹ወ፪ ዓመት፡ ውእቱኬ፡ በ፲ወ፩፲፳ወ፪ ዓመት፡ እምፍጥረተ፡ ዓለም። ወሐይወ፡ እምድኅረዝ፡ ፰፻ ዓመተ፡ ወበመዋዕሊሁ፡ በዝኃ፡ ውውዓሆሙ፡ ለደቂቀ፡ ቃየን፡ ወአግኃዱ፡ ርኵስና፡ ወዓርገ፡ ውውዓሆሙ፡ ውስተ፡ ደብር። ወሰሚዖሙ፡ ደቂቀ፡ ሴት፡ ተጋብኡ፡ በበይናቲሆሙ፡ እምኔሆሙ፡ ፻ ብእሲ፡ ከመ፡ ይረዱ፡ እምደብር፡ ኀበ፡ ወልደ፡ ቃየን፡ ወከልኦሙ፡ ወአማኅፀኖሙ፡ ወኢሰምዑ፡ ወወረዱ፡ ወተደመሩ፡ ምስለ፡ አዋልደ፡ ቃየን፡ ወርእይዎን፡ ሠናያተ፡ ላህይ፡ ጥቀ። ወካዕበ፡ ርእይዎን፡ አዋልደ፡ ቃየን፡ ከመ፡ ሠናያን፡ ወጽኑዓን፡ እሙንቱ፡ ተደመሩ፡ ምስሌሆሙ፡ ወአርኰሱ፡ ሥጋሆሙ፡ ምስሌሆሙ፡ በዝሙቶሙ፡ ወወለዱ፡ ረአይተ፡ እምነ፡ ደቂቀ፡ ሴት። ወሶበ፡ ቀርበ፡ ሞቱ፡ ለያሬድ፡ ጸውዖሙ፡ ለሄኖኅ፡ ወማቱሳላ፡ ወላሜክ፡ ወኖኅ፡ ወውሉዶሙ፡ ወይቤሎ፡ አእመርክሙኑ፡ ዘገብሩ፡ ውሉድክሙ፡ እስመ፡ እሙንቱ፡ ተዐደዉ፡ ትእዛዘ፡ አበው፡ ወወረዱ፡ እምደብር፡ ወተደመሩ፡ ኀበ፡ ውሉደ፡ ቃየን፡ ወረኵሱ፡ ቦን። አንትሙኬ፡ ዕቀቡ፡ ንጽሕናክሙ፡ ወኢትረዱ፡ እምደብር፡ ቅዱስ፡ ወባረኮሙ፡ ወረሰየ፡ ላዕሌሆሙ፡ ህየንቴሁ፡ ሄናኅሃ፡ ወልዶ፡ ዘይልህቅ፡ ወሞተ፡ በዕለተ፡ ዐርብ፡ አመ፡ ፲ወ፪ ለወርኃ፡ ዐዳር፡ ዘውእቱ፡ ወርኃ፡ መጋቢት፡ በዓመት፡ ፲፻ወ፱፻፳ ወ፪ ለፍጥረተ፡ ዓለም። ወኮነ፡ ኵሉ፡ መዋዕሊሁ፡ ፱፻፷፰ወ፪ ዓመተ፡ ውእቱኬ፡ በ፪፻፷፰ወ፯ ዓመት፡ እመዋዕለ፡ ኖኅ፡ ወቀበርዎ፡ ውስተ፡ በዓተ፡ መዛግብት፡ ወላሐዉ፡ ላዕሌሁ፡ በከመ፡ ልማድ።

7th Generation: Enoch Indicated as ሄኖኅ፡ or ሄኖስ፡, but not as ሄኖክ፡. ሳብዕ፡ እምአዳም፡ ሄኖኅ፡ሄኖስ፡ ወልደ፡ ያሬድ፡ያሮድ፡ ኮነ፡ ጻድቀ፡ ወንጹሐ፡ ወተጋደለ፡ ቅድመ፡ እግዚአብሔር፡ ገድለ፡ ሠናየ፡ ፈድፋደ፡ ወወለዶ፡ ለማቱሳላ፡ እንዘ፡ መዋዕሊሁ፡ ፻፷ወ፭ ዓመት፡ ወውእቱኬ፡ በዓመት፡ ፲፻ወ፪፻፹ወ፯ ለፍጥረተ፡ ዓለም። ወነበረ፡ እምድኅረዝ፡ ዲበ፡ ምድር፡ እንዘ፡ ይትቀነይ፡ ለእግዚአብሔር፡ በኵሉ፡ ንጽሕ፡ ፪፻ ዓመተ፡ ወኮነ፡ ይስእሎ፡ ለእግዚአብሔር፡ ከመ፡ ያፍልሶ፡ ውስተ፡ ገነት፡ ዘሀሎ፡ ውስቴቱ፡ አዳም። ወተወክፈ፡ እግዚአብሔር፡ ስእለቶ፡ እምኔሁ፡ ወአዕረጎ፡ ውስተ፡ ገነት፡ እንዘ፡ ሕያው፡ ውእቱ፡ ወመዋዕሊሁ፡ ፫፻፷ወ፭ ዓመት፡ በ፲፻ወ፬፻፹ወ፯ ዓመተ፡ ዓለም። ወይቤ፡ ታቦር፡ ጠቢብ፡ ግብጻዊ፡ በውስተ፡ መጽሐፉ፡ እስመ፡ ሄኖክ፡ ዘዓርገ፡ ውስተ፡ ሰማይ፡ ሰፈሮ፡ ለፋሌክ፡ ክቡብ። ወነጸረ፡ መሳክወ፡ ወዘውስቴቱ፡ ወከዋክብትኒ፡ እለ፡ ኢይትሐወኩ፡ ወእለ፡ ይረውጹ፡ ወአምሳላተ፡ ዘዘዚአሁ፡ ወኵሎ፡ አጽናፈ፡ ወመልክዐ፡ በበገጹ፡ ወባዕደኒ፡ ምሥጢራተ፡ አእምሮ፡ ከዋክብት። ወእምዝ፡ ሖረ፡ አድሪስ፡ ነቢይ፡ ኀበ፡ ሄኖክ፡ ወውእቱ፡ አውረደ፡ ላዕሌሁ፡ መጽሐፈ፡ ሕግ፡ ዘዕውቅ፡ ኪያሁ፡ ወአእመረ፡ አእምሮ፡ ዘኆፃ፡ ወአእምሮ፡ ከዋክብት። ይቤ። ወእምድኅረ፡ ዐርገ፡ ሄኖክ፡ ውስተ፡ ሰማይ፡ ተቀንዩ፡ ደቂቀ፡ ሴት፡ ወደቂቀ፡ ቃየን፡ ወተለዉ፡ አማልክተ፡ ባዕድ፡ ወኵሉ፡ በከመ፡ አደሞ፡ ልቡ፡ ይገብር፡ ወተሰጥሙ፡ ውስተ፡ ሙስና፡ ወተጋሀዱ፡ በርኵስና፡በርኵስና፡ ወተጋሀዱ፡ ወእኪት።

8th Generation: Methuselah ሳምን፡ እምአዳም፡ ማቱሳላ፡ ወልደ፡ ሄኖክ፡ መገቦሙ፡ ለሕዝቡ፡ ምግበተ፡ ሠናየ፡ ወወለዶ፡ ለላሜሕ፡ እንዘ፡ መዋዕሊሁ፡ ፻፹ወ፯ ዓመተ፡ ወውእቱኬ፡ በዓመት፡ ፲፻ወ፬፻፸ወ፩ ለፍጥረተ፡ ዓለም፡ ወሐይወ፡ እምድኅረዝ፡ ፯፻፹ወ፪ ዓመተ፡ ወወለደ፡ ውሉደ፡ ብዙኀ። ወሶበ፡ ቀርበ፡ ሞቱ፡ ተጋብኡ፡ ኀቤሁ፡ ላሜሕ፡ ወአኃዊሁ፡ ወውሉዱ፡ ወኖኅ፡ ወልደ፡ ላሜሕ፡ ወውሉዱ፡ ሴም፡ ወካም፡ ወያፌት፡ ወባረከ፡ ላዕሌሆሙ፡ ወሞተ፡ በዕለተ፡ ዐርብ፡ አመ፡ ፳ወ፩ ለወርኀ፡ አይሉል፡ ዝውእቱ፡ ወርኀ፡ መስከረም፡ እንዘ፡ መዋዕሊሁ፡ ፱፻፷ወ፱ ዓመት። ወውእቱኬ፡ውእቱኬ፡ ለፍጸሜ፡ ፳፻ወ፪፻፶ወ፯ ፳፻ወ፪፶ወ፯፡ ዓመት፡ ለፍጥረተ፡ ዓለም። ወእመዋዕሊሁ፡ ለኖኅ፡ በ፯፻ ዓመት፡ ወገነዝዎ፡ ወቀበርዎ፡ ወላሐዉ፡ ላዕሌሁ፡ በከመ፡ ልማድ።

9th Generation: Lamech ታስዕ፡ እምአዳም፡ ላሜሕ፡ ወልደ፡ ማቱሳላ፡ ወለዶ፡ ለኖኅ፡ እንዘ፡ መዋዕሊሁ፡ ፻ወ፹ወ፪ ዓመት፡ ወውእቱኬ፡ ለፍጻሜ፡ ፲፻ወ፯፻፶ወ፯ ዓመት፡ ለፍጥረተ፡ ዓለም። ወሐይወ፡ እምድኅረዝ፡ ፻፻፺ወ፻ ዓመተ፡ ወወለደ፡ ውሉደ፡ ብዙኃ። ወሶበ፡ ቀርበ፡ ሞቱ፡ ጸውዖ፡ ለወልዱ፡ ኖኅ፡ ዘይልህቅ፡ ባረከ፡ ላዕሌሁ፡ ወአዘዞ፡ ከመ፡ ይግበር፡ ጽድቀ፡ ቅድመ፡ እግዚአብሔር፡ ወይቤሎ፡ ሶበ፡ ትወርድ፡ እምዝንቱ፡ ደብር፡ ንሣእ፡ ምስሌከ፡ ሥጋሁ፡ ለአቡነ፡ አዳም፡ ወአዝዞሙ፡ ለውሉድከ፡ ከመ፡ ይቅብርዎ፡ ውስተ፡ ውስተ፡ማእከለ፡ ምድር፡ ወይሥርዑ፡ ብእሴ፡ ኄረ፡ እምኔሆሙ፡ ወይንበር፡ ኅበ፡ መቃብሪሁ፡ ለመልእክቱ። ወሞተ፡ በዕለተ፡ዕለተ፡ ሐሙስ፡ አመ፡ ፳ወ፩ ለወርኃ፡ አይሉል፡ ዘውእቱ፡ዝውእቱ፡ ወርኃ፡ መስከረም፡ በዓመት፡ ፳፻ወ፪፻፶ወ፩ ለፍጥረተ፡ ዓለም። እንዘ፡ መዋዕሊሁ፡ ፯፻ወ፸ወ፯ ዓመት፡ ወውእቱኬ፡ ለፍጻሜ፡ ፭፻፺ወ፭ ዓመት፡ እመዋዕሊሁ፡ ለኖኅ፡ ወልዱ። ወገነዝዎ፡ ወቀበርዎ፡ ውስተ፡ በዓተ፡ መዛግብት፡ ወላሐዉ፡ ላዕሌሁ፡ በከመ፡ ልማድ።

10th Generation: Noah ዐሥር፡ እምአዳም፡ ኖኅ፡ ወልደ፡ ላሜሕ፡ ኮነ፡ ብእሴ፡ ኄረ፡ ወንጹሐ፡ ወሖረ፡ በቅድመ፡ እግዚአብሔር፡ ሑረተ፡ ሠናየ፡ በኵሉ፡ ጽድቅ፡ ወንጽሕ፡ ወፈሪሃ፡ እግዚአብሔር። ፭፻ ዓመት፡ እመዋዕሊሁ፡ ወለዶ፡ ለሴም፡ ወልዱ፡ ዘይልሕቅ። ወእምድኅሬሁ፡ ለካም፡ ወእምድኅሬሁ፡ ለያፌት፡ ወእቱኬ፡ በፍጻሜ፡ ፳፻ወ፩፻፶ወ፯ ዓመት፡ ለፍጥረተ፡ ዓለም፡ ወኢተርፈ፡ ውስተ፡ ደብር፡ ዘእንበለ፡ ኖኅ፡ ወብእሲቱ፡ ወ፫ደቂቁ፡ ወአንስቲያሆሙ፡ ወኍልቆሙ፡ ፰ ነፍስ። ወወረዱ፡ ኵሎሙ፡ ውሱደ፡ አዳም፡ ውስተ፡ መትሕተ፡ ምድር፡ ወተደመሩ፡በአዋልደ፡ ቃየን፡ ወነበሩ፡ ወትረ፡ እንዘ፡ ይገብሩ፡ ኃጣውአ፡ ወአምለኩ፡ አማልክተ፡ ነኪራነ፡ ወረኵሰት፡ ምድር፡ ወመልአት፡ ዓመፃ። ወአስተርአዮ፡ እግዚአብሔር፡ ለኖኅ፡ ወይቤሎ፡ ናሁ፡ አነ፡ እይመስሶሙ፡ ለምድርኒ፡ ወለኵሎሙ፡ እለ፡ ዲቤሃ፡ እምሰብእ፡ ወእንስሳ፡ ወአራዊት፡ ወአዕዋፈ፡ ሰማይ። ወግበር፡ ለከ፡ ታቦተ፡ እምዕፀ፡ አብኖስ፡ ዘኢይነቅዝ፡ ወቅባዕ፡ እንተ፡ ውስጣ፡ ወእንተ፡ አፍአሃ፡ ፒሳ፡ ወግበሮ፡ ፫ ጽርኃ፡ ወናሁ፡ አነ፡ አመጽእ፡ አይኅ፡ ዲበ፡ ምድር፡ ወእደመስስ፡ ኵሎ፡ ዘሥጋ፡ ዘቦ፡ መንፈሰ፡ ሕይወት፡ እምታሕተ፡ ሰማይ፡ ወአቀውም፡ ኪዳንየ፡ ምስሌከ፡ ወትባውእ፡ ውስተ፡ ታቦት፡ አንተ፡ ወብእሲትከ፡ ወደቂቅከ፡ ወአንስቲያ፡ ደቂቅከ፡ ምስሌከ፡ ወእምነ፡ እንስሳ፡ ዘይትሐወስ፡ ወአዕዋፍ፡ ወእምነ፡ ኵሉ፡ ንጹሕ፡ ፯ተባዕተ፡ ወአንስተ፡ ወዘኢኮነ፡ ንጹሐ፡ ፪ተ፡ ፪ተ፡ ተባዕተ፡ ወአንስተ፡ ከመ፡ ይኩን፡ እምኔሆሙ፡ ዘርእ፡ ዲበ፡ ምድር፡ ወአስተዳሉ፡ ለከ፡ ወሎሙ፡ መብልአ፡ ዘሴሰዩ። ወገብረ፡ ኖኅ፡ ኵሎ፡ ዘአዘዞ፡ እግዚአብሔር፡ ወነበረ፡ ኖኅ፡ እንዘ፡ ይገብር፡ ታቦተ፡ ፻ ዓመተ፡ ወውእቱ፡ ይሰብክ፡ ለሰብእ፡ ከመ፡ ይትመየጡ፡ እምኃጢአቶሙ። ወእሙንቱሰ፡ ነበሩ፡ በዓመፃሆሙ፡ ወኢተመይጡ፡ እምጌጋዮሙ። ወቦአ፡ ኖኅ፡ ወውሉዱ፡ ወአንስቲያሆሙ፡ ወኵሉ፡ ዘአዘዘ፡ እግዚአብሔር፡ ቦኡ፡ ውስተ፡ ታቦት፡ በዕለተ፡ ዐርብ፡ አመ፡ ፳ወ፯ ለወርኃ፡ አዳር፡ ዘውእቱ፡ ወርኃ፡ መጋቢት፡ በዓመት፡ ፳፻ወ፪፻፶ወ፯ ለፍጥረተ፡ ዓለም። ወሶበ፡ ኮነ፡ መዋዕሊሁ፡ ለኖኅ፡ ፯፻ ዓመተ፡ ፈነወ፡ እግዚአብሔር፡ ማየ፡ አይኅ፡ ዲበ፡ ምድር፡ ወተሠጠ፡ አንቅዕተ፡ ማያት፡ ወተርኅወ፡ አስራበ፡ ሰማይ፡ ወኮነ፡ ዝናም፡ ዲበ፡ ምድር፡ ፵ መዓልተ፡ ወ፵ ሌሊተ፡ ወበዝኃ፡ ማይ፡ ወጾሮ፡ ለታቦት፡ ወተለዓለ፡ መልዕልተ፡ አድባር፡ ፲ወ፭ እመተ፡ ወሞተ፡ ኵሉ፡ ዘቦ፡ ነፍሰ፡ ሕይወት፡ እምላዕለ፡ ገጸ፡ ምድር፡ ወተርፈ፡ ኖኅ፡ ወእለ፡ ምስሌሁ፡ ውስተ፡ ታቦት። ወኢሰሰለ፡ ማይ፡ እንዘ፡ ይትሌዓል፡ ፻ወ፶ ዕለት። ወተዘከሮ፡ እግዚአብሔር፡ ለኖኅ፡ ወለእለሂ፡ ምስሌሁ፡ ውስተ፡ ታቦት፡ ወፈነወ፡ ውስተ፡ ምድር፡ ነፋሰ፡ ወነትገ፡ ማይ፡ ወሐፀ፡ እምላዕለ፡ ምድር። ወነበረ፡ ታቦት፡ አመ፡ ፳ወ፯ ለወርኃ፡ አይሉል፡ ሳብዕ፡ ዘውእቱ፡ መስከረም፡ ውስተ፡ አድባረ፡ አራራት፡ ወይእቲ፡ እምብሔረ፡ ፋርስ፡ እምአዕፃዳተ፡ ረቢዓ፡ ወስሙ፡ ለውእቱ፡ ደብር፡ ወሀቢ፡ ዘውእቱ፡ ሙሳል። ወአመ፡ ፩ ለወርኃ፡ ዐሥር፡ አስተርአዩ፡ አርእስተ፡ አድባር። ወእምድኅረ፡ ፵ ዕለት፡ አርኃወ፡ ኖኅ፡ ኆኅተ፡ ታቦት፡ ወፈነዎ፡ ለቋዕ፡ ወኢተመይጠ፡ ወፈነዋ፡ ለርግብ፡ እምድኅሬሁ፡ ከመ፡ ትርአይ፡ እመ፡ ነትገ፡ ማይ፡ ወኢረከበት፡ ኀበ፡ ታዓርፍ፡ እግራ፡ ወገብአት፡ ኀቤሁ። ወተዐጊሦ፡ ሰቡዓ፡ መዋዕለ፡ ካዕበ፡ ፈነዋ፡ ለርግብ፡ ወገብአት፡ ኀቤሁ፡ በፍና፡ ሰርክ፡ ወውስተ፡ አፋሃ፡ ቈጽለ፡ ዘይት፡ ለምለም። ወአእመረ፡ ኖኅ፡ ከመ፡ ነትገ፡ ማይ፡ እምነ፡ ምድር። ወተዓጊሦ፡ ካዕበ፡ ሰቡዐ፡ መዋዕለ፡ ፈነዋ፡ ለርግብ፡ ወኢገብአብአት፡ ኀቤሁ። ወአመ፡ ኮኑ፡ ፯፻ወ፩ ዓመተ፡ እምነ፡ ዓመተ፡ ሕይወቱ፡ ለኖኅ፡ አመ፡ ርእሰ፡ ሠርቅ፡ ካልእ፡ ወርኅ፡ ኀልቀ፡ ማይ፡ እምነ፡ ምድር። ወከሠተ፡ ኖኅ፡ ጠፈራ፡ ለታቦት፡ ወርእያ፡ ለማይ፡ ከመ፡ ኃልቀት፡ እምገጸ፡ ምድር። ወይቤሎ፡ እግዚአብሔር፡ ለኖኅ፡ ፃእ፡ አንተ፡ ወኵሉ፡ ዘሀሎ፡ ምስሌከ፡ እምነ፡ ታቦት። ወባረኮሙ፡ ወይቤሎሙ፡ ብዝኁ፡ ወተባዝኁ፡ ወምልእዋ፡ ለምድር፡ ወነደቀ፡ ኖኅ፡ ምሥዋዐ፡ ለእግዚአብሔር፡ ወነሥአ፡ እምነ፡ እንስሳ፡ ወኵሎ፡ ዘንጹሕ፡ አዕረገ፡ ቍርባነ፡ ዲበ፡ ምሥዋዑ። ወአፄነወ፡ እግዚአብሔር፡ ምሥዋዖ፡ ሠናየ፡ ወይቤ፡ እግዚአብሔር፡ ኢይኪን፡ እንከ፡ ዳግመ፡ አይኅ፡ ላዕለ፡ ምድር። ወረሰየ፡ ትእምርተ፡ ኪዳኖ፡ ቀስተ፡ በደመና፡ ወሐነፀ፡ ኖኅ፡ ወደቂቁ፡ በደብረ፡ አራራት፡ ሀገረ፡ ወሰመያ፡ ሳምኒን፡ በእንተ፡ ኍልቆሙ፡ ለ፰ ወእምድኅረዝ፡ አኀዘ፡ ኖኅ፡ ይትገበራ፡ ለምድር፡ ወተከለ፡ ወይነ፡ ወሰትየ፡ እምኔሁ፡ ወሰክረ፡ ወተከሥተ፡ ዕርቃኖ፡ ወርእዮ፡ ካም፡ አቡሆሙ፡ ለከነአን፡ እንዘ፡ ዕራቁ፡ ውእቱ፡ አቡሁ፡ ወሰሐቀ፡ ወወፅአ፡ ወነገሮሙ፡ ለአኃዊሁ፡ ለሴም፡ ወያፌት፤ ወአኃዊሁሰ፡ ነሥኡ፡ ክዳነ፡ ዲበ፡ ዘባናቲሆሙ፡ ወሖሩ፡ ድኅሪተ፡ ወከደኑ፡ ዕርቃነ፡ አቡሆሙ፡ ወገጾሙ፡ ድኅሬሆሙ፡ ወኢነጸሩ፡ ዕርቃኖ። ወሶበ፡ ጽሕወ፡ ኖኅ፡ እምወይኑ፡ አእመረ፡ ኵሎ፡ ዘኮነ፡ ወዘገብረ፡ ሎቱ፡ ወልዱ፡ ካም፡ ተምዕዓ፡ ወይቤ፡ ርጉመ፡ ይኩን፡ ከናአን፡ ወይቤ፡ ገብረ፡ ይኩን፡ ለአኃዊሁ። ወሐይወ፡ ኖኅ፡ እምድኅረ፡ አይኅ፡ ፪፻ወ፶ዓመተ። ወሶበ፡ ቀርበ፡ ዕለተ፡ ሞቱ፡ አማኅፀኖ፡ ለሴም፡ ወልዱ፡ ከመ፡ ያፍልስ፡ ሥጋሁ፡ ለአዳም፡ ወይቅብሮ፡ ማእከለ፡ ምድር፡ ወይሢሞ፡ ለመልክ፡ ጼዴቅ፡ ወልደ፡ ፋሌቅ፡ ኀበ፡ መቃብሩ፡ ከመ፡ ይትለአኮ፡ እስመ፡ ካህኑ፡ ለእግዚአብሔር፡ ውእቱ። ወሞተ፡ ኖኅ፡ እንዘ፡ መዋዕሊሁ፡ ፱፻ወ፶ ዓመት፡ ወሞተ፡ ውእቱ፡ በዕለተ፡ ረቡዕ፡ አመ፡ ፪ ለወርኃ፡ አዳር፡ ለፍጻሜ፡ ፳፻ወ፯፻ወ፷ወ፯ ዓመት። ወሞተ፡ በ፬፻ወ፶ ዓመት፡ እመዋዕሊሁ፡ ለሴም፡ ወልዱ፡ ወገነዝዎ፡ ወቀበርዎ፡ ወላሐዉ፡ ላዕሌሁ፡ በከመ፡ ልማድ።

11th Generation: Shem ፲ወ፩ እምአዳም፡ ሴም፡ ወልደ፡ወልዱ፡ ኖኅ፡ ወለዶ፡ ለአርፋክስድ።ለአርፋክደድ፡ እምድኅረ፡ አይኅ፡ እንዘ፡ መዋዕሊሁ፡ ፻፷ወ፯ ዓመት፡ ወእምድኅረዝ፡ ሐይወ፡ ፭፻ ዓመተ። ወኮነ፡ ኵሉ፡ መዋዕሊሁ፡ ፯፻፷ወ፯ ዓመት። ይቤ፡ ተዘከረ፡ ሴም፡ ትእዛዘ፡ አቡሁ፡ ሥጋሁ፡ ለአዳም፡ ወአብጽሖ፡ ለመልከ፡ ጼዴቅ፡ ወልደ፡ ፋሌቅ። ወኮነ፡ ኄር፡ ወተጋዳሌ፡ ይቤሎ፡ እስመ፡ ኖኅ፡ አማኅፀነነ፡ ከመ፡ ንንሣእ፡ ሥጋሁ፡ ለአዳም፡ ከመ፡ ንቅብሮ፡ ውስተ፡ ማእከለ፡ ምድር፡ ንሑር፡ አንተ፡ ወአነ፡ ንቅብሮ። ወሖሩ፡ ሴም፡ ወመልከ፡ ጼዴቅ፡ ምስሌሆሙ፡ ሥጋሁ፡ ለአዳም። ወአስተርአዮሙ፡ መልአከ፡ እግዚአብሔር፡ እንዘ፡ የሐውር፡ በቅድሜሆሙ፡ እስከ፡ በጽሑ፡ መካነ፡ ጎልጎታ፡ ወቀበርዎ፡ ህየ፡ ኀበ፡ አዘዞሙ፡ መልአከ፡ እግዚአብሔር። ወይቤሉ፡ ሴም፡ ለመልከ፡ ጼዴቅ፡ ንበር፡ ኀቤሁ፡ ከመ፡ ትትለአኮ፡ በከመ፡ አማኅፀነነ፡ አቡነ። ወተወክፈ፡ መልከ፡ ጼዴቅ፡ ትእዛዞ፡ ወነበረ፡ መልከ፡ ጼዴቅ፡ ካህኑ፡ ለእግዚአብሔር፡ ልዑል፡ ኀበ፡ ሥጋሁ፡ ለአዳም፡ ከመ፡ ይትለአክ፡ ኀቤሁ። ወተመይጠ፡ ሴም፡ ወእለ፡ ምስሌሁ፡ ወዜነዉ፡ ከመ፡ መልከ፡ ጼዴቅ፡ ተኃጥአ፡ በውስተ፡ ፍኖት፡ ወኀዘኑ፡ በእንቲአሁ። ወሞተ፡ ሴም፡ በወርኃ፡ አይሉል፡ በዕለተ፡ ዐርብ፡ ዘውእቱ፡ ወርኃ፡ መስከረም፡ ለፍጻሜ፡ ፳፻ወ፯፻ወ፶ወ፰ ለፍጥረተ፡ ዓለም፡ ወገነዝዎ፡ ወቀበርዎ፡ ወላሐዉ፡ ላዕሌሁ፡ በከመ፡ ልማድ። ወትርጓሜሁሰ፡ ለጎልጎታ፡ ይቤ፡ ካልእ፡ መጽሐፍ፡ እስመ፡ መካን፡ ዘተቀብረ፡ ውስቴቱ፡ አዳም፡ ስሙ፡ ጎልጎታ፡ ወተሰምየ፡ እምድኅረ፡ ተቀብረ፡ ውስቴቱ፡ ቀራንዮ፡ እስመ፡ ቦቱ፡ ተቀብረት፡ተቀብረ፡ ርእሱ፡ ለአዳም፡ ምስለ፡ ሥጋሁ። ሰላመ፡ እግዚአብሔር፡ ላዕሌሁ።

12th Generation: Arpachshad ፲ወ፪ እምአዳም፡ አርፋክስድ፡ ወልደ፡ ሴም፡ ሐይወ፡ ፻፴ወ፭ ዓመተ፡ ወወለዶ፡ ለቃይናን። ወውእቱኬ፡ በዓመት፡ ፳፻ወ፫፻፺ወ፫ ለፍጥረተ፡ ዓለም። ወሐይወ፡ እምድኅረዝ፡ ፫፻ወ፫ ዓመተ። ወኵሉ፡ መዋዕሊሁ፡ ፬፻፴ወ፰ ዓመተ፡ ወሞተ፡ በወርኃ፡ ኔሳን፡ ዘውእቱ፡ በወርኃ፡ወርኃ፡ ሚያዝያ፡ በዓመት፡ ፳፻ወ፯፻ወ፺ ለፍጥረተ፡ ዓለም።

13th Generation: Kenan the second ፲ወ፫ እምአዳም፡ ቃይናን፡ ወልደ፡ አርፋክስድ፡ ወውእቱ፡ ቃይናን፡ ዳግማይ፡ ወለዶ፡ ለሳላ፡ እንዘ፡ መዋዕሊሁ፡ ፻ወ፴ ዓመት። ወውእቱኬ፡ በዓመት፡ ፳፻ወ፭፻፳ወ፫ ለፍጥረተ፡ ዓለም። ወሐይወ፡ እምድኅረዝ፡ ፬፻ወ፴ ዓመተ፡ ወሞተ፡ በወርኃ፡ አብ፡ ዘውእቱ፡ ወርኃ፡ ነሐሴ፡ እንዘ፡ መዋዕሊሁ፡ ፭፻ወ፱፻፶ወ፫ ዓመት፡ ለፍጥረተ፡ ዓለም፤ ወለዝንቱ፡ ቃይናን፡ ዳግማይ፡ ደምሰስዎ፡ አይሁድ፡ እምሐሳቦሙ፡ በከመ፡ ደምሰሱ፡ ካዕበ፡ እምልደተ፡ አበው፡ ዘይዌስክ፡ እም፲ወ፭፻ ዓመት። ወውእቱኬ፡ ሶበ፡ ኃብሩ፡ ከመ፡ ይቅትልዎ፡ ለክርስቶስ፡ ወይቤሉ፡ እስመ፡ ዝንቱ፡ አኮ፡ ውእቱ፡ ክርስቶስ፡ ዘተናገሩ፡ ቦቱ፡ በአፈ፡ ነቢያት፡ ወአመክነዩ፡ በሱባዔያት፡ ኢተፈጸሙ፡ እስከ፡ ይእዜ። ይቤ፡ ጸሐፌ፡ ታሪክ፡ እስመ፡ ሱባዔያተ፡ ዳንኤል፡ ተፈጸሙ፡ በጊዜ፡ ምጽአቱ፡ ሰእግዚእነ፡ ኢየሱስ፡ ክርስቶስ፡ ወመጻሕፍትኒ፡ ኮኑ፡ ስምዓ፡ በውእቱ። ወኦሪትኒ፡ እንተ፡ ተርጐምዋ፡ ሰብዓ፡ አእሩግ፡ ለበጥሊሞስ፡ ንጉሠ፡ ግብጽ፡ ኮነት፡ ስምዓ፡ በውእቱ፡ ወይእቲ፡ ርክብት፡ ውስተ፡ እደ፡ ክርስቲያን፡ እስከ፡ ይእዜ።

14th Generation: Shelah ፲ወ፬ እምአዳም፡ ሳላ፡ ወልደ፡ ቃይናን፡ ወሐይወ፡ ፻ወ፴ ዓመተ፡ ወወለዶ፡ ለእቤር፡ለዕቤር፡ ወውእቱኬ፡ በዓመት፡ ፳፻ወ፯፻፭ወ፫ ለፍጥረተ፡ ዓለም። ወሐይወ፡ እምድኅረዝ፡ ፫፻ወ፫ ዓመተ፡ ወኵሉ፡ መዋዕሊሁ፡ ፬፻፴ወ፫ ዓመት፡ ወሞተ፡ በወርኃ፡ አዳር፡ ዘውእቱ፡ መጋቢት፡ ለፍጻሜ፡ ፳፻፱፻፶ወ፯ ዓመት፡ ለፍጥረተ፡ ዓለም።

15th Generation: Eber

Life and language of Eber, dimensions of the tower of Babel ፲ወ፭ እምአዳም፡ አቤር፡ ወልደ፡ወልዶ፡ ሳላ፡ሶላ፡ ሐይወ፡ ፻፴ወ፬ ዓመተ፡ ወወለዶ፡ ለፋሌቅ፡ በዓመት፡ ፳፻ወ፯፻፹ወ፯ ለፍጥረተ፡ ዓለም። ወሐይወ፡ እምድኅረዝ፡ ፫፻፴ወ፯ ዓመተ፡ ወኵሉ፡ መዋዕሊሁ፡ ፬፻፷ወ፬ ዓመት። ወዝንቱ፡ እቤር፡ ውእቱ፡ አቡሆሙ፡ ለእብራውያን፡ ወተናገረ፡ ውእቱ፡ ወውሉዱ፡ በልሳነ፡ እብራውያን፡ ወዐረብሰ፡ ይሰምይዎ፡ ሁጅ። ወበመዋዕሊሁ፡ ለእቤር፡ ተማከሩ፡ ሰብእ፡ ከመ፡ ይሕንጹ፡ ማኅፈደ፡ ዘይበጽሕ፡ እስከ፡ ሰማይ። ወይቤሉ፡ ከመ፡ ይኩን፡ ለነ፡ ዝክረ፡ እምቅድመ፡ ንዘረው። ወነበረ፡ ፫ ዓመተ፡ እንዘ፡ ይገብሩ፡ ግንፋለ፡ ወያበስልዎ፡ በእሳት፡ ወኮነ፡ ኑኃ፡ ለአሐቲ፡ ግንፋል፡ ፲ወ፫ በእመት፡ ወግድማ፡ ፲በእመት፡ ወግዝፋ፡ ፭ በእመት። ወሐነጹ፡ ሀገረ፡ ኑኃ፡ ፫፻፲ወ፫ በእ፡ ወግድማ፡ ፻ወ፶ወ፩ በእ፡ ወነደቁ፡ ማኅፈደ፡ ዘኑኁ፡ ፶፻ወ፭፻፴ወ፫ በእ፡ ወግድማ፡ አረፍቱ፡ ፴ወ፫ በእ። ወነበሩ፡ እንዘ፡ የሐንጹ፡ ፵ ዓመተ፡ ወኮነት፡ ምድር፡ ኵለንታሃ፡ አሐተ፡ ልሳነ፡ ወ፩ ነገረ። ወእንዘ፡ እሙንቱ፡ ይነድቁ፡ ፈነወ፡ እግዚአብሔር፡ መልአከ፡ እምሰማይ፡ ወከዓወ፡ ልሳናቲሆሙ፡ ወወለጠ፡ ነገሮሙ፡ እስከ፡ ኮነ፡ ፩ እምኔሆሙ፡ ይትናገር፡ ወኢየአምር፡ ካልኡ፡ ዘይቤ፡ ወተሰምየ፡ ውእቱ፡ መካን፡ ባቢሎን፡ እስመ፡ ባቲ፡ ተበልበሉ፡ ልሳናት፡ ወተኃድገ፡ እንከ፡ ነዲቅ፡ በ፵ ዓመት፡ እመዋዕሊሁ፡ ለፋሌቅ። ወውእቱኬ፡ ለፍጻሜ፡ ፳፻ወ፰፻፳ወ፯ ለፍጥረተ፡ ዓለም።

Geographical Treatise Based on the edition of 104-207.

Table of Nations

Descendants of Shem ወኍልቆሙ፡ ለእለ፡ ተጋብኡ፡ ለሕንጻ፡ ማኅፈድ፡ ፸ወ፪መሳፍንት። እምኔሆሙ፡ እምደቂቀ፡ ሴም፡ ፳ወ፭ብእሲ። ወእሉ፡ ኀደሩ፡ እምአፍራጦስ፡ እስከ፡ ሶርያ፡ ወእስከ፡ ጽንፈ፡ ምሥራቅ። ወእምኔሆሙ፡ ሶርያውያን፡ ወአዕፃዳተ፡ ረቢዓ፡ ወደሴት፡ ወሐራምቃ፡ ወከለዳውያን፡ ወእሙንቱ፡ ሰብአ፡ ባቢሎን፡ ወፋርስ፡ወኵራሳን፡ ወፈርግያ፡ ወስንድ፡ ወህንደኬ፡ ወቴማን፡ ወጣይፍ፡ ወተማማ፡ ወ፪አብሕርት፡ ወዘመደ፡ ዓረብ። ወእለ፡ የአምሩ፡ ጽሒፈ፡ ሆህያት፡ ፰ ዕብራዊ፡ ወሶርያዊ፡ ወፋርሳዊ፡ ወህንደኬ፡ ወከለዳዊ፡ ወሲኒ፡ ወሐማዚ፡ ወዐረቢ። ወሎሙ፡ እምአብሕርት፡ ኤፍራጦስ፡ ወፈለገ፡ በለክ።

Descendants of Ham ወእምደቂቀ፡ ካም፡ ፴ወ፪ ዕደው። ወእሙንቱ፡ ኀደሩ፡ ምድረ፡ ሶርያ፡ ወምድረ፡ ከነአን፡ ወእስከ፡ ምድረ፡ ግብጽ፡ ወእስከ፡ አጽናፈ፡ ምዕራብ። እምኔሆሙ፡ ከነናውያን፡ ወፍልስጥኤማውያን፡ ወግብጽ፡ ወማሪስ፡ ወዘመደ፡ ኢትዮጵያውያን፡ ወሀገረ፡ ጸሊማን፡ ወዝንዝ፡ ወሰብአ፡ ምዕራብ፡ ወበርበር። ወሎሙ፡ እምደሰያት፡ ፳ወ፮ ደሴት፡ ወአስማቲሆሙ፡ ሰርድያ፡ ወመላጥያ፡ ወቅረጦስ፡ ወዘየዓውዳ። ወሎሙ፡ ጸሐፉ፡ እምሆህያት፡ ፯ ቅብጢ፡ ወኖቢ፡ ወኢትዮጵያዊ፡ ወፈርንጊ፡ ወቆላቂ፡ ወቂልቂ። ወሎሙ፡ እምአብሕርት፡ ተከዚ፡ ወእምአፍላጋት፡ ዮርዳኖስ።

Descendants of Japhet ወእምደቂቀ፡ ያፌት፡ ፲ወ፭ ዕደው፡ ኀደሩ፡ እምነ፡ ጤግሮስ፡ እስከ፡ ጽንፈ፡ ሰሜነ፡ ዓለም። ወእምኔሆሙ፡ ትርኵ፡ ወንሕያን፡ ወጠዓርዒር፡ ወነትብ፡ ወጕጕ፡ ወማጎግ፡ ወሐርዘ፡ ዋለን፡ ወአይጋር፡ ወጸባይር፡ ወአርማንያ፡ ዘትልህቅ፡ ወአርማንያ፡ ዘትንእስ፡ ወአንጾኪያ፡ ወከልድያ፡ ወቀጰዶቅያ፡ ወከረስታ፡ ወዮናን፡ ወሮም፡ ወበረንጥያ፡ ወረውስ፡ ወደይለም፡ ወጸቃልባ፡ ወአፍረጋ፡ ወአንድሎስ፡ ወዘይተሉ፡ ለውእቱ። ወሎሙ፡ እምደሰያት፡ ፲ወ፪ ደሰያት፡ እምኔሆሙ፡ ሮድስ፡ ወስቅልያ፡ ወቆጵሮስ፡ ወአቴናስ። ወእምኔሆሙ፡ ዘየአምር፡ ጽሒፈ፡ ፊደላት፡ ፯ ዮናናዊ፡ ወሮማዊ፡ ወአርማንያዊ፡ ወእንድልሳዊ፡ ወአፍርንጋዊ፡ ወሕርዛዊ። ወሎሙ፡ እምአብሕርት፡ ጤግሮስ፡ ወሲጥ። ይቤ፡ ጸሓፌ፡ ዝንቱ፡ መጽሐፍ፡ እስመ፡ ተዘከርኩ፡ ክፍላተ፡ ኵሉ፡ ምድር፡ ዘከመ፡ ተካፈልዋ፡ ደቂቀ፡ ኖኅ።

Margins of inhabited earth ወካዕበ፡ ይደልወነ፡ ከመ፡ ንክሥት፡ ዝየ፡ ወሰኖሙ፡ ለበሓውርት፡ ወአምሳላቲሃ፡ ወዘሀሎ፡ ውስቴታ፡ እምተአምራት፡ ወመንክራት። ወንዘክር፡ ዘጠየቅናሁ፡ እምግባራተ፡ ሕዝብ፡ ወአሕዛብ፡ እለ፡ የኀድርዋ፡ ወግብራት፡ እለ፡ ሀለዉ፡ ዲቤሃ፡ እምቀዳሚ፡ ትውልድ። ወንዜኑ፡ ዘውስተ፡ በሓውርት፡ እምአናብስት፡ ወእንስሳት፡ ወአዕዋፍ፡ ወአራዊት፡ ዘውስተ፡ ኵሉ፡ ብሔር። ወክፍላቶሙሰ፡ ለአህጉር፡ በከመ፡ ዘከረ፡ በጥሊሞስ፡ ጠቢብ። ይትከፈሉ፡ ኀበ፡ ፭ ክፍል፡ ወ፬ እምኔሆሙ፡ በድው፡ ወኢየኀድሩ፡ ውስቴቶሙ፡ ሰብእ፡ ወኢመኑሂ። ክፍል፡ ቀዳማይ፡ ውእቱ፡ ወሰነ፡ ምሥራቅ፡ ውስቴቱ፡ እሳተ፡ ዋዕይ፡ ወትረ። ኢየሐይዉ፡ እንስሳ። ወክፍል፡ ዳግማይ፡ ጸጋማዊ፡ ዘመንገለ፡ የማነ፡ መስዕ፡ ክፍል፡ ቀዳማይ። ይፈደፍድ፡ ዋዕዩ፡ ጥቀ፡ እስመ፡ ቅሩብ፡ እምኔሁ። ወኢይክል፡ ይኅድር፡ ውስቴቱ፡ ወኢመኑሂ። ወክፍል፡ ሣልሳዊ፡ መንገለ፡ ምዕራብ። ወውስቴቱ፡ አብሕርት፡ ዘኢይትከሀል፡ ሐዊር፡ ውስቴቶሙ፡ ወደሰያቲሁ፡ በድው። ወክፍል፡ ራብዕሰ፡ ጸጋማዊ፡ ዘየማን፡ መንገለ፡ ብሔር፡ ሳብዕ። ውስቴቱ፡ ብዙኅ፡ ቍር፡ ፈድፋደ፡ ወዕፁብ፡ ይብሰቱ። ወይወርድ፡ ውስቴቱ፡ በረድ፡ ወአስሐትያ፡ ወትረ። ወኢየኀድሩ፡ ውስቴቱ፡ አራዊት፡ ወእንስሳ። ወክፍል፡ ኃምስ፡ ውእቱ፡ ዝንቱ፡ ዘየኀድሩ፡ ውስቴቱ፡ ሰብእ፡ ማእከለ፡ ምድር። ወዝንቱ፡ ይትከፈል፡ ፯ ክፍለ። ወእሙንቱ፡ በሓውርት፡ ፯፡ ዘዝኩራን፡ ወስሙዓን፡ እለ፡ ይትኌለቁ።

Earth and Sun ወይደሉ፡ ከመ፡ ንክሥት፡ ቅድመ፡ እስመ፡ ምድር፡ ክቡብ፡ ከመ፡ ኮራ። ወዝንቱ፡ ክፍል፡ ማእከሌሃ፡ እለ፡ የኀድሩ፡ ውስቴታ፡ ኵሉ፡ ፍጥረት፡ ይትሌዐል፡ ፈድፋደ፡ እምእሉ፡ ፬ ክፍል፡ ዘበድው። ወእሉሰ፡ ፬ ክፍል፡ መትሕታን፡ ጥቀ፡ እምነ፡ ኃምሳይ። ወበእንተዝ፡ ይሴወር፡ ፀሐይ፡ እምዝንቱ፡ ብሔር፡ ሶበ፡ ተሐውር፡ ውስተ፡ አጽናፈ፡ በሐውርት፡ መትሕታውያት፡ ወትበጽሕ፡ ጽልመት። ወትሰመይ፡ ውእተ፡ ጊዜ፡ ሌሊት። ወነዊኅ፡ መዓልት፡ ሶበ፡ የዓርግ፡ ፀሐይ፡ ውስተ፡ ፍኖተ፡ ጸጋም፡ እምፈለካት፡ ፲ወ፪ ኀበ፡ ርእሰ፡ ኮከበ፡ ሰረጣን። ወኖኃ፡ ተፍጻሜተ፡ ሌሊት፡ ኀበ፡ ይወርድ፡ ፀሐይ፡ ውስተ፡ ፈለከ፡ ደቡባውያት፡ እንተ፡ ዘከርነ፡ ከመ፡ እሙንቱ፡ ዕፁባተ፡ ቍር።

Climes and day length

First clime ወዘከረ፡ በጥሊሞስ፡ ከመ፡ ብሔር፡ ቀዳማዊ፡ እም፯ በሓውርት፡ ጥንቱ፡ እምቀሪበ፡ መካነ፡ ምድረ፡ ዋዕይት። ወዝንቱ፡ ብሔር፡ ውእቱ፡ መንገለ፡ ህንደኬ፡ ወሲን፡ ዘይርኅቅ። ወዕለቱ፡ ዘትነውኅ፡ ይሰሐብ፡ ፲ወ፫ ሰዓተ።

Second clime ወብሔር፡ ዳግምሰ፡ ውእቱ፡ ሀገረ፡ ኵሳ፡ እስከ፡ ኢትዮጵያ። ወይሰሐብ፡ መዓልቱ፡ ዘይነውኅ፡ ፲ወ፫ ሰዓተ፡ ወመንፈቀ፡ ሰዓት።

Third clime ወብሔር፡ ሣልስሰ፡ ውእቱ፡ ብሔረ፡ እስክንድርያ፡ ወግብጽ። ወይሰሐብ፡ መዓልቱ፡ ዘይነውኅ፡ ፲ወ፬ ሰዓተ።

Fourth clime ወብሔር፡ ራብዕሰ፡ ትሰመይ፡ በሮማይስጢ፡ ሩድስ፡ ደሴት፡ እንተ፡ ውስተ፡ ባሕር። ወይትጋባእ፡ ውስተ፡ ዝንቱ፡ ብሔር፡ አህጉረ፡ ሶርያ፡ ወአህጉረ፡ ደሴት፡ ወውስቴታ፡ ባቢሎን፡ ወካልአን፡ አህጉር። ወይሰሐብ፡ መዓልቱ፡ ዘይነውኅ፡ ፲ወ፬ ሰዓተ፡ ወመንፈቀ፡ ሰዓት።

Fifth clime ወብሔር፡ ኃምስሰ፡ ይሰመይ፡ በሮማይስጢ፡ ጰንጦስ፡ ወውስቴታ፡ ቊስጥንጥንያ፡ ወአሞርያ፡ ወሮምያ። ወይሰሐብ፡ መዓልቱ፡ ዘይነውኅ፡ ፲ወ፭ ሰዓተ።

Sixth clime ወብሔር፡ ሳድስሰ፡ ውእቱ፡ ሀገረ፡ በርጋን፡ ወዘየዐውዳ። ወይሰሐብ፡ መዓልቱ፡ ዘይነውኅ፡ ፲ወ፭ ሰዓተ፡ ወመንፈቀ፡ ሰዓት።

Seventh clime ወብሔር፡ ሳብዕሰ፡ ትሰመይ፡ በሮማይስጥ፡ ያሮስ፡ ወዘየዐውዳ። ወይሰሐብ፡ መዓልቱ፡ ዘይነውኅ፡ ፲ወ፮ሰዓተ።

Dimensions of the inhabited earth

Width of the inhabited earth ወንዘከር፡ ይእዜኒ፡ ኑኃ፡ ኵሉ፡ ብሔር፡ ለለ፩፡ እምነ፡ ፯ በሓውርት፡ እለ፡ የኀድሩ፡ ውስቴቶሙ፡ ሰብእ። ወግድሙ፡ ንበል፡ ከመ፡ ግድሞሙ፡ ለ፯ በሓውርት፡ እለ፡ የኀድሩ፡ ውስቴቶሙ፡ ሰብእ፡ እለ፡ ማእከለ፡ ምድር፡ ጥንቶሙ፡ ህንደኬ፡ ወሲን፡ ዘይርኅቅ፡ መንገለ፡ ምድር፡ እንተ፡ ታውዒ፡ እስከ፡ ተፍጻሜተ፡ ብሔረ፡ ሳብዕ፡ ዘውእቱ፡ እምጽንፈ፡ ደቡብ፡ እስከ፡ መንገለ፡ ጸጋም፡ ወግድመ፡ ዝንቱ፡ ኵሉ፡ ፷ወ፫ መዓርግ፡ ዘከፈለ፡ ጠቢብ፡ በጥሊሞስ። ወግድሙ፡ ለለኵሉ፡ ብሔር፡ ፱ መዓርግ። ወለለ፡ ፩ መዓርግ፡ ፫ ከዋክብት። ወይከውን፡ ፳ወ፯ ከዋክብት። ወለለ፡ ፩ መዓርግ፡ ፻ ምዕራፍ።

Length of the inhabited earth ወጥንቱ፡ ለዝንቱ፡ ብሔር፡ እመንገለ፡ ምሥራቅ፡ እስከ፡ ተፍጻሜቱ፡ እመንገለ፡ ምዕራብ። ወይከውን፡ ኑኁ፡ ፻ወ፹ መዓርግ። ወመንፈቁ፡ ለፈለካት፡ መልዕልቱ፡ ወመንፈቁ፡ መትሕቱ። ወኵሉ፡ ኑኁ፡ እመንገለ፡ ባሕረ፡ ውቅያኖስ፡ እስከ፡ ርእሱ፡ ለምዕራብ፡ ፻፷ ማኅደረ፡ ከዋክብት። ፻፷ ኍልቆሙ፡ ፶፻ወ፯፻ ፈርሰክ፡ በከመ፡ ሐሳበ፡ ፋርስ፡ ወሰብአ፡ ምሥራቅ። ወፈርሰክሰ፡ ብሂል፡ ፬ ምዕራፍ። ወንበል፡ ከመ፡ ግድሙ፡ ለዝንቱ፡ ብሔር፡ ቀዳማይ፡ ዘጥንቱ፡ እምወሰነ፡ ምድር፡ እንተ፡ ታውዒ፡ ወይበጽሕ፡ እስከ፡ ወሰነ፡ ሰረንዲብ። ወመጠነ፡ ግድሙ፡ እምደቡብ፡ እስከ፡ ጸጋም፡ ፪፻፹ወ፭ ፈርሰክ።

The seven climes and their inhabitants

Inhabitants of the first clime ወእለ፡ የኀድሩ፡ ውስተ፡ ዝንቱ፡ ብሔር፡ ሲን፡ ዘይርኅቅ፡ ወህንዳኬ፡ እምጽንፈ፡ ምድር፡ እመንገለ፡ ምሥራቅ፡ እስከ፡ ተፍጻሜቱ፡ እመንገለ፡ ምዕራብ፡ ፩መርኅብ፡ ወእሙንቱ፡ ሰብእ፡ ዕሩቃን፡ ወትረ፡ ለዓለም፡ ሕሡም፡ ራእዮሙ፡ ወእኩይ፡ ፍጥረቶሙ፡ ወገጾሙ። ወእሙንቱ፡ ውሉደ፡ ካም። ወሎሙ፡ አእምሮ፡ በማሪት፡ ወሥራይ። ወመዋዕሊሆሙ፡ ነዊኅ። ወበውስተ፡ ውእቱ፡ ብሔር፡ አራዊት፡ ወእንስሳ፡ ዐበይት፡ ግሩማን፡ ፈድፋደ፡ ወአዕዋፍ፡ ዐበይት፡ እምኔሆሙ፡ አዕዋፍ፡ ዘምስለ፡ እንስሳ፡ ወዖፍ፡ በከመ፡ ሰገኖ፡ ወአግሪጳ፡ ወአልያጦን፡ ወዖፍ፡ ዘይሰመይ፡ ዖፈ፡ ሐርማዝ። ወበውስተ፡ ዝንቱ፡ ብሔር፡ ሐርማዛት፡ ዐበይት፡ ወአክይስት፡ ግሩማን፡ ወአርዌ፡ ዐቢይ። ወሰብኡ፡ ቦእምኔሆሙ፡ ሎሙ፡ አእምሮ፡ በዕፀው፡ ወበአእባን፡ እንተ፡ ፍጥረቶሙ፡ ወከዊኖሙ፡ መድኀኒተ። ይከውን፡ ቦቱ፡ ፈውሰ፡ እሙንቱ፡ አክይስት፡ ወአራዊት፡ ግሩማን። ይቀብዑ፡ ቦሙ፡ ለዘነሰኮ፡ እምእሙንቱ፡ አክይስት፡ እኩያት፡ ወየሐዩ።

Inhabitants of the second clime ብሔረ፡ ዳግማይሰ፡ ዘውእቱ፡ ኢትዮጵያ። ግድሙ፡ ይበጽሕ፡ ኀበ፡ ወሰነ፡ ሰረንዲብ፡ እስከ፡ ተፍጻሜተ፡ ሀገረ፡ ኢትዮጵያ፡ እመንገለ፡ ምዕራብ፡ ወመንገለ፡ አድባር፡ እንተ፡ ይትረከብ፡ እምኔሃ፡ ያክንት፡ ወዕንቈ፡ ባሕርይ፡ ወሙዳየ፡ ወርቅ። ወእለ፡ የኀድሩ፡ ውስቴቱ፡ ሲን፡ ዘይቀርብ፡ ወስንድ፡ ወህንደኬ። ወውስተ፡ ዛቲ፡ ብሔር፡ ካዕበ፡ እንስሳ፡ ወአራዊት፡ ዐበይት፡ ወግሩማት። ወእሙንቱሰ፡ ይንዕሱ፡ እምዘ፡ ውስተ፡ ብሔር፡ ቀዳሚ። ወበውስተ፡ ዝንቱ፡ ብሔር፡ ዕፀው፡ ወአእባን፡ ይከውን፡ ቦሙ፡ ፈውስ፡ ለዘነሰኮ፡ እምአራዊት፡ በዘውስተ፡ ፍጥረቶሙ፡ እምውእቱ። ወቦ፡ እምእለ፡ የኀድሩ፡ ውስተ፡ ዝንቱ፡ ብሔር፡ ዘሎቱ፡ አእምሮ፡ በማሪት፡ ወሥራይ፡ ወፈውሳት፡ በዕፀው፡ ወአእባን። ወመዋዕሊሆሙ፡ የሐጽጽ፡ እመዋዕለ፡ እለ፡ የኀድሩ፡ ውስተ፡ ብሔር፡ ቀዳማይ። ወኑኁሰ፡ ወግድሙ፡ በከመ፡ ብሔር፡ ቀዳማይ።

Inhabitants of the third clime ወብሔረ፡ ሣልስሰ፡ ውእቱ፡ ብሔረ፡ እስክንድርያ። ወዝንቱ፡ ብሔር፡ ጥንቱ፡ እምርእሰ፡ አህጉረ፡ ግብጽ፡ እመንገለ፡ ምዕራብ፡ ምሥራቁ፡ እመንገለ፡ ምድረ፡ ሰንዶስ። ወይበጽሕ፡ ግድሙ፡ እመንገለ፡ ምዕራብ፡ እስከ፡ ወሰነ፡ ሶርያ፡ እንተ፡ አፍአይት፡ ወፋርስ፡ ቀዳማይ፡ ወእስከ፡ ወሰነ፡ እስክንድርያ፡ ወአጽናፊሁ፡ ብርቃ፡ ወአፍራቂያ፡ ቀዳሚት። ወእለ፡ የኀድሩ፡ ውስተ፡ ዝንቱ፡ ብሔር፡ ሰብእ፡ ሐታትያን፡ በእንተ፡ ምግባራት፡ ህልዋት። ወኑኁ፡ ወግድሙ፡ ከመ፡ ቀዳሚ።

Inhabitants of the fourth clime Including a list of the ten sciences. ወብሔረ፡ ራብዕሰ፡ ዘውስተ፡ ማእከለ፡ ደሴት፡ ሮድስ። ወአህጉሪሁኒ፡ ብዙኅ። ወንሕነ፡ ንዘከር፡ ኅዳጠ፡ ዘአእመርነ፡ እምኔሆሙ፡ በእንተ፡ ጥያቄ፡ ኍልቆሙ፡ ዘውእቶሙ፡ ደማስቆ፡ ወሕምጽ፡ ወቀይሰሪን፡ ወሐለብ፡ ወመንበግ፡ ወፋምያ፡ ወአንጾኪያ፡ ወካራን፡ ወሩሕ፡ ወርቃ፡ ወርእሰ፡ ዓይን፡ ወንጽቢን፡ ወሶርያ፡ ወባቅዳድ፡ ወዐረብያ። ወይበጽሕ፡ ወሰናቱ፡ እምርእሱ፡ ዘምሥራቅ፡ ፩ርኅብ፡ እስከ፡ መንገለ፡ ምዕራብ። ወይበጽሕ፡ እምአህጉረ፡ አስፋር፡ ወይበጽሕ፡ መንፈቀ፡ ሀገረ፡ አፍራቂያ፡ መንገለ፡ ፀጋመ፡ ሰቁልያ፡ ወሀገረ፡ አፍራጢ፡ ማዕዶታት፡ ወሀገረ፡ አንቂያስ፡ እምአህጉረ፡ ሮም፡ ምስለ፡ ቆብሮስ፡ ወእስያ፡ ዐበይት። ወዝንቱ፡ ብሔር፡ ውእቱ፡ ማእከለ፡ ምድር። ወበእንተ፡ ዝንቱ፡ ይኄይስ፡ እምኵሉ፡ አህጉር፡ በዓየሩ፡ ወነፋሱ፡ ወዕሩየ፡ ጠባይዑ። ወበእንተ፡ ዝንቱ፡ ኮኑ፡ ሰብእ፡ እለ፡ የኀድሩ፡ ውስቴቱ፡ ጠቢባን፡ ወፈላስፋ፡ ወማእምራነ፡ ከዋክብት፡ ወመምህራነ፡ ጥበብ። ወየሐትቱ፡ በእንተ፡ ምግባራት፡ ህልዋት፡ ወጠባይዐት፡ ወበእንተ፡ ባሕርያውያት። ወበኀቤሆሙ፡ አመሩ፡ መጻሕፍተ፡ ከመ፡ ተጋብኡ፡ ተአምራት፡ ወመንክራት፡ ወአእምሮታት፡ ዘ፲። ወይእቲ፡ አእምሮ፡ ፈለካት፡ ወሁከታተ፡ ከዋክብት፡ ወፍትሕ፡ ባቲ። ወአእምሮ፡ ጥበበ፡ መስፈርተ፡ ምድር። ወተኬንዎ። ወሐሳበ፡ ዘይከውን። ወአእምሮ፡ ሙሲቂ፡ ዝውእቱ፡ ሠራዕያነ፡ ዜማ። ወአእምሮ፡ ግብረ፡ ጥበብ፡ ከመ፡ ይፈውሱ፡ ኵሎ፡ እንስሳ፡ እምኵሉ፡ ሕማሞሙ፡ ይፈውሱ፡ እንስሳ፡ ነባቤ፡ ዝውእቱ፡ ሰብእ፡ ወካዕበ፡ ይፈውስዎሙ፡ ለእንስሳ፡ ዘኢይነብቡ፡ ወአዕዋፍ፡ ወካልአን። ወአእምሮ፡ ገቢረ፡ ወርቅ፡ ወብሩር፡ በጥበብ። ወአእምሮ፡ ምትሀታት፡ ወመዐልማት። ወአእምሮ፡ ፍካሬያተ፡ ነቢብ፡ እንተ፡ ትፈልጥ፡ ወትጤይቅ፡ እሙነ፡ ነገረ፡ እምካልእ። ወአእምሮ፡ ፈላስፋ፡ ወውእቱ፡ አእምሮ፡ መለኮታዊ። ወእለ፡ የኀድሩ፡ ውስተ፡ ዝንቱ፡ ብሔር፡ ይከብሩ፡ በጥበብ፡ ወፈለስፋ። ወእሙንቱ፡ ይኄይሱ፡ እምእለ፡ የኀድሩ፡ ውስተ፡ ብሔር፡ ሣልስ፡ በእንተ፡ ቅጥነተ፡ ልቦሙ፡ ወአእምሮቶሙ፡ ወበእንተ፡ ጥዑም፡ ነፋሰ፡ ሀገሮሙ። ወኑኁሰ፡ ወግድሙ፡ ውእቱ፡ በከመ፡ አቅደምነ፡ ነጊረ።

Inhabitants of the fifth clime ወብሔረ፡ ኃምስሰ፡ ዘዕውቅ፡ በህሉስ፡ ወብንጡስ። ወውእቱ፡ ዘውስቴቱ፡ ቍስጥንጥንያ፡ ወአሞርያ፡ ወሮምያ፡ ወአንድሎስ፡ ወአህጉረ፡ አፍራቂ። ወእለ፡ የኀድሩ፡ ውስቴቱ፡ ሰብእ፡ ቀይሓን፡ ዘፍትወቶሙ፡ ብዙኅ፡ ወጽኑዓን፡ ፈድፋደ፡ ቍጡዓን፡ ወመዓትማን፡ ወከመዝ፡ ኮነ፡ ዔሳው፡ አቡሆሙ። ወእሙንቱ፡ ውሑዳነ፡ ጥበብ፡ ወአእምሮ፡ እምብሔረ፡ ራብዕ። ወእሙንቱ፡ ሰብእ፡ ዕፁባን፡ አልቦሙ፡ ተግሣጽ፡ አላ፡ እሙንቱ፡ ያስተፋጥኑ፡ ለተወክፎ፡ ተግሣጽ፡ ወይትመሐሩ፡ ፍጡነ። አላ፡ እለ፡ የኀድሩ፡ ውስተ፡ ብሔር፡ ራብዕ፡ ቀጢናን፡ ወንጹሓነ፡ ልብ፡ እምእለ፡ የኀድሩ፡ ውስተ፡ ዝንቱ፡ ብሔር። ኑኁሰ፡ ወግድሙ፡ በከመ፡ ቀዳሚ።

Inhabitants of the sixth clime Including a description of the Amazons. ወብሔረ፡ ሳድስሰ፡ ዘዕውቅ፡ በሶርዮ፡ ጦሚስ፡ እምደሰያተ፡ ባሕር። ወእለ፡ የኀድሩ፡ ውስተ፡ ዝንቱ፡ ብሔር፡ በርጋን፡ ወሰቃልባ፡ ወባዕዳን፡ አሕዛብ። ወውስቴቱ፡ አንስት፡ የኀድራ፡ መንገለ፡ ዝንቱ፡ ብሔር፡ ባሕቲቶን፡ ወኢየኀድሩ፡ ምስሌሆን፡ ብእሲ። ወውእቶን፡ ይመትራ፡ አጥባቲሆን፡ ዘየማን፡ ወትረ፡ ወይወድዩ፡ ውስቴቱ፡ እሳት፡ ከመ፡ ኢይልሀቅ፡ ወኢያውኀዝ፡ ደመ፡ እስመ፡ እማንቱ፡ ድልዋት፡ ለጸብእ፡ ወለቀቲል፡ እስመ፡ ሳምርስ፡ ይጸብእዎን፡ ወይቀትሉ፡ ውሉዶን፡ እለ፡ ወለዳ፡ ተባዕተ። ወበእንተዝ፡ ኢየሐፅና፡ ተባዕተ፡ ውሉዶን፡ አላ፡ የሐፅናሆን፡ ለአንስት፡ ባሕቲቶን። ወለለኵሉ፡ ዓመት፡ የሐውራ፡ ኀበ፡ አህጉረ፡ ዕደው፡ ወይትዋሰባ፡ ወይፀንሳ። ወእምከመ፡ ፀንሳ፡ ይትመየጣ፡ ኀበ፡ አብያቲሆን። ወዝንቱ፡ ነገር፡ ዕውቅ፡ ወኢይናፍቅ፡ ቦቱ፡ መኑሂ። ወሰብአ፡ ዝንቱ፡ ብሔር፡ እለ፡ ያፀንሱ፡ አንስተ፡ ምሁራነ፡ ቀትል፡ ዕደወ፡ ጸብእ፡ ወከዓውያነ፡ ደም። ወአልቦሙ፡ ምሕረት። ወበእንተዝ፡ ይፄውዎሙ፡ ለሰቃልባ፡ ወይገብርዎሙ፡ ኅጽዋነ። ወእሙንቱ፡ ሰብእ፡ አልቦሙ፡ አእምሮ፡ ወኢምንትኒ፡ እመጻሕፍት፡ ተግሣጻት፡ ወትምህርታት። ኑኁሰ፡ ወግድሙ፡ በከመ፡ ቀዳሚ።

Inhabitants of the seventh clime ወብሔረ፡ ሳብዕሰ፡ ዘዕውቅ፡ በያርስ፡ ባርስ። ወውእቱ፡ ብሔር፡ ዘየኀድሩ፡ ውስቴቱ፡ ሰብእ፡ እለ፡ ይሰመዩ፡ በሮማይስጥ፡ በሚዶስ፡ ዝብሂል፡ ደቃስያን። ወእሙንቱ፡ ሰብእ፡ ድኩማነ፡ ኀይል፡ ወውኁዳነ፡ ተሀውኮ፡ በእንተ፡ ብዝኀ፡ ቊር፡ ዕፁብ፡ ላዕሌሆሙ፡ እስመ፡ እሙንቱ፡ ቅሩባን፡ እመንገለ፡ ጸጋም፡ ወመካናተ፡ በድው፡ ዘኢየኀድሩ፡ ውስቴቶሙ፡ ሰብእ። ወከዋክብት፡ እንተ፡ ይሰመዩ፡ አዋልደ፡ አራት፡ በቅሩብ፡ እምኔሆሙ፡ የዓውዱ፡ ወትረ፡ ላዕሌሆሙ። እንስሳሆሙ፡ ወአራዊተ፡ ሀገሮሙ፡ ንዑሳን፡ ፈድፋደ። አልቦ፡ ለአልህምቲሆሙ፡ ወለአባግዒሆሙ፡ አቅርንት፡ በእንተ፡ ጽንዐ፡ ቍር፡ ዘህየ። ወኢይትረከብ፡ ውስተ፡ ሀገሮሙ፡ ምንትኒ፡ እምአክይስት፡ ወዘይትሐወስ። ወኢይክሉ፡ ይሕንጹ፡ አብያተ፡ ከመ፡ ይኅድሩ፡ ዳእሙ፡ ይገብሩ፡ አብያተ፡ እምዕፀው፡ ወያነብርዎ፡ ላዕለ፡ ሰረገላ፡ ወየኀድሩ፡ ውስቴቱ፡ ወይስህብዎ፡ አልህምቲሆሙ። ወየሐውሩ፡ ሌሊተ፡ ወመዓልተ፡ እንዘ፡ ይስሕቡ፡ አልህምቲሆሙ፡ ውእተ፡ መንኰራኵረ፡ ኀበ፡ ይረክቡ፡ ሲሳየ፡ ወምርዓየ፡ ለእንስሳሆሙ። ወእሙንቱ፡ በኵሉ፡ መዋዕሊሆሙ፡ ኅሡራን፡ በእኩይ፡ ግብር፡ ወሕይወት። ወተብህለ፡ በእንቲአሆሙ፡ እስመ፡ እሙንቱ፡ ሶበ፡ የሐሙ፡ ሕማመ፡ ዕፁበ፡ ያነብሩ፡ ድውያኒሆሙ፡ ዲበ፡ ሰረገላ። ወየአትቱ፡ አልባሰ፡ እምላዕሌሆሙ፡ አልባሰ፡ እደው፡ ወያለብስዎሙ፡ ልብሰ፡ አንስት፡ ወይትፌወሱ። ኑኁ፡ ወግድሙ፡ ከመ፡ ቀዳሚ።

Inhabitants of the regions above the seventh clime Including a description of the polar night and polar day. ይቤ፡ ወዘተርፈሰ፡ እምተፍጻሜተ፡ ፷ወ፫ ክፍል፡ በግድም፡ ወውእቱሰ፡ ዘተሰምየ፡ መልዕልተ፡ ብሔር፡ ሳብዕ። ወኢይሴስል፡ መዓልት፡ ሶበ፡ ይነውኅ፡ መንገለ፡ ጸጋም፡ ይከውን፡ ድኅረ፡ ምድር፡ እለ፡ ይነብሩ፡ ሰብእ፡ ውስቴታ፡ ፳ወ፩ ሰዓተ፡ ፳ወ፪ ቅጽበተ፡ እምሰዓት፡ እስከ፡ ይበጽሕ፡ መዓልት፡ ኀበ፡ ፳ወ፬። ወኢይሴስል፡ ብርሃነ፡ መዓልት፡ ከመዝ፡ እስከ፡ ኀበ፡ ብሔረ፡ ጽልመት። ይከውን፡ ህየ፡ ሌሊት፡ ፮ አውራኀ፡ ወመዓልት፡ ፮ አውራኀ። ወተአምራት፡ ዘኮነ፡ ውስተ፡ ምድር፡ በበሀገሩ፡ ወጠልሰማት፡ ዘጽህቀ፡ ወዘገብሮ፡ እስመ፡ ብዙኅ፡ ውእቱ፡ ወአልቦቱ፡ ኍልቍ፡ ለሐሳቡ። ወንሕነ፡ ንዘከር፡ ዘተጽሕፈ፡ ኅዳጠ፡ ውስተ፡ መጽሐፈ፡ ታሪክ፡ ዘአመርናሁ፡ ወኢወሰክነ፡ በጽሒፎቱ፡ ከመ፡ ኢይኑኅ፡ ነገር።

The seas

The Indian sea ወካዕበ፡ መጠኑ፡ ወሰፈሩ፡ ባሕረ፡ ህንደኬ። ወይቤሉ፡ ከመ፡ ውእቱ፡ ይሰሐብ፡ ኑኁ፡ እምዕራብ፡ እስከ፡ ምሥራቅ፡ ወውእቱ፡ እምጽንፈ፡ ህንደኬ፡ እስከ፡ ጽንፈ፡ ኢትዮጵያ፡ ይከውን፡ ኑኁ፡ ፹፻ ምዕራፍ፡ ወግድሙ፡ ፳፻ወ፯፻ ምዕራፍ፡ እስከ፡ ይለጽቅ፡ ደሴተ፡ ዘዕሩይ፡ ሌሊተ፡ ወመዓልተ። ወይከውን፡ ጽንፈ፡ ካልእ፡ ፳፻ወ፱፻። ወእምኔሁ፡ ፩ ፈለግ፡ ንኡስ፡ ውስተ፡ ምድረ፡ ኢትዮጵያ፡ ይሰሐብ፡ እስከ፡ መንገለ፡ በርባር። ወይሰመይ፡ ፈለገ፡ በርባራዊ። ኑኁሰ፡ ፭፻ ምዕራፍ፡ ወግድመ፡ ጽንፉ፡ ፻ ምዕራፍ። ወሎቱ፡ ካልእ፡ ፈለግ፡ መንገለ፡ አይላ። ኑኁ፡ ፲፻ወ፬፻ ምዕራፍ፡ ወግድሙ፡ ፯፻ ምዕራፍ። ወተፍጻሜቱ፡ ዝውእቱ፡ ጽንፉ፡ ዘይቀርብ፡ ውስተ፡ ዘይሰመይ፡ ባሕረ፡ ኤርትራ፡ ፪፻ ምዕራፍ። ወሎቱ፡ ካልእ፡ ፈለግ፡ ይወፅእ፡ ኀበ፡ መንገለ፡ ፋርስ፡ ይሰመይ፡ ፈለገ፡ ፋርሳዊ። ኑኁ፡ ፲፻ወ፬፻ ምዕራፍ፡ ወግድሙ፡ ፭፻ ምዕራፍ፡ ወጽንፉ፡ ፻፶ ምዕራፍ። ወማእከለ፡ ዝንቱ፡ ፪ አብሕርት፡ ምድረ፡ ቄዳር፡ ወልደ፡ እስማኤል፡ ወምድረ፡ የማን። ወይከውን፡ ዘማእከለ፡ ፈለገ፡ አይላ፡ ወፈለገ፡ ፋርስ፡ ፲፻ወ፭፻ ምዕራፍ። ወይወፅእ፡ እምኔሁ፡ ፈለግ፡ ካልእ፡ እስከ፡ ጽንፈ፡ ምድረ፡ ህንደኬ፡ ኀበ፡ ተፍጻሜቱ። ወይሰመይ፡ ፈለገ፡ ሐመልሚል። ወይከውን፡ አንጻረ፡ ምድረ፡ ህንደኬ፡ እመንገለ፡ ምድረ፡ ህንደኬ፡ እምሥራቅ፡ ወይሰመይ፡ ጢራባይ። የዐውድ፡ ቦቱ፡ ፴፻ ምዕራፈ። ውስቴታ፡ አድባር፡ ዐበይት፡ ወአፍላጋት፡ ብዙኅ። እምኔሃ፡ ይወፅእ፡ መረግድ፡ ቀይሕ፡ ወኅብረ፡ ሰማይ። ወየዐውዳ፡ ለዛቲ፡ ደሴት፡ ፺ ደሰያት፡ የኀድሩ፡ ውስቴቶሙ፡ ሰብእ፡ ወአህጉር፡ ብዙኅ።

The Green sea ወባሕረ፡ ሐመልሚልሰ፡ ኢይትዐወቅ፡ እምኔሁ፡ ዘእንበለ፡ ዘይበጽሕ፡ መንገለ፡ ምዕራብ፡ ወጸጋም፡ እምጽንፈ፡ ምድረ፡ ኢትዮጵያ፡ እስከ፡ በርጦንያ። ወውእቱ፡ ባሕር፡ ኢየኀውሩ፡ ውስቴቱ፡ አሕማራት። ወ፯ ደሰያት፡ እምኔሁ፡ አንጻረ፡ ምድረ፡ ኢትዮጵያ፡ ትሰመይ፡ ደሰያተ፡ ንቡራተ። ወደሴት፡ ካልእት፡ ትሰመይ፡ አድራ። ወዛቲ፡ ደሴት፡ አንጻረ፡ አንድሎስ፡ ኀበ፡ ፈለግ፡ እስመ፡ ፈለግ፡ ዘይወፅእ፡ እምባሕር፡ እስመ፡ ግድሙ፡ ፬ ምዕራፍ። ወውእቱ፡ ማእከለ፡ አንድሎስ፡ ወጠንጋ፡ ወይሰመይ፡ ሴጣ፡ ይወፅእ፡ እምባሕረ፡ ሮም። ወውስቴቱ፡ ካዕበ፡ እመንገለ፡ ጸጋም፡ ፲ወ፪ ደሰያት፡ እለ፡ ይሰመዩ፡ ደሰያተ፡ በርጦንያ። ወዓዲ፡ ይርሕቅ፡ እምነ፡ ዘየኀድሩ፡ ሰብእ፡ ውስቴቱ፡ ወኢየአምር፡ መኑሂ፡ እፎ፡ ውእቱ። ወባሕረ፡ ሮምሰ፡ ወግብጽ፡ ወይከውን፡ ኀበ፡ ፈለግ፡ ዘይወፅእ፡ እምባሕር፡ ሐመልሚል፡ ኀበ፡ ምሥራቅ፡ እስከ፡ ጢሮስ፡ ወእስከ፡ ሲዶና። ኑኁ፡ ፶፻ ምዕራፍ፡ ወግድሙ፡ ኀበ፡ መካን፡ ፰፻ ምዕራፍ። ወውስቴቱ፡ ፩ ፈለግ፡ ይወፅእ፡ እምኀበ፡ መንገለ፡ ጸጋም፡ ቅሩብ፡ እምሮምያ። ኑኁ፡ ፭፻ ምዕራፍ፡ ወይሰመይ፡ ህንድሪስ። ወፈለግ፡ ካልእ፡ ይወፅእ፡ አንጻረ፡ ምድረ፡ በርበራዊት። ኑኁ፡ ፪፻ ምዕራፍ። ወውስቴቱ፡ ፻፷ወ፪ ደሰያት፡ ዘየኀድሩ፡ ውስቴቶሙ፡ ሰብእ፡ ወእምኔሆሙ፡ ደሰያት፡ ዐበይት፡ ፲ወ፭ ደሴት። ወአፍላጋት፡ የዐውድዎ።

The Wonders of the World The edition of the part about Wonders up to the 10th Wonder is based on ; the incipits and explicits of Wonders 11 to 29 and the epilogue are based on .

1st Wonder ቀዳሚ፡ ዜና፡ ዘምኵራብ፡ ሐነጸ፡ ሰቅለብዮስ፡ ጠቢብ፡ ምኵራበ፡ በሀገረ፡ ፅርዕ። ወሠዓለ፡ ውስቴቱ፡ ፲ ትምህርተ፡ ዘዘከርነ፡ ቀዲሙ። ወዓዲ፡ ሠዓለ፡ በአንቀጹ፡ ፪ አናብስተ፡ ወበጽሐ፡ ዜናሁ፡ ኀበ፡ አስጤማዎስ፡ ጠቢብ። ወሖረ፡ ኀቤሁ፡ ወተራከበ፡ ምስሌሁ፡ ወሰአሎ፡ ከመ፡ ያብሖ፡ ይባእ፡ ውስተ፡ ውእቱ፡ ምኵራብ። ወይቤሎ፡ ባእ፡ ወሶበ፡ ቦአ፡ ነጸረ፡ ኀበ፡ ፲ ትእምርታት፡ ዘተሥዕሉ፡ ውእተ፡ ዕለተ፡ አጽንዓ፡ ለንጻራሁ። ወሐለየ፡ ከመ፡ ተእኅዘ፡ ሎቱ፡ በሕሊናሁ፡ እስመ፡ ኮነ፡ ቀዲሙ፡ ብሩሃ፡ ሕሊና፡ ወሶበ፡ ያነብብ፡ መጻሕፍተ፡ ያጸንዕ፡ በአሐቲ፡ ጊዜ፡ ሶቤሃ። ወአሜሃሰ፡ ሶበ፡ ወፅአ፡ እምውእቱ፡ ምኵራብ፡ ረስዓ፡ ትምህርተ፡ ዘነጸሮ፡ ወኢዘከሮ፡ ምንተኒ። ወኮነ፡ የሐውር፡ ወይትመየጥ፡ ኀበ፡ ውእቱ፡ ምኵራብ፡ ብዙኃ፡ መዋዕለ፡ ወኢክህለ፡ ይለቡ፡ ወየአኀዝ፡ እምውእቱ፡ ትምህርት፡ ሶበ፡ ይበውእ፡ ያእምሮ፡ ወሶበ፡ ይወፅእ፡ ይረስዖ። ወሰአሎ፡ ለሰቅላብዮስ፡ ጠቢብ፡ ከመ፡ ይጽሐፎ፡ በረቅ። ወይቤሎ፡ ጸሐፍ፡ ወጸሐፈ፡ እምኔሁ፡ ዘይፈቅድ። ወሶበ፡ ፈቀደ፡ ይፃእ፡ እምነ፡ ምኵራብ፡ ርእዮሙ፡ ለአናብስት፡ እለ፡ ሥዑላን፡ ዲበ፡ አንቀጽ፡ እንተ፡ አፍአ፡ ወመሰሎ፡ ዘመጽኡ፡ ኀቤሁ፡ ከመ፡ ይምስጥዎ፡ ወፈርሃ፡ ወወድቀ፡ ወደንገፀ፡ ወሰምዓ፡ ቃለ፡ ዘይብሎ፡ ግድፍ፡ ረቀ፡ እምእዴከ። ወገደፎ፡ ለረቅ፡ ወወፅአ፡ ወአእመረ፡ ከመ፡ ጠልሰማት፡ እሙንቱ፡ እሉ፡ አናብስት፡ እለ፡ ሥዑላን፡ በአናቅጸ፡ ምኵራብ፡ ወጽሕቀ፡ ለኃሢሠ፡ ውእቱ፡ ትምህርተ። ወኮኖ፡ ረድአ፡ ለሰቅላብዮስ፡ ጠቢብ፡ ወተልእኮ፡ ፲ወ፬ ዓመተ፡ ወተምህረ፡ እምኔሁ፡ ኵሎ፡ ትምህርተ፡ ጥበብ፤ ወእምድኅረ፡ ዝንቱ፡ ወፅአ፡ ሰቅላብዮስ፡ አፍአ፡ ሀገር፡ ምስለ፡ አትጣማዎስ፡ ወተኀብአ፡ እምአዕይንቲሁ፡ ወኢእመረ፡ ኀበ፡ ሖረ። ወተመይጠ፡ አስጢማዎስ፡ ውስተ፡ ማኅደሩ፡ በዓቢይ፡ ኀዘን፡ በእንተ፡ ተፈልጦቱ፡ እምኔሁ።

2nd Wonder ካልእ፡ ዜና፡ ወሀሎ፡ በሀገረ፡ እስክንድርያ፡ መጽሔት፡ መልዕልተ፡ ዓምድ፡ ዘአፍአ፡ ሀገር፡ ኮኑ፡ ይኔጽሩ፡ ቦቱ፡ ወይሬእዩ፡ አሕማረ፡ እንዘ፡ ይመጽእ፡ እምሀገረ፡ አፍራቅያ፡ እምውሣጣይ፡ ባሕርይ። ወነገሥተ፡ አፍራግያሰ፡ ገብሩ፡ ምክንያተ፡ ወፈነዉ፡ ፩ ብእሴ፡ ወሰበሮ፡ ለውእቱ፡ መጽሔት፡ በመዋዕሊሆሙ፡ ለነገሥተ፡ ሮም፡ ወበጠለ፡ እስከ፡ ይእዜ።

3rd Wonder ሣልስ፡ ዜና፡ ተብህለ፡ ከመ፡ በአንድልስ፡ እምሀገረ፡ ምዕራብ፡ ሀሎ፡ ደሴት፡ ዘይትበሀል፡ ደሴተ፡ ሐመልሚል። ወውእቱ፡ ደሴት፡ በማእከለ፡ ባሕረ፡ ኤርትራ፡ ወውእቱ፡ ሀገር፡ ዓባይ፡ ወበቅጽራ፡ ለይእቲ፡ ሀገር፡ ሥዕለ፡ ብእሲ። ሶበ፡ ይቀብዕዎ፡ ገጾ፡ ለውእቱ፡ ሥዕል፡ ፅቡረ፡ ይትሌዓል፡ ማይ፡ እምባሕር፡ እስከ፡ ቅጽር፡ ወሶባ፡ የሐፅብዎ፡ ይትመየጥ፡ ወይከውን፡ ከመ፡ ቀዲሙ። ወተብህለ፡ ከመ፡ ውእቱ፡ ጠልሰም፡ ይከልአ፡ ለማይ፡ ከመ፡ ኢያስጥማ፡ ለይእቲ፡ ሀገር።

4th Wonder ራብዕ፡ ዜና፡ አሐተ፡ መጽሔተ፡ ዘገብረ፡ አርስጣጣሊስ፡ ጠቢብ፡ ዘኮነ፡ ውስተ፡ መካን፡ ኀበ፡ ይነብር፡ እስክንድር፡ ውስቴቱ፡ ለኰንኖ። ይቤ፡ መጽሐፈ፡ ሥርዓቶሙ፡ ኵሉ፡ ብእሲ፡ ዘተሰርቀ፡ ንዋዩ፡ የሐውር፡ ኀበ፡ ውእቱ፡ መጽሔት፡ ወይሬኢ፡ ኵሎ፡ ቦቱ፡ ዘተኃጕሎ፡ ወዘተሰርቆ፡ የሐውር፡ ወይነሥእ፡ ኵሎ፡ ንዋዮ።

5th Wonder ኃምስ፡ ዜና፡ ተብህለ፡ ከመ፡ በቆሮንቶስ፡ ዘሀገረ፡ ሮሜ፡ ወሀሎ፡ ቤት። ወቦቱ፡ ፪ ኀዋኅው፡ ዘኑኁ፡ ፻ወ፶ በእ፡ ወግድሙ፡ ከማሁ፡ ወርቡዕ፡ መዓዝኒሁ፡ ኢይወርድ፡ ዝናም፡ ዲቤሁ፡ ከመ፡ ካልአን፡ አብያተ፡ ሀገር።

6th Wonder ሳድስ፡ ዜና፡ ፈረሰ፡ ሐፂን፡ ዘይሰመይ፡ ፈልርሚጥዮስ፡ ተብህለ፡ ከመ፡ ሆሎ፡ በደሰያት፡ ቆጵሮስ፡ ስቁል፡ በነፋስ፡ ኀበ፡ መስኮት፡ ዘእንበለ፡ አስምኮ። ወዓዲ፡ ተብህለ፡ በሀገረ፡ ቆጵሮስ፡ ሀሎ፡ መስቀል፡ ኃፂን፡ ስቁል፡ በነፋስ።

7th Wonder ሳብዕ፡ ዜና፡ ተብህለ፡ ከመ፡ በ፫ ግልፈዋት፡ ዘገብሮሙ፡ ሀርቃልስ፡ ቀዳማይ፡ እምነገሥተ፡ ጽርዕ፡ ውስተ፡ ሀገር፡ በጽንፈ፡ ባሕር፡ ይምዕዶሙ፡ ለሰብአ፡ ጽርዕ፡ ከመ፡ ኢይስጥሙ።

8th Wonder ሳምን፡ ዜና። ተብህለ፡ ከመ፡ ምስል፡ ሀሉ፡ በሀገረ፡ ፋርስ፡ እምሀገረ፡ እንድልስ፡ ዘምዕራብ፡ ኮነ፡ እምብርት፡ ወይነብር፡ ዲበ፡ መንበረ፡ ብርት፡ ወእኁዝ፡ በዓረር፡ ወኮነ፡ ላዕለ፡ ርእሰ፡ ደብር፡ አንጻረ፡ ባሕር። ወሳበ፡ ይመጽኡ፡ አሕማረ፡ ፀሮሙ፡ ከመ፡ ይፅብዕዋ፡ ለይእቲ፡ ሀገር፡ አው፡ ሰብአ፡ ዓይን፡ አው፡ ዘይሔሊ፡ ኢኩየ፡ ይትገነጰል፡ አሕማር፡ ወይስጠሙ፡ እለ፡ ውስቴቱ፡ ወነበረ፡ ከመዝ፡ እስከ፡ ኃለፈ፡ መዋዕለ፡ ዕልወት። ወመጽኡ፡ ክርስቲያን፡ ወአርሰንዎ፡ ለዓረር፡ በእሳት፡ ወወድቀ፡ ጣዖት፡ ወተሰብረ። ወእምድኅረዝ፡ መጽኡ፡ ሰብአ፡ አፍራግያ፡ ወነሥእዋ፡ ለሀገር።

9th Wonder ታስዕ፡ ዜና፡ ተብህለ፡ ከመ፡ ሀለወት፡ በምዕራብ፡ አሐቲ፡ ሀገር፡ ዘይብልዋ፡ ቍስጥንጥንያ፡ ዘነፋስ። ወሀለወ፡ በመልዕልተ፡ ቅጽራ፡ ፈረሰ፡ ብርት፡ ወመስተፅዕንሂ፡ ዘብርት፡ ወበእደዊሁ፡ ረምኃ፡ ብርት፡ ወዓምዱ፡ ሐፂን፡ ሶበ፡ ይነሥእዎ፡ ለውእቱ፡ ፈረሳዊ፡ እምዓምድ፡ ይከውን፡ ነፋስ፡ ዓቢይ፡ ወድልቅልቅ። ወሶበ፡ ይመይጥዎ፡ ገጾ፡ መንገለ፡ ነፋስ፡ የኃድዕ፡ ነፋስ፡ በጊዜ። ወሶበ፡ ይመጽእ፡ ነፋስ፡ እንተ፡ ካልእ፡ ፍኖት፡ ይመይጡ፡ ገጾ፡ መንገለ፡ ነፋስ፡ ወያነሥእ፡ ረምኃ፡ ዘውስተ፡ እዴሁ፡ ውእቱ፡ ፈረሳዊ፡ ሶቤሃ፡ የኃድዕ፡ ነፋስ።

10th Wonder ዓሥር፡ ዜና፡ ወሀሎ፡ በሀገረ፡ ግብጽ፡ ቀዳማይ፡ ፩ ጣዖት፡ ዘይሰመይ፡ አቡሐውል፡ ዘገብሮ፡ ኅርማስ፡ ጠቢብ፡ ቀዳማይ። ወኮነ፡ ውእቱ፡ ጣዖት፡ ይከልአ፡ ለኆፃ፡ ከመ፡ ኢይረድ፡ እምገዳም፡ ውስተ፡ ምድረ፡ ግብጽ፡ ወሕርምሰ፡ ውእቱ፡ ዘሐነጾሙ፡ ለመዛግብተ፡ ግብጽ። ወተብህለ፡ ከመ፡ ሶበ፡ ይመውቱ፡ ይቀብርዎሙ፡ ህየ፡ ምስለ፡ ንዋዮሙ፡ እስመ፡ ኮኑ፡ ይሔልዩ፡ ከመ፡ ይትነሥኡ፡ ወይረክቡ፡ ንዋዮሙ፡ ወተብህለ፡ ከመ፡ ዮሴፍ፡ ጻድቅ፡ ነበረ፡ ይዘግብ፡ ውስቴቱ፡ እክለ፡ ዘአስተጋብአ፡ በመዋዕለ፡ ጽጋብ፡ ለመዋዕለ፡ ረኀብ፡ በመዋዕለ፡ ፈርዖን፡ ንጉሠ፡ ግብጽ፤ ወኅርምስ፡ ውእቱ፡ ዘሐነጸ፡ አብያተ፡ ጣዖት፡ ዘሀገረ፡ አክሚም። ወይንደራ፡ ጸሐፈ፡ ላዕሌሁ፡ ብዙኃ፡ ጥበበ፡ ጠልሰማት፡ ወኮኑ፡ እለ፡ ይነብሩ፡ በውእቱ፡ መዋዕል፡ ይትኤመሩ፡ ቦቱ። እስመ፡ የአምሩ፡ ጽሕፈቶ፡ ወነገሮ።

11th Wonder ፲ወ፩ ዜና፡ ወሀሎ፡ በፈለገ፡ ጣና፡ ተንከተም፡ እምሀገረ፡ ቱርክ፡ ውሣጠይ። ወተብህለ፡ ከመ፡ ውእቱ፡ ብእሲ፡ በሕይወቱ፡ ያወፅእ፡ ዓሣ፡ ወይሌዕል፡ እዴሁ፡ ወይጠብስ። በፀሐይ።

12th Wonder ፲ወ፪ ዜና፡ ተብህለ፡ ከመ፡ ሀሎ፡ ነጸር፡ ውሣጣይ፡ ህለት፡ ዘተኬነወ፡ ሰብእ፡ ከመ፡ የኃልፍ፡ ገመል፡ ምስለ፡ ጸዓኑ፡ በከርሠ፡ ውእቱ፡ ሕለት።

13th Wonder ፲ወ፫ ዜና፡ ወዓዲ፡ ተብህለ፡ ከመ፡ ሀለው፡ በሀገረ፡ ነጾር፡ ውሣጣይ፡ ፪ አድባር፡ ልዑላን፡ ወማዕከሎሙ፡ ፈለግ፡ ዕሙቅ፡ ጥቀ፡ ወዓዲ፡ ተብህለ፡ በሀገረ፡ ቀርዋን፡ ዘምዕራብ፡ ሀሎ፡ ተንከተም፡ በ፫ አሪሞነ።

14th Wonder ፲ወ፬ ዜና፡ ወሀሎ፡ ዖፍ፡ ዘይሰመይ፡ ሰመርመር፡ ዘባኑ፡ ጸሊም፡ ከርሡ፡ ወእገሪሁ፡ ቀይሕ። ወምክንያተ፡ ዘይፌንው፡ ፪ ሰብእ፡ አፍራስ፡ ከመ፡ ይምጽኡ፡ ማየ፡ ለእመ፡ ሞተ፡ ፩ በፍኖት፡ ይተርፍ፡ ካልኡ፡ ወያመጽኡ፡ ውእተ፡ ማየ።

15th Wonder ፲ወ፭ ዜና፡ ወሀሎ፡ በሀገረ፡ ምሥራቅ፡ ደብር፡ ዘይሰመይ፡ ደብረ፡ አሰዋፍ። ወያስተጋብእዎ፡ መነኮሳት፡ ለውእቱ፡ ፍሬ፡ ዘይት፡ ወየዐፅርዎ፡ ወየአክሎሙ፡ ቅብዑ፡ እምዓመት፡ እስከ፡ ዓመት፡ ወዝንቱ፡ እሙር፡ በኀበ፡ ኵሉ።

16th Wonder ፲ወ፮ ዜና፡ ወዓዲ፡ ሀሎ፡ በደብር፡ በሀገረ፡ ጥህና፡ በሀገረ፡ አስሙኒን፡ በምድረ፡ ግብጽ፡ ይትጋብኡ፡ ኀቤሁ፡ አዕዋፍ። ወይዘረው፡ እለተርፋ፡ በበመካኖሙ፡ ወይሄሉ፡ ውእቱ፡ ስቁል፡ በአፋሁ፡ እስከ፡ ዳግማይ፡ ዓመት፡ ወበዳግም፡ ዓመት፡ ይሰቀል፡ ካልእ፡ ዖፍ።

17th Wonder ፲ወ፯ ዜና፡ ሀሎ፡ በሀገረ፡ ሕንዳኬ፡ ቤተ፡ ክርስቲያን፡ በስሙ፡ ለቶማስ፡ ሐዋርያ፡ ፩ እምአርዳኢሁ፡ ለእግዚእነ፡ ኢየሱስ፡ ሎቱ፡ ስብሐት። ወሰብእ፡ እለ፡ ምስሌሁ፡ ይመጽኡ፡ በካልእ፡ ዓመት፡ ለበዓል፡ ይረክብዎ፡ ስመ፡ ሞተ፡ ወይትቀብርዎ። ከማሁ፡ ይእኀዝ፡ ለለዓመት።

18th Wonder ፲ወ፰ ዜና፡ ወሀሎ፡ ዖፍ፡ ዘይሰመይ፡ ርኵ፡ በሀገረ፡ ሲን፡ ወሣጣይ፡ እምደሰያተ፡ ሲን፡ ፪ አንቆቅሆ፡ ከመ፡ ፪ ደብተራ፡ ዐበይት፡ ዘውእቱ፡ አንቆቅሆ፡ ዘርኵ።

19th Wonder ፲ወ፱ ዜና፡ ወሀለወት፡ አሐቲ፡ ቤተ፡ ክርስቲያን፡ በአፍአ፡ ሀገረ፡ አርጋኖስ። እምድረ፡ ብህንስ፡ በጽዒድ፡ ግብጽ። እስከ፡ አፋሁ። ወእምዝ፡ ይትመየጥ፡ ማይ፡ ኀበ፡ መካኑ፡ ወለቱ፡ የአምሩ፡ ምልአተ፡ ፈለገ፡ ግብጽ። ለለኵሉ፡ ዓመት።

20th Wonder ፳ ዜና፡ ዜነወኒ፡ ፩ ብእሲ፡ ነጋሢ፡ ዘስሙ፡ አብርሃም፡ እምሀገረ፡ ሀለብ፡ ዘከመ፡ ዜነዎ፡ ወልዱ። ወርእዮ፡ ለንጉሠ፡ ዚአሃ፡ ዘቦቱ፡ ፫ አዕይንት፡ ወሣልሳይስ፡ ውስተ፡ ፍጽሙ።

21th Wonder ፳ወ፩ ዜና፡ ወሀሎ፡ ዖፍ፡ ዘይሰመይ፡ አግሪጲስ፡ አይድዓ፡ አብለ፡ ወልደ፡ ፋድል። ወይቤ፡ እለመ፡ በሀገረ፡ ቃራት፡ ሀሎ፡ ውእቱ፡ ዖፍ፡ ወቦ፡ ፬አዕጋር፡ ይመስጥ፡ ሶረ፡ ወይሰርር፡ መልዕልተ፡ ዓየር፡ እንበይነ፡ ጽንዑ።

22th Wonder ፳ወ፪ ዜና፡ አይድእ፡ ፩ ብእሲ፡ ዘይሰመይ፡ ታዝብሉክ፡ እስመ፡ ስበቦአ፡ ኀበ፡ ሀገረ፡ ነጸር። ወዓዲ፡ አይድአ፡ እስመ፡ ርእየ፡ በኀበ፡ እልቃን፡ ዘዘክርኖ፡ ብእሲ፡ ዘእምሀገረ፡ ዘርደቅያ፡ አዕዛኒሁ፡ መጠነ፡ አዕዛነ፡ ነጌ።

23th Wonder ፳ወ፫ ዜና፡ አይድዑኒ፡ ስብእ፡ ዘኢይሔስው፡ እስመ፡ በማእከለ፡ ምድረ፡ አዘምጣ፡ በማዕከለ፡ ምድረ፡ ነደር፡ ውሣጣይ፡ ወሶበ፡ ይነድፍዎ፡ በአሕፃ፡ ይረግሞሙ፡ በልሳነ፡ ሰብእ፡ ሀገረ፡ ነዳር።

24th Wonder ፳ወ፬ ዜና፡ ወሀሎ፡ ፩ ለህም፡ ዘይውፅአ፡ እም፩ ባርሕር፡ ጽዩእ። በሀረ፡ ከሪክ። ወይቤሉ፡ እስመ፡ የዓርግ፡ ፩ ላህም፡ በበዓመት፡ ወሶበ፡ የሐውር፡ በሐይቅ፡ ባሕር፡ ይትከፈል፡ ወይከውን፡ ፒሰ፡ ወይሠይጥዎ፡ ለሰብአ፡ አፍራግያ፡ ይቅብዑ፡ ቦቱ፡ ኪዳሁ፡ አሕማሮሙ።

25th Wonder ፳ወ፭ ዜና፡ ወሀሎ፡ በሀገረ፡ በድሊስ፡ ደብር፡ ስቁር፡ ቅሩብ፡ እምነ፡ ሀገረ፡ አክለጥ። እም፪ ገባዋቲሁ። ወኮኑ፡ ሰብእ፡ ይኀልፉ፡ ውስቴቱ፡ እንበለ፡ ፃማ።

26th Wonder ፳ወ፮ ዜና፡ ወሀሎ፡ ደብር፡ በሀገረ፡ አዘም፡ ቅሩብ፡ እምሀገረ፡ ነህውድ፡ ልዑል፡ ጥቀ። ወሥዕልስ፡ መልዕልተ፡ ገበ፡ ደብር፡ ወኢይክል፡ መኑሂ፡ ይብጻሕ፡ ኀቤሁ፡ ወኢይትአመር። ዘከመ፡ እፎ፡ ገብርዎ።

27th Wonder ፳ወ፯ ዜና፡ ተብህለ፡ ከመ፡ በምድረ፡ ሐይቅ፡ ሀለወት፡ ዕፅ፡ ለእመ፡ ነበሩ፡ ሰብእ፡ ይላህው፡ ወያስቆቁው፡ በታሕቲሃ፡ ይትነገፍ፡ ቈጽለ፡ እስከ፡ ኢይትርፍ፡ ወኢምንትኒ፡ ወኢ፩ ቈጽል፡ በላዕሌሃ።

28th Wonder ፳ወ፰ ዜና፡ ሀሎ፡ አንቀጽ፡ ዘሐፂን፡ በማእከለ፡ ሀገረ፡ ቱርክ፡ ወሀገረ፡ አዘም፡ ወበማእከሌሁ፡ አንቀጸ፡ ሐፂን፡ ይበውኡ፡ ሰብእ፡ እንተ፡ ውስቴታ፡ ነጋድያንሂ፡ ወከልአንሂ።

29th Wonder ፳ወ፱ ዜና፡ ሀሎ፡ ዕፅ፡ በሀገረ፡ ደንደራ፡ ዘይሰመይ፡ ጋስ፡ በምድረ፡ ጽዒድ። ወይብሎ፡ አዕፀ፡ ጋስ፡ መጽአ፡ ኀቤከ፡ ፋስ፡ ዘውእቱ፡ ማኀፄ፡ ያስተጋብአ፡ ቈፅሉ፡ ወይየብስ፡ በጊዜሁ።

Epilogue to Wonders ወይቤ፡ ጸሓፊ፡ ዝንቱ፡ ታሪክ፡ ለእመ፡ ዘከርኩ፡ ተአምራተ፡ ወዜና፡ በበገጹ፡ እምኖኀ፡ ነገር። እምኵሉ፡ ተኣምራት፡ ብዙኀ፡ ይደልወነ፡ ከመ፡ ንትመየጥ፡ ኀበ፡ ዜና፡ አበው።

Conclusion on Eber's Life The incipit and explicit of the Conclusion on Eber's Life are based on , and . አቤር፡ ፲ወ፭፡ እምነ፡ አዳም፡ ዘዘከርናሁ፡ ቅድመ፡ እስመ፡ በመዋዕሊሁ፡ ተሐንጸ፡ ማኅፈድ፡ ወኮነ፡ ልሳኑ፡ እብራይስጥ። ወበመዋዕሊሁ፡ ለአቤር፡ በወርኃ፡ ከፉን፡ክፉን፡ካፉን፡ ዳግማይ፡ በ፴፻ወ፬፻፲ወ፯በ፴፻ወ፩፻፲ወ፯ ዓመት፡ እምፍጥረተ፡ ዓለም።

16th Generation: Peleg The incipits and explicits of the part on Peleg and the following parts up to Tola (40th generation) are based on , and . ፲ወ፮ ፋሌቅ፡ ወልደ፡ አቤር፡ ወሞተ፡ በወርኃ፡ ኤሎን፡ኢሎን፡ በ፴፻፳ወ፯ ዓመት፡ እምፍጥረተ፡ ዓለም።

17th Generation: Reu ፲ወ፯ ራግው፡ ወልደ፡ ፋሌቅ፡ ሞተ፡ወሞተ፡ ራግው፡ራግዉ፡ በወርኃ፡ ኔሳን፡ኒሳን፡ በ፴፻፷ወ፯ ዓመት፡ እምፍጥረተ፡ ዓለም።

18th Generation: Serug ፲ወ፰፡ ሴሮሕ፡ሴሮኅ፡ ወልደ፡ ራግው፡ራግዉ፡ ወሞተ፡ በወርኃ፡ አዴር፡አዳር፡ በ፴፻ወ፪፻፺ወ፱ ዓመት፡ እምፍጥረተ፡ ዓለም።

19th Generation: Nahor ፲ወ፱ ናኮር፡ ወልደ፡ ሴሮሕ፡ሲሮሕ፡ሴሮኅ፡ ወሞተ፡ ናኮር፡ በወርኃ፡ ተሙዝ፡ በ፴፻ወ፫፻፸ወ፯ ዓመት፡ እምፍጥረተ፡ ዓለም።

20th Generation - Terah

On the Life of Terah ፳ ታራ፡ ሐይወ፡ወሐይወ፡ ፻ ዓመተ፡ ወወለዶ፡ ለአብርሃም፡ በሀገረ፡ ከርሣን፡ክርሣን፡ ወሞተ፡ ታራ፡ በከራን፡ በወርኃ፡ ኢሉን፡ በ፴፻ወ፬፻፡ ወ፷፡ ወ፫ እምፍጥረተ፡ ዓለም።

On Fāridon ወመዋዕሊሁ፡ ፪፻ወ፯ ዓመተ። ዜና፡ ጥንተ፡ ነገሮሙ፡ ለነገስተ፡ አዥም፡ ወለናምሩድ፡ ኮነ፡ በመዋዕሊሁ፡ ራግው፡ ዘውእቱ፡ ፲ወ፯ እምአዳም፡ በከመ፡ ጸሐፈ፡ ዙርናሐር። ወበውእቱ፡ መዋዕል፡ ነግሠ፡ አፍሪሮን፡ ሀገረ፡ ካርሣን፡ ወኵሎ፡ መንግሥት፡ አዘም። ወከማሁ፡ እስከ፡ ተፍጻሜቶሙ፡ ዝሥርዓት።

21st Generation: Abraham ፳ወ፩ አብርሃም፡ ፍቁረ፡ እግዚአብሔር፡ ኮኑ፡ ያመልክ፡ እግዚአብሔር፡ለእግዚአብሔር፡ ወኢተቀንየ፡ ለአማልክተ፡ አሕዛብ። ወእምድኅረ፡ ዝንቱ፡ መዋዕል፡ ነግሠት፡ ሳምሪን፡ ፵ወ፪ ዓመተ፡ ላዕለ፡ ሀገረ፡ እስያ፡ ወአህጉረ፡ ብዙኃ፡ እምነ፡ ሳም፡ስምሪን፡ ወሐነጸት፡ በሐይቀ፡ ኤፍራጥስ፡ኤፍራስጥ፡ ኀቢ፡ መንበዝ፡ ቀዳሚት፡ቀዳሚ፡ ወሐነጸት፡ ውስቴቱ፡ ቤተ፡ ለጣዖት፡ ወአቀመት፡ ውስቴቱ፡ ፸ ዕደወ፡ እመነ፡ ካህናት፡

22nd Generation: Isaac ፳ወ፪ ወሶበ፡ ኮኖ፡ ለይስሐቅ፡ ወልደ፡ አብርሃም፡ ፵ ዓመተ፡ ሖረ፡ ገብረ፡ አቡሁ፡ ሀገረ፡ ካራን፡ ወሞተ፡ ሶቤሃ፡ ወተጋብኡ፡ መላህቅተ፡ ሀገር፡ ሠራዊቱ፡ ወአንገሡ፡ ወልዶ፡ ልካህን፡ ህየንቲሁ፡ ወገብአ፡ ውእቱ፡ ብእሲ፡ ዘአመክነያ፡ ላዕለ፡ መሐን፡መሃን፡ ኀበ፡ ንጉሥ፡ ስሕርያር፡ሰሕርያር፡ሰህርያር፡ ወአይድዖ፡ወአይድአ፡ በዘገብረ፡ ወተፈሥሖ።ወተፈሥሐ። በእንተዝ፡ ፍሥሐ፡ ብዙኃ፡ ወወሀቦ፡ ዘአሰፈዎ።ዘአሰራዎ።

23rd Generation: Jacob ፳ወ፫ እምአዳም፡ ያዕቆብ፡ ወልደ፡ ይስሐቅ፡ ወልደ፡ አብርሃም፡ ወነግሠ፡ እምድኅሬሁ፡ ወልዱ፡ አስፈድያር፡አስፊድያር፡ ፸ወ፩ ዓመተ። ወሣልሱ፡ በመዋዕለ፡ ያዕቆብ፡ ዘውእቱ፡

24th Generation: Levi ፳ወ፬ እምአዳም፡ ሌዊ፡ ወልደ፡ ያዕቆብ፡ ወተጋብኡ፡ ምኳንንተ፡ መንግሥቱ። ወአንግሥዎ፡ ላዕሌሆሙ፡ ለወልዱ፡ አፍዶን።አብዶን።ዋህዶን። ወራብዑ፡ በዘመነ፡ ሌዊ።

25th Generation: Kohath ፳ወ፭ እምአዳም፡ ቃዓት፡ ወልደ፡ ሌዊ፡ ሐይወ፡ ፷ ዓመተ፡ ወወለዶ፡ ለእንበረም፡ ወኮነት፡ ኵላ፡ኵሉ፡ መዋዕለ፡ መንግሥቱ፡ ርትዕተ፡ ወሞተ፡ እንዘ፡ መዋዕሊሁ፡ ፹ወ፯ ዓመት።ዓመተ።

26th Generation: Amram ፳ወ፮ እምአዳም፡ እንበራን፡እንቦራን፡እንበረም፡ ወልደ፡ወልዶ፡ ቃዓት፡ቃዐት፡ እምነገደ፡ ሌዊ። አውሰበ፡አወሰበ፡ እምእዋልደ፡ ሌዊ። ወነግሠ፡ እምድኅሬሁ፡ ወልዱ፡ ስምካር፡ሰምካር፡ ፸ወ፯ ዓመተ።

27th Generation - Moses

Life of Moses ፳ወ፯ እምአዳም፡ ሙሴ፡ ነቢይ፡ ሰላመ፡ እግዚአብሔር፡ ላዕሌሁ። ውስተ፡ መንግሥት፡ ወተማከሩ፡ ያርኀቅዎ፡ እምቤተ፡ መንግሥት።

Story of the Ethiopian wife of Moses The following section on the alleged Ethiopian wife of Moses is based on the edition by 276-278, which is based on the attestations in London, British Library, BL Oriental 814, fols 24v-25r, ʾAddis ʾAbabā, Manbara Lǝʿul Qǝddus Mārqos, EMML 21, fols 20r-21v and Collegeville, Hill Museum and Manuscript Library, MS EMML no. 192, fol. 14r. ወበውእቱ፡ መዋዕል፡ ተፃብኡ፡ ሰብአ፡ ኵሳ፡ ዘውእቶሙ፡ ሰብአ፡ ኢትዮጵያ፡ ምስለ፡ ሰብአ፡ ግብጽ፡ ወአመዝበሩ፡ወአዝበሩ፡ ብሔሮሙ። ወሜጥዎ፡ ለማየ፡ ተከዜ፡ ኀበ፡ ካልእ፡ ፍኖት፡ ከመ፡ ኢየሩጽ፡ ለሀገሮሙ፡ እስመ፡ ምጽአተ፡ ማዮሙ፡ እምኢትዮጵያ። ወእምድኅረዝ፡ አምከርዎ፡ ሰብእ፡ ለንጉሠ፡ ግብጽ፡ ከመ፡ ይፈንዎ፡ ለሙሴ፡ ያፅብዖሙ፡ ለሰብአ፡ ኢትዮጵያ፡ ወይቤሎሙ፡ ኦሆ። ወይቤልዎ፡ ኦሙሴ፡ እስመ፡ አእመርከ፡ ኵሎ፡ ዘመጽአ፡ ላዕሌነ፡ እምኢትዮጵያውያን፡ ወከመዝ፡ በርዋ፡ ለሀገርነ፡ ወፄወዉ፡ ሰብእ፡ ወመተሩ፡ ማየ፡ ተከዜ፡ እምኔሃ፡ ወሜጥዎ። ያደልወከ፡ ትርጻእ፡ መንግሥተ፡ በእንተ፡ ዘጸገወተከ፡ አምሠናያት፡ አንተ፡ ተአምሮሙ፡ ወኢትከሐዶሙ። ናሁ፡ ፈቀደ፡ ንጉሥ፡ ወኵሉ፡ መኳንንቲሁ፡ ከመ፡ ትሑር፡ ኀበ፡ ኢትዮጵያ፡ ወትፅባዕ፡ ሰብእ። ንሣእ፡ ዘኃረይከ፡ እምሠራዊት፡ ወኩን፡ ሊቀ፡ ላዕሌሆሙ፡ ወኀረየ፡ እምደቂቀ፡ እሥራኤል፡ ፼ ብአሴ፡ መስተፅዕናነ፡ አፍራስ። ወምግብጻውያን፡ ፼መስተፅዕናነ፡ አፍራስ፡ ወበጽሐ፡ ሙሴ፡ ውስተ፡ ገዳም፡ ወሰምዐ፡ ከመ፡ ሀለዉ፡ አክይስት፡ ወአፍዖት፡ ብዙኅ፡ በፍኖት፡ ማእከለ፡ ግብጽ፡ ወኢትዮጵያ። ወነሥአ፡ ሙሴ፡ እምአዕዋፍ፡ ዘይበልዑ፡ አክይስተ፡ ብዙኃ፡ ወእምኔሆሙ፡ ጊጳ፡ ወአልዮጦን፡ ወገላውቃ። ወሶበ፡ በጽሐ፡ ኀበ፡ ውእቱ፡ ምድር፡ አዘዘ፡ ከመ፡ ኢይብልዕዎሙ፡ ለእልክቱ፡ አዕዋፍ፡ ዘእንበለ፡ ጊዜ፡ ወጽባሕ፡ እመዓልት። ወኮነ፡ ሶበ፡ ይወርዱ፡ ሠራዊት፡ ያርሳዉ፡ ሙዳያተ፡ ወደዘርዉ፡ አዕዋፍ፡ ውስተ፡ ማኅደሪሆሙ፡ ለሠራዊት፡ ወኢይብልዑ፡ ምንተኒ። ወኮኑ፡ ይነቆዉ፡ ኵላ፡ ሌሊተ፡ በእንተ፡ ብዝኃ፡ ረኃቦሙ፡ ወይሰምዑ፡ አክይስት፡ ቃላቲሆሙ፡ ወይትኃብኡ፡ ውስተ፡ ምድር፡ በእንተ፡ ብዝኃ፡ ፍርሃቶሙ፡ እምኔሆሙ፡ ወገብረ፡ ከመዝ፡ እስከ፡ በጽሐ፡ ኢትዮጵያ። ወሶበ፡ ርእዩ፡ ሰብአ፡ ኵሳ፡ ኢትዮጵያ፡ ብዝኃ፡ ሠራዊት፡ ዐፀቦሙ፡ ፈድፋደ፡ ወፈርሁ፡ ዓቢየ፡ ፍርሃተ፡ ወተፃብኡ፡ ዐቢየ፡ ፀብአ፡ ወሞአዎሙ፤ ወሶበ፡ ጠየቀት፡ ወለተ፡ ንጉሠ፡ ኢትዮጵያ፡ ከመ፡ ሙሴ፡ ሞኦሙ፡ ወፈቀደ፡ ይቅትል፡ ኵሎ፡ ዘውስቴታ፡ ፈነወት፡ ኀቤሁ፡ መልአክታ፡ ከመ፡ ያውስባ፡ ወተምርሖ፡ ፍኖተ፡ እንተ፡ ባቲ፡ የመውኦሙ። ወተሠጥዋ፡ በዝንቱ፡ ወነገረቶ፡ መካናተ፡ ለበዊአ፡ ሀገር፡ ወተሠልጠ፡ ላዕለ፡ መንግሥት። ወአውሰበ፡ ሙሴ፡ ወለተ፡ ንጉሠ፡ ኢትዮጵያ፡ ወይእቲ፡ ኢትዮጵያዊት፡ በከመ፡ ይቤ፡ መጽሐፈ፡ ኦሪት፡ አስመ፡ ማርያም፡ ወአሮን፡ ሐመይዎ፡ ለሙሴ፡ በእንተ፡ ዘአውሰበ፡ በብእሲተ፡ ኢትዮጵያዊት፡ ዘኢኮነት፡ ቀይሕተ። ወነበረ፡ ሙሴ፡ ወሠራዊት፡ እለ፡ ምስሌሁ፡ ውስተ፡ ምድረ፡ ኢትዮጵያ፡ እስከ፡ ጊዜ፡ የዓርግ፡ ወደመልአ፡ ተከዜ፡ ወጠየቀ፡ ግብሮ። ወነደቀ፡ ናሕሰ፡ ዓቢየ፡ በአዕባን፡ ወበግንፉል፡ ዘውእቱ፡ ግብሰሶ፡ ከመ፡ ይዕቀብ፡ ማየ፡ ሶበ፡ ይትዌሰክ፡ እስከ፡ ይረዊ፡ ምድረ፡ ኢትዮጵያ፡ ወትነሥኡ፡ ምድረ፡ ዘፈቀደት፡ እምኔሁ። ወዓዲ፡ ይረድ፡ ማይ፡ ኀበ፡ ምድረ፡ ግብጽ፡ ወሤመ፡ ሙሴ፡ እኀወ፡ ብእሲቱ፡ ላዕለ፡ መንግሥተ፡ ኢትዮጵያ፡ ወአምሐሎ፡ ኢይምትር፡ ማየ፡ እምነ፡ ምድረ፡ ግብጽ፡ ኀበ፡ ካልእ፡ ፍኖት።

End of the story on Moses ወገብአ፡ ሙሴ። ወለ፡ ምስሌሁ፡ ሠራሪት፡ ውስተ፡ ብሔረ፡ ግብጽ። ይቤ፡ ዙርነሀር፡ በውስተ፡ ሐሳቡ፡ ወበውእቱ፡ መዋዕል፡ ነግሠ፡ አብርወይዝ፡ ወልደ፡ አፍሪዶን፡ ዘይንእስ፡ ንጉሠ፡ ሐዋርዝም፡ ህየንተ፡ አቡሁ፡ ፷ ዓመተ፡ ወአሠነየ፡ ላዕለ፡ መርዔተ፡ ወገብረ፡ ፍትሐ፡ በውስቴቶሙ፡ ወአንበሮሙ፡ በከመ፡ ሥርዓተ፡ አቡሁ፡ ወእምሔው።

28th Generation: Joshua ፳ወ፰ እምአዳም፡ ኢያሱ፡ዘኢያሱ፡ ወልደ፡ ነዊ። ወዓዲ፡ ከሠታ፡ ወነግሠ፡ ዲቤሃ፡ ወቀተለ፡ ንጉሣ፡ ወለውሉዳ፡ ወኵሉ፡ ዘውስቴታ፡ እምዘርአ፡ አፍሪዶን፡ ወዓዲ፡ ሖረ፡ ኀበ፡ ሠምረ፡ ቀንድ፡ ወገብረ፡ ከማሁ፡ ወዐበየት፡ መንግሥቱ፡ ወበዝኁ፡ ሠራዊቱ፡ ወአሠነየ፡ ለመርዔቱ፡ ወአብዝኃ፡ ፍትሐ፡ ላዕሌሆሙ።

29th Generation: Phinehas ፳ወ፱ እምአዳም፡ ፊናሐስ፡ፈንሖስ፡ፈንሐስ፡ ወልደ፡ አልዐዛር፡ወልደ፡ አልዓዛር፡ወልደአልዓዘር፡ ወልደ፡ አሮን፡ ኰነኖሙ፡ ለእስራኤል፡ ፳ወ፭ ዓመተ። አስተርዳ፡ወአስተርዳ፡ ወአምዕዕዎሙ፡ወአምዕፅዎ፡ ለእግዚአብሔር፡ ወኃደጉ፡ወኅደጉ፡ አምልኮቶ፡ ወተምዕዐ፡ወተምዕዓ፡ እግዚአብሔር፡ ላዕሌሆሙ፡ ወአግብኦሙ፡ እግዚአብሔር፡ ውስተ፡ እዴሁ፡ ለኵሳ፡ አርስቴም፡ ረሲዕ፡ለኵሰ፡ አርለቲም። ዘትርጓሜሁ፡ ዓማፄ፡ዓሜፄ፡ ዓማፅያን።

30th Generation: Cushan-Rishathaim Referred to as Kusā Senāʾim in . ፴ እምአዳም፡ ለኵሰ፡ ሰናኢም፡ኵሰ፡ ሰናኢን፡ኩሳ፡ ሴናኢም፡ ዐማፄ፡ ወትርጓሜሁ፡ ለኵሳን፡ ስናኢም፡ ዐማፄ፡ ዐማፄያን። ይቤ፡ መጽሐፈ፡ መሳፍንት። እስመ፡ ውእቱ፡ይቤሎ፡ ንጉሠ፡ ላዕለ፡ ካራን።ፋራን።ጢሮስ፡ ወሲዶና። ዝንቱ፡ ቀነዮሙ፡ ለደቂቀ፡ እስራኤል፡ ወተሠልጠ፡ ላዕሌሆሙ፡ ሳምንተ፡ ዓመተ፡ ለፍጻሜ፡ ፴፻ወ፱፻፴ወ፱ ዓመት፡ እምፍጥረተ፡ ዓለም፡ ወኰነኖሙ፡ ኵነኔ፡ ዐቢየ፡ ወእምብዝኃ፡ አመንድቦቶሙ፡ ተመይጡ፡ ኀበ፡ አምልኮ፡ እግዚአብሔር፡ ወገዐሩ፡ ኀቤሁ፡ ወአድኃኖሙ፡ በእደ፡ ወልደ፡ እኁሁ፡ ለካሌብ፡ ይንእስ።

31st Generation: Othniel ፴ወ፩ እምአዳም፡ ጎቶንያል፡ ወልደ፡ ቀኔዝ፡ ወልደ፡ እኁሁ፡ ለካሌብ፡ ዘይንእስ፡ እምነገደ፡ ይሁዳ፡ ወይቤ፡ መንበጊ። እስመ፡ በመዋዕለ፡ ጎቶንያል፡ጎቶልያል፡ ኮነ፡ አይኀ፡ ዳግመ፡ ውስተ፡ ምድር። ወኮነ፡ መንግሥቱ፡ ፴ወ፪ ዓመት፡ ፴ወ፪።

32nd Generation: Eglon ፴ወ፪ ኤግሎም፡ ንጉሠ፡ ሞአብ፡ እምደቂቀ፡ ሎጥ፡ ወአድኃኖሙ፡ በናኦድ፡ ወልደ፡ ጌራ። ወበውእቱ፡ መዋዕል፡ ሞተ፡ አብያክ፡ ንጉሥ፡ አዠም፡ ወነግሠ፡ ወልዱ፡ እምድኅሬሁ፡ ተምረለንክን፡ ፹ወ፩ ዓመት።

33rd Generation: Nāʾod Ehud in the Arabic version. ፴ወ፫ ለናኦድ፡ ወልደ፡ ጌራ፡ ጸጋማዊ፡ ወበውእቱ፡ መዋዕል፡ ሀሎ፡ በሀገረ፡ አቴናስ፡ ማኅበረ፡ አርዮስ፡ ፋጎስ፡ ዘውእቱ፡ ማኅበረ፡ መሳፍንት፡ ወጠቢባን፡ ዘይትጋብኡ፡ ለኵነኔ፡ ወለፍትሕ።

34th Generation: Shamgar Text quoted from . ፴ወ፬ እምአዳም፡ ሴሜጌር፡ ወልደ፡ ሐናት፡ ወገብረ፡ ፍትሐ፡ ለመርዔቱ፡ ወኮነ፡ ብእሲ፡ ለባዊ፡ ወማእምረ፡ እስመ፡ ሐፀኖ፡ በ ሠናይ፡ ወመሐሮ፡ ኵሎ፡ በዘይሄይስ። ለውሉደ፡ ነገሥት፡ ወነጸረ። ውስተ፡ ሠራዊቱ፡ ወመኳንንቱ። ወመርዔቱ። ወገብረ፡ ሎሙ፡ ሠናየ። ወሤሞ፡ ለሊቀ፡ ሐራ፡ ዘአቡሁ። ወኮነ፡ ውእቱ፡ ሊቀ፡ ሐራ፡ ብዙኃ፡ አአምሮ፡ በአእምሮ፡ ፈለኮት። ወተጋብኡ፡ ኀቤሁ፡ ብዙኃን፡ እምእለ፡ የአምርዎ፡ ለዝንቱ፡ አእምሮ። ወኮነ፡ የሐትት፡ ምስሌሆሙ፡ ብዙኃ፡ ጊዜያተ፡ በዝንቱ፡ አእምሮ። ወሰምዓ፡ ዘንተ፡ ንጉሥ፡ ተምረለንክ። ወሞተ፡ ንጉሠ፡ አዠም። ወነግሠ፡ እምድኅሬሁ፡ ወልዱ፡ ንጉሥ፡ ተርከባ፡ ሩቅ፡ተርከበሩቅ፡ተርከባ፡ ሩቅ፡ ፷ወ፩፷ወ፬ ዓመተ።

35th Generation: Jabin ፴ወ፭ እምአዳም። ኢያሚን፡ ንጉሠ፡ ከናአን፡ከነዓን፡ ወሲሳራ፡ መልአከ፡ ሠራዊቱ፡ኃይሉ፡ ቀነዮሙ፡ቀነይዎሙ፡ ለደቂቀ፡ እራኤል፡ለእራኤል፡ ፳ ዓመተ፡ ለፍጻሜ፡ ፵፻፺ወ፭ ዓመት፡ ለፍጥረተ፡እምፍጥረተ፡ ዓለም። ወአመንደቦሙ፡ ዐቢየ፡ ምንዳቤ፡ ወገዐሩ፡ ኀበ፡ እግዚአብሔር፡ ወተመይጡ፡ እማሳሆሙ፡እምአበሳሆሙ፡ ወአድኃኖሙ፡ በእደ፡ ባርቅ

36th Generation: Deborah ፴፯ እምአዳም፡ ዲቦራ፡ ብእሲቱ፡ ለፊዶት፡ እምነገደ፡ ኤፍሬም፡ ወእምድኅረዝ፡ ነጸረ፡ ንጉሥ፡ ተርከባሩቅ፡ ላዕለ፡ መንግሥቱ፡ ወኵሎ፡ ግብረ፡ ብሔሩ፡ ወገብረ፡ ሠናየ፡ ለመርዔቱ፡ ወሞተ። ወነግሠ፡ እምድኅሬሁ፡ ወልዱ፡ ከክሪ፡ከከሪ፡ ፸ወ፫ ዓመተ።

37th Generation: Zebah and Zalmunna ፴ወ፯ እምአዳም፡ ዘብሔል፡ዜብሔል፡ዘብሔለ፡ ወስልማና፡ወሰልማና፡ ነገሥተ፡ ምድያም፡ ዘውእቶሙ፡ ዓረብ፡ወዓረብ፡ዐረብ፡ እስማዔላዊያን፡እስማኤላውያን፡ ወነበሩ፡ ከመዝ፡ ፯ ዓመተ፡ ለፍጻሜ፡ ፵፻፩፻፵ወ፪ ዓመት፡ ለፍጥረተ፡ ዓለም። ወገዐሩ፡ወገብሩ፡ ደቂቀ፡ እስራኤል፡ ወነስሑ፡ ኀበ፡ እግዚአብሔር፡ ወአድኃኖሙ፡ በእዴሁ፡ ለጌዴዎን።

38th Generation: Gideon ፴ወ፰ እምአዳም፡ ጌዴዎን፡ ወልደ፡ ኢዮአስ፡ እምዘርዓ፡እምደቂቀ፡ ምናሴ፡ ወውእቱ፡ ይሰመይ፡ ሮብአም፡ ወነዋ፡ ዘከርናሁ፡ ቀዳሚ፡ በውስተ፡ ተአምራት፡ተአምራተ፡ ይቤ፡ በመዋዕለ፡በመዋዕል፡ ጌዴዎን፡ ወወረደ፡ወረድ፡ ፈረንሲስ፡ፈረንሲከ፡ ውስተ፡ ሀገረ፡ ፋርስ፡ ወመተረ፡ ርእሳ፡ ለአርጕር፡ ዘማዊት፡ እንተ፡ ኮነት፡ በብዝኃ፡በብዙኅ፡ ላሕያ፡ ወሥና፡ ታስሕቶሙ፡ ለሰብእ፡ለሰብአ፡፡ ወታማስን፡ አልባቢሆሙ፤

39th Generation: Abimelech ፴ወ፱ እምአዳም፡ አቤሜሌክ፡አበሜሌክ፡ ወልደ፡ ጌዴዎን፡ ወይቤ፡ ለዘይጸውር፡ ንዋየ፡ ሐቅሉ፡ ቅትለኒ፡ ከመ፡ ኢይበሉ፡ ብእሲት፡ ቀተለቶ፡ ወሶቤሃ፡ ቀተሎ፡ ወውእቱኬ፡ ለፍጻሜ፡ ፵፻፩፻፹ወ፭ ዓመት፡ ለፍጥረተ፡ ዓለም።

40th Generation: Tola ፵ እምአዳም። ቶለ፡ ወልደ፡ ፎሐ፡ፎሖ፡ ወልደ፡ እኁሁ፡ ለአቡሁ፡ ለአቤሜለክ፡ለአቡሁ፡ ለአቤሜሌክ፡ ለጌዴዎን፡ ዘእምነገደ፡እምነገደ፡ ይሳኮር፡ ወነግሠ፡ እምድኅሬሁ፡ ወልዱ፡ አልብረስላን፡ ፶ወ፬ ዓመተ።

41st Generation: Jair ፵ወ፩ እምአዳም፡ ኢያኢር፡ኢያኢርር፡ ገላአዳዊ፡ ወሞተ፡ ኢያኢር፡ኢያኤር፡ በፍጻሜ፡ለፍጻሜ፡ ፵፻ወ፪፻ወ፵፡፵፻ወ፪፻ወ፴ ዓመት፡ እምፍጥረተ፡ለፍጥረተ፡ ዓለም።

42nd Generation: Kings of the Philistines The kings of the Philistines and the Ammonites from the sons of Lot rule over Israel ፵፻፪ ነገሥተ፡ ፍልስጥኤም፡ ወደቂቀ፡ አሞን፡ እምደቂቀ፡ ሎጥ፡ ተሰልጡ፡ ላዕለ፡ ደቂቀ፡ እስራኤል፡ ከመ፡ ይዕቀብዎሙ፡ ለዮናናዊያን፡ እምሥጥመት፡ ወእሙንቱ፡ ዝኩራን፡ ውስተ፡ ተአምራት፡ ዘቀደመ።

43rd Generation: Jephthah ፵ወ፫ እምአዳም። ዮፍታሔ፡ይፍታሔ፡ ገለአዳዊ፡ ገለዓዳዊ።ገባአዳዊ፡ ወዝንቱ፡ ዘቀደመ፡ ከረየቶሙ፡ ለመቃብራት፡

44th Generation: Ibzan ፵ወ፬ እምአዳም፡ ሐሲበን፡ሔሲቦን፡ሔሴቦን፡ ዘእምነ፡ ቤተ፡ ልሔም፡ ዘቤተ፡ ልሄም፡ ኰነኖሙ፡ ለእስራኢል፡ ወነግሠ፡ እምድኅሬሁ፡ ወልዱ፡ ጌርዋሳህ፡ ፯ ዓመተ፡ ወሞተ፡ በፍጻሜ፡ ፵፻ወ፪፻፡ ፳ወ፩ ዓመተ፡ እምፍጥረተ፡ ዓለም። ወሞተ፡ ወተቀብረ፡ ውስተ፡ ቤተ፡ ልሔም።

45th Generation: Elon ፵ወ፭ እምአዳም፡ ኤሎም፡ ወልደ፡ ዘብሎን፡ዛብሎናዊ፡ ወሞተ፡ በተፍጻሜተ፡ ፵፻ወ፪፻ወ፸ወ፬፵፻ወ፪፻፸ወ፩ ዓመት፡ እምፍጥረተ፡ ዓለም።

46th Generation: Abdon son of Hillel (Labon walda ʾElom) Written as Labon walda ʾElom in and ፵ወ፮ እምአዳም፡ ለቦን፡ ወልደ፡ ኤሎም፡ ኤፍታዊ፡ኤፍራታዊ፡ ወሞተ፡ ለቦን፡ ወቀበርዎ፡ ውስተ፡ ኤፍራታ፡ በፍጻሜ፡ ፵፻ወ፪፻፸ወ፱ ዓመት፡ እምዓለም።

47th Generation: Kings of the Philistines ፵ወ፯ እምአዳም፡ ነገሥተ፡ ፍልስጥኤም፡ፍልጥኤም፡ኢሎፍላውያን፡ ቀነይዎሙ፡ ለደቂቀ፡ እስራኤል፡ለእስራኤል፡ ፵ ዓመት። ወኰነንዎሙ፡ ኵኒኔ፡ ዐቢየ፡ ወአማሰኑ፡ ዘርኦሙ፡ ወጸርኁ፡ ኀበ፡ እግዚአብሔር፡ ወገዐሩ፡ ወበከዩ፡ ወአድኃኖሙ፡ እግዚአብሔር፡ እምኔሆሙ፡ በእዴሁ፡ ለሶምሶን፡ ረዐይታይ።በእደ፡ ሶምሶን፡ እምነገደ፡ ዳን፡ ኰነኖሙ፡ ለእስራኤል፡ ፳ ዓመት፡ ወሞተ፡ በፍጻሜ፡ ፵፻፡ ወ፫፻፴ወ፱ እምዓለም፡

48th Generation: Samson ፵ወ፰ እምአዳም፡ ሶምሶን፡ ያርብህ፡ ኰነኖሙ፡ ለደቂቀ፡ እስራኤል፡ ፳ ዓመት፡ ወፀብኦሙ፡ ለሰብአ፡ ፍልስጥኤም፡ፍልስጥዔም፡ ወነግሠ፡ ረስለንሳሕ፡ረስለንስሕ፡ ወልዱ፡ እምድኅሬሁ፡ ፲ወ፪ ዓመተ።

49th Generation: Micah ፵ወ፱ እምአዳም፡ ሚካ፡ሚከ፡ ወልደ፡ ይዝራኤል፡ ወነግሠ፡ እምድኅሬሁ፡ ወልደ፡ እኁሁ፡ ለአቡሁ፡ ዘስሙ፡ ዩሪ፡ ወኮነ፡ አረጋዊ፡ ዐቢይ፡ ወነበረ፡ በመንግሥት፡ ፯ ዓመተ፡ ወሞተ፡ ፊንሖስ፡ በፍጻሜ፡ ፵፻ወ፫፻፵ወ፯ እምፍጥረተ፡ ዓለም።

50th Generation: Eli ፶ እምአዳም። ኤሊ፡ዔሊ፡ ካህን፡ መገቦሙ፡ ለደቂቀ፡ እስራኤል፡ለእስራኤል፡ ወእምድኅርዝ፡ ሞተ፡ ስክንኪን፡ሰንኪንኪስ፡ ወነግሠ፡ እምድኅሬሁ፡ወእምድኅሬሁ፡ ነግሠ፡ ወልዱ፡ ዩሪ፡ ፷ወ፪ ዓመተ።

51st Generation: Samuel Section strongly abridged in . The incipits and explicits from Samuel to Darius III Codomannus (91st generation) are taken from and . ፶ወ፩ እምአዳም። ሳሙኤል፡ ነቢይ፡ መገቦሙ፡ ለሕዝብ፡ ፳ ዓመተ። ወአዘዘ፡ወአዘዞ፡ እግዚአብሔር፡ ከመ፡ ይሤሞ፡ ለሳኦል፡ ወልደ፡ ቂስ፡ቄስ፡ ንጉሠ፡ ላዕሌሆሙ፡ ወውእቱኬ፡ ለፍጻሜ፡ ፳ ዓመት፡ እምግብርናሁ፡ ለሳሙኤል፡ ወለፍጻሜ፡ ፵፻ወ፬፻ወ፯ ዓመት፡ ለፍጥረተ፡ ዓለም።

52nd Generation: Saul ፶ወ፪ እምአዳም። ሳኦል፡ ወልደ፡ ቂስ፡ እምደቂቀ፡ ብንያም፡ ወነግሠ፡ እምድኅሬሁ፡ ወልዱ፡ አብያክ፡አብያከ፡አብያክ፡ ፴ወ፯ ዓመተ።

53rd Generation: David Section strongly abridged in . ፶ወ፫ እምአዳም። ዳዊት፡ ነቢይ፡ እምነገደ፡ ይሁዳ፡ ወነደቀ፡ ድልድያተ፡ድልዲያተ፡ ወናሕሳተ፡ ከመ፡ ይኅልፉ፡ ላዕሌሆሙ፡ ሰብእ፡ በመዋዕለ፡ ክረምት፡ በጊዜ፡ ብዙኅ፡ ዝናም፡ ወአስሐቅያ፡ ወበህየ፡ ሞተ፡ ወነግሠ፡ እምድኅሬሁ፡ ወልዱ፡ ጣዕርለንከ፡ጣእርለክን፡ ፷ወ፭ ዓመተ።

54th Generation: Solomon ፶ወ፬ እምአዳም፡ ሰሎሞን፡ ንጉሥ፡ ጠቢብ፡ ወልደ፡ ዳዊት፡ ንጉሥ፡ ወሞተ፡ ሰሎሞን፡ ለፍጻሜ፡ ፵፻፭፻፳ወ፪ ዓመት፡ ለፍጥረተ፡ ዓለም፡ ወተቀብረ፡ ውስተ፡ ሀገረ፡ ዳዊት፡ አቡሁ።

55th Generation: Rehoboam ፶ወ፭ እምአዳም፡ ሮብዓም፡ሮብዐም፡ ወልደ፡ ሰሎሞን፡ ወልደ፡ ዳዊት፡ ወሞተ፡ ሮብዓም፡ ወተቀብረ፡ ውስተ፡ ሀገረ፡ ዳዊት፡ አቡሁ፡ ወውእቱኬ፡ ለፍጻሜ፡ ፵፻ወ፭፻፴፱ ዓመት።

56th Generation: Abijah ፶ወ፮ እምአዳም፡ አብያ፡ ወልደ፡ ሮብዓም፡ ወልደ፡ ሰሎሞን፡ ወነግሠ፡ እምድኅሬሁ፡ ወልዱ፡ወልዱ፡ እምድኅሬሁ፡ ስሕንስሕ።ለስሕንስሕ። ፴ወ፱ ዓመተ።

57th Generation: Asa ፶ወ፯ እምአዳም። አሳፍ፡ ወልደ፡ አብያ፡ ወልደ፡ ሮብዓም፡ ወልደ፡ ሰሎሞን፡ ወልደ፡ ዳዊት፡ ወልደ፡ አሴይ፡ዕሴይ፡ ወውእቱ፡ ሳድስ፡ እምነገሥቶሙ፡ ወተሥእረት፡ መንግሥት፡ እምሀገረ፡ ዝንጉዓን፡ በእማንቱ፡ መዋዕል።

58th Generation: Jehoshaphat ፶ወ፰ እምአዳም። ዮሳፍጥ፡ዮሰፍጥ፡ ወልደ፡ አሳ፡ዓሳ፡ ነግሠ፡ እምድኅረ፡ አቡሁ፡ ላዕለ፡ ሰብአ፡ ይሁዳ፡ ወኮኑ፡ በመዋዕሊሁ፡ እምነቢያተ፡ እግዚአብሔር፡ ኤልያስ፡ ወሚኪያስ፡ ወአብድዩ።

59th Generation: Joram ፶ወ፱ እምአዳም። ኢዮራም፡ ወልደ፡ ዮሳፍጥ፡ ወውእቱ፡ ሳምን፡ እምነገሥተ፡ ይሁዳ፡ ነግሠ፡ ላዕለ፡ ኢየሩሳሌም፡ ፰ ዓመተ፡ ወኮኑ፡ በመዋዕሊሁ፡ እምነቢያት፡ ኤልያስ፡ ወሚኪያስ፡ወኤልዕ፡ወኤልሳዕ፡ ወአብድዩ።

60th Generation: Ahaziah ፷ እምአዳም። አካዝያስ፡ ወልደ፡ ኢዮራም፡ ወልደ፡ ዮሳፍጥ፡ ወበመዋዕሊሁ፡ ኮኑ፡ እምነቢያት፡ ኤልሳዕ፡ ነቢይ፡ ወአሞጽ፡ወዐሞጽ፡ ወሚክያስ፡ወሚኪያስ፡ ወተኃደገ፡ወተኀድገ፡ መንግሥት፡ እምድኅረ፡ አካዝያስ፡ ዘእንበለ፡ ንጉሥ፡ አሐተ፡ ዓመተ፡ ወእምድኅረዝ፡ ነግሠት፡ ጎቶልያ፡ እሙ፡ ላዕለ፡ ሰብአ፡ ይሁዳ።

61st Generation: Athaliah ፷ወ፩ እምአዳም። ጎቶልያ፡ ወለተ፡ ዝንብሪ፡ ነግሠት፡ ላዕለ፡ ሰብአ፡ ይሁዳ፡ በኢየሩሳሌም። ፯ ዓመተ፡ ወበዝንቱ፡ ኵሉ፡ ኢርኅቀ፡ እምኃጢአቱ፡ ኢዮርብአም፡ለኢዮርብዓም፡ ወልደ፡ ናባጥ፡ ወበሳብዕ፡ወሳብዕ፡ ዓመተ፡ መንግሥቱ፡ ኮነ፡ ቀዳሜ፡ መንግሥቱ፡ ለኢዮአስ፡ ወልደ፡ አካዝያስ፡ ላዕለ፡ ደቂቀ፡ ይሁዳ።

62nd Generation: Joash ፷ወ፪ እምአዳም። ኢዮአስ፡ ወልደ፡ አካዝያ፡ ዘዘከርናሁ፡ ቀዲሙ፡ ወኢዮአስሰ፡ ንጉሠ፡ ይዱዳ፡ ተንሥኡ፡ ላዕሌሁ፡ አግብርቲሁ፡ ወቀተልዎ፡ ወተቀብረ፡ ውስተ፡ ሀገረ፡ ዳዊት፡ አቡሁ፡ ለፍጻሜ፡ ፵፻፯፻፷ወ፫ ዓመት፡ ለዓለም።

63rd Generation: Amaziah ፷ወ፫ እምአዳም። አሜስያስ፡ ወልደ፡ ኢዮአስ፡ ወአሜስያስሰ፡ ንጉሥ፡ንጉሠ፡ ይሁዳ፡ ሐይወ፡ እምድኅረ፡ ሞቱ፡ ለዮአስ፡ ንጉሠ፡ እስራኤል፡ ፲ወ፭ ዓመተ፡ ወተተልዎ፡ ሠራዊቱ፡ ወተቀብረ፡ በኢየሩሳሌም፡ ውስተ፡ ሀገረ፡ ዳዊት፡ ንጉሥ፡ ወውእቱኬ፡ ለፍጻሜ፡ ፵፻፯፻፺ወ፪ ዓመት፡ ለዓለም።

64th Generation: Uzziah ፷ወ፬ እምአዳም፡ አዛርያስ፡ ወልደ፡ አሜስያስ፡ ወልደ፡ ኢዮአስ፡ ወኮነ፡ የሐውር፡ እምሀገር፡ ውስተ፡ ሀገር፡ ወይገብር፡ ከማሁ፡ ወጸንዑ፡ ሰብእ፡ ወአዕረፈት፡ ምድር፡ ወጽነዐት፡ መንግሥቱ፡ ፴ወ፭ ዓመተ።

65th Generation: Jotham ፰ወ፭ እምአዳም፡ ኢዮአታም፡ ወልደ፡ አዛርያስ፡ ወነበረ፡ መንግሥተ፡ እስራኤል፡ እምድኅሬሁ፡ ፲ ዓመተ፡ ዘእንበለ፡ ንጉሥ። ወእምድኅሬዝ፡ አንገሥዎ፡ ላዕሌሆሙ፡ ለሆሴዕ፡ሆሴዕ፡ ወልደ፡ ኤሳ፡ዔላ፡ ዘዘከርኖ፡ ቀዲሙ።

66th Generation: Ahaz ፷ወ፮ እምአዳም፡ አካዝ፡ ወልደ፡ ኢዮአታም፡ ወሊቀ፡ ካህናትሰ፡ አርዮን። ወበእማንቱ፡ መዋዕል፡ ተዐውቀ፡ ፈሊስ፡ፊልስ፡ ጥበብ፡ጠቢብ፡ ወነሀቢ፡ ገባሬ፡ ኅልቀተ፡ኅልቀ፡ ወርቀ፡ በአሠርግዎ፡ አዕናቍ።

67th Generation: Hezekiah ፷ወ፯ እምአዳም። ሕዝቅያስ፡ ወልደ፡ አካዝ፡ ነግሠ፡ ላዕለ፡ ሰብአ፡ ይሁዳ፡ እምድኅረ፡ አቡሁ፡ ወሞተ፡ ሕዝቅያስ፡ ንጉሥ፡ ወተቀብረ፡ ውስተ፡ መቃብረ፡ አበዊሁ፡ ወውእቱኬ፡ ለፍጻሜ፡ ፵፻፰፻ወ፭ ዓመተ፡ ዓለም።

68th Generation: Manasseh ፷ወ፰ እምአዳም። ምናሴ፡ ወልደ፡ ሕዝቅያስ፡ እምድኅረዝ፡ወእምድኅረዝ፡ ሞተ፡ ወሰከበ፡ ምስለ፡ አበዊሁ፡ ወተቀብረ፡ ውስተ፡ ገነት፡ ዘዐፀደ፡ ቤቱ፡ ኀበ፡ ቤተ፡ መዛግብቲሁ፡ ወውእቱኬ፡ ለፍጻሜ፡ ፵፻ወ፰፻ወ፷ ዓመት፡ ለዓለም።

69th Generation: Amos ፷ወ፱ እምአዳም፡ አሞጽ፡ ወልደ፡ ምናሴ፡ ንጉሥ፡ ነግሠ፡ እምድኅረ፡ አቡሁ፡ ላዕለ፡ ሰብአ፡ ይሁዳ፡ በኢየሩሳሌም። ወአንገሥዎ፡ ለኢዮስያስ፡ለዮስያስ፡ ወልዱ፡ ህየንቴሁ፡ ለፍጻሜ፡ ፵፻ወ፰፻፷ወ፪ ዓመት፡ ለዓለም።

70th Generation: Josiah ፸ እምአዳም፡ ኢዮስያስ፡ዮስያስ፡ ወልደ፡ አሞጽ፡ዓሞጽ፡ ይቤ፡ወይቤ፡ ወዐርገ፡ ፈርዖን፡ ነኪኦ፡ኒካዑ፡ ንጉሠ፡ ግብጽ፡ ከመ፡ ይፅብኦሙ፡ ለሰብአ፡ መንበግ፡መንገበ፡ በፈለገ፡ ኤፍራጥስ፡አፍራጢስ፡ ወወፅአ፡ ዮስያስ፡ ወተቀብሎ፡ ከመ፡ ይትቃተሎ፡ ወይፅብኦ፡ ወተቀትለ፡ በሖፅ፡ ወፀዓንዎ፡ በድኖ፡ ወቀበርዎ፡ ውስተ፡ መቃብረ፡ አበዊሁ፡ ወውእቱኬ፡ ለፍጻሜ፡ ፵፻ወ፰፻፺ወ፫ ዓመት፡ ለዓለም።

71st Generation: Jehoahaz ፸ወ፩ እምአዳም፡ ዮአክስ፡ ወልዱ፡ ነግሠ፡ እምድኅሬሁ፡ በኢየሩሳሌም፡ ፫ አውራኃ፡ ወይቤ፡ በቃለ፡ እግዚአብሔር፡ ናሁ፡ ይእዜ፡ ሠናያን፡ እገሪሆሙ፡ ለእለ፡ ይሰብኩ፡ በሰላም፡ ወአዋድያን፡ በሠናያት፡በሠናይት፡ መልዕልተ፡ አድባር፡ ይረውጽ፡ ግብረ፡ በዐለከ፡ ይሁዳ፡ ወፍዲ፡ ብፅአቲከ።ብፅዓተከ። በእንተ፡ ከመ፡ ውእቱ፡ ኢይደግም፡ ውስቴትከ፡ ይትገበር፡ ዐመፃ፡ እስመ፡ አነ፡ እመይጥ፡ ክብሮ፡ ለቤተ፡ ያዕቆብ፡ በከመ፡ ክብር፡ ዘኮነት፡ ለቤተ፡ እስራኤል።

72nd Generation: Joakim ፸ወ፪ እምአዳም፡ ኤልያቄም፡ ወልደ፡ ዮስያስ፡ ወልደ፡ አሞጽ፡ ወልደ፡ ሕዝቅያስ፡ዮአክስ፡ ነግሠ፡ ለቤተ፡ ይሁዳ፡ አንገሦ፡ ፈርዖን፡ ንጉሠ፡ ግብጽ፡ ወበመዋዕሊሁ፡ ተነበየ፡ ዳንኤል፡ ነቢይ፡ እስከ፡እስመ፡ ሣልስ፡ ዓመተ፡ መንግሥቱ፡ ለኵርስ፡ ንጉሠ፡ ፋርስ፡ ዘነግሠ፡ በባቢሎን።

73rd Generation: Joachin ፸ወ፫ እምአዳም። ዮአቄም፡ ወልደ፡ እልያቄም፡ ወአንገሠ፡ ናቡክድናጾር፡ናቡከደነጸር፡ ህየንተ፡ ዮአቄም፡ ምናሴሃ፡ እኁሁ፡ ለአቡሁ፡ ወሰመየ፡ ስም፡ ሴዴቅያስ፡ ወውእቱኬ፡ ለፍጻሜ፡ ፵፻፱፻ወ፬ ዓመት፡ ወ፯ አውራኅ፡ እምፍጥረተ፡ለፍጥረተ፡ ዓለም።

74th Generation: Manasseh (= Mattaniah) Zedekiah ፸ወ፬ እምአዳም። ምናሴ፡ ዘሰምዮ፡ ናቡክድናጾር፡ናቡከድነጾር፡ ሴዴቅያስ፡ ወሕዝቅኤልሰ፡ ነቢይ፡ እስመ፡ አይሁድ፡ ቀተልዎ፡ በውስተ፡ ፄዋ፡ ወተቀብረ፡ ውስተ፡ መቃብረ፡ ሴም፡ ወልደ፡ ኖኅ፡ ወኵሉ፡ መዋዕለ፡ ትንቢቱ፡ ፳ ዓመት።

75th Generation: Nebuchadnezzar ፸ወ፭ እምአዳም። ናቡክድናጾር፡ናቡደነጾር፡ ነግሠ፡ ላዕለ፡ ምድረ፡ እስራኤል፡ ወይቤ፡ መጽሐፈ፡ ኤርምያስ፡ ከመ፡ ኤዌልማርደቅ፡ኤዌየልማሮዴቅ፡ ወልዱ፡ ነግሠ፡ እምድኅሬሁ፡ እስመ፡ ቃሉ፡ ለኤርምያስ፡ ነቢይ፡ ውኩፍ፡ ውእቱ።

76th Generation: Evil-Merodach ፸ወ፮ እምአዳም። ኤዌየልማርዴቅ፡ኤዌየልማሮዴቅ፡ ወልደ፡ ናቡክድናጾር፡ናቡከደነጾር፡ ወሞተ፡ ኤዌየልማሮዴቅ፡ ለፍጻሜ፡ ፵፻፱፻፷ወ፬ ዓመት፡ ወ፯ አውራኅ፡ ለዓለም።

77th Generation: Belshazzar ፸ወ፯ እምአዳም። በልጦሶር፡ብልጦሶር፡ ወልደ፡ ኤዌየልማሮዴቅ፡ ወልደ፡ ናቡክድናጾር፡ናቡከደነጾር፡ ወተንሥአ፡ እምዐውደ፡ ስታይ፡ ወተዘርው፡ወተዘርዉ፡ ኵሎሙ፡ ወአተው፡ወአተዉ፡ ውስተ፡ አብያቲሆሙ፡ ወበይእቲ፡ ሌሊት፡ ተቀትለ፡ ብልጣሶር፡ ወውእቱኬ፡ ለፍጻሜ፡እፍጻሜ፡ ፵፻ወ፱፻፹ወ፭ ዓመት፡ ወመንፈቅ፡ ለዓለም።

78th Generation: Darius the Mede ፸ወ፰ እምአዳም። ዳርዮስ፡ ወልደ፡ አክሱራሳ፡አኵሱራሳ፡ ዘእምዘርአ፡ ፋርስ፡ ዘነግሠ፡ በመንግሥተ፡ ከላዳዊያን፡ ወፄዋዕኩ፡ወጸዋዕኩ፡ በሙስናሃ፡ ለምድር። ወለኵሉ፡ ዘይወፅእ፡ እምድር። ወላዕለ፡ ሰብእ፡ ወእንስሳ።

79th Generation: Cyrus the Persian ፸ወ፱ እምአዳም። ኵርስ፡ ዘፋርስ፡ ፫ ዓመተ፡ ነግሠ፡ ቂሮስ፡ ዳርዮስ፡ ሜጠ፡ ፄዋ፡ እስራኤል፡ ኀበ፡ ኢየሩሳሌም፡ ወሞተ፡ ኵርስ፡ ዘፋርስ፡ ለፍጻሜ፡ ፵፻ወ፱፻፺ወ፬ ዓመት፡ ወመንፈቅ፡ ለፍጥረተ፡ ለዓለም።

80th Generation: Cambyses ፹ እምአዳም። ፈሆስዮስ፡ ወልደ፡ ኵርስ፡ ዘፋርስ፡ ወሞተ፡ ፈሆስዮስ፡ ለፍጻሜ፡ ፶፻ወ፪ ዓመት፡ ወመንፈቅ፡ እምፍጥረተ፡ ዓለም።

81st Generation: Darius the Great (= Darius I) ፹ወ፩ እምአዳም። ዳርዮስ፡ ወልደ፡ ይሳጽፍ፡ይስጸፍ፡ ይቤ፡ ከመ፡ ውእቱ፡ ነግሠ፡ ፳ወ፭ ዓመተ፡ ለፍጻሜ፡ ፶፻፳ወ፯ ዓመት፡ ወመንፈቅ፡ እምፍጥረተ፡ ዓለም።

82nd Generation: Smerdis the Magian ፹ወ፪ እምአዳም። ሰመርድዮስ፡ መሰግላይ፡ሰመርድዮስ፡ መሰግለይ፡ ወነበረ፡ ዜናሁ፡ ይፈደፍድ፡ እም፲፻ወ፭፻ ዓመት፡ ወሞተ፡ ሰመርድዮስ፡ ለፍጻሜ፡ ፶፻ወ፵ ዓመት፡ ወመንፈቅ፡ እምፍጥረተ፡ ዓለም።

83rd Generation: Ahasuerus (= Xerxes) ፹ወ፫ እምአዳም። አሕሱርስ፡አሕሱር፡ ወልደ፡ ዳርዮስ፡ ወአብጽሖሙ፡ ንጉሥ፡ ወአስተአማመኖሙ፡ ወተአመኑ፡ ወቀተሎሙ፡ ወቀተሎ፡ ለሊቀ፡ ሐራ፡ ወሰቀሎ።

84th Generation: Artaxerxes I Longimanus ፹ወ፬ እምአዳም። አዝደሲር፡ ወልደ፡ አኅሱርስ፡ ወእሙ፡ አስቴር፡ አይሁዳዊት፡ ወሞተ፡ በፍጻሜ፡ ፶፻ወ፩፻ወመንፈቀ፡ ዓመት፡ ለዓለም።

85th Generation: Artaxerxes II (= Xerxes II) ፹ወ፭ እምአዳም። አዝደሲር፡አዝደሴር፡ ዳግማይ፡ ወሞተ፡ አዝደሲር፡አዝደሴር፡ ዳግማይ፡ በፍጻሜ፡ ፶፻ወ፩፻ወ፭ ዓመት፡ ወመንፈቅ፡ ለዓለም።

86th Generation: Sogdianus ፹ወ፮ እምአዳም። ጻእሪኖስ፡ጻዕሪኖስ፡ ነግሠ፡ ፫ ዓመተ፡ ወከማሁ፡ ይቤ፡ ስዒድ፡ ወልደ፡ በጥሪቅ፡ስዒድ፡ በጥሪቅ፡ ወኤጲፋንዮስ። ወኮነ፡ ቦቱ፡ ሕማም፡ ወምንዳቤ፡ ዕፁብ፡ ወነበረ፡ ይትኀባእ፡ ውስተ፡ ቤቱ፡ እስከ፡ አመ፡እስከ፡ ሞተ፡ በፍጻሜ፡ ፶፻ወ፩፻ወ፰ ዓመት፡ መንፈቀ፡ ዓመት፡ እምፍጥረቱ፡ ዓለም።

87th Generation: Darius II Nothos ፹ወ፯ እምአዳም። ዳርዮስ፡ ወልደ፡ ዓመት፡ ወይሰመይ፡ በንቱሰ፡በንቱዕ፡ ወእምድኅረዝ፡ ራከበ፡ረከበ፡፡ ፋአኒድ፡ ፬ ሆህያተ፡ ወዛቲ፡ ይእቲ፡ ሳን፡ ታው፡ እከሲ፡ እብሲ። ወሞተ፡ ዳርዮስ፡ በፍጻሜ፡ ፶፻፩፻፳ወ፭ ዓመት፡ ወመንፈቀ፡ ዓመት፡ እምፍጥረተ፡ ዓለም።

88th Generation: Artaxerxes II Mnemon ፹ወ፰ እምአዳም። አዝደሲር፡አዝደሴር፡ ወልደ፡ እኁሁ፡ ለኵርስ፡ ዳርያኖስ፡ ወሀሎ፡ በመዋዕሊሁ፡ በምድረ፡ ዮናናዊያን፡ እምጠቢባነ፡ ሐረቅሎስ፡ሐረቀሎስ፡ ወባሎስ፡ ወሳብሎን፡ ሐጋጌ፡ ሕገ፡ ጥበብ። ወሞተ፡ በፍጻሜ፡ ፶፻ወ፩፻፴ወ፯ ዓመት። ወመንፈቀ፡ ዓመት፡ እምፍጥረተ፡ ዓለም።

89th Generation: Artaxerxes III Ochus ፹ወ፱ እምአዳም። አዝደሲር፡ ዘይሰመይ፡ አኵስ፡አኩስ፡ ወይቤ፡ መንበጊ፡ ወበመዋዕሊሁ፡ ለአዝደሲር፡ አርጎስ፡አርጎሰ፡ ተሥዕረ፡ መንግሥተ፡ ግብጽ፡ ፵ወ፪ ዓመተ። ወሞተ፡ በፍጻሜ፡ ፶፻ወ፩፻፶ወ፯ ዓመት፡ ወመንፈቅ፡ እምፍጥረተ፡ ዓለም።

90th Generation: Arses ፺ እምአዳም። አርሲስ፡አርሴስ፡ ወልደ፡ አዝደሲር፡ አኮስ፡ ወሞተ፡ አርሲስ፡ ወልደ፡ አዝድሲር፡አዝድሴር፡ በፍጻሜ፡ ፶፻፩፻ወ፷ ዓመት፡ ወመንፈቅ፡ እምፍጥረተ፡ ዓለም።

91st Generation: Darius III Codomannus On , the last emperor of the Achaemenid Persian Empire. ፺ወ፩ እምአዳም። ዳራ፡ ወልደ፡ አርሲስ፡ ወሀለዉ፡ በመዋዕሊሁ፡ ብዙኃን፡ እምጠቢባን፡ ወእምኔሆሙ፡ አፍላጦን፡ እምሊቃውንተ፡ ጠቢባን፡ ወቦቱ፡ ድርሳናተ፡ ብዙኃተ፡ ወእምኔሆሙ፡ ሕግ፡ ዐቢይ፡ ወሕግ፡ ንኡስ፡ ወመጻሕፍቲሁ፡ ዕውቃት፡ ርኵባት፡ እስከ፡ ይእዜ።

92nd Generation: Alexander the Great The following section on life and deeds of is based on the edition of 207-225, which is based on the attestation in London, British Library, BL Oriental 814, folio 69vc-74vb. ፺ወ፪ እምአዳም። እስክንድር፡ ወልደ፡ ፊልጶስ፡ ዮናናዊ፡ መቄዶናዊ፡ ወይሰመይ፡ ዘቦ፡ ክልኤ፡ አቅርንት፡ ወተገዐዙ፡ ሰብእ፡ በእንተ፡ መንግሥቱ፡ ወበእንተ፡ ፪ አቅርንቲሁ፡አቅርንቲሁ፡ ፪ ቦእምኔሆሙ፡ ዘይቤ፡ ከመ፡ ቦቱ፡ መካነ፡ ፪ አቅርንት፡ ውስተ፡ ርእሱ፡ ክሡተ፡ ወኮነ፡ ይከብቶ፡ እምሰብእ። ወቦ፡ ዘይቤ፡ ከመ፡ ውእቱ፡ ተሰምየ፡ ዘ፪ አቅርንት፡ እስመ፡ ነግሠ፡ በ፪ አቅርንተ፡ ፀሐይ፡ እምሥራቅ፡ እስከ፡ ምዕራብ። ወተጋዓዙ፡ ጸሐፍተ፡ ሐሳብ፡ በእንቲአሁ፡ ወተዋሥኡ፡ ፈድፋደ። ይቤ፡ ጸሐፈፊ፡ ዝንቱ፡ ታሪክ፡ እስመ፡ አነ፡ አንበብኩ፡ ዜናሁ፡ እምብዙኀ፡ መጻሐፍት፡ ወብዙኀ፡ ቃላት፡ ወናሁ፡ ኃረይኩ፡ እምኔሃ፡ ዘይበቊዕ፡ እምዜናሁ፡ ከመ፡ ውእቱ፡ ነግሠ፡ እምድኀረ፡ እቡሁ፡ ላዕለ፡ መንግሥተ፡ መቄዶንያ፡ እንዘ፡ መዋዕሊሁ፡ ፲ወ፯ ዓመት። ወሰምዐ፡ ዳርዮስ፡ ዘይልህቅ፡ እምንጉሥ፡ ፋርስ፡ ወባቢሎን፡ ወነነዌ፡ ወካልአን፡ እምበሐውርት፡ ከመ፡ እስክንድር፡ ነግሠ፡ ላዕለ፡ ሮም፡ ወተሀበለ፡ ላዕሌሁ፡ በእንተ፡ ንዕስናሁ፡ ወአሕፀፆ። ወጸሐፈ፡ ኀቤሁ፡ መልእክተ፡ እንዘ፡ ይትመዓዖ፡ በእንተ፡ ዘነበረ፡ ውስተ፡ መንግሥት፡ ዘእንበለ፡ ትእዛዙ። ወተናገሮ፡ ውስተ፡ መልእክት፡ በግዘፈ፡ ነገር፡ ብዙኅ፡ ወአዘዞ፡ ከመ፡ ይባእ፡ ውስተ፡ ተቀንዮቱ፡ ወይሥራዕ፡ ላዕሌሁ፡ ጸባሕተ፡ በበዓመቱ። ወሶበ፡ ሰማዐ፡ እስክንድር፡ ዘንተ፡ ኀዘነ፡ ፈድፋደ፡ ወአስተጋብኦሙ፡ ለመኳንንተ፡ መንግሥቱ። ወተማከሮሙ፡ በእንቲአሁ፡ ወአንበበ፡ ላዕሌሆሙ፡ መልእክቶ። ወኀበረ፡ ምክሮሙ፡ ከመ፡ ይፅብዕዎ። ወዓዱ፡ አጠየቆ፡ ዘንተ፡ ለአርስጣጣሊስ፡ መምህሩ፡ ወተማከሮ፡ በእንቲአሁ። ወአምከሮ፡ አርስጣጣሊስ ፡ ከመ፡ ይፃእ፡ ኀቤሁ፡ ወይዕብዖ። ወይቤሎ፡ ከመ፡ ኮከብከ፡ ልዑል፡ ያጤይቅ፡ ከመ፡ ትነግሥ፡ ዘይፈደፍድ፡ እምበሐውርት፤ ወፈነወ፡ እስክንድር፡ ኀበ፡ ዳርዮስ፡ ወኃሠሠ፡ እምኔሁ፡ ዕድሜ፡ ዕለታት፡ እስከ፡ ይገብር፡ ሎቱ፡ አምኃተ፡ ዘይወስድ፡ ምስሌሁ፡ በዘ፡ ይበቍዖ። ወኮነ፡ አርስጣጣሊስ፡ የአምር፡ ኵሎ፡ አእምሮታተ። ወገብረ ፡ ሎቱ፡ ለእስክንድር፡ መጽሐፈ፡ ጥበብ፡ በእንተ፡ ሥርዓተ፡ ሢመታት፡ እንዘ፡ ውስቴቱ፡ ጥበባት፡ ወመዐልማት፡ ዘውእቱ፡ ጠልሰማት፡ ወሐሳበ፡ ከዋክብት። ወአዘዘ፡ ከመ፡ ይትመገብ፡ ወዘ፡ ውስቴቱ፡ በግብረ፡ ሥጋሁ፡ ወሥርዓተ፡ መንግሥቱ። ወገብረ፡ ሎቱ፡ መዓልማተ፡ ዘውእቱ፡ ምሳሌያት፡ ወደለወ፡ ቦቱ፡ ከከበ፡ ጊዜ፡ ዘይወፅእ፡ ቦቱ፡ ኀበ፡ ጸላኢሁ፡ ከመ፡ ይኩን፡ ሎቱ፡ ፡ መዊእ፡ ወረድኤት፡ ላዕለ፡ ጸላእቱ። ወመሀሮ፡ ጸሎተ፡ ይጸሊ፡ ባቲ፡ ኵሎ፡ ጊዜ፡ ወኢያዕርዕ፡ እምኔሃ። ወይቤሎ፡ አእምር፡ ኦንጉሥ፡ እስመ፡ ከዋክብት፡ ርእሰ፡ መገብተ፡ ዝንቱ፡ ዓለም፡ ወትሕታዊ። ወቦሙ፡ ቆመ፡ ዓለም፡ ዘይንዕስ፡ ዘመትሕተ፡ ፈለከ፡ ቀመር፡ አእምር፡ እስመ፡ ኵሉ፡ ሀገር፡ እምአህጉር፡ ክፍል፡ እምከዋክብት፡ ይሜግቡ፡ በውእቱ፡ ብሔር። ወለብሔረ፡ ፈርስሶ፡ ክፍለ፡ ኮከበ፡ አጣርድ፡ ወመጋቢሃ፡ ዝኍራ፡ ወዘይኔጽር፡ ላዕሌሃ፡ ኮከበ፡ መስተሪ፡ ወዘይትቃረና፡ ኮከበ፡ ዙሀል፡ ወዘይሤለጥ፡ ላዕሌሃ። ወይገብር፡ ባቲ፡ ሕማመ፡ ኮከበ፡ መሪክ፡ ወዘየዓቅበ፡ ፀሐይ፡ ወያጸንዓ፡ ወርኀ። ወለለ፩እምዝንቱ፡ ፯ ከዋክብት፡ ሥሉጣን፡ ውስተ፡ ታዕካሁ፡ ወመዋዕሊሁ። ወአንተሰ፡ ኦንጉሥ፡ ተመገብ፡ በምግብና፡ ኮከብ፡ ዙሀል፡ ወኮከብ፡ መሪክ፡ ወመንፈሳያቲሆሙ፡ ከመ፡ ቦሙ፡ ትማኦሙ፡ ለጸላእትከ፤ ወእዘዞ፡ ከመ፡ ይጸውዕ፡ በስእለታት፡ ዘመሀሮ፡ ወይዜከሮሙ፡ ኵሎ፡ ጊዜ፡ ከመ፡ ይትፈጸም፡ ፈቃዱ፡ ውስተ፡ ኵሉ፡ ብሔር፡ ዘይፈቅድ፡ ይባእ፡ ውስቴቱ። ወይቤሎ፡ አእምር፡ ኦንጉሥ፡ እስመ፡ አነ፡ እራእዮ፡ ለኮከብከ፡ ዘልዑል፡ ከመ፡ አንተ፡ ትመውኦሙ፡ ለነገሥተ፡ ፋርስ፡ ወትነግሥ፡ ውስቴታ። ወአግብርቲሁ፡ ለንጉሠ፡ ፋርስ፡ ይትነሥኡ፡ ላዕሌሁ፡ ወይቀትልዎ፡ ወይገንዩ፡ ለከ፡ ወይስምዑ፡ ትእዛዘከ። ወውእቱኬ፡ እምድኅረ፡ ፃማ፡ ወቀፅበተ፡ ተስፋ፡ እመዊእ። ወይቤሎ፡ ኦንጉሥ፡ ናሁ፡ ገበርኩ፡ ለከ፡ ፬ መዓልተ፡ ዘውእቶሙ፡ አምሳላት፡ አሐቲ፡ እምኔሆሙ፡ ተዓቅበከ፡ ለከ፡ ወለሠራዊትከ፡ ኀበ፡ ተሐውሩ፡ ወተኃድሩ። ወይከውነክሙ፡ ዐቃቤ፡ እምተመክንዮ፡ ወምክር፡ ወይትበተክ፡ ምክሮሙ፡ ለእለ፡ ይመክሩ፡ ላዕሌከ፡ ወይሤወር፡ አዕይንቲሆሙ፡ እምኔከ። ወይከልእ፡ አልባቢሆሙ፡ እምተመክንዮ፡ ወሕሊና፡ በእንቲአከ። ወዳግም፡ ጠልሰማት፡ በእንተ፡ ከሢተ፡ አህጉር፡ ወአቅጸራት፡ ሶበ፡ ይትዓዐበከ፡ ሀገር፡ አው፡ ማኅፈድ፡ ነዊኀ፡ መልዕልተ፡ አድባር፡ ኀበ፡ ኢይረክቦ፡ እዴከ፡ ዐቅሞ፡ ለውእቱ። መዓልም፡ መንገለ፡ ምሥራቀ፡ ውእቱ፡ ሀገር፡ አው፡ ኀበ፡ ውእቱ፡ ቅጽር፡ እስመ፡ ውእቱ፡ ያርኁ፡ ለከ፡ ወይገንዩ፡ ለከ፡ ወይገንዩ፡ ለከ፡ በትሕትና፡ ወኃሣር፡ ወይሰምዑ፡ ትእዛዘከ። ወሣልስ፡ ጠልሰም፡ በእንተ፡ ማይ፡ ለእመ፡ ኃጣእከ፡ ማየ፡ ውስተ፡ ፍኖት፡ ርኁቅ፡ አው፡ ውስተ፡ ገዳም፡ አቅሞ፡ ለውእቱ፡ መዓልም፡ ወይወፅእ፡ ለከ፡ ማይ፡ ዘየአክል፡ ለከ፡ ወለሠራዊትከ፡ ለእንስሳከ፡ ወለእንስሳሆሙ። ወራብዕ፡ ወጠልሰም፡ በእንተ፡ ድካም፡ ወሐዊር፡ ዘእንበለ፡ አሣዕን፡ ወፅበሳት፡ ወሕማማት፡ ኢይበጽሐከ፡ ለከ፡ ወለእንስሳከ፡ ወለመኑሂ፡ እምሠራዊትከ፡ ኢይበጽሖ፡ ድካም፡ ወኢሕማም፡ ወለእመ፡ አሮጽክሙ፡ እንስሳክሙ፡ በአሐቲ፡ ዕለት፡ ፴ ፈረስከ፡ ዝውእቱ፡ ፻ወ፰ ምዕፈፍ። ወለእመ፡ ሮጸ፡ ብእሲ፡ ፳ ፈረስከ፡ ኢይበጽሖ፡ ድካም፡ ወኢሕማም፡ ኢፃማ፡ ወኢፅበስ። ወይቤሎ፡ ንሣእ፡ ምስሌከ፡ ፬ ከረዛተ፡ ዘውእቶሙ፡ አዕባን፡ ለአሐቲ፡ ትገብራ፡ ማኅተመ፡ ውስተ፡ ኀልቀትካ። ወሶበ፡ ይኔጽር፡ ኀቤሁ፡ መኑሂ፡ እምሰብእ፡ አው፡ መንፈስ፡ እመናፍስት፡ ይገርሩ፡ ለከ፡ ወይትዌከፋ፡ ትእዛዘከ። ወሶበ፡ ነጸሩ፡ ኀቤሁ፡ ፲፻፻ እምሰብእ፡ ይገርሩ፡ ኵሎሙ፡ ወይሰምዑ፡ ትእዛዘከ። ወለእመ፡ ኃተምከ፡ መጽሐፈ፡ ዘትጽሕፎ፡ ኀበ፡ ንጉሥ፡ አው፡ ለካልእ። ወኍልቈ፡ ኆኅያቲሁ፡ ሶበ፡ ይኔጽር፡ ኀቤሁ፡ ይርዕድ፡ አባሉ፡ ወይገርር፡ ለከ፡ ወይሰምዕ፡ ትእዛዘከ። ወለእመ፡ ኀተምከ፡ ቦቱ፡ ኀበ፡ አጋንንት፡ ይገርሩ፡ ለከ። ወዳግመ፡ ከረዝ፡ በእንተ፡ ዝናም፡ ወበረድ፡ ወጊሜ፡ ዘትረክቡ፡ አንተ፡ ወሠራዊትከ፡ ውስተ፡ ፍኖት። ሶበ፡ ይበጽሐከ፡ ውእቱ፡ አልዕል፡ ውእቱ፡ ከረዘ፡ በእራኀከ፡ መንገለ፡ ሰማይ፡ ወይትበተክ፡ በረድ፡ ወጊሜ፡ ወዝናም፡ ወየሀድዕ፡ ወኢይበጽሐከ፡ ለከ፡ ወለሠራዊትከ፡ ወለእንስሳከ፡ ወለአብያጺከ፡ ኀሡም። ወለሣልስሰ፡ ከረዝ፡ አኀዞ፡ ምስሌከ፡ በውስተ፡ ፀብዕ፡ ኢይክሉ፡ አስይፍተ፡ ጸላእትከ፡ ወረምኆሙ፡ ይጕድዑከ፡ ኢለአብያጺከ፡ ወኢለመኑሂ፡ እምሠራዊትከ። ወሶበ፡ ይረግዝዎ፡ ጸላእትከ፡ ለ፩ እምሠራዊትከ፡ እመሂ፡ በሰይፍ፡ አው፡ በረምሕ፡ አው፡ ነደፎ፡ በሐፅ፡ ይከፍዕ፡ ሰይፉ፡ ወይሌጥል፡ ርግዘቱ፡ ወንድፈቱ፡ ኢይጐድዓክሙ፡ ወኢየኃሥመክሙ። ወራብዕሰ፡ ከረዝ፡ ይከልኦሙ፡ ለሠራዊትከ፡ እምዝሙት፡ ወያጠፍእ፡ ሁከቶሙ፡ እምአንስት፡ ከመ፡ ኢይዘሙ፡ መኑሂ፡ እምሠራዊትከ። እስመ፡ ዝሙት፡ በውስተ፡ ሠራዋት፡ እኩይ፡ ውእቱ፡ ወያበጽሕ፡ እኪቶ፡ ፀብዐ፡ ጸላኢ፡ ኀበ፡ ሠራዊት፡ እለ፡ ዘመዉ፡ ወይትመውኡ፡ ፍጡነ፡ ወይበጽሖሙ፡ ምንዳቤ፡ ዘአልቦ፡ ፈውስ። ወበእንተዝ፡ አበሳ፡ ዐቢይ፡ ይትመውኡ። ወዓዲ፡ ገብረ፡ ሎቱ፡ ታበተ፡ ዘውእቱ፡ ወረሰየ፡ ውስቴቱ፡ ምስላተ፡ በአምሳለ፡ ጸላእቱ። ወቦ፡ እምኔሆሙ፡ ዘቦ፡ ውስተ፡ እዴሆሙ፡ አስይፍተ፡ አረር፡ ጥውይ፡ ላዕለ፡ እደዊሆሙ፡ ኀበ፡ ድኅር። ወቦ፡ ውስተ፡ እደዊሆሙ፡ ረምሐት፡ ወይእኀዙ፡ ቊልቊሊተ፡ ወቦ፡ አቅስስት፡ ዘምቱር፡ ወተሮሙ፡ ወአንበሮሙ፡ ውስተ፡ ታቦት፡ ግፍቱዓነ፡ በገጾሙ፡ ወቀነዎ፡ በቅንዋት፡ ወአቀነቆ፡ በሰናስለ፡ ሐፂን። ወአዘዞ፡ ከመ፡ ይጸውዕ፡ በስእለት፡ ዘመሀሮ፡ ይረቅዮ፡ ወየሐፅቦ፡ ፬ መዓልተ፡ በቅድመ፡ ዓበይት፡ ሠራዊቱ። ወይቤሎ፡ ጹሮ፡ ምስሌከ፡ ኀበ፡ ሖርከ፡ ወኀበ፡ ነበርከ። ወሶበ፡ ተኃድር፡ ውስተ፡ መካን፡ አንብር፡ እዴከ፡ ላዕለ፡ ታቦት፡ ወኢየአኀዝ፡ መኑሂ፡ ዘእንሀለ፡ ዘሀሎ፡ ምስሌከ፡ ውስተ፡ ሐሳብ፡ ወጸውዕ፡ በስእለታት፡ ሶበ፡ ትጸውሮ፡ ወሶበ፡ ታነብሮ። ወይቤሎ፡ አእምር፡ ኦንጉሥ፡ እስመ፡ አነ፡ እሬኢ፡ ኮከበ፡ ልዑል፡ እስመ፡ ትነግሥ፡ አንተ፡ ለኵሉ፡ አህጉር፡ ወትመውኦሙ፡ ለነገሥት፡ ወትዘግብ፡ ንዋያተ። ዘንተ፡ ርኢኩ፡ እምኃይለ፡ ኮከብከ፡ ወመዊአ፡ መንግሥትከ፡ ወመንፈስ፡ ጠባይዕከ፡ ዘፍጹም፡ ወትመውኦሙ፡ ለኵሉ፡ ጸላእትከ፡ ሑር፡ በበረከተ፡ እግዚአብሔር፡ ወረድኤቱ፡ ወእግዚአብሔር፡ ያርትዕ፡ ፍኖተከ፡ ወያግብእ፡ ጸላእተከ፡ ውስተ፡ እዴከ። ይቤ፡ ጸሐፌ፡ ዝንቱ፡ ታሪክ፡ ወኮነ፡ አርስጣጣሊስ፡ ጠቢብ፡ ኢሖረ፡ ምስለ፡ እስከንድር፡ አለ፡ ሖረ፡ ምስሌሁ፡ ፊልሞን፡ ጠቢብ፡ ፩ እምላእካኒሁ፡ ከመ፡ ይመግብ፡ ሎቱ፡ እሎንተ፡ ምግባራተ፡ ዘነገርነ፡ ኵሎ። ወኮነ፡ ፊልሞን፡ ጠቢብ፡ ወትሩፍ፡ ወአውፅአ፡ ፊራሴ፡ ዘውእቱ፡ ትምህርተ፡ ነጽሮ። ወአዘዞ፡ ሶበ፡ የዓዕቦ፡ ግብር፡ እምአሉ፡ ምግባራት፡ ይጽሕፍ፡ ወይልእክ፡ ኀቤሁ፡ ወይኤዝዞ፡ በዘይገብር። ወሶበ፡ ርእዮ፡ እስክንድር፡ ጠቢበ፡ በኵሉ፡ ሤሞ፡ ላዕለ፡ ኵሉ፡ መንግሥቱ፡ ወመገበ፡ ምግበተ፡ ሠናየ፡ ወአስተጋብአ፡ እስክንድር፡ ኵሎ፡ ሠራዊቶ፡ ወወፅአ፡ ከመ፡ ይፅብዖ፡ ለዳርዮስ፡ ንጉሠ፡ ፋርስ። ወሶበ፡ ሰምዓ፡ ዳርዮስ፡ ከመ፡ እስክንድር፡ መጽአ፡ ኀቤሁ፡ ተፀወነ፡ በውስተ፡ ፭ አቅጻራት፡ ወረሰየ፡ ለለ፩ቅጽር፡ መስፍነ፡ ወምስሌሁ፡ ፼ወ፳፻ ብእሲ። ወኮነት፡ ዕብራት፡ ኢትበጽሕ፡ ለብእሲ፡ ዘእንበለ፡ አሐቲ፡ ዕለት፡ በበ፭ መዓልት፡ እምብዝኃ፡ ሠራዊቱ። ወሶበ፡ ሰምዐ፡ እስክንድር፡ ከመ፡ ውእቱ፡ ተፀወነ፡ ውስተ፡ አቅጻራት፡ ተፈሥሐ፡ ዓቢየ፡ ፍሥሐ፡ ወፈነወ፡ ኀቤሁ፡ እንዘ፡ ይብል፡ ኢይደሉ፡ ዘከመ፡ ኪያከ፡ ይፀወን፡ ውስተ፡ አቅጻራት፡ ወይዕባእ፡ እምድኅረ፡ አረፍት፡ አላ፡ ፃእ፡ ምስለ፡ ሠራዊትከ፡ ወተቃረነኒ፡ ወንትቃተል፡ ወይሁብ፡ ለዘፈቀደ፡ እግዚአብሔር፡ መዊእ። ወበጊዜሃ፡ አእመረ፡ ዳርይስ፡ ከመ፡ ውእቱ፡ ለእመ፡ ኢወፅአ፡ ኀቤሆ፡ ይከውኖ፡ ኃፍረት። ወወፅአ፡ ምስለ፡ ሠራዊቱ፡ ወተቃረኑ፡ ወተቃተሉ፡ እምእልክቱ፡ ሠራዊት፡ ብዙኅ፡ ሰብእ። ወርእዮ፡ እስክንድር፡ ከመ፡ ሠራዊቱ፡ የኃልቁ፡ ወይመውኦ፡ ጸላእቱ፡ እስመ፡ ኮነ፡ ውእቱ፡ ወሠራዊቱ፡ ይበዝኁ፡ እምኔሁ። ወአዖደ፡ አዋዴ፡ በውስተ፡ ሠራዊቱ፡ እንዘ፡ ይብል፡ እስመ፡ ዘቀተሎ፡ ለዳርዮስ፡ አነ፡ አከብሮ፡ ላዕለ፡ ኵሉ፡ ሠራዊትየ፡ ወመኳንንተ፡ መንግሥትየ። ወሰምዑ፡ ዘንተ፡ ሠራዊተ፡ ዳራ፡ ወተንሥኡ፡ ላዕሌሁ፡ ፪ እምአግብርቲሁ፡ ዘኮነ፡ ዳርዮስ፡ ቀተለ፡ አቡሆሙ፡ በእንተ፡ እኩይ፡ ምግባሩ። ወቀተልዎ፡ ለዳርዮስ፡ በውስተ፡ ፀብዕ፡ ወጐዩ፡ ኀበ፡ እስክንድር፡ ወአይድዕዎ፡ በዝንቱ። ወሶበ፡ ተቀትለ፡ ዳርዮስ፡ ተሰብሩ፡ ሠራዊቱ፡ ወጐዩ፡ ወኃደግዎ፡ ለዳርዮስ፡ ውዱቀ፡ ዲበ፡ ምድር፡ ቅቡዓ፡ በደማ። ወመጽአ፡ እስክንድር፡ ምስለ፡ ሠራዊቱ፡ እስከ፡ በጽሐ፡ ኀቤሁ፡ ወሶበ፡ ርእዮ፡ ግዱፈ፡ ዲበ፡ ምድር፡ ወረደ፡ እምላዕለ፡ ፈረሱ፡ ወነበረ፡ ኀበ፡ ርእሱ፡ ወሀሎ፡ ውስቴቱ፡ ነፍስ፡ ሕያው። ወይቤሎ፡ ስብሕት፡ ለእግዚአብሔር፡ በእንተ፡ ዘኢቀተሉከ፡ መኑሂ፡ እምሠራዊትየ። ወዝንቱ፡ ኮነ፡ በፈቃደ፡ እግዚአብሔር፡ ልዑል፡ አለ፡ ለእመ፡ ሀለወከ፡ ትእዛዝ፡ አዝዘኒ፡ ባቲ። ወይቤሎ፡ እወ፡ እፈቅድ፡ ከመ፡ ትቅትሎ፡ ለዘቀተለኒ፡ ወለእመ፡ መሐኮ፡ ይግበር፡ ለከ፡ እግዚአብሔር፡ በከመ፡ ገበርከ፡ ሊተ። ወአውስባ፡ ለወለትየ፡ ወዕቀባ፡ ለእምየ፡ ወተሰጥዎ፡ በውእቱ። ወሞተ፡ ዳርዮስ፡ ወቆመ፡ እስክንድር፡ እስከ፡ ቀበሮ፡ ወአብጽሖሙ፡ ኀቤሁ፡ ለዓበይተ፡ ሠራዊተ፡ ዳራ፡ ወአስተፍሥሐ፡ ልቦሙ፡ ወሤሞሙ፡ በበሥርዓቶሙ። ወእምድኅረዝ ፡ አውሰበ፡ ወለቶ፡ ወአሠነየ፡ ላዕለ፡ እሙ። ወኃሠሦሙ፡ ለ፪ አግብርት፡ እለ፡ ቀተልዎ፡ ወአዘዘ፡ ከመ፡ ይስቅልዎሙ፡ መልዕልተ፡ መካን፡ ልዑል። ወፈጸመ ፡ በልዕልና፡ ሥርዓቶሙ፡ ህየንተ፡ ተሀብሎቶሙ፡ ላዕለ፡ ንጉሥ። ይቤ፡ ወሶበ፡ ነግሠ፡ እስክንድር፡ መንግሥተ፡ ፋርስ፡ ወተሠልጠ፡ ላዕለ፡ ኵሉ፡ አህጉራ፡ ወተራከበ፡ ምስለ፡ ሊቃውንታ። ወተናገረ፡ ምስሌሆሙ፡ ወርእየ፡ ዘበኀቤሆሙ፡ እምአእምሮ፡ ወጽንዕ። ወፈነወ፡ ኀበ፡ አርስጣጣሊስ፡ እንዘ፡ ይብል፡ ናሁ፡ አነ፡ ረከብኩ፡ እመኳንንተ፡ መንግሥተ፡ ፋርስ፡ ብዙኃ፡ ዕደወ፡ ዘቦሙ፡ አልባብ። ፍጹማን፡ ወለባውያን፡ ወሐታትያን፡ ወሕሊናሆሙ፡ ሠናያን፡ የዋሐን፡ ወጽኑዓን፡ ዘይበቊዑ፡ ለምግብና፡ መንግሥት፡ ወናሁ፡ ፈቀድኩ፡ ከመ፡ እቅትሎሙ፡ ፩ እምድኅረ፡ ፩ አይድዓኒ፡ ምክረከ፡ በዝንቱ። ወጸሐፈ፡ በዝንቱ፡ አርስጣጣሊስ፡ እንዘ፡ ይብል፡ ለእመ፡ ተክህለከ፡ ትቅትሎሙ፡ ኢትክል፡ ትወልጥ፡ ነፋሰ፡ ሀገሮሙ፡ ወማየ፡ ምድሮሙ፡ አላ፡ ምልኮሙ፡ በሠናይ፡ ወተአዝዝ፡ ሎሙ፡ ትማኦሙ፡ በፍቅር፡ ወይትኤዘዙ፡ ለከ፡ ወገብረ፡ ከማሁ። ወእምዝ፡ ሖረ፡ ኀበ፡ ባቢሎን፡ ወዐገታ፡ ወፀብዖሙ፡ ለሰብአ፡ ወፀብዐ፡ ወከሠታ። ወእምድኅረ፡ ድካም፡ ብዙኀ፡ ነግሠ፡ ላዕሌሃ፡ ወተሠልጠ፡ ላዕለ፡ ኵሉ፡ መንግሥታ፡ ወበሐውርታ። ወእምድኅረዝ፡ ዓመፁ፡ መንፈቆሙ፡ ለላህቃኒሃ፡ ላዕለ፡ እስክንድር። ወለአከ፡ እስክንድር፡ ኀበ፡ አርስጣጣሊስ ፡ እንዘ፡ ይትማከሮ፡ በእንቲአሆሙ። ወሐለየ፡ ኀዳጠ፡ መዋዕለ፡ ወወፅአ፡ ኀበ፡ ገነት፡ ዘኮነ፡ ሎቱ፡ ወአብጽሖ፡ ለመልእክተ፡ እስክንድር፡ ወአኀዘ፡ ይምሐው፡ ዕፀወ፡ ዓቢያነ፡ ወይትክል፡ ውስተ፡ መካኖሙ፡ ዕፀወ፡ ንዑሳነ፡ በትዕግሥት፡ ወኀድዓት፡ በመዋዕል፡ በቅድመ፡ መልእክቱ። ወይቤሎ፡ ለላእክ፡ አይድዖ፡ ለእስክንድር፡ ዘትሬኢ፡ ዘአነ፡ እገብር፡ በእሉ፡ አዕዋም፡ ወዕፀው፡ እስመ፡ ደዌያት፡ ኢኮኒ፡ ዕሩያተ፡ ወለ፩፩ እምሕማም፡ ዘቦ፡ ፈውስ፡ ዘንተ፡ ኵሎ፡ ዘነገርኩከ፡ ንግሮ፡ ለእስክንድር። ወተመይጠ፡ ልዑክ፡ ኀበ፡ እስክንድር፡ ወነገሮ፡ ኵሎ፡ ዘኮነ፡ ወዘርእየ። ወአእመረ፡ እስክንድር፡ ወወጠነ፡ ያርኀቆሙ፡ ለዓበይተ፡ ባቢሎን፡ በበ፩፩ ወሤመ፡ ህየንቴሆሙ፡ ፩፩ እምሠራዊቱ። ወተዓውቀ፡ ዝንቱ፡ ነገር፡ ወገብርዎ፡ ነገሥት፡ እስከ፡ ይእዜ። ይቤ፡ እምድኅረ፡ ዝንቱ፡ ሖረ፡ እስክንድር፡ ኀበ፡ ሀገረ፡ ህንደኬ፡ ድፀበዕ፡ ምስለ፡ ሰብአ፡ ህንደኬ። ወአስተጋብአ፡ ዐበይተ፡ መንግሥቱ፡ ወተማከሮሙ፡ ወአምከርዎ፡ ከመ፡ ይፈንዎ፡ ለሰልቅሮዮስ፡ መልአከ፡ ሠራዊቱ፡ ወአስተዳለወ፡ ወፈነወ፡ ምስሌሁ፡ ትዕይንተ፡ ወኵሎ፡ ዘይፈቅድ፡ እምንዋየ፡ ሐቅል፡ ወንዋያተ። ወሖረ፡ ወበጽሐ፡ ኀበ፡ ሀገረ፡ ህንደኬ፡ ወሶበ፡ በጽሐ፡ ፈነወ፡ ኀቤሆሙ፡ መልእክቶ፡ ወነገሮሙ፡ ኵሎ፡ ዘበጽሐ፡ ላዕለ፡ ዳርዮስ፡ እምእስክንድር፡ ዘከመ፡ ሞአ፡ ወቀተሎ፡ ወነግሥ፡ ላዕለ፡ መንግሥቱ፡ ወኮነ፡ ዳርዮስ፡ ወብዙኀ፡ ሠራዊቱ፡ ወንዋዩ። ወይቤሎሙ፡ ባኡ፡ አንትሙ፡ ታሕተ፡ ትእዛዙ፡ ለእስክንድር፡ ወሥርዑ፡ ላዕሌክሙ፡ ጸባሕተ፡ ተሀብዎ፡ ሎቱ፡ በበዓመቱ፡ ወይትመየጥ፡ እምፀቢኦትክሙ፡ ወአበይዎ፡ በዝንቱ፡ ወፈቀደ፡ ይፀብዖሙ። ወሶበ፡ ተቃረኑ፡ ሠራዊት፡ አንጸረ፡ ፀቢዕ፡ ርእየ፡ መልአከ፡ ሠራዊት፡ እስክንድር፡ ለሠራዊት፡ ብዙኀ፡ ለእሎንቱ፡ ወቅድሜሆሙ፡ ነጌያት፡ እንዘ፡ ይፄዓኑ፡ ላዕሌሆሙ፡ ብዙኃን፡ ዕደው። ወሶበ፡ ቀርቡ፡ ነጌያት፡ ደንገፁ፡ አፍራስ፡ ሠራዊተ፡ እስክንድር፡ ወጐዩ፡ ወተዘርዉ፡ ሠራዊት። ወተመይጠ፡ ሶልቅሮስ፡ ወሠራዊት፡ እለ፡ ምስሌሁ፡ ኀበ፡ ማኀደሪሆሙ። ወጸሐፈ፡ ወለአካ፡ ኀበ፡ እስክንድር፡ ወአጠየቆ፡ ውእቱ። ወተንሥአ፡ እስክንድር፡ ምስለ፡ ሠራዊቱ፡ ወሖረ፡ ኀበ፡ ሰልቅሮስ፡ ወተራከበ፡ ምስሌሁ፡ ወምስለ፡ ሠራዊቱ፡ ወተማከረ፡ ምስለ፡ መኳንንተ፡ መንግሥቱ፡ በእንተ፡ ነጌያት። ወአምከርዎ፡ ከመ፡ ይግበር፡ ነጌያተ፡ እምብርት፡ ወሐፂን፡ ያንሶስዉ፡ በመንኰራኵረ፡ ሐፂን። ወአዘዘ፡ ከመ፡ ይግበሩ፡ ዘንተ፡ ወይኀብእዎሙ፡ ወይዕቀብዎሙ። ወእምድኅረዝ፡ ለአከ፡ ኀበ፡ ንጉሠ፡ ህንደኬ፡ እንዘ፡ ይብል፡ ተአዘዝ፡ ወግነይ፡ ሊተ። ወንጉሠ፡ ህንደኬ፡ ለአከ፡ ኀቤሁ፡ ምስለ፡ ዝንቱ፡ እንዘ፡ ይብል፡ ተአዘዝ፡ ወግነይ፡ ሊተ፡ አንተሂ። ወዓዲ፡ ለአከ፡ ንጉሠ፡ ህንደኬ፡ ኀበ፡ ነገሥት፡ ካልአኒሁ፡ እንዘ፡ ይብል፡ እስመ፡ እስክንድር፡ መጽአ፡ ኀቤየ፡ ንዑ፡ ኀቤየ፡ ወተራድኡኒ፡ ወአምክሩኒ፡ ወንኩን፡ በ፩ ሕሊና፡ ወበ፩ ምክር። ወሶበ፡ ተፈለጥነ፡ ንሕነ፡ ይመጽእ፡ እስክንድር፡ ወይነሥእ፡ መንግተነ፡ ወይመውአነ። ወይቤልዎ፡ ነገሥት፡ ኦሆ፡ ወተደለዉ፡ ወበጽሑ፡ ኀቤሁ፡ ምስለ፡ ኵሉ፡ ሠራዊቶሙ። ወውእቶሙሰ፡ ፩ ንጉሠ፡ ሲን፡ ዘቅሩብ፡ ወካልኡ፡ ንጉሠ፡ ሲን፡ ዘርኁቅ። ንጉሠ፡ ስንድ፡ ወንጉሠ፡ ኩሳን፡ ወከልኦሙ። ወለአከ፡ ንጉሠ፡ ህንደኬ፡ ኀበ፡ እስክንድር፡ እንዘ፡ ይብል፡ ነዓ፡ ንትራከብ፡ ከመ፡ ንፃባእ። ወይቤሎ፡ እስክንድር ፡ እወ፡ ንትራከብ፡ ወሖረ፡ ምስለ፡ ሠራዊቱ፡ ወነበረ፡ መልዕልተ፡ ሀገረ፡ ህንደኬ። ወአዘዘ፡ ከመ፡ ያንብሩ፡ በውስተ፡ ከርሠ፡ ነጌያት፡ ዕፀወ፡ ወያንድዱ፡ ቦሙ፡ እሳተ። ወሶበ፡ ኮነ፡ ጽባሐ፡ አዘዘ፡ ከመ፡ ይስሐብዎሙ። ለነጌያት፡ መልዕልተ፡ ሰረገላት፡ በሰናስለ፡ ሐፂን፡ ቅድመ፡ ኵሉ፡ ሠራዊት። ወቆሙ፡ ወተደለዉ፡ በበሥርዓቶመ፡ በዕለተ፡ ረቡዕ፡ በ፳ወ፩ ዓመት፡ እመንግሥቱ፡ ለእስክንድር። ወሶበ፡ ርእዩ፡ ነጌያተ፡ ህንደኬ፡ ነጌያተ፡ ዘገብሮሙ፡ እስክንድር፡ መጽኡ፡ ወአኀዝዎሙ፡ ወውዕዩ፡ ወገብኡ፡ ድኅሬሆሙ፡ ወተመውኡ። ወተሰብሩ፡ ሠራዊት፡ ንጉሠ፡ ህንደኬ፡ ወእለ፡ ምስሌሁ፡ ወተመውኡ፡ ዐቢየ፡ ሙአተ። ወአመ፡ ኮነ፡ ሳኒታ፡ በዕለተ፡ ሐሙስ፡ ተጋብኡ፡ እስክንድር፡ ምስለ፡ ዐበይተ፡ መንግሥቱ። ወይቤሎሙ፡ ርኢክዎሙ፡ ለጸላእትነ፡ ከመ፡ ሞእናሆሙ፡ ወኃደጉ፡ ፀብዐ፡ ሰቡዓ፡ ዕለተ፡ እስከ፡ ይመክሩ፡ ወተሰነዓዉ፡ ንጉሠ፡ ህንደኬ፡ ወነገሥት፡ እለ፡ ምስሌሁ። ወቦ፡ እምሐራሁ፡ ለእስክንድር፡ ይትናገሩ፡ ምስለ፡ ሠራዊተ፡ ህንደኬ፡ በእንተ፡ ሥርዓተ፡ ፀብዕ፡ ወይቤልዎሙ፡ ሐራሁ፡ ለእስክንድር፡ ለሐራ፡ ንጉሠ፡ ህንደኬ። እስክንድር፡ ወሬዛ፡ ወኢየአምር፡ ሥርዓተ፡ ፀብዕ፡ ውእቱሂ፡ ሐፂር፡ ወድኩመ፡ ኃይል፡ ወኢኮነ፡ ከመ፡ ንጉሥክሙ፡ እስመ፡ ውእቱ፡ ዕውቅ፡ ወጽኑዕ፡ በኃይል፡ ወአምክርዎ፡ ለንጉሥክሙ፡ ከመ፡ ይፃባእ፡ ምስለ፡ እስክንድር፡ ወዘሞአ፡ እምኔሆሙ፡ ይንሣእ፡ መንግሥተ፡ ካልኡ፡ ወናዕርፍ፡ ንሕነሂ፡ ወአንትሙሂ፡ ታዕርፉ፡ እምዝንቱ፡ ፀብዕ። ወኮነ፡ ዝንቱ፡ ምክር፡ ሠናይ፡ በቅድሜሆሙ፡ ወበቅድመ፡ ንጉሦሙ። ወለአከ፡ ንጉሠ፡ ህንደኬ፡ ኀበ፡ እስክንድር፡ ከመ፡ ይትራከቡ፡ በውስተ፡ ፀብዕ፡ ወይግበሩ፡ ፀብዓ፡ ክልኤሆሙ። ወይቤሎ፡ አሆ፡ ወተፅዕኑ፡ ሠራዊቶሙ፡ ኵሎሙ፡ በበአፍራሲሆሙ፡ ወቆሙ፡ ወወፅአ፡ እስክንድር፡ እማእከለ፡ ሠራዊቱ፡ ወቱራከበ፡ ምስለ፡ ንጉሠ፡ ህንደኬ፡ ወይቤሎ፡ እስክንድር፡ አምጻእከኑ፡ ዘይረድአከ። ወተመይጠ፡ ንጉሠ፡ ህንደኬ፡ ድኅሬሁ። ወሶቤሃ፡ ረገዞ፡ በኵናት፡ ዘውስተ፡ እዴሁ፡ ወቀተሎ፡ ወጐዩ፡ ሠራዊተ፡ ንጉሠ፡ ህንደኬ፡ ወተመውኡ። ወነግሠ፡ አስክንድር፡ ላዕለ፡ መንግሥተ፡ ህንደኬ፡ ወአሶሮሙ፡ ለነገሥት፡ እለ፡ መጽኡ፡ ይርድእዎ። ወእምድኅረዝ፡ ሠርዓ፡ ላዕሌሆሙ፡ ጸባሕተ፡ በበዓመት፡ ለለ፩፩ በበክሂሎቱ፡ ወተካየዶሙ፡ ወፈነዎሙ። ወሤመ፡ ላዕለ፡ መንግሥተ፡ ህንደኬ፡ ንጉሠ፡ እምሠራዊቱ፡ መገብረ፡ ጸባሕተ፡ ላዕሌሁ፡ በበዓመቱ፡ ወሖረ። ይቤ፡ ጸሐፌ፡ ዝንቱ፡ ታሪክ፡ ወገብረ፡ እስክንድር፡ ፀብዕ፡ ብዙኃ፡ ወነግሠ፡ ላዕለ፡ ፯ አህጉረ፡ ምድር ፡ ወበጽሐ፡ ኀበ፡ ምድረ፡ ቀፍ፡ ኀበ፡ ሙፃአ፡ ፀሐይ፡ ወገብረ፡ ህየ፡ ጥቀመ፡ ወሞቅሖሙ፡ ለጎግ፡ ወለማጎግ፡ ወዓፀወ፡ ላዕሌሆሙ፡ በሰናስለ፡ ሐፂን። ወእለ፡ ተርፉ፡ እምኔሆሙ፡ ሀለዉ፡ በአፍአ፡ ጥቅም፡ ወበእንተዝ፡ ተሰምዩ፡ ትርኵ። ወቦ፡ ብሔረ፡ ጽልመት፡ ወቦ፡ እለ፡ ይቤሉ፡ ሶበ፡ ፈቀደ፡ ይባእ፡ ኀቤሃ፡ አምከርዎ፡ ከመ፡ ይፅዐን፡ ላዕለ፡ አንስት፡ አፍራስ፡ እለ፡ ቦን፡ እጕል፡ ምስለ፡ እሊአሁ፡ ወእጐሊሆን፡ ኃደገ፡ ውስተ፡ ኵርጓኔሁ፡ ከመ፡ ይትመየጣ፡ አፍራስ፡ በምክንያተ፡ እጐሊሆን። ወእምድኅረዝ፡ ቦአ፡ ብሔረ፡ ጽልመት፡ ወነሥአ፡ እምህየ፡ በሕርያተ፡ ወያክንተ፡ በዘዚአሁ፡ ኀብሩ፡ በአምጣነ፡ ይክል፡ ጸዊሮቶ። ወቦ፡ እለ፡ ይቤሉ፡ ኮነ፡ ይጸውር፡ ምስሌሁ፡ አሕማረ፡ ክፉለነ፡ በተሌልዮ፡ ላዕለ፡ አግማላት። ወሶበ፡ ፈቀደ፡ ይባእ፡ ውስተ፡ ደሰያተ፡ ባሕር፡ ያስተጻምሮሙ፡ ወይፄዓን፡ ውስቴቶሙ፡ ውእቱ፡ ወሠራዊቱ። ወሶበ፡ ፈጸመ፡ ዘፈቀደ፡ ወወፅአ፡ እምባሕር፡ ይሌልዮሙ፡ ወይፅዕኖሙ፡ ዲበ፡ አግማላት። ይቤ፡ ጸሐፌ፡ ዝንቱ፡ ታሪክ፡ ወሶበ፡ ነግሠ፡ እስክንድር፡ ኵሎ፡ መንግሥታተ፡ እምሥራቅ፡ እስከ፡ ምዕራብ፡ ወገነዩ፡ ሎቱ፡ ነገምተ፡ ወቦኡ፡ ውስተ፡ ትእዛዙ፡ ወኮኑ፡ ሠራዊቱ፡ ይትዌሰኩ፡ እም፰፼ ሰብአ፡ አፍራስ። ወሐነፀ፡ ፪፻አህጉረ፡ ዐበይተ፡ ቦእምኔሆሙ፡ በውስተ፡ ምሥራቅ፡ ወቦ፡ በውስተ፡ ምዕራብ። ወሐነፀ፡ በውስተ፡ ብሔረ፡ ግብጽ፡ ሀገረ፡ ወሰመያ፡ እስክንድርያ፡ በከመ፡ ስሙ። ወከረየ፡ አፍለጋተ፡ ወገብረ፡ አርማሰ፡ ወከተረ፡ አብሕርተ፡ ወአጥፍአ፡ ፴ወ፭ ነገሥተ፡ ወተሠልጠ፡ ላዕለ፡ መንግሠቶሙ፡ ወተመይጠ፡ ኀበ ፡ ባቢሎን፡ ከመ፡ ይርአይ፡ ምግባራቲሃ፡ ወይሥራዕ፡ ግብራ፡ ወአስተዩ፡ ኀምዘ። ወተብህለ፡ ከመ፡ ዘአርተዮ፡ ኀምዘ፡ ኮነ፡ ሥዩመ፡ እምኀቤሁ፡ ላዕለ፡ መቄዶንያ፡ እስመ፡ እሙ፡ ለእስክንድር፡ ጸሐፈት፡ ወለአከት፡ ኀበ፡ ወልዳ፡ እንዘ፡ ትስክዮ። ወተበቀሎ፡ ወፈቀደ፡ ከመ፡ ይቅትሉ፡ ወሰምዐ፡ ውእቱ፡ ብእሲ፡ ዘንተ፡ ወፈነወ፡ ወልዶ፡ ኀበ፡ እስክንድር፡ ወምስሌሁ፡ አምኃ፡ ብዙኃ፡ ወንዋያተ፡ ዲባግ፤ ወወሀቦ፡ ኀምዘ፡ ቀታሌ፡ ወአዘዘ፡ ከመ፡ ያመክኒ፡ ወያስትዮ፡ ውእቱ፡ ኀምዘ፡ ዘምስሌሁ። ወሶበ፤ በጽሐ፡ ወልዱ፡ ኀበ፡ እስክንድር፡ አብኦ፡ ሎቱ፡ ዘምስሌሁ፡ ወወሀቦ፡ ለሊቀ፡ ቀዳሕያነ፡ እስክንድር፡ አምኃ፡ ሠናየ። ወኮነ፡ ፈቀደ፡ እግዚአብሔር፡ ወሥምረቱ፡ እስመ፡ ሊቀ፡ ቀዳሕያነ፡ እስክንድር፡ ኮነ፡ ትኩዘ፡ ልብ፡ ላዕለ፡ እስክንድር፡ በእንተ፡ ዘአስተሐቀሮ። ወበጽሐ፡ ውእቱ፡ ወልድ፡ በውእቱ፡ ጊዜ፡ ወረከበ፡ ዘከመ፡ ፈቀደ፡ ወተሰነዓወ፡ ምስሌሁ፡ ወነሥአ፡ እምኔሁ፡ ውእቱ፡ ኀምዘ፡ ወደመሮ፡ ምስለ፡ ስታይ፡ ወአስተዮ፡ ለእስክንድር፡ እንዘ፡ ስኩር፡ ወሰትየ። ወሶበ፡ አእመረ፡ እስክንድር፡ ከመ፡ ይመውት፡ በኀምዝ፡ ጸሐፈ፡ ወለአከ፡ ኀበ፡ እሙ፡ እንዘ፡ ያጤይቃ፡ ወይናብዛ፡ በእንተ፡ ነፍሱ። ወይቤላ፡ አእምሪ፡ ከመ፡ ንሕነ፡ በውስተ፡ ዝንቱ፡ ዓለም፡ ከመ፡ አምሳለ፡ ዕለት፡ ዘየኃልፍ፡ ወይተልዎ፡ ለትማልም። ወበሳኒታሁ፡ ውስተ፡ አሰሩ፡ ወፍኖትነሰ፡ ከመ፡ ንተልዎ፡ ለዘ፡ ኃለፈ፡ ከመ፡ ዘይተሉ፡ ውስተ፡ አሰረ፡ ዘይበድር። ወአንቲስ፡ ልበሲ፡ ትዕግሥተኪ፡ ከመ፡ ልብሰ፡ ሐፂን፡ ጽኑዕ፡ ኢትፍርሂ፡ ወኢትደንግፂ፡ ወኢትኀዝኒ፡ ወግበሪ፡ ምሳሐ፡ ዐቢየ፡ ወአዝዚ፡ ከመ፡ ይትጋብኡ፡ ኵሉ፡ ሰብእ፡ ኀቤኪ። ወሶበ፡ ተጋብኡ፡ ይዑድ፡ ዓዋዲ፡ እንዘ፡ ይብል፡ ኵሉ፡ ዘረከቦ፡ ኀዝን፡ ኢይጥዕም፡ እምዝንቱ፡ መብልዕ፡ ውእቱ፡ ጊዜ፡ ተአምሪ፡ ከመ፡ ቦቱ፡ ኑዛዜ፡ ለነገርየ። ወኀተመ፡ ክርታሰ፡ ወፈነወ፡ ኀበ፡ እሙ፡ ወአዘዞ፡ ለፊልሞና፡ ሊቀ፡ ሐራሁ፡ ከመ፡ ይኀባእ፡ ሞቶ፡ ወያስተፋጥን፡ ሐዊረ። ወሞተ፡ እምድኅረ፡ ኀዳጥ፡ መዋዕል፡ ወበጽሐ፡ ኀበ፡ አበዊሁ፡ ወስብሐት፡ ለእግዚአብሔር፡ ዘኢይመውት። ወሶበ፡ በጽሐ፡ ክርታስ፡ ኀበ፡ እሙ፡ ገብረት፡ ምሳሐ፡ በከመ፡ ይቤላ። ወአዘዘት፡ ከመ፡ ይትጋብኡ፡ ሰብእ፡ ለምሳሕ፡ ወይብላዕ፡ እምኔሁ፡ ዘኢበጽሖ፡ ኀዘን፡ ወኢይቅረብ፡ መኑሂ፡ ኀበ፡ መብልዕ። ወአእመረት፡ በውእቱ፡ ወጠየቀት፡ ከመ፡ አልቦ፡ ውስተ፡ ዝንቱ፡ ዓለም፡ መኑሂ፡ ዘእንበለ፡ ኀዘን። ወፊልሞንሰ፡ ሐራሁ፡ ገነዞ፡ ሥጋሁ፡ ወቀብዖ፡ በዐልው፡ ወወደዮ፡ ውስተ፡ ነፍቅ፡ ዘወርቅ፡ ወገብረ፡ ላዕሌሁ፡ መዐረ፡ ዘንህብ። ወእምዝ፡ ነሥኦ፡ ወወሰዶ፡ ምስሌሁ፡ ወሖረ፡ ሌሊተ፡ ወመዓልተ፡ እስከ፡ ህገረ፡ እስክንድርያ፡ ወአምጽኦ፡ ለነፍቅ፡ ወአንበሮ፡ ማእከለ፡ ሰብእ። ወመጽአ፡ ጠቢብ፡ አርስጣጣሊስ፡ ወብዙኃን፡ እምጠቢባነ፡ ዮናናውያን፡ እለ፡ ነበሩ፡ ውስተ፡ መንግሥቱ። ወተናገሩ፡ ለለ፩፩ እምኔሆሙ፡ በዘዚአሁ፡ እምነገረ፡ ዓበብ፡ ላዕለ፡ ነፍቀ፡ እስክንድር። ወወጠነ፡ አርስጣጣሊስ፡ ወይቤ፡ እመሰ፡ ኮነ፡ ተፍጻሜታ፡ ለዛቲ፡ ዓለም፡ ከመዝ፡ እምኀየሶ፡ ኃዲጎታ፡ እምቀዲሙ። ወይቤ፡ አንጢጎስ፡ በዛቲ፡ ፍኖት፡ ሀለወነ፡ ንሑር፡ ኀሥዋ፡ ለዘኢይበሊ፡ ወኀድግዎ፡ ለዘይበሊ። ወይቤ፡ ፊልሞን፡ በዛቲ፡ ዕለት፡ ቀርበት፡ እኪት፡ እንተ፡ ኮነት፡ ርኅቅተ። ወርኅቀት፡ ሠናይት፡ እንተ፡ ኮነት፡ ቅርብተ። ወይቤ፡ አፍላጦን፡ ኦዘትጽሕቅ፡ ንዋየ፡ ካልአን፡ ወታስተጋብእ፡ በግብር፡ እስመ፡ አንተ፡ ጾርከ፡ ኃጢአተ፡ ወተመይጠ፡ ፍሥሐከ፡ ኀበ፡ ካልአን። ወይቤ፡ ድዮጋንስ፡ ሖረ፡ እምኀቤነ፡ እንዘ፡ ይነብብ፡ ወተመይጠ፡ እንዘ፡ ኢይነብብ። ወይቤ፡ ታሮስ፡ በዛቲ፡ ዕለት፡ ይሬእይዎ፡ መርዔት፡ ለኖላዊሆሙ። ወይቤ፡ ኒሎስ፡ ዝተግሣጽ፡ እምበቊዓ፡ ለካልአን፡ እመወርቅ፡ ኮነ፡ ትማልም፡ መዝገቡ፡ ለእስክንድር፡ ወዮም፡ ተዘግበ፡ ውስተ፡ ወርቅ። ወይቤ፡ ካልእ፡ ይተልወከ፡ ዘተፈሥሐ፡ በሞትከ፡ በከመ፡ ተለውኮሙ፡ አንተ፡ ለዘተፈሣሕከ፡ በሞቶሙ። ወይቤ፡ ካልእ፡ እስመ፡ ኮነ፡ እስክንድር፡ ይጌሥጸነ፡ አመ፡ ሕያው፡ ውእቱ፡ ይእዜሰ፡ ይጌሥጸነ፡ በሞቱ። ወካልእ፡ ይቤ፡ ትማልም፡ ኮነ፡ ስምዐ፡ ትእዛዝከ፡ ወኢንትሀበል፡ ንትናገር፡ ቅድሜከ፡ ወዮምሰ፡ ንትናገር፡ ቅድሜከ፡ ወአንተሰ፡ ኢትሰምዐነ፡ ወኢትክል፡ ተናግሮ። ወይቤ፡ ካልእ፡ ዝንቱሰ፡ ብእሲ፡ ቀተለ፡ ብዙኃ፡ ሠራዊተ፡ በእንተ፡ ፍቅረ፡ ዓለም፤ ወይእዜሰ፡ ሞተ፡ ወኃደጋ፡ ለካልአን። ወካልእ፡ ይቤ፡ ይጌሥጸነ፡ እስክንድር፡ በቃሉ፡ በከመ፡ ገሠጸነ፡ ዮም፡ በአርምሞቱ። ወይቤ፡ ካልእ፡ ኦዘኮነ፡ ቍጥዓ፡ መዓትከ፡ በሞት፡ ወይእዜሰ፡ ኢተቈጣዕከኑ፡ በላዕለ፡ ሞት። ወካልእ፡ ይቤ፡ ይንገፁ፡ ወፈርሁ፡ አረፋቲከ፡ ወተፈሥሑ፡ አረፋቲሆሙ፡ ለእለ፡ ይፈርሁከ። ወይቤ፡ ካልእ፡ ኦሕዝብ፡ ኢታስቆቅዉ፡ ላዕለ፡ እስክንድር፡ አላ፡ አስቆትዉ፡ ላዕለ፡ ርእስክሙ። ወካልእ፡ ይቤ፡ እስመ፡ ኮንከ፡ ቅድመ፡ ኢይብቍዓከ፡ ስፍሐ፡ አህጉር፡ እሮ፡ ተዐገሥከ፡ ይእዜ፡ ውስተ፡ ዝንቱ፡ ነፍቅ፡ ፀባብ። ወይቤ፡ ካልእ፡ ተዓረየ፡ ንጉሥ፡ ምስለ፡ ነዳይ፡ በሞት፡ ወኮኖሙ፡ ተግሣጸ፡ ለነገሥት፡ ሞቶሙ፡ ለነዳያን። ወካልእ፡ ይቤ፡ እስመ፡ ኮነ፡ ስምከ፡ መፍርሀ፡ ወመንግሥትከ፡ ልዑል፡ ወይእዜሰ፡ ኮንከ፡ ኀሡረ፡ ወመንግሥትከኒ፡ ትሑተ። ወካልእ፡ ይቤ፡ እስመ፡ ኮንከ፡ ቅድመ፡ ታሤኒ፡ ወታኃሥም፡ ወይእዜሰ፡ አልብከ፡ ኃይል፡ መሐሮ፡ እግዚኦ፡ ለዘአሠነየ፡ በክሂሎቱ፤ ወይቤ፡ ካልእ፡ እስመ፡ ኮንከ፡ ትማልም፡ ትትጌረም፡ ወይእዜሰ፡ አልቦ፡ ዘይፈርሃከ። ወሶበ፡ ፈጸሙ፡ ወጢባን፡ ሰቆቃዎሙ፡ ወፅአት፡ ብእሲተ፡ እስክንድር፡ ወለተ፡ ዳራ፡ እምቤታ፡ ወአንበረት፡ እደዊሃ፡ ላዕለ፡ ንፍቅ፡ ወአስቆቀወት፡ እንዘ፡ ትብል፡ ኦንጉሥ፡ ኢሐለይኩ፡ አንሰ፡ ዘሞእኮ፡ በዳራ፡ ወአኀሠርኮ፡ ከመ፡ ሞት፡ ይመውአከ። ወእምድኅረዝ፡ መጽአት፡ እሙ፡ ወአንበረት፡ መላትሒሃ፡ ላዕለ፡ ነፍቅ፡ ወለሀወት፡ እንዘ፡ ትብል፡ እስመ፡ ፈጸምክሙ፡ ሊተ፡ ኑዛዜ፡ ዘካንኩ፡ እፈርህ፡ ሎቱ፡ ለእስክንድር። ወይእዜሰ፡ በጽሐ፡ ወኢተርፈ፡ ለነ፡ ንጉሥ፡ መዋኢ። ማእዎ፡ ለዓለም፡ እምቅድመ፡ ይማእክሙ፡ ወሀቡ፡ ጽድቀ፡ ለነፍሳቲክሙ፡ ወይእዜሰ፡ ተወከፍኩ፡ ኑዛዜክሙ። ወአዘዘት፡ ይቅብርዎ፡ ወቀበርዎ፡ በሀገረ፡ እስክንድርያ፡ በተፍጻሜተ፡ ፶፻ወ፪፻፴ወ፯ ዓመት፡ እምፍጥረተ፡ ዓለም። ኁልቈ፡ መዋዕሊሁ፡ ለእስክንድር፡ ፸ወ፪ ዓመት፡ እምቅድመ፡ ይንግሥ፡ ፲ወ፯ ዓመት፡ ወመዋዕለ፡ መንግሥቱ፡ ፶ወ፯ ዓመት። ወከማሁ፡ ይቤ፡ ሊቀ፡ ጳጳሳት፡ ዘሮምያ፡ በታሪኩ። ወስዒድሰ፡ ወልደ፡ በጥሪቅ፡ ወወልደ፡ መነኮስ፡ ይቤሉ፡ ኁልቈ፡ መዋዕሊሁ፡ ፴ወ፪ ዓምት፡ ወእምቅድመ፡ ይንግሥ፡ ፲ወ፯ ዓመት፡ ወመዋዕለ፡ መንግሥቱ፡ ፲ወ፯ ዓመት። ይቤ፡ ጸሐፌሃ፡ ለዛቲ፡ መጽሐፍ፡ እስመ፡ ውእቱ፡ ነግሠ፡ ፶ወ፯ ዓመተ። ወዓዲ፡ ይቤ፡ እስመ፡ እስክንድር፡ ከፈለ፡ መንግሥቶ፡ በመዋዕለ፡ ሕይወቱ፡ ፡ ላዕለ፡ አዝማዲሁ፡ ወሰብአ፡ ቤቱ፡ ፬ ክፍለ። ወ፩ እምኔሆሙ፡ በጥሊሞስ፡ ዘይትበሀል፡ ቈለዳንቅስ፡ ወኮነ፡ ሎቱ፡ ክፍለ፡ እለ፡ እስክንድርያ፡ ወምድረ፡ ግብጽ፡ እስከ፡ ይበጽሕ፡ ኀበ፡ ምዕራብ። ወለካልእኒ፡ፍልስቆስ፡ ኮነ፡ ሎቱ፡ ክፍሉ፡ መቄዶንያ፡ እስከ፡ ወሰና፡ ለመንግሥተ፡ ሮም። ወሣልሳይሰ፡ ደመጥሪስ፡ ኮነ፡ ሎቱ፡ ክፍሉ፡ ሀገረ፡ እስያ፡ ወሀገረ፡ ሻም። ወራብዓይሰ፡ ሰርቅርሮስ፡ ኮነ፡ ሎቱ፡ ክፍሉ፡ ሀገረ፡ ፋርስ፡ እስከ፡ ትፍጻሜተ፡ ሀገረ፡ ምሥራቅ፡ እሉ፡ እሙንቱ፡ ፬ መኳንንት፡ እምታሕቴሁ፡ ላዕለ፡ አህጉር፡ ወኢተሰምየ፡ ፩ እምኔሆሙ፡ ንጉሠ። ወሶበ፡ ሞት፡ እስክንድር፡ ቀነዩ፡ በበክፍሎሙ። ወተሰምዩ፡ ነገሥት፡ ባእለ፡ ይብሉ፡ ኮነ፡ አርስጣጣሊስ፡ ጠቢብ፡ መምህሩ፡ ለእስክንድር፡ ወተምህረ፡ ፲ጥበበ፡ ምድር፡ ወአጽንዖሙ። ወደረሰ፡ ድርሳናተ፡ ብዙኃ፡ እምጥበብ፡ በእንተ፡ ፈውሰ፡ ሥጋ፡ ወካልአተ፡ መጻሕፍተ፡ ዕውቃተ። ወገብረ፡ ለእስክንድር፡ መጽሐፈ፡ ዘዘከርናሁ፡ ቀዳሚ፡ ወሰመዮ፡ መጽሐፈ፡ ጥበብ፡ በሥርዓተ፡ ሢመት። ወቦቱ፡ ጥበበ፡ መልሰማት፡ ወጥበበ፡ አእምሮ፡ ከዋክብት፡ ወገብረ፡ ውስቴቱ፡ ምስሌያተ፡ እንተ፡ ታፈርህ፡ ወታደነግፆ፡ ወአዘዞ፡ በዘይገብራ፡ በኵሉ፡ ምግባራቲሁ። እስመ፡ ሰምዐ፡ አርስጣጣሊስ፡ ከመ፡ ቦሙ፡ አህጉር፡ ፈቀደ፡ አስክንድር፡ ፀቢዖተ፡ አሐቲ፡ ሀገር፡ ዘውስቴታ፡ ብዙኃን፡ እምጠቢባን። ወእሙንቱ፡ ሶበ፡ ይመጽእ፡ ጸላኢ፡ ኀበ፡ ይእቲ፡ ሀገር፡ ይትጋብኡ፡ ውስተ፡ ማኅፈድ፡ ወውስተ፡ ቅጽረ፡ ሀገር፡ ወምሌሆሙ፡ ንዋየ፡ ሐቅሎሙ፡ ወይገብሩ፡ ጥበቦሙ፡ ወኢይክል፡ መኑሂ፡ ይማኦሙ። ወገብረ፡ አርስጣጣሊስ፡ ምስላተ፡ መፍርሃተ፡ ዘዘከርነ፡ ወአስተዋደደ፡ ውስቴቶሙ፡ ብዙኃ፡ አቅርንተ፡ ዓቢያተ፡ ወንዑሳተ፡ ወከበሮ፡ ወመሰንቆ። ወአዘዞ፡ ለእስክንድር፡ ከመ፡ ይኅባእ፡ ዘንተ፡ ነገረ። ወሶበ፡ ይበጽሕ፡ ይፅብዓ፡ ለይእቲ፡ ሀገር፡ ይኤዝዞሙ፡ ለአግብርቲሁ፡ ከመ፡ የኃልዩ፡ ማኅሌተ፡ ወይንፍሑ፡ አቅርንተ፡ አሜሃ፡ ይጠፍእ፡ ጥበቦሙ፡ ለእሙንቱ፡ ጠቢባን፡ ወይለስሕ፡ ምክሮሙ፡ ለመካርያን፡ ወይንሥእ፡ ሀገሮሙ፡ ወኮነ፡ ከማሁ። ወገብረ፡ ውስተ፡ መጽሐፍ፡ ዘዝኩር፡ ማኅፈዳተ፡ ዘያጤይቆ፡ ለገቢረ፡ ፍትሕ። ወይቤ፡ በውስቴቱ፡ ከመ፡ ፍትሕ፡ ጽንዑ፡ ለዓለም፡ ወርእሰ፡ ኵሉ፡ ሠናያት፡ ወቦቱ፡ ይበዝኁ፡ ንዋያት፡ ወሠራዊት፡ ወይገዩ፡ ሎቱ፡ መርዔት። ይቤ፡ ፍትሕሰ፡ ያስተፋቅር፡ ወውእቱ፡ ጽንዓ፡ ለዓለም፡ ዓለምሰ፡ ይትሜሰል፡ በገነት። ለገነትሰ፡ ቅጽሩ፡ መንግሥት፡ ወመንግሥትሰ፡ ጥበብ፡ ዘይሜግቦ፡ ለንጉሥ። ወንጉሰ፡ ብእሲ፡ ዘይረድእዎ፡ ሠራዊቱ፡ ወለሠራዊትሰ፡ ዘይረድእዎ፡ ለንጉሥ፡ ያስተጋብኦሙ፡ ንዋይ፡ ንዋይሰ፡ ጸጋ፡ ያስተጋብእዎ፡ መርዔት። መርዔትሰ፡ አግብርት፡ ይቀንዮሙ፡ ርትዕ። ርትዕሰ፡ ግበሮ፡ በጥንተ፡ ቃልከ፡ ወበተፍጻሜቱ። ወአአምር፡ እስመ፡ ቦቱ፡ ወይቀውም፡ ኵሉ፡ ዓለም። ወበኂሩትሰ፡ ይትሐነፃ፡ አህጉር፡ ወይትጋባእ፡ ንዋይ፡ ወባቱ፡ ይበዝኁ፡ ሠራዊት፡ ወሐራ፡ ወይቀንይዎሙ፡ ለመርዔት። ይቤ፡ አርስጣጣሊስ፡ ወተርጐመ፡ መጻሕፍተ፡ ህርምስ፡ ጠቢብ፡ ቀዳማዊ፡ እምነ፡ ሀገረ፡ ግብጽ። ወፈከረ፡ እምልሳነ፡ ቅብጢ፡ ኀበ፡ ልሳነ፡ ዮናናዊ፡ ወከሠተ፡ በውስቴቱ፡ እምአእምሮታት፡ ወጥበብ፡ ወመዓልማተ፡ ዘእምኔሆሙ፡ መጽሐፈ፡ አስጥመጋኖስ፡ ወውስትቴቱ፡ አምልኮቶሙ፡ ለዕደው፡ ቀደምት። ወይቤ፡ በውስቴቱ፡ ከመ፡ ሰብእ፡ ፯ በሐውርት፡ ያመልኩ፡ ፯ ከዋክብተ፡ ተሐዋርያነ። ወሰብአ፡ ኵሉ፡ ብሔር፡ ያመልኩ፡ ኮከበ፡ እምኔሆሙ፡ ወይሰግዱ፡ ሎቱ፡ ወየዓጥኑ፡ ወያዓርጉ፡ መባአ፡ ወይሠውዑ፡ ሎቱ፡ መሥዋዕተ፡ መንፈስ፡ ርኩስ፡ ዘሀለወ፡ በውስተ፡ ውእቱ፡ ኮከብ፡ ያስተርእዮሙ፡ ወይትናገር፡ ምስሌሆሙ፡ ወይሁቦሙ፡ ፍትወቶሙ፡ በኵሉ፡ ዘፈቀዱ። ወዳግማይሰ፡ መጽሐፍ፡ ዘሰመይ፡ መጽሐፈ፡ አስጦማጢስ፡ ወውእቱ፡ ዘይነግር፡ አርኀዎቶሙ፡ ለአህጉር፡ ወጥቅም፡ ወአብያተ፡ ነገሥት፡ ወቀንየ፡ ነገሥታተ፡ ወዘኮነ፡ ይገብሩ፡ እምጠልሰማት፡ ወጥበብ፡ እምኔሆሙ፡ አስማት፡ ያመጽኡ፡ ሎሙ፡ ዝናማተ፡ ወሚያተ፡ በውስተ፡ ገዳም፡ ጊዜ፡ ይጸምዑ፡ በውስተ፡ ምድረ፡ በድው። ወዓዲ፡ መጽሐፈ፡ ዘይሰመይ፡ እልስቱጠስ፡ ይትናገር፡ በእንተ፡ ትምህርተ፡ ከዋክብት፡ ወኀርየተ፡ ዐለት፡ እምዕለታት፡ ወዘይደሉ፡ ምግባረ፡ አመ፡ በአተ፡ ወርኀ፡ በ፳ወ፰ ከዋክብት፡ ወበ፲ወ፪ ከዋክብት፡ መሳክው፡ ወበአቱ፡ ዘሠናይ፡ ወዘእኩይ። ወካልአን፡ መጻሕፍት፡ ይዜከሩ፡ በእንተ፡ ፈውሰ፡ አባሎሙ፡ ለእንስሳ፡ ወበእንተ፡ አዕባን፡ ወዕፀው፡ ወሐመልማል፡ ዘይከውን፡ ፈውሰ። ወመጽሐፈ፡ መዐርግ፡ ዘይመስሎ፡ እመጻሕፍተ፡ ጥበበ። ወሶበ፡ በጽሐ፡ ዕለተ፡ ሞቱ፡ ለአርስጣጣሊስ፡ አዘዞሙ፡ ለለእካኒሁ፡ ከመ፡ ኢይምሐሩ፡ ዘንተ፡ አእምሮታተ፡ ዘእንበለ፡ ዳእሙ፡ ለዘይደልዎ፡ ዓቂቦታ፡ ወሖረ፡ ኀበ፡ እግዚአብሔር፡ ልዑል። ወይቤ፡ ጸሐፌ፡ ታሪክ፡ ዘጥንት፡ ከመ፡ እስክንድር፡ ነግሠ፡ እንዘ፡ ውእቱ፡ ወሬዛ፡ ወነበረ፡ ውስተ፡ መንግሥት፡ ፲፻ ዓመት፡ ወተሠልጠ፡ ላዕለ፡ ኵሉ፡ በሐውርተ፡ ምድር። ወይቤ፡ ዙርነሀር፡ዘርነሀር፡ በውስተ፡ ሐሳቡ፡ ከመ፡ ውእቱ፡ ነግሠ፡ እንዘ፡ መዋዕሊሁ፡ ፵ዓመት፡ ወነበረ፡ ውስተ፡ መንግሥቱ፡ ፭፻ ዓመተ። ወኵሉ፡ መዋዕሊሁ፡ ፭፻ወ፵ ዓመት። ወዘሰ፡ ይተልዎ፡ ለዝንቱ፡ ታሪክ፡ ይቤ፡ ከመ፡ ውእቱ፡ ነግሠ፡ ፶ወ፯ ዓመተ፡ ወእግዚአብሔር፡ የአምር።

93rd Generation: Ptolemy I ፺ወ፫ እምአዳም፡ በጥሊሞስ፡ ዘይሰመይ፡ ቅልያዳቆስ፡ቅልደዳቆስ፡ እኁሁ፡ ለእስክንድር፡ ወሞተ፡ በጥሊሞስ፡ ሎጎስ፡ በፍጻሜ፡ ፶፻፪፻፵ወ፬ ዓመት፡ እምፍጥረተ፡ ዓለም።

94th Generation: Ptolemy II ፺ወ፬ እምአዳም፡ በጥሊሞስ፡ለበጥሊሞስ፡ ዘይሰመይ፡ እለእስክንድሮስ፡እስክንድሮስ፡ ወተብህለ፡ በመዋዒሎዛ፡በመዋዒ፡ ሎዛ፡ ንጉሠ፡ ላዕለ፡ ሀገረ፡ ግብጽ፡ ወሞተ፡ በጥሊሞስ፡ በፍጻሜ፡ ፶፻ወ፪፻፷ወ፭፶፻ወ፪፻ወ፭ ዓመት፡ እምፍጥረተ፡ ዓለም።

95th Generation: Ptolemy III ፺ወ፭ እምአዳም፡ በጥሊሞስ፡ ዘይሰመይ፡ አርነብ፡ዓርነብ፡ዱስጰዳ፡ ነግሠ፡ ፳ወ፬፳ወ፩ ዓመተ፡ ወሞተ፡ በጥሊሞስ፡ አርነብ፡ዓርነብ፡ በፍጻሜ፡ ፶፻ወ፪፻፹ወ፱ ዓመት።

96th Generation: Ptolemy IV ፺ወ፮ እምአዳም፡ በጥሊሞስ፡ መፍቀሬ፡ እኁሁ፡ ነግሠ፡ ፲ወ፯ ዓመተ፡ ወሞተ፡ በጥሊሞስ፡ በፍጻሜ፡ ፶፻፫፻ወ፭ ዓመት፡ ለዓለም።

97th Generation: Ptolemy V ፺ወ፯ እምአዳም፡ በጥሊሞስ፡ ዘይሰመይ፡ ተአዛዚ፡ ነግሠ፡ ፭ ዓመተ፡ ወበጽባሕ፡ ረከብዎ፡ ምውተ፡ ወአስምዑ፡ ከመ፡ ውእቱ፡ ሞተ፡ በሰኪር። ወውእቱኬ፡ በፍጻሜ፡ ፶፻፫፻ወ፲ ዓመት፡ እምፈጥረተ፡ ዓለም።

98th Generation: Ptolemy VI ፺ወ፰፡ እምአዳም፡ በጥሊሞስ፡ መፍቀሬ፡ እቡሁ። ነግሠ፡ ፲ወ፯ ዓመተ። ወሞተ፡ በጥሊሞስ፡ መፍቀሬ፡ እቡሁ፡ በፍጻሜ፡ለፍጻሜ፡ ፶፻፫፻፳ወ፯ ዓመት፡ እምፍጥረተ፡ ዓለም።

99th Generation: Ptolemy VII ፺ወ፱ እምአዳም፡ በጥሊሞስ፡ ወይሰመይ፡ በንጹሕ፡ ነግሠ፡ ፳ወ፬ ዓመተ፡ ወበጥሊሞስ፡ ሞተ፡ ለፍጻሜ፡ ፶፻፫፻፶ወ፩፶፻ወ፻፶ወ፩ ዓመት፡ እምፍጥረተ፡ ዓለም።

100th Generation: Ptolemy VIII ፻ እምአዳም፡ ላዕሌሁ፡ ሰላም፡ በጥሊሞስ፡ ዘይሰመይ፡ ፒሉፓዴር፡ፒሉፓዔር፡ ዘበትርጓሜሁ፡ መፍቀሬ፡ አበዊሁ፡ ነግሠ፡ ፳ወ፭ ዓመት። ወሞተ፡ በጥሊሞስ፡ በፍጻሜ፡ ፶፻፫፻፸ወ፯ ዓመት፡ እምፍጥረተ፡ ዓለም።

101st Generation: Ptolemy IX ፻ወ፩ እምአዳም፡ በጥሊሞስ፡ ዘግብር፡ ነግሠ፡ ፳ ዓመተ። ወሞተ፡ በጥሊሞስ፡ ዘግብር፡ዘግብጽ፡ በፍጻሜ፡ ፶፻ወ፫፻፷ወ፯ ዓመት፡ እምፍጥረተ፡ ዓለም።

102nd Generation: Ptolemy X ፻ወ፪ እምአዳም፡ በጥሊሞስ፡ መድኅን፡ ነግሠ፡ ፲ወ፰ ዓመተ፡ ወሞተ፡ በጥሊሞስ፡ መድኅን፡ በፍጻሜ፡ ፶፻ወ፬፻፲ወ፩፶፻ወ፬፻፲ወ፬ ዓመት፡ እምፍጥረተ፡ ዓለም።

103rd Generation: Ptolemy XI ፻ወ፫ እምአዳም፡ በጥሊሞስ፡ መፍቀሬ፡ እሙ፡ ወይሰመይ፡ ፊስቆስ፡ ንጉሥ፡ ነግሠ፡ ፲ ዓመተ፡ ወሞተ፡ ወውእቱኬ፡ በፍጻሜ፡ ፶፻ወ፬፻፳ወ፬፶፻ወ፩፻፳ወ፬ ዓመት፡ እምፍጥረተ፡ ዓለም።

104th Generation: Ptolemy XII ፻ወ፬ እምአዳም፡ በጥሊሞስ፡ ዘይሰመይ፡ ቀሳኦስ፡ ነግሠ፡ ፲ወ፰፲፯ መዓልተ። ወወልደ፡ መነኮስ፡ ይቤ፡ ኢዘከረ፡ ሎቱ፡ መዋዕለ፡ ወኢዘከሮ፡ በውስተ፡ ሐሳበ፡ ነገሥት፡ ወኢጸሐፈ፡ ዕቀብተ፡ዕቅበተ፡ ዝከሩ።

105th Generation: Ptolemy XIII ፻ወ፭ እምአዳም፡ በጥሊሞስ፡ ዘይሰመይ፡ ዲዮናስዮስ፡ ነግሠ፡ ፳ወ፩ ዓመተ። ወሞተ፡ በጥሊሞስ፡ ዲዮናስዮስ፡ድዮናስዮስ፡ ለፍጻሜ፡ ፶፻ወ፬፻፵ወ፭ ዓመት፡ እምፍጥረተ፡ ዓለም።

106th Generation: Cleopatra ፻ወ፮ እምአዳም፡ አክላአበጥራ፡ከለአብጠራ፡ ወለተ፡ ዲዮናስዮስ፡ድዮናስዮስ፡ ወትርጓሜ፡ ስማ፡ ትበኪ፡ትበከ፡ ዲበ፡ ኰኵሕ፡ ወእምድኅረዝ፡ወእምዝ፡ ሖረ፡ አንጢጎስ፡አንጢኮስ፡ ወልደ፡ እኁሁ፡ ለሕርቃኖስ፡ለኅርፋኖስ፡ ኀበ፡ ንጉሠ፡ ፋርስ። ወሰአሎ፡ ይርድአ፡ወተራድአ፡ ላዕለ፡ እኅወ፡ አቡሁ፡አቡሁ፡ ሕርቃኖስ።ኅርፋኖስ፡ህርፋኖስ። ወፈነወ፡ ንጉሠ፡ ፋርስ፡ ሰብአ፡ ወአብጽሕዎ፡ ኀቤሁ፡ወአኀዞ፡ ለሕርቃኖስ፡ለኅርፋኖስ፡ ወአሰሮ፡ ወጾሮ፡ ኀቤሁ፡ወአሠሮ፡ ወፆረ፡ ኀቤሁ፡ ወነበረ፡ ምስሌሁ፡ሙቁሑ፡ እስከ፡ ነግሠ፡ ሄሮድስ፡ ላዕለ፡ አይሁድ፡ ወገብረ፡ወገብሩ፡ ላዕሌሁ፡ ነገረ፡ወገሩ፡ ላዕሌሁ፡ ነገረ፡ ከመ፡ ይቅትልዎ፡ ወቀተልዎ፡ ወኮነ፡ መዋዕሊሁ፡ ፹ ዓመት፡ ወውእቱ፡ ተፍጻሜተ፡ ነገሥት፡ እምቃብያን።እማእምራን፡ ወኮኑ፡ አይሁድ፡ወአይሁድሰ፡ አንገሡ፡ ላዕሌሆሙ፡አንያከስሃ፡ ወልደ፡ እኁሁ፡ ለሕርቃኖስ፡ለኅርፋኖስ፡ ፩ ዓመተ፡ እስከ፡ ነግሠ፡ ሄሮድስ፡ሄሮስ። ወሠዐረ፡ መንግሥቶ።

107th Generation: Augustus ፻ወ፯ እምአዳም አውግስጦስ፡አውግሥጦስ፡ ቄሳር፡ ወልደ፡ ሙኑሐስ፡መኑሐስ፡ ወትርጓሜሁ፡ ለአውግስጦስ፡አውግሥጦስ፡ ፀዳል፡ ነግሠ፡ ፶ወ፯ ዓመተ፡ ወ፯ አውራኃ። ወሞተ፡ ለፍጻሜ፡ ፶፻ወ፭፻፲ወ፭ ዓመት፡ እምፍጥረተ፡ ዓለም። ወሀለው፡ በመዋዕሊሁ፡ እምጠቢባን፡ ሰለስጠስ፡ ፈልሱፍ፡ ዘፊታጎር፡ ወይሁዳ፡ ገሊላዊ።

108th Generation: Tiberius

Life of Tiberius ፻ወ፰ እምአዳም፡ ጢባርዮስ፡ ቄሳር፡ ወልደ፡ አውግስጦስ፡ ቄሳር፡ ነግሠ፡ እምድኅረ፡ አቡሁ፡ ላዕለ፡ ኵሉ፡ መንግሥቱ፡ ፳ወ፫ ዓመት። ወይቤ፡ ካዕበ፡ በእንቲአሁ፡ እስመ፡ ውእቱ፡ ቃለ፡ ዐዋዲ፡ ዘይጸርኅ፡ በገዳም፡ ወይብል፡ አስተዳልው፡ ወጺሑአ፡ ጺሑኦ፡ ወአስተዳልዉ፡ ፍኖቶ፡ ለእግዚአብሔር፡ ወዐረዩ፡ መጽያሕቶ።

Life of Jesus Christ ዝውእቱ፡ ዜናሁ፡ ለእግዚእነ፡ ክርስቶስ፡ለክርስቶስ፡ ሎቱ፡ ስብሐት፡ ወአንሶስዎቱ፡ወአንሶስዎቶ፡ ውስተ፡ ዓለም፡ እስከ፡ ጊዜ፡ ዕርገቱ፡ ውስተ፡ ሰማያት። በእንተ፡ ይቡስ፡ እድ፡ ይቤ፡ ወንጌል፡ ወቦአ፡ ኀበ፡ ጕባኤ፡ አይሁድ፡ ወረከቦ፡ ለአሐዱ፡ ብእሲ፡ ይቡስ፡ እድ፡ ወይቤሎ፡ ስፉሕ፡ እዴከ፡ ወስፍሐ፡ ወሐይወ፡ ከመ፡ ካልእታ።

Miracles of Jesus Christ በእንተ፡ በሀም፡ ወጽሙም፡ወጽሙመ፡ እዝን፡ ይቤ፡ በወንጌል።ወንጌል፡ በእንተ፡ ተአምር፡ ዘደብረ፡ ታቦር፡ ይቤ፡ ወንጌል፡ ቅዱስ፡ ከመ፡ እግዚእነ፡ ክርስቶስ፡ ሎቱ፡ ስብሐት፡ ዘተወለጠ፡ በደብረ፡ ታቦር፡ ወአብርሃ፡ ገጹ፡ ከመ፡ ፀሐይ፡ ወአልባሲሁኒ፡ ኮነ፡ ከመ፡ በረድ፡ ወአስተርአይዎ፡ ሙሴ፡ ወኤልያስ፡ እንዘ፡ ይትናገሩ፡ ምስሌሁ። ወወፅአ፡ ቃል፡ እምሰማይ፡ እንዘ፡ ይብል፡ ዝንቱ፡ ውእቱ፡ ወልድየ፡ ዘአፈቅር፡ ሎቱ፡ ስምዕዎ። ወይቤ፡ ወልደ፡ በጥሪቅ፡ በውስተ፡ ሐሳቡ፡ ከመ፡ ጢባርዮስ፡ ቄሳር፡ ሐነጸ፡ ለሀገረ፡ ጤቤርያዶስ፡ጢባርዮስ፡ እምድኅረ፡ መዝበረት፡ እስመ፡ ይእቲ፡ ተሰምየት፡ በስሙ።

109th Generation: Caius The explicit is missing in . For this reason, the text in this section is based on . ፻ወ፱። እምአዳም፡ ጋብዮስ፡ ቄሳር፡ ነግሠ፡ እምድኅረ፡ ጢባርዮስ፡ ቄሳር፡ ፬ ዓመተ፡ ወእምድኅሬሁ፡ ለእስሜር፡ ፲ወ፫ ዓመተ፡ ሞተ፡ ኣቅልድስ፡ ቄሳር፡ በተፍጻሜተ፡ ፶፻ወ፭፻፶ወ፯ ዐመት፡ እምፍጥረተ፡ ዓለም።

110th Generation: Claudius ፻ወ፲ እምአዳም፡ ቀላውድዮስ፡ ቄሳር፡ ነግሠ፡ ላዕለ፡ ሮም፡ እምድኅረ፡ ጋብዮስ፡ ቄሳር፡ ፲ወ፬ ዓመተ፡ ወነበረ፡ ባቲ፡ ፪ ዓመተ፡ ወእምድኅረዘ፡ ሤሞ፡ ለአስጢቆስ፡ ኤጲስ፡ ቆጶስ፡ ወነበረ፡ ባቲ፡ ፲ወ፭ ዓመተ፡ ወእምድኅሬሁ፡ ለአስሜሪስ፡ ወ፶፻ወ፶፻፶ወ፯ ዓመት፡ እምፍጥረተ፡ ዓለም።

111th Generation: Nero ፻፲ወ፩ እምአዳም፡ ኔሮን፡ ቄሳር፡ ነግሠ፡ ላዕለ፡ ሮም፡ እምድኅረ፡ ቀላውዴዎስ፡ቀላውዲስ፡ ቄሳር፡ ፲ወ፫ ዓመተ። ወሶበ፡ ሞአ፡ስምዓ፡ ወከሠተ፡ወከሠታ፡ አስባስያኖስ፡ ነሥአ፡ ለወልደ፡ ኮርዮን፡ነሥኦ፡ ወልደ፡ ኮርዮን፡ እምህየ፡ እንዘ፡ ሙቁሕ፡ በሰናስል፡ ወኢቀተሎ፡ እስመ፡ ውእቱ፡ ዜነዎ፡ ከመ፡ ውእቱ፡ ይነግሥ፡ እምድኅረ፡ ኔሮን፡ ቄሳር፡ ወነበረ፡ ይፀመዶ። ወኮነ፡ ያክብሮ፡ ወያሤኒ፡ ሎቱ።

112th Generation: Galba ፻፲ወ፪ እምአዳም፡ ጋልያስ፡ጋልዮስ፡ ቄሳር፡ ወይሰመይ፡ በጥሊስ፡ ነግሠ፡ ላዕለ፡ ሮም፡ እምድኅረ፡ ኔሮን፡ ቄሳር፡ ፱ አውራኃ፡ ወኮነ፡ ሑረቱ፡ እኪተ፡ ወቦአ፡ ኀቤሁ፡ ፩ አምአግብርቲሁ፡ ወቀተሎ፡ በሌሊት፡ ወሞተ።

113th Generation: Otho ፻፲ወ፫ እምአዳም፡ ኦኑን፡አኑን፡ ቄሳር፡ ነግሠ፡ ፫ አውራኃ፡ እምድኅረ፡ ጋልያስ፡ጋልዮስ፡ ቄሳር፡ ወሠዓርዎ፡ እመንግሥቱ። Referred to as ʾOnun or ʾAnun in and as ʾAmon in .

114th Generation: Vitellius ፻፲ወ፬ እምአዳም፡ ፊጣሎስ፡ ቄሳር፡ ወይሰመይ፡ በጥሊስ፡በጥሎስ፡ ነግሠ፡ ላዕለ፡ ሮም፡ እምድኅረ፡ ኦኑን፡አኑን፡ ቄሳር፡ ፫ አውራኃ። ወኀበረ፡ ምክሮሙ፡ ላዕለ፡ አስባስያኖስ፡ ቄሳር፡ ወለአኩ፡ ኀቤሁ፡ ወአብጽሕዎ፡ ወአንገሥዎ፡ ላዕሌሆሙ፡ ወኮነ፡ ዝንቱ፡ ነገር፡ በተፍጻሜተ፡ ፶፻ወ፭፻፸ወ፩ ዓመት፡ እምፍጥረተ፡ ዓለም።

115th Generation: Vespasian ፻፲ወ፭ እምአዳም፡ አስባስያኖስ፡ ቄሳር፡ ነግሠ፡ ላዕለ፡ ሮም፡ ፱ ዓመተ፡ ወመንፈቀ። ወሞተ፡ ለፍጻሜ፡ ፶፻፭፻ወ፹ ዓመት፡ ወመንፈቀ፡ ዓመት፡ እምፍጥረተ፡ ዓለም።

116th Generation: Titus ፻፲፮ እምአዳም፡ ጢጦስ፡ ዘይሰመይ፡ ቄሳር፡ ወልደ፡ አስባስያኖስ፡ ነግሠ፡ እምድኅረ፡ አቡሁ፡ ላዕለ፡ ሮም፡ ፬ ዓመተ። ወሞተ፡ ጢጦስ፡ ለፍጻሜ፡ ፶፻፭፻፹ወ፬ ዓመት፡ ወመንፈቅ፡ እምፍጥረተ፡ ዓለም።

117th Generation: Domitian Emperor Nerva, who reigned after Domitian, is missing in this list. ፻፲፯ እምአዳም፡ ዶስጥያኖስ፡ ቄሳር፡ ወልደ፡ አስባስያኖስ፡ አኅወ፡ ጢጦስ፡ ነግሠ፡ ላዕለ፡ ሮም፡ እምድኅረ፡ እኁሁ፡ ጢጦስ፡ ፲ወ፭ ዓመተ። ወሞተ፡ ዶስጥያኖስ፡ ለፍጻሜ፡ ፶፻ወ፭፻፺ወ፱ ዓመት፡ ወመንፈቀ፡ ዓመት፡ እምፍጥረተ፡ ዓለም።

118th Generation: Trajan ፻፲፰ እምአዳም፡ ታኦዳስ፡ታዖዳስ፡ ቄሳር፡ ወሰመይዎ፡ ዮሐንስ፡ አፈ፡ ወርቅ፡ ወመንበጊ፡መንበጊ፡ ኔሮን፡ ቄሳር፡ ዐዚዝ፡ ንኡስ። ወሞተ፡ ታኦዳስ፡ ቄሳር፡ ለፍጻሜ፡ ፶፻ወ፮፻ ዓመት፡ ወመንፈቅ፡ እምፍጥረተ፡ ዓለም።

119th Generation: Hadrian ፻፲ወ፱ እምአዳም፡ አንድያኖስ፡አናድያኖስ፡ ቄሳር፡ ወሰመዮ፡ ወልደ፡ በጥሪቅ፡በጥረቅ፡ ጠራባኖስ፡ጠርዓብዮስ፡ ቄሳር፡ ወወፅአ፡ ላዕለ፡ ጠርባኖስ፡ጠራባኖስ፡ ዓማፂ፡ እምባቢሎን፡ ወወፅአ፡ ኀቤሁ፡ በሠራዊቱ፡ ወተፃብኡ፡ ወተቀትለ፡ ጠራባኖስ፡ ቄሳር፡ ለፍጻሜ፡ ፶፻ወ፮፻ወ፱፶፻ወ፭፻፲ወ፱ ዓመት፡ ወመንፈቅ፡ እምፍጥረተ፡ ዓለም።

120th Generation: ʾAnǝryānos (?) No such emperor is attested between Hadrian and Antoninus Pius. ፻፳ እምአዳም፡ እንርያኖስ፡ ቄሳር፡ ነግሠ፡ ላዕለ፡ ሮም፡ በዓመት፡ ፬፻፴ወ፱ እመንግሥቱ፡ ለእስክንድር፡እስክንድር፡ለእስክድር፡ ወሞተ፡ እንድርያኖስ፡ ኤልያስ፡ ቄሳር፡ ለፍጻሜ፡ ፶፻ወ፮፻ወ፵ ዓመት፡ ወመንፈቀ፡ እምፍጥረተ፡ ዓለም።

121st Generation: Antoninus Pius Lucius Verus, who reigned after Antoninus Pius, is missing in this list. ፻፳ወ፩ እምአዳም፡ አንጦንዮስ፡እንጦንዮስ፡ ቄሳር፡ ነግሠ፡ እምድኅሬሁ፡ ላዕለ፡ ሮም፡ ፳ወ፪ ዓመተ፡ ወተሰነአው፡ወተነሰዓወ፡ ጸሐፍተ፡ ታሪክ፡ በእንተ፡ ዘመነ፡ መንግሥቱ፡ ወሞተ፡ አንጦንዮስ፡ ቄሳር፡ ለፍጻሜ፡ ፶፻ወ፮፻፷ወ፪ ዓመት፡ ወመንፈቅ፡ እምፍጥረተ፡ ዓለም።

122nd Generation: Marcus Aurelius ፻፳ወ፪ እምአዳም፡ ኡራልያኖስ፡ኡርልያኖስ፡ ቄሳር፡ ነግሠ፡ ላዕለ፡ ሮም፡ ወኡራልያኖስሰ፡ወአርልያኖስ፡ ቄሳር፡ ንጉሥ፡ ሞተ፡ በፍጻሜ፡ ፶፻፮፻፹ወ፩ ዓመት፡ ወመንፈቅ፡ እምፍጥረተ፡ ዓለም።

123rd Generation: Commodus Emperor Lucius Verus is missing in this list ፻፳ወ፫ እምአዳም፡ ቀሙዶስ፡ ወልደ፡ እንጦንዮስ፡ ቄሳር፡ ነግሠ፡ ላዕለ፡ ሮም፡ ፲ወ፫ ዓመተ። ወእምድኅረዝ፡ ሞተ፡ ቀሙዶስ፡ቀሙድዮስ፡ቀምድዮስ፡ ቄሳር፡ ለፍጻሜ፡ ፶፻፯፻፺ወ፫ ዓመት፡ ወመንፈቅ፡ እምፍጥረተ፡ ዓለም።

124th Generation: Pertinax ፻፳ወ፬ እምአዳም፡ ፈረተብኮስ፡ፈቂተብኮስ፡ ቄሳር፡ ነግሠ፡ ላዕለ፡ ሮም፡ ፫ አውራኀ። ወከማሁ፡ ይቤ፡ አፈ፡ ወርቅ፡ ወሰመዮ፡ ፈርጢኒኮስ። ወላዕላይ፡ ግብጽ፡ ሰመይዎ፡ በርጣኖስ፡ ወይቤሉ፡ ከመ፡ ውእቱ፡ ነግሠ፡ ፯ አውራኀ፡ ወሞተ።

125th Generation: Didius Julianus ወነግሠ፡ እምድኅሬሁ፡ ዮልያኖስ፡ ቄሳር፡ ወውእቱ፡ እምጥንተ፡ ነገሥት፡ ፻፳ወ፭ እምአዳም። ወመዋዕለ፡ መንግሥቱ፡ በኅብረተ፡ ኵሎሙ፡ ጸሐፍተ፡ ሐሳብ፡ ፪ አውራኅ፡ ወሞተ።

126th Generation: Septimius Severus? ፻፳ወ፮ እምአዳም። ሶርያኖስ፡ ቄሳር፡ ነግሠ፡ ላዕለ፡ ሮም፡ ፳ወ፫ ዓመተ። ወሞተ፡ ሶርያኖስ፡በኑርያኖስ፡ ቄሳር፡ በፍጻሜ፡ ፶፻ወ፯፻ወ፯ ዓመት፡ ወመንፈቀ፡ ዓመት፡ እምፍጥረተ፡ ዓለም።

127th Generation: Antoninus Caracalla ፻፳ወ፯ እምአዳም፡ እንጦንዮስ፡ ቄሳር፡ ነግሠ፡ ላዕለ፡ ሮም፡ ፯ ዓመተ። ወሞተ፡ እንጦንዮስ፡ ቄሳር፡ በፍጻሜ፡ ፶፻፯፻፲ወ፪ ዓመት፡ ወመንፈቅ፡ እምፍጥረተ፡ ዓለም።

128th Generation: Macrinus Emperor Geta is missing in this list. ፻፳ወ፰ እምአዳም፡ መቅዶንዮስ፡ ቄሳር፡ ነግሠ፡ ላዕለ፡ ሮም፡ ፩ ዓመተ። ወተቀትለ፡ በፍጻሜ፡ ፶፻፯፻፲ወ፫ሃምሳ፡ ምእት፡ ወ፯፻ወ፫ ዓመት፡ እምፍጥረተ፡ ዓለም፡

129th Generation: Antoninus Elagabalus Emperor Diadumenian is missing in this list. ፻፳ወ፱ እምአዳም፡ እንጦንዮስ፡ ቄሳር፡ ነግሠ፡ ላዕለ፡ ሮም፡ ፫ ዓመተ። ወሞተ፡ እንጦንዮስ፡ ቄሳር፡ በፍጻሜ፡ ፶፻፯፻፲ወ፯ ዓመት፡ ወመንፈቅ፡ወመንፈቀ፡ ዓመት፡ እምፍጥረተ፡ ዓለም።

130th Generation: Severus Alexander ፻፴ እምአዳም፡ እለ፡ እስክንድሮስ፡እለስከንድሮስ፡ ቄሳር፡ ነግሠ፡ ላዕለ፡ ሮም፡ በዓመት፡ ፭፻፴ወ፭ ለእስክንድር፡ለእስክንድሮስ፡ ወሞተ፡ እለ፡ እስክንድሮስ፡እለከንድሮስ፡ በፍጻሜ፡ ፶፻፯፻፳ወ፱ ዓመት፡ ወመንፈቀ፡ ዓመት፡ እምፍጥረተ፡ ዓለም።

131st Generation: Maximinus Thrax ፻፴ወ፩ እምአዳም፡ መቅሲሞስ፡ ቄሳር፡ ነግሠ፡ ላዕለ፡ ሮም፡ ፫ ዓመተ። ወሞተ፡ መቅሲሞስ፡ ንጉሠ፡ ሮም፡ በፍጻሜ፡ ፶፻፯፻፴ወ፪ ዓመት፡ ወመንፈቀ፡ ዓመት፡ እምፍጥረተ፡ ዓለም።

132nd Generation: Norinos (?) ፻፴ወ፪ እምአዳም፡ ኖሪኖስ፡ ቄሳር፡ ነግሠ፡ ላዕለ፡ ሮም፡ ፫ አውራኀ። ወተቀትለ፡ ወሰመዮ፡ ኤጲፋንዮስ፡ኤጰፋንዮስ፡ኤጲንፋዮስ ሎከዮስ፡ ቄሳር፡ ወሰመዮ፡ ወልደ፡ በጥሪቅ፡ ብልያኖስ፡ ቄሳር።

133rd Generation: Gordian it is not clear, whether this chapter is about Gordian I, Gordian II oder Gordian III. ፻፴ወ፫ እምአዳም፡ ገርድያኖስ፡ ቄሳር፡ ነግሠ፡ ላዕለ፡ ሮም፡ ፬ ዓመተ። ወሞተ፡ ገርድያኖስ፡ ቄሳር፡ በፍጻሜ፡ ፶፻፯፻፴ወ፯ ዓመት፡ ወመንፈቅ፡ እምፍጥረተ፡ ዓለም።

134th Generation: Philip the Arab The emperors Gordian II, Pupienus, Balbinus and Gordian III are probably missing in this list ፻፴ወ፬ እምአዳም፡ ፊልጶስ፡ ቄሳር፡ ነግሠ፡ ላዕለ፡ ሮም፡ ፯ ዓመተ። ወበውእቱ፡ መዋዕል፡ ተንሥአ፡ ላዕለ፡ ፊልጶስ፡ ቄሳር፡ ፩ መስፍን፡ እመሳፍንቲሁ፡ ዘስሙ፡ ደቅስዮስ፡ ወቀተሎ፡ ወነግሠ፡ ህየንቴሁ። ወውእቱኬ፡ በፍጻሜ፡ ፶፻፯፻፵ወ፫ ዓመት፡ ወመንፈቀ፡ ዓመት፡ እምፍጥረተ፡ ዓለም።

135th Generation: Decius The emperor Philipp II is probably missing in this list. ፻፴ወ፭ እምአዳም፡ ደቅስዮስ፡ ቄሳር፡ ነግሠ፡ ላዕለ፡ ሮም፡ ፭ ዓመተ። ወሞተ፡ ደቅስዮስ፡ዳክዮስ፡ዳኪዮስ፡ ንጉሥ፡ በፍጻሜ፡ ፶፻፯፻፵ወ፰ ዓመት፡ ወመንፈቅ፡ እምፍጥረተ፡ ዓለም።

136th Generation: Trebonianus Gallus ፻፴ወ፮ እምአዳም፡ ገልዮስ፡ ቄሳር፡ ነግሠ፡ ላዕለ፡ ሮም፡ ፪ ዓመተ። ወሞተ፡ ዮልያኖስ፡ ቀዳማይ፡ ወእምድኅሬሁ፡ ጋልዮስ፡ገልዮስ፡ ቄሳር፡ በኅዳጥ፡ መዋዕል። ወይእቲ፡ ፲ወ፰ መዓልት፡ ወውእቱኬ፡ ለፍጻሜ፡ ፶፻፯፻ወ፶ ዓመት፡ ወመንፈቅ፡ ዓመት፡ እምፍጥረተ፡ ዓለም።

137th Generation: Valerian Emperor Aemilianus is missing in this list. ፻፴ወ፯ እምአዳም፡ ዋላርያኖስ፡ወለርያኖስ፡ ቄሳር፡ ነግሠ፡ ላዕለ፡ ሮም፡ ፲ወ፩ ዓመተ። ወሞተ፡ ወተጋብኡ፡ ሠራዊቱ፡ ኀቤሁ፡ ከመ፡ ይርአዩ፡ ሞቶ። ወአርኅው፡ ሠራዊተ፡ ብህራም፡ ፩ እምአናቅጺሃ፡እምአናጺሃ፡ ለሀገር። ወቦኡ፡ ውስቴታ፡ ወነግሡ፡ ላዕሌሃ፡ ወአኀዝዎሙ፡ ለኵሎሙ፡ እለ፡ ተሰነአው፡ ምስለ፡ መናን፡ እምሰብኦ፡ ሀገር። ወፈነዎሙ፡ ኀበ፡ ብህራም፡ ወልደ፡ ብሀራም፡ ወሶበ፡ በጽሑ፡በጽሐ፡ ኀቤሁ፡ ቀተሎሙ፡ ለኵሎሙ፡ ወሰቀሎሙ፡ ዲበ፡ አንቀፀ፡ቀጽረ፡ ሀገረ፡ ኰሬሳን።ኵርሳን፡ ዋላርያኖስ፡ወአለርያኖስ፡ ንጉሠ፡ ሮም፡ ለፍጻሜ፡ ፶፻፯፻፷ወ፩ ዓመት፡ ወመንፈቅ፡ እምፍጥረተ፡ ዓለም።

138th Generation: Claudius Gothicus Emperor Gallienus is missing in this list. ፻፴ወ፰ እምአዳም፡ ገላውድዮስ፡ገላውዴዮስ፡ ቄሳር፡ ነግሠ፡ንግሠ፡ ቄሳር፡ ላዕለ፡ ሮም፡ ፩ ዓመተ፡ ወሞተ፡ ገላውድዮስ፡ገላውዴዎስ፡ ቄሳር፡ በፍጻሜ፡ ፶፻፯፻፷ወ፪ ዓመት፡ ወመንፈቅ፡ እምፍጥረተ፡ ዓለም።

139th Generation: Aurelian Emperor Quintillus is missing in this list. ፻፴ወ፱ እምአዳም፡ ኡረልያኖስ፡ኡልርያኖስ፡ ቄሳር፡ ነግሠ፡ ላዕለ፡ ሮም፡ ፯ ዓመተ። ወሞተ፡ ኡርልያኖስ፡ ቄሳር፡ በፍጽሜ፡ ፶፻፯፻፷ወ፰፶፻ወ፯፻፷ወ፱ ዓመት፡ ወመንፈቅ፡ እምፍጥረተ፡ ዓለም።

140th Generation: Tacitus ፻፵ እምአዳም፡ ጠፍሶስ፡ ቄሳር፡ ወተብህለ፡ ኔሮን፡ ቄሳር፡ ነግሠ፡ ላዕለ፡ ሮም፡ ፯ አውራኀ። ወተቀትለ፡ በፍጽሜ። ፶፻፯፻፺ወ፱፶፻ወ፯፻፰ወ፱ ዓመት፡ እምፍጥረተ፡ ዓለም።

141st Generation: Probus Emperor Florianus is missing in this list. ፻፵ወ፩ እምአዳም፡ አብሮፎስ፡ ቄሳር፡ ነግሠ፡ ላዕለ፡ ሮም፡ ፭ ዓመተ። ወሞተ፡ አብሮፎስ፡ ቄሳር፡ በፍጻሜ፡ ፶፻፯፻፸ወ፬ ዓመት፡ እምፍጥረተ፡ ዓለም።

142nd Generation: Carus ፻፵ወ፪ እምአዳም። ቃርዮስ፡አርዮስ፡ ነግሠ፡ ላዕለ፡ ሮም፡ ፪ ዓመተ። ይቤ፡ መንበጋዊ፡መንጋዊ፡ እስመ፡ ውእቱ፡ ነግሠ፡ በ፭፻፹ወ፯ እምዓመቱ፡ ለእስክንድር፡ በ፶፻፯፻፸ወ፯ ዓመተ፡ ዓለም። ይቤ፡ መጽሐፈ፡ ቀሌምንጦስ፡ ወነግሠ፡ወይነግሥ፡ እምድኅሬሁ፡ ንጉሥ፡ ዘስሙ፡ ቃን።

143rd Generation: Diocletian The emperors Carinus and Numerian are missing in this list. ፻፵ወ፫ እምአዳም፡ ድዮቅልጥያኖስ፡ ቄሳር፡ ነግሠ፡ ላዕለ፡ ሮም፡ ፹ወ፩ ዓመት። ወውእቱ፡ ቀዳሚ፡ ዕለት፡ ዘነግሠ፡ እስክንድር፡ ወልደ፡ ፊልጶስ፡ ዮናናዊ፡ ወማእከለ፡ ዕለተ፡ ዓርብ፡ ቀዳሚ፡ ዕለት፡ ዘነግሠ፡ ድዮቅልጥያኖስዲዮቅልጥያኖስ፡ ፳፼፩፼፸፻፪፻፺ወ፩ መዓልት፡ ተፍጻሜቶሙ፡ በዕለተ፡ ኀሙስ። ወኆልቈ፡ ዕለታት፡ ዘንቤ፡ በዓመታተ፡ ፀሐይ፡ ፭፻፺ወ፬ ዓመት፡ ፲ወ፩ አውራኅ፡ ወ፫ መዓልት፡ ወበዝንቱ፡ ትጤይቅ፡ ርትዐ፡ ዝንቱ፡ ሐሳብ።

144th Generation: Maximian ፻፵ወ፬ እምአዳም። መክስምያኖስ፡ ቄሳር፡ ወልደ፡ ድዮቅልጥያኖስዲዮቅልጥያኖስ፡ዲዮቅልያኖስ፡ ነግሠ፡ ላዕለ፡ ሮም፡ ፱ ዓመተ። ወእምውእቱ፡ ጊዜ፡ ኮኑ፡ ነገሥተ፡ ክርስቲያን፡ ይጸውሩ፡ ትአምርተ፡ መስቀል፡ ላዕለ፡ ኵሉ፡ ንዋዮሙ፡ እስከ፡ ይእዜ።

145th Generation: Constantine I the Great The emperors Galerius, Constantius I Chlorus, Severus II, Maxentius, Licinius, Maximinus II, Valerius Valens and Martinian are missing in this list. ፻፵ወ፭ እምአዳም፡ ቈስጠንጢኖስ፡ ንጉሥ፡ ምእመን፡ወምእመን፡መእመን፡ ወጻድቅ፡ ዘየዐቢ፡ ወልደ፡ ቍስጠ፡ቁስጣ፡ ነግሠ፡ ፶ ዓመት። ወካዕበ፡ ይቤ፡ ከመ፡ ውእቱ፡ ነግሠ፡ በ፯፻፲ወ፯ ዓመት፡ በዘ፡ለዘ፡ ፪ አቅርንቲሁ፡ በ፶፻፷፻ወ፵ ዓመተ፡ ዓለም።

146th Generation: Constantine II the Younger Constans I and Constantius II are missing in this list. ፻፵ወ፮ እምአዳም፡ ቈስጠንጢኖስ፡ ንጉሥ፡ ዘይንእስ፡ ወልደ፡ ቈስጠንጢኖስ፡ ዐቢይ፡ ነግሠ፡ እምድኅረ፡ አቡሁ፡ ላዕለ፡ ሮም፡ ፳ወ፬ ዓመት። ወሞተ፡ ቈስጠንጢኖስ፡ ዘይንእስ፡ ለፍጻሜ፡ ፶፻ወ፷፻፶ወ፬ ዓመት፡ እምፍጥረተ፡ ዓለም።

147th Generation: Julian Emperor Vetranio is missing in this list. ፻፵ወ፯። እምአዳም፡ ዮልያኖስ፡ ወልደ፡ እኅወ፡ አቡሁ፡ ለቈስጠንጢኖስ፡ ወብእሲሃ፡ ለእኅቱ፡ ነግሠ፡ እምድኅረ፡ ቈስጠንጢኖስ፡ ዘይንእስ፡ ፪ ዓመተ። ወይቤ፡ ባስልዮስ፡ ኤጲስ፡ ቆጶስ፡ ዘቂሳር፡ ከመ፡ ቅዱስ፡ መርቆሬዎስ፡ ቀተሎ፡ ለዮልያኖስ፡ ንጉሥ፡ በውስተ፡ ፀብእ፡ ወውእቱ፡ ርእየ፡ ኵናቶ፡ ለቅዱስ፡ መርቆሬዎስ፡ ውስተ፡ ሥዕለ፡ እንዘ፡ ቅቡእ፡ በደም። ወአጠየቆ፡ ቅዱስ፡ መርቆሬዎስ፡ በራዕይ፡ ዘንተ፡ ነገረ።

148th Generation: Jovian Referred to as Yokyānos in . ፻፵ወ፷ እምአዳም። ዮስያኖስ፡ዮክያኖስ፡ ነግሠ፡ እምድኅረ፡ ዮልያኖስ፡ ላዕለ፡ መንግሥተ፡ ሮም፡ አሐተ፡ ዓመተ። ወሞተ፡ ለፍጻሜ፡ ፶፻፷፻፷ወ፱ ዓመት፡ እምፍጥረተ፡ ዓለም።

149th Generation: Valentinian Not clear, whether this section is about Valentinian I, Valens or Valentinian II. ፻፵ወ፱ እምአዳም፡ ዋሊጦስ፡ ነግሠ፡ ላዕለ፡ ሮም፡ ፲ወ፪ ዓመተ፡ ወሞተ፡ ለፍጻሜ፡ ፶፻ወ፷፻፷ወ፱ ዓመት፡ እምፍጥረተ፡ ዓለም።

150th Generation: Valens (?) Not clear, whether this section is about Valentinian I, Valens or Valentinian II. ፻፶ እምአዳም፡ ዋልዮስ፡ እኁሁ፡ ነግሠ፡ እምድኅረ፡ እኁሁ፡ ባሕቲቱ፡ ላዕለ፡ ሮም፡ ፪ ዓመት። ወተቀትለ፡ ዋልዮስ፡ በውስተ፡ ፀብእ፡ ለፍጻሜ፡ ፶፻ወ፷፻፸ወ፩ ዓመት፡ እምፍጥረተ፡ ዓለም።

151st Generation: Gratian The emperor Magnus Maximus is missing in this list. ፻፶ወ፩ እምአዳም፡ ገራድያኖስ፡ እኁሁ፡ ነግሠ፡ እምድኅሬሁ፡ አሐተ፡ ዓመተ፡ ወሞተ፡ ገራድያኖስ፡ ወወልደ፡ እኁሁ፡ ዋሊጦስ፡ በአሐቲ፡ ዓመት፡ ወውእቱኬ፡ ለፍጻሜ፡ ፶፻ወ፷፻፸ወ፪ ዓመት፡ እምፍጥረተ፡ ዓለም።

152nd Generation: Theodosius I the Great

The Life of Theodosius I ፻፶ወ፪ እምአዳም፡ ቴዎዶስዮስ፡ ዘይልህቅ፡ ንጉሥ፡ መእመን፡ ነግሠ፡ ላዕለ፡ ሮም፡ ፲ወ፯ ዓመተ። ወይቤልዎ፡ እምሰብእ፡ ለምንት፡ ገበርከ፡ ዘንተ፡ ወይቤ፡ አንሰ፡ ዘበጥክዎ፡ ከመ፡ ሶበ፡ ይነግሥ፡ ያእምር፡ በሕሊናሁ፡ በጠነ፡ ሕማመ፡ ዝብጠት፡ ወይምሀሮሙ፡ ለመርዔቱ

Legend of the Seven Sleepers ይቤ፡ ፩ እምጸሐፍተ፡ ታሪክ፡ በ፲ወ፭ ዓመተ፡ መንግሥቱ፡ ለቴዎዶስዮስ፡ ዘይልህቅ፡ አስተርአዩ፡ ፯ ደቂቀ፡ እለ፡ ጐዩ፡ እምዳኪዮስ፡ ንጉሥ፡ ከሐዲ፡ ወአዘዘ፡ ከመ፡ ይሕንጹ፡ በውእቱ፡ መካን፡ ቤተ፡ ክርስቲያነ፡ በስሞሙ፡ ወያብዕሉ፡ ሎሙ፡ ለለ፡ ዓመት፡ በዕለተ፡ ዕረፍቶሙ፡ አመ፡ ፳ ለነኃሴ።

Account of the council of Constantinopel ወይቤ፡ መንበጊ፡ ከመ፡ ቴዎዶስዮስ፡ ንጉሥ፡ አመንደቦሙ፡ ለሰብአ፡ አርዮስ፡ እስመ፡ ኮነ፡ ተሰልጡ፡ ላዕለ፡ አብያተ፡ ክርስቲያናት፡ መጠነ፡ ፵ ዓመት። ወኮነ፡ ዝንቱ፡ ማኅበር፡ እምድኅረ፡ ማኅበረ፡ ኒቅያ፡ በ፶ወ፰ ዓመት።

End of the section of Theodosius I ወሐነጸ፡ ቴዎዶስዮስ፡ ንጉሥ፡ ቤተ፡ ክርስቲያነ፡ ዘጌተሴማኒ፡ እንተ፡ አፍአ፡ ኢየሩሳሌም፡ እንተ፡ ውስቴታ፡ መቃብረ፡ እግዝእትነ፡ ማርያም፡ ድንግል፡ ወቴዎዶስዮስ፡ ንጉሥ፡ ኮነ፡ መዋዕሊሁ፡ ዕረፍተ፡ ወሰላመ፡ ወአዕረፈ፡ ለፍጻሜ፡ ፶፻፷፻፹ወ፱ ዓመት፡ እምፍጥረተ፡ ዓለም።

153rd Generation: Arcadius ፻፶ወ፫ እምአዳም፡ አርቃድዮስ፡ ወልዱ፡ ዘይልህቅ፡ ነግሠ፡ እምድኅሬሁ፡ ላዕለ፡ መንግሥተ፡ ሮም፡ ፲ወ፫ ዓመተ። ወሞተ፡ አርቃድዮስ፡ ንጉሠ፡ ሮም፡ ለፍጻሜ፡ ፶፻ወ፱፻፷ወ፯ ዓመት፡ እፍጥረተ፡ ዓለም፡ ወዕለተ፡ ሞቱሰ፡ አመ፡ ፯ ለወርኃ፡ ግንቦት።

154th Generation: Theodosius II The emperors Honorius, Constantine III and Valentinian III are missing in this list. ፻፶ወ፬ እምአዳም፡ ቴዎዶስዮስ፡ ዘይንእስ፡ ወልደ፡ አርቃድዮስ፡ ነግሠ፡ ላዕለ፡ ሮም፡ ፵ወ፪ ዓመተ። ወሞተ፡ ቴዎዶስዮስ፡ ንጉሠ፡ ሮም፡ ለፍጻሜ፡ ፶፻ወ፱፻፵ወ፬ ዓመት፡ እምፍጥረተ፡ ዓለም።

155th Generation: Marcian ፻፶ወ፭ እምአዳም፡ መርቅያን፡ ንጉሥ፡ ነግሠ፡ ላዕለ፡ ሮም፡ ፯ ዓመተ። ወሞተ፡ መርቅያን፡ ንጉሠ፡ ሮም፡ ለፍጻሜ፡ ፶፻ወ፱ወ፶ ዓመት፡ እምፍጥረተ፡ ዓለም።

Leo I the Thracian ፻፶ወ፮ እምአዳም፡ ልዮን፡ ዘይልህቅ፡ ነግሠ፡ ላዕለ፡ ሮም፡ ፲ወ፯ ዓመት፡ ወሞተ፡ ልዮን፡ ዘይልህቅ፡ ለፍጻሜ፡ ፶፻ወ፱፻ወ፷ወ፯ ዓመት፡ እምፍጥረተ፡ ዓለም፡

Leo II the Younger ፻፶ወ፯ እምአዳም፡ ልዮን፡ ዘይንእስ፡ አቡሁ፡ ለዘይኑን፡ ንጉሥ፡ ወሞተ፡ ለፍጻሜ፡ ፶፻ወ፱፻ወ፷ወ፯ ዓመት፡ እምፍጥረተ፡ ዓለም።

Zeno ፻፶፰። እምአዳም፡ ዘይኑን፡ ንጉሥ፡ ወልደ፡ ልዮን፡ ዘይንእስ፡ ነግሠ፡ ላዕለ፡ ሮም፡ ፲ወ፯ ዓመት፡ ወሞተ፡ ዘይኑን፡ ንጉሠ፡ ሮም፡ እንዘ፡ መዋዕሊሁ፡ ፷ወ፩ ዓመት። ወውእቱኬ፡ ለፍጻሜ፡ ፶፻ወ፱፻፹ወ፬ ዓመት። እምፍጥረተ፡ ዓለም።

Anastasius I Dicorus ፻፶፱ እምአዳም፡ አንስጦስ፡ ንጉሥ፡ ነግሠ፡ ላዕለ፡ ሮም፡ ፳ወ፯ ዓመተ። ወውእቱኬ፡ በ፬ ዓመተ፡ መንግሥቱ፡ ለቆባድ፡ ወልደ፡ ፈይሩዝ፡ ንጉሠ፡ ፋርስ፡ ወበዓመት፡ ፶፻ወ፫ ለእስክንድር፡ ዘ፪ አቅርንቲሁ። ወሞተ፡ ንስጣስ፡ ንጉሥ፡ ለፍጻሜ፡ ፷፻፲ወ፬ ዓመት፡ እምፍጥረተ፡ ዓለም።

Justin I ፻፷ እምአዳም፡ ብስጥያኖስ፡ ነግሠ፡ ላዕለ፡ ሮም፡ ፱ ዓመተ፡ ወሞተ፡ ዮስጣኖስ፡ ንጉሥ፡ ለፍጻሜ፡ ፷፻ወ፳ ዓመት፡ እምፍጥረተ፡ ዓለም።

Justinian I ፻፷፩ እምአዳም። ዮስጢያኖስ፡ ነግሠ፡ ላዕለ፡ ሮም፡ ፴ወ፱ ዓመተ፡ ወሞተ፡ ዮስጢንያኖስ፡ ንጉሠ፡ ሮም፡ ለፍጻሜ፡ ፷፻፶ወ፱ ዓመት፡ እምፍጥረተ፡ ዓለም።

Justin II ፻፷፪ እምአዳም፡ ዮስጦስ፡ ቄሳር፡ ነግሠ፡ ላዕለ፡ ሮም፡ ፲ወ፫ ዓመተ፡ ወሞተ፡ ከሰሪ፡ ንጉሠ፡ ፋርስ፡ እምድኅረ፡ ነግሠ፡ ፵ወ፯ ዓመተ፡ ወነግሠ፡ እምድኅሬሁ፡ ወልዱ፡ ኅርምዝ፡ ፲ወ፬ ዓመተ፡ ወ፯ አውራኃ፡ ወውእቱኬ፡ በ፲ወ፪ ዓመተ፡ መንግሥቱ፡ ለዮስጦስ፡ ወሬዛ፡ ንጉሠ፡ ሮም፡ ወሞተ፡ ዮስጦስ፡ ለፍጻሜ፡ ፷፻፸ወ፪ ዓመት፡ እምፍጥረተ፡ ዓለም።

Tiberius II Constantine ፻፷፫ እምአዳም፡ ጤባርዮስ፡ ቄሳር፡ ነግሠ፡ ላዕለ፡ ሮም፡ ፫ ዓመተ፡ ወሞተ፡ ጢባርዮስ፡ ቄሳር፡ ለፍጻሜ፡ ፷፻፸ወ፭ ዓመት፡ እምፍጥረተ፡ ዓለም።

Maurice ፻፷፬ እምአዳም። ሙሪቅ፡ ቄሳር፡ ነግሠ፡ ላዕለ፡ ሮም፡ ፳ ዓመተ፡ ወቦአ፡ ውእቱ፡ ገብር፡ ላዕለ፡ ሙሪቅ፡ በሌሊት፡ ወቀተሎ፡ ወነግሠ፡ ፎቃ፡ ህየንቴሁ፡ ወውእቱኬ፡ ለፍጻሜ። ፷፻፺ወ፭ ዓመት፡ እምፍጥረተ፡ ዓለም።

Phocas ፻፷ወ፭። እምአዳም፡ ፎቃ፡ ነግሠ፡ ላዕለ፡ ሮም፡ ፰ ዓመተ፡ ወተጋብኡ፡ ኵሎሙ፡ ወአንገሥዎ፡ ላእሌሆሙ፡ ወተንሥኦ፡ ውእቱ፡ ወላህቃነ፡ መንግሥት፡ ላዕለ፡ ፎቃ፡ ንጉሥ፡ ወቀተልዎ፡ ወውእቱኬ፡ በፍጻሜ፡ ፷፻ወ፩፻፷ወ፫ ዓመት፡ እምፍጥረተ፡ ዓለም።

Heraclius ፻፷ወ፮ እምአዳም፡ ሐረቀል፡ ነግሠ፡ ላዕለ፡ ሮም፡ ፵ወ፬ ዓመተ፡ ወእምድኅረ፡ ዝንቱ፡ ፈለሰ፡ ታሪክ፡ ዘውእቱ፡ ኆልቈ፡ ዓመታት፡ ወዜናሆሙ፡ ለነገሥት፡ ወካልኦሙ፡ ኀበ፡ ተንባላት። ወኮነ፡ ምጽአቶሙ፡ ለተንባላት፡ ኀበ፡ ምድር፡ ግብጽ፡ በተፍጻሜተ፡ ፲ወ፩ ዓመት፡ እመንግሥት፡ ለሐረቅል። ወይእቲ፡ ቀዳሜ፡ ዓመቶሙ፡ ለተንበላት። ወይእቲ፡ ዓመት፡ ፱፻፴ወ፫ ለእስክንድር፡ ወልደ፡ ፊልጶስ፡ ዮናናዊ። ወይእቲ፡ ዓመት፡ ዓመት፡ ፷፻ወ፩፻፸ወ፬ ለአስተርእዮተ፡ እግዚእነ፡ ክርስቶስ፡ ሎቱ፡ ስብሐት፡ ወትረ፡ ለዓለመ፡ ዓለም፡ አሜን።

Epilogue Epilogue to the preislamic part. በስመ፡ አብ፡ ወወልድ፡ ወመንፈስ፡ ቅዱስ፡ ፩አምላክ፡ ዝንቱ፡ ውእቱ፡ አምላክነ፡ ዘበአማን፡ ንሕነ፡ ክርስቲያን፡ ንስግድ፡ ሎቱ፡ ወንሰብሖ፡ ለዓለመ፡ ዓለም፡ አሜን። ተፈጸመ፡ ዝንቱ፡ መጽሐፍ፡ ቡሩክ፡ ዘውእቱ፡ ሐሳበ፡ መዋዕለ፡ ዓለም፡ ወዜና፡ወዜናሁ፡ ኵሉ፡ ነገሥት፡ ዘደረሰ፡ዘደስረ፡ አብ፡ ክቡር፡ ክርስቲያናዊ፡ ዘበአማን፡ ጊዮርጊስ፡ ወልደ፡ አብ፡ ኤልያስ፡ ወልደ፡ አብ፡ መክርም፡ወከርም፡ ወልደ፡ አብ፡ ጠይብ፡ ዕውቅ፡ በወልደ፡ አሚድ፡ ከታቢ። እግዚአብሔር፡ ይምሐሮ፡ አሜን።

List of Patriarchs Description of the patriarchs of Alexandria from to . Detailed descriptions end with .

Mārqos The following incipit is based on and . በስመ፡ አብ፡ ወወልድ፡ ወመንፈሰ፡ ቅዱስ፡ ፩ አምላክ፡ ፶ አንቀጽ፡ በእንተ፡ አእምሮ፡ ስመ፡ ሊቃነ፡ ጳጳሳት፡ ዘግብጽ፡ ወምስር፡ እለ፡ ተሰይሙ፡ በእለ፡ እስክንድርያ፡በእለእስክንድርያ። እምአብ፡ ሐዋርያ፡ ማርቆስ፡ ወንጌላዊ፤ ወእስከ፡ አብ፡ አትናስዮስ፡። ዘአዕረፈ፡ ኀበ፡ ምሕረተ፡ እግዚአብሔር፡ ልዑል።

ʾAnyānos

Melyos

Gārdyānu

ʾAbrāmda

Yosṭos

ʾAwmānyos

Markǝyānu

Kalunyānu

ʾAgrǝyānu

Yolyānu

Dǝmeṭros

Tāwsǝl

Diyonāsyos

Maksimos

Tāwnā

Ṗeṭros I

ʾArkalāʾas

ʾƎskǝndǝros

ʾAtnāsyos I

Ṗeṭros II

Ṭimotewos I

Tewoflos

Qerǝllos

Diyosqoros

Ṭimotewos II

Ṗeṭros III

ʾAtnāsyos II

Yoḥannǝs I

Yoḥannǝs Muquḥ

Diyosqoros II

Ṭimotewos III

Tewodosyos III

Ṗeṭros IV

Demyānos

ʾAtreniqos

Bǝnyāmi

ʾAgāṭon

Yoḥannǝs II

Yǝsḥaq

Sǝmʿon

ʾƎskǝndǝros III

Qusmā

Tāʾodros

Mikāʾel I

Minā I

Yoḥannǝs III

Mārqos II

Yāʿqob

Simāʿān

Yosāb

Mikāʾel II

Qǝsnā

Sānutyos

Gabrǝʾel I

Gabrǝʾel II

Qʷǝsmā

Maqarā I

Tewoflos

Minā II

ʾAbrǝhām

Filātāwos

Zakkāryās

Sunuṭyos

ʾAkrǝstodolus

Qerǝllos II

Mikāʾel III

Maqārā II

Gabrǝʾel III

Mikāʾel IV

Yoḥannǝs IV

Mārkos

Yoḥannǝs V

Qeros

ʾAtnāṭyos

Gabrǝʾel IV

Yoḥannǝs IV

Tewodosyos IV

Yoḥannǝs VII

Bǝnyāmi II

Bǝnyāmi III

List of Patriarchs after Bǝnyami III This list of Alexandrian patriarchs was not part of the original work, but was added later and successively expanded by Ethiopian scribes. The following text is taken from . ፹ወ፫አባ፡ ጴጥሮስ፡ ፹ወ፬አባ፡ ማርቆስ፡ ፹ወ፭አባ፡ ገብርኤል፡ ፹ወ፮አባ፡ ዮሐንስ፡ ፹ወ፯አባ፡ ገብርኤል፡ ፹ወ፰አባ፡ መቴዎስ፡ ፹ወ፱አባ፡ ገብርኤል፡ ፺አባ፡ ዮሐንስ፡ ፺ወ፩አባ፡ ገብርኤል፡ ፺ወ፪አባ፡ ሚካኤል፡ ፺ወ፫አባ፡ ዮሐንስ፡ ፺ወ፬አባ፡ ዮሐንስ፡ ፺ወ፭አባ፡ ገብርኤል፡ ዘነበረ፡ በዘመነ፡ ንጉሥነ፡ ልብነ፡ ድንግል፡ ፺ወ፮አባ፡ ዮሐንስ፡ ፺ወ፯አባ፡ ገብርኤል፡ ዘሀሌ፡ ይእዜ፡ በዘመነ፡ ንጉሥነ፡ ሠርፀ፡ ደንግል።

The ecumenical councils.

Introduction to the history of the Ecumenical Councils The following incipit is taken from . አንቀጽ፡ ፶ወ፫ በእንተ፡ ተዝካረ፡ ጉባኤ።

The council of Nicaea.

The council of Constantinople. (Constantinople I)

The council of Ephesus. (Ephesus I)

The council of Ephesus. (Ephesus II)

The council of Chalcedon.

The council of Constantinople. (Constantinople II)

The council of Constantinople. (Constantinople III)

The council of Constantinople. (Constantinople IV)

Explicit of the history of the Ecumenical Councils

History of the Muslim rulers.

Introductory phrase to the History of Muslim rulers. The following text is taken from . ዝውእቱ፡ አስማቲሆሙ፡ ለነገሥት፡ ዘተንባላት፡ እለ፡ ነግሡ፡ በምስር፡ ወበግዳድ፡ እማሐመድ፡ እስከ፡ ዘመንነ፡ ዛቲ፡ ወእሙንቱኬ፡ ነገድ፡ እለ፡ ይሰመዩ፡ እልእምውያ፡ ወእልባስያ፡ ወእልፍጥምያ፡ ወነገሥትሂ፡ እልአልዩብያ፡ ወካልኣኒሆሙ።

History of the Caliphs

History of the Umayyads

History of the Abbasids The title given below is quoted after . ምእትስም፡ በአላህ፡

History of the Fatimids The title given below is quoted after . ነገሥት፡ እለ፡ ነግሡ፡ ላዕለ፡ ምስር፡ እምነ፡ አሕመድ፡ ወልደ፡ ጡሉን፡ ወእስከ፡ ካፉር፡ ላእከ፡ እልእክሺድ፡

History of Abu Muhammad al-Mahdi

History of al-Qaim bi-amr Allah

History of Abu Tahir al-Mansur Billah

History of Abu Tamim al-Muizz

History of al-Mansur al-Aziz Billah

History of al-Hakim bi-Amr Allah

History of az-Zahir

History of al-Mustansir

History of al-Mustali

History of al-Amir bi-Ahkam Allah

History of al-Hafiz li-Din Allah

History of az-Zafir bi-Amr Allah

History of al-Faiz bi-Nasr Allah

History of al-Adid li-Din Allah

History of the Ayyubids

History of

History of al-Aziz Imad ad-Din Uthman

History of al-Mansur

History of al-Afdal

History of Sayf ad-Din

History of Kamil

History of Sayf ad-Din

History of as-Salih

History of Fakhr ad-Din

History of Muazzam

History of Shagarat ad-Durr

History of Izz ad-Din

History of al-Mansur Nur ad-Din

History of Sayf ad-Din Qutuz