### 0001

ⲫⲃⲓⲟⲥ ⲙⲡⲓⲛⲓϣϯ ⲙⲫⲱⲥⲧⲏⲣ ⲟⲩⲟϩ ⲙⲡⲛ︦ⲁ︦ⲧⲟⲫⲟⲣⲟⲥ ⲉⲧϫⲏⲕ ⲉⲃⲟⲗ ϧⲉⲛ
ⲁⲣⲉⲧⲏ ⲛⲓⲃⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲫⲓⲱⲧ ⲟⲩⲟϩ ⲡⲁⲣⲭⲏⲅⲟⲥ ⲛⲛⲓⲙⲟⲛⲁⲭⲟⲥ
ⲛⲧⲉ ⲡⲓⲧⲱⲟⲩ ⲉⲑⲟⲩⲁⲃ ⲛⲧⲉ ϣⲓⲏⲧ ⲉⲁϥϩⲓⲥⲧⲟⲣⲉⲓⲛ ⲙⲙⲟϥ ⲛϫⲉ ⲁⲃⲃⲁ ⲥⲁⲣⲁ‐
ⲡⲓⲱⲛ ⲡⲓⲟⲥⲓⲱⲧⲁⲧⲟⲥ ⲛⲉⲡⲓⲥⲕⲟⲡⲟⲥ ⲛⲧⲉ ϯⲃⲁⲕⲓ ⲉⲙⲙⲁⲓ ⲭⲣⲥ ⲑⲙⲟⲩⲓ ⲡⲓ‐
ⲙⲁⲑⲏⲧⲏⲥ ⲛⲧⲉ ⲁⲃⲃⲁ ⲁⲛⲧⲱⲛⲓⲟⲥ ⲡⲓⲡⲛ︦ⲁ︦ⲧⲟⲫⲟⲣⲟⲥ. ϧⲉⲛ ⲟⲩϩⲓⲣⲏⲛⲏ ⲛⲧⲉ
ⲫ︦ϯ︦ ⲁⲙⲏⲛ.
ⲛⲏ ⲙⲉⲛ ⲉⲧⲁϥϩⲓⲥⲧⲟⲣⲓⲛ ⲛϫⲉ ⲡⲓⲃⲱⲕ ⲛⲧⲉ ⲫ︦ϯ︦ ⲙⲱⲩⲥⲏⲥ ⲕⲁⲧⲁ ⲡⲓⲛⲟⲙⲟⲥ
ⲉⲧⲁϥϭⲓⲧϥ ⲛⲧⲉⲛ ⲫ︦ϯ︦ ⲉⲑⲃⲉ ⲡⲉⲛϩⲏⲟⲩ....... ⲉⲑⲃⲉ ϫⲉ ⲡⲓⲛⲟⲙⲟⲥ ⲉⲧⲁϥⲉⲣ
ϭⲁⲩ ⲙⲱⲓⲧ ⲛⲁⲛ ⲉⲡⲭⲥ ⲕⲁⲧⲁ ⲡⲥⲁϫⲓ ⲛϯⲟⲓⲕⲟⲛⲟⲙⲓⲁ ⲙⲫⲣⲏϯ ⲉⲧⲁϥϫⲟⲥ
ⲛϫⲉ ⲡⲓⲁⲡⲟⲥⲧⲟⲗⲟⲥ ⲉⲑⲟⲩⲁⲃ ⲟⲩⲟϩ ⲛⲏ ⲟⲛ ⲉⲧⲁⲩⲥϧⲏⲧⲟⲩ ⲙⲉⲛⲉⲛⲥⲁ ⲡⲓⲛⲟ‐


### 0002

ⲙⲟⲥ ⲉⲓⲧⲉ ⲛⲓⲕⲣⲓⲧⲏⲥ ⲉⲓⲧⲉ ⲛⲓⲡⲣⲟⲫⲏⲧⲏⲥ ⲉⲓⲧⲉ ⲛⲓⲙⲉⲧⲟⲩⲣⲱⲟⲩ ⲉⲓⲧⲉ ⲛⲓ‐
ⲕⲉⲥⲱϫⲡ ⲁⲡⲗⲱⲥ ⲛϯⲡⲁⲗⲁⲓⲁ ⲛⲉⲙ ϯⲕⲁⲓⲛⲏ ⲛⲇⲓⲁⲑⲏⲕⲏ ⲥⲉⲟⲓ ⲛϩⲏⲟⲩ
ⲡⲓϩⲟⲩⲟ ⲉⲑⲃⲉ ϫⲉ ⲛⲁⲣⲉ ⲡⲓⲥⲁϫⲓ ϫⲟⲩϣⲧ ⲉⲡⲁⲓⲥⲕⲟⲡⲟⲥ ⲛⲟⲩⲱⲧ ⲛⲧⲉ ⲧϭⲓ ⲛϫⲓ
ⲥⲁⲣⲝ ⲙⲡⲉⲛⲥⲱⲧⲏⲣ ⲉⲑⲃⲉ ⲫⲁⲓ ⲇⲉ ⲥⲉⲙⲟⲩϯ ⲉϯⲅⲣⲁⲫⲏ ⲛⲁⲡⲁⲥ ϫⲉ ⲛⲟⲙⲟⲥ
ⲕⲁⲧⲁ ⲫⲣⲏϯ ⲉⲧⲥϧⲏⲟⲩⲧ ϧⲉⲛ ⲛⲓⲉⲩⲁⲅⲅⲉⲗⲓⲟⲛ ϫⲉ ⲟⲩⲓⲱⲧⲁ ⲓⲉ ⲟⲩϣⲱⲗϩ
ⲛⲛⲉϥⲥⲓⲛⲓ ⲉⲃⲟⲗϧⲉⲛ ⲡⲓⲛⲟⲙⲟⲥ ϣⲁⲛⲧⲉ ⲛⲁⲓ ⲧⲏⲣⲟⲩ ϣⲱⲡⲓ ⲉⲑⲃⲉ ⲫⲁⲓ ϫⲉ ⲉⲣⲉ
ⲡⲓⲓⲱⲧⲁ ⲛⲉⲙ ⲡⲓϣⲱⲗϩ ⲉⲩϯ ⲙⲏⲓⲛⲓ ⲉⲡⲧⲩⲡⲟⲥ ⲙⲡⲓⲥⲧⲁⲩⲣⲟⲥ ⲫⲁⲓ ⲉⲧⲁ
ⲡϫⲱⲕ ⲛⲛⲁⲓⲡⲣⲟⲫⲏⲧⲉⲓⲁ ⲉⲕⲁⲧⲁⲛⲧⲁⲛ ⲉⲣⲟϥ ⲉⲃⲟⲗϩⲓⲧⲉⲛ ⲡⲟⲥ ⲫⲁⲓ
ⲉⲧⲁⲩⲁϣϥ ⲉϩⲣⲏⲓ ⲉϫⲱⲛ ⲟⲩⲟϩ ⲁϥⲉⲣϩⲩⲡⲟⲙⲉⲛⲉⲓⲛ ⲉⲡⲙⲟⲩ ϧⲉⲛ ⲧⲥⲁⲣⲝ
ϣⲁⲛⲧⲉϥⲥⲱϯ ⲙⲙⲟⲛ ⲛⲉⲙ ⲡⲓⲕⲟⲥⲙⲟⲥ ⲧⲏⲣϥ ⲉⲃⲟⲗϩⲁ ⲡⲁⲙⲁϩⲓ ⲛⲧⲉ ⲡⲓⲇⲓⲁ‐
ⲃⲟⲗⲟⲥ. ⲛⲏ ⲇⲉ ϩⲱⲟⲩ ⲉⲧⲁⲩϣⲱⲡⲓ ⲛⲣⲉϥϣⲉⲙϣⲓ ⲙⲡⲓⲥⲁϫⲓ ⲕⲁⲧⲁ ⲧⲥⲃⲱ
ⲙⲡⲉⲛⲛⲏⲃ ⲁⲓⲥⲁϫⲓ ⲉⲛⲓⲁⲡⲟⲥⲧⲟⲗⲟⲥ ⲉⲑⲟⲩⲁⲃ ⲛⲁⲓ ⲉⲧⲁ ⲡⲟⲩϧⲣⲱⲟⲩ ⲓ ⲉⲃⲟⲗ‐
ϩⲓϫⲉⲛ ⲡⲕⲁϩⲓ ⲧⲏⲣϥ ⲟⲩⲟϩ ⲁⲩϣⲱⲡⲓ ⲛⲟⲩϫⲁⲓ ⲛϯⲟⲓⲕⲟⲩⲙⲉⲛⲏ ⲧⲏⲣⲥ ⲟⲩⲟϩ
ⲟⲛ ⲛⲓⲕⲉⲭⲱⲟⲩⲛⲓ ⲉⲧⲁⲩⲓ ⲙⲉⲛⲉⲛⲥⲁ ⲛⲁⲓ ⲉⲩⲟⲩⲉϩ ⲛⲥⲁ ⲛⲁⲓϣⲉⲛⲧⲁⲧⲥⲓ
ⲛⲟⲩⲱⲧ ⲛⲧⲉ ϯⲙⲉⲧⲑⲉⲟⲥⲉⲃⲏⲥ ⲉⲩⲉⲣⲁⲅⲱⲛⲓⲍⲉⲥⲑⲁⲓ ϧⲉⲛ ϫⲟⲙ ⲛⲓⲃⲉⲛ ⲟⲩⲃⲉ


### 0003

ⲛⲓⲃⲱⲧⲥ ⲛⲉⲛⲁⲛⲧⲓⲟⲛ ⲉⲧϧⲉⲛ ⲡⲁⲓⲃⲓⲟⲥ ⲛⲥⲙⲟⲧ ⲛⲣⲁⲥⲟⲩⲓ ⲉⲩϫⲟⲩϣⲧ ⲉⲃⲟⲗϩⲁ
ⲧϩⲏ ⲛϯϩⲉⲗⲡⲓⲥ ⲛⲁⲧⲧⲁⲕⲟ ⲕⲁⲧⲁ ⲫⲣⲏϯ ⲉⲧⲁ ⲡⲟ︦ⲥ︦ ⲧⲥⲁⲃⲟⲛ ϩⲓⲧⲉⲛ ⲛⲉϥⲥ‐
ⲃⲱⲟⲩⲓ ⲉⲑⲟⲩⲁⲃ ϧⲉⲛ ⲛⲓⲉⲩⲁⲅⲅⲉⲗⲓⲟⲛ ϩⲱⲥ ϫⲉ ϥϩⲉϫϩⲱϫ ⲛϫⲉ ⲡⲓⲙⲱⲓⲧ ⲉⲧϭⲓ
ⲉϧⲟⲩⲛ ⲉⲡⲱⲛϧ ϩⲁⲛ ⲕⲟⲩϫⲓ ⲇⲉ ⲡⲉ ⲉⲧⲛⲁϫⲉⲙϥ. ⲛⲁⲓ ⲟⲩⲛ ⲉϥⲥⲟⲙⲥ ⲉⲣⲱⲟⲩ
ⲟⲩⲟϩ ⲉϥⲉⲣⲙⲉⲗⲉⲧⲁⲛ ⲛϧⲏⲧⲟⲩ ⲛϫⲉ ⲡⲉⲑⲟⲩⲁⲃ ⲙⲡⲛ︦ⲁ︦ⲧⲟⲫⲟⲣⲟⲥ ⲁⲃⲃⲁ ⲙⲁ‐
ⲕⲁⲣⲓⲟⲥ ⲁϥⲭⲟϩ ϧⲉⲛ ⲟⲩⲭⲟϩ ⲛⲉⲛⲁⲛⲉϥ ⲟⲩⲟϩ ⲁϥⲉⲣⲁⲕⲟⲗⲟⲩⲑⲉⲓⲛ
ⲉⲣⲱⲟⲩ ⲉⲁϥϣⲱⲡⲓ ⲛϣⲟⲩⲉⲣ ϣⲫⲏⲣⲓ ⲙⲙⲟϥ ϧⲉⲛ ⲡⲥⲁϫⲓ ⲛⲉⲙ ⲡϩⲱⲃ ⲟⲩⲟϩ
ⲕⲁⲧⲁ ⲫⲣⲏϯ ⲇⲉ ⲟⲛ ⲉⲧⲉ ⲡⲓⲥⲁϫⲓ ⲛⲁⲧⲁⲙⲟⲛ ⲁⲛϣⲁⲛⲙⲟϣⲓ ⲉⲧϩⲏ ⲟⲩⲕⲟⲩⲛ
ⲕⲁⲧⲁ ⲡⲉⲛⲥⲁϫⲓ ϩⲱⲛ ⲧⲉⲛⲛⲁϣⲱⲡⲓ ⲛⲟⲩϩⲏⲟⲩ ⲛⲛⲓⲁⲕⲣⲟⲁⲧⲏⲥ ⲛⲧⲉ ϯⲙⲉⲧ‐
ⲉⲩⲥⲉⲃⲏⲥ ⲁⲛϣⲁⲛⲟⲩⲱⲛϩ ⲉⲃⲟⲗ ϩⲓⲧⲉⲛ ⲡⲓⲉϩⲙⲟⲧ ⲛⲧⲉ ⲡⲟ︦ⲥ︦ ⲛⲛⲓⲡⲟⲗⲓⲧⲉⲓⲁ
ⲛⲧⲉ ⲡⲁⲓⲁⲅⲓⲟⲥ ⲁⲡⲟⲙⲉⲣⲱⲥ.
ⲡⲓⲛⲓϣϯ ⲇⲉ ⲟⲩⲛ ⲉⲧⲉⲙⲙⲁⲩ ⲁⲃⲃⲁ ⲙⲁⲕⲁⲣⲓⲟⲥ ⲕⲁⲧⲁ ⲫⲣⲏϯ ⲉⲧⲁⲛⲥⲱ‐
ⲧⲉⲙ ⲉⲛⲉⲛⲓⲟϯ ⲉⲧϧⲁϫⲱⲛ ⲛⲉ ⲟⲩ ⲉⲃⲟⲗ ⲡⲉ ϧⲉⲛ ϩⲁⲛ ⲓⲟϯ ⲛⲉⲩⲥⲉⲃⲏⲥ ⲉⲩⲟⲛϧ
ϧⲉⲛ ϯϣⲁⲙϣⲉ ⲛⲟⲩϯ ⲟⲩⲟϩ ⲉⲩⲉⲣⲡⲟⲗⲓⲧⲉⲩⲉⲥⲑⲉ ⲕⲁⲧⲁ ⲡⲓⲛⲟⲙⲟⲥ ⲉⲩⲁⲅⲅⲉ‐
ⲗⲓⲕⲟⲛ ⲉⲑⲟⲩⲁⲃ ⲟⲩⲟϩ ⲡⲉϥⲓⲱⲧ ⲛⲉ ⲟⲩⲟⲩⲏⲃ ⲡⲉ ⲉϥⲙⲏⲛ ⲉⲡⲓⲙⲁ ⲛⲉⲣ ϣⲱⲟⲩϣⲓ
ⲛⲧⲉ ⲫ︦ϯ︦ ϧⲉⲛ ⲟⲩⲛⲓϣϯ ⲙⲡⲣⲟⲑⲩⲙⲓⲁ ⲧⲉϥⲙⲁⲩ ⲇⲉ ⲛⲉ ⲟⲩⲡⲓⲥⲧⲏ ⲧⲉ ⲛⲣⲉϥⲉⲣ
ϩⲟϯ ⲟⲩⲟϩ ⲉⲥⲙⲟϣⲓ ϧⲉⲛ ⲟⲩⲙⲉⲧϣⲫⲓⲏϯ ⲟⲩⲟϩ ⲉⲥⲉⲣⲥⲉⲃⲉⲥⲑⲁⲓ ⲙⲫ︦ϯ︦ ϧⲉⲛ


### 0004

ⲟⲩⲙⲟⲩⲛ ⲉⲃⲟⲗ. ⲛⲁⲓ ⲇⲉ ⲛⲉ ϩⲁⲛ ⲑⲙⲏⲓ ⲛⲉ ⲙⲡⲃ︦ ⲟⲩⲟϩ ⲛⲁⲣⲉ ⲡⲭ︦ⲥ︦ ϣⲟⲡ
ⲛⲉⲙⲱⲟⲩ ⲉⲩⲟⲓ ⲇⲉ ⲛϩⲉⲛⲟⲩϥⲓ ϧⲉⲛ ⲛⲓⲭⲣⲉⲓⲁ ⲛⲧⲉ ⲡⲓⲃⲓⲟⲥ ⲉⲩⲥⲣⲱϥⲧ ⲇⲉ
ⲙⲁⲗⲗⲟⲛ ⲉⲡⲟⲩϫⲁⲓ ⲛⲛⲟⲩⲯⲩⲭⲏ ⲉⲁ ⲟⲩϣⲉⲣⲓ ⲇⲉ ϣⲱⲡⲓ ⲛⲱⲟⲩ ⲛϣⲟⲣⲡ
ⲙⲙⲓⲥⲓ ⲟⲩⲟϩ ⲉⲧⲁⲥⲁⲓⲁⲓ ⲛⲟⲩⲕⲟⲩϫⲓ ⲁ ⲡⲟ︦ⲥ︦ ϫⲉⲙ ⲡⲉⲥϣⲓⲛⲓ ⲟⲩⲟϩ ⲁⲥⲥⲓⲛⲓ
ⲉⲃⲟⲗϧⲉⲛ ⲡⲁⲓⲃⲓⲟⲥ. ⲡⲓⲙⲁⲓⲛⲟⲩϯ ⲟⲩⲛ ⲙⲡⲣⲉⲥⲃⲩⲧⲉⲣⲟⲥ ⲛⲉⲙ ⲧⲉϥⲙⲁⲕⲁⲣⲓⲁ
ⲛⲥϩⲓⲙⲓ ϩⲱⲥ ⲉⲩⲉⲣⲁⲅⲁⲡⲁⲛ ⲉⲡⲓⲧⲟⲩⲃⲟ ⲙⲡⲃ︦ ⲁⲩⲉⲣⲏⲥⲩⲭⲁⲍⲉⲓⲛ ⲧⲉⲱⲥ
ϧⲁⲣⲓ ϧⲁⲣⲱⲟⲩ ⲉⲃⲟⲗϩⲁ ⲧⲟⲩϣⲁⲓⲣⲓ ⲙⲉⲛⲉⲛⲥⲁ ⲫⲙⲟⲩ ⲛϯⲁⲗⲟⲩ ⲛⲟⲩⲥⲏⲟⲩ
ⲉⲩⲥⲣⲱϥⲧ ⲉⲡⲓϣⲗⲏⲗ ⲗⲟⲓⲡⲟⲛ ⲛⲉⲙ ϯⲛⲏⲥⲧⲉⲓⲁ ⲛⲉⲙ ϯⲙⲉⲧⲛⲁⲏⲧ ⲛⲉⲙ
ⲡϣⲉⲙϣⲓ ⲛⲛⲏ ⲉⲧϣⲱⲛⲓ ⲉⲁⲩⲉⲣ ⲥⲱⲓⲧ ⲛⲧⲁⲓϧⲉ ⲧⲏⲣⲥ ϧⲉⲛ ϯⲙⲉⲧⲉⲩⲥⲉⲃⲏⲥ
ⲁⲩϣⲱⲡⲓ ⲛϣⲟⲩⲙⲉⲛⲣⲓⲧⲟⲩ ϩⲓⲧⲉⲛ ⲟⲩⲟⲛ ⲛⲓⲃⲉⲛ ⲡⲓⲙⲁⲥⲧⲉ ⲡⲉⲑⲛⲁⲛⲉϥ ⲇⲉ
ⲛⲇⲓⲁⲃⲟⲗⲟⲥ ⲙⲡⲉϥϣϥⲁⲓ ⲉⲣⲟϥ ⲉϥⲛⲁⲩ ⲉⲣⲟⲟⲩ ⲉⲩⲟⲛϧ ϧⲉⲛ ⲡⲁⲓϫⲓ ⲛⲱⲛϧ
ⲉϥϩⲟⲩⲣⲱⲟⲩ ⲙⲡⲁⲓⲣⲏϯ ⲁⲗⲗⲁ ⲁϥⲭⲟϩ ⲉⲣⲱⲟⲩ ⲕⲁⲧⲁ ⲧⲉϥⲕⲁϩⲥ ⲟⲩⲟϩ
ⲡⲁⲓⲣⲏϯ ⲁϥⲧⲟⲩⲛⲟⲥ ϩⲁⲛ ⲡⲉⲓⲣⲁⲥⲙⲟⲥ ⲉϩⲣⲏⲓ ⲉϫⲱⲟⲩ ⲟⲩⲟⲛ ⲛⲥⲁ ⲟⲩⲟⲛ
ϩⲓⲧⲉⲛ ⲛⲓⲣⲱⲙⲓ ⲛⲥⲕⲁⲛⲇⲁⲗⲟⲛ ⲟⲩⲟϩ ⲉⲧⲟⲓ ⲛⲟⲣⲅⲁⲛⲟⲛ ⲛⲁϥ ⲛⲑⲟϥ ⲡⲥⲁⲧⲁ‐
ⲛⲁⲥ ϩⲱⲥⲧⲉ ⲛⲧⲟⲩⲉⲣⲥⲕⲟⲣⲡⲓⲍⲉⲓⲛ ⲟⲩⲟϩ ⲛⲧⲟⲩϫⲱⲣ ⲉⲃⲟⲗ ⲛⲉⲛⲭⲁⲓ ⲛⲓⲃⲉⲛ


### 0005

ⲉⲧϣⲟⲡ ⲛⲱⲟⲩ ⲙⲫⲣⲏϯ ⲙⲡⲓⲅⲉⲛⲛⲁⲓⲟⲥ ⲉⲧⲉⲙⲙⲁⲩ ϧⲉⲛ ⲛⲁ ⲫ︦ϯ︦ ⲉⲓⲥⲁϫⲓ
ⲉⲓⲱⲃ ⲡⲓⲑⲙⲏⲓ ⲉⲑⲃⲉ ϫⲉ ϧⲉⲛ ⲡⲓⲥⲏⲟⲩ ⲉⲧⲉⲙⲙⲁⲩ ⲛⲉ ⲙⲙⲟⲛ ϩⲗⲓ ⲛⲕⲁⲧⲁⲥ‐
ⲧⲁⲥⲓⲥ ϣⲟⲡ ϧⲉⲛ ⲧⲟⲩⲭⲱⲣⲁ ⲡⲉ. ϯⲛⲁⲓⲁⲧⲥ ⲇⲉ ⲛⲥϩⲓⲙⲓ ⲛⲧⲉ ⲡⲓⲙⲁⲕⲁⲣⲓⲟⲥ
ⲙⲡⲣⲉⲥⲃⲩⲧⲉⲣⲟⲥ ⲉⲧⲁⲥⲛⲁⲩ ⲉⲫⲏ ⲉⲧⲁϥϣⲱⲡⲓ ⲙⲙⲟⲥ ⲟⲩⲟϩ ⲉⲧⲁⲩⲁⲙⲟⲛⲓ
ⲙⲙⲟⲥ ϩⲓⲧⲉⲛ ϯⲙⲉⲧϣⲗⲁϩ ⲛϩⲏⲧ ⲁⲥϯ ⲥⲟϭⲛⲓ ⲙⲡⲉⲥϩⲁⲓ ϫⲉ ϩⲓⲛⲁ ϧⲉⲛ
ⲟⲩⲛⲟϩⲉⲙ ⲛⲧⲟⲩⲛⲟϩⲉⲙ ⲛⲧⲟⲩⲯⲩⲭⲏ ⲟⲩⲟϩ ⲛⲧⲟⲩⲓ ⲉⲃⲟⲗϧⲉⲛ ⲡⲟⲩⲕⲁϩⲓ
ⲛⲉⲙ ⲉⲃⲟⲗϧⲉⲛ ⲧⲟⲩⲥⲩⲅⲅⲉⲛⲉⲓⲁ ⲟⲩⲟϩ ⲡⲁⲓⲣⲏϯ ⲁⲥϣⲱⲡⲓ. ⲛⲑⲟϥ ⲇⲉ ⲡⲓⲡⲣⲉⲥ‐
ⲃⲩⲧⲉⲣⲟⲥ ϩⲱⲥ ⲉϥⲫⲏϣ ϧⲉⲛ ⲡⲉϥⲗⲟⲅⲓⲥⲙⲟⲥ ⲟⲩⲟϩ ⲛⲁϥⲟⲓ ⲛⲣⲱⲟⲩϣ ⲛⲧⲁⲓϧⲉ
ⲧⲏⲣⲥ ⲟⲩⲟϩ ⲛⲁϥϫⲱ ⲙⲙⲟⲥ ⲡⲉ ϫⲉ ⲟⲩ ⲡⲉ ⲫⲁⲓ ⲉⲧⲁϥϣⲱⲡⲓ ⲙⲙⲟⲓ ⲉⲓⲧⲁ
ⲉⲧⲁϥⲉⲛⲕⲟⲧ ϧⲉⲛ ⲡⲓⲉϫⲱⲣϩ ⲓⲥ ϩⲏⲡⲡⲉ ⲁϥⲛⲁⲩ ϧⲉⲛ ⲟⲩϩⲟⲣⲁⲙⲁ ⲉⲟⲩϧⲉⲗⲗⲟ
ⲛⲁⲅⲓⲟⲥ ⲉϥⲉⲣ ⲟⲩⲱⲓⲛⲓ ⲛⲧⲁⲓϧⲉ ⲧⲏⲣⲥ ⲉϥϫⲟⲗϩ ⲇⲉ ⲛⲟⲩϩⲃⲟⲥ ⲙⲡⲁⲧⲣⲓⲁⲣⲭⲏⲥ
ⲟⲩⲟϩ ⲉⲧⲁϥϧⲱⲛⲧ ⲉⲣⲟϥ ⲡⲉϫⲁϥ ⲛⲁϥ ϫⲉ ⲙⲡⲉⲣⲉⲣ ϩⲟϯ ⲁⲛⲟⲕ ⲡⲉ ⲁⲃⲣⲁⲁⲙ
ⲫⲓⲱⲧ ⲛⲓⲥⲁⲁⲕ ⲫⲏ ⲉⲧⲁϥϫⲫⲉ ⲓⲁⲕⲱⲃ ⲥⲱⲧⲉⲙ ⲟⲩⲛ ⲛⲥⲱⲓ ⲟⲩⲟϩ ⲙⲡⲉⲣⲉⲣ
ⲁⲧⲥⲱⲧⲉⲙ ⲛⲥⲁ ⲧⲥⲙⲏ ⲛⲧⲉⲕⲥϩⲓⲙⲓ ⲟⲩⲟϩ ⲁⲙⲟⲩ ⲉⲃⲟⲗϧⲉⲛ ⲡⲁⲓⲕⲁϩⲓ ϫⲉ
ⲟⲩⲏⲓ ⲡⲁⲓⲣⲏϯ ⲁϥϯ ⲙⲁϯ ⲛϫⲉ ⲫ︦ϯ︦. ⲁⲙⲟⲩ ϫⲉ ϣⲱⲡⲓ ϧⲉⲛ ⲡϫⲓϫⲃⲏⲣ ⲁⲛⲟⲕ


### 0006

ⲇⲉ ⲛⲛⲁⲭⲁⲕ ⲛⲥⲱⲓ ⲡⲉϫⲉ ⲡⲟ︦ⲥ︦ ⲁⲗⲗⲁ ϯⲛⲁⲥⲙⲟⲩ ⲉⲣⲟⲕ ⲡⲉϫⲁϥ ⲕⲁⲓ ⲅⲁⲣ
ⲁⲛⲟⲕ ϩⲱ ⲁⲓⲓ ⲉⲃⲟⲗϧⲉⲛ ⲧⲁⲭⲱⲣⲁ ⲭⲁⲣⲣⲁⲛ ⲟⲩⲟϩ ⲁⲓϣⲱⲡⲓ ϧⲉⲛ ⲡⲕⲁϩⲓ
ⲛⲭⲁⲛⲁⲁⲛ ⲙⲫⲣⲏϯ ⲉⲧⲁ ⲡⲟ︦ⲥ︦ ϫⲟⲥ ⲛⲏⲓ ⲟⲩⲟϩ ⲁⲛⲟⲕ ϯⲛⲁϯ ⲛⲁⲕ ⲛⲟⲩϣⲏⲣⲓ
ⲡⲉϫⲉ ⲡⲟ︦ⲥ︦ ⲉⲃⲟⲗϧⲉⲛ ⲧⲁⲓⲥϩⲓⲙⲓ ⲑⲁⲓ ⲉⲧϣⲟⲡ ⲛⲉⲙⲁⲕ ϯⲛⲟⲩ ⲟⲩⲟϩ ⲡⲉϥⲣⲁⲛ
ⲛⲁϣⲱⲡⲓ ⲉϥⲙⲏⲛ ⲉⲃⲟⲗ ϣⲁ ϩⲁⲛ ϫⲱⲟⲩ ⲛⲉⲙ ⲛⲓϣⲏⲣⲓ ⲉⲧⲉϥⲛⲁϫⲫⲱⲟⲩ
ⲡⲛ︦ⲁ︦ⲧⲓⲕⲱⲥ ⲉⲑⲣⲟⲩϣⲉⲙϣⲓ ⲙⲙⲟⲓ ϧⲉⲛ ⲡⲓⲙⲁ ⲉϯⲛⲁⲧⲁⲙⲟϥ ⲉⲣⲟϥ. ⲛⲁⲓ ⲇⲉ
ⲉϥⲥⲱⲧⲉⲙ ⲉⲣⲱⲟⲩ ⲛϫⲉ ⲡⲓϧⲉⲗⲗⲟ ⲛⲟⲩⲏⲃ ⲛⲁϥⲉⲣ ϣⲫⲏⲣⲓ ⲉⲙⲁϣⲱ ⲙⲁⲗⲗⲟⲛ
ⲇⲉ ⲛⲁϥⲣⲁϣⲓ ⲡⲉ ⲉϩⲣⲏⲓ ⲉϫⲉⲛ ⲡⲓⲑⲱⲧ ⲛϩⲏⲧ ⲉⲧⲁ ⲧⲟⲟⲩⲓ ⲇⲉ ϣⲱⲡⲓ ⲁϥⲙⲟⲩϯ
ⲉⲧⲉϥⲥϩⲓⲙⲓ ⲟⲩⲟϩ ⲁϥⲥⲁϫⲓ ϧⲁⲧⲟⲧⲥ ⲛⲛⲏ ⲧⲏⲣⲟⲩ ⲉⲧⲁϥⲛⲁⲩ ⲉⲣⲱⲟⲩ ⲕⲁⲧⲁ
ⲫⲣⲏϯ ⲉⲧⲁⲩⲥⲁϫⲓ ⲛⲉⲙⲁϥ. ⲥⲁⲧⲟⲧⲟⲩ ⲇⲉ ⲉⲧⲁⲩϯ ⲙⲁϯ ⲉϫⲉⲛ ⲡⲓⲑⲱϣ ⲛⲧⲉ
ⲫ︦ϯ︦ ⲧⲟⲧⲉ ⲁⲩⲥⲱϫⲡ ⲙⲡⲥⲉⲡⲓ ⲛⲛⲏ ⲉⲧϣⲟⲡ ⲛⲱⲟⲩ ⲁⲩⲓ ⲉⲃⲟⲗϧⲉⲛ ⲡⲓⲕⲁϩⲓ
ⲉⲧⲁⲩϣⲟⲡ ⲛϧⲏⲧϥ ⲟⲩⲟϩ ⲉⲧⲁⲩⲓ ⲉⲡϫⲓϫⲃⲏⲣ ⲁⲩϣⲱⲡⲓ ⲙⲙⲁⲩ ⲕⲁⲧⲁ ⲫⲣⲏϯ
ⲉⲧⲁⲩⲟⲩⲁϩⲥⲁϩⲛⲓ ⲛⲱⲟⲩ ϧⲉⲛ ⲡⲓϭⲱⲣⲡ ⲉⲃⲟⲗ. ⲛⲉⲁⲩⲓⲛⲓ ⲛⲉⲙⲱⲟⲩ ⲡⲉ
ⲛⲟⲩⲕⲟⲩϫⲓ ⲛⲭⲣⲉⲓⲁ ϧⲉⲛ ⲡⲉⲧϩⲏⲡ ⲉⲡⲟⲩⲣⲱϣⲓ ϫⲉ ϩⲓⲛⲁ ⲉⲩⲉϣⲉⲡ ⲫⲏ
ⲉⲧⲟⲩⲉⲣ ⲉⲛⲭⲣⲉⲓⲁ ⲙⲙⲟϥ. ⲉⲧⲁⲩϣⲱⲡⲓ ⲟⲩⲛ ϧⲉⲛ ⲡⲓϫⲓϫⲃⲏⲣ ⲟⲩⲟϩ ⲛⲁⲩ‐


### 0007

ⲙⲟϣⲓ ⲟⲛ ⲡⲉ ϧⲉⲛ ⲛⲓⲉⲛⲧⲟⲗⲏ ⲛⲧⲉ ⲡⲟⲥ ⲕⲁⲧⲁ ⲧⲟⲩⲥⲩⲛⲏⲑⲉⲓⲁ ⲉⲩⲛⲁⲩ
ⲟⲩⲛ ⲉⲛⲓⲥⲙⲟⲧ ⲉⲑⲛⲁⲛⲉⲩ ⲛⲧⲉ ⲡⲓϧⲉⲗⲗⲟ ⲛⲟⲩⲏⲃ ⲉⲧⲉⲙⲙⲁⲩ ⲛϫⲉ ⲛⲓⲕⲗⲏ‐
ⲣⲓⲕⲟⲥ ⲛⲧⲉ ⲡⲓϯⲙⲓ ⲛⲁⲩϯ ϩⲟ ϩⲓⲛⲁ ⲉϥⲉⲉⲣ ϣⲫⲏⲣ ⲛϣⲉⲙϣⲓ ⲛⲉⲙⲱⲟⲩ
ⲉⲡⲓⲙⲁ ⲛⲉⲣ ϣⲱⲟⲩϣⲓ. ⲛⲑⲟϥ ⲇⲉ ⲙⲡⲉϥⲉⲣⲁⲛⲉⲭⲉⲥⲑⲁⲓ ⲕⲁⲧⲁ ⲫⲛⲟⲙⲟⲥ
ⲛⲛⲓⲕⲁⲛⲱⲛ. ⲉⲧⲁϥⲉⲣ ⲟⲩⲕⲟⲩϫⲓ ⲇⲉ ⲛⲥⲏⲟⲩ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲟⲩⲟϩ
ⲉⲧⲁϥⲥⲉⲙⲛⲓ ⲧⲟⲧⲉ ⲁϥⲉⲣ ϩⲏⲧⲥ ⲛⲉⲣ ϩⲱⲃ ⲉⲡⲓⲕⲁϩⲓ ⲟⲩⲟϩ ⲉⲱⲛϧ ⲉⲃⲟⲗ
ⲛϩⲏⲧϥ ⲉⲑⲃⲉ ϫⲉ ⲛⲉ ⲟⲩⲟⲩⲱⲓ ⲡⲉ. ⲉⲧⲁ ⲟⲩⲥⲏⲟⲩ ⲇⲉ ⲟⲛ ⲥⲓⲛⲓ ⲁϥⲉⲣ ϩⲏⲧⲥ
ⲛϣⲱⲛⲓ ⲟⲩⲟϩ ⲁϥⲉⲣⲁⲓⲧⲉⲓⲛ ⲉⲑⲣⲟⲩⲟⲗϥ ⲉϯⲉⲕⲕⲗⲏⲥⲓⲁ ⲛⲧⲉϥⲉⲛⲕⲟⲧ ⲙⲙⲁⲩ
ⲕⲁⲧⲁ ⲟⲩⲛⲁϩϯ ϫⲉ ϩⲓⲛⲁ ⲉϥⲉϭⲓ ⲙⲡⲓⲧⲁⲗϭⲟ. ⲉⲧⲓ ⲉϥⲟⲓ ⲛϣⲣⲱⲓⲥ ⲙⲡⲓⲉϫⲱⲣϩ
ⲛⲧⲉⲛ ⲡⲓⲧⲓⲧⲕⲁⲥ ⲛⲧⲉ ⲡⲓϣⲱⲛⲓ ⲁϥⲛⲁⲩ ⲟⲩⲟϩ ϩⲏⲡⲡⲉ ⲓⲥ ⲟⲩⲁⲅⲅⲉⲗⲟⲥ ⲛⲧⲉ
ⲡⲟ︦ⲥ︦ ⲁϥⲟϩⲓ ⲉⲣⲁⲧϥ ϧⲉⲛ ⲡⲓⲙⲁ ⲛⲉⲣ ϣⲱⲟⲩϣⲓ ⲟⲩⲟϩ ⲁϥⲙⲟⲩϯ ⲉⲣⲟϥ ⲛⲟⲩ‐
ⲥⲟⲡ ⲛⲉⲙ ⲃ̄ ϣⲁ ⲫⲙⲁϩ ⲅ̄ ⲛⲥⲟⲡ ⲉϥϫⲱ ⲙⲙⲟⲥ ϫⲉ ⲧⲱⲛⲕ ⲁⲙⲟⲩ ⲉⲡⲁⲓⲙⲁ.
ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ϯϯϩⲟ ⲉⲣⲟⲕ ⲡⲁⲟⲥ ϫⲉ ⲟⲩⲏⲓ ⲙⲙⲟⲛ ϣϫⲟⲙ
ⲙⲙⲟⲓ ⲉⲑⲃⲉ ⲡⲓϣⲱⲛⲓ ⲉⲧϩⲓϫⲱⲓ. ⲉⲧⲁϥϧⲟⲛⲧϥ ⲇⲉ ⲉⲣⲟϥ ⲛϫⲉ ⲡⲓⲁⲅⲅⲉⲗⲟⲥ
ⲁϥϭⲓ ⲛⲉⲙⲁϥ ⲉϥϫⲱ ⲙⲙⲟⲥ ϫⲉ ⲡⲟⲥ ⲡⲉ ⲉⲧⲁϥⲟⲩⲁϩⲥⲁϩⲛⲓ ⲉⲑⲣⲉⲕⲟⲩϫⲁⲓ
ⲧⲱⲛⲕ ⲟⲩⲟϩ ⲟϩⲓ ⲉⲣⲁⲧⲕ. ⲟⲩⲟϩ ⲥⲁⲧⲟⲧϥ ⲁϥⲧⲱⲛϥ ⲁϥⲟϩⲓ ⲉⲣⲁⲧϥ ⲟⲩⲟϩ


### 0008

ⲡⲉϫⲁϥ ⲛⲁϥ ⲛϫⲉ ⲡⲓⲁⲅⲅⲉⲗⲟⲥ ϫⲉ ⲙⲁϣⲉ ⲛⲁⲕ ⲉⲡⲉⲕⲏⲓ ⲟⲩⲟϩ ⲉⲕⲉⲥⲟⲩⲉⲛ
ⲧⲉⲕⲥϩⲓⲙⲓ ⲟⲩⲟϩ ⲉⲥⲉⲉⲣ ⲃⲟⲕⲓ ⲟⲩⲟϩ ⲉⲥⲉⲙⲓⲥⲓ ⲛⲁⲕ ⲛⲟⲩϣⲏⲣⲓ ⲟⲩⲟϩ ⲉⲣⲉ
ⲟⲩⲣⲁϣⲓ ϣⲱⲡⲓ ⲛⲁⲕ ⲛⲉⲙ ⲧⲉϥⲙⲁⲩ ⲟⲩⲟϩ ⲫⲁⲓ ⲛⲁϣⲱⲡⲓ ⲉϥⲟⲓ ⲛⲥⲱⲓⲧ ϧⲉⲛ
ϯⲙⲉⲧⲉⲩⲥⲉⲃⲏⲥ ϩⲱⲥⲧⲉ ⲛⲥⲉⲫⲓⲣⲓ ⲉⲡⲉϥⲣⲁⲛ ϩⲓϫⲉⲛ ⲡⲕⲁϩⲓ ⲧⲏⲣϥ ⲥⲭⲉⲇⲟⲛ
ϫⲉ ⲟⲩⲏⲓ ϥⲛⲁⲓⲛⲓ ⲛⲟⲩⲗⲁⲟⲥ ⲉϧⲟⲩⲛ ⲉⲫ︦ϯ︦ ⲉⲑⲣⲟⲩϣⲉⲙϣⲓ ⲙⲙⲟϥ ⲙⲫⲣⲏϯ
ⲛⲛⲓⲁⲅⲅⲉⲗⲟⲥ ⲉⲧⲁⲩⲧⲉⲛⲑⲱⲛⲟⲩ ⲥⲭⲉⲇⲟⲛ ⲉⲛⲓⲁⲥⲱⲙⲁⲧⲟⲥ ϧⲉⲛ ⲧⲟⲩⲡⲟⲗⲓ‐
ⲧⲉⲓⲁ ⲛⲉⲙ ⲡⲟⲩϣⲉⲙϣⲓ. ⲉⲧⲁϥⲛⲉϩⲥⲓ ⲇⲉ ⲉⲡϣⲱⲓ ⲉⲃⲟⲗϧⲉⲛ ⲡⲓϩⲟⲣⲁⲙⲁ
ⲉⲥϧⲁⲧⲟⲧϥ ⲛϫⲉ ⲧⲉϥⲥϩⲓⲙⲓ ϧⲉⲛ ϯⲉⲕⲕⲗⲏⲥⲓⲁ ⲉⲥϣⲉⲙϣⲓ ⲙⲙⲟϥ ⲁϥⲧⲁⲙⲟⲥ
ⲉⲛⲁⲓ ⲧⲏⲣⲟⲩ. ⲉⲧⲁ ϣⲱⲣⲡ ⲟⲩⲛ ϣⲱⲡⲓ ⲁⲩϣⲉ ⲛⲱⲟⲩ ⲉⲡⲟⲩⲏⲓ ⲟⲩⲟϩ ⲙⲡⲁⲧⲉ
ⲉⲥⲕⲓ ϣⲱⲡⲓ ⲁⲥⲉⲣ ⲃⲟⲕⲓ ⲛϫⲉ ϯⲥϩⲓⲙⲓ ⲕⲁⲧⲁ ⲡⲥⲁϫⲓ ⲙⲡⲓⲁⲅⲅⲉⲗⲟⲥ ⲁⲥⲙⲓⲥⲓ
ⲙⲡⲓⲁⲗⲟⲩ ⲁⲥⲙⲟⲩϯ ⲉⲡⲉϥⲣⲁⲛ ϫⲉ ⲙⲁⲕⲁⲣⲓⲟⲥ ⲉⲟⲩⲁⲥⲧⲉⲓⲟⲥ ⲡⲉ ⲟⲩⲟϩ
ⲉϥⲙⲉϩ ⲛϩⲙⲟⲧ ⲧⲏⲣϥ.
ⲉⲧⲁϥⲁⲓⲁⲓ ⲛϫⲉ ⲡⲓⲁⲗⲟⲩ ⲛⲁϥϯ ⲉⲡⲁⲛⲁⲓ ⲙⲙⲏⲛⲓ ⲡⲉ ϩⲓⲧⲉⲛ ⲧⲥⲃⲱ ⲛⲛⲉϥ‐
ⲓⲟϯ ⲉϥⲛⲁⲩ ⲉⲣⲱⲟⲩ ⲉⲩⲟⲓ ⲛϣⲁⲙϣⲉ ⲛⲟⲩϯ ⲛⲧⲁⲓϧⲉ ⲧⲏⲣⲥ ⲙⲁⲗⲗⲟⲛ ⲇⲉ
ⲛⲁⲩϭⲓ ⲙⲱⲓⲧ ⲛⲁϥ ⲡⲉ ϩⲓⲧⲉⲛ ⲡⲓϩⲙⲟⲧ ⲛⲧⲉ ⲫ︦ϯ︦ ⲉⲧⲭⲏ ⲛⲉⲙⲁϥ ⲉⲑⲃⲉ ϫⲉ


### 0009

ⲙⲟϣⲓ ⲟⲛ ⲡⲉ ϧⲉⲛ ⲛⲓⲉⲛⲧⲟⲗⲏ ⲛⲧⲉ ⲡⲟ︦ⲥ︦ ⲕⲁⲧⲁ ⲧⲟⲩⲥⲩⲛⲏⲑⲉⲓⲁ ⲉⲩⲛⲁⲩ
ⲟⲩⲛ ⲉⲛⲓⲥⲙⲟⲧ ⲉⲑⲛⲁⲛⲉⲩ ⲛⲧⲉ ⲡⲓϧⲉⲗⲗⲟ ⲛⲟⲩⲏⲃ ⲉⲧⲉⲙⲙⲁⲩ ⲛϫⲉ ⲛⲓⲕⲗⲏ‐
ⲣⲓⲕⲟⲥ ⲛⲧⲉ ⲡⲓϯⲙⲓ ⲛⲁⲩϯ ϩⲟ ϩⲓⲛⲁ ⲉϥⲉⲉⲣ ϣⲫⲏⲣ ⲛϣⲉⲙϣⲓ ⲛⲉⲙⲱⲟⲩ
ⲉⲡⲓⲙⲁ ⲛⲉⲣ ϣⲱⲟⲩϣⲓ. ⲛⲑⲟϥ ⲇⲉ ⲙⲡⲉϥⲉⲣⲁⲛⲉⲭⲉⲥⲑⲁⲓ ⲕⲁⲧⲁ ⲫⲛⲟⲙⲟⲥ
ⲛⲛⲓⲕⲁⲛⲱⲛ. ⲉⲧⲁϥⲉⲣ ⲟⲩⲕⲟⲩϫⲓ ⲇⲉ ⲛⲥⲏⲟⲩ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲟⲩⲟϩ
ⲉⲧⲁϥⲥⲉⲙⲛⲓ ⲧⲟⲧⲉ ⲁϥⲉⲣ ϩⲏⲧⲥ ⲛⲉⲣ ϩⲱⲃ ⲉⲡⲓⲕⲁϩⲓ ⲟⲩⲟϩ ⲉⲱⲛϧ ⲉⲃⲟⲗ
ⲛϩⲏⲧϥ ⲉⲑⲃⲉ ϫⲉ ⲛⲉ ⲟⲩⲟⲩⲱⲓ ⲡⲉ. ⲉⲧⲁ ⲟⲩⲥⲏⲟⲩ ⲇⲉ ⲟⲛ ⲥⲓⲛⲓ ⲁϥⲉⲣ ϩⲏⲧⲥ
ⲛϣⲱⲛⲓ ⲟⲩⲟϩ ⲁϥⲉⲣⲁⲓⲧⲉⲓⲛ ⲉⲑⲣⲟⲩⲟⲗϥ ⲉϯⲉⲕⲕⲗⲏⲥⲓⲁ ⲛⲧⲉϥⲉⲛⲕⲟⲧ ⲙⲙⲁⲩ
ⲕⲁⲧⲁ ⲟⲩⲛⲁϩϯ ϫⲉ ϩⲓⲛⲁ ⲉϥⲉϭⲓ ⲙⲡⲓⲧⲁⲗϭⲟ. ⲉⲧⲓ ⲉϥⲟⲓ ⲛϣⲣⲱⲓⲥ ⲙⲡⲓⲉϫⲱⲣϩ
ⲛⲧⲉⲛ ⲡⲓⲧⲓⲧⲕⲁⲥ ⲛⲧⲉ ⲡⲓϣⲱⲛⲓ ⲁϥⲛⲁⲩ ⲟⲩⲟϩ ϩⲏⲡⲡⲉ ⲓⲥ ⲟⲩⲁⲅⲅⲉⲗⲟⲥ ⲛⲧⲉ
ⲡⲟ︦ⲥ︦ ⲁϥⲟϩⲓ ⲉⲣⲁⲧϥ ϧⲉⲛ ⲡⲓⲙⲁ ⲛⲉⲣ ϣⲱⲟⲩϣⲓ ⲟⲩⲟϩ ⲁϥⲙⲟⲩϯ ⲉⲣⲟϥ ⲛⲟⲩ‐
ⲥⲟⲡ ⲛⲉⲙ ⲃ̄ ϣⲁ ⲫⲙⲁϩ ⲅ̄ ⲛⲥⲟⲡ ⲉϥϫⲱ ⲙⲙⲟⲥ ϫⲉ ⲧⲱⲛⲕ ⲁⲙⲟⲩ ⲉⲡⲁⲓⲙⲁ.
ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ϯϯϩⲟ ⲉⲣⲟⲕ ⲡⲁⲟ︦ⲥ︦ ϫⲉ ⲟⲩⲏⲓ ⲙⲙⲟⲛ ϣϫⲟⲙ
ⲙⲙⲟⲓ ⲉⲑⲃⲉ ⲡⲓϣⲱⲛⲓ ⲉⲧϩⲓϫⲱⲓ. ⲉⲧⲁϥϧⲟⲛⲧϥ ⲇⲉ ⲉⲣⲟϥ ⲛϫⲉ ⲡⲓⲁⲅⲅⲉⲗⲟⲥ
ⲁϥϭⲓ ⲛⲉⲙⲁϥ ⲉϥϫⲱ ⲙⲙⲟⲥ ϫⲉ ⲡⲟ︦ⲥ︦ ⲡⲉ ⲉⲧⲁϥⲟⲩⲁϩⲥⲁϩⲛⲓ ⲉⲑⲣⲉⲕⲟⲩϫⲁⲓ
ⲧⲱⲛⲕ ⲟⲩⲟϩ ⲟϩⲓ ⲉⲣⲁⲧⲕ. ⲟⲩⲟϩ ⲥⲁⲧⲟⲧϥ ⲁϥⲧⲱⲛϥ ⲁϥⲟϩⲓ ⲉⲣⲁⲧϥ ⲟⲩⲟϩ


### 0010

ⲡⲉϫⲁϥ ⲛⲁϥ ⲛϫⲉ ⲡⲓⲁⲅⲅⲉⲗⲟⲥ ϫⲉ ⲙⲁϣⲉ ⲛⲁⲕ ⲉⲡⲉⲕⲏⲓ ⲟⲩⲟϩ ⲉⲕⲉⲥⲟⲩⲉⲛ
ⲧⲉⲕⲥϩⲓⲙⲓ ⲟⲩⲟϩ ⲉⲥⲉⲉⲣ ⲃⲟⲕⲓ ⲟⲩⲟϩ ⲉⲥⲉⲙⲓⲥⲓ ⲛⲁⲕ ⲛⲟⲩϣⲏⲣⲓ ⲟⲩⲟϩ ⲉⲣⲉ
ⲟⲩⲣⲁϣⲓ ϣⲱⲡⲓ ⲛⲁⲕ ⲛⲉⲙ ⲧⲉϥⲙⲁⲩ ⲟⲩⲟϩ ⲫⲁⲓ ⲛⲁϣⲱⲡⲓ ⲉϥⲟⲓ ⲛⲥⲱⲓⲧ ϧⲉⲛ
ϯⲙⲉⲧⲉⲩⲥⲉⲃⲏⲥ ϩⲱⲥⲧⲉ ⲛⲥⲉⲫⲓⲣⲓ ⲉⲡⲉϥⲣⲁⲛ ϩⲓϫⲉⲛ ⲡⲕⲁϩⲓ ⲧⲏⲣϥ ⲥⲭⲉⲇⲟⲛ
ϫⲉ ⲟⲩⲏⲓ ϥⲛⲁⲓⲛⲓ ⲛⲟⲩⲗⲁⲟⲥ ⲉϧⲟⲩⲛ ⲉⲫ︦ϯ︦ ⲉⲑⲣⲟⲩϣⲉⲙϣⲓ ⲙⲙⲟϥ ⲙⲫⲣⲏϯ
ⲛⲛⲓⲁⲅⲅⲉⲗⲟⲥ ⲉⲧⲁⲩⲧⲉⲛⲑⲱⲛⲟⲩ ⲥⲭⲉⲇⲟⲛ ⲉⲛⲓⲁⲥⲱⲙⲁⲧⲟⲥ ϧⲉⲛ ⲧⲟⲩⲡⲟⲗⲓ‐
ⲧⲉⲓⲁ ⲛⲉⲙ ⲡⲟⲩϣⲉⲙϣⲓ. ⲉⲧⲁϥⲛⲉϩⲥⲓ ⲇⲉ ⲉⲡϣⲱⲓ ⲉⲃⲟⲗϧⲉⲛ ⲡⲓϩⲟⲣⲁⲙⲁ
ⲉⲥϧⲁⲧⲟⲧϥ ⲛϫⲉ ⲧⲉϥⲥϩⲓⲙⲓ ϧⲉⲛ ϯⲉⲕⲕⲗⲏⲥⲓⲁ ⲉⲥϣⲉⲙϣⲓ ⲙⲙⲟϥ ⲁϥⲧⲁⲙⲟⲥ
ⲉⲛⲁⲓ ⲧⲏⲣⲟⲩ. ⲉⲧⲁ ϣⲱⲣⲡ ⲟⲩⲛ ϣⲱⲡⲓ ⲁⲩϣⲉ ⲛⲱⲟⲩ ⲉⲡⲟⲩⲏⲓ ⲟⲩⲟϩ ⲙⲡⲁⲧⲉ
ⲉⲥⲕⲓ ϣⲱⲡⲓ ⲁⲥⲉⲣ ⲃⲟⲕⲓ ⲛϫⲉ ϯⲥϩⲓⲙⲓ ⲕⲁⲧⲁ ⲡⲥⲁϫⲓ ⲙⲡⲓⲁⲅⲅⲉⲗⲟⲥ ⲁⲥⲙⲓⲥⲓ
ⲙⲡⲓⲁⲗⲟⲩ ⲁⲥⲙⲟⲩϯ ⲉⲡⲉϥⲣⲁⲛ ϫⲉ ⲙⲁⲕⲁⲣⲓⲟⲥ ⲉⲟⲩⲁⲥⲧⲉⲓⲟⲥ ⲡⲉ ⲟⲩⲟϩ
ⲉϥⲙⲉϩ ⲛϩⲙⲟⲧ ⲧⲏⲣϥ.
ⲉⲧⲁϥⲁⲓⲁⲓ ⲛϫⲉ ⲡⲓⲁⲗⲟⲩ ⲛⲁϥϯ ⲉⲡⲁⲛⲁⲓ ⲙⲙⲏⲛⲓ ⲡⲉ ϩⲓⲧⲉⲛ ⲧⲥⲃⲱ ⲛⲛⲉϥ‐
ⲓⲟϯ ⲉϥⲛⲁⲩ ⲉⲣⲱⲟⲩ ⲉⲩⲟⲓ ⲛϣⲁⲙϣⲉ ⲛⲟⲩϯ ⲛⲧⲁⲓϧⲉ ⲧⲏⲣⲥ ⲙⲁⲗⲗⲟⲛ ⲇⲉ
ⲛⲁⲩϭⲓ ⲙⲱⲓⲧ ⲛⲁϥ ⲡⲉ ϩⲓⲧⲉⲛ ⲡⲓϩⲙⲟⲧ ⲛⲧⲉ ⲫ︦ϯ︦ ⲉⲧⲭⲏ ⲛⲉⲙⲁϥ ⲉⲑⲃⲉ ϫⲉ


### 0011

ⲟⲩϣⲏⲣⲓ ⲡⲉ ⲛⲧⲉ ϯⲉⲡⲁⲅⲅⲉⲗⲓⲁ ⲕⲁⲧⲁ ⲛⲏ ⲉⲧⲁⲛⲉⲣ ϣⲟⲣⲡ ⲛϫⲟⲧⲟⲩ. ⲧⲟⲧⲉ
ⲕⲁⲧⲁ ⲕⲟⲩϫⲓ ⲕⲟⲩϫⲓ ⲁϥϫⲉⲙϫⲟⲙ ⲟⲩⲟϩ ⲡⲁⲓⲣⲏϯ ⲁϥⲉⲣ ϩⲏⲧⲥ ⲛϯ ⲧⲟⲧϥ
ⲛⲉⲙ ⲡⲉϥⲓⲱⲧ ϧⲉⲛ ⲡⲓϥⲓ ⲣⲱⲟⲩϣ ⲛⲧⲉ ⲡⲁⲓⲃⲓⲟⲥ ⲉⲁ ⲡⲟ︦ⲥ︦ ⲫ︦ϯ︦ ⲥⲙⲟⲩ ⲉⲣⲱⲟⲩ
ⲁϥⲟⲩⲉⲥⲑⲱⲛⲟⲩ ⲉⲃⲟⲗϧⲉⲛ ⲛⲓⲧⲉⲃⲛⲱⲟⲩⲓ ⲛⲉⲙ ⲛⲓⲅⲉⲛⲛⲏⲙⲁ ϩⲱⲥⲧⲉ ⲟⲩⲟⲛ
ⲛⲓⲃⲉⲛ ⲉⲣ ϣⲫⲏⲣⲓ ⲙⲡⲓⲛⲓϣϯ ⲛϩⲉⲛⲟⲩϥⲓ ⲉⲧϧⲉⲛ ⲡⲟⲩⲏⲓ. ⲉⲩⲛⲁⲩ ⲟⲩⲛ ⲉⲧⲕⲁ‐
ⲧⲁⲥⲧⲁⲥⲓⲥ ⲙⲡⲓⲁⲗⲟⲩ ⲛϫⲉ ⲛⲁ ⲡⲓϯⲙⲓ ⲛⲉⲙ ⲡⲓϩⲙⲟⲧ ⲛⲧⲉ ⲫϯ ⲉⲧⲫⲟⲣⲓ
ⲉⲃⲟⲗϧⲉⲛ ⲡⲉϥϩⲟ ⲧⲟⲧⲉ ⲁⲩⲁⲙⲟⲛⲓ ⲙⲙⲟϥ ⲛϫⲉ ⲛⲓⲕⲗⲏⲣⲓⲕⲟⲥ ⲛⲧⲉ ⲡⲓϯⲙⲓ
ⲟⲩⲟϩ ⲁⲩⲉⲛϥ ϩⲁ ⲡⲓⲉⲡⲓⲥⲕⲟⲡⲟⲥ ⲟⲩⲟϩ ⲛⲁⲩϯϩⲟ ⲉⲣⲟϥ ϫⲉ ϩⲓⲛⲁ ⲛⲧⲉϥⲁⲓϥ
ⲛⲁⲛⲁⲅⲛⲱⲥⲧⲏⲥ ⲟⲩⲟϩ ⲡⲁⲓⲣⲏϯ ⲁⲥϣⲱⲡⲓ. ⲉⲧⲁⲩⲉⲙⲓ ⲇⲉ ⲛϫⲉ ⲡⲉϥⲓⲱⲧ ⲛⲉⲙ
ⲧⲉϥⲙⲁⲩ ⲁⲩⲉⲣ ⲙⲕⲁϩ ⲛϩⲏⲧ ⲡⲁⲗⲓⲛ ⲡⲉϫⲱⲟⲩ ϫⲉ ⲡⲉⲧⲉϩⲛⲁϥ ⲙⲡⲟⲥ ⲙⲁ‐
ⲣⲉϥϣⲱⲡⲓ. ⲉⲓⲧⲁ ⲉⲧⲁϥⲁⲓⲁⲓ ϧⲉⲛ ϯϩⲏⲗⲓⲕⲓⲁ ⲛⲁⲩϥⲓ ⲣⲱⲟⲩϣ ⲛϫⲉ ⲛⲉϥⲓⲟϯ
ⲟⲩⲟϩ ⲛⲁⲩϯ ϩⲟ ⲉⲣⲟϥ ⲛϫⲉ ⲡⲉϥⲓⲱⲧ ⲛⲉⲙ ⲧⲉϥⲙⲁⲩ ϫⲉ ϩⲓⲛⲁ ⲉⲩⲉϩⲟⲧⲡϥ
ⲉⲟⲩⲅⲁⲙⲟⲥ ⲛⲑⲟϥ ⲇⲉ ⲛⲁϥⲉⲣⲁⲛⲉⲭⲉⲥⲑⲁⲓ ⲁⲛ ⲡⲉ ⲉϥϫⲱ ⲙⲙⲟⲥ ϫⲉ
ⲙⲡⲉⲣϯ ϩⲓⲥⲓ ⲛⲱⲧⲉⲛ ⲉⲕⲱϯ ⲛⲥⲁ ϩⲱⲃ ⲙⲡⲁⲓⲣⲏϯ ⲉⲑⲃⲏⲧ ϫⲉ ⲟⲩⲏⲓ ⲅⲁⲣ
ⲡⲟⲥ ϯ ⲙⲁϯ ⲁⲛ ⲉϫⲉⲛ ⲡⲁⲓⲥⲟϭⲛⲓ. ⲉⲩϯ ⲉϧⲟⲩⲛ ⲉϩⲣⲁϥ ϩⲱⲥ ⲁⲗⲟⲩ ⲛϫⲉ ⲛⲉϥ‐
ⲓⲟϯ ⲡⲁⲗⲓⲛ ⲟⲛ ⲛⲁⲩϯ ϩⲟ ⲉⲣⲟϥ ⲉⲑⲣⲉϥⲑⲱⲧ ⲙⲡⲟⲩϩⲏⲧ ⲉⲁⲩⲉⲣ ⲡⲱⲃϣ ⲛϫⲉ


### 0012

ⲛⲉϥⲓⲟϯ ⲛⲛⲏ ⲉⲧⲁⲩⲥⲁϫⲓ ⲙⲙⲱⲟⲩ ⲉⲑⲃⲏⲧϥ. ⲡⲓⲁⲗⲟⲩ ⲇⲉ ⲙⲁⲕⲁⲣⲓⲟⲥ ⲛⲁⲣⲉ
ⲡⲉϥⲣⲱⲟⲩϣ ⲧⲏⲣϥ ϧⲉⲛ ⲫ︦ϯ︦ ⲉϥⲉⲣ ⲙⲉⲗⲉⲧⲁⲛ ⲙⲙⲏⲛⲓ ϧⲉⲛ ⲛⲓⲅⲣⲁⲫⲏ ⲛⲉⲙ
ⲛⲓϫⲱⲙ ϧⲉⲛ ϯⲉⲕⲕⲗⲏⲥⲓⲁ ⲛⲉⲙ ⲡⲉϥⲏⲓ ⲟⲩⲟϩ ⲟⲛ ⲁϥⲕⲁϯ ϧⲉⲛ ⲟⲩϯ ϩⲑⲏϥ
ⲉⲛⲏ ⲉⲧⲉϥⲱϣ ⲙⲙⲱⲟⲩ ⲉⲩⲉⲣⲁⲛⲁⲅⲕⲁⲍⲉⲓⲛ ⲙⲙⲟϥ ϩⲓⲧⲉⲛ ⲛⲓⲕⲗⲏⲣⲓⲕⲟⲥ
ϩⲱⲥ ϫⲉ ⲉⲣⲉ ϯⲉⲕⲕⲗⲏⲥⲓⲁ ⲉⲣ ⲉⲛⲭⲣⲉⲓⲁ ⲙⲙⲟϥ ⲉⲡⲉⲥϣⲉⲙϣⲓ ⲟⲩⲟϩ ⲛⲉϥ‐
ⲕⲉⲓⲟϯ ⲛⲁⲩϯ ⲙⲁϯ ⲉϫⲉⲛ ⲡⲁⲓϩⲱⲃ. ⲧⲟⲧⲉ ϧⲉⲛ ⲡⲉϥⲟⲩⲱϣ ⲁⲛ ⲁⲩϩⲟⲧⲡϥ
ⲛⲉⲙ ϯⲥϩⲓⲙⲓ ⲕⲁⲧⲁ ⲛⲓⲑⲱϣ ⲛⲧⲉ ⲛⲓⲣⲱⲙⲓ ⲉⲣⲉ ⲡⲉϥϩⲏⲧ ⲇⲉ ⲛⲉⲙ ⲡⲉϥⲣⲱ‐
ⲟⲩϣ ϧⲉⲛ ⲫ︦ϯ︦ ⲙⲫⲣⲏϯ ⲉⲧⲁⲓϫⲟⲥ ⲙⲡⲉϥϭⲓ ⲛⲉⲙ ϯⲥϩⲓⲙⲓ ϩⲟⲗⲱⲥ ⲟⲩⲟϩ
ⲙⲡⲉϥⲥⲟⲙⲥ ⲉⲣⲟⲥ ⲉⲡⲧⲏⲣϥ ⲁⲗⲗⲁ ⲁⲩϣⲁⲛϩⲓⲧϥ ⲉϧⲟⲩⲛ ⲛⲉⲙⲁⲥ ⲛⲉϣⲁϥ‐
ϩⲓⲧϥ ⲉⲡϭⲗⲟϭ ϩⲱⲥ ϫⲉ ϥϣⲱⲛⲓ ⲟⲩⲟϩ ⲡⲁⲓⲣⲏϯ ⲛⲉϣⲁϥⲓ ⲉⲃⲟⲗ ⲙⲙⲏⲛⲓ ⲡⲉ
ⲉϥⲧⲟⲩⲃⲏⲟⲩⲧ ⲟⲩⲟϩ ⲉⲩⲉⲣⲥⲕⲉⲡⲁⲍⲉⲓⲛ ⲙⲙⲟϥ ϩⲓⲧⲉⲛ ⲧⲡⲣⲟⲛⲟⲓⲁ ⲙⲫ︦ϯ︦.
ⲉⲧⲁⲩⲥⲓⲛⲓ ⲇⲉ ⲛϫⲉ ⲛⲓⲉϩⲟⲟⲩ ⲛⲧⲉ ⲡⲓϩⲟⲡ ⲧⲟⲧⲉ ⲁⲩⲁⲓϥ ⲛⲇⲓⲁⲕⲱⲛ ⲟⲩⲟϩ ⲁϥⲉⲣ‐
ⲁⲓⲧⲉⲓⲛ ⲙⲡⲉϥⲓⲱⲧ ϫⲉ ϩⲓⲛⲁ ⲉⲑⲣⲉϥⲭⲁϥ ⲟⲩⲟϩ ⲛⲧⲉϥϣⲉ ϩⲱϥ ⲛⲉⲙ ⲛⲉϥ‐


### 0013

ⲉⲣⲅⲁⲧⲏⲥ ⲛⲉⲙ ⲛⲉϥϭⲁⲙⲟⲩⲗ ⲉⲡⲧⲱⲟⲩ ⲙⲡⲓϩⲟⲥⲉⲙ ⲛⲉⲙ ⲡⲓⲙⲏϣ ⲉⲧϩⲏⲗ
ⲉⲙⲁⲩ ϫⲉ ⲛⲧⲟⲩⲉⲛ ϩⲟⲥⲉⲙ ⲉⲃⲟⲗ ⲟⲩⲟϩ ⲫⲁⲓ ⲟⲩⲛ ⲁϥⲁⲓϥ ϫⲉ ϩⲓⲛⲁ ⲉϥⲉⲉⲣ
ⲉⲃⲟⲗ ⲉⲫⲣⲱⲟⲩϣ ⲛϯⲥϩⲓⲙⲓ ⲉϣⲧⲉⲙⲉⲣⲁⲡⲁⲛⲧⲁⲛ ⲉⲣⲟⲥ ⲓⲥϫⲉⲛ ⲡⲁⲓⲛⲁⲩ ⲟⲩⲟϩ
ⲡⲁⲓⲣⲏϯ ⲡⲉ ⲉⲧⲁϥϣⲱⲡⲓ. ⲙⲡⲓⲥⲏⲟⲩ ⲅⲁⲣ ⲉⲧⲉⲙⲙⲁⲩ ⲛⲉϣⲁⲩⲑⲱⲟⲩϣ ⲛϫⲉ
ϩⲁⲛ ⲙⲏϣ ⲛⲣⲱⲙⲓ ⲛⲧⲉ ⲛⲓϯⲙⲓ ⲧⲏⲣⲟⲩ ⲉⲧϧⲉⲛⲧ ⲉϣⲓⲏⲧ ⲟⲩⲟϩ ⲡⲁⲓⲣⲏϯ
ⲛⲉϣⲁⲩⲉⲣ ⲟⲩϩⲏⲧ ⲛⲟⲩⲱⲧ ⲛⲥⲉϣⲉ ⲉϧⲟⲩⲛ ⲉⲡⲓⲧⲱⲟⲩ ⲛⲥⲉⲉⲛ ϩⲟⲥⲉⲙ ⲉⲃⲟⲗ
ϧⲉⲛ ⲛⲓϭⲁⲙⲟⲩⲗ ⲉⲩϯ ⲛⲧⲟⲧⲟⲩ ⲛⲛⲟⲩⲉⲣⲏⲟⲩ ⲉⲑⲃⲉ ϯϩⲟϯ ⲛⲛⲓⲃⲁⲣⲃⲁⲣⲟⲥ
ⲉⲧⲥⲁϧⲟⲩⲛ ⲙⲡⲓⲧⲱⲟⲩ ⲉⲑⲟⲩⲏⲟⲩ ⲛⲁⲓ ⲉⲑⲛⲏⲟⲩ ⲉⲃⲟⲗ ⲕⲁⲧⲁ ⲕⲟⲩϫⲓ ⲉⲛⲓⲥⲁ
ⲛⲉⲙⲉⲛⲧ ⲛⲧⲉ ⲫⲓⲁⲣⲟ ⲟⲩⲟϩ ⲉⲩⲉⲣⲁⲓⲭⲙⲁⲗⲱⲧⲉⲩⲉⲓⲛ ⲛⲛⲏ ⲉⲧⲟⲩⲛⲁϣϫⲉⲙ‐
ϫⲟⲙ ⲉⲣⲱⲟⲩ ⲛⲥⲉϩⲟⲗⲙⲟⲩ ⲛⲥⲉⲟⲗⲟⲩ ⲉⲧⲟⲩⲭⲱⲣⲁ. ⲉⲑⲃⲉ ⲫⲁⲓ ⲅⲁⲣ ϩⲱⲥ
ϫⲉ ⲉϥϩⲏⲗ ϩⲱϥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲉⲙ ⲧⲁⲓⲥⲩⲛⲟⲇⲓⲁ ⲑⲁⲓ ⲙⲡⲁⲓⲥ‐
ⲙⲟⲧ ⲁⲥⲉⲣ ⲕⲁϩⲥ ⲛⲱⲟⲩ ⲉⲙⲟⲩϯ ⲉⲣⲟϥ ϩⲓⲧⲉⲛ ⲛⲁ ⲡⲉϥϯⲙⲓ ϫⲉ ⲙⲁⲕⲁⲣⲓⲟⲥ
ⲙⲁⲛ ϭⲁⲙⲟⲩⲗ. ⲁⲙⲉⲗⲉⲓ ⲟⲩⲛ ⲉⲧⲁϥⲓ ⲛⲟⲩⲥⲟⲡ ⲛⲉⲙ ⲛⲓⲙⲏϣ ϩⲱⲥ ϫⲉ ⲉⲩ‐
ⲛⲁϣⲉ ⲛⲱⲟⲩ ⲟⲛ ⲉⲉⲛ ϩⲟⲥⲉⲙ ⲉⲃⲟⲗ ⲁⲩⲫⲟϩ ⲉϩⲣⲏⲓ ⲉϫⲉⲛ ⲡϫⲟϣϫⲉϣ ⲛϯⲡⲉ‐
ⲧⲣⲁ ⲥⲁ ⲡϣⲱⲓ ⲛϯϧⲉⲗⲗⲟⲧ ⲟⲩⲟϩ ⲉⲧⲁⲩⲉⲛⲕⲟⲧ ⲙⲙⲁⲩ ⲥⲁ ⲡϣⲱⲓ ⲙⲡⲓϣⲏⲓ
ϫⲉ ⲉⲩⲛⲁⲟⲗ ⲟⲩⲙⲉⲣⲟⲥ ⲛⲧⲉ ⲛⲓϩⲟⲥⲉⲙ ⲉⲧⲟⲩⲉⲣ ⲉⲛⲭⲣⲉⲓⲁ ⲙⲙⲟϥ ⲉⲃⲟⲗ‐


### 0014

ϧⲛ ϧⲏⲧϥ ⲧⲟⲧⲉ ⲉⲃⲟⲗϧⲉⲛ ⲡⲓϧⲓⲥⲓ ⲁϥϩⲓⲛⲓⲙ ϩⲱϥ ⲛϫⲉ ⲡⲓϧⲉⲗϣⲓⲣⲓ ⲙⲁⲕⲁ‐
ⲣⲓⲟⲥ ⲟⲩⲟϩ ⲁϥⲉⲛⲕⲟⲧ. ⲟⲩⲟϩ ⲛϩⲣⲏⲓ ϧⲉⲛ ⲡⲓⲉϫⲱⲣϩ ⲉⲧⲉⲙⲙⲁⲩ ⲁϥϫⲉⲙϥ
ϩⲱⲥ ϧⲉⲛ ⲟⲩⲣⲁⲥⲟⲩⲓ ⲉⲣⲉ ⲟⲩⲟⲛ ⲟⲩⲣⲱⲙⲓ ⲟϩⲓ ⲉⲣⲁⲧϥ ⲥⲁ ⲡϣⲱⲓ ⲙⲙⲟϥ
ϧⲉⲛ ⲟⲩϩⲉⲃⲥⲱ ⲉⲥϩⲓ ⲥⲉⲧⲉⲃⲣⲏϫ ⲉⲃⲟⲗ ⲟⲩⲟϩ ⲉⲥⲟⲓ ⲛⲁⲟⲩⲓ ⲁⲟⲩⲁⲛ ⲟⲩⲟϩ
ⲉⲥⲟⲓ ⲛϧⲓⲣϧⲓⲣ ⲟⲩⲟϩ ⲁϥⲥⲁϫⲓ ⲛⲉⲙⲁϥ ⲉϥϫⲱ ⲙⲙⲟⲥ ϫⲉ ⲧⲱⲛⲕ ⲟⲩⲟϩ
ϫⲟⲩϣⲧ ϩⲓϫⲉⲛ ⲡⲕⲩⲕⲗⲟⲥ ⲛⲧⲉ ⲧⲁⲓⲡⲉⲧⲣⲁ ⲛⲉⲙ ⲧⲁⲓϧⲉⲗⲗⲟⲧ ⲉⲧϧⲉⲛ ⲧⲉⲥⲙⲏϯ
ⲁⲛⲁⲩ ϫⲉ ⲉⲕⲛⲁⲩ ⲉⲟⲩ. ⲟⲩⲟϩ ⲉⲧⲁⲓϫⲟⲩϣⲧ ⲡⲉϫⲁϥ ⲡⲉϫⲏⲓ ⲙⲫⲏ ⲉⲧⲥⲁϫⲓ
ⲛⲉⲙⲏⲓ ϫⲉ ϯⲛⲁⲩ ⲁⲛ ⲉϩⲗⲓ ⲉⲓⲙⲏⲧⲓ ⲉⲧⲁⲣⲭⲏ ⲙⲡⲓϩⲉⲗⲟⲥ ⲉϥⲥⲁ ⲛⲉⲙⲉⲛⲧ
ⲛϯϧⲉⲗⲗⲟⲧ ⲟⲩⲟϩ ⲡⲓⲕⲉⲧⲱⲟⲩ ⲉⲧⲕⲱϯ ⲉⲣⲟⲥ ϯⲛⲁⲩ ⲉⲣⲟϥ. ⲟⲩⲟϩ ⲡⲉϫⲁϥ
ⲛⲏⲓ ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙⲙⲟⲥ ⲛϫⲉ ⲫϯ ϫⲉ ⲡⲁⲓⲕⲁϩⲓ ⲫⲁⲓ ϯⲛⲁⲧⲏⲓϥ
ⲛⲁⲕ ⲟⲩⲟϩ ⲉⲕⲉϣⲱⲡⲓ ⲛϧⲏⲧϥ ⲟⲩⲟϩ ⲉⲕⲉⲫⲓⲣⲓ ⲉⲃⲟⲗ ⲟⲩⲟϩ ⲛⲉⲕⲟⲩⲧⲁϩ ⲉϥⲉ‐
ⲁⲓⲁⲓ ⲟⲩⲟϩ ⲡⲉⲕϫⲣⲟϫ ⲉϥⲉⲁϣⲁⲓ ⲟⲩⲟϩ ⲉⲕⲉϫⲫⲟ ⲛϩⲁⲛ ϣⲏⲣⲓ ⲙⲡⲛⲁⲧⲓⲕⲟⲛ
ⲟⲩⲟϩ ϩⲁⲛ ⲁⲣⲭⲱⲛ ⲉⲩⲉϣⲁⲛϣ ⲉⲃⲟⲗϧⲉⲛ ⲛⲉⲕⲙⲛⲟⲧ ⲟⲩⲟϩ ⲛⲁⲓ ⲉⲩⲉⲭⲁⲩ
ⲛⲏⲅⲟⲩⲙⲉⲛⲟⲥ ⲉϫⲉⲛ ϩⲁⲛ ⲗⲁⲟⲥ ⲟⲩⲟϩ ⲧⲉⲕⲛⲟⲩⲛⲓ ⲉⲥⲉϣⲱⲡⲓ ⲉⲥⲧⲁϫⲣⲏⲟⲩⲧ


### 0015

ⲉϫⲉⲛ ϯⲡⲉⲧⲣⲁ ⲟⲩⲟϩ ⲡⲓⲗⲁⲟⲥ ⲉⲧⲉⲕⲛⲁϫⲫⲟϥ ⲉⲃⲟⲗϧⲉⲛ ⲛⲉⲥⲃⲱⲟⲩⲓ ϯⲛⲁⲥ‐
ⲙⲟⲩ ⲉⲛⲉϥⲕⲗⲁⲇⲟⲥ ϩⲱⲥⲧⲉ ⲛⲥⲉϯ ⲱⲟⲩ ⲙⲡⲟ︦ⲥ︦ ⲫ︦ϯ︦ ϣⲁ ⲛⲉⲁⲧ ⲙⲡⲕⲁϩⲓ
ⲧⲏⲣϥ ⲉϩⲣⲏⲓ ⲉϫⲉⲛ ⲡⲉⲕⲉⲣ ⲫⲙⲉⲩⲓ ⲉⲑⲛⲁⲛⲉϥ. ⲧⲱⲛⲕ ⲟⲩⲛ ⲉⲃⲟⲗϧⲉⲛ ⲡⲓⲛⲕⲟⲧ
ⲟⲩⲟϩ ⲙⲁϣⲉ ⲛⲁⲕ ⲉⲡⲉⲕⲙⲱⲓⲧ ϧⲉⲛ ⲟⲩϩⲉⲓⲣⲏⲛⲏ ⲟⲩⲟϩ ⲙⲁ ϩⲑⲏⲕ ⲛⲕⲁ‐
ⲗⲱⲥ ⲉⲛⲏ ⲉⲧⲁⲕⲥⲟⲑⲙⲟⲩ ⲛⲉⲙ ⲛⲏ ⲉⲧⲁⲩⲧⲁⲙⲟⲕ ⲉⲣⲱⲟⲩ. ⲟⲩⲟϩ ⲙⲉⲛⲉⲛⲥⲁ
ⲛⲁⲓ ϩⲏⲡⲡⲉ ϯⲛⲁⲟⲩⲟⲛϩⲧ ⲉⲣⲟⲕ ⲟⲛ ⲟⲩⲟϩ ⲁϣⲁⲛⲉⲣ ⲟⲩⲧⲉⲗⲉⲓⲟⲥ ϯⲛⲁ ⲟⲩ‐
ⲟⲛϩⲧ ⲉⲣⲟⲕ ⲛⲧⲁⲥⲁϫⲓ ⲛⲉⲙⲁⲕ ⲡⲣⲟ ⲟⲩⲃⲉ ⲣⲟ ⲡⲉϫⲉ ⲡⲟ︦ⲥ︦ ⲫ︦ϯ︦ ⲟⲩⲟϩ ⲁⲛⲁⲩ
ⲙⲡⲉⲣⲧⲁⲙⲉ ϩⲗⲓ ⲉⲡⲓϩⲟⲣⲁⲙⲁ ⲉⲧⲁⲕⲛⲁⲩ ⲉⲣⲟϥ ϣⲁ ⲟⲩⲥⲏⲟⲩ. ⲉⲧⲁϥⲧⲱⲛϥ
ⲇⲉ ⲛϫⲉ ⲡⲓϧⲉⲗϣⲓⲣⲓ ⲙⲁⲕⲁⲣⲓⲟⲥ ⲉⲃⲟⲗϧⲉⲛ ⲡⲓⲉⲛⲕⲟⲧ ⲟⲩⲟϩ ⲉⲧⲁ ⲡϣⲱⲣⲡ
ϣⲱⲡⲓ ⲁϥⲉⲣ ⲙⲫⲣⲏϯ ⲛⲛⲏ ⲉⲧⲧⲟⲙⲧ ⲉϥⲙⲉⲩⲓ ⲉⲃⲟⲗ ⲉⲛⲏ ⲉⲧⲁⲩⲥⲁϫⲓ ⲙⲙⲱⲟⲩ
ⲛⲉⲙⲁϥ ⲛⲉⲙ ϯⲟⲡⲧⲁⲥⲓⲁ ⲉⲧⲁϥⲛⲁⲩ ⲉⲣⲟⲥ ϫⲉ ⲟⲩⲏⲓ ⲛⲁϥϭⲟⲛⲧ ⲁⲛ ⲡⲉ ⲉϩⲱⲃ
ⲙⲡⲁⲓⲣⲏϯ. ⲉⲩϣⲓⲛⲓ ⲇⲉ ⲙⲙⲟϥ ⲛϫⲉ ⲛⲉϥϣⲫⲏⲣ ϫⲉ ⲟⲩ ⲡⲉ ⲡⲁⲓⲧⲱⲙⲛⲧ
ⲉⲧⲁϥϣⲱⲡⲓ ⲙⲙⲟⲕ ⲛⲁϥⲉⲣ ⲟⲩⲱ ⲛⲉϩⲗⲓ ⲁⲛ ⲡⲉ ⲉⲡⲧⲏⲣϥ. ⲙⲉⲛⲉⲛⲥⲁ
ⲅ̄ ⲇⲉ ⲛⲉϩⲟⲟⲩ ⲁϥⲧⲁⲥⲑⲟ ⲉⲡⲉϥⲏⲓ ⲉⲃⲟⲗϧⲉⲛ ⲡⲧⲱⲟⲩ ⲙⲡⲓϩⲟⲥⲉⲙ ⲟⲩⲟϩ
ⲁϥϫⲉⲙ ϯⲥϩⲓⲙⲓ ⲉⲁⲩⲁⲙⲟⲛⲓ ⲙⲙⲟⲥ ϩⲓⲧⲉⲛ ⲟⲩϧⲙⲟⲙ ⲉⲧϩⲟⲣϣ ⲙⲙⲁϣⲱ
ⲉⲡⲓϩⲟⲩⲟ ⲟⲩⲟϩ ⲙⲡⲁⲛⲧⲉ ⲉⲥⲕⲓ ϣⲱⲡⲓ ⲁϥϫⲉⲙ ⲡⲉⲥϣⲓⲛⲓ ⲛϫⲉ ⲫ︦ϯ︦ ⲟⲩⲟϩ


### 0016

ⲉⲧⲁϥⲛⲁⲩ ⲇⲉ ⲛϫⲉ ⲡⲓϧⲉⲗϣⲓⲣⲓ ⲉⲫⲏ ⲉⲧⲁϥϣⲱⲡⲓ ⲁϥⲥⲁϫⲓ ⲛⲉⲙⲁϥ ϧⲁⲣⲓ
ϧⲁⲣⲟϥ ⲉϥϫⲱ ⲙⲙⲟⲥ ϫⲉ ⲙⲁⲕⲁⲣⲓⲟⲥ ⲁⲣⲓ ⲙⲉⲧⲁϣⲓⲣⲓ ⲛⲓⲃⲉⲛ ⲉⲣⲟⲕ ⲉⲑⲃⲉ
ⲡⲟⲩϫⲁⲓ ⲛⲧⲉⲕⲯⲩⲭⲏ ϫⲉ ⲟⲩⲏⲓ ⲅⲁⲣ ⲡⲕⲉ ⲛⲑⲟⲕ ϩⲱⲕ ⲥⲉⲛⲁϫⲉⲙ ⲡⲉⲕϣⲓⲛⲓ.
ⲉϥϯ ⲇⲉ ⲉⲡⲁⲛⲁⲓ ϧⲉⲛ ϯⲉⲕⲕⲗⲏⲥⲓⲁ ⲟⲩⲟϩ ⲉϥⲉⲣⲁⲅⲁⲡⲁⲛ ⲛⲟⲩⲟⲛ ⲛⲓⲃⲉⲛ ϩⲓ‐
ⲧⲉⲛ ⲡⲉϥⲛⲓϣϯ ⲛⲑⲉⲃⲓⲟ ⲁⲩⲙⲉⲛⲣⲓⲧϥ ⲧⲏⲣⲟⲩ ⲓⲥϫⲉⲛ ⲟⲩⲕⲟⲩϫⲓ ϣⲁ ⲟⲩⲛⲓϣϯ
ⲙⲫⲣⲏϯ ⲛⲟⲩϣⲏⲣⲓ ⲛⲓⲇⲓⲟⲛ ⲛⲧⲱⲟⲩ ⲟⲩⲟϩ ⲛⲁⲩⲥⲁϫⲓ ⲉⲑⲃⲏⲧϥ ⲧⲏⲣⲟⲩ ⲡⲉ
ⲉⲩⲛⲁⲩ ⲉⲧⲉϥⲡⲣⲟⲕⲟⲡⲏ ⲛⲉⲙ ⲡⲓϩⲙⲟⲧ ⲛⲧⲉ ⲫ︦ϯ︦ ⲉⲧⲭⲏ ⲛⲉⲙⲁϥ ⲟⲩⲟϩ ⲛⲁⲩ‐
ϫⲱ ⲙⲙⲟⲥ ϫⲉ ⲟⲩϩⲁⲣⲁ ⲡⲉⲑⲛⲁϣⲱⲡⲓ ⲙⲡⲁⲓⲁⲗⲟⲩ ⲓⲉ ⲉⲧⲁϥϫⲓⲙⲓ ⲛⲑⲱⲛ
ⲛⲧⲁⲓⲥⲃⲱ. ⲟⲩ ⲅⲁⲣ ⲛⲁϥⲙⲟϣⲓ ⲁⲛ ⲡⲉ ⲛⲉⲙ ⲛⲓϧⲉⲗϣⲓⲣⲓ ⲙⲡⲉϥⲥⲙⲟⲧ ⲁⲗⲗⲁ
ⲛⲁϥⲟⲓ ⲛϣⲫⲏⲣ ⲛⲑⲱⲟⲩϯ ⲛⲉⲙ ⲛⲓϧⲉⲗⲗⲟⲓ ⲛⲓⲣⲉⲙ ⲛⲥⲭⲓⲙ ⲛⲁⲓ ⲉⲧⲉ ⲟⲩⲟⲛ
ⲛⲧⲱⲟⲩ ⲙⲙⲁⲩ ⲙⲡϩⲏⲧ ⲛϯⲙⲉⲧϧⲉⲗⲗⲟ ⲟⲩⲟϩ ⲛⲁⲩϫⲱ ⲙⲙⲟⲥ ⲡⲉ ⲛϫⲉ
ⲛⲏ ⲧⲏⲣⲟⲩ ⲉⲧⲥⲱⲟⲩⲛ ⲙⲙⲟϥ ϫⲉ ⲁⲗⲏⲑⲱⲥ ⲟⲩⲥⲙⲟⲧ ⲛⲁⲅⲅⲉⲗⲟⲥ ⲡⲉ ⲡⲁⲓϧⲉⲗ‐
ϣⲓⲣⲓ. ⲡⲉϥⲓⲱⲧ ⲇⲉ ⲛⲉⲙ ⲧⲉϥⲙⲁⲩ ⲛⲁϥϩⲟⲗϫ ⲛⲁϩⲣⲁⲩ ⲡⲉ ⲉⲙⲁϣⲱ ⲟⲩⲟϩ
ⲉⲩⲛⲁⲩ ⲉⲣⲟϥ ⲉⲁϥⲙⲉⲛⲣⲉ ⲫ︦ϯ︦ ⲛⲧⲁⲓϧⲉ ⲧⲏⲣⲥ ⲛⲟⲩⲣⲁϣⲓ ⲡⲉ ⲙⲁⲗⲓⲥⲧⲁ ⲛⲉ‐
ϣⲁⲩϫⲉⲙϥ ⲛⲟⲩⲙⲏϣ ⲛⲥⲟⲡ ⲉϥϧⲉⲛ ϩⲁⲛ ⲙⲱⲓⲧ ⲙⲙⲁⲩⲁⲧϥ ⲉϥϣⲗⲏⲗ


### 0017

ⲟⲩⲟϩ ⲟⲛ ⲉϥⲓⲣⲓ ⲙⲡⲓⲛⲁⲓ ⲛⲉⲙ ⲛⲏ ⲉⲧϣⲁⲧ ⲟⲩⲟϩ ⲉϥϫⲉⲙ ⲡϣⲓⲛⲓ ⲛⲛⲏ ⲉⲧϣⲱ‐
ⲛⲓ ⲟⲩⲕⲉⲧⲓ ⲗⲟⲓⲡⲟⲛ ⲙⲡⲟⲩ ϫⲉ ⲓⲛⲓ ⲛⲁϩⲣⲁϥ ⲙⲡⲉⲣ ⲫⲙⲉⲩⲓ ⲙⲡⲓϫⲓ ⲛϭⲓ
ⲥϩⲓⲙⲓ ⲁⲗⲗⲁ ⲛⲁⲩⲥⲟⲙⲥ ⲉⲡⲉϥⲥⲁϫⲓ ⲙⲫⲣⲏϯ ⲙⲫ︦ϯ︦ ⲉⲩⲛⲁⲩ ⲉⲡⲓϩⲙⲟⲧ ⲉⲧ‐
ⲭⲏ ϩⲓϫⲱϥ ⲉϥⲉⲣ ϩⲉⲙⲓ ⲙⲙⲟϥ ⲓⲥϫⲉⲛ ⲧⲉϥⲙⲉⲧⲁⲗⲟⲩ ⲟⲩⲟϩ ⲉϥⲉⲣⲑⲁⲗ‐
ⲡⲉⲓⲛ ⲛⲧⲉϥⲯⲩⲭⲏ ⲙⲫⲣⲏϯ ⲛⲟⲩⲙⲟⲛⲓ ⲙⲁⲗⲓⲥⲧⲁ ⲁⲩⲉⲣ ⲫⲙⲉⲩⲓ ⲉⲡϧⲁⲓⲉ
ϫⲉ ⲟⲩⲉⲡⲁⲅⲅⲉⲗⲓⲁ ⲡⲉ ⲟⲩⲟϩ ⲛⲁⲩϯ ⲙⲧⲟⲛ ⲛⲁϥ ⲡⲉ ϧⲉⲛ ϩⲱⲃ ⲛⲓⲃⲉⲛ. ⲛⲑⲟϥ
ⲇⲉ ϩⲱϥ ⲡⲓϧⲉⲗϣⲓⲣⲓ ⲉϥⲛⲁⲩ ⲉϯⲙⲉⲧϣⲁⲙϣⲉ ⲛⲟⲩϯ ⲛⲧⲉ ⲛⲉϥⲓⲟϯ ⲛⲁϥ‐
ϣⲉⲙϣⲓ ⲙⲙⲱⲟⲩ ⲡⲉ ϧⲉⲛ ϩⲱⲃ ⲛⲓⲃⲉⲛ ⲟⲩⲟϩ ⲉϥⲥⲱⲧⲉⲙ ⲛⲥⲱⲟⲩ ⲙⲫⲣⲏϯ
ⲛⲟⲩⲃⲱⲕ ⲛⲁϩⲣⲉⲛ ⲛⲉϥϭⲓⲥⲉⲩ.
ⲉⲧⲁϥⲉⲣ ⲛⲟⲙⲟⲥ ⲇⲉ ⲛϫⲉ ⲡⲓⲁⲗⲟⲩ ⲟⲩⲟϩ ⲉⲧⲁϥⲓ ⲉϯϩⲏⲗⲓⲕⲓⲁ ⲉⲧϫⲏⲕ
ⲉⲃⲟⲗ ⲧⲟⲧⲉ ⲁϥⲉⲣ ϧⲉⲗⲗⲟ ϩⲱϥ ⲛϫⲉ ⲡⲉϥⲓⲱⲧ ⲉⲁϥⲭⲁ ⲟⲩⲱⲓⲛⲓ ⲙⲫⲣⲏϯ
ⲛⲓⲥⲁⲁⲕ ⲡⲓⲡⲁⲧⲣⲓⲁⲣⲭⲏⲥ ⲟⲩⲟϩ ⲉⲧⲁϥⲉⲣ ⲁⲧϫⲟⲙ ⲛⲧⲉⲛ ⲡⲁϣⲁⲓ ⲙⲡⲓⲭⲣⲟ‐
ⲛⲟⲥ ⲛⲁϥϣⲧⲏⲟⲩⲧ ⲗⲟⲓⲡⲟⲛ ϩⲓϫⲉⲛ ⲡⲓⲙⲁⲛⲕⲟⲧ ⲟⲩⲟϩ ⲫⲏ ⲉⲧⲟⲩⲁⲃ ⲙⲁⲕⲁ‐
ⲣⲓⲟⲥ ⲛⲁϥⲙⲏⲛ ⲉⲣⲟϥ ⲡⲉ ⲉϥϣⲉⲙϣⲓ ⲙⲙⲟϥ ⲉϥⲉⲣⲁⲓⲧⲉⲓⲛ ⲙⲙⲟϥ ⲛⲛⲁⲩ
ⲛⲓⲃⲉⲛ ϩⲉⲛ ⲟⲩⲛⲁϩϯ ⲉⲑⲣⲉϥⲥⲙⲟⲩ ⲉⲣⲟϥ ⲟⲩⲟϩ ⲡⲁⲓⲣⲏϯ ⲁⲥϣⲱⲡⲓ. ⲉⲧⲁⲩ‐


### 0018

ϫⲱⲕ ⲇⲉ ⲉⲃⲟⲗ ⲛϫⲉ ⲛⲉϥϩⲟⲟⲩ ϧⲉⲛ ⲟⲩⲙⲉⲧϧⲉⲗⲗⲟ ⲉⲛⲁⲛⲉⲥ ⲁϥⲥⲟⲩⲧⲱⲛⲧϥ
ⲉⲃⲟⲗ ⲟⲩⲟϩ ⲁϥⲙⲧⲟⲛ ⲙⲙⲟϥ ⲟⲩⲟϩ ⲁⲩⲑⲟⲙⲥϥ ⲕⲁⲧⲁ ⲡⲉⲧⲧⲟⲙⲓ. ⲉⲧⲁϥⲉⲛ‐
ⲕⲟⲧ ⲇⲉ ⲛϫⲉ ⲡⲉϥⲓⲱⲧ ⲥⲁⲧⲟⲧϥ ⲁⲥⲓ ⲉϩⲣⲏⲓ ⲉϫⲉⲛ ⲡⲉϥϩⲏⲧ ϫⲉ ϩⲓⲛⲁ ⲉϥⲉⲭⲱ
ⲛⲥⲱϥ ⲙⲡⲁⲓⲃⲓⲟⲥ ⲛⲉⲙ ⲛⲉϥⲣⲱⲟⲩϣ ⲟⲩⲟϩ ⲛⲧⲉϥⲓ ⲉϫⲉⲛ ⲟⲩⲣⲱⲟⲩϣ ⲛⲟⲩⲱⲧ
ⲟⲩⲟϩ ⲛⲧⲉϥⲥⲣⲱϥⲧ ⲉϯ ⲛⲟⲩⲡⲣⲟⲥⲉⲩⲭⲏ ⲙⲙⲁⲩⲁⲧϥ ⲙⲫ︦ϯ︦ ϧⲉⲛ ⲟⲩⲙⲉⲧ‐
ⲁⲧϭⲓ ϩⲣⲁϥ ⲟⲩⲟϩ ⲡⲁⲓⲣⲏϯ ⲁϥⲉⲣ ϩⲏⲧⲥ ⲛϫⲱⲣ ⲉⲃⲟⲗ ⲙⲫⲏ ⲉⲧⲉⲛⲧⲁϥ ⲛⲕⲟⲩϫⲓ
ⲕⲟⲩϫⲓ. ⲉⲧⲁⲥⲉⲙⲓ ⲇⲉ ⲛϫⲉ ⲧⲉϥⲙⲁⲩ ⲁⲥⲥⲁϫⲓ ⲛⲉⲙⲁϥ ⲟⲩⲧⲱⲥ ⲛⲉⲙⲁϥ ⲉⲥϫⲱ
ⲙⲙⲟⲥ ϫⲉ ⲡⲁϣⲏⲣⲓ ⲟⲩ ⲡⲉ ⲫⲁⲓ ⲉⲧⲉⲕⲓⲣⲓ ⲙⲙⲟϥ ⲓⲥ ϩⲏⲡⲡⲉ ⲛⲑⲟⲕ ⲟⲩϧⲉⲗϣⲓⲣⲓ
ⲁⲛⲁⲩ ⲙⲡⲉⲣⲧⲁⲕⲉ ⲡⲉⲧⲉⲛⲧⲁⲕ ⲛⲧⲉⲕⲉⲣ ϧⲁⲉ ⲟⲩⲟϩ ⲡⲁⲓⲣⲏϯ ⲛⲧⲉⲕⲉⲣ ⲉⲣ‐
ⲅⲁⲧⲏⲥ ⲛϩⲁⲛ ⲕⲉⲭⲱⲟⲩⲛⲓ. ⲛⲑⲟϥ ⲇⲉ ⲡⲉϫⲁϥ ⲛⲁⲥ ϩⲱⲥ ⲛϥⲟⲩⲱϣ ⲁⲛ ⲉϯ
ⲙⲕⲁϩ ⲙⲡⲉⲥϩⲏⲧ ϫⲉ ⲫⲏ ⲉⲧⲁⲣⲉϫⲟϥ ⲛⲏⲓ ϯⲛⲁⲁⲓϥ ⲡⲉϥⲥⲟϭⲛⲓ ⲇⲉ ⲁϥⲭⲁϥ ϧⲉⲛ
ⲡⲉϥϩⲏⲧ. ⲙⲉⲛⲉⲛⲥⲁ ⲋ ⲇⲉ ⲛⲁⲃⲟⲧ ⲛⲉⲙ ϩⲁⲛ ⲕⲟⲩϫⲓ ⲛⲉϩⲟⲟⲩ ⲁ ⲡⲟⲥ ϫⲉⲙ
ⲡϣⲓⲛⲓ ⲛϯⲙⲁⲕⲁⲣⲓⲁ ⲛϧⲉⲗⲗⲱ ⲟⲩⲟϩ ⲉⲧⲁⲥⲙⲧⲟⲛ ⲙⲙⲟⲥ ⲁⲩⲭⲱ ⲙⲡⲉⲥ‐
ⲥⲱⲙⲁ ϧⲁⲧⲉⲛ ⲫⲁ ⲡⲓⲙⲁⲕⲁⲣⲓⲟⲥ ⲙⲡⲣⲉⲥⲃⲩⲧⲉⲣⲟⲥ. ⲡⲓⲛⲁⲓⲁⲧϥ ϫⲉ ϯⲛⲟⲩ
ⲙⲁⲕⲁⲣⲓⲟⲥ ⲉⲧⲁϥⲥⲱϫⲡ ⲙⲙⲁⲩⲁⲧϥ ⲁⲩⲕⲱϯ ⲉⲣⲟϥ ⲛϫⲉ ϩⲁⲛ ⲙⲏϣ ⲛⲗⲟ‐
ⲅⲓⲥⲙⲟⲥ ⲟⲩⲟϩ ⲡⲉϥⲙⲉⲩⲓ ⲛⲁϥⲉⲣⲑⲁⲣⲣⲉⲓⲛ ⲙⲙⲟϥ ⲛⲣⲱⲙⲓ ⲛⲓⲃⲉⲛ ⲁⲛ ⲡⲉ.


### 0019

ⲉⲧⲁ ⲟⲩⲉϩⲟⲟⲩ ⲇⲉ ⲛϣⲁⲓ ϣⲱⲡⲓ ⲁⲥⲓ ⲉϩⲣⲏⲓ ⲉϫⲉⲛ ⲡⲉϥϩⲏⲧ ⲉⲑⲁϩⲉⲙ ⲛⲏ
ⲉⲧⲉⲣ ϧⲁⲓⲉ ⲛⲉⲙ ⲛⲓϫⲱⲃ ⲟⲩⲟϩ ⲉⲓⲣⲓ ⲙⲡⲓⲛⲁⲓ ⲛⲉⲙⲱⲟⲩ ⲕⲁⲧⲁ ⲧⲉϥⲕⲁϩⲥ ϫⲉ
ϩⲓⲛⲁ ⲉⲩⲉⲉⲣ ⲫⲙⲉⲩⲓ ⲛⲛⲉϥⲓⲟϯ. ⲛⲉ ⲟⲩⲟⲛ ⲟⲩⲁⲛⲁⲭⲱⲣⲓⲧⲏⲥ ⲇⲉ ϩⲓ ⲫⲟⲩⲉⲓ
ⲙⲡⲉϥϯⲙⲓ ⲉⲣⲉ ϫⲱϥ ⲙⲉⲛ ⲣⲏⲧ ⲉϥⲉⲣ ϩⲟϯ ϧⲁ ⲧϩⲏ ⲙⲫ︦ϯ︦ ⲉⲙⲁϣⲱ ⲟⲩⲟϩ
ⲉϥⲉⲣⲏⲥⲩⲭⲁⲍⲉⲓⲛ ϧⲉⲛ ⲟⲩⲕⲟⲩϫⲓ ⲙⲙⲟⲛⲏ ϧⲁⲣⲓ ϧⲁⲣⲟϥ. ⲉⲧⲁϥⲣⲁⲟⲩⲱ ⲇⲉ
ϧⲉⲛ ϯⲉⲕⲕⲗⲏⲥⲓⲁ ⲙⲡⲉϩⲟⲟⲩ ⲉⲧⲉⲙⲙⲁⲩ ⲉⲑⲃⲉ ϫⲉ ⲛⲉ ⲙⲙⲟⲛ ⲡⲣⲉⲥⲃⲩⲧⲉ‐
ⲣⲟⲥ ϧⲉⲛ ⲧⲉϥⲙⲟⲛⲏ ⲁⲛ ⲡⲉ ⲉⲑⲣⲉϥϭⲓ ⲥⲙⲟⲩ ⲛⲧⲟⲧϥ ⲧⲟⲧⲉ ⲁϥⲉⲣⲁⲓⲧⲉⲓⲛ
ⲙⲙⲟϥ ⲛϫⲉ ⲡⲓⲁⲅⲓⲟⲥ ⲙⲁⲕⲁⲣⲓⲟⲥ ϫⲉ ϩⲓⲛⲁ ⲉϥⲉⲣⲁⲟⲩⲱ ϩⲱϥ ⲛⲧⲉϥϭⲓ
ⲉⲃⲟⲗϧⲉⲛ ϯⲁⲅⲁⲡⲏ ⲟⲩⲟϩ ⲡⲁⲓⲣⲏϯ ⲁϥϯ ⲙⲁϯ. ⲉⲧⲁⲩⲟⲩⲱ ⲇⲉ ⲉⲩⲟⲩⲱⲙ ⲡⲉ‐
ϫⲉ ⲫⲏ ⲉⲑⲟⲩⲁⲃ ⲙⲁⲕⲁⲣⲓⲟⲥ ⲛⲁϥ ϫⲉ ϯϯϩⲟ ⲉⲣⲟⲕ ⲡⲁⲓⲱⲧ ⲉⲑⲟⲩⲁⲃ ϫⲉ
ϩⲓⲛⲁ ⲉⲓⲉⲓ ϣⲁⲣⲟⲕ ⲛⲣⲁⲥϯ ⲛⲧⲁϫⲉ ⲡⲁⲙⲉⲩⲓ ⲛⲧⲏⲓ ⲛⲁⲕ ϫⲉ ⲡⲓϩⲱⲃ ⲉⲣ
ⲭⲣⲉⲓⲁ. ⲡⲓϧⲉⲗⲗⲟ ⲇⲉ ϩⲱⲥ ⲉϥⲥⲱⲟⲩⲛ ⲛⲧϫⲓ ⲛⲱⲛϧ ⲙⲙⲁⲕⲁⲣⲓⲟⲥ ⲁϥϯ
ⲙⲁϯ. ⲉⲧⲁ ϣⲱⲣⲡ ⲇⲉ ϣⲱⲡⲓ ⲁϥϣⲉ ⲛⲁϥ ϣⲁⲣⲟϥ ⲟⲩⲟϩ ⲡⲁⲓⲣⲏϯ ⲁϥⲧⲁⲙⲟϥ
ⲉⲡⲉϥⲙⲉⲩⲓ ϧⲉⲛ ⲟⲩϫⲱⲕ ϩⲱⲥ ⲡⲉϫⲁϥ ⲉⲓⲟⲩⲱϣ ϩⲱ ⲉⲉⲣⲁⲛⲁⲭⲱⲣⲉⲓⲛ ⲟⲩⲟϩ
ⲛⲧⲁⲥⲣⲱϥⲧ ⲉⲡⲟⲩϫⲁⲓ ⲛⲧⲁⲯⲩⲭⲏ. ⲉϥⲛⲁⲩ ⲇⲉ ⲛϫⲉ ⲡⲓϧⲉⲗⲗⲟ ⲉⲡⲓϩⲙⲟⲧ


### 0020

ⲛⲧⲉ ⲫ︦ϯ︦ ⲉⲧⲭⲏ ⲛⲉⲙ ⲡⲓⲁⲗⲟⲩ ⲛⲁϥⲉⲣ ϣⲫⲏⲣⲓ ⲛⲧⲉϥⲕⲁⲧⲁⲥⲧⲁⲥⲓⲥ ⲛⲉⲙ
ⲧⲉϥϫⲓ ⲛⲉⲣ ⲟⲩⲱ ⲉⲓⲧⲁ ⲁϥⲁⲙⲟⲛⲓ ⲙⲙⲟϥ ϧⲁⲧⲟⲧϥ ⲙⲡⲓⲉϫⲱⲣϩ ⲉⲧⲉⲙⲙⲁⲩ
ⲛϫⲉ ⲡⲓϧⲉⲗⲗⲟ ϫⲉ ϩⲓⲛⲁ ⲉϥⲉⲉⲙⲓ ϫⲉ ⲉⲣⲉ ⲡⲟ︦ⲥ︦ ⲛⲁⲧⲁⲙⲟϥ ⲉⲟⲩ ⲉⲑⲃⲏⲧϥ
ϫⲉ ⲟⲩⲏⲓ ⲅⲁⲣ ⲛⲉ ⲟⲩⲣⲉϥⲛⲁⲩ ⲡⲉ. ⲟⲩⲟϩ ⲉⲣⲉ ⲫⲣⲏ ⲛⲁϩⲱⲧⲡ ⲁⲩⲟⲩⲉⲙ ⲡⲓ‐
ⲕⲟⲩϫⲓ ⲛⲱⲓⲕ ⲟⲩⲟϩ ⲁⲩⲉⲛⲕⲟⲧ ⲙⲡⲃ︦ ⲟⲩⲟϩ ⲁ ⲫ︦ϯ︦ ⲟⲩⲱⲛ ⲛⲛⲉⲛⲃⲁⲗ ⲙⲡⲓ‐
ϧⲉⲗⲗⲟ ϧⲉⲛ ⲡϫⲓ ⲛⲑⲣⲉϥⲉⲣⲛⲏⲫⲉⲓⲛ ⲉⲃⲟⲗϧⲉⲛ ⲡⲓϩⲛⲓⲙ ⲟⲩⲟϩ ⲓⲥ ϩⲏⲡⲡⲉ ⲓⲥ
ⲟⲩⲭⲟⲣⲟⲥ ⲙⲙⲟⲛⲁⲭⲟⲥ ⲁϥⲛⲁⲩ ⲉⲣⲱⲟⲩ ⲉⲩⲙⲡⲕⲱϯ ⲛⲁⲃⲃⲁ ⲙⲁⲕⲁⲣⲓⲟⲥ
ⲉϥⲉⲛⲕⲟⲧ ⲉⲁϥⲛⲁⲩ ⲉⲣⲱⲟⲩ ⲛϫⲉ ⲡⲓϧⲉⲗⲗⲟ ⲉⲩⲟⲩⲟⲃϣ ⲧⲏⲣⲟⲩ ⲟⲩⲟϩ ⲉⲩⲣⲏⲧ
ⲧⲏⲣⲟⲩ ⲛϩⲁⲛ ⲥⲙⲟⲧ ⲛⲧⲉⲛϩ ϩⲓϫⲉⲛ ⲛⲟⲩϣⲱⲃϣ ⲙⲡⲥⲙⲟⲧ ⲛϩⲁⲛ ⲁⲉⲧⲟⲥ
ⲟⲩⲟϩ ⲁϥⲥⲱⲧⲉⲙ ⲉⲟⲩⲥⲙⲏ ⲉⲥϫⲱ ⲙⲙⲟⲥ ϫⲉ ⲧⲱⲛⲕ ⲙⲁⲕⲁⲣⲓⲟⲥ ⲁⲣⲓ ϩⲏⲧⲥ
ⲉϯⲇⲓⲁⲕⲟⲛⲓⲁ ϫⲉ ⲁϥⲓ ⲛϫⲉ ⲡⲓⲥⲏⲟⲩ ⲟⲩⲟϩ ⲧⲱⲛⲕ ⲙⲟϣⲓ ϫⲉ ⲟⲩⲏⲓ ⲁⲛⲟⲕ ⲡⲉ
ⲉⲑⲟⲩⲱⲣⲡ ⲙⲙⲟⲕ. ⲛⲁⲓ ⲟⲩⲛ ⲉⲧⲁϥⲥⲱⲧⲉⲙ ⲉⲣⲱⲟⲩ ⲛϫⲉ ⲡⲓϧⲉⲗⲗⲟ ⲛⲁⲅⲓⲟⲥ
ⲁϥⲭⲁ ⲣⲱϥ ⲧⲉⲱⲥ ⲟⲩⲟϩ ⲉⲧⲁ ⲫⲟⲩⲱⲓⲛⲓ ϣⲁⲓ ⲉϥⲛⲁⲙⲟϣⲓ ⲛϫⲉ ⲡⲓⲛⲁⲓⲁⲧϥ
ⲙⲁⲕⲁⲣⲓⲟⲥ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲁⲛ ⲁⲕⲛⲁⲩ ⲉϩⲗⲓ ϧⲉⲛ ⲡⲁⲓ ⲉϫⲱⲣϩ
ⲡⲉϫⲁϥ ⲛⲁϥ ϫⲉ ⲙⲫⲏ ϩⲟⲗⲱⲥ ⲁⲗⲗⲁ ⲁⲓⲉⲛⲕⲟⲧ ϧⲉⲛ ⲟⲩⲙⲧⲟⲛ ⲛⲉⲙ
ⲟⲩⲭⲃⲟⲃ ⲛⲧⲉ ⲧⲁⲯⲩⲭⲏ. ⲧⲟⲧⲉ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲫⲏ ⲉⲧⲁϥⲁⲗⲏⲓ


### 0021

ⲉϩⲣⲏⲓ ⲉϫⲉⲛ ⲡⲉⲕϩⲏⲧ ⲁⲣⲓⲧϥ ϫⲉ ⲟⲩⲏⲓ ⲡⲟ︦ⲥ︦ ⲡⲉ ⲉⲧⲑⲱϩⲉⲙ ⲙⲙⲟⲕ.
ⲙⲡⲉϥϫⲉ ϩⲗⲓ ⲛⲥⲁϫⲓ ⲛⲁϥ ⲛϫⲉ ⲡⲓϧⲉⲗⲗⲟ ϧⲉⲛ ⲛⲏ ⲉⲧⲁϥⲛⲁⲩ ⲉⲣⲱⲟⲩ
ϩⲓⲛⲁ ϫⲉ ⲛⲛⲉϥϭⲓⲥⲓ ⲛϩⲏⲧ ⲁⲗⲗⲁ ⲁϥϩⲟⲛϩⲉⲛ ⲉⲧⲟⲧϥ ⲥⲁⲧⲟⲧϥ ϫⲉ ϩⲓⲛⲁ
ⲉϥⲉϣⲉ ⲛⲧⲉϥϩⲱⲗ ϩⲓ ⲫⲟⲩⲉⲓ ⲛⲧⲉϥϣⲱⲡⲓ ϧⲁⲧⲉⲛ ⲕⲉϯⲙⲓ ϧⲉⲛ ⲛⲓⲙⲟⲛⲏ ϫⲉ
ⲟⲩⲏⲓ ⲅⲁⲣ ⲛⲉ ⲙⲡⲁⲧⲉ ⲟⲩⲟⲛ ϧⲉⲛ ⲛⲓϣⲁⲙϣⲉ ⲛⲟⲩϯ ϣⲱⲡⲓ ϧⲉⲛ ⲛⲓϣⲁϥⲉⲩ
ⲉⲧⲥⲁϧⲟⲩⲛ ⲉⲃⲏⲗ ⲉⲡⲓⲛⲓϣϯ ⲁⲛⲧⲱⲛⲓⲟⲥ ⲉϥϩⲏⲗ ⲉⲛⲓⲙⲁ ⲛϣⲁϥⲉ ⲛϩⲁⲛ ⲙⲏϣ
ⲛⲥⲟⲡ ⲟⲩⲟϩ ⲡⲁⲗⲓⲛ ⲉϥⲛⲏⲩ ⲉⲃⲟⲗ. ⲡⲓⲛⲁⲓⲁⲧϥ ⲇⲉ ⲙⲁⲕⲁⲣⲓⲟⲥ ⲉⲧⲁϥⲓ
ⲉⲡⲓϯⲙⲓ ⲁϥⲉⲣ ϩⲏⲧⲥ ⲛⲭⲱⲗⲉⲙ ⲉⲥⲱⲣ ⲉⲃⲟⲗ ⲙⲫⲏ ⲉⲧⲉⲛⲧⲁϥ ⲧⲏⲣϥ ⲛⲛⲓϩⲏⲕⲓ
ⲛⲉⲙ ⲛⲓϫⲱⲃ.


### 0022

ⲟⲩⲟϩ ⲡⲁⲓⲣⲏϯ ⲁϥⲓ ⲉⲃⲟⲗϧⲉⲛ ⲡⲓϯⲙⲓ ⲁϥϣⲉ ⲛⲁϥ ⲉⲟⲩⲙⲟⲛⲏ ⲥⲁⲃⲟⲗ
ⲛⲕⲉϯⲙⲓ ⲁϥϣⲱⲡⲓ ⲙⲙⲁⲩ ϧⲁⲣⲓ ϧⲁⲣⲟϥ ⲛⲟⲩⲥⲏⲟⲩ. ⲉⲩⲛⲁⲩ ⲟⲩⲛ ⲉⲛⲉϥⲥⲙⲟⲧ
ⲉⲑⲛⲁⲛⲉⲩ ⲛϫⲉ ⲛⲁ ⲡⲓϯⲙⲓ ⲉⲧⲉⲙⲙⲁⲩ ⲛⲉⲙ ⲧⲉϥⲙⲉⲧⲣⲉⲙ ⲣⲁⲩϣ ⲉⲑⲃⲉ ϫⲉ
ⲙⲙⲟⲛ ⲡⲣⲉⲥⲃⲩⲧⲉⲣⲟⲥ ⲛⲧⲱⲟⲩ ⲁⲛ ⲉⲑⲣⲉϥϯ ⲥⲙⲟⲩ ⲛⲱⲟⲩ ϧⲉⲛ ⲡⲓϯⲙⲓ ⲧⲟⲧⲉ
ⲁⲩⲥⲁϫⲓ ⲛⲉⲙ ⲡⲓⲉⲡⲓⲥⲕⲟⲡⲟⲥ ⲛⲭⲱⲡ ⲉⲑⲃⲏⲧϥ ⲟⲩⲟϩ ⲉⲧⲁⲩⲁⲙⲟⲛⲓ ⲙⲙⲟϥ
ⲙⲡⲁⲧⲉϥⲉⲙⲓ ⲁⲩⲁⲓϥ ⲙⲡⲣⲉⲥⲃⲩⲧⲉⲣⲟⲥ ⲉϩⲛⲁϥ ⲁⲛ. ⲕⲁⲓ ⲙⲏⲛ ⲉⲧⲁ ⲡⲁⲓⲭⲉⲧ
ϣⲱⲡⲓ ⲙⲙⲟϥ ⲕⲁⲧⲁ ⲟⲩⲟⲓⲕⲟⲛⲟⲙⲓⲁ ϫⲉ ϩⲓⲛⲁ ⲉϥⲉⲉⲣⲃⲟⲏⲑⲉⲓⲛ ⲉⲣⲟϥ ⲛⲉⲙ
ϩⲁⲛ ⲕⲉⲭⲱⲟⲩⲛⲓ ⲛⲉⲙⲁϥ ϩⲟⲧⲁⲛ ⲙⲉⲛⲉⲛⲥⲁ ⲛⲁⲓ ⲁϥϣⲁⲛϣⲱⲡⲓ ϧⲉⲛ ⲛⲓ‐
ϣⲁϥⲉⲩ. ⲉⲧⲁϥϣⲱⲡⲓ ⲇⲉ ϧⲉⲛ ϯⲙⲟⲛⲏ ⲉⲧⲉⲙⲙⲁⲩ ⲛϩⲁⲛ ⲉϩⲟⲟⲩ ⲟⲩⲟϩ ⲉⲩ‐
ϫⲉⲙ ϩⲏⲟⲩ ⲉⲣⲟϥ ϩⲓⲧⲉⲛ ⲟⲩⲟⲛ ⲛⲓⲃⲉⲛ ⲉⲑⲛⲏⲟⲩ ϣⲁⲣⲟϥ ⲧⲟⲧⲉ ⲁϥⲉⲣ ϩⲏⲧⲥ
ⲛϫⲉ ⲡⲓⲇⲓⲁⲃⲟⲗⲟⲥ ⲉⲕⲟⲧϥ ⲉϫⲉⲛ ⲧⲉϥϫⲓ ⲛϯ ⲛⲧⲉϣⲟⲣⲡ. ⲡⲓⲙⲁⲕⲁⲣⲓⲟⲥ ⲇⲉ
ⲙⲁⲕⲁⲣⲓⲟⲥ ⲛⲁϥⲉⲣⲟⲛⲟⲭⲗⲉⲓⲛ ⲛⲁϥ ⲁⲛ ⲡⲉ ⲧⲉⲱⲥ ϩⲓⲧⲉⲛ ϩⲁⲛ ⲗⲟⲅⲓⲥⲙⲟⲥ
ϫⲉ ϩⲓⲛⲁ ⲉϥⲉⲟϩⲓ ⲛⲁϥ ⲙⲡⲓⲙⲁ ⲉⲧⲉⲙⲙⲁⲩ ⲙⲟⲛⲟⲛ ϩⲓⲛⲁ ⲛⲧⲉϥϣⲧⲉⲙϩⲱⲗ
ⲉⲃⲟⲗ ⲛⲉⲙⲁϥ ⲉⲡⲓⲃⲱⲧⲥ ⲟⲩⲟϩ ⲟⲛ ⲛⲧⲉϥⲉⲣ ⲡϣⲁϥⲉ ⲛⲟⲩⲕⲟⲥⲙⲟⲥ ⲛⲃⲉⲣⲓ ⲙⲫ︦ϯ︦
ⲛⲧⲫⲉ ⲡⲓⲙⲁ ⲉⲧⲉϥⲛⲁⲑⲱⲟⲩϯ ⲉϧⲟⲩⲛ ⲙⲡⲟⲥ ⲙⲙⲁⲩ ⲛⲟⲩⲥⲧⲣⲁⲧⲉⲓⲁ ⲛⲧⲉ
ϩⲁⲛ ⲙⲁⲧⲟⲓ ⲙⲡⲛ︦ⲁ︦ⲧⲓⲕⲟⲛ ⲉⲩϧⲏⲕ ϧⲉⲛ ϩⲁⲛ ϩⲟⲡⲗⲟⲛ ⲛⲛⲟⲏⲧⲟⲛ ⲟⲩⲃⲉ


### 0023

ⲛⲉϥⲛⲟⲩⲙⲉⲣⲟⲛ ⲛⲁⲡⲟⲥⲧⲁⲧⲏⲥ ⲉⲓⲥⲁϫⲓ ⲉⲛⲁ ⲡⲛ︦ⲁ︦ ⲉⲧϭⲁϧⲉⲙ ⲟⲩⲟϩ ⲛⲧⲟⲩⲃⲱⲧⲥ
ⲉⲣⲟϥ ⲛⲑⲟϥ ⲡⲓⲇⲓⲁⲃⲟⲗⲟⲥ ϩⲓⲧⲉⲛ ⲛⲓⲙⲉⲣⲉϩ ⲉⲧϣⲉⲡϣⲱⲡ ⲛⲧⲉ ⲛⲓⲁⲣⲉⲧⲏ
ⲉⲁⲩϭⲓ ⲙⲡⲓϭⲣⲟ ϧⲁⲣⲟϥ ϧⲉⲛ ⲫⲣⲁⲛ ⲛⲓ︦ⲏ︦ⲥ︦ ⲡⲭ︦ⲥ︦ ⲡⲉⲛⲛⲟⲩϯ. ⲫ︦ϯ︦ ⲇⲉ ⲡⲓⲡⲣⲟ‐
ⲛⲟⲏⲧⲟⲥ ⲟⲩⲟϩ ⲛⲥⲟⲫⲟⲥ ⲁϥⲉⲣⲥⲩⲅⲭⲱⲣⲉⲓⲛ ⲕⲁⲧⲁ ⲟⲩⲟⲓⲕⲟⲛⲟⲙⲓⲁ ⲉⲑⲣⲉ ⲟⲩ‐
ⲡⲉⲓⲣⲁⲥⲙⲟⲥ ⲧⲱⲛϥ ⲉϫⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ϩⲓⲛⲁ ⲧⲁⲓⲁⲓⲧⲓⲁ ⲉϥⲉⲉⲣ
ⲫⲙⲉⲩⲓ ⲛⲛⲏ ⲉⲧⲟⲩⲥⲁϫⲓ ⲙⲙⲱⲟⲩ ⲛⲉⲙⲁϥ ⲟⲩⲟϩ ⲉϥⲉⲓ ⲉⲃⲟⲗ ⲉⲡϣⲁϥⲉ
ⲡⲓⲙⲁ ⲉⲧⲁϥⲧⲁⲙⲟϥ ⲉⲣⲟϥ ⲟⲩⲟϩ ⲛⲧⲉϥⲑⲱⲟⲩϯ ⲉⲣⲟϥ ⲛⲟⲩⲟⲛ ⲛⲓⲃⲉⲛ ⲉⲧⲉⲣ‐
ⲉⲡⲓⲑⲩⲙⲉⲓⲛ ⲉⲡⲓⲱⲛϧ ⲛⲉⲛⲉϩ. ⲡⲓⲡⲉⲓⲣⲁⲥⲙⲟⲥ ⲇⲉ ⲉⲧⲉⲙⲙⲁⲩ ⲧⲉⲧⲉⲛⲥⲱⲟⲩⲛ
ⲙⲙⲟϥ ⲧⲏⲣⲟⲩ ⲙⲫⲣⲏϯ ⲉⲧⲁϥⲉⲣ ⲙⲉⲑⲣⲉ ⲛⲁⲛ ⲛⲑⲟϥ ⲛⲣⲟ ⲟⲩⲃⲉⲣⲟ ⲛⲟⲩ‐
ⲙⲏϣ ⲛⲥⲟⲡ ϩⲟⲙⲱⲥ ⲇⲉ ϯⲛⲁϫⲟϥ ⲉⲣⲱⲧⲉⲛ ⲱ ⲛⲉⲛⲥⲛⲏⲩ.
ⲛⲉ ⲟⲩⲟⲛ ⲟⲩⲡⲁⲣⲑⲉⲛⲟⲥ ⲇⲉ ϧⲉⲛ ⲡⲓϯⲙⲓ ⲉⲧⲉⲙⲙⲁⲩ ⲉⲁⲥⲁⲓⲁⲓ ϧⲉⲛ ϯϩⲏⲗⲓ‐
ⲕⲓⲁ ⲙⲡⲁⲧⲉⲥϭⲓ ϩⲁⲓ ⲟⲩⲟϩ ⲛⲉ ⲟⲩⲟⲛ ⲕⲉϧⲉⲗϣⲓⲣⲓ ϧⲉⲛ ⲧⲉⲥⲣⲁⲟⲩⲏ ⲉϥϧⲉⲛⲧ
ⲉⲣⲟⲥ ⲕⲁⲧⲁ ϯⲥⲩⲅⲅⲉⲛⲉⲓⲁ. ⲟⲩⲟϩ ⲛⲓⲓⲟϯ ⲙⲉⲛ ⲙⲡⲓⲁⲗⲟⲩ ⲛⲁⲩⲉⲣⲙⲉⲗⲉⲧⲁⲛ
ⲡⲉ ϫⲉ ϩⲓⲛⲁ ⲛⲧⲟⲩϩⲱⲡⲧ ⲛϯϧⲉⲗϣⲁⲓⲣⲓ ⲉⲡⲟⲩϣⲏⲣⲓ ϧⲉⲛ ⲟⲩⲅⲁⲙⲟⲥ ⲛⲥⲉⲙ‐


### 0024

ⲛⲟⲛ ⲕⲁⲧⲁ ⲛⲉⲛⲛⲟⲙⲟⲥ ⲛϯⲫⲩⲥⲓⲥ. ⲉⲧⲁⲩⲁⲓⲁⲓ ⲇⲉ ⲙⲡⲃ︦ ⲙⲡⲉ ⲡⲓϯ ⲙⲁϯ ϣⲱⲡⲓ
ⲉⲑⲣⲟⲩϩⲟⲧⲡⲟⲩ ⲛⲉⲙ ⲛⲟⲩⲉⲣⲏⲟⲩ ⲉⲑⲃⲉ ⲑⲙⲉⲧϩⲏⲕⲓ ⲛⲛⲉⲛⲓⲟϯ ⲙⲡⲓϧⲉⲗ‐
ϣⲓⲣⲓ ⲉⲥϣⲟⲡ ⲟⲩⲛ ⲛϫⲉ ⲟⲩⲡⲁⲣⲣⲏⲥⲓⲁ ⲟⲩⲧⲉ ⲡⲓϧⲉⲗϣⲓⲣⲓ ⲛⲉⲙ ϯⲁⲗⲟⲩ ⲉⲑⲃⲉ
ϯⲥⲩⲅⲅⲉⲛⲉⲓⲁ ⲛⲉⲙ ϯⲙⲉⲧⲣⲉⲙ ⲣⲁⲟⲩⲏ ⲕⲁⲧⲁ ⲫⲣⲏϯ ⲉⲧⲁⲛϣⲟⲣⲡ ⲛϫⲟⲥ
ⲛⲁⲩⲉⲣⲁⲡⲁⲛⲧⲁⲛ ⲉⲛⲟⲩⲉⲣⲏⲟⲩ ⲛⲟⲩⲙⲏϣ ⲛⲥⲟⲡ ϧⲉⲛ ⲛⲓⲏⲓ ⲟⲩⲟϩ ϧⲉⲛ ⲛⲓϧⲓⲣ.
ⲉⲧⲁ ⲟⲩⲉϩⲟⲟⲩ ⲛϣⲁⲓ ⲇⲉ ϣⲱⲡⲓ ⲟⲩⲟϩ ⲉⲧⲁⲩⲥⲉ ⲏⲣⲡ ⲉⲡⲑⲓϧⲓ ⲧⲟⲧⲉ ⲁⲩϩⲉⲓ
ϧⲉⲛ ⲡⲓϩⲧⲟⲃ ⲁⲩⲃⲱⲗ ⲉⲃⲟⲗ ⲛⲧⲟⲩⲡⲁⲣⲑⲉⲛⲓⲁ ⲙⲡⲃ︦. ⲟⲩⲟϩ ⲡⲁⲓⲣⲏϯ ⲕⲁⲧⲁ
ⲕⲟⲩϫⲓ ⲕⲟⲩϫⲓ ⲁⲥⲉⲣ ⲃⲟⲕⲓ ⲛϫⲉ ϯϧⲉⲗϣⲁⲓⲣⲓ. ⲉⲩⲉⲣ ϩⲟϯ ⲇⲉ ϧⲁ ⲧϩⲏ ⲛⲛⲟⲩⲓⲟϯ
ⲙⲡⲃ︦ ϫⲉ ⲛⲛⲟⲩϧⲟⲧⲃⲟⲩ ⲉⲑⲃⲉ ⲡⲓϣⲫⲓⲧ ⲉⲑⲛⲁϣⲱⲡⲓ ⲧⲟⲧⲉ ⲁⲩⲉⲣ ⲟⲩⲥⲟϭⲛⲓ
ⲉϥⲙⲉϩ ⲛⲁⲛⲟⲙⲓⲁ ⲉⲁⲩⲟⲩⲁϩ ⲕⲉⲛⲓϣϯ ⲛⲛⲟⲃⲓ ⲉϫⲉⲛ ⲧⲟⲩⲕⲉⲡⲟⲣⲛⲉⲓⲁ ⲟⲩⲟϩ
ⲡⲉϫⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲟⲩ ⲙⲡⲉϥϣⲫⲏⲣ ϫⲉ ⲟⲩ ⲡⲉ ⲉⲧⲉⲛⲛⲁⲁⲓϥ ⲉϣⲱⲡ
ⲅⲁⲣ ⲁⲣⲉϣⲁⲛ ⲛⲉⲛⲓⲟϯ ⲉⲙⲓ ⲉⲡⲁⲓϩⲱⲃ ⲥⲉⲛⲁⲧⲁⲕⲟⲛ ⲁⲗⲗⲁ ⲙⲁⲣⲉⲛϫⲟⲥ ϫⲉ
ⲡⲓⲡⲣⲉⲥⲃⲩⲧⲉⲣⲟⲥ ⲛⲁⲛⲁⲭⲱⲣⲏⲧⲏⲥ ⲡⲉ ⲉⲧⲁϥⲉⲣ ⲫⲁⲓ ⲓⲉ ⲉⲑⲃⲉ ϫⲉ ⲟⲩϣⲉⲙ‐
ⲙⲟ ⲟⲩⲟϩ ⲛⲥⲉⲛⲁϯ ⲁⲥⲟ ⲉⲣⲟϥ ⲁⲛ. ⲟⲩⲟϩ ⲁⲥϣⲱⲡⲓ ⲕⲁⲧⲁ ⲡⲁⲓⲣⲏϯ. ⲉⲧⲁⲩⲉ‐
ⲙⲓ ⲇⲉ ⲛϫⲉ ⲛⲉⲛⲓⲟϯ ⲛϯⲁⲗⲟⲩ ϫⲉ ⲁ ⲫⲁⲓ ϣⲱⲡⲓ ⲙⲙⲟⲥ ⲛⲁⲩϣⲓⲛⲓ ⲙⲙⲟⲥ


### 0025

ϫⲉ ⲟⲩ ⲡⲉ ⲉⲧⲁϥϣⲱⲡⲓ ⲙⲙⲟ ⲓⲉ ⲛⲓⲙ ⲡⲉ ⲉⲧⲁϥⲉⲣ ⲫⲁⲓ ⲛⲉ ⲙⲁⲧⲁⲙⲟⲛ.
ⲛⲑⲟⲥ ⲇⲉ ϩⲱⲥ ⲉⲧⲁⲩⲧⲥⲁⲃⲟⲥ ⲉⲃⲟⲗϩⲓⲧⲉⲛ ⲡⲓϧⲉⲗϣⲓⲣⲓ ⲡⲉϫⲁⲥ ϫⲉ ⲉⲓⲛⲁϩⲱⲗ
ϣⲁ ⲡⲓⲁⲛⲁⲭⲱⲣⲏⲧⲏⲥ ⲛⲟⲩⲉϩⲟⲟⲩ ⲛⲑⲟϥ ⲡⲉ ⲉⲧⲁϥⲉⲣ ⲫⲁⲓ ⲛⲏⲓ ⲉⲁϥⲑⲣⲓⲉⲣ
ⲃⲟⲕⲓ. ⲉⲧⲁⲩⲙⲃⲟⲛ ⲟⲩⲛ ⲛϫⲉ ⲛⲉⲥⲓⲟϯ ϧⲉⲛ ⲟⲩϫⲱⲛⲧ ⲉⲑⲃⲉ ⲡⲓϣⲓⲡⲓ ⲉⲧⲁϥ‐
ϣⲱⲡⲓ ⲛⲱⲟⲩ ⲉⲑⲃⲉ ⲧⲟⲩϣⲉⲣⲓ ⲁⲩⲓ ⲉⲃⲟⲗ ⲉϯⲙⲟⲛⲏ ⲛⲉⲙ ϩⲁⲛ ⲕⲉⲭⲱⲩⲛⲓ
ⲛⲉⲙⲱⲟⲩ ⲁⲩⲓⲛⲓ ⲉⲃⲟⲗ ⲛⲁⲃⲃⲁ ⲙⲁⲕⲁⲣⲓⲟⲥ ⲉⲁⲩϯ ⲛϩⲁⲛ ⲛⲓϣϯ ⲛϣⲁϣ
ⲛⲁϥ ⲉⲫⲙⲟⲩ. ⲛⲑⲟϥ ⲇⲉ ⲡⲓϩⲁⲅⲓⲟⲥ ϩⲱⲥ ⲛⲉϥⲉⲙⲓ ⲁⲛ ⲉⲫⲏ ⲉⲧⲁϥϣⲱⲡⲓ
ⲛⲁϥϣⲓⲛⲓ ⲙⲙⲱⲟⲩ ⲡⲉ ϫⲉ ⲟⲩ ⲡⲉ ⲉⲧϣⲟⲡ ϫⲉ ⲧⲉⲧⲉⲛϩⲓⲟⲩⲓ ⲉⲣⲟⲓ ⲙⲡⲁⲓ‐
ⲣⲏϯ ϧⲉⲛ ⲟⲩⲙⲉⲧⲁⲑⲛⲁⲓ. ⲉⲡϧⲁⲉ ⲇⲉ ⲁⲩⲙⲟⲩⲣ ⲛϩⲁⲛ ϣⲓⲱ ⲉⲡⲉϥⲙⲟⲩⲧ
ⲉⲩⲟϣϫ ⲛⲕⲉⲣⲙⲓ ⲟⲩⲟϩ ⲛⲁⲩⲥⲱⲕ ⲙⲙⲟϥ ϧⲉⲛ ⲑⲙⲏϯ ⲙⲡⲓϯⲙⲓ ⲉⲩⲙⲟϣⲓ
ⲛⲥⲱϥ ⲛⲉⲙ ϩⲁⲛ ⲕⲉⲙⲏϣ ⲛⲁⲗⲟⲩ ⲉⲩϩⲓⲟⲩⲓ ⲉⲣⲟϥ ⲟⲛ ⲡⲉ ⲉⲩⲥⲱⲕ ⲙⲙⲟϥ
ⲉⲡⲁⲓⲥⲁ ⲛⲉⲙ ⲫⲁⲓ ⲙⲫⲣⲏϯ ⲛⲛⲏ ⲉⲧϣⲟⲣⲧ ⲟⲩⲟϩ ⲉⲩⲱϣ ⲉⲃⲟⲗ ⲉϩⲣⲏⲓ ⲉϫⲱϥ
ⲧⲏⲣⲟⲩ ϧⲉⲛ ⲟⲩⲥⲙⲏ ⲛⲟⲩⲱⲧ ⲉⲩϫⲱ ⲙⲙⲟⲥ ⲙⲡⲁⲓⲣⲏϯ ϫⲉ ⲉⲣⲟϥ ⲉⲣⲟϥ ϫⲉ
ⲁϥⲥⲉϩ ϯϧⲉⲗϣⲁⲓⲣⲓ. ⲡⲓⲙⲁⲓ ⲛⲟⲩϯ ⲇⲉ ⲛⲣⲱⲙⲓ ⲉⲧⲉⲣⲇⲓⲁⲕⲟⲛⲉⲓⲛ ⲉⲁⲃⲃⲁ
ⲙⲁⲕⲁⲣⲓⲟⲥ ϧⲉⲛ ⲟⲩⲛⲁϩϯ ϫⲉ ϩⲓⲛⲁ ⲉϥⲉϭⲓ ⲙⲡⲉϥⲥⲙⲟⲩ ⲛⲁϥⲙⲟϣⲓ ⲛⲥⲱϥ


### 0026

ⲡⲉ ⲙⲡⲓⲛⲁⲩ ⲉⲧⲉⲙⲙⲁⲩ ⲉϥϣⲫⲓⲧ. ⲉⲧⲁⲩⲧϩⲉⲙⲕⲟϥ ⲇⲉ ⲉⲙⲁϣⲱ ϧⲉⲛ ⲛⲓϣⲁϣ
ⲛⲉⲙ ⲛⲓϣⲉⲣϣⲓ ϩⲏⲡⲡⲉ ⲓⲥ ⲙⲡⲓⲥⲧⲟⲥ ⲁⲩⲓ ⲉⲃⲟⲗ ϩⲓ ⲫⲟⲩⲉⲓ ⲟⲩⲟϩ ⲉⲧⲁⲩⲛⲁⲩ
ⲉⲣⲟϥ ⲉⲁϥϧⲱⲛⲧ ⲉⲫⲙⲟⲩ ⲛⲁⲩϣⲓⲛⲓ ⲡⲉ ϫⲉ ⲟⲩ ⲡⲉ ⲉⲧϣⲟⲡ ⲙⲙⲟϥ ⲟⲩⲟϩ
ⲉⲧⲁⲩⲉⲙⲓ ⲡⲉϫⲱⲟⲩ ϫⲉ ⲟⲩⲙⲏⲓ ⲁⲛ ⲡⲉ ⲡⲁⲓⲥⲁϫⲓ ⲫⲁⲓ ⲉⲣⲉⲧⲉⲛϫⲱ ⲙⲙⲟϥ
ϯⲛⲟⲩ ⲁⲛⲟⲛ ⲅⲁⲣ ⲧⲉⲛⲉⲣ ϣⲟⲣⲡ ⲛⲥⲱⲟⲩⲛ ⲙⲡⲁⲓⲣⲱⲙⲓ ϫⲉ ⲟⲩⲡⲓⲥⲧⲟⲥ ⲡⲉ
ϧⲉⲛ ⲟⲩⲙⲉⲑⲙⲏⲓ. ⲟⲩⲟϩ ⲉⲧⲁⲩⲟϩⲓ ⲉⲣⲁⲧⲟⲩ ⲉϫⲱϥ ⲁⲩⲃⲟⲗϥ ⲉⲃⲟⲗϧⲉⲛ ⲛⲓⲥ‐
ⲛⲁⲩϩ ⲟⲩⲟϩ ⲁⲩⲕⲱϣ ⲛⲛⲓⲕⲉϣⲓⲱ ⲉⲧⲟϣϫ ⲛⲕⲉⲣⲙⲓ ⲉⲧⲧⲟⲓ ⲉⲡⲉϥⲙⲟⲩⲧ.
ⲟⲩⲟϩ ⲡⲉϫⲉ ⲫⲓⲱⲧ ⲛϯⲁⲗⲟⲩ ⲛⲱⲟⲩ ϫⲉ ⲟⲩⲙⲉⲧⲁⲧϫⲟⲙ ⲧⲉ ϣⲁⲧⲉϥϯ ⲡϣ‐
ⲧⲱⲣⲓ ⲙⲙⲟϥ ϫⲉ ϩⲓⲛⲁ ⲁⲥϣⲁⲛⲙⲓⲥⲓ ⲛϫⲉ ϯⲁⲗⲟⲩ ⲛⲧⲉϥϯ ⲙⲡⲓϫⲕⲟ ⲉⲃⲟⲗ
ⲛⲧⲉ ⲧⲉⲥⲙⲏⲥⲓ ⲛⲉⲙ ⲡϣⲁⲛϣ ⲙⲡⲉⲥϣⲏⲣⲓ. ⲟⲩⲟϩ ⲡⲉϫⲁϥ ϫⲉ ⲱ ⲃⲓⲁ ⲛⲉⲙ
ⲡⲁⲓⲇⲓⲕⲁⲥⲓⲙⲟⲛ ⲉⲧⲁⲓⲣⲁⲟⲩⲱ ⲉⲣⲟϥ ⲛϯⲥⲱⲟⲩⲛ ⲙⲙⲟϥ ⲁⲛ. ⲧⲟⲧⲉ ⲡⲉϫⲁϥ
ⲛϫⲉ ⲡⲓⲣⲱⲙⲓ ⲉⲧⲉⲣⲇⲓⲁⲕⲟⲛⲉⲓⲛ ⲛⲁϥ ϫⲉ ⲁⲣⲓ ϯⲁⲅⲁⲡⲏ ⲙⲁ ⲡϣⲧⲱⲣⲓ
ⲙⲙⲟⲓ. ⲟⲩⲟϩ ⲁϥϣⲧⲱⲣⲓ ⲙⲙⲟϥ ⲟⲩⲟϩ ⲡⲁⲓⲣⲏϯ ⲁⲩⲭⲁϥ ⲉⲃⲟⲗ ⲁϥϣⲉ ⲛⲁϥ
ⲉⲧⲉϥⲙⲟⲛⲏ ⲉϥⲟⲓ ⲙⲫⲁϣ ⲙⲟⲩ.
ⲉⲧⲁϥⲓ ⲇⲉ ⲉϧⲟⲩⲛ ⲉⲧⲉϥⲣⲓ ⲁϥⲥⲁϫⲓ ⲛⲉⲙⲁϥ ⲙⲙⲓⲛ ⲙⲙⲟϥ ⲉϥϫⲱ ⲙⲙⲟⲥ


### 0027

ϫⲉ ⲙⲁⲕⲁⲣⲓⲟⲥ ⲓⲥ ϩⲏⲡⲡⲉ ⲁⲕϫⲓⲙⲓ ⲛⲁⲕ ⲛⲟⲩⲥϩⲓⲙⲓ ⲗⲟⲓⲡⲟⲛ ⲡⲓϩⲱⲃ ⲉⲣ‐
ⲭⲣⲉⲓⲁ ⲉⲑⲣⲉⲕⲉⲣ ϩⲱⲃ ⲛϫⲱⲣϩ ⲛⲉⲙ ⲙⲉⲣⲓ ϫⲉ ϩⲓⲛⲁ ⲛⲧⲉⲕϣⲁⲛⲟⲩϣⲕ
ⲛⲉⲙⲁⲥ ⲛⲉⲙ ⲡⲉⲥϣⲏⲣⲓ. ⲟⲩⲟϩ ⲡⲁⲓⲣⲏϯ ⲛⲁϥⲉⲣ ϩⲱⲃ ϧⲉⲛ ⲟⲩⲥⲡⲟⲩⲇⲏ ⲟⲩⲟϩ
ⲛⲓⲃⲓⲣ ⲉⲧⲉ ⲛⲉϣⲁϥⲑⲁⲙⲓⲱⲟⲩ ⲛⲁϥϯ ⲙⲙⲱⲟⲩ ⲙⲡⲓⲇⲓⲁⲕⲟⲛⲓⲧⲏⲥ ϫⲉ ϩⲓⲛⲁ
ⲛⲧⲉϥⲧⲏⲓⲧⲟⲩ ⲉⲃⲟⲗ ⲟⲩⲟϩ ⲧⲟⲩⲧⲓⲙⲏ ⲛⲧⲁϥⲧⲏⲓⲥ ⲛϯⲥϩⲓⲙⲓ ϩⲟⲡⲱⲥ ⲉⲥⲛⲁ‐
ⲙⲓⲥⲓ ⲛⲧⲉⲥϭⲱⲟⲩ ⲉⲃⲟⲗ ⲉⲣⲟⲥ ⲛⲉⲙ ⲡⲉⲥϣⲏⲣⲓ ⲫ︦ϯ︦ ⲇⲉ ⲡⲓⲙⲁⲓ ⲣⲱⲙⲓ ⲫⲏ ⲉⲧϯ
ⲱⲟⲩ ⲛⲛⲏ ⲉⲧϯ ⲱⲟⲩ ⲛⲁϥ ⲫⲏ ⲉⲧⲉⲣ ϣⲟⲣⲡ ⲛⲥⲱⲟⲩⲛ ⲛⲛⲏ ⲉⲧⲉ ⲙⲡⲁⲧⲟⲩ‐
ϣⲱⲡⲓ ⲙⲫⲣⲏϯ ⲛⲛⲏ ⲉⲧⲁⲩⲥⲓⲛⲓ ⲫⲏ ⲉⲧⲉⲙⲓ ⲉⲛⲉϥⲥⲱⲧⲡ ⲓⲥϫⲉⲛ ⲙⲡⲁⲛⲧⲟⲩϫ‐
ⲫⲟⲟⲩ ⲓⲥϫⲉⲛ ⲉⲩϩⲓ ⲫⲟⲩⲉⲓ ⲙⲡⲉϥⲟⲩⲱϣ ⲉⲭⲱ ⲙⲡⲓⲁϩⲟ ⲉⲧϩⲏⲡ ⲟⲩⲇⲉ
ⲙⲡⲉϥⲟⲩⲱϣ ⲉⲭⲁ ⲣⲱϥ ⲛⲟⲩⲏϣⲉ ⲛⲟⲩⲱⲛϩ ⲉⲃⲟⲗ ⲛⲧⲡⲟⲗⲓⲧⲉⲓⲁ ⲙⲡⲉϥ‐
ⲃⲱⲕ ⲙⲁⲕⲁⲣⲓⲟⲥ ⲁⲗⲗⲁ ⲁϥϯ ⲙⲁϯ ⲉⲑⲣⲉ ⲟⲩⲟⲛ ⲛⲓⲃⲉⲛ ⲉⲙⲓ ϫⲉ ⲟⲩⲟⲛ ⲟⲩ‐
ϩⲉⲗⲡⲓⲥ ⲥⲟϫⲡ ⲛⲛⲓⲉⲩⲥⲉⲃⲏⲥ. ϩⲟⲧⲉ ⲟⲩⲛ ⲉⲧⲁϥⲓ ⲛϫⲉ ⲡⲓⲥⲏⲟⲩ ⲉⲧⲉⲥⲛⲁⲙⲓⲥⲓ
ⲛϫⲉ ϯⲉⲃⲓⲏⲛ ⲛϧⲉⲗϣⲁⲓⲣⲓ ⲉⲧⲉⲙⲙⲁⲩ ⲧⲟⲧⲉ ⲁⲩϩⲣⲟϣ ⲉϩⲣⲏⲓ ⲉϫⲱⲥ ⲛϫⲉ ⲛⲓ‐
ⲛⲁⲕϩⲓ ϧⲉⲛ ⲟⲩⲉⲛϣⲟⲧ ⲁⲥⲉⲣⲕⲓⲛⲇⲩⲛⲉⲩⲉⲓⲛ ⲉⲫⲙⲟⲩ ⲛⲇ︦ ⲛⲉϩⲟⲟⲩ ⲛⲉⲙ ⲇ︦
ⲛⲉϫⲱⲣϩ ⲛⲁⲥϣϫⲉⲙϫⲟⲙ ⲙⲙⲓⲥⲓ ⲁⲛ ⲡⲉ. ⲡⲉϫⲉ ⲧⲉⲥⲙⲁⲩ ⲛⲁⲥ ϫⲉ ⲟⲩ ⲡⲉ


### 0028

ⲉⲧϣⲟⲡ ⲙⲙⲟ ⲧⲁϣⲉⲣⲓ ϩⲏⲡⲡⲉ ⲅⲁⲣ ϣⲁⲧⲉⲛ ⲕⲉⲕⲟⲩϫⲓ ⲧⲉⲣⲁⲙⲟⲩ. ⲛⲑⲟⲥ ⲇⲉ
ⲡⲉϫⲁⲥ ϫⲉ ⲧⲁ ⲫⲙⲏⲓ ϯⲙⲡϣⲁ ⲙⲫⲙⲟⲩ ϫⲉ ⲟⲩⲙⲟⲛⲟⲛ ⲁⲓⲓⲣⲓ ⲙⲡⲓⲛⲟⲃⲓ
ⲁⲗⲗⲁ ⲁⲓϩⲓⲗⲁ ⲛⲛⲟⲩϫ ⲟⲛ ⲉⲡⲓⲃⲱⲕ ⲛⲧⲉ ⲫ︦ϯ︦ ⲡⲓⲁⲛⲁⲭⲱⲣⲓⲧⲏⲥ ⲕⲁⲓ ⲅⲁⲣ
ⲙⲡⲉ ⲡⲓⲁⲅⲓⲟⲥ ⲉⲧⲉⲙⲙⲁⲩ ϭⲓ ⲛⲉⲙⲏⲓ ⲉⲡⲧⲏⲣϥ ⲁⲗⲗⲁ ⲡⲁ ⲫⲙⲁⲛ ⲛϧⲉⲗ‐
ϣⲓⲣⲓ ⲡⲉ ⲉⲧⲁϥⲑⲣⲓⲉⲣ ⲃⲟⲕⲓ. ⲟⲩⲟϩ ⲉⲧⲁϥⲥⲱⲧⲉⲙ ⲛϫⲉ ⲡⲓϧⲉⲗϣⲓⲣⲓ ⲉⲧⲉⲙⲙⲁⲩ
ⲁϥⲫⲱⲧ ϩⲓⲛⲁ ϫⲉ ⲛⲛⲟⲩⲧⲁϩⲟϥ. ⲉⲧⲁⲥⲙⲓⲥⲓ ⲟⲛ ⲛϫⲉ ϯⲉⲃⲓⲏⲛ ⲉⲧⲉⲙⲙⲁⲩ
ϧⲉⲛ ⲡϫⲓ ⲛⲑⲣⲉⲥⲉⲣⲟⲙⲟⲗⲟⲅⲉⲓⲛ ⲛϯⲙⲉⲑⲙⲏⲓ ϩⲏⲡⲡⲉ ⲓⲥ ⲡⲓⲇⲓⲁⲕⲟⲛⲓⲧⲏⲥ
ⲛⲧⲉ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲁϥⲓ ⲉⲃⲟⲗ ϣⲁⲣⲟϥ ϧⲉⲛ ⲟⲩⲛⲓϣϯ ⲛⲣⲁϣⲓ
ⲛⲉⲙ ⲟⲩϣⲟⲩϣⲟⲩ ⲟⲩⲟϩ ⲛⲁϥϫⲱ ⲙⲙⲟⲥ ⲛⲁϥ ⲡⲉ ϫⲉ ⲙⲡⲉ ϯϧⲉⲗϣⲁⲓⲣⲓ ⲉⲧ‐
ⲧⲏ ⲑⲏ ⲉⲧⲁⲥϩⲓⲗⲁ ⲛⲛⲟⲩϫ ⲉⲣⲟⲕ ⲙⲡⲉⲥϣϫⲉⲙϫⲟⲙ ⲙⲙⲓⲥⲓ ϣⲁⲧⲉⲥⲉⲣⲟⲙⲟ‐
ⲗⲟⲅⲉⲓⲛ ϫⲉ ⲡⲓⲁⲅⲓⲟⲥ ⲁⲛ ⲡⲉ ⲉⲧⲁϥⲉⲣ ⲫⲁⲓ ⲉⲣⲟⲓ ⲁⲗⲗⲁ ⲡⲁ ⲫⲙⲁⲛ ⲛϧⲉⲗ-
ϣⲓⲣⲓ ⲡⲉ. ⲛⲏ ⲇⲉ ⲧⲏⲣⲟⲩ ⲉⲧⲁⲩⲥⲱⲧⲉⲙ ⲉⲫⲏ ⲉⲧⲁϥϣⲱⲡⲓ ⲛⲁⲩⲛⲏⲟⲩ ⲧⲏⲣⲟⲩ
ⲡ ⲉ ϣⲁ ⲁⲃⲃⲁ ⲙⲁⲕⲁⲣⲓⲟⲥ ⲉⲩϯ ⲱⲟⲩ ⲛⲁϥ ⲟⲩⲟϩ ⲉⲩϣⲟⲩϣⲟⲩ ⲉϫⲱϥ ⲉⲙⲁ‐
ϣⲱ. ⲡⲓⲇⲓⲁⲕⲟⲛⲓⲧⲏⲥ ⲇⲉ ⲛⲁϥⲑⲉⲗⲏⲗ ⲙⲙⲟϥ ⲡⲉ ϧⲉⲛ ⲟⲩⲙⲉⲧϩⲟⲩⲟ ⲉⲁ ⲡⲟⲥ
ⲫϯ ⲱⲗⲓ ⲛϣⲓⲡⲓ ⲛⲓⲃⲉⲛ ⲉⲃⲟⲗ ϩⲁ ⲡⲉϥϩⲟ ⲉⲑⲃⲉ ϫⲉ ⲛⲁⲩϫⲫⲓⲟ ⲙⲙⲟϥ ⲡⲉ
ϧⲁϫⲉⲛ ⲟⲩⲕⲟⲩϫⲓ ⲉⲃⲟⲗϩⲓⲧⲉⲛ ⲟⲩⲙⲏϣ ⲉⲩϣⲱϣ ⲙⲙⲟϥ ⲉⲩϫⲱ ⲙⲙⲟⲥ


### 0029

ⲛⲁϥ ϫⲉ ⲓⲥ ⲡⲓⲣⲱⲙⲓ ⲫⲏ ⲛⲑⲟⲕ ⲉⲧⲉⲕϫⲱ ⲙⲙⲟⲥ ⲉⲣⲟϥ ϫⲉ ⲟⲩⲁⲅⲓⲟⲥ ⲡⲉ ⲓⲥ
ϩⲏⲡⲡⲉ ⲁⲛϫⲉⲙϥ ⲙⲡⲁⲓⲥⲙⲟⲧ ⲛⲉⲙ ⲡⲁⲓⲣⲏϯ. ⲛⲁⲓ ⲟⲩⲛ ⲉⲧⲁⲩϣⲱⲡⲓ ⲙⲡⲁⲓ‐
ⲣⲏϯ ⲁϥⲉⲣ ⲥⲟϭⲛⲓ ⲛϫⲉ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲉⲓ ⲉⲃⲟⲗϧⲉⲛ ϯⲙⲟⲛⲏ
ⲉⲧⲉⲙⲙⲁⲩ ⲟⲩⲟϩ ⲉϣⲉ ⲛⲁϥ ⲉⲕⲉⲙⲱⲓⲧ ⲉϣⲱⲡⲓ ⲙⲙⲁⲩ.
ⲛϩⲣⲏⲓ ⲟⲩⲛ ϧⲉⲛ ⲟⲩⲉϩⲟⲟⲩ ⲉϥⲑⲏϣ ⲉϥⲛⲁϭⲓ ⲉⲃⲟⲗϧⲉⲛ ⲛⲓⲙⲩⲥⲧⲏⲣⲓⲟⲛ
ⲉⲑⲟⲩⲁⲃ ⲕⲁⲧⲁ ⲧⲉϥⲕⲁϩⲥ ϧⲁⲣⲓ ϧⲁⲣⲟϥ ϧⲉⲛ ⲧⲉϥⲙⲟⲛⲏ ⲟⲩⲟϩ ϩⲱⲥ ⲉϥⲛⲁⲟ‐
ϩⲓ ⲉⲣⲁⲧϥ ⲉⲡⲓⲙⲁ ⲛⲉⲣ ϣⲱⲟⲩϣⲓ ⲕⲁⲧⲁ ⲧⲉϥⲥⲩⲛⲏⲑⲉⲓⲁ ⲁϥϫⲟⲩϣⲧ ⲥⲁ
ⲡⲥⲫⲓⲣ ⲙⲙⲟϥ ⲥⲁ ⲧⲉϥⲟⲩⲓⲛⲁⲙ ⲟⲩⲟϩ ⲁϥⲛⲁⲩ ϩⲏⲡⲡⲉ ⲓⲥ ⲟⲩⲭⲉⲣⲟⲩⲃⲓⲙ
ⲉϥⲟⲓ ⲛⲋ̄ ⲛⲧⲉⲛϩ ⲟⲩⲟϩ ⲉϥⲟϣ ⲙⲃⲁⲗ ⲉⲙⲁϣⲱ ⲛⲁϥⲙⲙⲁⲩ ⲡⲉ. ⲟⲩⲟϩ ⲉⲧⲁϥ‐
ⲉⲣ ϩⲏⲧⲥ ⲛϯ ⲛⲓⲁⲧϥ ⲙⲙⲟϥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϩⲱⲥ ϫⲉ ⲟⲩ ⲡⲉ ⲧⲟⲧⲉ
ϩⲓⲧⲉⲛ ⲡⲓⲙⲟⲩⲉ ⲛⲉⲙ ϯⲙⲉⲧⲗⲁⲙⲡⲣⲟⲥ ⲛⲧⲉ ⲡⲉϥⲱⲟⲩ ⲁϥϩⲉⲓ ⲉϫⲉⲛ ⲡⲉϥϩⲟ
ⲡϫⲉ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲟⲩⲟϩ ⲁϥⲉⲣ ⲙⲫⲣⲏϯ ⲛⲟⲩⲣⲉϥⲙⲱⲟⲩⲧ
ⲟⲩⲟϩ ⲉⲧⲁϥⲉⲣ ⲟⲩⲕⲟⲩϫⲓ ⲇⲉ ⲉϥϣⲧⲏⲟⲩⲧ ϩⲓϫⲉⲛ ⲡⲕⲁϩⲓ ⲁϥⲁⲙⲟⲛⲓ ⲙⲙⲟϥ
ⲛϫⲉ ⲡⲓⲭⲉⲣⲟⲩⲃⲓⲙ ⲟⲩⲟϩ ⲉⲧⲁϥϯ ϫⲟⲙ ⲛⲁϥ ⲁϥⲧⲟⲩⲛⲟⲥϥ ⲟⲩⲟϩ ⲉⲧⲁϥⲉⲣⲛⲏ‐
ⲫⲉⲓⲛ ⲡⲉϫⲁϥ ⲛⲁϥ ϫⲉ ⲉⲑⲃⲉ ⲟⲩ ⲁ ⲡⲉⲕϩⲏⲧ ⲟⲩⲙⲟⲧ ⲛⲧⲁⲓϧⲉ ⲧⲏⲣⲥ ⲉⲁⲕⲉⲣ
ⲁⲙⲉⲗⲏⲥ ⲉⲛⲏⲉⲧⲁⲩⲥⲁϫⲓ ⲙⲙⲱⲟⲩ ⲛⲉⲙⲁⲕ ϧⲉⲛ ⲡϫⲟϣϫⲉϣ ⲛϯⲡⲉⲧⲣⲁ ⲟⲩⲟϩ
ⲛⲏ ⲧⲏⲣⲟⲩ ⲉⲧⲁⲕⲥⲟⲑⲙⲟⲩ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲁⲩϣⲱⲡⲓ ⲛⲁϩⲣⲁⲕ


### 0030

ⲙⲫⲣⲏϯ ⲛⲟⲩⲉⲃϣⲓ ⲡⲗⲏⲛ ⲕⲁⲗⲱⲥ ⲁⲕⲁⲓⲥ ϫⲉ ⲁⲕⲉⲣϩⲩⲡⲟⲙⲉⲛⲉⲓⲛ ⲉⲡⲓⲡⲉⲓⲣⲁⲥ‐
ⲙⲟⲥ ϣⲁⲧⲉϥϭⲓ ⲛⲟⲩϫⲱⲕ ϫⲉ ϩⲓⲛⲁ ϩⲓⲧⲉⲛ ϯⲡⲉⲓⲣⲁ ⲛⲧⲉⲕⲥⲁⲃⲟⲕ ⲕⲁⲧⲁ ⲕⲟⲩ‐
ϫⲓ ⲕⲟⲩϫⲓ ⲛⲧⲉⲕϣⲱⲡⲓ ⲛⲇⲟⲕⲓⲙⲟⲥ ϧⲉⲛ ⲛⲓⲁⲅⲱⲛ ⲛⲁⲓ ⲉⲧⲉ ⲡⲟⲥ ⲛⲁⲉⲣⲥⲩⲅⲭⲱ‐
ⲣⲉⲓⲛ ⲉⲑⲣⲟⲩⲉⲣⲡⲉⲓⲣⲁⲍⲉⲓⲛ ⲙⲙⲟⲕ ⲛϧⲏⲧⲟⲩ ϩⲓⲧⲉⲛ ⲛⲓⲇⲁⲓⲙⲱⲛ ⲛⲉⲙ
ⲛⲓⲣⲱⲙⲓ ⲉⲟⲩⲥⲟⲡ. ⲟⲑⲉⲛ ϫⲱⲕ ⲉⲃⲟⲗ ⲛϯⲗⲉⲓⲧⲟⲩⲣⲅⲓⲁ ⲉⲧⲁⲩⲧⲉⲛϩⲟⲩⲧⲕ
ⲉⲣⲟⲥ ⲑⲁⲓ ⲉⲧⲁⲕⲉⲣ ϩⲏⲧⲥ ⲉⲣⲟⲥ ⲟⲩⲟϩ ϭⲓ ⲉⲃⲟⲗϧⲉⲛ ⲛⲓⲙⲩⲥⲧⲏⲣⲓⲟⲛ ⲉⲑⲟⲩⲁⲃ
ϫⲉ ⲉⲩⲛⲁϣⲱⲡⲓ ⲛⲁⲕ ⲛⲧⲟⲩⲃⲟ ⲛⲉⲙ ϫⲟⲙ ⲟⲩⲟϩ ⲥⲉⲃⲧⲱⲧⲕ ϧⲉⲛ ⲡⲓⲉϫⲱⲣϩ
ⲉⲑⲛⲏⲟⲩ ϫⲉ ϩⲓⲛⲁ ⲉⲕⲉⲓ ⲉⲃⲟⲗϧⲉⲛ ⲡⲁⲓⲙⲁ ϧⲉⲛ ⲟⲩⲓⲏⲥ ⲟⲩⲟϩ ⲛⲧⲉⲕϣⲱⲡⲓ
ϧⲉⲛ ⲡⲓⲙⲁ ⲉⲧⲁⲩⲧⲁⲙⲟⲕ ⲉⲣⲟϥ ϩⲓⲧⲉⲛ ⲡⲉⲛⲟ︦ⲥ︦ ⲉⲟⲩⲥⲟⲡ. ⲙⲟⲛⲟⲛ ⲙⲁ ⲡⲉⲕ‐
ⲑⲱϣ ⲟⲩⲟϩ ⲙⲡⲉⲣⲉⲣ ⲁⲙⲉⲗⲏⲥ ⲉⲡⲟⲩⲁϩⲥⲁϩⲛⲓ ⲉⲧⲁⲩϩⲉⲛϩⲱⲛⲕ ⲉⲣⲟϥ ⲁⲛⲟⲕ
ⲅⲁⲣ ϧⲉⲛ ⲡⲓⲉϫⲱⲣϩ ⲉⲑⲛⲏⲟⲩ ⲉⲓⲉⲓ ϣⲁⲣⲟⲕ ⲉⲡⲁⲓⲙⲁ ⲟⲩⲟϩ ⲉⲛⲉⲓ ⲉⲃⲟⲗϧⲉⲛ
ⲡⲓⲉϫⲱⲣϩ ⲙⲙⲟⲛ ϩⲗⲓ ⲉⲙⲓ ⲉⲣⲟⲛ ⲉⲑⲃⲉ ⲫⲃⲁⲣⲟⲥ ⲛⲛⲓⲣⲱⲙⲓ ⲟⲩⲟϩ ⲙⲡⲉⲣⲉⲣ
ϩⲟϯ ⲕⲁⲧⲁ ϩⲗⲓ ⲛⲥⲙⲟⲧ ϫⲉ ⲟⲩⲏⲓ ⲡⲁⲓⲣⲏϯ ⲡⲉ ⲉⲧⲁ ⲡⲟ︦ⲥ︦ ⲟⲩⲁϩⲥⲁϩⲛⲓ ⲛⲏⲓ
ⲟⲩⲙⲟⲛⲟⲛ ϫⲉ ⲉⲕⲉⲓ ⲉⲃⲟⲗϧⲉⲛ ⲡⲁⲓⲙⲁ ⲁⲗⲗⲁ ⲇⲉ ϩⲓⲛⲁ ⲛⲧⲁϣⲱⲡⲓ ⲛⲉⲙⲁⲕ


### 0031

ⲟⲛ ϧⲉⲛ ⲡⲓⲙⲁ ⲉⲧⲁ ⲡⲟ︦ⲥ︦ ⲧⲁⲙⲟⲕ ⲉⲣⲟϥ ϣⲁⲧⲟⲩϫⲱⲕ ⲉⲃⲟⲗ ⲛϫⲉ ⲛⲏ ⲉⲧⲁⲕ‐
ⲥⲟⲑⲙⲟⲩ ⲕⲁⲧⲁ ⲫⲣⲏϯ ⲉⲧⲁⲩⲥⲁϫⲓ ⲛⲉⲙⲁⲕ. ⲡⲁⲓⲣⲏϯ ⲅⲁⲣ ⲁϥϯ ⲙⲁϯ ⲛϫⲉ
ⲫ︦ϯ︦ ⲉⲑⲣⲉⲕϣⲱⲡⲓ ⲛⲓⲱⲧ ⲛⲟⲩⲙⲏϣ ⲕⲁⲧⲁ ϯϫⲓ ⲛϫⲫⲟ ⲁⲛ ⲛⲥⲁⲣⲕⲓⲕⲟⲛ ⲁⲗⲗⲁ
ⲕⲁⲧⲁ ⲡⲓⲑⲱϩⲉⲙ ⲛⲧⲉ ⲛⲓϣⲏⲣⲓ ⲙⲡⲛⲁⲧⲓⲕⲟⲛ ⲉⲁⲓϭⲓ ⲇⲉ ⲛⲟⲩⲟⲩⲁϩⲥⲁϩⲛⲓ
ⲉⲃⲟⲗϩⲓⲧⲉⲛ ⲫ︦ϯ︦ ϫⲉ ϩⲓⲛⲁ ⲡⲓⲗⲁⲟⲥ ⲫⲏ ⲛⲑⲟⲕ ⲉⲧⲉⲕⲛⲁⲑⲟⲩⲱⲧϥ ⲕⲁⲧⲁ
ⲡϯ ⲙⲁϯ ⲙⲡⲁⲛⲟⲩϯ ⲛⲧⲁⲉⲣⲇⲓⲁⲕⲟⲛⲉⲓⲛ ⲛⲱⲟⲩ ϧⲉⲛ ⲟⲩⲙⲩⲥⲧⲏⲣⲓⲟⲛ ϣⲁ
ⲧϧⲁⲏ ⲛⲧⲉ ⲛⲓⲉϩⲟⲟⲩ ⲉϣⲱⲡ ⲙⲉⲛⲧⲟⲓ ⲁⲩϣⲁⲛⲁⲣⲉϩ ⲉⲛⲓⲉⲛⲧⲟⲗⲏ ⲛⲉⲙ ⲛⲓⲟⲩ‐
ⲁϩⲥⲁϩⲛⲓ ⲛⲧⲉ ⲡⲟ︦ⲥ︦ ⲛⲏ ⲉⲧⲉⲕⲛⲁⲧⲏⲓⲧⲟⲩ ⲉⲧⲟⲧⲟⲩ. ⲟⲩⲟϩ ⲛⲁⲓ ⲉⲧⲁϥϫⲟⲧⲟⲩ
ⲡⲁⲗⲓⲛ ⲟⲛ ⲡⲉϫⲁϥ ⲛⲁϥ ϫⲉ ⲉⲓⲉⲓ ⲛⲁⲕ ϧⲉⲛ ⲡⲓⲉϫⲱⲣϩ ⲉⲑⲛⲏⲟⲩ ⲙⲡⲉⲣⲉⲣ
ϩⲟϯ ⲟⲩⲇⲉ ⲙⲡⲉⲣⲉⲣⲁⲙⲫⲓⲗⲁⲙⲃⲁⲛⲉⲓⲛ ϫⲉ ⲡⲟ︦ⲥ︦ ⲡⲉ ⲉⲑⲟⲩⲁϩⲥⲁϩⲛⲓ ⲛⲁⲕ
ⲁⲛⲁⲩ ⲙⲡⲉⲣⲉⲣⲁⲛⲧⲓⲗⲉⲅⲉⲓⲛ
ⲡⲓⲁⲅⲓⲟⲥ ⲟⲩⲛ ⲁⲃⲃⲁ ⲙⲁⲕⲁⲣⲓⲟⲥ ⲉⲧⲁϥϭⲓ ⲛⲟⲩⲡⲁⲣⲁⲙⲩⲑⲓⲁ ⲛⲉⲙ ⲟⲩ‐
ⲛⲟⲙϯ ϩⲓⲧⲉⲛ ⲧⲡⲁⲣⲟⲩⲥⲓⲁ ⲙⲡⲓⲭⲉⲣⲟⲩⲃⲓⲙ ⲧⲟⲧⲉ ⲁϥⲉⲣ ⲡⲱⲃϣ ⲛⲛⲓϧⲓⲥⲓ ⲧⲏ‐
ⲣⲟⲩ ⲛⲉⲙ ⲛⲓⲙⲕⲁϩ ⲉⲧⲁⲩⲧⲏⲓⲧⲟⲩ ⲛⲁϥ ⲟⲩⲟϩ ⲡⲁⲓⲣⲏϯ ⲁϥⲥⲉⲃⲧⲱⲧϥ ⲉⲉⲣⲁ‐
ⲕⲟⲗⲟⲩⲑⲉⲓⲛ ⲕⲁⲧⲁ ϩⲱⲃ ⲛⲓⲃⲉⲛ ⲉⲧⲁⲩⲥⲁϫⲓ ⲛⲉⲙⲁϥ ⲙⲙⲱⲟⲩ. ⲟⲩⲟϩ ϧⲉⲛ


### 0032

ⲡⲓⲉϫⲱⲣϩ ⲉⲑⲛⲏⲟⲩ ⲉⲧⲁϥⲧⲱⲛϥ ⲉⲉⲣ ϯⲥⲩⲛⲁⲝⲓⲥ ⲕⲁⲧⲁ ⲧⲉϥⲕⲁϩⲥ ϩⲏⲡⲡⲉ
ⲓⲥ ⲡⲓⲙⲁ ⲧⲏⲣϥ ⲁϥⲉⲣ ⲟⲩⲱⲓⲛⲓ ⲙⲫⲣⲏϯ ⲙⲫⲛⲁⲩ ⲙⲙⲉⲣⲓ ϧⲉⲛ ⲛⲓⲉϩⲟⲟⲩ
ⲛⲧⲉ ⲡⲓϣⲱⲙ ⲟⲩⲟϩ ⲁϥⲉⲙⲓ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲕⲁⲧⲁ ϯⲥⲩⲛⲧⲩⲭⲏ ϫⲉ
ⲡⲓⲭⲉⲣⲟⲩⲃⲓⲙ ⲡⲉ ⲉⲧⲁϥⲓ ϣⲁⲣⲟϥ. ⲉⲧⲁⲥⲉⲣ ⲟⲩⲕⲟⲩϫⲓ ⲇⲉ ⲛϫⲉ ϯϫⲟⲙ ⲉⲧⲉⲙ‐
ⲙⲁⲩ ⲙⲡⲁⲧⲉⲥⲥⲁϫⲓ ⲛⲉⲙ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲛⲛⲉϥϣⲑⲟⲣⲧⲉⲣ ⲧⲟⲧⲉ ⲉⲡ‐
ϧⲁⲉ ⲡⲉϫⲁϥ ⲛⲁϥ ϫⲉ ⲧⲱⲛⲕ ⲙⲟⲣⲕ ϧⲉⲛ ⲟⲩϫⲟⲙ ⲉⲃⲟⲗϩⲓⲧⲉⲛ ⲫⲏ ⲉⲧϯϫⲟⲙ
ⲛⲁⲕ ⲫ︦ϯ︦ ⲟⲩⲟϩ ⲟⲩⲁϩⲕ ⲛⲥⲱⲓ ϣⲁ ⲡⲓⲙⲱⲓⲧ ⲉⲧⲁⲩⲉⲣ ϣⲟⲣⲡ ⲛⲧⲁⲙⲟⲕ ⲉⲣⲟϥ
ϩⲏⲇⲏ ϩⲓⲧⲉⲛ ⲡⲟ︦ⲥ︦. ⲟⲩⲟϩ ⲡⲁⲓⲣⲏϯ ⲉⲧⲁϥⲥⲉϫⲡ ϩⲱⲃ ⲛⲓⲃⲉⲛ ϧⲉⲛ ϯⲙⲟⲛⲏ ⲁϥⲓ
ⲉⲃⲟⲗ ϧⲉⲛ ⲟⲩⲣⲁϣⲓ ⲉⲩⲙⲟϣⲓ ϧⲁϫⲱϥ ϩⲓⲧⲉⲛ ⲡⲓⲭⲉⲣⲟⲩⲃⲓⲙ ⲙⲁⲗⲗⲟⲛ ⲇⲉ
ϩⲓⲧⲉⲛ ⲧϫⲟⲙ ⲙⲫ︦ϯ︦ ⲟⲩⲟϩ ⲙⲉⲛⲉⲛⲥⲁ ⲉϩⲟⲟⲩ ⲃ︦ ⲁⲩⲓ ⲉϧⲟⲩⲛ ⲉⲡⲓⲧⲱⲟⲩ ⲟⲩⲟϩ
ⲉⲩⲕⲱϯ ⲉⲡⲁⲓⲥⲁ ⲛⲉⲙ ⲫⲁⲓ ϩⲱⲥ ⲉⲩⲛⲁⲙⲟⲩϣⲧ ϩⲓϫⲉⲛ ⲙⲡⲓⲧⲱⲟⲩ ⲧⲟⲧⲉ ⲡⲉ‐
ϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ϯϯϩⲟ ⲉⲣⲟⲕ ⲡⲁⲟ︦ⲥ︦ ⲙⲁⲧⲁⲙⲟⲓ ϫⲉ ⲁⲓⲛⲁ‐
ϣⲱⲡⲓ ⲛⲁϣ ⲙⲙⲁ ϫⲉ ⲟⲩⲏⲓ ⲅⲁⲣ ϯⲥⲱⲟⲩⲛ ⲛϩⲗⲓ ⲁⲛ ϧⲉⲛ ⲡⲁⲓⲙⲱⲓⲧ. ⲡⲉϫⲉ
ⲡⲓⲭⲉⲣⲟⲩⲃⲓⲙ ⲛⲁϥ ϫⲉ ⲡⲁⲓ ⲑⲱϣ ⲫⲁⲓ ⲫⲁ ⲧⲉⲕⲡⲣⲟϩⲁⲓⲣⲉⲥⲓⲥ ⲡⲉ ⲓⲥ ⲡⲓⲙⲁ
ⲭⲏ ⲙⲡⲉⲕⲙⲑⲟ ⲡⲗⲏⲛ ⲁⲣⲓⲇⲟⲕⲓⲙⲁⲍⲉⲓⲛ ⲟⲩⲟϩ ⲁⲙⲟⲛⲓ ⲙⲫⲏ ⲉⲧⲉⲣ ⲛⲟϥⲣⲓ
ⲙⲟⲛⲟⲛ ⲙⲁ ϩⲑⲏⲕ ⲉⲣⲟⲕ ⲉⲃⲟⲗ ϩⲁ ⲛⲓⲡ︦ⲛ︦ⲁ︦ ⲉⲧϩⲱⲟⲩ ⲛⲉⲙ ⲛⲟⲩϫⲟⲣϫⲥ


### 0033

ⲙⲡⲟⲛⲏⲣⲟⲛ ⲟⲩⲟϩ ⲁⲕϣⲁⲛ ⲥⲉⲙⲛⲓ ϯⲛⲁϫⲉⲙ ⲡⲉⲕϣⲓⲛⲓ ⲉⲓⲙⲏⲛ ⲕⲁⲧⲁ
ⲫⲣⲏϯ ⲉⲧⲁⲩⲟⲩⲁϩⲥⲁϩⲛⲓ ⲛⲏⲓ ϩⲓⲧⲉⲛ ⲡⲁⲛⲟⲩϯ. ⲉⲧⲁϥⲉⲣ ⲟⲩⲙⲏϣ ⲇⲉ ⲛⲉ‐
ϩⲟⲟⲩ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉϥⲙⲟⲩϣⲧ ⲛⲥⲁ ⲡⲓⲧⲱⲟⲩ ⲉϥⲕⲱϯ ⲁϥⲓ ⲉϧⲣⲏⲓ
ⲉⲧⲁⲣⲭⲏ ⲙⲡⲓϩⲉⲗⲟⲥ ⲉⲥⲕⲉⲛ ⲛⲓⲥⲁ ⲛⲧⲉ ϯⲁⲛⲁⲃⲁⲗⲗⲟⲩⲥ ϫⲉ ϩⲓⲛⲁ ⲉⲣⲉ
ⲡⲓⲙⲱⲟⲩ ⲛⲁϣⲱⲡⲓ ⲉϥⲟⲩⲏⲟⲩ ⲙⲙⲟϥ ⲁⲛ ⲉⲡⲓϩⲟⲩⲟ ⲟⲩⲟϩ ⲁϥϣⲱⲕⲓ ϧⲉⲛ
ϯⲡⲉⲧⲣⲁ ⲁϥⲑⲁⲙⲓⲟ ⲛⲟⲩⲥⲡⲏⲗⲁⲓⲟⲛ ⲟⲩⲟϩ ⲁϥϣⲱⲡⲓ ⲛϧⲏⲧϥ ⲧⲉⲱⲥ ⲛϩⲁⲛ
ⲉϩⲟⲟⲩ.
ⲉⲓⲧⲁ ⲉⲧⲁϥϭⲓ ⲧⲁⲧⲥⲓ ⲛⲥⲁ ⲛⲓⲙⲁ ⲛϣⲁϥⲉ ⲟⲩⲟϩ ⲉⲧⲉⲣⲏⲥⲩⲭⲁⲍⲉⲓⲛ ⲉⲡⲓ‐
ϩⲟⲩⲟ ⲟⲩⲟϩ ⲉⲧⲁϥⲓ ⲉⲡϣⲱⲓ ⲉⲃⲟⲗ ϧⲉⲛ ϯⲡⲉⲧⲣⲁ ⲉⲧϩⲓ ⲫⲣⲏⲥ ⲁϥϣⲱⲡⲓ
ⲙⲙⲁⲩ ϫⲉ ⲟⲩⲏⲓ ⲅⲁⲣ ⲛⲁⲣⲉ ⲛⲓⲟⲩⲣⲁϯ ϯ ϧⲓⲥⲓ ⲛⲁϥ ϧⲁⲧⲉⲛ ϯⲁⲛⲁⲃⲁⲗⲗⲟⲩⲥ
ⲉⲩϩⲓ ϩⲟⲥⲉⲙ ⲉⲡϣⲱⲓ ϧⲉⲛ ⲛⲓⲥⲁ ⲉⲧⲁⲩϧⲱⲧⲉⲃ ⲛⲛⲓⲙⲁⲧⲟⲓ ⲛϧⲏⲧⲟⲩ ⲛϫⲉ ⲛⲓ‐
ⲃⲁⲣⲃⲁⲣⲟⲥ. ⲉⲧⲁϥⲉⲣ ⲟⲩⲥⲏⲟⲩ ⲇⲉ ⲙⲙⲁⲩ ⲁϥϣⲱⲕ ⲛⲥⲡⲏⲗⲁⲓⲟⲛ ⲃ︦ ϧⲉⲛ
ϯⲡⲉⲧⲣⲁ ⲟⲩⲟϩ ⲡⲓⲟⲩⲁⲓ ⲙⲙⲱⲟⲩ ⲁϥⲑⲁⲙⲓⲟ ⲛⲟⲩⲥⲕⲏⲛⲏ ⲛϧⲏⲧϥ ⲥⲁ ⲡⲉⲓⲉⲃⲧ
ϫⲉ ϩⲓⲛⲁ ⲉϥⲉϭⲓ ⲥⲙⲟⲩ ⲛϧⲏⲧϥ ⲟⲩⲟϩ ⲛⲁϥϩⲉⲙⲥⲓ ⲡⲉ ⲉϥⲥⲣⲱϥⲧ ⲉⲡⲓϣⲗⲏⲗ
ⲟⲩⲟϩ ⲉϥⲉⲣ ϩⲱⲃ ⲉϯⲛⲉⲃϯ ⲟⲩⲟϩ ⲛⲓⲃⲓⲣ ⲉⲛⲁϥⲑⲁⲙⲓⲟ ⲙⲙⲱⲟⲩ ⲛⲁϥϯ
ⲙⲙⲱⲟⲩ ⲡⲉ ⲛⲛⲓⲟⲩⲣⲁϯ ⲟⲩⲟϩ ⲁⲩϣⲁⲛⲧⲏⲓⲧⲟⲩ ⲉⲃⲟⲗ ⲛⲉϣⲁⲩⲓⲛⲓ ⲛⲁϥ ⲡⲉ


### 0034

ⲙⲫⲏ ⲉⲧⲉϥⲉⲣ ⲭⲣⲉⲓⲁ ⲙⲙⲟϥ ⲛⲉⲙ ⲡⲓⲕⲉⲥⲩⲙⲉⲧⲁⲗⲓⲟⲛ ⲉⲡⲗⲟⲅⲟⲥ ⲛϯⲡⲣⲟⲥ‐
ⲫⲟⲣⲁ ⲉⲑⲟⲩⲁⲃ. ⲉⲧⲁⲩⲛⲁⲩ ⲇⲉ ⲛϫⲉ ⲡⲁϣⲁⲓ ⲛⲛⲓⲇⲁⲓⲙⲱⲛ ⲉⲧϧⲉⲛ ⲡⲓⲙⲁ
ⲉⲧⲉⲙⲙⲁⲩ ⲉⲑⲙⲉⲧϫⲁⲣ ϩⲏⲧ ⲙⲡⲓⲁⲅⲓⲟⲥ ⲛⲉⲙ ⲡⲉϥϧⲙⲟⲙ ⲛϩⲏⲧ ⲉϧⲟⲩⲛ
ⲉⲫ︦ϯ︦ ⲁⲩⲉⲣ ⲙⲫⲣⲏϯ ⲛϩⲁⲛ ⲑⲏⲣⲓⲟⲛ ⲉⲩⲗⲟⲃⲓ ⲉⲩⲕⲱϯ ⲙⲉⲛ ⲙⲡⲉϥⲕⲱϯ
ⲛⲥⲉϣϫⲉⲙϫⲟⲙ ⲟⲛ ⲉϧⲱⲛⲧ ⲉϥ ϫⲉ ⲟⲩⲏⲓ ⲅⲁⲣ ⲛⲉⲙⲡⲁⲧⲟⲩⲉⲣⲥⲩⲅⲭⲱ‐
ⲣⲉⲓⲛ ⲛⲱⲟⲩ ⲡⲉ ⲉⲃⲟⲗϩⲓⲧⲉⲛ ⲫϯ. ⲫⲁⲓ ⲁϥϣⲱⲡⲓ ⲙⲙⲟϥ ⲕⲁⲧⲁ ⲟⲩⲛⲁⲓ ⲛⲧⲉ
ⲫ︦ϯ︦ ϫⲉ ϩⲓⲛⲁ ⲛⲛⲉϥϣⲑⲟⲣⲧⲉⲣ ⲓⲥϫⲉⲛ ϯⲁⲣⲭⲏ ⲟⲩⲟϩ ⲛⲧⲉϥⲭⲁ ⲧⲟⲧϥ ⲉⲃⲟⲗ
ⲛⲭⲱⲗⲉⲙ ϫⲉ ⲟⲩⲏⲓ ⲛⲁϥϣⲟⲡ ⲁⲛ ⲡⲉ ϧⲉⲛ ⲡⲓⲧⲱⲟⲩ ⲉⲧⲉⲙⲙⲁⲩ ⲛϫⲉ ⲫⲏ
ⲉⲧⲛⲁϭⲓ ⲙⲱⲓⲧ ⲛⲁϥ ϩⲓⲧⲉⲛ ⲟⲩⲥⲟϭⲛⲓ ⲉϯ ⲟⲩⲃⲉ ⲛⲓⲗⲟⲅⲓⲥⲙⲟⲥ ⲉⲧϩⲱⲟⲩ ⲛⲧⲉ
ⲛⲓⲡ︦︦ⲛ︦ⲁ︦ ⲉⲧϭⲁϧⲉⲙ.
ⲉⲧⲁⲩⲥⲓⲛⲓ ⲇⲉ ⲛϫⲉ ϩⲁⲛ ⲙⲏϣ ⲛⲉϩⲟⲟⲩ ⲁⲛ ⲡⲉϫⲁϥ ⲛϧⲣⲏⲓ ⲛϧⲏⲧϥ ϫⲉ ⲓⲥ
ⲡⲁⲓⲙⲱⲓⲧ ⲙⲉⲛ ⲁⲓⲓ ⲉⲣⲟϥ ⲕⲁⲧⲁ ⲫⲣⲏϯ ⲉⲧⲁⲩⲟⲩⲁϩⲥⲁϩⲛⲓ ⲛⲏⲓ ⲙⲙⲟⲛ
ⲣⲱⲙⲓ ⲇⲉ ⲙⲡⲁⲓⲙⲁ ⲫⲏ ⲉⲑⲛⲁϭⲓ ⲙⲱⲓⲧ ⲛⲏⲓ ⲉϯⲉⲣⲅⲁⲥⲓⲁ ⲙⲡⲛⲁⲧⲓⲕⲟⲛ
ⲕⲁⲧⲁ ϯϫⲓ ⲛⲉⲣ ϩⲱⲃ ⲛⲧⲉ ⲛⲏ ⲉⲧϣⲟⲡ ϧⲉⲛ ⲛⲓϣⲁϥⲉⲩ ⲟⲩⲟϩ ⲟⲩ ϫⲉ ⲡⲉ
ⲉϯⲛⲁⲁⲓϥ. ⲫⲁⲓ ⲡⲉ ⲁⲓⲥⲱⲧⲉⲙ ⲓⲥϫⲉⲛ ⲉⲓⲭⲏ ϧⲉⲛ ⲭⲏⲙⲓ ⲉⲑⲃⲉ ⲫⲏ ⲉⲑⲟⲩⲁⲃ


### 0035

ⲁⲛⲧⲱⲛⲓⲟⲥ ϩⲱⲥ ϫⲉ ⲉϥϣⲟⲡ ϧⲉⲛ ⲛⲓϣⲁϥⲉⲩ ⲉⲧⲥⲁϧⲟⲩⲛ ⲓⲥ ⲟⲩⲛⲓϣϯ ⲛⲭⲣⲟ‐
ⲛⲟⲥ. ϯⲛⲁⲧⲱⲛⲧ ⲟⲩⲛ ⲛⲧⲁϣⲉ ⲛⲏⲓ ϧⲁⲣⲟϥ ϫⲉ ϩⲓⲛⲁ ⲛⲧⲉϥϯ ⲛⲟⲩⲕⲱⲧ
ⲉⲧⲟⲧ ⲟⲩⲟϩ ⲡⲁⲓⲣⲏϯ ⲛⲧⲉ ⲡⲁⲙⲉⲩⲓ ⲥⲉⲙⲛⲓ ϣⲁ ϯⲧⲁⲥⲑⲟⲓ ⲉⲡⲁⲓⲙⲁ. ⲟⲩⲟϩ
ⲉⲧⲁϥⲧⲱⲛϥ ⲁϥϣⲗⲏⲗ ⲟⲩⲟϩ ⲉⲧⲁϥⲓ ⲉⲃⲟⲗ ⲁϥϣⲉ ⲛⲁϥ ⲉⲡⲓⲧⲱⲟⲩ ⲉⲫⲙⲁ
ⲛⲁⲃⲃⲁ ⲁⲛⲧⲱⲛⲓⲟⲥ ⲟⲩⲟϩ ⲉⲧⲁϥⲉⲣⲁⲡⲁⲛⲧⲁⲛ ⲉⲣⲟϥ ⲁ ⲡⲓϧⲉⲗⲗⲟ ϣⲟⲡϥ ⲉⲣⲟϥ
ϧⲉⲛ ⲟⲩⲛⲓϣϯ ⲛⲣⲁϣⲓ ⲛⲉⲙ ⲟⲩⲉⲣⲟⲩⲟⲧ ⲟⲩⲟϩ ⲉⲧⲁϥⲧⲁⲙⲟϥ ⲉⲡⲉϥⲙⲉⲩⲓ
ϧⲉⲛ ⲟⲩⲡⲁⲣⲣⲏⲥⲓⲁ ϩⲱⲥ ⲉⲟⲩϣⲏⲣⲓ ⲛⲁϩⲣⲉⲛ ⲡⲉϥⲓⲱⲧ ⲁϭⲛⲉ ϩⲗⲓ ⲛⲕⲩⲃⲓⲁ
ⲧⲟⲧⲉ ⲁ ⲡⲓϧⲉⲗⲗⲟ ϯ ⲫⲓ ⲉϫⲉⲛ ⲧⲉϥⲁⲫⲉ ⲟⲩⲟϩ ⲡⲉϫⲁϥ ⲛⲁϥ ϫⲉ ⲡⲁϣⲏⲣⲓ
ⲙⲁⲕⲁⲣⲓⲟⲥ ⲛⲑⲟⲕ ⲟⲩⲛⲁⲓⲁⲧϥ ⲅⲁⲣ ⲕⲁⲧⲁ ⲧⲉⲣⲙⲏⲙⲉⲓⲁ ⲙⲡⲉⲕⲣⲁⲛ ⲕⲁⲓ
ⲅⲁⲣ ⲁ ⲡⲟⲥ ⲉⲣ ϣⲟⲣⲡ ⲛⲧⲁⲙⲟⲓ ⲉⲑⲃⲏⲧⲕ ϧⲁϫⲉⲛ ϩⲁⲛ ⲉϩⲟⲟⲩ ϫⲉ ⲭⲛⲏⲟⲩ
ϣⲁⲣⲟⲓ ⲉⲑⲃⲉ ⲫⲁⲓ ⲓⲥ ⲟⲩⲥⲏⲟⲩ ϯⲥⲟⲙⲥ ⲉⲃⲟⲗ ϫⲉ ϩⲓⲛⲁ ⲉⲛⲉⲛⲁⲩ ⲉⲡⲉⲕⲟⲩ‐
ϫⲁⲓ ⲟⲩⲟϩ ⲛⲧⲉⲛⲉⲙⲓ ⲉⲧⲉⲕⲕⲁⲧⲁⲥⲧⲁⲥⲓⲥ. ⲧⲟⲧⲉ ⲁ ⲡⲓϧⲉⲗⲗⲟ ϯ ⲛⲟⲙϯ ⲛⲁϥ
ⲟⲩⲟϩ ⲁϥⲥⲉⲗⲥⲱⲗϥ ϧⲉⲛ ϩⲁⲛ ⲥⲁϫⲓ ⲉⲩⲧⲟⲙⲓ ⲉⲡⲥⲭⲏⲙⲁ ⲛⲧⲉ ϯⲙⲉⲧⲙⲟ‐
ⲛⲁⲭⲟⲥ ⲉⲁϥⲭⲱ ⲛⲁϩⲣⲁϥ ⲙⲡⲓⲣⲏϯ ⲧⲏⲣϥ ⲉⲧⲁ ⲛⲓⲇⲁⲓⲙⲱⲛ ⲉⲣⲡⲟⲗⲉ‐


### 0036

ⲙⲉⲓⲛ ⲛⲉⲙⲁϥ ϧⲉⲛ ⲛⲓⲗⲟⲅⲓⲥⲙⲟⲥ ϧⲉⲛ ⲟⲩϩⲱⲡ ⲛⲉⲙ ⲟⲩⲱⲛϩ ⲉⲃⲟⲗ ϣⲁ
ⲉϧⲣⲏⲓ ⲉⲫⲙⲟⲩ ϫⲉ ϩⲓⲛⲁ ⲛⲑⲟⲕ ϩⲱⲕ ⲡⲉϫⲁϥ ⲉⲕⲉϣⲱⲡⲓ ⲛϫⲱⲣⲓ ⲉϣⲱⲡ
ⲁⲩϣⲁⲛⲃⲱⲧⲥ ⲉⲣⲟⲕ. ⲟⲩⲟϩ ⲛⲁϥϯ ϩⲟ ⲉⲣⲟϥ ⲡⲉ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ
ϩⲓⲛⲁ ⲛⲧⲉϥⲟϩⲓ ϧⲁⲧⲟⲧϥ ⲡⲓϧⲉⲗⲗⲟ ⲇⲉ ⲙⲡⲉϥⲉⲣⲁⲛⲉⲭⲉⲥⲑⲁⲓ ⲁⲗⲗⲁ ⲛⲁϥ‐
ϫⲱ ⲙⲙⲟⲥ ⲛⲁϥ ⲡⲉ ϫⲉ ⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁ ⲡⲓⲑⲱϣ ⲉⲧⲁ ⲡⲟ︦ⲥ︦ ⲑⲁϩⲙⲉϥ
ⲛϧⲏⲧϥ ⲙⲁⲣⲉϥⲟϩⲓ ⲛϧⲏⲧϥ. ⲟⲩⲟϩ ⲉⲧⲁϥⲉⲣ ϩⲁⲛ ⲉϩⲟⲟⲩ ⲇⲉ ⲙⲙⲁⲩ ⲛⲁϥ‐
ϭⲓ ⲥⲟϭⲛⲓ ⲙⲙⲏⲛⲓ ⲁ ⲛⲉϥⲙⲉⲩⲓ ⲙⲧⲟⲛ ⲉⲧⲁⲥⲑⲟ. ⲉϥⲭⲏ ⲇⲉ ⲙⲙⲁⲩ ⲛⲁϥⲉⲛ‐
ⲕⲟⲧ ϧⲁⲧⲟⲧ ⲙⲙⲏⲛⲓ ⲁⲛⲟⲕ ⲡⲓⲉⲗⲁⲭⲓⲥⲧⲟⲥ ⲥⲁⲣⲁⲡⲁⲙⲱⲛ ⲟⲩⲟϩ ⲙⲉⲛⲉⲛⲥⲁ
ⲡⲓϣⲗⲏⲗ ⲛⲧⲉ ⲡⲓⲉϫⲱⲣϩ ⲛⲉϣⲁⲛⲉⲣⲙⲁⲕⲁⲣⲓⲍⲉⲓⲛ ⲛⲛⲏ ⲉⲧⲁⲩϭⲣⲟ ϧⲉⲛ ⲛⲓⲁ‐
ⲅⲓⲟⲛ ⲟⲩⲟϩ ⲟⲛ ⲛⲁⲛⲓⲥⲧⲟⲣⲉⲓⲛ ⲙⲡⲉⲛⲃⲓⲟⲥ ⲛⲛⲉⲛⲉⲣⲏⲟⲩ.
ⲉⲧⲁϥⲧⲁⲥⲑⲟ ⲇⲉ ⲉⲡⲉϥⲙⲱⲓⲧ ⲛϫⲉ ⲫⲏ ⲉⲑⲟⲩⲁⲃ ⲁϥϩⲉⲙⲥⲓ ϧⲉⲛ ⲡⲉϥⲙⲁ
ⲛϣⲱⲡⲓ ⲉϥⲥⲣⲱϥⲧ ⲉⲫ︦ϯ︦ ⲙⲙⲁⲩⲁⲧϥ ⲟⲩⲟϩ ⲉⲣⲉ ⲧⲉϥϩⲉⲗⲡⲓⲥ ⲛϧⲏⲧϥ ⲟⲩⲟϩ
ⲛⲁϥϩⲓ ⲕⲟⲧ ⲉⲣⲟϥ ⲙⲙⲏⲛⲓ ⲡⲉ ⲛϫⲉ ⲡⲓⲭⲉⲣⲟⲩⲃⲓⲙ ⲉϥⲙⲏⲛ ⲉⲧⲁ ⲫⲛⲁⲩ


### 0037

ⲇⲉ ⲛⲣⲟⲩϩⲓ ϣⲱⲡⲓ ⲛⲟⲩⲉϩⲟⲟⲩ ⲁϥⲓ ⲉⲃⲟⲗ ϫⲉ ⲉϥⲛⲁⲙⲁϩ ⲙⲱⲟⲩ ϧⲉⲛ ⲛⲓⲥⲁ
ⲛⲧⲉ ⲡⲓϩⲉⲗⲟⲥ ϫⲉ ⲟⲩⲏⲓ ⲅⲁⲣ ⲛⲉ ⲉⲙⲡⲁⲧⲉϥϣⲉⲕ ϣⲱϯ ⲡⲉ ⲟⲩⲟϩ ⲉⲧⲓ ⲉϥⲙⲟ‐
ϣⲓ ⲉϥⲉⲣⲙⲉⲗⲉⲧⲁⲛ ϧⲉⲛ ⲛⲓⲅⲣⲁⲫⲏ ⲟⲩⲟϩ ⲓⲥ ⲟⲩⲥⲙⲏ ⲁⲥϣⲱⲡⲓ ⲉⲃⲟⲗϧⲉⲛ
ⲧⲫⲉ ϫⲉ ⲙⲁⲕⲁⲣⲓⲟⲥ ⲙⲁⲕⲁⲣⲓⲟⲥ. ⲛⲑⲟϥ ⲇⲉ ⲉⲧⲁϥⲟϩⲓ ⲉⲣⲁⲧϥ ⲉⲧⲁϥⲥⲟⲙⲥ
ⲉⲡⲁⲓⲕⲁ ⲛⲉⲙ ⲫⲁⲓ ⲙⲙⲟϥ ⲟⲩⲟϩ ⲛⲉ ⲙⲙⲟⲛ ϩⲗⲓ ⲙⲡⲉϥⲕⲱϯ ⲡⲉ ⲡⲁⲗⲓⲛ ⲟⲛ
ⲁϥⲥⲱⲧⲉⲙ ⲉϯⲥⲙⲏ ⲙⲫⲙⲁϩ ⲅ̄ ⲛⲥⲟⲡ. ⲛⲑⲟϥ ⲇⲉ ⲉⲧⲁϥⲉⲣ ϩⲟϯ ⲁϥϩⲉⲙⲥⲓ
ⲟⲩⲟϩ ⲡⲉϫⲉ ϯⲥⲙⲏ ⲛⲁϥ ϫⲉ ⲉⲫⲙⲁ ϫⲉ ⲁⲕⲥⲱⲧⲉⲙ ⲛⲥⲁ ⲡⲁⲟⲩⲁϩⲥⲁϩⲛⲓ
ⲟⲩⲟϩ ⲁⲕⲟⲩⲁϩⲕ ⲛⲥⲱⲓ ⲓⲥ ϩⲏⲡⲡⲉ ϯⲛⲁⲑⲱⲟⲩϯ ⲛⲁⲕ ⲛⲟⲩⲗⲁⲟⲥ ⲉⲡⲁⲓⲙⲁ
ⲉⲃⲟⲗϩⲉⲛ ϣⲗⲟⲗ ⲛⲓⲃⲉⲛ ϫⲉ ϩⲓⲛⲁ ⲉⲩⲉϣⲉⲙϣⲓ ⲙⲙⲟⲓ ⲟⲩⲟϩ ϫⲉ ϩⲓⲛⲁ ⲉⲓⲉϭⲓ
ⲱⲟⲩ ⲛϧⲏⲧⲟⲩ ϧⲉⲛ ⲡϫⲓ ⲛⲑⲣⲟⲩⲥⲙⲟⲩ ⲉⲡⲁⲣⲁⲛ ⲉⲃⲟⲗϩⲓⲧⲟⲧⲟⲩ ⲛϧⲣⲏⲓ
ϧⲉⲛ ⲛⲟⲩϩⲃⲏⲟⲩⲓ ⲉⲑⲛⲁⲛⲉⲩ ⲛⲉⲙ ⲛⲟⲩⲡⲟⲗⲓⲧⲉⲓⲁ ⲉⲧⲥⲟⲧⲡ. ⲁⲛⲁⲩ ⲟⲩⲛ
ⲙⲡⲉⲣⲧⲁⲥⲑⲉ ϩⲗⲓ ⲉⲃⲟⲗϧⲉⲛ ⲛⲏ ⲉⲑⲛⲏⲟⲩ ϧⲁⲣⲟⲕ. ⲉⲧⲁ ⲡⲉϥϩⲏⲧ ⲇⲉ ⲓ ⲉⲣⲟϥ
ⲁϥⲧⲱⲛϥ ⲁϥϥⲉⲓ ⲉⲡⲉϥⲙⲱⲓⲧ ⲟⲩⲟϩ ⲉⲧⲁϥⲧⲁⲥⲑⲟ ⲉⲡⲓⲥⲡⲏⲗⲁⲓⲟⲛ ⲁ ⲫⲣⲏ
ϩⲱⲧⲡ ⲟⲩⲟϩ ⲉⲧⲁϥⲟⲩⲱⲙ ⲁϥⲉⲛⲕⲟⲧ ⲙⲡⲓⲉϫⲱⲣϩ ⲉⲧⲉⲙⲙⲁⲩ. ⲉϥⲛⲁⲛⲉϩⲥⲓ
ⲇⲉ ⲕⲁⲧⲁ ϯⲕⲁϩⲥ ⲁϥⲥⲱⲧⲉⲙ ⲉⲛⲓⲇⲁⲓⲙⲱⲛ ⲉⲩⲥⲁϫⲓ ⲛⲉⲙ ⲛⲟⲩⲉⲣⲏⲟⲩ ⲉⲩϫⲱ
ⲙⲙⲟⲥ ϫⲉ ⲁⲛⲛⲁⲭⲁ ⲡⲁⲓⲣⲱⲙⲓ ⲛⲧⲉϥϣⲱⲡⲓ ⲙⲡⲁⲓⲙⲁ ⲟⲩⲟϩ ⲉⲃⲟⲗϩⲓⲧⲉⲛ


### 0038

ⲧⲉϥⲁⲓⲧⲓⲁ ⲛⲧⲉ ⲛⲁⲓϣⲁϥⲉⲩ ϣⲱⲡⲓ ⲛⲗⲩⲙⲏⲛ ⲙⲙⲁ ⲛⲙⲟⲛⲓ ⲛⲟⲩⲟⲛ ⲛⲓⲃⲉⲛ
ⲉⲧⲉⲣⲕⲓⲛⲇⲩⲛⲉⲩⲉⲓⲛ ⲙⲁⲗⲗⲟⲛ ⲇⲉ ⲛⲧⲟⲩϣⲱⲡⲓ ⲛⲟⲩⲡⲟⲗⲓⲥ ⲉⲥⲧⲉⲛⲑⲱⲛⲧ
ⲉⲧⲫⲉ ⲛⲛⲏ ⲉⲧⲉⲣ ϩⲉⲗⲡⲓⲥ ⲉⲡⲓⲱⲛϧ ⲛⲉⲛⲉϩ. ⲁⲛϣⲁⲛⲉⲣⲁⲛⲉⲭⲉⲥⲑⲁⲓ ⲙⲫⲁⲓ
ⲥⲉⲛⲁⲑⲱⲟⲩϯ ⲉⲣⲟϥ ⲛϫⲉ ϩⲁⲛ ⲙⲏϣ ⲟⲩⲟϩ ⲛⲓϣⲁϥⲉⲩ ⲛⲁϣⲱⲡⲓ ⲁⲛ ϫⲉ ϧⲁ
ⲡⲉⲛⲉⲣ ϣⲓϣⲓ ⲁⲗⲗⲁ ⲙⲁⲗⲗⲟⲛ ⲥⲉⲛⲁϭⲟϫⲓ ⲛⲥⲱⲛ ⲉⲃⲟⲗϩⲓⲧⲉⲛ ⲑⲙⲁⲥⲧⲓⲝ
ⲛⲧⲉ ⲛⲟⲩϣⲗⲏⲗ ⲁⲗⲗⲁ ⲁⲙⲱⲓⲛⲓ ⲙⲁⲣⲉⲛϩⲓ ϩⲟϯ ⲉⲣⲟϥ ϫⲉ ⲁⲣⲏⲟⲩ ⲧⲉⲛⲛⲁϣ‐
ⲛⲟϣⲡϥ. ⲉⲧⲁϥⲥⲱⲧⲉⲙ ⲇⲉ ⲉⲛⲁⲓ ⲛϫⲉ ⲡⲓⲁⲅⲓⲟⲥ ⲙⲁⲕⲁⲣⲓⲟⲥ ⲁ ⲡⲉϥϩⲏⲧ
ⲧⲁϫⲣⲟ ⲙⲫⲣⲏϯ ⲙⲫⲁ ⲟⲩⲙⲟⲩⲓ ⲟⲩⲟϩ ⲟⲛ ⲛⲁϥⲥⲙⲟⲩ ⲉⲫϯ ⲛϧⲣⲏⲓ ⲛϧⲏⲧϥ
ⲫⲏ ⲉⲧⲁϥⲥⲟⲩⲱⲛ ⲛⲛⲉϥⲙⲁϣϫ ϫⲉ ϣⲁⲧⲉϥⲉⲙⲓ ⲉⲑⲙⲉⲧⲁⲧϫⲟⲙ ⲛⲛⲓⲇⲁⲓ‐
ⲙⲱⲛ ⲉⲧϭⲁϧⲉⲙ.
ⲉⲧⲁϥϣⲗⲏⲗ ⲟⲩⲛ ⲛϫⲉ ⲡⲓⲁⲅⲓⲟⲥ ⲓⲥ ϯⲑⲱⲟⲩⲧⲥ ⲧⲏⲣⲥ ⲛⲧⲉ ⲛⲓⲇⲁⲓⲙⲱⲛ ⲁⲥⲓ
ⲥⲁ ⲡϣⲱⲓ ⲙⲡⲓⲥⲡⲏⲗⲁⲓⲟⲛ ϩⲓϫⲉⲛ ϯⲡⲉⲧⲣⲁ ⲉⲁⲩⲉⲣ ⲙⲫⲣⲏϯ ⲛⲟⲩⲙⲏϣ
ⲛϩⲑⲟ ϩⲱⲥ ⲉⲩⲟⲃⲧⲥ ϧⲉⲛ ϩⲁⲛ ⲡⲟⲗⲉⲙⲟⲥ ⲟⲩⲃⲉ ⲛⲟⲩⲉⲣⲏⲟⲩ. ϩⲁⲛ ⲕⲉⲭⲱⲟⲩ‐
ⲛⲓ ⲇⲉ ⲁⲩⲓ ϧⲁⲧⲉⲛ ⲡⲓⲣⲟ ⲟⲩⲟϩ ⲛⲁⲩⲑⲁⲙⲓⲟ ⲛϩⲁⲛ ϭⲗⲟⲓ ⲛⲭⲣⲱⲙ ⲉⲩⲥⲓϯ
ⲙⲙⲟⲟⲩ ⲉϧⲟⲩⲛ ⲉⲡⲓⲥⲡⲏⲗⲁⲓⲟⲛ ⲟⲩⲟϩ ⲥⲁⲧⲟⲧⲟⲩ ⲛⲉϣⲁⲩⲃⲱⲗ ⲉⲃⲟⲗ. ⲡⲓⲁ‐


### 0039

ⲅⲓⲟⲥ ⲇⲉ ⲙⲁⲕⲁⲣⲓⲟⲥ ⲛⲁϥⲉⲣⲯⲁⲗⲗⲉⲓⲛ ϧⲉⲛ ⲟⲩⲥⲉⲙⲛⲓ ⲉϥϫⲱ ⲙⲙⲟⲥ ϫⲉ
ⲡⲟ︦ⲥ︦ ⲡⲉ ⲡⲁⲟⲩⲱⲓⲛⲓ ⲛⲉⲙ ⲡⲁⲛⲟϩⲉⲙ ⲁⲓⲛⲁⲉⲣ ϩⲟϯ ⲁⲛⲟⲕ ϧⲁ ⲧϩⲏ ⲛⲛⲓⲙ
ⲡⲟ︦ⲥ︦ ⲡⲉ ⲉⲧϯ ⲉϩⲣⲏⲓ ⲉϫⲉⲛ ⲡⲁⲟⲩϫⲁⲓ ⲁⲓⲛⲁⲉⲣ ϫⲁⲃⲓ ⲛϩⲏⲧ ⲁⲛⲟⲕ ϧⲁ ⲧϩⲏ
ⲛⲛⲓⲙ ⲛⲉⲙ ⲛⲏ ⲉⲑⲛⲏⲟⲩ ⲙⲉⲛⲉⲛⲥⲁ ⲛⲁⲓ. ⲉⲧⲁ ⲧⲟⲟⲩⲓ ⲇⲉ ϣⲱⲡⲓ ⲁϥⲓ ⲉⲃⲟⲗ
ⲟⲩⲟϩ ϩⲏⲡⲡⲉ ⲛⲉ ⲙⲙⲟⲛ ϩⲗⲓ ⲡⲉ ⲟⲩⲟϩ ⲉⲧⲁϥϣⲉ ⲉϧⲟⲩⲛ ⲛⲁϥϩⲉⲙⲥⲓ ⲡⲉ
ⲉⲧⲉϥⲉⲣⲅⲁⲥⲓⲁ ⲕⲁⲧⲁ ⲧⲉϥϩⲕⲁⲥ. ⲟⲩⲟϩ ⲛⲁϥⲟⲓ ⲟⲛ ϫⲉ ⲡⲉ ⲙⲫⲣⲏϯ ⲛⲉ ⲙⲙⲏⲛⲓ
ⲉⲑⲃⲉ ϫⲉ ⲁ ⲡⲟ︦ⲥ︦ ⲧⲏⲓϥ ⲉⲑⲣⲟⲩⲉⲣⲡⲉⲓⲣⲁⲍⲉⲓⲛ ⲙⲙⲟϥ ϩⲓⲧⲉⲛ ⲛⲓⲗⲟⲅⲓⲥⲙⲟⲥ
ⲧⲉⲱⲥ ⲟⲩⲟϩ ⲡⲁⲓⲣⲏϯ ⲛⲁⲣⲉ ⲛⲓⲇⲉⲙⲱⲛ ⲥⲁⲧ ⲙⲉⲩⲓ ⲉϥϩⲱⲟⲩ ⲉϧⲟⲩⲛ ⲉⲡⲉϥϩⲏⲧ
ⲟⲩⲟϩ ⲙⲫⲣⲏϯ ⲛⲟⲩⲧⲣⲁⲡⲉⲍⲁ ⲡⲉϫⲁϥ ⲉⲥⲙⲉϩ ⲉⲃⲟⲗϧⲉⲛ ⲉⲓⲇⲟⲥ ⲛⲓⲃⲉⲛ ⲛϫⲓ
ⲛⲟⲩⲱⲙ ⲁⲩⲉⲣ ϩⲏⲧⲥ ⲉⲣⲟⲓ ⲙⲡⲁⲓⲣⲏϯ ⲛϫⲉ ⲛⲓⲙⲉⲩⲓ ϯⲡⲟⲣⲛⲉⲓⲁ ⲛⲉⲙ
ϯⲙⲉⲧⲗⲁ ϧⲏⲧϥ ϯⲙⲉⲧϣⲗⲁϩ ⲛϩⲏⲧ ⲛⲉⲙ ⲡⲓⲙⲕⲁϩ ⲛϩⲏⲧ ϯⲙⲉⲧϭⲁⲥⲓ ϩⲏⲧ
ⲛⲉⲙ ⲡⲓⲱⲟⲩ ⲛϣⲟⲩⲓⲧ ϯϩⲟϯ ⲛⲉⲙ ϯⲗⲩⲡⲏ ϯⲙⲉⲧϣⲟⲩϣⲟ ⲛⲉⲙ ⲡⲓⲑⲙⲁⲓⲟ
ϯⲙⲉⲧⲁⲧⲛⲁϩϯ ⲛⲉⲙ ϯⲙⲉⲧⲣⲉϥϫⲉ ⲟⲩⲁ ⲛⲉⲙ ϯⲙⲉⲧⲁⲧϩⲉⲗⲡⲓⲥ ⲉϧⲟⲩⲛ ⲉⲫϯ
ⲑⲁⲓ ⲉⲧⲥⲱⲗⲡ ⲉⲃⲟⲗ ⲙⲙⲱⲓⲧ ⲛⲓⲃⲉⲛ ⲛⲧⲉ ϯⲙⲉⲧⲉⲩⲥⲉⲃⲏⲥ. ⲁⲡⲁⲝ ⲁⲡⲗⲱⲥ
ⲡⲓⲕⲁⲧⲁⲗⲟⲅⲟⲥ ⲧⲏⲣϥ ⲛⲧⲉ ⲧⲡⲣⲁⲅⲙⲁⲧⲉⲓⲁ ⲛⲛⲓⲇⲁⲓⲙⲱⲛ ϧⲉⲛ ⲛⲓⲗⲟⲅⲓⲥ‐
ⲙⲟⲥ ⲁⲩϯ ⲛⲉⲙⲁϥ ⲛϧⲏⲧⲟⲩ ⲕⲁⲧⲁ ⲫⲣⲏϯ ⲉⲧⲁϥⲧⲁⲙⲉ ⲡⲁⲓⲱⲧ ⲁⲡⲁ ⲁⲛ‐


### 0040

ⲧⲱⲛⲓⲟⲥ. ⲟⲩⲟϩ ϧⲉⲛ ⲛⲁⲓ ⲛⲁⲣⲉ ⲡⲟⲥ ϣⲟⲡ ⲛⲉⲙⲁϥ ⲡⲉ ⲛⲃⲟⲏⲑⲟⲥ ϩⲓⲧⲉⲛ
ⲧⲉϥⲡⲣⲟⲛⲟⲓⲁ ⲛⲉⲙ ⲧⲉϥⲡⲣⲟϩⲁⲓⲣⲉⲥⲓⲥ ⲉⲧⲥⲟⲩⲧⲱⲛ ⲉϧⲟⲩⲛ ⲉⲣⲟϥ ⲁϥⲓ ⲉⲃⲟⲗ
ⲉϥϭⲣⲏⲟⲩⲧ. ⲉⲧⲁ ⲟⲩⲥⲏⲟⲩ ⲇⲉ ⲥⲓⲛⲓ ⲛⲉⲙ ⲟⲩⲕⲁⲓⲣⲟⲥ ⲉⲩϯ ⲛⲉⲙⲁϥ ϧⲉⲛ ⲛⲁⲓ
ⲧⲟⲧⲉ ⲁϥⲧⲱⲛϥ ⲁϥⲓ ϣⲁ ⲫⲏ ⲉⲑⲟⲩⲁⲃ ⲁⲛⲧⲱⲛⲓⲟⲥ. ⲟⲩⲟϩ ⲉⲧⲁϥⲛⲁⲩ ⲉⲣⲟϥ
ϩⲓ ⲫⲟⲩⲉⲓ ⲡⲉϫⲁϥ ⲛⲁⲛ ⲁⲛⲟⲛ ϧⲁ ⲛⲉϥⲙⲁⲑⲏⲧⲏⲥ ϫⲉ ⲓⲥ ϩⲏⲡⲡⲉ ⲓⲥ ⲟⲩⲓⲥ‐
ⲣⲁⲏⲗⲓⲧⲏⲥ ⲛⲧⲁ ⲫⲙⲏⲓ ⲙⲙⲟⲛ ϩⲗⲓ ⲛⲇⲟⲗⲟⲥ ⲛϧⲏⲧϥ ⲫⲁⲓ ⲅⲁⲣ ⲛⲁϣⲱⲡⲓ
ⲛⲟⲩⲗⲁϧⲉⲙ ⲉϥϣⲏⲟⲩ ⲟⲩⲟϩ ⲉϥⲥⲟⲩⲧⲱⲛ ⲟⲩⲟϩ ⲡⲕⲁⲣⲡⲟⲥ ⲛⲧⲉ ⲛⲉϥⲟⲩⲧⲁϩ
ϥⲛⲁϣⲱⲡⲓ ⲉϥϩⲟⲗϫ ϧⲉⲛ ⲣⲱϥ ⲙⲡⲟ︦ⲥ︦ ⲉⲓⲥⲁϫⲓ ⲉⲛⲉϥϣⲏⲣⲓ ⲛⲉⲙ ⲛⲓϣⲏⲣⲓ ⲛⲧⲉ
ⲛⲉϥϣⲏⲣⲓ ⲛⲁⲓ ⲉⲑⲛⲁϭⲓ ⲉⲃⲟⲗϧⲉⲛ ⲛⲉϥⲥⲃⲱⲟⲩⲓ ⲉⲑⲟⲩⲁⲃ. ⲉⲧⲁϥⲉⲣⲁⲡⲁⲛ‐
ⲧⲁⲛ ⲟⲩⲛ ⲉⲡⲓⲁⲅⲓⲟⲥ ⲁⲃⲃⲁ ⲁⲛⲧⲱⲛⲓⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲁϥϩⲓⲧϥ ⲉϫⲉⲛ
ⲡⲉϥϩⲟ ⲁϥⲟⲩⲱϣⲧ ⲛⲁⲃⲃⲁ ⲁⲛⲧⲱⲛⲓⲟⲥ ϩⲓϫⲉⲛ ⲡⲕⲁϩⲓ ⲟⲩⲟϩ ⲉⲧⲁϥⲧⲟⲩⲛⲟⲥϥ
ⲁϥⲉⲣⲁⲥⲡⲁⲍⲉⲥⲑⲁⲓ ⲙⲙⲟϥ. ⲟⲩⲟϩ ⲉⲧⲁ ⲡⲓϧⲉⲗⲗⲟ ⲛⲁⲩ ⲉⲁⲃⲃⲁ ⲙⲁⲕⲁⲣⲓⲟⲥ
ⲉϥⲟⲕⲉⲙ ⲟⲩⲟϩ ⲛⲥⲙⲟⲧ ⲛⲁⲥⲑⲉⲛⲏⲥ ⲉⲑⲃⲉ ⲛⲓϫⲓ ⲛϯ ⲟⲩⲟⲓ ⲛⲛⲓⲇⲁⲓⲙⲱⲛ
ⲡⲉϫⲁϥ ⲛⲁϥ ⲛϫⲉ ⲡⲓϧⲉⲗⲗⲟ ⲉϥⲣⲁϣⲓ ϫⲉ ⲟⲩ ⲡⲉ ⲉⲧϣⲟⲡ ⲙⲙⲟⲕ ⲡⲁϣⲏⲣⲓ
ⲙⲁⲕⲁⲣⲓⲟⲥ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲁ ⲫϯ ⲕⲏⲛ ⲉⲉⲣ ϣⲟⲣⲡ
ⲛⲧⲁⲙⲟⲕ ⲡⲁⲓⲱⲧ ⲉⲫⲏ ⲉⲧϣⲟⲡ ⲙⲙⲟⲓ. ⲟⲩⲟϩ ⲉⲧⲁϥϯ ⲛⲟⲙϯ ⲛⲁϥ ϧⲉⲛ ϩⲁⲛ


### 0041

ⲙⲏϣ ⲡⲉϫⲁϥ ⲛⲁϥ ϫⲉ ϭⲣⲟ ⲙⲙⲟⲕ ⲟⲩⲟϩ ϫⲉⲙ ⲛⲟⲙϯ ⲡⲁⲓⲣⲏϯ ⲅⲁⲣ ⲁϥϯ
ⲙⲁϯ ⲛϫⲉ ⲫϯ ϫⲉ ϩⲓⲡⲁ ⲉϥⲉϭⲟⲛⲧⲕ ϧⲉⲛ ϩⲱⲃ ⲛⲓⲃⲉⲛ ⲛⲉⲛⲁⲛⲧⲓⲟⲛ ϩⲟⲡⲱⲥ
ⲡⲕⲉ ⲛⲑⲟⲕ ϩⲱⲕ ⲛⲧⲉⲕⲉⲣⲃⲟⲏⲑⲉⲓⲛ ⲉϩⲁⲛ ⲕⲉⲭⲱⲟⲩⲛⲓ ϧⲉⲛ ⲡϫⲓ ⲛⲑⲣⲉⲕϯ
ⲛⲟⲙϯ ⲛⲱⲟⲩ ⲁⲩⲑⲁϩⲙⲉⲕ ⲅⲁⲣ ⲛⲓⲱⲧ ⲛⲟⲩⲙⲏϣ ⲛϣⲗⲟⲗ ⲛⲁⲓ ⲉⲑⲛⲁ‐
ⲙⲉⲛⲣⲉ ϯⲫⲓⲗⲟⲥⲟⲫⲓⲁ ⲙⲙⲏⲓ ⲛⲧⲉ ϯⲙⲉⲧⲙⲟⲛⲁⲭⲟⲥ ⲕⲁⲧⲁ ⲫⲣⲏϯ ⲉⲧⲁⲩ‐
ⲧⲁⲙⲟⲕ ⲉⲫⲁⲓ ϩⲓⲧⲉⲛ ⲧⲥⲙⲏ ⲙⲡⲟ︦ⲥ︦ ⲑⲁⲓ ⲉⲧⲁⲥϣⲱⲡⲓ ϩⲁⲣⲟⲕ ⲉⲕⲛⲁϣⲉ ⲛⲁⲕ
ⲉⲙⲁϩ ⲙⲱⲟⲩ. ⲁⲃⲃⲁ ⲙⲁⲕⲁⲣⲓⲟⲥ ⲇⲉ ⲉⲧⲁϥⲥⲱⲧⲉⲙ ⲉⲛⲁⲓ ⲉⲧⲓ ⲙⲡⲁⲧⲉϥ‐
ⲧⲁⲙⲟϥ ⲉϩⲗⲓ ϧⲉⲛ ⲛⲉϥⲙⲉⲩⲓ ⲁϥⲉⲣ ϣⲫⲏⲣⲓ ⲟⲩⲟϩ ⲛⲁϥϫⲱ ⲙⲙⲟⲥ ⲛϧⲣⲏⲓ
ⲛϧⲏⲧϥ ϫⲉ ⲡⲓϩⲱⲃ ⲉⲣ ⲭⲣⲉⲓⲁ ⲁⲛ ϫⲉ ⲉⲑⲣⲓϫⲉ ϩⲗⲓ ⲙⲡⲓⲁⲅⲓⲟⲥ ⲕⲁⲓ ⲅⲁⲣ
ϩⲏⲇⲏ ⲉϥⲉⲙⲓ ⲉϩⲱⲃ ⲛⲓⲃⲉⲛ ϧⲉⲛ ⲡⲓⲡ︦ⲛ︦ⲁ︦ ⲟⲩⲟϩ ⲉⲧⲁϥⲉⲣ ϩⲁⲛ ⲉϩⲟⲟⲩ ϧⲁ‐
ⲧⲟⲧϥ ϣⲁⲧⲉϥϭⲓ ⲙⲡⲉϥⲥⲙⲟⲩ ⲛⲉⲙ ⲡⲉϥⲥⲟϭⲛⲓ ⲉⲟⲩⲥⲟⲡ ⲛⲉϥⲉⲣⲁⲓⲧⲉⲓⲛ
ⲙⲙⲟϥ ⲡⲉ ⲉⲑⲣⲉϥϯ ⲛⲁϥ ⲙⲡⲓⲥⲭⲏⲙⲁ ⲛⲉⲁϥϫⲟⲥ ⲅⲁⲣ ⲡⲉ ⲛⲁⲃⲃⲁ ⲙⲁⲕⲁ‐
ⲣⲓⲟⲥ ϧⲉⲛ ⲟⲩⲙⲩⲥⲧⲏⲣⲓⲟⲛ ϫⲉ ⲙⲡⲉⲣϯ ϧⲓⲥⲓ ⲛⲁⲕ ⲁⲛ ϫⲉ ⲉⲓ ⲉⲡⲁⲓⲙⲁ ϫⲉ
ⲟⲩⲏⲓ ⲅⲁⲣ ⲙⲡⲁⲧⲉ ⲱⲥⲕ ϣⲱⲡⲓ ⲁⲛⲟⲕ ϯⲛⲁϣⲉ ⲛⲏⲓ ϩⲁ ⲡⲟ︦ⲥ︦. ⲟⲩⲟϩ ⲉⲧⲁϥϯ
ϩⲟ ϧⲉⲛ ⲟⲩⲙⲉⲧϩⲟⲩⲟ ⲁϥϯ ⲙⲡⲓⲥⲭⲏⲙⲁ ⲉϫⲱϥ ⲟⲩⲟϩ ϧⲉⲛ ⲫⲁⲓ ⲁⲩⲙⲟⲩϯ


### 0042

ⲉⲣⲟϥ ϫⲉ ⲡⲓⲙⲁⲑⲏⲧⲏⲥ ⲛⲧⲉ ⲁⲃⲃⲁ ⲁⲛⲧⲱⲛⲓⲟⲥ. ⲛⲑⲟϥ ⲇⲉ ⲁⲃⲃⲁ ⲙⲁⲕⲁⲣⲓⲟⲥ
ⲛⲁϥϯ ϩⲟ ⲉⲁⲃⲃⲁ ⲁⲛⲧⲱⲛⲓⲟⲥ ⲟⲩⲟϩ ⲛⲁϥϯ ⲙⲉⲧⲁⲛⲟⲓⲁ ⲛⲁϥ ϧⲉⲛ ϩⲁⲛ ⲉⲣ‐
ⲙⲱⲟⲩⲓ ⲉⲑⲣⲉϥⲭⲁϥ ϧⲁⲧⲟⲧϥ ϣⲁⲧⲉϥϭⲓ ⲙⲡⲓⲥⲙⲟⲩ ⲛϧⲁⲉ ⲛⲑⲟϥ ⲇⲉ ⲉⲧⲉⲙ‐
ⲡⲉϥⲟⲩⲱϣ ⲉϯ ⲙⲕⲁϩ ⲛⲁϥ ⲁϥⲭⲁϥ ϧⲁⲧⲟⲧϥ ⲉⲓⲧⲁ ⲁϥϯ ⲙⲉⲧⲁⲛⲟⲓⲁ ⲛⲁϥ
ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲉⲧⲓ ⲕⲉⲕⲟⲩϫⲓ ⲡⲟ︦ⲥ︦ ⲛⲁϯ ⲙⲧⲟⲛ ⲛⲁⲕ ⲉⲃⲟⲗϩⲁ
ⲡϩⲟⲩⲟ ⲙⲫⲃⲁⲣⲟⲥ ⲛⲛⲓⲗⲟⲅⲓⲥⲙⲟⲥ ⲉⲧϩⲱⲟⲩ ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲡⲁⲗⲓⲛ
ⲥⲉⲛⲁⲃⲱⲧⲥ ⲉⲣⲟⲕ ϧⲉⲛ ⲫⲏ ⲉⲑⲟⲩⲟⲛϩ ⲉⲃⲟⲗ ⲙⲡⲁⲣⲏϯ ϩⲱ ⲁⲗⲗⲁ ϭⲣⲟ
ⲙⲙⲟⲕ ⲟⲩⲟϩ ϫⲉⲙ ⲛⲟⲙϯ ⲡⲟ︦ⲥ︦ ϣⲟⲡ ⲛⲉⲙⲁⲕ ⲙⲡⲃⲟⲏⲑⲟⲥ ⲙⲡⲉⲣⲉⲣ ϩⲟϯ
ⲟⲩⲟϩ ⲁⲛⲁⲩ ⲉϯϫⲟⲙ ⲉⲧⲉⲙⲙⲁⲩ ⲁⲓⲥⲁϫⲓ ⲉⲡⲓⲭⲉⲣⲟⲩⲃⲓⲙ ⲙⲡⲉⲣϯ ϩⲗⲓ
ⲛϭⲣⲟⲡ ⲛⲁϥ ϧⲉⲛ ϩⲗⲓ ⲛϩⲱⲃ ϫⲉ ϩⲓⲛⲁ ⲉϥⲉⲙⲟⲩⲛ ⲉⲣⲟⲕ ϣⲁ ⲡⲓϫⲱⲕ ⲉⲟⲩⲡⲁ‐
ⲣⲁⲙⲩⲑⲓⲁ ⲕⲁⲧⲁ ⲫⲣⲏϯ ⲉⲧⲁⲩⲟⲩⲁϩⲥⲁϩⲛⲓ ⲛⲁⲕ ⲉⲃⲟⲗϩⲓⲧⲉⲛ ⲡⲟⲥ ⲛⲉⲙⲁϥ
ⲉⲟⲩⲥⲟⲡ. ⲛⲁⲓ ⲟⲩⲛ ⲉⲧⲁϥⲥⲟⲑⲙⲟⲩ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲁⲗⲓⲛ ⲟⲛ
ⲛⲁϥⲧⲟⲙⲧ ⲡⲉ ⲟⲩⲟϩ ⲡⲉϫⲁϥ ⲙⲡⲓϧⲉⲗⲗⲟ ϫⲉ ϯϯ ϩⲟ ⲉⲣⲟⲕ ⲡⲁⲓⲱⲧ ⲉⲑⲟⲩⲁⲃ
ϫⲉ ϩⲓⲛⲁ ⲛⲧⲁⲟϩⲓ ϧⲁⲧⲟⲧⲕ ϣⲁϯϭⲓ ⲙⲡⲉⲕⲥⲙⲟⲩ ⲁⲕϣⲁⲛⲭⲁ ⲥⲱⲙⲁ ⲉϧⲣⲏⲓ.
ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲡⲥⲏⲟⲩ ⲁⲛ ⲡⲉ ⲡⲁϣⲏⲣⲓ ⲟⲩⲇⲉ ⲙⲡⲟⲩⲑⲱϣ ⲉⲡⲁⲓ


### 0043

ϩⲱⲃ ⲁⲗⲗⲁ ⲕⲁⲧⲁ ⲫⲣⲏϯ ⲉⲧⲁⲓⲉⲣ ϣⲟⲣⲡ ⲛϫⲟⲥ ⲛⲁⲕ ⲫⲏ ⲉⲧⲁⲩⲑⲁϩⲉⲙ
ⲫⲟⲩⲁⲓ ⲫⲟⲩⲁⲓ ⲉⲣⲟϥ ⲙⲁⲣⲉϥϣⲱⲡⲓ ⲉϥⲟϩⲓ ⲛϧⲣⲏⲓ ⲛϧⲏⲧϥ. ⲟⲩⲟϩ ⲁ ⲡⲓ‐
ϧⲉⲗⲗⲟ ϯ ⲛⲁϥ ⲛⲟⲩϣⲃⲱⲧ ⲉⲁϥⲱⲥⲕ ⲟⲩⲟϩ ⲁϥⲉⲣⲁⲥⲡⲁⲍⲉⲥⲑⲁⲓ ⲙⲙⲟϥ ⲟⲩⲟϩ
ⲁϥϣⲗⲏⲗ ⲉϫⲱϥ ⲟⲩⲟϩ ⲉⲧⲁϥϫⲱⲕ ⲉⲃⲟⲗ ⲙⲡⲉϥⲇⲣⲟⲙⲟⲥ ⲛϫⲉ ⲡⲉⲛⲓⲱⲧ
ⲉⲑⲟⲩⲁⲃ ⲁⲃⲃⲁ ⲁⲛⲧⲱⲛⲓⲟⲥ ⲁⲛⲟⲩϫⲱⲗ ⲙⲡⲉϥⲥⲱⲙⲁ ⲉⲑⲟⲩⲁⲃ. ⲟⲩⲟϩ ⲁϥ‐
ⲧⲁⲥⲑⲟ ⲉⲡⲉϥⲙⲁ ⲛϣⲱⲡⲓ ϩⲓ ⲡϣⲁϥⲉ ⲛϫⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲙⲁⲕⲁ‐
ⲣⲓⲟⲥ ⲟⲩⲟϩ ⲛⲁϥϩⲉⲙⲥⲓ ⲡⲉ ⲉϥⲥⲣⲱϥⲧ ⲉⲛⲉϥϣⲉⲙϣⲓ ⲉϥϯ ⲱⲟⲩ ⲙⲡⲉⲛⲟⲥ
ⲓ︦ⲏ︦ⲥ︦ ⲡⲭ︦ⲥ︦.
ⲙⲉⲛⲉⲛⲥⲁ ⲛⲁⲓ ⲇⲉ ⲁⲩⲉⲣ ϩⲏⲧⲥ ⲛⲑⲱⲟⲩϯ ϩⲁⲣⲟϥ ⲛϫⲉ ϩⲁⲛ ⲙⲏϣ ⲟⲩⲟⲛ
ⲛⲥⲁ ⲟⲩⲟⲛ ⲉⲩⲉⲣⲁⲓⲧⲉⲓⲛ ⲙⲙⲟϥ ϫⲉ ϩⲓⲛⲁ ⲉϥⲉⲁⲓⲧⲟⲩ ⲙⲙⲟⲛⲁⲭⲟⲥ ⲟⲩⲟϩ
ⲛⲧⲟⲩϣⲱⲡⲓ ϧⲁⲧⲟⲧϥ ⲟⲩⲟϩ ⲛⲧⲉϥϯ ⲥⲃⲱ ⲛⲱⲟⲩ ⲉⲡⲓⲙⲱⲓⲧ ⲛⲧⲉ ⲡⲟ︦ⲥ︦ ⲟⲩⲟϩ
ⲛⲁϥϣⲱⲡ ⲉⲣⲟϥ ⲛⲟⲩⲟⲛ ⲛⲓⲃⲉⲛ ⲉⲑⲛⲏⲟⲩ ϩⲁⲣⲟϥ ⲕⲁⲧⲁ ⲫⲣⲏϯ ⲉⲧⲁⲩϩⲟⲛ‐
ϩⲉⲛ ⲛⲁϥ ⲟⲩⲟϩ ⲛⲁϥϭⲓ ⲙⲱⲓⲧ ⲛⲱⲟⲩ ⲧⲏⲣⲟⲩ ⲡⲉ ⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁ
ⲡⲉϥⲧⲣⲟⲡⲟⲥ ⲟⲩⲟϩ ⲛⲁϥⲭⲱ ⲙⲙⲱⲟⲩ ϧⲁⲧⲟⲧϥ ⲡⲉ ϣⲁⲧⲉϥⲧⲥⲁⲃⲱⲟⲩ ⲉⲡ‐
ϩⲱⲃ ⲙⲫ︦ϯ︦ ⲛⲉⲙ ⲡⲓⲕⲱⲧ ⲛⲛⲓⲣⲱⲙⲓ ⲛⲉⲙ ⲡⲓϩⲱⲃ ⲛϫⲓϫ. ⲡⲁⲓⲣⲏϯ ⲛⲁϥⲑⲣⲟ


### 0044

ⲙⲙⲱⲟⲩ ⲡⲉ ⲉⲑⲁⲙⲓⲟ ⲛϩⲁⲛ ⲥⲡⲏⲗⲁⲓⲟⲛ ϧⲉⲛ ϯⲡⲉⲧⲣⲁ ⲛⲧⲟⲩϩⲟⲡ‐
ⲥⲟⲩ ⲉⲃⲟⲗϧⲉⲛ ⲛⲓⲃⲉⲛⲓ ⲛⲉⲙ ⲛⲓⲃⲁⲓ ⲛⲉⲙ ⲛⲓⲕⲁϣ ⲛⲧⲉ ⲡⲓϩⲉⲗⲟⲥ ⲟⲩⲟϩ
ⲛⲧⲟⲩϣⲱⲡⲓ ⲛϧⲏⲧⲟⲩ. ⲟⲩⲟϩ ϩⲁⲛ ⲟⲩⲟⲛ ⲉⲃⲟⲗϧⲉⲛ ⲛⲓⲥⲛⲏⲟⲩ ⲁϥⲭⲁⲩ
ϧⲁⲧⲟⲧϥ ϩⲱⲥ ⲕⲁⲧⲁ ⲟⲩⲧⲁⲝⲓⲥ ⲙⲙⲉⲧⲙⲁⲑⲏⲧⲏⲥ. ϧⲉⲛ ⲡⲓⲥⲏⲟⲩ ⲇⲉ ⲉⲧⲉⲙ‐
ⲙⲁⲩ ⲁⲩⲓ ϩⲁⲣⲟϥ ⲛϫⲉ ⲁⲗⲟⲩ ⲃ︦ ⲛϧⲉⲗϣⲓⲣⲓ ⲉⲃⲟⲗϧⲉⲛ ⲛⲓⲥⲁ ⲛⲧⲉ ϯⲣⲱⲙⲁ‐
ⲛⲓⲁ ⲉⲩⲟⲩⲱϣ ⲉϣⲱⲡⲓ ϩⲓ ⲡϣⲁϥⲉ ⲟⲩⲟϩ ⲛⲁⲓ ⲕⲉⲭⲱⲟⲩⲛⲓ ⲁϥϣⲟⲡⲟⲩ ⲉⲣⲟϥ
ⲟⲩⲟϩ ⲁϥⲥⲉⲙⲛⲏⲧⲟⲩ. ⲙⲡⲁⲧⲉ ⲱⲥⲕ ⲇⲉ ϣⲱⲡⲓ ⲁ ⲡⲟ︦ⲥ︦ ϫⲉⲙ ⲡⲟⲩϣⲓⲛⲓ ⲟⲩⲟϩ
ⲁⲩⲙⲧⲟⲛ ⲙⲙⲱⲟⲩ ⲁ ⲡⲓϧⲉⲗⲗⲟ ⲉⲣ ⲙⲉⲑⲣⲉ ϧⲁⲣⲱⲟⲩ ϫⲉ ⲁ ⲡⲟⲩϩⲱⲃ ⲣ
ⲁⲛⲁϥ ⲙⲡⲟⲥ ⲛⲧⲁⲓϧⲉ ⲧⲏⲣⲥ. ⲉⲧⲁⲩⲙⲧⲟⲛ ⲙⲙⲱⲟⲩ ⲛϫⲉ ⲛⲓⲁⲗⲱⲟⲩⲓ ⲛⲁⲅⲓⲟⲥ
ⲉⲧⲉⲙⲙⲁⲩ ⲁⲩⲑⲟⲙⲥⲟⲩ ϧⲁⲧⲉⲛ ⲡⲓⲥⲡⲏⲗⲁⲓⲟⲛ ⲟⲩⲟϩ ⲉⲧⲁ ϩⲁⲛ ⲟⲩⲟⲛ ⲛⲧⲉ
ⲛⲓⲙⲟⲛⲁⲭⲟⲥ ϣⲱⲡ ϧⲉⲛ ϯϣⲁⲓⲣⲓ ⲉⲧⲉⲙⲙⲁⲩ ϧⲁⲧⲉⲛ ⲡⲓⲥⲡⲏⲗⲁⲓⲟⲛ ⲛⲧⲉ
ⲛⲓⲁⲅⲓⲟⲥ ⲁⲩⲙⲟⲩϯ ⲉⲡⲓⲙⲁ ⲧⲏⲣϥ ⲉⲧⲉⲙⲙⲁⲩ ϫⲉ ⲑⲣⲁⲟⲩⲏ ⲛⲛⲓⲣⲱⲙⲁⲓⲟⲥ
ϣⲁ ⲉϧⲟⲩⲛ ⲉⲡⲁⲓⲉϩⲟⲟⲩ.
ⲉⲧⲁϥⲛⲁⲩ ⲇⲉ ⲛϫⲉ ⲡⲓⲁⲅⲓⲟⲥ ⲙⲁⲕⲁⲣⲓⲟⲥ ⲉⲡⲉⲣⲟⲩⲟⲧ ⲛⲛⲓⲙⲏϣ ⲛⲉⲙ ⲧⲟⲩⲁ‐
ⲅⲁⲡⲏ ⲉϧⲟⲩⲛ ⲉⲫ︦ϯ︦ ⲛⲉⲙ ⲉϧⲟⲩⲛ ⲉⲣⲏⲟⲩ ⲧⲟⲧⲉ ⲁϥⲑⲟⲩⲱⲧⲟⲩ ⲉⲣⲟϥ ⲉⲟⲩ‐
ⲥⲟⲡ ⲛϫⲉ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲟⲩⲟϩ ⲉⲧⲁⲩϯ ⲧⲟⲧⲟⲩ ⲧⲏⲣⲟⲩ


### 0045

ⲁⲩⲕⲱⲧ ⲛⲱⲟⲩ ⲛⲟⲩⲕⲟⲩϫⲓ ⲛⲉⲕⲕⲗⲏⲥⲓⲁ. ⲡⲓⲁⲅⲓⲟⲥ ⲇⲉ ⲁⲃⲃⲁ ⲙⲁⲕⲁⲣⲓⲟⲥ ⲁ
ⲡⲉϥⲣⲁⲛ ⲉⲣ ϩⲏⲧⲥ ⲛⲉⲣ ⲥⲱⲓⲧ ⲟⲩⲟϩ ⲉⲫⲟϩ ϣⲁ ⲛⲓⲁⲩⲗⲏⲟⲩ ⲛⲧⲉ ⲛⲓⲟⲩⲣⲱⲟⲩ
ⲉⲑⲃⲉ ⲡⲁϣⲁⲓ ⲛⲛⲓⲡⲟⲗⲓⲧⲉⲓⲁ ⲛⲉⲙ ⲛⲓⲧⲁⲗϭⲟ ⲉⲧⲉⲣⲉ ⲡⲟⲥ ⲉⲣⲉⲛⲉⲣⲅⲉⲓⲛ
ⲙⲙⲱⲟⲩ ⲉⲃⲟⲗϩⲓⲧⲟⲧϥ ⲉⲟⲩⲱⲟⲩ ⲛⲁϥ. ⲟⲩⲟϩ ⲉⲩⲛⲁⲩ ⲛϫⲉ ⲛⲓⲇⲁⲓⲙⲱⲛ
ⲉⲡⲁⲓⲫⲓⲣⲓ ⲉⲃⲟⲗ ⲙⲡⲁⲓⲥⲙⲟⲧ ⲛⲧⲉ ϯⲙⲉⲧⲉⲩⲥⲉⲃⲏⲥ ⲛⲉⲙ ⲡⲁϣⲁⲓ ⲛⲛⲓⲯⲩⲭⲏ
ⲉⲧⲁϥⲉⲣⲃⲟⲏⲑⲉⲓⲛ ⲉⲣⲱⲟⲩ ⲛϫⲉ ⲡⲓⲁⲅⲓⲟⲥ ⲙⲁⲗⲗⲟⲛ ⲇⲉ ⲉϥⲓⲛⲓ ⲙⲙⲱⲟⲩ
ⲛⲇⲱⲣⲟⲛ ⲉϩⲟⲩⲛ ⲙⲫ︦ϯ︦ ⲉⲑⲣⲟⲩϣⲉⲙϣⲓ ⲙⲙⲟϥ ⲁⲩⲙⲃⲟⲛ ⲉⲙⲁϣⲱ ⲟⲩⲟϩ
ⲁⲩⲓ ⲉϩⲣⲏⲓ ⲉϫⲱϥ ⲙⲫⲛⲁⲩ ⲙⲙⲉⲣⲓ ⲉϥϩⲉⲙⲥⲓ ⲙⲙⲁⲩⲁⲧϥ ⲟⲩⲟϩ ⲉⲧⲁⲩⲕⲱϯ
ⲉⲣⲟϥ ⲧⲏⲣⲟⲩ ⲙⲫⲣⲏϯ ⲛϩⲁⲛ ⲟⲩϩⲱⲣ ⲁⲩⲥⲁⲧϥ ϩⲓϫⲉⲛ ⲡⲉϥϩⲟ ⲟⲩⲟϩ ⲛⲁⲩ‐
ⲥⲱⲗⲡ ⲉⲃⲟⲗ ⲛⲥⲁ ⲛⲉϥⲥⲁⲣⲝ ϧⲉⲛ ⲟⲩⲙⲉⲧⲁⲧϯ ⲁⲥⲟ ϩⲱⲥⲧⲉ ⲛⲥⲉⲉⲣ ⲡⲉϥⲥⲱⲙⲁ
ⲧⲏⲣϥ ⲙⲫⲣⲏϯ ⲛϩⲁⲛ ⲗⲉⲗⲉⲭⲏⲙⲓ. ⲟⲩⲟϩ ⲉⲧⲁϥⲱⲥⲕ ⲉϥϣⲧⲏⲟⲩⲧ ⲛⲉ
ⲙⲙⲟⲛ ⲫⲏ ⲉⲑⲛⲁϯ ⲧⲟⲧϥ ⲟⲩⲟϩ ⲡⲉϥⲅ̄ ⲙⲟⲅⲓⲥ ϧⲉⲛ ⲟⲩϧⲓⲥⲓ ⲁϥⲓ ⲉϯⲉⲕⲕⲗⲏ‐
ⲥⲓⲁ. ⲉⲧⲁϥⲟⲩϫⲁⲓ ⲇⲉ ϧⲉⲛ ⲛⲁⲓ ϩⲏⲡⲡⲉ ⲓⲥ ⲡⲓⲭⲉⲣⲟⲩⲃⲓⲙ ⲁϥⲟⲩⲟⲛϩϥ
ⲉⲣⲟϥ ⲟⲩⲟϩ ⲡⲉϫⲁϥ ⲛⲁϥ ϫⲉ ⲓⲥ ⲡⲁⲓⲙⲁ ⲙⲉⲛ ⲁ ⲡⲟⲥ ϫⲟⲣϫϥ ⲉⲃⲟⲗϩⲓⲧⲟⲧⲕ
ⲧⲱⲛⲕ ϯⲛⲟⲩ ⲟⲩⲁϩⲕ ⲛⲥⲱⲓ ⲟⲩⲟϩ ⲁⲛⲟⲕ ϯⲛⲁⲧⲁⲙⲟⲕ ⲉⲡⲓⲙⲱⲓⲧ ⲉⲧⲉⲕⲛⲁϫⲱⲕ


### 0046

ⲉⲃⲟⲗⲛϧⲏⲧϥ ϣⲁ ⲧⲉⲕϧⲁⲏ. ⲟⲩⲟϩ ⲉⲧⲁϥⲥⲱⲕ ϧⲁϫⲱϥ ⲁϥⲉⲛϥ ⲉϫⲉⲛ ϫⲱⲥ
ⲛϯⲡⲉⲧⲣⲁ ⲉⲧⲥⲁ ⲣⲏⲥ ⲙⲡⲓϩⲉⲗⲟⲥ ⲥⲁ ⲡⲉⲙⲉⲛⲧ ⲙⲡⲓϣⲏⲓ ⲥⲁ ⲡϣⲱⲓ ⲛϯϧⲉⲗ‐
ⲗⲟⲧ ⲟⲩⲟϩ ⲡⲉϫⲁϥ ⲛⲁϥ ϫⲉ ⲁⲣⲓ ϩⲏⲧⲥ ⲛⲑⲁⲙⲓⲟ ⲛⲁⲕ ⲛⲟⲩⲙⲁ ⲛϣⲱⲡⲓ
ⲙⲡⲁⲓⲙⲁ ⲟⲩⲟϩ ⲕⲱⲧ ⲛⲟⲩⲉⲕⲕⲗⲏⲥⲓⲁ ϫⲉ ⲟⲩⲏⲓ ⲅⲁⲣ ⲟⲩⲟⲛ ⲟⲩⲗⲁⲟⲥ ⲉϥⲱϣ
ⲛⲁϣⲱⲡⲓ ⲙⲡⲁⲓⲙⲁ ⲙⲉⲛⲉⲛⲥⲁ ⲟⲩⲥⲏⲟⲩ. ⲟⲩⲟϩ ⲡⲁⲓⲣⲏϯ ⲁϥϣⲱⲡⲓ ⲙⲙⲁⲩ
ϣⲁ ⲡⲉϩⲟⲟⲩ ⲙⲡⲉϥⲙⲟⲩ ⲟⲩⲟϩ ⲙⲉⲛⲉⲛⲥⲁ ⲡⲉϥⲙⲟⲩ ⲁⲩⲙⲟⲩϯ ⲉⲡⲓⲙⲁ
ⲉⲧⲉⲙⲙⲁⲩ ϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲁϥϫⲱⲕ ⲉⲃⲟⲗ ⲛϧⲏⲧϥ. ⲡⲓⲁⲅⲓⲟⲥ ⲇⲉ
ⲁⲃⲃⲁ ⲙⲁⲕⲁⲣⲓⲟⲥ ⲉⲧⲁϥϣⲱⲡⲓ ϧⲉⲛ ⲡⲓⲙⲁ ⲉⲧⲉⲙⲙⲁⲩ ⲛϩⲁⲛ ⲙⲏϣ ⲛⲉ‐
ϩⲟⲟⲩ ⲛⲁⲩϯ ϧⲓⲥⲓ ⲛⲁϥ ⲉⲙⲁϣⲱ ⲡⲉ ϧⲉⲛ ⲡⲉⲧϩⲏⲡ ⲛⲉⲙ ϧⲉⲛ ⲡⲉⲧⲟⲩⲟⲛϩ
ⲉⲃⲟⲗϩⲓⲧⲉⲛ ⲛⲓⲇⲁⲓⲙⲱⲛ.
ⲁⲙⲉⲗⲉⲓ ⲁϥⲣⲁⲟⲩⲱ ⲛⲟⲩⲥⲟⲡ ⲉⲁϥϣⲱⲕⲓ ⲛⲟⲩϣⲱϯ ⲛⲉⲙ ⲛⲓⲥⲛⲏⲟⲩ ϫⲉ
ⲁⲩⲛⲁⲥⲉ ⲙⲱⲟⲩ ⲉⲃⲟⲗ ⲛϧⲏⲧⲥ ⲟⲩⲟϩ ⲉⲧⲁ ⲫⲛⲁⲩ ⲙⲙⲉⲣⲓ ϣⲱⲡⲓ ⲁⲩⲭⲁⲩ
ⲉⲃⲟⲗ ϫⲉ ⲁⲩⲛⲁϭⲓ ⲙⲧⲟⲛ ⲛⲟⲩⲕⲟⲩϫⲓ ⲁϥⲥⲱϫⲡ ⲇⲉ ⲙⲙⲁⲩⲁⲧϥ ⲛⲧⲉϥⲓⲁϥ
ⲉⲃⲟⲗ ⲙⲡⲁⲧⲉϥϣⲉ ⲉϧⲟⲩⲛ ⲟⲩⲟϩ ⲉⲧⲁⲩⲓ ⲉϫⲱϥ ⲛϫⲉ ⲛⲓⲇⲁⲓⲙⲱⲛ ⲛⲁⲩⲥⲁⲧϥ
ⲉⲡⲓϣⲓⲕ ⲟⲩⲟϩ ⲁⲩⲉⲣ ϩⲏⲧⲥ ⲛϣⲱⲣ ⲛⲥⲁ ϯϣⲱϯ ϣⲁⲧⲉⲥⲫⲟϩ ⲉⲧⲉϥϧⲉⲗⲡⲓ.


### 0047

ⲉⲧⲁⲩⲓ ⲇⲉ ⲉⲃⲟⲗ ⲛϫⲉ ⲛⲓⲥⲛⲏⲟⲩ ⲟⲩⲟϩ ⲉⲧⲁⲩⲛⲁⲩ ⲉⲣⲟϥ ⲁⲛ ⲛⲁⲩϫⲱ ⲙⲙⲟⲥ
ⲛⲛⲟⲩⲉⲣⲏⲟⲩ ϫⲉ ⲟⲩ ⲡⲉ ⲉⲧⲁϥϣⲱⲡⲓ ⲙⲡⲉⲛⲓⲱⲧ ⲟⲩⲟϩ ⲉⲧⲁⲩⲓ ⲇⲉ ϧⲁⲧⲟⲧϥ
ⲡⲉϫⲱⲟⲩ ⲛⲁϥ ϫⲉ ⲟⲩ ⲡⲉ ⲫⲁⲓ ⲉⲧⲁϥϣⲱⲡⲓ ⲙⲙⲟⲕ. ⲛⲑⲟϥ ⲇⲉ ⲉⲧⲁϥⲛⲉϩⲧ
ⲣⲱϥ ⲛⲥⲱⲃⲓ ⲡⲉϫⲁϥ ⲛⲱⲟⲩ ϫⲉ ⲙⲁ ⲧⲟⲧ ⲑⲏⲛⲟⲩ ⲁⲛⲓⲧ ⲉⲡϣⲱⲓ ⲟⲩⲟϩ ⲡⲁⲓⲣⲏϯ
ⲁⲩⲉⲛϥ ⲉⲡϣⲱⲓ ⲟⲩⲟϩ ⲉⲧⲁⲩϣⲉⲕ ϯϣⲱϯ ⲁⲩⲥⲉ ⲙⲱⲟⲩ ⲉⲃⲟⲗ ⲙⲙⲟⲥ ⲟⲩⲟϩ
ⲁⲩϯ ⲣⲉⲛ ⲫⲣⲁⲛ ⲛϯϣⲱϯ ⲉⲧⲉⲙⲙⲁⲩ ϫⲉ ϯϣⲱϯ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ
ϣⲁ ⲉϧⲟⲩⲛ ⲉⲫⲟⲟⲩ ϫⲉ ⲁⲩⲥⲁⲧϥ ⲉϧⲣⲏⲓ ⲉⲣⲟⲥ ⲕⲁⲓ ⲅⲁⲣ ⲁϥϣⲉⲕ ϩⲁⲛ ⲙⲏϣ
ⲛϣⲱϯ ⲛⲉⲙ ⲛⲓⲥⲛⲏⲟⲩ ⲟⲩⲟϩ ⲙⲡⲟⲩⲙⲟⲩϯ ⲉⲟⲩⲟⲛ ⲛϧⲏⲧⲟⲩ ϫⲉ ⲑⲁ ⲁⲃⲃⲁ
ⲙⲁⲕⲁⲣⲓⲟⲥ ⲉⲃⲏⲗ ⲉⲑⲁⲓ ⲕⲁⲓ ⲙⲏⲛ ⲙⲉⲛⲉⲛⲥⲁ ⲡⲉϥⲙⲟⲩ ⲁ ϩⲁⲛ ⲙⲏϣ
ⲛⲧⲁⲗϭⲟ ϣⲱⲡⲓ ϧⲉⲛ ϯϣⲱϯ ⲉⲧⲉⲙⲙⲁⲩ.
ⲡⲓⲁⲅⲓⲟⲥ ⲇⲉ ⲙⲁⲕⲁⲣⲓⲟⲥ ⲛⲁⲩⲓⲛⲓ ⲛⲁϥ ⲡⲉ ⲛϩⲁⲛ ⲙⲏϣ ⲛϣⲱⲛⲓ ϧⲉⲛ ϩⲁⲛ
ⲙⲏϣ ⲙⲙⲁ ϣⲁ ⲉϧⲟⲩⲛ ⲉⲛⲓⲕⲉⲭⲱⲣⲁ ⲉⲧϩⲓ ⲫⲟⲩⲉ ⲟⲩⲟϩ ⲛⲁϥⲉⲣ ⲫⲁϧⲣⲓ
ⲉⲣⲱⲟⲩ ⲧⲏⲣⲟⲩ ⲙⲫⲣⲏϯ ⲥⲭⲉⲇⲟⲛ ⲛⲟⲩⲁⲓ ϧⲉⲛ ⲛⲓⲁⲡⲟⲥⲧⲟⲗⲟⲥ ⲕⲁⲓ ⲅⲁⲣ
ⲛⲉ ⲁϥⲉⲣ ϣⲟⲣⲡ ⲡⲉ ⲛⲉⲣ ⲙⲉⲑⲣⲉ ϧⲁⲣⲟϥ ⲛϫⲉ ⲡⲓⲛⲓϣϯ ⲁⲛⲧⲱⲛⲓⲟⲥ ϫⲉ ⲁⲩϯ
ⲛⲁⲃⲃⲁ ⲙⲁⲕⲁⲣⲓⲟⲥ ⲙⲡⲓϩⲙⲟⲧ ⲛⲛⲓⲧⲁⲗϭⲟ ⲉⲃⲟⲗϩⲓⲧⲉⲛ ⲫϯ ⲟⲩⲟϩ ⲛⲁⲕϫⲓⲙⲓ
ⲙⲡⲕⲱϯ ⲙⲡⲉϥⲙⲁ ⲛϣⲱⲡⲓ ⲛⲛⲁⲩ ⲛⲓⲃⲉⲛ ⲉϥⲙⲉϩ ⲉⲃⲟⲗϧⲉⲛ ⲛⲏ ⲉⲧϣⲱⲛⲓ


### 0048

ⲛⲉⲙ ⲛⲏ ⲉⲧⲟⲓ ⲛϣⲉ ⲛⲇⲁⲓⲙⲱⲛ ⲛⲁϥⲧⲁⲗϭⲟ ⲙⲙⲱⲟⲩ ⲡⲉ ϧⲉⲛ ⲡϫⲓ
ⲛⲑⲣⲉϥⲉⲣⲥⲫⲣⲁⲅⲓⲍⲉⲓⲛ ⲙⲙⲱⲟⲩ ϧⲉⲛ ⲫⲣⲁⲛ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲓⲕⲁⲕ
ⲥϩⲉⲧ ⲛⲁϥⲧⲟⲩⲃⲟ ⲙⲙⲱⲟⲩ ⲡⲉ ⲛⲏ ⲉⲧϣⲏⲗ ⲉⲃⲟⲗ ⲛⲁϥⲉⲣ ⲫⲁϧⲣⲓ ⲉⲣⲱⲟⲩ
ⲡⲉ ⲟⲩⲟϩ ϧⲉⲛ ⲡⲥⲁϫⲓ ⲛⲣⲱϥ ⲙⲁⲗⲗⲟⲛ ⲇⲉ ϧⲉⲛ ⲧϫⲟⲙ ⲙⲫ︦ϯ︦ ⲛⲁϥⲟⲩⲱⲣⲡ
ⲙⲙⲱⲟⲩ ⲉⲩⲧⲟⲩϫⲏⲟⲩⲧ ⲡⲓⲟⲩⲁⲓ ⲡⲓⲟⲩⲁⲓ ⲇⲉ ⲉⲡⲉϥⲙⲱⲓⲧ ⲟⲩⲟϩ ⲛⲓⲣⲉϥⲙⲱⲟⲩⲧ
ⲛⲁϥⲧⲟⲩⲛⲟⲥ ⲙⲙⲱⲟⲩ ⲁⲡⲁⲝ ⲁⲡⲗⲱⲥ ⲛⲉ ⲙⲙⲟⲛ ϩⲗⲓ ⲟⲓ ⲛⲁⲧϫⲟⲙ ⲛⲁϩⲣⲁϥ
ⲁⲛ ⲡⲉ ⲉⲑⲃⲉ ⲡⲉϥⲛⲓϣϯ ⲛⲑⲉⲃⲓⲟ ⲛⲉⲙ ⲡⲉϥⲙⲉⲓ ⲛⲁⲧⲱϣⲉⲙ ⲉϧⲟⲩⲛ ⲉⲫϯ
ⲙⲁⲗⲗⲟⲛ ⲡⲓⲡⲛ︦ⲁ︦ ⲉⲑⲟⲩⲁⲃ ⲉⲧⲉⲣⲉⲛⲉⲣⲅⲉⲓⲛ ϧⲉⲛ ⲡⲓⲉⲡⲧⲏⲣϥ ⲉⲧϣⲟⲡ ⲛϧⲏⲧϥ.
ⲁⲙⲉⲗⲉⲓ ⲁⲩⲓⲛⲓ ⲛⲁϥ ⲛⲟⲩⲥⲟⲡ ⲛⲟⲩⲉⲃⲟ ⲛⲕⲟⲩⲣ ⲛⲥⲙⲟⲧ ⲙⲡⲁⲧⲁⲗⲟⲥ (sic) ⲉϥϯ
ⲉⲣϧⲟϯ ⲉⲟⲩⲟⲛ ⲛⲓⲃⲉⲛ ⲉⲑⲛⲁϭⲟϩ ⲉⲣⲟϥ ⲟⲩⲟϩ ⲉⲩⲁⲙⲟⲛⲓ ⲙⲙⲟϥ ⲉⲩⲉⲣ ⲇ̄
ⲙⲟⲅⲓⲥ ⲁⲩⲉⲛϥ ϩⲁ ⲡⲓⲁⲅⲓⲟⲥ. ⲟⲩⲟϩ ⲉⲧⲁⲩⲉⲛϥ ϩⲁ ⲡⲓϧⲉⲗⲗⲟ ⲡⲉϫⲁϥ ⲛⲛⲓ‐
ⲣⲱⲙⲓ ϫⲉ ⲭⲁϥ ⲉⲃⲟⲗ ⲟⲩⲟϩ ⲉⲧⲁⲩⲭⲁϥ ⲉⲃⲟⲗ ⲥⲁⲧⲟⲧϥ ⲁϥⲥⲱⲕ ⲉϫⲱϥ ⲁϥ‐
ⲥⲱⲗⲡ ⲛϯϩⲁⲗⲏⲥⲓⲥ ⲉⲧϩⲓ ⲡⲉϥⲙⲟⲩⲧ ⲛⲉⲙ ⲛⲉϥϫⲓϫ ⲟⲩⲟϩ ⲁϥⲉⲣ ⲉⲃⲟⲗϧⲉⲛ
ⲡⲓⲧⲱⲟⲩ ⲉϥⲉϣ ϧⲣⲱⲟⲩ ⲉⲃⲟⲗ ⲙⲫⲣⲏϯ ⲛⲟⲩϭⲁⲙⲟⲩⲗ ⲟⲩⲟϩ ⲡⲉϫⲉ ⲛⲓⲣⲱⲙⲓ
ⲙⲡⲓϧⲉⲗⲗⲟ ϫⲉ ϥⲛⲁϭⲓ ⲉⲟⲩⲣⲱⲙⲓ ⲟⲩⲟϩ ϥⲛⲁⲧⲁⲕⲟϥ. ⲡⲓϧⲉⲗⲗⲟ ⲇⲉ ⲛⲁϥ‐
ϣⲗⲏⲗ ⲡⲉ ϧⲉⲛ ⲡⲉⲧϩⲏⲡ ⲟⲩⲟϩ ⲡⲉϫⲉ ⲡⲓϧⲉⲗⲗⲟ ϫⲉ ⲭⲁϥ ⲙⲡⲉⲣⲉⲣ ϧⲟϯ.


### 0049

ⲟⲩⲟϩ ⲉⲧⲁϥϩⲱⲗ ⲉⲡⲁⲓⲥⲁ ⲛⲉⲙ ⲫⲁⲓ ⲡⲁⲗⲓⲛ ⲟⲛ ⲁϥⲧⲁⲥⲑⲟ ϩⲁⲣⲱⲟⲩ ⲟⲩⲟϩ
ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲛⲓⲙ ⲡⲉ ⲡⲉⲕⲣⲁⲛ. ⲡⲉϫⲁϥ ⲛⲁϥ ϫⲉ ⲡⲥⲁⲧⲁⲛⲁⲥ
ⲡⲉ ⲡⲁⲣⲁⲛ. ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ϯⲛⲟⲩ ⲉⲕⲉⲓ ⲉⲃⲟⲗ ⲛϧⲏⲧϥ ϧⲉⲛ
ⲫⲣⲁⲛ ⲛⲓ︦ⲏ︦ⲥ︦ ⲡⲁⲛⲟⲩϯ ⲟⲩⲟϩ ⲛⲛⲉⲕⲧⲁⲥⲑⲟⲕ ⲉⲣⲟϥ ϣⲁ ⲡⲉϩⲟⲟⲩ ⲙⲡⲉϥⲙⲟⲩ
ϫⲉ ⲡⲁⲓⲣⲏϯ ⲡⲉ ⲉⲧⲁ ⲡⲟ︦ⲥ︦ ⲓ︦ⲏ︦ⲥ︦ ϫⲟⲥ. ⲟⲩⲟϩ ⲉⲧⲁϥϩⲉⲓ ⲛϫⲉ ⲡⲓⲣⲱⲙⲓ ⲁϥⲉⲣ
ⲙⲫⲣⲏϯ ⲛⲟⲩⲣⲉϥⲙⲱⲟⲩⲧ ⲙⲡⲉϥⲙⲑⲟ ⲟⲩⲟϩ ⲁ ⲡⲓϧⲉⲗⲗⲟ ⲛⲁⲅⲓⲟⲥ ⲉⲗ ⲙⲱⲟⲩ
ⲁϥϫⲱϣ ⲉϫⲉⲛ ⲡⲉϥϩⲟ ⲛⲉⲙ ⲛⲉϥⲙⲁϣϫ ⲟⲩⲟϩ ⲡⲁⲓⲣⲏϯ ⲁϥϯ ⲉϧⲟⲩⲛ
ⲉⲣⲱϥ ⲉⲑⲣⲉϥⲥⲱ ⲟⲩⲟϩ ⲉⲧⲁϥⲭⲁϥ ⲉϥⲉⲛⲕⲟⲧ ⲉⲥⲕⲉⲛ ⲛⲓⲣⲱⲙⲓ ⲁϥϩⲱⲗ ⲉϧⲟⲩⲛ
ⲁϥⲧⲱⲃϩ ⲙⲫϯ ⲟⲩⲟϩ ⲉⲧⲁϥⲓ ⲉⲃⲟⲗ ⲁϥⲉⲗ ⲛⲉϩ ⲁϥϯ ⲉϧⲟⲩⲛ ⲉⲣⲱϥ ⲉⲃⲟⲗ‐
ϧⲉⲛ ⲛⲓⲫⲁⲛⲟⲥ ⲛⲧⲉ ⲡⲓⲙⲁ ⲛⲉⲣ ϣⲱⲟⲩϣⲓ ⲡⲁⲓⲣⲏϯ ⲟⲛ ⲛⲉϥⲕⲉⲙⲁϣϫ ⲟⲩⲟϩ
ⲉⲧⲁϥⲕⲓⲙ ⲉⲣⲟϥ ⲡⲉϫⲁϥ ⲛⲁϥ ϫⲉ ⲧⲱⲛⲕ ⲙⲁϣⲉ ⲛⲁⲕ ⲉⲡⲉⲕⲏⲓ. ⲟⲩⲟϩ ⲉⲧⲁϥ‐
ⲧⲱⲛϥ ⲁϥⲥⲱⲧⲉⲙ ⲟⲩⲟϩ ⲁϥⲥⲁϫⲓ ⲟⲩⲟϩ ⲡⲓⲇⲁⲓⲙⲱⲛ ⲁϥϣⲉ ⲛⲁϥ ⲉⲃⲟⲗ‐
ϩⲁⲣⲟϥ ⲟⲩⲟϩ ⲛⲁϥϯ ⲱⲟⲩ ⲙⲫ︦ϯ︦ ⲡⲉ ⲛⲉⲙ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲉϩⲣⲏⲓ
ⲉϫⲉⲛ ϯϣⲫⲏⲣⲓ ⲉⲧⲁⲥϣⲱⲡⲓ.
ⲉϥⲉⲛⲕⲟⲧ ⲇⲉ ⲛⲟⲩⲉϫⲱⲣϩ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲁⲩⲓ ⲛϫⲉ ⲛⲓⲇⲁⲓⲙⲱⲛ


### 0050

ⲉⲩⲉⲣ ⲅ̄ ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲁⲛⲟⲛ ϩⲁⲛ ⲁⲅⲓⲟⲥ ⲧⲱⲛⲕ ⲉⲑⲣⲉⲛϣⲗⲏⲗ.
ⲉⲧⲁϥϩⲉⲙⲥⲓ ⲡⲉϫⲁϥ ⲛⲱⲟⲩ ϫⲉ ϩⲱⲗ ⲉⲡⲓⲭⲁⲕⲓ ⲡⲓⲙⲁ ⲉⲧⲉ ⲫⲣⲓⲙⲓ ⲛⲁϣⲱⲡⲓ
ⲙⲙⲟϥ. ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲭⲛⲁϫⲉ ⲟⲩⲁ ⲉⲛⲓⲁⲅⲓⲟⲥ ⲧⲱⲛⲕ ⲛⲧⲉⲛ‐
ϣⲗⲏⲗ ⲟⲩ ⲅⲁⲣ ⲙⲙⲟⲛ ⲇⲁⲓⲙⲱⲛ ⲛⲁϫⲟⲥ ⲛⲟⲩⲣⲱⲙⲓ ⲁⲛ ϫⲉ ϣⲗⲏⲗ
ⲁⲗⲗⲁ ⲓⲥ ϩⲏⲡⲡⲉ ⲧⲉⲛⲉⲣ ⲅ̄ ⲙⲡⲧⲩⲡⲟⲥ ⲛϯⲧⲣⲓⲁⲥ. ⲡⲁⲗⲓⲛ ⲟⲛ ⲁϥⲥⲁϩⲟⲩⲓ
ⲉⲣⲱⲟⲩ ϧⲉⲛ ⲫⲣⲁⲛ ⲙⲡⲟ︦ⲥ︦ ⲟⲩⲟϩ ⲉⲧⲁⲩϧⲟⲛⲧⲟⲩ ⲉⲣⲟϥ ⲁⲩⲉⲣ ϩⲏⲧⲥ ⲛⲕⲓⲙ
ⲉⲣⲟϥ ⲛⲉⲙ ⲡⲓⲑⲟⲙ ⲉⲧⲥⲁ ϧⲣⲏⲓ ⲙⲙⲟϥ ⲟⲩⲟϩ ϧⲉⲛ ⲡϫⲓ ⲛⲑⲣⲉϥⲱϣ ⲉⲃⲟⲗ
ϫⲉ ⲡⲁⲟ︦ⲥ︦ ⲓ︦ⲏ︦ⲥ︦ ⲁⲣⲓⲃⲟⲏⲑⲉⲓⲛ ⲉⲣⲟⲓ ⲥⲁⲧⲟⲧⲟⲩ ⲁⲩⲉⲣ ⲙⲫⲣⲏϯ ⲛⲟⲩⲭⲣⲉⲙⲧⲥ
ⲟⲩⲟϩ ⲁⲩⲉⲣ ⲁⲑⲟⲩⲱⲛϩ. ⲉϥϩⲉⲙⲥⲓ ⲇⲉ ⲛⲟⲩⲉϩⲟⲟⲩ ϩⲏⲡⲡⲉ ⲓⲥ ⲡⲓⲭⲉⲣⲟⲩⲃⲓⲙ
ⲉⲧⲧⲏ ⲁϥⲓ ϣⲁⲣⲟϥ ⲟⲩⲟϩ ⲉⲧⲁϥⲛⲁⲩ ⲉⲣⲟϥ ⲁϥⲣⲁϣⲓ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ.
ⲟⲩⲟϩ ⲡⲉϫⲁϥ ⲛⲁϥ ϫⲉ ϭⲣⲟ ⲙⲙⲟⲕ ϧⲉⲛ ⲛⲓⲁⲅⲱⲛ ⲟⲩⲟϩ ϧⲉⲛ ϩⲱⲃ ⲛⲓⲃⲉⲛ
ⲙⲁ ⲱⲟⲩ ⲙⲫ︦ϯ︦ ⲟⲩⲟϩ ⲁⲛⲁⲩ ⲉⲣⲟⲕ ⲙⲏⲡⲱⲥ ⲛⲧⲉⲕϭⲓⲥⲓ ⲛϩⲏⲧ ϩⲓⲧⲉⲛ ⲛⲁⲓ‐
ϫⲟⲙ ⲛⲧⲁⲗϭⲟ ⲉⲧⲉⲕⲓⲣⲓ ⲙⲙⲱⲟⲩ ⲟⲩⲟϩ ⲛⲧⲉ ⲡⲉⲕϧⲓⲥⲓ ⲧⲁⲕⲟ. ⲟⲩⲟϩ ⲡⲉϫⲉ
ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲁϣ ⲡⲉ ⲡⲁϭⲓⲥⲓ ⲛϩⲏⲧ ⲡⲁⲟ︦ⲥ︦ ϩⲏⲡⲡⲉ ⲅⲁⲣ ⲓⲥ
ⲛⲓⲇⲁⲓⲙⲱⲛ ⲑⲉⲙⲕⲟ ⲙⲡⲁⲥⲱⲙⲁ ⲛⲉⲙ ⲧⲁⲯⲩⲭⲏ ϩⲓ ⲟⲩⲥⲟⲡ ϩⲓⲧⲉⲛ ⲡⲓⲥⲑⲟⲓ‐
ⲃⲱⲛ ⲛⲧⲉ ⲛⲟⲩⲡⲁⲑⲟⲥ ⲉⲧϭⲁϧⲉⲙ ⲟⲩⲟϩ ϯⲭⲏ ⲛⲁϩⲣⲁⲓ ⲙⲙⲓⲛ ⲙⲙⲟⲓ


### 0051

ⲙⲫⲣⲏϯ ⲛⲟⲩⲥϩⲓⲙⲓ ⲉⲥⲑⲟⲗⲉⲃ ϧⲉⲛ ⲧⲉⲥϧⲣⲱ ⲟⲩⲟϩ ⲡⲱⲥ ⲁⲓⲛⲁϣϭⲓⲥⲓ ⲛϩⲏⲧ
ⲡⲗⲏⲛ ϩⲓⲧⲉⲛ ϯⲡⲉⲓⲣⲁ ϫⲉ ⲡⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲉ ⲉⲧϣⲟⲡ ⲛⲏⲓ ⲛⲃⲟⲏⲑⲟⲥ ⲟⲩⲟϩ
ⲡⲉϥⲉϩⲙⲟⲧ ⲡⲉ ⲉⲧⲓⲣⲓ ⲙⲡⲓⲧⲁⲗϭⲟ.
ⲁⲥϣⲱⲡⲓ ⲇⲉ ⲟⲛ ⲙⲉⲛⲉⲛⲥⲁ ⲕⲉⲥⲏⲟⲩ ⲉϥⲉⲣϩⲏⲥⲩⲭⲁⲍⲉⲓⲛ ϧⲁⲣⲓ ϧⲁⲣⲟϥ
ⲛϫⲉ ⲡⲓϧⲉⲗⲗⲟ ⲉⲑⲟⲩⲁⲃ ⲉⲧⲉⲙⲙⲁⲩ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲟⲩⲟϩ ⲛⲁϥ‐
ⲙⲟⲕⲙⲉⲕ ⲙⲙⲟϥ ⲡⲉ ⲉϧⲣⲏⲓ ⲛϧⲏⲧϥ ϫⲉ ϯⲛⲁϣⲉ ⲛⲏⲓ ⲉⲃⲟⲗϧⲉⲛ ⲡⲓϩⲉⲗⲟⲥ
ⲉⲧⲥⲁϧⲟⲩⲛ ⲟⲩⲟϩ ⲛⲧⲁⲛⲁⲩ ϫⲉ ϩⲁⲣⲁ ⲁ ⲟⲩⲟⲛ ϣⲱⲡⲓ ϧⲁϫⲱⲓ ⲁⲛ ϧⲉⲛ ⲛⲓ‐
ϣⲁϥⲉⲩ. ⲟⲩⲟϩ ⲉⲧⲁϥⲱⲥⲕ ⲉⲣⲉ ⲡⲁⲓⲙⲉⲩⲓ ϯ ⲛⲉⲙⲁϥ ϣⲁ ⲉ̄ ⲛⲣⲟⲙⲡⲓ ⲧⲟⲧⲉ
ⲡⲉϫⲁϥ ⲉϧⲣⲏⲓ ⲛϧⲏⲧϥ ϫⲉ ϯⲛⲁⲧⲱⲛⲧ ⲛⲧⲁϣⲉ ⲟⲩⲟϩ ⲛⲧⲁⲙⲟϣⲓ ⲉϧⲟⲩⲛ
ⲉⲡⲓϩⲉⲗⲟⲥ ⲉⲧⲥⲁϧⲟⲩⲛ ⲟⲩⲟϩ ⲛⲧⲁⲛⲁⲩ ϫⲉ ⲟⲩ ⲡⲉ ⲉϯⲛⲁϫⲉⲙϥ ⲙⲙⲁⲩ ⲕⲁⲧⲁ
ⲫⲣⲏϯ ⲉⲧⲁⲩⲕⲓⲙ ⲉⲣⲟⲓ. ⲟⲩⲟϩ ⲉⲧⲁϥⲓ ⲉⲃⲟⲗ ⲛϫⲉ ⲡⲓϧⲉⲗⲗⲟ ⲉⲑⲟⲩⲁⲃ ⲁⲃⲃⲁ
ⲙⲁⲕⲁⲣⲓⲟⲥ ⲟⲩⲟϩ ⲁϥⲙⲟϣⲓ ⲛⲇ̄ ⲛⲉϩⲟⲟⲩ ⲟⲩⲟϩ ⲉⲧⲁϥⲓ ϩⲓϫⲉⲛ ⲟⲩⲗⲓⲙⲛⲏ
ⲁϥⲛⲁⲩ ⲉⲟⲩⲛⲏⲥⲟⲥ ϧⲉⲛ ⲧⲉⲥⲙⲏϯ ⲟⲩⲟϩ ⲉⲧⲁϥⲓ ⲉϫⲉⲛ ϯⲛⲏⲥⲟⲥ ⲁϥⲛⲁⲩ
ⲟⲩⲟϩ ϩⲏⲡⲡⲉ ⲓⲥ ϩⲁⲛ ⲣⲱⲙⲓ ⲉⲩⲃⲏϣ ⲉⲁ ⲡⲟⲩϣⲁⲣ ⲟⲩⲱⲙⲧ ⲟⲩⲟϩ ⲁϥⲟⲩⲙⲟⲧ
ϩⲓⲧⲉⲛ ⲡⲓⲁⲏⲣ ⲟⲩⲟϩ ⲛⲟⲩϥⲱⲓ ⲛⲉⲙ ⲛⲟⲩⲓⲉⲃ ⲁⲩⲉⲣ ⲛⲓϣϯ ⲁⲩⲉⲣ ⲕⲉⲥⲙⲟⲧ
ϩⲱⲥⲧⲉ ⲉⲧⲁϥⲛⲁⲩ ⲉⲣⲱⲟⲩ ⲁϥⲉⲛϩⲟⲩⲣ ⲉϥϫⲱ ⲙⲙⲟⲥ ϫⲉ ϩⲁⲛ ⲡⲛ︦ⲁ︦ ⲛⲉ.


### 0052

ⲛⲑⲱⲟⲩ ⲇⲉ ⲉⲧⲁⲩⲛⲁⲩ ⲉⲣⲟϥ ⲉⲁϥⲉⲣ ϩⲟϯ ϩⲱⲥⲧⲉ ϣⲁⲧⲉⲛ ⲕⲉⲕⲟⲩϫⲓ ⲛⲧⲉϥ‐
ϩⲉⲓ ⲉⲡⲉⲥⲏⲧ ⲧⲟⲧⲉ ⲁⲩⲧⲁⲓⲉ ⲙⲟⲩϯ ⲉⲣⲟϥ ϧⲉⲛ ⲫⲣⲁⲛ ⲙⲡⲟ︦ⲥ︦. ⲛⲑⲟϥ ⲇⲉ
ⲉⲧⲁϥϭⲓ ⲛⲟⲩⲙⲉⲧϫⲁⲣ ϩⲏⲧ ⲁϥⲥⲁϫⲓ ⲛⲉⲙⲱⲟⲩ ⲟⲩⲟϩ ⲡⲉϫⲱⲟⲩ ⲛⲁϥ ϫⲉ
ⲟⲩ ⲡⲉ ⲉⲧϣⲟⲡ ⲙⲙⲟⲕ ⲓⲉ ⲉⲧⲁⲕⲓ ⲉⲃⲟⲗ ⲉⲕⲕⲱϯ ⲛⲥⲁ ⲟⲩ. ⲟⲩⲟϩ ⲡⲉϫⲁϥ
ⲛⲱⲟⲩ ϫⲉ ⲫⲏ ⲉϯⲕⲱϯ ⲛⲥⲱϥ ⲁⲓϫⲉⲙϥ ⲟⲩⲟϩ ⲙⲡⲉ ⲡⲟ︦ⲥ︦ ϥⲟϫⲧ ⲙⲙⲟϥ ⲉⲧⲉ
ⲡⲉⲧⲉⲛⲥⲙⲟⲩ ⲡⲉ. ⲟⲩⲟϩ ⲉⲧⲁϥϧⲟⲛⲧϥ ⲉⲣⲱⲟⲩ ⲁϥⲁⲙⲟⲛⲓ ⲙⲙⲱⲟⲩ ϫⲉ ⲁⲣⲏⲟⲩ
ϩⲁⲛ ⲡⲛ︦ⲁ︦ ⲛⲉ ⲟⲩⲟϩ ⲉⲧⲁϥⲉⲙⲓ ϫⲉ ϩⲁⲛ ⲣⲱⲙⲓ ⲛⲁⲅⲓⲟⲥ ⲛⲉ ⲁϥⲟⲩⲱϣⲧ
ⲙⲙⲱⲟⲩ. ⲛⲑⲱⲟⲩ ⲇⲉ ⲁⲩⲥⲟⲙⲥ ⲉⲣⲟϥ ⲟⲩⲟϩ ⲁϥϣⲉⲛⲟⲩ ⲉⲑⲃⲉ ϩⲁⲛ ϩⲃⲏⲟⲩⲓ
ⲡⲉϫⲱⲟⲩ ⲛⲁϥ ϫⲉ ⲙⲡⲉⲛϣⲱⲡⲓ ϧⲉⲛ ⲟⲩⲙⲟⲛⲁⲥⲧⲏⲣⲓⲟⲛ ϧⲉⲛ ⲡϣⲁϥⲉ ⲟⲩⲟϩ
ⲙⲡⲉⲛⲛⲁⲩ ⲉⲥⲭⲏⲙⲁ ⲉⲛⲉϩ ⲙⲫⲣⲏϯ ⲙⲫⲏ ⲉⲧⲉⲕⲉⲣⲫⲟⲣⲉⲓⲛ ⲙⲙⲟϥ.
ⲁⲗⲗⲁ ⲉⲧⲁ ⲟⲩϯⲙⲁϯ ϣⲱⲡⲓ ϧⲉⲛ ⲧⲉⲛⲙⲏϯ ⲁⲛⲓ ⲉⲡⲁⲓⲙⲁ ⲓⲥ ⲟⲩⲥⲏⲟⲩ ⲉϥⲟⲥⲕ
ⲉⲙⲁϣⲱ ⲟⲩⲟϩ ⲓⲥϫⲉ ⲉⲧⲁⲛⲓ ⲙⲛⲁⲓ ⲙⲡⲉⲛⲉⲣⲁⲡⲁⲛⲧⲁⲛ ⲉⲣⲱⲙⲓ ⲛⲧⲉ ⲡⲁⲓ‐


### 0053

ⲕⲟⲥⲙⲟⲥ ⲉⲃⲏⲗ ⲉⲣⲟⲕ ⲉⲛⲙⲟϣⲓ ⲅⲁⲣ ⲛⲉⲙ ⲛⲉⲛⲉⲣⲏⲟⲩ ϩⲓ ⲡⲁⲓⲧⲱⲟⲩ ⲧⲉⲛⲛⲁⲩ
ⲉⲟⲩⲙⲏϣ ⲛⲍⲱⲟⲛ ⲉⲩⲟⲓ ⲛⲟⲩⲙⲏϣ ⲛⲥⲙⲟⲧ ⲟⲩⲟϩ ⲛⲓⲣⲉⲙ ⲛⲧⲱⲟⲩ ⲧⲉⲛⲉⲣⲁ‐
ⲡⲁⲛⲧⲁⲛ ⲉⲣⲱⲟⲩ ⲛⲟⲩⲙⲏϣ ⲛⲥⲟⲡ ⲟⲩⲟϩ ϩⲓⲧⲉⲛ ⲑⲃⲟⲏⲑⲉⲓⲁ ⲙⲡⲟ︦ⲥ︦ ⲙⲙⲟⲛ
ϩⲗⲓ ϭⲓ ⲛⲉⲙⲁⲛ ⲟⲛ ⲉⲉⲣⲃⲗⲁⲡⲧⲉⲓⲛ ⲙⲙⲟⲛ ⲟⲩⲟϩ ⲙⲡⲓⲣⲏϯ ⲉⲧⲉⲕⲛⲁⲩ
ⲉⲛⲙⲟϣⲓ ϯⲛⲟⲩ ⲉⲛⲃⲏϣ ⲡⲁⲓⲣⲏϯ ⲡⲉ ⲛⲕⲁⲓⲣⲟⲥ ⲛⲓⲃⲉⲛ ⲛⲧⲉⲛϧⲟⲥⲓ ⲁⲛ ⲟⲩⲇⲉ
ϧⲉⲛ ⲡⲓϣⲱⲙ ⲟⲩⲇⲉ ϧⲉⲛ ϯⲫⲣⲱ ϫⲉ ⲟⲩⲏⲓ ⲡⲟ︦ⲥ︦ ⲡⲉ ⲉⲧⲉⲣⲟⲓⲕⲟⲛⲟⲙⲉⲓⲛ ⲙⲙⲟⲛ
ⲙⲡⲁⲓⲣⲏϯ. ⲟⲩⲟϩ ⲉⲧⲁⲩϣⲉⲛϥ ⲉⲑⲃⲉ ⲡⲓⲕⲟⲥⲙⲟⲥ ⲛⲉⲙ ⲛⲁ ⲡⲓⲕⲟⲥⲙⲟⲥ ⲁϥⲉⲣ
ⲟⲩⲱ ⲛⲱⲟⲩ ϫⲉ ϩⲓⲧⲉⲛ ⲫ︦ϯ︦ ⲛⲉⲙ ⲛⲉⲧⲉⲛϣⲗⲏⲗ ⲡⲟ︦ⲥ︦ ⲉⲣⲑⲁⲗⲡⲉⲓⲛ ⲙⲙⲱⲟⲩ
ϩⲓⲧⲉⲛ ⲧⲉϥⲡⲣⲟⲛⲟⲓⲁ. ⲟⲩⲟϩ ⲉⲧⲁϥϭⲓ ⲙⲡⲟⲩⲥⲙⲟⲩ ⲁϥⲓ ⲉⲃⲟⲗϩⲓⲧⲟⲧⲟⲩ ⲟⲩⲟϩ
ⲁϥⲧⲁⲥⲑⲟ ⲉⲡⲉϥⲙⲁ ⲛϣⲱⲡⲓ.
ⲡⲓⲁⲅⲓⲟⲥ ⲇⲉ ⲁⲃⲃⲁ ⲙⲁⲕⲁⲣⲓⲟⲥ ⲁϥⲉⲣ ϩⲏⲧⲥ ⲛⲉⲣ ϧⲉⲗⲗⲟ ⲟⲩⲟϩ ⲁⲥⲉⲣ ϩⲏⲧⲥ
ⲛⲭⲁϥ ⲛϫⲉ ϯϫⲟⲙ ⲧⲉϥⲯⲩⲭⲏ ⲇⲉ ⲛⲁⲥⲣⲱⲟⲩⲧ ⲙⲙⲏⲛⲓ ⲡⲉ ⲉϧⲟⲩⲛ ⲉϯ
ⲙⲉⲧϣⲁⲙϣⲉ ⲛⲟⲩϯ ⲟⲩⲟϩ ⲉϥⲃⲉⲣⲃⲉⲣ ϧⲉⲛ ϯⲁⲅⲁⲡⲏ ⲉϧⲟⲩⲛ ⲉⲫϯ ⲛⲁϥϣⲟⲡ
ⲛϩⲟϯ ⲛⲁϩⲣⲉⲛ ⲛⲛⲓⲇⲁⲓⲙⲱⲛ ϩⲱⲥⲧⲉ ϩⲓⲧⲉⲛ ⲡⲁϣⲁⲓ ⲛⲛⲓϧⲓⲥⲓ ⲉⲧⲟⲩⲓⲛⲓ
ⲙⲙⲱⲟⲩ ⲉϫⲱϥ ⲛⲧⲟⲩⲉⲣ ϩⲏⲧⲥ ⲛⲭⲁ ⲧⲟⲧⲟⲩ ⲉⲃⲟⲗ ⲉⲩϧⲏⲕ ⲟⲩⲃⲏϥ. ⲉⲧⲁⲩ‐


### 0054

ⲑⲱⲟⲩϯ ⲟⲩⲛ ⲉⲣⲟϥ ⲛⲟⲩⲥⲟⲡ ⲉϥϧⲉⲛ ⲡⲓϩⲉⲗⲟⲥ ⲉϥⲉⲛ ⲃⲏⲧ ⲉⲃⲟⲗ ⲥⲁ ⲡⲥⲁ
ⲛⲛⲓⲥⲛⲏⲟⲩ ⲁⲩⲱⲗⲓ ⲛϯⲭⲣⲟⲃⲓ ⲉⲧϧⲉⲛ ⲧⲉϥϫⲓϫ ⲟⲩⲟϩ ⲉⲧⲁⲩⲁⲙⲟⲛⲓ ⲙⲙⲟⲥ
ⲁⲩⲁϣⲥ ⲥⲁ ⲡϣⲱⲓ ⲙⲙⲟϥ ϩⲱⲥ ϫⲉ ⲉⲩⲛⲁⲉⲛⲥ ⲉϩⲣⲏⲓ ⲉϫⲱϥ. ⲛⲑⲟϥ ⲇⲉ ⲉⲣⲉ
ⲡⲉϥϩⲏⲧ ϫⲟⲣ ⲙⲫⲣⲏϯ ⲛⲟⲩⲙⲟⲩⲓ ⲁϥⲱϣ ⲉⲃⲟⲗ ⲉϩⲣⲏⲓ ⲉϫⲱⲟⲩ ϧⲉⲛ ⲟⲩⲛⲓϣϯ
ⲛⲥⲙⲏ ϫⲉ ⲓⲥϫⲉ ⲁ ⲡⲟ︦ⲥ︦ ϯ ⲉⲝⲟⲩⲥⲓⲁ ⲛⲱⲧⲉⲛ ⲓⲉ ⲁⲛⲓⲧⲥ ⲉϧⲣⲏⲓ ⲉϫⲱⲓ ⲓⲥϫⲉ ⲇⲉ
ⲙⲫⲏ ⲓⲉ ⲙⲁϣⲉ ⲛⲱⲧⲉⲛ ⲉⲡⲓⲭⲁⲕⲓ. ⲟⲩⲟϩ ⲉⲧⲁⲩⲑⲱⲟⲩϯ ⲉⲛⲟⲩⲉⲣⲏⲟⲩ ⲁⲩⲱϣ
ⲉⲃⲟⲗ ⲉϩⲣⲏⲓ ⲉϫⲱϥ ⲉⲩϫⲱ ⲙⲙⲟⲥ ϫⲉ ⲱ ⲃⲓⲁ ⲉϫⲱⲕ ⲙⲁⲕⲁⲣⲓⲟⲥ ϫⲉ ⲁⲛⲭⲁ
ⲧⲟⲧⲉⲛ ⲉⲃⲟⲗ ⲛⲉⲙⲁⲕ ⲙⲡⲁⲓⲥⲏⲟⲩ ⲧⲏⲣϥ ⲉⲑⲃⲉ ϫⲉ ⲡⲓϧⲓⲥⲓ ⲧⲏⲣϥ ⲉⲧⲁⲛϣⲟⲡϥ
ⲛϯ ⲟⲩⲃⲏⲕ ⲁϥϣⲱⲡⲓ ⲉϥϣⲟⲩⲓⲧ ⲕⲁⲓ ⲅⲁⲣ ⲙⲡⲉⲛϫⲉⲙ ϩⲏⲟⲩ ⲛϧⲏⲧⲕ ⲛϩⲗⲓ.
ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲧⲁϫⲟⲙ ⲁⲛ ⲧⲉ ⲉⲧⲓⲣⲓ ⲛⲛⲁⲓ ⲁⲗⲗⲁ ⲡⲓϩⲙⲟⲧ ⲛⲧⲉ
ⲡⲟ︦ⲥ︦ ⲡⲉ. ⲟⲩⲟϩ ⲡⲁⲓⲣⲏϯ ⲁⲩⲉⲣ ⲁⲑⲟⲩⲱⲛϩ ⲟⲩⲟϩ ⲓⲥϫⲉⲛ ⲡⲓⲉϩⲟⲟⲩ ⲉⲧⲉⲙⲙⲁⲩ
ⲁ ⲡⲟ︦ⲥ︦ ⲉⲣ ϩⲏⲧⲥ ⲛϯ ⲙⲧⲟⲛ ⲛⲁϥ ⲉⲃⲟⲗϩⲁ ⲡϩⲟⲩⲟ ⲛⲛⲓϫⲓ ⲛϯ ⲟⲩⲟⲓ ⲛⲧⲉ
ⲛⲓⲇⲁⲓⲙⲱⲛ ⲟⲩⲟϩ ⲉⲫⲙⲁ ⲛϩⲁⲛ ⲡⲟⲗⲉⲙⲟⲥ ⲉⲑⲣⲟⲩⲉⲣⲟⲛⲟⲭⲗⲉⲓⲛ ⲛⲁϥ ϧⲉⲛ
ⲟⲩⲙⲉⲧϩⲟⲩⲟ ⲟⲩϫⲁⲙⲏ ⲛⲉⲙ ⲟⲩⲡⲁⲣⲁⲕⲗⲏⲥⲓⲥ ⲉⲥⲙⲏⲛ ⲉⲃⲟⲗ ⲙⲉⲛⲧⲟⲓ ⲭⲱⲣⲓⲥ
ⲡⲁⲑⲟⲥ ⲁⲛ ⲟⲩ ⲅⲁⲣ ⲙⲡⲉϥⲭⲁ ⲡⲉϥϩⲏⲧ ⲉⲃⲟⲗ ϣⲁ ⲡⲉϩⲟⲟⲩ ⲙⲡⲉϥⲙⲟⲩ
ⲁⲗⲗⲁ ⲛⲁϥⲙⲉⲩⲓ ⲙⲙⲏⲛⲓ ⲡⲉ ϫⲉ ⲟⲩⲟⲛ ⲡⲉⲓⲣⲁⲥⲙⲟⲥ ⲛⲏⲟⲩ ⲟⲩⲟϩ ⲡⲁⲓⲣⲏϯ


### 0055

ⲛⲁϥⲉⲣⲛⲏⲫⲉⲓⲛ ⲛⲟⲩⲛⲟⲩ ⲛⲓⲃⲉⲛ ⲕⲁⲧⲁ ⲡⲁϣⲁⲓ ⲛϯⲇⲓⲁⲕⲣⲓⲥⲓⲥ ⲉⲧⲁ ⲡⲟ︦ⲥ︦
ⲉⲣⲭⲁⲣⲓⲍⲉⲥⲑⲁⲓ ⲙⲙⲟⲥ ⲛⲁϥ ⲓⲥϫⲉⲛ ⲧⲉϥⲙⲉⲧⲁⲗⲟⲩ.
ⲉⲧⲁϥⲉⲣ ϧⲉⲗⲗⲟ ⲇⲉ ⲛϫⲉ ⲡⲓⲁⲅⲓⲟⲥ ⲛⲁⲩⲉⲣⲁⲓⲧⲉⲓⲛ ⲙⲙⲟϥ ⲡⲉ ϩⲓⲧⲉⲛ ϩⲁⲛ
ⲙⲏϣ ϫⲉ ϩⲓⲛⲁ ⲉϥⲉϯ ⲥⲭⲏⲙⲁ ⲛⲱⲟⲩ ϩⲟⲡⲱⲥ ⲛⲥⲉϭⲓ ⲙⲡⲉϥⲥⲙⲟⲩ ⲟⲩⲟϩ
ⲡⲁⲓⲣⲏϯ ⲁⲥϣⲱⲡⲓ. ⲛⲉ ⲁⲩϣⲱⲡⲓ ⲇⲉ ⲛⲉⲙⲁϥ ⲡⲉ ϫⲉ ϩⲁⲛ ⲙⲏϣ ⲙⲙⲁⲑⲏⲧⲏⲥ
ⲁⲗⲗⲁ ⲛⲁⲩϣⲟⲡ ⲛⲉⲙⲁϥ ⲧⲏⲣⲟⲩ ⲁⲛ ⲡⲉ ⲟⲑⲉⲛ ϩⲁⲛ ⲟⲩⲟⲛ ⲛϧⲏⲧⲟⲩ ⲉⲧⲁⲩ‐
ⲭⲟϩ ⲉⲡⲁⲓⲭⲟϩ ⲉⲑⲛⲁⲛⲉϥ ⲓⲥϫⲉⲛ ⲉϥⲟⲛϧ ⲁⲩϣⲱⲡⲓ ϩⲓ ⲫⲟⲩⲉⲓ ⲙⲙⲟϥ
ϧⲉⲛ ϩⲁⲛ ⲕⲉⲙⲱⲓⲧ ⲟⲩⲟϩ ⲉⲧⲁ ⲕⲉⲭⲱⲟⲩⲛⲓ ϣⲱⲡⲓ ϧⲁⲧⲟⲧⲟⲩ ⲁⲩⲙⲟⲩϯ
ⲛⲛⲟⲩⲣⲁⲛ ⲉϫⲉⲛ ϩⲁⲛ ⲕⲉⲣⲁⲟⲩⲏ ⲉⲧⲉ ⲁⲃⲃⲁ ⲓⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲡⲉ ⲛⲉⲙ
ⲁⲃⲃⲁ ⲡⲓϣⲟⲓ ⲛⲓⲙⲁⲑⲏⲧⲏⲥ ⲛⲧⲉ ⲁⲃⲃⲁ ⲁⲙⲟⲓ ⲫⲙⲁⲑⲏⲧⲏⲥ ⲛⲁⲃⲃⲁ ⲡⲓⲑⲟⲩ.
ⲡⲓⲁⲅⲓⲟⲥ ⲇⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥⲣⲁϣⲓ ⲡⲉ ϧⲉⲛ ⲟⲩⲧⲉⲗⲏⲗ ⲉϥⲛⲁⲩ ⲉⲛⲉϥ‐
ⲕⲗⲁⲇⲟⲥ ⲉⲧⲁⲩⲁϣⲁⲓ ⲟⲩⲟϩ ⲡⲉϥⲥⲡⲉⲣⲙⲁ ⲉⲁϥⲫⲓⲣⲓ ⲉⲃⲟⲗ ⲟⲩⲟϩ ⲉϥⲛⲁⲩ
ⲉϯⲙⲉⲧⲣⲉϥϯ ⲕⲁⲣⲡⲟⲥ ⲛⲧⲉ ⲛⲓϣϣⲏⲛ ⲙⲡ︦ⲛ︦ⲁ︦ ⲉⲧⲁϥⲧⲟϫⲟⲩ ϧⲉⲛ ⲡⲓⲓⲁϩ ⲁⲗⲟⲗⲓ
ⲛⲧⲉ ⲡⲟ︦ⲥ︦ ⲥⲁⲃⲁⲱⲑ ⲛⲁϥϯ ⲱⲟⲩ ⲙⲫ︦ϯ︦ ϧⲉⲛ ⲟⲩϣⲉⲡ ϩⲙⲟⲧ ⲟⲩⲟϩ ⲛⲁϥϫⲱ
ⲙⲙⲟⲥ ϧⲁⲣⲓ ϧⲁⲣⲟϥ ϫⲉ ϩⲱⲃ ⲛⲓⲃⲉⲛ ⲉⲧⲁⲩⲉⲣ ϣⲟⲣⲡ ⲛϫⲟⲧⲟⲩ ⲛⲏⲓ ⲁ ⲡⲟ︦ⲥ︦
ϫⲟⲕⲟⲩ ⲉⲃⲟⲗ ⲟⲩⲟϩ ⲁⲓⲛⲁⲩ ⲉⲣⲱⲟⲩ ⲛⲛⲁⲃⲁⲗ ⲁⲡⲟ ⲙⲉⲣⲟⲩⲥ ⲕⲁⲓ ⲅⲁⲣ ⲛⲓ‐


### 0056

ⲣⲉⲙ ⲛⲭⲏⲙⲓ ⲙⲙⲁⲩⲁⲧⲟⲩ ⲁⲛ ⲉⲧϣⲟⲡ ϧⲉⲛ ⲡⲓϣⲁϥⲉ ⲉⲧⲉⲙⲙⲁⲩ ⲁⲗⲗⲁ
ⲉⲃⲟⲗϧⲉⲛ ϩⲁⲛ ⲙⲏϣ ⲛⲭⲱⲣⲁ ⲁⲩⲑⲱⲟⲩϯ ⲉⲣⲟϥ ϯⲣⲱⲙⲁⲛⲓⲁ ⲛⲉⲙ ϯⲥⲡⲁ‐
ⲛⲓⲁ ϯⲗⲩⲃⲏ ⲛⲉⲙ ϯⲡⲉⲛⲧⲁⲡⲟⲗⲓⲥ ϯⲕⲁⲡⲡⲁⲇⲟⲕⲓⲁ ⲛⲉⲙ ⲡⲓⲃⲩⲍⲁⲛⲧⲓⲟⲛ
ϯϩⲓⲧⲁⲗⲓⲁ ⲛⲉⲙ ϯⲙⲁⲕⲉⲇⲱⲛⲓⲁ ϯⲁⲥⲓⲁ ⲛⲉⲙ ϯⲥⲩⲣⲓⲁ ϯⲡⲁⲗⲁⲓⲥⲧⲓⲛⲏ ⲛⲉⲙ
ϯⲅⲁⲗⲁⲧⲓⲁ ⲁⲡⲁⲝ ⲁⲡⲗⲱⲥ ⲁ ⲛⲉϥⲃⲁⲗ ⲛⲁⲩ ⲉⲛⲏ ⲉⲧⲁⲩⲉⲣ ϣⲟⲣⲡ ⲛϫⲟⲧⲟⲩ
ⲛⲁϥ ⲟⲩⲟϩ ⲁⲩϫⲱⲕ ⲉⲃⲟⲗ ⲉϧⲣⲏⲓ ⲉⲕⲉⲛϥ.
ⲁⲙⲉⲗⲉⲓ ⲉⲧⲁϥⲉⲣ ϧⲉⲗⲗⲟ ⲟⲩⲟϩ ⲉⲧⲁϥⲉⲣ ⲁⲧϫⲟⲙ ⲁⲩⲟⲩⲱϣ ⲛϫⲉ ⲛⲓⲇⲁⲓ‐
ⲙⲱⲛ ⲉⲉⲣⲇⲟⲕⲓⲙⲁⲍⲉⲓⲛ ⲙⲙⲟϥ ⲟⲩⲟϩ ⲉⲧⲁⲩⲭⲁϥ ⲉϥϩⲉⲙⲥⲓ ϧⲉⲛ ϯⲁⲩⲗⲏ
ⲟⲩⲟϩ ⲉⲣⲉ ⲫⲣⲏ ⲛⲁϩⲱⲧⲡ ⲁϥⲕⲉⲥⲕⲱⲥϥ ⲉⲃⲟⲗ ⲙⲫⲣⲏϯ ϫⲉ ⲉϥⲉⲛⲕⲟⲧ ⲉⲧⲁⲩⲓ
ⲉⲥⲕⲉⲛ ⲡⲓⲣⲟ ⲉⲃⲟⲗ ⲥⲁⲃⲟⲗ ⲟⲩⲟϩ ϩⲱⲥ ⲉⲩⲉⲣ ⲟⲩⲙⲏϣ ⲁⲩϭⲓ ⲙⲡⲥⲭⲏⲙⲁ
ⲛϩⲁⲛ ϣⲁⲧ ⲙⲉⲑⲛⲁⲓ ⲁⲩⲕⲱⲗϩ ⲉϧⲟⲩⲛ ⲉⲩϯ ϩⲟ ϫⲉ ⲁⲣⲓ ⲡⲓⲛⲁⲓ ⲛⲉⲙⲁⲛ.
ⲟⲩⲟϩ ⲉⲧⲁϥⲥⲟⲩⲉⲛ ⲧⲟⲩⲥⲙⲏ ⲛⲁϥϩⲓ ⲙⲙⲟϥ ⲉⲡϭⲗⲟⲗ ⲡⲉ ϧⲉⲛ ⲡⲉϥⲟⲩⲱϣ
ⲟⲩⲟϩ ⲡⲉϫⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲡⲉϥϣⲫⲏⲣ ϫⲉ ⲉϥⲉⲛⲕⲟⲧ. ⲟⲩⲟϩ ⲡⲉϫⲉ ⲛⲓⲕⲉ‐
ⲭⲱⲟⲩⲛⲓ ϫⲉ ⲁⲣⲏⲟⲩ ⲉⲧⲁϥⲙⲟⲩ ⲛⲧⲉⲛⲙⲧⲟⲛ ⲙⲙⲟⲛ ⲉⲃⲟⲗϩⲁ ⲡⲉϥϥⲓ
ⲣⲱⲟⲩϣ ⲓⲥϫⲉ ⲡⲁⲓⲛⲁⲩ ⲕⲁⲓ ⲅⲁⲣ ⲧⲉϥⲯⲩⲭⲏ ϫⲟⲣ ⲙⲫⲣⲏϯ ⲙⲡⲓⲁⲇⲁⲙⲁⲥ


### 0057

ⲟⲩⲟϩ ⲡⲉⲛϧⲓⲥⲓ ϥⲑⲣⲟ ⲙⲙⲟϥ ⲉϣⲱⲡⲓ ⲉϥϣⲟⲩⲓⲧ ⲁⲛⲁⲩ ⲅⲁⲣ ϫⲉ ϧⲉⲛ ⲛⲓϧⲓⲥⲓ
ⲧⲏⲣⲟⲩ ⲉⲧⲁⲛⲉⲛⲟⲩ ⲉϫⲱϥ ⲙⲡⲉⲥⲉⲣⲙⲉⲗⲗⲓⲥⲑⲁⲓ ⲛⲁϥ ⲁⲙⲟⲓ ⲛⲧⲉϥⲙⲟⲩ ϫⲉ
ϩⲓⲛⲁ ⲛⲧⲉⲛⲙⲧⲟⲛ ⲙⲙⲟⲛ ⲉⲃⲟⲗϩⲁ ⲡⲉϥⲭⲉⲓⲙⲱⲛ ⲁⲣⲏⲟⲩ ⲅⲁⲣ ⲙⲉⲛⲉⲛⲥⲁ
ⲡⲉϥⲙⲟⲩ ⲡⲁⲓⲙⲱⲓⲧ ⲛⲁϫⲱⲣ ⲉⲃⲟⲗ ⲟⲩⲟϩ ϥⲛⲁⲉⲣ ϣⲁϥⲉ ⲟⲛ ⲉⲃⲟⲗϩⲁ ⲛⲁⲓ‐
ⲣⲱⲙⲓ ⲛⲁⲅⲓⲟⲥ ⲛⲁⲓ ⲙⲫⲣⲏϯ ⲛϣⲟⲣⲡ. ⲛⲑⲟϥ ⲇⲉ ⲉϥⲥⲱⲧⲉⲙ ⲉⲛⲁⲓ ⲛⲁϥⲭⲱ
ⲛⲣⲱϥ ⲡⲉ ⲉϥⲙⲏⲛ ⲉϯⲡⲣⲟⲥⲉⲩⲭⲏ ⲟⲩⲟϩ ⲉⲧⲁⲩϩⲟϫϩⲉϫ ⲛϫⲉ ⲛⲏ ⲉⲧⲉⲙⲙⲁⲩ
ϩⲓⲧⲉⲛ ⲡⲓϣⲑⲟⲣⲧⲉⲣ ⲉⲧⲕⲱϯ ⲉⲣⲱⲟⲩ ⲧⲟⲧⲉ ⲁⲩⲉⲗ ⲱⲛⲓ ⲁⲩⲕⲱϣ ⲛⲥⲁ ⲡⲓⲣⲟ
ⲟⲩⲟϩ ⲟⲩⲇⲉ ⲙⲡⲁⲓⲕⲉⲣⲏϯ ⲙⲡⲉϥϯ ⲛϩⲑⲏϥ ⲉⲣⲱⲟⲩ. ⲉⲡϧⲁⲉ ⲇⲉ ⲁⲩⲉⲗ ⲱⲛⲓ
ⲁⲩⲥⲓϯ ⲉϧⲣⲏⲓ ⲉϯⲁⲩⲗⲏ ⲟⲩⲟϩ ⲉⲣⲉ ⲡⲟⲥ ⲉⲣⲥⲕⲉⲡⲁⲍⲉⲓⲛ ⲙⲙⲟϥ ⲙⲡⲉ ϩⲗⲓ
ϧⲉⲛ ⲛⲓⲱⲛⲓ ⲁϥϧⲱⲛⲧ ⲉⲣⲟϥ ⲁⲗⲗⲁ ⲁϥⲟϩⲓ ⲉϥϩⲓ ⲙⲙⲟϥ ⲉⲡϭⲗⲟⲗ ϩⲱⲥ ⲉϥⲉⲛ‐
ⲕⲟⲧ ⲟⲩⲟϩ ⲡⲉϫⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲟⲩ ϫⲉ ϧⲉⲛ ⲟⲩⲙⲉⲑⲙⲏⲓ ⲁϥⲙⲟⲩ ⲛϫⲉ
ⲙⲁⲕⲁⲣⲓⲟⲥ ⲟⲩⲟϩ ⲉⲧⲁⲩϩⲓⲧⲟⲧⲟⲩ ⲁⲩⲣⲓⲙⲓ ϩⲱⲥ ⲉⲩⲣⲁϣⲓ ⲉϩⲣⲏⲓ ⲉϫⲉⲛ ⲡⲉϥ‐
ⲙⲟⲩ ⲟⲩⲟϩ ⲁⲩⲱϣ ⲉⲃⲟⲗ ⲟⲩⲟϩ ⲉⲧⲁⲩⲥⲱⲧⲉⲙ ⲛϫⲉ ϩⲁⲛ ⲟⲩⲟⲛ ϧⲉⲛ ⲛⲓⲥⲛⲏⲟⲩ
ⲛⲁⲩϭⲟϫⲓ ⲡⲉ ⲛⲥⲁ ⲡⲓϧⲣⲱⲟⲩ ⲉⲛⲁⲩ ϫⲉ ⲟⲩ ⲡⲉ ⲉⲧϣⲟⲡ. ⲧⲟⲧⲉ ⲡⲓⲁⲅⲓⲟⲥ ⲁϥ‐
ⲧⲱⲛϥ ⲁϥⲟϩⲓ ⲉⲣⲁⲧϥ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲉⲣⲉ ⲡⲟ︦ⲥ︦ ⲉⲣⲉⲡⲓⲧⲓⲙⲁⲛ ⲛⲱ‐
ⲧⲉⲛ ⲉⲁϥϥⲉⲧ ⲡⲉⲧⲉⲛϣⲗⲟⲗ ⲉⲃⲟⲗϩⲓϫⲉⲛ ⲡϩⲟ ⲙⲡⲕⲁϩⲓ ⲧⲏⲣϥ. ⲟⲩⲟϩ ⲉⲧⲁⲩⲉⲗ


### 0058

ϣⲱ ⲁⲩⲥⲓϯ ⲉⲡⲓⲁⲏⲣ ⲉⲩⲱϣ ⲉⲃⲟⲗ ϫⲉ ⲁⲕϭⲣⲟ ⲉⲣⲟⲛ ⲛⲉⲙ ϧⲉⲛ ⲡⲁⲓⲕⲉⲥⲟⲡ ⲡⲓ‐
ϧⲉⲗⲗⲟ ⲛⲕⲁⲕⲟⲩⲣⲅⲟⲥ ⲟⲩⲟϩ ⲉⲧⲁϥⲉⲣⲉⲡⲓⲧⲓⲙⲁⲛ ⲛⲱⲟⲩ ⲛϫⲉ ⲡⲓⲣⲉϥϭⲣⲟ
ⲙⲫⲱⲥⲧⲏⲣ ϧⲉⲛ ⲫⲣⲁⲛ ⲙⲡⲟ︦ⲥ︦ ⲁⲩⲛⲟϣⲡⲟⲩ ⲉⲃⲟⲗ ⲙⲫⲣⲏϯ ⲛϩⲁⲛ ϣϫⲏⲟⲩ.
ⲉⲧⲁ ϯϫⲟⲙ ⲇⲉ ⲉⲣ ϩⲏⲧⲥ ⲛⲭⲁϥ ⲛⲁⲩϯ ϩⲟ ⲉⲣⲟϥ ⲡⲉ ⲛϫⲉ ⲛⲓⲥⲛⲏⲟⲩ ϫⲉ
ϩⲓⲛⲁ ⲉϥⲛⲁⲙⲧⲟⲛ ⲛⲟⲩⲕⲟⲩϫⲓ ⲉⲃⲟⲗϩⲁ ⲡⲁϣⲁⲓ ⲛⲛⲓϧⲓⲥⲓ ⲉⲧⲉϥϯ ⲙⲙⲱⲟⲩ
ⲛⲁϥ ⲟⲩⲟϩ ⲛⲁϥϫⲱ ⲙⲙⲟⲥ ⲛⲱⲟⲩ ⲡⲉ ϫⲉ ⲉⲧⲓ ⲕⲉⲕⲟⲩϫⲓ ϩⲱⲃ ⲛⲓⲃⲉⲛ ⲛⲁϭⲓ
ⲛⲟⲩϫⲱⲕ ⲡⲗⲏⲛ ϯϣⲉⲡ ϩⲙⲟⲧ ⲛⲧⲟⲧⲥ ⲛⲧⲉⲧⲉⲛⲡⲣⲟϩⲁⲓⲣⲉⲥⲓⲥ ϫⲉ ϯⲉⲙⲓ ⲉϯⲁ‐
ⲅⲁⲡⲏ ⲉⲥϣⲟⲡ ϧⲉⲛ ⲑⲏⲛⲟⲩ ⲉϧⲟⲩⲛ ⲉⲣⲟⲓ ⲁⲛⲟⲕ ϧⲁ ⲡⲓϫⲱⲃ ⲁⲗⲏⲑⲱⲥ. ⲉϥ‐
ϩⲉⲙⲥⲓ ⲇⲉ ⲛⲟⲩⲉϩⲟⲟⲩ ϫⲉ ⲉϥⲛⲁⲟⲩⲱⲙ ⲉⲣⲉ ⲫⲣⲏ ⲛⲁϩⲱⲧⲡ ⲁϥⲓ ⲉϧⲟⲩⲛ
ⲛϫⲉ ⲟⲩⲁⲓ ϧⲉⲛ ⲛⲓⲙⲁⲑⲏⲧⲏⲥ ⲡⲉϫⲁϥ ⲛⲁϥ ⲙⲡⲁⲓⲣⲏϯ ϫⲉ ⲓⲥ ⲟⲩⲣⲱⲙⲓ ⲥⲁ‐
ⲃⲟⲗ ⲧⲁⲓ ⲉⲟⲩⲁⲝⲓⲱⲙⲁⲧⲓⲕⲟⲥ ⲡⲉ ⲉⲟⲩⲟⲛ ⲕⲉⲁⲗⲟⲩ ⲛⲉⲙⲁϥ ⲙⲡⲥⲙⲟⲧ ⲛϩⲁⲛ
ϣⲁⲧ ⲛⲁⲑⲛⲁⲓ. ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲉⲩⲟⲩⲁϣ ⲟⲩ ⲓⲉ ⲉⲩⲕⲱϯ ⲛⲥⲁ ⲟⲩ.
ⲡⲉϫⲉ ⲡⲓⲙⲁⲑⲏⲧⲏⲥ ⲛⲁϥ ϫⲉ ϯⲉⲙⲓ ⲁⲛ ϫⲉ ⲉⲩⲟⲩⲁϣ ⲟⲩ ⲓⲉ ⲉⲩⲕⲱϯ ⲛⲥⲁ ⲟⲩ.
ⲡⲉϫⲁϥ ⲛⲁϥ ϫⲉ ⲁⲛⲓⲧⲟⲩ ⲉϧⲟⲩⲛ. ⲉⲧⲁϥⲓ ⲇⲉ ⲉⲃⲟⲗ ⲛϫⲉ ⲡⲓⲙⲁⲑⲏⲧⲏⲥ ⲟⲩⲟϩ


### 0059

ⲉⲧⲁϥϫⲟⲥ ⲛⲱⲟⲩ ⲙⲡⲟⲩϫⲓ ⲉϧⲟⲩⲛ. ⲧⲟⲧⲉ ⲁϥⲓ ⲉⲃⲟⲗ ⲛϫⲉ ⲡⲓϧⲉⲗⲗⲟ ⲟⲩⲟϩ
ⲉⲧⲁϥⲉⲙⲓ ϧⲉⲛ ⲡⲓⲡ︦ⲛ︦ⲁ︦ ϫⲉ ⲛⲓⲙ ⲡⲉ ⲡⲉϫⲁϥ ⲙⲡⲓⲙⲁⲑⲏⲧⲏⲥ ϫⲉ ⲙⲁϣⲉ ⲛⲁⲕ.
ⲟⲩⲟϩ ⲉⲧⲁϥϩⲉⲙⲥⲓ ⲡⲉϫⲁϥ ⲙⲡⲓⲣⲱⲙⲓ ϫⲉ ⲉⲕⲕⲱϯ ⲛⲥⲁ ⲟⲩ. ⲡⲉϫⲉ ⲡⲓⲣⲱⲙⲓ
ϫⲉ ⲡⲁⲓⲁⲗⲟⲩ ⲡⲁϣⲏⲣⲓ ⲡⲉ ⲉⲟⲩⲟⲛ ⲟⲩⲁⲣⲭⲟⲛⲧⲓⲕⲟⲛ ⲛⲉⲙⲁϥ ⲕⲁⲧⲁ ⲫⲣⲏϯ
ⲛⲑⲟϥ ⲉⲧⲉϥϫⲱ ⲙⲙⲟⲥ ⲛϫⲉ ⲡⲓⲇⲁⲓⲙⲱⲛ ϫⲉ ⲁⲛⲟⲕ ⲟⲩⲁⲣⲭⲱⲛ ⲛⲧⲉ ⲛⲓⲗⲉ‐
ⲅⲓⲱⲛ ⲉϥⲣⲱϧⲧ ⲙⲙⲟϥ ⲉϧⲣⲏⲓ ⲛⲇ︦ ⲓⲉ ⲉ̄ ⲛⲥⲟⲡ ⲙⲙⲏⲛⲓ ⲉϥϭⲟϫϭⲉϫ ⲙⲙⲟϥ
ⲟⲩⲟϩ ⲁⲓⲟⲗϥ ϩⲁ ⲟⲩⲙⲏϣ ⲛⲁⲅⲓⲟⲥ ϧⲉⲛ ⲧⲁⲭⲱⲣⲁ ⲙⲡⲉϥⲧⲁⲗϭⲟ ⲉϥⲥⲱⲗⲡ
ⲛⲥⲁ ⲛⲉϥϩⲃⲱⲥ ⲟⲩⲟϩ ⲉϥⲟⲩⲱⲙ ⲛⲥⲁ ⲛⲉϥⲥⲁⲣⲝ ⲙⲙⲓⲛ ⲙⲙⲟϥ ⲉⲑⲃⲉ ⲫⲁⲓ
ⲅⲁⲣ ⲁⲓϯ ⲛⲛⲁⲓϩⲃⲱⲥ ⲛⲁⲡⲁⲥ ϩⲓⲱⲧϥ. ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲡⲱⲥ
ⲁⲕⲉⲣⲧⲟⲗⲙⲁⲛ ⲁⲕⲉⲗ ⲧⲁⲓϧⲉⲗϣⲁⲓⲣⲓ ⲉⲡⲁⲓⲙⲁ ⲛϣⲁϥⲉ ⲟⲩⲟϩ ⲙⲡⲉⲕⲕⲏⲛ
ⲉⲣⲟⲕ ⲉⲫⲁⲓ ⲁⲗⲗⲁ ⲁⲕⲉⲣ ⲡⲕⲉϫⲉ ⲙⲉⲑⲛⲟⲩϫ ⲉⲡⲓⲡ︦ⲛ︦ⲁ︦ ⲛⲧⲉ ⲡⲓϩⲙⲟⲧ ⲑⲁⲓ
ⲅⲁⲣ ⲧϣⲉⲣⲓ ⲛⲁⲅⲁⲑⲟⲛⲓⲕⲟⲥ ⲧⲉ ⲡⲓⲉⲡⲁⲣⲭⲟⲥ ⲛⲧⲉ ⲁⲛⲧⲓⲟⲭⲉⲓⲁ ⲉⲁⲕⲓ ⲉⲃⲟⲗ
ⲛⲉⲙⲁⲥ ϧⲉⲛ ⲡⲓⲙⲁ ⲉⲧⲉⲙⲙⲁⲩ ϧⲉⲛ ⲡⲉⲧϩⲏⲡ ϧⲉⲛ ⲟⲩⲛⲓϣϯ ⲙⲫⲁⲛⲧⲁⲥⲓⲁ
ⲛⲁⲓ ⲉⲧⲁⲕⲥⲟϫⲡⲟⲩ ϯⲛⲟⲩ ⲥⲁ ⲫⲁϩⲟⲩ ϩⲓ ⲡⲓⲧⲱⲟⲩ ϧⲉⲛ ϯⲥⲧⲣⲁⲧⲁ ⲉⲁⲕⲉⲛ ⲑⲁⲓ
ⲉⲡⲁⲓⲙⲁ ϧⲉⲛ ⲡⲁⲓⲥⲭⲏⲙⲁ ϫⲉ ⲛⲛⲉ ϩⲗⲓ ⲉⲙⲓ ⲉⲣⲱⲧⲉⲛ ⲟⲩⲟϩ ⲕⲁⲗⲱⲥ ⲁⲕⲁⲓⲥ
ⲉⲑⲃⲉ ⲡⲓⲥⲕⲁⲛⲇⲁⲗⲟⲛ. ⲟⲩⲟϩ ⲛⲁⲓ ⲉⲧⲁϥⲥⲱⲧⲉⲙ ⲉⲣⲱⲟⲩ ⲛϫⲉ ⲡⲓⲣⲱⲙⲓ ⲁϥ‐


### 0060

ⲥⲑⲉⲣⲧⲉⲣ ⲟⲩⲟϩ ⲁϥϩⲉⲓ ⲉϫⲉⲛ ⲡⲉϥϩⲟ ϧⲁⲣⲁⲧⲟⲩ ⲛⲛⲉϥϭⲁⲗⲁⲩϫ. ⲧⲟⲧⲉ ⲡⲉϫⲉ
ⲡⲓⲁⲅⲓⲟⲥ ⲛⲁϥ ϫⲉ ⲧⲱⲛⲕ ⲙⲡⲉⲣⲉⲣ ϩⲟϯ ⲟⲩⲟϩ ⲙⲡⲉⲣⲟⲩⲁϩ ⲧⲟⲧⲕ ⲉϫⲉ ⲙⲉ‐
ⲑⲛⲟⲩϫ. ⲟⲩⲟϩ ⲡⲉϫⲉ ⲡⲓⲣⲱⲙⲓ ⲛⲁϥ ϫⲉ ϯϩⲟ ⲉⲣⲟⲕ ⲡⲁⲟⲥ ϫⲉ ⲁⲛⲟⲕ ⲟⲩⲃⲱⲕ
ⲛⲧⲉ ⲧⲁⲓⲁⲗⲟⲩ ⲟⲩⲟϩ ⲕⲁⲧⲁ ⲫⲣⲏϯ ⲉⲧⲁϥⲉⲣⲕⲉⲗⲉⲩⲉⲓⲛ ⲛⲏⲓ ⲛϫⲉ ⲡⲉⲥⲓⲱⲧ
ⲓⲥϫⲉⲛ ⲧⲁⲭⲱⲣⲁ ⲁⲓⲓⲣⲓ ⲙⲡⲁⲓⲣⲏϯ ⲕⲁⲓ ⲅⲁⲣ ⲁⲛⲟⲕ ⲟⲩⲣⲉⲙ ⲛϩⲱⲃ. ⲟⲩⲟϩ
ⲉⲧⲁϥⲙⲟⲩϯ ⲛϫⲉ ⲡⲓϧⲉⲗⲗⲟ ⲁⲩⲓⲛⲓ ⲛⲁϥ ⲛⲟⲩⲛⲉϩ ⲟⲩⲟϩ ⲉⲧⲁϥⲟϩⲓ ⲉⲣⲁⲧϥ
ⲁϥϣⲗⲏⲗ ⲉϫⲉⲛ ϯⲁⲗⲟⲩ ⲛⲉⲙ ⲡⲓⲛⲉϩ ⲉⲟⲩⲥⲟⲡ ⲟⲩⲟϩ ⲉⲧⲁϥⲉⲣⲥⲫⲣⲁⲅⲓⲍⲉⲓⲛ
ⲛⲧⲉⲥⲧⲉϩⲛⲓ ⲛⲉⲙ ⲛⲉⲥⲙⲁϣϫ ⲁϥⲧⲏⲓⲥ ⲛⲁϥ ⲉⲥⲧⲁⲗϭⲏⲟⲩⲧ ⲟⲩⲟϩ ⲡⲉϫⲁϥ
ⲛⲁϥ ϫⲉ ⲉⲕⲛⲁⲫⲟϩ ⲉⲛⲉⲕϣⲫⲉⲣ ⲙⲡⲉⲣⲟϩⲓ ϧⲉⲛ ⲡⲁⲓⲧⲱⲟⲩ ⲙⲡⲁⲓⲉϫⲱⲣϩ
ⲉⲑⲃⲉ ⲡⲁϣⲁⲓ ⲛⲛⲓϩⲓⲟⲙⲓ ⲉⲧϭⲱⲣⲉⲙ ⲛⲉⲙⲱⲧⲉⲛ ⲁⲗⲗⲁ ⲙⲁϣⲉ ⲛⲁⲕ ⲉⲭⲏⲙⲓ
ⲉⲟⲩⲙⲁ ⲉϥϧⲉⲛⲧ ⲉⲣⲟⲛ ϣⲁⲧⲉ ⲛⲉⲕⲧⲉⲃⲛⲱⲟⲩⲓ ϫⲉⲙ ⲛⲟⲙϯ ⲛⲉⲙ ⲛⲉⲕⲕⲉⲣⲱⲙⲓ
ⲓⲥ ϩⲏⲡⲡⲉ ⲅⲁⲣ ⲉⲑⲃⲉ ⲫⲛⲁϩϯ ⲙⲡⲉⲥⲓⲱⲧ ⲉϧⲟⲩⲛ ⲉⲛⲓⲁⲅⲓⲟⲥ ⲛⲉⲙ ⲧⲉϥⲡⲓⲥⲧⲓⲥ
ⲉⲧⲥⲟⲩⲧⲱⲛ ⲉϧⲟⲩⲛ ⲉⲛⲓⲟϯ ⲛⲉⲙ ϯⲟⲣⲑⲟⲇⲟⲝⲓⲁ ⲁ ⲡⲟ︦ⲥ︦ ⲉⲣ ϩⲙⲟⲧ ⲛϯⲁⲗⲟⲩ
ⲙⲡⲓⲧⲁⲗϭⲟ ⲟⲩⲟϩ ⲉⲃⲟⲗϩⲓⲧⲉⲛ ϯⲡⲉⲓⲣⲁ ⲭⲛⲁⲉⲙⲓ ⲉⲡⲓϩⲱⲃ ⲙⲡⲁⲧⲉⲕϣⲉ ⲛⲁⲕ
ⲉⲧⲉⲕⲭⲱⲣⲁ. ⲉⲧⲁϥⲙⲟⲩϯ ⲇⲉ ⲛϫⲉ ⲡⲓⲣⲱⲙⲓ ⲉϩⲁⲛ ⲕⲉⲭⲱⲟⲩⲛⲓ ϧⲉⲛ ⲛⲉϥ‐
ϣⲫⲉⲣ ⲛⲉⲃⲓⲁⲓⲕ ⲉⲩⲟϩⲓ ⲉⲣⲁⲧⲟⲩ ϩⲓ ⲫⲟⲩⲉⲓ ⲁⲩⲓⲛⲓ ⲛⲁϥ ⲛⲟⲩⲥⲟⲕ ⲉⲟⲩⲟⲛ ⲇ


### 0061

ⲛϣⲟ ⲛⲛⲟⲙⲓⲥⲙⲁ ⲛϧⲏⲧϥ ⲟⲩⲟϩ ⲉⲧⲁ ⲡⲓⲣⲱⲙⲓ ⲟⲗϥ ⲁϥⲥⲱⲟⲩⲧⲉⲛ ⲙⲙⲟϥ
ⲉⲡⲓϧⲉⲗⲗⲟ ⲉϥϫⲱ ⲙⲙⲟⲥ ϫⲉ ϯϯϩⲟ ⲉⲣⲟⲕ ⲡⲁⲟ︦ⲥ︦ ⲛⲓⲱⲧ ϫⲉ ϩⲓⲛⲁ ⲉⲕⲉⲉⲣⲇⲉ‐
ⲭⲉⲓⲛ ⲛⲧⲁⲓⲕⲟⲩϫⲓ ⲛⲉⲩⲗⲟⲅⲓⲁ ⲛⲧⲉ ⲡⲁⲟ︦ⲥ︦ ⲇ︦ ⲛϣⲟ ⲛⲛⲟⲙⲓⲥⲙⲁ ϫⲉ ϩⲓⲛⲁ
ⲉⲕⲉϭⲱⲟⲩ ⲉⲃⲟⲗ ⲛⲛⲓϩⲏⲕⲓ. ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ⲡⲁϣⲏⲣⲓ ⲙⲡⲁⲩϯ
ⲛϯⲇⲱⲣⲉⲁ ⲛⲧⲉ ⲡⲟ︦ⲥ︦ ⲉⲃⲟⲗϩⲁ ⲟⲩⲧⲓⲙⲏ ⲟⲩⲇⲉ ⲛⲧⲉⲛⲉⲣ ⲭⲣⲉⲓⲁ ⲟⲛ ⲛϩⲱⲃ
ⲙⲡⲁⲓⲥⲙⲟⲧ ⲙⲡⲁⲓⲙⲁ ⲁⲗⲗⲁ ⲙⲁϣⲉ ⲛⲁⲕ ϧⲉⲛ ⲟⲩϩⲉⲓⲣⲏⲛⲏ ϣⲁ ⲛⲏ
ⲉⲧⲁⲩⲟⲩⲟⲣⲡⲕ. ⲉⲧⲁϥⲓ ⲇⲉ ⲉⲃⲟⲗϩⲓⲧⲟⲧϥ ⲛϫⲉ ⲡⲓⲣⲱⲙⲓ ⲟⲩⲟϩ ϩⲱⲥ ⲉϥⲁⲣⲉϩ
ⲉⲛⲥⲁϫⲓ ⲙⲡⲓϧⲉⲗⲗⲟ ⲙⲡⲉϥⲉⲛⲕⲟⲧ ϧⲉⲛ ⲡⲓⲧⲱⲟⲩ ϣⲁⲧⲉϥⲫⲟϩ ⲉⲭⲏⲙⲓ
ⲟⲩⲟϩ ⲉⲧⲁϥⲉⲙⲓ ϩⲓⲧⲉⲛ ϯⲡⲉⲓⲣⲁ ϫⲉ ϯⲁⲗⲟⲩ ⲧⲁⲗϭⲟ ⲁϥϣⲉ ⲛⲁϥ ⲉⲧⲉϥ‐
ⲭⲱⲣⲁ ⲉϥⲣⲁϣⲓ ⲉϥϯ ⲱⲟⲩ ⲙⲫϯ. ⲧⲉⲛⲛⲁⲕⲏⲛ ⲇⲉ ⲉⲣⲟⲛ ϣⲁ ⲡⲁⲓⲙⲁ ⲉⲧⲁⲛ‐
ϫⲟⲧⲟⲩ ⲉⲑⲃⲉ ϫⲉ ⲟⲩⲙⲉⲧⲁⲧϫⲟⲙ ⲧⲉ ⲉϭⲓ ⲏⲡⲓ ⲛⲛⲓϫⲟⲙ ⲛⲉⲙ ⲛⲓⲧⲁⲗϭⲟ ⲉⲧⲁ
ⲡⲟ︦ⲥ︦ ⲉⲣⲉⲛⲉⲣⲅⲉⲓⲛ ⲙⲙⲱⲟⲩ ⲉⲃⲟⲗϩⲓⲧⲟⲧϥ ⲛⲉⲙ ⲡⲁϣⲁⲓ ⲛⲧⲉ ⲛⲉϥⲡⲟ‐


### 0062

ⲗⲓⲧⲉⲓⲁ ⲙⲁⲗⲓⲥⲧⲁ ⲁⲩⲥϧⲉ ϩⲁⲛ ⲕⲉϩⲃⲏⲟⲩⲓ ⲛⲧⲁϥ ϩⲓ ϩⲁⲛ ⲕⲉϫⲱⲙ.
ⲡⲓⲁⲅⲓⲟⲥ ⲇⲉ ⲁⲃⲃⲁ ⲙⲁⲕⲁⲣⲓⲟⲥ ⲁϥϩⲣⲟϣ ϩⲓⲧⲉⲛ ⲡⲓϣⲱⲛⲓ ⲉⲙⲁϣⲱ ϩⲓⲧⲉⲛ
ⲡⲁϣⲁⲓ ⲛⲧⲉ ⲡⲓⲭⲣⲟⲛⲟⲥ ⲟⲩⲟϩ ⲁ ⲧⲉϥⲥⲁⲣⲝ ⲙⲟⲩⲛⲕ ⲥⲭⲉⲇⲟⲛ ϩⲓⲧⲉⲛ ⲛⲓϧⲓⲥⲓ
ⲉⲧⲉϥϯ ⲙⲙⲱⲟⲩ ⲛⲁϥ ϧⲉⲛ ⲡⲉⲧϩⲏⲡ ⲕⲁⲓ ⲅⲁⲣ ⲧⲡⲣⲁⲅⲙⲁⲧⲉⲓⲁ ⲧⲏⲣⲥ ⲛⲧⲉ
ⲛⲉϥⲡⲟⲗⲓⲧⲉⲓⲁ ⲙⲡⲉϥⲭⲁ ϩⲗⲓ ⲉⲉⲙⲓ ⲉⲡⲉϥϩⲱⲃ ϧⲉⲛ ⲟⲩϫⲱⲕ ϣⲁ ⲡⲉϩⲟⲟⲩ
ⲙⲡⲉϥⲙⲟⲩ ⲉⲑⲃⲉ ϫⲉ ⲛⲁϥⲁⲣⲉϩ ⲉⲣⲟϥ ⲉⲙⲁϣⲱ ⲉⲃⲟⲗϩⲁ ⲡⲓⲟⲟⲩ ⲛⲛⲓⲣⲱⲙⲓ
ⲕⲁⲧⲁ ⲫⲣⲏϯ ⲉⲧⲁⲩⲉⲣ ⲛⲕⲉⲟⲩⲁϩⲥⲁϩⲛⲓ ⲛⲁϥ ϩⲓⲧⲉⲛ ⲡⲓⲭⲉⲣⲟⲩⲃⲓⲙ ⲉⲧⲁϥ‐
ⲥⲁϫⲓ ⲛⲉⲙⲁϥ ⲓⲥϫⲉⲛ ϯⲁⲣⲭⲏ. ⲗⲟⲓⲡⲟⲛ ⲁ ⲛⲉϥⲃⲁⲗ ⲉⲣ ϩⲏⲧⲥ ⲛⲉⲣ ϩⲗⲟⲗ
ⲉⲁⲩⲙⲟⲩⲛⲕ ⲉϧⲟⲩⲛ ϩⲓⲧⲉⲛ ⲡⲁϣⲁⲓ ⲛⲛⲓⲁⲥⲕⲏⲥⲓⲥ ⲛⲉⲙ ⲡⲥⲏⲟⲩ ⲛϯⲙⲉⲧ‐
ϧⲉⲗⲗⲟ ⲛⲁϥⲛϩⲣⲏⲓ ⲅⲁⲣ ϥ︦ⲍ︦ ⲛⲣⲟⲙⲡⲓ ⲉϥⲛⲁⲙⲟⲩ. ϧⲉⲛ ⲫⲁⲓ ⲕⲁⲧⲁ ⲕⲟⲩϫⲓ
ⲕⲟⲩϫⲓ ⲁϥⲭⲁ ϫⲟⲙ ⲟⲩⲟϩ ⲁϥⲉⲣ ϩⲏⲧⲥ ⲛⲉⲛⲕⲟⲧ ⲟⲩⲟϩ ⲛⲁϥϩⲓ ϭⲗⲁ ⲉϥϩⲏⲗ
ⲉⲃⲟⲗ ⲟⲩⲟϩ ⲉϥⲛⲏⲟⲩ ⲉϧⲟⲩⲛ ⲟⲩⲟϩ ⲉⲩⲕⲱϯ ⲉⲣⲟϥ ⲙⲡⲕⲱϯ ⲛϫⲉ ⲛⲓⲥⲛⲏⲟⲩ
ⲛⲁϥϯ ⲛⲟⲙϯ ⲛⲱⲟⲩ ⲡⲉ ⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁ ⲡⲉϥϩⲱⲃ ⲟⲩⲟϩ ⲛⲁϥϫⲱ
ⲙⲙⲟⲥ ⲛⲱⲟⲩ ⲡⲉ ϫⲉ ⲓⲥ ⲡⲁⲓⲥⲏⲟⲩ ⲧⲏⲣϥ ϯⲛⲉⲙⲱⲧⲉⲛ ⲡⲟ︦ⲥ︦ ⲉⲧⲥⲱⲟⲩⲛ ϫⲉ
ⲙⲡⲓϩⲟⲡⲧ ⲉⲣⲱⲧⲉⲛ ⲉϣⲧⲉⲙⲧⲁⲙⲱⲧⲉⲛ ⲉⲡⲉⲧⲉⲣ ⲛⲟϥⲣⲓ ⲛⲛⲉⲧⲉⲛⲯⲩⲭⲏ ⲕⲁⲓ
ⲅⲁⲣ ⲁⲓⲉⲣ ⲁⲛⲧⲟⲧ ⲛⲟⲩⲉϣⲉ ⲛⲉⲣⲥⲕⲁⲛⲇⲁⲗⲓⲍⲉⲥⲑⲁⲓ ⲛⲟⲩⲕⲟⲩϫⲓ ⲓⲉ ⲟⲩⲛⲓϣϯ


### 0063

ⲟⲩⲇⲉ ⲙⲡⲓⲉⲛⲕⲟⲧ ⲉⲛⲉϩ ⲉⲣⲉ ⲟⲩⲟⲛ ⲟⲩⲁⲣⲓⲕⲓ ⲟⲩⲧⲱⲓ ⲛⲉⲙ ⲟⲩⲁⲓ ⲟⲩⲇⲉ ⲧⲁⲥⲩ‐
ⲛⲉⲓⲇⲏⲥⲓⲥ ⲙⲡⲓⲉⲣⲕⲁⲧⲁⲫⲣⲟⲡⲉⲓⲛ ⲙⲙⲟⲥ ϧⲉⲛ ϩⲗⲓ ⲛϩⲱⲃ ⲕⲁⲧⲁ ⲫϯ ϫⲉ
ϩⲓⲛⲁ ⲉⲥⲉⲥⲟϩⲓ ⲙⲙⲟⲓ ϧⲁⲣⲓ ϧⲁⲣⲟⲓ ⲟⲩⲟϩ ⲡⲁⲙⲉⲓ ⲉϧⲟⲩⲛ ⲉⲫϯ ⲛⲉⲙ ⲛⲁϣⲫⲉⲣ
ⲡⲟ︦ⲥ︦ ⲉⲧⲥⲱⲟⲩⲛ ⲙⲙⲟϥ ⲟⲩⲟϩ ⲧⲁⲁⲅⲁⲡⲏ ⲉϧⲟⲩⲛ ⲉⲡⲓⲥⲱⲛⲧ ⲧⲏⲣϥ ⲫ︦ϯ︦ ⲡⲉⲧⲉⲙⲓ
ⲉⲣⲟⲥ ⲟⲩⲟϩ ⲛⲑⲟϥ ⲡⲟ︦ⲥ︦ ϥⲉⲣ ⲙⲉⲑⲣⲉ ⲛⲉⲙⲏⲓ ϫⲉ ⲙⲫⲣⲏϯ ⲉⲧⲁϥϫⲟⲥ ⲛⲏⲓ
ⲛⲟⲩⲥⲏⲟⲩ ϫⲉ ⲙⲡⲁⲧⲉⲕⲫⲟϩ ⲉⲡϣⲓ ⲛⲛⲓϩⲓⲟⲙⲓ ⲙⲡⲓⲥⲧⲏ ⲉⲧϧⲉⲛ ⲁϣ ⲙⲙⲁ
ϧⲉⲛ ⲧⲉⲕⲡⲟⲗⲓⲧⲉⲓⲁ ⲡⲁⲓⲣⲏϯ ⲡⲉ ⲉϯⲉⲣⲙⲉⲗⲉⲧⲁⲛ ⲉⲣⲟϥ ϣⲁ ⲉϧⲟⲩⲛ ⲉϯⲛⲟⲩ
ⲟⲩⲟϩ ⲛⲓⲕⲉϭⲣⲟ ⲧⲏⲣⲟⲩ ⲉⲧⲁⲓϭⲓⲧⲟⲩ ϧⲁ ⲛⲓⲇⲁⲓⲙⲱⲛ ϥⲥⲱⲟⲩⲛ ⲛϫⲉ ⲡⲉϥϩ‐
ⲙⲟⲧ ϫⲉ ⲙⲡⲓⲙⲉⲩⲓ ⲉⲣⲟⲓ ⲉⲛⲉϩ ϫⲉ ⲁⲓⲉⲣ ϩⲗⲓ ϧⲉⲛ ⲧⲁϫⲟⲙ ⲁⲗⲗⲁ ⲡⲓϭⲣⲟ
ⲛⲉⲙ ⲡⲓⲛⲁⲓ ⲛⲉⲙ ϯⲃⲟⲏⲑⲉⲓⲁ ⲛⲁ ϯⲙⲉⲧⲣⲉϥϯ ⲧⲟⲧⲥ ⲛⲧⲉ ⲧⲉϥϫⲟⲙ ⲧⲉ. ⲗⲟⲓ‐
ⲡⲟⲛ ⲛⲁⲥⲛⲏⲟⲩ ⲥⲣⲱϥⲧ ⲟⲩⲟϩ ⲁⲣⲓ ⲛⲏⲫⲉⲓⲛ ϫⲉ ⲟⲩⲏⲓ ⲕⲉⲕⲟⲩϫⲓ ⲙⲁⲕⲁⲣⲓⲟⲥ
ⲥⲉⲛⲁⲟⲩⲟⲑⲃⲉϥ ⲉⲃⲟⲗ.
ⲛⲁⲓ ⲇⲉ ⲉⲩⲥⲱⲧⲉⲙ ⲉⲣⲱⲟⲩ ⲛϫⲉ ⲛⲓⲥⲛⲏⲟⲩ ⲙⲁⲗⲓⲥⲧⲁ ⲉⲩⲛⲁⲩ ⲉϯⲙⲉⲧⲁⲧ‐
ϫⲟⲙ ⲉⲧⲉϥϣⲟⲡ ⲛϧⲏⲧⲥ ⲁⲩϯ ϩⲣⲁⲩ ⲉⲡϣⲱⲓ ⲁⲩⲣⲓⲙⲓ ϩⲱⲥⲧⲉ ⲉϥⲛⲁⲥⲟϫⲡⲟⲩ
ⲛⲧⲉϥϣⲉ ⲛⲁϥ ⲛⲧⲉϥⲭⲁⲩ ⲉⲩⲟⲓ ⲛⲟⲣⲫⲁⲛⲟⲥ ⲟⲩⲟϩ ⲡⲁⲗⲓⲛ ⲛⲁϥϯ ⲛⲟⲙϯ
ⲛⲱⲟⲩ ⲉⲑⲣⲟⲩⲭⲁ ⲣⲱⲟⲩ ⲟⲩⲟϩ ⲛⲁϥϫⲱ ⲙⲙⲟⲥ ϫⲉ ⲁⲕⲙⲏⲛ ⲙⲡⲁⲧⲉϥⲓ ⲛϫⲉ


### 0064

ⲡⲓⲥⲏⲟⲩ ⲗⲟⲓⲡⲟⲛ ⲉⲧⲃⲉ ⲟⲩ ⲧⲉⲧⲉⲛⲣⲓⲙⲓ ⲟⲩⲟϩ ⲧⲉⲧⲉⲛϯ ⲙⲕⲁϩ ⲙⲡⲁϩⲏⲧ ⲕⲁⲓ
ⲅⲁⲣ ⲟⲩⲙⲉⲧⲁⲧϫⲟⲙ ⲧⲉ ϣⲁⲧⲉ ⲫⲁⲓ ϣⲱⲡⲓ ⲙⲙⲟⲛ ⲧⲏⲣⲉⲛ ⲡⲓⲟⲩⲁⲓ ⲡⲓⲟⲩⲁⲓ
ⲕⲁⲧⲁ ⲡⲉϥⲥⲏⲟⲩ ⲕⲁⲧⲁ ⲛⲓⲑⲱϣ ⲛⲁⲧϣϯ ⲟⲩⲏⲟⲩ ⲛⲧⲉ ⲡⲉⲛⲛⲟⲩϯ ⲟⲩⲟϩ ⲛⲁⲓ
ⲉⲧⲁϥϫⲟⲧⲟⲩ ⲛⲱⲟⲩ ⲙⲟⲅⲓⲥ ⲁϥϣⲑⲱⲧ ⲙⲡⲟⲩϩⲏⲧ ⲉⲑⲣⲟⲩⲭⲁ ⲣⲱⲟⲩ ⲟⲩⲟϩ
ⲉⲧⲁⲩⲧⲱⲟⲩⲛⲟⲩ ⲁⲩⲓ ⲉⲃⲟⲗ ⲁ ⲡⲓⲟⲩⲁⲓ ⲡⲓⲟⲩⲁⲓ ⲉⲣⲁⲛⲁⲭⲱⲣⲉⲓⲛ ⲉⲡⲉϥⲙⲁ
ⲛϣⲱⲡⲓ. ⲉⲧⲁⲩϣⲉ ⲛⲱⲟⲩ ⲇⲉ ⲛϫⲉ ⲛⲓⲥⲛⲏⲟⲩ ⲡⲁⲗⲓⲛ ⲟⲛ ⲁ ϯⲙⲉⲧⲁⲧϫⲟⲙ
ϭⲣⲟ ⲉⲣⲟϥ ⲟⲩⲟϩ ⲉⲧⲁϥϣⲉ ⲉⲡⲓⲥⲡⲏⲗⲁⲓⲟⲛ ⲙⲙⲁⲩⲁⲧϥ ⲁϥⲉⲛⲕⲟⲧ ⲛⲉ ⲫⲛⲁⲩ
ⲇⲉ ⲡⲉ ⲛⲁϫⲡ ⲍ. ⲟⲩⲟϩ ϩⲱⲥ ⲉϥⲙⲉⲩⲓ ⲛϧⲣⲏⲓ ⲛϧⲏⲧϥ ⲕⲁⲧⲁ ⲧⲉϥⲕⲁϩⲥ ⲉⲡⲉϥϫⲓ
ⲛⲥⲓⲛⲓ ⲉⲃⲟⲗ ⲛⲉⲙ ⲡⲉϥϫⲓ ⲛⲉⲣⲁⲡⲁⲛⲧⲁⲛ ⲉⲫ︦ϯ︦ ⲛⲉⲙ ϯⲁⲡⲟⲫⲁⲥⲓⲥ ⲉⲑⲛⲁⲓ
ⲉⲃⲟⲗ ϧⲁⲣⲟϥ ⲙⲡⲓⲛⲁⲩ ⲉⲧⲉⲙⲙⲁⲩ ⲛⲉⲙ ⲡⲓⲙⲁ ⲉⲧⲟⲩⲛⲁϩⲓⲧϥ ⲉⲣⲟϥ ϩⲏⲡⲡⲉ
ⲁⲩⲟⲩⲟⲛϩⲟⲩ ⲉⲣⲟϥ ⲛϫⲉ ⲃ︦ ⲛⲁⲅⲓⲟⲥ ⲉⲩⲉⲣⲗⲁⲙⲡⲉⲓⲛ ⲉⲙⲁϣⲱ ϧⲉⲛ ⲡⲓⲱⲟⲩ
ⲛⲉⲙ ⲡⲓⲧⲁⲓⲟ ⲉⲣⲉ ⲡⲟⲩϩⲟ ⲙⲉϩ ⲛⲣⲁϣⲓ. ⲟⲩⲟϩ ⲉⲧⲁϥⲛⲁⲩ ⲉⲣⲱⲟⲩ ⲛϫⲉ ⲡⲓ‐
ϧⲉⲗⲗⲟ ⲁϥⲭⲁ ⲣⲱϥ ⲧⲉⲱⲥ ⲟⲩⲟϩ ⲡⲉϫⲉ ⲟⲩⲁⲓ ⲙⲙⲱⲟⲩ ⲛⲁϥ ϫⲉ ⲁⲛ ⲁⲕ‐
ⲥⲟⲩⲱⲛⲧ ϫⲉ ⲁⲛⲟⲕ ⲛⲓⲙ. ⲟⲩⲟϩ ⲉⲧⲁϥϯ ⲛⲓⲁⲧϥ ⲙⲙⲟϥ ⲙⲡⲉϥϣϫⲉⲙϫⲟⲙ
ⲛⲥⲟⲩⲱⲛϥ ⲛⲕⲁⲗⲱⲥ ⲉⲑⲃⲉ ⲡⲁϣⲁⲓ ⲛϯⲙⲉⲧⲗⲁⲙⲡⲣⲟⲥ ⲉⲧⲟⲩϣⲟⲡ ⲛϧⲏⲧⲥ.
ⲟⲩⲟϩ ⲙⲉⲛⲉⲛⲥⲁ ⲕⲉⲕⲟⲩϫⲓ ⲡⲉϫⲁϥ ⲙⲡⲉⲧⲥⲁϫⲓ ⲛⲉⲙⲁϥ ϫⲉ ⲕⲁⲧⲁ ⲣⲟⲓ ⲛⲑⲟⲕ
ⲡⲉ ⲡⲁⲓⲱⲧ ⲁⲃⲃⲁ ⲁⲛⲧⲱⲛⲓⲟⲥ. ⲟⲩⲟϩ ⲡⲉϫⲉ ⲫⲏ ⲉⲑⲟⲩⲁⲃ ⲁⲃⲃⲁ ⲁⲛⲧⲱⲛⲓⲟⲥ


### 0065

ⲛⲁϥ ϫⲉ ϫⲉ ⲁⲛ ⲁⲕⲥⲟⲩⲉⲛ ⲡⲁⲓⲭⲉⲧ ϫⲉ ⲛⲓⲙ ⲡⲉ. ⲟⲩⲟϩ ⲡⲁⲗⲓⲛ ⲁϥⲭⲁ ⲣⲱϥ
ⲕⲁⲓ ⲅⲁⲣ ⲛⲁϥⲉⲣ ⲟⲩⲱ ⲛϩⲗⲓ ⲛⲭⲱⲗⲉⲙ ⲁⲛ ⲡⲉ. ⲡⲉϫⲁϥ ⲛⲁϥ ϫⲉ ⲫⲁⲓ ⲡⲉ
ⲡⲉⲛⲥⲟⲛ ⲡⲁϧⲱⲙ ⲫⲓⲱⲧ ⲛⲛⲓⲙⲟⲛⲁⲭⲟⲥ ⲛⲧⲉ ⲧⲁⲃⲉⲛⲛⲏⲥⲓ ϫⲉ ⲟⲩⲏⲓ ⲁⲩⲟⲩ‐
ⲟⲣⲡⲧⲉⲛ ⲉⲑⲣⲉⲛⲑⲁϩⲙⲉⲕ ⲗⲟⲓⲡⲟⲛ ⲁⲣⲓ ⲡⲉⲕⲣⲱⲟⲩϣ ϫⲉ ⲟⲩⲏⲓ ⲉⲧⲓ ⲕⲉⲑ︦ ⲛⲉ‐
ϩⲟⲟⲩ ⲭⲛⲁⲭⲱ ⲉϧⲣⲏⲓ ⲛϯϣⲑⲏⲛ ⲛϣⲁⲣ ⲟⲩⲟϩ ⲭⲛⲁϣⲱⲡⲓ ϧⲁⲧⲟⲧⲉⲛ ⲟⲩⲟϩ
ϥⲁⲓ ⲛⲛⲉⲕⲃⲁⲗ ⲉⲡϣⲱⲓ ⲟⲩⲟϩ ⲁⲛⲁⲩ ⲉⲡⲓⲙⲱⲓⲧ ⲉⲧⲁⲩⲥⲉⲃⲧⲱⲧϥ ⲛⲁϥ ϫⲉ ϩⲓⲛⲁ
ⲉⲕⲉϭⲓ ⲛⲟⲩⲣⲁϣⲓ ⲟⲩⲟϩ ⲛⲧⲉⲕⲓ ⲉⲃⲟⲗ ϧⲉⲛ ⲟⲩⲙⲧⲟⲛ. ⲟⲩⲟϩ ⲡⲁⲓⲣⲏϯ ⲁⲩⲉⲣ‐
ⲁⲛⲁⲭⲱⲣⲉⲓⲛ ⲉⲃⲟⲗϧⲁⲣⲟϥ ⲛϫⲉ ⲛⲏ ⲉⲑⲟⲩⲁⲃ.
ⲡⲓⲁⲅⲓⲟⲥ ⲇⲉ ⲛϧⲉⲗⲗⲟ ⲛⲁϥⲭⲱ ⲛⲣⲱϥ ⲡⲉ ⲛⲟⲩⲉϣⲉ ⲛⲧⲁⲙⲉ ϩⲗⲓ ϫⲉ ϩⲓⲛⲁ
ⲛⲛⲟⲩⲉⲣ ⲙⲕⲁϩ ⲛϩⲏⲧ ⲟⲩⲟϩ ⲛⲥⲉϯ ϧⲓⲥⲓ ⲙⲡⲉϥⲡ︦ⲛ︦ⲁ︦ ϩⲓⲧⲉⲛ ⲛⲓⲣⲱⲙⲓ ⲕⲁⲓ
ⲅⲁⲣ ⲛⲁⲩϫⲟⲩϣⲧ ⲉⲣⲟϥ ⲧⲏⲣⲟⲩ ⲡⲉ ⲙⲫⲣⲏϯ ⲛⲟⲩⲁⲣⲭⲓⲥⲧⲣⲁⲧⲏⲅⲟⲥ ⲉϥϧⲉⲛ
ⲑⲙⲏϯ ⲛⲛⲉϥⲙⲁⲧⲟⲓ ⲫⲁⲓ ⲁⲩϣⲁⲛⲉⲣ ϧⲁⲉ ⲙⲙⲟϥ ⲁⲓⲥⲁϫⲓ ⲉⲡⲓⲁⲣⲭⲓⲥⲧⲣⲁ‐
ⲧⲏⲅⲟⲥ ϣⲁⲣⲉ ⲡⲓⲙⲏϣ ⲧⲏⲣϥ ⲉⲣ ⲙⲫⲣⲏϯ ϫⲉ ⲁⲩϫⲱϫⲓ ⲉⲃⲟⲗ ⲛⲛⲟⲩⲁⲫⲏⲟⲩⲓ
ⲟⲩⲟϩ ⲡⲁⲓⲣⲏϯ ⲉⲃⲟⲗϩⲓⲧⲉⲡ ϯⲙⲉⲧⲁⲧⲁⲫⲉ ⲙⲙⲟⲛ ϣϫⲟⲙ ⲙⲙⲱⲟⲩ ⲉϣⲉ
ⲉⲡⲓⲃⲱⲧⲥ ⲛⲉⲙ ⲛⲓⲙⲗⲁϧ ⲙⲡⲟⲗⲉⲙⲓⲕⲟⲛ. ⲙⲁⲗⲓⲥⲧⲁ ϧⲉⲛ ⲟⲩⲙⲉⲑⲙⲏⲓ ϫⲉ


### 0066

ⲡⲁϥⲟⲓ ⲙⲫⲣⲏϯ ⲙⲫ︦ϯ︦ ⲙⲡϣⲗⲟⲗ ⲧⲏⲣϥ ⲛⲛⲓⲙⲟⲛⲁⲭⲟⲥ ⲙⲉⲛⲉⲛⲥⲁ ⲫ︦ϯ︦
ⲉⲩϫⲟⲩϣⲧ ⲉⲣⲟϥ ⲧⲏⲣⲟⲩ ⲙⲫⲣⲏϯ ⲛⲟⲩⲓⲁⲗ ⲟⲩⲟϩ ⲉϥϣⲟⲡ ⲛϫⲟⲙ ⲛⲛⲟⲩ‐
ⲯⲩⲭⲏ ϩⲓⲧⲉⲛ ⲧⲉϥⲙⲉⲧⲣⲉϥϯ ⲛⲟⲙϯ. ⲟⲩⲟϩ ⲉⲧⲁϥⲉⲛⲕⲟⲧ ⲉϫⲉⲛ ⲡⲓⲑⲟⲙ
ⲕⲁⲧⲁ ⲧⲉϥⲥⲩⲛⲏⲑⲉⲓⲁ ⲛⲟⲩⲉϣⲉ ⲛⲧⲱⲟⲩⲛ ⲗⲟⲓⲡⲟⲛ ϩⲓⲧⲉⲛ ⲫⲃⲁⲣⲟⲥ ⲙⲡⲓϣⲱⲛⲓ
ⲉⲑⲃⲉ ϫⲉ ⲛⲁϥϧⲟⲥⲓ ⲡⲉ ϩⲓⲧⲉⲛ ⲡⲓϧⲙⲟⲙ ⲧⲟⲧⲉ ⲕⲁⲧⲁ ⲕⲟⲩϫⲓ ⲕⲟⲩⲕⲓ ⲁϥⲭⲁ
ϫⲟⲙ ⲉⲃⲟⲗ ⲟⲩⲟϩ ϧⲉⲛ ⲡⲓⲉϫⲱⲣϩ ⲛⲥⲟⲩ ⲏ̄ ⲉϫⲉⲛ ⲡⲉϥⲑ︦ ⲓⲥϫⲉⲛ ⲉⲧⲁϥϣⲱⲛⲓ
ⲕⲁⲧⲁ ⲡⲥⲁϫⲓ ⲛⲁⲃⲃⲁ ⲁⲛⲧⲱⲛⲓⲟⲥ ⲉⲧⲉ ⲥⲟⲩ ⲕⲍ ⲙⲫⲁⲙⲉⲛⲱⲑ ⲡⲉ ⲓⲥ ⲡⲓⲭⲉ‐
ⲣⲟⲩⲃⲓⲙ ⲉⲧⲧⲏ ⲉⲧⲉⲙⲙⲁⲩ ⲫⲁⲓ ⲉⲧⲉ ⲛⲁϥⲙⲏⲛ ⲉⲣⲟϥ ⲡⲉ ⲓⲥϫⲉⲛ ϯⲁⲣⲭⲏ ⲁϥⲓ
ⲛⲉⲙ ⲟⲩⲛⲓϣϯ ⲙⲙⲏϣ ⲛⲧⲉ ϩⲁⲛ ⲭⲟⲣⲟⲥ ⲛⲁⲥⲱⲙⲁⲧⲟⲥ ⲟⲩⲟϩ ⲡⲉϫⲁϥ ⲛⲁϥ
ϫⲉ ⲓⲏⲥ ⲙⲙⲟⲕ ⲁⲙⲟⲩ ⲉⲃⲟⲗ ϫⲉ ⲁⲣⲉ ⲛⲁⲓ ⲧⲏⲣⲟⲩ ⲟϩⲓ ⲉⲣⲁⲧⲟⲩ ⲉⲩϭⲓ ⲁⲟⲩⲱ
ⲛⲁⲕ. ⲟⲩⲟϩ ⲡⲉϫⲁϥ ϧⲉⲛ ⲟⲩⲛⲓϣϯ ⲛⲥⲙⲏ ϫⲉ ⲡⲁⲟⲥ ⲓⲏⲥ ⲫⲙⲉⲛⲣⲓⲧ ⲛⲧⲁ‐
ⲯⲩⲭⲏ ϣⲉⲡ ⲡⲁⲡ︦ⲛ︦ⲁ︦ ⲉⲣⲟⲕ. ⲟⲩⲟϩ ⲡⲁⲓⲣⲏϯ ⲁϥⲉⲛⲕⲟⲧ.
ⲕⲁⲓ ⲅⲁⲣ ⲛⲉ ⲟⲩⲟⲛ ⲟⲩⲙⲏϣ ⲛⲉⲙⲁϥ ⲁⲛ ⲡⲉ ⲙⲡⲓⲛⲁⲩ ⲉⲧⲉⲙⲙⲁⲩ ⲟⲩⲇⲉ
ⲙⲡⲟⲩⲉⲙⲓ ϫⲉ ϥⲛⲁⲙⲟⲩ ⲙⲡⲓⲉϩⲟⲟⲩ ⲉⲧⲉⲙⲙⲁⲩ ⲛⲁϥⲣⲱⲟⲩⲧ ⲅⲁⲣ ⲡⲉ
ⲙⲫⲣⲏϯ ⲙⲙⲏⲛⲓ ⲉϥϯ ⲛⲟⲙϯ ⲛⲛⲓⲥⲛⲏⲟⲩ. ⲉⲧⲁⲩⲥⲱⲧⲉⲙ ⲇⲉ ⲛϫⲉ ⲛⲓⲥⲛⲏⲟⲩ
ⲧⲏⲣⲟⲩ ⲁⲩⲣⲓⲙⲓ ⲧⲏⲣⲟⲩ ⲟⲩⲟϩ ⲁⲩⲉⲣ ⲙⲕⲁϩ ⲛϩⲏⲧ ⲉϩⲣⲏⲓ ⲉϫⲉⲛ ϯⲙⲉⲧϣⲁϥⲉ


### 0067

ⲉⲧⲁⲥϣⲱⲡⲓ ⲛⲱⲟⲩ. ⲛⲓⲥⲛⲏⲟⲩ ⲇⲉ ⲉⲧϣⲟⲡ ϧⲉⲛ ⲛⲓϣⲁϥⲉⲩ ⲉⲑⲟⲩⲁⲃ ⲛⲁⲓ
ⲉⲧⲁⲩⲉⲣ ⲡⲕⲉϭⲓ ⲉⲃⲟⲗϩⲓⲧⲟⲧϥ ⲙⲡⲓⲙⲱⲓⲧ ⲧⲏⲣϥ ⲉⲧϭⲓ ⲉϧⲟⲩⲛ ⲉⲧⲕⲁⲧⲟⲣⲑⲱⲥⲓⲥ
ⲧⲏⲣⲥ ⲛϯⲁⲣⲉⲧⲏ ⲟⲩⲟϩ ⲁϥϧⲟⲕⲟⲩ ϩⲱⲥ ⲁⲣⲭⲓⲥⲧⲣⲁⲧⲏⲅⲟⲥ ⲛⲛⲓϩⲟⲡⲗⲟⲛ
ⲧⲏⲣⲟⲩ ⲛⲧⲉ ⲡϫⲓ ⲛⲙⲓϣⲓ ⲟⲩⲃⲉ ⲡⲇⲓⲁⲃⲟⲗⲟⲥ ⲡⲓⲧⲩⲣⲁⲛⲛⲟⲥ ⲛⲁⲧϣⲓⲡⲓ ⲛⲉⲙ
ⲛⲉϥⲛⲟⲩⲙⲉⲣⲟⲛ ⲉⲧϩⲱⲟⲩ ⲟⲩⲟϩ ⲁϥⲕⲟⲧⲟⲩ ⲗⲟⲓⲡⲟⲛ ⲉϫⲉⲛ ϯⲥⲉⲛϯ ⲛⲁⲧⲕⲓⲙ
ⲉⲧⲉ ⲡⲭⲥ ⲡⲉⲛⲛⲟⲩϯ ⲡⲉ ⲫⲁⲓ ⲉⲧⲁϥⲉⲣ ⲡⲕⲉⲁⲣⲉϩ ⲉⲣⲱⲟⲩ ϣⲁ ⲉⲃⲟⲗ ⲉⲩⲟⲓ
ⲛⲁⲧϭⲱⲧⲡ ϩⲓⲧⲉⲛ ⲡⲉϥϩⲙⲟⲧ ⲉⲧϭⲟⲥⲓ ⲫⲁⲓ ⲉⲧⲁϥϫⲟϣϥ ⲉϩⲣⲏⲓ ⲉϫⲱⲟⲩ ϩⲓⲧⲉⲛ
ⲡⲓϯ ϩⲟ ⲛⲧⲉ ⲡⲉⲛⲓⲱⲧ ⲉⲑⲟⲩⲁⲃ ⲡⲓⲛⲓϣϯ ⲁⲃⲃⲁ ⲙⲁⲕⲁⲣⲓⲟⲥ ϧⲉⲛ ⲡϫⲓ ⲛⲑⲣⲟⲩ‐
ⲥⲱⲧⲉⲙ ϫⲉ ⲟⲩⲛ ⲛϫⲉ ⲛⲁⲓ ⲉⲡⲓϫⲓ ⲛⲓ ⲉⲃⲟⲗϧⲉⲛ ⲥⲱⲙⲁ ⲛⲧⲉ ⲡⲓⲁⲅⲓⲟⲥ ⲁⲩⲓ ⲉⲃⲟⲗ‐
ϧⲉⲛ ⲛⲟⲩⲙⲁ ⲛϣⲱⲡⲓ ⲉⲩⲧⲱⲓⲧ ⲟⲩⲟϩ ⲉⲩⲉⲣ ϩⲏⲃⲓ ⲉϩⲣⲏⲓ ⲉϫⲉⲛ ⲡⲓϫⲓ ⲛⲟⲩⲱ‐
ⲧⲉⲃ ⲉⲃⲟⲗ ⲛⲧⲉ ⲫⲏ ⲉⲧⲁⲩⲟⲗϥ ⲇⲓⲕⲁⲓⲱⲥ ⲉⲛⲓⲙⲁ ⲛϣⲱⲡⲓ ⲛⲉⲡⲟⲩⲣⲁⲛⲓⲟⲛ
ⲉⲡϣⲱⲓ ⲟⲩⲟϩ ⲁϥⲉⲣⲭⲟⲣⲉⲩⲉⲓⲛ ⲛⲉⲙ ⲛⲓⲇⲩⲛⲁⲙⲓⲥ ⲛⲁⲅⲅⲉⲗⲓⲕⲏ ⲛⲧⲉ ⲛⲓⲫⲏ‐
ⲟⲩⲓ ⲛⲁⲓ ⲟⲛ ⲉⲧⲁϥⲧⲉⲛⲑⲱⲛϥ ⲉⲣⲱⲟⲩ ϧⲉⲛ ⲡϩⲱⲃ ⲛⲉⲙ ⲡⲥⲁϫⲓ ϩⲓⲧⲉⲛ ⲛⲓϩⲃⲏ‐
ⲟⲩⲓ ⲛⲁⲅⲅⲉⲗⲓⲕⲟⲛ ⲉⲧⲁϥⲟⲩⲟⲛϩⲟⲩ ⲉⲃⲟⲗ ⲛϩⲣⲏⲓ ϧⲉⲛ ⲡⲉϥⲃⲓⲟⲥ ⲉⲑⲟⲩⲁⲃ ⲟⲩⲟϩ
ⲛϣⲟⲩⲉⲣ ϣⲫⲏⲣⲓ ⲙⲙⲟϥ ⲛⲁⲓ ⲉⲧϣⲟⲡ ⲛⲥⲃⲱ ⲟⲩⲟϩ ⲛϭⲁⲩ ⲙⲱⲓⲧ ⲛⲟⲩⲟⲛ
ⲛⲓⲃⲉⲛ ⲉⲑⲟⲩⲱϣ ⲉⲱⲛϧ ⲕⲁⲧⲁ ⲑⲙⲉⲑⲙⲏⲓ ⲧⲏⲣⲥ ⲛⲛⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ.
ⲉⲧⲁⲩⲫⲟϩ ⲟⲩⲛ ⲗⲟⲓⲡⲟⲛ ⲉϯⲉⲕⲕⲗⲏⲥⲓⲁ ⲉⲩⲣⲓⲙⲓ ⲧⲏⲣⲟⲩ ϧⲉⲛ ⲟⲩⲛϣⲁϣⲓ ⲉϩ‐


### 0068

ⲣⲏⲓ ⲉϫⲉⲛ ⲡϫⲓ ⲛϥⲟϫⲟⲩ ⲛⲟⲩⲓⲱⲧ ⲙⲡⲁⲓⲣⲏϯ ⲫⲁⲓ ⲉⲧϣⲟⲡ ⲛⲱⲟⲩ ⲧⲏⲣⲟⲩ
ⲛⲭⲟϩ ⲟⲩⲟϩ ⲛⲛⲟⲙϯ ⲉϧⲟⲩⲛ ⲉϯⲁⲛⲁⲭⲱⲣⲏⲥⲓⲥ ⲛⲉⲙ ⲛⲥⲱϫⲡ ⲛⲛⲓϩⲃⲏⲟⲩⲓ
ⲉⲑⲛⲁⲛⲉⲩ ⲁⲩϩⲓⲧⲟⲩ ⲉϧⲣⲏⲓ ⲉϫⲉⲛ ⲡⲉϥⲥⲱⲙⲁ ⲉⲑⲟⲩⲁⲃ ⲛⲟⲩⲛⲓϣϯ ⲛⲛⲁⲩ
ⲉⲩⲱϣ ⲉⲃⲟⲗ ⲧⲏⲣⲟⲩ ϧⲉⲛ ⲟⲩⲛϣⲁϣⲓ ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲁⲩⲓⲣⲓ ⲛϯⲗⲉⲓ‐
ⲧⲟⲩⲣⲅⲓⲁ ⲉⲧⲧⲟⲙⲓ ⲁⲩⲓⲛⲓ ⲉϩⲣⲏⲓ ⲉϫⲉⲛ ⲡⲉϥⲗⲩⲙⲯⲁⲛⲟⲛ ⲉⲧⲧⲁⲓⲏⲟⲩⲧ ⲛϯⲑⲩ‐
ⲥⲓⲁ ⲛⲁⲧⲫⲉⲛ ⲥⲛⲟϥ ⲉⲃⲟⲗ ⲡⲓⲥⲱⲙⲁ ⲛⲉⲙ ⲡⲓⲥⲛⲟϥ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.
ⲗⲟⲓⲡⲟⲛ ⲁⲩⲭⲱ ⲙⲡⲉϥⲥⲱⲙⲁ ⲉⲑⲟⲩⲁⲃ ⲉϧⲟⲩⲛ ϧⲉⲛ ⲡⲓⲥⲡⲏⲗⲁⲓⲟⲛ ϧⲁⲑⲟⲩⲱⲥ
ⲛϯⲉⲕⲕⲗⲏⲥⲓⲁ ⲑⲁⲓ ⲛⲧⲟϥ ⲉⲧⲁϥⲕⲟⲧⲥ ⲟⲩⲟϩ ⲁⲩϣⲉ ⲛⲱⲟⲩ ⲉⲛⲟⲩⲙⲁ ⲛϣⲱⲡⲓ
ⲉⲩϣⲟⲡ ϧⲉⲛ ⲟⲩⲛⲓϣϯ ⲛϩⲏⲃⲓ ⲉϩⲣⲏⲓ ⲉϫⲉⲛ ⲡϫⲓ ⲛϣⲟⲛϩⲟⲩ ⲙⲫⲣⲉϥϣⲁⲛϣ
ⲛⲛⲟⲩⲯⲩⲭⲏ ϧⲉⲛ ϯϩⲟϯ ⲛⲧⲉ ⲡⲟ︦ⲥ︦ ⲉⲧⲁⲩⲧⲫⲱⲟⲩ ⲉⲃⲟⲗϩⲓⲧⲉⲛ ⲡⲓⲣⲱⲙⲓ
ⲉⲑⲟⲩⲁⲃ ⲁⲃⲃⲁ ⲡⲁⲫⲛⲟⲩϯ ⲉⲡⲓⲛⲓϣϯ ⲡⲉ ϧⲉⲛ ⲛⲉⲛⲙⲁⲑⲏⲧⲏⲥ ⲙⲡⲓⲁⲅⲓⲟⲥ ⲫⲁⲓ
ⲟⲛ ⲉⲧⲁϥϭⲓ ⲛϯⲙⲉⲧⲓⲱⲧ ϧⲉⲛ ⲛⲓⲧⲟⲡⲟⲥ ⲉⲑⲟⲩⲁⲃ ⲙⲉⲛⲉⲛⲥⲱϥ ⲉⲑⲃⲉ ϫⲉ ⲛⲉ
ⲟⲩⲣⲱⲙⲓ ϩⲱϥ ⲡⲉ ⲉϥⲟⲩⲁⲃ ⲉⲁϥⲟⲩⲁϩϥ ⲛⲥⲁ ⲡⲥⲕⲟⲡⲟⲥ ⲧⲏⲣϥ ⲛⲛⲓϩⲃⲏⲟⲩⲓ
ⲛⲧⲉ ⲡⲓⲣⲱⲙⲓ ⲉⲑⲟⲩⲁⲃ ⲡⲓⲛⲓϣϯ ⲁⲃⲃⲁ ⲙⲁⲕⲁⲣⲓⲟⲥ ⲉⲑⲃⲉ ⲫⲁⲓ ⲣⲱ ⲁϥϣⲱⲡⲓ
ⲛⲟⲛⲟⲙⲁⲥⲧⲟⲥ ϧⲉⲛ ⲙⲁⲓ ⲛⲓⲃⲉⲛ ⲉⲩⲛⲏⲩ ϣⲁⲣⲟϥ ⲛϫⲉ ⲫⲙⲏϣ ⲛⲛⲓⲙⲟⲛⲁⲭⲟⲥ
ⲟⲩ ⲙⲟⲛⲟⲛ ⲛⲧⲉ ϣⲓⲏⲧ ⲙⲙⲁⲩⲁⲧϥ ⲁⲗⲗⲁ ⲥⲭⲉⲇⲟⲛ ϧⲉⲛ ϯⲭⲱⲣⲁ ⲧⲏⲣⲥ
ⲛⲧⲉ ⲭⲏⲙⲓ ⲉⲩϭⲓ ⲉⲃⲟⲗϩⲓⲧⲟⲧϥ ⲙⲡⲓⲥⲙⲟⲧ ⲧⲏⲣϥ ⲛⲧⲉ ϯⲁⲣⲉⲧⲏ ⲑⲁⲓ ⲉⲧⲁϥϫ‐
ⲫⲟⲥ ⲛⲁϥ ϧⲉⲛ ⲟⲩⲙⲉⲧⲉⲩⲫⲩⲏⲥ ϩⲓⲧⲉⲛ ⲑⲙⲉⲧⲣⲉϥϭⲓ ⲙⲱⲓⲧ ϧⲁϫⲱϥ ϧⲉⲛ


### 0069

ⲟⲩⲥⲡⲟⲩⲇⲏ ⲛⲧⲉ ⲡⲁⲓⲣⲱⲙⲓ ⲛⲇⲓⲕⲁⲓⲟⲥ ⲁⲗⲏⲑⲱⲥ ⲟⲩⲟϩ ⲛⲧⲉⲗⲉⲓⲟⲥ ⲡⲓⲛⲓϣϯ
ⲁⲃⲃⲁ ⲙⲁⲕⲁⲣⲓⲟⲥ.
ⲙⲉⲛⲉⲛⲥⲁ ⲟⲩⲥⲏⲟⲩ ⲗⲟⲓⲡⲟⲛ ⲁⲩϣϫⲉⲙϫⲟⲙ ⲛⲉⲙⲓ ⲉⲡⲓⲙⲁ ⲉⲧⲁⲩⲭⲁ
ⲡⲥⲱⲙⲁ ⲙⲡⲉⲑⲟⲩⲁⲃ ⲛϧⲏⲧϥ ⲛϫⲉ ⲛⲓⲣⲉⲙ ⲡϫⲓϫⲃⲏⲣ ⲉⲡⲓϯⲙⲓ ⲡⲉ ⲙⲡⲓⲁⲅⲓⲟⲥ
ⲕⲁⲧⲁ ⲫⲣⲏϯ ⲉⲧⲁⲩⲟⲩⲟⲛϩⲥ ⲉⲃⲟⲗ ϧⲉⲛ ⲧⲁⲣⲭⲏ ⲙⲡⲓⲇⲓⲏⲅⲏⲙⲁ. ⲟⲩⲟϩ ⲁⲩⲓ
ⲉϧⲣⲏⲓ ⲉϣⲓⲏⲧ ϧⲉⲛ ⲟⲩϩⲱⲡ ⲙⲙⲟⲛ ϩⲗⲓ ⲉⲙⲓ ⲉⲣⲱⲟⲩ ⲟⲩⲟϩ ⲁⲩⲱⲗⲓ ⲙⲡⲥⲱ‐
ⲙⲁ ⲙⲡⲉⲛⲙⲁⲕⲁⲣⲓⲟⲥ ⲛⲓⲱⲧ ⲉⲡⲓϯⲙⲓ ϩⲱⲥ ⲕⲁⲧⲁ ⲟⲩϯⲙⲁϯ ⲟⲩⲟϩ ⲉⲧⲁⲩⲕⲟⲥϥ
ϧⲉⲛ ⲟⲩⲙⲡϣⲁ ⲁⲩⲑⲁⲙⲓⲟ ⲛⲟⲩⲛⲓϣϯ ⲛⲅⲗⲱⲥⲥⲟⲕⲟⲙⲓⲟⲛ ⲉⲃⲟⲗϧⲉⲛ ϩⲁⲛ
ϣⲉ ⲛⲁⲛⲁⲅⲕⲁⲓⲟⲛ ⲟⲩⲟϩ ⲡⲁⲓⲣⲏϯ ⲁⲩⲭⲱ ⲙⲡⲉϥⲥⲱⲙⲁ ⲉⲑⲟⲩⲁⲃ ⲛϧⲏⲧϥ.
ⲟⲩⲟϩ ⲙⲉⲛⲉⲛⲥⲁ ϩⲁⲛ ⲕⲟⲩϫⲓ ⲛⲉϩⲟⲟⲩ ⲁⲩⲕⲱⲧ ⲛⲟⲩⲙⲁⲣⲧⲩⲣⲓⲟⲛ ⲥⲁ ⲣⲏⲥ ⲛⲉ‐
ⲙⲉⲛⲧ ⲙⲡⲓϯⲙⲓ ⲉϥⲉⲣ ϣⲟⲣⲡ ⲛϯⲙⲁϯ ⲛⲉⲙⲱⲟⲩ ⲛϫⲉ ⲡⲓⲣⲓⲕⲓ ⲙⲃⲁⲗ ⲛⲧⲉ
ⲫ︦ϯ︦ ⲛⲉⲙ ⲛⲓⲡⲣⲉⲥⲃⲉⲓⲁ ⲛⲧⲉ ⲡⲓⲁⲅⲓⲟⲥ. ⲟⲩⲟϩ ⲉⲧⲁⲩⲥⲉⲗⲥⲱⲗϥ ϧⲉⲛ ⲟⲩⲙⲉⲧ‐
ϩⲟⲩⲟ ⲟⲩⲟϩ ⲁⲩϫⲟⲕϥ ⲉⲃⲟⲗ ϣⲁ ⲥⲟⲩ ⲓ︦ⲅ︦ ⲛⲉⲡⲏⲡ ⲧⲟⲧⲉ ⲗⲟⲓⲡⲟⲛ ⲁⲩⲟⲩⲱⲣⲡ
ⲙⲡⲓⲉⲡⲓⲥⲕⲟⲡⲟⲥ ⲉⲑⲟⲩⲁⲃ ⲛⲧⲉ ⲡⲓⲥⲏⲩ ⲉⲧⲉⲙⲙⲁⲩ ⲉⲩⲉⲣⲁⲓⲧⲉⲓⲛ ⲙⲙⲟϥ ⲉⲡⲁⲓⲕ


### 0070

ⲙⲡⲓⲛⲓ ⲟⲩⲟϩ ⲫⲁⲓ ⲉⲧⲁϥⲓⲛⲓ ⲛⲉⲙⲁϥ ⲛϩⲁⲛ ⲕⲉⲙⲏϣ ⲛⲉⲡⲓⲥⲕⲟⲡⲟⲥ ⲁⲩϫⲱⲕ
ⲉⲃⲟⲗ ϧⲉⲛ ⲟⲩⲡⲉⲧⲥϣⲉ ⲛϯⲗⲉⲓⲧⲟⲩⲣⲅⲓⲁ ⲉⲧⲧⲟⲙⲓ ⲟⲩⲟϩ ⲁⲩⲓⲛⲓ ⲉⲡϣⲱⲓ
ⲛϯⲑⲩⲥⲓⲁ ⲉⲑⲟⲩⲁⲃ ⲟⲩⲟϩ ⲁⲩϯ ⲙⲡⲓⲙⲏϣ ⲧⲏⲣϥ ⲉⲃⲟⲗϧⲉⲛ ⲡⲓⲥⲱⲙⲁ ⲛⲉⲙ
ⲡⲓⲥⲛⲟϥ ⲉⲑⲟⲩⲁⲃ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦︦ⲥ︦ ⲡⲭ︦ⲥ︦ ⲛⲥⲟⲩ ⲓ︦︦ⲇ︦ ⲛⲉⲡⲏⲡ. ⲟⲩⲟϩ ⲗⲟⲓⲡⲟⲛ
ⲙⲉⲛⲉⲛⲥⲁ ⲡⲓϣⲉⲙϣⲓ ⲉⲑⲟⲩⲁⲃ ⲁⲩⲭⲱ ⲉϧⲣⲏⲓ ⲙⲡⲥⲱⲙⲁ ⲙⲡⲓⲁⲅⲓⲟⲥ ⲁⲃⲃⲁ
ⲙⲁⲕⲁⲣⲓⲟⲥ ⲡⲓⲣⲱⲙⲓ ⲛⲇⲓⲕⲁⲓⲟⲥ ϧⲉⲛ ⲟⲩⲙⲉⲑⲙⲏⲓ ϧⲉⲛ ⲟⲩⲙⲁ ⲥⲁ ⲣⲏⲥ
ⲛⲉⲓⲉⲃⲧ ⲙⲡⲓⲧⲟⲡⲟⲥ ⲉⲑⲟⲩⲁⲃ ⲉⲁⲩⲫⲟⲣϫϥ ⲉⲃⲟⲗ ⲉⲫⲗⲟⲅⲟⲥ ⲙⲡⲉϥⲥⲱⲙⲁ
ⲉⲑⲟⲩⲁⲃ ⲫⲁⲓ ⲉⲧⲁⲩϣⲟⲡ ⲛϧⲏⲧϥ ϣⲁ ⲉϧⲟⲩⲛ ⲉϯⲛⲟⲩ ⲛϫⲉ ϩⲁⲛ ⲛⲓϣϯ ⲛϫⲟⲙ
ⲛⲉⲙ ϩⲁⲛ ϣⲫⲏⲣⲓ ⲛⲉⲙ ϩⲁⲛ ⲧⲁⲗϭⲟ ⲉⲩⲟϣ ϩⲓⲧⲉⲛ ϯϫⲟⲙ ⲛⲧⲉ ⲫϯ ⲡⲓ‐
ⲛⲓϣϯ ⲑⲁⲓ ⲉⲧϣⲟⲡ ⲛⲉⲙ ⲡⲉϥⲃⲱⲕ ⲉⲑⲟⲩⲁⲃ ⲁⲃⲃⲁ ⲙⲁⲕⲁⲣⲓⲟⲥ. ⲟⲩⲟϩ ⲗⲟⲓⲡⲟⲡ
ⲉⲧⲁⲩⲉⲣ ⲡⲓⲉϫⲱⲣϩ ⲧⲏⲣϥ ⲉⲑⲛⲏⲟⲩ ⲉⲩⲓⲣⲓ ⲕⲁⲧⲁ ⲟⲩⲁⲕⲟⲗⲟⲩⲑⲉⲓⲁ ⲉⲥⲧⲟⲙⲓ
ⲉⲡⲓϩⲟⲩⲟ ⲛϩⲁⲛ ⲯⲁⲗⲙⲟⲥ ⲛⲉⲙ ϩⲁⲛ ⲥⲙⲟⲩ ⲛⲉⲙ ϩⲁⲛ ϩⲱⲇⲏ ⲙⲡⲛⲁⲧⲓⲕⲟⲛ
ⲁⲩϣⲉ ⲛⲱⲟⲩ ⲉⲛⲟⲩⲙⲁ ⲛϣⲱⲡⲓ ϧⲉⲛ ⲟⲩϩⲉⲓⲣⲏⲛⲏ ⲉⲩϯ ⲱⲟⲩ ⲙⲫϯ ⲛϫⲉ
ⲫⲙⲏϣ ⲛⲛⲓⲉⲡⲓⲥⲕⲟⲡⲟⲥ ⲉⲑⲟⲩⲁⲃ ⲛⲁⲓ ⲉⲧⲁⲩⲑⲱⲟⲩϯ ⲉⲡⲁⲓⲕ ⲙⲡⲓⲧⲟⲡⲟⲥ ⲛⲧⲉ
ⲡⲓⲁⲅⲓⲟⲥ ⲡⲓⲛⲓϣϯ ⲁⲗⲏⲑⲱⲥ ⲁⲃⲃⲁ ⲙⲁⲕⲁⲣⲓⲟⲥ.
ⲛⲁⲓ ⲙⲉⲛ ⲁⲛϫⲟⲧⲟⲩ ϣⲁ ⲡⲁⲓⲙⲁ ⲱ ⲛⲓⲁⲕⲣⲟⲁⲧⲏⲥ ⲙⲙⲁⲓ ⲥⲃⲱ ϩⲱⲥ


### 0071

ⲉⲛⲟⲩⲱⲛϩ ⲛⲱⲧⲉⲛ ⲉⲃⲟⲗ ⲁⲡⲟ ⲙⲉⲣⲟⲩⲥ ⲛⲛⲓϩⲃⲏⲟⲩⲓ ⲉⲧⲧⲁⲓⲏⲟⲩⲧ ⲛⲧⲉ ⲡⲉⲛ‐
ⲓⲱⲧ ⲛⲇⲓⲕⲁⲓⲟⲥ ⲛϩⲣⲏⲓ ϫⲉ ⲟⲩⲛ ϧⲉⲛ ⲛⲁⲓ ⲁⲣⲓ ⲉⲙⲓ ϫⲉ ⲟⲩⲁϣ ⲛⲣⲏϯ ⲧⲉ
ⲧⲡⲟⲗⲓⲧⲉⲓⲁ ⲙⲡⲁⲓⲣⲱⲙⲓ ⲛⲧⲉⲗⲉⲓⲟⲥ ϧⲉⲛ ⲟⲩⲙⲉⲑⲙⲏⲓ ⲕⲁⲓ ⲅⲁⲣ ϧⲉⲛ ⲡⲉⲛ‐
ⲟⲩⲱϣ ⲁⲛⲭⲱ ⲛⲥⲱⲛ ⲛϩⲁⲛ ⲙⲏϣ ⲉⲃⲟⲗϧⲉⲛ ⲛⲓⲙⲏⲓⲛⲓ ⲛⲉⲙ ⲛⲓϣⲫⲏⲣⲓ ⲓⲉ
ⲛⲓⲧⲁⲗϭⲟ ⲉⲩⲟϣ ⲉⲧⲁ ⲫϯ ⲉⲣⲉⲛⲉⲣⲅⲉⲓⲛ ⲙⲙⲱⲟⲩ ⲉⲃⲟⲗϩⲓⲧⲟⲧϥ ϫⲉ ϩⲓⲛⲁ
ⲛⲛⲉ ⲡⲓⲥⲁϫⲓ ⲁϣⲁⲓ ⲉⲡⲓϩⲟⲩⲟ. ⲧⲁⲭⲁ ⲛⲧⲟⲩⲙⲉⲩⲓ ⲉϯⲙⲉⲑⲙⲏⲓ ϫⲉ ⲟⲩⲙⲉⲑ‐
ⲛⲟⲩϫ ⲧⲉ ⲉⲑⲃⲉ ⲡϩⲟⲩⲟ ⲛⲑⲙⲉⲧⲛⲓϣϯ ⲛⲛⲉϥϩⲃⲏⲟⲩⲓ ⲉⲧⲟⲓ ⲛϣⲫⲏⲣⲓ ⲕⲁⲓ
ⲅⲁⲣ ⲁⲗⲏⲑⲱⲥ ⲁϥϭⲓⲥⲓ ⲛⲧⲁⲓϧⲉ ⲧⲏⲣⲥ ϩⲱⲥⲧⲉ ⲛⲧⲉⲛϣⲧⲉⲙϫⲉⲙ ⲕⲉⲟⲩⲁⲓ
ⲙⲡⲉϥⲣⲏϯ ⲉⲁϥⲉⲣ ϩⲓⲥⲟⲥ ⲛⲉⲙⲁϥ ⲓⲉ ⲣⲱ ⲛⲥⲉϫⲟⲥ ϫⲉ ⲁϥϭⲓⲥⲓ ⲉⲣⲟϥ. ⲛⲓⲙ
ⲇⲉ ⲟⲩⲛ ⲡⲉ ⲉⲧⲁϥϣⲱⲡⲓ ⲉϥⲧⲉⲛⲑⲱⲛⲧ ⲉⲣⲟϥ ϧⲉⲛ ⲡⲓⲥⲏⲟⲩ ⲉⲧⲉⲙⲙⲁⲩ ϧⲉⲛ
ⲛⲉϥⲡⲟⲗⲓⲧⲉⲓⲁ ⲉⲧϭⲟⲥⲓ ⲛⲉⲙ ⲡⲉϥⲛⲁϩϯ ⲛⲁⲕⲣⲓⲃⲏⲥ ⲓⲉ ⲛⲑⲟϥ ⲡⲉϥϭⲓ ϣϣⲱⲟⲩ
ⲉϧⲟⲩⲛ ⲉⲫϯ ⲛⲉⲙ ⲧⲉϥⲥⲩⲛⲉⲓⲇⲏⲥⲓⲥ ⲉⲧⲧⲟⲩⲃⲏⲟⲩⲧ ⲉϧⲟⲩⲛ ⲉⲟⲩⲟⲛ ⲛⲓⲃⲉⲛ.
ⲛⲓⲙ ⲇⲉ ⲟⲛ ⲡⲉ ⲉⲧⲁϥϣⲱⲡⲓ ⲉϥⲟⲛⲓ ⲙⲙⲟϥ ϧⲉⲛ ⲡⲉϥⲑⲉⲃⲓⲟ ⲉⲧⲟϣ ⲫⲁⲓ ⲉⲃⲟⲗ‐
ϩⲓⲧⲟⲧϥ ⲁϥϧⲟⲙϧⲉⲙ ⲟⲩⲟϩ ⲁϥⲟⲩⲱϫⲡ ⲛⲛⲓϩⲟⲡⲗⲟⲛ ⲧⲏⲣⲟⲩ ⲛⲧⲉ ⲧϫⲟⲙ
ⲙⲡⲓϫⲁϫⲓ ⲟⲩⲟϩ ⲁϥϫⲱⲣ ⲉⲃⲟⲗ ⲛⲧⲉϥⲡⲁⲛⲟⲡⲗⲓⲁ ⲉⲧⲉϥⲧⲁϫⲣⲏⲟⲩⲧ ⲛϧⲏⲧⲥ
ϩⲓⲧⲉⲛ ⲛⲓϧⲱⲕ ⲛⲧⲉ ⲧϧⲉⲗⲡⲓ ⲛⲧⲉϥⲛⲉϫⲓ ⲙⲫⲣⲏϯ ⲉⲧⲁϥϫⲟⲥ ⲛϫⲉ ⲡⲟ︦ⲥ︦ ⲛⲁϩⲣⲉⲛ


### 0072

ⲡⲓⲛⲓϣϯ ϩⲱϥ ⲉⲧⲉⲙⲙⲁⲩ ⲓⲱⲃ ⲉϥⲥⲁϫⲓ ⲉⲑⲃⲉ ⲡⲓⲇⲓⲁⲃⲟⲗⲟⲥ ϫⲉ ⲧⲉϥϫⲟⲙ
ⲁⲥⲭⲏ ϧⲉⲛ ⲧⲉϥϯⲡⲓ ⲟⲩⲟϩ ⲧⲉϥⲛⲟⲙϯ ϧⲉⲛ ϯϧⲉⲗⲡⲓ ⲛⲧⲉ ⲧⲉϥⲛⲉϫⲓ ⲫⲁⲓ
ⲉⲧⲁϥϧⲟⲙϧⲉⲙ ⲛⲁϩⲣⲉⲛ ⲡⲁⲓⲁⲅⲓⲟⲥ ⲟⲩⲟϩ ⲁⲩϭⲟϫⲓ ⲛⲥⲱϥ ϩⲓⲧⲉⲛ ϯϫⲟⲙ
ⲛⲧⲉ ⲫ︦ϯ︦ ⲉⲧⲭⲏ ⲛⲉⲙⲁϥ. ⲛⲓⲙ ⲇⲉ ⲟⲛ ⲉⲧⲁϥϯ ⲭⲁⲗⲓⲛⲟⲩⲥ ⲙⲡⲓⲑⲏⲣⲓⲟⲛ ⲉⲧ‐
ϩⲱⲟⲩ ⲉⲧⲉ ⲡⲓϫⲱⲛⲧ ⲡⲉ ⲙⲫⲣⲏϯ ⲙⲫⲁⲓ ⲓⲉ ⲛⲓⲙ ⲡⲉ ⲉⲧⲁϥϫⲫⲟ ⲛⲁϥ ⲛⲟⲩ‐
ⲙⲉⲧⲣⲉⲙⲣⲁⲩϣ ⲉϧⲟⲩⲛ ⲉⲟⲩⲟⲛ ⲛⲓⲃⲉⲛ ϧⲉⲛ ⲟⲩϩⲓⲥⲟⲛ ⲛⲟⲩⲱⲧ ⲙⲫⲣⲏϯ
ⲙⲡⲁⲓⲁⲅⲓⲟⲥ. ⲛⲓⲙ ⲇⲉ ⲟⲛ ⲡⲉ ⲉⲧⲁϥϧⲱⲧⲉⲃ ⲛϯⲙⲉⲧϭⲁⲥⲓ ϩⲏⲧ ⲑⲃⲟϯ ⲙⲫ︦ϯ︦
ⲙⲫⲣⲏϯ ⲙⲫⲁⲓ ⲓⲉ ϯⲙⲉⲧϣⲟⲩϣⲟ ⲑⲁⲓ ⲉⲧϣⲟⲣϣⲉⲣ ⲙⲡϭⲓⲥⲓ ⲛⲑⲙⲉⲧⲉⲩⲅⲛⲱ‐
ⲙⲟⲛ ⲛϯⲯⲩⲭⲏ ⲙⲫⲣⲏϯ ⲙⲡⲁⲓⲙⲁⲕⲁⲣⲓⲟⲥ. ⲁⲡⲁⲝ ⲁⲡⲗⲱⲥ ⲛⲓⲙ ⲡⲉ ⲉⲧⲁϥ‐
ϣⲟⲣϣⲉⲣ ⲛⲧⲡⲣⲁⲅⲙⲁⲧⲉⲓⲁ ⲧⲏⲣⲥ ⲙⲡⲓϫⲁϫⲓ ⲟⲩⲟϩ ⲁϥⲁⲓⲧⲟⲩ ⲛⲥⲣⲁϩ ⲛϧⲣⲏⲓ
ⲛϧⲏⲧϥ ⲟⲩⲟϩ ⲁϥⲟⲩⲟⲛϩⲟⲩ ⲉⲃⲟⲗ ⲛϧⲣⲏⲓ ⲛϧⲏⲧϥ ϩⲱⲥ ⲁⲧϣⲁⲩ ⲟⲩⲟϩ ⲛⲣⲉϥ‐
ⲧⲁⲕⲟ ⲛⲧⲉ ⲛⲓⲣⲱⲙⲓ ⲙⲡⲓⲣⲏϯ ⲉⲧⲁϥⲁⲓⲥ ⲛϫⲉ ⲡⲁⲓⲣⲱⲙⲓ ⲛⲑⲙⲏⲓ ⲕⲁⲓ ⲅⲁⲣ ⲁϥ‐
ϩⲓⲟⲩⲓ ⲉⲃⲟⲗϩⲁⲣⲟϥ ϩⲓⲧⲉⲛ ⲧⲃⲟⲏⲑⲉⲓⲁ ⲙⲡⲉⲧϭⲟⲥⲓ ⲛⲛⲓⲕⲁⲕⲟⲇⲟⲝⲓⲁ ⲧⲏⲣⲟⲩ
ⲛⲧⲉ ⲑⲙⲉⲧⲧⲩⲣⲁⲛⲛⲟⲥ ⲙⲡⲓⲇⲓⲁⲃⲟⲗⲟⲥ ϩⲓⲧⲉⲛ ⲡⲁϣⲁⲓ ⲛⲛⲉϥⲧⲱⲃϩ ⲛⲉⲙ ⲛⲉϥ‐
ⲉⲣⲙⲱⲟⲩⲓ ⲉⲧⲟϣ ⲉⲧⲉⲛⲁϥⲓⲣⲓ ⲙⲙⲱⲟⲩ. ⲉⲛⲥⲱⲧⲉⲙ ⲇⲉ ⲟⲩⲛ ⲉⲛⲁⲓ ⲱ ⲛⲁ‐
ⲙⲉⲛⲣⲁϯ ⲙⲁⲣⲉ ⲫⲟⲩⲁⲓ ⲫⲟⲩⲁⲓ ⲙⲙⲟⲛ ⲟⲩⲱⲛϩ ⲉⲃⲟⲗ ⲛⲧⲁⲓⲥⲡⲟⲩⲇⲏ ⲛϧⲣⲏⲓ
ⲛϧⲏⲧϥ ϧⲉⲛ ⲡϫⲱⲕ ⲛⲧⲉ ⲧⲁⲓϩⲉⲗⲡⲓⲥ ϣⲁ ϧⲁⲉ ϩⲱⲥ ⲛϫⲟⲩϣⲧ ϫⲉ ⲟⲩⲛ ϯⲛⲟⲩ


### 0073

ⲉⲧⲁⲛⲁⲥⲧⲣⲟⲫⲏ ⲙⲡⲁⲓⲣⲱⲙⲓ ⲛⲧⲉⲗⲉⲓⲟⲥ ⲁⲓⲥⲁϫⲓ ⲉⲡⲉⲛⲙⲁⲕⲁⲣⲓⲟⲥ ⲛⲓⲱⲧ
ⲙⲁⲣⲉⲛⲓⲛⲓ ⲙⲫ︦ϯ︦ ⲛⲛⲓⲕⲁⲣⲡⲟⲥ ⲛⲧⲉ ⲡⲓⲡ︦ⲛ︦ⲁ︦ ⲡⲣⲟⲥ ⲛⲏ ⲉⲧⲁⲛⲛⲁⲩ ⲉⲣⲱⲟⲩ
ⲛϧⲣⲏⲓ ϧⲉⲛ ⲡⲉϥⲃⲓⲟⲥ ⲛϣⲫⲏⲣⲓ ⲉⲁⲛⲉⲣⲍⲱⲅⲣⲁⲫⲉⲓⲛ ⲙⲙⲱⲟⲩ ⲁⲙⲁ ⲛⲁϩ‐
ⲣⲉⲛ ⲛⲉⲛⲃⲁⲗ ⲛⲥⲏⲟⲩ ⲛⲓⲃⲉⲛ ⲟⲩⲟϩ ϧⲉⲛ ⲛⲁⲓ ⲙⲁⲣⲉⲛⲧⲁⲟⲩⲟ ⲉⲃⲟⲗ ⲛⲛⲓⲟⲩ‐
ⲧⲁϩ ⲉⲧⲉⲣⲡⲣⲉⲡⲉⲓ ⲙⲡⲓⲃⲓⲟⲥ ⲛⲥⲉⲙⲛⲟⲛ ⲉⲧⲁϥⲑⲁϩⲙⲉⲛ ⲉⲣⲟϥ ⲛϫⲉ ⲡⲭ︦ⲥ︦
ⲡⲉⲛⲛⲟⲩϯ ϩⲓⲧⲉⲛ ⲛⲓⲡⲣⲉⲥⲃⲉⲓⲁ ⲛⲧⲉ ⲡⲉⲛⲁⲅⲓⲟⲥ ⲛⲓⲱⲧ ⲛⲉⲙ ⲧⲉϥⲥⲃⲱ ⲉⲟⲩⲥⲟⲡ
ⲡⲣⲟⲥ ⲛⲏ ⲉⲧⲁϥϭⲓ ⲙⲱⲓⲧ ⲛⲁⲛ ⲉⲣⲱⲟⲩ ⲟⲩⲟϩ ⲁϥϯ ⲫⲟⲩⲱⲓⲛⲓ ⲛⲁⲛ ⲡϧⲏⲧⲟⲩ
ϩⲓⲧⲉⲛ ⲧⲉϥⲛⲓϣϯ ⲙⲙⲉⲧⲉⲩⲫⲩⲏⲥ ⲉϧⲟⲩⲛ ⲉⲛⲓⲁⲣⲉⲧⲏ ⲕⲁⲧⲁ ⲫ︦ϯ︦. ⲕⲁⲓ ⲅⲁⲣ
ⲁϥϣⲱⲡⲓ ϩⲱϥ ⲛⲟⲩⲁⲡⲟⲥⲧⲟⲗⲟⲥ ϧⲉⲛ ⲡⲉϥⲥⲏⲟⲩ ⲟⲩⲟϩ ⲙⲡⲉϥϣⲱⲡⲓ ⲉϥϫⲟ‐
ϫⲉⲃ ⲉⲛⲓⲛⲓϣϯ ⲉⲧⲉⲙⲙⲁⲩ ⲡⲉⲧⲣⲟⲥ ⲛⲉⲙ ⲓⲱϩⲁⲛⲛⲏⲥ ⲛⲏ ⲉⲑⲟⲩⲁⲃ ⲛⲁⲡⲟⲥⲧⲟ‐
ⲗⲟⲥ ϧⲉⲛ ϩⲗⲓ ⲛϩⲱⲃ ϩⲓⲧⲉⲛ ⲛⲏ ⲉⲧⲁⲛⲛⲁⲩ ⲉⲣⲱⲟⲩ ⲛⲛⲉⲛⲃⲁⲗ ⲛⲉⲙ ⲛⲏ
ⲉⲧⲁⲛⲥⲟⲑⲙⲟⲩ ϩⲓⲧⲉⲛ ϩⲁⲛ ⲕⲉⲭⲱⲟⲩⲛⲓ ⲉⲩⲉⲛϩⲟⲧ ⲛⲁⲓ ⲉⲧⲉ ⲛⲁ ϯⲛⲟⲩ ⲁⲛ ⲛⲉ
ⲉⲥⲁϫⲓ ⲉⲣⲱⲟⲩ ⲕⲁⲧⲁ ⲙⲉⲣⲟⲥ ⲉⲑⲃⲉ ϫⲉ ⲟⲩϣⲓ ϧⲉⲛ ϩⲱⲃ ⲛⲓⲃⲉⲛ ϥⲥⲟⲧⲡ ⲛⲁϩ‐
ⲣⲉⲛ ⲫ︦ϯ︦ ⲟⲩⲁⲓ ⲙⲉⲛ ⲟⲩⲛ ϫⲉ ϯⲛⲟⲩ ⲙⲙⲟⲛ ⲙⲁⲣⲉϥⲓⲛⲓ ⲉϧⲟⲩⲛ ⲙⲫ︦ϯ︦ ⲛⲟⲩ‐
ⲙⲉⲧⲛⲁⲏⲧ ϧⲉⲛ ⲟⲩⲃⲁⲗ ⲙⲙⲉⲧⲁⲅⲁⲑⲟⲥ ⲡⲣⲟⲥ ⲑⲏ ⲉⲧⲉ ⲑⲱϥ ⲛϫⲟⲙ ⲕⲉⲟⲩⲁⲓ
ⲛⲟⲩⲁⲅⲁⲡⲏ ⲉⲫ︦ϯ︦ ⲛⲉⲙ ⲟⲩⲙⲉⲓ ⲛϩⲏⲧ ⲉϧⲟⲩⲛ ⲉⲛⲉϥϣⲫⲏⲣ ⲙⲙⲉⲗⲟⲥ ⲟⲩⲁⲓ


### 0074

ⲛⲟⲩⲁⲥⲕⲏⲥⲓⲥ ⲉⲥⲥⲁⲃⲟⲗ ⲙⲙⲉⲧⲣⲱⲙⲓ ⲕⲉⲟⲩⲁⲓ ⲛⲟⲩϣⲣⲱⲓⲥ ⲉⲛⲁⲛⲉϥ ϧⲉⲛ
ⲟⲩϣⲓ ⲛⲉⲙ ⲟⲩⲣⲱⲓⲥ ⲟⲩⲁⲓ ⲛⲟⲩϣⲗⲏⲗ ⲉϥⲧⲟⲩⲃⲏⲟⲩⲧ ⲕⲉⲟⲩⲁⲓ ⲛⲟⲩⲙⲉⲑⲙⲏⲓ
ⲛⲧⲉ ⲡⲓⲗⲁⲥ ⲟⲩⲁⲓ ⲛⲟⲩⲧⲟⲩⲃⲟ ⲛⲧⲉ ⲡⲓⲥⲱⲙⲁ ⲛⲉⲙ ϯⲯⲩⲭⲏ ⲕⲉⲟⲩⲁⲓ ⲛⲟⲩⲉⲅ‐
ⲕⲣⲁⲧⲉⲓⲁ ⲛⲉⲙ ⲟⲩⲥⲩⲛⲉⲓⲇⲏⲥⲓⲥ ⲉⲛⲁⲛⲉⲥ ⲉϧⲟⲩⲛ ⲉⲟⲩⲟⲛ ⲛⲓⲃⲉⲛ ⲛϥϯ ϭⲣⲟⲡ
ⲁⲛ ⲛϩⲗⲓ ϫⲉ ⲛⲛⲉ ⲡⲉϥϣⲉⲙϣⲓ ⲑⲱⲗⲉⲃ. ⲁⲡⲗⲱⲥ ⲙⲁⲣⲉ ⲫⲟⲩⲁⲓ ⲫⲟⲩⲁⲓ
ⲙⲙⲟⲛ ϣⲱⲡⲓ ⲉϥⲥⲉⲃⲧⲱⲧ ⲡⲣⲟⲥ ⲛⲏ ⲉⲧⲁⲛϫⲟⲧⲟⲩ ϯⲛⲟⲩ ϫⲉ ϩⲓⲛⲁ ⲉϥⲉⲛⲁⲩ
ⲛϫⲉ ⲡⲉⲛⲙⲁⲕⲁⲣⲓⲟⲥ ⲛⲓⲱⲧ ⲉⲛⲁⲓⲕⲁⲣⲡⲟⲥ ⲉⲑⲛⲁⲛⲉⲩ ⲉⲩϯ ⲟⲩⲧⲁϩ ⲛϧⲏⲧⲉⲛ
ⲟⲩⲟϩ ⲉⲩⲉⲣⲗⲁⲙⲡⲉⲓⲛ ϧⲉⲛ ⲡⲉⲛⲃⲓⲟⲥ ⲛⲥⲏⲟⲩ ⲛⲓⲃⲉⲛ ⲟⲩⲟϩ ⲛⲧⲉϥϯ ϩⲟ ⲉϩⲣⲏⲓ
ⲉϫⲱⲛ ϧⲁⲧⲉⲛ ⲫⲏ ⲉⲧⲉϥϧⲁⲧⲟⲧϥ ⲡⲭ︦ⲥ︦ ϫⲉ ϩⲓⲛⲁ ⲭⲁⲥ ⲉⲩⲉϩⲟⲡⲧⲉⲛ ⲛⲉⲙⲁϥ
ϩⲱⲛ ϧⲉⲛ ⲛⲓⲙⲁ ⲉⲧⲁϥϣⲁϣⲛⲓ ⲉⲣⲱⲟⲩ ⲛϩⲣⲏⲓ ϧⲉⲛ ⲑⲙⲉⲧⲟⲩⲣⲟ ⲛⲛⲓⲫⲏⲟⲩⲓ
ⲉⲑⲙⲏⲛ ⲉⲃⲟⲗ ⲛⲁⲓ ⲉⲥⲉϣⲱⲡⲓ ⲛⲁⲛ ⲉⲑⲣⲉⲛϣⲁϣⲛⲓ ⲉⲣⲱⲟⲩ ⲛⲉⲙⲁϥ ⲉⲟⲩⲥⲟⲡ
ϧⲉⲛ ⲡⲓϩⲙⲟⲧ ⲛⲉⲙ ⲛⲓⲙⲉⲧϣⲉⲛϩⲏⲧ ⲛⲉⲙ ϯⲙⲉⲧⲙⲁⲓⲣⲱⲙⲓ ⲛⲧⲉ ⲡⲉⲛⲟ︦ⲥ︦
ⲟⲩⲟϩ ⲡⲉⲛⲛⲟⲩϯ ⲟⲩⲟϩ ⲡⲉⲛⲥⲱⲧⲏⲣ ⲓⲏ︦ⲥ︦ ⲡⲭ︦ⲥ︦ ⲫⲁⲓ ⲉⲧⲉ ⲉⲃⲟⲗϩⲓⲧⲟⲧϥ ⲉⲣⲉ
ⲱⲟⲩ ⲛⲓⲃⲉⲛ ⲛⲉⲙ ⲧⲁⲓⲟ ⲛⲓⲃⲉⲛ ⲛⲉⲙ ⲡⲣⲟⲥⲕⲩⲛⲏⲥⲓⲥ ⲛⲓⲃⲉⲛ ⲉⲣⲡⲣⲉⲡⲉⲓ ⲙⲫⲓⲱⲧ
ⲛⲉⲙⲁϥ ⲛⲉⲙ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲛⲣⲉϥⲧⲁⲛϧⲟ ⲟⲩⲟϩ ⲛⲟⲙⲟⲟⲩⲥⲓⲟⲥ ⲛⲉⲙⲁϥ
ϯⲛⲟⲩ ⲛⲉⲙ ⲛⲥⲏⲟⲩ ⲛⲓⲃⲉⲛ ⲛⲉⲙ ϣⲁ ⲉⲛⲉϩ ⲛⲧⲉ ⲛⲓⲉⲛⲉϩ ⲧⲏⲣⲟⲩ ⲁⲙⲏⲛ.