### 0001

ⲁⲩⲱ ⲉⲧ ϭⲱϫⲉ ⲙ̄ ⲡⲙⲟⲟⲩ ⲉ ⲛⲉⲧⲗⲟⲙ • Ⲧⲉⲛⲟⲩ ϭⲉ
ϫⲣⲟ ⲛⲅ̄ ϭⲙ̄ϭⲟⲙ • ⲙ̄ⲡⲣ̄ ⲣ̄ ϩⲟⲧⲉ ⲱ̄ ⲡϩⲟⲙⲟⲗⲟⲅⲓⲧⲏⲥ ⲛ̄
ϣⲡⲏⲣⲉ • ⲉ ⲃⲟⲗ ϫⲉ ⲁⲛⲅ̄ ⲟⲩⲣⲉϥϯ ϩⲟⲧⲉ ⲁⲛ ⲛ̄ ⲛⲉⲯⲩⲭⲏ •
ⲁⲗⲗⲁ ⲁⲛⲅ̄ ⲟⲩⲣⲉϥϯϭⲛ̄ⲛⲉ ⲛ ⲛⲉⲯⲩⲭⲏ :-Ⲥⲉⲙⲟⲩⲧⲉ
ⲅⲁⲣ ⲉ ⲣⲟⲓ ϩⲓⲧⲛ̄ ⲛⲁϣⲃⲏⲣ ⲁⲅⲅⲉⲗⲟⲥ • ϫⲉ ⲡⲁⲅⲅⲉⲗⲟⲥ
ⲙ ⲙⲁⲧⲛ̄ ϩⲏⲧ • ϫⲣⲟ ⲁⲩⲱ ⲙⲁⲣⲉ ⲡⲉⲕϩⲏⲧ ⲧⲱⲕ • ⲙ̄ⲡⲣ̄
ⲣ̄ ϩⲟⲧⲉ ϫⲉ ⲁⲛⲟⲕ ⲡⲁ ⲡⲉ ϣⲧⲟⲣⲧⲣ̄ ⲁⲛ • ⲁⲗⲗⲁ ⲁⲛⲟⲕ
ⲡⲁ ϯⲣⲏⲛⲏ : Ⲧⲉⲛⲟⲩ ϭⲉ ⲱ̄ ⲓ̈ⲱϩⲁⲛⲛⲏⲥ • Ⲉⲓⲥ ⲡⲣ̄ⲣⲟ
ⲁⲣⲕⲁⲇⲏⲥ ⲛⲁϫⲛⲟⲩⲕ ⲉⲩϣⲁϫⲉ ⲛ̄ ⲣⲁⲧⲉ • ϫⲉ ϥⲛⲁⲕⲱⲧ
ⲛⲁⲓ ⲛ̄ ⲟⲩⲙⲁⲣⲧⲏⲣⲓⲟⲛ ϩⲙ̄ ⲡⲁ ⲣⲁⲛ • ⲡⲣⲟⲧⲣⲉⲡⲉ ⲙ̄ⲙⲟϥ
ϩⲛ̄ ⲛⲉⲕϣⲁϫⲉ ⲉⲧ ϭⲏⲛ • ⲉ ⲃⲟⲗ ϫⲉ ϥⲥⲏϩ • ϫⲉ ⲡⲗⲁⲥ
ⲙ̄ ⲡⲇⲓⲕⲁⲓⲟⲥ ⲥⲟⲧⲡ ⲉϩⲟⲩⲉ̄ ⲡⲛⲟⲩⲃ ⲙⲛ̄ ⲡϩⲁⲧ • ⲁⲩⲱ
ⲛⲅ̄ ϯ ⲟⲩⲣⲟⲧ ⲛⲁϥ ⲉ̄ ⲧⲟⲓⲕⲟⲇⲟⲙⲏ ⲙ̄ ⲡⲁ ⲧⲟⲡⲟⲥ •
ⲉⲕϣⲁⲛϩⲁⲅⲓⲁⲍⲉ ⲙ̄ ⲡⲁ ⲧⲟⲡⲟⲥ ϩⲛ̄ ⲛ̄ ⲧⲁⲓⲟ̄ ⲙⲛ̄ ⲛ̄ϯⲙⲏ ⲉⲧ
ⲉⲣⲉ ⲡⲣ̄ⲣⲟ ⲙ̄ ⲙⲁⲓ ⲛⲟⲩⲧⲉ ⲛⲁⲧⲁ|▨ⲛⲁ▨▨▨ ⲧⲁⲧⲟϩⲓ
▨ⲟⲩ • ⲧⲁⲩⲉ ⲛⲉⲓ ϣⲁ[ϫⲉ] ⲉ ⲡⲣ̄ⲣⲟ ⲛ̄ ⲉⲩⲥⲉⲃⲏⲥ • ▨▨▨
ⲧⲙⲉⲣⲟⲑⲏⲕⲏ▨▨ⲉ ⲭⲣⲥ̄ • ⲡⲉⲧ ⲉⲣⲉ▨▨ⲟϭ ⲛ̄ ⲙ ⲡⲉⲡⲛⲁ̄
[ⲉ]ⲧ ⲟⲩⲁⲁⲃ ⲉⲧ ⲟ ⲛ̄ [ⲥ]ϯ ⲛⲟⲩϥⲉ • ⲉϥϣⲟⲩⲟ ⲉ ⲃⲟⲗ ϩⲛ̄
ⲧⲉϥⲧⲁⲡⲣⲟ • ⲧⲱⲕ ⲛ̄ ϩⲏⲧ ϯⲣⲏⲛⲏ ⲙ̄ ⲡⲉⲓⲱⲧ ⲙⲛ̄ ⲡϣⲏⲣⲉ
ⲙⲛ̄ ⲡⲉⲡⲛⲁ̄ ⲉⲧ ⲟⲩⲁⲁⲃ ⲉⲥⲉϣⲱⲡⲉ ⲛⲙ̄ⲙⲁⲕ • ⲛ̄ ⲧⲉⲣ ϥ̄ϫⲉ
ⲛⲁⲓ ⲛ̄ϭⲓ ⲡⲁⲣⲭⲁⲅⲅⲉⲗⲟⲥ • ⲁϥⲃⲱⲕ ⲉ ϩⲣⲁⲓ ⲉ ⲙ̄ⲡⲏⲩⲉ
ϩⲛ̄ ⲟⲩⲛⲟϭ ⲛ̄ ⲉⲟⲟⲩ • Ⲁⲛⲟⲕ ⲇⲉ ⲓ̈ⲱϩⲁⲛⲛⲏⲥ ⲙ̄ⲡⲉ ⲓ̈ⲟⲩⲱⲙ
ⲟⲩⲇⲉ ⲙ̄ⲡⲉ ⲓⲥⲱ ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲉ ⲧⲃⲉ ⲡⲧⲉⲗⲏⲗ
ⲉⲧ ϩⲙ̄ ⲡⲁ ϩⲏⲧ ϩⲓⲧⲛ̄ ⲧϭⲓⲛϣⲁϫⲉ ⲛⲙ̄ⲙⲁⲓ ⲙ̄ ⲡⲁⲣⲭ‐
ⲁⲅⲅⲉⲗⲟⲥ • [ⲁϥ]ϣⲱⲡⲉ ⲇⲉ ⲙ̄ ⲡⲉϥⲣⲁⲥⲧⲉ ⲁ ⲡⲣ︦ⲣ︦ⲟ ⲛ̄
ⲉⲩⲥⲉⲃⲏⲥ ⲁⲣⲕⲁⲇⲓⲟⲥ • ⲉⲓ ϣⲁ ⲧⲁ ⲙⲛ︦ⲧ︦ⲉⲗⲁⲭⲓⲥⲧⲟⲥ ⲉ
ⲡⲡⲁⲧⲣⲓⲁⲣⲭⲓ̈ⲟⲛ • ⲁϥϫⲓ ⲥⲙⲟⲩ ⲉ ⲃⲟⲗ ϩⲓ ⲧⲟⲟⲧ • ⲁⲩⲱ
ⲡⲉϫⲁⲓ ⲛⲁϥ ϫⲉ ϩⲙⲟⲟⲥ ⲛⲁⲕ ⲱ ⲡⲙⲁⲓ ⲡⲉⲭⲣⲥ̄ • ⲱ ⲡⲉ
ⲛⲧⲁϥϩⲟϫϩⲉϫ ⲙ̄ ⲡⲉϥⲡⲛⲁ̄ • ⲉ ⲧⲃⲉ ⲧⲟⲓⲕⲟⲇⲟⲙⲏ ⲙ̄
ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ϩⲣⲁⲫⲁⲏⲗ • Ⲱ̄ ⲡⲉ ⲛⲧⲁ
ⲡⲉϥⲣ̄ ⲡⲙⲉⲉⲩⲉ̄ ⲉⲧ ⲛⲁⲛⲟⲩϥ ⲧⲣⲉϥⲥⲁϩⲉ ⲡϩⲓⲛⲏⲃ ⲛ̄ⲥⲁ
ⲃⲟⲗ ⲙ̄ⲙⲟϥ • ⲱ̄ ⲡⲉ ⲛ̄ⲧⲁ ⲡⲣ̄ ⲡⲙⲉⲉⲩⲉ ⲛ̄ ⲧⲇⲓⲁⲕⲟ‐
ⲛⲓⲁ ⲛ̄ ⲛⲉⲧ ⲟⲩⲁⲁⲃ ⲧⲣⲉϥⲣ̄ ⲡⲱⲃϣ̄ ⲛ̄ ⲧⲁⲡⲟⲗⲁⲩⲥⲓⲥ
ⲛ̄ ⲧⲙⲛ︦ⲧ︦ⲉⲣⲟ :- | ⲛⲁⲓⲁ▨▨▨ⲱ ⲡⲉⲧ ⲛⲁⲛⲟⲩϥ ⲛⲁ‐


### 0002

ⲛⲟⲩϥ(sic) ⲛⲁϣⲱⲡⲉ ⲙⲙⲟⲕ • ⲟⲛⲧⲱⲥ ⲁϥϫⲱⲕ ⲉⲃⲟⲗ ⲉ ϫⲱⲕ •
ⲛ̄ϭⲓ ⲡϣⲁϫⲉ ⲙ̄ ⲡⲑⲉⲥⲡⲉⲥⲓⲟⲥ ⲡⲁⲩⲗⲟⲥ • ϫⲉ ⲁⲧⲉⲧⲛ̄ⲇⲓⲁ‐
ⲕⲟⲛⲉⲓ ⲉ ⲛⲉⲧ ⲟⲩⲁⲁⲃ • ⲁⲩⲱ ⲟⲛ ϫⲉ ⲛ̄ ⲟⲩⲁⲇⲓⲕⲟⲥ ⲁⲛ
ⲡⲉ ⲡⲛⲟⲩⲧⲉ ⲉⲣ ⲡⲱⲃϣ̄ ⲙ̄ ⲡⲉⲧⲛ̄ϩⲱⲃ • ⲙⲛ̄ ⲧⲁⲅⲁⲡⲏ
ⲛ̄ⲧⲁ ⲧⲉⲧⲛ̄ⲟⲩⲟⲛϩⲥ̄ ⲉ ⲃⲟⲗ ⲉ ⲡⲉϥⲣⲁⲛ • ⲛ ⲧⲉⲣⲉ ⲓϫⲉ
ⲛⲁⲓ ⲇⲉ ⲛⲁϥ ⲁϥⲟⲩⲱⲛ▨▨ ⲉ ⲃⲟⲗ ⲛϭⲓ ⲡⲣ̄ⲣⲟ ⲉⲧ ⲥⲙⲁ‐
ⲙⲁⲁⲧ ⲛ̄ ⲟⲩⲛⲟϭ ⲛ̄ⲛⲁⲩ • ⲁϥⲟⲩⲱϣⲃ̄ ⲡⲉϫⲁϥ ⲛⲁⲓ
ϫⲉ ⲛⲁⲓⲁⲧⲛ̄ ⲁⲛⲟⲛ ⲡⲓⲏ︤ⲗ︥ • ϫⲉ ⲛⲉⲧ ⲣ ⲁ̄ ⲛⲁϥ ⲙ ⲡⲛⲟⲩⲧⲉ
ⲥⲉⲟⲩⲟⲛϩ̄ ⲛⲁⲛ ⲉ ⲃⲟⲗ ⲛⲁⲓⲁⲧⲛ̄ ⲟⲛ ϫⲉ ⲁ ⲡⲛⲟⲩⲧⲉ ⲧⲟⲩⲛⲟⲥ
ⲛⲁⲛ ⲛ̄ ⲟⲩⲉⲓⲱⲧ • [ⲛ ⲧⲉⲓ] ⲙⲓⲛⲉ ⲙ̄ ⲡⲛ̄ⲓⲕⲟⲛ • ϩⲛ̄ ⲟⲩⲙⲉ
ⲅⲁⲣ ⲛ̄[ⲧⲟⲕ] ⲟⲩⲁⲅⲅⲉⲗⲟⲥ ⲉⲕ[ⲙⲟ]ⲟϣⲉ ϩⲓϫⲙ̄ ⲡⲕⲁϩ ⲙⲛ̄
ⲛ̄ⲣⲱⲙⲉ • [ⲗⲟⲓ]ⲡⲟⲛ ⲁϥϫⲱⲕ ⲉ ⲃ[ⲟⲗ] ⲉ ϫⲱⲕ ⲛ̄ϭⲓ ⲡϣⲁ‐
ϫⲉ ⲙ̄ ⲡϩⲩⲙⲛⲟⲇⲟⲥ ⲉⲧ ⲟⲩⲁⲁⲃ ⲇ︤ⲇ︥ ϫⲉ ⲧⲅⲉⲛⲉⲁ •
ⲛⲛⲉⲧ ⲥⲟⲩⲧⲱⲛ ⲛⲁϫⲓ ⲥⲙⲟⲩ • ⲗⲟⲓⲡⲟⲛ ⲱ̄ ⲡⲁ ⲉⲓⲱⲧ ⲉⲧ
ⲟⲩⲁⲁⲃ • ⲉⲓⲥ ⲟⲩⲙⲏⲏϣⲉ ⲛ̄ϩⲟⲟⲩ ⲡⲁ ϩⲏⲧ ⲟϫⲓⲃⲉ (?) ⲙ̄ⲙⲟⲓ •
ⲉ ⲧⲃⲉ ⲧⲟⲓⲕⲟⲇⲟⲙⲏ ⲙ̄ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ ⲉ̄ⲧ
ⲟⲩⲁⲁⲃ ϩⲣⲁⲫⲁⲏⲗ • ϣⲉ ⲛⲉⲕϣⲗⲏⲗ ⲉⲧ ⲟⲩⲁⲁⲃ • ⲙ̄ⲡⲉⲓ‐
ϫⲓ ⲟⲩⲣⲕ̄ⲣⲓⲕⲉ ϩⲱⲗⲱⲥ ⲛ̄ ⲧⲉⲓ ⲟⲩϣⲏ • ⲉ ⲧⲃⲉ ⲡⲉⲓ ϩⲱⲃ
ⲡⲁⲓ • ⲉⲓⲥ ϩⲏⲏⲧⲉ ⲉⲓⲥ ⲡⲉⲡⲛⲁ̄ [about eight pages wanting]|
ⲁⲅⲁⲑⲟⲛ ⲙ̄ ⲡϫⲥ̄ ⲡⲛⲟⲩⲧⲉ ⲁϥϫⲓⲧ ⲟⲛ ⲉϫⲙ̄ ⲡⲓⲉⲣⲟ ⲛ̄
ⲉⲣⲱⲧⲉ ⲉⲧ ⲥⲁ ⲣⲏⲥ ⲛ̄ ⲧⲡⲟⲗⲓⲥ • ⲁⲓϭⲓⲛⲉ ⲛ̄ ⲛ̄ϣⲏⲣⲉ ⲕⲟⲩⲓ
ⲧⲏⲣⲟⲩ ⲛ̄ ⲧⲁϩⲏⲣⲱⲇⲏⲥ ϩⲟⲧⲃⲟⲩ ⲉ ⲧⲃⲉ ⲡⲣⲁⲛ ⲙ̄
ⲡⲉⲭⲣ︦ⲥ︦ • ⲁⲩⲁⲥⲡⲁⲍⲉ ⲙ̄ⲙⲟⲓ ⲧⲏⲣⲟⲩ • ⲡⲉϫⲁⲓ ⲙ̄
ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄ ⲙⲉⲩⲕⲁ ⲣⲱⲙⲉ ⲛⲓ̈ⲙ ⲉ ϭⲱ
ϩⲁϩⲧⲛ̄ ⲛⲉⲓ ϣⲏⲣⲉ ϣⲏⲙ ⲉⲧ ⲟⲩⲁⲁⲃ • ⲡⲉϫⲉ ⲡⲁⲅⲅⲉⲗⲟⲥ
ϫⲉ ⲣⲱⲙⲉ ⲛⲓⲙ ⲉⲧ ⲛⲁϩⲁⲣⲉϩ ⲉ ⲡⲧⲃ̄ⲃⲟ ⲛ̄ ⲧⲉⲩⲡⲁⲣ‐
ⲑⲉⲛⲓⲁ ⲉⲩⲟⲩⲁⲁⲃ • ⲉ ⲗⲁⲁⲩ ⲛ̄ ϫⲱϩⲙ̄ • ⲉⲩϣⲁⲛⲉⲓ ⲉ ⲃⲟⲗ
ϩⲛ̄ ⲥⲱⲙⲁ • ϣⲁⲩϫⲓⲧⲟⲩ ⲛ̄ⲥⲉⲟⲩⲱϣⲧ̄ ⲙ̄ ⲡⲛⲟⲩⲧⲉ ⲛ̄ⲥⲉ‐
ⲧⲁⲁⲩ ⲉ ⲧⲟⲟⲧϥ̄ ⲙ̄ ⲙⲓⲭⲁⲏⲗ ⲛϥ̄ⲉⲛⲧⲟⲩ ⲉ ⲡⲉⲓ ⲙⲁ •
ⲛϥ̄ⲧⲁⲁⲩ ⲉ ⲧⲟⲟⲧϥ̄ ⲙ̄ ⲡⲉⲓ ⲙⲏⲏϣⲉ ⲛ̄ ϣⲏⲣⲉ ⲕⲟⲩⲓ • ⲛ̄-
ⲥⲉⲁⲥⲡⲁⲍⲉ ⲙⲙⲟⲟⲩ ϫⲉ ⲛⲉⲩϣⲃⲏⲣ ⲙⲉⲗⲟⲥ ⲛⲉ ⲁⲩⲱ
ⲛⲉⲩⲥⲛⲏⲩ ⲛⲉ ⲛ̄ⲥⲉⲕⲗⲏⲣⲟⲛⲟⲙⲉⲓ ⲛⲙ̄ⲙⲁⲩ ⲛ̄ ⲧⲡⲟⲗⲓⲥ ⲙ̄
ⲡⲉⲭⲣ︦ⲥ︦ ⲓ︦ⲥ︦ ϣⲁ ⲉⲛⲉϩ ⲁϥϫⲓ ⲙⲙⲟⲓ ⲉ ⲃⲟⲗ ⲉϫⲙ̄ ⲡⲉⲓⲉⲣⲟ
ⲛ̄ ⲏⲣⲡ̄ • ⲉⲧⲉ ⲡⲓⲉⲃⲧ̄ ⲛ̄ ⲧⲡⲟⲗⲓⲥ • ⲁⲓϭⲓⲛⲉ ⲛ̄ⲁⲃⲣⲁϩⲁⲙ ⲙⲛ̄


### 0003

ⲓ̈ⲥⲁⲁⲕ ⲙⲛ̄ ⲓ̈ⲁⲕⲱⲃ • ⲁⲩⲱ ⲁⲩⲁⲥⲡⲁⲍⲉ ⲙⲙⲟⲓ • ⲡⲉϫⲁⲓ
ⲙ̄ ⲡⲁⲅⲅⲉⲗⲟⲥ • ϫⲉ ⲛⲓⲙ ⲛⲉ ⲛⲁⲓ • ⲡⲉϫⲁϥ ⲛⲁϥ ϫⲉ
ⲣⲱⲙⲉ ⲛⲓ̈ⲙ ⲉϥⲟ ⲙ̄ ⲙⲁⲓ ϣⲙ̄ⲙⲟ • ⲉⲩϣⲁⲛⲉⲓ ⲉ ⲃⲟⲗ
ϩⲛ ⲥⲱⲙⲁ ⲛ̄ⲥⲉⲃⲱⲕ ⲉ̄ ⲣⲁⲧϥ ⲙ̄ ⲡⲛⲟⲩⲧⲉ • ⲛⲥⲉⲟⲩⲱ̄ϣⲧ̄
ⲛⲁϥ ϣⲁϥⲧⲁⲁⲩ ⲉ ⲧⲟⲟⲧϥ̄ ⲙ ⲙⲓⲭⲁⲏⲗ • ⲛϥ̄ϫⲓⲧⲟⲩ ⲉ
ϩⲟⲩⲛ ⲉ ⲧⲡⲟⲗⲓⲥ • ⲁⲩⲱ ϣⲁⲣⲉ ⲛ̄ⲇⲓⲕⲁⲓⲟⲥ ⲧⲏⲣⲟⲩ
ⲁⲥⲡⲁⲍⲉ ⲙ̄ⲙⲟϥ ϩⲓ ⲧⲉϩⲓⲏ ⲉⲩϫⲱ ⲙ̄ⲙⲟⲥ • ϫⲉ ⲱ
ⲛⲉⲛϣⲏⲣⲉ ⲁⲩⲱ ⲛⲉⲛⲥⲛⲏⲩ • ⲁⲧⲉⲧⲛ̄ϫⲓ ⲛ̄ⲧⲛ̄ⲙⲛ︦ⲧ︦ⲙⲁⲓ
ϣⲙ̄ⲙⲟ | ⲁⲙⲏⲓⲧⲛ̄ ⲛ̄ⲧⲉⲧⲛ̄ⲕⲗⲏⲣⲟⲛⲟⲙⲉⲓ ⲛ̄ ⲧⲡⲟⲗⲓⲥ ⲙ̄
ⲡϫⲥ̄ ⲡⲉⲛⲛⲟⲩⲧⲉ • ⲕⲁⲧⲁ ⲡϩⲱⲃ ⲙ̄ ⲡⲟⲩⲁ̄ ⲡⲟⲩⲁ̄ • ϣⲁϥ‐
ϭⲓⲛⲉ ⲛ̄ ⲛ̄ⲣⲱⲙⲉ ⲉⲧ ϥ̄ⲉⲓⲛⲉ ⲙⲙⲟⲟⲩ ϩⲛ ⲧⲡⲟⲗⲓⲥ ⲙ̄
ⲡⲉⲭⲣ︦ⲥ︦ ⲓⲥ̄ ⲑⲓⲉⲗⲏ︦ⲙ︦ • ⲁⲓϭⲱϣⲧ̄ ⲁⲓⲛⲁⲩ ⲉ ϩⲉⲛⲣⲱⲙⲉ ⲙ̄
ⲡϩⲟⲩⲛ ⲛ̄ ⲧⲡⲩⲗⲏ ⲉⲩⲯⲁⲗⲗⲉⲓ ⲁⲩⲱ ⲉⲩϯ ⲉⲟⲟⲩ ⲙ̄
ⲡⲛⲟⲩⲧⲉ • ⲁⲩⲱ ⲉⲩⲣⲟⲟⲩⲧ ⲉⲙⲁⲁⲧⲉ • ⲡⲉϫⲁⲓ ⲙ̄ ⲡⲁⲅⲅⲉ‐
ⲗⲟⲥ ϫⲉ ϩⲉⲛⲟⲩ ⲛⲉ ⲛⲁⲓ • ⲁϥⲟⲩⲱϣⲃ̄ ⲉϥϫⲱ ⲙ̄ⲙⲟⲥ
ⲛⲁⲓ ϫⲉ ⲛⲁⲓ ⲛⲉⲧⲉ ϣⲁⲩϯ ⲡⲉⲩⲟⲩⲟⲓ ⲉ ⲡⲛⲟⲩⲧⲉ • ⲉⲙⲛ
ϩⲩⲡⲟⲕⲣⲓⲥⲓⲥ ⲙ̄ ⲙⲛ︤ⲧ︥ⲣⲱⲙⲉ ⲛ ϩⲏⲧⲟⲩ • ⲣⲱⲙⲉ ⲅⲁⲣ
ⲛⲓⲙ ⲉⲧ ⲣⲟⲟⲩⲧ ⲁⲩⲱ ⲉⲩⲯⲁⲗⲗⲉⲓ ⲉⲩϩⲩⲙⲛⲉⲩⲉ̄ ⲉ
ⲡⲛⲟⲩⲧⲉ ϩⲙ̄ ⲡⲉⲩϩⲏⲧ ⲧⲏⲣϥ̄ • ϣⲁⲩⲉⲛⲧⲟⲩ ⲉ ϩⲟⲩⲛ ⲉ ⲧⲉⲓ
ⲡⲩⲗⲏ ⲛ̄ⲥⲉⲕⲁⲁⲩ ϩⲛ̄ ⲧⲉϥⲡⲟⲗⲓⲥ (sic) • ⲛ̄ⲥⲉⲕⲁⲁⲩ ϩⲁϩⲧⲛ̄ ⲛⲉⲧ
ⲟⲩⲁⲁⲃ ⲉⲧ ⲯⲁⲗⲗⲉⲓ ⲉ ⲡⲉⲭⲣ︦ⲥ︦ ⲛ̄ⲟⲩⲟ̄ⲉⲓϣ [ⲛⲓⲙ] • ⲁϥϫⲓⲧ
ⲉ̄ ϩⲟⲩⲛ ϣⲁ ⲧⲙⲏⲏⲧⲉ ⲛ̄ ⲧⲡⲟⲗⲓⲥ ϣⲁ ⲡⲙⲉϩ ⲙⲛ︦ⲧ︦ⲥⲛⲟⲟⲩⲥ
ⲛ̄ⲥⲟⲃ︦ⲧ︥ • ⲁⲓϭⲛ̄ⲧϥ̄ ⲉϥⲟⲩⲟ̄ⲧⲃ̄ ⲉ ⲣⲟⲟⲩ ⲧⲏⲣⲟⲩ • ⲉⲟⲩⲛ̄
ⲟⲩⲛⲟϭ ⲛ̄ ⲉⲟⲟⲩ ϩⲙ̄ ⲡⲥⲟⲃⲧ̄ ⲉⲧ ⲙ̄ⲙⲁⲩ ⲡⲁⲓ ⲉⲙⲛ̄ϭⲟⲙ
ⲛ̄ ⲗⲁⲁⲩ ⲛ̄ ⲣⲙ̄ ⲛ̄ ⲥⲁⲣ︦ⲝ︦ ⲉ ϫⲱ ⲙ̄ ⲡⲉⲟⲟⲩ ⲙⲛ̄ ⲡⲧⲁⲓⲟ̄
ⲙ̄ ⲡⲥⲟⲃⲧ̄ ⲉⲧ ⲙ̄ⲙⲁⲩ • ⲁⲛⲟⲕ ⲇⲉ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ •
ϫⲉ ⲡⲁ ϫ︤ⲥ︥ ⲟⲩⲕ ⲟⲩⲛ ⲟⲩⲛ̄ (sic) ⲙⲁ ϩⲙ̄ ⲡⲉⲓ ⲙⲁ ⲉϥⲟⲩⲟ̄ⲧⲃ̄
ⲡⲁⲣⲁ ⲟⲩⲟⲛ • ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ ϫⲉ ⲱ̄ ⲡⲥⲱⲧⲡ̄ ⲙ̄
ⲡⲛⲟⲩⲧⲉ ⲡⲁⲩⲗⲟⲥ • ⲉⲓⲥ ⲡⲙⲉϩ ⲥⲛⲁⲩ ⲛ̄ⲥⲟⲃⲧ̄ ⲟⲩⲟ̄ⲧⲃ̄
ⲡⲁⲣⲁ ⲡϣⲟⲣ︦ⲡ︦ • ⲁⲩⲱ ⲡⲙⲉϩ ϣⲟⲙⲛ︦ⲧ︦ ⲟⲩⲟⲧⲃ̄ | ⲉ ⲡⲙⲉϩ
ⲥⲛⲁⲩ : ⲥⲉⲟⲩⲟ̄ⲧⲃ̄ ⲉ ⲛⲉⲩⲉ̄ⲣⲏⲩ ⲧⲏⲣⲟⲩ ϣⲁ ϩⲣⲁⲓ ⲉ̄ ⲡⲙⲉϩ
ⲙⲛ︦ⲧ︦ⲥⲛⲟⲟⲩⲥ ⲛ̄ⲥⲟⲃⲧ̄ • ⲁⲛⲟⲕ ⲇⲉ ⲡⲉϫⲁⲓ ⲙ ⲡⲁⲅⲅⲉⲗⲟⲥ •
ϫⲉ ⲡⲁ ϫⲥ̄ ⲙⲁⲧⲟⲩ ⲛⲟⲉⲓⲁⲧ ⲉ ⲃⲟⲗ ϫⲉ ⲛ̄ ϯⲥⲟⲟⲩⲛ
ⲙⲙⲟⲟⲩ ⲁⲛ Ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ ϫⲉ ⲉϣⲱⲡⲉ ⲟⲩⲛ̄


### 0004

ⲟⲩⲁ ⲉⲣⲉ ⲟⲩⲕⲟⲩⲓ ⲛ̄ ⲕⲁⲧⲁⲗⲁⲗⲓⲁ ⲛ̄ϩⲏⲧϥ̄ • ⲏ̄ ⲟⲩⲕⲱϩ •
ⲏ̄ ⲟⲩⲙⲛ︦ⲧ︦ϫⲁⲥⲓϩⲏⲧ • ϣⲁⲩⲃⲟϭϥ̄ ⲙ ⲡⲉϥⲧⲁⲓⲟ̄ ⲛ̄ ϩⲟⲩⲛ
ⲛ̄ ⲧⲡⲟⲗⲓⲥ ⲙ̄ ⲡⲉⲭⲣ︦ⲥ︦ • Ⲁⲛⲟⲕ ⲇⲉ ⲟⲛ ⲁⲓⲛⲁⲩ ⲉ̄ ϩⲉⲛ‐
ⲑⲣⲟⲛⲟⲥ ⲛ̄ ⲛⲟⲩⲃ ⲉⲩⲥⲏⲣ ⲉ ⲃⲟⲗ ⲕⲁⲧⲁ ⲙⲁ • ⲙⲛ̄
ϩⲉⲛϭⲣⲏⲡⲉ ⲛ̄ⲉⲟⲟⲩ • ⲉⲩⲕⲏ ϩⲓϫⲛ̄ ⲧⲁⲡⲉ ⲛ̄ ⲛⲉⲑⲣⲟⲛⲟⲥ •
ⲁⲓϭⲱϣⲧ̄ ⲁⲓⲛⲁⲩ ⲉ̄ ⲡⲙⲉϩ ⲙⲛ︦ⲧ︦ⲥⲛⲟⲟⲩⲥ ⲛ̄ⲥⲟⲃⲧ̄ • ⲁⲓⲛⲁⲩ
ⲉ ϩⲉⲛϣⲟⲉⲓⲙ (sic) ⲛ̄ⲑⲣⲟⲛⲟⲥ ⲛ̄ ϯⲛⲁϣϣⲁϫⲉ ⲁⲛ ⲉ ⲡⲉⲩ‐
ⲧⲁⲓⲟ̄ • ⲡⲉϫⲁⲓ ⲙ ⲡⲁⲅⲅⲉⲗⲟⲥ • ϫⲉ̄ ⲡⲁ ϫⲟⲉⲓⲥ ⲛⲓⲙ ⲡⲉⲧ
ⲛⲁϩⲙⲟⲟⲥ ⲙ̄ ⲡⲉⲓ ⲙⲁ ϩⲓϫⲛ̄ ⲛⲉⲑⲣⲟⲛⲟⲥ • ⲡⲉϫⲉ ⲡⲁⲅⲅⲉ‐
ⲗⲟⲥ ⲛⲁⲓ ϫⲉ ϩⲉ[ⲛ]ⲁⲕⲁⲓⲣⲉⲟⲥ ⲛ̄ⲣⲱⲙⲉ ⲛⲉ • ⲁⲩⲱ ⲛ̄ϩⲁ‐
ⲡⲗⲟⲩⲥ ⲉⲩⲉⲓⲣⲉ ⲙⲙⲟⲟⲩ ⲛ̄ⲥⲟϭ ⲉ ⲧⲃⲉ ⲡⲛⲟⲩⲧⲉ • ⲛⲁⲓ
ⲉⲧⲉ ⲛ̄ⲥⲉⲥⲟⲟⲩⲛ ⲁⲛ ⲛ̄ϩⲁϩ ϩⲛ̄ ⲛⲉⲅⲣⲁⲫⲏ • ⲙⲛ̄ ϩⲁϩ
ⲙ̄ⲯⲁⲗⲙⲟⲥ • ⲁⲗⲗⲁ ϩⲉⲛⲗⲉⲝⲓⲥ ⲙ̄ⲙⲁⲧⲉ ⲛⲉⲧⲉ ϣⲁⲩ‐
ⲥⲱⲧⲙ̄ ⲉ ⲣⲟⲟⲩ ϩⲛ̄ ⲛⲉⲅⲣⲁⲫⲏ ⲛⲧⲟⲟⲧⲟⲩ ⲛ̄ ⲛ̄ⲣⲙ̄ ⲛ̄
ⲛⲟⲩⲧⲉ • ⲛ̄ⲥⲉⲉⲓⲣⲉ ⲛ̄ ϩⲉⲛⲛⲟϭ ⲙ̄ ⲡⲟⲗⲩⲧⲉⲓⲁ ⲉⲣⲉ
ⲡⲉⲩϩⲏⲧ ⲥⲟⲩⲧⲱⲛ ⲉ ϩⲟⲩⲛ ⲉ̄ ⲡⲛⲟⲩⲧⲉ ⲁⲩⲱ ϣⲁⲩⲣ̄
ϣⲡⲏⲣⲉ ⲛϭⲓ ⲛ̄ⲇⲓⲕⲁⲓⲟⲥ • ⲛ̄ϩⲟⲩⲛ ⲛ̄ ⲧⲡⲟⲗⲓⲥ ⲙ̄ ⲡⲉⲭⲣ︤ⲥ︥
ⲉⲩϫⲱ ⲙ̄ⲙⲟⲥ • ϫⲉ ϭⲱϣⲧ̄ ⲛ̄ⲧⲉⲧⲛ̄ⲛⲁⲩ ⲉ ⲛⲉⲓ ϩⲓⲇⲓⲱ̄ⲧⲏⲥ
ⲉⲧⲉ ⲛ̄ⲥⲉⲥⲟⲟⲩⲛ ⲁⲛ ⲛ̄ ⲛⲉⲅⲣⲁⲫⲏ :-ⲛⲧⲁⲩϫⲓ ⲙ ⲡⲉⲓ ⲛⲟϭ
ⲛ ⲧⲁⲓⲟ ⲉ ⲃⲟⲗ | ⲉ ⲃⲟⲗ (sic) ϩⲓⲧⲙ̄ ⲡⲛⲟⲩⲧⲉ ⲉ ⲧⲃⲉ ⲧⲉⲩⲙⲛ︤ⲧ︥‐
ϩⲁⲡⲗⲟⲩⲥ • ⲁⲛⲟⲕ ⲇⲉ ⲟⲛ ⲡⲁⲩⲗⲟⲥ • ⲁⲓⲛⲁⲩ ⲉⲩⲛⲟϭ ⲛ̄
ⲑⲩⲥⲓⲁⲥⲧⲏⲣⲓⲟⲛ ϩⲛ̄ ⲧⲙⲏⲏⲧⲉ ⲛ ⲧⲡⲟⲗⲓ̈ⲥ • ⲉϥϫⲟⲟⲥⲉ
ⲉⲙⲁⲁⲧⲉ • ⲉⲣⲉ ⲟⲩⲣⲱⲙⲉ ⲁⲁϩⲉ ⲣⲁⲧϥ̄ ϩⲁϩⲧⲙ̄ ⲡⲉ‐
ⲑⲩⲥⲓⲁⲥⲧⲏⲣⲓ̈ⲟⲛ ⲉⲣⲉ ⲡⲉϥϩⲟ ⲣ̄ ⲟⲩⲟ̄ⲉⲓⲛ ⲛ̄ⲑⲉ ⲙ̄ ⲡⲣⲏ •
ⲉⲣⲉ ⲟⲩⲕⲓⲑⲁⲣⲁ ⲛ̄ ⲧⲟⲟⲧϥ̄ ⲛ̄ ⲛⲟⲩⲃ • ⲙⲛ̄ ⲟⲩⲯⲁⲗⲧⲏⲣⲓⲟⲛ
ⲛ̄ ⲛⲟⲩⲃ • ⲉϥⲱϣ ⲉ ⲃⲟⲗ ϫⲉ ⲁⲗⲗⲏⲗⲟⲩⲓⲁ • ϣⲁⲣⲉ ⲛⲉⲧ
ϩⲓϫⲛ̄ ⲙ̄ ⲡⲩⲗⲏ ⲙⲛ̄ ⲛⲉⲧ ϩⲓϫⲛ̄ ⲙ̄ ⲡⲩⲣⲅⲟⲥ ⲟⲩⲱϩⲙ̄
ⲛ̄ⲥⲱϥ ⲧⲏⲣⲟⲩ ϫⲉ ⲁⲗⲗⲏⲗⲟⲩⲓⲁ • ⲁⲩⲱ ϣⲁⲣⲉ ⲛ̄ⲥⲛ̄ⲧⲉ ⲛ̄
ⲧⲡⲟⲗⲓⲥ • ⲛⲟⲉⲓ̈ⲛ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄
ⲛⲓⲙ ⲡⲉ ⲡⲉⲓ ⲇⲩⲛⲁⲧⲟⲥ ⲛ̄ ⲧⲉⲓ ϩⲉ Ⲁϥⲟⲩⲱ̄ϣⲃ̄ ⲛ̄ϭⲓ
ⲡⲁⲅⲅⲉⲗⲟⲥ ⲡⲉϫⲁϥ ⲛⲁⲓ : ϫⲉ ⲡⲁⲓ ⲡⲉ ⲇ︦ⲁ︦ⲇ︦ ⲡⲉⲓⲱⲧ ⲙ̄
ⲡⲉⲭⲣⲥ̄ ⲕⲁⲧⲁ ⲥⲁⲣⲝ̄ • ⲉⲡⲉⲓ ⲇⲏ ⲑⲓ̈ⲉⲗⲏ︦ⲙ︦ ⲛ̄ ⲧⲡⲉ ⲧⲉ
ⲧⲁⲓ • ⲉⲣϣⲁⲛ ⲡⲉⲭⲣⲥ̄ ⲡⲛⲟⲩⲧⲉ ⲟⲩⲱ̄ⲛϩ̄ ⲉ ⲃⲟⲗ ϩⲛ̄ ⲧⲉϥ‐
ⲙⲛ̄ⲧⲉⲣⲟ • ⲇ︦ⲁ︦ⲇ︦ ⲡⲣ̄ⲣⲟ ⲡⲉⲧ ⲛⲁⲯⲁⲗⲗⲉⲓ • ⲛ̄ⲧⲉ ⲛ̄ⲧⲉ (sic)


### 0005

ⲛ̄ⲇⲓⲕⲁⲓⲟⲥ ⲟⲩⲱ̄ϩⲙ̄ ⲛ̄ⲥⲱϥ ϫⲉ ⲁⲗⲗⲏⲗⲟⲩⲓⲁ • ⲡⲉϫⲁⲓ ⲙ̄
ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄ ⲉ ⲧⲃⲉ ⲟⲩ ⲇ︦ⲁ︦ⲇ︦ ⲡⲉⲧ ⲯⲁⲗⲗⲉⲓ
ⲟⲩⲇⲉ ⲛ̄ⲇⲓⲕⲁⲓⲟⲥ ⲧⲏⲣⲟⲩ • ⲡⲉϫⲁϥ ⲛⲁⲓ • ϫⲉ ⲡⲉⲭⲣ︦ⲥ︦
ⲡⲉⲛ ϫⲥ̄ ⲉϥϩⲙⲟⲟⲥ ϩⲓ ⲟⲩⲛⲁⲙ ⲙ̄ ⲡⲉⲓⲱⲧ • ϩⲛ̄ ⲙ̄ⲡⲏⲩⲉ •
ⲇⲁ︦ⲇ︦ ⲡⲉⲧ ⲯⲁⲗⲗⲉⲓ ⲉ ⲣⲟϥ ϩⲛ̄ ⲧⲙⲉϩ ⲥⲁϣϥⲉ ⲙ̄ ⲡⲉ •
ⲕⲁⲧⲁ ⲡⲧⲩⲡⲟⲥ ⲉⲧⲟⲩⲉⲓⲣⲉ ⲙ̄ⲙⲟϥ ϩⲓϫⲙ̄ ⲡⲕⲁϩ ⲙⲛ̄ϭⲟⲙ
ⲉ ⲧⲁⲗⲉ ⲑⲩⲥⲓⲁ ⲉ ϩⲣⲁⲓ ϩⲛ̄ ⲗⲁⲁⲩ ⲙ̄ⲙⲁ ⲁϫⲛ̄ ⲇⲁ︦ⲇ︦
ⲡⲉⲡⲣⲟⲫⲏ|ⲧⲏⲥ • ⲉϥⲯⲁⲗⲗⲉⲓ ⲉ ϩⲣⲁⲓ ⲉϫⲛ̄ ⲧⲥⲁⲣⲝ̄ ⲙ̄
ⲡⲉⲭⲣ︦ⲥ︦ ⲙⲛ̄ ⲡⲉⲥⲛⲟϥ ⲉⲧ ⲟⲩⲁⲁⲃ • ⲕⲁⲧⲁ ⲡⲧⲩⲡⲟⲥ ⲉ̄ⲧⲟⲩ‐
ⲉⲓⲣⲉ ⲙⲙⲟϥ ϩⲛ̄ ⲧⲡⲉ • ⲁⲛⲟⲕ ⲇⲉ ⲁⲓⲟⲩⲱ̄ϣⲃ̄ ⲡⲉϫⲁⲓ ⲙ̄
ⲡⲁⲅⲅⲉⲗⲟⲥ • ϫⲉ ⲡⲁ ϫ︦ⲥ︦ ⲟⲩ ⲡⲉ ⲁⲗⲗⲏⲗⲟⲩⲓⲁ • ⲡⲉϫⲁϥ
ⲛⲁⲓ ϫⲉ ⲡⲁⲩⲗⲟⲥ ⲡⲥⲁϩ ⲛ̄ ⲧⲉⲕⲕⲗⲏⲥⲓⲁ • ⲕⲁⲗⲱⲥ ⲉⲕϣⲓⲛⲉ
ⲛ̄ⲥⲁ ϩⲱⲃ ⲛⲓⲙ • ⲁⲗⲗⲁ ⲙ̄ⲙⲛ︦ⲧ︦ϩⲃ̄ⲣⲁⲓⲟⲥ ⲡⲉ ϯ ⲉⲟⲟⲩ ⲙ̄
ⲡⲛⲟⲩⲧⲉ ⲡⲛ̄ⲧ ⲁϥⲥⲉⲛ︦ⲧ︦ ⲛ̄ⲕⲁ ⲛⲓ̈ⲙ • ⲁⲩⲱ ⲟⲛ ⲡⲉϥⲟⲩⲱϩ︦ⲙ︦
ⲡⲉ ⲡⲁⲓ ϫⲉ ⲙⲁⲣⲛ̄ ⲥⲙⲟⲩ ⲉ̄ ⲡⲛⲟⲩⲧⲉ ϩⲓ ⲟⲩⲥⲟⲡ • ⲁⲛⲟⲕ
ⲇⲉ ⲁⲓⲟⲩⲱ̄ϣⲃ̄ ⲡⲉϫⲁⲓ ⲙ ⲡⲁⲅⲅⲉⲗⲟⲥ • ϫⲉ ⲉⲓⲉ ⲣⲱⲙⲉ
ⲛⲓⲙ ⲉϥϫⲱ ⲙ̄ⲙⲟⲥ ϫⲉ ⲁⲗⲗⲏⲗⲟⲩⲓⲁ ⲉϥⲥⲙⲟⲩ ⲉ ⲡⲛⲟⲩⲧⲉ •
ⲡⲉϫⲁϥ ϫⲉ ⲁϩⲉ • ⲁⲩⲱ ⲟⲛ ⲉⲩϫⲱ ⲙ̄ⲙⲟⲥ ϫⲉ ϯ ⲉⲟⲟⲩ ⲙ̄
ⲡϫ︦ⲥ︦ • ⲡⲉϫⲁⲓ ⲙ ⲡⲁⲅⲅⲉⲗⲟⲥ • ϫⲉ ⲉⲓⲉ ⲡⲉⲧ ϫⲱ ⲙ̄ⲙⲟⲥ
ϫⲉ ⲁⲗⲗⲏⲗⲟⲩⲓⲁ ⲛ̄ⲥⲉⲟⲩⲱ̄ϩⲙ̄ ⲛ̄ⲥⲱϥ ⲁⲛ : ⲡⲉϫⲉ ⲡⲁⲅ‐
ⲅⲉⲗⲟⲥ ⲛⲁⲓ ϫⲉ ⲉϣⲱⲡⲉ ⲟⲩⲣⲱⲙⲉ ⲉϥϣⲱⲛⲉ ⲡⲉ ⲙⲛ̄
ⲁⲣⲓⲕⲉ ⲉ ⲣⲟϥ ϫⲉ ⲛϥ̄ⲟⲩⲱ̄ϩⲙ̄ ⲁⲛ • ⲉϣⲱⲡⲉ ⲇⲉ ⲟⲛ
ⲁϥⲣ̄ ϩ︦ⲗ︦ⲗⲟ ⲙⲛ̄ ⲁⲣⲓⲕⲉ ⲉ ⲣⲟϥ • ⲁⲗⲗⲁ ⲉϣⲱⲡⲉ ⲟⲩ‐
ϫⲱⲱⲣⲉ ⲡⲉ ⲉ̄ ⲟⲩⲛ̄ϭⲟⲙ ⲙⲙⲟϥ ⲛϥ̄ⲧⲙ̄ⲟⲩⲱ̄ϩⲙ̄ • ⲡⲁⲓ
ⲟⲩϫⲁⲥⲓϩⲏⲧ ⲡⲉ • ⲁⲩⲱ ⲟⲩⲕⲁⲧⲁⲫⲣⲟⲛⲓⲧⲏⲥ ⲡⲉ • ⲛϥ̄‐
ⲙ̄ⲡϣⲁ ⲁⲛ ⲛ̄ ⲥⲙⲟⲩ ⲉ ⲡⲉⲛⲧ ⲁϥⲧⲁⲙⲓⲟϥ : ⲧⲟⲧⲉ
ⲁϥⲉⲛⲧ ⲉ ⲃⲟⲗ ϩⲛ̄ ⲧⲡⲟⲗⲓⲥ • ϩⲛ̄ ⲧⲙⲏⲏⲧⲉ ⲛ̄ ⲛ̄ϣⲏⲛ :
ⲁⲩⲱ ⲉ ⲃⲟⲗ ⲛ̄ ⲧⲁⲭⲓⲉ ⲗⲩⲙⲛⲏ • ⲁϥⲉⲛⲧ ⲉ ⲃⲟⲗ ϩⲙ̄
ⲡⲕⲁϩ ⲛ̄ ⲛ̄ⲁⲅⲁⲑⲟⲥ ⲉ ϩⲣⲁⲓ ⲉϫⲙ̄ ⲡⲉⲓⲉ̄ⲣⲟ ⲛ̄ ⲉⲣⲱⲧⲉ ϩⲓ
ⲉⲃⲓⲱ̄ • ⲁϥⲉⲓⲛⲉ ⲙ̄ⲙⲟⲓ ⲉ ⲃⲟⲗ ⲉϫⲙ̄ ⲡⲟⲕⲉⲁⲛⲟⲥ • ⲡⲁⲓ
ⲉⲧ ⲧⲱⲟⲩⲛ ϩⲁ ⲧⲡⲉ • ⲁϥϫⲓ ⲙⲙⲟⲓ ⲉ ϩⲣⲁⲓ ⲉ ⲧⲡⲉ :-|
ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ • ϫⲉ ⲡⲁⲩⲗⲟⲥ ⲡⲁⲩⲗⲟⲥ ⲁⲕⲉⲓⲙⲉ
ϫⲉ ⲉⲕ ⲧⲱⲛ ⲧⲉⲛⲟⲩ • ⲡⲉϫⲁⲓ ⲛⲁϥ ϫⲉ ⲁϩⲉ ⲡⲁ ϫⲥ̄ •
ⲁϥⲟⲩⲱ̄ϣⲃ̄ ⲉϥϫⲱ ⲙⲙⲟⲥ ⲛⲁⲓ ϫⲉ ⲟⲩⲁϩⲕ̄ ⲛ̄ⲥⲱⲕ ⲧⲉⲛⲟⲩ •


### 0006

ⲛ̄ⲧⲁⲧⲥⲁⲃⲟⲕ ⲉ ⲧⲉⲯⲩⲭⲏ ⲛ̄ ⲛ̄ⲁⲥⲉⲃⲏⲥ ⲙⲛ̄ ⲛ̄ⲣⲉϥⲣ̄ ⲛⲟⲃⲉ
ϫⲉ ⲉⲩϣⲁⲛⲙⲟⲩ ⲉⲩϫⲓ ⲙⲙⲟⲟⲩ ⲉ̄ ⲧⲱⲛ • ⲁⲛⲟⲕ ⲇⲉ
ⲁⲓⲙⲟⲟϣⲉ ⲙⲛ̄ ⲡⲁⲅⲅⲉⲗⲟⲥ • ⲁϥϫⲓ ⲙⲙⲟⲓ ϣⲁ ⲙ̄ⲙⲁ
ⲛ̄ϩⲱⲧⲡ̄ ⲙ̄ ⲡⲣⲏ • ⲁⲓϭⲓⲛⲉ ⲛ̄ ⲛ̄ⲥⲛ̄ⲧⲉ ⲛ ⲧⲡⲉ ⲉⲩⲧⲁϫⲣⲏⲩ
ⲉϫⲙ̄ ⲡⲉⲓⲉⲣⲟ ⲙ̄ⲙⲟⲟⲩ • ⲡⲉϫⲁⲓ ⲙ ⲡⲁⲅⲅⲉⲗⲟⲥ • ϫⲉ ⲟⲩ ⲡⲉ
ⲡⲉⲓⲉ̄ⲣⲟ ⲙⲙⲟⲟⲩ ⲉ̄ⲣⲉ ⲧⲉⲓ ⲡⲉ ⲧⲁϫⲣⲏⲩ ⲉ ϫⲱϥ ⲡⲉϫⲁϥ
ⲛⲁⲓ ϫⲉ ⲡⲁⲓ ⲡⲉ ⲡⲟⲕⲉⲁⲛⲟⲥ • ⲡⲁⲓ ⲡⲉ ⲡⲓⲉⲣⲟ ⲉⲧ ⲕⲱⲧⲉ ⲉ
ⲧⲟⲓⲕⲟⲩⲙⲉⲛⲏ ⲧⲏⲣ︦ⲥ︦ • ⲁⲩⲱ ⲛ̄ ⲧⲉⲣⲉ ⲓⲣ̄ ⲡⲃⲟⲗ ⲙ̄
ⲡⲟⲅⲉⲁⲛⲟⲥ • ⲙ̄ⲡⲉ ⲓⲛⲁⲩ ⲉ ⲗⲁⲁⲩ ϩⲙ̄ ⲡⲙⲁ ⲉⲧ ⲙ̄ⲙⲁⲩ •
ⲛⲥⲁ ⲗⲩⲡⲉⲓ ϩⲓ ⲁϣⲁϩⲟⲙ • ϩⲓ ⲙ̄ⲕⲁϩ ⲛ̄ϩⲏⲧ ϩⲓ ⲅⲛⲱⲫⲟⲥ •
ϩⲓ ⲕⲁⲕⲉ ϩⲓ ϩⲧⲉⲙⲧⲙ̄ ϩⲓ ⲧⲁⲕⲟ • ⲧⲟⲧⲉ ⲁⲓϭⲱϣⲧ̄ ⲁⲛⲟⲕ
ⲡⲁⲩⲗⲟⲥ • ⲁⲓⲛⲁⲩ ⲉⲩⲛⲟϭ ⲛ̄ⲥⲱϣⲉ ⲉⲥⲟ ⲛ̄ ϣⲁⲣⲃⲁ •
ⲉⲩϩⲟⲧⲉ ⲡⲉ ⲛⲁⲩ ⲉ ⲣⲟⲥ • ⲉⲥⲟ ⲛ̄ϩⲓⲉⲓⲧ ϩⲓⲉⲓⲧ • ⲉⲥⲟ
ⲛ̄ϣⲓⲕϩ̄ ϣⲓⲕϩ̄ ⲉ ⲟⲩⲛ̄ ϣⲓⲕϩ̄ ⲉϥϣⲟⲕϩ̄ ⲉ ⲡⲉⲥⲏⲧ ⲛ̄ ϣⲉ
ⲙ̄ⲙⲁϩⲉ • ⲟⲩⲛ̄ ϣⲓⲕϩ̄ ⲉϥϣⲟⲕϩ̄ ⲉ̄ ⲡⲉⲥⲏⲧ ⲛ̄ⲧⲁⲓⲟⲩ
ⲙ̄ⲙⲁϩⲉ • ⲟⲩⲛ̄ ϣⲓⲕϩ̄ ⲉϥϣⲟⲕϩ̄ ⲉ ⲡⲉⲥⲏⲧ ⲙ̄ⲙⲁⲁⲃ
ⲙ̄ⲙⲁϩⲉ • ⲟⲩⲛ̄ ϣⲓ︦ⲕ︦ϩ︦ ⲉϥϣⲟⲕϩ̄ ⲉ ⲡⲉⲥⲏⲧ ⲛ̄ϫⲟⲩⲱⲧ
ⲙ̄ⲙⲁϩⲉ • ⲟⲩⲛ̄ ϣⲓⲕϩ̄ ⲉϥϣⲟⲕϩ̄ ⲉ ⲡⲉⲥⲏⲧ ϣⲁ ⲁⲣⲏϫϥ̄
ⲙ̄ ⲡⲛⲟⲩⲛ • ⲟⲩⲛ̄ ϣⲓⲕϩ̄ ⲉϥⲙⲉϩ ⲛ̄ⲇⲣⲁⲕⲟⲛ • ⲟⲩⲛ̄ ϣⲓⲕ︦ϩ︦
ⲉϥⲙⲉϩ ⲛ̄ϫⲁϥ • ⲟⲩⲛ̄ ϣⲓⲕϩ̄ ⲉϥⲙⲉϩ ⲛ̄ⲗⲁϫⲁⲧⲡ̄ (sic) ϩⲓ
ⲑⲏⲛ • ⲉϥⲃⲣ︤ⲃⲣ̄ ⲉ̄ ϩⲣⲁⲓ ⲛ̄ⲑⲉ ⲛ̄ⲟⲩⲭⲁⲗⲭⲓⲟⲛ • ⲉⲣⲉ
ⲡⲉϥⲧⲁϭ ϥⲱϭⲉ ⲉ ϩⲣⲁⲓ ⲉ ⲡϫⲓⲥⲉ ⲙ̄ⲙⲁⲁⲃ ⲙ̄ⲙⲁϩⲉ |
ⲟⲩⲛ̄ ϣⲓⲕ[ϩ̄] ⲉϥⲙⲉϩ ⲛ̄ϥⲛⲧ ⲉϥⲗⲟⲙⲥ̄ ⲉⲙⲁⲁⲧⲉ • ⲟⲩⲛ̄
ϣⲓⲕ ⲉϥⲙⲉϩ ⲛ̄ⲉⲓⲟⲟⲩⲉ ⲉϥϩⲁ ϩⲟⲧⲉ • ⲟⲩⲛ̄ ϣⲓⲕ ⲉϥⲙⲉϩ
ⲛ̄ⲕⲱϩ︤ⲧ︥ • ⲉⲣⲉ ⲡⲉϥⲕⲱϩ︦ⲧ︦ • ⲟ̄ ⲙ̄ ⲡⲁⲩⲁⲛ ⲙ̄ ⲡⲏϭⲉ • ⲟⲩⲛ̄
ϣⲓⲕϩ̄ ⲉⲣⲉ ⲡⲉϥⲕⲁⲡⲛⲟⲥ ⲃⲏⲕ ⲉ ϩⲣⲁⲓ ϣⲁ ⲡⲉⲥⲧⲉⲣⲉⲱⲙⲁ •
ⲟⲩⲛ̄ ϣⲓⲕϩ̄ ⲉⲣⲉ ϣⲉ ⲛ̄ⲇⲉⲕⲁⲛⲟⲥ ϩⲓ ϫⲱϥ :-ⲁⲓϭⲱϣ︦ⲧ︦
ⲁⲛⲟⲕ ⲡⲁⲩⲗⲟⲥ ⲁⲓⲛⲁⲩ ⲉⲩⲛⲟϭ ⲛ̄ⲉⲓⲉⲣⲟ ⲛ̄ⲕⲱϩⲧ̄ • ⲉϥϥⲓ
ϩⲟⲉⲓⲙ ϩⲟⲉⲓⲙ • ⲉⲩⲟⲩⲛ̄ ⲟⲩⲙⲏⲏϣⲉ ⲛ̄ⲣⲱⲙⲉ ϩⲓ ⲥϩⲓ̈ⲙⲉ
ⲟⲙ︦ⲥ︦ ⲉ ⲡⲉⲥⲏⲧ ⲉ ⲣⲟϥ • ϩⲟⲓⲛⲉ ⲙⲉⲛ ⲉⲩⲟⲙⲥ̄ ϣⲁ ⲛⲉⲩ‐
ⲡⲁⲧ • ϩ︦ⲉ︦ⲛ︦ⲕⲟⲟⲩⲉ ϣⲁ ⲧⲉⲩⲙⲏⲏⲧⲉ • ϩⲟⲓⲛⲉ ϣⲁ ⲛⲉⲩⲥⲡⲟ‐
ⲧⲟⲩ • ϩⲉⲛⲕⲟⲟⲩⲉ ϣⲁ ⲛⲉⲩϥⲱ • ⲁⲛⲟⲕ ⲇⲉ ⲁⲓⲟⲩⲱϣⲃ̄
ⲡⲉϫⲁⲓ̈ ⲙ̄ ⲡⲁⲅⲅⲉⲗⲟⲥ • ϫⲉ ⲡⲁ ϫⲥ̄ ϩⲉⲛⲟⲩ ⲛ̄ⲉ ⲛⲁⲓ ⲉⲧ
ϩⲛ̄ ⲛⲉⲓ ⲉⲣⲱⲟⲩ ⲛ̄ⲕⲱϩⲧ̄ Ⲁϥⲟⲩⲱ̄ϣⲃ̄ ⲛ̄ϭⲓ ⲡⲁⲅⲅⲉⲗⲟⲥ •


### 0007

ϫⲉ ⲛⲁⲓ ⲛⲉⲧ ⲉⲙ̄ⲡ ⲟⲩⲣ̄ ϩⲙ̄ⲙⲉ • ⲙ̄ⲡ ⲟⲩⲣ̄ ⲙⲟⲩ ⲛ
ⲱ̄ⲣϣ̄ • ⲙ̄ⲡ ⲟⲩⲱⲡ ⲙⲛ̄ ⲛ̄ⲇⲓⲕⲁⲓⲟⲥ • ⲙ̄ⲡ ⲟⲩⲱⲡ ⲙⲛ̄
ⲛ̄ⲣⲉϥⲣ̄ ⲛⲟⲃⲉ • ⲁⲗⲗⲁ ⲁⲩⲧⲁⲕⲟ ⲙ̄ ⲡⲉⲩⲱ̄ⲛϩ̄ ⲙⲁⲩⲁⲁⲩ
ϩⲓϫⲙ̄ ⲡⲕⲁϩ • ϣⲁⲩⲣ̄ ϩⲉⲛϩⲟⲟⲩ ⲉⲩϣⲙ̄ϣⲉ ⲙ̄ ⲡⲛⲟⲩ[ⲧⲉ] •
ⲁⲩⲱ ϩⲉⲛϩⲟⲟⲩ ⲉⲩⲣ̄ ⲛⲟⲃⲉ ⲁⲩⲱ ⲉⲩⲡⲟⲣⲛⲉⲩⲉ : ⲙ̄ⲡ ⲟⲩⲗⲟ
ϩⲛ̄ ⲛⲉⲩⲛⲟⲃⲉ ϣⲁⲛⲧ ⲟⲩⲙⲟⲩ ϩⲣⲁⲓ ⲛ̄ϩⲏⲧⲟⲩ • ⲁⲛⲟⲕ ⲇⲉ
ⲁⲓⲟⲩⲱϣⲃ̄ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ ⲛⲓⲙ ⲛⲉ ⲛⲁⲓ ⲉⲧ
ⲟⲙⲥ̄ ϣⲁ ⲛⲉⲩⲡⲁⲧ : ⲡⲉϫⲁϥ ⲛⲁⲓ • ϫⲉ ⲛⲁⲓ ⲛⲉⲧⲉ ϣⲁⲩⲉⲓ
ⲉ ⲃⲟⲗ ϩⲛ̄ ⲧⲉⲕⲕⲗⲏⲥⲓⲁ̄ • ⲛ̄ⲥⲉⲧⲁϩⲟⲩ ϩⲛ̄ ϩⲉⲛϩⲃⲏⲩⲉ
ⲛ̄ⲛⲱ ⲟⲩⲁⲛ • ⲉⲩⲣ̄ ⲛⲟⲃⲉ ⲙ̄ⲙⲏⲛⲉ • ⲛⲁⲓ ϩⲱⲟⲩ ⲉⲧ ⲟⲙⲥ̄
ϣⲁ ⲧⲉⲩⲙⲏⲏⲧⲉ • ⲛⲁⲓ ⲛⲉ ϣⲁⲩϫⲓ ⲉ ⲃⲟⲗ ϩⲛ̄ ⲧⲥⲁⲣⲝ̄ ⲙ̄
ⲡⲉⲭⲣ︦ⲥ︦ ⲙⲛ̄ ⲡϥ̄ⲥⲛⲟϥ ⲉⲧ ⲟⲩⲁⲁⲃ • ⲛ̄ⲥⲉⲃⲱⲕ ⲛ̄ⲥⲉⲡⲟⲣ‐
ⲛⲉⲩⲉ ⲙ̄ⲡ ⲟⲩⲗⲟ ϩⲛ̄ ⲛⲉⲩⲛⲟⲃⲉ • ⲛⲉⲧ ⲟⲙⲥ̄ ϩⲱⲟⲩ ϣⲁ
ⲛⲉⲩⲥⲡⲟⲧⲟⲩ ⲛⲁⲓ ⲛⲉ ϣⲁⲩⲕⲁⲧⲁⲗⲁⲗⲉⲓ ϩⲛ̄ ⲧⲉⲕⲕⲗⲏ‐
ⲥⲓⲁ :- | ⲙⲛ̄ ⲛⲉⲩⲏⲓ • ⲛⲉⲧ ⲟⲙⲥ̄ ϩⲱⲟⲩ ϣⲁ ⲛⲉⲩϥⲟ ⲛⲉ
ⲛⲉⲧⲉ ϣⲁⲩⲕⲟⲙϣ̄ ⲛ̄ⲥⲁ ⲛⲉⲩⲉⲣⲏⲩ ϩⲛ̄ ⲟⲩⲙⲛ︤ⲧ︥ⲥⲁⲛⲕⲟⲧⲥ̄ •
ⲉⲩⲟ̄ ⲛ̄ⲕⲣⲟϥ ⲉ̄ ⲛⲉⲩⲉⲣⲏⲩ ⲙ̄ ⲡⲉⲙⲛ︤ⲧ︥ ϩⲱⲱϥ ⲙ̄ ⲡⲉⲓⲉⲣⲟ ⲛ̄‐
ⲕⲱϩⲧ̄ ⲉϥⲟ̄ ⲙⲙⲓⲛⲉ ⲛ̄ⲕⲟⲗⲁⲥⲓⲥ • ⲉϥⲙⲉϩ ⲛ̄ⲣⲱⲙⲉ ϩⲓ
ⲥϩⲓⲙⲉ • ⲉⲣⲉ ⲡⲉⲓⲉⲣⲟ ⲛ̄ⲕⲱϩⲧ̄ ⲥⲱⲕ ϩⲁ ⲣⲟⲟⲩ • ⲁ̄ⲛⲟⲕ ⲇⲉ
ⲡⲁⲩⲗⲟⲥ ⲁⲓϭⲱϣⲧ̄ ⲁⲓⲛⲁⲩ ⲉ ϩⲉⲛϩⲓⲣ ⲉⲩⲃⲏⲕ ⲉ ⲡⲉⲥⲏⲧ
ϣⲁ ϣⲟⲙⲛ︤ⲧ︥ ⲛ̄ⲧⲃⲁ ⲙ̄ⲙⲁϩⲉ • ⲯⲩⲭⲏ ⲉϫⲙ̄ ⲯⲩⲭⲏ •
ⲅⲉⲛⲉⲁ ⲉϫⲛ̄ ⲅⲉⲛⲉⲁ • ⲛⲉⲩⲁϣⲁϩⲟⲙ ⲅⲁⲣ ⲧⲏⲣⲟⲩ ⲡⲉ •
ⲁⲩⲱ ⲛⲉⲩⲣⲓⲙⲉ ⲉⲩϫⲱ ⲙ̄ⲙⲟⲥ • ϫⲉ ⲛⲁ ⲛⲁⲛ ⲡϫⲥ̄ • ⲁⲩⲱ
ⲙ̄ⲡ ⲟⲩⲛⲁ ⲛⲁⲩ ⲉ ⲡⲧⲏⲣϥ̄ • Ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ
ϩⲉⲛⲟⲩ ⲛⲉ ⲛⲁⲓ ⲡⲁ ϫⲥ̄ • ⲁϥⲟⲩⲱ̄ϣⲃ̄ ⲉϥϫⲱ ⲙ̄ⲙⲟⲥ ⲛⲁⲓ̈
ϫⲉ ⲛⲁ ⲛⲉⲧⲉ ⲙ̄ⲡ ⲟⲩⲕⲁ ⲡⲛⲟⲩⲧⲉ ⲛⲁⲩ ⲛ̄ⲃⲟⲏⲑⲟⲥ • ϩⲙ̄
ⲡⲉⲟⲩⲟ̄ⲉⲓϣ ⲛ̄ ⲧⲉⲩⲑⲗⲓⲯⲓⲥ • ⲡⲉϫⲁⲓ ⲛⲁϥ ⲛⲁϥ (sic) • ϫⲉ
ⲉϣϫⲉ ⲟⲩⲛ̄ ⲙⲁⲁⲃⲉ ⲛ̄ⲅⲉⲛⲉⲁ ⲏ̄ ϩⲙⲉ ⲛ̄ⲅⲉⲛⲉⲁ ϩⲓϫⲛ̄
ⲛⲉⲩⲉⲣⲏⲩ • ⲉⲣⲉ ⲡϣⲓⲕϩ̄ ⲡϣⲓⲕ︦ϩ︦ (sic) ⲛⲁⲣ̄ ⲟⲩⲏⲣ • ⲡⲉϫⲁϥ
ⲛⲁⲓ ϫⲉ̄ ϯⲣ̄ ⲙⲛ︦ⲧ︦ⲣⲉ ⲛⲁⲕ ⲱ̄ ⲡⲁⲩⲗⲟⲥ ϫⲉ ⲡⲉⲓ ϣⲓⲕϩ̄ ⲡⲁⲓ
ϣⲟⲕϩ̄ ϣⲁ ⲁⲣⲏϫϥ̄ ⲙ̄ ⲡⲛⲟⲩⲛ • ⲁⲩⲱ ⲛⲉϥⲃⲣ̄ⲃⲣ̄ ⲉ ϩⲣⲁⲓ̈
ⲛ̄ⲑⲉ ⲛ̄ ⲟⲩⲭⲁⲗⲭⲓⲟⲛ : Ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ̈ ϫⲉ ⲱ̄
ⲡⲁⲩⲗⲱⲥ ϯⲱ̄ⲣⲕ̄ ⲕⲁⲕ ⲙ̄ ⲡⲛⲟⲩⲧⲉ • ϫⲉ ⲡⲉⲓ ϣⲓⲕϩ̄ ⲡⲁⲓ
ⲉⲕϣⲁⲛⲭⲁⲗⲁ ⲛ̄ ⲟⲩⲁⲗⲱⲗⲉ ⲛ︦ⲱ︦ⲛⲉ ⲉ ⲡⲉⲥⲏⲧ ⲉ ⲣⲟϥ •


### 0008

ⲙⲟⲅⲓⲥ ⲛⲥ̄ⲡⲱϩ ⲉ̄ ⲡⲉⲥⲏⲧ ⲉ ⲣⲁⲧϥ̄ ⲛ̄ϣⲉ ⲛ̄ⲣⲟⲙⲡⲉ :-
ⲁⲛⲟⲕ ⲇⲉ ⲡⲁⲩⲗⲟⲥ ⲁⲓⲁϣⲁϩⲟⲙ ⲁⲩⲱ ⲁⲓⲣⲓⲙⲉ :- | ⲉϫⲙ̄
ⲡⲅⲉⲛⲟⲥ ⲧⲏⲣϥ̄ ⲛ̄ ⲧⲙⲛ︦ⲧ︦ⲣⲱⲙⲉ • ⲡⲉϫⲉ ⲡⲁⲅⲅⲉⲗⲟⲥ
ⲛⲁⲓ • ϫⲉ ⲁϩⲣⲟⲕ ⲉⲕⲣⲓⲙⲉ ⲱ̄ ⲡⲁⲩⲗⲟⲥ • ⲙⲏ̄ ⲛ̄ⲧⲕ̄
ⲟⲩⲛⲁⲏⲧ ⲛⲧⲟⲕ ⲡⲁⲣⲁ ⲡⲛⲟⲩⲧⲉ • ⲉϥⲥⲟⲟⲩⲛ ⲅⲁⲣ ⲛ̄ϭⲓ
ⲡⲛⲟⲩⲧⲉ ϫⲉ ⲟⲩⲛ ⲕⲣⲓⲥⲓⲥ ϣⲟⲟⲡ • ⲉ ⲧⲃⲉ ⲡⲁⲓ ⲉϥϩⲟⲣϣ̄
ⲛ̄ϩⲏⲧ ⲉϫⲙ̄ ⲡⲟⲩⲁ ⲡⲟⲩⲁ ϣⲁⲛⲧ ϥ̄ⲉⲓⲣⲉ ⲙ̄ ⲡⲉϥⲟⲩⲱϣ
ϩⲓϫⲙ̄ ⲡⲕⲁϩ ⁖-Ⲧⲟⲧⲉ ⲁⲓϭⲱϣⲧ̄ ⲉϫⲙ̄ ⲡⲉⲓⲉⲣⲟ ⲛ̄ ⲕⲱϩⲧ̄ •
ⲁⲓⲛⲁⲩ ⲉⲩϩ︦ⲗ︦ⲗⲟ ⲛ̄ ⲣⲱⲙⲉ ⲉ ⲁⲩⲉⲛⲧϥ ⲉⲩⲥⲱⲕ • ⲙ̄ⲙⲟϥ •
ⲁⲩⲟⲙⲥϥ̄ ϣⲁ ⲛⲉϥⲡⲁⲧ • ⲁϥⲉⲓ ⲛ̄ϭⲓ̈ ⲡⲁⲅⲅⲉⲗⲟⲥ • ⲁϥ‐
ⲧⲉⲙⲉⲗⲟⲩⲭⲟⲥ • ⲙⲛ̄ ⲟⲩⲛⲟϭ ⲛ̄ϣⲗⲓϭ ⲛ̄ ⲕⲱϩⲧ̄ • ⲉϥⲟ̄ ⲛ̄
ϣⲟⲙⲛ︤ⲧ︥ • ⲛ̄ⲧⲁⲣ • ⲁϥⲉⲓⲛⲉ ⲛ̄ⲛⲉϥⲙⲁϩⲧ̄ ⲉ̄ ⲃⲟⲗ ϩⲛ̄ ⲣⲱϥ •
ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲛⲓⲙ ⲡⲉ ⲡⲉⲓ ϩ︦ⲗ︦ⲗⲟ ⲛ̄ ⲣⲱⲙⲉ
ⲉⲧⲟⲩϯ ϩⲓⲥⲉ ⲛⲁϥ ⲛ ⲧⲉⲓ ϩⲉ ⲧⲏⲣ︦ⲥ︦ • ⲡⲉϫⲁϥ ⲛⲁⲓ ϫⲉ ⲡⲁⲓ
ⲟⲩⲡⲣⲉⲥⲃⲩⲧⲉⲣⲟⲥ ⲡⲉ • ⲙ̄ⲡⲉ ϥϫⲱⲕ ⲉ ⲃⲟⲗ ⲕⲁⲗⲱⲥ ⲙ̄
ⲡⲣⲁⲛ ⲛ̄ⲧⲁⲩⲧⲁⲗⲟϥ ⲉ ϩⲣⲁⲓ ⲉ ϫⲱϥ • ⲉϥⲟⲩⲱⲙ ⲉϥⲥⲱ
ⲉϥⲡⲟⲣⲛⲉⲩⲉ ⲉϥⲃⲏⲕ ⲉ̄ ⲧⲁⲗⲉ ⲑⲩⲥⲓⲁ ⲉ ϩⲣⲁⲓ ϩⲓϫⲙ̄
ⲡⲕⲁϩ • ⲁⲛⲟⲕ ⲇⲉ ⲁⲓϭⲱϣⲧ̄ ⲁⲓⲛⲁⲩ ⲉ ⲕⲉ ⲥⲁ ⲛ̄ ⲕⲉ
ⲕⲟⲩⲓ • ⲁⲓⲛⲁⲩ ⲉⲩϩⲗ̄ⲗⲟ ⲛ̄ ⲣⲱⲙⲉ ⲉ ⲁⲩⲉⲛⲧϥ̄ ⲟ ⲛⲉⲩⲡⲏⲧ
ⲛⲙ̄ⲙⲁϥ ⲛ̄ϭⲓ ϥⲧⲟⲟⲩ ⲛ̄ⲁⲅⲅⲉⲗⲟⲥ ⲛ̄ⲧⲉ ⲧⲟⲣⲅⲏ : ⲁⲩ‐
ⲟⲙⲥ︦ϥ︦ ϣⲁ ⲛⲉϥⲡⲁⲧ ϩⲙ̄ ⲡⲉⲓⲉⲣⲟ ⲛ̄ ⲕⲱϩⲧ̄ ⲉⲣⲉ ϩⲉⲛⲉⲃⲣⲏϭⲉ
ⲛ̄ ⲕⲱϩⲧ̄ ϩⲓⲟⲩⲉ ⲉ ϩⲟⲩⲛ ϩⲙ̄ ⲡϥ̄ϩⲟ ⲛ̄ⲑⲉ ⲛ̄ ⲛⲉⲓ ϩⲁⲧⲏⲩ :-
ⲙ̄ⲡ ⲟⲩⲕⲁⲁϥ ⲉ̄ ϫⲟⲟⲥ ϫⲉ ⲛⲁ ⲛⲁⲓ ⲉ̄ ⲡⲧⲏⲣ︦ϥ︦ • ⲁⲛⲟⲕ ⲇⲉ
ⲡⲉϫⲁⲓ̈ ⲙ̄ ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄ ⲛⲓ̈ⲙ ⲡⲉ ⲡⲁⲓ̈ • ⲡⲉϫⲁϥ
ⲛⲁⲓ ϫⲉ ⲡⲁⲓ ⲟⲩⲉⲡⲓⲥⲕⲟⲡⲟⲥ ⲡⲉ ⲙⲡⲉ ϥϫⲱⲕ ⲉ ⲃⲟⲗ
ⲕⲁⲗⲱⲥ ⲁ̄ ⲧⲉϥⲙⲛ︦ⲧ︦ⲉⲡⲓⲥⲕⲟⲡⲟⲥ • ⲉ ⲁⲩⲧⲁⲗⲉ ⲟⲩⲛⲟϭ ⲛ̄
ⲣⲁⲛ ⲉ ϩⲣⲁⲓ ⲉ ϫⲱϥ • ⲙ̄ⲡⲉ ϥϯ ⲟⲩϩⲁⲡ ⲉϥⲥⲟⲩⲧⲱⲛ
ⲛⲟⲩϩⲟⲟⲩ ⲛ̄ ⲟⲩⲱⲧ | ⲟⲩⲇⲉ ⲙ̄ⲡⲉ ϥⲙⲟⲟϣⲉ ϩⲛ̄ ⲧⲙⲛⲧ‐
ⲁⲅⲁⲑⲟⲥ ⲙ̄ ⲡⲛⲟⲩⲧⲉ • ⲡⲁⲓ ⲛ̄ⲧⲁϥⲧⲁⲗⲉ ⲡⲉϥⲣⲁⲛ ⲉ ϩⲣⲁⲓ
ⲉ ϫⲱϥ • ⲟⲩⲇⲉ ⲙ̄ⲡⲉ ϥⲛⲁⲛⲟⲩ ⲭⲏⲣⲁ ⲙⲛ̄ ⲟⲩⲟⲣⲫⲁ‐
ⲛⲟⲥ • ⲉϥⲟ ⲙ̄ ⲙⲁⲥ︦ⲧ︦ ⲣⲱⲙⲉ • ⲉⲙⲛ̄ ⲛⲁ ⲛⲧⲉ ⲡⲛⲟⲩⲧⲉ ϩⲙ̄
ⲡⲉϥϩⲏⲧ ⲉ ⲧⲃⲉ ⲡⲁⲓ ⲁⲩⲧⲱⲱ̄ⲃⲉ ⲛⲁϥ ⲕⲁⲧⲁ ⲛⲉϥϩⲃⲏⲩⲉ
ⲁⲩⲱ ⲟⲛ ⲁⲓϭⲱϣⲧ̄ ⲉ̄ ⲡⲉⲓ ⲥⲁ ⲙ̄ⲙⲟⲓ ϩⲓϫⲙ̄ ⲡⲉⲓⲉⲣⲟ ⲛ̄
ⲕⲱϩⲧ̄ • ⲁⲓⲛⲁⲩ ⲉ ⲕⲉ ⲣⲱⲙⲉ ⲉ ⲁⲩⲟⲙⲥ︦ϥ︦ ϣⲁ ⲛⲉϥⲡⲁⲧ •


### 0009

ⲉⲣⲉ ⲛⲉϥϭⲓϫ ⲧⲟⲗⲙ̄ ⲛ̄ ⲥⲛⲟϥ • ⲉⲣⲉ ϩⲉⲛϥⲛ︦ⲧ︦ ⲥⲱⲕ ⲉ
ⲃⲟⲗ ϩⲛ̄ ⲣⲱϥ ⲙⲛ̄ ϣⲁⲛⲧϥ̄ • ⲉϥⲁϣⲁϩⲟⲙ ⲁⲩⲱ ⲉϥⲣⲓ̈ⲙⲉ
ⲉϥϫⲱ ⲙⲙⲟⲥ • ϫⲉ ϯϫⲏⲩ ⲛ̄ϭⲟⲛⲥ̄ ⲡⲁⲣⲁ ⲛⲉⲧ ϩⲛ̄
ⲛ̄ⲕⲟⲗⲁⲥⲓⲥ ⲧⲏⲣⲟⲩ • ⲡⲉϫⲁⲓ̈ ⲙ̄ ⲡⲁⲅⲅⲉⲗⲟⲥ ϫⲉ ⲛⲓⲙ
ⲡⲉ ⲡⲁⲓ ⲡⲁ ϫⲥ̄ ⲡⲉϫⲁϥ ⲛⲁⲓ ϫⲉ ⲡⲁⲓ ⲟⲩⲇⲓⲁⲕⲟⲛⲟⲥ ⲡⲉ •
ⲉϥⲡⲟⲣⲛⲉⲩⲉ ⲙⲛ̄ ⲛⲉϩⲓⲟⲙⲉ ⲛ̄ ⲛⲟⲩϥ ⲁⲛ ⲛⲉ • ⲁⲩⲱ
ⲛϥ̄ⲉⲓⲣⲉ ⲁⲛ ⲙ̄ ⲡⲉⲧ ⲥⲟⲩⲧⲱⲛ ⲙ̄ⲡⲙ̄ⲧⲟ ⲉ ⲃⲟⲗ ⲙ̄
ⲡⲛⲟⲩⲧⲉ • ⲉϥⲟⲩⲱⲙ ⲛ̄ ⲛⲉⲡⲣⲟⲥⲫⲟⲣⲁ ϩ︦ⲛ︦ ⲟⲩⲙⲛ︦ⲧ︦ⲁⲧ‐
ϩⲟⲧⲉ • ⲉϥⲃⲏⲗ ⲉ ⲃⲟⲗ ϩⲙ̄ ⲥⲙⲟⲧ • ⲛⲓⲙ ⲙ̄ⲙⲛ︤ⲧ︥ⲁⲧϣⲁⲩ :
ⲙ̄ⲡ ϥ︦ⲣ︦ ϩⲟⲧⲉ ⲛ̄ ⲟⲩϩⲟⲟⲩ ϫⲉ ⲉⲣⲉ ⲟⲩⲣⲁⲛ ⲟⲩⲏⲏϩ ⲉ ϫⲱϥ •
ⲁⲩⲱ ⲉⲣⲉ ⲡⲉⲥⲛⲟϥ ⲙ̄ ⲡⲉⲭⲣ︦ⲥ︦ ϩⲛ̄ ⲛⲉϥϭⲓϫ • ⲁϥⲧⲁⲕⲟ
ⲙ̄ ⲡⲉϥⲟⲩⲟ̄ⲉⲓϣ ⲧⲏⲣϥ̄ ⲙ̄ⲡⲉ ϥⲙⲉⲧⲁⲛⲟⲓ ϣⲁⲛⲧ ϥ̄ⲙⲟⲩ •
ⲉ ⲧⲃⲉ ⲡⲁ[ⲓ] ⲉϥϣⲟⲟⲡ ϩⲛ̄ ⲛⲉⲓ ⲃⲁⲍⲁⲛⲟⲥ ⲉⲑⲟⲟⲩ ⲉⲧ ⲙⲏⲛ
ⲉ ⲃⲟⲗ • ⲁⲛⲟⲕ ⲇⲉ ⲟⲛ ⲁⲓϭⲱϣⲧ̄ ϩⲓ ⲡⲉⲓ ⲥⲁ ⲙ̄ⲙⲟⲓ • ϩⲓϫⲙ̄
ⲡⲉⲓⲉⲣⲟ ⲛ̄ ⲕⲱϩ︦ⲧ︦ • ⲁⲓⲛⲁⲩ ⲉ ⲁⲩⲉⲛⲧϥ̄ ⲉⲩⲡⲏⲧ ⲛⲙ̄ⲙⲁϥ •
ⲁⲩⲟⲙⲥϥ̄ ϩⲙ̄ ⲡⲉⲓⲉ̄ⲣⲟ ⲛ̄ ⲕⲱϩⲧ̄ ϣⲁ ⲛⲉϥⲥⲡⲟⲧⲟⲩ : ⲁϥⲉⲓ
ⲛ̄ϭⲓ ⲟⲩⲁⲅⲅⲉⲗⲟⲥ ⲛ̄ ⲁⲧ ⲛⲁ ⲙⲛ̄ ⲟⲩⲧⲟϭ | ⲛ̄ ⲕⲱϩ︦ⲧ︦ • ⲁϥ‐
ⲥⲱⲗⲡ̄ ⲉ ⲃⲟⲗ ⲙ̄ ⲡⲉϥⲗⲁⲥ ⲙⲛ̄ ⲛⲉϥⲥⲡⲟⲧⲟⲩ ⲕⲟⲩⲓ ⲕⲟⲩⲓ̈ •
ⲁⲛⲟⲕ ⲇⲉ ⲁⲓⲁ̄ϣⲁϩⲟⲙ ⲁⲩⲱ ⲁⲓⲣⲓⲙⲉ • ⲡⲉϫⲁⲓ ⲙ̄ ⲡⲁⲅⲅⲉ‐
ⲗⲟⲥ ϫⲉ ⲛⲓⲙ ⲡⲉ ⲡⲁⲓ ⲡⲁ ϫⲥ̄ • ⲡⲉϫⲁϥ ⲛⲁⲓ ϫⲉ ⲡⲁⲓ
ⲟⲩⲁⲛⲁⲅⲛⲱⲥⲧⲏⲥ ⲡⲉ ⲉϥϯⲥⲃⲱ ⲙ̄ ⲡⲗⲁⲟⲥ • ⲛϥ̄ⲉⲓⲣⲉ ⲁⲛ
ⲛ̄ⲛⲉⲧ ϥ̄ⲱϣ ⲙⲙⲟⲟⲩ ⲙⲛ̄ ⲛ︦ⲛ︦ⲧⲟⲗⲏ ⲙ ⲡⲛⲟⲩⲧⲉ :-Ⲁⲛⲟⲕ
ⲇⲉ ⲟⲛ ⲁⲓϭⲱϣⲧ̄ ⲁⲓⲛⲁⲩ ⲉ ϩⲉⲛϣⲓⲕϩ̄ ϩⲓϫⲙ̄ ⲡⲉⲓⲉⲣⲟ ⲛ̄
ⲕⲱϩ︦ⲧ︦ ⲉ ⲟⲩⲛ̄ ϩⲉⲛⲣⲱⲙⲉ ⲙⲛ̄ ϩⲉⲛϩⲓⲟⲙⲉ ⲟⲙⲥ̄ ϩⲣⲁⲓ
ⲛ̄ϩⲏⲧⲟⲩ : ⲉⲣⲉ ϩⲉⲛ ϥ︦ⲛ︦ⲧ︦ ⲟⲩⲱⲙ ⲛ̄ⲥⲱⲟⲩ ⲉⲩⲁ̄ϣⲁϩⲟⲙ
ⲁⲩⲱ ⲉⲩⲣⲓⲙⲉ • ⲁⲛⲟⲕ ⲇⲉ ⲁⲓⲣⲓⲙⲉ ⲁⲩⲱ ⲁⲓⲁϣⲁϩⲟⲙ •
ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ̈ • ϫⲉ ⲡⲁⲩⲗⲟⲥ ⲡⲥⲱⲧⲡ̄ ⲙ̄ ⲡⲛⲟⲩⲧⲉ
ⲕⲛⲁⲩ ⲉ ⲟⲩ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲛⲓ̈ⲙ ⲛⲉ ⲛⲁⲓ ⲡⲁ
ϫⲥ̄ • ⲡⲉϫⲁϥ ⲛⲁⲓ ϫⲉ ⲛⲁⲓ ⲛⲉ ⲛ̄ⲣⲱⲙⲉ ⲉⲧ ϫⲓ ⲙⲏⲥⲉ
ⲙ̄ⲙⲏⲥⲉ • ⲉⲩⲕⲱ ⲛ̄ϩⲧⲏⲩ ⲉ ⲧⲉⲩⲙⲛ︦ⲧ︦ⲣⲙ̄ⲙⲁⲟ • ⲙⲡ ⲟⲩⲕⲁ
ⲡⲛⲟⲩⲧⲉ ⲛⲁⲩ ⲛ̄ⲃⲟⲏ̄ⲑⲟⲥ ϩⲓ ϩⲉⲗⲡⲓⲥ • ⲁⲓⲛⲁⲩ ⲟⲛ ⲁⲛⲟⲕ
ⲡⲁⲩⲗⲟⲥ ⲉ ⲕⲉ ⲙⲁ ⲛ̄ ϣⲁⲣⲃⲁ • ⲉϥⲟⲩⲏⲏⲩ ⲉ ⲃⲟⲗ
ⲉⲙⲁⲁⲧⲉ • ⲉⲣⲉ ϩⲉ︦ⲛ︦ ⲕⲉ ⲣⲱⲙⲉ ⲙⲛ̄ ϩⲉⲛ ⲕⲉ ϩⲓⲟⲙⲉ ϩⲣⲁⲓ
ⲛ̄ϩⲏⲧⲟⲩ : ⲉⲩⲟⲩⲟϭⲟⲩⲉϭ ⲛ̄ⲥⲁ ⲛⲉⲩⲗⲁⲥ • ⲡⲉϫⲁⲓ ⲙ̄ ⲡⲁⲅ‐


### 0010

ⲅⲉⲗⲟⲥ ϫⲉ ⲛⲓⲙ ⲛⲉ ⲛⲁⲓ ⲡⲁ ϫⲥ̄ • ⲡⲉϫⲁϥ ⲛⲁⲓ ϫⲉ ⲛⲁⲓ
ⲛⲉⲧⲉ ϣⲁⲩⲕⲁⲧⲁⲗⲁⲗⲉⲓ ϩ︦ⲛ︦ ⲧⲉⲕⲕⲗⲏⲥⲓⲁ̄ :-ⲙⲉⲩϯ ϩⲧⲏⲩ
ⲉ̄ ⲡⲗⲟⲅⲟⲥ ⲙ̄ ⲡⲛⲟⲩⲧⲉ • ⲁⲗⲗⲁ ⲉⲩϯ ϭⲱⲛⲧ̄ ⲙ̄ ⲡⲛⲟⲩⲧⲉ
ⲙⲛ̄ ⲛⲉϥⲁⲅⲅⲉⲗⲟⲥ • ⲉ ⲧⲃⲉ ⲡⲁⲓ ⲥⲉⲛⲁϫⲓ ⲛ̄ ⲧⲉⲓ ⲕⲟⲗⲁⲥⲓⲥ
ⲉⲥⲙⲏⲛ ⲉ ⲃⲟⲗ • ⲁⲓⲛⲁⲩ ⲟⲛ ⲉⲩⲉⲓⲁⲗ ϩⲣⲁⲓ ϩⲙ̄ ⲡϣⲓⲕ
ⲉⲥⲟ ⲙ̄ ⲡⲁⲩⲁⲛ ⲙ̄ ⲡⲉⲥⲛⲟϥ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ
ⲡⲁ ϫⲟⲉ︦ⲓ︦ⲥ︦ ϩⲉⲛⲟⲩ ⲛⲉ ⲛⲁⲓ ⲉⲧ ϩⲟⲥⲉ • ⲡⲉϫⲁϥ ⲛⲁⲓ | ϫⲉ
ⲡⲁⲓ ⲡⲉ ⲡⲙⲁ ⲉⲧ ⲉⲣⲉ ⲛ̄ⲕⲟⲗⲁⲥⲓⲥ ϣⲟⲩⲟ ⲉⲓⲁⲃⲉ ⲉ̄
ⲡⲉⲥⲏⲧ ⲉ ⲣⲟϥ • ⲁⲓⲛⲁⲩ ⲉ ϩⲉⲛⲣⲱⲙⲉ ⲙⲛ̄ ϩⲉⲛϩⲓⲟⲙⲉ
ⲉⲩⲟ̄ⲙⲥ̄ ⲉ̄ ⲡⲉⲥⲏⲧ ϣⲁ ⲛⲉⲩⲡⲁⲧ • ⲁⲩⲱ ϩⲉⲛⲕⲟⲟⲩⲉ
ⲉⲩⲟⲙ︦ⲥ︦ ϣⲁ ⲛⲉⲩⲥⲡⲟⲧⲟⲩ • ⲡⲉϫⲁⲓ̈ ⲙ̄ ⲡⲁⲅⲅⲉⲗⲟⲥ ϫⲉ
ϩⲉⲛⲟⲩ ⲛⲉ ⲛⲁⲓ ⲡⲁ ϫⲟⲉⲓⲥ • ⲡⲉϫⲁϥ ⲛⲁⲓ ϫⲉ ⲛⲁⲓ ⲛⲉ
ⲙ̄ⲙⲁⲅⲟⲥ ⲉⲧ ⲣ̄ ϩⲓϭⲉ ⲛ̄ⲣⲱⲙⲉ ⲙⲛ̄ ⲛⲉϩⲓ̈ⲟⲙⲉ • ⲛ̄ⲥⲉ‐
ⲕⲁⲁⲩ ⲉⲩϩⲟⲥⲉ ϣⲁⲛⲧ ⲟⲩⲙⲟⲩ • ⲁⲛⲟⲕ ϫⲉ ⲟⲛ ⲁⲓϭⲱϣⲧ̄
ⲁⲓⲛⲁⲩ ⲉ ϩⲉⲛⲕⲉⲣⲱⲙⲉ ⲉⲩⲟ̄ⲙⲥ̄ ϣⲁ ⲧⲉⲩⲡⲁϣⲉ • ⲉ ⲁⲩ‐
ϭⲙⲟⲙ ⲛ̄ϩⲟⲩⲟ ⲉⲩϭⲟⲟⲩⲛⲉ ⲛ̄ⲥⲁϣϥ̄ ⲛ̄ϭⲱⲃ ⲛ̄ⲥⲟⲡ ⲉⲩⲙ‐
ⲡⲉⲥⲏⲧ ϩⲛ̄ ⲟⲩⲉⲓⲁ̄ ⲛ̄ ⲕⲱϩⲧ̄ • ⲉⲩϣⲟⲟⲡ ϩⲛ̄ ⲟⲩⲛⲟϭ ⲛ̄ⲃⲁⲍⲁ‐
ⲛⲟⲥ • ⲁⲛⲟⲕ ⲇⲉ ⲟⲛ ⲁⲓⲁϣⲁϩⲟⲙ ⲁⲩⲱ ⲁⲓⲣⲓⲙⲉ • ⲡⲉϫⲁⲓ
ⲙ̄ ⲡⲁⲅⲅⲉⲗⲟⲥ ϫⲉ ϩⲉⲛⲟⲩ ⲛⲉ ⲛⲁⲓ ⲡⲁ ϫⲥ̄ • ⲡⲉϫⲁϥ ⲛⲁⲓ
ϫⲉ ⲛⲁ[ⲓ] ⲛⲉ ⲛ̄ϣⲁⲩⲡⲟⲣⲛⲉⲩⲉ ⲙⲛ̄ ϩⲉⲛⲕⲟⲟⲩⲉ • ⲉ ⲟⲩⲛⲧⲁⲩ
ⲙⲙⲁⲩ ⲛ̄ⲛⲉⲩϩⲟⲟⲩⲧ ⲁⲩⲱ ⲟⲛ ϩⲉⲛϩⲟⲟⲩⲧ ⲉ ⲟⲩⲛ̄ⲧⲁⲩ ⲙ̄‐
ⲙⲁⲩ ⲛ̄ⲛⲉⲩϩⲓⲟⲙⲉ • ⲉ ⲧⲃⲉ ⲡⲁⲓ ⲥⲉⲛⲁϫⲓ ⲛ̄ ⲧⲉⲓ ⲕⲟⲗⲁⲥⲓⲥ
ⲉⲥⲙⲏⲛ ⲉ ⲃⲟⲗ ϣⲁ ⲉⲛⲉϩ • ⲁⲛⲟⲕ ⲇⲉ ⲟⲛ ⲁⲓϭⲱϣⲧ̄ ⲁⲓⲛⲁⲩ
ⲉ ϩⲉⲛⲕⲟⲩⲓ ⲙ̄ⲡⲁⲣⲑⲉⲛⲟⲥ ⲉⲣⲉ ϩⲉⲛϩⲟⲓⲧⲉ ⲉⲩⲗⲁⲁⲙ ⲧⲟ
ϩⲓⲱⲟⲩ : ⲉⲣⲉ ϥⲧⲟⲟⲩ ⲛ̄ⲁⲅⲅⲉⲗⲟⲥ ⲧⲟ ⲉ ⲣⲟⲟⲩ • ⲉⲣⲉ ϩⲉⲛ‐
ⲕⲗⲁⲗ ⲛ̄ ⲕⲱϩⲧ̄ ⲛⲧⲟⲟ̄ⲧⲟⲩ ⲉⲩϯ ⲙⲙⲟⲟⲩ ⲉ ⲛⲉⲩⲙⲁⲕϩ̄ •
ⲁⲩϫⲓⲧⲟⲩ ⲉ̄ ϩⲉⲛⲙⲁ ⲛ̄ ⲕⲁⲕⲉ • ⲉⲩⲁ̄ϣⲁϩⲟⲙ ⲁⲩⲱ
ⲉⲩⲣⲓⲙⲉ • ⲡⲉϫⲁⲓ ⲙ ⲡⲁⲅⲅⲉⲗⲟⲥ ϫⲉ ⲛⲓⲙ ⲛⲉ ⲛⲁⲓ ⲡⲁ
ϫⲥ̄ • ⲡⲉϫⲁϥ ⲛⲁⲓ • ϫⲉ ⲛⲁⲓ ⲛⲉ ⲛⲧⲁⲩϫⲱϩⲙ̄ ⲛ̄ ⲧⲉⲩⲙⲛⲧ‐
ⲡⲁⲣⲑⲉⲛⲟⲥ • ⲙ̄ⲡⲁⲧ ⲟⲩⲧⲁⲁⲩ ⲛ̄ϩⲁⲓ̈ • ⲙ̄ⲡⲁⲧ ⲟⲩⲣⲧⲏ ⲙ̄
ⲡϫⲱϩⲙ̄ • ⲟⲩⲇⲉ ⲙ̄ⲡⲉ ⲛⲉⲩⲕⲉⲉⲓ|ⲟ̄ⲧⲉ ⲉⲓⲙⲉ ⲉ ⲣⲟⲟⲩ • ⲉ ⲧⲃⲉ
ⲡⲁⲓ ⲥⲉⲛⲁϫⲓ ⲛ̄ ⲧⲉⲓ ⲕⲟⲗⲁⲥⲓⲥ ⲉⲥⲙⲏⲛ ⲉ ⲃⲟⲗ • ⲁⲛⲟⲕ ⲇⲉ
ⲟⲛ ⲁⲓϭⲱϣⲧ̄ ⲁⲓⲛⲁⲩ ⲉ̄ ϩⲉⲛⲣⲱⲙⲉ ⲙⲛ̄ ϩⲉⲛⲕⲉϩⲓⲟⲙⲉ •
ⲉⲣⲉ ⲛⲉⲩϭⲓϫ ⲙⲛ̄ ⲛⲉⲩⲟⲩⲣⲏⲏⲧⲉ ⲥⲟⲗⲡ̄ ⲉ ⲃⲟⲗ • ⲉⲛ ϩⲣⲁⲓ


### 0011

ϩⲛ̄ ⲟⲩⲙⲁ ⲛ̄ ϫⲁϥ • ⲉⲣⲉ ϩⲉⲛϥⲛⲧ ⲟⲩⲱⲙ ⲛ̄ⲥⲱⲟⲩ • ⲁⲓⲁ̄‐
ϣⲁϩⲟⲙ ⲁⲩⲱ ⲁⲓ̈ⲣⲓⲙⲉ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ϩⲉⲛ
ⲟⲩ ⲛⲉ ⲛⲁⲓ ⲡⲁ ϫⲥ̄ : ⲡⲉϫⲁϥ ⲛⲁⲓ ϫⲉ ⲛⲁⲓ̈ ϫⲉ ⲛⲁⲓ ⲛⲉⲧ
ϫⲓ ⲛ̄ ⲛ̄ϩⲏⲕⲉ ⲛ̄ϭⲟⲛⲥ̄ ⲙⲛ̄ ⲛ̄ⲟⲣⲫⲁⲛⲟⲥ • ⲙ̄ⲡ ⲟⲩⲕⲁ
ⲡⲛⲟⲩⲧⲉ ⲛⲁⲩ ⲛ̄ ϩⲉⲗⲡⲓⲥ ϩⲓ ⲃⲟⲏ̄ⲑⲟⲥ : ⲉ ⲧⲃⲉ ⲡⲁⲓ̈ ⲥⲉⲛⲁϫⲓ
ⲛ̄ ⲧⲉⲓ ⲕⲟⲗⲁⲥⲓⲥ ⲉⲥⲙⲏ̄ⲛ ⲉ ⲃⲟⲗ ϣⲁ ⲉⲛⲉϩ • ⲁⲓϭⲱϣⲧ̄ ⲟⲛ
ⲁⲓⲛⲁⲩ ⲉ̄ ϩⲉⲛⲕⲟⲟⲩⲉ ⲉⲩⲣⲟⲕⲉ ⲉ ⲃⲟⲗ ⲉϫⲛ̄ ⲟⲩⲟⲃⲉ
ⲙ̄ⲙⲟⲟⲩ ⲉⲁ ⲡⲉⲩⲗⲁⲥ ϣⲟⲟⲩ ⲉ ϩⲁ ⲡⲉⲓⲃⲉ ⲙ̄ⲡ ⲟⲩⲕⲁⲁⲩ ⲉ
ⲥⲱ ⲉⲩⲛ̄ ϩⲉⲛⲕⲁⲣⲡⲟⲥ ϩⲛ̄ ⲛ̄ϣⲏⲛ ⲉⲩⲕⲏ ⲉ ϩⲣⲁⲓ ⲙ̄‐
ⲡⲉⲩⲙ̄ⲧⲟ ⲉ ⲃⲟⲗ • ⲙ̄ⲡ ⲟⲩⲕⲁⲁⲩ ⲉ ⲟⲩⲱⲙ ⲉ̄ ⲃⲟⲗ
ⲛ̄ϩⲏⲧⲟⲩ • ⲁⲛⲟⲕ ⲇⲉ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲛⲓⲙ ⲛⲉ
ⲛⲁⲓ ⲡⲁ ϫ︦ⲥ︦ • ⲙ̄ⲡ ⲟⲩⲕⲁⲁⲩ ⲉ ⲟⲩⲱⲙ ⲟⲩⲇⲉ ⲉ̄ ⲥⲱ •
ⲡⲉϫⲁϥ ⲛⲁⲓ ϫⲉ ⲛⲁⲓ ⲛⲉ ϣⲁⲩⲃⲱⲗ ⲉ̄ ⲃⲟⲗ ⲛ̄ ⲛ̄ⲛⲏⲥⲧⲉⲓⲁ
ⲙ̄ⲡⲁⲧ ϥ︦ⲣ︦ ⲛⲁⲩ • ⲉ ⲧⲃⲉ ⲡⲁⲓ ⲥⲉⲛⲁϫⲓ ⲛ̄ ⲧⲉⲓ ⲕⲟⲗⲁⲥⲓⲥ
ⲉⲥⲙⲏⲛ ⲉ ⲃⲟⲗ ϣⲁ ⲉⲛⲉϩ • Ⲁⲓⲛⲁⲩ ⲉ̄ ϩⲉⲛⲕⲉⲣⲱⲙⲉ ⲙⲛ̄
ϩⲉⲛⲕⲉϩⲓⲟⲙⲉ ⲉⲩⲁϣⲉ ⲉ̄ ϩⲣⲁⲓ ⲛ̄ⲥⲁ ⲡϥⲱ ⲛ̄ ⲧⲉⲩⲁⲡⲉ • ⲉⲣⲉ
ϩⲉⲛⲛⲟϭ ⲛ̄ⲗⲁⲙⲡⲁⲥ ⲛ̄ⲕⲱϩⲧ̄ ⲙⲟⲩϩ ϩⲁ ⲡⲉⲩϩⲟ̄ • ⲉⲣⲉ
ϩⲉⲛⲇⲣⲁⲕⲱⲛ ⲛ̄ϩⲟϥ ⲙⲏⲣ ⲉ ϩⲟⲩⲛ ⲉ̄ ⲡⲉⲩⲥⲱⲙⲁ •
ⲉⲩⲟⲩⲱⲙ ⲛ̄ⲥⲱⲟⲩ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ϩⲉⲛⲟⲩ
ⲛⲉ ⲛⲁⲓ ⲡⲁ ϫⲥ̄ • ⲉⲩϯ ϩⲓⲥⲉ ⲛⲁⲩ ⲛ̄ ⲧⲉⲓ ϩⲉ • ⲡⲉϫⲁϥ ⲛⲁⲓ
ⲛ̄ϭⲓ ⲡⲁⲅⲅⲉⲗⲟⲥ :-ϫⲉ ⲛⲁⲓ ⲛⲉ ϣⲁⲩⲕⲟⲥⲙⲉⲓ ⲙⲙⲟⲟⲩ : |
ϩⲛ̄ ϩⲉⲛⲥⲟϭⲛ̄ ⲛ̄ⲧⲉ ⲡⲇⲓⲁⲃⲟⲗⲟⲥ • ⲉⲩⲃⲏⲕ ⲉ ⲛⲉⲕⲕⲗⲏⲥⲓⲁ
ⲉ ⲧⲃⲉ ϩⲉⲛⲙⲛ︦ⲧ︦ⲛⲟⲉⲓⲕ • ⲁⲩⲱ ⲉ ⲧⲃⲉ ⲛⲉⲩϩⲁⲓ ⲁⲛ • ⲉⲩⲉⲓⲣⲉ
ⲙ̄ ⲡⲛⲟⲩⲧⲉ ⲛ̄ϫⲁϫⲉ ⲉ ⲣⲟⲟⲩ ⲉ ⲧⲃⲉ ϩⲉⲛⲥⲟϭⲛ̄ ⲛ̄ⲁⲡⲁⲧⲏ •
ⲉ ⲧⲃⲉ ⲡⲁⲓ̈ ⲥⲉⲛⲁϫⲓ ⲛ̄ ⲧⲉⲓ ⲕⲟⲗⲁⲥⲓⲥ ⲉⲥⲙⲏ̄ⲛ ⲉ ⲃⲟⲗ ϣⲁ
ⲉⲛⲉϩ • ⲁⲓⲛⲁⲩ ⲟⲛ ⲁⲛⲟⲕ ⲡⲁⲩⲗⲟⲥ ⲉ ϩⲉⲛⲕⲉⲣⲱⲙⲉ ⲙⲛ̄
ϩⲉⲛⲕⲉϩⲓⲟ̄ⲙⲉ • ⲉⲩⲟⲙⲥ̄ ⲉ̄ ϩⲉⲛϩⲟ[ⲃⲟ]ⲗⲓⲥⲕⲟⲥ ⲛ̄ⲕⲱϩⲧ • ⲉⲣⲉ
ϩⲉⲛϩⲟⲓⲧⲉ ⲉⲩⲕⲏⲙ ⲧⲟ ϩⲓⲱⲟⲩ • ⲉⲩⲟ̄ ⲛ̄ⲃⲗ̄ⲗⲉ ⲉⲩⲃⲏⲕ ⲉ̄
ϩⲣⲁⲓ ⲉⲩϣⲓⲕ ⲛ̄ ⲟⲩⲱⲧ ⲉϥⲙⲉϩ ⲛ̄ⲕⲱϩⲧ̄ • ⲡⲉϫⲁⲓ̈ ⲙ̄
ⲡⲁⲅⲅⲉⲗⲟⲥ ϫⲉ ϩⲉⲛ ⲟⲩ ⲛⲉ ⲛⲁⲓ ⲡⲁ ϫⲥ̄ • ⲡⲉϫⲁϥ ⲛⲁⲓ
ϫⲉ ⲛ̄ϩⲉⲑⲛⲟⲥ ⲛ̄ⲁⲧⲛⲟⲩⲧⲉ ⲛⲉ • ⲙ̄ⲡ ⲟⲩⲥⲟⲩⲉⲛ ⲡⲛⲟⲩⲧⲉ
ⲉⲛⲉϩ • ⲉ ⲧⲃⲉ ⲡⲁⲓ ⲥⲉⲛⲁϫⲓ ⲛ̄ ⲧⲉⲓ ⲕⲟⲗⲁⲥⲓⲥ ⲉⲥⲙⲏⲛ ⲉ
ⲃⲟⲗ • ⲁⲓⲛⲁⲩ ⲟⲛ ⲉ ϩⲉⲛⲕⲉⲣⲱⲙⲉ ⲙⲛ̄ ϩⲉⲛⲕⲉϩⲓⲟⲙⲉ •
ⲉⲩⲡⲟⲣϣ̄ ⲉ ⲃⲟⲗ ⲉϫⲛ̄ ϩⲉⲛϩⲟⲃⲟⲗⲓⲥⲕⲟⲥ ⲛ̄ⲕⲱϩⲧ̄ : ⲉⲣⲉ


### 0012

ϩⲉⲛⲑⲩⲣⲓⲟⲛ ⲛ̄ⲟⲩⲁⲙ ⲥⲁⲣⲝ̄ ⲟⲩⲱⲙ ⲛ̄ⲥⲁ ⲛⲉⲩⲙⲁϩⲧ̄ :
ⲙ̄ⲡ ⲟⲩⲕⲁⲁⲩ ⲉ̄ ϫⲟⲟⲥ ϫⲉ ⲛⲁ ⲛⲁⲛ ⲉ ⲡⲧⲏⲣϥ̄ • ⲉⲣⲉ
ⲡⲁⲅⲅⲉⲗⲟⲥ ⲉⲧ ϩⲓϫⲛ̄ ⲛ̄ⲕⲟⲗⲁⲥⲓⲥ ⲉⲧⲉ ⲁϥⲧⲓⲙⲉⲗⲟⲩⲭⲟⲥ
ⲡⲉ ⲉⲡⲓϯⲙⲁ ⲛⲁⲩ ⲉϥϫⲱ ⲙ̄ⲙⲟⲥ ϫⲉ ⲥⲟⲩⲉⲛ ⲧⲉⲕⲣⲓⲥⲓⲥ
ⲙ̄ ⲡϣⲏⲣⲉ ⲙ̄ ⲡⲛⲟⲩⲧⲉ ⲁⲩϫⲟⲟⲩ ⲉ ⲣⲱⲧⲛ̄ ⲙ̄ⲡⲉ ⲧⲛ̄ⲥⲱⲧⲙ̄
ⲉ ⲣⲟⲟⲩ :-ⲁⲩⲟϣⲟⲩ ⲉ̄ ⲣⲱⲧⲛ̄ ⲙ̄ⲡⲉ ⲧⲛ̄ϫⲓ ⲥⲙⲏ ⲉ ⲣⲟⲟⲩ • ⲉ
ⲧⲃⲉ ⲡⲁⲓ ⲙⲛ̄ ϫⲓⲛϭⲟⲛⲥ̄ ϩⲛ̄ ⲧⲉⲕⲣⲓⲥⲓⲥ ⲙ̄ ⲡϣⲏⲣⲉ ⲙ̄
ⲡⲛⲟⲩⲧⲉ • ⲛⲉⲧⲛϩⲃⲏⲩⲉ̄ ⲅⲁⲣ ⲙⲙⲓⲛ ⲙ̄ⲙⲱⲧⲛ̄ ⲛⲉⲛⲧ
ⲁⲩⲉⲛ ⲧⲏⲩⲧⲛ̄ ⲉ ⲡⲉⲓ ⲙⲁ ⲛ̄ ⲕⲟⲗⲁⲥⲓⲥ • ⲁⲛⲟⲕ ⲇⲉ ⲁⲓⲁ‐
ϣⲁϩⲟⲙ ⲁⲩⲱ ⲁⲓⲣⲓⲙⲉ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ | ϫⲉ ⲛⲓⲙ
ⲛⲉ ⲛⲁⲓ • ⲡⲉϫⲁϥ ⲛⲁⲓ ϫⲉ ⲛⲁⲓ ⲛⲉ ⲛⲉⲭⲏⲣⲁ ⲙⲛ̄ ⲙ̄ⲡⲁⲣ‐
ⲑⲉⲛⲟⲥ ⲛ̄ⲧⲁⲩⲙⲟⲟⲩⲧ ⲙ̄ ⲡⲉⲡⲗⲁⲥⲙⲁ ⲙ̄ ⲡⲛⲟⲩⲧⲉ • ⲉ
ⲁⲩⲑⲓⲉ ϩⲏⲧⲟⲩ ⲉ ⲡⲉⲥⲏⲧ ϩⲛ̄ ⲟⲩⲡⲟⲣⲛⲓ̈ⲁ • ⲁⲩⲱ ⲛ̄ⲕⲉ
ϩⲟⲟⲩⲧ ⲛ̄ⲧⲁⲩϣⲱⲡⲉ ⲛ︤ⲙ︥ⲙⲁⲩ ϩⲛ̄ ⲧⲉⲓ ⲕⲟⲗⲁⲥⲓⲥ ⲛ̄
ⲟⲩⲱⲧ ⲛ︦ⲙ︦ⲙⲁⲩ • ⲁⲩⲱ ⲛⲉⲩⲕⲉϣⲏⲣⲉ ⲛ̄ⲧⲁⲩⲙⲟⲟⲩⲧⲟⲩ
ⲛⲉⲩⲥⲙⲙⲉ ⲉ ⲣⲟⲟⲩ ⲙ̄ ⲡⲁⲅⲅⲉⲗⲟⲥ ⲉⲧ ϩⲓϫⲛ̄ ⲧⲉⲕⲣⲓⲥⲓ̈ⲥ •
ϫⲉ ⲁⲣⲓ ⲡⲉⲛϩⲁⲡ ⲙⲛ̄ ⲛⲛ̄ⲉⲓⲟⲧⲉ • ϫⲉ ⲁⲩⲧⲁⲕⲟ ⲙ̄
ⲡⲉⲡⲗⲁⲥⲙⲁ ⲙ̄ ⲡⲛⲟⲩⲧⲉ • ⲁⲩⲧⲁⲗⲟ ⲙ̄ ⲡⲉⲕⲣⲁⲛ ⲉ ϫⲱⲟⲩ
ϫⲉ ⲭⲣⲓⲥϯⲁ̄ⲛⲟⲥ ⲙ̄ⲡ ⲟⲩⲉⲓⲣⲉ ⲛ̄ ⲛⲕ̄ⲉⲛⲧⲟⲗⲏ • ⲁⲗⲗⲁ
ⲁⲩⲣ̄ ⲡⲕⲉⲛⲟϫⲛ̄ ⲛ̄ⲛⲉⲩⲟⲩϩⲟⲟⲣ ⲙⲛ̄ ⲛⲉϣⲁⲩ : ⲙ̄ⲡ
ⲟⲩⲕⲁⲁⲛ ⲉϣⲱⲡⲉ ⲛ̄ⲇⲓⲕⲁⲓⲟⲥ ⲛ̄ⲧⲛ̄ϣⲙ̄ϣⲉ ⲙ̄ ⲡⲛⲟⲩⲧⲉ
ⲛ̄ⲕⲟⲩⲓ ⲇⲉ ⲛ̄ⲧⲁⲩϩⲟⲧⲃⲟⲩ ⲁⲩⲧⲁⲁⲩ ⲙ̄ ⲡⲁⲅⲅⲉⲗⲟⲥ ⲉⲧ ϩⲓϫⲛ̄
ⲛ̄ⲕⲟⲗⲁⲥⲓⲥ ϫⲉ ⲉϥⲉϫⲓⲧⲟⲩ ⲉⲩⲙⲁ ⲉϥⲟⲩⲟϣⲥ̄ ⲉ ⲃⲟⲗ •
ⲉⲩⲛⲁⲩ ⲉ ⲛⲉⲩⲉⲓⲟⲧⲉ ⲉⲩϩⲛ̄ ⲛ̄ⲕⲟⲗⲁⲥⲓⲥ ⲉⲩⲙⲏⲛ ⲉ ⲃⲟⲗ
ϣⲁ ⲉⲛⲉϩ • ⲁⲓϭⲱϣⲧ̄ ⲟⲛ ⲁⲓⲛⲁⲩ ⲉ̄ ϩⲉⲛⲣⲱⲙⲉ ⲙⲛ̄
ϩⲉⲛⲕⲉϩⲓⲟ̄ⲙⲉ • ⲉⲣⲉ ϩⲉⲛⲡⲟⲟ̄ϭⲉ ⲛ̄ϭⲟⲟⲩⲛⲉ ⲧⲟ ϩⲓⲱⲟⲩ
ⲉⲩⲙⲉϩ ⲛ̄ⲑⲏⲛ ϩⲓ ⲗⲁⲙϫⲁⲧⲡ̄ • ⲉⲣⲉ ϩⲉⲛϩⲟϥ ⲛ̄ⲕⲱϩⲧ̄
ϭⲗⲙ̄ⲗⲱⲙ ⲉ ϩⲟⲩⲛ ⲉ ⲛⲉⲩⲙⲁⲕϩ̄ • ⲙⲛ̄ ⲛⲉⲩϭⲓϫ ⲙⲛ̄
ⲛⲉⲩⲟⲩⲣⲏⲏⲧⲉ • ⲉⲣⲉ ϩⲉⲛⲁⲅⲅⲉⲗⲟⲥ ⲛ̄ ⲁⲧⲛⲁ ⲥⲱⲕ
ⲙ̄ⲙⲟⲟⲩ : ⲉⲣⲉ ϩⲉⲛⲧⲁⲡ ⲛ̄ⲕⲱϩⲧ̄ ϩⲓϫⲛ̄ ⲛⲉⲩⲁⲡⲏⲩⲉ •
ⲉⲩⲕⲱⲛⲥ̄ ⲙ̄ⲙⲟⲟⲩ • ⲉⲩϫⲡⲓⲟ̄ ⲙⲙⲟⲟⲩ ⲉⲩϫⲱ ⲙⲙⲟⲥ
ⲛⲁⲩ • ϫⲉ ⲉⲛⲉ ⲟⲩⲛ̄ϭⲟⲙ ⲙ̄ⲙⲱⲧⲛ̄ ⲉ ⲥⲟⲩⲉⲛ ⲡⲛⲟⲩⲧⲉ •
ⲛ̄ⲧⲉⲧⲛ̄ϣⲙ̄ϣⲉ ⲛⲁϥ • ⲁⲩⲱ ⲙ̄ⲡⲉ ⲧⲉⲧⲛ̄ϣⲙ̄ϣⲉ | ⲁⲛⲟⲕ
ⲇⲉ ⲟⲛ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ ϩⲉⲛⲟⲩ ⲛⲉ ⲛⲁⲓ ⲡⲁ


### 0013

ϫⲥ̄ ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ ϫⲉ ⲛⲁⲓ ⲛⲉ ⲛⲧⲁⲩⲁⲡⲟⲧⲁⲥⲥⲉ
ⲙ̄ ⲡⲕⲟⲥⲙⲟⲥ ⲁⲩⲫⲟⲣⲉⲓ ⲙ̄ ⲡⲉⲥⲭⲏⲙⲁ ⲙ̄ ⲡⲉⲭⲣ︦ⲥ︦ •
ⲁ ⲑⲩⲗⲏ ⲙ̄ ⲡⲕⲟⲥⲙⲟⲥ ⲙⲛ̄ ⲛ̄ⲣⲟⲟⲩϣ ⲁⲁⲩ ⲛ̄ⲉⲃⲓⲏⲛ • ⲙ̄ⲡ
ⲟⲩⲉⲓⲣⲉ ⲛ̄ ⲟⲩⲁⲅⲁⲡⲏ ⲛ̄ ⲟⲩϩⲟⲟⲩ • ⲟⲩⲇⲉ ⲙⲡ ⲟⲩⲛⲁ ⲛ̄
ⲟⲩⲭⲏⲣⲁ ⲙⲛ̄ ⲟⲩⲟⲣⲫⲁⲛⲟⲥ ⲛ̄ ⲟⲩϩⲟⲟⲩ ⲛ̄ ⲟⲩⲱⲧ : ⲙ̄ⲡ
ⲟⲩϣⲱⲡ ⲉ ⲣⲟⲟⲩ ⲛ̄ ⲟⲩϣⲙ̄ⲙⲟ • ⲟⲩⲇⲉ ⲙⲡ ⲟⲩⲛⲁ ⲙ
ⲡⲉⲧ ϩⲓⲧⲟⲩⲱⲟⲩ • ⲙ̄ⲡⲉ ⲟⲩϣⲗⲏⲗ ⲉϥⲟⲩⲁⲁⲃ ⲉ ⲡⲱⲟⲩ ⲡⲉ
ⲃⲱⲕ ⲉ ϩⲣⲁⲓ ϣⲁ ⲡⲛⲟⲩⲧⲉ ⲉⲛⲉϩ ⲉ ⲃⲟⲗ ϩⲓ ⲧⲟⲟⲧⲟⲩ • ⲙ̄ⲡⲉ
ⲛⲉⲩⲣⲟⲟⲩϣ ⲙⲛ̄ ⲛⲉⲩϩⲩⲗⲏⲕⲁ ⲁⲩⲉⲉⲓⲣⲉ ⲙ̄ ⲡⲉⲧ ⲥⲟⲩⲧⲱⲛ
ⲛ̄ⲛⲁϩⲣⲙ̄ ⲡⲛⲟⲩⲧⲉ • ⲁⲩⲱ • ⲛⲉϥϫⲓ ⲙ̄ⲙⲟⲟⲩ ⲉ ⲡⲉⲓ ⲥⲁ
ⲙⲛ̄ ⲡⲁⲓ ⲛ̄ϭⲓ ⲡⲉⲧ ϩⲓϫⲛ̄ ⲛ̄ⲕⲟⲗⲁⲥⲓⲥ • ⲉⲣⲉ ⲛⲉⲧ ϩⲛ̄
ⲛ̄ⲕⲟⲗⲁⲥⲓⲥ ⲧⲏⲣⲟⲩ ⲛⲁⲩ ⲉ ⲣⲟⲟⲩ • ⲡⲉϫⲁⲩ ⲛⲁⲩ ⲛϭⲓ
ⲛⲉⲧ ϩⲛ̄ ⲛ̄ⲕⲟⲗⲁⲥⲓⲥ • ϫⲉ ⲁⲛⲟⲛ ⲉⲛ ϩⲛ̄ ⲛ̄ⲕⲟⲗⲁⲥⲓ̈ⲥ • ϫⲉ
ⲙ̄ ⲡⲛⲁⲩ ⲉⲛϣⲟⲟⲡ ϩⲙ̄ ⲡⲕⲟⲥⲙⲟⲥ ⲉⲣⲉ ⲡⲥⲁⲧⲁⲛⲁⲥ ϯ
ⲛⲙ̄ⲙⲁⲛ • ⲛ̄ⲧⲱⲧⲛ̄ ϩⲱⲧ ⲧⲏⲩⲧⲛ̄ ⲉⲧⲉⲧⲛ︤ⲣ︥ ⲟⲩ ⲙ̄ ⲡⲉⲓ̈ ⲙⲁ •
ⲁⲩⲱ ⲟⲛ ⲁϥϫⲱ ⲙⲙⲟⲟⲩ ⲉ ⲕⲉ ⲙⲁ̄ • ⲡⲉϫⲁⲩ ⲛⲁⲩ ⲟⲛ
ⲛ̄ϭⲓ ⲛⲉⲧ ϩⲛ̄ ⲛ̄ⲕⲟⲗⲁⲥⲓⲥ • ϫⲉ ⲧⲛ̄ⲥⲟⲟⲩⲛ ϫⲉ ⲁⲛⲟⲛ
ϩⲉⲛⲣⲉϥⲣ̄ ⲛⲟⲃⲉ ⲁⲛⲟⲛ ⲛ̄ⲧⲱⲧⲛ̄ ⲇⲉ ⲁⲧⲉⲧⲛ̄ⲧⲁⲗⲉ ⲡⲣⲁⲛ
ⲙ̄ ⲡⲛⲟⲩⲧⲉ ⲉ ϫⲱⲧⲛ̄ ⲙⲙⲁⲁⲧⲉ ⲛ̄ ⲧⲉⲓ ϩⲉ ⲁ ⲗⲟⲅⲟⲥ • ⲉ
ⲧⲃⲉ ⲡⲁⲓ ⲧⲉⲧⲛⲁϫⲓ ⲛ̄ ⲧⲉⲓ ⲕⲟⲗⲁⲥⲓⲥ ϣⲁ ⲉⲛⲉϩ : ⲁⲛⲟⲕ ⲇⲉ
ⲁⲓⲁ̄ϣⲁϩⲟⲙ ⲁⲩⲱ ⲁⲓⲣⲓⲙⲉ • ϫⲉ ⲟⲩⲟⲓ̈ ⲙ̄ ⲡⲅⲉⲛⲟⲥ ⲛ̄
ⲛ̄ⲣⲱⲙⲉ • ⲟⲩⲟⲓ ⲙ̄ ⲡⲣⲉϥⲣ̄ ⲛⲟⲃⲉ ϫⲉ ⲁⲩϫⲡⲟϥ ⲉ̄ ⲡⲉⲓ̈
ⲕⲟⲥⲙⲟⲥ :-| ⲁϥⲟⲩⲱ̄ϣⲃ̄ ⲛ̄ϭⲓ ⲡⲁⲅⲅⲉⲗⲟⲥ ⲡⲉϫⲁϥ ⲛⲁⲓ :
ϫⲉ ⲟⲩ ⲡⲁⲩⲗⲟⲥ ⲁϩⲣⲟⲕ ⲕⲣⲓⲙⲉ • ⲙⲏ ⲛ̄ⲧⲕ̄ ⲟⲩϣⲁⲛϩ̄ⲧⲏϥ
ⲣⲱ ⲛ̄ⲑⲉ ⲙ̄ ⲡⲛⲟⲩⲧⲉ • ⲉⲡⲉⲓ ⲇⲏ ⲉϥⲥⲟⲟⲩⲛ ⲛ̄ϭⲓ ⲡⲛⲟⲩⲧⲉ
ϫⲉ ⲟⲩⲛ̄ ⲕⲣⲓⲥⲓⲥ ϣⲟⲟⲡ • ⲉ ⲧⲃⲉ ⲡⲁⲓ ⲁϥⲕⲁ ⲡⲟⲩⲁ ⲡⲟⲩⲁ̄
ϣⲁⲛⲧ ϥ̄ⲉⲓⲣⲉ ⲙ̄ ⲡⲉⲧ ⲉϩⲛⲁϥ ϩⲓϫⲙ̄ ⲡⲕⲁϩ • ⲁⲩⲱ
ⲁⲩⲛⲟϭ ⲛ̄ ⲗⲩⲡⲉⲓ ⲉⲓ ⲛⲁⲓ ⲙⲛ̄ ⲟⲩⲣⲓ̈ⲙⲉ • ⲡⲉϫⲉ ⲡⲁⲅ‐
ⲅⲉⲗⲟⲥ ⲇⲉ ⲛⲁⲓ : ϫⲉ ⲁϩⲣⲟⲕ ⲉⲕⲣⲓⲙⲉ ⲱ̄ ⲡⲁⲩⲗⲟⲥ •
ⲙ̄ⲡⲁⲧ ⲕ̄ⲛⲁⲩ ⲣⲱ ⲉ ⲧⲛⲟϭ ⲛ ⲕⲣⲓⲥⲓⲥ • ⲁⲗⲗⲁ ⲟⲩⲁ̄ϩⲕ̄
ⲛ̄ⲥⲱⲓ ⲛ̄ⲧⲁⲧⲥⲁⲃⲟⲕ ⲉ ⲛⲉⲧ ⲟⲩⲟⲧⲃ̄ ⲉ ⲛⲁⲓ ⲛ̄ⲥⲁϣϥ̄ ⲛ̄ϭⲱⲃ
ⲛ̄ⲥⲟⲡ • ⲧⲟⲧⲉ ⲁϥϫⲓ̈ ⲙ̄ⲙⲟⲓ ⲙⲙⲟⲓ ⲉ̄ ⲡⲉⲙⲛⲧ̄ ⲛ︦ⲛ︦ⲕⲟⲗⲁⲥⲓⲥ
ⲧⲏⲣⲟⲩ • ⲁϥϫⲓⲧ ⲉϫⲛ̄ ⲧϣⲱⲧⲉ ⲙ̄ ⲡⲛⲟⲩⲛ • ⲁⲓϩⲉ ⲉ ⲣⲟⲥ
ⲉⲥⲧⲟⲟⲃⲉ ⲛ̄ⲥⲁϣϥⲉ ⲛ̄ⲥⲫⲣⲁⲅⲓⲥ ⲛ̄ ⲕⲱϩ︦ⲧ︦ • ⲡⲉϫⲉ ⲡⲁⲅⲅⲉ‐


### 0014

ⲗⲟⲥ ⲉⲧ ⲙⲟⲟϣⲉ ⲛⲙ̄ⲙⲁⲓ̈ ⲙ̄ ⲡⲉⲧ ϩⲓϫⲛ̄ ⲧϣⲱⲧⲉ ⲙ̄ ⲡⲛⲟⲩⲛ
ϫⲉ ⲁⲩⲟⲩⲱⲛ ⲛ̄ ⲧϣⲱⲧⲉ ⲛ̄ⲧⲉ ⲡⲁⲩⲗⲟⲥ ⲡⲙⲉⲣⲓⲧ ⲙ̄
ⲡⲛⲟⲩⲧⲉ ⲛⲁⲩ ⲉ ⲣⲟⲥ • ϫⲉ ⲛ̄ⲧⲁⲩⲧⲁⲁⲥ ⲛⲁϥ ⲉ ⲛⲁⲩ ⲉ
ϩⲱⲃ ⲛⲓⲙ ⲉⲧ ϥ̄ϣⲓⲛⲉ ⲛ̄ⲥⲱⲟⲩ • ⲉⲧ ϣⲟⲟⲡ ϩⲛ̄ ⲛ̄ⲕⲟⲗⲁⲥⲓⲥ •
ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ ϫⲉ ⲥⲁϩⲱⲕ ⲉ̄ ⲡⲟⲩⲉ̄ ⲛ̄ ⲟⲩⲕⲟⲩⲓ ϫⲉ
ⲙⲉⲕⲉϣϭⲙϭⲟⲙ ⲉ̄ ⲧⲱⲟⲩⲛ ϩⲁ ⲡⲉⲥϯ ⲃⲱⲛ • ⲛ̄ⲧⲉⲩⲛⲟⲩ ⲇⲉ
ⲛⲧⲁϥϭⲱⲗⲡ̄ ⲉ ⲃⲟⲗ ⲛ̄ ⲧϣⲱⲧⲉ ⲙ̄ ⲡⲛⲟⲩⲛ • ⲁⲩⲛⲟϭ ⲛ̄
ⲕⲁⲡⲛⲟⲥ ⲛ̄ ⲥϯ ⲃⲱⲛ ⲉⲓ ⲉ̄ ϩⲣⲁⲓ ϩⲛ̄ ⲧϣⲱⲧⲉ • ⲉϥⲛⲁϣⲧ
ⲉⲙⲁⲁⲧⲉ ⲡⲁⲣⲁ ⲛⲕⲟⲗⲁⲥⲓⲥ ⲧⲏⲣⲟⲩ • ⲁⲓϭⲱϣⲧ̄ ⲉ ⲡⲉⲥⲏⲧ
ⲉ ⲣⲟⲥ • ⲁⲓϭⲛ̄ⲧⲥ̄ ⲉⲥⲣⲏⲧ ⲉ ⲃⲟⲗ ⲛ̄ⲧⲁϭⲧⲁϭ ⲛ̄ ⲕⲱϩⲧ̄ ⲧⲏⲣⲥ̄ •
ⲉⲩϫⲉⲣⲟ ⲛ̄ⲥⲁ ⲥⲁ ⲛⲓⲙ • ⲙⲟⲅⲓⲥ ⲛ̄ⲧⲉ ⲟⲩⲣⲱⲙⲉ | ⲛ̄
ⲟⲩⲱⲧ ⲃⲱⲕ ⲉ ⲡⲉⲥⲏⲧ ⲉ ⲣⲟⲥ ϩⲛ̄ ⲟⲩϩⲟϫϩⲉϫ • ⲡⲉϫⲉ ⲡⲁⲅ‐
ⲅⲉⲗⲟⲥ ⲛⲁⲓ • ϫⲉ ⲉⲩϣⲁⲛⲛⲟⲩϫⲉ ⲛ̄ ⲟⲩⲣⲱⲙⲉ ⲉ ⲡⲉⲥⲏⲧ ⲉ
ⲧⲉⲓ ϣⲱⲧⲉ ⲛ̄ⲥⲉⲧⲱⲃⲉ ⲉ ⲣⲱϥ • ⲙⲉⲣⲉ ⲡⲉϥⲣ̄ ⲡⲙⲉⲉⲩⲉ̄ ⲉⲓ
ⲉ ϩⲣⲁⲓ ⲙ̄ⲡⲙ̄ⲧⲟ ⲉ̄ ⲃⲟⲗ ⲙ̄ ⲡⲉⲓⲱⲧ ⲙⲛ̄ ⲡϣⲏⲣⲉ ⲙⲛ̄
ⲡⲉⲡⲛ︦ⲁ︦ ⲉⲧ ⲟⲩⲁⲁⲃ • ⲙⲛ̄ ⲛⲁⲅⲅⲉⲗⲟⲥ ⲧⲏⲣⲟⲩ • ⲁⲛⲟⲕ ⲇⲉ
ⲡⲉϫⲁⲓ̈ ⲙ̄ ⲡⲁⲅⲅⲉⲗⲟⲥ ϫⲉ ⲛⲓⲙ ⲛⲉⲧ ⲟⲩⲛⲟⲩϫⲉ ⲙ̄ⲙⲟⲟⲩ
ⲉ ⲡⲉⲥⲏⲧ ⲉ ⲧⲉⲓ ϣⲱⲧⲉ • ⲡⲉϫⲁϥ ⲛⲁⲓ ϫⲉ ⲟⲩⲟⲛ ⲛⲓⲙ ⲉⲧ
ϫⲱ ⲙⲙⲟⲥ ϫⲉ ⲙ̄ⲡⲉ ⲓ︤ⲥ︥ ⲉⲓ ϩⲛ̄ ⲧⲥⲁⲣ︤ⲝ︥ • ⲟⲩⲇⲉ ⲙ̄ⲡ ⲟⲩϫ‐
ⲡⲟϥ ϩⲙ̄ ⲙⲁⲣⲓⲁ̄ ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ • ⲙⲛ̄ ⲛⲉⲧ ϫⲱ
ⲙ̄ⲙⲟⲥ ϫⲉ ⲡⲟⲉⲓⲕ ⲙⲛ̄ ⲡⲏⲣⲡ̄ ⲉϣⲁⲩⲧⲁⲩⲉ̄ ⲡⲣⲁⲛ ⲙ̄
ⲡⲛⲟⲩⲧⲉ ⲉ ϩⲣⲁⲓ ⲉ ϫⲱⲟⲩ • ⲛ̄ⲧⲟⲟⲩ ⲁⲛ ⲧⲉ ⲧⲥⲁⲣⲝ̄ ⲙ̄
ⲡⲉⲭⲣ︦ⲥ︦ ⲙⲛ̄ ⲡⲉϥⲥⲛⲟϥ • ⲙⲛ̄ ⲟⲩⲟⲛ ⲛⲓⲙ ⲉ ⲁⲩⲁⲡⲁⲣⲛⲁ
ⲙ̄ ⲡⲉⲩⲃⲁⲡϯⲥⲙⲁ • ⲛ̄ⲥⲉⲧⲁⲕⲟ ⲛⲧⲉⲩⲥⲫⲣⲁⲅⲓⲥ ϩⲛ̄ ⲟⲩ‐
ⲙⲛⲧⲇⲩⲣⲁⲛⲛⲟⲥ • ⲡⲁⲓ ⲡⲉ ⲡⲉⲩⲙⲁ ⲛ̄ ϣⲱⲡⲉ ϣⲁ ⲉⲛⲉϩ •
ⲉⲣⲉ ⲡⲟⲩⲉ̄ ⲛⲧ̄ ⲡⲟⲩⲉ̄ ⲛⲧ̄ ⲉⲓⲣⲉ ⲛ̄ ⲟⲩⲙⲁϩⲉ ⲛ̄ ϣⲓⲏ • ⲉ ⲟⲩⲉ
ⲛⲁ ⲡⲉⲥⲛ̄ⲧⲉ ⲙ̄ⲙⲟϥ ⲁⲓⲛⲁⲩ ⲉ ϩⲉⲛⲣⲱⲙⲉ ⲙⲛ̄ ϩⲉⲛⲕⲉ‐
ϩⲓⲟ̄ⲙⲉ ⲉⲩϣⲟⲟⲡ ϩⲙ̄ ⲡⲱϭⲃ̄ ⲙ̄ⲡϫⲁϥ • ⲙⲛ̄ ⲡϭⲁϩϭⲉϩ
ⲛ̄ ⲛ̄ⲟⲃϩⲉ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ ⲡⲁ ϫⲟⲉⲓⲥ ⲛⲓⲙ
ⲛⲉ ⲛⲁⲓ ⲉⲧ ϣⲟⲟⲡ ϩⲛ̄ ⲛⲉⲓ ⲧⲟⲡⲟⲥ ⲉⲧ ϩⲟⲥⲉ • ⲡⲉϫⲁϥ ⲛⲁⲓ
ϫⲉ ⲛⲁⲓ ⲛⲉⲧ ϫⲱ ⲙ̄ⲙⲟⲥ ϫⲉ ⲙ̄ⲡⲉ ⲡⲉⲭⲣ︤ⲥ︥ ⲧⲱⲟⲩⲛ ⲉ
ⲃⲟⲗ ϩⲛ̄ ⲛⲉⲧ ⲙⲟⲟⲩⲧ • ⲟⲩⲇⲉ ⲧⲉⲓ ⲥⲁⲣⲝ̄ ⲛⲁⲧⲱⲟⲩⲛ ⲁⲛ :
Ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲡϭⲁϩϭⲉϩ ⲛ̄ ⲛⲟⲃϩⲉ ⲙⲛ̄ ⲡⲱϭⲃ̄
ⲛⲉⲧ ⲙ̄ ⲡⲉⲓ̈ | ⲙⲁ ⲙ̄ⲙⲁⲁⲧⲉ • ⲛⲉ ⲙⲛ̄ ϩⲙⲟⲙ ⲛ̄ⲧⲟϥ ϩⲙ̄


### 0015

ⲡⲉⲓ ⲙⲁ • ⲡⲉϫⲁϥ ⲛⲁⲓ ϫⲉ ⲙ̄ⲙⲟⲛ • ⲡⲱϭⲃ̄ ⲙ̄ⲙⲁⲁⲧⲉ
ⲙⲛ̄ ⲡϫⲁϥ ⲛⲉⲧ ⲙ ⲡⲉⲓ ⲙⲁ • ⲡⲉϫⲁⲓ ⲙ ⲡⲁⲅⲅⲉⲗⲟⲥ ϫⲉ
ⲉⲣϣⲁⲛ ⲡⲣⲏ ϣⲁ ⲉ ϫⲱⲟⲩ ⲥⲉⲛⲁϣⲙⲟⲙ ⲁⲛ • ⲡⲉϫⲉ ⲡⲁⲅ‐
ⲅⲉⲗⲟⲥ ⲛⲁⲓ • ϫⲉ ⲉⲣϣⲁⲛ ⲥⲁϣϥ̄ ⲛ̄ⲣⲏ ϣⲁ ⲉ̄ ϫⲱⲟⲩ •
ⲛ̄ⲥⲉⲛⲁϩⲙⲟⲙ ⲁⲛ ⲉ ⲧⲃⲉ ⲡϫⲁϥ ⲉⲧ ϩⲓ ϫⲱⲟⲩ • Ⲧⲟⲧⲉ
ⲁⲓⲡⲱⲣϣ̄ ⲉ ⲃⲟⲗ ⲛ̄ⲛⲁϭⲓϫ ⲁⲓⲁϣⲁϩⲟⲙ : ⲁⲩⲱ ⲁⲓⲣⲓⲙⲉ
ⲉⲓϫⲱ ⲙ̄ⲙⲟⲥ • ϫⲉ ⲛⲁⲛⲟⲩⲥ ⲙ̄ⲡ ⲟⲩϫⲡⲟ ⲙ̄ ⲡⲁⲥⲉⲃⲏⲥ
ⲉ̄ϫⲙ̄ ⲡⲕⲁϩ • ⲛ̄ϩⲟⲩⲟ ⲉ ⲣⲟⲥ ⲉ ⲁⲩϫⲡⲟϥ • ϩⲛ̄ ⲧⲉⲩⲛⲟⲩ
ⲛ̄ⲧⲁⲩⲛⲁⲩ ⲉ ⲣⲟⲓ ⲉⲓⲣⲓⲙⲉ • ⲁⲩⲱϣ ⲉ ⲃⲟⲗ ⲧⲏⲣⲟⲩ : ⲁⲩⲱ̄
ⲁⲩⲣⲓⲙⲉ ⲛ̄ϭⲓ ⲛⲉⲧ ϩⲛ̄ ⲛ̄ⲕⲟⲗⲁⲥⲓ̈ⲥ • ⲛⲉⲧ ϩⲓ ϩⲟⲩⲛ ⲙⲛ̄ ⲛⲉⲧ
ϩⲓ ⲃⲟⲗ • ⲁⲓϭⲱϣⲧ̄ ⲁⲛⲟⲕ ⲡⲁⲩⲗⲟⲥ ⲁⲓⲛⲁⲩ ⲉ ⲧⲡⲉ
ⲉⲥⲟⲩⲱⲛ ⁘ ⲁⲓⲛⲁⲩ ⲉ ⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲛ̄ ⲧⲇⲓⲁ‐
ⲑⲩⲕⲏ • ⲁϥⲉⲓ ⲉ ⲃⲟⲗ ϩⲛ̄ ⲧⲡⲉ • ⲙⲛ̄ ⲧⲉⲥⲧⲣⲁⲧⲉⲓⲁ ⲧⲏⲣⲥ̄ ⲛ̄
ⲛ̄ⲁⲅⲅⲉⲗⲟⲥ • ⲁⲛⲁⲅⲅⲉⲗⲟⲥ ⲧⲏⲣⲟⲩ ⲡⲁϩⲧⲟⲩ ⲉϫⲙ̄ ⲡⲉⲩϩⲟ •
ⲁ ⲛⲉⲧ ϩⲛ̄ ⲛ̄ⲕⲟⲗⲁⲥⲓⲥ ⲧⲏⲣⲟⲩ ⲛⲁⲩ ⲉ ⲣⲟⲟⲩ ⲉⲩⲣⲓⲙⲉ :
ⲡⲉϫⲁⲩ ⲛⲁϥ ϫⲉ ⲛⲁ ⲛⲁⲛ ⲡⲁⲣⲭⲁⲅⲅⲉⲗⲟⲥ ⲛ̄ ⲧⲇⲓⲁ‐
ⲑⲩⲕⲏ • ⲡⲛⲁⲏⲧ ⲡⲉⲧ ⲧⲱⲃ︦ϩ︦ ⲉϫⲛ̄ ⲧⲙⲛ︦ⲧ︦ⲣⲱⲙⲉ ⲛ̄ⲛⲁⲩ
ⲛⲓⲙ • ⲉⲣⲉ ⲡⲕⲟⲥⲙⲟⲥ ⲙⲟⲧⲛ̄ ⲉ ⲧⲃⲏⲏ̄ⲧⲕ̄ ⲱ̄ ⲙⲓⲭⲁⲏⲗ •
ⲁⲛⲛⲁⲩ ⲉ̄ ⲧⲉⲕⲣⲓⲥⲓⲥ ⲁⲛⲥⲟⲩⲉⲛ ⲡϣⲏⲣⲉ ⲙ̄ ⲡⲛⲟⲩⲧⲉ : ⲉⲛⲉ
ⲟⲩⲛϭⲟⲙ ⲅⲁⲣ ⲙ̄ⲙⲟⲕ ⲡⲉ ⲉ ⲣ̄ ⲡⲁϩⲣⲉ ⲉ ⲣⲟⲛ ⲙ̄ⲡⲁⲧ
ⲛ̄ⲉⲓ ⲉ ⲡⲉⲓ ⲧⲟⲡⲟⲥ • ⲉⲧ ⲙⲉϩ ⲛ̄ϩⲓⲥⲉ • ⲁⲛⲥⲱⲧⲙ̄ ϫⲉ
ⲧⲉⲕⲣⲓⲥⲓⲥ ϣⲟⲟⲡ ⲙ̄ⲡⲁⲧ ⲛ̄ⲉⲓ ⲉ ⲃⲟⲗ ϩⲛ̄ ⲥⲱⲙⲁ • ⲙ̄ⲡⲉ ⲛ̄
ⲣⲟⲟⲩϣ ⲙⲛ̄ ⲑⲩⲗⲏ ⲙ̄ ⲡⲕⲟⲥⲙⲟⲥ ⲕⲁⲁⲛ ⲱ ⲙⲓ̈ⲭⲁⲏⲗ
ⲉ ⲙⲉⲧⲁⲛⲟⲓ : Ⲁϥⲟⲩⲱϣⲃ̄ ⲇⲉ ⲛ̄ϭⲓ ⲙⲓⲭⲁⲏⲗ ⲉϥϫⲱ
ⲙⲙⲟⲥ • ϫⲉ ⲥⲱⲧⲙ̄ ⲉ ⲣⲟⲓ ⲱ̄ ⲛⲉⲧ ϩⲛ̄ ⲛ̄ⲕⲟⲗⲁⲥⲓⲥ :- |
ⲥⲱⲧⲙ̄ ⲉ ⲙⲓⲭⲁⲏⲗ ⲉϥϣⲁϫⲉ • ⲡⲁⲓ ⲉⲧ ⲁϩ ⲉ ⲣⲁⲧϥ̄ ⲛ̄ⲛⲁⲩ
ⲛⲓⲙ ⲙ̄ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ • ϥⲟⲛϩ̄ ⲛ̄ϭⲓ ⲡⲛⲟⲩⲧⲉ
ⲡⲁⲓ ⲉϯϣⲙ̄ϣⲉ ⲛⲁϥ • ⲁⲩⲱ ϥⲟⲛ︦ϩ︦ ⲛ̄ϭⲓ ⲡϫⲥ̄ ⲡⲁⲓ ⲉϯⲁⲁϩ
ⲉⲣⲁⲧ ⲙ̄ⲡⲉϥⲙ̄ⲧⲟ ⲉ ⲃⲟⲗ • ϫⲉ ⲙⲛ̄ ⲟⲩϩⲟⲟⲩ ⲛ̄ ⲟⲩⲱⲧ
ⲟⲩⲇⲉ ⲟⲩⲟⲩϣⲏ ⲛ̄ ⲟⲩⲱⲧ ⲟⲩⲉⲓⲛⲉ • ⲉ ⲧⲙ̄ ⲧⲱⲃ︦ϩ︦ ⲉϫⲙ̄
ⲡⲅⲉⲛⲟⲥ ⲛ̄ ⲛ̄ⲣⲱⲙⲉ • ⲙⲓⲭⲁⲏⲗ ⲉϥⲧⲱⲃϩ̄ ϩⲛ̄ ⲧⲡⲉ •
ⲛ̄ⲣⲱⲙⲉ ϩⲱⲟⲩ ⲥⲉⲉⲓⲣⲉ ⲛ̄ ⲛⲉⲩϫⲏⲣ ϩⲓϫⲙ̄ ⲡⲕⲁϩ ⲙⲛ̄
ⲛⲉⲩⲡⲟⲣⲛⲓⲁ • ⲙ̄ⲡ ⲟⲩϯ ⲧⲟⲟⲧϥ̄ ⲙ̄ ⲙⲓⲭⲁⲏⲗ ⲛ̄ϭⲓ ⲛⲉⲧ
ϩⲓϫⲙ̄ ⲡⲕⲁϩ • ⲱ̄ ⲛ̄ⲣⲱⲙⲉ ⲁⲧⲉⲧⲛⲣ̄ ⲡⲉⲧⲛ̄ⲟⲩⲟ̄ⲉⲓϣ ⲧⲏⲣϥ̄


### 0016

ⲙ̄ⲡⲉ ⲧⲛ̄ⲙⲉⲧⲁⲛⲟⲓ : ⲁⲛⲟⲕ ⲡⲉ ϣⲁⲓⲧⲱ︤ⲃ︦ϩ︦ ⲙ̄ ⲡϫⲥ̄
ϣⲁⲛⲧϥ̄ⲧⲛ̄ⲛⲟⲟⲩ ⲛⲏⲧⲛ̄ ⲛ̄ ⲧⲉⲓ̈ⲱⲧⲉ ⲉ ⲃⲟⲗ ϩⲛ̄ ⲧⲡⲉ •
ⲁⲛⲟⲕ ⲟⲛ ⲡⲉ ϣⲁⲓⲧⲱⲃϩ̄ ⲙ̄ ⲡⲛⲟⲩⲧⲉ ϣⲁⲛⲧⲉ ⲡⲛⲟⲩⲛ
ⲟⲩⲱⲛ ⲛ̄ ⲣⲱϥ • ⲛϥ̄ϣⲟⲩⲟ̄ ⲙⲟⲟⲩ ⲉ ϩⲣⲁⲓ ⲉϫⲙ̄ ⲡⲕⲁϩ •
ⲛϥ̄ϯ ⲙ̄ ⲡⲉϥⲕⲁⲣⲡⲟⲥ • ϯⲣ̄ ⲙⲛ̄ⲧⲣⲉ • ⲛⲏⲧⲛ̄ ϫⲉ ⲉⲣϣⲁⲛ
ⲟⲩⲁ ⲣ̄ ⲟⲩⲕⲟⲩⲓ ⲛ̄ⲁⲅⲁⲑⲟⲛ • ϣⲁⲓϣⲱⲡⲉ ⲛⲁϥ ⲛ̄ ⲛⲁϣⲧⲉ
ϩⲓ ⲃⲟⲏ̄ⲑⲟⲥ : ϣⲁⲛⲧ ϥ̄ⲛⲟⲩϩⲙ̄ ⲉ ⲛ̄ⲕⲟⲗⲁⲥⲓⲥ • ⲉⲩⲧⲱⲛ ϭⲉ
ⲧⲉⲛⲟⲩ ⲛⲉⲧⲛ̄ϣⲗⲏⲗ ⁘ ⲉⲩⲧⲱⲛ ⲛⲉⲧⲛ̄ⲙⲉⲧⲁⲛⲟⲓⲁ • ⲉⲩⲧⲱⲛ
ⲛⲉⲧⲛ̄ⲁⲅⲁⲡⲏ ⲛ̄ⲧⲁ ⲧⲉⲧⲛ̄ⲁⲁⲩ • ⲁⲧⲉⲧⲛ̄ⲧⲁⲕⲟ ⲙ̄ ⲡⲉⲧⲛ̄ⲟⲩ‐
ⲟ̄ⲉⲓϣ ⲛ̄ⲧⲁⲧⲉⲧⲛ̄ⲁⲁϥ ϩⲓϫⲙ̄ ⲡⲕⲁϩ • ⲣⲓⲙⲉ ϭⲉ ⲱ ⲛ̄ⲣⲱⲙⲉ
ⲛ̄ⲧⲁⲣⲓⲙⲉ ϩⲱⲱⲧ ⲙⲛ̄ ⲛ̄ⲁⲅⲅⲉⲗⲟⲥ • ⲁⲩⲱ ⲡⲕⲉ ⲡⲁⲩⲗⲟⲥ
ⲡⲙⲉⲣⲓⲧ ⲙ̄ ⲡⲛⲟⲩⲧⲉ • ϥⲛⲁⲣⲓⲙⲉ ϩⲱⲱϥ ⲛⲙ̄ⲙⲏⲧⲛ̄ •
ⲙⲉϣⲁⲕ ⲛ̄ⲧⲉ ⲡϣⲉⲛϩ̄ⲧⲏϥ ϯ ⲛⲏⲧⲛ̄ ⲛ̄ ⲟⲩⲕⲟⲩⲓ ⲙ̄ ⲙⲟⲧ‐
ⲛⲉⲥ | ⲁⲩⲱϣ ⲉ ⲃⲟⲗ ⲧⲏⲣⲟⲩ ⲛ̄ϭⲓ ⲛⲉⲧ ϩⲛ̄ ⲛ̄ⲕⲟⲗⲁⲥⲓⲥ
ⲉⲩⲣⲓⲙⲉ • ⲁⲩⲱ ⲟⲛ ⲉⲩⲁϣⲁϩⲟⲙ ⲕⲁⲧⲁ ⲧⲉⲛⲧⲟⲗⲏ ⲙ
ⲙⲓ̈ⲭⲁⲏⲗ • ⲉⲩϫⲱ ⲙⲙⲟⲥ ϫⲉ ⲛⲁ ⲛⲁⲛ ⲡϣⲏⲣⲉ ⲙ̄
ⲡⲛⲟⲩⲧⲉ ⲉⲧ ⲟⲛϩ̄ :-Ⲁ ⲡⲁⲩⲗⲟⲥ ϩⲱⲱϥ ⲟⲛ ⲱϣ ⲉ ⲃⲟⲗ
ⲉϥϫⲱ ⲙ̄ⲙⲟⲥ • ϫⲉ ⲡⲁ ϫⲥ̄ ⲓⲥ̄ ⲡⲉⲭⲣⲥ̄ ϣⲉⲛϩ̄ⲧⲏⲕ ϩⲁ
ⲡⲉⲕⲡⲗⲁⲥⲙⲁ • ⲧⲟⲧⲉ ⲙⲓⲭⲁⲏⲗ ⲁϥⲡⲁϩⲧϥ̄ ⲙⲛ̄ ϩⲉⲛⲧⲃⲁ
ⲛ̄ⲁⲅⲅⲉⲗⲟⲥ ⲙ̄ⲡⲙ̄ⲧⲟ ⲉ ⲃⲟⲗ ⲙ ⲡⲛⲟⲩⲧⲉ • ⲉⲩϫⲱ ⲙ̄ⲙⲟⲥ
ϫⲉ ϣⲉⲛϩ̄ⲧⲏⲕ ϩⲁ ⲡⲉⲕⲡⲗⲁⲥⲙⲁ • ϣⲛ̄ϩⲧⲏⲕ ϩⲁ ⲧⲉⲕϩⲓ‐
ⲕⲱⲛ • ϣⲉⲛ︦ϩ︦ⲧⲏⲕ ϩⲁ ⲛ̄ϣⲏⲣⲉ ⲛ̄ⲁⲇⲁⲙ • ⲁⲓϭⲱϣⲧ̄ ⲁⲓⲛⲁⲩ
ⲉ̄ ⲧⲡⲉ ⲉⲥⲕⲓⲙ • ⲛ̄ⲑⲉ ⲛ̄ ⲟⲩϣⲏⲛ ⲉⲩⲕⲓⲙ ⲉ ⲣⲟϥ ϩⲓⲧⲛ̄ ⲟⲩ‐
ⲧⲏⲩ :-ⲁⲩⲱ ⲛ̄ ⲧⲉⲣ ⲟⲩⲡⲁϩⲧⲟⲩ ⲙ̄ ⲡⲙ̄ⲧⲟ ⲉ ⲃⲟⲗ ⲙ̄
ⲡⲉⲑⲣⲟⲛⲟⲥ ⲙ̄ ⲡⲛⲟⲩⲧⲉ • ⲁⲓⲛⲁⲩ ⲉ̄ ⲡϫⲟⲩⲧⲁϥⲧⲉ ⲙ̄ⲡⲣⲉⲥ‐
ⲃⲩⲧⲉⲣⲟⲥ ⲙⲛ̄ ⲡⲉϥⲧⲟⲟⲩ ⲛ̄ⲍⲱⲟⲛ ⲉ ⲁⲩⲡⲁϩⲧⲟⲩ : ⲁⲓⲛⲁⲩ
ⲉ ⲡⲉⲑⲩⲥⲓⲁⲥⲧⲏⲣⲓⲟⲛ ⲙⲛ̄ ⲡⲕⲁⲧⲁⲡⲉⲧⲁⲥⲙⲁ ⲉ ⲁⲩⲡⲁϩⲧⲟⲩ •
ⲁⲓⲥⲱⲧⲙ̄ ⲉⲩⲥⲙⲏ ⲉⲥϫⲱ ⲙ̄ⲙⲟⲥ • ϫⲉ ⲉ ⲧⲃⲉ ⲟⲩ ⲉ̄ⲧⲉⲧⲛ̄‐
ⲧⲱⲃϩ̄ ⲙⲙⲟⲓ ⲙⲛ̄ ⲛⲁⲁⲅⲅⲉⲗⲟⲥ • ⲛ̄ⲗⲩⲧⲟⲩⲣⲅⲟⲥ • ⲁⲩⲥⲙⲏ
ϣⲱⲡⲉ ⲉⲥϫⲱ ⲙ̄ⲙⲟⲥ • ϫⲉ ⲉⲛⲧⲱⲃϩ̄ ⲉϫⲛ̄ ⲧⲙⲛ︤ⲧ︥ⲣⲱⲙⲉ •
ⲉⲛϭⲱϣⲧ̄ ⲉ ⲧⲉⲕⲙⲛ︦ⲧ︦ⲛⲁⲏⲧ • ⲁⲓⲛⲁⲩ ⲉ ⲧⲡⲉ ⲉⲥⲟⲩⲏⲛ • ⲁ
ⲡϣⲏⲣⲉ ⲙ̄ ⲡⲛⲟⲩⲧⲉ ⲉⲓ ⲉ ⲃⲟⲗ ϩⲛ̄ ⲧⲡⲉ • ⲉ̄ ⲟⲩⲛ̄ ⲟⲩ‐
ϭⲣⲏⲡⲉ ϩⲓϫⲛ̄ ⲧⲉϥⲁⲡⲉ • ⲁ ⲛⲉⲧ ϩⲛ̄ ⲛ̄ⲕⲟⲗⲁⲥⲓⲥ ⲛⲁⲩ ⲉ
ⲣⲟϥ • ⲁⲩⲟⲩⲱϣ ⲉ ⲃⲟⲗ ⲉⲩϫⲱ ⲙⲙⲟⲥ ϫⲉ ⲛⲁ ⲛⲁⲛ : |


### 0017

ⲡϣⲏⲣⲉ ⲙ̄ ⲡⲛⲟⲩⲧⲉ ⲉⲧ ⲟⲛϩ̄ • ⲁⲕϯ ⲙ̄ⲧⲟⲛ ⲛ̄ ⲛⲁ ⲧⲡⲉ
ⲙⲛ̄ ⲛⲉⲧ ϩⲓϫⲙ̄ ⲡⲕⲁϩ • ϯ ⲙⲟⲧⲛⲉⲥ ⲛⲁⲛ ϩⲱⲱ︦ⲛ︦ • ϫⲓⲛ ⲙ̄
ⲡⲛⲁⲩ ⲅⲁⲣ ⲛ̄ⲧⲁⲛⲛⲁⲩ ⲉ ⲣⲟⲕ ⲁ ⲧⲙⲟⲧⲛⲉⲥ ⲧⲁϩⲟⲛ • ⲁⲩⲱ
ϩⲛ̄ ⲧⲉⲩⲛⲟⲩ ⲉⲧ ⲙ̄ⲙⲁⲩ • ⲁ ⲧⲉⲥⲙⲏ ⲙ̄ ⲡϣⲏⲣⲉ ⲙ̄
ⲡⲛⲟⲩⲧⲉ ⲃⲱⲕ ⲉ ⲃⲟⲗ ϩⲛ̄ ⲛ̄ⲕⲟⲗⲁⲥⲓⲥ ⲧⲏⲣⲟⲩ ⲉϥϫⲱ
ⲙ̄ⲙⲟⲥ • ϫⲉ ⲁϣ ⲛ ϩⲱⲃ ⲉⲛⲁⲛⲟⲩϥ ⲡⲉⲛⲧ ⲁⲧⲉⲧⲛ̄ⲁⲁϥ •
ϩⲓϫⲙ̄ ⲡⲕⲁϩ • ϫⲉ ⲉⲓⲉ̄ϯ ⲙ̄ⲧⲟⲛ ⲛⲏⲧⲛ̄ • ⲁⲩⲡⲱϩⲧ̄ ⲉ ⲃⲟⲗ
ⲙ̄ ⲡⲁ ⲥⲛⲟϥ ⲉ̄ ⲧⲃⲉ ⲧⲏⲩⲧⲛ̄ • ⲙ̄ⲡⲉ ⲧⲛ̄ⲙⲉⲧⲁⲛⲟⲓ • ⲁⲩϯ
ⲕⲗⲟⲙ ⲛ̄ϣⲟⲛⲧⲉ ⲉ ϫⲱⲓ ⲉ̄ ⲧⲃⲉ ⲧⲏⲩⲧⲛ̄ • ⲙ̄ⲡⲉ ⲧⲛ̄ⲙⲉⲧⲁ‐
ⲛⲟⲓ • ⲛ̄ϭⲓϫ ⲛ̄ⲧⲁⲩⲡⲗⲁⲥⲥⲉ ⲙⲙⲱⲧⲛ̄ • ⲁⲩⲟϥⲧⲟⲩ ⲛ̄ⲉⲓϥⲧ̄
ⲉ ⲧⲃⲉ ⲧⲏⲩⲧⲛ̄ • ⲁⲩⲱ ⲙ̄ⲡⲉ ⲧⲛ̄ⲙⲉⲧⲁⲛⲟⲓ • ⲁⲓⲁⲓⲧⲉⲓ ⲛ̄
ⲟⲩⲙⲟⲟⲩ ⲉ̄ ⲧⲣⲁⲥⲱ • ⲁⲩⲉⲓⲛⲉ ⲛⲁⲓ ⲛ̄ ⲟⲩⲥⲓϣⲉ ⲙⲛ̄ ⲟⲩ‐
ϩⲙϫ̄ • ⲉⲓⲟ︤ϥ︦ⲧ︥ ⲉ ⲡⲉⲥ⳨ⲟ︦ⲥ︥ • ⲁⲩⲱ ⲙ̄ⲡⲉ ⲧⲛ̄ⲙⲉⲧⲁⲛⲟⲓ̄ • ⲁⲩ‐
ⲕⲟⲛⲥⲧ̄ ⲛ̄ ⲟⲩⲗⲟⲅⲭⲏ ⲉ ⲡⲁ ⲥⲡⲓⲣ ⲛ̄ ⲟⲩⲛⲁⲙ ⲉ̄ ⲧⲃⲉ
ⲧⲏⲩⲧⲛ̄ ⲙ̄ⲡⲉ ⲧⲛ̄ⲙⲉⲧⲁⲛⲟⲓ ⲛⲁⲡⲣⲟⲫⲏⲧⲏⲥ ⲙⲛ̄ ⲛⲁⲇⲓ‐
ⲕⲁⲓⲟⲥ ⲧⲏⲣⲟⲩ ⲁⲩⲙⲟⲟⲩⲧⲟⲩ ⲉ̄ ⲧⲃⲉ ⲧⲏⲩⲧⲛ̄ • ⲙ̄ⲡⲉ
ⲧⲛ̄ⲙⲉⲧⲁⲛⲟⲓ • ϩⲛ̄ ⲛⲁⲓ ⲧⲏⲣⲟⲩ • ⲁⲩϯ ⲙⲉⲧⲁⲛⲟⲓⲁ ⲛⲏⲧⲛ̄
ⲁⲩⲱ ⲙ̄ⲡⲉ ⲧⲛ̄ⲙⲉⲧⲁⲛⲟⲓ ⁖-ⲁⲗⲗⲁ ⲉ̄ ⲧⲃⲉ ⲙⲓⲭⲁⲏⲗ ⲙⲛ̄
ⲡⲁ ⲙⲉⲣⲓⲧ ⲡⲁⲩⲗⲟⲥ • ⲛ̄ ϯⲟⲩⲱϣ ⲁⲛ ⲉ ⲗⲩⲡⲉⲓ ⲙ̄ⲙⲟⲟⲩⲛ̄
ⲙⲛ̄ ⲛⲉⲧ ϥⲓ ⲡⲣⲟⲥⲫⲟⲣⲁ ϩⲁ ⲣⲱⲧⲛ̄ • ⲛⲉⲧⲛ̄ϣⲏⲣⲉ ⲙⲛ̄
ⲛⲉⲧⲛ̄ⲥ[ⲛ]ⲏⲩ • ϫⲉ ⲟⲩⲛ̄ ⲟⲩⲟⲛ ⲅⲁⲣ ⲛ̄ϩⲏⲧⲟⲩ ⲉϥⲉⲓⲣⲉ ⲛ̄
ⲛⲁⲉⲛⲧⲟⲗⲏ : ⲁⲩⲱ ⲉ̄ | ⲧⲃⲉ ⲧⲁ ⲙⲛ︦ⲧ︦ⲁⲅⲁⲑⲟⲥ ϫⲉ ⲁⲓⲧⲱⲟⲩⲛ
ⲉ ⲃⲟⲗ ϩⲛ̄ ⲛⲉⲧⲙⲟⲟⲩⲧ • ϯⲛⲁϯ ⲛⲏⲧⲛ̄ ⲛ̄ ⲧⲕⲩⲣⲓⲁⲕⲏ
ⲛ̄ⲙⲧⲟⲛ ⲕⲁⲧⲁ ⲥⲁⲃⲃⲁⲧⲟⲛ • ⲁⲩⲱ ⲡⲧⲁⲓⲟⲩ ⲛ̄ϩⲟⲟⲩ ⲉⲧ
ⲙⲛ︦ⲛ︦ⲥⲁ ⲧⲁⲛⲁⲥⲧⲁⲥⲓⲥ • ⲛ̄ⲧⲁⲓⲧⲱⲟⲩⲛ ⲉ ⲃⲟⲗ ϩⲛ̄ ⲛⲉⲧ
ⲙⲟⲟⲩⲧ ⲛ̄ϩⲏⲧⲥ̄ • ⲧⲟⲧⲉ ⲛⲉⲧ ϩ︦ⲛ︦ ⲛ̄ⲕⲟⲗⲁⲥⲓ̈ⲥ ⲧⲏⲣⲟⲩ ⲁⲩⲱϣ
ⲉ ⲃⲟⲗ ⲉⲩϫⲱ ⲙ̄ⲙⲟⲥ ϫⲉ ⲧⲛ̄ⲥⲙⲟⲩ ⲉ̄ ⲣⲟⲕ ⲓ︦ⲥ︦ ⲡϣⲏⲣⲉ
ⲙ̄ ⲡⲛⲟⲩⲧⲉ ⲉⲧ ⲟⲛϩ̄ • ϫⲉ ⲛⲁⲛⲟⲩ ⲡⲉϩⲟⲟⲩ ⲛⲁⲛ ⲛ̄
ⲙ̄ⲧⲟⲛ • ⲡⲁⲣⲁ ⲡⲉⲛⲁϩⲉ ⲧⲏⲣϥ̄ ⲛ̄ⲧⲁⲛⲁⲁϥ ϩⲓϫⲙ̄ ⲡⲕⲁϩ •
ⲙ̄ⲡⲁⲧ ⲛ̄ⲉⲓⲙⲉ ϫⲉ ⲛⲉⲓ ϩⲓⲥⲉ ϣⲟⲟⲡ • ⲉⲛⲉ ⲛⲧ ⲁⲛⲉⲓⲙⲉ
ϫⲉ ⲛⲉⲓ ϩⲓⲥⲉ ⲧⲏⲣⲟⲩ ⲛⲁⲉⲓ ⲉ̄ ϫⲱⲛ • ⲛⲉⲛⲛⲁϫⲓ ⲁⲛ ⲡⲉ •
ⲟⲩⲇⲉ ⲛⲉⲛⲛⲁϯ ⲁⲛ ⲡⲉ ⲁⲩⲱ ⲛⲉⲛⲛⲁⲣ̄ ⲗⲁⲁⲩ ⲛ̄ϩⲱⲃ ⲁⲛ
ⲡⲉ ϩⲓϫⲙ̄ ⲡⲕⲁϩ :-ⲱ̄ ⲅⲁⲣ ⲡⲉ ⲡⲉⲛϣⲁⲩ ϫⲉ ϫⲡⲟⲛ ⲉ
ⲡⲕⲟⲥⲙⲟⲥ • ⲁⲗⲏⲑⲱⲥ ⲉⲓⲥ ⲛ ⲉⲗϩⲱ[ⲃ] ⲉⲧ ⲛⲏⲩ ⲉ ϩⲣⲁⲓ ϩⲛ̄


### 0018

ⲣⲱϥ ⲛ̄ ⲛⲉⲛⲉⲣⲏⲩ • ⲑⲱ ⲛⲙ̄ⲙⲁⲛ ⲙⲛ̄ ⲛ̄ⲣⲓⲙⲉ ⲉⲧ ⲛ̄ⲉⲓⲣⲉ.
ⲙ̄ⲙⲟⲟⲩ • ⲙⲛ̄ ⲛ̄ϥⲛ︦ⲧ︦ ⲉⲧ ϩⲁ ⲣⲟⲛ • ⲥⲉϩⲟⲥⲉ ⲛⲙ̄ⲙⲁⲛ
ⲛ̄ϩⲟⲩⲟ̄ ⲉ ⲧⲉⲕⲣⲓⲥⲓⲥ ⲉⲧ ⲛ̄ ⲛ̄ϩⲏⲧⲥ̄ • ⲁⲛⲁⲅⲅⲉⲗⲟⲥ ⲉⲧ ϩⲓϫⲛ̄
ⲛ̄ⲕⲟⲗⲁⲥⲓⲥ ⲉⲡⲓϯⲙⲁ ⲛⲁⲩ • ϫⲉ ⲉ ⲧⲃⲉ ⲟⲩ ⲧⲉⲧⲛ̄ⲣⲓⲙⲉ
ⲁⲩⲱ ⲧⲉⲧⲛ̄ⲱϣ ⲉ ⲃⲟⲗ • ⲙⲛ̄ ⲛⲁ ⲛ̄ϩⲏⲧⲛ̄ ⲉ ϩⲟⲩⲛ ⲉ ⲣⲱⲧⲛ̄ •
ϫⲉ ⲙⲡⲉ ⲧⲛ̄ⲕⲁ ⲡⲛⲟⲩⲧⲉ ⲛⲏⲧⲛ̄ ⲛ̄ ⲃⲟⲏⲑⲟⲥ ϩⲓ ϩⲉⲗⲡⲓⲥ •
ⲙⲛ̄ ⲛⲁ ϩⲛ̄ ⲧⲉⲕⲣⲓⲥⲓⲥ ⲙ̄ ⲡⲉⲧⲉ ⲙ̄ⲡⲉ ϥⲉⲓⲣⲉ ⲙ̄ ⲡⲛⲁ •
ⲛ̄ⲧⲁ ⲡⲛⲁ ⲧⲁϩⲉ ⲧⲏⲩⲧⲛ̄ ⲙ̄ⲙⲁⲧⲉ ⲛ̄ⲧⲉⲩϣⲏ ⲛ ⲧⲕⲩⲣⲓⲁⲕⲏ •
ⲉ ⲧⲃⲉ ⲡⲙⲉⲣⲓⲧ ⲙ̄ ⲡⲛⲟⲩⲧⲉ ⲡⲁⲩⲗⲟⲥ ϫⲉ ⲁⲩⲉⲛⲧϥ ⲉ ⲡⲉⲓ̈
ⲙⲁ :-ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ • ϫⲉ ⲡⲁⲩⲗⲟⲥ ⲡⲥⲱⲧⲡ̄
ⲙ̄ ⲡⲛⲟⲩⲧⲉ ⲁⲕⲛⲁⲩ ⲉ ⲛⲁⲓ ⲧⲏⲣⲟⲩ : ⲡⲉϫⲁⲓ ⲛⲁϥ ϫⲉ ⲁϩⲉ
ⲡⲁ ϫⲟⲉⲓⲥ | ⲡⲉϫⲁϥ ⲛⲁⲓ ϫⲉ ⲟⲩⲁϩⲕ̄ ⲛ̄ⲥⲱⲓ ⲟⲛ ⲧⲉⲛⲟⲩ •
ⲛ̄ⲧⲁϫⲓⲧⲕ̄ ⲉ ⲡⲡⲁⲣⲁⲇⲉⲓⲥⲟⲥ • ϫⲉ ⲉⲣⲉ ⲛ̄ⲇⲓⲕⲁⲓⲟⲥ ⲧⲏⲣⲟⲩ
ⲛⲁⲛⲁⲩ ⲉ ⲣⲟⲕ ϩⲛ̄ ⲟⲩⲣⲁϣⲉ ⲙⲛ̄ ⲟⲩⲧⲉⲗⲏⲗ • ⲁⲩⲥⲃ̄ⲧⲱⲧⲟⲩ
ⲅⲁⲣ ⲛ̄ϭⲓ ⲛ̄ⲇⲓⲕⲁⲓⲟⲥ ⲉ ⲧⲣⲉⲩⲉⲓ ⲉ ⲃⲟⲗ ϩⲏⲧⲕ̄ ⲧⲏⲣⲟⲩ •
Ⲁⲛⲟⲕ ⲇⲉ ⲁⲓⲙⲟⲟϣⲉ ⲙⲛ̄ ⲡⲁⲅⲅⲉⲗⲟⲥ • ⲁϥⲧⲟⲣⲡⲧ̄ ϩⲙ̄
ⲡⲉⲡⲛ︦ⲁ︦ • ⲁϥϫⲓ̈ ⲙ̄ⲙⲟⲓ ⲉ ⲡⲡⲁⲣⲁⲇⲉⲓⲥⲟⲥ • ⲡⲉϫⲉ ⲡⲁⲅⲅⲉ‐
ⲗⲟⲥ ⲛⲁⲓ̈ • ϫⲉ ⲱ̄ ⲡⲁⲩⲗⲟⲥ ⲕⲛⲁⲩ ⲉ ⲡⲙⲁ ⲉ ϯⲛⲁϫⲓⲧⲕ̄
ⲉ ⲣⲟϥ • ⲉⲣⲉ ⲡⲡⲁⲣⲁⲇⲉⲓⲥⲟⲥ ϩⲙ̄ ⲡⲙⲁ ⲉⲧ ⲙ̄ⲙⲁⲩ : ⲡⲙⲁ
ⲛ̄ⲧⲁ ⲁⲇⲁⲙ ⲡⲁⲣⲁⲃⲁ ⲛ̄ϩⲏⲧϥ ⲙⲛ̄ ⲧⲉϥⲥϩⲓⲙⲉ • ⲛ ⲧⲉⲣⲉ
ⲓϩⲱⲛ ⲇⲉ ⲉ ϩⲟⲩⲛ ⲉ̄ ⲡⲡⲁⲣⲁⲇⲉⲓⲥⲟⲥ • ⲁⲓⲛⲁⲩ ⲉ ⲧⲁⲣⲭⲏ
ⲙ̄ ⲡⲉϥⲧⲟⲟⲩ ⲛ̄ⲉⲓⲉⲣⲟ ϩⲙ̄ ⲡⲙⲁ ⲉⲧ ⲙ̄ⲙⲁⲩ • ⲁ ⲡⲁⲅⲅⲉ‐
ⲗⲟⲥ ϫⲱⲣⲙ̄ ⲟⲩⲃⲏⲓ • ϫⲉ ⲡⲁⲓ ⲡⲉ ⲫⲓⲥⲱⲛ ⲉⲧ ⲕⲱⲧⲉ ⲉ
ⲡⲕⲁϩ ⲧⲏⲣϥ̄ ⲛ̄ ⲉⲩⲉⲓⲗⲁⲧ • ⲅⲉⲱⲛ ⲡⲉⲧ ⲕⲱⲧⲉ ⲉ ⲡⲕⲁϩ
ⲧⲏⲣϥ̄ ⲛ̄ ⲛⲉϭⲟⲟϣⲉ • ⲧⲉⲅⲣⲓⲥ ⲡⲁⲓ ⲡⲉⲧ ⲥⲱⲕ ⲙ̄ ⲡⲙ̄ⲧⲟ
ⲉ ⲃⲟⲗ ⲛ̄ⲛⲁⲥⲥⲩⲣⲓⲟⲥ • ⲡⲉⲩⲫⲣⲁⲧⲏⲥ ⲡⲁ ⲡⲉⲧ ⲥⲱⲕ ⲙ̄
ⲡⲙ̄ⲧⲟ ⲉ ⲃⲟⲗ ⲛ̄ ⲧⲙⲉⲥⲟⲡⲟⲧⲁⲙⲓⲁ : ⲛ̄ⲧⲉⲩⲛⲟⲩ ⲛ̄ⲧⲁⲓⲣ̄
ⲡϩⲟⲩⲛ ⲙ̄ ⲡⲡⲁⲣⲁⲇⲉⲓⲥⲟⲥ • ⲁⲓⲛⲁⲩ ⲉⲩϣⲏⲛ ⲉϥⲣⲏⲧ ⲉⲣⲉ
ⲧⲉϥⲛⲟⲩⲛⲉ ϣⲁⲩⲟ̄ ⲙⲟⲟⲩ ⲉ ⲃⲟⲗ ⲉⲩⲡⲩⲅⲏ • ⲉⲥϯ ⲙⲟⲟⲩ
ⲉ ⲧⲉϥⲧⲟⲉ ⲛ̄ⲁⲣⲭⲏ ⲙ̄ ⲡⲉϥⲧⲟⲟⲩ ⲛ̄ⲉⲓⲉⲣⲟ • ⲉ̄ⲣⲉ ⲡⲉⲡⲛ︦ⲁ︦
ⲙ̄ ⲡⲛⲟⲩⲧⲉ ⲛⲓϥⲉ ϩⲓϫⲙ̄ ⲡϣⲏⲛ ⲉϥϣⲁⲛⲥⲱⲕ ⲛ̄ϭⲓ ⲡⲙⲟⲟⲩ •
ϣⲁⲣⲉ ⲡⲉⲡⲛ︤ⲁ︥ • ⲱϣ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲡⲁ ϫⲟⲉⲓⲥ
ⲟⲩ ⲡⲉ ⲡⲉⲓ ϣⲏⲛ ⲉⲧ ϣⲟⲩⲟ̄ ⲙⲟⲟⲩ ⲉ ⲃⲟⲗ • ⲁϥⲟⲩ[ⲱ]ϣⲃ̄
ⲛ̄ϭⲓ ⲡⲁⲅⲅⲉ|ⲗⲟⲥ ⲡⲉϫⲁϥ ⲛⲁⲓ • ϫⲉ ϩⲁ ⲑⲏ ⲙ̄ⲡⲁⲧⲉ


### 0019

ⲡⲛⲟⲩⲧⲉ ⲧⲁⲙⲓⲉ ⲧⲡⲉ ⲙⲛ̄ ⲡⲕⲁϩ • ⲙⲛ̄ ⲗⲁⲁⲩ ⲛ̄ⲥⲁ
ⲙⲟⲟⲩ ⲙ̄ⲙⲁⲁⲧⲉ • ⲁⲩⲱ ⲉⲣⲉ ⲡⲉⲡⲛⲁ ⲙ̄ ⲡⲛⲟⲩⲧⲉ ⲛⲁⲉϥ‐
ⲛⲏⲩ ϩⲓϫⲛ̄ ⲙⲙⲟⲟⲩ • ⲛ̄ ⲧⲉⲣⲉ ⲡⲛⲟⲩⲧⲉ ⲇⲉ ⲧⲁⲙⲓ̈ⲉ ⲧⲡⲉ
ⲙⲛ̄ ⲡⲕⲁϩ • ⲡⲉⲡⲛ︦ⲁ︦ ⲛ̄ϣⲟⲣ︦ⲡ︦ ⲡⲉ ϩⲓϫⲙ̄ ⲡⲙⲟⲟⲩ • ⲛ̄ⲧⲟϥ
ⲟⲛ ⲡⲉ ϩⲓ̈ϫⲙ̄ ⲡϣⲏⲛ • ⲉϥϣⲁⲛⲛⲓϥⲉ ⲇⲉ ⲛ̄ϭⲓ ⲡⲉⲡⲛ︦ⲁ︦ •
ϣⲁϥⲥⲱⲕ • ⲛ̄ϭⲓ ⲡⲙⲟⲟⲩ • ⲁⲛⲟⲕ ⲇⲉ ⲁϥⲁⲙⲁϩⲧⲉ ⲛ̄ ⲧⲁ
ϭⲓϫ ⲁϥϫⲓⲧ ⲉ ⲧⲙⲏⲏⲧⲉ ⲙ̄ ⲡⲡⲁⲣⲁⲇⲉⲓⲥⲟⲥ • ⲁϥⲧⲥⲁⲃⲟⲓ
ⲉ ⲡϣⲏⲛ ⲛ̄ ⲥⲟⲩⲉⲛ ⲡⲡⲉⲧ ⲛⲁⲛⲟⲩϥ ⲙⲛ̄ ⲡⲡⲉⲧ ⲑⲟⲟⲩ •
ⲡⲉϫⲁϥ ⲛⲁⲓ ϫⲉ ⲡⲁⲓ ⲡⲉ ⲛϣⲏⲛ ⲛ̄ⲧⲁ ⲡⲙⲟⲩ ⲉⲓ ϩⲟⲩⲛ
ⲉ̄ ⲡⲕⲟⲥⲙⲟⲥ ⲉ ⲧⲃⲏⲏⲧϥ̄ • ⲡⲁⲓ ⲡⲉ ⲛⲧⲁ ⲁⲇⲁⲙ ⲟⲩⲱⲙ
ⲉ ⲃⲟⲗ ⲛ̄ϩⲏⲧϥ ϣⲁⲛⲧⲉ ⲡⲙⲟⲩ ⲉⲓ ⲉϫⲛ̄ ⲣⲱⲙⲉ ⲛⲓⲙ •
ⲁϥⲧⲥⲁⲃⲟⲓ ⲟⲛ ⲉ ⲕⲉ ϣⲏⲛ ⲉϥⲣⲏⲧ ϩⲛ̄ ⲧⲙⲏⲏⲧⲉ ⲙ̄ ⲡⲡⲁⲣⲁ‐
ⲇⲉⲓⲥⲟⲥ • ⲡⲉϫⲁϥ ⲛⲁⲓ ϫⲉ ⲡⲁⲓ ⲡⲉ ⲡϣⲏⲛ ⲙ̄ ⲡⲱⲛϩ̄ •
ⲉⲣⲉ ⲟⲩⲭⲉⲣⲟⲩⲃⲉⲓⲛ ⲙⲛ̄ ⲟⲩⲥⲏϥⲉ ⲛ̄ ⲕⲱϩⲧ̄ ⲕⲱϩ︦ⲧ︦ (sic) ⲕⲱⲧⲉ
ⲉ ⲣⲟϥ • ⲉ ⲡⲕⲱⲧⲉ • ϩⲟⲥⲟⲛ ⲇⲉ ⲉⲓⲁⲁϩⲉ (sic) ⲣⲁⲧ ⲉ ϭⲱϣⲧ̄ ⲉ
ⲡⲉⲟⲟⲩ ⲙ̄ ⲡϣⲏⲛ ⲙ̄ ⲡⲱⲛ︦ϩ︦ • ⲁⲓϭⲱϣⲧ̄ ⲁⲓⲛⲁⲩ ⲉ ⲧⲡⲁⲣ‐
ⲑⲉⲛⲟⲥ ⲁⲥⲉⲓ ⲉⲣⲉ ϣⲟⲙⲛⲧ̄ ⲛ̄ⲁⲅⲅⲉⲗⲟⲥ ϩⲩⲙⲛⲉⲩⲉ ⲉ ⲣⲟⲥ •
ⲁⲛⲟⲕ ⲇⲉ ⲁⲓⲟⲩⲱϣⲃ̄ ⲡⲉϫⲁⲓ ⲙ ⲡⲁⲅⲅⲉⲗⲟⲥ ϫⲉ ⲛⲓⲙ ⲧⲉ
ⲧⲁⲓ ⲡⲁ ϫⲥ̄ • ⲡⲉϫⲁϥ ⲛⲁⲓ ϫⲉ ⲧⲁⲓ ⲧⲉ ⲙⲁⲣⲓⲁ ⲧⲙⲁⲩ ⲙ̄
ⲡⲉⲛϫⲟⲉⲓⲥ ⲓ︦ⲥ︦ ⲡⲉⲭⲣ︦ⲥ︦ • ⲉⲥϩⲙ̄ ⲡⲉⲓ ⲛⲟϭ ⲛ̄ ⲉⲟⲟⲩ • ⲁⲩⲱ
ⲛ̄ ⲧⲉⲣⲉ ⲥϩⲱⲛ ⲉ ϩⲟⲩⲛ ⲉ̄ ⲣⲟⲓ ⲡⲉϫⲁⲥ ⲛⲁⲓ • ϫ̇ⲉ ⲭⲁⲓⲣⲉ
ⲡⲁⲩⲗⲟⲥ ⲡⲙⲉⲣⲓⲧ ⲙ̄ ⲡⲛⲟⲩⲧⲉ ⲭⲁⲓⲣⲉ ⲡⲁⲩⲗⲟⲥ ⲡⲙⲉⲣⲓⲧ |
ⲡⲙⲉⲣⲓⲧ ⲛ̄ ⲛⲁⲅⲅⲉⲗⲟⲥ ⲙⲛ̄ ⲛ̄ⲣⲱⲙⲉ • ⲭⲁⲓⲣⲉ ⲡⲁⲩⲗⲟⲥ
ⲡⲉⲛⲧ ⲁϥϣⲱⲡⲉ ⲛ̄ ⲕⲩⲣⲓⲝ ⲛ̄ ⲧⲙⲉ ϩⲛ̄ ⲧⲡⲉ ⲁⲩⲱ ϩⲓϫⲙ̄
ⲡⲕⲁϩ • ⲛ̄ⲇⲓⲕⲁⲓⲟⲥ ⲧⲏⲣⲟⲩ ⲥⲉⲧⲱⲃϩ̄ ⲙ̄ ⲡⲁ ϣⲏⲣⲉ • ⲓ︦ⲥ︦
ⲡⲉⲭ︦ⲥ︦ ⲉⲧⲉ ⲡⲁ ϫⲥ̄ ⲡⲉ • ϫⲉ ⲕⲛⲁⲡⲓⲑⲉ ⲙ̄ⲙⲟⲛ • ⲛⲅ̄ⲉⲓⲛⲉ
ⲙ ⲡⲁⲩⲗⲟⲥ ⲉ̄ ϩⲣⲁⲓ ϣⲁ ⲣⲟⲛ ⲛ̄ⲧⲛ̄ⲛⲁⲩ ⲉ ⲣⲟϥ ϩⲛ̄
ⲧⲥⲁⲣⲝ̄ • ⲙ̄ⲡⲁⲧ ϥ̄ⲉⲓ ⲉ ⲃⲟⲗ ϩⲛ̄ ⲥⲱⲙⲁ • ⲡⲉϫⲉ ⲡⲁ ϣⲏⲣⲉ
ⲙⲙⲉⲣⲓⲧ ⲛⲁⲩ ϫⲉ ϩⲣⲟϣ ⲛ̄ ϩⲏⲧ ⲛ̄ ⲟⲩⲕⲟⲩⲓ ⲛ̄ ⲟⲩⲟ̄ⲉⲓϣ •
ϥⲛⲁϣⲱⲡⲉ ⲛⲙ̄ⲙⲏⲧⲛ̄ ϣⲁ ⲉⲛⲉϩ • ⲡⲉϫⲁⲩ ⲧⲏⲣⲟⲩ ϩⲛ̄
ⲟⲩⲧⲁⲡⲣⲟ ⲛ̄ ⲟⲩⲱⲧ • ϫⲉ ⲙ̄ⲡⲣ̄ ⲗⲩⲡⲉⲓ ⲙ̄ⲙⲟⲛ ⲡⲉⲛ‐
ϫⲟⲉⲓⲥ • ⲧⲛ̄ⲟⲩⲱϣ ⲉ ⲧⲣⲛ̄ⲛⲁⲩ ⲉ ⲣⲟϥ ϩⲛ̄ ⲧⲥⲁⲣⲝ̄ • ⲉ ⲁϥϫⲓ
ⲙ̄ ⲡⲉⲓ ⲛⲟϭ ⲛ̄ ⲉⲟⲟⲩ ⲛ ⲛ̄ ⲧⲉⲓ ϩⲉ • ⲉϥϥⲓ ϩⲁ ⲛⲉⲓ ⲛⲟϭ
ⲙⲛ̄ ⲛⲉⲓ ⲕⲟⲩⲓ • ⲉⲣϣⲁⲛ ⲡⲟⲩⲁ̄ ⲡⲟⲩⲁ ⲉⲓ ⲉ̄ ϩⲟⲩⲛ ⲉ ⲧⲉⲓ


### 0020

ⲙⲛ︦ⲧ︦ⲉⲣⲟ • ϣⲁⲛϣⲓⲛⲉ ϫⲉ ⲛ̄ⲧⲁ ⲡⲁⲓ̈ ⲉⲓ ⲉ ⲡⲉⲓ ⲙⲁ ⲉ ⲧⲃⲉ
ⲟⲩ • ϣⲁⲩϫⲟⲟⲥ ϫⲉ ⲟⲩⲁ̄ ϫⲉ ⲡⲁⲩⲗⲟⲥ ⲡⲉⲧ ϩⲓϫⲙ̄ ⲡⲕⲁϩ •
ⲉϥⲧⲁϣⲉⲟⲉⲓϣ ⲙ̄ ⲡⲉⲭⲣ︦ⲥ︦ ϩⲛ̄ ⲛⲉϥϣⲁϫⲉ ⲉⲧ ϩⲟⲗϭ̄ •
ⲉϥⲥⲱⲕ ⲛ̄ ϩⲉⲛⲙⲏⲏϣⲉ ⲉ ϩⲟⲩⲛ ⲉ ⲡⲉⲭⲣ︦ⲥ︦ • ⲉϥϫⲓ ⲙ̄‐
ⲙⲟⲟⲩ ⲉ̄ ϩⲟⲩⲛ ⲉ ⲧⲡⲟⲗⲓⲥ ⲙ̄ ⲡⲉⲭⲣ︦ⲥ︦ ⲑⲓⲉⲗⲏ︦ⲙ︦ • Ⲉⲓⲥ
ⲛ̄ⲇⲓⲕⲁⲓⲟⲥ ⲧⲏⲣⲟⲩ ⲟⲩⲏⲏϩ ⲛ̄ⲥⲱⲓ ϫⲉ ⲉⲩⲛⲁⲁⲡⲁⲛⲧⲁ ⲉ ⲣⲟⲕ •
ϯⲱ̄ⲣⲕ̄ ⲛ̄ ⲧⲟⲩⲛⲁⲙ ⲙ̄ ⲡⲁ ϣⲏⲣⲉ ⲱ̄ ⲡⲥⲱⲧⲡ̄ ⲙ̄ ⲡⲛⲟⲩⲧⲉ
ⲡⲁⲩⲗⲟⲥ • ϫⲉ ⲡⲉⲧ ⲛⲁⲥϩⲁⲓ ⲛ̄ ⲛ̄ϣⲁϫⲉ ⲛ ⲧⲉⲓ ⲁⲡⲟⲕⲁ‐
ⲗⲩⲙⲯⲓⲥ • | ⲛ̄ⲧⲁⲕⲛⲁⲩ ⲉ ⲣⲟⲥ ϩⲛ̄ ⲙ̄ⲡⲏⲩⲉ • ⲛ̄ⲛⲉ ϥϫⲓ‐
ϯⲡⲉ ⲛ̄ ⲗⲁⲁⲩ ⲛ̄ ⲃⲁⲍⲁⲛⲟⲥ ϩⲛ̄ ⲛ̄ⲕⲟⲗⲁⲥⲓⲥ ⲛ̄ⲧⲁⲕⲛⲁⲩ
ⲉ ⲣⲟⲟⲩ ϩⲛ̄ ⲁⲙⲛ̄ⲧⲉ • ⲉⲓ ⲙⲏ ⲧⲉⲓ ⲧⲁⲛⲁⲅⲕⲏ ⲙ̄ⲙⲁⲁⲧⲉ ⲛ̄
ⲧⲉⲩϭⲓⲛⲉⲓ ⲉ ⲃⲟⲗ ϩⲛ̄ ⲥⲱⲙⲁ • ⲁⲩⲱ ⲡⲉⲧ ⲛⲁⲟ̄ϣⲥ̄ ϩⲛ̄
ⲟⲩⲡⲓⲥⲧⲓⲥ • ⲥⲉⲛⲁⲡⲱϩ ⲙ̄ ⲡⲉⲭⲉⲓⲣⲟⲅⲣⲁⲫⲟⲛ ⲛ̄ ⲛⲉϥ‐
ⲛⲟⲃⲉ • ⲁⲩⲱ ⲡⲉⲧ ⲛⲁⲥⲱⲧⲙ̄ ⲉ ⲣⲟⲥ ⲛϥ̄ϩⲁⲣⲉϩ ⲉ̄ ⲛⲉⲛ‐
ⲧⲟⲗⲏ ⲙ̄ ⲡⲁ ϣⲏⲣⲉ • ⲡⲁ ϣⲏⲣⲉ ⲛⲁⲥⲙⲟⲩ ⲉ ⲣⲟⲟⲩ ϩⲙ̄
ⲡⲉⲓ ⲕⲟⲥⲙⲟⲥ ⲁⲩⲱ ⲛϥ︦ⲣ︦ ⲟⲩⲛⲁ ⲛⲙ̄ⲙⲁⲩ ϩⲙ̄ ⲡⲉϩⲟⲟⲩ ⲙ̄
ⲡⲉⲩϭⲙ̄ⲡϣⲓⲛⲉ • ⲛⲁⲓⲁⲧⲕ̄ ⲛ̄ ⲟⲩⲙⲏⲏϣⲉ ⲛ̄ⲥⲟⲡ ⲱ̄ ⲡⲁⲩ‐
ⲗⲟⲥ • ⲙ̄ⲡⲣ̄ ⲙⲉⲉⲩⲉ ⲱ̄ ⲡⲁⲩⲗⲟⲥ ϫⲉ ⲛ̄ⲧⲟⲕ ⲙⲁⲩⲁⲁⲕ
ⲡⲉⲛⲧ ⲁⲓⲉⲓ ⲉ ⲃⲟⲗ ϩⲏⲧⲕ̄ • ϯⲣ̄ ⲙⲛⲧⲣⲉ ⲛⲁⲕ ϫⲉ
ⲣⲱⲙⲉ ⲛⲓⲙ ⲉϥⲛⲁⲉⲓⲣⲉ ⲙ ⲡⲟⲩⲱϣ ⲙ̄ ⲡⲁϣⲏⲣⲉ • ⲁⲛⲟⲕ
ⲡⲉ ⲡϣⲟⲣⲡ̄ ⲉϣⲁⲓⲉⲓ ⲉ̄ ⲃⲟⲗ ϩⲏⲧⲟⲩ ⲙ ⲉⲓⲕⲁⲁⲩ ⲉⲣ̄ ϩⲁⲛ‐
ϣⲙ̄ⲙⲟ • ϣⲁⲛⲧ ⲟⲩⲁⲡⲁⲛⲧⲁ ⲉ ⲡⲁ ⲙⲉⲣⲓⲧ ⲛ̄ ϣⲏⲣⲉ ϩⲛ̄
ⲟⲩⲉⲓⲣⲏⲛⲏ • ϩⲱⲥ ⲉⲣⲉ ⲧⲡⲁⲣⲑⲉⲛⲟⲥ ϣⲁϫⲉ ⲛⲙⲙⲁⲓ ⲉⲓⲥ
ⲕⲉ ϣⲟⲙⲛ︦ⲧ︦ ⲁⲩⲉⲓ ⲙ̄ ⲡⲟⲩⲉ ⲉⲛⲉⲥⲱⲟⲩ ⲉⲙⲁⲁⲧⲉ ϩⲛ̄ ⲧⲉⲩϩⲓ‐
ⲕⲱⲛ • ⲉⲣⲉ ⲛⲉⲩⲁⲅⲅⲉⲗⲟⲥ ϩⲩⲙⲛⲉⲩⲉ ⲉ ⲣⲟⲟⲩ • ⲡⲉϫⲁⲓ
ⲙ̄ ⲡⲁⲅⲅⲉⲗⲟⲥ • ϫⲉ ⲛⲓⲙ ⲛⲉ ⲛⲁⲓ ⲡⲁ ϫⲥ̄ • ⲛ̄ⲧⲁⲩⲛⲁⲩ ⲉ̄
ⲣⲟⲓ ⲁⲩⲣⲁϣⲉ ⲛⲙ̄ⲙⲁⲓ • ⲡⲉϫⲁϥ ϫⲉ ⲉⲓⲉ̄ ⲙⲡ ⲕ̄ⲥⲟⲩⲱ̄ⲛⲟⲩ
ⲡⲁⲩⲗⲟⲥ • ⲡⲉϫⲁⲓ̈ ϫⲉ ⲙⲡⲉ ⲡⲁ ϫⲟⲉⲓⲥ • ⲡⲉϫⲁϥ ⲛⲁⲓ ϫⲉ
ⲛⲁⲓ ⲛⲉ ⲛ̄ⲉⲓⲟⲧⲉ ⲙ̄ ⲡⲗⲁⲟⲥ • ⲁⲃⲣⲁϩⲁⲙ • | ⲙⲛ̄ ⲓⲥⲁⲁⲕ
ⲙⲛ̄ ⲓ̈ⲁⲕⲱⲃ • ϩⲛ̄ ⲧⲉⲩⲛⲟⲩ ⲛ̄ⲧⲁⲩⲛⲁⲩ ⲉ ⲣⲟⲓ ⲁⲩⲁⲥⲡⲁⲍⲉ
ⲙ̄ⲙⲟⲓ • ⲡⲉϫⲁⲩ ⲛⲁⲓ ϫⲉ ⲭⲁⲓⲣⲉ ⲡⲁⲩⲗⲟⲥ ⲡⲙⲉⲣⲓⲧ ⲙ̄
ⲡⲛⲟⲩⲧⲉ ⲙⲛ̄ ⲛ̄ⲣⲱⲙⲉ • ⲛⲁⲓⲁⲧϥ̄ ⲙ̄ ⲡⲉⲧ ⲛⲁϫⲓⲧϥ̄
ⲛ̄ϭⲟⲛⲥ̄ ⲉ ⲧⲃⲉ ⲡⲛⲟⲩⲧⲉ • ⲡⲉϫⲉ ⲁⲃⲣⲁϩⲁⲙ ϫⲉ ⲡⲁⲓ ⲡⲉ
ⲡⲁ ϣⲏⲣⲉ ⲓ̈ⲥⲁⲁⲕ ⲛ̄ⲧⲁⲓⲧⲁⲗⲟϥ ⲉ̄ ϩⲣⲁⲓ ⲙ̄ ⲡⲛⲟⲩⲧⲉ • ⲉⲓⲥ


### 0021

ⲓⲁ̄ⲕⲱⲃ ⲡⲙⲉⲣⲓⲧ ⲙ̄ ⲡⲛⲟⲩⲧⲉ • ϩⲙ̄ ⲡⲧⲣⲛ̄ⲥⲟⲩⲉⲛ
ⲡⲛⲟⲩⲧⲉ ϩⲙ̄ ⲡⲕⲟⲥⲙⲟⲥ • ⲙ̄ⲡⲉ ϥⲗⲩⲡⲉⲓ ⲙ̄ⲙⲟⲛ ⲛ̄ϭⲓ
ⲡⲛⲟⲩⲧⲉ ⲛ̄ ⲧⲉⲣ ⲛ̄ⲉⲓ ⲉ̄ ⲣⲁⲧϥ̄ • ⲛⲁⲓⲁⲧⲟⲩ ⲛ̄ⲣⲱⲙⲉ ⲛⲓⲙ
ⲉⲧ ⲛⲁⲡⲓⲥⲧⲉⲩⲉ ⲉ ⲃⲟⲗ ϩⲓ ⲧⲟⲟⲧⲕ̄ • ⲛ̄ⲥⲉϩⲩⲡⲟⲙⲉⲓⲛⲉ ⲉ
ⲡⲛⲟⲩⲧⲉ ϩⲛ̄ ⲟⲩϩⲓⲥⲉ ⲙⲛ̄ ⲟⲩⲙⲛⲧ̄ⲙⲁⲓ ⲣⲱⲙⲉ • ⲙⲛ̄
ⲟⲩⲧⲃ̄ⲃⲟ ⲙⲛ̄ ⲟⲩⲑⲃ̄ⲃⲓⲟ̄ • ⲙⲛ̄ ⲟⲩⲙⲛ︦ⲧ︦ⲣⲙ̄ⲣⲁϣ ⲙⲛ̄ ⲟⲩ‐
ⲡⲓⲥⲧⲓⲥ ⲉ̄ ϩⲟⲩⲛ ⲉ̄ ⲡⲛⲟⲩⲧⲉ • ⲁⲗⲗⲁ ⲁⲛⲥⲙⲓⲛⲉ ⲛ̄ ⲟⲩⲇⲓⲁ‐
ⲑⲩⲕⲏ ϩⲙ̄ ⲡⲁⲓ ⲉ̄ⲧ ⲉⲕⲕⲩⲣⲓⲥⲍⲉ ⲙ̄ⲙⲟϥ ϫⲉ ⲣⲱⲙⲉ ⲛⲓⲙ
ⲉⲧ ⲛⲁⲡⲓⲥⲧⲉⲩⲉ̄ ⲉ ⲃⲟⲗ ϩⲓ ⲧⲟⲟⲧⲕ̄ • ⲁⲛⲟⲛ ⲡⲉⲧ ⲛⲁⲇⲓⲁ‐
ⲕⲟⲛⲉⲓ ⲛⲁⲩ : ϩⲟⲥⲟⲛ ⲉⲣⲉ ⲛⲁⲓ ϣⲁϫⲉ ⲁⲓϭⲱϣⲧ̄ ⲉ̄ ⲡⲟⲩⲉ
ⲁⲓⲛⲁⲩ ⲉ ⲕⲉ ⲙⲛ︦ⲧ︦ⲥⲛⲟⲟⲩⲥ ⲉ ⲁⲩⲉⲓ • ⲡⲉϫⲁⲓ ⲙ̄ ⲡⲁⲅⲅⲉ‐
ⲗⲟⲥ ϫⲉ ⲛⲓ̈ⲙ ⲛⲉ ⲛⲁⲓ ⲡⲁ ϫⲟⲉⲓⲥ • [ⲡⲉϫⲁϥ ⲛⲁⲓ ϫⲉ ⲛⲓ̈ⲙ
ⲛⲉ ⲛⲁⲓ ⲡⲁ ϫⲟⲉⲓⲥ¹ •] ⲡⲉϫⲁϥ ϫⲉ ⲛⲁⲓ ⲛⲉ ⲙ̄ ⲡⲁⲧⲣⲓ‐
ⲁⲣⲭⲏⲥ • ϩⲛ̄ ⲧⲉⲩⲛⲟⲩ ⲛ̄ⲧⲁⲩⲡⲱϩ ⲉ ⲣⲟⲓ ⲁⲩⲁⲥⲡⲁⲍⲉ
ⲙ̄ⲙⲟⲓ • ⲁⲩⲱ ⲡⲉϫⲁⲩ ⲛⲁⲓ • ϫⲉ ⲭⲁⲓⲣⲉ ⲡⲁⲩⲗⲟⲥ |
ⲡⲙⲉⲣⲓⲧ ⲙ̄ ⲡⲛⲟⲩⲧⲉ ⲙⲛ̄ ⲛ̄ⲣⲱⲙⲉ • ⲙ̄ⲡⲉ ⲡⲛⲟⲩⲧⲉ ⲗⲩⲡⲉⲓ
ⲙ̄ⲙⲟⲛ ⲉ ⲁϥⲧⲣⲛ̄ⲛⲁⲩ ⲉ ⲣⲟⲕ ϩⲛ̄ ⲧⲥⲁⲣ︦ⲝ︦ • ⲙ̄ⲡⲁⲧ ⲕ̄ⲉⲓ ⲉ
ⲃⲟⲗ ϩⲛ̄ ⲥⲱⲙⲁ • ⲁⲩⲱ ⲁ ⲡⲟⲩⲁ̄ ⲡⲟⲩⲁ̄ ⲧⲁⲩⲟ̄ ⲙ̄ ⲡⲉϥⲣⲁⲛ
ⲉ ⲣⲟⲓ ϫⲓ̄ⲛ ϩⲣⲟⲩⲃⲏⲛ ϣⲁ ⲃⲉⲛⲉⲁⲙⲉⲓⲛ • ⲡⲉϫⲉ ⲓ̈ⲱⲥⲏⲫ
ϫⲉ ⲁⲛⲟⲕ ⲡⲉ ⲓⲱⲥⲏⲫ ⲡⲉⲛⲧ ⲁⲩⲧⲁⲁⲧ ⲉ ⲃⲟⲗ • ϯⲣ̄ ⲙⲛ̄ⲧⲣⲉ
ⲛⲁⲕ ⲱ̄ ⲡⲁⲩⲗⲟⲥ ϫⲉ ⲛ̄ϩⲓⲥⲉ ⲧⲏⲣⲟⲩ ⲛ̄ⲧⲁⲓϣⲟⲡⲟⲩ ⲙⲛ̄
ⲛ̄ϫⲓⲛϭⲟⲛⲥ̄ ⲛ̄ⲧⲁⲩⲁⲁⲩ ⲛⲁⲓ • ⲙ̄ⲡⲉ ⲓⲕⲱ ⲛ̄ ⲟⲩⲕⲁⲕⲓⲁ ϩⲙ̄
ⲡⲁ ϩⲏⲧ ⲉ ϩⲟⲩⲛ ⲉ ⲣⲟⲟⲩ ⲛ̄ ⲟⲩϩⲟⲟⲩ ⲛ̄ ⲟⲩⲱⲧ • ⲡⲉⲧ‐
ⲛⲁϫⲓⲧϥ̄ ⲅⲁⲣ ⲛ̄ϭⲟⲛⲥ̄ ⲉ ⲧⲃⲉ ⲡⲛⲟⲩⲧⲉ • ϣⲁⲣⲉ ⲡⲛⲟⲩⲧⲉ
ϩⲱⲱϥ ⲁⲁⲩ ⲛⲁϥ ⲛ̄ ⲟⲩⲙⲏⲏϣⲉ ⲛ̄ⲥⲟⲡ • ⲉϥϣⲁⲛⲉⲓ ⲉ ⲃⲟⲗ
ϩⲛ̄ ⲥⲱⲙⲁ • ϩⲱⲥ ⲉⲣⲉ ⲡⲁⲓ ϣⲁϫⲉ ⲛⲙ̄ⲙⲁⲓ ⲁⲓϭⲱϣⲧ̄ ⲉ
ⲡⲟⲩⲉ ⲁⲓⲛⲁⲩ ⲉ ⲕⲉ ⲟⲩⲁ ⲉⲣⲉ ⲡⲉϥⲁⲅⲅⲉⲗⲟⲥ ϩⲩⲙⲛⲉⲩⲉ ⲉ
ⲣⲟϥ • ⲡⲉϫⲁⲓ ⲙ ⲡⲁⲅⲅⲉⲗⲟⲥ ϫⲉ ⲛⲓ̈ⲙ ⲡⲉ ⲡⲁⲓ ⲉⲧ ⲛⲉⲥⲱϥ
ϩⲛ̄ ⲧⲉϥϩⲓⲕⲱⲛ • ⲡⲉϫⲁϥ ⲛⲁⲓ ϫⲉ ⲙ̄ⲡ ⲕ̄ⲥⲟⲩⲉⲛ ⲡⲁⲓ •
ⲡⲉϫⲁⲓ ⲛⲁϥ ϫⲉ ⲙ̄ⲡⲉ ⲡⲁ ϫⲟⲉⲓⲥ ⲡⲉϫⲁϥ ⲛⲁⲓ ϫⲉ ⲡⲁⲓ ⲡⲉ
ⲙⲱⲩⲥⲏⲥ ⲡⲛⲟⲙⲟⲑⲉⲧⲏⲥ • ⲡⲉⲛⲧⲁ ⲡⲛⲟⲩⲧⲉ ϯ ⲛⲁϥ ⲙ̄
ⲡⲛⲟⲙⲟⲥ ⲁⲩⲱ ⲛ̄ ⲧⲉⲣⲉ ϥⲡⲱϩ ⲉ̄ ⲣⲟⲓ ⲁϥⲁⲥⲡⲁⲍⲉ ⲙ̄ⲙⲟⲓ
ⲁϥⲣⲓ̈ⲙⲉ • ⲡⲉϫⲁⲓ ⲛⲁϥ ϫⲉ ⲉ ⲧⲃⲉ ⲟⲩ ⲉⲕⲣⲓⲙⲉ • ⲁⲓⲥⲱⲧⲙ̄


### 0022

ϫⲉ ⲛ̄ⲧⲕ̄ ⲟⲩⲣⲙ̄ⲣⲁϣ ⲡⲁⲣⲁ ⲣⲱⲙⲉ ⲛⲓⲙ ⲉϥϩⲓϫⲛ̄ ⲡⲕⲁϩ •
ⲡⲉϫⲉ ⲙⲱⲩⲥⲏⲥ ⲛⲁⲓ : ϫⲉ ⲉⲓⲣⲓⲙⲉ • ϫⲉ ⲛⲁⲧⲱϭⲉ
ⲛ̄ⲧⲁⲓⲧⲟϭⲟⲩ ⲙ̄ⲡ ⲟⲩϫⲉ ⲛⲟⲩⲛⲉ ⲉ̄ ⲃⲟⲗ • ⲟⲩⲇⲉ ⲙ̄ⲡ
ⲟⲩϯ ⲕⲁⲣⲡⲟⲥ ⁖ ⲛⲁⲉⲥⲟⲟⲩ ⲉ̄ ϯ ⲙⲟⲟⲛⲉ ⲙⲙⲟⲟⲩ | ⲁⲩ‐
ϫⲱⲱ̄ⲣⲉ ⲉ ⲃⲟⲗ ⲛ̄ⲑⲉ ⲛ̄ ⲛⲉⲧⲉ ⲙⲛ̄ⲧⲟⲩ ⲛ̄ ϣⲱⲥ ⲙ̄ⲙⲁⲩ •
ⲛⲁϩⲓⲥⲉ ⲧⲏⲣⲟⲩ ⲛ̄ⲧ ⲁⲓⲁⲁⲩ ⲙⲛ̄ ⲛ̄ϣⲏⲣⲉ ⲙ ⲡⲓ̈ⲏ︦ⲗ︦
ⲁⲩⲥⲱⲣⲙ̄ • ⲛ̄ϭⲟⲙ ⲧⲏⲣⲟⲩ ⲛ̄ⲧ ⲁⲓⲁⲁⲩ ⲛ︦ⲙ︦ⲙⲁⲩ ϩ︦ⲛ︦
ⲧⲉⲣⲏⲙⲟⲥ ⲙ̄ⲡ ⲟⲩⲛⲟⲓ ⲙ̄ⲙⲟⲟⲩ • ⲉⲓⲣ̄ ϣⲡⲏⲣⲉ ⲛ̄ ϩⲉⲛ‐
ⲁⲗⲗⲟⲫⲩⲗⲟⲥ ⲛ̄ ⲁⲧ ⲥⲃ̄ⲃⲉ • ⲁⲩⲱ ⲛ̄ⲣⲉϥϣⲙ̄ϣⲉ ⲉⲓⲇⲱⲗⲟⲛ •
ⲛⲉⲧ ⲛⲁⲉⲓ ⲉ̄ ϩⲟⲩⲛ ⲉ ⲧⲉⲕⲗⲏⲣⲟⲛⲟⲙⲓⲁ ⲙ̄ ⲡⲓⲥⲣⲁⲏ︦ⲗ︦ •
ϯⲣ ⲙⲛ̄ⲧⲣⲉ ⲛⲁⲕ ⲱ̄ ⲡⲁⲩⲗⲟⲥ • ϫⲉ ⲙ̄ ⲡⲛⲁⲩ ⲛ̄ⲧⲁⲩⲥ̄ⳁⲟ︥ⲩ
ⲙ̄ ⲡϣⲏⲣⲉ ⲙ̄ ⲡⲛⲟⲩⲧⲉ • ⲛⲉⲣⲉ ⲙⲓⲭⲁⲏⲗ ⲙⲛ̄ ⲅⲁⲃⲣⲓⲏ︦ⲗ︦
ⲙⲛ̄ ⲛ̄ⲁⲅⲅⲉⲗⲟⲥ • ⲁⲩⲱ ⲁⲃⲣⲁϩⲁⲙ ⲙⲛ̄ ⲓⲥⲁⲁⲕ ⲙⲛ̄
ⲓⲁⲕⲱⲃ • ⲙⲛ̄ ⲛ̄ⲇⲓⲕⲁⲓⲟⲥ ⲧⲏⲣⲟⲩ ⲛⲉⲩⲣⲓⲙⲉ ⲡⲉ • ⲉⲣⲉ
ⲡϣⲏⲣⲉ ⲙ̄ ⲡⲛⲟⲩⲧⲉ ⲁϣⲉ ⲉ ⲡϣⲉ ⲙ̄ ⲡⲉⲥⲧⲁⲩⲣⲟⲥ • ⲛⲉⲩ‐
ϫⲱⲣⲙ̄ ⲟⲩⲃⲏⲓ ⲉⲩϫⲱ ⲙⲙⲟⲥ • ϫⲉ ⲙⲱⲩⲥⲏⲥ ϭⲱϣⲧ̄ ⲉ̄
ⲡⲉⲕⲗⲁⲟⲥ • ϫⲉ ⲛ̄ⲧⲁⲩⲣ̄ ⲟⲩ ⲙ̄ ⲡϣⲏⲣⲉ ⲙ̄ ⲡⲛⲟⲩⲧⲉ •
ⲛⲁⲓⲁ̄ⲧⲕ̄ ⲱ̄ ⲡⲁⲩⲗⲟⲥ • ⲁⲩⲱ ⲛⲁⲓⲁⲧϥ̄ ⲙ̄ ⲡⲗⲁⲟⲥ ⲉⲧ
ⲛⲁⲥⲱⲧⲙ̄ ⲛ̄ⲥⲱⲕ • ⲛⲁⲓ ⲉⲧ ⲛⲁⲡⲓⲥⲧⲉⲩⲉ̄ ⲉ ⲡⲉⲕⲧⲁϣⲉⲟ̄ⲉⲓϣ :
Ϩⲟⲥⲟⲛ ⲉ̄ⲣⲉ ⲡⲁⲓ ϣⲁϫⲉ ⲉⲓⲥ ⲕⲉ ⲙⲛⲧ̄ⲥⲛⲟⲟⲩⲥ ⲁⲩⲉⲓ
ⲙ̄ⲡⲟⲩⲉ̄ • ⲁⲩⲱ ⲛ̄ ⲧⲉⲣ ⲟⲩⲡⲱϩ ⲉ ⲣⲟⲓ ⲡⲉϫⲁⲩ ⲛⲁⲓ • ϫⲉ
ⲛ̄ⲧⲟⲕ ⲡⲉ ⲡⲁⲩⲗⲟⲥ ⲡⲙⲉⲣⲓⲧ ⲙ̄ ⲡⲛⲟⲩⲧⲉ • ⲁⲗⲏⲑⲱⲥ
ⲁⲕϫⲓ ⲉⲟⲟⲩ ϩⲛ̄ ⲧⲡⲉ ⲁⲩⲱ ϩⲓϫⲙ̄ ⲡⲕⲁϩ • ⲡⲉϫⲁⲓ ⲛⲁⲩ ϫⲉ
ⲛ̄ⲧⲉⲧⲛ̄ ⲛⲓⲙ • ⲡⲉϫⲁⲩ ϫⲉ ⲁⲛⲟⲛ ⲛⲉⲡⲣⲟⲫⲏⲧⲏⲥ • ⲡⲉϫⲉ
ⲟⲩⲁ ϫⲉ ⲁⲛⲟⲕ ⲡⲉ ⲏ̄ⲥⲁⲓⲁⲥ • ⲡⲉⲛⲧⲁ ⲙⲁⲛⲁⲥⲥⲏ ⲟⲩⲁⲥⲧϥ̄
ϩⲛ̄ ⲟⲩⲗⲁⲛⲑⲉ ⲛ ⲛ̄ϣⲉ • ⲡⲉϫⲉ ⲡⲕⲉⲟⲩⲁ ϫⲉ ⲁⲛⲟⲕ ⲡⲉ
ⲓ̈ⲉⲣⲉⲙⲓⲁⲥ ⲡⲉⲛⲧ ⲁⲛϣⲏⲣⲉ ⲙ̄ ⲡⲓ︦ⲏ︦ⲗ︦ ⲛⲉϫ ⲱⲛⲉ ⲉ ⲣⲟϥ
ϣⲁⲛⲧ ⲟⲩⲙⲟⲟⲩⲧϥ̄ • | ⲡⲉϫⲉ ⲡⲕⲉⲟⲩⲁ̄ ϫⲉ ⲁⲛⲟⲕ ⲡⲉ
ⲓⲉⲍⲉⲕⲏⲓ̈ⲗ • ⲡⲉⲛⲧⲁ ⲛ̄ϣⲏⲣⲉ ⲙ̄ ⲡⲓ︦ⲏ︦ⲗ︦ ⲁⲙⲁϩⲧⲉ ⲛ̄ ⲛ︦ϥ︦‐
ⲟⲩⲣⲏⲏⲧⲉ • ⲁⲩⲥⲱⲕ ⲙ̄ⲙⲟϥ ϩⲓϫⲛ̄ ⲛⲉⲭⲁⲗⲁⲝ ⲉⲧ ϫⲟⲟⲥⲉ
ϣⲁⲛⲧ ⲟⲩⲛⲟⲩϩⲉ ⲉ ⲃⲟⲗ ⲛ̄ ⲧⲁ ⲁⲡⲉ • ⲛⲉⲓ ϩⲓⲥⲉ ⲧⲏⲣⲟⲩ •
ⲛ̄ⲧⲁⲛϣⲟⲡⲟⲩ • ⲉⲓⲟⲩⲱϣ ⲉ ⲧⲣⲉ ⲡⲓⲏ︦ⲗ︦ ⲟⲩϫⲁⲓ • ϯⲣ̄
ⲙⲛ︦ⲧ︦ⲣⲉ ⲛⲁⲕ ϫⲉ ⲛⲉϣⲁⲩϯ ϩⲓⲥⲉ ⲛⲁⲓ ⲛ̄ϭⲓ ⲛ̄ϣⲏⲣⲉ ⲙ̄
ⲡⲓⲏ︦ⲗ︦ • ϣⲁⲓⲡⲁϩⲧ̄ ⲉϫⲙ̄ ⲡⲁ ϩⲟ ⲧⲁⲧⲱ︦ⲃ︦ϩ︦ ⲉ ϫⲱⲟⲩ • ϫⲓⲛ


### 0023

ⲡⲣⲁⲥⲧⲉ ⲛ̄ ⲧⲕⲩⲣⲓⲁⲕⲏ • ϣⲁⲛⲧⲉ ⲡⲥⲁⲃⲃⲁⲧⲟⲛ ⲧⲏⲣϥ̄
ⲟⲩⲉⲓⲛⲉ • ⲉⲓⲡⲁϩⲧ̄ ⲉϫⲙ̄ ⲡⲁ ϩⲟ • ϣⲁⲛⲧⲉ ⲙⲓ̈ⲭⲁⲏⲗ ⲉⲓ
ⲛϥ̄ⲧⲟⲩⲛⲟⲥⲧ̄ ϩⲓ̈ϫⲙ̄ ⲡⲕⲁϩ • ⲛⲁⲓⲁⲧⲕ̄ ⲱ̄ ⲡⲁⲩⲗⲟⲥ • ⲁⲩⲱ
ⲛⲁⲓⲁⲧϥ̄ ⲙ̄ ⲡϩⲉⲑⲛⲟⲥ ⲉⲧ ⲛⲁⲡⲓⲥⲧⲉⲩⲉ ⲉ ⲃⲟⲗ ϩⲓⲧⲟⲟ̄ⲧⲕ̄ •
ϩⲱⲥ ⲉⲣⲉ ⲛⲁⲓ ϣⲁϫⲉ ⲛⲙ̄ⲙⲁⲓ̈ • ⲁϥⲉⲓ ⲛ̄ϭⲓ ⲕⲉ ⲟⲩⲁ̄
ⲉⲛⲉⲥⲱϥ ⲉⲙⲁⲁⲧⲉ ϩⲛ̄ ⲧⲉϥϩⲓⲕⲱⲛ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ
ϫⲉ ⲛⲓⲙ ⲡⲉ ⲡⲁⲓ ⲡⲁ ϫⲥ̄ ⲛ̄ⲧⲁϥⲛⲁⲩ ⲉ ⲣⲟⲓ ⲁϥⲣⲁϣⲉ •
ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ • ϫⲉ ⲡⲁⲓ ⲡⲉ ⲗⲱⲧ • ϩⲙ̄
ⲡⲉⲟⲩⲟ̄ⲉⲓϣ ⲛ̄ ⲥⲟⲇⲱⲙⲁ ⲙⲛ̄ ⲅⲟⲙⲟⲣⲣⲁ • ⲁⲩⲱ ⲛ̄ ⲧⲉⲣⲉ
ϥⲡⲱϩ ⲉ ⲣⲟⲓ ⲡⲉϫⲁϥ • ⲛⲁⲓ ⲉϥⲁⲥⲡⲁⲍⲉ ⲙ̄ⲙⲟⲓ • ϫⲉ
ⲛⲁⲓⲁⲧϥ̄ ⲱ̄ ⲡⲁⲩⲗⲟⲥ • ⲁⲩⲱ ⲛⲁⲓⲁⲧⲥ̄ ⲛ̄ ⲧⲉⲕⲅⲉⲛⲉⲁ •
ⲡⲉϫⲁϥ ⲛⲁⲓ ϫⲉ ⲁⲛⲟⲕ ⲡⲉ ⲗⲱⲧ ⲡⲉⲧ ϣⲟⲟⲡ ϩⲛ̄ ⲧⲡⲟⲗⲓⲥ
ⲛ̄ ⲛⲁⲥⲉⲃⲏⲥ • ⲉⲣⲉ ⲛⲁⲅⲅⲉⲗⲟⲥ ϭⲁⲗⲱⲟⲩ ⲉ ⲣⲟⲓ ⲛ̄ⲑⲉ ⲛ̄
ⲛⲉⲓ ϣⲙ̄ⲙⲟ ⲛ̄ⲣⲱⲙⲉ • ⲛ̄ ⲧⲉⲣⲉ ⲛⲁ ⲧⲡⲟⲗⲓⲥ ⲧⲱⲟⲩⲛ ⲉ
ϫⲱⲟⲩ ⲉⲩⲟⲩⲱϣ ⲉ ⲣ ⲡⲉⲑⲟⲟⲩ ⲛⲁⲩ • ⲁⲓϥⲓ ⲛ ⲧⲁ ϣⲉⲉⲣⲉ
ⲥⲛ̄ⲧⲉ ⲙ ⲡⲁⲣⲑⲉⲛⲟⲥ ⲙ̄ⲡⲁⲧⲉ ϩⲟⲟⲩⲧ ⲥⲟⲩⲱ̄ⲛⲟⲩ • ⲁⲩⲱ
ⲁⲓⲧⲁⲁⲩ ⲛⲁⲩ : | ϫⲉ ϫⲓⲧⲟⲩ ⲛ̄ⲧⲉⲧⲛ̄ⲭⲣⲱ ⲛⲁⲩ ⲛ̄ⲑⲉ ⲉ̄ⲧⲉ‐
ϩⲛⲏⲧⲛ̄ • ⲙⲟⲛⲟⲛ ⲙ̄ⲡⲣ̄ ⲣ̄ ⲡⲉⲑⲟⲟⲩ ⲛ̄ⲛⲉⲓ ϣⲙ̄ⲙⲟ ⲛ̄ⲣⲱⲙⲉ
ⲛ̄ⲧⲁⲩⲉⲓ ⲉ ϩⲟⲩⲛ ϩⲁ ⲧⲁ ⲟⲩⲉϩⲥⲟⲓ • ⲧⲉⲛⲟⲩ ⲇⲉ ⲛⲉⲧ ⲉⲣⲉ
ⲡⲟⲩⲁ̄ ⲡⲟⲩⲁ̄ ⲛⲁⲁⲩ ϩⲙ̄ ⲡⲉⲓ ⲕⲟⲥⲙⲟⲥ • ϣⲁⲣⲉ ⲡⲛⲟⲩⲧⲉ
ⲧⲟⲟⲃⲟⲩ ⲛⲁϥ ⲛ̄ ⲟⲩⲙⲏⲏϣⲉ ⲛ̄ⲥⲟⲡ : ⲛⲁⲓⲁⲧⲕ̄ ⲱ̄ ⲡⲁⲩⲗⲟⲥ •
ⲁⲩⲱ ⲛⲁⲓⲁⲧϥ̄ ⲙ̄ ⲡϩⲉⲑⲛⲟⲥ ⲉⲧ ⲛⲁⲡⲓⲥⲧⲉⲩⲉ ⲉ ⲃⲟⲗ ϩⲓ
ⲧⲟⲟⲧⲕ̄ • ϩⲱⲥ ⲉⲣⲉ ⲡⲁⲓ ϣⲁϫⲉ ⲛⲙ̄ⲙⲁⲓ • ⲁⲓϭⲱϣ︦ⲧ︦ ⲉ̄ ⲕⲉ
ⲟⲩⲁ̄ ⲉ ⲁϥⲉⲓ ⲙ ⲡⲟⲩⲉ ⲉⲛⲉⲥⲱϥ ⲉⲙⲁⲁⲧⲉ • ⲉⲣⲉ ⲡⲉϥϩⲟ ⲣ̄
ⲟⲩⲟⲉⲓ︦ⲛ︦ ⲉϥⲛⲟⲧⲃ̄ ⲛ̄ⲥⲱⲃⲉ • ⲉⲣⲉ ⲛⲁⲅⲅⲉⲗⲟⲥ ϩⲩⲙⲛⲉⲩⲉ ⲉ
ⲣⲟϥ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ ⲉⲓⲉ̄ ⲉⲣⲉ ⲟⲩⲁⲅⲅⲉⲗⲟⲥ
ⲙⲟⲟ̄ϣⲉ ⲙⲛ̄ ⲡⲟⲩⲁ ⲡⲟⲩⲁ ⲛ̄ ⲛ̄ⲇⲓⲕⲁⲓ̈ⲟⲥ • ⲡⲉϫⲁϥ ⲛⲁⲓ •
ϫⲉ ⲛⲉⲩⲁⲅⲅⲉⲗⲟⲥ ⲧⲏⲣⲟⲩ ϩⲩⲙⲛⲉⲩⲉ̄ ⲉ ⲣⲟⲟⲩ • ⲁⲩⲱ ⲙⲉⲩ‐
ⲥⲛ̄ⲧⲟⲩ ⲉ ⲃⲟⲗ ⲛ̄ⲛⲁⲩ ⲛⲓⲙ • ⲁⲩⲱ ⲛ̄ ⲧⲉⲣⲉ ϥⲡⲱϩ ⲉ ⲣⲟⲓ
ⲁϥⲁⲥⲡⲁⲍⲉ ⲙⲙⲟⲓ ⲡⲉϫⲁϥ ⲛⲁⲓ • ϫⲉ ⲉⲕⲧⲁⲓⲏⲩ ⲱ̄
ⲡⲁⲩⲗⲟⲥ • ⲡⲙⲉⲣⲓⲧ ⲙ̄ ⲡⲛⲟⲩⲧⲉ ⲙⲛ̄ ⲛ̄ⲣⲱⲙⲉ • ⲁⲛⲟⲕ
ⲡⲉ ⲓⲱⲃ ⲛ̄ⲧⲁⲓϣⲉⲡ ⲛⲉⲓ ϩⲓⲥⲉ ⲧⲏⲣⲟⲩ ϩⲛ̄ ⲛⲉⲡⲗⲩⲅⲏ • ⲉ
ⲁⲓⲣ̄ ⲙⲁⲁⲃⲉ ⲛ̄ⲣⲟⲙⲡⲉ ⲛ̄ⲣⲟⲙⲡⲉ ⲛ̄ϩⲏⲧϥ̄ • ⲡⲥⲁϣ ⲉⲧ ⲛⲏⲩ
ⲉ ⲃⲟⲗ ϩⲓⲱⲱⲧ • ⲉϥⲟ ⲛ̄ ⲧϭⲟⲧ ⲛ̄ ⲟⲩⲃⲁ̄ⲃⲓⲗⲓ ⲛ̄ⲥⲟⲩⲟ̄ • ϩⲓⲧⲛ̄


### 0024

ϣⲟⲙⲛ︤ⲧ︥ ⲛ̄ϩⲟⲟⲩ • ϣⲁϥⲣ̄ ⲧϭⲟⲧ ⲛ̄ ⲟⲩⲕⲁⲡ ⲛ̄ⲉⲓⲱ̄• ⲁⲩⲱ ⲛ̄ϥⲛ̄ⲧ
ⲉϣⲁⲩⲉⲓ ⲉ ⲃⲟⲗ ϩⲛ̄ ⲛⲁⲥⲁϣ • ⲛⲉϣⲁⲓϣⲓⲧⲟⲩ ⲛⲥⲉⲣ̄ ⲟⲩϣⲟⲡ
ⲛ̄ ϩⲓⲏ • ⲁ ⲡⲇⲓⲁⲃⲟⲗⲟⲥ ⲟⲩⲱ̄ⲛϩ̄ ⲉ ⲣⲟⲓ ⲛ̄ ϣⲟⲙⲛ︦ⲧ︦ ⲛ̄ⲥⲟⲡ
ⲉϥϫⲱ ⲙ̄ⲙⲟⲥ :-[fifty-two pages wanting]|▨ⲕ ϩⲁ ⲧⲉⲥϩⲏ
ⲉϥϫⲱ ⲙⲙⲟⲥ ⲛⲁⲥ • ϫⲉ ⲱ ⲧⲧⲁⲗⲁⲓⲡⲱⲣⲟⲥ ⲙ̄ⲯⲩⲭⲏ • ⲛ
ⲟⲩⲡⲉⲑⲟⲟⲩ ⲉ̄ⲧ ⲣ̄ⲉⲓⲣⲉ ⲙ̄ⲙⲟⲟⲩ ⲙ̄ ⲡⲉϩⲟ[ⲟ]ⲩ ⲙⲛ̄ ⲧⲉⲩϣⲏ •
ϯϫⲓ ⲙ̄ⲙⲟⲟⲩ ⲙⲙⲏⲏⲛⲉ ⲉ ⲣⲁⲧϥ̄ ⲙ̄ ⲡⲛⲟⲩⲧⲉ • ⲉ ⲧⲃⲉ
ⲡⲟⲩⲱϣ ⲁⲛ • ⲁⲗⲗⲁ ⲉ̄ ⲧⲃⲉ ⲡⲟⲩⲱϣ ⲙ̄ ⲡⲛⲟⲩⲧⲉ • ⲉϥϩⲱⲛ
ⲉ̄ ⲧⲟⲟⲧ ϫⲉ ⲙ̄ⲡⲣ̄ ⲗⲟ ⲉⲕⲇⲓⲁⲕⲟⲛⲉⲓ ⲉ ⲣⲟⲟⲩ • ⲙⲉϣⲁⲕ
ⲛ̄ⲥⲉⲕⲧⲟⲟⲩ ⲛ̄ⲥⲉⲙⲉⲧⲁⲛⲟⲓ • ⲉⲓⲥ ϩⲏⲏⲧⲉ ⲁⲓⲣ̄ ϣⲙ̄ⲙⲟ ⲉ̄ ⲣⲟ
ⲙ̄ⲡⲟⲟⲩ • ⲙⲁⲣⲟⲛ ⲉ ⲣⲁⲧϥ̄ ⲙ̄ ⲡⲉⲕⲣⲓⲧⲏⲥ ⲙ̄ⲙⲉ • ⲁⲩⲱ ⲁ
ⲡⲉⲥⲡⲛⲁ̄ ⲉⲓ ⲉ ⲃⲟⲗ ϩⲏⲧⲥ̄ ⲉϥϫⲱ ⲙ̄ⲙⲟⲥ • ϫⲉ ⲱ̄ ⲧⲧⲁⲗⲁⲓⲡⲱ‐
ⲣⲟⲥ [ⲙ̄] ⲯⲩⲭⲏ ⲙ̄ⲡⲣ̄ ϯ ⲙ̄ⲧ]ⲟⲛ ⲛⲁⲓ ⲙ̄ ⲡⲁ ⲕⲟⲩⲓ [ⲛⲟ]ⲩⲟ̄‐
ⲉⲓϣ ⲛ̄ⲧ ⲁⲓⲁⲁϥ [ⲁⲓϯ]ϭⲁⲗⲱⲟⲩ ⲉⲣⲟ • ⲉⲓⲉ ⲙ̄▨▨ⲥⲉⲓ ⲛ̄ⲧⲟ ⲱ̄
ⲧⲧⲁ[ⲗⲁⲓ]ⲡⲱⲣⲟⲥ ⲙ̄ ⲯⲩⲭⲏ▨▨▨ⲱⲟⲩⲛ ϩⲁ ⲛⲟⲩ▨▨▨
ⲱⲱⲛ • ⲏ̄ ⲙ̄ⲡⲟⲩϩⲏⲧ ⲕⲧⲟϥ • ϫⲉ ⲟⲩⲛ̄ ⲛⲓϥⲉ ⲛ̄ⲛⲓϥⲉ ⲛ ⲱ̄ⲛϩ̄
ⲛ̄ⲧⲉ ⲡⲛⲟⲩⲧⲉ ⲛ̄ϩⲏⲧⲉ • ⲙⲁⲣⲟⲛ ⲉ ⲣⲁⲧϥ̄ ⲙ̄ ⲡⲉⲕⲣⲓⲧⲏⲥ ⲙ‐
ⲙⲉ • ⲛ̄ ϯⲛⲁⲕⲱ ⲁⲛ ⲛⲉ ⲉⲃⲟⲗ • ⲁⲓ̈ⲣ̄ ϣⲙ̄ⲙⲟ ⲉ ⲣⲟ ⲙⲡⲟⲟⲩ
ⲁⲩⲱ ⲁⲣⲉⲓⲣⲉ ⲉ ⲣⲟⲓ • ⲁ ⲡⲉⲥⲡⲛ︦︦ⲁ︦ ϫⲡⲓⲟⲥ • ⲁ ⲡⲉⲥⲁⲅⲅⲉⲗⲟⲥ
ⲑⲗⲓⲃⲉ ⲙ̄ⲙⲟⲥ • ⲛ̄ⲧⲉⲩⲛⲟⲩ ⲛ̄ⲧⲁⲥⲧⲁϩⲉ ⲛⲉⲝⲟⲩⲥⲓⲁ ⲉⲩ‐
ⲛⲁϫⲓⲧⲥ̄ ⲉ̄ ϩⲣⲁⲓ ⲉ ⲧⲡⲉ • ϩⲓⲥⲉ ⲉϫⲛ̄ ϩⲓⲥⲉ ⲁ ⲧⲉⲃϣⲉ ⲉⲓ ⲉ
ⲃⲟⲗ ϩⲏⲧⲥ̄ • ⲙⲛ̄ ⲧⲕⲁⲧⲁⲗⲁⲗⲓⲁ̄ • ⲙⲛ̄ ⲡⲉⲡⲛ︦ⲁ︦ ⲛ̄ ⲧⲟⲣⲡ •
ⲙⲛ̄ ⲛⲉⲝⲟⲩⲥⲓⲁ ⲙ̄ ⲡⲕⲁⲕⲉ • ϩⲟⲓⲛⲉ ⲛ̄ϩⲟ ⲙ̄ⲙⲟ̄ⲓ ⲉⲣⲉ
ϩⲉⲛϩⲱⲕ ⲙ̄ ⲡⲉⲛⲓⲡⲉ ⲉⲩⲙⲟⲩϩ ⲛ̄ ⲕⲱϩ︤ⲧ︥ ⲧⲟ ϩⲓⲱⲟⲩ • ⲉⲣⲉ
ϩⲉⲛⲥⲏϥⲉ ⲛ̄ⲕⲱⲛⲥ̄ ϩⲛ̄ ⲛⲉⲩϭⲓϫ • ϩⲟⲓⲛⲉ ⲛ̄ϩⲟ ⲙ̄ⲙⲁⲥⲉ
ⲉ̄ⲣⲉ ϩⲉⲛϭⲓϫ ⲙ̄ⲙⲟⲟⲩ ⲛ̄ⲑⲉ ⲛ̄ ⲛⲉⲓ ⲣⲱⲙⲉ • ⲉⲣⲉ ϩⲉⲛⲛⲟϭ
ⲛ̄ⲧⲁⲡ ⲛ̄ ⲕⲱϩⲧ̄ ϩⲓϫⲛ̄ ⲛⲉⲩⲁⲡⲏⲩⲉ :-|ⲉⲣⲉ ϩⲉⲛⲙⲉⲣⲉϩⲛ̄ⲧⲟ‐
ⲟⲧⲟⲩ ⲉⲩⲕⲱⲛⲥ̄ ⲛ ⲛⲉⲯⲩⲭⲟⲟⲩⲉ ⲛ̄ ⲛ̄ⲣⲉϥⲣ̄ ⲛⲟⲃⲉ ⲛ̄ϩⲏⲧⲟⲩ •
ϩⲟⲓⲛⲉ ⲛ̄ϩⲟ ⲛ̄ⲁⲣⲝ̄ ⲉⲣⲉ ⲛⲉⲩⲃⲁⲗ ⲛⲉϫ ⲕⲱϩⲧ̄ ⲉ ⲃⲟⲗ ⲉ
ⲡⲉϥⲧⲟⲩ ⲥⲁ • ⲉⲣⲉ ⲧⲟⲣⲅⲏ ϣⲟⲟⲡ ϩⲙ̄ ⲡⲉⲩϩⲟ • ⲉⲣⲉ
ϩⲉⲛⲛⲟϭ ⲛ̄ⲧⲟϭ ⲙ̄ ⲡⲉⲛⲓⲡⲉ ⲛ̄ⲧⲟⲟⲧⲟⲩ • ⲉⲩⲥⲃ̄ⲧⲱⲧ ⲉ ϩⲓⲧⲉ ⲙ̄
ⲡⲥⲱⲙⲁ (sic) ⲛ̄ⲛⲁⲥⲉⲃⲏⲥ • ⲙ̄ⲡⲁⲧ ⲟⲩⲉⲓ ⲉ ⲃⲟⲗ ϩⲛ̄ ⲥⲱⲙⲁ •
ⲉⲩϯ ϩⲓⲥⲉ ⲛⲁⲩ ϩⲛ̄ ⲧⲁⲛⲁⲅⲕⲏ ⲙ̄ ⲡⲙⲟⲩ : ϩⲟⲓⲛⲉ ⲛ̄ϩⲟ
ⲛ̄ⲇⲣⲁⲕⲟⲛ ⲉⲣⲉ ⲟⲩⲕⲁⲡⲛⲟⲥ ⲛⲏⲩ ⲉ ⲃⲟⲗ ϩⲛ̄ ⲣⲱⲟⲩ : ⲙⲛ̄


### 0025

ⲟⲩⲉⲗϩⲱ[ⲃ] ⲙⲛ̄ ⲟⲩⲕⲱϩ︦ⲧ︦ • ⲉⲣⲉ ϩⲉⲛⲕⲟⲣⲁⲝ ⲉⲩⲟ̄ ⲛⲗⲁ (sic)
ⲛ̄ⲃⲁϣⲟⲩⲣ ϩⲛ̄ ⲛⲉⲩϭⲓϫ • ⲉⲩⲃⲁⲍⲁⲛⲓⲍⲉ ⲛ̄ ⲛⲉⲓ ⲯⲩⲭⲏ
ⲛ̄ϩⲏⲧⲟⲩ : ϩⲟⲓⲛⲉ ⲛ̄ϩⲟ ⲛ̄ϩⲃⲟⲩⲓ • ⲉⲣⲉ ϩⲉⲛⲥⲁⲧ • ⲛ̄ϩⲏⲧⲟⲩ
ⲛ̄ⲑⲉ ⲛ̄ ⲛⲉⲓ ⲟⲩⲱ̄ϩⲉ • ⲉⲩⲥⲃ̄ⲧⲱⲧ ⲉⲗⲱϭⲥ̄ ⲛ̄ⲛⲉⲯⲩ[ⲭⲏⲟⲟⲩⲉ •]
ⲉⲩⲃⲁⲍⲁⲛⲓⲍⲉ ⲙ̄ⲙⲟⲟⲩ ϩⲛ̄ ⲟⲩⲙⲛ︦ⲧ︦ⲁⲧⲛⲁ • ϩⲟⲓⲛⲉ ⲛ̄ϩⲟ ⲛ̄
ⲉⲓⲱ̄ ⲉⲣⲉ ϩⲉⲛϩⲱⲕ ⲛ̄ⲕⲁⲕⲉ ⲧⲟ ϩⲓⲱ̄ⲟⲩ • ⲉⲣⲉ ϩⲉⲛϣⲗⲓϭ
ⲛ̄ ⲕⲱϩ︦ⲧ︦ ϩⲛ̄ ⲛⲉⲩϭⲓϫ • ⲉⲩϭⲱⲗϫ̄ ⲛ̄ ⲛⲉⲯⲩⲭⲟⲟⲩⲉ ϩⲛ̄
ⲟⲩⲟⲣⲅⲏ • ϩⲟⲓⲛⲉ ⲛ̄ϩⲟ ⲛⲉⲙⲥⲁϩ • ⲉⲣⲉ ϩⲉⲛⲛⲟϭ ⲛ̄ϭⲟⲣⲧⲉ
ⲛⲧⲟⲟⲧⲟⲩ • ⲉⲩⲥⲱⲗ︦ⲡ︦ • ⲉ ⲃⲟⲗ ⲛ̄ ⲙ̄ⲙⲉⲗⲟⲥ ⲛ̄ ⲧⲉⲯⲩⲭⲏ
ϩⲛ̄ ⲟⲩϩⲱⲡ • ϩⲟⲓⲛⲉ ⲛϩⲟ ⲛ̄ⲑⲏⲣⲓⲟⲛ ⲉⲣⲉ ⲛⲉⲩⲗⲁⲥ ⲟ̄ ⲛ̄
ⲕⲱϩⲧ̄ • ⲉⲩⲥⲁⲃⲟⲗ ⲛ̄ⲧⲉⲩⲧⲁⲡⲣⲟ̄ • ⲉⲣⲉ ϩⲉⲛⲛⲁϫ ⲙ̄ⲡ[ⲉ]‐
ⲛⲓⲡⲉ ⲙ̄ⲙⲟⲟⲩ • ϣ[ⲁ]ⲣⲉ ⲛⲉⲧ ⲙ̄ⲙⲁⲩ ⲁ[ⲩϩⲓ]ⲧⲉ ⲛ̄
ⲛⲉⲯⲩⲭⲏ ⲛ̄ [ⲧⲉⲣ] ⲟⲩⲉϭⲟⲩϭⲟⲩ ϩⲛ̄ [ⲧⲉⲩ]ⲧⲁⲡⲣⲟ •
ⲛ̄ⲥⲉⲟ[ⲙⲕⲟⲩ ?] ⲛ̄ⲁⲟⲩⲛⲟⲩ • ⲙ[ⲛ︦ⲛ︦]ⲥⲱⲥ ⲛ̄ⲥⲉⲕⲁⲃ[ⲱⲗ ⲙ‐]
ⲙⲟⲟⲩ ϩⲛ̄ ⲧⲉ▨▨▨|▨▨▨ⲉ ϩⲉⲛⲕⲟⲟⲩⲉ ⲟⲩⲉϭ[ⲟ]ⲩϭⲟⲩ
ⲟⲛ ⲛ̄ⲥⲉⲟⲙⲕⲟⲩ • ⲉⲣⲉ ϩⲟⲓⲛⲉ ϯ ⲙⲙⲟⲟⲩ ⲛ ϩⲉⲛⲕⲟⲟⲩⲉ •
ⲉⲩⲟ ⲛ̄ ⲁⲧ ⲛⲁ ⲉ̄ ϩⲟⲩⲛ ⲉ ⲛⲉⲯⲩⲭⲏ ⲛ̄ ⲛ̄ⲣⲉϥⲣ̄ ⲛⲟⲃⲉ •
ⲧⲟⲧⲉ ⲛⲉⲝⲟⲩⲥⲓⲁ ⲙ̄ ⲡⲕⲁⲕⲉ ⲁⲩϯ ⲡⲉⲩⲟⲩⲟⲓ ⲉ ϩⲟⲩⲛ ⲉ
ⲧⲉⲯⲩⲭⲏ ⲡⲉϫⲁⲩ ⲛⲁⲥ • ϫⲉ ⲉⲣⲃⲏⲕ ⲉ ⲧⲱⲛ ⲱ ⲧⲧⲁⲗⲁⲓ‐
ⲡⲱⲣⲟⲥ ⲙ̄ ⲯⲩⲭⲏ • ⲉⲣⲃⲏⲕ ⲉ ⲧⲡⲉ • ϭⲱ ⲛ̄ⲧⲛ̄ⲛⲁⲩ ϫⲉ
ⲟⲩⲛⲧⲁⲛ ⲛ̄ϩⲏⲧⲉ • ⲙⲙⲟⲛ ⲙⲛ̄ ⲃⲟⲏⲑⲟⲥ ⲉϥⲟⲩⲁⲁⲃ
ⲙⲟⲟϣⲉ ⲛ︦ⲙ︦ⲙⲉ • ⲁⲓⲥⲱⲧⲙ ⲉⲩⲥⲙⲏ ϩⲣⲁⲓ ϩⲙ̄ ⲡϫⲓⲥⲉ
ⲉⲥϫⲱ ⲙ̄ⲙⲟⲥ • ϫⲉ ⲁⲛⲓ̈[ⲛ]ⲉ ⲛ̄ ⲧⲉⲓ ⲧⲁⲗⲁⲓⲡⲱⲣⲟⲥ
[ⲛ̄] ⲯⲩⲭⲏ ⲉ ϩⲣⲁⲓ • ϫⲉ ⲉⲥ▨▨ⲉⲓⲙⲉ ϫⲉ ⲡⲛⲟⲩⲧⲉ
[ϣ]ⲟⲟⲡ • ⲡⲁⲓ ⲛⲧⲁⲥⲕⲁⲧⲁ[ⲫ]ⲣⲟⲛⲉⲓ ⲙ̄ⲙⲟϥ • ⲛ̄ⲧⲉⲩ‐
[ⲛ]ⲟⲩ ⲛ̄ⲧⲁⲥⲣ̄ ⲡϩⲟⲩⲛ ⲛ̄[ⲧ]ⲡⲉ • ⲁⲓⲥⲱⲧⲙ̄ ⲉ ϩⲉⲛ[ⲁⲅⲅ]ⲉⲗⲟⲥ
ⲙⲛ̄ ϩⲉⲛⲁⲣⲭⲁⲅⲅⲉⲗⲟⲥ ⲉⲩⲉⲓⲣⲉ ⲛ ϩⲉⲛⲧⲃⲁ ⲛ̄ⲧⲃⲁ •
ⲡⲉϫⲁⲩ ϫⲉ ⲙⲓⲱ̄ ⲁⲛ ⲱ̄ ⲧⲉⲯⲩⲭⲏ • ϩⲛ̄ ⲛⲟⲩϩⲃⲏⲩⲉ̄ ⲧⲏⲣⲟⲩ
ⲛ̄ⲧⲁⲣⲁⲁⲩ ϩⲙ̄ ⲡⲕⲟⲥⲙⲟⲥ • ⲛⲧⲉⲩⲛⲟⲩ ⲇⲉ ⲁ ⲣⲱⲥ ⲧⲱⲙ •
ⲙ̄ⲡⲉ ⲥⲉϣϫⲱ ⲛ̄ ⲟⲩϣⲁϫⲉ ⲙ̄ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ •
ⲡⲉϫⲉ ⲡⲉⲥⲁⲅⲅⲉⲗⲟⲥ ϫⲉ ⲣⲓⲙⲉ ⲛ︦ⲙ︦ⲙⲁⲓ ⲱ̄ ⲛⲁϣⲃⲏⲣ
ⲁⲅⲅⲉⲗⲟⲥ • ϫⲉ ⲙ̄ⲡ ⲟⲩϯ ⲙ̄ⲧⲟⲛ ⲛ̄ ⲧⲉⲯⲩⲭⲏ ⲉ ϯϭⲁ‐
ⲗⲱⲟⲩ ⲉ ⲣⲟⲥ • ⲁⲩⲟⲩⲱ̄ϣⲃ̄ ⲛ̄ϭⲓ ⲛ̄ⲁⲅⲅⲉⲗⲟⲥ ϫⲉ ϥⲓⲧⲥ̄
ϥⲓⲧⲥ̄ ϩⲛ̄ ⲧⲉⲛⲙⲏⲏⲧⲉ • ϫⲉ ϫⲓⲛ ⲙ̄ ⲡⲛⲁⲩ ⲛⲧⲁⲛⲛⲁⲩ ⲉ


### 0026

ⲣⲟⲥ ⲁⲩⲛⲟϭ ⲛ̄ ⲥϯ ⲃⲱⲛ ϣⲱⲡⲉ ϩⲛ̄ ⲧⲉⲛⲙⲏⲏⲧⲉ • ⲁⲩϫⲓ̈ⲧⲥ̄
ⲉ ⲧⲣ︦ⲥ︦ⲟⲩⲱ̄ϣⲧ̄ ⲙ̄ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ ⲡⲁⲓ ⲛ̄ⲧⲁϥ‐
ⲧⲁⲙⲓⲟⲥ ⲕⲁⲧⲁ ⲡⲉϥⲉⲓⲛⲉ ⲙⲛ̄ ⲧⲉϥϩⲓⲕⲱⲛ :-| ⲁ ⲡⲉⲥ‐
ⲁⲅⲅⲉⲗⲟⲥ ⲥⲩⲙⲁⲛⲉ ⲉϥϫⲱ ⲙ̄ⲙⲟⲥ ϫⲉ ⲡϫ︦ⲥ︦ ⲡⲛⲟⲩⲧⲉ
ⲡⲡⲁⲛⲧⲱⲕⲣⲁⲧⲱⲣ ⲁⲛⲟⲕ ⲡⲉ ⲡⲁⲅⲅⲉⲗⲟⲥ ⲛ̄ ⲧⲉⲓ ⲯⲩⲭⲏ •
ⲉⲓⲉⲓⲛⲉ ⲛⲁⲕ ⲛ̄ ⲛⲉⲥϩⲃⲏⲩⲉ ⲛⲁ ⲡⲉϩⲟⲟⲩ ⲙⲛ̄ ⲛⲁ ⲧⲉⲩϣⲏ :
ⲕⲣⲓⲛⲉ ⲙⲙⲟⲥ ⲕⲁⲧⲁ ⲡⲉⲥϩⲁⲡ • ⲡⲉϫⲉ ⲡⲉⲥⲡⲛⲁ̄ • ϫⲉ
ⲁⲛⲟⲕ ⲡⲉ ⲡⲉⲡⲛⲁ̄ ⲡⲛⲓϥⲉ ⲛ̄ ⲱ̄ⲛϩ̄ ⲉⲧ ϭⲁⲗⲱⲟⲩ ⲉ ⲣⲟⲥ •
ⲕⲣⲓⲛⲉ ⲙ̄ⲙⲟⲥ ⲕⲁⲧⲁ ⲡⲉⲥϩⲁⲡ • ⲁ ⲧⲉⲥⲙⲏ ⲙ̄ ⲡⲛⲟⲩⲧⲉ
ϣⲱⲡⲉ ⲉⲥϫⲱ ⲙ̄ⲙⲟⲥ • ϫⲉ ⲉⲩⲧⲱⲛ ⲙ̄ ⲡⲉⲧ ⲛⲁⲛⲱⲟⲩ
ⲧⲏⲣⲟⲩ ⲛ̄ⲧ ⲁⲣⲁⲁⲩ • ⲙⲏ ⲁⲓⲡⲟⲣϫⲉ ⲉ ⲃⲟⲗ ⲟⲩⲇⲉ ⲛⲁⲇⲓ‐
ⲕⲁⲓⲟⲥ ⲛ̄ⲟⲩϩⲟⲟⲩ ⲛ ⲟⲩⲱⲧ • ⲉⲣⲉ ⲡⲁ ⲣⲏ ϣⲁⲥϫⲱ ⲁⲛ ⲙⲛ̄
ⲛ̄ⲇⲓⲕⲁⲓⲟⲥ ⲁⲩⲱ ⲛⲁⲥⲱⲧⲡ̄ ⲧⲏⲣⲟⲩ : ⲁ ⲧⲉⲥⲧⲁⲡⲣⲟ ⲟⲩⲛ‐
ⲧⲱⲙ ⲙ̄ⲡⲉ ⲥϭⲛ̄ ϣⲁϫⲉ ⲉ ϫⲱ : ⲁ ⲧⲉⲥⲙⲏ ⲙ̄ ⲡⲛⲟⲩ[ⲧⲉ]
ϣⲱⲡⲉ ⲉⲥϫⲱ ⲙ̄ⲙⲟⲥ ϫⲉ ⲙⲛ̄ ϫⲓ ϩⲟ ⲙ̄ ⲡⲙⲧⲟ ⲉ ⲃⲟⲗ ⲙ̄
ⲡⲛⲟⲩⲧⲉ • ⲁⲩⲱ ⲟⲩϩⲁⲡ ⲙ̄ⲙⲉ ⲡⲉ ϣⲁϥϣⲱⲡⲉ • ⲡⲉϣⲁϥⲣ̄
ⲧⲙⲉ ϣⲁⲩⲣ ⲧⲙⲉ ⲛⲙ̄ⲙⲁϥ • ⲡⲉϣⲁϥⲣ̄ ⲡⲛⲁ ϣⲁⲩⲣ̄ ⲡⲛⲁ
ⲛⲙ̄ⲙⲁϥ • ⲉⲩⲛⲁⲧⲁⲁⲥ ⲉ̄ ⲧⲟⲟⲧϥ̄ ⲛ̄ ⲁϥⲧⲉⲙⲉⲗⲟⲩⲭⲟⲥ
ⲡⲁⲅⲅⲉⲗⲟⲥ ⲉⲧ ϩⲓϫⲛ̄ ⲛ̄ⲕⲟⲗⲁⲥⲓⲥ • ⲛϥ̄ⲛⲟϫⲥ̄ ⲉ̄ ⲡⲕⲁⲕⲉ ⲉⲧ ϩⲓ
ⲃⲟⲗ • ⲡⲙⲁ ⲉⲧ ⲉⲣⲉ ⲡⲣⲓⲙⲉ ⲛ̄ϩⲏⲧϥ̄ ⲙⲛ̄ ⲡϭⲁϩϭϩ̄ ⲛ̄ ⲛⲟⲃϩⲉ •
ϣⲁ ⲡⲉϩⲟⲟⲩ ⲛ̄ ⲧⲛⲟϭ ⲛ̄ ⲕⲣⲓⲥⲓ̈ⲥ ⲁⲛⲟⲕ ⲇⲉ ⲁⲓⲥⲱⲧⲙ̄ ⲉ
ⲡⲉϩⲣⲟⲟⲩ ⲛ̄ϩⲉⲛⲁⲅ[ⲅⲉ]ⲗⲟⲥ ⲙⲛ̄ ϩⲉⲛⲁⲣⲭ[ⲁⲅ]ⲅⲉⲗⲟⲥ •
ⲉⲩϫⲱ [ⲙ]ⲙⲟⲥ ϫⲉ ⲛ̄ⲧⲕ̄ ⲟⲩⲇ[ⲓⲕⲁⲓ]ⲟⲥ ⲡϫⲥ̄ • ⲁⲩⲱ ϩⲉ[ⲛ]‐
ⲙⲉ ⲛⲉ ⲛⲉⲕϩⲁⲡ • ⲙ[ⲛ̄]ⲛ̄ⲥⲱⲥ ⲟⲛ ⲁⲓϭⲱϣⲧ̄ [ⲁ]ⲛⲟⲕ
ⲡⲁⲩⲗⲟⲥ | ⲉ ⲕⲉ ⲯⲩⲭⲏ ⲉ ⲁⲩⲉⲛⲧⲥ̄ ⲉ ⲃⲟⲗ ϩⲛ̄ ⲥⲱⲙⲁ •
ⲉⲩⲧⲟ ⲉ ⲣⲟⲥ ⲛ̄ϭⲓ ⲁⲅⲅⲉⲗⲟⲥ ⲥⲛⲁⲩ : ⲉⲥⲣⲓ̈ⲙⲉ ⲉⲥ (sic) ⲉⲥⲱϣ
ⲉ ⲃⲟⲗ ⲉⲥϫⲱ ⲙ̄ⲙⲟⲥ • ϫⲉ ⲛⲁ ⲛⲁⲓ̈ ⲱ̄ ⲡⲉⲕⲣⲓⲧⲏⲥ • ⲡⲁ
ⲥⲁϣϥ̄ ⲡⲟⲟⲩ ϫⲓⲛ ⲛ̄ⲧⲁⲓⲙⲟⲩ • ⲁⲩⲧⲁⲁⲧ ⲉ ⲧⲟⲟⲧϥ̄ ⲙ̄
ⲡⲉⲓ ⲁⲅⲅⲉⲗⲟⲥ ⲥⲛⲁⲩ : ⲁⲩϫⲓ ⲙ̄ⲙⲟⲓ ⲉ ϩⲉⲛⲙⲁ ⲛ̄
ϯⲥⲟⲟⲩⲛ ⲙⲙⲟⲟⲩ ⲁⲛ • ⲁϥⲟⲩⲱ̄ϣⲃ̄ ⲛ̄ϭⲓ ⲡⲉⲕⲣⲓⲧⲏⲥ ϫⲉ
ⲛ̄ⲧⲁⲣⲣ̄ ⲟⲩ ϩⲙ̄ ⲡⲕⲟⲥⲙⲟⲥ • ⲡⲁⲛⲧⲱⲥ ⲛ̄ⲧⲟⲟⲩ ⲁⲧ ⲛⲁ •
ϫⲉ ⲁⲩⲧⲁⲁⲧⲉ ⲉ ⲧⲟⲟⲧⲟⲩ ⲛ̄ ϩⲉⲛⲁⲧ ⲛⲁ • ⲙ̄ⲡ ⲓⲉⲓⲣⲉ ⲙ̄
ⲡⲉⲧ ⲥⲟⲩⲧⲱⲛ : [ⲙ̄]ⲡ ⲟⲩⲉⲓⲣⲉ ⲙ̄ ⲡⲉⲧ [ⲥⲟ]ⲩⲧⲱⲛ ⲛ︦ⲙ︦ⲙⲉ •
[ⲙ̄]ⲡⲛⲁⲩ ⲛ̄ ⲧⲟⲩⲁ̄ⲛ]ⲁⲅⲕⲏ • ϩⲟⲙⲟⲗⲟ[ⲅ]ⲉⲓ ⲛ̄ⲛⲟⲩⲛⲟⲃⲉ


### 0027

ⲛⲧⲁⲣ[ⲁ]ⲁⲩ ϩⲙ̄ ⲡⲕⲟⲥⲙⲟⲥ • ⲁⲥⲟⲩⲱ̄ϣⲃ̄ ⲛ̄ϭⲓ ⲧⲉ ⲯⲩⲭⲏ
ⲉⲥϫⲱ ⲙ̄ⲙⲟⲥ ϫⲉ ⲡϫⲥ̄ ⲙ̄ⲡⲉ ⲓⲣ̄ ⲛⲟⲃⲉ : ⲛ̄ ⲧⲉⲣⲉ ⲥϫⲟⲟⲥ
ϫⲉ ⲙ̄ⲡⲉ ⲓⲣ̄ ⲛⲟⲃⲉ • ⲡⲉϫⲉ ⲡⲉⲕⲣⲓⲧⲏⲥ ⲛⲁⲥ • ϫⲉ ⲉⲣⲙⲉⲉⲩⲉ
ⲛⲉ ϫⲉ ⲡⲕⲟⲥⲙⲟⲥ ⲡⲉ ⲡⲁⲓ • ⲉⲣⲉ ⲡⲟⲩⲁ ⲡⲟⲩⲁ̄ ⲣ̄ ⲛⲟⲃⲉ
ⲉϥϩⲱⲡ ⲙ̄ ⲡⲉϥⲛⲟⲃⲉ ⲉ̄ ⲡⲉⲧ ϩⲓⲧⲟⲩⲱϥ • ⲉⲩϣⲁⲛⲉⲓ ⲇⲉ
ⲙ̄ⲡⲙ̄ⲧⲟ ⲉ ⲃⲟⲗ ⲙ̄ ⲡⲉⲑⲣⲟⲛⲟⲥ ⲙ̄ ⲡⲛⲟⲩⲧⲉ • ϣⲁⲣⲉ ⲛ̄‐
ⲛⲟⲃⲉ ⲙ̄ ⲡⲟⲩⲁ̄ ⲡⲟⲩⲁ̄ ⲙⲛ̄ ⲛⲉϥⲁⲅⲁⲑⲟⲛ ⲟⲩⲱ̄ⲛϩ̄ ⲉ ⲃⲟⲗ •
ϩⲛ̄ ⲧⲉⲩⲛⲟⲩ ⲇⲉ ⲉⲧ ⲙ̄ⲙⲁⲩ ⲁ ⲧⲉⲥⲧⲁⲡⲣⲟ ⲧⲱⲙ • ⲙ̄ⲡⲉ
ⲥϭⲛ̄ ⲗⲁⲁⲩ ⲛ̄ ϣⲁϫⲉ ⲉ ϫⲱ • ⲁⲛⲟⲕ ⲇⲉ ⲁⲓⲥⲱⲧⲙ̄ ⲉ
ⲡⲉⲕⲣⲓⲧⲏⲥ ⲙ̄ⲙⲉ ⲉϥϫⲱ ⲙ̄ⲙⲟⲥ ϫⲉ ⲡⲁⲅⲅⲉⲗⲟⲥ ⲛ̄ ⲧⲉ
ⲯⲩⲭⲏ ⲁⲙⲟⲩ ⲉ̄ ⲧⲙⲏⲏⲧⲉ • ϩⲛ̄ ⲧⲉⲩⲛⲟⲩ ⲉ (sic) ⲉⲧ ⲙ̄ⲙⲁⲩ
ⲁϥⲉⲓ ⲉ ⲧⲙⲏⲏ̄ⲧⲉ ⲛ̄ϭⲓ ⲡⲁⲅⲅⲉⲗⲟⲥ : | ⲉⲣⲉ ⲟⲩⲭⲉⲓ̈ⲣⲟ‐
ⲅⲣⲁⲫⲟⲛ ⲛ̄ ⲧⲟⲟⲧϥ̄ • ⲡⲉϫⲁϥ ϫⲉ ⲡⲁ ϫ︤ⲥ︥ ⲛ̄ⲛⲟⲃⲉ ⲛ̄
ⲧⲉ ⲯⲩⲭⲏ ⲛ ⲧⲟⲟⲧ ϫⲓⲛ ⲧⲉⲥⲙⲛⲧⲕⲟⲩⲓ • ⲕⲟⲩⲱϣ ⲱ̄ ⲡⲁ
ϫⲥ̄ ⲉ ⲧⲣⲁⲧⲁⲩⲟ̄ ⲛ̄ ⲛⲉⲥⲛⲟⲃⲉ ϫⲓⲛ ⲉⲥϩⲛ̄ ⲙⲏⲏ̄ⲧⲉ ⲛ̄ⲣⲟⲙⲡⲉ •
ⲡⲉϫⲁϥ ⲛⲁϥ ⲛ̄ϭⲓ ⲡⲉⲕⲣⲓⲧⲏⲥ • ϫⲉ ⲱ ⲡⲁⲅⲅⲉⲗⲟⲥ ⲛ̄
ⲉⲓϫⲛⲟⲩ ⲙ̄ⲙⲟⲕ ⲁⲛ ⲉ ⲛⲉⲥⲛⲟⲃⲉ ϫⲓⲛ ⲉⲥϩⲛ̄ ⲙⲏⲏⲧⲉ ⲛ̄‐
ⲣⲟⲙⲡⲉ • ⲏ̄ ⲙⲛ̄ⲧⲏ • ⲁⲗⲗⲁ ⲉⲓϣⲓⲛⲉ ⲛ̄ⲧⲟⲟⲧⲕ̄ ⲙ̄ⲙⲁⲁⲧⲉ
ⲛ̄ⲥⲁ ⲛ̄ⲛⲟⲃⲉ ⲛ̄ⲧⲁⲥⲁⲁⲩ ϩⲛ̄ ⲧⲉⲓ ⲣⲟⲙⲡⲉ ⲉⲧ ⲥ̄ⲛⲁⲙⲟⲩ
ⲛ̄ϩⲏⲧⲥ̄ • ϯⲱ̄ⲣⲕ̄ ⲙ̄ⲙⲟⲓ ⲙ̄ⲙⲓⲛ ⲙ̄ⲙⲟⲓ • ⲙⲛ̄ ⲛⲁⲁⲅⲅⲉⲗⲟⲥ
ⲙⲛ̄ ⲧⲁ ϭⲟⲙ ⲧⲏⲣ︦ⲥ︦ • ϫⲉ ⲉⲛ ⲛⲧⲁⲥⲙⲉⲧⲁⲛⲟⲓ ϩⲛ̄ ⲧⲉ ⲣⲟⲙⲡⲉ
ⲛ̄ⲧ ⲁⲥⲙⲟⲩ ⲛ̄ϩⲏⲧⲥ̄ • ⲛⲉⲓⲛⲁⲣ ⲡⲱⲃϣ̄ ⲛ̄ ⲛⲁ ⲡⲁϩⲟⲩ ⲧⲏⲣⲟⲩ
ⲛⲧⲁⲕⲁⲁⲩ ⲛⲁⲥ ⲉ ⲃⲟⲗ • ⲁϥⲙⲟⲩⲧⲉ ⲛ̄ϭⲓ [ⲡⲛⲟⲩ]ⲧⲉ ⲉ̄
ⲟⲩⲣⲓⲏⲗ ⲙⲛ̄ ⲥⲟⲩⲣⲓⲏⲗ ⲡⲉϫⲁϥ ⲛⲁⲩ • ϫⲉ ⲉⲓⲟⲩⲱϣ ⲉ
ⲧⲣⲉ ⲧⲉⲧⲛ̄ⲉⲓⲛⲉ ⲛ̄ ⲛⲉⲓ ⲯⲩⲭⲏ ⲉ ⲧⲙⲏⲏⲧⲉ • ϩⲛ̄ ⲧⲉⲩⲛⲟⲩ
ⲉ̄ⲧ ⲙ̄ⲙⲁⲩ ⲁⲩⲉⲛⲧⲟⲩ • ⲁⲥⲛⲁⲩ ⲉ ⲣⲟⲟⲩ ⲁⲥⲥⲟⲩⲱ̄ⲛⲟⲩ :
ⲡⲉϫⲉ ⲡⲛⲟⲩⲧⲉ ⲡⲉⲕⲣⲓⲧⲏⲥ ⲛⲁⲥ • ϫⲉ ⲁⲣⲥⲟⲩⲉⲛ ⲛⲁⲓ
ⲛ̄ⲧⲁⲩⲉⲛⲧⲟⲩ ⲙ̄ⲡⲟⲩⲙ̄ⲧⲟ ⲉ ⲃⲟⲗ • ⲁⲥⲟⲩⲱ̄ϣⲃ̄ ϫⲉ ⲁϩⲉ
ⲡⲁ ϫⲟⲉ︦ⲓ︦ⲥ︦ • ⲡⲉϫⲉ ⲡⲛⲟⲩⲧⲉ ⲛⲁⲥ ϫⲉ ⲟⲩ ⲡⲉⲛⲧ ⲁⲣⲁⲁϥ
ⲛⲁⲩ : ⲡⲉϫⲁⲥ ⲛ̄ϭⲓ ⲧⲉ ⲯⲩⲭⲏ ϫⲉ ⲱ ⲡⲁ ϫⲟⲉⲓⲥ • ⲙ̄ⲡⲁⲧⲉ
ⲟⲩⲣⲟⲙⲡⲉ ϣⲱⲡⲉ ϫⲓ[ⲛ]ⲧ ⲁⲓϩⲱⲧⲃ̄ ⲛ̄ⲧⲁⲥ ⲁⲓⲡⲱϩ︤ⲧ︥ ⲉ
ⲃⲟⲗ ⲙ̄ ⲡⲉⲥⲥⲛⲟϥ ϩⲓϫⲙ̄ ⲡⲕ[ⲁϩ •] ⲁⲩⲱ ϯ ⲕⲉ ⲟⲩⲉⲓ ⲁⲓϩⲱⲧⲃ̄
ⲙ̄ⲙⲟⲥ ϩⲛ̄ ⲟⲩⲡⲟⲣⲛⲓⲁ • ⲁⲓϥⲓ ⲙ̄ ⲡⲉⲧ ⲛ̄ⲧⲁⲥ ⲧⲏⲣϥ̄ ϩⲛ̄
ⲟⲩ[ϫⲓⲛ]|[ϭⲟ]ⲛⲥ • ⲁⲓⲧⲱⲱⲃⲉ ⲛⲁⲥ ⲛ̄ ϩⲉⲛⲁϣⲏ ⲙ̄ ⲡⲉⲑⲟⲟⲩ


### 0028

ⲉ ⲡⲙⲁ ⲛ̄ ⲙ̄ ⲡⲉⲧ ⲛⲁⲛⲱⲟⲩ ⲧⲏⲣⲟⲩ ⲛ̄ⲧⲁⲥⲁⲁⲩ ⲛⲙ̄ⲙⲁⲓ •
ⲁϥⲟⲩⲱϣⲃ̄ ⲛ̄ϭⲓ ⲡⲉⲕⲣⲓⲧⲏⲥ • ϫⲉ ⲕⲁⲛ ⲉⲣϣⲁⲛ ⲟⲩⲁ ϫⲓ
ⲟⲩⲁ̄ ⲛ̄ϭⲟⲛ︦ⲥ︦ ⲛϥ̄ⲙⲟⲩ • ϣⲁⲩⲣⲟⲉⲓⲥ ⲉ ⲣⲟϥ • ϣⲁⲛⲧⲉ
ⲡ︦ⲛ︦ⲧ ⲁϥⲣ̄ ⲡϫⲓⲛϭⲟⲛ︦ⲥ︦ ⲉⲓ ⲛ̄ⲥⲉⲧⲁϩⲟⲟⲩ ⲉ̄ ⲣⲁⲧⲟⲩ ⲙ̄ⲡⲙ̄ⲧⲟ
ⲉ ⲃⲟⲗ ⲙ̄ ⲡⲉⲕⲣⲓⲧⲏⲥ ⲙ̄ⲙⲉ • ⲛ̄ⲧⲉ ⲡⲟⲩⲁ̄ ⲡⲟⲩⲁ̄ ϫⲓ ⲕⲁⲧⲁ
ⲛⲉϥϩⲃⲏⲩⲉ • ⲁⲓⲥⲱⲧⲙ̄ ⲉⲩⲥⲙⲏ ⲉⲥϫⲱ ⲙ̄ⲙⲟⲥ • ϫⲉ ϯ ⲛ̄
ⲧⲉ ⲯⲩⲭⲏ ⲉ ⲧⲟⲟⲧϥ̄ ⲙ̄ ⲡⲧⲁⲣⲧⲁⲣⲟⲩⲭⲟⲥ ⲛ̄ ⲁⲙⲛ̄ⲧⲉ •
ⲙⲁⲣϥ̄ⲃⲁ[ⲍ]ⲁⲛⲓⲍⲉ ⲙ̄ⲙⲟⲥ ϣⲁ ⲡⲉϩⲟⲟⲩ ⲛ̄ ⲧⲛⲟϭ ⲛ̄
ⲕⲣⲓⲥⲓⲥ • ⲁⲛⲟⲕ ⲇⲉ ⲁⲓ̈ⲥⲱⲧⲙ̄ ⲉ ϩⲉⲛⲧⲃⲁ ⲛ̄ⲧⲃⲁ ⲛ̄ⲁⲅⲅⲉ‐
ⲗⲟⲥ • ⲉⲩϩⲱⲥ ⲁⲩⲱ ⲉⲩⲥⲙⲟⲩ ⲉ ⲡⲛⲟⲩⲧⲉ ⲉⲩϫⲱ ⲙ̄ⲙⲟⲥ
ϫⲉ ⲛ̄ⲧⲕ̄ ⲟⲩⲇⲓⲕⲁⲓⲟⲥ ⲡϫ︤ⲥ︥ ⲁⲩⲱ ϩⲉⲛⲙⲉ ⲛⲉ ⲛⲉⲕϩⲁⲡ •
ⲁϥⲟⲩⲱ̄ϣⲃ̄ ⲛ̄ϭⲓ ⲡⲁⲅⲅⲉⲗⲟⲥ ⲡⲉϫⲁϥ ⲛⲁⲓ̈ • ϫⲉ ⲡⲁⲩⲗⲟⲥ
ⲡⲥⲱⲧⲡ̄ ⲙ̄ ⲡⲛⲟⲩⲧⲉ • ⲁⲕⲛⲁⲩ ⲉ ⲛⲁⲓ ⲧⲏⲣⲟⲩ : ⲡⲉϫⲁⲓ
ϫⲉ ⲁϩⲉ ⲡⲁ ϫⲟⲉⲓⲥ • ⲡⲉϫⲁϥ ⲛⲁⲓ ϫⲉ ⲟⲩⲁϩⲕ̄ ⲛ̄ⲥⲱⲓ
ⲧⲉⲛⲟⲩ • ⲛ̄ⲧⲁϫⲓⲧⲕ̄ ⲛ̄ⲧⲁⲧⲥⲁⲃⲟⲕ • ⲉ ⲡⲙⲁ ⲛ̄ϣⲱⲡⲉ ⲛ̄ⲛⲉⲧ
ⲟⲩⲁⲁⲃ ⲧⲏⲣⲟⲩ • ⲧⲟⲧⲉ ⲁⲓⲙⲟⲟϣⲉ ⲙⲛ̄ ⲡⲁⲅⲅⲉⲗⲟⲥ •
ⲁϥϫⲓ ⲙⲙⲟⲓ ϣⲁ ⲧⲙⲉϩ ϣⲟⲙⲧⲉ ⲙ̄ⲡⲉ • ⲁϥⲧⲁϩⲟⲓ ⲉ ⲣⲁⲧ
ϩⲓϫⲛ̄ ⲟⲩⲡⲩⲗⲱⲛ • ⲁⲓⲛⲁⲩ ⲉ ⲧⲡⲩⲗⲱⲛ ⲉ̄ⲧ ⲙ̄ⲙⲁⲩ ⲉⲩ (sic)
ⲉⲩⲛⲟⲩⲃ ⲧⲏⲣⲥ̄ ⲧⲉ • ⲁⲓⲛⲁⲩ ⲉ ⲥⲛⲁⲩ ⲛ̄ⲥⲧⲩⲗⲗⲟⲥ ⲛ̄ⲛⲟⲩⲃ
ϩⲓⲣⲛ̄ ⲧⲡⲩⲗⲏ • ⲉⲣⲉ ϩⲉⲛⲡⲗⲁⲝ ⲛ̄ⲛⲟⲩⲃ : | ϩⲓϫⲛ̄ ⲛⲉⲥ‐
ⲧⲩⲗⲗⲟⲥ ⲉⲩⲙⲉϩ ⲛ̄ⲥ[ϩ]ⲁⲓ • ⲁϥⲕⲟⲧϥ̄ ⲉ ⲣⲟⲓ ⲡⲉϫⲁϥ ⲛⲁⲓ̈
ⲛ̄ϭⲓ ⲡⲁⲅⲅⲉⲗⲟⲥ • ϫⲉ ⲛⲁⲓⲁⲧⲕ̄ ⲱ̄ ⲡⲁⲩⲗⲟⲥ ⲉⲩϣⲁⲛϫⲓⲧⲕ̄
ⲉ ϩⲟⲩⲛ ϩⲛ̄ ⲧⲉⲓ ⲡⲩⲗⲏ • ⲙ̄ⲡ ⲟⲩⲧⲁⲁⲥ ⲛ̄ ⲟⲩⲟⲛ ⲛⲓⲙ ⲉ
ⲧⲣϥ̄ⲃⲱⲕ ⲉ̄ ϩⲟⲩⲛ ⲛ̄ϩⲏⲧⲥ̄ • ⲉⲓ ⲙⲏ ⲧⲉⲓ ⲛⲁⲕⲁⲓⲣⲉⲟⲥ ⲙⲛ̄
ⲛ̄ⲃⲁⲗϩⲏⲧ • ⲙⲛ̄ ⲛⲉⲧⲉ ⲙⲛ̄ⲧⲁⲩ ⲕⲁⲕⲓⲁ̄ ⲉ ⲡⲧⲏⲣ︦ϥ︦ • ⲡⲉϫⲁⲓ
ⲙ̄ ⲡⲁⲅⲅⲉⲗⲟⲥ ϫⲉ ϩⲉⲛ ⲟⲩ ⲛⲉ ⲛⲁⲓ ⲉⲧ ⲥⲏϩ ⲉ̄ ⲛⲉⲓ ⲡⲗⲁⲝ •
ⲡⲉϫⲁϥ ⲛⲁⲓ • ϫⲉ ⲛⲁⲓ ⲛⲉ ⲛ̄ⲣⲁⲛ ⲛ̄ ⲛ̄ⲇⲓⲕⲁⲓⲟⲥ ⲧⲏⲣⲟⲩ ⲉⲧ
ϣⲙ̄ϣⲉ ⲙ̄ ⲡⲛⲟⲩⲧⲉ ϩⲙ̄ ⲡⲉⲩϩⲏⲧ ⲧⲏⲣ︤ϥ︥ • ⲡⲉϫⲁⲓ ⲙ̄
ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄ ⲛⲉⲩⲣⲁⲛ ϩⲛ̄ ⲧⲡⲉ ⲙ̄ⲡⲁⲧ ⲟⲩⲉⲓ
ⲣⲱ ⲉ ⲃⲟⲗ ϩⲙ̄ ⲡⲉⲓ ⲕⲟⲥⲙⲟⲥ ⲁϥⲟⲩⲱ̄ϣⲃ̄ ⲛ̄ϭⲓ ⲡⲁⲅⲅⲉ‐
ⲗⲟⲥ ⲡⲉϫⲁϥ ⲛⲁⲓ : ϫⲉ ⲟⲩ ⲙⲟⲛⲟⲛ ⲛⲉⲩⲣⲁⲛ ϩⲛ̄ ⲧⲡⲉ
ⲙ̄ⲙⲁⲁⲧⲉ • ⲁⲗⲗⲁ ⲛⲉⲧ ϣⲙ̄ϣⲉ ⲙ̄ ⲡⲛⲟⲩⲧⲉ ϩⲙ̄ ⲡⲉⲩϩⲏⲧ
ⲧⲏⲣ︦ϥ︦ • ⲡⲉϥⲥⲙⲟⲧ ⲟⲛ ϩⲛ̄ ⲧⲡⲉ • ⲁⲩⲱ ⲛ̄ⲁⲅⲅⲉⲗⲟⲥ ⲥⲟⲟⲩⲛ
ⲙ̄ⲙⲟϥ • ϫⲉ ⲡⲁⲓ ⲡⲉ ⲡⲣⲱⲙⲉ ⲉⲧ ϣⲙ̄ϣⲉ ⲙ̄ ⲡⲛⲟⲩⲧⲉ


### 0029

ϩⲙ̄ ⲡⲉϥϩⲏⲧ ⲧⲏⲣϥ̄ :-ⲙ̄ⲡⲁⲧ ϥ̄ⲉⲓ ⲉ ⲃⲟⲗ ϩⲙ̄ ⲡⲕⲟⲥⲙⲟⲥ •
ⲁⲩⲱ ⲛ̄ⲧⲉⲩⲛⲟⲩ ⲛ̄ⲧⲁϥⲟⲩⲱⲛ ⲛ̄ ⲧⲡⲩⲗⲏ • ⲉⲓⲥ ⲟⲩϩⲗ̄ⲗⲟ
ⲛ̄ ⲣⲱⲙⲉ ⲉⲣⲉ ⲡⲉϥϩⲟ ⲣ̄ ⲟⲩⲟ̄ⲉⲓⲛ ⲛ̄ⲑⲉ ⲙ̄ ⲡⲣⲏ • ⲁϥϩⲱⲛ
ⲉ ϩⲟⲩⲛ ⲉ ⲣⲟⲓ ⲉϥϫⲱ ⲙ̄ⲙⲟⲥ • ϫⲉ ⲭⲁⲓⲣⲉ ⲡⲁⲩⲗⲟⲥ
ⲡⲙⲉⲣⲓⲧ ⲙ̄ ⲡⲛⲟⲩⲧⲉ • ⲁⲩⲱ ⲛⲉϥⲥⲱⲃⲉ ⲡⲉ ⲉϥϯ[ⲡⲉ] ⲉ
ⲣⲟⲓ • ⲙⲛ︦ⲛ︦ⲥⲱⲥ ⲁϥⲗⲟ ⲉϥⲥⲱⲃⲉ ⲁϥⲣⲓ̈ⲙⲉ • ⲁⲛⲟⲕ ⲇⲉ
ⲡⲁⲩⲗⲟⲥ ⲁⲓϣⲧⲟⲣⲧⲣ̄ ⲡⲉϫⲁⲓ ⲛⲁϥ ϫⲉ ⲡⲁ ⲉⲓⲱⲧ ⲁϩⲣⲟⲕ
ⲉⲕⲣⲓ̈ⲙⲉ • | [ⲁϥ]ⲟⲩⲱ̄ϣⲃ̄ ⲉϥϫⲱ ⲙ̄ⲙⲟⲥ • ϫⲉ ⲉⲓⲙⲟⲕϩ̄
ⲛ̄ϩⲏⲧ ⲉ ⲧⲃⲉ ⲡⲉⲓ ⲣⲁⲛ ϫⲉ ⲣⲱⲙⲉ • ⲉ ⲃⲟⲗ ϫⲉ ⲛⲁϣⲉ ⲛⲉⲣⲏⲧ
ⲙ̄ ⲡⲛⲟⲩⲧⲉ ⲙⲛ̄ ⲛⲉϥⲁⲅⲁⲑⲟⲛ • ⲁⲗⲗⲁ ⲙⲛ̄ ϩⲁϩ ⲛ̄ⲣⲱⲙⲉ
ⲛⲁϣϫⲓ ⲉ ⲃⲟⲗ ⲛ̄ϩⲏⲧⲟⲩ • ⲡⲉϫⲁⲓ̈ ⲙ ⲡⲁⲅⲅⲉⲗⲟⲥ ϫⲉ
ⲛⲓⲙ ⲡⲉ ⲡⲁⲓ ⲡⲁ ϫⲟⲉⲓ̈ⲥ̄ • ⲁϥⲟⲩⲱ̄ϣⲃ̄ ⲡⲉϫⲁϥ ⲛⲁⲓ ⲛ̄ϭⲓ
ⲡⲁⲅⲅⲉⲗⲟⲥ • ϫⲉ ⲡⲁⲓ ⲡⲉ ⲉ̄ⲛⲱⲭ ⲡⲉⲅⲣⲁⲙⲙⲁⲧⲉⲩⲥ ⲛ̄
ⲧⲇⲓⲕⲁⲓⲟ̄ⲥⲩⲛⲏ : ⲛ̄ⲧⲉⲩⲛⲟⲩ ⲛ̄ⲧ ⲁⲓ̈ⲣ̄ ⲡϩⲟⲩⲛ ⲙ̄ ⲡⲙⲁ ⲉⲧ
ⲙ̄ⲙⲁⲩ • ⲁⲓⲛⲁⲩ ⲉ̄ ⲡⲕⲉ ϩⲏⲗⲓⲁⲥ ⲁϥⲉⲓ ⲁϥⲁⲥⲡⲁⲍⲉ ⲙ̄ⲙⲟⲓ •
ⲁϥⲥⲱⲃⲉ • ⲙⲛ︦ⲛ︦ⲥⲱⲥ ⲟⲛ ⲁϥⲗⲟ ⲉϥⲥⲱⲃⲉ ⲁϥⲣⲓⲙⲉ •
ⲡⲉϫⲁϥ ⲛⲁⲓ ϫⲉ ⲱ̄ ⲡⲁⲩⲗⲟⲥ ⲁⲙⲟⲩ ⲛⲅ̄ⲛⲁⲩ • ϫⲉ ⲁⲩϫⲓ
ⲛⲉⲕϩⲓⲥⲉ ⲛ̄ ⲧⲟⲟⲧⲕ̄ • ⲛⲁⲓ̈ ⲛ̄ⲧⲁⲕⲁⲁⲩ ⲙⲛ̄ ⲧⲙⲛ︦ⲧ︦ⲣⲱⲙⲉ •
ⲛⲁϣⲉ ⲛⲁⲅⲁⲑⲟⲛ ⲅⲁⲣ ⲙ̄ ⲡⲛⲟⲩⲧⲉ ⲙⲛ̄ ⲛⲉϥⲉⲣⲏⲧ •
ⲁⲗⲗⲁ ⲙⲛ̄ ϩⲁϩ ⲛ̄ⲣⲱⲙⲉ ⲛⲁϣϫⲓ ⲉ̄ ⲃⲟⲗ ⲛ̄ϩⲏⲧⲟⲩ • ϩⲓⲧⲛ̄
ϩⲉⲛⲟⲩⲟ̄ⲉⲓϣ ⲅⲁⲣ ⲙⲛ̄ ϩⲉⲛⲭⲣⲟⲛⲟⲥ ϣⲁⲩ ⲉⲛ ϩⲉⲛⲟⲩⲁ
ⲟⲩⲁ ⲉ ϩⲟⲩⲛ ⲉ ⲛⲉⲓ ⲧⲟⲡⲟⲥ • ⲁϥⲟⲩⲱ̄ϣⲃ̄ ⲛ̄ϭⲓ ⲡⲁⲅⲅⲉⲗⲟⲥ
ⲡⲉϫⲁϥ ⲛⲁⲓ • ϫⲉ ⲛⲉⲛⲧ ⲁⲕⲛⲁⲩ ⲉ ⲣⲟⲟⲩ ϩⲙ̄ ⲡⲉⲓ ⲧⲟⲡⲟⲥ
ⲙ̄ⲡⲣ̄ ⲟⲩⲟⲛϩⲟⲩ ⲉ ⲃⲟⲗ ϩⲛ̄ ⲧⲥⲁⲣ︦ⲝ︦ • ⲁⲗⲗⲁ ⲟⲩⲁϩⲕ̄ ⲛ̄ⲥⲱⲓ
ⲛ̄ⲧⲁⲧⲥⲁⲃⲟⲕ ⲉ ⲡⲉⲧ ⲕ̄ⲛⲁⲟⲩⲟⲛϩϥ̄ ⲉ ⲃⲟⲗ • ⲁϥⲉⲛⲧ̄ ⲉ ⲃⲟⲗ
ϩⲛ̄ ⲧⲉⲓ ⲡⲩⲗⲏ • ⲁϥϫⲓ ⲙ̄ⲙⲟⲓ ⲉ ⲧⲙⲉϩ ⲥ︤ⲛ︥ⲧⲉ • ⲁϥⲉⲛⲧ̄ ⲉ
ⲃⲟⲗ ⲉϫⲙ̄ ⲡⲉⲥⲧⲉⲣⲉⲱⲙⲁ • ⲁϥϫⲓⲧ ⲉⲙ̄ⲙⲁ ⲛ̄ ϣⲁ ⲙ̄
ⲡⲣⲏ • ⲁⲓϭⲱϣⲧ̄ ⲁⲓⲛⲁⲩ | ⲉⲛ̄ⲥⲛ̄ⲧⲉ ⲛ̄ ⲧⲡⲉ ⲉⲩϩⲓϫⲛ̄
ⲟⲩⲉⲓⲉⲣⲟ ⲙ̄ ⲙⲟⲟⲩ • ⲉⲣⲉ ⲡⲉⲓⲉⲣⲟ ⲙ̄ ⲙⲟⲟⲩ ⲕⲱⲧⲉ ⲉ
ⲧⲟⲓ̈ⲕⲟⲩⲙⲉⲛⲏ ⲧⲏⲣ︦ⲥ︦ ⲡⲉϫⲁⲓ̈ ⲙ̄ ⲡⲁⲅⲅⲉⲗⲟⲥ ϫⲉ ⲡⲁ
ϫⲟⲉⲓⲥ ⲟⲩ ⲡⲉ ⲡⲉⲓⲉⲣⲟ ⲙ̄ ⲙⲟⲟⲩ ⲉⲧ ⲕⲱⲧⲉ ⲉ ⲡⲉⲓ ⲕⲟⲥⲙⲟⲥ
ⲧⲏⲣϥ̄ • ⲡⲉϫⲁϥ ⲛⲁⲓ̈ ϫⲉ ⲡⲁⲓ ⲡⲉ ⲡⲟⲩⲕⲉⲁⲛⲟⲥ ⲡⲓⲉⲣⲟ •
ⲛⲧⲉⲩⲛⲟⲩ ⲛ̄ⲧ ⲁⲓⲣ̄ ⲡⲃⲟⲗ ⲙ̄ ⲡⲟⲩⲕⲉⲁⲛⲟⲥ • ⲁⲓϭⲛ̄ⲧⲥ̄
ⲡⲟⲩⲟⲉⲓⲛ ⲙ̄ ⲡⲣⲏ ⲡⲉⲧ ⲣ̄ ⲟⲩⲟⲉⲓⲛ ⲉ ⲡⲕⲁϩ ⲉⲧ ⲙ̄ⲙⲁⲩ •


### 0030

ⲁⲩⲱ ⲛⲉⲣⲉ ⲡⲕⲁϩ ⲉⲧ ⲙ̄ⲙⲁⲩ ⲟⲩⲟⲃϣ̄ ⲛ̄ⲑⲉ ⲙ̄ ⲡϩⲁⲧ :
ⲛ̄ⲥⲁϣϥ̄ ⲛ̄ϭⲱⲃ ⲛ̄ⲥⲟⲡ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲟⲩ ⲡⲉ
ⲡⲉⲓ ⲧⲟⲡⲟⲥ • ⲡⲉϫⲁϥ ⲛⲁⲓ ϫⲉ ⲡⲁⲓ ⲡⲉ ⲡⲕⲁϩ ⲛ̄ⲧⲉ ⲕⲗⲏ‐
ⲣⲟⲛⲟⲙⲓⲁ • ⲙ̄ⲡⲉ ⲕⲥⲱⲧⲙ̄ • ⲛ̄ⲧⲟⲕ ϫⲉ ⲛⲁⲓⲁⲧⲟⲩ ⲛ̄
ⲛ̄ⲣⲙ̄ⲣⲁϣ • ϫⲉ ⲛ̄ⲧⲟⲟⲩ ⲛⲉⲧ ⲛⲁⲕⲗⲏⲣⲟⲛⲟⲙⲉⲓ̈ ⲙ̄ ⲡⲕⲁϩ •
ⲛⲉⲯⲩⲭⲏ ⲇⲉ ⲛ̄ ⲛ̄ⲇⲓⲕⲁⲓⲟⲥ • ⲉⲩϣⲁⲛⲉⲓ ⲉ ⲃⲟⲗ ϩⲛ̄ ⲥⲱⲙⲁ
ⲛⲥⲉⲁⲡⲁⲧⲁ ⲉ̄ ⲡⲛⲟⲩⲧⲉ • ϣⲁⲩⲕⲁⲁⲩ ϩⲙ̄ ⲡⲉⲓ ⲕⲁϩ • ⲁⲛⲟⲕ
ⲇⲉ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ ⲉⲓⲉ ⲡⲉⲓ ⲕⲁϩ ⲛⲁⲟⲩⲱ̄ⲛϩ̄
ⲉ ⲃⲟⲗ ⲙⲛ︦ⲛ︦ⲥⲁ ⲟⲩⲟ̄ⲉⲓϣ • ⲁϥⲟⲩⲱ̄ϣⲃ̄ ⲛ̄ϭⲓ ⲡⲁⲅⲅⲉⲗⲟⲥ
ⲡⲉϫⲁϥ ⲛⲁⲓ : ϫⲉ ⲉⲣϣⲁⲛ ⲡⲉⲭⲣ︦ⲥ︦ ⲟⲩⲱ̄ⲛϩ̄ ⲉ ⲃⲟⲗ ϩⲛ̄
ⲧⲉϥⲙⲛ︦ⲧ︦ⲉⲣⲟ • ⲡⲉⲓ ⲕⲁϩ ϩⲱⲱϥ ⲛⲁⲟⲩⲱ̄ⲛϩ̄ ⲉ ⲃⲟⲗ ⲉϫⲙ̄
ⲡⲁⲓ ⲛ̄ⲑⲉ ⲛ̄ ⲟⲩⲛⲓϥⲉ ⲛ̄ⲉⲓⲱⲧⲉ : ⲛϥ̄ⲥⲟⲩⲉⲛ ⲛⲉϥⲡⲉⲧ ⲟⲩⲁⲁⲃ
ⲧⲏⲣⲟⲩ ⲛ̄ϭⲓ ⲡⲛⲟⲩⲧⲉ • ⲛ̄ⲧⲉ ⲡⲉⲭⲥ̄ ⲣ̄ ⲣ̄ⲣⲟ ⲉ ϫⲱ (sic) ⲛ̄
ⲟⲩⲙⲏⲏϣⲏ ⲛ̄ⲣⲟⲙⲡⲉ • ⲛ̄ⲥⲉⲟⲩⲱⲙ ⲛ̄ ⲛ̄ⲁⲅⲁⲑⲟⲛ ⲙ̄ ⲡⲕⲁϩ •
ⲛⲁⲓ ⲉ ϯⲛⲁⲧⲥⲁⲃⲟⲕ ⲉ ⲣⲟⲟⲩ ⲧⲉⲛⲟⲩ : | ⲁⲓϭⲱϣⲧ̄ ⲉ ⲃⲟⲗ
ϩⲙ̄ ⲡⲕⲁϩ ⲉⲧ ⲙ̄ⲙⲁⲩ • ⲁⲓⲛⲁⲩ ⲉⲩⲉⲓⲉⲣⲟ ⲉϥⲥⲱⲕ ⲛ̄ ⲉⲣⲱⲧⲉ
ϩⲓ̈ ⲉⲃⲓⲱ̄ • ϩⲙ̄ ⲡⲉⲓ ⲥⲁ ⲙ̄ ⲡⲉⲓⲉⲣⲟ • ⲙⲛ̄ ⲡⲁⲓ̈ ⲙ̄ⲙⲟϥ
ⲉⲛⲉϥⲣⲏⲧ ⲛ̄ϣⲏⲛ ⲉϥⲟ̄ⲧⲡ̄ ⲛ̄ⲕⲁⲣⲡⲟⲥ • ⲁⲛⲟⲕ ⲇⲉ ⲁⲓϭⲱϣⲧ̄
ⲉ̄ ⲡⲥⲁ ⲙ̄ ⲡⲓⲉⲃⲧ̄ • ⲁⲓϭⲓⲛⲉ ⲛ̄ⲥⲱⲛ︦ⲧ︦ ⲛⲓⲙ ⲛ̄ⲧⲉ ⲡⲛⲟⲩⲧⲉ
ϩⲙ̄ ⲡⲙⲁ ⲉⲧ ⲙ̄ⲙⲁⲩ ⲁⲓⲛⲁⲩ ⲉ̄ ϩⲉⲛⲃⲛ̄ⲛⲉ ⲉⲩⲣⲏⲧ ϩⲙ̄
ⲡⲙⲁ ⲉ̄ⲧ ⲙ̄ⲙⲁⲩ • ⲟⲩⲉⲧ ⲧϭⲟⲧ ⲛ̄ⲧⲟⲩⲉⲓ ⲧⲟⲩⲉⲓ • ⲉ ⲟⲩⲛ̄
ⲟⲩⲟⲛ ⲛ̄ϩⲏⲧⲟⲩ ⲉϥⲛⲁⲣ̄ ⲙⲁⲁⲃ ⲙ̄ⲙⲁϩⲉ ⲛ̄ϣⲓⲏ • ⲟⲩⲛ̄
ⲟⲩⲁ ⲛⲉϥⲛⲁⲣ̄ ϫⲟⲩⲱⲧ • ⲟⲩⲛ̄ ⲟⲩⲟⲛ ⲉϥⲛⲁⲣ̄ ⲙⲏⲧ : ⲡⲕⲁϩ
ⲉⲧ ⲟⲩⲣⲏⲧ ϩⲓ ϫⲱⲥ ⲛⲉϥⲟⲩⲟ̄ⲃϣ̄ ⲛ̄ϩⲟⲩⲟ̄ ⲉ ⲡϩⲁⲧ ⲛ̄ⲥⲁϣϥ̄
ⲛ̄ⲥⲟⲡ • ϫⲓⲛ ⲧⲛⲟⲩⲛⲉ ⲛⲧⲟⲩⲉⲓ̈ ⲧⲟⲩⲉⲓ ϣⲁ ϩⲣⲁⲓ̈ ⲉ ⲡⲉⲥϩⲏⲧ •
ⲟⲩⲛ̄ ⲟⲩⲧⲃⲁ ⲛ̄ϩⲱⲡϣ̄ • ϩⲓϫⲛ̄ ⲟⲩⲧⲃⲁ ⲛ̄ⲗⲱⲟⲩ : ⲉ̄ ⲟⲩⲛ̄ ⲟⲩⲧⲃⲁ
ⲛ̄ⲗⲱⲟⲩ ϩⲓ ⲡϩⲱⲡϣ̄ ⲡϩⲱⲡϣ̄ • ⲉ ⲟⲩⲛ̄ ⲟⲩⲧⲃⲁ ⲛ̄ⲃⲛ̄ⲛⲉ
ϩⲓ ⲡⲗⲱⲟⲩ ⲡⲗⲱⲟⲩ • ⲁⲩⲱ ⲧⲃⲱ ⲛ ⲉⲗⲟⲟⲗⲉ ⲟⲛ ⲕⲁⲧⲁ ⲧⲉⲓ
ϩⲉ • ⲉ ⲟⲩⲛ̄ ⲟⲩⲧⲃⲁ ⲛ̄ϣⲗϩ̄ ϩⲛ̄ ⲧⲃⲱ ⲛ ⲉⲗⲟⲟⲗⲉ • ⲁⲩⲱ
ⲛ̄ⲥⲙⲁϩ ϩⲙ̄ ⲡϣⲉⲗϩ̄ ⲡϣⲗϩ̄ • ⲉ ⲟⲩⲛ̄ ⲟⲩⲧⲃⲁ ⲛ̄ⲃⲗ̄ⲃⲓⲗⲉ
ϩⲙ̄ ⲡⲉⲥⲙⲁϩ ⲡⲉⲥⲙⲁϩ • ⲛ̄ⲕⲉ ϣⲏⲛ ⲧⲏⲣⲟⲩ ϩⲉⲛⲧⲃⲁ
ⲛ̄ⲧⲃⲁ ⲛⲉ • ⲁⲩⲱ ⲡⲉⲩⲕⲁⲣⲡⲟⲥ ⲕⲁⲧⲁ ⲧⲉⲓ ϩⲉ • ⲁⲛⲟⲕ ⲇⲉ
ⲟⲛ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ ⲟⲩ ⲡⲁ ϫⲟⲉⲓⲥ • ⲉ ⲧⲃⲉ ⲟⲩ
ⲛⲉⲓ ϣⲏⲛ ϩⲉⲛⲧⲃⲁ ⲛ̄ⲧⲃⲁ ⲛⲉ ⲛⲉⲩⲕⲁⲣⲡⲟⲥ : ⲁϥⲟⲩⲱ̄ϣⲃ̄


### 0031

ⲡⲉϫⲁϥ ⲛⲁⲓ • ϫⲉ ⲱ̄ ⲡⲁⲩⲗⲟⲥ ⲡⲙⲉⲣⲓⲧ ⲙ̄ ⲡⲉⲭⲣⲓⲥⲧⲟⲥ •
ⲉⲣⲉ ⲡⲛⲟⲩⲧⲉ ϯ ⲙ̄ ⲡϥ̄ϩⲏⲧ ⲧⲏⲣϥ̄ • ⲛ̄ⲛⲉⲧ ⲏⲡ ⲉ ⲕⲗⲏ‐
ⲣⲟⲛⲟⲙⲉⲓ ⲙ̄ⲙⲟⲟⲩ :ϫⲉ ⲁⲩϫⲓ ⲧⲟⲩⲛ̄ϭⲟⲛ︦ⲥ︦ ϩⲙ̄ ⲡⲕⲟⲥⲙⲟⲥ
ⲉ ⲧⲃⲉ ⲡⲉϥⲣⲁⲛ • ⲡⲉϫⲁⲓ ⲟⲛ ⲙ̄ ⲡⲁⲅⲅⲉⲗⲟⲥ ϫⲉ ⲡ[ⲁ] ϫⲥ̄
ⲛⲉⲣⲏⲧ ⲙ ⲡⲛⲟⲩⲧⲉ ⲛⲉ ⲛⲁⲓ • ⲛ̄ⲧⲁϥⲥⲃ̄ⲧⲱⲧⲟⲩ • | ⲛ̄ⲛⲉϥ‐
ⲡⲉⲧ ⲟⲩⲁⲁⲃ • ⲡⲉϫⲁϥ ⲛⲁⲓ ϫⲉ ⲟⲩⲛ̄ ⲛⲉⲧ ⲟⲩⲟ̄ⲧⲃ̄ ⲉ ⲛⲁⲓ
ⲛ̄ⲥⲁϣϥ̄ ⲛ̄ϭⲱⲃ ⲛ̄ⲥⲟⲡ • ϯⲣ̄ ⲙⲛ̄ⲧⲣⲉ ⲛⲁⲕ ⲱ̄ ⲡⲁⲩⲗⲟⲥ •
ϫⲉ ⲉⲣϣⲁⲛ ⲟⲩⲇⲓⲕⲁⲓⲟⲥ ⲉⲓ ⲉ ⲃⲟⲗ ϩⲛ̄ ⲥⲱⲙⲁ • ⲛϥ̄ⲛⲁⲩ
ⲉ ⲛⲉⲣⲏⲧ ⲙ̄ ⲡⲛⲟⲩⲧⲉ ⲛⲧⲁⲩⲥⲃ̄ⲧⲱⲧⲟⲩ ⲛⲁⲩ • ϣⲁⲩⲁ‐
ϣⲁϩⲟⲙ ⲁⲩⲱ ⲛ̄ⲥⲉⲣⲓⲙⲉ • ϫⲉ ⲉ̄ ⲧⲃⲉ ⲟⲩ ⲣⲱ ⲁⲩϣⲁϫⲉ
ⲉⲓ ⲉ ⲃⲟⲗ ϩⲛ̄ ⲧⲉⲛⲧⲁⲡⲣⲟ • ⲏ̄ ⲁⲓϭⲱⲛⲧ̄ ⲉ ⲡⲉⲧ ϩⲓⲧⲟⲩⲱⲓ
ⲛ̄ ⲟⲩϩⲟⲟⲩ ⲛ̄ ⲟⲩⲱⲧ • Ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄
ⲟⲩⲛ̄ ⲉⲣⲏⲧ ⲙ̄ⲙⲁⲩ ⲉϥⲟⲩⲟⲧⲃ̄ ⲉ ⲛⲁⲓ • ⲡⲉϫⲉ ⲡⲁⲅⲅⲉⲗⲟⲥ
ⲛⲁⲓ • ϫⲉ ⲛⲉⲓ ⲉ̄ⲣⲏⲧ ⲛⲁⲓ ⲛⲁ ⲛ̄ ⲕⲟⲥⲙⲓⲕⲟⲛ ⲛⲉ • ⲛⲁⲓ
ⲛ̄ⲧⲁⲩϩⲁⲣⲉϩ ⲉ̄ ⲡⲉⲩⲅⲁⲙⲟⲥ ⲉϥⲟⲩⲁⲁⲃ • ⲛⲉⲧ ϩⲟⲣⲕ̄ ⲇⲉ
ⲛ̄ⲧⲟⲟⲩ ⲙⲛ̄ ⲙ̄ ⲡⲁⲣⲑⲉⲛⲟⲥ • ⲥⲉⲛⲁϫⲓ ⲛⲛⲉⲧ ⲧⲁⲓⲏⲩ ⲉ̄
ⲛⲁⲓ ⲛ̄ⲥⲁϣϥ̄ ⲛ̄ϭⲱⲃ ⲛ̄ⲥⲟⲡ • ⲛⲉⲧ ⲙ̄ⲙⲁⲩ ⲇⲉ ⲟⲛ ϯⲛⲁⲧ‐
ⲥⲁⲃⲟⲕ ⲉ ⲣⲟⲟⲩ ⲧⲏⲣⲟⲩ • ⲁϥϫⲓⲧ ⲟⲛ ⲛ̄ⲥⲁ ⲡⲓⲉⲃⲧ̄ ⲙ̄
ⲡⲉⲓⲉⲣⲟ ⲛ̄ⲁⲅⲁⲑⲟⲛ • ⲁⲓϭⲱϣⲧ̄ ⲁⲓⲛⲁⲩ ⲉ ⲡⲓⲉⲣⲟ ⲉⲣⲉ
ⲡⲉϥⲙⲟⲟⲩ ⲟⲩⲟ̄ⲃϣ̄ ⲛ̄ϩⲟⲩ ⲉ ⲡⲉⲣⲱⲧⲉ • ⲡⲉϫⲁⲓ ⲟⲛ ⲙ̄
ⲡⲁⲅⲅⲉⲗⲟⲥ ϫⲉ ⲡⲁ ϫⲟⲉⲓⲥ ⲟⲩ ⲡⲉ ⲡⲁⲓ : ⲡⲉϫⲁϥ ⲛⲁⲓ ϫⲉ
ⲧⲁⲓ ⲧⲉ ⲧⲁⲣⲭⲏⲉ̄ⲣⲟⲩⲥⲁ ⲗⲩⲙⲛⲏ • ⲉⲣⲉ ⲧⲡⲟⲗⲓⲥ ⲛ̄ⲛⲉⲧ
ⲟⲩⲁⲁⲃ • ⲧⲁⲓ ⲛ̄ⲧⲁ ⲡⲉⲓⲱⲧ ⲕⲟⲧⲥ̄ ⲙ̄ ⲡⲉϥⲙⲟⲛⲟⲅⲉⲛⲏⲥ ⲛ̄
ϣⲏⲣⲉ ⲓ︤ⲥ︥ ⲡⲉⲭⲣ︤ⲥ︥ ϩⲓ ⲡⲓⲉⲃⲧ ⲛ̄ⲛⲁⲓ ⲧⲏⲣⲟⲩ • ⲙ̄ⲡ ⲟⲩⲧⲁⲁⲥ ⲛ̄
ⲟⲩⲟⲛ ⲛⲓⲙ ⲉ ⲃⲱⲕ ⲉ ϩⲟⲩⲛ ⲉ ⲣⲟⲥ • ⲉ ⲧⲃⲉ ⲡⲁⲓ ⲉⲣⲉ ⲧⲁⲣⲭⲏ‐
ⲉ̄ⲣⲟⲩⲥⲁ ⲗⲩⲙⲛ̄ⲏ ϩⲓ ⲧⲉϩⲓⲏ̄ • ⲉϣⲱⲡⲉ ⲟⲩⲡⲟⲣⲛⲟⲥ ⲛ̄ⲣⲱⲙⲉ •
ⲏ̄ ⲟⲩⲣⲉϥⲣ̄ ⲛⲟⲃⲉ ⲛϥ̄ⲕⲟⲧϥ̄ ⲛϥ̄ⲙⲉⲧⲁⲛⲟⲓ • ⲛϥ̄ϯ ⲕⲁⲣⲡⲟⲥ
ⲉϥ|[ⲙ̄]ⲡϣⲁ ⲛ̄ ⲧⲙⲉⲧⲁⲛⲟⲓⲁ̄ • ⲛϥ̄ⲉⲓ ⲉ ⲃⲟⲗ ϩⲛ̄ ⲥⲱⲙⲁ •
ϣⲁϥⲟⲩⲱ̄ϣⲧ̄ ⲙ̄ ⲡⲛⲟⲩⲧⲉ ⲛ̄ϣⲟⲣ︤ⲡ︥ • ⲛ̄ⲥⲉⲧⲁⲁϥ ⲉ ⲧⲟⲟⲧϥ̄
ⲙ̄ ⲙⲓⲭⲁⲏⲗ • ⲛϥ̄ϫⲟⲕⲙ̄ⲉϥ ϩⲛ̄ ⲧⲁⲣⲭⲓⲉⲗⲩⲙⲛⲏ •
ⲛ̄ⲥⲉϫⲓⲧϥ̄ ⲉ ϩⲟⲩⲛ ⲉ ⲧⲡⲟⲗⲓⲥ ⲉ̄ⲣⲁⲧⲟⲩ ⲛ̄ ⲛⲉⲧⲉ ⲙ̄ⲡ ⲟⲩⲣ̄
ⲛⲟⲃⲉ • ⲁⲛⲟⲕ ⲇⲉ ⲡⲁⲩⲗⲟⲥ ⲁⲓⲣ̄ ϣⲡⲏⲣⲉ • ⲁⲩⲱ ⲁⲓⲥⲙⲟⲩ ⲉ
ⲡⲛⲟⲩⲧⲉ ⲉϫⲛ̄ ⲛⲉⲛⲧ ⲁⲓⲛⲁⲩ ⲉ ⲣⲟⲟⲩ : Ⲡⲉϫⲉ ⲡⲁⲅⲅⲉⲗⲟⲥ
ⲛⲁⲓ ϫⲉ ⲟⲩⲁϩⲕ̄ ⲛ̄ⲥⲱⲓ ⲡⲁⲩⲗⲟⲥ • ⲛ̄ⲧⲁϫⲓ̈ⲧⲕ̄ ⲉ ϩⲟⲩⲛ ⲉ̄


### 0032

ⲧⲡⲟⲗⲓⲥ ⲙ̄ ⲡⲉⲭⲣ︦ⲥ︦ • ⲛⲉⲓ ⲛ̄ ϩⲣⲁⲓ ⲡⲉ ϩⲓϫⲛ̄ ⲧⲁⲣⲭⲏⲉ‐
ⲗⲏⲙⲛⲏ • ⲁϥⲧⲁⲗⲟ ⲙⲙⲟⲓ ⲉⲩϫⲟⲓ ⲛ̄ ⲛⲟⲩⲃ ⲉϥϫⲓ ⲛ̄
ⲟⲩϩⲧⲏ ⲛ̄ ϩⲁⲧ • ⲛⲉϥⲛⲟⲩϩ ϩⲉⲛⲛⲟⲩⲃ ⲛⲉ • ⲧⲉϥⲗⲁⲱ
ⲟⲩϩⲁⲧ ⲧⲉ • ⲉⲣⲉ ϩⲉⲛⲱ̄ⲛⲉ ⲙ̄ⲙⲉ ⲧⲟϭⲥ̄ ⲉ ⲣⲟⲥ • ⲉ ⲟⲩⲛ̄
ϣⲟⲙⲛ︤ⲧ︥ ⲛ̄ϣⲟ̄ ⲛ̄ⲁⲅⲅⲉⲗⲟⲥ ⲧⲁⲗⲏⲩ ⲉ ⲣⲟϥ : ⲧⲟⲧⲉ ⲛ̄ⲁⲅ‐
ⲅⲉⲗⲟⲥ ⲁⲩϩⲩⲙⲛⲉⲩⲉ ⲉ ⲣⲟⲓ • ⲁⲩϫⲓⲧ ⲉ ϩⲟⲩⲛ ⲉ ⲧⲡⲟⲗⲓⲥ
ⲙ̄ ⲡⲉⲭⲣ︦ⲥ︦ • ⲁ ⲛⲉⲧ ϣⲟⲟⲡ ϩⲛ̄ ⲧⲡⲟⲗⲓⲥ ⲉⲓ ⲉ ⲃⲟⲗ ϩⲏⲧ ϩⲛ̄
ⲟⲩⲛⲟϭ ⲛ̄ ⲣⲁϣⲉ • ⲁⲓⲛⲁⲩ ⲉ̄ ⲧⲡⲟⲗⲓⲥ ⲙ̄ ⲡⲉⲭⲣ︦ⲥ︦ ⲉⲥⲣ̄
ⲟⲩⲟ̄ⲉⲓⲛ ⲡⲁⲣⲁ ⲡⲟⲩⲟ̄ⲉⲓⲛ ⲙ̄ ⲡⲣⲏ ⲛⲥⲁϣϥ̄ ⲛ̄ϭⲱⲃ ⲛ̄ⲥⲟⲡ :
ⲉⲥⲕⲏⲧ ⲛ̄ⲛⲟⲩⲃ ⲧⲏⲣⲥ̄ ⲉⲩⲛ ⲙⲛ︦ⲧ︦ⲥⲛⲟⲟⲩⲥ ⲛ̄ⲥⲟⲃⲧ̄ ⲛ︦ⲱ︦ⲛⲉ
ⲙ̄ⲙⲉ ⲕⲱⲧⲉ ⲉ̄ ⲧⲡⲟⲗⲓⲥ • ⲉ ⲟⲩⲛ̄ ϩⲉⲛⲡⲩⲣⲅⲟⲥ ⲕⲏⲧ ⲙ̄
ⲡϩⲟⲩⲛ ⲙ̄ ⲡⲥⲟⲃⲧ̄ ⲡⲥⲟⲃⲧ̄ : ⲉⲣⲉ ⲡⲥⲟⲃⲧ̄ ⲡⲥⲟⲃⲧ̄ ⲟ̄ ⲛ̄ϣⲉ
ⲛ̄ⲥⲧⲁⲇⲓⲟⲛ ⲉⲩⲕⲱⲧⲉ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄
ⲟⲩⲏⲣ ⲡⲉ ⲡⲉⲥⲇⲁⲇⲓⲟⲛ ⲙ̄ ⲡⲛⲟⲩⲧⲉ ⲡⲉϫⲉ ⲡⲁⲅⲅⲉⲗⲟⲥ
ⲛⲁⲓ ϫⲉ ϣⲁⲣⲉ ⲡⲉⲥⲧⲁⲇⲓⲟ︦ⲛ︦ ⲣ̄ ⲟⲩⲙⲟⲛⲏ • ⲙ̄ ⲡϩⲟⲩⲛ ⲇⲉ
Ⲛ̄ ⲧⲡⲟⲗⲓⲥ • ⲉⲣⲉ ⲉⲓⲉ ⲡⲥⲁ ⲛⲓⲙ ⲛ̄ⲧⲉ ⲡⲉⲓ ⲕⲟⲥⲙⲟⲥ
ⲛ̄ϩⲏⲧⲥ̄ • ⲁⲩⲱ ⲟⲩⲛ ϥⲧⲟⲟⲩ ⲛ̄ⲉⲓⲉⲣⲟ ⲕⲱⲧⲉ ⲉ ⲣⲟⲥ | ⲡⲉⲙⲛ︦ⲧ︦
Ⲛ̄ ⲧⲡⲟⲗⲓⲥ ⲟⲩⲉⲓⲉⲣⲟ ⲛ̄ ⲉⲃⲓⲱ̄ ⲡⲉ • ⲡⲉⲧ ⲥⲁ ⲣⲏⲥ ⲛ̄ ⲧⲡⲟⲗⲓⲥ
ⲟⲩⲉⲓⲉⲣⲟ ⲛ̄ ⲉ̄ⲣⲱⲧⲉ ⲡⲉ • ⲡⲓⲉⲃⲧ̄ ⲛ̄ ⲧⲡⲟⲗⲓⲥ ⲟⲩⲉⲓⲉ̄ⲣⲟ ⲛ̄
ⲏ̄ⲣⲡ̄ ⲡⲉ • ⲡⲉⲙϩⲓⲧ ⲛ̄ ⲧⲡⲟⲗⲓⲥ ⲟⲩⲉⲓⲉ̄ⲣⲟ ⲛ̄ ⲛⲉϩ ⲡⲉ •
Ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ϩⲉⲛⲟⲩ ⲛⲉ ⲛⲉⲓ ⲉⲓⲉⲣⲱⲟⲩ
ⲉⲧ ⲕⲱⲧⲉ ⲉ ⲧⲉ ⲧⲡⲟⲗⲓⲥ • ⲁϥⲟⲩⲱ̄ϣⲃ̄ ⲛ̄ϭⲓ ⲡⲁⲅⲅⲉⲗⲟⲥ
ⲡⲉϫⲁϥ ⲛⲁⲓ • ϫⲉ ⲡⲓ ϥⲧⲟⲟⲩ ⲛ̄ⲉⲓⲉⲣⲟ ⲉⲧ ⲕⲱⲧⲉ ⲉ ⲧⲉⲓ
ⲡⲟⲗⲓⲥ • ⲉⲩⲧⲛ̄ⲧⲱⲛ ⲉ ⲡⲉⲓ ϥⲧⲟⲟⲩ ⲛ̄ⲉⲓⲉⲣⲟ ⲉⲧ ϩⲓϫⲙ̄ ⲡⲕⲁϩ •
ⲡⲁⲓ ⲉⲧ ⲥⲱⲕ ⲛ̄ ⲉⲃⲓⲱ̄ ⲉⲣⲉ ⲫⲓⲥⲱⲛ ⲧⲛ̄ⲧⲱⲛ ⲉ ⲣⲟϥ • ⲡⲁⲓ
ⲉⲧ ⲥⲱⲕ ⲛ ⲉⲣⲱⲧⲉ ⲉ̄ⲣⲉ ⲡⲉⲩⲫⲣⲁⲧⲏⲥ ⲧⲛ̄ⲧⲱⲛ ⲉ ⲣⲟϥ :
ⲡⲁⲓ ⲉⲧ ⲥⲱⲕ ⲛ̄ ⲏⲣ︦ⲡ︦ ⲉⲣⲉ ⲅⲉⲱⲛ ⲧⲛ̄ⲧⲱⲛ ⲉ ⲣⲟϥ • ⲡⲁⲓ ⲉⲧ
ⲥⲱⲕ ⲛ̄ ⲛⲉϩ ⲉⲣⲉ ⲧⲓⲕⲣⲓⲥ ⲧⲛ̄ⲧⲱⲛ ⲉ ⲣⲟϥ ⲉⲡⲉⲓ ⲇⲏ ⲛ̄ⲇⲓ‐
ⲕⲁ[ⲓ]ⲟⲥ ⲙⲡ ⲟⲩⲉϣ ⲣ̄ ⲧⲉⲩⲡⲁⲣϩⲏⲥⲓⲁ ϩⲓϫⲙ̄ ⲡⲕⲁϩ • ⲉⲩ‐
ϩⲕⲁⲉⲓⲧ ⲉⲩⲟ̄ⲃⲉ • ⲉⲩϫⲏⲩ ⲛ̄ϭⲟⲛ︤ⲥ︥ ⲉ ⲧⲃⲉ ⲡⲛⲟⲩⲧⲉ • ⲉ ⲧⲃⲉ
ⲡⲁⲓ ⲛ̄ⲁⲅⲁⲑⲟⲛ ⲉⲧ ϩⲛ̄ ⲧⲉⲓ ⲡⲟⲗⲓⲥ • ϣⲁⲣⲉ ⲡⲛⲟⲩⲧⲉ ⲧⲁⲁⲩ
ⲛⲁⲩ ⲛ̄ ⲟⲩⲧⲃⲁ ⲛ̄ϭⲱⲃ ⲛ̄ⲥⲟⲡ • ⲛ̄ ⲧⲉⲣⲉ ⲓⲃⲱⲕ ⲇⲉ ⲉ ϩⲟⲩⲛ
ⲉ ⲧⲡⲟⲗⲓⲥ ⲉ̄ⲧ ⲙ̄ⲙⲁⲩ ⲁⲓϭⲓⲛⲉ ⲛ̄ ϩⲉⲛⲛⲟϭ ⲛ̄ϣⲏⲛ ⲉⲩⲣⲏⲧ
ⲟⲓⲣⲛ̄ ⲧⲡⲩⲗⲏ ⲛ̄ ⲧⲡⲟⲗⲓⲥ • ⲉⲙⲛ̄ ⲗⲁⲁⲩ ⲛ̄ⲕⲁⲣⲡⲟⲥ ϩⲓⲱⲟⲩ


### 0033

ⲉⲓ ⲙⲏ ⲧⲉⲓ ⲉ̄ ⲛ̄ϭⲱⲱⲃⲉ ⲙ̄ⲙⲁⲁⲧⲉ • ⲉⲣⲉ ϩⲉⲛⲟⲩⲁ ⲟⲩⲁ̄
ⲛ̄ⲣⲱⲙⲉ ϩⲁ ⲣⲱⲙⲉ (sic) ϩⲁ ⲣⲟⲟⲩ • ⲛ̄ ⲛ̄ϣⲏⲛ ⲉⲩⲕⲏ ⲕⲁ ϩⲏⲩ •
ⲉⲩϣⲁⲛⲛⲁⲩ ⲉⲩⲣⲱⲙⲉ ⲛ̄ϭⲓ ⲛ̄ϣⲏⲛ • ϣⲁⲩⲑⲃ̄ⲃⲓⲟⲟⲩ ⲉ
ⲡⲉⲥⲏⲧ • ⲛ̄ⲥⲉⲧⲱⲟⲩⲛ ⲟⲛ ⲉ ϩⲣⲁⲓ̈ • ⲁⲩⲱ ⲛ̄ ⲧⲉⲣⲉ ⲓⲛⲁⲩ ⲉ
ⲣⲟⲟⲩ ⲁⲓⲣⲓⲙⲉ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ϩⲉ[ⲛ]ⲟⲩ |
ⲛⲉ ⲛⲁⲓ ⲉⲧⲉ ⲙ̄ⲡ ⲟⲩⲕⲁⲁⲩ ⲉ ϩⲟⲩⲛ ⲉ ⲧⲉⲓ ⲡⲟⲗⲓⲥ ⲡⲉϫⲉ
ⲡⲁⲅⲅⲉⲗⲟⲥ ⲛⲁⲓ ϫⲉ ⲛ̄ϣϣⲉ ⲁⲛ ⲉ ⲣⲓⲙⲉ ⲉ̄ ⲛⲁⲓ ⲡⲁⲣⲁ
ⲡⲕⲟⲥⲙⲟⲥ ⲧⲏⲣ︦ϥ︦ • ⲡⲉϫⲁⲓ ⲛⲁϥ ϫⲉ ⲟⲩ ⲛ̄ⲧⲟϥ ⲛⲉ ⲛⲁⲓ •
ⲡⲉϫⲁϥ ⲛⲁⲓ ϫⲉ ⲛⲁⲓ ϩⲉⲛⲁⲡⲟⲧⲁⲕϯⲕⲟⲥ ⲛⲉ • ⲉⲩⲡⲟⲗⲓⲧⲉⲩⲉ
ⲁⲩⲱ ⲉⲩⲛⲏⲥⲧⲉⲩⲉ • ⲁⲗⲗⲁ ϩⲉⲛϫⲁⲥⲓϩⲏⲧ ⲛⲉ ⲡⲁⲣⲁ
ⲣⲱⲙⲉ ⲛⲓ̈ⲙ • ⲉⲩⲧⲙⲁⲓⲉⲓⲟ ⲙ̄ ⲙⲟⲟⲩ ⲙⲁⲩⲁⲁⲩ • ⲉⲩⲥⲱϣ
ϩⲱⲟⲩ ⲛ̄ⲛⲉⲧ ϩⲓⲧⲟⲩⲱ̄ⲟⲩ • ⲉϣϫⲉ ⲉϩⲛⲁⲩ ϣⲁⲩϯ ⲭⲁⲓⲣⲉ
ⲛ̄ ⲛ̄ⲣⲱⲙⲉ • ⲉϣⲱⲡⲉ ⲉϩⲛⲁⲩ ⲁⲛ ⲙⲉⲩⲭⲁⲓⲣⲉ ⲛ̄ⲗⲁⲁⲩ
ⲛ̄ⲣⲱⲙⲉ • ⲉϣⲱⲡⲉ ⲉϩⲛⲁⲩ ϣⲁⲩⲟⲩⲱⲛ ϣⲁⲩⲟⲩⲱⲛ (sic) ⲙ̄
ⲡⲉⲩⲣⲟ ⲛ̄ ⲛ̄ⲣⲱⲙⲉ • ⲉϣⲱⲡⲉ ⲉϩⲛⲁⲩ ⲁⲛ ⲙⲉⲩⲟⲩⲱⲛ •
ⲉⲣϣⲁⲛ ⲟⲩⲁ ⲣ̄ ⲟⲩⲁ ⲣ̄ (sic) ⲟⲩⲁⲅⲁⲑⲟⲛ ⲛ̄ ⲟⲩⲣⲱⲙⲉ ϣⲁϥ‐
ϫⲓⲥⲉ ⲙⲙⲟϥ ⲉ ϫⲱϥ • ϫⲉ ⲁⲛ[ⲟⲕ] ⲡⲉⲛⲧ ⲁⲓⲥⲁⲛⲟⲩϣ[ⲕ]
ϩⲛ̄ ⲛⲁⲉⲛⲕⲁ • ⲁⲛⲟⲕ ⲇⲉ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ
ⲡⲁ ϫ︦ⲥ︦ ⲟⲩⲕ ⲟ[ⲩⲛ] ⲧⲙⲛ︦ⲧ︦ϫⲁⲥⲓϩⲏⲧ ⲧⲉⲛⲧ ⲁⲥⲥⲁϩⲧⲟⲩ ⲙ̄ⲡⲉ
ⲥⲕⲁⲁⲩ ⲉ ⲃⲱⲕ ⲉ ϩⲟⲩⲛ ⲉ̄ ⲧⲡⲟⲗⲓⲥ ⲙ̄ ⲡⲉⲭⲣ︦ⲥ︦ • ⲡⲉϫⲁϥ
ⲛⲁⲓ ϫⲉ ⲧⲛⲟⲩⲛⲉ ⲙ̄ ⲡⲉⲑⲟⲟⲩ ⲛⲓⲙ ⲧⲉ ⲧⲙⲛ︦ⲧ︦ϫⲁⲥⲓϩⲏⲧ :
ⲙⲏ ⲛⲁⲓ ⲁⲁⲩ ⲛ̄ⲧⲟⲟⲩ ⲉ̄ ⲡϣⲏⲣⲉ ⲙ̄ ⲡⲛⲟⲩⲧⲉ ⲛ̄ⲧⲁϥⲉⲓ ϩⲛ̄
ⲟⲩⲑⲃ̄ⲃⲓⲟ : ⲁⲛⲟⲕ ⲇⲉ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲉ ⲧⲃⲉ ⲟⲩ
ⲛ̄ϣⲏⲛ ⲑⲃ̄ⲃⲓⲟ ⲙ̄ⲙⲟⲟⲩ • ⲁⲩⲱ ⲟⲛ ⲥⲉⲧⲱⲟⲩⲛ : ⲉ ϩⲣⲁⲓ •
ⲁϥⲟⲩⲱ̄ϣⲃ̄ ⲛ̄ϭⲓ ⲡⲁⲅⲅⲉⲗⲟⲥ ⲡⲉϫⲁϥ ϫⲉ ⲙ̄ ⲡⲉⲟⲩⲟ̄ⲉⲓϣ
ⲉⲩϩⲓϫⲙ̄ ⲉⲩϣⲙ̄ϣⲉ ⲙ̄ ⲡⲛⲟⲩⲧⲉ • ϣⲁⲩⲑⲃⲃⲓⲟⲟⲩ ⲛ̄ ⲟⲩϩⲟⲟⲩ
ⲉ ⲧⲃⲉ ⲡϣⲓⲡⲉ ⲛ̄ ⲛ̄ⲣⲱⲙⲉ • ⲁⲗⲗⲁ ⲙ̄ⲡ ⲟⲩⲉϣϥⲓ ⲙⲙⲁⲩ
ⲛ̄ ⲧⲙⲛ︦ⲧ︦ϫⲁⲥⲓϩⲏⲧ ⲉⲧ ϩⲓ ϩⲟⲩⲛ ⲙⲙⲟⲟⲩ : | Ⲡⲉϫⲁⲓ ⲙ̄ ⲡⲁⲅ‐
ⲅⲉⲗⲟⲥ • ϫⲉ ⲡⲱⲥ ⲁⲩⲕⲁⲁⲩ [ϩ]ⲓⲣⲛ̄ ⲧⲉ ⲧⲡⲟⲗⲓⲥ • ⲡⲉ[ϫⲁϥ]
ⲛⲁⲓ ϫⲉ ⲛ̄ⲧⲁⲩⲕⲁⲁⲩ ⲙ̄ ⲡⲉⲓ ⲙⲁ ⲉ ⲧⲃⲉ ⲙ̄ⲙⲛ︦ⲧ︦ⲁⲅⲁⲑⲟⲥ •
ⲙ̄ ⲡⲛⲟⲩⲧⲉ • ⲉ̄ⲡⲉⲓ ⲇⲏ ⲧⲉϩⲓⲏ ⲧⲉ ⲧⲁⲓ̈ ⲉ ϣⲁⲣⲉ ⲛⲉⲧ ⲟⲩⲁⲁⲃ
ⲃⲱⲕ ⲉ̄ ϩⲟⲩⲛ ⲉ̄ ⲧⲡⲟⲗⲓⲥ ⲛ̄ϩⲓⲧⲥ̄ (sic) • ⲉⲣϣⲁⲛ ⲡⲉⲭⲣ︦ⲥ︦ ⲡⲣ̄ⲣⲟ
ⲛ ⲛ̄ⲁⲓⲱⲛ ⲟⲩⲱ̄ⲛϩ̄ ⲉ ⲃⲟⲗ ϩⲛ̄ ⲧⲉϥⲡⲁⲣⲟⲩⲥⲓⲁ • ⲛ̄ⲇⲓⲕⲁⲓⲟⲥ
ⲧⲏⲣⲟⲩ ⲛⲁϫⲓ ϩⲙⲟⲧ ⲉ ϫⲱⲟⲩ • ⲛ̄ⲥⲉϫⲓⲧⲟⲩ ⲉ̄ ϩⲟⲩⲛ ϣⲁ


### 0034

ⲟⲩⲟ̄ⲉⲓϣ • ⲁⲗⲗⲁ ⲥⲉⲛⲁϣⲡⲁⲣϩⲏⲥⲓⲁⲍⲉ ⲙ̄ⲙⲟⲟⲩ ⲁⲛ • ⲛ̄ⲑⲉ
ⲛ︦ⲛ︦ ⲛ̄ⲧⲁⲩⲣ̄ ⲡⲉⲩⲟ̄ⲉⲓ̈ϣ ⲧⲏⲣ︦ϥ︦ ⲉⲩϣⲙ̄ϣⲉ ⲙ ⲡⲛⲟⲩ[ⲧⲉ] ϩⲛ̄
ⲑⲃ̄ⲃⲓⲟ̄ ⲛⲓⲙ • ⲁ ⲡⲁⲅⲅⲉⲗⲟⲥ ⲥⲱⲕ ϩⲏⲧ ⲉϫⲙ̄ ⲡⲉⲓⲉ̄ⲣⲟ ⲛ̄
ⲉⲃⲓⲱ ⲉⲧ ⲙ̄ ⲡⲉⲙⲛ︦ⲧ︦ ⲛ̄ ⲧⲡⲟⲗⲓⲥ • ⲁⲓϭⲓⲛⲉ ⲛ̄ ⲏⲥⲁⲓⲁⲥ ⲛ̄
ϩⲟⲩⲛ ⲛ̄ ⲧⲡⲩⲗⲏ ⲙⲛ̄ ⲓⲉⲣⲉⲙⲓⲁⲥ • ⲙⲛ̄ ⲓⲉⲍⲉⲕⲓⲏⲗ • ⲙⲛ̄
ϩⲁⲙⲱⲥ • ⲙⲛ̄ ⲙⲓⲭⲁⲓⲁⲥ • ⲙⲛ̄ ⲛ̄ⲕⲟⲩⲓ ⲙ̄ⲡⲣⲟⲫⲏⲧⲏⲥ •
ⲙⲛ̄ ⲛ̄ⲛⲟϭ • ⲁⲩⲁⲥⲡⲁⲍⲉ ⲙ̄ⲙⲟⲓ ⲛ̄ϩⲟⲩⲛ ⲛ̄ ⲧⲡⲟⲗⲓⲥ •
ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲛⲓⲙ ⲛⲉ ⲛⲁⲓ ⲡⲁ ϫⲥ̄ • ⲡⲉϫⲁϥ
ⲛⲁⲓ ϫⲉ ⲧⲁⲓ ⲧⲉ ⲧⲉϩⲓⲏ̄ ⲛ̄ ⲛⲉⲡⲣⲟⲫⲏⲧⲏⲥ • ⲣⲱⲙⲉ ⲛⲓⲙ
ⲉϥⲛⲁⲥⲱⲣⲙ̄ ⲛ̄ ⲧⲉϥⲯⲩⲭⲏ ⲉ̄ ⲧⲃⲉ ⲡⲛⲟⲩⲧⲉ • ⲙ̄ⲡ ⲉϥⲉⲓⲣⲉ
ⲙ̄ ⲡⲉⲧ ⲉϩⲛⲁϥ ⲉ ⲧⲃⲉ ⲡⲕⲟⲥⲙⲟⲥ • ⲉϥϣⲁⲛⲉⲓ ⲉ ⲃⲟⲗ ϩⲛ̄
ⲥⲱⲙⲁ ⲛϥ̄ⲃⲱⲕ ⲉ ⲣⲁⲧϥ̄ ⲙ̄ ⲡⲛⲟⲩⲧⲉ ⲛϥ̄ⲟⲩⲱ̄ϣⲧ̄ ⲛⲁϥ •
ϣⲁϥⲧⲁⲁϥ ⲉ ⲧⲟⲟⲧϥ̄ ⲙ̄ ⲙⲓⲭⲁⲏⲗ • ⲛϥ̄ϫⲓⲧϥ̄ ⲉ ϩⲟⲩⲛ • ⲉ
ⲧⲉⲓ ⲡⲟⲗⲓⲥ • ⲛ̄ⲧⲉ ⲛⲉⲡⲣⲟⲫⲏⲧⲏⲥ ⲁⲥⲡⲁⲍⲉ ⲙⲙⲟϥ ⲉⲩϫⲱ
ⲙ̄ⲙⲟⲥ • ϫⲉ ⲡⲉⲛϣⲏⲣⲉ ⲡⲉ • ϫⲉ ⲁϥⲣ̄ ⲡⲟⲩⲱϣ ⲙ̄ ⲡⲛⲟⲩⲧⲉ
ϩⲓϫⲙ̄ ⲡⲕⲁϩ ⲁϥⲕⲗⲏⲣⲟⲛⲟⲙⲉ ⲛⲁⲓ | [thirty-four pages
wanting] ▨▨ⲙⲛ̄ ⲥⲟⲟⲩ ⲛ̄ⲉⲃⲟⲧ • ϫⲉ ⲡⲛⲟⲩⲧⲉ ⲟⲩⲉϣ ⲟⲩ‐
ⲇⲓⲕⲁ[ⲓ]ⲟⲥ ⲡⲁⲣⲁ ⲡⲕⲟⲥⲙⲟⲥ ⲧⲏⲣϥ̄ • ⲁⲛⲁⲅⲅⲉⲗⲟⲥ ⲉⲓ ⲉⲩ‐
ⲥⲟⲡⲥⲡ̄ ⲙ̄ⲙⲟⲥ ⲙ̄ⲡⲉϥⲙⲧⲟ ⲉ ⲃⲟⲗ ⲉ ⲧⲃⲉ ⲡⲙⲟⲩ ⲛ ϩⲱⲟⲩ •
ⲡⲉϫⲉ ⲡⲛⲟⲩⲧⲉ ⲛⲁⲩ • ϫⲉ ⲉⲧⲉⲧⲛ̄ ⲧⲙ̄ ⲡⲓⲑⲉ ⲙ̄ ⲡⲁ ϩⲙ̄ϩⲁⲗ
ϩⲏⲗⲓⲁⲥ ⲛϥ̄ⲧⲱⲃ︤ϩ︥ ⲙ̄ⲙⲟⲓ • ⲛ̄ ϯⲛⲁⲕⲁ ⲙⲟⲩ ⲛ ϩⲱⲟⲩ ⲉ
ⲉⲓ ⲉϫⲙ̄ ⲡⲕⲁϩ • ⲛ̄ϩⲓⲥⲉ ⲉⲧ ⲉⲣⲉ ⲡⲟⲩⲁ ⲡⲟⲩⲁ̄ ⲛⲁϣⲟⲡⲟⲩ
ⲉ̄ ⲧⲃⲉ ⲡⲛⲟⲩⲧⲉ • ϣⲁⲣⲉ ⲡⲛⲟⲩⲧⲉ ⲧⲟⲃⲟⲩ ⲛⲁϥ ⲛ̄ ⲟⲩⲁⲡⲥ̄
ⲛ̄ⲥⲟⲡ ⲉⲩⲕⲏⲃ • ⲛⲁⲓⲁ̄ⲧⲕ̄ ⲱ̄ ⲡⲁⲩⲗⲟⲥ • ⲁⲩⲱ ⲛⲁⲓⲁⲧϥ̄ ⲙ̄
ⲡϩⲉⲑⲛⲟⲥ ⲉⲧ ⲛⲁⲡⲓⲥⲧⲉⲩⲉ ⲉ ⲃⲟⲗ ϩⲓⲧⲟⲟⲧⲕ̄ • ϩⲱⲥ ⲉⲣⲉ ⲡⲁⲓ
ϣⲁϫⲉ • ⲁϥⲉⲓ ⲛ̄ϭⲓ ⲡⲕⲉ ⲉⲛⲱⲭ ⲁϥⲁⲥⲡⲁⲍⲉ ⲙ̄ⲙⲟⲓ •
ⲡⲉϫⲁϥ ⲛⲁⲓ ϫⲉ ⲡϩⲓⲥⲉ ⲉⲧ ⲉⲣⲉ ⲡⲣⲱⲙⲉ ⲛⲁϣⲟⲡϥ̄ • ⲉ
ⲧⲃⲉ ⲡⲛⲟⲩⲧⲉ • ⲙⲉⲣⲉ ⲡⲛⲟⲩⲧⲉ ⲗⲩⲡⲉⲓ ⲙ̄ⲙⲟϥ ⲉϥϣⲁⲛⲉⲓ
ⲉ ⲃⲟⲗ ϩⲙ̄ ⲡⲕⲟⲥⲙⲟⲥ • ϩⲱⲥ ⲉⲣⲉ ⲡⲁⲓ ϣⲁϫⲉ ⲛⲙ̄ⲙⲁⲓ •
ⲉⲓⲥ ⲕⲉ ⲥⲛⲁⲩ ⲁⲩⲉⲓ ⲙⲛ̄ ⲛⲉⲩⲉⲣⲏⲩ ⲉⲣⲉ ⲕⲉ ⲟⲩⲁ̄ ⲙⲟⲟϣⲉ
ⲟⲓ ⲡⲁϩⲟⲩ ⲙⲙⲟⲟⲩ ⲉϥⲙⲟⲩⲧⲉ ⲉ ⲣⲟⲟⲩ • ϫⲉ ⲁϩⲉ ⲉ ⲣⲟⲓ
ϩⲱⲱⲧ ⲧⲁⲉⲓ ⲧⲁⲣⲉⲓⲛⲁⲩ ⲉ̄ ⲡⲙⲉⲣⲓⲧ ⲙ̄ ⲡⲛⲟⲩⲧⲉ ⲡⲁⲩⲗⲟⲥ :
ⲛ̄ⲧⲁⲩⲉⲥⲟⲧϥ̄ ⲛⲁⲛ ⲉ̄ ϩⲣⲁⲓ ϫⲉ ⲉⲛⲉⲛⲁⲩ ⲉ ⲣⲟϥ ⲉϯ ⲉϥϩⲙ̄
ⲡⲥⲱⲙⲁ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄ ⲛⲓⲙ ⲛⲉ


### 0035

ⲛⲁⲓ̈ • ⲡⲉϫⲁϥ ⲛⲁⲓ • ϫⲉ ⲡⲁⲓ ⲡⲉ ⲍⲁⲭⲁⲣⲓⲁⲥ ⲙⲛ̄
ⲓⲱϩⲁⲛⲛⲏⲥ ⲡⲉϥϣⲏⲣⲉ • ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲉⲓⲉ
ⲡⲉⲓ ⲕⲉ ⲟⲩⲁ ⲉⲧ ⲡⲏⲧ ϩⲓ ⲡⲁϩⲟⲩ ⲙ̄ⲙⲟⲟⲩ • ⲡⲉϫⲁϥ ϫⲉ
ⲡⲁⲓ ⲡⲉ ⲁⲃⲉⲗ ⲡⲉⲛⲧⲁ ⲕⲁⲉⲓⲛ ϩⲟⲧⲃⲉϥ • ⲁⲩⲱ ⲁⲩⲁⲥⲡⲁⲍⲉ
ⲙⲙⲟⲓ̈ ⲡⲉϫⲁⲩ ⲛⲁⲓ ϫⲉ ⲛⲁⲓⲁⲧⲕ̄ ⲱ̄ ⲡⲁⲩⲗⲟⲥ • ⲡⲣⲱⲙⲉ
ⲉⲧ ⲥⲟⲩⲧⲱⲛ ϩⲛ̄ ⲛⲉϥϩⲃⲏⲩⲉ ⲧⲏⲣⲟⲩ :-|ⲡⲉϫⲉ ⲓⲱϩⲁⲛⲛⲏⲥ
ϫⲉ ⲁⲛⲟⲕ ⲡⲉⲛⲧ ⲁⲩϥⲓ ⲛ ⲧⲁ ⲁⲡⲉ ϩⲙ̄ ⲡⲉϣⲧⲉⲕⲟ • ⲉ ⲧⲃⲉ
ⲟⲩⲥϩⲓⲙⲉ ⲉ ⲁⲥϭⲟⲥϭⲥ̄ ϩⲛ̄ ⲟⲩⲇⲉⲓⲡⲛⲟⲛ • ⲡⲉ[ϫⲉ] ⲍⲁⲭⲁ‐
ⲣⲓⲁⲥ ϫⲉ ⲁⲛⲟⲕ ⲡⲉⲛⲧ ⲁⲩⲙⲟⲟⲩⲧ ⲙ̄ⲙⲟⲓ • ⲉⲓⲧⲁⲗⲟ ⲉ
ϩⲣⲁⲓ ⲙ̄ ⲡⲛⲟⲩⲧⲉ • ⲛ̄ ⲧⲉⲣⲉ ⲛ̄ⲁⲅⲅⲉⲗⲟⲥ ⲉⲓ ⲛ̄ⲥⲁ ⲧⲉⲑⲩⲥⲓⲁ̄ •
ⲁⲩϥⲓ ⲙ̄ ⲡⲁ ⲥⲱⲙⲁ ⲉ ϩⲣⲁⲓ ⲉ̄ ⲣⲁⲧϥ̄ ⲙ̄ ⲡⲛⲟⲩⲧⲉ • ⲁⲩⲱ
ⲙ̄ⲡⲉ ⲣⲱⲙⲉ ϩⲉ ⲉ ⲡⲁ ⲥⲱⲙⲁ • ϫⲉ ⲛ̄ⲧⲁⲩϫⲓⲧϥ̄ ⲉ ⲧⲱⲛ •
ⲡⲉϫⲉ ⲁⲃⲉⲗ ϫⲉ ⲁⲛⲟⲕ ⲡⲉⲛⲧⲁ ⲕⲁⲉⲓⲛ ϩⲟⲧⲃⲉⲧ : ⲉⲓⲧⲁⲗⲉ
ⲑⲩⲥⲓⲁ ⲉ ϩⲣⲁⲓ ⲙ̄ ⲡⲛⲟⲩⲧⲉ • ⲛ̄ϩⲓⲥⲉ ⲛ̄ⲧⲁⲛϣⲟⲡⲟⲩ ⲉ ⲧⲃⲉ
ⲡⲛⲟⲩⲧⲉ ϩⲉ︦ⲛ︦ⲗⲁⲁⲩ ⲛⲉ • ⲛⲉⲛⲧ ⲁⲛⲁⲁⲩ ⲉ ⲧⲃⲉ ⲡⲛⲟⲩⲧⲉ
ⲁⲛⲣ̄ ⲡⲉⲩⲱ̄ⲃϣ̄ • ⲁⲩⲱ ⲛⲉⲣⲉ ⲛ̄ⲇⲓⲕⲁⲓⲟⲥ ⲙⲛ̄ ⲛ̄ⲁⲅⲅⲉⲗⲟⲥ
ⲧⲏⲣⲟⲩ ⲕⲱⲧⲉ ⲉ ⲣⲟⲓ • ⲉⲩⲣⲁϣⲉ ⲛⲙ̄ⲙⲁⲓ • [ϫⲉ] ⲁⲩⲛⲁⲩ ⲉ
ⲣⲟⲓ ϩⲛ̄ ⲧⲥⲁⲣ︦ⲝ︦ • ⲁⲓϭⲱϣⲧ̄ ⲁⲓⲛⲁⲩ ⲉ ⲕⲉ ⲟⲩⲁ ⲉϥϫⲟⲟⲥⲉ
ⲉ ⲣⲟⲟⲩ ⲧⲏⲣⲟⲩ • ⲉⲛⲉⲥⲱϥ ⲉ̄ⲙⲁⲁⲧⲉ • ⲡⲉϫⲁⲓ ⲙ̄ ⲡⲁⲅⲅⲉ‐
ⲗⲟⲥ ϫⲉ ⲛⲓⲙ ⲡⲉ ⲡⲁⲓ ⲡⲁ ϫ︦ⲥ︦ : ⲡⲉϫⲁϥ ⲛⲁⲓ ϫⲉ ⲡⲁⲓ ⲡⲉ
ⲁⲇⲁⲙ ⲡⲉⲧⲛ̄ⲉⲓⲱⲧ ⲧⲏⲣⲧⲛ̄ ⲛ̄ ⲧⲉⲣⲉ ϥⲡⲱϩ ⲉ ⲣⲟⲓ ⲁϥⲁⲥ‐
ⲡⲁⲍⲉ ⲙ̄ⲙⲟⲓ ϩⲛ̄ ⲟⲩⲣⲁϣⲉ • ⲡⲉϫⲁϥ ⲛⲁⲓ ϫⲉ ϫⲣⲟ ⲙ̄ⲙⲟⲕ
ⲟ̄ ⲡⲁⲩⲗⲟⲥ ⲡⲙⲉⲣⲓⲧ ⲙ̄ ⲡⲛⲟⲩⲧⲉ • ⲡⲁⲓ ⲛ̄ⲧⲁϥⲧⲣⲉ ⲟⲩ‐
ⲙⲏⲏϣⲉ ⲡⲓⲥⲧⲉⲩⲉ ⲉ ⲡⲛⲟⲩⲧⲉ ⲁⲩⲙⲉⲧⲁⲛⲟⲓ • ⲕⲁⲧⲁ ⲑⲉ
ϩⲱ ⲛ̄ⲧⲁⲓⲙⲉⲧⲁⲛⲟⲓ • ⲁⲓϫⲓ ⲙ̄ ⲡⲁ ⲉⲟⲟⲩ ϩⲓⲧⲙ̄ ⲡⲛⲁⲏⲧ ⲛ̄
ϣⲁⲛϩⲧⲏϥ : Ⲙⲛ︤ⲛ︥ⲥⲁ ⲛⲁⲓ ⲇⲉ ⲧⲏⲣⲟⲩ ⲁⲩⲧⲟⲣⲡⲧ̄ ϩⲛ̄
ⲟⲩⲕⲗⲟⲟⲗⲉ ⲁⲩϫⲓⲧ ϣⲁ ⲧⲙⲉϩ ϣⲟⲙⲧⲉ ⲙ̄ⲡⲉ • ⲁⲛⲟⲕ ⲇⲉ
ⲡⲁⲩⲗⲟⲥ | ⲁⲓⲣ̄ ϩⲟⲧⲉ ⲉⲙⲁⲁⲧⲉ ⲁⲓ̈ⲛⲁⲩ ⲉ ⲡⲁⲅⲅⲉⲗⲟⲥ ⲉⲧ
ⲙⲟⲟϣⲉ ⲛⲙ̄ⲙⲁⲓ ⲁϥϣⲓ̈ⲃⲉ ϩⲱⲱϥ ϩⲙ̄ ⲡⲉϥⲥⲭⲏⲙⲁ •
ⲁϥϫⲉⲣⲟ ⲛ̄ⲑⲉⲣⲟ ⲛ̄ⲑⲉ ⲛ̄ⲟⲩⲕⲱϩⲧ̄ : ⲁⲩⲱ ⲛ̄ⲧⲉⲩⲛⲟⲩ
ⲁⲩⲥⲙⲏ ϣⲱⲡⲉ ϣⲁ ⲣⲟⲓ̈ • ϫⲉ ⲡⲁⲩⲗⲟⲥ ⲡⲙⲉⲣⲓⲧ ⲙ̄
ⲡⲛⲟⲩⲧⲉ • ⲛⲉⲧ ⲕ̄ⲛⲁⲛⲁⲩ ⲉ ⲣⲟⲟⲩ ⲙ̄ ⲡⲉⲓ ⲙⲁ • ⲙ̄ⲡⲣ̄
ⲟⲩⲟⲛϩⲟⲩ ⲉ ⲗⲁⲁⲩ ⲛ̄ⲣⲱⲙⲉ • ϫⲉ ϩⲉⲛϣⲁϫⲉ ⲛ̄ⲁϩⲟⲣⲁⲧⲟⲛ
ⲛⲉⲧ ⲕ̄ⲛⲁⲛⲁⲩ ⲉ ⲣⲟⲟⲩ • ⲁⲓϭⲱϣⲧ̄ ⲁⲓⲛⲁⲩ ⲉⲩⲥⲫⲣⲁⲅⲓⲥ


### 0036

ⲉⲥⲁϣⲉ ϩⲛ̄ ⲟⲩⲉⲥⲩⲭⲓ̈ⲁ • ⲉⲣⲉ ⲟⲩⲉⲙⲉⲣⲉⲛⲓⲁ̄ ϣⲟⲟⲡ ϩⲛ̄
ⲟⲩⲫⲱⲛⲏ ⲛ̄ ⲟⲩⲟ̄ⲉⲓⲛ • ⲉⲣⲉ ⲥⲁϣϥ̄ ⲛ̄ⲁⲉⲓⲧⲟⲥ ⲛ̄ ⲟⲩⲟⲉⲓⲛ
ⲁⲁϩⲉ ⲣⲁⲧⲟⲩ ⲛ̄ⲥⲁ ⲟⲩⲛⲁⲙ ⲙ̄ ⲡⲉⲑⲩⲥⲓⲁⲥⲧⲏⲣⲓⲟⲛ • ⲁⲩⲱ
ⲥⲁϣϥ̄ ⲛ̄ⲥⲁ ϩⲃⲟⲩⲣ ⲙ̄ⲙⲟϥ • ⲉⲩϩⲩⲙⲛⲉⲩⲉ ϩⲛ̄ ⲟⲩⲭⲟⲣⲟⲥ
ⲛ̄ⲥⲙⲟⲩ ⲉ ϩⲟⲩⲛ ⲉ ⲡⲉⲓⲱⲧ : ⲉⲣⲉ ϩⲉⲛⲧⲃⲁ ⲛ̄ⲧⲃⲁ ⲛ̄ⲁⲅⲅⲉⲗⲟⲥ
ⲁⲁϩⲉ ⲣⲁⲧⲟⲩ ⲙ̄ⲡⲉϥⲙ̄ⲧⲟ ⲉ ⲃⲟⲗ • ⲁⲩⲱ ϩⲉⲛϣⲟ ⲛ̄ϣⲟ ⲉⲩ‐
ⲕⲱ[ⲧⲉ] ⲉ ⲣⲟϥ ⲉⲩϫⲱ ⲙ̄ⲙⲟⲥ • ϫⲉ ϥⲧⲁⲓⲏⲩ ⲛ̄ϭⲓ ⲡⲉⲕⲣⲁⲛ •
ⲁⲩⲱ ϥϩⲁⲉⲟⲟⲩ ⲛ̄ϭⲓ ⲡⲉⲕⲉⲟⲟⲩ ⲡϫⲥ̄ • ⲉⲣⲉ ⲛⲉⲭⲉⲓⲣⲟⲩ‐
ⲃⲉⲓⲛ ⲙⲛ̄ ⲛ̄ⲥⲉⲣⲁⲫⲉⲓⲛ ϫⲱ ⲙⲙⲟⲥ ϫⲉ ϩⲁⲙⲏⲛ : ⲛ̄ ⲧⲉⲣⲉ
ⲓⲛⲁⲩ ⲉ̄ ⲣⲟⲟⲩ ⲁ̄ⲛⲟⲕ ⲡⲁⲩⲗⲟⲥ • ⲁⲓⲥⲧⲱⲧ • ϩⲛ̄ ⲛⲁⲙⲉⲗⲟⲥ
ⲧⲏⲣⲟⲩ • ⲁⲩⲱ ⲁⲓϩⲉ ⲉ̄ ϩⲣⲁⲓ ⲉϫⲙ̄ ⲡⲁ ϩⲟ • ⲉⲓⲥ ⲡⲁⲅⲅⲉⲗⲟⲥ
ⲉⲧ ⲙⲟⲟϣⲉ ⲛⲙ̄ⲙⲁⲓ : ⲁϥϯ ⲡⲉϥⲟⲩⲟⲓ ⲉ ⲣⲟⲓ ⲁϥⲧⲟⲩⲛⲟⲥⲧ̄ :
ⲉϥϫⲱ ⲙ̄ⲙⲟⲥ ϫⲉ ⲙ̄ⲡⲣ̄ ⲣ̄ ϩⲟⲧⲉ • ⲡⲁⲩⲗⲟⲥ ⲡⲙⲉⲣⲓⲧ ⲙ̄
ⲡⲛⲟⲩⲧⲉ • ⲧⲱⲟⲩⲛ ⲧⲉⲛⲟⲩ ⲛⲅ̄ⲟⲩⲁϩⲕ̄ ⲛ̄ⲥⲱⲓ • ⲛ̄ⲧⲁⲧⲥⲁⲃⲟⲕ
ⲉ ⲡⲉⲕⲧⲟⲡⲟⲥ • ⲁϥϫⲓⲧ ⲛ̄ϭⲓ ⲡⲁⲅⲅⲉⲗⲟⲥ ⲉⲧ ⲙⲟⲟϣⲉ
ⲛⲙ̄ⲙⲁⲓ ⲉ ⲡⲡⲁⲣⲁⲇⲉⲓⲥⲟⲥ : | ⲁⲓⲛⲁⲩ ⲉⲩⲙⲏⲏ̄ϣⲉ ⲛ̄ⲣⲱⲙⲉ
ⲉⲩⲙⲟⲟϣⲉ • ⲉⲩⲣⲟⲟⲩⲧ ⲉⲩⲯⲁⲗⲗⲉⲓ ⲉⲩⲥⲙⲟⲩ ⲉ ⲡⲛⲟⲩⲧⲉ
ⲉ ϩⲉⲛⲣⲙ̄ⲣⲁϣ ⲛⲉ ⲉ ⲡⲉϩⲟⲩⲟ • ⲉⲣⲉ ⲛⲉⲩϩⲟ ⲣ̄ ⲟⲩⲟ̄ⲉⲓⲛ
ⲛ̄ⲑⲉ ⲙ̄ ⲡⲣⲏ ⲛ̄ⲥⲁϣϥ̄ ⲛ̄ϭⲱⲃ • ⲁⲩⲱ ⲉⲣⲉ ⲡϥⲱ ⲛ̄
ⲧⲉⲩⲁⲡⲉ ⲟ̄ ⲛ̄ⲑⲉ ⲛ̄ⲟⲩⲥⲁⲣⲧ̄ ⲛ̄ ⲟⲩⲱ̄ⲃϣ̄ • ⲉⲣⲉ ⲟⲩⲙⲏⲏϣⲉ
ⲛ̄ⲑⲣⲟⲛⲟⲥ ϩⲙ̄ ⲡⲙⲁ ⲉ̄ⲧ ⲙ̄ⲙⲁⲩ ⲉⲩϩⲁⲉⲟⲟⲩ • ⲉ ⲟⲩⲉⲧ ⲡⲉⲟⲟⲩ
ⲙ̄ ⲡⲟⲩⲁ ⲡⲟⲩⲁ ⲡⲟⲩⲁ̄ • ⲉⲣⲉ ⲟⲩⲟⲛ ⲟⲩⲟⲧⲃ̄ ⲉ ⲟⲩⲟⲛ ϩⲙ̄
ⲡⲉⲟⲟⲩ ϩⲛ̄ ⲧⲉⲩⲛⲟⲩ ⲛ̄ⲧⲁⲓⲡⲱϩ ϣⲁ ⲣⲟⲟⲩ • ⲁⲩⲟⲩⲱϣ ⲉⲃⲟⲗ
ϫⲉ ⲛⲁⲓⲁⲧⲕ̄ ⲱ̄ ⲡⲁⲩⲗⲟⲥ • ⲛⲁⲓⲁⲧϥ̄ ⲙ̄ ⲡϩⲉⲑⲛⲟⲥ ⲉⲧ ⲛⲁⲡⲓⲥ‐
ⲧⲉⲩⲉ ⲉ ⲃⲟⲗ ϩⲓ ⲧⲟⲟⲧⲕ̄ • ϫⲉ ⲁⲕⲣ̄ ⲙ̄ⲡϣⲁ ⲉ ⲧⲣⲉⲩⲉⲛⲧⲕ̄
ⲉ ⲛⲉⲓ ⲧⲟⲡⲟⲥ • ⲉⲕϣⲟⲟⲡ ϩⲛ̄ ⲧⲉⲓ ⲥⲁⲣⲝ̄ • ⲁⲩⲁⲥⲡⲁⲍⲉ ⲙ̄‐
ⲙⲟⲓ ⲧⲏⲣⲟⲩ • ⲁⲛⲟⲕ ⲇⲉ ⲁⲓⲟⲩⲱϣⲃ̄ ⲛ̄ⲥⲱⲟⲩ ⲉⲓⲥⲙⲟⲩ ⲉ
ⲡⲛⲟⲩⲧⲉ • ⲛⲙ̄ⲙⲁⲩ • ⲁⲛⲟⲕ ⲇⲉ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ
ϫⲉ ⲡⲁ ϫ︤ⲥ︥ ⲟⲩ ⲡⲉ ⲡⲉⲓ ⲧⲟⲡⲟⲥ • ⲁⲩⲱ ⲛⲓⲙ ⲛⲉ ⲛⲉⲓ ⲣⲱⲙⲉ •
ⲡⲉϫⲁϥ ⲛⲁⲓ ⲛ̄ϭⲓ ⲡⲁⲅⲅⲉⲗⲟⲥ • ϫⲉ ⲡⲁⲓ ⲡⲉ ⲡⲕⲁϩ ⲉ̄ⲧ
ⲟⲩⲁⲁⲃ ⲙ̄ ⲡϫⲥ̄ • ⲁⲩⲱ ⲛⲁⲓ ϩⲱⲟⲩ ⲛⲉ ⲛⲉⲡⲣⲟⲫⲏⲧⲏⲥ
ⲧⲏⲣⲟⲩ • ⲉⲩⲛⲁϣⲱⲡⲉ ⲙ̄ ⲡⲉⲓ ⲙⲁ ϣⲁ ⲡⲉϩⲟⲟⲩ ⲙ̄
ⲡϩⲁⲡ • ⲙⲛ̄ ⲛⲉⲧⲉ ⲙ̄ⲡ ⲟⲩⲧⲱⲗⲙ̄ ϩⲙ̄ ⲡⲕⲟⲥⲙⲟⲥ • ⲁⲩⲱ
ⲛ̄ⲧⲟⲕ ϩⲱⲱⲕ ⲉⲣⲉ ⲡⲉⲕⲑⲣⲟⲛⲟⲥ ⲛⲁϣⲱⲡⲉ ⲙ̄ ⲡⲉⲓ ⲙⲁ :


### 0037

ⲁⲩⲱ ϩⲁⲡⲥ̄ ⲡⲉ ⲉ ⲧⲣⲕ̄ⲛⲁⲩ ⲉ̄ ⲡⲉⲕⲑⲣⲟⲛⲟⲥ ⲙⲛ̄
ⲡⲉⲕⲏⲓ ⲙ̄ⲡⲁⲧ ⲕⲃⲱⲕ ⲉ ⲡⲉⲥⲏⲧ ⲉ̄ ⲡⲕⲟⲥⲙⲟⲥ • ⲁⲩⲱ
ⲙⲁ ⲛⲓⲙ ⲉⲕⲛⲁⲧⲁϣⲉⲟⲉⲓϣ ⲛ̄ ⲧⲉⲓ ⲁⲡⲟⲕⲁⲗⲩⲙ|ⲯⲓⲥ
ϩⲙ̄ ⲡⲕⲟⲥⲙⲟⲥ ⲧⲏⲣϥ̄ • ⲟⲩⲛ̄ ϩⲁϩ ⲅⲁⲣ ⲛⲁⲥⲱⲧⲙ̄ ⲛ̄ⲥⲉ‐
ⲙⲉⲧⲁⲛⲟⲓ • ⲛ̄ⲥⲉⲧⲙ̄ⲉⲓⲉ ⲛⲕⲟⲗⲁⲥⲓⲥ • ⲙⲛ̄ ⲛ̄ϯⲙⲱⲣⲓⲁ ⲛ‐
ⲧⲁⲕⲛⲁⲩ ⲉ ⲣⲟⲟⲩ • ⲁⲛⲟⲕ ⲇⲉ ⲛ̄ ⲧⲉⲣⲉ ⲓⲥⲱⲧⲙ̄ ⲉ̄ ⲛⲁⲓ
Ⲛ̄ ⲧⲟⲟⲧϥ̄ ⲙ̄ ⲡⲁⲅⲅⲉⲗⲟⲥ ⲉⲧ ⲙⲟⲟϣⲉ ⲛⲙ̄ⲙⲁⲓ • ⲡⲉϫⲁⲓ
ⲛⲁϥ ϫⲉ ⲡⲁ ϫ︦ⲥ︦ • ϯⲟⲩⲱϣ ⲙⲉⲛ ⲉ ϣⲱⲡⲉ • ϩⲙ̄ ⲡⲉⲓ
ⲧⲟⲡⲟⲥ • ⲁⲗⲗⲁ ⲛ̄ ϯ[ⲛ]ⲁⲣ̄ ⲁⲧ ⲥⲱⲧⲙ̄ ⲁⲛ • ⲙⲁⲧⲥⲁⲃⲟⲓ
ⲧⲉⲛⲟⲩ ⲉ ⲡⲁ ⲑⲣⲟⲛⲟⲥ ⲉϥϣⲟⲟⲡ ⲙ̄ ⲡⲉⲓ ⲙⲁ • ⲁϥϫⲓⲧ ⲛ̄ϭⲓ
ⲡⲁⲅⲅⲉⲗⲟⲥ ⲉⲩⲥⲕⲩⲛⲏ ⲛ̄ ⲟⲩⲟⲉⲓⲛ • ⲁϥⲧⲥⲁⲃⲟⲓ ⲉⲩⲑⲣⲟⲛⲟⲥ
ⲛ̄ ⲉⲟⲟⲩ : ⲉⲣⲉ ⲁⲅⲅⲉⲗⲟⲥ ⲥⲛⲁⲩ ϩⲩⲙⲛⲉⲩⲉ ⲉ̄ ⲣⲟϥ • ⲡⲉϫⲁⲓ
ⲙ ⲡⲁⲅⲅⲉⲗⲟⲥ • ϫⲉ ⲡⲁ ϫⲥ̄ ⲡⲁ ⲛⲓⲙ ⲡⲉ ⲡⲉⲓ ⲑⲣⲟⲛⲟⲥ
ⲉⲧ ϣⲟⲟⲡ ϩⲙ̄ ⲡⲉⲓ ⲛⲟϭ ⲛ̄ ⲉⲟⲟⲩ • ⲁⲩⲱ ⲛⲓⲙ ⲛⲉ ⲛⲉⲓ
ⲁⲅⲅⲉⲗⲟⲥ ⲉⲧ ϩⲩⲙⲛⲉⲩⲉ ⲉ ⲣⲟϥ ⲡⲉϫⲁϥ ⲛⲁⲓ ϫⲉ ⲡⲁⲓ
ⲡⲉ ⲡⲉⲕⲑⲣⲟⲛⲟⲥ ⲱ ⲡⲁⲩⲗⲟⲥ • ⲁⲩⲱ ⲡⲉⲓ ⲁⲅⲅⲉⲗⲟⲥ ⲥⲛⲁⲩ
ⲡⲉ ⲟⲩⲣⲓⲏⲗ ⲙⲛ̄ ⲥⲟⲩⲣⲓⲏⲗ • ⲉⲩϩⲩⲙⲛⲉⲩⲉ̄ ⲉ ⲡⲉⲕⲑⲣⲟⲛⲟⲥ •
ⲙⲏ ⲛⲅ̄ⲥⲟⲟⲩⲛ ⲁⲛ ⲱ̄ ⲡⲁⲩⲗⲟⲥ • ϫⲉ ⲁ ⲡⲉⲕⲣⲁⲛ ⲣ̄ ⲥⲟⲉⲓⲧ
ϩⲛ̄ ⲧⲙⲏⲏⲧⲉ ⲛ︤ⲛ︥ⲁⲅⲅⲉⲗⲟⲥ ⲉⲧⲉ ⲙⲛ̄ⲧⲟⲩ ⲏⲡⲉ • ⲙⲏ ⲛⲅ̄-
ⲥⲟⲟⲩⲛ ϫⲉ ⲣⲱⲙⲉ ⲛⲓⲙ ⲉⲧ ⲛⲁϩⲓⲥⲉ ϩⲙ̄ ⲡⲕⲟⲥⲙⲟⲥ • ⲉ
ϩⲣⲁⲓ ⲉϫⲙ̄ ⲡⲣⲁⲛ ⲙ̄ ⲡⲉⲭⲣ︤ⲥ︥ ⲙⲛ̄ ⲧⲙⲛ︤ⲧ︥ⲣⲱⲙⲉ •
ϣⲁⲣⲉ ⲡⲛⲟⲩⲧⲉ ⲧⲱⲃⲉ ⲛⲁⲩ ⲛ̄ⲥⲁϣϥ̄ ⲛ̄ϭⲱⲃ ⲛ̄ⲥⲟⲡ ⲁⲩⲱ
ϣⲁⲣⲉ ⲛ̄ⲁⲅⲅⲉⲗⲟⲥ ⲧⲏⲣⲟⲩ ⲣⲁϣⲉ ⲛⲙ̄ⲙⲁϥ • ⲁϥϫⲓⲧ
ⲛ̄ϭⲓ ⲡⲁⲅⲅⲉⲗⲟⲥ ⲉⲧ ⲙⲟⲟϣⲉ ⲛⲙ̄ⲙⲁⲓ • | ⲁϥⲧⲥⲁⲃⲟⲓ ⲉⲩ‐
ⲙⲏⲏϣⲉ ⲛ̄ϣⲏⲛ ⲉϥⲗⲉϩⲗⲱϩ • ⲉⲣⲉ ⲟⲩⲙⲏⲏϣⲉ ⲛ̄ⲣⲱⲙⲉ
ⲕⲱⲧⲉ ⲉⲛϣⲏⲛ • ⲉⲣⲉ ⲛⲉⲩϩⲃ̄ⲥⲱ ⲡ̄ⲣⲉⲓⲱ̄ⲟⲩ :-ⲁⲩⲱϣ ⲉ
ⲃⲟⲗ ⲉ ⲣⲟⲓ ⲧⲏⲣⲟⲩ • ϫⲉ ⲭⲁⲓⲣⲉ ⲡⲁⲩⲗⲟⲥ ⲡⲙⲉⲣⲓⲧ ⲙ̄
ⲡⲛⲟⲩⲧⲉ ⲙⲛ̄ ⲛ̄ⲣⲱⲙⲉ • ⲁⲩⲁⲥⲡⲁⲍⲉ ⲙⲙⲟⲓ ⲧⲏⲣⲟⲩ •
ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ ⲡⲁ ϫⲟⲉⲓⲥ ⲛⲓⲙ ⲛⲉ ⲛⲁⲓ •
ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ • ϫⲉ ⲛⲁⲓ ⲛⲉ ⲛ̄ⲧⲱϭⲉ ⲧⲏⲣⲟⲩ
ⲛ̄ⲧⲁⲕⲧⲟϭⲟⲩ ϩⲙ̄ ⲡⲕⲟⲥⲙⲟⲥ • ⲁϥϫⲓⲧ ⲛ̄ϭⲓ ⲡⲁⲅⲅⲉⲗⲟⲥ
ⲡⲉϫⲁϥ ⲛⲁⲓ • ϫⲉ ⲁⲙⲟⲩ ⲛ̄ⲧⲁⲧⲣⲉⲕⲑⲉⲱ̄ⲣⲉⲓ ⲙ̄ ⲡⲡⲁⲣⲁ‐
ⲇⲉⲓⲥⲟⲥ ⲛ̄ ⲧⲡⲉ • ⲙⲛ̄ ⲡⲉⲕⲑⲣⲟⲛⲟⲥ ⲙⲛ̄ ⲡⲉⲕⲕⲗⲟⲙ •
ⲁⲓⲛⲁⲩ ⲉ ⲡⲡⲁⲣⲁⲇⲉⲓⲥⲟⲥ • ⲁⲩⲱ ⲟⲩϣⲡⲏⲣⲉ ⲉⲙⲁⲁⲧⲉ ⲡⲉ •


### 0038

ⲉⲩⲛ̄ ϣⲟⲙⲛⲧ̄ ⲛ̄ⲥⲟⲃⲧ̄ ⲕⲱⲧⲉ ⲉ ⲡⲡⲁⲣⲁⲇⲉⲓⲥⲟⲥ ⲛ̄ ⲧⲡⲉ •
ⲥⲛⲁⲩ ⲛ̄ ϩⲁⲧ ⲁⲩⲱ ⲟⲩⲥⲟⲃⲧ̄ ⲛ̄ ⲛⲟⲩⲃ ⲛ̄ ⲧⲙⲏⲧⲉ ⲙ̄
ⲡⲉⲥⲛⲁⲩ ⲛ̄ⲥⲟⲃⲧ̄ ⲛ̄ ϩⲁⲧ : ⲟⲩⲁ ⲙ̄ ⲡϩⲟⲩⲛ ⲛ̄ ⲟⲩⲁ • ⲉ̄ⲣⲉ
ⲡⲥⲟⲃⲧ̄ ⲡⲥⲟⲃⲧ̄ ⲉⲓⲣⲉ ⲛ̄ⲧⲁⲓⲟⲩ ϫⲟⲩⲧ ⲥⲛⲟⲟⲩⲥ ⲙ̄ⲙⲁϩⲉ ⲛ̄
ϫⲓⲥⲉ • ⲉⲩⲛ̄ ⲟⲩϣⲏⲙⲉ ⲛ̄ ⲥⲧⲣⲟⲃⲓⲗⲗⲟⲥ ⲙ̄ ⲡϩⲟⲩⲛ ⲙ̄
ⲡⲥⲟⲃⲧ̄ ⲡⲥⲟⲃⲧ̄ • ϫⲓⲛ ⲡⲓⲉ̄ⲃⲧ̄ ϣⲁ ⲡⲉⲙⲛ︦ⲧ︦ ϫⲓⲛ ⲡⲙ̄ϩⲓⲧ ϣⲁ
ⲡⲣⲏⲥ • ⲁⲩⲱ ϣⲁⲣⲉ ⲡⲡⲁⲣⲁⲇⲉⲓⲥⲟⲥ ⲣ̄ ϫⲟⲩⲧⲁϥⲧⲉ ⲛ̄ⲧⲃⲁ •
ⲙⲛ̄ ϥⲧⲟⲟⲩ ⲛ̄ϣⲉ ⲛ̄ⲕⲁϣ ⲉ ⲧϫⲟ̄ • ⲉⲩⲛ̄ ϫⲟⲩⲧⲁϥⲧⲉ ⲛ̄ⲧⲃⲁ
ⲛ̄ⲥⲧⲩⲗⲗⲟⲥ ⲛ̄ϩⲏⲧϥ̄ ⲉⲩⲧⲁϫⲣⲏⲩ • ⲉⲣⲉ ⲡⲉⲥⲧⲩⲗⲗⲟⲥ |
ⲡⲉⲥⲧⲩⲗⲗⲟⲥ ⲉⲓⲣⲉ ⲛ̄ⲥϣϥⲉ ⲥⲛⲟⲟⲩⲥ ⲙ̄ⲙⲁϩⲉ ⲛ̄ ϫⲓⲥⲉ •
ⲉⲩⲛ̄ ⲙⲛ̄ⲧϣⲙⲏⲛ ⲛ̄ ϣⲉ ⲙⲙⲓ̈ⲛⲉ ⲛ̄ϩⲩⲡⲱⲣⲁ ⲛ̄ϩⲏⲧϥ̄ •
ⲉⲩⲛ̄ ϫⲟⲩⲱⲧ ⲛ̄ϣⲉ ⲛ̄ ⲃⲟⲧⲁⲛⲓ ⲛ̄ϩⲏⲧϥ̄ ⲉⲩⲧⲁⲓⲏⲩ : ⲉ ⲟⲩⲛ̄
ϩⲙⲉ ⲧⲏ ⲙ̄ⲙⲓⲛⲉ ⲛ̄ⲥϯ ⲛⲟⲩϥⲉ ⲛ̄ϩⲏⲧϥ • ⲉ ⲟⲩⲛ̄ ⲙⲛ̄ⲧ‐
ⲥⲛⲟⲟⲩⲥ ⲛ̄ⲕⲩⲡⲁⲣⲓⲥⲟⲥ ⲛ̄ϩⲏⲧϥ̄ • ⲉⲣⲉ ⲟⲩⲥⲟⲃⲧ̄ ⲛ̄ ⲱ̄ⲛⲉ ⲕⲱⲧⲉ
ⲉ ⲣⲟⲥ ⲙ̄ ⲡⲁⲩⲁⲛ ⲙ̄ ⲡⲏϭⲉ • ⲉ ⲟⲩⲛ̄ ⲙⲛ︦ⲧ︦ⲥⲛⲟⲟⲩⲥ ⲛ̄ϣⲉ
ⲛ̄ⲗⲩⲭⲛⲓⲁ ⲛ̄ ⲛⲟⲩⲃ ⲛ̄ϩⲏⲧϥ̄ • ⲉⲣⲉ ⲙⲛ̄ⲧⲁⲥⲉ ⲛ̄ⲥⲧⲩⲗⲗⲟⲥ
ⲛ̄ϩⲁⲧ ϩⲓ ⲙⲁⲣⲙⲁⲣⲟⲛ ⲕⲱⲧⲉ ⲉ ⲣⲟϥ • ⲁⲩⲱ ⲡⲉϥⲣⲟ̄ ⲟⲩ‐
ⲑⲩⲛⲟⲛ ⲡⲉ • ⲉⲣⲉ ϣⲟⲙⲛ︦ⲧ︦ ⲛ̄ⲁⲉⲓⲧⲟⲥ ϩⲓ ⲟⲩⲛⲁⲙ ⲙ̄ ⲡⲣⲟ •
ⲁⲩⲱ ϣⲟⲙⲛ︦ⲧ︦ ϩⲓ ϩⲃⲟⲩⲣ ⲙ̄ ⲡⲣⲟ • ⲁⲩⲱ ⲡⲡⲁⲣⲁⲇⲉⲓⲥⲟⲥ
ⲧⲏⲣϥ̄ ⲛⲉϥⲟ̄ ⲛ̄ ⲟ̄ⲉⲓⲛ ⲙ̄ ⲡⲁⲩⲁⲛ ⲙ̄ⲡⲉ • ⲛ̄ⲑⲉ ⲙ̄ ⲡⲛⲁⲩ ⲙ
ⲙⲉⲉⲣⲉ ⲉⲙⲛ̄ ⲕⲁⲕⲉ ⲛ̄ϩⲏⲧϥ̄ • ⲁⲗⲗⲁ ⲡⲟⲩⲟ̄ⲉⲓⲛ ⲙ̄ ⲡⲛⲟⲩⲧⲉ
ⲡⲉⲧ ϣⲟⲟⲡ ⲛ̄ϩⲏⲧ ⲛ̄ⲛⲁⲩ ⲛⲓⲙ • ⲉϥϯ ⲟⲩⲟ̄ⲉⲓⲛ ⲧⲏⲣ︦ϥ︦ •
ϣⲁⲣⲉ ⲡⲡⲁⲣⲁⲇⲉⲓⲥⲟⲥ ϣⲉϣ ⲥϯ ⲛϩⲩⲡⲱⲣⲁ ⲉ ⲃⲟⲗ ⲙ̄
ⲡⲛⲁⲩ ⲛ̄ϩⲧⲟⲟⲩⲉ • ⲁⲩⲱ ϣⲁϥϣⲉϣ ⲥϯ ⲛ̄ⲙⲣⲓⲥ ⲉ ⲃⲟⲗ •
ⲙ̄ ⲡⲛⲁⲩ ⲙ̄ⲙⲉⲉⲣⲉ • ⲁⲩⲱ ⲉⲣϣⲁⲛ ⲡⲣⲏ ϩⲱⲧⲡ̄ • ϣⲁⲣⲉ
ⲡⲉⲥϯ ⲛⲟⲩϥⲉ ⲛ̄ ⲛ̄ϣⲏⲛ ⲧⲏⲣⲟⲩ ⲉⲧ ϩⲙ̄ ⲡⲡⲁⲣⲁⲇⲉⲓⲥⲟⲥ
ϣⲱϣ ⲉ ⲃⲟⲗ • ϣⲁⲛⲧⲉ ⲧⲉⲩϣⲏ ⲙ̄ ⲡⲕⲟⲥⲙⲟⲥ ⲡⲁⲣⲁⲅⲉ •
ⲛ̄ⲃⲁⲥⲓⲥ ⲛ̄ ⲛⲉⲥⲧⲩⲗⲗⲟⲥ ⲉⲩⲣⲏⲧ ⲙ̄ⲙⲁⲗⲁⲃⲁⲑⲗⲟⲛ • ⲙⲛ̄
ⲡⲉⲥⲧⲩⲣⲁⲝ ⲙ̄ⲙⲉ ⲉⲣⲉ ⲛⲉⲩⲕⲉⲫⲁⲗⲏⲥ ⲛⲉϫ ⲕⲗⲁⲇⲟⲥ ⲉ
ⲃⲟⲗ ⲛ̄ⲁⲙⲉⲕⲇⲁⲗⲟⲛ • ⲉⲣⲉ ⲧⲉⲩⲏ̄ⲡⲉ ⲉⲓⲣⲉ ⲙ̄ ⲙⲛ̄ⲧⲁϥⲧⲉ
ⲛ̄ⲧⲃⲁ ⲙⲛ̄ ϣⲙⲟⲩⲛ ⲛ̄ϣⲉ :- | ⲉⲣⲉ ϩⲉⲛⲱⲛⲉ ⲙ̄ⲙⲉ ⲟϥⲧ̄
ⲉ ϩⲟⲩⲛ ⲉ ⲣⲟⲟⲩ • ⲁⲩⲱ ⲛ̄ϣⲏⲛ ⲧⲏⲣⲟⲩ ⲙ̄ ⲡⲡⲁⲣⲁⲇⲉⲓⲥⲟⲥ
ⲛⲉⲩϩⲩⲙⲛⲉⲩ︦ⲉ︦ ⲉ̄ ⲡⲛⲟⲩⲧⲉ ⲛ̄ϣⲟⲙⲛ︦ⲧ︦ ⲛ̄ⲥⲟⲡ ⲙ̄ ⲙⲏⲏⲛⲉ •
ⲙ̄ ⲡⲛⲁⲩ ⲛ̄ϩⲧⲟⲟⲩⲉ • ⲙⲛ̄ ⲡⲛⲁⲩ ⲙ̄ ⲙⲉⲉⲣⲉ ⲙⲛ̄ ⲡⲛⲁⲩ


### 0039

ⲛ̄ ⲣⲟⲩϩⲉ ϣⲁⲩⲱϣ ⲉ̄ ⲃⲟⲗ ⲧⲏⲣⲟⲩ ⲉⲩⲥⲙⲟⲩ ⲉ ⲡⲛⲟⲩⲧⲉ
ⲉⲩϫⲱ ⲙ̄ⲙⲟⲥ • ϫⲉ ϥⲟⲩⲁⲁⲃ • ϥⲟⲩⲁ̄ⲁⲃ • ϥⲟⲩⲁⲁⲃ ⲛ̄-
ϣⲟⲙⲛ︤ⲧ︥ ⲛ̄ⲥⲟⲡ • ϥϫⲓ ⲧⲁⲓⲟ ϥϫⲓ ⲉ̄ⲟⲟⲩ ⲛ̄ϭⲓ ⲡⲛⲟⲩⲧⲉ
ⲡⲡⲁⲛⲧⲱⲕⲣⲁⲧⲱⲣ • ⲁⲩⲱ ϣⲁⲣⲉ ⲡⲡⲁⲣⲁⲇⲉⲓⲥⲟⲥ ⲱϣ ⲉ
ⲃⲟⲗ ⲉϥⲥⲙⲟⲩ ⲉ ⲡⲛⲟⲩⲧⲉ • ⲁϥⲟⲩⲱϣⲃ̄ ⲛ̄ϭⲓ ⲡⲁⲅⲅⲉⲗⲟⲥ
ⲡⲉϫⲁϥ ⲛⲁⲓ : ϫⲉ ⲱ̄ ⲡⲁⲩⲗⲟⲥ ⲁⲕⲛⲁⲩ ⲉ̄ ⲡⲡⲁⲣⲁⲇⲉⲓⲥⲟⲥ
ⲛ̄ ⲧⲡⲉ • ⲙⲛ̄ ⲡⲉϥⲉⲟⲟⲩ • ⲡⲁⲓ ⲙⲡⲉ ⲗⲁⲁⲩ ⲛ̄ⲣⲱⲙⲉ ⲉ̄ⲛⲉϩ
ϭⲙ̄ ⲡϫⲱⲕ ⲙ̄ ⲡϥ̄ⲧⲁⲓⲟ̄ • ⲡⲉϫⲁⲓ ⲛⲁϥ ϫⲉ ⲁϩⲉ ⲡⲁ ϫⲥ̄ •
ⲁⲗⲗⲁ ϯⲣ̄ ϩⲟⲧⲉ ϫⲉ ⲙⲉϣⲁⲕ ⲁⲣⲏⲩ ⲛ̄ ϯⲙ̄ⲡϣⲁ ⲁⲛ
ⲛ̄ϭⲱ ϩⲙ̄ ⲡⲉⲓ ⲡⲁⲣⲁⲇⲉⲓⲥⲟⲥ ⲡⲁⲓ • ⲁϥⲟⲩⲱ̄ϣⲃ̄ ⲛ̄ϭⲓ
ⲡⲁⲅⲅⲉⲗⲟⲥ ⲡⲉϫⲁϥ ⲛⲁⲓ • ϫⲉ ϫⲣⲟ ⲡⲉⲧ ⲛⲁϫⲣⲟ • ⲁⲩⲱ
ⲕⲛⲁϫⲣⲟ ⲉ̄ ⲡⲕⲁⲧⲏⲅⲱⲣⲟⲥ ⲉⲧ ⲛⲏⲩ ⲉ̄ ϩⲣⲁⲓ ϩⲛ̄ ⲁⲙⲛ̄ⲧⲉ •
ⲉⲕⲛⲁϫⲓ ⲉⲟⲟⲩ ⲇⲉ ⲛ̄ϩⲟⲩⲟ̄ ⲉⲕϣⲁⲛⲃⲱⲕ ⲉ ⲡⲉⲥⲏⲧ ⲉ ⲡⲕⲟⲥ‐
ⲙⲟⲥ ⲛ̄ⲕⲉ ⲥⲟⲡ • ⲁⲩⲱ ⲉⲩϣⲁⲛⲥⲱⲧⲙ̄ ⲉ ⲛ̄ϣⲁϫⲉ ⲛ̄ ⲧⲉⲓ
ⲁⲡⲟⲕⲁⲗⲩⲙⲯⲓⲥ ⲛ̄ϭⲓ ⲡⲅⲉⲛⲟⲥ ⲧⲏⲣϥ̄ ⲛ̄ ⲛ̄ⲣⲱⲙⲉ • ⲥⲉⲛⲁ‐
ⲙⲉⲧⲁⲛⲟⲓ ⲛ̄ϭⲓ ϩⲁϩ ⲛ̄ⲥⲉⲱⲛϩ̄ • ⲁⲩⲱ ⲟⲛ ϯⲛⲁϫⲓⲧⲕ̄ ⲛ̄ⲧⲁⲧ‐
ⲥⲁⲃⲟⲕ ⲉ ⲡⲉⲕⲑⲣⲟⲛⲟⲥ ⲙⲛ̄ ⲡⲉⲕⲕⲗⲟⲙ • ⲙⲛ̄ ⲡⲁ ⲛⲉⲕⲥⲛⲏⲩ
ⲁ̄ⲡⲟⲥⲧⲟⲗⲟⲥ • ⲁϥϫⲓⲧ ⲛ̄ϭⲓ ⲡⲁⲅⲅⲉⲗⲟⲥ ⲙ̄ⲡⲙ̄|ⲧⲟ ⲉ ⲃⲟⲗ
ⲙ̄ ⲡⲕⲁⲧⲁⲡⲉⲧⲁⲥⲙⲁ • ϩⲙ̄ ⲡⲕⲁϩ ⲉ̄ⲧ ⲟⲩⲁⲁⲃ • ⲁⲓⲛⲁⲩ
ⲉⲩⲑⲣⲟⲛⲟⲥ ⲉϥⲡⲟⲣϣ̄ • ⲁⲩⲱ ⲟⲩⲥⲧⲟⲗⲏ ⲙ̄ ⲡⲉⲧⲡⲉ ⲙ
ⲡⲉⲑⲣⲟⲛⲟⲥ • ⲉⲥϩⲓⲣⲁϣⲉ ⲉ ⲃⲟⲗ ⲉ̄ ⲙⲛ̄ ⲑⲉ ⲛ̄ϣⲁϫⲉ ⲉ ⲧⲉ‐
ⲥϯⲙⲏ • ⲉⲣⲉ ϩⲉⲛⲥⲙⲁⲥ ⲙ̄ⲙⲁⲣⲙⲁⲣⲟⲛ̄ ⲙ̄ ⲡⲉⲧⲡⲉ ⲙ̄
ⲡⲉⲑⲣⲟⲛⲟⲥ • ⲁⲓⲟⲩⲱ̄ϣⲃ̄ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ ϫⲉ ⲡⲁ
ϫⲥ̄ ⲁϣ ⲡⲉ ⲡⲙⲁ ⲛ̄ ϣⲱⲡⲉ ⲛ̄ ⲛⲁⲥⲛⲏⲩ ⲛⲁϣⲃⲏⲣ ⲁⲡⲟ‐
ⲥⲧⲟⲗⲟⲥ • ⲁϥϫⲓⲧ ⲛ̄ϭⲓ ⲡⲁⲅⲅⲉⲗⲟⲥ ⲙ̄ⲡⲙ̄ⲧⲟ ⲉ ⲃⲟⲗ ⲙ̄
ⲡⲕⲁⲧⲁⲡⲉⲧⲁⲥⲙⲁ • ⲁⲓⲛⲁⲩ ⲉⲩⲙⲏⲏϣⲉ ⲛ̄ⲑⲣⲟⲛⲟⲥ • ⲁⲩⲱ
ⲟⲩⲙⲏⲏϣⲉ ⲛⲁⲅⲅⲉⲗⲟⲥ ⲉⲩⲯⲁⲗⲗⲉⲓ ⲉⲩϯ ⲉⲟⲟⲩ ⲙ̄
ⲡⲛⲟⲩⲧⲉ • ⲁⲓⲛⲁⲩ ⲉⲩⲙⲏⲏϣⲉ ⲛ̄ϩⲃ̄ⲥⲱ ⲙⲛ̄ ⲟⲩⲙⲏⲏϣⲉ
ⲛ̄ⲕⲗⲟⲙ ⲉⲩⲕⲏ ⲉ ϩⲣⲁⲓ ⲙ̄ⲡⲙ̄ⲧⲟ ⲉ ⲃⲟⲗ ⲙ̄ ⲡⲉⲑⲣⲟⲛⲟⲥ •
ⲁⲩⲱ ⲉⲣⲉ ⲟⲩⲥϯ ⲛⲟⲩϥⲉ ϣⲱϣ ⲉ ⲃⲟⲗ ϩⲙ̄ ⲡⲙⲁ ⲉ̄ⲧ
ⲙ̄ⲙⲁⲩ • ⲡⲉϫⲁϥ ⲛⲁⲓ̈ ⲛ̄ϭⲓ ⲡⲁⲅⲅⲉⲗⲟⲥ • ϫⲉ ⲡⲁⲓ ⲡⲉ
ⲡⲙⲁ ⲛ̄ ⲛⲉⲕⲥⲛⲏⲩ ⲛⲉⲕϣⲃⲏⲣ ⲁⲡⲟⲥⲧⲟⲗⲟⲥ • ⲁⲩⲱ ⲟⲛ
ⲁⲓⲛⲁⲩ ⲉⲩⲣⲱⲙⲉ ⲉϥⲫⲟⲣⲉⲓ ⲛ̄ ⲛ̄ ⲟⲩϩⲃ̄ⲥⲱ ⲛ̄ ⲟⲩⲱ̄ⲃϣ̄ ⲉⲣⲉ
ⲟⲩⲕⲓⲑⲁⲣⲁ ⲛ̄ ⲧⲟⲟⲧϥ̄ ⲉϥⲁⲁϩⲉ ⲣⲁⲧϥ̄ ⲛ̄ⲥⲁ ⲟⲩⲛⲁⲙ ⲙ̄


### 0040

ⲡⲕⲁⲧⲁⲡⲉⲧⲁⲥⲙⲁ • ⲉϥⲯⲁⲗⲗⲉⲓ ⲁⲩⲱ ⲉϥⲕⲓⲑⲁⲣⲓⲍⲉ ϩⲛ̄
ⲧⲉϥⲕⲓⲑⲁⲣⲁ • ⲉⲣⲉ ⲛ̄ⲁⲅⲅⲉⲗⲟⲥ ⲟⲩⲱ̄ϩⲙ̄ ⲛ̄ⲥⲱϥ • ⲁⲓⲟⲩⲱϣⲃ̄
ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ • ϫⲉ ⲛⲓⲙ ⲡⲉ ⲡⲁⲓ ⲡⲁ ϫⲥ̄ : ⲡⲉϫⲁϥ
ⲛⲁⲓ ϫⲉ ⲡⲁⲓ ⲡⲉ ⲇⲁ︦ⲇ︦ ⲉϥⲯⲁⲗⲗⲉⲓ̈ • ⲁⲩⲱ ⲁⲓⲛⲁⲩ ϩⲙ̄
ⲡⲕⲁϩ ⲉⲧ ⲟⲩⲁⲁⲃ • ⲉⲩⲧⲟⲡⲟⲥ ⲉϥⲧⲟϭⲥ ⲛ̄ⲱⲛⲉ ⲙ̄ⲙⲉ •
ⲛ̄ⲥⲁⲡⲡⲉⲓⲣⲟⲛ • ⲉⲣⲉ ⲡⲕⲁϩ ⲉⲧ ⲙ̄ⲙⲁⲩ ⲟⲩⲟ̄ⲃϣ̄ ⲛ̄ⲑⲉ ⲛ̄
ⲟⲩⲭⲓⲱⲛ̄ • ⲉⲣⲉ ⲟⲩⲙⲏϣⲉ ⲛ ⲕⲗⲟⲙ : | ⲁⲩⲱ ⲟⲩⲙⲏⲏϣⲉ
ⲛ̄ⲑⲣⲟⲛⲟⲥ • ⲉⲩⲫⲟⲣⲉⲓ ⲧⲏⲣⲟⲩ • ⲛ̄ϩⲉⲛϩⲓ̈ⲡⲟⲙⲓⲥ ⲙⲛ̄ ϩⲉⲛ‐
ⲕⲓⲇⲁⲣⲓⲥ ⲛ̄ϭⲓ ⲛⲉⲧ ϣⲟⲟⲡ ϩⲙ̄ ⲡⲙⲁ ⲉⲧ ⲙ̄ⲙⲁⲩ • ⲉⲣⲉ
ⲟⲩⲙⲏϣⲉ ⲛ̄ⲁⲅⲅⲉⲗⲟⲥ ϩⲩⲙⲛⲉⲩⲉ ⲉ̄ ⲣⲟⲟⲩ • ⲡⲉϫⲁⲓ ⲙ̄
ⲡⲁⲅⲅⲉⲗⲟⲥ ϫⲉ ⲛⲓⲙ ⲛⲉ ⲛⲁⲓ • ⲡⲉϫⲁϥ ⲛⲁⲓ ϫⲉ ⲛⲁⲓ ⲛⲉ
ⲙ̄ⲙⲁⲣⲧⲩⲣⲟⲥ ⲛⲧⲁⲩⲙⲁⲣⲧⲩⲣⲉⲓ ⲉϫⲙ̄ ⲡⲣⲁⲛ ⲙ̄ ⲡⲉⲭⲣ︦ⲥ︦ •
ⲉ ⲧⲃⲉ ⲡⲉⲕⲧⲁϣⲉⲟ̄ⲉⲓϣ ⲙⲛ̄ ⲡⲁ ⲛⲉⲕⲥⲛⲏⲩ ⲁⲡⲟⲥⲧⲟⲗⲟⲥ •
ⲥⲉⲛⲁϫⲓ ⲛ̄ ϩⲉⲛⲛⲟϭ ⲛ̄ⲧⲁⲓⲟ • ⲛ̄ⲧⲟⲟⲩ ⲇⲉ ⲁⲩϯ ⲡⲉⲩⲟⲩⲟⲓ
ⲉ ϩⲟⲩⲛ ⲉ ⲣⲟⲓ ⲁⲩϯⲡⲓ ⲉ ⲣⲱⲓ • ⲡⲉϫⲁⲩ ⲛⲁⲓ ϫⲉ ⲛⲁⲓⲁⲧⲕ̄
ⲙ̄ ⲡⲁⲩⲗⲟⲥ • ϫⲉ ⲁⲕⲣ̄ ⲙ̄ⲡϣⲁ ⲛ̄ ⲛⲉⲓ ⲧⲟⲡⲟⲥ • ⲁⲩⲱ ⲁⲛⲟⲛ
ϩⲓ ⲟⲩⲥⲟⲡ • ⲁⲩⲱ ⲁⲕⲣ̄ ⲙ̄ⲡϣⲁ ⲛ̄ⲛⲁⲩ ⲉ ⲛⲉⲓ ⲛⲟϭ
ⲛ̄ϣⲡⲏⲣⲉ ⲛⲁⲓ ⲙ̄ⲡⲉ ⲃⲁⲗ ⲛⲁⲩ ⲉ ⲣⲟⲟⲩ • ⲙ̄ⲡⲉ ⲙⲁⲁϫⲉ
ⲥⲟⲧⲙⲟⲩ • ⲁⲕⲛⲁⲩ ⲉ ⲣⲟⲟⲩ ϩⲙ̄ ⲡⲥⲱⲙⲁ • ⲉⲡⲉⲓ ⲇⲏ ⲛ̄ⲧⲁ
ⲡⲛⲟⲩⲧⲉ ⲛⲁⲩ ⲉ̄ ⲧⲉⲕⲉⲛⲕⲣⲁⲧⲉⲓⲁ̄ ⲉ̄ⲧ ⲉⲕϣⲟⲟⲡ ⲛ̄ϩⲏⲧⲥ̄ • ⲙⲛ̄
ⲛ̄ϩⲓⲥⲉ ⲙ̄ ⲡⲉⲕⲧⲁϣⲉⲟⲉⲓϣ ⲁϥⲧⲣⲉⲕⲣ̄ ⲙ̄ⲡϣⲁ ⲛ̄ ⲛⲉⲓ ⲛⲟϭ
ⲛ̄ⲧⲁⲓⲟ̄ • ⲁⲛⲟⲕ ⲇⲉ ⲡⲁⲩⲗⲟⲥ ⲁⲓⲙⲟⲟϣⲉ ⲉ ⲃⲟⲗ ϩⲙ̄ ⲡⲉⲡⲛⲁ
ⲉⲧ ⲟⲩⲁⲁⲃ • ⲁⲩⲱ ⲁⲓⲥⲙⲟⲩ ⲉ ⲡⲛⲟⲩⲧⲉ ⲉⲓϫⲱ ⲙ̄ⲙⲟⲥ • ϫⲉ
ϯⲥⲙⲟⲩ ⲉ ⲣⲟⲕ ⲡⲛⲟⲩⲧⲉ ⲙ̄ ⲡⲧⲏⲣϥ̄ • ⲡⲉⲧ ⲛⲁⲩ ⲉ ⲣⲟϥ
ⲙⲁⲩⲁⲁϥ ⲉ ⲃⲟⲗ ϩⲙ̄ ⲡⲙⲩⲥⲧⲏⲣⲓⲟⲛ : ϥⲥⲙⲁⲙⲁⲁⲧ ⲛ̄ϭⲓ
ⲡⲉⲟⲟⲩ ⲛ̄ⲧⲉⲕⲙⲛ︦ⲧ︦ⲛⲟⲩⲧⲉ : ⲡⲉⲧ ⲧⲁⲓⲏⲩ ⲁⲩⲱ ⲉⲧ ϣⲟⲟⲡ
ϩⲙ̄ ⲡⲧⲁⲓ̈ⲟ ⲛ̄ ⲧⲉϥⲙⲛⲧ̄ⲛⲟϭ • ⲙⲛ̄ ⲡⲉϥⲙⲟⲛⲟⲅⲉⲛⲏⲥ ⲛ̄
ϣⲏⲣⲉ ⲓ︤ⲥ︥ ⲡⲉⲭⲣ︤ⲥ︥ ⲡⲉⲛϫⲥ̄ • ⲡⲉⲧ ⲁⲙⲁϩⲧⲉ ⲉϫⲙ̄ ⲡⲧⲏⲣϥ̄ :-
ⲁⲩⲱ ⲛ̄ⲧⲁ ⲡⲧⲏⲣϥ̄ ϣⲱⲡⲉ ⲉ ⲃⲟⲗ ϩⲓ ⲧⲟⲟⲧϥ̄ • ⲡⲁⲅⲅⲉ‐
ⲗⲟⲥ ⲇⲉ ⲙ̄ ⲡϫⲟⲉ︦ⲓ︦ⲥ︦ ⲁϥⲧⲁⲗⲟⲓ ⲁϥⲉⲓⲛⲉ ⲙ̄ⲙⲟⲓ ⲉϫⲙ̄
ⲡⲧⲟⲟⲩ ⲛ︦ⲛ︦ϫⲟⲉⲓⲧ • ⲧⲟⲧⲉ ⲁⲛⲟⲕ ⲡⲁⲩⲗⲟⲥ ⲁⲓϩⲉ ⲉⲛⲁⲡⲟ‐
ⲥⲧⲟⲗⲟⲥ ⲉⲩⲥⲟⲟⲩϩ ⲉⲛⲉⲩⲉ̄ⲣⲏⲩ ϩⲓ ⲟⲩⲥⲟⲡ • ⲁⲩⲱ ⲁⲓⲁⲥⲡⲁⲍⲉ
ⲙ̄ⲙⲟⲟⲩ :- | ⲁⲓⲁⲡⲁⲛⲅⲉⲓⲗⲉ ⲛⲁⲩ ⲛ̄ϩⲱⲃ ⲛⲓⲙ ⲛ̄ⲧⲁⲩ‐
ϣⲱⲡⲉ ⲙⲙⲟⲓ ⲙⲛ̄ ⲛⲉⲛⲧ ⲁⲓⲛⲁⲩ ⲉ ⲣⲟⲟⲩ : ⲙⲛ̄ ⲛ̄ⲧⲁⲓⲟ ⲉⲧ


### 0041

ⲛⲁϣⲱⲡⲉ ⲛ̄ ⲛ̄ⲇⲓⲕⲁⲓⲟⲥ • ⲙⲛ̄ ⲡϩⲉ ⲙⲛ̄ ⲡϣⲟⲣϣⲣ̄ ⲉⲧⲛⲁ‐
ϣⲱⲡⲉ ⲛ̄ ⲛ̄ⲁⲥⲉⲃⲏⲥ • ⲧⲟⲧⲉ ⲛⲁⲡⲟⲥⲧⲟⲗⲟⲥ ⲁⲩⲣⲁϣⲉ ⲁⲩⲱ
ⲁⲩⲧⲉⲗⲏⲗ • ⲁⲩⲥⲙⲟⲩ ⲉ̄ ⲡⲛⲟⲩⲧⲉ • ⲁⲩⲕⲉⲗⲉⲩⲉ ⲛⲁⲛ ϩⲓ
ⲟⲩⲥⲟⲡ • ⲁⲛⲟⲕ ⲙⲁⲣⲕⲟⲥ ⲙⲛ̄ ϯⲙⲟⲑⲉⲟⲥ ⲙ̄ⲙⲁⲑⲏⲧⲏⲥ
ⲙ̄ ⲡϩⲁⲅⲓⲟⲥ ⲡⲁⲩⲗⲟⲥ • ⲡⲥⲁϩ ⲛ̄ ⲧⲉⲕⲕⲗⲏⲥⲓ̈ⲁ • ⲉ ⲧⲣ︦ⲛ︦‐
ⲥϩⲁⲓ ⲛ̄ ⲧⲉⲓ ⲁⲡⲟⲕⲁⲗⲩⲙⲯⲓⲥ ⲉⲧ ⲟⲩⲁⲁⲃ • ⲉⲩϩⲏⲩ ⲙⲛ̄
ⲟⲩⲱⲫⲉⲗⲉⲓⲁ̄ ⲛ̄ ⲛⲉⲧ ⲛⲁⲥⲱⲧⲙ̄ ⲉ ⲣⲟⲟⲩ : ⲉϯ ⲉⲣⲉ ⲛⲁⲡⲟ‐
ⲥⲧⲟⲗⲟⲥ ϣⲁϫⲉ ⲛⲙ̄ⲙⲁⲛ • ⲁ ⲡⲥ︦ⲏ︦ⲣ︦ ⲡⲉⲭⲣ︦ⲥ︦ ⲟⲩⲱ̄ⲛϩ̄ ⲛⲁⲛ
ⲉ ⲃⲟⲗ ϩⲓϫⲙ̄ ⲡϩⲁⲣⲙⲁ ⲛ̄ ⲛⲉⲭⲉⲣⲟⲩⲃⲉⲓⲛ • ⲡⲉϫⲁϥ ⲛⲁⲛ
ϫⲉ ⲭⲁⲓⲣⲉ ⲛⲁⲙⲁⲑⲏⲧⲏⲥ ⲉⲧ ⲟⲩⲁⲁⲃ • ⲛⲁⲓ ⲛ̄ⲧⲁⲓⲥⲟⲧⲡⲟⲩ
ⲟⲩⲧⲉ ⲡⲕⲟⲥⲙⲟⲥ • ⲭⲁⲓⲣⲉ ⲡⲉⲧⲣⲟⲥ ⲡⲉⲕⲗⲟⲙ ⲛ̄ ⲛⲁⲡⲟ‐
ⲥ[ⲧⲟⲗⲟⲥ] ⲭⲁⲓⲣⲉ ⲓⲱϩⲁⲛⲛⲏⲥ ⲡⲁ ⲙⲉⲣⲓⲧ ⲭⲁⲓⲣⲉ ⲛⲁ‐
ⲁⲡⲟⲥⲧⲟⲗⲟⲥ ⲧⲏⲣⲟⲩ • ϯⲣⲏⲛⲏ ⲙ̄ ⲡⲁ ⲉⲓⲱⲧ ⲛ̄ ⲁⲅⲁⲑⲟⲥ
ⲉⲥⲉϣⲱⲡⲉ ⲛⲙ̄ⲙⲏⲧⲛ̄ • ⲉⲓⲧⲁ ⲁϥⲕⲟⲧϥ ⲉ ⲡⲉⲛⲉⲓⲱⲧ ⲡⲉϫⲁϥ
ⲛⲁϥ ϫⲉ ⲭⲁⲓⲣⲉ ⲡⲁⲩⲗⲟⲥ ⲡⲉⲡⲓⲥⲧⲟⲗⲟⲫⲟⲣⲟⲥ ⲉⲧ ⲧⲁⲓⲏⲩ:
ⲭⲁⲓⲣⲉ ⲡⲁⲩⲗⲟⲥ ⲡⲙⲉⲥⲓⲧⲏⲥ ⲛ̄ ⲧⲇⲓⲁⲑⲩⲕⲏ • ⲭⲁⲓⲣⲉ
ⲡⲁⲩⲗⲟⲥ ⲡⲗⲱⲃϣ̄ ⲁⲩⲱ ⲧⲥⲛ̄ⲧⲉ ⲛ̄ ⲧⲉⲕⲕⲗⲏⲥⲓ̈ⲁ • ⲁⲣⲁⲁ
ⲡⲉⲕϩⲏⲧ ⲧⲱⲧ ⲉ ⲣⲟⲕ ϩⲛ̄ ⲛⲉⲛⲧ ⲁⲕⲛⲁⲩ ⲉ ⲣⲟⲟⲩ • ⲁⲣⲁ
ⲁⲕⲡⲗⲏⲣⲟⲫⲟⲣⲉⲓ ⲉ̄ϫⲛ̄ ⲛⲉⲛⲧ ⲁⲕⲥⲟⲧⲙⲟⲩ • ⲁϥⲟⲩⲱϣⲃ̄
ⲛ̄ϭⲓ ⲡⲁⲩⲗⲟⲥ ϫⲉ ⲁϩⲉ ⲡⲁ ϫⲥ̄ • ⲁ ⲡⲉⲕϩⲙⲟⲧ ⲙⲛ̄ ⲧⲉⲕ‐
ⲁⲅⲁⲡⲏ ⲉⲓⲣⲉ ⲛⲙ̄ⲙⲁⲓ ⲛ̄ ϩⲉⲛⲛⲟϭ ⲙ̄ ⲡⲉⲧ ⲛⲁⲛⲟⲩϥ •
ⲁϥⲟⲩⲱϣⲃ̄ ⲛ̄ϭⲓ ⲡⲥⲏ︦ⲣ︦ ⲡⲉϫⲁϥ • ϫⲉ ⲱ̄ ⲡⲙⲉⲣⲓⲧ ⲙ̄
ⲡⲉⲓⲱⲧ : ϩⲁⲙⲏⲛ ϩⲁⲙⲏⲛ ϯϫⲱ ⲙⲙⲟⲥ ⲛⲏⲧⲛ̄ • ϫⲉ
ⲥⲉⲛⲁⲧⲁϣⲉⲟ̄ⲉⲓϣ ⲛ̄ ⲛ̄ϣⲁϫⲉ ⲛ̄ ⲧⲉⲓ ⲁⲡⲟⲕⲁⲗⲩⲙⲯⲓⲥ
ϩⲙ̄ ⲡⲕⲟⲥⲙⲟⲥ ⲧⲏⲣϥ̄ • ⲉⲩϩⲏⲩ ⲛ̄ ⲛⲉⲧ ⲛⲁⲥⲱⲧⲙ̄ ⲉ ⲣⲟⲥ •
ϩⲁⲙⲏⲛ ϩⲁⲙⲏⲛ ϯϫⲱ ⲙ̄ⲙⲟⲥ ⲛⲁⲕ ⲱ̄ ⲡⲁⲩⲗⲟⲥ ϫⲉ ⲡⲉⲧ
ⲛⲁϥⲓ ⲡⲣⲟⲟⲩϣ ⲛ̄ ⲧⲉⲓ ⲁⲡⲟⲕⲁⲗⲩⲙⲯⲓⲥ :- | ⲛϥ̄ⲥϩⲁⲓ̈ⲥ
ⲛϥ̄ⲕⲁⲁⲥ ⲉ ϩⲣⲁⲓ ⲉⲩⲙⲛ︦ⲧ︦ⲙⲛ︦ⲧ︦ⲣⲉ ⲛ̄ ⲛ̄ⲅⲉ[ⲛⲉ]ⲁ ⲉⲧ ⲛⲏⲩ •
ⲛ̄ ϯⲛⲁⲧⲥⲁⲃⲟⲟⲩ ⲁⲛ ⲉ̄ ⲁⲙⲛ̄ⲧⲉ ⲙⲛ̄ ⲡⲉϥⲣⲓⲙⲉ ⲉⲧ ⲥⲁϣⲉ •
ϣⲁ ϩⲣⲁⲓ ⲉ ⲧⲙⲉϩ ⲥ︤ⲛ︥ⲧⲉ ⲛ̄ⲅⲉⲛⲉⲁ ϩⲙ̄ ⲡⲉϥⲥⲡⲉⲣⲙⲁ •
ⲁⲩⲱ ⲡⲉⲧ ⲛⲁⲱϣ ⲙⲙⲟⲥ ϩⲛ̄ ⲟⲩⲡⲓⲥⲧⲓⲥ ϯⲛⲁⲥⲙⲟⲩ ⲉ
ⲣⲟϥ ⲙⲛ̄ ⲡⲉϥⲏⲓ • ⲡⲉⲧ ⲛⲁⲕⲱⲙϣ̄ ⲛ̄ⲥⲁ ⲛ̄ϣⲁϫⲉ ⲛ̄ ⲧⲉⲓ
ⲁⲡⲟⲕⲁⲗⲩⲙⲯⲓⲥ ϯⲛⲁϫⲓⲕⲃⲁ ⲙ̄ⲙⲟⲟⲩ • ⲁⲩⲱ ⲛ̄ⲛⲉⲩⲱϣ
ⲛ̄ϩⲏⲧⲥ̄ ⲉⲓ ⲙⲏ ⲧⲉⲓ ϩⲛ̄ ⲛⲉϩⲟⲟⲩ ⲉⲧ ⲧⲃ̄ⲃⲏⲩ ϫⲉ ⲙ̄ⲙⲩ‐


### 0042

ⲥⲧⲏⲣⲓⲟⲛ ⲧⲏⲣⲟⲩ ⲛ̄ ⲧⲁ ⲙⲛ̄ⲧⲛⲟⲩⲧⲉ ⲁⲓⲟⲩⲟⲛϩⲟⲩ ⲉ ⲃⲟⲗ
ⲉ̄ ⲣⲱⲧⲛ̄ ⲱ̄ ⲛⲁ ⲙⲉⲗⲟⲥ ⲉⲧ ⲟⲩⲁⲁⲃ • ⲉⲓⲥ ϩⲏⲏⲧⲉ ⲁⲓϣⲉⲣⲡ̄
ⲧⲁⲙⲱⲧⲛ̄ ⲉ ϩⲱⲃ ⲛⲓ̈ⲙ • ⲙⲟⲟϣⲉ ⲧⲉⲛⲟⲩ ⲛ̄ⲧⲉⲧⲛ̄ⲃⲱⲕ •
ⲛ̄ⲧⲉⲧⲛ̄ⲧⲁϣⲉⲟⲉⲓϣ ⲙ̄ ⲡⲉⲩⲁⲅⲅⲉⲗⲓⲟⲛ ⲛ̄ ⲧⲁ ⲙⲛ̄ⲧⲉⲣⲟ •
ⲉ̄ⲡⲉⲓ ⲇⲏ ⲁϥϩⲱⲛ ⲅⲁⲣ ⲉ ϩⲟⲩⲛ ⲛ̄ϭⲓ ⲡⲉⲧⲛ̄ⲇⲣⲟⲙⲟⲥ ⲙⲛ̄
ⲡⲉⲧⲛ̄ⲁⲅⲱⲛ ⲉⲧ ⲟⲩⲁⲁⲃ • ⲛ̄ⲧⲟⲕ ⲇⲉ ϩⲱⲱⲕ ⲙ̄ ⲡⲁ ⲥⲱⲧⲡ̄
ⲡⲁⲩⲗⲟⲥ • ⲕⲛⲁϫⲱⲕ ⲉ ⲃⲟⲗ ⲙ̄ ⲡⲉⲕⲇⲣⲟⲙⲟⲥ ⲛⲧⲟⲕ ⲙⲛ̄
ⲡⲁ ⲙⲉⲣⲓⲧ ⲡⲉⲧⲣⲟⲥ-ⲛ̄ ⲥⲟⲩ ϯⲟⲩ ⲙ̄ ⲡⲉⲃⲟⲧ ⲉⲡ︦ⲏ︦ⲫ︦ ⲛⲅ̄
ϣⲱⲡⲉ ϩⲛ̄ ⲧⲁ ⲙⲛ̄ⲧⲉⲣⲟ ϣⲁ ⲉⲛⲉϩ • ⲧⲁ ϭⲟⲙ ⲉⲥⲉϣⲱⲡⲉ
ⲛⲙ̄ⲙⲏⲧⲛ̄ • ⲁⲩⲱ ⲛ̄ⲧⲉⲩⲛⲟⲩ ⲁϥⲕⲉⲗⲉⲩⲉ ⲛ̄ ⲧⲉⲕⲗⲟⲟⲗⲉ ⲉ̄
ⲧⲣⲉⲥⲧⲁⲗⲟ ⲛ︦ⲙ︦ⲙⲁⲑⲏⲧⲏⲥ • ⲛ︦ⲥ︦ϫⲓⲧⲟⲩ ⲉ ⲧⲉⲭⲱⲣⲁ ⲛⲧⲁϥ‐
ⲧⲟϣⲥ̄ ⲛⲁⲩ • ⲁⲩⲱ ⲛ̄ⲥⲉⲧⲁϣⲉⲟ̄ⲉⲓϣ ϩ︤ⲙ︥ ⲙⲁ ⲛⲓⲙ ⲙ̄ ⲡⲉⲩ‐
ⲁⲅⲅⲉⲗⲓⲟⲛ ⲛ̄ ⲧⲙⲛ̄ⲧⲉⲣⲟ ⲛ̄ ⲙ̄ⲡⲏⲩⲉ ϣⲁ ⲉⲛⲉϩ • ϩⲓⲧⲛ̄
ⲧⲉⲭⲁⲣⲓⲥ ⲙⲛ̄ ⲧⲙⲛ︦ⲧ︦ⲙⲁⲓ ⲣⲱⲙⲉ ⲙ̄ ⲡⲉⲛϫⲥ̄ ⲓⲥ̄ ⲡⲉⲭⲣ︦ⲥ︦
ⲡⲉⲛⲥ︦ⲏ︦ⲣ︦ • ⲡⲁⲓ ⲡⲉⲟⲟⲩ ⲛⲁϥ ⲙⲛ̄ ⲡⲉϥⲉⲓⲱⲧ ⲛ̄ ⲁⲅⲁⲑⲟⲥ •
ⲙⲛ̄ ⲡⲉⲡⲛ︦ⲁ︦ • ⲉⲧ ⲟⲩⲁⲁⲃ ϣⲁ ⲉⲛⲉϩ ⲛ̄ ⲉⲛⲉϩ • ϩⲁⲙⲏⲛ :-
ⲛ̄ⲧⲁ ⲡⲉⲓ ⲁⲅⲁⲑⲟⲛ ϣⲱⲡⲉ ⲉ ⲃⲟⲗ ϩⲓ ⲧⲟⲟⲧϥ̄ ⲙ̄ ⲡⲙⲁⲓ
ⲛⲟⲩⲧⲉ ⲛ̄ ⲥⲟⲛ • ⲉⲧ⳽ⲧ⳽ ⲯⲁⲧⲉ • ⲛ̄ ⲣⲙ̄ⲧⲙⲉⲕⲣⲁ • ϩⲙ̄ ⲡⲧⲟϣ
ⲛ̄ ⲣ̄ⲙⲟⲛ︦ⲧ︦ • ⲉⲣⲉ ⲡϫⲥ̄ ⲡⲛⲟⲩⲧⲉ ⲙ ⲡⲁⲣⲭⲁⲅⲅⲉⲗⲟⲥ ⲉⲧ
ⲟⲩⲁⲁⲃ ϩⲣⲁⲫⲁⲏⲗ ⲙⲛ̄ ⲡⲁⲅⲓⲟⲥ ⲡⲁⲩⲗⲟⲥ ⲡⲁⲡⲟⲥⲧⲟⲗⲟⲥ •
ⲛⲁⲥⲙⲟⲩ ⲉ ⲣⲟϥ ⲛ̄ⲧⲟϥ ⲯⲁⲧⲉ ⲙⲛ̄ ⲧⲉϥⲥϩⲓⲙⲉ ⲙⲛ̄ ⲛⲉϥ‐
ϣⲏⲣⲉ • ⲙⲛ̄ ⲧϥ̄ϭⲓⲛ ⲣ̄ ϩⲱⲃ • ⲛϥ̄ⲁⲁϥ ⲛ̄ⲥⲩⲛⲕⲗⲏⲣⲟⲛⲟ‐
ⲙⲟⲥ ⲙⲛ̄ ⲛⲉϥⲡⲉⲧ ⲟⲩⲁⲁⲃ ϩⲣⲁⲓ ϩⲛ̄ ⲧⲉϥⲙⲛ︦ⲧ︦ⲉⲣⲟ ⲉⲧ ϩⲛ̄
ⲙ̄ ⲙ̄ⲡⲏⲩⲉ • ϣⲁ ⲉⲛⲉϩ • ϩⲁⲙⲏⲛ •