### 0001

ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ
(-ⲁ̄-) ⲁϥϫⲟⲥ ⲉⲑⲃⲏⲧϥ ⲛⲟⲩⲥⲟⲡ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉϥϫⲱ ⲙⲙⲟⲥ
ϫⲉ ϩⲟⲧⲉ ⲛⲉⲓⲟⲓ ⲛⲁⲗⲟⲩ ⲛⲁⲓϩⲉⲙⲥⲓ ⲡⲉ ϧⲉⲛ ⲟⲩⲣⲓ ϧⲉⲛ ⲭⲏⲙⲓ ⲁⲩⲁⲙⲟⲛⲓ
ⲙⲙⲟⲓ ⲁⲩⲁⲓⲧ ⲛⲕⲗⲏⲣⲓⲕⲟⲥ ⲉⲡⲓϯⲙⲓ ⲟⲩⲟϩ ⲉⲓⲟⲩⲱϣ ⲁⲛ ⲉϣⲉⲡ ⲡⲓϩⲱⲃ ⲉⲣⲟⲓ
ⲁⲓⲫⲱⲧ ⲉⲕⲉⲧⲟⲡⲟⲥ ⲟⲩⲟϩ ⲁϥⲓ ϩⲁⲣⲟⲓ ⲛϫⲉ ⲟⲩⲕⲟⲥⲙⲓⲕⲟⲥ ⲉϥⲉⲣ ϩⲟϯ ϧⲁ ⲧϩⲏ
ⲙⲫ︦ϯ︦ ⲁϥⲱⲗⲓ ⲙⲡⲁϩⲱⲃ ⲛϫⲓϫ ⲁϥⲉⲣⲇⲓⲁⲕⲟⲛⲉⲓⲛ ⲛⲏⲓ. ⲁⲥϣⲱⲡⲓ ⲇⲉ ⲉⲃⲟⲗ‐
ϩⲓⲧⲉⲛ ⲟⲩⲡⲉⲓⲣⲁⲥⲙⲟⲥ ⲛⲧⲉ ⲟⲩⲡⲁⲣⲑⲉⲛⲟⲥ ⲉⲁⲥϩⲉⲓ ϧⲉⲛ ⲡⲓϯⲙⲓ ⲟⲩⲟϩ ⲁⲥⲉⲣ
ⲃⲟⲕⲓ ⲡⲉϫⲱⲟⲩ ⲛⲁⲥ ϫⲉ ⲛⲓⲙ ⲡⲉ ⲉⲧⲁϥⲁⲓⲥ ⲛⲉ. ⲛⲑⲟⲥ ⲇⲉ ⲡⲉϫⲁⲥ ϫⲉ ⲡⲓⲁⲛⲁ‐
ⲭⲱⲣⲏⲧⲏⲥ ⲡⲉ. ⲟⲩⲟϩ ⲉⲧⲁⲩⲓ ⲉⲃⲟⲗ ⲁⲩⲁⲙⲟⲛⲓ ⲙⲙⲟⲓ ⲁⲩⲉⲛⲧ ⲉⲡⲓϯⲙⲓ ⲟⲩⲟϩ
ⲁⲩⲓϣⲓ ⲛϩⲁⲛ ⲕⲉϣⲓⲱ ⲉⲩⲟϣϫ ⲛⲕⲉⲣⲙⲓ ⲉϧⲏⲧ ⲛⲉⲙ ϩⲁⲛ ⲙⲁϣϫ ⲛⲕⲟⲩⲫⲟⲛ
ⲛⲁⲩⲕⲱϯ ⲛⲉ ⲛⲏⲓ ⲡⲉ ϧⲉⲛ ⲡⲓϯⲙⲓ ⲉⲩϩⲓⲟⲩⲓ ⲉⲣⲟⲓ ⲕⲁⲧⲁ ϧⲓⲣ ⲉⲩϫⲱ ⲙⲙⲟⲥ


### 0002

ϫⲉ ⲁ ⲡⲁⲓⲙⲟⲛⲁⲭⲟⲥ ⲥⲉϥ ⲧⲉⲛϣⲉⲉⲣⲓ ⲉⲣⲟϥ ⲟⲩⲟϩ ⲁⲩ‐ (-ⲃ︦-) ϩⲓⲟⲩⲓ ⲉⲣⲟⲓ
ⲉⲑⲣⲓⲙⲟⲩ ϣⲁⲧⲉⲛ ⲕⲉⲕⲟⲩϫⲓ. ⲉⲧⲁϥⲓ ⲛϫⲉ ⲟⲩϧⲉⲗⲗⲟ ⲡⲉϫⲁϥ ⲛⲱⲟⲩ ϫⲉ ϣⲁ
ⲑⲛⲁⲩ ⲧⲉⲧⲉⲛϧⲱⲧⲉⲃ ⲙⲡⲓϧⲉⲗⲗⲟ ⲙⲙⲟⲛⲁⲭⲟⲥ. ⲫⲏ ⲇⲉ ⲉⲧⲉⲣⲇⲓⲁⲕⲟⲛⲉⲓⲛ
ⲛⲏⲓ ⲛⲁϥⲙⲟϣⲓ ⲛⲥⲱⲓ ⲡⲉ ⲉϥϣⲫⲓⲧ ⲛⲉϣⲁⲩⲉⲣ ⲟⲩⲙⲏϣ ⲛϩⲱⲟⲩϣ ⲉⲣⲟϥ ⲡⲉ
ⲉⲩϫⲱ ⲙⲙⲟⲥ ϫⲉ ⲓⲥ ⲡⲓⲁⲛⲁⲭⲱⲣⲏⲧⲏⲥ ⲫⲏ ⲛⲑⲟⲕ ⲉⲧⲉⲕⲉⲣ ⲙⲉⲑⲣⲉ ⲉⲑⲃⲏⲧϥ
ϫⲉ ⲁϥⲉⲣ ⲟⲩ. ⲟⲩⲟϩ ⲡⲉϫⲉ ⲛⲉⲥⲓⲟϯ ϫⲉ ⲧⲉⲛⲛⲁⲭⲁϥ ⲉⲃⲟⲗ ⲁⲛ ϣⲁⲧⲉϥϯ
ⲡϣⲧⲱⲣⲓ ⲉϣⲁⲛⲟⲩϣⲥ. ⲁⲓϫⲟⲥ ⲙⲫⲏ ⲉⲧⲉⲣⲇⲓⲁⲕⲟⲛⲉⲓⲛ ⲛⲏⲓ ⲁϥⲉⲣ ⲡϣⲧⲱⲣⲓ
ⲙⲙⲟⲓ ⲟⲩⲟϩ ⲉⲧⲁⲓϣⲉ ⲛⲏⲓ ⲉⲧⲁⲣⲓ ⲛⲏ ⲉⲧⲉ ⲛⲧⲟⲧ ⲙⲃⲓⲣ ⲁⲓⲧⲏⲓⲧⲟⲩ ⲛⲁϥ ⲉⲓϫⲱ
ⲙⲙⲟⲥ ϫⲉ ⲙⲏⲓⲧⲟⲩ ⲉⲃⲟⲗ ⲙⲏⲓⲧⲟⲩ ⲛⲧⲁⲥϩⲓⲙⲓ ⲛⲧⲉⲥⲟⲩⲱⲙ. ⲟⲩⲟϩ ⲛⲁⲓϫⲱ
ⲙⲙⲟⲥ ⲙⲡⲁⲙⲉⲩⲓ ϫⲉ ⲙⲁⲕⲁⲣⲓⲟⲥ ϩⲏⲡⲡⲉ ⲁⲕϫⲉⲙ ⲟⲩⲥϩⲓⲙⲓ ⲛⲁⲕ ⲥⲉⲣ
ⲭⲣⲉⲓⲁ ⲛⲧⲉⲕⲉⲣ ϩⲱⲃ ⲛⲟⲩⲕⲟⲩϫⲓ ⲛϩⲟⲩⲟ ϩⲓⲛⲁ ⲛⲧⲉⲕϣⲁⲛⲟⲩϣⲥ. ⲟⲩⲟϩ
ⲛⲁⲓⲉⲣ ϩⲱⲃ ⲛⲉϫⲱⲣϩ ⲛⲉⲙ ⲙⲉⲣⲓ ⲉⲓⲟⲩⲱⲣⲡ ⲛⲁⲥ. ϩⲟⲧⲉ ⲇⲉ ⲉⲧⲁϥⲓ ⲛϫⲉ
ⲡⲥⲏⲟⲩ ⲛϯⲧⲁⲗⲁⲓⲡⲱⲣⲟⲥ ⲉⲑⲣⲉⲥⲙⲓⲥⲓ ⲉⲧⲁⲥϭⲓ ⲙⲕⲁϩ ⲛⲟⲩⲙⲏϣ ⲛϩⲟⲩⲟ
ⲙⲡⲉⲥⲙⲓⲥⲓ (-ⲅ̄-) ⲡⲉϫⲱⲟⲩ ⲛⲁⲥ ϫⲉ ⲟⲩ ⲡⲉ ⲫⲁⲓ. ⲛⲑⲟⲥ ⲇⲉ ⲡⲉϫⲁⲥ ϫⲉ ϯⲉⲙⲓ
ⲁⲛⲟⲕ ⲉⲫⲙⲁ ϫⲉ ⲁⲓϭⲓ ⲡⲓⲁⲛⲁⲭⲱⲣⲏⲧⲏⲥ ⲛϫⲟⲛⲥ ⲟⲩⲟϩ ⲁⲓϩⲓⲗⲁ ⲛⲛⲟⲩϫ


### 0003

ⲉⲣⲟϥ ⲫⲁⲓ ⲙⲙⲟⲛ ϩⲱⲃ ⲛⲧⲁϥ ⲁⲗⲗⲁ ⲡⲁⲫⲙⲁⲛ ⲛϧⲉⲗϣⲓⲣⲓ ⲁϥⲑⲣⲓⲉⲣ ⲃⲟⲕⲓ.
ⲉⲧⲁϥⲓ ⲇⲉ ⲉⲃⲟⲗ ⲛϫⲉ ⲫⲏ ⲉⲧⲉⲣⲇⲓⲁⲕⲟⲛⲉⲓⲛ ⲛⲏⲓ ⲉϥⲣⲁϣⲓ ⲛⲁϥϫⲱ ⲙⲙⲟⲥ
ⲡⲉ ϫⲉ ⲙⲡⲉⲥϣϫⲉⲙϫⲟⲙ ⲙⲙⲓⲥⲓ ⲛϫⲉ ϯⲡⲁⲣⲑⲉⲛⲟⲥ ϣⲁⲧⲉⲥⲉⲣⲟⲙⲟⲗⲟⲅⲉⲓⲛ
ⲉⲥϫⲱ ⲙⲙⲟⲥ ϫⲉ ⲙⲙⲟⲛ ϩⲱⲃ ⲛⲧⲉ ⲡⲓⲁⲛⲁⲭⲱⲣⲏⲧⲏⲥ ⲁⲗⲗⲁ ⲁⲓϫⲉ ⲙⲉⲑ‐
ⲛⲟⲩϫ ⲉⲣⲟϥ ϩⲏⲡⲡⲉ ⲓⲥ ⲡⲓϯⲙⲓ ⲧⲏⲣϥ ⲥⲉⲟⲩⲱϣ ⲉⲓ ⲛⲉⲙ ⲟⲩⲱⲟⲩ ⲉϯⲙⲉⲧⲁ‐
ⲛⲟⲓⲁ ⲛⲁⲕ. ⲁⲛⲟⲕ ⲇⲉ ⲉⲧⲁⲓⲥⲱⲧⲉⲙ ⲉⲛⲁⲓ ϩⲓⲛⲁ ⲛⲧⲉϣⲧⲉⲙ ⲛⲓⲣⲱⲙⲓ ϯ ϧⲓⲥⲓ
ⲛⲏⲓ ⲁⲓⲧⲱⲛⲧ ⲁⲓⲫⲱⲧ ⲁⲓⲓ ⲉⲙⲛⲁⲓ ⲉϣⲓⲏⲧ ⲑⲁⲓ ⲉⲧⲉ ⲧⲁⲣⲭⲏ ⲙⲡⲓϩⲱⲃ ⲉⲧⲁⲓⲓ
ⲙⲛⲁⲓ ⲉⲑⲃⲏⲧϥ.
ϩⲁⲛ ϩⲉⲗⲗⲟⲓ ⲁⲩϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲛⲭⲏⲙⲓ ϫⲉ ⲉϣⲱⲡ
ⲉⲕⲟⲩⲱⲙ ⲓⲉ ⲉϣⲱⲡ ⲉⲕⲉⲣⲛⲏⲥⲧⲉⲩⲉⲓⲛ ⲡⲉⲕⲥⲱⲙⲁ ⲛⲑⲟϥ ⲛⲑⲟϥ ⲡⲉ ⲉϥϣⲟⲩ‐
ⲱⲟⲩ. ⲡⲉϫⲉ ⲡⲓϧⲉⲗⲗⲟ ⲛⲱⲟⲩ ϫⲉ ⲡⲓϣⲉ ⲉⲧⲫⲱⲛϩ ⲛⲛⲓⲗⲉⲃϣ ϧⲉⲛ ⲡⲓⲭⲣⲱⲙ
ⲡⲓⲭⲣⲱⲙ ⲟⲩⲱⲙ ⲛⲥⲱϥ ⲉϥⲙⲏⲛ ⲡⲁⲓⲣⲏϯ ⲉϣⲱⲡ ⲛⲧⲉ ⲡⲓⲣⲱⲙⲓ ⲧⲟⲩⲃⲟ
ⲙⲡⲉϥϩⲏⲧ ⲉ- (-ⲇ-) ϧⲟⲩⲛ ⲉϯ ϩⲟϯ ⲛⲧⲉ ⲫϯ ⲛⲑⲟⲥ ϯϩⲟϯ ⲛⲧⲉ ⲫϯ ⲥⲟⲩⲱⲙ
ⲛⲥⲁ ⲛⲉϥⲕⲁⲥ.
ⲁϥϫⲟⲥ ⲛϫⲉ ⲁⲃⲃⲁ ⲡⲁⲫⲛⲟⲩϯ ⲡⲓⲙⲁⲑⲏⲧⲏⲥ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ
ⲁ ⲡⲓϧⲉⲗⲗⲟ ϫⲟⲥ ϫⲉ ⲉⲓⲟⲓ ⲛⲁⲗⲟⲩ ⲛⲁⲓⲙⲟⲛⲓ ⲛϩⲁⲛ ⲉϩⲱⲟⲩ ⲛⲉⲙ ϩⲁⲛ ⲕⲉⲁ‐


### 0004

ⲗⲱⲟⲩⲓ ⲁⲩϣⲉ ⲛⲱⲟⲩ ⲉϭⲉⲗ ϣⲱⲡⲓ ⲟⲩⲟϩ ⲁ ⲟⲩⲓ ϩⲉⲓ ⲛⲥⲱⲟⲩ ⲉⲧⲁⲓϭⲓⲧⲥ ⲁⲓ‐
ⲟⲩⲟⲙⲥ ⲉϣⲱⲡ ⲁⲓϣⲁⲛⲉⲣ ⲫⲙⲉⲩⲓ ⲉⲓϩⲉⲙⲥⲓ ϯⲣⲓⲙⲓ.
ⲁⲃⲃⲁ ⲡⲟⲓⲙⲏⲛ ⲁϥϯ ϩⲟ ⲛϩⲁⲛ ⲙⲏϣ ⲙⲙⲉⲧⲁⲛⲟⲓⲁ ⲉⲁⲃⲃⲁ ⲙⲁⲕⲁⲣⲓⲟⲥ
ⲉϥϫⲱ ⲙⲙⲟⲥ ϫⲉ ⲁϫⲉ ⲟⲩⲥⲁϫⲓ ⲛⲏⲓ. ⲟⲩⲟϩ ⲉⲧⲁ ⲡⲓϧⲉⲗⲗⲟ ⲉⲣ ⲟⲩⲱ ⲡⲉϫⲁϥ
ⲛⲁϥ ϫⲉ ⲡⲓϩⲱⲃ ⲉⲧⲉⲕⲕⲱϯ ⲛⲥⲱϥ ⲁϥⲥⲓⲛⲓ ϯⲛⲟⲩ ϧⲉⲛ ⲛⲓⲙⲟⲛⲁⲭⲟⲥ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲛⲭⲏⲙⲓ ϫⲉ ⲉϣⲱⲡ ⲁϥϣⲁⲛ‐
ϣⲁϣⲛⲓ ⲛⲉⲙ ϩⲁⲛ ⲥⲛⲏⲟⲩ ⲉⲩⲟⲩⲱⲙ ⲛⲁϥⲥⲉⲙⲛⲓ ⲛⲁϥ ⲛⲟⲩⲑⲱϣ ⲡⲉ ϩⲓⲛⲁ
ⲁⲣⲉϣⲁⲛ ⲟⲩⲏⲣⲡ ϣⲱⲡⲓ ⲛⲧϣⲉⲃⲓⲱ ⲛⲟⲩⲁⲫⲟⲧ ⲛⲧⲉϥⲉⲣ ⲟⲩⲉϩⲟⲟⲩ ⲛⲁⲧⲥⲉ
ⲙⲱⲟⲩ. ⲛⲑⲱⲟⲩ ⲇⲉ ⲛⲓⲥⲛⲏⲟⲩ ⲉⲑⲃⲉ ⲟⲩⲙⲧⲟⲛ ⲛⲁⲩϯ ⲏⲣⲡ ⲛⲁϥ ⲡⲉ. ⲡⲓϧⲉⲗⲗⲟ
ⲇⲉ ⲛⲁϥϭⲓ ⲡⲉ ϧⲉⲛ ⲟⲩⲣⲁϣⲓ ϩⲓⲛⲁ ⲛⲧⲉϥⲧϩⲉⲙⲕⲟϥ ⲙⲙⲁⲩⲁⲧϥ. ⲡⲉϥⲙⲁ‐
ⲑⲏⲧⲏⲥ ⲇⲉ ⲉϥⲉⲙⲓ ⲉⲡⲓϩⲱⲃ (-ⲉ̄-) ⲛⲁϥϫⲱ ⲙⲙⲟⲥ ⲛⲱⲟⲩ ⲡⲉ ϫⲉ ⲉⲑⲃⲉ ⲫϯ
ⲙⲡⲉⲣϯ ⲏⲣⲡ ⲛⲁϥ ⲙⲙⲟⲛ ϩⲱϯ ⲉⲣⲟϥ ⲡⲉ ⲉⲉⲣⲕⲟⲗⲁⲍⲉⲓⲛ ⲙⲙⲟϥ ϧⲉⲛ ϯⲣⲓ.
ⲟⲩⲟϩ ⲉⲧⲁ ⲛⲓⲥⲛⲏⲟⲩ ⲉⲙⲓ ⲉⲡⲓϩⲱⲃ ⲛⲁⲩ ϫⲉ ϯ ⲛⲁϥ ⲁⲛ ⲡⲉ.
ⲉϥⲥⲓⲛⲓⲱⲟⲩ ⲛⲟⲩⲥⲟⲡ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉⲃⲟⲗϧⲉⲛ ⲡⲓϩⲉⲗⲟⲥ ⲉⲧⲉϥⲣⲓ
ⲉϥϥⲁⲓ ⲛϩⲁⲛ ⲃⲏⲧ ⲁϥⲉⲣⲁⲡⲁⲛⲧⲁⲛ ⲉⲣⲟϥ ⲛϫⲉ ⲡⲓⲇⲓⲁⲃⲟⲗⲟⲥ ϩⲓ ⲡⲓⲙⲱⲓⲧ
ⲛⲉⲙ ⲟⲩⲭⲣⲟⲃⲓ ⲛⲁϥⲕⲱϯ ⲛⲥⲁ ⲧⲟⲛⲱ ⲉⲣⲟϥ ⲡⲉ ⲟⲩⲟϩ ⲙⲡⲉϥϣϫⲉⲙϫⲟⲙ.
ⲡⲉϫⲁϥ ⲛⲁϥ ϫⲉ ⲱ ⲃⲓⲁ ⲛⲧⲟⲧⲕ ⲙⲁⲕⲁⲣⲓⲟⲥ ϫⲉ ⲙⲙⲟⲛ ϣϫⲟⲙ ⲙⲙⲟⲓ


### 0005

ⲟⲩⲃⲏⲕ ϩⲏⲡⲡⲉ ⲓⲥ ⲡⲉⲧⲉⲕⲓⲣⲓ ⲙⲙⲟϥ ϯⲣⲁ ⲙⲙⲟϥ ϩⲱ ⲕⲉⲣⲛⲏⲥⲧⲉⲩⲉⲓⲛ ⲁⲛⲟⲕ
ⲇⲉ ϯⲟⲩⲱⲙ ⲁⲛ ⲉⲡⲧⲏⲣϥ ⲕⲉⲣ ϣⲣⲱⲓⲥ ⲁⲛⲟⲕ ⲇⲉ ϯⲉⲛⲕⲟⲧ ⲁⲛ ⲉⲡⲧⲏⲣϥ ⲟⲩⲁⲓ
ⲙⲙⲁⲩⲁⲧϥ ⲡⲉ ⲉⲧⲉⲕϭⲣⲏⲟⲩⲧ ⲉⲣⲟⲓ ⲛϧⲏⲧϥ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ
ϫⲉ ⲁϣ ⲡⲉ ⲫⲁⲓ. ⲛⲑⲟϥ ⲇⲉ ⲡⲉϫⲁϥ ϫⲉ ⲡⲉⲕⲑⲉⲃⲓⲟ ⲡⲉ ⲉⲑⲃⲉ ⲡⲉⲕⲑⲉⲃⲓⲟ ⲅⲁⲣ
ⲙⲙⲟⲛ ϣϫⲟⲙ ⲙⲙⲟⲓ ⲟⲩⲃⲏⲕ ⲟⲩⲟϩ ⲉⲧⲁϥⲫⲱⲣϣ ⲛⲛⲉϥϭⲓϫ ⲉⲃⲟⲗ ⲁϥⲉⲣ
ⲁⲑⲟⲩⲱⲛϩ ⲛϫⲉ ⲡⲓⲇⲁⲓⲙⲱⲛ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲉⲧⲁϥⲥⲱⲧⲉⲙ ⲉⲑⲃⲏⲧϥ ⲛϫⲉ ⲁⲅⲁⲑⲟ‐
ⲛⲓⲕⲟⲥ ⲡⲉⲡⲁⲣⲭⲟⲥ ⲛⲧⲉ ⲁⲛ‐ (-ⲋ̄-) ⲧⲓⲟⲭⲓⲁ ϫⲉ ⲁϥⲉⲣ ⲛⲁⲓⲛⲓϣϯ ⲛϫⲟⲙ
ⲛⲉⲙ ⲛⲁⲓϩⲙⲟⲧ ⲛⲧⲁⲗϭⲟ ⲉⲃⲟⲗϩⲓⲧⲉⲛ ⲡⲉⲛⲟ︦ⲥ︦ ⲓ︦ⲭ︦ⲥ︦ ⲡⲭ︦ⲥ︦ ⲁϥⲟⲩⲱⲣⲡ ϩⲁⲣⲟϥ
ⲛⲧⲉϥϣⲉⲣⲓ ⲉⲟⲩⲟⲛ ⲟⲩⲡⲛ︦ⲁ︦ ⲛⲁⲕⲁⲑⲁⲣⲧⲟⲛ ⲛⲉⲙⲁⲥ ϫⲉ ϩⲓⲛⲁ ⲛⲧⲉϥϣⲗⲏⲗ
ⲉϫⲱⲥ ⲟⲩⲟϩ ϩⲓⲧⲉⲛ ⲡⲓϩⲙⲟⲧ ⲛⲧⲉ ⲫϯ ⲉⲧϣⲟⲡ ⲛϧⲏⲧϥ ⲉⲧⲁϥϣⲗⲏⲗ ⲉϫⲱⲥ
ⲁⲥⲟⲩϫⲁⲓ ⲛϯⲟⲩⲛⲟⲩ ⲟⲩⲟϩ ⲁϥⲟⲩⲟⲣⲡⲥ ϧⲉⲛ ⲟⲩϩⲉⲓⲣⲏⲛⲏ ϩⲁ ⲛⲏ ⲉⲧⲉ ⲛⲟⲩⲥ
ⲛⲓⲟϯ. ⲉⲧⲁⲩⲛⲁϥ ⲇⲉ ⲛϫⲉ ⲡⲉⲥⲓⲱⲧ ⲛⲉⲙ ⲧⲉⲥⲙⲁⲩ ⲉⲡⲓⲧⲁⲗϭⲟ ⲉⲧⲁ ⲡⲭⲥ ⲁⲓϥ
ⲛⲉⲙ ⲧⲟⲩϣⲉⲣⲓ ϩⲓⲧⲉⲛ ⲛⲓϣⲗⲏⲗ ⲛⲉⲙ ⲛⲓⲧⲱⲃϩ ⲛⲧⲉ ⲫⲏ ⲉⲑⲟⲩⲁⲃ ⲛϧⲉⲗⲗⲟ
ⲁⲃⲃⲁ ⲙⲁⲕⲁⲣⲓⲟⲥ ⲁⲩϣⲉⲡ ϩⲙⲟⲧ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.
ⲁϥϫⲟⲥ ⲛϫⲉ ⲁⲃⲃⲁ ⲡⲓϫⲓⲙⲓ ϫⲉ ⲁ ⲡⲓⲙⲁⲑⲏⲧⲏⲥ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ
ⲥⲁϫⲓ ϧⲁⲧⲟⲧ ⲉϥϫⲱ ⲙⲙⲟⲥ ϫⲉ ⲁ ⲡⲓϧⲉⲗⲗⲟ ϫⲟⲥ ⲛⲏⲓ ⲛⲟⲩⲥⲟⲡ ϫⲉ ⲉⲓϩⲉⲙⲥⲓ


### 0006

ϧⲉⲛ ⲡⲁⲙⲁ ⲛϣⲱⲡⲓ ϧⲉⲛ ϣⲓⲏⲧ ⲁⲩⲓ ⲉϧⲣⲏⲓ ⲛϫⲉ ⲁⲗⲟⲩ ⲃ︦ ⲛϣⲉⲙⲙⲟ ⲛⲝⲉⲛⲓ‐
ⲕⲟⲥ ⲡⲓⲟⲩⲁⲓ ⲙⲉⲛ ⲛⲉ ⲁϥⲉⲣ ⲙⲟⲣⲧ ⲡⲉ ⲡⲓⲭⲉⲧ ⲇⲉ ⲛⲉ ⲁϥϩⲓ ⲁⲣⲭⲏ ⲙⲙⲟⲣⲧ
ⲡⲉ ⲟⲩⲟϩ ⲁⲩⲓ ϩⲁⲣⲟϥ ⲉⲩϫⲱ ⲙⲙⲟⲥ ϫⲉ ⲁⲥⲑⲱⲛ ⲧⲣⲓ ⲛⲁⲃⲃⲁ ⲙⲁⲕⲁⲣⲓⲟⲥ.
ⲡⲉϫⲏⲓ ⲛⲱⲟⲩ ϫⲉ ⲉ‐ (-ⲍ-) ⲣⲉⲧⲉⲛⲉⲣ ⲟⲩ ⲛⲁϥ. ⲡⲉϫⲱⲟⲩ ⲛⲏⲓ ϫⲉ ⲉⲧⲁⲛⲥⲱ‐
ⲧⲉⲙ ⲉⲑⲃⲉ ⲛⲉϥϩⲃⲏⲟⲩⲓ ⲛⲉⲙ ϣⲓⲏⲧ ⲁⲛⲓ ϫⲉ ⲛⲧⲉⲧⲉⲛⲛⲁⲩ ⲉⲣⲟϥ. ⲟⲩⲟϩ ⲡⲉϫⲏⲓ
ⲛⲱⲟⲩ ϫⲉ ⲁⲛⲟⲕ ⲡⲉ. ⲛⲑⲱⲟⲩ ⲇⲉ ⲁⲩϯ ⲙⲉⲧⲁⲛⲟⲓⲁ ⲛⲏⲓ ⲉⲩϫⲱ ⲙⲙⲟⲥ ϫⲉ
ⲛⲟⲩⲱϣ ⲉϣⲱⲡⲓ ⲙⲡⲁⲓⲙⲁ. ⲁⲛⲟⲕ ϫⲉ ⲁⲓⲛⲁⲩ ⲉⲣⲱⲟⲩ ⲉⲩϫⲏⲛ ⲛⲉⲙ ϩⲱⲥ ⲉⲃⲟⲗ‐
ϧⲉⲛ ⲟⲩⲙⲉⲧⲣⲁⲙⲁⲟ ⲡⲉϫⲏⲓ ⲛⲱⲟⲩ ϫⲉ ⲙⲙⲟⲛ ϣϫⲟⲙ ⲙⲙⲱⲧⲉⲛ ⲉϩⲉⲙⲥⲓ
ⲙⲡⲁⲓⲙⲁ. ⲡⲉϫⲉ ⲡⲓⲛⲓϣϯ ϫⲉ ⲉϣⲱⲡ ⲁⲛϣⲧⲉⲙϫⲉⲙϫⲟⲙ ⲛϩⲉⲙⲥⲓ ⲧⲉⲛⲛⲁ‐
ϩⲱⲗ ⲉⲕⲉⲙⲁ. ⲡⲉϫⲏⲓ ⲙⲡⲁⲙⲉⲩⲓ ϫⲉ ⲉⲑⲃⲉ ⲟⲩ ϯⲛⲁϭⲟϫⲓ ⲛⲥⲱⲟⲩ ⲛⲧⲁⲩⲉⲣ‐
ⲥⲕⲁⲛⲇⲁⲗⲓⲍⲉⲥⲑⲁⲓ. ⲡⲉϫⲏⲓ ⲛⲱⲟⲩ ϫⲉ ⲁⲙⲱⲓⲛⲓ ⲙⲁⲑⲁⲙⲓⲉ ⲟⲩⲣⲓ ⲛⲱⲧⲉⲛ
ⲓⲥϫⲉ ⲟⲩⲟⲛ ϣϫⲟⲙ ⲙⲙⲱⲧⲉⲛ. ⲡⲉϫⲱⲟⲩ ⲇⲉ ϫⲉ ⲙⲁⲧⲁⲙⲟⲛ ⲙⲙⲁⲩⲁⲧϥ
ⲟⲩⲟϩ ⲧⲉⲛⲛⲁⲑⲁⲙⲓⲟⲥ. ⲁⲓϯ ⲇⲉ ⲛⲱⲟⲩ ⲛⲟⲩⲕⲉⲗⲉⲃⲓⲛ ⲛⲉⲙ ⲟⲩⲧⲱⲣⲓ ⲛⲉⲙ (ⲟⲩ)
ⲥⲟⲕ ⲛⲱⲓⲕ ⲛⲉⲙ ⲟⲩϩⲙⲟⲩ ⲁⲓⲧⲁⲙⲱⲟⲩ ⲇⲉ ⲉϯⲡⲉⲧⲣⲁ ⲛⲧⲉ ⲡⲓⲙⲁ ⲛϫⲱϫⲓ ⲉⲧ‐
ϣⲟⲩⲱⲟⲩ ⲟⲩⲟϩ ⲡⲉϫⲏⲓ ⲛⲱⲟⲩ ϫⲉ ϫⲱϫⲓ ⲛⲱⲧⲉⲛ ⲙⲡⲁⲓⲙⲁ ⲟⲩⲟϩ ⲁⲛⲓⲟⲩⲓ
ⲛⲱⲧⲉⲛ ⲛϩⲁⲛ ϣⲉ ⲉⲃⲟⲗϩⲉⲛ ⲡⲓϩⲉⲗⲟⲥ ϩⲟⲃⲥϥ ⲟⲩⲟϩ ⲡⲁⲓⲣⲏϯ (ⲏ︦-) ϩⲉⲙⲥⲓ


### 0007

ⲛⲁⲓⲙⲉⲩⲓ ⲇⲉ ⲡⲉ ϫⲉ ⲉⲃⲟⲗϩⲓⲧⲉⲛ ⲡⲓϧⲓⲥⲓ ⲥⲉⲛⲁⲫⲱⲧ ⲥⲁⲧⲟⲧⲟⲩ. ⲟⲩⲟϩ ⲁⲩϣⲉⲛⲧ
ϫⲉ ⲉⲩⲉⲉⲣ ϩⲱⲃ ⲉⲟⲩ ⲙⲡⲁⲓⲙⲁ. ⲡⲉϫⲏⲓ ⲛⲱⲟⲩ ϫⲉ ϯⲛⲉⲃϯ. ⲟⲩⲟϩ ⲁⲓϭⲓ ⲛϩⲁⲛ
ⲃⲁⲓ ⲉⲃⲟⲗϧⲉⲛ ⲡⲓϩⲉⲗⲟⲥ ⲁⲓⲧⲁⲙⲱⲟⲩ ⲉⲧⲁⲣⲭⲏ ⲛϯⲛⲉⲃϯ ⲛⲉⲙ ⲡⲓⲣⲏϯ
ⲛϣⲱⲗⲕ. ⲡⲉϫⲏⲓ ⲛⲱⲟⲩ ϫⲉ ⲙⲁⲑⲁⲙⲓⲉ ⲃⲓⲣ ⲙⲏⲓⲧⲟⲩ ⲛⲛⲓⲟⲩⲣⲁϯ ⲟⲩⲟϩ
ⲥⲉⲛⲁⲉⲛ ⲱⲓⲕ ⲛⲱⲧⲉⲛ. ⲗⲟⲓⲡⲟⲛ ⲁⲛⲟⲕ ⲁⲓϣⲉ ⲛⲏⲓ. ⲛⲑⲱⲟⲩ ⲇⲉ ⲟⲛ ϧⲉⲛ ⲟⲩϩⲩ‐
ⲡⲟⲙⲟⲛⲏ ⲁⲩⲓⲣⲓ ⲛϩⲱⲃ ⲛⲓⲃⲉⲛ ⲉⲧⲁⲓϩⲟⲛϩⲉⲛ ⲙⲙⲱⲟⲩ ⲉⲣⲱⲟⲩ ⲟⲩⲟϩ ⲙⲡⲟⲩϩⲓ
ⲕⲟⲧ ⲉⲣⲟⲓ ⲛⲅ̄ϯ ⲛⲣⲟⲙⲡⲓ ⲟⲩⲟϩ ⲁⲛⲟⲕ ϩⲱ ⲉⲓϯ ⲛⲉⲙ ⲡⲁⲙⲉⲩⲓ ϫⲉ ⲟⲩ ⲧⲉ ⲧϫⲓ
ⲛⲉⲣ ϩⲱⲃ ⲛⲛⲁⲓ ϫⲉ ⲙⲡⲟⲩⲓ ϩⲁⲣⲟⲓ ⲉⲑⲃⲉ ⲛⲟⲩⲙⲉⲩⲓ. ⲛⲏ ⲉⲧϩⲓ ⲫⲟⲩⲉⲓ ⲛⲏⲟⲩ
ϣⲁⲣⲟⲓ ⲛⲁⲓ ⲇⲉ ⲥⲉⲛⲏⲟⲩ ϩⲁⲣⲟⲓ ⲁⲛ ⲟⲩⲇⲉ ⲛⲁⲩϩⲏⲗ ⲉⲫⲙⲁ ⲛⲕⲉⲟⲩⲁⲓ ⲁⲛ ⲡⲉ
ⲉⲃⲏⲗ ⲉϯⲉⲕⲕⲗⲏⲥⲓⲁ ⲙⲙⲁⲩⲁⲧⲥ ⲉⲩϭⲓ ⲛϯⲡⲣⲟⲥⲫⲟⲣⲁ ⲙⲙⲁⲩⲁⲧⲥ ⲉⲩⲭⲱ
ⲛⲣⲱⲟⲩ ⲟⲩⲟϩ ⲁⲓⲧⲱⲃϩ ⲙⲫ︦ϯ︦ ⲁⲓⲉⲣⲛⲏⲥⲧⲉⲩⲉⲓⲛ ⲛϯⲉⲃⲇⲟⲙⲁⲥ ϫⲉ ϩⲓⲛⲁ
ⲛⲧⲉϥⲧⲁⲙⲟⲓ ⲉⲧⲟⲩϫⲓ ⲛⲉⲣ ϩⲱⲃ ⲟⲩⲟϩ ⲉⲧⲁⲓⲧⲱⲛⲧ ⲁⲓϣⲉ ⲛⲏⲓ ϩⲁⲣⲱⲟⲩ ⲉⲛⲁⲩ
ϫⲉ ⲛⲁⲩϩⲉⲙⲥⲓ ⲛⲁϣ ⲛⲣⲏϯ. ⲟⲩⲟϩ ⲉⲧⲁⲓⲕⲱⲗϩ ⲁ ⲟⲩⲁ ⲟⲩⲱⲛ ⲛⲏⲓ ⲁⲩⲉⲣⲁⲥ‐
ⲡⲁⲍⲉⲥⲑⲁⲓ ⲙⲙⲟⲓ ⲉⲩⲭⲱ ⲛⲣⲱⲟⲩ (-ⲑ-) ⲟⲩⲟϩ ⲉⲧⲁⲛϣⲗⲏⲗ ⲁⲛϩⲉⲙⲥⲓ ⲁ
ⲡⲓⲛⲓϣϯ ϭⲱⲣⲉⲙ ⲉⲡⲓⲕⲟⲩϫⲓ ⲁϥϣⲉ ⲉⲃⲟⲗ ⲟⲩⲟϩ ⲛⲁⲣⲉ ⲡⲓⲛⲓϣϯ ϩⲉⲙⲥⲓ ⲡⲉ
ⲉϥⲭⲱ ⲛⲣⲱϥ ⲉϥⲉⲣ ϩⲱⲃ ⲉϯⲛⲉⲃϯ ⲙⲡⲉϥϫⲉ ϩⲗⲓ ⲛⲥⲁϫⲓ ⲟⲩⲟϩ ⲉⲧⲁϥⲕⲱⲗϩ


### 0008

ⲙⲫⲛⲁⲩ ⲛⲁϫⲡ ⲑ̄ϯ ⲁϥⲓ ⲉϧⲟⲩⲛ ⲛϫⲉ ⲡⲓⲕⲟⲩϫⲓ ⲟⲩⲟϩ ⲉⲧⲁϥϭⲱⲣⲉⲙ ⲉⲣⲟϥ
ⲁϥⲑⲁⲙⲓⲟ ⲛⲟⲩⲕⲟⲩϫⲓ ⲙⲫⲓⲥⲓ ⲟⲩⲟϩ ⲉⲧⲁϥϭⲱⲣⲉⲙ ⲉⲣⲟϥ ⲟⲛ ⲁϥⲭⲁ ϯⲫⲟⲣ‐
ϣⲓ ⲛⲉⲙ ⲅ̄ ⲛⲱⲓⲕ ⲟⲩⲟϩ ⲛⲁϥⲟϩⲓ ⲉⲣⲁⲧϥ ⲉϥⲭⲱ ⲛⲣⲱϥ. ⲁⲛⲟⲕ ⲇⲉ ⲛⲁⲓϫⲱ
ⲙⲙⲟⲥ ⲡⲉ ϫⲉ ⲧⲉⲛ ⲑⲏⲛⲟⲩ ⲛⲧⲉⲛⲟⲩⲱⲙ. ⲟⲩⲟϩ ⲁⲛⲧⲱⲟⲩⲛ ⲁⲛⲟⲩⲱⲙ ⲟⲩⲟϩ
ⲁⲩⲉⲛ ϯⲕⲉⲗⲟⲗⲓ ⲁⲛⲥⲱ. ⲉⲧⲁ ⲣⲟⲩϩⲓ ⲇⲉ ϣⲱⲡⲓ ⲡⲉϫⲱⲟⲩ ϫⲉ ⲭⲛⲁϩⲱⲗ.
ⲡⲉϫⲏⲓ ϫⲉ ⲙⲙⲟⲛ ⲁⲗⲗⲁ ⲁⲓⲛⲁⲉⲛⲕⲟⲧ ⲙⲡⲁⲓⲙⲁ ⲟⲩⲟϩ ⲁⲩⲭⲱ ⲛⲏⲓ ⲛⲟⲩ‐
ⲑⲟⲙ ⲥⲁ ⲡⲓⲕⲉⲥⲟⲓ ⲟⲩⲟϩ ⲁⲩⲉⲛⲕⲟⲧ ϩⲓ ⲟⲩⲙⲁ ⲁⲩⲱⲗⲓ ⲛⲛⲟⲩϧⲱⲕ ⲛⲉⲙ ⲛⲟⲩ‐
ⲙⲁⲣ ⲛϭⲛⲁϩ ⲁⲩⲭⲁⲩ ⲉϧⲣⲏⲓ ⲙⲡⲁⲙⲑⲟ ⲟⲩⲟϩ ⲁⲓⲧⲱⲃϩ ⲙⲫ︦ϯ︦ ϩⲓⲛⲁ ⲛⲧⲉϥ‐
ϭⲱⲣⲡ ⲛⲏⲓ ⲉⲃⲟⲗ ⲛⲧⲟⲩϫⲓ ⲛⲉⲣ ϩⲱⲃ. ⲁⲥⲟⲩⲱⲛ ⲛϫⲉ ϯⲟⲩⲁϩ ⲥⲟⲓ ⲟⲩⲟϩ
ⲁϥϣⲱⲡⲓ ⲛϫⲉ ⲟⲩⲟⲩⲱⲓⲛⲓ ⲙⲫⲣⲏϯ ⲙⲡⲓⲉϩⲟⲟⲩ. ⲛⲑⲱⲟⲩ ⲇⲉ ⲛⲁⲩⲛⲁⲩ ⲁⲛ
ⲡⲉ ⲉⲡⲓⲟⲩⲱⲓⲛⲓ ϩⲱⲥ ⲛⲁⲩⲙⲉⲩⲓ ⲛⲑⲱⲟⲩ ⲡⲉ ϫⲉ ⲉⲓⲉⲛⲕⲟⲧ. ⲁ ⲡⲓⲛⲓϣϯ ⲕⲓⲙ
ⲉⲡⲓⲕⲟⲩϫⲓ ⲁⲩⲧⲱⲟⲩⲛⲟⲩ ⲁⲩⲙⲟⲣⲟⲩ (-ⲓ̄-) ⲁⲩϭⲱⲗⲕ ⲛⲛⲟⲩϫⲓϫ ⲉⲡϣⲱⲓ ⲉⲧⲫⲉ
ⲁⲛⲟⲕ ⲇⲉ ⲛⲁⲓⲛⲁⲩ ⲉⲣⲱⲟⲩ ⲡⲉ ⲛⲑⲱⲟⲩ ⲇⲉ ⲛⲁⲩⲛⲁⲩ ⲉⲣⲟⲓ ⲁⲛ ⲡⲉ ⲟⲩⲟϩ
ⲁⲓⲛⲁⲩ ⲉⲛⲓⲇⲁⲓⲙⲱⲛ ⲉⲩⲛⲏⲟⲩ ⲉϫⲉⲛ ⲡⲓⲕⲟⲩϫⲓ ⲙⲫⲣⲏϯ ⲛϩⲁⲛ ⲁϥ ⲉⲩϩⲁⲗⲁⲓ
ϩⲁⲛ ⲟⲩⲟⲛ ⲙⲉⲛ ⲛⲁⲩⲛⲏⲟⲩ ⲉϫⲉⲛ ⲛⲉϥⲃⲁⲗ ⲛⲉⲙ ⲣⲱϥ ⲟⲩⲟϩ ⲁⲓⲛⲁⲩ
ⲉⲟⲩⲁⲅⲅⲉⲗⲟⲥ ⲛⲧⲉ ⲡⲟ︦ⲥ︦ ⲉⲣⲉ ⲟⲩⲟⲛ ⲟⲩⲥⲏϥⲓ ⲛⲧⲟⲧϥ ⲉⲧⲁϥⲕⲧⲉ ϭⲗⲟ ⲉⲣⲟϥ
ⲉϥϭⲟϫⲓ ⲛⲥⲁ ⲛⲓⲇⲁⲓⲙⲱⲛ ⲛⲁⲩϣⲉⲣⲧⲟⲗⲙⲁⲛ ⲅⲁⲣ ⲁⲛ ⲡⲉ ⲉϧⲱⲛⲧ ⲉⲡⲓⲛⲓϣϯ.


### 0009

ⲉⲣⲉ ϣⲱⲣⲡ ⲇⲉ ⲛⲁϣⲱⲡⲓ ⲁⲩⲭⲁⲩ ⲉϧⲣⲏⲓ ⲟⲛ ⲁⲛⲟⲕ ⲇⲉ ⲁⲓⲁⲓⲧ ⲙⲫⲣⲏϯ ⲛⲉⲓ‐
ϩⲟⲣⲡ ⲛⲑⲱⲟⲩ ⲇⲉ ⲙⲡⲁⲓⲣⲏϯ. ⲟⲩⲟϩ ⲁ ⲡⲓⲛⲓϣϯ ϫⲱ ⲙⲡⲁⲓⲥⲁϫⲓ ⲛⲟⲩⲱⲧ ⲛⲏⲓ
ϫⲉ ⲕⲟⲩⲱϣ ⲛⲧⲉⲛϫⲱ ⲙⲡⲓⲓⲃ︦ ⲙⲯⲁⲗⲙⲟⲥ. ⲟⲩⲟϩ ⲡⲉϫⲏⲓ ϫⲉ ⲥⲉ. ⲟⲩⲟϩ ⲁ ⲡⲓ‐
ⲕⲟⲩϫⲓ ϫⲟ ⲑ︦ ⲙⲯⲁⲗⲙⲟⲥ ⲛⲋ︦ ⲛⲗⲉⲝⲓⲥ ⲉⲫⲟⲩⲁⲓ ⲛⲉⲙ ⲁⲗⲗⲏⲗⲟⲩⲓⲁ ⲟⲩⲟϩ
ⲕⲁⲧⲁ ⲗⲉⲝⲓⲥ ⲛⲁϥⲛⲏⲟⲩ ⲉⲃⲟⲗϧⲉⲛ ⲣⲱϥ ⲛϫⲉ ⲟⲩϣⲁϩ ⲛⲭⲣⲱⲙ ⲟⲩⲟϩ ⲛⲁϥ‐
ⲛⲁ ⲉⲡⲓϣⲱⲓ ⲛⲧⲫⲉ ⲁⲛⲟⲕ ⲇⲉ ⲛⲁⲓϫⲱ ⲛϩⲁⲛ ⲕⲟⲩϫⲓ ⲛⲁⲡⲟⲥⲧⲏⲑⲏⲥ ⲟⲩⲟϩ
ⲉⲓⲛⲏⲟⲩ ⲉⲃⲟⲗ ⲛⲁⲓϫⲱ ⲙⲙⲟⲥ ⲡⲉ ϫⲉ (-ⲓ︦ⲁ︦-) ⲧⲱⲃϩ ⲉϫⲱⲓ. ⲛⲑⲱⲟⲩ ⲇⲉ ⲁⲩϯ
ⲙⲉⲧⲁⲛⲟⲓⲁ ⲉⲩⲭⲱ ⲛⲣⲱⲟⲩ ⲟⲩⲟϩ ⲁⲓⲉⲙⲓ ϫⲉ ⲟⲩⲧⲉⲗⲉⲓⲟⲥ ⲡⲉ ⲡⲓⲛⲓϣϯ ⲡⲓ‐
ⲕⲟⲩϫⲓ ⲇⲉ ⲁⲕⲙⲏⲛ ⲛⲁⲣⲉ ⲡⲓϫⲁϫⲓ ϯ ⲛⲉⲙⲁϥ ⲡⲉ. ⲙⲉⲛⲉⲛⲥⲁ ⲛⲁⲓ ⲟⲩⲟϩ ⲉⲧⲁ
ϩⲁⲛ ⲕⲟⲩϫⲓ ⲛⲉϩⲟⲟⲩ ϣⲱⲡⲓ ⲁϥⲉⲛⲕⲟⲧ ⲛϫⲉ ⲡⲓⲛⲓϣϯ ⲟⲩⲟϩ ⲡⲓⲕⲟⲩϫⲓ ϧⲉⲛ
ⲡⲓⲉϩⲟⲟⲩ ⲙⲙⲁϩ ⲅ̄. ⲉϣⲱⲡ ⲇⲉ ⲁⲣⲉϣⲁⲛ ϩⲁⲛ ϧⲉⲗⲗⲟⲓ ϩⲓ ⲕⲟⲧ ⲉⲁⲃⲃⲁ ⲙⲁ‐
ⲕⲁⲣⲓⲟⲥ ϣⲁϥⲟⲗⲟⲩ ⲉⲧⲟⲩⲣⲓ ⲉϥϫⲱ ⲙⲙⲟⲥ ϫⲉ ⲁⲙⲱⲓⲛⲓ ⲁⲛⲁⲩ ⲉⲡⲓⲙⲁⲣ‐
ⲧⲩⲣⲓⲟⲛ ⲛⲧⲉ ⲛⲓⲕⲟⲩϫⲓ ⲛϣⲉⲙⲙⲱⲟⲩ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲛⲭⲏⲙⲓ ϫⲉ ⲉϥⲛⲏⲟⲩ ⲉⲡϣⲱⲓ
ⲛⲟⲩⲥⲟⲡ ⲉⲃⲟⲗϧⲉⲛ ϣⲓⲏⲧ ⲉⲡⲓⲧⲱⲟⲩ ⲛⲧⲉ ⲡⲉⲣⲛⲟⲩϫ ⲟⲩⲟϩ ⲉⲧⲁϥϧⲱⲛⲧ ⲉⲡⲓ‐
ⲧⲟⲡⲟⲥ ⲡⲉϫⲁϥ ⲙⲡⲉϥⲙⲁⲑⲡⲏⲧⲏⲥ ϫⲉ ⲁⲣⲓ ⲉⲧϩⲏ ⲛⲟⲩⲕⲟⲩϫⲓ ⲟⲩⲟϩ ϧⲉⲛ ⲡϫⲓ


### 0010

ⲛⲑⲣⲉϥⲉⲣ ⲉⲧϩⲏ ⲁϥⲉⲣⲁⲡⲁⲛⲧⲁⲛ ⲉⲟⲩϩⲉⲗⲗⲏⲛⲟⲥ ⲛⲉ ⲟⲩⲟⲩⲏⲃ ⲇⲉ ⲙⲡⲁⲇⲁ‐
ⲗⲁⲥ ⲉϥϥⲁⲓ ⲛⲟⲩⲛⲓϣϯ ⲛϣⲉ ⲙⲡⲓⲕⲁⲩⲙⲁ ⲟⲩⲟϩ ⲛⲁϥϭⲟϫⲓ ⲡⲉ ⲟⲩⲟϩ ⲉⲧⲁ
ⲡⲓⲥⲟⲛ ⲱϣ ⲟⲩⲃⲏϥ ⲛⲁϥⲙⲟⲩϯ ⲡⲉ ⲉϥϫⲱ ⲙⲙⲟⲥ ϫⲉ ϩⲉ ⲛⲑⲟⲕ ⲡⲓⲇⲁⲓⲙⲱⲛ
ⲁⲕϭⲟϫⲓ ⲉⲑⲱⲛ ⲟⲩⲟϩ ⲉⲧⲁϥⲫⲟⲛϩϥ ⲛⲁϥⲛⲏⲟⲩ ⲉϫⲱϥ ⲡⲉ ⲁϥϯ ⲛϩⲁⲛ ⲉⲣ‐
ϧⲱⲧ ⲛⲁϥ ⲁϥⲭⲁϥ ⲉϥⲟⲓ ⲙⲫⲁϣ ⲙⲟⲩ. (-ⲓⲃ-) ⲟⲩⲟϩ ⲉⲧⲁϥⲧⲱⲟⲩⲛ ⲙⲡⲓϣⲉ
ⲁϥϭⲟϫⲓ ⲟⲛ ⲟⲩⲟϩ ⲉⲧⲁϥⲥⲓⲛⲓ ⲉⲧϩⲏ ⲛⲟⲩⲕⲟⲩϫⲓ ⲁϥϣⲁϣⲛⲓ ⲉⲣⲟϥ ⲛϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲡⲉϫⲁϥ ⲛⲁϥ ϫⲉ ⲙⲓⲟⲕ ⲙⲓⲟⲕ ⲡⲓⲙⲁⲓ ϧⲁⲥϥ. ⲟⲩⲟϩ ⲉⲧⲁϥⲉⲣ
ϣⲫⲏⲣⲓ ⲁϥⲓ ϩⲁⲣⲟϥ ⲡⲉϫⲁϥ ⲛⲁϥ ϫⲉ ⲟⲩ ⲙⲡⲉⲑⲛⲁⲛⲉϥ ⲁⲕⲛⲁⲩ ⲉⲣⲟϥ ⲛϧⲏⲧ
ϫⲉ ⲁⲕⲧⲁⲓⲉ ⲙⲟⲩϯ ⲛⲏⲓ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲁⲓⲛⲁⲩ ⲉⲣⲟⲕ ⲉⲕϧⲟⲥⲓ
ⲛⲕⲉⲙⲓ ⲁⲛ ϫⲉ ⲁⲕϧⲟⲥⲓ ⲛⲉⲫⲗⲏⲟⲩ. ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ⲁⲛⲟⲕ ϩⲱ
ⲁⲓⲟⲩⲉⲙ ϩⲑⲏⲓ ⲉϫⲉⲛ ⲡⲁⲥⲡⲁⲥⲙⲟⲥ ⲟⲩⲟϩ ⲁⲓⲉⲙⲓ ϫⲉ ⲛⲑⲟⲕ ⲫⲁ ⲟⲩⲛⲓϣϯ
ⲛⲛⲟⲩϯ ⲕⲉⲙⲟⲛⲁⲭⲟⲥ ⲇⲉ ⲉϥϩⲱⲟⲩ ⲉⲧⲁϥⲉⲣⲁⲡⲁⲛⲧⲁⲛ ⲉⲣⲟⲓ ⲁϥϩⲱⲟⲩϣ ⲉⲣⲟⲓ
ⲁⲛⲟⲕ ⲇⲉ ⲁⲓϯ ⲛϩⲁⲛ ⲉⲣϧⲱⲧ ⲛⲁϥ ⲉⲫⲙⲟⲩ. ⲟⲩⲟϩ ⲁ ⲡⲓϧⲉⲗⲗⲟ ⲉⲙⲓ ϫⲉ
ⲡⲉϥⲙⲁⲑⲏⲧⲏⲥ ⲡⲉ ⲟⲩⲟϩ ⲉⲧⲁ ⲡⲓⲟⲩⲏⲃ ⲁⲙⲟⲛⲓ ⲛⲛⲉϥϭⲁⲗⲁⲩϫ ⲛⲁϥϫⲱ
ⲙⲙⲟⲥ ⲡⲉ ϫⲉ ϯⲛⲁⲭⲁⲕ ⲉⲃⲟⲗ ⲁⲛ ⲁⲕϣⲧⲉⲙⲁⲓⲧ ⲙⲙⲟⲛⲁⲭⲟⲥ. ⲟⲩⲟϩ ⲁⲩⲓ
ⲥⲁ ⲡϣⲱⲓ ⲙⲡⲓⲙⲁ ⲉⲛⲁⲣⲉ ⲡⲓⲥⲟⲛ ⲭⲏ ⲙⲙⲟϥ ⲁⲩⲉⲛϥ ⲉϯⲉⲕⲕⲗⲏⲥⲓⲁ ⲛⲧⲉ


### 0011

ⲡⲓⲧⲱⲟⲩ ⲟⲩⲟϩ ⲉⲧⲁⲩⲛⲁⲩ ⲉⲡⲓⲟⲩⲏⲃ ⲁⲩⲉⲣ ϣⲫⲏⲣⲓ ⲟⲩⲟϩ ⲁⲩϯ ⲱⲙⲥ ⲛⲁϥ
ⲁⲩⲁⲓϥ ⲙⲙⲟⲛⲁⲭⲟⲥ ⲟⲩⲟϩ ⲟⲩ- (-ⲓ︦ⲅ︦-) ⲙⲏϣ ⲛⲧⲉ ⲛⲓϩⲉⲗⲗⲏⲛⲟⲥ ⲁⲩⲉⲣ
ⲭⲣⲓⲥⲧⲓⲁⲛⲟⲥ ⲉⲑⲃⲏⲧϥ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲡⲓⲥⲁϫⲓ ⲉⲧϩⲱⲟⲩ ⲛⲓⲕⲉⲭⲱⲟⲩⲛⲓ ⲉⲑ‐
ⲛⲁⲛⲉⲩ ϣⲁϥⲑⲣⲟⲩⲧϩⲟ ⲡⲁⲓⲣⲏϯ ⲟⲛ ⲡⲓⲥⲁϫⲓ ⲉⲑⲛⲁⲛⲉϥ ⲛⲓⲕⲉⲭⲱⲟⲩⲛⲓ ⲉⲧ‐
ϩⲱⲟⲩ ϣⲁϥⲑⲣⲟⲩⲁⲛⲁⲓ.
ⲛⲑⲟϥ ⲟⲛ ⲁϥⲓ ⲉⲡϣⲱⲓ ⲛⲟⲩⲥⲟⲡ ⲉⲃⲟⲗϩⲓⲧⲉⲛ ϣⲓⲏⲧ ⲉⲧⲉⲣⲉⲛⲟⲩϯ ⲁϥϣⲉ
ⲉϧⲟⲩⲛ ⲉⲟⲩϩⲙⲁϥ ⲁϥⲉⲛⲕⲟⲧ. ⲛⲉ ⲟⲩⲟⲛ ϩⲁⲛ ⲥⲱⲙⲁ ⲛⲁⲡⲁⲥ ⲙⲙⲁⲩ ⲡⲉ ⲛⲧⲉ
ⲛⲓϩⲉⲗⲗⲏⲛⲟⲥ ⲉⲩⲙⲱⲟⲩⲧ ⲟⲩⲟϩ ⲉⲧⲁϥϭⲓ ⲛⲟⲩⲁⲓ ⲁϥⲭⲁϥ ϧⲁ ⲧⲉϥⲁⲫⲉ
ⲙⲫⲣⲏϯ ⲛⲟⲩⲙⲣⲱⲙ ϩⲓⲛⲁ ⲛⲧⲉϥⲙⲧⲟⲛ ⲙⲙⲟϥ ⲛⲟⲩⲕⲟⲩϫⲓ. ⲛⲑⲱⲟⲩ ⲟⲩⲛ
ⲛⲓⲇⲁⲓⲙⲱⲛ ⲉⲧⲁⲩⲛⲁⲩ ⲉⲡⲉϥϩⲏⲧ ⲉϥϫⲟⲣ ⲙⲫⲣⲏϯ ⲙⲫⲁ ⲟⲩⲙⲟⲩⲓ ⲁⲩⲉⲣ‐
ⲫⲑⲟⲛⲉⲓⲛ ⲉⲑⲣⲉϥⲛⲟⲩϣⲡ ⲁⲩⲙⲟⲩϯ ⲉⲟⲩⲣⲁⲛ ⲙⲫⲣⲏϯ ⲛϩⲁⲛ ϩⲓⲟⲙⲓ ⲉⲩϫⲱ
ⲙⲙⲟⲥ ϫⲉ ⲧⲁ ⲛⲓⲙ ⲁⲙⲏ ⲛⲉⲙⲁⲛ ⲉϯⲥⲓⲱⲟⲩⲛⲓ. ⲟⲩⲟϩ ⲁϥⲟⲩⲟϩⲉⲙ ⲇⲉ ⲛⲱⲟⲩ
ⲛϫⲉ ⲕⲉⲇⲁⲓⲙⲱⲛ ⲥⲁϧⲣⲏⲓ ⲙⲙⲟϥ ⲙⲫⲣⲏϯ ⲉⲃⲟⲗϧⲉⲛ ⲛⲓⲣⲉϥⲙⲱⲟⲩⲧ ϫⲉ
ⲟⲩⲟⲛ ⲟⲩϣⲉⲙⲙⲟ ⲥⲁ ⲡϣⲱⲓ ⲙⲙⲟⲓ ⲙⲙⲟⲛ ϣϫⲟⲙ ⲙⲙⲟⲓ ⲉⲓ. ⲡⲓϧⲉⲗⲗⲟ
ⲇⲉ ⲙⲡⲉϥⲛⲟⲩϣⲡ ⲁⲗⲗⲁ ⲉϥⲧⲁϫⲣⲏⲟⲩⲧ ⲛⲁϥϩⲓⲟⲩⲓ ⲉⲣⲟϥ ⲡⲉ ⲉϥϫⲱ ⲙⲙⲟⲥ
ϫⲉ ⲧⲱⲛⲕ ϩⲱⲗ (-ⲓ︦ⲇ︦-) ⲉⲡⲓⲭⲁⲕⲓ ⲓⲥϫⲉ ⲟⲩⲟⲛ ϣϫⲟⲙ ⲙⲙⲟⲕ. ⲟⲩⲟϩ ⲫⲁⲓ


### 0012

ⲛⲑⲣⲉϥⲉⲣ ⲉⲧϩⲏ ⲁϥⲉⲣⲁⲡⲁⲛⲧⲁⲛ ⲉⲟⲩϩⲉⲗⲗⲏⲛⲟⲥ ⲛⲉ ⲟⲩⲟⲩⲏⲃ ⲇⲉ ⲙⲡⲁⲇⲁ‐
ⲗⲁⲥ ⲉϥϥⲁⲓ ⲛⲟⲩⲛⲓϣϯ ⲛϣⲉ ⲙⲡⲓⲕⲁⲩⲙⲁ ⲟⲩⲟϩ ⲛⲁϥϭⲟϫⲓ ⲡⲉ ⲟⲩⲟϩ ⲉⲧⲁ
ⲡⲓⲥⲟⲛ ⲱϣ ⲟⲩⲃⲏϥ ⲛⲁϥⲙⲟⲩϯ ⲡⲉ ⲉϥϫⲱ ⲙⲙⲟⲥ ϫⲉ ϩⲉ ⲛⲑⲟⲕ ⲡⲓⲇⲁⲓⲙⲱⲛ
ⲁⲕϭⲟϫⲓ ⲉⲑⲱⲛ ⲟⲩⲟϩ ⲉⲧⲁϥⲫⲟⲛϩϥ ⲛⲁϥⲛⲏⲟⲩ ⲉϫⲱϥ ⲡⲉ ⲁϥϯ ⲛϩⲁⲛ ⲉⲣ‐
ϧⲱⲧ ⲛⲁϥ ⲁϥⲭⲁϥ ⲉϥⲟⲓ ⲙⲫⲁϣ ⲙⲟϥ (-ⲓ︦ⲃ︦-) ⲟⲩⲟϩ ⲉⲧⲁϥⲧⲱⲟⲩⲛ ⲙⲡⲓϣⲉ
ⲁϥϭⲟϫⲓ ⲟⲛ ⲟⲩⲟϩ ⲉⲧⲁϥⲥⲓⲛⲓ ⲉⲧϩⲏ ⲛⲟⲩⲕⲟⲩϫⲓ ⲁϥϣⲁϣⲛⲓ ⲉⲣⲟϥ ⲛϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲡⲉϫⲁϥ ⲛⲁϥ ϫⲉ ⲙⲓⲟⲕ ⲙⲓⲟⲕ ⲡⲓⲙⲁⲓ ϧⲁⲥϥ. ⲟⲩⲟϩ ⲉⲧⲁϥⲉⲣ
ϣⲫⲏⲣⲓ ⲁϥⲓ ϩⲁⲣⲟϥ ⲡⲉϫⲁϥ ⲛⲁϥ ϫⲉ ⲟⲩ ⲙⲡⲉⲑⲛⲁⲛⲉϥ ⲁⲕⲛⲁϥ ⲉⲣⲟϥ ⲛϧⲏⲧ
ϫⲉ ⲁⲕⲧⲁⲓⲉ ⲙⲟⲩϯ ⲛⲏⲓ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲁⲓⲛⲁⲩ ⲉⲣⲟⲕ ⲉⲕϧⲟⲥⲓ
ⲛⲕⲉⲙⲓ ⲁⲛ ϫⲉ ⲁⲕϧⲟⲥⲓ ⲛⲉⲫⲗⲏⲟⲩ. ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ⲁⲛⲟⲕ ϩⲱ
ⲁⲓⲟⲩⲉⲙ ϩⲑⲏⲓ ⲉϫⲉⲛ ⲡⲁⲥⲡⲁⲥⲙⲟⲥ ⲟⲩⲟϩ ⲁⲓⲉⲙⲓ ϫⲉ ⲛⲑⲟⲕ ⲫⲁ ⲟⲩⲛⲓϣϯ
ⲛⲛⲟⲩϯ ⲕⲉⲙⲟⲛⲁⲭⲟⲥ ⲇⲉ ⲉϥϩⲱⲟⲩ ⲉⲧⲁϥⲉⲣⲁⲡⲁⲛⲧⲁⲛ ⲉⲣⲟⲓ ⲁϥϩⲱⲟⲩϣ ⲉⲣⲟⲓ
ⲁⲛⲟⲕ ⲇⲉ ⲁⲓϯ ⲛϩⲁⲛ ⲉⲣϧⲱⲧ ⲛⲁϥ ⲉⲫⲙⲟⲩ. ⲟⲩⲟϩ ⲁ ⲡⲓϧⲉⲗⲗⲟ ⲉⲙⲓ ϫⲉ
ⲡⲉϥⲙⲁⲑⲏⲧⲏⲥ ⲡⲉ ⲟⲩⲟϩ ⲉⲧⲁ ⲡⲓⲟⲩⲏⲃ ⲁⲙⲟⲛⲓ ⲛⲛⲉϥϭⲁⲗⲁⲩϫ ⲛⲁϥϫⲱ
ⲙⲙⲟⲥ ⲡⲉ ϫⲉ ϯⲛⲁⲭⲁⲕ ⲉⲃⲟⲗ ⲁⲛ ⲁⲕϣⲧⲉⲙⲁⲓⲧ ⲙⲙⲟⲛⲁⲭⲟⲥ. ⲟⲩⲟϩ ⲁⲩⲓ
ⲥⲁ ⲡϣⲱⲓ ⲙⲡⲓⲙⲁ ⲉⲛⲁⲣⲉ ⲡⲓⲥⲟⲛ ⲭⲏ ⲙⲙⲟϥ ⲁⲩⲉⲛϥ ⲉϯⲉⲕⲕⲗⲏⲥⲓⲁ ⲛⲧⲉ


### 0013

ⲡⲓⲧⲱⲟⲩ ⲟⲩⲟϩ ⲉⲧⲁⲩⲛⲁⲩ ⲉⲡⲓⲟⲩⲏⲃ ⲁⲩⲉⲣ ϣⲫⲏⲣⲓ ⲟⲩⲟϩ ⲁⲩϯ ⲱⲙⲥ ⲛⲁϥ
ⲁⲩⲁⲓϥ ⲙⲙⲟⲛⲁⲭⲟⲥ ⲟⲩⲟϩ ⲟⲩ- (-ⲓ︦︦ⲅ︦-) ⲙⲏϣ ⲛⲧⲉ ⲛⲓϩⲉⲗⲗⲏⲛⲟⲥ ⲁⲩⲉⲣ
ⲭⲣⲓⲥⲧⲓⲁⲛⲟⲥ ⲉⲑⲃⲏⲧϥ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲡⲓⲥⲁϫⲓ ⲉⲧϩⲱⲟⲩ ⲛⲓⲕⲉⲭⲱⲟⲩⲛⲓ ⲉⲑ‐
ⲛⲁⲛⲉⲩ ϣⲁϥⲑⲣⲟⲩⲧϩⲟ ⲡⲁⲓⲣⲏϯ ⲟⲛ ⲡⲓⲥⲁϫⲓ ⲉⲑⲛⲁⲛⲉϥ ⲛⲓⲕⲉⲭⲱⲟⲩⲛⲓ ⲉⲧ‐
ϩⲱⲟⲩ ϣⲁϥⲑⲣⲟⲩⲁⲛⲁⲓ.
ⲛⲑⲟϥ ⲟⲛ ⲁϥⲓ ⲉⲡϣⲱⲓ ⲛⲟⲩⲥⲟⲡ ⲉⲃⲟⲗϩⲓⲧⲉⲛ ϣⲓⲏⲧ ⲉⲧⲉⲣⲉⲛⲟⲩϯ ⲁϥϣⲉ
ⲉϧⲟⲩⲛ ⲉⲟⲩϩⲙⲁⲩ ⲁϥⲉⲛⲕⲟⲧ. ⲛⲉ ⲟⲩⲟⲛ ϩⲁⲛ ⲥⲱⲙⲁ ⲛⲁⲡⲁⲥ ⲙⲙⲁⲩ ⲡⲉ ⲛⲧⲉ
ⲛⲓϩⲉⲗⲗⲏⲛⲟⲥ ⲉⲩⲙⲱⲟⲩⲧ ⲟⲩⲟϩ ⲉⲧⲁϥϭⲓ ⲛⲟⲩⲁⲓ ⲁϥⲭⲁϥ ϧⲁ ⲧⲉϥⲁⲫⲉ
ⲙⲫⲣⲏϯ ⲛⲟⲩⲙⲣⲱⲙ ϩⲓⲛⲁ ⲛⲧⲉϥⲙⲧⲟⲛ ⲙⲙⲟϥ ⲛⲟⲩⲕⲟⲩϫⲓ. ⲛⲑⲱⲟⲩ ⲟⲩⲛ
ⲛⲓⲇⲁⲓⲙⲱⲛ ⲉⲧⲁⲩⲛⲁⲩ ⲉⲡⲉϥϩⲏⲧ ⲉϥϫⲟⲣ ⲙⲫⲣⲏϯ ⲙⲫⲁ ⲟⲩⲙⲟⲩⲓ ⲁⲩⲉⲣ‐
ⲫⲑⲟⲛⲉⲓⲛ ⲉⲑⲣⲉϥⲛⲟⲩϣⲡ ⲁⲩⲙⲟⲩϯ ⲉⲟⲩⲣⲁⲛ ⲙⲫⲣⲏϯ ⲛϩⲁⲛ ϩⲓⲟⲙⲓ ⲉⲩϫⲱ
ⲙⲙⲟⲥ ϫⲉ ⲧⲁ ⲛⲓⲙ ⲁⲙⲏ ⲛⲉⲙⲁⲛ ⲉϯⲥⲓⲱⲟⲩⲛⲓ. ⲟⲩⲟϩ ⲁϥⲟⲩⲟϩⲉⲙ ⲇⲉ ⲛⲱⲟⲩ
ⲛϫⲉ ⲕⲉⲇⲁⲓⲙⲱⲛ ⲥⲁϧⲣⲏⲓ ⲙⲙⲟϥ ⲙⲫⲣⲏϯ ⲉⲃⲟⲗϧⲉⲛ ⲛⲓⲣⲉϥⲙⲱⲟⲩⲧ ϫⲉ
ⲟⲩⲟⲛ ⲟⲩϣⲉⲙⲙⲟ ⲥⲁ ⲡϣⲱⲓ ⲙⲙⲟⲓ ⲙⲙⲟⲛ ϣϫⲟⲙ ⲙⲙⲟⲓ ⲉⲓ. ⲡⲓϧⲉⲗⲗⲟ
ⲇⲉ ⲙⲡⲉϥⲛⲟⲩϣⲡ ⲁⲗⲗⲁ ⲉϥⲧⲁϫⲣⲏⲟⲩⲧ ⲛⲁϥϩⲓⲟⲩⲓ ⲉⲣⲟϥ ⲡⲉ ⲉϥϫⲱ ⲙⲙⲟⲥ
ϫⲉ ⲧⲱⲛⲕ ϩⲱⲗ (-ⲓ︦ⲇ︦-) ⲉⲡⲓⲭⲁⲕⲓ ⲓⲥϫⲉ ⲟⲩⲟⲛ ϣϫⲟⲙ ⲙⲙⲟⲕ. ⲟⲩⲟϩ ⲫⲁⲓ


### 0014

ⲉⲧⲁⲩⲥⲟⲑⲙⲉϥ ⲛϫⲉ ⲛⲓⲇⲁⲓⲙⲱⲛ ⲁⲩⲱϣ ⲉⲃⲟⲗ ϧⲉⲛ ⲟⲩⲛⲓϣϯ ⲛⲥⲙⲏ ϫⲉ
ⲁⲕϭⲣⲟ ⲉⲣⲟⲛ ⲟⲩⲟϩ ⲁⲩϣⲉ ⲛⲱⲟⲩ ⲉⲩϣⲫⲓⲧ.
ⲟⲩⲥⲟⲛ ⲁϥϩⲓ ⲟⲩⲕⲟⲧ ⲉⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ⲡⲉϫⲁϥ ⲛⲁϥ ϫⲉ ⲡⲁⲓⲱⲧ
ⲁϫⲉ ⲟⲩⲥⲁϫⲓ ⲛⲏⲓ ϫⲉ ⲁⲓⲛⲁϣⲛⲟϩⲙ ⲛⲁϣ ⲛⲣⲏϯ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ
ϩⲱⲗ ⲉⲡⲓⲙϩⲁⲩ ϩⲱⲟⲩϣ ⲉⲛⲓⲣⲉϥⲙⲱⲟⲩⲧ ⲟⲩⲟϩ ⲥⲉⲧ ⲱⲛⲓ ⲉⲣⲱⲟⲩ. ⲉⲧⲁϥϣⲉ
ⲛⲁϥ ⲟⲩⲛ ⲛϫⲉ ⲡⲓⲥⲟⲛ ⲁϥϩⲱⲟⲩϣ ⲟⲩⲟϩ ⲉⲧⲁϥⲓ ⲁϥⲧⲁⲙⲉ ⲡⲓϧⲉⲗⲗⲟ. ⲡⲉϫⲉ
ⲡⲓϧⲉⲗⲗⲟ ⲛⲁϥ ϫⲉ ⲙⲡⲟⲩϫⲉ ϩⲗⲓ ⲛⲥⲁϫⲓ ⲛⲁⲕ. ⲡⲉϫⲁϥ ϫⲉ ⲙⲫⲏ. ⲡⲉϫⲉ ⲡⲓ‐
ϧⲉⲗⲗⲟ ⲛⲁϥ ϫⲉ ϩⲱⲗ ⲛⲣⲁⲥϯ ⲙⲁ ⲱⲟⲩ ⲛⲱⲟⲩ ⲉⲕϫⲱ ⲙⲙⲟⲥ ϫⲉ ⲛⲑⲱⲧⲉⲛ
ϩⲁⲛ ⲁⲡⲟⲥⲧⲟⲗⲟⲥ ⲛⲉⲙ ϩⲁⲛ ⲁⲅⲓⲟⲥ ⲛⲉⲙ ϩⲁⲛ ⲑⲙⲏⲓ. ⲟⲩⲟϩ ⲁϥⲓ ϩⲁ ⲡⲓϧⲉⲗⲗⲟ
ⲉϥϫⲱ ⲙⲙⲟⲥ ϫⲉ ⲁⲓϯ ⲱⲟⲩ ⲛⲱⲟⲩ. ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲙⲡⲟⲩⲉⲣ
ⲟⲩⲱ ⲛⲁⲕ ⲛϩⲗⲓ. ⲡⲉϫⲁϥ ϫⲉ ⲙⲫⲏ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲁⲕⲛⲁⲩ ϫⲉ ⲁⲕⲉⲣ
ⲟⲩⲏⲣ ⲛϩⲱⲟⲩϣ ⲉⲣⲱⲟⲩ ⲟⲩⲟϩ ⲙⲡⲟⲩϫⲉ ϩⲗⲓ ⲛⲁⲕ ⲟⲩⲟϩ ⲁⲕϯ ⲟⲩⲏⲣ ⲛⲱⲟⲩ
ⲛⲱⲟⲩ ⲙⲡⲟⲩⲉⲣ ⲟⲩⲱ ⲛϩⲗⲓ (-ⲓ︦ⲉ︦-) ⲡⲁⲓⲣⲏϯ ⲛⲑⲟⲕ ϩⲱⲕ ⲉϣⲱⲡ ⲭⲟⲩⲱϣ
ⲉⲛⲟϩⲉⲙ ϩⲱⲗ ⲁⲣⲓ ⲣⲉϥⲙⲱⲟⲩⲧ ⲉⲕⲱⲡ ⲁⲛ ⲙⲡϣⲱϣ ⲛⲛⲓⲣⲱⲙⲓ ⲛⲉⲙ ⲡⲟⲩ‐
ⲧⲁⲓⲟ ⲙⲫⲣⲏϯ ϩⲱⲟⲩ ⲛⲛⲓⲣⲉϥⲙⲱⲟⲩⲧ ⲟⲩⲟⲛ ϣϫⲟⲙ ⲙⲙⲟⲕ ⲉⲛⲟϩⲉⲙ.
ⲁⲩϫⲟⲥ ⲟⲛ ⲉⲑⲃⲏⲧϥ ϫⲉ ⲉϣⲱⲡ ⲁⲣⲉϣⲁⲛ ⲟⲩⲥⲟⲛ ⲓ ϩⲁⲣⲟϥ ϧⲉⲛ ⲟⲩϩⲟϯ
ⲙⲫⲣⲏϯ ⲛⲟⲩⲁⲅⲓⲟⲥ ⲟⲩⲟϩ ⲛⲛⲓϣϯ ⲛϧⲉⲗⲗⲟ ⲛⲁϥϫⲉ ϩⲗⲓ ⲛⲥⲁϫⲓ ⲛⲁϥ ⲁⲛ


### 0015

ⲡⲉ. ⲉϣⲱⲡ ⲇⲉ ⲁⲣⲉϣⲁⲛ ⲟⲩⲁⲓ ⲛⲛⲓⲥⲛⲏⲟⲩ ϫⲟⲥ ⲛⲁϥ ⲉϥϣⲱϣϥ ⲙⲙⲟϥ ϫⲉ
ⲡⲁⲓⲱⲧ ϩⲁⲣⲁ ⲉⲕⲟⲓ ⲙⲙⲁⲛ ϫⲁⲙⲟⲩⲗ ⲉⲕⲕⲉⲗⲡ ϧⲁⲓ ⲉⲕϯ ⲉⲃⲟⲗ ⲛⲁⲩϩⲓⲟⲩⲓ
ⲉⲣⲟⲕ ⲁⲛ ⲡⲉ ⲛϫⲉ ⲛⲓⲣⲉϥⲁⲣⲉϩ ⲁⲣⲉϣⲁⲛ ⲟⲩⲁⲓ ⲇⲉ ⲥⲁϫⲓ ⲛⲉⲙⲁϥ ϧⲉⲛ ⲛⲁⲓ‐
ⲥⲁϫⲓ ϣⲁϥⲥⲁϫⲓ ⲛⲉⲙⲱⲟⲩ ϧⲉⲛ ⲟⲩⲣⲁϣⲓ ⲙⲫⲏ ⲉⲧⲟⲩⲛⲁϣⲉⲛϥ ⲉⲣⲟϥ.
ⲁϥϫⲟⲥ ⲛϫⲉ ⲁⲃⲃⲁ ϭⲓϭⲱⲓ ϫⲉ ϩⲟⲧⲉ ⲉⲓϧⲉⲛ ϣⲓⲏⲧ ⲛⲉⲙ ⲁⲃⲃⲁ ⲙⲁⲕⲁⲣⲓⲟⲥ
ⲁⲛⲓ ⲉⲡϣⲱⲓ ⲛⲉⲙⲁϥ ⲉⲱⲥϧ ⲉⲛⲉⲣ ⲍ ϩⲏⲡⲡⲉ ⲛⲁⲥⲥⲣⲓⲧ ⲥⲁ ⲫⲁϩⲟⲩ ⲙⲙⲟⲛ ⲛϫⲉ
ⲟⲩⲭⲏⲣⲁ ⲟⲩⲟϩ ⲛⲁⲥⲭⲱ ⲛⲧⲟⲧⲥ ⲉⲃⲟⲗ ⲁⲛ ⲡⲉ ⲉⲥⲣⲓⲙⲓ. ⲁϥⲙⲟⲩϯ ⲟⲛ ⲛϫⲉ
ⲡⲓϧⲉⲗⲗⲟ ⲉⲡⲟ︦ⲥ︦ ⲙⲡⲓⲓⲟϩⲓ ⲡⲉϫⲁϥ ⲛⲁϥ ϫⲉ ⲟⲩ ⲡⲉ ⲉⲧϣⲟⲡ ⲛⲧⲁⲓϧⲉⲗⲗⲱ ⲉⲥⲣⲓ‐
ⲙⲓ ⲉϥⲙⲏⲛ. ⲡⲉϫⲁϥ ⲛⲁϥ (-ⲓ︦︦ⲋ︦-) ϫⲉ ⲛⲉ ⲟⲩⲟⲛ ⲟⲩⲡⲁⲣⲁⲑⲏⲕⲏ ⲡⲉ ⲛⲧⲉ ⲟⲩⲁⲓ
ⲉⲡⲉⲥⲣⲱⲙⲓ ⲟⲩⲟϩ ⲁϥⲙⲟⲩ ⲛϩⲱⲗϥ ⲙⲡⲉϥϫⲟⲥ ⲛⲁⲥ ϫⲉ ⲁϥⲭⲁⲥ ⲛⲑⲱⲛ ⲟⲩⲟϩ
ⲁ ⲡⲟ︦ⲥ︦ ⲛϯⲡⲁⲣⲁⲑⲏⲕⲏ ⲟⲩⲱϣ ⲉⲟⲗⲥ ⲛⲉⲙ ⲛⲉⲥϣⲏⲣⲓ ⲉϩⲁⲛ ⲃⲱⲕ. ⲡⲉϫⲉ ⲡⲓ‐
ϧⲉⲗⲗⲟ ⲛⲁϥ ϫⲉ ⲁϫⲟⲥ ⲛⲁⲥ ϩⲓⲛⲁ ⲛⲧⲉⲥⲓ ϩⲁⲣⲟⲛ ⲉⲡⲓⲙⲁ ⲉⲛⲁⲛⲙⲟⲧⲉⲛ ⲙⲙⲟⲛ
ⲙⲙⲁⲩ ⲛϯⲕⲁⲩⲙⲁ. ⲟⲩⲟϩ ⲉⲧⲁⲥⲓ ⲡⲉϫⲉ ⲡⲓϧⲉⲗⲗⲟ ⲛⲁⲥ ϫⲉ ⲉⲑⲃⲉ ⲟⲩ ⲧⲉⲣⲓⲙⲓ
ⲉϥⲙⲏⲛ. ⲡⲉϫⲁⲥ ⲛⲁϥ ϫⲉ ⲁ ⲡⲁⲣⲱⲙⲓ ϭⲓ ⲛⲟⲩⲡⲁⲣⲁⲑⲏⲕⲏ ⲛⲧⲉⲛ ⲟⲩⲁⲓ ⲟⲩⲟϩ
ⲙⲡⲉϥϫⲟⲥ ⲛⲏⲓ ϫⲉ ⲁϥⲭⲁⲥ ⲛⲑⲱⲛ. ⲡⲉϫⲉ ⲡⲓϧⲉⲗⲗⲟ ⲛⲁⲥ ϫⲉ ⲁⲙⲏ ⲙⲁⲧⲁ‐
ⲙⲟⲓ ϫⲉ ⲁⲣⲉⲭⲁϥ ⲛⲑⲱⲛ. ⲟⲩⲟϩ ⲁϥϭⲓ ⲛⲛⲓⲥⲛⲏⲟⲩ ⲛⲉⲙⲁϥ ⲁϥⲓ ⲉⲃⲟⲗ


### 0016

ⲛⲉⲙⲁⲥ ⲟⲩⲟϩ ⲉⲧⲁⲩⲓ ⲉⲡⲓⲙⲁ ⲡⲉϫⲉ ⲡⲓϧⲉⲗⲗⲟ ⲛⲁⲥ ϫⲉ ⲙⲁϣⲉ ⲛⲉ ⲉⲡⲉⲏⲓ.
ⲟⲩⲟϩ ⲉⲧⲁⲩⲧⲱⲃϩ ⲁ ⲡⲓϧⲉⲗⲗⲟ ⲙⲟⲩϯ ⲉⲡⲓⲣⲉϥⲙⲱⲟⲩⲧ ⲉϥϫⲱ ⲙⲙⲟⲥ ϫⲉ
ⲡⲁⲫⲙⲁⲛ ⲉⲧⲁⲕⲭⲁ ϯⲡⲁⲣⲁⲑⲏⲕⲏ ⲛⲁⲗⲗⲟⲧⲣⲓⲟⲥ ⲛⲑⲱⲛ. ⲛⲑⲟϥ ⲇⲉ ⲁϥⲉⲣ
ⲟⲩⲱ ⲡⲉϫⲁϥ ϫⲉ ⲥⲭⲏ ϧⲉⲛ ⲡⲁⲏⲓ ⲥⲁϧⲣⲏⲓ ⲛⲓⲫⲁⲧ ⲙⲡⲓϭⲗⲟϫ. ⲡⲉϫⲉ ⲡⲓϧⲉⲗⲗⲟ
ⲛⲁϥ ϫⲉ ⲛⲑⲟⲕ ⲟⲩⲛ ⲉⲛⲕⲟⲧ ϣⲁ ⲡⲓⲉϩⲟⲟⲩ ⲛⲧⲉ ϯⲁⲛⲁⲥⲧⲁⲥⲓⲥ. ⲉⲧⲟⲩⲛⲁⲩ ⲇⲉ
ⲛϫⲉ ⲛⲓⲥⲛⲏⲟⲩ ⲁⲩϩⲉⲓ (-ⲓⲍ-) ϧⲁ ⲛⲉϥϭⲁⲗⲁⲩϫ ⲛⲧⲉⲛ ϯϩⲟϯ ⲡⲉϫⲉ ⲡⲓϧⲉⲗⲗⲟ
ⲛⲱⲟⲩ ϫⲉ ⲉⲑⲃⲏⲧ ⲁⲛ ⲁ ⲫⲁⲓ ϣⲱⲡⲓ ⲁⲛⲟⲕ ϩⲗⲓ ⲅⲁⲣ ⲁⲗⲗⲁ ⲉⲑⲃⲉ ⲧⲁⲓⲭⲏⲣⲁ
ⲛⲉⲙ ⲛⲓⲟⲣⲫⲁⲛⲟⲥ ⲁ ⲫ︦ϯ︦ ⲓⲣⲓ ⲙⲡⲁⲓϩⲱⲃ ⲫⲁⲓ ⲇⲉ ⲡⲉ ⲡⲓⲛⲓϣϯ ϫⲉ ⲉⲣⲉ ⲫ︦ϯ︦
ⲟⲩⲁϣ ϯⲯⲩⲭⲏ ⲉⲥⲟⲓ ⲛⲁⲑⲛⲟⲃⲓ. ⲟⲩⲟϩ ⲉⲧⲁⲩⲓ ⲁⲩⲧⲁⲙⲉ ϯⲭⲏⲣⲁ ϫⲉ ⲉⲣⲉ
ϯⲡⲁⲣⲁⲑⲏⲕⲏ ⲛⲑⲱⲛ ⲛⲑⲟⲥ ⲇⲉ ⲉⲧⲁⲥϭⲓⲧⲥ ⲁⲥⲧⲏⲓⲥ ⲙⲡⲉⲥⲛⲏⲃ ⲟⲩⲟϩ ⲁⲥⲉⲣ
ⲛⲉⲥϣⲏⲣⲓ ⲛⲣⲉⲙϩⲉ ⲟⲩⲟϩ ⲛⲏ ⲉⲧⲁⲩⲥⲱⲧⲉⲙ ⲁⲩϯ ⲱⲟⲩ ⲙⲫ︦ϯ︦.
ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ⲁϥⲭⲁ ϯⲉⲕⲕⲗⲏⲥⲓⲁ ⲉⲃⲟⲗϧⲉⲛ ϣⲓⲏⲧ ⲛⲁϥϫⲱ
ⲙⲙⲟⲥ ⲡⲉ ⲛⲛⲓⲥⲛⲏⲟⲩ ϫⲉ ⲫⲱⲧ ⲛⲓⲥⲛⲏⲟⲩ. ⲡⲉϫⲉ ⲟⲩϧⲉⲗⲗⲟ ⲛⲁϥ ϫⲉ ⲁⲛⲛⲁ‐
ⲫⲱⲧ ⲉⲑⲱⲛ ⲛϩⲟⲩⲟ ⲉⲡⲁⲓϣⲁϥⲉ. ⲟⲩⲟϩ ⲉⲧⲁϥⲭⲁ ⲡⲉϥⲧⲏⲃ ϩⲓⲣⲉⲛ ⲣⲱϥ ⲁϥϫⲱ
ⲙⲙⲟⲥ ϫⲉ ⲫⲁⲓ ⲡⲉ ⲡⲓⲫⲱⲧ ⲉⲧⲉ ⲡⲓⲭⲁ ⲣⲱϥ ⲡⲉ.
ⲁϥϫⲟⲥ ⲛϫⲉ ⲁⲃⲃⲁ ⲡⲁⲫⲛⲟⲩϯ ⲡⲓⲙⲁⲑⲏⲧⲏⲥ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ


### 0017

ⲁⲓϯ ϩⲟ ⲉⲡⲓϧⲉⲗⲗⲟ ϫⲉ ⲡⲁⲓⲱⲧ ⲁϫⲉ ⲟⲩⲥⲁϫⲓ ⲛⲏⲓ. ⲡⲉϫⲁϥ ⲛⲏⲓ ϫⲉ ⲙⲡⲉⲣⲉⲣ
ⲡⲉⲧϩⲱⲟⲩ ⲛϩⲗⲓ ⲟⲩⲟϩ ⲙⲡⲉⲣϩⲓ ϩⲗⲓ ⲉⲡϩⲁⲡ ⲟⲩⲟϩ ⲭⲛⲁⲛⲟϩⲉⲙ.
ⲁⲃⲃⲁ ⲙⲱⲩⲥⲏⲥ ⲁϥϫⲟⲥ ⲛⲁⲃⲃⲁ ⲙⲁⲕⲁⲣⲓⲟⲥ ϯⲟⲩⲱϣ ⲉⲱⲣϥ ⲛⲓⲥⲛⲏⲟⲩ
(-ⲓ︦ⲏ︦-) ⲭⲱ ⲙⲙⲟⲓ ⲁⲛ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ϯⲛⲁⲩ ⲉⲧⲉⲕⲫⲩⲥⲓⲥ
ϫⲏⲛ ⲟⲩⲟϩ ⲙⲙⲟⲛ ϣϫⲟⲙ ⲙⲙⲟⲕ ⲉⲧⲁⲥⲑⲉ ⲟⲩⲥⲟⲛ ⲉⲃⲟⲗ ⲓⲥϫⲉ ⲇⲉ ⲭⲟⲩⲱϣ
ⲉⲱⲣϥ ⲛⲧⲁ ⲫⲙⲏⲓ ⲥⲱⲧⲉⲙ ⲛⲥⲱⲓ ϩⲱⲗ ⲉϯⲡⲉⲧⲣⲁ ⲟⲩⲟϩ ⲭⲛⲁⲱⲣϥ. ⲟⲩⲟϩ
ⲉⲧⲁϥⲓⲣⲓ ⲙⲡⲁⲓⲣⲏϯ ⲁϥⲙⲧⲟⲛ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲉϣⲱⲡ ⲛⲧⲉⲕⲉⲣⲉⲡⲓⲧⲓⲙⲁⲛ ⲛⲟⲩⲁⲓ ⲟⲩⲟϩ
ⲛⲧⲉ ⲡⲓϫⲱⲛⲧ ⲕⲓⲙ ⲉⲣⲟⲕ ⲁⲕϫⲉⲕ ⲟⲩⲡⲁⲑⲟⲥ ⲉⲃⲟⲗ ⲟⲩ ⲅⲁⲣ ⲛⲧⲉⲕⲛⲟϩⲉⲙ
ⲛⲟⲩⲁⲓ ⲟⲩⲟϩ ⲛⲧⲉⲕⲧⲁⲕⲟⲕ ⲙⲙⲁⲩⲁⲧⲕ.
ⲁϥϫⲟⲥ ⲟⲛ ϫⲉ ⲡⲁⲛⲧⲱⲥ ⲫⲏ ⲉⲧϫⲟⲩϣⲧ ⲉϯⲙⲉⲧϣⲫⲏⲣ ⲛⲧⲉ ⲛⲓⲣⲱⲙⲓ ⲁϥ‐
ϩⲉⲛϥ ⲉⲃⲟⲗϩⲁ ϯⲙⲉⲧϣⲫⲏⲣ ⲛⲧⲉ ⲫ︦ϯ︦ ⲥⲥϧⲏⲟⲩⲧ ⲅⲁⲣ ϫⲉ ⲟⲩⲟⲓ ⲛⲱⲧⲉⲛ ⲉϣⲱⲡ
ⲁⲣⲉϣⲁⲛ ⲛⲓⲣⲱⲙⲓ ⲧⲏⲣⲟⲩ ϫⲟⲥ ⲛⲱⲧⲉⲛ ϫⲉ ⲕⲁⲗⲱⲥ.
ⲁϥϫⲟⲥ ⲟⲛ ϫⲉ ϯⲙⲉⲩⲓ ⲙⲡⲁⲓⲣⲏϯ ϫⲉ ⲉϣⲱⲡ ⲁⲣⲉⲧⲉⲛϣⲁⲛⲓⲣⲓ ⲕⲁⲧⲁ ⲛⲓ‐
ϩⲏⲇⲟⲛⲏ ⲛⲧⲉ ⲛⲓⲣⲱⲙⲓ ⲛⲑⲱⲟⲩ ϩⲱⲟⲩ ⲥⲉⲛⲁϫⲉⲙ ⲁⲣⲓⲕⲓ ⲉⲧⲉⲧⲉⲛⲙⲉⲧⲁⲧⲉⲣ


### 0018

ϩⲟϯ ⲉϣⲱⲡ ⲇⲉ ⲁⲣⲉⲧⲉⲛϣⲁⲛⲭⲟϩ ⲉϯⲙⲉⲑⲙⲏⲓ ⲕⲁⲛ ⲁⲩϣⲁⲛϧⲓⲥⲓ ⲛⲟⲩⲕⲟⲩϫⲓ
ⲁⲗⲗⲁ ϯⲥⲩⲛⲉⲓⲇⲏⲥⲓⲥ ⲛⲁⲁⲓⲧⲟⲩ ⲙⲃⲉⲗⲗⲉ ⲁⲛ ⲉⲡⲓⲕⲁⲧⲁ ⲫ︦ϯ︦.
ⲁⲓⲥⲱⲧⲉⲙ ϫⲉ ⲛⲓϧⲉⲗⲗⲟ ⲛⲧⲉ ⲡⲓⲧⲱⲟⲩ (-ⲓ︦ⲑ︦-) ⲙⲡⲉⲣⲛⲟⲩϫ ⲟⲩⲱⲣⲡ ⲛⲁⲃⲃⲁ
ⲙⲁⲕⲁⲣⲓⲟⲥ ⲡⲓⲛⲓϣϯ ϧⲉⲛ ϣⲓⲏⲧ ⲛⲟⲩⲥⲟⲡ ⲉⲩϯ ϩⲟ ⲉⲣⲟϥ ⲉⲩϫⲱ ⲙⲙⲟⲥ ⲛⲁϥ
ϫⲉ ϩⲓⲛⲁ ⲛⲧⲉϥϣⲧⲉⲙ ⲡⲗⲁⲟⲥ ⲧⲏⲣϥ ⲓ ϣⲁⲣⲟⲕ ⲧⲉⲛⲉⲣⲁⲓⲟⲓⲛ ⲙⲙⲟⲕ ⲉⲓ
ϣⲁⲣⲟⲛ ϩⲟⲡⲱⲥ ⲛⲧⲉⲛⲛⲁⲩ ⲉⲣⲟⲕ ⲙⲡⲁⲧⲉⲕϣⲉ ⲛⲁⲕ ϩⲁ ⲡⲟ︦ⲥ︦. ⲉⲧⲁϥⲓ ⲇⲉ ⲉⲡⲓ‐
ⲧⲱⲟⲩ ⲁϥⲑⲱⲟⲩϯ ⲉⲣⲟϥ ⲛϫⲉ ⲡⲓⲗⲁⲟⲥ ⲧⲏⲣϥ ⲛⲁⲩϯ ϩⲟ ⲇⲉ ⲉⲣⲟϥ ⲛϫⲉ ⲛⲓ‐
ϧⲉⲗⲗⲟⲓ ϫⲉ ⲁϫⲉ ⲟⲩⲥⲁϫⲓ ⲛⲛⲓⲥⲛⲏⲟⲩ. ⲛⲑⲟϥ ⲇⲉ ⲉⲧⲁϥⲣⲓⲙⲓ ⲛⲁϥϫⲱ ⲙⲙⲟⲥ
ϫⲉ ⲙⲁⲣⲉⲛⲣⲓⲙⲓ ⲉⲣⲟⲛ ⲛⲓⲥⲛⲏⲟⲩ ⲟⲩⲟϩ ⲙⲁⲣⲉ ⲛⲉⲛⲃⲁⲗ ⲓⲛⲓ ⲛϩⲁⲛ ⲉⲣⲙⲱⲟⲩⲓ
ⲉⲡⲉⲥⲏⲧ ⲙⲡⲁⲧⲉⲛϣⲉ ⲛⲁⲛ ⲉⲡⲓⲙⲁ ⲉⲧⲉ ⲛⲉⲛⲉⲣⲙⲱⲟⲩⲓ ⲛⲁⲣⲱϩ ⲙⲡⲉⲛⲥⲱⲙⲁ
ⲙⲙⲁⲩ. ⲟⲩⲟϩ ⲉⲧⲁⲩⲣⲓⲙⲓ ⲧⲏⲣⲟⲩ ⲁⲩϩⲓⲧⲟⲩ ⲉϧⲣⲏⲓ ⲉϫⲉⲛ ⲡⲟⲩϩⲟ ⲉⲩϫⲱ
ⲙⲙⲟⲥ ϫⲉ ⲧⲱⲃϩ ⲉϫⲱⲛ ⲡⲉⲛⲓⲱⲧ.
ⲁⲓⲥⲱⲧⲉⲙ ϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲛⲭⲏⲙⲓ ⲁϥⲓ ⲛⲟⲩⲥⲟⲡ ⲉϧⲟⲗϧⲉⲛ
ϣⲓⲏⲧ ⲉⲡⲧⲱⲟⲩ ⲙⲡⲉⲣⲛⲟⲩϫ ⲉϯⲡⲣⲟⲥⲫⲟⲣⲁ ⲛⲁⲃⲃⲁ ⲡⲁⲙⲱ ⲟⲩⲟϩ ⲡⲉϫⲉ ⲛⲓ‐
ϧⲉⲗⲗⲟⲓ ⲛⲁϥ ϫⲉ ⲁϫⲉ ⲟⲩⲥⲁϫⲓ ⲛⲛⲓⲥⲛⲏⲟϥ ⲱ ⲡⲉⲛⲓⲱⲧ. ⲛⲑⲟϥ ⲇⲉ ⲡⲉϫⲁϥ ϫⲉ
ⲙⲡⲁϯⲉⲣ ⲙⲟ‐ (-ⲕ-) ⲛⲁⲭⲟⲥ ⲁⲗⲗⲁ ⲁⲓⲛⲁⲩ ⲉⲙⲟⲛⲁⲭⲟⲥ. ⲉⲓϩⲉⲙⲥⲓ ⲅⲁⲣ
ⲛⲟⲩⲥⲟⲡ ϧⲉⲛ ϯⲣⲓ ϧⲉⲛ ϣⲓⲏⲧ ⲡⲉϫⲉ ⲡⲓⲙⲉⲩⲓ ⲛⲏⲓ ϫⲉ ⲙⲁϣⲉ ⲛⲁⲕ ⲉⲡϣⲁϥⲉ


### 0019

ⲟⲩⲟϩ ⲁⲣⲓ ⲉⲙⲓ ϫⲉ ⲉⲕⲛⲁⲩ ⲉⲟⲩ ⲙⲙⲁⲩ. ⲟⲩⲟϩ ⲁⲓⲟϩⲓ ⲛⲉⲙ ⲡⲁⲙⲉⲩⲓ ⲛⲉ̄
ⲛⲣⲟⲙⲡⲓ ⲉⲓϫⲱ ⲙⲙⲟⲥ ϫⲉ ⲙⲏⲡⲱⲥ ⲟⲩⲉⲃⲟⲗϩⲓⲧⲉⲛ ⲛⲓⲇⲁⲓⲙⲱⲛ ⲡⲉ ⲟⲩⲟϩ
ⲉⲧⲁ ⲡⲓⲙⲉⲩⲓ ⲟϩⲓ ⲙⲡⲉϥⲣⲏϯ ⲁⲓϣⲉ ⲛⲏⲓ ⲉϧⲟⲩⲛ ⲉⲡϣⲁϥⲉ ⲁⲓϫⲉⲙ ⲟⲩⲗⲓⲙⲛⲏ
ⲙⲙⲱⲟⲩ ⲙⲙⲁⲩ ⲛⲉⲙ ⲟⲩⲛⲏⲥⲟⲥ ϧⲉⲛ ⲧⲉⲥⲙⲏϯ ⲟⲩⲟϩ ⲁⲩⲓ ⲛϫⲉ ⲛⲓⲧⲉⲃ‐
ⲛⲱⲟⲩⲓ ⲛⲧⲉ ⲡϣⲁϥⲉ ⲉⲥⲱ ⲉⲃⲟⲗ ⲙⲙⲟⲥ ⲟⲩⲟϩ ⲁⲓⲛⲁⲩ ⲉⲣⲱⲙⲓ ⲃ︦ ϧⲉⲛ ⲧⲟⲩ‐
ⲙⲏϯ ⲉⲩⲃⲏϣ ⲟⲩⲟϩ ⲁ ⲡⲁⲥⲱⲙⲁ ⲉⲣ ϩⲟϯ ⲛⲁⲓⲙⲉⲩⲓ ϩⲁⲛ ⲡⲛⲁ ⲛⲉ. ⲛⲑⲱⲟⲩ ⲇⲉ
ⲉⲧⲁⲩⲛⲁⲩ ⲉⲣⲟⲓ ⲉⲁⲓⲉⲣ ϩⲟϯ ⲁⲩⲥⲁϫⲓ ⲟⲩⲃⲏⲓ ⲉⲩϫⲱ ⲙⲙⲟⲥ ϫⲉ ⲙⲡⲉⲣⲉⲣ ϩⲟϯ
ⲁⲛⲟⲛ ϩⲱⲛ ⲁⲛⲟⲛ ϩⲁⲛ ⲣⲱⲙⲓ. ⲟⲩⲟϩ ⲡⲉϫⲏⲓ ⲛⲑⲱⲧⲉⲛ ⲛⲑⲱⲧⲉⲛ ϩⲁⲛ ⲉⲃⲟⲗ
ⲑⲱⲛ ⲟⲩⲟϩ ⲉⲑⲃⲉ ⲟⲩ ⲁⲣⲉⲧⲉⲛⲓ ⲉⲡⲁⲓϣⲁϥⲉ. ⲡⲉϫⲱⲟⲩ ϫⲉ ⲁⲛⲟⲛ ⲛⲁ ⲉⲃⲟⲗ‐
ϧⲉⲛ ⲟⲩⲁⲃⲏⲧ ⲁ ⲟⲩϯ ⲙⲁϯ ϣⲱⲡⲓ ⲁⲛⲓ ⲉⲡⲁⲓⲙⲁ ⲓⲥ ⲙ̄ ⲛⲣⲟⲙⲡⲓ. ⲡⲓⲟⲩⲁⲓ ⲙⲉⲛ
ⲛⲉ ⲟⲩⲣⲉⲙ ⲛⲭⲏⲙⲓ ⲡⲉ ⲡⲓⲭⲉⲧ ⲇⲉ ⲛⲉ ⲟⲩⲫⲁⲓⲁⲧ ⲡⲉ. ⲟⲩⲟϩ ⲁⲩϣⲉⲛⲧ ϩⲱ
ⲉⲩϫⲱ ⲙⲙⲟⲥ (-ⲕ︦ⲁ︦-) ϫⲉ ⲉⲣⲉ ⲡⲓⲕⲟⲥⲙⲟⲥ ⲛⲁϣ ⲛⲣⲏϯ ⲟⲩⲟϩ ϫⲉ ⲁⲛ ⲡⲓⲙⲱⲟⲩ
ⲛⲏⲟⲩ ⲕⲁⲧⲁ ⲡⲉϥⲥⲏⲟⲩ ⲟⲩⲟϩ ϫⲉ ⲁⲛ ⲡϩⲉ ⲛⲟⲩϥⲓ ⲙⲡⲓⲕⲟⲥⲙⲟⲥ ϣⲟⲡ ⲛϧⲏⲧϥ.
ⲡⲉϫⲏⲓ ⲛⲱⲟⲩ ϫⲉ ⲉⲃⲟⲗϩⲓⲧⲉⲛ ⲡⲓϩⲙⲟⲧ ⲛⲧⲉ ⲫ︦ϯ︦ ⲛⲉⲙ ⲛⲉⲧⲉⲛⲧⲱⲃϩ. ⲁⲓϣⲉ‐
ⲛⲟⲩ ⲇⲉ ϫⲉ ⲡⲱⲥ ⲟⲩⲟⲛ ϣϫⲟⲙ ⲙⲙⲟⲓ ⲉⲉⲣ ⲙⲟⲛⲁⲭⲟⲥ. ⲡⲉϫⲱⲟⲩ ⲛⲏⲓ ϫⲉ
ⲉϣⲱⲡ ⲁⲣⲉϣⲧⲉⲙ ⲟⲩⲁⲓ ϫⲟⲗϥ ⲉⲃⲟⲗ ⲛϩⲱⲃ ⲛⲓⲃⲉⲛ ⲛⲧⲉ ⲡⲁⲓⲕⲟⲥⲙⲟⲥ ⲙⲙⲟⲛ


### 0020

ϣϫⲟⲙ ⲙⲙⲟϥ ⲉⲉⲣ ⲙⲟⲛⲁⲭⲟⲥ. ⲟⲩⲟϩ ⲡⲉϫⲏⲓ ⲛⲱⲟⲩ ϫⲉ ⲁⲛⲟⲕ ⲟⲩϫⲱⲃ
ⲁⲛⲟⲕ ⲙⲙⲟⲛ ϣϫⲟⲙ ⲙⲙⲟⲓ ⲉⲉⲣ ⲡⲉⲧⲉⲛⲣⲏϯ. ⲛⲑⲱⲟⲩ ⲇⲉ ⲡⲉϫⲱⲟⲩ ⲛⲏⲓ
ϫⲉ ⲓⲥϫⲉ ⲙⲙⲟⲛ ϣϫⲟⲙ ⲙⲙⲟⲕ ⲉⲉⲣ ⲡⲉⲛⲣⲏϯ ϩⲉⲙⲥⲓ ϧⲉⲛ ⲧⲉⲕⲣⲓ ⲟⲩⲟϩ ⲣⲓⲙⲓ
ⲉⲛⲉⲕⲛⲟⲃⲓ. ⲁⲓϣⲉⲛⲟⲩ ⲇⲉ ϫⲉ ⲉϣⲱⲡ ⲁⲣⲉϣⲁⲛ ϯⲫⲣⲱ ϣⲱⲡⲓ ⲧⲉⲧⲉⲛϩⲟⲣϣ
ⲁⲛ ⲟⲩⲟϩ ⲉϣⲱⲡ ⲁⲣⲉϣⲁⲛ ϯⲕⲁⲩⲙⲁ ϣⲱⲡⲓ ⲛⲉⲧⲉⲛⲥⲱⲙⲁ ⲣⲟⲕϩ ⲁⲛ. ⲛⲑⲱⲟⲩ
ⲇⲉ ⲡⲉϫⲱⲟⲩ ⲛⲏⲓ ϫⲉ ⲫ︦ϯ︦ ⲁϥⲉⲣⲟⲓⲕⲟⲛⲟⲙⲉⲓⲛ ⲟⲩⲇⲉ ϯⲫⲣⲱ ⲧⲉⲛϩⲟⲣϣ ⲁⲛ
ⲟⲩⲇⲉ ⲡⲓϣⲱⲙ ⲧⲉⲛⲣⲟⲕϩ ⲁⲛ. ⲉⲑⲃⲉ ⲫⲁⲓ ⲁⲓϫⲟⲥ ⲛⲱⲧⲉⲛ ϫⲉ ⲙⲡⲁϯⲉⲣ ⲙⲟ‐
ⲛⲁⲭⲟⲥ ϣⲁ ϯⲛⲟⲩ ⲁⲗⲗⲁ ⲁⲓⲛⲁⲩ ⲉⲙⲟⲛⲁⲭⲟⲥ ⲭⲱ ⲛⲏⲓ ⲉⲃⲟⲗ ⲛⲓⲥⲛⲏⲟⲩ.
(-ⲕ︦ⲃ︦-) ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲁϥϣⲱⲡⲓ ⲛⲛⲟⲩϯ
ϩⲓϫⲉⲛ ⲡⲕⲁϩⲓ ⲙⲫⲣⲏϯ ⲉⲧⲥϧⲏⲟⲩⲧ ϫⲉ ⲙⲫⲣⲏϯ ⲉⲧⲉ ⲫ︦ϯ︦ ϩⲱⲃⲥ ⲉⲃⲟⲗ ⲉϫⲉⲛ
ⲡⲓⲕⲟⲥⲙⲟⲥ ⲡⲁⲓⲣⲏϯ ⲁϥϣⲱⲡⲓ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉϥϩⲱⲃⲥ ⲉⲃⲟⲗ ⲉϫⲉⲛ
ⲛⲓϭⲣⲟϩ ⲉⲧⲉϥⲛⲁⲩ ⲉⲣⲱⲟⲩ ⲙⲫⲣⲏϯ ⲉⲧⲉϥⲛⲁⲩ ⲉⲣⲱⲟⲩ ⲁⲛ ⲛⲉⲙ ⲛⲏ ⲉⲧⲉϥ‐
ⲥⲱⲧⲉⲙ ⲉⲣⲱⲟⲩ ⲙⲫⲣⲏϯ ⲉⲧⲉϥⲥⲱⲧⲉⲙ ⲉⲣⲱⲟⲩ ⲁⲛ.
ϩⲁⲛ ϧⲉⲗⲗⲟⲓ ⲁⲩϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲉⲩϫⲱ ⲙⲙⲟⲥ ϫⲉ ⲥϣⲉ ⲛⲧⲱⲃϩ
ⲛⲁϣ ⲛⲣⲏϯ. ⲡⲉϫⲉ ⲡⲓϧⲉⲗⲗⲟ ⲛⲱⲟⲩ ϫⲉ ⲥϣⲉ ⲁⲛ ⲉϫⲉ ⲟⲩⲙⲏϣ ⲛⲥⲁϫⲓ ⲁⲗⲗⲁ
ⲉϭⲱⲗⲕ ⲛⲛⲉⲕϫⲓϫ ⲉⲡϣⲱⲓ ⲉⲫ︦ϯ︦ ⲟⲩⲟϩ ⲉϫⲟⲥ ϫⲉ ⲡⲟ︦ⲥ︦ ⲙⲫⲣⲏϯ ⲉⲧⲉⲕⲟⲩⲱϣ
ⲟⲩⲟϩ ⲉⲧⲉϩⲛⲁⲕ ϭⲓ ⲙⲱⲓⲧ ⲛⲏⲓ. ⲉϣⲱⲡ ⲇⲉ ⲟⲩⲑⲗⲓⲯⲓⲥ ⲧⲉ ⲉⲕⲉϫⲟⲥ ϫⲉ ⲡⲟⲥ


### 0021

ⲁⲣⲓ ⲃⲟⲏⲑⲉⲓⲛ ⲉⲣⲟⲓ ⲟⲩⲟϩ ⲛⲑⲟϥ ⲉⲧⲥⲱⲟⲩⲛ ⲛϯⲛⲟϥⲣⲓ ϥⲛⲁⲉⲣ ⲡⲓⲛⲁⲓ ⲛⲉⲙⲁⲛ
ⲕⲁⲧⲁ ⲛⲉϥⲙⲉⲧϣⲁⲛ ϩⲑⲏϥ ⲛⲉⲙ ⲧⲉϥⲙⲉⲧⲙⲁⲓ ⲣⲱⲙⲓ.
ⲁϥϫⲟⲥ ⲛϫⲉ ⲁⲃⲃⲁ ϭⲓϭⲱⲓ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲁ ⲟⲩⲥⲟⲛ ϩⲓ
ⲟⲩⲕⲟⲧ ⲉⲣⲟϥ ⲛⲟⲩⲥⲟⲡ ⲁϥⲛⲁⲩ ⲉϯϫⲟⲙ ⲛⲧⲉ ⲫ︦ϯ︦ ⲉⲥⲙⲟϣⲓ ⲛⲉⲙⲁϥ. ⲡⲉϫⲉ
ⲡⲓϧⲉⲗⲗⲟ ⲛϧⲣⲏⲓ ⲛϧⲏⲧϥ (-ⲕ︦ⲅ︦-) ϫⲉ ⲱ ⲡⲓⲣⲓⲙⲓ ⲛⲧⲉ ⲡⲓⲣⲱⲙⲓ ⲉⲛⲓⲛⲟⲃⲓ ϫⲉ
ϥⲓⲛⲓ ⲙⲙⲟϥ ⲉϫⲉⲛ ϩⲁⲛ ⲁⲣⲉⲧⲏ ⲛⲁϣ ⲙⲙⲁⲓⲏ. ⲟⲩⲟϩ ⲡⲉϫⲁϥ ⲙⲡⲓⲥⲟⲛ ϩⲱϥ
ϫⲉ ⲛⲁϩϯ ⲉⲣⲟⲓ ϫⲉ ⲉⲛⲁⲕⲉⲙⲓ ⲉⲡⲉⲑⲛⲉⲙⲁⲕ ⲛⲁⲕⲛⲁⲉⲣ ϩⲟϯ ⲁⲛ ⲡⲉ ϧⲁ ⲧϩⲏ
ⲛϩⲗⲓ ⲛⲧⲉ ⲡⲓⲕⲟⲥⲙⲟⲥ.
ⲁⲃⲃⲁ ⲙⲁⲕⲁⲣⲓⲟⲥ ⲛⲉⲙ ⲁⲃⲃⲁ ⲡⲁⲙⲱ ⲉⲩⲙⲟϣⲓ ϩⲓ ⲡⲓⲧⲱⲟⲩ ⲛⲟⲩⲥⲟⲡ ⲁ
ⲁⲃⲃⲁ ⲡⲁⲙⲱ ⲁⲙⲟⲛⲓ ⲛⲛⲉⲛϫⲓϫ ⲛⲁⲃⲃⲁ ⲙⲁⲕⲁⲣⲓⲟⲥ ⲁϥϯ ⲫⲓ ⲉⲣⲱⲟⲩ ⲉϥϫⲱ
ⲙⲙⲟⲥ ϫⲉ ⲟⲩⲟⲛ ⲟⲩϫⲟⲙ ⲛⲁⲓ ⲉⲃⲟⲗϧⲉⲛ ⲛⲁⲓⲕⲟⲩϫⲓ ⲛϫⲓϫ. ⲡⲉϫⲉ ⲁⲃⲃⲁ ⲙⲁ‐
ⲕⲁⲣⲓⲟⲥ ⲛⲁϥ ϫⲉ ⲁⲛⲓⲧⲕ ⲉϫⲉⲛ ⲟⲩⲭⲁ ⲣⲱϥ ⲡⲁⲥⲟⲛ ⲡⲁⲙⲱ ⲙⲙⲟⲛ ⲁ ⲡⲉⲕ‐
ⲥⲁϫⲓ ϣⲱⲡⲓ ϧⲉⲛ ⲟⲩⲉⲣ ϣⲓϣⲓ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲁϥϣⲱⲡⲓ ϧⲉⲛ ⲟⲩⲁⲃⲏⲧ
ⲛⲟⲩⲥⲟⲡ ⲉϣⲱⲡ ⲛⲧⲉ ⲛⲓⲥⲛⲏⲟⲩ ϯ ⲛⲟⲩⲑⲟⲙ ⲉϧⲟⲩⲛ ⲙⲙⲏⲛⲓ ⲟⲩⲟϩ ⲛⲑⲟϥ ϩⲱϥ


### 0022

ⲉϧⲟⲩⲛ ⲕⲁⲧⲁ ⲅ̄ ⲛⲉϩⲟⲟϥ. ⲟⲩⲟϩ ⲉⲧⲁ ⲛⲓⲥⲛⲏⲟⲩ ⲛⲁⲩ ⲉⲣⲟϥ ⲁⲩϫⲟⲥ ⲙⲡⲓⲡⲁ‐
ⲡⲁ ϫⲉ ⲉⲃⲏⲗ ⲛⲧⲉ ⲡⲁⲓⲥⲟⲛ ⲛϣⲉⲙⲙⲟ ϯ ⲙⲡⲉϥⲑⲟⲙ ⲉϧⲟⲩⲛ ⲙⲙⲏⲛⲓ ⲙⲙⲟⲛ
ⲧⲉⲛⲛⲁⲭⲁϥ ⲉϣⲱⲡⲓ ⲛⲉⲙⲁⲛ. ⲟⲩⲟϩ ⲉⲧⲁ ⲡⲓⲡⲁⲡⲁ ϩⲱⲗ ⲉⲧⲉϥⲣⲓ ⲉϥⲟⲩⲱϣ
ⲉϫⲟⲥ ⲛⲁϥ ⲁϥⲟϩⲓ ⲉⲣⲁⲧϥ ⲥⲁⲃⲟⲗ ⲛⲧⲉϥⲣⲓ (-ⲕ︦ⲇ︦-) ⲁϥⲥⲱⲧⲉⲙ ⲉⲣⲟϥ ⲕⲁⲧⲁ
ϣⲉ ⲛϭⲟⲡ ⲉϣⲁϥⲧⲏⲓⲥ ϣⲁϥⲟϩⲓ ⲉⲣⲁⲧϥ ⲛⲧⲉϥϣⲗⲏⲗ ⲟⲩⲟϩ ⲛⲧⲉϥϯ ⲛⲅ̄ϯ
ⲙⲙⲉⲧⲁⲛⲟⲓⲁ. ⲟⲩⲟϩ ⲥⲁⲧⲟⲧϥ ⲁ ⲡⲓⲡⲁⲡⲁ ⲧⲁⲥⲑⲟ ⲉⲃⲟⲗ ⲉϥϫⲱ ⲙⲙⲟⲥ ϫⲉ
ⲁⲛⲓⲟⲩⲓ ⲛⲟⲩⲑⲟⲙ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲏⲓ. ⲟⲩⲟϩ ⲉⲧⲁⲩⲉⲛϥ ⲁϥⲟⲗϥ
ⲁϥⲃⲉⲣⲃⲱⲣϥ ⲉϧⲣⲏⲓ ⲉⲡⲓϭⲣⲱⲡ ⲛⲧⲉ ⲡⲓⲁⲙⲣⲉ ⲟⲩⲟϩ ⲙⲉⲛⲉⲛⲥⲁ ⲟⲩⲛⲓϣϯ ⲛⲛⲁⲩ
ⲉⲩⲑⲱⲕ ⲉⲡⲓϭⲣⲱⲡ ⲟⲩⲟϩ ⲁϥⲟϩⲓ ⲉⲣⲁⲧϥ ϫⲉ ⲛⲧⲉϥϥⲟⲧ ⲡⲓϭⲣⲱⲡ ⲁϥⲛⲁⲩ
ⲉⲡⲓⲑⲟⲙ ϫⲉ ⲙⲡⲉ ϩⲗⲓ ⲛⲧⲁϥⲣⲱϩ ⲉϥⲭⲏ ϧⲉⲛ ⲡⲓⲭⲣⲱⲙ ⲟⲩⲟϩ ⲡⲉϫⲉ
ⲡⲓⲡⲁⲡⲁ ⲛⲛⲓⲥⲛⲏⲟⲩ ϫⲉ ⲡⲓϩⲱⲃ ⲛϫⲓϫ ⲁϭⲛⲉ ⲡⲣⲁⲝⲓⲥ ϩⲗⲓ ⲡⲉ.
ⲁⲩϫⲟⲥ ⲉⲑⲃⲉ ⲟⲩⲥⲟⲛ ϫⲉ ⲁϥϩⲉⲓ ϧⲉⲛ ⲟⲩⲡⲉⲓⲣⲁⲥⲙⲟⲥ ⲛⲟⲩⲥⲟⲡ ϧⲉⲛ ϣⲓⲏⲧ
ⲟⲩⲟϩ ⲁϥϣⲉ ⲛⲁϥ ⲁϥⲧⲁⲙⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲣⲁⲕⲟϯ ⲉⲡⲓⲡⲉⲓⲣⲁⲥ‐
ⲙⲟⲥ ⲟⲩⲟϩ ⲉⲧⲁ ⲡⲓϧⲉⲗⲗⲟ ϭⲟⲗⲕϥ ϧⲉⲛ ⲟⲩⲥⲛⲁⲩϩ ⲛⲧⲉ ⲟⲩⲁⲥⲕⲏⲥⲓⲥ ϫⲉ
ⲛⲧⲉϥⲉⲣⲙⲉⲧⲁⲛⲟⲉⲓⲛ ⲟⲩⲟϩ ⲛⲧⲉϥϣⲧⲉⲙⲁⲟⲩⲱⲛ ⲙⲡⲉϥⲣⲟ ϣⲁ ⲟⲩⲥⲏⲟⲩ ⲉⲧⲁϥ‐
ϣⲉ ⲛⲁϥ ⲟⲩⲛ ⲛϫⲉ ⲡⲓⲥⲟⲛ ⲁϥϣⲱⲡⲓ ⲉϥϣⲑⲉⲣⲧⲱⲣ ⲉⲑⲃⲉ ⲡⲓⲡⲉⲓⲣⲁⲥⲙⲟⲥ ⲟⲩⲟϩ


### 0023

ⲉϥⲉⲣⲕⲓⲛ (-ⲕ︦ⲉ︦-) ⲇⲩⲛⲉⲩⲉⲓⲛ ⲟⲩⲟϩ ⲛϥϣϫⲱⲕ ϯⲉⲛⲧⲟⲗⲏ ⲉⲃⲟⲗ ⲁⲛ ⲛⲧⲉ
ⲡⲓⲥⲛⲁϩ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ. ⲟⲩⲟϩ ⲉⲧⲁϥϩⲟϫϩⲉϫ ϩⲓⲧⲉⲛ ⲡⲓⲡⲟⲗⲉⲙⲟⲥ
ⲃ︦ ⲁϥⲧⲱⲛϥ ⲁϥϩⲱⲗ ⲉⲡⲙⲁ ⲙⲡⲓⲕⲉⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲛⲭⲏⲙⲓ ⲁϥ‐
ⲧⲁⲙⲟϥ ⲉⲑⲃⲉ ⲡⲓⲡⲁⲣⲁⲡⲧⲱⲙⲁ ⲉⲧⲁϥⲣⲁⲟⲩⲱ ⲉⲣⲟϥ ⲛⲉⲙ ⲉⲑⲃⲉ ⲡⲓⲥⲛⲁϩ ⲛⲧⲉ
ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲣⲁⲕⲟϯ ⲛϥϣϫⲱⲕ ⲙⲙⲟϥ ⲉⲃⲟⲗ ⲁⲛ. ⲟⲩⲟϩ ⲁ
ⲡⲓϧⲉⲗⲗⲟ ⲑⲉⲧ ⲡⲉϥϩⲏⲧ ⲁϥϯ ⲛⲟⲙϯ ⲛⲁϥ ⲛϩⲁⲛ ⲙⲏϣ ⲉϥϫⲱ ⲙⲙⲟⲥ ϫⲉ
ϩⲱⲗ ⲡⲁϣⲏⲣⲓ ⲫⲏ ⲉⲧⲉ ⲟⲩⲟⲛ ϣϫⲟⲙ ⲙⲙⲟⲕ ⲁⲣⲓⲧϥ ⲙⲟⲣⲕ ⲉϣⲧⲉⲙⲉⲣ ⲡⲓ‐
ⲛⲟⲃⲓ ⲇⲉ ⲉⲧⲉⲙⲙⲁⲩ ϣⲁ ⲉⲛⲉϩ ⲟⲩⲟϩ ⲑⲁⲓ ⲧⲉ ⲧⲉϥⲙⲉⲧⲁⲛⲟⲓⲁ. ⲟⲩⲟϩ ⲡⲉϫⲉ
ⲡⲓⲥⲟⲛ ⲛⲁϥ ϫⲉ ⲉⲓⲛⲁⲣ ⲟⲩ ϫⲉ ϯϣⲑⲉⲣⲑⲱⲣ ⲉⲑⲃⲉ ⲡⲓⲥⲛⲁⲩϩ ⲛⲧⲉ ϯⲉⲛⲧⲟⲗⲏ
ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲉⲣⲉ ⲡⲓⲥⲛⲁⲩϩ ⲛⲧⲉ ⲧⲁⲓⲉⲛ‐
ⲧⲟⲗⲏ ϭⲓ ⲉⲣⲟⲕ ⲁⲛ ⲁⲗⲗⲁ ⲁⲥϭⲏⲟⲩ ⲉⲁⲡⲁ ⲙⲁⲕⲁⲣⲓⲟⲥ. ⲉⲧⲁϥⲥⲱⲧⲉⲙ ⲇⲉ
ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲣⲁⲕⲟϯ ϫⲉ ⲁ ⲡⲓϧⲉⲗⲗⲟ ϫⲟⲥ ⲙⲡⲓⲥⲟⲛ ϫⲉ
ⲁⲣⲉ ⲡⲓⲥⲛⲁϩ ϭⲏⲟⲩ ⲉⲁⲃⲃⲁ ⲙⲁⲕⲁⲣⲓⲟⲥ ⲁϥⲧⲱⲛϥ ⲁϥⲫⲱⲧ ⲉϧⲟⲩⲛ ⲉⲡⲓ‐
ϩⲉⲗⲟⲥ ⲉⲁϥⲥⲉⲙⲛⲏⲧⲥ ⲉⲟϩⲓ ⲙⲙⲁϥ (-ⲕ︦ⲋ︦-) ⲉⲣⲁⲡⲁⲛⲧⲁⲛ ⲉⲣⲱⲙⲓ ϣⲁ‐
ⲧⲉϥϫⲉⲕ ϯⲉⲛⲧⲟⲗⲏ ⲉⲃⲟⲗ ⲕⲁⲧⲁ ⲡⲓⲥⲛⲁϩ ⲛⲧⲉ ⲡⲓⲥⲏⲟⲩ ⲉⲧⲁϥⲧⲏⲓϥ ⲉⲧⲟⲧϥ


### 0024

ⲙⲡⲓⲥⲟⲛ ⲟⲩⲟϩ ⲁϥϩⲉⲙⲥⲓ ⲛⲟⲩⲙⲏϣ ⲛⲉϩⲟⲟⲩ ϧⲉⲛ ⲡⲓϩⲉⲗⲟⲥ ϣⲁⲧⲉ ⲡⲉϥⲥⲱⲙⲁ
ϣⲁϥⲓ ⲛⲧⲉⲛ ⲛⲓϣⲟⲗⲙⲉⲥ. ⲁϥⲥⲱⲧⲉⲙ ⲇⲉ ϩⲱϥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓ‐
ⲣⲉⲙ ⲛⲭⲏⲙⲓ ⲇⲉ ⲁ ⲡⲓϧⲉⲗⲗⲟ ⲫⲱⲧ ⲉⲡⲓϩⲉⲗⲟⲥ ⲉⲑⲃⲉ ⲡⲓⲥⲁϫⲓ. ⲁϥⲧⲱⲛϥ ⲛϫⲉ
ⲡⲓⲭⲉⲧ ⲉⲧⲁϥⲓ ⲉⲡⲓϩⲉⲗⲟⲥ ⲉϥⲕⲱϯ ⲛⲥⲱϥ ϣⲁⲧⲉϥϫⲉⲙϥ ⲉⲧⲁϥⲛⲁⲩ ⲇⲉ ⲉⲣⲟϥ
ⲡⲉϫⲁϥ ⲛⲁϥ ϫⲉ ⲡⲓⲕⲁⲗⲟⲅⲉⲣⲱⲥ ⲁⲛⲟⲕ ⲙⲉⲛ ⲁⲓϫⲉ ⲡⲓⲥⲁϫⲓ ⲉⲑⲃⲉ ⲟⲩⲙⲉ‐
ⲧⲣⲉϥϯ ⲛⲟⲙϯ ⲛⲧⲉ ⲡⲓⲥⲟⲛ ⲛⲑⲟⲕ ⲇⲉ ⲉⲧⲁⲕⲥⲱⲧⲉⲙ ⲙⲫⲣⲏϯ ⲛⲟⲩⲡⲁⲣⲑⲉⲛⲟⲥ
ⲉⲑⲛⲁⲛⲉⲥ ⲁⲕⲫⲱⲧ ⲉϧⲟⲩⲛ ⲉⲡⲓⲕⲟⲓⲧⲱⲛ ⲉⲧⲥⲁϧⲟⲩⲛ. ⲧⲱⲛⲕ ⲟⲩⲛ ⲡⲁⲓⲱⲧ ⲛⲧⲉⲕ‐
ⲧⲁⲥⲑⲟⲕ ⲉⲧⲉⲕⲣⲓ. ⲛⲑⲟϥ ⲇⲉ ⲛⲁϥϫⲱ ⲙⲙⲟⲥ ϫⲉ ⲭⲱ ⲛⲏⲓ ⲉⲃⲟⲗ ⲕⲁⲧⲁ ⲡⲓ‐
ⲥⲁϫⲓ ⲉⲧⲁϥⲓ ⲉⲃⲟⲗϧⲉⲛ ⲣⲱⲕ ϫⲉ ⲉⲣⲉ ⲡⲓⲥⲁϫⲓ ⲫⲉϩ ⲉⲣⲟⲓ ⲉⲃⲏⲗ ⲛⲧⲁϫⲱⲕ ⲛⲧⲏ‐
ⲡⲓ ⲛⲧⲉ ⲡⲓⲉϩⲟⲟⲩ ⲉⲃⲟⲗ ⲛⲧⲉ ⲡⲓⲥⲛⲁϩ ⲉⲧⲁⲓⲧⲏⲓϥ ⲙⲡⲓⲥⲟⲛ ⲛϯⲛⲁⲓ ⲉⲃⲟⲗ ⲁⲛ.
ⲉⲧⲁϥⲛⲁⲩ ⲇⲉ ⲉⲣⲟϥ ⲉϥϩⲩⲡⲟⲙⲉⲛⲉⲓⲛ (sic) ϧⲉⲛ ⲟⲩⲧⲁϫⲣⲟ ⲁϥⲑⲉⲧ ⲡⲉϥϩⲏⲧ
ϫⲉ ⲡⲁⲓⲣⲏϯ ⲁⲛ ⲁⲗⲗⲁ ⲧⲱⲛⲕ ⲁⲙⲟⲩ ⲉⲃⲟⲗ ⲛⲉⲙⲏⲓ (-ⲕ︦ⲍ︦-) ⲟⲩⲟϩ ⲁⲛⲟⲕ
ⲉⲑⲛⲁⲧⲁⲙⲟⲕ ⲉⲡⲉⲧⲥϣⲉ ⲛⲧⲉⲕⲁⲓϥ. ⲉⲧⲁ ⲡⲉϥϩⲏⲧ ⲇⲉ ⲑⲱⲧ ⲙⲡⲁⲓⲣⲏϯ ⲁϥ‐
ⲧⲱⲛϥ ⲁϥⲓ ⲉⲃⲟⲗ ⲛⲉⲙⲁϥ ⲟⲩⲟϩ ⲁϥⲥⲁϫⲓ ⲛⲉⲙⲁϥ ⲕⲁⲧⲁ ⲧⲉϥⲕⲁϩⲥ ⲡⲉϫⲁϥ
ⲛⲁϥ ϫⲉ ϩⲱⲗ ⲁⲣⲓ ⲧⲁⲓⲣⲟⲙⲡⲓ ⲉⲕⲟⲩⲱⲙ ⲛⲟⲩⲥⲟⲡ ⲛϯⲉⲃⲇⲟⲙⲁⲥ. ⲛⲉ ⲟⲩⲥ‐
ⲛⲁϩ ⲇⲉ ⲁⲛ ⲡⲉ ⲫⲁⲓ ⲉⲧⲁϥⲧⲏⲓϥ ⲉⲧⲟⲧϥ ⲁⲗⲗⲁ ⲓⲥϫⲉⲛ ⲙⲡⲁⲧⲉ ⲡⲓⲥⲁϫⲓ ϣⲱⲡⲓ


### 0025

ⲣⲱ ⲛⲉ ⲑⲁⲓ ⲟⲩⲛ ⲧⲉ ϯⲡⲟⲗⲓⲧⲉⲓⲁ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲉⲙ ⲣⲁⲕⲟϯ
ⲉϥⲟⲩⲱⲙ ⲛⲟⲩⲥⲟⲡ ⲛϯⲉⲃⲇⲟⲙⲁⲥ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲫⲏ ⲉⲑⲛⲁⲙⲁϩ ϧⲏⲧϥ ⲛⲱⲓⲕ ⲛⲉⲙ
ⲙⲱⲟⲩ ⲉϥϯ ⲙⲡϣⲟϣⲧ ⲙⲡⲉϥⲏⲓ ⲛⲛⲓⲥⲓⲛⲱⲟⲩⲓ ⲛⲟⲩⲟⲩⲛⲟⲩ ⲛⲟⲩⲱⲧ... ⲟⲩⲟϩ
ⲙⲉⲛⲉⲛⲥⲱⲥ ⲟⲛ ⲉⲧⲁϥϩⲓ ⲕⲟⲧ ⲉⲣⲟϥ ⲁϥⲥⲱⲧⲉⲙ ⲉⲣⲟϥ ⲉϥⲣⲓⲙⲓ ⲉϥⲱϣ ⲉⲃⲟⲗ
ⲉϥϫⲱ ⲙⲙⲟⲥ ϫⲉ ⲓ︦ⲏ︦ⲥ︦ ⲓ︦ⲏ︦ⲥ︦ ⲓⲥϫⲉ ⲛⲉⲕⲙⲁϣϫ ⲥⲉⲛⲥⲉⲛ ⲁⲛ ⲉⲓⲱϣ ⲉⲡϣⲱⲓ ϧⲁⲣⲟⲕ
ⲙⲡⲓⲉϩⲟⲟⲩ ⲛⲉⲙ ⲡⲓⲉϫⲱⲣϩ ϩⲓⲛⲁ ⲛⲧⲉⲕⲉⲣ ⲡⲓⲛⲁⲓ ⲛⲉⲙⲏⲓ ⲛⲧⲉⲕϣⲉⲛ ϩⲏⲧ
ϧⲁⲣⲟⲓ ⲉⲑⲃⲉ ⲛⲁⲛⲟⲃⲓ ⲟⲩⲇⲉ ⲁⲛⲟⲕ ϩⲱ ϯⲛⲁϧⲓⲥⲓ ⲁⲛ ⲉⲓϯ ϩⲟ ⲉⲣⲟⲕ.
(-ⲕ︦ⲏ︦-) ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲉϥⲙⲟϣⲓ ϧⲉⲛ ⲡⲓ‐
ⲧⲱⲟⲩ ⲛⲟⲩⲥⲟⲡ ⲁϥⲛⲁⲩ ⲉⲟⲩⲁⲫⲉ ⲛⲧⲉ ⲟⲩⲣⲉϥⲙⲱⲟⲩⲧ ⲉⲥⲥⲏϯ ⲉⲃⲟⲗ ⲉϫⲉⲛ
ⲡⲓⲧⲱⲟⲩ ⲁϥⲕⲓⲙ ⲉϯⲁⲫⲉ ⲁⲥⲉⲣ ⲟⲩⲱ ⲛⲁϥ. ⲡⲉϫⲉ ⲡⲓϧⲉⲗⲗⲟ ⲛⲁⲥ ϫⲉ ⲛⲑⲟ
ⲟⲩ ⲙⲡⲁⲓⲣⲏϯ ⲉⲣⲉ ⲥⲁϫⲓ ⲛⲉⲙⲏⲓ. ⲡⲉϫⲉ ⲡⲓⲕⲣⲁⲛⲓⲟⲛ ⲛⲁϥ ϫⲉ ⲁⲛⲟⲕ ⲟⲩϩⲉⲗ‐
ⲗⲏⲛⲟⲥ ϧⲉⲛ ⲡⲓⲥⲏⲟⲩ ⲛⲧⲉ ⲛⲓⲉⲑⲛⲟⲥ ⲁⲩⲭⲁⲧ ⲉⲃⲟⲗ ⲉⲥⲁϫⲓ ⲛⲉⲙⲁⲕ. ⲡⲉϫⲉ
ⲡⲓϧⲉⲗⲗⲟ ⲛⲁϥ ϫⲉ ⲟⲩⲟϩ ⲁⲛⲟⲕ ⲛⲓⲙ ⲁⲛⲟⲕ. ⲡⲉϫⲉ ⲡⲓⲕⲣⲁⲛⲓⲟⲛ ⲛⲁϥ ϫⲉ
ⲛⲑⲟⲕ ⲡⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲡⲛⲁⲧⲟⲫⲟⲣⲟⲥ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ
ϩⲁⲣⲁ ⲉⲕϣⲟⲡ ϧⲉⲛ ⲡⲓⲙⲧⲟⲛ ϣⲁⲛ ⲉⲕϣⲟⲡ ϧⲉⲛ ⲡⲓϧⲓⲥⲓ. ⲡⲉϫⲉ ⲡⲓⲕⲣⲁⲛⲓⲟⲛ


### 0026

ⲛⲁϥ ϫⲉ ⲉⲓϣⲟⲡ ϧⲉⲛ ⲛⲓⲕⲟⲗⲁⲥⲓⲥ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲟⲩⲁϣ ⲛⲣⲏϯ ⲣⲱ
ⲧⲉ ϯⲕⲟⲗⲁⲥⲓⲥ. ⲡⲉϫⲉ ⲡⲓⲕⲣⲁⲛⲓⲟⲛ ⲛⲁϥ ϫⲉ ⲙⲫⲣⲏϯ ⲛⲧⲫⲉ ⲉⲥϭⲟⲥⲓ ⲉⲡⲕⲁϩⲓ
ⲡⲁⲓⲣⲏϯ ⲟⲛ ⲟⲩⲟⲛ ⲕⲉⲓⲁⲣⲟ ⲛⲭⲣⲱⲙ ⲥⲁ ⲡϣⲱⲓ ⲛⲧⲉⲛⲁⲫⲉ ⲉϥⲃⲉⲣⲃⲉⲣ ⲟⲩⲟϩ
ϥⲥⲁ ⲡⲉⲥⲏⲧ ⲙⲙⲟⲛ ⲉϥϩⲓ ϫⲟⲗ ϧⲁ ⲛⲉⲛϭⲁⲗⲁⲩϫ ⲛⲟϩⲓ ⲉⲣⲁⲧⲉⲛ ϧⲉⲛ ⲧⲉϥⲙⲏϯ
ⲙⲙⲟⲛ ϩⲟ ϫⲟⲩϣⲧ ⲉϩⲟ ⲛϧⲏⲧⲉⲛ ⲁⲗⲗⲁ ⲉⲣⲉ ⲡⲉⲛⲥⲟⲓ ⲧⲟⲙⲓ ⲉⲛⲉⲛⲉⲣⲏⲟⲩ.
(-ⲕ︦ⲑ︦-) ⲙⲡⲓⲛⲁⲩ ⲟⲩⲛ ⲉϣⲁⲣⲉ ⲟⲩⲛⲓϣϯ ⲛϯ ϩⲟ ϣⲱⲡⲓ ⲉⲑⲃⲏⲧⲉⲛ ϣⲁⲣⲉ ⲟⲩ‐
ⲕⲟⲩϫⲓ ⲛⲙⲧⲟⲛ ⲧⲁϩⲟⲛ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲡⲓⲙⲧⲟⲛ ⲟⲩ ⲡⲉ. ⲡⲉϫⲉ
ⲡⲓⲕⲣⲁⲛⲓⲟⲛ ⲛⲁϥ ϫⲉ ϧⲉⲛ ⲟⲩⲣⲓⲕⲓ ⲙⲃⲁⲗ ⲧⲉⲛⲛⲁⲩ ⲉⲡϩⲟ ⲛⲛⲉⲛⲉⲣⲏⲟⲩ. ⲉⲧⲁ
ⲡⲓϧⲉⲗⲗⲟ ⲥⲱⲧⲉⲙ ⲉⲛⲁⲓ ⲁϥⲱϣ ⲉⲃⲟⲗ ⲁϥⲣⲓⲙⲓ ϫⲉ ⲓⲥϫⲉ ⲫⲁⲓ ⲡⲉ ⲡⲓⲙⲧⲟⲛ
ⲛⲧⲉ ϯⲕⲟⲗⲁⲥⲓⲥ ⲓⲉ ⲟⲩⲟⲓ ⲛⲥϩⲓⲙⲓ ⲉⲥϩⲉⲙⲥⲓ ⲛⲉⲙ ⲟⲩⲣⲱⲙⲓ ⲉⲙⲁⲥ ϣⲏⲣⲓ ⲛⲁⲛⲉⲥ
ⲙⲡⲟⲩⲙⲁⲥⲟⲩ ⲉⲡⲓⲕⲟⲥⲙⲟⲥ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲟⲩⲟⲛ ⲕⲟⲗⲁⲥⲓⲥ ⲟⲛ
ⲉⲥϩⲱⲟⲩ ⲉϩⲟⲧⲉ ⲑⲱⲕ. ⲡⲉϫⲉ ⲡⲓⲕⲣⲁⲛⲓⲟⲛ ⲛⲁϥ ϫⲉ ⲥⲉ ⲑⲏ ⲅⲁⲣ ⲉⲧⲥⲁ ⲡⲉⲥⲏⲧ
ⲙⲙⲟⲛ ⲡⲉⲥⲭⲣⲱⲙ ⲡⲉⲥⲭⲣⲱⲙ ⲟⲩⲭⲁⲙⲉ ⲡⲉ ⲉϥⲟⲓ ⲛⲁⲑⲛⲁⲓ ⲉϩⲟⲧⲉ ⲫⲏ.
ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲟⲩⲟⲛ ⲣⲱⲙⲓ ϩⲓⲱⲧϥ. ⲡⲉϫⲉ ⲡⲓⲕⲣⲁⲛⲓⲟⲛ ⲛⲁϥ ϫⲉ ⲥⲉ
ⲟⲩⲟⲛ ⲛϧⲏⲧϥ. ⲁϥⲟⲩⲟϩⲉⲙ ϫⲟⲥ ⲟⲛ ⲛϫⲉ ⲡⲓⲕⲣⲁⲛⲓⲟⲛ ϫⲉ ⲁⲛⲟⲛ ⲙⲉⲛ ϩⲱⲥ


### 0027

ⲛⲥⲱⲟⲩⲛ ⲙⲫ︦ϯ︦ ⲁⲛ ⲁⲩϩⲓⲧⲧⲉⲛ ⲉⲧⲁⲓⲕⲟⲗⲁⲥⲓⲥ ⲛⲏ ⲇⲉ ϩⲱⲟⲩ ⲉⲧⲥⲱⲟⲩⲛ ⲙⲙⲟϥ
ⲉⲧⲁⲩⲭⲁϥ ⲛⲥⲱⲟⲩ ⲁⲩϩⲓⲧⲟⲩ ⲥⲁⲡⲉⲥⲏⲧ ⲙⲙⲟⲛ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲁϥⲉⲣ ⲅ̄ϯ ⲛⲣⲟⲙⲡⲓ ⲉϥϣⲟⲡ
ϧⲉⲛ (-ⲗ-) ⲟⲩⲙϩⲁⲩ ⲉⲣⲉ ⲟⲩⲟⲛ ⲟⲩⲗⲁⲟⲩⲁⲓ ⲛⲣⲉϥⲙⲱⲟⲩⲧ ⲛϧⲏⲧϥ ⲟⲩⲟϩ
ⲙⲉⲛⲉⲛⲥⲁ ϯⲅ̄ϯ ⲛⲣⲟⲙⲡⲓ ⲉⲧⲁϥⲟⲩⲱϣ ⲉⲭⲁ ⲡⲓⲙⲁ ⲉⲃⲟⲗ ⲁϥⲟϩⲓ ⲉⲣⲁⲧϥ ⲛϫⲉ
ⲡⲓⲣⲉϥⲙⲱⲟⲩⲧ ϩⲓⲣⲉⲛ ⲡⲓⲣⲟ ⲉϥϫⲱ ⲙⲙⲟⲥ ϫⲉ ϯⲛⲁⲭⲁⲕ ⲉⲃⲟⲗ ⲁⲛ ⲡⲁⲓⲱⲧ.
ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲉⲑⲃⲉ ⲟⲩ. ⲡⲉϫⲉ ⲡⲓⲣⲉϥⲙⲱⲟⲩⲧ ⲛⲁϥ ϫⲉ
ⲙⲡⲁⲧⲉⲕⲓ ⲉϧⲟⲩⲛ ⲙⲡⲁⲓⲙϩⲁⲩ ⲛⲁⲓⲭⲏ ⲡⲉ ϧⲉⲛ ϩⲁⲛ ⲡⲓϣϯ ⲛϧⲓⲥⲓ ⲛⲉⲙ ϩⲁⲛ
ⲧϩⲉⲙⲕⲟ ⲉⲧⲁⲕⲓ ⲇⲉ ⲉϧⲟⲩⲛ ⲉⲡⲁⲓⲙⲁ ⲟⲩⲟϩ ⲁⲕϣⲱⲡⲓ ⲉⲑⲃⲏⲧⲕ ⲁⲩϯ ⲙⲧⲟⲛ
ⲛⲏⲓ. ϯⲉⲣ ϩⲟϯ ⲟⲩⲛ ⲙⲏⲡⲱⲥ ⲁⲓϣⲁⲛⲭⲁⲕ ⲉⲃⲟⲗ ⲛⲧⲟⲩⲧⲁⲥⲑⲟⲓ ⲉⲣⲱⲟⲩ
ⲛⲕⲉⲥⲟⲡ. ϩⲟⲥⲟⲛ ⲟⲩⲛ ⲉⲣⲉ ⲡⲓⲣⲉϥⲙⲱⲟⲩⲧ ⲟϩⲓ ⲉⲣⲁⲧϥ ϩⲓⲣⲉⲛ ⲫⲣⲟ ⲙⲡⲓⲙϩⲁⲩ
ⲁⲥϣⲱⲡⲓ ⲛϫⲉ ⲟⲩⲥⲙⲏ ϫⲉ ⲭⲁ ⲡⲓⲣⲱⲙⲓ ⲛⲧⲉ ⲫ︦ϯ︦ ⲉⲃⲟⲗ ⲉⲃⲏⲗ ⲅⲁⲣ ϫⲉ ⲁⲩ‐
ϫⲉⲙ ϩⲁⲛ ⲕⲟⲩϫⲓ ⲙⲙⲉⲑⲙⲏⲓ ⲛⲧⲁⲕ ⲉⲡⲓϫⲓ ⲛⲛⲁⲓ ⲛⲁⲕ ⲉⲑⲃⲏⲧⲟⲩ ⲙⲙⲟⲛ
ⲛⲁⲣⲉ ⲫ︦ϯ︦ ⲛⲁⲧⲏⲓⲥ ⲉϧⲣⲏⲓ ⲉⲡϩⲏⲧ ⲙⲡⲉϥⲃⲱⲕ ⲁⲛ ⲡⲉ ⲉⲑⲣⲉϥⲉⲣ ⲧⲁⲓⲅ̄ ⲛⲣⲟⲙⲡⲓ
ϧⲉⲛ ⲡⲁⲓⲙϩⲁⲩ ϩⲓⲛⲁ ⲛⲧⲉ ⲡⲓⲛⲁⲓ ϣⲱⲡⲓ ⲛⲁⲕ ⲉⲃⲟⲗϩⲓⲧⲟⲧϥ.
(-ⲗ︦ⲁ︦-) ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲁϥⲣⲁⲟⲩⲱ ϧⲉⲛ ⲡⲓϩⲉⲗⲟⲥ
ⲉϥⲉⲛ ⲃⲏⲧ ⲉⲃⲟⲗ ⲟⲩⲟϩ ϩⲱⲥ ⲟⲩⲛ ⲉⲧⲁϥⲕⲏⲛ ⲉϥⲓⲛⲓ ⲙⲙⲱⲟⲩ ⲉⲃⲟⲗ ⲉⲧⲁϥ‐


### 0028

ⲑⲟⲩⲱⲧⲟⲩ ⲉϧⲟⲩⲛ ⲉϥⲟⲩⲱϣ ⲉⲙⲟⲣⲟⲩ ⲁ ⲟⲩⲇⲁⲓⲙⲱⲛ ⲓ ⲥⲁ ⲡϣⲱⲓ ⲙⲙⲟϥ
ⲙⲫⲣⲏϯ ⲛⲟⲩⲙⲟⲛⲁⲭⲟⲥ ⲉϥⲟⲓ ⲛⲥⲙⲟⲧ ⲉϥϫⲟⲛⲧ ⲟⲩⲟϩ ⲉϥϫⲟⲡ ⲡⲉϫⲁϥ ⲛⲁϥ
ϫⲉ ⲙⲁⲕⲁⲣⲓⲟⲥ ⲙⲡⲉⲣⲙⲟⲣ ⲛⲓⲃⲏⲧ ϣⲁⲧⲉⲕϯ ⲛⲧⲁⲧⲟⲓ ⲛⲏⲓ. ⲟⲩⲟϩ ⲡⲉϫⲉ ⲡⲓ‐
ϧⲉⲗⲗⲟ ⲛⲁϥ ϫⲉ ⲁⲙⲟⲩ ⲫⲏ ⲉⲧⲉⲕⲟⲩⲁϣϥ ⲁⲗⲓⲧϥ ⲛⲁⲕ. ⲟⲩⲟϩ ⲡⲉϫⲉ ⲡⲓⲇⲁⲓ‐
ⲙⲱⲛ ⲛⲁϥ ϫⲉ ⲫⲁϣⲟⲩ ⲉⲃⲟⲗ ⲙⲟⲓ ⲛⲟⲩⲧⲟⲓ ⲛⲏⲓ ⲟⲩⲟϩ ⲁⲗⲓⲟⲩⲓ ⲛⲟⲩⲧⲟⲓ
ⲛⲁⲕ ϩⲱⲕ. ⲟⲩⲟϩ ⲁ ⲡⲓϧⲉⲗⲗⲟ ⲫⲁϣⲟⲩ ⲉⲃⲟⲗ ⲟⲩⲟϩ ⲁϥⲭⲁ ⲟⲩⲧⲟⲓ ⲉⲥⲟⲓ
ⲛⲛⲓϣϯ ⲉⲟⲩⲓ ⲟⲩⲟϩ ⲡⲉϫⲁϥ ⲙⲡⲓⲇⲁⲓⲙⲱⲛ ϫⲉ ⲁⲗⲓⲟⲩⲓ ⲛⲑⲏ ⲉⲧⲉⲕⲟⲩⲁϣⲥ
ⲛⲁⲕ ϧⲉⲛ ⲧⲁⲓⲥⲛⲟⲩϯ. ⲟⲩⲟϩ ⲡⲉϫⲉ ⲡⲓⲇⲁⲓⲙⲱⲛ ⲛⲁϥ ϫⲉ ⲙⲙⲟⲛ ⲛⲑⲟⲕ ⲁⲕⲓⲣⲓ
ⲙⲡⲓϧⲓⲥⲓ ⲁⲗⲓⲟⲩⲓ ⲙⲡⲓⲥⲁ ⲉⲧⲉⲕⲟⲩⲁϣϥ ⲛⲁⲕ ⲛⲑⲟⲕ ⲛϣⲟⲣⲡ. ⲁ ⲡⲓϧⲉⲗⲗⲟ
ⲱⲗⲓ ⲛϯⲕⲟⲩϫⲓ ⲛⲧⲟⲓ ⲟⲩⲟϩ ⲥⲁⲧⲟⲧϥ ⲁ ⲡⲓⲇⲁⲓⲙⲱⲛ ⲱϣ ⲉⲃⲟⲗ ϫⲉ ⲱ ⲃⲓⲁ
(-ⲗⲃ-) ⲛⲧⲟⲧⲕ ⲙⲁⲕⲁⲣⲓⲟⲥ ⲁⲓϭⲣⲟ ⲅⲁⲣ ⲉⲟⲩⲙⲏϣ ⲁⲗⲗⲁ ⲛⲑⲟⲕ ⲁⲕϭⲣⲟ
ⲉⲣⲟⲓ. ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲟⲩ ⲅⲁⲣ ⲛⲑⲟⲕ ⲛⲓⲙ. ⲟⲩⲟϩ ⲡⲉϫⲉ ⲡⲓ‐
ⲇⲁⲓⲙⲱⲛ ⲛⲁϥ ϫⲉ ⲁⲛⲟⲕ ⲡⲓⲇⲁⲓⲙⲱⲛ ⲛⲧⲉ ⲡⲓϩⲏⲟⲩ. ⲟⲩⲟϩ ⲉⲧⲁ ⲡⲓϧⲉⲗⲗⲟ
ϯ ⲛⲟⲩⲉⲩⲭⲏ ⲁ ⲡⲓⲇⲁⲓⲙⲱⲛ ⲉⲣ ⲁⲑⲟⲩⲱⲛϩ.
ⲁⲩϫⲟⲥ ⲟⲛ ⲉⲑⲃⲏⲧϥ ϫⲉ ⲉϥϣⲗⲏⲗ ⲛⲟⲩⲥⲟⲡ ϧⲉⲛ ⲧⲉϥⲣⲓ ⲛϫⲉ ⲁⲃⲃⲁ ⲙⲁ‐
ⲕⲁⲣⲓⲟⲥ ⲁ ⲟⲩⲥⲙⲏ ⲓ ⲛⲁϥ ⲉⲥϫⲱ ⲙⲙⲟⲥ ϫⲉ ⲙⲁⲕⲁⲣⲓⲟⲥ ⲙⲡⲁⲧⲉⲕⲫⲟϩ


### 0029

ⲉⲡϣⲓ ⲛⲥϩⲓⲙⲓ ⲥⲛⲟⲩϯ ⲉⲩϧⲉⲛ ⲡⲁ ⲫⲙⲁⲛ ⲛϯⲙⲓ. ⲉⲧⲁϥⲧⲱⲛϥ ⲇⲉ ⲛϣⲱⲣⲡ
ⲛϫⲉ ⲡⲓϧⲉⲗⲗⲟ ⲁϥϭⲓ ⲙⲡⲉϥϣⲃⲱⲧ ⲙⲃⲁⲓ ⲁϥⲉⲣ ϩⲏⲧⲥ ⲉⲡⲓⲙⲱⲓⲧ ⲙⲙⲟϣⲓ.
ⲉⲧⲁϥⲫⲟϩ ⲟⲩⲛ ⲉⲡⲓϯⲙⲓ ⲁ ⲟⲩⲁⲅⲅⲉⲗⲟⲥ ⲙⲟϣⲓ ⲛⲉⲙⲁϥ ⲉϥϭⲓ ⲙⲱⲓⲧ ϧⲁϫⲱϥ
ϣⲁ ⲡⲓⲏⲓ. ⲉⲧⲁϥⲕⲱⲗϩ ⲇⲉ ⲉⲡⲓⲣⲟ ⲁⲩⲟⲩⲱⲛ ⲛⲁϥ. ⲉⲧⲁⲩⲉⲙⲓ ⲇⲉ ϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲡⲉ ⲁⲩⲟⲩⲱϣⲧ ⲛⲁϥ ϩⲓϫⲉⲛ ⲡⲓⲕⲁϩⲓ ⲁⲩϣⲟⲡϥ ⲉⲣⲱⲟⲩ ϧⲉⲛ
ⲟⲩⲣⲁϣⲓ. ⲡⲉϫⲉ ⲡⲓϧⲉⲗⲗⲟ ⲛⲱⲟⲩ ϫⲉ ⲉⲑⲃⲉ ⲑⲏⲛⲟⲩ ⲁⲓⲉⲣϩⲩⲡⲟⲙⲉⲛⲉⲓⲛ
ⲉⲡⲁⲓⲥⲕⲩⲗⲙⲟⲥ ⲛⲧⲉ ⲡⲁⲓⲙⲱⲓⲧ ⲙⲙⲟϣⲓ ⲉⲃⲟⲗϧⲉⲛ ⲡϣⲁϥⲉ ⲁⲓⲓ (-ⲗ︦︦ⲅ︦-) ⲙⲛⲁⲓ
ⲁϫⲟⲥ ⲟⲩⲛ ⲛⲏⲓ ϫⲉ ⲉⲧⲉⲧⲉⲛϫⲓ ⲛⲉⲣ ϩⲱⲃ ⲟⲩ ⲧⲉ. ⲛⲑⲱⲟⲩ ⲇⲉ ⲉⲩⲟⲩⲱϣ ⲉⲭⲱⲡ
ⲡⲉϫⲱⲟⲩ ⲛⲁϥ ϫⲉ ⲉⲕϣⲓⲛⲓ ⲛⲥⲁ ⲟⲩ ⲛϫⲓ ⲛⲉⲣ ϩⲱⲃ ⲛⲧⲟⲧⲟⲩ ⲛⲛⲁⲓ ⲟⲩⲟⲛ
ⲉⲩϭⲁϧⲉⲙ. ⲉⲧⲁϥϯ ⲙⲉⲧⲁⲛⲟⲓⲁ ⲟⲩⲛ ⲛϫⲉ ⲡⲓϧⲉⲗⲗⲟ ⲡⲉϫⲁϥ ⲛⲱⲟⲩ ϫⲉ
ⲙⲡⲉⲣⲭⲱⲡ ⲉⲣⲟⲓ ϫⲉ ⲫ︦ϯ︦ ⲡⲉ ⲉⲧⲁϥⲧⲁⲟⲩⲟⲓ. ⲉⲧⲁⲩⲉⲣ ϩⲟϯ ⲇⲉ ⲁⲩⲟⲩⲱⲛϩ
ⲉⲣⲟϥ ⲉⲩϫⲱ ⲙⲙⲟⲥ ϫⲉ ⲭⲱ ⲛⲁⲛ ⲉⲃⲟⲗ ⲡⲉⲛⲓⲱⲧ ⲁⲛⲟⲛ ϩⲁⲛ ϣⲉⲙⲙⲱⲟⲩ
ⲉⲃⲟⲗϩⲁ ⲛⲉⲛⲉⲣⲏⲟⲩ ⲛϯⲃ︦ϯ ⲕⲁⲧⲁ ⲡⲓⲕⲟⲥⲙⲟⲥ ⲕⲁⲧⲁ ⲟⲩϯ ⲙⲁϯ ⲇⲉ ⲁⲩⲧⲏⲓ‐
ⲧⲉⲛ ⲛⲥⲟⲛ ⲃ︦ ⲛⲥⲁⲣⲕⲓⲕⲟⲥ. ⲓⲥ ⲓ︦ⲉ︦ ⲛⲣⲟⲙⲡⲓ ⲙⲫⲟⲟⲩ ⲧⲉⲛϣⲟⲡ ϧⲉⲛ ⲡⲁⲓⲏⲓ ⲟⲩⲟϩ
ⲧⲉⲛⲥⲱⲟⲩⲛ ⲙⲙⲟⲛ ⲁⲛ ⲉⲁⲛⲓⲣⲓ ⲛⲟⲩⲙⲗⲁϧ ⲟⲩⲃⲉ ⲛⲉⲛⲉⲣⲏⲟⲩ ⲓⲉ ⲁ ⲟⲩⲓ ϫⲉ
ⲟⲩⲥⲁϫⲓ ⲛⲁⲣⲅⲟⲛ ⲛⲧⲉⲥϣⲫⲉⲣⲓ ⲁⲗⲗⲁ ⲛϣⲟⲡ ⲛⲥⲏⲟⲩ ⲛⲓⲃⲉⲛ ϧⲉⲛ ⲟⲩϩⲉⲓ‐


### 0030

ⲣⲏⲛⲏ ⲛⲉⲙ ⲟⲩⲙⲉⲩⲓ ⲛⲟⲩⲱⲧ. ⲁⲥϩⲓ ⲇⲉ ⲉⲛⲉⲛⲙⲉⲩⲓ ⲉⲑⲣⲉⲛⲭⲱ ⲛⲥⲱⲛ
ⲛⲛⲉⲛϩⲁⲓ ⲟⲩⲟϩ ⲛⲧⲉⲛⲟⲩⲱⲧⲉⲃ ⲉϧⲟⲩⲛ ⲉⲫⲃⲓⲟⲥ ⲛⲧⲉ ϯⲙⲉⲧⲡⲁⲣⲑⲉⲛⲟⲥ. ⲟⲩⲟϩ
ⲉⲧⲁⲛϯ ϩⲟ ⲉⲛⲉⲛϩⲁⲓ ⲛⲟⲩⲙⲏϣ ⲛⲥⲟⲡ ⲉⲑⲃⲉ ⲡⲁⲓϩⲱⲃ ⲙⲡⲟⲩⲑⲱⲧ ⲉⲭⲁⲛ
ⲉⲃⲟⲗ. (-ⲗ︦ⲇ︦-) ⲉⲧⲉⲙⲡⲉ ⲡⲁⲓⲥⲕⲟⲡⲟⲥ ⲓ ⲇⲉ ⲛⲁⲛ ⲉⲃⲟⲗ ⲁⲛⲥⲉⲙⲛⲓ ⲟⲩⲧⲱⲛ
ⲛⲉⲙ ⲫ︦ϯ︦ ⲛⲟⲩⲇⲓⲁⲑⲏⲕⲏ ϩⲱⲥⲧⲉ ϣⲁ ⲉϧⲣⲏⲓ ⲉⲡⲉⲛⲙⲟⲩ ⲛⲧⲉⲛϣⲧⲉⲙϫⲉ
ⲟⲩⲥⲁϫⲓ ⲛⲕⲟⲥⲙⲓⲕⲟⲥ ⲉⲃⲟⲗϧⲉⲛ ⲣⲱⲛ ⲁⲗⲗⲁ ⲛⲧⲉⲛⲉⲣ ⲫⲙⲉⲩⲓ ⲙⲫϯ ⲛⲉⲙ
ⲛⲉϥⲁⲅⲓⲟⲥ ⲛⲥⲏⲟⲩ ⲛⲓⲃⲉⲛ ⲛϥⲓ ⲙⲫⲣⲱⲟⲩϣ ⲛⲛⲓⲉⲩⲭⲏ ⲛⲉⲙ ⲛⲓⲛⲏⲥⲧⲉⲓⲁ
ϧⲉⲛ ⲟⲩⲙⲟⲩⲛ ⲉⲃⲟⲗ ⲛⲉⲙ ⲟⲩⲙⲉⲑⲛⲁⲏⲧ. ⲉⲧⲁϥⲥⲱⲧⲉⲙ ⲇⲉ ⲉⲛⲁⲓ ⲛϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲡⲉϫⲁϥ ϫⲉ ϧⲉⲛ ⲟⲩⲙⲉⲑⲙⲏⲓ ⲟⲩⲣⲁⲛ ⲙⲙⲟⲛⲁⲭⲟⲥ ⲁⲛ ⲡⲉ ⲓⲉ
ⲛⲕⲟⲥⲙⲓⲕⲟⲥ ⲓⲉ ⲙⲡⲁⲣⲑⲉⲛⲟⲥ ⲓⲉ ⲛⲥϩⲓⲙⲓ ϧⲁ ϩⲁⲓ ⲁⲗⲗⲁ ⲟⲩⲡⲣⲟϩⲁⲓⲣⲉⲥⲓⲥ
ⲉⲥⲥⲟⲩⲧⲱⲛ ⲉⲧⲉⲣⲉ ⲫ︦ϯ︦ ⲕⲱϯ ⲛⲥⲱⲥ ⲟⲩⲟϩ ⲉϥϯ ⲙⲡⲉϥⲡ︦ⲛ︦ⲁ︦ ⲉⲑⲟⲩⲁⲃ ⲉϧⲣⲏⲓ
ⲉⲣⲱⲟⲩ ⲧⲏⲣⲟⲩ. ⲟⲩⲟϩ ⲉⲧⲁϥϫⲉⲙ ϩⲏⲟⲩ ⲛϫⲉ ⲡⲓϧⲉⲗⲗⲟ ⲁϥⲕⲟⲧϥ ⲉⲧⲉϥⲣⲓ
ⲉϥⲕⲱⲗϩ ϧⲉⲛ ⲛⲉϥϫⲓϫ ⲉϥϫⲱ ⲙⲙⲟⲥ ϫⲉ ⲟⲩⲇⲉ ⲙⲫⲣⲏϯ ⲛⲛⲁⲓⲕⲟⲥⲙⲓⲕⲟⲥ
ⲙⲡⲓⲉⲣ ϩⲉⲓⲣⲏⲛⲏ ⲛⲉⲙ ⲡⲁⲥⲟⲛ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲛⲁϥϣⲟⲡ ϧⲉⲛ ⲡⲓϣⲁϥⲉ ⲉⲧ‐
ⲥⲁϧⲟⲩⲛ ⲛⲑⲟϥ ⲙⲙⲁⲩⲁⲧϥ ⲉⲛⲁϥⲭⲏ ⲙⲙⲁⲩ ⲉϥⲉⲣⲁⲛⲁⲭⲱⲣⲉⲓⲛ. ⲥⲁ‐


### 0031

ϧⲟⲩⲛ ⲇⲉ ⲙⲙⲟϥ ⲛⲉ ⲟⲩⲟⲛ ⲕⲉϣⲁϥⲉ ⲙⲙⲁⲭ ⲡⲉ ⲉⲣⲉ (-ⲗ︦ⲉ︦-) ϩⲁⲛ ⲕⲉⲥⲛⲏⲟⲩ
ⲛϧⲏⲧϥ ⲟⲩⲟϩ ⲁ ⲡⲓϧⲉⲗⲗⲟ ϯ ϩⲑⲏϥ ⲛⲟⲩⲙⲱⲓⲧ ⲛⲟⲩⲥⲟⲡ. ⲁϥⲛⲁⲩ ⲉⲡⲥⲁⲧⲁ‐
ⲛⲁⲥ ⲉϥⲛⲏⲟⲩ ϧⲉⲛ ⲟⲩⲥⲭⲏⲙⲁ ⲛⲣⲱⲙⲓ ⲛⲥⲓⲛⲓⲱⲟⲩⲓ ⲛⲁϥⲟⲩⲟⲛϩ ⲡⲉ ⲙⲫⲣⲏϯ
ⲉⲣⲉ ⲟⲩⲟⲛ ⲟⲩⲥⲧⲓⲭⲁⲣⲓⲟⲛ ⲛⲓⲁⲩ ⲧⲟⲓ ϩⲓⲱⲧϥ ⲉⲥⲟⲓ ⲛⲭⲟⲗⲭⲟⲗ ⲟⲩⲟϩ ⲕⲁⲧⲁ
ⲭⲟⲗ ⲛⲉ ⲟⲩⲟⲛ ⲟⲩⲕⲏⲃⲓ ⲁϣⲓ ⲉⲣⲟϥ. ⲟⲩⲟϩ ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ
ϫⲉ ⲡⲓϧⲉⲗⲗⲟ ⲁⲕⲛⲁ ⲉⲑⲱⲛ. ⲟⲩⲟϩ ⲡⲉϫⲁϥ ϫⲉ ϯⲛⲁⲥⲓⲛⲓ ⲛⲧⲁϯ ⲫⲙⲉⲩⲓ
ⲛⲛⲓⲥⲛⲏⲟⲩ. ⲟⲩⲟϩ ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲉⲕⲉⲣ ⲟⲩ ⲛⲛⲁⲓⲕⲏⲃⲓ.
ⲟⲩⲟϩ ⲡⲉϫⲁϥ ⲛⲁϥ ϫⲉ ϩⲁⲛ ⲅⲉⲩⲙⲁ ⲛⲉ ⲉⲓⲱⲗⲓ ⲙⲙⲱⲟⲩ ⲛⲛⲓⲥⲛⲏⲟⲩ. ⲁⲃⲃⲁ
ⲙⲁⲕⲁⲣⲓⲟⲥ ⲇⲉ ⲡⲉϫⲁϥ ⲛⲁϥ ϫⲉ ⲟⲩⲟϩ ⲛⲁⲓ ⲧⲏⲣⲟⲩ. ⲁϥⲉⲣ ⲟⲩⲱ ⲛϫⲉ ⲡⲓⲇⲓⲁ‐
ⲃⲟⲗⲟⲥ ⲡⲉϫⲁϥ ⲙⲡⲓϧⲉⲗⲗⲟ ϫⲉ ⲉϣⲱⲡ ⲁⲣⲉϣⲧⲉⲙ ⲫⲁⲓ ⲣⲁⲛⲁϥ ⲛⲟⲩⲁⲓ ϣⲁⲓϯ
ⲛⲁϥ ⲛⲕⲉⲟⲩⲁⲓ ⲉϣⲱⲡ ⲟⲩⲛ ⲁⲣⲉϣⲧⲉⲙ ⲡⲓⲕⲉⲟⲩⲁⲓ ⲣⲁⲛⲁϥ ϯⲛⲁϯ ⲛⲕⲉⲟⲩⲁⲓ
ⲛⲁϥ ⲡⲁⲛⲧⲱⲥ ⲟⲩⲛ ϩⲱϯ ⲡⲉ ⲛⲧⲉ ⲟⲩⲁⲓ ⲙⲙⲱⲟⲩ ⲣⲁⲛⲁϥ. ⲟⲩⲟϩ ⲛⲁⲓ ⲉⲧⲁϥ‐
ϫⲟⲧⲟⲩ ⲁϥϣⲉ ⲛⲁϥ. ⲁ ⲡⲓϧⲉⲗⲗⲟ ϩⲉⲙⲥⲓ ⲉϥϯ ⲛϩⲑⲏϥ ⲉⲡⲓ- (-ⲗ︦ⲋ︦-) ⲙⲱⲓⲧ
ϣⲁⲧⲉϥⲧⲁⲥⲑⲟ ⲟⲩⲟϩ ⲉⲧⲁ ⲡⲓϧⲉⲗⲗⲟ ⲛⲁⲩ ⲉⲣⲟϥ ⲡⲉϫⲁϥ ⲛⲁϥ ϫⲉ ⲙⲓⲱⲟⲩ.
ⲡⲉϫⲁϥ ⲛⲁϥ ϫⲉ ⲁϥⲑⲱⲛ ⲙⲓⲱⲟⲩ ⲛⲉ. ⲟⲩⲟϩ ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ
ϫⲉ ⲉⲑⲃⲉ ⲟⲩ. ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ⲁⲩⲉⲣ ⲁⲅⲣⲓⲟⲥ ⲉⲣⲟⲓ ⲧⲏⲣⲟⲩ ⲛϫⲉ


### 0032

ⲛⲓⲥⲛⲏⲟⲩ ⲟⲩⲟϩ ⲙⲙⲟⲛ ϩⲗⲓ ⲉⲣⲁⲛⲉⲭⲉⲥⲑⲁⲓ ⲙⲙⲟⲓ. ⲟⲩⲟϩ ⲁϥⲉⲣ ⲟⲩⲱ ⲛϫⲉ
ⲁⲃⲃⲁ ⲙⲁⲕⲁⲣⲓⲟⲥ ⲡⲉϫⲁϥ ϫⲉ ⲓⲉ ⲙⲙⲟⲛ ϩⲗⲓ ⲛϣⲫⲏⲣ ⲛⲧⲁⲕ ⲙⲙⲁⲩ ⲁⲛ.
ⲟⲩⲟϩ ⲁϥⲉⲣ ⲟⲩⲱ ⲡⲉϫⲁϥ ϫⲉ ⲟⲩⲗⲁⲟⲩⲁⲓ ⲛϣⲫⲏⲣ ⲛⲧⲏⲓ ⲉⲧⲭⲏ ⲙⲙⲁⲩ ⲟⲩⲟϩ
ⲛⲑⲟϥ ⲉⲧⲥⲱⲧⲉⲙ ⲛⲥⲱⲓ ⲟⲩⲟϩ ⲉϣⲱⲡ ⲛⲧⲉϥⲛⲁⲩ ⲉⲣⲟⲓ ϥⲕⲱϯ ⲙⲫⲣⲏϯ ⲛⲟⲩⲁ‐
ⲛⲉⲃⲓ. ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲟⲩⲟϩ ⲛⲓⲙ ⲉⲣⲉⲛϥ (sic). ⲛⲑⲟϥ ⲇⲉ ⲡⲉ‐
ϫⲁϥ ⲛⲁϥ ϫⲉ ⲑⲉⲟⲡⲉⲙⲡⲧⲟⲥ ⲡⲉ ⲡⲉϥⲣⲁⲛ. ⲟⲩⲟϩ ⲉⲧⲁϥϫⲉ ⲛⲁⲓ ⲁϥϣⲉ ⲛⲁϥ
ⲁϥⲧⲱⲛϥ ⲇⲉ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲁϥϣⲉ ⲛⲁϥ ⲉϧⲟⲩⲛ ⲉⲡϣⲁϥⲉ ⲉⲧⲥⲁϧⲟⲩⲛ
ⲙⲙⲟϥ ⲟⲩⲟϩ ⲉⲧⲁ ⲛⲓⲥⲛⲏⲟⲩ ⲥⲱⲧⲉⲙ ⲁⲩϭⲓ ⲛϩⲁⲛ ⲃⲁⲓ ⲁⲩⲓ ⲉⲃⲟⲗ ϧⲁϫⲱϥ
ⲗⲟⲓⲡⲟⲛ ⲡⲓⲟⲩⲁⲓ ⲡⲓⲟⲩⲁⲓ ⲛⲁϥⲥⲟⲃϯ ⲙⲙⲟϥ ⲡⲉ ⲉϥⲙⲉⲩⲓ ϫⲉ ⲉϥⲛⲁⲙⲧⲟⲛ
ⲙⲙⲟϥ ϧⲁⲧⲟⲧϥ (-ⲗ︦ⲍ︦-) ϧⲉⲛ ⲡⲉϥⲏⲓ. ⲡⲓϧⲉⲗⲗⲟ ⲇⲉ ⲉⲧⲁϥϣⲓⲛⲓ ⲡⲉϫⲁϥ ϫⲉ
ⲡⲓⲥⲟⲛ ⲉⲧⲟⲩⲙⲟⲩϯ ⲉⲣⲟϥ ϫⲉ ⲑⲉⲟⲡⲉⲙⲡⲧⲟⲥ ϥⲭⲏ ϧⲉⲛ ⲡⲁⲓⲧⲱⲟⲩ. ⲟⲩⲟϩ
ⲉⲧⲁϥϫⲉⲙϥ ⲁϥϩⲱⲗ ⲉⲧⲉϥⲣⲓ. ⲑⲉⲟⲡⲉⲙⲡⲧⲟⲥ ⲇⲉ ⲁϥϣⲟⲡϥ ⲉⲣⲟϥ ϧⲉⲛ ⲟⲩ‐
ⲣⲁϣⲓ ⲛⲉⲙ ⲟⲩⲉⲣⲟⲩⲟⲧ. ⲡⲓϧⲉⲗⲗⲟ ⲇⲉ ⲁϥⲉⲣ ϩⲏⲧⲥ ⲛϩⲓⲟⲓ ⲛⲉⲙⲁϥ ⲟⲩⲟϩ ⲡⲉ‐
ϫⲁϥ ⲛⲁϥ ϫⲉ ⲛⲓϣⲓⲛⲓ ⲛⲧⲉ ⲡⲉⲕⲙⲉⲩⲓ ⲡⲁⲥⲟⲛ. ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ
ⲧⲱⲃϩ ⲉϫⲱⲓ ϯⲉⲣ ϣⲁⲩ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲙⲏ ⲛⲓⲙⲉⲩⲓ ϯ ⲛⲉⲙⲁⲕ.
ⲛⲑⲟϥ ⲇⲉ ⲡⲉϫⲁϥ ϫⲉ ⲧⲉⲱⲥ ϯⲉⲣ ϣⲁⲩ ⲛⲁϥϣⲫⲓⲧ ⲅⲁⲣ ⲡⲉ ⲉϫⲟⲥ. ⲡⲉϫⲉ ⲡⲓ‐
ϧⲉⲗⲗⲟ ⲛⲁϥ ϫⲉ ⲧⲉⲱⲥ ⲁⲛⲟⲕ ϯϧⲉⲛ ⲧⲁⲓⲏⲡⲓ ⲛⲣⲟⲙⲡⲓ ⲉⲓⲉⲣⲁⲥⲕⲉⲓⲛ ⲟⲩⲟϩ


### 0033

ⲟⲩⲟⲛ ⲛⲓⲃⲉⲛ ⲉⲣⲧⲓⲙⲁⲛ ⲙⲙⲟⲓ ⲁⲛⲟⲕ ϧⲁ ⲡⲓϧⲉⲗⲗⲟ ⲡⲓⲡ︦ⲛ︦ⲁ︦ ⲛⲧⲉ ϯⲡⲟⲣⲛⲉⲓⲁ
ϯϧⲓⲥⲓ ⲛⲏⲓ. ⲁϥⲉⲣ ⲟⲩⲱ ⲛϫⲉ ⲑⲉⲟⲡⲉⲙⲡⲧⲟⲥ ⲡⲉϫⲁϥ ⲛⲁϥ ϫⲉ ⲙⲁ ⲧⲉⲛϩⲟⲩⲧ
ⲡⲁⲓⲱⲧ ⲁⲛⲟⲕ ϩⲱ. ⲡⲓϧⲉⲗⲗⲟ ϫⲉ ⲉⲁϥϯ ⲙⲁ ⲛⲁϥ ⲉⲥⲁϫⲓ ⲁϥϫⲉ ϩⲁⲛ ⲕⲉⲙⲉⲩⲓ
ⲉⲩϯ ⲛⲉⲙⲁϥ ϣⲁⲧⲉϥⲉⲣⲟⲙⲟⲗⲟⲅⲉⲓⲛ. ⲉⲓⲧⲁ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲉⲕⲉⲣ‐
ⲛⲏⲥⲧⲉⲩⲉⲓⲛ ⲛⲁϣ ⲛⲣⲏϯ. ⲛⲑⲟϥ ⲇⲉ ⲡⲉϫⲁϥ ϫⲉ ϣⲁ ⲁϫⲡ ⲑ̄ϯ. ⲟⲩⲟϩ ⲡⲉϫⲉ
ⲡⲓϧⲉⲗⲗⲟ ⲛⲁϥ ϫⲉ ⲁ‐ (-ⲗⲏ-) ⲣⲓ ⲛⲏⲥⲧⲉⲩⲉⲓⲛ ϣⲁ ⲣⲟⲩϩⲓ ⲟⲩⲟϩ ⲁⲣⲓ ⲁⲥⲕⲉⲓⲛ
ⲟⲩⲟϩ ⲁⲣⲓ ⲁⲡⲟⲥⲑⲏⲧⲏⲥ ϧⲉⲛ ⲡⲓⲉⲩⲁⲅⲅⲉⲗⲓⲟⲛ ⲛⲉⲙ ⲡⲕⲉⲥⲉⲉⲡⲓ ⲛⲛⲓⲅⲣⲁⲫⲏ
ⲟⲩⲟϩ ⲉϣⲱⲡ ⲛⲧⲉ ⲟⲩⲙⲉⲩⲓ ⲓ ⲉⲣⲟⲕ ⲙⲡⲉⲣϫⲟⲩϣⲧ ⲉϧⲣⲏⲓ ⲁⲗⲗⲁ ϫⲟⲩϣⲧ
ⲉⲡϣⲱⲓ ⲛⲛⲁϥ ⲛⲓⲃⲉⲛ ⲟⲩⲟϩ ⲫϯ ⲛⲁⲉⲣⲃⲟⲏⲑⲉⲓⲛ ⲉⲣⲟⲕ. ⲟⲩⲟϩ ⲉⲧⲁ ⲡⲓϧⲉⲗⲗⲟ
ϯ ⲙⲡⲓⲥⲁⲕ ⲙⲡⲓⲥⲟⲛ ⲁϥϣⲉ ⲛⲁϥ ⲉⲡⲉⲧⲉ ⲫⲱϥ ⲛϣⲁϥⲉ ⲟⲩⲟϩ ⲉϥϯ ⲛⲓⲁⲧϥ
ⲙⲡⲓⲙⲱⲓⲧ ⲛϫⲉ ⲡⲓϧⲉⲗⲗⲟ ⲁϥⲛⲁⲩ ⲟⲛ ⲉⲡⲓⲇⲁⲓⲙⲱⲛ ⲉⲧⲉⲙⲙⲁⲩ ⲟⲩⲟϩ ⲡⲉ‐
ϫⲁϥ ⲛⲁϥ ϫⲉ ⲁⲕⲛⲁ ⲉⲑⲱⲛ. ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ⲉⲓⲟⲩⲱϣ ⲉϯ ⲫⲙⲉⲩⲓ
ⲛⲛⲓⲥⲛⲏⲟⲩ. ϩⲱⲥ ⲇⲉ ⲟⲩⲛ ⲉⲧⲁϥⲧⲁⲥⲑⲟ ⲡⲉϫⲉ ⲡⲓⲁⲅⲓⲟⲥ ⲛⲁϥ ϫⲉ ⲛⲓϣⲓⲛⲓ ⲛⲧⲉ
ⲛⲓⲥⲛⲏⲟⲩ ϩⲁⲛ ⲟⲩ ⲛⲉ. ⲟⲩⲟϩ ⲡⲉϫⲁϥ ⲛⲁϥ ϫⲉ ⲕⲁⲕⲱⲥ. ⲟⲩⲟϩ ⲡⲉϫⲉ ⲡⲓ‐
ϧⲉⲗⲗⲟ ⲛⲁϥ ϫⲉ ⲉⲑⲃⲉ ⲟⲩ. ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉ ⲁⲩⲉⲣ ⲁⲅⲣⲓⲟⲥ ⲉⲣⲟⲓ
ⲧⲏⲣⲟⲩ ⲟⲩⲟϩ ⲡⲓⲛⲓϣϯ ⲙⲡⲉⲧϩⲱⲟⲩ ⲉⲧⲁϥϣⲱⲡⲓ ϫⲉ ⲡⲓⲕⲉⲟⲩⲁⲓ ⲛϣⲫⲏⲣ ⲛⲧⲏⲓ


### 0034

ⲉⲧⲉⲙⲙⲁⲩ ⲉⲧⲥⲱⲧⲉⲙ ⲛⲥⲱⲓ ⲛϯⲉⲙⲓ ⲁⲛ ϫⲉ ⲡⲱⲥ ⲁϥⲫⲱⲛϩ ⲟⲩⲇⲉ ⲅⲁⲣ ⲛⲑⲟϥ
ϥⲑⲏⲧ ⲛϩⲏⲧ ⲛⲉⲙⲏⲓ ⲁⲛ ⲁⲗⲗⲁ ⲁϥⲉⲣ ⲁⲅⲣⲓⲟⲥ ⲉϩⲟⲧⲉ ⲣⲱⲟⲩ ⲧⲏⲣⲟⲩ (-ⲗ︦ⲑ︦-)
ⲟⲩⲟϩ ⲁⲓⲱⲣⲕ ⲉϣⲧⲉⲙϩⲱⲙⲓ ⲣⲁⲧ ⲙⲙⲁⲩ ϫⲉ ⲉⲃⲏⲗ ⲙⲉⲛⲉⲛⲥⲁ ⲟⲩⲥⲏⲟⲩ.
ⲟⲩⲟϩ ⲛⲁⲓ ⲉⲧⲁϥϫⲟⲧⲟⲩ ⲁϥϩⲱⲗ ⲁϥⲭⲁ ⲡⲓϧⲉⲗⲗⲟ ⲟⲩⲟϩ ⲡⲓⲁⲅⲓⲟⲥ ⲁϥϩⲱⲗ
ⲉϧⲟⲩⲛ ⲉⲧⲉϥⲣⲓ. ⲉⲟⲩⲱⲟⲩ ⲙⲫⲓⲱⲧ ⲛⲉⲙ ⲡϣⲏⲣⲓ ⲛⲉⲙ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ϣⲁ
ⲉⲛⲉϩ ⲛⲧⲉ ⲛⲓⲉⲛⲉϩ ⲧⲏⲣⲟⲩ ⲁⲙⲏⲛ.
ⲡⲟ︦ⲥ︦ ⲛⲁⲓ ⲙⲡⲉⲕⲃⲱⲕ ⲙⲁⲧⲟⲓ.