### 0001

ⲠⲈϢⲖⲎⲖ • Ⲙ ⲠϨⲀⲄⲒⲞⲤ • ⲀⲐⲀⲚⲀⲤⲒⲞⲤ
ⲚⲦⲀϤⲦⲀⲨⲞϤ Ⲙ ⲠⲘⲀⲨ (sic) • ⲈⲦ ⲈϤⲚⲀⲔⲀ
ⲤⲰⲘⲀ • Ⲉ ϨⲢⲀⲒ ⲚϨⲎⲦϤ̄ • ⲈⲦⲈ ⲠⲞⲞⲨ •
ⲚϨⲞⲞⲨ ⲠⲈ Ϩ︦Ⲛ︦ ⲤⲞⲨ ⲤⲀϢϤ̄ • Ⲙ ⲠⲈⲂⲞⲦ
ⲠⲀϢⲞⲚ︤Ⲥ︥ • Ϩ︤Ⲛ︥ ⲞⲨⲈⲒⲢⲎⲚⲎ • ⲚⲦⲈ ⲠⲚⲞⲨⲦⲈ •
ⲤⲘⲞⲨ • Ⲉ ⲢⲞⲚ • ϨⲀⲘⲎⲚ •
Ⲉⲓⲃⲏⲕ • ⲉ ϩⲣⲁⲓ ⲉⲛϭⲓϫ • ⲙ ⲡⲛⲟⲩⲧⲉ • ⲛϭⲓϫ ⲛⲣⲱⲙⲉ •
ⲁⲛ • ⲉ ⲧⲃⲉ • ⲡⲁⲓ • ⲡϫⲟⲉⲓⲥ ⲡⲛⲟⲩⲧⲉ ⲛ̄ⲛϭⲟⲙ • ⲥⲱⲧⲙ̄ • ⲉ
ⲡⲉϣⲗⲏⲗ • ⲙ ⲡⲉⲕϩⲙ̄ϩⲁⲗ • ⲁⲑⲁⲛⲁⲥⲓⲟⲥ • ⲛⲅ̄ ⲧⲙ̄ ⲧⲛ̄ⲛⲟⲟⲩ
ⲛⲥⲁⲧⲁⲯⲩⲭⲏ | ϫⲉ ⲁⲛ︦ⲅ︦ ⲟⲩⲣⲱⲙⲉ ⲛⲥⲛⲟϥ • ϩⲓ ⲥ︦ⲁ︦ⲣ︦ⲝ︦ • ⲁⲩⲱ
ⲕⲥⲟⲟⲩⲛ̄ ⲛ ⲧⲙⲛ︦ⲧ︦ϭⲱⲃ • ⲛ̄ ⲛ̄ϣⲏⲣⲉ ⲛ ⲁⲇⲁⲙ ϫⲉ ⲉⲣϣⲁⲛ
ⲟⲩⲕⲟⲩⲓ • ⲙ ⲡⲱⲗ︦ϩ︦ • ⲧⲁϩⲉ ⲟⲩⲁ ϣⲁϥⲧⲁϩⲉ ⲟⲩⲁ ϣⲁϥⲕⲓⲛ‐
ⲇⲉⲩⲛⲉⲉⲩⲉ • ⲁⲩⲱ ⲟⲩϩⲟⲧⲉ • ⲛ ⲁϣ ⲛ̄ϭⲟⲧ • ⲡⲉ ϩⲉ ⲉ ϩⲣⲁⲓ •
ⲉⲛ̄ϭⲓϫ ⲙ ⲡⲛⲟⲩⲧⲉ • ⲉⲩⲙⲙ[ⲁ]ⲩ • ⲛϭⲓ ⲛⲕⲟⲗⲁⲥⲓⲥ • ⲛ̄ⲧⲁⲕ‐
ⲧⲁⲙⲓⲟⲟⲩ ⲉ ϫⲓⲕⲃⲁ • ⲛ̄ ⲛ̄ⲣϥ̄ⲣ ⲛⲟⲃⲉ • ⲙⲛ̄ ⲧⲅⲉⲛϩⲉⲛ ⲁ(sic)•
ⲛ ⲥⲁⲁⲧⲉ • ⲙⲛ̄ ⲡϫⲁϥ • ⲙⲛ̄ ⲡ︦ⲛ︦ⲡ︦ϥ︦ⲧ︦ (sic) • ⲛ̄ ⲁⲧ ⲛⲕⲟⲧ︦ⲕ︦ •
ⲉⲓϣⲁⲛϫⲟⲟϥ ϫⲉ ⲁⲛ︦ⲅ︦ ⲟⲩⲇⲓⲕⲁⲓⲟⲥ ⲁⲩⲱ ⲁⲓϣⲡ̄ ϩⲓⲥⲉ •
ⲉϫⲙ̄ ⲡⲉⲕⲣⲁⲛ • ⲛ︦ⲅ︦ ϩⲉ ⲉ ⲣⲟⲓ • ⲉ ⲁⲓⲣ̄ ⲛⲟⲃⲉ • ϩ︦ⲙ︦
ⲡⲉⲓ ⲕⲉ ⲟⲩⲁ ϫⲉ ⲛⲕⲉ ⲁⲅⲅⲉⲗⲟⲥ • ⲁⲩⲙⲉⲉⲩⲉ • ⲉⲩϭⲱⲱⲙⲉ •
ⲛⲧⲁⲩⲧⲁⲙⲓⲟⲟⲩ • ⲅⲁⲣ • ⲉ ⲃⲟⲗ ϩ︦ⲛ︦ ⲟⲩⲡ︦ⲛ︦ⲁ︦ • ⲉϥⲟⲩⲁⲁⲃ •
ⲙⲛ̄ ⲟⲩⲥⲁⲁⲧⲉ • ⲉⲓⲉ ⲡⲟⲥⲱ ⲙⲁⲗⲗⲟⲛ • ⲁⲛⲟⲕ • ⲁⲛ︦ⲅ︦
ⲟⲩⲕⲁϩ • ϩⲓ ⲕⲉⲣⲙⲉⲥ • ⲁⲩⲱ ⲁⲛ︦ⲅ︦ ⲟⲩⲥⲁⲣ︦ⲝ︦ • ⲉϣⲁⲥⲃⲱⲗ •
ⲉ ⲃⲟⲗ • ⲛⲥ̄ϣⲱⲡⲉ • ⲛ ⲟⲩⲕⲁϩ • ϩⲓ ⲕⲉⲣⲙⲉⲥ • ⲁⲩⲱ ⲛⲧⲁⲕ‐
ⲧⲁⲙⲓⲟⲓ • ⲉ ⲃⲟⲗ • ϩ︦ⲛ︦ ⲟⲩⲙⲏⲧⲣⲁ • ⲛ ⲥϩⲓⲙⲉ • ⲁⲕⲧⲟϭⲧ̄
ⲛ̄ⲑⲉ • ⲛ ⲟⲩⲥⲟⲟϩⲉ • ⲉϣⲁⲥⲡⲓⲥⲉ • ϩ︦ⲙ︦ ⲡⲕⲱϩⲧ̄ ⲁⲕϯ ⲉ ⲣⲟⲓ •
ⲛ̄ ϩⲉⲛⲕⲉⲉⲥ • ⲁⲕⲙⲟⲣ︦ⲧ︦ • ⲛ ϩⲉⲛⲙⲟⲩⲧ ⲙⲛ̄ ϩⲉⲛⲥⲁⲣⲝ̄ • ⲁⲕ‐
ϭⲟⲟⲗⲧ̄ • ⲛ̄ ⲟⲩϣⲁⲁⲣ • ⲁⲕϯⲉ ⲣⲟⲓ ⲛ ⲟⲩⲡⲛⲟⲏ • ⲙⲛ̄ ⲟⲩⲡ︤ⲛ︦ⲁ︥ •


### 0002

ⲉϥⲟⲩⲁⲁⲃ • ⲙⲛ̄ ⲛ▨▨ⲟⲩⲓ ϣⲁⲣⲉ ⲡⲉⲡⲛⲁ̄ • ⲕⲁⲁⲩ • ⲛϥ̄ⲕⲟⲧϥ̄ •
▨▨▨▨ⲉ ⲃⲟⲗ •  ⲛ︦▨▨▨▨▨▨▨▨▨▨▨▨
ⲉⲩ▨▨▨▨▨
▨▨▨▨|ⲛⲧⲉ ⲡⲕⲁϩ • ⲥⲧⲱⲧ • ϣⲁ ⲛⲉϥ︦ⲥ︦ⲛ︦ⲧⲉ ⲡⲉⲧ ϩⲙⲟⲟⲥ ⲉ
ϩⲣⲁⲓ ⲉϫⲛ̄ ⲛⲉⲭⲉⲓⲣⲟⲩⲃⲓⲛ • ⲛⲟⲩⲟⲉⲓⲛ ⲉⲩⲁϩ ⲉⲣⲁⲧⲟⲩ ⲉ ⲣⲟϥ •
ⲛϭⲓ ϩⲉⲛϣⲟ • ⲛϣⲟ ⲙ︦ⲛ︦ ϩⲉⲛⲧⲃⲁ • ⲛⲧⲃⲁ • ⲉⲩϯ ⲉⲟⲟⲩ ⲛ̄
ⲧⲉϥⲙ︦ⲛ︦ⲧ︦ⲛⲟϭ • ⲡⲉⲛⲧ ⲁϥⲕⲱ ⲛ̄ⲥⲁϣϥⲉ ⲙⲡⲉ • ⲙⲛ̄ ⲥⲁϣϥ̄ •
ⲛ̄ⲥⲧⲉⲣⲉⲱⲙⲁ • ϩ︦ⲙ︦ ⲡϣⲁϫⲉ ⲛ ⲧⲉϥϭⲟⲙ • ⲡⲉⲧ ϯ ⲛ̄
ⲟⲩⲧⲟϣ • ⲉ ⲑⲁⲗⲗⲁⲥⲁ ⲉⲙⲉⲥⲉϣ ⲥⲁⲁⲧϥ̄ • ⲡⲉⲧⲃⲱⲗ • ⲉⲃⲟⲗ •
ⲙ̄ ⲯⲩⲭⲏ • ⲛⲓⲙ • ⲉⲧ ⲧⲟⲩⲛⲟⲥ • ⲙⲙⲟⲟⲩ • ⲁⲩⲱ ⲉϥϯ
ⲛⲁⲩ ⲛ ⲟⲩⲙ︦ⲛ︦ⲧϣⲁⲛϩⲧⲏϥ • ⲡⲁⲓ • ⲉⲧⲉ ⲙⲛ̄ ⲗⲁⲁⲩ •
ⲛ̄ⲁⲅⲅⲉⲗⲟⲥ ⲛⲁϣⲟⲩⲱϩ︦ⲙ︦ • ⲛⲁϥ • ⲉⲓ ⲙⲏ ⲧⲉⲓ • ⲡⲉϥϣⲏⲣⲉ •
ⲛ ⲁⲅⲁⲑⲟⲥ • ⲙⲛ̄ ⲡⲉϥⲡ︦ⲛ︦ⲁ︦ • ⲛ̄ ϩⲁⲅⲓⲟⲛ • ⲏ ⲉⲣⲉ ⲧⲁ ⲯⲩⲭⲏ •
ⲛ̄ ⲧⲁⲗⲁⲓⲡⲱⲣⲟⲥ • ⲁⲩⲱ ⲛⲣϥ︦ⲣ︦ ⲛⲟⲃⲉ • ⲛⲁⲟⲩⲱⲛ︦ϩ︦ ⲉ ⲃⲟⲗ •
ⲛ̄ ⲛ︦ⲁ︦ϩ︦ⲣ︦ⲛ︦ ⲧⲉⲕⲙ︦ⲛ︦ⲧ︦ϫⲟⲉⲓⲥ • ⲉⲓ ⲙⲏ ⲧⲉⲓ • ⲧⲉⲕⲙ︦ⲛ︦ⲧ̄ϣⲁⲛ‐
ϩⲧⲏϥ • ⲡϫⲟⲉⲓⲥ • ⲛ̄ ⲧⲁ ⲯⲩⲭⲏ • ⲙⲛ̄ ⲡⲁ ⲥⲱⲙⲁ • ⲙⲛ̄ ⲡⲁ
ⲡ︦ⲛ︦ⲁ̄ ⲥⲱⲧⲙ̄ ⲉ ⲣⲟⲓ ⲡⲛⲟⲩⲧⲉ • ⲙ ⲡⲁ ⲱ︦ⲛ︦ϩ︦ ⲛ︦ⲅ̄ϫⲓ ⲛ̄ ⲧⲟⲟⲧ •
ⲛ̄ ⲧⲁ ⲉⲝⲟⲙⲟⲗⲟⲅⲓⲥⲓⲥ ⲛ︦ⲅ̄ ϯ ⲛ ⲟⲩⲛⲁ • ⲛ ⲧⲁ ⲯⲩⲭⲏ •
ⲉⲓⲛⲏⲩ ⲉ ⲣⲁⲧⲕ̄ • ⲡϫ︦ⲥ̄ • ⲡⲇⲉⲥⲡⲟⲇⲏⲥ • ⲙ ⲡⲧⲏⲣ︦ϥ︦ • ⲡⲉⲛⲧ
ⲁϥϫⲓ • ⲙ ⲡⲉϣⲗⲏⲗ • ⲙ ⲡϣⲟⲣⲡ̄ • ⲛ̄ ⲣⲱⲙⲉ • ⲁⲇⲁⲙ
ⲁϥϯ ⲙⲉⲧⲁⲛⲓⲁ • ⲛⲁϥ • ⲉⲕⲉϫⲓ ⲙ ⲡⲁ ⲧⲱⲃ︦ϩ︦ • ⲛ̄ⲧⲟⲟⲧ •
ⲛ︦ⲅ︦ ⲧⲛ̄ⲛⲟⲟⲩ • ⲛ̄ⲥⲁ ⲧⲁ ⲯⲩⲭⲏ • ϩ︦ⲛ︦ ⲟⲩⲟⲩⲛⲟⲩ • ⲉⲥⲣϣⲁⲩ •
ⲙⲛ̄ ⲟⲩⲙ︦ⲛ︦ⲧ̄ϣⲁⲛϩⲧⲏϥ • ⲁⲩⲱ ϩⲛ̄ ⲟⲩⲙ︦ⲛ︦ⲧⲟⲩⲁϩⲓⲏⲧ • ⲁⲛ •
ⲡⲉⲛⲧ ⲁϥⲥⲱⲧⲙ̄ • ⲉ ⲡⲉϣⲗⲏⲗ • ⲙ̄ ⲡϣⲟⲣⲡ̄ • ⲙ̄ ⲙⲁⲣ‐
ⲧⲩⲣⲟⲥ ⲁⲃⲉⲗ • ⲉⲕⲉⲥⲱⲧⲙ̄ • ⲉ ⲡⲱⲓ • ϩⲱ ⲙ̄ⲡⲟⲟⲩ • ⲛⲅ̄
ⲧⲛ̄ⲛⲟⲟⲩ • ⲛⲥⲁ ⲧⲁ ⲯⲩⲭⲏ • ⲛ ⲟⲩⲁⲅⲅⲉⲗⲟⲥ • ⲛⲧⲉ
ⲧⲇⲓⲕⲁⲓⲟⲥⲩⲛⲏ • | ⲡⲉⲛⲧ ⲁϥⲥⲱⲧⲙ̄ • ⲉ ⲡⲉϣⲗⲏⲗ • ⲛ
ⲁⲃⲣⲁϩⲁⲙ ⲡⲉⲛⲉⲓⲱⲧ • ⲉϥϣⲟⲟⲡ • ϩⲙ̄ ⲡⲕⲁϩ• ⲛ ⲭⲁⲛⲁⲁⲛ
ⲁϥϭⲟϫϭⲉϫ ⲛ ϩⲉⲛⲣ̄ⲣⲟ • ⲉⲩⲧⲁϫⲣⲏⲩ • ⲁⲩⲱ ⲉⲩⲟϣ • ⲙ
ⲙⲏⲏϣⲉ ⲛϩⲟⲩⲟ ⲉ ⲣⲟϥ • ⲉⲕⲉⲥⲱⲧⲙ̄ ⲉ ⲣⲟⲓ ϩⲱ ⲙⲡⲟⲟⲩ •
ⲡⲉⲛⲧ ⲁϥⲥⲱⲧ︦ⲙ︦ • ⲉ ⲡⲉϣⲗⲏⲗ • ⲛ ⲓⲥⲁⲁⲕ • ⲁϥⲛⲁϩⲙⲉϥ •
ⲉ ⲧϭⲓϫ • ⲛ̄ ⲛ̄ⲉⲫⲩⲗⲉⲥⲧⲉⲉⲓⲙ • ⲉⲕⲉⲥⲱⲧ︦ⲙ︦ ⲉ ⲣⲟⲓ ϩⲱ
ⲙⲡⲟⲟⲩ • ⲛ︦ⲅ︦ⲭⲁⲣⲓⲍⲉ ⲛⲁⲓ • ⲛ̄ ⲟⲩⲁⲡⲁⲛⲧⲏⲙⲁ • ⲉⲛⲁ‐
ⲛⲟⲩⲥ • ⲡⲉⲛⲧ ⲁϥⲥⲱⲧ︦ⲙ︦ • ⲉ ⲡⲉϣⲗⲏⲗ ⲛ ⲓⲁⲕⲱⲃ • ⲉϥⲃⲏⲕ •
ⲉ ⲧⲙⲉⲥⲟⲡⲟⲧⲁⲙⲓⲁ • ⲛ ⲧⲥⲩⲣⲓⲁ • ⲁϥⲟⲩⲱⲛ︦ϩ︦ • ⲛⲁϥ ⲉ


### 0003

ⲃⲟⲗ • ⲛϭⲓ ⲡⲛⲟⲩⲧⲉ • ⲁϥϯ ⲛⲁϥ • ⲛ ⲧⲙ︦ⲛ︦ⲧ︦ⲣⲙⲙⲁⲟ̄ • ⲛ
ⲗⲁⲃⲁⲛ ⲉⲕⲉⲥⲱⲧⲙ̄ ⲉ ⲣⲟⲓ • ϩⲱ ⲙⲡⲟⲟⲩ • ⲡⲉⲛⲧ ⲁϥⲥⲱⲧⲙ̄ •
ⲉ ⲓⲱⲥⲏⲫ ϩⲛ̄ ⲕⲏⲙⲉ ⲉⲕⲉⲥⲱⲧⲙ̄ • ⲉ ⲣⲟⲓ ϩⲱ • ⲙⲡⲟⲟⲩ •
ⲉⲓⲛⲏⲩ ⲉ ⲣⲁⲧⲕ̄ • ⲡⲉⲛⲧ ⲁϥⲥⲱⲧ︦ⲙ︦ ⲉ ⲡⲉϣⲗⲏⲗ • ⲙ ⲡⲛⲟϭ
ⲙ ⲡⲣⲟⲫⲏⲧⲏⲥ • ⲙⲱⲩⲥⲏⲥ • ⲉ ⲁϥⲉⲓⲛⲉ • ⲙ ⲡⲗⲁⲟⲥ ⲙ
ⲡ︦ⲓ︦ⲏ︤︦ⲗ︦ • ⲉ ⲃⲟⲗ • ϩ︦ⲛ︦ ⲕⲏⲙⲉ • ⲉⲕⲉⲥⲱⲧ︦ⲙ︦ • ⲉ ⲣⲟⲓ ϩⲱ ⲙ
ⲡⲟⲟⲩ • ⲁⲛⲟⲕ ⲡⲉⲕϩ︦ⲙ︦ϩⲁⲗ • ⲁⲑⲁⲛⲁⲥⲓⲟⲥ • ⲁⲕⲥⲱⲧⲙ̄ • ⲉ
ⲡⲉϣⲗⲏⲗ • ⲛ ⲓⲉⲥⲟⲩ • ⲡϣⲏⲣⲉ • ⲛ̄ ⲛⲁⲩⲏ ⲉϥⲙⲓϣⲉ • ⲙⲛ̄
ⲛⲉϥϫⲁϫⲉ • ⲁⲕⲧⲛ̄ⲛⲟⲟⲩ • ⲛⲁϥ ⲙ ⲡⲁⲣⲭⲏⲥⲧⲣⲁⲧⲏⲅⲟⲥ •
ⲛ ⲧϭⲟⲙ • ⲛ ⲙ̄ⲡⲏⲩⲉ • ⲉ ⲧⲣ︦ϥ︦ϫⲓⲕⲃⲁ • ⲛ̄ ⲛⲉϥϫⲁϫⲉ •
ⲉⲕⲉⲥⲱⲧⲙ̄ • ⲉ ⲣⲟⲓ ϩⲱ ⲙⲡⲟⲟⲩ ⲉⲓⲛⲏⲩ • ⲉ ⲣⲁⲧ︦ⲕ︦ • ⲱ • ⲡⲁ
ϫⲟⲉⲓⲥ • ⲧⲉϩⲓⲏ ⲅⲁⲣ • ⲛ̄ⲣⲱⲙⲉ • ⲛⲓⲙ • ⲧⲉ ⲧⲁⲓ • ⲁⲗⲗⲁ •
ⲉⲓⲛⲁⲃⲱⲕ ϩⲛ̄ • ⲟⲩϩⲓⲏ • ⲛ ϯⲥⲟⲟⲩⲛ • ⲙⲙⲟⲥ ⲁⲛ • ϩⲁⲑⲏ •
ⲛⲥⲁϥ ⲙⲛ̄ ϣⲙ̄ⲧⲉ ⲡⲟⲟⲩ • ⲛ̄ϩⲟⲟⲩ • ⲧⲁⲓ • ⲉⲧⲉ ⲟⲩⲛ̄ⲧⲁⲥ▨
▨▨▨▨▨▨▨▨▨▨▨ⲛϣⲁ▨▨▨▨▨▨▨▨▨▨▨▨▨ |
ⲙⲟⲕϩ̄ • ⲛ ⲧⲁ ⲯⲩⲭⲏ ⲛⲑⲉ ⲛ̄ ⲟⲩⲧⲣⲟⲭⲟⲥ • ⲛ̄ ⲛ̄ⲁϩⲣ︦ⲛ︦
ⲟⲩⲕⲱϩ︦ⲧ︦ • ⲁⲩⲱ ⲛⲑⲉ ⲛ ⲟⲩⲗⲁⲁⲩ • ⲛ̄ ⲛⲁϩⲣ︦ⲛ︦ ⲟⲩⲧⲣⲓⲣ •
ⲉ ⲧⲃⲉ ⲡⲁⲓ ϯⲛⲁⲉⲝⲟⲙⲟⲗⲟⲅⲉⲓ • ⲛⲁⲕ • ⲡⲛⲟⲩⲧⲉ • ⲙ ⲡⲁ
ⲱⲛ︦ϩ︦ ⲁⲩⲱ ⲟⲛ ϯⲥⲟⲟⲩⲛ ϫⲉ ⲁⲕⲥⲱⲧⲙ̄ • ⲉ ⲡⲉϩⲣⲟⲟⲩ
ⲛⲛⲉⲕϩⲙ̄ϩⲁⲗ • ⲥⲱⲧⲙ̄ ⲉ ⲡⲱⲓ ϩⲱ ⲡϫ︦ⲥ︦ • ⲡⲁ ⲛⲟⲩⲧⲉ ⲡⲉⲛⲧ
ⲁϥⲉⲛ︦ⲧ︦ • ⲉ ⲃⲟⲗ ϩⲙ̄ ⲡⲕⲁⲕⲉ • ⲛ ⲧⲙ︦ⲛ︦ⲧⲁⲧⲥⲟⲟⲩⲛ •
ⲉⲕⲉⲉⲓⲛⲉ • ⲛ̄ ⲧⲁ ⲯⲩⲭⲏ • ⲉ ⲃⲟⲗ ϩⲙ̄ ⲡⲁ ⲥⲱⲙⲁ • ϩⲛ̄
ⲟⲩⲟⲩⲛⲟⲩ ⲉⲙⲛ̄ ϩⲓⲥⲉ • ⲛϩⲏⲧ︦ⲥ︦ ϫⲉ ⲛⲧⲕ̄ ⲟⲩⲛⲟⲩⲧⲉ • ⲛ
ⲁⲅⲁⲑⲟⲥ • ⲛⲧⲟⲕ • ⲟⲛ ⲡⲉⲛⲧ ⲁⲕⲥⲱⲧ︦ⲙ︦ • ⲉ ⲡⲉϣⲗⲏⲗ • ⲛ̄
ⲛⲉⲕⲣⲓⲧⲏⲥ • ⲃⲁⲣⲁⲕ • ⲥⲁⲙⲯⲱⲛ • ⲓⲉⲫⲑⲁⲉ • ⲅⲉⲇⲉⲱⲛ •
ⲙⲛ̄ ⲇⲉⲃⲱⲣⲣⲁ • ⲅⲟⲑⲟⲛⲓⲏⲗ ⲙⲛ̄ ⲁⲱⲑ • ϣⲁⲛⲧⲟⲩⲕⲣⲓⲛⲉ •
ⲙ ⲡⲉⲕⲗⲁⲟⲥ • ⲛⲥⲉⲙⲟⲟⲛⲉ ⲙⲙⲟⲟⲩ • ϩⲓ ⲡϫⲁⲓⲉ ⲉⲕⲉ‐
ⲥⲱⲧ︦ⲙ︦ • ⲉ ⲣⲟⲓ ϩⲱ • ϩⲙ̄ ⲡⲁ ⲧⲱⲃ︦ϩ︦ • ⲉⲓϣⲗⲏⲗ • ⲉ ϩⲣⲁⲓ •
ⲉ ⲧⲉⲕⲙ︦ⲛ︦ⲧ︦ⲁⲅⲁⲑⲟⲥ • ⲡϫⲟⲉⲓⲥ • ⲡⲛⲟⲩⲧⲉ • ⲙ ⲡ︦ⲓ︦ⲏ︦ⲗ︦ • ⲁⲕ‐
ⲥⲱⲧⲙ̄ • ⲉ ⲡⲉϣⲗⲏⲗ • ⲛ ⲓ̄ⲉⲣⲉⲙⲓⲁⲥ • ⲡⲉⲡⲣⲟⲫⲏⲧⲏⲥ
ⲉϥϩⲙ̄ ⲡϣⲏⲓ • ⲙ ⲡⲗⲟⲓϩⲉ • ⲉⲕⲉⲥⲱⲧⲙ̄ • ⲉ ⲣⲟⲓ • ϩⲱ ϩⲙ̄
ⲡⲁ ⲥⲟⲡⲥⲡ̄ • ⲙⲛ̄ ⲡⲁ ⲧⲱⲃ︦ϩ︦ • ⲉ ϯⲧⲱⲃϩ̄ ⲙⲙⲟⲕ ⲛ̄ϩⲏⲧ︦ϥ︦ •
ⲡⲛⲟⲩⲧⲉ • ⲛ ⲣϥ̄ⲥⲱⲧⲙ̄ • ⲁⲕⲥⲱⲧⲙ̄ ⲟⲛ • ⲉ ⲏⲥⲁⲓⲁⲥ ⲡⲛⲟϭ •
ⲙ ⲡⲣⲟⲫⲏⲧⲏⲥ • ⲉϥⲱϣ ⲉ ϩⲣⲁⲓ ⲉ ⲣⲟⲕ • ⲉϥϣⲗⲏⲗ ϩⲁ


### 0004

ⲡⲉⲕⲗⲁⲟⲥ • ⲁⲕⲛⲁϩⲙⲉϥ • ⲉ ⲡⲧⲁⲕⲟ • ⲉⲕⲉⲥⲱⲧⲙ̄ • ⲉ ⲣⲟⲓ
ϩⲱ • ⲛ︤ⲅ︥ⲛⲉϩⲙ̄ • ⲧⲁ ⲯⲩⲭⲏ • ⲉ ⲡⲧⲁⲕⲟ • ⲁⲕⲥⲱⲧⲙ̄ • ⲟⲛ •
ⲉ ⲡⲉϣⲗⲏⲗ • ⲛ̄ ⲓⲉⲍⲉⲕ[ⲓⲏⲗ]• ⲡⲉⲡⲣⲟⲫⲏⲧⲏⲥ▨▨▨ⲉ ϩⲣⲁⲓ •
ⲉ ⲣⲟⲟⲩ • ⲁⲕⲧⲟⲩⲛⲟⲥ • ⲛⲁϥ(?) ⲛ ϩⲉⲛ▨▨▨|ⲁⲩϣⲱⲡⲉ ⲛ
ⲟⲩⲡⲛⲟⲏ • ⲛ ⲱⲛ︦ϩ︦ • ⲛⲕⲉ ⲥⲟⲡ • ⲉⲕⲉⲥⲱⲧⲙ̄ • ϩⲱ ⲉ ⲡⲁ
ϣⲗⲏⲗ • ⲛ︤ⲅ︥ⲛⲁ • ⲛ ⲧⲁ ⲯⲩⲭⲏ • ⲡϫⲟⲉⲓⲥ ⲡⲛⲟⲩⲧⲉ • ⲙ
ⲡⲁ ⲱⲛ︦ϩ︦ • ⲛ̄ⲧⲟⲕ ⲡⲉⲛⲧ ⲁⲕⲥⲱⲧⲙ̄ • ⲉ ⲇⲁⲛⲓⲏⲗ • ⲡⲉⲡⲣⲟ‐
ⲫⲏⲧⲏⲥ ⲉϥϩⲙ̄ ⲡϣⲏⲓ • ⲛ ⲙ̄ⲙⲟⲩⲓ • ⲁⲕⲧⲛ̄ⲛⲟⲟⲩ • ϣⲁ
ⲣⲟϥ ⲛ ⲁⲃⲃⲁⲕⲟⲩⲙ • ⲙⲛ̄ ⲡⲁⲣⲓⲥⲧⲟⲛ • ⲁⲕⲥⲱⲧⲙ̄ ⲉ ⲓⲱⲛⲁⲥ •
ⲉϥϩⲛ̄ ϩⲏⲧ︦ⲥ︦ • ⲙ ⲡⲕⲩⲧⲟⲥ ⲛϣⲟⲙⲛ︦ⲧ︦ ⲛ̄ϩⲟⲟⲩ • ⲙⲛ̄
ϣⲟⲙⲧⲉ • ⲛⲟⲩϣⲏ • ⲉⲙⲛ̄ⲑⲉ • ⲉ ⲧⲣ︤ϥ︥ⲟⲩⲱⲙ • ⲙⲙⲟϥ •
ⲁⲕⲧⲣ︦ϥ︦ⲛⲟϫϥ̄ • ⲉ ⲡⲡⲉⲧ ϣⲟⲩⲱⲟⲩ • ⲉⲕⲉⲥⲱⲧⲙ̄ • ⲉ ⲣⲟⲓ
ϩⲱ ⲙⲡⲟⲟⲩ • ⲡⲛⲟⲩⲧⲉ • ⲉⲧ ⲛⲟϩ︤ⲙ︥ ⲙⲙⲟⲓ • ϩⲛ̄ ⲑⲗⲓⲯⲓⲥ •
ⲛⲓⲙ ⲉⲕⲉⲛⲁϩⲙⲉⲧ • ϩ︦ⲛ︦ ϯ ⲕⲉ ⲟⲩⲉⲓⲉ • ⲉⲧ ⲟ ⲛ ϩⲟⲧⲉ ⲡⲉⲛⲧ
ⲁϥⲥⲱⲧⲙ̄ • ⲉ ⲡⲉϣⲗⲏⲗ • ⲛ ϩⲏⲗⲓⲁⲥ ⲡⲛⲟϭ • ⲙ̄ ⲡⲣⲟ‐
ⲫⲏⲧⲏⲥ • ⲁⲕϣⲧⲁⲙ • ⲛ ⲧⲡⲉ • ⲛ̄ ϣⲟⲙⲧⲉ ⲛ̄ⲣⲟⲙⲡⲉ • ⲙⲛ̄
ⲥⲟⲟⲩ • ⲛⲉⲃⲟⲧ • ⲉⲕⲉⲥⲱⲧⲙ̄ ⲉ ⲣⲟⲓ ϩⲱ ⲙⲡⲟⲟⲩ • ⲡϫⲟⲉⲓⲥ
ⲛ̄ ⲧⲡⲉ • ⲙⲛ̄ ⲡⲕⲁϩ • ⲡⲉⲛⲧ ⲁϥⲥⲱⲧⲙ̄ • ⲉ ⲉⲗⲓⲥⲁⲓⲟⲥ •
ⲁϥⲧⲟⲩⲛⲟⲥ ⲡϣⲏⲣⲉ • ⲛ̄ ⲧⲉⲥϩⲓⲙⲉ ⲛ̄ ⲥⲱⲙⲁⲛⲓⲧⲏⲥ ⲛⲁⲥ •
ⲥⲱⲧⲙ̄ • ⲉ ⲣⲟⲓ • ⲉⲓⲱϣ • ⲉ ϩⲣⲁⲓ • ⲉ ⲣⲟⲕ • ϩⲛ̄ ⲧⲁϭⲓⲛⲉⲓ •
ⲉ ⲃⲟⲗ ϩⲛ̄ ⲥⲱⲙⲁ • ⲡⲛⲟⲩⲧⲉ • ⲙ ⲡⲁ ⲟⲩϫⲁⲓ • ⲛ̄ⲧⲟⲕ
ⲡⲉⲛⲧ ⲁⲕⲥⲱⲧ︦ⲙ︦ • ⲉ ⲡⲉϣⲗⲏⲗ • ⲛ ⲇ︦ⲁ︦ⲇ︦ • ⲉϥⲡⲏⲧ • ϩⲏⲧ︦ϥ︦ •
ⲛ̄ⲛⲉϥϫⲁϫⲉ • ⲛⲉϩⲙ̄ ⲧⲁ ⲯⲩⲭⲏ ϩⲱ • ⲉ ⲧϭⲓϫ • ⲙ
ⲡⲕⲁⲧⲏⲅⲟⲣⲟⲥ • ⲁⲕϣⲱⲡⲉ ⲟⲛ ⲙⲛ̄ ⲛⲉⲛⲉⲓⲟⲧⲉ ⲙ ⲡⲣⲟ‐
ⲫⲏⲧⲏⲥ • ⲙⲛ̄ ⲛⲉⲛⲉⲓⲟⲧⲉ ⲛ̄ⲁⲡⲟⲥⲧⲟⲗⲟⲥ • ϣⲁⲛⲧⲟⲩⲉⲓⲣⲉ •
ⲛ̄ⲛⲉⲓ • ϭⲟⲙ ⲧⲏⲣⲟⲩ • ⲙⲛ̄ ⲛⲉⲓϣⲡⲏⲣⲉ ⲙⲛ̄ ⲛⲉⲓ▨▨▨ⲙⲛ̄
ⲛⲉⲓ▨▨▨▨▨▨▨▨▨▨▨▨▨▨▨ⲉⲕⲉϣⲱⲡⲉ ⲛⲙ̄ⲙⲁⲓ |
ϩⲱ • ⲡⲛⲟⲩⲧⲉ • ⲙ̄ ⲡⲁ ⲱⲛ︤ϩ︥ • ⲁⲛⲟⲕ ⲡⲉⲕϩ︤ⲙ︥ϩⲁⲗ ⲁⲑⲁ‐
ⲛⲁⲥⲓⲟⲥ • ϯⲥⲟⲟⲩⲛ • ϫⲉ ⲁⲕⲥⲱⲧⲙ̄ • ⲉ ⲣⲟⲓ • ϩⲛ̄ ϩⲁϩ •
ⲛ̄ⲑⲗⲓⲯⲓⲥ • ⲉⲓⲱϣ ⲉ ϩⲣⲁⲓ • ⲉ ⲣⲟⲕ • ⲥⲱⲧⲙ̄ • ⲉ ⲣⲟⲓ
ⲧⲉⲛⲟⲩ ⲡⲁ ϫⲟⲉⲓⲥ ⲛ︦ⲅ︦ⲧⲛ̄ⲛⲟⲟⲩ • ⲛⲁⲓ • ⲙ ⲙⲓⲭⲁⲏⲗ
ⲡⲉⲕⲛⲟϭ • ⲛ̄ ⲁⲣⲭⲁⲅⲅⲉⲗⲟⲥ • ϩ︦ⲛ︦ ⲟⲩⲙⲛ︦ⲧ︦ϣⲁⲛϩⲧⲏϥ
ⲛⲅ̄ϫⲓ ⲛ ⲧⲁ ⲯⲩⲭⲏ ϩⲛ̄ ⲟⲩⲁⲛⲁⲡⲁⲩⲥⲓⲥ • ⲛ︤ϥ︥ⲟⲩⲟⲥ︤ϥ︥ • ⲙ
ⲡⲱⲟϫⲛⲉ • ⲙ ⲡⲕⲁⲧⲏⲅⲟⲣⲟⲥ • ⲡⲁⲓ ⲉⲧ ⲙⲉⲉⲩⲉ • ⲉ


### 0005

ⲕⲁⲧⲏⲅⲟⲣⲉⲓ • ⲙⲙⲟⲛ • ⲙⲡⲉⲕⲙⲧⲟ • ⲉ ⲃⲟⲗ • ⲛⲅ̄ ⲧ︦ⲙ︦ ϫⲓ
ⲕⲁⲧⲏⲅⲟⲣⲓⲁ • ⲉ ϩⲟⲩⲛ • ⲉ ⲡⲉⲕϩ︦ⲙ︦ϩⲁⲗ ⲛⲅ︦ⲣ︦ⲱϩ︤ⲧ︥ • ⲛ̄ⲛⲉⲧ
ϩⲓ ϩⲃⲟⲩⲣ • ⲙⲙⲟⲓ • ⲛ︤ⲅ︥ⲧⲣ︤ϥ︥ⲱϣⲙ̄ • ⲛϭⲓ ⲡϣⲁϩ • ⲙ
ⲡⲕⲱϩ︦ⲧ︦ • ⲛ︦ⲅ︦ϯⲑⲉ • ⲛⲁⲓ ⲉ ⲧⲣⲁⲁϩ • ⲉ ⲣⲁⲁⲧ • ⲙⲡⲉⲕⲙⲧⲟ •
ⲉ ⲃⲟⲗ • ⲡⲉⲧ ⲕⲣⲓⲛⲉ ⲛ ⲧⲟⲓⲕⲟⲩⲙⲉⲛⲏ • ⲧⲏⲣ︦ⲥ︦ • ϩⲛ̄ ⲟⲩϩⲟ •
ⲉⲙⲛ̄ ϣⲓⲡⲉ ⲛ̄ϩⲏⲧ︦ϥ︦ • ⲙⲁⲣⲟⲩϫⲓ ϣⲓⲡⲉ • ⲛϭⲓ ⲛⲉⲧ ϩⲓ ϩⲃⲟⲩⲣ
ⲛⲧⲉ ⲛⲉⲧ ϩⲓ ⲟⲩⲛⲁⲙ • ⲁⲁϩ • ⲉ ⲣⲁⲧⲟⲩ • ϩⲁϩⲧⲏⲓ •
ⲙⲁⲣϥ̄ⲱϫⲛ̄ • ⲛ̄ϭⲓ ⲡⲕⲱϩ︦ⲧ︦ • ⲛ ⲁⲧ ϫⲉⲛⲁ • ⲛ︦ⲅ︦ⲑⲙ̄ⲕⲟ • ⲛ
ⲧⲥⲁⲁⲧⲉ • ⲙ ⲡⲁⲧ ϣⲓⲡⲉ • ⲙⲛ̄ ⲛⲉϥⲇⲩⲛⲁⲙⲓⲥ • ⲙⲁ ϯⲑⲉ
ⲛⲁⲓ • ⲉ ⲧⲣⲁⲥⲟⲡⲥ︦ⲡ︦ • ⲉϫⲛ̄ ϣⲓⲡⲉ ϩⲓ ϩⲟⲧⲉ • ϫⲉ ⲛⲧⲟⲕ •
ⲡⲉ ⲡⲛⲟⲩⲧⲉ • ⲙⲙⲉ ⲙⲁⲩⲁⲁϥ ⲡⲉⲧ ⲉⲣⲉ ⲟⲩϩⲟⲧⲉ • ⲙⲛ̄
ⲟⲩⲥⲧⲱⲧ • ⲙⲛ̄ ⲟⲩⲛⲉϩϣⲗ︦ϥ︦ • ⲙⲡⲉϥⲙⲧⲟ • ⲉ ⲃⲟⲗ •
ⲡⲛⲟⲩⲧⲉ • ⲙⲁⲩⲁⲁϥ ⲡⲉⲧ ⲉⲣⲉ ⲧⲁ ⲯⲩⲭⲏ • ⲙⲛ̄ ⲡⲁ ⲡ︦ⲛ︦ⲁ︦ •
ϩⲛ̄ ⲛⲉϥϭⲓϫ ϯⲥⲟⲡⲥⲡ̄ • ⲙⲙⲟⲕ • ⲡⲁ ϫ︤ⲥ︥ • ⲉⲓⲛⲏⲩ • ⲉ
ϩⲣⲁⲓ • ⲉⲛⲉⲕϭⲓϫ • ⲡⲁⲓ • ⲉⲧ ⲉⲣⲉ ⲟⲩϩⲟⲧⲉ • ⲙⲛ̄ ⲟⲩⲥ‐
ⲧⲱⲧ ⲙⲡⲉϥⲙⲧⲟ • ϩⲙ̄ ⲡⲉϥϣⲁϫⲉ • ϣⲁⲣⲉ ⲧⲡⲉ • ⲙⲛ̄
ⲡⲕⲁϩ • ⲃⲱⲗ • ⲉ ⲃⲟⲗ • ⲛ̄ⲧⲉ ⲛⲧⲟⲟⲩ • ⲥⲧⲱⲧ ϣⲁ ⲛⲉⲩⲥⲛⲧⲉ •
[ⲛ̄ⲧⲉ] ⲛⲉⲧⲣ▨▨▨ ⲛ̄ⲛⲟⲩⲛ • ⲥⲧⲱⲧ • | ⲛⲧⲉ ⲛⲧⲁⲣⲧⲁⲣⲟⲥ
ϣⲧⲟⲣⲧ︤ⲣ︥ • ϫⲉ ⲡⲁⲓ • ⲡⲉ ⲡⲛⲟⲩⲧⲉ ⲛ ⲁⲟⲣⲁⲧⲟⲥ • ⲟⲩϩⲱⲱϥ •
ⲧⲉ ⲧⲉⲯⲩⲭⲏ • ⲛ̄ ⲁⲑⲁⲛⲁⲥⲓⲟⲥ • ⲛ ⲛⲁϩⲣⲛ̄ ⲡⲉⲓ ⲛⲟϭ • ⲉⲧ
ϩⲁ ϩⲟⲧⲉ • ⲉⲓϣⲁⲛϫⲟⲟⲥ ϫⲉ ⲁⲛⲅ̄ ⲟⲩⲇⲓⲕⲁⲓⲟⲥ • ⲁⲛⲅ̄ ⲟⲩ‐
ⲣ︦ϥ︦ⲣ︦ ⲛⲟⲃⲉ • ⲛⲓⲙ • ⲡⲉⲧ ⲛⲁϣⲟⲩⲱϩ︦ⲙ︦ • ⲛⲁϥ • ⲛ︦ϥ︦ⲛⲉϫ ⲧⲁ
ⲯⲩⲭⲏ • ⲛ̄ ⲧⲁⲣⲧⲁⲣⲟⲥ • ⲛⲓⲙ ⲡⲉⲧ ⲛⲁϣⲟⲩⲱϩⲙ̄ • ⲛⲁϥ •
ϩⲛ̄ ⲧⲉϥⲉⲝⲟⲩⲥⲓⲁ • ⲉϥϣⲁⲛⲧⲟⲩⲛⲟⲥⲟⲩ • ⲟⲛ • ⲡⲱϥ ⲡⲉ
ⲡⲁⲙⲁϩⲧⲉ • ⲙⲛ̄ ⲗⲁⲁⲩ ϩⲏⲡ • ⲉ ⲣⲟϥ • ⲛ̄ ⲛⲉⲧ ϩⲏⲡ • ϩⲙ̄
ⲡϩⲏⲧ ⲙ ⲡⲣⲱⲙⲉ • ⲛⲧⲟϥ • ⲉⲧ ⲇⲟⲕⲓⲙⲁⲍⲉ • ⲛ ⲛϩⲏⲧ • ⲙⲛ̄
ⲛⲉϭⲗⲟⲟⲧⲉ • ⲉϥⲛⲟⲓ • ⲛ̄ ⲛⲉⲧ ⲛⲁⲛⲱⲟⲩ ⲙⲛ̄ ⲛⲉⲧ ⲑⲟⲟⲩ •
ⲉⲧ ϩⲙ̄ ⲡϩⲏⲧ • ⲙ ⲡⲣⲱⲙⲉ • ϫⲉ ⲛ̄ⲧⲟϥ • ⲡⲉ ⲡⲛⲟⲩⲧⲉ •
ⲛⲧⲟϥ • ⲡⲉ ⲡϫⲟⲉⲓⲥ • ⲛ ⲧⲁⲣⲉⲧⲏ • ⲉⲓϣⲟⲟⲡ • ϩⲛ̄ ⲧⲉⲓ ⲥⲁⲣ︦ⲝ︦ •
ⲁⲕⲧⲁⲁⲥ • ⲛⲁⲓ ⲉⲣ ⲡⲁ ⲟⲩⲱϣ • ϩⲓϫⲙ̄ ⲡⲕⲁϩ • ⲉ ⲥⲁϩⲟⲩ •
ⲁⲩⲱ ⲉ ⲥⲙⲟⲩ ⲉⲓϣⲁⲛⲉⲓ ⲉ ⲃⲟⲗ • ϩ︦ⲛ︦ ⲥⲱⲙⲁ • ⲧⲉⲕⲉⲝⲟⲩ‐
ⲥⲓⲁ • ⲧⲉⲧ ⲟ • ⲛ̄ ϫⲟⲉⲓⲥ • ⲉ ⲣⲟⲓ • ⲉ ϣⲁϫⲉ • ⲁⲩⲱ ⲉ ⲧⲙ̄
ϣⲁϫⲉ • ⲉ ⲧⲃⲉ ⲡⲁⲓ • ⲉⲓϣⲟⲟⲡ • ϩ︤ⲛ︥ ϯⲥⲁⲣ︤ⲝ︥ ⲛ ϯⲛⲁⲕⲁ
ⲧⲟⲟⲧ • ⲉ ⲃⲟⲗ • ⲁⲛ • ⲉⲓϩⲱⲥ • ⲉⲓⲥⲙⲟⲩ • ⲉⲓϯ ⲉⲟⲟⲩ • ⲛⲁⲕ •


### 0006

ϫⲉ ⲁⲓⲙⲡϣⲁ • ⲉ ⲟⲩⲱϣⲧ̄ • ⲙ ⲡⲉⲕⲛⲟⲙⲟⲥ • ⲁⲩⲱ ⲉ ⲁϩ •
ⲉⲣⲁⲧ • ⲙ ⲡⲉⲕⲗⲁⲟⲥ ⲡⲉϯⲕⲱ ⲛϩⲧⲏⲓ • ⲉ ⲣⲟϥ • ϫⲓⲛ ⲧⲁ
ⲙ︦ⲛ︦ⲧⲕⲟⲩⲓ ϣⲁ ϩⲟⲩⲛ ⲉ ⲡⲟⲟⲩ • ⲛϩⲟⲟⲩ • ϯⲛⲁⲛⲁϩⲧⲉ •
ϩⲁ ⲛⲉϥⲧⲛ︤ϩ︥ • ⲁⲩⲱ ϯⲛⲁⲣ̄ϩⲟⲧⲉ • ⲁⲛ • ϩⲏⲧϥ̄ • ⲛⲟⲩϩⲧⲟⲡ
ⲙⲛ̄ ⲟⲩⲇⲁⲓⲙⲟⲛⲓⲟⲛ • ⲙ ⲡⲛⲁⲩ ⲙ ⲙⲉⲉⲣⲉ▨▨▨▨▨▨
ⲛ̄ⲣⲱⲙⲉ▨▨▨▨▨|ⲛⲁⲓ ⲉⲧ ϣⲟⲩϣⲟⲩ • ⲙⲙⲟⲟⲩ • ϩⲓϫⲙ̄
ⲡⲕⲁϩ • ⲉⲩϫⲱ ⲙⲙⲟⲥ • ⲙⲙⲁⲁⲧⲉ • ϫⲉ ⲡⲉⲓ ⲕⲟⲥⲙⲟⲥ • ⲡⲉⲛⲧ
ⲁⲛⲥⲟⲩⲱⲛ︦ϥ︦ • ⲙⲁⲣⲛ̄ⲧⲣⲩⲫⲁ • ϩ︦ⲛ︦ ⲟⲩⲱⲙ ⲙⲛ̄ ⲟⲩⲥⲱ ⲙⲛ̄
ⲟⲩϩⲩⲇⲟⲛⲏ • ⲉⲩϣⲟⲩⲉⲓⲧ ϫⲉ ⲛⲧⲛ̄ⲥⲟⲟⲩⲛ • ⲁⲛ • ϫⲉ
ⲛⲛⲁⲙⲟⲩ • ⲛ ⲁϣ ⲛ̄ ϩⲟⲟⲩ ⲛⲁⲓ ⲉⲧ ⲥⲁⲛ︦ϣ︦ • ⲛ̄ⲛⲉⲩⲯⲩⲭⲏ •
ⲙ ⲡⲉϩⲟⲟⲩ • ⲙ ⲡⲕⲟⲛⲥⲟⲩ • ⲛⲁⲓ ⲉⲧ ϩⲉⲗⲡⲓⲍⲉ ⲉ ⲡⲁϣⲁⲓ ⲛ
ⲧⲉⲩⲙⲛ︦ⲧ︦ⲣ︦ⲙ︦ⲙⲁⲟ • ⲧⲁⲓ ⲉⲧⲉ ⲛ︦ⲥ︦ⲛⲁⲃⲟⲏⲑⲉⲓ ⲉ ⲣⲟⲟⲩ ⲁⲛ
ϩ︤ⲙ︥ ⲡⲉϩⲟⲟⲩ • ⲛ̄ ⲧⲉⲩⲑⲗⲓⲯⲓⲥ • ⲟⲩⲇⲉ ⲛ︤ⲥ︥ⲛⲁϣϥⲓ ⲁⲛ • ⲉ
ⲃⲟⲗ • ϩⲓ ϫⲱⲟⲩ ⲛ̄ ⲟⲩⲕⲟⲩⲓ ⲛ̄ ϩⲙⲟⲙ • ⲟⲩⲇⲉ ⲛⲥ̄ⲛⲁϣϫⲉ
ⲟⲩϣⲁϫⲉ ⲁⲛ • ϩ︦ⲙ︦ ⲡⲃⲏⲙⲁ • ⲙ ⲡⲉⲭ︦ⲥ︦ • ⲉ ⲧⲃⲉ ⲡⲁⲓ
ⲧⲟⲩⲙⲉⲣⲓⲥ • ⲟⲩⲙⲉⲣⲓⲥ ⲧⲉ • ⲉⲥⲟⲩⲟϣϥ̄ • ⲁⲩⲱ ⲡⲉⲩϭ︦ⲙ︦‐
ⲡϣⲓⲛⲉ • ⲟⲩϭ︦ⲙ︦ⲡϣⲓⲛⲉ ⲡⲉ • ⲛ ⲭⲟⲗⲏ • ϩⲓ ϭⲱⲛ︦ⲧ︦ • ⲁⲛⲟⲕ •
ⲅⲁⲣ • ⲁⲛ︦ⲅ︦ ⲟⲩϩ︦ⲙ︦ϩⲁⲗ • ⲙ̄ ⲡⲉⲭ︦ⲥ︦ ϫⲓⲛ ⲧⲁ ⲙ︦ⲛ︦ⲧ︦ⲕⲟⲩⲓ • ϣⲁ
⳨*
ⲧⲁⲙ︦ⲛ︦ⲧ︦ϩ︦ⲗ︦ⲗ︦ⲟ︦ • ⲁⲩⲱ ⲛ ϯⲛⲁⲕⲁ ⲧⲟⲟⲧ • ⲉ ⲃⲟⲗ • ⲁⲛ •
ⲉⲓⲥⲙⲟⲩ ⲉ ⲣⲟϥ • ⲙⲛ̄ ⲡⲉϥⲙⲉⲣⲓⲧ • ⲛϣⲏⲣⲉ ⲕⲁⲓ ⲛⲧⲁⲓ‐
ϣⲱⲡⲉ • ⲛⲁϥ ⲛ̄ ⲇⲓⲁⲧⲟⲭⲟⲥ ⲙ̄ ⲡⲁ ⲟⲩⲟⲉⲓϣ • ⲧⲏⲣ︤ϥ︥ ⲉⲣⲉ
ⲛⲓⲙ • ⲧⲁⲓⲏⲩ • ⲛ ⲧⲉⲕϩⲉ ⲡⲉⲭ︦ⲥ︦ • ⲡⲉⲧ ⲉⲣⲉ ⲟⲩⲟⲛ • ⲛⲓⲙ •
ⲉⲡⲓⲑⲩⲙⲉⲓ • ⲛ̄ ⲛⲁⲩ ⲉ ⲣⲟϥ • ⲛ̄ⲧⲟⲕ ⲡⲉ ⲓ︦ⲥ︦ • ⲧⲛⲟϭ •
ⲛ̄ϭⲟⲙ ⲙ ⲡⲉⲓⲱⲧ • ⲡⲉϫⲡⲟ • ⲉ ⲃⲟⲗ ϩⲛ̄ ⲧⲡⲁⲣⲑⲉⲛⲟⲥ •
ⲭⲱⲣⲓⲥ ϩⲟⲟⲩⲧ • ⲛ ϯⲛⲁⲗⲟ ⲁⲛ • ⲉⲓⲉⲙⲟⲩ • ⲉ ⲣⲟⲕ •
ⲡⲙⲁⲣⲕⲁⲣⲓⲧⲏⲥ • ⲉⲧ ⲟⲩⲁⲁⲃ ⲛ ϯⲛⲁⲗⲟ ⲁⲛ • ⲉⲕⲙⲟⲩ •
ⲉ ⲣⲟⲕ • ⲡⲉⲧ ⲙⲏⲛ • ⲉ ⲃⲟⲗ ϣⲁ ⲉⲛⲉϩ • ⲛ̄ⲧⲟⲕ • ⲡⲉ ⲓ︦ⲥ︦ •
ⲡϣⲏⲣⲉ • ⲙ ⲡⲉⲓⲱⲧ • ⲥⲉ ϩⲁⲙⲏⲛ • ⲛ̄ⲧⲟⲕ • ⲡⲉⲧ ⲟⲩⲉϩ‐
ⲥⲁϩⲛⲉ ⲛ̄ ⲛⲉⲭⲉⲓⲣⲟⲩⲃⲓⲛ • ⲙⲛ̄ • ⲛⲉⲥⲉⲣⲁⲫⲓⲛ • ⲥⲉ ϩⲁⲙⲏⲛ • |
ⲛⲧⲟⲕ • ⲡⲉⲧ ϣⲟⲟⲡ • ⲙⲛ̄ ⲡⲉⲓⲱⲧ • ⲙ ⲙⲉ ⲛⲟⲩⲟⲉⲓϣ •
ⲛⲓⲙ • ⲥⲉ ϩⲁⲙⲏⲛ ⁘ ⲛⲧⲟⲕ ⲡⲉⲧ ⲧⲱϣ • ⲛ̄ ⲛⲁⲅⲅⲉⲗⲟⲥ •
ⲥⲉ ϩⲁⲙⲏⲛ ⁘ ⲛⲧⲟⲕ ⲡⲉⲧ ϭⲟⲙ • ⲛ̄ ⲙⲡⲏⲩⲉ ⲥⲉ ϩⲁⲙⲏⲛ ⁘
ⲛⲧⲟⲕ ⲡⲉ ⲡⲉⲕⲗⲟⲙ ⲛ ⲙ̄ⲙⲁⲣⲧⲩⲣⲟⲥ • ⲥⲉ ϩⲁⲙⲏⲛ ⁘
ⲛⲧⲟⲕ • ⲡⲉ ⲡϣⲟϫⲛⲉ ⲛ ⲛⲉⲧ ⲟⲩⲁⲁⲃ • ⲧⲏⲣⲟⲩ • ⲥⲉ


### 0007

ϩⲁⲙⲏⲛ ⁘ ⲛⲧⲟⲕ • ⲡⲉⲧ ⲉⲣⲉ ⲛ ϣⲟϫⲛⲉ • ⲙ̄ ⲡⲉⲓⲱⲧ •
ϩⲏⲡ ⲛϩⲏⲧ︤ϥ︥ • ⲥⲉ ϩⲁⲙⲏⲛ • ⲛ̄ⲧⲟⲕ • ⲡⲉ ⲧⲧⲁⲡⲣⲟ • ⲛ̄
ⲛⲉⲡⲣⲟⲫⲏⲧⲏⲥ • ⲥⲉ ϩⲁⲙⲏⲛ ⁘ ⲛ̄ⲧⲟⲕ • ⲡⲉ ⲡⲗⲁⲥ • ⲛ̄
ⲛ̄ⲁⲅⲅⲉⲗⲟⲥ ⲥⲉ ϩⲁⲙⲏⲛ ⁖-ⲛ̄ⲧⲟⲕ ⲡⲉ ⲓ︦ⲥ︦ ⲡⲁ ⲱⲛ︦ϩ︦ • ⲥⲉ
ϩⲁⲙⲏⲛ ⁘-ⲛ̄ⲧⲟⲕ ⲡⲉ ⲓ︤ⲥ︥ ⲡϣⲟⲩϣⲟⲩ • ⲙ ⲡⲕⲟⲥⲙⲟⲥ
ⲧⲏⲣϥ̄ ⲥⲉ ϩⲁⲙⲏⲛ ⁘ ⲓ̄ⲥ︦ ⲡⲉⲭ︦ⲥ︦ • ⲑⲉⲗⲡⲓⲥ • ⲛ ⲟⲩⲟⲛ •
ⲛⲓⲙ • ⲉⲧ ⲕⲱ ⲛϩⲧⲏⲩ • ⲉ ⲣⲟϥ • ⲉⲣⲉ ⲛⲓⲙ • ⲧⲁⲓⲏⲩ •
ⲛⲧⲉⲕϩⲉ • ⲏ ⲛⲓⲙ ⲡⲉⲧ ⲧⲛ̄ⲧⲱⲛ • ⲉ ⲣⲟⲕ • ⲡⲣ︦ⲣ︦ⲟ︦ • ⲡⲉⲧ
ϩⲙⲟⲟⲥ ⲉ ϩⲣⲁⲓ ⲉϫⲛ̄ ⲛⲉⲭⲉⲓⲣⲟⲩⲃⲓⲛ ⲉⲣⲉ ⲛⲥⲉⲣⲁⲫⲉⲓⲛ •
ⲁϩ • ⲉⲣⲁⲧⲟⲩ • ⲙⲡⲉϥⲙⲧⲟ • ⲉ ⲃⲟⲗ • ⲉⲣⲉ ⲧⲡⲉ • ⲙⲛ̄
ⲡⲕⲁϩ ϭⲱϣⲧ̄ • ⲉ ⲃⲟⲗ • ϩⲏⲧ︦ϥ︦ • ⲙ ⲡⲉⲕⲛⲁ • ⲉⲧ ⲱϣ ⲛⲁⲩ •
ⲙ ⲡⲉⲩⲱⲛ︦ϩ︦ • ⲛ̄ ⲣⲱⲙⲉ • ⲙⲛ̄ ⲛ̄ⲧⲃⲛⲟⲟⲩⲉ • ⲙⲛ̄ ⲛⲉⲑⲏ‐
ⲣⲓⲟⲛ • ⲙⲛ̄ ⲛ̄ϩⲁⲗⲁⲁⲧⲉ • ⲉⲕⲥⲁⲛ︦ϣ︦ • ⲙⲙⲟⲟⲩ • ⲧⲏⲣⲟⲩ •
ⲛ̄ⲧⲟⲕ • ⲡⲉⲛⲧ ⲁⲩϩⲉⲣⲙⲏⲛⲉⲩⲉ • ⲙⲙⲟⲕ ϫⲉ ⲉⲙⲙⲁ‐
ⲛⲟⲩⲏⲗ ⲡⲁⲓ ⲉϣⲁⲩⲟⲩⲁϩⲙⲉϥ • ϫⲉ ⲡⲛⲟⲩⲧⲉ • ⲛ︦ⲙ︦ⲙ︦ⲁ︦ⲛ︦ •
ⲛⲧⲟⲕ • ⲡⲉⲧ ⲟⲩⲙⲟⲩⲧⲉ ⲉ ⲣⲟϥ • ϫⲉ ϩⲣⲁⲃⲟⲩⲛⲏ •
ⲡⲛⲟⲩⲧⲉ ⲁⲩⲱ ⲡⲥⲁϩ ⲡⲕⲟⲩⲓ • ϩ︦ⲛ︦ ⲧⲉϥϭⲓⲛⲙⲓⲥⲉ •
ⲡⲛⲟϭ ϩⲱⲱϥ • ϩⲛ̄ ⲧⲉϥⲙ︦ⲛ︦ⲧ︦ⲛⲟⲩⲧⲉ • ⲉⲓϣⲁⲛⲥⲙⲟⲩ ⲉ
ⲣⲟⲕ • ⲡⲱⲕ • ⲡⲉ • ⲡⲉⲥⲙⲟⲩ • ⲉⲓϣⲁⲛϯ ⲉⲟⲟⲩ • ⲛⲁⲕ •
ⲡⲱⲕ ⲡⲉ ⲡⲉⲟⲟⲩ▨▨▨▨ⲧⲙⲛ︦ⲧ︦ϣⲁⲛϩⲧⲏϥ • ⲡⲁ ⲛⲟⲩⲧⲉ
▨▨▨▨▨▨▨▨▨▨▨▨▨▨▨▨▨▨▨▨▨▨ⲣⲟⲥ |ⲁ ⲡⲉⲕ-
ⲥⲛⲟϥ • ⲉⲧ ⲟⲩⲁⲁⲃ • ⲥⲟⲟⲩϩⲟⲩ • ⲉ ϩⲟⲩⲛ • ⲉⲩⲁⲅⲉ‐
ⲗⲏ • ⲛ ⲟⲩⲱⲧ ⲁⲕⲥⲟⲟⲩϩⲟⲩ • ⲉ ϩⲟⲩⲛ • ⲉ ⲡⲙⲁ • ⲙ
ⲙⲟⲟⲛⲉ ⲉⲧ ⲟⲣ︦ϫ︦ • ⲡⲁⲓ ⲉⲧ ⲉⲣⲉ ⲡⲱⲛϣ̄ ⲛⲁϩⲉ • ⲉ ⲣⲟϥ •
ⲁⲛ • ϣⲁ ⲉⲛⲉϩ • ⲁⲕⲕⲁⲑⲓⲥⲧⲁ • ⲉ ϫⲱⲟⲩ • ⲛ̄ϩⲉⲛϣⲱⲥ •
ⲉⲩⲛ̄ϩⲟⲧ • ⲛⲁⲓ ⲉⲩⲛⲁⲙⲟⲟⲛⲉ ⲙⲙⲟⲟⲩ ⲡⲉ • ϩ︦ⲛ︦ ⲟⲩⲇⲓⲕⲁⲓⲟ‐
ⲥⲩⲛⲏ • ⲙⲡⲣ̄ ⲟⲩⲉ • ⲙⲙⲟⲓ • ⲡⲉⲭ︦ⲥ︦ • ϫⲉ ⲛⲧⲕ̄ ⲟⲩⲛⲁⲏⲧ •
ⲁⲩⲱ ⲙ ⲙⲁⲓ ⲯⲩⲭⲏ • ⲁⲕⲛⲁϩⲙⲉⲧ ⲉ ⲃⲟⲗ • ϩⲓⲧⲛ̄ ⲧⲁⲙⲉ‐
ⲗⲓⲁ ⲛ̄ ⲛⲁⲉⲓⲟⲧⲉ • ⲁⲕⲕⲁⲁⲧ • ⲛ̄ϣⲱⲥ ⲉ ⲡⲉⲕⲗⲁⲟⲥ ⲁⲓ‐
ⲙⲟⲟⲛⲉ • ⲙⲙⲟⲟⲩ • ⲕⲁⲧⲁ ⲡⲉⲕⲟⲩⲱϣ • ϯⲥⲙⲟⲩ ⲉ ⲣⲟⲕ •
ⲡⲣ︦ϥ︦ⲛⲟϩ︦ⲙ︦ • ⲙⲙⲟⲓ • ϯⲥⲙⲟⲩ • ⲉ ⲣⲟⲕ ⲡⲁ ⲛⲉⲓ ⲥⲙⲟⲩ •
ⲧⲏⲣⲟⲩ ⲡϣⲟⲩϣⲟⲩ • ⲛ̄ ⲛⲉⲧⲟⲩⲁⲁⲃ • ⲓ︦ⲥ︦ • ⲧϭⲟⲙ • ⲛ̄
ⲛⲉⲭⲉⲓⲣⲟⲩⲃⲓⲛ • ⲙⲛ̄ ⲛⲥⲉⲣⲁⲫⲓⲛ • ϯⲛⲁⲥⲙⲟⲩ ⲉ ⲣⲟⲕ •
ⲡⲉⲧ ϯ ⲕⲛ̄ⲛⲉ • ⲙ ⲡⲕⲁϩ • ⲉϥⲁⲩⲝⲁⲛⲉ • ⲓ̄ⲥ︦ ⲡⲥⲟⲫⲟⲥ ⲛ̄


### 0008

ⲛϫⲱⲱⲣⲉ • ϯⲛⲁⲥⲙⲟⲩ • ⲉ ⲣⲟⲕ • ⲧⲉϭⲣⲏⲏⲡⲉ • ⲛ̄ ⲛⲣ̄‐
ⲣⲱⲟⲩ • ⲛ̄ ⲛ̄ⲇⲓⲕⲁⲓⲟⲥ • ⲡⲉⲕⲗⲟⲙ • ⲉⲧⲉ ⲙⲉϥϩⲱϭⲃ̄
ⲡⲱⲛϩ̄ • ⲛ ⲟⲩⲟⲛ • ⲛⲓⲙ • ϯⲥⲙⲟⲩ • ⲉ ⲣⲟⲕ • ⲧⲁⲛⲁⲥ‐
ⲧⲁⲥⲓⲥ ⲛ̄ ⲟⲩⲟⲛ • ⲛⲓⲙ • ⲁⲩⲱ ⲡⲟⲩⲟⲉⲓⲛ • ⲉ ⲃⲟⲗ • ϩⲙ̄
ⲡⲟⲩⲟⲉⲓⲛ • ⲡⲉⲧ ⲉⲣⲉ ⲧⲡⲉ • ⲙⲛ̄ ⲡⲕⲁϩ • ⲁϣⲉ ⲛⲥⲁ ⲡⲉϥ‐
ϣⲁϫⲉ • ⲛⲑⲉ ⲛ̄ ⲟⲩⲧ︤ⲗ︥ϯⲗⲉ • ⲙⲙⲟⲟⲩ • ⲉⲥⲁϣⲉ ⲛ̄ⲥⲁ
ⲟⲩⲕⲁⲇⲟⲥ • ⲡⲉⲓⲱⲧ • ⲙ̄ ⲡⲧⲏⲣ︦ϥ︦ • ⲡⲉⲛⲧ ⲁϥϣⲱⲗ • ⲛ
ⲁⲙⲛ̄ⲧⲉ • ⲁϥⲧⲁⲕⲟ ⲛ̄ⲉⲇⲱⲙ ⲁϥⲉⲓⲛⲉ ⲛ̄ ⲁⲇⲁⲙ • ⲉ ϩⲣⲁⲓ •
ⲙⲛ̄ ⲛⲉϥϣⲏⲣⲉ • ⲁϥϭⲱⲧⲡ̄ • ⲙ̄ ⲡϫⲁϫⲉ • ⲙⲛ̄ ⲧⲉϥϭⲟⲙ •
ⲧⲏⲣⲥ̄ • ⲁϥϯ ⲡⲟⲩⲟⲉⲓⲛ • ⲙ ⲡⲣⲏ • ⲁϥⲧⲱϣ • ⲛ̄ ⲛⲉⲧⲣⲟ‐
ⲭⲟⲥ ⲙ ⲡⲟⲟϩ • ⲁϥϯ ⲣⲁⲛ • ⲡⲙⲏⲏϣⲉ • ⲛ ⲛⲥⲓⲟⲩ • | ⲁϥ‐
ⲧⲱϣ • ⲛ̄ⲥⲁϣϥⲉ • ⲙ ⲡⲉ • ⲙⲛ̄ ⲥⲁϣϥ̄ • ⲛⲥⲧⲉⲣⲉⲱⲙⲁ •
ⲁϥⲥ︦ⲙ︦ⲛ︦ⲥⲛ̄ⲧⲉ • ⲙ ⲡⲕⲁϩ • ϩⲓϫⲙ̄ ⲙⲟⲟⲩ ⲁϥⲕⲱ ⲡⲙⲟⲟⲩ •
ϩⲁ ⲡⲕⲁϩ • ⲁⲩⲱ ⲛ̄ⲛⲟⲩⲛ • ⲛ̄ⲥⲁ ⲡⲉⲥⲏⲧ • ⲙ ⲡⲕⲁϩ • ϯⲥ‐
ⲙⲟⲩ ⲉ ⲣⲟⲕ • ⲡⲉⲛⲧ ⲁϥⲧⲁⲙⲓⲉ ⲡⲥⲱⲛ︦ⲧ︦ ⲧⲏⲣϥ̄ • ϩⲙ̄ ⲡⲉϥ‐
ϣⲁϫⲉ • ⲉ ⲁϥⲙⲧⲟⲛ • ⲙⲙⲟϥ • ϩⲙ̄ ⲡⲙⲉϩ ⲥⲁϣϥ̄ •
ⲛ̄ϩⲟⲟⲩ • ϯⲥⲙⲟⲩ • ⲉ ⲣⲟⲕ • ⲡⲁⲗⲫⲁ • ⲙⲛ̄ ⲡⲱ • ⲧⲁⲣⲭⲏ
ⲙⲛ̄ ⲡϫⲱⲕ • ⲛ ϯⲛⲁⲗⲟ ⲁⲛ • ⲉⲓⲥⲙⲟⲩ • ⲉ ⲣⲟⲕ ⲓ︦ⲥ︦ ⲡⲁⲓ
ⲉ ϯⲛⲏⲩ • ⲉ ϩⲣⲁⲓ • ⲉ ⲛⲉϥϭⲓϫ • ⲉ ⲃⲟⲗ ϫⲉ ⲛⲧⲟϥ ⲡⲉ
ⲡⲁ ⲣϥ̄ϣⲟⲡⲧ̄ • ⲉ ⲣⲟϥ • ⲁⲩⲱ • ⲧⲛⲁϣⲧⲉ ⲡⲉ • ⲙ̄ ⲡⲁ ⲟⲩ‐
ϫⲁⲓ • ⲙⲡⲣ̄ ϯ ϣⲓⲡⲉ • ⲛⲁⲓ • ϩⲙ̄ ⲡⲉ ϯ ϭⲱϣⲧ̄ • ⲉ ⲃⲟⲗ
ϩⲏⲧϥ̄ • ⲥⲱⲧⲙ̄ • ⲡϫⲟⲉⲓⲥ • ⲉ ⲡⲁ ϣⲗⲏⲗ ⲙ̄ⲡⲟⲟⲩ • ⲛ︤ⲅ︥ⲧⲛ̄‐
ⲛⲟⲟⲩ ⲛⲁⲓ • ⲙ ⲙⲓⲭⲁⲏⲗ • ⲡⲉⲕⲁⲣⲭⲁⲅⲅⲉⲗⲟⲥ • ⲛϥ̄ϫⲓ •
ⲛ̄ⲧⲟⲟⲧ • ⲛ̄ ⲧⲁ ⲯⲩⲭⲏ ϩⲛ̄ ⲟⲩⲁⲛⲁⲡⲁⲩⲥⲓⲥ • ⲛⲅ̄ⲕⲁⲑⲓⲥⲧⲁ •
ⲙⲙⲟⲥ • ⲉ ⲧⲡⲟⲗⲓⲥ • ⲛ ⲛⲉⲕⲙ︦ⲛ︦ⲧ︦ϣⲁⲛϩⲧⲏϥ • ϫⲉ ⲡⲱⲕ •
ⲡⲉ ⲡⲉⲟⲟⲩ • ⲙⲛ̄ ⲡⲁⲙⲁϩⲧⲉ • ϣⲁ ⲉⲛⲉϩ • ⲛⲉⲛⲉϩ • ⲁⲙⲏⲛ •
ⲛ̄ ⲧⲉⲣ ϥ̄ϫⲱⲕ ⲇⲉ ⲉ ⲃⲟⲗ • ⲙ ⲡⲉϣⲗⲏⲗ • ⲉⲧ ⲟⲩⲁⲁⲃ •
ⲛϭⲓ ⲁⲡⲁ ⲁⲑⲁⲛⲁⲥⲓⲟⲥ • ⲁϥϯ ⲙ ⲡⲉϥⲡⲛ︦ⲁ︦ ⲛⲑⲉ • ⲛⲟⲩⲁ •
ⲉ ⲁϥⲟⲩⲱⲃϣ̄ • ⲛ ⲥⲟⲩ ⲥⲁϣϥ̄ • ⲙ ⲡⲁϣⲟⲛⲥ̄ • ⲁⲛⲟⲕ ⲇⲉ
ϯⲙⲟⲑⲉⲟⲥ • ⲡⲇⲓⲁⲕⲟⲛⲟⲥ • ⲛⲉⲓⲁⲁϩ ⲉⲣⲁⲧ • ⲉ ⲡⲡⲉⲧ
ⲟⲩⲁⲁⲃ • ⲁⲑⲁⲛⲁⲥⲓⲟⲥ • ⲉϥⲛⲁⲕⲁ ⲥⲱⲙⲁ ⲉ ϩⲣⲁⲓ • ϯⲣ
ⲙ︦ⲛ︦ⲧ︦ⲣⲉ • ⲛⲏⲧⲛ̄ ⲙⲡ︦ⲙ︦ⲧⲟ • ⲉ ⲃⲟⲗ ⲙ ⲡⲛⲟⲩⲧⲉ • ⲛ▨▨▨▨
▨▨▨▨▨▨ⲛ▨▨▨▨▨▨▨▨▨▨▨▨▨▨▨▨▨▨▨ⲏ |
ⲛⲑⲉ ⲛ ⲟⲩⲭⲓⲟⲛ ⲁⲓⲛⲁⲩ • ⲉ ⲙⲓⲭⲁⲏⲗ • ⲁϥϫⲓ • ⲛ̄ ⲧⲉⲯⲩ‐


### 0009

ⲭⲏ • ⲛ̄ ⲁⲑⲁⲛⲁⲥⲓⲟⲥ • ⲁϥϩⲱⲗ • ⲉ ⲡϫⲓⲥⲉ ⲛⲙ̄ⲙⲁⲥ • ⲉⲥⲟ •
ⲙ ⲡⲧⲩⲡⲟⲥ • ⲛ ⲁⲑⲁⲛⲁⲥⲓⲟⲥ • ⲙⲙⲁⲁⲧⲉ • ⲁⲓⲛⲁⲩ • ⲉ
ⲡⲉⲭⲟⲣⲟⲥ • ⲛ̄ ⲛⲁⲅⲅⲉⲗⲟⲥ • ⲉⲩⲥⲙⲟⲩ ⲉ ⲡⲛⲟⲩⲧⲉ • ⲉⲩϫⲱ
ⲙⲙⲟⲥ • ϫⲉ ⲙⲁⲣⲛ̄ϯ ⲉⲟⲟⲩ ⲙ ⲡⲛⲟⲩⲧⲉ ϫⲉ ⲁϥϯ ⲉⲟⲟⲩ •
ⲛ ⲛⲉϥⲡⲉⲧ ⲟⲩⲁⲁⲃ ⲁⲛⲟⲛ ⲇⲉ ϩⲱⲱⲛ • ⲛⲁⲙⲉⲣⲁⲁⲧⲉ •
ⲙⲁⲣⲛ̄ ⲡⲱⲧ • ⲛ̄ⲥⲁ ⲛⲉⲥⲃⲟⲟⲩⲉ • ⲙ ⲡⲉⲛⲉⲓⲱⲧ • ⲁⲑⲁⲛⲁ‐
ⲥⲓⲟⲥ ⲉⲛϯ ⲉⲟⲟⲩ • ⲙ ⲡⲛⲟⲩⲧⲉ • ⲕⲁⲛ ⲛⲧⲛ̄ⲛⲁϣⲡⲱϩ • ⲁⲛ
ⲉ ⲡϣⲓ ⲛ ⲛⲉⲛⲉⲓⲟⲧⲉ • ⲁⲗⲗⲁ • ⲙⲁⲣⲛ̄ ⲁⲡⲁⲧⲟⲟⲧ︦ⲛ︦ ⲉ ⲡϩⲱⲃ •
ⲙⲙⲁⲁⲧⲉ ⲁⲩⲱ ⲡⲛⲟⲩⲧⲉ ⲛⲁϯ ⲧⲟⲟⲧϥ̄ ⲛⲙ̄ⲙⲁⲛ • ⲛⲧ︦ⲛ︦-
ϫⲟⲕϥ̄ • ⲉ ⲃⲟⲗ • ⲁⲧⲉⲧⲛ̄ⲛⲁⲩ ⲱ̄ ⲛⲁⲙⲉⲣⲁⲁⲧⲉ • ⲉ ⲡⲉⲓ
ⲛⲟϭ • ⲛ̄ ϣⲟⲉⲓϫ • ϫⲉ ⲛⲧⲁϥⲙⲓϣⲉ • ⲛ ⲁϣ ⲛ ϩⲉ • ϣⲁⲛⲧ
ⲉϥⲁⲡⲁⲛⲧⲁ • ⲉ ⲡⲛⲟⲩⲧⲉ • ⲛϥ̄ϫⲓ ⲙ ⲡⲉⲕⲗⲟⲙ ⲙ ⲡⲱⲛ︦ϩ︦ •
ⲉⲁ ⲡⲛⲟⲩⲧⲉ ϣⲁϫⲉ ⲛⲙ̄ⲙⲁϥ • ⲛ ⲧⲁⲡⲣⲟ • ϩⲓ ⲧⲁⲡⲣⲟ • ⲡⲁⲓ
ⲛⲧⲁⲩⲧⲁⲗⲟϥ • ⲉϫⲛ̄ ⲛⲉⲭⲉⲓⲣⲟⲩⲃⲓⲛ • ⲛϩⲁϩ• ⲛⲥⲟⲡ ⲉ ⲁϥϯ‐
ϣⲓⲡⲉ • ⲛ ⲛ︤ⲣ︦ⲣ︥ⲱⲟⲩ • ⲙⲛ̄ ⲛϩⲁⲓⲣⲉϯⲕⲟⲥ ϩⲓⲧⲛ̄ ⲧϭⲟⲙ • ⲙ
ⲡⲛⲟⲩⲧⲉ • ⲉⲧ ⲛⲙ̄ⲙⲁϥ • ⲁⲛⲁⲩ ϫⲉ ⲟⲩⲁϣ • ⲛϭⲟⲧ • ⲡⲉ
ϩⲉ ⲉ ϩⲣⲁⲓ • ⲉⲛϭⲓϫ • ⲙ ⲡⲛⲟ̄ⲧⲉ ⲉⲧ ⲟⲛ︤ϩ︥ • ⲉ ⲧⲃⲉ ⲡⲁⲓ •
ⲉⲕϣⲁⲛⲣ̄ ⲛⲟⲃⲉ • ⲉ ⲣⲟϥ ϥⲛⲁϯⲙⲱⲣⲉⲓ • ⲙⲙⲟⲕ • ⲉⲕ‐
ϣⲁⲛⲉⲓⲣⲉ ⲇⲉ • ⲙ ⲡⲡⲉⲧ ⲛⲁⲛⲟⲩϥ • ϥⲛⲁⲣⲁϣⲉ ⲛ︤ⲙ︥ⲙⲁⲕ •
ⲛϥ̄ⲧⲣⲉⲕⲁⲡⲁⲛⲧⲁ • ⲉ ⲣⲟϥ • ϩⲛ̄ ⲟⲩⲁⲡⲁⲛⲧⲏⲙⲁ ⲉⲛⲁⲛⲟⲩ •
ⲛϥϯ • ⲛⲁⲕ • ⲙ ⲡⲉ▨▨ • ⲙⲛ̄▨▨ⲱⲛϩ • ϣⲁ ⲉⲛⲉϩ • ϩⲓⲧⲛ
ⲓ︦ⲥ︦ ⲡⲉⲭ︦ⲥ︦ ⲡⲉⲛϫⲟⲉⲓⲥ | ⲡⲁⲓ ⲉ ⲃⲟⲗ • ϩⲓ ⲧⲟⲟⲧϥ̄ • ⲉⲣⲉ ⲉⲟⲟⲩ •
ⲛⲓⲙ • ϩⲓ ⲧⲁⲓⲟ ⲛⲓⲙ ⲡⲣⲉⲡⲉⲓ ⲛⲁϥ • ⲙⲛ̄ ⲡⲉϥⲉⲓⲱⲧ • ⲛ
ⲁⲅⲁⲑⲟⲥ • ⲙⲛ̄ ⲡⲉⲡⲛ︦ⲁ︦ • ⲉⲧ ⲟⲩⲁⲁⲃ • ⲛ ⲣ︦ϥ︦ⲧⲁⲛϩⲟ • ⲁⲩⲱ
ⲛ̄ ϩⲟⲙⲟⲟⲩⲥⲓⲟⲥ • ⲧⲉⲛⲟⲩ ⲁⲩⲱ ⲛⲟⲩⲟⲉⲓϣ • ⲛⲓⲙ • ϣⲁ
ⲉⲛⲉϩ •