### 0001

ⲉⲃⲟⲗϧⲉⲛ ⲛⲓⲁⲣⲉⲧⲏ ⲛⲧⲉ ⲡⲉⲛⲓⲱⲧ ⲛⲇⲓⲕⲁⲓⲟⲥ
ⲡⲓⲛⲓϣϯ ⲁⲃⲃⲁ ⲙⲁⲕⲁⲣⲓⲟⲥ
(-ⲁ̄-) ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ϩⲟⲧⲉ ⲉⲧⲁϥϭⲓ ⲙⲁⲓⲏ ϧⲉⲛ
ϯⲁⲣⲉⲧⲏ ⲟⲩⲟϩ ⲛⲁϥϣⲱⲡ ⲉⲣⲟϥ ⲡⲉ ⲉϥϣⲉⲡ ϩⲙⲟⲧ ϧⲉⲛ ⲟⲩⲛⲓϣϯ ⲛϩⲩⲡⲟ‐
ⲙⲟⲛⲏ ⲁ ⲡⲟⲥ ⲛⲧⲉ ⲡⲱⲟⲩ ⲟⲩⲱⲣⲡ ⲛⲟⲩⲭⲉⲣⲟⲩⲃⲓⲙ ⲁϥϭⲓ ⲙⲱⲓⲧ ϧⲁϫⲱϥ
ⲉϧⲟⲩⲛ ⲉⲡⲁⲓⲧⲱⲟⲩ ⲫⲁⲓ ⲟⲩⲟϩ ⲉⲧⲁϥⲧⲉⲃ ⲧⲉϥϫⲓϫ ⲉⲧⲉϥⲙⲉⲥⲧⲉ ⲛϩⲏⲧ ⲙⲫⲣⲏϯ
ⲛⲟⲩϣⲓ ⲟⲩⲟϩ ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲟⲩ ⲡⲉ ⲫⲁⲓ. ⲡⲉϫⲉ ⲡⲓⲭⲉⲣ‐
ⲟⲩⲃⲓⲙ ⲛⲁϥ ϫⲉ ⲁⲓϣⲓ ⲙⲡⲉⲕϩⲏⲧ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲟⲩ ⲡⲉ
ⲫⲃⲱⲗ ⲙⲡⲁⲓⲥⲁϫⲓ. ⲡⲉϫⲉ ⲡⲓⲭⲉⲣⲟⲩⲃⲓⲙ ⲛⲁϥ ϫⲉ ⲉⲩⲉⲙⲟⲩϯ ⲉⲫⲣⲁⲛ ⲙⲡⲉⲕ‐
ϩⲏⲧ ⲉϩⲣⲏⲓ ⲉϫⲉⲛ ⲡⲁⲓⲧⲱⲟⲩ ⲫⲁⲓ ⲉⲧⲁ ⲡⲭⲥ ⲧⲏⲓϥ ⲛⲁⲕ ⲉⲟⲩⲕⲗⲏⲣⲟⲛⲟⲙⲓⲁ
ⲁⲗⲗⲁ ϥⲛⲁϣⲓⲛⲓ ⲛⲥⲁ ⲛⲉϥⲟⲩⲧⲁϩ ⲛⲧⲟⲧⲕ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ


### 0002

ⲟⲩ ⲛⲉ ⲛⲓⲟⲩⲧⲁϩ. ⲡⲉϫⲉ ⲡⲓⲭⲉⲣⲟⲩⲃⲓⲙ ⲛⲁϥ ϫⲉ ϩⲁⲛ ⲕⲁⲣⲡⲟⲥ ⲙⲡ︦ⲛ︦ⲁ︦ⲧⲓⲕⲟⲛ
ⲡⲉ ⲉⲧⲉ ⲛⲁⲓ ⲛⲉ ⲛⲓⲉⲛⲧⲟⲗⲏ ⲛⲉⲙ ⲛⲓⲁⲣⲉⲧⲏ ⲟⲩⲟϩ ⲉⲣⲉ ⲡⲭ︦︦ⲥ︦ ⲡⲉⲛⲛⲟⲩϯ ⲛⲁⲁⲓⲕ
ⲛⲛⲟⲩϯ ⲉϫⲉⲛ ⲡⲁⲓⲕⲁϩⲓ ⲫⲁⲓ ⲛⲟⲩⲗⲁⲟⲥ ⲉϥⲟϣ ⲟⲩⲟϩ ⲛⲏ ⲉⲑⲛⲁ‐ (-ⲃ︦-) ⲥⲱ‐
ⲧⲉⲙ ⲟⲩⲟϩ ⲛⲥⲉⲁⲣⲉϩ ⲟⲩⲟϩ ⲛⲧⲟⲩⲁⲣⲉϩ ⲉⲛⲉⲕⲉⲛⲧⲟⲗⲏ ⲥⲉⲛⲁⲁⲓⲧⲟⲩ ⲛⲟⲩⲥⲧⲉ‐
ⲫⲁⲛⲟⲥ ⲟⲩⲟϩ ⲛⲟⲩⲭⲗⲟⲙ ⲛⲟⲩⲣⲟ ⲉϫⲛ ⲧⲉⲕⲁⲫⲉ ϧⲉⲛ ⲧⲡⲁⲣⲟⲩⲥⲓⲁ ⲙⲡⲟⲩⲣⲟ
ⲡⲭ︦ⲥ︦. ⲟⲩⲟϩ ⲛⲁⲓ ⲉⲧⲁ ⲡⲓⲭⲉⲣⲟⲩⲃⲓⲙ ϫⲟⲧⲟⲩ ⲛⲁϥ ⲁϥⲁϣϥ ⲙⲡⲕⲁϩⲓ ⲟⲩⲟϩ
ⲡⲉϫⲁϥ ⲛⲁϥ ϫⲉ ⲭⲛⲁⲁϣⲕ ⲛⲉⲙ ⲡⲭ︦ⲥ︦ ⲟⲩⲟϩ ⲛⲧⲉⲕⲉⲣⲥⲧⲁⲩⲣⲱⲛⲉⲓⲛ ⲙⲙⲟⲕ
ⲛⲉⲙⲁϥ ϧⲉⲛ ⲛⲓⲥⲟⲗⲥⲉⲗ ⲛⲛⲓⲁⲣⲉⲧⲏ ⲛⲉⲙ ⲡⲟⲩⲥⲑⲟⲓⲛⲟⲩϥⲓ ⲟⲩⲟϩ ⲛⲉⲕⲡⲣⲁⲝⲓⲥ
ⲛⲁⲓϣⲓ ϣⲁ ϯⲇ̄ ⲛⲁⲣⲭⲏ ⲛⲧⲉ ⲡⲓⲕⲁϩⲓ ⲟⲩⲟϩ ⲥⲉⲛⲁⲧⲟⲩⲛⲟⲥ ⲟⲩⲙⲏϣ ⲉⲩⲑⲟⲗⲥ
ϧⲉⲛ ⲑⲗⲱϩⲓ ⲙⲫⲛⲟⲃⲓ ⲟⲩⲟϩ ⲥⲉⲛⲁϣⲱⲡⲓ ⲙⲡⲟⲗⲉⲙⲓⲥⲧⲏⲥ ⲟⲩⲟϩ ⲙⲙⲁⲧⲟⲓ
ϧⲉⲛ ⲡⲓⲛⲟⲩⲙⲉⲣⲟⲛ ⲛⲧⲉ ⲡⲭⲥ. ⲟⲩⲟϩ ⲛⲁⲣⲉ ⲁⲃⲃⲁ ⲙⲁⲕⲁⲣⲓⲟⲥ ⲁϣⲓ ⲙⲡⲉϥ‐
ⲥⲱⲙⲁ ⲡⲉ ⲟⲩⲟϩ ⲉϥϫⲱⲕ ⲉⲃⲟⲗ ⲛϩⲱⲃ ⲛⲓⲃⲉⲛ ⲉⲧⲁ ⲡⲓⲭⲉⲣⲟⲩⲃⲓⲙ ϫⲟⲧⲟⲩ
ⲛⲁϥ ϧⲉⲛ ⲟⲩⲥⲡⲟⲩⲇⲏ.
ⲉϥⲥⲓⲛⲓⲱⲟⲩ ⲛⲟⲩⲥⲟⲡ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉⲃⲟⲗϧⲉⲛ ⲡⲓϩⲉⲗⲟⲥ ⲉⲧⲉϥⲣⲓ
ⲉϥϥⲁⲓ ⲛϩⲁⲛ ⲃⲏⲧ ⲁϥⲉⲣⲁⲡⲁⲛⲧⲁⲛ ⲉⲣⲟϥ ⲛϫⲉ ⲡⲓⲇⲓⲁⲃⲟⲗⲟⲥ ϩⲓ ⲡⲓⲙⲱⲓⲧ
ⲛⲉⲙ ⲟⲩⲭⲣⲟⲃⲓ ⲟⲩⲟϩ ⲛⲁϥⲕⲱϯ ⲡⲉ ⲛⲥⲁ ⲧⲟⲛⲱ ⲉⲣⲟϥ ⲟⲩⲟϩ ⲙⲡⲉϥϣϫⲉⲙ‐
ϫⲟⲙ ⲟⲩⲟϩ ⲡⲉϫⲁϥ ⲛⲁϥ ϫⲉ ⲱ ⲃⲓⲁ ⲛ‐ (-ⲅ̄-) ⲧⲟⲧⲕ ⲙⲁⲕⲁⲣⲓⲟⲥ ϫⲉ ⲙⲙⲟⲛ
ϣϫⲟⲙ ⲙⲙⲟⲓ ⲟⲩⲃⲏⲕ ϩⲏⲡⲡⲉ ⲓⲥ ⲡⲉⲧⲉⲕⲓⲣⲓ ⲙⲙⲟϥ ϯⲣⲁ ⲙⲙⲟϥ ϩⲱ ⲕⲉⲣ‐


### 0003

ⲛⲏⲥⲧⲉⲩⲉⲓⲛ ⲁⲛⲟⲕ ⲇⲉ ϯⲟⲩⲱⲙ ⲁⲛ ⲉⲡⲧⲏⲣϥ ⲕⲉⲣ ϣⲣⲱⲓⲥ ⲁⲛⲟⲕ ⲇⲉ ϯⲉⲛⲕⲟⲧ
ⲁⲛ ⲉⲡⲧⲏⲣϥ ⲟⲩⲁⲓ ⲙⲙⲁⲩⲁⲧϥ ⲡⲉⲧⲉⲕϭⲣⲏⲟⲩⲧ ⲙⲙⲟⲓ ⲛϧⲏⲧϥ. ⲡⲉϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲛⲁϥ ϫⲉ ⲁϣ ⲡⲉ ⲫⲁⲓ. ⲛⲑⲟϥ ⲇⲉ ⲡⲉϫⲁϥ ϫⲉ ⲡⲉⲕⲑⲉⲃⲓⲟ ⲡⲉ ⲉⲑⲃⲉ
ⲡⲉⲕⲑⲉⲃⲓⲟ ⲅⲁⲣ ⲙⲙⲟⲛ ϣϫⲟⲙ ⲙⲙⲟⲓ ⲉⲣⲟⲕ. ⲟⲩⲟϩ ⲉⲧⲁϥⲫⲱⲣϣ ⲛⲛⲉϥϫⲓϫ
ⲉⲃⲟⲗ ⲛϫⲉ ⲡⲓⲁⲅⲓⲟⲥ ⲁϥⲉⲣ ⲁⲑⲟⲩⲱⲛϩ ⲛϫⲉ ⲡⲓⲇⲁⲓⲙⲱⲛ ⲟⲩⲟϩ ⲛⲁϥⲙⲟϣⲓ
ⲡⲉ ⲉϥϯ ⲱⲟⲩ ⲙⲫϯ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲁϥⲥⲱⲧⲉⲙ ⲉⲑⲃⲏⲧϥ ⲛϫⲉ ⲁⲅⲁⲑⲟ‐
ⲛⲓⲕⲟⲥ ⲡⲓⲉⲡⲁⲣⲭⲟⲥ ⲛⲧⲉ ⲁⲛⲧⲓⲟⲭⲓⲁ ϫⲉ ϥⲓⲣⲓ ⲛϩⲁⲛ ϫⲟⲙ ⲉⲩⲟⲓ ⲛⲛⲓϣϯ ⲛⲉⲙ
ϩⲁⲛ ϩⲙⲟⲧ ⲛⲧⲁⲗϭⲟ ⲉⲃⲟⲗϩⲓⲧⲉⲛ ⲡⲉⲛⲟⲥ ⲓⲏⲥ ⲡⲭⲥ ⲁϥⲟⲩⲱⲣⲡ ϩⲁⲣⲟϥ ⲛⲧⲉϥ‐
ϣⲉⲣⲓ ⲉⲟⲩⲟⲛ ⲟⲩⲡⲛⲁ ⲛⲁⲕⲁⲑⲁⲣⲧⲟⲛ ⲛⲉⲙⲁⲥ ϫⲉ ϩⲓⲛⲁ ⲛⲧⲉϥϣⲗⲏⲗ ⲉϫⲱⲥ
ⲟⲩⲟϩ ϩⲓⲧⲉⲛ ⲡⲓϩⲙⲟⲧ ⲛⲧⲉ ⲫϯ ⲉⲧϣⲟⲡ ⲛϧⲏⲧϥ ⲉⲧⲁϥϣⲗⲏⲗ ⲉϫⲱⲥ ⲁⲥⲟⲩϫⲁⲓ
ⲛϯⲟⲩⲛⲟⲩ ⲟⲩⲟϩ ⲁϥⲟⲩⲟⲣⲡⲥ ϧⲉⲛ ⲟⲩϩⲉⲓⲣⲏⲛⲏ ϩⲁ ⲛⲏ ⲉⲧⲉ ⲛⲟⲩⲥ ⲛⲓⲟϯ.
(-ⲇ̄-) ⲉⲧⲁϥⲛⲁⲩ ⲛϫⲉ ⲡⲉⲥⲓⲱⲧ ⲛⲉⲙ ⲧⲉⲥⲙⲁⲩ ⲉⲡⲓⲧⲁⲗϭⲟ ⲉⲧⲁ ⲡⲟⲥ ⲁⲓϥ ⲛⲉⲙ
ⲧⲟⲩϣⲉⲣⲓ ⲉⲃⲟⲗϩⲓⲧⲉⲛ ⲛⲓⲧⲱⲃϩ ⲛⲉⲙ ⲛⲓϣⲗⲏⲗ ⲛⲧⲉ ⲫⲏ ⲉⲑⲟⲩⲁⲃ ⲁⲃⲃⲁ ⲙⲁ‐
ⲕⲁⲣⲓⲟⲥ ⲁⲩϣⲉⲡ ϩⲙⲟⲧ ⲉⲩϯ ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲉⲓⲥⲓⲛⲓⲱⲟⲩ ⲛⲟⲩⲥⲟⲡ ϧⲉⲛ ⲡϣⲁϥⲉ
ⲁϥⲉⲣⲁⲡⲁⲛⲧⲁⲛ ⲉⲣⲟⲓ ⲛϫⲉ ⲡⲓⲇⲓⲁⲃⲟⲗⲟⲥ ⲉϥϫⲁⲓⲱⲟⲩ ϧⲉⲛ ⲡⲉϥⲥⲙⲟⲧ ⲟⲩⲟϩ


### 0004

ⲉϥⲟⲓ ⲛϩⲟϯ ⲉⲙⲁϣⲱ ⲟⲩⲟϩ ⲡⲉϫⲁϥ ⲛⲏⲓ ϫⲉ ⲱ ⲃⲓⲁ ⲛⲧⲟⲧⲕ ⲙⲁⲕⲁⲣⲓⲟⲥ
ϫⲉ ⲁ ⲧⲉⲕⲥⲙⲏ ⲥⲉⲛⲥⲉⲛ ϧⲉⲛ ⲛⲓⲙⲁ ⲛϣⲁⲓ ⲛⲉⲙ ⲛⲓⲙⲁ ⲛϩⲱⲧⲡ ⲙⲫⲣⲏϯ ⲟⲛ
ⲙⲡⲓⲕⲉⲛⲓϣϯ ⲁⲛⲧⲱⲛⲓⲟⲥ ⲛⲧⲁⲝⲓⲁⲣⲭⲏⲥ ⲛⲛⲓⲙⲟⲛⲁⲭⲟⲥ ⲛⲁⲡⲟⲧⲁⲕⲧⲓⲕⲟⲥ ⲟⲩⲟϩ
ⲁⲕϭⲓ ⲙⲡⲉϥⲓⲛⲓ ⲙⲫⲣⲏϯ ⲛⲉⲗⲓⲥⲥⲉⲟⲥ ⲉⲧⲁϥϭⲓ ⲙⲡⲓⲛⲓ ⲛⲏⲗⲓⲁⲥ ϫⲉ ⲟⲩⲏⲓ
ⲛⲑⲟϥ ϩⲱϥ ⲁⲛⲧⲱⲛⲓⲟⲥ ⲁϥϣⲱⲡⲓ ⲛⲁⲕ ⲛⲟⲩⲥⲁϧ ⲉⲑⲃⲉ ϫⲉ ⲛⲧⲟϥ ⲡⲉ ⲉⲧⲁϥⲉⲣ‐
ⲥⲭⲏⲙⲁⲧⲓⲍⲉⲓⲛ ⲙⲙⲟⲕ ⲕⲁⲓ ⲅⲁⲣ ⲁⲕⲙⲁϣⲧ ϩⲓⲧⲉⲛ ⲡⲉⲕⲑⲉⲃⲓⲟ ϫⲉ ⲁⲕϭⲓ
ⲥⲟϭⲛⲓ ⲛⲧⲟⲧϥ ⲛⲁⲛⲧⲱⲛⲓⲟⲥ ϧⲉⲛ ⲟⲩⲑⲉⲃⲓⲟ ⲟⲩⲟϩ ⲁⲕⲭⲁϥ ⲛⲧⲟⲧⲕ ϫⲉ ⲟⲩⲛⲟⲩϯ
ⲡⲉ ϩⲓⲧⲉⲛ ⲧⲁⲅⲁⲡⲏ ⲙⲡⲉⲕⲑⲉⲃⲓⲟ ⲙⲙⲏⲓ ⲟⲩⲟϩ ϩⲟⲧⲁⲛ ⲁⲓϣⲁⲛⲙⲁϣⲕ ϧⲉⲛ
(-ⲉ̄-) ⲟⲩϣⲉ ⲛⲥⲟⲑⲛⲉϥ ⲛⲧⲉ ⲛⲁⲡⲁⲑⲟⲥ ⲥⲁⲧⲟⲧⲕ ϣⲁⲕϫⲟⲥ ϧⲉⲛ ⲡϣⲱⲕ ⲙⲡⲉⲕ‐
ϩⲏⲧ ϧⲉⲛ ⲟⲩⲛⲁϩϯ ⲉϥⲧⲁϫⲣⲏⲟⲩⲧ ϫⲉ ⲓⲥ ⲡⲁⲓⲁⲧⲣⲟⲥ ⲟⲩⲟϩ ⲡⲁⲥⲏⲓⲛⲓ ϩⲓϫⲉⲛ
ⲡⲓⲧⲱⲟⲩ ⲛⲉⲙ ⲫⲓⲁⲣⲟ. ⲡⲉϫⲏⲓ ⲛⲁϥ ϩⲱ ϫⲉ ⲁⲛⲟⲕ ⲟⲩⲙⲁⲕⲁⲣⲓⲟⲥ ⲁⲛⲟⲕ ϫⲉ
ⲁ ⲡⲟ︦ⲥ︦ ⲓ︦ⲏ︦ⲥ︦ ⲟⲃϣⲕ ⲉϩⲛⲁⲕ ⲁⲛ ⲉⲕϯ ⲧⲁϫⲣⲟ ⲛϩⲏⲧ ⲛⲏⲓ ⲛⲉⲙ ⲛⲁϩϯ ⲉϧⲟⲩⲛ
ⲉⲡⲁⲣⲉϥϯ ⲥⲃⲱ ⲕⲁⲓ ⲅⲁⲣ ⲛⲓⲫⲁϧⲣⲓ ⲛⲧⲉ ⲡⲁⲟ︦ⲥ︦ ⲛⲓⲱⲧ ⲁⲃⲃⲁ ⲁⲛⲧⲱⲛⲓⲟⲥ ϩⲁⲛ
ⲥⲁⲣⲕⲓⲕⲟⲛ ⲁⲛ ⲛⲉ ⲁⲗⲗⲁ ϯϫⲟⲙ ⲙⲡⲓⲡⲁⲣⲁⲕⲗⲏⲧⲟⲛ ⲉⲧⲉⲣ ϩⲱⲃ ϧⲉⲛ ⲛⲉϥ‐
ⲉⲩⲭⲏ ⲛⲓⲫⲁϧⲣⲓ ⲙⲡ︦ⲛ︦ⲁⲧⲓⲕⲟⲛ ⲉⲧϣⲏⲡ ⲙⲡⲉⲙⲑⲟ ⲙⲫ︦ϯ︦ ⲙⲫⲣⲏϯ ⲛⲟⲩⲥⲑⲟⲓ
ⲛⲟⲩϥⲓ. ⲟⲩⲟϩ ⲛⲁⲓ ⲉⲧⲁϥⲥⲟⲑⲙⲟⲩ ⲁϥⲉⲣ ⲙⲫⲣⲏϯ ⲛⲟⲩⲕⲁⲡⲛⲟⲥ ⲁϥⲃⲱⲗ ⲉⲃⲟⲗ
ⲟⲩⲟϩ ⲛⲁⲓⲙⲟϣⲓ ⲡⲉ ⲉⲓϯ ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.


### 0005

ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲛⲓⲕⲟⲧⲥ ⲛⲧⲉ ⲡⲓϫⲁϫⲓ ⲛⲑⲱⲟⲩ ⲛⲉ
ⲉⲧⲟⲩϯ ⲣⲁⲛ ⲉⲣⲱⲟⲩ ϫⲉ ⲡⲓⲉϫⲱⲣϩ ⲛⲉⲙ ⲡⲓⲭⲁⲕⲓ ⲙⲫⲣⲏϯ ⲉⲧⲁ ⲡⲁⲩⲗⲟⲥ
ϫⲱ ⲙⲙⲟⲥ ϫⲉ ⲁⲛⲟⲛ ⲛⲁ ⲡⲓⲉϫⲱⲣϩ ⲁⲛ ⲟⲩⲇⲉ ⲁⲛⲟⲛ ⲛⲁ ⲡⲭⲁⲕⲓ ⲁⲗⲗⲁ
ⲁⲛⲟⲛ ⲛⲁ ⲡⲓⲉϩⲟⲟⲩ ϫⲉ ⲟⲩⲏⲓ ⲡϣⲏⲣⲓ ⲙⲫ︦ϯ︦ ⲛⲑⲟϥ ⲡⲉ ⲡⲓⲉϩⲟⲟⲩ (-ⲋ︦-) ⲟⲩⲟϩ
ⲡⲓⲇⲓⲁⲃⲟⲗⲟⲥ ⲛⲑⲟϥ ⲡⲉ ⲡⲓⲉϫⲱⲣϩ ⲁⲗⲗⲁ ⲉϣⲱⲡ ⲛⲧⲉ ⲡⲓϩⲏⲧ ⲥⲉⲛ ⲛⲁⲓⲡⲟⲗⲉ‐
ⲙⲟⲥ ⲁⲡⲟ ⲙⲉⲣⲟⲩⲥ ⲡⲁⲗⲓⲛ ⲟⲛ ϣⲁⲩϩⲓ ⲕⲟⲧ ⲉⲡⲓⲁⲅⲱⲛⲓⲥⲧⲏⲥ ϩⲓⲧⲉⲛ ⲟⲩⲫⲑⲟ‐
ⲛⲟⲥ ⲟⲩⲟϩ ⲧⲟⲧⲉ ϣⲁⲩⲉⲣ ϩⲏⲧⲥ ⲛⲭⲁ ⲡⲓⲡⲟⲗⲉⲙⲟⲥ ⲛⲧⲉ ϯⲡⲟⲣⲛⲉⲓⲁ ⲉϫⲱϥ
ⲛⲉⲙ ϯϩⲏⲇⲟⲛⲏ ⲛⲧⲉ ⲛⲓⲁⲗⲱⲟⲩⲓ ⲛϧⲣⲏⲓ ⲟⲩⲛ ϧⲉⲛ ⲛⲁⲓⲡⲟⲗⲉⲙⲟⲥ ϣⲁⲣⲉ
ⲡⲓϩⲏⲧ ⲉⲣ ϫⲱⲃ ϩⲱⲥⲧⲉ ⲛⲧⲉ ⲡⲓϩⲱⲃ ⲉⲣ ⲁⲧϫⲟⲙ ⲛⲧⲟⲧϥ ⲙⲡⲓⲣⲱⲙⲓ ⲉⲁⲣⲉϩ
ⲡⲓⲧⲟⲩⲃⲟ ⲉⲩⲓⲛⲓ ⲛⲁϩⲣⲁϥ ⲙⲡⲁϣⲁⲓ ⲛⲧⲉ ⲡⲓⲥⲏⲟⲩ ⲛⲉⲙ ⲡⲓϧⲓⲥⲓ ⲛⲧⲉ ⲛⲓⲁⲣⲉⲧⲏ
ⲛⲉⲙ ⲡϣⲁϩϣⲉϩ ⲙⲡⲓⲃⲓⲟⲥ ⲟⲩⲟϩ ϫⲉ ⲟⲩϧⲓⲥⲓ ⲡⲉ ⲉϥⲟⲓ ⲛⲛⲓϣϯ ⲛⲉⲙ ⲑⲙⲉⲧ‐
ϫⲱⲃ ⲙⲡⲓⲥⲱⲙⲁ. ⲉϣⲱⲡ ⲇⲉ ⲛⲧⲉ ⲡⲓϩⲏⲧ ⲉⲣ ϫⲱⲃ ϧⲉⲛ ⲛⲁⲓ ⲟⲩⲟϩ ⲛⲧⲉϥ‐
ϣⲱⲡⲓ ⲉϥⲃⲏⲗ ⲉⲃⲟⲗ ϧⲉⲛ ⲡⲓϧⲓⲥⲓ ⲛⲛⲓⲡⲟⲗⲉⲙⲟⲥ ⲁϥϣⲁⲛϩⲓⲟⲩⲓ ⲉⲃⲟⲗϩⲁⲣⲟϥ
ⲙⲡⲓϩⲏⲧ ⲃⲱⲛ ⲟⲩⲟϩ ⲛⲧⲉϥⲱϣ ⲟⲩⲃⲉ ⲫϯ ϧⲉⲛ ⲡϥⲓ ⲁϩⲟⲙ ⲛⲧⲉ ⲧⲉϥⲯⲩⲭⲏ
ⲉϥϧⲟⲥⲓ ⲧⲟⲧⲉ ϣⲁⲣⲉ ⲡⲓⲁⲅⲁⲑⲟⲥ ⲫ︦ϯ︦ ⲟⲩⲟϩ ⲛⲣⲉϥϣⲉⲛ ϩⲏⲧ ϧⲁ ⲡⲉϥⲥⲱⲛⲧ
ϣⲁϥⲟⲩⲱⲣⲡ ⲛⲟⲩϫⲟⲙ ⲉⲥⲟⲩⲁⲃ ϣⲁⲥⲁⲙⲟⲛⲓ ⲙⲡⲓϩⲏⲧ ϣⲁⲥϯ ⲛⲁϥ ⲛⲟⲩⲣⲓⲙⲓ


### 0006

ⲛⲉⲙ ⲟⲩⲟⲩⲛⲟϥ ⲛⲉⲙ ⲟⲩⲁⲥⲓⲁⲓ ϩⲱⲥⲧⲉ ⲛⲧⲉϥ‐ (-ⲍ-) ϣⲱⲡⲓ ⲉϥϫⲉⲙϫⲟⲙ
ⲉϩⲟⲧⲉ ⲧⲉϥⲙⲉⲧϫⲁϫⲓ ⲟⲩⲟϩ ⲛⲧⲟⲩϣⲧⲉⲙϫⲉⲙϫⲟⲙ ⲉⲣⲟϥ ⲉⲩⲉⲣ ϩⲟϯ ϧⲁ ⲧϩⲏ
ⲛϯϫⲟⲙ ⲉⲧⲁⲥϣⲱⲡⲓ ⲛⲉⲙⲁϥ ⲙⲫⲣⲏϯ ⲉⲧⲉ ⲡⲁⲩⲗⲟⲥ ⲡⲁⲡⲟⲥⲧⲟⲗⲟⲥ ϫⲱ
ⲙⲙⲟⲥ ϫⲉ ⲁⲣⲓⲁⲅⲱⲛⲓⲍⲉⲥⲑⲁⲓ ⲉⲑⲣⲉⲧⲉⲧⲉⲛϭⲓ ⲛϯϫⲟⲙ. ⲑⲁⲓ ⲟⲛ ⲧⲉ ϯϫⲟⲙ
ⲉⲧⲁϥⲫⲓⲣⲓ ⲉⲣⲟⲥ ⲛϫⲉ ⲡⲉⲧⲣⲟⲥ ⲉϥϫⲱ ⲙⲙⲟⲥ ϫⲉ ⲟⲩⲟⲛ ⲟⲩⲕⲗⲏⲣⲟⲛⲟⲙⲓⲁ
ⲛⲁⲧⲧⲁⲕⲟ ⲟⲩⲟϩ ⲛⲁⲧⲑⲱⲗⲉⲃ ⲉⲩⲁⲣⲉϩ ⲉⲣⲟⲥ ⲛⲱⲧⲉⲛ ϧⲁ ⲛⲏ ⲉⲧⲉ ϯϫⲟⲙ ⲛⲧⲉ
ⲫϯ ⲣⲱⲓⲥ ⲉⲣⲱⲟⲩ ⲉⲃⲟⲗϩⲓⲧⲉⲛ ⲫⲛⲁϩϯ. ⲧⲟⲧⲉ ⲁⲣⲉϣⲁⲛ ⲫϯ ⲡⲓⲁⲅⲁⲑⲟⲥ ⲛⲁⲩ
ⲉⲡⲓϩⲏⲧ ϫⲉ ⲁϥϫⲉⲙϫⲟⲙ ⲉϩⲣⲏⲓ ⲉϫⲉⲛ ϯⲙⲉⲧϫⲁϫⲓ ⲧⲟⲧⲉ ϣⲁϥⲉⲣ ϩⲏⲧⲥ
ⲛⲱⲗⲓ ⲛϯϫⲟⲙ ⲉⲃⲟⲗϩⲁⲣⲟϥ ⲉϥⲥⲟⲙⲥ ⲉⲧⲉϥⲡⲣⲟϩⲁⲓⲣⲉⲥⲓⲥ ⲟⲩⲟϩ ⲛⲟⲩϩⲟϯ
ϣⲁϥⲉⲣⲥⲩⲅⲭⲱⲣⲉⲓⲛ ⲛϯⲙⲉⲧϫⲁϫⲓ ⲉϧⲟⲩⲛ ⲉⲣⲟϥ ⲉⲑⲣⲉⲥⲉⲣⲡⲟⲗⲉⲙⲉⲓⲛ
ⲛⲉⲙⲁϥ ϧⲉⲛ ⲛⲓϭⲱϧⲉⲙ ⲛⲉⲙ ϯϩⲏⲇⲟⲛⲏ ⲛⲧⲉ ⲛⲓⲃⲁⲗ ⲛⲉⲙ ⲡⲓⲱⲟⲩ ⲉⲧ‐
ϣⲟⲩⲓⲧ ⲛⲉⲙ ϯⲙⲉⲧϭⲁⲥⲓ ϩⲏⲧ ⲉϥⲟⲓ ⲙⲫⲣⲏϯ ⲛⲟⲩϫⲟⲓ ⲛⲁⲧϩⲓⲉ ⲉϥϭⲓ ϫⲁⲡⲓ
ⲙⲛⲏ ⲛⲉⲙ ⲙⲛⲁⲓ. ⲉϣⲱⲡ ⲇⲉ ⲛⲧⲉ ⲡⲓϩⲏⲧ ⲉⲣ ϫⲱⲃ ⲉⲙⲁϣⲱ ⲛⲧⲟⲧⲥ ⲛϯⲙⲉⲧ‐
ϫⲁϫⲓ (-ⲏ̄-) ⲧⲟⲧⲉ ϣⲁⲣⲉ ⲫϯ ⲡⲓⲁⲅⲁⲑⲟⲥ ⲟⲩⲟϩ ⲛⲣⲉϥϣⲉⲛ ϩⲏⲧ ϧⲁ ⲡⲉϥ‐
ⲡⲗⲁⲥⲙⲁ ⲟⲩⲱⲣⲡ ⲛⲁϥ ⲟⲛ ⲛϯϫⲟⲙ ⲉⲑⲟⲩⲁⲃ ⲟⲩⲟϩ ϣⲁⲥⲁⲙⲟⲛⲓ ⲛϯⲯⲩⲭⲏ
ⲛⲉⲙ ⲡⲓϩⲏⲧ ⲛⲉⲙ ⲡⲓⲥⲱⲙⲁ ⲛⲉⲙ ⲡⲓⲥⲱϫⲡ ⲛⲛⲓⲙⲉⲗⲟⲥ ϧⲁ ⲫⲛⲁϩⲃⲉϥ ⲙⲡⲓ‐
ⲡⲁⲣⲁⲕⲗⲏⲧⲟⲛ ⲙⲫⲣⲏϯ ⲉⲧⲉϥϫⲱ ⲙⲙⲟⲥ ⲛϫⲉ ⲡⲉⲛⲟⲥ ⲓⲏⲥ ⲡⲭⲥ ϫⲉ ⲁⲗⲓⲟⲩⲓ
ⲙⲡⲁⲛⲁϩⲃⲉϥ ⲉϫⲉⲛ ⲑⲏⲛⲟⲩ ⲟⲩⲟϩ ⲁⲣⲓ ⲉⲙⲓ ⲉⲃⲟⲗ ⲙⲙⲟⲓ ϫⲉ ⲁⲛⲟⲕ ⲟⲩⲣⲉⲙ


### 0007

ⲣⲁⲩϣ ⲟⲩⲟϩ ϯⲑⲉⲃⲓⲏⲟⲩⲧ ϧⲉⲛ ⲡⲁϩⲏⲧ. ⲧⲟⲧⲉ ϣⲁⲣⲉ ⲫϯ ⲡⲓⲁⲅⲁⲑⲟⲥ ⲉⲣ
ϩⲏⲧⲥ ⲛⲁⲟⲩⲱⲛ ⲛⲛⲉⲛⲃⲁⲗ ⲙⲡⲓϩⲏⲧ ⲉⲉⲙⲓ ⲉϯ ⲙⲡⲓⲧⲁⲓⲟ ⲙⲫ︦ϯ︦ ϧⲉⲛ ⲟⲩⲑⲉⲃⲓⲟ
ⲛⲉⲙ ⲟⲩⲧⲉⲛⲛⲟ ⲛⲧⲉ ⲡⲓϩⲏⲧ ⲙⲫⲣⲏϯ ⲉⲧⲉϥϫⲱ ⲙⲙⲟⲥ ⲛϫⲉ ⲇⲁⲩⲓⲇ ϫⲉ ⲡⲓ‐
ϣⲟⲩϣⲱⲟⲩϣⲓ ⲛⲧⲉ ⲫϯ ⲟⲩϩⲏⲧ ⲉϥⲧⲉⲛⲛⲏⲟⲩⲧ ⲉϥⲑⲉⲃⲓⲏⲟⲩⲧ ⲉⲃⲟⲗ ⲅⲁⲣ
ϩⲓⲧⲉⲛ ⲛⲁⲓ ϧⲓⲥⲓ ⲛⲧⲉ ⲛⲁⲓⲡⲟⲗⲉⲙⲟⲥ ϣⲁⲣⲉ ⲡⲓⲑⲉⲃⲓⲟ ⲡⲉⲙ ⲡⲓⲧⲉⲛⲛⲟ ϣⲱⲡⲓ
ϧⲉⲛ ⲡⲓϩⲏⲧ. ⲧⲟⲧⲉ ϣⲁⲣⲉ ϯϫⲟⲙ ϭⲱⲣⲡ ⲛⲛⲁ ⲧⲫⲉ ⲉⲃⲟⲗ ⲙⲡⲓⲛⲟⲩⲥ ⲛⲉⲙ ⲡⲓ‐
ϩⲏⲧ ⲛⲉⲙ ⲡⲟⲩϫⲓ ⲛϩⲱⲥ ⲛⲉⲙ ⲡⲓⲧⲁⲓⲟ ⲉⲑⲛⲁϣⲱⲡⲓ ⲛⲛⲏ ⲉⲑⲛⲁⲁⲙⲟⲛⲓ ⲛⲧⲟ‐
ⲧⲟⲩ ⲟⲩⲟϩ ϫⲉ ⲁⲣⲉϣⲁⲛ ⲡⲓⲣⲱⲙⲓ ⲉⲣ ⲟⲩⲏⲣ ⲛϧⲓⲥⲓ ϩⲁⲛ ⲕⲟⲩϫⲓ ⲛⲉ ⲛⲁϩⲣⲉⲛ
ⲛⲓⲧⲁⲓⲟ ⲉⲧⲉⲣⲉ ⲫϯ ⲛⲁⲑⲏⲓⲧⲟⲩ ⲛⲁϥ (-ⲑ̄-) ⲙⲫⲣⲏϯ ⲣⲱ ⲟⲛ ⲉⲧⲉϥϫⲱ
ⲙⲙⲟⲥ ⲛϫⲉ ⲡⲓⲁⲡⲟⲥⲧⲟⲗⲟⲥ ϫⲉ ⲥⲉⲙⲡϣⲁ ⲁⲛ ⲛϫⲉ ⲛⲓⲙⲕⲁϩ ⲛⲧⲉ ⲡⲁⲓⲥⲏⲟⲩ
ⲛⲧⲉ ϯⲛⲟⲩ ⲙⲡⲓⲱⲟⲩ ⲉⲑⲛⲁϭⲱⲣⲡ ⲛⲁⲛ ⲉⲃⲟⲗ. ⲧⲟⲧⲉ ϣⲁⲩⲉⲣ ϩⲏⲧⲥ ⲛϭⲱⲣⲡ
ⲛⲛⲓⲕⲟⲗⲁⲥⲓⲥ ⲉⲃⲟⲗ ⲙⲡⲉⲙⲑⲟ ⲙⲡⲓϩⲏⲧ ⲛⲉⲙ ⲛⲏ ⲉⲧⲟⲩⲉⲣⲕⲟⲗⲁⲍⲉⲓⲛ ⲙⲙⲱⲟⲩ
ⲛⲉⲙ ⲕⲉⲙⲏϣ ⲟⲛ ⲛϯⲛⲁϣϫⲟⲧⲟⲩ ⲧⲏⲣⲟⲩ ⲁⲛ ⲟⲩⲟϩ ϣⲁⲣⲉ ⲡⲓⲡⲁⲣⲁⲕⲗⲏ‐
ⲧⲟⲛ ⲥⲉⲙⲛⲓ ⲛϩⲁⲛ ϩⲟⲣⲟⲥ ⲙⲡⲓϩⲏⲧ ⲉⲧⲉ ϩⲁⲛ ⲧⲟⲩⲃⲟ ⲛⲧⲉ ϯⲯⲩⲭⲏ ⲛⲉ ⲛⲉⲙ
ⲡⲥⲱϫⲡ ⲛⲧⲉ ⲛⲓⲙⲉⲗⲟⲥ ⲛⲉⲙ ⲟⲩⲛⲓϣϯ ⲛⲑⲉⲃⲓⲟ ⲛⲉⲙ ⲟⲩⲣⲱⲓⲥ ⲛⲉⲙ ⲟⲩⲕⲁϯ
ⲉϥⲣⲏⲥ ⲛⲉⲙ ⲟⲩⲭⲁⲕ ⲥⲁ ⲡⲉⲥⲏⲧ ⲙⲡⲓⲥⲱⲛⲧ ⲧⲏⲣϥ ⲛⲉⲙ ⲟⲩⲙⲉⲧⲁⲧϫⲟⲩϣⲧ
ⲉⲡⲉⲧϩⲱⲟⲩ ⲛⲧⲉ ϩⲗⲓ ⲛⲣⲱⲙⲓ ⲛⲉⲙ ⲟⲩⲧⲟⲩⲃⲟ ⲛⲧⲉ ⲛⲓⲃⲁⲗ ⲛⲉⲙ ⲟⲩⲁⲣⲉϩ ⲛⲧⲉ


### 0008

ⲡⲓⲗⲁⲥ ⲛⲉⲙ ⲟⲩⲧⲟⲩⲃⲟ ⲛⲧⲉ ⲛⲓⲫⲁⲧ ⲛⲉⲙ ⲟⲩⲙⲉⲑⲙⲏⲓ ⲛⲧⲉ ⲛⲓϫⲓϫ ⲛⲉⲙ ⲟⲩ‐
ϣⲉⲙϣⲓ ⲛⲧⲉ ⲛⲓⲧⲱⲃϩ ⲛⲉⲙ ⲟⲩⲙⲕⲁϩ ⲛⲧⲉ ⲡⲓⲥⲱⲙⲁ ⲛⲉⲙ ⲟⲩϣⲣⲱⲓⲥ ⲛⲧⲉ
ⲫ︦ϯ︦. ⲛⲁⲓ ⲇⲉ ϣⲁⲩⲑⲁϣⲟⲩ ⲛⲁϥ ϧⲉⲛ ⲟⲩϣⲓ ⲛⲉⲙ ⲟⲩⲥⲟϭⲛⲓ ϧⲉⲛ ⲟⲩϣⲑⲟⲣⲧⲉⲣ
ⲁⲛ ⲁⲗⲗⲁ ϧⲉⲛ ⲟⲩⲥⲉⲙⲛⲏ. ⲉϣⲱⲡ ⲇⲉ ⲁⲣⲉϣⲁⲛ ⲡⲓⲕⲁϯ ⲉⲣⲕⲁⲧⲁ‐ (-ⲓ̄-) ⲫⲣⲟ‐
ⲛⲉⲓⲛ ⲛⲛⲓϩⲱⲛ ⲛⲧⲉ ⲡⲓⲡ︦ⲛ︦ⲁ︦ ⲧⲟⲧⲉ ϣⲁⲣⲉ ϯϫⲟⲙ ϩⲉⲛⲥ ⲛⲁⲥ ⲟⲩⲟϩ ϣⲁⲣⲉ ϩⲁⲛ
ⲡⲟⲗⲉⲙⲟⲥ ϣⲱⲡⲓ ϧⲉⲛ ⲡⲓϩⲏⲧ ⲛⲉⲙ ϩⲁⲛ ϣⲑⲟⲣⲧⲉⲣ ⲟⲩⲟϩ ⲛⲓⲡⲁⲑⲟⲥ ⲛⲧⲉ
ⲡⲓⲥⲱⲙⲁ ϣⲁⲩϣⲑⲉⲣⲑⲱⲣϥ ⲉⲃⲟⲗϩⲓⲧⲉⲛ ⲛⲓϫⲓ ⲛⲕⲓⲙ ⲛⲉⲙ ϫⲓ ⲛⲥⲓϯ ⲛⲧⲉ ⲡⲓ‐
ϫⲁϫⲓ ⲁⲗⲗⲁ ⲉϣⲱⲡ ⲛⲧⲉ ⲡⲓϩⲏⲧ ⲕⲟⲧϥ ⲛⲧⲉϥⲁⲣⲉϩ ⲉⲛⲓϩⲱⲛ ⲛⲧⲉ ⲡⲓⲡⲛⲁ
ϣⲁⲣⲉ ⲟⲩⲥⲕⲉⲡⲏ ϣⲱⲡⲓ ϩⲓϫⲱϥ. ⲧⲟⲧⲉ ϣⲁⲣⲉ ⲡⲓⲣⲱⲙⲓ ⲉⲙⲓ ϫⲉ ⲡⲓⲙⲟⲩⲛ ⲉⲫ︦ϯ︦
ⲫⲁⲓ ⲡⲉ ⲡⲉϥⲙⲧⲟⲛ ⲙⲫⲣⲏϯ ⲉⲧⲉ ⲇⲁⲩⲓⲇ ϫⲱ ⲙⲙⲟⲥ ϫⲉ ⲡⲟⲥ ⲓⲥϫⲉⲛ
ⲉⲧⲁⲓⲱϣ ⲟⲩⲃⲏⲕ ⲁⲓⲙⲧⲟⲛ ⲕⲁⲧⲁ ⲡⲁⲥⲟϭⲛⲓ. ϯϫⲱ ⲙⲙⲟⲥ ϫⲉ ⲉⲃⲏⲗ ⲛⲧⲉ ⲡⲓ‐
ⲣⲱⲙⲓ ⲁⲙⲟⲛⲓ ⲛⲟⲩⲛⲓϣϯ ⲛⲑⲉⲃⲓⲟ ϧⲉⲛ ⲡⲉϥϩⲏⲧ ⲛⲉⲙ ⲡⲉϥⲥⲱⲙⲁ ⲛⲉⲙ ⲟⲩ‐
ⲙⲉⲧⲁⲧⲟⲡⲕ ϧⲉⲛ ϩⲗⲓ ⲛϩⲱⲃ ⲛⲉⲙ ⲟⲩⲛⲓϣϯ ⲙⲙⲉⲧϣⲁⲡ ϣⲱϣ ⲛⲉⲙ ⲟⲩϭⲓⲧⲕ
ⲛϫⲟⲛⲥ ϧⲉⲛ ϩⲱⲃ ⲛⲓⲃⲉⲛ ⲛⲉⲙ ⲉⲭⲁ ⲡⲉⲕⲙⲟⲩ ⲉϥϧⲉⲛⲧ ⲉⲣⲟⲕ ⲛⲉϩⲟⲟⲩ ϧⲁ
ⲧϩⲏ ⲛⲉϩⲟⲟⲩ ⲛⲉⲙ ⲟⲩϫⲱⲗ ⲉⲃⲟⲗ ⲛⲧⲉ ϯϩⲩⲗⲏ ⲛⲉⲙ ⲟⲩϫⲱⲗ ⲉⲃⲟⲗ
ⲛⲧⲉ ⲛⲓⲕⲁⲧⲁ ⲥⲁⲣⲝ ⲙⲙⲟⲛ ϣϫⲟⲙ ⲙⲙⲟϥ ⲉⲁⲣⲉϩ ⲛⲓϩⲱⲛ ⲛⲧⲉ ⲡⲓⲡⲛⲁ
ⲉⲑⲟⲩⲁⲃ.


### 0009

ⲟⲩⲟⲛ ⲁϥϩⲓ ⲟⲩⲕⲟⲧ ⲉⲁⲃⲃⲁ ⲙⲁ‐ (-ⲓ︦ⲁ︦-) ⲕⲁⲣⲓⲟⲥ ⲡⲉϫⲁϥ ⲛⲁϥ ϫⲉ ⲁϫⲉ
ⲟⲩⲥⲁϫⲓ ⲛⲏⲓ ϫⲉ ⲁⲓⲛⲁϣⲛⲟϩⲉⲙ ⲛⲁϣ ⲛⲣⲏϯ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ϩⲱⲗ
ⲉⲛⲓⲙϩⲁⲩ ϩⲱⲟⲩϣ ⲉⲛⲓⲣⲉϥⲙⲱⲟⲩⲧ ⲥⲉⲧ ⲱⲛⲓ ⲉⲣⲱⲟⲩ. ⲉⲧⲁϥϣⲉ ⲛϫⲉ ⲡⲓⲥⲟⲛ
ⲁϥϩⲱⲟⲩϣ ⲉⲣⲱⲟⲩ ⲟⲩⲟϩ ⲁϥⲥⲉⲧ ⲱⲛⲓ ⲉⲣⲱⲟⲩ. ⲟⲩⲟϩ ⲉⲧⲁϥϩⲓ ϩⲁ ⲡⲓϧⲉⲗⲗⲟ
ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲙⲡⲟⲩϫⲉ ϩⲗⲓ ⲛⲁⲕ. ⲡⲉϫⲁϥ ⲛⲁϥ ϫⲉ ⲙⲫⲏ ⲡⲁⲓⲱⲧ.
ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ϩⲱⲗ ⲛⲣⲁⲥϯ ⲙⲁ ⲱⲟⲩ ⲛⲱⲟⲩ ⲉⲕϫⲱ
ⲙⲙⲟⲥ ϫⲉ ⲛⲑⲱⲧⲉⲛ ϩⲁⲛ ⲁⲡⲟⲥⲧⲟⲗⲟⲥ ⲛⲑⲱⲧⲉⲛ ϩⲁⲛ ⲁⲅⲓⲟⲥ ⲛⲉⲙ ϩⲁⲛ ⲑⲙⲏⲓ.
ⲟⲩⲟϩ ⲁϥⲓ ϩⲁ ⲡⲓϧⲉⲗⲗⲟ ⲉϥϫⲱ ⲙⲙⲟⲥ ϫⲉ ⲁⲓϯ ⲱⲟⲩ ⲛⲱⲟⲩ. ⲡⲉϫⲉ ⲡⲓϧⲉⲗⲗⲟ
ⲛⲁϥ ϫⲉ ⲙⲡⲟⲩϫⲉ ϩⲗⲓ ⲛⲁⲕ. ⲡⲉϫⲁϥ ϫⲉ ⲙⲫⲏ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ
ⲁⲕⲛⲁⲩ ϫⲉ ⲁⲕⲉⲣ ⲟⲩⲏⲣ ⲛϩⲱⲟⲩϣ ⲉⲣⲱⲟⲩ ⲟⲩⲟϩ ⲙⲡⲟⲩϫⲉ ϩⲗⲓ ⲛⲁⲕ ⲟⲩⲟϩ
ⲁⲕϯ ⲟⲩⲏⲣ ⲛⲱⲟⲩ ⲟⲩⲟϩ ⲙⲡⲟⲩⲉⲣ ⲟⲩⲱ ⲛϩⲗⲓ ⲡⲁⲓⲣⲏϯ ⲛⲑⲟⲕ ϩⲱⲕ ⲓⲥϫⲉ
ⲭⲟⲩⲱϣ ⲉⲛⲟϩⲉⲙ ϩⲱⲗ ⲁⲣⲓ ⲣⲉϥⲙⲱⲟⲩⲧ ⲉⲕⲱⲡ ⲁⲛ ⲙⲡϣⲱϣ ⲛⲛⲓⲣⲱⲙⲓ
ⲛⲉⲙ ⲡⲟⲩⲧⲁⲓⲟ ⲙⲫⲣⲏϯ ϩⲱⲟⲩ ⲛⲛⲓⲣⲉϥⲙⲱⲟⲩⲧ ⲟⲩⲟϩ ⲟⲩⲟⲛ ϣϫⲟⲙ ⲉⲣⲟⲕ
ⲉⲛⲟϩⲉⲙ.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲁⲧⲁⲙⲟⲓ ⲉⲡⲓϫⲓ ⲛϣⲱⲡⲓ ϧⲁ
(-ⲓⲃ-) ⲡⲓϭⲛⲉ ϫⲱϥ ⲡⲁⲓⲱⲧ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲙⲫⲣⲏϯ
ⲙⲡⲓⲱⲛⲓ ⲁϥϣⲁⲛⲕⲱϯ ⲉϫⲉⲛ ⲡⲓⲥⲟⲩⲟ ϣⲁϥⲕⲱⲕ ⲛⲧⲉϥϫⲉⲣϫⲓ ⲧⲏⲣⲥ ⲉⲃⲟⲗ


### 0010

ⲟⲩⲟϩ ϣⲁϥϣⲱⲡⲓ ⲛⲟⲩⲱⲓⲕ ⲛⲕⲁⲑⲁⲣⲟⲥ ⲡⲁⲓⲣⲏϯ ϩⲱⲕ ⲡⲁϣⲏⲣⲓ ⲡⲓⲱⲛⲓ ⲡⲉ
ⲡⲉⲕⲓⲱⲧ ⲛⲑⲟⲕ ϩⲱⲕ ⲡⲉ ⲡⲓⲥⲟⲩⲟ ⲁⲕϣⲁⲛⲥⲱⲧⲉⲙ ⲛⲥⲱϥ ϥⲛⲁⲧⲱⲃϩ ⲙⲡⲟⲥ
ⲉϩⲣⲏⲓ ⲉϫⲱⲕ ϥⲛⲁⲕⲉⲕ ⲛⲓϫⲉⲣϫⲓ ⲧⲏⲣⲟⲩ ⲛⲧⲉ ⲡⲥⲁⲧⲁⲛⲁⲥ ⲉⲃⲟⲗϩⲁⲣⲟⲕ ⲟⲩⲟϩ
ⲛⲧϣⲉⲃⲓⲱ ⲛⲟⲩⲱⲓⲕ ⲛⲕⲁⲑⲁⲣⲟⲥ ϣⲁⲕϣⲱⲡⲓ ⲛϣⲏⲣⲓ ⲛⲛⲟⲩϯ.
ⲁϥϫⲟⲥ ⲛϫⲉ ⲁⲃⲃⲁ ⲡⲟⲓⲙⲏⲛ ϫⲉ ⲉⲧⲁⲓϩⲓ ⲟⲩⲕⲟⲧ ⲉⲁⲃⲃⲁ ⲙⲁⲕⲁⲣⲓⲟⲥ ⲡⲉ‐
ϫⲏⲓ ⲛⲁϥ ϫⲉ ⲡⲁⲓⲱⲧ ⲁⲕⲟⲩⲱϣ ⲛⲧⲁⲉⲣ ⲁϣ ⲛⲣⲏϯ ⲛⲉⲙ ⲛⲓⲥⲛⲏⲟⲩ ϫⲉ ⲟⲩⲏⲓ
ⲁⲓϣⲁⲛϫⲉ ⲡⲓⲥⲁϫⲓ ⲛⲱⲟⲩ ⲧⲟⲩⲥⲱⲧⲉⲙ ⲁⲛ. ⲡⲉϫⲁϥ ⲛⲏⲓ ϫⲉ ⲁⲣⲏⲟⲩ ⲧⲟⲩⲙ‐
ⲧⲁⲧϩ ⲛⲧⲟⲧϥ ⲛⲕⲉⲟⲩⲁⲓ ⲉⲑⲃⲉ ⲫⲁⲓ ⲧⲟⲩⲥⲱⲧⲉⲙ ⲁⲛ. ⲡⲉϫⲏⲓ ⲛⲁϥ ϫⲉ ⲟⲩ ⲡⲉ
ϯⲙⲧⲁⲧϩ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲏⲓ ϫⲉ ⲁⲣⲏⲟⲩ ⲡⲟⲩⲥⲟϭⲛⲓ ⲛⲧⲟⲧϥ ⲛⲕⲉ‐
ⲟⲩⲁⲓ ⲥⲥϧⲏⲟⲩⲧ ⲅⲁⲣ ϫⲉ ⲡⲓⲛⲟϩ ⲉⲧⲟⲓ ⲛⲅ̄ ⲛⲣⲟ ⲙⲡⲁϥⲥⲱⲗⲡ ⲛⲭⲱⲗⲉⲙ ⲉⲧⲉ
ⲫⲁⲓ ⲡⲉ ϫⲉ ⲉϣⲱⲡ ⲛⲧⲉⲕϫⲉⲙ ⲛⲓⲥⲛⲏⲟⲩ ⲉⲩϫⲏⲕ ⲉⲃⲟⲗ ϧⲉⲛ ⲡⲓⲛⲁϩϯ ⲛⲉⲙ
(-ⲓⲅ-) ϯⲁⲅⲁⲡⲏ ⲛⲉⲙ ⲡⲓⲥⲱⲧⲉⲙ ϧⲉⲛ ⲟⲩⲑⲉⲃⲓⲟ ⲛⲥⲁ ⲛⲟⲩⲓⲟϯ ⲧⲟⲩⲥⲟⲗⲡ ⲁⲛ
ⲉⲑⲃⲉ ϫⲉ ⲉⲣⲉ ⲛⲟⲩϩⲏⲧ ⲧⲁϫⲣⲏⲟⲩⲧ. ⲫⲁⲓ ⲇⲉ ⲁⲣⲓ ⲉⲙⲓ ⲉⲣⲟϥ ϫⲉ ⲉϣⲱⲡ ⲛⲧⲉ
ⲟⲩⲡⲓⲥⲧⲟⲥ ⲛⲣⲱⲙⲓ ϣⲁϣⲛⲓ ⲉⲟⲩⲡⲓⲥⲧⲏ ⲛⲥϩⲓⲙⲓ ⲟⲩⲟϩ ⲛⲧⲟⲩⲁⲣⲉϩ ⲉⲡⲓⲧⲟⲩⲃⲟ
ⲛⲧⲉ ⲡⲓⲅⲁⲙⲟⲥ ⲙⲡⲓⲃ︦ ϣⲁⲩⲉⲣ ⲡⲟⲩⲥⲏⲟⲩ ⲉⲩⲟⲓ ⲛϩⲉⲓⲣⲏⲛⲓⲕⲟⲥ ⲛⲉⲙ ⲛⲟⲩⲉ‐
ⲣⲏⲟⲩ ⲉⲩⲙⲟⲧⲉⲛ ⲛⲕⲁⲗⲱⲥ ϩⲱⲥⲧⲉ ⲛⲟⲩⲑⲉϣⲉⲩ ⲛⲉⲙ ⲛⲟⲩⲣⲉⲙ ⲣⲁⲟⲩⲏ


### 0011

ⲛⲧⲁⲩⲭⲟϩ ⲉⲧⲟⲩⲉⲡⲓⲥⲧⲏⲙⲏ. ⲉϣⲱⲡ ⲇⲉ ϩⲱϥ ⲛⲧⲉ ⲡⲓⲡⲟⲛⲏⲣⲟⲥ ⲉⲣⲫⲑⲟⲛⲉⲓⲛ
ⲉⲣⲱⲟⲩ ⲛⲧⲉ ⲡⲓⲣⲱⲙⲓ ⲓⲉ ϯⲥϩⲓⲙⲓ ϩⲓ ⲛⲟⲩⲃⲁⲗ ⲉⲃⲟⲗϧⲉⲛ ⲛⲓϣⲟⲩϣⲧ ⲛⲧⲉ
ⲡⲟⲩⲏⲓ ⲟⲩⲟϩ ⲡⲓⲣⲱⲙⲓ ⲉⲛ ⲛⲉϥⲃⲁⲗ ⲉϫⲉⲛ ⲑⲙⲉⲧⲥⲁⲓⲏ ⲛⲟⲩϧⲉⲗϣⲁⲓⲣⲓ ⲓⲉ
ϯⲥϩⲓⲙⲓ ⲙⲡⲁⲓⲣⲏϯ ⲟⲛ ⲉϣⲱⲡ ⲛⲧⲟⲩϭⲓ ϣⲉⲙⲏⲣ ⲛⲁⲗⲗⲟⲧⲣⲓⲟⲛ ⲛϫⲉ ⲡⲓⲣⲱⲙⲓ
ⲓⲉ ϯⲥϩⲓⲙⲓ ⲙⲡⲁⲣⲉ ϩⲗⲓ ⲛϩⲉⲓⲣⲏⲛⲏ ϣⲱⲡ ϧⲉⲛ ⲧⲟⲩⲙⲏϯ ϫⲉ ϣⲁⲧⲟⲩⲫⲱⲣϫ
ⲉⲃⲟⲗ ⲛⲛⲟⲩⲉⲣⲏⲟⲩ. ⲡⲁⲓⲣⲏϯ ⲟⲛ ⲛⲓⲥⲛⲏⲟⲩ ⲉϣⲱⲡ ⲛⲧⲟⲩⲭⲁ ⲡⲥⲟϭⲛⲓ ⲛⲛⲟⲩ‐
ⲓⲟϯ ⲛⲥⲱⲟⲩ ⲛⲧⲟⲩϭⲓ ⲡⲥⲟϭⲛⲓ ⲛϩⲁⲛ ⲕⲉⲭⲱⲟⲩⲛⲓ ⲫⲁ ⲛⲟⲩⲓⲟϯ ϩⲟⲗϫ ⲛⲧⲟ‐
ⲧⲟⲩ ⲁⲛ ϫⲉ ⲁⲗⲗⲁ ϥⲉⲣ ⲡⲕⲉϣⲟϣϥ ⲛⲧⲟⲧⲟⲩ (-ⲓⲇ-) ϣⲁⲩϣⲱⲡⲓ ϫⲉ ϧⲉⲛ
ⲟⲩⲭⲣⲉⲙⲣⲉⲙ ⲉϧⲟⲩⲛ ⲛⲉⲙ ⲉⲃⲟⲗ ϣⲁⲧⲟⲩⲫⲱⲣϫ ⲛⲛⲟⲩⲓⲟϯ. ⲉⲧⲁ ⲁⲃⲃⲁ ⲡⲟⲓ‐
ⲙⲏⲛ ⲥⲱⲧⲉⲙ ⲉⲛⲁⲓ ⲛⲧⲟⲧϥ ⲛⲁⲃⲃⲁ ⲙⲁⲕⲁⲣⲓⲟⲥ ⲁϥⲉⲣ ϣⲫⲏⲣ ⲙⲡⲓϭⲱⲣⲡ
ⲉⲃⲟⲗ ⲛⲧⲉ ⲡⲉϥⲛⲟⲩⲥ ⲛⲉⲙ ⲡⲉϥⲕⲁϯ. ⲡⲉϫⲉ ⲁⲃⲃⲁ ⲡⲟⲓⲙⲏⲛ ⲛⲁϥ ϫⲉ ϧⲉⲛ
ⲟⲩⲙⲉⲑⲙⲏⲓ ⲡⲁⲓⲣⲏϯ ⲡⲉ ⲉⲧϣⲟⲡ ⲡⲁⲓⲱⲧ. ⲙⲉⲛⲉⲛⲥⲁ ⲛⲁⲓ ⲁϥϣⲗⲏⲗ ⲁϥϣⲉ
ⲛⲁϥ ⲉϥϫⲉⲙ ϩⲏⲟⲩ ⲉϥϯ ⲱⲟⲩ ⲙⲡⲉⲛⲟⲥ ⲓⲏⲥ ⲡⲭⲥ ⲛⲉⲙ ⲡⲉϥⲃⲱⲕ ⲁⲃⲃⲁ ⲙⲁ‐
ⲕⲁⲣⲓⲟⲥ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲫⲣⲏϯ ⲛϯⲓⲁⲗ ⲁⲕϣⲁⲛⲉⲣⲑⲉ‐
ⲱⲣⲉⲓⲛ ⲙⲙⲟⲥ ϧⲉⲛ ⲟⲩϫⲓ ⲛϫⲟⲩϣⲧ ⲟⲩⲟϩ ⲛⲧⲉⲥⲧⲁⲙⲟⲕ ⲉⲧⲉⲕⲙⲉⲧⲥⲁⲓⲉ ⲛⲉⲙ


### 0012

ⲧⲉⲕⲙⲉⲧϫⲁⲓⲉ ⲟⲩ ⲅⲁⲣ ⲙⲡⲁⲕϣϩⲟⲡⲕ ⲉⲣⲟⲥ ⲟⲩⲇⲉ ⲙⲡⲁⲥϫⲉ ⲙⲉⲑⲛⲟⲩϫ
ⲉⲣⲟⲕ ⲉⲡⲧⲏⲣϥ ⲁⲗⲗⲁ ϣⲁⲥⲉⲣⲍⲱⲅⲣⲁⲫⲉⲓⲛ ⲟⲩⲟϩ ⲛⲧⲉⲥⲉⲣⲁⲛⲧⲓⲅⲣⲁⲫⲉⲓⲛ
ⲟⲩⲟϩ ⲛⲧⲉⲥⲉⲣⲭⲁⲣⲁⲕⲧⲏⲣⲓⲍⲉⲓⲛ ⲛⲛⲉⲕⲙⲏⲓⲛⲓ ⲧⲏⲣⲟⲩ ⲛⲉⲙ ⲛⲓⲥⲙⲟⲧ ⲉⲧϣⲟⲡ
ⲙⲙⲟⲕ ϣⲁ ⲉϧⲟⲩⲛ ⲉⲡⲓϫⲓ ⲛⲛⲉϥⲧ ⲣⲱϥ ϣⲁⲕⲛⲁⲩ ⲉⲣⲟϥ ϫⲉ ⲟⲩ ⲁϣ ⲛⲥⲙⲟⲧ
ⲡⲉ ⲟⲩⲟϩ ϣⲁⲥⲧⲁⲙⲟⲕ ⲉⲛⲉⲕⲭⲁⲙⲉⲩ ϫⲉ ⲥⲉⲭⲏⲙ ⲟⲩⲟϩ ⲛⲉⲕⲥⲭⲓⲙ ϫⲉ ⲥⲉⲟⲩ‐
ⲃⲁϣ ⲟⲩⲟϩ ⲛⲧⲉⲥⲑⲣⲉⲕⲥⲟⲩⲱⲛⲕ ⲙⲙⲓⲛ ⲙⲙⲟⲕ ϫⲉ ⲛ‐ (-ⲓⲉ-) ⲑⲟⲕ ⲟⲩⲁϣ
ⲛⲣⲏϯ ϧⲉⲛ ⲡⲉⲕⲓⲛⲓ ⲡⲁⲓⲣⲏϯ ⲡⲉ ⲉⲑⲛⲁϣⲱⲡⲓ ϧⲉⲛ ⲡⲓⲙⲁ ⲛϯ ϩⲁⲡ ⲛⲁⲧϣⲫⲱⲧ
ϧⲁϫⲱϥ ⲟⲩⲇⲉ ⲅⲁⲣ ⲛⲟⲩⲓⲁⲗ ⲙⲙⲟⲩⲛⲕ ⲛϫⲓϫ ⲁⲛ ⲧⲉ ⲁⲗⲗⲁ ϩⲁⲛ ⲡⲣⲁⲝⲓⲥ
ⲛⲉ ⲉⲩϭⲟⲣⲡ ⲉⲃⲟⲗ ⲉⲩⲟⲓ ⲛϩⲉⲓⲕⲱⲛ ⲉⲩⲟⲩⲱⲛϩ ⲉⲃⲟⲗ ⲛⲧⲥⲉⲓⲣⲁ ⲛⲛⲓⲛⲟⲃⲓ
ⲟⲩⲇⲉ ⲅⲁⲣ ⲕϣⲫⲏⲧ ⲛⲧⲟⲧⲟⲩ ⲁⲛ ⲁⲗⲗⲁ ⲉⲩⲟϩⲓ ⲉⲣⲁⲧⲟⲩ ⲉⲩⲥⲟϩⲓ ⲙⲙⲟⲕ
ⲁϭⲛⲉ ⲙⲉⲑⲣⲉ ⲟⲩⲟϩ ⲉⲕⲟⲓ ⲙⲫⲣⲏϯ ⲛⲟⲩⲇⲓⲁⲃⲁⲑⲣⲁ ϧⲉⲛ ⲧⲟⲩⲙⲏϯ ⲉⲕⲟⲓ
ⲛⲉⲃⲓⲏⲛ ⲛⲕϫⲉⲙ ϩⲟ ⲛⲥⲁϫⲓ ⲁⲛ ⲉⲣⲉ ϯⲓⲁⲗ ⲛⲧⲉ ⲛⲓⲛⲟⲃⲓ ϯⲥⲃⲱ ⲛⲁⲕ ⲉⲣⲱⲟⲩ
ⲧⲏⲣⲟⲩ ⲟⲩⲟϩ ⲉⲩⲫⲟⲧϩ ϧⲉⲛ ⲡⲉⲕϩⲏⲧ ⲙⲫⲣⲏϯ ⲛⲧⲧⲉⲃⲥ ⲛⲟⲩⲍⲱⲅⲣⲁⲫⲟⲥ
ⲉⲩⲥⲟϩⲓ ⲙⲙⲟⲕ ⲟⲩⲟϩ ⲉⲕⲉⲣⲛⲟⲉⲓⲛ ⲛⲑⲟⲩⲓ ⲑⲟⲩⲓ ⲛⲛⲓⲡⲣⲁⲝⲓⲥ ⲉⲧⲁⲕϫⲟⲧⲟⲩ
ⲉⲃⲟⲗ ϫⲉ ⲁϣ ⲛⲥⲏⲟⲩ ⲓⲉ ⲁϣ ⲛⲕⲁⲓⲣⲟⲥ ⲁⲕⲓⲣⲓ ⲙⲫⲁⲓ ⲟⲩⲟϩ ⲡⲁⲓⲕⲉⲟⲩⲁⲓ ϧⲉⲛ
ⲁϣ ⲛⲟⲩⲛⲟⲩ ⲁⲡⲗⲱⲥ ϣⲁⲩϣⲱⲡⲓ ⲛⲁⲕ ⲛⲟⲩϣⲓⲡⲓ ⲛⲉⲙ ⲟⲩϣⲱϣ ⲙⲡⲉⲙⲑⲟ
ⲙⲡⲓⲕⲟⲥⲙⲟⲥ ⲃ︦ ⲛⲁ ⲧⲫⲉ ⲛⲉⲙ ⲛⲁ ⲡⲕⲁϩⲓ ϧⲉⲛ ⲡⲓⲙⲁ ⲛϩⲁⲡ ⲛⲟⲓⲕⲟⲩⲙⲉⲛⲓⲕⲟⲛ


### 0013

ⲉⲧⲟⲓ ⲛϩⲟϯ. ⲛⲏ ⲅⲁⲣ ⲉⲑⲟⲩⲁⲃ ⲧⲏⲣⲟⲩ ⲛⲉⲙ ⲛⲓⲧⲁⲅⲙⲁ ⲛⲉⲡⲟⲩⲣⲁⲛⲓⲟⲛ ⲛⲁⲉⲣ
ϩⲏⲃⲓ ⲟⲩⲟϩ ⲛⲧⲟⲩϥⲓ ⲁϩⲟⲙ ⲉϩⲣⲏⲓ ⲉϫⲱⲕ (-ⲓ︦ⲋ︦-) ⲉⲩⲛⲁⲩ ⲉⲡⲓⲛⲓϣϯ ⲛϩⲉⲓ
ⲉⲧⲁⲕϣⲱⲡⲓ ⲛϧⲏⲧϥ ⲉⲑⲃⲉ ⲛⲉⲕⲡⲣⲁⲝⲓⲥ ⲉⲩϫⲁⲓⲱⲟⲩ ⲉⲧⲁⲕⲁⲓⲧⲟⲩ. ⲡⲗⲏⲛ ⲡⲓⲛⲁⲓ
ⲫⲁ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲉ ⲟⲩⲟϩ ⲛⲓⲙⲉⲧϣⲉⲛ ϩⲏⲧ ⲛⲟⲩϥ ⲛⲉ ϫⲉ ⲟⲩⲏⲓ ⲙⲙⲟⲛ
ⲙⲉⲧⲁⲛⲟⲓⲁ ⲟⲩⲇⲉ ⲙⲉⲧⲛⲁⲏⲧ ⲟⲩⲇⲉ ⲫⲏ ⲉⲧⲥⲱⲧⲉⲙ ⲉⲣⲟⲕ ⲉⲓⲙⲏⲧⲓ ⲉⲡⲓϣⲁⲛ
ⲑⲙⲁϧⲧ ⲙⲙⲁⲩⲁⲧϥ ⲫⲁ ⲛⲓⲁϩⲱⲣ ⲉⲧⲟϣ ⲙⲙⲉⲧϣⲉⲛ ϩⲏⲧ ⲛⲉⲙ ⲡⲁⲓ ⲫⲏ ⲉⲧⲉ
ⲡⲓⲉⲣ ϣⲓϣⲓ ⲛⲧⲟⲧϥ ⲉϧⲱⲧⲉⲃ ⲟⲩⲟϩ ⲉⲧⲁⲛϧⲟ ⲉⲱⲗⲓ ⲉⲁⲙⲉⲛϯ ⲟⲩⲟϩ ⲉⲓⲛⲓ
ⲉⲡϣⲱⲓ ⲉⲧⲉ ⲫⲁⲓ ⲡⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲥⲱⲧⲏⲣ ⲛⲧⲉ ⲛⲉⲛⲯⲩⲭⲏ ⲛⲉⲙ ⲛⲉⲛ‐
ⲥⲱⲙⲁ ⲫⲏ ⲉⲑⲟⲩⲱϣ ⲫⲙⲟⲩ ⲁⲛ ⲙⲡⲓⲣⲉϥⲉⲣ ⲛⲟⲃⲓ ⲙⲫⲣⲏϯ ⲛⲧⲉϥⲧⲁⲥⲑⲟϥ
ⲟⲩⲟϩ ⲛⲧⲉϥⲱⲛϧ. ⲙⲁⲣⲉⲛⲕⲱϯ ⲉⲡⲁⲓ ⲱ ⲛⲓⲥⲛⲏⲟⲩ ⲟⲩⲟϩ ⲛⲧⲉⲛⲉⲣ ⲥⲁⲃⲉ ⲓⲥϫⲉⲛ
ϯⲛⲟⲩ ⲗⲟⲓⲡⲟⲛ ⲛⲛⲁⲩ ⲉⲧⲉϥⲙⲉⲧⲙⲁⲓⲣⲱⲙⲓ ⲙⲫⲣⲏϯ ⲟⲛ ⲙⲡⲓⲥⲏⲟⲩ ⲉⲧⲁ
ⲛⲉϥϣⲉⲛ ϩⲏⲧ ⲣⲓⲙⲓ ⲉϫⲉⲙ ⲗⲁⲍⲁⲣⲟⲥ ⲛⲁϩⲣⲉⲛ ⲑⲙⲉⲧⲁⲅⲁⲑⲟⲥ ⲙⲡⲉϥⲓⲱⲧ
ϧⲉⲛ ⲡϫⲓ ⲛⲑⲣⲟⲩϫⲱϣ ⲉⲃⲟⲗ ⲛϩⲁⲛ ⲉⲣⲙⲱⲟⲩⲓ ⲛϫⲉ ⲙⲁⲣⲓⲁ ⲛⲉⲙ ⲙⲁⲣⲑⲁ
ⲛⲉⲛⲥⲛⲏⲟⲩ ⲙⲫⲏ ⲉⲧⲁϥⲙⲟⲩ ⲟⲩⲟϩ ⲙⲉⲛⲉⲛⲥⲁ ⲇ̄ ⲛⲉϩⲟⲟⲩ ⲁϥⲧⲟⲩⲛⲟⲥϥ ⲉⲃⲟⲗ‐
ϧⲉⲛ ⲛⲏ ⲉⲑⲙⲱⲟⲩⲧ. ⲙⲁⲣⲉⲛϯ ⲙⲡⲉⲛⲟⲩⲟⲓ ϩⲓⲧⲉⲛ (-ⲓ︦ⲍ︦-) ϩⲁⲛ ⲡⲣⲟⲥⲉⲩⲭⲏ
ⲛⲉⲙ ϩⲁⲛ ⲉⲣⲙⲱⲟⲩⲓ ⲉⲩⲟⲩⲁⲃ ϩⲓⲛⲁ ⲛⲧⲉϥⲛⲁⲓ ⲛⲁⲛ ⲟⲩⲟϩ ⲛⲧⲉϥⲧⲟⲩⲛⲟⲥ
ⲛⲉⲛⲯⲩⲭⲏ ⲉⲃⲟⲗϧⲉⲛ ⲫⲙⲟⲩ ⲛⲛⲓⲛⲟⲃⲓ ⲟⲩⲟϩ ⲛⲧⲉⲛⲱⲛϧ ϧⲉⲛ ⲡⲉϥⲛⲁⲓ.


### 0014

ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲁⲧⲁⲙⲟⲓ ϫⲉ ⲟⲩ ⲡⲉ ⲡⲓⲣⲱϫⲡ
ϧⲁⲧⲉⲛ ⲫϯ ⲡⲁⲓⲱⲧ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲥⲥϧⲏⲟⲩⲧ ϫⲉ ⲭⲱⲣⲓⲥ
ⲡⲁⲣⲁⲃⲟⲗⲏ ⲛⲁϥⲥⲁϫⲓ ⲛⲉⲙⲱⲟⲩ ⲁⲛ ⲡⲉ. ⲙⲫⲣⲏϯ ⲅⲁⲣ ⲛⲟⲩⲁⲗⲟⲅⲟⲛ ⲛⲍⲱⲟⲛ
ⲛⲁⲅⲣⲓⲟⲛ ⲁϥϣⲁⲛϥⲱϫⲓ ⲉϫⲉⲛ ⲟⲩⲍⲱⲟⲛ ⲛϩⲏⲙⲉⲣⲟⲛ ⲟⲩⲟϩ ⲛⲧⲉϥⲥⲟⲣ ⲣⲁⲧϥ
ⲉⲣⲟϥ ϧⲉⲛ ⲟⲩⲛⲓϣϯ ⲙⲙⲉⲧⲛⲁϣⲧ ϩⲏⲧ ⲛⲧⲉ ⲫⲏ ⲙⲉⲛ ⲉⲧⲥⲁ ϧⲣⲏⲓ ⲙⲙⲟϥ
ϣⲱⲡⲓ ϧⲉⲛ ⲟⲩⲛⲓϣϯ ⲙⲙⲉⲧϫⲱⲃ ⲛⲁϩⲣⲁϥ ⲛⲧⲉϥϣⲱⲡⲓ ⲉⲣⲉ ⲧⲉϥⲛⲟⲙϯ ⲧⲏⲣⲥ
ⲛⲉⲙ ⲧⲉϥϩⲉⲗⲡⲓⲥ ⲟⲩⲉϩ ⲛⲥⲁ ⲡⲉϥⲛⲏⲃ ⲟⲩⲟϩ ⲛⲧⲉϥⲱϣ ϧⲉⲛ ⲟⲩⲛⲓϣϯ ⲛⲥⲙⲏ
ⲉϥϯ ⲙⲏⲓⲛⲓ ⲙⲡⲉϥⲛⲏⲃ ⲁϥϣⲁⲛⲥⲱⲧⲉⲙ ⲛϫⲉ ⲡⲉϥⲛⲏⲃ ⲧⲟⲧⲉ ϣⲁϥϣⲉⲛ ϩⲏⲧ
ϧⲁⲣⲟϥ ⲛⲭⲱⲗⲉⲙ ⲟⲩⲟϩ ⲛⲧⲉϥϭⲟϫⲓ ⲛⲧⲉϥⲉⲣⲃⲟⲏⲑⲉⲓⲛ ⲉⲣⲟϥ ⲟⲩⲟϩ ⲛⲧⲉϥ‐
ⲛⲁϩⲙⲉϥ ⲉⲃⲟⲗ ϩⲁ ⲡⲓⲧⲁⲕⲟ ⲛⲧⲉ ⲡⲓⲑⲏⲣⲓⲟⲛ ⲛⲁⲅⲣⲓⲟⲛ. ⲓⲥϫⲉ ⲫⲛⲏⲃ ⲙⲡⲁⲓ‐
ⲍⲱⲟⲛ ⲛⲁⲗⲟⲅⲟⲛ ⲁϥϣⲉⲛ ϩⲏⲧ ϧⲁⲣⲟϥ ⲟⲩⲟϩ (-ⲓⲏ-) (ⲁϥ)ⲉⲣⲥⲡⲟⲩⲇⲁⲍⲉⲓⲛ
ϣⲁⲧⲉϥⲛⲁϩⲙⲉϥ ⲛⲧⲟⲧϥ ⲙⲡⲁⲓⲑⲏⲣⲓⲟⲛ ⲛⲁⲅⲣⲓⲟⲛ ⲓⲉ ⲁⲟⲩⲏⲣ ⲙⲁⲗⲗⲟⲛ ⲁⲛⲟⲛ
ϧⲁ ⲛⲓⲉⲥⲱⲟⲩ ⲛⲗⲟⲅⲓⲕⲟⲛ ⲛⲧⲉ ⲡⲟϩⲓ ⲙⲡⲭⲥ ⲁⲛϣⲁⲛϣⲱⲡⲓ ⲉⲛⲉⲣ ϩⲉⲗⲡⲓⲥ
ⲉⲣⲟϥ ϥⲛⲁⲉⲣⲁⲛⲉⲭⲉⲥⲑⲁⲓ ⲁⲛ ⲛⲧⲉ ⲡⲓϫⲁϫⲓ ϭⲓⲧⲧⲉⲛ ⲛϫⲟⲛⲥ ⲁⲗⲗⲁ ϥⲛⲁ‐
ⲟⲩⲱⲣⲡ ⲙⲡⲉϥⲁⲅⲅⲉⲗⲟⲥ ⲛⲁⲛ ⲛⲧⲉϥⲛⲁϩⲙⲉⲛ ⲛⲧⲟⲧϥ ⲙⲡⲓⲇⲓⲁⲃⲟⲗⲟⲥ. ϩⲱⲥ
ϫⲉ ⲟⲩⲛ ⲡⲁϣⲏⲣⲓ ⲡⲓⲣⲱϫⲡ ϧⲁⲧⲉⲛ ⲫϯ ⲫⲁⲓ ⲡⲉ ⲛⲧⲉϣⲧⲉⲙ ⲡⲓⲣⲱⲙⲓ ⲭⲁ
ϩⲑⲏϥ ⲉⲧⲉϥϫⲟⲙ ⲙⲙⲁⲩⲁⲧϥ ⲙⲙⲓⲛ ⲙⲙⲟϥ ⲁⲗⲗⲁ ⲉⲉⲣ ϩⲉⲗⲡⲓⲥ ⲉϯⲃⲟⲏ‐
ⲑⲉⲓⲁ ⲛⲧⲉ ⲫϯ ϫⲉ ⲟⲩⲏⲓ ⲛⲑⲟϥ ⲡⲉ ⲉⲑⲛⲟϩⲉⲙ ⲙⲙⲟⲛ.


### 0015

ⲁϥϣⲉⲛ ⲟⲛ ϫⲉ ⲡⲁⲓⲱⲧ ⲡⲱⲥ ⲡⲓⲣⲱⲙⲓ ⲛⲁⲉⲣ ⲣⲉⲙ ϩⲉ ⲉⲃⲟⲗϩⲁ ⲛⲓⲡⲁⲑⲟⲥ
ⲟⲩⲟϩ ⲛⲧⲉϥⲉⲣ ⲃⲉⲣⲓ ϧⲉⲛ ⲡⲓⲡⲛⲁ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ϯⲛⲁϫⲱ ⲛⲁⲕ
ⲛⲟⲩⲁⲓⲛⲓⲅⲙⲁ. ⲙⲫⲣⲏϯ ⲅⲁⲣ ⲛϯϣⲑⲏⲛ ⲉϣⲱⲡ ⲛⲧⲉⲥⲫⲱϧ ϣⲁⲩϯ ⲧⲱⲥⲓ
ⲛⲁⲥ ϣⲁⲧⲉⲥⲉⲣ ⲃⲉⲣⲓ ⲛⲕⲉⲥⲟⲡ ⲥⲉⲓⲛⲓ ⲅⲁⲣ ⲛϯϣⲑⲏⲛ ⲉϫⲉⲛ ⲡⲓⲥⲱⲙⲁ ⲡⲓⲫⲱϧ
ⲉϫⲉⲛ ⲫⲛⲟⲃⲓ ⲛⲉⲙ ϯϩⲏⲇⲟⲛⲏ ϯⲧⲱⲓⲥ ⲇⲉ ϩⲱⲥ ⲉϫⲉⲛ ϯⲙⲉⲧⲁⲛⲟⲓⲁ ⲉⲧⲁ
ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ (ⲧⲏⲓ)ⲥ ⲛⲁⲛ ⲉϧⲣⲏⲓ.
(ⲁϥϣⲉ)ⲛϥ ⲟⲛ ⲛϫⲉ ⲡⲁⲓⲥⲟⲛ ⲛⲟⲩⲱⲧ (ϫⲉ) ⲡⲁⲓⲱⲧ ϭⲓ ⲙⲱⲓⲧ ⲛⲏⲓ ⲉⲫⲏ
(ⲉⲧϩ)ⲟⲗϫ ⲛⲉⲙ ⲫⲏ ⲉⲑⲙⲟⲗϩ. (ⲡⲉϫⲉ) ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲥⲉ‐
(-ⲓⲑ-) ϫⲱ ⲙⲙⲟⲥ ⲉⲑⲃⲉ ⲡⲓⲕⲟⲩϫⲓ ⲛϣⲏⲣⲓ ϫⲉ ⲁⲣⲉϣⲁⲛ ⲧⲉϥⲙⲁⲩ ⲃⲉⲣⲃⲱⲣϥ
ϩⲓϫⲉⲛ ⲡⲓⲕⲁϩⲓ ϣⲁⲥϯ ⲛⲟⲩⲉⲓⲇⲟⲥ ⲉⲧϩⲟⲗϫ ⲉϧⲣⲏⲓ ⲉⲧⲉϥϫⲓϫ ⲉⲑⲣⲉϥⲗⲱϫϩ
ⲙⲙⲟϥ ⲟⲩⲟϩ ⲛⲧⲉϥϣⲧⲉⲙϭⲓ ⲭⲉⲗⲙⲓ ⲛⲧⲉϥⲙⲁⲩ. ⲥⲉⲓⲛⲓ ⲛϯⲭⲉⲗⲙⲓ ⲉϫⲉⲛ
ⲫⲛⲟⲃⲓ ⲛⲉⲙ ϯϩⲏⲇⲟⲛⲏ ⲡⲓⲉⲓⲇⲟⲥ ⲉⲧϩⲟⲗϫ ϩⲱϥ ⲡⲉ ⲡⲉⲛⲟⲥ ⲓⲏⲥ ⲡⲭⲥ
ⲡⲓⲣⲁⲛ ⲉⲧⲥⲙⲁⲣⲱⲟⲩⲧ ⲡⲓⲙⲁⲣⲅⲁⲣⲓⲧⲏⲥ ⲙⲙⲏⲓ ⲥⲥϧⲏⲟⲩⲧ ⲅⲁⲣ ϧⲉⲛ ⲡⲓⲉⲩⲁⲅ‐
ⲅⲉⲗⲓⲟⲛ ⲉⲑⲟⲩⲁⲃ ϫⲉ ⲥⲟⲛⲓ ⲛϫⲉ ϯⲙⲉⲧⲟⲩⲣⲟ ⲛⲧⲉ ⲛⲓⲫⲏⲟⲩⲓ ⲛⲟⲩⲣⲱⲙⲓ ⲛϣⲱⲧ
ⲉϥⲕⲱϯ ⲛⲥⲁ ϩⲁⲛ ⲁⲛⲁⲙⲏⲓ ⲉⲛⲁⲛⲉⲩ ⲉⲧⲁϥϫⲓⲙⲓ ⲟⲩⲛ ⲛⲟⲩⲁⲛⲁⲙⲏⲓ ⲉⲛⲁϣⲉ
ⲛⲥⲟⲩⲉⲛϥ ⲉⲧⲉ ⲫⲁⲓ ⲡⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲟⲩⲣⲟ ⲛⲧⲉ ⲛⲓⲟⲩⲣⲱⲟⲩ ⲟⲩⲟϩ ⲡⲟ︦ⲥ︦
ⲛⲧⲉ ⲛⲓⲟ︦ⲥ︦.


### 0016

ⲁϥϫⲟⲥ ⲛϫⲉ ⲁⲃⲃⲁ ⲡⲟⲓⲙⲏⲛ ϫⲉ ⲉⲓϩⲉⲙⲥⲓ ⲛⲟⲩⲥⲟⲡ ⲛⲉⲙ ϩⲁⲛ ⲥⲛⲏⲟⲩ ϧⲁ‐
ⲧⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲙⲉϫⲏⲓ ⲛⲁϥ ϫⲉ ⲡⲁⲓⲱⲧ ⲟⲩ ⲛϫⲓ ⲛⲉⲣ ϩⲱⲃ ⲉⲧⲉ
ⲡⲓⲣⲱⲙⲓ ⲛⲁⲁⲓⲥ ϩⲓⲛⲁ ⲛⲧⲉ ⲟⲩϫⲫⲟ ⲛⲱⲛϧ ϣⲱⲡⲓ ⲛⲁϥ. ⲡⲉϫⲉ ⲡⲓϧⲉⲗⲗⲟ ⲛⲏⲓ
ϫⲉ ϯⲥⲱⲟⲩⲛ ⲙⲙⲟⲓ ϧⲉⲛ ⲧⲁⲙⲉⲧⲕⲟⲩϫⲓ (-ⲕ̄-) ϧⲉⲛ ⲡⲏⲓ ⲙⲡⲁⲉⲓⲱⲧ ϫⲉ ϣⲁⲓϯ
ⲛϩⲑⲏⲓ ⲉⲛⲓϧⲉⲗⲗⲱ ⲛⲉⲙ ⲛⲓϧⲉⲗϣⲁⲓⲣⲓ ⲉⲣⲉ ⲟⲩⲟⲛ ⲟⲩⲉⲓⲇⲟⲥ ϧⲉⲛ ⲣⲱⲟⲩ ϫⲉ
ⲙⲁⲥⲧⲓⲕⲓ ⲉⲩⲥⲁⲑⲙⲓ ⲉϫⲱϥ ϩⲱⲥⲧⲉ ⲛⲧⲉ ⲫⲁⲓ ⲑⲣⲉ ⲛⲓⲑⲁϥ ⲛⲉⲙ ⲛⲓⲥⲑⲟⲓⲃⲱⲛ
ⲛⲧⲉ ⲣⲱⲟⲩ ϣⲱⲡⲓ ⲛⲟⲩϩⲗⲟϫ ϧⲉⲛ ⲧⲟⲩϣⲃⲱⲃⲓ ⲟⲩⲟϩ ⲉϥϯ ⲛⲟⲩⲕⲉⲛⲓ ⲛⲉⲙ
ⲟⲩⲭⲃⲟⲃ ⲙⲡⲓϩⲏⲡⲁⲣ ⲛⲉⲙ ⲛⲟⲩⲥⲡⲗⲁⲅⲭⲛⲟⲛ ⲧⲏⲣⲟⲩ. ⲓⲥϫⲉ ⲡⲁⲓⲉⲓⲇⲟⲥ
ⲛⲥⲁⲣⲕⲓⲕⲟⲛ ϥϯ ⲛϩⲗⲟϫ ⲙⲡⲁⲓⲣⲏϯ ⲛⲛⲏ ⲉⲑⲥⲁⲑⲙⲓ ⲟⲩⲟϩ ⲉⲑⲟⲩⲟϫⲟⲩⲉϫ
ⲉϫⲱϥ ⲓⲉ ⲟⲩⲏⲣ ⲙⲁⲗⲗⲟⲛ ϯⲧⲣⲟⲫⲏ ⲛⲧⲉ ⲡⲱⲛϧ ϯⲙⲟⲩⲙⲓ ⲛⲧⲉ ⲡⲓⲟⲩϫⲁⲓ
ϯⲡⲏⲅⲏ ⲙⲙⲱⲟⲩ ⲛⲱⲛϧ ⲡⲓϩⲗⲟϫ ⲛⲧⲉ ⲛⲓϩⲗⲟϫ ⲧⲏⲣⲟⲩ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦
ⲫⲁⲓ ⲁⲣⲉϣⲁⲛ ⲛⲓⲇⲁⲓⲙⲱⲛ ⲥⲱⲧⲉⲙ ⲉⲡⲉϥⲣⲁⲛ ⲉⲧⲧⲁⲓⲏⲟⲩⲧ ⲟⲩⲟϩ ⲉⲧⲥⲙⲁ‐
ⲣⲱⲟⲩⲧ ϧⲉⲛ ⲣⲱⲛ ϣⲁⲩⲃⲱⲗ ⲉⲃⲟⲗ ⲙⲫⲣⲏϯ ⲛⲟⲩⲕⲁⲡⲛⲟⲥ. ⲡⲁⲓⲣⲁⲛ ⲇⲉ ⲉⲧⲥ‐
ⲙⲁⲣⲱⲟⲩⲧ ⲁⲛϣⲁⲛⲙⲟⲩⲛ ⲉⲣⲟϥ ⲟⲩⲟϩ ⲛⲧⲉⲛⲥⲁⲑⲙⲓ ⲉϫⲱϥ ϣⲁϥϯ ⲛⲟⲩϭⲱⲣⲡ
ⲉⲃⲟⲗ ⲙⲡⲓⲛⲟⲩⲥ ⲡⲓⲏⲛⲓⲟⲭⲟⲥ ⲛⲧⲉ ϯⲯⲩⲭⲏ ⲛⲉⲙ ⲡⲓⲥⲱⲙⲁ ⲟⲩⲟϩ ϣⲁϥ‐
ϭⲱⲣⲉⲙ ⲛⲥⲁ ⲙⲉⲩⲓ ⲛⲓⲃⲉⲛ ⲙⲡⲟⲛⲏⲣⲟⲛ ⲉⲃⲟⲗϧⲉⲛ ϯⲁⲑⲙⲟⲩ ⲙⲯⲩⲭⲏ


### 0017

(-ⲕⲁ-) ⲟⲩⲟϩ ⲛⲧⲉϥϭⲱⲣⲡ ⲉⲣⲟⲥ ⲛⲛⲁ ⲛⲓⲫⲏⲟⲩⲓ ⲙⲁⲗⲗⲟⲛ ⲇⲉ ⲫⲏ ⲉⲧϣⲟⲡ
ϧⲉⲛ ⲛⲓⲫⲏⲟⲩⲓ ⲡⲉⲛⲟⲥ ⲓⲏⲥ ⲡⲭⲥ ⲡⲟⲩⲣⲟ ⲛⲧⲉ ⲛⲓⲟⲩⲣⲱⲟⲩ ⲟⲩⲟϩ ⲡⲟⲥ ⲛⲧⲉ ⲛⲓⲟⲥ
ⲫⲏ ⲉⲧϯ ⲛⲛⲓⲃⲣⲁⲃⲉⲓⲟⲛ ⲛⲉⲡⲟⲩⲣⲁⲛⲓⲟⲛ ⲛⲛⲏ ⲉⲧⲕⲱϯ ⲛⲥⲱϥ ϧⲉⲛ ⲡⲟⲩϩⲏⲧ
ⲧⲏⲣϥ. ⲉⲧⲁ ⲁⲃⲃⲁ ⲡⲟⲓⲙⲏⲛ ⲥⲱⲧⲉⲙ ⲉⲛⲁⲓ ⲛⲧⲟⲧϥ ⲙⲫⲏ ⲉⲧⲉ ⲡⲭⲥ ⲉⲣ ⲙⲉⲑⲣⲉ
ϧⲁⲣⲟϥ ϫⲉ ⲁ ⲙⲁⲕⲁⲣⲓⲟⲥ ⲡⲓⲑⲙⲏⲓ ⲟϩⲓ ⲉⲣⲁⲧϥ ⲙⲙⲁⲩ ⲙⲫⲟⲟⲩ ⲉϫⲉⲛ
ⲡⲁⲙⲁ ⲛϯϩⲁⲡ ⲁⲩϩⲓⲧⲟⲩ ⲉϧⲣⲏⲓ ϧⲁ ⲛⲉϥϭⲁⲗⲁⲩϫ ϧⲉⲛ ϩⲁⲛ ⲉⲣⲙⲱⲟⲩⲓ
ⲟⲩⲟϩ ⲉⲧⲁϥϣⲗⲏⲗ ⲉϫⲱⲟⲩ ⲁϥⲭⲁⲩ ⲉⲃⲟⲗ ⲉⲩϯ ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉⲧⲁϥⲉⲣ ⲡⲁⲣⲣⲏⲥⲓⲁ ⲛⲉⲙ ⲛⲓⲥⲛⲏⲟⲩ ϫⲉ
ⲁⲥϣⲱⲡⲓ ⲙⲙⲟⲓ ⲛⲟⲩⲥⲟⲡ ⲉⲓⲭⲏ ϧⲉⲛ ⲡⲓϩⲉⲗⲟⲥ ⲉⲓⲉⲛ ⲃⲏⲧ ⲉⲃⲟⲗ ⲁⲥⲓ ϩⲁⲣⲟⲓ
ⲛϫⲉ ⲟⲩⲃⲟⲓϣⲓ ⲉⲥϣⲁⲧ ⲃⲟⲓ ⲉⲥⲃⲟⲗⲕ ⲉⲃⲟⲗ ⲉⲥⲣⲓⲙⲓ ⲓⲥϫⲉⲕ ⲉⲥⲟⲓ ⲛⲕⲓⲏ ⲉⲣⲉ
ⲛⲉⲥⲉⲣⲙⲱⲟⲩⲓ ⲥⲱⲕ ϩⲓϫⲉⲛ ⲡⲓⲕⲁϩⲓ. ⲟⲩⲟϩ ⲉⲧⲁⲥϩⲓⲧⲥ ⲉϧⲣⲏⲓ ⲉϫⲉⲛ ⲛⲓϭⲟⲡ
ⲛⲧⲉ ⲣⲁⲧⲧ ⲁⲥϩⲟⲣⲡⲟⲩ ϧⲉⲛ ⲛⲉⲥⲉⲣⲙⲱⲟⲩⲓ ⲟⲩⲟϩ ⲉⲧⲁⲓϩⲉⲙⲥⲓ ⲛⲁⲓϭⲓ ⲛϩⲣⲁⲓ
ⲛⲉⲙⲁⲥ ⲡⲉ ⲉⲓⲑⲱϩⲥ ⲉⲣⲟⲥ ⲛⲛⲁϫⲓϫ ⲟⲩⲟϩ ⲛⲁⲓⲟⲓ ⲛϣⲫⲏⲣⲓ ⲡⲉ ϩⲓϫⲉⲛ ⲛⲉⲥⲉⲣ‐
ⲙⲱⲟⲩⲓ ⲉⲥⲓⲟⲣⲉⲙ (-ⲕⲃ-) ⲉϧⲟⲩⲛ ⲉϩⲣⲁⲓ ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲁⲥⲗⲁⲡⲥⲓ
ⲛⲧⲁϣⲑⲏⲛ ⲁⲥⲥⲱⲕ ⲙⲙⲟⲓ ⲟⲩⲟϩ ⲉⲧⲁⲓⲟⲩⲁϩⲧ ⲛⲥⲱⲥ ϧⲉⲛ ϯϫⲟⲙ ⲛⲧⲉ ⲡⲁⲟⲥ
ⲓⲏⲥ ⲡⲭⲥ ⲟⲩⲟϩ ⲉⲧⲁⲥⲟⲗⲧ ⲉⲡⲓⲙⲁ ⲉⲛⲁⲥϣⲟⲡ ⲛϧⲏⲧϥ ⲁⲓϫⲓⲙⲓ ⲛⲅ̄ ⲙⲙⲁⲥ


### 0018

ⲉⲩⲭⲏ ⲙⲙⲁⲩ ⲟⲩⲟϩ ⲉⲧⲁⲓϩⲉⲙⲥⲓ ⲁⲥⲗⲁⲡⲥⲓ ⲙⲙⲱⲟⲩ ⲛⲟⲩⲁⲓ ⲟⲩⲁⲓ ⲁⲥϩⲓⲧⲟⲩ
ⲉϧⲣⲏⲓ ⲉⲕⲉⲛⲧ ⲟⲩⲟϩ ⲉⲧⲁⲓϫⲉⲙϫⲱⲙⲟⲩ ⲁⲓϫⲉⲙⲟⲩ ⲉⲩϩⲟⲗⲕ ⲉⲣⲉ ⲧⲟⲩⲙⲟⲣⲧ
ϩⲓϫⲉⲛ ⲡⲟⲩⲥⲟⲓ ⲟⲩⲟϩ ⲉⲧⲁⲓϣⲉⲛ ϩⲏⲧ ϧⲁⲣⲱⲟⲩ ⲛⲉⲙ ⲛⲓⲉⲣⲙⲱⲟⲩⲓ ⲛⲧⲉ ⲧⲟⲩ‐
ⲙⲁⲩ ⲁⲓϥⲓ ⲁϩⲟⲙ ⲉϩⲣⲏⲓ ⲉϫⲱⲟⲩ ⲉⲓϫⲱ ⲙⲙⲟⲥ ϫⲉ ⲡⲓϥⲁⲓ ⲣⲱⲟⲩϣ ⲛⲧⲉ
ⲡⲓⲉⲡⲧⲏⲣϥ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲫⲁ ⲛⲓⲁϩⲱⲣ ⲛⲧⲉ ⲛⲓⲙⲉⲧϣⲉⲛ ϩⲏⲧ ⲉⲧⲟϣ ⲉⲕⲉ‐
ϣⲉⲛ ϩⲏⲧ ϧⲁ ⲡⲓⲡⲗⲁⲥⲙⲁ ⲉⲧⲁⲕⲑⲁⲙⲓⲟϥ. ⲛⲁⲓ ⲉⲧⲁⲓϫⲟⲧⲟⲩ ϧⲉⲛ ϩⲁⲛ ⲉⲣ‐
ⲙⲱⲟⲩⲓ ⲙⲡⲉⲙⲑⲟ ⲙⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉϩⲣⲏⲓ ⲉϫⲱⲟⲩ ⲟⲩⲟϩ ⲁⲓⲥⲟⲩⲧⲉⲛ ⲧⲁϫⲓϫ
ⲉⲃⲟⲗ ⲁⲓϩⲓ ⲡⲓⲙⲏⲓⲛⲓ ⲛⲟⲩϫⲁⲓ ⲛⲧⲉ ⲡⲓⲥⲧⲁⲩⲣⲟⲥ ⲉⲣⲱⲟⲩ ⲁϥⲧⲁⲗϭⲱⲟⲩ. ⲉⲧⲁⲓ‐
ⲭⲁⲩ ⲇⲉ ⲉϧⲣⲏⲓ ⲥⲁⲧⲟⲧⲥ ⲁⲥϯ ϩⲏⲧⲥ ⲛⲱⲟⲩ ⲁⲩϣⲉ ⲛⲱⲟⲩ ⲉϧⲟⲩⲛ ϧⲁ ⲕⲉⲛⲥ
ⲁⲩⲥⲉⲛⲕ ⲉⲣⲱϯ ⲛⲁⲥⲣⲁϣⲓ ⲇⲉ ⲛⲉⲙⲱⲟⲩ ⲡⲉ ⲉⲥϩⲟⲗϫ ⲉⲣⲱⲟⲩ ⲉⲥϫⲟⲩϣⲧ ⲉϧⲟⲩⲛ
ⲉϩⲣⲁⲓ ⲉⲥϣⲟⲡ ϧⲉⲛ ⲟⲩ‐ (-ⲕⲅ-) ⲛⲓϣϯ ⲛⲣⲁϣⲓ. ⲁⲛⲟⲕ ⲇⲉ ⲛⲁⲓⲟⲓ ⲛϣⲫⲏⲣⲓ ⲡⲉ
ⲛϯⲙⲉⲧⲁⲅⲁⲑⲟⲥ ⲛⲧⲉ ⲫ︦ϯ︦ ⲛⲉⲙ ϯⲙⲉⲧⲙⲁⲓ ⲣⲱⲙⲓ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉϩⲣⲏⲓ
ⲉϫⲉⲛ ⲛⲉϥⲙⲉⲧϣⲁⲛ ϩⲑⲏϥ ϫⲉ ϣⲁ ⲉϧⲣⲏⲓ ⲉⲛⲓⲕⲉⲑⲏⲣⲓⲟⲛ ⲥⲉⲣⲙⲉⲗⲗⲉⲓⲛ
ⲛⲁϥ ϧⲁⲣⲱⲟⲩ. ⲟⲩⲟϩ ⲁⲓⲧⲱⲛⲧ ⲁⲓⲙⲟϣⲓ ⲉⲓϯ ⲱⲟⲩ ⲛϯⲛⲓϣϯ ⲙⲙⲉⲧⲁⲅⲁⲑⲟⲥ
ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲉⲙ ⲡⲁϣⲁⲓ ⲛⲧⲉ ⲛⲉϥⲙⲉⲧϣⲉⲛ ϩⲏⲧ ⲉϧⲟⲩⲛ ⲉⲡⲉϥ‐
ⲥⲱⲛⲧ ⲧⲏⲣϥ ⲉϥⲑⲁⲙⲓⲟϥ.
ⲁϥϫⲟⲥ ⲛⲛⲓⲥⲛⲏⲟⲩ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉⲑⲃⲉ ⲡⲓϣⲱϥ ⲛⲧⲉ ϣⲓⲏⲧ ϧⲉⲛ


### 0019

ⲡϫⲓ ⲛⲑⲣⲟⲩϣⲉⲛϥ ⲡⲉϫⲁϥ ⲛⲱⲟⲩ ϫⲉ ⲉϣⲱⲡ ⲛⲧⲉ ⲧⲉⲛⲛⲁⲩ ⲉϩⲁⲛ ⲣⲓ ⲉⲁⲩ‐
ⲕⲟⲧⲟⲩ ϧⲉⲛ ⲡⲓϩⲉⲗⲟⲥ ⲟⲩⲟϩ ⲉϣⲱⲡ ⲛⲧⲉⲧⲉⲛⲛⲁⲩ ⲉⲛⲓϣϣⲏⲛ ⲉⲩⲣⲏⲧ ϩⲓⲣⲉⲛ
ⲛⲓⲣⲱⲟⲩ ⲁⲣⲉⲧⲉⲛϣⲁⲛⲛⲁⲩ ⲉⲛⲓⲁⲗⲱⲟⲩⲓ ⲉⲁⲩⲁϣⲁⲓ ⲁⲗⲓⲟⲩⲓ ⲛⲛⲉⲧⲉⲛϣⲁⲣ
ⲟⲩⲟϩ ⲫⲱⲧ ⲛⲱⲧⲉⲛ.
ϩⲁⲛ ϧⲉⲗⲗⲟⲓ ⲁⲩϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲟⲩ ⲡⲉ ⲡϩⲱⲃ ⲛϣⲓⲏⲧ. ⲡⲉ‐
ϫⲁϥ ⲛⲱⲟⲩ ϫⲉ ⲁϥϭⲓ ⲙⲡⲓⲛⲓ ⲛⲉⲙ ⲡϧⲉⲣⲉⲃ ⲛϯⲇ̄ ⲙⲃⲁⲕⲓ ⲉⲧⲁ ⲫ︦ϯ︦ ⲫⲟⲣϫⲟⲩ
ⲉⲃⲟⲗ ⲛⲛⲉⲛϣⲏⲣⲓ ⲙⲡⲓ︦ⲥ︦ⲗ︦ ϫⲉ ϩⲓⲛⲁ ⲁⲣⲉϣⲁⲛ ⲟⲩⲡⲟⲣⲛⲟⲥ ⲓⲉ ⲟⲩⲣⲉϥϧⲱⲧⲉⲃ
ⲫⲱⲧ ⲉϧⲟⲩⲛ ⲉⲟⲩⲓ ⲛϧⲏⲧⲟⲩ ϥⲛⲁϣⲱⲡⲓ ⲉϥⲛⲟϩⲉⲙ ⲉϣⲱⲡ ⲁϥϣⲁⲛⲁⲣⲉϩ.
(-ⲕⲇ-) ⲡⲁⲗⲓⲛ ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲱⲟⲩ ϫⲉ ϩⲁⲛ ⲃⲁⲕⲓ ⲛⲉ ⲉⲧⲁ ⲡⲟⲩⲣⲟ
ⲛⲧⲉ ⲛⲓⲟⲩⲣⲱⲟⲩ ⲟⲩⲟϩ ⲡⲟ︦ⲥ︦ ⲛⲧⲉ ⲛⲓⲟ︦ⲥ︦ ⲡⲭ︦ⲥ︦ ⲡⲉⲛⲛⲟⲩϯ ϩⲓ ⲥⲉⲛϯ ⲙⲙⲱⲟⲩ
ⲟⲩⲟϩ ⲁϥⲧⲁⲣⲟϩ ⲁϥⲑⲱⲟⲩϯ ⲉⲃⲟⲗϧⲉⲛ ⲡⲓϥⲧⲟⲩⲑⲏⲟⲩ ⲛⲧⲉ ⲡⲕⲁϩⲓ
ⲛϩⲁⲛ ⲙⲁⲧⲟⲓ ⲙⲡ︦ⲛ︦ⲁ︦ⲧⲓⲕⲟⲛ ⲟⲩⲟϩ ⲁϥϫⲟⲣϫⲟⲩ ⲉⲁϥⲭⲱ ⲛⲱⲟⲩ ⲉϧⲣⲏⲓ ⲛϩⲁⲛ
ⲛⲟⲙⲟⲥ ⲛⲉⲙ ϩⲁⲛ ⲉⲛⲧⲟⲗⲏ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲁⲣⲓ ϩⲱⲃ ⲉⲛⲁⲓ ϯⲛⲁ‐
ⲑⲣⲉ ⲛⲓⲟⲩⲣⲱⲟⲩ ⲛⲧⲉ ⲡⲕⲁϩⲓ ϭⲛⲉ ϫⲱⲟⲩ ⲛⲱⲧⲉⲛ ⲟⲩⲟϩ ⲉⲧⲁⲩⲥⲱⲧⲉⲙ ⲁⲩⲓⲣⲓ
ⲕⲁⲧⲁ ⲫⲣⲏϯ ⲉⲧⲁϥⲟⲩⲁϩⲥⲁϩⲛⲓ ⲛⲱⲟⲩ ⲟⲩⲟϩ ⲛⲁⲓ ⲛⲁϣⲱⲡⲓ ϣⲁ ⲡⲓϣⲱϥ
ⲛϩⲟⲩⲓⲧ ⲛⲧⲉ ϣⲓⲏⲧ ⲛϩⲙ̄ ⲛⲣⲟⲙⲡⲓ ⲉⲑⲃⲉ ⲡϫⲱⲕ ⲉⲃⲟⲗ ⲛⲛⲟⲩⲡⲁⲑⲟⲥ ⲡⲁⲗⲓⲛ
ϥⲛⲁϣⲉⲛ ϩⲏⲧ ⲛϫⲉ ⲡⲟⲩⲣⲟ ⲡⲭ︦ⲥ︦ ⲟⲩⲟϩ ϥⲛⲁⲧⲁⲥⲑⲱⲟⲩ ⲉϧⲟⲩⲛ ⲙⲫⲙⲁϩ ⲥⲟⲡ


### 0020

ⲃ︦ ⲟⲩⲟϩ ϥⲛⲁϫⲱ ⲛⲱⲟⲩ ⲉϧⲣⲏⲓ ⲟⲛ ⲛⲛⲁⲓⲛⲟⲙⲟⲥ ⲛⲉⲙ ⲛⲁⲓⲉⲧⲟⲗⲏ ϫⲉ ⲁⲣⲓ
ϩⲱⲃ ⲉⲛⲁⲓ ⲙⲫⲣⲏϯ ⲉⲧⲁⲓⲁⲓⲥ ⲛⲉⲙ ⲛⲉⲧⲉⲛⲓⲟϯ ϯⲛⲁⲁⲓⲥ ⲛⲉⲙⲱⲧⲉⲛ ϩⲱⲧⲉⲛ.
ⲟⲩⲟϩ ⲁⲩⲥⲱⲧⲉⲙ ⲁⲩⲓⲣⲓ ϣⲁ ⲧⲫⲁϣⲓ ⲛⲛⲓⲉⲛⲧⲟⲗⲏ ⲟⲩⲟϩ ⲛⲁⲓ ⲛⲁϣⲱⲡⲓ ϣⲁ
ⲡⲓϣⲱϥ ⲙⲙⲁϩ ⲃ︦ ⲛⲧⲉ ϣⲓⲏⲧ (-ⲕⲉ-) ⲉⲑⲃⲉ ⲡⲁϣⲁⲓ ⲛϯⲙⲟⲑⲛⲉⲥ. ⲟⲩⲟϩ ⲡⲁⲗⲓⲛ
ⲁϥⲉⲣ ⲫⲙⲉⲩⲓ ⲛⲛⲟⲩⲓⲟϯ ⲛϫⲉ ⲡⲟⲩⲣⲟ ⲡⲭ︦ⲥ︦ ⲛⲉⲙ ⲡⲕⲁⲑⲟⲗⲓⲕⲟⲛ ⲛϣⲉⲙϣⲓ
ⲛⲧⲉ ϯⲉⲕⲕⲗⲏⲥⲓⲁ ⲟⲩⲟϩ ϥⲛⲁⲧⲁⲥⲑⲱⲟⲩ ⲉϧⲟⲩⲛ ⲟⲛ ⲙⲫⲙⲁϩⲅ̄ ⲛⲥⲟⲡ ⲟⲩⲟϩ
ϥⲛⲁⲓⲛⲓ ⲛⲱⲟⲩ ⲉⲃⲟⲗ ⲛⲛⲁⲓⲛⲟⲙⲟⲥ ⲣⲱ ⲟⲛ ⲛⲉⲙ ⲛⲁⲓⲉⲛⲧⲟⲗⲏ ⲛⲟⲩⲱⲧ ⲟⲩⲟϩ
ⲥⲉⲛⲁϫⲟⲥ ⲛⲁϥ ϫⲉ ⲙⲙⲟⲛ ϣ ⲙⲙⲟⲛ ⲁⲛ ⲉⲑⲣⲉⲛⲁⲣⲉϩ ⲉⲣⲱⲟⲩ ⲟⲩⲟϩ
ⲛϥⲟⲩⲱϣ ⲁⲛ ⲛϫⲉ ⲡⲟⲩⲣⲟ ⲡⲭ︦ⲥ︦ ⲉϣⲉϥ ⲛⲓⲃⲁⲕⲓ ⲟⲩⲟϩ ϥⲛⲁϫⲟⲥ ⲛⲱⲟⲩ ϫⲉ
ϩⲉⲙⲥⲓ ⲛⲱⲧⲉⲛ ⲙⲙⲁⲩⲁⲧϥ ϧⲉⲛ ⲛⲓⲃⲁⲕⲓ ⲟⲩⲟϩ ϯⲛⲁⲓⲣⲓ ⲛⲱⲧⲉⲛ ⲙⲫⲣⲏϯ
ⲛⲛⲉⲧⲉⲛⲓⲟϯ ⲟⲩⲟϩ ϯⲛⲁϩⲓ ⲕⲟⲧ ⲉⲣⲱⲧⲉⲛ ⲉϣⲱⲡ ⲁⲓϣⲁⲛⲓ ⲛⲧⲁϫⲉⲙⲧ ⲉⲓϣⲟⲡ
ⲛϧⲣⲏⲓ ϧⲉⲛ ⲑⲏⲛⲟⲩ ⲟⲩⲟϩ ⲛⲑⲱⲧⲉⲛ ϩⲱⲧⲉⲛ ⲛϧⲏⲧ ⲟⲩⲟϩ ⲁⲛⲟⲕ ⲛⲉⲙ ⲡⲁⲓⲱⲧ
ⲛⲁⲅⲁⲑⲟⲥ ⲛⲉⲙ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲙⲡⲁⲣⲁⲕⲗⲏⲧⲟⲛ ⲧⲉⲛⲛⲁⲧⲁⲙⲓⲟ ⲛⲁⲛ ⲛⲟⲩ‐
ⲙⲁ ⲛϣⲱⲡⲓ ⲛϧⲣⲏⲓ ϧⲉⲛ ⲑⲏⲛⲟⲩ ⲉⲟⲩⲱⲟⲩ ⲛⲁⲛ ϣⲁ ⲛⲓⲉⲛⲉϩ ⲉⲧⲉ ⲙⲙⲟⲛ‐
ⲧⲟⲩ ϫⲱⲕ.
ⲁⲃⲃⲁ ⲉⲩⲁⲅⲣⲓⲟⲥ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲉϥϩⲉⲙⲥⲓ ϧⲁⲧⲟⲧϥ ⲛϫⲉ


### 0021

ⲁⲃⲃⲁ ⲡⲟⲓⲙⲏⲛ ⲛⲉⲙ ⲁⲃⲃⲁ ⲡⲁⲫⲛⲟⲩϯ ⲡⲓⲙⲁⲑⲏⲧⲏⲥ ⲙⲙⲏⲓ ⲟⲩⲟϩ ⲛⲁⲗⲏ‐
ⲑⲓⲛⲟⲥ ⲉⲑⲃⲉ ⲡⲧⲟⲩⲃⲟ ⲛϯⲡⲣⲟϩⲁⲓⲣⲉⲥⲓⲥ. (-ⲕ︦ⲋ︦-) ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ
ⲛⲱⲟⲩ ϫⲉ ⲡⲧⲟⲩⲃⲟ ⲛϯⲡⲣⲟϩⲁⲓⲣⲉⲥⲓⲥ ⲫⲁⲓ ⲡⲉ ⲡⲓⲣⲱⲙⲓ ⲛⲁϯ ⲛⲟⲩϣⲟ ⲛⲛⲟ‐
ⲙⲓⲥⲙⲁ ϧⲉⲛ ⲡⲉϥⲟⲩⲱϣ ϧⲉⲛ ⲧⲉϥⲡⲣⲟϩⲁⲓⲣⲉⲥⲓⲥ ⲟⲩⲟϩ ⲥⲉⲛⲁⲉⲣ ⲙⲫⲣⲏϯ
ⲛⲟⲩⲟⲃⲟⲗⲟⲥ ⲛⲟⲩⲱⲧ ⲛⲧⲟⲧϥ. ⲉϣⲱⲡ ⲛⲧⲟⲩϭⲓ ⲧⲉϥⲡⲣⲟϩⲁⲓⲣⲉⲥⲓⲥ ⲛϫⲟⲛⲥ
ⲛⲟⲩⲟⲃⲟⲗⲟⲥ ⲛⲟⲩⲱⲧ ϥⲛⲁϯ ⲟⲥⲓ ⲙⲡⲓϣⲟ ⲛⲗⲟⲩⲕⲟϫⲓ ⲉⲑⲃⲉ ⲡϭⲓ ⲛϫⲟⲛⲥ
ⲛϯⲡⲣⲟϩⲁⲓⲣⲉⲥⲓⲥ. ⲡⲉϫⲱⲟⲩ ⲛⲁϥ ϫⲉ ⲟⲩⲁϣ ⲛⲣⲏϯ ⲡⲉ ⲡⲁⲓⲥⲁϫⲓ. ⲡⲉϫⲉ
ⲁⲃⲃⲁ ⲙⲁⲕⲁⲣⲓⲟⲥ ⲛⲱⲟⲩ ϫⲉ ⲕⲱϯ ⲟⲩⲟϩ ⲁⲛⲁⲩ ⲙⲉϣⲧ ⲡⲓⲥⲁϫⲓ. ⲟⲩⲟϩ
ⲉⲧⲁⲩϧⲟⲧϧⲉⲧ ⲁⲩϫⲉⲙ ⲡⲓⲥⲁϫⲓ ⲟⲩⲙⲏⲓ ⲡⲉ (sic) ⲟⲩⲟϩ ⲉⲧⲁⲩϯ ⲙⲉⲧⲁⲛⲟⲓⲁ ⲁϥ‐
ϣⲗⲏⲗ ⲉϫⲱⲟⲩ ⲁϥⲭⲁⲩ ⲉⲃⲟⲗ ⲉⲩϯ ⲱⲟⲩ ⲙⲡⲉⲛⲟⲥ ⲓⲏⲥ ⲡⲭⲥ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲁⲕϣⲁⲛⲧⲱⲛⲕ ⲛϣⲱⲣⲡ ⲙⲙⲏⲛⲓ ⲭⲁ
ⲟⲩⲁⲣⲭⲏ ⲛⲁⲕ ⲉϧⲣⲏⲓ ⲉⲉⲣ ⲙⲟⲛⲁⲭⲟⲥ ⲁⲣⲉⲧⲏ ⲛⲓⲃⲉⲛ ⲛⲉⲙ ⲉⲛⲧⲟⲗⲏ ⲛⲓⲃⲉⲛ
ⲛⲧⲉ ⲫ︦ϯ︦ ⲛⲉⲙ ⲟⲩⲛⲓϣϯ ⲛϩⲩⲡⲟⲙⲟⲛⲏ ⲛⲉⲙ ⲟⲩⲙⲉⲧⲣⲉϥⲱⲟⲩ ⲛϩⲏⲧ ϧⲉⲛ
ⲟⲩϩⲟϯ ⲛⲉⲙ ⲟⲩⲁⲅⲁⲡⲏ ⲛⲧⲉ ⲫϯ ⲛⲉⲙ ⲛⲓⲣⲱⲙⲓ ϧⲉⲛ ⲟⲩⲑⲉⲃⲓⲟ ⲛϩⲏⲧ ⲛⲉⲙ
ⲟⲩⲑⲉⲃⲓⲟ ⲛⲥⲱⲙⲁ (-ⲕⲍ-) ϧⲉⲛ ⲟⲩⲙⲉⲧⲣⲉϥⲉⲣ ϩⲏⲃⲓ ⲛⲉⲙ ⲟⲩϩⲟϫϩⲉϫ ⲛⲧⲉ


### 0022

ⲟⲩϣⲧⲉⲕⲟ ϧⲉⲛ ϩⲁⲛ ⲡⲣⲟⲥⲉⲩⲭⲏ ⲛⲉⲙ ϩⲁⲛ ⲥⲉⲙⲓ ⲛⲉⲙ ϩⲁⲛ ϥⲓ ⲁϩⲟⲙ ϧⲉⲛ
ⲟⲩⲧⲟⲩⲃⲟ ⲛⲧⲉ ⲡⲓⲗⲁⲥ ⲛⲉⲙ ⲟⲩⲁⲣⲉϩ ⲛⲧⲉ ⲛⲓⲃⲁⲗ ϧⲉⲛ ⲟⲩⲙⲉⲧⲁⲧϣⲁ ⲡϣⲱϣ
ⲛⲉⲙ ⲟⲩⲙⲉⲧⲁⲧϫⲱⲛⲧ ϧⲉⲛ ⲟⲩϩⲉⲓⲣⲏⲛⲏ ⲛⲉⲙ ⲟⲩⲙⲉⲧⲁⲧϯ ϣⲉⲃⲓⲱ ⲙⲡⲓ‐
ⲡⲉⲧϩⲱⲟⲩ ϧⲉⲛ ⲟⲩⲙⲉⲧⲁⲧϯ ϩⲁⲡ ⲉϩⲁⲛ ϭⲣⲟϩ ϧⲉⲛ ⲟⲩⲙⲉⲧⲁⲧⲟⲡⲕ ϧⲉⲛ ϩⲗⲓ
ⲛϩⲱⲃ ⲛⲉⲙ ⲉⲭⲁⲕ ⲥⲁ ⲡⲉⲥⲏⲧ ⲙⲡⲓⲥⲱⲛⲧ ⲧⲏⲣϥ ϧⲉⲛ ⲟⲩϫⲱⲗ ⲉⲃⲟⲗ ⲛⲧⲉ
ϯϩⲩⲗⲏ ⲛⲉⲙ ⲛⲓⲕⲁⲧⲁ ⲥⲁⲣⲝ ϧⲉⲛ ⲟⲩⲁⲅⲱⲛ ⲛⲧⲉ ⲟⲩⲥⲧⲁⲩⲣⲟⲥ ϧⲉⲛ ⲟⲩⲙⲉⲧ‐
ϩⲏⲕⲓ ⲙⲡⲓⲡ︦ⲛ︦ⲁ︦ ϧⲉⲛ ⲟⲩⲡⲣⲟϩⲁⲓⲣⲉⲥⲓⲥ ⲉⲛⲁⲛⲉⲥ ⲛⲉⲙ ⲟⲩⲁⲥⲕⲏⲥⲓⲥ ⲛⲧⲉ ⲡⲓ‐
ⲥⲱⲙⲁ ϧⲉⲛ ⲟⲩⲛⲏⲥⲧⲉⲓⲁ ⲛⲉⲙ ⲟⲩⲙⲉⲧⲁⲛⲟⲓⲁ ⲛⲉⲙ ⲟⲩⲣⲓⲙⲓ ϧⲉⲛ ⲟⲩⲁⲅⲱⲛ
ⲛⲧⲉ ⲟⲩⲡⲟⲗⲉⲙⲟⲥ ⲛⲉⲙ ⲟⲩⲧⲁⲥⲑⲟ ⲛⲧⲉ ⲟⲩⲁⲓⲭⲙⲁⲗⲱⲥⲓⲁ ϧⲉⲛ ⲟⲩⲥⲟϭⲛⲓ
ⲛⲧⲉ ⲟⲩⲧⲟⲩⲃⲟ ⲛⲉⲙ ϯⲙⲉⲧⲣⲉϥϫⲉⲙ ϯⲡⲓ ⲛϯⲙⲉⲧⲭ︦ⲣ︦ⲥ︦ ⲉⲑⲛⲁⲛⲉⲥ ϧⲉⲛ ϩⲁⲛ
ⲱⲣϥ ⲙⲙⲉⲣⲓ ⲛⲉⲙ ϩⲁⲛ ϩⲱⲃ ⲛϫⲓϫ ϧⲉⲛ ϩⲁⲛ ϣⲣⲱⲓⲥ ⲛⲉⲙ ϩⲁⲛ ⲧⲱⲃϩ
ⲉⲩⲟϣ ϧⲉⲛ ⲟⲩϩⲕⲟ ⲛⲉⲙ ⲟⲩⲓⲃⲓ (-ⲕⲏ-) ϧⲉⲛ ϩⲁⲛ ϫⲁϥ ⲛⲉⲙ ϩⲁⲛ ⲃⲱϣ ⲛⲉⲙ
ϩⲁⲛ ⲙⲕⲁⲩϩ ⲛⲉⲙ ⲟⲩⲧⲁϩⲟ ⲛⲧⲉ ⲡⲉⲕⲙϩⲁⲩ ϩⲱⲥ ⲉⲁⲕⲕⲏⲛ ⲉϩⲓⲧⲕ ⲉϧⲟⲩⲛ
ⲉⲙⲁⲩ ⲛⲉⲙ ⲉⲭⲁ ⲡⲉⲕⲙⲟⲩ ⲉϥϧⲉⲛⲧ ⲉⲣⲟⲕ ⲛⲉϩⲟⲟⲩ ϧⲁ ⲧϩⲏ ⲛⲉϩⲟⲟⲩ
ⲉⲕⲥⲟⲣⲉⲙ ϩⲓ ⲛⲓϣⲁϥⲉⲩ ⲛⲉⲙ ⲛⲓⲧⲱⲟⲩ ⲛⲉⲙ ⲛⲓⲭⲟⲗ ⲛⲧⲉ ⲡⲕⲁϩⲓ.
ⲛⲑⲟϥ ⲟⲛ ⲡⲉⲛⲓⲱⲧ ⲁⲃⲃⲁ ⲙⲁⲕⲁⲣⲓⲟⲥ ⲁϥϫⲟⲥ ϫⲉ ⲥⲥϧⲏⲟⲩⲧ ϫⲉ ⲧⲉⲕϩⲟϯ
ⲡⲟⲥ ⲁⲛⲉⲣ ⲃⲟⲕⲓ ⲟⲩⲟϩ ⲁⲛϯ ⲛⲁⲕϩⲓ ⲟⲩⲟϩ ⲁⲛⲙⲓⲥⲓ ⲛⲟⲩⲡⲛⲁ ⲛⲟⲩϫⲁⲓ ⲁⲛⲁⲩ


### 0023

ⲙⲏⲡⲱⲥ ⲛⲑⲟⲕ ⲟⲩⲣⲉϥⲁⲙⲟⲛⲓ ⲙⲡⲓⲥⲁϫⲓ ⲟⲩⲟϩ ⲛⲑⲟⲕ ⲟⲩⲣⲉϥⲙⲓⲥⲓ ⲁⲛ. ⲧⲁ
ⲫⲙⲏⲓ ⲛⲁⲓ ⲛⲉ ⲛⲓϩⲉⲃⲥⲱ ⲛⲧⲉ ⲡⲓϩⲟⲡ ⲛⲁⲓ ⲟⲛ ⲛⲉ ⲛⲓϫⲓ ⲛϭⲱⲣ ⲛⲧⲉ ⲛⲏ ⲉⲧⲁⲩⲉⲣ
ϩⲱⲃ ⲛⲕⲁⲗⲱⲥ ⲛⲁⲓ ⲛⲉ ⲛⲏ ⲉⲧⲁⲩⲕⲱⲧ ⲙⲡⲟⲩⲏⲓ ⲉϫⲉⲛ ϯⲡⲉⲧⲣⲁ ⲉⲧϫⲟⲣ
ⲟⲩⲙⲉⲑⲛⲁⲏⲧ ⲛⲉⲙ ⲟⲩⲛⲁϩϯ ⲙⲡⲉⲛⲑⲣⲟⲩⲙⲟⲩⲛⲕ ⲛⲧⲟⲧⲕ ϯϩⲟϯ ⲛⲉⲙ ⲡⲓ‐
ϭⲓⲧⲕ ⲛϫⲟⲛⲥ ⲛⲉⲙ ⲡⲓⲑⲉⲃⲓⲟ ⲛⲉⲙ ⲟⲩⲙⲉⲧⲣⲉϥⲉⲣ ϩⲏⲃⲓ ⲁⲙⲟⲛⲓ ⲙⲙⲱⲟⲩ
ⲟⲩϫⲁⲓ ϧⲉⲛ ⲡⲟⲥ ⲛⲏ ⲉⲑⲟⲩⲱϣ ⲉⲱⲛϧ ϧⲉⲛ ⲟⲩϩⲉⲓⲣⲏⲛⲏ ⲁⲙⲏⲛ.
ϩⲁⲛ ⲥⲛⲏⲟⲩ ⲉⲩϩⲉⲙⲥⲓ ⲙⲡⲕⲱϯ ⲛⲁⲃⲃⲁ ⲙⲁⲕⲁⲣⲓⲟⲥ ⲟⲩⲟϩ ⲉⲧⲁ ⲟⲩⲡⲁⲣ‐
ⲣⲏⲥⲓⲁ ϣⲱⲡⲓ ⲁⲩϣⲉⲛϥ ⲉⲑⲃⲉ ϯⲛⲁⲫⲣⲓ ⲛϣⲉⲗⲧⲁⲙ ϫⲉ ⲉⲣⲉ (-ⲕ︦ⲑ︦-) ⲡⲉⲥⲃⲱⲗ
ⲛⲏⲟⲩ ⲉϫⲉⲛ ⲟⲩ. ⲡⲉϫⲁϥ ⲛⲱⲟⲩ ϫⲉ ⲉⲩⲓⲛⲓ ⲛϯⲛⲁⲫⲣⲓ ⲛϣⲉⲗⲧⲁⲙ ⲉϫⲉⲛ
ⲡⲓⲛⲟⲩⲥ ⲕⲁⲓ ⲅⲁⲣ ⲉϣⲱⲡ ⲛⲧⲉ ⲡⲓⲉⲙⲓ ⲛⲧⲉ ⲡⲉⲛⲟⲥ ⲓⲏⲥ ⲡⲭⲥ ϣⲱⲡⲓ ϧⲉⲛ
ⲡⲓⲣⲱⲙⲓ ϣⲁⲩϫⲟⲥ ⲉⲣⲟϥ ϫⲉ ⲁ ⲡⲉϥⲛⲟⲩⲥ ϣⲙⲁ ⲡⲁⲓⲣⲏϯ ϩⲱⲥ ϯⲛⲁⲫⲣⲓ
ⲛϣⲉⲗⲧⲁⲙ ⲥϣⲟⲙ ⲟⲩⲟϩ ⲥϫⲟⲕⲉⲣ ⲡⲁⲓⲣⲏϯ ϩⲱⲥ ϣⲁⲩϫⲟⲥ ⲉⲡⲓⲣⲉϥϯ ⲥⲃⲱ
ϫⲉ ϥϫⲟⲕⲉⲣ ⲟⲩⲟϩ ⲡⲉϥⲕⲁϯ ϣⲟⲙ.
ⲡⲉϫⲉ ⲛⲓⲥⲛⲏⲟⲩ ⲛⲁϥ ϫⲉ ⲡⲓⲁⲓⲁⲓ ⲟⲩ ⲡⲉ ⲓⲉ ⲟⲩ ⲛⲓⲟⲩⲟϯ. ⲡⲉϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲛⲱⲟⲩ ϫⲉ ⲡⲓⲁⲓⲁⲓ ⲛⲓⲁⲣⲉⲧⲏ ⲙⲡⲛⲁⲧⲓⲕⲟⲛ ⲛⲉ ⲛⲓⲟⲩⲟϯ ⲛⲉ ⲛⲓⲁ‐
ⲕⲁⲓⲣⲟⲥ ⲛⲓⲕⲁⲑⲁⲣⲟⲥ ⲟⲩⲟϩ ⲛⲓⲁⲡⲗⲟⲩⲥ. ⲟⲩⲟϩ ϣⲁⲥϣⲱⲡⲓ ⲛⲟⲩϣϣⲏⲛ ϩⲱⲥ‐


### 0024

ⲧⲉ ⲛⲧⲟⲩⲓ ⲛϫⲉ ⲛⲓϩⲁⲗⲁϯ ⲛⲧⲉ ⲧⲫⲉ ⲛⲧⲟⲩⲟⲩⲟϩ ⲉϫⲉⲛ ⲛⲉⲥϫⲁⲗ. ⲉⲥⲉϣⲱⲡⲓ
ⲛⲁⲛ ϩⲱⲛ ⲛⲧⲟⲩϫⲉⲙⲧⲉⲛ ⲛⲣⲉⲙ ⲙⲫⲉ. ⲡⲓϣϣⲏⲛ ⲇⲉ ϩⲱϥ ⲡⲓⲇⲓⲇⲁⲥⲕⲁⲗⲟⲥ
ⲛⲣⲉϥϯ ⲥⲃⲱ ⲡⲉ ⲛⲓⲥⲃⲱ ⲛⲉⲙ ⲛⲓⲥⲁϫⲓ ⲛⲛⲟⲙϯ ⲉⲧⲉϥϯ ⲙⲙⲱⲟⲩ ⲛⲁⲓ ⲛⲉ
ⲛⲓϫⲁⲗ ⲕⲁⲓ ⲅⲁⲣ ⲟⲩϩⲏⲧ ⲛⲟⲩⲱⲧ ⲉⲑⲛⲏⲟⲩ ⲉⲡϣⲱⲓ ϧⲉⲛ ϯⲛⲁⲫⲣⲓ ⲛϣⲉⲗ‐
ⲧⲁⲙ ⲁⲛⲟⲛ ⲇⲉ ϩⲱⲛ ⲛⲁⲥⲛⲏⲟⲩ ⲙⲁⲣⲉ ⲟⲩϩⲏⲧ ⲛⲟⲩⲱⲧ ϣⲱⲡⲓ ⲛϧⲏⲧⲉⲛ
ⲉϧⲟⲩⲛ ⲉⲡⲉⲛⲟⲥ ⲓⲏⲥ ⲡⲭⲥ ⲛⲉⲙ ϯⲁⲣⲉⲧⲏ ϩⲓⲛⲁ ⲛⲧⲉⲛϭⲓ ⲙⲡⲓϣⲉⲙⲏⲣ ⲉⲧⲉ
(-ⲗ̄-) ⲡϩⲙⲟⲧ ⲙⲡⲉⲛⲟⲥ ⲓⲏⲥ ⲡⲭⲥ ⲛⲧⲉⲛⲭⲟⲡϥ ϧⲉⲛ ⲡⲓⲅ̄ ⲛϣⲓ ⲉⲧⲉ ϯⲯⲩⲭⲏ
ⲧⲉ ⲛⲉⲙ ⲡⲓⲥⲱⲙⲁ ⲛⲉⲙ ⲡⲓⲡⲛⲁ. ⲛⲓⲅ̄ ⲛϣⲓ ⲟⲩⲁⲓ ⲛⲉ ⲟⲩⲣⲱⲙⲓ ⲛⲟⲩⲱⲧ ⲛⲧⲉ‐
ⲗⲉⲓⲟⲥ ⲉϥϫⲏⲕ ⲉⲃⲟⲗ ⲟⲩϣⲓ ⲛⲧⲉ ϯⲙⲁⲓⲏ ⲛⲧⲉ ϯⲙⲟϩ ⲙⲡⲉⲛⲟ︦ⲥ︦  ⲓ︦ⲏ︦ⲥ︦ ⲡⲭ︦ⲥ︦.
ⲛⲁⲓ ⲧⲏⲣⲟⲩ ⲁ ⲡⲉⲛⲟⲥ ⲓⲏⲥ ⲡⲭⲥ ϫⲟⲧⲟⲩ ⲛⲛⲓⲙⲏϣ ϧⲉⲛ ϩⲁⲛ ⲡⲁⲣⲁⲃⲟⲗⲏ
ⲟⲩⲟϩ ⲭⲱⲣⲓⲥ ⲡⲁⲣⲁⲃⲟⲗⲏ ⲛⲁϥⲥⲁϫⲓ ⲛⲉⲙⲱⲟⲩ ⲁⲛ ⲡⲉ. ⲉⲧⲁ ⲛⲓⲥⲛⲏⲟⲩ ⲥⲱⲧⲉⲙ
ⲉⲛⲁⲓ ⲁⲩⲉⲣ ϣⲫⲏⲣⲓ ⲙⲡⲓϣⲙⲁ ⲛⲧⲉ ⲡⲉϥⲛⲟⲩⲥ ⲛⲉⲙ ⲡⲉϥⲕⲁϯ ⲉⲧϣⲟⲙ ⲟⲩⲟϩ
ⲛⲉϣⲁⲣⲉ ⲡⲟⲩϩⲏⲧ ⲉⲣ ⲃⲉⲣⲓ ⲉⲣⲱⲟⲩ ⲡⲉ ϩⲱⲥⲧⲉ ⲫⲏ ⲉⲧⲥϧⲏⲟⲩⲧ ϫⲱⲕ ⲉⲃⲟⲗ
ⲉϫⲱⲟⲩ ϫⲉ ϧⲉⲛ ⲧⲁⲙⲉⲗⲉⲧⲏ ⲉϥⲉⲙⲟϩ ⲛϫⲉ ⲟⲩⲭⲣⲱⲙ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲡⲉⲛⲑⲣⲉⲛⲭⲁ ⲡⲉⲛϩⲏⲧ ⲉⲃⲟⲗ ⲟⲩⲇⲉ


### 0025

ⲙⲡⲉⲛⲑⲣⲉⲛⲉⲣ ⲁⲧϩⲉⲗⲡⲓⲥ ϫⲉ ⲟⲩⲏⲓ ⲕⲁⲧⲁ ϣⲉ ⲛⲛⲓϥⲓ ⲛⲧⲉ ⲡⲉⲛϣⲁⲓ ⲁ ⲡⲉⲛⲟⲥ
ⲓ︦︦ⲏ︦ⲥ︦ ⲡⲭ︦ⲥ︦ ⲭⲁ ⲙⲁ ⲛⲁⲛ ⲉⲉⲣⲙⲉⲧⲁⲛⲟⲉⲓⲛ. ⲁϥϫⲟⲥ ⲟⲛ ϫⲉ ⲙⲫⲣⲏϯ ⲙⲡⲓⲁ‐
ⲙⲏϣ ⲛⲧⲉ ⲡⲓⲃⲉⲥⲛⲏⲧ ⲉⲩϩⲓⲟⲩⲓ ⲉϫⲱϥ ⲙⲙⲏⲛⲓ ϣⲁϥϣⲱⲡⲓ ⲉϥⲧⲟⲩⲃⲏⲟⲩⲧ ⲡⲁⲓ‐
ⲣⲏϯ ϩⲱϥ ⲟⲩⲣⲱⲙⲓ ⲉϥϣⲟⲡ ϧⲉⲛ ϩⲁⲛ ϫⲱϫⲉⲃ ⲉϥⲭⲏ ϧⲁ ⲟⲩϭⲛⲉϫⲱϥ ⲉⲩϯ
ⲥⲃⲱ ⲛⲁϥ ⲙⲙⲏⲛⲓ ⲉϥϣⲱⲡ ⲉⲣⲟϥ ⲟⲩⲟϩ ⲉϥⲁⲙⲟⲛⲓ ⲙⲡⲓⲁⲣⲉϩ ϣⲁϥⲧⲟⲩⲃⲟ ⲉ‐
(-ⲗⲁ-) ⲃⲟⲗϩⲁ ⲛⲓϫⲟⲣϫⲥ ⲉⲧϩⲏⲡ ⲛⲧⲉ ⲡⲓⲡⲟⲛⲏⲣⲟⲥ. ⲁϥϫⲟⲥ ⲟⲛ ϫⲉ ⲙⲡⲉⲛⲑⲣⲉ
ϯⲙⲟⲩⲙⲓ ⲃⲉⲃⲓ ⲉⲡϣⲱⲓ ⲙⲫⲏ ⲉⲑⲙⲟⲗϩ ⲉⲃⲟⲗϧⲉⲛ ⲡⲁⲓⲟⲩⲱⲧⲉⲛ ⲣⲱ ⲛⲟⲩⲱⲧ
ⲉⲧⲉ ⲫⲁⲓ ⲡⲉ ⲡⲓⲧⲁⲙⲉⲓⲟⲛ ⲛⲧⲉ ⲡⲓϩⲏⲧ ⲁⲗⲗⲁ ⲙⲁⲣⲉϥⲃⲉⲃⲓ ⲉⲡϣⲱⲓ ⲙⲫⲏ ⲉⲧ‐
ϩⲟⲗϫ ⲛⲥⲏⲟⲩ ⲛⲓⲃⲉⲛ ⲉⲧⲉ ⲫⲁⲓ ⲡⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϧⲉⲛ ⲟⲩⲙⲉⲧⲁⲑⲙⲟⲩⲛⲕ.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲡⲁⲓⲱⲧ ⲁⲓϩⲉⲓ ϧⲉⲛ ⲟⲩⲡⲁⲣⲁⲡⲧⲱⲙⲁ.
ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲥⲥϧⲏⲟⲩⲧ ⲡⲁϣⲏⲣⲓ ϫⲉ ϯⲟⲩⲁϣ ⲫⲙⲟⲩ
ⲁⲛ ⲙⲡⲓⲣⲉϥⲉⲣ ⲛⲟⲃⲓ ⲙⲫⲣⲏϯ ⲛⲧⲉϥⲧⲁⲥⲑⲟϥ ⲟⲩⲟϩ ⲛⲧⲉϥⲱⲛϧ. ⲕⲟⲧⲕ ⲇⲉ ⲟⲩⲛ
ⲡⲁϣⲏⲣⲓ ⲭⲛⲁⲛⲁⲩ ⲉⲡⲓⲣⲉⲙ ⲣⲁⲩϣ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉⲣⲉ ⲡⲉϥϩⲟ ⲙⲉϩ
ⲛⲣⲁϣⲓ ⲉϫⲱⲕ ⲙⲫⲣⲏϯ ⲛⲟⲩⲙⲟⲛⲓ ⲉⲣⲉ ⲡⲉⲥϩⲟ ⲙⲉϩ ⲛⲣⲁϣⲓ ⲉϧⲟⲩⲛ ⲉⲧⲉⲥ‐
ϣⲏⲣⲓ ⲁϥϣⲁⲛϥⲁⲓ ⲛⲛⲉϥϫⲓϫ ⲛⲉⲙ ⲡⲉϥϩⲟ ⲉⲡϣⲱⲓ ϩⲁⲣⲟⲥ ⲕⲁⲛ ⲉϥⲙⲉϩ
ⲛⲁⲕⲁⲑⲁⲣⲥⲓⲁ ⲛⲓⲃⲉⲛ ⲙⲡⲁⲥϯ ⲁⲥⲟ ⲉⲡⲓⲥⲑⲟⲓⲃⲱⲛ ⲉⲧⲉⲙⲙⲁⲩ ⲛⲉⲙ ⲛⲓⲗⲁϩⲱϫ


### 0026

ⲁⲗⲗⲁ ϣⲁⲥϣⲉⲛ ϩⲏⲧ ϧⲁⲣⲟϥ ⲛⲧⲉⲥⲃⲉⲣⲃⲱⲣϥ ⲉⲡϣⲱⲓ ⲉϫⲉⲛ ⲧⲉⲥⲙⲉⲥⲧⲉ ⲛϩⲏⲧ
ϧⲉⲛ ⲟⲩϩⲟ ⲉϥⲙⲉϩ ⲛⲣⲁϣⲓ ⲟⲩⲟϩ ϣⲁⲣⲉ ϩⲱⲃ ⲛⲓⲃⲉⲛ (-ⲗⲃ-) ⲛⲧⲁϥϣⲱⲡⲓ
ⲉⲟⲩϩⲟⲗϫ ⲛⲧⲟⲧⲥ. ⲓⲥϫⲉ ⲟⲩⲛ ⲑⲁⲓ ⲟⲩⲑⲁⲙⲓⲟ ⲧⲉ ⲁⲥϣⲉⲛ ϩⲏⲧ ϧⲁ ⲡⲉⲥϣⲏⲣⲓ
ⲓⲉ ⲡⲟⲥⲱ ⲙⲁⲗⲗⲟⲛ ⲫⲙⲉⲓ ⲙⲡⲓⲣⲉϥⲑⲁⲙⲓⲟ ⲡⲉⲛⲟⲥ ⲓⲏⲥ ⲡⲭⲥ ⲉϧⲟⲩⲛ ⲉⲣⲟⲛ.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲁⲧⲁⲙⲟⲓ ⲉⲡⲛⲟⲏⲙⲁ ⲛϯⲙⲉⲧⲁ‐
ⲛⲟⲓⲁ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲁⲣⲉ ϯⲙⲉⲧⲁⲛⲟⲓⲁ ⲫⲉϩ ϣⲁ ⲡⲓ‐
ⲕⲉⲗϫ ⲕⲉⲗⲓ ⲙⲙⲁⲩⲧⲁϥ ⲁⲛ ⲙⲫⲣⲏϯ ⲙⲡⲓϣⲉ ⲉⲧϯ ⲙⲱⲟⲩ ⲉϥϩⲏⲗ ⲉⲡϣⲱⲓ
ⲉϥⲛⲏⲟⲩ ⲉϧⲣⲏⲓ ⲁⲗⲗⲁ ⲙⲫⲣⲏϯ ⲛⲟⲩⲥⲟⲫⲟⲥ ⲛϩⲁⲙ ⲛⲟⲩⲃ ⲉⲁϥⲟⲩⲱϣ
ⲉⲙⲟⲩⲛⲕ ⲛⲟⲩϩⲁⲗⲩⲥⲓⲥ ⲟⲩⲗⲱⲟⲩ ⲙⲉⲛ ⲛⲛⲟⲩⲃ ⲛⲉⲙ ⲟⲩⲗⲱⲟⲩ ⲛϩⲁⲧ ϣⲁ
ⲉϧⲟⲩⲛ ⲉⲡⲓⲃⲉⲛⲓⲡⲓ ⲛⲉⲙ ⲡⲧⲁⲧϩ ϣⲁϥϭⲁⲥ ϯϩⲁⲗⲩⲥⲓⲥ ⲛⲧⲉϥⲧⲁϩⲟⲥ ⲉⲣⲁⲧⲥ ⲫⲁⲓ
ϩⲱϥ ⲡⲉ ⲙⲡⲥⲙⲟⲧ ⲛϯⲙⲉⲧⲁⲛⲟⲓⲁ ⲁⲣⲉ ⲛⲓⲁⲣⲉⲧⲏ ⲧⲏⲣⲟⲩ ⲁϣⲓ ⲛⲥⲱⲥ.
ϩⲁⲛ ⲥⲛⲏⲟⲩ ⲁⲩϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ϩⲁⲣⲁ ϣⲁⲣⲉ ⲛⲓⲙⲉⲧ‐
ϣⲉⲛ ϩⲏⲧ ϭⲣⲟ ⲉⲛⲓⲡⲣⲁⲝⲓⲥ. ⲡⲉϫⲁϥ ⲛⲱⲟⲩ ϫⲉ ⲥⲉ. ⲡⲉϫⲉ ⲛⲓⲥⲛⲏⲟⲩ ⲛⲁϥ ϫⲉ ⲙⲁ
ⲟⲩⲑⲱⲧ ⲛϩⲏⲧ ⲁⲛ. ⲟⲩⲟϩ ⲉⲧⲁ ⲁⲃⲃⲁ ⲙⲁⲕⲁⲣⲓⲟⲥ ⲛⲁⲩ ⲉⲣⲱⲟⲩ ⲉⲩⲟⲓ ⲛϣⲗⲁϩ
ⲛϩⲏⲧ ⲛⲉⲙ ϫⲁⲃⲓ ϩⲏⲧ ⲟⲩⲟϩ ⲉϥⲟⲩⲱϣ ⲉϯ ⲉⲣⲟⲩⲟⲧ ⲛⲱⲟⲩ ⲡⲉϫⲁϥ ⲛⲱⲟⲩ
ϫⲉ ⲧⲉⲧⲉⲛⲛⲁⲩ ⲉ‐ (-ⲗⲅ-) ⲡⲓⲁⲅⲟⲣⲁⲓⲟⲥ ⲉϥϯ ⲉⲃⲟⲗ ⲙⲫⲏ ⲉⲧϣⲱⲡ ϣⲁϥϫⲟⲥ
ⲛⲁϥ ϫⲉ ⲁⲓⲉⲣ ϣⲁⲩ ⲛⲉⲙⲁⲕ ⲟⲩⲟϩ ⲉϣⲱⲡ ⲛⲧⲉϥⲛⲁⲩ ⲉⲣⲟϥ ⲉϥⲟⲕⲉⲙ ϣⲁϥϯ


### 0027

ⲛⲕⲉⲕⲟⲩϫⲓ ⲛⲁϥ ⲟⲩⲟϩ ϣⲁϥϣⲉ ⲛⲁϥ ⲉϥⲣⲁϣⲓ. ⲡⲁⲓⲣⲏϯ ϩⲱⲟⲩ ⲛⲓⲡⲣⲁⲝⲓⲥ
ⲉϣⲱⲡ ⲛⲧⲟⲩⲟϩⲓ ⲉⲣⲁⲧⲟⲩ ⲙⲡⲉⲙⲑⲟ ⲙⲫϯ ⲫⲏ ⲉⲧϯ ⲛⲛⲓⲁⲅⲁⲑⲟⲛ ⲡⲓⲕⲣⲓⲧⲏⲥ
ⲙⲙⲏⲓ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉⲩⲟⲕⲉⲙ ϣⲁⲣⲉ ⲛⲉϥⲥⲡⲗⲁⲅⲭⲛⲟⲛ ⲉⲧⲟϣ ⲙⲙⲉⲧ‐
ϣⲉⲛ ϩⲏⲧ ⲕⲓⲙ ⲉⲣⲟϥ ⲟⲩⲟϩ ϣⲁⲣⲉ ⲛⲓⲡⲣⲁⲝⲓⲥ ⲓ ⲉⲃⲟⲗ ϧⲉⲛ ⲟⲩⲣⲁϣⲓ ⲛⲉⲙ
ⲟⲩⲑⲉⲗⲏⲗ ⲛⲉⲙ ⲟⲩⲉⲣⲟⲩⲟⲧ. ⲉⲧⲁ ⲛⲓⲥⲛⲏⲟⲩ ⲥⲱⲧⲉⲙ ⲉⲛⲁⲓ ⲁⲩϫⲉⲙ ⲛⲟⲙϯ
ⲟⲩⲟϩ ⲉⲧⲁϥⲛⲁⲩ ⲉⲣⲱⲟⲩ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲁⲩⲉⲣⲟⲩⲟⲧ ⲁϥⲟⲩⲁϩ
ⲧⲟⲧϥ ⲟⲛ ⲡⲉϫⲁϥ ⲛⲱⲟⲩ ϧⲉⲛ ⲟⲩⲣⲁϣⲓ ϫⲉ ϣⲁⲣⲉ ⲟⲩⲧⲏⲃ ⲛⲛⲉϩ ⲉⲣⲟⲩⲟⲧ
ⲛϯⲯⲩⲭⲏ ⲙⲡⲉⲙⲑⲟ ⲙⲡⲟⲩⲣⲟ ⲙⲡⲁⲓⲕⲟⲥⲙⲟⲥ ⲡⲁⲓⲣⲏϯ ⲟⲛ ϣⲁⲣⲉ ⲟⲩⲕⲟⲩϫⲓ
ⲛⲁⲣⲉⲧⲏϯ ⲉⲣⲟⲩⲟⲧ ⲙⲡⲉⲙⲑⲟ ⲙⲡⲟⲩⲣⲟ ⲛⲛⲁ ⲧⲫⲉ ⲛⲉⲙ ⲛⲁ ⲡⲕⲁϩⲓ ⲫⲁ ⲛⲓⲁ‐
ϩⲱⲣ ⲉⲧⲟϣ ⲙⲙⲉⲧϣⲉ ϩⲏⲧ ⲡⲉⲛⲟ︦ⲥ︦ ⲓⲏ︦ⲥ︦ ⲡⲭ︦︦ⲥ︦ ⲥϧⲏⲟⲩⲧ ⲅⲁⲣ ϫⲉ ⲓⲥϫⲉⲛ
ⲛⲓⲉϩⲟⲟⲩ ⲛⲧⲉ ⲓⲱⲁⲛⲛⲏⲥ ⲡⲓⲣⲉϥϯ ⲱⲙⲥ (-ⲗⲇ-) ϣⲁ ⲉϧⲟⲩⲛ ⲉϯⲛⲟⲩ ϯⲙⲉ‐
ⲧⲟⲩⲣⲟ ⲛⲧⲉ ⲛⲓⲫⲏⲟⲩⲓ ⲥⲉϭⲓ ⲙⲙⲟⲥ ⲛϫⲟⲛⲥ ⲟⲩⲟϩ ϩⲁⲛ ⲣⲉϥϭⲓⲧⲟⲩ ⲛϫⲟⲛⲥ ⲛⲉ
ⲉⲧϩⲱⲗⲉⲙ ⲙⲙⲟⲥ. ⲗⲟⲓⲡⲟⲛ ⲙⲁⲣⲉⲛϭⲓⲧⲉⲛ ⲛϫⲟⲛⲥ ϩⲱⲛ ⲛⲟⲩⲕⲟⲩϫⲓ ⲛⲧϣⲉ‐
ⲃⲓⲱ ⲛϯⲙⲉⲧⲟⲩⲣⲟ ⲛⲧⲉ ⲛⲓⲫⲏⲟⲩⲓ ⲧⲉⲛⲛⲁϩⲱⲗⲉⲙ ⲛⲁⲛ ⲙⲫⲏ ⲉⲧⲟⲓ ⲛⲟⲩⲣⲟ
ϣⲁ ⲉⲛⲉϩ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦. ⲉⲧⲁ ⲛⲓⲥⲛⲏⲟⲩ ⲥⲱⲧⲉⲙ ⲉⲛⲁⲓ ⲁⲩϩⲓⲧⲟⲩ ⲉϧⲣⲏⲓ
ⲁⲩⲟⲩⲱϣⲧ ⲛⲛⲉϥϭⲁⲗⲁⲩϫ ⲁⲩϣⲉ ⲛⲱⲟⲩ ⲉⲃⲟⲗϩⲓⲧⲟⲧϥ ⲉⲩⲣⲁϣⲓ ⲉⲩϯ ⲱⲟⲩ
ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦︦.


### 0028

ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲁⲧⲁⲙⲟⲓ ⲉⲡϩⲱⲃ ⲛϯⲙⲉⲧⲛⲁⲏⲧ
ϫⲉ ⲉⲥϫⲉⲙϫⲟⲙ ⲛⲁϣ ⲛⲣⲏϯ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲙⲫⲣⲏϯ
ⲛϩⲁⲛ ⲣⲱⲙⲓ ⲁⲣⲉϣⲁⲛ ⲡⲟⲩⲣⲟ ⲉⲣⲉⲝⲱⲣⲓⲍⲉⲓⲛ ⲙⲙⲱⲟⲩ ⲉⲟⲩⲭⲱⲣⲁ ⲛϣⲉⲙ‐
ⲙⲟ ⲟⲩⲟϩ ⲉⲥⲟⲩⲏⲟⲩ ⲟⲩⲁⲓ ⲙⲉⲛ ⲉⲃⲟⲗ ⲛϧⲏⲧⲟⲩ ⲁϥϭⲓ ⲛⲁϥ ⲛⲟⲩⲙⲉⲧⲥⲁⲃⲉ
ⲛⲉⲙ ⲟⲩⲥⲟϭⲛⲓ ⲛⲧⲉ ⲛⲁ ⲡϣⲱⲓ ⲁϥϭⲓⲧϥ ⲛϫⲟⲛⲥ ⲁϥⲟⲩⲱⲣⲡ ⲛϩⲁⲛ ⲇⲱⲣⲟⲛ
ⲙⲡⲓⲟⲩⲣⲟ ⲉⲧⲉⲙⲙⲁⲩ ⲛⲓⲕⲉⲭⲱⲟⲩⲛⲓ ϫⲉ ⲙⲡⲟⲩⲓⲣⲓ ⲙⲡⲁⲓⲣⲏϯ. ⲙⲉⲛⲉⲛⲥⲁ
ⲟⲩⲛⲓϣϯ ⲇⲉ ⲛⲥⲏⲟⲩ ⲁϥⲟⲩⲱⲣⲡ ⲛϫⲉ ⲡⲟⲩⲣⲟ ⲛⲥⲁ ⲛⲓⲣⲱⲙⲓ ⲉⲧⲉⲙⲙⲁⲩ
ⲉⲑⲣⲉϥⲉⲛⲟⲩ ⲉ‐ (-ⲗⲉ-) ⲧⲉ ⲧⲉ ⲑⲱⲟⲩ ⲙⲃⲁⲕⲓ ⲛⲉⲙ ⲧⲟⲩⲡⲁⲧⲣⲓⲥ. ⲙⲏ ϥⲛⲁ‐
ⲣⲁϣⲓ ⲁⲛ ⲛϩⲟⲩⲟ ⲛϫⲉ ⲫⲏ ⲉⲧⲁϥⲟⲩⲱⲣⲡ ⲛⲛⲓⲇⲱⲣⲟⲛ ϧⲁϫⲱϥ ϫⲉ ⲥⲉⲛⲁϣⲱⲡⲓ
ⲛⲁϥ ⲙⲡⲣⲟⲥⲧⲁⲧⲏⲥ ⲟⲩⲟϩ ⲛⲧⲉϥϫⲓⲙⲓ ⲛⲟⲩⲛⲓϣϯ ⲙⲡⲁⲣⲣⲏⲥⲓⲁ ⲉϩⲟⲧⲉ ⲛⲏ
ⲉⲧⲉ ⲙⲡⲟⲩⲟⲩⲱⲣⲡ ⲛϩⲗⲓ ⲉⲡⲧⲏⲣϥ ⲓⲉ ⲙⲫⲣⲏϯ ⲛⲟⲩⲁⲣⲭⲓⲥⲧⲣⲁⲧⲏⲅⲟⲥ ⲉⲣⲉ
ⲟⲩⲟⲛ ⲛⲧⲁϥ ⲛⲟⲩⲡⲁⲣⲣⲏⲥⲓⲁ ⲛⲁϩⲣⲉⲛ ⲡⲟⲩⲣⲟ ⲛⲧⲉ ⲡⲁⲓⲕⲟⲥⲙⲟⲥ ⲫⲁⲓ ⲡⲉ
ⲙⲫⲣⲏϯ ⲛϯⲙⲉⲧⲛⲁⲏⲧ ⲛⲁϩⲣⲉⲛ ⲡⲓⲛⲓϣϯ ⲛⲟⲩⲣⲟ ⲡⲭ︦ⲥ︦ ⲉⲣⲉ ⲟⲩⲟⲛ ⲛⲧⲁⲥ
ⲛⲟⲩⲛⲓϣϯ ⲙⲡⲁⲣⲣⲏⲥⲓⲁ ⲛⲁϩⲣⲁϥ ⲉⲥⲉⲣⲁⲡⲟⲗⲟⲅⲉⲓⲥⲑⲁⲓ ⲉϫⲉⲛ ⲟⲩⲟⲛ ⲛⲓⲃⲉⲛ
ⲉⲧⲉⲣⲧⲓⲙⲁⲛ ⲙⲙⲟⲥ.
ⲁϥϣⲉⲛϥ ⲟⲛ ⲛϫⲉ ⲡⲁⲓⲥⲟⲛ ⲛⲟⲩⲱⲧ ⲉⲑⲃⲉ ⲧⲁⲓⲗⲉⲝⲓⲥ ϫⲉ ⲉⲥⲉⲉⲣ ⲃⲉⲣⲓ ⲛϫⲉ
ⲧⲁⲙⲉⲧⲁⲗⲟⲩ ⲙⲫⲣⲏϯ ⲛⲧⲁ ⲟⲩⲁϧⲱⲙ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ
ⲙⲫⲣⲏϯ ⲙⲡⲓⲛⲟⲩⲃ ⲁⲩϣⲁⲛⲗⲟⲃϣϥ ϧⲉⲛ ⲡⲓⲭⲣⲱⲙ ϫⲉ ϣⲁϥϣⲱⲡⲓ ϧⲉⲛ


### 0029

ⲟⲩⲙⲉⲧⲃⲉⲣⲓ ⲡⲁⲓⲣⲏϯ ϩⲱⲥ ϯⲯⲩⲭⲏ ⲁⲥϣⲁⲛϣⲱⲡⲓ ϧⲉⲛ ϯⲁⲣⲉⲧⲏ ⲟⲩⲟϩ
ⲛⲧⲉⲥⲧⲟⲩⲃⲟ ⲉⲃⲟⲗϧⲉⲛ ⲛⲉⲥϭⲱϧⲉⲙ ⲛⲉⲙ ⲛⲉⲥϫⲱϫⲉⲃ ⲧⲏⲣⲟⲩ ⲥⲛⲁϣⲱⲡⲓ ϧⲉⲛ
ⲟⲩⲙⲉⲧⲃⲉⲣⲓ ⲛⲧⲉⲥϩⲁⲗⲁⲓ ⲉⲡϭⲓⲥⲓ.
(-ⲗ︦ⲋ︦-) ⲁϥϣⲉⲛϥ ⲟⲛ ⲛϫⲉ ⲡⲓⲥⲟⲛ ϫⲉ ⲡⲓϩⲁⲗⲁⲓ ⲉⲡϭⲓⲥⲓ ⲟⲩ ⲡⲉ ⲡⲁⲓⲱⲧ.
ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲙⲫⲣⲏϯ ⲙⲡⲓⲁϧⲱⲙ ⲁϥϣⲁⲛϩⲁⲗⲁⲓ
ⲉⲡϭⲓⲥⲓ ⲙⲡⲓⲁⲏⲣ ϣⲁϥⲛⲟϩⲉⲙ ⲉⲃⲟⲗϩⲁ ⲡⲓⲫⲁϣ ⲛⲧⲉ ⲡⲓϫⲉⲣⲏϫ ⲉϣⲱⲡ ϩⲱϥ
ⲛⲧⲉϥⲭⲱ ⲙⲙⲟϥ ⲉϧⲣⲏⲓ ϣⲁϥϣⲱⲡⲓ ϧⲉⲛ ⲛⲓϩⲁϫⲓ ⲛⲧⲉ ⲡⲓϫⲉⲣⲏϫ ⲡⲁⲓⲣⲏϯ
ϩⲱⲥ ϯⲯⲩⲭⲏ ⲁⲥϣⲁⲛⲉⲣ ⲁⲙⲉⲗⲏⲥ ⲛⲧⲉⲥⲓ ⲉϧⲣⲏⲓ ⲉⲃⲟⲗϧⲉⲛ ⲡϭⲓⲥⲓ ⲛⲧⲉ
ϯⲁⲣⲉⲧⲏ ϣⲁⲥϣⲱⲡⲓ ϧⲉⲛ ⲛⲓϩⲁϫⲓ ⲛⲧⲉ ⲡⲓϫⲉⲣⲏϫ ⲛⲛⲟⲏⲧⲟⲥ.
ⲁϥϣⲉⲛϥ ⲟⲛ ⲛϫⲉ ⲡⲓⲥⲟⲛ ϫⲉ ⲙⲁⲧⲁⲙⲟⲓ ⲉⲡⲓⲙⲟⲩⲛ ⲉⲫϯ ⲡⲁⲓⲱⲧ. ⲡⲉϫⲉ
ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲙⲫⲣⲏϯ ⲙⲡⲓⲁϥ ⲛⲉⲃⲓⲱ ⲉϥⲭⲏ ϧⲉⲛ ⲑⲙⲏϯ
ⲛⲛⲓⲟⲩⲟⲧⲟⲩⲉⲧ ⲛⲉⲙ ⲛⲓϩⲣⲏⲣⲓ ⲛⲧⲉ ⲧⲕⲟⲓ ⲉϥⲥⲱⲛⲕ ⲛⲥⲁ ⲡⲓⲉⲃⲓⲱ ϣⲁⲧⲉϥⲙⲟϩ
ⲛⲛⲉϥⲧⲁⲙⲉⲓⲟⲛ ⲉⲃⲟⲗⲛϧⲏⲧϥ ⲉϣⲱⲡ ⲁⲩϣⲧⲉⲙϯ ϭⲱⲣ ⲛⲁϥ ⲙⲙⲟⲛ ϣϫⲟⲙ
ⲛϩⲗⲓ ⲉⲱⲗⲓ ⲙⲡⲉϥϩⲗⲟϫ. ⲡⲉϫⲉ ⲡⲓⲥⲟⲛ ⲛⲁϥ ϫⲉ ⲟⲩ ⲡⲉ ⲡⲓϭⲱⲣ ⲓⲉ ⲟⲩ ⲡⲉ
ⲡⲓϩⲗⲟϫ ⲡⲁⲓⲱⲧ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲛⲓⲡⲟⲣⲛⲉⲓⲁ ⲛⲉⲙ ⲛⲓϭⲱϧⲉⲙ
ⲛⲉⲙ ⲛⲓⲑⲱⲗⲉⲃ ⲛⲉⲙ ⲛⲓⲭⲟϩ ⲛⲉⲙ ⲛⲓⲙⲟⲥϯ (-ⲗⲍ-) ⲛⲉⲙ ⲛⲓⲙⲉⲧϭⲁⲥⲓ ϩⲏⲧ


### 0030

ⲛⲉⲙ ⲡⲥⲉⲡⲓ ⲛⲛⲓϩⲏⲇⲟⲛⲏ ⲫⲁⲓ ⲡⲉ ⲡⲓϭⲱⲣ. ⲛⲓϩⲣⲏⲣⲓ ⲇⲉ ϩⲱⲟⲩ ⲛⲉ ⲛⲓⲁⲣⲉⲧⲏ
ⲡⲓⲁϥ ⲡⲉ ⲡⲓϣⲁⲙϣⲉ ⲛⲟⲩϯ ⲡⲓⲧⲁⲙⲉⲓⲟⲛ ⲡⲉ ⲡⲓϩⲏⲧ ⲡⲓϩⲗⲟϫ ⲇⲉ ϩⲱϥ ⲡⲉ
ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦. ⲫⲏ ⲟⲩⲛ ⲉⲑⲛⲁⲙⲟⲩⲛ ⲉⲣⲟϥ ϥⲛⲁⲙⲁϩ ⲧⲉⲯⲩⲭⲏ ⲉⲃⲟⲗ‐
ϧⲉⲛ ⲁⲣⲉⲧⲏ ⲛⲓⲃⲉⲛ ⲛⲉⲙ ⲧⲟⲩⲃⲟ ⲛⲓⲃⲉⲛ ⲫⲁⲓ ⲅⲁⲣ ⲡⲉ ⲡⲓⲙⲟⲩⲛ ⲉⲫ︦ϯ︦. ⲙⲁϣⲉ
ⲛⲁⲕ ⲡⲁϣⲏⲣⲓ.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲛⲁⲙⲉⲩⲓ ⲥⲟϩⲓ ⲙⲙⲟⲓ ϫⲉ ⲁⲣⲓ
ϣⲟⲣⲡ ⲉϯⲉⲕⲕⲗⲏⲥⲓⲁ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲉⲕⲥⲁϫⲓ ⲉϯⲡⲩⲗⲏ
ⲛⲧⲉ ⲧⲫⲉ ⲟⲩⲟϩ ⲑⲙⲁⲩ ⲛⲛⲏ ⲉⲧⲟⲛϧ ⲧⲏⲣⲟⲩ. ϯϫⲱ ⲙⲙⲟⲥ ⲛⲁⲕ ⲡⲁϣⲏⲣⲓ
ϫⲉ ⲓⲥ ⲟⲩⲥⲏⲟⲩ ⲉϥϣⲏⲡ ⲓⲥ ⲟⲩⲉϩⲟⲟⲩ ⲛⲓ ⲉⲡⲓⲟⲩϫⲁⲓ ⲉⲡϫⲓ ⲛⲭⲱ ⲛⲥⲱⲛ ⲛⲛⲓϩ‐
ⲃⲏⲟⲩⲓ ⲛⲇⲓⲁⲃⲟⲗⲓⲕⲟⲛ ϫⲉ ϥⲛⲏⲟⲩ ⲛϫⲉ ⲟⲩⲥⲏⲟⲩ ⲟⲩⲟⲛ ⲟⲩⲙⲏϣ ⲛⲁϭⲱⲧⲡ
ⲛϩⲱⲗ ⲉϯⲉⲕⲕⲗⲏⲥⲓⲁ ⲟⲩⲟϩ ⲛⲧⲟⲩⲉⲣ ϣⲉⲙⲙⲟ ⲉⲛⲓⲙⲩⲥⲧⲏⲣⲓⲟⲛ ⲉⲑⲃⲉ ϯϩⲟϯ
ⲛϯⲉⲝⲟⲩⲥⲓⲁ ⲛⲧⲉ ⲡⲓⲥⲏⲟⲩ ⲉⲧⲉⲙⲙⲁⲩ ⲉⲧⲁⲙⲁϩⲓ ⲛⲁⲓ ⲉⲧⲉ ⲣⲱⲟⲩ ⲟⲩⲏⲛ ⲙⲫⲣⲏϯ
ⲛϯⲥⲁⲣⲇⲓ ⲉⲧϧⲉⲛ ⲡⲓⲡⲉⲗⲁⲅⲟⲥ ⲛⲁⲓ ⲉⲧⲑⲱⲟⲩϯ ⲉϧⲟⲩⲛ ⲛⲟⲩϩⲁⲧ ⲉϥⲟϣ ⲙⲫⲣⲏϯ
ⲙⲡⲓϫⲁϥϫⲓϥ ⲉⲧⲑⲱⲟⲩϯ ⲉϧⲟⲩⲛ ϧⲉⲛ ⲛⲓⲉ- (-ⲗ︦ⲏ︦-) ϩⲟⲟⲩ ⲛⲧⲉ ⲡⲓϣⲱⲙ. ϯϫⲱ
ⲙⲙⲟⲥ ⲛⲁⲕ ⲡⲁϣⲏⲣⲓ ϫⲉ ϯⲛⲟⲣⲛⲉⲓⲁ ⲛⲉⲙ ϯⲙⲉⲧⲙⲁⲓ ϩⲁⲧ ⲡⲣⲁⲝⲓⲥ ⲛⲓⲃⲉⲛ
ⲉⲧϩⲱⲟⲩ ⲛⲉ ⲉⲩⲉⲛϧⲏⲧⲟⲩ ⲙⲡⲓⲃ︦ ⲕⲁⲛ ⲓⲥϫⲉ ϯⲡⲟⲣⲛⲉⲓⲁ ϩⲱⲟⲩ ⲛϩⲟⲩⲟ ⲁⲗⲗⲁ
ⲟⲩⲡⲣⲟⲥ ⲟⲩⲥⲏⲟⲩ ⲧⲉ ⲟⲩⲟϩ ϣⲁⲣⲉ ⲡⲓⲣⲱⲙⲓ ⲉⲗⲕ ϣⲁⲓ ⲛⲥⲁ ⲑⲁⲓ ⲟⲩⲟϩ ⲛⲧⲉϥ‐


### 0031

ϩⲓ ⲑⲁϥ ⲛⲥⲱⲥ ⲉⲑⲃⲉ ⲡⲉⲥⲥⲧⲟⲓⲃⲱⲛ ϯⲙⲉⲧⲙⲁⲓ ϩⲁⲧ ⲇⲉ ⲛⲑⲟⲥ ⲉⲥⲛⲏⲟⲩ
ⲛⲑⲱⲟⲩϯ ⲉϧⲟⲩⲛ ⲉⲥⲛⲏⲟⲩ ⲛϩⲗⲟϫ ⲛⲧⲟⲧⲕ ⲟⲩⲁⲧⲥⲓ ⲅⲁⲣ ⲧⲉ. ⲉⲑⲃⲉ ⲫⲁⲓ ϩⲱϯ
ⲅⲁⲣ ⲡⲉ ⲛⲧⲟⲩϩⲓ ⲧⲟⲃϥ ⲉⲛⲉⲛⲣⲱⲟⲩ ⲛϯⲉⲕⲕⲗⲏⲥⲓⲁ ⲛⲧⲉ ⲡϣⲁϥⲉ ⲛⲉⲙ ϩⲓⲣⲉⲛ
ⲛⲓⲣⲱⲟⲩ ⲛⲧⲉ ⲛⲓⲣⲉϥⲙⲱⲟⲩⲧ ⲉⲑⲃⲉ ⲧϩⲟϯ ⲛⲛⲓⲉⲝⲟⲩⲥⲓⲁ ⲛⲧⲉ ⲡⲓⲥⲏⲟⲩ ⲉⲧⲉⲙ‐
ⲙⲁⲩ ϫⲉ ⲟⲩⲏⲓ ⲥⲉⲛⲁⲧⲱⲟⲩⲛⲟⲩ ⲛϫⲉ ϩⲁⲛ ⲟⲩⲟⲛ ⲉⲩⲕⲱϯ ⲟⲩⲟϩ ⲉⲩϧⲟⲧϧⲉⲧ
ⲛⲥⲁ ⲛⲓⲕⲗⲏⲣⲟⲛⲟⲙⲓⲁ ⲛⲧⲉ ⲛⲏ ⲉⲧⲁⲩⲉⲛⲕⲟⲧ ⲛⲧⲟⲩⲉⲣ ⲡⲱⲃϣ ⲙⲫⲏ ⲉⲧⲥϧⲏⲟⲩⲧ
ϫⲉ ⲟⲩⲙⲉⲧⲣⲁⲙⲁⲟ ⲁⲥϣⲁⲛⲓ ⲙⲡⲉⲣⲟⲩⲁϩ ⲡⲉⲧⲉⲛϩⲏⲧ. ⲑⲁⲓ ⲟⲛ ⲧⲉ ⲑⲏ ⲉⲧⲁ
ⲡⲓⲁⲡⲟⲥⲧⲟⲗⲟⲥ ⲥⲁϫⲓ ⲉⲑⲃⲏⲧⲥ ⲉϥϫⲱ ⲙⲙⲟⲥ ϫⲉ ⲑⲛⲟⲩⲛⲓ ⲙⲡⲉⲧϩⲱⲟⲩ ⲛⲓⲃⲉⲛ
ⲡⲉ ϯⲙⲉⲧⲙⲁⲓ ϩⲁⲧ. ϯⲛⲟⲩ ⲇⲉ ⲡⲁϣⲏⲣⲓ ⲁⲣⲓⲁⲅⲱⲛⲓⲍⲉⲥⲑⲁⲓ ϧⲉⲛ ϩⲱⲃ ⲛⲓⲃⲉⲛ
ϫⲉ ⲁϥ‐ (-ⲗⲑ-) ϫⲟⲥ ⲛϫⲉ ⲁⲃⲃⲁ ⲁⲛⲧⲱⲛⲓⲟⲥ ϫⲉ ⲥϣⲉ ⲛⲧⲉ ⲡⲓⲟⲩⲁⲓ ⲡⲓⲟⲩⲁⲓ
ⲉⲣ ⲉⲕⲕⲗⲏⲥⲓⲁ ⲛⲁϥ ϧⲉⲛ ⲡⲁⲓⲥⲏⲟⲩ ⲉⲧⲉ ⲫⲁⲓ ⲡⲉ ⲉⲑⲣⲉ ⲡⲓⲣⲱⲙⲓ ⲉⲣ ⲧⲉϥϫⲟⲙ
ⲧⲏⲣⲥ ⲉⲧⲟⲩⲃⲟ ⲛⲧⲉϥⲯⲩⲭⲏ ⲛⲟⲩⲉⲕⲕⲗⲏⲥⲓⲁ ⲙⲫϯ ϫⲉ ϩⲓⲛⲁ ϧⲉⲛ ⲟⲩⲥⲙⲏ
ⲉⲥⲟⲣϥ ⲛⲧⲉⲛⲟⲩⲱⲣⲡ ⲉⲡϣⲱⲓ ⲛⲟⲩϩⲩⲙⲛⲟⲥ ⲛⲧⲣⲓⲁⲧⲓⲕⲟⲛ ⲙⲡⲉⲛⲛⲏⲃ ⲫϯ
ϩⲓⲧⲉⲛ ϯⲟⲙⲟⲗⲟⲅⲓⲁ ⲉⲧⲧⲁϫⲣⲏⲟⲩⲧ ⲛⲧⲉ ⲡⲓⲛⲁϩϯ ⲛⲟⲣⲑⲟⲇⲟⲝⲟⲥ.
ⲁⲩϫⲟⲥ ⲉⲑⲃⲉ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ϩⲟⲧⲉ
ⲉⲧⲁϥⲉⲣⲡⲣⲟⲕⲟⲡⲧⲉⲓⲛ ϧⲉⲛ ϯⲁⲣⲉⲧⲏ ⲁϥϭⲓ ⲛⲟⲩϫⲟⲙ ⲙⲡⲁⲣⲁⲕⲗⲏⲧⲟⲛ ⲉⲃⲟⲗ‐
ϩⲓⲧⲉⲛ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϩⲱⲥⲧⲉ ⲛⲧⲉ ⲡⲓⲡ︦ⲛ︦ⲁ︦ ⲛⲉⲛⲁⲛⲧⲓⲟⲛ ϣⲑⲟⲣⲧⲉⲣ ⲟⲩⲟϩ


### 0032

ⲛⲧⲟⲩⲥⲑⲉⲣⲧⲉⲣ ϧⲁ ⲧⲉϥϩⲏ ⲉⲑⲃⲉ ⲧϫⲟⲙ ⲙⲡⲁⲣⲁⲕⲗⲏⲧⲟⲛ ⲉⲧϣⲟⲡ ⲛⲉⲙⲁϥ.
ⲁⲥϣⲱⲡⲓ ϧⲉⲛ ⲡⲓⲥⲏⲟⲩ ⲉⲧⲁ ⲡⲓⲥⲟⲫⲟⲥ ⲕⲩⲣⲓⲗⲗⲟⲥ ⲑⲱϩⲉⲙ ⲙⲡⲓⲁⲅⲓⲟⲥ ⲁⲡⲁ
ϣⲉⲛⲟⲩϯ ⲉϯⲥⲩⲛⲟⲇⲟⲥ ⲉⲑⲟⲩⲁⲃ ⲉⲧⲁⲥⲑⲱⲟⲩϯ ϧⲉⲛ ⲉⲫⲉⲥⲟⲥ ⲉⲑⲃⲉ ⲡⲓⲁⲥⲉⲃⲏⲥ
ⲛϣⲁⲙϣⲉ ⲣⲱⲙⲓ ⲛⲉⲥⲧⲟⲣⲓⲟⲥ ϩⲟⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉⲣ ϣⲫⲏⲣ ⲛϯⲧⲟⲧϥ
ⲛⲉⲙⲱⲟⲩ ϣⲁⲧⲟⲩⲥϧⲁⲓ ⲛⲧⲉϥⲕⲁⲑⲁⲓⲣⲉⲥⲓⲥ ⲉⲧⲥⲟϥ (-ⲙ̄-) ⲁⲥϣⲱⲡⲓ ⲇⲉ ⲙⲉⲛⲉⲛ‐
ⲥⲁ ⲡⲁⲓⲁⲅⲱⲛ ⲛⲧⲉ ⲡⲓⲁⲅⲓⲟⲥ ⲕⲩⲣⲓⲗⲗⲟⲥ ⲛⲉⲙ ϯⲥⲩⲛⲟⲇⲟⲥ ⲉⲑⲟⲩⲁⲃ ⲛⲧⲉ ⲛⲓⲉ‐
ⲡⲓⲥⲕⲟⲡⲟⲥ ⲟⲩⲟϩ ⲉⲧⲁⲩⲟⲩⲱϣ ⲉϣⲉ ⲛⲱⲟⲩ ⲉⲛⲏ ⲉⲧⲉ ⲛⲟⲩⲟⲩ ⲛⲑⲣⲟⲛⲟⲥ ⲉⲃⲟⲗ‐
ϩⲓⲧⲉⲛ ⲡⲟⲩⲁϩⲥⲁϩⲛⲓ ⲛⲧⲉ ⲡⲓⲉⲩⲥⲉⲃⲏⲥ ⲛⲟⲩⲣⲟ ⲑⲉⲟⲇⲟⲥⲓⲟⲥ ⲟⲩⲟϩ ⲙⲉⲛⲉⲛⲥⲁ
ⲛⲁⲓ ⲁⲩϩⲱⲗⲉⲙ ⲙⲡⲓⲁⲅⲓⲟⲥ ⲁⲡⲁ ϣⲉⲛⲟⲩϯ ϧⲉⲛ ⲟⲩϭⲏⲡⲓ ⲉⲧⲁⲥⲉⲛϥ ⲉϩⲣⲏⲓ
ⲉϫⲉⲛ ⲡⲓⲧⲟⲡⲟⲥ ⲉⲑⲟⲩⲁⲃ ⲛⲧⲉ ⲡⲉⲛⲓⲱⲧ ⲛⲇⲓⲕⲁⲓⲟⲥ ⲡⲓⲛⲓϣϯ ⲁⲃⲃⲁ ⲙⲁⲕⲁⲣⲓⲟⲥ
ⲛⲧⲉ ϣⲓⲏⲧ ⲫⲏ ⲉⲧⲁ ⲧⲥⲙⲏ ⲙⲡⲟ︦ⲥ︦ ϣⲱⲡⲓ ϩⲁⲣⲟϥ ϫⲉ ⲁⲕϣⲱⲡⲓ ⲛⲛⲟⲩϯ ϩⲓϫⲉⲛ
ⲡⲕⲁϩⲓ ⲟⲩⲟϩ ⲁϥⲛⲁⲩ ϧⲉⲛ ⲟⲩϭⲱⲣⲡ ⲉⲃⲟⲗ ⲉⲛⲓⲉⲩⲭⲏ ⲉⲑⲟⲩⲁⲃ ⲛⲧⲉ ⲛⲉϥϣⲏⲣⲓ
ⲉⲩⲟⲓ ⲙⲫⲣⲏϯ ⲛⲟⲩⲭⲣⲉⲙⲧⲥ ⲛⲥⲑⲟⲓ ⲛⲟⲩϥⲓ ⲉϥϩⲏⲗ ϣⲁ ⲡⲓⲑⲣⲟⲛⲟⲥ ⲛⲧⲉ
ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲁϥⲉⲣ ϣⲫⲏⲣⲓ ⲛϧⲣⲏⲓ ⲛϧⲏⲧϥ ⲛϫⲉ ⲡⲓϧⲉⲗⲗⲟ ⲛⲁⲣ‐
ⲭⲓⲙⲁⲛⲇⲣⲓⲧⲏⲥ ⲁⲡⲁ ϣⲉⲛⲟⲩϯ ⲉϥϫⲱ ⲙⲙⲟⲥ ϫⲉ ⲁⲣⲉϣⲁⲛ ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦
ⲟⲩⲟϩ ⲙⲙⲟⲓ ϧⲉⲛ ⲡⲁⲙⲟⲛⲁⲥⲧⲏⲣⲓⲟⲛ ϯⲛⲁⲓ ⲉⲡⲁⲓⲧⲟⲡⲟⲥ ⲛⲧⲁⲛⲁⲩ ⲉⲧⲉϥϫⲓ


### 0033

ⲛⲉⲣ ϩⲱⲃ ⲛⲉⲙ ⲛⲏ ⲉⲧϣⲟⲡ ⲛϧⲏⲧϥ ϫⲉ ϩⲁⲛ ⲁϣ ⲛⲣⲏϯ ⲛⲉ. ⲁⲥϣⲱⲡⲓ ⲇⲉ
ⲙⲙⲟϥ ϩⲟⲧⲉ ⲉⲧⲁϥⲉⲣⲁⲥⲡⲁⲍⲉⲥⲑⲁⲓ ⲛⲛⲓⲥⲛⲏⲟⲩ ϧⲉⲛ ⲡⲉϥ- (-ⲙ︦ⲁ︦-) ⲙⲟⲛⲁⲥ‐
ⲧⲏⲣⲓⲟⲛ ⲁϥϭⲓ ⲛⲉⲙⲁϥ ⲛϩⲁⲛ ⲕⲉϧⲉⲗⲗⲟⲓ ⲁϥⲓ ⲉϣⲓⲏⲧ ⲉⲡⲓⲧⲟⲡⲟⲥ ⲉⲑⲟⲩⲁⲃ
ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ ⲟⲩⲟϩ ⲁϥϣⲟⲡϥ ⲉⲣⲟϥ ⲛϫⲉ ⲡⲓϩⲏⲅⲟⲩⲙⲉⲛⲟⲥ ⲛⲧⲉ
ⲡⲓⲥⲏⲟⲩ ⲉⲧⲉⲙⲙⲁⲩ ϧⲉⲛ ⲟⲩⲣⲁϣⲓ ⲛⲉⲙ ⲟⲩⲇⲓⲁⲑⲉⲥⲓⲥ ⲛⲁⲅⲁⲡⲏ ⲛⲧⲉ ⲟⲩⲡⲁ‐
ⲣⲁⲕⲗⲏⲥⲓⲥ ⲟⲩⲟϩ ⲁϥⲙⲟⲕⲙⲉⲕ ⲛϧⲣⲏⲓ ⲛϧⲏⲧϥ ⲛϫⲉ ⲡⲓⲁⲅⲓⲟⲥ ⲁⲡⲁ ϣⲉⲛⲟⲩϯ
ϫⲉ ⲕⲁⲧⲁ ⲡⲓϭⲱⲣⲡ ⲉⲃⲟⲗ ⲉⲧⲁⲓⲛⲁⲩ ⲉⲣⲟϥ ⲉⲓⲧⲁⲗⲏⲟⲩⲧ ⲉϯϭⲏⲡⲓ ⲛⲁⲓϫⲓ ⲛⲉⲣ
ϩⲱⲃ ⲙⲡⲁϯ ⲫⲉϩ ⲉⲣⲟϥ ⲁⲛ. ⲉⲧⲓ ⲇⲉ ⲉϥⲙⲟⲕⲙⲉⲕ ⲉⲛⲁⲓ ⲙⲡⲁⲓⲣⲏϯ ⲛϧⲣⲏⲓ
ⲛϧⲏⲧϥ ⲁ ⲫ︦ϯ︦ ϭⲱⲣⲡ ⲉⲃⲟⲗ ⲙⲡⲓϩⲏⲅⲟⲩⲙⲉⲛⲟⲥ ⲉⲑⲟⲩⲁⲃ ⲛⲛⲓⲙⲟⲕⲙⲉⲕ ⲛⲧⲉ
ⲡⲓⲁⲅⲓⲟⲥ ⲁⲡⲁ ϣⲉⲛⲟⲩϯ ⲟⲩⲟϩ ⲉⲧⲁϥⲟⲩⲱϣ ⲉⲑⲣⲉϥϫⲉⲙ ϩⲏⲟⲩ ⲉⲡⲓⲧⲟⲡⲟⲥ ϧⲉⲛ
ⲡⲉϥϫⲓ ⲛⲓ ϣⲁⲣⲟϥ ⲉⲧⲓ ⲟⲩⲛ ⲉϥⲥⲓⲛⲓⲱⲟⲩ ⲛⲉⲙⲁϥ ⲉⲣⲉ ⲛⲓϧⲉⲗⲗⲟⲓ ϭⲓ ⲥⲙⲟⲩ
ⲛⲧⲟⲧϥ ⲁϥⲉⲛϥ ⲉϫⲉⲛ ⲡⲓⲙⲁ ⲛⲥⲁϩϯ ⲛⲧⲉ ⲛⲓⲥⲛⲏⲟⲩ. ⲛⲉⲁϥϣⲱⲡⲓ ⲇⲉ ⲡⲉ ⲛϫⲉ
ⲟⲩⲕⲟⲩϫⲓ ⲛϣⲁⲓ ϧⲉⲛ ⲡⲓⲉϩⲟⲟⲩ ⲉⲧⲉⲙⲙⲁⲩ ⲉⲃⲟⲗϩⲓⲧⲉⲛ ⲟⲩⲡⲓⲥⲧⲟⲥ ⲟⲩⲟϩ ⲡⲉϫⲉ
ⲡⲓϩⲏⲅⲟⲩⲙⲉⲛⲟⲥ ⲙⲡⲓⲥⲟⲛ ⲉⲧⲥⲁϩϯ ϧⲁ ⲡⲓⲭⲁⲗⲕⲉⲓⲟⲛ (-ⲙ︦ⲃ︦-) ⲉⲣⲉ ⲟⲩⲟⲛ
ⲟⲩⲕⲟⲩϫⲓ ⲛⲁϥ ⲛϧⲏⲧϥ ⲉⲧⲓ ⲉϥⲃⲉⲣⲃⲉⲣ ϧⲉⲛ ⲟⲩⲙⲉⲧϩⲟⲩⲟ ϫⲉ ⲭⲁⲗⲁ ⲙⲡⲉⲕ‐
ϭⲛⲁϩ ⲡⲁϣⲏⲣⲓ ⲫⲉⲛϩ ⲡⲓⲁϥ. ⲟⲩⲟϩ ⲉⲧⲁϥϫⲉⲕ ⲡⲓⲥⲱⲧⲉⲙ ⲉⲃⲟⲗ ⲁϥⲭⲁⲗⲁ
ⲙⲡⲉϥϭⲛⲁϩ ⲉϧⲣⲏⲓ ⲉⲡⲓⲭⲁⲗⲕⲉⲓⲟⲛ ⲁϥⲫⲉⲛϩ ⲡⲓⲉⲛⲭⲁⲓ ⲛⲟⲩⲱⲙ. ⲉⲧⲁϥⲛⲁⲩ


### 0034

ⲇⲉ ⲛϫⲉ ⲡⲓⲁⲅⲓⲟⲥ ⲁⲡⲁ ϣⲉⲛⲟⲩϯ ⲉⲧⲁⲓⲛⲓϣϯ ⲛϣⲫⲏⲣⲓ ϫⲉ ⲙⲡⲉ ⲡⲓⲥⲟⲛ ⲉⲣ‐
ⲃⲗⲁⲡⲧⲉⲓⲛ ⲛϩⲗⲓ ⲡⲉϫⲁϥ ϧⲉⲛ ⲟⲩⲡⲁⲣⲣⲏⲥⲓⲁ ϫⲉ ⲁⲗⲏⲑⲱⲥ ⲙⲙⲟⲛ ⲣⲁⲛ
ⲛⲁⲧⲡⲣⲁⲝⲓⲥ ⲛⲁϣⲫⲉϣ ⲟⲩⲅⲉⲛⲟⲥ ⲁⲛ ⲕⲁⲓ ⲅⲁⲣ ⲛⲓⲡⲣⲁⲝⲓⲥ ⲁⲩⲧⲟⲩⲛⲟⲥ
ⲧⲁⲃⲏⲑⲁ ⲡⲁⲓⲣⲏϯ ⲟⲛ ⲡⲓⲛⲁϩϯ ϫⲉ ⲉⲑⲃⲉ ⲛⲓⲡⲣⲁⲝⲓⲥ ⲉⲧⲧⲁⲩⲃⲏⲟⲩⲧ ⲛⲧⲉ ⲁⲃⲃⲁ
ⲙⲁⲕⲁⲣⲓⲟⲥ ⲁϥⲧⲟⲩⲛⲟⲥ ⲡⲓⲣⲉϥⲙⲱⲟⲩⲧ. ⲟⲩⲟϩ ⲉⲓⲛⲁϫⲟⲥ ϫⲉ ⲟⲩ ⲉⲑⲃⲉ ⲛⲁ‐
ϣⲏⲣⲓ ⲕⲁⲓ ⲅⲁⲣ ⲁ ⲛⲟⲩⲃⲁⲗ ϧⲁϯ ⲛϩⲁⲛ ⲉⲣⲙⲱⲟⲩⲓ ⲟⲩⲟϩ ⲁ ⲥⲁϧⲟⲩⲛ
ⲙⲙⲱⲟⲩ ϣⲱⲧ ⲉⲃⲟⲗ ⲉⲑⲃⲉ ⲡϣⲁϩϣⲁϩ ⲛⲧⲟⲩⲧⲣⲟⲫⲏ ⲕⲁⲓ ϣⲁ ϯⲛⲟⲩ ⲙⲡⲁ‐
ⲧⲟⲩϣⲑⲁⲙⲓⲉ ϩⲗⲓ ⲛϫⲟⲙ ⲙⲡⲁⲓⲣⲏϯ. ⲟⲩⲟϩ ⲡⲁⲓⲣⲏϯ ⲁϥϣⲉ ⲛⲁϥ ⲉⲡⲉϥ‐
ⲙⲟⲛⲁⲥⲧⲏⲣⲟⲛ ⲉϥϯ ϩⲟⲩ ⲉⲡⲓⲧⲟⲡⲟⲥ ⲟⲩⲟϩ ⲉϥϯ ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦
ⲛⲉⲙ ⲡⲉϥ- (-ⲙ︦ⲅ︦-) ⲃⲱⲕ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲑⲙⲏⲓ.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲟⲩ ⲡⲉ ⲡⲁⲓⲥⲁϫⲓ ⲉⲧⲉ ⲁⲃⲃⲁ ϭⲓϭⲱⲓ
ϫⲟϥ ϫⲉ ⲟⲩⲟⲛ ⲟⲩⲁⲓ ⲉϥϭⲓ ⲙⲓ̄ ⲉϥϯ ⲛⲟⲩⲁⲓ. ⲁϥⲉⲣ ⲟⲩⲱ ⲡⲉϫⲁϥ ⲛⲁϥ ϫⲉ
ⲉⲡⲉⲓⲇⲏ ⲡⲓⲇⲓⲁⲃⲟⲗⲟⲥ ⲟⲩⲇⲉ ϧⲉⲛ ⲡⲓⲉϫⲱⲣϩ ⲟⲩⲇⲉ ϧⲉⲛ ⲡⲓⲉϩⲟⲟⲩ ⲛϥⲭⲱ
ⲛⲧⲟⲧϥ ⲉⲃⲟⲗ ⲁⲛ ⲉϥⲥⲓϯ ⲉⲡⲓⲁⲅⲱⲛⲓⲥⲧⲏⲥ ⲟⲩⲟϩ ⲛⲉⲅⲕⲣⲁⲧⲏⲥ ⲛⲁⲥⲕⲏⲧⲏⲥ
ⲉϣⲱⲡ ⲇⲉ ϩⲱϥ ⲛⲧⲉϥϯ ⲛⲟⲩⲁⲓ ⲉϧⲟⲩⲛ ⲉϩⲣⲉⲛ ⲡⲓⲇⲓⲁⲃⲟⲗⲟⲥ ϧⲉⲛ ϩⲁⲛ ⲉⲣ‐
ⲙⲱⲟⲩⲓ ⲉϥⲣⲟϫⲡ ϧⲁⲧⲉⲛ ϯⲙⲉⲧⲁⲅⲁⲑⲟⲥ ⲛⲉⲙ ⲛⲓⲙⲉⲧϣⲉⲛ ϩⲏⲧ ⲛⲧⲉ ⲡⲉⲛⲟⲥ


### 0035

ⲓ︦ⲏ︦ⲥ︦ ⲡⲭ︦ⲥ︦ ⲙⲁⲣⲉ ⲡⲓⲙⲁⲓ ⲣⲱⲙⲓ ⲛⲁⲅⲁⲑⲟⲥ ⲡⲉⲛⲁⲗⲏⲑⲓⲛⲟⲥ ⲛⲛⲟⲩϯ ⲣⲁϣⲓ
ⲉϩⲣⲏⲓ ⲉϫⲉⲛ ⲡⲓⲟⲩⲁⲓ ⲛⲧⲉ ⲡⲓⲣⲱⲙⲓ ⲛⲧⲉϥⲕⲱⲣϥ ⲙⲡⲓⲓ̄ ⲛⲧⲉ ⲡⲓⲇⲓⲁⲃⲟⲗⲟⲥ ⲉⲑⲃⲉ
ϫⲉ ⲡⲓⲣⲱⲙⲓ ⲟⲩⲥⲁⲣⲝ ϩⲓ ⲥⲛⲟϥ ⲡⲉ ⲟⲩⲟϩ ⲁ ⲡⲓⲗⲁⲟⲩⲁⲓ ⲛⲉⲣϧⲟⲧ ⲛⲧⲁϥϭⲣⲟ
ⲉⲛⲁ ⲡⲓⲁⲥⲱⲙⲁⲧⲟⲥ ⲛⲉ ⲧⲕⲁϩⲥ ⲧⲉ ⲙⲡⲓⲇⲓⲁⲃⲟⲗⲟⲥ ⲉϩⲉⲓ ⲉⲃⲟⲗϩⲓⲧⲉⲛ ⲡⲓⲑⲉⲃⲓⲟ.
ϯⲃⲟⲏⲑⲉⲓⲁ ⲑⲁ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲧⲉ ⲛⲧⲉϥⲉⲣⲥⲕⲉⲡⲁⲍⲉⲓⲛ ⲉϫⲱⲛ ϩⲓⲧⲉⲛ ⲡⲉϥ‐
ϩⲙⲟⲧ ⲉⲑⲟⲩⲁⲃ.
ⲁϥϣⲉⲛϥ ⲟⲛ ⲛϫⲉ ⲡⲓⲥⲟⲛ ϫⲉ ⲁϣ ⲛϫⲓ ⲛⲉⲣ ϩⲱⲃ ⲉⲧⲥⲟⲧⲡ ϧⲉⲛ (-ⲙ︦ⲇ︦-)
ⲡⲓⲡⲣⲁⲕⲧⲓⲕⲟⲛ ⲟⲩⲟϩ ⲉⲅⲕⲣⲁⲧⲓⲥⲧⲟⲛ. ⲁϥⲉⲣ ⲟⲩⲱ ⲡⲉϫⲁϥ ⲛⲁϥ ϫⲉ ⲱ ⲟⲩ‐
ⲛⲓⲁⲧϥ ⲙⲫⲏ ⲉⲧⲟⲩⲛⲁϫⲉⲙϥ ⲉϥⲁⲙⲟⲛⲓ ⲙⲡⲓⲣⲁⲛ ⲉⲧⲥⲙⲁⲣⲱⲟⲩⲧ ⲛⲧⲉ ⲡⲉⲛⲟ︦ⲥ︦
ⲓ︦ⲏ︦ⲥ︦ ⲡⲭ︦ⲥ︦ ϧⲉⲛ ⲟⲩⲙⲉⲧⲁⲑⲙⲟⲩⲛⲕ ⲛⲉⲙ ⲟⲩⲧⲉⲛⲛⲟ ⲛⲧⲉ ⲡⲓϩⲏⲧ ϫⲉ ⲟⲩⲏⲓ
ⲙⲙⲟⲛ ⲕⲉϫⲓ ⲛⲉⲣ ϩⲱⲃ ⲉⲥⲥⲟⲧⲡ ϧⲉⲛ ⲡⲓⲡⲣⲁⲕⲧⲓⲕⲟⲛ ⲧⲏⲣϥ ⲙⲫⲣⲏϯ ⲛⲧⲁⲓ‐
ⲧⲣⲟⲫⲏ ⲙⲙⲁⲕⲁⲣⲓⲁ ⲑⲁⲓ ⲁⲕϣⲁⲛⲥⲁⲑⲙⲓ ⲉϫⲱⲥ ⲛⲥⲏⲟⲩ ⲛⲓⲃⲉⲛ ⲙⲫⲣⲏϯ
ⲙⲡⲓⲉⲥⲱⲟⲩ ⲁϥϣⲁⲛⲫⲱⲛⲕ ⲉⲡϣⲱⲓ ⲟⲩⲟϩ ⲛⲧⲉϥϫⲉⲙ ϯⲡⲓ ⲙⲡⲓϩⲗⲟϫ ⲛⲧⲉ
ⲡⲓⲥⲁⲑⲙⲓ ϣⲁⲧⲉϥϣⲉ ⲉϧⲟⲩⲛ ⲉⲛⲓϭⲗⲱⲧ ⲛⲧⲉ ⲡⲉϥϩⲏⲧ ⲟⲩⲟϩ ⲛⲧⲉϥⲥⲱⲕ ⲉϫⲱϥ
ⲛⲟⲩϩⲗⲟϫ ⲛⲉⲙ ⲟⲩⲕⲉⲛⲓ ⲉϥⲉⲣ ⲛⲟⲫⲣⲓ ⲛⲛⲉϥϣⲃⲓⲛⲓ ⲛⲉⲙ ⲡⲉϥⲥⲁϧⲟⲩⲛ ⲧⲏⲣϥ
ⲓⲉ ⲭⲛⲁⲩ ⲁⲛ ⲉⲑⲙⲉⲧⲥⲁⲓⲉ ⲛⲛⲉϥⲟⲩⲟϫⲓ ⲉⲩⲙⲉϩ ⲉⲃⲟⲗϧⲉⲛ ⲡϩⲗⲟϫ ⲙⲡⲓ‐


### 0036

ⲥⲁⲑⲙⲓ ⲉⲧϧⲉⲛ ⲣⲱϥ. ⲉⲥⲉϣⲱⲡⲓ ⲛⲁⲛ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉⲣ ϩⲙⲟⲧ ⲛⲁⲛ
ⲙⲡⲉϥⲣⲁⲛ ⲉⲧϩⲟⲗϫ ⲟⲩⲟϩ ⲉⲧⲕⲉⲛⲓⲱⲟⲩⲧ.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲁⲧⲁⲙⲟⲓ ⲉⲫⲃⲱⲗ ⲙⲡⲁⲓⲥⲁϫⲓ ϫⲉ
ⲑⲙⲉⲗⲉⲧⲏ ⲙⲡⲁϩⲏⲧ ⲭⲏ ⲙ- (-ⲙ︦ⲉ︦-) ⲡⲉⲕⲙⲑⲟ ⲉⲃⲟⲗ. ⲡⲉϫⲉ ⲡⲓϧⲉⲗⲗⲟ ⲛⲁϥ
ϫⲉ ⲙⲙⲟⲛ ⲕⲉⲙⲉⲗⲉⲧⲏ ⲉⲧⲥⲟⲧⲡ ⲉⲃⲏⲗ ⲉⲡⲁⲓⲣⲁⲛ ⲛⲟⲩϫⲁⲓ ⲟⲩⲟϩ ⲉⲧⲥⲙⲁⲣⲱⲟⲩⲧ
ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉϥϣⲟⲡ ⲉϧⲣⲏⲓ ⲛϧⲏⲧⲕ ϧⲉⲛ ⲟⲩⲙⲟⲩⲛ ⲉⲃⲟⲗ ⲙⲫⲣⲏϯ
ⲉⲧⲥϧⲏⲟⲩⲧ ϫⲉ ⲙⲫⲣⲏϯ ⲛⲟⲩⲃⲏⲛⲓ ϯⲛⲁⲙⲟⲩϯ ⲟⲩⲟϩ ⲙⲫⲣⲏϯ ⲛⲟⲩϭⲣⲟⲙⲡⲓ
ϯⲛⲁⲉⲣⲙⲉⲗⲉⲧⲁⲛ ⲫⲁⲓ ⲡⲉ ⲙⲫⲣⲏϯ ⲙⲡⲓϣⲁⲙϣⲉ ⲛⲟⲩϯ ⲉϥⲁⲙⲟⲛⲓ ⲙⲡⲓⲣⲁⲛ
ⲛⲟⲩϫⲁⲓ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲁⲥϣⲱⲡⲓ ⲛⲟⲩⲥⲟⲡ ⲉϥϧⲉⲛ
ⲡⲓⲱⲥϧ ⲛⲉⲙ ⲛⲓⲥⲛⲏⲟⲩ ⲁ ⲟⲩⲃⲱⲛϣ ⲭⲁ ⲣⲱϥ ⲉⲡϣⲱⲓ ⲁϥⲉϣ ⲟⲩⲛⲓϣϯ
ⲛϧⲣⲱⲟⲩ ⲉⲃⲟⲗ ⲉⲣⲉ ⲛⲉϥⲃⲁⲗ ⲓⲟⲣⲉⲙ ⲉϧⲣⲏⲓ ⲉⲧⲫⲉ ϩⲁ ⲡⲟⲥ. ⲡⲓⲁⲅⲓⲟⲥ ⲇⲉ
ⲁϥⲟϩⲓ ⲉⲣⲁⲧϥ ⲁϥⲛⲉϥⲧ ⲣⲱϥ ϧⲉⲛ ϩⲁⲛ ⲉⲣⲙⲱⲟⲩⲓ. ⲉⲧⲁ ⲛⲓⲥⲛⲏⲟⲩ ⲛⲁⲩ ⲉⲣⲟϥ
ⲁⲩⲉⲣ ϣⲫⲏⲣⲓ ⲁⲩϩⲓⲧⲟⲩ ⲉϧⲣⲏⲓ ϧⲁ ⲛⲉϥϭⲁⲗⲁⲩϫ ⲉⲩϯ ϩⲟ ⲉⲣⲟϥ ⲉⲩϫⲱ
ⲙⲙⲟⲥ ϫⲉ ⲧⲉⲛϯ ϩⲟ ⲡⲉⲛⲓⲱⲧ ⲙⲁⲧⲁⲙⲟⲛ ϫⲉ ⲉⲑⲃⲉ ⲟⲩ ⲛⲉⲕⲃⲁⲗ ⲓⲟⲣⲉⲙ
ϧⲉⲛ ϩⲁⲛ ⲉⲣⲙⲱⲟⲩⲓ. ⲉⲧⲓ ⲇⲉ ⲉϥⲓⲟⲣⲉⲙ ϧⲉⲛ ⲛⲓⲉⲣⲙⲱⲟⲩⲓ ⲛⲁⲣⲉ ⲡⲉϥϩⲟ ϩⲓ
ⲭⲣⲱⲙ ⲉⲃⲟⲗ ⲡⲉ ⲙⲫⲣⲏϯ ⲛⲛⲓⲁⲕⲧⲓⲛ ⲛⲧⲉ ⲫⲣⲏ (-ⲙ︦ⲋ︦-) ⲉⲑⲃⲉ ⲡⲓϩⲙⲟⲧ


### 0037

ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉⲧϣⲟⲡ ⲛϧⲏⲧϥ. ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉ ⲙⲡⲉⲧⲉⲛ‐
ⲥⲱⲧⲉⲙ ⲛⲑⲱⲧⲉⲛ ϫⲉ ⲟⲩ ⲡⲉ ⲉⲧⲉ ⲡⲁⲓⲟⲩⲱⲛϣ ⲟϣϥ ⲉⲃⲟⲗ. ⲛⲑⲱⲟⲩ ⲇⲉ ⲡⲉ‐
ϫⲱⲟⲩ ⲛⲁϥ ϫⲉ ⲟⲩ ⲡⲉ ⲡⲉⲛⲓⲱⲧ. ⲛⲑⲱϥ ⲇⲉ ⲡⲉϫⲁϥ ⲛⲱⲟⲩ ϫⲉ ⲁϥⲱϣ ⲉⲡϣⲱⲓ
ⲟⲩⲃⲉ ⲡⲓⲙⲁⲓ ⲣⲱⲙⲓ ⲡⲓϣⲁⲛ ⲑⲙⲁϧⲧ ⲙⲙⲁⲩⲁⲧϥ ⲫⲁ ⲛⲓⲁϩⲱⲣ ⲛⲧⲉ ⲛⲓⲙⲉⲧ‐
ϣⲉⲛ ϩⲏⲧ ⲉⲧⲟϣ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉϥϫⲱ ⲙⲙⲟⲥ ϫⲉ ⲓⲥϫⲉ ⲭⲛⲁϥⲓ ⲡⲁⲣⲱⲟⲩϣ
ⲁⲛ ⲛⲧⲉⲕⲥⲁϩⲛⲓ ⲛⲏⲓ ⲛⲧⲁⲧⲣⲟⲫⲏ ⲓⲉ ⲡⲁⲓϧⲓⲥⲓ ⲟⲩ ⲡⲉ ϫⲉ ⲁⲕⲉⲣ ⲡⲕⲉⲑⲁⲙⲓⲟⲛ.
ⲓⲥϫⲉ ⲛⲓⲕⲉⲑⲏⲣⲓⲟⲛ ⲛⲟⲩⲁⲙ ⲥⲁⲣⲝ ⲟⲩⲟⲛ ⲁⲓⲥⲑⲏⲥⲓⲥ ⲙⲙⲱⲟⲩ ⲟⲩⲟϩ ⲥⲉⲱϣ
ⲉⲡϣⲱⲓ ⲟⲩⲃⲉ ϯⲙⲉⲧⲁⲅⲁⲑⲟⲥ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲟⲩⲟϩ ϥϣⲁⲛⲉϥ ⲙⲙⲱⲟⲩ
ⲧⲏⲣⲟⲩ ⲓⲉ ⲡⲱⲥ ⲁⲛⲟⲛ ϧⲁ ⲛⲓⲣⲱⲙⲓ ⲛⲗⲟⲅⲓⲕⲟⲥ ⲙⲏ ϥⲛⲁϥⲓ ⲡⲉⲛⲣⲱⲟⲩϣ ⲁⲛ
ϧⲉⲛ ⲡⲉϥⲥⲡⲗⲁⲅⲭⲛⲟⲛ ⲉⲧⲟϣ ⲙⲙⲉⲧϣⲉⲛ ϩⲏⲧ. ⲛⲁⲓ ⲇⲉ ⲉϥϫⲱ ⲙⲙⲱⲟⲩ
ⲛⲛⲓⲥⲛⲏⲟⲩ ⲛϫⲉ ⲡⲓⲫⲱⲥⲧⲏⲣ ⲛⲣⲉϥⲉⲣ ⲟⲩⲱⲓⲛⲓ ⲛⲁⲣⲉ ⲡⲓⲟⲩⲱⲓⲓϣ ⲟϩⲓ ⲉⲣⲁⲧϥ
ⲡⲉ ⲉϥⲟⲛϣ ⲉⲃⲟⲗ. ⲙⲉⲛⲉⲛⲥⲁ ⲛⲁⲓ ⲁϥϣⲉ ⲛⲁϥ ⲉⲡⲓⲙⲁ ⲉⲧⲁ ⲫ︦ϯ︦ ⲥⲟⲃϯ ⲛⲁϥ
ⲛⲧⲉϥϧⲣⲉ ⲙⲙⲁⲩ ⲛϫⲉ ⲡⲓⲑⲏⲣⲓⲟⲛ (-ⲙⲍ-) ⲛⲓⲥⲛⲏⲟⲩ ⲇⲉ ⲧⲏⲣⲟⲩ ⲁⲩϩⲓⲧⲟⲩ
ⲉϧⲣⲏⲓ ⲟⲩⲟϩ ⲁⲩⲟⲩⲱϣⲧ ⲛⲛⲓϭⲁⲗⲁⲩϫ ⲉⲑⲟⲩⲁⲃ ⲛⲧⲉ ⲡⲉⲛⲓⲱⲧ ⲛⲇⲓⲕⲁⲓⲟⲥ
ⲡⲓⲛⲓϣϯ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲡ︦ⲁ︦ⲧⲟⲫⲟⲣⲟⲥ ⲉⲩϯ ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.


### 0038

ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲁϥϩⲓ ⲟⲩⲕⲟⲧ ⲉⲣⲟϥ ⲛϫⲉ
ⲟⲩϧⲉⲗⲗⲟ ⲛⲉⲙ ⲟⲩⲥⲟⲛ ⲡⲉϫⲱⲟⲩ ⲛⲁϥ ϫⲉ ⲧⲉⲛⲟⲩⲱϣ ⲉϣⲱⲡⲓ ϧⲉⲛ ⲟⲩⲙⲉ‐
ⲧⲟⲩⲁⲓ ⲛⲉⲙ ⲛⲉⲛⲉⲣⲏⲟⲩ ⲡⲉⲛⲓⲱⲧ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲙⲡⲓϧⲉⲗⲗⲟ ϫⲉ
ϭⲓ ⲛⲁⲕ ⲛϣⲟⲣⲡ ⲙⲡⲓⲛⲓ ⲙⲡⲓⲙⲁⲛⲉⲥⲱⲟⲩ ⲁⲣⲉϣⲁⲛ ϯⲥⲉⲣⲫⲱⲧ ⲥⲁⲧ ϥⲉⲛⲧ
ⲉⲡⲓⲉⲥⲱⲟⲩ ϣⲁϥϯ ⲫⲁϧⲣⲓ ⲛⲁϥ ϣⲁⲧⲉϥϧⲱⲧⲉⲃ ⲛⲛⲓϥⲉⲛⲧ ⲉϣⲱⲡ ⲇⲉ ⲟⲛ
ⲛⲧⲉϥⲉⲣ ϫⲉⲣϫⲓ ϣⲁϥϯ ϭⲁⲃⲱⲧ ⲛⲁϥ ϣⲁⲧⲉϥⲕⲱⲕ ⲛⲛⲓϫⲉⲣϫⲓ. ⲡⲉϫⲉ ⲡⲓϧⲉⲗⲗⲟ
ⲛⲁϥ ϫⲉ ⲙⲁⲧⲁⲙⲟⲓ ⲉⲫⲃⲱⲗ ⲙⲡⲁⲓⲥⲁϫⲓ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ
ⲉⲩⲉⲓⲛⲓ ⲛϯⲥⲉⲣⲫⲱⲧ ⲉϫⲉⲛ ⲡⲓⲇⲓⲁⲃⲟⲗⲟⲥ ⲟⲩⲟϩ ⲡⲓⲉⲥⲱⲟⲩ ϩⲱϥ ⲉϫⲉⲛ ⲡⲓⲥⲟⲛ
ⲉⲧϣⲟⲡ ⲛⲉⲙⲁⲕ ⲛⲓϥⲉⲛⲧ ⲇⲉ ϩⲱⲟⲩ ⲛⲉ ⲛⲓⲡⲁⲑⲟⲥ ⲛⲉⲙ ⲛⲓϩⲩⲇⲟⲛⲏ ⲛⲧⲉ ⲛⲓ‐
ⲇⲁⲓⲙⲱⲛ ⲉⲧϣⲟⲡ ϧⲉⲛ ϯⲯⲩⲭⲏ ⲉⲩϣⲗⲉⲙⲗⲉⲙ ϧⲉⲛ ⲡⲓϩⲏⲧ ⲙⲫⲣⲏϯ
ⲛⲛⲓϥⲉⲛⲧ ⲉⲧⲭⲏ ϧⲉⲛ ⲛⲓⲉⲣϧⲟⲧ ⲛⲧⲉ ⲡⲓⲥⲱⲙⲁ ⲡⲓⲫⲁϧⲣⲓ ϩⲱϥ ⲉⲧϥⲱϯ ⲛⲛⲓ‐
ⲉⲣⲓ (-ⲙ︦ⲏ︦-) ⲡⲉ ϯⲡⲣⲟⲕⲟⲡⲏ ⲛⲉⲙ ϯⲉⲅⲕⲣⲁⲧⲉⲓⲁ ⲛⲉⲙ ϯⲥⲃⲱ ⲉⲑⲟⲩⲟϫ
ⲛⲧⲉ ⲫ︦ϯ︦ ⲛⲁⲓ ⲡⲉ ⲉⲧⲧⲟⲩⲃⲟ ⲛϯⲯⲩⲭⲏ ⲉⲩⲓⲣⲓ ⲙⲙⲟⲥ ⲛⲕⲁⲑⲁⲣⲟⲥ ⲉⲃⲟⲗϩⲁ
ⲡⲁⲑⲟⲥ ⲛⲓⲃⲉⲛ ⲛⲉⲙ ⲕⲁⲕⲓⲁ ⲛⲓⲃⲉⲛ ⲛⲧⲉ ⲛⲓϫⲁϫⲓ ⲉⲧϩⲱⲟⲩ ⲛⲧⲉ ⲛⲓⲇⲁⲓⲙⲱⲛ.
ⲡⲉϫⲁϥ ⲇⲉ ⲙⲡⲓⲥⲟⲛ ϩⲱϥ ϫⲉ ϭⲓ ⲛⲁⲕ ϩⲱⲕ ⲡⲁϣⲏⲣⲓ ⲙⲡⲓⲛⲓ ⲛⲓⲥⲁⲁⲕ
ⲉⲧⲁϥⲥⲱⲧⲉⲙ ⲛⲥⲁ ⲡⲉϥⲓⲱⲧ ϣⲁⲧⲉϥⲉⲛϥ ⲉⲡϣⲱⲓ ⲛⲟⲩϣⲟⲩϣⲱⲟⲩϣⲓ ⲛⲉⲙ
ⲟⲩⲑⲩⲥⲓⲁ ⲉⲥϣⲏⲡ ⲙⲡⲉⲙⲑⲟ ⲙⲫ︦ϯ︦ ⲉⲁϥϣⲱⲡⲓ ⲛⲉⲅⲕⲣⲁⲫⲟⲛ ϧⲉⲛ ϯⲉⲕⲕⲗⲏ‐


### 0039

ⲥⲓⲁ ϣⲁ ϯⲥⲩⲛⲧⲉⲗⲉⲓⲁ ⲛⲧⲉ ⲡⲁⲓⲁⲓⲱⲛ ⲛⲉⲙ ⲡⲓⲱⲟⲩ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲫⲣⲏϯ ⲙⲡⲓⲕⲉⲣⲁⲙⲉⲩⲥ ⲉϥϩⲉⲙⲥⲓ
ⲉϥⲉⲣ ϩⲱⲃ ⲉⲡⲓⲕⲁϩⲓ ⲛϣⲟⲣⲡ ⲙⲉⲛ ϣⲁϥⲉⲣⲥⲡⲟⲩⲇⲁⲍⲉⲓⲛ ⲉⲙⲟⲩⲛⲕ ⲛϩⲁⲛ
ⲥⲕⲉⲩⲟⲥ ⲉⲩⲥⲉⲗⲥⲱⲗ ϧⲉⲛ ϩⲁⲛ ⲍⲱⲅⲣⲁⲫⲓⲁ ⲛⲧⲉ ϩⲁⲛ ⲫⲁϧⲣⲓ ϩⲱⲥⲧⲉ ⲛⲧⲟⲩ‐
ϣⲱⲡⲓ ⲉⲩⲧⲁⲓⲏⲟⲩⲧ ϧⲉⲛ ⲛⲓⲁⲣⲓⲥⲧⲟⲛ ⲛⲉⲙ ⲛⲓⲇⲉⲓⲡⲛⲟⲛ ⲛⲧⲉ ⲛⲓⲟⲩⲣⲱⲟⲩ ϣⲁ
ⲉϧⲟⲩⲛ ⲉⲡⲓⲧⲁⲅⲙⲁ ⲛⲓⲉⲣⲁⲧⲓⲕⲟⲛ ⲛⲧⲉ ϯⲉⲕⲕⲗⲏⲥⲓⲁ. ⲙⲉⲛⲉⲛⲥⲁ ⲛⲁⲓ ϣⲁϥ‐
ⲙⲟⲩⲛⲕ ⲛϩⲁⲛ ⲕⲉⲟⲩⲟⲛ ⲉⲩϫⲁⲓⲱⲟ ⲟⲩⲟϩ ⲉⲩϫⲟϫⲉⲃ ϣⲁ ⲉϧⲟⲩⲛ ⲉⲛⲓⲙⲟⲕⲓ
ⲛⲫⲉⲛ ⲙⲱⲟⲩ ⲉⲃⲟⲗ ⲛⲉⲙ ⲛⲓ (-ⲙ︦ⲑ︦-) ⲙⲁ ⲛϩⲉⲙⲥⲓ ⲛⲧⲉ ⲛⲓϫⲫⲟ ⲙⲃⲉⲣⲓ
ⲟⲩⲟϩ ⲛⲁⲧⲕⲁⲕⲓⲁ. ⲙⲉⲛⲉⲛⲥⲁ ⲛⲁⲓ ϣⲁϥϭⲁⲥ ϯⲕⲁⲙⲓⲛⲏ ⲛⲧⲉϥϯ ⲭⲣⲱⲙ
ⲛⲱⲟⲩ. ⲁⲙⲏⲛ ϯϫⲱ ⲙⲙⲟⲥ ϫⲉ ⲙⲫⲣⲏϯ ⲉⲧⲉϥⲧⲱⲃϩ ⲉϫⲉⲛ ⲛⲏ ⲉⲧⲧⲁⲓⲏⲟⲩⲧ
ⲟⲩⲟϩ ⲉⲧⲥⲉⲗⲥⲱⲗ ϥⲧⲱⲃϩ ⲟⲛ ⲉϫⲉⲛ ⲛⲏ ⲉⲧϫⲁⲓⲱⲟⲩ ⲟⲩⲟϩ ⲉⲧϫⲟϫⲉⲃ ϫⲉ
ⲡϩⲱⲃ ⲛⲛⲉϥϫⲓϫ ⲡⲉ. ⲡⲁⲓⲣⲏϯ ϩⲱϥ ⲡⲉⲛⲟ︦ⲥ︦  ⲓ︦ⲏ︦ⲥ︦ ⲡⲭ︦ⲥ︦ ⲫⲁ ⲛⲓⲁϩⲱⲣ ⲛⲧⲉ
ⲛⲓⲙⲉⲧϣⲉⲛ ϩⲏⲧ ⲉⲧⲟϣ ⲡⲓϣⲁⲛ ⲑⲙⲁϧⲧ ⲙⲙⲁⲩⲁⲧϥ ⲛⲉⲙ ⲡⲉϥⲓⲱⲧ ⲛⲁⲅⲁⲑⲟⲥ
ⲛⲉⲙ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲙⲫⲣⲏϯ ⲉⲧⲉϥⲣⲁϣⲓ ⲉϫⲉⲛ ⲫⲏ ⲉⲧⲧⲟⲩⲃⲏⲟⲩⲧ ⲟⲩⲟϩ
ⲉⲧⲥⲉⲗⲥⲱⲗ ϧⲉⲛ ⲡⲧⲟⲩⲃⲟ ⲛϯⲡⲣⲟⲕⲟⲡⲏ ⲛⲧⲉ ϯⲁⲣⲉⲧⲏ ⲟⲩⲟϩ ⲛⲉⲅⲕⲣⲁⲧⲉⲓⲁ


### 0040

ϥⲣⲁϣⲓ ⲇⲉ ⲟⲛ ⲉϫⲉ ⲡϫⲓ ⲛⲧⲁⲥⲑⲟ ⲙⲫⲏ ⲉⲧϫⲟϫⲉⲃ ⲉⲧⲉ ⲡⲓⲣⲉϥⲉⲣ ⲛⲟⲃⲓ ⲡⲉ
ⲕⲁⲧⲁ ⲫⲣⲏϯ ⲉⲧⲥϧⲏⲟⲩⲧ ϫⲉ ⲟⲩⲟⲛ ⲟⲩⲣⲁϣⲓ ⲛⲁϣⲱⲡⲓ ϧⲉⲛ ⲧⲫⲉ ⲙⲡⲉⲙⲑⲟ
ⲉⲃⲟⲗ ⲛⲛⲓⲁⲅⲅⲉⲗⲟⲥ ⲛⲧⲉ ⲫϯ ⲉϩⲣⲏⲓ ⲉϫⲉⲛ ⲟⲩⲣⲉϥⲉⲣ ⲛⲟⲃⲓ ⲛⲟⲩⲱⲧ ⲁϥϣⲁⲛⲉⲣ‐
ⲙⲉⲧⲁⲛⲟⲉⲓⲛ. ⲛⲑⲟϥ ⲟⲛ ⲁϥϫⲟⲥ ϫⲉ ϯⲟⲩⲁϣ ⲫⲙⲟⲩ ⲁⲛ ⲙⲡⲓⲣⲉϥⲉⲣ ⲛⲟⲃⲓ
ⲙⲫⲣⲏϯ ⲛⲧⲉϥⲧⲁⲥⲑⲟϥ ⲟⲩⲟϩ ⲛⲧⲉϥⲱⲛϧ ⲕⲁⲓ ⲅⲁⲣ ⲉⲧⲁϥϭⲓ ⲛⲧⲁⲓⲥⲁⲣⲝ ⲟⲩⲟϩ
ⲁϥϣⲱⲡ ⲛⲛⲁⲓ‐ (-ⲛ︦-) ⲙⲕⲁϩ ϧⲉⲛ ⲡⲉϥⲟⲩⲱϣ. ⲉⲑⲃⲉ ⲛⲁⲓ ⲟⲩⲟⲛ ⲙⲡⲁⲓⲣⲏϯ
ϥϫⲱ ⲙⲙⲟⲥ ⲟⲛ ⲛϫⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϫⲉ ⲉⲧⲁⲓⲓ ⲁⲛ ⲉⲑⲁϩⲉⲙ ⲛⲓⲑⲙⲏⲓ ⲁⲗⲗⲁ
ⲛⲓⲣⲉϥⲉⲣ ⲛⲟⲃⲓ ⲉⲟⲩⲙⲉⲧⲁⲛⲟⲓⲁ.
ⲁϥϫⲟⲥ ⲛϫⲉ ⲁⲃⲃⲁ ⲉⲩⲁⲅⲣⲓⲟⲥ ϫⲉ ⲁⲓϩⲓ ⲟⲩⲕⲟⲧ ⲉⲁⲃⲃⲁ ⲙⲁⲕⲁⲣⲓⲟⲥ ⲡⲉϫⲏⲓ
ⲛⲁϥ ϫⲉ ⲁϫⲉ ⲟⲩⲥⲁϫⲓ ⲛⲏⲓ ⲛⲧⲁⲱⲛϧ ⲉⲣⲟϥ. ⲡⲉϫⲁϥ ⲛⲏⲓ ϫⲉ ⲉϣⲱⲡ ⲁⲓϣⲁⲛ‐
ϫⲟⲥ ⲛⲁⲕ ⲭⲛⲁⲥⲱⲧⲉⲙ ⲟⲩⲟϩ ⲛⲧⲉⲕⲓⲣⲓ. ⲡⲉϫⲏⲓ ⲛⲁϥ ϫⲉ ⲡⲁⲛⲁϩϯ ⲛⲉⲙ
ⲧⲁⲁⲅⲁⲡⲏ ⲥⲉⲭⲏⲡ ⲉⲣⲟⲕ ⲁⲛ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲏⲓ ϫⲉ ⲟⲛⲧⲱⲥ
ⲕⲁⲧⲁ ⲡⲓⲥⲟⲗⲥⲉⲗ ⲛϯⲁⲣⲉⲧⲏ ⲧⲉⲛϣⲁⲧ ⲡⲗⲏⲛ ⲛⲁⲛⲉⲕ ⲁⲗⲗⲁ ⲉϣⲱⲡ ⲁⲕϣⲁⲛ
ϩⲓⲟⲩⲓ ⲉⲃⲟⲗ ϩⲁⲣⲟⲕ ⲙⲡϣⲟⲩϣⲟⲩ ⲛϯⲙⲉⲧⲣⲏⲧⲱⲣ ⲛⲧⲉ ⲡⲁⲓⲕⲟⲥⲙⲟⲥ ⲛⲧⲉⲕ‐
ϫⲟϩⲗⲕ ⲙⲡⲑⲉⲃⲓⲟ ⲙⲡⲓⲧⲉⲗⲱⲛⲏⲥ ⲭⲛⲁⲱⲛϧ. ⲛⲁⲓ ⲇⲉ ⲉⲧⲁϥϫⲟⲧⲟⲩ ⲛⲏⲓ ⲁ
ⲛⲁⲙⲉⲩⲓ ⲧⲏⲣⲟⲩ ⲃⲱⲗ ⲉⲃⲟⲗ ⲟⲩⲟϩ ⲉⲧⲁⲓϯ ⲙⲉⲧⲁⲛⲟⲓⲁ ⲛⲁϥ ⲁϥϣⲗⲏⲗ ⲉϫⲱⲓ
ⲁϥⲭⲁⲧ ⲉⲃⲟⲗ. ⲟⲩⲟϩ ⲛⲁⲓⲙⲟϣⲓ ⲡⲉ ⲉⲓϫⲉⲙ ⲁⲣⲓⲕⲓ ⲉⲣⲟⲓ ⲉⲓϫⲱ ⲙⲙⲟⲥ ϫⲉ


### 0041

ⲛⲁⲙⲉⲩⲓ ϩⲏⲡ ⲁⲛ ⲉⲁⲃⲃⲁ ⲙⲁⲕⲁⲣⲓⲟⲥ ⲡⲓⲣⲱⲙⲓ ⲛⲧⲉ ⲫϯ ⲕⲁⲓ ⲛⲁⲩ ⲛⲓⲃⲉⲛ
ⲉϣⲁⲓⲉⲣⲁⲡⲁⲛⲧⲁⲛ ⲉⲣⲟϥ ⲛⲉϣⲁⲓⲥⲑⲉⲣⲧⲉⲣ ⲡⲉ ⲉⲑⲃⲉ (-ⲛ︦ⲁ︦-) ϯϩⲉⲝⲓⲥ ⲉⲧⲁⲓ‐
ⲥⲟⲑⲙⲉⲥ ⲛⲧⲟⲧϥ ⲟⲩⲟϩ ⲁⲥϣⲱⲡⲓ ⲛⲏⲓ ⲉⲟⲩⲑⲉⲃⲓⲟ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲉϥⲥⲓⲛⲓⲱⲟⲩ ϧⲉⲛ ⲭⲏⲙⲓ ⲛⲟⲩⲥⲟⲡ
ⲛⲉⲙ ϩⲁⲛ ⲥⲛⲏⲟⲩ ⲁϥⲥⲱⲧⲉⲙ ⲉⲟⲩⲁⲓ ⲉϥϩⲓ ⲧⲱⲓⲧ ⲉⲃⲟⲗ ⲉϥϫⲱ ⲙⲙⲟⲥ ϫⲉ ⲁ
ⲣⲁⲕⲟϯ ⲛⲱⲛⲓ ϩⲉⲓ ⲉϫⲱⲓ ⲙⲡⲓⲙⲟⲩ ⲁ ⲟⲩⲕⲁⲗⲓⲃⲓ ⲛⲕⲁϣ ϩⲉⲓ ⲉϫⲱⲓ ⲁⲓⲙⲟⲩ.
ⲡⲓϧⲉⲗⲗⲟ ⲇⲉ ⲁϥⲉⲣ ϣⲫⲏⲣⲓ ⲉϫⲉⲛ ⲡⲓⲥⲁϫⲓ ⲟⲩⲟϩ ⲉⲧⲁ ⲛⲓⲥⲛⲏⲟⲩ ⲛⲁⲩ ⲉⲣⲟϥ
ⲉϥⲉⲣ ϣⲫⲏⲣⲓ ⲁⲩϩⲓⲧⲟⲩ ⲉϧⲣⲏⲓ ϧⲁ ⲛⲉϥϭⲁⲗⲁⲩϫ ⲉⲩϯ ϩⲟ ⲉⲣⲟϥ ⲉⲩϫⲱ
ⲙⲙⲟⲥ ϫⲉ ⲙⲁⲧⲁⲙⲟⲛ ⲡⲉⲛⲓⲱⲧ ⲉⲫⲃⲱⲗ ⲙⲡⲁⲓⲥⲁϫⲓ. ⲛⲑⲟϥ ϫⲉ ⲡⲉϫⲁϥ
ⲛⲱⲟⲩ ⲇⲉ ⲟⲩⲟⲛ ⲟⲩⲛⲓϣϯ ⲙⲙⲩⲥⲧⲏⲣⲓⲟⲛ ϧⲉⲛ ⲡⲁⲓⲥⲁϫⲓ ⲱ ⲛⲁϣⲏⲣⲓ ⲕⲁⲓ
ⲅⲁⲣ ⲉⲩⲓⲛⲓ ⲙⲡⲓⲱⲛⲓ ⲉϫⲉⲛ ⲡⲉⲛⲟⲥ ⲓⲏⲥ ⲡⲭⲥ ⲕⲁⲧⲁ ⲫⲣⲏϯ ⲉⲧⲥϧⲏⲟⲩⲧ
ⲉⲑⲃⲏⲧϥ ϫⲉ ⲡⲓⲱⲛⲓ ⲉⲧⲁⲩϣⲟϣϥ ⲛϫⲉ ⲛⲓⲓⲟⲩⲇⲁⲓ ⲙⲡⲁⲣⲁⲛⲟⲙⲟⲥ ⲫⲁⲓ ⲁϥ‐
ϣⲱⲡⲓ ⲛⲟⲩϫⲱϫ ⲛⲗⲁⲕϩ ⲉⲧⲁ ⲫⲁⲓ ϣⲱⲡⲓ ⲉⲃⲟⲗϩⲓⲧⲉⲛ ⲡⲟⲥ ϥⲟⲓ ⲛϣⲫⲏⲣⲓ ϧⲉⲛ
ⲛⲉⲛⲃⲁⲗ. ⲫⲁⲓ ⲟⲛ ⲡⲉ ⲡⲓⲱⲛⲓ ⲙⲙⲏⲓ ⲉⲛⲁϣⲉⲛⲥⲟⲩⲉⲛϥ ⲉⲧⲁ ⲡⲓⲣⲱⲙⲓ ⲛϣⲱⲧ
ϯ ⲛⲛⲉϥⲟⲩⲱϣ ⲛϩⲏⲧ ⲧⲏⲣⲟⲩ ⲉⲃⲟⲗ ⲟⲩⲟϩ ⲁϥϣⲱⲡ ⲙⲡⲁⲓⲱⲛⲓ ⲉϧⲟⲩⲛ ⲉⲛⲓ‐
(-ⲛⲃ-) ⲧⲁⲙⲉⲓⲟⲛ ⲛⲧⲉ ⲡⲉϥϩⲏⲧ ⲁϥϫⲉⲙϥ ⲉϥϩⲟⲗϫ ⲉϩⲟⲧⲉ ⲡⲓⲉⲃⲓⲱ ⲛⲉⲙ


### 0042

ⲡⲓⲛⲏⲛⲓ ⲉⲧⲉ ⲫⲁⲓ ⲡⲉ ⲡⲉⲛⲟ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲕⲁⲓ ⲅⲁⲣ ⲡⲓⲣⲱⲙⲓ ⲉⲑⲛⲁⲁⲣⲉϩ
ⲉⲡⲁⲓⲱⲛⲓ ⲫⲁⲓ ϧⲉⲛ ⲡⲉϥϩⲏⲧ ϥⲛⲁϭⲓ ⲛⲟⲩϣⲉⲃⲓⲱ ⲉⲛⲁϣⲱϥ ϧⲉⲛ ⲡⲓⲱⲟⲩ ⲛⲧⲉ
ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϧⲉⲛ ϯⲙⲉⲧⲟⲩⲣⲟ ⲛⲧⲉ ⲛⲓⲫⲏⲟⲩⲓ ϣⲁ ⲉⲛⲉϩ ⲕⲁⲓ ⲅⲁⲣ ⲁ
ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲭⲱ ⲙⲡⲉϥϩⲟ ⲙⲫⲣⲏϯ ⲛⲟⲩⲡⲉⲧⲣⲁ ⲉⲥϫⲟⲣ ⲕⲁⲧⲁ ⲡⲥⲁϫⲓ
ⲙⲡⲓⲁⲡⲟⲥⲧⲟⲗⲟⲥ ⲉϥϫⲱ ⲙⲙⲟⲥ ϫⲉ ϯⲡⲉⲧⲣⲁ ⲛⲉ ⲡⲭ︦ⲥ︦ ⲡⲉ ⲁϥϯ ⲛⲧⲉϥϭⲓⲥⲓ
ⲉϩⲁⲛ ⲙⲁⲥⲧⲓⲅⲅⲟⲥ ⲛⲉⲙ ⲛⲉϥⲟⲩⲟϫⲓ ⲉϩⲁⲛ ϣⲉ ⲛⲕⲟⲩⲣ ⲡⲉϥϩⲟ ⲇⲉ ⲙⲡⲉϥ‐
ⲧⲁⲥⲑⲟϥ ⲉⲃⲟⲗϩⲁ ⲡϣⲓⲡⲓ ⲛⲧⲉ ϩⲁⲛ ⲑⲁϥ ⲉⲑⲃⲉ ⲡⲉⲧⲉ ⲫⲱⲛ ⲛⲟⲩϫⲁⲓ ⲁⲛⲟⲛ
ϧⲁ ⲛⲓⲣⲱⲙⲓ ⲕⲁⲓ ⲉϣⲱⲡ ⲛⲧⲉϥϩⲉⲙⲥⲓ ϩⲓϫⲱⲛ ⲛϫⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϩⲓⲧⲉⲛ
ϩⲁⲛ ϣⲱⲛⲓ ⲉⲑⲃⲉ ⲧⲉϥⲛⲓϣϯ ⲛⲁⲅⲁⲡⲏ ⲉϧⲟⲩⲛ ⲉⲣⲟⲛ ϣⲁⲣⲉ ϯⲯⲩⲭⲏ ϣⲱⲡⲓ
ϧⲉⲛ ϯⲙⲉⲧⲁⲑⲙⲟⲩ ⲉⲑⲃⲉ ⲡⲧⲟⲩⲃⲟ ⲛϯⲁⲡⲁⲑⲉⲓⲁ ⲉⲧϣⲟⲡ ⲥⲁϧⲟⲩⲛ ⲙⲡⲓϩⲏⲧ.
ⲡⲓⲇⲓⲁⲃⲟⲗⲟⲥ ϩⲱϥ ⲟⲩⲁⲧϫⲟⲙ ⲡⲉ ⲙⲫⲣⲏϯ ⲙⲡⲓⲕⲁϣ ⲟⲩⲟϩ ⲁϥϣⲁⲛϩⲉⲓ
ⲉϫⲉⲛ ⲡⲓⲣⲱⲙⲓ (-ⲛ︦︦ⲅ︦-) ⲟⲩⲟϩ ⲛⲧⲉϥϭⲉⲡ ϫⲱⲣⲓ ⲉϫⲱϥ ϧⲉⲛ ⲟⲩⲧⲩⲣⲁⲛⲛⲓⲁ
ⲛⲧⲁϥ ⲟⲩⲟϩ ⲛⲧⲉϥϣⲧⲉⲙ ⲡⲓⲣⲱⲙⲓ ϯ ϩⲑⲏϥ ⲉⲣⲟϥ ⲛⲧⲉϥⲱϣ ⲟⲩⲃⲉ ϯⲙⲉⲧⲁ‐
ⲅⲁⲑⲟⲥ ⲛⲧⲉ ⲫϯ ⲁⲗⲗⲁ ⲛⲧⲉϥⲓ ⲉϧⲣⲏⲓ ⲛⲉⲙ ⲛⲓⲡⲁⲑⲟⲥ ⲛⲧⲉ ⲡⲓⲇⲓⲁⲃⲟⲗⲟⲥ
ϣⲁⲣⲉ ⲡⲓⲡ︦ⲛ︦ⲁ︦ ⲛⲧⲉ ⲫ︦ϯ︦ ⲉⲣⲁⲛⲁⲭⲱⲣⲉⲓⲛ ⲛⲁϥ ⲥⲁⲃⲟⲗ ⲙⲡⲓⲣⲱⲙⲓ ⲗⲟⲓⲡⲟⲛ
ϣⲁⲣⲉ ϯⲯⲩⲭⲏ ⲙⲟⲩ ⲓⲥϫⲉⲛ ⲉⲥϣⲟⲡ ϧⲉⲛ ⲡⲓⲥⲱⲙⲁ ⲉⲑⲃⲉ ⲡⲑⲓϧⲓ ⲛⲛⲓⲡⲁⲑⲟⲥ
ⲛⲉⲙ ⲡⲟⲩⲥⲑⲟⲓⲃⲱⲛ.


### 0043

ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲙⲁ ϩⲑⲏⲕ ⲉⲡⲁⲓⲣⲁⲛ ⲛⲧⲉ
ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϧⲉⲛ ⲟⲩⲧⲉⲛⲛⲟ ⲛⲧⲉ ⲡⲓϩⲏⲧ ⲛⲉⲙ ⲡⲉⲕϫⲓ ⲛⲃⲉⲃⲓ ⲙⲙⲟϥ
ⲉⲃⲟⲗϧⲉⲛ ⲛⲉⲕⲥⲫⲟⲧⲟⲩ ⲛⲉⲙ ⲡⲉⲕϫⲓ ⲛⲥⲟⲕϥ ϣⲁⲣⲟⲕ ⲟⲩⲟϩ ⲛⲧⲉⲕϣⲧⲉⲙⲫⲟⲧϩϥ
ϧⲉⲛ ⲟⲩⲡⲣⲟⲥⲱⲡⲟⲛ ϧⲉⲛ ⲡⲉⲕⲛⲟⲩⲥ ⲁⲗⲗⲁ ϯ ϩⲑⲏⲕ ⲉⲡⲉⲕϫⲓ ⲛⲙⲟⲩϯ ⲉⲣⲟϥ
ϫⲉ ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲁⲓ ⲛⲏⲓ ⲟⲩⲟϩ ϧⲉⲛ ⲟⲩⲙⲧⲟⲛ ⲭⲛⲁⲛⲁⲩ ⲉⲡⲓⲙⲧⲟⲛ ⲛⲧⲉ
ⲧⲉϥⲙⲉⲑⲛⲟⲩϯ ⲥⲁϧⲟⲩⲛ ⲙⲙⲟⲕ ⲛⲧⲉϥϭⲟϫⲓ ⲛⲥⲁ ⲡⲓⲭⲁⲕⲓ ⲛⲧⲉ ⲛⲓⲡⲁⲑⲟⲥ
ⲉⲧϣⲟⲡ ⲛϧⲏⲧⲕ ⲛⲧⲉϥⲧⲟⲩⲃⲟ ⲙⲡⲓⲣⲱⲙⲓ ⲉⲧⲥⲁϧⲟⲩⲛ ⲕⲁⲧⲁ ⲡⲧⲟⲩⲃⲟ ⲛⲁⲇⲁⲙ
ⲉϥϣⲟⲡ ϧⲉⲛ ⲡⲓⲡⲁⲣⲁⲇⲉⲓⲥⲟⲥ (-ⲛ︦ⲇ︦-) ⲡⲓⲣⲁⲛ ⲉⲧⲥⲙⲁⲣⲱⲟⲩⲧ ⲫⲁⲓ ⲉⲧⲁϥⲙⲟⲩϯ
ⲉⲣⲟϥ ⲙⲙⲟϥ ⲛϫⲉ ⲓⲱⲁⲛⲛⲏⲥ ⲡⲓⲉⲩⲁⲅⲅⲉⲗⲓⲥⲧⲏⲥ ϫⲉ ⲫⲟⲩⲱⲓⲛⲓ ⲙⲡⲕⲟⲥⲙⲟⲥ
ⲟⲩⲟϩ ⲡⲓϩⲗⲟϫ ⲛⲁⲧⲥⲓ ⲙⲙⲟϥ ϯⲧⲣⲟⲫⲏ ⲛⲧⲉ ⲡⲓⲱⲛϧ ⲟⲩⲟϩ ⲛⲁⲗⲏⲑⲓⲛⲏ.
ⲁϥϫⲟⲥ ⲛϫⲉ ⲁⲃⲃⲁ ⲉⲩⲁⲅⲣⲓⲟⲥ ϫⲉ ⲁⲓϩⲓ ⲟⲩⲕⲟⲧ ⲉⲁⲃⲃⲁ ⲙⲁⲕⲁⲣⲓⲟⲥ ⲉⲓ‐
ϩⲉϫϩⲱϫ ϩⲓⲧⲉⲛ ⲛⲓⲙⲉⲩⲓ ⲛⲉⲙ ⲛⲓⲡⲁⲑⲟⲥ ⲛⲧⲉ ⲡⲓⲥⲱⲙⲁ. ⲡⲉϫⲏⲓ ⲛⲁϥ ϫⲉ
ⲡⲁⲓⲱⲧ ⲁϫⲉ ⲟⲩⲥⲁϫⲓ ⲛⲏⲓ ⲛⲧⲁⲱⲛϧ ⲉⲣⲟϥ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲥⲉⲛϩ
ⲡⲓⲗⲉⲃⲁⲛ ⲉϯⲁⲛⲁⲓⲱ ⲟⲩⲟϩ ϧⲉⲛ ⲡⲓϩⲙⲟⲧ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲓϫⲟⲓ ⲛⲁⲥⲉⲛ
ⲛⲓϩⲱⲓⲙⲓ ⲛⲇⲓⲁⲃⲟⲗⲓⲕⲟⲛ ⲛⲉⲙ ⲛⲓϫⲟⲗ ⲛⲧⲉ ⲡⲁⲓⲓⲟⲙ ⲛϩⲁⲗⲱ ⲟⲩⲟϩ ⲛⲅⲛⲟⲫⲟⲥ
ⲛⲭⲁⲕⲓ ⲛⲧⲉ ⲡⲁⲓⲕⲟⲥⲙⲟⲥ ⲛⲉⲫⲗⲏⲟⲩ. ⲡⲉϫⲏⲓ ⲛⲁϥ ϫⲉ ⲟⲩ ⲡⲉ ⲡⲓϫⲟⲓ ⲓⲉ ⲟⲩ


### 0044

ⲡⲉ ⲡⲓⲗⲉⲃⲁⲛ ⲓⲉ ⲟⲩ ⲧⲉ ϯⲁⲛⲁⲓⲱ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲏⲓ ϫⲉ ⲡⲓϫⲟⲓ ⲡⲉ
ⲡⲉⲕϩⲏⲧ ⲁⲣⲉϩ ⲉⲣⲟϥ ⲡⲓⲗⲉⲃⲁⲛ ⲡⲉ ⲡⲉⲕⲛⲟⲩⲥ ⲛⲧⲉⲕⲥⲟⲛϩϥ ⲉⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦
ⲉⲧⲉ ⲫⲁⲓ ⲡⲉ ϯⲁⲛⲁⲓⲱ ⲉⲧⲁⲙⲟⲛⲓ ⲛⲛⲓϫⲟⲗ ⲧⲏⲣⲟⲩ ⲛⲉⲙ ⲛⲓϩⲱⲓⲙⲓ ⲛⲇⲓⲁⲃⲟ‐
ⲗⲓⲕⲟⲛ ⲉⲧϯ ⲛⲉⲙ ⲛⲏ ⲉⲑⲟⲩⲁⲃ. (-ⲛ︦ⲉ︦-) ⲟⲩ ⲅⲁⲣ ⲉⲑⲙⲟⲧⲉⲛ ⲉϫⲟⲥ ⲕⲁⲧⲁ ϣⲉ
ⲛⲛⲓϥⲓ ϫⲉ ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲁⲓ ⲛⲏⲓ ϯⲥⲙⲟⲩ ⲉⲣⲟⲕ ⲡⲁⲟ︦ⲥ︦ ⲓ︦ⲏ︦ⲥ︦ ⲁⲣⲓ ⲃⲟⲏⲑⲉⲓⲛ
ⲉⲣⲟⲓ ⲟⲩⲟϩ ⲉⲧⲓ ⲉⲣⲉ ⲡⲓⲧⲉⲃⲧ ⲥⲱⲛⲕ ⲛⲥⲁ ϯϩⲱⲓⲙⲓ ϥⲛⲁϫⲱⲗϫ ⲙⲡⲁⲧⲉϥⲉⲙⲓ.
ⲁⲛⲟⲛ ⲇⲉ ϩⲱⲛ ⲉⲧⲓ ⲉⲛⲙⲏⲛ ⲉⲡⲁⲓⲣⲁⲛ ⲛⲟⲩϫⲁⲓ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϥⲛⲁ‐
ϫⲱⲗϫ ⲙⲡⲓⲇⲓⲁⲃⲟⲗⲟⲥ ⲛⲥⲁ ⲛⲉϥϫⲉⲃϣⲁⲓ ⲉⲑⲃⲉ ⲛⲏ ⲉⲧⲉϥⲓⲣⲓ ⲙⲙⲱⲟⲩ ⲛⲁⲛ
ⲁⲛⲟⲛ ⲇⲉ ⲧⲉⲛⲛⲁⲉⲙⲓ ⲉⲧⲁⲥⲑⲉⲛⲏⲥ ϫⲉ ϯⲃⲟⲏⲑⲉⲓⲁ ⲑⲁ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲉ.
ⲁϥⲫⲓⲣⲓ ⲇⲉ ⲟⲛ ⲛⲟⲩⲥⲟⲡ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉⲧⲁⲩϣⲉⲛϥ ⲉⲑⲃⲉ ϯⲙⲉⲧ‐
ⲛⲁⲏⲧ ⲛϫⲉ ⲛⲓⲥⲛⲏⲟⲩ ⲡⲉϫⲉ ⲡⲓϧⲉⲗⲗⲟ ⲛⲱⲟⲩ ϫⲉ ⲟⲩⲟⲛ ⲟⲩⲁⲣⲭⲱⲛ ⲛⲁⲑⲛⲁⲓ
ⲡⲉ ϧⲉⲛ ⲟⲩⲃⲁⲕⲓ ⲟⲩⲟϩ ⲁϥϣⲱⲡⲓ ⲛϫⲉ ⲟⲩϩⲃⲱⲛ ⲛⲟⲩⲣⲟⲙⲡⲓ ϧⲉⲛ ϯⲃⲁⲕⲓ
ⲉⲧⲉⲙⲙⲁⲩ ϩⲱⲥⲧⲉ ⲛⲧⲉ ⲛⲓⲣⲱⲙⲓ ⲭⲁ ⲧⲟⲧⲟⲩ ⲉⲃⲟⲗ ⲉⲫⲙⲟⲩ. ⲡⲓⲁⲣⲭⲱⲛ
ⲇⲉ ⲁ ⲟⲩⲣⲱⲙⲓ ϯ ⲙⲡⲉϥⲟⲩⲟⲓ ⲉⲣⲟϥ ⲉϥⲉⲣⲁⲓⲧⲉⲓⲛ ⲙⲙⲟϥ ⲛⲟⲩⲱⲓⲕ ⲉⲑⲃⲉ
ⲡⲓϩⲕⲟ ⲉⲧⲥⲁϧⲟⲩⲛ ⲙⲙⲟϥ (-ⲛⲋ-) ⲟⲩⲟϩ ⲉⲃⲟⲗϩⲓⲧⲉⲛ ⲧⲉϥⲙⲉⲧⲗⲁϫⲓ ⲉϧⲟⲩⲛ
ⲉⲡⲓⲁⲣⲭⲱⲛ ⲛⲁⲑⲛⲁⲓ ⲉⲧⲉⲙⲙⲁⲩ ϧⲉⲛ ϩⲁⲛ ⲛⲓϣϯ ⲛϧⲓⲥⲓ ⲛⲉⲙ ϩⲁⲛ ϣⲱϣ


### 0045

ⲛⲟⲩⲑⲟ ⲛⲣⲏϯ ⲁϥϯ ⲙⲡⲓⲱⲓⲕ ⲙⲡⲓⲣⲱⲙⲓ ⲡⲗⲏⲛ ⲁϭⲛⲉ ⲫⲉⲛ ⲥⲛⲟϥ ⲉⲃⲟⲗ ⲁⲛ
ⲟⲩⲟϩ ⲛⲉ ⲡⲉϩⲟⲟⲩ ⲛⲉⲛⲕⲟⲧ ⲡⲉ ⲛⲧⲉ ⲑⲏ ⲉⲧⲁⲥⲙⲓⲥⲓ ⲛⲁⲛ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦
ⲉⲡⲓⲕⲟⲥⲙⲟⲥ ϯⲑⲉⲟⲧⲟⲕⲟⲥ ⲉⲑⲟⲩⲁⲃ ⲙⲁⲣⲓⲁ. ⲛϧⲣⲏⲓ ⲟⲩⲛ ϧⲉⲛ ⲡⲓⲉϫⲱⲣϩ
ⲉⲧⲉⲙⲙⲁⲩ ⲉⲧⲓ ⲉϥⲉⲛⲕⲟⲧ ⲛϫⲉ ⲡⲓⲁⲣⲭⲱⲛ ⲛⲁⲑⲛⲁⲓ ⲉⲧⲉⲙⲙⲁⲩ ϧⲉⲛ ⲟⲩ‐
ⲉⲝⲁⲓⲡⲛⲁ ⲁⲩⲱⲗⲓ ⲛⲧⲉϥⲯⲩⲭⲏ ⲉⲃⲟⲗϧⲉⲛ ⲡⲉϥⲥⲱⲙⲁ ⲟⲩⲟϩ ⲁⲩⲥⲱⲕ ⲙⲙⲟⲥ
ⲉⲡϫⲓ ⲛϩⲓⲧⲥ ⲉⲛⲓⲕⲟⲗⲁⲥⲓⲥ ⲉⲧⲉⲛϣⲁϣⲓ ⲉⲉⲣⲧⲓⲙⲱⲣⲉⲓⲛ ⲙⲙⲟⲥ ⲟⲩⲟϩ ⲉⲧⲓ
ⲉⲩⲥⲱⲕ ⲙⲙⲟⲥ ϧⲉⲛ ⲟⲩⲙⲉⲧⲁⲑⲛⲁⲓ ⲁ ⲟⲩⲥⲙⲏ ⲓ ⲉⲃⲟⲗϩⲓⲧⲉⲛ ⲫⲁ ⲛⲓⲁϩⲱⲣ
ⲉⲧⲟϣ ⲙⲙⲉⲧϣⲉⲛ ϩⲏⲧ ⲡⲓϣⲁⲛ ⲑⲙⲁϧⲧ ⲙⲙⲁⲩⲁⲧϥ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲉⲛ‐
ⲁⲗⲏⲑⲓⲛⲟⲥ ⲛⲛⲟⲩϯ ⲫⲣⲉϥⲥⲱⲗϫ ⲛⲛⲓⲛⲟⲃⲓ ⲟⲩⲟϩ ⲫⲣⲉϥⲭⲱ ⲉⲃⲟⲗ ⲛⲛⲓⲁ‐
ⲛⲟⲙⲓⲁ ϫⲉ ⲙⲁⲧⲁⲥⲑⲟ ⲛⲧⲁⲓⲯⲩⲭⲏ ⲉⲡⲉⲥⲥⲱⲙⲁ ⲛⲕⲉⲥⲟⲡ ⲉⲑⲃⲉ ⲡⲓⲱⲓⲕ ⲉⲧⲁⲥ‐
ⲧⲏⲓϥ ⲙⲫⲏ ⲉⲧ- (-ⲛ︦ⲍ︦-) ϩⲉϫϩⲱϫ ϧⲁ ⲡⲓϩⲕⲟ ⲛϩⲟⲩⲟ ⲇⲉ ⲙⲁⲗⲗⲟⲛ ⲉⲑⲃⲉ
ⲡⲉϩⲟⲟⲩ ⲛⲉⲛⲕⲟⲧ ⲛⲑⲏ ⲉⲧⲁⲥϫⲫⲟⲓ ⲉⲡⲓⲕⲟⲥⲙⲟⲥ ⲙⲁⲣⲓⲁ ϯⲡⲁⲣⲑⲉⲛⲟⲥ. ⲁⲥϣⲱⲡⲓ
ⲇⲉ ⲉⲧⲁϥⲉⲣⲛⲏⲫⲉⲓⲛ ⲉⲃⲟⲗϧⲉⲛ ⲫⲙⲟⲩ ⲁϥⲉⲣ ⲫⲙⲉⲩⲓ ⲛϯⲥⲙⲏ ⲉⲧⲁϥⲥⲟⲑⲙⲉⲥ
ⲉⲩⲥⲱⲕ ⲙⲙⲟϥ ⲉⲛⲓⲕⲟⲗⲁⲥⲓⲥ ⲟⲩⲟϩ ⲡⲉϫⲁϥ ϫⲉ ⲓⲥϫⲉ ⲟⲩⲱⲓⲕ ⲛⲟⲩⲱⲧ ⲡⲉ ⲉⲧⲁⲓ‐
ⲧⲏⲓϥ ϧⲉⲛ ⲟⲩϫⲱⲛⲧ ⲛⲉⲙ ⲕⲉⲥⲛⲟϥ ⲉⲧⲁⲓⲫⲟⲛϥ ⲉⲃⲟⲗ ⲁ ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲧⲁⲥ‐
ⲑⲟⲓ ⲉⲃⲟⲗϧⲉⲛ ⲛⲓⲕⲟⲗⲁⲥⲓⲥ ⲉⲧⲉⲛϣⲁϣⲓ ⲓⲉ ⲡⲟⲥⲱ ⲙⲁⲗⲗⲟⲛ ⲉⲛⲉ ⲁⲓϫⲱⲣ ⲉⲃⲟⲗ


### 0046

ⲡⲉ ⲛⲛⲁϩⲩⲡⲁⲣⲭⲟⲛⲧⲁ ⲧⲏⲣⲟⲩ ⲛⲁⲓⲛⲁϫⲉⲙ ϩⲏⲟⲩ ⲛϩⲟⲩⲟ ⲡⲉ ⲛⲁϣ ⲙⲙⲁⲓⲏ.
ⲟⲩⲟϩ ⲡⲁⲓⲣⲏϯ ⲛⲁϥϫⲱⲣ ⲉⲃⲟⲗ ⲡⲉ ϧⲉⲛ ⲟⲩⲙⲉⲧϩⲟⲩⲟ ϩⲱⲥⲧⲉ ϣⲁ ⲉϧⲟⲩⲛ
ⲉⲡⲉϥⲥⲱⲙⲁ ⲛⲧⲉϥⲧⲏⲓϥ ⲉⲃⲟⲗ ⲉⲟⲩⲙⲉⲧⲃⲱⲕ ⲛⲧⲉϥϯ ⲛⲧⲉϥⲧⲓⲙⲏ ⲛⲛⲓϩⲏⲕⲓ
ⲛⲉⲙ ⲛⲓϫⲱⲃ ⲟⲩⲟϩ ϧⲉⲛ ⲛⲁⲓ ⲉⲧⲁ ⲡⲓⲣⲱⲙⲓ ⲛⲁⲅⲁⲑⲟⲥ ⲛⲁⲩ ⲉⲧⲉϥⲡⲣⲟϩⲁⲓ‐
ⲣⲉⲥⲓⲥ ⲉⲧⲥⲟⲩⲧⲱⲛ ⲁϥⲑⲁϩⲙⲉϥ ⲉϧⲟⲩⲛ ⲉⲡⲓⲧⲁⲅⲙⲁ ⲛⲓⲉⲣⲁⲧⲓⲕⲟⲛ ⲛⲧⲉ ϯⲉⲕ‐
ⲕⲗⲏⲥⲓⲁ ϩⲱⲥⲧⲉ ⲛⲧⲉϥⲉⲣ ⲡⲉⲙⲡϣⲁ ⲛϯⲙⲉⲧⲉⲡⲓⲥⲕⲟⲡⲟⲥ ⲟⲩⲟϩ ⲁϥϫⲱⲕ ⲉⲃⲟⲗ
ϧⲉⲛ ϯⲗⲉⲓⲧⲟⲩⲣⲅⲓⲁ ⲉϥϯ ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.
(-ⲛ︦ⲏ︦-) ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲁⲓϫⲉⲙ ⲡϣⲓⲛⲓ ⲛⲟⲩϧⲉⲗⲗⲟ
ⲉϥϣⲧⲏⲟⲩⲧ ϧⲉⲛ ⲡⲉϥϣⲱⲛⲓ ⲡⲓϧⲉⲗⲗⲟ ⲇⲉ ⲛⲁϥⲉⲣⲡⲣⲟⲧⲓⲙⲁⲛ ⲡⲉ ⲙⲡⲓⲣⲁⲛ
ⲛⲟⲩϫⲁⲓ ⲟⲩⲟϩ ⲉⲧⲥⲙⲁⲣⲱⲟⲩⲧ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦. ⲉⲧⲓ ⲉⲓϣⲓⲛⲓ ⲙⲙⲟϥ
ⲉⲑⲃⲉ ⲡⲉϥⲟⲩϫⲁⲓ ⲛⲑⲟϥ ⲇⲉ ⲡⲉϫⲁϥ ⲛⲏⲓ ϧⲉⲛ ⲟⲩⲣⲁϣⲓ ϫⲉ ⲉⲧⲓ ⲉⲓⲙⲏⲛ ⲉⲧⲁⲓ‐
ⲧⲣⲟⲫⲏ ⲛⲧⲉ ⲡⲱⲛϧ ⲟⲩⲟϩ ⲉⲧϩⲟⲗϫ ⲛⲧⲉ ⲡⲓⲣⲁⲛ ⲉⲑⲟⲩⲁⲃ ⲛⲧⲉ ⲡⲉⲛⲟ︦ⲥ︦ ⲓⲏ︦ⲥ︦ ⲡⲭ︦ⲥ︦
ⲁⲩϩⲟⲗⲙⲉⲧ ϧⲉⲛ ⲡⲓϩⲗⲟϫ ⲛⲧⲉ ⲡⲓϩⲛⲓⲙ ⲁⲓⲛⲁⲩ ϧⲉⲛ ⲟⲩϩⲟⲣⲁⲙⲁ ⲉⲡⲟⲩⲣⲟ
ⲡⲭ︦ⲥ︦ ⲙⲫⲣⲏϯ ⲛⲟⲩⲛⲁⲍⲱⲣⲁⲓⲟⲥ ⲡⲉϫⲁϥ ⲛⲏⲓ ϣⲁ ⲅ̄ ⲛⲥⲟⲡ ϫⲉ ⲁⲛⲁⲩ ⲁⲛⲁⲩ
ϫⲉ ⲁⲛⲟⲕ ⲡⲉ ⲟⲩⲟϩ ⲙⲙⲟⲛ ⲕⲉⲟⲩⲁⲓ ⲉⲃⲏⲗ ⲉⲣⲟⲓ. ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲁⲓ‐
ⲙⲟϩ ⲉⲡϣⲱⲓ ϧⲉⲛ ⲟⲩⲛⲓϣϯ ⲛⲣⲁϣⲓ ϩⲱⲥⲧⲉ ⲛⲧⲁⲉⲣ ⲡⲱⲃϣ ⲙⲡⲓⲙⲕⲁϩ.


### 0047

ⲙⲟⲥϯ ⲙⲙⲟϥ ⲡⲉ ⲉϥϯ ϣⲫⲓⲧ ⲛⲁϥ ⲛⲛⲓⲛⲁⲩ ⲧⲏⲣⲟⲩ ⲉϥⲙⲟⲩϯ ⲉⲣⲟϥ ϫⲉ
ⲡⲓⲥⲟⲛⲓ ⲙⲡⲉⲙⲑⲟ ⲛⲛⲓⲥⲛⲏⲟⲩ. ⲟⲩⲟϩ ⲁϥⲉⲣ ⲣⲟⲙⲡⲓ ⲥⲛⲟⲩϯ ϧⲉⲛ ⲡⲓⲁⲟⲩⲃⲏⲧ
ⲉϥϥⲁⲓ ϧⲁ ⲡⲁⲓⲛⲓϣϯ ⲛϣⲱϣ. ⲙⲉⲛⲉⲛⲥⲱⲥ ⲁ ⲫϯ ϭⲱⲣⲡ ⲙⲡⲓϩⲱⲃ ⲉⲃⲟⲗ ⲛⲁⲃ‐
ⲃⲁ ⲙⲁⲕⲁⲣⲓⲟⲥ ϧⲉⲛ ϣⲓⲏⲧ ⲟⲩⲟϩ ⲁ ⲁⲃⲃⲁ ⲙⲁⲕⲁⲣⲓⲟⲥ ⲓ ⲉⲭⲏⲙⲓ ϩⲓⲛⲁ ⲛⲧⲉϥ‐
ⲛⲁⲩ ⲉⲡⲓⲥⲟⲛ ⲟⲩⲟϩ ⲉⲧⲁϥϧⲱⲛⲧ ⲉⲡⲓⲁⲟⲩⲃⲏⲧ ⲁ ⲛⲓⲥⲛⲏⲟⲩ ⲧⲏⲣⲟⲩ ⲑⲱⲟⲩϯ
ⲛⲉⲙ ϩⲁⲛ ⲃⲁⲓ ϫⲉ ϩⲓⲛⲁ ⲛⲥⲉⲓ ⲉⲃⲟⲗ ϧⲁϫⲱϥ ⲛⲁⲃⲃⲁ ⲙⲁⲕⲁⲣⲓⲟⲥ.......
ⲁϥⲉⲣ ⲟⲩⲱ ϩⲱϥ ⲛϫⲉ ⲡⲓⲥⲟⲛ ⲉϥϫⲱ ⲙⲙⲟⲥ ϫⲉ ⲙⲙⲟⲛ ϩⲗⲓ ⲛϩⲟ ⲙⲙⲟⲓ
ⲁⲛⲟⲕ ⲁⲛ ⲉϥⲁⲓ ⲛⲟⲩⲃⲁⲓ ⲟⲩⲇⲉ ⲉⲉⲣⲁⲡⲁⲛⲧⲁⲛ ⲉⲡⲓϧⲉⲗⲗⲟ ϯⲙⲉϩ ⲅⲁⲣ ⲛϣⲱϣ
ⲙⲫⲣⲏϯ ⲉⲧⲁⲣⲉⲧⲉⲛⲛⲁⲩ ⲉⲣⲟⲓ ϩⲱⲧⲉⲛ. ⲟⲩⲟϩ ⲉⲧⲁ ⲛⲓⲥⲛⲏⲟⲩ ϩⲱⲗ ⲉⲃⲟⲗ ϧⲁ‐
ϫⲱϥ ⲙⲡⲓϧⲉⲗⲗⲟ ⲁϥⲉⲣⲁⲥⲡⲁⲍⲉⲥⲑⲁⲓ ⲙⲙⲱⲟⲩ ⲛⲟⲩⲁⲓ ⲟⲩⲁⲓ ⲟⲩⲟϩ ⲉⲧⲉⲙ‐
ⲡⲉϥⲛⲁⲩ ⲉⲡⲓⲥⲟⲛ ⲁϥϣⲓⲛⲓ ϫⲉ ⲁϥⲑⲱⲛ ⲟⲩⲟϩ ⲁ ⲛⲓⲥⲛⲏⲟⲩ ⲧⲁⲙⲟϥ ϫⲉ ⲉⲑⲃⲉ
ⲁϣ ⲛϩⲱⲃ ⲙⲡⲉϥⲉⲣⲁⲡⲁⲛⲧⲁⲛ ⲉⲣⲟⲕ ⲉϥϣⲓⲡⲓ. (-ⲝ︦ⲁ︦-) ⲟⲩⲟϩ ⲉⲧⲁ ⲁⲃⲃⲁ ⲙⲁ‐
ⲕⲁⲣⲓⲟⲥ ⲥⲱⲧⲉⲙ ⲁϥⲥⲱⲃⲓ ⲟⲩⲟϩ ⲁϥϣⲉ ⲛⲁϥ ⲉϧⲟⲩⲛ ⲉⲡⲓⲁⲟⲩⲃⲏⲧ ⲡⲓⲥⲟⲛ ⲇⲉ
ⲁϥⲉⲣⲁⲡⲁⲛⲧⲁⲛ ⲉⲣⲟϥ ϧⲉⲛ ⲟⲩⲑⲉⲃⲓⲟ ⲟⲩⲟϩ ⲁϥϯ ⲙⲉⲧⲁⲛⲟⲓⲁ ⲙⲡⲓϧⲉⲗⲗⲟ
ⲡⲁⲓⲣⲏϯ ϩⲱϥ ⲁⲃⲃⲁ ⲙⲁⲕⲁⲣⲓⲟⲥ ⲁϥϯ ⲙⲉⲧⲁⲛⲟⲓⲁ ⲙⲡⲓⲥⲟⲛ ⲟⲩⲟϩ ⲁⲩϣⲉⲡ
ⲧⲟⲧⲟⲩ ⲛⲛⲟⲩⲉⲣⲏⲟⲩ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲛⲓⲥⲛⲏⲟⲩ ϫⲉ ⲟⲩⲇⲉ ⲁⲛⲟⲕ
ⲟⲩⲇⲉ ⲛⲑⲱⲧⲉⲛ ⲧⲉⲧⲉⲛⲧⲁⲓⲏⲟⲩⲧ ⲁⲛ ⲙⲫⲣⲏϯ ⲙⲫⲁⲓ ϫⲉ ⲟⲩ ⲙⲟⲛⲟⲛ ⲁϥϥⲁⲓ


### 0048

ϧⲁ ⲡⲓⲛⲓϣϯ ⲛϣⲱϣ ⲁⲗⲗⲁ ⲡⲓⲕⲉⲛⲟⲃⲓ ⲛⲧⲉ ⲡⲓⲥⲟⲛ ⲁϥⲧⲁⲗⲟϥ ⲉϫⲉⲛ ⲧⲉϥⲁⲫⲉ.
ⲟⲩⲟϩ ⲁϥⲧⲁⲥⲑⲟϥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲉⲡⲉϥⲙⲁ. ⲛⲑⲟϥ ϩⲱϥ ⲡⲓⲥⲟⲛ ⲁϥ‐
ⲧⲁⲗⲉ ⲉⲡⲉϥϣⲁⲣ ⲉⲣⲟϥ ⲁϥϩⲱⲗ ⲉⲃⲟⲗϧⲉⲛ ⲡⲓⲁⲟⲩⲃⲏⲧ ⲉⲧⲉⲙⲙⲁⲩ ⲙⲡⲉϥ‐
ⲧⲁⲥⲑⲟϥ ⲉⲣⲟϥ ϫⲉ. ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲓⲥϫⲉ ⲁ ⲛⲓϣⲱϣ ⲉⲣ
ⲙⲫⲣⲏϯ ⲙⲡⲓⲧⲁⲓⲟ ⲛⲧⲟⲧⲕ ⲟⲩⲟϩ ϯⲙⲉⲧϩⲏⲕⲓ ⲙⲫⲣⲏϯ ⲛϯⲙⲉⲧⲣⲁⲙⲁⲟ ⲓⲉ
ⲡⲓⲟⲥⲓ ⲙⲫⲣⲏϯ ⲙⲡⲓϩⲏⲟⲩ ⲓⲉ ⲡⲓϩⲟϫϩⲉϫ ⲙⲫⲣⲏϯ ⲙⲡⲓⲟⲩⲟⲥⲑⲉⲛ ⲓⲉ ⲛⲓⲕⲁⲧⲁ
ⲥⲁⲣⲝ ⲙⲫⲣⲏϯ ⲛⲛⲓϣⲉⲙⲙⲱⲟⲩ ⲓⲉ ⲭⲛⲁⲙⲟⲩ ⲁⲛ ⲁⲗⲗⲁ ⲭⲛⲁⲱⲛϧ (-ⲝ︦ⲃ︦-)
ⲁⲣⲉϩ ⲉⲧⲉⲕⲥⲩⲛⲉⲓⲇⲏⲥⲓⲥ ⲛⲉⲙ ⲡⲉⲕⲁⲣⲏⲟⲩ ⲟⲩⲟϩ ϩⲉⲛⲕ ⲥⲁⲃⲟⲗ ⲛⲣⲉϥϩⲓⲡ ϩⲟ
ⲛⲓⲃⲉⲛ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ϯϯ ϩⲟ ⲉⲣⲱⲧⲉⲛ ⲛⲁⲥⲛⲏⲟⲩ
ϧⲁ ⲛⲏ ⲉⲧϭⲓ ϣϣⲱⲟⲩ ⲙⲡⲟⲩⲟⲩϫⲁⲓ ⲛⲉⲙ ⲫⲛⲟϩⲉⲙ ⲛⲛⲟⲩⲯⲩⲭⲏ ϩⲓⲛⲁ
ⲛⲧⲉⲧⲉⲛϣⲧⲉⲙϯ ⲉϩϩⲟⲟⲩ ⲛⲥⲁ ⲉϩⲟⲟⲩ ⲟⲩⲟϩ ⲛⲧⲉ ⲡⲁⲓⲉϩⲟⲟⲩ ⲃ︦ ⲁⲓⲧⲉⲛ ⲛϣⲉⲙ‐
ⲙⲟ ⲛⲛⲓⲁⲅⲁⲑⲟⲛ ⲛⲧⲉ ⲫϯ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲡⲓⲙⲱⲓⲧ ⲉⲧϭⲓ ⲉϯⲅⲉⲉⲛⲛⲁ ⲟⲩⲟⲛ
ⲛⲏⲥⲧⲉⲓⲁ ⲥⲱⲕ ⲉⲣⲟⲥ ⲟⲩⲟⲛ ⲙⲉⲗⲉⲧⲏ ⲥⲱⲕ ⲉⲣⲟⲥ ⲟⲩⲟⲛ ⲙⲉⲧⲛⲁⲏⲧ ⲥⲱⲕ ⲉⲣⲟⲥ
ⲟⲩⲟⲛ ⲡⲟⲗⲓⲧⲉⲓⲁ ⲥⲱⲕ ⲉⲣⲟⲥ. ⲟⲩⲟϩ ⲡⲉϫⲉ ⲛⲓⲥⲛⲏⲟⲩ ⲛⲁϥ ϫⲉ ⲟⲩⲟⲛ ⲑⲉⲃⲓⲟ
ⲥⲱⲕ ⲉⲣⲟⲥ ⲟⲛ ⲡⲉⲛⲓⲱⲧ. ⲛⲑⲟϥ ϫⲉ ⲡⲉϫⲁϥ ϫⲉ ⲑⲉⲃⲓⲟ ⲙⲙⲉⲑⲙⲏⲓ ⲙⲙⲟⲛ


### 0049

ⲉϫⲟⲥ ⲁⲛ ϧⲉⲛ ⲣⲱⲕ ⲙⲙⲁⲩⲁⲧϥ ϫⲉ ⲭⲱ ⲛⲏⲓ ⲉⲃⲟⲗ ⲡⲓⲙⲱⲓⲧ ⲛⲧⲉ ⲫϯ ⲡⲉ
ⲟⲩϩⲏⲧ ⲉⲁϥϫⲉϫ ⲡⲉϥⲟⲩⲱϣ ⲉⲃⲟⲗϧⲉⲛ ϩⲱⲃ ⲛⲓⲃⲉⲛ ⲉⲧⲥⲱⲕ ⲉⲣⲟϥ ⲗⲟⲓⲡⲟⲛ
ⲫⲏ ⲉⲑⲙⲉⲩⲓ ⲉⲥⲉⲃⲧⲱⲧϥ ⲙⲡⲉⲛⲑⲣⲉϥⲉⲣ ⲁⲙⲉⲗⲏⲥ ⲉⲣⲟϥ ⲙⲡⲁⲧⲟⲩϣⲑⲁⲙ
ⲛⲛⲓⲣⲱⲟⲩ ⲛⲧⲉ ϯⲁⲅⲟⲣⲁ ⲙⲙⲟⲛ ⲙⲡⲁⲩϣϫⲉⲙϫⲟⲙ ⲛϣⲱⲡ ϫⲉ ⲟⲩⲇⲉ ⲉϯ
ⲉⲃⲟⲗ (-ⲝ︦ⲅ︦-) ⲟⲩⲇⲉ ⲙⲡⲁⲩϫⲉ ⲁⲟⲩⲱⲛ ϫⲉ ⲛⲛⲓⲥⲟϫ ⲙⲡⲁⲣⲑⲉⲛⲟⲥ ⲛⲏ ⲉⲧⲱϣ
ⲉⲃⲟⲗ ⲉⲑⲣⲓⲙⲓ ⲟⲩⲟϩ ⲉⲩⲕⲱⲗϩ ⲉⲡⲓⲣⲟ ⲛⲏ ⲉⲧⲁⲩⲙⲁϣⲑⲁⲙ ⲉⲣⲱⲟⲩ ⲉⲑⲃⲉ ⲧⲟⲩ‐
ⲙⲉⲧⲁⲙⲉⲗⲉⲥ. ⲗⲟⲓⲡⲟⲛ ⲁⲣⲉϩ ϧⲉⲛ ϫⲓ ⲛⲁⲣⲉϩ ⲛⲓⲃⲉⲛ ⲉⲓⲧⲉ ⲉⲣⲉⲧⲉⲛϩⲉⲙⲥⲓ
ϧⲉⲛ ϯⲣⲓ ⲉⲓⲧⲉ ⲉⲣⲉⲧⲉⲛⲭⲏ ϧⲉⲛ ⲑⲙⲏϯ ⲛⲛⲓⲣⲱⲙⲓ.
ⲁϥϫⲟⲥ ⲟⲛ ϫⲉ ⲙⲁⲣⲉ ϯⲫⲁϣⲓ ⲙⲡⲓⲉϫⲱⲣϩ ⲣⲁϣ ⲛⲉⲕϣⲉⲙϣⲓ ϯⲕⲉⲫⲁϣⲓ
ⲉⲕϯ ⲙⲧⲟⲛ ⲙⲡⲉⲕⲥⲱⲙⲁ. ⲁϥϫⲟⲥ ⲟⲛ ϫⲉ ϯⲛⲏⲥⲧⲉⲓⲁ ⲉⲧⲑⲏϣ ϣⲁ ⲁϫⲡ ⲑ̄ϯ
ⲡⲉ ⲟⲩⲟϩ ⲫⲏ ⲉⲧⲛⲁⲓⲣⲓ ⲛϩⲟⲩⲟ ϥⲛⲁϭⲓ ⲃⲉⲭⲉ ⲛϩⲟⲩⲟ.
ⲁϥϫⲟⲥ ⲟⲛ ⲛϫⲉ ⲡⲉⲛⲓⲱⲧ ⲛⲇⲓⲕⲁⲓⲟⲥ ⲡⲓⲛⲓϣϯ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲛⲓϩ‐
ⲃⲏⲟⲩⲓ ⲛⲧⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲟⲛ ⲥⲉⲥϧⲁⲓ ⲙⲙⲱⲟⲩ ⲧⲏⲣⲟⲩ ⲉⲓⲧⲉ ⲟⲩⲇⲓⲁ‐
ⲕⲟⲛⲓⲁ ⲉⲓⲧⲉ ⲟⲩⲥⲟⲡ ⲛϣⲗⲏⲗ ⲛϩⲟⲩⲟ ⲉⲣⲉ ⲟⲩⲟⲛ ⲟⲩⲁⲓ ⲛⲁⲁⲓϥ ⲓⲉ ⲟⲩⲕⲉⲗϫ
ⲕⲉⲗⲓ ⲛϩⲟⲩⲟ ϣⲁ ⲉϧⲟⲩⲛ ⲉⲟⲩⲉⲣⲙⲏ ⲛϩⲟⲩⲟ ⲓⲉ ⲟⲩⲛⲏⲥⲧⲉⲓⲁ ⲛϩⲟⲩⲟ ⲓⲉ ⲟⲩ‐
ⲥⲁϫⲓ ⲉⲛⲁⲛⲉϥ ⲉⲣⲉ ⲟⲩⲟⲛ ⲟⲩⲁⲓ ⲛⲁϫⲟϥ ⲙⲡⲉϥⲥⲟⲛ ⲓⲉ ⲟⲩⲉⲗⲁⲭⲓⲥⲧⲟⲛ ⲛϩⲱⲃ


### 0050

ⲉⲣⲉ ⲟⲩⲟⲛ ⲟⲩⲁⲓ ⲛⲁⲁⲓϥ ⲉⲑⲃⲉ ⲫ︦ϯ︦ ⲛⲉⲙ ϣⲁ (-ⲝ︦ⲇ︦-) ⲉϧⲟⲩⲛ ⲉⲡⲓϩⲱⲃ ⲛϫⲓϫ
ⲥⲉⲥϧⲁⲓ ⲙⲙⲱⲟⲩ ⲧⲏⲣⲟⲩ ⲛⲥⲱⲛ ⲙⲙⲏⲛⲓ. ⲙⲫⲱⲣ ⲇⲉ ⲛⲁϣⲏⲣⲓ ⲡⲉⲛⲥⲱⲧⲏⲣ
ⲛⲁϥⲉϫ ⲑⲏⲛⲟⲩ ⲛϩⲗⲓ ⲛⲧⲱⲧⲉⲛ ⲁⲛ ⲛⲓϧⲓⲥⲓ ⲧⲏⲣⲟⲩ ⲉⲧⲉ ⲡⲓⲟⲩⲁⲓ ⲡⲓⲟⲩⲁⲓ ⲛⲁⲁⲓ‐
ⲧⲟⲩ ⲥⲉⲛⲁⲧⲁⲙⲱⲧⲉⲛ ⲉⲣⲱⲟⲩ ⲙⲡⲓⲛⲁⲩ ⲉⲣⲉⲧⲉⲛⲛⲏⲟⲩ ⲉⲃⲟⲗϧⲉⲛ ⲥⲱⲙⲁ. ⲙⲓ‐
ϣⲓ ⲇⲉ ⲉⲣⲱⲧⲉⲛ ⲛⲁϣⲏⲣⲓ ⲙⲡⲉⲣϫⲟⲩϣⲧ ⲉⲟⲩⲙⲏϣ ⲉⲩⲟⲩⲱⲙ ⲟⲩⲟϩ ⲉⲩⲥⲱ
ⲟⲩⲟϩ ⲉⲩⲛⲕⲟⲧ ⲉⲣⲉ ⲡⲟⲩϩⲏⲧ ⲟⲩⲱⲙ ⲉⲣⲱⲟⲩ ⲁⲛ ⲛⲧⲉⲧⲉⲛϫⲟⲥ ϫⲉ ⲁⲣⲏⲟⲩ ⲛⲏ
ⲉⲧⲁⲩϯ ⲙⲕⲁϩ ⲛⲱⲟⲩ ⲛⲉⲙ ⲛⲏ ⲉⲧⲉ ⲙⲡⲟⲩϯ ⲙⲕⲁϩ ⲛⲱⲟⲩ ⲟⲩ ⲡⲁⲓⲣⲏϯ
ϩⲱⲟⲩ ⲣⲱ ⲡⲉ. ⲙⲫⲱⲣ ⲛⲁϣⲏⲣⲓ ⲙⲁⲧⲁϫⲣⲉ ⲑⲏⲛⲟⲩ ⲉϫⲉⲛ ⲡⲓⲛⲁϩϯ ⲛⲧⲉ
ⲡⲉⲧⲉⲛⲕⲁϩⲓ ϫⲉ ϣⲁ ⲉϧⲟⲩⲛ ⲉⲟⲩⲕⲟⲩϫⲓ ⲙⲡⲟⲗⲓⲧⲉⲓⲁ ⲉⲧⲉⲣⲉ ⲟⲩⲟⲛ ⲟⲩⲁⲓ
ⲛⲁⲁⲓⲥ ⲓⲉ ⲛⲧⲉϥϭⲓⲧϥ ⲛϫⲟⲛⲥ ϧⲉⲛ ⲡⲉϥϫⲓ ⲛⲟⲩⲱⲙ ϩⲱⲃ ⲛⲓⲃⲉⲛ ⲛϧⲓⲥⲓ ⲉⲧⲉⲧⲉⲛ‐
ⲛⲁⲁⲓⲧⲟⲩ ⲛϩⲟⲩⲟ ⲧⲉⲧⲉⲛⲛⲁϫⲉⲙⲟⲩ ⲧⲏⲣⲟⲩ ⲉⲩⲟⲩⲟⲛϩ ⲛⲱⲧⲉⲛ ⲉⲃⲟⲗ ϧⲉⲛ
ⲡⲓⲉⲛⲉϩ ⲉⲑⲛⲏⲟⲩ. ⲫⲱⲧ ⲇⲉ ⲛⲁϣⲏⲣⲓ ⲉϧⲟⲩⲛ ⲉⲡⲓϧⲓⲥⲓ ⲟⲩⲟϩ ⲙⲉⲛⲣⲓⲧϥⲙⲁⲣⲉϥ‐
ϣⲱⲡⲓ ⲉϥϩⲟⲗϫ ⲛⲧⲉⲛ ⲑⲏⲛⲟⲩ ϧⲉⲛ ⲟⲩⲛⲓϣϯ ⲛⲑⲉⲃⲓⲟ ⲛϩⲏⲧ ⲉⲙⲁϣⲱ.
ⲉϥⲥⲓⲛⲓⲱⲟⲩ ⲛⲟⲩⲥⲟⲡ ⲛϫⲉ ⲁⲃⲃⲁ (-ⲝ︦ⲉ︦-) ⲙⲁⲕⲁⲣⲓⲟⲥ ϧⲉⲛ ⲟⲩϯⲙⲓ ⲛⲉⲙ
ϩⲁⲛ ⲥⲛⲏⲟⲩ ⲁϥⲥⲱⲧⲉⲙ ⲉⲟⲩⲕⲟⲩϫⲓ ⲛⲁⲗⲟⲩ ⲉϥϫⲱ ⲙⲙⲟⲥ ⲛⲧⲉϥⲙⲁⲩ ϫⲉ
ⲧⲁⲙⲁⲩ ⲟⲩⲟⲛ ⲟⲩⲣⲁⲙⲁⲟ ⲙⲉⲓ ⲙⲙⲟⲓ ⲉϥⲉⲣⲁⲅⲁⲡⲁⲛ ⲙⲙⲟⲓ ⲁⲛⲟⲕ ϩⲱ
ϯⲙⲟⲥϯ ⲙⲙⲟϥ ⲟⲩⲟⲛ ⲟⲩϩⲏⲕⲓ ⲙⲟⲥϯ ⲙⲙⲟⲓ ⲁⲛⲟⲕ ϩⲱ ϯⲉⲣⲁⲅⲁⲡⲁⲛ


### 0051

ⲙⲙⲟϥ. ⲉⲧⲁϥⲥⲱⲧⲉⲙ ⲉⲛⲁⲓ ⲛϫⲉ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲁϥⲉⲣ ϣⲫⲏⲣⲓ
ⲉⲙⲁϣⲱ ⲟⲩⲟϩ ⲡⲉϫⲉ ⲛⲓⲥⲛⲏⲟⲩ ⲛⲁϥ ϫⲉ ⲟⲩ ⲡⲉ ⲡⲁⲓⲥⲁϫⲓ ⲡⲉⲛⲓⲱⲧ ϫⲉ ⲕⲉⲣ
ϣⲫⲏⲣⲓ ⲛⲧⲁⲓϧⲉ ⲧⲏⲣⲥ. ⲡⲓϧⲉⲗⲗⲟ ⲇⲉ ⲛⲁϥⲕⲱⲗϩ ⲡⲉ ϧⲉⲛ ⲧⲉϥⲙⲉⲥⲧⲉ ⲛϩⲏⲧ
ⲉϥϫⲱ ⲙⲙⲟⲥ ϫⲉ ⲱ ϫⲉ ⲟⲩⲟⲛ ⲟⲩⲛⲓϯ ⲙⲙⲩⲥⲧⲏⲣⲓⲟⲛ ϧⲉⲛ ⲡⲁⲓⲥⲁϫⲓ. ⲛⲑⲱⲟⲩ
ⲇⲉ ⲛⲁⲩϯ ϩⲟ ⲉⲣⲟϥ ⲡⲉ ϫⲉ ⲙⲁⲧⲁⲙⲟⲛ ⲉⲣⲟϥ. ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉ
ⲁⲗⲏⲑⲱⲥ ⲛⲁϣⲏⲣⲓ ⲡⲟ︦ⲥ︦ ⲟⲩⲣⲁⲙⲁⲟ ⲡⲉ ⲟⲩⲟϩ ϥⲉⲣⲁⲅⲁⲡⲁⲛ ⲙⲙⲟⲛ ⲁⲛⲟⲛ ⲇⲉ
ⲧⲉⲛⲟⲩⲱϣ ⲁⲛ ⲉⲥⲱⲧⲉⲙ ⲛⲥⲱϥ ⲡⲉⲛϫⲁϫⲓ ⲇⲉ ϩⲱϥ ⲡⲓⲇⲓⲁⲃⲟⲗⲟⲥ ⲟⲩϩⲏⲕⲓ ⲡⲉ
ⲟⲩⲟϩ ϥⲙⲟⲥϯ ⲙⲙⲟⲛ ⲁⲛⲟⲛ ϩⲱⲛ ⲧⲉⲛⲉⲣⲁⲅⲁⲡⲁⲛ ⲛⲛⲉϥϭⲱϧⲉⲙ ⲛⲉⲙ ⲛⲉϥ‐
ⲥⲱϥ ⲛⲉⲙ ⲛⲉϥⲉⲡⲓⲑⲩⲙⲓⲁ ⲉⲧϣⲟⲩⲓⲧ ⲛⲉⲙ ⲡⲥⲱϫⲡ ⲛⲛⲉϥϩⲏⲇⲟⲛⲏ.
(-ⲝ︦ⲋ︦-) ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲡⲉⲧⲥϣⲉ ⲡⲉ ⲙⲫⲏ
ⲉⲧⲁϥⲉⲣⲁⲡⲟⲧⲁⲍⲉⲥⲑⲁⲓ ⲙⲡⲓⲕⲟⲥⲙⲟⲥ ⲁϥⲓ ⲉϧⲟⲩⲛ ⲉⲫⲃⲓⲟⲥ ⲛϯⲙⲉⲧⲙⲟⲛⲁⲭⲟⲥ
ⲉⲑⲣⲉϥⲉⲣ ⲫⲙⲉⲩⲓ ⲙⲡⲓⲣⲏⲧⲟⲛ ⲛⲧⲉ ⲡⲓⲁⲡⲟⲥⲧⲟⲗⲟⲥ ⲉⲑⲟⲩⲁⲃ ⲫⲁⲓ ⲉⲧⲁϥϭⲓ ⲏⲡⲓ
ⲛⲛⲓϫⲁⲗ ⲛⲧⲉ ϯⲕⲁⲕⲓⲁ ⲉⲁϥϫⲟⲥ ⲙⲡⲁⲓⲣⲏϯ ϩⲱⲥ ⲉϥϫⲫⲓⲟ ⲛⲛⲏ ⲉⲧⲁⲩⲣⲁⲟⲩⲱ
ⲛϧⲏⲧⲟⲩ ⲉϥϫⲱ ⲙⲙⲟⲥ ϫⲉ ϧⲉⲛ ⲡϫⲓ ⲛⲑⲣⲟⲩⲣⲁⲕⲟⲩ ⲉⲃⲟⲗϩⲓ ⲫⲙⲱⲓⲧ ⲛⲧⲉ
ϯⲁⲣⲉⲧⲏ ⲟⲩⲟϩ ⲛⲧⲟⲩⲃⲟϣⲟⲩ ⲙⲡⲓϩⲙⲟⲧ ⲛⲧⲉ ⲡⲓⲡ︦ⲛ︦ⲁ︦ ⲉⲑⲟⲩⲁⲃ ⲁⲩϣⲱⲡⲓ
ⲛⲁⲇⲟⲕⲓⲙⲟⲥ ⲉⲩⲙⲉϩ ⲙⲡⲟⲛⲏⲣⲓⲁ ⲛⲓⲃⲉⲛ ⲛⲉⲙ ⲕⲁⲕⲓⲁ ⲛⲓⲃⲉⲛ ⲛⲉⲙ ⲙⲉⲧϫⲓ
ⲛϭⲟⲛⲥ ⲉⲩⲙⲉϩ ⲛⲫⲑⲟⲛⲟⲥ ⲛⲉⲙ ϧⲱⲧⲉⲃ ⲛⲉⲙ ϣϭⲛⲏⲛ ⲛⲉⲙ ⲡϫⲱⲕ ⲛⲛⲏ
ⲧⲏⲣⲟⲩ ⲉⲧⲁϥϫⲟⲧⲟⲩ ⲙⲡⲁⲓⲙⲁ ⲉⲁϥⲟⲩⲁϩⲉⲙ ⲡⲓⲥⲁϫⲓ ⲙⲡⲁⲓⲣⲏϯ ⲉϥϫⲱ


### 0052

ⲙⲙⲟⲥ ϫⲉ ⲛⲏ ⲉⲧⲓⲣⲓ ⲛⲛⲁⲓ ⲙⲡⲁⲓⲣⲏϯ ⲥⲉⲙϣⲁ ⲙⲫⲙⲟⲩ. ⲉⲑⲃⲉ ⲫⲁⲓ ϯϯ ϩⲟ
ⲉⲣⲱⲧⲉⲛ ⲱ ⲛⲁⲙⲉⲛⲣⲁϯ ⲛϣⲏⲣⲓ ϧⲉⲛ ⲡⲟⲥ ⲣⲱⲓⲥ ⲉⲡⲉⲧⲉⲛⲗⲁⲥ ⲉⲃⲟⲗϩⲁ ϯⲕⲁ‐
ⲧⲁⲗⲁⲗⲓⲁ ⲛⲉⲙ ⲉⲃⲟⲗϩⲁ ⲙⲉⲩⲓ ⲛⲓⲃⲉⲛ ⲛⲁⲓ ⲉⲧⲓⲣⲓ ⲙⲙⲟⲛ ⲛϣⲉⲙⲙⲟ ⲉⲃⲟⲗϩⲁ
ⲡⲟⲩⲣⲟ ⲡⲭ︦ⲥ︦ ⲉⲩⲓⲣⲓ ⲇⲉ ϩⲱϥ ⲡⲓⲇⲓⲁⲃⲟⲗⲟⲥ ⲛⲉⲙ (-ⲝ︦ⲍ︦-) ⲛⲉϥⲇⲁⲓⲙⲱⲛ ⲛϣ‐
ⲫⲏⲣ ⲉⲣⲱⲧⲉⲛ ⲉⲡⲉⲓⲇⲏ ϥⲣⲁϣⲓ ⲣⲱ ⲱ ⲛⲁϣⲏⲣⲓ ⲉϫⲉⲛ ⲛⲏ ⲉⲑⲛⲁⲓ ⲉⲛⲉϥ‐
ϫⲓϫ ⲁⲗⲗⲁ ϯⲛⲁϩϯ ⲇⲉ ϯⲥⲕⲉⲡⲏ ⲛⲧⲉ ⲫ︦ϯ︦ ⲛⲁⲣⲱⲓⲥ ⲉⲣⲱⲧⲉⲛ ⲉⲃⲟⲗϩⲁ
ⲛⲉϥϫⲟⲣϫⲥ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲡⲉⲥⲧϣⲉ ⲡⲉ ⲉⲡⲓⲙⲟⲛⲁⲭⲟⲥ
ⲉϥϩⲉⲙⲥⲓ ϧⲉⲛ ⲧⲉϥⲣⲓ ⲛⲧⲉϥⲑⲱⲟⲩϯ ⲉϧⲟⲩⲛ ⲉⲣⲟϥ ⲙⲡⲉϥⲕⲁϯ ⲉⲃⲟⲗϩⲁ ⲣⲱⲟⲩϣ
ⲛⲓⲃⲉⲛ ⲛⲧⲉ ⲡⲓⲕⲟⲥⲙⲟⲥ ⲟⲩⲟϩ ⲛⲧⲉϥϣⲧⲉⲙⲭⲁϥ ⲉⲗⲉⲗⲉ ⲉⲃⲟⲗ ϧⲉⲛ ⲛⲓⲙⲉⲧⲉ‐
ⲫⲗⲏⲟⲩ ⲛⲧⲉ ⲡⲁⲓⲉⲛⲉϩ ⲁⲗⲗⲁ ⲛⲧⲉϥϣⲱⲡⲓ ϧⲉⲛ ⲟⲩⲥⲕⲟⲡⲟⲥ ⲛⲟⲩⲱⲧ ⲉⲧⲉ ⲡⲓϫⲓ
ⲛⲭⲱ ⲛⲁϥ ⲡⲉ ⲙⲡⲉⲣ ⲫⲙⲉⲩⲓ ⲙⲫ︦ϯ︦ ⲙⲙⲁⲩⲁⲧϥ ⲛⲛⲁⲩ ⲛⲓⲃⲉⲛ ⲉϥⲙⲏⲛ
ⲉⲃⲟⲗⲛϧⲏⲧϥ ⲛⲟⲩⲛⲟⲩ ⲛⲓⲃⲉⲛ ϧⲉⲛ ⲟⲩⲙⲉⲧⲁⲧϭⲓ ϩⲣⲁϥ ⲟⲩⲟϩ ⲛⲧⲉϥϣⲧⲉⲙⲭⲁ
ϩⲗⲓ ⲛⲧⲉ ⲡⲕⲁϩⲓ ⲉⲉⲣⲟⲛⲟⲭⲗⲉⲓⲛ ⲙⲡⲉϥϩⲏⲧ ⲟⲩⲇⲉ ⲫⲙⲉⲩⲓ ⲛⲛⲉϥⲕⲁⲧⲁ ⲥⲁⲣⲝ
ⲟⲩⲇⲉ ⲫⲣⲱⲟⲩϣ ⲛⲧⲉ ⲛⲉϥⲓⲟϯ ⲟⲩⲇⲉ ⲡⲥⲟⲗⲥⲉⲗ ⲛⲧⲉ ϩⲁⲛ ⲥⲩⲅⲅⲉⲛⲏⲥ ⲁⲗⲗⲁ
ⲛⲧⲉϥϣⲱⲡⲓ ⲙⲡⲁⲓⲣⲏϯ ϧⲉⲛ ⲡⲉϥⲛⲟⲩⲥ ⲛⲉⲙ ⲛⲉϥⲁⲓⲥⲑⲏⲥⲓⲥ ⲧⲏⲣⲟⲩ ϩⲱⲥ ϫⲉ
ⲉϥⲟϩⲓ ⲉⲣⲁⲧϥ ⲙⲡⲉⲙⲑⲟ ⲙⲫ︦ϯ︦ ϫⲉ ϩⲓⲛⲁ ϧⲉⲛ ⲫⲁⲓ ⲛⲧⲉϥ (-ⲝ︦ⲏ︦-) ϫⲱⲕ ⲉⲃⲟⲗ


### 0053

ⲙⲡⲥⲁϫⲓ ⲙⲡⲓⲁⲡⲟⲥⲧⲟⲗⲟⲥ ⲉⲧϫⲱ ⲙⲙⲟⲥ ϫⲉ ϩⲓⲛⲁ ⲛⲧⲉⲥϣⲱⲡⲓ ⲛϫⲉ ϯⲡⲁⲣ‐
ⲑⲉⲛⲟⲥ ⲉⲥⲙⲏⲛ ⲉⲡⲟ︦ⲥ︦ ⲛⲕⲁⲗⲱⲥ ϧⲉⲛ ⲟⲩⲙⲉⲧⲁⲧϭⲓ ϩⲣⲁϥ ⲉⲡⲧⲏⲣϥ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ϯⲧⲁⲝⲓⲥ ⲛⲧⲉ ⲡⲓⲙⲟⲛⲁⲭⲟⲥ ⲉⲥⲧⲉⲛ‐
ⲑⲱⲛⲧ ⲉⲑⲁ ⲛⲓⲁⲅⲅⲉⲗⲟⲥ ⲙⲫⲣⲏϯ ⲉⲧⲉ ⲛⲓⲁⲅⲅⲉⲗⲟⲥ ⲟϩⲓ ⲉⲣⲁⲧⲟⲩ ⲙⲡⲉⲙⲑⲟ
ⲙⲡⲟ︦ⲥ︦ ⲛⲥⲏⲟⲩ ⲛⲓⲃⲉⲛ ⲙⲙⲟⲛ ϩⲗⲓ ⲛⲧⲉ ⲛⲁ ⲡⲕⲁϩⲓ ⲧⲁϩⲛⲟ ⲙⲡⲟⲩϫⲓ ⲛⲟϩⲓ
ⲉⲣⲁⲧⲟⲩ ⲙⲡⲉϥⲙⲑⲟ ⲡⲁⲓⲣⲏϯ ϩⲱϥ ⲡⲓⲙⲟⲛⲁⲭⲟⲥ ⲡⲉⲧⲥϣⲉ ⲉⲣⲟϥ ⲡⲉ ⲛⲧⲉϥ‐
ϣⲱⲡⲓ ⲙⲡⲁⲓⲣⲏϯ ⲙⲡⲉϥⲥⲏⲟⲩ ⲧⲏⲣϥ ⲛⲱⲛϧ ⲫⲁⲓ ⲟⲩⲛ ⲉϥⲓⲣⲓ ⲙⲙⲟϥ ϥⲛⲁϫⲱⲕ
ⲉⲃⲟⲗ ⲙⲡⲓⲥⲁϫⲓ ⲙⲡⲉⲛⲥⲱⲧⲏⲣ ⲫⲁⲓ ⲉⲧϩⲟⲛϩⲉⲛ ⲉⲑⲣⲉ ⲡⲓⲟⲩⲁⲓ ⲡⲓⲟⲩⲁⲓ ϫⲟⲗϥ
ⲉⲃⲟⲗ ⲙⲙⲁⲩⲁⲧϥ ⲟⲩⲟϩ ⲛⲧⲉϥⲱⲗⲓ ⲥⲧⲁⲩⲣⲟⲥ ⲛⲧⲉϥⲙⲟϣⲓ ⲛⲥⲱϥ. ⲡⲁⲓⲣⲏϯ
ⲛⲑⲱⲧⲉⲛ ϩⲱⲧⲉⲛ ϭⲓ ⲑⲏⲛⲟⲩ ⲛϫⲟⲛⲥ ⲛⲟⲩⲕⲟⲩϫⲓ ⲱ ⲛⲁⲙⲉⲛⲣⲁϯ ⲛϣⲏⲣⲓ ϩⲓⲛⲁ
ⲛⲧⲉⲧⲉⲛϫⲫⲟ ⲛⲱⲧⲉⲛ ⲛϯⲁⲣⲉⲧⲏ ⲙⲙⲁⲩⲁⲧⲥ ⲥⲥϧⲏⲟⲩⲧ ⲅⲁⲣ ϫⲉ ⲑⲁ ⲛⲓⲣⲉϥ‐
ϭⲓⲧⲟⲩ ⲛϫⲟⲛⲥ ⲧⲉ ϯⲙⲉⲧⲟⲩⲣⲟ ⲛⲧⲉ ⲛⲓⲫⲏⲟⲩⲓ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ (-ⲝ︦ⲑ︦-) ϫⲉ ⲡⲉⲧⲥϣⲉ ⲡⲉ ⲉⲡⲓⲙⲟ‐
ⲛⲁⲭⲟⲥ ⲛⲧⲉϥϣⲱⲡⲓ ⲉϥⲧⲟⲩⲃⲏⲟⲩⲧ ⲉⲃⲟⲗϩⲁ ⲡⲁⲑⲟⲥ ⲛⲓⲃⲉⲛ ⲛⲧⲉ ϯⲥⲁⲣⲝ ⲛⲉⲙ
ⲑⲱⲗⲉⲃ ⲛⲓⲃⲉⲛ ⲟⲩⲟϩ ⲛⲧⲉϥϣⲧⲉⲙⲭⲁ ⲛⲉϥⲗⲟⲅⲓⲥⲙⲟⲥ ⲉⲓ ⲉϧⲣⲏⲓ ⲛⲉⲙ ⲛⲓⲙⲉⲩⲓ
ⲉⲧϩⲱⲟⲩ ⲉⲡⲧⲏⲣϥ ⲁⲗⲗⲁ ⲛⲧⲉϥϣⲱⲡⲓ ⲉϥⲃⲉⲣⲃⲉⲣ ϧⲉⲛ ⲡⲓⲡ︦ⲛ︦ⲁ︦ ⲛⲥⲏⲟⲩ ⲛⲓⲃⲉⲛ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲟⲩϣⲉⲙⲙⲟ ⲡⲉ ⲉⲡⲓⲙⲟⲛⲁⲭⲟⲥ


### 0054

ⲉⲑⲣⲉϥϫⲱⲛⲧ ⲟⲩϣⲉⲙⲙⲟ ⲉⲣⲟϥ ⲡⲉ ⲉϯ ⲙⲕⲁϩ ⲙⲡⲉϥⲥⲟⲛ ⲕⲁⲧⲁ ϩⲗⲓ ⲛⲣⲏϯ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ϥⲛⲏⲟⲩ ⲛϫⲉ ⲟⲩⲥⲏⲟⲩ
ⲟⲩⲟⲛ ⲟⲩϧⲓⲥⲓ ⲉϥⲟϣ ⲛⲁⲧⲁϩⲉ ⲛⲏ ⲉⲧⲉⲣ ϩⲱⲃ ⲉⲡⲓⲡⲣⲁⲕⲧⲓⲕⲟⲛ ϩⲱⲥⲧⲉ ⲛⲧⲟⲩⲉⲣ
ⲡⲱⲃϣ ⲛϯⲁⲡⲟⲧⲁⲅⲏ ⲛⲉⲅⲕⲣⲁⲧⲉⲓⲁ ⲟⲩⲟϩ ϥⲛⲁⲉⲛⲕⲟⲧ ⲉϫⲱⲟⲩ ⲛϫⲉ ⲡⲓⲟⲩⲣⲟ
ⲛⲧⲉ ⲡⲓⲥⲏⲟⲩ ⲉⲧⲉⲙⲙⲁⲩ ⲉⲧⲁⲙⲁϩⲓ. ⲡⲉϫⲉ ⲛⲓⲥⲛⲏⲟⲩ ⲛⲁϥ ϫⲉ ⲡⲓⲟⲩⲣⲟ ⲉⲧⲉⲙ‐
ⲙⲁⲩ ⲟⲩⲁϣ ⲛⲣⲏϯ ⲡⲉ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲱⲟⲩ ϫⲉ ⲟⲩⲙⲟⲩϫⲧ ⲡⲉ
ⲛⲉⲙ ⲛⲓⲓⲥⲙⲁⲏⲗⲓⲧⲏⲥ ⲛⲓϫⲫⲟ ⲛⲧⲉ ⲧⲉϥϯⲡⲓ ϩⲁⲛ ⲉⲃⲟⲗϧⲉⲛ ⲏⲥⲁⲩ ⲛⲉ ⲡⲓⲟⲩⲣⲟ
ⲛⲧⲁⲛ ⲁⲛⲟⲛ ⲡⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲉϥⲇⲏⲙⲟⲥ ⲟⲛ ⲟⲩⲁⲣⲉⲧⲏ ⲡⲉ ⲛⲉⲙ ⲟⲩⲧⲟⲩⲃⲟ
ⲛⲉⲙ ⲟⲩⲙⲉⲧⲕⲁⲑⲁⲣⲟⲥ ⲛⲧⲉ ϯⲯⲩⲭⲏ ⲛⲉⲙ ⲡⲓⲥⲱⲙⲁ. (-ⲟ̄-)ⲡⲓⲟⲩⲣⲟ ⲛⲧⲉ ⲡⲕⲁϩⲓ
ⲡⲉϥⲁⲙⲁϩⲓ ⲟⲩ ⲉⲃⲟⲗϩⲓⲧⲉⲛ ⲡⲟⲩⲣⲟ ⲛⲧⲁⲛ ⲡⲉ ⲛⲧⲉ ⲧⲫⲉ ⲡⲭ︦ⲥ︦ ⲡⲓⲁⲗⲏⲑⲓⲛⲟⲥ
ⲛⲛⲟⲩϯ ⲟⲩⲟϩ ⲛⲑⲟϥ ϩⲱϥ ⲡⲓⲟⲩⲣⲟ ⲛⲧⲉ ⲡⲕⲁϩⲓ ⲟⲩⲙⲁⲓ ⲛⲟⲩⲃ ⲡⲉ ⲙⲙⲁⲓ ϩⲁⲧ
ⲟⲩⲟϩ ⲟⲩⲙⲁⲓ ϩⲏⲇⲟⲛⲏ ⲙⲫⲣⲏϯ ⲛⲛⲓϩⲑⲱⲣ ⲛⲗⲁϥ ⲥϩⲓⲙⲓ ⲟⲩⲙⲁⲓ ⲥⲟⲗⲥⲉⲗ
ⲡⲉ ⲉϥϣⲉⲙϣⲓ ⲛⲛⲓϩⲓⲟⲙⲓ ⲛⲉⲙ ⲛⲓϩⲑⲱⲣ ⲙⲫⲣⲏϯ ⲛϩⲁⲛ ⲛⲟⲩϯ ⲟⲩⲙⲁⲓ ⲡⲁ‐
ⲑⲟⲥ ⲡⲉ ϧⲉⲛ ⲛⲉϥϩⲃⲏⲟⲩⲓ ⲧⲏⲣⲟⲩ ⲉϥϫⲟⲩϣⲧ ⲟⲩⲟϩ ⲉϥⲉⲣ ϩⲉⲗⲡⲓⲥ ⲉⲛⲁ ⲡⲕⲁϩⲓ
ⲟⲩⲟϩ ⲉϥⲙⲟⲕⲙⲉⲕ ⲛⲁ ⲡⲕⲁϩⲓ ϫⲉ ⲥⲉⲛⲁϣⲱⲡⲓ ⲛⲁϥ ⲟⲛ ⲡⲉ ϧⲉⲛ ⲡⲓⲉⲛⲉϩ ⲉⲑⲛⲏⲟⲩ
ⲉⲑⲃⲉ ⲡⲁϣⲁⲓ ⲛϯϩⲏⲇⲟⲛⲏ ⲉⲧϣⲟⲡ ⲛϧⲏⲧϥ ⲟⲩⲟϩ ϥⲛⲁⲉⲣ ⲧⲉϥϫⲟⲙ ⲉⲁⲙⲁϩⲓ


### 0055

ϩⲓϫⲉⲛ ⲡⲕⲁϩⲓ ⲧⲏⲣϥ ϧⲉⲛ ⲟⲩϣⲟⲩϣⲟⲩ ⲉϥⲉⲣⲧⲩⲣⲁⲛⲛⲉⲩⲉⲓⲛ ⲙⲙⲟϥ ϧⲉⲛ
ⲑⲙⲏϯ ⲙⲡⲕⲁϩⲓ ϥⲛⲁϩⲉϫϩⲱϫ ⲡⲕⲁϩⲓ ϧⲉⲛ ϩⲁⲛ ⲥⲛⲁⲩϩ ⲙⲃⲉⲛⲓⲡⲓ ϧⲉⲛ ϩⲁⲛ
ϧⲓⲥⲓ ⲉⲩⲟϣ ϧⲉⲛ ϩⲁⲛ ϣⲧⲉⲕⲱⲟⲩ ⲕⲁⲓ ⲁϭⲛⲉ ⲡⲟⲩⲣⲟ ⲡⲭ︦ⲥ︦ ⲁⲛ. ⲟⲩⲟϩ ⲡⲉϫⲉ
ⲛⲓⲥⲛⲏⲟⲩ ⲛⲁϥ ϫⲉ ⲟⲩ ⲡⲉ ⲉⲑⲛⲁϣⲱⲡⲓ ⲛⲛⲓⲓⲟϯ ⲛⲧⲉ ⲡⲓⲥⲏⲟⲩ ⲉⲧⲉⲙⲙⲁⲩ.
ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲱⲟⲩ ϫⲉ (-ⲟ︦ⲁ︦-) ⲥⲉⲛⲁϩⲟϫϩⲉϫ ⲉⲙⲁϣⲱ ϩⲱⲥⲧⲉ
ⲛⲧⲉ ϩⲁⲛ ⲟⲩⲟⲛ ⲭⲁ ⲧⲟⲧⲟⲩ ⲉⲃⲟⲗ ⲟⲩⲟϩ ⲛⲧⲟⲩⲉⲣ ⲡⲱⲃϣ ⲙⲡⲓϫⲓ ⲛⲱⲛϧ ⲛⲁⲅ‐
ⲅⲉⲗⲓⲕⲟⲛ ⲉⲑⲃⲉ ϯⲙⲉⲧⲙⲁⲓ ϩⲁⲧ. ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲁⲁⲙⲟⲛⲓ ⲛⲧⲟⲧϥ ⲉⲣⲱⲟⲩ
ⲉϥϫⲟⲩϣⲧ ⲉⲧⲟⲩⲡⲣⲟϩⲁⲓⲣⲉⲥⲓⲥ ⲥⲉⲛⲁϣⲱⲡⲓ ⲛⲉⲩⲫⲩⲏⲥ ϧⲉⲛ ⲟⲩⲑⲱⲟⲩϯ
ⲉϧⲟⲩⲛ ϧⲉⲛ ϩⲁⲛ ϩⲱⲃ ⲛϫⲓϫ ⲉⲩⲟϣ ⲡⲓϭⲓ ⲛⲉⲙ ⲡⲓϯ ⲛⲁⲁϣⲁⲓ ⲛϧⲏⲧⲟⲩ
ⲙⲫⲣⲏϯ ⲛⲛⲓⲕⲟⲥⲙⲓⲕⲟⲥ ⲉⲑⲃⲉ ⲑⲗⲱⲓϫⲓ ⲛⲛⲓⲇⲏⲙⲟⲥⲓⲟⲛ ⲥⲉⲛⲁⲕⲱϯ ⲙⲡⲓⲥⲁⲣⲕⲓ‐
ⲕⲟⲛ ⲛⲧⲟⲩⲉⲣ ⲡⲱⲃϣ ⲛϯⲁⲡⲁⲑⲉⲓⲁ ⲫⲏ ⲉⲧⲉⲕⲛⲁϫⲉⲙϥ ϩⲉⲛ ⲛⲓⲓⲟϯ ⲛⲧⲉ
ⲡⲓⲥⲏⲟⲩ ⲉⲧⲉⲙⲙⲁⲩ ⲉϥⲧⲟⲩⲃⲏⲟⲩⲧ ⲉⲡⲓⲟⲩⲱⲙ ⲛⲉⲙ ⲡⲓⲥⲱ ⲡⲁⲣⲁ ⲡϣⲓ ⲉⲑⲃⲉ
ⲡⲁϣⲁⲓ ⲛϯⲙⲟⲑⲛⲉⲥ ⲟⲩⲟϩ ⲛⲧⲉϥⲁⲣⲉϩ ⲉⲡⲉϥⲥⲱⲙⲁ ⲉⲃⲟⲗϩⲁ ⲡⲓⲡⲟⲣⲛⲓⲕⲟⲛ
ⲛⲧⲉ ⲡⲓⲕⲟⲥⲙⲟⲥ ⲛⲉⲙ ϯⲙⲉⲧⲙⲁⲓ ϩⲁⲧ ⲟⲩⲟϩ ⲛⲧⲉϥϣⲧⲉⲙϯ ϩⲁⲡ ⲉⲛⲏ ⲉⲑⲣⲁϧⲧ
ⲛϧⲏⲧⲟⲩ ⲥⲉⲛⲁⲉⲣ ϩⲁⲛ ⲙⲁⲕⲁⲣⲓⲟⲥ ⲛⲁϩⲣⲉⲛ ⲡⲓⲟⲩⲣⲟ ⲛⲧⲉ ⲡⲓⲱⲟⲩ ⲡⲭ︦ⲥ︦ ⲟⲩⲟϩ
ϩⲁⲛ ϫⲫⲟ ⲛⲉⲡⲁⲅⲅⲉⲗⲓⲁ ⲛⲉ ⲟⲩⲟϩ ϩⲁⲛ ⲕⲗⲏⲣⲟⲛⲟⲙⲟⲥ ⲛⲉ ⲛⲧⲉ ⲡⲓⲱⲛϧ ⲛⲉⲛⲉϩ


### 0056

ⲟⲩⲟϩ ⲥⲉⲛⲁⲟⲩⲟⲛϩⲟⲩ ⲛⲁϩⲣⲉⲛ (-ⲟ︦ⲃ︦-) ⲡⲟⲩⲣⲟ ⲡⲭ︦ⲥ︦ ϧⲉⲛ ⲟⲩⲛⲓϣϯ ⲙⲡⲁⲣ‐
ⲣⲏⲥⲓⲁ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲡⲉⲧⲥϣⲉ ⲡⲉ ⲙⲡⲓⲙⲟⲛⲁⲭⲟⲥ ⲕⲁⲧⲁ
ϯⲕⲁϩⲥ ⲛⲧⲉ ⲡⲓⲥⲱⲙⲁ ⲉϣⲧⲉⲙⲑⲣⲉϥⲱϣ ⲉⲃⲟⲗ ϧⲉⲛ ⲛⲓϣⲗⲏⲗ ⲟⲩⲟϩ ⲛⲧⲉϥ‐
ϣⲧⲉⲙⲭⲁ ⲥⲩⲛⲏⲑⲉⲓⲁ ⲛⲁϥ ⲉⲑⲣⲉϥϣⲗⲏⲗ ⲉⲑⲃⲉ ϯⲁⲓⲧⲓⲁ ⲛⲕⲉⲗϫ ⲕⲉⲗⲓ
ⲙⲙⲁⲩⲁⲧⲥ ⲁⲗⲗⲁ ⲉϥϣⲗⲏⲗ ⲛⲧⲉϥϯ ϩⲑⲏϥ ϧⲉⲛ ⲟⲩⲣⲱϥ ⲛⲧⲉ ⲡⲉϥⲛⲟⲩⲥ
ⲉϥⲥⲟⲙⲥ ⲉⲃⲟⲗ ϫⲉ ϥⲛⲁⲓ ⲛⲑⲛⲁⲩ ⲛⲉ ⲫ︦ϯ︦ ⲟⲩⲟϩ ⲛⲧⲉϥϫⲉⲙ ⲡϣⲓⲛⲓ ⲛⲛⲓⲙⲁ
ⲛⲓ ⲉⲃⲟⲗ ⲛⲧⲉ ϯⲯⲩⲭⲏ ⲛⲉⲙ ⲛⲉⲥⲁⲓⲥⲑⲏⲧⲏⲣⲓⲟⲛ ⲛⲉⲙ ⲛⲉⲥⲙⲱⲓⲧ ⲧⲏⲣⲟⲩ
ⲟⲩⲟϩ ⲡⲁⲓⲣⲏϯ ⲁⲣⲉϣⲁⲛ ⲟⲩⲟⲩⲛⲟⲩ ϣⲱⲡⲓ ⲉⲑⲣⲉⲛⲭⲁ ⲣⲱⲛ ⲓⲉ ⲛⲧⲉⲛⲱϣ ⲉⲃⲟⲗ
ϧⲉⲛ ⲡϣⲗⲏⲗ ⲟⲛ ⲡⲓⲛⲟⲩⲥ ⲇⲉ ⲛⲑⲟϥ ⲙⲁⲣⲉϥϣⲱⲡⲓ ⲉϥⲣⲏⲥ ⲉϥⲥⲟⲙⲥ ⲉⲡⲟ︦ⲥ︦
ⲛⲥⲏⲟⲩ ⲛⲓⲃⲉⲛ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲟⲩⲟⲓ ⲛϯⲯⲩⲭⲏ ⲉⲧⲉ ⲙⲡⲁⲥϯ ϩⲟ
ⲟⲩⲟϩ ⲛⲧⲉⲥⲧⲱⲃϩ ⲙⲡⲟ︦ⲥ︦ ϩⲟⲡⲱⲥ ⲛⲧⲉϥⲙⲧⲟⲛ ⲙⲙⲟϥ ⲛϧⲏⲧⲥ ⲟⲩⲟϩ ⲛⲧⲉϥ‐
ⲧⲟⲩⲃⲟⲥ ⲉⲃⲟⲗϧⲉⲛ ⲁϭⲛⲓ ⲛⲓⲃⲉⲛ ⲛⲉⲙ ⲑⲱⲗⲉⲃ ⲛⲓⲃⲉⲛ ⲟⲩⲟϩ ⲛⲧⲉϥⲁⲣⲉϩ ⲉⲣⲟⲥ
ⲉⲥⲟⲓ ⲛⲣⲉⲙϩⲉ ⲉⲃⲟⲗϩⲁ ⲛⲓⲑⲏⲣⲓⲟⲛ ⲛⲉⲙ ⲛⲓϭⲁⲧϥⲓ ⲉⲧⲉ ⲡⲓⲡ︦ⲛ︦ⲁ︦ ⲛⲧⲉ ϯⲡⲟⲛⲏ‐
ⲣⲓⲁ ⲛⲉ (-ⲟ︦ⲅ︦-) ⲙⲡⲥⲙⲟⲧ ⲛϩⲁⲛ ⲕⲟⲩϫⲓ ⲛⲍⲱⲟⲛ ⲛⲉⲙ ϩⲁⲛ ϣⲟⲗⲙⲉⲥ ⲉⲩϩⲁ‐
ⲗⲁⲓ ϧⲉⲛ ⲡⲓⲉϫⲱⲣϩ ⲁⲩϣⲁⲛⲛⲁⲩ ⲉⲟⲩⲟⲩⲱⲓⲛⲓ ϩⲓ ⲫⲟⲩⲉⲓ ⲓⲉ ⲟⲩⲥⲟⲗ ⲉϥⲙⲟϩ
ⲛⲧⲟⲩⲓ ϩⲁⲣⲟϥ ⲛⲧⲟⲩϣⲉ ⲛⲱⲟⲩ ⲉϧⲟⲩⲛ ⲉⲡⲓϣⲁϩ ⲙⲙⲁⲩⲁⲧⲟⲩ ⲛⲧⲟⲩⲣⲱⲕϩ


### 0057

ⲛϧⲏⲧϥ ⲡⲁⲓⲣⲏϯ ⲡⲉ ⲡⲓⲙⲟⲛⲁⲭⲟⲥ ⲉⲧⲥⲱⲕ ⲉϫⲱϥ ⲛⲛⲁⲓ ⲧⲏⲣⲟⲩ ϧⲉⲛ ⲡⲉϥ‐
ⲟⲩⲱϣ ⲙⲙⲓⲛ ⲙⲙⲟϥ ⲛⲉⲙ ⲧⲉϥⲡⲣⲟϩⲁⲓⲣⲉⲥⲓⲥ ϣⲁϥϣⲱⲡⲓ ⲉϥⲣⲁⲟⲩⲏⲟⲩⲧ
ⲉⲡⲓⲭⲣⲱⲙ ⲛⲉⲛⲉϩ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲫⲣⲏϯ ⲙⲡⲓϣⲃⲱⲧ ⲛⲧⲉ ⲁⲁⲣⲱⲛ
ⲉⲧⲁϥⲓ ϩⲣⲏⲣⲓ ⲉⲃⲟⲗ ϧⲉⲛ ⲟⲩⲉϫⲱⲣϩ ⲛⲟⲩⲱⲧ ⲟⲩⲟϩ ⲁϥⲓ ⲛⲟⲩⲕⲁⲣⲡⲟⲥ ⲡⲁⲓⲣⲏϯ
ϩⲱⲥ ϯⲯⲩⲭⲏ ⲛⲧⲉ ⲡⲓⲙⲟⲛⲁⲭⲟⲥ ϧⲉⲛ ϯϫⲓ ⲛⲓ ⲛⲧⲉ ⲡⲟ︦ⲥ︦ ϣⲁⲣⲟⲥ ϣⲁⲥϯ ⲟⲩⲱ
ⲛϩⲣⲏⲣⲓ ⲉⲃⲟⲗ ⲙⲡ︦︦ⲛ︦ⲁ︦ⲧⲓⲕⲟⲛ ϧⲉⲛ ⲛⲁ ⲡⲭ︦ⲥ︦ ⲟⲩⲟϩ ϣⲁⲥϥⲁⲓ ϧⲁ ⲛⲓⲕⲁⲣⲡⲟⲥ
ⲛⲧⲉ ⲡⲓⲡ︦ⲛ︦ⲁ︦ ⲛⲧⲉⲥⲧⲏⲓⲧⲟⲩ ⲙⲫⲏ ⲉⲧⲁϥⲥⲟⲛⲧⲥ ⲡⲭ︦ⲥ︦ ⲡⲉⲥⲟⲩⲣⲟ ⲛⲁⲅⲁⲑⲟⲥ ⲡⲓ‐
ⲁⲗⲏⲑⲓⲛⲟⲥ ⲛⲛⲟⲩϯ ⲉⲧⲥⲙⲁⲣⲱⲟⲩⲧ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲉϣⲱⲡ ⲛⲧⲉ ⲡⲓⲣⲱⲙⲓ ϩⲓ
ⲧⲟⲧϥ ⲛⲥⲟⲩⲱⲛϥ ⲟⲩⲟϩ ⲉⲕⲱϯ ⲛⲥⲁ ⲫ︦ϯ︦ ⲟⲩⲟϩ ⲛⲧⲉϥⲟⲩⲉⲙ ϩⲑⲏϥ ⲉϩⲣⲏⲓ ⲉϫⲉⲛ
ⲛⲏ ⲉⲧⲁϥⲁⲓⲧⲟⲩ ϧⲉⲛ ⲡⲥⲏⲟⲩ ⲛⲧⲉϥⲙⲉⲧⲁⲙⲉⲗⲉⲥ (-ⲟ︦ⲇ︦-) ϣⲁⲣⲉ ⲫ︦ϯ︦ ϯ ⲛⲁϥ
ⲛⲟⲩⲙⲕⲁϩ ⲛϩⲏⲧ ⲉϫⲉⲛ ⲛⲏ ⲉⲧⲁϥⲁⲓⲧⲟⲩ. ⲙⲉⲛⲉⲛⲥⲱⲥ ⲇⲉ ⲟⲛ ⲉⲃⲟⲗϩⲓⲧⲉⲛ
ⲧⲉϥⲙⲉⲧϣⲁⲛ ⲑⲙⲁϧⲧ ϣⲁϥⲉⲣⲭⲁⲣⲓⲍⲉⲥⲑⲁⲓ ⲛⲁϥ ⲛⲟⲩⲙⲉⲧⲣⲉϥϣⲉⲡ ϧⲓⲥⲓ
ϧⲉⲛ ⲡⲓⲥⲱⲙⲁ ⲉⲃⲟⲗϩⲓⲧⲉⲛ ϩⲁⲛ ⲛⲏⲥⲧⲉⲓⲁ ⲛⲉⲙ ϩⲁⲛ ⲧⲱⲃϩ ⲛⲉⲙ ϩⲁⲛ ϣⲣⲱⲓⲥ
ⲉⲩⲟϣ ⲛⲉⲙ ⲟⲩϫⲱⲗ ⲉⲃⲟⲗ ⲛⲧⲉ ϯϩⲩⲗⲏ ⲛⲉⲙ ⲟⲩⲙⲉⲧϣⲁ ⲡϣⲱϣ ⲛⲉⲙ ⲟⲩϫⲓ
ⲛⲙⲉⲥ ⲧⲙⲟⲑⲛⲉⲥ ⲙⲡⲓⲥⲱⲙⲁ ⲛⲉⲙ ⲉⲙⲉⲛⲣⲉ ⲡⲓⲣⲓⲙⲓ ⲉϩⲟⲧⲉ ⲡⲓⲥⲱⲃⲓ ⲛⲉⲙ
ⲟⲩϫⲱⲗ ⲉⲃⲟⲗ ⲛⲧⲉ ⲛⲉϥⲕⲁⲧⲁ ⲥⲁⲣⲝ


### 0058

ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲉϥⲥⲓⲛⲓⲱⲟⲩ ϧⲉⲛ ⲭⲏⲙⲓ
ⲛⲟⲩⲥⲟⲡ ⲁϥⲓ ⲉϫⲉⲛ ⲟⲩϭⲛⲱⲟⲩ ⲁϥⲛⲁⲩ ⲉⲟⲩϩⲟⲓ ⲉⲁⲩⲧⲟⲩⲃⲟⲥ ⲉⲣⲉ ⲡⲉⲥⲛⲏⲃ ϯ
ⲃⲉⲭⲉ ⲛϩⲏⲧⲥ ⲛⲛⲓⲉⲣⲅⲁⲧⲏⲥ ⲟⲩⲟϩ ⲉⲧⲁ ⲡⲓϧⲉⲗⲗⲟ ⲟⲩⲱϣ ⲉⲉⲣⲇⲟⲕⲓⲙⲁⲍⲉⲓⲛ
ⲙⲡⲟⲩⲱⲓ ⲉϥⲟⲩⲱϣ ⲉⲓⲛⲓ ⲛⲟⲩⲥⲁϫⲓ ⲉⲃⲟⲗϧⲉⲛ ⲣⲱϥ ⲉⲑⲃⲉ ⲟⲩϫⲓ ⲛⲉⲣ ϩⲱⲃ
ⲛⲧⲉ ⲟⲩⲡⲣⲁⲝⲓⲥ ⲡⲉϫⲁϥ ⲛⲁϥ ϫⲉ ⲁⲣⲓ ⲡⲓⲛⲁⲓ ⲛⲉⲙⲏⲓ ϩⲱ ⲡⲁⲓⲱⲧ ⲛⲟⲩⲕⲟⲩϫⲓ
ⲛⲥⲟⲩⲟ. ⲡⲉϫⲉ ⲡⲓⲟⲩⲱⲓ ⲛⲁϥ ϫⲉ ⲉϣⲱⲡ ⲁⲕⲉⲣ ϩⲱⲃ ϯⲛⲁϯ ⲃⲉⲭⲉ ⲛⲁⲕ ϫⲉ
ⲟⲩⲏⲓ ⲫⲏ ⲉⲧⲉⲣ ϩⲱⲃ ϣⲁⲩϯ ⲃⲉⲭⲉ ⲛⲁϥ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ ⲟⲩⲕⲟⲩⲛ
ⲫⲏ ⲉⲧⲉⲣ ϩⲱⲃ ϣⲁϥϭⲓ ⲃⲉⲭⲉ. (-ⲟ︦ⲉ︦-) ⲡⲉϫⲉ ⲡⲓⲟⲩⲱⲓ ⲛⲁϥ ϫⲉ ⲁϩⲁ ⲡⲁⲓⲣⲏϯ
ⲡⲉ ⲉⲧϣⲟⲡ ϫⲉ ⲫⲏ ⲉⲧⲉⲣ ϩⲱⲃ ϣⲁϥϭⲓ ⲃⲉⲭⲉ. ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉ
ⲛⲁⲓⲟⲩⲱϣ ⲣⲱ ⲡⲉ ⲉⲥⲱⲧⲉⲙ ⲉⲡⲁⲓⲥⲁϫⲓ ⲛⲧⲟⲧⲕ. ⲟⲩⲟϩ ⲉⲧⲁϥⲟⲩⲉⲓ ⲉϥⲙⲟϣⲓ
ⲁϥϩⲓⲟⲩⲓ ⲉϧⲟⲩⲛ ϧⲉⲛ ⲡⲉϥϩⲟ ⲛⲧⲉϥϫⲓϫ ⲥⲛⲟⲩϯ ⲉϥϫⲱ ⲙⲙⲟⲥ ϫⲉ ⲟⲩⲟⲓ ⲛⲁⲕ
ⲙⲁⲕⲁⲣⲓⲟⲥ ϫⲉ ⲓⲥϫⲉ ⲁⲩϩⲓⲧⲕ ⲉⲃⲟⲗ ⲉϣⲧⲉⲙϯ ⲃⲉⲭⲉ ⲛⲁⲕ ⲉⲑⲃⲉ ⲡⲓϩⲱⲃ
ⲛⲥⲁⲣⲕⲓⲕⲟⲛ ⲛⲧⲉ ⲡⲁⲓⲕⲟⲥⲙⲟⲥ ⲉⲡⲉⲓⲇⲏ ⲅⲁⲣ ⲥⲥϧⲏⲟⲩⲧ ϫⲉ ⲓⲏⲥ ⲙⲙⲟⲕ ⲉⲧⲁ‐
ϩⲟⲕ ⲉⲣⲁⲧⲕ ⲛⲟⲩⲉⲣⲅⲁⲧⲏⲥ ⲙⲡⲁϥϭⲓ ϣⲓⲡⲓ ⲉϥⲉⲣ ϩⲱⲃ ⲛⲕⲁⲗⲱⲥ ⲉⲡⲓϩⲱⲃ ⲛⲧⲉ
ⲡⲉϥⲟ︦ⲥ︦. ⲗⲟⲓⲡⲟⲛ ⲟⲩⲟⲓ ⲛⲁⲕ ⲙⲁⲕⲁⲣⲓⲟⲥ ⲁⲕϣⲧⲉⲙϣⲁϣⲛⲓ ⲉϯⲙⲉⲧⲁⲅⲁⲑⲟⲥ
ⲉⲧⲉⲙⲙⲁⲩ ⲛⲧⲉ ⲡⲟ︦ⲥ︦ ⲙⲡⲓⲓⲁϩ ⲁⲗⲟⲗⲓ ϫⲉ ⲙⲟⲩϯ ⲉⲛⲓⲉⲣⲅⲁⲧⲏⲥ ⲙⲁ ⲡⲟⲩ‐


### 0059

ⲃⲉⲭⲉ ⲛⲱⲟⲩ ⲛⲓϧⲁⲩⲉⲩ ⲛⲓϣⲟⲣⲡ ⲟⲩⲥⲁⲑⲉⲣⲓ ⲉⲫⲟⲩⲁⲓ ⲟⲩⲟϩ ϫⲉ ⲫⲏ ⲉⲧⲉⲣ ϩⲱⲃ
ⲙⲡⲁⲩⲉⲡ ⲡⲉϥⲃⲉⲭⲉ ⲛⲁϥ ⲕⲁⲧⲁ ⲟⲩϩⲙⲟⲧ. ⲟⲩⲟϩ ⲡⲁⲓⲣⲏϯ ⲛⲁϥⲙⲟϣⲓ ⲡⲉ
ⲛϫⲉ ⲡⲓϧⲉⲗⲗⲟ ⲙⲙⲁⲕⲁⲣⲓⲟⲥ ⲉϥⲉⲣ ϩⲏⲃⲓ ϧⲉⲛ ϩⲁⲛ ⲉⲣⲙⲱⲟⲩⲓ ⲛⲉⲙ ⲟⲩϥⲓ
ⲁϩⲟⲙ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲫⲣⲏϯ ⲙⲡⲓⲁⲙϣⲉ ⲉϥⲓⲣⲓ ⲛⲛⲓⲉⲧ‐
ⲕⲟⲗϫ ⲉⲩⲥⲟⲩⲧⲱⲛ ⲟⲩⲟϩ ⲛⲏ ⲉⲧⲥⲟⲩⲧⲱⲛ ⲉⲩⲕⲟⲗϫ ⲫⲁⲓ ⲡⲉ ⲙⲫⲣⲏϯ ⲛϯⲙⲉ-
ⲧⲁⲛⲟⲓⲁ ⲉ- (-ⲟ︦ⲋ︦-) ⲧⲁ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲭⲁⲥ ⲛⲁⲛ ⲉϧⲣⲏⲓ ⲉⲥⲓⲣⲓ ⲛⲛⲏ ⲉⲧⲕⲟⲗϫ
ⲟⲩⲟϩ ⲉⲧⲥⲕⲉⲣⲕⲱⲣ ϧⲉⲛ ⲑⲗⲱϩⲓ ⲙⲫⲛⲟⲃⲓ ⲉⲩⲥⲟⲩⲧⲱⲛ ⲛⲕⲉⲥⲟⲡ ⲟⲩⲟϩ ⲉⲩⲧⲟⲩ‐
ⲃⲏⲟⲩⲧ ⲙⲫⲣⲏϯ ⲛϩⲁⲛ ⲡⲁⲣⲑⲉⲛⲟⲥ ⲙⲡⲉⲙⲑⲟ ⲙⲡⲉⲛⲟⲥ ⲓⲏⲥ ⲡⲭⲥ ⲁⲩϣⲁⲛ‐
ⲕⲟⲧⲟⲩ ⲛⲧⲟⲩⲉⲣⲙⲉⲧⲁⲛⲟⲉⲓⲛ ϣⲁⲩϭⲓ ⲙⲡⲓⲧⲟⲩⲃⲟ ϯϩⲉⲃⲥⲱ ⲛⲁⲅⲅⲉⲗⲓⲕⲟⲛ
ⲉⲧϧⲉⲛ ⲛⲓⲫⲏⲟⲩⲓ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲁⲩϣⲧⲉⲙϫⲉⲙ ⲛⲓⲧⲟⲡϥ ⲛⲧⲉ
ⲛⲓϣⲉⲛⲧⲏⲃ ⲛⲧⲉ ⲧϫⲓϫ ⲙⲡⲓⲣⲉϥϯ ⲥⲃⲱ ⲟⲩⲟϩ ⲛⲕⲟⲓⲛⲟⲃⲓⲁⲣⲭⲏⲥ ⲉⲩⲫⲟⲧϩ
ⲉⲑⲟⲩⲟϫⲓ ⲙⲫⲏ ⲉⲧⲭⲏ ϧⲁ ⲡⲓϭⲛⲉ ϫⲱϥ ϧⲉⲛ ⲟⲩⲛⲓϣϯ ⲛϩⲩⲡⲟⲙⲟⲛⲏ ⲁϭⲛⲉ
ⲭⲣⲉⲙⲣⲉⲙ ⲙⲙⲟⲛ ϣϫⲟⲙ ⲙⲫⲁⲓ ⲉϭⲓ ⲙⲡⲓⲭⲗⲟⲙ ⲛⲉⲙ ⲫⲃⲉⲭⲉ ⲛϯⲙⲉⲧ‐
ϣⲏⲣⲓ ⲉⲧϫⲏⲕ ⲉⲃⲟⲗ ⲛⲉⲙ ⲡⲧⲁⲓⲟ ⲛⲛⲓⲙⲁⲑⲏⲧⲏⲥ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲕⲁⲓ


### 0060

ⲅⲁⲣ ⲡⲓⲣⲉϥϯ ⲥⲃⲱ ⲁϥϭⲓ ⲙⲡⲓⲛⲓ ⲛⲉⲙ ⲡⲭⲉⲣⲉⲃ ⲙⲡⲓⲙⲁⲛⲉⲥⲱⲟⲩ ⲛⲧⲁ‐
ⲫⲙⲏⲓ ⲡⲓⲣⲉϥϯ ⲥⲃⲱ ⲛⲁⲗⲏⲑⲓⲛⲟⲥ ⲫⲏ ⲉⲧⲁϥⲭⲱ ⲛⲛⲓⲟⲩⲗⲏ ⲛⲧⲉ ⲛⲓϣⲉ ⲛⲓϥⲧ
ⲛⲉⲙ ϯϣⲉ ⲛⲗⲟⲅⲭⲏ ⲉⲩⲫⲟⲧϩ ϧⲉⲛ ⲡⲉϥⲥⲱⲙⲁ ⲉⲟⲩⲙⲉⲧⲙⲉⲑⲣⲉ ⲛⲉⲙ ⲟⲩⲥⲟ‐
ϩⲓ ⲛⲛⲓⲓⲟⲩⲇⲁⲓ ⲟⲩⲟϩ ⲛⲁⲓ ⲁϥϣⲟⲡⲟⲩ ⲉⲣⲟϥ ϧⲉⲛ ⲡⲉϥⲟⲩ- (-ⲟ︦ⲍ︦-) ⲱϣ ϧⲉⲛ
ⲟⲩⲛⲓϣϯ ⲙⲙⲉⲧⲣⲉⲙⲣⲁⲩϣ ⲡⲁⲓⲣⲏϯ ϩⲱⲟⲩ ⲛⲏ ⲉⲧⲟⲓ ⲛⲗⲓⲙⲏⲛ ⲟⲩⲟϩ ⲙⲡⲣⲟ‐
ⲉⲥⲧⲱⲥ ⲛⲛⲏ ⲉⲧⲭⲏ ϧⲁ ⲡⲓϭⲛⲉ ϫⲱϥ ⲉϣⲱⲡ ⲁⲩϣⲧⲉⲙϣⲱⲡⲓ ϧⲉⲛ ⲟⲩⲙⲉⲧ‐
ⲭⲣⲏⲥⲧⲟⲥ ⲛⲉⲙ ⲟⲩⲙⲉⲧϩⲉⲗϫⲉ ⲙⲡⲁⲓⲣⲏϯ ⲙⲙⲟⲛ ϣϫⲟⲙ ⲉⲑⲣⲟⲩϫⲫⲟ
ⲛⲱⲟⲩ ⲛϩⲁⲛ ϣⲏⲣⲓ ⲙⲡ︦ⲛ︦ⲁ︦ⲧⲓⲕⲟⲥ ⲙⲫⲣⲏϯ ⲛⲏⲗⲓⲁⲥ ⲉⲧⲁϥϫⲫⲟ ⲛⲉⲗⲓⲥⲉⲟⲥ
ⲛⲉⲙ ⲙⲫⲣⲏϯ ⲙⲡⲁⲩⲗⲟⲥ ⲉⲧⲁϥϫⲫⲟ ⲛⲧⲓⲙⲟⲑⲉⲟⲥ ⲛⲉⲙ ⲟⲛⲏⲥⲓⲙⲟⲥ.
ⲁϥϫⲟⲥ ⲛϫⲉ ⲁⲃⲃⲁ ⲡⲁⲫⲛⲟⲩϯ ⲡⲓⲙⲁⲑⲏⲧⲏⲥ ⲙⲙⲏⲓ ⲛⲧⲉ ⲁⲃⲃⲁ ⲙⲁⲕⲁ‐
ⲣⲓⲟⲥ ϫⲉ ⲁⲩϭⲱⲣⲡ ⲉⲃⲟⲗ ⲙⲡⲓϧⲉⲗⲗⲟ ⲛⲟⲩⲥⲟⲡ ⲉⲑⲃⲉ ⲟⲩⲛⲉϥϭⲓⲟⲣ ⲉⲣⲉ ⲟⲩⲟⲛ
ⲟⲩⲁⲣⲉⲧⲏ ⲛϧⲏⲧϥ ⲟⲩⲟϩ ⲉⲃⲟⲗϩⲓⲧⲉⲛ ⲡⲓⲕⲁⲗⲩⲙⲙⲁ ⲛⲭⲁⲕⲓ ⲉⲧⲫⲟⲣϣ ⲉⲃⲟⲗ
ⲉϫⲉⲛ ⲡⲉϥϩⲏⲧ ⲛⲉⲙ ⲡⲓⲁⲗⲁⲡⲗⲉⲡ ⲉⲧⲉϥϣⲟⲡ ⲛϧⲏⲧϥ ⲙⲡⲓⲉϩⲟⲟⲩ ⲧⲏⲣϥ
ⲙⲡⲉϥⲉⲙⲓ ⲟⲩⲇⲉ ⲙⲡⲉϥⲕⲁϯ ⲉⲣⲟϥ. ⲟⲩⲟϩ ⲉⲧⲁϥⲧⲱⲛϥ ⲛϫⲉ ⲡⲓϧⲉⲗⲗⲟ ⲁϥⲓ
ⲉϫⲉⲛ ⲫⲓⲁⲣⲟ ⲁϥⲛⲁⲩ ⲉⲡⲓⲛⲉϥϭⲓⲟⲣ ⲉⲙⲙⲟⲛ ϩⲗⲓ ⲛⲁⲓⲥⲑⲏⲥⲓⲥ ⲛⲧⲉ ⲫ︦ϯ︦
ϣⲟⲡ ⲛϧⲏⲧϥ ⲟⲩⲟϩ ⲉⲧⲁϥⲉⲣ ϣⲫⲏⲣⲓ ⲙⲡⲉϥϫⲓ ⲛⲛⲁⲩ ⲛⲉⲙ ϯⲙⲉⲧⲁⲧϩⲟϯ


### 0061

(-ⲟ︦︦ⲏ︦ Cod. ⲡ︦-) ⲉⲧⲉϥϣⲟⲡ ⲛϧⲏⲧⲥ ⲁϥⲟϩⲓ ⲉϥϯ ϩⲑⲏϥ ⲉⲧⲉϥⲧⲁⲗⲁⲓⲡⲱⲣⲓⲁ
ⲟⲩⲟϩ ⲉⲧⲁϥⲙⲟⲩⲛⲕ ⲛϫⲉ ⲡⲓⲉϩⲟⲟⲩ ⲁϥϣⲉ ⲛⲁϥ ⲉⲡⲉϥⲏⲓ ⲁⲛⲟⲕ ⲇⲉ ϩⲱ ⲡⲉϫⲁϥ
ⲁⲓⲙⲟϣⲓ ⲛⲥⲱϥ ⲟⲩⲟϩ ⲉⲧⲁⲛⲉⲣⲁⲡⲁⲛⲧⲁⲛ ⲉⲧⲉϥⲥϩⲓⲙⲓ ⲁⲛϩⲉⲙⲥⲓ ⲟⲩⲟϩ ⲛⲁⲓϯ
ⲛⲓⲁⲧ ⲡⲉ ⲙⲡⲓϫⲓ ⲛⲛⲁⲩ ⲟⲩⲟϩ ⲙⲡⲓⲛⲁⲩ ⲉϩⲗⲓ ϧⲉⲛ ⲛⲏ ⲉⲧⲁ ⲫ︦ϯ︦ ϭⲟⲣⲡⲟⲩ
ⲛⲏⲓ ⲉⲃⲟⲗ ⲉⲓⲙⲏⲧⲓ ⲉⲍ ⲛⲁⲗⲟⲩ ⲉⲧⲁⲩⲓ ⲉϧⲟⲩⲛ. ⲙⲉⲛⲉⲛⲥⲁ ⲛⲁⲓ ⲇⲉ ⲁⲓϣⲉⲛϥ
ⲉⲑⲃⲉ ϯⲁⲣⲉⲧⲏ ⲛⲉⲙ ⲧⲉϥϫⲓⲛⲉⲣ ϩⲱⲃ ⲟⲩⲟϩ ⲡⲉϫⲁϥ ⲛⲏⲓ ϫⲉ ⲟⲩϩⲱⲥ ⲧⲉ
ϯⲁⲣⲉⲧⲏ ⲉⲑⲃⲉ ϫⲉ ⲁ ⲫ︦ϯ︦ ϩⲉⲡ ⲡⲓϩⲱⲃ ⲉⲣⲟϥ ⲉⲧⲉϥⲛⲟϥⲣⲓ ⲛⲑⲟϥ. ⲟⲩⲟϩ ⲉⲧⲁⲓ‐
ⲛⲁⲩ ⲉⲧⲉϥⲙⲉⲧⲁⲧⲕⲁϯ ⲛⲁⲓⲧⲱⲃϩ ⲙⲫϯ ⲡⲉ ϩⲓⲛⲁ ⲛⲧⲉϥⲁⲟⲩⲱⲛ ⲙⲡⲉϥϩⲏⲧ
ⲟⲩⲟϩ ⲁ ⲡⲟ︦ⲥ︦ ⲥⲱⲧⲉⲙ ⲉⲣⲟⲓ ⲛⲭⲱⲗⲉⲙ ⲁϥⲟⲩⲱⲛ ⲛⲛⲓⲁⲓⲥⲑⲏⲥⲓⲥ ⲛⲧⲉ ⲡⲓⲣⲱⲙⲓ
ⲛⲉⲙ ⲡⲉϥⲕⲁϯ ⲟⲩⲟϩ ⲁϥϣⲱⲡⲓ ϧⲉⲛ ⲟⲩϩⲟϯ ⲉϥϥⲓ ⲁϩⲟⲙ ⲟⲩⲟϩ ⲛⲁⲣⲉ ⲛⲉϥ‐
ⲉⲣⲙⲱⲟⲩⲓ ϣⲟⲩⲟ ⲡⲉ ϩⲓϫⲉⲛ ⲡⲕⲁϩⲓ ⲟⲩⲟϩ ⲛⲁⲓⲟⲓ ⲛϣⲫⲏⲣⲓ ⲡⲉ ⲛϯⲡⲁⲣⲁ‐
ⲕⲗⲏⲥⲓⲥ ⲉⲧⲁϥϣⲱⲡⲓ ⲛϧⲏⲧⲥ. ⲡⲉϫⲁϥ ⲛⲏⲓ ϫⲉ ϯⲛⲟⲩ ⲁ ⲫ︦ϯ︦ ⲟⲩⲱⲛ ⲙⲡⲁϩⲏⲧ
ⲛⲉⲙ ⲡⲁⲕⲁϯ ⲉⲑ- (-ⲟ︦ⲑ︦-) ⲣⲓⲉⲙⲓ ⲉⲛⲏ ⲉϯϣⲟⲡ ⲛϧⲏⲧⲟⲩ ⲙⲡⲁⲓⲥⲏⲟⲩ ⲧⲏⲣϥ
ⲛⲁⲓ ⲉⲧⲁ ⲫ︦ϯ︦ ⲟⲡϣⲧ ⲉⲣⲱⲟⲩ ⲉⲟⲩⲛⲟϥⲣⲓ ⲛⲧⲁⲯⲩⲭⲏ ⲛⲉⲙ ⲡⲁⲥⲱⲙⲁ. ⲁⲥ‐
ϣⲱⲡⲓ ⲇⲉ ⲙⲙⲟⲓ ⲛⲉⲙ ⲧⲁⲥϩⲓⲙⲓ ϩⲟⲧⲉ ⲉⲧⲁ ⲫ︦ϯ︦ ϩⲟⲡⲧ ⲛⲉⲙⲁⲥ ⲕⲁⲧⲁ ⲡⲓⲕⲟⲥ‐
ⲙⲟⲥ ⲟⲩⲟϩ ⲉⲧⲓ ⲉⲓϩⲓϫⲉⲛ ⲡⲓϭⲗⲟϫ ⲛⲉⲙⲁⲥ ⲁⲛⲥⲉⲙⲛⲓ ⲛⲟⲩⲇⲓⲁⲑⲏⲕⲏ ⲟⲩⲧⲱⲛ
ⲛⲉⲙ ⲫ︦ϯ︦ ⲛⲉⲙ ⲛⲉⲛⲉⲣⲏⲟⲩ ϫⲉ ϩⲓⲛⲁ ⲛⲧⲉⲛⲁⲣⲉϩ ⲉⲡⲉⲛⲧⲟⲩⲃⲟ ϣⲁⲧⲉⲛⲓ ⲉⲃⲟⲗ‐


### 0062

ϧⲉⲛ ⲡⲁⲓⲕⲟⲥⲙⲟⲥ ⲟⲩⲟϩ ϣⲁ ϯⲛⲟⲩ ϯⲥⲱⲟⲩⲛ ⲛⲧϫⲓ ⲛⲛⲕⲟⲧ ⲛⲧⲁⲓⲥϩⲓⲙⲓ ⲁⲛ
ϫⲉ ⲟⲩⲁϣ ⲛⲣⲏϯ ⲡⲉ ⲟⲩⲇⲉ ⲛⲑⲟⲥ ϩⲱⲥ ⲥⲥⲱⲟⲩⲛ ⲙⲙⲟⲓ ⲁⲛ ⲟⲩⲇⲉ ⲟⲛ ϯⲥⲱⲟⲩⲛ
ⲛⲛⲁⲓⲁⲗⲱⲟⲩⲓ ⲁⲛ ϫⲉ ⲛⲁ ⲛⲓⲙ ⲛⲉ ⲓⲉ ϫⲉ ⲉⲧⲁⲥϫⲫⲱⲟⲩ ⲛⲁϣ ⲛⲣⲏϯ ⲟⲩⲟϩ
ϧⲉⲛ ⲡⲓϩⲙⲟⲧ ⲛⲧⲉ ⲫ︦ϯ︦ ⲙⲡⲓϫⲉ ⲟⲩⲥⲁϫⲓ ⲛϣⲗⲟϥ ϧⲁⲣⲟⲥ ⲟⲩⲟϩ ϩⲏⲡⲡⲉ ϯϭⲓ
ϫⲁϥ ⲛⲉⲙ ϣⲁⲣⲃⲁ ⲉⲓϣⲁⲛϣ ⲉⲧⲁⲓⲏ︦ ⲙⲯⲩⲭⲏ ⲉⲓⲟⲓ ⲛⲁⲧⲉⲙⲓ ⲉⲡⲓϩⲙⲟⲧ ⲉⲧⲁ
ⲡⲁⲟ︦︦︦ⲥ︦  ⲓ︦︦ⲏ︦ⲥ︦ ⲡⲭ︦ⲥ︦ ⲁⲓϥ ⲛⲏⲓ. ⲟⲩⲟϩ ⲛⲁⲓ ⲉⲧⲁϥϫⲟⲧⲟⲩ ⲛⲏⲓ ⲁⲓϩⲓⲧⲧ ⲉϫⲉⲛ ⲧⲉϥ‐
ⲛⲁϩⲃⲓ ⲁⲓϯ ⲫⲓ ⲉⲣⲱϥ ⲟⲩⲟϩ ⲁⲓϣⲉ ⲛⲏⲓ ⲉⲃⲟⲗϩⲁⲣⲟϥ ⲉⲓϯ ⲱⲟⲩ ⲙⲡⲁⲟ︦ⲥ︦ ⲓ︦ⲏ︦ⲥ︦
ⲡⲭ︦ⲥ︦ (-ⲡ̄ Cod. ⲡ︦ⲃ︦-) ⲉϩⲣⲏⲓ ⲉϫⲉⲛ ⲛⲓϩⲙⲟⲧ ⲉⲧⲟϣ ⲉⲛⲁϥⲣⲓ ⲙⲙⲱⲟⲩ ⲛⲉⲙ
ⲛⲓⲣⲱⲙⲓ ⲉⲑⲃⲉ ⲡⲟⲩϫⲁⲓ ⲛⲛⲟⲩⲯⲩⲭⲏ ϫⲉ ϩⲓⲛⲁ ⲉⲃⲟⲗϩⲓⲧⲉⲛ ⲗⲱⲓϫⲓ ⲛⲓⲃⲉⲛ
ⲁⲡⲗⲱⲥ ⲛⲧⲉⲛϣⲁϣⲛⲓ ⲉⲡⲓⲱⲛϧ ⲛⲉⲛⲉϩ ⲛⲧⲉ ⲑⲙⲉⲧⲟⲩⲣⲟ ⲛⲛⲓⲫⲏⲟⲩⲓ ⲉⲃⲟⲗ‐
ϩⲓⲧⲉⲛ ⲛⲉϥⲙⲉⲧϣⲉⲛ ϩⲏⲧ ⲉⲧⲟϣ ⲉϧⲟⲩⲛ ⲉⲣⲟϥ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲁⲕϣⲁⲛϯ ⲙⲡⲉⲕⲟⲩⲟⲓ ⲉⲡⲓ‐
ϣⲗⲏⲗ ⲙⲁ ϩⲑⲏⲕ ⲉⲣⲟⲕ ϧⲉⲛ ⲟⲩⲧⲁϫⲣⲟ ⲙⲏⲡⲱⲥ ⲛⲧⲉⲕϯ ⲛⲛⲉⲕⲥⲕⲉⲩⲟⲥ ⲉⲧⲟ‐
ⲧⲟⲩ ⲛⲛⲉⲕϫⲁϫⲓ ⲥⲉⲉⲣⲉⲡⲓⲑⲩⲙⲉⲓⲛ ⲅⲁⲣ ⲉϩⲱⲗⲉⲙ ⲛⲛⲉⲕⲥⲕⲉⲩⲟⲥ ⲉⲧⲉ ⲛⲁⲓ ⲛⲉ
ⲛⲗⲟⲅⲓⲥⲙⲟⲥ ⲛⲧⲉ ϯⲯⲩⲭⲏ ⲛⲁⲓ ⲛⲉ ⲛⲓⲥⲕⲉⲩⲟⲥ ⲉⲧⲧⲁⲓⲏⲟⲩⲧ ⲉⲧⲉⲕⲛⲁⲉⲣⲇⲓⲁⲕⲟ‐
ⲛⲉⲓⲛ ⲙⲫ︦ϯ︦ ⲛϧⲏⲧⲟⲩ ⲉⲣⲉ ⲫ︦ϯ︦ ⲅⲁⲣ ⲁⲛ ⲕⲱϯ ⲛⲧⲟⲧⲕ ⲛⲥⲁ ϯ ⲱⲟⲩ ⲛⲁϥ ϧⲉⲛ
ⲛⲉⲕⲥⲫⲟⲧⲟⲩ ⲙⲙⲁⲩⲁⲧⲟⲩ ⲉⲣⲉ ⲛⲉⲕⲗⲟⲅⲓⲥⲙⲟⲥ ϩⲱⲟⲩ ⲗⲉⲗⲉ ⲉⲃⲟⲗ ⲟⲩⲟϩ


### 0063

ⲉⲩⲥⲏⲣ ⲉⲃⲟⲗ ϧⲉⲛ ⲡⲕⲟⲥⲙⲟⲥ ⲧⲏⲣϥ ⲁⲗⲗⲁ ϫⲉ ϩⲓⲛⲁ ⲛⲧⲉ ϯⲯⲩⲭⲏ ⲛⲉⲙ
ⲛⲉⲕⲗⲟⲅⲓⲥⲙⲟⲥ ⲧⲏⲣⲟⲩ ⲟϩⲓ ⲉⲥⲟⲙⲥ ⲉⲡⲟⲥ ϧⲉⲛ ⲟⲩⲙⲉⲧⲁⲧϭⲓ ϩⲣⲁϥ ⲛⲑⲟϥ
ⲇⲉ ⲟⲩⲛ ⲡⲓⲛⲓϣϯ ⲛⲥⲏⲓⲛⲓ (-ⲡ︦ⲁ︦-) ⲛⲣⲉϥⲧⲁⲗϭⲟ ⲛⲧⲉ ⲛⲓⲯⲩⲭⲏ ⲛⲉⲙ ⲡⲓⲥⲱⲙⲁ
ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲙⲁⲣⲉⲛϯ ϩⲟ ⲉⲣⲟϥ ⲉⲑⲣⲉϥⲧⲁⲗϭⲉ ⲛⲓϣⲱⲛⲓ ⲛⲧⲉ ⲛⲉⲛ‐
ⲯⲩⲭⲏ ⲟⲩⲟϩ ⲛⲧⲉϥⲉⲣ ⲟⲩⲱⲓⲛⲓ ⲉⲛⲉⲛⲗⲟⲅⲓⲥⲙⲟⲥ ⲛⲉⲙ ⲛⲓⲁⲓⲥⲑⲏⲥⲓⲥ ⲛⲧⲉ
ⲡⲉⲛϩⲏⲧ ⲉⲑⲣⲉⲛⲕⲁϯ ⲉⲧⲉϥⲛⲓϣϯ ⲙⲙⲉⲧⲙⲁⲓ ⲣⲱⲙⲓ ⲛⲉⲙ ⲡⲓⲥⲕⲩⲗⲙⲟⲥ
ⲉⲧⲁϥⲁⲓϥ ⲉⲡⲓⲕⲟⲥⲙⲟⲥ ϣⲁⲣⲟⲛ ⲛⲉⲙ ⲛⲉϥⲁⲅⲁⲑⲟⲛ ⲉⲧⲉϥⲓⲣⲓ ⲙⲙⲱⲟⲩ ⲛⲉⲙⲁⲛ
ⲁⲛⲟⲛ ϧⲁ ⲛⲓⲁⲧⲙⲡϣⲁ ⲛⲉϩⲟⲟⲩ ϧⲁ ⲧϩⲏ ⲛⲉϩⲟⲟⲩ ϫⲉ ⲛⲑⲟϥ ⲡⲉ ⲡⲉⲛⲛⲏⲃ
ⲟⲩⲟϩ ⲡⲉⲛⲥⲱⲧⲏⲣ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.
ⲟⲩⲥⲟⲛ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲉⲑⲃⲉ ϯⲁⲛⲁⲭⲱⲣⲏⲥⲓⲥ. ⲡⲉϫⲉ ⲡⲓ‐
ϧⲉⲗⲗⲟ ⲛⲁϥ ϫⲉ ⲉϣⲱⲡ ⲭⲟⲩⲱϣ ⲉϣⲱⲡⲓ ϧⲉⲛ ϯⲙⲉⲧⲁⲛⲁⲭⲱⲣⲓⲧⲏⲥ ⲁⲣⲓ
ϩⲩⲡⲟⲙⲉⲛⲉⲓⲛ ⲉⲣⲟⲥ ϧⲉⲛ ⲙⲉⲧⲉⲡⲓⲉⲓⲕⲉⲥ ⲛⲓⲃⲉⲛ ⲟⲩⲟϩ ⲛⲧⲉⲕϣⲧⲉⲙⲉⲣ ⲟⲩⲉ‐
ϩⲟⲟⲩ ⲥⲁϧⲟⲩⲛ ⲟⲩⲟϩ ⲟⲩⲉϩⲟⲟⲩ ⲥⲁⲃⲟⲗ ⲁⲗⲗⲁ ϣⲱⲡⲓ ⲉⲕⲉⲣϩⲩⲡⲟⲙⲉⲛⲉⲓⲛ
ⲉⲣⲟⲥ ⲟⲩⲟϩ ⲫ︦ϯ︦ ⲛⲉⲙ ⲡⲉϥϩⲙⲟⲧ ⲛⲁϫⲱⲓⲗⲓ ⲉⲣⲟⲕ. ⲙⲡⲉⲣϫⲟⲩϣⲧ ⲉⲙⲉⲩⲓ
ⲛϣⲓⲡⲓ ϧⲁ ⲧϩⲏ ⲛⲛⲓⲣⲱⲙⲓ ⲟⲩⲟϩ ⲙⲡⲉⲣⲑⲣⲉ ϩⲗⲓ ⲛⲗⲱⲓϫⲓ ⲧⲁⲕⲉ ⲟⲩⲉϩⲟⲟⲩ
ⲛⲧⲟⲧⲕ ⲉⲃⲏⲗ ⲉⲑⲃⲉ (-ⲡ︦ⲃ︦ Cod. ⲡ︦ⲇ︦-) ⲑⲗⲱⲓϫⲓ ⲙⲡⲉⲕⲥⲟⲛ ⲛϩⲏⲕⲓ ⲓⲉ ⲟⲩⲁⲓ ⲉϥⲭⲏ


### 0064

ϧⲉⲛ ⲟⲩⲁⲛⲁⲅⲕⲏ ⲓⲉ ⲟⲩϧⲓⲥⲓ ⲡⲗⲏⲛ ⲁⲣⲉϣⲁⲛ ⲫ︦ϯ︦ ⲑⲁϣϥ ⲉⲧⲉϥⲭⲣⲉⲓⲁ ⲉⲃⲟⲗ-
ϩⲓⲧⲉⲛ ⲕⲉⲟⲩⲁⲓ ⲓⲉ ⲉⲃⲟⲗϩⲓⲧⲟⲧⲟⲩ ⲛⲛⲉϥϣⲏⲣⲓ ⲛⲑⲟⲕ ⲇⲉ ⲙⲁϣⲉ ⲛⲁⲕ ⲉⲡⲉⲕ‐
ⲙⲁ ⲛϣⲱⲡⲓ ⲟⲩⲟϩ ⲁⲣⲓ ϩⲩⲡⲟⲙⲉⲛⲉⲓⲛ ⲉⲧⲉⲕⲙⲉⲧⲉⲃⲓⲏⲛ ϩⲓⲛⲁ ⲛⲧⲉ ⲡⲓϩⲟⲗϫ
ⲙⲡⲓⲱⲣϥ ⲙⲟⲩⲛ ⲉⲃⲟⲗ ⲛⲉⲙⲁⲕ ⲙⲡⲉⲣⲱⲥⲕ ⲥⲁⲃⲟⲗ ϫⲉ ⲛⲛⲉ ⲡⲓϣⲁⲣⲃⲁ ⲛⲉϩⲥⲓ
ⲉⲣⲟⲕ ⲟⲩⲟϩ ⲛⲧⲉ ⲛⲉⲕϧⲓⲥⲓ ⲉⲣ ⲃⲉⲣⲓ ⲉⲣⲟⲕ ⲛⲧⲉⲕϫⲉⲙⲕ ⲉⲕϧⲟⲥⲓ ⲕⲁⲧⲁ ⲥⲟⲡ ϣⲁⲧⲉ
ⲡⲉⲕⲙⲱⲟⲩ ⲥⲱⲧϥ ⲁⲗⲗⲁ ϩⲉⲙⲥⲓ ϧⲉⲛ ⲡⲉⲕⲙⲁ ⲛϣⲱⲡⲓ ⲁⲣⲓ ϩⲩⲡⲟⲙⲉⲛⲉⲓⲛ
ⲉⲧⲉⲕⲙⲉⲧⲉⲃⲓⲏⲛ ⲟⲩⲟϩ ⲡⲓⲥⲟⲗⲥⲉⲗ ⲛⲁⲓ ⲛⲁⲕ ⲛⲉⲙ ⲡⲓⲣⲁϣⲓ ⲛⲉⲙ ⲡⲓⲟⲩⲛⲟϥ
ⲛⲧⲉ ⲡⲟ︦ⲥ︦. ⲙⲡⲉⲣⲭⲁ ⲙⲉⲧϣⲫⲏⲣ ⲛⲁⲕ ⲛⲉⲙ ϩⲗⲓ ⲛⲣⲱⲙⲓ ⲉⲃⲏⲗ ⲉⲛⲉⲕⲥⲛⲏⲟⲩ
ⲛϩⲏⲕⲓ ⲙⲡⲉⲣϭⲟϫⲓ ⲉϧⲟⲩⲛ ⲉϩⲗⲓ ⲛⲣⲱⲙⲓ ⲉⲑⲃⲉ ⲟⲩⲡⲉⲑⲛⲁⲛⲉϥ ⲉⲧⲁϥⲁⲓϥ ⲛⲉ‐
ⲙⲁⲕ ⲫⲱⲧ ⲉⲣⲁⲧϥ ⲙⲫ︦ϯ︦ ⲙⲙⲁⲩⲁⲧϥ ⲁⲣⲓ ⲃⲱⲕ ⲛⲁϥ ⲛⲑⲟϥ ⲡⲉ ⲉⲧⲉⲣⲇⲓⲁ‐
ⲕⲟⲛⲉⲓⲛ ⲉⲣⲟⲕ ϧⲉⲛ ϩⲁⲛ ⲥⲡⲗⲁⲅⲭⲛⲟⲛ ⲙⲙⲉⲧϣⲏⲣⲓ. ⲛⲑⲟⲕ ⲇⲉ ⲣⲱⲓⲥ ⲉⲣⲟⲕ
ⲉⲃⲟⲗϩⲁ ϯⲙⲉⲧϣⲫⲏⲣ ⲛⲧⲉ ⲛⲓⲣⲱⲙⲓ (-ⲡⲅ-) ⲙⲁⲣⲉ ⲧⲉⲕⲙⲉⲧϣⲫⲏⲣ ⲧⲏⲣⲥ
ϣⲱⲡⲓ ⲟⲩⲧⲱⲕ ⲛⲉⲙ ⲫ︦ϯ︦ ⲙⲡⲉⲣϭⲟϫⲓ ⲉϧⲟⲩⲛ ⲉⲣⲱⲙⲓ ⲉⲙⲉⲛⲣⲉ ⲙⲟⲑⲛⲉⲥ ⲛⲧⲁϥ
ϧⲉⲛ ⲟⲩⲙⲉⲧϣⲫⲏⲣ ⲟⲩⲇⲉ ⲙⲡⲉⲣⲉⲣ ⲡⲁⲣⲣⲏⲥⲓⲁ ϧⲉⲛ ⲡⲉϥⲏⲓ ⲟⲩⲇⲉ ⲙⲡⲉⲣ‐
ϫⲱⲓⲗⲓ ⲉϧⲟⲩⲛ ⲉⲣⲟϥ ϧⲉⲛ ϩⲗⲓ ⲛⲉⲛⲧⲟⲗⲏ ⲙⲏⲡⲱⲥ ⲛⲧⲉⲕϣⲧⲉⲙⲗⲱϣϫ. ⲡⲁⲥⲟⲛ
ⲉϣⲱⲡ ⲭⲟⲩⲱϣ ⲉϣⲱⲡⲓ ⲉⲕⲙⲟⲧⲉⲛ ⲙⲡⲉⲕⲥⲏⲟⲩ ⲧⲏⲣϥ ⲙⲁⲣⲉ ⲡⲉⲕⲙⲉⲩⲓ ϣⲱⲡⲓ
ⲉϥⲧⲟⲙⲓ ⲉⲫ︦ϯ︦ ⲛⲛⲁⲩ ⲛⲓⲃⲉⲛ ⲣⲱⲓⲥ ⲉⲣⲟⲕ ⲉⲃⲟⲗϩⲁ ϯⲙⲉⲧϣⲫⲏⲣ ⲛⲧⲉ ⲛⲓⲣⲱⲙⲓ


### 0065

ⲁⲣⲉϣⲁⲛ ⲡⲉⲕⲥⲟⲛ ⲕⲁⲧⲁ ⲥⲁⲣⲝ ⲓ ⲛⲁⲕ ⲟⲩⲟϩ ⲛⲧⲉⲕϣⲧⲉⲙⲟⲩⲱϣ ⲉϩⲓⲧϥ ⲉⲃⲟⲗ
ⲁⲗⲓⲧϥ ⲙⲏⲓϥ ⲛⲧⲟⲧϥ ⲛⲕⲉⲥⲟⲛ ⲉⲣⲉ ⲡϩⲏⲧ ⲛⲛⲓⲥⲛⲏⲟⲩ ⲙⲟⲧⲉⲛ ⲉϫⲱϥ ϫⲉ
ϥⲉⲛϩⲟⲧ ⲛⲑⲟⲕ ⲇⲉ ϣⲱⲡⲓ ϧⲉⲛ ⲧⲉⲕⲙⲉⲧⲉⲃⲓⲏⲛ ⲛⲧⲉⲕϣⲧⲉⲙϯ ⲟⲥⲓ ⲛⲛⲓⲁϩⲱⲣ
ⲛⲧⲉ ⲛⲓⲭⲣⲏⲙⲁ. ⲁ ⲇ̄ ⲛⲣⲱⲙⲓ ⲉⲣ ⲁⲫⲉ ⲉⲇ̄ ⲛϫⲓ ⲛⲉⲣ ϩⲱⲃ ϧⲉⲛ ϯⲡⲁⲗⲁⲓⲁ
ⲓⲥϫⲉⲛ ϣⲟⲣⲡ ⲁⲃⲣⲁⲁⲙ ⲉⲣⲉ ⲡⲉϥⲣⲟ ⲟⲩⲏⲛ ⲛⲟⲩⲟⲛ ⲛⲓⲃⲉⲛ ⲟⲩⲟϩ ⲉϥⲟⲓ ⲙⲃⲱⲕ
ⲛϯϩⲉⲓⲕⲱⲛ ⲧⲏⲣⲥ ⲛⲧⲉ ⲫ︦ϯ︦ ⲉϥⲟϩⲓ ⲉⲣⲁⲧϥ ⲉϥϣⲉⲙϣⲓ ⲛⲛⲓϣⲉ ⲙⲙⲱⲟⲩ ⲟⲩⲟϩ
ⲁϥⲓⲱⲓ ⲛⲛⲓϭⲁⲗⲁⲩϫ ⲛⲧⲉ ⲡⲉϥⲟ︦ⲥ︦ ⲉⲃⲟⲗ (-ⲡ︦ⲇ︦ Cod. ⲡ︦ⲋ︦-) ⲛⲉⲙ ⲛⲉϥⲁⲅⲅⲉⲗⲟⲥ
ⲁϥϯ ⲅⲁⲣ ⲛⲁϥ ⲛϯⲡⲣⲟϩⲁⲓⲣⲉⲥⲓⲥ ϧⲉⲛ ϯⲟⲩⲛⲟⲩ ⲉⲧⲁϥⲟⲩⲟⲛϩϥ ⲉⲣⲟϥ ⲁϥ‐
ⲥⲉⲙⲛⲓ ⲛⲉⲙⲁϥ ⲛⲧⲉϥⲇⲓⲁⲑⲏⲕⲏ ⲟⲩⲟϩ ⲁ ⲧⲉϥϫⲓ ⲛⲉⲣ ϩⲱⲃ ϣⲱⲡⲓ ⲉⲥⲟⲩⲟⲛϩ
ⲉⲃⲟⲗ ⲉⲥⲟⲓ ⲛⲁⲫⲉ ϧⲉⲛ ϯⲉⲕⲕⲗⲏⲥⲓⲁ ⲟⲩⲟϩ ⲉⲥϭⲓ ⲉϧⲟⲩⲛ ϣⲁ ⲫ︦ϯ︦ ⲟⲩⲟϩ ⲙⲱⲩ‐
ⲥⲏⲥ ⲉϥⲉⲣ ϩⲉⲙⲓ ⲙⲡⲓⲗⲁⲟⲥ ϩⲓ ⲡϣⲁϥⲉ ⲉⲣⲉ ⲫ︦ϯ︦ ⲥⲁϫⲓ ⲛⲉⲙⲁϥ ⲛϩⲟ ⲟⲩⲃⲉ ϩⲟ
ⲟⲩⲟϩ ϥⲟⲓ ⲛⲁⲫⲉ ϩⲱϥ ϧⲉⲛ ⲧⲉϥϫⲓ ⲛⲉⲣ ϩⲱⲃ ⲟⲩⲟϩ ⲗⲁⲍⲁⲣⲟⲥ ⲉϥϣⲱⲛⲓ ⲉϥ‐
ϣⲉⲡ ϩⲙⲟⲧ ϧⲉⲛ ⲡⲉϥϣⲱⲛⲓ ⲉϥⲱⲟⲩ ⲛϩⲏⲧ ϧⲉⲛ ⲡⲉϥϧⲓⲥⲓ ⲛⲉⲙ ⲡⲉϥϩⲟϫϩⲉϫ
ⲉϥⲛⲁⲩ ⲉⲣⲱⲟⲩ ⲉⲩⲟⲩⲱⲙ ⲟⲩⲟϩ ⲉⲩⲥⲱ ⲙⲡⲉϥⲙⲑⲟ ϧⲉⲛ ⲛⲓⲁⲅⲁⲑⲟⲛ ⲛⲧⲉ
ⲡⲁⲓⲃⲓⲟⲥ ⲛϫⲉ ⲛⲓⲣⲁⲙⲁⲟⲓ ⲛⲧⲉ ⲡⲁⲓⲁⲓⲱⲛ ⲟⲩⲟϩ ⲙⲡⲟⲩϣⲉⲛ ϩⲏⲧ ϧⲁⲣⲟϥ
ⲛⲟⲩⲉϩⲟⲟⲩ ⲛⲟⲩⲱⲧ ⲁⲗⲗⲁ ⲛⲁϥϣⲉⲡ ϩⲙⲟⲧ ⲡⲉ ϧⲉⲛ ⲧⲉϥⲙⲉⲧⲁⲡⲗⲟⲩⲥ ⲛⲉⲙ


### 0066

ⲧⲉϥⲙⲉⲧⲁⲧⲭⲣⲟϥ ⲛⲉⲙ ⲧⲉϥⲙⲉⲧⲁⲧⲭⲣⲉⲙⲣⲉⲙ ⲡⲉⲛⲟ︦ⲥ︦ ⲅⲁⲣ ⲉⲣ ⲙⲉⲑⲣⲉ ϧⲁ‐
ⲣⲟϥ ϫⲉ ϥϫⲏⲕ ⲉⲃⲟⲗϧⲉⲛ ⲧⲉϥϫⲓ ⲛⲉⲣ ϩⲱⲃ ⲉϥⲟⲓ ⲛⲁⲫⲉ ⲛϧⲏⲧⲥ ⲟⲩⲟϩ ⲏⲗⲓⲁⲥ
ϧⲉⲛⲧⲉϥⲙⲉⲧⲉⲃⲓⲏⲛ ⲉϥⲭⲏ ϧⲉⲛ ⲡϣⲁϥⲉ ⲉϥⲟⲓ ⲛⲁⲧ- (-ⲡ︦ⲋ︦-) ⲣⲱⲟⲩϣ ⲟⲩⲟϩ
ⲉⲣⲉ ⲫ︦ϯ︦ ⲉⲣⲇⲓⲁⲕⲟⲛⲉⲓⲛ ⲛⲁϥ ⲉϥⲟⲓ ⲛⲁⲫⲉ ϧⲉⲛ ⲧⲉϥϫⲓ ⲛⲉⲣ ϩⲱⲃ. ϯⲛⲟⲩ ϫⲉ
ⲡⲁⲥⲟⲛ ⲓⲥϫⲉ ⲁⲕⲉⲣⲉⲡⲓⲑⲩⲙⲉⲓⲛ ⲉϣⲱⲡⲓ ϩⲱⲕ ϧⲉⲛ ⲡⲓϫⲱⲗ ⲉⲃⲟⲗ ⲛⲉⲙ ϯⲙⲉⲧ‐
ϩⲏⲕⲓ ⲛⲕⲁⲗⲱⲥ ⲟⲩϩⲏⲕⲓ ⲉϥⲑⲉⲃⲓⲏⲟⲩⲧ ⲉⲣⲉⲡⲉϥⲣⲱⲟⲩϣ ⲛⲏϫ ⲉⲫ︦ϯ︦ ⲉϥⲙⲏⲣ
ⲉⲡⲉϥⲙⲁ ⲛϣⲱⲡⲓ ⲉϥⲉⲣϩⲩⲡⲟⲙⲉⲛⲉⲓⲛ ϧⲉⲛ ⲧⲉϥⲙⲉⲧϩⲏⲕⲓ ⲉϥⲧⲟⲩⲃⲟ ⲙⲡⲉϥ‐
ⲙⲉⲩⲓ ⲉϧⲟⲩⲛ ⲉϯϩⲉⲓⲕⲱⲛ ⲧⲏⲣⲥ ⲛⲧⲉ ⲫϯ ϯⲛⲁϣϫⲱ ⲁⲛ ⲙⲡⲉϥⲧⲁⲓⲟ ⲡⲟⲥ ⲡⲉ
ⲉⲧⲥⲱⲟⲩⲛ ⲙⲡⲧⲁⲓⲟ ⲛⲧⲁⲓⲁⲣⲉⲧⲏ ⲡⲗⲏⲛ ⲡⲓⲛⲁⲓ ⲫⲁ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲉ
ⲉⲑⲣⲉϥⲁⲓϥ ⲛⲉⲙⲁⲛ ⲉⲑⲃⲉ ⲛⲉϥⲙⲉⲧϣⲉⲛ ϩⲏⲧ ⲉⲧⲟϣ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲁϥⲓ ϩⲁⲣⲟϥ ⲛⲟⲩⲥⲟⲡ ⲛϫⲉ ⲟⲩⲥⲟⲛ
ⲡⲉϫⲁϥ ⲛⲁϥ ϫⲉ ⲡⲁⲓⲱⲧ ⲛⲁⲙⲉⲩⲓ ϫⲱ ⲙⲙⲟⲥ ⲛⲏⲓ ϫⲉ ϩⲱⲗ ϫⲉⲙ ⲡϣⲓⲛⲓ
ⲛⲛⲏ ⲉⲧϣⲱⲛⲓ ⲑⲁⲓ ⲅⲁⲣ ⲡⲉϫⲱⲟⲩ ⲟⲩⲛⲓϣϯ ⲛⲉⲛⲧⲟⲗⲏ ⲧⲉ. ⲟⲩⲟϩ ⲡⲉϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲛⲁϥ ϧⲉⲛ ⲟⲩⲥⲁϫⲓ ⲙⲡⲣⲟⲫⲏⲧⲓⲕⲟⲛ ϫⲉ ⲡⲓⲣⲱϥ ⲛⲁⲑⲙⲉⲧⲛⲟⲩϫ
ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲑⲟϥ ⲡⲉ ⲉⲧⲁϥϫⲟⲥ ϫⲉ ⲛⲁⲓϣⲱⲛⲓ ⲁⲣⲉⲧⲉⲛ- (-ⲡ︦ⲋ︦ Cod. ⲡ︦ⲏ︦-)
ϫⲉⲙ ⲡⲁϣⲓⲛⲓ ⲁϥϭⲓ ⲛⲧⲥⲁⲣⲝ ⲛϯⲙⲉⲧⲣⲱⲙⲓ ⲟⲩⲟϩ ⲁϥⲁⲓⲥ ⲛⲟⲩⲁⲓ ⲛⲟⲩⲱⲧ
ⲛⲉⲙⲁϥ ⲟⲩⲟϩ ⲁϥϣⲉⲡ ϯⲙⲉⲧⲣⲱⲙⲓ ⲉⲣⲟϥ ϧⲉⲛ ϩⲱⲃ ⲛⲓⲃⲉⲛ ϣⲁⲧⲉⲛ ⲫⲛⲟⲃⲓ


### 0067

ⲙⲙⲁⲩⲁⲧϥ ⲁⲗⲗⲁ ϯϫⲱ ⲙⲙⲟⲥ ⲛⲁⲕ ⲡⲁϣⲏⲣⲓ ϫⲉ ⲛⲁⲛⲉ ⲡⲓϫⲓ ⲛϩⲉⲙⲥⲓ ϧⲉⲛ
ϯⲣⲓ ⲛⲁⲕ ⲛϩⲟⲩⲟ ⲉϩⲟⲧⲉ ⲡⲓϫⲉⲙ ⲡϣⲓⲛⲓ ϫⲉ ⲟⲩⲏⲓ ⲙⲉⲛⲉⲛⲥⲱⲥ ϥⲛⲏⲟⲩ ⲛϫⲉ
ⲟⲩⲥⲏⲟⲩ ⲥⲉⲛⲁⲉⲗⲕ ϣⲁⲓ ⲛⲥⲁ ⲛⲏ ⲉⲧϩⲉⲙⲥⲓ ϧⲉⲛ ϯⲣⲓ ⲟⲩⲟϩ ⲛⲧⲉ ⲡⲥⲁϫⲓ ⲛⲁⲃⲃⲁ
ⲁⲛⲧⲱⲛⲓⲟⲥ ϫⲱⲕ ⲉⲃⲟⲗ ϫⲉ ⲉϣⲱⲡ ⲁⲩϣⲁⲛⲛⲁⲩ ⲉⲟⲩⲁⲓ ⲉⲧⲉ ⲙⲡⲁϥⲗⲓⲃⲓ
ϣⲁⲩⲧⲱⲟⲩⲛⲟⲩ ⲉϫⲱϥ ⲉⲩϫⲱ ⲙⲙⲟⲥ ϫⲉ ⲛⲑⲟⲕ ⲉⲑⲗⲟⲃⲓ ⲉⲑⲃⲉ ϫⲉ ⲙⲡⲉϥ‐
ϣⲱⲡⲓ ⲉϥⲟⲛⲓ ⲙⲙⲱⲟⲩ ϯϫⲱ ⲙⲙⲟⲥ ⲛⲁⲕ ⲡⲁϣⲏⲣⲓ ϫⲉ ⲉⲛⲉ ⲙⲡⲉ ⲙⲱⲩⲥⲏⲥ
ϣⲉ ⲛⲁϥ ⲉⲡⲓⲅⲛⲟⲫⲟⲥ ⲡⲉ ⲛⲁⲩⲛⲁϯ ⲛⲁϥ ⲁⲛ ⲡⲉ ⲛⲛⲓⲡⲗⲁⲝ ⲛⲧⲉ ϯⲇⲓⲁⲑⲏⲕⲏ
ⲉⲩⲥϧⲏⲟⲩⲧ ϧⲉⲛ ⲡⲓⲧⲏⲃ ⲛⲧⲉ ⲫ︦ϯ︦ ⲉⲟⲩⲱⲟⲩ....
ⲁϥϫⲟⲥ ⲛϫⲉ ⲁⲃⲃⲁ ⲡⲁⲙⲱ ϫⲉ ⲁⲓⲥⲟϭⲛⲓ ϧⲉⲛ ⲡⲁϩⲏⲧ ⲉⲟⲩⲱϣⲧ ⲉϫⲉⲛ
ⲛⲉⲛϫⲓϫ ⲛⲁⲃⲃⲁ ⲙⲁⲕⲁⲣⲓⲟⲥ ⲡⲓⲡ︦ⲛ︦ⲁ︦ⲧⲟⲫⲟⲣⲟⲥ ⲛⲕⲉⲥⲟⲡ ⲉⲛⲉⲓⲭⲏ ϧⲉⲛ ⲡⲓⲥⲱ‐
ⲙⲁ. ⲉⲧⲁⲓⲓ ⲇⲉ ⲉⲣⲏⲥ ⲉϫⲉⲛ ϯϫⲁⲛⲏ ⲛⲧⲉ ⲁⲃⲃⲁ ⲙⲱⲩⲥⲏⲥ ⲁⲓϣⲁϣⲛⲓ ⲉⲁⲃⲃⲁ
ⲡⲟⲓⲙⲏⲛ ⲛⲉⲙ (-ⲡ︦ⲍ︦-) ⲁⲃⲃⲁ ⲉⲩⲁⲅⲣⲓⲟⲥ ⲡⲓⲥⲟⲫⲟⲥ ⲛⲉⲙ ⲁⲃⲃⲁ ⲭⲣⲟⲛⲓⲟⲥ
ⲛⲉⲙ ⲕⲉⲥⲟⲛ ⲃ︦ ⲛⲉⲙⲁⲛ ⲉⲫⲙⲁ ⲛⲁⲃⲃⲁ ⲙⲱⲩⲥⲏⲥ ⲟⲩⲟϩ ⲫⲏ ⲉⲧⲁⲓϩⲱⲗ
ⲉⲑⲃⲏⲧϥ ⲁⲓϫⲉⲙⲟⲩ ⲉⲩⲟⲓ ⲛⲟⲩⲙⲉⲩⲓ ⲛⲟⲩⲱⲧ ⲛⲉⲙⲏⲓ. ⲙⲉⲛⲉⲛⲥⲁ ⲑⲣⲉϥϩⲱⲧⲡ


### 0068

ⲛϫⲉ ⲫⲣⲏ ⲁⲩϣⲱⲡⲓ ⲛϫⲉ ϩⲁⲛ ϧⲁⲣⲁⲃⲁⲓ ⲛⲉⲙ ϩⲁⲛ ⲥⲉⲧⲉⲃⲣⲏϫ ⲛⲉⲙ ⲟⲩⲅⲛⲟ‐
ⲫⲟⲥ ⲛϫⲟⲥⲉⲙ ⲛⲉⲙ ⲟⲩⲙⲟⲛⲙⲉⲛ ⲛⲧⲉ ϩⲁⲛ ⲑⲏⲟⲩ ⲉⲩⲛⲁϣⲧ ⲉⲙⲁϣⲱ. ⲟⲩⲟϩ
ⲛⲉⲣⲁⲡⲟⲣⲉⲓⲛ ⲉⲡϫⲓ ⲛⲉⲣⲁⲡⲟⲗⲁⲩⲉⲓⲛ ⲟⲩⲟϩ ⲉϣⲁϣⲛⲓ ⲉⲡⲥⲙⲟⲩ ⲙⲫⲏ ⲉⲑ‐
ⲟⲩⲁⲃ ⲙⲡⲛ︦ⲁ︦ⲧⲟⲫⲟⲣⲟⲥ ⲡⲓⲛⲓϣϯ ⲁⲃⲃⲁ ⲙⲁⲕⲁⲣⲓⲟⲥ. ⲡⲉϫⲉ ⲟⲩⲁⲓ ⲉⲃⲟⲗⲛϧⲏ‐
ⲧⲉⲛ ϫⲉ ⲡⲓⲡⲛ︦ⲁ︦ ⲉⲑⲟⲩⲁⲃ ⲙⲡⲁⲣⲁⲕⲗⲏⲧⲟⲛ ⲉⲧϣⲟⲡ ϧⲉⲛ ⲁⲃⲃⲁ ⲙⲁⲕⲁⲣⲓⲟⲥ
ϥⲛⲁϯ ⲙⲏⲓⲛⲓ ⲛⲁⲛ ⲟⲩⲟϩ ⲛⲧⲉϥϭⲓ ⲙⲱⲓⲧ ϧⲁϫⲱⲛ ϣⲁ ⲡⲉϥⲙⲁ ϧⲉⲛ ⲟⲩϩⲉⲓ‐
ⲣⲏⲛⲏ. ⲟⲩⲟϩ ⲉⲧⲁⲛⲓ ⲉⲃⲟⲗ ⲉⲛⲉⲣ ⲡⲓⲍ ⲁⲛⲟϩⲓ ⲉⲣⲁⲧⲉⲛ ⲁⲛϣⲗⲏⲗ ⲟⲩⲟϩ ⲛⲁⲣⲉ
ⲟⲩⲟⲛ ⲟⲩⲥⲕⲗⲉⲡⲁⲣⲓ ⲉϫⲉⲛ ⲡⲓⲑⲃⲁⲓ ⲛⲧⲉ ϯⲡⲉⲧⲣⲁ ⲛⲧⲉ ⲁⲃⲃⲁ ⲙⲁⲕⲁⲣⲓⲟⲥ
ⲧⲉ ⲟⲩⲟϩ ⲁⲛⲛⲁⲩ ϩⲏⲡⲡⲉ ⲓⲥ ⲟⲩⲥⲧⲩⲗⲟⲥ ⲛⲭⲣⲱⲙ ⲁϥⲟϩⲓ ⲉⲣⲁⲧϥ ϩⲓ‐
ϫⲱϥ ⲉϥⲉⲣⲗⲁⲙⲡⲉⲓⲛ ⲟⲩⲟϩ ⲉϥϯ ⲙⲟⲩⲉ ⲉⲙⲁϣⲱ ⲉϥϭⲟⲥⲓ ⲉϩⲣⲏⲓ ⲉⲧⲫⲉ
ⲟⲩⲟϩ ⲉⲧⲓ ⲉⲛ- (-ⲡ︦ⲏ︦ Cod. ϥ︦-) ⲙⲟϣⲓ ⲛⲁⲣⲉ ⲡⲓⲥⲧⲩⲗⲟⲥ ⲛⲏⲟⲩ ⲉⲡϫⲁⲛⲉ
ⲛⲉⲙⲁⲛ ⲛⲕⲟⲩϫⲓ ⲕⲟⲩϫⲓ. ⲟⲩⲟϩ ⲉⲧⲁⲛⲓ ⲉϫⲉⲛ ϯⲡⲉⲧⲣⲁ ⲉⲡⲓⲁⲅⲓⲟⲥ ⲙⲁⲕⲁⲣⲓⲟⲥ
ⲁϥⲥⲱⲙⲥ ⲉϧⲣⲏⲓ ⲟⲩⲟϩ ⲁⲛⲛⲁⲩ ⲥⲁϧⲟⲩⲛ ⲙⲡⲉϥⲙⲁ ⲛϣⲱⲡⲓ ⲙⲫⲣⲏϯ ⲛⲟⲩ‐
ⲭⲣⲱⲙ ⲉϥⲙⲟϩ ⲟⲩⲟϩ ⲉⲧⲁⲛⲕⲱⲗϩ ⲉⲡⲓⲣⲟ ⲁϥⲓ ⲉⲃⲟⲗ ⲛϫⲉ ⲡⲓⲁⲅⲓⲟⲥ. ⲉⲧⲁⲛ‐
ⲛⲁⲩ ⲉⲡⲓⲙⲟⲩⲉ ⲉⲧϧⲉⲛ ⲡⲉϥⲟ ⲁⲛϩⲉⲓ ⲉϧⲣⲏⲓ ϩⲓϫⲉⲛ ⲡⲓⲕⲁϩⲓ ⲁⲛⲟⲩⲱϣⲧ ⲛⲛⲉϥ‐
ϭⲁⲗⲁⲩϫ ⲉⲑⲟⲩⲁⲃ ⲟⲩⲟϩ ⲉⲧⲁϥⲧⲟⲩⲛⲟⲥⲧⲉⲛ ⲁϥⲉⲣⲁⲥⲡⲁⲍⲉⲥⲑⲁⲓ ⲙⲙⲟⲛ


### 0069

ⲟⲩⲟϩ ⲉⲧⲁⲛϣⲗⲏⲗ ⲁⲛϩⲉⲙⲥⲓ ⲛⲁⲛⲥⲁϫⲓ ⲡⲉ ⲙⲡⲧⲁⲓⲟ ⲛϯⲡⲣⲟⲕⲟⲡⲏ ⲕⲁⲧⲁ ⲫ︦ϯ︦
ⲁⲙⲁ ⲇⲉ ⲛⲉⲙ ϯⲁⲛⲁⲥⲧⲣⲟⲫⲏ ⲉⲑⲛⲁⲛⲉⲥ ⲛⲉⲙ ⲡⲧⲁϩⲟ ⲉⲣⲁⲧϥ ⲙⲡⲓⲡⲣⲁⲕ‐
ⲧⲓⲕⲟⲛ ⲉⲧϣⲟⲡ ϧⲉⲛ ϣⲓⲏⲧ. ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲁϥⲉⲣ ⲟⲩⲱ ⲛϫⲉ ⲁⲃⲃⲁ
ⲙⲁⲕⲁⲣⲓⲟⲥ ⲡⲉϫⲁϥ ϫⲉ ⲛⲁⲥⲛⲏⲟⲩ ⲟⲩⲟⲛ ⲟⲩⲁⲓ ⲉⲃⲟⲗϧⲉⲛ ⲑⲏⲛⲟⲩ ϧⲁ ⲡⲓ︦︦ⲍ︦
ϥⲛⲁϫⲱⲕ ⲉⲃⲟⲗ ϧⲉⲛ ⲟⲩⲁⲅⲱⲛ ⲙⲙⲁⲣⲧⲩⲣⲓⲕⲟⲛ ⲛⲉⲙ ⲕⲉⲍ ⲛⲥⲟⲛ ⲛⲉⲙⲁϥ
ⲉⲩⲛⲁϫⲱⲕ ⲉⲃⲟⲗ ϩⲱⲟⲩ ⲙⲡⲁⲓⲣⲏϯ. ⲁϥⲉⲣ ⲟⲩⲱ ⲇⲉ ϩⲱϥ ⲛϫⲉ ⲁⲃⲃⲁ ⲙⲱⲩ‐
ⲥⲏⲥ ϫⲉ ⲁⲣⲓ ⲡⲁⲙⲉⲩⲓ ⲱ ⲡⲁⲓⲱⲧ ϩⲓⲛⲁ ⲛⲧⲉϥϫⲱⲕ ⲉⲃⲟⲗ ⲉϫⲱⲓ ⲛ- (-ⲡ︦ⲑ︦-) ϫⲉ
ⲡⲥⲁϫⲓ ⲙⲡⲥⲱⲧⲏⲣ ϫⲉ ⲟⲩⲟⲛ ⲛⲓⲃⲉⲛ ⲉⲧⲁⲩϭⲓ ϧⲉⲛ ⲧⲥⲏϥⲓ ⲥⲉⲛⲁⲧⲁⲕⲱⲟⲩ ⲛⲧⲥⲏϥⲓ
ⲑⲁⲓ ⲣⲱ ⲧⲉ ϯϩⲉⲗⲡⲓⲥ ⲉϯϫⲟⲩϣⲧ ⲉⲃⲟⲗ ϧⲁϫⲱⲥ. ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲁⲛ‐
ϩⲓⲧⲧⲉⲛ ⲉϧⲣⲏⲓ ⲁⲛϭⲓ ⲥⲙⲟⲩ ⲛⲧⲟⲧϥ ⲟⲩⲟϩ ⲁϥϣⲗⲏⲗ ⲉϫⲱⲛ ⲛϫⲉ ⲫⲏ ⲉⲑⲟⲩⲁⲃ
ⲛϧⲉⲗⲗⲟ ⲁϥⲭⲁⲛ ⲉⲃⲟⲗ ⲟⲩⲟϩ ⲛⲁⲛⲙⲟϣⲓ ⲡⲉ ⲉⲛϯ ⲱⲟⲩ ⲙⲫ︦ϯ︦ ⲉϩⲣⲏⲓ ⲉϫⲉⲛ
ϯϫⲓ ⲛⲥⲁϫⲓ ⲉⲧⲁⲥϣⲱⲡⲓ ⲛⲉⲙ ϯⲑⲉⲱⲣⲓⲁ ⲉⲧⲁⲛⲛⲁⲩ ⲉⲣⲟⲥ ⲟⲩⲟϩ ⲛⲁⲛⲭⲟϩ
ϩⲱⲛ ⲡⲉ ⲉⲛⲓϩⲙⲟⲧ ⲉⲑⲛⲁⲁⲩ ⲛⲏ ⲉⲛⲁⲣⲉ ⲫ︦ϯ︦ ⲓⲣⲓ ⲙⲙⲱⲟⲩ ⲛⲉⲙ ⲛⲏ ⲉⲑⲟⲩⲁⲃ
ⲛⲧⲁϥ.
ⲟⲩⲥⲟⲛ ⲁϥϩⲉⲓ ϧⲉⲛ ⲟⲩⲡⲁⲣⲁⲡⲧⲱⲙⲁ ⲟⲩⲟϩ ⲁϥⲓ ϣⲁ ⲁⲃⲃⲁ ⲙⲁⲕⲁⲣⲓⲟⲥ
ϧⲉⲛ ϩⲁⲛ ⲉⲣⲙⲱⲟⲩⲓ ⲉϥϫⲱ ⲙⲙⲟⲥ ϫⲉ ⲧⲱⲃϩ ⲉϫⲱⲓ ⲡⲁⲓⲱⲧ ϫⲉ ⲁⲓϣⲱⲡⲓ ϧⲉⲛ
ⲡⲓϣⲱⲛⲓ ⲛⲥⲟⲇⲟⲙⲁ ⲁⲓϭⲓ ϭⲣⲟⲡ ϧⲉⲛ ⲫⲏ ⲉⲧⲁⲕⲕⲏⲛ ⲉⲉⲙⲓ ⲉⲣⲟϥ. ⲡⲉϫⲉ ⲁⲃⲃⲁ


### 0070

ⲙⲁⲕⲁⲣⲓⲟⲥ ⲛⲁϥ ϫⲉ ϫⲉⲙ ⲛⲟⲙϯ ⲡⲁϣⲏⲣⲓ ⲁⲙⲟⲛⲓ ⲙⲡⲓⲁⲧⲥⲏⲟⲩ ⲡⲓⲁⲧⲁⲣⲭⲏ
ⲡⲓϣⲁ ⲉⲛⲉϩ ⲉⲑⲙⲏⲛ ⲉⲃⲟⲗ ⲉⲧⲉ ⲙⲙⲟⲛⲧⲉϥ ϫⲱⲕ ⲡⲓⲃⲟⲏⲑⲟⲥ ⲛⲧⲉ ⲛⲏ ⲉⲧⲉ
ⲙⲙⲟⲛⲧⲟⲩ ϩⲉⲗⲡⲓⲥ ⲙⲙⲁⲩ ⲉⲃⲏⲗ ⲉⲣⲟϥ ⲙⲙⲁⲩⲁⲧϥ ⲡⲣⲁⲛ ⲉⲧϩⲟⲗϫ ϧⲉⲛ
(-ϥ︦ Cod. ϥ︦ⲃ︦-) ⲣⲱϥ ⲛⲟⲩⲟⲛ ⲛⲓⲃⲉⲛ ⲡⲓϩⲉⲗϫⲉ ⲙⲙⲁⲩⲁⲧϥ ⲡⲓⲱⲛϧ ⲛⲧⲉⲗⲉⲓⲟⲛ
ⲫⲁ ⲛⲓⲁϩⲱⲣ ⲉⲧⲟϣ ⲙⲙⲉⲧϣⲉⲛ ϩⲏⲧ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲉⲛⲁⲗⲏⲑⲓⲛⲟⲥ ⲛⲛⲟⲩϯ
ⲙⲁⲣⲉ ⲫⲁⲓ ϣⲱⲡⲓ ⲛⲁⲕ ⲛⲛⲟⲙϯ ⲛⲉⲙ ⲣⲉϥⲉⲣⲃⲟⲏⲑⲉⲓⲛ ⲛⲉⲙ ⲣⲉϥⲭⲱ ⲉⲃⲟⲗ.
ⲡⲁϣⲏⲣⲓ ϯϫⲱ ⲙⲙⲟⲥ ⲛⲁⲕ ϫⲉ ⲉϣⲱⲡ ⲛⲧⲉ ⲟⲩⲡⲁⲣⲑⲉⲛⲟⲥ ϩⲉⲓ ϧⲉⲛ ⲡⲓⲡⲁ‐
ⲣⲁⲡⲧⲱⲙⲁ ⲟⲩⲟϩ ⲛⲧⲉⲥⲁⲣⲉϩ ⲉⲡⲓⲡⲗⲁⲥⲙⲁ ϯϫⲱ ⲙⲙⲟⲥ ⲛⲁⲕ ϫⲉ ⲉⲑⲃⲉ ⲡⲓϣ‐
ⲫⲓⲧ ⲛⲧⲉ ⲡⲉⲥϩⲟ ⲛⲉⲙ ⲛⲓϣⲱϣ ⲉⲧⲟⲩϯ ⲙⲙⲱⲟⲩ ⲛⲁⲥ ⲉⲥϣⲱⲡ ⲉⲣⲟⲥ ϧⲉⲛ ⲟⲩ‐
ⲣⲁϣⲓ ϣⲁⲣⲉ ⲡⲭ︦ⲥ︦ ⲣⲁϣⲓ ⲉϩⲣⲏⲓ ⲉϫⲱⲥ ⲙⲫⲣⲏϯ ⲛⲟⲩⲡⲁⲣⲑⲉⲛⲟⲥ ⲡⲁⲓⲣⲏϯ
ⲛⲑⲟⲕ ϩⲱⲕ ⲡⲁϣⲏⲣⲓ ⲉⲡⲉⲓⲇⲏ ⲁⲕϭⲱⲣⲡ ⲙⲡⲉⲕϣⲱϣ ⲉⲃⲟⲗ ⲕⲁⲧⲁ ⲫⲣⲏϯ
ⲉⲧⲁⲥϫⲟⲥ ⲛϫⲉ ϯⲅⲣⲁⲫⲏ ⲉⲑⲟⲩⲁⲃ ϫⲉ ⲟⲩⲱⲛϩ ⲛⲛⲉⲧⲉⲛⲛⲟⲃⲓ ⲉⲃⲟⲗ ⲛⲛⲉⲧⲉ‐
ⲛⲉⲣⲏⲟⲩ ϩⲟⲡⲱⲥ ⲛⲧⲟⲩⲧⲱⲃϩ ⲉϫⲉⲛ ⲑⲏⲛⲟⲩ ⲛⲧⲉ ⲟⲩⲭⲱ ⲉⲃⲟⲗ ϣⲱⲡⲓ ⲛⲱⲧⲉⲛ
ⲟⲩⲟϩ ⲛⲧⲉⲧⲉⲛⲟⲩϫⲁⲓ. ⲕⲁⲓ ⲅⲁⲣ ⲁ ⲡⲉⲧⲣⲟⲥ ϫⲟⲥ ⲙⲡⲟ︦ⲥ︦ ϫⲉ ⲛⲧⲁⲭⲱ ⲉⲃⲟⲗ
ⲙⲡⲁⲥⲟⲛ ϣⲁ ⲟⲩⲏⲣ ⲛⲥⲟⲡ ϣⲁ ⲍ ⲛⲥⲟⲡ ⲡⲉϫⲉ ⲡⲓⲁⲅⲁⲑⲟⲥ ⲛⲛⲟⲩϯ ⲛⲁϥ ϫⲉ
ϯϫⲱ ⲙⲙⲟⲥ ⲛⲁⲕ ⲁⲛ ϫⲉ ⲍ̄ ⲛⲥⲟⲡ ⲁⲗⲗⲁ ⲍ̄ ⲛⲟ̄ ⲛⲥⲟⲡ.
(-ϥ︦ⲁ︦-) ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲙⲫⲣⲏϯ ⲛⲟⲩⲁⲓ ⲁϥϣⲁⲛϣⲉ


### 0071

ⲛⲁϥ ⲉⲡⲓⲙⲁ ⲛϫⲱⲕⲉⲙ ⲉϣⲱⲡ ⲇⲉ ⲁϥϣⲧⲉⲙⲃⲁϣϥ ⲛⲛⲉϥϩⲃⲱⲥ ⲧⲏⲣⲟⲩ
ⲙⲙⲟⲛ ϣϫⲟⲙ ⲙⲙⲟϥ ⲉϫⲱⲕⲉⲙ ⲛⲉⲙ ⲉⲓⲁ ⲛⲉϥϫⲉⲣϫⲓ ⲧⲏⲣⲟⲩ ⲉⲃⲟⲗ. ⲫⲁⲓ
ⲡⲉ ⲙⲫⲣⲏϯ ⲛⲟⲩⲁⲓ ⲁϥϣⲁⲛϯ ⲉⲡⲉϥⲟⲩⲟⲓ ⲉⲉⲣ ⲙⲟⲛⲁⲭⲟⲥ ϫⲉ ⲁϥϣⲧⲉⲙ‐
ⲃⲁϣϥ ⲛⲣⲱⲟⲩϣ ⲛⲓⲃⲉⲛ ⲛⲧⲉ ⲡⲁⲓⲕⲟⲥⲙⲟⲥ ⲛⲉⲙ ⲛⲉϥⲉⲡⲓⲑⲩⲙⲓⲁ ⲧⲏⲣⲟⲩ ⲉⲑ‐
ⲙⲉϩ ⲛϩⲏⲇⲟⲛⲏ ⲉⲧϣⲟⲩⲓⲧ ⲙⲙⲟⲛ ϣϫⲟⲙ ⲙⲙⲟϥ ⲉⲉⲣⲡⲣⲟⲕⲟⲡⲧⲉⲓⲛ ⲓⲉ ⲉϭⲓ
ⲛⲧⲡⲣⲟⲕⲟⲡⲏ ⲛϯⲁⲣⲉⲧⲏ ⲓⲉ ⲛⲧⲉϥϭⲣⲟ ⲉⲛⲓϫⲓ ⲛⲥⲓϯ ⲧⲏⲣⲟⲩ ⲛⲧⲉ ⲡⲓϫⲁϫⲓ ⲉⲧⲉ
ⲛⲁⲓ ⲛⲉ ⲛⲓϫⲉⲣϫⲓ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲙⲫⲣⲏϯ ⲙⲡⲓⲅⲩⲃⲉⲣⲛⲏⲧⲏⲥ
ⲉⲧⲉ ⲡⲓⲣⲉϥⲉⲣ ϩⲉⲙⲓ ⲡⲉ ϫⲉ ϣⲁϥϣⲱⲡⲓ ⲉϥⲉⲣⲕⲓⲛⲇⲩⲛⲉⲩⲉⲓⲛ ϧⲁ ⲡⲓϫⲟⲓ ⲛⲉⲙ
ⲡⲓⲁⲟⲩⲓⲛ ϣⲁⲧⲉϥⲙⲟⲛⲓ ⲙⲙⲟϥ ⲉⲡⲓⲗⲓⲙⲏⲛ ⲡⲁⲓⲣⲏϯ ϩⲱϥ ⲟⲩⲓⲱⲧ ⲙⲡⲛ︦ⲁ︦-
ⲧⲓⲕⲟⲥ ⲉⲣⲉ ⲟⲩⲟⲛ ϩⲁⲛ ϣⲏⲣⲓ ϣⲟⲡ ⲛⲉⲙⲁϥ ⲉϥϥⲓ ⲣⲱⲟⲩϣ ⲉⲑⲃⲉ ⲡⲟⲩⲛⲟϩⲉⲙ.
ⲕⲁⲓ ⲅⲁⲣ ⲡⲓⲅⲩⲃⲉⲣⲛⲏⲧⲏⲥ ⲙⲡⲁϥϣⲉⲣ ⲁⲑⲣⲱⲟⲩϣ ⲉⲡⲓϫⲟⲓ ⲛⲟⲩⲛⲟⲩ ⲛⲓⲃⲉⲛ
ⲁⲗⲗⲁ ϣⲁϥϧⲟⲧϧⲉⲧ ⲛⲥⲁ ⲛⲉϥⲁⲣⲙⲟⲥ ϫⲉ ⲁϣ ⲙⲙⲱⲟⲩ ⲡⲉ ⲉⲧϣⲁⲧ ⲙⲱⲟⲩ
ⲉⲣⲟϥ (-ϥⲃ Cod. ϥⲇ-) ⲓⲉ ⲉⲧⲟⲓ ⲙⲃⲟⲛⲓ ⲛⲁϥ ϣⲁⲧⲉϥⲧⲟⲡⲟⲩ ⲧⲏⲣⲟⲩ ⲙⲏⲡⲱⲥ
ⲛⲧⲉϥⲱⲙⲥ ϧⲉⲛ ⲛⲓⲙⲱⲟⲩ ⲛⲧⲉϥⲧⲁⲕⲟ. ⲡⲁⲓⲣⲏϯ ϩⲱϥ ⲫⲏ ⲉⲧⲟⲓ ⲛⲓⲱⲧ ⲉϫⲉⲛ
ⲛⲓⲥⲛⲏⲟⲩ ⲡⲉⲧⲥϣⲉ ⲉⲣⲟϥ ⲡⲉ ⲛⲧⲉϥϧⲟⲧϧⲉⲧ ⲛⲥⲁ ⲛⲓⲡⲁⲑⲟⲥ ⲧⲏⲣⲟⲩ ⲛⲉⲙ ⲛⲓ‐


### 0072

ⲙⲉⲩⲓ ⲉⲧϩⲱⲟⲩ ⲛⲧⲉ ⲛⲓⲇⲁⲓⲙⲱⲛ ⲉⲧϣⲟⲡ ⲛϧⲏⲧⲟⲩ ϫⲉ ⲁϣ ϧⲉⲛ ⲛⲁⲓⲡⲁⲑⲟⲥ
ⲧⲏⲣⲟⲩ ⲉⲧϣⲁⲧ ⲙⲱⲟⲩ ⲃⲱⲛ ⲛⲛⲟⲩⲯⲩⲭⲏ ⲙⲏⲡⲱⲥ ⲛⲧⲉϥⲉⲣ ⲁⲑⲣⲱⲟⲩϣ
ⲉⲑⲃⲉ ⲑⲗⲱⲓϫⲓ ⲙⲡⲓⲥⲁⲣⲕⲓⲕⲟⲛ ⲛⲧⲉ ⲟⲩⲕⲓⲛⲇⲩⲛⲟⲥ ϣⲱⲡⲓ ⲛⲁϥ ⲛⲉⲙ ⲟⲩⲉⲅ‐
ⲕⲗⲏⲙⲁ ⲙⲡⲉⲙⲑⲟ ⲙⲫ︦ϯ︦ ϫⲉ ⲁϥⲟⲃϣϥ ⲉⲧⲅⲩⲙⲛⲁⲥⲓⲁ ⲛⲛⲓⲥⲛⲏⲟⲩ ⲉⲧϣⲟⲡ
ⲛⲉⲙⲁϥ ϣⲁⲧⲟⲩⲉⲣ ⲉⲥⲓⲉ ϧⲉⲛ ⲡⲓⲡⲉⲗⲁⲅⲟⲥ ⲛⲉⲙ ⲛⲓϩⲱⲓⲙⲓ ⲛⲧⲩⲣⲁⲛⲛⲓⲕⲟⲛ
ⲛⲧⲉ ⲡⲓⲉⲡⲓⲃⲟⲩⲗⲟⲥ ⲛⲇⲁⲓⲙⲱⲛ ⲡⲓϫⲁϫⲓ ⲛⲧⲉ ϯⲁⲡⲟⲧⲁⲅⲏ ⲛⲉⲅⲕⲣⲁⲧⲉⲓⲁ.
ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲛⲁⲣⲉ ⲟⲩⲟⲛ ⲟⲩⲭⲉⲣⲟⲩⲃⲓⲙ
ⲙⲏⲛ ⲉⲣⲟϥ ⲡⲉ ⲓⲥϫⲉⲛ ⲡⲓⲉϩⲟⲟⲩ ⲉⲧⲁϥⲉⲣ ϩⲏⲧⲥ ⲉϯⲡⲣⲟⲕⲟⲡⲏ ⲉϥϯ ⲧⲁϫⲣⲟ
ⲛϩⲏⲧ ⲟⲩⲟϩ ⲉϥϯ ⲛⲟⲙϯ ⲛⲁϥ ⲉϧⲟⲩⲛ ⲉϯⲉⲅⲕⲣⲁⲧⲉⲓⲁ ⲟⲩⲟϩ ϧⲉⲛ ⲛⲁⲓ
ⲛⲁϥⲉⲣⲡⲣⲟⲕⲟⲡ- (-ϥ︦ⲅ︦-) ⲧⲉⲓⲛ ⲙⲙⲏⲛⲓ ⲡⲉ ⲉϥϯ ⲁⲓⲁⲓ ϧⲉⲛ ⲡⲥⲟⲗⲥⲉⲗ ⲛϯⲁ‐
ⲣⲉⲧⲏ ϩⲱⲥⲧⲉ ⲛⲧⲉ ⲡⲉϥⲥⲱⲓⲧ ⲉⲑⲛⲁⲛⲉϥ ϩⲱⲃⲥ ⲛϯⲣⲱⲙⲁⲛⲓⲁ ⲧⲏⲣⲥ ⲛⲉⲙ
ⲛⲓⲙⲁ ⲛϣⲁⲓ ⲛⲧⲉ ⲫⲣⲏ ϫⲉ ⲟⲩⲏⲓ ⲛⲁϥⲥⲱⲕ ϣⲁⲣⲟϥ ⲡⲉ ⲛⲟⲩⲟⲛ ⲛⲓⲃⲉⲛ ⲉϧⲟⲩⲛ
ⲉϯⲡⲣⲁⲕⲧⲓⲕⲏ ⲛⲉⲩⲁⲅⲅⲉⲗⲓⲕⲏ ⲉⲑⲃⲉ ⲡⲓⲥⲑⲟⲓ ⲛⲟⲩϥⲓ ⲛⲛⲉϥⲡⲟⲗⲓⲧⲉⲓⲁ ⲉⲧϭⲟⲥⲓ
ϩⲱⲥⲧⲉ ⲛⲧⲏϣ ⲉⲃⲟⲗϧⲉⲛ ⲣⲱϥ ⲙⲫⲙⲟⲩ ⲉϧⲟⲩⲛ ⲉⲡⲓⲱⲛϩ
ⲛⲉⲛⲉϩ ⲁ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲉⲣ ϩⲙⲟⲧ ⲛⲁϥ ϩⲱⲥⲧⲉ ⲛⲧⲉϥⲛⲁⲩ ⲉⲛⲓⲛⲟⲃⲓ ⲛⲧⲉ


### 0073

ⲛⲓⲣⲱⲙⲓ ⲙⲫⲣⲏϯ ⲛⲟⲩⲛⲉϩ ⲉϥⲭⲏ ϧⲉⲛ ⲟⲩⲙⲟⲕⲓ ⲛⲁⲃⲁϫⲏⲓⲛⲓ ⲟⲩⲟϩ ⲛⲁϥ‐
ϩⲱⲃⲥ ⲉⲃⲟⲗ ⲉϫⲱⲟⲩ ⲧⲏⲣⲟⲩ ⲡⲉ ⲉϥϭⲓ ⲙⲡⲓⲛⲓ ⲙⲫ︦ϯ︦.
ⲁϥϫⲟⲥ ⲛϫⲉ ⲁⲃⲃⲁ ⲡⲁⲫⲛⲟⲩϯ ⲡⲓⲙⲁⲑⲏⲧⲏⲥ ⲙⲙⲏⲓ ⲛⲧⲉ ⲁⲃⲃⲁ ⲙⲁⲕⲁ‐
ⲣⲓⲟⲥ ϫⲉ ⲁⲩϭⲱⲣⲡ ⲉⲃⲟⲗ ⲙⲡⲓϧⲉⲗⲗⲟ ⲉⲑⲃⲉ ⲟⲩⲉⲣⲅⲁⲧⲏⲥ ϫⲉ ⲉϥⲉⲣ ϩⲱⲃ ϧⲉⲛ
ⲟⲩⲙⲉⲧⲁⲧⲭⲣⲉⲙⲣⲉⲙ ⲟⲩⲟϩ ϫⲉ ϥϣⲟⲡ ϧⲉⲛ ⲟⲩⲛⲓϣϯ ⲛϩⲩⲡⲟⲙⲟⲛⲏ ⲉϥⲉⲣ
ϩⲉⲗⲡⲓⲥ ⲉⲡⲓⲃⲉⲭⲉ ⲛⲧⲉ ⲡⲓⲱⲛϧ ⲛⲉⲛⲉϩ. ⲟⲩⲟϩ ⲉⲧⲁϥⲧⲱⲛϥ ϧⲉⲛ ⲟⲩⲓⲱⲥ ⲡⲉϫⲁϥ
ⲛⲏⲓ ϫⲉ ⲧⲱⲛⲕ ⲟⲩⲁϩⲕ ⲛⲥⲱⲓ ⲟⲩⲟϩ ⲉⲧⲁⲛⲙⲟϣⲓ ⲁⲛⲓ ⲉϫⲉⲛ ⲟⲩⲙⲁ ⲉϥⲟⲣϥ
ⲛⲧⲉ ⲫⲓⲁⲣⲟ (-ϥ︦ⲇ︦ Cod. ϥ︦ⲋ︦-) ⲟⲩⲟϩ ⲉⲧⲓ ⲉⲛϩⲉⲙⲥⲓ ⲛⲉⲣⲏⲥⲩⲭⲁⲍⲉⲓⲛ ⲛⲁⲣⲉ
ⲡⲓϧⲉⲗⲗⲟ ⲓⲟⲣⲉⲙ ⲡⲉ ϧⲉⲛ ⲟⲩⲑⲉⲱⲣⲓⲁ ⲡⲉϫⲏⲓ ⲛⲁϥ ϧⲉⲛ ⲟⲩⲡⲁⲣⲣⲏⲥⲓⲁ ϩⲱⲥ
ⲉⲓⲧⲁϫⲣⲏⲟⲩⲧ ⲟⲩⲟϩ ⲉⲓⲥⲱⲟⲩⲛ ϫⲉ ϧⲉⲛ ⲡⲓϩⲙⲟⲧ ⲛⲧⲉ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲙⲙⲟⲛ
ϩⲗⲓ ⲛϩⲱⲃ ⲟⲓ ⲛⲁⲧϫⲟⲙ ⲛⲧⲟⲧϥ ϫⲉ ⲡⲁⲓⲱⲧ ⲁⲛ ⲭⲟⲩⲁϩⲥⲁϩⲛⲓ ⲉⲑⲣⲓϫⲉ ⲡⲁⲓ‐
ⲥⲁϫⲓ. ⲡⲉϫⲁϥ ⲛⲏⲓ ϫⲉ ⲡⲁϣⲏⲣⲓ ⲟⲩ ⲡⲉ ⲉⲧϣⲟⲡ. ⲁⲛⲟⲕ ⲇⲉ ⲁⲓⲟⲩⲟϩⲉⲙ ⲛⲁϥ
ⲉⲓϫⲱ ⲙⲙⲟⲥ ϫⲉ ⲙⲁⲑⲁⲙⲓⲟ ⲛⲟⲩⲉⲩⲭⲏ ϩⲓⲛⲁ ⲛⲧⲉⲛⲉⲣ ϫⲓⲛⲓⲟⲣ. ⲁϥⲉⲣ ⲟⲩⲱ
ⲡⲉϫⲁϥ ⲛⲏⲓ ϧⲉⲛ ⲟⲩⲟϩ ⲉϥⲙⲉϩ ⲛⲣⲁϣⲓ ⲛⲉⲙ ⲟⲩⲣⲱϥ ⲉϥⲙⲉϩ ⲛϩⲙⲟⲧ ϫⲉ
ⲡⲁϣⲏⲣⲓ ⲛⲛⲁⲧⲉⲛⲑⲱⲛⲧⲉⲛ ⲉⲡⲉⲛ︦ⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲓⲉ ⲛⲛⲁϭⲓ ⲛⲧϫⲟⲙ ⲙⲡⲁ ⲛϫⲱϫ
ⲛⲛⲓⲁⲡⲟⲥⲧⲟⲗⲟⲥ ⲡⲉⲧⲣⲟⲥ ⲓⲉ ⲧⲉⲛⲛⲁϣⲫⲱⲧ ⲛⲧⲟⲧϥ ⲙⲡⲓⲱⲟⲩ ⲉⲧϣⲟⲩⲓⲧ ⲛⲧⲉ
ⲛⲓⲣⲱⲙⲓ ⲓⲉ ϣⲁ ⲑⲛⲁⲩ ⲥⲉϯ ⲱⲟⲩ ⲛⲁⲛ ⲛϫⲉ ⲛⲓⲣⲱⲙⲓ. ⲉⲧⲁϥϫⲉ ⲛⲁⲓ ⲇⲉ


### 0074

ϩⲏⲡⲡⲉ ⲁϥⲟⲩⲟⲛϩϥ ⲛϫⲉ ⲟⲩⲑⲏⲣⲓⲟⲛ ⲉϥϣⲟⲡ ϧⲉⲛ ⲛⲓⲙⲱⲟⲩ. ⲡⲉϫⲉ ⲁⲅⲓⲟⲥ
ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲁⲛ ⲫⲟⲩⲱϣ ⲙⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲡⲉ ⲛⲧⲉⲕⲉⲣ
(-ϥ︦ⲉ︦-) ϫⲓⲛⲓⲟⲣ ⲙⲙⲟⲛ. ⲟⲩⲟϩ ⲫⲁⲓ ⲉⲧⲁϥϫⲟϥ ⲥⲁⲧⲟⲧϥ ⲁ ⲡⲓⲑⲏⲣⲓⲟⲛ ⲙⲟⲛⲓ
ⲉⲡⲓⲭⲣⲟ ⲟⲩⲟϩ ⲉⲧⲁⲛⲁⲗⲏⲓ ⲉⲣⲟϥ ⲁϥⲥⲁⲧⲧⲉⲛ ⲉⲙⲏⲣ ⲟⲩⲟϩ ⲉⲧⲁⲛϥⲱϫⲓ ⲉϯⲕⲏ
ⲡⲉϫⲉ ⲡⲁⲓⲱⲧ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ϭⲓⲧⲕ ⲛϫⲟⲛⲥ ⲟⲙⲥ ϫⲱⲕ ⲟⲩⲟϩ
ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲁϯ ⲛⲧⲉⲕϩⲏⲙⲓ ⲛⲁⲕ. ⲉⲧⲁϥⲟⲙⲥϥ ⲇⲉ ⲥⲁⲧⲟⲧϥ ⲁϥⲟⲩⲟⲛϩϥ
ⲛⲉⲙ ⲟⲩⲛⲓϣϯ ⲛⲧⲉⲃⲧ ⲟⲩⲟϩ ⲉⲧⲁⲓⲛⲁⲩ ⲉⲧⲁⲓⲛⲓϣϯ ⲛϣⲫⲏⲣⲓ ⲁⲓϩⲓⲧⲧ ⲉϧⲣⲏⲓ
ϧⲁⲣⲁⲧⲟⲩ ⲛⲛⲉϥϭⲁⲗⲁⲩϫ ⲉⲓϣⲟⲡ ϧⲉⲛ ⲟⲩⲛⲓϣϯ ⲛϩⲟϯ. ⲛⲑⲟϥ ⲇⲉ ⲁϥⲧⲟⲩ‐
ⲛⲟⲥⲧ ⲡⲁⲓⲣⲏϯ ⲁⲛⲙⲟϣⲓ ⲉⲛϯ ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲟⲩⲟϩ ⲉⲧⲁⲛϧⲱⲛⲧ
ⲇⲉ ⲉⲡⲓϯⲙⲓ ⲁⲛϩⲉⲙⲥⲓ ⲟⲩⲟϩ ⲛⲁⲣⲉ ⲡⲉⲛⲓⲱⲧ ⲛⲇⲓⲕⲁⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ
ϯ ⲛⲓⲁⲧϥ ⲡⲉ ⲛⲛⲏ ⲉⲑⲛⲁⲥⲓⲛⲓ ϩⲏⲡⲡⲉ ⲁϥⲛⲁⲩ ⲉⲡⲓⲉⲣⲅⲁⲧⲏⲥ ⲉϥⲛⲏⲟⲩ ⲉϥϫⲟⲗϩ
ⲙⲡⲓϩⲙⲟⲧ ⲛⲧⲉ ϯϩⲩⲡⲟⲙⲟⲛⲏ ⲡⲉϫⲁϥ ϫⲉ ϩⲏⲡⲡⲉ ⲓⲥ ⲟⲩⲥⲕⲉⲩⲟⲥ ⲉϥⲥⲟⲧⲡ
ⲟⲩⲟϩ ⲉϥⲧⲁⲓⲏⲟⲩⲧ ⲟⲩⲟϩ ⲉⲧⲁϥⲧⲱⲛϥ ⲉⲃⲟⲗ ⲉϩⲣⲁϥ ⲁϥⲉⲣⲁⲥⲡⲁⲍⲉⲥⲑⲁⲓ
ⲙⲙⲟϥ ⲟⲩⲟϩ ⲡⲉϫⲁϥ ⲛⲁϥ ϫⲉ ϯϩⲉⲓⲣⲏⲛⲏ ⲛⲁⲕ ⲡⲓⲉⲣⲅⲁⲧⲏⲥ ⲛⲧⲉ ϯⲁϫⲡ
ⲓ︦ⲁ︦. ⲁϥⲉⲣ ⲟⲩⲱ ϩⲱϥ ⲡⲉϫⲁϥ ϫⲉ ⲕⲁⲧⲁ (-ϥ︦ⲋ︦ Cod. ϥ︦ⲏ︦-) ⲫⲟⲩⲱϣ ⲙⲡⲁⲟ︦ⲥ︦
ⲓ︦ⲏ︦ⲥ︦ ⲡⲭ︦ⲥ︦. ⲡⲉϫⲉ ⲡⲉⲛⲓⲱⲧ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲉⲕⲉⲣ ϩⲱⲃ ⲛⲁϣ ⲛⲣⲏϯ


### 0075

ⲓⲉ ⲉⲕϭⲓ ⲃⲉⲭⲉ ⲛⲧⲟⲧϥ ⲛⲛⲓⲙ. ⲡⲉϫⲉ ⲡⲓⲉⲣⲅⲁⲧⲏⲥ ⲛⲁϥ ϫⲉ ⲉⲓⲉⲣ ϩⲱⲃ ⲛⲟⲩⲁⲣ‐
ⲭⲱⲛ ⲛⲧⲉ ⲡⲕⲁϩⲓ ⲟⲩⲟϩ ⲡⲓⲟⲩⲣⲟ ⲉⲧϧⲉⲛ ⲛⲓⲫⲏⲟⲩⲓ ⲉⲧϯ ⲃⲉⲭⲉ ⲛⲏⲓ. ⲡⲉϫⲉ
ⲡⲁⲓⲱⲧ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲁⲛ ⲕⲧⲁϫⲣⲏⲟⲩⲧ ⲉϫⲉⲛ ⲫⲁⲓ ⲙⲡⲁⲓⲣⲏϯ.
ⲡⲉϫⲉ ⲡⲓⲉⲣⲅⲁⲧⲏⲥ ⲛⲁϥ ϫⲉ ⲉⲓⲧⲁϫⲣⲏⲟⲩⲧ ⲉϫⲉⲛ ϯⲫⲱⲛⲏ ⲛⲧⲉ ⲡⲟ︦ⲥ︦ ⲛⲧⲉ ⲡⲓⲁϩ
ⲁⲗⲟⲗⲓ. ⲡⲉϫⲉ ⲡⲁⲓⲱⲧ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲛⲁϣ ⲛⲣⲏϯ ⲕϫⲱ ⲙⲫⲁⲓ.
ⲡⲉϫⲉ ⲡⲓⲉⲣⲅⲁⲧⲏⲥ ⲛⲁϥ ϫⲉ ⲛⲑⲟϥ ⲁϥϫⲟⲥ ϫⲉ ⲙⲟⲩϯ ⲉⲛⲓⲉⲣⲅⲁⲧⲏⲥ ⲙⲁ ⲡⲟⲩ‐
ⲃⲉⲭⲉ ⲛⲱⲟⲩ. ⲟⲩⲟϩ ⲛⲁⲓ ⲉⲧⲁⲛϫⲟⲧⲟⲩ ⲁⲛⲕⲉⲗϫ ⲕⲉⲗⲓ ⲁⲛϣⲗⲏⲗ ⲡⲁⲓⲣⲏϯ
ⲁⲛⲧⲱⲟⲩⲛ ⲁⲛⲙⲟϣⲓ ⲛⲁⲣⲉ ⲡⲉⲛⲓⲱⲧ ⲁⲃⲃⲁ ⲙⲁⲕⲁⲣⲓⲟⲥ ⲉⲣ ϩⲏⲃⲓ ⲡⲉ ⲉϥϫⲱ
ⲙⲙⲟⲥ ϫⲉ ⲟⲩⲟⲓ ⲛⲁⲕ ⲙⲁⲕⲁⲣⲓⲟⲥ ϫⲉ ϩⲏⲡⲡⲉ ⲟⲩⲇⲉ ⲙⲫⲣⲏϯ ⲙⲡⲁⲓⲕⲉⲕⲟⲥ‐
ⲙⲓⲕⲟⲥ ⲛⲉⲣⲅⲁⲧⲏⲥ ⲛϯⲧⲁϫⲣⲏⲟⲩⲧ ⲁⲛ ϫⲉ ⲁⲛ ⲁ ⲡⲁϩⲱⲃ ⲣⲁⲛⲁϥ ⲙⲡⲁⲟⲥ
ⲓ︦︦ⲏ︦ⲥ︦ ⲡⲭ︦ⲥ︦ ⲓⲉ ϩⲟⲗⲱⲥ ⲣⲱ ϯⲙⲡϣⲁ ⲛⲟⲩⲃⲉⲭⲉ ⲛⲧⲉ ⲡⲕⲁϩⲓ ⲙⲁⲗⲗⲟⲛ ⲇⲉ
(-ϥ︦ⲍ︦-) ⲫⲁ ⲛⲓⲫⲏⲟⲩⲓ. ⲙⲉⲛⲉⲛⲥⲁ ⲛⲁⲓ ⲉⲧⲁⲛⲓ ⲟⲛ ⲉϫⲉⲛ ⲫⲓⲁⲣⲟ ⲡⲉϫⲉ ⲡⲁⲓⲱⲧ
ⲉⲑⲟⲩⲁⲃ ⲁⲃⲃⲁ ⲙⲁⲕⲁⲣⲓⲟⲥ ⲛⲏⲓ ϫⲉ ⲡⲁϣⲏⲣⲓ ⲙⲁⲣⲉⲛⲉⲣ ⲡⲥⲙⲟⲧ ⲛϯⲙⲉⲧ‐
ⲣⲱⲙⲓ ϩⲱⲛ ⲟⲩⲟϩ ⲉⲧⲁⲛⲁⲗⲏⲓ ⲉⲡⲓϫⲓⲛⲓⲟⲣ ⲁϥⲥⲁⲧⲧⲉⲛ ⲉⲡⲉⲙⲉⲛⲧ ⲟⲩⲟϩ ⲉⲧⲁⲛ‐
ⲙⲟϣⲓ ⲉⲧϩⲏ ⲛⲟⲩⲕⲟⲩϫⲓ ⲡⲉϫⲉ ⲡⲁⲓⲱⲧ ⲁⲃⲃⲁ ⲙⲁⲕⲁⲣⲓⲟⲥ ⲛⲏⲓ ϫⲉ ⲙⲁⲣⲉⲛ‐
ϩⲉⲙⲥⲓ ⲛⲟⲩⲕⲟⲩϫⲓ ⲡⲁϣⲏⲣⲓ ⲟⲩⲟϩ ⲉⲧⲓ ⲉⲛϩⲉⲙⲥⲓ ⲁⲛⲓⲱⲣⲉⲙ ⲉⲃⲟⲗ ⲟⲩⲟϩ


### 0076

ⲙⲡⲓⲉⲙⲓ ⲉϩⲗⲓ ϣⲁⲧⲉⲛϫⲉⲙⲧⲉⲛ ϧⲁⲧⲉⲛ ⲡⲓⲥⲡⲏⲗⲁⲓⲟⲛ. ⲡⲉϫⲏⲓ ⲛⲁϥ ϫⲉ ⲁⲛⲓ
ⲛϣⲧⲟⲡ ⲡⲁⲓⲱⲧ. ⲡⲉϫⲁϥ ⲛⲏⲓ ϫⲉ ⲙⲁⲣⲉⲛϯ ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϫⲉ ⲫⲏ
ⲉⲧⲁϥϩⲱⲗⲉⲙ ⲛⲁⲃⲃⲁⲕⲟⲩⲙ ⲛⲉⲙⲫⲓⲗⲓⲡⲡⲟⲥ ⲛⲑⲟϥ ⲟⲛ ⲡⲉ ⲉⲧⲁϥϭⲓ ⲙⲱⲓⲧ ⲛⲁⲛ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲉⲧⲓ ⲉⲛϩⲉⲙⲥⲓ ϧⲉⲛ ⲡⲓⲥⲡⲏⲗⲁⲓⲟⲛ
ⲛⲟⲩⲥⲟⲡ ⲁⲓⲥⲱⲧⲉⲙ ⲉⲟⲩⲥⲙⲏ ⲉⲥⲱϣ ⲉⲃⲟⲗ ⲙⲫⲣⲏϯ ⲛⲧⲥⲙⲏ ⲛⲟⲩⲃⲏϫ ⲟⲩⲟϩ
ⲉⲧⲁⲓⲓ ⲉⲃⲟⲗ ⲁⲓⲛⲁⲩ ⲉⲟⲩⲛⲓϣϯ ⲛⲇⲣⲁⲕⲱⲛ. ⲉⲧⲁϥⲛⲁⲩ ⲉⲣⲟⲓ ⲁϥⲕⲱⲗϫ ⲛⲛⲉϥ‐
ⲙⲟϯ ⲁϥⲟⲩⲱϣⲧ ⲙⲙⲟⲓ ⲟⲩⲟϩ ⲙⲉⲛⲉⲛⲥⲱⲥ ⲁϥⲟϩⲓ ⲉⲣⲁⲧϥ ⲁϥⲫⲱⲛϩ ⲙⲡⲉϥ‐
ϩⲟ ⲉⲣⲟⲓ. (-ϥ︦ⲏ︦ Cod. ⲣ̄-) ⲉⲧⲁⲓϯ ϩⲑⲏⲓ ⲇⲉ ϩⲏⲡⲡⲉ ⲛⲁⲣⲉ ⲟⲩⲟⲛ ⲟⲩϫⲟⲩⲗ ⲡⲉ
ⲭⲏ ϧⲉⲛ ⲡⲉϥⲃⲁⲗ ⲛⲟⲩⲓⲛⲁⲙ ⲡⲉ ⲟⲩⲟϩ ⲉⲧⲁⲓϭⲓ ⲛⲏⲓ ⲛⲛⲓⲙⲉⲧϣⲉⲛ ϩⲏⲧ ⲛⲧⲉ
ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲉⲙ ϯϫⲟⲙ ⲛⲁⲧϭⲣⲟ ⲉⲣⲟⲥ ⲛⲧⲉ ⲡⲓⲥⲧⲁⲩⲣⲟⲥ ⲁⲓⲁⲙⲟⲛⲓ
ⲙⲙⲟϥ ⲁⲓϩⲓⲟⲩⲓ ⲛϧⲟⲩⲛ ϧⲉⲛ ⲡⲉϥϩⲟ ⲉⲓϫⲱ ⲙⲙⲟⲥ ϫⲉ ⲡⲁⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲫⲏ
ⲉⲧⲁϥⲟⲩⲱⲛ ⲛⲛⲓⲃⲁⲗ ⲙⲡⲓⲃⲉⲗⲗⲉ ⲙⲙⲓⲥⲓ ⲉⲕⲉϣⲉⲛ ϩⲏⲧ ϧⲁ ⲑⲙⲉⲧϫⲱⲃ
ⲙⲡⲁⲓⲑⲏⲣⲓⲟⲛ ⲛⲧⲉⲕⲧⲁⲗϭⲟϥ. ⲟⲩⲟϩ ⲫⲏ ⲉⲧⲁⲓϫⲟϥ ⲁϥϩⲉⲓ ⲛϫⲉ ⲡⲓϫⲟⲩⲗ ϧⲉⲛ
ⲡⲉϥⲃⲁⲗ ⲟⲩⲟϩ ⲉⲧⲁϥⲕⲱⲗϫ ⲛⲛⲉϥⲙⲟϯ ⲛⲅ̄ ⲛⲥⲟⲡ ⲁϥϯ ⲫⲓ ⲉⲛⲁϭⲁⲗⲁⲩϫ
ⲟⲩⲟϩ ⲡⲁⲓⲣⲏϯ ⲁⲓⲭⲁϥ ⲉⲃⲟⲗ ⲁϥϣⲉ ⲛⲁϥ ⲟⲩⲟϩ ⲛⲁⲓϯ ⲱⲟⲩ ⲡⲉ ⲙⲡⲉⲛⲟ︦ⲥ︦
ⲓ︦ⲏ︦ⲥ︦ ⲡⲭ︦ⲥ︦ ⲉϩⲣⲏⲓ ⲉϫⲉⲛ ⲛⲉϥⲙⲉⲧϣⲉⲛ ϩⲏⲧ ⲉⲧⲟϣ ϫⲉ ϣⲁ ⲉϧⲟⲩⲛ ⲉⲛⲓⲕⲉⲑⲏ‐
ⲣⲓⲟⲛ ⲥⲉⲣⲙⲉⲗⲉⲓ ⲛⲁϥ ϧⲁⲣⲱⲟⲩ.


### 0077

ⲁⲃⲃⲁ ⲉⲩⲁⲅⲣⲓⲟⲥ ⲁϥϣⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲉⲧⲓ ⲉⲛⲉϥϩⲉⲙⲥⲓ ϧⲁⲧⲟⲧϥ
ⲛⲉⲙ ϩⲁⲛ ⲕⲉⲥⲛⲏⲟⲩ ϫⲉ ⲡⲱⲥ ⲡⲥⲁⲧⲁⲛⲁⲥ ϫⲓⲙⲓ ⲛⲛⲁⲓⲙⲉⲩⲓ ⲧⲏⲣⲟⲩ ⲉⲧϩⲱⲟⲩ
ⲉϥⲥⲓϯ ⲙⲙⲱⲟⲩ ⲉⲛⲓⲥⲛⲏⲟⲩ. ⲡⲉϫⲉ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥ ϫⲉ ⲫⲏ ⲉⲧⲑⲱⲕ
ⲉϯⲕⲁⲙⲓⲛⲓ ⲟⲩⲟⲛ (-ϥⲑ-) ⲟⲩⲙⲏϣ ⲛⲗⲟⲃϣ ⲛⲏⲟⲩ ⲉⲛⲉϥϫⲓϫ ⲟⲩⲟϩ ⲙⲡⲁϥϯ
ⲁⲥⲟ ⲉϩⲓⲧⲟⲩ ⲉϧⲟⲩⲛ ⲡⲁⲓⲣⲏϯ ϩⲱϥ ⲡⲓⲇⲓⲁⲃⲟⲗⲟⲥ ⲟⲩⲣⲉϥⲑⲱⲕ ⲡⲉ ⲟⲩⲟϩ
ⲙⲡⲁϥϯ ⲁⲥⲟ ⲉϩⲓⲟⲩⲓ ⲉϧⲟⲩⲛ ⲉⲡϩⲏⲧ ⲛⲟⲩⲟⲛ ⲛⲓⲃⲉⲛ ϧⲉⲛ ⲛⲉϥⲗⲉⲃϣ ⲧⲏⲣⲟⲩ
ⲉⲧϩⲱⲟⲩ ⲉⲧⲉ ⲛⲓϭⲱϧⲉⲙ ⲛⲉ. ⲧⲉⲛⲛⲁⲩ ⲇⲉ ⲟⲛ ϫⲉ ⲛⲁⲣⲉ ⲡⲓⲙⲱⲟⲩ ⲱϣⲉⲙ
ⲟⲩⲟϩ ⲛⲧⲉϥϭⲣⲟ ⲉⲧϫⲟⲙ ⲙⲡⲓⲭⲣⲱⲙ ⲡⲁⲓⲣⲏϯ ϩⲱⲥ ⲑⲃⲟⲏⲑⲉⲓⲁ ⲙⲡⲓⲥⲕⲉ‐
ⲡⲁⲥⲧⲏⲥ ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ⲛⲉⲙ ϯϫⲟⲙ ⲛⲁⲧϭⲣⲟ ⲉⲣⲟⲥ ⲛⲧⲉ ⲡⲓⲥⲧⲁⲩⲣⲟⲥ ⲁⲛ‐
ϣⲁⲛⲣⲱϫⲡ ⲛⲧⲉⲛⲙⲉⲧϫⲱⲃ ϧⲁⲣⲁⲧⲟⲩ ϣⲁⲩⲱϣⲉⲙ ⲛⲛⲓϫⲁⲗ ⲧⲏⲣⲟⲩ ⲛⲧⲉ
ⲧⲕⲁⲕⲓⲁ ⲙⲡⲥⲁⲧⲁⲛⲁⲥ ⲉⲃⲟⲗϩⲁⲣⲟⲛ ⲟⲩⲟϩ ⲛⲧⲟⲩⲑⲣⲉ ⲡⲉⲛϩⲏⲧ ⲙⲟϩ ⲟⲩⲟϩ
ⲛⲧⲉϥⲃⲉⲣⲃⲉⲣ ϧⲉⲛ ⲡⲓⲡ︦ⲛ︦ⲁ︦ ϧⲉⲛ ⲡⲓⲭⲣⲱⲙ ⲛⲉⲡⲟⲩⲣⲁⲛⲓⲟⲛ ⲟⲩⲟϩ ⲉⲑⲙⲉϩ
ⲛⲑⲉⲗⲏⲗ.
ⲁϥϫⲟⲥ ⲟⲛ ⲛϫⲉ ⲁⲃⲃⲁ ⲉⲩⲁⲅⲣⲓⲟⲥ ϫⲉ ⲁⲓϩⲓ ⲟⲩⲕⲟⲧ ⲉⲁⲃⲃⲁ ⲙⲁⲕⲁⲣⲓⲟⲥ
ⲙⲫⲛⲁⲩ ⲙⲡⲓⲕⲁⲩⲙⲁ ⲉⲓⲣⲟⲕϩ ⲛⲧⲉⲛ ⲡⲓⲓⲃⲓ ⲡⲉϫⲏⲓ ⲛⲁϥ ϫⲉ ϯⲟⲃⲓ ⲉⲙⲁϣⲱ
ⲡⲁⲓⲱⲧ. ⲡⲉϫⲁϥ ⲛⲏⲓ ϫⲉ ⲙⲁⲣⲉⲥⲣⲟϣⲕ ⲛϫⲉ ϯϧⲏⲓⲃⲓ ⲟⲩⲟⲛ ⲟⲩⲙⲏϣ ϩⲓ ⲙⲁ


### 0078

ⲛⲙⲟϣⲓ ϯⲛⲁⲩ ⲉⲩⲣⲟⲕϩ (-ⲣ̄ Cod. ⲣ︦ⲃ︦-) ⲉⲩⲟⲓ ⲛϧⲁⲓⲉ ⲛϯⲕⲉϧⲏⲓⲃⲓ. ⲟⲩⲟϩ
ⲙⲉⲛⲉⲛⲥⲁ ⲛⲁⲓ ⲁⲓϩⲓⲟⲓ ⲛⲉⲙⲁϥ ⲉⲑⲃⲉ ⲛⲓⲁⲣⲉⲧⲏ. ⲡⲉϫⲁϥ ⲛⲏⲓ ϫⲉ ⲫⲩⲥⲉⲓ ⲡⲁ‐
ϣⲏⲣⲓ ⲁⲓⲉⲣ ⲕ̄ ϯ ⲛⲣⲟⲙⲡⲓ ⲙⲡⲓⲙⲁϩ ϧⲏⲧ ⲛⲱⲓⲕ ⲟⲩⲇⲉ ⲙⲱⲟⲩ ⲟⲩⲇⲉ ϩⲛⲓⲙ
ⲁⲗⲗⲁ ϣⲁⲓⲣⲁⲕⲧ ⲉϯϫⲟⲓ ϣⲁ ϯϩⲱⲗⲉⲙ ⲛⲟⲩⲕⲟⲩϫⲓ ⲛⲥⲣⲟⲙ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲉⲩⲥⲱⲟⲩⲛ ⲙⲉⲛ ⲛⲛⲉⲧⲉⲛϩⲏⲧ
ϫⲉ ⲧⲉⲧⲉⲛⲣⲁϣⲓ ⲛⲉⲙ ϯⲥⲙⲏ ⲛⲧⲉ ⲡⲟⲥ ⲥⲱⲧⲉⲙ ⲉⲣⲟⲥ ⲟⲩⲙⲟⲛⲟⲛ ⲉⲥⲱⲧⲉⲙ
ⲉⲣⲟⲥ ⲁⲗⲗⲁ ⲉϭⲓ ⲥⲃⲱ ⲉⲣⲟⲥ ⲉⲁⲓⲥ ⲟⲩⲟⲛ ⲅⲁⲣ ⲛⲓⲃⲉⲛ ⲉⲧⲥⲱⲧⲉⲙ ⲉⲡⲓⲥⲁϫⲓ ⲛⲧⲉ
ⲫ︦ϯ︦ ϧⲉⲛ ⲧⲉϥϫⲟⲙ ⲧⲏⲣⲥ ⲛⲑⲟϥ ⲟⲛ ⲡⲉ ⲉⲧϭⲓ ⲥⲃⲱ ⲉⲣⲟϥ ⲉⲁⲓϥ. ⲉⲡⲉⲓⲇⲏ ⲁ
ⲟⲩⲙⲏϣ ⲥⲱⲧⲉⲙ ⲉⲡⲓⲥⲁϫⲓ ⲛⲧⲉ ⲫ︦ϯ︦ ⲁⲗⲗⲁ ⲙⲡⲟⲩⲥⲱⲧⲉⲙ ϧⲉⲛ ⲟⲩϫⲟⲙ ⲛⲧⲉ
ⲫ︦ϯ︦ ⲛⲉⲙ ⲟⲩⲣⲱⲟⲩⲧϥ ⲉⲑⲃⲉ ⲫⲁⲓ ⲙⲡⲟⲩⲙⲟϣⲓ ⲉⲧϩⲏ. ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϫⲱ
ⲙⲙⲟⲥ ⲉⲑⲃⲉ ⲛⲁⲓⲟⲩⲟⲛ ⲙⲡⲁⲓⲣⲏϯ ⲉϥⲱϣ ⲉⲃⲟⲗ ϫⲉ ⲫⲏ ⲉⲧⲉ ⲟⲩⲟⲛ ⲙⲁϣϫ
ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ ⲉⲛⲉ ⲉⲩⲭⲱ ⲙⲙⲱⲟⲩ ⲉⲩⲥⲱⲧⲉⲙ ⲧⲏⲣⲟⲩ ⲡⲉ
ⲛⲁϥⲛⲁⲉⲣ ⲟⲩⲱ ⲛⲧⲁⲓⲥⲙⲏ ⲁⲛ ⲡⲉ (-ⲣ︦ⲁ︦-) ϫⲉ ⲫⲏ ⲉⲧⲉ ⲟⲩⲟⲛ ⲙⲁϣϫ ⲙⲙⲟϥ
ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ. ⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦ ϥⲥⲱⲟⲩⲛ ⲛⲧⲫⲩⲥⲓⲥ ⲙⲡⲓⲇⲓⲁⲃⲟⲗⲟⲥ
ϫⲉ ⲉϥϯ ⲛⲉⲙ ⲛⲓⲯⲩⲭⲏ ⲉϣⲧⲉⲙⲭⲁⲩ ⲉⲥⲱⲧⲉⲙ ⲉⲡⲓⲥⲁϫⲓ ⲛⲧⲉ ⲫ︦ϯ︦ ⲟⲩⲟϩ
ⲛⲧⲟⲩⲟⲩϫⲁⲓ ⲉⲑⲃⲉ ⲫⲁⲓ ⲁϥϫⲟⲥ ϫⲉ ⲫⲏ ⲉⲧⲉ ⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ


### 0079

ⲙⲁⲣⲉϥⲥⲱⲧⲉⲙ ⲉⲡⲉⲓⲇⲏ ⲁⲩϣⲁⲛⲥⲱⲧⲉⲙ ⲥⲉⲛⲏⲟⲩ ⲉⲧϩⲏ ⲟⲩⲟϩ ⲥⲉϭⲣⲏⲟⲩⲧ
ⲉⲛⲓⲡⲁⲑⲟⲥ ⲧⲏⲣⲟⲩ ⲛⲧⲉ ϯⲯⲩⲭⲏ ⲛⲉⲙ ⲡⲓⲥⲱⲙⲁ. ⲁϥϣⲧⲉⲙⲭⲁ ϯⲯⲩⲭⲏ
ⲅⲁⲣ ⲉⲥⲱⲧⲉⲙ ⲉⲡⲓⲥⲁϫⲓ ⲛⲧⲉ ⲫϯ ϧⲉⲛ ⲟⲩϫⲟⲙ ⲥⲛⲏⲟⲩ ⲉⲧϩⲏ ⲁⲛ ⲟⲩⲇⲉ ⲥϫⲉⲙ
ⲣⲏϯ ⲁⲛ ⲉϯ ⲛⲉⲙ ⲛⲓⲡⲁⲑⲟⲥ ⲛⲧⲉ ⲡⲓⲥⲱⲙⲁ ⲉⲑⲃⲉ ϫⲉ ⲡⲓⲥⲁϫⲓ ⲛⲧⲉ ⲫ︦ϯ︦ ⲭⲏ
ⲛⲧⲟⲧⲥ ⲁⲛ ⲉⲣⲉ ⲡⲓϫⲁϫⲓ ϭⲉⲡ ϫⲱⲣⲓ ⲉϫⲱⲥ ⲛⲥϫⲉⲙ ⲣⲏϯ ⲁⲛ ⲉϩⲓⲟⲩⲓ ⲛϩⲗⲓ
ⲙⲡⲁⲑⲟⲥ ⲉⲧϩⲱⲟⲩ ⲉⲃⲟⲗⲛϧⲏⲧⲥ ⲉⲡⲧⲏⲣϥ ϯⲯⲩⲭⲏ ⲇⲉ ⲛⲑⲟⲥ ⲉⲧⲉ ⲡⲓⲥⲁϫⲓ
ⲛⲉⲙⲁⲥ ⲥⲛⲟϥⲉⲣ ⲛϭⲟϫⲓ ⲛⲥⲁ ⲛⲓⲡⲁⲑⲟⲥ ⲉⲃⲟⲗϩⲁⲣⲟⲥ ⲟⲩⲟϩ ⲥϩⲓⲟⲩⲓ ⲙⲡⲥⲁ‐
ⲧⲁⲛⲁⲥ ⲉⲃⲟⲗ ⲉϥⲫⲏⲧ ⲉⲃⲟⲗϩⲁⲣⲟⲥ ⲉⲁϥϭⲓ ϣⲓⲡⲓ ⲥⲥϧⲏⲟⲩⲧ ⲅⲁⲣ ϧⲉⲛ ⲡⲓⲁⲡⲟⲥ‐
ⲧⲟ‐ (-ⲣⲃ Cod. ⲣⲇ-) ⲗⲟⲥ ⲙⲡⲁⲓⲣⲏϯ ϫⲉ ⲡⲥⲁϫⲓ ⲙⲫϯ ϥϩⲓⲟⲩⲓ ⲉϩⲟⲧⲉ ⲥⲏϥⲓ
ⲛⲓⲃⲉⲛ ⲛⲣⲟ ⲃ︦ ⲟⲩⲟϩ ϥⲛⲁ ⲉϧⲟⲩⲛ ϣⲁ ⲛⲓϫⲓ ⲛⲫⲱϣ ⲛⲧⲉ ϯⲯⲩⲭⲏ ⲛⲉⲙ
ⲛⲓϩⲱⲧⲡ ⲛⲉⲙ ⲛⲓⲁⲧⲕⲁⲥ. ⲧⲉⲧⲉⲛⲛⲁⲩ ϫⲉ ⲁⲩϣⲁⲛⲭⲁ ⲡⲓⲣⲱⲙⲓ ⲉⲥⲱⲧⲉⲙ ⲉⲡⲓ‐
ⲥⲁϫⲓ ⲛⲧⲉ ⲫϯ ϫⲉ ⲡⲱⲥ ϥϩⲓⲟⲩⲓ ⲉⲃⲟⲗ ⲛⲛⲓⲡⲁⲑⲟⲥ ⲁⲩϣⲧⲉⲙⲭⲁ ⲇⲉ ⲉⲥⲱⲧⲉⲙ
ϣⲁⲣⲉ ϯⲯⲩⲭⲏ ϣⲱⲡⲓ ⲉⲥⲟⲓ ⲛⲧⲁⲧϩ ⲉⲥϩⲓⲟⲩⲓ ⲛϩⲗⲓ ⲉⲃⲟⲗ ⲁⲛ ϧⲉⲛ ⲛⲓⲙⲉⲩⲓ
ⲉⲧϩⲱⲟⲩ ⲉⲑⲃⲉ ⲫⲁⲓ ⲡⲇⲓⲁⲃⲟⲗⲟⲥ ϥⲉⲣⲕⲁⲧⲁⲫⲣⲟⲛⲉⲓⲛ ⲛⲛⲓⲟⲩⲟⲛ ⲙⲡⲁⲓⲣⲏϯ.
ⲉⲡⲉⲓⲇⲏ ⲟⲩⲛ ⲁ ⲛⲁⲓ ⲙⲡⲁⲓⲣⲏϯ ⲉⲣ ⲡⲟⲩⲥⲏⲟⲩ ⲧⲏⲣϥ ⲛⲱⲛϧ ϧⲉⲛ ϯⲙⲉⲧ‐
ⲙⲟⲛⲁⲭⲟⲥ ⲛⲉⲙ ϯⲙⲉⲧⲡⲁⲣⲑⲉⲛⲟⲥ ⲙⲡⲟⲩⲓ ⲉⲧϩⲏ ⲛϩⲗⲓ ⲟⲩⲇⲉ ⲟⲛ ⲙⲡⲟⲩ‐


### 0080

ⲥⲟⲩⲉⲛ ϯϩⲗⲏϫⲓ ⲛⲧⲉ ⲫϯ ⲑⲏ ⲉⲧϩⲟⲗϫ ⲉϩⲟⲧⲉ ⲡⲓⲉⲃⲓⲱ ⲛⲉⲙ ⲡⲓⲛⲏⲓⲛⲓ ⲟⲩⲇⲉ
ⲟⲛ ⲙⲡⲟⲩⲥⲟⲩⲉⲛ ϯϫⲟⲙ ⲛⲧⲉ ⲫϯ ⲑⲏ ⲉⲧϫⲟⲣ ⲉϩⲟⲧⲉ ϩⲱⲃ ⲛⲓⲃⲉⲛ ⲑⲏ ⲉⲧϯ
ϫⲟⲙ ⲛϯⲯⲩⲭⲏ ⲛⲉϩⲟⲟⲩ ϧⲁ ⲧϩⲏ ⲛⲉϩⲟⲟⲩ ⲟⲩⲟϩ ⲉⲥⲑⲣⲟ ⲙⲙⲟⲥ ⲉⲉⲣ ϩⲏⲧ
ⲛϫⲱⲣⲓ ⲥⲥϧⲏⲟⲩⲧ ⲅⲁⲣ ϫⲉ ϥϫⲟⲣ ⲛϫⲉ ⲡϩⲏⲧ ⲛⲛⲓⲑⲙⲏⲓ ⲉϩⲟⲧⲉ ⲫⲁ ⲛⲓⲙⲟⲩⲓ.
ⲧⲉⲧⲉⲛⲛⲁⲩ ⲛⲁϣⲏⲣⲓ ϫⲉ ⲡϩⲏⲧ (-ⲣⲅ-) ⲛⲛⲓⲑⲙⲏⲓ ϫⲟⲣ ⲛⲁϣ ⲛⲣⲏϯ ⲉϥϫⲟⲣ
ⲉⲑⲃⲉ ⲟⲩ ⲉⲑⲃⲉ ϫⲉ ⲥⲉⲭⲱ ⲙⲙⲟϥ ⲉϭⲓ ⲛϯϧⲣⲉ ⲙⲡⲛⲁⲧⲓⲕⲟⲛ ⲉⲧⲉ ⲡⲥⲁϫⲓ ⲙⲫϯ
ⲉⲑⲃⲉ ⲫⲁⲓ ⲧⲉϥⲯⲩⲭⲏ ϫⲟⲣ ⲙⲫⲣⲏϯ ⲛⲟⲩⲣⲱⲙⲓ ⲉⲩⲭⲱ ⲙⲙⲟϥ ⲉϭⲓ ⲉⲃⲟⲗ‐
ϧⲉⲛ ϯϧⲣⲉ ⲛⲧⲉ ⲡⲓⲥⲱⲙⲁ ϫⲉ ϣⲁϥϣⲱⲡⲓ ⲉϥϫⲉⲙϫⲟⲙ ⲛⲉϩⲟⲟⲩ ϧⲁ ⲧϩⲏ
ⲛⲉϩⲟⲟⲩ ⲉϣⲱⲡ ⲟⲩⲛ ⲛⲧⲟⲩϣⲧⲉⲙⲭⲁϥ ⲉⲟⲩⲱⲙ ⲉⲃⲟⲗϧⲉⲛ ϯϧⲣⲉ ϣⲁⲣⲉ ⲡⲉϥ‐
ⲥⲱⲙⲁ ⲉⲣ ⲁⲧϫⲟⲙ ⲫⲁⲓ ⲁⲣⲉϣⲁⲛ ⲛⲉϥϫⲁϫⲓ ϯ ⲟⲩⲃⲏϥ ⲥⲉⲛⲁϭⲣⲟ ⲉⲣⲟϥ
ⲛⲭⲱⲗⲉⲙ. ϯⲛⲟⲩ ϫⲉ ⲱ ⲛⲁⲙⲉⲛⲣⲁϯ ⲁⲣⲓⲁⲥⲕⲉⲓⲛ ϩⲱⲧⲉⲛ ⲉⲟⲩⲱⲙ ⲉⲃⲟⲗ‐
ϧⲉⲛ ϯϧⲣⲉ ⲙⲡⲛⲁⲧⲓⲕⲟⲛ ϩⲓⲛⲁ ⲛⲧⲟⲩϫⲉⲙ ⲛⲟⲙϯ ⲛⲧⲟⲩϭⲣⲟ ⲉⲛⲟⲩϫⲁϫⲓ.
ⲉⲑⲃⲉ ⲟⲩ ⲙⲡⲟⲩⲭⲁⲩ ⲉⲟⲩⲱⲙ ⲉⲑⲃⲉ ϫⲉ ⲡⲟⲩϩⲏⲧ ⲥⲟⲩⲧⲱⲛ ⲁⲛ ⲟⲩⲇⲉ ⲥⲉϯ
ⲁⲛ ⲉϧⲟⲩⲛ ⲉϩⲣⲉⲛ ⲛⲟⲩⲟⲩⲱϣ ⲛϩⲏⲧ ⲉⲑⲃⲉ ϫⲉ ⲡⲟⲩϩⲏⲧ ϭⲁϧⲉⲙ ⲛⲧⲟⲧⲟⲩ
ⲟⲩⲟϩ (-ⲣⲇ Cod. ⲣⲋ-) ⲥⲉϭⲓ ϩⲗⲓ ⲛⲉⲙⲓ ⲛⲧⲉ ⲫϯ ⲁⲛ ⲉⲡⲧⲏⲣϥ ⲉⲑⲃⲉ ⲫⲁⲓ ⲁ
ⲛⲓⲇⲁⲓⲙⲱⲛ ⲭⲱ ⲙⲙⲱⲟⲩ ⲁⲛ ⲉⲟⲩⲱⲙ ⲉⲃⲟⲗϧⲉⲛ ϯϧⲣⲉ ⲉⲑⲟⲩⲁⲃ ϩⲓⲛⲁ
ⲛⲧⲟⲩϫⲉⲙ ⲛⲟⲙϯ ϧⲉⲛ ⲧⲟⲩⲯⲩⲭⲏ. ⲉⲑⲃⲉ ⲫⲁⲓ ⲁⲩⲉⲣ ⲡⲟⲩⲥⲏⲟⲩ ⲧⲏⲣϥ ⲛⲱⲛϧ


### 0081

ϧⲉⲛ ⲡⲓϣⲗⲁϩ ⲛϩⲏⲧ ⲛⲉⲙ ⲡⲓⲧⲱⲙⲧ ⲛϩⲏⲧ ⲛⲉⲙ ⲛⲓⲙⲕⲁϩ ⲛϩⲏⲧ ⲉⲟⲩⲟⲛ
ⲁⲣⲓⲕⲓ ⲟⲩⲧⲱⲟⲩ ⲛⲉⲙ ⲛⲟⲩⲉⲣⲏⲟⲩ ⲙⲡⲟⲩⲥⲏⲟⲩ ⲧⲏⲣϥ ⲛⲱⲛϧ. ⲁⲣⲉϩ ⲟⲩⲛ
ⲉⲣⲱⲧⲉⲛ ⲉⲃⲟⲗϩⲁ ⲡⲁⲓⲟⲩⲧⲁϩ ⲉⲧϩⲱⲟⲩ ⲱ ⲛⲁⲙⲉⲛⲣⲁϯ ϩⲓⲛⲁ ⲛⲧⲉⲧⲉⲛⲱⲛϧ
ⲟⲩⲟϩ ⲛⲧⲉⲧⲉⲛⲱⲡ ⲉⲧⲧⲟⲓ ⲙⲫϯ ϧⲉⲛ ⲡⲭⲥ ⲓⲏⲥ ⲡⲉⲛⲥⲱⲧⲏⲣ.
ⲁϥϫⲟⲥ ⲛϫⲉ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲛⲓϣϯ ϫⲉ ⲁⲥϣⲱⲡⲓ ⲙⲙⲟⲓ ⲛⲟⲩⲥⲟⲡ
ⲉⲓⲥⲓⲛⲓⲱⲟⲩ ϧⲉⲛ ⲭⲏⲙⲓ ⲁⲓⲓ ⲉϫⲉⲛ ⲟⲩⲑⲃⲏⲗ ⲛⲧⲉ ϩⲁⲛ ⲉⲥⲱⲟⲩ ⲁⲓⲛⲁⲩ ⲉⲟⲩⲉ‐
ⲥⲱⲟⲩ ⲥⲁⲃⲟⲗ ⲙⲡⲓⲑⲃⲏⲗ ⲉⲧⲁⲥⲙⲓⲥⲓ ⲟⲩⲟϩ ⲁϥⲓ ⲛϫⲉ ⲟⲩⲟⲩⲱⲛϣ ⲁϥϩⲱⲗⲉⲙ
ⲙⲡⲉⲥⲙⲁⲥ ⲟⲩⲟϩ ⲛⲁⲥⲣⲓⲙⲓ ⲡⲉ ⲉⲥϫⲱ ⲙⲙⲟⲥ ϫⲉ ⲟⲩⲟⲓ ⲛⲏⲓ ϫⲉ ⲉⲛⲉ ⲙⲡⲓⲉⲣ
ⲥⲁⲃⲟⲗ ⲙⲡⲓⲑⲃⲏⲗ ⲡⲉ ⲛⲁⲣⲉ ⲡⲓⲟⲩⲱⲛϣ ⲛⲁϫⲉⲙⲧ ⲁⲛ ⲡⲉ ⲛⲧⲉϥϩⲱⲗⲉⲙ
ⲙⲡⲁⲙⲁⲥ. ⲟⲩⲟϩ ⲉⲧⲓ ⲉϥⲟⲓ ⲛϣⲫⲏⲣⲓ ⲙⲡⲥⲁϫⲓ ⲛϯⲉⲥⲱⲟⲩ ⲁⲩϣⲉⲛϥ ⲛϫⲉ
ⲛⲓ‐ (-ⲣⲉ-) ⲥⲛⲏⲟⲩ ⲉⲑⲙⲟϣⲓ ⲛⲉⲙⲁϥ ⲉⲑⲃⲉ ⲫⲃⲱⲗ ⲙⲡⲓⲥⲁϫⲓ ⲁϥⲉⲣ ⲟⲩⲱ
ⲉϥϫⲱ ⲙⲙⲟⲥ ϫⲉ ⲟⲩⲟⲛ ⲟⲩⲥⲏⲟⲩ ⲛⲁϣⲱⲡⲓ ⲛⲧⲉ ⲛⲓⲙⲟⲛⲁⲭⲟⲥ ⲭⲱ ⲛⲛⲓ‐
ϣⲁϥⲉⲩ ⲛⲥⲱⲟⲩ ⲛⲧⲁⲩⲑⲱⲟⲩϯ ⲉϧⲟⲩⲛ ⲛⲧⲟⲩⲉⲣ ϩⲁⲛ ⲗⲁⲟⲥ ⲉⲩⲟϣ. ⲉϣⲱⲡ
ⲁⲣⲉϣⲁⲛ ⲟⲩⲁⲓ ⲫⲱⲣϫ ⲥⲁⲃⲟⲗ ⲙⲙⲱⲟⲩ ϣⲁⲣⲉ ⲡⲓⲟⲩⲱⲛϣ ⲛⲛⲟⲏⲧⲟⲥ ϩⲱ‐
ⲗⲉⲙ ⲙⲡⲉϥⲙⲁⲥ ⲉⲧⲉ ⲡⲉϥⲛⲟⲩⲥ ⲡⲉ ⲟⲩⲟϩ ϣⲁϥϣⲱⲡⲓ ⲉϥⲟⲓ ⲛⲁⲓⲥⲑⲏⲧⲟⲥ
ⲉϩⲟⲧⲉ ⲛⲓⲱⲛⲓ ⲟⲩⲟϩ ⲛⲁⲧⲕⲁϯ ⲙⲫⲣⲏϯ ⲛⲛⲓⲁⲗⲟⲅⲟⲛ ⲇⲉ ⲟⲩⲏⲓ ⲫⲏ ⲉⲧⲁϥⲕⲱϯ
ⲛⲥⲱϥ ϧⲉⲛ ⲟⲩϣⲟⲩϣⲟⲩ ⲛⲉⲙ ⲟⲩⲙⲉⲧⲁⲧⲥⲟϫⲛⲓ ϥⲛⲁϣⲁϣⲛⲓ ⲉⲣⲟϥ ⲁⲛ
ⲙⲫⲣⲏϯ ϧⲉⲛ ⲑⲙⲏϯ ⲛⲛⲓⲥⲛⲏⲟⲩ.


### 0082

ⲁⲩϫⲟⲥ ⲉⲑⲃⲉ ⲁⲃⲃⲁ ⲙⲁⲕⲁⲣⲓⲟⲥ ϫⲉ ⲉϥⲛⲏⲟⲩ ⲉⲡϣⲱⲓ ϧⲉⲛ ϣⲓⲏⲧ ⲛⲟⲩⲥⲟⲡ
ⲉⲭⲏⲙⲓ ⲁϥϥⲁⲓ ⲛϩⲁⲛ ⲃⲓⲣ ⲉⲧⲁϥϧⲓⲥⲓ ⲇⲉ ⲁϥϩⲉⲙⲥⲓ ⲁϥϥⲁⲓ ⲛⲛⲉϥⲃⲁⲗ ⲉⲡϣⲱⲓ
ⲉⲧⲫⲉ ⲡⲉϫⲁϥ ϫⲉ ⲡⲟ︦ⲥ︦ ⲛⲑⲟⲕ ⲉⲑⲛⲁⲩ ⲉⲡⲁϧⲓⲥⲓ ⲟⲩⲟϩ ⲫⲁⲓ ⲉⲧⲁϥϫⲟϥ ⲁϥϫⲉⲙϥ
ϩⲓϫⲉⲛ ⲫⲓⲁⲣⲟ ⲛⲉⲙ ⲛⲓⲃⲓⲣ.
ⲁϥϫⲟⲥ ⲛϫⲉ ⲁⲃⲃⲁ ⲉⲩⲁⲅⲣⲓⲟⲥ ϫⲉ ⲉⲓϩⲉⲙⲥⲓ ⲛⲟⲩⲥⲟⲡ ⲛⲉⲙ ϩⲁⲛ ⲥⲛⲏⲟⲩ
ϧⲁⲧⲉⲛ ⲁⲃⲃⲁ ⲙⲁⲕⲁⲣⲓⲟⲥ ⲛⲁϥⲥⲁϫⲓ ⲛⲉⲙⲁⲛ ⲡⲉ ϧⲉⲛ ⲛⲓⲛⲟⲏⲙⲁ ⲛⲧⲉ ⲛⲓ‐
ⲅⲣⲁⲫⲏ ⲉⲑⲟⲩⲁⲃ (-ⲣⲋ Cod. ⲣⲏ-) ⲟⲩⲟϩ ⲁⲓϣⲉⲛ ⲡⲓϧⲉⲗⲗⲟ ⲇⲉ ⲟⲩ ⲡⲉ ⲡⲁⲓ‐
ⲥⲁϫⲓ ⲉⲧϧⲉⲛ ⲡⲓⲉⲩⲁⲅⲅⲉⲗⲓⲟⲛ ϫⲉ ⲫⲏ ⲉⲑⲛⲁϫⲉ ⲟⲩⲁ ⲉⲡⲓⲡⲛⲁ ⲉⲑⲟⲩⲁⲃ ⲛⲛⲟⲩ‐
ⲭⲱ ⲛⲁϥ ⲉⲃⲟⲗ ⲟⲩⲇⲉ ϧⲉⲛ ⲡⲁⲓⲉⲛⲉϩ ⲟⲩⲇⲉ ϧⲉⲛ ⲡⲉⲑⲛⲏⲟⲩ. ⲡⲉϫⲉ ⲛⲓϧⲉⲗⲗⲟ
ⲛⲏⲓ ϫⲉ ⲫⲁⲓ ⲟⲩⲟⲛϩ ⲉⲃⲟⲗ ϫⲉ ϧⲉⲛ ϭⲣⲟϩ ⲛⲓⲃⲉⲛ ⲛⲛⲟⲃⲓ ⲉⲑⲛⲁⲓ ⲙⲡⲓⲣⲱⲙⲓ
ⲟⲩⲟϩ ⲁϥϣⲧⲉⲙⲧⲁϫⲣⲟϥ ϧⲉⲛ ⲟⲩϩⲉⲗⲡⲓⲥ ⲛⲉⲙ ⲟⲩⲛⲁϩϯ ⲉϥⲧⲁϫⲣⲏⲟⲩⲧ
ⲙⲫⲣⲏϯ ⲉⲧⲁϥϫⲟⲥ ⲛϫⲉ ⲡⲟⲥ ϧⲉⲛ ⲡⲉⲩⲁⲅⲅⲉⲗⲓⲟⲛ ϫⲉ ⲉϣⲱⲡ ⲟⲩⲟⲛⲧⲉⲧⲉⲛ
ⲛⲁϩϯ ⲙⲙⲁⲩ ⲙⲫⲣⲏϯ ⲛⲟⲩⲛⲁⲫⲣⲓ ⲛϣⲉⲗⲧⲁⲙ ⲉⲣⲉⲧⲉⲛⲉϫⲟⲥ ⲙⲡⲁⲓⲧⲱⲟⲩ ϫⲉ
ⲟⲩⲱⲧⲉⲃ ⲉⲃⲟⲗ ⲧⲁⲓ ⲙⲛⲏ ⲉϥⲉⲟⲩⲱⲧⲉⲃ ⲟⲩⲟϩ ⲛⲛⲉ ϩⲗⲓ ⲉⲣ ⲁⲧϫⲟⲙ ⲛⲧⲉⲛ ⲑⲏ‐
ⲛⲟⲩ. ⲉϣⲱⲡ ⲇⲉ ⲟⲩⲟⲛ ⲟⲩⲣⲱⲙⲓ ⲓⲥϫⲉⲛ ⲧⲉϥϣⲟⲣⲡⲓ ⲛϩⲏⲗⲓⲕⲓⲁ ⲉϥϣⲟⲡ ϧⲉⲛ
ϩⲁⲛ ⲛⲟⲃⲓ ϣⲁ ⲧⲉϥϧⲁⲏ ⲟⲩⲟϩ ⲛⲧⲉ ⲫⲁⲓ ⲙⲡⲁⲓⲣⲏϯ ϫⲟⲥ ϧⲉⲛ ⲡⲉϥϩⲏⲧ ϫⲉ
ⲁⲓϣⲁⲛⲕⲏⲛ ⲉⲕⲟⲧⲧ ϩⲁ ⲫϯ ϥⲛⲁⲭⲱ ⲛⲏⲓ ⲉⲃⲟⲗ ⲁⲛ ⲟⲩⲇⲉ ϥⲛⲁϣⲟⲡⲧ ⲉⲣⲟϥ


### 0083

ⲁⲛ ϧⲉⲛ ⲟⲩⲙⲉⲑⲙⲏⲓ ⲁ ⲫⲁⲓ ϫⲉ ⲟⲩⲁ ⲉϯϫⲟⲙ ⲛⲧⲉ ϯⲧⲣⲓⲁⲥ ⲉⲑⲟⲩⲁⲃ ⲟⲩⲟϩ
ⲁϥϯ ⲙⲁ ⲙⲡⲥⲁⲧⲁⲛⲁⲥ ⲉϩⲣⲏⲓ ⲉϫⲱϥ ⲟⲩⲟϩ ⲫⲛⲟⲃⲓ ⲙⲫⲁⲓ ⲟⲩⲁⲧⲭⲱ ⲉⲃⲟⲗ
ⲡⲉ ⲁϥ (-ⲣ︦ⲍ︦-) ϣⲧⲉⲙⲕⲟⲧϥ ⲛⲧⲉϥⲉⲣⲙⲉⲧⲁⲛⲟⲉⲓⲛ ϧⲉⲛ ⲡⲉϥϩⲏⲧ ⲧⲏⲣϥ. ⲡⲁⲓ‐
ⲣⲏϯ ⲟⲛ ⲟⲩⲁⲓ ⲉϥϧⲉⲛ ⲟⲩϣⲱⲛⲓ ⲛⲥⲱⲙⲁⲧⲓⲕⲟⲛ ⲁϥϣⲧⲉⲙⲉⲣ ϩⲉⲗⲡⲓⲥ ⲉϯⲃⲟ‐
ⲏⲑⲉⲓⲁ ϯⲉⲃⲟⲗⲙⲡϣⲱⲓ ⲙⲫⲣⲏϯ ⲛⲓⲱⲃ ⲛⲉⲙ ⲫⲏ ⲉⲧϣⲏⲗ ⲉⲃⲟⲗ ϧⲉⲛ ⲟⲩ‐
ⲙⲉⲑⲙⲏⲓ ⲁ ⲫⲁⲓ ϫⲉ ⲟⲩⲁ ⲉⲧϫⲟⲙ ⲛϯⲧⲣⲓⲁⲥ ⲉⲑⲟⲩⲁⲃ ⲟⲩⲟϩ ⲟⲛ ⲁϥϯ ⲙⲁ
ⲙⲡⲥⲁⲧⲁⲛⲁⲥ ⲉϩⲣⲏⲓ ⲉϫⲱϥ ⲟⲩⲟϩ ⲫⲛⲟⲃⲓ ⲙⲫⲁⲓ ⲟⲩⲁⲧⲭⲱ ⲉⲃⲟⲗ ⲉⲣⲉ ⲡⲉϥ‐
ϩⲁⲡ ϩⲟⲟⲩⲓ ⲉⲡⲓⲧⲁⲣⲧⲁⲣⲟⲥ ⲛⲉⲛⲉϩ ⲛⲉⲙ ⲡⲓⲭⲁⲕⲓ ⲉⲧⲥⲁⲃⲟⲗ ⲡⲓⲙⲁ ⲉⲧⲉ ⲫⲣⲓⲙⲓ
ⲛⲁϣⲱⲡⲓ ⲙⲙⲟϥ ⲛⲉⲙ ⲡⲥⲑⲉⲣⲧⲉⲣ ⲛⲧⲉ ⲛⲓⲛⲁϫϩⲓ. ⲡⲗⲏⲛ ⲑⲙⲉⲧⲁⲛⲟⲓⲁ ⲛⲛⲁⲓ
ⲧⲏⲣⲟⲩ ⲟⲩⲑⲁϥ ⲛⲥⲁⲧϥ ⲉⲃⲟⲗ ⲡⲉ ⲛⲁϩⲣⲉⲛ ⲛⲓⲥⲡⲗⲁⲅⲭⲛⲟⲛ ⲙⲙⲉⲧϣⲉⲛ
ϩⲏⲧ ⲛⲧⲉ ⲫⲁ ⲛⲓⲁϩⲱⲣ ⲛϣⲁⲛ ⲑⲙⲁϧⲧ ⲡⲉⲛⲟⲥ ⲓⲏⲥ ⲡⲭⲥ. ⲉⲧⲁϥϫⲉ ⲛⲁⲓ ⲛⲁⲛ
ⲛϫⲉ ⲡⲓⲁⲅⲓⲟⲥ ⲁⲃⲃⲁ ⲙⲁⲕⲁⲣⲓⲟⲥ ⲡⲓⲑⲙⲏⲓ ⲁ ⲟⲩⲛⲓϣϯ ⲛⲛⲟⲙϯ ϣⲱⲡⲓ ⲛⲁⲛ
ⲛⲉⲙ ⲟⲩⲣⲁϣⲓ ⲙⲡⲛⲁⲧⲓⲕⲟⲛ ⲁⲛⲉⲣ ⲙⲫⲣⲏϯ ⲓⲥϫⲉⲕ ⲛⲛⲁⲩ ⲉⲡⲟⲩⲣⲟ ⲡⲭⲥ
ⲉϥⲭⲏ ϧⲉⲛ ⲧⲉⲛⲙⲏϯ ⲉϥϯ ⲛⲟⲙϯ ⲛⲁⲛ. ⲙⲉⲛⲉⲛⲥⲁ ⲛⲁⲓⲥⲁϫⲓ ⲧⲏⲣⲟⲩ ⲉⲧⲉϥϫⲱ
ⲙⲙⲱⲟⲩ ⲛⲁⲛ ⲉⲑⲙⲉϩ ⲛⲱⲛϧ ⲛⲉⲙ ⲧⲁⲗϭⲟ ⲛⲧⲉ ⲛⲉⲛⲯⲩⲭⲏ (-ⲣ︦ⲏ︦ Cod. ⲣ︦ⲓ︦-)
ⲉⲃⲟⲗϧⲉⲛ ⲣⲱϥ ⲙⲡⲓⲡⲁⲣⲁⲕⲗⲏⲧⲟⲥ ⲉⲧϣⲟⲡ ⲛϧⲏⲧϥ ⲛⲑⲟϥ ⲡⲓⲛⲓϣϯ ⲁⲃⲃⲁ


### 0084

ⲙⲁⲕⲁⲣⲓⲟⲥ ⲁⲛϩⲓⲧⲧⲉⲛ ⲉϫⲉⲛ ⲡⲉⲛϩⲟ ⲁⲛⲟⲩⲱϣⲧ ⲛⲛⲉϥϭⲁⲗⲁⲩϫ ⲉⲑⲟⲩⲁⲃ
ⲟⲩⲟϩ ⲁϥϣⲗⲏⲗ ⲉϫⲱⲛ ⲁⲛϣⲉ ⲛⲁⲛ ⲉⲃⲟⲗϩⲓⲧⲟⲧϥ ⲛϣⲉⲡ ϩⲙⲟⲧ ⲟⲩⲟϩ ⲛϯ
ⲱⲟⲩ ⲙⲡⲉⲛⲟ︦ⲥ︦ ⲓ︦ⲏ︦ⲥ︦ ⲡⲭ︦ⲥ︦.
ⲁϥϫⲟⲥ ⲛϫⲉ ⲁⲃⲃⲁ ⲡⲟⲓⲙⲏⲛ ϫⲉ ⲥⲟⲡ ⲛⲓⲃⲉⲛ ⲉⲧⲉⲛⲛⲁⲉⲣⲁⲡⲁⲛⲧⲁⲛ ⲉⲁⲃⲃⲁ
ⲙⲁⲕⲁⲣⲓⲟⲥ ⲛⲁⲛϣϫⲉ ϩⲗⲓ ⲛⲥⲁϫⲓ ⲁⲛ ⲡⲉ ⲁϭⲛⲉ ⲧⲉϥⲅⲛⲱⲙⲏ ⲛⲉⲙⲓ ⲉⲣⲟϥ
ϫⲉ ⲟⲩⲡⲛⲁⲧⲟⲫⲟⲣⲟⲥ ⲡⲉ ⲟⲩⲟϩ ϫⲉ ϥϣⲟⲡ ⲛϧⲏⲧϥ ⲛϫⲉ ⲟⲩⲡⲛⲁ ⲙⲡⲣⲟⲫⲏ‐
ⲧⲓⲕⲟⲛ ⲙⲫⲣⲏϯ ⲛⲏⲗⲓⲁⲥ ⲛⲉⲙ ⲛⲓⲕⲉⲡⲣⲟⲫⲏⲧⲏⲥ ⲧⲏⲣⲟⲩ ⲛⲁϥϫⲟⲗϩ ⲅⲁⲣ
ⲙⲡⲑⲉⲃⲓⲟ ⲡⲉ ⲙⲫⲣⲏϯ ⲛⲟⲩⲇⲓⲡⲗⲟⲓⲥ ϩⲓⲧⲉⲛ ⲧϫⲟⲙ ⲙⲡⲓⲡⲁⲣⲁⲕⲗⲏⲧⲟⲥ ⲉⲧ‐
ϣⲟⲡ ⲛϧⲏⲧϥ ϧⲉⲛ ⲡϫⲓ ⲛⲛⲁⲩ ⲅⲁⲣ ⲉⲣⲟϥ ⲙⲙⲁⲩⲁⲧϥ ⲉϥⲙⲉϩ ⲉⲃⲟⲗϧⲉⲛ
ⲡⲓϩⲙⲟⲧ ⲛⲧⲉ ⲫϯ ⲉⲣⲉ ⲡⲱⲟⲩ ⲙⲡⲟⲥ ⲭⲏ ϧⲉⲛ ⲡⲉϥϩⲟ ϣⲁⲣⲉ ⲧⲡⲁⲣⲁⲕⲗⲏ‐
ⲥⲓⲥ ⲙⲡⲓⲡⲛⲁ ⲉⲑⲟⲩⲁⲃ ⲙⲡⲁⲣⲁⲕⲗⲏⲧⲟⲛ ⲉⲑⲛⲉⲙⲁϥ ⲓ ⲉϧⲣⲏⲓ ⲉϫⲉⲛ ⲟⲩⲟⲛ
ⲛⲓⲃⲉⲛ ⲉⲧϩⲉⲙⲥⲓ ⲙⲡⲉϥⲕⲱϯ. ⲉϣⲱⲡ ⲇⲉ ⲁⲛϣⲁⲛⲙⲟϩ ⲉⲃⲟⲗϧⲉⲛ ⲡⲑⲉⲗⲏⲗ
ⲛⲉⲙ ⲫⲣⲁϣⲓ ⲛⲉⲙ (-ⲣⲑ-) ⲡⲟⲩⲛⲟϥ ⲛⲛⲉϥⲥⲁϫⲓ ⲛⲱⲛϧ ⲟⲩⲟϩ ⲉⲑⲙⲉϩ ⲛϩⲙⲟⲧ
ϣⲁⲛϣⲉ ⲛⲁⲛ ⲉⲡⲉⲛⲙⲁ ⲛϣⲱⲡⲓ ⲛϯ ⲱⲟⲩ ⲙⲫϯ ⲛⲉⲙ ⲡⲉϥⲃⲱⲕ ⲁⲃⲃⲁ ⲙⲁⲕⲁ‐
ⲣⲓⲟⲥ ⲉⲟⲩⲱⲟⲩ ⲙⲫⲓⲱⲧ ⲛⲉⲙ ⲡϣⲏⲣⲓ ⲛⲉⲙ ⲡⲓⲡⲛⲁ ⲉⲑⲟⲩⲁⲃ ϯⲛⲟⲩ ⲛⲉⲙ
ⲛⲥⲏⲟⲩ ⲛⲓⲃⲉⲛ ⲛⲉⲙ ϣⲁ ⲉⲛⲉϩ ⲛⲧⲉ ⲛⲓⲉⲛⲉϩ ⲧⲏⲣⲟⲩ ⲁⲙⲏⲛ.