ኦእግዝእትየ፡ ማርያም፡ ʾO-ʾƎgzǝʾǝtǝya Māryām O My Lady Mary ʾO-ʾƎgzǝʾǝtǝya Māryām-type stanzas of the miracles of Mary Akademie der Wissenschaften in Hamburg Hiob-Ludolf-Zentrum für Äthiopistik Die Schriftkultur des christlichen Äthiopiens und Eritreas: Eine multimediale Forschungsumgebung / Beta maṣāḥǝft Hamburg This file is licensed under the Creative Commons Attribution-ShareAlike 4.0.

A digital born TEI file

The ʾO-ʾƎgzǝʾǝtǝya Māryām hymn stanzas, consists 55 poetic textual collections serving as summarizing hymnographic stanzas of the Miracles of Mary. These stanzas were possibly authored by the monk . Among them, 27 stanzas correspond to the , and align with 27 out of the 33 stanzas of version. Notably, six stanzas from the original ʾAkko-nu bǝʾsi version are omitted in this version (no equivalent ʾO-ʾƎgzǝʾǝtǝya Māryām stanzas are made) The earliest known manuscript to preserve the ʾO-ʾƎgzǝʾǝtǝya Māryām stanzas is found in commissioned for King Śarḍa Dǝngǝl, where the author, , inserts his name at the end of each stanza’s final verse, often as a rhymed supplication for St Mary’s intercession. These stanzas were later transmitted in other manuscripts, notably and The latter manuscript uniquely compiles these 27 ʾO-ʾƎgzǝʾǝtǝya Māryām stanzas alongside their parallel counterparts in accurate order, though it omits the miracle narratives.

English Gǝʿǝz
Created work record
The following division into stanzas and text are taken from .
Stanza 1, referring to LIT3586Miracle; variant of and ኦእግዝእትየ፡ ማርያም፡ ሰጣዊተ፡ ሰላም፡ ወጸጋዊተ፡ ክብር፨ ለኤጲስ፡ ቆጶስ፡ ተልእኮተኪ፡ ዘያፈቅር፨ ጌዜ፡ ጸሐፈ፡ ለኪ፡ እምግብራትኪ፡ ተአምር ፨ ወአስተርአርይኪዮ፡ በቃለ፡ መዓርዒር ፨ ወወሀብኪዮ፡ ልብሰ፡ ወመንበረ፡ ክቡር፨ ድኅረ ተሰይመ፡ እምድኅሬሁ፡ ብእሲ፡ ኅሱር፨ በከመ፡ ቀሰፍኪዮ፡ በእደ፡ መልአክ፡ በሞት፡ መሪር፨ ከማሁ፡ ቅሰፊ፡ ለሕይወተ፡ ነፍስየ፡ መስተጻርር፨ ሊተ፡ ለገብርኪ፡ ፈቃደ፡ ክርስቶስ፡ ታሕተ፡ ጽላሎትኪ፡ ዘየኃድር፨ ለዓለም፡ ዓለም፡ አሜን፨
Stanza 2, referring to ; variant of ኦእግዝእትየ፡ ማርያም፡ ገይበ፡ ወርቅ፡ ምቅዳሐ፡ ሐሊብ፨ ለብእሲ፡ ገባራዊ፡ ሰላመ፡ ዚአኪ፡ ዘያነብብ፨ ዘተሰጠውኪዮ፡ እንዘ፡ ትብሊ፡ ብሩክ፡ አንተኒ፡ እምሕዝብ፨ ከማሁ፡ ተሰጠውኒ፡ በጣዕመ፡ ንባብኪ፡ እጽገብ፨ ሊ ተ፡ ለገብርኪ፡ ፈቃደ፡ ክርስቶስ፨ ለዓለመ ዓለም አሜን፨
Stanza 3, referring to ; variant of ኦእግዝእትየ፡ ማርያም፡ በለሰ፡ ርጢን፡ ዘነጋሢ፨ ለበከመ፡ ሐደስኪዮ፡ ርሰዕናሁ፡ ለካህነ፡ ቤትኪ፡ ብእሲ፨ ኃይለ፡ ሕይወትየ፡ ከማሁ፡ አጽንዒ፡ ወሐድሲ፨ ሊተ፡ ለገብርኪ፡ ፈቃደ፡ ክርስቶስ፡ ኪያኪ፡ ጸወነ፡ ዘእሬሲ፨ ለዓለም፡ ዓለም፡ አሜን፨
Stanza 4, referring to ; variant of ኦእግዝእትየ፡ ማርያም፡ ሰጣዊተ፡ ሰላም፡ ወሀቢተ፡ ፍቅር፨ ዘአስተርአይክዮ፡ ለድምያኖስ፡ ማእምር፨ ጊዜ፡ ይሐምም፡ ወይጼዓር፨ ሶበ፡ ጸሐፈ፡ ስመኪ፡ በቀለመ፡ ወርቅ፡ ወብሩር፨ ወበካልዕ፡ ቀለማት፡ ኅብር፨ ከማሁ፡ አስተርእይኒ፡ በመድብለ፡ ማኅበር፨ ለመጥዎ፡ ዕበይ፡ ክብር፨ ከማሁ፡ አስተርእይኒ፡ በመድብለ፡ ማኅበር፨ ለመጥዎ፡ ዕበይ፡ ክብር፨ ሊተ፡ ለገብርኪ፡ ፈቃደ፡ ክርስቶስ፡ በተአምኖኪ፡ ዘእነብር፨ እንዘ እሴብሐኪ፡ በአፈ፡ ወእዌድሰኪ፡ በከናፍር፨ ለዓለመ፡ ዓለም፡ አሜን፨
Stanza 5, referring to ; variant of ኦእግዝእትየ፡ ማርያም፡ መሠረተ፡ አሚን፡ ወፍጻሜ፨ ምትረተ፡ እዴሁ፡ ዘአሕየውኪዮ፡ ለአባስ፡ ካህን፡ ፩ እምጳጳሳተ፡ ሮሜ፨ ከማሁ፡ አሕይዊ፡ ቊስለ፡ ነፍስየ ወጸግውኒ፡ ሱላሜ፨ ሊተ፡ ለገብርኪ፡ ፈቃደ፡ ክርስቶስ፡ ዘእትቀነይ፡ ለኪ፡ እንበለ፡ እድሜ፨ ለዓለም፡ ዓለም ፡አሜን፨
Stanza 6, referring to ; variant of ኦእግዝእትየ፡ ማርያም፡ ጎሀ፡ ጽባሕ፡ ብርህት፡ እንተ፡ ወለድኪ፡ ጸሐየ፨ ስነኪ፡ ውኩየ፡ እንዘ፡ ይፈቱ፡ ርእየ፨ መጠነ፡ ፯ ዓመት፡ ቅድመ፡ ሥዕልኪ፡ ለዘጸለየ፨ ዘአስተርአይኪዮ፡ ገሀደ፡ እምድኅረ፡ ጽሕቀ፡ ወተመነየ፨ ከማሁ፡ አርእይኒ፡ ገጸ፡ ዚአኪ፡ ልሁየ፨ ሊተ፡ ለገብርኪ፡ ፈቃደ፡ ክርስቶስ፡ ወረሰይኩኪ፡ ኖላዊተ፡ ለዕለትየ፨ ለዓለም፡ ዓለም፡ አሜን፨
; Stanza 7, referring to ; variant of ኦእግዝእትየ፡ ማርያም፡ ርግብ፡ ኅሪት፡ እምነ፡ ኵሉ፡ አዕዋፍ፨ ለወለት፡ ደክታም፡ ዘናዘዝክያ፡ በሐቂፍ፨ ወወሰድኪያ፡ መካነ፡ ብርሃን፡ እምስጢር፡ ቅዱስ፡ ከመ፡ ትሳተፍ፨ ከማሃ፡ ናዝዝኒ፡ ወአንግፋኒ፡ እምተኃለኃፍ፨ ሊተ፡ ለገብርኪ፡ ፈቃደ፡ ክርስቶስ፡ ሰንዱነ፡ ፍቅርኪ፡ ዘእትአጸፍ፨ ለዓለም፡ ዓለም፡ አሜን፨
Stanza 8, referring to ; variant of ኦእግዝእትየ፡ ማርያም፡ ምስማከ፡ ነፍሳት፡ ዓምደ፡ ባላቅ፨ ወምርጉዘ፡ ትንቱናን፡ በትረ፡ ወርቅ፨ ለዘሠዓለ፡ ሥዕለኪ፡ በተጠናቅቆ፡ ወበጽሂቅ፨ በከመ፡ ባላህክዮ፡ እምቅጥቃጤ፡ በዘዚአኪ፡ መዝራዕተ፡ ጽድቅ፨ ከማሁ፡ ባልህኒ፡ ለገብርኪ፡ ፈቃደ፡ ክርስቶስ፡ እምተንትኖ፡ ለወዲቅ፨ ለዓለም፡ ዓለም፡ አሜን፨
Stanza 9, referring to ; variant of ኦእግዝእትየ፡ ማርያም፡ ልብስ፡ ንጽሕት፡ ዘኢትትወሀቢ፡ ለዘይደልዎ፨ ለ ፩ ድውይ፡ ቅደመ፡ ሥዕልኪ፡ ዘነበረ፡ በአንቃዕድዎ፨ በከመ፡ አሥተፍሣሕክዮ፡ ጥቀ፡ በአርእዮ፡ ሀገር፡ ዘያፈትዎ፨ ከማሁ፡ አሥተፍሥሕኒ፡ ዘሰአልኩኪ፡ በጸግዎ፨ ሊተ፡ ለገብርኪ፡ ፈቃደ፡ ክርስቶስ፡ ለእምሕረተኪ ዘእሴፈዎ፨ ለዓለመ፡ ዓለም፡ ዓለም፡ አሜን፨
Stanza 10, referring to ; variant of ኦእግዝእትየ፡ ማርያም፡ በትረ፡ መንግሥት፡ ዘእምሥርወ፡ ይሁዳ፨ በከመ፡ አስረፅኪ፡ እምአፈ፡ ዘካርያስ፡ ጽጌረዳ፨ ከማሁ፡ አስርፂ፡ ውዳሴኪ፡ ለልሳንየ፡ እምጉንዳ፨ ሊተ፡ ለገብርኪ፡ ፈቃደ፡ ክርስቶስ፡ ሤጠ፡ ደመ፡ ወልዲኪ፡ ፈዳዬ፡ ዕዳ፨ ለዓለም፡ ዓለም፨ አሜን፨
Stanza 11, referring to ; variant of ኦእግዝእትየ፡ ማርያም፡ ወለተ አብርሃም፡ ወሳራ፨ ዘባህላህክዮን፡ ለዮልያና፡ ወለበርባራ፨ በእማዕገተ፡ ቀተልት፡ ወሐራ፨ በበዓልኪ፡ ይሰግዳ፡ ኢየሩሳሌም፡ አመ፡ ሖራ፨ ከማሆን፡ አድህኒኒ፡ እመከራ፨ ሊተ፡ ለገብርኪ፡ ፈቃደ፡ ክርስቶስ፡ ዘእትአመነኪ፡ ይእዜ፡ ወእትዌከለኪ፡ ለግሙራ፨ ለዓለም፡ ዓለም፡ አሜን ፨
Stanza 12, referring to ; variant of ኦእግዝእትየ፡ ማርያም፡ እኅቶሙ፡ አንቲ፡ ለመላእከተ፡ ቅዳሴ፡ ወገጽ፨ ወለተ፡ ብዙኃን፡ በአናቅጽ፨ ዘአድኃንኪዮሙ፡ እምተሰጥሞ፡ ባሕር፡ ለ፪ አብያጽ፨ እንዘ፡ የሐውሩ፡ ውስተ፡ ሪፍ፡ ዘላዕላይ፡ ግብጽ፨ ወሳልሶሙ፡ ሶበ፡ ጸአለኪ፡ በነገረ፡ ሣሕጽ፨ አእመረ፡ ኃይለኪ፡ ሶበ፡ አድወዮ፡ ሐርገጽ፨ ለከሲተ፡ ተአምር፡ ቅሩጽ፨ ከማሁ፡ አስጥምዮ፡ ለፀረ፡ ነፍስየ፡ መዓምጽ፨ ውስተ፡ ቀላየ፡ ሞት፡ ከመ፡ ዕብነ፡ ማኅረጽ፨ ሊተ፡ ለገብርኪ፡ ፈቃደ፡ ክርስቶስ፡ ዘገነተ፡ ስምኪ፡ ሠርፅ፨ ለዓለመ፡ ዓለም፡ አሜን፨
Stanza 13, referring to ; variant of ኦእግዝእትየ፡ ማርያም፡ ተስፋ ቅቡጻን፡ ሰብእ፡ ዘቀዳሚ፡ ወዘድኃሪ፨ ለደብረ፡ ዕቆና ቤትኪ፡ ዘኃጢአተ፡ ትሰሪ፨ እንተ፡ አፍለስኪ፡ ኪያሃ፡ ጽንፈ፡ ኢያሪኮ፡ ታንብሪ፨ ከማሃ፡ ደብረ፡ ሕይወትየ፡ ወስተ፡ ባህረ፡ ሕይወትየ፡ ሣርሪ፨ ኢኀበ፡ ኢይበጽሖ፡ ማዕበል፡ ወኢይሀውኮ፡ አንበሪ ሊተ፡ ለገብርኪ፡ ፈቃደ፡ ክርስቶስ፨ ለዓለመ፡ ዓለም፡ አሜን፨
Stanza 14, referring to ; variant of ኦእግዝእትየ፡ ማርያም፡ ዐቃቢተ፡ ሥራይ፡ ወላዲተ፡ ፈውስ፨ በከመ፡ ቀባዕኪ፡ አዕይንቲሁ፡ ለዮሐንስ፡ ቀሲስ፨ ሐሊበ፡ አጥባትኪ፡ ዘሐጸኖ፡ ለኢየሱስ፡ ክርስቶስ፨ ከማሁ፡ ቅብዕኒ፡ ወአንጽሕኒ፡ እምርኩስ፨ ሊተ፡ ለገብርኪ፡ ፈቃደ፡ ክርስቶስ፡ ዘገደፍኩ፡ ለኪ፡ እምከርስ፨ ለዓለመ፡ ዓለም፡ አሜን፨
Stanza 15, referring to ; variant of ኦእግዝእትየ፡ ማርያም፡ ለዘነበረ ፩ ብእሲ፡ ብሔረ፡ ትርኩ፡ ኀበ፡ ሖረ፨ ከመ፡ ይጽብኦሙ፡ ለሰብአ፡ ቍዝ፡ እስመ፡ መከረ፨ ሶበ፡ ነደፍዎ፡ በ ፲ወ፩ ሐፅ፡ ወኮነ፡ ዕውረ፨ በከመ፡ አብራህኪ፡ ዓይኖ፡ እንዘ፡ ትገብሪ፡ ተአምረ፡ ወመንክረ፨ በቅድመ፡ ኵሎሙ፡ እለ፡ ይነግዱ፡ የብሰ፡ ወባሕረ፨ ከማሁ፡ ግበሪ፡ ሊተ፡ ኃይለ፡ ለገብርኪ፡ ፈቃደ፡ ክርስቶስ፡ ዘአፈቅረኪ፡ ወትረ፨ ለዓለም፡ ዓለም፡ አሜን፨
Stanza 16, referring to ; variant of ኦእግዝእትየ፡ ማርያም፡ኆኅተ፡ ራእይ፡ ዘኢይተፈታሕ፡ ማኅተማ፨ ለጽዒዳዊት፡ ወለት፡ አዕይንቲሃ፡ እለጸልማ፨ በከመ፡ ከሠትኪ፡ ወአብራህኪ ፡ሶበ፡ ሰአለተኪ፡ እማ፨ ሊተ፡ ለገብርኪ፡ ፈቃደ፡ ክርስቶስ፡ ዘረሰይኩኪ፡ ምጽላለ፡ እምሐሩረ፡ ጻማ፨ ለዓለም፡ ዓለም፡ አሜን፨
Stanza 17, referring to ; variant of ኦእግዝእትየ፡ ማርያም፡ ደመና፡ ሣህል፡ መጥለሊተ፡ የብስ፨ በነፍኒፈ፡ ጽድቅኪ፡ ላዕለ፡ አዋልደ፡ ነዳይት፡ ሠላስ፨ እለ፡ ኃጥአ፡ አምታተ፡ ብዙኃ፡ ተፅናስ፨ ትተልወኒ፡ ሠናይትኪ፡ መፍቀሪተ፡ ነፍስ፨ ሊተ፡ ለገብርኪ፡ ፈቃደ፡ ክርስቶስ፡ በኵሉ፡ መዋዕለ፡ ሕይወትየ፡ እንዘ፡ እትሔደስ፨ ለዓለም፡ ዓለም፡ አሜን፨
Stanza 18, referring to variant of ኦእግዝእትየ፡ ማርያም፡ ወለተ፡ ያዕቆብ፡ እስራኤል፨ ዘአስተርአይኪዮ፡ ለጊዮርጊስ፡ ሐዲስ መስተጋድል፨ በአምሳለ፡ ርግብ፡ ጸዓዳ፡ ለፈውሶ፡ ሕማም፡ ወቍስል፨ ከማሁ፡ አስትርእይኒ፡ በውሳጠ፡ አብያት፡ ወበፍኖተ፡ ሐቅል፨ ሊተ፡ ለገብርኪ፡ ፈቃደ፡ ክርስቶስ በረድኤትኪ፡ ጽውን፡ ወበስምኪ፡ ውኩል፨ ለዓለም፡ ዓለም፡ አሜን፨
Stanza 19, referring to ; variant of ኦእግዝእትየ፡ ማርያም፡ ወጣኒተ፡ ጽድቅ፡ ወተሳልሞ፨ እልክሱሰ፡ ከጢር፡ ሶበ፡ ሰአለኪ አስተሐሚሞ፨ ኀበ፡ እኩየ፡ ግዕዝ፡ ዓቃቢ፡ እንተ፡ አግባዕኪ፡ ሕማሞ፨ ከማሁ፡ ለፀረ፡ ነፍስየ፡ አመ፡ ለሕይወትየ፡ ተቃወሞ፨ ሠዓሪ፡ ዝክሮ፡ ወደምስሲ፡ ስሞ፨ ሊተ፡ ለገብርኪ፡ ፈቃደ፡ ክርስቶስ፡ ዘእጼውአኪ፡ በኢያርምሞ፨ ለዓለም፡ ዓለም፡ አሜን፨
Stanza 2o, referring to ; variant of ኦእግዝእትየ፡ ማርያም፡ ዘአስካለ፡ ሕይወት፡ ሐረግ፨ አለነዚብ፡ ዲያንቆን፡ እኅወ፡ ቀሲስ፡ ታግ፨ አማዕቀብክዮ፡ ኀበ፡ ጊዮርጊስ፡ እምአኃዘ፡ ተንባላት፡ እስከ፡ አመ፡ ይትኃደግ፨ ከማሁ፡ አማዕቅብኒ፡ ሊተ፡ እስከ፡ እድኃን፡ እምግብረተ፡ ጹግ፨ አነ፡ ገብርኪ፡ ፈቃደ፡ ክርስቶስ፡ አኰቴተ፡ ለኪ፡ ከመ፡ አዓርግ፨ ለዓለመ፡ ዓለም፡ አሜን፨
Stanza 21, referring to ; variant of ኦእግዝእትየ፡ ማርያም፡ ሀገረ፡ ናህዮሙ፡ ለእለ፡ ተፅዕሩ፨ በከመ፡ ኮነ፡ ውኩፈ፡ ለአፍርንጋዊ፡ ቃለ፡ ገዓሩ፨ አመ፡ ሰአለኪ፡ ጥቡዓ፡ ቅድመ፡ ሥዕልኪ፡ አንብዖ፡ እንዘ፡ እ[sic]ዘሩ፨ እስከ፡ ተበትከ፡ እምኔሁ፡ ዘእብን፡ እግሩ፨ ዘተሣየጠኒ፡ ወልድኪ፡ በደመ፡ ምስጢሩ፨ ዓለመ፡ ዓለም፡ አሜን፨
Stanza 22, referring to ; variant of ኦእግዝእትየ፡ ማርያም፡ መልዕልተ፡ ርዕስየ፡ እምተትሕቶ፨ ለመርቆሬዎስ፡ እደ፡ ሥዕልኪ፡ እንተ፡ ገሰሰቶ፨ ኅብረ፡ ለምጹ፡ ኅሩም፡ እስከ፡ አንጽሐቶ፨ ከማሁ፡ ግሥሢ፡ አባልየ፡ ነውረ፡ አበሳየ፡ ለአእትቶ፨ ሊተ፡ ለገብርኪ፡ ፈቃደ፡ ክርስቶስ፡ ዘእነግር፡ ጽድቀኪ፡ በአእኵቶ፨ ለዓለም፡ ዓለም፡ አሜን፨
Stanza 23, referring to ; variant of ኦእግዝእትየ፡ ማርያም፡ በለሰ፡ ሕይወት፡ ዘኢትየብሲ፡ ለግሙራ፨ ለብእሲት፡ ነዳይት፡ በከመ፡ ፈወስኪ፡ ስብረተ፡ እግራ፨ ከማሃ፡ ፈውስኒ፡ ለደዌ፡ ኃጢአት፡ እምፃዕራ ወፍትሕኒ፡ ካዕበ፡ እማእሰራ፨ ሊተ፡ ለገብርኪ፡ ፈቃደ፡ ክርስቶስ፡ ዘረሰይኩኪ፡ ምጽላለ፡ አምሳለ፡ ደብተራ፨ ለዓለም፡ ዓለም፡ አሜን፨
Stanza 24, referring to ; variant of ኦእግዝእትየ፡ ማርያም፡ አረፍተ፡ መድኃኒት፡ እምገጸ፡ ሕብልያ፨ በከመ፡ ሠዓርኪ፡ አበሳሃ፡ ለፍቅርትኪ፡ ሶፍያ፨ እስከ፡ ተኃፍራ፡ አዋልደ፡ እለ፡ ኪያሃ፡ ሰከያ፨ ከማሃ፡ ሠዓሪ፡ ኃጣውዓ፡ ለነፍስየ፡ እምለያልያ፨ አዕይንትየ፡ አድኅኖትየ፡ ዘይትሜነያ፨ ሊተ፡ ለገብርኪ፡ ፈቃደ፡ ክርስቶስ፡ ለዓለመ፡ ዓለም፡ አሜን፨
Stanza 25, referring to ; variant of ኦእግዝእትየ፡ ማርያም፡ አስከሬነ፡ ዕንቍ፡ ዘየሐቱ፨ ለዘወደሰኪ፡ ዲያቆን፡ በተፈሣህያት፡ ኃምስቱ፨ ዘአብሰርኪዮ፡ ትፍሥሕተ፡ አመ፡ ዕለተ፡ ሞቱ፨ ከማሁ፡ አስምዕኒ፡ ቃለኪ፡ መስተፍሥሔ፡ ለለዕለቱ፨ ሊተ፡ ለገብርኪ፡ ፈቃደ፡ ክርስቶስ፡ኀበ፡ እወፍር፡ ወአአቱ፨ ለዓለም፡ ዓለም፡ አሜን፨
Stanza 26, referring to ; variant of ኦእግዝእትየ፡ ማርያም፡ መዝገበ፡ ኅሩያን፡ ኅትምት፨ ለዘአፈቀረኪ፡ በስውር፡ ዘአፍቀርኪዮ፡ በክሡት፨ አመ፡ ሰጠቂ፡ ሎቱ፡ ወአስተልጸቂ፡ ንድቀ፡ አረፍት፨ ከማሁ፡ አፍቅርኒ፡ ወአእድውኒ፡ እሞት፨ ውስተ፡ ሕይወት፨ ሊተ፡ ለገብርኪ፡ ፈቃደ፡ ክርስቶስ፡ እንበለ፡ ግዕዛን፡ በዓመተ፡ ኅድገት፨ ለዓለመ፡ ዓለም፡ አሜን፨
Stanza 27, referring to ; variant of ኦእግዝእትየ፡ ማርያም፡ በፍቅርኪ፡ ድኅነ፡ በላዔ፡ ሰብእ፡ ዝንቱ፨ ኊላቌሆሙ፡ ፰ ዘምስለ፡ ዓሥር፡ ወ፰፨ ማርያም፡ ድንግል፡ ለእግዚአብሔር፡ ትርሲተ፡ ቤቱ፨ ፍጡነ፡ ኢይኩን፡ በእንተዝ፡ ለገብርኪ፡ ስጠቱ፨ በመርፍአ፡ ጥበብ፡ ርፍዒ፡ ወልክዒ፡ ሎቱ፨