### 0001

(-ⲣ︦ⲍ︦-) ⲥⲁⲧⲣⲉ ⲁⲡⲁ ⲓⲱϩⲁⲛⲛⲏⲥ ⲗⲟ ⲉϥⲇⲓⲁⲕⲟⲛⲉⲓ ⲛⲛⲇⲓⲁⲕⲟⲛⲟⲥ ⲁϥⲃⲱⲕ
ⲉⲩⲙⲁ ⲙⲁⲩⲁⲁϥ ⲙⲛ ⲛⲉⲥⲛⲏⲩ ⲁⲩϫⲓ ⲛⲧⲉⲩⲕⲟⲩⲓ ⲛⲭⲣⲓⲁ ⲁⲩⲛⲕⲟⲧⲕ ϣⲁ‐
ϩⲧⲟⲟⲩⲉ. ϩⲧⲟⲟⲩⲉ ⲇⲉ ⲛⲧⲉⲣⲉϥϣⲱⲡⲉ ⲁⲩⲉⲓⲣⲉ ⲛⲧⲥⲩⲛⲁⲝⲓⲥ ⲁⲩϯ ⲡⲉⲩⲟⲩⲟⲓ ⲉⲣⲟϥ
ⲛϭⲓ ⲛⲇⲓⲁⲕⲟⲛⲟⲥ ⲉⲩϫⲱ ⲙⲙⲟⲥ ⲛⲁϥ ϫⲉ ⲱ ⲡⲉⲛⲉⲓⲱⲧ ⲉⲧⲟⲩⲁⲁⲃ ⲁⲣⲓ ⲧⲁⲅⲁⲡⲏ
ⲛⲅⲧⲁⲙⲟⲛ ⲉⲓⲱϩⲁⲛⲛⲏⲥ ⲛⲧⲛϯ ⲛⲁϥ ⲛⲛⲉⲥϩⲁⲓ ⲙⲡⲁⲣⲭⲓⲉⲡⲓⲥⲕⲟⲡⲟⲥ ϫⲉ ⲛⲉϥ‐
ⲗⲩⲡⲉⲓ ⲉⲧⲃⲏⲏⲧϥ ϫⲉ ⲁⲣⲏⲩ ⲁⲩⲡⲉⲑⲟⲟⲩ ⲧⲁϩⲟⲛ. ⲁϥⲟⲩⲱϣⲃ ⲛϭⲓ ⲁⲡⲁ ⲓⲱ‐
ϩⲁⲛⲛⲏⲥ ϫⲉ ⲉϣϫⲉ ⲁ ⲡⲁⲉⲓⲱⲧ ⲛⲁⲣⲭⲓⲉⲡⲓⲥⲕⲟⲡⲟⲥ ⲣ ⲡⲙⲉⲉⲩⲉ ⲛⲧⲁⲙⲛⲧⲉ‐
ⲃⲓⲏⲛ ⲉⲓⲉ ⲁⲛⲟⲕ ⲡⲉⲧⲉⲧⲛϣⲓⲛⲉ ⲛⲥⲱϥ. ⲛⲧⲉⲣⲟⲩⲥⲱⲧⲙ ⲇⲉ ⲉⲛⲁⲓ ⲛⲧⲟⲟⲧϥ
ⲛⲁⲡⲁ ⲓⲱϩⲁⲛⲛⲏⲥ ⲁⲩϥⲟϭⲟⲩ ⲉϩⲣⲁⲓ ⲁⲩⲡⲁϩⲧⲟⲩ ϩⲁ ⲛⲉϥⲟⲩⲉⲣⲏⲧⲉ ⲁⲩⲟⲩ‐
ⲱϣⲧ ⲛⲁϥ ⲉⲩϫⲱ ⲙⲙⲟⲥ ϫⲉ ⲟⲩⲟⲓ ⲛⲁⲛ ⲡⲉⲛⲉⲓⲱⲧ ⲉⲧⲟⲩⲁⲁⲃ ⲉⲧⲃⲉ ⲟⲩ ⲁⲕ‐
ϩⲟⲡⲕ ⲉⲣⲟⲛ ⲙⲡⲉⲕⲧⲁⲙⲟⲛ ⲉⲣⲟⲕ ⲉⲕⲇⲓⲁⲕⲟⲛⲉⲓ ⲉ- (-ⲣ︦ⲏ︦-) ⲣⲟⲛ ⲛⲑⲉ ⲛⲛⲓ‐
ϩⲙϩⲁⲗ. ⲁϥⲟⲩⲱϣⲃ ⲛϭⲓ ⲁⲡⲁ ⲓⲱϩⲁⲛⲛⲏⲥ ⲡⲉϫⲁϥ ⲛⲁⲩ ϩⲛ ⲟⲩⲛⲟϭ ⲛⲑⲃⲃⲓⲟ


### 0002

ϫⲉ ϣⲱⲡⲉ ⲣⲱ ⲁⲓⲙⲡϣⲁ ⲱ ⲛⲁⲙⲉⲣⲁⲧⲉ ⲛⲇⲓⲁⲕⲟⲛⲉⲓ ⲉⲣⲱⲧⲛ ϫⲉ ⲁⲛⲟⲕ ⲡⲓⲧⲁ‐
ⲗⲁⲓⲡⲱⲣⲟⲥ ⲛⲧⲱⲧⲛ ⲡⲉ ⲛϩⲩⲡⲉⲣⲉⲧⲏⲥ ⲁⲩⲱ ⲛⲇⲓⲁⲕⲟⲛⲟⲥ ⲙⲡⲛⲟϭ ⲛϣⲱⲥ ⲁⲩⲱ
ⲟⲛ ⲡϫⲁⲩ ⲙⲟⲉⲓⲧ ⲛⲛⲉⲛⲯⲩⲭⲏ ⲁⲛⲟⲕ ⲙⲁⲩⲁⲁⲧ ⲁⲛ ⲁⲗⲗⲁ ⲧⲟⲓⲕⲟⲩⲙⲉⲛⲏ
ⲧⲏⲣⲥ ⲛⲇⲓⲁⲧⲟⲭⲟⲥ ⲉⲧϩⲁⲣⲁⲧϥ ⲙⲡⲉⲭ︦ⲥ︦ ⲡⲁⲉⲓⲱⲧ ⲁⲡⲁ ⲑⲉⲟⲫⲓⲗⲟⲥ ⲡⲁⲣⲭⲓ‐
ⲉⲡⲓⲥⲕⲟⲡⲟⲥ ⲡⲁⲓ ⲛⲧⲁ ⲡⲉϥⲥϯ ⲛⲟⲩϥⲉ ⲡⲱϩ ϣⲁ ⲛⲉⲕⲣⲱⲟⲩ ⲛⲧⲟⲓⲕⲟⲩⲙⲉⲛⲏ
ⲡⲁⲓ ⲉⲛⲧⲁϥⲛⲁⲩ ⲉϩⲉⲛ ϭⲱⲗⲡ ⲉⲃⲟⲗ ⲙⲛ ϩⲉⲛ ⲁⲡⲟⲕⲁⲗⲩⲙⲯⲓⲥ ⲛⲑⲁⲩⲙⲁ
ϩⲛ ⲧⲉⲕⲕⲗⲏⲥⲓⲁ ⲙⲡⲃⲁⲡⲧⲓⲥⲧⲏⲣⲓⲟⲛ ⲉⲧⲟⲩⲁⲁⲃ. ⲁⲩⲟⲩⲱϣⲃ ⲛϭⲓ ⲛⲇⲓⲁⲕⲟⲛⲟⲥ
ⲉⲩϫⲱ ⲙⲙⲟⲥ ϫⲉ ⲛⲧⲟⲕ ⲡⲉ ⲡⲉⲛⲉⲓⲱⲧ ⲉⲧⲟⲩⲁⲁⲃ ⲁⲛⲉⲓⲙⲉ ⲙⲡⲟⲟⲩ ϫⲉ ⲡⲉⲡ︦︦︦︦ⲛ︦ⲁ︦
ⲙⲡⲛⲟⲩⲧⲉ ⲡⲉⲧϣⲟⲟⲡ ⲛⲙⲙⲁⲕ ⲁⲛⲙⲡϣⲁ ⲛⲟⲩⲛⲟϭ ⲛⲧⲁⲉⲓⲟ ⲙⲛ ⲟⲩⲥⲙⲟⲩ
ϫⲉ (-ⲣ︦ⲑ︦-) ⲁⲛⲁⲡⲁⲛⲧⲁ ⲉⲧⲉⲕⲙⲛⲧⲡⲉⲧⲟⲩⲁⲁⲃ. ⲛⲁⲓ ⲇⲉ ⲛⲧⲉⲣⲟⲩϫⲟⲟⲩ ⲁⲩϯ
ⲛⲁϥ ⲛⲧⲉⲡⲓⲥⲧⲟⲗⲏ ⲙⲡⲁⲣⲭⲓⲉⲡⲓⲥⲕⲟⲡⲟⲥ ⲁⲡⲁ ⲑⲉⲟⲫⲓⲗⲟⲥ ⲁϥϫⲓⲧⲥ ⲁϥⲁⲥ‐
ⲡⲁⲍⲉ ⲙⲙⲟⲥ ⲁϥⲣⲁϣⲉ ⲉⲙⲁⲧⲉ ⲡⲉϫⲁϥ ϫⲉ ⲁⲛⲅ ⲛⲓⲙ ⲁⲛⲟⲕ ϫⲉ ⲉⲣⲉ ⲡⲁϫⲟ‐
ⲉⲓⲥ ⲛⲁⲧⲛⲛⲟⲟⲩ ⲉⲣⲁⲧ. ⲡⲧⲉⲣⲉϥⲟϣⲥ ⲇⲉ ⲉⲣⲉ ⲛⲉⲥⲛⲏⲩ ⲥⲟⲟⲩϩ ⲁⲩⲁⲣⲭⲓ
ⲛⲙⲕⲁϩ ⲛϩⲏⲧ ⲉⲩϫⲱ ⲙⲙⲟⲥ ϫⲉ ⲉⲣⲉ ⲡⲉⲛⲉⲓⲱⲧ ⲡⲁⲣⲭⲓⲉⲡⲓⲥⲕⲟⲡⲟⲥ ⲛⲁϥⲓ
ⲛⲧⲟⲟⲧⲛ ⲙⲡⲉⲛⲉⲓⲱⲧ ⲛⲧⲛϣⲱⲡⲉ ⲛⲟⲣⲫⲁⲛⲟⲥ. ⲁⲩⲱ ⲛⲉⲩⲉⲣ ϩⲏⲃⲉ ⲉⲙⲁⲧⲉ
ⲡⲟⲩⲁ ⲡⲟⲩⲁ ⲛⲛⲁϩⲣⲙ ⲡⲉϥⲥⲟⲛ. ⲡⲡⲉⲧⲟⲩⲁⲁⲃ ⲇⲉ ⲁⲡⲁ ⲓⲱϩⲁⲛⲛⲏⲥ ⲛⲧⲉⲣⲉϥ‐


### 0003

ⲛⲁⲩ ⲉⲣⲟⲟⲩ ⲉⲩⲣ ϩⲏⲃⲉ ⲁϥⲥⲗⲥⲱⲗⲟⲩ ⲉϥϫⲱ ⲙⲙⲟⲥ ϫⲉ ⲙⲡⲣⲗⲩⲡⲉⲓ ⲡϫⲟⲉⲓⲥ
ⲁϥⲟⲩⲉϩⲥⲁϩⲛⲉ ⲙⲡⲓϩⲱⲃ ⲉⲧⲣⲁϫⲱⲕ ⲉⲃⲟⲗ ⲙⲡⲉϥⲟⲩⲱϣ ⲁⲩⲱ ϥⲛⲁϩⲁⲣⲉϩ
ⲉⲣⲱⲧⲛ ϣⲁⲛϯⲕⲧⲟⲓ ϣⲁⲣⲱⲧⲛ ϩⲛ ⲟⲩⲉⲓⲣⲏⲛⲏ ϯϭⲟⲩⲟⲛ ⲉⲧⲉⲧⲏⲙⲏⲛ ⲉⲃⲟⲗ
ϩⲛ ⲧⲡⲓⲥⲧⲓⲥ ⲙⲛ ⲧⲁⲅⲁⲡⲏ ⲉϩⲟⲩⲛ (-ⲣⲓ-) ⲉⲛⲉⲧⲛⲉⲣⲏⲩ ⲡⲣⲟⲥⲉⲭⲉ ⲉⲛⲉⲧⲛⲉ‐
ⲣⲏⲩ ⲛⲧⲉⲧⲛϩⲁⲣⲉϩ ⲉⲣⲱⲧⲛ ⲉⲛⲉⲡⲓⲃⲟⲩⲗⲏ ⲙⲡⲁⲛⲧⲓⲕⲓⲙⲉⲛⲟⲥ ⲁⲣⲓ ⲉⲓⲣⲏⲛⲏ
ⲙⲛ ⲛⲉⲧⲛⲉⲣⲏⲩ ⲁⲩⲱ ⲡⲛⲟⲩⲧⲉ ⲛϯⲣⲏⲛⲏ ⲛⲁϣⲱⲡⲉ ⲛⲙⲙⲏⲧⲛ. ⲛⲁⲓ ⲇⲉ
ⲛⲧⲉⲣⲉϥϫⲟⲟⲩ ⲛⲛⲉⲥⲛⲏⲩ ⲁϥⲥⲟⲟⲩϩⲟⲩ ⲉϩⲟⲩⲛ ⲁϥⲉⲓⲣⲉ ⲉⲣⲟⲟⲩ ⲛⲧⲥⲩⲛⲁⲝⲓⲥ
ⲁϥⲥⲩⲛⲁⲅⲉ ⲙⲙⲟⲟⲩ ϩⲓ ⲟⲩⲥⲟⲡ ⲁ ⲡⲟⲩⲁ ⲡⲟⲩⲁ ⲃⲱⲕ ⲉⲛⲉⲩⲙⲁ ⲛϣⲱⲡⲉ
ϩⲛ ⲟⲩⲉⲓⲣⲏⲛⲏ. ϩⲧⲟⲟⲩⲉ ⲇⲉ ⲛⲧⲉⲣⲉϥϣⲱⲡⲉ ⲁ ⲛⲉⲥⲛⲏⲩ ⲥⲱⲟⲩϩ ⲁⲩⲉⲓ ⲉⲡⲙⲟ‐
ⲛⲁⲥⲧⲏⲣⲓⲟⲛ ⲛⲁⲡⲁ ⲓⲱϩⲁⲛⲛⲏⲥ ⲁϥⲥⲃⲧⲱⲧⲃ (sic) ⲉⲧⲣⲉϥⲙⲟⲟϣⲉ ⲉⲧⲉϩⲓⲏ ϩⲙ
ⲡⲟⲩⲱϣ ⲙⲡⲛⲟⲩⲧⲉ ⲉⲓⲥ ⲥⲛⲁⲩ ⲛⲛⲉⲥⲛⲏⲩ ⲉⲧⲧⲁⲉⲓⲏⲩ ⲉⲛ ⲧⲟⲟⲧϥ ⲉⲧⲉ ⲁⲡⲁ ⲍⲁ‐
ⲭⲁⲣⲓⲁⲥ ⲡⲉ ⲙⲛ ⲁⲡⲁ ⲓⲱϩⲁⲛⲛⲏⲥ ⲛⲁⲓ ⲉϩⲉⲛ ⲥⲱⲧⲡ ⲛⲧⲉⲗⲓⲟⲥ ⲛⲉ ⲁϥϯ
ⲉⲧⲟⲟⲧⲟⲩ ⲛⲛⲉⲥⲛⲏⲩ ⲉⲧⲣⲉⲩⲙⲟⲟⲛⲉ ⲙⲙⲟⲟⲩ ⲁⲩⲱ ⲛⲥⲉϥⲓ ⲡⲣⲟⲟⲩϣ ⲙⲡⲙⲟ‐
ⲛⲁⲥⲧⲏⲣⲓⲟⲛ ⲙⲛ ⲧⲇⲓⲁⲕⲟⲛⲓⲁ ⲛⲛϩⲏⲕⲉ ⲁⲩⲱ ⲛⲉⲩⲗⲩⲡⲉⲓ ⲉⲙⲁⲧⲉ ϫⲉ ϥⲛⲁⲃⲱⲕ
(-ⲣ︦︦ⲓ︦ⲁ︦-) ⲛϥⲕⲁⲁϥ ⲁⲩⲱ ⲛⲧⲉⲓϩⲉ ⲁϥⲉⲓⲣⲉ ⲙⲡⲥⲟⲃⲧⲉ ⲧⲏⲣϥ ⲁϥⲉⲓ ⲉⲃⲟⲗϩⲙ
ⲡⲙⲟⲛⲁⲥⲧⲏⲣⲓⲟⲛ ⲁϥϫⲓ ⲛⲙⲙⲁϥ ⲛⲟⲩⲛⲟϭ ⲛⲁⲛϩⲁⲗⲱⲙⲁ ⲉⲃⲟⲗ ⲉⲡϫⲟⲓ
ⲛⲛⲇⲓⲁⲕⲟⲛⲟⲥ ⲙⲛ ⲛⲛⲉⲉϥ ⲉⲧϩⲙ ⲡⲓϫⲟⲓ ⲁϥⲉⲓⲛⲉ ⲛϩⲉⲛ ⲧⲁⲉⲓⲟ ⲙⲡⲓⲁⲣⲭⲓ‐


### 0004

ⲉⲡⲓⲥⲕⲟⲡⲟⲥ ⲙⲛ ϩⲉⲛ ⲥⲧⲟⲗⲏ ⲙⲛ ϩⲉⲛ ϩⲟⲓⲧⲉ ⲉⲩⲧⲁⲉⲓⲏⲩ ⲉⲩⲡⲣⲉⲡⲓ ⲙⲡⲁⲣ‐
ⲭⲓⲉⲡⲓⲥⲕⲟⲡⲟⲥ ⲁⲩⲱ ⲛⲧⲉⲓϩⲉ ⲟⲛ ⲁⲩⲁⲗⲉ ⲉⲡⲓϫⲟⲓ ⲉⲣⲉ ⲛⲉⲥⲛⲏⲩ ⲑⲡⲟ ⲙⲙⲟϥ
ⲉⲃⲟⲗ ⲉⲩϫⲱ ⲙⲙⲟⲥ ϫⲉ ⲧⲛϣⲓⲛⲉ ⲉⲣⲟⲕ ⲱ ⲡⲉⲛⲉⲓⲱⲧ ϣⲁⲛⲧⲉ ⲡϫⲟⲉⲓⲥ ⲁⲁⲛ
ⲛⲙⲡϣⲁ ⲛⲛⲁⲩ ⲉⲣⲟⲕ ⲛⲕⲉⲥⲟⲡ. ⲡⲡⲉⲧⲟⲩⲁⲁⲃ ⲇⲉ ⲁⲡⲁ ⲓⲱϩⲁⲛⲛⲏⲥ ⲛⲉϥϯ
ⲧⲱⲕ ⲛϩⲏⲧ ⲛⲁⲩ ⲉϥϫⲱ ⲙⲙⲟⲥ ϫⲉ ϯⲡⲓⲥⲧⲉⲩⲉ ⲉⲡⲛⲟⲩⲧⲉ ϫⲉ ⲛϯⲛⲁⲱⲥⲕ ⲁⲛ
ⲙⲡⲉⲧⲛⲃⲟⲗ ⲁⲗⲗⲁ ϥⲛⲁϯ ⲛⲧⲟⲟⲧϥ ⲛⲙⲙⲁⲓ ϩⲙ ⲙⲁ ⲛⲓⲙ ⲉⲓⲛⲁⲃⲱⲕ ⲉⲣⲟⲛ
ⲛⲧⲁⲉⲓ ⲟⲛ ϣⲁⲣⲱⲧⲛ ϩⲛ ⲟⲩⲉⲓⲣⲏⲛⲏ ϣⲗⲏⲗ ⲉϫⲱⲓ ⲱ ⲛⲁⲙⲉⲣⲁⲧⲉ ⲛⲛⲁϩⲣⲙ
ⲡϫⲟⲉⲓⲥ ⲛϥϫⲓ ⲙⲟⲉⲓⲧ ϩⲏⲧ ϣⲁⲛϯ ⲃⲱⲕ ⲛⲧⲁⲉⲓ ϣⲁⲣⲱⲧⲛ ϩⲛ (-ⲣ︦ⲓ︦ⲃ︦-) ⲟⲩⲟⲩ‐
ϫⲁⲓ. ⲛⲁⲓ ⲇⲉ ⲉϥϫⲱ ⲙⲙⲟⲟⲩ ⲛϭⲓ ⲡⲡⲉⲧⲟⲩⲁⲁⲃ ⲁⲡⲁ ⲓⲱϩⲁⲛⲛⲏⲥ ⲁϥϣⲗⲏⲗ
ⲁϥⲕⲁ ⲛⲉⲥⲛⲏⲩ ⲉⲃⲟⲗ ⲁⲩⲱ ⲛⲧⲉⲩⲛⲟⲩ ⲁⲩⲕⲁ ⲡϫⲟⲓ ⲉⲃⲟⲗ ⲁⲩⲥϭⲏⲣ ⲉϩⲏⲧ ϩⲙ
ⲡⲓⲉⲣⲟ ϩⲙ ⲡⲟⲩⲱϣ ⲙⲡⲛⲟⲩⲧⲉ. ⲉⲩⲥϭⲏⲣ ⲇⲉ ⲉϩⲏⲧ ϩⲙ ⲡⲓⲉⲣⲟ ϩⲙ ⲡⲉⲕⲣⲟ
ⲙⲡⲉⲙⲛⲧ ⲉⲣⲉ ⲡⲙⲟⲟⲩ ϯ ⲉϩⲟⲩⲛ ⲉϩⲣⲁϥ ⲛⲟⲩⲕⲟⲩⲓ ϩⲱⲥⲧⲉ ⲡⲙⲟⲟⲩ ϥⲓⲧϥ
ⲧⲏⲣϥ ϣⲁⲡⲛ ⲟⲩⲕⲟⲩⲓ. ⲁⲩⲱ ⲛⲧⲉⲣⲉ ⲣⲟⲩϩⲉ ϣⲱⲡⲉ ⲉϥⲥϭⲏⲣ ⲁ ⲛⲛⲉⲉϥ ⲕⲁ
ⲡϫⲟⲓ ⲉⲃⲟⲗ ⲁⲛⲙⲟⲟⲛⲉ ⲉϩⲟⲩⲛ ⲉⲣⲟϥ ϣⲁⲛⲧⲉ ϩⲧⲟⲟⲩⲉ ϣⲱⲡⲉ ⲉⲓⲥ ⲟⲩⲣⲱⲙⲉ


### 0005

ⲇⲉ ⲁϥⲉⲓ ϫⲙ ⲡⲓⲉⲣⲟ ⲉϥⲟⲩⲱϣ ⲉⲙⲉϩ ⲙⲟⲟⲩ ⲁⲩⲱ ⲛⲧⲉⲣⲉϥⲙⲉϩ ⲡⲗⲁⲕⲟⲛ
ⲙⲙⲟⲟⲩ ⲁϥⲛⲧϥ ⲟⲛ ⲉⲡⲉⲕⲣⲟ ⲁϥⲕⲁⲁϩ ⲕⲁϩⲏⲩ ⲁϥϫⲱⲕⲙ ϩⲙ ⲡⲓⲉⲣⲟ
ⲉⲧⲃⲉ ⲡϩⲓⲥⲉ ⲛⲧⲣⲕⲁⲥⲓⲁ ⲉⲧϥϣⲟⲟⲡ ⲛϩⲏⲧⲥ ⲡⲛⲟⲩⲧⲉ ⲇⲉ ⲉϥⲟⲩⲱϣ ⲉⲧⲣⲉ ⲛⲉϥ‐
ⲡⲉⲧⲟⲩⲁⲁⲃ ϫⲓ ⲉⲟⲟⲩ ϩⲙ ⲙⲁ ⲛⲓⲙ ⲁϥⲟⲩⲱϣ ⲉⲧⲣⲉ ϯϣⲡⲏⲣⲉ ϣⲱⲡⲉ ⲉⲃⲟⲗ‐
ϩⲓⲧⲟⲟⲧϥ ⲙ- (-ⲣⲓⲅ-)ⲡⲉϥϩⲙϩⲁⲗ ⲓⲱⲁⲛⲛⲏⲥ ⲛⲧⲉ ⲡⲣⲁⲛ ⲙⲡⲛⲟⲩⲧⲉ ϫⲓ ⲉⲟⲟⲩ
ⲁⲓⲧⲉⲓ ⲉⲣⲉ ⲡⲣⲱⲙⲉ ϩⲙ ⲡⲓⲉⲣⲟ ⲉϥϫⲱⲕⲙ ⲉⲓⲥ ⲡⲡⲟⲛⲏⲣⲟⲥ ⲛⲇⲓⲁⲃⲟⲗⲟⲥ ⲁϥ‐
ⲡⲟⲛⲏⲣⲉⲩⲉ ⲉⲡⲣⲱⲙⲉ ⲛⲧⲁⲗⲁⲓⲡⲱⲣⲟⲥ ⲁϥⲧⲣⲉ ⲟⲩⲛⲟϭ ⲛⲙⲥⲁϩ ⲧⲱⲣⲡ ⲙⲡⲣⲱ‐
ⲙⲉ. ⲛⲣⲱⲙⲉ ⲇⲉ ⲉⲩϩⲙ ⲡⲉⲕⲣⲟ ⲉⲩⲁϩⲉⲣⲁⲧⲟⲩ ⲛⲧⲉⲣⲟⲩⲛⲁⲩ ⲉⲡⲉⲛⲧⲁϥϣⲱⲡⲉ
ⲁⲩϭⲉⲡⲏ ⲁⲩⲃⲟϭⲟⲩ ⲉⲡⲉⲥⲏⲧ ⲉⲡⲓⲉⲣⲟ ⲉⲩⲟⲩⲱϣ ⲉⲛⲟⲩϩⲙ ⲙⲡⲣⲱⲙⲉ ⲛⲧⲟⲟⲧϥ
ⲙⲡⲉⲑⲩⲣⲓⲟⲛ ⲁⲩⲱ ⲙⲡⲟⲩⲉϣϭⲙϭⲟⲙ ⲉⲡⲓⲇⲏ ⲁϥⲱⲙⲥ ⲙⲙⲟϥ ⲉⲡⲉⲥⲏⲧ
ϩⲙ ⲡⲓⲉⲣⲟ. ⲛⲣⲱⲙⲉ ⲇⲉ ⲛⲉⲩⲣⲓⲙⲉ ⲁⲩⲱ ⲉⲩⲗⲩⲡⲉⲓ ⲉⲙⲁⲧⲉ ⲡⲡⲉⲧⲟⲩⲁⲁⲃ ⲇⲉ
ⲁⲡⲁ ⲓⲱϩⲁⲛⲛⲏⲥ ⲛⲧⲉⲣⲉϥⲛⲁⲩ ⲟⲛ ⲉⲡⲉⲛⲧⲁϥϣⲱⲡⲉ ⲡⲉϫⲁϥ ⲙⲡⲙⲏⲏϣⲉ
ⲉⲧⲁϩⲉⲣⲁⲧϥ ϫⲉ ⲙⲡⲣⲗⲩⲡⲉⲓ ⲛⲁⲥⲛⲏⲩ ⲟⲩⲛ ϭⲟⲙ ⲙⲡⲛⲟⲩⲧⲉ ⲛⲧⲁϥⲛⲟⲩϩⲙ
ⲛⲓⲱⲛⲁⲥ ϩⲛ ϩⲏⲧϥ ⲙⲡⲕⲏⲧⲟⲥ ⲛⲧϥⲧⲟⲩϫⲟ ⲛⲧⲉⲓⲕⲉⲯⲩⲭⲏ ⲉⲃⲟⲗϩⲛ ⲧⲧⲁⲡⲣⲟ
ⲙⲡⲓⲑⲩⲣⲓⲟⲛ. ⲡⲡⲉⲧⲟⲩⲁⲁⲃ ⲇⲉ ⲁⲡⲁ ⲓⲱⲁⲛⲛⲏⲥ ⲁϥⲕⲁⲁϥ ⲕⲁϩⲏⲩ (-ⲣ︦︦︦ⲓ︦ⲇ︦-)
ⲛⲧⲗⲉⲃⲓⲧⲟⲩ ⲉⲧⲧⲟ ϩⲓⲱⲱϥ ⲁϥϫⲓ ⲛⲟⲩⲫⲩⲙⲉⲛⲁⲣⲟⲛ ⲁϥⲙⲟⲣϥ ⲙⲙⲟϥ ⲁϥ‐


### 0006

ⲃⲱⲕ ⲉⲡⲉⲥⲏⲧ ⲉⲡⲓⲉⲣⲟ ϣⲁ ⲧⲉϥⲙⲏⲧⲉ ⲁϥⲡⲱⲣϣ ⲉⲃⲟⲗ ⲛⲛⲉϥϭⲓϫ ⲁϥϣⲗⲏⲗ
ⲉϩⲣⲁⲓ ⲉⲡⲛⲟⲩⲧⲉ ⲉϥϫⲱ ⲙⲙⲟⲥ ϫⲉ ⲁⲇⲱⲛⲁⲓ ⲡϫⲟⲉⲓⲥ ⲡⲛⲟⲩⲧⲉ ⲡⲡⲁⲛⲧⲟⲕⲣⲁ‐
ⲧⲱⲣ ⲡⲉⲛⲧⲁϥⲧⲁⲙⲓⲉ ⲛⲕⲁ ⲛⲓⲙ ⲉⲃⲟⲗϩⲙ ⲡⲉⲧⲉⲛϥϣⲟⲟⲡ ⲁⲛ ⲁϥⲧⲣⲉⲩϣⲱⲡⲉ
ⲧⲏⲣⲟⲩ ⲙⲡⲏⲩⲉ ⲙⲛ ⲡⲕⲁϩ ⲑⲁⲗⲁⲥⲥⲁ ⲙⲛ ⲛⲓⲉⲣⲱⲟⲩ ⲡⲉⲛⲧⲁϥⲟⲩⲉϩⲥⲁϩⲛⲉ
ⲙⲡⲛⲟϭ ⲛⲕⲏⲧⲟⲥ ⲙⲡⲓⲟⲩⲟⲉⲓϣ ⲁϥⲱⲙⲕ ⲛⲓⲱⲛⲁⲥ ⲡⲉⲡⲣⲟⲫⲏⲧⲏⲥ ⲛϣⲟⲙⲧ
ⲛϩⲟⲟⲩ ⲙⲛ ϣⲟⲙⲧⲉ ⲛⲟⲩϣⲏ ⲉϥⲛϩⲏⲧϥ ⲉϥⲣⲟⲉⲓⲥ ⲉⲣⲟϥ ⲙⲛⲛⲥⲱⲥ ⲟⲛ ϩⲓⲧⲙ
ⲡⲉⲕⲟⲩⲉϩⲥⲁϩⲛⲉ ⲁⲕⲧⲣⲉϥⲛⲟϫϥ ⲉⲡⲉⲕⲣⲟ ⲧⲉⲛⲟⲩ ⲟⲛ ⲡⲁϫⲟⲉⲓⲥ ⲕⲉⲗⲉⲩⲉ ϩⲛ
ⲧⲉⲕϭⲟⲙ ⲉⲧⲟⲩⲁⲁⲃ ⲉⲧⲣⲉ ⲡⲓⲑⲩⲣⲓⲟⲛ ⲛⲧⲁϥⲧⲱⲣⲡ ⲙⲡⲓⲣⲱⲙⲉ ⲛⲧⲁⲗⲁⲓⲡⲱ‐
ⲣⲟⲥ ⲛϥⲉⲓⲛⲉ ⲙⲙⲟϥ ⲛⲧⲉϥϩⲉ ⲉⲡⲉⲕⲣⲟ ⲛϥⲕⲁⲁϥ ⲙⲡⲙⲁ ⲛⲧⲁϥⲧⲱⲣⲡ ⲙⲙⲟϥ
ⲉϫⲛ ⲗⲁⲁⲩ ⲙⲡⲉⲑⲟⲟⲩ ϫⲉⲕⲁⲥ ⲉⲣⲉ ⲡⲓⲙⲏⲏϣⲉ ⲧⲏⲣϥ ⲛⲁ(-ⲣⲓⲉ-)ϯ ⲉⲟⲟⲩ
ⲙⲡⲉⲕⲣⲁⲛ. ϩⲟⲥⲟⲛ ⲇⲉ ⲉⲣⲉ ⲡⲡⲉⲧⲟⲩⲁⲁⲃ ⲁⲡⲁ ⲓⲱϩⲁⲛⲛⲏⲥ ⲁϩⲉⲣⲁⲧϥ ⲉϥϣ‐
ⲗⲏⲗ ⲉⲓⲥ ⲟⲩⲁⲅⲅⲉⲗⲟⲥ ⲛⲧⲉ ⲡⲛⲟⲩⲧⲉ ⲁϥⲉⲓ ⲉⲃⲟⲗϩⲛ ⲧⲡⲉ ⲁϥⲁⲙⲁϩⲧⲉ ⲙⲡⲉ‐
ⲑⲩⲣⲓⲟⲛ ⲁϥⲥⲱⲛϩ ⲙⲙⲟϥ ⲁϥⲧⲁⲗⲟ ⲙⲡⲓⲣⲱⲙⲉ ⲉϩⲣⲁⲓ ⲉϫⲱϥ ⲁϥϩⲗⲉⲉⲓⲗⲉ
ⲙⲙⲟϥ ϩⲙ ⲡⲓⲉⲣⲟ ϣⲁⲛⲧϥⲛⲧϥ ⲉⲡⲉⲕⲣⲟ ⲁⲩⲱ ⲛⲧⲉⲩⲛⲟⲩ ⲁ ⲡⲡⲉⲧⲟⲩⲁⲁⲃ
ⲁⲡⲁ ⲓⲱϩⲁⲛⲛⲏⲥ ⲁⲙⲁϩⲧⲉ ⲙⲙⲟϥ ⲁϥⲉⲓⲛⲉ ⲙⲙⲟϥ ⲉⲡⲉⲕⲣⲟ. ⲁⲥϣⲱⲡⲉ ⲇⲉ
ⲛⲧⲉⲣⲉ ⲡⲉⲑⲩⲣⲓⲟⲛ ⲕⲁ ⲡⲣⲱⲙⲉ ⲉⲃⲟⲗ ⲁϥⲕⲁ ⲡⲧⲏⲩ ⲁϥⲙⲟⲩ ⲛϭⲓ ⲡⲉⲑⲩ‐
ⲣⲓⲟⲛ. ⲛⲣⲱⲙⲉ ⲇⲉ ⲉⲧⲁϩⲉⲣⲁⲧⲟⲩ ⲁⲩϥⲓ ϩⲣⲁⲩ ⲉⲃⲟⲗ ϩⲛ ⲟⲩⲛⲟϭ ⲛⲥⲙⲏ ⲉⲩ‐


### 0007

ϫⲱ ⲙⲙⲟⲥ ϫⲉ ⲟⲩⲁ ⲡⲉ ⲡⲛⲟⲩⲧⲉ ⲙⲡⲡⲉⲧⲟⲩⲁⲁⲃ ⲉⲧⲧⲁⲗⲏⲩ ⲉⲡⲓϫⲟⲓ ⲛⲙⲙⲁⲛ
ⲁⲗⲏⲑⲱⲥ ⲟⲩⲁⲡⲟⲥⲧⲟⲗⲟⲥ ⲛⲧⲉ ⲡⲛⲟⲩⲧⲉ ⲡⲉ ⲁⲩⲛⲟϭ ⲛϩⲙⲟⲧ ⲧⲁϩⲟⲛ ⲙⲡⲟⲟⲩ
ϫⲉ ⲁⲛⲙⲡϣⲁ ⲉⲧⲣⲉ ⲡⲓⲧⲉⲗⲓⲟⲥ ⲛⲧⲉ ⲡⲛⲟⲩⲧⲉ ϭⲟⲉⲓⲗⲉ ⲉⲡⲉⲛⲧⲓⲙⲉ. ⲧⲟⲧⲉ ⲁⲩϯ
ⲡⲉⲩⲟⲩⲟⲓ ϩⲓ ⲟⲩⲥⲟⲡ ⲁⲩⲉⲓⲛⲉ ⲙⲡⲡⲉⲧⲟⲩⲁⲁⲃ ⲉϩⲣⲁⲓ (-ⲣ︦︦ⲓ︦︦-) ϩⲙ ⲡⲙⲟⲟⲩ
ⲁⲩⲧⲁⲗⲟϥ ⲉϩⲣⲁⲓ ⲉϫⲱⲟⲩ ⲉⲩⲟⲩⲱϣ ⲉϫⲓⲧϥ ⲉϩⲣⲁⲓ ⲉⲡⲉⲩϯⲙⲉ ⲛⲥⲉⲁⲡⲟⲗⲁⲩⲉ
ⲙⲡⲉϥⲥⲙⲟⲩ. ⲧⲟⲧⲉ ⲛⲛⲉⲉϥ ⲙⲛ ⲛⲇⲓⲁⲕⲟⲛⲟⲥ ⲁⲩⲣ ϣⲏⲣⲉ ⲙⲡⲉⲛⲧⲁϥϣⲱⲡⲉ
ⲁⲩϯ ⲉⲟⲟⲩ ⲙⲡⲛⲟⲩⲧⲉ. ⲧⲟⲧⲉ ⲡⲡⲉⲧⲟⲩⲁⲁⲃ ⲁⲡⲁ ⲓⲱϩⲁⲛⲛⲏⲥ ⲡⲉϫⲁϥ ⲛⲁⲩ
ϫⲉ ⲁⲗⲱⲧⲛ ϩⲁⲣⲟⲓ ⲱ ⲛⲁϣⲏⲣⲉ ⲧⲁϣⲗⲏⲗ ⲉϩⲣⲁⲓ ⲉⲡⲉⲭ︦ⲥ︦ ⲛϥⲛⲟⲩϩⲙ ⲛⲧⲉ‐
ⲯⲩⲭⲏ ⲙⲡⲉⲑⲩⲣⲓⲟⲛ ⲉⲃⲟⲗϩⲙ ⲡⲙⲟⲩ ⲡⲁⲓ ⲛⲧⲁ ⲧⲉⲡⲣⲟⲛⲟⲓⲁ ⲙⲡⲛⲟⲩⲧⲉ
ⲕⲓⲙ ⲉⲣⲟϥ ⲁϥϯⲥⲟ ⲉⲧⲉϥϩⲓⲕⲱⲛ ⲉⲧⲙⲧⲣⲉ ⲡⲓⲑⲩⲣⲓⲟⲛ ⲧⲁⲕⲟⲥ. ⲧⲟⲧⲉ ⲡⲡⲉⲧ‐
ⲟⲩⲁⲁⲃ ⲁⲡⲁ ⲓⲱϩⲁⲛⲛⲏⲥ ⲁϥⲡⲱⲣϣ ⲛⲛⲉϥϭⲓϫ ⲟⲛ ⲉⲃⲟⲗ ⲉϩⲣⲁⲓ ⲉⲡⲛⲟⲩⲧⲉ
ⲉϥϫⲱ ⲙⲙⲟⲥ ϫⲉ ϯⲥⲙⲟⲩ ⲉⲣⲟⲕ ⲡⲁϫⲟⲉⲓⲥ ⲓ︦ⲥ︦ ⲡⲉⲭ︦ⲥ︦ ⲡⲉⲛⲧⲁϥⲧⲁⲙⲓⲉ ⲛⲕⲁ
ⲛⲓⲙ ϩⲛ ⲧⲉϥⲥⲟⲫⲓⲁ ⲛⲣⲱⲙⲉ ⲙⲛ ⲛⲧⲃⲛⲟⲟⲩⲉ ⲛϫⲁⲧⲃⲉ ⲙⲛ ⲛϩⲁⲗⲁⲧⲉ ⲛⲧⲡⲉ
ⲙⲛ ⲛⲉⲧⲕⲓⲙ ⲧⲏⲣⲟⲩ ⲙⲛ ⲛⲉⲧⲉⲛⲥⲉⲕⲓⲙ ⲁⲛ ⲡⲉⲛⲧⲁϥϣⲁϫⲉ ⲙⲛ ⲡⲉⲡⲣⲟⲫⲏ‐
ⲧⲏⲥ ⲉⲧⲟⲩⲁⲁⲃ ⲓⲉⲍⲉⲕⲓⲏⲗ ϫⲉ ⲡⲣⲟⲫⲏⲧⲉⲩⲉ ⲡϣⲏⲣⲉ ⲙⲡⲣⲱⲙⲉ ⲉϫⲛ ⲛⲓⲕⲉ‐
(-ⲣ︦ⲍ︦ sic pro -ⲣ︦︦ⲓ︦ⲍ︦-)ⲉⲥ ⲛⲥⲉⲱⲛϩ ⲁⲩⲱ ⲛⲧⲉⲣⲉϥⲡⲣⲟⲫⲏⲧⲉⲩⲉ ⲁⲩⲡⲛⲁ ⲉⲓ ⲉⲃⲟⲗ‐


### 0008

ϩⲙ ⲡϫⲟⲉⲓⲥ ⲁϥⲃⲱⲕ ⲉϩⲟⲩⲛ ⲉⲣⲟⲟⲩ ⲁⲩⲱⲛϩ ⲧⲏⲣⲟⲩ ⲛⲧⲓϩⲉ ⲟⲛ ⲡⲁϫⲟⲉⲓⲥ
ⲉⲕⲁⲧⲣⲉ ⲡⲉⲓⲑⲩⲣⲓⲟⲛ ⲱⲛϩ ⲛⲕⲉⲥⲟⲡ ϩⲓⲧⲛ ⲧⲉⲕϭⲟⲙ ⲉⲧⲟⲩⲁⲁⲃ ⲛⲅϯ ⲛⲁϥ
ⲛⲟⲩⲙⲛⲧϩⲏⲙⲉⲣⲟⲥ ⲉϩⲟⲩⲛ ⲉⲧⲉⲕϩⲓⲕⲱⲛ ϫⲉⲕⲁⲥ ⲉⲣⲉ ⲡⲉⲕⲣⲁⲛ ⲉⲧⲟⲩⲁⲁⲃ ϫⲓ
ⲉⲟⲟⲩ. ⲛϩⲟⲥⲟⲛ ⲇⲉ ⲉⲣⲉ ⲡⲡⲉⲧⲟⲩⲁⲁⲃ ⲁⲡⲁ ⲓⲱϩⲁⲛⲛⲏⲥ ⲁϩⲉⲣⲁⲧϥ ⲉϥϣⲗⲏⲗ
ⲉϥϫⲱ ⲛⲛⲁⲓ ⲁϥⲁⲙⲁϩⲧⲉ ⲛⲧⲁⲡⲉ ⲙⲡⲉⲙⲥⲁϩ ⲉϥϫⲱ ⲙⲙⲟⲥ ϫⲉ ⲡⲛⲟⲩⲧⲉ
ⲛⲧⲁϥⲧⲟⲩⲛⲉⲥ ⲗⲁⲍⲁⲣⲟⲥ ⲉⲃⲟⲗϩⲛ ⲛⲉⲧⲙⲟⲟⲩⲧ ⲛⲧⲟϥ ⲟⲛ ⲡⲉⲧⲟⲩⲉϩⲥⲁϩⲛⲉ
ⲛⲁⲕ ϩⲛ ⲧⲉϥϭⲟⲙ ⲉⲧⲟⲩⲁⲁⲃ ⲉⲧⲣⲉⲕⲧⲱⲟⲩⲛ ⲉⲃⲟⲗϩⲛ ⲛⲉⲧⲙⲟⲟⲩⲧ ⲛϥϯ ⲛⲁⲕ
ⲛⲟⲩⲙⲛⲧϩⲏⲙⲉⲣⲟⲥ ⲉϩⲟⲩⲛ ⲉⲧⲉϥϩⲓⲕⲱⲛ. ⲛⲧⲉⲩⲛⲟⲩ ⲁϥⲧⲱⲟⲩⲛ ⲉϥⲟⲛϩ ⲛϭⲓ
ⲡⲉⲙⲥⲁϩ ⲁϥⲉⲓ ⲁϥⲡⲣⲟⲥⲕⲩⲛⲓ ϩⲁ ⲛⲟⲩⲉⲣⲏⲧⲉ ⲙⲡⲡⲉⲧⲟⲩⲁⲁⲃ ⲁⲡⲁ ⲓⲱϩⲁⲛ‐
ⲛⲏⲥ ⲁⲩⲱ ⲛϥⲛⲕⲟⲧⲕ ϩⲁ ⲛⲉϥⲟⲩⲉⲣⲏⲧⲉ ⲛⲑⲉ ⲛⲟⲩⲉⲥⲟⲟⲩ ⲁⲩⲱ ⲙⲡⲉϥⲥⲛⲧ
ⲡⲡⲉⲧⲟⲩⲁⲁⲃ ⲉⲃⲟⲗ ⲉϥⲙⲟⲟϣⲉ ϩⲙ (-ⲣ︦ⲓ︦︦︦ⲏ︦-) ⲡⲙⲟⲟⲩ ϩⲁϩⲧⲙ ⲡϫⲟⲓ ϣⲁⲛ‐
ⲧⲉϥⲙⲟⲟⲛⲉ ⲉϩⲟⲩⲛ ⲉⲣⲁⲕⲟⲧⲉ ⲁⲩⲱ ϣⲁⲣⲉ ⲁⲡⲁ ⲓⲱϩⲁⲛⲛⲏⲥ ⲛⲟⲩϫⲉ ⲛⲁϥ
ⲙⲙⲏⲛⲉ ⲛϣⲟⲙⲧ ⲛⲟⲉⲓⲕ ⲛϩⲟⲟⲩ ⲛⲓⲙ ⲉϥⲟⲩⲏϩ ⲛⲥⲱϥ. ⲁⲥϣⲱⲡⲉ ⲇⲉ ⲛⲧⲉ‐
ⲣⲟⲩⲙⲟⲟⲛⲉ ⲉⲣⲁⲕⲟⲧⲉ ⲁ ⲡⲁⲣⲭⲓⲉⲡⲓⲥⲕⲟⲡⲟⲥ ⲉⲓ ⲉⲃⲟⲗ ϩⲁ ⲧⲉϥϩⲏ ⲙⲛ ⲡⲉⲕⲗⲏ‐
ⲣⲟⲥ ⲧⲏⲣϥ ⲙⲛ ⲛⲉⲫⲓⲗⲟⲡⲟⲛⲟⲥ ⲥⲭⲉⲇⲟⲛ ⲧⲟⲛ ⲧⲡⲟⲗⲓⲥ ⲧⲏⲣⲥ ⲉⲩⲯⲁⲗⲗⲉⲓ ϩⲁ
ⲧⲉϥϩⲏ ⲉⲧϫⲱ ⲙⲙⲟⲥ ϫⲉ ϯⲣⲏⲛⲏ ⲛⲧⲉⲕϭⲓ ⲛⲉⲓ ⲉϩⲟⲩⲛ ⲁⲩⲱ ⲟⲛ ϫⲉ ⲉⲣⲉ ⲧⲉⲕ‐


### 0009

ϩⲓⲏ ⲛⲉⲓ ⲉϩⲟⲩⲛ ϩⲙ ⲡϫⲟⲉⲓⲥ ⲁⲩⲱ ⲟⲛ ϫⲉ ⲛⲧⲟⲕ ⲡⲉ ⲡⲟⲩⲏⲏⲃ ϣⲁ ⲉⲛⲉϩ. ⲁⲥ‐
ϣⲱⲡⲉ ⲇⲉ ⲛⲧⲉⲣⲟⲩⲃⲱⲕ ⲉϩⲟⲩⲛ ⲉⲧⲉⲕⲕⲗⲏⲥⲓⲁ ⲁ ⲡⲁⲣⲭⲓⲉⲡⲓⲥⲕⲟⲡⲟⲥ ⲁⲥⲡⲍⲉ
ⲛⲁⲡⲁ ⲓⲱϩⲁⲛⲛⲏⲥ ⲙⲛⲛⲥⲁ ⲡⲁⲥⲡⲁⲥⲙⲟⲥ ⲇⲉ ⲁⲩϩⲙⲟⲟⲥ ϩⲙ ⲡⲕⲁⲑⲓⲥⲧⲏⲣⲓⲟⲛ
ⲁⲩⲱ ⲛⲉⲣⲉ ⲛⲁⲣⲭⲱⲛ ⲛⲧⲡⲟⲗⲓⲥ ⲛⲣⲙⲙⲁⲟ ⲙⲛ ⲛϩⲏⲕⲉ ⲉⲩⲥⲟⲟⲩϩ ⲉⲧⲉⲕⲕⲗⲏ‐
ⲥⲓⲁ ⲉⲩⲟⲩⲱϣ ⲉϫⲓ ⲥⲙⲟⲩ ⲛⲧⲟⲟⲧϥ ⲧⲟⲧⲉ ⲡⲁⲣⲭⲓⲉⲡⲓⲥⲕⲟⲡⲟⲥ ⲁϥⲉⲓⲣⲉ ⲛⲟⲩ‐
ⲕⲁⲑⲟ...(sic exit.)
II. (-Fol. 1-) ⲟⲟⲩ ⲙⲡⲣϫⲉⲣⲱⲟⲩ ⲟⲩⲇⲉ ⲙⲡⲣⲕⲁ ⲗⲁⲁⲩ ⲛϩⲏⲃⲥ ⲉϥⲙⲟⲩϩ
ⲛⲧⲉⲩϣⲏ ⲉⲧⲙⲙⲁⲩ ⲟⲩⲇⲉ ϩⲙ ⲡⲕⲱⲧⲉ ⲛⲧⲉⲕⲕⲗⲏⲥⲓⲁ ⲁⲩⲱ ⲧⲛⲛⲏⲩ ϣⲁⲣⲟⲕ
ⲕⲛⲁⲛⲁⲩ ⲉⲡⲉⲟⲟⲩ ⲙⲡⲛⲟⲩⲧⲉ ⲙⲛ ⲛϭⲟⲙ ⲉⲧⲛⲁϣⲱⲡⲉ ϩⲙ ⲡⲉⲛⲙⲁⲣⲧⲩⲣⲓⲟⲛ.
ⲁⲛⲟⲕ ⲇⲉ ⲡⲉϫⲁⲓ ⲛⲛⲉⲧⲟⲩⲁⲁⲃ ϫⲉ ϯⲡⲁⲣⲁⲕⲁⲗⲉⲓ ⲙⲙⲱⲧⲛ ⲉⲧⲣⲉⲧⲉⲧⲛⲧⲁⲙⲟⲓ
ⲉⲡⲉϩ(ⲟⲟⲩ ⲉⲧⲉⲧⲛⲛⲏⲩ ϣ(ⲁ)ⲣⲟⲓ ⲧⲁⲥⲩⲙⲁⲛⲉ ⲛⲧⲉⲧⲛⲡⲁⲣⲣⲏⲥⲓⲁ ⲉⲧⲧⲁⲉⲓⲏⲩ
ⲙⲡⲁⲣⲭⲓⲉⲡⲓⲥⲕⲟⲡⲟⲥ ⲛϥϣⲱⲡⲉ ⲉϥⲥⲃⲧⲱⲧ ⲙⲛ ⲡⲗⲁⲟⲥ ⲧⲏⲣϥ ⲉⲧⲛϩⲟⲩⲛ ⲛⲧⲉⲕ‐
ⲕⲗⲏⲥⲓⲁ ϩⲁϫⲱϥ ⲛⲧⲉⲧⲛⲙⲛⲧⲡⲉⲧⲟⲩⲁⲁⲃ. (ⲁⲩ)ⲟⲩⲱϣⲃ ⲇⲉ ⲛϭⲓ (ⲛⲉ)ⲧⲟⲩⲁⲁⲃ
ϫⲉ ⲧⲛⲛⲁⲧⲁⲙⲟⲕ ⲉⲡⲉϩⲟⲟⲩ ⲉⲧⲛⲛⲏⲩ ⲛϩⲏⲧϥ ⲙⲛ ⲡⲉϩⲟⲟⲩ ⲙⲡⲉⲛϫⲱⲕ ⲉⲃⲟⲗ
ⲥϩⲁⲓ ⲛϩⲱⲃ ⲛⲓⲙ ⲛⲧⲁⲕⲛⲁⲩ ⲉⲣⲟⲟⲩ ⲙⲛ ⲛⲉⲛⲧⲁⲛϫⲟⲟⲩ ⲛⲁⲕ. ⲧⲉⲛⲟⲩ ϭⲉ
ⲡⲉϩⲟⲟⲩ ⲉⲧⲛⲛⲏⲩ ϣⲁⲣⲟⲕ ⲛϩⲏⲧϥ ⲡⲉ ⲥⲟⲩ ⲯⲓⲥ ⲙⲡⲉⲃⲟⲧ ⲡⲁⲭⲱⲛ ⲉⲧⲉ ⲡⲁⲓ
ⲡⲉ ⲡⲁϣⲟⲛⲥ ⲛⲣ(ⲟⲩ)ϩⲉ ⲛⲥⲟⲩ ⲯⲓⲥ (ⲛ)ϩⲧⲟⲟⲩⲉ ⲛⲥⲟⲩ ⲙⲏⲧ. ⲡⲁⲓ ⲡⲉ ⲡϩⲟⲟⲩ


### 0010

ⲙⲡⲉⲛϫⲱⲕ ⲉⲃⲟⲗ ⲥⲃⲧⲱⲧⲕ ⲟⲩⲛ ⲙⲛ ⲡⲗⲁⲟⲥ ⲧⲏⲣϥ ⲙⲛ ⲡⲁⲣⲭⲓⲉⲡⲓⲥⲕⲟⲡⲟⲥ
ϫⲉ ϩⲛ ⲧⲙⲉϩ ⲥⲛⲧⲉ ⲛⲟⲩⲣϣⲉ ⲛⲧⲉⲩϣⲏ ⲉⲧⲙⲙⲁⲩ ⲧⲛⲛⲏⲩ ϣⲁⲣⲟⲕ (-fol. 2-)
(ⲕⲁⲧ)ⲁ ⲑⲉ ⲉⲛⲧⲁ ⲡⲁⲡⲟⲥⲧⲟⲗⲟⲥ ϫⲟⲟⲥ ϫⲉ ϯⲛⲙⲙⲏⲧⲛ ⲁⲛ ϩⲙ ⲡⲥⲱⲙⲁ ⲁⲗⲗⲁ
ϯⲛⲙⲙⲏⲧⲛ ϩⲙ ⲡⲉⲡⲛⲁ. ⲛⲁⲓ ⲇⲉ ⲛⲧⲉⲣⲟⲩϫⲟⲟⲥ ⲛⲁⲓ ⲛϭⲓ ⲛⲉⲧⲟⲩⲁⲁⲃ ⲁⲓϭⲉⲡⲏ
ⲁⲓⲥϩⲁⲓ ⲉⲛϣⲁϫⲉ ⲛⲓⲙ ⲛⲧⲁⲩϫⲟⲟⲩ ⲛⲁⲓ ⲁⲩⲥⲙⲟⲩ ⲉⲣⲟⲓ ⲁⲓⲉⲓ ⲉⲃⲟⲗϩⲓⲧⲟⲟⲧⲟⲩ
ⲉⲩⲑⲡⲟ ⲙⲙⲟⲓ ⲉⲃⲟⲗ. ⲁⲩⲉⲓⲛⲉ ⲛⲁⲓ ⲛϩⲉⲛ ⲧⲣⲟ(ⲫⲏ) ⲛϯⲥⲟⲟⲩⲛ ⲙ(ⲙⲟ)ⲟⲩ ⲁⲛ
ⲁⲩⲱ (ⲛ)ⲉⲩⲣⲱϣⲉ ⲉⲣⲟⲓ ⲛϩⲟⲟⲩ ⲛⲓⲙ ⲛⲧⲁⲓⲁⲁⲩ ϩⲛ ⲛⲉϩⲓⲟⲟⲩⲉ ⲉⲣⲉ ⲛⲉⲧⲟⲩ‐
ⲁⲁⲃ ⲙⲟⲟϣⲉ ⲛⲙⲙⲁⲓ ϣⲁⲛϯⲉⲓ ⲉⲃⲟⲗϩⲙ ⲡⲕⲁϩ ⲛⲧⲃⲁⲃⲩⲗⲱⲛ ⲛⲧⲁⲉⲓ ⲉϩⲣⲁⲓ
ⲉⲡⲕⲁϩ ⲛⲑⲓ︦ⲗ︦ⲏ︦︦︦ ⲁⲩⲱ ⲁ ⲛⲉⲧⲟⲩⲁⲁⲃ ⲥⲙⲟⲩ ⲉⲣⲟⲓ ϩⲏ ⲑⲟⲣⲙⲏ (ⲙⲡⲉ)ⲡ︦ⲛ︦ⲁ︦
ⲉⲩⲁⲛⲁⲭⲱⲣⲉⲓ ⲛⲁⲩ ⲉⲃⲟⲗϩⲓⲧⲟⲟⲧ. ⲙⲛⲛⲥⲁ ⲛⲁⲓ ϩⲙ ⲡⲟⲩⲱϣ ⲙⲡⲛⲟⲩⲧⲉ ⲁⲓⲉⲓ
ⲉϩⲣⲁⲓ ⲉⲛⲧⲟϣ ⲛⲕⲏⲙⲉ ⲁⲓⲉⲓ ⲉⲧⲃⲁⲃⲩⲗⲱⲛ ⲛⲧⲕⲏⲙⲉ ⲛⲥⲟⲩ ϫⲟⲩⲧⲏ ⲙⲡⲁⲣ‐
ⲙⲟⲩⲧⲉ ⲁⲓⲣ ϣⲟⲙⲛⲧ ⲛϩⲟⲟⲩ ϩⲛ ⲧⲡⲟⲗⲓⲥ ⲉⲧⲙⲙⲁⲩ ⲉⲧⲃⲉ ⲡϩⲓⲥⲉ ⲛⲛⲉϩⲓⲟⲩⲉ
ⲉⲛⲧⲁⲓⲉⲓ ⲛϩⲏⲧⲟⲩ ϣⲁ(ⲛ)ϯϭⲓⲛⲉ ⲛⲟⲩϫⲟⲓ ⲉϥⲛⲁⲃⲱⲕ ⲉ(ⲧⲡ)ⲟⲗⲓⲥ ⲣⲁⲕⲟⲧⲉ
(ⲉⲧⲣ)ⲁⲁⲗⲉ ⲉⲣⲟϥ. ϩⲟⲥⲟⲛ ⲇⲉ ⲉⲓⲁϩⲉⲣⲁⲧ ⲉϫⲙ ⲡⲓⲉⲣⲟ ⲉⲓⲥ ⲟⲩϫⲟⲓ ⲉⲧⲁ ⲧⲡⲟⲗⲓⲥ
ⲣⲁⲕⲟⲧⲉ ⲡⲉ ⲁϥⲉⲓ ⲁϥⲙⲟⲟⲛⲉ ⲉϥⲛⲁϣⲱⲡ ⲡⲣⲁⲕⲙⲁⲧⲓⲁ ⲛϥⲃⲱⲕ ⲉⲧⲡⲟⲗⲓⲥ
ⲣⲁⲕⲟⲧⲉ. ⲛⲛⲉⲉϥ ⲇⲉ ⲉⲧϩⲙ ⲡϫⲟⲓ (-fol. 3-) ⲛⲧⲉⲣⲟⲩⲛⲁⲩ ⲉⲣⲟⲓ ⲁⲩⲥⲟⲩⲱⲛⲧ


### 0011

ⲁⲩϥⲟϭⲟⲩ ⲉⲡⲉⲕⲣⲟ ⲁⲩⲱⲗⲙ ⲉϩⲟⲩⲛ ⲉⲣⲟϥ ⲁⲩϯⲡⲉ ⲉϫⲛ ⲧⲉϥⲁⲡⲉ ⲙⲛ
ⲛⲉϥϭⲓϫ ⲙⲛ ⲛⲉϥⲟⲩⲉⲣⲏⲧⲉ ⲉⲩϫⲱ ⲙⲙⲟⲥ ϫⲉ ⲉⲕⲉⲓ ⲉⲕⲟⲩⲟϫ ⲱ (ⲡ)ⲉⲛⲉⲓⲱⲧ
ⲧⲛⲉⲩⲭⲁⲣⲓⲥⲧⲉⲓ ⲙⲡⲛⲟⲩⲧⲉ ϫⲉ ⲁⲛⲙⲡϣⲁ ⲛⲛⲁⲩ ⲉⲣⲟⲕ ⲛⲕⲉⲥⲟⲡ. ⲁⲓⲟⲩⲱϣⲃ
ⲛⲁⲩ ϫⲉ ⲛⲁϣⲏⲣⲉ (ⲉⲣ)ⲉ ⲡⲉⲛⲉⲓⲱⲧ ⲡⲁ(ⲣⲭⲓ)ⲉⲡⲓⲥⲕⲟⲡⲟⲥ (ⲣ ⲟⲩ) ⲁⲣⲁ ϥⲟⲩⲟϫ.
ⲡ(ⲉϫⲁⲩ) ⲛⲁⲓ ϫⲉ ⲥⲉ ⲧⲟ(ⲛ)ⲱ ⲡⲉⲛⲉⲓⲱⲧ ⲁⲗⲗⲁ ϥⲙⲟⲕϩ ⲛϩⲏⲧ ⲉⲧⲃⲏⲏⲧⲕ ϫⲉ
ⲁⲕⲱⲥⲕ ⲉϥϫⲱ ⲙⲙⲟⲥ ϫⲉ ⲙⲉϣⲁⲕ ⲁⲩⲡⲁⲛⲧⲏⲙⲁ ϣⲱⲡⲉ ⲙⲙⲟⲕ ϩⲛ ⲧⲉⲕϩⲓⲏ.
ⲁⲗⲗⲁ ⲧⲛⲉⲩⲭⲁⲣⲓⲥⲧⲓ ⲙⲡⲛⲟⲩⲧⲉ ⲛⲧⲁϥⲛⲧⲕ ⲛⲁⲛ ⲉ(ⲕⲟⲩⲟϫ). ⲁⲩⲱ ⲛⲧⲉ‐
ⲣⲟⲩ(ϫⲉ ⲛⲁⲓ) ⲁⲩⲉⲓ ⲉⲡⲙⲁ ⲉⲛⲓϭⲁ(ⲗ)ⲱⲟⲩ ⲉⲣⲟϥ ⲁⲩⲧⲁⲗⲟ ⲛⲛⲁⲕⲟⲩⲓ ⲛⲥⲕⲉⲩⲉ
ⲛⲧⲁⲓϫⲓⲧⲟⲩ ϩⲛ ⲧⲡⲟⲗⲓⲥ ⲉⲧⲃⲉ ⲧⲁⲭⲣⲓⲁ. ⲁⲛⲉⲓ ⲉⲡϫⲟⲓ ⲁⲛⲥϭⲏⲣ ⲉϩⲏⲧ ϣⲁⲛⲧⲛ‐
ⲉⲓ ⲉⲧⲡⲟⲗⲓⲥ ⲣⲁⲕⲟⲧⲉ. ⲛⲧⲉⲣⲉⲛⲙⲟⲟⲛⲉ ⲇⲉ ⲁ ϩⲉⲛ ⲥⲛⲏⲩ ⲛⲕⲗⲏⲣⲓⲕⲟⲥ ⲛⲁⲩ
ⲉⲣⲟⲓ ⲉⲓⲉⲙⲡⲉⲥⲏⲧ ⲙⲡϫⲟⲓ ⲁ ⲟⲩⲁ ⲙⲙⲟⲟⲩ ⲧⲁⲭⲏ ⲁϥⲃⲱⲕ ⲁϥⲧⲁⲙ(ⲟ
ⲉⲡⲁⲣ)ⲭⲓⲉⲡⲓⲥⲕⲟⲡⲟⲥ. ⲁⲩⲱ ⲛⲧⲉⲣⲉϥⲥⲱⲧⲙ ϫⲉ ⲁⲓⲉⲓ ⲁϥⲉⲓ ⲉⲃⲟⲗ ϩⲏⲧ ⲙⲛ
ⲡⲉⲕⲗⲏⲣⲟⲥ ⲧⲏⲣϥ ϩⲛ ⲟⲩⲛⲟϭ ⲛⲣⲁϣⲉ ⲁⲩⲱ ⲁⲩⲱⲗⲙ ⲉϩⲟⲩⲛ ⲉⲣⲟⲓ ⲉⲩϫⲱ
ⲙⲙⲟⲥ ϫⲉ ⲕⲁⲗⲱⲥ ⲁⲕⲉⲓ ϣⲁⲣⲟⲛ ⲱ ⲡⲇⲓⲕⲁⲓⲟⲥ ⲕⲁⲓ ⲡⲇⲓⲁⲕⲟⲛⲓⲧⲏⲥ ⲉⲧⲛϩⲟⲧ


### 0012

(-fol. 4-) ( ⲡⲉⲛⲧⲁϥ)ϫⲱⲕ ⲉⲃⲟⲗ (ⲙⲡ)ⲟⲩⲉϩⲥⲁϩⲛⲉ ⲙⲡϫⲟⲉⲓⲥ. ⲛⲧⲉⲣⲉϥⲃⲱⲕ
ⲇⲉ ⲉϩⲟⲩⲛ ⲉⲧⲡⲟⲗⲓⲥ ⲁⲩⲥⲱⲟⲩϩ ⲉⲣⲟⲛ ⲛϩⲟⲟⲩⲧ ⲙⲛ ⲛⲉϩⲓⲟⲙⲉ ⲁⲩϫⲓ ⲥⲙⲟⲩ
ⲉⲃⲟⲗϩⲓⲧⲟⲟⲧ ⲛⲧⲉⲣⲉⲛⲃⲱⲕ ⲇⲉ ⲉϩⲟⲩⲛ ⲉⲡⲓⲥⲕⲟⲡⲓⲟⲛ ⲛⲁⲛϣⲗ ⲁⲛϩⲙⲟⲟⲥ ⲁ
ⲡⲁⲣⲭⲓⲉⲡⲓⲥⲕⲟⲡⲟⲥ ϣⲁϫⲉ ⲛⲙⲙⲁⲓ ⲉϥϫⲱ ⲙⲙⲟⲥ ϫⲉ ϯ(ⲥⲟ)ⲡⲥ ⲙⲙⲟⲕ ⲡⲁ‐
ⲉⲓⲱⲧ ⲉⲧⲟⲩⲁⲁⲃ ⲉⲧⲣⲉⲕⲧⲁⲙⲟⲓ ϫⲉ ⲛⲧⲁ ⲟⲩ ϣⲱⲡⲉ ⲛⲁⲕ ⲕⲁⲓ ⲅⲁⲣ ⲁⲓⲣ ⲕⲟⲩⲓ
ⲛϩⲏⲧ ϫⲉ ⲙⲏⲡⲟⲧⲉ ⲁⲩⲁⲡⲁⲛⲧⲏⲙⲁ ϣⲱⲡⲉ ⲙⲙⲟⲕ ϩⲛ ⲛⲉϩⲓⲟⲟⲩⲉ. ⲁⲡⲁ
ⲓⲱϩⲁⲛⲛⲏⲥ ⲇⲉ ⲡⲉϫⲁϥ ϫⲉ ⲡⲁⲉⲓⲱⲧ ⲙⲡⲉ ⲡⲉⲑⲟⲟⲩ ⲧⲁϩⲟⲓ ⲁⲗⲗⲁ ⲡⲉⲭⲥ ⲡⲉ‐
ⲧⲕⲟ ⲛⲁϥ ⲛϩⲙϩⲁⲗ ⲁϥϫⲓⲙⲟⲉⲓⲧ ϩⲏⲧ ϣⲁⲛⲧϥϫⲓⲧ ⲉⲣⲁⲧⲟⲩ ⲛⲛⲉⲧⲟⲩⲁⲁⲃ.
ⲛⲧⲉⲩⲛⲟⲩ ⲁⲓϯ ⲛⲁϥ ⲙⲡⲭⲁⲣⲧⲏⲥ ⲛⲧⲁⲓⲥⲉϩ ϩⲱⲱⲃ ⲛⲓⲙ ⲉⲣⲟϥ ⲙⲛ ⲡⲉⲛⲧⲁ
ⲛⲉⲧⲟⲩⲁⲁⲃ ϫⲟⲟⲩ ⲛⲁⲓ. ⲡⲁⲣⲭⲓⲉⲡⲓⲥⲕⲟⲡⲟⲥ ⲇⲉ ⲛⲧⲉⲣⲉϥϫⲓⲧϥ ⲁϥⲁⲣⲭⲓ ⲛⲱϣ
ϩⲓⲱⲱϥ ⲁϥⲣ ϣⲡⲏⲣⲉ ⲁⲩⲱ ⲁϥϯ ⲉⲟⲟⲩ ⲙⲡⲛⲟⲩⲧⲉ. ⲛⲧⲉ(ⲣⲉϥ)ⲉⲓ ⲇⲉ ⲉϫⲙ
(ⲡⲉϩⲟⲟⲩ ⲛⲧ)ⲁ ⲛⲉⲧⲟⲩⲁⲁⲃ ⲧⲁⲙⲟϥ ϫⲉ ⲧⲛⲛⲏⲩⲛⲁⲕ ⲛϩⲏⲧϥ ⲁϥⲣⲁϣⲉ ⲉⲙⲁⲧⲉ
ⲁϥϯ ⲉⲟⲟⲩ ⲙⲡⲛⲟⲩⲧⲉ ⲉϥϫⲱ ⲙⲙⲟⲥ ϫⲉ ϯⲛⲁϭⲱ ⲉⲓϭⲱϣⲧ ϩⲏⲧϥ ⲙⲡⲉϩⲟⲟⲩ
ⲉⲧⲙⲙⲁⲩ. ⲁϥⲉⲓⲣⲉ ⲙⲡⲥⲟⲃⲧⲉ ⲙⲡⲙⲁ ⲕⲁⲗⲱⲥ. ⲁⲥϣⲱⲡⲉ ⲇⲉ ⲛⲥⲟⲩ...(Sic
exit.)