### 0001 (-ⲁ̄-) ⲫⲃⲓⲟⲥ ⲙⲡⲓⲛⲓϣϯ ⲙⲫⲱⲥⲧⲏⲣ ⲟⲩⲟϩ ⲉⲧϫⲏⲕ ⲉⲃⲟⲗ ϧⲉⲛ ⲁⲣⲉⲧⲏ ⲛⲓⲃⲉⲛ ⲡⲉⲛⲓⲱⲧ ⲉⲑⲟⲩⲁⲃ ⲡⲓⲡⲣⲉⲥⲃⲩⲧⲉⲣⲟⲥ ⲟⲩⲟϩ ⲡⲓϩⲏⲅⲟⲩⲙⲉⲛⲟⲥ ⲛⲧⲉ ϣⲓⲏⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲉⲁϥⲓⲥⲧⲟⲣⲉⲓⲛ ⲙⲙⲟϥ ⲫⲓⲗⲟⲡⲟⲛⲱⲥ ⲛϫⲉ ⲡⲓⲑⲉⲟⲫⲟⲣⲟⲥ ⲁⲗⲏⲑⲱⲥ ⲟⲩⲟϩ ⲡⲥⲁϧ ⲛϯⲙⲉⲧⲉⲩⲥⲉⲃⲏⲥ ⲁⲃⲃⲁ ⲍⲁⲭⲁⲣⲓⲁⲥ ⲡⲓⲟⲥⲓⲱⲧⲁⲧⲟⲥ ⲛⲉⲡⲓⲥⲕⲟⲡⲟⲥ ⲛⲧⲉ ϯⲡⲟⲗⲓⲥ ⲙⲙⲁⲓ ⲭⲣⲥ ⲥϧⲱⲟⲩ ϧⲉⲛ ⲡϫⲓ ⲛⲑⲣⲟⲩⲣⲁⲟⲩⲱ ϧⲁⲧⲟⲧϥ ⲛϫⲉ ϩⲁⲛ ⲣⲉϥⲉⲣ ϩⲟϯ ⲟⲩⲟϩ ⲙⲙⲁⲓ ⲛⲟⲩϯ ⲟⲩⲟϩ ⲛⲧⲟⲩⲉⲣⲧⲣⲉⲡⲉⲓⲛ ⲙⲙⲟϥ ϧⲉⲛ ⲟⲩⲙⲉⲧϩⲟⲩⲟ ⲉϧⲟⲩⲛ ⲉⲡⲁⲓϩⲱⲃ ⲉⲁϥϫⲟϥ ϧⲉⲛ ⲡⲓⲉϩⲟⲟⲩ ⲙⲡⲉϥⲉⲣ ⲫⲙⲉⲩⲓ ⲉⲑⲟⲩⲁⲃ ⲟⲩⲟϩ ⲉⲧⲧⲁⲓⲏⲟⲩⲧ ⲉⲧⲉ ⲥⲟⲩ ⲕ̄ ⲙⲡⲓⲁⲃⲟⲧ ⲫⲁⲟⲫⲓ ⲡⲉ. ⲟⲩϩⲩⲡⲟⲑⲉⲥⲓⲥ ⲉⲥϭⲟⲥⲓ ⲟⲩⲟϩ ⲙⲡⲁⲣⲁⲇⲟⲝⲟⲛ ⲛⲧⲉ ⲛⲓⲫⲏⲟⲩⲓ ⲑⲁⲓ ⲉⲑⲏⲁϯ ### 0002 ϩⲏⲟⲩ ⲛⲛⲉⲛⲯⲩⲭⲏ ⲉⲡⲓϩⲟⲩⲟ ⲉⲧⲁⲣⲉⲧⲉⲛⲉⲛⲥ ⲉⲑⲙⲏϯ ⲱ ⲛⲁⲓⲟϯ ⲉⲑⲟⲩⲁⲃ ⲟⲩϩⲉⲓⲕⲱⲛ ⲉⲥⲉⲛϩⲟⲧ ⲛⲧⲉ ϯⲁⲣⲉⲧⲏ ⲟⲩⲟϩ ⲟⲩⲥⲧⲏⲗⲏ ⲛⲟⲩⲱⲓⲛⲓ ⲛⲧⲉ ϯⲙⲉ‐ ⲧⲉⲩⲥⲉⲃⲏⲥ ⲉⲧⲁⲣⲉⲧⲉⲛⲫⲓⲣⲓ ⲉⲣⲟⲥ ⲟⲩⲟϩ ϩⲓⲛⲁ ⲛⲧⲁϫⲱ ⲙⲡⲥⲁϫⲓ ⲙⲡⲓⲁⲡⲟⲥ‐ ⲧⲟⲗⲟⲥ ϧⲉⲛ ⲟⲩⲥⲩⲛⲧⲟⲙⲓⲁ ⲟⲩⲣⲱⲙⲓ ⲛⲧⲉⲗⲉⲓⲟⲥ ⲡⲉ ⲛⲧⲉ ⲫⲙⲟϩ ⲧⲏⲣϥ ⲛⲑⲙⲁⲓⲏ ⲙⲡϫⲱⲕ ⲙⲡⲭ︦ⲥ︦ ⲉⲁⲩⲥⲟⲛⲧϥ ⲕⲁⲧⲁ ⲧϩⲉⲓⲕⲱⲛ ⲙⲫ︦ϯ︦ ⲉⲧⲟⲛϧ. (-ⲃ︦-) ⲉⲣⲉⲧⲉⲛⲉⲣⲡⲣⲟⲧⲣⲉⲡⲉⲓⲛ ⲛⲧⲁⲙⲉⲧⲉⲗⲁⲭⲓⲥⲧⲟⲥ ⲉⲥⲁϫⲓ ⲛⲛⲉϥⲕⲁⲑⲟⲣⲧⲱⲙⲁ ⲉⲧⲟϣ ⲟⲩⲟϩ ⲉⲣⲉ ⲫⲏ ⲉⲧⲁϥⲥⲱⲃⲓ ⲛⲥⲁ ⲑⲙⲉⲧⲉⲫⲗⲏⲟⲩ ⲙⲡⲁⲓⲃⲓⲟⲥ ⲟⲩⲟϩ ⲁϥⲥⲉⲛ ⲛⲓϩⲱⲓⲙⲓ ⲉⲧⲟϣ ⲛⲧⲉ ⲧⲕⲁⲕⲓⲁ ⲛⲛⲓⲡ︦ⲛ︦ⲁ︦ ⲛⲧⲉ ϯⲡⲟⲛⲏⲣⲓⲁ ⲉⲧⲁϥⲁⲥⲓⲁⲓ ⲙⲡⲉϥ‐ ⲥⲕⲁⲫⲟⲥ ⲛⲛⲟⲏⲧⲟⲛ ⲥⲁ ⲡϣⲱⲓ ⲛⲧⲉⲛⲉⲣⲅⲉⲓⲁ ⲛⲛⲓⲕⲟⲥⲙⲟⲕⲣⲁⲧⲱⲣ ⲛⲧⲉ ⲡⲭⲁⲕⲓ ⲙⲡⲓⲁⲏⲣ ⲁⲧϭⲛⲉ ϩⲗⲓ ⲛⲕⲱⲗⲩⲥⲓⲥ ⲛⲧⲉ ⲧⲁⲓⲧⲓⲁ ⲛⲛⲉⲛⲕⲁⲧⲏⲅⲟⲣⲟⲥ ⲙⲫⲛⲟⲃⲓ ϧⲉⲛ ⲡϫⲓ ⲛⲑⲣⲉϥⲉⲣⲁⲥⲫⲁⲗⲓⲍⲉⲥⲑⲁⲓ ϧⲉⲛ ⲟⲩⲧⲁϫⲣⲟ ⲙⲫⲣⲟ ⲙⲡⲉϥϩⲏⲅⲏ‐ ⲙⲟⲛⲓⲕⲟⲛ ⲉⲃⲟⲗ ⲉϩⲣⲉⲛ ⲧⲕⲁⲕⲓⲁ ⲛⲛⲏ ⲉⲧⲉⲙⲙⲁⲩ ϧⲉⲛ ⲟⲩⲙⲉⲧⲉⲩⲅⲛⲱⲙⲟⲛ ⲟⲩⲟϩ ⲉⲩⲥⲉⲃⲱⲥ ⲉϥⲧⲁⲥⲑⲟ ⲉⲃⲟⲗ ⲛⲧⲡⲁⲛⲟⲩⲣⲅⲓⲁ ⲛⲛⲟⲩⲫⲁⲥⲫⲉⲥ ⲛⲭⲣⲟϥ ⲉϥⲉⲣⲕⲁⲧⲁⲫⲣⲟⲛⲉⲓⲛ ⲙⲫⲣⲟⲛⲓⲙⲱⲥ ⲙⲫⲣⲏϯ ⲛϩⲁⲛ ⲙⲩⲑⲟⲥ ⲉⲁⲩⲉⲣ ⲁⲡⲁⲥ ⲟⲩⲟϩ ⲁⲧϭⲛⲉ ⲙⲟⲩⲛⲕ ⲉϥⲙⲏⲛ ⲙⲁⲗⲓⲥⲧⲁ ϧⲉⲛ ⲟⲩϭⲓ ϣϣⲱⲟⲩ ⲉϥⲟϣ ⲛⲉⲙ ⲟⲩⲙⲉⲧⲕⲁⲑⲁⲣⲟⲥ ⲛⲧⲉ ⲛⲉϥⲏⲑⲟⲥ ⲛⲥⲁ ⲧⲁⲅⲁⲡⲏ ⲙⲡⲭ︦ⲥ︦ ⲫ︦ϯ︦ ⲉϥⲉⲣⲙⲉⲧⲉ‐ ### 0003 ⲭⲉⲓⲛ ⲙⲫⲟⲩⲱⲓⲛⲓ ⲙⲡⲓⲧⲟⲩⲃⲟ ϧⲉⲛ ⲟⲩⲅⲛⲱⲥⲓⲥ ⲙⲙⲏⲓ ⲉⲃⲟⲗ ⲇⲉ ϧⲉⲛ ⲫⲁⲓ ⲉϥⲅⲩⲃⲉⲣⲛⲁⲛ ⲙⲙⲟϥ ⲗⲟⲓⲡⲟⲛ ϧⲉⲛ ⲟⲩⲉⲣⲅⲁⲥⲓⲁ ⲛⲁⲅⲅⲉⲗⲓⲕⲟⲛ ⲉⲱⲥ ϣⲁⲧⲉϥ‐ ϣⲁϣⲛⲓ ⲉⲡⲁⲓⲛⲓϣϯ ⲙⲙⲁ ⲙⲙⲟⲛⲓ ⲉⲑⲙⲉϩ ⲛⲅⲁⲗⲏⲛⲏ ⲛⲓⲃⲉⲛ ⲉⲧⲉ ⲫⲗⲓⲙⲏⲛ ⲙⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲡⲉ. (-ⲅ̄-) ⲟⲩⲟϩ ⲡⲁⲓⲣⲱⲙⲓ ⲙⲡⲁⲓⲥⲙⲟⲧ ⲱ ⲛⲁⲙⲉⲛⲣⲁϯ ⲉϥⲛⲁⲉⲣ ⲭⲣⲉⲓⲁ ⲛⲁϣ ⲛⲣⲏϯ ⲙⲡⲁⲥⲁϫⲓ ⲉⲧϫⲟϫⲉⲃ ϧⲉⲛ ⲟⲩϩⲱⲃ ⲉⲃⲏⲗ ⲉⲫⲁⲓ ⲙⲙⲁⲩⲁⲧϥ ϫⲉ ⲉⲃⲟⲗϩⲓⲧⲉⲛ ⲡⲕⲏⲣⲩⲅⲙⲁ ⲙⲡⲓⲥⲑⲩⲛⲟⲩϥⲓ ⲛⲛⲉϥⲕⲁⲑⲟⲣ‐ ⲧⲱⲙⲁ ⲉⲑⲟⲩⲁⲃ ⲟⲩⲟⲛ ⲟⲩⲛⲓϣϯ ⲛϩⲏⲟⲩ ⲛⲧⲉ ⲟⲩⲱⲛϧ ⲛⲉⲛⲉϩ ⲛⲁϣⲱⲡⲓ ⲛⲁⲛ ⲧⲏⲣⲟⲩ ⲉⲟⲩⲥⲟⲡ ⲁⲛⲟⲛ ϧⲁ ⲛⲏ ⲉⲧⲥⲱⲧⲉⲙ ⲛⲉⲙ ⲫⲏ ⲉⲧⲥⲁϫⲓ ϩⲓⲛⲁ ϧⲉⲛ ⲟⲩ‐ ⲭⲟϩ ⲛϣⲟⲩⲧⲁⲓⲟϥ ⲟⲩⲟϩ ⲉϥⲉⲣⲡⲣⲉⲡⲉⲓ ⲛⲛⲓϣⲏⲣⲓ ⲉⲑⲣⲉⲛⲧⲉⲛⲑⲱⲛⲉⲛ ⲉⲡⲉϥ ⲃⲓⲟⲥ ⲛⲁⲅⲅⲉⲗⲓⲕⲟⲛ ⲛⲉⲙ ⲧⲁⲕⲣⲓⲃⲉⲓⲁ ⲧⲏⲣⲥ ⲛⲛⲉϥⲡⲟⲗⲓⲧⲉⲓⲁ ⲛⲉⲝⲁⲓⲣⲏⲧⲟⲛ ⲟⲩⲟϩ ⲛϩⲣⲏⲓ ϧⲉⲛ ⲑⲙⲉⲧⲓⲉⲃ ϣⲱⲧ ⲛⲧⲉϥⲛⲓϣϯ ⲙⲡⲣⲁⲕⲧⲓⲕⲏ ⲉⲧⲟϣ ⲛⲁⲅⲁ‐ ⲑⲟⲛ ⲑⲁⲓ ⲉⲧϣⲟⲡ ϧⲉⲛ ⲡⲕⲁⲧⲁⲗⲟⲅⲟⲥ ⲧⲏⲣϥ ⲙⲡⲉⲣⲅⲁⲗⲉⲓⲟⲛ ⲛⲧⲉϥⲁⲣⲉⲧⲏ ⲉⲧϭⲟⲥⲓ ⲛⲧⲉⲛϣⲁϣⲛⲓ ϩⲱⲛ ⲛⲧⲉϥⲕⲗⲏⲣⲟⲛⲟⲙⲓⲁ ⲛⲁⲓⲱⲛⲓⲟⲛ ⲕⲁⲓⲡⲉⲣ ⲁⲩⲕⲏⲛ ⲛⲉⲣ ϣⲟⲣⲡ ⲛⲉⲣⲉⲅⲕⲱⲙⲓⲁⲍⲉⲓⲛ ⲙⲡⲁⲓⲁⲅⲓⲟⲥ ϧⲁ ⲧⲉⲛϩⲏ ⲉϩⲟⲧⲉⲣⲟⲛ ⲛϫⲉ ⲛⲓⲇⲩⲛⲁⲙⲓⲥ ⲛⲛⲟⲏⲣⲟⲥ ⲟⲩⲟϩ ⲛⲁⲥⲱⲙⲁⲧⲟⲥ ⲉⲑⲟⲩⲁⲃ ϧⲉⲛ ⲡϭⲓⲥⲓ ⲛⲉⲙ ⲛⲓ‐ ⲡ︦ⲛ︦ⲁ︦ ⲧⲏⲣⲟⲩ ⲛⲧⲉ ⲛⲓⲇⲓⲕⲁⲓⲟⲥ ϧⲉⲛ ⲡϫⲓ ⲛⲑⲣⲉϥⲭⲱ ⲛⲥⲱϥ ⲛⲧⲁⲓϧⲉⲗⲗⲟⲧ ⲛⲧⲉ ⲫⲣⲓⲙⲓ ⲑⲁⲓ ⲉⲧⲁϥⲁⲓⲥ ⲛⲁϥ ⲛⲟⲩⲙⲁ ⲛϭⲓ ⲥⲃⲱ ⲛⲉⲙ ⲟⲩⲫⲓⲗⲟⲥⲟⲫⲓⲁ ⲛⲧⲁ ### 0004 ⲫⲙⲏⲓ ⲉⲧⲉ ⲡⲓⲱⲛϧ ⲙⲙⲁⲕⲁⲣⲓⲟⲛ ⲕⲁⲧⲁ ⲫⲣⲏϯ ⲉⲧⲉⲣⲡⲣⲉⲡⲉⲓ ⲟⲩⲟϩ ⲉⲧⲧⲟⲙⲓ ⲁⲡⲟ ⲙⲉⲣⲟⲩⲥ ϯⲛⲟⲩ ⲧⲉⲱⲥ (-ⲇ︦-) ⲉⲡⲧⲁⲓⲟ ⲛⲧⲉϥⲛⲓϣϯ ⲛⲁⲑⲗⲏⲥⲓⲥ ⲉⲃⲟⲗϩⲓ‐ ⲧⲉⲛ ⲫ︦ϯ︦ ⲉⲱⲥ ϣⲁ ϯⲁⲛⲁⲥⲧⲁⲥⲓⲥ ⲛⲕⲁⲑⲟⲗⲓⲕⲏ ⲟⲩⲟϩ ⲛⲕⲟⲓⲛⲏ ⲛⲧⲉ ⲡⲓⲥⲱⲛⲧ ⲧⲏⲣϥ ⲛⲧⲉϥϭⲓ ⲙⲉⲣⲓⲕⲱⲥ ⲁⲝⲓⲱⲥ ⲙⲡϫⲱⲕ ⲛⲛⲓⲉⲃⲣⲁⲃⲓⲟⲛ ⲉⲑⲙⲏⲛ ⲉⲃⲟⲗ ⲟⲑⲉⲛ ϩⲓⲧⲉⲛ ⲡⲟⲩⲛⲟϥ ⲛⲧⲥⲩⲛⲉⲣⲅⲉⲓⲁ ⲙⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲫⲁⲓ ⲉⲧⲉⲣ ⲟⲩⲱⲓⲛⲓ ⲉⲡϩⲏⲧ ⲛⲧⲉⲛⲙⲉⲧⲁⲥⲑⲉⲛⲏⲥ ϩⲓⲧⲉⲛ ⲧⲭⲱⲣⲏⲅⲓⲁ ⲛⲧⲉϥⲅⲛⲱⲥⲓⲥ ⲉⲑⲟⲩⲁⲃ ⲙⲁⲗⲓⲥⲧⲁ ϧⲉⲛ ⲡⲉϩⲟⲟⲩ ⲙⲡⲉⲣ ⲫⲙⲉⲩⲓ ⲛⲧⲡⲁⲛⲏⲅⲩⲣⲓⲥ ⲙⲡⲉⲛⲓⲱⲧ ⲉⲑⲟⲩⲁⲃ ⲫⲁⲓ ⲉⲧⲉ ⲡⲭ︦ⲥ︦ ⲫ︦ϯ︦ ⲉⲛⲧⲉⲛ ⲉⲣⲟϥ ϩⲓⲧⲉⲛ ⲡⲕⲩⲕⲗⲟⲥ ⲛϯⲣⲟⲙⲡⲓ ⲙⲁⲗⲗⲟⲛ ⲇⲉ ϩⲓⲧⲉⲛ ⲫⲣⲱⲟⲩϣ ⲛϩⲏⲧ ⲛⲧⲥⲩⲛⲟⲇⲓⲁ ⲙⲡⲁⲓⲗⲁⲟⲥ ⲙⲙⲁⲓ ⲭ︦ⲣ︦ⲥ︦ ⲛⲁⲓ ⲉⲧⲁ ϯⲁⲃⲱ ⲛⲧⲉ ⲛⲉⲛϣⲗⲏⲗ ⲙⲡⲁⲓⲇⲓⲕⲁⲓⲟⲥ ⲑⲟⲩⲱⲧⲟⲩ ⲉⲣⲟⲛ ϧⲉⲛ ⲡⲉϥⲉϩⲟⲟⲩ ⲛⲉⲡⲓⲥⲏ‐ ⲙⲱⲛ ⲉⲑⲣⲉⲛⲉⲣ ϣⲁⲓ ⲛⲁϥ ⲡ︦ⲛ︦ⲁ︦ⲧⲓⲕⲱⲥ ⲛϩⲟⲩⲟ ⲇⲉ ⲉⲛⲉⲣⲑⲁⲣⲣⲉⲓⲛ ⲙⲡⲭ︦ⲥ︦ ⲫϯ ⲛⲉⲙ ⲑⲙⲉⲧⲣⲉϥϯ ⲧⲟⲧⲥ ⲛⲛⲓⲡⲣⲉⲥⲃⲉⲓⲁ ⲉⲑⲟⲩⲁⲃ ⲛⲧⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲧⲉⲛⲛⲁϩⲓ ⲧⲟⲧⲉⲛ ϧⲉⲛ ⲟⲩⲥⲡⲟⲩⲇⲏ ⲉⲡⲥⲟⲃϯ ⲙⲡⲉϥⲥⲟϫⲉⲛ ⲉⲑⲟⲩⲁⲃ ⲙⲡ︦︦ⲛ︦ⲁ︦ⲧⲓⲕⲟⲛ ⲙⲫⲣⲏϯ ⲉⲃⲟⲗϧⲉⲛ ⲡⲑⲱⲟⲩϯ ⲉϧⲟⲩⲛ ⲛⲧⲉ ϩⲁⲛ ⲙⲏϣ ⲛϩⲣⲏⲣⲓ ⲛⲧⲉ ϩⲁⲛ ⲁⲣⲱⲙⲁⲧⲁ ⲉⲩⲥⲟⲧⲡ ⲉⲧⲅⲉⲩⲁⲥⲓⲁ ⲛⲟⲩⲥⲑⲩⲛⲟⲩϥⲓ ⲛⲟⲩⲱⲧ ⲟⲩⲟϩ ⲉϥⲧⲁⲓⲏⲟⲩⲧ ⲉⲡⲓϩⲟⲩⲟ ⲛⲧⲉ ⲧⲁⲣⲉⲧⲏ ⲙⲡⲓⲇⲓⲕⲁⲓⲟⲥ ⲉⲧⲉⲙⲙⲁⲩ ⲫⲁⲓ ⲉⲧϣⲏⲡ ⲙⲡⲉⲙⲑⲟ ⲙⲫ︦ϯ︦ ⲛⲉⲙ ⲛⲉϥⲁⲅⲅⲉⲗⲟⲥ. ⲫⲁⲓ ⲟⲛ ⲙⲁⲗⲓⲥⲧⲁ ⲉⲑⲛⲁϯ ⲛⲟⲩⲁⲓⲥ‐ ### 0005 ⲑⲏⲥⲓⲥ (-ⲋ︦-) ⲛⲉⲙ ⲟⲩⲡⲗⲏⲣⲟⲫⲟⲣⲉⲓⲁ ⲛⲧⲁ ⲫⲙⲏⲓ ⲛⲧⲯⲩⲭⲏ ⲛⲛⲓⲙⲁⲓ ⲛⲟⲩϯ ⲧⲏⲣⲟⲩ ⲛⲉⲙ ⲟⲩⲟⲛ ⲛⲓⲃⲉⲛ ⲉⲑⲛⲁⲟⲩⲱϣ ⲉⲱⲛϧ ⲛⲕⲁⲗⲱⲥ ϧⲉⲛ ⲡⲟⲥ ⲉⲑⲣⲟⲩⲉⲣ‐ ϩⲏⲇⲟⲛⲉⲓⲥⲑⲁⲓ ϧⲉⲛ ⲟⲩϭⲓ ϣϣⲱⲟⲩ ⲉϥⲟϣ ⲙⲡ︦ⲛ︦ⲁ︦ⲧⲓⲕⲟⲛ ⲛⲥⲁ ϯⲙⲉⲧⲙⲁ‐ ⲕⲁⲣⲓⲟⲥ ⲉⲑⲙⲏⲛ ⲉⲃⲟⲗ. ⲕⲁⲓ ⲅⲁⲣ ⲁⲛⲛⲁⲉⲣ ⲓⲉⲃ ϣⲱⲧ ⲁⲛ ⲉⲡⲥⲁϫⲓ ⲙⲫ︦ϯ︦ ⲛⲉⲙ ⲑⲙⲉⲑⲙⲏⲓ ⲛϯⲙⲉⲧⲉⲩⲥⲉⲃⲏⲥ ⲕⲁⲧⲁ ⲧⲡⲁⲣⲁⲓⲛⲏⲥⲓⲥ ⲙⲡⲓⲥⲟⲫⲟⲥ ⲛⲁ‐ ⲡⲟⲥⲧⲟⲗⲟⲥ ⲡⲁⲩⲗⲟⲥ ⲁⲗⲗⲁ ϩⲱⲥ ⲉⲃⲟⲗϧⲉⲛ ⲟⲩⲧⲟⲩⲃⲟ ϩⲱⲥ ⲉⲃⲟⲗϧⲉⲛ ⲫ︦ϯ︦ ⲙⲡⲉⲙⲑⲟ ⲙⲫ︦ϯ︦ ϧⲉⲛ ⲡⲭ︦ⲥ︦ ⲧⲉⲛⲥⲁϫⲓ. ⲁⲛⲛⲁⲥⲁϫⲓ ⲛⲛⲏ ⲉⲧⲉ ⲛⲟⲩϥ ⲛϩⲃⲏⲟⲩⲓ ⲙⲁⲗⲓⲥⲧⲁ ⲛⲉϥⲕⲁⲣⲡⲟⲥ ⲛⲓⲇⲓⲟⲛ ⲛⲧⲁϥ ⲣⲱ ⲟⲛ ⲕⲁⲧⲁ ⲫⲣⲏϯ ⲉⲧⲉ ⲧⲥⲁⲗⲡⲓⲅⲅⲟⲥ ⲛⲑⲙⲉⲑⲙⲏⲓ ⲛⲛⲓϩⲃⲏⲟⲩⲓ ⲛⲁⲟⲩⲉⲛϩ ⲡⲓϩⲱⲃ ⲛⲁⲛ ⲉⲃⲟⲗ. ϧⲉⲛ ⲫⲁⲓ ⲉⲣⲉ ⲡⲓ‐ ⲗⲟⲅⲟⲥ ⲛⲁⲉⲣⲕⲟⲥⲙⲉⲓⲛ ⲙⲡⲓⲉⲅⲕⲱⲙⲓⲟⲛ ϧⲉⲛ ⲟⲩⲧⲁϩⲟ ⲉⲣⲁⲧϥ ⲉⲟⲩⲡⲁⲣⲁ‐ ⲕⲗⲏⲥⲓⲥ ⲙⲙⲏⲓ ⲙⲡⲉⲛⲑⲱⲟⲩϯ ⲉϧⲟⲩⲛ ϧⲉⲛ ⲡⲟ︦ⲥ︦ ⲙⲁⲗⲓⲥⲧⲁ ⲛⲏ ⲉⲧⲁⲩⲓ ⲉⲧⲟⲧⲉⲛ ⲟⲩⲟϩ ⲉⲧⲁⲛϫⲉⲙⲟⲩ ⲓⲥⲧⲟⲣⲓⲕⲱⲥ ⲉⲓⲧⲉ ϧⲉⲛ ⲛⲓⲥⲁϧ ⲉⲑⲟⲩⲁⲃ ⲛⲧⲉ ϯⲉⲕⲕⲗⲏⲥⲓⲁ ⲉⲓⲧⲉ ⲛⲉⲛⲓⲟϯ ⲉⲑⲟⲩⲁⲃ ⲛⲑⲉⲟⲫⲟⲣⲟⲥ ⲉⲧϧⲁϫⲱⲛ ⲛⲁⲣⲭⲁⲓⲟⲥ ⲛⲁⲓ ⲉⲧⲁⲩϣⲱⲡⲓ ⲛⲁⲣⲭⲏⲅⲟⲥ ⲟⲩⲟϩ ⲛⲣⲉϥϩⲓ ⲥⲉⲛϯ ⲛϯⲙⲉⲧϣⲁⲙϣⲉ ⲛⲟⲩϯ ⲛϣⲟⲣⲡ ϧⲉⲛ ⲛⲓϣⲁϥⲉⲩ ⲉⲁⲩϣⲱⲡⲓ ⲛⲣⲉϥⲛⲁⲩ ⲉⲛⲓϩⲃⲏⲟⲩⲓ ⲛⲧⲉ ϯⲙⲉⲑⲙⲏⲓ ⲟⲩⲟϩ ⲁⲩⲉⲣⲇⲓⲁⲕⲟⲛⲉⲓⲛ ⲙⲙⲱⲟⲩ ϣⲁⲣⲟⲛ ϩⲱⲛ ⲉⲅⲅⲣⲁⲫⲱⲥ ⲉⲟⲩϩⲏⲟⲩ ### 0006 ⲛⲛⲉⲛⲯⲩⲭⲏ (-ⲋ̄-) ⲉⲓⲧⲉ ⲛⲏ ⲉⲧⲁⲛⲥⲟⲑⲙⲟⲩ ϩⲱⲛ ⲣⲱ ⲟⲛ ⲛⲧⲟⲧⲟⲩ ⲛⲛⲉⲛⲓⲟϯ ⲉⲑⲟⲩⲁⲃ ⲉⲧⲁⲛϫⲉⲙⲟⲩ ϧⲁϫⲱⲛ ϧⲉⲛ ⲛⲓⲧⲟⲡⲟⲥ ⲉⲑⲟⲩⲁⲃ ϧⲉⲛ ⲡⲓⲕⲟⲩϫⲓ ⲛⲥⲏⲟⲩ ⲉⲧⲁⲛⲁⲓϥ ⲉⲛⲉⲣⲁⲛⲁⲥⲧⲣⲉⲫⲉⲥⲑⲁⲓ ϧⲉⲛ ⲧⲟⲩⲙⲏϯ ⲡⲁⲣⲁ ⲡⲉⲛⲙⲡϣⲁ ⲉⲩⲧ‐ ⲥⲁⲃⲟ ⲙⲙⲟⲛ ⲉⲃⲟⲗϩⲓⲧⲟⲧⲟⲩ ⲉⲥⲟⲩⲉⲛ ⲫϯ ϧⲉⲛ ⲟⲩⲉⲙⲓ ϩⲓⲧⲉⲛ ⲧⲫⲓⲗⲟⲥⲟⲫⲓⲁ ⲛⲧⲟⲩⲥⲃⲱ ⲉⲑⲟⲩⲁⲃ ⲛⲁⲓ ⲉⲑⲙⲉⲓ ⲙⲡϩⲗⲟϫ ⲛϯⲙⲉⲑⲙⲏⲓ ⲟⲩⲟϩ ⲉⲩⲧⲥⲓⲟ ⲛⲛⲟⲩ‐ ⲯⲩⲭⲏ ϩⲱⲟⲩ ⲡⲛ︦ⲁ︦ⲧⲓⲕⲱⲥ ⲉⲃⲟⲗϧⲉⲛ ⲑⲙⲉⲧⲥⲁⲓⲉ ⲛⲑⲙⲉⲗⲉⲧⲏ ⲛⲛⲓϩⲃⲏⲟⲩⲓ ⲙⲡⲁⲣⲁⲇⲟⲝⲟⲛ ⲛⲧⲉ ⲛⲓⲡⲣⲟⲙⲁⲭⲟⲥ ⲉⲧⲁⲩϣⲱⲡⲓ ⲛϫⲱⲣⲓ ϧⲉⲛ ϯⲁⲣⲉⲧⲏ ϧⲁ ⲧⲟⲩϩⲏ ϩⲱⲟⲩ ⲛⲁⲓ ⲉⲧⲁⲩϭⲓ ⲙⲡⲓⲧⲣⲟⲡⲁⲓⲟⲛ ⲟⲩⲃⲉ ⲡⲓⲁⲛⲧⲓⲕⲉⲓⲙⲉⲛⲟⲥ ⲛϩⲣⲏⲓ ϧⲉⲛ ⲑⲃⲟⲏⲑⲉⲓⲁ ⲛⲧϣⲉⲃϣⲓ ⲛⲉⲙ ⲧⲡⲁⲛⲟⲡⲗⲓⲁ ⲛϯϫⲟⲙ ⲉⲧϫⲟⲣ ⲛⲧⲉ ⲡⲓⲥⲧⲁⲩ‐ ⲣⲟⲥ ⲛⲟⲩϫⲁⲓ ⲫⲁⲓ ⲉⲧⲁⲩϥⲁⲓ ⲙⲙⲟϥ ϧⲉⲛ ⲟⲩⲙⲉⲑⲙⲏⲓ. ⲟⲩϣⲟⲩⲧⲁⲓⲟⲥ ⲅⲁⲣ ⲧⲉ ⲁⲗⲏⲑⲱⲥ ⲛϫⲉ ⲧⲁⲡⲁⲛⲧⲏⲥⲓⲥ ⲛⲛⲏ ⲉⲑⲟⲩⲁⲃ ⲛⲉⲙ ⲡⲟⲩⲉⲣ ⲫⲙⲉⲩⲓ ⲉⲑⲛⲁⲛⲉϥ ⲟⲩⲟϩ ⲫⲏ ⲉⲑⲛⲁϣⲁϣⲛⲓ ⲉⲫⲁⲓ ϧⲉⲛ ⲟⲩⲉⲙⲓ ϥⲛⲁϫⲉⲙ ϩⲏⲟⲩ ⲛⲟⲩⲛⲓϣϯ ⲛⲁ‐ ⲅⲁⲑⲟⲛ ⲉϥⲕⲏⲃ ⲙⲁⲗⲓⲥⲧⲁ ϫⲉ ⲉⲛⲟⲩⲉϩ ⲥⲩⲛⲏⲑⲱⲥ ⲛⲥⲁ ⲧⲡⲁⲣⲁⲓⲛⲏⲥⲓⲥ ⲙⲡⲓ‐ ϩⲩⲙⲛⲱⲇⲟⲥ ⲇⲁⲩⲓⲇ ⲧⲉⲛⲛⲁϫⲟⲥ ϩⲱⲛ ⲥⲩⲛⲧⲟⲙⲟⲗⲟⲅⲱⲥ ϫⲉ ⲛⲏ ⲉⲧⲁⲛⲥⲟⲑ‐ ⲙⲟⲩ ⲟⲩⲟϩ ⲉⲧⲁⲛⲛⲁⲩ ⲉⲣⲱⲟⲩ ⲛⲉⲛⲓⲟϯ ⲁⲩⲥⲁϫⲓ ϧⲁⲧⲟⲧⲉⲛ ⲙⲡⲟⲩϩⲱⲡ ⲉⲃⲟⲗ ϩⲁ ⲛⲟⲩϣⲏⲣⲓ ϣⲁ ⲕⲉϫⲱⲟⲩ ⲉⲩϫⲱ ⲛⲛⲓⲥⲙⲟⲩ ⲛⲧⲉ ⲡⲟⲥ ⲛⲉⲙ ⲛⲉϥⲙⲉⲧ‐ ### 0007 ϫⲱⲣⲓ (-ⲍ̄-) ⲛⲉⲙ ⲛⲓϣⲫⲏⲣⲓ ⲉⲧⲁϥⲁⲓⲧⲟⲩ ϫⲉ ϩⲓⲛⲁ ⲛⲧⲉϥⲉⲙⲓ ⲛϫⲉ ⲕⲉϫⲱⲟⲩ ⲛⲓϣⲏⲣⲓ ⲉⲧⲁⲩⲛⲁϫⲫⲱⲟⲩ ⲉⲩⲉⲧⲱⲟⲩⲛⲟⲩ ⲛⲧⲟⲩⲧⲁⲙⲉ ⲛⲟⲩϣⲏⲣⲓ ⲉⲣⲱⲟⲩ ϩⲟ‐ ⲡⲱⲥ ⲛⲧⲟⲩⲭⲱ ⲛⲧⲟⲩϩⲉⲗⲡⲓⲥ ϧⲉⲛ ⲫϯ ⲟⲩⲟϩ ⲛⲧⲟⲩϣⲧⲉⲙⲉⲣ ⲡⲱⲃϣ ⲛⲛⲓϩⲃⲏ‐ ⲟⲩⲓ ⲛⲧⲉ ⲡⲟⲥ ⲟⲩⲟϩ ⲛⲧⲟⲩⲕⲱϯ ⲛⲥⲁ ⲛⲉϥⲉⲛⲧⲟⲗⲏ. ⲛϩⲟⲩⲟ ⲇⲉ ⲁⲛⲛⲁⲉⲙⲓ ⲉⲧⲁⲕⲣⲓⲃⲉⲓⲁ ⲙⲫⲏ ⲉⲧⲉⲛⲕⲱϯ ⲛⲥⲱϥ ⲟⲣⲑⲱⲥ ⲉⲃⲟⲗϧⲉⲛ ⲡϫⲱⲙ ⲛⲛⲓϧⲉⲗⲗⲟⲓ ⲉⲑⲟⲩⲁⲃ ⲉⲑⲃⲉ ⲛⲏ ⲉⲧⲁⲩⲉⲣⲓⲥⲧⲟⲣⲉⲓⲛ ⲙⲙⲱⲟⲩ ⲛϧⲏⲧϥ ⲉⲑⲃⲉ ⲡⲁⲓⲁⲅⲓⲟⲥ ⲉⲧⲉⲛⲉⲣ ϣⲁⲓ ⲙⲫⲟⲟⲩ ⲟⲩⲟϩ ⲡⲁⲓϫⲱⲙ ⲫⲁⲓ ⲉⲧⲁⲩⲉⲣ ⲡⲕⲉϯ ⲣⲉⲛϥ ϫⲉ ⲡⲁⲣⲁⲇⲉⲓⲥⲟⲥ ⲟⲩⲟϩ ⲇⲓⲕⲁⲓⲱⲥ ⲕⲁⲧⲁ ⲫⲣⲏϯ ⲉⲧⲥϧⲏⲟⲩⲧ ⲟⲩⲟϩ ⲉⲧⲉⲣ‐ ⲡⲣⲉⲡⲉⲓ ⲕⲁⲗⲱⲥ ⲟⲩⲛ ⲁⲩⲙⲟⲩϯ ⲉⲣⲟϥ ⲉⲡⲁⲓⲣⲁⲛ ⲕⲁⲓ ⲅⲁⲣ ϧⲉⲛ ⲧⲟⲛⲟⲙⲁⲥⲓⲁ ⲛⲛⲓⲁⲅⲓⲟⲥ ⲉⲧⲥϧⲏⲟⲩⲧ ⲉⲡⲁⲓⲡⲁⲣⲁⲇⲉⲓⲥⲟⲥ ⲛⲉⲙⲯⲩⲭⲟⲛ ⲫⲁⲓ ⲉⲧⲁϥⲙⲟϩ ⲡⲁⲛⲧⲱⲥ ⲛϫⲉ ⲡⲓⲛⲓϣϯ ⲙⲡⲁⲣⲁⲇⲉⲓⲥⲟⲥ ⲛⲧⲉ ⲡⲟⲩⲛⲟϥ ⲟⲩⲟϩ ⲉⲧⲓ ⲟⲛ ϣⲁ ϯⲛⲟⲩ ⲛⲉⲙ ϣⲁ ϯⲥⲩⲛⲧⲉⲗⲉⲓⲁ ⲛⲧⲉ ⲡⲁⲓⲁⲓⲱⲛ ϥⲛⲁⲕⲏⲛ ⲁⲛ ⲛϫⲉ ⲡⲁⲓϫⲱⲙ ⲛⲟⲩⲱⲧ ⲫⲁⲓ ⲉϥⲥⲟⲃϯ ⲛϩⲁⲛ ⲯⲩⲭⲏ ⲟⲛ ⲛⲟⲩⲇⲱⲣⲟⲛ ⲙⲫ︦ϯ︦ ⲛⲏ ⲉⲑⲛⲁⲱⲛϧ ⲛⲕⲁⲗⲱⲥ ⲉⲑⲣⲟⲩϭⲓ ⲉⲃⲟⲗⲛϧⲏⲧϥ ⲛⲟⲩⲉⲙⲓ ϧⲉⲛ ⲟⲩⲇⲓⲁⲕⲣⲓⲥⲓⲥ ⲙⲙⲏⲓ ⲉⲑⲣⲟⲩϣⲱⲡⲓ ⲛⲟⲩⲉⲣⲫⲉⲓ ⲛⲧⲉ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲟⲩⲟϩ ⲉϣⲁϣⲛⲓ ⲉⲧ‐ ⲕⲗⲏⲣⲟⲛⲟⲙⲓⲁ ⲙⲡⲓⲱⲛϧ ⲛⲉⲛⲉϩ ⲉⲃⲟⲗϩⲓⲧⲉⲛ ⲡⲭⲟϩ ⲛⲛⲓⲡⲣⲁⲝⲓⲥ (-ⲏ︦-) ⲛⲉⲙ ### 0008 ⲛⲓϧⲓⲥⲓ ⲛⲟⲩϫⲁⲓ ⲛⲧⲉ ⲛⲓⲫⲱⲥⲧⲏⲣ ⲉⲧⲥϧⲏⲟⲩⲧ ϩⲓⲱⲧϥ ⲉⲧⲉ ⲛⲁⲓ ⲛⲉ ⲁⲃⲃⲁ ⲡⲁⲩ‐ ⲗⲟⲥ ⲡⲓⲛⲓϣϯ ⲛⲉⲙ ⲁⲃⲃⲁ ⲁⲛⲧⲱⲛⲓⲟⲥ ⲁⲃⲃⲁ ⲡⲁⲗⲁⲙⲱⲛ ⲛⲉⲙ ⲁⲃⲃⲁ ⲡⲁ‐ ϧⲱⲙ ⲁⲃⲃⲁ ϩⲱⲣⲥⲓⲏⲥⲓ ⲛⲉⲙ ⲁⲃⲃⲁ ⲡⲉⲧⲣⲱⲛⲓⲟⲥ ⲁⲃⲃⲁ ⲑⲉⲟⲇⲱⲣⲟⲥ ⲛⲉⲙ ⲁⲃⲃⲁ ⲙⲱⲛⲁ ⲁⲃⲃⲁ ⲁⲙⲟⲩⲛ ⲛⲉⲙ ⲁⲃⲃⲁ ⲙⲁⲧⲟⲓ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ⲛⲉⲙ ⲁⲃⲃⲁ ⲙⲁⲕⲁⲣⲓⲟⲥ ⲟⲛ ⲁⲃⲃⲁ ⲓⲥⲓⲇⲱⲣⲟⲥ ⲛⲉⲙ ⲁⲃⲃⲁ ⲡⲁⲙⲱ ⲁⲃⲃⲁ ϫⲓ‐ ϭⲱⲓ ⲛⲉⲙ ⲁⲃⲃⲁ ⲁⲙⲟⲓ ⲁⲃⲃⲁ ⲙⲱⲩⲥⲏⲥ ⲛⲉⲙ ⲁⲃⲃⲁ ⲣⲱⲙⲁⲛⲟⲥ ⲁⲃⲃⲁ ⲓⲱ‐ ⲥⲏⲫ ⲛⲉⲙ ⲁⲃⲃⲁ ⲭⲣⲟⲛⲓⲟⲥ ⲁⲃⲃⲁ ⲃⲏⲥⲁⲣⲓⲱⲛ ⲛⲉⲙ ⲁⲃⲃⲁ ⲡⲟⲓⲙⲏⲛ ⲁⲃⲃⲁ ⲁⲣⲥⲉⲛⲓⲟⲥ ⲛⲉⲙ ⲁⲃⲃⲁ ⲡⲁⲫⲛⲟⲩϯ ⲁⲃⲃⲁ ⲏⲗⲁⲣⲓⲱⲛ ⲛⲉⲙ ⲁⲃⲃⲁ ⲉⲫⲣⲉⲙ ⲡⲓⲥⲩⲣⲟⲥ ⲁⲃⲃⲁ ⲉⲩⲁⲅⲣⲓⲟⲥ ⲛⲉⲙ ⲁⲃⲃⲁ ⲥⲓⲗⲟⲩⲁⲛⲟⲥ ⲁⲃⲃⲁ ⲍⲏⲛⲱⲛ ⲛⲉⲙ ⲁⲃⲃⲁ ⲥⲉⲛⲟⲩⲑⲓ ⲁⲃⲃⲁ ⲏⲥⲁⲓⲁⲥ ⲛⲉⲙ ⲁⲃⲃⲁ ⲡⲉⲧⲣⲟⲥ ⲡⲉϥⲙⲁⲑⲏⲧⲏⲥ ⲁⲃⲃⲁ ⲗⲟⲩⲕⲓⲟⲥ ⲛⲉⲙ ⲁⲃⲃⲁ ⲗⲟⲅⲅⲓⲛⲟⲥ ⲛⲉⲙ ⲡⲉⲛⲓⲱⲧ ⲉⲑⲟⲩⲁⲃ ⲙⲡⲣⲉⲥⲃⲩⲧⲉⲣⲟⲥ ⲉⲧⲉⲛⲉⲣ ϣⲁⲓ ⲛⲁϥ ⲙⲫⲟⲟⲩ ⲫⲏ ⲉⲑⲟⲩⲁⲃ ⲛϩⲏⲅⲟⲩⲙⲉⲛⲟⲥ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲉⲟⲩⲁⲓ ⲣⲱ ϩⲱϥ ⲟⲛ ⲡⲉ ⲙⲁⲗⲗⲟⲛ ⲇⲉ ⲟⲩⲥⲱⲧⲡ ⲡⲉ ⲉϥⲏⲡ ⲉϧⲟⲩⲛ ⲉⲧⲥⲩⲛⲟⲇⲓⲁ ⲙⲡⲭⲟⲣⲟⲥ ⲛⲛⲁⲓⲁⲅⲓⲟⲥ ⲉⲧⲁⲛⲧⲁⲟⲩⲉ ⲛⲟⲩⲣⲁⲛ ⲛⲉⲙ ⲡⲕⲉⲥⲉⲡⲓ ⲟⲛ ⲛⲛⲏ ⲉⲑⲟⲩⲁⲃ ⲧⲏⲣⲟⲩ ⲉⲟⲩϩⲓⲥⲟⲥ ϩⲱϥ ⲛⲉⲙⲱⲟⲩ ⲡⲉ ϧⲉⲛ ⲡⲓⲧⲁⲓⲟ ⲛⲉⲙ ⲫⲃⲉⲭⲉ ⲙⲡⲓⲭⲗⲟⲙ (-ⲑ̄-) ⲛⲧⲉ ⲧⲁⲓⲕⲗⲏⲣⲁⲛⲟⲙⲓⲁ ⲛⲟⲩⲱⲧ ⲛⲧⲉ ϯⲁⲣⲉⲧⲏ ⲙⲁⲗⲓⲥⲧⲁ ⲉⲑⲃⲉ ⲡⲓⲣⲏϯ ⲉⲧⲁϥⲉⲣⲙⲉⲧⲉⲭⲉⲓⲛ ⲛⲛⲓϩⲙⲟⲧ ⲉⲑⲛⲁⲁⲩ ⲛⲧⲉ ⲧⲁ‐ ⲣⲉⲧⲏ ⲙⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ ϧⲉⲛ ⲟⲩⲙⲉⲧⲙⲁⲓ ϧⲁⲥϥ ⲉϥⲉⲣⲗⲁⲙⲡⲣⲟ‐ ### 0009 ⲫⲟⲣⲉⲓⲛ ⲙⲡⲓⲛⲓϣϯ ⲛϩⲟⲡⲗⲟⲛ ⲉⲧϫⲟⲣ ⲛⲧⲉ ⲡⲭ︦ⲥ︦ ⲉⲧⲉ ⲡⲓⲑⲉⲃⲓⲟ ⲡⲉ ϧⲉⲛ ⲛⲉϥϩⲃⲏⲟⲩⲓ ⲧⲏⲣⲟⲩ ϣⲁⲧⲉϥϣⲁϣⲛⲓ ⲉⲡⲓⲥⲕⲟⲡⲟⲥ ⲧⲏⲣϥ ⲉⲧⲉ ⲡⲉϥϭⲓ ϣϣⲱⲟⲩ ⲧⲏⲣϥ ⲁϣⲓ ⲛⲥⲱϥ ⲉⲧⲉ ⲫⲁⲓ ⲡⲉ ⲡⲧⲁϩⲟ ⲉⲣⲁⲧϥ ⲙⲡϫⲱⲕ ⲛϯⲙⲉⲧⲧⲉⲗⲉⲓⲟⲥ. ⲡⲥⲁϫⲓ ⲙⲉⲛ ⲙⲡⲓⲡⲣⲟⲟⲓⲙⲓⲟⲛ ⲙⲁⲣⲉϥⲟϩⲓ ϣⲁ ⲡⲁⲓⲙⲁ ⲉⲑⲣⲉϥϭⲱⲣⲡ ⲉⲃⲟⲗ ⲁⲡⲟ ⲙⲉⲣⲟⲩⲥ ⲙⲡⲓⲑⲏⲥⲁⲩⲣⲟⲥ ⲛⲁⲅⲁⲑⲟⲥ ⲛⲧⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉⲟⲩϩⲏ‐ ⲟⲩ ⲙⲡⲓⲙⲁ ⲧⲏⲣϥ. ⲡⲉⲛⲧⲣⲓⲥⲙⲁⲕⲁⲣⲓⲟⲥ ⲟⲩⲛ ⲛⲓⲱⲧ ⲙⲡⲣⲉⲥⲃⲩⲧⲉⲣⲟⲥ ⲟⲩⲟϩ ⲛϩⲏⲅⲟⲩⲙⲉⲛⲟⲥ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲱ ⲛⲁⲙⲉⲛⲣⲁϯ ⲧⲉϥ‐ ⲡⲁⲧⲣⲓⲁ ⲇⲉ ⲟⲩⲉⲃⲟⲗϧⲉⲛ ⲟⲩϯⲙⲓ ⲛⲧⲉ ⲡⲑⲟϣ ⲡⲉⲙϫⲉ ϯⲡⲟⲗⲓⲥ ⲉⲧϯ ⲥⲱⲓⲧ ⲛⲧⲉ ⲫⲙⲁⲣⲏⲥ ⲛⲭⲏⲙⲓ ⲉⲡⲉϥⲣⲁⲛ ⲡⲉ ⲧⲥⲏ ⲕⲁⲧⲁ ⲑⲙⲉⲧⲉⲩⲅⲉⲛⲏⲥ ⲇⲉ ⲙⲡϭⲓⲥⲓ ⲛϯⲁⲣⲉⲧⲏ ⲟⲩⲙⲏⲧⲣⲟⲡⲟⲗⲓⲧⲏⲥ ⲡⲉ ⲛⲧⲉ ⲛⲓⲫⲏⲟⲩⲓ. ⲕⲁⲧⲁ ⲧⲉⲩⲡⲟⲣⲓⲁ ⲇⲉ ⲛⲑ‐ ⲙⲉⲧⲣⲁⲙⲁⲟ ⲙⲡⲁⲓⲃⲓⲟⲥ ⲟⲩϩⲏⲕⲓ ⲡⲉ ⲟⲩⲟϩ ⲛⲁϥⲉⲣ ϧⲁⲉ ⲅⲁⲣ ⲡⲉ ⲁⲗⲗⲁ ⲡⲉϫⲁϥ ϫⲉ ⲛⲓϩⲏⲕⲓ ⲛⲧⲉ ⲡⲓⲕⲟⲥⲙⲟⲥ ⲁϥⲥⲟⲧⲡⲟⲩ ⲛϫⲉ ⲫ︦ϯ︦ ⲛⲣⲁⲙⲁⲟ ϧⲉⲛ ⲡⲭ︦ⲥ︦ ⲉⲩⲓⲣⲓ ⲛϩⲁⲛ ⲕⲉⲭⲱⲟⲩⲛⲓ ⲛϩⲟⲩⲟ ϧⲉⲛ ⲡϭⲓⲥⲓ ⲛⲛⲓϩⲙⲟⲧ ⲛⲧⲉ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲙⲁⲗⲓⲥⲧⲁ ϫⲉ ϯⲁⲣⲉⲧⲏ ⲉⲥⲏⲡ ⲁⲛ ⲉⲟⲩⲅⲉⲛⲟⲥ ⲉϥϯ ⲥⲱⲓⲧ (-ⲓ̄-) ⲓⲉ ⲟⲩⲁⲓ ⲉϥⲉⲣⲉⲩⲑⲩⲛⲉⲓⲛ ϧⲉⲛ ϯⲙⲉⲧⲣⲁⲙⲁⲟ ⲛⲧⲉ ⲡⲁⲓⲃⲓⲟⲥ ⲟⲩⲟϩ ⲉⲥⲫⲏⲧ ⲉⲃⲟⲗ ⲙⲫⲏ ⲉⲧϣⲟⲡ ϧⲉⲛ ⲟⲩⲙⲉⲧϩⲏⲕⲓ ⲁⲗⲗⲁ ⲉϣⲁⲩϫⲉⲙ ϯⲁⲣⲉⲧⲏ ϧⲉⲛ ⲟⲩⲯⲩⲭⲏ ### 0010 ⲙⲙⲁⲓ ⲛⲟⲩϯ ⲑⲁⲓ ⲉⲧⲥⲱⲧⲡ ⲛⲁⲥ ϧⲉⲛ ⲧⲉⲥⲅⲛⲱⲙⲏ ⲉⲩⲅⲛⲱⲙⲟⲥ ⲙⲙⲓⲛ ⲙⲙⲟⲥ ⲉⲓⲣⲓ ⲙⲡⲓⲁⲅⲁⲑⲟⲛ ⲛⲥⲏⲟⲩ ⲛⲓⲃⲉⲛ ⲕⲁⲧⲁ ⲟⲩⲥⲙⲟⲧ ⲛⲟⲩⲱⲧ ⲕⲁⲛ ⲟⲩ‐ ϩⲏⲕⲓ ⲡⲉ ⲕⲁⲛ ⲟⲩⲣⲁⲙⲁⲟ ⲡⲉ ⲟⲩⲟϩ ⲫⲁⲓ ⲧⲉⲛⲉⲙⲓ ⲉⲣⲟϥ ϧⲉⲛ ⲫⲃⲓⲟⲥ ⲛⲛⲉ‐ ⲛⲓⲟϯ ⲛⲁⲡⲟⲥⲧⲟⲗⲟⲥ ⲉⲑⲟⲩⲁⲃ ⲛⲉⲙ ⲡⲕⲉⲥⲉⲡⲓ ⲛⲛⲏ ⲉⲑⲟⲩⲁⲃ ⲧⲏⲣⲟⲩ. ⲛⲉⲛⲓⲟϯ ⲟⲩⲛ ⲙⲡⲁⲓⲙⲁⲕⲁⲣⲓⲟⲥ ⲱ ⲛⲁⲙⲉⲛⲣⲁϯ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲉⲑⲃⲏⲧⲟⲩ ϩⲁⲛ ⲉⲩⲥⲉⲃⲏⲥ ⲉⲡⲓϩⲟⲩⲟ ⲛⲉ ⲉⲩⲉⲣ ϩⲟϯ ϧⲁ ⲧϩⲏ ⲙⲫ︦ϯ︦ ⲟⲩⲟϩ ⲛⲁⲓ ⲙⲉⲛ ⲁϥⲉⲣⲭⲁⲣⲓⲍⲉⲥⲑⲁⲓ ⲛⲱⲟⲩ ⲛϫⲉ ⲫ︦ϯ︦ ⲛϣⲏⲣⲓ ⲃ︦ ⲛϩⲱⲟⲩⲧ. ⲡⲓⲛⲓϣϯ ⲇⲉ ϧⲉⲛ ⲡⲓⲭⲣⲟⲛⲟⲥ ⲛⲉⲙ ϯϩⲏⲗⲓⲕⲓⲁ ⲛⲥⲱⲙⲁⲧⲓⲕⲏ ⲁϥϣⲱⲡⲓ ϩⲱϥ ⲟⲛ ⲛⲟⲩⲥⲱⲧⲡ ⲙⲙⲟⲛⲁⲭⲟⲥ ⲉⲡϧⲁⲉ ⲕⲁⲧⲁ ⲫⲣⲏϯ ⲉⲧⲁ ⲡⲥⲁϫⲓ ⲛⲁⲟⲩⲉⲛϩ ⲫⲁⲓ ⲛⲁⲛ ⲉⲃⲟⲗ ⲁⲛϣⲁⲛⲙⲟϣⲓ ⲉⲧϩⲏ. ⲡⲓⲕⲟⲩϫⲓ ⲇⲉ ⲟⲛ ⲟⲙⲟⲓⲱⲥ ϧⲉⲛ ⲡⲓⲭⲣⲟⲛⲟⲥ ⲛⲉⲙ ϯϩⲏ‐ ⲗⲓⲕⲓⲁ ⲛⲥⲱⲙⲁⲧⲓⲕⲏ ⲡⲉⲛⲓⲱⲧ ⲛⲇⲓⲕⲁⲓⲟⲥ ⲡⲉ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ϧⲉⲛ ϯⲙⲉⲧⲥⲁⲃⲉ ⲛⲉⲙ ⲡⲓⲕⲁϯ ⲉⲧϣⲉⲡϣⲱⲡ ⲟⲩⲛⲓϣϯ ϧⲉⲛ ⲡϭⲓⲥⲓ ⲛϯⲁⲣⲉⲧⲏ ⲟⲩⲟϩ ϧⲉⲛ ⲡϫⲓ ⲛⲑⲣⲉϥⲉⲣ ϧⲉⲗⲗⲟ ϧⲉⲛ ⲡⲓⲉⲙⲓ ⲙⲙⲏⲓ ϧⲁ ⲧϩⲏ ⲙⲡⲓⲥⲭⲓⲙ ⲉϥϯ ⲁⲓⲁⲓ ⲙⲙⲏⲛⲓ ϧⲉⲛ ⲡⲓⲗⲟⲅⲓⲥⲙⲟⲥ ⲉⲧϭⲟⲥⲓ ⲕⲁⲧⲁ ⲫ︦ϯ︦ (-ⲓ︦ⲁ︦-)ⲉϥϯ ⲛⲧⲟⲧϥ ⲙⲡⲓϩⲙⲟⲧ ⲛⲧⲉ ⲡⲟ︦ⲥ︦ ⲕⲁⲧⲁ ⲫⲣⲟⲛⲏⲙⲁ ⲙⲡⲉϥⲣⲁⲛ. ⲫⲁⲓ ⲟⲛⲧⲱⲥ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲉⲑⲃⲏⲧϥ ϩⲱⲥ ⲉⲡⲁⲅⲅⲉⲗⲓⲁ ⲙⲉⲛ ⲙⲁⲗⲗⲟⲛ ⲇⲉ ⲕⲁⲧⲁ ⲟⲩϣⲟⲣⲡ ⲛⲉⲙⲓ ⲛⲧⲉ ⲫϯ ⲫⲁⲓ ⲉⲧⲉⲣⲭⲟⲣⲏⲅⲉⲓⲛ ⲛⲛⲉϥϩⲙⲟⲧ ⲙⲡⲉϥⲥⲱⲛⲧ ⲧⲏⲣϥ ⲁⲧϭⲛⲉ ### 0011 ⲫⲑⲟⲛⲟⲥ ⲁϥⲑⲟⲩⲃⲟϥ ⲛⲑⲟϥ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲓⲥϫⲉⲛ ⲉϥϧⲉⲛ ⲧϯⲡⲓ ⲛⲧⲉ ⲡⲉϥⲓⲱⲧ ⲁϥⲫⲟⲣϫϥ ⲉⲃⲟⲗ ⲓⲥϫⲉⲛ ⲉϥϧⲉⲛ ⲑⲛⲉϫⲓ ⲛⲧⲉ ⲧⲉϥⲙⲁⲩ ⲟⲩⲟϩ ⲁϥⲥⲟⲧⲡϥ ⲙⲁⲗⲓⲥⲧⲁ ⲓⲥϫⲉⲛ ⲉϥϧⲉⲛ ⲓⲏ ⲛⲣⲟⲙⲡⲓ. ⲁϥⲥⲁϫⲓ ⲛⲉⲙⲁϥ ϩⲱϥ ⲛⲟⲏⲧⲱⲥ ⲛϫⲉ ⲫ︦ϯ︦ ϧⲉⲛ ⲟⲩⲉⲛⲉⲣⲅⲉⲓⲁ ⲛⲧⲉ ⲟⲩⲁⲓⲥⲑⲏⲥⲓⲥ ⲙⲡⲛ︦ⲁ︦ⲧⲓⲕⲏ ⲉϥϫⲱ ⲙⲙⲟⲥ ⲛⲁϥ ϫⲉ ⲁⲙⲟⲩ ⲉⲃⲟⲗϧⲉⲛ ⲡⲉⲕⲕⲁϩⲓ ⲛⲉⲙ ⲉⲃⲟⲗϧⲉⲛ ⲧⲉⲕⲥⲩⲅ‐ ⲅⲉⲛⲉⲓⲁ ⲁⲙⲟⲩ ⲉⲡⲧⲱⲟⲩ ⲙⲡⲓϩⲟⲥⲉⲙ ⲉⲧⲉ ϣⲓⲏⲧ ⲡⲉ ⲡⲓⲙⲁ ⲉϣⲁⲩϣⲓ ⲛⲛⲓϩⲏⲧ ⲛⲉⲙ ⲛⲓⲙⲉⲩⲓ ⲛϧⲏⲧϥ ϧⲉⲛ ⲟⲩⲇⲓⲁⲕⲣⲓⲥⲓⲥ ⲙⲙⲏⲓ ⲕⲁⲧⲁ ⲫⲛⲟⲏⲙⲁ ⲙⲡⲉϥ‐ ⲣⲁⲛ ⲡⲓⲙⲁ ⲉⲧⲉϥⲙⲙⲁⲩ ⲛϫⲉ ⲡⲓϩⲙⲟⲩ ⲙⲡⲛ︦ⲁ︦ⲧⲓⲕⲟⲛ ⲉⲧϫⲟⲩⲕⲉⲣ ⲛⲛⲓⲯⲩⲭⲏ ⲛⲉⲙ ϯϩⲉⲓⲣⲏⲛⲏ ⲉⲧϫⲏⲕ ⲉⲃⲟⲗ ⲡⲓⲙⲁ ⲉⲧⲉⲥⲙⲙⲁⲩ ⲛϫⲉ ϯⲥⲟⲫⲓⲁ ⲛⲉⲙ ϯⲅⲛⲱⲥⲓⲥ ⲛⲉⲙ ϯⲑⲉⲟⲗⲟⲅⲓⲁ ⲛⲧⲉ ⲛⲓⲇⲟⲅⲙⲁ ⲉⲧⲥⲟⲩⲧⲱⲛ ⲛⲧⲉ ⲡⲓⲛⲁϩϯ ⲛⲧⲣⲓⲁⲧⲓⲕⲟⲛ ⲟⲩⲟϩ ⲛⲁⲡⲟⲥⲧⲟⲗⲓⲕⲟⲛ ⲡⲓⲙⲁ ⲉⲧⲉⲥⲙⲙⲁⲩ ⲛϫⲉ ⲧⲡⲁⲓⲇⲉⲩⲥⲓⲥ ⲧⲏⲣⲥ (-ⲓ︦ⲃ︦-) ⲛϯⲙⲉⲧⲉⲩⲥⲉⲃⲏⲥ ⲛⲁⲅⲅⲉⲗⲓⲕⲏ ⲡⲓⲙⲁ ⲉⲧⲉϥϣⲏⲡ ⲛⲏⲓ ⲙⲙⲟϥ ⲛϫⲉ ⲡⲓⲥⲑⲩⲛⲟⲩϥⲓ ⲛⲧⲉ ⲛⲓϣⲟⲩϣⲱⲟⲩϣⲓ ⲉⲧⲥⲟⲧⲡ ⲉⲧⲉ ⲛⲓⲫⲩⲭⲏ ⲛⲧⲉ ⲛⲓⲁⲅⲓⲟⲥ ⲛⲉ ⲛⲁⲓ ⲉⲧⲧⲟⲩⲃⲏⲟⲩⲧ ⲙⲡⲁⲙⲑⲟ ⲟⲩⲟϩ ⲡⲁⲗⲓⲛ ϥⲛⲁϣⲱⲡⲓ ⲛⲏⲓ ⲉⲃⲟⲗϩⲓⲧⲟⲧⲕ ⲟⲛ ⲉⲃⲟⲗ ⲟⲩⲛ ϧⲉⲛ ⲛⲁⲓ ⲛⲉⲙ ⲛⲏ ⲉⲧⲟⲛⲓ ⲙⲙⲱⲟⲩ ϩⲓⲧⲉⲛ ⲫⲏ ⲉⲑⲛⲟϩⲉⲙ ⲙⲙⲱⲟⲩ ⲟⲩⲟϩ ⲉⲧϭⲓ ⲙⲱⲓⲧ ϧⲁϫⲱϥ ⲫ︦ϯ︦ ϣⲁ ⲛⲓϣⲁϥⲉ ⲉⲑⲟⲩⲁⲃ ⲁϥϣⲁϣⲛⲓ ⲉⲩⲕⲁⲓⲣⲱⲥ ### 0012 ⲙⲡⲥⲙⲟⲩ ⲛϯⲁⲅⲁⲡⲏ ⲉⲧϫⲏⲕ ⲉⲃⲟⲗ ⲛⲧⲉ ϯⲅⲉⲛⲉⲁ ⲉⲧⲥⲟⲩⲧⲱⲛ ⲟⲩⲟϩ ⲉⲧⲥⲙⲁ‐ ⲣⲱⲟⲩⲧ ⲛⲧⲉ ⲛⲉⲛⲓⲟϯ ⲉⲑⲟⲩⲁⲃ ⲛⲁ ⲡⲏⲓ ⲛⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϯⲅⲉⲛⲉⲁ ⲉⲧⲕⲱϯ ⲛⲥⲁ ⲡⲟ︦ⲥ ⲟⲩⲟϩ ⲉⲧⲕⲱϯ ⲛⲥⲁ ⲡϩⲟ ⲙⲫ︦ϯ︦ ⲛⲓⲁⲕⲱⲃ ⲕⲁⲧⲁ ⲡⲓⲥⲁϫⲓ ⲙⲡⲓϩⲩⲙⲛⲱⲇⲟⲥ ⲇⲁⲩⲓⲇ ⲉⲃⲟⲗ ⲇⲉ ϩⲓⲧⲉⲛ ⲧⲕⲁⲧⲁⲥⲧⲁⲥⲓⲥ ⲙⲡⲟⲩⲥⲙⲟⲧ ⲛⲁⲅ‐ ⲅⲉⲗⲓⲕⲟⲛ ⲫⲁⲓ ⲉⲧϣⲟⲡ ϧⲉⲛ ⲟⲩⲙⲉⲧⲣⲉⲙ ⲣⲁⲩϣ ⲛⲧⲉ ⲡⲭ︦ⲥ︦ ⲛⲉⲙ ⲡⲕⲁⲣⲡⲟⲥ ⲛⲛⲟⲩⲡⲟⲗⲓⲧⲉⲓⲁ ⲉⲧⲟⲓ ⲛⲟⲩⲑⲟ ⲛⲣⲏϯ ⲛⲧⲉ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲟⲩⲟϩ ⲥⲭⲉⲇⲟⲛ ⲉϫⲟⲥ ϧⲉⲛ ⲟⲩⲥⲩⲛⲧⲟⲙⲓⲁ ⲛⲁϩⲣⲉⲛ ⲧⲟⲩⲁⲛⲁⲥⲧⲣⲟⲫⲏ ⲛⲉⲝⲁⲓⲣⲏⲧⲟⲥ ϫⲉ ⲉⲛⲉⲥⲱⲟⲩ ⲛⲉ ⲛⲓⲁⲩⲗⲏⲟⲩ ⲛⲉⲙ ⲛⲉⲛⲥⲕⲏⲛⲏ ⲙⲡⲓ︦︦ⲥ︦ⲗ︦ ⲙⲫⲣⲏϯ ⲙⲡⲓⲡⲁⲣⲁ‐ ⲇⲉⲓⲥⲟⲥ ⲛⲧⲉ ⲡⲟⲩⲛⲟϥ. ⲉⲃⲟⲗ ⲇⲉ ϧⲉⲛ ⲛⲁⲓⲁⲅⲓⲟⲥ ⲛⲁⲓ ⲕⲁⲧⲁ ⲫⲣⲏϯ ⲉⲧⲥϧⲏⲟⲩⲧ ⲁϥⲉⲣⲕⲁⲧⲁⲛⲧⲁⲛ ⲟⲩⲟϩ ⲁϥϣⲁϣⲛⲓ (-ⲓ︦︦ⲅ︦-) ⲉⲟⲩⲛⲓϣϯ ⲛⲇⲟⲕⲓⲙⲟⲥ ⲛϧⲉⲗⲗⲟ ⲟⲩⲟϩ ⲉⲟⲩⲥⲡⲟⲩ‐ ⲇⲁⲓⲟⲥ ⲡⲉ ⲉⲡϩⲟⲩⲟ ϧⲉⲛ ⲧⲡⲣⲁⲕⲧⲓⲕⲏ ⲛϯⲙⲉⲧϣⲁⲙϣⲉ ⲛⲟⲩϯ ⲟⲩⲟϩ ⲟⲩϩⲓ‐ ⲕⲁⲛⲟⲥ ⲡⲉ ⲉϣⲁⲛⲟⲩϣϥ ϧⲉⲛ ⲛⲓⲛⲟⲙⲟⲥ ⲛⲉⲩⲁⲅⲅⲉⲗⲓⲕⲟⲥ ⲉⲧⲉ ⲁⲃⲃⲁ ⲁⲙⲟⲓ ⲡⲉ ⲡⲓⲣⲉⲙ ⲡⲉⲙϫⲉ ⲉⲟⲩⲟⲛⲟⲙⲁⲥⲧⲟⲥ ⲡⲉ ϩⲱϥ ϧⲉⲛ ⲛⲉⲛⲓⲟϯ ⲉⲑⲃⲉ ⲡϭⲓⲥⲓ ⲛⲧⲉϥⲁⲣⲉⲧⲏ. ⲫⲏ ⲇⲉ ⲉⲑⲛⲁϩⲓ ⲧⲟⲧϥ ⲉⲥϧⲉ ⲫⲃⲓⲟⲥ ⲙⲡⲁⲓⲁⲅⲓⲟⲥ ⲫⲁⲓ ϥⲛⲁⲉⲣ ⲭⲣⲉⲓⲁ ⲡⲁⲛⲧⲱⲥ ⲛⲟⲩⲓⲥⲧⲟⲣⲓⲁ ⲉⲥⲟⲩⲟϣⲥ ⲉⲃⲟⲗ ⲙⲙⲁϣⲱ ⲟⲙⲱⲥ ⲇⲉ ϩⲓⲧⲉⲛ ⲃϯ ⲛⲉⲙ ⲅ̄ϯ ⲛⲁⲣⲉⲧⲏ ⲛⲧⲁϥ ⲉⲧⲉⲛⲛⲁϫⲟⲧⲟⲩ ⲁⲣⲉϣⲁⲛ ⲡⲓⲥⲁϫⲓ ⲉⲣⲡⲣⲟ‐ ### 0013 ⲕⲟⲡⲧⲉⲓⲛ ϥⲛⲁⲟⲩⲱⲛϩ ⲉⲃⲟⲗ ⲛⲁϩⲣⲉⲛ ⲟⲩⲟⲛ ⲛⲓⲃⲉⲛ ϫⲉ ⲟⲩⲧⲉⲗⲉⲓⲟⲥ ⲡⲉ ⲟⲩⲟϩ ϥϫⲏⲕ ⲉⲃⲟⲗ ⲛⲁϩⲣⲉⲛ ⲫ︦ϯ︦ ⲛⲉⲙ ⲛⲓⲣⲱⲙⲓ. ⲟⲩⲟϩ ⲡⲁⲓⲫⲱⲥⲧⲏⲣ ϫⲉ ⲟⲩⲛ ⲙⲡⲁⲓⲣⲏϯ ⲁϥϫⲱⲓⲗⲓ ⲉⲣⲟϥ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ. ⲁϥϣⲉⲛϥ ⲇⲉ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲉϥϫⲱ ⲙⲙⲟⲥ ⲛⲁϥ ϫⲉ ⲡⲁϣⲏⲣⲓ ⲡⲓⲥⲕⲩⲗⲙⲟⲥ ⲙⲡⲁⲓⲛⲓϣϯ ⲛⲇⲓⲁⲥⲧⲏⲙⲁ ⲉⲧⲁⲕⲁⲓϥ ϣⲁⲣⲟⲛ ⲧⲉϥⲭⲣⲉⲓⲁ ⲟⲩ ⲧⲉ. ⲁϥⲉⲣ ⲟⲩⲱ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ϧⲉⲛ ⲟⲩⲛⲓϣϯ ⲛⲑⲉⲃⲓⲟ ⲉⲣⲉ ⲛⲉϥⲉⲣⲙⲱⲟⲩⲓ ϣⲟⲩⲟ ⲉϫⲉⲛ ⲛⲉϥⲟⲩⲟϫⲓ ⲉϥϫⲱ ⲙⲙⲟⲥ ϫⲉ ⲓⲥϫⲉ ⲫⲟⲩⲱϣ ⲙⲡⲟⲥ ⲡⲉ ⲉⲓⲟⲩⲱϣ ⲉⲉⲣ ⲙⲟⲛⲁⲭⲟⲥ ϩⲱ (-ⲓ︦ⲇ︦-) ⲟⲩⲟϩ ⲛⲧⲁⲙⲡϣⲁ ϣⲱⲡⲓ ⲉⲓⲏⲡ ϩⲱ ⲉⲡⲭⲟⲣⲟⲥ ⲛⲧⲉⲧⲉⲛⲙⲉⲧⲁⲅⲓⲟⲥ ϫⲉ ⲛⲑⲱⲧⲉⲛ ⲟⲩⲅⲉⲛⲟⲥ ⲉϥⲟⲩⲁⲃ ⲟⲩⲟϩ ⲉϥⲥⲙⲁⲣⲱⲟⲩⲧ ϧⲉⲛ ⲡⲟ︦ⲥ︦ ⲉⲃⲟⲗ ⲟⲩⲧⲉ ⲡⲕⲁϩⲓ ⲧⲏⲣϥ ⲟⲩⲟϩ ⲁⲕϣⲁⲛϣⲗⲏⲗ ⲉϫⲱⲓ ⲡⲟ︦ⲥ︦ ⲛⲁⲧⲏⲓⲧ ⲛⲁⲕ ⲛϩⲙⲟⲧ ⲟⲩⲟϩ ⲡⲉⲕϩⲏⲧ ⲛⲁⲙⲧⲟⲛ ⲉϫⲱⲓ. ⲁϥⲉⲣ ⲟⲩⲱ ⲛϫⲉ ⲁⲃⲃⲁ ⲁⲙⲟⲓ ⲟⲩⲟϩ ⲡⲉϫⲁϥ ⲛⲁϥ ϫⲉ ⲡⲁⲓϩⲱⲃ ⲫⲁⲓ ⲉⲧⲉⲕⲥⲁϫⲓ ⲉⲣⲟϥ ⲡⲁϣⲏⲣⲓ ⲛⲉ ⲟⲩϩⲱⲃ ⲁⲛ ⲡⲉ ⲛⲧⲁⲓϧⲉ ⲁⲡⲗⲱⲥ ⲁⲗⲗⲁ ⲥϣⲉ ⲉⲫⲏ ⲉⲑⲛⲁϯ ⲙⲡⲉϥⲟⲩⲟⲓ ⲉϧⲟⲩⲛ ⲉⲡⲁⲓϩⲱⲃ ⲛⲁⲅⲁⲑⲟⲛ ⲫⲁⲓ ⲛϣⲟⲣⲡ ⲙⲉⲛ ⲉϥⲉⲣ ⲭⲣⲉⲓⲁ ⲛⲟⲩⲡⲣⲟϩⲁⲓⲣⲉⲥⲓⲥ ⲉⲥⲥⲟⲩⲧⲱⲛ ⲁⲧϭⲛⲉ ϩⲗⲓ ⲛⲣⲓⲕⲓ ⲉⲡⲧⲏⲣϥ ϧⲉⲛ ⲫⲟⲩⲱϣ ⲙⲫϯ ⲛⲧⲉϥϭⲓ ⲛⲟⲩⲉⲃϣⲓ ⲉⲥϫⲏⲕ ⲉⲃⲟⲗ ⲛⲧⲉ ⲛⲓϩⲃⲏⲟⲩⲓ ⲧⲏⲣⲟⲩ ⲛⲉⲫⲗⲏⲟⲩ ⲟⲩⲟϩ ⲛⲁⲧⲟⲩⲧⲁϩ ⲛⲧⲉ ⲡⲭⲁⲕⲓ ⲉϥϣⲟⲣϣⲉⲣ ### 0014 ⲛϭⲓⲥⲓ ⲛⲓⲃⲉⲛ ⲉⲧⲧⲱⲟⲩⲛ ⲙⲙⲱⲟⲩ ⲉϩⲣⲏⲓ ⲉϫⲉⲛ ⲡⲓⲉⲙⲓ ⲙⲙⲏⲓ ⲛⲧⲉ ⲫ︦ϯ︦ ⲉⲣⲉ ⲛⲉϥϩⲃⲏⲟⲩⲓ ⲧⲏⲣⲟⲩ ⲉⲣⲗⲁⲙⲡⲉⲓⲛ ϧⲉⲛ ⲟⲩⲉⲙⲓ ⲕⲁⲧⲁ ⲫⲟⲩⲱϣ ⲙⲫ︦ϯ︦ ϧⲉⲛ ⲟⲩⲉⲩⲧⲁⲝⲓⲁ ⲉⲥⲉⲣⲡⲣⲉⲡⲉⲓ ⲟⲩⲟϩ ⲉⲥⲧⲟⲙⲓ ⲉⲧⲧⲁⲝⲓⲥ ⲛⲛⲓⲇⲩⲛⲁⲙⲓⲥ ϧⲉⲛ ⲡϭⲓⲥⲓ ⲉϥⲉⲣⲕⲁⲧⲁⲫⲣⲟⲛⲉⲓⲛ ⲫⲣⲟⲛⲓⲙⲱⲥ ⲛⲧⲁⲡⲟⲗⲁⲩⲥⲓⲥ ⲧⲏⲣⲥ ⲛⲛⲓⲡⲣⲟⲥⲟⲩⲥⲏⲟⲩ ⲉⲑⲃⲉ ⲡⲓϭⲓ ϣϣⲱⲟⲩ ⲛⲛⲓⲁⲅⲁⲑⲟⲛ ⲉⲑⲙⲏⲛ ⲉⲃⲟⲗ. ⲛⲁⲓ ⲇⲉ ⲉⲧⲁϥϫⲟⲧⲟⲩ ⲛⲁϥ ⲛϫⲉ ⲡⲉⲛⲓⲱⲧ ⲟⲑⲟⲩⲁⲃ ⲁⲃⲃⲁ ⲁⲙⲟⲓ ⲁϥⲭⲁϥ ⲧⲉⲱⲥ (-ⲓⲉ-) ⲛⲑⲟϥ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ϧⲉⲛ ⲟⲩⲙⲁ ⲙⲙⲁⲩⲁⲧϥ ⲟⲩⲟϩ ⲁϥϣⲉ ⲛⲁϥ ϩⲱϥ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲉⲟⲩⲙⲁ ⲟⲩⲟϩ ⲁϥϭⲟⲗⲕϥ ⲉϩⲣⲏⲓ ϩⲁ ⲡⲟ︦ⲥ︦ ⲙⲡⲓⲉϫⲱⲣϩ ⲧⲏⲣϥ ⲉⲧⲉⲙⲙⲁⲩ ϧⲉⲛ ϩⲁⲛ ϯ ϩⲟ ⲉⲩⲟϣ ⲛⲉⲙ ϩⲁⲛ ⲡⲣⲟⲥⲉⲩⲭⲏ ⲓⲥϫⲉⲛ ⲣⲟⲩϩⲓ ϣⲁ ϣⲱⲣⲡ ⲉⲑⲣⲉϥϭⲱⲣⲡ ⲛⲁϥ ⲉⲃⲟⲗ ⲙⲫⲏ ⲉⲑⲣⲁⲛⲁϥ ⲉⲑⲃⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲙⲁⲗⲓⲥⲧⲁ ϫⲉ ⲑⲁⲓ ⲣⲱ ⲧⲉ ⲧⲉϥⲥⲩⲛⲏⲑⲉⲓⲁ ⲛⲥⲏⲟⲩ ⲛⲓⲃⲉⲛ ⲉϣⲧⲉⲙⲉⲣ ϩⲗⲓ ⲛϩⲱⲃ ⲁⲧϭⲛⲉ ⲫⲟⲩⲱϣ ⲙⲫ︦ϯ︦ ⲟⲩⲟϩ ⲛⲧⲉϥϭⲱⲣⲡ ⲛⲁϥ ⲉⲃⲟⲗ ⲙⲫⲏ ⲉⲧⲣⲁⲛⲁϥ. ⲉⲧⲓ ⲇⲉ ⲉϥϣⲗⲏⲗ ϧⲉⲛ ϩⲁⲛ ⲉⲣⲙⲱⲟⲩⲓ ⲉⲩⲟϣ ⲉⲑⲣⲉϥϣⲁϣⲛⲓ ⲉⲡⲉϥⲁⲓⲧⲏⲙⲁ ⲉⲧⲁϥϧⲱⲛⲧ ⲉⲥⲓⲛⲓ ⲛϫⲉ ⲡⲓⲉϫⲱⲣϩ ϩⲏⲡⲡⲉ ⲓⲥ ⲟⲩⲁⲅⲅⲉⲗⲟⲥ ⲛⲧⲉ ⲡⲟ︦ⲥ ⲁϥⲟϩⲓ ⲉⲣⲁⲧϥ ⲛⲁϩⲣⲁϥ ⲟⲩⲟϩ ⲡⲉϫⲁϥ ⲛⲁϥ ⲙⲡⲁⲓⲣⲏϯ ϫⲉ ⲁⲃⲃⲁ ⲁⲙⲟⲓ ⲡⲟⲥ ⲡⲉ ⲉⲑⲟⲩⲁϩⲥⲁϩⲛⲓ ⲛⲁⲕ ϫⲉ ϣⲉⲡ ⲡⲁⲓⲥⲟⲛ ⲉⲣⲟⲕ ϧⲉⲛ ⲟⲩⲣⲁϣⲓ ϫⲉ ⲁⲛⲟⲕ ⲡⲉ ⲉⲧⲁⲓⲟⲩⲟⲣⲡϥ ⲙⲁⲗⲓⲥⲧⲁ ϫⲉ ### 0015 ⲡⲉϥⲧⲁⲡ ⲛⲁϭⲓⲥⲓ ϧⲉⲛ ⲟⲩⲱⲟⲩ ⲟⲩⲟϩ ⲡⲉϥⲕⲁⲣⲡⲟⲥ ⲛⲁϣⲱⲡⲓ ⲛⲏⲓ ⲛⲟⲩⲥⲑⲟⲓ‐ ⲛⲟⲩϥⲓ ⲉϥϣⲏⲡ ⲙⲡⲁⲙⲑⲟ ϣⲁ ⲛⲓⲅⲉⲛⲉⲁ ⲧⲏⲣⲟⲩ. ⲛⲁⲓ ϫⲉ ⲉⲧⲁϥϫⲟⲧⲟⲩ ⲛϫⲉ ⲡⲓⲁⲅⲅⲉⲗⲟⲥ ⲁϥⲉⲣ ⲁⲑⲟⲩⲱⲛϩ ⲉⲃⲟⲗϩⲁⲣⲟϥ. ⲉⲧⲁ ϣⲱⲣⲡ ⲇⲉ ϣⲱⲡⲓ ⲁϥⲓ ϩⲁ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲛϫⲉ ⲡⲓϧⲉⲗⲗⲟ ⲉⲑⲟⲩⲁⲃ ⲁⲃⲃⲁ ⲁⲙⲟⲓ (-ⲓ︦ⲋ︦-) ⲁϥⲉⲣ‐ ⲕⲁⲑⲏⲭⲉⲓⲛ ⲙⲙⲟϥ ϧⲉⲛ ⲡⲥⲁϫⲓ ⲙⲫ︦ϯ︦ ⲟⲙⲟⲓⲱⲥ ⲉϥⲑⲱϩⲉⲙ ⲙⲙⲟϥ ⲉϧⲟⲩⲛ ⲉⲛⲓⲁⲅⲱⲛ ⲉⲑⲣⲉϥⲥⲉⲃⲧⲱⲧϥ ϧⲉⲛ ⲟⲩⲙⲉⲧⲅⲉⲛⲛⲁⲓⲟⲥ ⲉⲡⲓⲃⲱⲧⲥ ⲛⲧⲉ ⲛⲓϫⲁϫⲓ ⲛⲁⲟⲣⲁⲧⲟⲛ ϫⲉ ϩⲓⲛⲁ ⲛⲧⲉϥϣⲱⲡⲓ ⲉϥⲣⲏⲥ ⲟⲩⲟϩ ⲉϥⲉⲣⲛⲏⲫⲉⲓⲛ ⲉⲛⲓⲙⲉⲩⲓ ⲉⲧϣⲟⲙ ⲛⲧⲉ ϯⲕⲁⲕⲓⲁ ⲛⲁⲓ ⲉⲧⲕⲱⲗⲡ ⲙⲡⲓⲛⲟⲩⲥ ϧⲉⲛ ⲧⲡⲁⲛⲟⲩⲣⲅⲓⲁ ⲛⲧⲟⲩ‐ ⲙⲉⲧⲥⲉⲃ ϧⲉⲛ ⲛⲁⲓ ⲉϥⲧⲥⲁⲃⲟ ⲙⲙⲟϥ ⲉⲙⲟⲣϥ ⲛⲟⲩϫⲟⲙ ⲉⲡⲡⲟⲗⲉⲙⲟⲥ ⲉⲡϫⲓ ⲛϭⲣⲟ ⲉⲡⲓⲥⲧⲣⲁⲧⲟⲡⲉⲇⲟⲛ ⲧⲏⲣϥ ⲛⲧⲉ ⲡⲓⲁⲛⲧⲓⲕⲉⲓⲙⲉⲛⲟⲥ. ⲙⲉⲛⲉⲛⲥⲁ ⲛⲁⲓ ⲇⲉ ⲛⲑⲟϥ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲁϥϧⲉⲕ ϫⲱϥ ⲟⲩⲟϩ ⲁϥⲭⲱ ⲛⲛⲓϩⲃⲱⲥ ⲛⲧⲉ ϯⲙⲉⲧⲙⲟⲛⲁⲭⲟⲥ ⲉⲡⲉⲥⲏⲧ ⲟⲩⲟϩ ⲁϥⲉⲣ ⲅ̄ ⲛⲉϩⲟⲟⲩ ⲛⲉⲙ ⲅ̄ ⲛⲉϫⲱⲣϩ ⲛⲁⲑⲟⲩⲱⲙ ⲟⲩⲟϩ ⲛⲁⲑⲥⲱ ⲉϥⲟϩⲓ ⲉⲣⲁⲧϥ ⲛⲑⲟϥ ⲛⲉⲙ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉϫⲉⲛ ⲛⲓϩⲃⲱⲥ ⲉⲩϣⲗⲏⲗ ⲙⲡⲃ︦. ⲡϫⲱⲕ ⲇⲉ ⲙⲡⲓⲅ̄ ⲛⲉϩⲟⲟⲩ ⲛⲉⲙ ⲡⲓⲅ̄ ⲛⲉϫⲱⲣϩ ⲓⲥ ⲟⲩⲁⲅⲅⲉⲗⲟⲥ ⲛⲧⲉ ⲡⲟ︦ⲥ︦ ⲁϥⲟϩⲓ ⲉⲣⲁⲧϥ ⲛⲁϩⲣⲁⲩ ⲟⲩⲟϩ ⲁϥⲉⲣⲥⲫⲣⲁⲅⲓⲍⲉⲓⲛ ⲛⲛⲓϩⲃⲱⲥ ⲛⲅ̄ ⲛⲥⲟⲡ ⲙⲡⲧⲩⲡⲟⲥ ⲙⲡⲓⲥⲧⲁⲩⲣⲟⲥ ⲛⲟⲩϫⲁⲓ ⲟⲩⲟϩ ⲁϥⲉⲣ ⲁⲑⲟⲩⲱⲛϩ ⲉⲃⲟⲗ ϩⲁⲣⲱⲟⲩ. ⲉⲧⲁ ϣⲱⲣⲡ ⲇⲉ ϣⲱⲡⲓ ⲁϥϯ ⲛⲛⲓϩⲃⲱⲥ ϩⲓⲱⲧϥ ⲙⲡⲉⲛⲓⲱⲧ ### 0016 ⲁⲃⲃⲁ ⲓⲱⲁⲛⲛⲏⲥ ⲉⲁϥϣⲟⲡϥ ⲉⲣⲟϥ ϧⲉⲛ ⲟⲩⲑⲉⲗⲏⲗ ⲙⲡⲛ︦ⲁ︦ⲧⲓⲕⲟⲛ ⲕⲁⲧⲁ ⲥⲡⲟⲩⲇⲏ ⲙⲉⲛ ⲙⲡⲇⲣⲟⲙⲟⲥ ⲛⲧⲉϥϫⲓ ⲛϭⲟϫⲓ ⲛⲉⲙ ⲧⲁⲕⲟⲗⲟⲩⲑⲉⲓⲁ ⲛϯⲁⲣⲉⲧⲏ. (-ⲓ︦ⲍ︦-) ⲕⲁⲗⲱⲥ ⲟⲩⲛ ⲁϥⲉⲣ ϩⲏⲧⲥ ⲛⲑⲟϥ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲱ ⲛⲁⲙⲉⲛⲣⲁϯ ϧⲉⲛ ⲡϫⲓ ⲛⲑⲣⲉϥϣⲱⲡⲓ ϧⲉⲛ ⲧⲧⲁⲝⲓⲥ ⲛϯⲙⲉⲧⲣⲉϥϣⲁⲙϣⲉ ⲛⲟⲩϯ ⲉⲁϥϩⲓ ⲧⲟⲧϥ ⲉϣⲉⲙϣⲓ ⲛϣⲟⲣⲡ ϧⲉⲛ ϯⲙⲉⲧⲣⲉϥⲥⲱⲧⲉⲙ ⲉⲧϫⲏⲕ ⲉⲃⲟⲗ ϩⲱⲥ ⲙⲁⲑⲏⲧⲏⲥ ⲉⲛⲁⲛⲉϥ ⲉϥⲉⲣⲡⲣⲁⲅⲙⲁⲧⲉⲩⲉⲥⲑⲁⲓ ϧⲉⲛ ⲟⲩϩⲩⲡⲟⲧⲁⲅⲏ ⲙⲙⲏⲓ ⲟⲩⲟϩ ⲉϥⲉⲣⲫⲟⲣⲉⲓⲛ ⲙⲡⲓϩⲟⲡⲗⲟⲛ ⲉⲧϫⲟⲣ ⲛⲧⲉ ⲡⲓⲑⲉⲃⲓⲟ ⲫⲁⲓ ⲉⲧⲧⲁⲕⲟ ⲟⲩⲟϩ ⲉⲧϧⲟⲙϧⲉⲙ ⲛⲧⲣⲓⲍⲁ ⲧⲏⲣⲥ ⲙⲫⲛⲟⲃⲓ ⲉϥⲑⲟⲛⲧⲉⲛ ⲙⲙⲟϥ ⲉⲡⲉⲛⲥⲱⲧⲏⲣ ⲡⲭⲥ ⲙⲡⲓⲣⲏϯ ⲉⲧⲁϥⲑⲉⲃⲓⲟϥ ⲙⲙⲁⲩⲁⲧϥ ⲉⲑⲃⲉ ⲡⲉⲛⲟⲩϫⲁⲓ ⲉⲁϥⲓ ϣⲁⲣⲟⲛ ϧⲉⲛ ⲟⲩⲙⲟⲣⲫⲏ ⲙⲃⲱⲕ ⲉⲁϥϣⲉⲙϣⲏⲧⲉⲛ ⲉⲛⲭⲏ ϧⲉⲛ ⲡϣⲱⲛⲓ ⲛⲉⲙ ⲧⲡⲗⲏⲅⲏ ⲙⲫⲛⲟⲃⲓ ⲟⲩⲟϩ ⲁϥⲧⲟⲩⲛⲟⲥⲧⲉⲛ ⲉⲃⲟⲗϧⲉⲛ ⲡⲧⲁⲕⲟ ⲉⲛⲙⲱⲟⲩⲧ ϧⲉⲛ ⲫⲙⲟⲩ ⲛⲛⲓⲡⲁⲑⲟⲥ. ϧⲉⲛ ⲫⲁⲓ ⲇⲉ ⲟⲛ ⲉϥⲥⲱⲟⲩⲛ ⲙⲡϩⲙⲟⲧ ⲙⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲫⲏ ⲉⲧϭⲓ ⲙⲱⲓⲧ ϧⲁϫⲱϥ ⲙⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ϫⲉ ⲟⲩⲥⲃⲱ ⲉⲧⲉ ⲙⲡⲟⲩⲥⲁϩⲱⲥ ⲥϣⲟϣϥ ⲟⲩⲟϩ ⲛⲏ ⲉⲧⲉ ⲙⲙⲟⲛⲧⲟⲩ ⲣⲉϥⲉⲣ ϩⲉⲙⲓ ⲙⲙⲁⲩ ⲥⲉⲛⲁϩⲉⲓ ⲉⲃⲟⲗ ⲙⲫⲣⲏϯ ⲛϩⲁⲛ ϫⲱⲃⲓ ⲉⲑⲃⲉ ⲫⲁⲓ ⲟⲩⲛ ⲕⲁⲗⲱⲥ ⲁϥϩⲓ ⲁⲣⲭⲏ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲕⲁⲧⲁ ⲫⲣⲏϯ ⲉⲧⲁⲛϫⲟⲥ ϩⲏⲇⲏ ⲙⲁⲗⲓⲥⲧⲁ ⲕⲁⲧⲁ ⲧⲡⲁⲣⲁⲓⲛⲏⲥⲓⲥ ⲛⲛⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ (-ⲓⲏ-) ϫⲉ ⲫⲏ ### 0017 ⲉⲑⲟⲩⲱϣ ⲉⲉⲣ ⲛⲓϣϯ ϧⲉⲛ ⲑⲏⲛⲟⲩ ⲙⲁⲣⲉϥⲉⲣⲇⲓⲁⲕⲟⲛⲉⲓⲛ ⲛⲱⲧⲉⲛ ⲟⲩⲟϩ ⲫⲏ ⲉⲑⲛⲁⲑⲉⲃⲓⲟϥ ϯⲛⲁϭⲁⲥϥ ϧⲉⲛ ⲛⲁⲓ ⲅⲁⲣ ⲉⲧⲁ ⲓⲏⲥⲟⲩ ⲛⲧⲉ ⲛⲁⲩⲏ ϭⲓ ⲛⲧⲇⲓⲁ‐ ⲇⲟⲭⲏ ⲙⲙⲱⲩⲥⲏⲥ ⲟⲩⲟϩ ⲉⲗⲓⲥⲥⲁⲓⲟⲥ ⲟⲛ ⲟⲙⲟⲓⲱⲥ ⲉⲧⲁ ⲡⲓⲡⲛ︦ⲁ︦ ⲛⲏⲗⲓⲁⲥ ⲕⲱⲃ ⲉϫⲱϥ ⲟⲩⲟϩ ⲃⲁⲣⲟⲩⲭ ⲇⲉ ⲟⲛ ⲛⲁϩⲣⲉⲛ ⲓⲉⲣⲉⲙⲓⲁⲥ ⲟⲩⲟϩ ⲛⲑⲱⲟⲩ ⲛⲉⲛⲓⲟϯ ⲛⲁⲡⲟⲥⲧⲟⲗⲟⲥ ⲉⲧⲁⲩⲙⲡϣⲁ ⲛϯⲙⲉⲧϣⲃⲏⲣⲓ ⲛⲛⲟⲩϯ ϧⲉⲛ ⲡϫⲓ ⲛⲑⲣⲟⲩⲟⲩⲁϩⲟⲩ ⲛⲥⲁ ⲫ︦ϯ︦ ⲡⲓⲗⲟⲅⲟⲥ ⲟⲩⲟϩ ⲛⲁ ⲡⲏⲓ ⲛⲕⲗⲏⲙⲉⲛⲧⲟⲥ ⲛⲁϩⲣⲉⲛ ⲛⲁⲓ ⲕⲉⲭⲱⲟⲩⲛⲓ ⲕⲁⲧⲁ ⲛⲁⲓ ⲉⲧⲁⲛϫⲟⲧⲟⲩ ⲡⲕⲉⲛⲑⲟϥ ϩⲱϥ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲁϥϭⲓ ⲧⲁⲧⲥⲓ ⲛⲥⲱⲟⲩ. ⲉⲑⲃⲉ ⲫⲁⲓ ⲁϥϣⲁϣⲛⲓ ⲉⲡⲓⲙⲱⲓⲧ ⲛⲁⲧⲥⲱⲣⲉⲙ ϧⲉⲛ ⲡϫⲓ ⲛⲑⲣⲉϥϯ ⲭⲁⲗⲓⲛⲟⲥ ⲛⲧϩⲟⲣⲙⲏ ⲛⲛⲉϥⲟⲩⲱϣ ⲛϩⲏⲧ ⲟⲩⲟϩ ⲁϥⲟⲩⲁϩϥ ⲛⲥⲁ ⲧⲡⲁⲓⲇⲉⲩⲥⲓⲥ ⲧⲏⲣⲥ ⲙⲡⲉϥⲇⲓⲇⲁⲥⲕⲁⲗⲟⲥ ⲙⲙⲏⲓ ⲙⲫⲣⲏϯ ⲛⲧⲓⲙⲟⲑⲉⲟⲥ ⲛⲁϩⲣⲉⲛ ⲡⲁⲩⲗⲟⲥ ϩⲱⲥⲧⲉ ⲉⲑⲣⲉϥϫⲟⲥ ϩⲱϥ ⲛⲁϩⲣⲁϥ ⲙⲫⲣⲏϯ ⲙⲡⲁⲓⲭⲉⲧ ϧⲉⲛ ⲟⲩ‐ ⲉⲩⲅⲛⲱⲙⲟⲥⲩⲛⲏ ϫⲉ ⲛⲑⲟⲕ ⲇⲉ ⲁⲕⲙⲟϣⲓ ⲛⲥⲁ ⲧⲁⲙⲉⲧⲣⲉϥϯ ⲥⲃⲱ ⲡⲁⲛⲁϩϯ ⲧⲁⲁⲅⲁⲡⲏ ⲧⲁϩⲩⲡⲟⲙⲟⲛⲏ ⲧⲁⲙⲉⲧⲣⲉϥⲱⲟⲩ ⲛϩⲏⲧ ⲛⲉⲙ ⲡⲕⲉⲥⲉⲡⲓ ⲉⲑⲛⲏⲟⲩ ⲙⲉⲛⲉⲛⲥⲁ ⲛⲁⲓ. ⲛⲑⲟϥ ⲇⲉ ⲡⲉⲛⲓⲱⲧ ⲁⲃⲃⲁ ⲁⲙⲟⲓ (-ⲓⲑ︦-) ϩⲱⲥ ⲉⲁⲩⲧⲉⲛϩⲟⲩⲧϥ ⲉⲧⲇⲓⲁⲕⲟⲛⲓⲁ ⲙⲡⲁⲓϩⲱⲃ ⲉⲃⲟⲗϩⲓⲧⲉⲛ ⲫ︦ϯ︦ ⲓⲥϫⲉⲛ ⲡⲓⲉϩⲟⲟⲩ ⲉⲧⲁϥϣⲱⲡ ⲉⲣⲟϥ ⲙⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉⲛⲁϥⲭⲱ ⲛⲧⲟⲧϥ ⲉⲃⲟⲗ ⲁⲛ ⲡⲉ ⲉϥⲉⲣⲡⲁⲓⲇⲉⲩⲉⲓⲛ ### 0018 ⲙⲙⲟϥ ϧⲉⲛ ⲫⲛⲟⲙⲟⲥ ⲙⲡⲟ︦ⲥ︦ ⲟⲩⲟϩ ⲉϥⲉⲣⲅⲩⲙⲛⲁⲍⲉⲓⲛ ⲙⲙⲟϥ ⲉⲡϫⲓ ⲛⲧⲥⲁⲃⲟϥ ⲉϯⲙⲉⲧⲉⲩⲥⲉⲃⲏⲥ ⲟⲩⲟϩ ⲉⲫⲁⲥϥ ϧⲉⲛ ⲛⲉⲛⲙⲟⲛⲕⲥ ⲛϯⲁⲣⲉⲧⲏ ϧⲉⲛ ϯϩⲟϯ ⲛⲧⲉ ⲫ︦ϯ︦ ⲉⲓⲧⲉ ⲛⲓⲯⲁⲗⲙⲱⲇⲓⲁ ⲛⲉⲙ ⲛⲓϣⲣⲱⲓⲥ ⲉⲓⲧⲉ ⲛⲓⲁⲥⲕⲏⲥⲓⲥ ⲉⲧϧⲟⲥⲓ ⲟⲩⲟϩ ⲉⲧϣⲁϩϣⲉϩ ⲉⲓⲧⲉ ⲡⲓⲱⲣϥ ⲛⲉⲙ ϯⲁⲛⲁⲭⲱⲣⲏⲥⲓⲥ ⲉⲓⲧⲉ ⲡⲓϫⲓ ⲛⲛⲕⲟⲧ ⲉⲡⲕⲁϩⲓ ⲛⲉⲙ ⲡⲓϫⲱⲗ ⲉⲃⲟⲗ ⲉⲓⲧⲉ ϯⲙⲉⲧⲁⲧⲟⲡⲕ ⲛⲉⲙ ⲡⲓⲭⲁ ⲣⲱϥ ⲉⲓⲧⲉ ⲡⲓⲑⲉⲃⲓⲟ ⲛⲉⲙ ⲡⲓⲧⲟⲩⲃⲟ ⲉⲓⲧⲉ ϯⲙⲉⲧϣⲫⲓⲏϯ ⲛⲉⲙ ϯⲙⲉⲧⲁⲡⲗⲟⲩⲥ ⲟⲩⲟϩ ⲧⲉϥⲇⲓⲁⲅⲱⲅⲏ ⲧⲏⲣⲥ ⲉⲑⲣⲉϥϫⲟⲕⲥ ⲉⲃⲟⲗϧⲉⲛ ⲡⲁⲣⲉϩ ⲙⲡⲓⲥⲟϭⲛⲓ ⲉϥⲥⲱ‐ ⲧⲉⲙ ⲙⲙⲁϣⲱ ⲕⲁⲓ ⲉϥⲓⲣⲓ ⲙⲁⲗⲓⲥⲧⲁ ⲉⲑⲣⲉϥⲁⲣⲉϩ ⲉⲛⲉϥⲁⲓⲥⲑⲏⲥⲓⲥ ⲉⲩⲧⲟⲩ‐ ⲃⲏⲟⲩⲧ ⲛⲉⲙ ⲡⲉϥϩⲏⲧ ⲉⲃⲟⲗϩⲁ ⲡⲑⲱⲗⲉⲃ ⲛⲛⲓⲡⲁⲑⲟⲥ ⲉϥⲣⲱⲓⲥ ⲉⲡⲉϥⲛⲟⲉⲣⲟⲛ ⲙⲁⲗⲓⲥⲧⲁ ⲉⲑⲃⲉ ⲧⲫⲁⲛⲧⲁⲥⲓⲁ ⲛⲧⲉ ⲧϫⲓ ⲛⲟⲩⲱⲛϩ ⲛⲧⲉ ⲡⲓⲡⲛⲁ ⲓⲉ ⲛⲑⲟϥ ϩⲁⲛ ϭⲱⲣⲡ ⲉⲃⲟⲗ ⲓⲉ ϩⲁⲛ ⲑⲉⲱⲣⲓⲁ ⲉⲑⲣⲉϥⲓⲣⲓ ϧⲉⲛ ⲟⲩⲇⲓⲁⲕⲣⲓⲥⲓⲥ ⲙⲙⲏⲓ. ⲁϥⲧⲥⲁ‐ ⲃⲟϥ ⲇⲉ ⲟⲛ ⲉϯϫⲓ ⲙⲙⲟϣⲓ ⲉϯⲉⲕ-(-ⲕ̄-) ⲕⲗⲏⲥⲓⲁ ϧⲉⲛ ⲟⲩⲙⲉⲧⲥⲁⲃⲉ ⲉϥϩⲓ ⲫⲟⲩⲉⲓ ⲙⲙⲟϥ ⲉⲛⲟⲩⲕⲟⲩϫⲓ ϧⲉⲛ ⲟⲩⲕⲁⲧⲁⲥⲧⲁⲥⲓⲥ ⲙⲙⲉⲧⲥⲉⲙⲛⲟⲥ ⲉϥϯ ⲛϩⲑⲏϥ ⲙⲁⲗⲓⲥⲧⲁ ϧⲉⲛ ⲑⲙⲉⲗⲉⲧⲏ ⲛⲛⲓⲅⲣⲁⲫⲏ ⲛⲛⲓϥⲓ ⲛⲧⲉ ⲫ︦ϯ︦ ⲉϥⲥⲁⲑⲙⲓ ⲉϫⲉⲛ ⲛⲓⲁⲡⲟⲥⲧⲏⲑⲏⲥ ϧⲉⲛ ⲟⲩⲡⲣⲟⲥⲉⲩⲭⲏ ⲛⲁⲑⲙⲟⲩⲛⲕ ⲙⲫⲣⲏϯ ⲛⲟⲩⲉⲥⲱⲟⲩ ⲛⲗⲟⲅⲓⲕⲟⲛ ⲉϥⲥⲉⲕ ⲡⲛ︦ⲁ︦ ⲛⲁϥ ⲉⲃⲟⲗϧⲉⲛ ⲡϩⲗⲟϫ ⲛⲛⲟⲩⲛⲟⲏⲙⲁ. ⲛⲁϥⲉⲣⲡⲣⲟ‐ ⲧⲣⲉⲡⲉⲓⲛ ⲛⲁϥ ⲟⲛ ϧⲉⲛ ⲟⲩⲛⲓϣϯ ⲛⲁⲕⲣⲓⲃⲉⲓⲁ ⲉⲑⲣⲉϥⲕⲁϯ ⲉⲛⲏ ⲉⲧⲉϥⲛⲁ‐ ### 0019 ⲥⲟⲑⲙⲟⲩ ϧⲉⲛ ϯⲉⲕⲕⲗⲏⲥⲓⲁ ⲉϥⲣⲱⲓⲥ ϧⲉⲛ ⲟⲩⲕⲁⲧⲁⲛⲓⲝⲓⲥ ⲛⲧⲉ ϩⲁⲛ ⲉⲣⲙⲱⲟⲩⲓ ⲁⲧϭⲛⲉ ϩⲗⲓ ⲙⲙⲉⲩⲓ ⲛⲧⲉ ⲡⲕⲁϩⲓ. ⲁϥⲧⲥⲁⲃⲟϥ ⲇⲉ ⲟⲛ ⲉⲡϣⲓ ⲙⲡⲓⲇⲓⲕⲁⲓⲟⲛ ϧⲉⲛ ⲟⲩⲇⲓⲁⲕⲣⲓⲥⲓⲥ ⲁϥϣⲁⲛϣⲉⲛϥ ⲉⲑⲃⲉ ⲟⲩϩⲱⲃ ⲓⲉ ⲁϥϣⲁⲛⲥⲟϭⲛⲓ ⲇⲉ ⲉⲣⲟϥ ⲟⲛ ϣⲁϥⲭⲁϥ ⲉⲃⲟⲗϧⲉⲛ ⲟⲩϩⲩⲡⲟⲧⲁⲅⲏ ⲉϥϫⲱ ⲙⲙⲟⲥ ⲛⲁϥ ϫⲉ ⲙⲏⲡⲱⲥ ⲛⲧⲉⲛⲱⲥⲕ ⲉⲛⲥⲁϫⲓ ⲡⲁϣⲏⲣⲓ ⲟⲩⲟϩ ⲛⲧⲉⲥⲓ ⲉⲑⲙⲏϯ ⲛϫⲉ ⲟⲩϩⲟⲙⲓⲗⲓⲁ ⲛϣⲙⲙⲟ ⲟⲩⲟϩ ⲛⲧⲉⲛϯ ⲟⲥⲓ ⲛⲧⲉⲛⲯⲩⲭⲏ ⲙⲁⲗⲓⲥⲧⲁ ϧⲉⲛ ⲟⲩⲛⲓϣϯ ⲛⲁⲣⲉϩ ϧⲉⲛ ϯⲉⲕⲕⲗⲏⲥⲓⲁ ϣⲁⲧⲉϥⲙⲡϣⲁ ⲛⲑⲙⲉⲧⲁⲗⲩⲙⲯⲓⲥ ⲛⲛⲓⲙⲩⲥⲧⲏⲣⲓⲟⲛ ⲉⲑⲟⲩⲁⲃ. ⲉϥⲭⲏ ⲇⲉ ϧⲉⲛ ⲡⲁⲓⲉⲣⲅⲁⲥⲧⲏⲣⲓⲟⲛ ⲉⲑⲟⲩⲁⲃ ⲛⲧⲉ ϯⲁⲣⲉⲧⲏ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉⲩⲉⲣⲓ ⲉⲫⲟⲩⲱⲓ ⲉⲣⲟϥ ϧⲉⲛ ⲡⲓⲙⲉⲣⲟⲥ ⲃ︦ ⲉⲧⲉ ⲧⲥⲃⲱ ⲙⲡⲉϥⲥⲁϧ ⲧⲉ ⲛⲉⲙ ⲑⲙⲉⲧ-(-ⲕ︦ⲁ︦-) ⲣⲉϥϯ ⲧⲟⲧⲥ ⲛⲛⲓϩⲙⲟⲧ ⲛⲧⲉ ⲧⲫⲉ ⲉⲛⲁϥϯ ⲁⲓⲁⲓ ⲡⲉ ⲉϥⲉⲣⲡⲣⲟⲕⲟⲡⲧⲉⲓⲛ ⲟⲩⲟϩ ⲉϥϭⲓ ⲟⲩⲱⲓⲛⲓ ϧⲉⲛ ⲛⲓⲕⲁⲣⲡⲟⲥ ⲛⲧⲉ ⲡⲓⲡⲛ︦ⲁ︦ ⲉⲑⲟⲩⲁⲃ ϩⲱⲥ ⲇⲉ ⲥⲭⲉⲇⲟⲛ ϧⲉⲛ ⲟⲩⲥⲩⲛⲧⲟⲙⲓⲁ ⲕⲁⲧⲁ ⲧⲡⲁⲣⲁⲓⲛⲏⲥⲓⲥ ⲙⲡⲉⲛⲥⲱⲧⲏⲣ ϫⲉ ⲕⲏⲛ ⲉⲡⲓⲙⲁⲑⲏⲧⲏⲥ ⲛⲧⲉϥⲉⲣ ⲙⲫⲣⲏϯ ⲙⲡⲉϥⲣⲉϥϯ ⲥⲃⲱ. ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ⲛⲁϥϭⲱⲛⲧ ⲡⲉ ⲛϫⲉ ⲡⲉⲛⲓⲱⲧ ⲁⲃⲃⲁ ⲁⲙⲟⲓ ⲉⲉⲣⲇⲟ‐ ⲕⲓⲙⲁⲍⲉⲓⲛ ⲙⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉⲣⲉ ⲡⲉϥⲟⲩⲱⲓⲛⲓ ⲉⲣ ⲟⲩⲱⲓⲛⲓ ⲙⲁ‐ ⲗⲓⲥⲧⲁ ⲙⲡⲉⲙⲑⲟ ⲛⲛⲓⲣⲱⲙⲓ ϧⲉⲛ ⲑⲙⲉⲑⲙⲏⲓ ⲛⲛⲓϩⲃⲏⲟⲩⲓ ⲉⲟⲩϩⲏⲟⲩ ⲛⲛⲏ ### 0020 ⲉⲧⲁϥϣⲱⲡⲓ ⲛⲱⲟⲩ ⲛϭⲁⲩ ⲙⲱⲓⲧ ⲉϧⲟⲩⲛ ⲉⲡⲓⲱⲛϧ ⲛⲉⲛⲉϩ ⲕⲁⲧⲁ ⲫⲣⲏϯ ⲉⲧⲥϧⲏⲟⲩⲧ ⲉⲑⲃⲏⲧϥ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ. ⲁϥϩⲓⲧϥ ⲉⲃⲟⲗϧⲉⲛ ⲡⲓⲙⲁ ⲛϣⲱⲡⲓ ⲛⲟⲩⲥⲟⲡ ⲛϫⲉ ⲡⲉⲛⲓⲱⲧ ⲁⲃⲃⲁ ⲁⲙⲟⲓ ⲉϥϫⲱ ⲙⲙⲟⲥ ⲛⲁϥ ϫⲉ ⲙⲙⲟⲛ ϣϫⲟⲙ ⲙⲙⲟⲓ ⲉϣⲱⲡⲓ ⲛⲉⲙⲁⲕ ϫⲉ ⲙⲁϣⲉ ⲛⲁⲕ ⲉⲕⲉⲙⲱⲓⲧ. ⲟⲩⲟϩ ⲁϥϩⲓⲧϥ ⲉⲃⲟⲗ ϩⲓⲣⲉⲛ ⲡⲓⲣⲟ. ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲁϥⲟϩⲓ ⲉϥⲉⲣ‐ ϩⲩⲡⲟⲙⲉⲛⲉⲓⲛ ϩⲓⲣⲉⲛ ⲡⲣⲟ ϧⲉⲛ ⲟⲩⲙⲕⲁϩ ⲛϩⲏⲧ ⲛⲉⲙ ⲟⲩⲣⲓⲙⲓ. ⲡⲓϧⲉⲗⲗⲟ ⲇⲉ ⲉⲑⲟⲩⲁⲃ ⲛⲇⲟⲕⲓⲙⲁⲥⲧⲏⲥ ⲉⲡⲓϩⲟⲩⲟ ⲁⲃⲃⲁ ⲁⲙⲟⲓ ⲛⲁϥⲛⲏⲟⲩ ⲡⲉ ⲛϣⲱⲣⲡ ⲙⲙⲏⲛⲓ ⲛⲉⲙ ⲡⲉϥϣⲃⲱⲧ ⲙⲃⲁⲓ ⲟⲩⲟϩ ⲛⲁϥϭⲟϫⲓ ⲛⲥⲱϥ ⲡⲉ ⲉϥϫⲱ ⲙⲙⲟⲥ ⲛⲁϥ ϫⲉ ϩⲱⲗ ⲉⲃⲟⲗ ⲧⲁⲓ. ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲛⲁϥϯ ⲙⲉⲧⲁⲛⲟⲓⲁ ⲡⲉ ⲉϥⲣⲁϧⲧ ⲉⲡⲉⲥⲏⲧ ⲉϫⲉⲛ ⲡⲉϥϩⲟ ϧⲉⲛ ⲟⲩⲛⲓϣϯ ⲛⲑⲉⲃⲓⲟ ϧⲉⲛ ϩⲁⲛ ϯ ϩⲟ ⲉⲩⲟϣ ⲛⲁϩⲣⲉⲛ ⲡⲉϥⲓⲱⲧ ⲉϥϫⲱ ⲙⲙⲟⲥ ⲛⲁϥ (-ⲕ︦ⲃ︦-) ϫⲉ ⲭⲱ ⲛⲛⲓ ⲉⲃⲟⲗ ⲡⲁⲓⲱⲧ ⲉⲑⲟⲩⲁⲃ ⲁⲓⲉⲣ ⲛⲟⲃⲓ ϣⲟⲡⲧ ⲉⲣⲟⲕ ⲉⲑⲃⲉ ⲡⲟ︦ⲥ︦ ⲟⲩⲟϩ ⲉⲑⲃⲉ ⲫ︦ϯ︦ ⲙⲡⲉⲣ‐ ϩⲓⲧ ⲉⲃⲟⲗϩⲁⲣⲟⲕ ⲁⲛ ⲱ ⲡⲁⲓⲱⲧ ⲉⲑⲟⲩⲁⲃ. ⲁϥⲓⲣⲓ ⲇⲉ ⲙⲡⲁⲓⲣⲏϯ ⲛⲍ̄ ⲛⲉϩⲟⲟⲩ ⲛⲉⲙ ⲍ︦ ⲛⲉϫⲱⲣϩ ⲙⲡⲉϥⲟⲩⲱⲙ ⲟⲩⲇⲉ ⲙⲡⲉϥⲥⲱ ⲟⲩⲇⲉ ⲙⲡⲉϥϣⲉ ⲉϩⲗⲓ ⲙⲙⲱⲓⲧ ⲉϥⲉⲣⲕⲁⲧⲉⲣⲉⲓⲛ ϧⲉⲛ ⲟⲩⲙⲉⲧⲣⲉϥⲱⲟⲩ ⲛϩⲏⲧ ϩⲓⲣⲉⲛ ⲡⲓⲣⲟ ⲙⲁ‐ ⲗⲓⲥⲧⲁ ϫⲉ ⲛⲁϥⲥⲱⲧⲉⲙ ⲉⲣⲟϥ ⲛⲑⲟϥ ⲁⲃⲃⲁ ⲓⲱⲁⲛⲛⲏⲥ ⲛϫⲉ ⲡⲉⲛⲓⲱⲧ ⲁⲃⲃⲁ ⲁⲙⲟⲓ ⲉϥⲉⲣⲙⲉⲗⲉⲧⲁⲛ ⲛϩⲁⲛ ⲥⲁϫⲓ ⲛϯⲅⲣⲁⲫⲏ ⲛⲛⲓϥⲓ ⲛⲧⲉ ⲫ︦ϯ︦ ⲉⲟⲩⲡⲁ‐ ⲣⲁⲕⲗⲏⲥⲓⲥ ⲛⲁϥ ⲉϥϫⲱ ⲙⲙⲟⲥ ⲛⲁϥ ⲙⲙⲁⲩⲁⲧϥ ϫⲉ ⲁⲣⲓϩⲩⲡⲟⲙⲉⲛⲉⲓⲛ ### 0021 ⲉⲟⲩⲥⲃⲱ ⲛⲓⲙ ⲅⲁⲣ ⲛϣⲏⲣⲓ ⲉⲧⲉ ⲙⲡⲁⲣⲉ ⲡⲉϥⲓⲱⲧ ϯ ⲥⲃⲱ ⲛⲁϥ ⲟⲩⲟϩ ⲡⲁ‐ ⲗⲓⲛ ⲟⲛ ϫⲉ ⲛϩⲣⲏⲓ ϧⲉⲛ ⲧⲉⲧⲉⲛϩⲩⲡⲟⲙⲟⲛⲏ ⲉⲣⲉⲧⲉⲛⲉϫⲫⲟ ⲛⲛⲉⲧⲉⲛⲯⲩⲭⲏ ⲟⲩⲟϩ ⲟⲛ ⲫⲏ ⲉⲑⲛⲁⲉⲣϩⲩⲡⲟⲙⲉⲛⲉⲓⲛ ϣⲁ ⲉⲃⲟⲗ ⲫⲁⲓ ⲡⲉ ⲡⲉⲑⲛⲁⲛⲟϩⲉⲙ. ⲉϥⲟϩⲓ ⲇⲉ ⲉϥⲙⲏⲛ ϧⲉⲛ ⲛⲁⲓ ⲙⲡⲁⲓⲣⲏϯ ϧⲉⲛ ⲟⲩⲛⲁϩϯ ⲉϥϫⲏⲕ ⲉⲃⲟⲗ ⲛⲉⲙ ⲟⲩⲙⲉⲧⲕⲁⲧ ϩⲏⲧ ⲉϥϫⲫⲓⲟ ⲛϯⲕⲁⲕⲓⲁ ϣⲁ ⲡϫⲱⲕ ⲙⲡⲓⲍ︦ ⲛⲉϩⲟⲟⲩ ⲛⲉⲙ ⲡⲓⲍ︦ ⲛⲉϫⲱⲣϩ ⲟⲩⲟϩ ⲁϥⲓ ⲉⲃⲟⲗ ⲛϣⲱⲣⲡ ⲛϯⲕⲩⲣⲓⲁⲕⲏ ⲉⲑⲟⲩⲁⲃ ⲛϫⲉ ⲡⲉⲛⲓⲱⲧ ⲁⲃⲃⲁ ⲁⲙⲟⲓ ϫⲉ ⲁϥⲛⲁϩⲱⲗ ⲉϯⲉⲕⲕⲗⲏⲥⲓⲁ ⲉⲑⲟⲩⲁⲃ ⲟⲩⲟϩ ⲉⲧⲁϥϫⲟⲩϣⲧ ⲇⲉ ⲉⲡⲥⲁ ⲛⲁⲃⲃⲁ ⲓⲱⲁⲛⲛⲏⲥ ϩⲏⲡⲡⲉ ⲁϥⲛⲁⲩ ⲉⲍ ⲛⲁⲅⲅⲉⲗⲟⲥ ⲉⲩⲟⲩⲁⲃ ⲉⲩⲉⲣ‐ ⲗⲁⲙⲡⲣⲟⲫⲟⲣⲉⲓⲛ ⲧⲟⲛⲱ ϧⲉⲛ ⲟⲩⲛⲓϣϯ ⲛⲱⲟⲩ (-ⲕⲅ-) ⲉⲩϥⲁⲓ ⲛⲍ ⲛⲭⲗⲟⲙ ⲉⲩϩⲓ ⲉⲃⲣⲏϫ ⲛⲟⲩⲱⲓⲛⲓ ⲉⲃⲟⲗ ⲥⲁⲡϣⲱⲓ ⲙⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲟⲩⲟϩ ⲉⲩⲭⲱ ⲙⲙⲱⲟⲩ ⲉⲡⲉⲥⲏⲧ ϩⲓϫⲉⲛ ⲧⲉϥⲁⲫⲉ ⲟⲩⲁⲓ ⲛⲥⲁ ⲟⲩⲁⲓ ⲙⲙⲱⲟⲩ ⲉⲁⲩⲙⲁϩϥ ⲉⲃⲟⲗ ϧⲉⲛ ⲟⲩⲛⲓϣϯ ⲛⲉⲩⲫⲣⲟⲥⲩⲛⲏ. ⲉⲧⲁϥⲛⲁⲩ ⲇⲉ ⲉⲧⲁⲓⲑⲉⲱⲣⲓⲁ ⲙϣⲫⲏⲣⲓ ⲛϫⲉ ⲁⲃⲃⲁ ⲁⲙⲟⲓ ⲥⲁⲧⲟⲧϥ ⲁϥϭⲟϫⲓ ⲉϧⲟⲩⲛ ⲉⲁⲃⲃⲁ ⲓⲱⲁⲛⲛⲏⲥ ϧⲉⲛ ⲟⲩⲑⲉⲗⲏⲗ ⲉϥⲟϣ ⲟⲩⲟϩ ⲉϥϭⲓ ⲫⲉⲓ ϧⲉⲛ ⲟⲩⲣⲁϣⲓ ⲉϥⲟϣ ⲛⲉⲙ ⲟⲩⲁⲅⲁⲡⲏ ϧⲉⲛ ⲟⲩⲁⲥⲡⲁⲥⲙⲟⲥ ⲉϥⲟⲩⲁⲃ ⲛⲧⲉ ⲡⲓⲡⲛⲁ ⲉⲑⲟⲩⲁⲃ ⲟⲩⲟϩ ⲁϥϣⲟⲡϥ ⲉⲣⲟϥ ⲟⲛ ⲙⲉⲛⲧⲟⲓ ⲉⲁϥⲭⲁϥ ⲛⲧⲟⲧϥ ϫⲉ ⲓⲥϫⲉⲛ ⲡⲓⲉϩⲟⲟⲩ ⲉⲧⲉⲙⲙⲁⲩ ϧⲉⲛ ⲟⲩⲇⲓⲁⲑⲉⲥⲓⲥ ⲙⲙⲉⲧⲓⲱⲧ ⲕⲁⲛ ⲓⲥϫⲉⲛ ⲙⲡⲉϥⲧⲁⲙⲟϥ ⲉⲫⲏ ⲉⲧⲁϥⲛⲁⲩ ⲉⲣⲟϥ. ### 0022 ⲙⲉⲛⲉⲛⲥⲁ ⲛⲁⲓ ⲇⲉ ⲉϥϩⲉⲙⲥⲓ ⲛⲟⲩⲉϩⲟⲟⲩ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲛⲉⲙ ϩⲁⲛ ⲥⲛⲏⲟⲩ ⲉⲩϣⲓⲛⲓ ⲙⲙⲟϥ ⲉϯⲙⲉⲧⲙⲟⲛⲁⲭⲟⲥ ⲁϥⲙⲟⲩϯ ⲉⲁⲃⲃⲁ ⲓⲱⲁⲛⲛⲏⲥ ⲡⲉϫⲁϥ ⲛⲁϥ ϫⲉ ⲓⲱⲁⲛⲛⲏⲥ ⲡⲁϣⲏⲣⲓ ⲁⲙⲟⲩ ⲙⲁⲧⲁⲙⲉ ⲛⲓⲥⲛⲏⲟⲩ ⲉϯⲙⲉⲧⲙⲟⲛⲁⲭⲟⲥ. ⲁϥⲉⲣ ⲟⲩⲱ ⲛϫⲉ ⲁⲃⲃⲁ ⲓⲱⲁⲛⲛⲏⲥ ϧⲉⲛ ⲟⲩ‐ ⲛⲓϣϯ ⲛⲑⲉⲃⲓⲟ ⲡⲉϫⲁϥ ⲛⲁⲃⲃⲁ ⲁⲙⲟⲓ ϫⲉ ⲭⲱ ⲛⲏⲓ ⲉⲃⲟⲗ ⲡⲁⲓⲱⲧ ⲉⲑⲟⲩⲁⲃ ⲫ︦ϯ︦ ⲛⲉⲙ ⲛⲉϥⲁⲅⲅⲉⲗⲟⲥ ⲉⲑⲛⲁϭⲓ ⲙⲱⲓⲧ ⲛⲁⲛ ⲧⲏⲣⲟⲩ. ⲡⲉϫⲉ ⲁⲃⲃⲁ ⲁⲙⲟⲓ ⲛⲁⲃⲃⲁ ⲓⲱⲁⲛⲛⲏⲥ ϫⲉ ⲥⲉ ⲡⲁϣⲏⲣⲓ ⲥⲱⲧⲉⲙ ⲛⲥⲱⲓ. ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ⲉϥⲓⲏⲥ ⲉⲥⲱⲧⲉⲙ (-ⲕ︦ⲇ︦-) ⲟⲩⲟϩ ⲉϫⲱⲕ ⲉⲃⲟⲗ ⲙⲫⲟⲩⲁϩⲥⲁϩⲛⲓ ⲙⲡⲉϥⲣⲉϥϯ ⲥⲃⲱ ⲥⲁⲧⲟⲧϥ ⲁϥⲃⲁϣϥ ⲛⲛⲉϥϩⲃⲱⲥ ⲉⲧⲧⲟⲓ ϩⲓⲱⲧϥ ⲟⲩⲟϩ ⲁϥϩⲓⲧⲟⲩ ⲥⲁ ⲡⲉⲥⲏⲧ ⲛⲛⲉϥϭⲁⲗⲁⲩϫ ⲟⲩⲟϩ ⲁϥⲟϩⲓ ⲉⲣⲁⲧϥ ϩⲓϫⲱⲟⲩ ⲉϥⲃⲏϣ ⲉⲃⲟⲗ. ⲡⲓϧⲉⲗⲗⲟ ⲇⲉ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲁϥⲉⲣ ϣⲫⲏⲣⲓ ⲙⲙⲟϥ ⲛⲉⲙ ⲛⲓⲥⲛⲏⲟⲩ ⲟⲩⲟϩ ⲡⲉϫⲉ ⲁⲃⲃⲁ ⲁⲙⲟⲓ ⲛⲁϥ ϫⲉ ⲓⲱⲁⲛⲛⲏⲥ ⲟⲩ ⲡⲉ ⲫⲁⲓ ⲉⲧⲁⲕⲁⲓϥ. ⲡⲉϫⲁϥ ϫⲉ ⲉⲃⲏⲗ ⲛⲧⲉ ⲡⲓⲣⲱⲙⲓ ⲃⲁϣϥ ⲙⲡⲱⲟⲩ ⲧⲏⲣϥ ⲙⲡⲁⲓⲕⲟⲥⲙⲟⲥ ⲟⲩⲟϩ ⲛⲧⲉϥ‐ ϩⲱⲙⲓ ⲉϫⲉⲛ ⲛⲉϥⲟⲩⲱϣ ⲛϩⲏⲧ ⲧⲏⲣⲟⲩ ⲙⲡⲁⲓⲣⲏϯ ⲙⲙⲟⲛ ϣϫⲟⲙ ⲟⲛ ⲉⲉⲣ ⲙⲟⲛⲁⲭⲟⲥ ⲕⲁⲧⲁ ⲫⲟⲩⲱϣ ⲙⲫ︦ϯ︦. ⲟⲩⲟϩ ⲁϥⲉⲣ ⲟⲩⲱ ⲛϫⲉ ⲡⲓϧⲉⲗⲗⲟ ⲛⲉⲙ ⲛⲓⲥⲛⲏⲟⲩ ⲉⲩϫⲱ ⲙⲙⲟⲥ ϫⲉ ⲧⲁⲫⲙⲏⲓ ⲫⲁⲓ ⲡⲉ ⲡⲓⲙⲱⲓⲧ ⲛⲧⲉ ⲡⲓⲟⲩ‐ ϫⲁⲓ ⲕⲁⲓ ⲅⲁⲣ ⲕⲁⲧⲁ ⲧⲫⲱⲛⲏ ⲛⲡⲉⲛⲥⲱⲧⲏⲣ ⲙⲙⲟⲛ ϣϫⲟⲙ ⲛⲉⲣ ⲃⲱⲕ ⲛⲟ︦ⲥ︦ ⲃ︦ ### 0023 ⲟⲩⲇⲉ ⲉⲛⲁϩϯ ⲉⲛⲟⲩϯ ⲃ︦. ⲟⲩⲟϩ ⲉⲧⲁⲩϫⲉⲙ ϩⲏⲟⲩ ⲛⲟⲩⲙⲏϣ ⲁⲩϣⲉ ⲛⲱⲟⲩ. ⲉϥϩⲉⲙⲥⲓ ⲟⲛ ⲛⲟⲩⲉϩⲟⲟⲩ ϧⲉⲛ ⲧⲉϥⲣⲓ ⲛϫⲉ ⲁⲃⲃⲁ ⲁⲙⲟⲓ ⲁⲩⲓ ϩⲁⲣⲟϥ ⲛϫⲉ ϩⲁⲛ ⲥⲛⲏⲟⲩ ⲉⲩϣⲓⲛⲓ ⲙⲙⲟϥ ⲉⲑⲃⲉ ⲫⲛⲟϩⲉⲙ ⲛⲛⲟⲩⲯⲩⲭⲏ ⲟⲩⲟϩ ⲁϥⲟⲩⲟⲣⲡⲟⲩ ⲛⲁⲃⲃⲁ ⲓⲱⲁⲛⲛⲏⲥ ⲡⲉϥⲙⲁⲑⲏⲧⲏⲥ ⲉⲑⲣⲉϥⲥⲁϫⲓ ⲛⲉⲙⲱⲟⲩ. ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ϩⲓⲧⲉⲛ ⲧⲭⲱⲣⲏⲅⲓⲁ ⲙⲡⲓⲡⲛⲁ ⲉⲑⲟⲩⲁⲃ ⲉⲧϣⲟⲡ ⲛϧⲏⲧϥ (-ⲕⲉ-) ⲉⲛⲁϥⲉⲣ ⲟⲩⲱ ⲛⲱⲟⲩ ⲧⲏⲣⲟⲩ ⲡⲉ ⲉϥⲑⲱⲧ ⲙⲡⲟⲩϩⲏⲧ ⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ ⲉϥϯ ⲛⲱⲟⲩ ⲛⲟⲩⲑⲱⲧ ⲛϩⲏⲧ ⲛⲉⲙ ⲟⲩⲛⲟⲙϯ ϧⲉⲛ ⲡⲟⲥ. ⲉⲩⲕⲱϯ ⲇⲉ ⲉⲣⲟϥ ⲛϫⲉ ⲛⲓⲥⲛⲏⲟⲩ ⲁϥⲓ ⲛϫⲉ ⲟⲩⲛⲓϣϯ ⲛϧⲉⲗⲗⲟ ⲙⲁⲗⲓⲥⲧⲁ ⲛⲇⲟⲕⲓⲙⲁⲥⲧⲟⲥ ⲉⲡⲓϩⲟⲩⲟ ⲟⲩⲟϩ ⲡⲉϫⲁϥ ⲛⲁⲃⲃⲁ ⲓⲱⲁⲛⲛⲏⲥ ϧⲉⲛ ⲑⲙⲏϯ ⲛⲛⲓⲥⲛⲏⲟⲩ ϫⲉ ⲓⲱⲁⲛⲛⲏⲥ ⲉⲕⲟⲛⲓ ϯⲛⲟⲩ ⲛⲟⲩⲡⲟⲣⲛⲏ ⲉⲥϩⲉⲙⲥⲓ ⲟⲩⲟϩ ⲉⲥⲥⲟⲗⲥⲉⲗ ⲙⲙⲟⲥ ⲟⲩⲟϩ ⲉⲥⲑⲣⲟ ⲛⲛⲉⲥⲛⲱⲓⲕ ⲁϣⲁⲓ. ⲁϥⲉⲣ ⲟⲩⲱ ⲛϫⲉ ⲁⲃⲃⲁ ⲓⲱⲁⲛⲛⲏⲥ ϧⲉⲛ ⲟⲩⲑⲉⲃⲓⲟ ⲟⲩⲟϩ ⲡⲉϫⲁϥ ⲛⲁϥ ϫⲉ ⲁⲕϫⲉ ⲙⲉⲑⲙⲏⲓ ⲡⲁⲓⲱⲧ ⲉⲑⲟⲩⲁⲃ ⲙⲙⲟⲛ ⲕⲉⲣⲏϯ ⲁⲛ ⲫϯ ⲅⲁⲣ ⲁϥϭⲱⲣⲡ ⲙⲫⲁⲓ ⲛⲁⲕ ⲉⲃⲟⲗ. ⲙⲉⲛⲉⲛⲥⲁ ⲛⲁⲓ ⲇⲉ ⲉⲛⲁϥⲓ ϩⲁⲣⲟϥ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲟⲩⲟϩ ⲡⲉϫⲁϥ ⲛⲁϥ ϫⲉ ⲓⲱⲁⲛⲛⲏⲥ ϩⲁⲣⲁ ⲙⲡⲉ ⲥⲁϧⲟⲩⲛ ⲙⲙⲟⲕ ϣⲑⲟⲣⲧⲉⲣ ⲉⲑⲃⲉ ⲡⲁⲓⲥⲁϫⲓ. ⲟⲩⲟϩ ⲡⲉϫⲉ ⲁⲃⲃⲁ ⲓⲱⲁⲛⲛⲏⲥ ⲛⲁϥ ϫⲉ ⲙⲫⲏ ⲡⲁⲓⲱⲧ ⲁⲗⲗⲁ ⲙⲫⲣⲏϯ ⲙⲡⲁⲥⲁⲃⲟⲗ ⲡⲁⲓⲣⲏϯ ⲟⲛ ⲡⲉ ⲡⲁⲕⲉ‐ ⲥⲁϧⲟⲩⲛ ϩⲓⲧⲉⲛ ⲫⲏ ⲉⲧϯ ϫⲟⲙ ⲛⲏⲓ ⲡⲭ︦ⲥ︦ ⲉϥϣⲓⲛⲓ ⲇⲉ ⲟⲛ ⲙⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲛⲟⲩⲥⲟⲡ ⲇⲓⲁⲕⲣⲓⲧⲓ‐ ### 0024 ⲕⲱⲥ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲉϥϥⲓ ⲣⲱⲟⲩϣ ⲉⲉⲙⲓ ⲉⲧⲕⲁⲧⲁⲥⲧⲁⲥⲓⲥ ⲛⲛⲉϥⲗⲟⲅⲓⲥⲙⲟⲥ ⲛⲉⲙ ⲛⲓⲕⲓⲛⲏⲥⲓⲥ ⲛⲧⲉ ⲧⲉϥⲯⲩⲭⲏ ϫⲉ ⲉⲩⲟⲓ ⲛⲁϣ ⲛⲣⲏϯ ⲟⲩⲟϩ ⲡⲉϫⲉ ⲁⲃⲃⲁ ⲓⲱⲁⲛⲛⲏⲥ ⲛⲁⲃⲃⲁ ⲁⲙⲟⲓ (-ⲕⲋ-) ϫⲉ ⲁⲛⲟⲕ ⲉⲓⲟⲓ ⲙⲫⲣⲏϯ ⲛⲟⲩⲁⲓ ⲉϥⲥⲁⲡⲉⲥⲏⲧ ⲛⲟⲩϣϣⲏⲛ ⲉϥϭⲟⲥⲓ ⲙⲙⲁϣⲱ ⲉϥⲛⲁⲩ ⲉⲛⲓⲑⲏⲣⲓⲟⲛ ⲛⲉⲙ ⲛⲓϭⲁⲧϥⲓ ⲉⲩⲛⲏⲟⲩ ⲉϫⲱϥ ⲟⲩⲟϩ ⲁϥϣⲧⲉⲙϫⲉⲙϫⲟⲙ ⲛⲟϩⲓ ⲉⲣⲁⲧϥ ⲟⲩⲃⲏⲟⲩ ϣⲁϥⲫⲱⲧ ⲉϩⲣⲏⲓ ⲉⲡⲓϣϣⲏⲛ ⲟⲩⲟϩ ϣⲁϥⲛⲟϩⲉⲙ ⲡⲁⲓⲣⲏϯ ⲁⲛⲟⲕ ϩⲱ ⲡⲁⲓⲱⲧ ⲉⲑⲟⲩⲁⲃ ϯϩⲉⲙⲥⲓ ϧⲉⲛ ⲧⲁⲣⲓ ⲟⲩⲟϩ ϯⲛⲁⲩ ⲉⲛⲓⲙⲉⲩⲓ ⲧⲏⲣⲟⲩ ⲛⲧⲉ ⲡⲓϫⲁϫⲓ ⲉⲧϩⲱⲟⲩ ⲉⲩⲛⲏⲟⲩ ϯⲫⲏⲧ ϩⲁ ϯⲥⲕⲉⲡⲏ ⲛⲉⲙ ϯϩⲉⲗⲡⲓⲥ ⲛⲧⲉ ⲑⲃⲟⲏ‐ ⲑⲉⲓⲁ ⲙⲫϯ ⲉⲃⲟⲗϩⲓⲧⲉⲛ ϯⲡⲣⲟⲥⲉⲩⲭⲏ ⲟⲩⲟϩ ϯⲛⲟϩⲉⲙ ⲛⲧⲟⲧϥ ⲙⲡⲓϫⲁϫⲓ ϣⲁ ⲉⲛⲉϩ. ⲉϥⲟⲛϣ ⲇⲉ ⲉⲃⲟⲗ ⲛⲟⲩⲉϩⲟⲟⲩ ϧⲉⲛ ⲡϭⲓ ϣϣⲱⲟⲩ ⲛⲛⲓⲁⲅⲁⲑⲟⲛ ⲛⲁⲓⲱⲛⲓⲟⲛ ⲉⲁⲩϣⲉⲛϥ ⲇⲉ ⲟⲛ ⲛⲑⲟϥ ⲙⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲟⲙⲟⲓⲱⲥ ⲛϫⲉ ϩⲁⲛ ⲥⲛⲏⲟⲩ ϧⲉⲛ ⲟⲩⲇⲟⲕⲓⲙⲁⲥⲓⲁ ⲉⲩⲟⲩⲱϣ ⲉⲉⲙⲓ ϫⲉ ⲉⲣⲉ ⲛⲉϥⲙⲉⲩⲓ ⲛⲑⲱⲛ ⲡⲉϫⲱⲟⲩ ⲛⲁϥ ϫⲉ ⲁⲃⲃⲁ ⲓⲱⲁⲛⲛⲏⲥ ⲁ ϯⲫⲉ ϩⲱⲟⲩ ⲛⲑⲣⲟⲙⲡⲓ ⲛⲓⲃⲉⲛⲓ ⲛⲧⲉ ⲡⲓϩⲉⲗⲟⲥ ⲛⲁⲉⲣ ϣⲁⲩ ⲛⲓⲥⲛⲏⲟⲩ ⲛⲁϫⲉⲙ ⲡⲟⲩϩⲱⲃ ⲛϫⲓϫ. ⲁϥⲉⲣ ⲟⲩⲱ ⲛϫⲉ ⲁⲃⲃⲁ ⲓⲱⲁⲛⲛⲏⲥ ⲡⲉϫⲁϥ ⲛⲛⲓⲥⲏⲟⲩ ϫⲉ ⲡⲁⲓⲣⲏϯ ϩⲱϥ ⲡⲓⲡⲛⲁ ⲉⲑⲟⲩⲁⲃ ⲁϥϣⲁⲛⲓ ⲉϩⲣⲏⲓ ⲉϫⲉⲛ ϯⲯⲩⲭⲏ ϣⲁϥⲑⲣⲉⲥⲟⲩⲟϣ ϧⲉⲛ ⲫⲟⲩⲱⲓⲛⲓ ⲛϯⲁⲣⲉⲧⲏ. ⲟⲩⲟϩ ⲡⲉϫⲉ ⲛⲓⲥⲛⲏⲟⲩ ⲛⲁϥ ϫⲉ ⲉⲣⲉ ⲡⲉⲕⲙⲉⲩⲓ ⲛⲑⲱⲛ. ⲛⲑⲟϥ ⲇⲉ ⲡⲉϫⲁϥ ### 0025 ⲛⲱⲟⲩ ϫⲉ ⲡⲁⲙⲉⲩⲓ ⲙⲡϣⲱⲓ (-ⲕ︦ⲍ︦-) ⲡⲁⲕⲁϯ ⲇⲉ ⲥⲁⲡⲉⲥⲏⲧ ⲙⲡⲓⲥⲱⲛⲧ ⲧⲏⲣϥ. ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲉϥϭⲟϫⲓ ⲉⲡϭⲓⲥⲓ ⲉϥ .ⲟ.ⲛ ⲡⲇⲣⲟⲙⲟⲥ ⲛϯⲁ‐ ⲣⲉⲧⲏ ⲟⲩⲥⲱⲓⲧ ⲉⲛⲁⲛⲉϥ ⲁϥϣⲱⲡⲓ ϧⲉⲛ ⲛⲉⲛⲓⲟϯ ⲧⲏⲣⲟⲩ ⲉⲑⲃⲏⲧϥ ϫⲉ ⲁϥϭⲓⲥⲓ ϧⲉⲛ ϯⲁⲣⲉⲧⲏ ⲉϩⲟⲧⲉ ⲟⲩⲙⲏϣ ⲛϩⲏⲧⲟⲩ ⲟⲩⲟϩ ⲛⲁϥⲟⲩⲱϣ ⲡⲉ ⲉⲉⲙⲓ ⲉⲡϫⲱⲕ ⲙⲡⲓϩⲱⲃ ϩⲓⲧⲉⲛ ⲧⲡⲉⲓⲣⲁ ⲛⲛⲓϩⲃⲏⲟⲩⲓ ⲟⲩⲟϩ ⲉϣⲱⲡⲓ ⲛⲕⲏⲣⲩⲝ ⲗⲟⲓⲡⲟⲛ ⲛⲧⲉ ⲑⲙⲉⲧⲥⲁⲓⲉ ⲙⲡⲟⲩⲧⲁϩ ⲙⲡⲓϣϣⲏⲛ ⲉⲑⲛⲁⲛⲉϥ ϧⲉⲛ ⲟⲩⲥⲟϭⲛⲓ ⲛⲧⲱⲟⲩ ⲧⲏⲣⲟⲩ ⲛⲑⲱⲟⲩ ⲛⲉⲛⲓⲟϯ ⲛⲉⲙ ⲡϯ ⲙⲁϯ ⲙⲡⲉⲛⲓⲱⲧ ⲁⲃⲃⲁ ⲁⲙⲟⲓ ⲉϥⲛⲏⲟⲩ ⲇⲉ ⲉϯⲉⲕ‐ ⲕⲗⲏⲥⲓⲁ ⲛⲟⲩⲉϩⲟⲟⲩ ⲉϭⲓ ⲡⲣⲟⲥⲫⲟⲣⲁ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲁ ⲟⲩⲛⲓϣϯ ⲛⲇⲟⲕⲓⲙⲟⲥ ⲉⲃⲟⲗϧⲉⲛ ⲛⲉⲛⲓⲟϯ ⲟⲩⲟϩ ⲛⲁϥϭⲟⲥⲓ ⲡⲉ ϧⲉⲛ ⲧⲉϥ‐ ⲡⲟⲗⲓⲧⲉⲓⲁ ⲁϥⲧⲱⲟⲩⲛ ⲁϥϯ ⲛⲟⲩϣⲉ ⲛⲕⲟⲩⲣ ϧⲉⲛ ⲡϩⲟ ⲛⲁⲃⲃⲁ ⲓⲱⲁⲛⲛⲏⲥ ⲟⲩⲟϩ ⲁϥⲃⲉⲣⲃⲱⲣϥ ⲉⲃⲟⲗϧⲉⲛ ϯⲉⲕⲕⲗⲏⲥⲓⲁ ⲉϥϫⲱ ⲙⲙⲟⲥ ⲛⲁϥ ϫⲉ ⲫⲁⲓ ⲡⲉ ⲡⲓⲛⲁⲩ ⲛⲓ ⲉϯⲉⲕⲕⲗⲏⲥⲓⲁ ⲡⲓⲕⲟⲗⲟⲃⲟⲥ ⲛⲁⲧϣⲁϥ ϩⲱⲗ ⲉⲃⲟⲗ ⲧⲁⲓ. ⲉⲧⲁⲩ‐ ϩⲓⲧϥ ⲟⲩⲛ ⲉⲃⲟⲗ ⲡⲉⲛⲓⲱⲧ ⲇⲉ ⲁⲃⲃⲁ ⲁⲙⲟⲓ ⲛⲉⲙ ⲕⲉⲃ︦ ⲛⲛⲓϣϯ ⲛϧⲉⲗⲗⲟ ⲉⲃⲟⲗ‐ ϧⲉⲛ ⲛⲉⲛⲓⲟϯ ⲁⲩⲙⲟϣⲓ ⲛⲥⲱϥ ϣⲁ ⲡⲓⲙⲁ ⲛϣⲱⲡⲓ ⲉⲑⲣⲟⲩⲉⲙⲓ ϫⲉ ⲁϥⲛⲁⲉⲣ ⲟⲩ ⲙⲁⲗⲓⲥⲧⲁ ϧⲉⲛ ⲡϫⲓ ⲛⲑⲣⲟⲩϣⲉⲛϥ ϫⲉ ϩⲁⲣⲁ ⲟⲩ ⲡⲉ ⲉⲧⲉϥⲛⲁϫⲟϥ ⲛⲱⲟⲩ ⲓⲉ ⲟⲩ ⲡⲉ ⲉⲧⲉϥⲛⲁⲁⲓϥ. (-ⲕⲏ-) ⲟⲩⲟϩ ⲛⲁⲩϫⲱ ⲙⲙⲟⲥ ⲛⲑⲱⲟⲩ ⲛⲉⲛⲓⲟϯ ϫⲉ ⲉϣⲱⲡ ϩⲟⲗⲱⲥ ⲛⲧⲉϥⲉⲣ ⲫⲙⲉⲩⲓ ⲟⲩⲛ ⲛϩⲗⲓ ⲛⲛⲏ ⲉⲧⲁⲩϣⲱⲡⲓ ⲛⲧⲉϥϫⲱⲛⲧ ⲓⲉ ### 0026 ⲛⲧⲉϥϫⲉⲙ ⲁⲣⲓⲕⲓ ⲓⲉ ⲟⲩⲁⲓ ϩⲱϥ ⲡⲉ ⲙⲡⲉⲛⲣⲏϯ ⲉⲓⲙⲏⲧⲓ ⲉⲁϥϭⲓ ⲛⲟⲩⲉⲃϣⲓ ⲛⲧⲱⲟⲩ ⲓⲉ ⲁϥϭⲓⲥⲓ ⲉϩⲟⲧⲉⲣⲟⲛ. ⲉⲧⲁⲩⲫⲟϩ ⲇⲉ ⲉⲫⲙⲁ ⲛϣⲱⲡⲓ ⲛⲁⲃⲃⲁ ⲓⲱⲁⲛ‐ ⲛⲏⲥ ⲛϫⲉ ⲡⲓⲅ̄ ⲛϧⲉⲗⲗⲟ ⲁⲩϣⲱⲗⲉⲙ ⲉⲟⲩⲥⲑⲟⲓⲛⲟⲩϥⲓ ⲉϥⲥⲟⲧⲡ ⲙⲙⲁϣⲱ ⲉⲃⲟⲗϧⲉⲛ ⲫⲁⲓ ⲁⲩⲥⲱⲧⲉⲙ ⲟⲛ ⲉⲡⲭⲟⲣⲟⲥ ⲛⲧⲉ ⲛⲓⲁⲅⲅⲉⲗⲟⲥ ⲉⲩϩⲱⲥ ⲟⲩⲟϩ ⲉⲩⲉⲣ ϩⲩⲙⲛⲟⲥ ⲉⲫ︦ϯ︦ ϧⲉⲛ ⲫⲙⲁ ⲛϣⲱⲡⲓ ⲛⲁⲃⲃⲁ ⲓⲱⲁⲛⲛⲏⲥ ⲉⲩϫⲱ ⲙⲙⲟⲥ ϫⲉ ⲁⲣⲉϩ ⲉϯⲙⲉⲧⲕⲁⲕⲓⲁ ⲟⲩⲟϩ ⲭⲛⲁⲛⲁⲩ ⲉⲫⲟⲩⲱⲓⲛⲓ ⲛⲧⲉ ⲛⲏ ⲉⲧⲥⲟⲩⲧⲱⲛ ⲟⲩⲟϩ ⲟⲛ ϫⲉ ⲟⲩⲱⲟⲩ ⲛⲉⲙ ⲟⲩϩⲙⲟⲧ ϥⲛⲁⲧⲏⲓⲧⲟⲩ ⲛⲛⲏ ⲉⲑⲙⲟϣⲓ ϧⲉⲛ ⲟⲩⲙⲉⲧ‐ ⲁⲧⲕⲁⲕⲓⲁ ⲟⲩⲟϩ ⲛⲛⲉϥⲑⲣⲟⲩⲉⲣ ϧⲁⲉ ⲛⲛⲓⲁⲅⲁⲑⲟⲛ ⲛϫⲉ ⲡⲟⲥ. ⲟⲩⲟϩ ⲛⲑⲟϥ ϩⲱϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲛⲁϥϩⲱⲥ ϧⲉⲛ ⲧⲟⲩⲙⲏϯ. ⲛⲓϧⲉⲗⲗⲟⲓ ⲇⲉ ⲉⲑ‐ ⲟⲩⲁⲃ ⲛⲁⲩⲧⲟⲙⲧ ⲉⲃⲟⲗ ⲡⲉ ⲛⲟⲩⲛⲓϣϯ ⲛⲛⲁⲩ ϧⲉⲛ ⲟⲩⲁⲓⲥⲑⲏⲥⲓⲥ ⲙⲙⲏⲓ ⲛⲥⲁ ⲑⲉⲱⲣⲓⲁ ⲙⲡⲁⲓϩⲱⲃ ⲉⲡϧⲁⲉ ⲇⲉ ⲛⲛⲁⲓ ⲉⲧⲁⲩⲉⲣⲛⲏⲫⲉⲓⲛ ⲁⲩⲕⲱⲗϩ ⲉⲡⲓⲣⲟ ⲛⲁⲃⲃⲁ ⲓⲱⲁⲛⲛⲏⲥ. ⲙⲉⲛⲉⲛⲥⲁ ⲟⲩⲛⲓϣϯ ⲛⲛⲁⲩ ⲉⲧⲁϥⲓ ⲉⲃⲟⲗ ⲁⲩⲛⲁⲩ ⲉⲡⲉϥϩⲟ ⲉϥⲉⲣ ⲟⲩⲱⲓⲛⲓ ⲙⲫⲣⲏϯ ⲙⲫⲁ ⲟⲩⲁⲅⲅⲉⲗⲟⲥ ⲛⲧⲉ ⲡⲟⲥ. ⲛⲓϧⲉⲗⲗⲟⲓ ⲇⲉ ϩⲱⲥ ⲉⲩⲥⲁϫⲓ ⲛⲉⲙⲁϥ ⲕⲁⲧⲁ ⲟⲩⲥⲙⲟⲧ ⲉⲑⲃⲉ ⲡⲓϧⲉⲗⲗⲟ ⲉⲧⲁϥⲧⲟⲛⲱ ⲉⲣⲟϥ ⲡⲉϫⲱⲟⲩ ⲛⲁϥ ϫⲉ ⲟⲛⲧⲱⲥ ⲁⲛϧⲓⲥⲓ ⲧⲏⲣⲟⲩ (-ⲕⲑ-) ⲉⲑⲃⲉ ⲡⲓⲣⲏϯ ⲉⲧⲁ ⲡⲓ‐ ϧⲉⲗⲗⲟ ⲛⲁϣ ⲛⲣⲏϯ ⲛⲉⲙ ⲁϣ ⲛⲥⲙⲟⲧ ⲁⲓⲥ ⲛⲁⲕ ⲉⲑⲃⲉ ⲡⲓⲣⲏϯ ⲉⲛⲁⲕⲧⲁⲕⲓⲏⲟⲩⲧ ### 0027 ⲛⲧⲟⲧⲉⲛ ⲧⲏⲣⲟⲩ ⲁⲗⲗⲁ ⲁⲙⲟⲩ ⲛⲉⲙⲁⲛ ⲕⲁⲓ ⲡⲓϩⲱⲃ ⲛⲁⲉⲣ ϣⲁⲩ. ⲛⲁⲓ ⲇⲉ ⲉⲩϫⲱ ⲙⲙⲱⲟⲩ ⲛⲁϥ ⲛϫⲉ ⲛⲉⲛⲓⲟϯ ⲛⲁⲣⲉ ⲡϩⲟ ⲛⲁⲃⲃⲁ ⲓⲱⲁⲛⲛⲏⲥ ⲫⲁϧⲧ ⲉⲡⲉⲥⲏⲧ ⲉⲡⲕⲁϩⲓ ⲛϥϫⲉ ϩⲗⲓ ⲁⲛ ⲉⲡⲧⲏⲣϥ. ⲁϥⲉⲣ ⲟⲩⲱ ⲛⲁϥ ⲛϫⲉ ⲁⲃⲃⲁ ⲁⲙⲟⲓ ⲡⲉϥⲓⲱⲧ ⲙⲡⲛⲁⲧⲓⲕⲟⲥ ⲉϥϫⲱ ⲙⲙⲟⲥ ⲛⲁϥ ϫⲉ ⲭⲛⲁⲉⲣ ⲟⲩⲱ ⲛⲁⲛ ⲁⲛ ⲉⲛⲥⲁϫⲓ ⲛⲉⲙⲁⲕ. ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ϩⲓⲧⲉⲛ ⲧⲕⲟⲥⲙⲏⲥⲓⲥ ⲛⲧⲉ ⲡⲓⲡⲛⲁ ⲉⲑⲟⲩⲁⲃ ⲛⲉⲙ ⲡϩⲙⲟⲧ ⲛⲧⲉ ⲡⲓⲧⲟⲩⲃⲟ ⲉⲧϣⲟⲡ ⲛϧⲏⲧϥ ⲡⲉϫⲁϥ ⲛⲱⲟⲩ ϫⲉ ⲭⲱ ⲛⲏⲓ ⲉⲃⲟⲗ ⲛⲁⲓⲟϯ ⲉⲑⲟⲩⲁⲃ ⲛϯⲉⲙⲓ ⲁⲛ ⲉϩⲗⲓ ϧⲉⲛ ⲛⲁⲓ ⲉⲧⲉⲧⲉⲛϫⲱ ⲙⲙⲱⲟⲩ ⲉⲁϥϣⲱⲡⲓ ⲓⲥϫⲉ ⲇⲉ ⲟⲛ ⲁⲩϣⲱⲡⲓ ⲕⲁⲧⲁ ⲫⲣⲏϯ ⲉⲧⲉⲧⲉⲛϫⲱ ⲙⲙⲟⲥ ⲓⲉ ⲧⲁⲭⲁ ⲉⲧⲁ ⲫⲁⲓ ϣⲱⲡⲓ ⲕⲁⲧⲁ ⲟⲩⲟⲓⲕⲟⲛⲟⲙⲓⲁ ⲛⲧⲉ ⲫϯ ⲉϥⲉⲣ ϩⲱⲃ ⲉⲡⲟⲩϫⲁⲓ ⲛⲧⲁ‐ ⲯⲩⲭⲏ ϩⲓⲧⲉⲛ ⲛⲏ ⲉⲑⲟⲩⲁⲃ ⲛⲧⲁϥ. ⲛⲁⲓ ⲇⲉ ⲉⲧⲁⲩⲥⲟⲑⲙⲟⲩ ⲛⲧⲟⲧϥ ⲛⲁⲃⲃⲁ ⲓⲱⲁⲛⲛⲏⲥ ⲛϫⲉ ⲛⲉⲛⲓⲟϯ ⲁⲩϭⲓ ϣⲫⲏⲣⲓ ⲟⲩⲟϩ ⲡⲉϫⲱⲟⲩ ϫⲉ ⲟⲛⲧⲱⲥ ⲕⲁⲧⲁ ⲫⲣⲏϯ ⲉⲧⲁⲛⲥⲱⲧⲉⲙ ⲡⲁⲓⲣⲏϯ ⲟⲛ ⲁⲛⲛⲁⲩ ⲟⲩⲟϩ ⲉⲧⲁⲩⲓ ⲉϯⲉⲕⲕⲗⲏⲥⲓⲁ ⲉⲩϯ ⲱⲟⲩ ⲙⲫϯ ϧⲉⲛ ⲟⲩⲙⲉⲧⲣⲉϥϯ ϩⲏⲟⲩ ⲉⲥⲟϣ ⲟⲩⲟϩ ⲉⲧⲓ ⲟⲛ ⲉⲩⲉⲣⲥⲩⲛⲁⲅⲉⲥⲑⲁⲓ ⲙⲁⲗⲓⲥⲧⲁ ϩⲱⲥ ⲉⲩⲕⲓⲙ ⲉⲣⲱⲟⲩ ⲛⲑⲱⲟⲩ ⲛⲉⲛⲓⲟϯ ⲉⲃⲟⲗϩⲓⲧⲉⲛ ⲫϯ ⲉⲛⲁⲩϣⲓⲛⲓ ⲡⲉ ⲛⲛⲟⲩⲉⲣⲏⲟⲩ ϧⲉⲛ ⲡⲭⲟϩ ⲛϯⲙⲉⲧϣⲁⲙϣⲉ ⲛⲟⲩϯ ⲉⲩϫⲱ ⲙⲙⲟⲥ (-ⲗ-) ϧⲉⲛ ⲟⲩⲥⲩⲙⲫⲱⲛⲓⲁ ⲛⲟⲩⲱⲧ ⲛⲧⲱⲟⲩ ⲧⲏⲣⲟⲩ ϫⲉ ⲟⲩ ⲡⲉ ⲡϣⲓ ⲛⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ. ⲟⲩⲟϩ ⲁϥⲟϩⲓ ⲉⲣⲁⲧϥ ϧⲉⲛ ⲧⲟⲩⲙⲏϯ ⲛϫⲉ ⲟⲩⲛⲓϣϯ ⲛϧⲉⲗⲗⲟ ⲛⲟ‐ ### 0028 ⲛⲟⲙⲁⲥⲧⲟⲥ ⲛⲡⲣⲁⲕⲧⲓⲕⲟⲥ ⲟⲩⲟϩ ⲛⲅⲛⲱⲥⲧⲓⲕⲟⲥ ⲉⲡⲓϩⲟⲩⲟ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲁϥϭⲓⲥⲓ ⲉϩⲟⲧⲉⲣⲟⲛ ⲙⲁⲗⲓⲥⲧⲁ ϫⲉ ϩⲓⲧⲉⲛ ⲡⲉϥⲧⲟⲩⲃⲟ ⲛϩⲏⲧ ⲛⲉⲙ ⲡⲉϥⲑⲉⲃⲓⲟ ⲙⲙⲏⲓ ⲁϥⲉϣ ϣⲓⲏⲧ ⲧⲏⲣϥ ⲛⲥⲁ ⲡⲉϥⲧⲏⲃ. ⲁⲩϣⲉⲛ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲉⲑⲃⲉ ϯϫⲓ ⲛϩⲉⲙⲥⲓ ⲛⲧⲉ ⲡⲓⲙⲟ‐ ⲛⲁⲭⲟⲥ ϧⲉⲛ ϯⲣⲓ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲉϣⲱⲡ ⲟⲩⲟⲛ ⲥⲕⲉⲩⲟⲥ ⲛⲧⲉ ⲧⲁⲣⲉⲧⲏ ⲙⲫϯ ϧⲉⲛ ⲧⲯⲩⲭⲏ ⲙⲡⲓⲙⲟⲛⲁⲭⲟⲥ ϥⲛⲁϩⲉⲙⲥⲓ ϧⲉⲛ ϯⲣⲓ ϧⲉⲛ ⲡϣⲁϥⲉ ⲕⲁⲛ ⲟⲩⲟⲛ ⲥⲕⲉⲩⲟⲥ ⲛⲧⲉ ⲡⲓⲕⲟⲥⲙⲟⲥ ⲛⲧⲟⲧϥ ⲁⲛ ϥⲛⲁⲉⲣϩⲩⲡⲟⲙⲉⲛⲉⲓⲛ ϧⲉⲛ ϯⲁⲛⲁⲭⲱⲣⲏⲥⲓⲥ ⲉⲧⲃⲉ ⲧϩⲉⲗⲡⲓⲥ ⲙⲡⲓⲣⲁϣⲓ ⲛⲧⲉ ⲛⲓⲁⲅⲁⲑⲟⲛ ⲛⲁⲓⲱⲛⲓⲟⲛ ⲟⲩⲟϩ ⲟⲛ ⲓⲥϫⲉ ⲥⲕⲉⲩⲟⲥ ⲛⲧⲉ ⲫϯ ϧⲉⲛ ⲧⲯⲩⲭⲏ ⲙⲡⲓⲣⲱⲙⲓ ⲟⲛ ⲁⲗⲗⲁ ⲟⲩⲟⲛ ⲥⲕⲉⲩⲟⲥ ⲛⲧⲉ ⲡⲓⲕⲟⲥⲙⲟⲥ ⲛⲧⲟⲧϥ ⲓⲉ ⲡⲁⲓⲭⲉⲧ ⲛⲁϩⲉⲙⲥⲓ ϧⲉⲛ ϯⲣⲓ ⲟⲛ ϩⲓ ⲡϣⲁϥⲉ ⲉⲑⲃⲉ ⲡϩⲏⲟⲩ ⲛϯϩⲩⲗⲏ ⲙⲡⲣⲟⲥ ⲟⲩⲥⲏⲟⲩ. ⲉϣⲱⲡ ⲇⲉ ⲟⲛ ⲟⲩⲥⲕⲉⲩⲟⲥ ⲛⲧⲉ ⲫϯ ⲭⲏ ⲛⲧⲟⲧϥ ⲙⲡⲓⲙⲟⲛⲁⲭⲟⲥ ⲁⲛ ⲟⲩⲇⲉ ⲙⲙⲟⲛ ⲟⲩⲟⲛ ⲛⲧⲉ ⲡⲓⲕⲟⲥⲙⲟⲥ ϥⲛⲁϩⲉⲙⲥⲓ ϧⲉⲛ ϯⲣⲓ ⲟⲛ ϧⲉⲛ ⲡϣⲁϥⲉ (-ⲗ︦ⲁ︦-) ⲁⲗⲗⲁ ⲉⲣⲉ ⲫⲁⲓ ⲟⲛⲓ ⲛⲟⲩϫⲟⲓ ⲛⲁⲧⲁⲟⲩⲓⲛ ⲉϥϧⲉⲛ ⲑⲙⲏϯ ⲙⲡⲓⲡⲉⲗⲁⲅⲟⲥ ⲛⲧⲉ ⲫⲓⲟⲙ ⲁⲧϭⲛⲉ ⲗⲓⲙⲏⲛ ⲛⲉⲙ ⲣⲉϥⲉⲣ ϩⲉⲙⲓ ϫⲉ ϥϣⲟⲡ ϧⲉⲛ ⲟⲩⲕⲓⲛⲇⲩⲛⲟⲥ. ⲁⲩϣⲉⲛϥ ⲇⲉ ⲟⲛ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ϫⲉ ⲟⲩ ⲡⲉ ⲙⲟⲛⲁⲭⲟⲥ. ### 0029 ⲡⲉϫⲁϥ ⲙⲡⲁⲓⲣⲏϯ ϫⲉ ϧⲓⲥⲓ ⲡⲉ ⲙⲟⲛⲁⲭⲟⲥ ϩⲟϫϩⲉϫ ⲡⲉ ⲙⲟⲛⲁⲭⲟⲥ ϭⲓⲧⲕ ⲛϫⲟⲛⲥ ϧⲉⲛ ϩⲱⲃ ⲛⲓⲃⲉⲛ ⲡⲉ ⲙⲟⲛⲁⲭⲟⲥ ⲟⲩⲟϩ ⲉϣⲧⲉⲙⲭⲁ ⲡⲉⲕⲟⲩⲱϣ ⲉⲧϩⲏ ⲡⲉⲕⲥⲁϫⲓ ϧⲉⲛ ϩⲗⲓ ⲛϩⲱⲃ. ⲡⲁⲗⲓⲛ ϫⲉ ⲥϣⲉ ⲉⲡⲓⲙⲟⲛⲁⲭⲟⲥ ⲉϣⲧⲉⲙϫⲉ ⲙⲉⲑⲛⲟⲩϫ ⲟⲩⲟϩ ⲟⲛ ⲉϣⲧⲉⲙⲱⲣⲕ ⲛⲛⲟⲩϫ ⲉϣⲧⲉⲙⲭⲁ ⲙⲁϣϫ ⲉϣⲧⲉⲙⲉⲣ‐ ⲕⲁⲧⲁⲗⲁⲗⲉⲓⲛ ⲉϣⲧⲉⲙⲉⲣ ⲣⲉϥⲭⲣⲉⲙⲣⲉⲙ ⲓⲉ ⲉϫⲉⲙ ⲁⲣⲓⲕⲓ. ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ⲛⲉ ⲁϥⲛⲁⲩ ⲡⲉ ⲕⲁⲧⲁ ⲟⲩⲙⲩⲥⲧⲏⲣⲓⲟⲛ ϧⲉⲛ ⲛⲓⲃⲁⲗ ⲛⲧⲉ ⲡⲉϥϩⲏⲧ ϩⲓⲧⲉⲛ ⲡⲓⲡⲛ︦ⲁ︦ ⲉⲑⲟⲩⲁⲃ ⲉⲧϣⲟⲡ ⲛϧⲏⲧϥ ⲉⲡϭⲓⲥⲓ ⲛⲧⲡⲣⲟⲕⲟⲡⲏ ⲛⲛⲉⲛⲓⲟϯ ⲛⲉⲙ ⲡⲓⲭⲣⲱⲙ ⲛⲧⲉ ⲫ︦ϯ︦ ⲉⲧⲁϥϣⲱⲡⲓ ϧⲉⲛ ⲧⲟⲩⲅⲉⲛⲉⲁ ⲟⲩⲟϩ ⲟⲛ ⲛⲁϥⲛⲁⲩ ⲉⲡϫⲱϫⲉⲃ ⲛⲛⲏ ⲉⲑⲛⲏⲟⲩ ⲙⲉⲛⲉⲛⲥⲱⲟⲩ ⲉⲁϥϫⲟⲥ ϧⲉⲛ ⲟⲩⲁⲓⲛⲓⲅⲙⲁ ⲕⲁⲧⲁ ⲟⲩⲡⲣⲟⲫⲏⲧⲓⲁ ϧⲉⲛ ⲟⲩⲙⲉⲧⲥⲁⲓⲉ ⲛⲉⲙ ⲟⲩⲑⲉⲃⲓⲟ ϫⲉ ⲟⲩϧⲉⲗⲗⲟ ⲡⲉϫⲁϥ ⲁϥⲛⲁⲩ ⲉⲧⲉ ⲛⲑⲟϥ ⲡⲉ (-ⲗ︦ⲃ︦-) ⲉⲅ̄ ⲙⲙⲟⲛⲁⲭⲟⲥ ⲉⲩϩⲓ ⲙⲏⲣ ⲙⲫⲓⲟⲙ ⲉⲩⲟϩⲓ ⲉⲣⲁⲧⲟⲩ ⲟⲩⲟϩ ⲁⲥϣⲱⲡⲓ ϩⲁⲣⲱⲟⲩ ⲛϫⲉ ⲟⲩⲥⲙⲏ ϩⲓ ⲙⲏⲣ ⲙⲡⲓⲕⲉⲥⲁ ⲉⲥϫⲱ ⲙⲙⲟⲥ ⲛⲱⲟⲩ ϫⲉ ϭⲓ ⲛⲱⲧⲉⲛ ⲛϩⲁⲛ ⲧⲉⲛϩ ⲛⲭϩⲱⲙ ⲁⲙⲱⲓⲛⲓ ⲉⲙⲏⲣ ϩⲁⲣⲟⲓ. ⲟⲩⲟϩ ⲃ︦ ⲙⲉⲛ ⲉⲃⲟⲗ ⲛϩⲏⲧⲟⲩ ⲁⲩϭⲓ ⲛⲱⲟⲩ ⲛϩⲁⲛ ⲧⲉⲛϩ ⲟⲩⲟϩ ⲁⲩϣⲉ ⲛⲱⲟⲩ ⲉⲙⲏⲣ ⲉⲡⲓⲕⲉⲥⲁ ϩⲁ ⲫⲏ ⲉⲧⲙⲟⲩϯ ⲉⲣⲱⲟⲩ. ⲡⲓⲟⲩⲁⲓ ⲇⲉ ⲁϥⲟϩⲓ ⲉϥⲣⲓⲙⲓ ⲉϥⲱϣ ⲉⲃⲟⲗ ⲉϥⲉⲣⲧⲁⲗⲁⲓⲡⲱⲣⲉⲓⲛ ⲉⲡϧⲁⲉ ⲇⲉ ⲁⲩϯ ⲛⲁϥ ⲛϩⲁⲛ ⲧⲉⲛϩ ⲙⲉⲛⲧⲟⲓ ⲅⲉ ⲛⲭⲣⲱⲙ ⲁⲛ ⲁⲗⲗⲁ ⲛϫⲱⲃ ⲟⲩⲟϩ ⲛⲁⲧϫⲟⲙ. ⲉⲃⲟⲗ ⲇⲉ ϩⲓⲧⲉⲛ ### 0030 ⲟⲩⲛⲓϣϯ ⲛϧⲓⲥⲓ ⲉϥϫⲟⲗⲕ ⲉⲡⲉⲥⲏⲧ ⲟⲩⲟϩ ⲉϥⲛⲏⲟⲩ ⲉⲡϣⲱⲓ ϧⲉⲛ ⲟⲩⲛⲓϣϯ ⲛⲑⲗⲓⲯⲓⲥ ⲙⲟⲅⲓⲥ ⲛϫⲟⲛⲥ ⲁϥⲓ ⲉⲙⲏⲣ. ⲡⲁⲓⲣⲏϯ ⲡⲉϫⲁϥ ⲧⲁⲓⲅⲉⲛⲉⲁ ϩⲱⲥ ⲕⲁⲛ ⲥϭⲓ ⲧⲉⲛϩ ⲛⲭⲣⲱⲙ ⲟⲛ ⲙⲫⲣⲏϯ ⲛⲛⲉⲛⲓⲟϯ ⲛⲁⲓ ⲉⲧⲁⲩⲉⲣⲕⲟⲥⲙⲉⲓⲛ ⲙⲡⲟⲩ‐ ⲃⲓⲟⲥ ϧⲉⲛ ⲛⲓⲉⲛⲧⲟⲗⲏ ⲛⲛⲟⲙⲓⲙⲟⲛ ⲛⲁⲅⲅⲉⲗⲓⲕⲟⲛ ⲉⲩϩⲁⲗⲁⲓ ⲉⲡϭⲓⲥⲓ ϧⲉⲛ ⲡⲟⲩⲛⲟⲩⲥ ϩⲓⲧⲉⲛ ⲧϧⲉⲙⲓ ⲙⲡⲓⲭⲣⲱⲙ ⲛⲛⲟⲩϯ ϣⲁⲧⲟⲩⲉⲣ ϫⲓ ⲛⲓⲟⲣ ⲙⲫⲓⲟⲙ ⲙⲡⲁⲓⲃⲓⲟⲥ ⲟⲩⲟϩ ⲛⲧⲁⲩϣⲱⲡⲓ ⲛⲉⲙ ⲡⲭ︦ⲥ︦ ⲁⲗⲗⲁ ⲙⲟⲅⲓⲥ ϧⲉⲛ ⲧⲟⲩⲙⲉⲧⲁ‐ ⲙⲉⲗⲉⲥ ⲛⲧⲟⲩϭⲓ ⲛϩⲁⲛ ϫⲱⲃ ⲟⲩⲟϩ ⲛⲁⲧϫⲟⲙ. ⲉϥⲉⲣⲡⲣⲟⲕⲟⲡⲧⲉⲓⲛ ⲇⲉ ϧⲉⲛ ϯϩⲏⲗⲓⲕⲓⲁ ⲛϯⲁⲣⲉⲧⲏ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲉⲑⲃⲉ ⲡϭⲱⲗⲕ ⲛⲧⲉϥⲛⲓϣϯ ⲛⲉⲅⲕⲣⲁⲧⲉⲓⲁ ⲛⲉⲙ ⲡⲁϣⲁⲓ ⲛⲛⲉϥⲡⲟⲗⲓⲧⲉⲓⲁ (-ⲗ︦︦ⲅ︦-) ⲁϥⲓ ⲉϫⲉⲛ ⲟⲩⲙⲉⲧⲣⲉⲙϩⲉ ⲛⲉⲙ ⲟⲩⲙⲉⲧⲁⲧⲕⲁⲕⲓⲁ ⲙⲡⲉ ϩⲗⲓ ⲙⲡⲁⲑⲟⲥ ⲉⲣⲟⲛⲟⲭⲗⲉⲓⲛ ⲛⲁϥ ⲉⲡⲧⲏⲣϥ ⲕⲁⲧⲁ ⲫⲣⲏϯ ⲉⲧⲁϥⲉⲣⲁⲓ‐ ⲧⲉⲓⲛ ⲙⲫⲁⲓ ⲉⲃⲟⲗϩⲓⲧⲉⲛ ⲫ︦ϯ︦ ⲟⲩⲟϩ ⲁϥⲉⲣ ⲁⲑⲣⲱⲟⲩϣ. ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ϩⲓⲧⲉⲛ ⲡⲥⲟϭⲛⲓ ⲙⲡⲉⲛⲓⲱⲧ ⲁⲃⲃⲁ ⲁⲙⲟⲓ ⲁϥϯ ϩⲟ ⲉⲫ︦ϯ︦ ⲟⲩⲟϩ ⲁϥⲭⲁ ⲛⲓⲡⲁⲑⲟⲥ ⲉⲣⲟϥ ⲟⲛ ϫⲉ ϩⲓⲛⲁ ⲛⲧⲉϥⲉⲣⲁⲅⲱⲛⲓⲍⲉⲥⲑⲁⲓ ⲛⲧⲉϥϭⲓ ⲭⲗⲟⲙ ⲟⲩⲟϩ ⲛⲧⲉ ⲡⲉϥⲃⲉⲭⲉ ⲁϣⲁⲓ ϫⲉ ⲉⲣⲉ ⲛⲓⲡⲟⲗⲉⲙⲟⲥ ⲡⲉϫⲁϥ ⲉⲣⲉ ϯⲯⲩⲭⲏ ⲛⲁϭⲓ ⲙⲁⲓⲏ ϧⲉⲛ ⲑⲙⲉⲧⲣⲁⲙⲁⲟ ⲙⲡⲓϩⲙⲟⲧ ⲛⲧⲉ ⲫ︦ϯ︦ ⲓⲥϫⲉⲛ ⲡⲓⲉϩⲟⲟⲩ ⲉⲧⲉⲙⲙⲁⲩ ### 0031 ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲙⲡⲉϥ ϫⲉ ⲉⲣⲁⲓⲧⲉⲓⲛ ⲙⲫ︦ϯ︦ ϫⲉ ⲉⲑⲃⲉ ⲡⲁⲓⲁⲓⲧⲏⲙⲁ ⲫⲁⲓ ⲁⲗⲗⲁ ⲛⲁϥϯ ϩⲟ ⲉⲡⲟ︦ⲥ︦ ⲡⲉ ⲉϥϫⲱ ⲙⲙⲟⲥ ϫⲉ ⲡⲟ︦ⲥ︦ ⲓⲏ︦ⲥ︦ ⲡⲭ︦ⲥ︦ ϧⲉⲛ ϩⲱⲃ ⲛⲓⲃⲉⲛ ⲉⲧⲉⲕⲛⲁⲉⲛⲟⲩ ⲉϫⲱⲓ ⲙⲟⲣⲧ ⲛⲧⲉⲕϫⲟⲙ ⲛⲉⲙ ⲧⲉⲕ‐ ϩⲩⲡⲟⲙⲟⲛⲏ ϣⲁ ⲉⲃⲟⲗ. ⲡⲉⲛⲓⲱⲧ ⲇⲉ ⲁⲃⲃⲁ ⲁⲙⲟⲓ ⲁϥⲟⲩⲱⲣⲡ ⲛⲁⲃⲃⲁ ⲓⲱⲁⲛⲛⲏⲥ ⲛⲟⲩⲥⲟⲡ ⲉϯϣⲱϯ ⲉⲙⲟϩ ⲟⲩⲗⲁⲕⲕⲟⲛ ⲙⲙⲱⲟⲩ. ϯϣⲱϯ ⲇⲉ ⲛⲁⲥⲟⲩⲏⲟⲩ ⲛⲧⲉϥⲣⲓ ⲡⲉ ⲟⲩⲟϩ ⲛⲁⲥϣⲏⲕ ⲡⲉ ⲉⲙⲁϣⲱ. ⲉⲧⲁϥⲫⲟϩ ⲇⲉ ⲉϯϣⲱϯ ⲟⲩⲟϩ ⲉⲧⲁϥⲉⲙⲓ ϫⲉ ⲙⲡⲉϥⲉⲛ ⲡⲓⲛⲟϩ ⲉϥⲛⲏⲟⲩ ⲛⲉ ⲁϥⲉⲣ ⲡⲱⲃϣ ⲅⲁⲣ ⲡⲉ ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ⲉⲧⲁϥ‐ ⲙⲟϩ ⲉⲃⲟⲗϧⲉⲛ ⲟⲩⲛⲓϣϯ ⲛⲛⲁϩϯ ⲡⲉϫⲁϥ ⲛⲟⲩⲛⲓϣϯ ⲛⲥⲙⲏ ϫⲉ ϯϣⲱϯ ⲡⲁⲓⲱⲧ ⲁϥⲟⲩⲟⲣⲡⲧ ⲉⲁϥϫⲟⲥ ϫⲉ ⲙⲁϩ ⲡⲁⲓⲗⲁⲕⲕⲟⲛ ⲙⲙⲱⲟⲩ. (-ⲗ︦ⲇ︦-) ⲟⲩⲟϩ ⲥⲁⲧⲟⲧϥ ⲁ ⲡⲓⲙⲱⲟⲩ ⲓ ⲉⲡϣⲱⲓ ϣⲁ ⲛⲉⲛⲥⲫⲟⲧⲟⲩ ⲛϯϣⲱϯ ⲟⲩⲟϩ ⲁϥⲙⲁϩ ⲡⲓⲗⲁⲕⲕⲟⲛ ⲙⲙⲱⲟⲩ. ⲡⲁⲗⲓⲛ ⲟⲛ ⲁ ⲡⲓⲙⲱⲟⲩ ⲥⲉⲙⲛⲓ ⲙⲡⲉϥⲣⲏϯ ⲟⲛ. ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ⲛⲁϥϫⲱ ⲙⲙⲟⲥ ⲛⲛⲓⲥⲛⲏⲟⲩ ϫⲉ ⲡⲓϭⲛⲉ ϫⲱϥ ϧⲉⲛ ⲟⲩⲥⲱⲧⲉⲙ ⲉϥϫⲏⲕ ⲉⲃⲟⲗ ⲕⲁⲧⲁ ⲫⲣⲏϯ ⲛⲥⲁ ⲛⲉⲛⲓⲟϯ ⲉⲛⲥⲟϭⲛⲓ ϧⲉⲛ ⲟⲩⲛⲁϩϯ ⲙⲁⲗⲓⲥⲧⲁ ⲡⲓⲑⲉⲃⲓⲟ ⲛⲉⲙ ⲡⲓⲧⲟⲩⲃⲟ ϯϩⲟϯ ⲛⲧⲉ ⲫ︦ϯ︦ ⲛⲉⲙ ⲡⲓⲙⲟⲩⲛ ⲉⲫ︦ϯ︦ ϧⲉⲛ ⲟⲩϯ ϩⲑⲏϥ ⲛⲁⲓ ϭⲟⲥⲓ ⲉⲛⲓⲁⲣⲉⲧⲏ ⲧⲏⲣⲟⲩ ⲟⲩⲟϩ ⲥⲉⲑⲣⲟ ⲛϯⲯⲩⲭⲏ ϭⲓ ⲟⲩⲱⲓⲛⲓ ϧⲉⲛ ⲫ︦ϯ︦ ϩⲓⲧⲉⲛ ⲛⲁⲓⲕⲁⲧⲟⲣⲑⲱⲙⲁ ⲛⲁⲓ. ⲁⲩⲓⲥⲧⲟⲣⲉⲓⲛ ⲉⲑⲃⲏⲧϥ ### 0032 ϧⲉⲛ ⲟⲩⲙⲁ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲛϫⲉ ⲛⲉⲛⲓⲟϯ ⲉⲩϫⲱ ⲙⲙⲟⲥ ϫⲉ ⲙⲫⲣⲏϯ ⲙⲡⲓⲕⲁϩⲓ ϫⲉ ⲟⲩⲁⲧϩⲉⲓ ⲡⲉ ⲡⲁⲓⲣⲏϯ ⲛⲑⲟϥ ϩⲱϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲙⲙⲟⲛ ϣϫⲟⲙ ⲙⲙⲟϥ ⲉϩⲉⲓ ⲉⲡⲧⲏⲣϥ ⲉⲑⲃⲉ ⲡⲁϣⲁⲓ ⲙⲡⲉϥⲑⲉⲃⲓⲟ. ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ⲡⲓⲙⲁⲑⲏⲧⲏⲥ ⲛⲧⲉ ⲁⲃⲃⲁ ⲁⲙⲟⲓ ⲡⲓⲣⲉⲙ ⲣⲏⲥ ⲉⲁϥϫⲉⲕ ⲟⲩⲛⲓϣϯ ⲛⲥⲱⲧⲉⲙ ⲉⲃⲟⲗ ⲉϥⲭⲏ ϩⲁ ⲧϩⲩⲡⲟⲙⲟⲛⲏ ⲙⲡⲉϥⲓⲱⲧ ⲙⲡⲛⲁⲧⲓⲕⲟⲥ ⲉϥⲃⲉⲣⲃⲉⲣ ϧⲉⲛ ⲡⲭⲣⲱⲙ ⲙⲡⲓⲡⲛ︦ⲁ︦ ⲉⲑⲟⲩⲁⲃ. ϧⲉⲛ ⲟⲩⲁⲓ ⲇⲉ ⲛⲛⲓⲉϩⲟⲟⲩ ⲁϥϭⲓ ⲛⲁϥ ⲛⲟⲩϣⲉ ⲉϥϣⲟⲩⲱⲟⲩ ⲛϫⲉ ⲁⲃⲃⲁ ⲁⲙⲟⲓ ⲟⲩⲟϩ ⲁϥϣⲉ ⲛⲁϥ ⲉⲃⲟⲗ ⲉⲟⲩⲙⲱⲓⲧ ⲁϥⲟⲩⲏⲟⲩ ⲛⲧⲉϥⲣⲓ ϧⲉⲛ ⲡϣⲁϥⲉ ⲉⲛⲁⲩ ⲫⲟⲩⲱϣ ⲙⲓ︦ⲃ︦ ⲙⲙⲓⲗⲗⲓⲟⲛ ⲟⲩⲟϩ ⲁϥϭⲟϥ ⲙⲙⲁⲩ. ⲁϥⲙⲟⲩϯ ⲇⲉ ⲉⲁⲃⲃⲁ ⲓⲱⲁⲛⲛⲏⲥ ⲡⲉϥⲙⲁ-(-ⲗ︦ⲉ︦-) ⲑⲏⲧⲏⲥ ⲛϫⲉ ⲁⲃⲃⲁ ⲁⲙⲟⲓ ⲡⲉϫⲁϥ ⲛⲁϥ ϫⲉ ⲓⲱⲁⲛⲛⲏⲥ ⲡⲁϣⲏⲣⲓ ⲙⲁ ⲟⲩⲗⲁⲕⲕⲟⲛ ⲙⲙⲱⲟⲩ ⲙⲙⲏⲛⲓ ⲉⲡⲁⲓϣⲉ ϣⲁ‐ ⲧⲉϥϯ ⲟⲩⲧⲁϩ. ⲡⲓⲙⲱⲟⲩ ⲇⲉ ⲛⲁϥⲟⲩⲏⲟⲩ ⲡⲉ ⲙⲡⲓⲙⲁ ⲉⲧⲁⲩϭⲟ ⲙⲡⲓϣⲉ ⲙⲙⲟϥ ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ⲛⲁϥϩⲏⲗ ⲛⲉⲙ ⲡⲓⲗⲁⲕⲕⲟⲛ ⲙⲙⲱⲟⲩ ϩⲁ ⲛⲁ ⲣⲟⲩϩⲓ ⲟⲩⲟϩ ⲛⲧⲉϥⲓ ⲛϣⲱⲣⲡ. ⲉϥⲓⲣⲓ ⲇⲉ ⲙⲡⲁⲓⲣⲏϯ ϣⲁ ⲅ̄ϯ ⲛⲣⲟⲙⲡⲓ ⲁϥⲱⲛϧ ⲛϫⲉ ⲡⲓϣϣⲏⲛ ⲟⲩⲟϩ ⲁϥϯ ⲟⲩⲱ ⲉⲡϣⲱⲓ ⲁϥⲉⲛ ⲟⲩⲧⲁϩ ⲉⲃⲟⲗ. ⲡⲓ‐ ϧⲉⲗⲗⲟ ⲇⲉ ⲁⲃⲃⲁ ⲁⲙⲟⲓ ⲁϥϭⲓ ⲙⲡⲓⲕⲁⲣⲡⲟⲥ ⲛⲧⲉ ⲡⲓϣϣⲏⲛ ⲁϥⲉⲛϥ ⲉϯⲉⲕ‐ ⲕⲗⲏⲥⲓⲁ ⲁϥϯ ⲛⲛⲓϧⲉⲗⲗⲟⲓ ϫⲉ ϭⲓ ⲟⲩⲱⲙ ⲉⲃⲟⲗϧⲉⲛ ⲡⲟⲩⲧⲁϩ ⲛⲧⲉ ⲡⲓⲥⲱⲧⲉⲙ. ⲛⲓϧⲉⲗⲗⲟⲓ ⲇⲉ ⲉⲧⲁⲩⲛⲁⲩ ⲉⲡⲁⲓϩⲱⲃ ⲙⲡⲁⲣⲁⲇⲟⲝⲟⲛ ⲛⲁⲩϭⲓ ϣⲫⲏⲣⲓ ⲡⲉ ⲉⲩϯ ### 0033 ⲱⲟⲩ ⲙⲫ︦ϯ︦ ⲡⲉ ⲉⲩϫⲱ ⲙⲙⲟⲥ ϫⲉ ⲉⲃⲏⲗ ϫⲉ ⲁ ⲡⲓⲱⲛϧ ⲙⲙⲁⲕⲁⲣⲓⲟⲛ ⲫ︦ϯ︦ ϣⲱⲡⲓ ϧⲉⲛ ⲡⲁⲓⲥⲟⲛ ⲛⲁⲣⲉ ⲡⲁⲓⲙⲩⲥⲧⲏⲣⲓⲟⲛ ⲫⲁⲓ ⲛⲁϣⲱⲡⲓ ⲉⲃⲟⲗϩⲓⲧⲟⲧϥ ⲁⲛ ⲡⲉ. ϥⲥⲙⲁⲣⲱⲟⲩⲧ ⲛϫⲉ ⲓⲏ︦ⲥ︦ ⲛⲭ︦ⲥ︦ ⲫ︦ϯ︦ ⲡⲓⲗⲟⲅⲟⲥ ⲫⲏ ⲉⲧⲓⲣⲓ ⲛϩⲁⲡ ϣⲫⲏⲣⲓ ϧⲉⲛ ⲛⲏ ⲉⲑⲟⲩⲁⲃ ⲛⲧⲁϥ ⲛⲑⲟϥ ⲅⲁⲣ ⲁϥϫⲟⲥ ϫⲉ ⲉϣⲱⲡ ⲁⲣⲉ ϣⲁⲛ ⲟⲩⲁⲓ ⲓⲣⲓ ⲙⲡⲁⲟⲩⲱϣ ⲧⲉⲛⲛⲁⲓ ⲁⲛⲟⲕ ⲛⲉⲙ ⲡⲁⲓⲱⲧ ⲟⲩⲟϩ ⲧⲉⲛⲛⲁϣⲱⲡⲓ ⲛϧⲏⲧϥ ⲟⲩⲟϩ ϩⲱⲃ ⲛⲓⲃⲉⲛ ⲉⲧⲉϥⲛⲁⲉⲣⲁⲓⲧⲉⲓⲛ ⲙⲙⲱⲟⲩ ϧⲉⲛ ⲡⲁⲣⲁⲛ ⲉⲩⲉϣⲱⲡⲓ ⲛⲁϥ ⲟⲩⲟϩ ⲡⲓϣϣⲏⲛ ⲉⲧⲉⲙⲙⲁⲩ ϥϣⲟⲡ ⲉⲧⲓ ϣⲁ ⲉϧⲟⲩⲛ ⲉⲫⲟⲟⲩ ⲉⲟⲩⲁⲡⲟⲇⲉⲓⲝⲓⲥ (-ⲗ︦︦ⲋ︦-) ⲉⲥⲉⲛϩⲟⲧ ⲛⲧⲉ ⲧⲁⲣⲉⲧⲏ ⲙⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉϥⲉⲣⲗⲁⲙⲡⲉⲓⲛ ϧⲉⲛ ⲛⲁⲓⲕⲁ‐ ⲧⲟⲣⲑⲱⲙⲁ ⲉⲧϭⲟⲥⲓ. ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁⲩϣⲉⲛϥ ⲛϫⲉ ϩⲁⲛ ⲥⲛⲏⲟⲩ ⲉⲩϫⲱ ⲙⲙⲟⲥ ϫⲉ ⲛⲁⲛⲉⲥ ⲡⲉ ⲡⲉⲛⲓⲱⲧ ⲉⲁⲙⲟⲛⲓ ⲛⲟⲩϩⲉⲝⲓⲥ ⲛⲉⲙ ⲛⲓⲣⲱⲙⲓ. ⲟⲩⲟϩ ⲡⲉϫⲉ ⲁⲃⲃⲁ ⲓⲱⲁⲛⲛⲏⲥ ⲛⲱⲟⲩ ϫⲉ ⲛⲁⲛⲉⲥ ⲉⲉⲣ ϩⲉⲝⲓⲥ ⲉⲡⲉⲛⲥⲟⲛ ⲫⲁⲓ ⲉⲧⲁ ⲫ︦ϯ︦ ⲙⲟⲩ ⲉϩⲣⲏⲓ ⲉϫⲱⲛ ⲛⲉⲙⲁϥ ⲉⲟⲩⲥⲟⲡ ϧⲉⲛ ⲡⲁⲓϩⲓⲥⲟⲛ ⲛⲟⲩⲱⲧ ⲙⲙⲟⲛ ⲙⲁⲗⲗⲟⲛ ϧⲉⲛ ⲑⲙⲉⲧⲣⲉⲙ ⲣⲁⲩϣ ⲙⲡⲭ︦ⲥ︦ ⲙⲁⲣⲉⲛϫⲫⲟ ⲛⲁⲛ ⲙⲡⲉⲛⲥⲟⲛ ϧⲉⲛ ⲟⲩⲧⲟⲩⲃⲟ ⲛⲓⲃⲉⲛ ⲛⲧⲉ ⲡⲓⲡⲛ︦ⲁ︦ ⲉⲑⲟⲩⲁⲃ ⲟⲩⲟϩ ϯϩⲉⲝⲓⲥ ⲙⲉⲛ ϧⲉⲛ ⲟⲩⲙⲉⲧϫⲱⲣⲓ ⲙⲁ‐ ⲣⲉⲛⲁⲓⲥ ⲛⲁϩⲣⲉⲛ ϯⲙⲉⲧϫⲁϫⲓ ⲑⲁⲓ ⲉⲧⲫⲱⲣϫ ⲙⲙⲟⲛ ⲉⲫ︦ϯ︦. ⲁⲩⲥϧⲁⲓ ⲟⲛ ⲉⲑⲃⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ϫⲉ ⲙⲡⲉϥⲙⲁϩ ### 0034 ϧⲏⲧϥ ⲛⲱⲓⲕ ⲉⲛⲉϩ ⲟⲩⲇⲉ ⲙⲱⲟⲩ ⲟⲩⲇⲉ ϩⲓⲛⲓⲙ ⲟⲩⲇⲉ ⲙⲡⲉϥϫⲉ ⲟⲩⲥⲁϫⲓ ⲛϣⲗⲟϥ ⲉⲃⲟⲗϧⲉⲛ ⲣⲱϥ ⲉⲛⲉϩ ⲉⲑⲃⲉ ⲫⲁⲓ ⲙⲡⲉ ⲫⲙⲉⲩⲓ ⲛϯⲥⲁⲣⲝ ϣⲉⲣ ⲟⲥ ⲉⲣⲟϥ ⲉⲛⲉϩ ⲁⲗⲗⲁ ⲛⲁϥⲟⲓ ⲙⲫⲣⲏϯ ⲛⲟⲩⲁⲅⲅⲉⲗⲟⲥ ϧⲉⲛ ⲑⲙⲉⲧⲕⲁⲑⲁⲣⲟⲥ ⲛϯⲥⲟⲫⲣⲟⲥⲩⲛⲏ. ⲡⲉⲛⲓⲱⲧ ⲇⲉ ⲁⲃⲃⲁ ⲁⲙⲟⲓ ⲛⲁϥⲉⲣ ⲟⲩⲙⲏϣ ⲛⲣⲟⲙⲡⲓ ⲡⲉ ⲉϥϣⲟⲡ ϧⲉⲛ ⲟⲩⲙⲁ ⲛϣⲱⲡⲓ ϧⲉⲛ ϣⲓⲏⲧ ⲉⲣⲉ ⲟⲩⲟⲛ ⲕⲉⲕⲟⲩϫⲓ ⲛⲣⲓ ⲭⲏ ⲥⲁϧⲟⲩⲛ ⲙⲙⲟϥ ⲙⲡⲉϥⲭⲱ ⲙⲡⲉϥⲙⲉⲩⲓ ⲉⲛⲉϩ ⲉⲓ ⲉϧⲣⲏⲓ ⲉϯ ϩⲑⲏϥ ϩⲟⲗⲱⲥ (-ⲗ︦ⲍ︦-) ⲉϯⲣⲓ ⲉⲧⲥⲁϧⲟⲩⲛ ⲙⲙⲟϥ ⲓⲉ ⲉⲛⲁⲩ ⲣⲱ ϫⲉ ⲟⲩ ⲡⲉ ⲉⲧⲉⲛϧⲏⲧⲥ ⲉⲑϧⲉ ⲡϭⲱⲗⲕ ⲙⲡⲉϥⲙⲉⲩⲓ ϩⲁ ⲡⲟ︦ⲥ︦ ⲕⲁⲓⲡⲉⲣ ⲛⲁⲣⲉ ⲡⲟ︦ⲥ︦ ⲟⲩⲱⲣⲡ ⲛϩⲁⲛ ⲙⲏϣ ⲛⲁϥ ⲡⲉ ⲙⲁⲗⲓⲥⲧⲁ ⲇⲉ ⲛⲁϥⲉⲙⲓ ⲡⲉ ϧⲉⲛ ⲟⲩⲁⲕⲣⲓⲃⲉⲓⲁ ⲉⲑⲃⲉ ⲓⲱⲁⲛⲛⲏⲥ ⲡⲉϥⲙⲁⲑⲏⲧⲏⲥ ϫⲉ ⲁϥϣⲱⲡⲓ ⲛⲇⲟⲕⲓⲙⲟⲥ ⲟⲩⲟϩ ⲛⲥⲟⲧⲡ ⲛⲧⲉⲗⲉⲓⲟⲥ ⲙⲙⲟⲛⲁⲭⲟⲥ ⲉϥϫⲏⲕ ⲉⲃⲟⲗ ⲟⲩⲟϩ ⲛⲁϥϣⲑⲁⲙ ⲛⲛⲉϥⲃⲁⲗ ⲉϣⲧⲉⲙⲛⲁⲩ ⲉⲣⲟϥ ϫⲉ ⲉϥⲉⲣ ⲟⲩ ⲛϩⲱⲃ. ⲙⲉⲛⲉⲛⲥⲁ ⲛⲁⲓ ϫⲉ ⲁϥϣⲱⲛⲓ ⲛϫⲉ ⲫⲏ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲟⲩⲟϩ ⲛⲁϥ‐ ϣⲧⲏⲟⲩⲧ ⲡⲉ ⲛⲟⲩⲙⲏϣ ⲛⲥⲏⲟⲩ ⲉϥⲫⲓⲥⲓ ⲙⲙⲟϥ ⲛϫⲉ ⲫϯ ⲙⲫⲣⲏϯ ⲛⲟⲩⲁ‐ ⲣⲱⲙⲁ ⲉϥⲥⲟⲧⲡ ⲉⲩⲉⲣⲇⲟⲕⲓⲙⲁⲍⲉⲓⲛ ⲙⲙⲟϥ ϧⲉⲛ ⲟⲩⲭⲣⲱⲙ. ⲡⲉⲛⲙⲁ‐ ⲕⲁⲣⲓⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲛⲁϥϣⲉⲙϣⲓ ⲡⲉ ⲙⲡⲓϧⲉⲗⲗⲟ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲛⲓⲃ ⲛⲣⲟⲙⲡⲓ ϧⲉⲛ ⲟⲩⲛⲓϣϯ ⲙⲡⲣⲟⲑⲩⲙⲓⲁ. ⲉⲃⲟⲗ ⲇⲉ ϧⲉⲛ ⲡⲁϣⲁⲓ ⲙⲡⲓϣⲱⲛⲓ ⲛⲁϥⲟⲓ ⲛⲕⲟⲩϫⲓ ⲛϩⲏⲧ ⲡⲉ ⲉϫⲉⲛ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲧⲟⲛⲱ ### 0035 ⲟⲩⲟϩ ⲙⲡⲉϥϫⲟⲥ ⲛⲁϥ ⲉⲛⲉϩ ⲛⲟⲩⲉϩⲟⲟⲩ ⲛⲟⲩⲱⲧ ϫⲉ ⲙⲓⲟⲕ ⲉⲛⲁⲣⲉ ⲧⲉϥϩⲉⲝⲓⲥ ⲅⲁⲣ ϫⲟⲣ ⲡⲉ ⲡⲁⲣⲁ ⲟⲩⲙⲏϣ ⲛⲧⲉ ⲛⲉⲛⲓⲟϯ. ⲉⲧⲁϥⲙⲟⲩϯ ⲇⲉ ⲉⲁⲃⲃⲁ ⲓⲱⲁⲛ‐ ⲛⲏⲥ ⲛⲟⲩⲉϩⲟⲟⲩ ⲛϫⲉ ⲁⲃⲃⲁ ⲁⲙⲟⲓ ⲡⲉϫⲁϥ ⲛⲁϥ ϫⲉ ⲓⲱⲁⲛⲛⲏⲥ ⲡⲁϣⲏⲣⲓ ⲁⲥϣⲁⲛⲟⲩⲱⲧⲉⲃ ⲉⲃⲟⲗϧⲉⲛ ⲡⲁⲓⲕⲟⲥⲙⲟⲥ ⲙⲁϣⲉ ⲛⲁⲕ ϣⲱⲡⲓ ϧⲉⲛ ⲡⲓⲙⲁ ⲉⲧⲁⲕϭⲟ ⲙⲡⲓϣϣⲏⲛ ⲛϧⲏⲧϥ ϫⲉ ⲟⲩⲟⲛ ⲟⲩⲑⲩⲥⲓⲁ ⲛⲧⲁⲕ ⲉⲥⲙⲏⲛ ⲉⲃⲟⲗ ⲉⲥⲟⲩⲁⲃ (-ⲗ︦ⲏ︦-) ⲟⲩⲟϩ ⲉⲥϣⲏⲡ ⲛⲁϩⲣⲉⲛ ⲡⲟ︦ⲥ︦ ⲛⲁϣⲱⲡⲓ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲉⲃⲟⲗϩⲓⲧⲟⲧⲕ. ⲡⲁⲓϣϣⲏⲛ ⲅⲁⲣ ⲉⲧⲁϥϯ ⲟⲩⲱ ⲉϩⲣⲏⲓ ⲉⲃⲟⲗϩⲓⲧⲟⲧⲕ ⲟⲩⲡⲣⲟⲟⲓ‐ ⲙⲓⲟⲛ ⲡⲉ ⲉϥⲉⲣⲥⲏⲙⲁⲓⲛⲉⲓⲛ ⲉⲟⲩⲙⲩⲥⲧⲏⲣⲓⲟⲛ ⲉⲛⲧⲉ ϩⲁⲛ ⲯⲩⲭⲏ ⲉⲩⲛⲁ‐ ⲟⲩϫⲁⲓ ⲉⲃⲟⲗϩⲓⲧⲟⲧⲕ ⲟⲛ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲉⲩⲉⲣ ⲫⲙⲉⲩⲓ ⲛⲉⲛⲉϩ ⲛⲁⲕ ⲛⲁϩⲣⲉⲛ ⲫϯ. ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ⲉⲧⲁϥϧⲱⲛⲧ ⲉϧⲟⲩⲛ ⲉⲥⲓⲛⲓ ⲉⲃⲟⲗ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲁⲙⲟⲓ ⲉⲩⲕⲱϯ ⲉⲣⲟϥ ⲛϫⲉ ⲛⲓϧⲉⲗⲗⲟⲓ ⲁϥⲙⲟⲩϯ ⲉⲁⲃⲃⲁ ⲓⲱⲁⲛⲛⲏⲥ ⲁϥϧⲟⲛⲧϥ ⲉⲣⲟϥ ⲉⲁϥⲁⲙⲟⲛⲓ ⲛⲛⲉϥϫⲓϫ ⲁϥϯ ⲫⲓ ⲉⲣⲱⲟⲩ ⲁϥⲥⲙⲟⲩ ⲉⲣⲟϥ ⲙⲫⲣⲏϯ ⲛⲓⲥⲁⲁⲕ ⲉⲧⲁϥⲥⲙⲟⲩ ⲉⲓⲁⲕⲱⲃ ⲡⲓ︦ⲥ︦ⲗ︦ ⲟⲩⲟϩ ⲡⲉϫⲁϥ ⲛⲁϥ ⲛⲅ̄ ⲛⲥⲟⲡ ϫⲉ ⲙⲓⲟⲕ ⲙⲓⲟⲕ ⲙⲓⲟⲕ ⲡⲓϣⲱⲓϫ ⲛⲧⲉ ⲡⲟⲩⲣⲟ ⲡⲭ︦ⲥ︦. ⲙⲉⲛⲉⲛⲥⲁ ⲛⲁⲓ ⲇⲉ ⲁϥⲧⲏⲓϥ ⲛⲛⲓϧⲉⲗⲗⲟⲓ ⲉϥϫⲱ ⲙⲙⲟⲥ ⲛⲱⲟⲩ ϫⲉ ⲟⲩⲱϣⲧ ⲙⲫⲁⲓ ⲛⲱⲧⲉⲛ ϫⲉ ⲟⲩⲁⲅⲅⲉⲗⲟⲥ ⲡⲉ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲟⲩⲣⲱⲙⲓ ⲁⲛ ⲡⲉ. ⲛⲁⲓ ⲇⲉ ⲉⲧⲁϥϫⲟⲧⲟⲩ ⲛϫⲉ ⲡⲉⲛⲓⲱⲧ ⲁⲃⲃⲁ ⲁⲙⲟⲓ ⲁϥⲟⲩⲱⲛ ⲛⲣⲱϥ ⲁϥϯ ⲙⲡⲓⲡⲛⲁ ϧⲉⲛ ⲟⲩϩⲉⲓⲣⲏⲛⲏ ⲛⲧⲉ ⲫ︦ϯ︦ ⲁⲙⲏⲛ ⲉϥϯ ⲱⲟⲩ ⲙⲡⲉⲛⲟ︦ⲥ︦. ### 0036 ⲉⲧⲁϥⲥⲱϫⲡ ⲇⲉ ⲙⲙⲁⲩⲁⲧϥ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁϥϣⲉ ⲛⲁϥ ⲉⲫⲙⲁ ⲙⲡⲓϣϣⲏⲛ ⲕⲁⲧⲁ ⲫⲟⲩⲁϩⲥⲁϩⲛⲓ ⲙⲡⲉϥⲓⲱⲧ ⲟⲩⲟϩ ⲁϥⲑⲁⲙⲓⲟ ⲛⲁϥ ⲛⲟⲩⲕⲟⲩϫⲓ ⲛⲥⲡⲏⲗⲁⲓⲟⲛ ⲉϥⲉⲣⲏⲥⲩⲭⲁⲍⲉⲓⲛ ⲛϧⲏⲧϥ ⲟⲩⲟϩ ⲛⲁϥⲉⲣⲉⲅⲕⲣⲁ‐ ⲧⲉⲩⲉⲥⲑⲁⲓ ⲙⲙⲁϣⲱ ⲡⲉ ⲟⲩⲟϩ ⲛⲁϥⲧⲟⲩϩⲟ ϩⲓϫⲉⲛ ⲛⲉϥⲁⲥⲕⲏⲥⲓⲥ ⲛⲉⲙ ⲛⲉϥ‐ ⲡⲟⲗⲓⲧⲉⲓⲁ (-ⲗ︦ⲑ︦-) ⲉⲛⲉ ⲁϥⲑⲁⲙⲓⲟ ⲛⲟⲩⲙⲁ ⲉϥϩⲏⲡ ⲛⲁϥ ⲡⲉ ⲥⲁⲡⲉⲥⲏⲧ ⲙⲡⲕⲁϩⲓ ϧⲉⲛ ⲡⲓⲥⲡⲏⲗⲁⲓⲟⲛ ⲟⲩⲟϩ ⲛⲉϣⲁϥϣⲉ ⲛⲁϥ ⲡⲉ ⲉϧϩⲏⲓ ⲉⲣⲟϥ ⲙⲁ‐ ⲗⲓⲥⲧⲁ ⲉϥⲙⲏⲛ ⲉⲫϯ ϧⲉⲛ ϩⲁⲛ ϯ ϩⲟ ⲉⲩⲟϣ ⲛⲉⲙ ϩⲁⲛ ⲡⲣⲟⲥⲉⲩⲭⲏ ⲛⲁⲑ‐ ⲙⲟⲩⲛⲕ. ⲛⲉ ⲁϥⲑⲁⲙⲓⲟ ⲇⲉ ⲛⲁϥ ⲟⲛ ⲡⲉ ⲛⲟⲩϣⲑⲏⲛ ⲉⲃⲟⲗϧⲉⲛ ⲛⲓϫⲁⲫⲁⲧ ⲛⲧⲉ ⲛⲓⲃⲉⲛⲓ ⲟⲩⲟϩ ⲛⲉϣⲁϥⲧⲏⲓⲥ ϩⲓⲱⲧϥ ⲡⲉ ⲛⲧⲉϥϣⲉ ⲛⲁϥ ⲉϧⲣⲏⲓ ⲉⲙⲁⲩ ϩⲱⲥⲧⲉ ⲉⲃⲟⲗϩⲓⲧⲉⲛ ⲧⲉϥⲛⲓϣϯ ⲛϧⲙⲟⲙ ϩⲁⲛ ⲙⲏϣ ⲛⲥⲟⲡ ⲛⲉϣⲁϥⲉⲣ ϯⲉⲃ‐ ⲇⲟⲙⲁⲥ ⲧⲏⲣⲥ ⲉϧⲣⲏⲓ ⲉⲣⲟϥ ⲛⲁⲑⲟⲩⲱⲙ ⲟⲩⲟϩ ⲛⲁⲧⲥⲱ ⲉⲩⲉⲣⲑⲁⲗⲡⲉⲓⲛ ⲙⲙⲟϥ ϩⲓⲧⲉⲛ ϯⲡⲣⲟⲛⲟⲓⲁ ⲛⲧⲉ ⲫϯ. ⲟⲩⲟϩ ⲉϣⲱⲡ ⲁϥϣⲁⲛⲓ ⲉⲡϣⲱⲓ ⲉⲃⲟⲗ‐ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲛⲉϣⲁⲩⲛⲁⲩ ⲉⲣⲟϥ ⲡⲉ ⲛϫⲉ ⲛⲓⲥⲛⲏⲟⲩ ⲙⲫⲣⲏϯ ⲛⲟⲩϣⲉ ⲉϥⲗⲟⲃϣ ϧⲉⲛ ⲟⲩⲭⲣⲱⲙ ϩⲱⲥⲧⲉ ⲉⲃⲟⲗϩⲓⲧⲉⲛ ⲡⲓⲕⲏⲣⲩⲅⲙⲁ ⲛϯ‐ ⲙⲉⲧⲉⲩⲥⲉⲃⲏⲥ ⲛⲧⲉ ⲟⲩⲙⲏϣ ⲑⲱⲟⲩϯ ⲉⲣⲟϥ ⲉⲩⲭⲟϩ ⲉⲧⲉϥⲁⲛⲁⲥⲧⲣⲟⲫⲏ ⲛⲁⲅ‐ ⲅⲉⲗⲓⲕⲏ ⲛⲧⲁⲩϣⲱⲡⲓ ϩⲱⲟⲩ ϧⲁⲧⲟⲧϥ ⲛⲉⲙ ⲡⲉϥⲕⲱϯ ⲉϥϣⲟⲡ ⲛⲱⲟⲩ ⲧⲏⲣⲟⲩ ⲛⲥⲕⲟⲡⲟⲥ ⲛⲟⲩϫⲁⲓ ⲛⲉⲙ ⲧⲩⲡⲟⲥ ⲛⲧⲉ ϯⲙⲉⲑⲙⲏⲓ ⲉϥϩⲟⲗϫ ⲛⲧⲟⲧⲟⲩ ⲧⲏⲣⲟⲩ ### 0037 ϧⲉⲛ ⲟⲩⲁⲅⲁⲡⲏ ⲛⲉⲙ ⲟⲩϩⲉⲓⲣⲏⲛⲏ ⲟⲩⲟϩ ⲉϥⲧⲟⲩⲃⲏⲟⲩⲧ ⲉϧⲟⲩⲛ ⲉⲟⲩⲟⲛ ⲛⲓⲃⲉⲛ ϧⲉⲛ ⲟⲩⲙⲉⲧⲣⲉⲙ ⲣⲁⲩϣ ⲉϥϣⲟⲡ ⲛⲛⲟⲙϯ ⲛⲛⲏ ⲉⲑⲛⲁⲩ ⲛⲉⲙ ⲛⲏ ⲉⲧⲥⲱⲧⲉⲙ ⲛⲏ ⲉⲑⲟⲩⲏⲟⲩ ⲛⲉⲙ ⲛⲏ ⲉⲧϧⲉⲛⲧ ϩⲱⲥⲧⲉ ⲡⲓⲙⲁ ⲛϣⲁϥⲉ ⲛⲧⲉϥ‐ ϣⲱⲡⲓ ⲛⲟⲩⲃⲁⲕⲓ ⲛⲧⲉ ⲡⲭ︦ⲥ︦ ⲟⲩⲟϩ ⲡⲓⲕⲁϩⲓ ⲛⲁⲧⲟⲩⲧⲁϩ (-ⲙ︦-) ⲛⲧⲉϥϣⲱⲡⲓ ⲛⲣⲉϥϯ ⲟⲩⲧⲁϩ ϧⲉⲛ ⲣ ⲛⲉⲙ ⲝ ⲛⲉⲙ ⲗ ⲉⲟⲩⲱⲟⲩ ⲛϯⲧⲣⲓⲁⲥ ⲉⲑⲟⲩⲁⲃ. ⲉⲧⲁⲩⲁϣⲁⲓ ⲇⲉ ⲛϫⲉ ⲛⲓⲥⲛⲏⲟⲩ ϧⲁⲧⲟⲧϥ ⲙⲡⲉⲛⲓⲱⲧ ⲛⲁϥⲉⲣ ⲭⲣⲉⲓⲁ ⲡⲉ ⲛⲟⲩⲙⲟⲩⲙⲓ ⲙⲙⲱⲟⲩ ϧⲁⲧⲟⲧⲟⲩ ⲉⲑⲃⲉ ϫⲉ ⲁϥⲛⲁⲩ ⲉⲣⲱⲟⲩ ⲉⲩϧⲟⲥⲓ ⲡⲉ ⲉⲩϩⲏⲗ ϩⲓ ⲫⲟⲩⲉⲓ ⲉⲩⲙⲁϩ ⲙⲱⲟⲩ. ⲡⲉⲛⲓⲱⲧ ⲇⲉ ⲉⲑⲟⲩⲁⲃ ϩⲱⲥ ⲉⲩⲕⲓⲙ ⲉⲣⲟϥ ⲉⲃⲟⲗϩⲓⲧⲉⲛ ⲫϯ ⲁϥⲑⲟⲩⲉⲧ ⲛⲓⲥⲛⲏⲟⲩ ⲧⲏⲣⲟⲩ ⲉⲑⲣⲟⲩϣⲉⲕ ⲟⲩϣⲱϯ ⲛⲱⲟⲩ. ⲉⲧⲁⲩⲉⲣ ⲉ̄ ⲇⲉ ⲛⲉϩⲟⲟⲩ ⲉⲩϣⲱⲕⲓ ⲁϥϣⲉ ⲛⲁϥ ⲇⲉ ⲉϧⲣⲏⲓ ⲉϯϣⲱϯ ⲛϫⲉ ⲡⲉⲛⲓⲱⲧ ⲁϥⲉⲣ ⲡⲓⲉϫⲱⲣϩ ⲧⲏⲣϥ ⲉϥϣⲗⲏⲗ ⲓⲥϫⲉⲛ ⲣⲟⲩϩⲓ ϣⲁ ϣⲱⲣⲡ ⲉϩⲣⲏⲓ ϩⲁ ⲡⲟⲥ ⲁⲥϥⲱϫⲓ ⲉⲡϣⲱⲓ ⲛϫⲉ ⲟⲩⲙⲟⲩⲙⲓ ⲙⲙⲱⲟⲩ ⲉϥϩⲟⲗϫ ⲟⲩⲟϩ ⲉⲛⲁ‐ ⲛⲉϥ ⲉⲡⲥⲟϥ. ⲟⲩⲟϩ ⲡⲁⲓϩⲙⲟⲧ ⲫⲁⲓ ⲁ ⲫϯ ⲉⲣⲭⲁⲣⲓⲍⲉⲥⲑⲁⲓ ⲙⲙⲟϥ ⲙⲡⲉⲛ‐ ⲓⲱⲧ ⲛⲉⲙ ⲡⲉϥⲧⲟⲡⲟⲥ ⲧⲏⲣϥ ⲡⲁⲣⲁ ⲡⲕⲉⲥⲉⲡⲓ ⲛⲛⲓⲙⲱⲓⲧ ⲉⲧϧⲉⲛ ⲛⲓϣⲁϥⲉⲩ ⲉⲟⲩⲙⲉⲧⲙⲉⲑⲣⲉ ⲉⲥⲉⲛϩⲟⲧ ⲙⲁⲗⲓⲥⲧⲁ ϧⲉⲛ ⲡⲁⲓⲭⲉⲧ ⲛⲧⲉ ⲧⲁⲣⲉⲧⲏ ⲙⲡⲉⲛⲓⲱⲧ ⲛⲇⲓⲕⲁⲓⲟⲥ. ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ⲡⲉϥⲛⲓϣϯ ⲛⲥⲟⲛ ⲛⲉ ⲁϥⲉⲣ ⲙⲟⲛⲁⲭⲟⲥ ⲡⲉ ⲕⲁⲧⲁ ### 0038 ⲫⲣⲏϯ ⲉⲧⲁⲛⲉⲣ ϣⲟⲣⲡ ⲛϫⲟⲥ ⲥⲁ ⲧϩⲏ ⲟⲩⲟϩ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲛⲉ ⲁϥⲉⲣⲡⲁⲣⲁⲃⲁⲓⲛⲉⲓⲛ ⲙⲙⲟϥ ⲡⲉ ϧⲉⲛ ⲟⲩϩⲟϯ ⲛⲧⲉ ⲡⲟⲥ ⲉϥⲥⲱⲕ ⲙⲙⲟϥ ⲉϧⲟⲩⲛ ⲉⲫⲛⲁϩⲃⲉϥ ⲙⲡⲓⲑⲉⲃⲓⲟ ⲙⲙⲏⲓ ⲉⲑⲣⲉϥϭⲛⲉ ϫⲱϥ ⲛϯⲁⲣⲉⲧⲏ ⲉϥϯ ⲫⲙⲉⲩⲓ ⲛⲁϥ ⲙⲡϫⲱϫⲉⲃ ⲛⲧⲉϥⲙⲉⲧϩⲏⲕⲓ ⲉⲧϧⲉⲛ ⲡⲓⲕⲟⲥⲙⲟⲥ ⲟⲩⲟϩ ⲛⲁϥϫⲱ ⲙⲙⲟⲥ ⲛⲁϥ ⲡⲉ (-ⲙ︦ⲁ︦-) ϫⲉ ⲡⲁⲥⲟⲛ ⲁⲣⲓ ⲉⲙⲓ ϫⲉ ⲁⲛⲟⲛ ϩⲁⲛ ϩⲏⲕⲓ ⲟⲩⲟϩ ⲧⲉⲛϣⲏϣ ϧⲉⲛ ⲛⲓⲣⲱⲙⲓ ⲗⲟⲓⲡⲟⲛ ⲙⲁⲣⲉⲛⲉⲣ ⲙⲉⲧⲁϣⲓⲣⲓ ⲉⲣⲟⲛ ϧⲉⲛ ⲫⲟⲩⲱϣ ⲙⲫ︦ϯ︦ ϧⲉⲛ ⲡⲁⲓⲕⲟⲥⲙⲟⲥ ϩⲓⲛⲁ ⲛⲧⲉⲛϭⲓ ⲧⲁⲓⲟ ⲛⲁϩⲣⲉⲛ ⲡⲟ︦ⲥ︦ ⲟⲩⲟϩ ⲛⲧⲟⲩϯ ⲱⲟⲩ ⲛⲁⲛ ⲛϫⲉ ⲛⲏ ⲉⲑⲟⲩⲁⲃ ⲧⲏⲣⲟⲩ ⲛⲧⲁϥ. ϧⲉⲛ ⲛⲁⲓ ⲙⲉⲛ ⲛⲉⲙ ⲛⲏ ⲉⲧⲟⲛⲓ ⲙⲙⲱⲟⲩ ⲁϥϣⲱⲡⲓ ⲛⲟⲩⲥⲟⲧⲡ ⲙⲙⲟⲛⲁⲭⲟⲥ ⲛϫⲉ ⲡⲉϥⲥⲟⲛ ⲉϥϯ ⲛⲧⲟⲧϥ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ϧⲉⲛ ⲧⲉⲣⲅⲁⲥⲓⲁ ⲙⲡⲓⲁⲅⲁⲑⲟⲛ. ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲛⲁϥⲉⲣⲕⲟⲥⲙⲉⲓⲛ ⲡⲉ ϧⲉⲛ ⲛⲓⲁⲣⲉⲧⲏ ⲧⲏⲣⲟⲩ ⲙⲁⲗⲓⲥⲧⲁ ⲇⲉ ⲛϩⲟⲩⲟ ⲛⲁⲣⲉ ⲧⲁⲓⲅ̄ ⲛϩⲟϯ ⲭⲏ ⲛⲉⲙⲁϥ ⲡⲉ ⲛⲛⲁⲩ ⲛⲓⲃⲉⲛ ϯϩⲟϯ ⲛⲧⲉ ⲡⲓⲛⲁⲩ ⲛⲓ ⲉⲃⲟⲗϧⲉⲛ ⲥⲱⲙⲁ ⲛⲉⲙ ϯϩⲟϯ ⲛⲧⲉ ⲡⲓϫⲓ ⲛⲉⲣⲁⲡⲁⲛⲧⲁⲛ ⲉⲫ︦ϯ︦ ⲛⲉⲙ ϯϩⲟϯ ⲛⲧⲉ ⲡⲓⲉϩⲟⲟⲩ ⲛⲧⲉ ⲡϩⲁⲡ ⲟⲩⲟϩ ⲁϥϣⲁⲛⲉⲣ ⲫⲙⲉⲩⲓ ⲛⲁϥⲫⲏⲧ ⲡⲉ ⲉϧⲟⲩⲛ ϧⲉⲛ ⲡⲓϣⲁϥⲉ. ⲡⲉϥⲥⲟⲛ ⲇⲉ ⲛⲁϥⲛⲏⲟⲩ ⲡⲉ ⲉⲃⲟⲗ ⲉϥⲕⲱϯ ⲛⲥⲱϥ ⲟⲩⲟϩ ⲁϥϣⲁⲛϫⲉⲙϥ ⲛⲁϥϫⲱ ⲙⲙⲟⲥ ⲛⲁϥ ⲡⲉ ϫⲉ ⲉⲑⲃⲉ ⲟⲩ ⲡⲁⲥⲟⲛ ⲕϯ ϧⲓⲥⲓ ⲛⲁⲕ ⲛⲧⲁⲓϧⲉ ⲧⲏⲣⲥ. ⲁⲛ ⲡⲉⲕϩⲏⲧ ⲑⲏⲧ ⲛⲑⲟϥ ⲁⲛ ϫⲉ ⲁⲕϣⲁⲛϩⲉⲙⲥⲓ ### 0039 ϧⲉⲛ ϯⲣⲓ ⲭⲛⲁϫⲉⲙ ⲫ︦ϯ︦. ⲁϥⲉⲣ ⲟⲩⲱ ⲛϫⲉ ⲁⲃⲃⲁ ⲓⲱⲁⲛⲛⲏⲥ ⲡⲉϫⲁϥ ⲛⲁϥ ϫⲉ ⲥⲉ ϯⲛⲁϩϯ ϫⲉ ⲫ︦ϯ︦ ϧⲉⲛ ⲙⲁⲓ ⲛⲓⲃⲉⲛ ⲁⲗⲗⲁ ⲉⲓⲟⲩⲱϣ ⲉϭⲓ ϧⲓⲥⲓ ⲛϩⲟⲩⲟ ϩⲓⲛⲁ ⲛⲧⲉ ⲫ︦ϯ︦ ⲛⲁⲩ ⲉⲡⲁⲅⲱⲛ ⲙⲡⲁⲧϩⲉⲙⲕⲟ ⲛⲧⲉϥⲁⲓⲧ ⲛⲁⲧⲕⲓⲛⲇⲩⲛⲟⲥ ϧⲉⲛ ⲡⲉϩⲟⲟⲩ ⲛⲧⲉ ⲡⲓϩⲁⲡ (-ⲙ︦ⲃ︦-) ⲟⲩⲟϩ ⲁⲧϭⲛⲉ ϣⲑⲟⲣⲧⲉⲣ ⲛⲧⲉ ⲑⲗⲱⲓϫⲓ ⲛϯⲕⲁ‐ ⲕⲓⲁ ⲛⲧⲁⲉⲣ ⲡⲉⲙⲡϣⲁ ϩⲱ ⲛⲉⲣⲑⲉⲱⲣⲉⲓⲛ ⲙⲡⲱⲟⲩ ⲙⲫ︦ϯ︦ ⲛⲉⲙ ⲛⲏ ⲉⲑⲟⲩⲁⲃ ⲛⲧⲁϥ. ⲡⲉⲛⲡⲁⲛⲁⲅⲓⲟⲥ ⲇⲉ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲉϥⲃⲉⲣⲃⲉⲣ ϧⲉⲛ ⲡⲓⲭⲣⲱⲙ ⲙⲡⲓⲡⲛ︦ⲁ︦ ⲉⲑⲟⲩⲁⲃ ⲉⲛⲁϥⲉⲣⲥⲡⲟⲩⲇⲁⲍⲉⲓⲛ ⲡⲉ ⲛⲥⲏⲟⲩ ⲛⲓⲃⲉⲛ ⲉⲧⲉⲛⲑⲱⲛϥ ⲉⲧⲁⲛⲁⲥⲧⲣⲟⲫⲏ ⲛⲛⲓⲇⲩⲛⲁⲙⲓⲥ ⲉⲧϧⲉⲛ ⲡϭⲓⲥⲓ. ⲡⲉϫⲁϥ ⲙⲡⲉϥⲛⲓϣϯ ⲛⲥⲟⲛ ⲛⲟⲩⲉϩⲟⲟⲩ ϧⲉⲛ ⲟⲩⲭⲟϩ ⲙⲙⲉⲧⲙⲁⲓ ⲛⲟⲩϯ ϫⲉ ⲛⲁⲓⲟⲩⲱϣ ϩⲱ ⲡⲁⲥⲟⲛ ⲉⲉⲣ ⲁⲧⲣⲱⲟⲩϣ ⲟⲩⲟϩ ⲛⲧⲁϣⲱⲡⲓ ⲉⲓϣⲉⲙϣⲓ ⲙⲫ︦ϯ︦ ⲙⲫⲣⲏϯ ⲛⲛⲓⲁⲅⲅⲉⲗⲟⲥ ⲁⲧϭⲛⲉ ⲙⲟⲩⲛⲕ ⲉⲩⲙⲏⲛ ⲉⲡⲱⲟⲩ ⲛⲧⲉϥⲙⲉⲧⲥⲁⲓⲉ ⲛⲉⲙ ⲫⲟⲩⲱⲓⲛⲓ ⲙⲡⲉϥⲱⲛϧ. ⲟⲩⲟϩ ⲁϥⲃⲁϣϥ ⲛⲛⲉϥϩⲃⲱⲥ ⲁϥϣⲉ ⲛⲁϥ ⲉⲃⲟⲗ ⲉⲡϣⲁϥⲉ. ⲉⲧⲁϥⲉⲣ ⲟⲩⲉⲃⲇⲟ‐ ⲙⲁⲥ ⲇⲉ ⲛⲉϩⲟⲟⲩ ⲛⲁⲧⲟⲩⲱⲙ ⲟⲩⲟϩ ⲛⲁⲧⲥⲱ ⲁϥⲧⲁⲥⲑⲟϥ ⲟⲛ ϩⲁ ⲡⲉϥⲥⲟⲛ ⲙⲁⲗⲓⲥⲧⲁ ϧⲉⲛ ⲟⲩⲥⲩⲅⲭⲱⲣⲏⲥⲓⲥ ⲛⲧⲉ ⲫ︦ϯ︦ ⲉⲡⲟⲩϫⲁⲓ ⲛϩⲁⲛ ⲯⲩⲭⲏ ⲉϥⲟⲡⲧ ⲛⲕⲁⲣⲡⲟⲥ ⲛⲧⲉ ⲡⲓⲑⲉⲃⲓⲟ ϧⲉⲛ ⲟⲩⲙⲉⲧⲁⲛⲟⲓⲁ ⲙⲙⲏⲓ. ⲉⲧⲁϥⲕⲱⲗϩ ⲇⲉ ⲉⲫⲣⲟ ⲙⲡⲉϥⲛⲓϣϯ ⲛⲥⲟⲛ ⲙⲡⲉϥⲟⲩⲱⲛ ⲛⲁϥ ⲉϥϫⲱ ⲙⲙⲟⲥ ⲛⲁϥ ϫⲉ ⲛⲑⲟⲕ ⲛⲓⲙ. ### 0040 ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ⲁⲛⲟⲕ ⲓⲱⲁⲛⲛⲏⲥ. ⲟⲩⲟϩ ⲡⲉϫⲉ ⲡⲉϥⲥⲟⲛ ϫⲉ ⲛⲑⲟⲕ ⲓⲱⲁⲛⲛⲏⲥ ⲁ ⲓⲱⲁⲛⲛⲏⲥ ⲉⲣ ⲁⲅⲅⲉⲗⲟⲥ ϥⲭⲏ ⲁⲛ ϫⲉ ⲛⲉⲙ ⲛⲓⲣⲱⲙⲓ. ⲟⲩⲟϩ ⲙⲡⲉϥⲁⲟⲩⲱⲛ ⲛⲁϥ ⲁⲗⲗⲁ ⲁϥⲭⲁϥ ϩⲓⲣⲉⲛ ⲡⲓⲣⲟ ⲓⲥϫⲉⲛ ⲣⲟⲩϩⲓ ϣⲁ ϣⲱⲣⲡ. ⲉⲧⲁ ϣⲱⲣⲡ ⲇⲉ ϣⲱⲡⲓ ⲁϥⲁⲟⲩⲱⲛ ⲙⲡⲓⲣⲟ (-ⲙ︦ⲅ︦-) ⲛⲧⲉ ⲡⲓⲙⲁ ⲛϣⲱⲡⲓ ⲟⲩⲟϩ ⲡⲉϫⲁϥ ⲛⲁϥ ϫⲉ ⲓⲱⲁⲛⲛⲏⲥ ⲁⲣⲓ ⲉⲙⲓ ϫⲉ ⲛⲑⲟⲕ ⲟⲩⲣⲱⲙⲓ ⲟⲩⲟϩ ⲉⲧⲓ ⲓⲥ ⲕⲭⲏ ϩⲱⲕ ϧⲉⲛ ϯⲥⲁⲣⲝ ⲥⲉⲣ ⲭⲣⲉⲓⲁ ⲛⲧⲉⲕⲉⲣ ϩⲱⲃ ϩⲓⲛⲁ ⲛⲧⲉⲕϣⲁⲛⲟⲩϣⲕ ⲧⲁⲓ- ⲉⲣⲅⲁⲥⲓⲁ ⲑⲁⲓ ⲥⲏⲡ ⲉⲛⲓⲁⲅⲅⲉⲗⲟⲥ. ⲟⲩⲟϩ ⲁϥϯ ⲙⲉⲧⲁⲛⲟⲓⲁ ⲛⲁϥ ⲛϫⲉ ⲁⲃⲃⲁ ⲓⲱⲁⲛⲛⲏⲥ ⲉϥϫⲱ ⲙⲙⲟⲥ ϫⲉ ⲭⲱ ⲛⲏⲓ ⲉⲃⲟⲗ. ϩⲓⲧⲉⲛ ⲛⲁⲓⲛⲓϣϯ ⲅⲁⲣ ⲛⲁⲣⲉⲧⲏ ⲛⲧⲁϥ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁϥϣⲱⲡⲓ ⲛⲟⲩⲛⲓϣϯ ⲛⲓⲥⲣⲁⲏⲗⲓⲧⲏⲥ ⲛⲧⲉ ⲡⲭ︦ⲥ︦ ⲓ︦ⲥ︦. ϩⲱⲥ ⲇⲉ ⲉϥϩⲉⲙⲥⲓ ⲛⲟⲩⲉϩⲟⲟⲩ ϧⲉⲛ ⲧⲉϥⲣⲓ ⲁⲩⲓ ⲛϫⲉ ϩⲁⲛ ⲟⲩⲟⲛ ⲁⲩϫⲱⲗ ⲛⲛⲓⲥⲕⲉⲩⲟⲥ ⲧⲏⲣⲟⲩ ⲉⲧϧⲉⲛ ⲡⲓⲙⲁ ⲛϣⲱⲡⲓ ⲟⲩⲟϩ ⲁⲩⲁⲓⲧⲟⲩ ⲛⲟⲩⲙⲏⲓⲣⲓ ⲉϥϩⲉⲙⲥⲓ ⲛϫⲉ ⲁⲃⲃⲁ ⲓⲱⲁⲛⲛⲏⲥ ⲙⲡⲉϥⲥⲁϫⲓ ⲁⲗⲗⲁ ⲡⲉϫⲱⲟⲩ ⲛⲁϥ ⲟⲛ ⲛϫⲉ ⲛⲏ ⲉⲧⲉⲙⲙⲁⲩ ϫⲉ ⲧⲱⲛⲕ ⲧⲱⲟⲩⲛ ⲛⲁⲛ. ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ⲁϥⲧⲱⲛϥ ⲁϥⲧⲱⲟⲩⲛ ⲉϫⲱⲟⲩ ⲟⲩⲟϩ ⲉⲧⲁϥⲧⲫⲱⲟⲩ ⲉⲃⲟⲗ ⲁϥϩⲉⲙⲥⲓ. ⲉⲧⲁϥⲓ ⲉϧⲟⲩⲛ ⲛϫⲉ ⲡⲉϥⲥⲟⲛ ⲡⲉϫⲁϥ ϫⲉ ⲁⲩⲑⲱⲛ ⲛⲓⲥⲕⲉⲩⲟⲥ. ⲟⲩⲟϩ ⲡⲉϫⲉ ⲁⲃⲃⲁ ⲓⲱⲁⲛⲛⲏⲥ ϯⲉⲙⲓ ⲁⲛ. ### 0041 ⲟⲩⲟϩ ⲡⲉϫⲉ ⲡⲉϥⲥⲟⲛ ⲛⲁϥ ϫⲉ ⲙⲁⲧⲁⲙⲟⲓ ⲉⲛⲓⲥⲕⲉⲩⲟⲥ ϫⲉ ϯⲉⲙⲓ ⲁⲛ. ⲛⲑⲟϥ ⲇⲉ ⲁⲃⲃⲁ ⲓⲱⲁⲛⲛⲏⲥ ⲁϥϯ ⲙⲉⲧⲁⲛⲟⲓⲁ ⲛⲁϥ ⲉϥϫⲱ ⲙⲙⲟⲥ ⲛⲁϥ ϫⲉ ⲡⲁⲥⲟⲛ ⲭⲱ ⲛⲏⲓ ⲉⲃⲟⲗ ϯϯ ϩⲟ ⲉⲣⲟⲕ ⲭⲁⲥ ϧⲉⲛ ⲡⲉⲕϩⲏⲧ ϫⲉ ⲓⲥ ⲅ̄ϯ ⲛⲣⲟⲙⲡⲓ ⲓⲥϫⲉⲛ ⲉⲧⲁⲕϩⲓⲧⲧ ⲉϧⲟⲩⲛ ⲉⲡⲓⲙϩⲁⲩ. ⲛⲁϥϫⲱ ⲙⲙⲟⲥ ⲡⲉ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ (-ⲙ︦ⲇ︦-) ϫⲉ ⲅ̄ ⲙⲡⲟⲗⲉⲙⲟⲥ ⲉⲧϯ ⲛⲉⲙ ⲡⲓⲣⲱⲙⲓ ⲛⲉⲙ ϯⲡⲟⲣⲛⲉⲓⲁ ⲛⲉⲙ ⲡⲓⲁⲣⲏⲟⲩ ⲉϭⲟϩ ⲉⲣⲟϥ ⲛⲉⲙ ⲡⲓⲉⲗ ⲫϯ ⲛⲧⲟⲧⲕ. ⲉϣⲱⲡ ⲇⲉ ⲛⲧⲉϥⲁⲣⲉϩ ⲉⲣⲟϥ ⲉⲃⲟⲗϩⲁ ⲡⲉϥⲥⲟⲛ ϣⲁⲣⲉ ⲛⲓⲕⲉⲭⲱⲟⲩⲛⲓ ⲉⲣ ⲣⲉⲙϩⲉ ⲛⲁϥ ⲉϣⲱⲡ ⲇⲉ ⲛⲧⲉϥϭⲓ ⲛⲉⲙ ⲡⲓⲁⲣⲏⲟⲩ ϣⲁⲣⲉ ⲛⲓⲡⲁⲑⲟⲥ ⲧⲏⲣⲟⲩ ⲉⲣ ⲟⲥ ⲉⲧⲉϥⲯⲩⲭⲏ ⲗⲟⲓⲡⲟⲛ ⲧⲥⲉⲛϯ ⲙⲡⲉⲛⲏⲓ ⲡⲉ ⲡⲉⲛⲥⲟⲛ ⲡⲉϫⲁϥ ⲁⲓϣⲁⲛⲁⲣⲉϩ ⲅⲁⲣ ⲉϯⲥⲉⲛϯ ⲧⲉⲛⲛⲁⲕⲱⲧ ⲙⲡⲉ‐ ⲛⲏⲓ ⲟⲩⲟϩ ϣⲁⲧⲉⲛϯ ⲛϯⲥⲧⲉⲫⲁⲛⲏ ⲉⲡⲉϥⲗⲱⲃϣ. ⲉⲑⲃⲉ ⲫⲁⲓ ⲛⲁϥⲑⲉⲗⲏⲗ ⲙⲙⲟϥ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁⲣⲉϣⲁⲛ ⲟⲩⲁⲓ ϫⲫⲓⲟϥ ⲓⲉ ⲛⲧⲉϥ‐ ϣⲟϣϥ ⲉⲛⲁϥϭⲟϫⲓ ⲉϧⲟⲩⲛ ⲉⲣⲟϥ ⲛϩⲟⲩⲟ ⲉϥϫⲱ ⲙⲙⲟⲥ ϫⲉ ϯⲙⲉⲧⲣⲉϥϥⲁⲓ ϧⲁ ⲛⲓϣⲱϣ ϧⲉⲛ ⲟⲩⲉⲙⲓ ⲛⲑⲟϥ ⲉⲧⲧⲟⲩⲃⲟ ⲙⲡⲓϩⲏⲧ ⲉⲧϫⲓⲙⲓ ⲙⲡⲓⲑⲉⲃⲓⲟ ⲙⲙⲏⲓ ϣⲁⲧⲉ ϯⲯⲩⲭⲏ ϭⲓ ⲙⲁⲓⲏ ϧⲉⲛ ⲫϯ ⲛⲓϣⲟⲩϣⲟⲩ ⲇⲉ ⲛⲑⲱⲟⲩ ⲛⲉⲙ ⲛⲓⲧⲁⲓⲟ ⲛⲧⲉ ⲡⲁⲓⲕⲟⲥⲙⲟⲥ ϩⲁⲛ ϣⲟⲣϣⲉⲣ ⲛⲧⲉ ϯⲁⲣⲉⲧⲏ ⲛⲉ. ⲉⲑⲃⲉ ⲡⲉϥⲛⲓϣϯ ⲛⲑⲉⲃⲓⲟ ⲇⲉ ⲛⲉⲙ ⲧⲉϥⲙⲉⲧϣⲫⲓⲏϯ ⲙⲡⲉϥϥⲁⲓ ⲛⲛⲉϥⲃⲁⲗ ⲉⲡϣⲱⲓ ⲉⲛⲉϩ ⲉⲛⲁⲩ ⲉⲡϩⲟ ⲛϩⲗⲓ ⲛⲣⲱⲙⲓ. ### 0042 ⲛⲁⲩϫⲱ ⲙⲙⲟⲥ ⲉⲑⲃⲏⲧϥ ⲟⲛ ⲡⲉ ϫⲉ ϩⲗⲓ ⲛϩⲱⲃ ⲉⲧⲉϥⲛⲁϣⲱϥⲧ ⲛϧⲏⲧϥ ⲛⲟⲩⲥⲟⲡ ⲉⲓⲧⲉ ⲟⲩϩⲱⲃ ⲉⲓⲧⲉ ⲟⲩⲥⲁϫⲓ ⲙⲡⲁϥ ϫⲉ ⲟⲩⲁϩ ⲧⲟⲧϥ ⲇⲉ ⲉϩⲉⲓ ⲛϧⲏⲧϥ ⲛⲕⲉⲥⲟⲡ ⲟⲩⲟϩ ⲁϥϣⲁⲛⲛⲁⲩ ⲓⲉ ⲛⲧⲉϥⲥⲱⲧⲉⲙ ⲉⲑⲃⲉ ⲡⲟⲩⲁⲓ ϫⲉ ⲁϥϩⲉⲓ ϧⲉⲛ ⲟⲩ‐ ⲛⲟⲃⲓ ϣⲁϥⲣⲓⲙⲓ ⲟⲩⲟϩ ⲛⲧⲉϥϥⲓ ⲁϩⲟⲙ (-ⲙ︦ⲉ︦-) ϩⲛ ⲟⲩⲙⲕⲁϩ ⲛϩⲏⲧ ⲉϥϫⲱ ⲙⲙⲟⲥ ϫⲉ ⲫⲁⲓ ⲙⲫⲟⲟⲩ ⲡⲉ ⲁⲛⲟⲕ ϩⲱ ⲡⲉ ⲛⲣⲁⲥϯ ⲟⲩⲟϩ ⲛⲁϥϯ ϩⲟ ⲉⲡⲟⲥ ⲡⲉ ⲉϩⲣⲏⲓ ⲉϫⲱϥ ⲟⲩⲟϩ ⲛⲁϥⲓⲣⲓ ⲙⲫⲁⲓ ⲡⲉ ⲛⲥⲏⲟⲩ ⲛⲓⲃⲉⲛ. ϩⲁⲛ ⲥⲛⲏⲟⲩ ⲁⲩϣⲉⲛ ⲡⲉ‐ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲉⲩϫⲱ ⲙⲙⲟⲥ ⲛⲁϥ ϫⲉ ⲡⲉⲛⲓⲱⲧ ⲛⲁⲛⲉⲥ ⲉϫⲉ ⲟⲩⲙⲏϣ ⲙⲯⲁⲗⲙⲟⲥ. ⲡⲉϫⲁϥ ⲛⲱⲟⲩ ϫⲉ ⲉⲣⲉ ⲑⲙⲉⲧⲣⲁⲙⲁⲟ ⲙⲡⲓⲡⲛ︦ⲁ︦ ⲛⲧⲉ ⲫ︦ϯ︦ ϣⲟⲡ ϧⲉⲛ ϯⲯⲩⲭⲏ ϩⲓⲧⲉⲛ ⲡⲓϫⲓ ⲛⲁⲣⲉϩ ⲉⲡⲓⲛⲟⲩⲥ ⲉⲓⲧⲉ ⲫⲏ ⲉⲧⲓⲣⲓ ⲛⲟⲩⲕⲟⲩϫⲓ ⲉⲓⲧⲉ ⲫⲏ ⲉⲧⲓⲣⲓ ⲛⲟⲩⲛⲓϣϯ ⲙⲁⲗⲓⲥⲧⲁ ϩⲱⲃ ⲛⲓⲃⲉⲛ ⲉⲧⲉ ⲡⲓⲙⲟ‐ ⲛⲁⲭⲟⲥ ⲛⲁⲁⲓϥ ⲉϣⲱⲡ ⲡⲓⲑⲉⲃⲓⲟ ⲙⲟϣⲓ ⲛⲉⲙⲱⲟⲩ ⲁⲛ ⲛⲉⲙ ⲡⲓⲁⲣⲉϩ ⲥⲉϣⲏⲡ ⲁⲛ ⲙⲡⲉⲙⲑⲟ ⲙⲡⲟ︦ⲥ︦. ⲁⲥϣⲱⲡⲓ ⲇⲉ ⲟⲛ ⲛⲟⲩⲉϩⲟⲟⲩ ⲉⲑⲣⲉϥϩⲱⲗ ⲉⲭⲏⲙⲓ ⲉϯ ⲛϩⲁⲛ ⲃⲓⲣ ⲉⲃⲟⲗ ⲉⲛⲁϥⲉⲣ ϩⲱⲃ ⲅⲁⲣ ⲉϯⲛⲉⲃϯ ⲡⲉ. ⲉϥⲙⲟϣⲓ ⲇⲉ ϧⲉⲛ ⲡϣⲁϥⲉ ⲉⲣⲉ ⲛⲓⲃⲓⲣ ⲧⲁⲗⲏⲟⲩⲧ ⲉⲣⲟϥ ⲁϥⲉⲣⲁⲡⲁⲛⲧⲁⲛ ⲉⲟⲩⲙⲁⲛ ϫⲁⲙⲟⲩⲗ ϩⲓ ⲡⲓⲙⲱⲓⲧ ⲛⲉⲙ ⲛⲓⲧⲉⲃⲛⲱⲟⲩⲓ. ⲡⲓⲙⲁⲛ ϫⲁⲙⲟⲩⲗ ⲇⲉ ⲡⲉϫⲁϥ ⲙⲡⲉⲛⲓⲱⲧ ϫⲉ ⲙⲁ ⲛⲁⲓⲃⲓⲣ ⲛⲏⲓ ⲛⲧⲁⲧⲁⲗⲏⲟⲩⲧ ⲛⲁⲕ ⲡⲁⲓⲱⲧ ϫⲉ ϯⲛⲁⲩ ⲉⲣⲟⲕ ϫⲉ ⲁⲕϧⲓⲥⲓ. ⲡⲉⲛⲓⲱⲧ ⲇⲉ ### 0043 ⲁϥⲧⲏⲓⲧⲟⲩ ⲙⲡⲓⲣⲱⲙⲓ ⲟⲩⲟϩ ⲉⲧⲁϥⲧⲁⲗⲱⲟⲩ ⲁϥⲙⲟϣⲓ. ⲡⲓⲙⲁⲛ ϫⲁⲙⲟⲩⲗ ⲇⲉ ⲉⲧⲁϥⲉⲣ ϩⲏⲧⲥ ⲛϫⲱ ⲛϩⲁⲛ ⲥⲁϫⲓ ⲛϣⲗⲟϥ ⲛⲉⲙ ϩⲁⲛ ϫⲱ ⲉⲩⲃⲏⲗ ⲉⲃⲟⲗ ⲛⲧⲉ ⲡⲓⲕⲟⲥⲙⲟⲥ ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲁϥⲛⲁⲩ ⲉⲟⲩⲑⲱⲟⲩⲧⲥ ⲛⲇⲁⲓ‐ ⲙⲱⲛ ⲙⲡⲕⲱϯ ⲙⲡⲓⲣⲱⲙⲓ (-ⲙ︦ⲋ︦-) ⲟⲩⲟϩ ⲥⲁⲧⲟⲧϥ ⲁϥⲉⲣⲁⲡⲟⲧⲁⲍⲉⲥⲑⲁⲓ ⲛⲛⲓⲕⲉⲃⲓⲣ ⲟⲩⲟϩ ⲁϥⲧⲁⲥⲑⲟϥ ⲟⲛ ⲉⲧⲉϥⲣⲓ ⲛϫⲉ ⲡⲉⲛⲓⲱⲧ ⲉϥϫⲱ ⲙⲡⲓⲥⲁϫⲓ ⲙⲡⲓⲥⲱⲧⲏⲣ ϫⲉ ⲁⲣⲉϣⲁⲛ ⲡⲓⲣⲱⲙⲓ ϫⲉⲙ ϩⲏⲟⲩ ⲙⲡⲓⲕⲟⲥⲙⲟⲥ ⲧⲏⲣϥ ⲛⲧⲉϥϯ ⲟⲥⲓ ⲇⲉ ⲛⲧⲉϥⲯⲩⲭⲏ ⲟⲩ ⲡⲉ ⲡϩⲏⲟⲩ. ⲛⲕⲉⲥⲟⲡ ⲇⲉ ⲟⲛ ⲉⲧⲁϥϩⲱⲗ ⲉⲭⲏⲙⲓ ⲛⲉⲙ ϩⲁⲛ ⲕⲉⲃⲓⲣ ϫⲉ ⲛⲧⲉϥϫⲕⲱⲟⲩ ⲟⲩⲟϩ ⲉⲧⲁϥϩⲱⲗ ⲉⲡⲓϣⲛⲁⲩ ⲛⲉⲙ ⲛⲓⲃⲓⲣ ⲉϥϥⲁⲓ ⲙⲙⲱⲟⲩ ϩⲓ ⲧⲉϥⲛⲁϩⲃⲓ ⲛⲉⲙ ⲛⲓⲕⲉⲥⲛⲏⲟⲩ ⲉⲛⲁⲣⲉ ϩⲁⲛ ⲙⲏϣ ⲇⲉ ⲛⲟⲭⲗⲟⲥ ⲛⲣⲱⲙⲓ ⲡⲉ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲫⲟⲩⲁⲓ ⲫⲟⲩⲁⲓ ϧⲉⲛ ⲧⲉϥ‐ ⲧⲉⲭⲛⲏ ⲛⲉⲙ ⲡⲉϥⲉⲓⲇⲟⲥ. ⲟⲩⲟϩ ⲁⲩⲓ ⲛϫⲉ ϩⲁⲛ ⲟⲩⲟⲛ ⲉⲩⲟⲩⲱϣ ⲉϣⲱⲡ ⲛⲛⲓⲃⲓⲣ ⲡⲉϫⲱⲟⲩ ⲙⲡⲉⲛⲓⲱⲧ ϫⲉ ⲟⲩⲏⲣ ϧⲁ ⲛⲁⲓⲃⲓⲣ ⲱ ⲡⲁⲓⲱⲧ. ⲛⲑⲟϥ ⲇⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲛⲁϥⲟⲛϣ ⲉⲧⲫⲉ ⲡⲉ ⲛⲟⲩⲛⲓϣϯ ⲛⲛⲁⲩ. ⲉⲧⲁⲩⲕⲓⲙ ⲇⲉ ⲉⲣⲟϥ ⲛϫⲉ ⲛⲓⲥⲛⲏⲟⲩ ⲛⲁⲩϫⲱ ⲙⲙⲟⲥ ⲛⲁϥ ⲡⲉ ϫⲉ ⲡⲁⲓⲱⲧ ⲙⲁⲧⲁⲙⲟⲛ ⲉϯⲧⲓⲙⲏ ⲛⲧⲉ ⲛⲓⲃⲓⲣ. ⲁϥⲉⲣ ⲟⲩⲱ ⲛϫⲉ ⲡⲉⲛⲓⲱⲧ ⲡⲉϫⲁϥ ⲛⲱⲟⲩ ϫⲉ ⲙⲁⲧⲁⲙⲟⲓ ⲛⲓⲥⲛⲏⲟⲩ ϫⲉ ⲁϣ ϧⲉⲛ ⲛⲓⲧⲁⲅⲙⲁ ⲛⲧⲉ ⲛⲓⲫⲏⲟⲩⲓ ⲉⲧⲟⲓ ⲛⲛⲓϣϯ ⲟⲩⲟϩ ⲉⲧⲟⲓ ⲛϣⲟⲣⲡ ϧⲁⲧⲉⲛ ⲫ︦ϯ︦ ⲛⲓⲭⲉⲣⲟⲩⲃⲓⲛ ⲛⲉ ϣⲁⲛ ⲛⲓⲥⲉⲣⲁⲫⲓⲛ ⲛⲉ. ⲛⲑⲱⲟⲩ ⲇⲉ ### 0044 ⲁϥⲧⲏⲓⲧⲟⲩ ⲙⲡⲓⲣⲱⲙⲓ ⲟⲩⲟϩ ⲉⲧⲁϥⲧⲁⲗⲱⲟⲩ ⲁϥⲙⲟϣⲓ. ⲡⲓⲙⲁⲛ ϫⲁⲙⲟⲩⲗ ⲇⲉ ⲉⲧⲁϥⲉⲣ ϩⲏⲧⲥ ⲛϫⲱ ⲛϩⲁⲛ ⲥⲁϫⲓ ⲛϣⲗⲟϥ ⲛⲉⲙ ϩⲁⲛ ϫⲱ ⲉⲩⲃⲏⲗ ⲉⲃⲟⲗ ⲛⲧⲉ ⲡⲓⲕⲟⲥⲙⲟⲥ ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲁϥⲛⲁⲩ ⲉⲟⲩⲑⲱⲟⲩⲧⲥ ⲛⲇⲁⲓ‐ ⲙⲱⲛ ⲙⲡⲕⲱϯ ⲙⲡⲓⲣⲱⲙⲓ (-ⲙⲋ-) ⲟⲩⲟϩ ⲥⲁⲧⲟⲧϥ ⲁϥⲉⲣⲁⲡⲟⲧⲁⲍⲉⲥⲑⲁⲓ ⲛⲛⲓⲕⲉⲃⲓⲣ ⲟⲩⲟϩ ⲁϥⲧⲁⲥⲑⲟϥ ⲟⲛ ⲉⲧⲉϥⲣⲓ ⲛϫⲉ ⲡⲉⲛⲓⲱⲧ ⲉϥϫⲱ ⲙⲡⲓⲥⲁϫⲓ ⲙⲡⲓⲥⲱⲧⲏⲣ ϫⲉ ⲁⲣⲉϣⲁⲛ ⲡⲓⲣⲱⲙⲓ ϫⲉⲙ ϩⲏⲟⲩ ⲙⲡⲓⲕⲟⲥⲙⲟⲥ ⲧⲏⲣϥ ⲛⲧⲉϥϯ ⲟⲥⲓ ⲇⲉ ⲛⲧⲉϥⲯⲩⲭⲏ ⲟⲩ ⲡⲉ ⲡϩⲏⲟⲩ. ⲛⲕⲉⲥⲟⲡ ⲇⲉ ⲟⲛ ⲉⲧⲁϥϩⲱⲗ ⲉⲭⲏⲙⲓ ⲛⲉⲙ ϩⲁⲛ ⲕⲉⲃⲓⲣ ϫⲉ ⲛⲧⲉϥϫⲕⲱⲟⲩ ⲟⲩⲟϩ ⲉⲧⲁϥϩⲱⲗ ⲉⲡⲓϣⲛⲁⲩ ⲛⲉⲙ ⲛⲓⲃⲓⲣ ⲉϥϥⲁⲓ ⲙⲙⲱⲟⲩ ϩⲓ ⲧⲉϥⲛⲁϩⲃⲓ ⲛⲉⲙ ⲛⲓⲕⲉⲥⲛⲏⲟⲩ ⲉⲛⲁⲣⲉ ϩⲁⲛ ⲙⲏϣ ⲇⲉ ⲛⲟⲭⲗⲟⲥ ⲛⲣⲱⲙⲓ ⲡⲉ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲫⲟⲩⲁⲓ ⲫⲟⲩⲁⲓ ϧⲉⲛ ⲧⲉϥ‐ ⲧⲉⲭⲛⲏ ⲛⲉⲙ ⲡⲉϥⲉⲓⲇⲟⲥ. ⲟⲩⲟϩ ⲁⲩⲓ ⲛϫⲉ ϩⲁⲛ ⲟⲩⲟⲛ ⲉⲩⲟⲩⲱϣ ⲉϣⲱⲡ ⲛⲛⲓⲃⲓⲣ ⲡⲉϫⲱⲟⲩ ⲙⲡⲉⲛⲓⲱⲧ ϫⲉ ⲟⲩⲏⲣ ϧⲁ ⲛⲁⲓⲃⲓⲣ ⲱ ⲡⲁⲓⲱⲧ. ⲛⲑⲟϥ ⲇⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲛⲁϥⲟⲛϣ ⲉⲧⲫⲉ ⲡⲉ ⲛⲟⲩⲛⲓϣϯ ⲛⲛⲁⲩ. ⲉⲧⲁⲩⲕⲓⲙ ⲇⲉ ⲉⲣⲟϥ ⲛϫⲉ ⲛⲓⲥⲛⲏⲟⲩ ⲛⲁⲩϫⲱ ⲙⲙⲟⲥ ⲛⲁϥ ⲡⲉ ϫⲉ ⲡⲁⲓⲱⲧ ⲙⲁⲧⲁⲙⲟⲛ ⲉϯⲧⲓⲙⲏ ⲛⲧⲉ ⲛⲓⲃⲓⲣ. ⲁϥⲉⲣ ⲟⲩⲱ ⲛϫⲉ ⲡⲉⲛⲓⲱⲧ ⲡⲉϫⲁϥ ⲛⲱⲟⲩ ϫⲉ ⲙⲁⲧⲁⲙⲟⲓ ⲛⲓⲥⲛⲏⲟⲩ ϫⲉ ⲁϣ ϧⲉⲛ ⲛⲓⲧⲁⲅⲙⲁ ⲛⲧⲉ ⲛⲓⲫⲏⲟⲩⲓ ⲉⲧⲟⲓ ⲛⲛⲓϣϯ ⲟⲩⲟϩ ⲉⲧⲟⲓ ⲛϣⲟⲣⲡ ϧⲁⲧⲉⲛ ⲫ︦ϯ︦ ⲛⲓⲭⲉⲣⲟⲩⲃⲓⲛ ⲛⲉ ϣⲁⲛ ⲛⲓⲥⲉⲣⲁⲫⲓⲛ ⲛⲉ. ⲛⲑⲱⲟⲩ ⲇⲉ ### 0045 ⲁⲩϭⲓ ϣⲫⲏⲣⲓ ⲧⲏⲣⲟⲩ ⲟⲩⲟϩ ⲛⲁⲩϫⲱ ⲙⲙⲟⲥ ⲛⲁϥ ⲡⲉϫⲉ ⲉⲣⲉ ⲡⲉⲕⲙⲉⲩⲓ ⲛⲑⲱⲛ ⲡⲉⲛⲓⲱⲧ. (-ⲙ︦ⲍ︦-) ⲡⲉⲛⲓⲱⲧ ⲇⲉ ⲡⲉϫⲁϥ ⲛⲱⲟⲩ ϫⲉ ⲥⲉϯ ⲛⲟⲙⲟⲥ ⲛⲁⲛ ϧⲉⲛ ⲛⲓⲅⲣⲁⲫⲏ ⲛⲥⲏⲟⲩ ⲛⲓⲃⲉⲛ ⲉⲑⲣⲉⲛⲕⲱϯ ⲛⲥⲁ ⲛⲁ ⲡϣⲱⲓ ⲟⲩⲟϩ ⲛⲧⲉⲛⲙⲉⲩⲓ ⲉⲛⲁ ⲛϣⲱⲓ ⲡⲓⲙⲁ ⲉⲧⲉ ⲡⲭ︦ⲥ︦ ⲙⲙⲟϥ ⲟⲩⲟϩ ⲛⲏ ⲉⲧϩⲓϫⲉⲛ ⲡⲓⲕⲁϩⲓ ⲁⲛ. ⲟⲩⲟϩ ⲛⲁⲩϯ ⲱⲟⲩ ⲙⲫ︦ϯ︦ ⲛϫⲉ ⲛⲓⲥⲛⲏⲟⲩ. ⲛⲑⲟϥ ⲇⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲛⲉⲁϥϩⲓ ⲫⲣⲱϣⲓ ⲛⲃ︦ ⲙⲃⲓⲣ ⲛⲛⲉⲃϯ ⲉⲙⲣⲱ ⲛⲟⲩⲥⲟⲡ ⲉⲑⲣⲉϥϣⲟⲗⲕⲟⲩ ⲟⲩⲟϩ ⲁϥϣⲟⲗⲕⲟⲩ ⲉⲛⲟⲩⲃⲓⲣ ⲛⲟⲩⲱⲧ ⲙⲡⲉϥⲉⲙⲓ ϣⲁⲧⲉϥϫⲫⲟ ⲉϯϫⲟⲓ ⲉⲣⲉ ⲛⲉϥ‐ ⲡⲟⲗⲓⲧⲉⲩⲙⲁ ϧⲉⲛ ⲓⲗ︦︦︦ⲏ︦ⲙ︦ ⲛⲧⲉ ⲧⲫⲉ ⲕⲁⲧⲁ ⲡⲥⲁϫⲓ ⲙⲡⲓⲁⲡⲟⲥⲧⲟⲗⲟⲥ ⲉⲑⲟⲩⲁⲃ ϫⲉ ⲧⲉⲛⲙⲉⲧⲣⲉⲙ ⲙⲃⲁⲕⲓ ⲁⲛⲟⲛ ⲁⲥϣⲟⲡ ϧⲉⲛ ⲛⲓⲫⲏⲟⲩⲓ ⲉⲃⲟⲗ ⲙⲙⲁⲩ ⲧⲉⲛϫⲟⲩϣⲧ ⲉⲃⲟⲗ ϧⲁ ⲧϩⲏ ⲙⲡⲉⲛⲟ︦ⲥ︦ ⲟⲩⲟϩ ⲡⲉⲛⲥⲱⲧⲏⲣ ⲓ︦ⲏ︦ⲥ︦ ⲛⲭ︦ⲥ︦ ⲫⲁⲓ ⲉⲑⲛⲁ‐ ϣⲓⲃϯ ⲙⲡⲥⲱⲙⲁ ⲛⲧⲉ ⲡⲉⲛⲑⲉⲃⲓⲟ ⲛϣⲫⲏⲣ ⲙⲙⲟⲣⲫⲏ ⲛⲧⲉ ⲡⲥⲱⲙⲁ ⲛⲧⲉ ⲡⲉϥⲱⲟⲩ. ⲁϥⲓ ⲛⲟⲩⲥⲟⲡ ⲛϫⲉ ⲟⲩⲥⲟⲛ ⲉⲑⲣⲓ ⲙⲡⲉⲛⲓⲱⲧ ⲉⲑⲃⲉ ϩⲁⲛ ⲃⲓⲣ. ⲉⲧⲁϥⲕⲱⲗϩ ⲇⲉ ⲉⲡⲓⲣⲟ ⲙⲟⲅⲓⲥ ⲙⲉⲛⲉⲛⲥⲁ ⲟⲩⲛⲓϣϯ ⲛⲛⲁⲩ ⲁϥⲓ ⲉⲃⲟⲗ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉⲛⲁϥⲙⲏⲛ ⲉϯⲡⲣⲟⲥⲉⲩⲭⲏ ⲡⲉ ⲟⲩⲟϩ ⲡⲉϫⲁϥ ⲙⲡⲓⲥⲟⲛ ϫⲉ ⲉⲕⲉⲣ ⲭⲣⲉⲓⲁ ⲛⲟⲩ. ⲟⲩⲟϩ ⲡⲉϫⲉ ⲡⲓⲥⲟⲛ ⲛⲁϥ ϫⲉ ⲉⲓⲉⲣ ⲭⲣⲉⲓⲁ ⲛϩⲁⲛ ⲕⲟⲩϫⲓ ⲙⲃⲓⲣ ⲡⲁⲓⲱⲧ. ⲉⲧⲁϥϩⲱⲗ ⲇⲉ ⲉϧⲟⲩⲛ ⲛϫⲉ ⲡⲉⲛⲓⲱⲧ ⲁϥⲟϩⲓ ⲟⲛ ⲉⲣⲉ ⲡⲉϥⲙⲉⲩⲓ ### 0046 ⲙⲡϣⲱⲓ. ⲡⲓⲥⲟⲛ ⲇⲉ ⲟⲛ ⲁϥⲕⲱⲗϩ ⲙⲉⲛⲉⲛⲥⲁ ⲟⲩⲛⲓϣϯ ⲛⲛⲁⲩ ⲁϥⲓ ⲉⲃⲟⲗ ⲛϫⲉ ⲡⲓϧⲉⲗⲗⲟ ⲛⲫⲙⲁϩ ⲥⲟⲡ ⲃ︦ (-ⲙ︦ⲏ︦-) ⲟⲩⲟϩ ⲡⲉϫⲁϥ ⲙⲡⲓⲥⲟⲛ ϫⲉ ϭⲓ ⲙⲱⲓⲧ ⲛⲏⲓ ϫⲉ ⲉⲕⲟⲩⲱϣ ⲟⲩ. ⲡⲉϫⲉ ⲡⲓⲥⲟⲛ ⲙⲡⲉⲛⲓⲱⲧ ϫⲉ ⲁⲓⲕⲏⲛ ⲉϫⲟⲥ ⲛⲁⲕ ⲡⲁⲓⲱⲧ ϫⲉ ⲉⲓⲉⲣ ⲭⲣⲉⲓⲁ ⲛϩⲁⲛ ⲕⲟⲩϫⲓ ⲙⲃⲓⲣ. ⲉⲧⲁϥϩⲱⲗ ⲇⲉ ⲉϧⲟⲩⲛ ⲙⲫⲙⲁϩ ⲅ̄ ⲛⲥⲟⲡ ⲛϫⲉ ⲡⲉⲛⲓⲱⲧ ⲡⲁⲗⲓⲛ ⲁⲩϩⲱⲗⲉⲙ ⲙⲡⲉϥⲛⲟⲩⲥ ⲉⲡϭⲓⲥⲓ ⲟⲛ. ⲡⲓⲥⲟⲛ ⲇⲉ ⲛⲁϥ‐ ⲙⲏⲛ ⲉⲃⲟⲗ ⲡⲉ ⲉϥⲧⲱⲃϩ. ⲉϥⲓⲣⲓ ⲇⲉ ⲙⲡⲁⲓⲣⲏϯ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ϣⲁ ⲅ̄ ⲛⲉⲙ ⲇ̄ ⲛⲥⲟⲡ ⲉⲡϧⲁⲉ ⲇⲉ ⲁϥⲓ ⲉⲃⲟⲗ ⲁϥⲁⲙⲟⲛⲓ ⲛⲧϫⲓϫ ⲙⲡⲓⲥⲟⲛ ⲛϫⲉ ⲡⲓϧⲉⲗⲗⲟ ⲁϥⲉⲛϥ ⲉϧⲟⲩⲛ ⲟⲩⲟϩ ⲁϥⲧⲁⲙⲟϥ ⲉⲛⲓⲃⲓⲣ ⲉϥϫⲱ ⲙⲙⲟⲥ ⲛⲁϥ ϫⲉ ⲓⲥϫⲉ ⲭⲟⲩⲱϣ ⲃⲓⲣ ⲓⲥ ⲃⲓⲣ ⲁⲗⲓ ⲃⲓⲣ ⲛⲁⲕ ⲁⲛⲟⲕ ⲇⲉ ϯⲥⲣⲱϥⲧ ⲁⲛ ⲉⲃⲓⲣ. ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲉⲣⲉ ⲡⲉϥϭⲓ ϣϣⲱⲟⲩ ϣⲟⲡ ϧⲉⲛ ⲛⲓⲁⲑⲛⲁⲩ ⲉⲣⲱⲟⲩ ⲛⲁϥϫⲱ ⲙⲙⲟⲥ ϩⲱϥ ⲡⲉ ⲛⲉⲙ ⲡⲓϩⲩⲙⲛⲱⲇⲟⲥ ⲇⲁⲩⲓⲇ ϫⲉ ⲟⲩⲁⲓ ⲡⲉ ⲉⲧⲁⲓⲉⲣⲁⲓⲧⲉⲓⲛ ⲙⲙⲟϥ ⲛⲧⲉⲛ ⲡⲟⲥ ⲫⲁⲓ ⲟⲛ ⲡⲉ ϯⲛⲁⲕⲱϯ ⲉⲣⲟϥ ⲉⲡϫⲓ ⲛⲧⲁϣⲱⲡⲓ ϧⲉⲛ ⲡⲏⲓ ⲙⲡⲟⲥ ⲛⲛⲓⲉϩⲟⲟⲩ ⲧⲏⲣⲟⲩ ⲛⲧⲉ ⲡⲁⲱⲛϧ ⲉⲑⲣⲓⲛⲁⲩ ⲉⲡⲉϥⲟⲩⲛⲟϥ ⲟⲩⲟϩ ⲛⲧⲁϫⲉⲙ ⲡϣⲓⲛⲓ ⲙⲡⲉϥⲉⲣⲫⲉⲓ ⲉⲑⲟⲩⲁⲃ ⲛⲁⲧⲙⲟⲩⲛⲕ ⲛϫⲓϫ ϧⲉⲛ ⲛⲓⲫⲏⲟⲩⲓ. ⲉⲛⲁϥϩⲏⲗ ⲇⲉ ⲟⲛ ⲡⲉ ⲉⲡⲱⲥϧ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲟⲩⲟϩ ⲛⲑⲟϥ ϩⲱϥ ⲛⲁϥⲭⲏ ϧⲁϫⲱⲟⲩ ⲛⲛⲓⲥⲛⲏⲟⲩ ϩⲱⲥ ⲁⲫⲉ. ϧⲉⲛ ### 0047 ⲟⲩⲛⲓϣϯ ⲇⲉ ⲙⲙⲉⲧϣⲉⲛ ϩⲏⲧ ⲛⲁϥϯ ⲙⲧⲟⲛ ⲛⲱⲟⲩ ⲧⲏⲣⲟⲩ ⲡⲉ ϧⲉⲛ ϩⲱⲃ ⲛⲓⲃⲉⲛ ⲟⲩⲟϩ ⲉϣⲱⲡ ⲁϥϣⲁⲛϧⲓⲥⲓ ⲙⲡⲁϥⲉⲛ ⲡⲉϥⲥⲟⲓ ⲛⲁϥ ⲉⲡⲧⲏⲣϥ (-ⲙⲑ-) ϣⲁⲧⲉϥⲕⲱⲗϩ ⲛⲛⲉϥϫⲓϫ ⲛϣⲟⲣⲡ ⲟⲩⲟϩ ⲛⲧⲉ ⲛⲓⲥⲛⲏⲟⲩ ϯ ⲙⲧⲟⲛ ⲛⲱⲟⲩ. ⲙⲉⲛⲉⲛⲥⲱⲥ ⲇⲉ ⲟⲛ ⲛⲧⲉϥϯ ⲙⲧⲟⲛ ⲛⲁϥ ϩⲱϥ ⲉϥϫⲱ ⲙⲙⲟⲥ ϫⲉ ⲥⲉϯ ⲛⲟⲙⲟⲥ ⲛⲁⲛ ϧⲉⲛ ⲛⲓⲅⲣⲁⲫⲏ ⲉⲭⲁ ⲡⲉⲛϣⲫⲏⲣ ⲙⲡⲉⲛⲣⲏϯ ⲙⲁⲗⲓⲥⲧⲁ ⲇⲉ ϧⲉⲛ ⲟⲩ ⲧⲁⲓⲟ. ⲗⲟⲓⲡⲟⲛ ⲉϣⲱⲡ ⲁⲓϣⲁⲛϯ ⲙⲧⲟⲛ ⲛⲛⲁⲥⲛⲏⲟⲩ ⲫ︦ϯ︦ ⲛⲁϯ ⲙⲧⲟⲛ ⲛⲏⲓ ϩⲱ. ⲉϥⲭⲏ ⲇⲉ ⲟⲛ ϧⲉⲛ ⲡⲓⲱⲥϧ ⲛⲉⲙ ⲛⲓⲥⲛⲏⲟⲩ ⲁϥⲙⲟⲩϯ ⲉⲫⲣⲁⲛ ⲛⲟⲩⲁⲓ ϧⲉⲛ ⲛⲓⲥⲛⲏⲟⲩ ⲉⲑⲣⲉϥⲉⲣ ⲟⲩⲇⲓⲁⲕⲟⲛⲓⲁ ⲛⲛⲓⲥⲛⲏⲟⲩ. ⲫⲏ ⲉⲧⲉⲙⲙⲁⲩ ⲇⲉ ⲁϥⲙⲟⲩϯ ⲟⲩⲃⲉ ⲡⲉⲛⲓⲱⲧ ϧⲉⲛ ⲟⲩϫⲱⲛⲧ ϫⲉ ⲁϧⲟⲕ ϩⲱⲕ. ⲡⲉⲛⲓⲱⲧ ⲇⲉ ⲁϥⲙⲟⲩϯ ⲟⲩⲃⲉ ⲡⲓⲥⲟⲛ ⲉϥϫⲱ ⲙⲙⲟⲥ ⲛⲁϥ ϫⲉ ⲭⲱ ⲛⲏⲓ ⲉⲃⲟⲗ. ⲟⲩⲟϩ ⲛϯⲟⲩⲛⲟⲩ ⲁϥⲭⲱ ⲙⲡⲓⲱⲥϧ ⲉϧⲣⲏⲓ ⲛϫⲉ ⲡⲉⲛⲓⲱⲧ ⲁϥϣⲉ ⲛⲁϥ ⲁϥϯ ⲙⲉⲧⲁⲛⲟⲓⲁ ⲙⲡⲓⲥⲟⲛ ⲉϥϫⲱ ⲙⲙⲟⲥ ⲛⲁϥ ϫⲉ ⲭⲱ ⲛⲏⲓ ⲉⲃⲟⲗ ⲡⲁⲥⲟⲛ ⲉⲑⲃⲉ ⲡⲟ︦ⲥ︦ ⲭⲱ ⲛⲏⲓ ⲉⲃⲟⲗ. ⲟⲩⲟϩ ⲁϥⲧⲁⲥⲑⲟϥ ⲟⲛ ⲉⲡϣⲁϥⲉ ⲉⲧⲉϥⲣⲓ ⲁϥⲉⲣ ϯⲣⲟⲙⲡⲓ ⲧⲏⲣⲥ ⲉⲧⲉⲙⲙⲁⲩ ⲉϥⲥⲉⲕ ⲅ̄ⲅ̄..... ⲕⲉ ⲱⲓⲕ ϩⲓ ϩⲙⲟⲩ ⲟⲩⲟϩ ⲛⲁϥϯ ϩⲟ ⲉⲫ︦ϯ︦ ⲡⲉ ϧⲉⲛ ⲟⲩϭⲱⲗⲕ ⲉϥϫⲱ ⲙⲙⲟⲥ ϫⲉ ⲡⲟⲥ ⲭⲱ ⲛⲏⲓ ⲉⲃⲟⲗ ϫⲉ ⲁⲓϯ ⲙⲕⲁϩ ⲙⲡⲉⲕⲡⲗⲁⲥⲙⲁ. ⲛⲉ ⲑⲁⲓ ⲣⲱ ⲧⲉ ⲧⲉϥⲥⲩⲛⲏⲑⲉⲓⲁ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉϥⲥⲉⲕ ⲅ̄ⲅ︦ ⲙⲡⲉϥⲥⲏⲟⲩ ⲧⲏⲣϥ ϧⲉⲛ ⲡⲓⲱⲥϧ ϧⲉⲛ ⲟⲩⲡⲣⲟⲥⲉⲩⲭⲏ ⲛⲁⲑⲙⲟⲩⲛⲕ. ϧⲉⲛ ⲛⲁⲓ ### 0048 ⲇⲉ ⲛⲁⲣⲉ ⲧⲉϥⲯⲩⲭⲏ ϭⲓ ⲟⲩⲱⲓⲛⲓ ⲙⲁⲗⲓⲥⲧⲁ ϧⲉⲛ ⲛⲓⲁⲕⲧⲓⲛ ⲛⲧⲉ ⲡⲓⲡⲛ︦ⲁ︦ ⲉⲑⲟⲩⲁⲃ (-ⲛ-) ⲫⲁⲓ ⲉⲧⲉⲣⲉⲛⲉⲣⲅⲉⲓⲛ ⲛϧⲏⲧϥ ϩⲓⲧⲉⲛ ϩⲁⲛ ⲙⲏⲓⲛⲓ ⲛⲉⲙ ϩⲁⲛ ϣⲫⲏⲣⲓ ⲉⲩϯ ⲱⲟⲩ ⲙⲫⲏ ⲉⲧⲟⲩϯ ⲱⲟⲩ ⲛⲁϥ ϩⲱⲥⲧⲉ ⲕⲁⲧⲁ ⲫⲣⲏϯ ⲉⲧⲥ‐ ϧⲏⲟⲩⲧ ⲉⲑⲃⲏⲧϥ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁϥϣⲗⲏⲗ ⲉϫⲉⲛ ⲟⲩⲙⲱⲟⲩ ϧⲉⲛ ⲫⲣⲁⲛ ⲙⲡⲭⲥ ⲟⲩⲟϩ ⲉⲧⲁϥϫⲟϣϥ ⲉϫⲉⲛ ⲡⲓⲣⲱⲙⲓ ⲁϥⲃⲁϣϥ ⲙⲡⲉϥ‐ ϣⲁⲣ ⲙⲫⲣⲏϯ ⲙⲫⲁ ⲟⲩϩⲟϥ ⲟⲩⲟϩ ⲁ ⲡⲉϥⲁⲟⲩⲁⲛ ⲛⲧⲉ ϣⲟⲣⲡ ⲕⲟⲧϥ ⲉⲣⲟϥ ⲟⲛ ⲟⲩⲟϩ ⲁϥⲟⲩϫⲁⲓ ⲛϫⲉ ⲡⲓⲣⲱⲙⲓ ⲉⲟⲩⲱⲟⲩ ⲙⲫ︦ϯ︦. ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ⲉϥⲛⲏⲟⲩ ⲛϫⲉ ⲡⲉⲛⲓⲱⲧ ⲉⲡϣⲱⲓ ⲉⲃⲟⲗϧⲉⲛ ⲧⲕⲟⲓ ϧⲉⲛ ⲡⲓⲱⲥϧ ⲛϯⲕⲁⲩⲙⲁ ⲛⲉⲙ ⲛⲓⲥⲛⲏⲟⲩ ⲉⲑⲣⲟⲩϭⲓ ⲭⲃⲟⲃ ⲟⲩⲟϩ ⲁϥⲉⲣⲁⲡⲁⲛⲧⲁⲛ ⲉⲟⲩϧⲉⲗⲗⲱ ⲛⲥϩⲓⲙⲓ ϧⲉⲛ ⲡⲓⲙⲁ ⲛⲙⲟϣⲓ ⲉⲥⲥⲉϯ ⲉⲃⲟⲗ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲛⲁⲣⲉ ⲟⲩⲇⲁⲓⲙⲱⲛ ⲉϥ‐ ⲛⲁϣⲧ ϧⲓϯ ⲙⲙⲟⲥ ϧⲉⲛ ⲟⲩⲙⲉⲧⲁⲑⲛⲁⲓ. ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲉⲧⲁϥ‐ ⲛⲁⲩ ⲁϥϣⲉⲛ ϩⲏⲧ ⲁϥⲉⲣ ϯⲕⲁⲩⲙⲁ ⲧⲏⲣⲥ ⲉϥϣⲗⲏⲗ ⲉϫⲱⲥ. ⲡⲓⲇⲁⲓⲙⲱⲛ ⲇⲉ ⲁϥⲱϣ ⲉⲃⲟⲗϧⲉⲛ ϯⲥϩⲓⲙⲓ ϫⲉ ⲁϧⲟⲕ ⲛⲉⲙⲏⲓ ⲡⲓⲕⲟⲗⲟⲃⲟⲥ ⲁⲓⲭⲁ ⲡϣⲁϥⲉ ⲛⲁⲕ ⲁⲕⲓ ⲉⲣⲁⲧ ⲙⲛⲁⲓ ⲟⲛ ⲭⲱ ⲛⲏⲓ ⲛⲧⲁⲓ ⲉⲃⲟⲗ. ⲟⲩⲟϩ ϧⲉⲛ ϯⲟⲩⲛⲟⲩ ⲉⲧⲉⲙ‐ ⲙⲁⲩ ⲁϥⲓ ⲉⲃⲟⲗⲛϧⲏⲧⲥ ⲛϫⲉ ⲡⲓⲇⲁⲓⲙⲱⲛ ⲟⲩⲟϩ ⲁⲥⲟⲩϫⲁⲓ ⲥⲁⲧⲟⲧⲥ. ⲛⲓⲥⲛⲏⲟⲩ ⲉⲧⲁⲩⲛⲁⲩ ⲉⲫⲏ ⲉⲧⲁϥϣⲱⲡⲓ (-ⲛⲁ-) ⲉⲃⲟⲗϩⲓⲧⲉⲛ ⲡⲉⲛⲓⲱⲧ ⲛⲇⲓⲕⲁⲓⲟⲥ ⲁⲩϯ ⲱⲟⲩ ⲙⲫϯ. ### 0049 ⲁⲩϫⲟⲥ ⲟⲛ ⲱ ⲛⲁⲙⲉⲛⲣⲁϯ ⲉⲑⲃⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉⲧⲁϥⲓ ⲉϩⲣⲏⲓ ⲛⲟⲩⲉ‐ ϩⲟⲟⲩ ⲉⲃⲟⲗϧⲉⲛ ⲧⲕⲟⲓ ⲉϥⲱⲥϧ ⲛⲉⲙ ⲛⲓⲥⲛⲏⲟⲩ ⲛϯⲕⲁⲩⲙⲁ ⲉⲧⲓ ⲉϥⲓⲱⲓ ⲙⲙⲟϥ ⲉⲃⲟⲗϧⲉⲛ ⲟⲩⲙⲱⲟⲩ ⲉⲑⲣⲉϥϭⲓ ⲙⲧⲟⲛ ⲛⲟⲩⲕⲟⲩϫⲓ ⲉⲃⲟⲗϧⲉⲛ ⲡⲓϧⲓⲥⲓ ⲁⲩⲓⲛⲓ ⲛⲁϥ ⲛⲟⲩϧⲉⲗϣⲓⲣⲓ ⲉⲣⲉ ⲟⲩⲟⲛ ⲟⲩⲇⲁⲓⲙⲱⲛ ⲛⲉⲙⲁϥ ⲉϥϯ ϩⲓⲥⲓ ⲛⲁϥ ⲙⲙⲁϣⲱ. ⲟⲩⲟϩ ⲉⲧⲁϥⲛⲁⲩ ⲛϫⲉ ⲡⲉⲛⲓⲱⲧ ⲉϯⲙⲉⲧⲁⲧϣⲓⲡⲓ ⲛⲧⲉ ⲡⲓⲡⲛⲁ ⲛⲁⲕⲁⲑⲁⲣⲧⲟⲛ ⲛⲉⲙ ⲡⲓⲣⲏϯ ⲉⲧⲁϥⲉⲣⲃⲁⲥⲁⲛⲓⲍⲉⲓⲛ ⲙⲙⲟϥ ⲁϥϫⲟⲩϣⲧ ⲉⲡϣⲱⲓ ⲉⲧⲫⲉ ⲁϥϥⲓ ⲁϩⲟⲙ ⲟⲩⲟϩ ⲁϥϭⲓ ⲙⲡⲓⲙⲱⲟⲩ ⲉⲧⲁϥⲓⲁϥ ⲉⲃⲟⲗⲛϧⲏⲧϥ ⲁϥⲉⲣⲥⲫⲣⲁⲅⲓⲍⲉⲓⲛ ⲙⲙⲟϥ ϧⲉⲛ ⲫⲣⲁⲛ ⲙⲡⲭⲥ ⲟⲩⲟϩ ⲁϥϫⲟϣϥ ⲉϫⲉⲛ ⲡⲓϧⲉⲗϣⲓⲣⲓ ⲟⲩⲟϩ ⲥⲁ‐ ⲧⲟⲧϥ ⲇⲉ ⲁϥⲓ ⲉⲃⲟⲗⲛϧⲏⲧϥ ⲛϫⲉ ⲡⲓⲡⲛⲁ ⲛⲁⲕⲁⲑⲁⲣⲧⲟⲛ ⲙⲡⲓⲥⲙⲟⲧ ⲛⲟⲩ‐ ϣⲁⲑⲱⲗ ⲟⲩⲟϩ ⲁϥⲟⲩϫⲁⲓ ⲛϫⲉ ⲡⲓϧⲉⲗϣⲓⲣⲓ ⲉⲟⲩⲱⲟϥ ⲙⲫ︦ϯ︦. ⲛⲉⲛⲓⲟϯ ⲇⲉ ⲧⲏⲣⲟⲩ ⲁⲩϣⲁⲛϩⲱⲗ ⲉⲡⲓⲱⲥϧ ⲛⲉ ϣⲁⲩⲉⲣ ⲡⲟⲩⲃⲉⲭⲉ ⲛⲱⲥϧ ⲙⲙⲉⲣⲟⲥ ⲃ̄ ⲟⲩⲙⲉⲣⲟⲥ ⲉϯⲁⲅⲁⲡⲏ ⲟⲩⲟϩ ⲟⲩⲙⲉⲣⲟⲥ ⲉϯⲭⲣⲉⲓⲁ ⲟⲩⲟϩ ⲡⲁⲓⲣⲏϯ ⲟⲛ ⲡⲉ ⲉⲧⲉϣⲟⲩⲁⲓϥ ϧⲉⲛ ϯⲧⲓⲙⲏ ⲛⲧⲉ ⲡⲟⲩϩⲱⲃ ⲛϫⲓϫ. ⲡⲉⲛⲓⲱⲧ ⲇⲉ ⲛⲑⲟϥ ⲁⲃⲃⲁ ⲓⲱⲁⲛⲛⲏⲥ ⲛⲁϥⲓⲛⲓ ⲡⲉ ⲙⲡⲓⲃ︦ ⲉⲡϣⲁϥⲉ ⲉϥϫⲱ ⲙⲙⲟⲥ (-ⲛ︦ⲃ︦-) ϫⲉ ⲛⲁϩⲏⲕⲓ ⲁⲛⲟⲕ ⲛⲉⲙ ⲛⲁϫⲱⲃ ⲛⲉⲙ ⲛⲁⲭⲏⲣⲁ ⲛⲉⲙ ⲛⲁⲟⲣⲫⲁⲛⲟⲥ ϧⲉⲛ ϣⲓⲏⲧ ⲟⲩⲟϩ ⲁϥϣⲁⲛⲓ ⲉⲃⲟⲗϧⲉⲛ ⲡⲓⲱⲥϧ ⲙⲡⲁϥⲥⲣⲱϥⲧ ⲡⲉ ⲉϩⲗⲓ ⲉⲃⲟⲗ ⲉϩⲁⲛ ⲡⲣⲟⲥⲉⲩⲭⲏ ⲉⲩⲟϣ ⲛⲉⲙ ϩⲁⲛ ⲧⲱⲃϩ ⲛⲁⲧⲙⲟⲩⲛⲕ ⲉϥⲙⲏⲛ ϣⲁⲧⲉϥⲓ ⲉϫⲉⲛ ### 0050 ⲡⲓϫⲓ ⲛⲛⲁⲩ ⲛⲧⲉϣⲟⲣⲡ ⲟⲛ. ⲡⲁⲓⲣⲏϯ ⲟⲛ ⲛⲉϣⲁϥⲁⲓⲥ ⲡⲉ ⲁϥϣⲁⲛϩⲓ ⲕⲟⲧ ⲉⲃⲟⲗ ⲉⲛⲓϧⲉⲗⲗⲟⲓ ⲓⲉ ⲛⲧⲉϥⲓⲣⲓ ⲛⲕⲉϩⲱⲃ ϩⲁⲡⲗⲱⲥ ϩⲟⲗⲱⲥ. ϧⲉⲛ ⲛⲁⲓ ⲇⲉ ⲁϥϣⲉ ⲛⲁϥ ϩⲁ ⲡⲟⲥ ⲛϫⲉ ⲡⲉϥⲥⲟⲛ ⲉϥϫⲏⲕ ⲉⲃⲟⲗ ϧⲉⲛ ⲙⲉⲧⲉⲩⲥⲉⲃⲏⲥ ⲛⲓⲃⲉⲛ ⲟⲩⲟϩ ⲛⲁϥϣⲟⲡ ⲛⲁϥ ⲟⲛ ⲡⲉ ⲛϫⲉ ⲟⲩⲥⲟⲛ ϧⲉⲛ ⲟⲩⲧⲁⲝⲓⲥ ⲙⲙⲉⲧⲙⲁⲑⲏⲧⲏⲥ. ⲛⲑⲟϥ ⲇⲉ ⲟⲛ ⲁⲃⲃⲁ ⲓⲱⲁⲛⲛⲏⲥ ϩⲱⲥ ϭⲁⲩ ⲙⲱⲓⲧ ⲁⲗⲏⲑⲱⲥ ⲛⲧⲉ ⲛⲓⲯⲩⲭⲏ ϣⲁ ⲫϯ ⲉⲛⲁϥϯ ⲥⲃⲱ ⲙⲡⲁⲓⲭⲉⲧ ⲡⲉ ⲉϥϫⲱ ⲙⲙⲟⲥ ⲛⲁϥ ϫⲉ ⲡⲁϣⲏⲣⲓ ⲙⲁⲣⲉⲛⲉⲣⲧⲓⲙⲁⲛ ⲙⲡⲓⲟⲩⲁⲓ ⲙⲙⲁⲩⲁⲧϥ ϩⲓϫⲉⲛ ⲡⲓⲉⲡⲧⲏⲣϥ ⲫϯ ϧⲉⲛ ⲟⲩϩⲟϯ ⲛⲉⲙ ⲟⲩⲥⲑⲉⲣⲧⲉⲣ ⲟⲩⲟϩ ⲟⲩⲟⲛ ⲛⲓⲃⲉⲛ ⲛⲁϯ ⲱⲟⲩ ⲛⲁⲛ. ⲉϣⲱⲡ ⲇⲉ ϧⲉⲛ ⲟⲩⲙⲉⲧⲁⲙⲉⲗⲏⲥ ⲛⲧⲉⲛⲉⲣⲕⲁⲧⲁⲫⲣⲟⲛⲉⲓⲛ ⲙⲙⲟⲛ ⲟⲩⲟϩ ⲧⲉⲛⲛⲁϩⲱⲗ ⲉⲡⲧⲁⲕⲟ. ⲟⲩⲟⲛ ⲛⲧⲁⲛ ⲙⲙⲁⲩ ⲛⲟⲩⲃⲟⲏⲑⲉⲓⲁ ⲛⲉⲙ ⲟⲩϫⲟⲣ ⲉⲥϫⲟⲣ ⲟⲩⲟϩ ⲛⲁⲧϭⲣⲟ ⲉⲣⲟⲥ ⲉⲧⲉ ⲫϯ ⲡⲉ ⲙⲁⲣⲉⲛⲟⲩⲁϩⲧⲉⲛ ⲉⲣⲟϥ ϧⲉⲛ ⲟⲩⲉⲙⲓ (-ⲛⲅ-) ⲟⲩⲟϩ ϥⲛⲁⲛⲁϩⲙⲉⲛ ⲟⲩⲁⲅⲁⲑⲟⲥ ⲅⲁⲣ ⲡⲉ ⲟⲩⲟϩ ⲥⲉⲟϣ ⲙⲙⲁϣⲱ ⲛϫⲉ ⲛⲉϥ‐ ϣⲉⲛ ϩⲏⲧ ⲉϩⲣⲏⲓ ⲉϫⲉⲛ ⲡⲉϥⲑⲁⲙⲓⲟ ⲧⲏⲣϥ ϥⲛⲁⲉⲣ ⲡⲓⲛⲁⲓ ⲛⲉⲙⲁⲛ ⲛⲁⲅⲁⲡⲏ ϩⲱⲛ. ⲟⲩⲟⲛ ⲛⲧⲁⲛ ⲇⲉ ⲙⲙⲁⲩ ⲡⲁϣⲏⲣⲓ ⲛϩⲁⲛ ⲇⲩⲛⲁⲙⲓⲥ ⲉⲩⲟⲩⲁⲃ ⲟⲩⲟϩ ⲛⲁⲧϭⲓ ⲏⲡⲓ ⲙⲙⲱⲟⲩ ⲛⲧⲉ ϩⲁⲛ ⲧⲁⲅⲙⲁ ⲛⲁⲅⲅⲉⲗⲓⲕⲟⲛ ⲉⲩⲟϣ ⲛⲉⲙ ϩⲁⲛ ⲥⲧⲣⲁⲧⲉⲓⲁ ⲛⲁⲣⲭⲁⲅⲅⲉⲗⲟⲥ ⲛⲉⲙ ⲭⲉⲣⲟⲩⲃⲓⲙ ⲛⲉⲙ ⲥⲉⲣⲁⲫⲓⲙ ⲛⲓⲑⲣⲟ‐ ⲛⲟⲥ ⲛⲓⲙⲉⲧⲟⲥ ⲛⲓϫⲟⲙ ⲛⲉⲙ ⲡⲕⲉⲥⲉⲡⲓ ⲉⲑⲛⲏⲟⲩ ⲙⲉⲛⲉⲛⲥⲁ ⲛⲁⲓ ⲛⲧⲉ ⲛⲏ ### 0051 ⲉⲑⲟⲩⲁⲃ ⲧⲏⲣⲟⲩ ⲛⲉⲙ ⲛⲓⲥⲕⲏⲛⲏ ⲛⲁⲧⲙⲟⲩⲛⲕ ⲛϫⲓϫ ϧⲉⲛ ⲛⲓⲫⲏⲟⲩⲓ ⲙⲁⲣⲉⲛ‐ ⲭⲱ ⲙⲡⲉⲛⲙⲉⲩⲓ ⲛϧⲏⲧⲟⲩ ⲟⲩⲟϩ ⲉⲛⲙⲟⲩϣⲧ ⲛⲧⲟⲩⲙⲉⲧⲥⲁⲓⲉ ⲛⲉⲙ ⲧⲕⲟⲥ‐ ⲙⲏⲥⲓⲥ ⲙⲡⲟⲩⲱⲟⲩ ⲟⲩⲟϩ ⲡⲟⲩϭⲓ ϣϣⲱⲟⲩ ⲛⲁϯ ⲛⲁⲛ ⲛⲟⲩⲉⲃϣⲓ ⲉⲥϫⲏⲕ ⲉⲃⲟⲗ ⲛⲧⲉ ⲛⲓⲡⲣⲟⲥ ⲟⲩⲥⲏⲟⲩ ⲉⲑⲣⲉⲛⲫⲱⲧ ⲉⲃⲟⲗ ⲛⲛⲓⲙⲉⲧⲉⲫⲗⲏⲟⲩ. ⲉⲛⲁϥϫⲱ ⲟⲩⲛ ⲙⲙⲟⲥ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ϫⲉ ⲉⲣⲉ ⲛⲏ ⲉⲑⲟⲩⲁⲃ ⲉⲩⲟⲛⲓ ⲛⲛⲓϣϣⲏⲛ ⲛⲧⲉ ⲡⲓⲡⲁⲣⲁⲇⲉⲓⲥⲟⲥ ⲉⲩⲟⲡⲧ ⲛⲕⲁⲣⲡⲟⲥ ⲛⲧⲉ ⲡⲱⲛϧ ⲉⲩⲟⲓ ⲛⲟⲩⲑⲟ ⲛⲣⲏϯ ϧⲉⲛ ⲡⲓⲥⲙⲟⲩ ⲛⲉⲙ ⲡⲟⲩⲱⲟⲩ ϩⲓⲧⲉⲛ ϯⲙⲟⲩⲙⲓ ⲛⲟⲩϫⲁⲓ ⲛⲧⲉ ⲡⲓⲡⲛⲁ ⲉⲑⲟⲩⲁⲃ ⲉⲧⲧⲥⲓⲟ ⲙⲙⲱⲟⲩ ⲧⲏⲣⲟⲩ. ϩⲓⲧⲉⲛ ⲛⲁⲓⲛⲓϣϯ ⲟⲩⲛ ⲛⲕⲁⲧⲟⲣⲑⲱⲙⲁ (-ⲛⲇ-) ⲛⲧⲉ ⲡⲉⲛⲡⲁⲛⲁⲣⲏⲧⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲕⲁⲧⲁ ⲫⲣⲏϯ ⲉⲧⲥϧⲏⲟⲩⲧ ⲁ ⲡⲟⲥ ⲑⲱϣ ⲛⲁϥ ⲛⲟⲩⲁⲅⲅⲉⲗⲟⲥ ⲉⲟⲩⲡⲁⲣⲁⲕⲗⲏⲥⲓⲥ ⲛⲁϥ ⲙⲁⲗⲗⲟⲛ ⲇⲉ ⲉⲑⲣⲉϥϭⲱⲣⲡ ⲛⲁϥ ⲉⲃⲟⲗ ⲙⲫⲏ ⲉⲧⲉⲣ ⲛⲟϥⲣⲓ ⲟⲩⲟϩ ⲉⲑⲣⲁⲛⲁϥ ⲙⲡⲟⲥ ⲟⲩⲟϩ ⲉϣⲱⲡⲓ ⲛⲁϥ ⲛⲥⲕⲉ‐ ⲡⲁⲥⲧⲏⲥ ⲕⲁⲧⲁ ⲡⲥⲁϫⲓ ⲛϯⲅⲣⲁⲫⲏ ⲉⲥϫⲱ ⲙⲙⲟⲥ ϫⲉ ⲡⲁⲅⲅⲉⲗⲟⲥ ⲙⲡⲟⲥ ϥϩⲓ ⲕⲟⲧ ⲙⲡⲕⲱϯ ⲛⲟⲩⲟⲛ ⲛⲓⲃⲉⲛ ⲉⲧⲉⲣ ϩⲟϯ ϧⲁ ⲧⲉϥϩⲏ ⲟⲩⲟϩ ϥⲛⲁⲛⲁϩⲙⲟⲩ. ⲉⲧⲓ ⲉϥⲉⲛⲕⲟⲧ ⲛⲟⲩⲉϩⲟⲟⲩ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁϥⲓ ⲛϫⲉ ⲟⲩϧⲉⲗⲗⲟ ⲉⲧⲉϥⲣⲓ ⲟⲩⲟϩ ⲁϥⲛⲁⲩ ⲉⲟⲩⲁⲅⲅⲉⲗⲟⲥ ⲛⲧⲉ ⲡⲟⲥ ⲥⲁ ⲡϣⲱⲓ ⲙⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉϥⲣⲱⲓⲥ ⲉⲣⲟϥ. ⲉⲧⲁϥⲧⲱⲛϥ ⲇⲉ ⲛϫⲉ ⲁⲃⲃⲁ ⲓⲱⲁⲛⲛⲏⲥ ⲉⲃⲟⲗϧⲉⲛ ### 0052 ⲡⲓⲛⲕⲟⲧ ⲡⲉϫⲁϥ ϫⲉ ⲁϩⲏ ⲁ ⲡⲁ ⲛⲓⲙ ⲛϧⲉⲗⲗⲟ ⲓ ⲉⲙⲛⲁⲓ. ⲟⲩⲟϩ ⲁϥⲉⲙⲓ ⲛϫⲉ ⲁⲃⲃⲁ ⲓⲱⲁⲛⲛⲏⲥ ϫⲉ ⲁ ⲡⲓϧⲉⲗⲗⲟ ⲛⲁⲩ ⲉⲡⲁⲅⲅⲉⲗⲟⲥ ⲉⲑⲃⲉ ϫⲉ ⲛⲑⲟϥ ⲡⲓϧⲉⲗⲗⲟ ⲉⲧⲉⲙⲙⲁⲩ ⲛⲉⲁϥⲫⲟϩ ϩⲱϥ ⲉⲡϣⲓ ⲙⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ. ⲉϥⲛⲏⲟⲩ ⲇⲉ ⲟⲛ ϩⲁⲣⲟϥ ⲛⲟⲩⲉϩⲟⲟⲩ ⲛϫⲉ ⲡⲓⲁⲅⲅⲉⲗⲟⲥ ⲉⲃⲟⲗϩⲓⲧⲉⲛ ⲡⲟ︦ⲥ︦ ⲉϥⲙⲉϩ ⲛⲣⲁ‐ ϣⲓ ⲛⲓⲃⲉⲛ ⲙⲡⲛ︦ⲁ︦ⲧⲓⲕⲟⲛ ⲟⲩⲟϩ ⲡⲉϫⲉ ⲡⲉⲛⲓⲱⲧ ⲙⲡⲓⲁⲅⲅⲉⲗⲟⲥ ϫⲉ ⲉⲑⲃⲉ ⲟⲩ ⲕⲣⲱⲟⲩⲧ (-ⲛⲉ-) ϧⲉⲛ ⲟⲩⲙⲉⲧϩⲟⲩⲟ ⲙⲡⲁⲓⲥⲟⲡ ⲉⲕⲛⲏⲟⲩ ϩⲁⲣⲟⲓ ϧⲉⲛ ⲟⲩⲑⲉ‐ ⲗⲏⲗ ⲉϥⲟϣ. ⲡⲉϫⲉ ⲡⲓⲁⲅⲅⲉⲗⲟⲥ ⲙⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ϫⲉ ⲉⲛⲁϩⲓ ⲉⲣⲁ‐ ⲧⲉⲛ ϯⲛⲟⲩ ⲙⲡⲉⲙⲑⲟ ⲙⲫϯ ⲉⲛϣⲉⲙϣⲓ ⲙⲡⲉϥⲱⲟⲩ ⲁⲛⲟⲛ ϧⲁ ⲛⲓⲥⲧⲣⲁ‐ ⲧⲉⲓⲁ ⲧⲏⲣⲟⲩ ⲁ ⲟⲩⲛⲓϣϯ ⲛⲕⲁⲡⲛⲟⲥ ⲛⲥⲑⲩⲛⲟⲩϥⲓ ⲉϥⲥⲟⲧⲡ ⲛⲧⲉ ⲛⲏ ⲉⲑⲟⲩⲁⲃ ⲧⲏⲣⲟⲩ ⲓ ⲉⲡϣⲱⲓ ⲙⲡⲉⲙⲑⲟ ⲙⲫϯ ⲟⲩⲟϩ ⲁϥⲟⲩⲛⲟϥ ⲛϫⲉ ⲡⲟⲥ ⲉϫⲉⲛ ⲛⲓⲕⲁⲣ‐ ⲡⲟⲥ ⲉⲧϣⲏⲡ ⲛⲁϥ ⲛⲧⲉ ⲛⲉϥϩⲃⲏⲟⲩⲓ ⲟⲩⲟϩ ⲁ ⲟⲩⲥⲙⲏ ⲓ ⲉⲃⲟⲗϧⲉⲛ ⲡⲓⲑⲣⲟⲛⲟⲥ ⲛⲧⲉ ⲡⲓⲡⲁⲛⲧⲟⲕⲣⲁⲧⲱⲣ ⲉϥⲧⲁⲛϧⲟ ⲙⲡⲥⲱⲛⲧ ⲧⲏⲣϥ ϧⲉⲛ ϩⲁⲛ ⲛⲁⲓ ⲛⲉⲙ ϩⲁⲛ ⲙⲉⲧϣⲉⲛ ϩⲏⲧ ⲉⲑⲃⲉ ⲛⲓⲡⲣⲟⲥⲉⲩⲭⲏ ⲛⲉⲙ ⲛⲓⲧⲱⲃϩ ⲙⲁⲗⲓⲥⲧⲁ ⲛⲓϧⲓⲥⲓ ⲛⲉⲙ ⲛⲓⲡⲟⲗⲓⲧⲉⲓⲁ ϧⲉⲛ ⲟⲩⲧⲟⲩⲃⲟ ⲛⲧⲉ ⲟⲩⲁⲅⲁⲡⲏ ⲛⲧⲉ ⲛⲉϥⲥⲱⲧⲡ ⲟⲩⲟϩ ⲁⲛⲟⲛ ϩⲱⲛ ⲉⲛⲣⲁϣⲓ ⲟⲩⲟϩ ⲉⲛϭⲓ ϣⲫⲏⲣⲓ ⲙⲁⲗⲓⲥⲧⲁ ⲉⲑⲃⲉ ⲛⲓⲁⲅⲁⲑⲟⲛ ⲉⲧⲥⲉⲃⲧⲱⲧ ⲛⲱⲧⲉⲛ ⲁϥⲟⲩⲟⲣⲡⲧⲉⲛ ⲛϫⲉ ⲡⲓⲇⲏⲙⲓⲟⲩⲣⲅⲟⲥ ⲫⲟⲩⲁⲓ ⲫⲟⲩⲁⲓ ⲙⲙⲟⲛ ϩⲁ ⲫⲏ ⲉⲧⲉ ⲫⲱϥ ϧⲉⲛ ⲛⲏ ⲉⲑⲟⲩⲁⲃ ⲛⲧⲁϥ ⲉⲑⲣⲉⲛϯ ⲛⲟⲙϯ ⲛⲱⲧⲉⲛ. ⲉⲑⲃⲉ ⲫⲁⲓ ### 0053 ⲉⲛϭⲓ ϣϣⲱⲟⲩ ⲟⲩⲟϩ ⲉⲛⲣⲁϣⲓ ⲉⲛⲛⲁⲩ ⲉⲛⲏ ⲉⲑⲟⲩⲁⲃ ⲉⲧϧⲉⲛ ⲡⲓⲕⲟⲥⲙⲟⲥ. ⲉϥⲉⲣⲁⲡⲟⲗⲁⲩⲉⲓⲛ ⲇⲉ ⲛⲛⲁⲓⲡⲁⲣⲁⲕⲗⲏⲥⲓⲥ ⲛⲉⲙ ⲛⲁⲓ ⲁⲡⲟⲕⲁⲗⲩⲯⲓⲥ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲉⲛⲁϥϯ ⲙⲙⲟϥ ⲉϥⲙⲏⲛ ⲡⲉ ⲁⲧϭⲛⲉ ⲧⲁϩⲛⲟ ⲉⲡⲧⲏⲣϥ (-ⲛⲋ-) ⲉϩⲁⲛ ⲕⲉⲛⲓϣϯ ⲛⲁⲥⲕⲏⲥⲓⲥ ⲉⲩϧⲟⲥⲓ ⲙϥⲁⲓ ϧⲁⲣⲱⲟⲩ ⲉϥϫⲱ ⲙⲡⲥⲁϫⲓ ⲙⲡⲓⲁⲡⲟⲥⲧⲟⲗⲟⲥ ⲉⲑⲟⲩⲁⲃ ϫⲉ ⲫⲏ ⲉⲧⲉⲣⲁⲅⲱⲛⲓⲍⲉⲥⲑⲁⲓ ϣⲁϥ‐ ⲁⲙⲟⲛⲓ ⲛⲧⲟⲧϥ ϧⲉⲛ ϩⲱⲃ ⲛⲓⲃⲉⲛ ⲟⲩⲟϩ ⲡⲁⲗⲓⲛ ⲟⲛ ϫⲉ ⲫⲏ ⲉⲧⲉ ⲟⲩⲁⲣⲉⲧⲏ ⲡⲉ ⲫⲏ ⲉⲧⲉ ⲟⲩⲧⲁⲓⲟ ⲡⲉ ⲛⲁⲓⲙⲉⲩⲓ ⲉⲣⲱⲟⲩ ⲉⲧⲉ ⲛⲁⲓ ⲡⲉ ⲉⲧⲁⲣⲉⲧⲉⲛⲧⲥⲁⲃⲉ ⲑⲏⲛⲟⲩ ⲉⲣⲱⲟⲩ ⲟⲩⲟϩ ⲁⲣⲉⲧⲉⲛϭⲓⲧⲟⲩ ⲟⲩⲟϩ ⲁⲣⲉⲧⲉⲛⲥⲟⲑⲙⲟⲩ ⲟⲩⲟϩ ⲁⲣⲉ‐ ⲧⲉⲛⲛⲁⲩ ⲉⲣⲱⲟⲩ ⲉϧⲣⲏⲓ ⲛϧⲏⲧ ⲛⲁⲓ ⲁⲣⲓⲧⲟⲩ ⲫϯ ⲛⲧⲉ ϯϩⲉⲓⲣⲏⲛⲏ ⲉϥⲉ‐ ϣⲱⲡⲓ ⲛⲉⲙⲱⲧⲉⲛ. ⲟⲩⲟϩ ⲡⲁⲗⲓⲛ ⲟⲛ ϫⲉ ⲥⲉⲙⲡϣⲁ ⲁⲛ ⲛϫⲉ ⲛⲓⲙⲕⲁⲩϩ ⲛⲧⲉ ⲡⲁⲓⲥⲏⲟⲩ ⲛⲧⲉ ϯⲛⲟⲩ ⲙⲡⲓⲱⲟⲩ ⲉⲑⲛⲁϭⲱⲣⲡ ⲛⲁⲛ ⲉⲃⲟⲗ. ϧⲉⲛ ⲛⲁⲓ ⲇⲉ ⲟⲛ ⲛⲉⲁϥϭⲓ ⲛⲟⲩϣⲟⲣⲡ ⲛⲉⲙⲓ ⲛⲉⲙ ⲟⲩⲡ︦ⲛ︦ⲁ︦ ⲙⲙⲉⲧⲡⲣⲟⲫⲏⲧⲏⲥ ⲉϥⲛⲁⲩ ⲓⲥϫⲉⲛ ⲫⲟⲩⲉⲓ ⲟⲩⲟϩ ⲉϥⲥⲁϫⲓ ⲛⲉⲙ ⲛⲓⲥⲛⲏⲟⲩ ϧⲉⲛ ϩⲁⲛ ⲁⲓⲛⲓⲅⲙⲁ ⲛⲛⲏ ⲉⲧⲁⲩϣⲱⲡⲓ ⲛⲉⲙ ⲛⲏ ⲉⲑⲛⲁϣⲱⲡⲓ ⲛⲉⲙ ⲛⲏ ⲉⲧϣⲟⲡ ϯⲛⲟⲩ ⲉϥⲃⲉⲃⲓ ⲙⲡⲥⲁϫⲓ ⲙⲡⲓϩⲙⲟⲧ ⲛⲧⲉ ⲡⲟⲥ ϧⲉⲛ ⲟⲩⲙⲉⲧⲣⲁⲙⲁⲟ ϩⲱⲥⲧⲉ ⲛⲧⲉ ⲟⲩⲥⲟⲛ ⲓ ⲛⲁϥ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲙⲫⲛⲁⲩ ⲛⲣⲟⲩϩⲓ ⲉⲑⲣⲉϥϣⲉⲛϥ ⲛⲟⲩϩⲏⲟⲩ ⲙⲯⲩⲭⲏ ⲟⲩⲟϩ ⲁⲩⲥⲁϫⲓ ⲛϯⲁⲣⲉⲧⲏ ϣⲁⲧⲉ ⲡⲓⲟⲩⲱⲓⲛⲓ ϣⲁⲓ ⲙⲫⲛⲁⲩ ⲛϣⲱⲣⲡ ⲙⲡⲟⲩⲉⲙⲓ. ⲉⲧⲁ ### 0054 ϣⲱⲣⲡ ⲇⲉ ϣⲱⲡⲓ ⲁϥⲓ ⲉⲃⲟⲗ ⲛϫⲉ ⲡⲉⲛⲓⲱⲧ ⲉϥⲧⲫⲟ ⲙⲡⲓⲥⲟⲛ ⲡⲁⲗⲓⲛ ⲟⲛ ⲁϥⲟϩⲓ ⲛϫⲉ ⲡⲉⲛⲓⲱⲧ ⲉϥⲥⲁϫⲓ ⲛⲉⲙ ⲡⲓⲥⲟⲛ (-ⲛ︦ⲍ︦-) ⲓⲥϫⲉⲛ ϣⲱⲣⲡ ⲟⲛ ϣⲁ ⲁϫ︦ⲡ︦ ⲑ︦ϯ ⲙⲡⲓⲉϩⲟⲟⲩ ϧⲉⲛ ⲡⲓⲡⲛⲁⲧⲓⲕⲟⲛ. ⲉϥϧⲁⲉ ⲇⲉ ⲁϥⲉⲛ ⲡⲓⲥⲟⲛ ⲉϧⲟⲩⲛ ⲟⲩⲟϩ ⲁⲩ‐ ⲟⲩⲱⲙ ϧⲉⲛ ⲟⲩⲁⲅⲁⲡⲏ ⲟⲩⲟϩ ⲁϥⲧⲫⲟϥ ϧⲉⲛ ⲟⲩϩⲉⲓⲣⲏⲛⲏ. ⲉϥⲉⲣⲡⲁⲣⲣⲏⲥⲓⲁⲍⲉⲥⲑⲁⲓ ⲙⲙⲟϥ ϧⲉⲛ ⲡϣⲟⲩϣⲟⲩ ⲙⲡⲓⲥⲧⲁⲩⲣⲟⲥ ⲉⲑⲟⲩⲁⲃ ⲛⲉⲙ ⲛⲓϣⲱⲗϩ ⲛⲧⲉ ⲡⲭ︦ⲥ︦ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲟⲩⲟϩ ⲙⲡⲛ︦ⲁ︦ⲧⲟⲫⲟⲣⲟⲥ ⲁⲃⲃⲁ ⲓⲱⲁⲛⲛⲏⲥ ⲉϥⲙⲱⲟⲩⲧ ⲙⲉⲛ ⲙⲫⲛⲟⲃⲓ ⲉϥⲟⲛϧ ⲇⲉ ϧⲉⲛ ⲡⲭ︦ⲥ︦ ⲓ︦ⲏ︦ⲥ︦ ⲡⲉⲛⲟ︦ⲥ︦ ⲟⲩⲟϩ ⲉϥⲙⲟϣⲓ ϧⲉⲛ ⲫⲏ ⲉⲑⲣⲁⲛⲁϥ ⲙⲡⲉϥⲟⲩⲱϣ ⲉⲧⲥⲙⲁⲣⲱⲟⲩⲧ ⲉϥⲧⲟⲩ‐ ⲃⲏⲟⲩⲧ ⲛⲟⲩⲉⲣⲫⲉⲓ ⲛⲧⲉ ⲡⲓⲡⲛⲁ ⲉⲑⲟⲩⲁⲃ ⲫⲁⲓ ⲙⲁⲗⲓⲥⲧⲁ ϧⲉⲛ ⲡⲉϥϯ ⲙⲁϯ ⲁⲩⲁⲓϥ ⲙⲡⲣⲉⲥⲃⲩⲧⲉⲣⲟⲥ ⲟⲩⲟϩ ⲉⲧⲓ ⲉⲩⲉⲣⲭⲉⲓⲣⲟⲧⲟⲛⲉⲓⲛ ⲙⲙⲟϥ ⲉⲃⲟⲗϩⲓⲧⲟⲧϥ ⲙⲡⲓⲁⲣⲭⲓⲉⲡⲓⲥⲕⲟⲡⲟⲥ ⲉⲑⲟⲩⲁⲃ ⲟⲩⲥⲙⲏ ⲁⲥⲱϣ ⲉⲃⲟⲗ ⲉϫⲱϥ ϧⲉⲛ ⲧⲫⲉ ϣⲁ ⲅ̄ ⲛⲥⲟⲡ ⲉⲥϫⲱ ⲙⲙⲟⲥ ϫⲉ ⲁⲝⲓⲟⲥ ⲁⲝⲓⲟⲥ ⲁⲝⲓⲟⲥ. ⲉⲧⲁⲩⲧⲉⲛϩⲟⲩⲧϥ ⲇⲉ ⲉⲑ‐ ⲗⲉⲓⲧⲟⲩⲣⲅⲓⲁ ⲛⲛⲓⲙⲩⲥⲧⲏⲣⲓⲟⲛ ⲉⲑⲟⲩⲁⲃ ϩⲓⲧⲉⲛ ⲡⲓⲑⲱϩⲉⲙ ⲛⲧⲉ ⲡⲓϩⲙⲟⲧ ⲛⲧⲉ ⲧⲫⲉ ⲛⲁϥⲟⲓ ⲛⲃⲉⲣⲓ ⲟⲛ ϧⲉⲛ ⲡⲓⲇⲣⲟⲙⲟⲥ ⲛϯⲁⲣⲉⲧⲏ ⲙⲁⲗⲓⲥⲧⲁ ϩⲱⲥ ⲟⲩⲏⲃ ⲉϥⲟⲩⲁⲃ ⲛⲧⲉ ⲡⲓϣⲟⲩϣⲱⲟⲩϣⲓ ⲉϥⲟⲩⲁⲃ ⲛⲁⲧⲫⲉⲛ ⲥⲛⲟϥ ⲉⲃⲟⲗ ⲛⲧⲉ ⲡⲓϩⲓⲏⲃ ⲛⲧⲉ ⲫ︦ϯ︦ ⲫⲏ ⲉⲧⲱⲗⲓ ⲙⲫⲛⲟⲃⲓ ⲛⲧⲉ ⲡⲓⲕⲟⲥⲙⲟⲥ. ⲁϥⲟϩⲓ ϧⲉⲛ ϯⲥⲟⲫⲓⲁ ⲛⲧⲉ ⲫ︦ϯ︦ ⲉϥϫⲱ ⲙⲙⲟⲥ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ (-ⲛ︦ⲏ︦-) ϫⲉ ⲫⲛⲟ‐ ### 0055 ⲙⲟⲥ ⲛϯⲙⲉⲧⲟⲩⲏⲃ ⲉϥⲧⲉⲛⲑⲟⲛⲧ ⲉⲫⲁ ⲛⲓⲭⲉⲣⲟⲩⲃⲓⲙ ⲛⲉⲙ ⲛⲓⲥⲉⲣⲁⲫⲓⲙ ⲛⲓϣⲟⲣⲡ ⲉⲧϧⲉⲛⲧ ⲉⲫ︦ϯ︦ ⲡⲁⲣⲁ ⲡⲕⲉⲥⲉⲡⲓ ⲛⲛⲓⲧⲁⲅⲙⲁ ⲧⲏⲣⲟⲩ ⲟⲩⲟϩ ⲛⲑⲱⲟⲩ ⲟⲛ ⲛϣⲟⲣⲡ ⲉⲧⲉⲣⲙⲉⲧⲉⲭⲉⲓⲛ ⲙⲡⲱⲛϧ ⲛⲧⲉϥⲅⲛⲱⲥⲓⲥ ⲛⲉⲙ ⲑⲙⲉⲧⲗⲁⲙⲡⲣⲟⲥ ⲙⲡⲉϥⲱⲟⲩ ⲉⲧⲥⲙⲁⲣⲱⲟⲩⲧ ⲟⲩⲟϩ ⲙⲙⲁⲕⲁⲣⲓⲟⲛ ⲉⲑⲙⲏⲛ ⲉⲃⲟⲗ ϣⲁ ⲉⲛⲉϩ. ⲉⲑⲃⲉ ⲫⲁⲓ ϯⲅⲣⲁⲫⲏ ⲉⲑⲟⲩⲁⲃ ⲟⲩⲁϩ ⲥⲁϩⲛⲓ ⲛⲁⲛ ⲉⲑⲣⲉⲛⲙⲟϣⲓ ⲕⲁⲧⲁ ⲡⲧⲁⲓⲟ ⲙⲡⲁⲓϩⲙⲟⲧ ⲉϥϫⲱ ⲙⲙⲟⲥ ϫⲉ ⲟⲩⲟⲛ ⲛⲓⲃⲉⲛ ⲉⲧⲉ ⲧⲁⲓϩⲉⲗⲡⲓⲥ ⲛⲧⲟⲧϥ ϣⲁϥ‐ ⲧⲟⲩⲃⲟϥ ⲕⲁⲧⲁ ⲫⲣⲏϯ ⲉⲧⲉ ⲫⲏ ⲟⲩⲁⲃ ⲙⲙⲟϥ ⲟⲩⲟϩ ⲡⲁⲗⲓⲛ ϫⲉ ϣⲱⲡⲓ ⲉⲣⲉⲧⲉⲛⲟⲩⲁⲃ ϫⲉ ⲁⲛⲟⲕ ϩⲱ ϯⲟⲩⲁⲃ ⲡⲉϫⲉ ⲡⲟ︦ⲥ︦. ϧⲉⲛ ⲛⲁⲓ ⲇⲉ ⲟⲛ ⲛⲑⲟϥ ⲡⲓⲛⲓϣϯ ⲙⲡⲁⲛⲁⲣⲏⲧⲟⲥ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲛⲁϥⲉⲣⲑⲉⲣⲁⲡⲉⲩⲉⲓⲛ ⲡⲉ ⲙⲡⲓⲛ︦ⲁ︦ ⲉⲑⲟⲩⲁⲃ ⲛⲧⲉ ⲫ︦ϯ︦ ⲉϥⲙⲟϩ ⲛⲁϥ ⲉϧⲟⲩⲛ ⲙⲡⲭⲣⲉⲟⲥ ⲛⲧⲁⲓⲧⲁⲝⲓⲥ ⲟⲛ ⲉϥⲕⲏⲃ ϩⲱⲥ ⲣⲉϥϣⲉⲙϣⲓ ⲉⲛⲁⲛⲉϥ ⲟⲩⲟϩ ⲛⲟⲓⲕⲟⲛⲟⲙⲟⲥ ⲉϥⲉⲛϩⲟⲧ ⲉϥⲟⲓ ⲛⲟⲩⲏⲃ ⲉϥϫⲏⲕ ⲉⲃⲟⲗ ϧⲉⲛ ⲙⲉⲑⲙⲏⲓ ⲛⲓⲃⲉⲛ ⲕⲁⲧⲁ ⲡⲥⲁϫⲓ ⲛϯⲅⲣⲁⲫⲏ ϫⲉ ⲛⲉⲕⲟⲩⲏⲃ ⲉⲩⲉϯ ϩⲓⲱⲧⲟⲩ ⲛⲟⲩⲙⲉⲑⲙⲏⲓ. ⲟⲩⲟϩ ⲛⲑⲟϥ ϩⲱϥ ⲡⲉⲛⲓⲱⲧ ⲉⲑⲟⲩⲁⲃ ⲉϥϭⲓ ⲉⲃⲟⲗϧⲉⲛ ϯⲇⲱⲣⲉⲁ ⲛⲧⲉ ⲡⲓⲡⲛ︦ⲁ︦ ⲉⲑⲟⲩⲁⲃ ⲟⲩⲟϩ ⲉϥⲥⲱⲕ ⲛⲁϥ ⲛϯⲙⲉⲧ‐ ⲗⲁⲙⲡⲣⲟⲥ ⲛⲉⲙ ϯϩⲗⲏϫⲓ ⲛⲧⲉ ⲡⲉϥⲱⲟⲩ ⲉⲟⲩⲱⲛϩ ⲛⲉⲛⲉϩ (-ⲛ︦ⲑ︦-) ⲙⲁ‐ ⲗⲓⲥⲧⲁ ⲡⲕⲁⲧⲟⲣⲑⲱⲙⲁ ⲙⲡⲓⲓⲛⲓ ⲛⲁⲣⲭⲁⲓⲟⲛ ⲛⲉⲙ ⲡⲓⲭⲁⲣⲁⲕⲧⲏⲣ ⲉⲑⲟⲩⲟϫ ⲛⲉⲙ ⲡⲓⲕⲁⲧⲁϩⲉⲓⲕⲱⲛ ⲙⲙⲏⲓ ⲉⲧⲁϥϫⲟⲕϥ ⲉⲃⲟⲗⲛϧⲣⲏⲓ ⲛϧⲏⲧϥ ⲕⲁⲧⲁ ### 0056 ⲫⲣⲏϯ ⲉⲧⲥϧⲏⲟⲩⲧ ⲉⲑⲃⲏⲧϥ ⲛⲉϣⲁϥⲛⲁⲩ ⲉϩⲱⲃ ⲛⲓⲃⲉⲛ ⲉⲧϧⲉⲛ ⲡⲓⲣⲱⲙⲓ ⲙⲫⲣⲏϯ ⲛⲟⲩⲉⲓⲇⲟⲥ ⲉϥϧⲉⲛ ⲟⲩⲁⲃⲁϫⲏⲓⲛⲓ. ⲡⲉⲛⲓⲱⲧ ⲇⲉ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲙⲉⲛⲉⲛⲥⲁ ⲡⲁⲓϭⲓⲥⲓ ⲛⲧⲁⲓⲙⲁⲓⲏ ⲉϥ‐ ⲛⲏⲟⲩ ⲙⲁⲗⲗⲟⲛ ⲕⲁⲓ ⲙⲁⲗⲗⲟⲛ ⲛⲑⲉⲃⲓⲟ ⲙⲫⲣⲏϯ ⲙⲡⲓⲥⲟⲩⲟ ⲁϥϣⲁⲛⲓ ⲉⲡⲥⲏⲟⲩ ⲟⲩⲟϩ ⲛⲧⲉϥⲓ ⲉⲡⲥⲏⲟⲩ ⲙⲡⲟⲥϧϥ ⲉϥⲭⲱ ⲙⲙⲟϥ ⲥⲁⲡⲉⲥⲏⲧ ⲙⲡⲓⲥⲱⲛⲧ ⲧⲏⲣϥ ⲕⲁⲓⲡⲉⲣ ⲁⲩϣⲁⲛϭⲱⲣⲡ ⲛⲁϥ ⲉⲃⲟⲗ ⲉⲑⲃⲉ ⲟⲩⲁⲓ ⲉⲁϥⲥⲗⲁϯ ϧⲉⲛ ⲟⲩⲛⲟⲃⲓ ⲓⲉ ⲛⲑⲟϥ ⲕⲉⲟⲩⲁⲓ ⲉⲣⲉ ⲛⲓⲡⲁⲑⲟⲥ ⲉⲣⲟⲛⲟⲭⲗⲉⲓⲛ ⲛⲁϥ ϩⲱⲥ ⲓⲱⲧ ⲛⲁⲅⲁⲑⲟⲥ ⲟⲩⲟϩ ⲛϣⲁⲛ ⲑⲙⲁϧⲧ ⲙⲁⲗⲓⲥⲧⲁ ⲇⲉ ϧⲉⲛ ⲟⲩⲇⲓⲁⲕⲣⲓⲥⲓⲥ ⲕⲁⲧⲁ ⲟⲩⲙⲉⲧⲭⲣⲥ ⲉⲛⲁⲛⲉⲥ ⲉⲛⲁϥⲧⲥⲁⲃⲟ ⲙⲙⲱⲟⲩ ⲕⲁⲧⲏⲭⲓⲁ ⲉϥⲓⲣⲓ ϧⲉⲛ ⲟⲩⲙⲉⲧⲥⲁⲃⲉ ⲉⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ ⲉⲣⲉⲣⲥⲕⲉⲡⲁⲍⲉⲓⲛ ⲙⲙⲱⲟⲩ ⲙⲡⲓⲥⲟϭⲛⲓ ⲉⲧⲑⲏϣ ⲉⲑⲣⲟⲩⲛⲟ‐ ϩⲉⲙ ⲫⲁⲓ ⲇⲉ ϧⲉⲛ ⲟⲩⲥⲡⲟⲩⲇⲏ ⲉⲑⲣⲉϥϥⲁⲓ ϧⲁ ⲡⲓⲛⲁϩⲃⲉϥ ⲉⲧⲁⲥⲓⲱⲟⲩ ⲛⲧⲉ ϯⲙⲉⲧⲁⲛⲟⲓⲁ (-ⲝ̄-) ⲉⲟⲩⲧⲁⲗϭⲟ ⲙⲡⲉϥⲉⲣϧⲟⲧ ⲉⲑⲣⲉϥϩⲱⲧⲡ ⲉⲟⲩϩⲉⲓⲣⲏⲛⲏ ⲛⲉⲙ ⲫ︦ϯ︦ ϧⲉⲛ ⲟⲩⲧⲟⲩⲃⲟ ⲛⲉⲙ ⲟⲩⲁⲣⲉϩ ⲥⲁⲧϩⲏ ⲟⲛ. ⲡⲁⲓⲭⲉⲧ ⲟⲙⲟⲓⲱⲥ ⲉⲑ‐ ⲣⲉϥⲧⲥⲁⲃⲟϥ ⲉϯϫⲓ ⲛϯ ⲛⲟⲙⲓⲙⲱⲥ ⲉⲧⲁⲕⲟ ⲛϯⲕⲁⲕⲓⲁ ⲛⲉⲙ ⲛⲉⲥⲉⲛⲉⲣⲅⲉⲓⲁ ⲧⲏⲣⲟⲩ ϩⲓⲧⲉⲛ ϯⲉⲅⲕⲣⲁⲧⲉⲓⲁ ⲛⲉⲙ ⲡⲓⲙⲟⲩⲛ ⲉⲫϯ ⲉϥⲓⲣⲓ ⲇⲉ ⲙⲡⲁⲓⲣⲏϯ ϩⲱⲥ ⲓⲁⲧⲣⲟⲥ ⲛⲉⲙⲡⲉⲓⲣⲟⲥ ⲛⲧⲉ ⲛⲓⲯⲩⲭⲏ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉⲛⲁϥ‐ ### 0057 ⲫⲱϧ ⲛⲑⲛⲉϫⲓ ⲙⲡⲓⲇⲓⲁⲃⲟⲗⲟⲥ ⲛⲉⲙ ⲛⲉϥⲇⲁⲓⲙⲱⲛ ⲉⲧϩⲱⲟⲩ ϩⲱⲥⲧⲉ ⲛⲧⲉϥ‐ ϧⲣⲁϫⲣⲉϫ ⲛⲛⲉϥⲛⲁϫϩⲓ ⲟⲩⲟϩ ⲛⲧⲉϥⲉϣ ⲟⲩϧⲣⲱⲟⲩ ⲉⲃⲟⲗ ϧⲉⲛ ⲡⲓⲁⲏⲣ ⲉϥϫⲱ ⲙⲙⲟⲥ ϫⲉ ⲁⲕϣⲧⲉⲣⲑⲱⲣⲧ ⲓⲏⲥ ⲛⲉⲙ ⲛⲏ ⲉⲧⲉ ⲛⲟⲩⲕ. ⲉϥⲛⲁⲩ ⲇⲉ ⲉⲛⲁⲓ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉⲛⲁϥⲃⲟⲧⲥ ⲡⲉ ⲅⲉⲛⲛⲁⲓⲱⲥ ⲟⲩⲃⲉ ⲧⲡⲗⲁⲛⲏ ⲛⲧⲉϥⲡⲁⲛⲟⲩⲣⲅⲓⲁ ⲟⲩⲟϩ ⲉϥⲧⲁⲕⲟ ⲛⲧⲕⲁⲕⲟⲉⲣⲅⲓⲁ ⲛⲑⲙⲁⲑⲟⲩⲓ ⲙⲡⲉϥⲫⲑⲟⲛⲟⲥ ⲛⲉⲙ ⲧⲡⲗⲉⲟⲛⲉⲝⲓⲁ ⲙⲡⲉϥⲭⲟϩ ⲉⲧϩⲱⲟⲩ ϩⲓⲧⲉⲛ ⲑⲙⲉⲧⲣⲉϥϯ ⲧⲟⲧϥ ⲙⲡⲭⲥ ⲁⲧϭⲛⲉ ⲧⲁϩⲛⲟ ϧⲉⲛ ⲡⲓⲥⲧⲁⲇⲓⲟⲛ ⲛϯⲁⲣⲉⲧⲏ ⲙⲁⲗⲓⲥⲧⲁ ⲛⲉ ⲁϥⲉⲣ ⲡⲱⲃϣ ⲡⲉ ⲛϭⲓ ϧⲣⲉ ⲛⲉⲙ ϩⲓⲛⲓⲙ ⲉⲑⲃⲉ ϯϫⲟⲙ ⲉⲧϫⲟⲣ ⲛⲧⲉ ⲑⲙⲉⲧⲣⲁ‐ ⲙⲁⲟ ⲙⲡⲓⲡⲛⲁ ⲉⲑⲟⲩⲁⲃ ⲉⲧϣⲟⲡ ⲛϧⲏⲧϥ. ⲁϥⲑⲁⲙⲓⲟ ⲛⲁϥ ⲛⲟⲩⲙⲱⲓⲧ ⲉⲃⲟⲗ‐ ϧⲉⲛ ϩⲁⲛ ⲱⲛⲓ ⲉⲩϫⲟⲣ ⲟⲩⲟϩ ⲉⲩⲁϣⲓ ⲉⲃⲟⲗϧⲉⲛ ⲡⲁⲓⲥⲁ ⲛⲉⲙ ⲫⲁⲓ ⲉϥⲟⲓ ⲛⲟⲩⲙⲁϩⲓ ⲛϣⲓⲏ ⲛⲉⲙ ⲟⲩⲙⲁϩⲓ ⲛⲟⲩⲟⲥⲑⲉⲛ ⲟⲩⲟϩ ⲁⲣⲉϣⲁⲛ ⲫⲛⲟⲙⲟⲥ ⲛϯⲫⲩⲥⲓⲥ (-ⲝⲁ-) ϭⲓⲧϥ ⲛϫⲟⲛⲥ ⲛⲉϣⲁϥϯ ⲛⲟⲩⲕⲟⲩϫⲓ ⲛⲛⲓϥⲓ ⲛϧⲏⲧϥ ⲛⲧⲁⲓϧⲉ ⲁⲡⲗⲱⲥ ⲉϥϩⲉⲙⲥⲓ ⲟⲩⲟϩ ⲛⲧⲉϥⲛⲉϩϥ ⲉⲃⲟⲗ ⲥⲁⲧⲟⲧϥ ⲙⲁⲗⲓⲥⲧⲁ ⲉⲑⲃⲉ ⲧⲕⲁⲕⲓⲁ ⲛⲛⲏ ⲉⲧⲉⲣⲡⲉⲓⲣⲁⲍⲉⲓⲛ ϧⲉⲛ ϩⲁⲛ ⲫⲁⲛⲧⲁⲥⲓⲁ. ⲉⲛⲁϥϫⲱ ⲟⲩⲛ ⲛⲟⲩⲡⲁⲣⲁⲃⲟⲗⲕ ⲛϫⲉ ⲡⲉⲛⲓⲱⲧ ⲡⲉ ⲛⲛⲓⲥⲛⲏⲟⲩ ⲉⲑⲃⲉ ϯⲉⲅⲕⲣⲁⲧⲉⲓⲁ ⲉϥϫⲱ ⲙⲙⲟⲥ ϫⲉ ⲙⲫⲣⲏϯ ⲛⲟⲩⲟⲩⲣⲟ ⲁϥϣⲁⲛⲟⲩⲱϣ ⲉϭⲓ ⲛⲟⲩⲡⲟⲗⲓⲥ ϣⲁϥⲧⲁϩⲛⲟ ⲛⲛⲉⲥⲙⲁ ⲛⲥⲉⲕ ⲙⲱⲟⲩ ⲛϣⲟⲣⲡ ⲟⲩⲟϩ ⲛⲧⲉϥϣⲱⲗ ⲛⲛⲉⲥϧⲣⲏⲟⲩⲓ ⲁⲩϣⲁⲛϩⲟϫϩⲉϫ ⲇⲉ ϧⲁ ⲡⲓϩⲕⲟ ### 0058 ⲛⲉⲙ ⲡⲓⲓⲃⲓ ⲛϫⲉ ⲛⲏ ⲉⲧϣⲟⲡ ⲛϧⲏⲧⲥ ϣⲁⲩϭⲛⲉ ϫⲱⲟⲩ ⲛⲁϥ ⲟⲩⲟϩ ⲛⲧⲉϥ‐ ϣⲱⲡⲓ ⲛⲟⲥ ⲉϧⲣⲏⲓ ⲉϫⲱⲟⲩ. ⲫⲁⲓ ϩⲱϥ ⲡⲉ ⲙⲫⲣⲏϯ ⲙⲡⲓⲙⲟⲛⲁⲭⲟⲥ ⲁϥ‐ ϣⲁⲛϯ ⲭⲁⲗⲓⲛⲟⲥ ⲛⲧϩⲟⲣⲙⲏ ⲛϯⲙⲉⲧⲗⲁ ϧⲏⲧϥ ϧⲉⲛ ⲧⲉⲅⲕⲣⲁⲧⲉⲓⲁ ⲛⲛⲓϫⲓ ⲛⲟⲩⲱⲙ ⲉϥⲉⲣⲡⲟⲗⲓⲧⲉⲩⲉⲥⲑⲁⲓ ϧⲉⲛ ⲟⲩⲙⲉⲧⲙⲁⲓ ϧⲁⲥϥ ⲁⲅⲱⲛⲓⲥⲧⲓⲕⲱⲥ ⲁⲟⲣⲁⲧⲱⲥ ⲙⲁⲗⲗⲟⲛ ⲇⲉ ⲉⲃⲟⲗϩⲁ ⲡϧⲑⲁⲓ ⲛⲧⲉⲡⲓⲑⲩⲙⲓⲁ ⲛⲛⲓϩⲏⲇⲟⲛⲏ ⲛϣⲗⲟϥ ⲉϥⲁⲣⲉϩ ⲉⲣⲟϥ ⲙⲁⲗⲓⲥⲧⲁ ⲉϯⲡⲁⲣⲣⲏⲥⲓⲁ ϥⲛⲁⲉⲣ ⲟ︦ⲥ︦ ⲉϯⲕⲁⲕⲓⲁ ⲟⲩⲟϩ ϥⲛⲁⲧⲁⲕⲟ ⲙⲡⲁⲑⲟⲥ ⲛⲓⲃⲉⲛ ⲛⲧⲉ ⲡⲓⲇⲣⲁⲕⲱⲛ ⲉⲃⲟⲗⲛϧⲏⲧϥ ϧⲉⲛ ⲟⲩⲙⲧⲟⲛ. ⲛⲑⲟϥ ⲇⲉ ⲟⲛ ⲡⲉⲛⲓⲱⲧ ⲉⲧⲥⲙⲁⲣⲱⲟⲩⲧ ⲁⲃⲃⲁ ⲓⲱⲁⲛⲛⲏⲥ ⲁⲣⲉϣⲁⲛ ⲛⲉⲛⲡⲟⲗⲉ‐ ⲙⲟⲥ ⲛⲛⲉⲛⲡⲁⲑⲟⲥ ⲙⲡⲓϫⲁϫⲓ ϩⲉϫϩⲱϫ ⲟⲩⲁⲓ ϧⲉⲛ ⲛⲓⲥⲛⲏⲟⲩ ⲟⲩⲟϩ ⲛⲧⲉϥϯ ⲛⲟⲩⲉⲩⲭⲏ ⲉϫⲱϥ ⲛϫⲉ ⲡⲉⲛⲓⲱⲧ ⲉⲛⲁϥⲕⲏⲛ ⲥⲁⲧⲟⲧϥ ⲡⲉ ϧⲉⲛ ⲡⲓⲥⲟⲛ (-ⲝⲃ-) ⲛϫⲉ ⲡⲓϣⲱⲛⲓ ⲉϥⲧⲁⲗϭⲟ ⲛⲛⲓⲉⲛⲉⲣⲅⲉⲓⲁ ⲉⲧϩⲱⲟⲩ ϧⲉⲛ ⲛⲓⲥⲛⲏⲟⲩ ϧⲉⲛ ⲟⲩ‐ ⲙⲉⲧⲙⲁⲓ ϧⲁⲥϥ ⲉϥϯ ⲛⲧⲟⲧϥ ⲛⲉⲙⲱⲟⲩ ⲧⲏⲣⲟⲩ ϩⲓⲧⲉⲛ ⲧⲉⲛⲉⲣⲅⲉⲓⲁ ⲙⲡⲓⲡⲛⲁ ⲉⲑⲟⲩⲁⲃ ⲉⲧϣⲟⲡ ⲉϧⲣⲏⲓ ⲛϧⲏⲧϥ. ⲁⲩϫⲟⲥ ⲟⲛ ⲉⲑⲃⲏⲧϥ ⲱ ⲛⲁⲙⲉⲛⲣⲁϯ ⲛⲑⲟϥ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ϫⲉ ⲉⲧⲁϥⲉⲗ ϩⲁⲛ ⲕⲟⲩϫⲓ ⲛⲃⲓⲣ ⲉⲭⲏⲙⲓ ⲛⲟⲩⲥⲟⲡ ⲉⲑⲣⲉϥϫⲕⲱⲟⲩ ϧⲁ ϩⲁⲛ ⲕⲟⲩϫⲓ ⲛⲱⲓⲕ ⲛⲁϥ ⲙⲁⲗⲓⲥⲧⲁ ⲧⲭⲣⲉⲓⲁ ⲙⲡⲓⲥⲱⲙⲁ ⲉⲧⲁϥϫⲕⲱⲟⲩ ⲇⲉ ⲟⲩⲟϩ ### 0059 ⲉⲧⲁϥⲙⲟϩ ⲛϯⲃⲁⲓⲣⲓ ⲛⲧⲱⲟⲩ ⲛⲱⲓⲕ ⲉⲃⲟⲗϧⲉⲛ ϯⲧⲓⲙⲏ ⲛⲧⲉ ⲛⲓⲃⲓⲣ ⲉⲧⲓ ⲉϥⲥⲟⲃϯ ⲙⲙⲟϥ ⲛϫⲉ ⲡⲉⲛⲓⲱⲧ ⲉⲑⲣⲉϥⲙⲟϣⲓ ⲉⲡϣⲁϥⲉ ⲁⲥⲓ ⲉⲥⲙⲟϣⲓ ϧⲉⲛ ⲡⲓϧⲓⲣ ⲛϫⲉ ⲟⲩϧⲉⲗⲗⲱ ⲛⲥϩⲓⲙⲓ ⲟⲩⲟϩ ⲛⲉ ⲟⲩⲭⲏⲣⲁ ⲧⲉ ⲛϩⲏⲕⲓ ⲟⲩⲟϩ ⲛⲁϥⲙⲟⲗϩ ⲛⲥⲱⲥ ⲡⲉ ⲛϫⲉ ⲟⲩⲃⲗⲗⲉ ⲉⲥϭⲓ ⲙⲱⲓⲧ ϧⲁϫⲱϥ ⲟⲩⲟϩ ⲫⲁⲓ ⲛⲉ ⲡⲉⲥϣⲏⲣⲓ ⲡⲉ ⲉⲁϥ‐ ϫⲫⲟϥ ⲙⲡⲁⲓⲣⲏϯ. ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲉϥϯ ⲛϩⲑⲏϥ ⲛⲱⲟⲩ ⲉⲩ‐ ⲙⲟϣⲓ ⲁϥⲥⲱⲧⲉⲙ ⲉⲡⲓⲕⲟⲩϫⲓ ⲙⲃⲉⲗⲗⲉ ⲉϥϫⲱ ⲙⲙⲟⲥ ⲛⲧⲉϥⲙⲁⲩ ϫⲉ ⲫ︦ϯ︦ ⲑⲉϣ ⲟⲩⲱⲓⲕ ⲉⲣⲟⲛ ⲙⲫⲟⲟⲩ ⲉⲑⲣⲉⲛⲟⲩⲟⲙϥ ⲱ ⲧⲁⲙⲁⲩ. ⲧⲉϥⲙⲁⲩ ⲇⲉ ⲁⲥϥⲓ ⲁϩⲟⲙ ⲟⲩⲟϩ ⲁⲥⲣⲓⲙⲓ ⲉⲥϫⲱ ⲙⲙⲟⲥ ⲛⲁϥ ϫⲉ ⲡⲟ︦ⲥ︦ ⲉϥⲉⲛⲁⲩ ⲟⲩⲟϩ ⲛⲧⲉϥϣⲉⲛ ϩⲏⲧ ϩⲁⲣⲟⲛ ⲡⲁϣⲏⲣⲓ ϩⲓⲧⲉⲛ ⲧⲉϥⲙⲉⲧϥⲁⲓ ⲣⲱⲟⲩϣ. ⲡⲉⲛⲓⲱⲧ ⲇⲉ ⲉⲑⲟⲩⲁⲃ ⲙⲫⲱⲥⲧⲏⲣ ⲟⲩⲟϩ ⲙⲡⲛ︦ⲁ︦ⲧⲟⲫⲟⲣⲟⲥ ⲉⲧⲁϥⲥⲱⲧⲉⲙ ⲉⲛⲁⲓ ⲛⲧⲟⲧϥ ⲙⲡⲓⲕⲟⲩϫⲓ ⲙⲃⲗⲗⲉ (-ⲝ︦ⲅ︦-) ⲛⲉⲙ ⲧⲉϥⲙⲁⲩ ⲁⲩⲕⲓⲙ ⲉⲣⲟϥ ⲛϫⲉ ⲛⲓⲥⲡⲗⲁⲅⲭⲛⲟⲛ ⲛⲧⲉ ⲛⲓⲙⲉⲧϣⲉⲛ ϩⲏⲧ ⲛⲧⲉ ⲡⲭⲥ ⲉⲧϣⲟⲡ ⲛϧⲏⲧϥ ⲁϥⲙⲟⲩϯ ⲟⲩⲃⲉ ϯⲥϩⲓⲙⲓ ⲡⲉ‐ ϫⲁϥ ⲛⲁⲥ ϫⲉ ⲁⲙⲏ ⲉⲙⲛⲁⲓ. ⲉⲧⲁⲥⲓ ⲇⲉ ⲡⲉϫⲉ ⲡⲉⲛⲓⲱⲧ ⲛⲁⲥ ϫⲉ ⲁⲣⲏⲟⲩ ⲧⲉⲉⲣ ⲭⲣⲉⲓⲁ ⲛⲛⲁⲓⲕⲟⲩϫⲓ ⲛⲱⲓⲕ ⲧⲁⲙⲁⲩ. ⲛⲑⲟⲥ ⲇⲉ ⲡⲉϫⲁⲥ ⲛⲁϥ ϫⲉ ⲥⲉ ⲧⲟⲛⲱ ⲡⲁⲓⲱⲧ. ⲡⲉⲛⲓⲱⲧ ⲇⲉ ⲉⲑⲟⲩⲁⲃ ϩⲱⲥ ⲉⲩⲕⲓⲙ ⲉⲣⲟϥ ϧⲉⲛ ⲟⲩⲙⲉⲧϥⲁⲓ ⲣⲱⲟⲩϣ ⲉϧⲟⲩⲛ ⲉⲟⲩⲟⲛ ⲛⲓⲃⲉⲛ ⲟⲩⲟϩ ⲛⲁϥⲓⲣⲓ ⲡⲉ ⲙⲡⲉϥⲱⲃϣ ⲙⲙⲓⲛ ⲙⲙⲟϥ ⲉⲑⲃⲉ ⲡⲟⲩϫⲁⲓ ⲛϩⲁⲛ ⲕⲉⲭⲱⲟⲩⲛⲓ ⲁϥϯ ⲛϯⲃⲁⲓⲣⲓ ⲛⲧⲱⲟⲩ ⲛⲱⲓⲕ ⲛϯⲥϩⲓⲙⲓ ⲉϥⲉⲣ ### 0060 ϩⲉⲗⲡⲓⲥ ⲛⲑⲟϥ ⲉⲫⲏ ⲉⲧⲟⲛϧ ⲛϧⲏⲧϥ ⲡⲭ︦ⲥ︦ ⲟⲩⲟϩ ⲉⲧⲥⲁϩⲛⲓ ⲛⲁϥ ϧⲉⲛ ⲡⲓⲙⲉ‐ ⲣⲟⲥ ⲃ︦. ϯⲥϩⲓⲙⲓ ⲇⲉ ⲉⲧⲁⲥϭⲓ ⲛⲛⲓⲱⲓⲕ ϧⲉⲛ ⲟⲩⲣⲁϣⲓ ⲛⲉⲙ ⲟⲩϣⲉⲡ ⲉϩⲙⲟⲧ ⲕⲁⲧⲁ ⲟⲩⲟⲓⲕⲟⲛⲟⲙⲓⲁ ⲇⲉ ϩⲱⲥ ⲉⲩⲕⲓⲙ ⲉⲣⲟⲥ ⲉⲃⲟⲗϩⲓⲧⲉⲛ ⲫϯ ⲁⲥⲙⲟϩ ⲉⲃⲟⲗϧⲉⲛ ⲟⲩ‐ ⲛⲓϣϯ ⲛⲛⲁϩϯ ⲛϫⲉ ϯⲥϩⲓⲙⲓ ⲡⲉϫⲁⲥ ⲙⲡⲉⲛⲓⲱⲧ ϫⲉ ⲡⲁⲓⲱⲧ ⲉⲑⲟⲩⲁⲃ ϯⲛⲁⲩ ⲉⲣⲟⲕ ϫⲉ ⲛⲑⲟⲕ ⲟⲩⲁⲅⲓⲟⲥ ⲛⲧⲉ ⲫ︦ϯ︦ ⲟⲩⲟϩ ⲡⲁⲓⲕⲟⲩϫⲓ ⲛϣⲏⲣⲓ ⲉⲧⲉⲕⲛⲁⲩ ⲉⲣⲟϥ ⲡⲁϣⲏⲣⲓ ⲡⲉ ⲉⲁⲓϫϥⲟϥ ⲙⲡⲁⲓⲣⲏϯ ϯϯ ϩⲟ ⲉⲧⲉⲕⲙⲉⲧⲁⲅⲓⲟⲥ ⲛⲧⲉⲕⲭⲱ ⲛⲛⲉⲕ‐ ϫⲓϫ ⲉⲑⲟⲩⲁⲃ ⲉϫⲉⲛ ⲛⲉϥⲃⲁⲗ ⲛⲧⲉϥϭⲓ ⲉⲃⲟⲗϧⲉⲛ ⲡⲉⲕⲥⲙⲟⲩ. ⲡⲉⲛⲓⲱⲧ ⲇⲉ ⲉⲑⲟⲩⲁⲃ ⲉⲧⲁϥϥⲁⲓ ⲛⲛⲉϥⲃⲁⲗ ⲉⲡϣⲱⲓ ⲉⲧⲫⲉ ⲁϥϥⲓ ⲁϩⲟⲙ ϧⲉⲛ ⲟⲩϩⲏⲧ ⲉϥ‐ ⲙⲉϩ ⲙⲙⲉⲧϣⲉⲛ ϩⲏⲧ ⲟⲩⲟϩ ⲡⲉϫⲁϥ (-ⲝ︦ⲇ︦-) ϫⲉ ⲡⲭ︦ⲥ︦ ⲫ︦ϯ︦ ⲡⲭⲟⲣⲏⲅⲟⲥ ⲛⲁⲅⲁⲑⲟⲛ ⲛⲓⲃⲉⲛ ⲫⲛⲏⲃ ⲛⲛⲏ ⲉⲧϣⲟⲡ ⲧⲏⲣⲟⲩ ⲓⲏⲥ ⲡⲭⲥ ⲛⲑⲟⲕ ⲛⲥⲁϥ ⲛⲑⲟⲕ ⲙⲫⲟⲟⲩ ⲟⲛ ⲡⲉ ⲛⲑⲟⲕ ⲟⲛ ⲡⲉ ϣⲁ ⲛⲓⲉⲛⲉϩ ⲉⲧⲉ ⲙⲙⲟⲛⲧⲟⲩ ϫⲱⲕ ϧⲉⲛ ⲡϫⲓ ⲛⲑⲣⲉⲕⲉⲣⲭⲁⲣⲓⲍⲉⲥⲑⲁⲓ ⲅⲁⲣ ⲡⲟⲥ ⲙⲡⲓⲛⲁⲩ ⲙⲃⲟⲗ ⲙⲡⲓⲃⲉⲗⲗⲉ ⲙⲙⲓⲥⲓ ϧⲉⲛ ⲧϩⲟⲣⲙⲏ ⲙⲡⲉⲕⲟⲩⲱϣ ⲉⲧϫⲉⲙϫⲟⲙ ⲟⲩⲟϩ ⲉⲧϫⲏⲕ ⲉⲃⲟⲗ ϧⲉⲛ ⲡⲓⲛⲁⲓ ⲛⲑⲟⲕ ⲟⲛ ϯⲛⲟⲩ ⲡⲭ︦ⲥ︦ ⲫ︦ϯ︦ ⲙⲁⲣⲉϥϣⲱⲡⲓ ⲉϥϫⲏⲕ ⲉⲃⲟⲗ ⲉϧⲣⲏⲓ ⲉϫⲱⲛ ⲛϫⲉ ⲡϯ ⲙⲁϯ ⲙⲡⲉⲕⲟⲩⲱϣ ⲉⲑⲟⲩⲁⲃ ϧⲉⲛ ⲁⲅⲁⲑⲟⲛ ⲛⲓⲃⲉⲛ ⲉⲟⲩⲥⲱϯ ⲙⲡⲉⲕⲡⲗⲁⲥⲙⲁ ϫⲉ ⲡⲓⲱⲟⲩ ⲫⲱⲕ ⲡⲉ ⲛⲉⲙ ⲡⲉⲕⲓⲱⲧ ⲛⲁⲅⲁⲑⲟⲥ ⲛⲉⲙ ⲡⲓⲡⲛⲁ ⲉⲑⲟⲩⲁⲃ ϣⲁ ⲛⲓⲉⲛⲉϩ ⲛⲧⲉ ⲛⲓⲉⲛⲉϩ ⲁⲙⲏⲛ. ⲉⲧⲁϥϫⲱ ⲇⲉ ⲙⲡⲓⲁⲙⲏⲛ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁϥϩⲓ ⲛⲉϥϫⲓϫ ⲉϫⲉⲛ ⲛⲉⲛⲃⲁⲗ ⲙⲡⲓⲃⲉⲗⲗⲉ ⲟⲩⲟϩ ⲁϥⲉⲣⲥⲫⲣⲁⲅⲓⲍⲉⲓⲛ ⲙⲙⲱⲟⲩ ### 0061 ϧⲉⲛ ⲫⲣⲁⲛ ⲙⲡⲭ︦ⲥ︦ ⲥⲁⲧⲟⲧϥ ⲇⲉ ϧⲉⲛ ϯⲟⲩⲛⲟⲩ ⲁϥⲛⲁⲩ ⲙⲃⲟⲗ ⲛϫⲉ ⲡⲓ‐ ⲃⲉⲗⲗⲉ ⲉⲃⲟⲗ ⲇⲉ ϧⲉⲛ ⲡⲓⲣⲁϣⲓ ⲛⲉⲙ ϯϣⲫⲏⲣⲓ ⲉⲧⲁⲥϣⲱⲡⲓ ⲁ ⲧⲉϥⲙⲁⲩ ⲉϣ ⲟⲩⲛⲓϣϯ ⲛϧⲣⲱⲟⲩ ⲉⲃⲟⲗ ⲉⲥϫⲱ ⲙⲙⲟⲥ ϫⲉ ϥⲥⲙⲁⲣⲱⲟⲩⲧ ⲛϫⲉ ⲡⲟⲥ ⲫϯ ⲙⲡⲁⲓϧⲉⲗⲗⲟ ⲙⲙⲟⲛⲁⲭⲟⲥ ⲉⲑⲟⲩⲁⲃ ⲟⲩⲟϩ ⲉⲃⲟⲗϩⲓⲧⲉⲛ ⲧⲉⲥⲥⲙⲏ ⲁ ⲟⲩ‐ ⲙⲏϣ ⲉⲣ ϩⲏⲧⲥ ⲛⲑⲱⲟⲩϯ ⲉϫⲉⲛ ϯⲑⲉⲱⲣⲓⲁ. ϧⲉⲛ ⲛⲁⲓ ⲁ ⲡⲉⲛⲓⲱⲧ ⲉⲣⲁⲛⲁ‐ ⲭⲟⲣⲉⲓⲛ ⲉⲃⲟⲗ ⲥⲁ ⲕⲁⲓ ⲥⲁ ⲉϥⲫⲏⲧ ⲉⲃⲟⲗϧⲁ ⲡⲓⲱⲟⲩ ⲛⲛⲓⲣⲱⲙⲓ ⲟⲩⲟϩ ⲁϥⲉⲣ ⲁⲑⲟⲩⲱⲛϩ ⲉⲃⲟⲗ ⲉϥϭⲓ ⲙⲱⲓⲧ ϧⲁϫⲱϥ ⲛϫⲉ ⲡⲭⲥ. ⲉⲛⲁϥⲉⲣⲡⲣⲟⲧⲣⲉⲡⲉⲓⲛ ⲇⲉ ⲟⲛ ⲡⲉ ⲛⲟⲩⲟⲛ ⲛⲓⲃⲉⲛ (-ⲝ︦ⲉ︦-) ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲉⲑⲣⲟⲩⲁⲣⲉϩ ⲉⲣⲱⲟⲩ ⲉⲃⲟⲗϩⲁ ⲛⲟⲃⲓ ⲛⲓⲃⲉⲛ ⲙⲁ‐ ⲗⲓⲥⲧⲁ ⲇⲉ ⲛϩⲟⲩⲟ ϯⲕⲁⲧⲁⲗⲁⲗⲓⲁ ⲛⲉⲙ ϯⲙⲉⲧⲣⲉϥϯ ϩⲁⲡ ⲉϥϫⲱ ⲙⲙⲟⲥ ϫⲉ ⲛⲁⲓ ⲓⲣⲓ ⲙⲡⲓⲣⲱⲙⲓ ⲛϣⲉⲙⲙⲟ ⲉⲫ︦ϯ︦ ⲙⲫⲣⲏϯ ⲛϯⲡⲟⲣⲛⲉⲓⲁ ⲛⲉⲙ ϯⲙⲉⲧ‐ ϣⲁⲙϣⲉ ⲉⲓⲇⲱⲗⲟⲛ ⲟⲩⲟϩ ⲉϥϭⲓ ⲏⲡⲓ ⲛⲛⲁⲓ ⲧⲏⲣⲟⲩ ⲛϫⲉ ⲡⲓⲁⲡⲟⲥⲧⲟⲗⲟⲥ ⲉⲑⲟⲩⲁⲃ ϣⲁϥϫⲟⲥ ϫⲉ ⲛⲏ ⲉⲧⲓⲣⲓ ⲛⲛⲁⲓ ⲙⲡⲁⲓⲣⲏϯ ϯⲙⲉⲧⲟⲩⲣⲟ ⲛⲧⲉ ⲫϯ ⲥⲉⲛⲁⲉⲣⲕⲗⲏⲣⲟⲛⲟⲙⲉⲓⲛ ⲙⲙⲟⲥ ⲁⲛ. ⲟⲩⲟϩ ⲉⲑⲃⲉ ⲛⲁⲓ ⲛⲁϥϫⲱ ⲛⲟⲩⲡⲁ‐ ⲣⲁⲃⲟⲗⲏ ⲛⲁⲛ ⲟⲛ ϫⲉ ⲛⲉ ⲟⲩⲟⲛ ⲛⲧⲉ ⲟⲩⲣⲱⲙⲓ ⲛϩⲏⲕⲓ ⲛⲥϩⲓⲙⲓ ⲃ︦ϯ ⲟⲩⲟϩ ⲛⲁⲩⲃⲏϣ ⲡⲉ ⲛϯⲃ︦ϯ ⲁⲧϭⲛⲉ ϩⲉⲃⲥⲱ ⲉⲑⲃⲉ ⲧⲟⲩⲙⲉⲧϩⲏⲕⲓ. ⲟⲩⲟϩ ⲉⲧⲁ ⲟⲩⲉ‐ ϩⲟⲟⲩ ⲛϣⲁⲓ ϣⲱⲡⲓ ⲛⲧⲉ ⲟⲩⲧⲟⲡⲟⲥ ⲛⲁⲩϯ ϩⲟ ⲉⲡⲟⲩϩⲁⲓ ϩⲓⲛⲁ ⲛⲧⲉϥⲟⲗⲟⲩ ### 0062 ⲉϯⲁⲛⲧⲉⲗⲉⲥ ϩⲱⲟⲩ ⲛⲧⲟⲩⲛⲁⲩ ⲉⲛⲏ ⲉⲧϣⲟⲡ ϧⲉⲛ ⲡⲓⲙⲁ ⲉⲧⲉⲙⲙⲁⲩ. ⲡⲟⲩϩⲁⲓ ⲇⲉ ⲉⲑⲃⲉ ⲡⲟⲩⲃⲱϣ ⲉⲃⲟⲗ ⲁϥⲑⲁⲙⲓⲟ ⲛⲁϥ ⲛⲟⲩⲑⲏⲃⲓ ⲉⲥⲟⲓ ⲛⲭⲟⲗⲭⲟⲗ ⲟⲩⲟϩ ⲁϥϩⲓⲟⲩⲓ ⲛϯⲃ︦ϯ ⲉⲡⲉⲥⲏⲧ ⲉⲣⲟⲥ ⲟⲩⲟϩ ⲁϥⲧⲁⲗⲱⲟⲩ ⲉⲟⲩϫⲟⲓ ⲁϥϣϭⲏⲣ ⲛⲉⲙⲱⲟⲩ. ⲉⲧⲁⲩⲫⲟϩ ⲇⲉ ⲉⲡⲓϯⲙⲓ ⲁⲥⲓ ⲉⲡϣⲱⲓ ⲉⲃⲟⲗϧⲉⲛ ϯⲑⲏⲃⲓ ⲛϫⲉ ⲟⲩⲓ ⲉⲃⲟⲗⲛϧⲏⲧⲟⲩ ⲁⲥϣⲉ ⲛⲁⲥ ⲉϫⲉⲛ ϯⲕⲟⲡⲣⲓⲁ ⲁⲥⲑⲱⲟⲩϯ ⲛⲟⲩⲙⲏϣ ⲛⲧⲱⲓⲥⲓ ⲉϧⲟⲩⲛ ⲟⲩⲟϩ ⲁⲥⲑⲁⲙⲓⲟ ⲛⲟⲩϣⲑⲏⲛ ⲁⲥϩⲱⲃⲥ ⲛⲛⲉⲥⲃⲱϣ ⲟⲩⲟϩ ⲁⲥϣⲉ ⲛⲁⲥ ⲁⲥⲟϩⲓ ⲉⲣⲁⲧⲥ ϧⲁⲧⲉⲛ ⲡⲓⲙⲏϣ (-ⲝ︦ⲋ︦-) ⲁⲥⲛⲁⲩ ⲉⲛⲏ ⲉⲧϣⲟⲡ ⲧⲏⲣⲟⲩ. ϯⲕⲉⲟⲩⲓ ⲇⲉ ϩⲱⲥ ⲁⲥϫⲟⲩϣⲧ ⲉⲃⲟⲗϧⲉⲛ ⲛⲓⲭⲟⲗ ⲉⲥⲛϧⲣⲏⲓ ϧⲉⲛ ϯⲑⲏⲃⲓ ⲁⲥⲛⲁⲩ ⲉⲧⲉⲥϣⲫⲉⲣⲓ ϧⲉⲛ ⲑⲙⲏϯ ⲙⲡⲓⲙⲏϣ ⲡⲉϫⲁⲥ ⲙⲡⲉⲥϩⲁⲓ ϫⲉ ⲭⲛⲁⲩ ⲉⲧⲁⲓ‐ ⲡⲟⲣⲛⲏ ⲁⲛ ⲛⲉⲙ ⲧⲉⲥⲙⲉⲧⲁⲧϣⲫⲓⲧ ϫⲉ ⲥϣⲓⲡⲓ ⲁⲛ ⲉⲣⲉ ⲛⲁⲓ ⲫⲉⲗϫⲓ ⲛϩⲃⲱⲥ ⲧⲟⲓ ϩⲓⲱⲧⲥ ⲉⲁⲥⲉⲣ ⲡⲱⲃϣ ⲛⲧⲉⲥⲁⲥⲭⲏⲙⲟⲥⲩⲛⲏ ⲙⲙⲓⲛ ⲙⲙⲟⲥ ⲛⲉⲙ ⲧⲉⲥ‐ ⲙⲉⲧⲉⲃⲓⲏⲛ ⲉϧⲣⲏⲓ ⲉϯⲑⲏⲃⲓ ⲛϫⲉ ϯⲧⲁⲗⲁⲓⲡⲱⲣⲟⲥ ⲉⲧⲉⲙⲙⲁⲩ ⲉⲛⲥϣⲟⲩⲱⲛϩ ⲙⲙⲟⲥ ⲁⲛ ϩⲟⲗⲱⲥ ⲉⲑⲃⲉ ⲧⲉⲥⲙⲉⲧⲉⲃⲓⲏⲛ ⲙⲡⲉⲙⲑⲟ ⲛⲛⲓⲣⲱⲙⲓ ⲉⲑⲃⲉ ⲡⲉⲥ‐ ⲃⲱϣ ⲉⲃⲟⲗ ⲟⲩⲟϩ ⲁⲥϯ ϩⲁⲡ ⲉⲧⲉⲥⲉⲣⲏⲟⲩ. ⲡⲉⲥϩⲁⲓ ⲇⲉ ⲡⲉϫⲁϥ ⲛⲁⲥ ϫⲉ ⲙⲁϩⲑⲏ ⲉⲣⲟ ⲙⲙⲓⲛ ⲙⲙⲟ ⲟⲩⲟϩ ⲁⲣⲓ ⲡⲉⲙⲉⲩⲓ ϫⲉ ⲉⲣⲉ ⲟⲓ ⲛⲁϣ ⲛⲣⲏϯ. ⲑⲁⲓ ⲣⲱ ⲁⲥϫⲓⲙⲓ ⲛϩⲁⲛ ⲧⲱⲓⲥⲓ ⲁⲥϩⲱⲃⲥ ⲙⲡⲉⲥⲃⲱϣ ⲓⲥ ⲛⲑⲟ ϩⲱⲓ ⲧⲉϣⲟⲩⲟⲛϩ ⲁⲛ ⲣⲱ ϩⲟⲗⲱⲥ ⲛⲁϩⲣⲉⲛ ⲡϩⲟ ⲛϩⲗⲓ ⲛⲣⲱⲙⲓ ⲉⲑⲃⲉ ⲟⲩ ⲧⲉϯ ϩⲁⲡ ⲉⲧⲉⲥⲱⲛⲓ. ⲫⲁⲓ ϩⲱⲛ ⲡⲉϫⲁϥ ⲡⲉ ⲡⲉⲛⲣⲏϯ ⲉⲛⲓⲣⲓ ⲙⲡⲱⲃϣ ⲛⲛⲉⲛⲛⲟⲃⲓ ⲙⲙⲓⲛ ⲙⲙⲟⲛ ### 0063 ⲟⲩⲟϩ ⲉⲛϯ ϩⲁⲡ ⲉⲡⲉⲛⲥⲟⲛ ⲟⲙⲟⲓⲱⲥ ⲡⲉϫⲁϥ ⲉⲣⲉ ϯⲙⲉⲧⲙⲁⲓ ⲣⲱⲙⲓ ⲛⲧⲉ ⲫ︦ϯ︦ ⲥⲟⲃϯ ⲛⲁⲛ ϧⲉⲛ ⲧⲉϥⲁⲛⲟⲭⲏ ⲉⲫⲙⲱⲓⲧ ⲛⲧⲉ ⲡⲓⲟⲩϫⲁⲓ ϩⲓⲧⲉⲛ ⲧⲉϥϫⲓ ⲛⲁⲟⲩⲱⲛ ⲛⲁⲛ ⲙⲫⲣⲟ ⲛⲧⲉ ϯⲙⲉⲧⲁⲛⲟⲓⲁ ⲁⲛϣⲁⲛⲟⲩⲱϣ ⲧⲉⲛⲛⲁⲛⲟϩⲉⲙ. ⲟⲩⲟϩ ⲛⲁϥϫⲱ ⲟⲛ ⲛⲟⲩⲡⲁⲣⲁⲃⲟⲗⲏ ⲉⲑⲃⲉ ⲡⲁⲓϩⲱⲃ ⲉϥϫⲱ ⲙⲙⲟⲥ (-ⲝⲍ-) ϫⲉ ⲙⲫⲣⲏϯ ⲛⲟⲩⲥϩⲓⲙⲓ ⲙⲡⲟⲣⲛⲏ ⲉⲣⲉ ⲟⲩⲟⲛ ⲛⲧⲁⲥ ⲙⲙⲁⲩ ⲛⲟⲩⲙⲏϣ ⲛϣⲫⲏⲣ ⲛⲛⲱⲓⲕ ⲟⲩⲟϩ ⲛⲧⲉϥⲥⲓⲛⲓ ⲉϫⲱⲥ ⲛϫⲉ ⲟⲩⲟⲩⲣⲟ ⲟⲩⲟϩ ⲛⲧⲉϥⲛⲁⲩ ⲉⲣⲟⲥ ⲟⲩⲟϩ ⲛⲧⲉϥϭⲓⲧⲥ ⲛⲁϥ ⲉⲟⲩⲥϩⲓⲙⲓ ⲟⲩⲟϩ ⲙⲡⲁⲣⲉ ⲧϩⲟϯ ⲙⲡⲟⲩⲣⲟ ⲉⲣⲥⲩⲅⲭⲱⲣⲉⲓⲛ ⲉⲭⲱ ⲛⲛⲓⲛⲱⲓⲕ ⲉϧⲱⲛⲧ ϫⲉ ⲗⲟⲓⲡⲟⲛ ⲉⲡⲉⲥⲏⲓ ⲛⲕⲉⲥⲟⲡ ϫⲉ ⲛⲛⲟⲩϧⲟⲑⲃⲟⲩ ⲁⲗⲗⲁ ⲉϣⲁⲩⲥⲟⲕⲟⲩ ϩⲓ ⲫⲟⲩⲉⲓ ⲙⲡⲉⲥⲏⲓ ⲛⲧⲟⲩⲉⲣ ϣⲟⲩϣⲓⲧⲥ ⲛⲁⲥ. ⲁⲥϣⲁⲛ‐ ⲥⲱⲧⲉⲙ ⲇⲉ ⲉⲣⲱⲟⲩ ϩⲱⲥ ϣⲁⲥⲫⲱⲧ ϩⲱⲥ (sic) ⲉϧⲟⲩⲛ ⲉⲡⲉⲥⲧⲁⲙⲉⲓⲟⲛ ⲛⲧⲉⲥ‐ ⲙⲁϣⲑⲁⲙ ⲙⲡⲉⲥⲣⲟ ⲉⲣⲱⲥ ⲉⲑⲃⲉ ⲧϩⲟϯ ⲙⲡⲉⲥϩⲁⲓ ⲛⲉⲙ ⲡⲓⲱⲟⲩ ⲉⲧⲁⲥϣⲁϣⲛⲓ ⲉⲣⲟϥ ϫⲉ ⲛⲛⲟⲩⲟⲗϥ ⲛⲧⲟⲧⲥ ⲛⲕⲉⲥⲟⲡ. ⲫⲁⲓ ϩⲱϥ ⲡⲉϫⲁϥ ⲙⲫⲣⲏϯ ⲛⲟⲩⲯⲩⲭⲏ ⲁⲥϣⲁⲛⲕⲱ ⲛⲥⲱⲥ ⲛⲛⲉⲥⲑⲱⲗⲉⲃ ⲛⲧⲉⲥⲫⲱⲧ ⲉϧⲟⲩⲛ ⲉⲡⲓⲧⲟⲩⲃⲟ ⲛⲉⲙ ⲧⲥⲕⲉⲡⲏ ⲛϯϩⲉⲗⲡⲓⲥ ⲛⲧⲉ ⲫⲛⲁⲓ ⲙⲡⲉⲛⲛⲟⲩϯ ϫⲉ ϣⲁⲣⲉ ⲧϩⲟϯ ⲛⲛⲓⲕⲟⲗⲁⲥⲓⲥ ⲛⲉⲙ ⲫⲣⲁϣⲓ ⲛⲛⲓⲁⲅⲁⲑⲟⲛ ⲛⲧⲉ ⲑⲙⲉⲧⲟⲩⲣⲟ ⲛⲧⲉ ⲛⲓⲫⲏⲟⲩⲓ ϣⲱⲡⲓ ⲛⲁⲥ ⲛⲛⲟⲙϯ ⲛⲉⲙ ⲃⲟⲏⲑⲉⲓⲁ ⲉⲡϫⲓ ⲛⲛⲁϩⲙⲉⲥ ⲛⲧⲟⲧⲟⲩ ⲛⲛⲓⲉⲛⲉⲣⲅⲉⲓⲁ ⲉⲧϩⲱⲟⲩ ⲛⲉⲙ ⲛⲓⲡⲁⲑⲟⲥ ⲛϯⲕⲁⲕⲓⲁ. ### 0064 ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ⲉⲣⲉ ⲛⲓⲥⲛⲏⲟⲩ ⲟⲩⲱⲙ ⲛⲟⲩⲥⲟⲡ ϧⲉⲛ ⲟⲩⲁⲅⲁⲡⲏ ⲉϥϩⲉⲙⲥⲓ ⲛⲉⲙⲱⲟⲩ ⲡⲉ ϧⲉⲛ ϯⲫⲟⲣϣⲓ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛ‐ ⲛⲏⲥ (-ⲝ︦ⲏ︦-) ⲁϥⲛⲁⲩ ⲉⲟⲩⲥⲟⲛ ⲉϥⲥⲱⲃⲓ ⲉϥⲟⲩⲱⲙ ϩⲓ ϯⲫⲟⲣϣⲓ ⲟⲩⲟϩ ⲁϥⲣⲓⲙⲓ ⲛϫⲉ ⲁⲃⲃⲁ ⲓⲱⲁⲛⲛⲏⲥ ⲉϥϫⲱ ⲙⲙⲟⲥ ϫⲉ ϩⲁⲣⲁ ⲉⲣⲉ ⲫⲙⲉⲩⲓ ⲙⲡⲁⲓⲥⲟⲛ ⲛⲑⲱⲛ ⲉⲛⲉⲡⲉⲧⲥϣⲉ ⲉⲣⲟϥ ⲡⲉ ⲙⲁⲗⲗⲟⲛ ⲉⲣⲓⲙⲓ ⲟⲩⲟϩ ⲉϥⲓ ⲁϩⲟⲙ ϧⲉⲛ ⲟⲩϣⲉⲡ ϩⲙⲟⲧ ϫⲉ ⲁϥⲟⲩⲉⲙ ⲟⲩⲁⲅⲁⲡⲏ. ⲛⲕⲉⲉϩⲟⲟⲩ ⲇⲉ ⲟⲛ ⲉϥⲟⲩⲱⲙ ϩⲓ ϯⲧⲣⲁⲡⲉⲍⲁ ⲛⲉⲙ ϩⲁⲛ ⲙⲏϣ ⲙⲙⲟⲛⲁⲭⲟⲥ ⲛϫⲉ ⲡⲉⲛⲓⲱⲧ ⲁⲩϭⲱⲣⲡ ⲛⲁϥ ⲉⲃⲟⲗϧⲉⲛ ⲡⲓⲡⲛⲁ ⲟⲩⲟϩ ⲁϥⲛⲁⲩ ⲉⲟⲩⲇⲓⲁⲫⲟⲣⲁ ⲙⲡⲁⲓⲣⲏϯ ϧⲉⲛ ⲛⲓⲥⲛⲏⲩ ⲉⲩⲟⲩⲱⲙ. ϩⲁⲛ ⲟⲩⲟⲛ ⲛϧⲏⲧⲟⲩ ⲉⲩⲟⲩⲉⲙ ⲉⲃⲓⲱ ϩⲁⲛ ⲟⲩⲟⲛ ⲛϩⲏⲧⲟⲩ ⲉⲩ‐ ⲟⲩⲉⲙ ⲱⲓⲕ ϩⲁⲛ ⲕⲉⲟⲩⲟⲛ ⲉⲩⲟⲩⲉⲙ ⲕⲁϩⲓ. ⲡⲉⲛⲓⲱⲧ ⲇⲉ ⲉϥⲧⲟⲙⲧ ⲉϫⲉⲛ ⲡⲁⲓⲙⲩⲥⲧⲏⲣⲓⲟⲛ ⲁ ⲟⲩⲥⲙⲏ ϣⲱⲡⲓ ϩⲁⲣⲟϥ ⲉⲃⲟⲗϧⲉⲛ ⲧⲫⲉ ⲉⲥϫⲱ ⲙⲙⲟⲥ ϫⲉ ⲛⲏ ⲉⲧⲟⲩⲉⲙ ⲉⲃⲓⲱ ⲛⲁⲓ ⲛⲉ ⲛⲏ ⲉⲑⲟⲩⲱⲙ ϧⲉⲛ ⲟⲩϩⲟϯ ⲛⲉⲙ ⲟⲩⲥⲑⲉⲣ‐ ⲧⲉⲣ ⲛⲉⲙ ⲟⲩⲣⲁϣⲓ ⲙⲡⲛⲁⲧⲓⲕⲟⲛ ⲉⲩⲧⲱⲃϩ ϧⲉⲛ ⲟⲩⲙⲉⲧⲁⲑⲙⲟⲩⲛⲕ ⲉⲣⲉ ⲛⲟⲩⲡⲟⲗⲓⲧⲉⲩⲙⲁ ϧⲉⲛ ⲛⲓⲫⲏⲟⲩⲓ ⲉⲣⲉ ⲧⲟⲩⲡⲣⲟⲥⲉⲩⲭⲏ ⲛⲏⲟⲩ ⲉⲡϣⲱⲓ ⲙⲫⲣⲏϯ ⲛⲟⲩⲥⲑⲟⲓ ⲛⲟⲩϥⲓ ⲉϥϣⲏⲡ ⲛⲁϥ ⲉⲑⲃⲉ ⲫⲁⲓ ⲉⲩⲟⲩⲉⲙ ⲉⲃⲓⲱ. ⲛⲏ ⲇⲉ ⲉⲑⲟⲩⲉⲙ ⲱⲓⲕ ⲛⲁⲓ ⲛⲉ ⲛⲏ ⲉⲑⲟⲩⲱⲙ ϧⲉⲛ ⲟⲩϣⲉⲡ ⲉϩⲙⲟⲧ ⲉⲩϯ ⲱⲟⲩ ⲙⲫ︦ϯ︦ ⲉϩⲣⲏⲓ ⲉϫⲉⲛ ⲡⲉϥⲛⲓϣϯ ⲛⲉⲣⲅⲁⲥⲓⲁ ⲛⲉⲙ ⲧⲉϥⲇⲱⲣⲉⲁ ⲉⲧⲁϥⲥⲉⲃⲧⲱⲧⲥ ⲛⲱⲟⲩ. (-ⲝ︦ⲑ︦-) ⲛⲏ ⲇⲉ ⲉⲑⲟⲩⲉⲙ ⲕⲁϩⲓ ⲛⲁⲓ ⲛⲉ ⲛⲏ ⲉⲑⲟⲩⲱⲙ ϧⲉⲛ ⲟⲩⲭⲣⲉⲙⲣⲉⲙ ⲉⲩϫⲉⲙ ### 0065 ⲁⲣⲓⲕⲓ ⲟⲩⲟϩ ⲉⲩⲉⲣⲕⲁⲧⲁⲗⲁⲗⲉⲓⲛ ⲉⲩϯ ϩⲁⲡ ϫⲉ ⲫⲁⲓ ϩⲱⲟⲩ ⲓⲉ ⲫⲁⲓ ⲛⲁⲛⲉϥ. ⲥⲉⲣⲡⲣⲉⲡⲉⲓ ⲁⲛ ⲙⲡⲁⲓⲣⲏϯ ⲉⲙⲉⲩⲓ ⲉⲛⲁⲓ ⲓⲉ ⲥⲁϫⲓ ⲉⲛⲁⲓ ⲉⲡⲧⲏⲣϥ ⲁⲗⲗⲁ ⲙⲁⲗⲗⲟⲛ ⲫⲏ ⲉⲧⲥⲟⲧⲡ ⲛϩⲟⲩⲟ ⲡⲉ ⲫⲁⲓ ⲉϯ ⲱⲟⲩ ⲙⲫϯ ⲟⲩⲟϩ ⲉⲥⲙⲟⲩ ⲉⲣⲟϥ ϧⲉⲛ ⲟⲩⲉⲩⲭⲁⲣⲓⲥⲧⲓⲁ ⲉⲥⲟϣ ⲉⲛϫⲱⲕ ⲉⲃⲟⲗ ⲙⲫⲟⲩⲁϩⲥⲁϩⲛⲓ ⲙⲡⲓⲁⲡⲟⲥⲧⲟⲗⲟⲥ ϫⲉ ⲉⲓⲧⲉ ⲉⲣⲉⲧⲉⲛⲟⲩⲱⲙ ⲉⲓⲧⲉ ⲉⲣⲉⲧⲉⲛⲥⲱ ⲉⲓⲧⲉ ⲉⲣⲉⲧⲉⲛⲓⲣⲓ ⲛⲕⲉϩⲱⲃ ⲕⲉϩⲱⲃ ϩⲱⲃ ⲛⲓⲃⲉⲛ ⲁⲣⲓⲧⲟⲩ ⲉⲡϯ ⲱⲟⲩ ⲙⲫ︦ϯ︦. ⲡⲓⲛⲓϣϯ ⲙⲉⲛ ⲟⲩⲛ ⲛⲇⲓⲁⲕⲣⲓⲧⲓⲕⲟⲥ ⲟⲩⲟϩ ⲛⲥⲟⲫⲟⲥ ⲉⲡⲓϩⲟⲩⲟ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲡⲟⲓⲙⲏⲛ ⲫⲏ ⲉⲧⲁϥϣⲱⲡⲓ ⲛⲟⲩⲡⲁⲩⲗⲟⲥ ⲙⲃⲉⲣⲓ ϧⲉⲛ ⲧⲉϥ‐ ⲅⲉⲛⲉⲁ ⲫⲏ ⲉⲧⲉ ⲧⲉϥⲥⲟⲫⲓⲁ ⲙⲙⲏⲓ ⲙⲁⲗⲓⲥⲧⲁ ⲁϥⲓⲥⲧⲟⲣⲉⲓⲛ ϩⲁⲛ ⲛⲓϣϯ ⲛⲕⲁⲧⲟⲣⲑⲱⲙⲁ ⲉⲩⲟϣ ⲛⲧⲉ ϩⲁⲛ ⲙⲏϣ ⲙⲫⲱⲥⲧⲏⲣ ϧⲉⲛ ⲛⲉⲛⲓⲟϯ ⲉϥⲉⲣⲇⲓⲁ‐ ⲕⲟⲛⲉⲓⲛ ⲛⲛⲓϩⲃⲏⲟⲩⲓ ⲙⲡⲁⲣⲁⲇⲟⲝⲟⲛ ⲛⲧⲉ ⲡⲓⲡⲛⲁ ⲉⲑⲟⲩⲁⲃ ⲉⲧϣⲟⲡ ϧⲉⲛ ⲛⲉⲛⲓⲟϯ ⲉⲟⲩϩⲏⲟⲩ ⲛⲛⲉⲛⲯⲩⲭⲏ ⲛⲑⲟϥ ⲇⲉ ⲣⲱ ⲟⲛ ⲡⲓⲥⲟⲫⲟⲥ ⲁⲗⲏⲑⲱⲥ ⲟⲩⲟϩ ⲙⲡⲁⲛⲁⲅⲓⲟⲥ ⲁⲃⲃⲁ ⲡⲟⲓⲙⲏⲛ ⲁϥⲥϧⲉ ⲛϩⲁⲛ ⲙⲏϣ ⲛⲕⲁⲧⲟⲣⲑⲱⲙⲁ ⲛⲧⲉ ⲫⲏ ⲉⲧⲉ ⲫⲱⲛ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲙⲁⲗⲓⲥⲧⲁ ⲉϥⲧⲁⲙⲟ ⲙⲙⲟⲛ ⲣⲏⲧⲱⲥ ϧⲉⲛ ⲛⲏ ⲉⲧⲁϥϫⲟⲧⲟⲩ ⲉⲑⲃⲏⲧϥ ϫⲉ ⲁϥⲧⲁϫⲣⲟϥ ⲕⲣⲓⲧⲓⲕⲱⲥ ϧⲉⲛ ⲧϩⲉⲝⲓⲥ ⲛϯⲙⲉⲧⲧⲉⲗⲉⲓⲟⲥ (-ⲟ̄-) ϩⲱⲥ ϣⲏⲣⲓ ⲛⲛⲟⲩϯ ⲕⲁⲧⲁ ⲟⲩϩⲙⲟⲧ ⲉϥⲧⲁⲟⲩⲟ ⲉⲃⲟⲗ ⲛⲟⲩⲕⲁⲣⲡⲟⲥ ⲛⲟⲩϫⲁⲓ ⲛⲧⲉ ⲡⲓⲡⲛⲁ ⲉⲑⲟⲩⲁⲃ. ϣⲁϥϫⲟⲥ ⲉⲑ‐ ### 0066 ⲃⲏⲧϥ ⲛⲑⲟϥ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ϫⲉ ⲉⲑⲃⲉ ⲡⲉϥⲧⲟⲩⲃⲟ ⲛϩⲏⲧ ⲛⲉⲙ ⲡϭⲓⲥⲓ ⲛⲧⲉ ⲡⲉϥⲑⲉⲃⲓⲟ ⲛⲁⲣⲉ ⲟⲩⲥⲟⲃⲧ ⲛⲭⲣⲱⲙ ⲛⲧⲉ ⲡⲓⲡⲛ︦ⲁ︦ ⲉⲑⲟⲩⲁⲃ ⲧⲁⲕ‐ ⲧⲏⲟⲩⲧ ⲉⲣⲟϥ ⲡⲉ ⲉϥⲣⲱⲕϩ ⲛⲛⲓⲙⲉⲩⲓ ⲛⲉⲙ ⲛⲓⲉⲛⲉⲣⲅⲉⲓⲁ ⲉⲧϩⲱⲟⲩ ⲧⲏⲣⲟⲩ ⲛⲧⲉ ⲡⲓⲇⲓⲁⲃⲟⲗⲟⲥ ⲉϣⲧⲉⲙⲭⲁⲩ ⲉϧⲱⲛⲧ ⲉⲣⲟϥ ⲉⲡⲧⲏⲣϥ ϧⲉⲛ ⲛⲁⲓ ⲅⲁⲣ ⲡⲉ‐ ϫⲁϥ ⲁϥⲧⲁϩⲟ ⲉⲣⲁⲧϥ ⲛϯⲓⲉ ⲛⲉⲛⲧⲟⲗⲏ ⲛⲧⲉ ⲡⲓⲁⲡⲟⲥⲧⲟⲗⲟⲥ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉⲧⲉ ⲛⲁⲓ ⲛⲉ ϫⲉ ϯⲁⲅⲁⲡⲏ ϣⲁⲥⲱⲟⲩ ⲛϩⲏⲧ ϯⲁⲅⲁⲡⲏ ϣⲁⲥⲉⲣ ϩⲉⲗϫⲉ ϯⲁⲅⲁⲡⲏ ⲙⲡⲁⲥⲭⲟϩ ϯⲁⲅⲁⲡⲏ ⲙⲡⲁⲥⲉⲣ ⲡⲉⲣⲡⲉⲣⲟⲥ ϯⲁ‐ ⲅⲁⲡⲏ ⲙⲡⲁⲥϭⲁⲥⲓ ϩⲏⲧ ϯⲁⲅⲁⲡⲏ ⲙⲡⲁⲥϭⲓ ϣⲓⲡⲓ ϯⲁⲅⲁⲡⲏ ⲙⲡⲉⲥⲕⲱϯ ⲛⲥⲁ ⲛⲏ ⲉⲧⲉ ⲛⲟⲩⲥ ϯⲁⲅⲁⲡⲏ ⲙⲡⲁⲥϫⲱⲛⲧ ϯⲁⲅⲁⲡⲏ ⲙⲡⲁⲥⲙⲉⲩⲓ ⲉⲡⲓⲡⲉⲧϩⲱⲟⲩ ϯⲁⲅⲁⲡⲏ ⲙⲡⲁⲥⲣⲁϣⲓ ⲉϫⲉⲛ ϯⲙⲉⲧϭⲓ ⲛϫⲟⲛⲥ ϯⲁⲅⲁⲡⲏ ϣⲁⲥⲣⲁϣⲓ ⲉϫⲉⲛ ⲑⲙⲏⲓ ϯⲁⲅⲁⲡⲏ ϣⲁⲥⲱⲟⲩ ⲛϩⲏⲧ ϧⲉⲛ ϩⲱⲃ ⲛⲓⲃⲉⲛ ϯⲁⲅⲁⲡⲏ ϣⲁⲥⲛⲁϩϯ ϧⲉⲛ ϩⲱⲃ ⲛⲓⲃⲉⲛ ϯⲁⲅⲁⲡⲏ ϣⲁⲥⲁⲙⲟⲛⲓ ⲛⲧⲟⲧⲥ ϧⲉⲛ ϩⲱⲃ ⲛⲓⲃⲉⲛ (-ⲟ︦ⲁ︦-) ϯⲁⲅⲁⲡⲏ ⲙⲡⲁⲥϩⲉⲓ ⲉⲛⲉϩ. ⲛⲁⲓ ⲁϥϫⲟⲕⲟⲩ ⲉⲃⲟⲗ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛ‐ ⲛⲏⲥ ϧⲉⲛ ⲥⲡⲟⲩⲇⲏ ⲛⲓⲃⲉⲛ ⲟⲩⲟϩ ⲛⲁϥϯ ⲥⲃⲱ ⲛⲟⲩⲟⲛ ⲛⲓⲃⲉⲛ ⲉⲑⲣⲟⲩⲁⲓⲧⲟⲩ. ⲛⲑⲟϥ ⲟⲛ ⲡⲉⲛⲓⲱⲧ ⲁⲃⲃⲁ ⲡⲟⲓⲙⲏⲛ ⲁϥϫⲱ ⲛⲛⲏ ⲉⲧⲟⲛⲓ ⲛⲛⲁⲓ ⲉⲑⲃⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉϥϫⲱ ⲙⲙⲟⲥ ϫⲉ ⲁ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲉⲣ ⲧⲉϥ‐ ϫⲟⲙ ⲧⲏⲣⲥ ϧⲉⲛ ⲛⲓⲉⲛⲧⲟⲗⲏ ⲛⲧⲉ ⲡⲟ︦ⲥ︦ ⲟⲩⲟϩ ⲁϥϫⲟⲕⲟⲩ ⲉⲃⲟⲗ ⲧⲏⲣⲟⲩ ϩⲱⲥⲧⲉ ⲛⲧⲉϥϩⲉⲙⲥⲓ ϩⲱϥ ϧⲉⲛ ⲡⲓⲉϩⲟⲟⲩ ⲛϧⲁⲉ ⲛⲧⲉϥϯ ϩⲁⲡ ⲉⲡⲓⲕⲟⲥⲙⲟⲥ ### 0067 ⲕⲁⲧⲁ ⲫⲣⲏϯ ⲉⲧⲥϧⲏⲟⲩⲧ ϫⲉ ⲛⲓⲁⲅⲓⲟⲥ ⲉⲑⲛⲁϯ ϩⲁⲡ ⲉⲡⲓⲕⲟⲥⲙⲟⲥ ⲡⲓⲟⲩⲁⲓ ⲅⲁⲣ ⲡⲓⲟⲩⲁⲓ ϧⲉⲛ ⲛⲏ ⲉⲑⲟⲩⲁⲃ ⲉⲑⲛⲁⲥⲁϩⲓ ⲛⲧⲉϥⲅⲉⲛⲉⲁ ⲙⲡⲉⲙⲑⲟ ⲙⲡⲓ‐ ⲃⲏⲙⲁ ⲛⲧⲉ ⲡⲭ︦ⲥ︦. ⲉⲃⲟⲗ ⲇⲉ ϩⲓⲧⲉⲛ ⲛⲁⲓⲛⲓϣϯ ⲛⲕⲁⲧⲟⲣⲑⲱⲙⲁ ⲛⲧⲁⲓⲙⲁⲓⲏ ⲁ ⲡⲟ︦ⲥ︦ ⲑⲱϣ ⲛⲁϥ ⲛⲥⲛⲟⲩϯ ⲛⲇⲩⲛⲁⲙⲓⲥ ⲛⲭⲉⲣⲟⲩⲃⲓⲕⲏ ⲉⲩⲉⲣⲥⲕⲉⲡⲁⲍⲉⲓⲛ ⲉϫⲱϥ ⲛⲛⲁⲩ ⲛⲓⲃⲉⲛ ⲉⲩⲧⲣⲉⲫⲉⲥⲑⲁⲓ ⲙⲙⲟϥ ⲡⲛ︦ⲁ︦ⲧⲓⲱⲥ ϧⲉⲛ ⲧⲁⲡⲟⲗⲁⲩⲥⲓⲥ ⲛⲛⲓⲙⲩⲥⲧⲏⲣⲓⲟⲛ ⲉⲧϩⲏⲡ ⲛⲧⲉ ⲡⲓⲡⲛ︦ⲁ︦ ⲉⲑⲟⲩⲁⲃ ⲉⲑⲃⲉ ⲡⲓⲥⲑⲩⲛⲟⲩϥⲓ ⲛⲧⲉ ⲡⲉϥⲛⲓϣϯ ⲛⲧⲟⲩⲃⲟ. ⲛⲁⲣⲉ ⲡⲓⲟⲩⲁⲓ ϧⲉⲛ ⲛⲓⲭⲉⲣⲟⲩⲃⲓⲙ ϫⲱ ⲙⲙⲟⲥ ⲙⲡⲓⲟⲩⲁⲓ ⲙⲙⲱⲟⲩ ⲡⲉ ϧⲉⲛ ⲟⲩⲭⲟϩ ⲛϣⲟⲩⲧⲁⲓⲟϥ ϫⲉ ⲭⲁⲧ ϩⲱ ⲛⲧⲁϩⲓ ⲡⲁⲧⲉⲛϩ ⲉϫⲱϥ ⲛⲟⲩⲕⲟⲩϫⲓ ϫⲉ ϥⲧⲟⲩⲃⲏⲟⲩⲧ ⲙⲡⲟⲥ ⲥⲁⲃⲁⲱⲑ. ⲥⲟⲡ ⲛⲓⲃⲉⲛ ⲉⲧⲉϥⲛⲁⲉⲣⲉⲡⲓⲧⲉⲗⲉⲓⲛ ⲛϯⲡⲣⲟⲥ‐ ⲫⲟⲣⲁ ⲉⲑⲟⲩⲁⲃ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ϣⲁϥⲉⲣ ⲡⲉⲙⲡϣⲁ ⲛⲉⲣⲑⲉⲱⲣⲉⲓⲛ ⲛⲧⲡⲁ-(-ⲟ︦ⲃ︦ in Cod. ⲟ︦ⲇ︦-) ⲣⲟⲩⲥⲓⲁ ⲙⲡⲓⲡⲛ︦ⲁ︦ ⲉⲑ‐ ⲟⲩⲁⲃ ϩⲓϫⲉⲛ ⲡⲓⲙⲁ ⲛⲉⲣ ϣⲱⲟⲩϣⲓ ⲉϥⲫⲱⲛϩ ⲙⲡⲓⲱⲓⲕ ⲉⲟⲩⲥⲱⲙⲁ ⲟⲩⲟϩ ⲡⲓⲁⲫⲟⲧ ⲉⲟⲩⲥⲛⲟϥ ϥⲩⲥⲉⲓ. ⲉⲛⲉ ϣⲁⲩϭⲱⲣⲡ ⲛⲁϥ ⲉⲃⲟⲗ ⲟⲛ ⲡⲉ ⲛⲛⲏ ⲉⲧⲉⲙⲡϣⲁ ⲛϭⲓ ⲉⲃⲟⲗϧⲉⲛ ⲛⲓⲙⲩⲥⲧⲏⲣⲓⲟⲛ ⲉⲑⲟⲩⲁⲃ ⲛⲉⲙ ⲛⲏ ⲉⲧⲉⲛⲥⲉⲙⲡϣⲁ ⲁⲛ ϩⲱⲥⲧⲉ ⲛⲥⲉϭⲱⲣⲡ ⲛⲁϥ ⲉⲃⲟⲗ ⲟⲛ ϩⲓⲧⲉⲛ ⲫ︦ϯ︦. ⲉϥⲑⲟⲩⲏⲧ ⲛϫⲉ ⲡⲓⲗⲁⲟⲥ ⲧⲏⲣϥ ⲉϥⲉⲣⲁⲛⲁⲫⲉⲣⲉⲓⲛ ⲉϥⲛⲁⲉⲣ ϩⲏⲧⲥ ⲛϯ ⲛⲱⲟⲩ ⲉⲃⲟⲗϧⲉⲛ ⲛⲓⲙⲩⲥⲧⲏ‐ ### 0068 ⲣⲓⲟⲛ ⲉⲑⲟⲩⲁⲃ ⲁϥϫⲟⲩϣⲧ ⲉⲃⲟⲗ ϧⲉⲛ ⲛⲓⲥⲛⲏⲟⲩ ⲟⲩⲟϩ ⲁϥⲛⲁⲩ ⲉⲟⲩⲁⲅⲅⲉⲗⲟⲥ ⲛⲧⲉ ⲡⲟ︦ⲥ︦ ⲉϥⲟϩⲓ ⲉⲣⲁⲧϥ ϧⲉⲛ ⲧⲟⲩⲙⲏϯ ⲉⲣⲉ ⲟⲩⲥⲏϥⲓ ⲑⲟⲕⲉⲙ ⲛⲧⲟⲧϥ ⲟⲩⲟϩ ⲓⲥϫⲉ ⲟⲩⲟⲛ ⲟⲩⲁⲓ ⲥⲁϫⲓ ϩⲟⲗⲱⲥ ϧⲉⲛ ⲛⲓⲥⲛⲏⲟⲩ ⲓⲉ ⲉϥⲙⲉⲩⲓ ⲉϩⲁⲛ ϩⲃⲏⲟⲩⲓ ⲉⲧⲉⲥϣⲉ ⲁⲛ ⲛⲁϥⲉⲣⲁⲡⲉⲓⲗⲉⲓⲥⲑⲁⲓ ⲉϩⲣⲏⲓ ⲉϫⲱϥ ⲛϫⲉ ⲡⲓⲁⲅⲅⲉⲗⲟⲥ ⲉϥⲟⲩⲱϣ ⲉⲉⲛ ⲧⲟⲧϥ ⲉϩⲣⲏⲓ ⲉϫⲱϥ ϧⲉⲛ ϯⲥⲏϥⲓ ⲉⲧⲭⲏ ϧⲉⲛ ⲧⲉϥϫⲓϫ ⲁⲗⲗⲁ ⲛⲁⲣⲉ ⲛⲓϯ ϩⲟ ⲛⲧⲉ ⲡⲉⲛⲓⲱⲧ ⲛⲉⲙ ⲑⲙⲉⲧⲁⲅⲁⲑⲟⲥ ⲙⲫ︦ϯ︦ ⲉⲣⲕⲱⲗⲩⲉⲓⲛ ⲙⲙⲟϥ ⲡⲉ ⲉϥϫⲟⲩϣⲧ ⲛⲥⲁ ⲡⲟⲩⲧⲁⲥⲑⲟ. ⲛⲏ ⲇⲉ ϩⲱⲟⲩ ⲉⲧⲟϩⲓ ⲉⲣⲁⲧⲟⲩ ϧⲉⲛ ⲛⲓⲥⲛⲏⲟⲩ ⲉⲩⲭⲱ ⲛⲣⲱⲟⲩ ϧⲉⲛ ⲟⲩϩⲟϯ ⲛⲉⲙ ⲟⲩⲥⲑⲉⲣⲧⲉⲣ ⲛⲉⲙ ⲟⲩⲛⲏⲯⲓⲥ ⲉⲩϯ ⲛϩⲑⲏⲟⲩ ⲉⲣⲱⲟⲩ ϧⲉⲛ ϯⲉⲕⲕⲗⲏⲥⲓⲁ ⲁⲧϭⲛⲉ ϩⲗⲓ ⲙⲙⲉⲩⲓ ⲛⲧⲉ ⲡⲕⲁϩⲓ ⲛⲁϥ‐ ⲛⲁⲩ ⲟⲛ ⲡⲉ ⲛϫⲉ ⲡⲉⲛⲓⲱⲧ ⲉϩⲁⲛ ⲁⲕⲧⲓⲛ ⲛⲟⲩⲱⲓⲛⲓ ⲛϣⲫⲏⲣⲓ ⲛⲧⲉ ⲡⲱⲟⲩ ⲙⲫ︦ϯ︦ (-ⲟ︦ⲅ︦-) ⲉⲩⲛⲏⲟⲩ ⲉⲃⲟⲗϧⲉⲛ ⲡⲓⲙⲁ ⲛⲉⲣ ϣⲱⲟⲩϣⲓ ⲉⲑⲟⲩⲁⲃ ⲉⲩⲛⲁ ⲉϧⲟⲩⲛ ⲉⲡϩⲏⲧ ⲛⲧⲯⲩⲭⲏ ⲙⲡⲓⲟⲩⲁⲓ ⲡⲓⲟⲩⲁⲓ ⲛⲛⲓⲥⲛⲏⲟⲩ ⲉⲑⲟⲩⲁⲃ ⲉⲩⲉⲣ‐ ⲡⲗⲏⲣⲟⲫⲟⲣⲉⲓⲥⲑⲁⲓ ⲙⲙⲱⲟⲩ ⲉⲃⲟⲗϧⲉⲛ ⲧⲅⲛⲱⲥⲓⲥ ⲛϯⲧⲣⲓⲁⲥ ⲉⲑⲟⲩⲁⲃ. ⲥⲱⲧⲉⲙ ⲇⲉ ⲟⲛ ⲉⲕⲉⲇⲓⲏⲅⲏⲙⲁ ⲛϣⲫⲏⲣⲓ ⲛⲧⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲕⲁⲧⲁ ⲫⲣⲏϯ ⲉⲧⲁⲛϫⲉⲙⲥ ⲓⲥⲧⲟⲣⲓⲕⲱⲥ. ⲁⲥϣⲱⲡⲓ ⲇⲉ ϧⲉⲛ ⲡⲥⲏⲟⲩ ⲙⲡⲉⲛⲧⲣⲓⲥⲙⲁ‐ ⲕⲁⲣⲓⲟⲥ ⲛⲓⲱⲧ ⲁⲃⲃⲁ ⲑⲉⲟⲫⲓⲗⲟⲥ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲧⲉ ⲣⲁⲕⲟϯ ⲉⲛⲉ ⲁϥⲉⲣⲕⲟⲥⲙⲉⲓⲛ ⲛϩⲁⲛ ⲙⲏϣ ⲙⲙⲁⲣⲧⲩⲣⲓⲟⲛ ⲡⲉ ⲉϥⲧⲁϩⲟ ⲙⲙⲱⲟⲩ ⲉⲣⲁ‐ ### 0069 ⲧⲟⲩ ϧⲉⲛ ⲧⲁⲓⲟ ⲛⲓⲃⲉⲛ ⲛⲟⲩⲏⲓ ⲙⲡⲣⲟⲥⲉⲩⲭⲏ ⲙⲡⲟⲥ ⲫϯ. ⲟⲩⲟϩ ⲛⲉ ⲁϥⲕⲱⲧ ⲟⲛ ⲡⲉ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲛⲟⲩⲕⲟⲓⲙⲏⲧⲏⲣⲓⲟⲛ ⲉϥⲧⲁⲓⲏⲟⲩⲧ ⲉⲫⲣⲁⲛ ⲙⲡⲓⲅ̄ ⲛⲁⲗⲟⲩ ⲛⲁⲅⲓⲟⲥ ⲉⲧⲁⲩϩⲓⲧⲟⲩ ⲉϧⲟⲩⲛ ⲉϯϩⲣⲱ ⲛⲭⲣⲱⲙ ⲉⲧϧⲉⲛ ⲃⲁⲃⲩ‐ ⲗⲱⲛ ϩⲓⲧⲉⲛ ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲟⲩⲣⲟ ⲛⲧⲩⲣⲁⲛⲛⲟⲥ ⲁⲛⲁⲛⲓⲁⲥ ⲁⲍⲁⲣⲓⲁⲥ ⲙⲓⲥⲁⲏⲗ ⲟⲩⲟϩ ⲛⲁϥⲉⲣⲁⲓⲧⲉⲓⲛ ⲡⲉ ϧⲉⲛ ⲟⲩϭⲓ ϣϣⲱⲟⲩ ⲉϥⲟϣ ⲛⲛⲟⲩⲗⲉⲓⲯⲁ‐ ⲛⲟⲛ ⲉⲑⲣⲉϥⲭⲁⲩ ϧⲉⲛ ⲡⲟⲩⲧⲟⲡⲟⲥ ⲉⲑⲟⲩⲁⲃ ⲙⲁⲗⲓⲥⲧⲁ ⲉⲟⲩⲧⲓⲙⲏ ⲛⲉⲙ ⲟⲩⲱⲟⲩ ⲙⲫϯ ⲛⲉⲙ ⲛⲉϥⲁⲅⲓⲟⲥ. ⲟⲩⲟϩ ⲡⲁⲓⲙⲁⲣⲧⲩⲣⲓⲟⲛ ⲫⲁⲓ ⲥⲉⲙⲟⲩϯ ⲉⲣⲟϥ ⲙⲫⲣⲁⲛ ⲛⲛⲏ ⲉⲑⲟⲩⲁⲃ ϣⲁ ⲉϧⲟⲩⲛ ⲉⲫⲟⲟⲩ ⲛⲉϩⲟⲟⲩ ϫⲉ ⲡⲓⲧⲣⲉⲓⲥ‐ ⲡⲁⲓⲇⲉⲥ. ⲡⲉⲛⲓⲱⲧ ⲇⲉ ⲛⲁⲣⲭⲓⲉⲡⲓⲥⲕⲟⲡⲟⲥ ⲛⲁϥⲙⲏⲛ ⲉⲃⲟⲗ ⲡⲉ ϧⲉⲛ ⲡϭⲓ ϣϣⲱⲟⲩ ⲛⲧⲁⲓⲇⲓⲁⲑⲉⲥⲓⲥ ⲙⲡⲛ︦ⲁ︦ⲧⲓⲕⲏ ϧⲉⲛ ⲟⲩⲁⲓⲧⲏⲥⲓⲥ (-ⲟ︦ⲁ︦ in Cod. ⲟ︦ⲋ︦-) ⲛⲉⲙ ϩⲁⲛ ϯ ϩⲟ ⲉⲩⲟϣ ⲛⲁϩⲣⲉⲛ ⲫϯ ⲉⲑⲣⲉϥϣⲁϣⲛⲓ ⲉⲡⲓⲥⲙⲟⲩ ⲛⲛⲉϥⲁⲅⲓⲟⲥ ⲁⲩϭⲱⲣⲡ ⲛⲁϥ ⲉⲃⲟⲗϩⲓⲧⲉⲛ ⲟⲩⲁⲅⲅⲉⲗⲟⲥ ⲛⲧⲉ ⲡⲟⲥ ⲉϥϫⲱ ⲙⲙⲟⲥ ⲛⲁϥ ϫⲉ ⲙⲙⲟⲛ ϩⲗⲓ ⲛⲁϣⲓⲣⲓ ⲛⲑⲙⲉⲑⲙⲏⲓ ⲛⲧⲁⲓⲇⲓⲁⲕⲟⲛⲓⲁ ⲑⲁⲓ ⲉⲃⲏⲗ ⲉⲫⲏ ⲉⲑ‐ ⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲡⲓⲡⲣⲉⲥⲃⲩⲧⲉⲣⲟⲥ ⲛⲧⲉ ϣⲓⲏⲧ. ⲟⲩⲟϩ ⲡⲉⲛ‐ ⲡⲁⲛⲁⲅⲓⲟⲥ ⲁⲃⲃⲁ ⲑⲉⲟⲫⲓⲗⲟⲥ ⲁϥⲟⲩⲱⲣⲡ ⲥⲁⲧⲟⲧϥ ϧⲉⲛ ⲟⲩⲛⲓϣϯ ⲛⲥⲡⲟⲩⲇⲏ ⲁϥⲓⲛⲓ ⲙⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲟⲩⲟϩ ⲁϥϫⲱ ⲉⲣⲟϥ ⲛⲛⲏ ⲉⲧϧⲉⲛ ⲡⲉϥϩⲏⲧ. ⲡⲉⲛⲓⲱⲧ ⲇⲉ ⲁⲃⲃⲁ ⲓⲱⲁⲛⲛⲏⲥ ⲉⲣⲉ ⲡⲉϥϩⲏⲧ ϫⲟⲣ ⲙⲫⲣⲏϯ ⲙⲫⲁ ### 0070 ⲟⲩⲙⲟⲩⲓ ϧⲉⲛ ⲫⲛⲁϩϯ ⲙⲡⲭ︦ⲥ︦ ⲫ︦ϯ︦ ⲡⲉϫⲁϥ ⲙⲡⲓⲁⲣⲭⲓⲉⲡⲓⲥⲕⲟⲡⲟⲥ ⲁⲃⲃⲁ ⲑⲉⲟⲫⲓⲗⲟⲥ ϫⲉ ⲙⲟⲓ ⲛⲏⲓ ⲛⲛⲉⲕⲉⲩⲭⲏ ⲕⲁⲓ ⲡⲭ︦ⲥ︦ ⲛⲁϭⲓ ⲙⲱⲓⲧ ⲛⲏⲓ. ⲛⲑⲟϥ ⲇⲉ ⲡⲓⲡⲁⲡⲁⲥ ⲑⲉⲟⲫⲓⲗⲟⲥ ⲁϥϣⲗⲏⲗ ⲉϫⲉⲛ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛ‐ ⲛⲏⲥ ⲟⲩⲟϩ ⲁϥⲭⲁϥ ⲉⲃⲟⲗ ϧⲉⲛ ⲟⲩϩⲉⲓⲣⲏⲛⲏ ⲉϥϫⲱ ⲙⲙⲟⲥ ⲛⲁϥ ϫⲉ ⲫϯ ⲛⲧⲉ ⲛⲁⲓⲟϯ ⲉϥⲉⲥⲉⲃⲧⲉ ⲡⲉⲕⲙⲱⲓⲧ ⲟⲩϫⲁⲓ. ⲉⲧⲁϥⲟⲩⲉⲓ ⲥⲁⲃⲟⲗ ⲛϯⲡⲟⲗⲓⲥ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲛⲟⲩⲕⲟⲩϫⲓ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲁϥⲟϩⲓ ⲉⲣⲁⲧϥ ⲁϥϯ ⲛⲟⲩⲉⲩⲭⲏ ⲥⲁⲧⲟⲧϥ ⲇⲉ ϧⲉⲛ ϯⲟⲩⲛⲟⲩ ⲁ ⲟⲩϭⲏⲡⲓ ϥⲁⲓ ⲙⲙⲟϥ ⲟⲩⲟϩ ⲁⲥⲭⲁϥ ⲉϧⲣⲏⲓ ϧⲉⲛ ⲑⲃⲁⲃⲩⲗⲱⲛ ⲉⲫⲙⲁ ⲉⲧⲉⲣⲉ ⲡⲥⲱⲙⲁ ⲛⲧⲉ ⲛⲓⲁⲅⲓⲟⲥ ⲛⲅⲉⲛⲛⲁⲓⲟⲥ ⲛⲁⲑⲗⲏⲧⲏⲥ ⲛⲧⲉ ⲡⲭ︦ⲥ︦ ⲫ︦ϯ︦ ⲭⲏ ⲙⲙⲁⲩ. (-ⲟ︦ⲉ︦-) ⲉⲧⲁϥⲛⲁⲩ ⲇⲉ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲉϯⲇⲱⲣⲉⲁ ⲉⲧϫⲏⲕ ⲉⲃⲟⲗ ⲛⲧⲉ ⲡⲥⲕⲏⲛⲱⲙⲁ ⲛⲛⲓ‐ ⲁⲅⲓⲟⲥ ϩⲓⲧⲉⲛ ⲫⲟⲩⲱⲓⲛⲓ ⲙⲡⲓⲡⲛ︦ⲁ︦ ⲉⲑⲟⲩⲁⲃ ⲉⲧϭⲓ ⲙⲱⲓⲧ ϧⲁϫⲱϥ ⲁϥⲟⲩⲱϣⲧ ϩⲓϫⲉⲛ ⲡⲕⲁϩⲓ ⲛⲅ̄ ⲛⲥⲟⲡ ⲙⲡⲁⲧⲉϥⲫⲟϩ ⲉⲣⲱⲟⲩ. ⲉⲧⲁϥϧⲱⲛⲧ ⲇⲉ ⲉⲣⲱⲟⲩ ⲛϫⲉ ⲡⲉⲛⲓⲱⲧ ⲁϥϩⲓⲧϥ ⲉϧⲣⲏⲓ ⲉϫⲉⲛ ⲡⲉϥϩⲟ ⲉϥⲉⲣ ⲁⲙⲁⲗⲏϫ ⲉϫⲉⲛ ⲛⲟⲩ‐ ⲗⲉⲓⲯⲁⲛⲟⲛ ⲉⲑⲟⲩⲁⲃ ϧⲉⲛ ⲧⲁⲓⲥⲑⲏⲥⲓⲥ ⲛϩⲁⲛ ⲉⲣⲙⲱⲟⲩⲓ ⲉⲩϩⲟⲗϫ ⲉϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉ ⲱ ⲛⲁⲓⲟϯ ⲉⲑⲟⲩⲁⲃ ⲥⲙⲟⲩ ⲉⲣⲟⲓ. ⲧⲟⲧⲉ ⲛϯⲟⲩⲛⲟⲩ ⲁ ⲟⲩⲥⲙⲏ ϣⲱⲡⲓ ⲉⲃⲟⲗϧⲉⲛ ⲛⲓⲥⲱⲙⲁ ⲛⲧⲉ ⲛⲏ ⲉⲑⲟⲩⲁⲃ ⲡⲓⲅ̄ ⲛⲁⲗⲟⲩ ⲛⲁⲅⲓⲟⲥ ⲉⲩϫⲱ ⲙⲙⲟⲥ ⲛⲁϥ ϫⲉ ⲡⲟⲥ ⲫϯ ⲡⲓⲁⲗⲏⲑⲓⲛⲟⲥ ⲡⲓϣⲁ ⲉⲛⲉϩ ⲉⲑⲙⲏⲛ ⲉⲃⲟⲗ ### 0071 ⲟⲩⲟϩ ⲛⲁⲧⲥⲟⲛⲧϥ ⲛⲁⲧⲁⲣⲭⲏ ⲟⲩⲟϩ ⲛⲁⲧϧⲁⲏ ⲡⲓⲇⲏⲙⲓⲟⲩⲣⲅⲟⲥ ⲛⲧⲉ ⲛⲏ ⲉⲧϣⲟⲡ ⲧⲏⲣⲟⲩ ⲉϥⲉⲥⲙⲟⲩ ⲉⲣⲟⲕ ⲉϥⲉⲧⲟⲩϫⲟⲕ ⲉϥⲉϯ ⲱⲟⲩ ⲛⲁⲕ ⲡⲓϣⲫⲏⲣ ⲉⲑⲛⲁⲛⲉϥ ⲡⲓⲏⲅⲟⲩⲙⲉⲛⲟⲥ ⲟⲩⲟϩ ⲡⲓⲟⲓⲕⲟⲛⲟⲙⲟⲥ ⲛⲧⲉ ⲡⲟ︦ⲥ︦ ⲥⲁⲃⲁⲱⲑ ⲫ︦ϯ︦ ⲙⲡⲓⲥⲗ︦. ⲉⲧⲁⲩϫⲉ ⲛⲁⲓ ⲇⲉ ⲛⲁϥ ⲁⲥⲭⲁ ⲣⲱⲥ ⲧⲉⲱⲥ ⲛϫⲉ ϯⲥⲙⲏ ⲡⲉⲛⲓⲱⲧ ⲇⲉ ⲉⲑⲟⲩⲁⲃ ⲉϥⲙⲉϩ ⲉⲃⲟⲗϧⲉⲛ ⲫⲣⲁϣⲓ ⲙⲡⲓⲥⲙⲟⲩ ⲙⲡⲛ︦ⲁ︦ⲧⲓⲕⲟⲛ ⲡⲁⲗⲓⲛ ⲟⲛ ⲡⲉϫⲁϥ ⲛⲱⲟⲩ ϫⲉ ⲛⲁⲓⲟϯ ⲉⲑⲟⲩⲁⲃ ⲙⲙⲁⲣⲧⲩⲣⲟⲥ ⲛⲧⲉ ⲡⲭ︦ⲥ︦ ⲫ︦ϯ︦ ⲫⲓⲱⲧ ⲙⲡⲓⲛⲁϩ ⲁϥⲕⲱⲧ ⲛⲟⲩⲙⲁⲣⲧⲩⲣⲓⲟⲛ ⲉⲡⲉⲣ ⲫⲙⲉⲩⲓ ⲙⲡⲉⲧⲉⲛⲣⲁⲛ (-ⲟ︦ⲋ︦, in Cod. ⲟⲏ-) ⲉⲑⲟⲩⲁⲃ ⲉⲁϥⲟⲩⲟⲣⲡⲧ ⲉϥⲉⲣⲁⲓⲧⲉⲓⲛ ϧⲉⲛ ϩⲁⲛ ϯϩⲟ ⲉⲩⲟϣ ⲉⲑⲣⲉ ⲛⲉⲧⲉⲛⲗⲉⲓⲯⲁⲛⲟⲛ ⲉⲑⲟⲩⲁⲃ ⲟⲩⲟϩ ⲛϧⲏⲧϥ ⲉⲟⲩⲧⲁⲗϭⲟ ⲛⲉⲙ ⲟⲩⲥⲱϯ ⲛⲟⲩⲟⲛ ⲛⲓⲃⲉⲛ ⲉⲑⲛⲁϩϯ ⲉⲡⲭ︦ⲥ︦ ⲫ︦ϯ︦ ⲙⲁⲗⲓⲥⲧⲁ ϯⲡⲟⲗⲓⲥ ⲣⲁⲕⲟϯ ⲛⲉⲙ ϯ‐ ⲭⲱⲣⲁ ⲧⲏⲣⲥ ⲛⲧⲉ ⲭⲏⲙⲓ. ⲛⲑⲱⲟⲩ ⲇⲉ ⲟⲛ ⲛⲓⲁⲅⲓⲟⲥ ϧⲉⲛ ⲟⲩⲥⲙⲏ ⲛⲟⲩⲱⲧ ⲡⲉ‐ ϫⲱⲟⲩ ⲙⲡⲉⲛⲓⲱⲧ ϫⲉ ⲡⲟ︦ⲥ︦ ⲫ︦ϯ︦ ⲉϥⲉϯ ⲙⲫⲃⲉⲭⲉ ⲛⲛⲉⲕϧⲓⲥⲓ ⲛⲁⲕ ϧⲉⲛ ⲡⲓⲱⲛϧ ⲉⲑⲛⲏⲟⲩ ⲡⲓϣⲁ ⲉⲛⲉϩ ⲉⲑⲙⲏⲛ ϣⲁ ⲉⲛⲉϩ ⲕⲁⲧⲁ ⲡⲥⲱⲟⲩⲧⲉⲛ ⲛⲧⲉϥⲡⲣⲟϩⲁⲓⲣⲉⲥⲓⲥ ⲉⲑⲛⲁⲛⲉⲥ ⲁⲗⲗⲁ ⲛⲁⲓ ⲉⲕⲉϫⲟⲧⲟⲩ ⲙⲡⲓⲁⲣⲭⲓⲉⲡⲓⲥⲕⲟⲡⲟⲥ ϫⲉ ⲉⲑⲃⲉ ⲛⲉⲛⲥⲱⲙⲁ ⲙⲉⲛ ⲙⲙⲟⲛ ϣϫⲟⲙ ⲉⲡⲧⲏⲣϥ ⲉⲑⲣⲟⲩⲟⲩⲟⲑⲃⲟⲩ ⲉⲕⲉⲙⲱⲓⲧ ⲉⲑⲣⲟⲩϣⲱⲡⲓ ⲛϧⲏⲧϥ ϣⲁ ⲉⲃⲟⲗ ⲥⲁ ⲃⲟⲗ ⲙⲡⲁⲓⲙⲁ ⲉⲧⲟⲩⲭⲏ ⲛϧⲏⲧϥ ϯⲛⲟⲩ ⲕⲁⲧⲁ ⲫⲟⲩ‐ ⲁϩⲥⲁϩⲛⲓ ⲙⲡⲓⲣⲉϥⲥⲱⲛⲧ ⲫ︦ϯ︦ ϫⲉ ⲡⲁⲓⲣⲏϯ ⲡⲉ ⲉⲧⲁⲥⲣⲁⲛⲁϥ ϣⲁ ⲡⲓⲉϩⲟⲟⲩ ### 0072 ⲉⲧⲉϥⲛⲁⲧⲟⲩⲛⲟⲥ ⲡⲓⲑⲁⲙⲓⲟ ⲧⲏⲣϥ. ⲟⲙⲱⲥ ⲉⲑⲃⲉ ⲡⲁⲅⲱⲛ ⲛⲛⲉϥϧⲓⲥⲓ ⲛⲉⲙ ⲡⲉϥⲛⲁϩϯ ⲉⲧϫⲏⲕ ⲉⲃⲟⲗ ⲛⲉⲙ ⲡⲉⲕⲥⲕⲩⲗⲙⲟⲥ ϩⲱⲕ ϣⲁⲣⲟⲛ ⲧⲉⲛⲛⲁⲭⲁ ⲡⲉϥϧⲓⲥⲓ ϣⲟⲩⲓⲧ ⲁⲛ ⲁⲗⲗⲁ ⲙⲁⲣⲟⲩⲉⲣⲕⲟⲥⲙⲉⲓⲛ ⲙⲡⲓⲧⲟⲡⲟⲥ ⲛⲧⲟⲩⲭⲁ ϯⲫⲁⲙⲫⲁⲛⲏ ⲧⲏⲣⲥ ⲁϣⲓ ⲁⲧϭⲛⲉ ⲛⲉϩ ϩⲓ ϧⲏⲃⲥ ⲟⲩⲟϩ ⲛⲧⲉϥⲉⲣⲥⲩⲛⲁⲅⲉⲥ‐ ⲑⲁⲓ ⲙⲙⲁⲩ ⲛⲉⲙ ⲡⲓⲗⲁⲟⲥ ⲧⲏⲣϥ ⲛⲉⲙ ⲛⲓⲕⲗⲏⲣⲟⲥ ⲕⲁⲓ ϧⲉⲛ ⲡⲓⲉϫⲱⲣϩ ⲧⲉⲛⲛⲁⲓ ⲛⲧⲉⲛⲭⲱ ⲛϧⲏⲧϥ ⲛⲟⲩϫⲟⲙ ⲛⲉⲙ ⲟⲩⲥⲙⲟⲩ ⲛⲧⲉ ⲡⲟ︦ⲥ︦ ⲟⲩⲧⲟⲩⲃⲟ ⲛⲧⲉ ⲡⲏⲓ ⲙⲫ︦ϯ︦ (-ⲟ︦ⲍ︦-) ⲫⲁⲓ ⲉⲧⲉ ⲡⲉϥⲣⲁⲛ ϭⲓ ⲱⲟⲩ ϧⲉⲛ ⲡⲕⲁϩⲓ ⲧⲏⲣϥ ⲟⲩⲟϩ ⲉⲣⲉ ⲕⲉⲗⲓ ⲛⲓⲃⲉⲛ ⲟⲩⲱϣⲧ ⲛⲁϥ ⲛⲁ ⲛⲓⲫⲏⲟⲩⲓ ⲛⲉⲙ ⲛⲏ ⲉⲧϩⲓϫⲉⲛ ⲡⲓⲕⲁϩⲓ ⲛⲉⲙ ⲛⲏ ⲟⲛ ⲉⲧⲥⲁⲡⲉⲥⲏⲧ ⲙⲡⲓⲕⲁϩⲓ ϫⲉ ⲙⲙⲟⲛ ϩⲗⲓ ⲙⲙⲁ ⲟⲓ ⲛϧⲁⲉ ⲛⲧⲉϥⲡⲣⲟⲥⲕⲩⲛⲏ‐ ⲥⲓⲥ ⲛⲧⲉⲗⲉⲓⲁ ⲟⲩⲟϩ ϧⲉⲛ ⲟⲩϫⲟⲙ ⲛⲧ︦ⲉ ⲫ︦ϯ︦ ⲙⲡⲓ︦ⲥ︦ⲗ︦ ⲧⲉⲛⲛⲁϣⲱⲡⲓ ⲛϧⲏⲧϥ ⲡⲛⲁⲧⲓⲕⲱⲥ ϩⲓⲧⲉⲛ ϩⲁⲛ ⲙⲏⲓⲛⲓ ⲛⲉⲙ ϩⲁⲛ ϣⲫⲏⲣⲓ ⲉⲟⲩⲱⲟⲩ ⲙⲫⲏ ⲉⲧⲥ‐ ⲙⲁⲣⲱⲟⲩⲧ ϣⲁ ⲛⲓⲉⲛⲉϩ ⲉⲡⲟⲩϫⲁⲓ ⲛⲛⲓⲯⲩⲭⲏ ⲉⲧⲓ ⲉϥⲟⲛϧ ⲛϫⲉ ⲡⲓⲁⲣⲭⲓⲉ‐ ⲡⲓⲥⲕⲟⲡⲟⲥ ⲟⲩⲟϩ ⲙⲉⲛⲉⲛⲥⲱϥ ⲟⲛ ⲧⲉⲛⲛⲁⲟϩⲓ ⲛⲁϩⲣⲁⲩ ⲙⲡⲉϥⲕⲉⲃ︦ ⲛⲇⲓⲁ‐ ⲇⲟⲭⲟⲥ ⲙⲉⲛⲉⲛⲥⲱϥ. ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲟⲩⲭⲁⲕⲓ ⲛⲁϣⲱⲡⲓ ϩⲓϫⲉⲛ ⲡⲓ‐ ⲕⲁϩⲓ ⲧⲏⲣϥ ⲛⲧⲉ ⲛⲓⲣⲱⲙⲓ ⲉⲣ ⲁⲧⲉⲙⲓ ⲉⲡⲧⲁⲓⲟ ⲛϯⲙⲉⲧⲣⲉϥⲉⲣ ⲡⲉⲑⲛⲁⲛⲉϥ ⲛⲧⲉ ⲫ︦ϯ︦ ⲛⲧⲟⲩϫⲉ ⲟⲩⲁ ⲉⲡⲉϥⲣⲁⲛ ⲉⲑⲟⲩⲁⲃ ⲉⲩⲥⲱϥ ⲙⲡⲉϥⲙⲁ ⲛⲉⲣ ϣⲱⲟⲩϣⲓ ⲁⲛⲟⲛ ϩⲱⲛ ⲧⲉⲛⲛⲁⲭⲱ ⲛⲥⲱⲛ ⲙⲡⲓⲙⲁ ⲉⲧⲁⲩⲕⲟⲧϥ ⲛⲁⲛ ⲟⲩⲟϩ ⲧⲉⲛⲛⲁⲓ ⲉⲃⲟⲗ ### 0073 ⲛϧⲏⲧϥ ⲉϣⲧⲉⲙⲟϩⲓ ⲛϧⲏⲧϥ ϫⲉ. ⲛⲁⲓ ⲇⲉ ⲛⲉⲙ ⲛⲏ ⲉⲧⲟⲛⲓ ⲙⲙⲱⲟⲩ ⲉⲧⲁⲩϫⲟ‐ ⲧⲟⲩ ⲙⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲛϫⲉ ⲡⲓⲅ̄ ⲛⲁⲗⲟⲩ ⲛⲁⲅⲓⲟⲥ ⲡⲁ‐ ⲗⲓⲛ ⲟⲛ ⲁϥⲫⲁϧⲧϥ ⲉⲡⲉⲥⲏⲧ ⲛϫⲉ ⲡⲉⲛⲓⲱⲧ ⲉϥⲉⲣⲁⲓⲧⲉⲓⲛ ⲉϭⲓ ⲥⲙⲟⲩ ⲛⲧⲟⲧⲟⲩ ⲙⲡⲁⲧⲉϥϣⲉ ⲛⲁϥ ⲉⲃⲟⲗϩⲁⲣⲱⲟⲩ. ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲡⲟⲥ ⲫϯ ⲡⲟⲩⲣⲟ ⲙⲡⲓⲥ︦ⲗ︦ ⲉϥⲉⲣⲱⲓⲥ ⲉⲣⲟⲕ ϣⲁ ⲉⲃⲟⲗ ϧⲉⲛ ⲑⲃⲟⲏⲑⲉⲓⲁ ⲛⲧⲉ ⲧⲉϥⲥⲕⲉⲡⲏ ⲁⲧϭⲛⲉ ϩⲉⲓ ⲁⲗⲗⲁ ϫⲉⲙ ⲛⲟⲙϯ ⲟⲩⲟϩ ϭⲣⲟ ⲙⲙⲟⲕ ϫⲉ ⲟⲩⲟⲛ ⲛⲧⲁⲕ ⲙⲙⲁⲩ ⲛϩⲁⲛ ⲕⲉⲕⲟⲩϫⲓ ⲛⲁⲅⲱⲛ (-ⲟ︦︦︦ⲏ︦, in Cod. ⲡ︦-) ⲛⲉⲙ ϩⲁⲛ ϥⲱϯ ϧⲉⲛ ⲡⲁⲓⲃⲓⲟⲥ ⲙⲉ‐ ⲛⲉⲛⲥⲱⲥ ⲛⲧⲉⲕⲓ ϩⲱⲕ ⲉⲡⲓⲱⲛϧ ⲛⲉⲛⲉϩ ⲡⲓⲟⲩϫⲁⲓ ⲛⲉⲙ ϯϩⲉⲓⲣⲏⲛⲏ ⲛⲉⲙⲁⲕ ϧⲉⲛ ⲡⲟⲥ. ⲉⲧⲁϥⲟⲩⲱϣⲧ ⲇⲉ ⲙⲙⲱⲟⲩ ϧⲉⲛ ⲟⲩⲛⲓϣϯ ⲛⲇⲓⲁⲑⲉⲥⲓⲥ ⲙⲡⲛⲁⲧⲓⲕⲏ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲁϥⲓ ⲉⲃⲟⲗϩⲓⲧⲟⲧⲟⲩ ⲉϥ‐ ⲑⲉⲗⲏⲗ ϧⲉⲛ ⲡⲟⲥ. ⲉⲧⲁϥⲟⲩⲉⲓ ⲙⲙⲱⲟⲩ ⲛⲟⲩⲕⲟⲩϫⲓ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱ‐ ⲁⲛⲛⲏⲥ ⲁⲥϥⲁⲓ ⲙⲙⲟϥ ⲟⲛ ⲛϫⲉ ϯϭⲏⲡⲓ ϣⲁⲧⲉⲥⲭⲁϥ ⲉϧⲣⲏⲓ ⲥⲁⲃⲟⲗ ⲛⲣⲁⲕⲟϯ. ⲉⲧⲁϥⲉⲣⲁⲡⲁⲛⲧⲁⲛ ⲇⲉ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁϥⲧⲁⲙⲟϥ ⲉϩⲱⲃ ⲛⲓⲃⲉⲛ ⲉⲧⲁⲩϣⲱⲡⲓ ⲛⲉⲙ ⲛⲏ ⲧⲏⲣⲟⲩ ⲉⲧⲁ ⲛⲓⲁⲅⲓⲟⲥ ϫⲟⲧⲟⲩ ⲛⲁϥ. ⲥⲁⲧⲟⲧϥ ⲇⲉ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲁϥⲑⲱⲟⲩϯ ⲙⲡⲓⲕⲗⲏⲣⲟⲥ ⲧⲏⲣϥ ⲛⲉⲙ ϩⲁⲛ ⲕⲉⲉⲡⲓⲥⲕⲟⲡⲟⲥ ⲉⲩⲟⲩⲁⲃ ⲛⲉⲙ ϯⲡⲟⲗⲓⲥ ⲧⲏⲣⲥ ⲥⲭⲉⲇⲟⲛ ⲉⲡⲓⲙⲁⲣⲧⲩ‐ ⲣⲓⲟⲛ ⲛⲧⲉ ⲛⲓⲁⲅⲓⲟⲥ ⲉⲑⲃⲉ ⲡⲟⲩⲁⲓⲕ ⲉⲑⲟⲩⲁⲃ. ϧⲉⲛ ⲧⲫⲁϣⲓ ⲇⲉ ⲙⲡⲓⲉϫⲱⲣϩ ### 0074 ⲓⲥ ⲟⲩⲛⲓϣϯ ⲛⲟⲩⲱⲓⲛⲓ ⲁϥϣⲱⲡⲓ ϧⲉⲛ ⲡⲓⲧⲟⲡⲟⲥ ⲉⲑⲟⲩⲁⲃ ⲟⲩⲟϩ ⲟⲩⲛⲓϣϯ ⲛⲥⲑⲩⲛⲟⲩϥⲓ ⲉϥⲟⲩⲁⲃ ⲁϥϣⲱⲡⲓ ϧⲉⲛ ⲡⲓⲁⲏⲣ ⲙⲁⲗⲓⲥⲧⲁ ⲥⲁ ⲡϣⲱⲓ ⲛϯⲡⲟⲗⲓⲥ ⲣⲁⲕⲟϯ ⲛⲉⲙ ⲫⲙⲁ ⲛϣⲱⲡⲓ ⲛⲛⲏ ⲉⲑⲟⲩⲁⲃ ⲉⲁ ϯⲁⲛⲫⲁⲛⲏ (sic) ⲧⲏⲣⲥ ⲙⲟϩ ⲥⲁⲧⲟⲧⲥ ⲉⲥϯ ϣⲁϩ ϧⲉⲛ ⲟⲩⲙⲉⲧϩⲟⲩⲟ ⲥⲭⲉⲇⲟⲛ ⲉϫⲟⲥ ϫⲉ ⲁ ⲡⲓⲙⲁ ⲧⲏⲣϥ ϭⲱⲡⲓ ⲛⲭⲣⲱⲙ ⲉⲁ ⲛⲁⲓ ⲧⲏⲣⲟⲩ ϣⲱⲡⲓ ⲉⲟⲩⲉⲣⲥⲏⲙⲁⲓⲛⲉⲓⲛ ⲛⲧⲡⲁⲣⲟⲩⲥⲓⲁ ⲛⲛⲓⲁⲅⲓⲟⲥ ⲉϧⲟⲩⲛ ⲉϯⲡⲟⲗⲓⲥ. (-ⲟ︦ⲑ︦-) ⲧⲟⲧⲉ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲉⲙ ⲡⲓⲙⲏϣ ⲧⲏⲣϥ ⲉⲑⲛⲉⲙⲁϥ ⲉⲧⲁⲩⲛⲁⲩ ⲉⲧⲁⲓϣⲫⲏⲣⲓ ⲙⲡⲁⲣⲁⲇⲟⲝⲟⲛ ⲉⲛⲁⲩϩⲱⲥ ⲡⲉ ⲉⲩⲥⲙⲟⲩ ⲟⲩⲟϩ ⲉⲩϯ ⲱⲟⲩ ⲙⲫ︦ϯ︦ ϧⲉⲛ ϩⲁⲛ ⲛⲓϣϯ ⲛⲭⲟⲣⲟⲥ ⲉⲩⲙⲉϩ ⲛⲟⲩ‐ ⲛⲟϥ ⲙⲡ︦ⲛ︦ⲁ︦ⲧⲓⲕⲟⲛ. ⲡⲓⲁⲅⲓⲟⲥ ⲇⲉ ⲑⲉⲟⲫⲓⲗⲟⲥ ⲛⲁϥⲉⲣⲑⲉⲱⲣⲉⲓⲛ ⲡⲉ ⲙⲡⲓⲅ̄ ⲛⲁⲗⲟⲩ ⲛⲁⲅⲓⲟⲥ ⲉⲩⲉⲣⲁⲅⲓⲁⲍⲉⲓⲛ ⲙⲡⲓⲧⲟⲡⲟⲥ ϩⲱⲟⲩ ⲛⲉⲙⲁϥ ⲟⲩⲟϩ ⲛⲁϥϭⲓ ⲥⲙⲟⲩ ⲡⲉ ⲉⲃⲟⲗϩⲓⲧⲟⲧⲟⲩ ϩⲁⲛ ⲙⲏϣ ⲇⲉ ⲟⲛ ⲉⲃⲟⲗϧⲉⲛ ⲡⲗⲁⲟⲥ ⲉⲩⲙⲡϣⲁ ⲁⲩⲛⲁⲩ ⲉⲧⲁⲓⲟⲡⲧⲁⲥⲓⲁ ⲙⲡⲁⲓⲣⲏϯ ⲉⲑⲙⲉϩ ⲛⲱⲟⲩ ⲉⲓⲧⲉ ⲉⲡⲓⲥⲕⲟⲡⲟⲥ ⲉⲓⲧⲉ ⲕⲗⲏⲣⲓⲕⲟⲥ ⲉⲓⲧⲉ ⲙⲟⲛⲁⲭⲟⲥ ⲉⲓⲧⲉ ⲗⲁⲓⲕⲟⲥ. ⲉⲧⲁ ϣⲱⲣⲡ ⲇⲉ ϣⲱⲡⲓ ⲁϥⲓⲣⲓ ⲛⲟⲩⲥⲩⲛⲁⲝⲓⲥ ⲉϥⲉⲣ ϣⲁⲓ ⲡⲛⲁⲧⲓⲕⲱⲥ ⲛϫⲉ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲉⲙ ϯⲡⲟⲗⲓⲥ ⲧⲏⲣⲥ ⲟⲩⲟϩ ⲁϥϯ ⲛⲱⲟⲩ ⲉⲃⲟⲗϧⲉⲛ ⲛⲓⲙⲩⲥⲧⲏⲣⲓⲟⲛ ⲉⲑⲟⲩⲁⲃ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲙⲁⲗⲓⲥⲧⲁ ϩⲓⲧⲉⲛ ⲕⲉⲓⲥⲧⲟⲣⲓⲁ ⲛⲁⲣⲭⲁⲓⲁ ⲉⲧⲁⲛϫⲉⲙⲥ ϫⲉ ⲁ ϩⲁⲛ ⲛⲓϣϯ ⲛⲧⲁⲗϭⲟ ⲉⲁⲩϣⲱⲡⲓ ϧⲉⲛ ⲛⲏ ⲉⲧϣⲱⲛⲓ ⲛⲣⲏϯ ⲛⲓⲃⲉⲛ ϧⲉⲛ ⲡⲓⲉϩⲟⲟⲩ ### 0075 ⲉⲧⲉⲙⲙⲁⲩ ⲟⲩⲟϩ ⲁ ϯⲁⲛⲫⲁⲛⲏ ⲧⲏⲣⲥ ⲛⲧⲉ ⲡⲓⲧⲟⲡⲟⲥ ⲁⲥⲉⲣ ⲍ̄ ⲛⲉϩⲟⲟⲩ ⲛⲉⲙ ⲍ ⲛⲉϫⲱⲣϩ ⲁⲧϭⲛⲉ ⲛⲉϩ ⲟⲩⲟϩ ⲡⲓⲟⲩⲱⲓⲛⲓ ⲇⲉ ⲟⲛ ⲛⲉⲙ ⲡⲓⲥⲑⲩⲛⲟⲩϥⲓ ⲉϥⲙⲏⲛ ⲉⲃⲟⲗ ϧⲉⲛ ⲡⲓⲧⲟⲡⲟⲥ ⲛⲛⲏ ⲉⲑⲟⲩⲁⲃ (-ⲡ︦, in Cod. ⲡ︦ⲃ︦-) ⲉϥⲉⲣⲉⲛⲉⲣⲅⲉⲓⲛ ⲉⲡⲟⲩϫⲁⲓ ⲛⲟⲩⲟⲛ ⲛⲓⲃⲉⲛ ⲙⲁⲗⲓⲥⲧⲁ ⲛⲟⲩⲛⲓϣϯ ⲛⲥⲏⲟⲩ ϣⲁⲧⲉϥⲑⲱⲟⲩϯ ⲛϫⲉ ⲡⲓⲥⲩⲛⲉⲇⲣⲓⲟⲛ ⲛⲓⲟⲩⲇⲁⲓⲕⲟⲛ ⲉⲧⲁϥϣⲱⲡⲓ ϧⲉⲛ ⲭⲁⲗⲕⲏⲇⲱⲛ ⲟⲩⲟϩ ⲛⲧⲁⲩ‐ ⲫⲱⲣϫ ⲛϯⲉⲕⲕⲗⲏⲥⲓⲁ ⲉⲑⲟⲩⲁⲃ ϧⲉⲛ ⲧⲟⲩⲙⲉⲧⲁⲥⲉⲃⲏⲥ ϧⲉⲛ ⲡϫⲓ ⲛⲑⲣⲟⲩⲭⲱ ⲛⲟⲩⲙⲉⲧⲃⲉⲗⲗⲉ ⲉⲥⲙⲉϩ ⲛϭⲣⲟⲡ ϩⲓ ⲥⲕⲁⲛⲇⲁⲗⲟⲛ ϧⲉⲛ ⲡⲓⲕⲟⲥⲙⲟⲥ ⲧⲏⲣϥ ϩⲓ‐ ⲧⲉⲛ ⲡⲟⲩⲛⲁϩϯ ⲛϣⲗⲟϥ ⲟⲩⲟϩ ϧⲉⲛ ⲛⲁⲓ ⲛⲧⲟⲩⲉⲣ ϣⲉⲙⲙⲟ ⲗⲟⲓⲡⲟⲛ ⲙⲡⲱⲟⲩ ⲙⲡⲓϩⲙⲟⲧ ⲛⲧⲉ ⲧⲫⲉ ⲕⲁⲧⲁ ⲡⲥⲁϫⲓ ⲛϯⲅⲣⲁⲫⲏ ⲉⲧϫⲱ ⲙⲙⲟⲥ ϫⲉ ⲛⲛⲉ ⲡⲁ‐ ⲡ︦ⲛ︦ⲁ︦ ϣⲱⲡⲓ ϧⲉⲛ ⲛⲁⲓⲣⲱⲙⲓ ϫⲉ ⲁⲩⲉⲣ ⲥⲁⲣⲝ. ⲙⲉⲛⲉⲛⲥⲁ ⲛⲁⲓ ⲇⲉ ⲁ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ϭⲓ ⲥⲙⲟⲩ ⲛⲧⲟⲧϥ ⲙⲡⲓⲁⲣⲭⲓⲉⲡⲓⲥⲕⲟⲡⲟⲥ ⲟⲩⲟϩ ⲁϥⲧⲁⲥⲑⲟϥ ⲟⲛ ⲉϣⲓⲏⲧ ϧⲉⲛ ⲟⲩϩⲉⲓⲣⲏⲛⲏ. ⲟⲩⲟϩ ⲛⲁϥⲥⲁϫⲓ ⲟⲛ ⲛⲉⲙ ⲛⲓⲥ‐ ⲛⲏⲟⲩ ⲉϯⲙⲉⲧⲛⲓϣϯ ⲛⲧⲉ ⲫ︦ϯ︦ ⲉⲟⲩϩⲏⲟⲩ ⲛⲛⲟⲩⲯⲩⲭⲏ. ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ⲡⲉϫⲁϥ ⲛⲛⲓⲥⲛⲏⲟⲩ ⲛϫⲉ ⲁⲃⲃⲁ ⲓⲱⲁⲛⲛⲏⲥ ϫⲉ ⲭⲱ ⲛⲏⲓ ⲉⲃⲟⲗ ⲛⲓⲥⲛⲏⲟⲩ ⲉⲧⲁⲓⲥⲱⲧⲉⲙ ⲡⲉ ϧⲁ ⲧϩⲏ ⲙⲫⲟⲟⲩ ϫⲉ ⲟⲩⲟⲛ ⲟⲩⲛⲓϣϯ ⲙⲙⲏϣ ϧⲉⲛ ⲣⲁⲕⲟϯ ⲕⲁⲓ ⲙⲡⲓⲛⲁⲩ ⲉⲡϩⲟ ⲛϩⲗⲓ ⲛⲣⲱⲙⲓ ⲙⲙⲁⲩ ⲉⲃⲏⲗ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲙⲙⲁⲩⲁⲧϥ. ⲛⲓⲥⲛⲏⲟⲩ ⲇⲉ ⲉⲧⲁⲩⲥⲱⲧⲉⲙ ⲉⲛⲁⲓ ⲁⲩϣⲑⲟⲣⲧⲉⲣ ⲡⲉϫⲱⲟⲩ ⲙⲡⲓ‐ ### 0076 ϧⲉⲗⲗⲟ ϫⲉ ⲙⲏ ϩⲁⲣⲁ ϯⲡⲟⲗⲓⲥ ϣⲱϥ ⲡⲉⲛⲓⲱⲧ. ⲁϥⲉⲣ ⲟⲩⲱ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ (-ⲡ︦ⲁ︦) ⲓⲁⲛⲛⲏⲥ ⲡⲉϫⲁϥ ⲛⲱⲟⲩ ϫⲉ ⲙⲙⲟⲛ ⲡⲁⲓⲣⲏϯ ⲟⲛ ⲡⲉ ⲁⲗⲗⲁ ⲙⲡⲓⲭⲁ ⲡⲓⲙⲉⲩⲓ ⲉⲉⲣ ⲟⲥ ⲉⲣⲟⲓ ⲣⲱ ⲉϥⲁⲓ ⲛⲛⲁⲃⲁⲗ ⲉⲡϣⲱⲓ ⲉⲛⲁⲩ ⲉⲡϩⲟ ⲛϩⲗⲓ ⲛⲣⲱⲙⲓ ⲉⲃⲏⲗ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲙⲙⲁⲩⲁⲧϥ. ⲧⲁϫⲣⲉ ⲑⲏ‐ ⲛⲟⲩ ϩⲱⲧⲉⲛ ⲡⲉϫⲁϥ ⲛⲓⲥⲛⲏⲟⲩ ϧⲉⲛ ⲡⲁⲣⲉϩ ⲛⲛⲉⲧⲉⲛⲁⲓⲥⲑⲏⲥⲓⲥ ⲉⲑⲣⲉ ⲡⲉⲧⲉⲛ‐ ϩⲏⲧ ϣⲱⲡⲓ ⲉϥⲧⲟⲩⲃⲏⲟⲩⲧ ⲛⲥⲏⲟⲩ ⲛⲓⲃⲉⲛ ϫⲉ ϩⲓⲛⲁ ⲛⲧⲉⲧⲉⲛϣⲱⲡⲓ ⲛⲟⲩⲉⲣⲫⲉⲓ ⲙⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲛⲉⲙ ⲙⲁ ⲛⲟⲩⲱϩ. ⲉⲧⲁⲩⲥⲱⲧⲉⲙ ⲇⲉ ⲉⲛⲁⲓ ⲛϫⲉ ⲛⲓⲥⲛⲏⲟⲩ ⲁⲩϫⲉⲙ ϩⲏⲟⲩ ⲙⲙⲁϣⲱ. ⲉϥⲙⲟϣⲓ ⲇⲉ ⲉⲃⲟⲗϧⲉⲛ ⲟⲩϫⲟⲙ ⲉⲟⲩϫⲟⲙ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ϩⲓⲧⲉⲛ ⲡϭⲓⲥⲓ ⲛⲧⲉϥⲁⲣⲉⲧⲏ ⲙⲁⲗⲓⲥⲧⲁ ⲉϥ‐ ⲑⲣⲟ ⲛϩⲁⲛ ⲕⲉⲭⲱⲟⲩⲛⲓ ⲉⲣ ⲣⲁⲙⲁⲟ ϧⲉⲛ ⲫϯ. ⲙⲉⲛⲉⲛⲥⲁ ⲟⲩⲙⲏϣ ⲛⲉϩⲟⲟⲩ ⲓⲥϫⲉⲛ ⲉⲧⲁϥⲓ ⲉⲃⲟⲗϧⲉⲛ ⲣⲁⲕⲟϯ ⲁ ⲛⲓⲃⲁⲣⲃⲁ‐ ⲣⲟⲥ ⲉⲣ ⲟⲥ ⲉϣⲓⲏⲧ ϧⲉⲛ ϩⲁⲛ ϩⲃⲏⲟⲩⲓ ⲛϣⲟⲩⲙⲉⲥⲧⲱⲟⲩ ⲟⲩⲟϩ ⲛⲧⲩⲣⲁⲛⲛⲓ‐ ⲕⲟⲛ ⲕⲁⲧⲁ ϯϧⲉ ⲉⲧⲁⲩϫⲟⲥ ⲉⲩⲧⲁⲕⲟ ⲛⲧⲕⲁⲧⲁⲥⲧⲁⲥⲓⲥ ⲛⲉⲙ ⲧⲇⲓⲁⲅⲱⲅⲏ ⲛⲛⲉⲛ‐ ⲓⲟϯ ϧⲉⲛ ⲟⲩⲅⲛⲱⲙⲏ ⲛⲑⲏⲣⲓⲟⲛ ⲉⲩϭⲟϫⲓ ⲛⲥⲱⲟⲩ ⲟⲩⲟϩ ⲉⲩϣⲱϥ ⲛⲛⲓⲧⲟⲡⲟⲥ ⲉⲑⲟⲩⲁⲃ. ⲡⲉⲛⲓⲱⲧ ⲇⲉ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲉⲛⲁϥⲉⲣⲙⲉⲗⲉⲧⲁⲛ ⲡⲉ ⲙⲡⲥⲁϫⲓ ⲙⲡⲭⲥ ⲉⲧϣⲟⲡ ⲛϧⲏⲧϥ ⲉϥϫⲱ ⲙⲙⲟⲥ ϫⲉ ⲉϣⲱⲡ ⲁⲩϣⲁⲛϭⲟϫⲓ ⲛⲥⲱⲧⲉⲛ ϧⲉⲛ ⲧⲁⲓⲃⲁⲕⲓ ⲫⲱⲧ ⲉⲕⲉⲟⲩⲓ. ⲟⲩⲟϩ ϧⲉⲛ ⲛⲁⲓ ⲁϥⲉⲣ ϩⲏⲧⲥ ⲛⲭⲁ ⲡⲓ‐ ⲧⲟⲡⲟⲥ ⲉⲃⲟⲗ (-ⲡ︦ⲃ︦, in Cod. ⲡ︦ⲇ︦-) ⲛϫⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉϣⲉ ⲛⲁϥ ### 0077 ⲉⲡⲓⲕⲗⲩⲥⲙⲁ ⲙⲁⲗⲓⲥⲧⲁ ⲕⲁⲧⲁ ⲟⲩⲟⲓⲕⲟⲛⲟⲙⲓⲁ ⲛⲧⲉ ⲫ︦ϯ︦ ⲉⲑⲣⲉ ϩⲁⲛ ⲕⲉⲯⲩⲭⲓⲏ ⲉⲛⲁϣⲱⲟⲩ ⲟⲩϫⲁⲓ ⲉⲃⲟⲗϩⲓⲧⲟⲧϥ ⲟⲛ ϧⲉⲛ ⲡⲓⲕⲉⲙⲁ ⲉⲧⲉⲙⲙⲁⲩ ⲉⲑⲃⲉ ϫⲉ ⲛⲁⲩⲥⲟϫⲡ ⲟⲛ ⲉⲧⲓ ⲡⲉ ⲛϫⲉ ⲛⲓϣⲁⲙϣⲉ ⲉⲓⲇⲱⲗⲟⲛ ϧⲉⲛ ⲡⲓⲙⲁ ⲉⲧⲉⲙⲙⲁⲩ. ⲉϥⲛⲁϣⲉ ⲛⲁϥ ⲇⲉ ⲉⲃⲟⲗϧⲉⲛ ⲡⲓⲧⲟⲡⲟⲥ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲧⲁⲭⲁ ⲕⲁⲧⲁ ⲫⲣⲏϯ ⲥⲧⲁⲩϫⲟⲥ ⲁⲩⲧⲁⲕⲧⲟ ⲉⲣⲟϥ ⲧⲏⲣⲟⲩ ⲛϫⲉ ⲛⲓⲥⲛⲏⲟⲩ ϧⲉⲛ ϩⲁⲛ ⲉⲣⲙⲱ‐ ⲟⲩⲓ ⲉⲩϫⲱ ⲙⲙⲟⲥ ⲛⲁϥ ϫⲉ ⲡⲉⲛⲓⲱⲧ ⲕⲛⲁϣⲉ ⲛⲁⲕ ϩⲱⲕ ⲙⲏ ϩⲁⲣⲁ ⲕⲉⲣ ϩⲟϯ ϧⲁ ⲧϩⲏ ⲛⲛⲓⲃⲁⲣⲃⲁⲣⲟⲥ. ⲁϥⲉⲣ ⲟⲩⲱ ⲇⲉ ⲛⲱⲟⲩ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲡⲉϫⲁϥ ϫⲉ ϧⲉⲛ ⲫⲣⲁⲛ ⲙⲡⲭⲥ ⲫϯ ϯⲉⲣ ϩⲟϯ ⲁⲛ ⲁⲗⲗⲁ ⲡⲓⲡⲉⲑ‐ ⲛⲁⲛⲉϥ ⲉⲧϫⲏⲕ ⲉⲃⲟⲗ ⲙⲡⲉⲙⲑⲟ ⲙⲫϯ ⲫⲁⲓ ⲡⲉ ϩⲓⲛⲁ ⲛⲧⲉϣⲧⲉⲙ ⲡⲓⲣⲱⲙⲓ ⲕⲱϯ ⲛⲥⲁ ⲡⲉϥⲟⲩϫⲁⲓ ⲙⲙⲁⲩⲁⲧϥ ⲁⲗⲗⲁ ⲙⲁⲗⲗⲟⲛ ⲕⲁⲧⲁ ⲟⲩⲭⲣⲉⲟⲥ ⲛⲁⲅ‐ ⲅⲉⲗⲓⲕⲟⲛ ⲉⲑⲣⲉ ⲡⲓⲣⲱⲙⲓ ⲙⲁⲗⲓⲥⲧⲁ ⲡⲓⲉⲩⲥⲉⲃⲏⲥ ⲉⲣ ⲛⲉϥϩⲃⲏⲟⲩⲓ ⲧⲏⲣⲟⲩ ⲉϥ‐ ϫⲟⲩϣⲧ ⲉⲧⲉϥⲛⲟϥⲣⲓ ⲛⲉⲙ ⲡⲉϥⲥⲟⲛ ϧⲉⲛ ⲟⲩϩⲓⲥⲟⲛ ⲛⲟⲩⲱⲧ. ⲡⲁⲓⲃⲁⲣⲃⲁⲣⲟⲥ ⲅⲁⲣ ⲕⲁⲛ ⲓⲥϫⲉⲛ ϥⲫⲟⲣϫ ⲉⲃⲟⲗ ⲙⲙⲟⲓ ϧⲉⲛ ⲡⲁⲛⲁϩϯ ⲁⲗⲗⲁ ⲟⲩϩⲉⲓⲕⲱⲛ ⲛⲉⲙ ⲟⲩⲥⲱⲛⲧ ⲛⲧⲉ ⲫϯ (-ⲡⲅ-) ϩⲱϥ ⲡⲉ ⲙⲡⲁⲣⲏϯ ϩⲱ. ⲁⲓϣⲁⲛⲟϩⲓ ⲉⲣⲁⲧ ϩⲱ ⲟⲩⲟϩ ⲛⲧⲉϥϧⲟⲑⲃⲉⲧ ⲛϫⲉ ⲡⲁⲓⲃⲁⲣⲃⲁⲣⲟⲥ ϥⲛⲁϩⲱⲗ ⲉϯⲕⲟⲗⲁⲥⲓⲥ ⲉⲑⲃⲏⲧ. ⲟⲩⲟϩ ϧⲉⲛ ⲛⲁⲓ ⲁϥⲭⲁ ϣⲓⲏⲧ ⲉⲃⲟⲗ ⲛⲉⲙ ⲡⲕⲉⲥⲉⲡⲓ ⲛⲛⲉⲛⲓⲟϯ ⲛⲑⲉⲟⲫⲟⲣⲟⲥ ⲉϥϭⲓ ⲙⲱⲓⲧ ϧⲁϫⲱϥ ⲛϫⲉ ⲡⲭⲥ ϣⲁ ⲡⲓⲧⲱⲟⲩ ⲛⲧⲉ ⲡⲓⲛⲓϣϯ ⲁⲛⲧⲱⲛⲓⲟⲥ ⲥⲁ‐ ϧⲟⲩⲛ ⲙⲡⲓⲕⲗⲩⲥⲙⲁ ⲛⲟⲩⲉϩⲟⲟⲩ ⲙⲙⲟϣⲓ. ⲟⲩⲟϩ ⲁϥϣⲱⲡⲓ ϩⲓϫⲉⲛ ⲟⲩⲡⲉⲧⲣⲁ ### 0078 ⲥⲁ ⲡϣⲱⲓ ⲛⲟⲩⲡⲟⲧⲁⲙⲟⲥ ϧⲉⲛ ⲟⲩⲥⲡⲏⲗⲁⲓⲟⲛ ⲫⲁⲓ ⲉⲧⲁϥⲑⲁⲙⲓⲟϥ ⲛⲁϥ ⲉⲃⲟⲗϧⲉⲛ ϩⲁⲛ ⲱⲛⲓ ⲕⲁⲧⲁ ⲡⲧⲩⲡⲟⲥ ⲙⲫⲏ ⲉⲧⲉϥⲛϧⲏⲧϥ ⲟⲛ ϧⲉⲛ ϣⲓⲏⲧ ⲟⲩⲟϩ ⲁϥϩⲉⲙⲥⲓ ⲛϧⲏⲧϥ ⲟⲛ ⲉϥⲙⲏⲛ ⲉⲫϯ ⲙⲁⲗⲓⲥⲧⲁ ϧⲉⲛ ⲟⲩⲅⲛⲱⲥⲓⲥ ⲉϥⲧⲟⲩϩⲟ ⲉϫⲉⲛ ⲛⲉϥⲁⲥⲕⲏⲥⲓⲥ ⲛⲉⲙ ⲛⲉϥⲡⲟⲗⲓⲧⲉⲓⲁ ⲉϥⲙⲫⲣⲏϯ ϩⲱⲥ ϫⲉ ϯⲛⲟⲩ ϩⲏⲇⲏ ⲁϥⲉⲣ ϩⲏⲧⲥ ϧⲉⲛ ⲑⲙⲉⲧⲃⲉⲣⲓ ⲙⲡⲉϥⲕⲁϯ. ⲫϯ ⲇⲉ ⲡⲓϥⲁⲓ ⲣⲱⲟⲩϣ ⲛⲥⲏⲟⲩ ⲛⲓⲃⲉⲛ ϧⲁ ⲡⲉϥⲡⲗⲁⲥⲙⲁ ⲛϩⲟⲩⲟ ⲇⲉ ⲛⲏ ⲉⲑⲟⲩⲁⲃ ⲛⲧⲁϥ ⲁϥⲑⲱϣ ⲛⲟⲩⲡⲓⲥ‐ ⲧⲟⲥ ⲛⲕⲟⲥⲙⲓⲕⲟⲥ ⲟⲩⲟϩ ⲛⲉⲩⲥⲉⲃⲏⲥ ⲉⲑⲣⲉϥⲉⲣⲇⲓⲁⲕⲟⲛⲉⲓⲛ ⲛⲁϥ ⲉⲟⲩⲉⲃⲟⲗ ⲡⲉ ϧⲉⲛ ⲡⲓϯⲙⲓ ⲉⲧⲉⲙⲙⲁⲩ ⲉⲟⲩⲟⲛ ⲛⲧⲁϥ ⲙⲙⲁⲩ ⲛⲟⲩⲛⲁϩϯ ⲉϥϫⲏⲕ ⲉⲃⲟⲗ ⲉϧⲟⲩⲛ ⲉⲛⲏ ⲉⲑⲟⲩⲁⲃ ⲧⲏⲣⲟⲩ ⲉⲧϧⲉⲛ ⲡⲓⲧⲱⲟⲩ ⲉⲧⲉⲙⲙⲁⲩ ⲙⲁⲗⲓⲥⲧⲁ ⲡⲉⲛⲓⲱⲧ ⲉⲑⲟⲩⲁⲃ ⲛϩⲟⲩⲟ ⲉϥⲥⲟϭⲛⲓ ⲉⲣⲟϥ ϧⲉⲛ ⲟⲩⲭⲟϩ ⲙⲙⲉⲧⲙⲁⲓ ⲛⲟⲩϯ ⲉⲡⲟⲩϫⲁⲓ ⲛⲧⲉϥⲯⲩⲭⲏ ⲟⲩⲛⲓϣϯ ⲅⲁⲣ ⲧⲉ ⲧⲉϥⲡⲟⲗⲓⲧⲉⲓⲁ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ (-ⲡ︦︦ⲇ︦, in Cod. ⲡ︦︦ⲋ︦-) ⲟⲩⲡⲁⲣⲑⲉⲛⲟⲥ ⲡⲉ ⲓⲥϫⲉⲛ ⲧⲉϥⲙⲉⲧⲕⲟⲩϫⲓ ⲉϥⲙⲏⲛ ⲉⲫ︦ϯ︦ ϧⲉⲛ ϩⲁⲛ ⲡⲣⲟⲥⲉⲩⲭⲏ ⲛⲉⲙ ϩⲁⲛ ⲁⲥⲕⲏⲥⲓⲥ ⲉⲩⲟϣ ⲉⲛⲉϣⲁϥⲉⲣ ⲡⲉⲙⲡϣⲁ ⲇⲉ ⲟⲛ ⲛⲛⲁⲩ ⲉϩⲁⲛ ϭⲱⲣⲡ ⲉⲃⲟⲗ ⲉⲩⲟⲩⲁⲃ ⲉⲃⲟⲗϩⲓⲧⲉⲛ ⲫϯ. ⲟⲩⲟϩ ⲡⲁⲓⲣⲱⲙⲓ ⲫⲁⲓ ⲛⲁϥⲟⲓ ⲛⲇⲓⲁⲕⲟⲛⲓⲧⲏⲥ ⲙⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ. ⲟⲩⲥⲟⲡ ⲇⲉ ⲛϯⲉⲃⲇⲟⲙⲁⲥ ⲛⲉϣⲁϥϩⲓ ⲕⲟⲧ ⲡⲉ ⲉⲡⲉⲛⲓⲱⲧ ⲉⲑⲃⲉ ⲟⲩⲭⲣⲉⲓⲁ ⲛⲁⲛⲁⲅⲕⲁⲓⲟⲛ ⲟⲩⲟϩ ⲛⲉϣⲁϥⲁⲓϥ ⲡⲉ ⲛϯⲕⲩⲣⲓⲁⲕⲏ ⲉⲑⲟⲩⲁⲃ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ. ⲡⲉⲛ‐ ⲓⲱⲧ ⲇⲉ ϩⲱϥ ⲟⲛ ⲛⲁϥⲛⲏⲟⲩ ⲡⲉ ⲉⲡⲓϯⲙⲓ ⲛϩⲁⲛ ⲥⲟⲡ ⲉⲩⲕⲓⲙ ⲉⲣⲟϥ ⲉⲃⲟⲗ‐ ### 0079 ϩⲓⲧⲉⲛ ⲫ︦ϯ︦ ⲫⲁⲓ ⲙⲁⲗⲓⲥⲧⲁ ⲉⲧⲉⲣⲉⲛⲉⲣⲅⲉⲓⲛ ⲛϧⲏⲧϥ ⲛⲟⲩⲙⲏϣ ⲛⲧⲁⲗϭⲟ ⲛⲣⲏϯ ⲛⲓⲃⲉⲛ ⲛϩⲟⲩⲟ ⲇⲉ ⲉⲡϫⲓ ⲛⲉⲣⲕⲁⲑⲁⲣⲓⲍⲉⲓⲛ ⲛⲛⲟⲩⲯⲩⲭⲏ ⲉⲃⲟⲗϧⲉⲛ ⲧⲯⲱⲣⲁ ⲛϯⲧⲣⲉⲥⲕⲉⲓⲁ ⲙⲃⲟϯ ⲛⲧⲉ ϯⲙⲉⲧⲉⲗⲗⲏⲛⲟⲥ ϧⲉⲛ ⲡϫⲓ ⲛⲑⲣⲉ ⲫⲟⲩ‐ ⲱⲓⲛⲓ ⲟⲩⲛ ⲛⲧⲉϥⲁⲣⲉⲧⲏ ϣⲁⲓ ⲟⲛ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲙⲫⲣⲏϯ ⲛⲟⲩⲫⲱⲥ‐ ⲧⲏⲣ ⲁϥϣⲱⲡⲓ ⲅⲁⲣ ⲛⲱⲟⲩ ⲛϭⲁⲩ ⲙⲱⲓⲧ ⲧⲏⲣⲟⲩ ⲉϧⲟⲩⲛ ⲉⲡⲓⲟⲩϫⲁⲓ ⲟⲩⲟϩ ⲉⲑⲃⲉ ⲡⲓⲣⲏϯ ⲉⲧⲟⲩⲉⲣⲙⲉⲧⲉⲭⲉⲓⲛ ⲙⲡⲟⲩⲛⲟϩⲉⲙ ⲉⲃⲟⲗϩⲓⲧⲟⲧϥ ⲙⲡⲉⲛⲓⲱⲧ ⲁⲩϣⲁⲛⲥⲱⲧⲉⲙ ϫⲉ ⲁϥⲓ ⲉⲡϣⲱⲓ ⲉⲃⲟⲗϧⲉⲛ ⲡⲓⲧⲱⲟⲩ ⲛⲁⲣⲉ ⲡⲓⲙⲏϣ ⲧⲏⲣϥ ⲛⲧⲉ ⲡⲓϯⲙⲓ ⲛⲏⲟⲩ ⲉⲃⲟⲗ ϧⲁϫⲱϥ ⲡⲉ ⲏⲗⲓⲕⲓⲁ ⲛⲓⲃⲉⲛ ⲉϭⲓ ⲥⲙⲟⲩ ⲉⲃⲟⲗϩⲓⲧⲟⲧϥ (-ⲡ︦ⲉ︦-) ϩⲱⲥ ⲉϥⲉⲣ ⲡⲉⲑⲛⲁⲛⲉϥ ⲛⲧⲱⲟⲩ ⲧⲏⲣⲟⲩ ⲛⲁϣⲱⲟⲩ ⲅⲁⲣ ⲛϫⲉ ⲛⲓ‐ ⲯⲩⲭⲏ ⲉⲧⲁϥⲑⲟⲕⲙⲟⲩ ⲉⲃⲟⲗϧⲉⲛ ⲛⲉⲛϫⲓϫ ⲙⲡⲓϫⲁϫⲓ ⲉϥⲉⲣⲧⲩⲣⲁⲛⲛⲉⲩⲉⲥ‐ ⲑⲁⲓ ⲉϩⲣⲏⲓ ⲉϫⲱⲟⲩ ϧⲉⲛ ϩⲁⲛ ⲙⲏϣ ⲛⲥⲙⲟⲧ ⲉⲩϯ ϫⲱⲛⲧ ⲙⲫϯ ⲙⲁⲗⲓⲥⲧⲁ ⲛⲏ ⲉⲧϧⲉⲛ ⲡϣⲉⲙϣⲓ ⲛⲛⲓⲉⲓⲇⲱⲗⲟⲛ ⲉⲁϥⲧⲟⲩⲃⲟ ⲙⲡⲓⲙⲁ ⲧⲏⲣϥ ϣⲁⲧⲉⲛ ⲟⲩ‐ ⲣⲱⲙⲓ ⲛⲟⲩⲱⲧ ⲛⲉⲙ ⲡⲉϥⲏⲓ ⲧⲏⲣϥ. ⲟⲩⲟϩ ⲫⲁⲓ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲛⲉ ⲟⲩⲣⲁⲙⲁⲟ ⲙⲙⲁϣⲱ ⲡⲉ ⲉϥⲟⲓ ⲛⲛⲉϣⲧⲉ ϧⲉⲛ ⲟⲩⲙⲉⲧⲧⲩⲣⲁⲛⲛⲟⲥ ⲛⲉⲙ ⲟⲩ‐ ⲙⲉⲧⲁⲩⲑⲁⲇⲏⲥ ⲉⲑⲃⲉ ⲡⲁϣⲁⲓ ⲛⲛⲉϥⲭⲣⲏⲙⲁ ⲉⲟⲩⲟⲛ ⲛⲧⲁϥ ⲙⲙⲁⲩ ⲛⲟⲩ‐ ⲙⲏϣ ⲛⲉⲓⲇⲱⲗⲟⲛ ⲛⲛⲟⲩⲃ ϩⲏ ϩⲁⲧ ⲉⲩϧⲉⲛ ⲡⲉϥⲏⲓ ⲉϥϣⲉⲙϣⲓ ⲙⲙⲱⲟⲩ ⲕⲁⲧⲁ ⲫⲟⲩⲱϣ ⲙⲡⲓⲇⲓⲁⲃⲟⲗⲟⲥ. ⲟⲩⲟϩ ⲫⲁⲓ ⲟⲛ ⲛⲉϣⲁϥϯ ⲛⲟⲩⲙⲏϣ ⲛϧⲓⲥⲓ ### 0080 ⲛⲛⲓⲡⲓⲥⲧⲟⲥ ⲛⲟⲣⲑⲟⲇⲟⲝⲟⲥ ⲡⲉ ⲛϩⲟⲩⲟ ⲇⲉ ⲛⲏ ⲉⲑⲛⲁⲧⲁⲥⲑⲱⲟⲩ ⲉⲃⲟⲗϧⲉⲛ ⲡϣⲉⲙϣⲓ ⲉⲧⲥⲟϥ ⲉϧⲟⲩⲛ ⲉⲡⲓⲉⲙⲓ ⲙⲫⲟⲩⲱⲓⲛⲓ ⲙⲡⲭⲥ ⲁϥϯ ⲛϩⲁⲛ ⲛⲓϣϯ ⲛⲉⲙ‐ ⲕⲁϩ ⲛⲱⲟⲩ ⲟⲩⲟϩ ⲧⲁⲭⲁ ⲙⲫⲣⲏϯ ⲉⲧⲁⲩϫⲟⲥ ⲉϥϩⲓ ⲧⲟⲧϥ ⲛⲟⲩⲙⲏϣ ⲛⲥⲟⲡ ⲉⲉⲣ ⲡⲉⲧϩⲱⲟⲩ ⲙⲡⲉⲛⲡⲁⲛⲁⲅⲓⲟⲥ ⲛⲓⲱⲧ ϧⲉⲛ ⲫⲑⲟⲛⲟⲥ ⲙⲡⲓⲇⲓⲁⲃⲟⲗⲟⲥ ⲉϥⲉⲣ‐ ⲉⲡⲓⲃⲟⲩⲗⲉⲩⲉⲓⲛ ⲉⲣⲟϥ ⲟⲩⲟϩ ⲉϥϫⲱⲣϫ ϧⲉⲛ ⲟⲩⲭⲣⲟϥ ⲛⲛⲁⲩ ⲛⲓⲃⲉⲛ ⲉⲱⲗⲓ ⲙⲡⲉϥⲱⲛϧ ⲉⲃⲟⲗϩⲓϫⲉⲛ ⲡⲓⲕⲁϩⲓ. ⲫϯ ⲇⲉ ⲡⲓϥⲁⲓ ⲣⲱⲟⲩϣ ⲟⲩⲟϩ ⲡⲥⲕⲉⲡⲁⲥⲧⲏⲥ ⲛⲛⲏ ⲉⲑⲟⲩⲁⲃ (-ⲡ︦ⲋ︦, in Cod. ⲡ︦ⲏ︦-) ⲙⲡⲉϥⲉⲣⲁⲛⲉⲭⲉⲥⲑⲁⲓ ⲉⲑⲣⲉ ⲟⲩϩⲱⲃ ⲉϥϩⲱⲟⲩ ⲧⲁϩⲉ ⲡⲉϥⲃⲱⲕ ⲁⲗⲗⲁ ⲙⲁⲗⲗⲟⲛ ϧⲉⲛ ⲟⲩⲥⲟⲫⲓⲁ ⲉⲥⲉⲣ ϩⲱⲃ ⲙⲁ‐ ⲗⲓⲥⲧⲁ ⲉⲡⲉϥⲟⲩϫⲁⲓ ϩⲓⲧⲉⲛ ⲛⲓⲉⲩⲭⲏ ⲛⲧⲉ ⲡⲉⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁϥⲓⲛⲓ ⲛⲟⲩϣⲱⲛⲓ ⲉϫⲱϥ ⲛⲧⲉ ϩⲁⲛ ⲕⲉⲗⲕⲁ ⲛϫⲱϥ ⲉⲩϯ ⲧⲕⲁⲥ ⲙⲙⲁϣⲱ ϩⲱⲥⲧⲉ ϧⲉⲛ ⲫⲁⲓ ⲛⲧⲉϥⲉⲣ ⲃⲉⲗⲗⲉ ⲙⲡⲉϥⲃ︦ ⲙⲃⲁⲗ ⲟⲩⲟϩ ⲛⲧⲉϥⲥⲉⲕ ϥⲉⲛⲧ ⲉⲃⲟⲗϧⲁⲣⲟϥ. ⲛⲉϥⲉⲃⲓⲁⲓⲕ ⲇⲉ ⲛⲉⲙ ⲛⲏ ⲉⲧⲉ ⲛⲟⲩϥ ⲧⲏⲣⲟⲩ ⲉⲩⲉⲣ ϩⲏⲃⲓ ⲟⲩⲟϩ ⲉⲩⲧⲱⲓⲧ ⲉⲩ‐ ϭⲱϫⲓ ϧⲁⲣⲁⲧⲟⲩ ⲛⲛⲟⲩⲛⲟⲩϯ ⲛⲛⲟⲩⲃ ⲉⲩⲙⲟⲩϯ ⲟⲩⲃⲉ ⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ ⲉⲑⲣⲟⲩⲛⲁϩⲙⲉϥ. ⲟⲩⲟϩ ⲛⲁⲣⲉ ϩⲗⲓ ⲙⲃⲟⲏⲑⲉⲓⲁ ϣⲟⲡ ⲙⲡⲓⲧⲁⲗⲁⲓ‐ ⲡⲱⲣⲟⲥ ⲉⲧⲉⲙⲙⲁⲩ ⲁⲛ ⲡⲉ ⲥⲁ ϩⲗⲓ ⲛⲥⲁ ⲁⲗⲗⲁ ⲙⲁⲗⲗⲟⲛ ⲛⲁⲣⲉ ⲫⲙⲟⲩ ϫⲉⲙϫⲟⲙ ⲉϫⲱϥ ⲛϩⲟⲩⲟ ⲡⲉ ⲉⲁϥⲉⲣ ⲙⲫⲣⲏϯ ⲛⲟⲩϣⲉ ⲉϥϫⲉϥϫⲱϥ. ⲉϥⲭⲏ ⲇⲉ ϧⲉⲛ ⲧⲁⲓⲃⲁⲥⲁⲛⲟⲥ ⲑⲁⲓ ⲁϥϫⲟⲥ ϧⲉⲛ ⲧⲉϥⲁⲛⲁⲅⲕⲏ ⲙⲟⲅⲓⲥ ϧⲉⲛ ⲟⲩϧⲓⲥⲓ ### 0081 ⲉⲩⲥⲱⲧⲉⲙ ⲉⲧⲉϥⲥⲙⲏ ⲉϥϫⲱ ⲙⲙⲟⲥ ϫⲉ ⲧⲁⲭⲩ ⲁⲛⲓⲟⲩⲓ ⲛⲏⲓ ⲛⲓⲱⲁⲛⲛⲏⲥ ⲉⲙⲛⲁⲓ ⲡⲓⲃⲱⲕ ⲛⲧⲉ ⲫ︦ϯ︦ ⲛⲛⲓⲭⲣⲓⲥⲧⲓⲁⲛⲟⲥ ϫⲉ ⲁⲧϭⲛⲟⲩϥ ⲙⲙⲟⲛ ⲟⲩϫⲁⲓ ⲛⲁ‐ ϣⲱⲡⲓ ⲛⲏⲓ. ⲥⲁⲧⲟⲧⲟⲩ ⲇⲉ ⲛⲏ ⲉⲧⲉ ⲛⲟⲩϥ ⲧⲏⲣⲟⲩ ⲛⲉϥϣⲏⲣⲓ ⲛⲉⲙ ⲛⲉϥⲉⲃⲓⲁⲓⲕ ⲧⲏⲣⲟⲩ ϧⲉⲛ ⲟⲩⲛⲓϣϯ ⲛⲥⲡⲟⲩϫⲏ ⲁⲩϭⲟϫⲓ ⲉⲣⲁⲧϥ ⲙⲡⲉⲛⲓⲱⲧ ⲁⲃⲃⲁ ⲓⲱⲁⲛ‐ ⲛⲏⲥ ⲉⲡⲧⲱⲟⲩ. (-ⲡⲍ-) ⲉⲧⲁⲩⲕⲱⲗϩ ⲇⲉ ⲉⲫⲣⲟ ⲙⲡⲉϥⲁⲥⲕⲏⲧⲏⲣⲓⲟⲛ ⲁϥⲓ ⲉⲃⲟⲗ ⲛϫⲉ ⲡⲓⲥⲏⲓⲛⲓ ⲛⲧⲉ ⲛⲓⲯⲩⲭⲏ ⲛⲉⲙ ⲛⲓⲥⲱⲙⲁ. ⲛⲑⲱⲟⲩ ⲇⲉ ⲛⲏ ⲉⲧⲁⲩⲟⲩⲟⲣ‐ ⲡⲟⲩ ⲛⲁⲩϯ ϩⲟ ⲡⲉ ⲛϩⲁⲛ ⲙⲏϣ ⲙⲡⲉⲛⲓⲱⲧ ⲉⲑⲣⲉϥϣⲉⲛ ϩⲏⲧ ϧⲁⲣⲟϥ. ⲡⲉⲛⲓⲱⲧ ⲇⲉ ⲡⲉϫⲁϥ ⲛⲱⲟⲩ ϫⲉ ⲉⲃⲏⲗ ⲛⲧⲉϥϯ ⲣⲱϥ ⲉⲭⲱ ⲛⲥⲱϥ ⲛⲧⲁⲓⲙⲉⲧⲁⲡⲁⲛ‐ ⲑⲣⲱⲡⲟⲥ ⲟⲩⲟϩ ⲛⲧⲉϥϭⲓ ⲟⲩⲱⲓⲛⲓ ϧⲉⲛ ⲫⲟⲩⲱⲓⲛⲓ ⲛϯⲧⲣⲓⲁⲥ ⲉⲑⲟⲩⲁⲃ ϥⲛⲁⲟⲩϫⲁⲓ ⲁⲛ. ⲛⲁⲓ ⲉⲧⲁⲩⲥⲟⲑⲙⲟⲩ ⲛϫⲉ ⲛⲏ ⲉⲧⲁϥⲟⲩⲟⲣⲡⲟⲩ ⲟⲩⲟϩ ⲉⲧⲁⲩϣⲉ ⲛⲱⲟⲩ ⲁⲩϫⲉ ⲛⲁⲓ ⲙⲫⲏ ⲉⲧⲉⲣⲕⲓⲛⲇⲩⲛⲉⲩⲉⲓⲛ. ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉ ⲙⲁⲣⲉϥⲧⲁⲗϭⲟⲓ ⲉⲃⲟⲗϭⲉⲛ ⲧⲁⲓⲙⲁⲥⲧⲓⲝ ⲕⲁⲓ ϯⲛⲁⲓⲣⲓ ⲕⲁⲧⲁ ϩⲱⲃ ⲛⲓⲃⲉⲛ ⲉⲧⲉϥⲟⲩⲁϣⲟⲩ. ⲛⲁⲓ ⲇⲉ ⲉⲧⲁϥⲥⲟⲑⲙⲟⲩ ⲛⲧⲟⲧⲟⲩ ⲛⲛⲏ ⲉⲧⲁϥⲟⲩⲟⲣⲡⲟⲩ ⲟⲛ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲁϥⲙⲟϣⲓ ⲛⲉⲙⲱⲟⲩ ϩⲓ ⲫⲙⲱⲓⲧ ⲉϥⲣⲁϣⲓ ϩⲱⲥ ⲁⲡⲟⲥⲧⲟⲗⲟⲥ ⲉⲃⲟⲗϩⲓⲧⲉⲛ ⲫϯ. ⲉⲧⲁϥⲫⲟϩ ⲇⲉ ⲉⲫⲙⲁ ⲛϣⲱⲡⲓ ⲙⲡⲓⲣⲱⲙⲓ ⲉⲧⲉⲙⲙⲁⲩ ⲛϫⲉ ⲡⲉⲛⲓⲱⲧ ⲁⲩϩⲉⲓ ⲛϫⲉ ⲛⲓⲉⲓⲇⲱⲗⲟⲛ ⲉⲧϧⲉⲛ ⲡⲉϥⲏⲓ ϧⲉⲛ ϯⲟⲩⲛⲟⲩ ⲁⲩⲕⲱϣ ⲟⲩⲟϩ ⲛⲓⲇⲁⲓⲙⲱⲛ ⲉⲧϫⲁⲗⲏⲟⲩⲧ ⲉⲫⲟⲩⲁⲓ ### 0082 ⲫⲟⲩⲁⲓ ⲙⲙⲱⲟⲩ ⲁⲩⲫⲱⲧ ⲟⲩⲟϩ ⲛⲁⲩⲱϣ ⲉⲃⲟⲗϧⲉⲛ ⲡⲓⲁⲏⲣ ⲉⲩϫⲱ ⲙⲙⲟⲥ ϫⲉ ⲟⲩⲟⲓ ⲛⲁⲛ ϫⲉ ⲁⲩϭⲟϫⲓ ⲛⲥⲱⲛ ⲉⲃⲟⲗϧⲉⲛ ⲙⲁⲓ ⲛⲓⲃⲉⲛ (ⲡ︦︦︦︦ⲏ︦, in Cod. ϥ︦-) ⲟⲩⲟϩ ⲁⲩⲱⲗⲓ ⲛⲛⲉⲛⲧⲟⲡⲟⲥ ⲛⲧⲟⲧⲉⲛ. ⲡⲉⲛⲓⲱⲧ ⲇⲉ ⲉϥⲙⲉϩ ⲉⲃⲟⲗϧⲉⲛ ⲡⲓⲡⲛⲁ ⲉⲑⲟⲩⲁⲃ ⲛⲁϥⲛⲓϥⲓ ⲛⲥⲱⲟⲩ ⲉϥⲉⲣⲇⲓⲱⲕⲉⲓⲛ ⲛⲥⲁ ⲧⲟⲩⲡⲗⲁⲛⲏ ⲙⲁⲗⲓⲥⲧⲁ ϧⲉⲛ ⲟⲩϩⲉⲝⲓⲥ ⲉⲥϫⲟⲣ ⲛⲧⲉ ⲫⲙⲏⲓⲛⲓ ⲙⲡⲓⲥⲧⲁⲩⲣⲟⲥ ⲛⲟⲩϫⲁⲓ ⲉϥⲉⲣⲁⲅⲓⲁⲍⲉⲓⲛ ⲙⲡⲓⲙⲁ ⲛϣⲱⲡⲓ ⲧⲏⲣϥ ϧⲉⲛ ⲡⲥⲙⲟⲧ ⲛⲛⲉϥϣⲗⲏⲗ ⲉⲑⲟⲩⲁⲃ ⲛⲉⲙ ϩⲁⲛ ⲡⲣⲟⲥⲉⲩⲭⲏ ⲉⲩⲟϣ. ϧⲉⲛ ⲛⲁⲓ ⲇⲉ ⲉⲛⲁⲣⲉ ⲡⲓⲣⲱⲙⲓ ⲱϣ ⲉⲃⲟⲗ ⲡⲉ ⲉϥϫⲱ ⲙⲙⲟⲥ ϫⲉ ⲁⲣⲓ ⲃⲟⲏⲑⲉⲓⲛ ⲉⲣⲟⲓ. ⲡⲉⲛⲓⲱⲧ ⲇⲉ ⲉⲑⲟⲩⲁⲃ ⲉϥⲙⲉϩ ⲉⲃⲟⲗϧⲉⲛ ⲙⲉⲧϣⲉⲛ ϩⲏⲧ ⲛⲓⲃⲉⲛ ⲁϥⲉⲣⲕⲁⲧⲏⲭⲉⲓⲛ ⲙⲙⲟϥ ⲛⲉⲙ ⲡⲉϥⲏⲓ ⲧⲏⲣϥ ϧⲉⲛ ⲡⲥⲁϫⲓ ⲙⲡⲓⲱⲛϧ ⲛⲉⲛⲉϩ ⲟⲩⲟϩ ⲁϥⲑⲣⲉϥⲉⲣⲟⲙⲟⲗⲟⲅⲉⲓⲛ ⲛϯⲙⲉⲧⲛⲟⲩϯ ⲛⲟⲩⲱⲧ ⲛⲧⲉ ϯⲧⲣⲓⲁⲥ ⲉⲑⲟⲩⲁⲃ ⲛⲁⲧⲥⲱⲛⲧ ⲛⲁⲧⲫⲱⲣϫ ⲛⲁⲧⲁⲣⲭⲏ ⲛⲁⲧϧⲁⲏ ⲟⲩⲟϩ ⲟⲛ ⲉϥⲉⲣⲟⲙⲟⲗⲟⲅⲉⲓⲛ ⲛϯⲟⲓⲕⲟⲛⲟⲙⲓⲁ ⲉⲧⲁϥⲁⲓⲥ ϣⲁⲣⲟⲛ ⲉⲑⲃⲉ ⲡⲉⲛ‐ ⲟⲩϫⲁⲓ ⲛϫⲉ ⲡⲓⲟⲩⲁⲓ ⲉⲃⲟⲗϧⲉⲛ ϯⲧⲣⲓⲁⲥ ⲉⲑⲟⲩⲁⲃ ⲡⲓⲙⲟⲛⲟⲅⲉⲛⲏⲥ ⲛϣⲏⲣⲓ ⲟⲩⲟϩ ⲛⲗⲟⲅⲟⲥ ⲛⲧⲉ ⲫⲓⲱⲧ ⲫⲁⲓ ⲉⲧⲁϥϭⲓ ⲥⲁⲣⲝ ϧⲉⲛ ⲟⲩⲡⲛⲁ ⲉϥⲟⲩⲁⲃ ⲕⲁⲧⲁ ⲟⲩϩⲩⲡⲟⲥⲧⲁⲥⲓⲥ ⲉⲃⲟⲗϧⲉⲛ ϯⲡⲁⲣⲑⲉⲛⲟⲥ ⲉⲑⲟⲩⲁⲃ ⲙⲁⲣⲓⲁ ⲉⲁϥϣⲱⲡⲓ ⲛⲣⲱⲙⲓ ⲛⲧⲉⲗⲉⲓⲟⲥ ⲉⲁϥϭⲓ ⲙⲕⲁϩ ϧⲉⲛ ⲧⲥⲁⲣⲝ ⲁϥⲧⲱⲛϥ ⲉⲃⲟⲗϧⲉⲛ ⲛⲏ ⲉⲑⲙⲱⲟⲩⲧ ⲙⲡⲓⲉϩⲟⲟⲩ ⲙⲙⲁϩ ⲅ̄ ⲁϥϣⲉ ⲛⲁϥ ⲉⲡϣⲱⲓ ⲉⲛⲓⲫⲏⲟⲩⲓ (-ⲡⲑ-) ϥⲛⲏⲟⲩ ϧⲉⲛ ### 0083 ⲡⲉϥⲱⲟⲩ ⲉϯ ϩⲁⲡ ⲉⲛⲏ ⲉⲧⲟⲛϧ ⲛⲉⲙ ⲛⲏ ⲉⲑⲙⲱⲟⲩⲧ. ϧⲉⲛ ⲛⲁⲓ ⲇⲉ ⲁϥⲉⲣⲁⲡⲟ‐ ⲧⲁⲍⲉⲥⲑⲁⲓ ⲙⲡⲥⲁⲧⲁⲛⲁⲥ ⲛϫⲉ ⲡⲓⲣⲱⲙⲓ ⲉϥⲉⲣⲁⲛⲁⲑⲉⲙⲁⲧⲓⲍⲉⲓⲛ ⲙⲙⲟϥ ⲛⲉⲙ ⲛⲉϥⲇⲁⲓⲙⲱⲛ. ⲙⲉⲛⲉⲛⲥⲁ ⲛⲁⲓ ⲇⲉ ⲁϥϯ ⲱⲙⲥ ⲛⲁϥ ⲛⲉⲙ ⲡⲉϥⲏⲓ ⲧⲏⲣϥ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉⲫⲣⲁⲛ ⲛϯⲧⲣⲓⲁⲥ ⲉⲑⲟⲩⲁⲃ ⲛⲟⲙⲟⲟⲩⲥⲓⲟⲥ ⲛⲁⲧⲥⲱⲛⲧ ⲛⲁⲧϫⲱϫⲉⲃ ⲛⲁⲧϣⲱⲡ ⲉⲣⲟⲥ ⲛⲟⲩⲡⲣⲟⲥⲑⲏⲕⲏ ⲛϩⲗⲓ ⲛⲥⲏⲟⲩ ⲟⲩⲟϩ ⲁϥⲑⲣⲉϥⲟⲩⲃⲁϣ ϧⲉⲛ ⲫⲟⲩⲱⲓⲛⲓ ⲙⲡⲓⲥⲱⲛⲧ ⲙⲃⲉⲣⲓ. ⲟⲩⲟϩ ⲟⲩϣ‐ ⲫⲏⲣⲓ ⲙⲡⲁⲣⲁⲇⲟⲝⲟⲛ ⲁⲥϣⲱⲡⲓ ⲙⲡⲓⲛⲁⲩ ⲉⲧⲉⲙⲙⲁⲩ ⲡⲉϫⲱⲟⲩ. ⲉⲧⲁϥⲓ ⲅⲁⲣ ⲉⲡϣⲱⲓ ⲉⲃⲟⲗϧⲉⲛ ⲛⲓⲙⲱⲟⲩ ⲉⲑⲟⲩⲁⲃ ⲙⲙⲩⲥⲧⲓⲕⲟⲛ ϩⲁⲛ ⲕⲏⲕⲥ ⲁⲩϩⲉⲓ ⲉⲃⲟⲗϧⲉⲛ ⲛⲉϥⲃⲁⲗ ⲙⲫⲣⲏϯ ⲛϩⲁⲛ ϣⲏⲓϥⲓ ⲉⲁϥⲛⲁⲩ ⲙⲃⲟⲗ ⲛϯⲟⲩⲛⲟⲩ ⲟⲩⲟϩ ⲁϥⲧⲁⲗϭⲟ ϧⲉⲛ ⲛⲉϥⲙⲉⲗⲟⲥ ⲧⲏⲣⲟⲩ ⲟⲩⲟϩ ⲡⲓⲙⲏϣ ⲧⲏⲣϥ ⲛⲧⲉ ⲡⲓϯⲙⲓ ⲉⲧ‐ ⲑⲟⲩⲏⲧ ⲛⲁⲩϭⲓ ϣⲫⲏⲣⲓ ⲡⲉ ⲉⲩϯ ⲱⲟⲩ ⲙⲫϯ. ⲉⲛⲁϥϣⲟⲡ ⲛⲱⲟⲩ ⲧⲏⲣⲟⲩ ⲗⲟⲓⲡⲟⲛ ⲛϫⲉ ⲟⲩⲛⲓϣϯ ⲛⲣⲁϣⲓ ⲛⲉⲙ ⲟⲩⲟⲩⲛⲟϥ ⲙⲡⲛⲁⲧⲓⲕⲟⲛ ⲛⲁⲩⲉⲣ ϣⲁⲓ ϧⲉⲛ ⲟⲩⲑⲉⲗⲏⲗ ⲙⲁⲗⲓⲥⲧⲁ ϧⲉⲛ ⲡⲏⲓ ⲙⲡⲓⲡⲓⲥⲧⲟⲥ ⲛⲭⲣⲓⲥⲧⲓⲁⲛⲟⲥ ⲉⲧⲉⲙⲙⲁⲩ ⲛⲑⲟϥ ⲛⲉⲙ ⲛⲏ ⲉⲧⲉ ⲛⲟⲩϥ ⲧⲏⲣⲟⲩ ⲉϩⲣⲏⲓ ⲉϫⲉⲛ ⲡⲓⲥⲱϯ ⲉⲧⲕⲏⲃ ⲉⲧⲁϥⲧⲁ‐ ϩⲱⲟⲩ ⲉⲃⲟⲗϩⲓⲧⲉⲛ ⲡⲟⲥ ⲛⲉⲙ ⲡⲉϥⲃⲱⲕ ⲓⲱⲁⲛⲛⲏⲥ. (-ϥ︦ in Cod. ϥⲃ-) ϧⲉⲛ ⲡϫⲓ ⲛⲑⲣⲉϥⲉⲣⲁⲡⲟⲗⲁⲩⲉⲓⲛ ⲇⲉ ⲛⲛⲁⲓⲛⲓϣϯ ⲛⲇⲱⲣⲉⲁ ⲟⲩⲟϩ ⲛⲧⲉϥϣⲁϣⲛⲓ ### 0084 ⲉⲑⲙⲉⲧⲁⲗⲏⲯⲓⲥ ⲛⲛⲓⲙⲩⲥⲧⲏⲣⲓⲟⲛ ⲉⲑⲟⲩⲁⲃ ⲁϥⲥⲱⲣ ⲛϩⲁⲛ ⲛⲓϣϯ ⲛⲭⲣⲏ‐ ⲙⲁ ⲉⲃⲟⲗ ⲛⲛⲓϩⲏⲕⲓ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲛⲉⲙ ϩⲁⲛ ⲇⲱⲣⲟⲛ ⲉⲩⲟϣ ⲛϯⲉⲕ‐ ⲕⲗⲏⲥⲓⲁ ⲛⲧⲉ ⲡⲭⲥ ⲙⲁⲗⲓⲥⲧⲁ ⲛⲧϣⲉⲃⲓⲱ ⲙⲡⲓⲟⲩϫⲁⲓ ⲉⲧⲁϥϣⲁϣⲛⲓ ⲉⲣⲟϥ ⲟⲩⲟϩ ⲛⲓⲉⲓⲇⲱⲗⲟⲛ ⲛⲛⲟⲩⲃ ⲕⲁⲓ ϩⲁⲧ ⲁϥⲁⲓⲧⲟⲩ ⲛⲕⲉⲓⲙⲏⲗⲓⲟⲛ ⲛⲉⲙ ⲇⲓⲥ‐ ⲕⲟⲥ ⲛⲉⲙ ⲡⲕⲉⲥⲉⲡⲓ ⲉⲧⲧⲟⲙⲓ ⲉⲡϣⲉⲙϣⲓ ⲛϯⲉⲕⲕⲗⲏⲥⲓⲁ ⲙⲁⲗⲓⲥⲧⲁ ⲉⲧⲕⲟⲥ‐ ⲙⲏⲥⲓⲥ ⲙⲡⲓⲙⲁ ⲛⲉⲣ ϣⲱⲟⲩϣⲓ ⲉⲑⲟⲩⲁⲃ. ⲧⲏⲡⲓ ⲇⲉ ⲛⲛⲏ ⲉⲧⲁⲩϭⲓ ⲱⲙⲥ ϧⲉⲛ ⲡⲓⲉϩⲟⲟⲩ ⲉⲧⲉⲙⲙⲁⲩ ⲉⲃⲟⲗϩⲓⲧⲟⲧϥ ⲙⲡⲉⲛⲓⲱⲧ ⲉⲑⲟⲩⲁⲃ ⲡⲉ ⲡⲓⲣⲱⲙⲓ ⲛⲉⲙ ⲧⲉϥⲥϩⲓⲙⲓ ⲛⲉⲙ ⲛⲉϥϣⲏⲣⲓ ⲛⲉⲙ ⲛⲉϥⲉⲃⲓⲁⲓⲕ ⲛⲉⲙ ⲛⲏ ⲉⲧⲉ ⲛⲟⲩϥ ⲧⲏⲣⲟⲩ ⲥⲉⲓⲣⲓ ⲛⲟ̄ ⲙⲯⲩⲭⲏ ϧⲉⲛ ⲧⲟⲩⲏⲡⲓ. ϧⲉⲛ ⲡϫⲓ ⲛⲑⲣⲉϥⲉⲣⲕⲁⲑⲁⲣⲓⲍⲉⲓⲛ ⲇⲉ ⲙⲡⲓⲙⲁ ⲧⲏⲣϥ ϩⲓⲧⲉⲛ ⲑⲙⲉⲧⲣⲉϥϯ ⲧⲟⲧⲥ ⲙⲡⲓϩⲙⲟⲧ ⲛⲧⲉ ⲧⲫⲉ ϧⲉⲛ ⲧϥⲱϯ ⲛⲛⲉϥϧⲓⲥⲓ ⲟⲩⲟϩ ⲁϥⲧⲏⲓⲧⲟⲩ ⲉⲧⲟⲧϥ ⲙⲡⲟⲥ ⲡⲓⲙⲁⲛ ⲉⲥⲱⲟⲩ ⲉⲧⲉⲛϩⲟⲧ ⲉϥⲑⲟⲛ‐ ⲧⲉⲛ ⲙⲙⲟϥ ⲉⲡⲓⲥⲟⲫⲟⲥ ⲛⲁⲡⲟⲥⲧⲟⲗⲟⲥ ⲡⲁⲩⲗⲟⲥ ⲉⲁϥϣⲉ ⲛⲁϥ ⲉⲃⲟⲗϩⲓⲧⲟⲧⲟⲩ ⲉϥϥⲁⲓ ⲛⲛⲓⲭⲛⲁⲩ ⲛⲟⲩϫⲁⲓ ⲛⲧⲉ ⲛⲉϥⲉⲣⲙⲱⲟⲩⲓ ϧⲉⲛ ⲟⲩⲣⲁϣⲓ ϩⲱⲥ ⲉⲣⲅⲁⲧⲏⲥ ⲉϥⲉⲛϩⲟⲧ ⲛⲧⲉ ⲫⲓⲁϩ ⲁⲗⲟⲗⲓ ⲙⲡⲟⲥ ⲥⲁⲃⲁⲱⲑ. ⲉⲧⲁϥϣⲉ ⲇⲉ ⲛⲁϥ ⲉⲡⲉϥϩⲏⲥⲩⲭⲁⲥⲧⲏⲣⲓⲟⲛ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ (-ϥⲁ-) ⲉϥⲉⲣⲗⲁⲙⲡⲉⲓⲛ ϧⲉⲛ ⲛⲉⲛⲭⲗⲟⲙ ⲛⲛⲓⲁⲅⲱⲛ ⲉⲑⲣⲁⲛⲁϥ ⲙⲫϯ ϩⲱⲥ ⲡⲁⲧⲣⲓⲁⲣⲭⲏⲥ ϩⲱⲥ ⲡⲣⲟⲫⲏⲧⲏⲥ ϩⲱⲥ ⲁⲡⲟⲥⲧⲟⲗⲟⲥ ⲙⲁⲗⲓⲥⲧⲁ ϩⲱⲥ ⲙⲁⲣⲧⲩ‐ ### 0085 ⲣⲟⲥ ⲛⲟⲩⲙⲏϣ ⲛⲥⲟⲡ ϧⲉⲛ ⲫⲏ ⲉⲧϩⲏⲡ ⲛⲉⲙ ⲫⲏ ⲉⲑⲟⲩⲟⲛϩ ⲉⲃⲟⲗ ϩⲱⲥ ⲟⲙⲟ‐ ⲗⲟⲅⲏⲧⲏⲥ ⲙⲁⲗⲓⲥⲧⲁ ϩⲱⲥ ⲉⲅⲕⲣⲁⲧⲏⲥ ϧⲉⲛ ϩⲱⲃ ⲛⲓⲃⲉⲛ ⲛⲁⲅⲁⲑⲟⲛ ⲉϥⲉⲣ ⲓⲉⲫ ⲟⲩⲱⲓ ⲉⲡⲉϥⲕⲁϩⲓ ⲛⲕⲁⲗⲱⲥ ⲉⲁⲥⲧⲟⲩⲃⲟ ⲛϫⲉ ⲧⲉϥⲕⲟⲓ ⲟⲩⲟϩ ⲁϥϫⲱⲕ ⲉⲃⲟⲗ ⲛϫⲉ ⲡⲓⲕⲁⲣⲡⲟⲥ ⲙⲡⲉϥϧⲓⲥⲓ ⲫⲁⲓ ⲁϥⲟⲩⲃⲁϣ ⲙⲫⲣⲏϯ ⲙⲡⲓⲟⲩⲱⲓⲛⲓ ⲟⲩⲟϩ ⲁϥⲉⲣ ϣⲁⲩ ϧⲉⲛ ⲡⲉⲑⲣⲁⲛⲁϥ ⲙⲫϯ ⲉⲡⲟⲥϧϥ ⲟⲩⲟϩ ⲉϩⲓⲧϥ ⲉⲡⲁϩⲟ ⲛⲛⲓⲫⲏ‐ ⲟⲩⲓ ⲡⲓⲙⲁ ⲉⲧⲉ ⲛⲁⲣⲉ ⲡⲉϥϩⲏⲧ ⲛϧⲏⲧϥ ⲡⲉ ⲛⲥⲏⲟⲩ ⲛⲓⲃⲉⲛ ⲕⲁⲧⲁ ⲧⲡⲁⲣⲁⲓⲛⲏ‐ ⲥⲓⲥ ⲙⲡⲉⲛⲥⲱⲧⲏⲣ ⲉϥϭⲓ ϣϣⲱⲟⲩ ⲇⲉ ⲛϫⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉⲃⲱⲗ ⲉⲃⲟⲗ ⲟⲩⲟϩ ⲉϣⲱⲡⲓ ⲛⲉⲙ ⲡⲭ︦ⲥ︦ ⲫⲁⲓ ⲙⲁⲗⲓⲥⲧⲁ ⲉⲧⲁϥϯ ⲙⲁϯ ϧⲉⲛ ⲫⲏ ⲉⲑⲣⲁⲛⲁϥ ⲉϯ ⲙⲧⲟⲛ ⲙⲡⲉϥⲃⲱⲕ ⲉⲃⲟⲗϧⲉⲛ ⲛⲉϥϧⲓⲥⲓ ⲧⲏⲣⲟⲩ ⲁϥⲉⲣ ϩⲏⲧⲥ ⲛϣⲱⲛⲓ ⲛϫⲉ ⲡⲉⲛⲓⲱⲧ. ⲉⲧⲁϥⲉⲣ ⲁⲧϫⲟⲙ ⲇⲉ ϧⲉⲛ ⲡⲉϥⲥⲱⲙⲁ ⲉⲛⲁϥⲙⲏⲛ ⲉⲣⲟϥ ⲡⲉ ⲛϫⲉ ⲡⲓ‐ ⲣⲉϥⲉⲣ ϩⲟϯ ⲛⲇⲓⲁⲕⲟⲛⲓⲧⲏⲥ ⲉⲧⲁⲛⲉⲣ ϣⲟⲣⲡ ⲙⲫⲓⲣⲓ ⲉⲣⲟϥ. ⲉϥⲉⲛⲕⲟⲧ ⲛϫⲉ ⲡⲉⲛⲓⲱⲧ ⲉϥⲟⲓ ⲛϣⲣⲱⲓⲥ ϧⲉⲛ ⲡⲓⲉϫⲱⲣϩ ⲙⲁⲗⲓⲥⲧⲁ ⲉⲧⲃⲉ ⲡϯⲧⲕⲁⲥ ⲙⲡⲁϣⲁⲓ ⲙⲡⲓϣⲱⲛⲓ (-ϥ︦ⲃ︦︦, in Cod. ϥ︦ⲇ︦-) ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲁⲩⲓ ⲉϧⲟⲩⲛ ϩⲁⲣⲟϥ ⲛϫⲉ ⲡⲓⲛⲓϣϯ ⲁⲛⲧⲱⲛⲓⲟⲥ ⲛⲉⲙ ⲁⲃⲃⲁ ϫⲓϭⲱⲓ ⲡⲓⲛⲓϣϯ ⲛⲉⲙ ⲁⲃⲃⲁ ⲙⲁⲕⲁ‐ ⲣⲓⲟⲥ ⲛⲉⲙ ⲁⲃⲃⲁ ⲁⲙⲟⲓ ⲟⲩⲟϩ ⲁⲩϯ ⲛⲟⲙϯ ⲡⲉ ⲙⲡⲉⲛⲓⲱⲧ ϧⲉⲛ ϩⲁⲛ ⲙⲏϣ ⲉⲩⲥⲟⲗⲥⲉⲗ ⲙⲙⲟϥ ⲙⲁⲗⲓⲥⲧⲁ ϧⲉⲛ ⲧϩⲉⲗⲡⲓⲥ ⲙⲡⲓⲕⲉⲁⲓⲱⲛ ⲉⲑⲛⲏⲟⲩ ⲉⲧ‐ ### 0086 ⲥⲉⲃⲧⲱⲧ ⲛⲁϥ ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ϫⲉⲙ ⲛⲟⲙϯ ϧⲉⲛ ⲡⲟⲥ ⲟⲩⲟϩ ϭⲣⲟ ⲙⲙⲟⲕ ⲟⲩⲟϩ ⲥⲉⲃⲧⲱⲧⲕ ⲧⲉⲛⲛⲁⲓ ⲟⲩⲛ ⲛⲥⲱⲕ ⲛϣⲱⲣⲡ ⲛϯⲕⲩⲣⲓⲁⲕⲏ ⲛⲧⲉⲛ‐ ⲟⲗⲕ ϧⲁⲧⲟⲧⲉⲛ ⲉⲡⲓⲱⲛϧ ⲛⲉⲛⲉϩ ⲕⲁⲧⲁ ⲫⲟⲩⲁϩⲥⲁϩⲛⲓ ⲙⲡⲟⲥ. ⲛⲁⲓ ⲇⲉ ⲉⲧⲁⲩ‐ ϫⲟⲧⲟⲩ ⲙⲡⲉⲛⲓⲱⲧ ⲛϫⲉ ⲛⲏ ⲉⲑⲟⲩⲁⲃ ⲁⲩⲥⲙⲟⲩ ⲉⲣⲟϥ ⲟⲩⲟϩ ⲁⲩⲉⲣ ⲁⲑⲟⲩⲱⲛϩ ⲉⲃⲟⲗ ϩⲁⲣⲟϥ. ⲛϩⲣⲏⲓ ⲇⲉ ϧⲉⲛ ϯⲡⲁⲣⲁⲥⲕⲉⲩⲏ ⲁϥⲟⲩⲱⲣⲡ ⲙⲡⲓⲙⲁⲓ ⲛⲟⲩϯ ⲛⲇⲓⲁⲕⲟⲛⲓⲧⲏⲥ ⲉⲭⲏⲙⲓ ⲛϫⲉ ⲡⲉⲛⲓⲱⲧ ϩⲱⲥ ⲉⲑⲃⲉ ⲟⲩⲭⲣⲉⲓⲁ ⲛⲁⲛⲁⲅⲕⲁⲓⲟⲛ ⲁⲗⲗⲁ ⲉⲧⲁϥⲟⲩⲱϣ ⲉⲉⲣ ⲫⲁⲓ ⲉⲑⲃⲉ ϫⲉ ⲛⲧⲉϥϣⲧⲉⲙ ϩⲗⲓ ⲣⲁⲟⲩⲱ ϧⲁⲧⲟⲧϥ ⲉϥⲛⲁⲭⲁ ⲥⲱⲙⲁ ⲉϧⲣⲏⲓ. ϧⲉⲛ ⲫⲛⲁⲩ ⲇⲉ ⲙⲡⲓⲁⲗⲉⲕⲧⲱⲣ ϧⲉⲛ ϯⲕⲩⲣⲓⲁⲕⲏ ⲉⲑⲟⲩⲁⲃ ϩⲏⲡⲡⲉ ⲁⲩⲓ ⲛϫⲉ ϩⲁⲛ ⲙⲏϣ ⲛⲧⲁⲅⲙⲁ ⲛⲁⲅⲅⲉⲗⲓⲕⲟⲛ ⲛⲉⲙ ⲡⲭⲟ‐ ⲣⲟⲥ ⲛⲛⲏ ⲉⲑⲟⲩⲁⲃ ⲧⲏⲣⲟⲩ ⲉⲃⲟⲗϩⲓⲧⲉⲛ ⲫϯ ϧⲉⲛ ⲟⲩⲱⲟⲩ ⲛⲉⲙ ⲟⲩⲧⲁⲓⲟ ⲛⲧⲉ ⲡⲟⲥ ϫⲉ ⲛⲧⲟⲩⲱⲗⲓ ⲙⲡⲟⲩϣⲫⲏⲣ ⲛⲗⲉⲓⲧⲟⲩⲣⲅⲟⲥ. ⲉⲧⲁϥⲛⲁⲩ ⲇⲉ ⲡⲉⲛⲓⲱⲧ ⲑⲙⲉⲧⲗⲁⲙⲡⲣⲟⲥ ⲙⲡⲟⲩ (-ϥ︦ⲅ︦-) ⲛⲉⲙ ⲧⲟⲩⲙⲉⲧⲣⲉⲙ ⲣⲁⲩϣ ⲉⲩⲙⲉϩ ⲉⲃⲟⲗϧⲉⲛ ⲟⲩⲣⲁϣⲓ ⲙⲡⲛⲁⲧⲓⲕⲟⲛ ⲉϧⲟⲩⲛ ⲉⲣⲟϥ ⲟⲩⲟϩ ⲁⲩⲙⲁϩϥ ⲉⲃⲟⲗϧⲉⲛ ⲡⲓⲥⲑⲩⲛⲟⲩϥⲓ ⲉⲧⲥⲟⲧⲡ ⲛⲧⲉ ⲧⲫⲉ ⲛⲉⲙ ⲡϩⲙⲟⲧ ⲙⲡϭⲓ ϣϣⲱⲟⲩ ⲛⲛⲓⲁⲅⲁⲑⲟⲛ ⲛⲁⲓⲱⲛⲓⲟⲛ ⲙⲁⲗⲓⲥⲧⲁ ϩⲓⲧⲉⲛ ⲡⲟⲩⲱⲟⲩ ⲛⲉⲙ ⲑⲙⲉⲧⲗⲁⲙⲡⲣⲟⲥ ⲛⲧⲡⲁⲣⲟⲩ‐ ⲥⲓⲁ ⲙⲡⲟⲥ ⲙⲡⲧⲏⲣϥ ⲟⲩⲟϩ ⲁϥⲫⲁϧⲧϥ ⲥⲁⲧⲟⲧϥ ⲛϫⲉ ⲡⲉⲛⲓⲱⲧ ⲉϫⲉⲛ ⲡⲉϥϩⲟ ϧⲉⲛ ⲟⲩⲛⲓϣϯ ⲛϭⲓ ϣϣⲱⲟⲩ ϫⲉ ⲁϥⲛⲁⲟⲩⲱϣⲧ ⲉϥⲉⲣϩⲏⲇⲩⲛⲉⲥⲑⲁⲓ ϧⲉⲛ ⲧⲁ‐ ### 0087 ⲅⲁⲡⲏ ⲙⲡⲟ︦ⲥ︦ ⲛⲉⲙ ⲛⲉϥⲥⲱⲧⲡ. ⲛϯⲟⲩⲛⲟⲩ ⲁϥϯ ⲙⲡⲉϥⲡ︦ⲛ︦ⲁ︦ ⲉⲛⲉⲛϫⲓϫ ⲙⲡⲟ︦ⲥ︦ ⲛⲥⲟⲩ ⲕ ⲙⲡⲓⲁⲃⲟⲧ ⲫⲁⲟⲫⲓ ϧⲉⲛ ⲟⲩϩⲉⲓⲣⲏⲛⲏ ⲛⲧⲉ ⲫϯ ⲟⲩⲟϩ ⲛⲁϥⲭⲏ ϧⲉⲛ ⲟ̄ ⲛⲣⲟⲙⲡⲓ ⲡⲉ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲟⲩⲟϩ ⲛⲁϥⲭⲏ ϧⲉⲛ ⲑⲙⲏϯ ⲛⲛⲓⲭⲟ‐ ⲣⲟⲥ ⲉⲑⲟⲩⲁⲃ ⲉⲧⲉⲙⲙⲁⲩ ⲉⲩⲥⲱⲕ ϧⲁϫⲱⲥ ⲛⲧⲉϥⲯⲩⲭⲏ ⲙⲙⲁⲕⲁⲣⲓⲁ ⲉⲡϭⲓⲥⲓ ϣⲁ ⲡⲟⲥ ⲛⲧⲉ ⲡⲱⲟⲩ ⲛϫⲉ ⲡⲓⲭⲟⲣⲟⲥ ⲉⲑⲟⲩⲁⲃ ϧⲉⲛ ϩⲁⲛ ϩⲩⲙⲛⲟⲗⲟⲅⲓⲁ ⲉⲩ‐ ϩⲟⲗϫ ⲛⲧⲉ ⲡⲟⲩⲛⲟϥ ⲙⲡⲓⲡⲛⲁ ⲉⲑⲟⲩⲁⲃ ⲉⲑⲣⲉϥϣⲱⲡⲓ ϧⲁ ⲧⲉⲥⲕⲉⲡⲏ ⲛⲑⲟⲩⲓ‐ ⲛⲁⲙ ⲙⲡⲉⲧϭⲟⲥⲓ ϣⲁ ⲉⲃⲟⲗ ϧⲉⲛ ⲫⲟⲩⲱⲓⲛⲓ ⲛⲧⲉ ⲛⲏ ⲉⲧⲟⲛϧ ⲉⲧϧⲉⲛ ⲧⲭⲱⲣⲁ ⲛϯⲙⲉⲧⲁⲑⲙⲟⲩ ⲉⲑⲙⲏⲛ ⲉⲃⲟⲗϧⲉⲛ ⲧⲁⲡⲟⲗⲁⲩⲓⲥ ⲛⲁⲅⲁⲑⲟⲛ ⲛⲓⲃⲉⲛ ϫⲉ ⲁⲩ‐ ϫⲉⲙϥ ⲉϥⲙⲡϣⲁ ⲙⲫⲣⲏϯ ⲛⲟⲩⲛⲟⲩⲃ ⲉϥϧⲉⲛ ⲟⲩⲙⲁ ⲛⲟⲩⲱⲧϩ ⲙⲫⲣⲏϯ ⲛⲟⲩϭⲗⲓⲗ ⲛⲧⲉ ⲟⲩϣⲟⲩϣⲱⲟⲩϣⲓ ⲁϥϣⲟⲡϥ ⲉⲣⲟϥ ⲛϫⲉ ⲫ︦ϯ︦ (-ϥ︦ⲇ︦, in Cod. ϥⲋ-) ϧⲉⲛ ⲡⲥⲏⲟⲩ ⲇⲉ ⲙⲡⲉϥϫⲉⲙ ⲡϣⲓⲛⲓ ⲁϥϫⲉⲙϥ ⲉϥⲉⲣ ⲟⲩⲱⲓⲛⲓ ⲉⲁⲥⲣⲁⲛⲁϥ ⲙⲡⲟⲥ ⲛϫⲉ ⲧⲉϥⲯⲩⲭⲏ ⲕⲁⲧⲁ ⲡⲥⲁϫⲓ ⲛϯⲥⲟⲫⲓⲁ ⲟⲩⲟϩ ⲟⲛ ϧⲉⲛ ⲡⲉϥϫⲓ ⲛⲟⲩⲟⲑⲃⲉϥ ⲉⲃⲟⲗ ⲁϥⲟⲩⲱⲛϩ ⲉⲃⲟⲗ ⲛⲁϩⲣⲁϥ ⲟⲙⲟⲓⲱⲥ ⲉϥϫⲏⲕ ⲉⲃⲟⲗ ϧⲉⲛ ⲟⲩⲃⲓⲟⲥ ⲛⲁⲧⲑⲱⲗⲉⲃ ⲛⲉⲙ ⲟⲩⲙⲉⲧϧⲉⲗⲗⲟ ⲉⲛⲁⲛⲉⲥ ⲟⲩⲟϩ ⲛⲁⲧⲁϭⲛⲓ ⲉϥⲣⲱⲟⲩⲧ ϧⲉⲛ ϩⲁⲛ ⲥⲕⲓⲙ ⲉⲩⲥⲉⲗⲥⲱⲗ ϧⲉⲛ ⲡⲧⲟⲩⲃⲟ ⲛϯⲁⲣⲉⲧⲏ. ⲉⲧⲓ ⲉϥⲛⲏⲟⲩ ⲉⲃⲟⲗ ϩⲱϥ ⲉⲡⲧⲱⲟⲩ ⲛϫⲉ ⲡⲓⲙⲁⲓ ⲛⲟⲩϯ ⲛⲇⲓⲁⲕⲟⲛⲓⲧⲏⲥ ### 0088 ϫⲉ ⲉϥϩⲏⲗ ϩⲁ ⲡⲉⲛⲓⲱⲧ ⲉⲃⲟⲗϧⲉⲛ ⲡⲓϯⲙⲓ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ ⲁϥⲥⲱ‐ ⲧⲉⲙ ⲉϩⲁⲛ ϩⲩⲙⲛⲟⲥ ⲛⲧⲉ ⲛⲏ ⲉⲑⲟⲩⲁⲃ ⲉⲩϩⲱⲥ ϧⲁϫⲱϥ ⲁϥϫⲟⲩϣⲧ ⲉⲡϭⲓⲥⲓ ⲙⲡⲓⲁⲏⲣ ⲁϥⲛⲁⲩ ⲉⲧⲡⲁⲣⲉⲙⲃⲟⲗⲏ ⲛⲛⲓⲁⲅⲅⲉⲗⲟⲥ ⲁϥⲛⲁⲩ ⲉⲛⲓ(ⲁⲅⲓⲟⲥ) ⲟⲛ ⲉⲩⲟⲓ ⲛⲧⲁⲝⲓⲥ ⲧⲁⲝⲓⲥ ϧⲉⲛ ⲟⲩⲛⲓϣϯ ⲛⲱⲟⲩ ⲟⲩⲟϩ ⲡⲉⲛⲓⲱⲧ ϧⲉⲛ ⲧⲟⲩⲙⲏϯ ϧⲉⲛ ⲟⲩⲫⲓⲣⲓ ⲛϣⲫⲏⲣⲓ ⲟⲩⲟϩ ⲁϥⲛⲁⲩ ⲉⲟⲩⲛⲓϣϯ ϧⲉⲛ ⲧⲉϥⲙⲁⲓⲏ ⲥⲁ ⲧϩⲏ ⲙⲙⲱⲟⲩ ⲧⲏⲣⲟⲩ ⲉϥⲉⲣ ⲟⲩⲱⲓⲛⲓ ⲙⲫⲣⲏϯ ⲙⲫⲣⲏ ⲉϥϭⲁⲟⲩⲉ ⲉⲅⲕⲱⲙⲓⲟⲛ ⲉⲡⲉⲛⲓⲱⲧ ⲟⲩⲟϩ ⲉⲣⲉ ⲡⲓⲇⲏⲙⲟⲥ ⲧⲏⲣϥ ⲛⲧⲉ ⲛⲏ ⲉⲑⲟⲩⲁⲃ ⲟⲩⲟϩⲉⲙ ⲛⲥⲱϥ. ⲛⲑⲟϥ ⲇⲉ ⲫⲏ ⲉⲑⲟⲩⲁⲃ ⲛⲇⲓⲁⲕⲟⲛⲓⲧⲏⲥ ⲉⲧⲉⲙⲙⲁⲩ ⲉϥⲟⲛϣ ⲉⲃⲟⲗ ϧⲉⲛ ⲧⲁⲓⲥⲑⲏⲥⲓⲥ ⲛⲧⲁⲓ‐ ⲑⲉⲱⲣⲓⲁ ⲛⲟⲩⲛⲓϣϯ ⲛⲛⲁⲩ (-ϥⲉ-) ⲁⲙⲁ ⲉϥϭⲓ ϣϣⲱⲟⲩ ⲙⲁⲗⲓⲥⲧⲁ ⲉⲑⲣⲉϥ‐ ⲉⲙⲓ ϫⲉ ⲛⲓⲙ ϩⲁⲣⲁ ⲡⲉ ⲡⲁⲓⲛⲓϣϯ ⲙⲫⲱⲥⲧⲏⲣ ⲉⲧⲥⲱⲕ ϧⲁϫⲱϥ ⲙⲡⲁⲓⲙⲏϣ ⲟⲩⲟϩ ⲉϥⲉⲣⲉⲅⲕⲱⲙⲓⲁⲍⲉⲓⲛ ⲙⲡⲉⲛⲓⲱⲧ ⲁϥⲓ ϩⲁⲣⲟϥ ⲛϯⲟⲩⲛⲟⲩ ⲛϫⲉ ⲡⲓⲁⲅ‐ ⲅⲉⲗⲟⲥ ⲛⲧⲉ ⲡⲟ︦ⲥ︦ ⲡⲉϫⲁϥ ⲛⲁϥ ϫⲉ ⲉⲡⲉⲓⲇⲏ ⲭⲟⲩⲱϣ ⲉⲉⲙⲓ ⲉⲟⲩϩⲱⲃ ⲉⲛⲁ‐ ⲛⲉϥ ⲥⲱⲧⲉⲙ ⲛⲁⲓ ⲉⲧⲉⲕⲛⲁⲩ ⲉⲣⲱⲟⲩ ⲧⲏⲣⲟⲩ ϩⲁⲛ ⲧⲁⲅⲙⲁ ⲛⲁⲅⲅⲉⲗⲓⲕⲟⲛ ⲛⲉ ⲛⲉⲙ ⲡⲭⲟⲣⲟⲥ ⲛⲧⲉ ⲛⲏ ⲉⲑⲟⲩⲁⲃ ⲉⲧⲁ ⲡⲟⲥ ⲟⲩⲟⲣⲡⲟⲩ ⲛⲥⲁ ⲡⲉϥⲃⲱⲕ ⲓⲱⲁⲛⲛⲏⲥ ⲉⲟⲗϥ ⲉⲃⲟⲗϧⲉⲛ ⲡϣⲧⲉⲕⲟ ⲙⲡⲁⲓⲃⲓⲟⲥ ⲉⲑⲙⲉϩ ⲛϧⲓⲥⲓ ⲟⲩⲟϩ ⲉϯ ⲕⲗⲏⲣⲟⲛⲟⲙⲓⲁ ⲛⲁϥ ϧⲉⲛ ⲛⲓⲙⲁ ⲛⲉⲙⲧⲟⲛ ⲉⲧϧⲉⲛ ⲓⲗⲏⲙ ⲛⲧⲉ ⲧⲫⲉ ⲟⲩⲟϩ ⲡⲁⲓⲛⲓϣϯ ⲛⲣⲱⲙⲓ ⲉⲧⲥⲱⲕ ϧⲁ ⲧⲟⲩϩⲏ ⲧⲏⲣⲟⲩ ⲉϥⲉⲣⲗⲁⲙⲡⲉⲓⲛ ϧⲉⲛ ⲟⲩⲱⲟⲩ ⲫⲁⲓ ⲡⲉ ⲡⲓⲛⲓϣϯ ### 0089 ⲛⲁⲛⲧⲱⲛⲓⲟⲥ ⲟⲩⲟϩ ⲡⲁⲓⲭⲉⲧ ⲉⲑⲙⲉⲛⲉⲛⲥⲱϥ ⲡⲓⲛⲓϣϯ ⲡⲁϧⲱⲙ ⲡⲉ ⲡⲁⲓⲕⲉ‐ ⲟⲩⲁⲓ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ⲙⲡⲛⲁⲧⲟⲫⲟⲣⲟⲥ ⲡⲉ ⲛⲉⲙ ⲡⲕⲉⲥⲉⲡⲓ ⲛⲛⲁⲓ‐ ⲕⲉⲭⲱⲟⲩⲛⲓ ⲉⲑⲙⲉⲛⲉⲛⲥⲱⲟⲩ ⲉⲧⲟⲛⲓ ⲙⲙⲱⲟⲩ. ⲛⲑⲟϥ ⲇⲉ ⲡⲓⲁⲅⲅⲉⲗⲟⲥ ⲛⲁϥ‐ ⲑⲉⲕⲥ ⲧⲏⲃ ⲛⲁϥ ⲡⲉ ⲉⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ ⲛⲑⲱⲟⲩ ⲧⲏⲣⲟⲩ ⲛⲏ ⲉⲑⲟⲩⲁⲃ ⲉϥⲧⲁⲙⲟ ⲙⲙⲟϥ ⲉϥϫⲱ ⲙⲙⲟⲥ ⲛⲁϥ ϫⲉ ⲉⲡⲉⲓⲇⲏ ⲁϥⲭⲟϩ ⲉⲡⲟⲩⲃⲓⲟⲥ ⲉⲧϣⲟⲡ ϧⲉⲛ ⲟⲩϫⲓ ⲛⲱⲛϧ ⲛⲥⲉⲙⲛⲟⲛ ⲛϫⲉ ⲫⲏ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲟⲩⲟϩ ⲁϥ‐ ⲙⲟϣⲓ ⲛⲥⲁ ⲛⲟⲩϣⲉⲛⲧⲁⲧⲥⲓ (-ϥⲋ, in Cod. ϥⲏ) ⲁϥϭⲓ ⲕⲗⲏⲣⲟⲥ ⲛⲉⲙⲱⲟⲩ ϧⲉⲛ ⲡⲁⲓϩⲓⲥⲟⲛ ⲛⲟⲩⲱⲧ ⲛⲁϩⲣⲉⲛ ⲡⲟⲥ ⲟⲩⲟϩ ⲛⲑⲟⲕ ϩⲱⲕ ⲱ ⲡⲓⲣⲉϥϣⲉⲙϣⲓ ⲉⲑⲛⲁⲛⲉϥ ⲱ ⲟⲩⲛⲓⲁⲧⲕ ϩⲱⲕ ϫⲉ ⲁⲕϣⲁϣⲛⲓ ⲉⲡⲓⲱⲟⲩ ⲛⲉⲙ ⲡⲓⲧⲁⲓⲟ ⲉⲃⲟⲗϩⲓ‐ ⲧⲉⲛ ⲡⲟⲥ ⲛⲉⲙ ⲛⲉϥⲁⲅⲓⲟⲥ. ⲟⲩⲟϩ ⲛⲁⲓ ⲉⲧⲁϥϫⲟⲧⲟⲩ ⲛⲁϥ ⲛϫⲉ ⲡⲓⲁⲅⲅⲉⲗⲟⲥ ⲁϥⲉⲣ ⲁⲑⲟⲩⲱⲛϩ ⲉⲃⲟⲗ ϩⲁⲣⲟϥ. ⲉⲧⲁϥϣⲉ ⲇⲉ ⲉⲡⲓⲥⲡⲏⲗⲁⲓⲟⲛ ⲛϫⲉ ⲡⲓⲙⲁⲓ ⲛⲟⲩϯ ⲛⲇⲓⲁⲕⲟⲛⲓⲧⲏⲥ ⲉⲧⲉⲙⲙⲁⲩ ⲁϥϫⲓⲙⲓ ⲙⲡⲉⲛⲧⲣⲓⲥⲙⲁⲕⲁⲣⲓⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲉϥϩⲱⲟⲩⲓ ⲉϫⲉⲛ ⲛⲉϥⲕⲉⲗⲓ ⲁⲙⲁ ⲇⲉ ⲛⲉⲙ ϩⲓϫⲉⲛ ⲡⲉϥϩⲟ ⲙⲫⲣⲏϯ ϩⲱⲥ ϫⲉ ⲉϥⲟⲩⲱϣⲧ ⲙⲡⲟⲥ ⲟⲩⲟϩ ⲛⲁϥϣⲱϣ ⲉⲃⲟⲗ ⲡⲉ ϧⲉⲛ ⲡⲉϥ‐ ⲗⲉⲓⲯⲁⲛⲟⲛ ⲉⲑⲟⲩⲁⲃ ⲛϫⲉ ⲟⲩⲥⲑⲩⲛⲟⲩϥⲓ ⲙⲡⲁⲣⲁⲇⲟⲝⲟⲛ ⲟⲩⲟϩ ⲁϥⲟⲩⲱϣⲧ ϩⲱϥ ⲟⲛ ⲉϫⲉⲛ ⲡⲉϥⲥⲱⲙⲁ ⲉⲑⲟⲩⲁⲃ ⲉϥϥⲓ ⲁϩⲟⲙ ⲟⲩⲟϩ ⲉϥⲣⲓⲙⲓ. ⲟⲩⲟϩ ⲉⲧⲁϥⲥⲟⲩⲧⲱⲛϥ ⲉⲃⲟⲗ ⲁϥⲕⲟⲩⲗⲱⲗϥ ϧⲉⲛ ⲟⲩϩⲃⲟⲥ ⲛⲁⲡⲁⲥ ⲉϥϫⲉⲕϫⲱⲕ ⲉϥⲉⲣ‐ ### 0090 ⲯⲁⲗⲗⲉⲓⲛ ϧⲉⲛ ⲟⲩϩⲟϯ ⲛⲉⲙ ⲟⲩⲙⲕⲁϩ ⲛϩⲏⲧ ⲉⲁϥⲁⲩϫⲱⲗ ⲙⲡⲉϥⲥⲱⲙⲁ ⲉⲑⲟⲩⲁⲃ ⲟⲩⲟϩ ⲁϥⲭⲁϥ ϧⲉⲛ ⲟⲩⲙⲁ ⲛⲧⲉ ⲡⲓⲥⲡⲏⲗⲁⲓⲟⲛ ⲟⲩⲟϩ ⲁϥⲧⲁⲥⲑⲟϥ ⲉⲡⲓϯⲙⲓ ⲟⲩⲟϩ ⲁϥϩⲓ ⲱⲓϣ ⲛⲱⲟⲩ ⲉϥϫⲱ ⲙⲙⲟⲥ ⲉⲧⲁϥϣⲱⲡⲓ. ⲛϯⲟⲩⲛⲟⲩ ⲇⲉ ⲉⲧⲁⲩⲥⲱⲧⲉ ⲁⲩⲑⲱⲟⲩϯ ⲧⲏⲣⲟⲩ ϧⲉⲛ ⲟⲩⲡⲣⲟⲑⲩⲙⲓⲁ ⲛⲉⲙ ⲟⲩⲛⲁϩϯ ⲉϥϫⲏⲕ ⲉⲃⲟⲗ (-ϥ︦ⲍ︦-) ⲓⲥϫⲉⲛ ⲡⲟⲩⲕⲟⲩϫⲓ ϣⲁ ⲡⲟⲩⲛⲓϣϯ ⲟⲩⲟϩ ⲁⲩϭⲟϫⲓ ⲉⲡⲓ‐ ⲧⲱⲟⲩ ⲉⲣⲁⲧϥ ⲙⲡⲟⲩⲣⲉϥⲉⲣ ⲡⲉⲑⲛⲁⲛⲉϥ ϧⲉⲡ ⲟⲩⲣⲓⲙⲓ ⲛⲧⲱⲟⲩ ⲧⲏⲣⲟⲩ ⲛⲉⲙ ϩⲁⲛ ⲙⲏϣ ⲛⲧⲉⲃⲟⲩⲓ ⲉⲩⲟⲓ ⲛⲉⲙⲕⲁϩ ⲛϩⲏⲧ ϫⲉ ⲁⲩϣⲟⲛϩⲟⲩ ⲙⲡⲟⲩⲥⲱ‐ ⲧⲏⲣ ⲙⲉⲛⲉⲛⲥⲁ ⲫ︦ϯ︦. ⲟⲩⲟϩ ⲉⲧⲁⲩⲧⲁⲗⲟϥ ⲉϩⲁⲛ ⲧⲉⲃⲛⲱⲟⲩⲓ ⲁⲩⲉⲛϥ ⲉϧⲟⲩⲛ ⲉⲡⲓϯⲙⲓ ⲛⲟⲩⲕⲉⲓⲙⲏⲗⲓⲟⲛ ⲉⲧⲥⲟⲧⲡ. ϩⲁⲛ ⲙⲏϣ ⲛϣⲫⲏⲣⲓ ⲛⲉⲙ ϩⲁⲛ ϫⲟⲙ ⲁⲩϣⲱⲡⲓ ⲉⲃⲟⲗϩⲓⲧⲉⲛ ⲡⲉϥⲥⲕⲏⲛⲱⲙⲁ ⲉⲑⲟⲩⲁⲃ ⲕⲁⲧⲁ ⲫⲣⲏϯ ⲉⲧⲁⲩϫⲟⲥ. ⲉⲩⲓⲛⲓ ⲇⲉ ⲙⲙⲟϥ ⲉϧⲟⲩⲛ ⲉⲡⲓϯⲙⲓ ⲓⲥ ϩⲏⲡⲡⲉ ⲁϥⲓ ⲉⲃⲟⲗ ⲉϩⲣⲁϥ ⲛϫⲉ ⲟⲩϧⲉⲗϣⲓⲣⲓ ϧⲉⲛ ⲡⲓⲙⲏϣ ⲉⲟⲩⲟⲛ ⲟⲩⲡⲛⲁ ⲛⲁⲕⲁⲑⲁⲣⲧⲟⲛ ⲛⲉⲙⲁϥ ⲉϥⲱϣ ⲉⲃⲟⲗⲛϧⲏⲧϥ ⲛϫⲉ ⲡⲓⲇⲁⲓⲙⲱⲛ ⲉϥϫⲱ ⲙⲙⲟⲥ ϫⲉ ⲁϧⲟⲕ ⲛⲉⲙⲏⲓ ⲡⲓⲕⲟ‐ ⲗⲟⲃⲟⲥ ⲁⲕϣⲧⲉⲣⲑⲱⲣⲧ ⲉⲕϭⲟϫⲓ ⲛⲥⲱⲓ ⲉⲃⲟⲗϧⲉⲛ ⲡⲁⲏⲓ. ⲉϥϫⲱ ⲇⲉ ⲛⲛⲁⲓ ⲛϫⲉ ⲡⲓⲇⲁⲓⲙⲱⲛ ⲁϥϭⲟϫⲓ ⲛϫⲉ ⲡⲓϧⲉⲗϣⲓⲣⲓ ϧⲉⲛ ⲟⲩⲛⲓϣϯ ⲛⲟⲩⲟⲓ ⲉϩⲛⲁϥ ⲁⲛ ⲁϥⲉⲣ ⲁⲙⲁⲗⲏϫ ⲉϯⲧⲁⲓⲃⲓ ⲉⲑⲟⲩⲁⲃ ⲛⲧⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ. ⲥⲁⲧⲟⲧϥ ⲇⲉ ⲡⲓϧⲉⲗϣⲓⲣⲓ ⲁϥϩⲉⲓ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲁϥⲉϣ ⲟⲩϧⲣⲱⲟⲩ ⲉⲃⲟⲗ ### 0091 ⲙⲫⲣⲏϯ ⲛⲟⲩⲣⲓⲣ ⲛⲧⲱⲟⲩ ⲟⲩⲟϩ ⲉⲧⲁϥⲟⲩⲱⲛ ⲛⲣⲱϥ ⲁϥⲓ ⲉⲃⲟⲗⲛϧⲏⲧϥ ⲛϫⲉ ⲡⲓⲡⲛⲁ ⲉⲧϩⲱⲟⲩ ⲙⲫⲣⲏϯ ⲛⲟⲩϣⲁϩ ⲛⲭⲣⲱⲙ ⲟⲩⲟϩ ⲁϥⲟⲩϫⲁⲓ ϧⲉⲛ ϯⲟⲩⲛⲟⲩ. ⲁⲩϫⲟⲥ ⲟⲛ ⲱ ⲛⲁⲙⲉⲛⲣⲁϯ ⲉⲑⲃⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ (-ϥ︦ⲏ︦-) ϫⲉ ⲉⲧⲓ ⲉϥⲭⲏ ϧⲉⲛ ⲑⲙⲏϯ ⲉⲩⲕⲱⲥ ⲉⲣⲟϥ ⲓⲥ ⲟⲩϭⲁⲗⲉ ⲙⲙⲓⲥⲓ ⲉⲛⲉ ⲟⲩϭⲗⲱⲟⲩϣ ⲡⲉ ϧⲉⲛ ⲛⲉϥϫⲓϫ ⲛⲉⲙ ⲛⲉϥϭⲁⲗⲁⲩϫ ⲓⲥϫⲉⲛ ⲡⲉϥϫⲓ ⲛϫⲫⲟ ⲟⲩⲟϩ ⲁⲩⲉⲛϥ ⲛϫⲉ ⲛⲉϥⲓⲟϯ ⲉⲩϥⲁⲓ ⲙⲙⲟϥ ϧⲉⲛ ⲟⲩⲛⲓϣϯ ⲛⲛⲁϩϯ ⲁⲩⲕⲉⲥⲕⲱⲥϥ ⲉⲃⲟⲗ ⲉϫⲉⲛ ϯⲧⲁⲓⲃⲓ ⲛⲧⲉ ⲡⲥⲱⲙⲁ ⲙⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ. ⲥⲁⲧⲟⲧϥ ⲇⲉ ⲁϥ‐ ⲧⲁⲗϭⲟ ⲛϫⲉ ⲡⲓⲣⲱⲙⲓ ⲟⲩⲟϩ ⲁϥⲟϩⲓ ⲉⲣⲁⲧϥ ϩⲓϫⲉⲛ ⲛⲉϥⲫⲁⲧ ⲁϥϭⲟϫⲓ ⲉϥϭⲓ ⲫⲉⲓ ⲟⲩⲟϩ ⲉϥⲥⲙⲟⲩ ⲉⲫϯ ⲫⲏ ⲉⲧϭⲓ ⲱⲟⲩ ϧⲉⲛ ⲛⲏ ⲉⲑⲟⲩⲁⲃ ⲛⲧⲁϥ ⲛⲥⲏⲟⲩ ⲛⲓⲃⲉⲛ ⲟⲩⲟϩ ⲉϥⲓⲣⲓ ⲛϩⲁⲛ ϣⲫⲏⲣⲓ ⲙⲁⲗⲓⲥⲧⲁ ⲕⲁⲧⲁ ⲫⲏ ⲉⲧⲁϥϫⲟϥ ⲛⲑⲟϥ ⲡⲟ︦ⲥ︦ ⲉϥϫⲱ ⲙⲙⲟⲥ ϫⲉ ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉ ⲫⲏ ⲉⲧⲛⲁϩϯ ⲉⲣⲟⲓ ⲟⲩⲟϩ ⲛⲧⲉϥⲓⲣⲓ ⲙⲡⲁⲟⲩⲱϣ ⲛⲓϩⲃⲏⲟⲩⲓ ⲁⲛⲟⲕ ⲉϯⲓⲣⲓ ⲙⲙⲱⲟⲩ ⲉϥⲉ‐ ⲁⲓⲧⲟⲩ ϩⲱϥ ⲟⲩⲟϩ ϩⲁⲛ ⲛⲓϣϯ ⲛⲛⲁⲓ (sic) ⲉϥⲉⲁⲓⲧⲟⲩ ⲟⲛ. ⲉⲧⲁⲩⲕⲱⲥ ⲇⲉ ⲙⲡⲉⲛ‐ ⲓⲱⲧ ⲉⲑⲟⲩⲁⲃ ϧⲉⲛ ⲟⲩⲛⲓϣϯ ⲛⲱⲟⲩ ⲉⲩϩⲱⲥ ⲟⲩⲟϩ ⲉⲩⲉⲣⲯⲁⲗⲗⲉⲓⲛ ϧⲉⲛ ϩⲁⲛ ϩⲱⲇⲏ ⲙⲡ︦ⲛ︦ⲁ︦ⲧⲓⲕⲟⲛ ⲟⲩⲟϩ ⲉⲧⲁⲩϫⲱⲕ ⲉⲃⲟⲗ ⲉϫⲱϥ ⲛϯⲡⲣⲟⲥⲫⲟⲣⲁ ⲉⲑⲟⲩⲁⲃ ⲁⲩⲑⲁⲙⲓⲟ ⲛⲟⲩⲑⲏⲃⲓ ⲟⲩⲟϩ ⲁⲩϩⲓⲧϥ ⲉⲡⲉⲥⲏⲧ ⲉⲣⲟⲥ ϧⲉⲛ ⲟⲩⲧⲁⲓⲟ ### 0092 ⲟⲩⲟϩ ⲁⲩⲭⲁϥ ⲟⲛ ϧⲁⲧⲉⲛ ϩⲁⲛ ⲕⲉⲁⲅⲓⲟⲥ ⲙⲡⲉϥⲣⲏϯ ⲉⲧⲉ ⲁⲑⲁⲛⲁⲥⲓⲟⲥ ⲡⲓ‐ ⲙⲁⲣⲧⲩⲣⲟⲥ ⲉⲑⲟⲩⲁⲃ ⲛⲉⲙ ⲁⲃⲃⲁ ϫⲓϭⲱⲓ ⲛⲉⲙ ⲁⲃⲃⲁ ⲡⲓϫⲓⲙⲓ ⲟⲩⲟϩ ⲛⲁⲣⲉ ⲡⲓϩⲙⲟⲧ ⲛⲧⲉ ⲡⲟ︦ⲥ︦ ⲉⲣⲉⲛⲉⲣ-(-ϥ︦ⲑ︦-)ⲅⲉⲓⲛ ϧⲉⲛ ⲡⲥⲱⲙⲁ ⲛⲛⲁⲓⲁⲅⲓⲟⲥ ϧⲉⲛ ⲟⲩⲙⲉⲧϩⲟⲩⲟ ϧⲉⲛ ϩⲁⲛ ϩⲃⲏⲟⲩⲓ ⲙⲡⲁⲣⲁⲇⲟⲝⲟⲛ ⲙⲁⲗⲓⲥⲧⲁ ⲫⲁ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲓⲱⲁⲛⲛⲏⲥ ⲉⲡⲧⲁⲗϭⲟ ⲛⲉⲙ ⲡⲥⲱϯ ⲛⲟⲩⲟⲛ ⲛⲓⲃⲉⲛ ϣⲁⲧⲉⲥ‐ ϣⲱⲡⲓ ϧⲉⲛ ⲭⲁⲗⲕⲏⲇⲱⲛ ⲛϫⲉ ⲧⲥⲩⲛⲟⲇⲟⲥ ⲙⲡⲓⲇⲓⲁⲃⲟⲗⲟⲥ ⲟⲩⲟϩ ⲛⲧⲉⲥ‐ ϭⲱϧⲉⲙ ⲛϯⲟⲓⲕⲟⲩⲙⲉⲛⲏ ⲧⲏⲣⲥ ϩⲓⲧⲉⲛ ⲟⲩⲇⲟⲅⲙⲁ ⲉⲧⲕⲟⲗϫ ⲟⲩⲟϩ ⲛϣⲗⲁϥ ⲙⲫⲣⲏϯ ⲛⲟⲩⲡⲟⲣⲛⲏ ⲓⲉ ⲛⲑⲟϥ ⲙⲫⲣⲏϯ ⲛⲟⲩⲫⲁϧⲣⲓ ⲛⲧⲉ ⲫⲙⲟⲩ ⲉϥⲧⲁⲕⲟ ⲛⲛⲓⲯⲩⲭⲏ ⲟⲩⲟϩ ⲉϥⲥⲱⲕ ⲙⲙⲱⲟⲩ ⲉⲡⲉⲥⲏⲧ ⲉⲫⲛⲟⲩⲛ ⲛⲁⲙⲉⲛϯ ϧⲉⲛ ⲛⲁⲓ (sic) ⲛⲧⲉϥϫⲟⲥ ϩⲱϥ ⲛϫⲉ ⲫ︦ϯ︦ ⲛⲛⲉϥⲥⲱⲧⲡ ⲛⲟⲏⲧⲱⲥ ϫⲉ ⲙⲡⲉⲣϯ ⲙⲡⲉⲑ‐ ⲟⲩⲁⲃ ⲛⲛⲓⲟⲩϩⲱⲣ ⲟⲩⲇⲉ ⲙⲡⲉⲣⲭⲱ ⲛⲛⲉⲧⲉⲛⲁⲛⲁⲙⲏⲓ ⲙⲡⲉⲙⲑⲟ ⲛⲛⲓⲉϣⲁⲩ. ⲟⲩϣⲫⲓⲧ ⲛⲉⲙ ⲟⲩϣⲱϣ ⲛⲛⲓϩⲁⲓⲣⲉⲧⲓⲕⲟⲥ ⲧⲏⲣⲟⲩ ⲛⲣⲉϥϫⲉ ⲟⲩⲟⲓ ⲟⲩⲧⲁϫⲣⲟ ⲛⲉⲙ ⲟⲩϩⲏⲟⲩ ⲛⲉⲙ ⲟⲩⲱⲟⲩ ⲛⲛⲓⲡⲓⲥⲧⲟⲥ ⲧⲏⲣⲟⲩ ⲉⲑⲛⲁϩϯ ⲉⲡⲭ︦ⲥ︦ ⲫ︦ϯ︦ ϧⲉⲛ ⲫⲁⲓ ⲅⲁⲣ ⲁϥϣⲱⲡⲓ ⲉϥⲧⲁⲓⲏⲟⲩⲧ ⲟⲩⲟϩ ⲉϥϣⲏⲡ ⲙⲡⲉⲙⲑⲟ ⲙⲡⲟⲥ ⲛϫⲉ ⲫⲙⲟⲩ ⲙⲡⲉⲛⲧⲣⲓⲥⲙⲁⲕⲁⲣⲓⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲉⲁϥϫⲱⲕ ⲉⲃⲟⲗ ⲙⲡⲉϥⲇⲣⲟⲙⲟⲥ ⲉϥⲁⲣⲉϩ ⲉⲡⲓⲛⲁϩϯ ⲉϥⲉⲣⲫⲟⲣⲉⲓⲛ ⲙⲡⲓⲭⲗⲟⲙ ⲛⲧⲉ ϯⲇⲓ‐ ⲕⲁⲓⲟⲥⲩⲛⲏ ⲉⲃⲟⲗϩⲓⲧⲉⲛ ⲡⲭⲥ ⲫϯ ⲟⲩⲟϩ ⲁϥϣⲱⲡⲓ ⲛⲉⲙ ⲡⲟⲥ ⲕⲁⲧⲁ ⲫⲣⲏϯ ### 0093 ⲉⲧⲁϥϫⲟϥ (-ⲣ̄-) ϫⲉ ⲡⲓⲙⲁ ⲁⲛⲟⲕ ⲉϯϣⲟⲡ ⲙⲙⲟϥ ⲉϥⲉϣⲱⲡⲓ ⲙⲙⲁⲩ ⲛⲉⲙⲏⲓ ⲛϫⲉ ⲡⲁⲣⲉϥϣⲉⲙϣⲓ. ⲛⲁⲓ ⲙⲉⲛ ⲧⲏⲣⲟⲩ ⲱ ⲛⲁⲓⲟϯ ⲉⲑⲟⲩⲁⲃ ⲉⲧⲁⲛⲉⲣ ⲡⲟⲩⲙⲉⲩⲓ ϣⲁ ⲡⲁⲓⲙⲁ ⲕⲁⲧⲁ ⲟⲩⲁⲕⲟⲗⲟⲩⲑⲉⲓⲁ ⲡⲉ ⲛⲏ ⲉⲧⲁⲓϫⲉⲙⲟⲩ ⲓⲥⲧⲟⲣⲓⲕⲱⲥ ⲉⲓⲧⲉ ⲛⲏ ⲉⲧⲁⲩ‐ ϫⲟⲧⲟⲩ ⲛⲁⲛ ⲉⲓⲧⲉ ⲛⲏ ⲉⲧⲁⲛⲥⲟⲑⲙⲟⲩ ⲛⲁⲛ ⲛⲧⲟⲧⲟⲩ ⲛϩⲁⲓ ⲣⲱⲙⲓ ⲙⲡⲓⲥⲧⲟⲥ ⲙⲁⲗⲓⲥⲧⲁ ⲛϣⲟⲩⲧⲉⲛϩⲟⲩⲧⲟⲩ ⲕⲁⲧⲁ ⲫⲣⲏϯ ⲉⲧⲁⲛⲉⲣ ϣⲟⲣⲡ ⲛϫⲟⲥ ϩⲁⲛ ⲕⲟⲩϫⲓ ⲛⲉ ⲉⲃⲟⲗϧⲉⲛ ϩⲁⲛ ⲙⲏϣ ⲛⲧⲉ ⲧⲁⲣⲉⲧⲏ ⲙⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲉⲁϥ‐ ⲥⲟϫⲡⲟⲩ ⲛⲁⲛ ϩⲱⲛ ⲙⲫⲣⲏϯ ⲛⲟⲩⲛⲓϣϯ ⲙⲙⲉⲧⲣⲁⲙⲁⲟ ⲓⲉ ⲟⲩⲕⲗⲏⲣⲟⲛⲟⲙⲓⲁ ⲉⲥⲟϣ ⲉⲑⲣⲉ ⲫⲟⲩⲁⲓ ⲫⲟⲩⲁⲓ ⲙⲙⲟⲛ ⲉⲣⲭⲣⲁⲥⲑⲁⲓ ⲙⲙⲟⲥ ⲉⲡⲉⲛⲟⲩϫⲁⲓ ⲉⲟⲩ‐ ⲱⲛϧ ⲛⲉⲛⲉϩ ⲕⲁⲧⲁ ⲫⲏ ⲉⲧⲫⲉϩ ⲉⲧϫⲟⲙ ⲛⲉⲙ ⲡϩⲙⲟⲧ ⲙⲡⲓⲟⲩⲁⲓ ⲡⲓⲟⲩⲁⲓ ⲣⲱ ⲟⲛ ⲟⲙⲟⲓⲱⲥ ⲉⲛⲉⲙⲓ ⲙⲁⲗⲓⲥⲧⲁ ϫⲉ ⲥⲉⲛⲁϣⲁⲧⲧⲉⲛ ⲡⲁⲛⲧⲱⲥ ⲁⲕⲣⲓⲃⲱⲥ ⲙⲡⲭⲣⲉⲟⲥ ⲙⲡⲁⲓϩⲱⲃ ⲁⲧϭⲛⲉ ϩⲗⲓ ⲛⲉⲡⲟⲇⲓⲟⲛ ⲕⲁⲧⲁ ⲑⲙⲉⲧⲙⲉⲑⲣⲉ ⲛⲛⲓ‐ ⲅⲣⲁⲫⲏ ⲛⲉⲙ ⲧⲥⲁⲗⲡⲓⲅⲅⲟⲥ ⲛⲛⲓϩⲃⲏⲟⲩⲓ ⲛϣⲫⲏⲣⲓ ⲛⲧⲉ ⲫⲃⲓⲟⲥ ⲙⲡⲉⲛⲥⲧⲁⲩ‐ ⲣⲟⲫⲟⲣⲟⲥ ⲛⲓⲱⲧ ⲉⲧⲱϣ ⲉⲃⲟⲗ ⲉⲣⲟⲛ ϧⲉⲛ ⲡϩⲱⲃ ϫⲉ ϣⲱⲡⲓ ⲉⲣⲉⲧⲉⲛⲟⲛⲓ ⲙⲙⲟⲓ ⲟⲩⲟϩ ⲧⲉⲛⲑⲱⲛ ⲑⲏⲛⲟⲩ ⲉⲣⲟⲓ ⲕⲁⲧⲁ ⲫⲣⲏϯ ⲉⲧⲁⲓⲧⲉⲛⲑⲱⲛⲧ ⲉⲡⲭ︦ⲥ︦ ⲟⲩⲟϩ ⲡⲉϫⲁϥ ϫⲉ ⲉⲛⲧⲁϩⲟ ⲙⲙⲟⲛ ⲉⲣⲁⲧⲉⲛ ϧⲉⲛ ϩⲱⲃ ⲛⲓⲃⲉⲛ ⲛⲁⲅⲁⲑⲟⲛ ϩⲱⲥ ϩⲁⲛ ⲇⲓⲁⲕⲱⲛ ⲛⲧⲉ ⲫ︦ϯ︦ (-ⲣ︦ⲁ︦-) ϧⲉⲛ ⲟⲩⲛⲓϣϯ ⲛϩⲩⲡⲟⲙⲟⲛⲏ ⲛⲉⲙ ⲟⲩⲙⲉⲧⲣⲉϥⲱⲟⲩ ### 0094 ⲛϩⲏⲧ ϧⲉⲛ ⲟⲩϩⲩⲡⲟⲧⲁⲅⲏ ⲙⲙⲏⲓ ϧⲉⲛ ⲟⲩϩⲟϫϩⲉϫ ⲛⲉⲙ ϩⲁⲛ ⲁⲛⲁⲅⲕⲏ ϧⲉⲛ ϩⲁⲛ ⲙⲕⲁϩ ⲛⲉⲙ ϩⲁⲛ ⲉⲣϧⲱⲧ ϧⲉⲛ ϩⲁⲛ ϣⲧⲉⲕⲱⲟⲩ ⲛⲉⲙ ϩⲁⲛ ϣⲧⲟⲣⲧⲉⲣ ϧⲉⲛ ϩⲁⲛ ϧⲓⲥⲓ ⲛⲉⲙ ϩⲁⲛ ϣⲣⲱⲓⲥ ϧⲉⲛ ϩⲁⲛ ⲛⲏⲥⲧⲉⲓⲁ ⲛⲉⲙ ϩⲁⲛ ⲁⲥⲕⲏⲥⲓⲥ ϧⲉⲛ ϩⲁⲛ ⲧⲟⲩⲃⲟ ⲛⲉⲙ ⲟⲩⲡⲟⲗⲓⲧⲉⲓⲁ ⲛⲉⲙ ⲟⲩϩⲟϯ ⲛⲧⲉ ⲫ︦ϯ︦ ϧⲉⲛ ⲟⲩϩⲕⲟ ⲛⲉⲙ ⲟⲩⲓⲃⲓ ϧⲉⲛ ⲟⲩⲥⲱⲟⲩⲛ ⲛⲉⲙ ⲟⲩⲙⲉⲧⲥⲁⲃⲉ ϧⲉⲛ ⲟⲩⲙⲉⲧ‐ ⲭⲣⲏⲥⲧⲟⲥ ⲛⲉⲙ ⲟⲩⲙⲉⲧⲁⲅⲁⲑⲟⲥ ϧⲉⲙ ⲟⲩⲙⲉⲧⲉⲡⲓⲉⲓⲕⲏⲥ ⲛⲉⲙ ⲟⲩⲙⲉⲧ‐ ⲕⲁⲧ ϩⲏⲧ ϧⲉⲛ ϩⲁⲛ ⲡⲣⲟⲥⲉⲩⲭⲏ ⲛⲉⲙ ϩⲁⲛ ⲯⲁⲗⲙⲟⲥ ϧⲉⲛ ⲟⲩⲙⲉⲧⲣⲉⲙ ⲣⲁⲩϣ ⲛⲉⲙ ⲟⲩⲙⲉⲧϣⲉⲛ ϩⲏⲧ ϧⲉⲛ ⲟⲩⲙⲉⲧϩⲉⲗϫⲉ ⲛⲉⲙ ⲟⲩⲙⲉⲧϣⲁⲛ ⲑⲙⲁϧⲧ ϧⲉⲛ ⲟⲩⲇⲓⲁⲕⲣⲓⲥⲓⲥ ⲛⲉⲙ ⲟⲩⲥⲟⲫⲓⲁ ϧⲉⲛ ⲟⲩⲛⲁϩϯ ⲛⲉⲙ ⲟⲩϩⲉⲗ‐ ⲡⲓⲥ ϧⲉⲛ ⲟⲩϫⲱⲗ ⲉⲃⲟⲗ ⲛⲉⲙ ⲟⲩⲭⲁ ⲣⲱϥ ϧⲉⲛ ⲟⲩⲁⲣⲉϩ ⲛⲉⲙ ⲟⲩⲙⲉⲧ‐ ⲁⲧⲟⲡⲕ ϧⲉⲛ ⲟⲩⲙⲉⲧⲙⲁⲓ ⲣⲱⲙⲓ ⲛⲉⲙ ⲟⲩⲙⲉⲧⲛⲁⲏⲧ ϧⲉⲛ ⲟⲩⲥⲁϫⲓ ⲛⲧⲉ ⲑⲙⲏⲓ ⲛⲉⲙ ⲟⲩϫⲟⲙ ⲛⲧⲉ ⲫϯ (-ⲣⲃ-) ϧⲉⲛ ⲟⲩϩⲉⲓⲣⲏⲛⲏ ⲛⲉⲙ ⲟⲩⲁⲅⲁⲡⲏ ⲛⲁⲧⲙⲉⲧϣⲟⲃⲓ ⲉϧⲟⲩⲛ ⲉⲡⲥⲱⲛⲧ ⲧⲏⲣϥ ⲡⲕⲉⲫⲁⲗⲁⲓⲟⲛ ⲛⲛⲓⲁⲅⲁⲑⲟⲛ ⲧⲏⲣⲟⲩ. ⲉⲛⲓⲣⲓ ⲇⲉ ⲛⲛⲁⲓ ⲛⲉⲙ ⲛⲏ ⲉⲧⲟⲛⲓ ⲙⲙⲱⲟⲩ ⲟⲩⲟϩ ⲉⲛⲉⲣⲕⲁⲧⲁⲫⲣⲟⲛⲉⲓⲛ ⲇⲓ‐ ⲕⲁⲓⲱⲥ ⲛⲛⲏ ⲉⲧϯ ⲟⲩⲃⲉ ⲛⲁⲓ ϧⲉⲛ ⲟⲩⲙⲉⲧⲅⲛⲏⲥⲓⲟⲥ ⲧⲟⲧⲉ ⲡⲉⲛⲟⲩⲱⲓⲛⲓ ⲛⲁⲉⲣ ⲟⲩⲱⲓⲛⲓ ⲟⲩ ⲙⲟⲛⲟⲛ ⲙⲡⲉⲙⲑⲟ ⲛⲛⲓⲣⲱⲙⲓ ⲁⲗⲗⲁ ⲙⲡⲉⲙⲑⲟ ⲙⲫϯ ⲛⲉⲙ ⲛⲉϥⲁⲅⲅⲉⲗⲟⲥ ⲛⲉⲙ ⲛⲏ ⲉⲑⲟⲩⲁⲃ ⲧⲏⲣⲟⲩ ⲛⲧⲁϥ ϧⲉⲛ ϩⲁⲛ ⲕⲁⲣⲡⲟⲥ ⲉⲩⲟⲩⲁⲃ ϧⲉⲛ ⲡϫⲓ ⲛⲑⲣⲉⲛⲥⲓϯ ⲛⲛⲁ ⲡⲓⲡⲛⲁ ⲛⲧⲉⲛⲱⲥϧ ⲇⲉ ⲟⲛ ⲛⲛⲁ ⲡⲓⲡⲛⲁ ⲉⲛⲣⲁϣⲓ ### 0095 ϩⲓⲧⲉⲛ ⲑⲙⲓⲙⲏⲥⲓⲥ ⲛⲛⲓϣⲉ ⲛⲧⲁⲧⲥⲓ ⲛⲧⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲟⲩⲟϩ ⲛϩⲏ‐ ⲅⲟⲩⲙⲉⲛⲟⲥ ϧⲉⲛ ⲡϫⲓ ⲛⲑⲣⲉⲛϣⲱⲡⲓ ⲉⲛⲟⲛⲓ ⲙⲡⲉϥⲛⲁϩϯ ϧⲉⲛ ⲡϩⲱⲃ ⲛⲉⲙ ⲡⲥⲁϫⲓ ϥⲛⲁⲧⲁϣⲉ ⲛⲉϥϣⲗⲏⲗ ⲛⲁϩⲣⲉⲛ ⲡⲟ︦ⲥ︦ ⲉϩⲣⲏⲓ ⲉϫⲱⲛ ϩⲱⲥ ⲉⲟⲩⲛ ϣϫⲟⲙ ⲙⲙⲟϥ ⲧⲟⲛⲱ ⲉⲉⲣ ⲫⲁⲓ ⲟⲩⲟϩ ⲟⲩϩⲓⲕⲁⲛⲟⲥ ⲡⲉ ⲉⲧⲱⲃϩ ⲉϫⲱⲛ ⲉⲑⲣⲉ ⲡⲉⲛⲃⲓⲟⲥ ⲥⲱⲟⲩⲧⲉⲛ ⲕⲁⲧⲁ ⲫⲏ ⲉⲧⲫⲉϩ ⲛⲁϥ ⲉⲫⲟⲩⲱϣ ⲙⲫ︦ϯ︦ ⲉⲛ ⲡⲁⲓⲕⲟⲥⲙⲟⲥ ⲟⲩⲟϩ ⲉⲑⲣⲉ ⲟⲩⲟⲛ ⲛⲓⲃⲉⲛ ⲑⲉⲕⲥ ⲧⲏⲃ ⲉⲩϫⲱ ⲙⲙⲟⲥ ⲙⲁⲗⲓⲥⲧⲁ ⲫ︦ϯ︦ ⲛⲉⲙ ⲛⲏ ⲉⲑⲟⲩⲁⲃ ⲧⲏⲣⲟⲩ ⲛⲧⲁϥ ϧⲉⲛ ⲑⲙⲏϯ ⲛⲛⲓⲫⲏⲟⲩⲓ ϫⲉ ⲟⲛⲧⲱⲥ ϩⲁⲛ ϣⲏⲣⲓ ⲛⲅⲛⲏⲥⲓⲟⲥ ⲛⲧⲉ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲛⲉ ⲛⲁⲓ. ϧⲉⲛ ⲛⲁⲓ ⲇⲉ ϩⲱⲥ ⲉⲁⲩ‐ ϣⲱⲡⲓ ⲉⲩϣⲏⲡ ⲉϫⲱⲛ ⲛⲁϩⲣⲉⲛ ⲡⲟ︦ⲥ︦ ⲙⲁⲗⲗⲟⲛ ⲛϫⲉ ⲛⲓⲡⲣⲉⲥⲃⲉⲓⲁ (-ⲣ︦ⲅ︦-) ⲛⲧⲉ ⲡⲉⲛⲓⲱⲧ ⲛⲇⲓⲕⲁⲓⲟⲥ ϥⲛⲁⲧⲁϣⲉ ⲛⲉϥⲛⲁⲓ ⲉϩⲣⲏⲓ ⲉϫⲱⲛ ⲟⲛ ⲛϫⲉ ⲡⲭ︦ⲥ︦ ⲫϯ ϧⲉⲛ ϩⲁⲛ ⲙⲉⲧϣⲉⲛ ϩⲏⲧ ⲉⲩⲟϣ ⲛⲁⲅⲁⲑⲟⲛ ⲉⲡϫⲓ ⲛϫⲱⲕ ⲉⲃⲟⲗ ⲛⲛⲉⲛⲁⲓ‐ ⲧⲏⲙⲁ ⲧⲏⲣⲟⲩ ⲉⲩⲥⲟⲧⲡ ϧⲉⲛ ⲑⲙⲉⲑⲙⲏⲓ ⲙⲡⲓⲟⲩϫⲁⲓ ⲕⲁⲧⲁ ⲡⲥⲁϫⲓ ⲙⲡⲓϩⲩⲙ‐ ⲛⲱⲇⲟⲥ ⲇⲁⲩⲓⲇ ϫⲉ ⲫⲛⲁⲓ ⲙⲡⲟ︦ⲥ︦ ⲉϫⲉⲛ ⲛⲏ ⲉⲧⲉⲣ ϩⲟϯ ϧⲁ ⲧⲉϥϩⲏ ⲟⲩⲟϩ ⲧⲉϥⲙⲉⲑⲙⲏⲓ ⲉϫⲉⲛ ⲛⲉⲛϣⲏⲣⲓ ⲛϣⲏⲣⲓ ⲛⲛⲏ ⲉⲧⲁⲣⲉϩ ⲉⲧⲉϥⲇⲓⲁⲑⲏⲕⲏ ⲛⲉⲙ ⲛⲏ ⲉⲧⲓⲣⲓ ⲙⲫⲙⲉⲩⲓ ⲛⲛⲉϥⲉⲛⲧⲟⲗⲏ ⲉⲡⲁⲓⲧⲟⲩ (sic) ⲛϩⲟⲩⲟ ⲇⲉ ϧⲉⲛ ⲡⲓⲕⲉⲁⲓⲱⲛ ⲉⲑⲛⲏⲟⲩ ⲧⲉⲛⲛⲁϣⲁϣⲛⲓ ⲡⲁⲛⲧⲱⲥ ⲉⲡⲕⲗⲏⲣⲟⲥ ⲛⲉⲙ ⲫⲙⲉⲣⲟⲥ ⲙⲡⲉⲛⲓⲱⲧ ϧⲉⲛ ⲑⲙⲉⲧⲟⲩⲣⲟ ⲛⲛⲓⲫⲏⲟⲩⲓ ⲑⲁⲓ ⲉⲥⲉϣⲱⲡⲓ ⲛⲁⲛ ⲧⲏⲣⲉⲛ ⲉⲑⲣⲉⲛⲙⲡϣⲁ ### 0096 ⲛϣⲁϣⲛⲓ ⲉⲣⲟⲥ ϩⲓⲧⲉⲛ ⲛⲓⲡⲣⲉⲥⲃⲉⲓⲁ ⲉⲑⲟⲩⲁⲃ ⲛⲧⲉ ⲡⲉⲛⲡⲁⲛⲁⲅⲓⲟⲥ ⲛⲓⲱⲧ ⲁⲃⲃⲁ ⲓⲱⲁⲛⲡⲏⲥ ϧⲉⲛ ⲡⲓϩⲙⲟⲧ ⲛⲉⲙ ⲛⲓⲙⲉⲧϣⲉⲛ ϩⲏⲧ ⲛⲉⲙ ϯⲙⲉⲧⲙⲁⲓ ⲣⲱⲙⲓ ⲛⲧⲉ ⲡⲉⲛⲟ︦ⲥ︦ ⲟⲩⲟϩ ⲡⲉⲛⲛⲟⲩϯ ⲟⲩⲟϩ ⲡⲉⲛⲥⲱⲧⲏⲣ ⲏ︦ⲥ︦ ⲡⲭ︦ⲥ︦ ⲫⲁⲓ ⲡⲱⲟⲩ ⲙⲫⲓⲱⲧ ⲛⲉ‐ ⲙⲁϥ ⲛⲉⲙ ⲡⲓⲡ︦ⲛ︦ⲁ︦ ⲛⲣⲉϥⲧⲁⲛϧⲟ ϯⲛⲟϥ ⲛⲉⲙ ⲛⲥⲏⲟⲩ ⲛⲓⲃⲉⲛ ⲛⲉⲙ ϣⲁ ⲉⲛⲉϩ ⲛⲧⲉ ⲛⲓⲉⲛⲉϩ ⲧⲏⲣⲟⲩ ⲁⲙⲏⲛ.