### 0001

ⲛⲓⲥⲁϫⲓ ⲛⲧⲉ ⲛⲓϩⲉⲗⲗⲟ ⲉⲑⲃⲉ ⲁⲃⲃⲁ ⲁⲛⲧⲱⲛⲓⲟⲥ.
(ⲣ︦ⲇ︦) ⲁⲩϫⲟⲥ ⲛϫⲉ ϩⲁⲛ ϩⲉⲗⲗⲟ ⲉⲑⲃⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁϥϣⲱⲡⲓ
ⲙⲡ︦ⲛ︦ⲁ︦ⲧⲟⲣⲫⲟⲣⲟⲥ ⲁⲗⲗⲁ ⲛⲁϥⲟⲩⲱϣ ⲉⲥⲁϫⲓ ⲁⲛ ⲡⲉ ⲉⲑⲃⲉ ⲛⲓⲣⲱⲙⲓ. ⲛⲏ
ⲅⲁⲣ ⲉⲧϣⲟⲡ ϩⲉⲛ ⲡⲕⲟⲥⲙⲟⲥ ⲛⲁϥⲥⲱⲟⲩⲛ ⲙⲙⲱⲟϥ ⲡⲉ ϩⲓ ⲫⲟⲩⲉⲓ ⲟⲩⲟϩ
ⲛⲁϥϯ ⲙⲏⲓⲛⲓ ⲉⲑⲃⲏⲧⲟϥ ⲡⲉ ⲉⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ϥⲛⲏⲟϥ
ⲛϫⲉ ⲟⲩⲥⲏⲟϥ ϩⲓⲛⲁ ⲛⲧⲉ ⲛⲓⲣⲱⲙⲓ ⲗⲓⲃⲓ ⲁⲩϣⲁⲛⲛⲁⲩ ⲉⲟⲩⲁⲓ ⲙⲡⲁϥⲗⲓⲃⲓ
ⲥⲉⲛⲁⲧⲱⲟⲩⲛⲟϥ ⲉϫⲱϥ ⲉⲩϫⲱ ⲙⲙⲟⲥ ϫⲉ ⲛⲑⲟⲕ ⲉⲑⲗⲟⲃⲓ ⲉⲑⲃⲉ ϫⲉ ⲙⲡⲉϥ‐
ϣⲱⲡⲓ ⲉϥⲟⲛⲓ ⲙⲙⲱⲟⲩ. ⲁ ⲁⲃⲃⲁ ⲁⲛⲧⲱⲛⲓⲟⲥ ϫⲟⲥ ⲛⲁⲃⲃⲁ ⲡⲁⲙⲱ ϫⲉ ⲙⲡⲉⲣ‐
ⲟϩⲓ ⲉⲣⲁⲧⲕ ⲉϫⲉⲛ ⲧⲉⲕⲙⲉⲑⲙⲏⲓ. ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ϣⲁⲣⲉ
ⲟⲩⲁⲓ ϫⲫⲟ ⲙⲫⲙⲟϥ ⲉϣⲱⲡ ⲇⲉ ⲁϥϣⲁⲛⲉⲣ ⲡⲉⲑⲛⲁⲛⲉϥ ⲛⲁϥ ϥⲛⲁϫⲫⲟ
ⲙⲡⲱⲛϩ. ⲁⲃⲃⲁ ⲏⲗⲁⲣⲓⲱⲛ ⲁϥϩⲓ ⲟⲩⲕⲟⲧ ⲉⲃⲟⲗ ⲉϯⲥⲩⲣⲓⲁ ⲉⲫⲙⲁ ⲛⲁⲃⲃⲁ
ⲁⲛⲧⲱⲛⲓⲟⲥ ⲉⲡⲓⲧⲱⲟⲩ. ⲡⲉϫⲉ ⲁⲃⲃⲁ ⲁⲛⲧⲱⲛⲓⲟⲥ ⲛⲁϥ ϫⲉ ⲕⲁ....


### 0002

(-ⲣ︦ⲍ︦-)... ⲉⲧⲁⲩⲓ ⲇⲉ ϩⲁ ⲡⲓϩⲉⲗⲗⲟ ⲡⲉϫⲁϥ ⲛⲱⲟϥ ϫⲉ ⲡⲱⲥ ⲁ ⲡⲓⲕⲟⲩϫⲓ
ⲛⲓⲱ ⲙⲟϥ ϩⲓ ⲡⲓⲙⲱⲓⲧ. ⲡⲉϫⲱⲟϥ ⲛⲁϥ ϫⲉ ⲁⲕⲉⲙⲓ ⲛⲑⲱⲛ ⲡⲉⲛⲓⲱⲧ. ⲡⲉϫⲁϥ
ⲛⲱⲟϥ ϫⲉ ⲛⲓⲇⲁⲓⲙⲱⲛ ⲁⲩⲧⲁⲙⲟⲓ. ⲛⲑⲱⲟϥ ⲇⲉ ⲡⲉϫⲱⲟⲩ ⲛⲁϥ ϫⲉ ⲁⲛⲟⲛ
ϩⲱⲛ ⲉⲧⲁⲛⲓ ⲉϣⲉⲛⲕ ⲉⲑⲃⲉ ⲫⲁⲓ ϫⲉ ⲧⲉⲛⲛⲁⲩ ⲉϩⲁⲛ ⲫⲁⲛⲧⲁⲥⲓⲁ ⲟⲩⲟϩ
ϣⲁⲥϣⲱⲡⲓ ⲛⲧⲟⲩⲉⲣ ⲙⲉⲑⲙⲏⲓ ⲛⲟⲩⲙⲏϣ ⲛⲥⲟⲡ ⲙⲏⲡⲱⲥ ⲛⲛⲉⲛⲥⲱⲣⲉⲙ.
ⲟⲩⲟϩ ⲁ ⲡⲓϩⲉⲗⲗⲟ ⲑⲉⲧ ⲡⲟⲩϩⲏⲧ ϫⲉ ϩⲁⲛ ⲉⲃⲟⲗϩⲓⲧⲉⲛ ⲛⲓⲇⲁⲓⲙⲱⲛ ⲛⲉ
ⲁⲩϣⲉ ⲛⲱⲟϥ ⲉⲃⲟⲗϩⲓⲧⲟⲧϥ ⲉⲩϯ ⲱⲟϥ ⲙⲫϯ.
ⲟⲩϩⲉⲗⲗⲟ ⲁϥϣⲉⲛ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲥϣⲉ ⲛⲓ ⲉϩⲣⲏⲓ ⲛⲉⲙ ⲛⲓⲥⲛⲏⲟⲩ.
ⲟⲩⲟϩ ⲉⲣⲉ ⲡⲓϩⲉⲗⲗⲟ ⲟⲩⲱϣ ⲉⲑⲉⲧ ⲡⲉϥϩⲏⲧ ϫⲉ ⲥϣⲉ ⲛϩⲁⲛ ⲥⲟⲡ ⲥⲟⲡ ⲉⲓ
ⲉϩⲣⲏⲓ ⲛⲉⲙ ⲛⲓⲥⲛⲏⲟϥ ⲟⲩⲟϩ ⲉⲧⲁϥϫⲟⲩϣⲧ ⲉⲫⲏ ⲉⲧϫⲱⲣϫ ⲉⲛⲓⲍⲱⲟⲛ ⲡⲉϫⲁϥ
ⲛⲁϥ ϫⲉ ϩⲓⲟⲩⲓ ⲛⲟⲩⲥⲟⲑⲛⲉϥ ⲉⲧⲉⲕⲫⲓϯ ⲟⲩⲟϩ ϭⲱⲗⲕ. ⲟⲩⲟϩ ⲁϥϭⲱⲗⲕ.
ⲡⲁⲗⲓⲛ ⲡⲉϫⲁϥ ⲛⲁϥ ϫⲉ ϭⲱⲗⲕ ⲟⲛ. ⲡⲉϫⲁϥ ⲛⲁϥ ϫⲉ ⲉϣⲱⲡ ⲁⲓϣⲁⲛϭⲱⲗⲕ
ⲛϩⲟⲩⲟ ⲡⲁⲣⲁ ⲡⲓϣⲓ ϯⲫⲓϯ ⲛⲁⲕⲟϣ. ⲡⲉϫⲉ ⲡⲓϩⲉⲗⲗⲟ ⲛⲁϥ ϫⲉ ⲡⲁⲓⲣⲏϯ
ⲟⲛ ⲡⲉ ϩⲉⲛ ⲡϩⲱⲃ ⲙⲫϯ ⲉϣⲱⲡ ⲁⲣⲉϣⲁⲛ ⲟⲩⲁⲓ ϣⲉ ⲥⲁⲃⲟⲗ ⲙⲡⲓϣⲓ (-ⲣⲏ-)
ⲛⲧⲉϥϭⲱⲗⲕ ⲛⲛⲓⲥⲛⲏⲟϥ ⲥⲉⲛⲁⲥⲱⲗⲡ ⲛⲭⲱⲗⲉⲙ ⲁⲗⲗⲁ ⲥϣⲉ ⲛϩⲁⲛ ⲥⲟⲡ ⲥⲟⲡ


### 0003

ⲉⲓ ⲉϩⲣⲏⲓ ⲛⲉⲙⲱⲟϥ ⲉⲃⲟⲗϩⲓⲧⲉⲛ ⲡⲑⲟⲛⲧⲉⲛ ⲛϯⲫⲓϯ ⲁϥϫⲉⲙ ϩⲏⲟϥ ⲛϩⲁⲛ
ⲙⲏϣ ⲁϥϣⲉ ⲛⲁϥ. ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲫ︦ϯ︦ ⲭⲱ ⲛⲛⲓⲡⲟ‐
ⲗⲉⲙⲟⲥ ⲉϫⲉⲛ ⲛⲓⲣⲱⲙⲓ ⲛⲧⲉ ⲧⲁⲓⲅⲉⲛⲉⲁ ⲁⲛ ⲙⲫⲣⲏϯ ⲛⲁⲣⲭⲁⲓⲟⲥ ⲉϥⲉⲙⲓ
ϫⲉ ϩⲁⲛ ϫⲱⲃ ⲛⲉ ⲥⲉϣϥⲁⲓ ⲁⲛ. ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲉϣⲱⲡ
ⲉⲕⲉⲣⲡⲟⲗⲓⲧⲉⲩⲉⲥⲑⲁⲓ ⲛⲉⲙ ⲡⲭⲥ ⲙⲁⲣⲉ ⲧⲉⲕⲣⲓ ϣⲱⲡⲓ ⲛϣⲧⲉⲕⲟ ⲛⲁⲕ ⲉⲕⲓⲣⲓ
ⲙⲫⲙⲉⲩⲓ ⲙⲡⲉⲕϫⲓ ⲛⲓ ⲉⲃⲟⲗϩⲉⲛ ⲥⲱⲙⲁ ⲛⲥⲏⲟⲣ ⲛⲓⲃⲉⲛ ⲟⲩⲟϩ ⲙⲡⲉⲣⲉⲣ
ⲡⲱⲃϣ ⲙⲡⲓϣⲁⲉⲛⲉϩ ⲛϩⲁⲡ ⲉⲑⲛⲁϣⲱⲡⲓ ⲟⲩⲟϩ ⲙⲙⲟⲛ ⲛⲟⲃⲓ ⲛⲁϣⲱⲡⲓ
ⲛⲧⲉⲕⲯⲩⲭⲏ ⲁⲛ ⲉⲡⲧⲏⲣϥ. ⲁⲣⲓ ⲙⲉⲧⲟⲭⲟⲥ ⲙⲡⲓⲡ︦ⲛ︦ⲁ︦ ⲉⲑⲟⲩⲁⲃ ϩⲓⲛⲁ ⲛⲧⲉⲕ‐
ⲱⲛϩ ⲛⲉⲙ ⲡⲟ︦ⲥ︦ ϣⲁ ⲉⲃⲟⲗ ⲁⲕϣⲁⲛⲙⲟⲩⲛ ⲉⲫ︦ϯ︦ ⲭⲛⲁϣⲁϣⲛⲓ ⲉⲡⲓⲱⲛϩ
ⲛⲉⲛⲉϩ ⲟⲩⲟϩ ⲫ︦ϯ︦ ⲛⲁϥⲱϯ ⲛⲛⲉⲕⲛⲟⲃⲓ ⲉⲃⲟⲗ ⲛⲧⲉϥⲧⲁϩⲟⲕ ⲉⲣⲁⲧⲕ ⲉⲕⲟⲓ ⲙⲃⲉⲣⲓ
ϧⲉⲛ ⲧⲉϥⲙⲉⲧⲟⲩⲣⲟ.
ⲁⲩϫⲉ ⲙⲉⲑⲛⲟⲩϫ ⲉⲟⲩⲥⲟⲛ ϧⲉⲛ ⲟⲩⲁⲃⲏⲧ ⲉⲑⲃⲉ ⲟⲩⲡⲟⲣⲛⲉⲓⲁ ⲁϥⲓ ⲉⲡⲙⲁ
ⲛⲁⲃⲃⲁ ⲁⲛⲧⲱⲛⲓⲟⲥ ⲁⲩⲓ ϩⲱⲟϥ ⲛϫⲉ ⲛⲓⲥⲛⲏⲟϥ ⲉⲃⲟⲗϩⲉⲛ ⲡⲓⲁ (-ⲣ︦ⲑ︦-) ⲟⲩⲃⲏⲧ
ϫⲉ ⲛⲧⲁⲩⲟⲗϥ. ⲟⲩⲟϩ ⲁⲩⲉⲣ ϩⲏⲧⲥ ⲛⲥⲁϩⲓ ⲙⲙⲟϥ ϫⲉ ⲁⲕⲓⲣⲓ ⲙⲡⲁⲓⲣⲏϯ.
ⲛⲑⲟϥ ⲇⲉ ⲁϥⲉⲣⲁⲡⲟⲗⲟⲅⲉⲓⲥⲑⲁⲓ ϫⲉ ⲙⲡⲓⲉⲣ ϩⲗⲓ ϧⲉⲛ ⲛⲁⲓ ⲉⲡⲧⲏⲣϥ. ⲁϥϯ
ⲙⲁϯ ⲇⲉ ⲙⲙⲁ ϩⲱϥ ⲛϫⲉ ⲁⲃⲃⲁ ⲡⲁⲫ︦ϯ︦ ⲡⲓⲕⲉⲫⲁⲗⲁⲥ ⲟⲩⲟϩ ⲁϥϫⲉ
ⲟⲩⲡⲁⲣⲁⲃⲟⲗⲏ ⲙⲡⲁⲓⲣⲏϯ ϫⲉ ⲁⲓⲛⲁϥ ⲉⲟⲩⲣⲱⲙⲓ ϩⲁⲧⲉⲛ ⲛⲉⲛⲥⲫⲟⲧⲟⲩ ⲙⲫⲓ‐


### 0004

ⲁⲣⲟ ⲁⲩϩⲓⲧϥ ⲉϩⲣⲏⲓ ⲉⲟⲩⲗⲱϩⲓ ϣⲁ ⲛⲉϥⲕⲉⲗⲓ ⲟⲩⲟϩ ⲁⲩⲓ ⲛϫⲉ ϩⲁⲛ ⲟⲩⲟⲛ
ⲉⲑⲣⲟⲩϯ ⲧⲟⲧϥ ⲁⲩϫⲟⲗⲕϥ ⲉϩⲣⲏⲓ ϣⲁ ⲧⲉϥⲛⲁϩⲃⲓ. ⲉⲧⲁϥⲥⲱⲧⲉⲙ ⲉⲛⲁⲓ ⲛϫⲉ
ⲁⲃⲃⲁ ⲁⲛⲧⲱⲛⲓⲟⲥ ⲛⲧⲟⲧϥ ⲛⲁⲃⲃⲁ ⲡⲁⲫⲛⲟⲩϯ ⲡⲉϫⲁϥ ⲓⲥ ϩⲏⲡⲡⲉ ⲧⲁⲫⲙⲏⲓ
ⲓⲥ ⲟⲩⲣⲱⲙⲓ ⲉⲟⲩⲟⲛ ϣϫⲟⲙ ⲙⲙⲟϥ ⲉⲛⲟϩⲉⲙ ⲛϩⲁⲛ ⲯⲩⲭⲏ. ⲟⲩⲟϩ ⲉⲧⲁ
ⲛⲓⲥⲛⲏⲟϥ ⲟⲩⲱⲙ ⲛϩⲑⲏⲟϥ ⲉϫⲉⲛ ⲛⲓⲥⲁϫⲓ ⲛⲧⲉ ⲛⲓϩⲉⲗⲗⲟⲓ ⲁⲩϯ ⲙⲉⲧⲁⲛⲟⲓⲁ
ⲙⲡⲓⲥⲟⲛ ⲁⲩⲟⲗϥ ⲉⲡⲟⲩⲁⲟⲩⲃⲏⲧ.
ⲁⲩϭⲱⲣⲡ ⲉⲃⲟⲗ ⲛⲁⲃⲃⲁ ⲁⲛⲧⲱⲛⲓⲟⲥ ϩⲓ ⲡϣⲁϥⲉ ϫⲉ ⲟⲩⲟⲛ ⲟⲩⲁⲓ ϧⲉⲛ
ⲟⲩⲃⲁⲕⲓ ⲉⲟⲩⲥⲏⲓⲛⲓ ⲡⲉ ϧⲉⲛ ϯⲉⲡⲓⲥⲧⲏⲙⲏ ⲉϥⲟⲛⲓ ⲙⲙⲟⲕ ⲟⲩⲟϩ ⲫⲏ ⲉⲧⲟⲓ
ⲛϩⲟⲩⲟ ⲉⲣⲟϥ ⲉϥϯ ⲙⲙⲟϥ ⲛⲛⲏ ⲉⲧⲉⲣ ⲭⲣⲉⲓⲁ ⲟⲩⲟϩ ⲡⲓⲉϩⲟⲟϥ ⲉϥⲉⲣⲯⲁⲗ‐
ⲗⲉⲓⲛ (-ⲣ︦ⲓ︦-) ⲛⲉⲙ ⲛⲓⲁⲅⲅⲉⲗⲟⲥ ⲛⲉⲙ ⲡⲓ︦︦ⲅ︦ ⲛⲁⲅⲓⲟⲥ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲙⲫⲣⲏϯ ⲛⲛⲓⲧⲉⲃⲧ ⲁⲩϣⲁⲛⲱⲥⲕ ϧⲉⲛ
ⲡⲓϣⲟⲩⲓⲉ ϣⲁⲩⲙⲟϥ ⲡⲁⲓⲣⲏϯ ϩⲱⲟϥ ⲛⲓⲙⲟⲛⲁⲭⲟⲥ ⲁⲩϣⲁⲛⲱⲥⲕ ⲥⲁⲃⲟⲗ
ⲛϯⲣⲓ ⲛⲉⲙ ⲛⲓⲕⲟⲥⲙⲓⲕⲟⲥ ϣⲁⲩϯ ⲟⲩⲱ ⲉⲃⲟⲗ ⲥϣⲉ ⲟⲩⲛ ⲙⲫⲣⲏϯ ⲛⲛⲓⲧⲉⲃⲧ
ⲛⲧⲉ ⲫⲓⲟⲙ ⲡⲁⲓⲣⲏϯ ⲁⲛⲟⲛ ϩⲱⲛ ⲟⲛ ⲙⲁⲣⲉⲛⲧⲁϩⲉ ⲡⲓⲧⲱⲟϥ ⲙⲏⲡⲱⲥ ⲛⲧⲉⲛ‐
ⲱⲥⲕ ⲛⲧⲉⲛⲉⲣ ⲡⲱⲃϣ ⲙⲡⲓⲥⲁϩⲟⲩⲛ ⲉⲧⲉ ⲡⲓϫⲓ ⲛⲙⲟⲩⲛ ⲉⲫ︦ϯ︦ ⲡⲉ.
ⲟⲩⲥⲟⲛ ⲁ ⲟⲩⲡⲉⲓⲣⲁⲥⲙⲟⲥ ⲧⲁϩⲟϥ ⲛⲟⲩⲥⲟⲡ ϧⲉⲛ ⲟⲩⲁⲃⲏⲧ ⲛⲧⲉ ⲁⲃⲃⲁ ⲏⲗⲓ


### 0005

ⲟⲩⲟϩ ⲉⲧⲁⲩϭⲟϫⲓ ⲛⲥⲱϥ ⲉⲃⲟⲗ ⲙⲙⲁϥ ⲁϥϣⲉ ⲛⲁϥ ⲉⲫⲙⲁ ⲛⲁⲃⲃⲁ ⲁⲛ‐
ⲧⲱⲛⲓⲟⲥ ⲉⲡⲓⲧⲱⲟϥ. ⲉⲧⲁϥϣⲱⲡⲓ ϧⲁⲧⲟⲧϥ ⲛⲟⲩⲥⲏⲟϥ ⲙⲉⲛⲉⲛⲥⲱⲥ ⲁϥⲟⲩⲟⲣⲡϥ
ⲉⲡⲉϥⲁⲟⲩⲃⲏⲧ ⲉⲧⲁϥⲓ ⲉⲃⲟⲗⲛϧⲏⲧϥ. ⲛⲑⲱⲟϥ ⲇⲉ ⲉⲧⲁⲩⲛⲁ ⲉⲣⲟϥ ⲡⲁⲗⲓⲛ
ⲁⲩϭⲟϫⲓ ⲛⲥⲱϥ ⲟⲛ ⲛⲑⲟϥ ⲇⲉ ⲁϥⲕⲟⲧϥ ⲉⲫⲙⲁ ⲛⲁⲃⲃⲁ ⲁⲛⲧⲱⲛⲓⲟⲥ ⲉϥϫⲱ
ⲙⲙⲟⲥ ϫⲉ ⲁ ⲟⲩϫⲟⲓ ⲃⲓϫⲓ ϧⲉⲛ (-ⲣ︦ⲓ︦ⲁ︦-) ⲡⲓⲡⲉⲗⲁⲅⲟⲥ ⲁϥⲧⲁⲕⲟ ⲙⲡⲓⲁⲟⲩⲓⲛ
ⲟⲩⲟϩ ϧⲉⲛ ⲟⲩϩⲓⲥⲓ ⲁ ⲡⲓϫⲟⲓ ⲛⲟϩⲉⲙ ⲉⲡⲓⲭⲣⲟ ⲟⲩⲟϩ ⲛⲑⲱⲧⲉⲛ ⲛⲏ ⲉⲧⲁⲩ‐
ⲛⲟϩⲉⲙ ⲉⲡⲓⲭⲣⲟ ⲧⲉⲧⲉⲛⲟⲩⲱϣ ⲉϫⲟⲗⲕⲟϥ. ⲛⲑⲱⲟϥ ⲇⲉ ⲉⲧⲁⲩⲥⲱⲧⲉⲙ ϫⲉ
ⲁⲃⲃⲁ ⲁⲛⲧⲱⲛⲓⲟⲥ ⲡⲉ ⲉⲧⲁϥⲟⲩⲱⲣⲡ ⲥⲁⲧⲟⲧⲟϥ ⲁⲩϣⲟⲡϥ ⲉⲣⲱⲟϥ ϧⲉⲛ
ⲟⲩⲣⲁϣⲓ.
ⲓⲉ ⲧⲕⲁϩⲥ ⲇⲉ ⲧⲉ ⲛ︦ⲅ︦ ⲛϩⲉⲗⲗⲟ ⲕⲁⲧⲁ ⲣⲟⲙⲡⲓ ⲉϣⲉ ϣⲁ ⲡⲙⲁⲕⲁⲣⲓⲟⲥ ⲁⲃⲃⲁ
ⲁⲛⲧⲱⲛⲓⲟⲥ ⲡⲓⲃ︦ ⲙⲉⲛ ⲛⲁⲩϣⲓⲛⲓ ⲙⲙⲟϥ ⲡⲉ ⲉⲑⲃⲉ ϩⲁⲛ ⲙⲉⲩⲓ ⲛⲉⲙ ⲉⲑⲃⲉ
ⲟⲩⲛⲟϩⲉⲙ ⲛⲧⲉ ⲛⲟⲩⲯⲩⲭⲏ ⲡⲓⲕⲉⲟⲩⲁⲓ ⲇⲉ ϩⲱϥ ⲛⲁϥⲭⲱ ⲛⲣⲱϥ ⲡⲉ ⲛⲥⲏⲟⲩ
ⲛⲓⲃⲉⲛ ⲉϥϣⲓⲛⲓ ⲉⲑⲃⲉ ϩⲗⲓ ⲛⲑⲟϥ ⲁⲛ. ⲙⲉⲛⲉⲛⲥⲁ ⲟⲩⲛⲓϣϯ ⲛⲥⲏⲟϥ ⲡⲉϫⲉ
ⲁⲃⲃⲁ ⲁⲛⲧⲱⲛⲓⲟⲥ ⲛⲁϥ ϫⲉ ϩⲏⲡⲡⲉ ⲓⲥ ⲡⲁⲓⲛⲓϣϯ ⲛⲥⲏⲟⲩ ⲭⲛⲏⲟϥ ⲙⲛⲁⲓ
ⲟⲩⲟϩ ⲛⲕϣⲓⲛⲓ ⲙⲙⲟⲓ ⲛϩⲗⲓ ⲁⲛ. ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ⲙⲏ ⲡⲓⲛⲁⲩ
ⲉⲣⲟⲕ ⲙⲙⲁⲩⲁⲧϥ ⲣⲱϣⲓ ⲙⲙⲟⲓ ⲁⲛ ⲡⲁⲓⲱⲧ.


### 0006

ⲁϥⲉⲙⲓ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ⲉⲑⲃⲉ ⲟⲩⲁⲗⲟϥ ⲙⲙⲟⲛⲁⲭⲟⲥ ϫⲉ ⲁϥⲓⲣⲓ
ⲛⲟⲩⲙⲏⲓⲛⲓ ϩⲓ ⲡϣⲁϥⲉ. ⲫⲁⲓ ⲉⲧⲁϥⲛⲁⲓ ⲉϩⲁⲛ ϩⲉⲗⲗⲟⲓ ⲉⲩⲙⲟϣⲓ ⲉⲩϩⲟⲥⲓ ϩⲓ
ⲡⲓⲙⲱⲓⲧ ⲉⲡⲧⲱⲟⲩ ⲁϥⲟⲩⲁϩⲥⲁϩⲛⲓ ⲛϩⲁⲛ ⲓⲁ ⲛⲧⲱⲟⲩ (-ⲣ︦ⲓ︦ⲃ︦-) ⲉⲑⲣⲟⲩⲓ ⲛⲧⲟⲩ‐
ϥⲁⲓ ⲛⲛⲓϩⲉⲗⲗⲟⲓ. ⲁⲩⲧⲁⲙⲉ ⲁⲃⲃⲁ ⲁⲛⲧⲱⲛⲓⲟⲥ ⲉⲑⲃⲏⲧϥ ⲡⲉϫⲁϥ ϫⲉ ⲉⲣⲉ
ⲡⲁⲓⲁⲗⲟⲩ ⲙⲙⲟⲛⲁⲭⲟⲥ ⲟⲛⲓ ⲛⲧⲟⲧ ⲛⲟⲩϫⲟⲓ ⲕⲁⲛ ⲙⲉⲛ ϫⲉ ϥⲟⲡⲧ ⲛⲁⲅⲁⲑⲟⲛ
ϯⲉⲙⲓ ⲁⲛ ϫⲉ ⲁⲛ ϥⲛⲁⲛⲁϩⲉⲙ ⲉⲟⲩⲗⲓⲙⲏⲛ. ⲟⲩⲟϩ ⲙⲉⲛⲉⲛⲥⲁ ⲟⲩⲥⲏⲟⲩ ⲁϥⲉⲣ
ϩⲏⲧⲥ ⲛⲣⲓⲙⲓ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ⲛⲟⲩϩⲟϯ ϧⲉⲛ ⲟⲩϩⲟϯ ⲁϥϣⲱϫⲓ ⲛⲥⲁ
ⲛⲉϥϥⲱⲓ ⲟⲩⲟϩ ⲁϥⲛⲉϩⲡⲓ. ⲡⲉϫⲉ ⲛⲉϥⲙⲁⲑⲏⲧⲏⲥ ⲛⲁϥ ϫⲉ ⲉⲕⲣⲓⲙⲓ ⲉⲑⲃⲉ ⲟⲩ
ⲡⲉⲛⲓⲱⲧ. ⲡⲉϫⲉ ⲡⲓϩⲉⲗⲗⲟ ϫⲉ ⲁ ⲟⲩⲛⲓϣϯ ⲛⲥⲧⲩⲗⲟⲥ ⲛⲧⲉ ϯⲉⲕⲕⲗⲏⲥⲓⲁ ϩⲉⲓ
ϯⲛⲟϥ ⲛⲁϥϫⲱ ⲙⲙⲟⲥ ⲡⲉ ⲉⲑⲃⲉ ⲡⲓⲁⲗⲟϥ ⲙⲙⲟⲛⲁⲭⲟⲥ ⲁⲗⲗⲁ ⲙⲁϣⲉ
ⲛⲱⲧⲉⲛ ϩⲁⲣⲟϥ ⲁⲛⲁϥ ⲉⲫⲏ ⲉⲧⲁϥϣⲱⲡⲓ ⲙⲙⲟϥ. ⲉⲧⲁⲩϣⲉ ⲛⲱⲟⲩ ⲇⲉ ⲛϫⲉ
ⲛⲓⲙⲁⲑⲏⲧⲏⲥ ⲁⲩϫⲓⲙⲓ ⲙⲡⲓⲙⲟⲛⲁⲭⲟⲥ ⲉϥϩⲉⲙⲥⲓ ⲉϫⲉⲛ ⲟⲩⲑⲟⲙ ⲉϥⲣⲓⲙⲓ
ⲉⲡⲓⲛⲟⲃⲓ ⲉⲧⲁϥⲁⲓϥ. ⲉⲧⲁϥⲛⲁⲩ ⲉⲛⲓⲙⲁⲑⲏⲧⲏⲥ ⲛⲧⲉ ⲡⲓϩⲉⲗⲗⲟ ⲛϫⲉ ⲡⲓⲁⲗⲟⲩ
ⲙⲙⲟⲛⲁⲭⲟⲥ ⲡⲉϫⲁϥ ⲛⲱⲟⲩ ϫⲉ ⲁϫⲟⲥ ⲙⲡⲓϩⲉⲗⲗⲟ ϩⲓⲛⲁ ⲛⲧⲉϥϯ ϩⲟ ⲉⲫ︦ϯ︦
ⲉⲑⲣⲉϥϯ ⲙⲓ̄ ⲛⲉϩⲟⲟϥ ⲛⲏⲓ ⲙⲙⲁⲩⲁⲧⲟⲩ ⲟⲩⲟϩ ϯⲉⲣ ϩⲉⲗⲡⲓⲥ ⲉⲉⲣⲁⲡⲟⲗⲟ‐
ⲅⲉⲓⲥⲑⲁⲓ. ⲟⲩⲟϩ ϩⲁϫⲉⲛ ⲉ̄ ⲛⲉϩⲟⲟϥ ⲁϥⲙⲟϥ ⲛϫⲉ (-ⲣⲓⲅ-) ⲡⲓⲁⲗⲟⲩ. ⲁⲩϫⲟⲥ


### 0007

ⲛϫⲉ ⲛⲓϩⲉⲗⲗⲟⲓ ϫⲉ ⲁⲕϣⲁⲛⲛⲁⲩ ⲉⲟⲩⲁⲗⲟⲩ ⲙⲙⲟⲛⲁⲭⲟⲥ ⲉϥϩⲏⲗ ⲇⲉ ⲉⲡϣⲱⲓ
ⲉⲧⲫⲉ ϧⲉⲛ ⲡⲉϥⲟⲩⲱϣ ⲁⲙⲟⲛⲓ ⲛⲛⲉϥⲫⲁⲧ ⲥⲟⲕϥ ⲉϩⲣⲏⲓ ⲥⲉⲣ ⲛⲟϥⲣⲓ ⲅⲁⲣ
ⲛⲁϥ ⲁⲛ.
ⲁⲩϫⲟⲥ ⲉⲑⲃⲉ ⲟⲩⲥⲟⲛ ϫⲉ ⲁϥϭⲣⲟ ⲉⲡⲓϫⲱⲛⲧ. ⲁϥϩⲓ ⲟⲩⲕⲟⲧ ⲉⲁⲃⲃⲁ ⲁⲛ‐
ⲧⲱⲛⲓⲟⲥ ⲛⲟⲩⲥⲟⲡ ⲉⲧⲁⲩⲕⲏⲛ ⲉⲩⲉⲣ ⲥⲩⲛⲁⲝⲓⲥ. ⲉⲣⲉ ⲁⲃⲃⲁ ⲁⲛⲧⲱⲛⲓⲟⲥ ⲟⲩⲱϣ
ⲉⲉⲣⲇⲟⲕⲓⲙⲁⲍⲉⲓⲛ ⲙⲙⲟϥ ϫⲉ ⲁⲛ ⲁϥϭⲣⲟ ⲉⲡⲓⲡⲁⲑⲟⲥ ⲡⲉϫⲁϥ ⲛⲁϥ ϫⲉ ⲧⲱⲛⲕ
ⲁⲣⲓ ⲟⲩⲕⲟⲩϫⲓ ⲛⲁⲡⲟⲥⲧⲏⲑⲏⲥ. ⲟⲩⲟϩ ⲉⲧⲁ ⲡⲓⲥⲟⲛ ⲟϩⲓ ⲉⲣⲁⲧϥ ⲡⲉϫⲁϥ ⲙⲡⲓ‐
ϩⲉⲗⲗⲟ ϫⲉ ⲁⲕⲟⲩⲱϣ ⲛⲧⲁⲉⲣ ⲙⲉⲗⲉⲧⲏ ϧⲉⲛ ⲟⲩ ⲛⲧⲁⲓⲣⲓ ϧⲉⲛ ϯⲡⲁⲗⲁⲓⲁ
ϣⲁⲛ ⲛⲧⲁⲓⲣⲓ ϧⲉⲛ ϯⲕⲁⲓⲛⲏ ⲉⲧⲁϥⲥⲱⲧⲉⲙ ⲉⲛⲁⲓ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ
ⲡⲉϫⲁϥ ⲛⲁϥ ϫⲉ ϩⲉⲙⲥⲓ ⲛⲁⲕ ⲡⲓϭⲁⲥⲓ ϩⲏⲧ ⲛⲁⲧϣⲉⲃⲟⲓϣ. ⲉⲧⲁ ⲡⲓⲥⲟⲛ ϩⲉⲙⲥⲓ
ⲡⲁⲗⲓⲛ ⲡⲉϫⲉ ⲡⲓϩⲉⲗⲗⲟ ⲛⲁϥ ⲟⲛ ϫⲉ ⲁⲓⲕⲏⲛ ⲉϫⲟⲥ ⲛⲁⲕ ϫⲉ ⲧⲱⲛⲕ ⲁⲣⲓ
ⲟⲩⲕⲟⲩϫⲓ ⲙⲙⲉⲗⲉⲧⲏ ⲛⲁⲡⲟⲥⲧⲏⲑⲏⲥ. ⲉⲧⲁ ⲡⲓⲥⲟⲛ ⲟϩⲓ ⲉⲣⲁⲧϥ ⲡⲉϫⲁϥ
ⲙⲡⲓϩⲉⲗⲗⲟ ϫⲉ ⲭⲟⲩⲱϣ ⲛⲧⲁⲓⲣⲓ ϧⲉⲛ ϯⲕⲁⲓⲛⲏ ϣⲁⲛ ⲛⲧⲁⲓⲣⲓ (-ⲣ︦︦ⲓ︦ⲇ︦-) ϧⲉⲛ
ϯⲡⲁⲗⲁⲓⲁ. ⲡⲉϫⲉ ⲡⲓϩⲉⲗⲗⲟ ⲛⲁϥ ⲟⲛ ϫⲉ ϩⲉⲙⲥⲓ ⲛⲁⲕ ⲡⲓⲛⲓϣϯ ⲛϭⲁⲥⲓ ϩⲏⲧ.
ⲡⲁⲗⲓⲛ ⲁ ⲡⲓⲥⲟⲛ ϩⲉⲙⲥⲓ. ⲡⲉϫⲉ ⲡⲓϩⲉⲗⲗⲟ ⲛⲁϥ ⲟⲛ ϫⲉ ⲧⲱⲛⲕ ⲁⲣⲓ ⲟⲩⲕⲟⲩϫⲓ


### 0008

ⲙⲙⲉⲗⲉⲧⲏ ⲛⲁⲡⲟⲥⲧⲏⲑⲏⲥ. ⲡⲉϫⲉ ⲡⲓⲥⲟⲛ ⲛⲁϥ ⲟⲛ ϫⲉ ⲛⲧⲁⲓⲣⲓ ϧⲉⲛ ϯⲡⲁ‐
ⲗⲁⲓⲁ ϣⲁⲛ ⲛⲧⲁⲓⲣⲓ ϧⲉⲛ ϯⲕⲁⲓⲛⲏ. ⲡⲉϫⲉ ⲡⲓϩⲉⲗⲗⲟ ⲛⲁϥ ϫⲉ ϧⲉⲛ ⲟⲩ‐
ⲙⲉⲑⲙⲏⲓ ⲡⲁϣⲏⲣⲓ ⲁⲕϫⲉⲕ ϯⲡⲁⲗⲁⲓⲁ ⲧⲏⲣⲥ ⲛⲉⲙ ϯⲕⲁⲓⲛⲏ ⲫⲏ ⲉⲧⲉⲕ‐
ⲟⲩⲁϣϥ ⲁϫⲟϥ.
ⲁⲩϫⲟⲥ ⲉⲑⲃⲉ ⲥⲟⲛ ⲃ︦ ϫⲉ ⲁⲩϯ ⲙⲁϯ ϧⲉⲛ ⲟⲩⲁⲟⲩⲃⲏⲧ ⲡⲓⲟⲩⲁⲓ ⲙⲉⲛ ⲟⲩⲁⲥ‐
ⲕⲏⲧⲏⲥ ⲉϥϫⲏⲕ ⲉⲃⲟⲗ ⲡⲓⲭⲉⲧ ⲇⲉ ⲛⲉ ⲟⲩⲣⲉϥⲥⲱⲧⲉⲙ ⲛⲑⲉⲃⲃⲓⲉ. ⲟⲩⲟϩ
ⲁⲩϭⲛⲟⲩ ⲛⲟⲩⲉⲣⲏⲟⲩ ⲉⲩϫⲱ ⲙⲙⲟⲥ ϫⲉ ⲁϣ ⲛϫⲓ ⲛⲉⲣ ϩⲱⲃ ⲉⲧⲟⲓ ⲛⲛⲓϣϯ.
ⲟⲩⲟϩ ⲉⲧⲁⲩⲓ ⲉϫⲉⲛ ⲫⲓⲁⲣⲟ ⲛⲁⲣⲉ ⲟⲩⲟⲛ ⲟⲩⲙⲏϣ ⲛⲙⲥⲁϩ ⲙⲙⲁⲩ ⲡⲉ ⲟⲩⲟϩ
ⲁ ⲫⲁ ⲡⲓⲥⲱⲧⲉⲙ ⲓ ⲉⲙⲏⲣ ϧⲉⲛ ⲧⲟⲩⲙⲏϯ ⲁⲩⲟⲩⲱϣⲧ ⲙⲙⲟϥ. ⲟⲩⲟϩ ⲡⲉϫⲁϥ
ⲙⲡⲓⲁⲥⲕⲏⲧⲏⲥ ϫⲉ ⲁⲙⲟⲩ ⲉⲙⲏⲣ ϩⲱⲕ. ⲡⲉϫⲁϥ ⲛⲁϥ ϫⲉ ⲭⲱ ⲛⲏⲓ ⲉⲃⲟⲗ
ⲡⲁⲥⲟⲛ ⲙⲡⲁϯⲫⲟϩ ⲉⲡⲁⲓϣⲓ. ⲟⲩⲟϩ ⲁⲩⲧⲁⲥⲑⲱⲟϥ ⲉⲡⲓⲁⲟⲩⲃⲏⲧ. ⲁ ⲟⲩⲥⲙⲏ
ϣⲱⲡⲓ ϩⲁ ⲁⲃⲃⲁ ⲁⲛⲧⲱⲛⲓⲟⲥ (-ⲣ︦ⲓ︦ⲉ︦-) ϩⲓ ⲡⲓⲧⲱⲟⲩ ⲉⲥϫⲱ ⲙⲙⲟⲥ ϫⲉ ⲫⲏ ⲉⲧⲉ
ⲡⲓⲥⲱⲧⲉⲙ ⲛⲧⲟⲧϥ ⲁϥⲉⲣ ⲥⲁ ⲡϣⲱⲓ ⲙⲡⲓⲁⲥⲕⲏⲧⲏⲥ
ⲟⲩⲥⲟⲛ ⲉⲩϩⲟϫϩⲉϫ ⲙⲙⲟϥ ⲛϫⲉ ⲛⲓⲙⲉⲩⲓ ϩⲱⲥⲧⲉ ⲛⲧⲉϥⲓ ⲉⲃⲟⲗϩⲉⲛ


### 0009

ⲡⲉϥⲙⲁ ⲛϣⲱⲡⲓ ⲁϥϫⲟⲥ ⲛⲁⲃⲃⲁ ⲁⲛⲧⲱⲛⲓⲟⲥ. ⲡⲉϫⲉ ⲡⲓϩⲉⲗⲗⲟ ⲛⲁϥ ϫⲉ
ϩⲱⲗ ϩⲉⲙⲥⲓ ϧⲉⲛ ⲧⲉⲕⲣⲓ ⲙⲁ ⲡⲉⲕⲥⲱⲙⲁ ⲛⲁⲟⲩⲱ ⲛⲛⲉⲛϫⲟⲓ ⲛϯⲣⲓ ⲟⲩⲟϩ
ⲙⲡⲉⲣⲓ ⲉⲃⲟⲗ ⲙⲙⲁϥ ⲭⲁ ⲡⲓⲙⲉⲩⲓ ⲛⲧⲉϥϣⲉ ⲛⲁϥ ⲉⲫⲙⲁ ⲉⲧⲉϩⲛⲁϥ ⲛⲑⲟϥ
ⲙⲟⲛⲟⲛ ⲙⲡⲉⲣⲉⲛ ⲡⲓⲥⲱⲙⲁ ⲉⲃⲟⲗϩⲉⲛ ϯⲣⲓ ⲟⲩⲟϩ ϥⲛⲁϧⲓⲥⲓ ϥⲛⲁϣⲑⲁⲙⲓⲉ
ϩⲗⲓ ⲛϩⲱⲃ ⲁⲛ ⲗⲟⲓⲡⲟⲛ ϥⲛⲁϩⲕⲟ ⲟⲩⲟϩ ϥⲛⲁⲓ ϧⲉⲛ ⲡⲓⲛⲁϥ ⲛⲟⲩⲱⲙ ⲉϥⲕⲱϯ
ⲛⲧⲟⲧⲕ ⲉⲟⲩⲱⲙ ⲉϣⲱⲡ ⲛⲧⲉϥϫⲟⲥ ⲛⲁⲕ ϩⲁϫⲉⲛ ⲡⲓⲛⲁϥ ϫⲉ ⲟⲩⲱⲙ ⲛⲟⲩⲕⲟⲩϫⲓ
ⲛⲱⲓⲕ ⲛⲁⲕ ⲁϫⲟⲥ ⲛⲁϥ ϩⲱⲕ ⲉⲕⲣⲏⲥ ϫⲉ ⲛⲁⲣⲉ ⲡⲓⲣⲱⲙⲓ ⲛⲁⲱⲛϩ ⲉⲱⲓⲕ
ⲙⲙⲁⲩⲁⲧϥ ⲁⲛ ⲁⲗⲗⲁ ⲉϫⲉⲛ ⲥⲁϫⲓ ⲛⲓⲃⲉⲛ ⲉⲑⲛⲏⲟϥ ⲉⲃⲟⲗϩⲉⲛ ⲣⲱϥ ⲙⲫ︦ϯ︦.
ⲟⲩⲟϩ ⲟⲛ ϥⲛⲁϫⲟⲥ ⲛⲁⲕ ϫⲉ ⲥⲉ ⲟⲩⲕⲟⲩϫⲓ ⲛⲏⲣⲡ ⲛⲁⲕ ⲙⲫⲣⲏϯ ⲙⲡⲓⲙⲁⲕⲁ‐
ⲣⲓⲟⲥ ⲧⲓⲙⲟⲑⲉⲟⲥ ⲟⲩⲟϩⲉⲙ ⲛⲁϥ ϩⲱⲕ ϫⲉ ⲁⲣⲓ ⲫⲙⲉⲩⲓ ⲛⲛⲉⲛϣⲏⲣⲓ ⲛⲁⲙⲓ‐
ⲛⲁⲇⲁⲃ (-ⲣⲓⲥ-) ⲉⲧⲁⲩⲁⲣⲉϩ ⲉϯⲉⲛⲧⲟⲗⲏ ⲛⲧⲉ ⲡⲟⲩⲓⲱⲧ. ⲉϣⲱⲡ ⲛⲧⲉϥⲓⲛⲓ ⲛⲁⲕ
ⲛⲟⲩϩⲛⲓⲙ ⲙⲡⲉⲣϣⲟⲡϥ ⲉⲣⲟⲕ ⲥⲥϩⲏⲟⲩⲧ ⲅⲁⲣ ϧⲉⲛ ⲛⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ
ϫⲉ ϣⲣⲱⲓⲥ ⲟⲩⲟϩ ⲁⲣⲓⲡⲣⲟⲥⲉⲩⲭⲉⲥⲑⲁⲓ. ⲟⲩⲟϩ ⲟⲛ ⲡⲁⲗⲓⲛ ⲥⲥϩⲏⲟⲩⲧ ϫⲉ
ⲁⲩⲉⲛⲕⲟⲧ ⲙⲡⲟⲩϫⲉⲙ ϩⲏⲟⲩ ⲛϩⲗⲓ. ϣⲁⲛⲟⲩϣ ⲧⲉⲕⲯⲩⲭⲏ ϧⲉⲛ ⲛⲉⲛⲥⲁϫⲓ
ⲙⲫ︦ϯ︦ ϧⲉⲛ ϩⲁⲛ ϣⲣⲱⲓⲥ ⲛⲉⲙ ϩⲁⲛ ⲡⲣⲟⲥⲉⲩⲭⲏ ⲛϩⲟⲩⲟ ⲇⲉ ⲡⲓⲉⲣ ⲫⲙⲉⲩⲓ
ⲛⲁⲑⲙⲟⲩⲛⲕ ⲉⲡⲧⲏⲣϥ ⲛⲧⲉ ⲫⲣⲁⲛ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲟⲩⲟϩ ϧⲉⲛ ⲛⲁⲓ
ⲭⲛⲁϫⲓⲙⲓ ⲛϯⲥⲃⲱ ⲉⲑⲣⲉⲕⲉⲙⲓ ⲉⲡⲓϫⲓ ⲛϭⲣⲟ ⲉⲛⲓⲙⲉⲩⲓ ⲉⲧϩⲱⲟⲩ. ⲉϣⲱⲡ


### 0010

ⲛⲧⲉϥⲉⲛⲕ ⲉⲃⲟⲗϩⲉⲛ ⲧⲉⲕⲣⲓ ⲛϫⲉ ⲡⲓⲣⲉϥϫⲱⲣϫ ⲛⲧⲉ ϯⲕⲁⲕⲓⲁ ϥⲛⲁⲕⲟⲣϫⲕ
ⲟⲩⲟϩ ⲛⲧⲉϥⲟⲙⲕⲕ ϧⲉⲛ ⲡϫⲓ ⲛⲑⲣⲉϥⲉⲛⲕ ⲉⲃⲟⲗ ⲁϭⲛⲉ ⲇⲓⲁⲕⲣⲓⲥⲓⲥ ϫⲉ ⲁⲛ ⲥⲉⲣ
ⲛⲭⲣⲉⲓⲁ ϣⲁⲛ ⲙⲙⲟⲛ ϥⲛⲁⲃⲱⲧⲥ ⲅⲁⲣ ⲉⲣⲟⲕ ⲛⲟⲩⲙⲏϣ ⲛⲣⲏϯ ⲉⲓⲧⲉ ϧⲉⲛ
ⲛⲓⲫⲁⲧ ⲉⲓⲧⲉ ϧⲉⲛ ⲛⲓϫⲓϫ ⲉⲓⲧⲉ ϧⲉⲛ ⲡⲓϩⲏⲧ ⲉⲓⲧⲉ ϧⲉⲛ ⲡⲓϫⲓ ⲛⲛⲁⲩ ⲉⲓⲧⲉ
ϧⲉⲛ ⲡϫⲓ ⲛⲥⲱⲧⲉⲙ ⲉⲓⲧⲉ ϧⲉⲛ ⲛⲓϩⲃⲏⲟⲩⲓ ⲉⲓⲧⲉ ϧⲉⲛ ⲡⲓⲗⲁⲥ ⲛⲉⲙ ⲣⲱⲕ ⲉⲓⲧⲉ
ϧⲉⲛ ⲡⲓϫⲓ ⲛⲙⲟϣⲓ. (-ⲣ︦︦ⲓ︦ⲍ︦-) ⲉϣⲱⲡ ⲛⲧⲉⲕϩⲉⲙⲥⲓ ϧⲉⲛ ⲧⲉⲕⲣⲓ ⲭⲛⲁⲉⲣ ⲣⲉⲙϩⲉ
ⲉⲃⲟⲗϩⲁ ⲛⲁⲓ ⲧⲏⲣⲟⲩ ⲉⲧⲁⲓϫⲟⲧⲟϥ ⲛⲁⲕ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ⲛⲛⲓⲥⲛⲏⲟⲩ ϫⲉ ⲉⲓⲙⲟϣⲓ ⲛⲟⲩⲥⲟⲡ ϧⲉⲛ
ⲛⲓⲧⲱⲟⲩ ⲁⲓϯ ⲙⲁϯ ⲉⲟⲩⲥⲧⲣⲟⲩⲑⲟⲥ ⲛⲉⲙ ⲛⲉϥⲙⲁⲥ. ⲉⲧⲁⲩⲛⲁϥ ⲉⲣⲟⲓ
ⲁⲩϭⲟϫⲓ ⲁⲓⲥⲱⲧⲉⲙ ⲉϯⲙⲁⲩ ⲉⲥϫⲱ ⲙⲙⲟⲥ ⲛⲛⲓϣⲏⲣⲓ ϫⲉ ⲥⲁⲧ ⲱⲛⲓ ⲉⲃⲟⲗ
ⲙⲏⲡⲟⲧⲉ ⲛⲧⲟⲩⲧⲁϩⲉ ⲑⲏⲛⲟⲩ. ⲡⲁⲓⲣⲏϯ ⲁⲛⲟⲛ ϩⲱⲛ ⲁⲣⲉ ϣⲁⲛ ⲛⲓⲇⲁⲓⲙⲱⲛ
ⲥⲁⲧ ⲙⲉⲩⲓ ⲉⲣⲟⲛ ⲙⲁⲣⲉⲛϩⲓ ⲱⲛⲓ ⲉⲣⲱⲟⲩ ϧⲉⲛ ⲡⲓⲱⲛⲓ ⲉⲧⲁⲩϣⲁⲧϥ ⲉⲃⲟⲗϩⲉⲛ
ϯⲙⲏⲧⲣⲁ ⲛⲁⲧⲑⲱⲗⲉⲃ ⲛⲧⲉ ϯⲡⲁⲣⲑⲉⲛⲟⲥ ⲉⲑⲟⲩⲁⲃ ⲙⲁⲣⲓⲁ ⲡⲓⲱⲛⲓ ⲛϫⲱϫ
ⲛⲗⲁⲕϩ ⲡⲓⲣⲉϥⲙⲓϣⲓ ⲛⲕⲁⲗⲱⲥ ⲉϩⲣⲏⲓ ⲉϫⲱⲛ ⲟⲩⲟϩ ⲉϥⲛⲟϩⲉⲙ ⲙⲙⲟⲛ
ⲉⲃⲟⲗϩⲁ ⲛⲟⲩⲫⲁϣ ⲉⲧϩⲱⲟⲩ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲃⲁϣⲕ ⲛϯⲕⲁⲕⲓⲁ ⲛⲧⲉⲕϯ ϩⲓⲱⲧⲕ


### 0011

ⲛϯⲙⲉⲧϩⲁⲡⲗⲟⲩⲥ ⲃⲁϣⲕ ⲙⲡⲓⲃⲁⲗ ⲙⲡⲟⲛⲏⲣⲟⲛ ⲛⲧⲉⲕϯ ϩⲓⲱⲧⲕ ⲛϯⲙⲉⲧⲃⲁⲗ
ⲛϩⲏⲧ ⲛⲉⲙ ⲡⲓϩⲏⲧ ⲛⲛⲁⲏⲧ ⲙⲡⲉⲣⲙⲉⲥⲧⲉ ϩⲗⲓ ⲛⲣⲱⲙⲓ ⲟⲩⲇⲉ ⲙⲡⲉⲣⲙⲟϣⲓ
ⲛⲉⲙ ⲫⲏ ⲉⲧϫⲟϫⲉⲃ ⲉⲣⲟⲕ ⲁⲗⲗⲁ ⲫⲏ ⲉⲧϭⲟⲥⲓ ⲉϩⲟⲧⲉ‐ (-ⲣ︦︦ⲓ︦ⲏ︦-) ⲣⲟⲕ ⲟⲩⲟϩ
ⲉⲧⲉⲣ ϩⲱⲃ ⲉⲡⲓⲡⲣⲁⲕⲧⲓⲕⲟⲛ. ⲙⲡⲉⲣⲉⲣ ϩⲟϯ ϩⲁ ⲧϩⲏ ⲙⲡϣⲱϣ ⲛⲛⲓⲣⲱⲙⲓ
ⲙⲉⲥⲧⲉ ϩⲱⲃ ⲛⲓⲃⲉⲛ ⲉⲧⲟⲓ ⲛⲟⲥⲓ ⲛⲧⲉⲕⲯⲩⲭⲏ ⲙⲡⲉⲣⲭⲁ ⲫⲟⲩⲱϣ ⲙⲫ︦ϯ︦
ⲛⲥⲱⲕ ⲛⲧⲉⲕⲉⲣ ⲫⲟⲩⲱϣ ⲛⲛⲓⲣⲱⲙⲓ ϫⲉⲭⲁⲥ ⲛⲧⲉ ⲫ︦ϯ︦ ϣⲱⲡⲓ ⲛⲉⲙⲁⲕ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲉϣⲱⲡ ⲁⲣⲉϣⲁⲛ ⲟⲩⲁⲓ ⲙⲉⲛⲣⲉ ⲡⲭ︦︦ⲥ︦
ϧⲉⲛ ⲡⲉϥϩⲏⲧ ⲧⲏⲣϥ ⲛⲉⲙ ⲧⲉϥϫⲟⲙ ⲧⲏⲣⲥ ϣⲁϥϫⲫⲉ ϯϩⲟϯ ϣⲁⲣⲉ ϯϩⲟϯ
ⲙⲓⲥⲓ ⲙⲡⲓⲣⲓⲙⲓ ϣⲁⲣⲉ ⲡⲓⲣⲓⲙⲓ ⲙⲓⲥⲓ ⲙⲡⲓⲣⲁϣⲓ ⲙⲡ︦︦ⲛ︦ⲁ︦ⲧⲓⲕⲟⲛ ⲛⲧⲉ ⲡⲓⲣⲁϣⲓ
ⲙⲡ︦ⲛ︦ⲁ︦ⲧⲓⲕⲟⲛ ⲙⲓⲥⲓ ⲛϯϫⲓ ⲛⲱⲛϩ ⲛⲁⲅⲅⲉⲗⲓⲕⲟⲛ ⲟⲩⲟϩ ϣⲁⲣⲉ ϯϫⲓ ⲛⲱⲛϩ
ⲛⲁⲅⲅⲉⲗⲓⲕⲟⲛ ⲙⲓⲥⲓ ⲛϯϫⲟⲙ ⲙⲡⲁⲣⲁⲕⲗⲏⲧⲟⲛ ϣⲁⲣⲉ ϯⲯⲩⲭⲏ ϭⲓ ⲙⲁⲓⲏ
ⲛⲧⲉⲥⲉⲛ ⲟⲩⲧⲁϩ ⲉⲃⲟⲗ ⲉⲧⲥⲟⲧⲡ ⲁⲣⲉ ϣⲁⲛ ⲫⲏ ⲉⲧϯ ϫⲟⲙ ⲛⲁⲥ ⲡⲭⲥ ⲛⲁⲩ
ⲉⲧⲉⲥⲙⲉⲧϫⲱⲣⲓ ⲛⲉⲙ ⲡⲉⲥⲁⲙⲟⲛⲓ ⲛⲧⲟⲧⲥ ϧⲉⲛ ϩⲱⲃ ⲛⲓⲃⲉⲛ ϣⲁϥϣⲟⲡⲥ ⲉⲣⲟϥ
ϧⲉⲛ ⲟⲩⲣⲁϣⲓ. ⲡⲁⲓⲣⲏϯ ϣⲁⲥϣⲱⲡⲓ ϧⲉⲛ ⲟⲩⲑⲉⲗⲏⲗ ⲛⲉⲡⲟⲩⲣⲁⲛⲓⲟⲛ ϧⲉⲛ
ⲛⲓⲙⲁ ⲛⲉⲙⲧⲟⲛ ⲉⲧⲉ ⲙⲙⲟⲛⲧⲟⲩ ϫⲱⲕ ϣⲁ ⲉⲛⲉϩ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲟⲩⲟⲛ ⲟⲩϫⲓ ⲛⲕⲓⲙ ⲛⲧⲉ ⲡⲓⲥⲱⲙⲁ


### 0012

ⲉⲥⲟⲩⲟϣⲉⲙ ⲛⲉⲙⲁϥ ⲉⲑⲁ ϯⲫⲩⲥⲓⲥ ⲧⲉ ⲁⲗⲗⲁ ⲥϣϫⲉⲙϫⲟⲙ ⲁⲛ (-ⲣ︦ⲓ︦ⲑ︦-) ⲛⲉⲣ
ϩⲗⲓ ⲁⲣⲉϣⲧⲉⲙ ϯⲯⲩⲭⲏ ϯ ⲙⲁϯ ⲛⲉⲙⲁⲥ ⲙⲟⲛⲟⲛ ⲥϯ ⲙⲏⲓⲛⲓ ϧⲉⲛ ⲡⲓⲥⲱⲙⲁ
ⲛⲟⲩϫⲓ ⲛⲕⲓⲙ ⲛⲁⲧⲡⲁⲑⲟⲥ ⲟⲩⲟϩ ⲛⲓⲕⲉⲟⲩⲓ ⲛϫⲓ ⲛⲕⲓⲙ ϧⲉⲛ ⲡⲓⲥⲱⲙⲁ ⲟⲛ
ⲥⲉϣⲟⲡ ⲉⲃⲟⲗϩⲓⲧⲉⲛ ⲡⲓϫⲓ ⲛϣⲁⲛϣ ⲛⲧⲉ ⲡⲓⲥⲱⲙⲁ ϧⲉⲛ ϩⲁⲛ ⲙⲏϣ ⲛϧⲣⲏ‐
ⲟⲩⲓ ⲛⲉⲙ ⲟⲩⲥⲱⲙⲁ ⲛⲁⲧⲑⲱϣ ⲛⲁⲓ ⲉⲧⲉ ⲉⲃⲟⲗ ⲛϧⲏⲧⲟⲩ ϣⲁⲣⲉ ⲡⲓϧⲙⲟⲙ
ⲛⲧⲉ ⲡⲓⲥⲛⲟϥ ⲧⲟⲩⲛⲟⲥ ⲡⲓⲥⲱⲙⲁ ⲉϧⲣⲏⲓ ⲉϫⲱϥ. ⲉⲑⲃⲉ ⲫⲁⲓ ⲣⲱ ϥϫⲱ ⲙⲙⲟⲥ
ⲛϫⲉ ⲡⲓⲁⲡⲟⲥⲧⲟⲗⲟⲥ ϫⲉ ⲙⲡⲉⲣⲑⲓϧⲓ ϧⲉⲛ ⲡⲏⲣⲡ ⲫⲏ ⲉⲧⲉ ⲟⲩⲟⲛ ⲟⲩⲙⲉⲧⲁⲧ‐
ⲟⲩϫⲁⲓ ϣⲟⲡ ⲛϧⲏⲧϥ ⲟⲩⲟϩ ⲟⲛ ϧⲉⲛ ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲉⲣⲉ ⲡⲟ︦︦ⲥ︦
ϩⲟⲛϩⲉⲛ ⲉⲧⲟⲧⲟⲩ ⲛⲛⲉϥⲁⲡⲟⲥⲧⲟⲗⲟⲥ ⲉⲑⲟⲩⲁⲃ ⲉϥϫⲱ ⲙⲙⲟⲥ ϫⲉ ⲁⲛⲁⲩ ⲙⲏ‐
ⲡⲱⲥ ⲛⲧⲟⲩϩⲣⲱϣ ⲛϫⲉ ⲛⲉⲧⲉⲛϩⲏⲧ ϧⲉⲛ ⲟⲩϭⲓⲙⲉ ⲛⲉⲙ ⲟⲩⲑⲓϧⲓ. ⲟⲩⲟⲛ ⲕⲉϫⲓ
ⲛⲕⲓⲙ ϧⲉⲛ ⲡⲓⲥⲱⲙⲁ ⲉⲃⲟⲗϩⲓⲧⲉⲛ ⲛⲏ ⲉⲧⲉⲣⲁⲅⲱⲛⲓⲍⲉⲥⲑⲁⲓ ⲉⲃⲟⲗϩⲓⲧⲉⲛ ⲟⲩⲉ‐
ⲡⲓⲃⲟⲩⲗⲏ ⲛⲉⲙ ⲟⲩⲭⲟϩ ⲛⲧⲉ ⲛⲓⲇⲁⲓⲙⲱⲛ ϩⲱⲥⲧⲉ ⲥⲉⲙⲡϣⲁ ⲛⲧⲉⲛⲉⲙⲓ ϫⲉ
ⲟⲩⲟⲛ ⲅ̄ϯ ϫⲓ ⲛⲕⲓⲙ ⲛⲧⲉ ⲡⲓⲥⲱⲙⲁ ⲟⲩⲓ ⲛⲧⲉ ϯⲫⲩⲥⲓⲥ ⲛⲉⲙ ⲟⲩⲓ ⲛⲧⲉ ⲡⲓⲙⲏϣ
ⲛⲭⲣⲉⲓⲁ .ϯ (-ⲣ︦ⲕ︦-) ⲙⲁϩ ⲅ̄ϯ ⲟϥ ⲉⲃⲟⲗϩⲓⲧⲉⲛ ⲛⲓⲇⲁⲓⲙⲱⲛ ⲧⲉ.
ⲟⲩⲥⲟⲛ ⲁϥϩⲓ ⲟⲩⲕⲟⲧ ⲉⲁⲃⲃⲁ ⲁⲛⲧⲱⲛⲓⲟⲥ ⲡⲉϫⲁϥ ⲛⲁϥ ϫⲉ ⲙⲁⲧⲁⲙⲟⲓ
ⲉⲡⲓϫⲓ ⲛⲉⲣ ⲟⲩⲙⲟⲛⲁⲭⲟⲥ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲓⲥϫⲉ ⲭⲟⲩⲱϣ ⲉⲉⲣ ⲙⲟ‐


### 0013

ⲛⲁⲭⲟⲥ ⲙⲁϣⲉ ⲛⲁⲕ ⲉⲡⲁ ⲫⲙⲁⲛ ⲛϯⲙⲓ ϣⲱⲡ ⲛϩⲁⲛ ⲁϥ ⲁϣⲟϥ ⲛⲥⲁ ⲡⲉⲕ‐
ⲥⲱⲙⲁ ⲉϥⲃⲏϣ ⲉⲃⲟⲗ ⲙⲉⲛⲉⲛⲥⲱⲥ ⲁⲙⲟⲩ ⲙⲛⲁⲓ. ⲟⲩⲟϩ ⲉⲧⲁϥⲉⲣ ⲫⲁⲓ ⲛϫⲉ ⲡⲓ‐
ⲥⲟⲛ ⲁ ⲛⲓⲟⲩϩⲱⲣ ⲛⲉⲙ ⲛⲓϩⲁⲗⲁϯ ϭⲉⲧϭⲱⲧϥ ⲉϧⲣⲏⲓ ⲉⲡⲧⲏⲣϥ ⲟⲩⲟϩ ⲉⲧⲁϥⲓ
ϧⲁ ⲡⲓϧⲉⲗⲗⲟ ⲛⲁϥϣⲓⲛⲓ ⲙⲙⲟϥ ⲡⲉ ϫⲉ ⲁⲛ ⲁⲕⲓⲣⲓ ⲙⲫⲏ ⲉⲧⲁⲓϫⲟϥ ⲛⲁⲕ.
ⲛⲑⲟϥ ⲇⲉ ⲁϥⲧⲁⲙⲟϥ ⲉⲡⲉϥⲥⲱⲙⲁ ⲉϥⲟⲓ ⲙⲫⲱϧⲫⲱϧ. ⲡⲉϫⲉ ⲁⲃⲃⲁ ⲁⲛⲧⲱ‐
ⲛⲓⲟⲥ ⲛⲁϥ ϫⲉ ⲛⲏ ⲉⲧⲁⲩⲉⲣⲁⲡⲟⲧⲁⲍⲉⲥⲑⲁⲓ ⲙⲡⲓⲕⲟⲥⲙⲟⲥ ⲟⲩⲟϩ ⲟⲛ ⲉⲩⲟⲩⲱϣ
ⲉⲭⲁ ⲛⲟⲩⲃ ⲛⲱⲟⲩ ϣⲁⲩϭⲉⲧϭⲱⲧⲟⲩ ⲛϫⲉ ⲛⲓⲇⲁⲓⲙⲱⲛ ⲙⲡⲁⲓⲣⲏϯ ⲛⲏ ⲉⲧϯ
ⲛⲉⲙⲱⲟⲩ.
ⲁⲩϫⲟⲥ ⲛⲁⲃⲃⲁ ⲁⲛⲧⲱⲛⲓⲟⲥ ⲉⲑⲃⲉ ⲟⲩⲥⲟⲛ ϫⲉ ϥⲥⲉ ⲏⲣⲡ ⲁⲛ. ⲡⲉϫⲉ ⲁⲃⲃⲁ
ⲁⲛⲧⲱⲛⲓⲟⲥ ϫⲉ ⲡⲓⲏⲣⲡ ⲣⲱ ⲫⲁ ⲛⲓⲙⲟⲛⲁⲭⲟⲥ ⲁⲛ ⲡⲉ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ϯⲙⲉⲧϫⲱⲣⲓ ⲧⲏⲣⲥ ⲛⲧⲉ ⲡⲓⲣⲱⲙⲓ ⲑⲁⲓ
ⲧⲉ (-ⲣ︦ⲕ︦ⲁ︦-) ϫⲉ ϩⲓⲛⲁ ⲛⲧⲉϥⲧⲁⲗⲉ ⲡⲉϥⲁⲣⲓⲕⲓ ⲉⲣⲟϥ ⲛⲥⲏⲟⲩ ⲛⲓⲃⲉⲛ ⲙⲡⲉⲙⲑⲟ
ⲙⲫ︦ϯ︦ ⲟⲩⲟϩ ⲛⲧⲉϥϫⲟⲩϣⲧ ⲙⲙⲏⲛⲓ ϫⲉ ⲟⲩⲟⲛ ⲡⲉⲓⲣⲁⲥⲙⲟⲥ ⲥⲁ ⲫⲁϩⲟⲩ
ⲙⲙⲟϥ ϣⲁ ⲡⲓⲛⲓϥⲓ ⲛϧⲁⲉ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲓⲛⲁⲩ ⲉⲡⲓⲡ︦ⲛ︦ⲁ︦ ⲛⲧⲉ ⲫ︦ϯ︦ ⲉϥⲛⲏⲟⲩ
ⲉϧⲣⲏⲓ ⲉϫⲉⲛ ⲡⲁⲓⲅ̄ ⲛⲣⲱⲙⲓ ϧⲉⲛ ⲡⲓⲕⲟⲥⲙⲟⲥ ⲁϥⲓ ⲉϫⲉⲛ ⲁⲑⲁⲛⲁⲥⲓⲟⲥ ⲁⲩϯ


### 0014

ⲛⲁϥ ⲛϯⲙⲉⲧⲁⲣⲭⲓⲉⲡⲓⲥⲕⲟⲡⲟⲥ ⲛⲉⲙ ⲁⲃⲃⲁ ⲙⲁⲕⲁⲣⲓⲟⲥ ⲁⲩϯ ⲛⲁϥ ⲙⲡⲓϩ‐
ⲙⲟⲧ ⲛⲧⲉ ⲛⲏ ⲉⲧϣⲱⲛⲓ ⲛⲉⲙ ⲁⲡⲁ ⲡⲁⲙⲱ ⲁⲩϯ ⲛⲁϥ ⲛϯⲇⲓⲁⲕⲟⲛⲓⲁ.
ⲁⲩϫⲟⲥ ⲉⲑⲃⲉ ⲟⲩϧⲉⲗⲗⲟ ⲛⲣⲉⲙ ⲟⲩⲟⲓ ϫⲉ ⲁϥϩⲓ ⲟⲩⲕⲟⲧ ⲉⲁⲃⲃⲁ ⲁⲛⲧⲱ‐
ⲛⲓⲟⲥ ⲛⲟⲩⲥⲟⲡ. ⲁⲩⲧⲁⲙⲉ ⲡⲓϧⲉⲗⲗⲟ ⲉⲑⲃⲏⲧϥ ⲁϥⲓ ⲉⲃⲟⲗ ϧⲁϫⲱϥ ⲉⲧⲁⲩϩⲱⲗ
ⲉϧⲟⲩⲛ ⲉϯⲣⲓ ⲁⲩϣⲗⲏⲗ ⲁⲩϩⲉⲙⲥⲓ. ⲡⲉϫⲉ ⲁⲃⲃⲁ ⲁⲛⲧⲱⲛⲓⲟⲥ ⲛⲁϥ ϫⲉ ⲙⲁⲧⲁ‐
ⲙⲟⲓ ⲉⲟⲩⲥⲁϫⲓ ⲡⲁⲓⲱⲧ. ⲡⲉϫⲉ ⲡⲓϧⲉⲗⲗⲟ ⲙⲡⲓⲥⲧⲟⲥ ⲛⲣⲉⲙⲟⲩⲱⲓ ⲛⲁϥ ϫⲉ
ⲟⲩⲟⲛ ⲅ̄ϯ ⲙⲫⲩⲗⲏ ⲛⲁⲓ ⲉⲃⲟⲗϧⲉⲛ ⲡⲁⲓϣⲗⲟⲗ ϫⲉ ⲙⲟⲛⲁⲭⲟⲥ ϯϩⲟⲩⲓⲧ ⲛⲁⲓ
ⲉⲃⲟⲗ ⲉⲥⲟⲓ ⲛⲭⲣⲱⲙ ϯⲙⲁϩ ⲥⲛⲟⲩϯ ⲛⲁⲓ ⲉⲃⲟⲗ ⲉⲥⲟⲓ ⲙⲫⲣⲏϯ ⲛⲛⲓⲙⲟⲩⲓ
ϯⲙⲁϩ ⲅ̄ϯ ⲛⲁⲓ ⲉⲃⲟⲗ ⲉⲥⲟⲓ ⲙⲫⲣⲏϯ ⲛⲛⲓⲃⲁϣⲟⲣ. ⲡⲉϫⲉ ⲁⲃⲃⲁ ⲁⲛⲧⲱⲛⲓⲟⲥ
ⲛⲁϥ ϫⲉ (-ⲣⲕⲃ-) ⲉⲕⲛⲁⲩ ⲉⲣⲟⲕ ⲉⲕⲟⲓ ⲛⲁϣ ⲛⲣⲏϯ ⲡⲁⲓⲱⲧ. ⲡⲉϫⲉ ⲡⲓϧⲉⲗⲗⲟ
ⲛⲁϥ ϫⲉ ⲉⲓⲛⲁⲩ ⲉⲣⲟⲓ ⲙⲫⲣⲏϯ ⲛⲁⲇⲁⲙ ⲙⲡⲁⲧⲉϥⲉⲣⲡⲁⲣⲁⲃⲁⲓⲛⲉⲓⲛ. ⲡⲉϫⲉ
ⲁⲃⲃⲁ ⲁⲛⲧⲱⲛⲓⲟⲥ ⲛⲁϥ ϫⲉ ⲛⲑⲟⲕ ⲟⲩⲉⲡⲁⲅⲅⲉⲗⲓⲁ ϩⲱⲕ ⲡⲁⲓⲱⲧ. ⲡⲉϫⲉ
ⲡⲓϧⲉⲗⲗⲟ ⲛⲁϥ ϫⲉ ⲙⲙⲟⲛ ⲁⲗⲗⲁ ⲡⲁⲛⲓϣϯ ⲙⲙⲏⲓ ⲉϧⲟⲩⲛ ⲉⲫ︦ϯ︦ ⲡⲉ.
ⲁ ⲛⲓⲥⲛⲏⲟⲩ ϣⲉⲛ ⲁⲃⲃⲁ ⲁⲛⲧⲱⲛⲓⲟⲥ ⲉϥⲛⲁⲙⲟⲩ ⲉⲑⲃⲉ ϯϩⲁⲏ ⲛⲧⲉ ⲡⲓⲕⲟⲥ‐
ⲙⲟⲥ. ⲡⲉϫⲁϥ ⲛⲱⲟⲩ ⲛϫⲉ ⲡⲓⲁⲅⲓⲟⲥ ϫⲉ ⲁ ⲛⲓⲡⲣⲟⲫⲏⲧⲏⲥ ⲕⲏⲛ ⲉⲩⲉⲣⲡⲣⲟⲫⲏ‐
ⲧⲉⲩⲉⲓⲛ ⲟⲩⲟϩ ⲁ ⲡⲭ︦ⲥ︦ ⲥⲁϫⲓ ⲉⲃⲟⲗϧⲉⲛ ⲣⲱϥ ⲙⲉⲛⲉⲛⲥⲱⲥ ⲛⲓⲁⲡⲟⲥⲧⲟⲗⲟⲥ


### 0015

ⲁⲩϩⲓ ⲱⲓϣ ⲉⲑⲃⲏⲧⲥ ⲛⲑⲟⲥ ϯϧⲁⲏ. ⲁⲛⲟⲕ ⲛⲓⲙ ⲁⲛⲟⲕ ⲉⲥⲁϫⲓ ⲉⲑⲃⲏⲧⲥ. ⲡⲉϫⲉ
ⲛⲓⲥⲛⲏⲟⲩ ⲛⲁϥ ϫⲉ ⲛⲑⲟⲕ ⲟⲩⲡⲣⲟⲫⲏⲧⲏⲥ ϩⲱⲕ ⲛⲉⲙ ⲟⲩⲁⲡⲟⲥⲧⲟⲗⲟⲥ ⲛⲉⲙ
ⲟⲩⲓⲱⲧ ⲛⲧⲉ ⲡⲁⲓⲥⲏⲟⲩ ⲁⲣⲓ ⲡⲓⲛⲁⲓ ⲛⲉⲙⲁⲛ ⲙⲁⲧⲁⲙⲟⲛ. ⲡⲉϫⲁϥ ⲛⲱⲟϥ ϫⲉ
ⲧⲉⲧⲉⲛⲛⲁϥ ⲉⲡⲓϩⲟⲩⲓⲧ ⲛⲕⲟⲥⲙⲟⲥ ⲉⲧⲁ ⲫ︦ϯ︦ ⲧⲁⲕⲟϥ ⲉⲑⲃⲉ ⲛⲓⲡⲟⲣⲛⲉⲓⲁ ⲛⲉⲙ
ⲛⲓϭⲓ ⲛϫⲟⲛⲥ ⲉⲧⲁⲩϣⲱⲡⲓ ⲛϧⲏⲧⲟⲩ. ⲡⲁⲓⲣⲏϯ ⲟⲛ ⲥⲟⲇⲟⲙⲁ ⲛⲉⲙ ⲅⲟⲙⲟⲣⲣⲁ
ⲉⲑⲃⲉ ⲛⲓⲡⲟⲣⲛⲉⲓⲁ ⲛⲉⲙ ⲛⲓⲙⲉⲧⲁⲑⲛⲁⲓ ⲁ ⲫ︦ϯ︦ ϥⲟⲧⲟⲩ ⲉⲃⲟⲗ ⲙⲡⲓⲥⲏⲟⲩ. ⲡⲁⲓ‐
ⲣⲏϯ ϩⲱⲥ ϯϧⲁⲏ ⲛⲧⲉ ⲡⲁⲓⲕⲟⲥⲙⲟⲥ ⲛⲁϣⲱⲡⲓ ϧⲉⲛ ⲡⲁⲓⲅ̄ ⲛϩⲱⲃ ⲉϣⲱⲡ ⲛⲧⲉ
ⲡⲓϭⲓ ⲛϫⲟⲛⲥ ⲁϣⲁⲓ ϧⲉⲛ ⲛⲓⲣⲱⲙⲓ ⲟⲩⲟϩ ⲛⲧⲉ ϯⲡⲟⲣⲛⲉⲓⲁ ⲁϣⲁⲓ ϧⲉⲛ ⲛⲓ‐
ⲙⲟⲛⲁⲭⲟⲥ. ⲫⲁⲓ ⲡⲉ ⲡϫⲱⲕ ⲛϯϧⲁⲏ ⲉϣⲱⲡ ⲛⲧⲉⲧⲉⲛⲛⲁϥ ⲉϩⲁⲛ ϧⲉⲗⲗⲟⲓ
ⲙⲙⲟⲛⲁⲭⲟⲥ ⲉⲁⲩⲭⲱ ⲙⲡϣⲁϥⲉ ⲛⲥⲱⲟⲩ ⲛⲉⲙ ⲛⲓⲙⲟⲛⲱⲟⲩⲓ ⲉⲩϫⲉⲙ ⲁⲣⲓⲕⲓ
ⲛⲧⲟⲩϣⲉ ⲛⲱⲟⲩ ⲉⲛⲓⲃⲁⲕⲓ ⲛⲉⲙ ⲛⲓϯⲙⲓ ⲉⲩⲉⲣ ⲙⲓⲙⲉⲓⲥⲑⲁⲓ ⲛⲟⲩⲙⲉⲧⲁⲛⲁⲭⲱ‐
ⲣⲏⲧⲏⲥ ⲉⲩϣⲟⲡ ϧⲉⲛ ⲛⲓⲏⲓ ⲛⲧⲉ ⲛⲓⲕⲟⲥⲙⲓⲕⲟⲥ ⲛⲉⲙ ⲛⲟⲩϩⲓⲟⲙⲓ ⲟⲩⲟϩ ⲛⲓⲁⲗⲱⲟⲩⲓ
ⲙⲙⲟⲛⲁⲭⲟⲥ ⲉⲩϣⲟⲡ ϧⲉⲛ ⲛⲓⲙⲟⲛⲏ ⲛⲧⲉ ⲛⲓⲡⲁⲣⲑⲉⲛⲟⲥ ⲉⲣⲉ ⲧⲟⲩⲣⲓ ⲧⲟⲙⲓ
ⲉⲣⲱⲟⲩ ⲉⲣⲉ ⲡⲟⲩϣⲟⲩϣⲧ ⲭⲏ ⲛⲧⲟⲧⲟⲩ ⲟⲩⲟϩ ⲛⲓⲣⲉⲙ ⲛϣⲁϥⲉ ϩⲱⲟⲩ ⲉⲩⲙⲉⲓ
ⲙⲡⲓⲟⲩⲱⲙ ⲛⲉⲙ ⲡⲓⲥⲱ ⲉϩⲟⲧⲉ ⲡⲓϧⲓⲥⲓ ⲛⲧⲉ ϯⲉⲅⲕⲣⲁⲧⲉⲓⲁ ⲛⲉⲙ ⲡⲓϩⲟϫϩⲉϫ.
ⲉϣⲱⲡ ⲛⲧⲉⲧⲉⲛⲛⲁⲩ ⲉⲛⲓⲙⲟⲛⲁⲭⲟⲥ ⲉⲩⲟⲓ ⲛϣⲱⲧ ⲉⲩϣⲱⲡ ⲉⲩϯ ⲉⲃⲟⲗ ⲙⲫⲣⲏϯ
ⲛⲛⲓⲕⲟⲥⲙⲓⲕⲟⲥ ⲫⲁⲓ ⲡⲉ ⲡϫⲱⲕ ⲛⲧⲉ ϯϧⲁⲏ ⲙⲙⲟⲛ ⲙⲧⲟⲛ ⲛⲁϣⲱⲡⲓ ⲙⲡⲓⲕⲟⲥ‐


### 0016

ⲙⲟⲥ ⲁⲛ ϫⲉ ⲉⲃⲏⲗ ⲉϧⲓⲥⲓ ⲛⲉⲙ ⲧⲁⲗⲁⲓⲡⲱⲣⲓⲁ ϣⲁ ϯⲥⲩⲛⲧⲉⲗⲉⲓⲁ ⲛⲧⲉ
ⲡⲁⲓⲁⲓⲱⲛ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲫⲏ ⲁⲛ ⲉⲧϭⲣⲏⲟⲩⲧ ϧⲉⲛ ⲟⲩϩⲱⲃ
ⲛⲟⲩⲱⲧ (-ⲣ︦ⲕ︦ⲇ︦-) ⲫⲁⲓ ⲡⲉ ⲡⲓⲉⲅⲕⲣⲁⲧⲏⲥ ⲟⲩⲇⲉ ⲫⲏ ⲁⲛ ⲉⲧⲁⲙⲟⲛⲓ ⲛⲧⲟⲧϥ ϧⲉⲛ
ⲟⲩⲁⲓ ⲛⲧⲉ ⲛⲏ ⲉⲧϯ ⲉϧⲟⲩⲛ ⲉϩⲣⲉⲛ ϯⲁⲣⲉⲧⲏ ⲡⲉ ⲡⲓⲥⲱⲧⲡ ⲓⲥϫⲉ ⲅⲁⲣ ϯⲉⲅⲕⲣⲁ‐
ⲧⲉⲓⲁ ⲟⲩϣⲟⲩϣⲟⲩ ⲧⲉ ⲛϯⲁⲣⲉⲧⲏ ⲟⲩⲟⲛ ⲟⲩⲙⲏϣ ⲛⲕⲁⲕⲓⲁ ⲟⲓ ⲛϫⲁϫⲓ ⲉⲣⲟⲥ
ⲁⲗⲗⲁ ⲥⲉⲙⲡϣⲁ ⲙⲫⲏ ⲉⲑⲟⲩⲱϣ ⲉⲛⲟϩⲉⲙ ⲛⲧⲉϥⲣⲱⲓⲥ ϧⲉⲛ ϩⲱⲃ ⲛⲓⲃⲉⲛ ⲉⲑⲃⲉ
ⲛⲏ ⲉⲧⲟⲓ ⲛϫⲁϫⲓ ⲉⲣⲟϥ ⲟⲩⲟϩ ⲛⲧⲉϥⲧⲱⲃϩ ⲛϯⲙⲉⲧⲁⲅⲁⲑⲟⲥ ⲛⲧⲉ ⲫ︦ϯ︦ ⲉⲑⲣⲉⲥ‐
ⲛⲁϩⲙⲉϥ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲫⲏ ⲉⲧⲓⲏⲥ ⲙⲙⲟϥ ⲉⲉⲣ ⲧⲉⲗⲉⲓⲟⲥ
ϧⲉⲛ ϯⲉⲅⲕⲣⲁⲧⲉⲓⲁ ⲙⲡⲁϥⲉⲣ ⲃⲱⲕ ⲛϩⲗⲓ ⲙⲡⲁⲑⲟⲥ ⲫⲏ ⲅⲁⲣ ⲉⲧⲟⲓ ⲙⲃⲱⲕ
ⲛⲟⲩⲕⲁⲕⲓⲁ ⲛⲟⲩⲱⲧ ϥⲟⲩⲏⲟⲩ ⲥⲁⲃⲟⲗ ⲙⲡⲓⲙⲱⲓⲧ ⲛⲧⲉ ⲫ︦︦ϯ︦.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ϧⲓⲥⲓ ⲛⲓⲃⲉⲛ ⲉⲣⲉ ⲡⲓⲣⲉϥϫⲱⲛⲧ ⲛⲁ‐
ⲁⲓⲧⲟⲩ ⲥⲉⲧⲁⲕⲏⲟⲩⲧ ⲛⲧⲟⲧϥ ⲙⲙⲏⲛⲓ.
ⲁⲩϫⲟⲥ ⲟⲛ ⲉⲑⲃⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲉϥϩⲉⲙⲥⲓ ⲛⲟⲩⲥⲟⲡ ϧⲉⲛ ⲡϣⲁϥⲉ
ⲁϥϣⲱⲡⲓ ϧⲉⲛ ⲟⲩⲧⲱⲙⲧ ⲛⲉⲙ ⲟⲩϣⲑⲟⲣⲧⲉⲣ ⲛⲧⲉⲛ ⲡⲁϣⲁⲓ ⲛⲛⲓⲙⲉⲩⲓ ⲟⲩⲟϩ


### 0017

ⲁϥⲧⲱⲃϩ ⲙⲫ︦ϯ︦ ⲉϥϫⲱ ⲙⲙⲟⲥ ϫⲉ ⲡⲁⲟ︦ⲥ︦ ϯⲟⲩⲱϣ ⲉⲛⲟϩⲉⲙ ⲥⲉⲭⲱ ⲙⲙⲟⲓ
ⲁⲛ ⲛϫⲉ ⲛⲓⲙⲉⲩⲓ ⲉⲓ ⲛⲁⲉⲣ ⲟⲩ ϧⲉⲛ ⲡⲁⲓϩⲟϫϩⲉϫ ⲓⲉ ⲉⲓ- (-ⲣ︦ⲕ︦ⲉ︦-) ⲛⲁϣⲛⲟϩⲉⲙ
ⲛⲁϣ ⲛⲣⲏϯ. ⲟⲩⲟϩ ⲉⲧⲁϥⲟϩⲓ ⲉⲣⲁⲧϥ ⲛⲟⲩⲕⲟⲩϫⲓ ⲥⲁⲃⲟⲗ ϩⲓ ⲡⲓⲧⲱⲟⲩ ⲁϥⲛⲁⲩ
ⲉⲟⲩⲁⲓ ⲙⲫⲣⲏϯ ⲛⲟⲩⲣⲱⲙⲓ ⲉϥϩⲉⲙⲥⲓ ⲉϧⲣⲏⲓ ⲉϥⲛⲟⲩⲧⲃ ϧⲉⲛ ⲟⲩⲛⲉⲃϯ ⲟⲩⲟϩ
ⲉϥⲧⲱⲟⲩⲛ ⲕⲁⲧⲁ ⲕⲟⲩϫⲓ ⲉⲃⲟⲗϧⲉⲛ ⲡⲓϩⲱⲃ ⲛϫⲓϫ ⲉϥⲧⲱⲃϩ ⲟⲩⲟϩ ⲡⲁⲗⲓⲛ
ⲉϥϩⲉⲙⲥⲓ ⲟⲛ ⲉϥⲉⲣ ϩⲱⲃ. ⲟⲩⲟϩ ⲛⲉ ⲟⲩⲁⲅⲅⲉⲗⲟⲥ ⲛⲧⲉ ⲡⲟ︦ⲥ︦ ⲡⲉ ⲉⲁϥⲟⲩⲟⲣⲡϥ
ⲉⲟⲩⲧⲁϩⲟ ⲉⲣⲁⲧϥ ⲛⲁⲛⲧⲱⲛⲓⲟⲥ ⲛⲉⲙ ⲟⲩⲧⲁϫⲣⲟ ⲟⲩⲃⲉ ⲡⲓⲁⲗⲁⲃⲗⲉⲃ ⲉⲧϩⲱⲟⲩ
ⲁϥⲥⲱⲧⲉⲙ ⲉⲣⲟϥ ⲉϥϫⲱ ⲙⲙⲟⲥ ⲛⲁϥ ϫⲉ ⲁⲣⲓⲟⲩⲓ ⲙⲡⲁⲓⲣⲏϯ ⲟⲩⲟϩ ⲭⲛⲁⲛⲟ‐
ϩⲉⲙ. ⲛⲑⲟϥ ⲇⲉ ⲉⲧⲁϥⲥⲱⲧⲉⲙ ⲁϥϣⲱⲡⲓ ϧⲉⲛ ⲟⲩⲛⲓϣϯ ⲛⲣⲁϣⲓ ⲁϥϭⲓ ⲛⲟⲩ‐
ⲧⲁϫⲣⲟ ⲟⲩⲟϩ ⲛⲁϥⲓⲣⲓ ⲙⲡⲁⲓⲣⲏϯ ⲡⲉ ⲛⲛⲓⲉϩⲟⲟϥ ⲧⲏⲣⲟⲩ ⲛⲧⲉ ⲡⲉϥⲱⲛϧ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲓⲉⲣ ⲟⲩⲣⲟⲙⲡⲓ ⲧⲏⲣⲥ ⲉⲓⲧⲱⲃϩ
ⲙⲫ︦ϯ︦ ϩⲓⲛⲁ ⲛⲉⲧϥϭⲱⲣⲡ ⲛⲏⲓ ⲉⲃⲟⲗ ⲙⲫⲙⲱⲓⲧ ⲛⲧⲉ ⲛⲓⲑⲙⲏⲓ ⲛⲉⲙ ⲫⲙⲱⲓⲧ
ⲛⲧⲉ ⲛⲓⲣⲉϥⲉⲣ ⲛⲟⲃⲓ. ⲁⲓⲛⲁϥ ⲉⲟⲩⲁⲓ ⲉϥϣⲏⲟⲩ ⲙⲫⲣⲏϯ ⲛⲟⲩⲁⲫⲱⲫ ⲉϥⲟϩⲓ
ⲉⲣⲁⲧϥ ⲉϥⲫⲉϩ ϣⲁ ⲛⲓϭⲏⲡⲓ ⲟⲩⲟϩ ⲉⲣⲉ ⲛⲉϥϫⲓϫ ⲫⲟⲣϣ ⲉⲃⲟⲗ ⲥⲁ ⲡⲉⲥⲏⲧ ⲛⲧⲫⲉ
(-ⲣⲕⲥ-) ⲟⲩⲟϩ ⲥⲁ ⲡⲉⲥⲏⲧ ⲙⲙⲟϥ ⲟⲩⲗⲓⲙⲛⲏ ⲉⲥⲟⲩⲉⲥⲑⲱⲛ ⲙⲫⲣⲏϯ ⲙⲫⲓⲟⲙ.
ⲁⲓⲛⲁⲩ ⲟⲛ ⲉϩⲁⲛ ⲯⲩⲭⲏ ⲉⲩϩⲁⲗⲁⲓ ⲙⲫⲣⲏϯ ⲛϩⲁⲛ ϩⲁⲗⲁϯ ⲟⲩⲟϩ ⲛⲏ


### 0018

ⲧⲏⲣⲟⲩ ⲉⲧⲁⲩϩⲁⲗⲁⲓ ⲥⲁ ⲡϣⲱⲓ ⲛⲛⲉϥϫⲓϫ ⲛⲉⲙ ⲥⲁ ⲡϣⲱⲓ ⲛⲧⲉϥⲁⲫⲉ ⲁⲩⲛⲟ‐
ϩⲉⲙ ⲟⲩⲟϩ ⲛⲏ ⲧⲏⲣⲟⲩ ⲉⲧⲁⲩⲣⲁⲟⲩⲱ ϧⲉⲛ ⲛⲉϥϫⲓϫ ⲟⲩⲟϩ ⲉⲧⲁϥⲙⲁϣⲟⲩ
ⲁⲩϩⲉⲓ ⲉϧⲣⲏⲓ ⲉϯⲗⲓⲙⲛⲏ ⲛⲭⲣⲱⲙ ⲉⲑⲙⲟϩ. ⲧⲟⲧⲉ ⲁ ⲟⲩⲥⲙⲏ ⲓ ⲛⲏⲓ ⲉⲃⲟⲗ‐
ϧⲉⲛ ⲧⲫⲉ ⲉⲥϫⲱ ⲙⲙⲟⲥ ϫⲉ ⲁⲛⲧⲱⲛⲓⲟⲥ ⲛⲁⲓⲯⲩⲭⲏ ⲉⲧⲁⲕⲛⲁϥ ⲉⲣⲱⲟⲩ ⲉⲁⲩϩⲉⲓ
ⲥⲁ ϧⲣⲏⲓ ⲛⲛⲉϥϫⲓϫ ⲛⲁⲓ ϩⲱⲟⲩ ⲛⲉ ⲛⲓⲯⲩⲭⲏ ⲛⲧⲉ ⲛⲓⲣⲉϥⲉⲣ ⲛⲟⲃⲓ ⲉⲩⲥⲱⲕ
ⲙⲙⲱⲟⲩ ⲉϧⲣⲏⲓ ⲉⲁⲙⲉⲛϯ ⲉⲑⲃⲉ ϫⲉ ⲛⲓⲟⲩⲱϣ ⲛϩⲏⲧ ⲛⲧⲉ ⲧⲥⲁⲣⲝ ⲛⲉⲙ ⲧⲟⲩ‐
ⲙⲟⲑⲛⲉⲥ ⲛⲧⲉ ⲡⲁⲓⲕⲟⲩϫⲓ ⲛⲥⲏⲟⲩ ⲛⲉⲙ ⲛⲓⲙⲉⲧⲣⲉϥⲉⲣ ⲫⲙⲉⲩⲓ ⲛⲛⲓⲡⲉⲧϩⲱⲟⲩ
ϫⲉ ⲟⲩⲏⲓ ⲁⲩⲓⲣⲓ ⲛⲛⲟⲩⲟⲩⲱϣ ⲛϩⲏⲧ ⲉⲧϩⲱⲟⲩ ϣⲁⲧⲟⲩϩⲓⲧⲟⲩ ⲉⲡⲓⲭⲣⲱⲙ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ (-ⲣ︦︦︦ⲕ︦ⲍ︦-) ϣⲱⲡⲓ ⲉⲕⲟⲓ ⲛⲁⲧⲟⲡⲕ ϧⲉⲛ
ϩⲱⲃ ⲛⲓⲃⲉⲛ ⲉⲡⲉⲓⲇⲏ ϯⲙⲉⲧⲁⲧⲟⲡⲕ ⲛⲑⲟⲥ ⲉⲧⲟⲓ ⲛⲥⲱⲙⲁ ⲙⲡⲓⲑⲉⲃⲓⲟ ⲡⲓⲑⲉⲃⲓⲟ
ⲉⲧϫⲫⲟ ⲛϯⲙⲉⲧⲣⲉϥϭⲓ ⲥⲃⲱ ϯⲙⲉⲧⲣⲉϥϭⲓ ⲥⲃⲱ ⲉⲧϫⲫⲟ ⲙⲡⲓⲛⲁϩϯ ⲡⲓⲛⲁϩϯ
ⲉⲑⲙⲓⲥⲓ ⲙⲡⲓⲥⲱⲧⲉⲙ ⲛⲥⲁ ⲫ︦ϯ︦ ⲡⲓⲥⲱⲧⲉⲙ ⲛⲥⲁ ⲫ︦ϯ︦ ⲛⲑⲟϥ ⲉⲑⲙⲓⲥⲓ ⲛϯⲙⲉⲧ‐
ⲙⲁⲓ ⲥⲟⲛ.
ⲁ ⲟⲩⲥⲟⲛ ϣⲉⲛ ⲡⲓϧⲉⲗⲗⲟ ⲁⲃⲃⲁ ⲁⲛⲧⲱⲛⲓⲟⲥ ⲉⲑⲃⲉ ⲡⲓⲥⲁϫⲓ ⲉⲧⲥϧⲏⲟⲩⲧ ϧⲉⲛ
ⲡⲓⲉⲩⲁⲅⲅⲉⲗⲓⲟⲛ ϫⲉ ⲙⲡⲉⲣϥⲓ ⲣⲱⲟⲩϣ ϧⲁ ⲣⲁⲥϯ ⲣⲁⲥϯ ⲅⲁⲣ ⲉϥⲉϥⲓ ⲣⲱⲟⲩϣ
ϧⲁⲣⲟϥ ⲙⲙⲁⲩⲁⲧϥ ⲕⲏⲛ ⲉⲡⲓⲉϩⲟⲟⲩ ⲡⲓⲉϩⲟⲟϥ ⲛⲉⲙ ⲧⲉϥⲕⲁⲕⲓⲁ. ⲟⲩⲟϩ ⲡⲉϫⲉ


### 0019

ⲡⲓϧⲉⲗⲗⲟ ⲛⲁϥ ϫⲉ ϯⲙⲉⲩⲓ ⲁⲛⲟⲕ ϫⲉ ⲫⲁⲓ ⲡⲉ ⲡⲓⲥⲁϫⲓ ⲛⲧⲉⲕⲕⲏⲛ ⲉⲣⲟⲕ ⲉⲛⲓ‐
ⲭⲣⲉⲓⲁ ⲛⲧⲉ ⲡⲓⲥⲱⲙⲁ ϣⲁ ⲡϣⲓ ⲛⲟⲩⲣⲟⲙⲡⲓ ⲛⲧⲉⲕϣⲧⲉⲙϥⲓ ⲣⲱⲟⲩϣ ⲛϩⲟⲩⲟ
ⲉⲡⲉⲕϫⲓ ⲛⲱⲛϧ ⲉⲃⲏⲗ ϧⲉⲛ ⲟⲩϣⲓ ⲉϥⲑⲏϣ ϩⲓⲛⲁ ⲛⲧⲉⲕⲛⲟϩⲉⲙ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲩϭⲱⲣⲡ ⲛⲁϥ ⲉⲃⲟⲗ ⲛⲟⲩⲥⲟⲡ ⲉⲑⲃⲉ
ⲟⲩⲡⲁⲣⲑⲉⲛⲟⲥ ⲉⲁⲥϩⲉⲓ ϧⲉⲛ ⲟⲩⲡⲁⲣⲁⲡⲧⲱⲙⲁ. ⲁϥⲧⲱⲛϥ ⲁϥϭⲓ ⲙⲡⲉϥϣⲃⲱⲧ
ⲙⲃⲁⲓ ⲉⲧϧⲉⲛ ⲧⲉϥϫⲓϫ ⲁϥⲉⲣ ϩⲏⲧⲥ ⲉⲡⲓⲙⲱⲓⲧ ⲙⲙⲟϣⲓ ⲉϯⲙⲟⲛⲏ (-ⲣ︦︦︦ⲕ︦ⲏ︦-)
ϩⲓⲛⲁ ⲛⲧⲉϥϣⲱⲧ ⲉⲃⲟⲗ ⲉϫⲱⲟⲩ ϧⲉⲛ ϩⲁⲛ ϫⲫⲓⲟ ⲉⲩⲛⲁϣⲧ ⲉⲙⲁϣⲱ ⲉⲑⲃⲉ
ⲡⲧⲟⲩⲃⲟ ⲙⲡⲓⲡⲣⲁⲕⲧⲓⲕⲟⲛ ⲉⲧϣⲟⲡ ⲛϧⲏⲧϥ. ⲟⲩⲟϩ ⲉⲧⲓ ⲉϥⲙⲟϣⲓ ⲁϥϧⲱⲛⲧ
ⲉϯⲙⲟⲛⲏ ϩⲏⲡⲡⲉ ⲁϥⲟⲩⲟⲛϩϥ ⲉⲣⲟϥ ⲛϫⲉ ⲡⲭ︦ⲥ︦ ⲡⲟⲩⲣⲟ ⲛⲧⲉ ⲡⲱⲟⲩ ⲡⲓϣⲁⲛ
ⲑⲙⲁϧⲧ ⲙⲙⲁⲩⲁⲧϥ ⲫⲁ ⲛⲓⲁϩⲱⲣ ⲛⲧⲉ ⲛⲓⲙⲉⲧϣⲉⲛ ϩⲏⲧ ⲉⲧⲟϣ ⲫⲏ ⲉⲧⲭⲁ
ⲉⲃⲟⲗ ⲟⲩⲟϩ ⲉⲑⲃⲱⲗ ⲉⲃⲟⲗ ⲛⲛⲓⲛⲟⲃⲓ ⲛⲉⲙ ⲛⲓⲡⲁⲣⲁⲡⲧⲱⲙⲁ ⲛⲧⲉ ⲛⲓⲣⲱⲙⲓ.
ⲡⲉϫⲉ ⲡⲓⲥⲱⲧⲏⲣ ⲛⲁϥ ϧⲉⲛ ⲟⲩϩⲟ ⲙⲙⲉⲧⲣⲉⲙ ⲣⲁⲩϣ ⲛⲉⲙ ⲟⲩϫⲓ ⲛⲛⲉϥⲧ ⲣⲱϥ
ϧⲉⲛ ⲟⲩⲭⲁⲣⲓⲥ ϫⲉ ⲁⲛⲧⲱⲛⲓⲟⲥ ϩⲁⲣⲁ ⲟⲩⲟⲛ ⲟⲩϧⲉ ϣⲟⲡ ⲙⲡⲁⲓⲛⲓϣϯ ⲛⲥⲕⲩⲗ-
ⲙⲟⲥ ⲛⲧⲁⲕ ϣⲁ ⲙⲛⲁⲓ. ⲉⲧⲁϥⲥⲱⲧⲉⲙ ⲉⲛⲁⲓ ⲛϫⲉ ⲡⲓϧⲉⲗⲗⲟ ⲛⲧⲟⲧϥ ⲙⲡⲟ︦︦ⲥ︦
ⲁϥϩⲓⲧϥ ⲉϫⲉⲛ ⲡⲉϥϩⲟ ϩⲓϫⲉⲛ ⲡⲓⲕⲁϩⲓ ⲡⲉϫⲁϥ ⲛⲁϥ ϫⲉ ⲡⲁⲟ︦ⲥ︦ ϧⲉⲛ ⲡϫⲓ
ⲛⲑⲣⲉⲕⲁⲓⲧ ⲛⲙⲡϣⲁ ⲛⲛⲁⲩ ⲉⲧⲉⲕⲡⲁⲣⲟⲩⲥⲓⲁ ⲁⲕⲉⲣ ϣⲟⲣⲡ ⲛⲉⲙⲓ ⲉϯⲙⲙⲉⲧ‐
ⲁⲧϩⲏⲧ ⲛⲧⲉ ⲡⲁⲥⲕⲩⲗⲙⲟⲥ ϫⲉ ⲟⲩ ⲡⲉ. ⲡⲉϫⲉ ⲡⲓⲁⲅⲁⲑⲟⲥ ⲙⲙⲁⲓ ⲣⲱⲙⲓ ⲛⲁϥ


### 0020

ϫⲉ ⲉⲧⲁⲕϣⲱⲡ ⲙⲡⲁⲓⲥⲕⲩⲗⲙⲟⲥ ⲛⲉⲙ ⲡⲁⲓⲛⲓϣϯ ⲛϧⲓⲥⲓ ⲉⲑⲃⲉ ⲡⲓ (-ⲣ︦︦︦︦ⲕ︦ⲑ︦-)
ⲡⲁⲣⲁⲡⲧⲱⲙⲁ ⲛⲧⲉ ⲧⲁⲓⲕⲟⲩϫⲓ ⲙⲡⲁⲣⲑⲉⲛⲟⲥ. ⲡⲉϫⲉ ⲁⲃⲃⲁ ⲁⲛⲧⲱⲛⲓⲟⲥ ⲛⲁϥ
ⲉϥϩⲱⲟⲩⲓ ⲉϫⲉⲛ ⲡⲉϥϩⲟ ϩⲓϫⲉⲛ ⲡⲓⲕⲁϩⲓ ϫⲉ ⲛⲑⲟⲕ ⲡⲟⲥ ⲉⲧⲥⲱⲟⲩⲛ ⲛϩⲱⲃ
ⲛⲓⲃⲉⲛ ⲙⲡⲁⲧⲟⲩϣⲱⲡⲓ. ⲟⲩⲟϩ ⲡⲉϫⲉ ⲡⲟⲥ ⲛⲁϥ ϫⲉ ⲧⲱⲛⲕ ⲟⲩⲁϩⲕ ⲛⲥⲱⲓ.
ⲟⲩⲟϩ ⲉⲧⲁϥϣⲉ ⲉϧⲟⲩⲛ ⲛⲉⲙⲁϥ ⲉⲣⲉ ⲛⲓⲣⲱⲟⲩ ϣⲟⲧⲉⲙ ϧⲉⲛ ⲡⲓⲙⲁ ⲉⲣⲉ
ϯⲡⲁⲣⲑⲉⲛⲟⲥ ⲛϩⲏⲧϥ ⲟⲩⲟϩ ⲁϥⲥⲱⲧⲉⲙ ⲉϯⲡⲁⲣⲑⲉⲛⲟⲥ ⲉⲥⲣⲓⲙⲓ ⲉⲥϫⲱ ⲙⲙⲟⲥ
ϫⲉ ⲡⲁⲟ︦ⲥ︦  ⲓ︦ⲏ︦ⲥ︦ ⲡⲭ︦ⲥ︦ ⲛⲧⲏⲓ ⲁⲕϣⲁⲛϯ ϩⲑⲏⲕ ⲉⲁⲛⲟⲙⲓⲁ ⲛⲓⲙ ⲡⲉ ⲉⲧⲛⲁϣⲟϩⲓ
ⲉⲣⲁⲧϥ ⲙⲡⲉⲕⲙⲑⲟ ϫⲉ ⲟⲩⲏⲓ ⲉⲣⲉ ⲡⲓⲭⲱ ⲉⲃⲟⲗ ϧⲁⲧⲟⲧⲕ ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦
ⲛⲧⲏⲓ ⲉⲕⲉϭⲓ ⲙⲡⲁⲙϣⲓϣ ⲛⲉⲙ ⲫⲏ ⲉⲧⲁϥⲉⲣⲫⲑⲟⲛⲉⲓⲛ ⲉⲣⲟⲓ ⲟⲩⲟϩ ⲁϥⲃⲟⲗⲧ
ⲉⲃⲟⲗ. ⲡⲁⲟ︦ⲥ︦ ⲓ︦ⲏ︦ⲥ︦ ⲛⲧⲏⲓ ϯϯ ϩⲟ ⲉⲣⲟⲕ ⲙⲡⲉⲣⲫⲱⲛϩ ⲙⲡⲉⲕϩⲟ ⲥⲁⲃⲟⲗ ⲙⲙⲟⲓ
ϫⲉ ⲁⲛⲟⲕ ⲟⲩⲥⲕⲉⲩⲟⲥ ⲛϫⲟⲃⲓ. ⲛⲁⲓ ⲇⲉ ⲉⲥϫⲱ ⲙⲙⲱⲟⲩ ϧⲉⲛ ϩⲁⲛ ⲉⲣⲙⲱⲟⲩⲓ
ⲉⲩⲟϣ ⲡⲉϫⲉ ⲡⲓⲣⲉϥϣⲉⲛ ϩⲏⲧ ⲟⲩⲟϩ ⲛϣⲁⲛ ⲑⲙⲁϧⲧ ⲛⲛⲟⲩϯ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦
ϫⲉ ⲁⲛⲧⲱⲛⲓⲟⲥ ϩⲁⲣⲁ ⲙⲡⲉ ⲛⲉⲕⲥⲡⲗⲁⲅⲭⲛⲟⲛ ⲕⲓⲙ ⲉⲣⲟⲕ ϯⲛⲟⲩ ⲛⲧⲉ ⲛⲉⲕⲃⲁⲗ
ϯ ⲉⲣⲙⲏ ⲉⲕⲥⲱⲧⲉⲙ ⲉⲧⲁⲥⲑⲉⲛⲉⲓⲁ ⲛⲧⲉⲥⲙⲉⲧϫⲱⲃ (-ⲣ︦ⲗ︦-) ⲛⲉⲙ ⲡⲉⲥϫⲓ ⲛⲱϣ
ⲉⲡϣⲱⲓ ϩⲁⲣⲟⲓ ϧⲉⲛ ϩⲁⲛ ⲉⲣⲙⲱⲟⲩⲓ ⲉⲩⲙⲟⲕϩ. ⲁⲗⲏⲑⲱⲥ ⲁⲥⲥⲉⲕ ⲛⲁⲙⲉⲧϣⲉⲛ
ϩⲏⲧ ⲉϫⲱⲥ ⲙⲫⲣⲏϯ ⲛϯⲡⲟⲣⲛⲏ ⲉⲧⲁⲥϩⲱⲣⲡ ⲛⲛⲁϭⲁⲗⲁⲩϫ ⲉⲃⲟⲗϧⲉⲛ ⲛⲉⲥⲉⲣ‐


### 0021

ⲙⲱⲟⲩⲓ ⲟⲩⲟϩ ⲁⲥϥⲟⲧⲟⲩ ⲉⲃⲟⲗϧⲉⲛ ⲡⲓϥⲱⲓ ⲛⲧⲉⲥⲁⲫⲉ ⲟⲩⲟϩ ⲉⲃⲟⲗϩⲓⲧⲉⲛ
ⲡⲉⲥⲟⲩⲉⲙ ϩⲑⲏϥ ⲁⲥϭⲓ ⲙⲡⲭⲱ ⲉⲃⲟⲗ ⲛⲧⲉ ⲛⲉⲥⲛⲟⲃⲓ ⲉⲃⲟⲗϩⲓⲧⲟⲧ ⲉⲑⲃⲉ ⲡⲉⲥ‐
ⲛⲁϩϯ. ⲡⲗⲏⲛ ϯⲛⲁⲑⲣⲉ ⲡⲉⲕⲥⲕⲩⲗⲙⲟⲥ ϣⲱⲡⲓ ⲁⲛ ⲉϥϣⲟⲩⲓⲧ ⲁⲗⲗⲁ ⲙⲁ
ⲟⲩⲕⲟⲩϫⲓ ⲛϩⲉⲝⲓⲥ ⲉϫⲱⲟⲩ ⲙⲁϣⲉ ⲛⲁⲕ. ⲟⲩⲟϩ ⲛⲁⲓ ⲉⲧⲁϥϫⲟⲧⲟⲩ ⲛϫⲉ ⲡⲓ‐
ⲥⲱⲧⲏⲣ ⲁϥⲉⲣ ⲁⲑⲟⲩⲱⲛϩ ⲉⲃⲟⲗϩⲁⲣⲟϥ. ⲁϥⲕⲟⲧϥ ⲇⲉ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ
ϩⲓ ⲡⲉϥⲙⲱⲓⲧ ⲉϥϯ ⲱⲟⲩ ⲙⲫ︦ϯ︦ ⲉⲣⲉ ⲛⲉϥⲉⲣⲙⲱⲟⲩⲓ ϣⲟⲩⲟ ⲉⲡⲉⲥⲏⲧ ϩⲓϫⲉⲛ
ⲡⲓⲕⲁϩⲓ ⲉϥⲟⲓ ⲛϣⲫⲏⲣⲓ ⲉⲙⲁϣⲱ ⲉϩⲣⲏⲓ ⲉϫⲉⲛ ϯⲙⲉⲧⲁⲅⲁⲑⲟⲥ ⲛⲧⲉ ⲫ︦ϯ︦ ⲛⲉⲙ
ⲡⲁϣⲁⲓ ⲛⲧⲉ ⲛⲉϥⲙⲉⲧϣⲉⲛ ϩⲏⲧ ⲉⲧⲟϣ ⲉϧⲟⲩⲛ ⲉⲡⲓⲑⲁⲙⲓⲟ ⲧⲏⲣϥ ⲛⲧⲉ ⲛⲉϥϫⲓϫ
ⲛⲉⲙ ⲡⲓⲣⲏϯ ⲉⲧⲉϥϣⲱⲡ ⲉⲣⲟϥ ⲥⲁⲧⲟⲧϥ ⲛⲣⲱⲙⲓ ⲛⲓⲃⲉⲛ ⲉⲑⲛⲁⲉⲣ ⲛⲟⲃⲓ ⲟⲩⲟϩ
ⲛⲧⲉϥⲧⲁⲥⲑⲟϥ ϩⲁⲣⲟϥ ⲉⲟⲩⲙⲉⲧⲁⲛⲟⲓⲁ ϧⲉⲛ ⲟⲩϩⲏⲧ ⲉϥⲥⲟⲩⲧⲱⲛ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲉϣⲱⲡ ⲟⲩⲟⲛ ϩⲁⲛ ⲙⲉⲩⲓ ⲕⲓⲙ ⲉⲣⲟⲕ
ⲉⲩϩⲟϫϩⲉϫ ⲙⲙⲟⲕ ⲟⲩⲟϩ ⲛⲑⲟⲕ (-ⲣⲗⲁ-) ⲟⲩϩⲓⲕⲁⲛⲟⲥ ⲁⲛ ⲉϩⲓⲧⲟⲩ ⲉⲃⲟⲗ
ⲁⲙⲟⲩ ⲉⲃⲟⲗ ⲉⲡⲓⲁⲏⲣ ⲟⲩⲟϩ ⲥⲉⲛⲁϣⲉ ⲛⲱⲟⲩ ⲉⲃⲟⲗϩⲁⲣⲟⲕ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲥⲉⲣ ⲛⲟⲫⲣⲓ ⲛⲁⲛ ⲉⲙⲁϣⲱ ⲉⲑⲣⲉⲛ‐
ⲫⲱⲧ ⲉϧⲟⲩⲛ ⲉⲧⲉⲛⲣⲓ ⲟⲩⲟϩ ⲛⲧⲉⲛϯ ϩⲑⲏⲛ ⲉⲣⲟⲛ ⲉⲙⲁϣⲱ ϧⲉⲛ ⲡⲉⲛⲃⲓⲟⲥ
ⲧⲏⲣϥ ϣⲁⲧⲉⲛⲉⲙⲓ ⲉⲣⲟⲛ ϫⲉ ⲛⲟⲓ ⲛⲁϣ ⲛⲣⲏϯ ⲉϣⲱⲡ ⲛⲧⲉⲕⲉⲣϩⲩⲡⲟⲙⲉⲛⲉⲓⲛ


### 0022

ϧⲉⲛ ⲡⲉⲕⲙⲁ ⲛϣⲱⲡⲓ ⲓⲉ ⲁⲕϣⲱⲡⲓ ⲉⲕϫⲟⲩϣⲧ ⲉⲃⲟⲗ ϧⲁ ⲧϩⲏ ⲙⲡⲉⲕⲙⲟⲩ
ⲉϣⲱⲡ ⲛⲧⲉⲕⲙⲟⲩⲛ ⲉⲃⲟⲗ ⲉⲕⲧⲱⲃϩ ⲛϫⲱⲣϩ ⲛⲉⲙ ⲙⲉⲣⲓ ⲓⲉ ⲁⲕϫⲟⲩϣⲧ ⲉⲃⲟⲗ‐
ϧⲁ ⲧϩⲏ ⲙⲡⲉⲕⲙⲟϥ ⲉϣⲱⲡ ⲡⲉⲕϣⲟⲡ ϧⲉⲛ ⲡⲓϣⲁϥⲉ ⲁⲧϭⲛⲉ ϩⲗⲓ ⲙⲙⲉⲧϣⲫⲏⲣ
ⲛⲧⲉ ⲛⲉⲕⲕⲁⲧⲁ ⲥⲁⲣⲝ ⲓⲉ ⲁⲕⲟⲩⲱϣ ⲉⲙⲟϥ ⲉⲃⲟⲗϧⲁ ⲡⲓⲕⲟⲥⲙⲟⲥ. ϯϫⲱ ⲅⲁⲣ
ⲙⲙⲟⲥ ⲛⲱⲧⲉⲛ ϫⲉ ⲁⲓⲉⲣ ⲡⲁⲥⲏⲟⲩ ⲧⲏⲣϥ ⲉⲓⲟⲩⲱⲙ ⲛⲟⲩϣⲓ ⲛⲱⲓⲕ ⲛⲓⲱⲧ ⲉⲓⲥⲱ
ⲛⲟⲩϣⲓ ⲙⲙⲱⲟϥ ⲉϥⲑⲉϩ ⲟⲩⲟϩ ⲉϣⲱⲡ ⲁⲓϣⲁⲛⲟⲩⲱϣ ⲉϣⲉ ⲛⲏⲓ ⲉⲟⲩⲙⲁ
ϣⲁⲓⲁⲣⲉϩ ⲉⲣⲟⲓ ⲉⲓⲙⲟϣⲓ ⲉϣⲧⲉⲙϩⲱⲙⲓ ⲉϩⲣⲏⲓ ⲉϫⲉⲛ ϩⲗⲓ ⲛϣⲉ ⲛⲧⲁⲧⲥⲓ
ⲛⲥϩⲓⲙⲓ ⲉⲡⲧⲏⲣϥ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲡⲓⲅⲣⲁⲡⲧⲟⲛ ⲛⲛⲟⲙⲟⲥ ⲁⲛ ⲡⲉ
ϯⲙⲉⲑⲙⲏⲓ ⲁⲗⲗⲁ ⲡⲓϩⲏⲧ ⲉⲧⲧⲟⲩⲁⲃⲏⲟⲩⲧ ⲑⲁⲓ ⲧⲉ ϯⲙⲉⲑⲙⲏⲓ ⲛⲧⲉ ⲡⲓⲣⲱⲙⲓ.
(-ⲣ︦ⲗ︦ⲃ︦︦-) ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲓⲟⲩⲱϣ ⲉϩⲱⲗ ⲉⲫⲙⲁⲣⲏⲥ
ⲁⲩⲧⲁϩⲛⲟ ⲙⲙⲟⲓ ϫⲉ ⲙⲡⲉⲣϣⲉ ⲁⲗⲗⲁ ϩⲱⲗ ⲉⲡⲧⲱⲟⲩ. ⲟⲩⲟⲛ ⲅ̄ ⲛϩⲱⲃ ⲭⲏ
ϧⲉⲛ ⲡⲕⲟⲥⲙⲟⲥ ⲟⲩⲟϩ ⲥⲉⲭⲏ ϩⲓ ⲡⲓⲧⲱⲟⲩ ⲁⲛ ⲡⲓⲃⲁⲗ ϯ ⲛⲉⲙ ⲡⲓⲣⲱⲙⲓ ⲛⲉⲙ
ⲡⲓⲗⲁⲥ ⲛⲉⲙ ⲡⲓⲙⲁϣϫ ⲡⲓⲧⲱⲟⲩ ⲇⲉ ⲛⲑⲟϥ ϣⲁ ⲟⲩϩⲏⲧ ⲙⲙⲁⲩⲁⲧϥ ⲡⲉ ⲉⲧϯ
ⲛⲉⲙⲁϥ ⲙⲏ ⲛⲁⲛⲉ ⲟⲩⲁⲓ ⲁⲛ ϫⲉ ⲉϩⲟⲧⲉ ⲇ̄.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲉϣⲱⲡ ⲉⲓⲛⲏⲟⲩ ⲉⲃⲟⲗϧⲉⲛ ⲧⲁⲣⲓ


### 0023

ⲉⲑⲣⲓϣⲉ ϣⲁ ⲛⲓⲣⲱⲙⲓ ⲉⲓⲃⲱϣ ⲙⲙⲟⲓ ⲛⲧⲁⲥⲧⲟⲗⲏ ⲉⲓⲛⲏⲟⲩ ⲉⲃⲟⲗ ⲉⲓⲃⲏϣ
ⲉϣⲱⲡ ⲛⲧⲁⲓ ⲉϧⲟⲩⲛ ϯϯ ⲙⲙⲟⲥ ϩⲓⲱⲧ ⲛⲕⲉⲥⲟⲡ ⲉⲧⲉ ⲫⲁⲓ ⲡⲉ ϫⲉ ⲉⲓⲛⲏⲟⲩⲉⲃⲟⲗ
ϣⲁ ⲛⲓⲣⲱⲙⲓ ϣⲁⲓⲉⲣ ⲥⲁⲣⲝ ⲟⲩⲟϩ ⲁⲓϣⲁⲛⲧⲁⲥⲑⲟⲓ ⲉⲡⲁⲙⲁ ⲛϣⲱⲡⲓ ⲟⲛ ϣⲁⲓⲉⲣ
ⲡ︦ⲛ︦ⲁ︦ ϣⲁⲓⲉⲣ ⲣⲱⲙⲓ ⲛⲉⲙ ⲛⲓⲣⲱⲙⲓ ⲟⲩⲟϩ ϣⲁⲓⲉⲣ ⲡ︦︦ⲛ︦ⲁ︦ ⲛⲉⲙ ⲫ︦ϯ︦. ⲡⲓⲥⲱⲙⲁ
ⲇⲉ ⲟⲩⲏⲓ ⲡⲉ ⲛⲧⲉ ⲡⲓϩⲏⲧ ⲉⲣⲉ ⲡⲓⲣⲟ ⲧⲟⲓ ⲉⲣⲟϥ ⲛⲉⲙ ⲛⲓϣⲟⲩϣⲧ ⲉϣⲱⲡ ⲉⲓⲛⲏⲟⲩ
ⲉⲃⲟⲗ ϣⲁ ⲛⲓⲣⲱⲙⲓ ⲥⲉⲟⲩⲏⲛ ⲧⲏⲣⲟⲩ ⲟⲩⲟϩ ⲛⲓⲥⲁⲣⲁⲑⲏⲟⲩ ⲛⲉⲙ ⲛⲓϩⲱⲓⲙⲓ
ⲛⲏⲟ ⲉϧⲟⲩⲛ ⲉⲧⲉ ⲫⲁⲓ ⲡⲉ ⲥⲉⲥⲱⲧⲉⲙ ⲅⲁⲣ ⲟⲩⲟϩ ⲥⲉⲛⲁⲩ ⲟⲩⲟϩ ⲥⲉⲥⲁϫⲓ ⲟⲩⲟϩ
ⲥⲉϣⲱⲗⲉⲙ ⲟⲛ. ⲉⲓϣⲱⲡ ⲉⲓⲭⲏ ϧⲉⲛ ⲧⲁⲣⲓ ⲥⲉϣⲑⲁⲙⲏⲧ ⲟⲩⲟϩ ϯⲟⲓ ⲛⲁⲧϫⲟ‐
ⲥⲉⲙ (-ⲣ︦ⲗ︦ⲅ︦-) ⲡⲁϩⲏⲧ ⲙⲙⲁⲩⲁⲧϥ ⲡⲉ ⲉϯϭⲏⲟⲩ ⲛⲉⲙⲁϥ ⲟⲩⲟϩ ϯⲟⲓ ⲛⲣⲉⲙϩⲉ
ⲉⲃⲟⲗϩⲁ ⲡⲓⲇ̄. ⲫⲏ ⲅⲁⲣ ⲉⲧⲥⲁϫⲓ ϧⲉⲛ ⲟⲩⲕⲁϯ ⲉϥⲕⲱⲧ ⲙⲙⲟϥ ⲉϥⲕⲱⲧ
ⲙⲡⲉϥⲁⲣⲏⲟⲩ ⲫⲏ ⲉⲧⲭⲱ ⲛⲣⲱϥ ⲟⲩⲁⲧⲕⲓⲛⲇⲩⲛⲟⲥ ⲡⲉ ⲉⲧⲁ ⲙⲁⲣⲓⲁ ⲅⲁⲣ ⲉⲣ
ϯⲡⲣⲁⲝⲓⲥ ⲛϣⲟⲣⲡ ⲙⲡⲁⲧⲉⲥⲓ ⲉϫⲉⲛ ⲡⲓⲉⲙⲓ ⲙⲙⲏⲓ ⲛⲧⲉ ⲫ︦ϯ︦.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲟⲩ ⲡⲉ ⲡⲓⲣⲏϯ ⲛϩⲉⲙⲥⲓ ϧⲉⲛ ϯⲣⲓ
ⲡⲁⲓⲱⲧ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲫⲏ ⲉⲑⲟⲩⲟⲛϩ ⲉⲛⲓⲣⲱⲙⲓ ⲫⲁⲓ ⲡⲉ ⲡⲓ... ϣⲁ
ⲣⲟⲩϩⲓ ⲙⲙⲏⲛⲓ ⲛⲉⲙ ⲡⲓϣⲣⲱⲓⲥ ⲛⲉⲙ ϯⲙⲉⲗⲉⲧⲏ ⲛⲏ ⲇⲉ ϩⲱⲟⲩ ⲉⲧϩⲏⲡ


### 0024

ⲉⲛⲓⲣⲱⲙⲓ ⲛⲁⲓ ⲛⲉ ϯⲙⲉⲧⲁⲧⲟⲡⲕ ⲛⲉⲙ ϯⲙⲉⲧⲣⲉϥϯ ⲟⲩⲃⲉ ⲛⲓⲙⲉⲩⲓ ⲙⲡⲟⲛⲏ‐
ⲣⲟⲛ ⲛⲉⲙ ϯⲙⲉⲧⲁⲧϫⲱⲛⲧ ⲛⲉⲙ ⲡⲓⲭⲁ ⲡⲉⲕⲙⲟⲩ ⲉϥϧⲉⲛⲧ ⲉⲣⲟⲕ ⲛⲉⲙ ⲡⲓⲑⲉ‐
ⲃⲓⲟ ⲛϩⲏⲧ ⲡⲗⲱⲃϣ ⲛⲧⲉ ⲛⲓⲁⲅⲁⲑⲟⲛ ⲧⲏⲣⲟⲩ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲓⲛⲁⲩ ⲉⲛⲓⲫⲁϣ ⲧⲏⲣⲟⲩ ⲛⲧⲉ ⲡⲓ‐
ⲇⲓⲁⲃⲟⲗⲟⲥ ⲉⲩⲫⲟⲣϣ ⲉⲃⲟⲗ ⲉϫⲉⲛ ⲡⲓⲕⲟⲥⲙⲟⲥ ⲧⲏⲣϥ ⲟⲩⲟϩ ⲉⲧⲁⲓϥⲓ ⲁϩⲟⲙ
ⲉⲓϫⲱ ⲙⲙⲟⲥ ϫⲉ ⲡⲟ︦ⲥ︦ ⲛⲓⲙ ⲡⲉ ⲉⲑⲛⲁϣⲥⲉⲛ ⲛⲁⲓ ⲧⲏⲣⲟⲩ ⲉⲧϫⲟⲣϫ ⲉϯⲙⲉⲧ‐
ⲣⲱⲙⲓ ⲟⲩⲟϩ ⲁ ⲟⲩⲥⲙⲏ ϣⲱⲡⲓ ϩⲁⲣⲟⲓ ⲉⲥ- (-ⲣ︦ⲗ︦ⲇ︦-) ϫⲱ ⲙⲙⲟⲥ ϫⲉ ⲡⲓⲑⲉⲃⲓⲟ
ⲛⲉⲙ ⲡⲓⲙⲟⲩⲛ ⲉ︦ⲫ︦ϯ︦ ⲉⲑⲛⲁⲥⲉⲛ ⲛⲁⲓ ⲧⲏⲣⲟⲩ ⲛⲧⲟⲩϣⲧⲉⲙⲁⲙⲟⲛⲓ ⲙⲫⲏ
ⲉⲑⲛⲁϫⲫⲱⲟⲩ ⲛⲁϥ ⲟⲩⲇⲉ ⲛⲧⲟⲩϣⲧⲉⲙϭⲓⲧϥ ⲛϫⲟⲛⲥ ⲛϩⲗⲓ.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲁⲛⲧⲱⲛⲓⲟⲥ ⲉϥϫⲱ ⲙⲙⲟⲥ ϫⲉ ⲡⲁⲓⲱⲧ ⲟⲩ ⲡⲉ
ⲉϯⲛⲁⲁⲓϥ ϩⲓⲛⲁ ⲛⲧⲁⲣⲁⲛⲁϥ ⲙⲫ︦ϯ︦. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲫⲏ ⲉⲧϯⲛⲁ‐
ϫⲟϥ ⲛⲁⲕ ⲭⲛⲁⲁⲓϥ. ⲡⲉϫⲉ ⲡⲥⲟⲛ ⲛⲁϥ ϫⲉ ⲥⲉ ⲡⲁⲓⲱⲧ. ⲡⲉϫⲉ ⲡⲓϧⲉⲗⲗⲟ ⲛⲁϥ
ϫⲉ ⲙⲁⲓ ⲛⲓⲃⲉⲛ ⲉⲧⲉⲕⲛⲁϩⲱⲗ ⲉⲣⲟϥ ⲭⲁ ⲫ︦ϯ︦ ⲙⲡⲉⲙⲑⲟ ⲛⲛⲉⲕⲃⲁⲗ ⲉⲃⲟⲗ
ⲛⲥⲏⲟⲩ ⲛⲓⲃⲉⲛ ⲟⲩⲟϩ ϩⲱⲃ ⲛⲓⲃⲉⲛ ⲉⲧⲉⲕⲓⲣⲓ ⲙⲙⲱⲟⲩ ⲙⲁⲣⲉ ⲧⲟⲩⲙⲉⲧⲙⲉⲑⲣⲉ
ϣⲱⲡⲓ ⲛⲁⲕ ⲉⲃⲟⲗϧⲉⲛ ⲛⲓⲅⲣⲁⲫⲏ ⲉⲑⲟⲩⲁⲃ ⲟⲩⲟϩ ⲟⲛ ⲧⲟⲡⲟⲥ ⲛⲓⲃⲉⲛ ⲉⲧⲉⲕ‐
ⲛⲁϣⲱⲡⲓ ⲛϧⲏⲧⲟⲩ ⲙⲡⲉⲣⲟⲩⲱⲧⲉⲃ ⲛϧⲏⲧⲟⲩ ⲛⲭⲱⲗⲉⲙ. ⲡⲁⲓⲅ̄ ⲛϩⲱⲃ ⲁⲣⲉϩ
ⲉⲣⲱⲟⲩ ⲭⲛⲁⲛⲟϩⲉⲙ.


### 0025

ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲙⲡⲉⲣⲙⲟϣⲓ ⲛⲉⲙ ⲟⲩϭⲁⲥⲓ ϩⲏⲧ ⲟⲩⲇⲉ
ⲟⲩⲣⲉϥϫⲱⲛⲧ ⲁⲗⲗⲁ ⲙⲟϣⲓ ⲛⲉⲙ ⲛⲏ ⲉⲧⲑⲉⲃⲓⲏⲟⲩⲧ ⲛⲥⲏⲟⲩ ⲛⲓⲃⲉⲛ ⲙⲁⲣⲉ
ⲛⲉⲕⲥⲁϫⲓ ϣⲱⲡⲓ ⲉⲩϣⲏⲟⲩ ϧⲉⲛ ⲟⲩⲙⲁϣⲓ ⲉⲑⲣⲟⲩϣⲱⲡⲓ ⲛϩⲏⲟⲩ ⲛⲛⲏ ⲉⲑⲛⲁ‐
ⲥⲱⲧⲉⲙ ⲉⲣⲱⲟⲩ (-ⲣ︦ⲗ︦ⲉ︦-) ⲉⲕⲟⲓ ⲛⲥⲡⲟⲩⲇⲁⲓⲟⲥ ⲉⲕⲙⲟⲕϩ ⲛϩⲏⲧ ⲉϫⲉⲛ ⲡⲉⲕⲥⲟⲛ
ⲉⲕⲟⲓ ⲛϣⲁⲛ ⲑⲙⲁϧⲧ ⲉⲣⲟϥ ⲉⲣⲉ ⲡⲉⲕⲥⲁϫⲓ ϩⲟⲗϫ ⲛⲛⲁⲩ ⲛⲓⲃⲉⲛ. ϯⲙⲉⲧϩⲏⲕⲓ
ⲙⲉⲛⲣⲓⲧⲥ ⲉⲙⲁϣⲱ ⲙⲉⲛⲣⲉ ⲡⲓϧⲓⲥⲓ ⲫⲱⲧ ⲉϧⲟⲩⲛ ⲉⲣⲟϥ ϣⲉⲡ ⲙⲕⲁϩ ϧⲉⲛ
ⲧⲉⲕⲥⲁⲣⲝ ϩⲓⲛⲁ ⲛⲧⲉⲕϭⲣⲟ ⲛⲛⲓⲡⲁⲑⲟⲥ ⲛⲧⲉ ⲡⲓⲥⲱⲙⲁ ⲁⲣⲓ ⲁⲅⲱⲛⲓⲍⲉⲥⲑⲁⲓ
ϩⲓⲛⲁ ⲛⲧⲉⲕϭⲣⲟ ⲉⲛⲓⲡⲟⲗⲉⲙⲟⲥ ⲉⲧϯ ⲛⲉⲙⲁϥ ⲡⲓⲥⲟⲫⲟⲥ ⲅⲁⲣ ⲉϥⲉⲙⲓ ⲉⲡⲉϥ‐
ⲙⲱⲓⲧ ⲙⲙⲟϣⲓ ϫⲉ ϩⲓⲛⲁ ⲛⲧⲉϥⲉⲣⲁⲡⲁⲛⲧⲁⲛ ⲉⲛⲓⲫⲱⲥⲧⲏⲣ ⲛⲉⲡⲟⲩⲣⲁⲛⲓⲟⲛ
ⲛⲧⲉ ⲛⲓⲫⲏⲟⲩⲓ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲡⲓϭⲁⲙⲟⲩⲗ ⲟⲩⲕⲟⲩϫⲓ ⲧⲉ ⲧⲉϥϧⲣⲉ
ϥⲣⲱⲓⲥ ⲉⲣⲟⲥ ⲥⲁϧⲟⲩⲛ ⲙⲙⲟϥ ϣⲁⲧⲉϥϩⲱⲗ ⲉⲡⲉϥⲟⲩⲟⲛϩϥ ⲛⲧⲉϥⲓⲛⲓ ⲙⲙⲟⲥ
ⲉⲡϣⲱⲓ ⲛⲧⲉϥⲥⲁⲑⲙⲓ ⲉϫⲱⲥ ϣⲁⲧⲉⲥϩⲱⲗ ⲉϧⲟⲩⲛ ⲉⲛⲉϥⲕⲁⲥ ⲛⲉⲙ ⲛⲉϥⲁϥⲟⲩⲓ.
ⲡⲓϩⲑⲟ ⲇⲉ ϩⲱϥ ⲟⲩⲛⲓϣϯ ⲧⲉ ⲧⲉϥϧⲣⲉ ⲉϥⲟⲩⲱⲙ ⲛⲛⲓⲛⲁⲩ ⲧⲏⲣⲟⲩ ⲉϥⲧⲁⲕⲟ
ⲙⲙⲱⲟⲩ ⲧⲏⲣⲟⲩ ⲥⲁⲧⲟⲧϥ. ϯⲛⲟⲩ ϫⲉ ⲙⲡⲉⲛⲑⲣⲉⲛϣⲱⲡⲓ ⲙⲫⲣⲏϯ ⲙⲡⲓϩⲑⲟ


### 0026

ⲉⲧⲉ ⲫⲁⲓ ⲡⲉ ϫⲉ ⲛⲱϣ ⲛⲛⲓⲥⲁϫⲓ ⲛⲧⲉ ⲫ︦ϯ︦ ⲛⲛⲓⲛⲁϥ ⲧⲏⲣⲟⲩ ⲟⲩⲟϩ ⲧⲉⲛⲓⲣⲓ ⲁⲛ
ⲛⲟⲩⲁⲓ ⲙⲙⲱⲟⲩ (-ⲣ︦ⲗ︦ⲥ︦-) ⲁⲗⲗⲁ ⲙⲁⲣⲉⲛϭⲓ ⲙⲡⲓⲛⲓ ⲙⲡⲓϭⲁⲙⲟⲩⲗ ⲛⲱϣ
ⲙⲫⲟⲩⲁⲓ ⲫⲟⲩⲁⲓ ⲛⲛⲓⲥⲁϫⲓ ⲛⲧⲉ ϯⲅⲣⲁⲫⲏ ⲉⲑⲟⲩⲁⲃ ⲉⲛⲣⲱⲓⲥ ⲉⲣⲟϥ ⲥⲁϧⲟⲩⲛ
ⲙⲙⲟⲛ ϣⲁⲧⲉⲛϫⲟⲕϥ ⲉⲃⲟⲗ ⲛⲏ ⲅⲁⲣ ⲉⲧⲁⲩϫⲟⲕⲟϥ ⲉⲃⲟⲗ ϩⲁⲛ ⲣⲱⲙⲓ ϩⲱⲟⲩ
ⲛⲉ ⲙⲡⲉⲛⲣⲏϯ ⲉⲣⲉ ⲛⲓⲡⲁⲑⲟⲥ ϭⲏⲟⲩⲧ ⲛⲉⲙⲱⲟⲩ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ⲉⲣⲉ ⲛⲓⲥⲛⲏⲟⲩ ϩⲉⲙⲥⲓ ⲙⲡⲉϥⲕⲱϯ ϫⲉ ⲙⲁ‐
ⲣⲉⲛⲉⲣⲁⲅⲱⲛⲓⲍⲉⲥⲑⲁⲓ ϫⲉ ⲟⲩⲏⲓ ⲅⲁⲣ ϯⲕⲉϩⲉⲃⲥⲱ ⲛⲧⲉ ⲡⲓⲙⲟⲛⲁⲭⲟⲥ ⲟⲩϣⲟⲩ
ⲙⲟⲥϯ ⲡⲉ ⲛⲁϩⲣⲉⲛ ⲛⲓⲇⲁⲓⲙⲱⲛ. ⲁⲓⲟⲩⲱϣ ⲅⲁⲣ ⲛⲟⲩⲥⲟⲡ ⲉⲉⲣⲇⲟⲕⲓⲙⲁⲍⲉⲓⲛ
ⲙⲙⲱⲟⲩ ⲉⲑⲃⲉ ⲡⲁⲓϩⲱⲃ ⲁⲓⲱⲗⲓ ⲛϯⲕⲟⲗⲟⲃⲓ ⲛⲉⲙ ϯⲙⲁⲣ ⲛϭⲛⲁϩ ⲛⲉⲙ
ϯⲭⲗⲁϥⲧ ⲁⲓϩⲓⲧⲟⲩ ⲉϫⲉⲛ ⲟⲩⲣⲱⲙ ⲁⲓⲉⲣⲥⲭⲏⲙⲁⲧⲓⲍⲉⲓⲛ ⲙⲙⲟϥ ⲁⲓⲧⲁϩⲟϥ
ⲉⲣⲁⲧϥ ⲁⲓⲛⲁⲩ ⲉⲛⲓⲇⲁⲓⲙⲱⲛ ⲉⲩⲟϩⲓ ⲉⲣⲁⲧⲟⲩ ϩⲓ ⲫⲟⲩⲉⲓ ⲉⲩϭⲉⲗⲕ ⲥⲟⲑⲛⲉϥ
ⲉⲣⲟϥ. ⲡⲉϫⲏⲓ ⲛⲱⲟⲩ ⲱ ⲛⲓⲡ︦ⲛ︦ⲁ︦ ⲉⲧϩⲱⲟⲩ ⲟⲩ ⲡⲉ ⲫⲁⲓ ⲉⲣⲉⲧⲉⲛⲓⲣⲓ ⲙⲙⲟϥ ⲟⲩ‐
ⲣⲱⲙⲓ ⲅⲁⲣ ⲁⲛ ⲡⲉ ⲁⲗⲗⲁ ⲟⲩⲉⲙⲣⲱⲙ ⲡⲉ. ⲡⲉϫⲱⲟⲩ ⲛⲏⲓ ϫⲉ ⲧⲉⲛⲉⲙⲓ ϩⲱⲛ
ⲁⲗⲗⲁ ⲛϩⲓⲟⲩⲓ ⲉⲣⲟϥ ⲁⲛ ⲁⲗⲗⲁ ⲛϩⲓⲟⲩⲓ ⲉⲛⲓϩⲃⲱⲥ ⲉⲧⲉϥⲉⲣⲫⲟⲣⲉⲓⲛ ⲙⲙⲱⲟⲩ
ⲛⲉⲙ ⲡⲓⲥⲭⲏⲙⲁ (-ⲣ︦ⲗ︦ⲍ︦-) ⲡⲉϫⲏⲓ ⲛⲱⲟⲩ ϫⲉ ⲟⲩ ⲙⲡⲉⲧϩⲱⲟⲩ ⲉⲧⲉ ⲛⲁⲓ ⲓⲣⲓ
ⲙⲙⲟϥ ⲛⲱⲧⲉⲛ. ⲡⲉϫⲱⲟⲩ ⲛⲏⲓ ϫⲉ ⲛⲁⲓ ⲛⲉ ⲛⲓⲥⲕⲉⲩⲟⲥ ⲙⲡⲟⲗⲉⲙⲓⲕⲟⲛ ⲛⲧⲉ
ⲛⲏ ⲉⲧϯ ϧⲓⲥⲓ ⲛⲁⲛ ⲟⲩⲟϩ ⲉⲧⲣⲱϧⲧ ⲙⲙⲟⲛ ⲉϧⲣⲏⲓ ⲛⲛⲓⲛⲁⲩ ⲧⲏⲣⲟⲩ ⲉⲑⲃⲉ


### 0027

ⲫⲁⲓ ϣⲁ ⲉϧⲟⲩⲛ ⲉϯⲕⲉϩⲉⲃⲥⲱ ⲥϯ ϧⲓⲥⲓ ⲛⲁⲛ. ⲛⲁⲓ ⲇⲉ ⲉⲧⲁⲓⲥⲱⲧⲉⲙ ⲉⲣⲱⲟⲩ
ⲁⲓϯ ⲱⲟⲩ ⲙⲫ︦ϯ︦ ⲫⲏ ⲉⲑⲛⲟϩⲉⲙ ⲛⲛⲏ ⲉⲧⲉⲣ ϩⲉⲗⲡⲓⲥ ⲉⲣⲟϥ ⲛⲧⲟⲧⲟⲩ ⲛⲛⲓⲡ︦ⲛ︦︦︦ⲁ︦
ⲉⲧϩⲱⲟⲩ ⲛⲧⲉ ⲡⲓⲇⲓⲁⲃⲟⲗⲟⲥ ⲛⲁⲓ ⲉⲑⲃⲟⲧⲥ ⲉⲛⲏ ⲉⲑⲟⲩⲁⲃ ⲙⲡⲓⲉϩⲟⲟϥ ⲛⲉⲙ ⲡⲓⲉ‐
ϫⲱⲣϩ ⲉϥϫⲱⲣ ⲙⲡⲟⲩⲥⲟϭⲛⲓ ⲉⲃⲟⲗ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲡⲓⲣⲱⲙⲓ ⲉⲧⲁϥⲓ ϧⲁ ⲡⲉϥϣⲫⲏⲣ ϧⲉⲛ
ⲡⲓⲉⲩⲁⲅⲅⲉⲗⲓⲟⲛ ϧⲉⲛ ϯⲫⲁϣⲓ ⲙⲡⲓⲉϫⲱⲣϩ ⲉⲁϥϫⲟⲥ ⲛⲁϥ ϫⲉ ⲙⲁ ⲅ̄ ⲛⲱⲓⲕ ⲛⲏⲓ
ⲉⲡⲟⲩϣⲁⲡ ϫⲉ ⲟⲩϣⲫⲏⲣ ⲛⲧⲏⲓ ⲁϥⲓ ϩⲁⲣⲟⲓ ⲉⲃⲟⲗϩⲓ ⲫⲙⲱⲓⲧ ⲡⲓⲅ̄ ⲛⲱⲓⲕ ⲅ̄ϯ
ⲛϫⲓⲛⲉⲣ ϩⲱⲃ ⲛⲉ ϯⲙⲉⲧϣⲉⲙⲙⲟ ϯⲙⲉⲧϩⲏⲕⲓ ⲛⲉⲙ ⲡⲓϩⲟϫϩⲉϫ ⲉⲧⲁ ϯⲙⲉⲧⲁ‐
ⲛⲟⲓⲁ ⲕⲱⲗϩ ⲉⲣⲟϥ ⲉϥⲉⲣⲁⲓⲧⲉⲓⲛ ⲉⲑⲃⲉ ⲡⲓⲛⲁⲓ ϩⲱⲥ ⲉϥⲉⲙⲓ ϫⲉ ⲛⲁⲓ ⲉⲧϭⲓ
ⲙⲱⲓⲧ ⲙⲡⲓⲣⲱⲙⲓ ⲉⲑⲣⲉϥⲉⲣ ⲫⲟⲩⲱϣ ⲙⲫ︦ϯ︦
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ (-ⲣ︦ⲗ︦︦ⲏ︦-) ⲙⲡⲉⲛⲑⲣⲉ ⲣⲱⲙⲓ ϫⲉ ⲙⲟⲛⲁ‐
ⲭⲟⲥ ϣⲉ ⲛⲁϥ ⲉⲫⲙⲁ ⲛⲥϩⲓⲙⲓ ⲓⲉ ⲛⲧⲉϥⲉⲣ ⲡⲁⲣⲣⲏⲥⲓⲁ ⲛⲉⲙⲱⲟⲩ ⲉⲃⲏⲗ ⲉⲟⲩⲟⲛ
ⲉⲁⲩϭⲓ ⲛϯϫⲟⲙ ⲛⲧⲉ ⲫ︦︦ϯ︦ ϫⲉ ⲟⲩⲏⲓ ϧⲉⲛ ⲡⲟⲩϫⲓ ⲛⲛⲁⲩ ⲥⲉⲭⲱ ⲙⲡⲓⲣⲱⲙⲓ
ⲉⲉⲙⲧⲟⲛ ⲁⲛ ⲁϥϣⲁⲛϩⲉⲙⲥⲓ ϧⲉⲛ ϯⲣⲓ. ⲟⲩⲟϩ ⲡⲉϫⲉ ⲟⲩⲁⲓ ⲛⲁϥ ϫⲉ ⲥϣⲉ ⲁⲛ
ⲉⲑⲣⲉⲛϩⲱⲗ ϣⲁⲣⲱⲟⲩ ⲛⲧⲉⲛϯ ⲛⲟⲙϯ ⲛⲱⲟⲩ. ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ


### 0028

ϫⲉ ⲓⲥϫⲉ ⲁⲕϭⲓ ⲙⲡⲓⲡ︦ⲛ︦ⲁ︦ ϩⲱⲗ ⲓⲥϫⲉ ⲙⲫⲏ ϯⲟⲩⲱϣ ⲁⲛ ⲉⲑⲣⲉⲕϣⲉ ⲫⲏ ⲅⲁⲣ
ⲉⲧϯ ⲙⲁ ⲛⲁⲕ ϣⲁⲧⲉⲕϩⲉⲓ ⲛⲑⲟϥ ⲡⲉ ⲉⲧϯ ⲛⲟⲙϯ ⲛⲱⲟⲩ ϩⲱⲟⲩ ϫⲉ ⲛⲧⲟⲩϩⲉⲓ
ⲟⲩⲓ ⲅⲁⲣ ⲧⲉ ϯⲫⲩⲥⲓⲥ ⲛⲧⲉ ⲡⲓⲛⲟⲙⲟⲥ ⲛϩⲏⲧ ϫⲉ ⲟⲩⲏⲓ ⲡϩⲏⲧ ⲙⲡⲓⲣⲱⲙⲓ ⲣⲁⲕⲓ
ⲉⲡⲓⲡⲉⲧϩⲱⲟⲩ. ⲟⲩⲟϩ ⲡⲉϫⲉ ⲡⲓⲥⲟⲛ ⲛⲁϥ ϫⲉ ⲛⲧⲁⲉⲣ ⲟⲩ ⲉⲑⲃⲉ ϯⲟⲓⲕⲟⲛⲟⲙⲓⲁ
ⲉⲧⲁⲩⲧⲉⲛϩⲟⲩⲧⲧ ⲉⲣⲟⲥ ⲛⲉ ⲟⲩⲣⲉϥⲉⲣ ⲫⲱϣⲉⲛ ⲡⲉ. ⲟⲩⲟϩ ⲡⲉϫⲉ ⲡⲓϩⲉⲗⲗⲟ ⲛⲁϥ
ϫⲉ ⲓⲥϫⲉ ⲁⲕϭⲓ ⲡ︦ⲛ︦ⲁ︦ ⲓⲉ ⲙⲟϣⲓ ⲓⲥϫⲉ ⲙⲫⲏ ϯⲟⲩⲱϣ ⲁⲛ ⲛⲧⲉⲕϣⲉ ⲙⲙⲟⲛ ⲫⲏ
ⲉⲧⲥⲟⲡⲥⲉⲡ ⲉⲣⲟⲕ ϣⲁ ⲧⲉⲕⲥⲗⲁϯ ϣⲁϥⲥⲱⲕ ⲙⲙⲱⲟⲩ ϩⲱⲟⲩ ϫⲉ ⲛⲧⲟⲩϩⲉⲓ.
ⲡⲗⲏⲛ ⲁⲣⲉϣⲁⲛ ⲡⲓⲣⲱⲙⲓ ϯ ⲛⲧⲉϥ- (-ⲣ︦ⲗ︦ⲑ︦-)) ϫⲟⲙ ⲙⲫ︦ϯ︦ ϥⲛⲁⲉⲣ ⲭⲣⲱⲙ
ⲉϥϣⲟⲡ ϩⲓϫⲉⲛ ⲡⲓⲕⲁϩⲓ. ⲡⲉϫⲉ ⲡⲓⲥⲟⲛ ⲛⲁϥ ϫⲉ ϯϫⲱ ⲙⲙⲟⲥ ⲡⲁⲓⲱⲧ ϫⲉ
ⲡⲓⲡⲓⲥⲧⲟⲥ ⲛⲣⲱⲙⲓ ⲛⲁⲁⲣⲉϩ ⲉⲣⲟϥ ϧⲉⲛ ⲙⲁⲓ ⲛⲓⲃⲉⲛ ⲉⲧⲉϥⲛⲁϩⲱⲗ ⲉⲣⲱⲟⲩ.
ⲡⲉϫⲉ ⲡⲓϩⲉⲗⲗⲟ ϫⲉ ⲙⲙⲟⲛ ⲁⲗⲗⲁ ⲁⲛⲁⲩ ⲛⲁⲕ ϫⲉ ⲉϣⲱⲡ ⲟⲩⲟⲛ ⲟⲩⲟϩⲓ
ⲛⲣⲓⲣ ⲉϥⲛⲏⲟⲩ ⲉⲡϣⲱⲓ ϧⲉⲛ ⲫⲓⲁⲣⲟ ⲉⲩⲟϣϫ ⲛⲟⲙⲓ ⲟⲩⲟϩ ⲛⲧⲉⲕⲙⲟϣⲓ ϧⲉⲛ
ⲧⲟⲩⲙⲏϯ ⲕⲁⲛ ⲁⲩϣⲧⲉⲙⲧⲁⲟⲩⲟⲕ ⲉϧⲣⲏⲓ ⲁⲗⲗⲁ ⲥⲉⲛⲁⲁⲓⲕ ⲛⲗⲉⲗⲉⲭⲏⲙⲓ.
ⲁϥϫⲟⲥ ⲟⲛ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲥϣⲱⲡⲓ ⲙⲙⲟⲓ ⲉⲑ‐
ⲣⲓϣⲉ ⲛⲏⲓ ⲉⲣⲁⲕⲟϯ ϫⲉ ⲛⲧⲁϭⲓ ⲙⲡⲥⲙⲟⲩ ⲙⲡⲓⲥⲧⲩⲗⲟⲥ ⲉⲧⲉⲣ ⲟⲩⲱⲓⲛⲓ ⲡⲗⲱⲃϣ
ⲟⲩⲟϩ ⲡⲧⲁϫⲣⲟ ⲛϯⲕⲣⲏⲡⲓⲥ ⲛⲧⲉ ⲡⲓⲛⲁϩϯ ⲛⲁⲡⲟⲥⲧⲟⲗⲓⲕⲟⲛ ⲫⲏ ⲉⲧⲁϥⲉⲣ ⲙⲁ


### 0029

ⲛϣⲱⲡⲓ ⲙⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲙⲡⲁⲣⲁⲕⲗⲏⲧⲟⲛ ⲫⲏ ⲉⲧⲁ ⲡⲉϥϩⲏⲧ ϣⲱⲡⲓ ⲛⲟⲩ‐
ⲑⲣⲟⲛⲟⲥ ⲉϥⲟⲩⲁⲃ ⲙⲡⲓⲡⲁⲛⲧⲟⲕⲣⲁⲧⲱⲣ ⲫⲏ ⲉⲧⲁϥϣⲱⲡⲓ ⲉϥⲧⲁϫⲣⲏⲟⲩⲧ ϩⲓϫⲉⲛ
ⲧⲡⲓⲥⲧⲓⲥ ⲛϯⲧⲣⲓⲁⲥ ⲛⲟⲙⲟⲟⲩⲥⲓⲟⲥ ⲟⲩⲟϩ ⲙⲙⲟⲛⲁⲥ ⲡⲓⲙⲉⲛⲣⲓⲧ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦
ⲡⲭ︦ⲥ︦ ⲡⲓⲛⲓϣϯ ⲁⲑⲁ‐ (-ⲣ︦ⲙ︦-) ⲛⲁⲥⲓⲟⲥ ⲡϣⲏⲣⲓ ⲛⲛⲓⲁⲡⲟⲥⲧⲟⲗⲟⲥ ⲫⲏ ⲉⲧⲁϥⲉⲣ
ⲙⲁⲣⲧⲩⲣⲟⲥ ⲛⲟⲩⲙⲏϣ ⲛⲥⲟⲡ ⲉⲃⲟⲗϩⲓⲧⲉⲛ ⲛⲓⲟⲩⲣⲱⲟⲩ ⲉⲑⲃⲉ ⲡⲓⲛⲁϩϯ ⲉⲧⲥⲟⲩ‐
ⲧⲱⲛ ⲛⲧⲉ ϯⲟⲣⲑⲟⲇⲟⲝⲓⲁ ⲟⲩⲟϩ ⲁⲓϩⲉⲙⲥⲓ ϧⲁⲧⲟⲧϥ ⲛⲉϩⲟⲟⲩ ⲃ︦. ⲟⲩⲟϩ ⲁϥϣⲱⲡⲓ
ⲉϥⲥⲁϫⲓ ⲛⲉⲙⲏⲓ ϧⲉⲛ ϩⲁⲛ ⲕⲉⲫⲁⲗⲁⲓⲟⲛ ⲛⲧⲉ ϯⲅⲣⲁⲫⲏ ⲟⲩⲟϩ ⲉⲃⲟⲗϩⲓⲧⲉⲛ
ⲡϩⲗⲟϫ ⲛⲧⲉ ⲛⲉϥⲥⲁϫⲓ ⲉⲧϩⲟⲗϫ ⲟⲩⲟϩ ⲉⲧⲟⲛϧ ⲁⲓϩⲛⲓⲙ ⲛⲟⲩⲕⲟⲩϫⲓ. ⲟⲩⲟϩ
ⲉⲧⲁϥⲛⲉϩⲥⲓ ⲙⲙⲟⲓ ⲡⲉϫⲁϥ ⲛⲏⲓ ϫⲉ ⲁⲛⲧⲱⲛⲓⲟⲥ ⲧⲱⲛ ⲉⲃⲟⲗϧⲉⲛ ⲡⲁⲓⲉⲛⲕⲟⲧϥ
ⲙⲡⲁⲓⲣⲏϯ ϫⲉ ⲟⲩⲏⲓ ⲁϥϫⲟⲥ ⲛϫⲉ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ϫⲉ ⲁⲩⲉⲛⲕⲟⲧ ϧⲉⲛ ⲡⲟⲩ‐
ⲉⲛⲕⲟⲧ ⲙⲡⲟⲩϫⲉⲙ ϩⲏⲟⲩ ⲛϩⲗⲓ ⲟⲩⲟϩ ϫⲉ ⲫⲏ ⲉⲧⲣⲏⲥ ⲛⲉⲙ ⲫⲏ ⲉⲧⲉⲣⲛⲏⲫⲉⲓⲛ
ⲫⲁⲓ ⲡⲉ ⲫⲏ ⲉⲧⲣⲁϣⲓ ⲟⲩⲟϩ ⲉⲧⲟⲩⲛⲟϥ ϧⲉⲛ ⲡⲓⲱⲛϧ ⲛⲉⲛⲉϩ ϫⲉ ⲟⲩⲏⲓ ⲡⲓⲣⲁϣⲓ
ⲛⲧⲉ ⲡⲁⲓⲙⲁ ⲫⲁⲓ ⲁⲛ ⲡⲉ ⲡⲣⲁϣⲓ ⲟⲩⲟϩ ⲟⲛ ⲡⲓϩⲗⲟϫ ⲛⲧⲉ ⲡⲁⲓⲕⲟⲥⲙⲟⲥ ⲫⲁⲓ
ⲁⲛ ⲡⲉ ⲡⲓϩⲗⲟϫ. ⲛⲁⲓ ⲇⲉ ⲉⲧⲁϥϫⲟⲧⲟⲩ ⲛⲏⲓ ⲁⲓϩⲓⲧⲧ ⲉϧⲣⲏⲓ ⲁⲓⲟⲩⲱϣⲧ ⲙⲙⲟϥ
ⲁⲓⲧⲁⲥⲑⲟⲓ ⲉⲡⲁⲧⲟⲡⲟⲥ ⲉⲓϯ ⲱⲟⲩ ⲙⲫ︦ϯ︦
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ⲉ- (-ⲣ︦ⲙ︦ⲁ︦-) ⲧⲁϥⲓ ⲉⲃⲟⲗ ϣⲁ ⲛⲓⲥⲛⲏⲟⲩ ⲁ
ⲛⲓⲙⲟⲛⲁⲭⲟⲥ ⲉⲣⲁⲝⲓⲟⲓⲛ ⲙⲙⲟϥ ⲉⲥⲱⲧⲉⲙ ⲛⲟⲩⲥⲁϫⲓ ⲛⲧⲟⲧϥ ⲡⲉϫⲁϥ ⲛⲱⲟⲩ


### 0030

ϫⲉ ⲛⲓⲅⲣⲁⲫⲏ ⲙⲉⲛ ϩⲁⲛ ϩⲓⲕⲁⲛⲟⲥ ⲛⲉ ⲉⲡϫⲓ ⲛϯⲥⲃⲱ ⲛⲁⲛ ⲁⲛⲟⲛ ⲇⲉ ϩⲱⲛ
ⲟⲩϩⲱⲃ ⲉⲛⲁⲛⲉϥ ⲛⲁⲛ ⲡⲉ ⲉⲑⲣⲉⲛϯ ⲛⲟⲙϯ ⲛⲛⲉⲛⲉⲣⲏⲟⲩ ϧⲉⲛ ⲡⲓⲛⲁϩϯ ⲉⲧ‐
ⲥⲟⲩⲧⲱⲛ ⲛⲧⲉ ⲛⲉⲛⲓⲟϯ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲓϯ ϩⲟ ⲉⲫ︦ϯ︦ ⲛⲟⲩⲥⲟⲡ ϫⲉ ϩⲓⲛⲁ
ⲛⲧⲉϥⲧⲁⲙⲟⲓ ⲉϯⲃⲟⲏⲑⲉⲓⲁ ⲉⲧⲕⲱϯ ⲉⲡⲓⲙⲟⲛⲁⲭⲟⲥ ⲟⲩⲟϩ ⲉⲧⲓ ⲉⲓⲧⲱⲃϩ ⲁⲓⲛⲁⲩ
ⲉϩⲁⲛ ⲗⲁⲙⲡⲁⲥ ⲛⲭⲣⲱⲙ ⲛⲉⲙ ⲟⲩⲭⲟⲣⲟⲥ ⲛⲁⲅⲅⲉⲗⲟⲥ ⲉⲩⲕⲱϯ ⲉⲡⲓⲙⲟⲛⲁ‐
ⲭⲟⲥ ⲉⲩⲁⲣⲉϩ ⲉⲣⲟϥ ⲙⲫⲣⲏϯ ⲛⲧⲁⲗⲗⲟⲩ ⲛⲟⲩⲃⲁⲗ ⲟⲩⲟϩ ⲟⲩⲥⲙⲏ ⲁⲥⲓ ⲉⲃⲟⲗ‐
ϧⲉⲛ ⲧⲫⲉ ⲉⲥϫⲱ ⲙⲙⲟⲥ ϫⲉ ⲙⲡⲉⲣⲥⲉⲛϥ ⲉⲃⲟⲗ ⲁⲛ ϩⲟⲥⲟⲛ ⲉϥϣⲟⲡ ϧⲉⲛ ⲡⲓ‐
ⲥⲱⲙⲁ. ⲟⲩⲟϩ ⲉⲧⲁⲓⲛⲁⲩ ⲉⲧⲁⲓⲃⲟⲏⲑⲉⲓⲁ ⲙⲡⲁⲓⲣⲏϯ ⲉⲥⲕⲱϯ ⲉⲡⲓⲣⲱⲙⲓ ⲁⲛⲟⲕ
ⲇⲉ ⲁⲓϥⲓ ⲁϩⲟⲙ ⲉⲓϫⲱ ⲙⲙⲟⲥ ϫⲉ ⲟⲩⲟⲓ ⲛⲁⲕ ⲁⲛⲧⲱⲛⲓⲟⲥ ϫⲉ ⲧⲁⲓⲛⲓϣϯ ⲙⲃⲟⲏ‐
ⲑⲉⲓⲁ ⲁ ⲫ︦ϯ︦ ⲑⲁϣⲥ ⲛⲁⲕ ⲟⲩⲟϩ ⲕⲟⲓ ⲛⲁⲙⲉⲗⲏⲥ ⲉⲣⲟⲕ ⲛⲥⲏⲟϥ ⲛⲓⲃⲉⲛ.
ⲁϥϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲓϯ ϩⲟ ⲉⲫ︦ϯ︦ ⲉⲓϫⲱ ⲙⲙⲟⲥ ϫⲉ ⲡⲁⲟ︦ⲥ︦
ⲡⲱⲥ ⲧⲁⲓⲃⲟⲏⲑⲉⲓⲁ ⲙⲡⲁⲓⲣⲏϯ (-ⲣ︦ⲙ︦ⲃ︦-) ⲁⲕⲑⲁϣⲥ ⲙⲡⲓⲙⲟⲛⲁⲭⲟⲥ ⲟⲩⲟϩ
ⲡⲥⲁⲧⲁⲛⲁⲥ ϭⲓ ⲑⲓⲃⲥ ⲙⲙⲟϥ ⲙⲡⲁⲓⲣⲏϯ. ⲁⲓⲥⲱⲧⲉⲙ ⲉⲟⲩⲥⲙⲏ ⲉⲥϫⲱ ⲙⲙⲟⲥ
ϫⲉ ⲙⲙⲟⲛ ϣϫⲟⲙ ⲙⲫⲏ ⲉⲧϭⲓ ⲙⲙⲟϥ ⲛϫⲟⲛⲥ ⲟⲩⲁⲧϫⲟⲙ ⲅⲁⲣ ⲡⲉ ⲁⲛⲟⲕ
ⲡⲉ ⲉⲧⲁⲓⲉⲣⲉⲡⲓⲧⲓⲙⲁⲛ ⲛⲁϥ ⲛⲉⲙ ⲧⲉϥϫⲟⲙ ⲧⲏⲣⲥ ⲟⲩⲟϩ ⲁⲓϧⲉⲙϧⲱⲙϥ ⲁⲗⲗⲁ
ⲡⲓⲟⲩⲁⲓ ⲡⲓⲟⲩⲁⲓ ⲉⲩⲉⲣⲡⲉⲓⲣⲁⲍⲉⲓⲛ ⲙⲙⲟϥ ⲉⲃⲟⲗϩⲓⲧⲉⲛ ⲧⲉϥⲉⲡⲓⲑⲩⲙⲓⲁ ⲙⲙⲓⲛ


### 0031

ⲙⲙⲟϥ ⲛⲉⲙ ⲙⲉⲧⲁⲙⲉⲗⲉⲥ ϫⲉ ⲟⲩⲏⲓ ⲛⲑⲟϥ ⲡⲉ ⲉⲧⲟⲓ ⲛⲁⲙⲉⲗⲏⲥ ⲉⲡⲉϥⲟⲩϫⲁⲓ
ⲙⲙⲓⲛ ⲙⲙⲟϥ ⲛⲉⲙ ⲡⲓⲑⲱⲙ ⲛⲧⲉ ⲡⲉϥϩⲏⲧ ϫⲉ ⲟⲩⲏⲓ ϥⲕⲱϯ ⲁⲛ ⲉⲛⲟϩⲉⲙ.
ⲟⲩⲟϩ ⲡⲉϫⲏⲓ ϫⲉ ⲡⲁⲟ︦ⲥ︦ ⲡⲓⲟⲩⲁⲓ ⲡⲓⲟⲩⲁⲓ ϧⲉⲛ ⲛⲓⲙⲟⲛⲁⲭⲟⲥ ⲁⲕⲑⲱϣ ⲛⲁϥ
ⲛⲧⲁⲓⲃⲟⲏⲑⲉⲓⲁ ⲙⲡⲁⲓⲣⲏϯ. ⲟⲩⲟϩ ⲁⲩⲧⲁⲙⲟⲓ ⲉϩⲁⲛ ⲙⲏϣ ⲙⲙⲟⲛⲁⲭⲟⲥ ⲉⲣⲉ
ⲧⲁⲓⲃⲟⲏⲑⲉⲓⲁ ⲕⲱϯ ⲉⲣⲱⲟⲩ ⲧⲏⲣⲟⲩ ⲕⲁⲧⲁ ⲡⲓⲣⲏϯ ⲉⲧⲁⲓⲛⲁⲩ ⲛϣⲟⲣⲡ. ⲟⲩⲟϩ
ⲡⲉϫⲏⲓ ϫⲉ ⲱ ⲟⲩⲛⲓⲁⲧϥ ⲙⲡⲅⲉⲛⲟⲥ ⲛⲛⲓⲣⲱⲙⲓ ϫⲉ ϥⲉⲛⲧⲱⲟⲩ ⲙⲙⲁⲩ ⲛϫⲉ
ⲡⲁⲓⲟ︦ⲥ︦ ⲛⲁⲅⲁⲑⲟⲥ ⲟⲩⲟϩ ⲙⲙⲁⲓ ⲣⲱⲙⲓ.
ⲟⲩϧⲉⲗⲗⲟ ⲁϥⲉⲣⲁⲓⲧⲉⲓⲛ ⲙⲫ︦ϯ︦ ⲉⲛⲁⲩ ⲉⲛⲏ ⲉⲑⲟⲩⲁⲃ ⲟⲩⲟϩ ⲁϥⲛⲁⲩ ⲉⲣⲱⲟⲩ
ⲧⲏⲣⲟⲩ ϣⲁⲧⲉⲛ......