### 0001

(-ⲓ︦ⲍ︦-) (ⲥⲁ)ⲧⲟⲧⲥ ⲁⲥⲫⲟⲛϩ ϧⲏⲧⲥ ⲉⲡϣⲱⲓ (ⲁⲥⲧⲁ)ⲙⲟⲓ (ⲉⲛ)ⲉⲥⲙⲛⲟⲧ ⲉⲩⲑⲗⲏ
ⲉⲣⲱϯ ⲉϧⲣⲏⲓ. ⲧⲟⲧⲉ ⲁⲓⲉⲙⲓ ⲥⲁⲧⲟⲧ ϫⲉ ⲁ ⲫ︦ϯ︦ ⲟⲩⲱϣ ⲉⲧⲁⲛϧⲟⲓ ⲟⲩⲟϩ ⲁ ⲟⲩⲥⲙⲏ
ⲓ ⲛⲏⲓ ϫⲉ ⲙⲁⲕⲁⲣⲓⲟⲥ ⲧⲱⲛⲕ ⲙⲁ ϣⲉ ⲛⲁⲕ ϣⲁ ϯϣⲟϣ ⲥⲉ ⲉⲣⲱϯ ⲛⲁⲕ ϫⲉⲙ
ⲛⲟⲙϯ ⲟⲩⲟϩ ⲙⲟϣⲓ ⲉⲧⲉⲕⲣⲓ. ⲛⲑⲟϥ ⲇⲉ ⲁϥϣⲉ ⲁϥⲥⲉ ⲉⲣⲱϯ ⲛϧⲏⲧⲥ ⲟⲩⲟϩ
ⲁϥϩⲱⲣⲡ ⲛⲟⲩⲕⲟⲩϫⲓ. ⲟⲩⲟϩ ⲁⲥϣⲉ ⲛⲁⲥ ⲛϫⲉ ϯϣⲟϣ ⲟⲩⲟϩ ⲉⲓⲧⲉ ⲛⲑⲟⲥ ⲉⲓⲧⲉ
ⲕⲉⲟⲩⲓ ϣⲁⲣⲉ ⲟⲩⲓ ⲉⲃⲟⲗⲛϧⲏⲧⲟⲩ ϯ ⲉⲣⲱϯ ⲛⲁϥ ⲙⲙⲏⲛⲓ ⲟⲩⲟϩ ⲉⲧⲁⲓϧⲱⲛⲧ
ⲉⲧⲁⲣⲓ ϣⲁⲧⲉⲛ ⲟⲩⲉϩⲟⲟⲩ ⲙⲙⲟϣⲓ ⲁⲩⲫⲱⲧ ⲛϫⲉ ⲛⲓϣⲟϣ ⲧⲏⲣⲟⲩ ⲁⲩⲭⲁⲧ.
ⲁⲓⲓ ⲇⲉ ⲉϧⲟⲩⲛ ⲉⲧⲁⲣⲓ ⲙⲡⲁⲙⲁϩ ⲏ̄ ⲛⲉϩⲟⲟⲩ.
ⲁⲥϣⲱⲡⲓ (ⲇⲉ ⲟⲛ) ⲛⲟⲩⲥⲏⲟⲩ ⲉϥϩⲉ(ⲙⲥ)ⲓ ϧ(ⲉⲛ ⲧⲉϥⲣ)ⲓ ⲁⲥⲓ ϩⲁⲣⲟϥ ⲛ(ϫⲉ
ⲟⲩϩⲱⲓϯ) ⲉⲣⲉ ⲡⲉⲥⲙⲁⲥ ϧ(ⲉⲛ ⲣⲱⲥ ⲉⲥϥ)ⲁⲓ ⲙⲙⲟϥ ⲟⲩⲟϩ ⲁⲥⲟⲩⲟϩ ⲙⲙⲟϥ
ϩⲓⲣⲉⲛ ⲡⲉϥⲣⲟ ⲟⲩⲟϩ ⲁⲥⲕⲱⲗϩ ⲛϫ(ⲱ)ⲥ ⲉϧⲟⲩⲛ ϧⲉⲛ ⲡⲓⲣⲟ. ⲁ ⲡⲓϧⲉⲗⲗⲟ ⲥⲱ‐
ⲧⲉⲙ ⲉⲡⲉⲥⲕⲱⲗϩ ⲁϥⲓ ⲉⲃⲟⲗ ⲉϥⲙⲉⲩⲓ ϫⲉ ⲟⲩⲥⲟⲛ ⲡⲉ ⲉⲧⲁϥⲓ ϩⲁⲣⲟϥ. ⲉⲧⲁϥ


### 0002

ⲟⲩⲱⲛ ⲇⲉ ⲙⲡⲓⲣⲟ ⲁϥⲛ(ⲁⲩ) (-ⲓ︦︦︦ⲏ︦-) ⲉϯϩⲱⲓϯ ⲁϥⲧⲱⲙⲧ ⲉϥϫⲱ ⲙⲙⲟⲥ ϫⲉ ⲉⲣⲉ
ⲑⲁⲓ (ⲕⲱ)ϯ ⲛ(ⲥⲁ ⲟⲩ) ⲙⲡⲁⲓⲙⲁ. ⲛⲑⲟⲥ ⲇⲉ ⲁⲥⲙⲁϩ ⲣⲱⲥ ⲉⲡⲉⲥⲙⲁⲥ ⲁⲥⲥⲱⲟⲩ‐
ⲧⲉⲛ ⲙⲙⲟϥ ⲉⲡⲓϧⲉⲗⲗⲟ ⲉⲥⲣⲓⲙⲓ. ⲁ ⲡⲓϧⲉⲗⲗⲟ ⲱⲗⲓ ⲙⲡⲓⲙⲁⲥ ⲉϧⲣⲏⲓ ⲉⲛⲉϥϫⲓϫ
ϧⲉⲛ ⲧⲉϥⲙⲉⲧⲁⲡⲗⲟⲩⲥ ⲉϥⲥⲉⲙⲛⲏⲟⲩⲧ ⲁϥⲫⲟⲛϩϥ ⲙⲛⲏ ⲛⲉⲙ ⲉⲙⲛⲁⲓ ⲉϥⲕⲱϯ
ϧⲉⲛ ⲡⲉϥⲥⲱⲙⲁ ϫⲉ ⲟⲩ ϩⲁⲣⲁ ⲡⲉ ⲉⲧⲉϥϣⲱⲛⲓ ⲛϧⲏⲧϥ. ⲉⲧⲁϥϯ ϩⲑⲏϥ ⲇⲉ
ⲉⲡⲓⲙⲁⲥ ϩⲏⲡⲡⲉ ⲁϥⲟⲓ ⲛⲃⲉⲗⲗⲉ ⲡⲉ ⲙⲡⲉϥⲃⲁⲗ ⲃ︦. ⲁϥϥⲁⲓ ⲇⲉ ⲙⲙⲟϥ ⲟⲩⲟϩ
ⲁϥϥⲓ ⲁϩⲟⲙ ⲁϥⲥⲓϯ ⲛⲟⲩⲑⲁϥ ⲛⲧⲁϥ ⲉϧⲟⲩⲛ ϧⲉⲛ ⲡⲉϥϩⲟ ⲁϥⲉⲣⲥⲫⲣⲁⲅⲓⲍⲉⲓⲛ
ⲛⲛⲉϥⲃⲁⲗ ϧⲉⲛ ⲡⲉϥⲧⲏⲃ ⲥⲁⲧⲟⲧϥ ⲁϥⲛⲁⲩ ⲙⲃⲟⲗ ⲟⲩⲟϩ ⲁϥϩⲱⲗ ⲓⲥⲕⲉⲛ ⲧⲉϥ‐
ⲙⲁⲩ ⲁϥⲟⲩⲉⲙ ϭⲓ ⲁ(ϥⲙⲟ)ϣⲓ ⲛⲥⲱⲥ ⲟⲩⲟϩ ⲁⲩϣⲉ (ⲛⲱⲟⲩ ⲉϧⲟⲩⲛ) ⲉⲡⲓⲡⲟ‐
ⲧⲁⲙⲟⲥ ⲉⲧⲉⲙⲙⲁⲩ..... ⲛⲉⲙ ⲉϧⲟⲩⲛ ⲉⲡⲓϩⲉⲗⲟⲥ ⲉⲛⲁⲩⲕⲉϩ ⲉⲣⲟϥ. ⲛⲓⲉⲥⲱⲟⲩ
ⲇⲉ ⲛⲧⲉ ⲛⲓⲫⲁⲓⲁⲑ ⲉ(ⲩ)ⲓⲛⲓ ⲙⲙⲱⲟⲩ ⲉϧⲣⲏⲓ ⲉⲡⲓϩⲉⲗⲟⲥ ⲛⲧⲉ ϣⲓⲏⲧ ⲛⲟⲩⲥⲟⲛ
ⲛⲧⲉⲙⲣⲟⲙ(ⲡ)ⲓ ⲉⲩⲟⲩⲱⲙ ϣⲟⲩϣⲏⲧ (ⲟⲩ)ⲟϩ ⲛⲓⲕⲉⲁⲙⲏⲟⲩ ⲟⲛ ⲉⲧϣⲟⲡ ϧⲉⲛ
ⲛⲓϯⲙⲓ ⲥⲁ ⲡⲥⲁ ⲙⲡⲉⲣⲛⲟⲩϫ (-ⲓ︦ⲑ︦-) ⲥⲉⲓⲛⲓ ⲛⲛⲟⲩⲉϩⲱⲟⲩ ⲉϧⲣⲏⲓ ⲉⲡϩⲉⲗⲟⲥ ⲛⲧⲉ
ϣⲓⲏⲧ ⲛⲟⲩⲥⲟⲡ ⲛϯⲣⲟⲙⲡⲓ ⲉⲩⲟⲩⲱⲙ ⲟⲩⲟⲧⲟⲩⲉⲧ. ⲁ ϯϩⲱⲓϯ ⲭⲁ ⲟⲩⲉϩⲟⲟⲩ
ⲛⲥⲱⲥ ⲡⲉϥⲣⲁⲥϯ ⲇⲉ ⲁⲥⲓ ϧⲁ ⲡⲓϧⲉⲗⲗⲟ ⲉⲣⲉ ⲟⲩⲟⲛ ⲟⲩϣⲁⲣ ⲛⲉⲥⲱⲟⲩ ⲭⲏ ϧⲉⲛ
ⲣⲱⲥ ⲉϥⲣⲏⲧ ⲛⲕⲁⲗⲱⲥ ⲉϥⲟⲩⲱⲧ ⲉϥⲧⲁⲗⲏⲟⲩⲧ ⲉⲣⲟⲥ ⲟⲩⲟϩ ⲁⲥⲕⲱⲗϩ ⲛⲧⲉⲥⲁⲫⲉ
ⲉϧⲟⲩⲛ ⲛⲥⲁ ⲡⲓⲣⲟ. ⲡⲓϧⲉⲗⲗⲟ ⲇⲉ ⲛⲁϥϩⲉⲙⲥⲓ ⲡⲉ ϧⲉⲛ ⲡⲓⲟⲛϩ ⲉⲧⲁϥⲥⲱⲧⲉⲙ


### 0003

ⲉⲡⲓⲕⲱⲗϩ ⲛⲧⲉ ⲡⲓⲣⲟ ⲁϥⲧⲱⲛϥ ⲁϥⲁⲟⲩⲱⲛ ⲁϥϫⲓⲙⲓ ⲛϯϩⲱⲓϯ ⲉⲣⲉ ⲡⲓϣⲁⲣ
ⲧⲁⲗⲏⲟⲩⲧ ⲉⲣⲟⲥ. ⲡⲉϫⲁϥ ⲛϯϩⲱⲓϯ ϫⲉ ⲁⲣⲉⲫⲟϩ ⲉⲑⲱⲛ ⲁⲣⲉϫⲓⲙⲓ ⲛⲫⲁⲓ ⲉⲃⲏⲗ
ⲁⲣⲏⲟⲩ ϫⲉ ⲁⲣⲉⲟⲩⲉⲙ ⲟⲩⲉⲥⲱⲟⲩ ⲫⲏ ⲟⲩⲛ ⲉⲧⲁⲣⲉⲉⲛϥ ⲛⲏⲓ ⲟⲩⲉⲃⲟⲗ ⲡⲉ ϧⲉⲛ
ⲡϫⲓ ⲛϫⲟⲛⲥ ϯⲛⲁⲟⲗϥ ⲛⲧⲟϯ ⲁⲛ. ϯϩⲱⲓϯ ⲇⲉ ⲛⲁⲥⲕⲱⲗϩ ⲛⲧⲉⲥⲁⲫⲉ ⲉⲡⲕⲁϩⲓ
ⲡⲉ ⲛⲉⲙ ⲛⲉⲥⲕⲉⲗⲓ ⲉⲥⲕⲱⲗϫ ⲛⲛⲉⲥⲫⲁⲧ ⲉⲥϯ ϩⲟ ⲉⲣⲟϥ ⲙⲫⲣⲏϯ ⲛⲟⲩⲣⲱⲙⲓ
ϫⲉ ⲛⲧⲉϥⲟⲗϥ ⲛⲧⲟⲧⲥ. ⲡⲉϫⲁϥ ⲛⲁⲥ ϫⲉ ⲁⲓⲕⲏⲛ ⲉⲓϫⲱ ⲙⲙⲟⲥ ⲛⲉ ϫⲉ ϯⲛⲁⲟⲗϥ
ⲁⲛ ⲉⲃⲏⲗ ⲛⲧⲉϯ ⲣⲱ ⲛⲏⲓ ϫⲉ ϯⲛⲁϯ ⲙⲕⲁϩ ⲛⲛⲓϩⲏⲕⲓ ⲁⲛ ⲉⲣⲉⲟⲩⲱⲙ ⲛⲛⲟⲩⲉ‐
ⲥⲱⲟⲩ. (-ⲕ̄-) ⲟⲩⲟϩ ⲁⲥⲉⲣ ϩⲟⲩⲟ ⲛⲕⲓⲙ ⲛⲧⲉⲥⲁⲫⲉ ⲉϧⲣⲏⲓ ⲛⲉⲙ ⲉⲡϣⲱⲓ ⲙⲫⲣⲏϯ
ϫⲉ ⲉⲥϯ ⲛⲣⲱⲥ ⲛⲁϥ. ⲡⲁⲗⲓⲛ ⲟⲛ ⲁϥⲟⲩⲁϩⲙⲉϥ ⲉⲣⲟⲥ ϫⲉ ⲉⲃⲏⲗ ⲛⲧⲉϯ ⲣⲱ ⲛⲏⲓ
ϫⲉ ϯⲛⲁⲧⲁϩⲟ ⲛⲟⲩⲧⲉⲃⲛⲏ ⲉϥⲟⲛϩ ⲁⲛ ⲁⲗⲗⲁ ⲧⲉⲣⲁⲟⲩⲱⲙ ϣⲟⲗϩⲥ ⲉϥⲙⲱⲟⲩⲧ
ⲓⲥϫⲉⲛ ϯⲛⲟⲩ ⲁⲣⲉϣⲁⲛϧⲓⲥⲓ ⲉⲣⲉⲕⲱϯ ⲛⲧⲉϣⲧⲉⲙϫⲓⲙⲓ ⲁⲙⲏ ⲛⲏⲓ ⲙⲛⲁⲓ ϯⲛⲁϯ
ⲱⲓⲕ ⲛⲉ ⲟⲩⲟϩ ⲙⲡⲉⲣϭⲓ ϩⲗⲓ ⲛϫⲟⲛⲥ ⲓⲥϫⲉⲛ ϯⲛⲟⲩ. ⲁ ϯϩⲱⲓϯ ⲕⲱⲗϫ ⲛϫⲱⲥ
ⲉⲡⲕⲁϩⲓ ⲛⲉⲙ... ⲉⲥϩⲓ ⲙⲙⲟⲥ ϩⲓϫⲉⲛ ⲛⲉⲥⲕⲉⲗⲓ ⲉⲥⲕⲱⲗϫ ⲛⲛⲉⲥⲫⲁⲧ ⲉⲥⲕⲓⲙ
ⲛϫⲱⲥ ⲉϧⲣⲏⲓ ⲛⲉⲙ ⲉⲡϣⲱⲓ ⲉϩⲣⲏⲓ ϩⲁ ⲡⲉϥϩⲟ ⲉⲥⲟⲓ ⲙⲫⲣⲏϯ ϫⲉ ⲉⲥϯ ⲛⲣⲱⲥ
ⲛⲁϥ ⲟⲩⲟϩ ⲁ ⲡⲓϧⲉⲗⲗⲟ ⲕⲁϯ ϧⲉⲛ ⲡⲉϥϩⲏⲧ ϫⲉ ϯⲟⲓⲕⲟⲛⲟⲙⲓⲁ ⲛⲧⲉ ⲫϯ ⲧⲉ
ⲫⲏ ⲉⲧϯ ⲕⲁϯ ⲛⲛⲓⲕⲉⲑⲏⲣⲓⲟⲛ ⲉⲡϫⲓ ⲛⲥⲟϩⲓ ⲙⲙⲟⲛ ⲟⲩⲟϩ ⲁϥϯ ⲱⲟⲩ ⲙⲫϯ


### 0004

ⲫⲏ ⲉⲧϯ ⲛⲟⲩⲕⲁϯ ⲛⲛⲓⲕⲉⲑⲏⲣⲓⲟⲛ ⲟⲩⲟϩ ⲁϥϩⲱⲥ ⲉⲫ︦ϯ︦ ⲫⲏ ⲉⲧϣⲟⲡ ϣⲁ ⲉⲛⲉϩ
ϧⲉⲛ ϯⲥⲙⲏ ⲙⲙⲉⲧⲣⲉⲙ ⲛⲭⲏⲙⲓ ϫⲉ ⲥⲧⲁⲓⲏⲟⲩⲧ ⲛϫⲉ ϯⲯⲩⲭⲏ ⲛⲁϥϫⲱ
ⲙⲙⲟⲥ ⲡⲉ ϫⲉ ϯϯ ⲱⲟⲩ ⲛⲁⲕ ⲫ︦ϯ︦ ⲫⲏ ⲉⲧⲁϥϣⲱⲡⲓ (-ⲕ︦ⲁ︦-) ⲛⲉⲙ ⲇⲁⲛⲓⲏⲗ
ϧⲉⲛ ⲫⲗⲁⲕⲕⲟⲥ ⲛⲧⲉ ⲛⲓⲙⲟⲩⲓ ⲁϥϯ ⲕⲁϯ ⲛⲛⲓⲑⲏⲣⲓⲟⲛ ⲡⲁⲓⲣⲏϯ ⲟⲛ ϯⲛⲟⲩ
ⲁⲕϯ ⲕⲁϯ ⲛⲧⲁⲓⲕⲉϩⲱⲓϯ ⲟⲩⲟϩ ⲙⲡⲉⲕⲉⲣ ⲡⲁⲱⲃϣ ⲁⲗⲗⲁ ⲁⲕⲑⲣⲓⲕⲁϯ ϫⲉ
ⲡⲁⲓⲑⲱϣ ⲫⲱⲕ ⲡⲉ. ⲟⲩⲟϩ ⲁ ⲡⲓϧⲉⲗⲗⲟ ⲱⲗⲓ ⲙⲡⲓϣⲁⲣ ⲛⲧⲟⲧⲥ ⲛϯϩⲱⲓϯ ⲁⲥϣⲉ
ⲛⲁⲥ ⲟⲛ ⲉⲡⲉⲥⲙⲁ ⲟⲩⲟϩ ⲕⲁⲧⲁ ϩⲁⲛ ⲕⲟⲩϫⲓ ⲛⲉϩⲟⲟⲩ ⲛⲁⲥϩⲓ ⲕⲟⲧ ⲉⲣⲟϥ ⲡⲉ
ⲉϣⲱⲡ ⲇⲉ ⲛⲧⲉⲥϣⲧⲉⲙϫⲉⲙ ⲧⲣⲟⲫⲏ ϣⲁⲥⲓ ⲉⲣⲟϥ ⲡⲉ ⲟⲩⲟϩ ϣⲁϥⲥⲓϯ ⲛⲟⲩⲱⲓⲕ
ⲛⲁⲥ ⲛⲉⲁⲥⲉⲣ ⲑⲁⲓ ⲡⲉ ⲛⲟⲩⲙⲏϣ ⲛⲥⲟⲡ. ⲡⲓϧⲉⲗⲗⲟ ⲇⲉ ⲛⲁϥⲉⲛⲕⲟⲧ ⲡⲉ ϩⲓϫⲉⲛ
ⲡⲓϣⲁⲣ ϣⲁⲧⲉϥϯ ⲙⲧⲟⲛ ⲙⲙⲟϥ ⲟⲩⲟϩ ⲁⲓⲛⲁⲩ ⲉⲣⲟϥ ⲛⲛⲁⲃⲁⲗ ϫⲉ ⲟⲩⲏⲓ ⲅⲁⲣ
ⲉⲧⲁϥⲛⲟⲩⲓ ⲉⲉⲙⲧⲟⲛ ⲙⲙⲟϥ ⲁ ⲙⲉⲗⲁⲛⲓⲁ ϯⲟⲩⲣⲱ ⲛⲧⲉ ⲛⲓⲣⲱⲙⲁⲓⲟⲥ ⲣⲁⲟⲩⲱ
ⲉⲥϭⲓ ⲙⲡⲉϥϣⲓⲛⲓ ⲁϥϯ ⲙⲡⲓϣⲁⲣ ⲉⲧⲉⲙⲙⲁⲩ ⲛⲁⲥ ⲛⲕⲗⲏⲣⲟⲛⲟⲙⲓⲁ. ⲫⲁⲓ ⲛⲁϥ‐
ⲭⲏ ⲛⲧⲟⲧⲥ ϣⲁ ⲧⲉⲥϧⲁⲓⲏ ⲉⲥⲁⲣⲉϩ ⲉⲣⲟϥ ϧⲉⲛ ⲟⲩⲛⲁϩϯ ⲛⲉⲙ ⲟⲩⲉⲣ ⲫⲙⲉⲩⲓ.
ⲁⲥϣⲱⲡⲓ ⲇⲉ ⲟⲛ ⲛⲟⲩⲥⲟⲡ ⲁϥϣⲱⲕⲓ ⲛⲟⲩϣⲱϯ ϧⲉⲛ ⲑⲙⲏϯ ⲛϩⲁⲛ ⲕⲁⲙ
ⲛⲉ ⲟⲩⲟⲛ ⲟⲩⲁϧⲱⲣⲓ ⲇⲉ ϣⲟⲡ (-ⲕ︦ⲃ︦-) ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲉϥⲉⲛⲕⲟⲧ ⲙⲙⲟⲛ
ϩⲗⲓ ⲉⲙⲓ ⲉⲣⲟϥ. ⲡⲓⲁϧⲱⲣⲓ ⲉⲧⲉⲙⲙⲁⲩ ⲛⲉ ⲟⲩⲣⲉϥϧⲱⲧⲉⲃ ⲡⲉ ⲟⲩⲟϩ ⲛⲁϥⲭⲏⲡ
ⲡⲉ ϧⲉⲛ ⲡⲓⲕⲁⲙ ⲉⲑⲃⲉ ⲡⲓⲱϫⲉⲃ. ⲟⲩⲟϩ ⲉⲧⲁ ⲡⲓⲣⲏ ϣⲁⲓ ⲉϫⲱϥ ⲁϥϧⲙⲟⲛ ⲛϫⲉ


### 0005

ⲡⲓⲕⲁϩⲓ ⲁϥⲓ ⲛϫⲉ ⲡⲓϧⲉⲗⲗⲟ ⲁϥⲟϩⲓ ⲉⲣⲁⲧϥ ⲉϫⲉⲛ ⲡⲓⲕⲁϩⲓ ⲛϥⲉⲙⲓ ⲁⲛ. ⲁ ⲡⲓⲁ‐
ϧⲱⲣⲓ ⲙⲕⲁϩ ⲁϥⲗⲁⲡⲥⲓ ⲙⲡⲓϧⲉⲗⲗⲟ ϧⲉⲛ ⲧⲉϥⲫⲁⲧ. ⲛⲑⲟϥ ⲇⲉ ⲉⲧⲁϥⲧⲁϩⲟ
ⲙⲡⲓⲁϧⲱⲣⲓ ⲉϥⲟⲛϧ ϧⲉⲛ ⲧⲉϥϫⲓϫ ⲡⲉϫⲁϥ ⲛⲁϥ ϫⲉ ⲟⲩ ⲡⲉ ⲡⲓϫⲓ ⲛϭⲟⲛⲥ
ⲉⲧⲁⲓⲁⲓϥ ⲉⲣⲟⲕ ϫⲉ ⲁⲕⲉⲣⲧⲟⲗⲙⲁⲛ ⲉⲟⲩⲟⲙⲧ ⲙⲡⲉ ⲫϯ ϯ ⲉⲣϣⲓϣⲓ ⲛⲁⲕ ⲛⲑⲟⲕ
ⲟⲩⲛ ⲛⲑⲟⲕ ⲫⲁ ϯⲫⲩⲥⲓⲥ ⲃⲱⲛ ϯⲛⲁⲓⲣⲓ ⲛⲁⲕ ⲕⲁⲧⲁ ⲧⲉⲕⲙⲉⲧⲥⲁ ⲙⲡⲉⲧϩⲱⲟⲩ.
ⲟⲩⲟϩ ⲁ ⲡⲓϧⲉⲗⲗⲟ ⲁⲙⲟⲛⲓ ⲙⲡⲓⲥⲫⲟⲧⲟⲩ ⲃ︦ ⲛⲧⲉ ⲡⲓⲁϧⲱⲣⲓ ϧⲉⲛ ⲧⲉϥϫⲓϫ
ⲥⲛⲟⲩϯ ⲁϥⲥⲱⲕ ⲁϥⲫⲟⲣϫϥ ϧⲉⲛ ⲧⲉϥⲙⲏϯ ϣⲁ ⲡⲉϥⲗⲏⲥ ⲁϥⲁⲓϥ ⲛⲃ︦ ⲟⲩⲟϩ
ⲡⲁⲓⲣⲏϯ ⲙⲡⲉ ⲡⲓϧⲉⲗⲗⲟ ⲙⲕⲁϩ ϩⲟⲗⲱⲥ ⲁⲗⲗⲁ ⲛⲁϥⲟⲓ ⲙⲫⲣⲏϯ ⲛⲟⲩⲁⲓ ⲉⲧⲁ
ⲟⲩⲗⲁⲥ ⲛⲕⲁⲙ ⲗⲟⲕⲥϥ.
ⲡⲁⲓⲁⲃⲃⲁ ⲙⲁⲕⲁⲣⲓⲟⲥ ⲇⲉ ⲛⲉ ⲟⲩⲟⲛ ⲛⲧⲁϥ ⲙⲙⲁⲩ ⲛⲟⲩⲙⲏϣ ⲛⲣⲓ
(-ⲕ︦ⲅ︦-) ϧⲉⲛ ⲡϣⲁϥⲉ ⲛⲉ ⲟⲩⲟⲛ ⲟⲩⲣⲓ ⲛⲧⲁϥ ⲡⲉ ϧⲉⲛ ⲡⲓϣⲁϥⲉ ⲉⲧⲥⲁϧⲟⲩⲛ
ⲛⲉ ⲟⲩⲟⲛ ⲕⲉⲟⲩⲓ ⲛⲧⲁϥ ⲡⲉ ⲥⲁϧⲟⲩⲛ ⲛⲛⲓⲫⲁⲓⲁⲧ ⲛⲉ ⲟⲩⲟⲛ ⲕⲉⲟⲩⲓ ⲛⲧⲁϥ ⲡⲉ
ϧⲉⲛ ⲡⲓⲧⲱⲟⲩ ⲉⲧⲟⲩⲙⲟⲩϯ ⲉⲣⲟϥ ϫⲉ ⲛⲓⲣⲓ ⲛⲉⲙ ⲕⲉⲟⲩⲓ ϧⲉⲛ ⲡⲧⲱⲟⲩ ⲙⲡⲉⲣ‐
ⲛⲟⲩϫ. ⲛⲉ ⲟⲩⲟⲛ ϩⲁⲛ ⲟⲩⲟⲛ ⲡⲉ ⲛϧⲏⲧⲟⲩ ⲉⲩⲟⲓ ⲛⲁⲧⲣⲟ ϫⲉ ⲟⲩⲏⲓ ⲛⲁⲩⲭⲏ
ⲡⲉ ϧⲉⲛ ⲡⲓϣⲁϥⲉ ⲉⲧⲥⲁϧⲟⲩⲛ ⲉⲧⲧⲁϩⲉ ⲣⲱⲙⲓ ⲁⲛ ⲛⲁⲓ ⲛⲉ ⲛⲏ ⲉⲛⲁϥϣⲟⲡ
ⲛϧⲏⲧⲟⲩ ϧⲉⲛ ⲡⲥⲏⲟⲩ ⲛϯⲧⲉⲥⲥⲁⲣⲁⲕⲟⲥⲧⲏ ⲉⲩⲟⲓ ⲛⲥⲡⲏⲗⲁⲓⲟⲛ ⲉⲧⲟⲓ ⲛⲭⲉⲙⲥ
ⲉⲩⲕⲏ ⲥⲁ ⲡⲉⲥⲏⲧ ⲙⲡⲕⲁϩⲓ ⲉⲩⲟⲓ ⲙⲫⲣⲏϯ ⲛϩⲁⲛ ⲃⲏⲃ ⲛϩⲱⲓϯ ⲛⲁⲩϩⲉϫϩⲱϫ
ⲅⲁⲣ ⲙⲡⲁⲓⲣⲏϯ ⲡⲉ ϩⲱⲥⲧⲉ ⲛⲧⲉϥϣⲧⲉⲙϫⲉⲙϫⲟⲙ ⲉⲥⲱⲟⲩⲧⲉⲛ ⲛⲛⲉϥⲫⲁⲧ


### 0006

ⲉⲃⲟⲗ ⲉⲡⲧⲏⲣϥ. ϯⲣⲓ ⲇⲉ ⲉⲧϧⲉⲛⲧ ⲉⲛⲓⲣⲱⲙⲓ ⲛⲁⲥⲟⲩⲉⲥⲑⲱⲛ ⲉⲃⲟⲗ ⲡⲉ ⲑⲁⲓ
ⲛⲁϥⲉⲣⲁⲡⲁⲛⲧⲁⲛ ⲉⲛⲓⲥⲛⲏⲟⲩ ⲛϧⲏⲧⲥ.
ⲡⲁⲓϧⲉⲗⲗⲟ ⲇⲉ ⲛⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲁϥⲧⲁⲗϭⲟ ⲛϩⲁⲛ ⲙⲏϣ ⲛⲣⲱ‐
ⲙⲓ ⲉⲣⲉ ⲛⲓⲓϧ ⲛⲉⲙⲱⲟⲩ ⲉⲩⲟϣ ⲉⲙⲁϣⲱ ⲉϩⲁⲛ ⲁⲧϭⲓ ⲏⲡⲓ ⲙⲙⲱⲟⲩ ⲛⲉ. (-ⲕⲇ-)
ϩⲱⲥ ⲇⲉ ⲟⲩⲛ ⲉⲛⲭⲏ ⲙⲙⲁⲩ ⲁⲩⲉⲛ ⲟⲩⲡⲁⲣⲑⲉⲛⲟⲥ ⲛⲁϥ ⲉⲥϣⲏⲗ ⲉⲃⲟⲗ ⲟⲩⲟϩ
ⲉⲥϣⲱⲛⲓ ⲉⲙⲁϣⲱ. ⲑⲁⲓ ⲉⲛⲁⲥⲥⲱⲧⲉⲙ ⲉⲡⲉϥϣⲓⲛⲓ ϧⲉⲛ ⲧⲉⲥⲭⲱⲣⲁ ⲁⲥⲑⲣⲟⲩⲉⲛⲥ
ϩⲁⲣⲟϥ ⲟⲩⲟϩ ⲉⲧⲁϥⲧⲱⲃϩ ⲉϫⲉⲛ ⲟⲩⲛⲉϩ ⲁϥⲑⲁϩⲥ ⲡⲉⲥⲥⲱⲙⲁ ⲧⲏⲣϥ ϧⲉⲛ
ⲛⲉϥϫⲓϫ ⲉⲑⲟⲩⲁⲃ ⲛⲟⲩⲙⲏϣ ⲛⲥⲟⲡ ⲉⲃⲟⲗϩⲓⲧⲉⲛ ⲕ ⲛⲉϩⲟⲟⲩ ⲁ ⲫ︦ϯ︦ ⲧⲁⲗϭⲟⲥ
ϩⲓⲧⲉⲛ ⲛⲉϥⲉⲩⲭⲏ ⲟⲩⲟϩ ⲁϥⲟⲩⲟⲣⲡⲥ ⲉⲡⲉⲥⲏⲓ ⲉⲥⲟⲩⲟϫ ⲉⲁⲥⲟⲩϫⲁⲓ ⲉⲥϯ ⲱⲟⲩ
ⲙⲫ︦ϯ︦ ⲑⲁⲓ ⲇⲉ ⲉⲧⲁⲥϣⲉ ⲛⲁⲥ ⲉⲧⲉⲥⲃⲁⲕⲓ ⲡϫⲱⲕ ⲛⲅ̄ ⲛⲉϩⲟⲟⲩ ⲁⲥⲙⲟⲩ ⲁⲥⲭⲁ
ⲧ ⲛⲟⲗⲟⲕⲟϫⲓ (sic) ϩⲟⲧⲉ ⲉⲧⲁⲥⲓ ⲉⲥⲛⲁⲙⲧⲟⲛ ⲙⲙⲟⲥ ⲁⲥⲉⲣ ⲇⲓⲁⲑⲏⲕⲏ ⲉⲑⲣⲟⲩⲟ‐
ⲗⲟⲩ ⲙⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲉⲑⲃⲉ ⲡⲓⲣⲏϯ ⲉⲧⲁⲥⲟⲩϫⲁⲓ. ⲛⲉ ⲁϥⲥⲱⲣ
ⲅⲁⲣ ⲉⲃⲟⲗ ⲛϫⲉ ⲡϣⲓⲛⲓ ⲙⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲟⲩⲟϩ ⲁⲥⲥⲱⲧⲉⲙ
ⲉⲑⲃⲏⲧϥ ⲛϫⲉ ⲕⲉⲡⲁⲣⲑⲉⲛⲟⲥ ⲁⲥⲓ ϩⲁⲣⲟϥ ⲉⲃⲟⲗϧⲉⲛ ⲑⲉⲥⲥⲁⲗⲟⲛⲓⲕⲏ ⲉⲡⲉⲥⲣⲁⲛ
ⲡⲉ ⲗⲩⲇⲓⲁ ⲛⲉ ⲟⲩⲅⲣⲁⲫⲉⲩⲥ ⲧⲉ ⲉⲥⲥϧⲉ ϫⲱⲙ ⲛⲱϣ ⲉⲥⲉⲣⲁⲥⲕⲉⲓⲛ ⲉⲙⲁϣⲱ
ϧⲉⲛ ⲟⲩⲃⲓⲟⲥ ⲙⲙⲉⲧϩⲱⲟⲩⲧ. (-ⲕⲉ-) ⲑⲁⲓ ⲇⲉ ⲛⲉ ⲁⲥⲉⲣ ⲟⲩⲣⲟⲙⲡⲓ ⲉⲥϫⲏⲕ ⲉⲃⲟⲗ


### 0007

ⲉⲥϣⲟⲡ ϧⲉⲛ ⲟⲩⲛⲓϣϯ ⲛⲥⲡⲏⲗⲁⲓⲟⲛ ⲛⲁⲥⲉⲣⲁⲡⲁⲛⲧⲁⲛ ⲉⲡⲓϧⲉⲗⲗⲟ ⲛⲟⲩⲥⲟⲡ
ⲙⲙⲏⲛⲓ ⲑⲁⲓ ⲉⲧⲉ ⲙⲡⲉ ⲕⲉⲟⲩⲁⲓ ⲛⲁⲩ ⲉⲣⲟⲥ ϧⲉⲛ ⲡⲓⲧⲱⲟⲩ ⲧⲏⲣϥ ⲉⲃⲏⲗ ⲉⲡⲓⲉ‐
ϩⲟⲟⲩ ⲉⲧⲁⲥϣⲉ ⲛⲁⲥ ⲉⲃⲟⲗϧⲉⲛ ⲡⲓⲧⲱⲟⲩ ⲉⲑⲣⲉⲥϩⲱⲗ ⲉⲧⲉⲥⲭⲱⲣⲁ. ⲟⲩⲟϩ ⲡⲓ‐
ⲙⲉⲩⲓ ⲉⲧϩⲏⲡ ⲛⲧⲁⲥ ⲉⲧⲁⲥⲓ ϩⲁ ⲡⲓϧⲉⲗⲗⲟ ⲉⲑⲃⲏⲧϥ ⲁ ⲫ︦ϯ︦ ϯ ⲙⲧⲟⲛ ⲛⲁⲥ ⲉⲃⲟⲗ‐
ϩⲁⲣⲟϥ ⲉⲃⲟⲗϩⲓⲧⲉⲛ ⲛⲉⲛⲧⲱⲃϩ ⲙⲡⲓϧⲉⲗⲗⲟ ⲁⲥϣⲉ ⲛⲁⲥ ⲉⲧⲉⲥⲭⲱⲣⲁ ⲉⲥϯ ⲱⲟⲩ
ⲙⲫ︦ϯ︦ ϫⲉ ⲁϥϯ ⲙⲧⲟⲛ ⲛⲁⲥ ϩⲓⲧⲉⲛ ⲡⲉⲥϫⲓ ⲛⲓ ϣⲁ ⲡⲓϧⲉⲗⲗⲟ.
ⲡⲁⲓⲙⲁⲕⲁⲣⲓⲟⲥ ⲇⲉ ⲟⲩⲛ ⲁϥⲥⲱⲧⲉⲙ ⲉⲑⲃⲉ ⲛⲓⲣⲉⲙ ⲧⲁⲃⲉⲛⲛⲏⲥⲓ ⲛⲟⲩⲥⲟⲡ ⲉⲧⲉ
ⲟⲩⲁⲃⲏⲧ ⲡⲉ ϧⲉⲛ ⲫⲙⲁⲣⲏⲥ ϫⲉ ⲥⲉⲓⲣⲓ ⲛⲟⲩⲙⲏϣ ⲙⲡⲟⲗⲓⲧⲉⲓⲁ ⲉⲩⲟⲓ ⲛⲛⲓϣϯ
ⲉⲙⲁϣⲱ. ⲁϥⲧⲱⲛϥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲁϥϣⲓⲃϯ ⲙⲡⲉϥⲥⲭⲏⲙⲁ ⲁϥϯ
ⲛⲟⲩⲥⲭⲏⲙⲁ ⲛⲣⲉⲙ ⲟⲩⲱⲓ ϩⲓⲱⲧϥ ⲙⲫⲣⲏϯ ⲛⲟⲩⲉⲣⲅⲁⲧⲏⲥ ⲛⲣⲱⲙⲓ ⲁϥϣⲉ
ⲛⲁϥ ⲉⲫⲙⲁⲣⲏⲥ ⲉϥⲙⲟϣⲓ ⲉⲃⲟⲗϩⲓⲧⲉⲛ ⲡϣⲁϥⲉ ⲛⲓⲉ ⲛⲉϩⲟⲟⲩ ϣⲁⲛⲧⲉϥϣⲉ
ⲛⲁϥ ⲉⲙⲁⲩ. ⲉⲧⲁϥⲫⲟϩ ⲇⲉ ⲉⲡⲓⲛⲓϣϯ ⲛⲁⲃⲏⲧ (-ⲕ︦ⲋ︦-) ⲁϥϣⲉ ⲛⲁϥ ⲁϥϣⲓⲛⲓ
ⲛⲥⲁ ⲫⲓⲱⲧ ⲙⲡⲓⲁⲃⲏⲧ ⲫⲏ ⲉⲧⲉ ⲡⲉϥⲣⲁⲛ ⲡⲉ ⲁⲡⲁ ⲡⲁϧⲱⲙ ⲉⲟⲩⲣⲱⲙⲓ ⲡⲉ
ⲛⲥⲱⲧⲡ ⲟⲩⲟϩ ⲛⲇⲟⲕⲓⲙⲟⲥ ⲉⲣⲉ ⲟⲩⲟⲛ ⲟⲩϩⲙⲟⲧ ⲛⲧⲉ ⲟⲩⲡⲣⲟⲫⲏⲧⲓⲁ ⲛⲧⲟⲧϥ
ⲙⲡⲉ ⲫ︦ϯ︦ ⲧⲁⲙⲟϥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲉ ⲁϥⲥⲱⲧⲉⲙ ⲅⲁⲣ ⲉⲑⲃⲏⲧϥ
ⲡⲉ ⲟⲩⲟϩ ⲉϥⲟⲩⲱϣ ⲉⲛⲁⲩ ⲉⲣⲟϥ. ⲉⲧⲁϥⲉⲣⲁⲡⲁⲛⲧⲁⲛ ⲇⲉ ⲉⲣⲟϥ ⲛϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲡⲉϫⲁϥ ⲛⲁϥ ϫⲉ ϯϯ ϩⲟ ⲉⲣⲟⲕ ⲡⲁⲓⲱⲧ ϣⲟⲡⲧ ⲉⲣⲟⲕ ϧⲉⲛ ⲧⲉⲕ‐


### 0008

ⲙⲟⲛⲏ ⲁⲣⲏⲟⲩ ⲣⲱ ϯⲛⲁⲉⲣ ⲙⲟⲛⲁⲭⲟⲥ ϩⲱ. ⲡⲉϫⲉ ⲁⲡⲁ ⲡⲁϧⲱⲙ ⲛⲁϥ ϫⲉ
ⲉⲭⲟⲩⲱϣ (sic) ⲟⲩ ⲡⲁⲥⲟⲛ ϩⲏⲡⲡⲉ ϯⲛⲁⲩ ⲉⲣⲟⲕ ⲉⲁⲕⲉⲣ ϧⲉⲗⲗⲟ ⲕⲁⲧⲁ ϯⲙⲁⲓⲏ
ⲛⲧⲉ ⲡⲉⲕⲥⲱⲙⲁ ⲙⲙⲟⲛ ϣϫⲟⲙ ⲙⲙⲟⲕ ⲉⲉⲣⲡⲟⲗⲓⲧⲉⲩⲉⲥⲑⲁⲓ ⲟⲩⲟϩ ⲛⲓⲥⲛⲏⲟⲩ
ⲧⲏⲣⲟⲩ ϩⲁⲛ ⲁⲥⲕⲏⲧⲏⲥ ⲛⲉ ⲭⲛⲁϣϥⲁⲓ ϧⲁ ⲧⲟⲩϭⲟⲗⲕⲥ ⲁⲛ ⲟⲩⲟϩ ⲭⲛⲁⲉⲣ‐
ⲥⲕⲁⲛⲇⲁⲗⲓⲍⲉⲥⲑⲁⲓ ⲭⲛⲁⲓ ⲉⲃⲟⲗ ⲉⲕⲥⲁϫⲓ ⲛⲥⲱⲟⲩ ⲙⲁϣⲉ ⲛⲁⲕ ⲉⲃⲟⲗ ⲉⲡⲓⲙⲁ
ⲛϣⲱⲡⲓ ⲛⲧⲉ ⲛⲓϣⲉⲙⲙⲱⲟⲩ ⲛⲣⲉⲙ ⲟⲩⲱⲓ ⲟⲩⲟϩ ϩⲉⲙⲥⲓ ⲛⲁⲕ ⲙⲙⲁⲩ (-ⲕ︦ⲍ︦-)
ϯⲛⲁϣⲁⲛⲟⲩϣⲕ ⲙⲙⲁⲩ ϣⲁⲧⲉⲕⲟⲩⲱϣ ⲉϩⲱⲗ ⲛⲁⲕ ⲙⲙⲁⲩⲁⲧⲕ. ⲙⲡⲉϥ‐
ϣⲟⲡϥ ⲇⲉ ⲉⲣⲟϥ ⲟⲩⲇⲉ ϧⲉⲛ ⲡⲓⲉϩⲟⲟⲩ ⲛϩⲟⲩⲓⲧ ⲟⲩⲇⲉ ϧⲉⲛ ⲡⲙⲁϩⲃ︦ ϣⲁ ⲡⲓ‐
ⲙⲁϩ ⲍ̄ ⲛⲉϩⲟⲟⲩ. ⲉⲧⲁϥⲉⲣ ⲁⲧϫⲟⲙ ⲇⲉ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉϥⲭⲏ ⲛⲁⲧ‐
ⲟⲩⲱⲙ ⲁϥⲉⲣⲁⲡⲁⲛⲧⲁⲛ ⲉⲡⲓϫⲱϫ ⲛⲁⲃⲏⲧ ⲛⲕⲉⲥⲟⲡ ⲡⲉϫⲁϥ ⲛⲁϥ ϫⲉ ϣⲟⲡⲧ
ⲉⲣⲟⲕ ⲡⲁⲓⲱⲧ ⲟⲩⲟϩ ⲉϣⲱⲡ ⲁⲓϣⲧⲉⲙⲉⲣⲛⲏⲥⲧⲉⲩⲉⲓⲛ ⲟⲩⲟϩ ⲛⲧⲁⲉⲣⲁⲥⲕⲉⲓⲛ
ⲟⲩⲟϩ ⲛⲧⲁⲉⲣ ϩⲱⲃ ⲛϫⲓϫ ⲙⲡⲟⲩⲣⲏϯ ϩⲓⲧⲧ ⲉⲃⲟⲗϧⲉⲛ ⲧⲉⲕⲙⲟⲛⲏ. ⲧⲟⲧⲉ
ⲁϥⲟⲩⲱⲣⲡ ϩⲁ ⲛⲓⲥⲛⲏⲟⲩ ⲉⲑⲣⲟⲩⲟⲗϥ ⲉϧⲟⲩⲛ. ϯⲏⲡⲓ ⲇⲉ ⲛⲧⲉ ⲛⲓⲥⲛⲏⲩ ⲉⲧⲉⲙ‐
ⲙⲁⲩ ⲛⲁⲥⲟⲓ ⲛⲓ︦ⲇ︦ ⲛϣⲉ ⲙⲙⲟⲛⲁⲭⲟⲥ ϧⲉⲛ ⲡⲓⲁⲃⲏⲧ. ⲁϥϣⲉ ⲛⲁϥ ⲛϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲟⲩⲟϩ ⲉⲧⲁϥⲉⲣ ϩⲁⲛ ⲕⲟⲩϫⲓ ⲛⲉϩⲟⲟⲩ ⲁⲥⲓ ⲉϧⲟⲩⲛ ⲛϫⲉ ϯⲧⲉⲥ‐
ⲥⲁⲣⲁⲕⲟⲥⲧⲏ ⲉⲑⲟⲩⲁⲃ ⲛⲧⲉ ϯⲛⲏⲥⲧⲉⲓⲁ ⲟⲩⲟϩ ⲁϥⲛⲁⲩ ⲉⲛⲓⲥⲛⲏⲟⲩ ⲧⲏⲣⲟⲩ ⲉⲣⲉ
ⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ ⲓⲣⲓ ⲛϩⲁⲛ ⲡⲟⲗⲓⲧⲉⲓⲁ ⲉⲩϣⲉⲃⲓⲏⲟⲩⲧ ϩⲁⲛ ⲟⲩⲟⲛ


### 0009

ⲙⲉⲛ ⲉⲩⲥⲉⲕ ϣⲁ ⲣⲟⲩϩⲓ ⲙⲙⲏⲛⲓ ϩⲁⲛ ⲕⲉⲟⲩⲟⲛ ⲉⲩⲥⲉⲓ ⲃ︦ⲃ︦ (-ⲕ︦ⲏ︦-) ϩⲁⲛ ⲕⲉ‐
ⲟⲩⲟⲛ ⲉⲩⲥⲉⲕ ⲉ̄ⲉ̄ ϩⲁⲛ ⲕⲉⲟⲩⲟⲛ ⲇⲉ ⲉⲩⲥⲉⲕ ⲛⲏⲥⲧⲉⲓⲁ ⲉⲩⲟϩⲓ ⲉⲣⲁⲧⲟⲩ ϧⲉⲛ
ⲡⲓⲉϫⲱⲣϩ ⲧⲏⲣϥ ⲉⲩϧⲉⲙⲥⲓ ϧⲉⲛ ⲡⲓⲉϩⲟⲟⲩ. ⲁϥϣⲉ ⲛⲁϥ ϩⲱϥ ⲛϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲁϥϩⲱⲣⲡ ⲛⲛⲉϥⲃⲏⲧ ⲙⲙⲱⲟⲩ ⲁϥⲟⲗⲟⲩ ⲁϥⲭⲁⲩ ϩⲓϫⲉⲛ ⲟⲩ‐
ⲧⲟⲧⲥ ⲛⲕⲩⲣⲓⲕⲟⲛ ⲉϥϭⲟⲥⲓ ϩⲓ ⲧϩⲏ ⲙⲙⲟϥ ⲁϥⲟϩⲓ ⲉⲣⲁⲧϥ ϧⲉⲛ ⲟⲩⲉⲗⲝ
ⲛⲧⲉⲧⲉϥⲣⲓ ⲉϥⲛⲟⲩⲧⲡ ⲛⲉⲃϯ ϣⲁⲧⲉ ⲡⲓϩⲙ ⲛⲉϩⲟⲟⲩ ⲕⲏⲛ ⲙⲡⲉϥϩⲉⲙⲥⲓ
ⲉⲡⲧⲏⲣϥ ⲟⲩⲇⲉ ⲙⲡⲉϥⲟⲩⲱⲙ ⲛⲟⲩⲱⲓⲕ ⲟⲩⲇⲉ ⲙⲡⲉϥⲥⲱ ⲛⲟⲩⲙⲱⲟⲩ ⲟⲩⲇⲉ
ⲙⲡⲉϥⲕⲉⲗϫ ⲕⲉⲗⲓ ⲁⲗⲗⲁ ⲕⲁⲧⲁ ⲕⲩⲣⲓⲁⲕⲏ ϣⲁϥⲱⲗⲓ ⲛϩⲁⲛ ϫⲱⲃⲓ ⲛϫⲁ‐
ⲣⲁⲙⲡⲟ ⲛⲧⲉϥⲟⲩⲱⲙ ⲛⲥⲱⲟⲩ ⲙⲡⲟⲩⲙⲑⲟ ϩⲓⲛⲁ ⲛⲧⲟⲩⲉⲙⲓ ϫⲉ ⲉϥⲟⲩⲱⲙ
ⲟⲩⲟϩ ⲁϥϣⲁⲛⲓ ⲉⲃⲟⲗ ⲉⲫⲉⲛ ⲙⲱⲟⲩ ⲉⲃⲟⲗ ⲓⲉ ⲉϩⲱⲣⲡ ⲛϩⲁⲛ ⲃⲏⲧ ϣⲁϥⲫⲱⲧ
ⲉϧⲟⲩⲛ ⲛⲭⲱⲗⲉⲙ ⲥⲁⲧⲟⲧϥ ⲙⲡⲁϥⲥⲁϫⲓ ⲛⲉⲙ ⲟⲩⲟⲛ ⲟⲩⲇⲉ ⲙⲡⲁϥⲟⲩⲱⲛ
ⲛⲣⲱϥ ⲉⲡⲧⲏⲣϥ ⲁⲗⲗⲁ ⲉϥⲟϩⲓ ⲉⲣⲁⲧϥ ⲉϥⲭⲱ ⲛⲣⲱϥ ⲉϥⲧⲱⲃϩ ϧⲉⲛ ⲡⲉϥϩⲏⲧ
ⲉϥⲉⲣ ϩⲱⲃ ⲉⲛⲓⲃⲏⲧ. ⲉⲧⲁⲩⲛⲁⲩ ⲇⲉ ⲉⲣⲟϥ ⲛϫⲉ ⲛⲓⲁⲥⲕⲏⲧⲏⲥ ⲧⲏⲣⲟⲩ ϧⲉⲛ
ⲧⲁⲓϫⲓ ⲛ-(-ⲕ︦ⲑ︦-)ⲉⲣ ϩⲱⲃ ⲁⲩⲧⲱⲟⲩⲛ ⲉϫⲉⲛ ⲡⲟⲩϫⲱϫ ⲡⲁⲃⲏⲧ ⲉⲩϫⲱ ⲙⲙⲟⲥ
ϫⲉ ⲉⲧⲁⲕⲉⲛ ⲡⲁⲓϧⲉⲗⲗⲟ ⲛⲣⲱⲙⲓ ⲙⲛⲁⲓ ⲉⲃⲟⲗⲑⲱⲛ ⲁⲣⲏⲟⲩ ⲣⲱ ⲛⲉ ⲙⲙⲟⲛ
ⲥⲁⲣⲝ ⲧⲟⲓ ϩⲓⲱⲧϥ ⲁⲕⲉⲛϥ ⲙⲛⲁⲓ ϫⲉ ⲛⲧⲉϥϯ ϩⲁⲡ ⲉⲣⲟⲛ ⲓⲉ ⲛⲧⲉⲕϩⲓⲧϥ ⲉⲃⲟⲗ‐
ϧⲉⲛ ⲡⲁⲓⲙⲁ ⲓⲉ ⲁⲛⲟⲛ ⲧⲏⲣⲟⲩ ⲛⲧⲉⲛⲫⲱⲧ ⲉⲃⲟⲗ. ⲉⲧⲁϥⲥⲱⲧⲉⲙ ⲇⲉ ⲛϫⲉ
ⲁⲃⲃⲁ ⲡⲁϧⲱⲙ ⲉⲑⲙⲁⲓⲏ ⲛⲛⲉϥⲡⲟⲗⲓⲧⲉⲓⲁ ⲁϥⲧⲱⲃϩ ⲙⲫϯ ϩⲓⲛⲁ ⲛⲧⲉϥϭⲱⲣⲡ


### 0010

ⲙⲡϩⲱⲃ ⲙⲡⲓϧⲉⲗⲗⲟ ⲛⲁϥ ϫⲉ ⲛⲓⲙ ⲡⲉ. ⲁ ⲫϯ ⲇⲉ ϭⲱⲣⲡ ⲛⲁϥ ⲉⲃⲟⲗ ϫⲉ ⲫⲁⲓ
ⲡⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲣⲁⲕⲟϯ ⲫⲏ ⲉⲧϣⲟⲡ ϧⲉⲛ ϣⲓⲏⲧ. ⲟⲩⲟϩ ⲁ
ⲡⲓϫⲱϫ ⲛⲁⲃⲏⲧ ⲁⲙⲟⲛⲓ ⲛⲧϫⲓϫ ⲙⲡⲓϧⲉⲗⲗⲟ ⲁϥⲉⲛϥ ⲉⲑⲙⲏϯ ⲙⲡⲓⲙⲁ ⲛⲉⲣ
ⲥⲩⲛⲁⲝⲓⲥ ⲙⲉⲛⲉⲛⲥⲁ ⲑⲣⲟⲩⲭⲁ ⲛⲓϣⲗⲏⲗ ⲉⲃⲟⲗ ⲛⲧⲉ ⲡⲓⲙⲁ ⲛⲉⲣ ϣⲱⲟⲩϣⲓ ϫⲉ
ϩⲓⲛⲁ ⲛⲧⲉ ⲡⲓⲙⲏϣ ⲧⲏⲣϥ ⲛⲧⲉ ⲛⲓⲥⲛⲏⲟⲩ ⲛⲁⲩ ⲉⲣⲟϥ ⲟⲩⲟϩ ⲡⲉϫⲁϥ ⲛⲁϥ ϫⲉ
ⲁⲙⲟⲩ ⲙⲛⲁⲓ ⲡⲓⲕⲁⲗⲟⲅⲏⲣⲱⲥ ⲁϣ ⲛⲑⲟⲕ ⲡⲉ ⲁⲃⲃⲁ ⲙⲁⲕⲁⲣⲓⲟⲥ ⲁⲕⲭⲟⲡⲕ
ⲉⲣⲟⲛ. ⲓⲥ ⲟⲩⲏⲣ ⲛⲥⲏⲟⲩ ⲁⲓⲥⲱⲧⲉⲙ ⲉⲑⲃⲏⲧⲕ ⲁⲓⲉⲣⲉⲡⲓⲑⲩⲙⲉⲓⲛ ⲉⲛⲁⲩ ⲉⲣⲟⲕ
(-ⲗ̄-) ⲁⲗⲗⲁ ϯϣⲉⲡ ϩⲙⲟⲧ ⲛⲧⲟⲧⲕ ϫⲉ ⲁⲕϯ ⲕⲱⲧ ⲛⲁⲛ ⲧⲏⲣⲉⲛ ⲟⲩⲟϩ ⲁⲕϯ
ⲥⲃⲱ ⲛⲛⲓϧⲉⲗϣⲓⲣⲓ ⲛⲥⲛⲏⲟⲩ ⲉϣⲧⲉⲙⲑⲣⲟⲩⲉⲣ ϭⲁⲥⲓ ϩⲏⲧ ϧⲉⲛ ⲛⲟⲩⲡⲟⲗⲓⲧⲉⲓⲁ
ⲉⲧⲟⲩⲓⲣⲓ ⲙⲙⲱⲟⲩ ⲁⲗⲗⲁ ⲁⲩϣⲁⲛⲉⲣ ⲧⲟⲩϫⲟⲙ ⲧⲏⲣⲥ ⲥⲉⲛⲁϣⲫⲟϩ ⲁⲛ ⲉⲡϣⲓ
ⲙⲡⲓϩⲙ ⲛⲉϩⲟⲟⲩ ⲛⲧⲉ ⲡⲉⲛⲟⲥ ⲟⲩⲟϩ ⲡⲉⲛⲥⲱⲧⲏⲣ ⲓⲏⲥ ⲡⲭⲥ ⲡϣⲏⲣⲓ ⲙⲫϯ
ⲉⲧⲟⲛϧ. ⲙⲁⲗⲓⲥⲧⲁ ⲛⲉⲕⲡⲟⲗⲓⲧⲉⲓⲁ ϧⲁ ⲡⲓⲣⲱⲙⲓ ⲉⲧⲟⲛⲓ ⲙⲙⲟⲛ ⲕⲁⲓ ⲧⲁⲩⲧⲁ
ⲉⲁⲕⲉⲣ ϧⲉⲗⲗⲟ. ⲙⲁϣⲉ ⲛⲁⲕ ⲉⲡⲉⲕⲧⲟⲡⲟⲥ ϧⲉⲛ ⲟⲩϩⲉⲓⲣⲏⲛⲏ ⲁⲕϯ ⲕⲱⲧ ⲛⲁⲛ
ⲧⲏⲣⲟⲩ ⲉⲫⲣⲱϣⲓ ⲟⲩⲟϩ ⲧⲱⲃϩ ⲉϫⲱⲛ. ⲧⲟⲧⲉ ⲁϥϣⲉ ⲛⲁϥ ⲉⲩⲟⲩⲱϣⲧ ⲙⲙⲟϥ
ⲟⲩⲟϩ ⲉⲩϯ ϩⲟ ⲉⲣⲟϥ ⲧⲏⲣⲟⲩ ϫⲉ ⲧⲱⲃϩ ⲉϫⲱⲛ.
ⲁϥϫⲉ ⲡⲁⲓⲕⲉϩⲱⲃ ⲇⲉ ⲛⲁⲛ ⲟⲛ ϫⲉ ⲡⲟⲗⲓⲧⲉⲓⲁ ⲛⲓⲃⲉⲛ ⲉⲧⲁⲓϩⲓ ⲧⲟⲧ ⲉⲣⲱⲟⲩ


### 0011

ⲁⲓϫⲟⲕⲟⲩ ⲉⲃⲟⲗ ⲁⲗⲗⲁ ⲁⲥⲓ ⲉϫⲉⲛ ⲡⲁϩⲏⲧ ⲛϫⲉ ⲧⲁⲓⲉⲡⲓⲑⲩⲙⲓⲁ ⲉⲓⲟⲩⲱϣ
ⲉⲁⲓⲥ ⲉⲓⲟⲩⲱϣ ⲛⲧⲁⲉⲣ ⲉ̄ ⲛⲉϩⲟⲟⲩ ⲉⲣⲉ ⲡⲁϧⲏⲧ ϭⲟⲗⲕ ϧⲉⲛ ⲫϯ ⲛⲛⲁⲩ ⲛⲓ‐
ⲃⲉⲛ ⲛϥϭⲓ ⲛϩⲗⲓ ⲛϭⲓ ϩⲣⲁϥ ⲁⲛ ϧⲉⲛ ϩⲗⲓ ⲙⲙⲱⲓⲧ ⲛⲧⲉ ⲡⲁⲓⲉⲛⲉϩ. ⲉⲧⲁⲓϯ
ⲣⲱⲓ ⲇⲉ ⲙⲡⲁⲓⲣⲏϯ ϧⲉⲛ ⲡⲁ-(-ⲗⲁ-) ϩⲏⲧ ⲁⲓϣⲉ ⲛⲏⲓ ⲉϧⲟⲩⲛ ⲉϯⲣⲓ ⲑⲏ ⲉⲧ‐
ϧⲉⲛ ⲡⲓϣⲁϥⲉ ⲉⲧⲥⲁϧⲟⲩⲛ ⲑⲏ ⲉⲧⲉ ⲙⲙⲟⲛ ⲣⲟ ⲟⲩⲇⲉ ϣⲟⲩϣⲧ ⲟⲩⲇⲉ ϩⲗⲓ
ⲛⲟⲩⲱⲓⲛⲓ ⲛϧⲏⲧⲥ ϫⲉ ϩⲓⲛⲁ ⲛⲧⲉϣⲧⲉⲙ ⲣⲱⲙⲓ ϫⲉⲙⲧ ⲟⲩⲟϩ ⲁⲓⲟϩⲓ ⲉⲣⲁⲧ
ϩⲓϫⲉⲛ ⲡⲓⲑⲟⲙ ϧⲉⲛ ϯⲣⲓ ⲁⲓϯ ⲛⲉⲙ ⲡⲁⲙⲉⲩⲓ ⲉⲓϫⲱ ⲙⲙⲟⲥ ⲙⲡⲁⲓⲣⲏϯ
ϫⲉ ⲁⲣⲉϩ ⲉⲣⲟⲕ ⲙⲡⲉⲣⲓ ⲉⲡⲉⲥⲏⲧ ⲉⲃⲟⲗϧⲉⲛ ⲧⲫⲉ ⲟⲩⲟⲛ ⲛⲧⲁⲕ ⲙⲙⲁⲩ
ⲛⲛⲓⲡⲁⲧⲣⲓⲁⲣⲭⲏⲥ ⲛⲉⲙ ⲛⲓⲡⲣⲟⲫⲏⲧⲏⲥ ⲛⲉⲙ ⲛⲓⲁⲡⲟⲥⲧⲟⲗⲟⲥ ⲟⲩⲟⲛ ⲛⲧⲁⲕ
ⲙⲙⲁⲩ ⲛⲛⲓⲁⲅⲅⲉⲗⲟⲥ ⲛⲉⲙ ⲛⲓⲁⲣⲭⲁⲅⲅⲉⲗⲟⲥ ⲛⲉⲙ ⲛⲓⲇⲩⲛⲁⲙⲓⲥ ⲉⲧⲥⲁ
ⲡϣⲱⲓ ⲛⲉⲙ ⲛⲓⲭⲉⲣⲟⲩⲃⲓⲙ ⲛⲉⲙ ⲛⲓⲥⲉⲣⲁⲫⲓⲙ ⲧⲟⲙⲕ ⲉⲫϯ ⲫⲓⲱⲧ ⲛⲉⲙ
ⲡϣⲏⲣⲓ ⲙⲙⲟⲛⲟⲅⲉⲛⲏⲥ ⲛⲉⲙ ⲡⲓⲡⲛⲁ ⲉⲑⲟⲩⲁⲃ ϯⲟⲙⲟⲟⲩⲥⲓⲟⲥ ⲛⲧⲣⲓⲁⲥ ⲫϯ
ⲛⲧⲉ ⲛⲓⲛⲟⲩϯ ⲡⲟⲩⲣⲟ ⲛⲧⲉ ⲛⲓⲁⲓⲱⲛ ⲧⲏⲣⲟⲩ ⲙⲁⲧⲁⲗⲟⲕ ⲉⲡϣⲱⲓ ⲉϫⲉⲛ ⲡⲓⲥ‐
ⲧⲁⲩⲣⲟⲥ ⲛⲧⲉ ⲡϣⲏⲣⲓ ⲉⲧϧⲉⲛ ⲧⲫⲉ ⲙⲡⲉⲣⲓ ⲉⲡⲉⲥⲏⲧ ⲉⲃⲟⲗϧⲉⲛ ⲡⲓⲙⲁ ⲉⲧϫⲟⲣ.
ⲟⲩⲟϩ ⲉⲧⲁⲓϫⲉⲕ ⲉϩⲟⲟⲩ ⲃ︦ ⲉⲃⲟⲗ ⲡⲉϫⲁϥ ⲛⲉⲙ ⲉϫⲱⲣϩ ⲃ︦ ⲁ ⲛⲓⲇⲁⲓⲙⲱⲛ ⲗⲓⲃⲓ
ϩⲱⲥⲧⲉ ⲛⲧⲟⲩϣⲉⲃⲓⲏⲧⲟⲩ ϧⲉⲛ ⲟⲩⲙⲏϣ ⲛⲫⲁⲛⲧⲁⲥⲓⲁ ϩⲁⲛ ⲥⲟⲡ ⲙⲉⲛ ϣⲁⲩⲉⲣ
ⲙⲫⲣⲏϯ ⲛϩⲁⲛ ⲙⲟⲩⲓ ⲉⲩϩⲱⲕⲓ ⲛⲛⲁ- (-ⲗⲃ-)ϭⲁⲗⲁⲩϫ ⲛⲛⲟⲩⲓⲉⲃ ϩⲁⲛ ⲥⲟⲡ ⲇⲉ


### 0012

ⲟⲛ ϣⲁⲩⲉⲣ ⲙⲫⲣⲏϯ ⲛϩⲁⲛ ϩⲟϥ ⲉⲩϭⲗⲉⲙⲗⲱⲙ ⲉϧⲟⲩⲛ ⲉⲛⲁϭⲁⲗⲁⲩϫ ⲉⲡϧⲁⲉ
ⲇⲉ ⲁⲩⲉⲣ ⲙⲫⲣⲏϯ ⲛⲟⲩϣⲁϩ ⲛⲭⲣⲱⲙ ⲛⲥⲉⲣⲱⲕϩ ⲛϩⲱⲃ ⲛⲓⲃⲉⲛ ⲉⲧϧⲉⲛ ϯⲣⲓ
ϣⲁ ⲉϧⲟⲩⲛ ⲉϯⲣⲓ ⲛⲉⲙ ⲡⲓⲕⲉⲑⲟⲙ ⲉϯⲟϩⲓ ⲉⲣⲁⲧ ϩⲓϫⲱϥ ⲁⲩⲣⲟⲕϩⲟⲩ ⲧⲏⲣⲟⲩ
ϣⲁⲧⲉⲛ ⲧⲁⲧⲁⲧⲥⲓ ⲥⲛⲟⲩϯ ⲙⲙⲁⲩⲁⲧⲟⲩ ϩⲱⲥⲧⲉ ⲛⲧⲁⲙⲉⲩⲓ ϫⲉ ϯⲛⲁⲣⲱⲕϩ
ϩⲱ ⲟⲩⲟϩ ⲉⲡϧⲁⲉ ⲁϥⲫⲱⲧ ⲛϫⲉ ⲡⲓⲭⲣⲱⲙ ⲛⲉⲙ ⲛⲓⲫⲁⲛⲧⲁⲥⲓⲁ. ϧⲉⲛ ⲡⲓⲙⲁϩ
ⲇ̄ ⲛⲉϩⲟⲟⲩ ⲙⲡⲓϣⲁⲙⲟⲛⲓ ⲛⲧⲟⲧ ϧⲉⲛ ⲡⲁⲙⲉⲩⲓ ⲛⲁⲧϭⲓ ϩⲣⲁϥ ⲁⲗⲗⲁ ⲁⲓⲓ
ⲉϩⲣⲏⲓ ϧⲉⲛ ⲛⲓϫⲓ ⲛϫⲟⲩϣⲧ ⲛⲉⲙ ⲛⲓⲣⲱⲟⲩϣ ⲛⲧⲉ ⲡⲁⲓⲉⲛⲉϩ ⲕⲁⲧⲁ ⲛⲓⲣⲱⲙⲓ
ⲁⲓⲕⲁϯ ⲅⲁⲣ ϫⲉ ⲉⲛⲉ ⲉⲧⲁⲓϣⲁϣⲛⲓ ⲡⲉ ϣⲁϯϫⲉⲕ ⲧⲁⲓⲉⲛⲧⲟⲗⲏ ⲉⲃⲟⲗ ⲛⲁⲓⲛⲁ‐
ⲧⲁⲕⲟ ⲙⲡⲁⲕⲁϯ ⲡⲉ ⲛⲧⲁϭⲓⲥⲓ ⲛϩⲏⲧ ϧⲉⲛ ⲟⲩⲗⲓⲃⲓ. ⲉⲑⲃⲉ ⲫⲁⲓ ⲡⲓⲙⲧⲟⲛ ⲉⲑⲣⲓⲓ
ⲉϫⲉⲛ ⲛⲓⲣⲱⲟⲩϣ ⲛⲧⲉ ⲡⲁⲓⲕⲟⲥⲙⲟⲥ ϧⲉⲛ ⲡⲁϩⲏⲧ ϩⲓⲛⲁ ⲛⲧⲁϣⲧⲉⲙϩⲉⲓ ϧⲉⲛ
ⲟⲩⲙⲉⲧϭⲁⲥⲓ ϩⲏⲧ. ⲁϥϫⲟⲥ ⲟⲛ ⲙⲡⲁⲓⲣⲏϯ ϫⲉ ⲁⲓⲉⲣ ⲛ̄ ⲛⲣⲟⲙⲡⲓ ϧⲉⲛ ⲛⲓⲁⲥ‐
ⲕⲏⲥⲓⲥ ⲙⲡⲓϧⲓⲥⲓ ⲙⲫⲣⲏϯ ⲙⲡⲁⲓⲉϩⲟⲟⲩ.
(-ⲗⲅ-) ⲁⲥϣⲱⲡⲓ ⲇⲉ ⲟⲛ ⲉⲓⲭⲏ ϧⲁⲧⲟⲧϥ ⲛⲉⲙ ⲡⲓⲁⲅⲓⲟⲥ ⲁⲗⲃⲓⲛⲟⲥ ⲁϥⲓ ϩⲁ
ⲁⲃⲃⲁ ⲙⲁⲕⲁⲣⲓⲟⲥ ⲛϫⲉ ⲟⲩⲡⲣⲉⲥⲃⲩⲧⲉⲣⲟⲥ ⲛⲧⲉ ⲟⲩϯⲙⲓ ⲉⲣⲉ ϫⲱϥ ⲧⲏⲣϥ ⲕⲏⲕ
ⲉⲃⲟⲗ ⲉϥⲟⲓ ⲛϩⲟⲗⲓ ϩⲓⲧⲉⲛ ⲡⲓϣⲱⲛⲓ ⲫⲏ ⲉⲧⲟⲩⲙⲟⲩϯ ⲉⲣⲟϥ ϯⲟⲩⲁⲙⲉϯ ⲉⲁⲥ‐
ⲟⲩⲉⲙ ⲡⲉϥϩⲟ ⲧⲏⲣϥ ⲟⲩⲟϩ ⲛⲁϥⲕⲏⲕ ⲉⲃⲟⲗ ⲡⲉ ⲉⲕⲛⲁⲩ ⲉⲁϥ ⲛⲧⲁϥ ⲁⲛ ⲉⲃⲏⲗ


### 0013

ⲉⲕⲁⲥ ⲉϥⲟⲓ ⲛϩⲟϯ ⲙⲙⲁϣⲱ. ⲫⲁⲓ ⲉⲧⲁϥⲧⲁⲕⲟ ⲙⲫⲏ ⲉⲧⲉⲛⲧⲁϥ ⲧⲏⲣϥ ⲛⲉⲙ
ⲛⲓⲥⲏⲓⲛⲓ ⲟⲩⲟϩ ⲙⲡⲉϥⲧⲁⲗϭⲟ. ⲉⲧⲁϥⲉⲣ ⲁⲧϩⲉⲗⲡⲓⲥ ⲇⲉ ⲁϥⲓ ϩⲁ ⲡⲓϧⲉⲗⲗⲟ ϫⲉ
ϩⲓⲛⲁ ⲛⲧⲉ ⲫ︦ϯ︦ ⲛⲉⲙⲁϥ ⲧⲁⲗϭⲟϥ ⲉⲃⲟⲗϧⲉⲛ ⲡⲉϥϣⲱⲛⲓ ⲁϥϩⲓⲧϥ ⲟⲩⲛ ⲉⲡⲉⲥⲏⲧ
ϧⲁⲣⲁⲧⲟⲩ ⲛⲛⲉϥϭⲁⲗⲁⲩϫ ⲁϥϯ ϩⲟ ⲉⲣⲟϥ. ⲡⲓϩⲉⲗⲗⲟ ⲇⲉ ⲙⲡⲉϥϭⲓ ⲙⲡⲉϥϯ
ϩⲟ ⲛⲧⲟⲧϥ ⲁⲗⲗⲁ ⲁϥⲕⲱϯ ⲙⲡⲉϥϩⲟ ⲥⲁⲃⲟⲗ ⲙⲙⲟϥ ⲉⲡⲧⲏⲣϥ. ⲁⲛⲟⲛ ⲇⲉ
ⲁⲛϯ ϩⲟ ⲉⲣⲟϥ ⲉⲛϫⲱ ⲙⲙⲟⲥ ϫⲉ ⲡⲉⲛⲓⲱⲧ ϣⲉⲛ ϩⲏⲧ ϧⲁ ⲡⲁⲓⲣⲱⲙⲓ ⲙⲁ
ⲡⲉⲕϩⲟ ⲛⲁϥ ⲁⲣⲓ ⲟⲩⲱ ⲛⲁϥ ϧⲉⲛ ⲧⲉϥⲁⲛⲁⲅⲕⲏ. ⲟⲩⲟϩ ⲡⲉϫⲁϥ ϫⲉ ⲭⲁϥ
ϥⲉⲙⲡϣⲁ ⲁⲛ ⲉⲧⲁⲗϭⲟϥ ϫⲉ ⲟⲩⲏⲓ ⲁϥϣⲁⲛⲕⲏⲛ ⲉϥⲉⲣⲡⲟⲣⲛⲉⲩⲉⲓⲛ ϣⲁϥϣⲉ
ⲛⲁϥ ⲉϩⲣⲏⲓ ⲉϫⲉⲛ (-ⲗ︦ⲇ︦-) ⲡⲓⲙⲁ ⲛⲉⲣ ϣⲱⲟⲩϣⲓ. ⲛⲑⲟϥ ⲇⲉ ⲁϥⲉⲣ ⲅ̄ ⲛⲉϩⲟⲟⲩ
ⲉϥϯ ϩⲟ ⲉⲣⲟϥ ⲙⲡⲁⲛⲧⲉϥϯ ⲙⲡⲉϥϩⲟ ⲛⲁϥ. ⲉⲡϧⲁⲉ ⲇⲉ ⲁϥϣⲉⲛ ϩⲏⲧ ϧⲁ
ⲛⲉϥⲉⲣⲙⲱⲟⲩⲓ ⲛⲉⲙ ⲡⲉϥϯ ϩⲟ ⲁϥⲙⲟⲩϯ ⲉⲣⲟϥ ⲡⲉϫⲁϥ ⲛⲁϥ ϫⲉ ⲁⲕⲉⲙⲓ
ϩⲁⲣⲁ ϫⲉ ⲉⲑⲃⲉ ⲟⲩ ⲛϩⲱⲃ ⲁ ⲫ︦ϯ︦ ⲓⲛⲓ ⲛⲧⲁⲓⲉⲡⲓⲧⲓⲙⲓⲁ ⲉϩⲣⲏⲓ ⲉϫⲱⲕ. ⲁϥⲉⲣ
ⲟⲩⲱ ⲛⲁϥ ϫⲉ ⲁϩⲏ ⲡⲁⲟ︦ⲥ︦. ⲡⲉϫⲁϥ ⲛⲁϥ ϫⲉ ⲁⲕϣϫⲉⲙϫⲟⲙ ⲛⲥⲱⲃⲓ ⲙⲙⲟϥ.
ⲡⲉϫⲁϥ ϫⲉ ⲙⲫⲏ ⲡⲁⲟⲥ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲓⲥϫⲉ ⲁⲕⲥⲟⲩⲉⲛ ⲛⲉⲕⲛⲟⲃⲓ
ⲓⲉ ⲉϣⲱⲡ ⲛⲧⲉⲕⲧⲁⲥⲑⲟ ⲉⲃⲟⲗⲛϧⲏⲧⲟⲩ ⲭⲛⲁⲟⲩϫⲁⲓ. ⲧⲟⲧⲉ ⲁϥⲟⲩⲱⲛϩ ⲙⲡⲉϥ‐
ⲛⲟⲃⲓ ⲉⲃⲟⲗ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲡⲱⲥ ⲙⲡⲉⲕⲭⲁ ϯⲙⲉⲧⲡⲣⲉⲥⲃⲩⲧⲉⲣⲟⲥ
ⲛⲥⲱⲕ ϩⲓⲛⲁ ⲛⲧⲟⲩϣⲧⲉⲙϩⲓⲧⲕ ⲉⲛⲓⲕⲟⲗⲁⲥⲓⲥ ϣⲁ ⲉⲛⲉϩ ⲟⲩⲟϩ ⲭⲛⲁⲟⲩϫⲁⲓ.


### 0014

ⲧⲟⲧⲉ ⲁⲛⲟⲛ ⲁⲛϫⲟⲥ ⲛⲁϥ ϫⲉ ⲡⲓϫⲱⲃ ⲙⲁ ⲣⲱⲕ ⲙⲡⲓϧⲉⲗⲗⲟ ϫⲉ ϯⲛⲁϣⲉ ⲛⲏⲓ
ⲁⲛ ϫⲉ ⲉϩⲣⲏⲓ ⲉϫⲉⲛ ⲡⲓⲙⲁ ⲛⲉⲣ ϣⲱⲟⲩϣⲓ ϩⲓⲛⲁ ⲛⲧⲉ ⲫϯ ⲑⲣⲉⲕⲟⲩϫⲁⲓ ϩⲓⲧⲉⲛ
ⲛⲉⲛⲧⲱⲃϩ ⲙⲡⲁⲓⲁⲅⲓⲟⲥ ⲟⲩⲟϩ ⲉⲧⲁϥϯ ⲣⲱϥ ⲙⲡⲓϧⲉⲗⲗⲟ ϫⲉ ϯⲛⲁϣⲉ ⲛⲏⲓ
ⲁⲛ ϫⲉ ϩⲓϫⲉⲛ (-ⲗ︦ⲉ︦-) ⲡⲓⲙⲁ ⲛⲉⲣ ϣⲱⲟⲩϣⲓ ⲟⲩⲓϧⲉⲗⲗⲟ ⲧⲱⲃϩ ⲉϫⲉⲛ
ⲟⲩⲛⲉϩ ⲁϥⲑⲱϩⲥ ⲛⲧⲉϥⲁⲫⲉ ⲧⲏⲣⲥ ⲛⲉⲙ ⲡⲉϥϩⲟ ⲁ ⲫ︦ϯ︦ ϯ ⲙⲡⲓⲟⲩϫⲁⲓ ⲛⲁϥ ⲁ
ⲧⲉϥⲁⲫⲉ ⲣⲱⲧ ⲛϣⲁⲣ ⲛⲕⲉⲥⲟⲡ ⲛⲉⲙ ⲫⲱⲓ ⲟⲩⲟϩ ⲁϥⲭⲁϥ ⲉⲃⲟⲗ ⲉⲁϥϣⲉ ⲛⲁϥ
ⲉϥϫⲱ ⲙⲙⲟⲥ ϫⲉ ϯⲛⲁϩⲉⲙⲥⲓ ⲉⲓⲟⲓ ⲛⲗⲁⲓⲕⲟⲥ ϣⲁ ϯⲙⲟⲩ.
ⲁ ⲡⲁⲓⲕⲉϩⲱⲃ ϣⲱⲡⲓ ϧⲁⲧⲟⲧⲉⲛ. ⲁⲩⲉⲛ ⲟⲩⲁⲗⲟⲩ ⲛⲁϥ ⲉⲟⲩⲟⲛ ⲟⲩⲇⲁⲓ‐
ⲙⲱⲛ ⲛⲉⲙⲁϥ ⲁ ⲡⲓϧⲉⲗⲗⲟ ⲭⲱ ⲛⲧⲉϥϫⲓϫ ⲉϫⲉⲛ ⲧⲉϥⲁⲫⲉ ⲟⲩⲟϩ ϯⲕⲉϫⲓϫ
ⲁϥⲭⲁⲥ ⲉϫⲉⲛ ⲡⲉϥϩⲏⲧ ⲁϥⲧⲱⲃϩ ⲙⲫϯ ϧⲉⲛ ⲟⲩϫⲱϥ ⲛϩⲏⲧ ⲛⲉⲙ ⲟⲩϭⲱⲗⲕ
ϣⲁ ⲟⲩⲟⲩⲛⲟⲩ ϩⲱⲥⲧⲉ ⲛⲧⲟⲩⲓϣⲓ ⲙⲡⲓⲇⲁⲓⲙⲱⲛ ⲉⲡϣⲱⲓ ϧⲉⲛ ⲡⲓⲁⲏⲣ ⲉϥⲱϣ
ⲉⲃⲟⲗ ⲉϥϫⲱ ⲙⲙⲟⲥ ϫⲉ ⲛⲁⲓ ⲛⲏⲓ. ⲡⲓⲁⲗⲟⲩ ⲇⲉ ⲛⲁϥⲟⲓ ⲙⲫⲣⲏϯ ⲛⲟⲩⲁⲥⲕⲟⲥ
ⲡⲉ ϩⲓⲧⲉⲛ ⲡⲓϣⲁϥⲓ ⲛⲧⲉ ⲡⲉϥⲥⲱⲙⲁ ⲟⲩⲟϩ ⲉⲧⲁϥⲉⲣ ⲟⲩⲱ ϧⲉⲛ ⲟⲩⲛⲓϣϯ ⲛⲥⲙⲏ
ⲁ ⲛⲉϥⲃⲁⲗ ⲛⲉⲙ ⲛⲉϥⲙⲁϣϫ ⲛⲉⲙ ⲡⲉϥϣⲁⲓ ⲛⲉⲙ ⲣⲱϥ ⲛⲉⲙ ⲛⲉϥⲙⲉⲗⲟⲥ
ⲧⲏⲣⲟⲩ ⲉⲧⲥⲁϧⲣⲏⲓ ⲁⲩⲃⲉⲣⲃⲉⲣ ⲙⲱⲟⲩ ⲉⲃⲟⲗ ⲙⲫⲣⲏϯ ⲛϩⲁⲛ ⲟⲩⲱⲧⲉⲛ ⲙⲃⲁⲗ‐
ⲕⲟⲩ ⲟⲩⲟϩ ⲉⲧⲁϥϣⲟⲩⲟ ⲛⲛⲓⲙⲱⲟⲩ (-ⲗⲋ-) ⲉⲃⲟⲗ ⲁϥⲉⲣ ⲡⲓⲣⲏϯ ⲉⲛⲁϥⲟⲓ
ⲙⲙⲟϥ ⲛϣⲟⲣⲡ. ⲧⲟⲧⲉ ⲁ ⲡⲓϧⲉⲗⲗⲟ ⲉⲗ ⲧⲟⲧϥ ⲉϥⲧⲱⲃϩ ⲟⲩⲟϩ ⲛⲁϥϫⲱ ⲙⲙⲟⲥ


### 0015

ⲡⲉ ϫⲉ ⲡⲓⲱⲟⲩ ⲛⲁⲕ ⲡⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲫⲏ ⲉⲑⲛⲟϩⲉⲙ ⲛⲛⲏ ⲉⲧⲉⲣ ϩⲉⲗⲡⲓⲥ. ⲟⲩⲟϩ
ⲁϥϫⲱϥ ⲛⲟⲩⲃⲁⲗⲕⲟⲛ ⲙⲙⲱⲟⲩ ⲉϫⲱϥ ⲟⲩⲟϩ ⲁϥⲑⲁϩⲥϥ ⲛⲟⲩⲛⲉϩ ⲉϥⲟⲩⲁⲃ
ⲉⲁϥⲧⲥⲟϥ ⲛⲟⲩⲕⲟⲩϫⲓ ⲟⲩⲟϩ ⲁϥϩⲟⲛϩⲉⲛ ⲉⲧⲟⲧϥ ϫⲉ ⲙⲡⲉⲣⲟⲩⲉⲙ ⲁϥ ⲛϩⲙ̄ ⲛⲉ‐
ϩⲟⲟⲩ ⲟⲩⲇⲉ ⲙⲡⲉⲣⲥⲉ ⲏⲣⲡ. ⲟⲩⲟϩ ⲉⲧⲁϥⲟⲩϫⲁⲓ ⲁϥⲧⲏⲓϥ ⲙⲡⲉϥⲓⲱⲧ ⲉϥⲟⲩⲟϫ.
ⲁⲥϣⲱⲡⲓ ⲇⲉ ⲟⲛ ⲛⲟⲩⲥⲏⲟⲩ ⲛⲉ ⲟⲩⲟⲛ ⲟⲩϩⲃⲱⲛ ϩⲓϫⲉⲛ ⲡⲕⲁϩⲓ ⲧⲏⲣϥ ⲡⲉ
ⲟⲩⲟϩ ⲛⲓⲫⲁⲓⲁⲧ ⲉⲩϣⲟⲡ ϧⲉⲛ ⲡⲓⲧⲱⲟⲩ ⲉⲧⲉⲙⲙⲁⲩ ⲁⲩⲓ ⲟⲩⲛ ⲛϫⲉ ϩⲁⲛ ⲥⲓ‐
ⲛⲱⲟⲩⲓ ⲛⲫⲁⲓⲁⲧ ⲉⲩⲕⲱϯ ϧⲉⲛ ⲡϣⲁϥⲉ ⲁⲩⲓ ⲉϫⲉⲛ ⲧⲣⲓ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ
ⲉⲣⲉ ⲟⲩⲟⲛ ⲟⲩϭⲁⲙⲟⲩⲗⲓ ⲛⲧⲟⲧⲟⲩ ⲉⲩⲧⲁⲗⲟ ⲛⲛⲓⲥⲕⲉⲩⲟⲥ ⲉⲣⲟⲥ ⲛⲉⲙ ⲛⲓⲙⲱⲟⲩ
ⲉⲑⲣⲟⲩⲥⲱ ϧⲉⲛ ⲡϣⲁϥⲉ. ⲉⲧⲁⲩϩⲱⲗ ⲇⲉ ⲉϧⲟⲩⲛ ⲉϯⲣⲓ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ
ⲙⲡⲟⲩϫⲉⲙϥ ϧⲉⲛ ϯⲣⲓ ⲁⲩⲱⲗⲓ ⲛⲛⲓⲭⲣⲉⲓⲁ ⲛⲧⲉ ⲡⲓⲥⲱⲙⲁ (-ⲗⲍ-) ⲧⲏⲣⲟⲩ
ⲛⲉⲙ ⲡⲉϥϩⲱⲃ ⲛϫⲓϫ ⲛⲉⲙ ⲛⲓⲕⲟⲩϫⲓ ⲛⲃⲏⲧ ⲁⲩⲉⲛⲟⲩ ⲉⲃⲟⲗ ⲁⲩⲧⲁⲗⲱⲟⲩ
ⲉϯϭⲁⲙⲟⲩⲗⲓ. ⲁⲥϣⲱⲡⲓ ⲟⲩⲛ ⲉⲧⲁⲩⲧⲁⲗⲟ ⲛⲛⲓⲥⲕⲉⲩⲟⲥ ⲉⲣⲟⲥ ⲉⲧⲁⲩⲛⲟⲩⲓ ϫⲉ
ⲛⲛⲉϩⲥⲓ ⲙⲙⲟⲥ ⲙⲡⲉⲥϣϫⲉⲙϫⲟⲙ ⲛⲧⲱⲟⲩⲛⲟⲩ ⲉⲡϣⲱⲓ ⲛϫⲉ ϯϭⲁⲙⲟⲩⲗⲓ
ⲛⲁⲥⲱϣ ⲉⲃⲟⲗ ⲟⲩⲟϩ ⲛⲁⲥϣϫⲉⲙϫⲟⲙ ⲛⲧⲱⲟⲩⲛⲟⲩ ⲁⲛ ⲡⲉ. ⲉⲓⲧⲁ ⲁ ⲡⲉϥⲧⲟⲟⲩⲓ
ϣⲱⲡⲓ ϩⲏⲡⲡⲉ ⲓⲥ ⲡⲓϧⲉⲗⲗⲟ ⲁϥⲓ ⲉⲃⲟⲗϧⲉⲛ ⲡⲓⲙⲁ ⲉⲛⲁϥⲭⲏ ⲛϧⲏⲧϥ ⲁϥⲛⲁⲩ


### 0016

ⲉⲛⲓⲣⲱⲙⲓ ⲛⲉⲙ ϯϭⲁⲙⲟⲩⲗⲓ ϩⲓ ⲫⲟⲩⲉⲓ ⲁϥⲙⲉⲩⲓ ϫⲉ ⲉⲧⲁⲩⲉⲛ ⲟⲩⲭⲣⲉⲓⲁ
ⲛⲥⲱⲙⲁ ⲛⲁϥ ⲉⲃⲟⲗϧⲉⲛ ⲭⲏⲙⲓ ϫⲉ ϩⲓⲛⲁ ⲛⲥⲉⲱⲗⲓ ⲛⲧⲟⲧϥ ⲙⲡⲉϥϩⲱⲃ ⲛϫⲓϫ
ⲕⲁⲧⲁ ⲧⲉϥⲥⲩⲛⲏⲑⲉⲓⲁ. ⲉⲧⲁϥϧⲱⲛⲧ ⲇⲉ ⲉⲣⲱⲟⲩ ⲁϥⲥⲟⲩⲱⲛ (ⲛ)ⲛⲉϥⲃⲓⲣ ⲛⲉⲙ
ⲛⲉϥⲛⲉⲃϯ ⲛⲉⲙ ⲛⲉϥⲕⲟⲩϫⲓ ⲛⲭⲣⲉⲓⲁ ⲛⲥⲱⲙⲁ ⲁϥⲭⲁ ⲣⲱϥ ⲙⲡⲉϥⲥⲁϫⲓ.
ⲉⲧⲁⲩⲛⲁⲩ ⲇⲉ ⲉⲫⲏ ⲉⲑⲟⲩⲁⲃ ⲛϧⲉⲗⲗⲟ ⲁⲩϩⲓⲧⲟⲩ ⲉⲡⲉⲥⲏⲧ ⲁⲩⲟⲩⲱϣⲧ ⲙⲙⲟϥ
ⲉⲩϯ ϩⲟ ⲉⲣⲟϥ ϧⲉⲛ ϩⲁⲛ ⲙⲉⲧⲁⲛⲟⲓⲁ ⲛⲑⲟϥ ⲇⲉ ⲙⲡⲉϥϫⲱⲛⲧ ⲟⲩⲇⲉ ⲙⲡⲉϥϯ
ⲧⲉⲛϣⲓ ⲛⲱⲟⲩ ⲁⲗⲗⲁ ⲁϥⲥⲉⲛⲟⲩ ⲁϥϣⲉ ⲛⲁϥ ⲉϧⲟⲩⲛ ⲉϯⲣⲓ ⲁϥϫⲉⲙⲟⲩ ϫⲉ
ⲉⲧⲁⲩⲱⲗⲓ ⲛⲉⲛⲭⲁⲓ ⲛⲓⲃⲉⲛ ⲉⲧϧⲉⲛ ϯⲣⲓ (-ⲗⲏ-) ϣⲁⲧⲉⲛ ⲟⲩⲕⲟⲩϫⲓ ⲛⲗⲁⲕⲟⲛ
ⲉⲟⲩⲟⲛ ϩⲁⲛ ⲕⲟⲩϫⲓ ⲛϫⲱⲓⲧ ⲛϧⲏⲧϥ ⲉϥⲥⲁ ⲫⲁϩⲟⲩ ⲙⲡⲓⲣⲟ ⲙⲡⲟⲩⲉⲙⲓ ⲉⲣⲟϥ.
ⲁ ⲡⲓϧⲉⲗⲗⲟ ⲛⲕⲁⲗⲟⲅⲏⲣⲱⲥ ⲧⲁⲗⲟ ⲙⲡⲓⲗⲁⲕⲟⲛ ⲛⲧⲉ ⲛⲓϫⲱⲓⲧ ⲁϥⲉⲛϥ ⲛⲱⲟⲩ
ⲉⲃⲟⲗ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲧⲉⲧⲉⲛⲟⲩⲱϣ ⲉⲉⲙⲓ ϫⲉ ⲁϧⲟ ϯϭⲁⲙⲟⲩⲗⲓ
ⲙⲡⲉⲥϣϫⲉⲙϫⲟⲙ ⲛⲧⲱⲟⲩⲛⲟⲩ. ⲡⲉϫⲱⲟⲩ ϫⲉ ⲥⲉ. ⲡⲉϫⲁϥ ⲛⲱⲟⲩ ϫⲉ ⲉⲡⲉⲓⲇⲏ
ⲁⲣⲉⲧⲉⲛⲉⲣ ⲡⲱⲃϣ ⲛⲛⲁⲓⲕⲟⲩϫⲓ ⲛϫⲱⲓⲧ ⲉⲑⲃⲉ ⲫⲁⲓ ⲙⲡⲉⲧⲉⲛϣⲛⲉϩⲥⲓ ⲙⲙⲟⲥ.
ⲟⲩⲟϩ ⲉⲧⲁϥⲧⲁⲗⲟ ⲙⲡⲓⲗⲁⲕⲟⲛ ⲉϯϭⲁⲙⲟⲩⲗⲓ ⲟⲩⲟϩ ⲁϥϯ ⲛⲟⲩϣⲉ ⲛⲫⲁⲧ ⲛⲁⲥ
ⲥⲁⲧⲟⲧⲥ ⲇⲉ ⲁⲥⲧⲱⲛⲥ ⲟⲩⲟϩ ⲁϥⲭⲁⲩ ⲉⲃⲟⲗ ϧⲉⲛ ⲟⲩϩⲉⲓⲣⲏⲛⲏ ⲟⲩⲟϩ ⲛⲁϥⲧⲫⲟ
ⲙⲙⲱⲟⲩ ⲉⲃⲟⲗ ⲡⲉ. ⲉⲡⲉϥⲣⲁⲥϯ ⲇⲉ ⲁⲩⲓ ⲛϫⲉ ϩⲁⲛ ⲥⲛⲏⲟⲩ ϩⲁ ⲡⲓϧⲉⲗⲗⲟ
ⲉⲃⲟⲗ ϩⲓ ⲫⲙⲱⲓⲧ ⲉⲑⲃⲉ ϩⲁⲛ ⲥⲁϫⲓ ⲛϩⲏⲟⲩ ⲟⲩⲟϩ ⲁ ⲫⲛⲁⲩ ⲛⲟⲩⲱⲙ ϩⲏⲇⲏ


### 0017

ϣⲱⲡⲓ ⲟⲩⲟϩ ⲛⲁⲣⲉ ⲛⲓⲥⲛⲏⲟⲩ ⲟⲩⲱϣ ⲉⲟⲩⲱⲙ ⲛⲟⲩⲕⲟⲩϫⲓ ⲡⲉ. ⲉⲧⲁϥⲉⲙⲓ ⲟⲩⲛ
ⲉⲛⲟⲩⲙⲟⲕⲙⲉⲕ ⲡⲉϫⲁϥ ⲛⲱⲟⲩ ϫⲉ ⲟⲩⲟⲛ ⲟⲩⲱⲓⲕ ϧⲉⲛ ⲛⲉⲧⲉⲛϣⲁⲣ ⲁⲛⲓⲧⲟⲩ
ⲙⲛⲁⲓ ⲛⲧⲉⲛⲟⲩⲱⲙ ⲛⲟⲩⲕⲟⲩϫⲓ (-ⲗⲑ-) ⲛⲓⲭⲣⲉⲓⲁ ⲅⲁⲣ ⲛⲥⲱⲙⲁ ⲉⲧϧⲉⲛ
ⲡⲓⲙⲁ ⲛϣⲱⲡⲓ ⲁ ⲫ︦ϯ︦ ⲧⲏⲓⲧⲟⲩ ⲛϩⲁⲛ ⲣⲉⲙ ⲛⲕⲟⲥⲙⲟⲥ ⲛⲏ ⲉⲧⲉ ⲟⲩⲟⲛⲧⲟⲩ ⲥϩⲓ‐
ⲙⲓ ⲙⲙⲁⲩ ϫⲉ ϩⲁⲛ ϩⲏⲕⲓ ⲅⲁⲣ ⲛⲉ ⲉⲩⲉⲣ ⲛⲭⲣⲉⲓⲁ ⲙⲙⲱⲟⲩ ϧⲉⲛ ⲡⲁⲓϩⲃⲱⲛ
ⲛⲧⲁⲓⲙⲁⲓⲏ ⲉⲧϣⲟⲡ.
ⲁϥϫⲉ ⲡⲁⲓⲕⲉⲥⲁϫⲓ ⲇⲉ ⲟⲛ ⲛⲁϩⲣⲉⲛ ⲛⲓϧⲉⲗϣⲓⲣⲓ ⲛⲥⲛⲏⲟⲩ ⲉϥϯ ⲭⲟϩ ⲛⲱⲟⲩ
ϫⲉ ⲓⲥϫⲉⲛ ⲡⲓⲉϩⲟⲟⲩ ⲉⲧⲁⲓⲉⲣ ⲙⲟⲛⲁⲭⲟⲥ ⲙⲡⲓⲟⲩⲉⲙ ⲱⲓⲕ ⲉⲡⲥⲓ ⲟⲩⲟϩ ⲙⲡⲓⲉⲛ‐
ⲕⲟⲧ ⲉⲡⲥⲓ ⲛⲓϫⲱⲣⲓ ⲛⲓⲟϯ ⲧⲏⲣⲟⲩ ⲙⲡⲟⲩϣⲱⲛⲓ ϫⲉ ⲛⲁⲩⲉⲣ ϩⲉⲙⲓ ⲡⲉ ⲙⲡⲟⲩ‐
ⲥⲱⲙⲁ ϧⲉⲛ ⲟⲩϣⲓ ⲉϥⲑⲏϣ.
ⲁⲩϫⲉ ⲡⲁⲓⲕⲉⲥⲁϫⲓ ⲛⲁⲛ ⲉⲑⲃⲏⲧϥ ϫⲉ ϧⲉⲛ ⲛⲥⲏⲟⲩ ⲛⲧⲉϥⲙⲉⲧⲁⲗⲟⲩ ⲁϥⲉⲣ
ⲟⲩⲣⲟⲙⲡⲓ ⲧⲏⲣⲥ ⲙⲡⲉϥϯ ϩⲉⲃⲥⲱ ϩⲓⲱⲧϥ ⲉⲃⲏⲗ ⲉⲟⲩⲫⲉⲗϫⲓ ⲛⲧⲱⲓⲥⲓ ⲉⲥⲙⲏⲣ
ϩⲓϫⲉⲛ ⲧⲉϥϯⲡⲓ ⲛⲉⲙ ⲛⲉϥⲙⲉⲗⲟⲥ. ⲛⲉ ⲟⲩⲟⲛ ⲅ̄ ⲛⲣⲓ ⲛⲧⲁϥ ϧⲉⲛ ϣⲓⲏⲧ ⲡⲉ ⲟⲩⲓ
ⲉⲥⲕⲉⲛ ⲡⲓⲛⲓϣϯ ⲛϣⲁϥⲉ ⲉⲧⲥⲁϧⲟⲩⲛ ⲛⲉⲙ ⲟⲩⲓ ⲉⲥⲭⲏ ϧⲉⲛ ⲑⲙⲏϯ ⲙⲡⲓⲧⲟⲡⲟⲥ
ϧⲉⲛ ϣⲓⲏⲧ ⲛⲉⲙ ⲟⲩⲓ ⲉⲥϧⲉⲛⲧ ⲉⲛⲓⲣⲱⲙⲓ ⲛⲟⲩⲕⲟⲩϫⲓ ⲛⲟⲩⲱϣ.
ⲁ ⲕⲉⲥⲟⲡ ϣⲱⲡⲓ ⲟⲛ ⲁ ⲡⲓⲙⲉⲩⲓ ⲛⲧⲉ ⲡⲓⲱⲟⲩ ⲉⲧϣⲟⲩⲓⲧ ⲛⲉⲙ ϯⲙⲉⲧϭⲁⲥⲓ
ϩⲏⲧ ϯ ϧⲓⲥⲓ ⲛⲁⲃⲃⲁ ⲙⲁⲕⲁⲣⲓⲟⲥ ⲉⲩⲟⲩⲱϣ ⲉϩⲓⲧϥ ⲉⲃⲟⲗϧⲉⲛ ϯⲣⲓ. ⲛⲁⲣⲉ ⲛⲓ‐


### 0018

ⲙⲉⲩⲓ ϫⲱ ⲙⲙⲟⲥ ⲛⲁϥ ϫⲉ ϩⲏⲡⲡⲉ ⲁ ⲡⲉⲕⲣⲁⲛ ⲉⲣ ⲛⲓϣϯ ϧⲉⲛ ⲡⲓⲕⲟⲥⲙⲟⲥ
ⲧⲏⲣϥ ⲧⲱⲛⲕ ⲙⲁϣⲉ ⲛⲁⲕ ⲉⲣⲱⲙⲏ ϯⲡⲟⲗⲓⲥ ⲛⲧⲉ ⲛⲓⲟⲩⲣⲱⲟⲩ ϩⲓⲛⲁ ⲛⲧⲉⲕ‐
ⲧⲁⲗϭⲟ ⲛⲛⲏ ⲉⲧϣⲱⲛⲓ ⲛⲧⲱⲟⲩ ⲛⲧⲉⲕϣⲧⲉⲙϯ ϧⲓⲥⲓ ⲛⲱⲟⲩ ⲙⲡⲁⲓⲟⲱⲩϣ ⲧⲏⲣϥ
ⲛⲓⲣⲱⲙⲁⲓⲟⲥ ⲅⲁⲣ ⲥⲉⲑⲏⲧ ⲛⲉⲙ ⲛⲓⲣⲉⲙ ⲛⲭⲏⲙⲓ ⲉⲑⲃⲉ ⲛⲟⲩⲁⲥⲕⲏⲥⲓⲥ ⲛⲉⲙ
ⲡⲟⲩⲛⲁϩϯ ⲉⲧⲥⲟⲩⲧⲱⲛ. ⲉⲃⲟⲗ ⲟⲩⲛ ϩⲓⲧⲉⲛ ⲧⲁⲓⲗⲱⲓϫⲓ ⲛⲁⲣⲉ ⲛⲓⲇⲁⲓⲙⲱⲛ
ⲟⲩⲱϣ ⲉϩⲓⲧϥ ⲉⲃⲟⲗϧⲉⲛ ϯⲣⲓ ⲛⲁⲩϫⲱ ⲙⲙⲟⲥ ⲛⲁϥ ⲡⲉ ϫⲉ ⲁ ⲫϯ ϯ ⲟⲩⲱϣ
ⲛϩⲏⲧ ⲛⲁⲕ ⲛⲉⲙ ⲟⲩⲛⲓϣϯ ⲛϩⲙⲟⲧ ⲛⲧⲁⲗϭⲟ ⲧⲱⲛⲕ ⲙⲁϣⲉ ⲛⲁⲕ ϫⲉ ⲟⲓⲕⲟ‐
ⲛⲟⲙⲓⲁ ⲛⲧⲉ ⲫϯ ⲧⲉ ⲑⲁⲓ. ⲉⲧⲁϥⲛⲁⲩ ⲇⲉ ϫⲉ ⲁⲩϯ ϧⲓⲥⲓ ⲛⲁϥ ⲁϥϩⲉⲙⲥⲓ ϩⲓϫⲉⲛ
ϯⲃⲉⲛⲛⲏ ⲛⲧⲉ ⲧⲉϥⲣⲓ ⲡⲉϫⲁϥ ⲛⲱⲟⲩ ϫⲉ ⲓⲥϫⲉ ⲟⲩⲟⲛ ϣϫⲟⲙ ⲙⲙⲱⲧⲉⲛ ⲁⲛⲓⲧ
ⲉⲃⲟⲗϧⲉⲛ ⲡⲁⲓⲙⲱⲓⲧ ⲛϫⲟⲛⲥ. ⲡⲁⲗⲓⲛ ⲟⲛ ⲉⲧⲁ ⲛⲓⲇⲁⲓⲙⲱⲛ ϯ ϧⲓⲥⲓ ⲛⲁϥ
ⲟⲩⲟϩ ϧⲉⲛ ⲡϫⲓ ⲛⲑⲣⲟⲩϣⲱⲡⲓ ⲉⲩϩⲟⲣϣ ⲉϫⲱϥ ⲁϥⲱϣ ⲉⲃⲟⲗ ϧⲉⲛ ⲟⲩⲛⲓϣϯ
ⲛϧⲣⲱⲟⲩ ⲛⲉⲙ ⲟⲩϫⲱⲛⲧ ϫⲉ ⲁⲓⲕⲏⲛ ⲉⲓϫⲱ ⲙⲙⲟⲥ ⲛⲱⲧⲉⲛ (-ⲙⲁ-) ϫⲉ ⲙⲙⲟⲛ
ⲫⲁⲧ ⲙⲙⲟⲓ ⲁⲛ ⲓⲥϫⲉ ⲟⲩⲟⲛ ϣϫⲟⲙ ⲙⲙⲱⲧⲉⲛ ϥⲁⲓ ⲙⲙⲟⲓ ⲁⲗⲓⲧ ⲉⲣⲱⲙⲏ
ϩⲏⲡⲡⲉ ϯϩⲉⲙⲥⲓ ⲙⲡⲁⲓⲙⲁ ϣⲁⲧⲉ ϯⲣⲏ ϩⲱⲧⲡ. ⲉⲧⲁϥⲱⲥⲕ ⲇⲉ ⲉϥϩⲉⲙⲥⲓ
ⲁϥⲧⲱⲛϥ ⲟⲩⲟϩ ⲉⲧⲁ ⲡⲓⲉϫⲱⲣϩ ϣⲱⲡⲓ ⲁ ⲛⲓⲙⲉⲩⲓ ϯ ϧⲓⲥⲓ ⲛⲁϥ ⲟⲛ ⲟⲩⲟϩ
ⲁϥⲱⲗⲓ ⲛⲟⲩⲃⲁⲓⲣⲓ ⲁϥϯ ⲉϧⲣⲏⲓ ⲉⲣⲟⲥ ⲙⲙⲉⲛⲧ ⲃ︦ ⲛϣⲱ ⲁϥⲧⲁⲗⲟⲥ ⲉⲣⲟϥ
ⲁϥϣⲱⲡⲓ ⲉϥⲕⲱϯ ⲛⲉⲙⲁⲥ ϧⲉⲛ ⲡⲓϣⲁϥⲉ ⲧⲏⲣϥ. ⲟⲩⲟϩ ⲁϥⲉⲣⲁⲡⲁⲛⲧⲁⲛ ⲉⲣⲟϥ


### 0019

ⲛϫⲉ ⲑⲉⲟⲥⲉⲃⲉⲓⲁ ⲡⲓⲕⲟⲥⲙⲓⲧⲏⲥ (sic) ⲡⲉϫⲁϥ ⲛⲁϥ ϫⲉ ⲁⲕϥⲁⲓ ⲛⲟⲩ ⲙⲡⲁⲓⲣⲏϯ
ⲡⲁⲓⲱⲧ ⲙⲁⲧⲁⲗⲟϥ ⲉⲣⲟⲓ ⲙⲡⲉⲣϯ ϧⲓⲥⲓ ⲛⲁⲕ. ⲡⲉϫⲁϥ ⲛⲁϥ ϫⲉ ⲉⲓϯ ϧⲓⲥⲓ ⲙⲫⲏ
ⲉⲧϯ ϧⲓⲥⲓ ⲛⲏⲓ ϫⲉ ⲟⲩⲏⲓ ⲁⲓϣⲁⲛϯ ⲙⲧⲟⲛ ⲛⲁϥ ϥⲓⲛⲓ ⲛϩⲁⲛ ⲙⲉⲩⲓ ⲛⲏⲓ ϫⲉ
ⲧⲱⲛⲕ ϩⲱⲗ ⲉϣⲉⲙⲙⲟ. ⲉⲧⲁϥⲱⲥⲕ ⲇⲉ ⲉϥⲕⲱϯ ⲉϩⲣⲏⲓ ϧⲉⲛ ⲡϣⲁϥⲉ ⲁϥⲓ
ⲉϧⲟⲩⲛ ⲉϯⲣⲓ ⲉⲣⲉ ⲡⲉϥⲥⲱⲙⲁ ϧⲉⲙϧⲱⲙ.
ⲡⲓⲙⲁⲑⲏⲧⲏⲥ ⲇⲉ ⲛⲧⲁϥ ⲫⲁⲓ ⲉⲧϣⲉⲙϣⲓ ⲙⲙⲟϥ ϧⲉⲛ ⲧⲉϥⲙⲉⲧϧⲉⲗⲗⲟ ⲫⲁⲓ
ⲉⲧⲁϥϭⲁⲗⲉ ⲡϣⲏⲣⲓ ⲙⲡⲓⲇⲟⲩⲝ ⲉⲣⲟϥ ⲛⲉ ⲁϥⲛⲁϩϯ ⲅⲁⲣ ⲡⲉ ⲫⲁⲓ ⲉⲧⲁϥⲓ ϩⲁ
ⲡⲓϧⲉⲗⲗⲟ ⲟⲩⲟϩ ϥϣⲟⲡ ϧⲉⲛ ⲡⲓⲧⲱⲟⲩ ϯⲛⲟⲩ ⲉϥⲉⲣ ϩⲱⲃ ⲉⲡⲉϥϩⲱⲃ ⲛϫⲓϫ
(-ⲙⲃ-) ⲉϥⲟⲩⲱⲙ ϧⲉⲛ ⲡⲉϥϧⲓⲥⲓ ⲉϥⲟⲓ ⲙⲙⲁⲓ ϣⲉⲙⲙⲟ ⲉⲙⲁϣⲱ ⲡⲁⲓⲙⲁ‐
ⲑⲏⲧⲏⲥ ⲟⲩⲛ ⲉⲧⲉⲛϩⲟⲧ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ ⲁϥϫⲟⲥ ⲛⲏⲓ ϫⲉ ⲁ ⲡⲁⲓⲱⲧ
ⲙⲁⲕⲁⲣⲓⲟⲥ ϫⲟⲥ ⲛⲏⲓ ϫⲉ ⲁⲓϯ ⲛⲓⲁⲧ ⲙⲡⲓⲛⲁⲩ ⲛⲧⲉ ⲛⲓⲙⲩⲥⲧⲏⲣⲓⲟⲛ ⲙⲡⲓϯ
ⲥⲙⲟⲩ ⲙⲙⲁⲣⲕⲟⲥ ⲡⲓⲁⲥⲕⲏⲧⲏⲥ ⲛⲟⲩⲥⲟⲡ ⲁⲗⲗⲁ ⲁϥϣⲁⲛⲓ ⲉϭⲓ ϣⲁⲓⲛⲁⲩ
ⲉⲟⲩⲁⲅⲅⲉⲗⲟⲥ ⲉϥϯ ⲥⲙⲟⲩ ⲛⲁϥ ϧⲉⲛ ⲛⲉϥϫⲓϫ. ⲁⲃⲃⲁ ⲙⲁⲕⲁⲣⲓⲟⲥ ⲇⲉ ⲛⲉ ⲟⲩ‐
ⲡⲣⲉⲥⲃⲩⲧⲉⲣⲟⲥ ⲛⲧⲉ ϯⲉⲕⲕⲗⲏⲥⲓⲁ ⲙⲁⲣⲕⲟⲥ ϩⲱϥ ⲛⲉ ⲟⲩϧⲉⲗϣⲓⲣⲓ ⲡⲉ ⲉⲁϥϭⲓ
ⲛϯⲡⲁⲗⲁⲓⲁ ⲛⲉⲙ ϯⲕⲁⲓⲛⲏ ⲛⲁⲡⲟⲥⲧⲏⲑⲏⲥ ⲛⲁϥⲟⲓ ⲛⲣⲉⲙ ⲣⲁⲩϣ ⲉⲙⲁϣⲱ
ⲟⲩⲟϩ ⲛⲥⲱⲫⲣⲱⲛ.
ϧⲉⲛ ⲟⲩⲁⲓ ⲟⲩⲛ ⲛⲛⲓⲉϩⲟⲟⲩ ⲉⲧⲁϥⲉⲣ ϧⲉⲗⲗⲟ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲁⲓϣⲉ


### 0020

ⲛⲏⲓ ϫⲉ ⲛⲧⲁϩⲓ ⲕⲟⲧ ⲉⲣⲟϥ ⲁⲓϩⲉⲙⲥⲓ ϩⲓⲣⲉⲛ ⲡⲉϥⲣⲟ ϫⲉ ⲛⲧⲁⲥⲱⲧⲉⲙ ⲉⲛⲏ
ⲉⲧⲉϥϫⲱ ⲙⲙⲱⲟⲩ ⲉⲛⲁϥⲭⲏ ϧⲉⲛ ⲣ̄ ⲛⲣⲟⲙⲡⲓ ⲡⲉ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ.
ⲁⲓⲥⲱⲧⲉⲙ ⲉⲣⲟϥ ⲉϥⲥⲁϫⲓ ⲛⲉⲙⲁϥ ⲙⲙⲁⲩⲁⲧϥ ⲉϥϫⲱ ⲙⲙⲟⲥ ϫⲉ ⲁⲕⲟⲩⲱϣ
ⲟⲩ ⲡⲓⲕⲁⲕⲟⲅⲏⲣⲱⲥ ⲙⲁⲕⲁⲣⲓⲟⲥ ⲓⲥ ⲁⲕⲥⲉ ⲏⲣⲡ ⲁⲕϭⲓ ⲛⲉϩ ⲁⲕⲟⲩⲱϣ ⲟⲩ
ⲟⲛ ⲫⲏ ⲉⲧⲁϥⲟⲩⲱⲙ ⲛⲛⲉϥⲥⲭⲓⲙ. ⲙⲉⲛⲉⲛⲥⲱⲥ ⲟⲛ ⲁϥⲥⲁϫⲓ (-ⲙ︦︦ⲅ︦-) ⲛⲉⲙ
ⲡⲓⲕⲉⲇⲓⲁⲃⲟⲗⲟⲥ ϫⲉ ⲙⲏ ⲟⲩⲟⲛ ϩⲗⲓ ⲛⲧⲁⲕ ⲉⲣⲟⲓ ⲟⲛ ⲭⲛⲁϫⲉⲙ ϩⲗⲓ ⲛⲧⲁⲕ
ⲛϧⲏⲧ ⲁⲛ ϫⲉ ⲙⲁϣⲉ ⲛⲁⲕ ⲉⲃⲟⲗϩⲁⲣⲟⲓ. ⲁϥⲉⲣ ⲙⲫⲣⲏϯ ⲟⲛ ⲉϥϯ ϣⲱϣ
ⲙⲡⲉϥⲥⲱⲙⲁ ⲉϥϫⲱ ⲙⲙⲟⲥ ⲙⲡⲁⲓⲣⲏϯ ϫⲉ ⲁⲙⲟⲩ ⲡⲓⲡⲣⲟⲇⲟⲧⲏⲥ ⲛϩⲑⲟ
ⲙⲓⲟⲕ ⲁⲛ ϫⲉ ϣⲁ ⲑⲛⲁⲩ ϯⲛⲁϣⲱⲡⲓ ⲛⲉⲙⲁⲕ.
ⲡⲁⲫⲛⲟⲩϯ ⲇⲉ ⲟⲛ ⲡⲓⲙⲁⲑⲏⲧⲏⲥ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ ⲁϥϫⲟⲥ ⲛⲁⲛ ϫⲉ
ⲁ ⲡⲓϧⲉⲗⲗⲟ ϫⲟⲥ ⲛⲏⲓ ϫⲉ ⲓⲥ ⲍ ⲛⲣⲟⲙⲡⲓ ⲙⲫⲟⲟⲩ ⲛϯⲥⲱⲟⲩⲛ ⲙⲙⲟⲓ ⲁⲛ
ϫⲉ ⲁⲓⲥⲓϯ ⲛⲟⲩⲑⲁϥ ⲉⲃⲟⲗ ϩⲓϫⲉⲛ ⲡⲕⲁϩⲓ. ϯϫⲓ ⲛⲛⲁⲩ ⲉⲣⲟϥ ⲛⲑⲟϥ ⲁⲃⲃⲁ
ⲙⲁⲕⲁⲣⲓⲟⲥ ⲟⲩⲕⲟⲗⲟⲃⲟⲥ ⲡⲉ ⲉⲣⲉ ⲟⲩⲟⲛ ϩⲁⲛ ⲕⲟⲩϫⲓ ⲛϥⲱⲓ ⲣⲏⲧ ϩⲓϫⲉⲛ
ⲛⲉϥⲥⲫⲟⲧⲟⲩ ⲛⲉⲙ ⲡⲓⲑⲟⲩⲥ ⲛⲧⲉ ⲧⲉϥⲙⲟⲣⲧ. ⲡⲓⲙⲁⲑⲏⲧⲏⲥ ⲟⲩⲛ ⲛⲧⲉ ⲁⲃⲃⲁ
ⲙⲁⲕⲁⲣⲓⲟⲥ ⲁϥⲧⲁⲙⲟⲓ ϫⲉ ⲁ ⲡⲁⲓⲱⲧ ϫⲟⲥ ⲛⲏⲓ ϫⲉ ⲙⲙⲟⲛ ⲥⲁⲃⲃⲁⲧⲟⲛ ⲓⲉ
ⲟⲩⲕⲩⲣⲓⲁⲕⲏ ⲛⲁⲥⲓⲛⲓ ⲁⲓϣⲧⲉⲙⲛⲁⲩ ⲉⲡⲓⲁⲅⲅⲉⲗⲟⲥ ⲛⲧⲉ ⲡⲓⲙⲁ ⲛⲉⲣ ϣⲱⲟⲩϣⲓ
ϧⲁⲧⲉⲛ ⲡⲓⲙⲁ ⲉⲧⲭⲏ ⲙⲡⲁⲙⲑⲟ ⲉϥⲉⲣⲡⲣⲟⲥⲫⲉⲣⲉⲓⲛ ⲉϫⲉⲛ ϯⲡⲣⲟⲥⲫⲟⲣⲁ ⲛⲧⲉ


### 0021

ⲫ︦ϯ︦. (-ⲙ︦ⲇ︦-) ⲡⲁⲗⲓⲛ ⲟⲛ ⲁⲓⲥⲱⲧⲉⲙ ⲉⲡⲁⲓⲭⲉⲧ ⲉⲃⲟⲗϩⲓⲧⲟϥ ⲉϥⲟⲓ ⲛϣⲫⲏⲣⲓ
ⲉⲙⲁϣⲱ ⲉϥϫⲱ ⲙⲙⲟⲥ ϫⲉ ⲁⲥϣⲱⲡⲓ ⲙⲙⲟⲓ ϧⲉⲛ ⲟⲩⲁⲓ ⲛⲧⲉ ⲛⲓⲉϩⲟⲟⲩ ⲛϣⲁⲓ
ⲛⲁⲣⲉ ⲡⲓⲇⲓⲁⲕⲱⲛ ⲭⲏ ⲥⲁϧⲟⲩⲛ ⲙⲡⲓⲙⲁ ⲛⲉⲣ ϣⲱⲟⲩϣⲓ ⲉϥⲥⲟⲃϯ ⲙⲡⲓⲇⲱⲣⲟⲛ
ⲁ ⲡⲓⲁⲫⲟⲧ ϩⲉⲓ ⲛⲧⲟⲧϥ ⲁϥⲉⲣ ⲟⲩⲙⲏϣ ⲛⲗⲁⲡⲥⲓ ⲛⲉ ⲟⲩⲁⲃⲁϫⲏⲓⲛⲓ ⲅⲁⲣ ⲡⲉ
ϫⲉ ⲟⲩⲏⲓ ⲛⲉ ⲡϣⲁϥⲉ ⲡⲉ ⲟⲩⲟϩ ⲙⲙⲟⲛ ϣϫⲟⲙ ⲙⲙⲱⲟⲩ ⲉⲭⲁ ϩⲁⲧ ⲛⲱⲟⲩ.
ⲁⲓⲥⲱⲧⲉⲙ ⲁⲛⲟⲕ ⲉⲡⲓϧⲣⲱⲟⲩ ⲛⲧⲉ ⲡⲓⲁⲫⲟⲧ ϫⲉ ⲁϥⲕⲱϣ ⲛⲧⲟⲧϥ ⲙⲡⲓⲇⲓⲁⲕⲱⲛ
ⲁⲓϩⲱⲗ ⲉϩⲟⲩⲛ ⲉⲡⲓⲙⲁ ⲛⲉⲣ ϣⲱⲟⲩϣⲓ ⲉⲣⲉ ⲡⲓⲗⲁⲟⲥ ⲧⲏⲣϥ ϩⲉⲙⲥⲓ ⲉϥⲉⲣⲯⲁⲗ‐
ⲗⲉⲓⲛ ⲁⲓϫⲟⲥ ⲙⲡⲓⲇⲓⲁⲕⲱⲛ ϫⲉ ⲙⲡⲉⲣϣⲑⲟⲣⲧⲉⲣ ⲟⲩⲇⲉ ⲙⲡⲉⲣⲉⲣ ⲕⲟⲩϫⲓ
ⲛϩⲏⲧ ⲁⲗⲗⲁ ⲥⲉⲕ ⲛⲓⲫⲁϫⲓ ⲧⲏⲣⲟⲩ ⲙⲡⲉⲣⲭⲁ ϩⲗⲓ ⲉⲫⲁϩⲟⲩ ⲛϧⲏⲧⲟⲩ ϩⲓⲧⲟⲩ
ⲉϫⲉⲛ ⲡⲓⲙⲁ ⲛⲉⲣ ϣⲱⲟⲩϣⲓ ⲁⲙⲟⲩ ⲉⲃⲟⲗ ⲭⲁϥ. ⲟⲩⲟϩ ⲉⲧⲁ ⲡⲓⲁⲅⲓⲟⲥ ⲁⲃⲃⲁ
ⲙⲁⲕⲁⲣⲓⲟⲥ ⲓ ⲉⲃⲟⲗ ⲛⲑⲟϥ ⲛⲉⲙ ⲡⲓⲇⲓⲁⲕⲱⲛ ⲁⲩϩⲉⲙⲥⲓ ⲛⲟⲩⲕⲟⲩϫⲓ. ⲡⲉϫⲉ
ⲁⲃⲃⲁ ⲙⲁⲕⲁⲣⲓⲟⲥ ⲙⲡⲓⲇⲓⲁⲕⲱⲛ ϫⲉ ϩⲱⲗ ⲉϫⲉⲛ ⲡⲓⲙⲁ ⲛⲉⲣ ϣⲱⲟⲩϣⲓ ⲫⲏ
ⲉⲧⲉⲕⲛⲁ‐ (-ⲙⲉ-) ⲛⲁⲩ ⲉⲣⲟϥ ⲙⲡⲉⲣⲧⲁⲙⲉ ϩⲗⲓ ⲉⲣⲟϥ. ⲁ ⲡⲓⲇⲓⲁⲕⲱⲛ ϩⲱⲗ
ⲉϩⲟⲩⲛ ⲁϥϫⲓⲙⲓ ⲙⲡⲓⲁⲫⲟⲧ ⲉϥⲟⲩⲟϫ ⲛⲉⲁ ⲡⲓⲁⲫⲟⲧ ⲧⲱⲙⲓ ⲡⲉ ⲛⲁⲩⲟⲩⲟⲛϩ
ⲇⲉ ⲉⲃⲟⲗ ⲛϫⲉ ⲛⲓⲙⲏⲓⲛⲓ ⲛⲧⲉ ⲛⲓⲫⲁϫⲓ ⲉⲧⲁⲩⲕⲱϣ ⲁⲗⲗⲁ ⲛⲁϥⲭⲱ ⲛⲟⲩⲑⲗⲏ
ⲉⲃⲟⲗ ⲁⲛ ⲡⲉ. ϣⲁ ⲉϧⲟⲩⲛ ⲉϯⲛⲟⲩ ϥϣⲟⲡ ⲛϫⲉ ⲡⲓⲁⲫⲟⲧ ⲉⲧⲉⲙⲙⲁⲩ. ⲉⲧⲁⲓ‐
ⲥⲱⲧⲉⲙ ⲇⲉ ⲉⲧⲁⲓϣⲫⲏⲣⲓ ⲁⲓϣⲉ ⲛⲏⲓ ϣⲁ ⲡⲓⲇⲓⲁⲕⲱⲛ ⲉⲧⲁϥⲉⲣ ⲡⲣⲉⲥⲃⲩⲧⲉⲣⲟⲥ


### 0022

ⲁϥⲧⲁⲙⲟⲓ ⲉⲡⲓⲁⲫⲟⲧ ⲉⲧⲉⲙⲙⲁⲩ ⲁⲓⲛⲁⲩ ⲉⲣⲟϥ ⲛⲛⲁⲃⲁⲗ ⲁⲓϯ ⲫⲓ ⲉⲣⲱϥ
ⲟⲩⲟϩ ⲁⲓϯ ⲱⲟⲩ ⲙⲫ︦ϯ︦. ⲟⲩⲟϩ ⲉⲧⲁ ⲫⲓⲱⲧ ⲙⲡⲓⲁⲃⲏⲧ ⲧⲁϣⲉⲛⲑⲟϣ ⲛⲧⲉ ϫⲁⲛⲓ
ϯⲃⲁⲕⲓ ⲓ ⲁϥϩⲓ ⲟⲩⲕⲟⲧ ⲉⲡⲓⲧⲱⲟⲩ ⲁϥⲓⲛⲓ ⲛⲟⲩⲛⲓϣϯ ⲛⲇⲓⲁⲕⲟⲛⲓⲁ ⲁϥⲥⲟⲣⲥ
ⲉⲃⲟⲗ ⲛⲛⲓϧⲉⲗⲗⲟ ⲛⲧⲉ ⲛⲓϣⲁϥⲉⲩ ⲁϥⲉⲣⲁⲓⲧⲉⲓⲛ ⲙⲡⲓⲡⲣⲉⲥⲃⲩⲧⲉⲣⲟⲥ ⲉⲧⲉⲙ‐
ⲙⲁⲩ ⲁϥϯ ⲙⲡⲓⲁⲫⲟⲧ ⲉⲧⲉⲙⲙⲁⲩ ⲛⲁϥ ⲉⲟⲩⲉⲣ ⲫⲙⲉⲩⲓ ϩⲏⲡⲡⲉ ϥⲭⲏ ϧⲉⲛ
ⲡⲓⲁⲃⲏⲧ ⲛⲧⲉ ⲧⲁϣⲉⲛⲑⲟϣ ϣⲁ ⲉϧⲟⲩⲛ ⲉⲡⲁⲓⲉϩⲟⲟⲩ.
ⲁⲩϫⲟⲥ ⲟⲛ ⲉⲑⲃⲏⲧϥ ⲛⲑⲟϥ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲣⲁⲕⲟϯ
ϫⲉ ϩⲟⲧⲉ ⲉϥⲟⲓ ⲛⲕⲟⲩϫⲓ ϧⲉⲛ ⲣⲁⲕⲟϯ (-ⲙⲋ-) ⲉⲛⲁϥⲟⲓ ⲙⲙⲓⲙⲟⲥ ⲡⲉ ϧⲉⲛ
ⲧⲉϥⲧⲉⲭⲛⲏ ϣⲁⲧⲉϥⲉⲣ ⲛⲓϣϯ ⲛⲣⲱⲙⲓ ϧⲉⲛ ⲡⲓⲕⲟⲥⲙⲟⲥ. ϩⲟⲧⲉ ⲇⲉ ⲉⲧⲁϥⲉⲣ
ⲙⲟⲛⲁⲭⲟⲥ ⲟⲩⲟϩ ⲉⲧⲁϥϭⲓⲥⲓ ϧⲉⲛ ϯⲁⲣⲉⲧⲏ ϧⲉⲛ ⲛⲓϣⲁϥⲉⲩ ⲁ ⲛⲉϥϣⲫⲏⲣ
ⲙⲙⲓⲙⲟⲥ ⲥⲱⲧⲉⲙ ⲉⲑⲃⲏⲧϥ ϫⲉ ⲁϥϭⲓⲥⲓ ϧⲉⲛ ⲡϩⲱⲃ ⲙⲫϯ ⲁⲩⲓ ϩⲁⲣⲟϥ ⲉϩⲣⲏⲓ
ϩⲓ ⲡϣⲁϥⲉ ⲉⲩⲟⲓ ⲛⲍ̄ ϧⲉⲛ ⲧⲟⲩⲏⲡⲓ ⲟⲩⲟϩ ⲉⲧⲁϥⲉⲣⲁⲥⲡⲁⲍⲉⲥⲑⲉ ⲙⲙⲱⲟⲩ ⲁⲩ‐
ϩⲉⲙⲥⲓ ϧⲁⲧⲟⲧϥ ⲛⲁⲩⲟⲓ ⲛϣⲫⲏⲣⲓ ⲙⲙⲟϥ ⲡⲉ ⲛⲉⲙ ⲡⲉϥⲧⲣⲟⲡⲟⲥ. ϧⲉⲛ ⲡϫⲓ
ⲛⲑⲣⲉ ⲡⲓⲛⲁⲩ ⲛⲟⲩⲱⲙ ϣⲱⲡⲓ ⲁϥϯ ⲛⲟⲩⲙⲱⲟⲩ ⲉϯϣⲓⲱ ⲁϥⲧⲁⲗⲟϥ ⲉϯϩⲣⲱ
ⲉϥⲟⲩⲱϣ ⲉⲫⲁⲥ ⲟⲩⲱⲟⲩϣ ⲛⲱⲟⲩ. ϩⲱⲥ ⲇⲉ ⲉϥⲥⲁϩϯ ϧⲁ ⲡⲓⲙⲱⲟⲩ ϩⲓⲛⲁ
ⲛⲧⲉϥⲃⲉⲣⲃⲉⲣ ⲙⲡⲁⲧⲉϥⲓ ⲡⲓⲛⲱⲓⲧ ⲉϧⲣⲏⲓ ⲉⲣⲟⲥ ⲁϥϩⲉⲙⲥⲓ ⲁϥϭⲓ ϩⲣⲁϥ ⲛⲉ‐
ⲙⲱⲟⲩ ⲙⲡⲓⲣⲏϯ ⲉⲛⲁϥⲟⲓ ⲙⲙⲟⲥ ϧⲉⲛ ⲡⲓⲕⲟⲥⲙⲟⲥ. ϧⲉⲛ ⲡϫⲓ ⲛⲑⲣⲟⲩⲛⲁⲩ ⲇⲉ


### 0023

ⲉⲣⲟϥ ⲙⲡⲁⲓⲣⲏϯ ⲁⲩϫⲟⲥ ⲛⲛⲟⲩⲉⲣⲏⲟⲩ ϫⲉ ⲙⲏ ⲙⲡⲟⲩϫⲟⲥ ⲣⲱ ⲉⲑⲃⲏⲧϥ ϫⲉ
ⲁϥϣⲱⲡⲓ ⲛⲟⲩⲣⲱⲙⲓ ⲛⲧⲉ ⲫϯ ϩⲏⲡⲡⲉ ⲟⲛ ϥⲟⲓ ⲙⲡⲓⲣⲏϯ ⲉⲧⲉϥⲟⲓ ⲙⲙⲟϥ ϧⲉⲛ
ⲡⲓⲕⲟⲥⲙⲟⲥ (-ⲙⲍ-) ⲛⲉⲙⲁⲛ ⲧⲉⲛⲛⲁⲩ ⲉϩⲗⲓ ⲛϣⲓⲃϯ ⲁⲛ ⲉϩⲟⲧⲉ ⲡⲓⲣⲏϯ ⲉⲧⲉϥ‐
ϣⲟⲡ ⲛⲉⲙⲁⲛ ϧⲉⲛ ⲣⲁⲕⲟϯ. ⲉⲧⲁ ⲁⲃⲃⲁ ⲙⲁⲕⲁⲣⲓⲟⲥ ⲛⲁⲩ ⲉⲣⲱⲟⲩ ⲉⲩⲥⲁϫⲓ
ⲛⲉⲙ ⲛⲟⲩⲉⲣⲏⲟⲩ ⲉⲑⲃⲉ ϯⲛⲓϣϯ ⲙⲡⲁⲣⲣⲏⲥⲓⲁ ⲉⲧⲁϥⲁⲓⲥ ⲛⲉⲙⲱⲟⲩ ⲁϥⲓⲛⲓ
ⲛⲟⲩⲃⲓⲛⲁϫ ⲉϥϣⲟⲩⲓⲧ ⲁϥⲧⲏⲓϥ ⲙⲡⲓⲛⲓϣϯ ⲉⲧⲉⲛϧⲏⲧⲟⲩ ⲡⲉϫⲁϥ ⲛⲁϥ ϫⲉ
ⲙⲁϩ ⲡⲁⲓⲃⲓⲛⲁϫ ⲛϣⲱ ϩⲓⲧϥ ⲉϯϣⲓⲱ ϩⲓⲛⲁ ⲛⲧⲉⲛⲫⲁⲥ ⲡⲓⲱⲟⲩϣ ⲛⲧⲉⲛⲟⲩⲱⲙ.
ⲛⲑⲱⲟⲩ ⲇⲉ ⲉⲧⲁⲩⲥⲱⲧⲉⲙ ⲉⲑⲃⲉ ⲡⲓϣⲱ ⲁⲩⲉⲣ ϣⲉⲣϣⲓ ⲉⲩϫⲱ ⲙⲙⲟⲥ ϫⲉ
ⲁⲗⲏⲑⲱⲥ ⲁ ⲙⲁⲕⲁⲣⲓ ⲧⲁⲗⲟ ϧⲉⲛ ϯⲙⲉⲧⲙⲓⲙⲟⲥ ⲉϩⲟⲧⲉ ⲡⲓⲣⲏϯ ⲉⲧⲁϥϣⲟⲡ
ⲛⲉⲙⲁⲛ ϧⲉⲛ ⲡⲓⲕⲟⲥⲙⲟⲥ. ⲡⲁⲗⲓⲛ ⲟⲛ ⲡⲉϫⲁϥ ⲛⲱⲟⲩ ϫⲉ ⲫⲏ ⲉϯⲛⲁϫⲟϥ ⲛⲱ‐
ⲧⲉⲛ ⲁⲣⲓⲧϥ. ⲛⲑⲱⲟⲩ ⲇⲉ ⲁⲩⲥⲱⲧⲉⲙ ⲛⲥⲱϥ ⲁⲩⲙⲁϩ ⲡⲓⲃⲓⲛⲁϫ ⲛϣⲱ ⲁⲩϩⲓⲧϥ
ⲉϯϣⲓⲱ ⲁϥⲉⲣ ⲟⲩⲱⲟⲩϣ ⲙⲫⲣⲏϯ ⲛⲟⲩⲱⲟⲩϣ ⲛⲥⲟⲩⲟ ⲉϥⲛⲟⲧⲉⲙ. ⲡⲓⲍ ⲇⲉ
ⲙⲙⲓⲙⲟⲥ ⲉⲧⲁⲩⲛⲁⲩ ⲉϯϣⲫⲏⲣⲓ ⲉⲧⲁⲥϣⲱⲡⲓ ⲉⲃⲟⲗϩⲓⲧⲉⲛ ⲡⲓϧⲉⲗⲗⲟ ⲉⲑⲟⲩⲁⲃ
ⲁⲃⲃⲁ ⲙⲁⲕⲁⲣⲓⲟⲥ ⲙⲡⲟⲩⲧⲁⲥⲑⲟ (-ⲙ︦ⲏ︦-) ⲉⲭⲏⲙⲓ ϫⲉ ⲁⲗⲗⲁ ⲁⲩⲉⲣⲁⲡⲟ‐
ⲧⲁⲍⲉⲥⲑⲁⲓ ⲙⲡⲓⲕⲟⲥⲙⲟⲥ ⲁⲩⲉⲣ ⲙⲟⲛⲁⲭⲟⲥ ⲟⲩⲟϩ ⲁⲩⲉⲣ ϩⲱⲃ ⲉⲛⲓⲡⲣⲁⲝⲓⲥ
ⲛⲧⲉ ⲡⲓϧⲉⲗⲗⲟ ⲉⲑⲟⲩⲁⲃ ⲁⲃⲃⲁ ⲙⲁⲕⲁⲣⲓⲟⲥ.


### 0024

ⲁⲩϫⲟⲥ ⲇⲉ ⲟⲛ ⲉⲑⲃⲏⲧϥ ⲛⲑⲟϥ ⲡⲓⲇⲓⲕⲁⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ
ⲣⲁⲕⲟϯ ϫⲉ ⲁⲥϣⲱⲡⲓ ⲛⲟⲩⲥⲏⲟⲩ ⲙⲡⲉ ⲧⲫⲉ ϯ ⲛⲟⲩⲙⲟⲩ ⲛϩⲱⲟⲩ ϩⲓϫⲉⲛ
ⲡⲕⲁϩⲓ ⲟⲩⲟϩ ⲁ ⲟⲩⲙⲏϣ ⲛϥⲉⲛⲧ ⲛⲉⲙ ⲟⲩⲭⲁⲛⲥ ⲣⲱϥ ϣⲱⲡⲓ ϧⲉⲛ ⲛⲓⲕⲟⲓ ⲛⲧⲉ
ⲛⲓⲣⲱⲙⲓ. ⲁⲃⲃⲁ ⲧⲓⲙⲟⲑⲉⲟⲥ ⲇⲉ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲧⲉ ⲣⲁⲕⲟϯ ⲁϥⲟⲩⲱⲣⲡ
ⲛϩⲁⲛ ⲣⲉⲙ ϩⲱⲃ ϩⲁ ⲁⲃⲃⲁ ⲙⲁⲕⲁⲣⲓⲟⲥ ⲉϥϯ ϩⲟ ⲉⲣⲟϥ ϫⲉ ⲁⲙⲟⲩ ⲉⲣⲁⲕⲟϯ
ⲧⲱⲃϩ ⲙⲫ︦ϯ︦ ⲉⲑⲣⲉ ⲟⲩⲙⲟⲩ ⲛϩⲱⲟⲩ ϣⲱⲡⲓ ⲛⲧⲉϥϧⲱⲧⲉⲃ ⲛⲛⲓϥⲉⲛⲧ ⲛⲉⲙ ⲛⲓ‐
ⲭⲟⲛⲥ ⲣⲱϥ ⲟⲩⲟϩ ϧⲉⲛ ⲡϫⲓ ⲛⲑⲣⲟⲩⲑⲉⲧ ⲡⲉϥϩⲏⲧ ⲉⲛ ϩⲁⲛ ⲛⲓϣϯ ⲛϯ ϩⲟ
ⲁϥϣⲉ ⲛⲁϥ ⲛⲉⲙⲱⲟⲩ ⲉⲣⲁⲕⲟϯ ⲟⲩⲟϩ ⲉⲧⲁϥϧⲱⲛⲧ ⲉϯⲃⲁⲕⲓ ⲁ ⲟⲩⲛⲓϣϯ
ⲙⲙⲏϣ ⲓ ⲉⲃⲟⲗ ⲉϩⲣⲁϥ ⲛⲉⲙ ϩⲁⲛ ⲃⲁⲓ. ⲉⲧⲁϥⲫⲟϩ ⲇⲉ ⲉϯⲧⲉⲧⲣⲁⲡⲩⲗⲱⲛ ⲉⲧ-
ϧⲉⲛ ⲑⲙⲏϯ ⲛϯⲃⲁⲕⲓ ⲟⲩⲟϩ ⲛⲁϥⲧⲱⲃϩ ⲙⲫ︦ϯ︦ ϧⲉⲛ ⲡⲉϥϩⲏⲧ ϧⲉⲛ ⲟⲩⲛⲓϣϯ
ⲛϭⲱⲗⲕ. ⲉⲧⲁϥⲓ ⲇⲉ ϧⲁⲧⲉⲛ ⲧⲡⲩⲗⲏ ⲙ-(-ⲙⲑ-)ⲫⲣⲏ ⲁⲥⲉⲣ ϩⲏⲧⲥ ⲛϫⲉ ⲧⲫⲉ
ⲉⲑⲟϥⲧⲉϥ ⲛϩⲁⲛ ⲧⲉⲗⲧⲓⲗⲓ. ⲉⲧⲁϥⲓ ⲇⲉ ⲉϧⲟⲩⲛ ⲉϯⲉⲕⲕⲗⲏⲥⲓⲁ ⲁϥϣⲱⲡⲓ ⲛϫⲉ
ⲟⲩⲛⲓϣϯ ⲙⲙⲟⲩ ⲛϩⲱⲟⲩ ⲛⲉϩⲟⲟⲩ ⲃ︦ ⲛⲉⲙ ⲉϫⲱⲣϩ ⲃ︦ ⲉⲩϭⲟⲗⲕ ϩⲱⲥⲧⲉ ⲛⲧⲉ
ⲛⲓⲣⲱⲙⲓ ⲙⲉⲩⲓ ⲛⲱⲟⲩ ϫⲉ ⲉⲣⲉ ⲡⲓⲕⲁϩⲓ ⲛⲁⲥⲱϧⲉⲙ ⲛⲧⲉϥⲙⲟⲛⲙⲉⲛ ⲛⲧⲉⲛ
ⲡⲁϣⲁⲓ ⲛⲛⲓⲙⲟⲩ ⲛϩⲱⲟⲩ ⲉⲧϧⲉⲛ ⲡⲓⲁⲏⲣ. ⲡⲓϧⲉⲗⲗⲟ ⲇⲉ ⲡⲉϫⲁϥ ⲙⲡⲓⲁⲣⲭⲓ
ⲉⲡⲓⲥⲕⲟⲡⲟⲥ ϫⲉ ⲉⲧⲁⲣⲉⲧⲉⲛⲟⲩⲱⲣⲡ ⲛⲥⲱⲓ ⲉⲑⲃⲉ ⲟⲩ ⲛϩⲱⲃ ⲓⲉ ⲉⲑⲃⲉ ⲟⲩ ⲣⲱ
ⲁⲣⲉⲧⲉⲛⲑⲣⲓⲭⲱ ⲛⲥⲱⲓ ⲛⲧⲁⲣⲓ ⲁⲣⲉⲧⲉⲛⲉⲛⲧ ⲉⲡⲁⲓⲙⲁ. ⲟⲩⲟϩ ⲁ ⲛⲓⲙⲏϣ ⲉⲣ


### 0025

ⲟⲩⲱ ⲛⲁϥ ϫⲉ ⲉⲧⲁⲛⲉⲛⲕ ⲙⲛⲁⲓ ⲉⲑⲣⲉⲕⲧⲱⲃϩ ⲉⲑⲣⲉϥⲓⲛⲓ ⲙⲡⲓⲙⲟⲩ ⲛϩⲱⲟⲩ
ϩⲏⲡⲡⲉ ⲁϥⲓⲣⲓ ⲙⲡⲓⲛⲁⲓ ⲛⲉⲙⲁⲛ. ϯⲛⲟⲩ ⲁ ⲡⲓϩⲟⲩⲟ ⲣⲱϣⲓ ⲧⲱⲃϩ ⲟⲩⲛ ⲛⲧⲉ
ⲡⲓⲙⲟⲩ ⲛϩⲱⲟⲩ ϣⲉ ⲛⲁϥ ⲉⲃⲟⲗ ϩⲁⲣⲟⲛ ϫⲉ ⲛⲛⲉϥⲧⲁⲕⲟⲛ ⲧⲏⲣⲉⲛ ⲧⲉⲛⲛⲁ‐
ⲙⲟⲩ ⲁⲛⲟⲛ ⲛⲉⲙ ⲛⲉⲛϣⲏⲣⲓ ⲛⲉⲙ ⲛⲉⲛⲧⲉⲃⲛⲱⲟⲩⲓ ⲛⲉⲙ ⲉⲛⲭⲁⲓ ⲛⲓⲃⲉⲛ ⲉⲧ‐
ϣⲟⲡ ⲛⲁⲛ. ⲡⲓϧⲉⲗⲗⲟ ⲇⲉ ⲉⲑⲟⲩⲁⲃ ⲁⲃⲃⲁ ⲙⲁ-(-ⲛ̄-)ⲕⲁⲣⲓⲟⲥ ⲁϥⲧⲱⲃϩ ⲟⲩⲟϩ
ⲥⲁⲧⲟⲧϥ ⲁϥϫⲱⲣ ⲉⲃⲟⲗ ⲛϫⲉ ⲡⲓⲙⲟⲩ ⲛϩⲱⲟⲩ. ϧⲉⲛ ϯⲟⲩⲛⲟⲩ ⲁⲥⲭⲁ ⲧⲟⲧⲥ
ⲛϫⲉ ⲧⲫⲉ ⲉⲃⲟⲗϩⲓⲧⲉⲛ ⲡⲓϩⲙⲟⲧ ⲛⲧⲉ ⲫ︦ϯ︦ ⲛⲉⲙ ⲛⲓϣⲗⲏⲗ ⲛⲧⲉ ⲫⲏ ⲉⲑⲟⲩⲁⲃ
ⲁⲃⲃⲁ ⲙⲁⲕⲁⲣⲓⲟⲥ. ⲧⲟⲧⲉ ⲁ ⲛⲓϩⲉⲗⲗⲏⲛⲟⲥ ⲛⲧⲉ ⲣⲁⲕⲟϯ ⲱϣ ⲉⲃⲟⲗ ⲉⲩϫⲱ
ⲙⲙⲟⲥ ϫⲉ ⲟⲩⲙⲁⲅⲟⲥ ⲓ ⲉϧⲟⲩⲛ ϧⲉⲛ ϯⲡⲩⲗⲏ ⲛⲧⲉ ⲫⲣⲏ ⲟⲩⲟϩ ⲙⲡⲉ ⲡⲓⲇⲓⲕⲁⲥ‐
ⲧⲏⲥ ⲉⲙⲓ. ⲁⲃⲃⲁ ⲙⲁⲕⲁⲣⲓⲟⲥ ⲇⲉ ⲁϥⲉⲣ ⲅ̄ ⲛⲉϩⲟⲟⲩ ⲙⲙⲁⲩ ⲁϥⲧⲁⲗϭⲟ ⲛϩⲁⲛ
ⲙⲏϣ ⲛⲣⲱⲙⲓ ⲙⲙⲁⲩ ⲉⲩϣⲱⲛⲓ ⲛⲉⲙ ϩⲁⲛ ⲟⲩⲟⲛ ⲉⲩϣⲏⲗ ⲉⲃⲟⲗ ⲛⲉⲙ ϩⲁⲛ
ⲕⲉⲙⲏϣ ⲛⲥⲙⲟⲧ ⲛϣⲱⲛⲓ ϧⲉⲛ ⲡⲓⲅ̄ ⲛⲉϩⲟⲟⲩ ⲉⲧⲁϥⲁⲓⲧⲟⲩ ϧⲉⲛ ⲣⲁⲕⲟϯ ϩⲟⲧⲉ
ⲉⲧⲁϥⲓ ⲉⲙⲁⲩ ⲉⲃⲟⲗϧⲉⲛ ⲡϣⲁϥⲉ. ⲫⲁⲓ ⲇⲉ ⲁϥϣⲱⲡⲓ ⲉⲃⲟⲗϩⲓⲧⲉⲛ ⲫ︦ϯ︦ ϩⲓⲛⲁ
ⲛⲧⲉ ⲟⲩⲙⲏϣ ⲟⲩϫⲁⲓ ⲟⲩⲟϩ ⲛⲧⲉϥϯ ⲙⲡⲓⲙⲟⲩ ⲛϩⲱⲟⲩ ⲙⲫⲏ ⲉⲑⲟⲩⲁⲃ ⲁⲃⲃⲁ
ⲙⲁⲕⲁⲣⲓⲟⲥ ⲛϩⲙⲟⲧ. ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲁϥⲓ ⲉⲃⲟⲗϧⲉⲛ ⲣⲁⲕⲟϯ ⲁϥⲧⲁⲥ‐
ⲑⲟϥ ⲉϣⲓⲏⲧ ⲛⲕⲉⲥⲟⲡ ϧⲉⲛ ϯϫⲟⲙ ⲛⲧⲉ ⲫϯ. ⲛⲁⲣⲉ ⲛⲓⲥⲛⲏⲟⲩ ϫⲱ ⲙⲙⲟⲥ ⲛⲁϥ
ⲡⲉ ϫⲉ ⲡⲉⲛⲓⲱⲧ ⲁⲕϩⲱⲗ ⲉⲣⲁⲕⲟϯ ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉ (-ⲛⲁ-)


### 0026

ⲛⲁϩϯ ⲉⲣⲟⲓ ⲛⲓⲥⲛⲏⲟⲩ ϫⲉ ⲟⲩⲇⲉ ⲥⲧⲩⲗⲟⲥ ⲟⲩⲇⲉ ⲁⲅⲟⲣⲁ ⲙⲡⲓⲛⲁⲩ ⲉⲟⲩⲟⲛ
ⲙⲙⲱⲟⲩ ⲟⲩⲇⲉ ⲙⲡⲓⲛⲁⲩ ⲉⲡϩⲟ ⲛϩⲗⲓ ⲛⲣⲱⲙⲓ ⲉⲃⲏⲗ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ
ⲙⲙⲁⲩⲁⲧϥ ⲛⲁⲣⲉ ⲛⲓⲙⲏϣ ϩⲟϫϩⲉϫ ⲙⲙⲟⲓ ⲡⲉ ⲉⲙⲁϣⲱ ⲉⲩⲕⲱϯ ⲉⲣⲟⲓ ⲁⲛⲟⲕ
ⲇⲉ ⲁⲓⲭⲁⲥ ϧⲉⲛ ⲡⲁϩⲏⲧ ⲉϣⲧⲉⲙϥⲁⲓ ⲛⲛⲁⲃⲁⲗ ⲉⲡϣⲱⲓ ⲉϫⲟⲩϣⲧ ⲉϩⲗⲓ ϩⲓϫⲉⲛ
ⲡⲕⲁϩⲓ ϩⲓⲛⲁ ⲛⲧⲁϣⲧⲉⲙϯ ϩⲗⲓ ⲛⲗⲱⲓϫⲓ ⲛⲛⲁⲃⲁⲗ.
ϯⲛⲁⲕⲏⲛ ⲉⲣⲟⲓ ϣⲁ ⲙⲛⲁⲓ ⲉⲑⲃⲉ ⲛⲓϩⲃⲏⲟⲩⲓ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ. ⲛⲉ
ⲟⲩⲡⲁⲓⲣⲏϯ ⲟⲩⲛ ⲡⲉ ⲡⲓϫⲱⲣⲓ ⲛⲧⲉⲗⲉⲓⲟⲥ ϧⲉⲛ ⲟⲩⲙⲉⲑⲙⲏⲓ ⲁⲃⲃⲁ ⲙⲁⲕⲁ‐
ⲣⲓⲟⲥ ⲛϣⲟⲩⲙⲉⲛⲣⲓⲧϥ ⲛⲉ ⲟⲩⲣⲉⲙ ⲣⲁⲩϣ ⲡⲉ ⲙⲫⲣⲏϯ ⲙⲙⲱⲩⲥⲏⲥ ⲉϥⲟⲓ ⲇⲉ
ⲛⲥⲡⲟⲩⲇⲁⲓⲟⲥ ⲉⲡⲓϩⲟⲩⲟ ⲛⲁϥϯ ⲭⲟϩ ⲇⲉ ⲛⲛⲓϧⲉⲗϣⲓⲣⲓ ⲉⲑⲣⲟⲩⲟϩⲓ ⲉⲣⲁⲧⲟⲩ
ϧⲉⲛ ϯⲁⲣⲉⲧⲏ ⲉϥϫⲱ ⲙⲙⲟⲥ ⲛⲱⲟⲩ ϫⲉ ⲁⲛⲟⲕ ⲙⲡⲓⲭⲁ ⲧⲟⲧ ⲉⲃⲟⲗ ⲉⲛⲉϩ
ⲟⲩⲇⲉ ⲙⲡⲓϧⲓⲥⲓ ϧⲉⲛ ϯⲁⲥⲕⲏⲥⲓⲥ ⲛⲁϥⲟⲓ ⲇⲉ ⲡⲉ ⲛϣⲟⲩⲙⲉⲛⲣⲓⲧϥ ⲙⲡⲉⲙⲑⲟ
ⲛⲟⲩⲟⲛ ⲛⲓⲃⲉⲛ ⲉϥⲟⲓ ⲛⲛⲁⲏⲧ ⲉⲙⲁϣⲱ. ⲁⲩϫⲟⲥ ⲇⲉ ⲟⲛ ⲉⲑⲃⲏⲧϥ ϫⲉ ⲁⲣⲉⲧⲏ
ⲛⲓⲃⲉⲛ ⲉⲧⲁϥⲛⲁⲩ ⲉⲣⲱⲟⲩ ⲁϥⲁⲓⲧⲟⲩ ⲧⲏⲣⲟⲩ (ⲛⲃ) ⲛⲉⲙ ⲛⲏ ⲟⲛ ⲉⲧⲁϥⲥⲱ‐
ⲧⲉⲙ ⲉⲑⲃⲏⲧⲟⲩ. ⲛⲁⲓⲟⲩⲱϣ ⲇⲉ ⲟⲩⲛ ⲡⲉ ⲱ ⲛⲁⲙⲉⲛⲣⲁϯ ⲉϫⲱ ⲛⲟⲩⲙⲏϣ
ⲛⲱⲧⲉⲛ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁⲓ ⲇⲉ ⲛⲉ ⲛⲏ ⲉⲧⲁⲓϣϫⲉⲙϫⲟⲙ ⲛⲧⲁϩⲱⲟⲩ
ⲛⲧⲁϥ ϩⲁⲛ ⲕⲟⲩϫⲓ ⲉⲙⲁϣⲱ ⲛⲉ ϧⲉⲛ ⲛⲉϥⲡⲟⲗⲓⲧⲉⲓⲁ ⲛⲉⲙ ⲛⲉϥⲁⲥⲕⲏⲥⲓⲥ ⲛⲉ
ⲁϥⲉⲣ ϧⲉⲗⲗⲟ ⲇⲉ ⲡⲉ ⲉϥϫⲏⲕ ⲉⲃⲟⲗ. ⲡⲓⲉϩⲟⲟⲩ ⲇⲉ ⲛⲧⲉ ⲡⲉϥϫⲱⲕ ⲉⲃⲟⲗ ⲁϥ‐
ⲙⲧⲟⲛ ⲙⲙⲟϥ ⲛⲥⲟⲩ ⲥ ⲙⲡⲓⲁⲃⲟⲧ ⲡⲁϣⲟⲛⲥ.


### 0027

ⲙⲁⲣⲉⲛϩⲱ ⲉⲣⲟⲛ ϣⲁ ⲡⲁⲓⲙⲁ ⲉⲑⲃⲉ ⲛⲓϩⲃⲏⲟⲩⲓ ⲛϣⲫⲏⲣⲓ ⲡⲧⲉ ⲡⲓⲁⲅⲓⲟⲥ
ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲣⲁⲕⲟϯ ⲉⲁⲛϩⲱ ⲉⲣⲟⲛ ϣⲁ ⲡⲁⲓⲙⲁ ⲙⲏⲡⲟⲧⲉ ⲛⲧⲉ
ⲡⲓⲥⲁϫⲓ ⲁϣⲁⲓ ⲉⲡⲓϩⲟⲩⲟ ⲥⲉⲣⲱϣⲓ ⲅⲁⲣ ⲛϫⲉ ⲛⲏ ⲉⲧⲁⲛϫⲟⲧⲟⲩ ⲉⲟⲩϩⲏⲩ ⲛⲛⲏ
ⲉⲧⲥⲱⲧⲉⲙ ⲟⲩⲟϩ ⲛⲥⲉⲁⲓⲧⲟⲩ ϩⲟⲡⲱⲥ ⲛⲥⲉϣⲁϣⲛⲓ ⲉⲡⲓⲙⲉⲣⲟⲥ ⲛⲉⲙ ⲡⲓⲕⲗⲏⲣⲟⲥ
ⲛⲧⲉ ⲡⲁⲓϫⲱⲣⲓ ⲁⲗⲏⲑⲱⲥ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲣⲁⲕⲟϯ ⲙⲁⲗⲗⲟⲛ ⲇⲉ
ⲡⲓⲣⲉⲙ ⲓⲗ︦︦︦︦ⲏ︦ⲙ︦ ⲛⲧⲉ ⲧⲫⲉ ⲧⲡⲟⲗⲓⲥ ⲛⲛⲏ ⲉⲧⲟⲩⲛⲟϥ ⲧⲏⲣⲟⲩ ϧⲉⲛ ⲡⲓϩⲙⲟⲧ ⲛⲉⲙ
ⲛⲓⲙⲉⲧϣⲉⲛ ϩⲏⲧ ⲛⲉⲙ ϯⲙⲉⲧⲙⲁⲓ ⲣⲱⲙⲓ ⲛⲧⲉ ⲡⲉⲛⲟ︦ⲥ︦ ⲟⲩⲟϩ ⲡⲉⲛⲥⲱⲧⲏⲣ ⲓ︦ⲏ︦ⲥ︦
ⲡⲭ︦ⲥ︦ ⲫⲁⲓ ⲉⲧⲉ ⲡⲓⲱⲟⲩ ⲫⲱϥ ⲡⲉ ϣⲁ ⲉⲛⲉϩ ⲛⲧⲉ ⲛⲓⲉⲛⲉϩ ⲧⲏⲣⲟⲩ ⲁⲙⲏⲛ.