### 0001

ⲡⲓϫⲓ ⲛⲱⲛϩ ⲛⲧⲉ ⲁⲃⲃⲁ ⲡⲁⲩⲗⲟⲥ ⲡⲓⲁⲛⲁⲭⲱⲣⲏⲧⲏⲥ ⲉⲑⲟⲩⲁⲃ
(-ⲡ︦ⲉ︦-) ⲟⲩⲙⲏϣ ⲛⲥⲟⲡ ⲁϥϣⲱⲡⲓ ⲛϫⲉ ⲟⲩⲕⲓⲙ ⲛⲉⲙ ⲟⲩⲕⲱϯ ⲉⲃⲟⲗϩⲓⲧⲟ‐
ⲧⲟⲩ ⲛⲛⲓⲙⲟⲛⲁⲭⲟⲥ ⲉⲑⲟⲩⲁⲃ ⲛⲏ ⲉⲧⲁⲩϣⲱⲡⲓ ϩⲉⲛ ⲧⲭⲱⲣⲁ ⲛⲭⲏⲙⲓ
ⲉⲩϫⲱ ⲙⲙⲟⲥ ϫⲉ ⲛⲓⲙ ϩⲁⲣⲁ ⲁϥϣⲱⲡⲓ ⲛϣⲟⲣⲡ ⲉⲃⲟⲗϩⲓ ⲡϣⲁϥⲉ. ϩⲁⲛ
ⲟⲩⲟⲛ ⲙⲉⲛ ⲁⲩⲉⲣ ⲫⲙⲉⲩⲓ ⲛⲛⲏ ⲉⲧⲁⲩϣⲱⲡⲓ ⲓⲥϫⲉⲛ ϩⲏ ⲛⲓⲣⲱⲙⲓ ⲉⲑⲟⲩⲁⲃ
ⲉⲩϫⲱ ⲙⲙⲟⲥ ϫⲉ ⲧⲁⲣⲭⲏ ⲛϣⲱⲡⲓ ϩⲓ ⲡϣⲁϥⲉ ⲉⲧⲁⲥϣⲱⲡⲓ ⲉⲃⲟⲗϩⲓⲧⲉⲛ
ⲡⲓⲙⲁⲕⲁⲣⲓⲟⲥ ⲏⲗⲓⲁⲥ ⲡⲓⲑⲉⲥⲃⲩⲧⲏⲥ ⲛⲉⲙ ⲓⲱⲁⲛⲛⲏⲥ ⲡⲓⲣⲉϥϯ ⲱⲙⲥ ⲁⲗⲗⲁ
ⲙⲉⲛ ⲡⲓϩⲱⲃ ⲟⲩⲟⲛϩ ⲉⲃⲟⲗ ϫⲉ ⲏⲗⲓⲁⲥ ⲁϥⲉⲣ ⲥⲁ ⲡϣⲱⲓ ⲛⲛⲓⲙⲟⲛⲁⲭⲟⲥ
ⲓⲱⲁⲛⲛⲏⲥ ⲙⲡⲁⲧⲟⲩⲙⲁⲥϥ ⲣⲱ ⲁϥⲉⲣⲡⲣⲟⲫⲏⲧⲉⲩⲉⲓⲛ. ϩⲁⲛ ⲕⲉⲭⲱⲟⲩⲛⲓ ⲇⲉ
ⲟⲛ ⲕⲁⲧⲁ ⲡⲟⲩⲙⲉⲩⲓ ⲙⲙⲁⲩⲁⲧⲟⲩ ⲛⲁⲩϫⲱ ⲙⲙⲟⲥ ⲡⲉ ϫⲉ ⲁⲃⲃⲁ ⲁⲛⲧⲱⲛⲓⲟⲥ
ⲛϣⲟⲣⲡ ⲁϥϣⲱⲡⲓ ϩⲓ ⲡϣⲁϥⲉ ⲟⲩⲟϩ ϫⲉ ⲛⲑⲟϥ ⲛϣⲟⲣⲡ ⲁϥⲧⲁϩⲉ ⲡⲓϩⲱⲃ
ⲉⲣⲁⲧϥ. ⲉϣⲱⲡ ⲛⲧⲉⲛϩⲟⲧϩⲉⲧ ⲁⲕⲣⲓⲃⲱⲥ ⲧⲉⲛⲛⲁϫⲉⲙⲥ ⲁⲛ ⲉⲁⲃⲃⲁ ⲁⲛ‐


### 0002

ⲧⲱⲛⲓⲟⲥ (-ⲡ︦︦ⲋ︦-) ϫⲉ ⲛⲑⲟϥ ⲡⲉ ⲉⲧⲁϥϫⲉⲙ ⲧⲁⲣⲭⲏ ⲙⲡϣⲁϥⲉ ⲛϣⲟⲣⲡ
ⲁⲗⲗⲁ ⲡⲓⲙⲁⲕⲁⲣⲓⲟⲥ ⲁⲃⲃⲁ ⲡⲁⲩⲗⲟⲥ ⲡⲉ.
ⲁⲛⲉⲣⲁⲡⲁⲛⲧⲁⲛ ⲅⲁⲣ ⲉⲛⲓⲙⲁⲑⲏⲧⲏⲥ ⲛⲧⲉ ⲡⲓⲙⲁⲕⲁⲣⲓⲟⲥ ⲁⲃⲃⲁ ⲁⲛⲧⲱⲛⲓⲟⲥ
ⲉⲧⲉ ⲛⲏ ⲛⲉ ⲉⲧⲁⲩⲑⲟⲙⲥϥ ⲟⲩⲟϩ ⲁⲩⲧⲁⲙⲟⲛ ϫⲉ ⲁⲃⲃⲁ ⲡⲁⲩⲗⲟⲥ ⲡⲓⲣⲉⲙ
ⲣⲏⲥ ⲛⲑⲟϥ ⲁϥⲉⲣ ϩⲏⲧⲥ ⲛϣⲱⲡⲓ ϩⲓ ⲡϣⲁϥⲉ ⲛϣⲟⲣⲡ ⲟⲩⲟϩ ⲁ ⲡⲉⲛϩⲏⲧ
ⲑⲱⲧ ϩⲱⲛ ϩⲉⲛ ⲛⲁⲓⲥⲁϫⲓ. ⲉⲡⲉⲓⲇⲏ ⲟⲩⲟⲛ ϩⲁⲛ ⲟⲩⲟⲛ ϫⲱ ⲙⲙⲟⲥ ϫⲉ ⲁⲃⲃⲁ
ⲁⲛⲧⲱⲛⲓⲟⲥ ⲁϥϣⲱⲡⲓ ⲛϣⲟⲣⲡ ⲉⲑⲃⲉ ⲫⲁⲓ ⲁⲓⲓⲏⲥ ⲙⲙⲟⲓ ⲉⲥϩⲉ ϩⲁⲛ ⲕⲟⲩϫⲓ
ⲛⲱⲧⲉⲛ ⲉⲑⲃⲉ ⲡⲓⲙⲁⲕⲁⲣⲓⲟⲥ ⲁⲃⲃⲁ ⲡⲁⲩⲗⲟⲥ ⲡⲓⲁⲛⲁⲭⲱⲣⲏⲧⲏⲥ ⲉⲑⲟⲩⲁⲃ
ϫⲉ ⲡⲱⲥ ⲁϥⲉⲣ ϩⲏⲧⲥ ⲟⲩⲟϩ ⲁϥϫⲱⲕ ⲉⲃⲟⲗ.
ⲁⲥϣⲱⲡⲓ ⲇⲉ ϩⲉⲛ ⲡⲓⲥⲏⲟⲩ ⲛⲧⲉ ⲇⲏⲕⲓⲟⲥ ⲛⲇⲓⲱⲕⲧⲏⲥ ⲛⲉⲙ ⲟⲩⲁⲗⲉⲣⲓⲁⲛⲟⲥ
ⲁ ⲕⲟⲣⲛⲏⲗⲓⲟⲥ ϫⲱⲕ ⲙⲡⲓⲁⲅⲱⲛ ⲛⲧⲉ ϯⲙⲉⲧⲙⲁⲣⲧⲩⲣⲟⲥ ⲉⲃⲟⲗ ϩⲉⲛ ⲣⲱⲙⲏ
ϯⲙⲏⲧⲣⲟⲡⲟⲗⲓⲥ ⲉϩⲣⲏⲓ ⲉϫⲉⲛ ⲫⲣⲁⲛ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦. ⲡⲓⲙⲁⲕⲁⲣⲓⲟⲥ
ⲇⲉ ⲁⲃⲃⲁ ⲡⲁⲩⲗⲟⲥ ⲛⲁϥϣⲟⲡ ⲡⲉ ⲛⲉⲙ ⲧⲉϥⲥⲱⲛⲓ ⲉⲣⲉ ⲟⲩⲟⲛ ⲟⲩⲣⲱⲙⲓ
ⲛⲧⲁⲥ ⲉⲁⲩⲙⲟⲩ ⲛϫⲉ ⲛⲟⲩⲓⲟϯ ⲁⲩⲭⲁ ⲟⲩⲛⲓϣϯ ⲙⲙⲉⲧⲣⲁⲙⲁⲟ ⲛⲱⲟⲩ.
ⲛⲁⲣⲉ ⲡⲁⲩⲗⲟⲥ ⲇⲉ ⲡⲉ ϩⲉⲛ ⲓ︦︦ⲋ︦ ⲛⲣⲟⲙⲡⲓ ⲛⲁϥϭⲓ ⲥⲃⲱ ⲇⲉ ⲡⲉ ⲉⲛⲓⲥϩⲁⲓ


### 0003

ⲛⲟⲩ- (-ⲡ︦ⲍ︦-)............................................
ⲉⲧ... ⲉⲡⲓⲫⲁϣ... ϭⲟϫⲓ ⲁ.. ⲉⲟⲩⲧⲱ.. ϫⲟⲣϫⲥ ⲛ.... ⲛⲓ ⲁϥⲉⲣ....
ⲙⲡⲓϫⲓ ⲛϣ... ϥⲉ ϩⲉⲛ ⲡ.... ⲙⲁⲗⲗⲟⲛ......(-ⲡ︦ⲏ︦-)............
ⲙⲁⲕⲁⲣⲓⲟⲥ.......ⲉⲧⲉⲙⲙⲁⲩ........ϥⲙⲟϣⲓ......ϩⲓ.........
ϫⲓ ⲛⲱⲛϩ......ⲛⲓϩⲱϥ ⲡⲉ.......ⲛⲁϥⲭⲏ....................
(-ⲡ︦ⲑ︦-) ϩⲱϥ ⲡⲉ ϩⲉⲛ ϥ̄ ⲛⲣⲟⲙⲡⲓ ⲁϥϫⲟⲥ ⲛⲁⲛ ⲛⲟⲩⲥⲟⲡ ϫⲉ ⲁⲓⲥⲟϭⲛⲓ
ⲙⲡⲁϩⲏⲧ ⲛⲟⲩⲥⲏⲟⲩ ⲉⲓϫⲱ ⲙⲙⲟⲥ ϫⲉ ϩⲁⲣⲁ ⲙⲡⲉ ⲕⲉⲙⲟⲛⲁⲭⲟⲥ ϣⲱⲡⲓ
ϩⲉⲛ ⲡⲁⲓϣⲁϥⲉ ⲉⲧⲥⲁϩⲟⲩⲛ ⲙⲙⲟⲓ. ⲟⲩⲟϩ ⲁⲥϣⲱⲡⲓ ϩⲉⲛ ⲡⲓⲉϫⲱⲣϩ ⲉⲧⲁⲓ‐
ⲥⲟϭⲛⲓ ϩⲉⲛ ⲡⲁϩⲏⲧ ⲙⲙⲟϥ ⲙⲙⲁⲩⲁⲧ ⲥⲁⲧⲟⲧϥ ⲇⲉ ϩⲉⲛ ⲡⲓⲉϫⲱⲣϩ ⲉⲧⲉⲙ‐
ⲙⲁⲩ ⲁ ⲫ︦ϯ︦ ϭⲱⲣⲡ ⲛⲏⲓ ⲉⲃⲟⲗ ⲡⲉϫⲁϥ ⲛⲏⲓ ⲙⲡⲁⲓⲣⲏϯ ϫⲉ ⲉⲧⲓ ⲕⲉⲟⲩⲁⲓ
ⲥⲁϩⲟⲩⲛ ⲙⲙⲟⲕ ϩⲉⲛ ⲡⲁⲓϣⲁϥⲉ ⲛⲁⲛⲉϥ ⲉϩⲟⲧⲉⲣⲟⲕ ⲟⲩⲟϩ ⲛⲉ ⲡⲉⲧⲥϣⲉ
ⲡⲉ ⲛⲧⲉⲕⲓⲏⲥ ⲙⲙⲟⲕ ⲉⲉⲣⲁⲡⲁⲛⲧⲁⲛ ⲉⲣⲟϥ ϩⲉⲛ ⲟⲩⲣⲁϣⲓ ⲉϥⲟϣ.
ⲉⲧⲁ ⲡⲓⲉϩⲟⲟⲩ ⲇⲉ ϣⲱⲡⲓ ⲁϥⲧⲱⲛϥ ⲛϫⲉ ⲡⲓⲙⲁⲕⲁⲣⲓⲟⲥ ⲁⲃⲃⲁ ⲁⲛⲧⲱⲛⲓⲟⲥ
ⲁϥⲓ ⲉⲃⲟⲗ ⲉϥⲙⲟϣⲓ ⲉⲣⲉ ⲡⲉϥϣⲃⲱⲧ ⲙⲃⲁⲓ ϩⲉⲛ ⲧⲉϥϫⲓϫ ⲉⲁϥⲟⲩⲁϩϥ ⲉϫⲱϥ
ⲟⲩⲟϩ ⲁϥⲉⲣ ϩⲏⲧⲥ ⲙⲙⲟϣⲓ ⲕⲁⲧⲁ ⲡⲉϥⲙⲉⲩⲓ ⲙⲙⲓⲛ ⲙⲙⲟϥ ⲛϥⲉⲙⲓ ⲁⲛ ϫⲉ
ⲁϥⲙⲟϣⲓ ⲉⲑⲱⲛ ⲟⲩⲇⲉ ϫⲉ ⲁϣ ⲡⲉ ⲡⲓⲙⲱⲓⲧ ⲛⲧⲉ ⲡⲓⲁⲅⲓⲟⲥ. ⲉⲧⲁ ⲙⲉⲣⲓ ⲇⲉ
ϣⲱⲡⲓ ⲟⲩⲟϩ ⲉⲧⲁ ⲡⲓⲣⲏ ϫⲉⲙϫⲟⲙ ⲁ ⲡⲓⲕⲁⲩⲙⲁ ϫⲉⲙϫⲟⲙ ⲟⲛ ⲙⲡⲉ


### 0004

ⲡⲓⲙⲁⲕⲁⲣⲓⲟⲥ ⲛϩⲉⲗⲗⲟ ⲁⲃⲃⲁ ⲁⲛⲧⲱⲛⲓⲟⲥ ⲣⲓⲕⲓ ⲥⲁⲃⲟⲗ ⲙⲡⲓⲙⲱⲓⲧ ⲉϥϫⲱ
ⲙⲙⲟⲥ (-ϥ̄-) ϫⲉ ϯⲛⲁϩϯ ϫⲉ ⲫϯ ⲛⲁⲭⲁⲧ ⲛⲥⲱϥ ⲁⲛ ⲁⲗⲗⲁ ⲉϥⲉⲧⲁⲙⲟⲓ
ⲉⲡⲉϥⲃⲱⲕ ⲫⲏ ⲉⲧⲁϥϫⲟⲥ ⲛⲏⲓ ⲉⲑⲃⲏⲧϥ. ϩⲱⲥ ⲇⲉ ⲉϥⲥⲁϫⲓ ⲁϥⲥⲟⲙⲥ ⲁϥⲛⲁⲩ
ⲉⲟⲩⲣⲱⲙⲓ ⲉϥⲟⲓ ⲛⲣⲏϯ ⲃ︦ ⲧⲉϥⲫⲁϣⲓ ⲉⲥⲟⲓ ⲛⲣⲱⲙⲓ ⲧⲉϥⲕⲉⲫⲁϣⲓ ⲛⲉ ⲟⲩϩⲑⲟ
ⲡⲉ ⲉⲧⲉ ⲫⲁⲓ ⲡⲉ ⲫⲏ ⲉⲧⲟⲩⲙⲟⲩϯ ⲉⲣⲟϥ ⲛϫⲉ ⲛⲓⲥⲁⲃⲉⲩ ϫⲉ ⲓⲡⲡⲟⲕⲉⲛⲧⲁⲩⲣⲟⲥ
ⲁϥⲙⲟⲩϯ ⲟⲩⲛ ⲉⲣⲟϥ ⲛϫⲉ ⲡⲓⲙⲁⲕⲁⲣⲓⲟⲥ ⲁⲃⲃⲁ ⲁⲛⲧⲱⲛⲓⲟⲥ ⲡⲉϫⲁϥ ⲛⲁϥ
ϫⲉ ⲁⲓϭⲉⲣⲟⲕ ⲛⲑⲟⲕ ⲁⲣⲉ ⲡⲓⲣⲱⲙⲓ ⲛⲧⲉ ⲫ︦ϯ︦ ϣⲟⲡ ⲛⲑⲱⲛ ϩⲉⲛ ⲡⲁⲓⲙⲱⲓⲧ.
ⲁϥⲉⲣ ⲟⲩⲱ ⲛⲁϥ ϩⲉⲛ ⲟⲩϫⲓ ⲛⲥⲁϫⲓ ⲙⲙⲉⲧⲃⲁⲣⲃⲁⲣⲟⲥ ⲉⲣⲉ ⲣⲱϥ ϩⲓ ϩⲉⲗⲓ
ⲉⲃⲟⲗ. ⲁϥⲙⲟϣⲓ ⲇⲉ ⲛϫⲉ ⲡⲓⲙⲁⲕⲁⲣⲓⲟⲥ ⲛϩⲉⲗⲗⲟ ⲉϥⲕⲱϯ ⲛⲥⲁ ⲡⲓⲙⲱⲓⲧ.
ⲉⲧⲁϥⲉⲣ ϣⲫⲏⲣ ⲛϫⲉ ⲡⲓⲙⲁⲕⲁⲣⲓⲟⲥ ⲁⲃⲃⲁ ⲁⲛⲧⲱⲛⲓⲟⲥ ⲁ ⲛⲓⲑⲏⲣⲓⲟⲛ ⲉⲧⲉⲙ‐
ⲙⲁⲩ ⲫⲱⲧ ⲉⲃⲟⲗϩⲁ ⲡⲉϥϩⲟ ⲉϥϩⲏⲗ ⲉⲟⲩⲙⲁ ⲉϥⲟⲩⲉⲥⲑⲱⲛ ⲛⲑⲟϥ ⲡⲉ
ⲡⲓⲇⲓⲁⲃⲟⲗⲟⲥ ⲉⲁϥϣⲓⲃϯ ⲙⲡⲉϥⲥⲭⲏⲙⲁ ⲙⲫⲣⲏϯ ⲛⲟⲩⲓⲡⲡⲟⲕⲉⲛⲧⲁⲩⲣⲟⲥ.
ⲟⲩⲟϩ ⲁϥⲉⲣ ϣⲫⲏⲣⲓ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ⲉϥϫⲱ ⲙⲙⲟⲥ ϫⲉ ⲡⲱⲥ
ⲁϥϣⲉⲃⲓⲏⲧϥ ⲉⲡⲁⲓⲑⲏⲣⲓⲟⲛ ⲟⲩⲟϩ ⲁϥⲟⲩⲟⲛϩϥ ⲉⲃⲟⲗ. ⲁⲥϣⲱⲡⲓ ⲇⲉ ⲉⲧⲁϥⲓ
ⲉⲧϩⲏ ⲛⲕⲉⲕⲟⲩϫⲓ ⲁϥⲛⲁⲩ ⲉⲟⲩⲣⲱⲙⲓ ⲉϥⲟⲛⲓ ⲙⲙⲟϥ ⲉϥⲟⲓ ⲛϫⲁⲃϫⲓⲃ ⲟⲩⲟϩ
ⲉϥⲟϩⲓ ⲉⲣⲁⲧϥ ϩⲓϫⲉⲛ ⲟⲩⲱⲛⲓ ⲉⲣⲉ ⲟⲩⲟⲛ ϩⲁⲛ ⲧⲁⲡ ϩⲓ ϫⲱϥ ⲛⲉⲙ ⲧⲉϥⲧⲉϩⲛⲓ.


### 0005

ⲉⲧⲁϥⲛⲁⲩ ⲉⲣⲟϥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ⲁϥϯ ϩⲓⲱⲧϥ ⲛϯϩⲉⲗⲗⲓⲃϣ ⲛⲧⲉ
ⲡⲓⲛⲁϩϯ ⲛⲉⲙ ϯϣⲉⲃϣⲓ ⲛⲧⲉ ϯⲙⲉⲑⲙⲏⲓ ⲡⲉϫⲁϥ ⲛⲁϥ ϫⲉ ⲛⲑⲟⲕ ⲛⲓⲙ ⲫⲏ
ⲉϯⲛⲁⲩ ⲉⲣⲟϥ. ⲁϥⲉⲣ ⲟⲩⲱ ⲛⲁϥ ⲛϫⲉ ⲫⲏ ϫⲉ ⲁⲛⲟⲕ ⲟⲩⲣⲉϥⲙⲱⲟⲩⲧ ⲉⲓϣⲟⲡ
ϩⲉⲛ ⲡⲁⲓϣⲁϥⲉ. ⲛⲉ ⲫⲁⲓ ⲟⲩⲟⲛ ⲟⲩⲁⲓ ⲡⲉ ⲉⲃⲟⲗϩⲉⲛ ⲛⲏ ⲉⲧⲟⲩⲙⲟⲩϯ ⲉⲣⲱⲟⲩ
ⲛϫⲉ ⲛⲓⲉⲑⲛⲟⲥ ϫⲉ ⲥⲁⲧⲩⲣⲟⲥ ⲛⲁⲓ ⲅⲁⲣ ⲛⲉ ⲛⲏ ⲉⲧⲁⲩⲉⲣ ϩⲁⲗ ⲛⲛⲓⲯⲩⲭⲏ
ⲛⲧⲉ ⲛⲓⲟⲩⲉⲓⲛⲓⲛ ϣⲁⲧⲟⲩⲉⲣ ϣⲁⲙϣⲉ ⲓϩ. ϩⲱⲥ ⲇⲉ ⲉⲣⲉ ⲡⲓⲑⲏⲣⲓⲟⲛ ϫⲱ ⲛⲛⲁⲓ
ⲥⲁϫⲓ ⲁ ⲡⲓⲙⲁⲕⲁⲣⲓⲟⲥ ⲛϩⲉⲗⲗⲟ ⲙⲟϣⲓ ϩⲓ ⲡⲉϥⲙⲱⲓⲧ ⲉⲣⲉ ⲛⲉϥⲉⲣⲙⲱⲟⲩⲓ
ϩⲓⲱⲟⲩⲧ ⲉϫⲉⲛ ⲡⲓⲕⲁϩⲓ ⲉϥⲣⲁϣⲓ ϩⲓϫⲉⲛ ⲡⲱⲟⲩ ⲙⲡⲭ︦ⲥ︦ ⲛⲉⲙ ⲉϫⲉⲛ ⲡⲧⲁⲕⲟ
ⲙⲡⲓⲇⲓⲁⲃⲟⲗⲟⲥ ⲟⲩⲟϩ ⲛⲁϥⲉⲣ ϣⲫⲏⲣⲓ ⲡⲉ ϫⲉ ⲁϥϫⲉⲙϫⲟⲙ ⲉⲕⲁϯ ⲉϯϫⲓ
ⲛⲥⲁϫⲓ ⲛⲧⲉ ⲡⲓⲑⲏⲣⲓⲟⲛ ⲉⲧⲉⲙⲙⲁⲩ. ⲟⲩⲟϩ ⲉⲧⲁϥⲕⲱⲗϩ ⲙⲡⲉϥϣⲃⲱⲧ (-ϥⲁ-)
ⲉⲧϩⲉⲛ ⲧⲉϥϫⲓϫ ⲉϫⲉⲛ ⲡⲓⲕⲁϩⲓ ⲟⲩⲟϩ ⲡⲉϫⲁϥ ϫⲉ ⲟⲩⲟⲓ ⲛⲁⲥ ⲣⲁⲕⲟϯ ⲟⲩⲟⲓ
ⲛϯⲃⲁⲕⲓ ⲛⲧⲉ ⲛⲓⲁⲥⲉⲃⲏⲥ ⲑⲏ ⲉⲧⲁⲩⲑⲱⲟⲩϯ ⲉⲣⲟⲥ ⲛϫⲉ ⲛⲓⲇⲁⲓⲙⲱⲛ ⲧⲏⲣⲟⲩ
ⲛⲧⲉ ⲡⲁⲓⲑⲟ. ⲟⲩⲟϩ ⲁϥⲙⲟϣⲓ ⲟⲛ ⲛϫⲉ ⲡⲓⲙⲁⲕⲁⲣⲓⲟⲥ ⲁⲛⲧⲱⲛⲓⲟⲥ ⲉϥⲟⲩⲱϣ
ⲉϫⲱⲕ ⲙⲡⲉϥⲙⲱⲓⲧ ⲉⲃⲟⲗ ⲫⲏ ⲉⲛⲁϥⲙⲟϣⲓ ⲛϩⲏⲧϥ ⲉϥⲕⲱϯ ⲛⲥⲁ ⲡⲓⲃⲱⲕ
ⲛⲧⲉ ⲡⲭ︦ⲥ︦ ⲟⲩⲟϩ ⲛⲁϥⲙⲟⲕⲙⲉⲕ ⲛϩⲣⲏⲓ ⲛϩⲏⲧϥ ⲡⲉ ϫⲉ ⲉϥⲛⲁⲉⲣ ⲟⲩ ⲓⲉ
ⲉϥⲛⲁⲙⲟϣⲓ ⲉⲑⲱⲛ. ⲁϥϫⲟⲩϣⲧ ⲇⲉ ⲉⲫⲟⲩⲟⲥⲧⲉⲛ ⲙⲡⲓⲧⲱⲟⲩ ⲁϥⲛⲁⲩ ⲉϩⲁⲛ
ⲙⲏϣ ⲛϣⲉ ⲛⲧⲁⲧⲥⲓ ⲛⲧⲉ ⲛⲓⲑⲏⲣⲓⲟⲛ ⲡⲓⲉϩⲟⲟⲩ ⲇⲉ ⲛⲉⲁϥⲥⲓⲛⲓ ⲡⲉ ⲟⲩⲟϩ


### 0006

ⲛⲁϥⲙⲟⲕⲙⲉⲕ ⲛϩⲣⲏⲓ ⲛϩⲏⲧϥ ⲉϥϫⲟⲩϣⲧ ⲉⲃⲟⲗ ⲟⲩⲟϩ ⲛⲁϥϫⲱ ⲙⲙⲟⲥ ⲡⲉ
ϫⲉ ⲟⲩϩⲱⲃ ⲛⲁⲧϫⲟⲙ ⲡⲉ ⲫⲁⲓ ⲉⲑⲣⲉϥⲭⲁⲧ ⲛⲥⲱϥ ⲛϫⲉ ⲫ︦ϯ︦. ⲛⲁϥⲙⲟϣⲓ ⲇⲉ
ⲡⲉ ϩⲉⲛ ⲡⲓⲉϫⲱⲣϩ ⲉϥⲙⲏⲛ ⲉϯⲡⲣⲟⲥⲉⲩⲭⲏ. ⲉⲧⲁ ϣⲱⲣⲡ ⲇⲉ ϣⲱⲡⲓ ϩⲏⲡⲡⲉ
ⲁϥⲛⲁⲩ ⲉⲟⲩⲛⲓϣϯ ⲛϩⲱⲓϯ ⲉⲥϭⲟϫⲓ ⲟⲩⲟϩ ⲉⲥⲛⲓϥⲓ ⲉⲃⲟⲗ ⲉⲙⲁϣⲱ ⲉⲥⲛⲁ
ⲉⲡϣⲱⲓ ⲉϫⲉⲛ ⲧⲁⲫⲉ ⲙⲡⲓⲧⲱⲟⲩ ⲟⲩⲟϩ ⲁϥⲙⲟϣⲓ ⲛⲥⲱⲥ. ⲉⲧⲁϥϩⲱⲛⲧ ⲇⲉ
ⲉⲡⲓⲃⲏⲃ ⲁϥⲛⲁⲩ ⲉⲡⲓⲑⲏⲣⲓⲟⲛ ⲉϥϩⲏⲗ ⲉϩⲟⲩⲛ ⲉⲣⲟϥ (-ϥ︦ⲃ︦-) ⲟⲩⲟϩ ⲉⲧⲁϥⲥⲟⲙⲥ
ⲉϩⲟⲩⲛ ⲁϥⲛⲁⲩ ⲉϯⲁⲅⲁⲡⲏ ⲉⲥϫⲏⲕ ⲉⲃⲟⲗ ⲉⲡⲓⲙⲁⲕⲁⲣⲓⲟⲥ ⲛϩⲉⲗⲗⲟ ⲁⲃⲃⲁ
ⲡⲁⲩⲗⲟⲥ ⲟⲩⲟϩ ⲁϥϩⲓ ϯϩⲟϯ ⲉⲃⲟⲗ ϩⲁⲣⲟϥ ⲁϥⲥⲟⲙⲥ ⲁϥⲛⲁⲩ ⲉⲟⲩⲱⲛⲓ
ⲛϩⲟⲩⲛ ϩⲉⲛ ⲡⲓⲃⲏⲃ ⲁϥϣⲉ ⲛⲁϥ ⲁϥⲉⲗ ⲱⲛⲓ ⲁϥⲕⲱⲗϩ ⲉⲡⲓⲣⲟ.
ⲁⲥϣⲱⲡⲓ ⲇⲉ ⲉⲧⲁϥⲥⲱⲧⲉⲙ ⲛϫⲉ ⲡⲓⲙⲁⲕⲁⲣⲓⲟⲥ ⲛϩⲉⲗⲗⲟ ⲉⲡⲓⲥⲉⲛⲥⲉⲛ ⲛⲧⲉ
ⲡⲓϣⲉ ⲛⲱⲛⲓ ⲁϥⲧⲱⲛ ϩⲱϥ ⲁϥⲱⲗⲓ ⲛⲟⲩⲛⲓϣϯ ⲛⲱⲛⲓ ⲁϥϩⲓⲧϥ ϩⲓⲣⲉⲛ ⲡⲓⲣⲟ
ⲉⲃⲟⲗ ⲥⲁϩⲟⲩⲛ. ⲧⲟⲧⲉ ⲁⲃⲃⲁ ⲁⲛⲧⲱⲛⲓⲟⲥ ⲁϥϩⲓⲧϥ ⲉϫⲉⲛ ⲡⲉϥϩⲟ ⲥⲁⲃⲟⲗ
ⲙⲡⲓⲣⲟ ⲉϥϯ ϩⲟ ⲉⲡⲓϩⲉⲗⲗⲟ ϩⲓⲛⲁ ⲛⲧⲉϥⲭⲁϥ ⲉϩⲟⲩⲛ ⲟⲩⲟϩ ⲡⲉϫⲁϥ ⲛⲁϥ
ϫⲉ ϯⲭⲏ ⲙⲙⲁⲩⲁⲧ ⲥⲁⲃⲟⲗ ⲧⲁⲓ ⲉⲧⲁⲓⲓ ⲅⲁⲣ ⲁⲛⲟⲕ ⲉⲃⲟⲗϩⲉⲛ ⲟⲩⲙⲱⲓⲧ
ⲉϥⲟⲩⲏⲟⲩ ⲟⲩⲟϩ ⲉⲧⲁⲓⲓ ϫⲉ ⲛⲧⲁⲛⲁⲩ ⲉⲣⲟⲕ. ϯⲉⲙⲓ ⲇⲉ ϩⲱ ϫⲉ ϯⲙⲡϣⲁ
ⲙⲙⲟⲕ ⲁⲛ ⲉⲑⲣⲓⲛⲁⲩ ⲉⲣⲟⲕ ⲓⲥϫⲉ ⲕϣⲱⲡ ⲛⲛⲓⲑⲏⲣⲓⲟⲛ ⲉⲣⲟⲕ ⲓⲉ ⲉⲑⲃⲉ ⲟⲩ


### 0007

ⲕϣⲱⲡ ⲙⲙⲟⲓ ⲉⲣⲟⲕ ⲁⲛ ⲁⲛⲟⲕ ϩⲁ ⲡⲓⲣⲱⲙⲓ. ⲁⲓⲕⲱϯ ⲟⲩⲟϩ ⲁⲓϫⲓⲙⲓ
ⲁⲓⲕⲱⲗϩ ⲉⲓⲉⲣⲑⲁⲣⲣⲉⲓⲛ ϫⲉ ⲛⲧⲟⲩⲁⲟⲩⲱⲛ ⲛⲏⲓ. ⲉϣⲱⲡ ⲟⲩⲛ ⲁⲥϣⲧⲉⲙ‐
ϣⲁϣⲛⲓ ⲉⲡⲁⲓϩⲱⲃ ϯⲛⲁⲙⲟⲩ ϩⲓⲣⲉⲛ ⲡⲉⲕⲣⲟ ϩⲓⲛⲁ ⲁⲕϣⲁⲛⲛⲁⲩ ⲉⲡⲁⲥⲱⲙⲁ
ⲛⲧⲉⲕⲑⲟⲙⲥϥ. (-ϥ︦ⲇ︦-) ⲉⲧⲁϥⲙⲟⲛⲓ ⲇⲉ ⲛⲧⲟⲧϥ ⲉϥϫⲱ ⲙⲙⲟⲥ ⲛⲛⲁⲓⲥⲁϫⲓ
ⲛⲁϥ ⲙⲟⲅⲓⲥ ⲇⲉ ⲁ ⲡⲓⲙⲁⲕⲁⲣⲓⲟⲥ ⲡⲁⲩⲗⲟⲥ ⲉⲣ ⲟⲩⲱ ⲛⲁϥ. ⲡⲉϫⲁϥ ⲛⲁϥ ϫⲉ
ⲙⲙⲟⲛ ϩⲗⲓ ⲉϥⲛⲏⲟⲩ ϩⲉⲛ ⲟⲩϫⲱⲛⲧ ⲟⲩⲇⲉ ⲙⲙⲟⲛ ϩⲗⲓ ⲛⲣⲱⲙⲓ ⲉϥϯ
ϣⲑⲟⲩⲓⲧ. ⲉⲧⲁϥⲥⲁϫⲓ ⲛⲉⲙⲁϥ ϩⲉⲛ ϩⲁⲛ ⲥⲁϫⲓ ⲛϩⲙⲟⲧ ⲁϥⲟⲩⲱⲛ ⲙⲡⲓⲣⲟ
ⲛⲁϥ ⲟⲩⲟϩ ⲁⲩⲙⲟⲩⲗϫ ⲉϩⲟⲩⲛ ⲉⲛⲟⲩⲉⲣⲏⲟⲩ ⲁⲩϯ ⲫⲓ ⲉⲛⲟⲩⲉⲣⲏⲟⲩ ϩⲉⲛ
ⲟⲩⲫⲓ ⲉⲥⲟⲩⲁⲃ ⲟⲩⲟϩ ⲁ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲟⲩ ⲟⲩⲱⲛϩ ⲙⲡⲉϥⲣⲁⲛ
ⲙⲡⲉϥⲁⲣⲏⲟⲩ.
ⲁⲥϣⲱⲡⲓ ⲇⲉ ⲙⲉⲛⲉⲛⲥⲁ ⲛⲁⲓ ⲁ ⲡⲓⲙⲁⲕⲁⲣⲓⲟⲥ ⲡⲁⲩⲗⲟⲥ ϩⲉⲙⲥⲓ ⲉⲟⲩⲥⲟⲡ
ⲛⲉⲙ ⲁⲃⲃⲁ ⲁⲛⲧⲱⲛⲓⲟⲥ ⲟⲩⲟϩ ⲡⲉϫⲁϥ ⲛⲁϥ ϫⲉ ⲉⲑⲃⲉ ⲟⲩ ⲁⲕϯ ⲙⲡⲁⲓⲛⲓϣϯ
ⲛϩⲓⲥⲓ ⲛⲁⲕ ⲟⲩⲟϩ ⲁⲕⲓ ⲉⲕⲙⲟϣⲓ ϩⲉⲛ ⲡⲁⲓⲙⲱⲓⲧ ⲧⲏⲣϥ ⲉⲕⲕⲱϯ ⲛⲥⲁ ⲟⲩ‐
ϩⲉⲗⲗⲟ ⲉⲁϥⲕⲏⲛ ⲉⲃⲱⲗ ⲉⲃⲟⲗ ⲟⲩⲟϩ ⲙⲉⲛⲉⲛⲥⲁ ⲕⲉⲕⲟⲩϫⲓ ⲭⲛⲁⲛⲁⲩ ⲉⲣⲟϥ
ⲉϥⲟⲓ ⲛⲕⲁϩⲓ ⲁⲗⲗⲁ ⲉⲡⲉⲓⲇⲏ ϯⲁⲅⲁⲡⲏ ϣⲁⲥϣⲱⲡ ⲉⲣⲟⲥ ϩⲉⲛ ϩⲱⲃ ⲛⲓⲃⲉⲛ
ϯϯ ϩⲟ ⲉⲣⲟⲕ ⲡⲁⲥⲟⲛ ⲁⲛⲧⲱⲛⲓⲟⲥ ⲁϫⲟⲥ ⲛⲏⲓ ϫⲉ ⲁⲣⲉ ⲡⲓϣⲗⲟⲗ ⲛⲧⲉ ϯⲙⲉⲧ‐
ⲣⲱⲙⲓ ⲉⲣ ⲟⲩ ϯⲛⲟⲩ. ⲙⲁⲧⲁⲙⲟⲓ ϫⲉ ⲉⲧⲓ ⲟⲛ ⲥⲉⲕⲱⲧ ⲛϩⲁⲛ ⲕⲱⲧ ϩⲉⲛ


### 0008

ⲛⲓⲡⲟⲗⲓⲥ ⲛⲁⲣⲭⲁⲓⲟⲥ ⲛⲧⲉ ⲭⲏⲙⲓ ⲉⲧⲓ ⲟⲩⲛ ⲟⲩⲟⲛ ⲟⲩⲟⲩⲣⲟ ⲉϫⲉⲛ ⲡⲓⲕⲁϩⲓ
(-ϥ︦ⲉ︦-) ⲓⲉ ⲉⲧⲓ ⲟⲛ ⲥⲉⲉⲣⲁⲓⲭⲙⲁⲗⲱⲧⲉⲩⲉⲓⲛ ⲛⲛⲓⲁⲣⲭⲱⲛ ⲉⲃⲟⲗϩⲓⲧⲉⲛ ϯⲁ‐
ⲡⲁⲧⲏ ⲛⲧⲉ ⲛⲓⲇⲁⲓⲙⲱⲛ. ϩⲱⲥ ⲇⲉ ⲉϥⲥⲁϫⲓ ⲛⲉⲙ ⲁⲃⲃⲁ ⲁⲛⲧⲱⲛⲓⲟⲥ ⲁϥ‐
ⲛⲁⲩ ⲉⲟⲩⲁⲃⲱⲕ ⲛⲭⲁⲙⲉ ⲉϥϩⲉⲙⲥⲓ ⲉϫⲉⲛ ⲟⲩϫⲁⲗ ⲛⲧⲉ ⲟⲩϣϣⲏⲛ ⲟⲩⲟϩ
ⲥⲁⲧⲟⲧϥ ⲁ ⲡⲓϩⲁⲗⲏⲧ ϩⲁⲗⲁⲓ ⲉⲣⲉ ⲟⲩⲱⲓⲕ ⲉϥⲟⲩⲟϫ ϩⲉⲛ ⲣⲱϥ ⲁϥⲟⲩⲟϩ ϧⲉⲛ
ⲧⲟⲩⲙⲏϯ ⲁϥⲭⲁϥ ⲛⲱⲟⲩ ⲉϩⲣⲏⲓ ⲉⲟⲩⲥⲟⲡ ⲙⲡⲃ︦ ⲟⲩⲟϩ ⲉⲧⲁϥϩⲱⲗ ⲛϫⲉ
ⲡⲓϩⲁⲗⲏⲧ ⲁⲩⲉⲣ ϣⲫⲏⲣⲓ. ⲡⲉϫⲉ ⲁⲃⲃⲁ ⲡⲁⲩⲗⲟⲥ ⲛⲁⲃⲃⲁ ⲁⲛⲧⲱⲛⲓⲟⲥ ϫⲉ
ϩⲉⲛ ⲟⲩⲙⲉⲑⲙⲏⲓ ⲁ ⲡⲉⲛⲟⲥ ⲙⲙⲁⲓ ⲣⲱⲙⲓ ⲛⲛⲁⲏⲧ ⲟⲩⲱⲣⲡ ⲙⲡⲓⲁⲣⲓⲥⲧⲟⲛ
ⲛⲁⲛ ⲕⲁⲓ ⲅⲁⲣ ⲓⲥ ⲝ̄ ⲛⲣⲟⲙⲡⲓ ϯϭⲓ ⲛⲟⲩⲫⲁϣⲓ ⲛⲧⲉ ⲟⲩⲱⲓⲕ ⲛⲧⲟⲧϥ ⲙⲡⲁⲓ‐
ϩⲁⲗⲏⲧ ⲙⲙⲏⲛⲓ ⲉⲧⲁⲕⲓ ⲇⲉ ϣⲁⲣⲟⲓ ⲁ ⲡⲭ︦ⲥ︦ ⲟⲩⲱⲣⲡ ⲛⲁⲛ ⲛⲧⲉⲛϩⲣⲉ ⲉⲥⲕⲏⲡ
ϫⲉ ⲟⲩⲏⲓ ⲅⲁⲣ ⲁⲛⲟⲛ ϩⲁⲛ ⲙⲁⲧⲟⲓ ⲛⲧⲁϥ. ⲉⲧⲁⲩϣⲉⲡ ϩⲙⲟⲧ ⲛⲧⲉⲛ ⲫ︦ϯ︦
ⲁⲩϩⲉⲙⲥⲓ ⲙⲡⲃ︦ ⲉϫⲉⲛ ϯⲡⲏⲅⲏ ⲟⲩⲟϩ ⲁⲩϣϭⲛⲏⲛ ⲛⲉⲙ ⲛⲟⲩⲉⲣⲏⲟⲩ ϫⲉ
ⲛⲓⲙ ⲙⲙⲱⲟⲩ ⲡⲉ ⲉⲑⲛⲁⲫⲱϣ ⲙⲡⲓⲱⲓⲕ ⲛϩⲟⲩⲓⲧ ⲟⲩⲟϩ ⲙⲉⲛⲉⲛⲥⲁ ⲛⲁⲓ
ⲁⲩⲥⲱⲟⲩⲧⲉⲛ ⲛⲛⲟⲩϫⲓϫ ⲉⲃⲟⲗ ϩⲓ ⲟⲩⲙⲁ ⲁⲩⲫⲱϣ ⲙⲡⲓⲱⲓⲕ ϩⲉⲛ ⲫⲣⲁⲛ
ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲟⲩⲟϩ ⲁⲥϣⲱⲡⲓ ⲉⲧⲁⲩⲟⲩⲱⲙ ⲙⲡⲓ (-ϥ︦ⲋ︦-) ⲱⲓⲕ ⲁⲩⲉⲣ
ⲡⲓⲉϫⲱⲣϩ ⲧⲏⲣϥ ⲉⲩⲟⲓ ⲛϣⲣⲱⲓⲥ ⲟⲩⲟϩ ⲉⲩϩⲱⲥ ⲉⲫ︦ϯ︦.


### 0009

ⲉⲧⲁ ϣⲱⲣⲡ ⲇⲉ ϣⲱⲡⲓ ⲡⲉϫⲉ ⲁⲃⲃⲁ ⲡⲁⲩⲗⲟⲥ ⲛⲁⲃⲃⲁ ⲁⲛⲧⲱⲛⲓⲟⲥ ϫⲉ ⲉⲛⲁⲓ‐
ⲉⲙⲓ ⲡⲉ ϩⲁϫⲱϥ ⲙⲡⲁⲓⲥⲏⲟⲩ ϫⲉ ⲕϣⲟⲡ ϩⲉⲛ ⲛⲁⲓⲑⲟϣ ⲁ ⲡⲭ︦ⲥ︦ ⲅⲁⲣ ⲧⲁⲙⲟⲓ
ϫⲉ ⲛⲑⲟⲕ ⲟⲩϣⲫⲏⲣ ⲙⲃⲱⲕ ⲛⲉⲙⲏⲓ ⲁⲗⲗⲁ ⲉⲡⲉⲓⲇⲏ ⲡⲥⲏⲟⲩ ⲛⲧⲉ ⲡⲁⲃⲱⲗ
ⲉⲃⲟⲗ ⲁϥϩⲱⲛⲧ ⲟⲩⲟϩ ⲫⲏ ⲉⲛⲁⲓⲕⲱϯ ⲛⲥⲱϥ ⲁⲓⲧⲁϩⲟϥ ⲉⲧⲉ ⲡⲁⲃⲱⲗ ⲉⲃⲟⲗ
ⲡⲉ ⲛⲧⲁϣⲱⲡⲓ ⲛⲉⲙ ⲡⲭ︦ⲥ︦ ⲁϥϫⲱⲕ ⲅⲁⲣ ⲉⲃⲟⲗ ⲛϫⲉ ⲡⲁⲥⲏⲟⲩ ⲟⲩⲟϩ ⲡⲁⲓⲣⲏϯ
ⲡⲉ ⲉϯⲛⲁϩϯ ⲙⲙⲟⲥ ϫⲉ ϥⲭⲏ ϩⲁϫⲱⲓ ⲛϫⲉ ⲡⲓⲭⲗⲟⲙ ⲛⲧⲉ ϯⲙⲉⲑⲙⲏⲓ
ⲟⲩⲟϩ ⲉⲧⲁ ⲫ︦ϯ︦ ⲟⲩⲟⲣⲡⲕ ϩⲓⲛⲁ ⲛⲧⲉⲕϩⲱⲃⲥ ⲙⲡⲁⲥⲱⲙⲁ ϩⲉⲛ ⲡⲓⲕⲁϩⲓ ⲙⲁⲗ‐
ⲗⲟⲛ ⲇⲉ ϩⲓⲛⲁ ⲛⲧⲉⲕϯ ⲛⲁ ⲡⲓⲕⲁϩⲓ ⲉⲡⲕⲁϩⲓ. ⲁⲥϣⲱⲡⲓ ⲇⲉ ⲉⲧⲁ ⲡⲓⲙⲁ‐
ⲕⲁⲣⲓⲟⲥ ⲡⲁⲩⲗⲟⲥ ϫⲉ ⲛⲁⲓⲥⲁϫⲓ ⲁϥⲣⲓⲙⲓ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϩⲉⲛ ⲟⲩϥⲓ
ⲁϩⲟⲙ ⲁϥϯ ϩⲟ ⲉⲣⲟϥ ⲉϥϫⲱ ⲙⲙⲟⲥ ϫⲉ ⲙⲡⲉⲣⲭⲁⲧ ⲛⲥⲱⲕ ⲡⲁⲙⲉⲛⲣⲓⲧ
ⲛⲓⲱⲧ ⲁⲗⲗⲁ ⲁⲛⲓⲧ ⲛⲉⲙⲁⲕ ⲉⲡⲓⲙⲁ ⲉⲧⲉⲕⲛⲁϣⲉ ⲛⲁⲕ ⲉⲣⲟϥ. ⲁϥⲉⲣ ⲟⲩⲱ
ⲛϫⲉ ⲡⲓⲙⲁⲕⲁⲣⲓⲟⲥ ⲡⲁⲩⲗⲟⲥ ϫⲉ ⲥⲉϩⲛⲁⲕ ⲁⲛ ⲉⲕⲱϯ ⲛⲥⲁ ⲛⲏ ⲉⲧⲉ ⲛⲟⲩⲕ
ⲁⲗⲗⲁ ⲛⲁ ⲡⲉⲕϣⲫⲏⲣ. ⲉⲑⲃⲉ ⲫⲁⲓ ⲡⲁⲙⲉⲛⲣⲓⲧ ⲓⲥϫⲉ ⲡⲓϩⲱⲃ ϩⲟⲣϣ ⲛⲧⲟⲧⲕ
ⲁⲛ ⲙⲁϣⲉ ⲛⲁⲕ (-ϥ︦ⲍ︦-) ⲉⲧⲉⲕⲙⲟⲛⲏ ϩⲉⲛ ⲟⲩⲓⲱⲥ ⲁⲛⲓⲟⲩⲓ ⲛⲏⲓ ⲛϯⲥⲧⲟⲗⲏ
ⲑⲏ ⲉⲧⲁϥⲧⲏⲓⲥ ⲛⲁⲕ ⲛϫⲉ ⲁⲃⲃⲁ ⲁⲑⲁⲛⲁⲥⲓⲟⲥ ⲡⲁⲣⲭⲓⲉⲡⲓⲥⲕⲟⲡⲟⲥ ϩⲓⲛⲁ
ⲛⲧⲉⲕϩⲱⲃⲥ ⲙⲡⲁⲥⲱⲙⲁ ⲛϧⲏⲧⲥ. ⲛⲉ ⲉⲧⲁϥϫⲉ ⲫⲁⲓ ⲇⲉ ⲁⲛ ϫⲉ ⲉϥⲉⲣ


### 0010

ⲛⲭⲣⲉⲓⲁ ⲉϩⲱⲃⲥ ⲙⲡⲉϥⲥⲱⲙⲁ ⲁⲗⲗⲁ ⲉϥⲟⲩⲱϣ ⲉϯ ⲧⲟⲧϥ ⲉⲃⲟⲗ ϩⲓⲛⲁ
ⲛⲧⲉϥϣⲧⲉⲙⲛⲁⲩ ⲉⲣⲟϥ ⲉϥⲭⲱ ⲙⲡⲓⲥⲱⲙⲁ ⲉϩⲣⲏⲓ. ⲁⲥϣⲱⲡⲓ ⲉⲧⲁ ⲁⲃⲃⲁ
ⲁⲛⲧⲱⲛⲓⲟⲥ ⲥⲱⲧⲉⲙ ⲉⲑⲃⲉ ⲁⲃⲃⲁ ⲁⲑⲁⲛⲁⲥⲓⲟⲥ ⲛⲉⲙ ϯⲥⲧⲟⲗⲏ ⲉⲧⲁϥⲧⲏⲓⲥ ⲛⲁϥ
ⲁϥⲉⲣ ϣⲫⲏⲣⲓ ϫⲉ ⲁϥⲛⲁ ⲉⲓ︦ⲏ︦ⲥ︦ ⲡⲭ︦ⲥ︦ ⲛϧⲣⲏⲓ ⲛϧⲏⲧϥ ⲟⲩⲟϩ ⲁϥⲟⲩⲱϣⲧ
ⲙⲙⲟϥ ⲟⲩⲟϩ ⲙⲡⲉϥⲉⲣⲧⲟⲗⲙⲁⲛ ϫⲉ ⲉⲣ ⲟⲩⲱ ⲛⲁϥ ⲛϩⲗⲓ ⲉⲡⲧⲏⲣϥ ⲁⲗⲗⲁ
ⲁϥⲣⲓⲙⲓ ⲉⲙⲁϣⲱ ⲉϥϯ ⲫⲓ ⲉⲣⲱϥ ⲛⲉⲙ ⲛⲉϥⲃⲁⲗ ⲟⲩⲟϩ ⲁϥⲧⲱⲛϥ ⲁϥϩⲱⲗ
ⲉⲧⲉϥⲙⲟⲛⲏ.
ⲁ ⲡⲓⲙⲁⲑⲏⲧⲏⲥ ⲃ︦ ⲛⲧⲁϥ ⲛⲏ ⲉⲧⲁⲩϣⲱⲡⲓ ϩⲁⲧⲟⲧϥ ⲛⲟⲩⲛⲓϣϯ ⲛⲥⲏⲟⲩ
ⲁⲩⲉⲣⲁⲡⲁⲛⲧⲁⲛ ⲉⲣⲟϥ ⲡⲉϫⲱⲟⲩ ⲛⲁϥ ϫⲉ ⲡⲉⲛⲓⲱⲧ ⲛⲁⲕⲑⲱⲛ ⲡⲉ ⲙⲡⲁⲓ‐
ⲥⲏⲟⲩ ⲧⲏⲣϥ. ⲁϥⲉⲣ ⲟⲩⲱ ⲛⲱⲟⲩ ϩⲱϥ ⲉϥϫⲱ ⲙⲙⲟⲥ ϫⲉ ⲟⲩⲟⲓ ⲛⲏⲓ ⲁⲛⲟⲕ
ϩⲁ ⲡⲓⲣⲉϥⲉⲣ ⲛⲟⲃⲓ ϫⲉ ⲁⲓⲧⲁⲗⲉ ⲟⲩⲣⲁⲛ ⲉⲣⲟⲓ ϫⲉ ⲙⲟⲛⲁⲭⲟⲥ ⲙⲡⲗⲁⲥⲧⲟⲛ.
ⲁⲓⲛⲁⲩ ⲉⲏⲗⲓⲁⲥ ⲛⲉⲙ ⲓⲱⲁⲛⲛⲏⲥ ϩⲓ (-ϥⲏ-) ⲡϣⲁϥⲉ ⲙⲫⲟⲟⲩ ⲁⲓⲛⲁⲩ
ⲉⲡⲁⲩⲗⲟⲥ ⲛⲧⲁ ⲫⲙⲏⲓ ϩⲉⲛ ⲡⲓⲡⲁⲣⲁⲇⲉⲓⲥⲟⲥ. ⲟⲩⲟϩ ⲛⲁϥⲥⲁϫⲓ ⲛⲉⲙⲱⲟⲩ ⲡⲉ
ⲉϥⲕⲱⲗϩ ϩⲉⲛ ⲧⲉϥⲙⲉⲥⲧⲉⲛϩⲏⲧ. ⲁϥⲱⲗⲓ ⲛϯⲥⲧⲟⲗⲏ ⲁϥⲓ ⲉⲃⲟⲗ ⲟⲩⲟϩ
ⲁϥⲭⲱ ⲛⲛⲓⲙⲁⲑⲏⲧⲏⲥ ⲟⲩⲟϩ ⲁⲩϯ ϩⲟ ⲉⲣⲟϥ ϩⲓⲛⲁ ⲛⲧⲉϥⲧⲁⲙⲱⲟⲩ ⲉϩⲱⲃ
ⲛⲓⲃⲉⲛ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲟⲩⲥⲏⲟⲩ ⲛⲥⲁϫⲓ ⲡⲉ ⲟⲩⲟϩ ⲟⲩⲥⲏⲟⲩ ⲛⲭⲁ
ⲣⲱϥ ⲡⲉ. ⲁϥⲧⲱⲛϥ ⲇⲉ ⲁϥⲙⲟϣⲓ ϩⲓ ⲡⲉϥⲙⲱⲓⲧ ⲙⲡⲉϥⲱⲗⲓ ⲛϩⲗⲓ ⲛϩⲣⲉ
ⲛⲉⲙⲁϥ ⲉⲡⲧⲏⲣϥ ⲟⲩⲟϩ ⲛⲁϥⲓⲏⲥ ⲉϥⲙⲟϣⲓ ⲡⲉ ⲉϥⲟⲩⲱϣ ⲉⲧⲁϩⲉ ⲡⲓⲙⲁ‐


### 0011

ⲕⲁⲣⲓⲟⲥ ⲡⲁⲩⲗⲟⲥ ⲉϥⲉⲣⲉⲡⲓⲑⲩⲙⲉⲓⲛ ⲉⲛⲁⲩ ⲉⲣⲟϥ ⲛⲕⲉⲥⲟⲡ ⲛⲁϥⲉⲣ ϩⲟϯ
ⲅⲁⲣ ⲡⲉ ⲙⲏⲡⲱⲥ ⲉϥϩⲓ ⲡⲓⲙⲱⲓⲧ ⲛⲧⲉϥϯ ⲙⲡⲉϥⲡ︦ⲛ︦ⲁ︦ ⲉⲛⲉⲛϫⲓϫ ⲙⲡⲟ︦ⲥ︦.
ⲉⲧⲁϥⲙⲟϣⲓ ϩⲉⲛ ⲡⲓⲉϩⲟⲟⲩ ⲉⲧⲉⲙⲙⲁⲩ ⲁϥⲓ ⲉⲡⲉϥⲧⲟⲟⲩⲓ. ⲁⲥϣⲱⲡⲓ ⲉⲧⲁ ⲫⲛⲁⲩ
ⲛⲁϫⲡ ⲅ̄ϯ ϣⲱⲡⲓ ⲁϥⲛⲁⲩ ⲉϯⲧⲁⲝⲓⲥ ⲛⲧⲉ ⲛⲓⲁⲅⲅⲉⲗⲟⲥ ϩⲓ ⲡⲓⲙⲱⲓⲧ ⲛⲉⲙ
ⲡⲓⲭⲟⲣⲟⲥ ⲛⲛⲓⲡⲣⲟⲫⲏⲧⲏⲥ ⲛⲉⲙ ⲛⲓⲁⲡⲟⲥⲧⲟⲗⲟⲥ ⲛⲉⲙ ⲁⲡⲁ ⲡⲁⲩⲗⲟⲥ ⲉϥϯ
ⲙⲟⲩⲉ ϩⲉⲛ ⲧⲟⲩⲙⲏϯ ⲙⲫⲣⲏϯ ⲛⲟⲩⲭⲓⲱⲛ ⲉϥⲥⲱⲕ ⲛⲉⲙⲱⲟⲩ ⲉⲡϣⲱⲓ ⲉⲧⲫⲉ.
ϧⲉⲛ ⲡⲓⲛⲁⲩ ⲇⲉ ⲉⲧⲉⲙⲙⲁⲩ ⲁϥϩⲉⲓ ⲉ (-ϥ︦ⲑ︦-) ϫⲉⲛ ⲡⲉϥϩⲟ ⲟⲩⲟϩ ⲛⲁϥϫⲱ
ⲙⲙⲟⲥ ⲡⲉ ⲉϥⲣⲓⲙⲓ ⲟⲩⲟϩ ⲉϥϥⲓ ⲁϩⲟⲙ ϫⲉ ⲡⲱⲥ ⲁⲕⲭⲁⲧ ⲛⲥⲱⲕ ⲡⲁϣⲁⲙϣⲉ
ⲛⲟⲩϯ ⲛⲓⲱⲧ ⲓⲉ ⲉⲑⲃⲉ ⲟⲩ ⲙⲡⲉⲕϣⲉⲡ ⲡⲁⲧⲁⲓⲉⲙⲟⲩϯ ⲉⲣⲟⲕ ⲙⲉⲛⲉⲛⲥⲁ
ⲡⲁⲓⲛⲓϣϯ ⲛϭⲟϫⲓ ⲉⲧⲁⲓⲁⲓϥ ⲙⲫⲣⲏϯ ⲛⲟⲩϩⲁⲗⲏⲧ. ⲟⲩⲟϩ ⲉⲧⲁϥⲓ ⲉϩⲟⲩⲛ
ⲉⲡⲓⲃⲏⲃ ⲁϥⲛⲁⲩ ⲉⲁⲃⲃⲁ ⲡⲁⲩⲗⲟⲥ ⲉϥϩⲱⲟⲩⲓ ⲉϫⲉⲛ ⲛⲉϥⲕⲉⲗⲓ ⲟⲩⲟϩ ⲧⲉⲥⲁⲫⲉ
ⲉⲥⲥⲟⲙⲥ ⲉⲡϣⲱⲓ ⲉⲧⲫⲉ ⲉⲣⲉ ⲛⲉϥϫⲓϫ ⲫⲟⲣϣ ⲉⲃⲟⲗ ⲟⲩⲟϩ ⲛⲁϥⲙⲟⲕⲙⲉⲕ
ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲁⲣⲏⲟⲩ ⲉϥⲟⲛϩ ⲟⲩⲟϩ ⲉϥⲧⲱⲃϩ. ⲁϥⲟϩⲓ ⲉⲣⲁⲧϥ
ϩⲱϥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ⲁϥⲉⲣ ϣⲫⲏⲣ ⲛⲧⲱⲃϩ ⲛⲉⲙⲁϥ. ⲁⲥϣⲱⲡⲓ ⲇⲉ
ⲉⲧⲁ ⲡⲓⲛⲁⲩ ⲥⲓⲛⲓ ⲙⲡⲉϥⲥⲱⲧⲉⲙ ⲉⲥⲙⲏ ⲟⲩⲇⲉ ϥⲓ ⲁϩⲟⲙ ⲕⲁⲧⲁ ϯⲥⲩⲛⲏⲑⲉⲓⲁ
ⲛⲧⲉ ⲛⲏ ⲉⲧⲧⲱⲃϩ ⲧⲟⲧⲉ ⲁϥⲉⲙⲓ ϫⲉ ⲡⲓⲥⲱⲙⲁ ⲙⲙⲁⲩⲁⲧϥ ⲡⲉ ⲉⲧⲧⲱⲃϩ ⲟⲩⲟϩ


### 0012

ⲁϥϯ ⲱⲟⲩ ⲙⲫϯ ⲫⲏ ⲉⲧⲉⲣⲉ ϩⲱⲃ ⲛⲓⲃⲉⲛ ⲟⲛϩ ⲛⲧⲟⲧϥ ⲟⲩⲟϩ ⲁϥⲕⲟⲩⲗⲱⲗ
ⲡⲉϥⲥⲱⲙⲁ ϩⲉⲛ ϯⲥⲧⲟⲗⲏ ⲉⲑⲟⲩⲁⲃ ⲟⲩⲟϩ ⲁϥϥⲁⲓ ⲙⲙⲟϥ ⲁϥⲉⲛϥ ⲉⲑⲙⲏϯ
ⲁϥⲉⲣⲯⲁⲗⲗⲉⲓⲛ ⲉⲣⲟϥ ⲕⲁⲧⲁ ⲛⲓⲡⲁⲣⲁⲇⲟⲥⲓⲥ ⲛⲧⲉ ⲛⲓⲭⲣⲓⲥⲧⲓⲁⲛⲟⲥ. (-ⲣ︦-)
ⲁ ⲡϩⲏⲧ ⲇⲉ ⲛⲁⲡⲁ ⲁⲛⲧⲱⲛⲓⲟⲥ ⲙⲕⲁϩ ⲉⲣⲟϥ ⲉϥϫⲱ ⲙⲙⲟⲥ ϫⲉ ⲉⲓⲛⲁⲉⲣ
ⲟⲩ ϫⲉ ⲙⲡⲓⲉⲣ ⲫⲙⲉⲩⲓ ⲛⲓⲛⲓ ⲛⲉⲙⲏⲓ ⲛⲟⲩⲁⲙⲉ ⲛⲉⲙ ⲟⲩⲙⲁⲛϭⲁⲗⲉ ϩⲓⲛⲁ
ⲛⲧⲁϣⲱⲕ ⲛⲧⲁⲑⲱⲙⲥ ⲙⲡⲓⲥⲱⲙⲁ. ⲁϥϣⲱⲡⲓ ⲉϥⲙⲟⲕⲙⲉⲕ ⲙⲙⲟϥ ϫⲉ
ⲉⲓⲛⲁⲉⲣ ⲟⲩ ⲉϣⲱⲡ ⲁⲓϣⲁⲛϩⲱⲗ ⲉϯⲙⲟⲛⲏ ϫⲉ ⲛⲧⲁⲓⲛⲓ ⲙⲟⲅⲓⲥ ⲛⲧⲁⲓ ⲙⲇ̄
ⲛⲉϩⲟⲟⲩ. ⲟⲩⲟϩ ⲡⲉϫⲁϥ ⲙⲡⲁⲓⲣⲏϯ ϫⲉ ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉⲓⲉⲙⲟⲩ ⲙⲡⲁⲓⲙⲁ
ⲛⲉⲙ ⲡⲉⲕⲣⲉϥϣⲉⲙϣⲓ ⲉⲑⲛⲁⲛⲉϥ. ϩⲱⲥ ⲇⲉ ⲉϥϫⲱ ⲛⲛⲁⲓⲥⲁϫⲓ ⲓⲥ ϩⲏⲡⲡⲉ
ⲓⲥ ⲙⲟⲩⲓ ⲃ︦ ⲁⲩⲓ ⲉⲩϭⲟϫⲓ ⲉⲟⲩⲥⲟⲡ ⲟⲩⲟϩ ⲉⲧⲁϥⲛⲁⲩ ⲉⲣⲱⲟⲩ ⲁ ⲧⲉϥⲥⲟⲩⲣⲓ ϩⲓ
ⲉⲣⲁⲧⲥ. ⲙⲉⲛⲉⲛⲥⲁ ⲛⲁⲓ ⲁϥⲧⲁϫⲣⲉ ⲡⲉϥⲙⲉⲩⲓ ϩⲉⲛ ⲫϯ ⲟⲩⲟϩ ⲁϥϣⲱⲡⲓ ϫⲉ
ⲉϥⲛⲁⲩ ϩⲉⲛ ⲟⲩⲙⲉⲧⲁⲧϩⲟϯ ⲙⲫⲣⲏϯ ⲛⲟⲩⲁⲓ ⲉϥⲛⲁⲩ ⲉϩⲟ ⲛϭⲣⲟⲙⲡⲓ
ⲉⲩϩⲏⲗ. ⲁⲩⲓ ⲟⲛ ⲛϫⲉ ⲛⲓⲙⲟⲩⲓ ⲁⲩⲟϩⲓ ⲉⲣⲁⲧⲟⲩ ⲉϫⲉⲛ ⲡⲓⲥⲱⲙⲁ ⲛⲁⲃⲃⲁ
ⲡⲁⲩⲗⲟⲥ ⲟⲩⲟϩ ⲛⲁⲩⲕⲓⲙ ⲛⲛⲟⲩⲥⲁⲧ ⲉⲩⲟⲓ ⲙⲫⲣⲏϯ ϫⲉ ⲉⲩⲥⲟⲡⲥⲉⲡ ⲉⲁⲡⲁ
ⲁⲛⲧⲱⲛⲓⲟⲥ ⲁⲩϩⲓⲧⲟⲩ ϩⲁⲣⲁⲧϥ ⲉⲩϧⲣⲁϫⲣⲉϫ ⲛⲛⲟⲩⲛⲁϫϩⲓ ⲉⲩⲱϣ ⲉⲃⲟⲗ.


### 0013

ⲧⲟⲧⲉ ⲁϥⲉⲙⲓ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲉⲩⲕⲱϯ ϫⲉ ⲛⲧⲉϥⲥⲙⲟⲩ ⲉⲣⲱⲟⲩ
ⲟⲩⲟϩ ⲛⲉϣⲁⲩⲣⲓⲙⲓ ⲡⲉ (-ⲣ︦ⲁ︦-) ϫⲉ ⲁϥⲙⲧⲟⲛ ⲙⲙⲟϥ ⲛϫⲉ ⲡⲓⲙⲁⲕⲁⲣⲓⲟⲥ
ⲡⲁⲩⲗⲟⲥ. ⲁⲥϣⲱⲡⲓ ⲇⲉ ⲙⲉⲛⲉⲛⲥⲁ ⲛⲁⲓ ⲁⲩⲉⲣ ϩⲏⲧⲥ ⲛϣⲱⲕⲓ ⲛϫⲉ ⲛⲓⲙⲟⲩⲓ
ϩⲉⲛ ⲡⲓⲕⲁϩⲓ ϩⲉⲛ ⲛⲟⲩⲓⲉⲃ ⲁⲩϣⲱⲕⲓ ⲉϩⲣⲏⲓ ⲛⲑⲙⲁⲓⲏ ⲛⲟⲩⲣⲱⲙⲓ ⲛⲉ‐
ϣⲁⲩⲕⲓⲙ ⲛⲛⲟⲩⲙⲁϣϫ ⲡⲉ ⲉⲟⲩⲑⲉⲃⲓⲟ ⲛϫⲱⲟⲩ ⲛⲁⲡⲁ ⲁⲛⲧⲱⲛⲓⲟⲥ ⲟⲩⲟϩ
ⲛⲉϣⲁⲩⲗⲱϫϩ ⲛⲛⲉϥⲫⲁⲧ ⲡⲉ ⲛⲉⲙ ⲛⲉϥϫⲓϫ ϧⲉⲛ ⲡⲟⲩⲗⲁⲥ ϩⲱⲥⲧⲉ ⲛⲧⲉϥⲕⲁϯ
ϫⲉ ⲉⲩⲕⲱϯ ϫⲉ ⲛⲧⲉϥⲥⲙⲟⲩ ⲉⲣⲱⲟⲩ. ⲟⲩⲟϩ ⲁϥϣⲑⲟⲣⲧⲉⲣ ⲉϫⲉⲛ ϯϣⲫⲏⲣⲓ
ⲛⲧⲉ ⲡⲱⲟⲩ ⲙⲡⲭ︦ⲥ︦ ⲓ︦ⲏ︦ⲥ︦ ⲡⲉⲛⲟ︦ⲥ︦ ϫⲉ ⲡⲱⲥ ⲣⲱ ϯⲕⲉⲫⲩⲥⲓⲥ ⲛⲧⲉ ⲛⲓⲑⲏⲣⲓⲟⲛ
ⲥⲉⲉⲙⲓ ⲉⲛⲓⲣⲱⲙⲓ ⲉⲛⲁⲛⲉⲩ ⲛⲉⲙ ⲛⲓⲥⲱⲧⲡ ⲛⲧⲉ ⲫϯ. ⲟⲩⲟϩ ⲡⲉϫⲁϥ ϫⲉ ⲱ
ⲡⲟⲥ ⲫⲏ ⲉⲧⲉ ⲙⲙⲟⲛ ⲟⲩϫⲱⲃⲓ ⲛⲁϩⲉⲓ ϩⲓϫⲉⲛ ⲡⲓⲕⲁϩⲓ ⲥⲁⲃⲟⲗ ⲙⲡⲉϥⲟⲩⲱϣ
ⲟⲩⲇⲉ ⲟⲩϭⲁϫ ⲛⲛⲉϥϩⲉⲓ ⲥⲁⲃⲟⲗ ⲙⲡⲉϥⲟⲩⲁϩ ⲥⲁϩⲛⲓ ⲛⲑⲟⲕ ⲉⲕⲉⲥⲙⲟⲩ ⲉⲣⲟⲛ
ⲧⲏⲣⲉⲛ. ⲟⲩⲟϩ ⲁϥⲑⲱϩⲥ ⲉⲣⲱⲟⲩ ⲛⲛⲉϥϫⲓϫ ⲉϥⲥⲙⲟⲩ ⲉⲣⲱⲟⲩ ⲁϥⲉⲣⲕⲉ‐
ⲗⲉⲩⲉⲓⲛ ⲛⲱⲟⲩ ϫⲉ ⲙⲁϣⲉ ⲛⲱⲧⲉⲛ ⲉⲡⲉⲧⲉⲛⲙⲱⲓⲧ. ⲉⲧⲁⲩϣⲉ ⲛⲱⲟⲩ ⲇⲉ
ⲛϫⲉ ⲛⲓⲙⲟⲩⲓ ⲁ ⲁⲡⲁ ⲁⲛⲧⲱⲛⲓⲟⲥ ϥⲁⲓ ⲙⲡⲓⲥⲱⲙⲁ ⲛⲧⲉ ⲡⲓⲙⲁⲕⲁⲣⲓⲟⲥ
ⲡⲁⲩⲗⲟⲥ ⲁϥ‐ (-ⲣ︦ⲃ︦-) ⲑⲟⲙⲥϥ ⲕⲁⲧⲁ ⲧⲕⲁϩⲥ ⲛⲛⲓⲙⲟⲛⲁⲭⲟⲥ.
ⲁⲥϣⲱⲡⲓ ⲇⲉ ⲙⲉⲛⲉⲛⲥⲁ ⲟⲩⲉϩⲟⲟⲩ ⲙⲫⲣⲏϯ ⲛⲟⲩⲕⲗⲏⲣⲟⲛⲟⲙⲟⲥ ⲛⲧⲁ


### 0014

ⲫⲙⲏⲓ ⲁϥⲱⲗⲓ ⲛϯϣⲑⲏⲛ ⲛⲧⲉ ⲡⲓⲙⲁⲕⲁⲣⲓⲟⲥ ⲡⲁⲩⲗⲟⲥ ⲑⲏ ⲉⲧⲁϥⲑⲁⲙⲓⲟⲥ
ⲛⲁϥ ⲉⲃⲟⲗϩⲉⲛ ⲛⲓϣⲉⲛⲃⲉⲛⲓ ⲁϥⲧⲁⲥⲑⲟϥ ⲉⲧⲉϥⲙⲟⲛⲏ ⲁϥⲧⲁⲙⲉ ⲛⲓⲥⲛⲏⲟⲩ
ⲉϩⲱⲃ ⲛⲓⲃⲉⲛ ⲉⲧⲁⲩϣⲱⲡⲓ ⲙⲙⲟϥ ⲟⲩⲟϩ ⲁϥⲧⲥⲁⲃⲱⲟⲩ ⲉϯⲁⲕⲟⲗⲟⲩⲑⲉⲓⲁ
ⲧⲏⲣⲥ ⲛⲧⲉ ⲛⲓϩⲃⲏⲟⲩⲓ. ⲗⲟⲓⲡⲟⲛ ⲕⲁⲧⲁ ⲡϣⲁⲓ ⲙⲡⲓⲡⲁⲥⲭⲁ ⲛⲉⲙ ϯⲡⲉⲛ‐
ⲧⲉⲕⲟⲥⲧⲏ ϣⲁϥϯ ⲛϯϣⲑⲏⲛ ϩⲓⲱⲧϥ ⲛⲧⲉ ⲡⲓⲙⲁⲕⲁⲣⲓⲟⲥ ⲡⲁⲩⲗⲟⲥ ⲟⲩⲟϩ
ϣⲁϥⲧⲱⲕϩ ⲉⲥⲧⲟⲓ ⲉⲡⲉϥⲥⲱⲙⲁ.
ⲁⲛⲟⲕ ⲇⲉ ⲓⲉⲣⲱⲛⲩⲙⲟⲥ ⲡⲓⲣⲉϥⲉⲣ ⲛⲟⲃⲓ ϯϯ ϩⲟ ⲉⲟⲩⲟⲛ ⲛⲓⲃⲉⲛ ⲉⲑⲛⲁⲱϣ
ⲙⲡⲁⲓϫⲱⲙ ϩⲓⲛⲁ ⲛⲧⲉⲧⲉⲛⲉⲣ ⲡⲁⲙⲉⲩⲓ ϫⲉ ⲟⲩⲏⲓ ⲅⲁⲣ ϯⲟⲩⲁϣ ϯϣⲑⲏⲛ
ⲛⲧⲉ ⲡⲓⲙⲁⲕⲁⲣⲓⲟⲥ ⲡⲁⲩⲗⲟⲥ ⲛⲉⲙ ⲡⲉϥⲛⲁϩϯ ⲉϩⲟⲧⲉ ϯⲡⲟⲣⲫⲩⲣⲁ ⲛⲧⲉ
ⲛⲓⲟⲩⲣⲱⲟⲩ ⲛⲉⲙ ⲡⲟⲩϭⲓ ϩⲃⲟⲥ ⲛⲉⲙ ⲡⲟⲩⲱⲟⲩ ⲧⲏⲣϥ ⲁⲙⲏⲛ.
ⲉⲟⲩⲱⲟⲩ ⲙⲫⲓⲱⲧ ⲛⲉⲙ ⲡϣⲏⲣⲓ ⲛⲉⲙ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ϯⲛⲟⲩ ⲛⲉⲙ
ⲛⲥⲏⲟⲩ ⲛⲓⲃⲉⲛ ⲛⲉⲙ ϣⲁ ⲉⲛⲉϩ ⲛⲧⲉ ⲛⲓⲉⲛⲉϩ ⲧⲏⲣⲟⲩ ⲁⲙⲏⲛ.