### 0001

ⲦⲘⲀⲢⲦⲨⲢⲒⲀ Ⲛ ⲪⲀⲄⲒⲞⲤ ⲘⲈⲢⲔⲞⲨⲢⲒⲞⲤ
ⲠⲈⲤⲦⲢⲀⲦⲎⲖⲀⲦⲎⲤ ⲀⲨⲰ ⲠⲘⲀⲢⲦⲨⲢⲞⲤ
ⲈⲦ ⲞⲨⲀⲀⲂ Ⲙ̄ ⲠⲈⲬ︦Ⲥ︦ Ⲛ̄ⲦⲀϤϪⲞⲔⲤ̄ Ⲉ ⲂⲞⲖ
ϨⲢⲀⲒ ϨⲘ̄ ⲠⲞⲞⲨ Ⲛ̄ϨⲞⲞⲨ ⲈⲦⲈ ⲠⲈⲒ ⲠⲈ
ⲤⲞⲨ ϪⲞⲦⲈ Ⲙ̄ ⲠⲈⲂⲞⲦ ⲀⲐⲰⲢ ϨⲚ̄ ⲞⲨⲈⲒ-
ⲢⲎⲚⲎ Ϥ︦Ⲑ •
Ϩⲙ̄ ⲡⲉⲟⲩⲟⲉⲓϣ ⲛ̄ ⲇⲉⲕⲓⲟⲥ ⲙⲛ̄ ⲟⲩⲁⲗⲉⲣⲓⲁⲛⲟⲥ ⲉⲩⲟ
ⲛ︦ⲣ︦ⲣⲟ ϩⲛ̄ ⲧⲛⲟϭ ⲙ̄ ⲡⲟⲗⲓⲥ ϩⲣⲱⲙⲏ • ⲁⲩⲕⲱ ⲉ ϩⲣⲁⲓ ⲛ̄
ⲟⲩⲇⲓⲁⲧⲁⲅⲙⲁ ⲙⲛ̄ ⲟⲩϣⲟϫⲛⲉ ⲛ̄ ⲟⲩⲱⲧ ϩⲱⲥ ⲧⲉ ⲉ ⲧⲣⲉ
ⲟⲩⲟⲛ ⲛⲓⲙ ϩⲙ̄ ⲙⲁ ⲛⲓⲙ • ⲑⲩⲥⲓⲁⲍⲉ ⲛ̄ ⲛ̄ⲛⲟⲩⲧⲉ ⲛ̄ⲥⲉ‐
ⲟⲩⲱⲧⲛ̄ ⲛⲁⲩ ⲉ ⲃⲟⲗ • ⲁⲩⲱ ⲁⲩⲙⲟⲩⲧⲉ ⲉ ⲛ̄ⲥⲩⲅⲕⲗⲏϯⲕⲟⲥ
ⲧⲏⲣⲟⲩ • ⲁⲩⲕⲱ ⲛⲁⲩ ⲉ ϩⲣⲁⲓ ⲛ̄ ⲛⲉ ⲛ̄ⲧⲁⲩⲙⲉⲉⲩⲉ ⲉ
ⲣⲟⲟⲩ ϩⲙ̄ ⲡⲉⲓ ϣⲟϫⲛⲉ ⲛ̄ ⲟⲩⲱⲧ • ⲁⲩⲱ ⲁⲩϩⲉ ⲉ ⲣⲟⲟⲩ
ⲉⲩⲟ ⲛ̄ ⲟⲩϩⲏⲧ ⲛ̄ ⲟⲩⲱⲧ ⲛⲙ̄ⲙⲁⲩ ⲁⲩⲣⲁϣⲉ ⲉⲙⲁⲧⲉ ⲉⲩϫⲱ
ⲙ̄ⲙⲟⲥ ϫⲉ ⲧⲛ̄ϣⲡ̄ ϩⲙⲟⲧ ⲛ̄ⲧⲛ̄ ⲛ̄ⲛⲟⲩⲧⲉ ⲛ̄ ⲁⲧ ⲙⲟⲩ ⲛⲁⲓ
ⲛ̄ⲧⲁⲩϭⲱⲗⲡ̄ ⲉ ⲃⲟⲗ • ⲛ̄ ⲧⲉⲓ ⲅⲛⲱⲙⲏ ⲛ̄ ⲟⲩⲱⲧ • ⲁⲩⲱ ϩⲛ̄
ⲧⲉⲓ ⲟⲩⲛⲟⲩ ⲉⲧ ⲙ̄ⲙⲁⲩ • ⲁⲩⲟⲩⲉϩⲥⲁϩⲛⲉ ⲉ ⲕⲱ ⲉ ϩⲣⲁⲓ
ⲛ̄ ⲟⲩⲇⲟⲅⲙⲁ ⲉϥⲥⲏϩ ⲛ̄ ⲧⲉⲓ ϩⲉ ϩⲛ̄ ⲟⲩⲥϩⲁⲓ ⲛ̄ⲧⲉ | ⲡⲣ̄ⲣⲟ
ⲉϥⲥⲏϩ ⲙ̄ ⲡⲉⲓ ⲧⲩⲡⲟⲥ ⁖-ⲇⲉⲕⲓⲟⲥ ⲙⲛ̄ ⲟⲩⲁⲗⲉⲣⲓⲁⲛⲟⲥ
ⲛ︦ⲣ︦ⲣⲱⲟⲩ ⲛ̄ⲁⲩⲧⲱⲕⲣⲁⲧⲱⲣ ⲁⲩⲱ ⲛ̄ⲉⲩⲥⲉⲃⲏⲥ • ⲙⲛ̄ ⲛ̄ⲥⲩⲅ‐
ⲕⲗⲏϯⲅⲟⲥ ⲧⲏⲣⲟⲩ ⲛ̄ ϩⲣⲱⲙⲏ • ⲉⲩⲥϩⲁⲓ̈ ⲛ̄ ⲛⲉⲧ ⲟⲩⲏⲏϩ
ϩⲙ̄ ⲙⲁ ⲛⲓⲙ • ⲁⲛⲟⲡϥ̄ ϫⲉ ⲟⲩⲁⲛⲁⲅⲕⲁⲓⲟⲛ ⲡⲉ ⲉ ⲧⲣⲛ̄ⲧⲁ‐
ⲙⲱⲧⲛ̄ • ⲉ ⲛⲉⲧ ⲉⲣⲁⲛⲁⲛ ⲙ̄ ⲡⲛ̄ ⲙ̄ⲧⲟ ⲉ ⲃⲟⲗ • Ⲉⲡⲉⲓ ⲇⲏ ϩⲁ
ⲑⲏ Ⲛ̄ ⲟⲩⲛⲟϭ ⲛ̄ ⲟⲩⲟⲉⲓⲉⲓϣ (sic) ⲁⲛϩⲉ ⲉ ⲣⲟⲥ • ϫⲉ ⲛ̄ⲛⲟⲩⲧⲉ
ⲛ̄ ⲛⲉⲛⲉⲓⲟⲟⲧⲉ ⲉⲧ ⲧⲁϩⲟ ⲉ ⲣⲁⲧⲥ̄ • ⲛ̄ⲧⲛ̄ⲙⲛ︦ⲧ︦ⲉⲣⲟ • ⲁⲩⲱ ⲉⲧ
ⲭⲁⲣⲓⲍⲉ ⲙ̄ ⲡⲉⲧ ⲛⲁⲛⲟⲩϥ ⲛ̄ ⲟⲩⲟⲛ ⲛⲓⲙ • ⲉⲧ ϩⲁ ⲡⲉⲛⲁ‐


### 0002

ⲙⲁϩⲧⲉ • ⲉⲛⲥⲟⲟⲩⲛ ⲛ̄ ⲛⲉⲩⲙⲛ︦ⲧ︦ⲣⲉϥⲣ̄ⲡⲉⲛⲛⲁⲛⲟⲩϥ (sic) •
ⲙⲛ̄ ⲛⲉⲩⲇⲱⲣⲉⲁ • ⲕⲁⲧⲁ ⲑⲉ ⲛ̄ⲧⲁⲩϫⲟⲟⲥ ⲙⲁⲗⲗⲟⲛ ⲇⲉ
ⲁⲛⲁⲡⲟⲗⲁⲩⲉ ⲙ̄ ⲡⲉϫⲣⲟ ⲉ ⲃⲟⲗ ϩⲓ ⲧⲟⲟⲧⲟⲩ ⲉϫⲛ̄ ⲛ̄-
ϩⲉⲑⲛⲟⲥ ⲧⲏⲣⲟⲩ ⁖-ⲟⲩ ⲙⲟⲛⲟⲛ ⲇⲉ ⲁⲗⲗⲁ ⲁⲩⲭⲱⲣⲏⲅⲉⲓ
ⲛⲁⲛ ⲛ̄ ϩⲉⲛⲕⲁⲣⲡⲟⲥ ⲉⲩⲟϣ ϩⲓ̈ⲧⲛ̄ ⲧⲉⲕⲣⲁⲥⲓⲥ ⲙ̄ ⲡⲁⲏⲣ •
ⲉ ⲧⲃⲉ Ⲡⲁⲓ ⲁⲛⲕⲱ ⲉ ϩⲣⲁⲓ ⲙ̄ ⲡⲓ ⲇⲟⲅⲙⲁ ⲛ̄ ⲟⲩϣⲟϫⲛⲉ
ⲛ̄ ⲟⲩⲱⲧ ⲁⲛⲟⲛ ⲙⲛ̄ ⲛ̄ⲥⲩⲅⲕⲗⲏϯⲕⲟⲥ ⲧⲏⲣⲟⲩ ϩⲛ̄ ⲟⲩⲛⲟϭ
ⲛ̄ ⲥⲡⲟⲩⲇⲏ | ϩⲱⲥ ⲧⲉ ⲉ ⲧⲣⲉ ⲟⲩⲟⲛ ⲛⲓⲙ ϩⲙ̄ ⲙⲁ ⲛⲓⲙ •
ⲛ̄ⲣⲙ̄ϩⲉ ⲙⲛ̄ ⲛ̄ϩⲙ̄ϩⲁⲗ • ⲙ̄ⲙⲁⲧⲟⲓ ⲙⲛ̄ ⲙ̄ⲡⲁⲅⲁⲛⲟⲥ
ⲉ ⲧⲣⲉⲩⲉⲓⲛⲉ ⲉ ϩⲟⲩⲛ • ⲛ̄ ϩⲉⲛⲑⲩⲥⲓⲁ • ⲛ̄ ⲛ̄ⲛⲟⲩⲧⲉ ⲛ̄ⲥⲉ‐
ⲟⲩⲱⲧⲛ̄ ⲛⲁⲩ ⲉ ⲃⲟⲗ • ϩⲉⲛⲧⲱⲃϩ̄ • ⲙⲛ̄ ϩⲉⲛⲥⲟⲡⲥⲡ̄ • ⲣ̄ϣⲁⲛ
ⲟⲩⲁ ⲇⲉ ϩⲓ ⲧⲟⲟⲧϥ̄ ⲉⲧⲥ̄ⲧⲟ ⲉ ⲃⲟⲗ ⲙ̄ ⲡⲛ̄ⲧⲟⲅⲙⲁ ⲉⲧ
ⲟⲩⲁⲁⲃ ⲛ̄ⲧⲁⲛⲕⲉⲗⲉⲩⲉ ⲙ̄ⲙⲟϥ ϩⲛ̄ ⲟⲩϣⲟϫⲛⲉ ⲛ̄ ⲟⲩⲱⲧ •
ⲡⲉⲛⲕⲣⲁⲧⲟⲥ ⲕⲉⲗⲉⲩⲉ ⲉ ⲉⲧⲡ̄ ⲡⲁⲓ̈ ⲛ̄ ⲧⲉⲓ ⲙⲉⲓ̈ⲛⲉ ⲉ ϩⲟⲩⲛ •
ⲉⲩⲉϣⲧⲉⲕⲟ ⲛ̄ ⲕⲁⲕⲉ ⲛ̄ⲥⲉⲡⲁⲣⲁⲇⲓⲇⲟⲩ ⲙ̄ⲙⲟϥ ⲛ̄ ϩⲉⲛ‐
ⲃⲁⲥⲁⲛⲟⲥ ⲉⲩⲛⲁϣⲧ̄ • ⲡⲉⲧ ⲛⲁⲥⲱⲧⲙ̄ ⲇⲉ ⲛⲥⲁ ⲡⲉⲛⲡⲣⲟⲥ‐
ⲧⲁⲅⲙⲁ ϥⲛⲁϫⲓ ⲉ ⲃⲟⲗ ϩⲓ ⲧⲟⲟⲧⲛ̄ ⲛ̄ ⲟⲩⲛⲟϭ ⲛ̄ ⲧⲁⲓⲟ •
ⲉϥϣⲁⲛ ⲣ̄ ⲁⲧ ⲥⲱⲧⲙ̄ ⲇⲉ ⲛ̄ⲥⲱⲛ ⲙⲛ̄ ⲡⲉⲛⲧⲟⲅⲙⲁ ⲉⲩⲉ‐
ⲡⲁⲣⲁⲇⲓⲇⲟⲩ ⲙ̄ⲙⲟϥ ⲛ̄ ϯϯⲙⲟⲣⲓⲁ ⲛ̄ ⲧⲥⲏϥⲉ • ⲏ ⲙ̄ⲙⲟⲩ
ⲛ̄ⲉⲓⲟⲟⲩⲉ • Ⲏ ⲛ̄ⲥⲉⲧⲁⲁϥ ⲛ̄ ϩⲣⲉ ⲛ̄ ⲛⲉⲑⲏⲣⲓⲟⲛ ⲙⲛ̄ ⲛ̄ϩⲁ‐
ⲗⲁⲧⲉ • ⲛ̄ϩⲟⲩⲟ ⲇⲉ ⲛⲉⲭⲣⲓⲥϯⲁⲛⲟⲥ ⲉⲩⲉϣⲱⲡⲉ ϩⲁ ϯⲁⲡⲟ‐
ⲫⲁⲥⲓⲥ ⲛ̄ ⲧⲉⲓ ⲙⲓ̈ⲛⲉ • Ⲛⲉⲧ ⲛⲁ ⲥⲱⲧⲙ̄ ⲇⲉ ϩⲱⲟⲩ ⲛ̄ⲥⲁ |
ⲡⲉⲛⲇⲟⲅⲙⲁ ⲉϥⲉϣⲱⲡⲉ ⲉϥⲟⲛ︤ϩ︥ ϩⲛ̄ ⲟⲩⲙⲛ︤ⲧ︥ⲙⲁⲕⲁⲣⲓⲟⲥ •
Ⲛ̄ ⲧⲉⲣ ⲟⲩⲦⲱϭⲉ ⲇⲉ ⲉ ⲃⲟⲗ ⲙ̄ ⲡⲉⲡⲣⲟⲥⲧⲁⲅⲙⲁ ⲙ̄
ⲡⲣ︤ⲣⲟ • ⲁ ⲧⲡⲟⲗⲓⲥ ⲧⲏⲣⲥ̄ ϩⲣⲱⲙⲏ ⲙⲟⲩϩ ⲛ̄ ϣⲧⲟⲣⲧⲣ̄
ⲟⲓ ϩⲟⲧⲉ ⲟⲩ ⲙⲟⲛⲟⲛ ⲇⲉ ⲁⲗⲗⲁ ⲛ̄ ⲕⲉ ⲡⲟⲗⲓ̈ⲥ ⲧⲏⲣⲟⲩ ⲁⲩ‐
ϣⲧⲟⲣⲧⲣ̄ • ⲉ ⲃⲟⲗ ϫⲉ ⲁⲩⲧⲛ̄ⲛⲟⲟⲩ ϣⲁ ⲣⲟⲟⲩ ⲙ̄ ⲡⲉⲓ
ⲇⲓⲁⲧⲁⲅⲙⲁ ⲛ̄ ⲟⲩⲱⲧ • ⲛ̄ⲁⲣⲭⲱⲛ ⲇⲉ ⲕⲁⲧⲁ ⲡⲟⲗⲓⲥ
ⲁⲩⲟⲩⲉϩⲥⲁϩⲛⲉ ⲛⲙ̄ⲙⲏⲏϣⲉ • ⲉ ⲧⲣⲉⲩϫⲱⲕ ⲉ ⲃⲟⲗ ⲛ̄ ⲛⲉ
ⲛⲧⲁⲩⲟⲩⲉϩⲥⲁϩⲛⲉ ⲙ̄ⲙⲟⲟⲩ ⲛⲁⲩ ϩⲛ̄ ⲟⲩϭⲉⲡⲏ ⁖-ⲁⲥ‐
ϣⲱⲡⲉ ⲇⲉ ϩⲙ̄ ⲡⲉⲟⲩⲟⲉⲓϣ ⲉⲧ ⲙ̄ⲙⲁⲩ ⲁⲩⲡⲟⲗⲩⲙⲟⲥ
ⲧⲱⲟⲩⲛ ⲉϫⲛ̄ ⲛⲉϩⲣⲱⲙⲁⲓⲟⲥ • ⲉ ⲃⲟⲗ ϩⲓⲧⲛ̄ ⲛ̄ⲃⲁⲣⲃⲁⲣⲟⲥ •
ⲉⲩⲧⲣⲉ ⲡⲉⲩⲁⲩⲉⲓⲛ ϣⲟⲃⲉ • ⲁⲩⲥⲟⲃⲧⲉ ϩⲱⲟⲩ ⲙ̄ ⲡⲉⲩⲥⲧⲣⲁ‐
ⲧⲓⲩⲙⲁ • ⲉ ⲧⲣⲉⲩⲡⲟⲗⲉⲙⲉⲓ ⲛⲙ̄ⲙⲁⲩ • ⲁⲩⲱ ⲁⲩⲟⲩⲉϩ‐


### 0003

ⲥⲁϩⲛⲉ ⲉ ⲧⲣⲉ ⲛⲁⲣⲩⲑⲙⲟⲥ ⲕⲁⲧⲁ ⲙⲁ ⲁⲩⲱ ⲕⲁⲧⲁ ⲡⲟⲗⲓⲥ •
ⲉⲓ ⲛ̄ⲥⲉϯ ⲧⲟⲟⲧⲟⲩ ⲛⲙ̄ⲙⲁⲩ • ⲛ̄ ⲧⲉⲣ ⲟⲩⲉⲓ̈ ⲇⲉ ϩⲛ̄ ⲧⲟⲩⲉⲓ
ⲧⲟⲩⲉⲓ ⲛ̄ ⲙ̄ⲡⲟⲗⲓⲥ • ⲉⲩⲥⲃ̄ⲧⲱⲧ ϩⲛ̄ ⲟⲩⲥⲡⲟⲩⲇⲏ • | Ⲁϥⲉⲓ
ϩⲱⲱϥ ⲛ̄ϭⲓ ⲡⲁⲣⲩⲑⲙⲟⲥ ⲛ̄ ⲛⲉⲧ ⲟⲩⲙⲟⲩⲧⲉ ⲉ ⲣⲟⲟⲩ ϫⲉ
ⲙⲁⲣⲧⲩⲥⲓⲟⲛ • ⲛⲉⲧ ϣⲟⲟⲡ ϩⲛ̄ ⲧϣⲟⲣⲡ̄ ⲛ̄ ϩⲁⲣⲙⲉⲛⲓⲁ •
ⲉⲩϩⲁ ⲣⲁⲧϥ̄ ⲛ̄ ⲟⲩⲧⲣⲓⲃⲟⲩⲛⲟⲥ • ⲉ ⲡⲉϥⲣⲁⲛ ⲡⲉ ⲥⲁⲣⲇⲟⲛⲓ‐
ⲕⲟⲥ ⁖-Ⲇⲉⲕⲓⲟⲥ ⲇⲉ ⲁϥⲉⲓ ⲉ ⲃⲟⲗ ⲉ ⲡⲡⲟⲗⲩⲙⲟⲥ • ⲟⲩⲁ‐
ⲗⲉⲣⲓⲁⲛⲟⲥ ⲇⲉ ⲁϥϭⲱ ϩⲛ̄ ϩⲣⲱⲙⲏ • ⲉϥⲇⲓⲟⲓⲕⲉⲓ ⲛ̄
ⲛⲉϩⲃⲏⲩⲉ ⲛ̄ ⲧⲙⲛ︦ⲧ︦ⲉⲣⲟ • ⲡⲡⲟⲗⲩⲙⲟⲥ ⲇⲉ Ⲁϥⲧⲁϫⲣⲟ
ϩⲛ̄ ⲧⲙⲏⲏⲧⲉ ⲛ̄ ⲛ̄ⲃⲁⲣⲃⲁⲣⲟⲥ • ⲙⲛ̄ ⲛⲉϩⲣⲱⲙⲁⲓⲟⲥ •
ⲁⲩⲁϩⲉ ⲣⲁⲧⲟⲩ ⲟⲩⲃⲉ ⲛⲉⲩⲉⲣⲏⲩ • ⲛ̄ ⲧⲉⲣ ⲟⲩⲙⲟⲩⲛ ⲇⲉ ⲉ
ⲃⲟⲗ ⲛ̄ ⲧⲉⲓ ϩⲉ • ⲛ̄ ⲟⲩⲙⲏⲏϣⲉ ⲛ̄ϩⲟⲟⲩ ⁖-ⲟⲩⲁ ⲇⲉ ϩⲙ̄
ⲡⲁⲣⲩⲑⲙⲟⲥ ⲛ̄ ⲛⲉ ⲉⲧⲟⲩⲙⲟⲩⲧⲉ ⲉ ⲣⲟⲟⲩ ⲙⲁⲣⲧⲩⲥⲓⲟⲛ
ⲉ ⲡⲉϥⲣⲁⲛ ⲡⲉ ⲙⲉⲣⲕⲟⲩⲣⲓⲟⲥ ⲁϥⲛⲁⲩ ⲉⲩⲣⲱⲙⲉ ⲛ̄
ⲟⲩⲟⲉⲓⲛ ⲉϥϫⲟⲥⲉ • ⲉⲩ ⲛ̄ϩⲉⲛϩⲃ̄ⲥⲱ ⲉⲩⲡⲣⲉⲓⲱⲟⲩ ϩⲓ ϫⲱϥ •
ⲁϥⲁⲙⲁϩⲧⲉ ⲛ̄ ⲟⲩⲥⲏϥⲉ ⲉⲥⲧⲟⲕⲙ̄ ϩⲛ̄ ⲧⲉϥϭⲓϫ ⲛ̄ ⲟⲩⲛⲁⲙ •
ⲁⲩⲱ ⲛⲉϥϫⲱ ⲙ̄ⲙⲟⲥ ⲛⲁϥ • ϫⲉ ⲙⲉⲣⲕⲟⲩⲣⲓⲉ • ⲙ̄ⲡⲣ̄ ⲣ︤
ϩⲟⲧⲉ • ⲟⲩⲇⲉ ⲙ̄ⲡⲣ̄ ϣⲗⲁϩ • ⲛ̄ⲧⲁⲩⲧⲛ̄ⲛⲟⲟⲩ ⲅⲁⲣ ⲉ
ⲃⲟⲏⲑⲉⲓ ⲉ ⲣⲟⲕ ⲁⲩⲱ ⲉ ⲟⲩⲟⲛϩⲕ̄ ⲉ ⲃⲟⲗ ⲛ̄ ⲣϥ̄ϫⲣⲟ • | ϫⲓ
ⲛⲁⲕ ⲛ̄ ⲧⲉⲓ ⲥⲏϥⲉ ⲉ ⲃⲟⲗ ϩⲓ ⲧⲟⲟⲧ ⲛⲅ̄ ⲃⲱⲕ ⲉ ⲃⲟⲗ • ⲉ
ⲛ̄ⲃⲁⲣⲃⲁⲣⲟⲥ • ⲁⲩⲱ ⲉⲕϣⲁⲛϫⲣⲟ ⲉ ⲣⲟⲟⲩ • • ⲙ̄ⲡⲣ̄ ⲣ︤
ⲡⲱⲃϣ̄ ⲙ̄ ⲡϫⲥ̄ ⲡⲉⲕⲛⲟⲩⲧⲉ ⁖-ⲡⲁⲓ ⲇⲉ Ⲛ̄ ⲧⲉⲣ ϥ̄ϣⲱⲡⲉ ϩⲛ̄
ⲟⲩⲉⲕⲥⲧⲁⲥⲓⲥ ⲁϥⲙⲉⲉⲩⲉ ϫⲉ ⲟⲩⲁ ⲡⲉ ϩⲛ̄ ⲛ̄ⲛⲟϭ ⲛ̄ ⲁⲣⲭⲱⲛ
ⲛ̄ⲧⲉ ⲡⲣ̄ⲣⲟ ⲡⲉⲧ ϣⲁϫⲉ ⲛⲙ̄ⲙⲁϥ : Ⲛ̄ ⲧⲉⲣ ⲉϥ ϫⲓ ⲇⲉ ⲛ̄
ⲧⲥⲏϥⲉ • ⲁⲩⲱ ⲁϥⲙⲟⲩϩ ⲉ ⲃⲟⲗ • ϩⲙ̄ ⲡⲉⲡⲛⲁ̄ ⲉⲧ ⲟⲩⲁⲁⲃ •
ⲁϥⲃⲱⲕ ⲉ ϩⲟⲩⲛ ϩⲛ̄ ⲧⲉⲩⲙⲏⲏⲧⲉ • ⲁϥⲙⲟⲩⲟⲩⲧ ⲙ̄ ⲡⲛⲟϭ
ⲉⲧ ϩⲓ̈ ϫⲱⲟⲩ ⲁⲩⲱ ϩⲉⲛ ⲕⲉ ⲙⲏⲏϣⲉ ⲛⲙ̄ⲙⲁϥ • ϩⲱⲥ ⲧⲉ
ⲛ̄ⲧⲉ ⲡⲉϥϭⲃⲟⲓ ϩⲓⲥⲉ ⲉϥϩⲓⲟⲩⲉ ⲁⲩⲱ ϩⲓⲧⲙ̄ ⲡⲉⲥⲛⲟϥ ⲉⲧ
ⲛⲁϣⲱϥ • ⲛ̄ⲧⲉ ⲧϥ̄ϭⲓϫ ⲧⲱⲣϭ̄ ⲉ ϩⲟⲩⲛ ⲉ ⲧⲧⲱⲣⲉ ⲛ̄
ⲧⲥⲏϥⲉ • ⲧⲁⲓ ⲧⲉ ⲑⲉ ⲛ̄ⲧⲁⲩⲡⲱⲧ ⲛ̄ϭⲓ ⲛ̄ⲃⲁⲣⲃⲁⲣⲟⲥ • ⲁⲩⲱ
ⲁⲩϭⲱⲧⲡ̄ ϩⲓ ϩⲏ ⲛ̄ ⲛⲉϩⲣⲱⲙⲁⲓⲟⲥ • Ⲧⲟⲧⲉ ⲡⲣ̄ⲣⲟ ⲇⲉⲕⲓⲟⲥ •
ⲛ̄ ⲧⲉⲣ ϥ̄ⲉⲓⲙⲉ ⲉ ⲧⲙⲛ︦ⲧ︦ϫⲁⲣ ϩⲏⲧ ⲙ̄ ⲡⲉⲓ̈ ⲣⲱⲙⲉ ⲛ̄
ϫⲱⲱⲣⲉ • ⲁϥⲙⲟⲩⲧⲉ ⲉ ⲣⲟϥ ⲁϥϯ ⲛⲁϥ ⲛ̄ ⲟⲩⲁⲝⲓⲱⲙⲁ •
ⲁϥⲁⲁϥ ⲛ̄ ⲥⲧⲣⲁϯⲗⲁⲧⲏⲥ ⲁⲩⲱ ⲛ̄ ⲁⲣⲭⲱⲛ ⲉϫⲙ̄ ⲡϥ̄‐


### 0004

ⲥⲧⲣⲁⲧⲉⲩ|ⲙⲁ ⲧⲏⲣϥ̄• ⲇⲉⲕⲓⲟⲥ ⲇⲉ ⲉϥⲙⲉⲩⲉ ϫⲉ ⲛ̄ⲧⲁϥ‐
ϫⲣⲟ ⲉ ⲡⲡⲟⲗⲩⲙⲟⲥ ϩⲓⲧⲛ̄ ⲧⲉ ⲡⲣⲟⲛⲓⲁ ⲛ̄ ⲛ̄ⲛⲟⲩⲧⲉ • ⲁϥ‐
ⲣⲁϣⲉ ⲉⲙⲁⲧⲉ • ⲁⲩⲱ ϩⲉⲛⲭⲣⲏⲙⲁ ⲉⲛⲁϣⲱⲟⲩ ⲁϥⲥⲁ‐
ⲣⲟⲩ ⲉϫⲛ̄ ⲙ̄ⲙⲁⲧⲟⲓ • ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲁⲩϫⲟⲟⲩ
ⲛ̄ ⲛ̄ⲁⲣⲓⲑⲙⲟⲥ ⲉ ⲛⲉⲩⲧⲟⲡⲟⲥ ⲙ̄ⲙⲓⲛ ⲙ̄ⲙⲟⲟⲩ ⁖-ⲛ̄ⲧⲟϥ
Ϩⲱⲱϥ ⲛⲉϥⲣ̄ϣⲁ ⲕⲁⲧⲁ ⲡⲟⲗⲓⲥ ⲛⲓⲙ • ⲛ̄ⲧⲁϥⲡⲁⲣⲁⲅⲉ
ⲙ̄ⲙⲟⲟⲩ ⲉϥⲃⲏⲕ ⲉ ϩⲣⲱⲙⲏ ⁖-ϩⲣⲁⲓ ⲇⲉ ϩⲛ̄ ⲟⲩⲟⲩϣⲏ
ⲉⲣⲉ ⲡⲉⲥⲧⲣⲁⲧⲉⲩⲙⲁ ⲟⲃϣ̄ ⲁϥⲁϩⲉ ⲣⲁⲧϥ̄ ϩⲓϫⲛ̄ ⲙⲉⲣⲕⲟⲩ‐
ⲣⲓⲟⲥ ⲛ̄ϭⲓ ⲟⲩⲁⲅⲅⲉⲗⲟⲥ ϩⲙ̄ ⲡⲉⲥⲭⲏⲙⲁ ⲙ̄ ⲡⲣⲱⲙⲉ
ⲛ̄ⲧⲁϥⲛⲁⲩ ⲉ ⲣⲟϥ ϩⲙ̄ ⲡⲡⲟⲗⲩⲙⲟⲥ • ⲁⲩⲱ ⲁϥⲧⲉⲃⲥ̄
ⲡϥ̄ⲥⲡⲓⲣ • ⲁϥⲧⲟⲩⲛⲟⲥϥ̄ • ⲛ̄ ⲧⲉⲣ ⲉϥⲚⲁⲩ ⲇⲉ ⲉ ⲣⲟϥ •
ⲁϥϣⲱⲡⲉ ϩⲛ̄ ⲟⲩϩⲟⲧⲉ ⲡⲉϫⲉ ⲡⲁⲅⲅⲉⲗⲟⲥ ⲇⲉ ⲛⲁϥ •
ϫⲉ ⲉⲛⲉⲕⲉⲓⲣⲉ ⲙ̄ ⲡⲙⲉⲉⲩⲉ ⲙ̄ ⲡϣⲁϫⲉ ⲛ̄ⲧⲁⲓϫⲟⲟϥ
ⲛⲁⲕ ϩⲙ̄ ⲡⲡⲟⲗⲩⲙⲟⲥ ⲱ̄ ⲙⲉⲣⲕⲟⲩⲣⲓⲟⲥ • ϭⲱϣⲧ̄ ⲙ̄ⲡⲣ̄
ⲣ̄ ⲡⲱⲃϣ̄ ⲙ̄ ⲡϫⲥ̄ ⲡⲉⲕⲛⲟⲩⲧⲉ ϩⲁⲡⲥ̄ ⲅⲁⲣ ⲉ ⲣⲟⲕ
ⲡⲉ ⲉ ⲧⲣⲉ ⲕⲁⲅⲱⲛⲓⲍⲉ | ⲉϫⲙ̄ ⲡⲉϥⲣⲁⲛ ⲕⲁⲗⲱⲥ •
ⲁⲩⲱ ⲛⲅ̄ ϫⲓ ⲙ̄ ⲡⲉⲕⲗⲟⲙ ⲙ̄ ⲡⲉϫⲣⲟ ⲛ̄ ⲧⲙⲛ̄ⲧⲉⲣⲟ
ⲛ ⲙ̄ⲡⲏⲩⲉ • ⲡⲁⲓ ⲛ̄ⲧⲁϥⲥⲃ̄ⲧⲱⲧϥ̄ ⲛ̄ ⲛⲉⲧ ⲙⲉ ⲙ̄ⲙⲟϥ
ⲧⲏⲣⲟⲩ ⁖-Ⲁⲩⲱ ⲛ̄ ⲧⲉⲣ ⲉϥϫⲉ ⲛⲁⲓ ⲁϥⲥⲁϩⲱϥ ⲉ ⲃⲟⲗ
ⲙ̄ⲙⲟϥ ϩⲛ̄ ⲧⲉⲩⲛⲟⲩ ⲉⲧ ⲙ̄ⲙⲁⲩ ⁖-ⲛ̄ ⲧⲉⲣⲉ ⲡϩⲏⲧ ⲙ̄
ⲡⲙⲁⲕⲁⲣⲓⲟⲥ ϣⲱⲡⲉ ⲙ̄ⲙⲟϥ • ⲁϥⲣ̄ ⲡⲙⲉⲉⲩⲉ ⲙ̄ ⲡϣⲁϫⲉ •
ⲁⲩⲱ ⲛϥ︤ⲣ︥ ϣⲡⲏⲣⲉ ⲛ̄ ⲧϭⲟⲙ ⲛ̄ ⲧⲙⲛ︤ⲧ︥ⲙⲁⲓ ⲣⲱⲙⲉ ⲙ̄
ⲡⲛⲟⲩⲧⲉ • ⲛⲉ ⲁϥⲥⲱⲧⲙ̄ ⲅⲁⲣ ⲉ ⲧⲃⲉ ⲧⲡⲓⲥϯⲥ ⲛ̄ ⲛⲉⲭⲣⲓ‐
ⲥϯⲁⲛⲟⲥ • ϩⲓⲧⲛ̄ ⲛⲉϥⲉⲓⲟⲟⲧⲉ • ⲡϥ̄ⲉⲓⲱⲧ ⲇⲉ ⲡⲉ ⲕⲟⲣⲇⲓⲁ‐
ⲛⲟⲥ • ⲁⲩⲱ ⲛⲉϥⲟ ⲙ̄ ⲡⲣⲓⲙⲏ ⲕⲩⲣⲓⲟⲥ ⲉ ⲡⲉⲓ ⲁⲣⲓⲑⲙⲟⲥ ⲛ̄
ⲟⲩⲱⲧ • ⲡϣⲏⲣⲉ ⲇⲉ ϣⲏⲙ • Ⲛⲉϥⲛⲁⲣ̄ ϫⲟⲩⲧⲏ ⲛ̄ ⲣⲟⲙⲡⲉ •
ⲛⲉ ⲁϥⲥⲱⲧⲙ̄ ⲅⲁⲣ ⲉ ⲃⲟⲗ ϩⲓⲧⲙ̄ ⲡⲉϥⲉⲓⲱⲧ ⲛ̄ ϩⲁϩ ⲛ̄ ⲥⲟⲡ
ⲉϥϫⲱ ⲙ̄ⲙⲟⲥ ϫⲉ ⲛⲁⲓⲁⲧϥ̄ ⲙ̄ ⲡⲉⲧ ⲛⲁⲣ̄ ⲙⲁⲧⲟⲓ ϩⲁ
ⲣⲁⲧϥ̄ ⲙ̄ ⲡⲣ̄ⲣⲟ ⲛ̄ ⲧⲡⲉ • Ϥⲛⲁⲭⲁⲣⲓⲍⲉ ⲛⲁϥ ⲛ̄ ϩⲉⲛⲛⲟϭ
ⲛ̄ ⲧⲁⲓⲟ ⲛ̄ ⲁⲧ ⲟⲩⲉⲓⲛⲉ • ⲁⲩⲱ ϥⲛⲁⲙⲓϣⲉ ⲉ ϩⲣⲁⲓ ⲉ ϫⲱϥ
ⲛ̄ ⲛⲁϩⲣⲛ̄ ⲛϥ̄ϫⲁϫⲉ ⁖-ⲡⲣ̄ⲣⲟ ⲅⲁⲣ ⲉⲧ ⲙ̄ⲙⲁⲩ | ⲛ̄ⲧⲟϥ
ⲡⲉ ⲛ̄ⲧⲁϥⲧⲁⲙⲓⲉ ⲡⲧⲏⲣϥ̄ ϩⲙ̄ ⲡⲉϥϣⲁϫⲉ • ⲧⲡⲉ ⲙⲉⲛ
ⲁϥⲧⲁϩⲟⲥ ⲉ ⲣⲁⲧⲥ̄ ⲛ̄ⲑⲉ ⲛ̄ ⲟⲩϭⲉⲡⲏ • ⲉ ⲁϥⲕⲟⲥⲙⲉⲓ ⲙ̄ⲙⲟⲥ
ⲟⲛ̄ ϩⲉⲛⲥⲓⲟⲩ ⲉⲩⲣ̄ ⲟⲩⲟⲉⲓⲛ • ⲡⲕⲁϩ ⲇⲉ ϩⲛ̄ ϩⲉⲛϩⲣⲏⲣⲉ


### 0005

ⲉⲛⲉⲥⲱⲟⲩ • ⲉⲩⲟ ⲛ̄ ⲥϯ ⲛⲟⲩϥⲉ ⲉ ⲧⲣⲉ ⲩϣⲱⲡⲉ ⲛ̄ⲥⲟⲗⲥⲗ̄
ⲙⲛ̄ ⲟⲩⲧⲁⲗϭⲟ ⲛ̄ ⲛ̄ⲣⲱⲙⲉ • ⲑⲁⲗⲗⲁⲥⲁ ϩⲱⲱⲥ ⲉ ⲧⲣⲉ
ⲛⲉϫⲏⲩ ⲥϭⲏⲣ ⲛ̄ϩⲏⲧⲥ̄ ⲁⲩⲱ ⲁϥⲕⲁⲁⲥ ⲙ̄ ⲙⲁ ⲛ̄ ⲥⲁⲛϣ̄
ⲛ̄ ⲛⲧⲃ︦ⲧ︦ • Ⲁⲩⲱ ϫⲉ ⲛ̄ⲧⲟϥ ⲡⲉⲧ ⲛⲏⲩ ⲉ ⲕⲣⲓⲛⲉ ⲛ̄ ⲛⲉⲧ ⲟⲛϩ̄
ⲙⲛ̄ ⲛⲉⲧ ⲙⲟⲟⲩⲧ ⲛϥ̄ϯ ⲙ̄ ⲡⲟⲩⲁ • ⲡⲟⲩⲁ ⲕⲁⲧⲁ ⲛϥ̄‐
ϩⲃⲏⲩⲉ ⁖-ⲛ̄ ⲧⲉⲣ ⲉϥⲣ̄ ⲡⲙⲉⲉⲩⲉ ⲇⲉ ⲛ̄ϭⲓ ⲫⲁⲅⲓⲟⲥ ⲙⲉⲣ‐
ⲕⲟⲩⲣⲓⲟⲥ ⲛ̄ ⲛ̄ϣⲁϫⲉ ⲙ̄ ⲡϥ̄ⲉⲓⲱⲧ ϩⲣⲁⲓ̈ ⲛ̄ϩⲏⲧϥ̄ ⲁⲩⲱ
ⲡϭⲱⲗⲡ̄ ⲉ ⲃⲟⲗ ⲛ̄ⲧⲁϥⲛⲁⲩ ⲉ ⲣⲟϥ • ⲁϥϣⲱⲡⲉ ϩⲛ̄ ⲟⲩⲛⲟϭ
ⲛ̄ ⲧⲱⲃⲥ̄ ⲁϥⲁⲣⲭⲉⲓ ⲛ̄ ⲣⲓⲙⲉ ⲁⲩⲱ ⲛ̄ ⲁϣⲁϩⲟⲙ • ϫⲉ ⲟⲩⲟⲓ
ⲛⲁϥ ⲁⲛⲟⲕ ⲡⲓⲣⲉϥⲣ̄ ⲛⲟⲃⲉ • ⲉⲓⲟ ⲛ̄ⲑⲉ ⲛ̄ ⲟⲩⲕⲗⲁⲇⲟⲥ ⲛ̄
ⲁⲧ ⲕⲁⲣⲡⲟⲥ ⲉ ⲁϥϯⲟⲩⲱ ⲉ ⲙⲛ̄ⲧⲁϥ ⲛⲟⲩⲛⲉ ⲙ̄ⲙⲁⲩ ⲛ̄ⲧⲉ
ⲡⲥⲟⲟⲩⲛ ⲙ̄ ⲡⲉⲟⲟⲩ ⲙ̄ ⲡⲛⲟⲩⲧⲉ • ⲉϯ ⲇⲉ ⲉϥϣⲁϫⲉ |
ⲛ̄ⲧⲉⲩⲛⲟⲩ ⲁ ⲡⲣ︦ⲣⲟ ϫⲟⲟⲩ ⲛ̄ ⲥⲛⲁⲩ ⲛ̄ ⲛⲉⲧ ⲟⲩⲙⲟⲩⲧⲉ
ⲉ ⲣⲟⲟⲩ ϫⲉ ⲥⲉⲗⲉⲛϯⲁⲣⲓⲟⲥ • ⲙⲛ̄ ϩⲉⲛⲕⲟⲟⲩⲉ ⲛⲙ̄ⲙⲁⲩ
ⲉ ⲧⲣ ⲉⲩⲙⲟⲩⲧⲉ ⲉ ⲣⲟϥ ⲛⲁϥ • ⲉ ⲃⲟⲗ ϫⲉ Ⲛ̄ⲧⲟϥ ⲡⲉⲧ ⲟ
ⲛ̄ ⲣⲉϥϫⲓ ϣⲟϫⲛⲉ ⲛⲁϥ ⲁϥⲡⲁⲣⲁⲓⲧⲉ ⲉ ⲧⲙ̄ ⲃⲱⲕ ⲉϥϫⲱ
ⲙ̄ⲙⲟⲥ • ϫⲉ ⲡⲁ ⲥⲱⲙⲁ ⲟ̄ ⲛ̄ ⲁⲧ ϭⲟⲙ ⲁ ⲡⲣ̄ⲣⲟ ⲕⲁ ⲣⲱϥ •
ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲙ̄ ⲡⲉϥⲣⲁⲥⲧⲉ ⲇⲉ ⲟⲛ ⲁϥϫⲟⲟⲩ
ⲛ̄ⲥⲱϥ ϩⲟⲙⲟⲓⲟⲥ ⲛ̄ϭⲓ ⲇⲉⲕⲓⲟⲥ • ⲛ̄ ⲧⲉⲣ ⲉϥⲉⲓ ⲇⲉ ϣⲁ ⲣⲟϥ
ⲁⲩϫⲓ ϣⲟϫⲛⲉ ⲙⲛ̄ ⲛⲉⲩⲉⲣⲏⲩ ⲉ ⲡϩⲱⲃ ⲉⲧ ⲛ̄ ⲧⲙⲏⲏⲧⲉ •
Ⲡⲉϫⲉ ⲡⲣ̄ⲣⲟ ⲛⲁϥ ϫⲉ ⲙⲁⲣⲟⲛ[ⲃⲱⲕ ⲱ̄ ⲙⲉⲣⲕⲟⲩⲣⲓⲟⲥ ⲉ
ⲡⲛⲟϭ ⲛ̄ ⲉⲣ̄ⲡⲉ ⲛ ⲧⲁⲣⲧⲉⲙⲏⲥ • ⲛ̄ⲧⲛ̄ⲧⲁⲗⲟ ⲛⲁⲥ • ⲉ ϩⲣⲁⲓ ⲛ̄
ϩⲉⲛⲑⲩⲥⲓⲁ • ⲛ̄ ⲧⲉⲣ ⲉϥⲙⲟⲟϣⲉ ⲇⲉ ⲛ̄ϭⲓ ⲡⲣ̄ⲣⲟ • ⲁⲩⲛⲟϭ
ⲙ̄ ⲙⲏⲏϣⲉ ⲟⲩⲁϩⲟⲩ ⲛ̄ⲥⲱϥ :-ⲡⲙⲁⲔⲁⲣⲓⲟⲥ ⲇⲉ ⲙⲉⲣ‐
ⲕⲟⲩⲣⲓⲟⲥ ⲁϥⲕⲟⲧϥ̄ ⲉ ⲡⲁϩⲟⲩ ⲁϥϩⲟⲡϥ̄ ϩⲙ̄ ⲡⲉ ⲡⲣⲁⲓ̈‐
ⲧⲟⲣⲓⲟⲛ • ⲟⲩⲁ ⲇⲉ̇ ⲁϥⲇⲓⲁⲃⲁⲗⲉ ⲙ̄ⲙⲟϥ ⲛ̄ ⲛⲁϩⲣⲛ̄ ⲡⲣ̄ⲣⲟ •
ⲉϥϫⲱ ⲙ̄ⲙⲟⲥ • ϫⲉ ⲡⲛⲟϭ ⲛ︦ⲣ︦ⲣⲟ ⲉⲧ ⲁⲙⲁϩⲧⲉ ⲁⲩⲱ ⲛ̄
ⲣⲉϥϫⲣⲟ ⲛ̄ ⲉⲩⲥⲉⲃⲏⲥ • ⲡⲉ ⲛⲧⲁⲩⲥⲟⲧⲡϥ̄ | ⲉ ⲃⲟⲗ ϩⲓⲧⲛ̄
ⲛ̄ⲛⲟⲩⲧⲉ ⲛ̄ ⲣⲉϥⲇⲓⲟⲓⲕⲉⲓ ⲛ̄ ⲧⲙⲛ̄ⲧⲉⲣⲟ ⲧⲏⲣⲥ̄ ⲛ̄ ⲛⲉϩⲣⲱ‐
ⲙⲁⲓⲟⲥ • ⲙⲁ ϯⲑⲉ ⲛⲁⲓ̈ ⲛ̄ⲧⲁϣⲁϫⲉ ⲛⲅ̄ ⲥⲱⲧⲙ̄ ⲉ ⲣⲟⲓ ϩⲛ̄
ⲟⲩⲙⲛ︦ⲧ︦ⲣⲙ̄ⲣⲁϣ :-ⲙⲉⲣⲕⲟⲩⲣⲓⲟⲥ ⲡⲉ ⲛⲧⲁ ⲧⲉⲕⲟⲩⲛⲁⲙ
ⲉⲧ ⲁⲙⲁϩⲧⲉ ϫⲁⲥⲧϥ̄ ⲁⲩⲱ Ⲁⲕϯ ⲉⲟⲟⲩ ⲛⲁϥ • ϩⲛ̄
ⲧⲙⲛ︦ⲧ︦ⲉⲣⲟ ⲛ̄ ⲛⲉϩⲣⲱⲙⲁⲓ̈ⲟⲥ ⲙ̄ⲡ ⲉϥⲉⲓ ⲛⲙ̄ⲙⲁⲛ ⲕⲁⲧⲁ
ⲡⲉⲕⲟⲩⲉϩⲥⲁϩⲛⲉ ⲛϥ︦ⲣ︦ ⲑⲩⲥⲓⲁ ϩⲙ̄ ⲡⲉⲣⲡⲉ ⲛ̄ ⲧⲛⲟϭ ⲛ̄


### 0006

ⲁⲣⲧⲉⲙⲏⲥ ⲛϥ̄ⲧⲁⲗⲟ ⲛⲁⲥ ⲉ ϩⲣⲁⲓ ⲕⲁⲧⲁ ⲡⲟⲩⲉϩⲥⲁϩⲛⲉ
ⲉⲧ ⲁⲙⲁϩⲧⲉ ⁖-ⲁϥⲟⲩⲱϣⲃ̄ ⲛ̄ϫⲓ ⲡⲣ̄ⲣⲟ ϫⲉ ⲛⲓⲙ ⲡⲉ ⲡⲁⲓ
ⲡⲉϫⲁϥ ϫⲉ ⲙⲉⲣⲕⲟⲩⲣⲓⲟⲥ ⲡⲁⲓ ⲛ̄ⲧⲁⲕϯ ⲛⲁϥ ⲙ̄ ⲡⲉϫⲣⲟ
ⲙⲛ̄ ⲧⲙⲛ̄ⲧⲛⲟϭ ⲛ̄ⲥⲁϥ ⲙⲛ̄ ϣⲙⲛ︦ⲧ︦ ⲉⲡⲟⲟⲩ ⲛ̄ϩⲟⲟⲩ • Ⲁⲩⲱ
ⲁⲕϫⲓⲥⲧϥ̄ ϩⲙ̄ ⲡⲁⲝⲓⲱⲙⲁ ⲛ̄ϩⲟⲩⲟ ⲛ̄ ⲧⲙⲛ︦ⲧ︦ⲛⲟϭ ⲡⲁⲓ ⲇⲉ
Ⲟⲩ ⲙⲟⲛⲟⲛ • ϫⲉ ⲁϥⲣ̄ ⲁⲧ ⲥⲱⲧⲙ̄ ⲛ̄ⲥⲁ ⲧⲉⲕⲙⲛ̄ⲧⲛⲟϭ
ⲁⲗⲗⲁ ⲁϥⲣ̄ ▨▨ⲡⲕ ⲉⲡⲓ̄ⲑⲉ ⲛ̄ ϩⲁϩ ⲉⲩϣⲙ̄ϣⲉ ⲛ̄ ⲛ̄ⲛⲟⲩⲧⲉ •
ⲉⲕϣⲁⲛϫⲛⲟⲟⲩ ⲇⲉ ⲉⲕⲛⲁⲉⲓⲙⲉ ⲉ ⲡϫⲱⲕ ⲛ̄ ⲛⲉⲛⲧⲁⲓϫⲟⲟⲩ
ⲛⲁⲕ :-ⲇⲉⲕⲓⲟⲥ ⲇⲉ | Ⲡⲉϫⲁϥ ⲇⲉ ϩⲁⲣⲏⲩ ⲛ̄ⲧⲁ ⲟⲩ‐
ⲫⲑⲟⲛⲟⲥ ϣⲱⲡⲉ ϩⲛ̄ ⲡⲉⲕϩⲏⲧ ⲉ ϩⲟⲩⲛ ⲉ ⲡⲣⲱⲙⲉ ⲁⲕϣⲁϫⲉ
ϩⲓ ⲛⲁⲓ ⲁⲗⲗⲁ ⲛ̄ ϯⲛⲁⲡⲓⲥⲧⲉⲩⲉ ⲛⲁⲕ ⲁⲛ ⲉⲓ ⲙⲏ ⲧⲉⲓ
ⲛ̄ⲧⲁⲉⲓⲙⲉ ϩⲛ̄ ⲟⲩⲟⲩⲱⲣϫ̄ ⲉ ⲧⲙⲉ ⲁⲩⲱ ⲛ̄ⲧⲁⲛⲁⲩ ⲉ ⲡϩⲱⲃ
ϩⲛ̄ ⲟⲩⲱⲣϫ̄ ⲛ̄ ϩⲟ ϩⲓ ϩⲟ • ⲡⲛⲁⲩ ⲅⲁⲣ ϩⲛ̄ ⲛ̄ⲃⲁⲗ ϣⲁⲩⲧⲁ‐
ⲛϩⲟⲩⲧϥ̄ ⲉϩⲟⲩⲉ ⲡⲥⲱⲧⲙ̄ ϩⲛ̄ ⲙ̄ⲙⲁϫⲉ ⁖-ⲕⲁ ⲣⲱⲕ ϭⲉ
ⲧⲉⲛⲟⲩ ⲛⲅ̄ ⲧⲙ̄ ⲧⲁⲩⲉ ⲕⲉ ⲗⲁⲁⲩ ⲛ̄ ϣⲁϫⲉ ⲉ ⲡⲣⲱⲙⲉ •
ⲁⲩⲱ ⲉϣⲱⲡⲉ ⲛ̄ⲧⲁⲕⲔⲁⲧⲏⲅⲟⲣⲉⲓ ⲙ̄ⲙⲟϥ ϩⲛ̄ ⲟⲩⲫⲑⲟⲛⲟⲥ
ⲕⲁⲧⲁ ⲑⲉ ⲛ̄ⲧ ⲁⲓϫⲟⲟⲥ ⲛⲁⲕ ⲉⲓⲙⲉ ⲛⲁⲕ ϫⲉ ⲉⲕⲛⲁϣⲱⲡⲉ
ⲉⲕϭⲏⲡ ⲉⲩⲛⲟϭ ⲛ̄ϯⲙⲟⲣⲓⲁ ⁖-ⲣ̄ϣⲁⲛ ⲛⲉ ⲛⲧ ⲁⲕϫⲟⲟⲩ
ⲇⲉ ϣⲱⲡⲉ ⲉⲩⲟ ⲙ̄ⲙⲉ ⲕⲛⲁϫⲓ ⲛ ϩⲉⲛⲛⲟϭ ⲛ̄ ⲇⲱⲣⲉⲁ ⲉ ⲃⲟⲗ
ϩⲓ ⲧⲟⲟⲧⲛ̄ • ϩⲱⲥ ⲉⲕⲟ ⲛ̄ⲟⲩϩⲏⲧ ⲛ̄ⲟⲩⲱⲧ ⲛⲙ̄ⲙⲁⲛ ⲉ ϩⲟⲩⲛ
ⲉ ⲛⲛⲟⲩⲧⲉ • ⲁⲩⲱ ⲉ ϩⲟⲩⲛ ⲉⲛⲣ̄ⲣⲱⲟⲩ ⁖-Ⲁϥⲕⲉⲗⲉⲩⲉ ⲉ
ⲧⲣ ⲉⲩⲉⲓⲛⲉ ⲙ̄ ⲫⲁⲅⲓ̄ⲟⲥ ⲙⲉⲣⲕⲟⲩⲣⲓⲟⲥ ϩⲛ̄ ⲧϯⲙⲏ ⲉⲧ
ⲉϣϣⲉ ⲛ̄ ϣⲟⲣⲡ̄ ⁖-ⲡⲁⲓ ⲇⲉ Ⲛ̄ ⲧⲉⲣ ϥ̄ⲉⲓ ϣⲁ ⲣⲟϥ ⲡⲉϫⲁϥ
ⲛⲁϥ ⲛ̄ϭⲓ ⲡⲣ̄ⲣⲟ • ϫⲉ ⲙⲉⲣⲕⲟⲩⲣⲓⲟⲥ ⲙⲏ | ⲁⲛⲟⲕ ⲁⲛ ⲡⲉ
ⲛⲧ ⲁⲓ̈ϯ ⲛⲁⲕ ⲙ̄ ⲡⲉⲓ ⲛⲟϭ ⲛ̄ ⲧⲁⲓⲟ • ⲙⲛ̄ ⲡⲓⲁⲝⲓⲱⲙⲁ • ⲉ
ⲁⲓⲁⲁⲕ ⲛ̄ ⲥⲧⲣⲁⲧⲏⲗⲁⲧⲏⲥ ϩⲛ̄ ⲧⲙⲏⲏⲧⲉ ⲛ̄ ⲛⲁⲣⲭⲱⲛ
ⲧⲏⲣⲟⲩ • ⲉ ⲧⲃⲉ ⲧⲉⲕⲙⲛ︦ⲧ︦ⲣⲙ̄ϩⲏⲧ ⲙⲛ̄ ⲡⲉϫⲣⲟ ⲛ̄ⲧⲁ
ⲛⲛⲟⲩⲧⲉ ⲭⲁⲣⲓⲍⲉ ⲙ̄ⲙⲟϥ ⲛⲁⲛ ϩⲙ̄ ⲡⲡⲟⲗⲉⲙⲟⲥ • Ⲁⲩⲱ
ⲛ̄ ⲁϣ ⲛ̄ ϩⲉ ⲡⲛⲟϭ ⲛ̄ ⲟⲩⲱϣ ⲉⲧ ⲟⲩⲛ̄ⲧⲁⲓϥ ⲉ ϩⲟⲩⲛ ⲉ ⲣⲟⲕ
ⲁⲕⲡⲟⲟⲛⲉ ⲉ ϩⲉⲛⲙⲟⲥⲧⲉ ⲉⲩϩⲟⲟⲩ ⁖-ⲁⲩⲱ ⲛⲓⲛⲟϭ ⲛ̄ ⲧⲁⲓⲟ
ⲁⲕⲡⲟⲟⲛⲟⲩ ⲉⲩⲗⲁⲁⲩ • ⲉ ⲁⲕⲕⲁⲧⲁⲫⲣⲟⲛⲉⲓ ⲛ̄ ⲛ̄ⲛⲟⲩⲧⲉ
ⲛ̄ ⲧⲉⲓ ϩⲉ ⲧⲏⲣⲥ̄ • ⲕⲁⲧⲁ ⲑⲉ ⲛ̄ⲧ ⲁⲩⲧⲥⲁⲃⲉⲉⲓⲁⲧⲛ̄ ⲉ ⲃⲟⲗ
ϩⲛ̄ ⲧⲙⲛ︤ⲧ︥ⲉⲩⲥⲉⲃⲏⲥ ⁖-ⲧⲟⲧⲉ Ⲡⲙⲁⲧⲟⲓ ⲛ̄ ⲅⲉⲛⲛⲁⲓⲟⲥ ⲛ̄ⲧⲉ
ⲡⲉⲭⲣ︦ⲥ︦ ϩⲛ̄ ⲟⲩⲙⲉ • ⲁϥⲕⲁⲁϥ ⲕⲁ ϩⲏⲩ ⲙ̄ ⲡⲣⲙ̄ ⲛ̄ ⲁⲥ


### 0007

ⲙⲛ̄ ⲛⲉϥϩⲃⲏⲩⲉ [ⲕⲁⲧⲁ] ⲡϣⲁϫⲉ ⲙ̄ ⲡⲁⲩⲗⲟⲥ ⲡⲁⲡⲟⲥⲧⲟⲗⲟⲥ
ⲉ ⲁϥ ϯϩⲓⲱⲱϥ ⲙ̄ ⲡⲣⲙ̄ ⲛ̄ ⲃⲣ︤ⲣⲉ ⲡⲁⲓ ⲛ̄ⲧⲁⲩⲥⲟⲛⲧϥ̄ ⲛ̄ϩⲏⲧϥ̄
ⲕⲁⲧⲁ ⲡⲛⲟⲩⲧⲉ ϩⲓⲧⲙ̄ ⲡⲃⲁⲡϯⲥⲙⲁ • ⲁϥⲟⲩⲱϣⲃ̄ ⲛ̄ϭⲓ
ⲫⲁⲅⲓⲟⲥ ϩⲛ̄ ⲟⲩⲥⲙⲏ ⲙ̄ ⲙⲛ︦ⲧ︦ⲣⲙ̄ⲣⲁϣ ⲙⲛ̄ ⲟⲩⲙⲛ︦ⲧ︦ϫⲁⲣ
ϩⲏⲧ • ϫⲉ ⲡⲉⲓ ⲧⲁⲓⲟ ⲛ̄ ⲧⲉⲓ ⲙⲓⲛⲉ ⲙⲁⲣⲉϥϣⲱⲡⲉ ⲛⲁⲕ •
ⲁⲛⲟⲕ ⲅⲁⲣ ⲉϣϫⲉ ⲁⲓⲃⲱⲕ ⲉ ⲃⲟⲗ ⲉ ⲡⲡⲟⲗⲩⲙⲟⲥ ⲁⲓ̄ⲙⲓϣⲉ |
ⲁⲛⲟⲕ ⲇⲉ ⲁⲛ ⲡⲉ ⲛⲧ ⲁⲓϫⲣⲟ ⲁⲗⲗⲁ ⲡϫⲥ̄ • ⲡⲉⲛⲧ ⲁϥ‐
ⲭⲁⲣⲓⲍⲉ ⲛⲁⲓ ⲙ̄ ⲡϫⲥ̄ • Ⲡⲗⲏⲛ ϫⲓ ⲛⲁⲕ ⲛ̄ ⲛⲉⲕⲧⲁⲓⲟ ⲛ̄ⲑⲉ
ⲛⲧ ⲁⲕϫⲟⲟⲥ • ⲁⲛⲟⲕ ⲅⲁⲣ ⲛ̄ⲧⲁⲓⲉⲓ ⲉ ⲃⲟⲗ ϩⲛ̄ ϩⲏⲧⲥ̄ ⲛ̄
ⲧⲁ ⲙⲁⲁⲩ ⲉⲓⲕⲏ ⲕⲁ ϩⲏⲩ ⲉⲓⲛⲁⲃⲱⲕ ⲟⲛ ⲉⲓⲕⲏ ⲕⲁ ϩⲏⲩ •
Ⲛ ⲧⲉⲣⲉ ϥϫⲉ ⲛⲁⲓ ⲇⲉ ⲁϥⲕⲁⲁϥ ⲕⲁ ϩⲏⲩ ⲛ̄ ⲧϥ̄ⲭⲗⲁⲙⲩⲥ •
ⲁϥⲃⲟⲗϥ̄ ⲉ ⲃⲟⲗ • ⲛ̄ ⲧⲉϥⲍⲱⲛⲏ ⲁϥⲛⲟϫⲟⲩ ⲉ ⲃⲟⲗ ϩⲁ
ⲣⲁⲧϥ̄ ⲙ̄ ⲡⲣ̄ⲣⲟ ⲁϥϫⲓϣⲕⲁⲕ ⲉ ⲃⲟⲗ ⲉϥϫⲱ ⲙ̄ⲙⲟⲥ • ϫⲉ
ⲁⲛⲅ̄ ⲟⲩⲭⲣⲓⲥϯⲁⲛⲟⲥ • ⲁⲩⲱ ⲥⲱⲧⲙ̄ ⲧⲏⲣⲧⲛ̄ ϫⲉ ⲁⲛⲅ̄
ⲟⲩⲭⲣⲓⲥϯⲁⲛⲟⲥ ⁖-ⲧⲟⲧⲉ ⲇⲉⲕⲓⲟⲥ Ⲁϥⲣ̄ ⲑⲉ ⲛ̄ ⲛⲉ ⲛⲧ
ⲁⲩⲡⲱⲥϣ̄ (sic) ⲁϥⲉⲓⲱⲣⲙ̄ ⲉ ϩⲟⲩⲛ ⲉ ϩⲣⲁϥ • ⲛ̄ ⲟⲩⲛⲟϭ ⲛ̄
ⲛⲁⲩ • ⲁϥⲣ̄ ϣⲡⲏⲣⲉ ⲙ̄ ⲡⲉⲓⲛⲉ ⲙ̄ ⲡⲥⲁ ⲛ ⲧϥ̄ⲙⲛ︦ⲧ︦ⲃⲣ̄ⲣⲉ ⁖-
ⲡⲙⲁⲕⲁⲣⲓⲟⲥ ⲇⲉ ⲛ ⲉⲛⲉⲥⲱϥ ⲉⲙⲁⲧⲉ ϩⲙ̄ ⲡⲉϥⲉⲓⲛⲉ ⲉϥ‐
ⲧⲣⲉϣⲣⲱϣ ⲉⲙⲁⲧⲉ ϩⲙ̄ ⲡⲉϥⲁⲩⲉⲓ̈ⲛ • ⲉϥⲟ ⲙ̄ ⲙⲉⲣϣ̄ ϩⲙ̄
ⲡⲉϥϥⲱ ⲉϥⲕⲟⲥⲙⲉⲓ ϩⲙ̄ ⲙⲛ︦ⲧ︦ⲥⲁⲉⲓ ⲛⲓⲙ • ϩⲓ ⲙⲛ︦ⲧ︦ϫⲱⲱⲣⲉ
ⲉⲣⲉ ϩⲁϩ ϭⲱϣⲧ̄ ⲛ̄ⲥⲱϥ ⲉⲩⲣ̄ ϣⲡⲏⲣⲉ ⲙ̄ⲙⲟϥ ⁖-ⲙⲛ︦ⲛ︦ⲥⲁ
ⲛⲁⲓ ⲇⲉ ⲇⲉⲕⲓⲟⲥ ⲡⲣ̄ⲣⲟ ⲁϥⲕⲓⲙ ⲛ̄ ⲧⲉϥⲁⲡⲉ ⲟⲩⲉϩ|ⲥⲁϩⲛⲉ
ⲉ ⲛⲟϫϥ̄ ⲉ ⲡⲉϣⲧⲉⲕⲟ ⲉϥϫⲱ ⲙ̄ⲙⲟⲥ • ϫⲉ ⲡⲣⲱⲙⲉ ⲉⲧⲉ
ⲙ̄ⲡ ⲉϥⲥⲟⲩⲛ ⲡⲧⲁⲓⲟ ⲙⲁⲣϥ̄ϫⲓ ⲡⲏⲣⲁ ⲧⲉⲛⲟⲩ ⲙ̄ ⲡⲉⲧ‐
ϭⲁⲓ̈ⲟ • ⲛ̄ⲧⲁϥϫⲉ ⲡⲁⲓ ⲇⲉ ⲉϥⲙⲉⲉⲩⲉ ϫⲉ ⲉϥⲛⲁⲉϣⲡⲉⲛⲉ
ⲡⲉϥⲗⲟⲅⲓⲥⲙⲟⲥ ⲛ̄ ⲉⲩⲥⲉⲃⲏⲥ • ⲡⲙⲁⲣⲧⲩⲣⲟⲥ ⲇⲉ ⲙ̄ ⲡⲉⲭⲥ̄
ⲉⲩϫⲓ ⲙ̄ⲙⲟϥ ⲉ ⲡⲉϣⲧⲉⲕⲟ • ⲛϥ̄ⲣⲁϣⲉ ⲁⲩⲱ ⲛϥ̄ⲧⲉⲗⲏⲗ
ϩⲙ̄ ⲡⲉⲡⲛ︤ⲁ︥ • ⲉϥϯ ⲉⲟⲟⲩ ⲙ̄ ⲡⲛⲟⲩⲧⲉ ⁖-Ϩⲛ̄ ⲧⲉⲩϣⲏ ⲇⲉ
ⲉⲧ ⲙ̄ⲙⲁⲩ ⲁⲩⲁⲅⲅⲉⲗⲟⲥ ⲁϩⲉ ⲣⲁⲧϥ̄ ϩⲓ ϫⲱϥ ⲡⲉϫⲁϥ ⲛⲁϥ •
ϫⲉ ⲙⲉⲣⲕⲟⲩⲣⲓⲉ • ⲧⲱⲕ ⲛ̄ ϩⲏⲧ ⲁⲩⲱ ⲙ̄ⲡⲣ̄ ⲣ̄ ϩⲟⲧⲉ
ϩⲏⲧⲟⲩ • ⲛ̄ ⲛ̄ⲁⲡⲩⲗⲏ ⲙ̄ ⲡⲧⲩⲣⲁⲛⲛⲟⲥ • ⲡⲓⲥⲧⲉⲩⲉ ⲉ ⲡⲉⲭⲥ̄
ⲡⲛⲟⲩⲧⲉ ⲛⲅ̄ ϩⲟⲙⲟⲗⲟⲅⲉⲓ ⲙ̄ⲙⲟϥ ϫⲉ ⲛ̄ⲧⲟϥ ⲡⲉ ⲡⲉⲭⲥ̄
ⲡⲛⲟⲩⲧⲉ ϫⲉ ⲟⲩⲛ̄ϣϭⲟⲙ ⲙ̄ⲙⲟϥ ⲉ ⲧⲟⲩϫⲟⲕ ⲉ ⲃⲟⲗ ϩⲛ̄
ⲑⲗⲓⲯⲓⲥ ⲛⲓⲙ • Ⲡⲙⲁⲣⲧⲩⲣⲟⲥ ⲇⲉ ϩⲱⲱϥ ⲛⲉ ⲁϥϭⲙ̄ϭⲟⲙ •


### 0008

ⲛ̄ϩⲟⲩⲟ • ⲛⲁⲓ ⲛⲉ ⲛⲧⲁ ⲡⲁⲅⲅⲉⲗⲟⲥ ϫⲟⲟⲩ ⲉ ⲣⲟϥ ϩⲙ̄ ⲡ
ⲧⲣ ⲉϥⲟⲩⲱⲛϩ̄ ⲉ ⲣⲟϥ ⁖-ⲙ̄ ⲡⲉϥⲣⲁⲥⲧⲉ ⲇⲉ ⲁϥϩⲙⲟⲥ
ⲉ ⲡⲃⲏⲙⲁ ⲛ̄ϭⲓ ⲇⲉⲕⲓⲟⲥ • ⲁϥⲟⲩⲉϩⲥⲁϩⲛⲉ ⲉ ⲧⲣ ⲉⲩⲡⲁⲣ‐
ϩⲓⲥⲧⲁ ⲛⲁϥ | ⲙ̄ ⲡⲙⲁⲕⲁⲣⲓⲟⲥ • ⲁⲩⲱ ⲡⲉϫⲁϥ ⲛⲁϥ • ϫⲉ
ⲁⲣⲁ ⲡⲉⲓ ⲧⲁⲓⲟ ⲛ ⲧⲉⲓ ⲙⲓⲛⲉ ⲡⲣⲉⲡⲉⲓ ⲛⲁⲕ ⲛ̄ⲧ ⲁⲕϫⲓⲧϥ̄ ⲉ
ⲃⲟⲗ ϩⲓ ⲧⲟⲟⲧ ⲉⲧⲉ ⲡⲉⲧϭⲁⲓⲟ ⲡⲉ ⲛ̄ⲧ ⲁⲕⲥⲟⲧⲡϥ̄ ⲛⲁⲕ
ⲙⲁⲩⲁⲁⲕ ⁖-ⲁϥⲟⲩⲱϢⲃ̄ ⲛ̄ϭⲓ ⲡⲙⲁⲕⲁⲣⲓⲟⲥ ⲡⲉϫⲁϥ ϫⲉ
ϥⲡⲣⲉⲡⲉⲓ ⲛⲁⲓ ⲛ̄ϩⲟⲩⲟ • ⲁⲓϫⲓ ⲅⲁⲣ ⲛ̄ ⲟⲩⲁⲝⲓⲱⲙⲁ • ⲛ̄
ⲁⲧ ⲧⲁⲕⲟ • ⲡⲉϫⲉ Ⲡⲣ̄ⲣⲟ ⲛⲁϥ ϫⲉ ϫⲱ ⲉ ⲣⲟⲓ ⲙ̄ ⲡⲉⲕ‐
ⲅⲉⲛⲟⲥ ⲙⲛ̄ ⲧⲉⲕⲡⲟⲗⲓⲥ ⲛ̄ⲧⲟⲕ ⲅⲁⲣ ϯⲥⲟⲟⲩⲛ ⲙ̄ⲙⲟⲕ ϫⲉ
ⲉⲕⲏⲡ ⲉ ⲁϣ ⲛ̄ ⲧⲁⲝⲓⲥ • ⲡⲉϫⲁϥ ⲛⲁϥ Ⲛϭⲓ ⲫⲁⲅⲓⲟⲥ ⲙⲉⲣ‐
ⲕⲟⲩⲣⲓⲟⲥ • ϫⲉ ⲉϣϫⲉ ⲕⲟⲩⲱϣ ⲉ ⲥⲟⲩⲛ̄ ⲡⲁ ⲅⲉⲛⲟⲥ ⲙⲛ̄
ⲧⲁ ⲡⲟⲗⲓⲥ • ⲁⲛⲟⲕ ⲅⲁⲣ ϯⲛⲁⲧⲁⲙⲟⲕ ⲉ ⲣⲟⲟⲩ • ⲡⲁ ⲉⲓⲱⲧ
ⲙⲉⲛ ⲕⲁⲧⲁ ⲥⲁⲣⲝ̄ ⲟⲩ ⲉ ⲃⲟⲗ ⲡⲉ ϩⲛ̄ ⲧⲉⲥⲕⲓⲑⲓⲁ • ⲉ ⲡⲉϥ‐
ⲣⲁⲛ ⲡⲉ ⲕⲟⲣⲇⲓⲁⲛⲟⲥ • ⲉ ⲁϥⲣ̄ ⲙⲁⲧⲟⲓ ϩⲙ̄ ⲡⲁⲣⲓⲑⲙⲟⲥ •
ⲛ︦ⲙ︦ⲙⲁⲣⲧⲩⲥⲓⲟⲛ • ϩⲙ̄ ⲡⲉⲟⲩⲟⲉⲓϣ ⲇⲉ ⲡⲁⲓ ⲁϥⲣ̄ ⲡⲣⲱⲧⲟⲥ
ⲉ ⲡⲓⲁⲣⲓⲑⲙⲟⲥ ⲛ̄ ⲟⲩⲱⲧ • ⲡⲁ ⲉⲓⲱⲧ ⲇⲉ ϩⲱⲱϥ ⲛ̄ ⲁⲗⲩ‐
ⲑⲉⲓⲛⲟⲥ ⲡⲉ ⲡⲛⲟⲩⲧⲉ ⲁⲩⲱ ⲧⲁ ⲡⲟⲗⲓⲥ ⲧⲉ ⲑⲓⲉⲗⲏ︦ⲙ︦ ⲛ̄ |
ⲧⲡⲉ • ⲧⲡⲟⲗⲓⲥ ⲙ̄ ⲡⲛⲟϭ ⲛ̄ ⲣ̄ⲣⲟ ⁖-Ⲡⲉϫⲉ ⲡⲣ̄ⲣⲟ ⲛⲁϥ ⲟⲛ
ϫⲉ ⲛ̄ⲧⲁⲩⲙⲟⲩⲧⲉ ⲉ ⲣⲟⲕ ⲙ̄ ⲡⲉⲓ ⲣⲁⲛ ϫⲉ ⲙⲉⲣⲕⲟⲩⲣⲓ̄ⲟⲥ
ϩⲓⲧⲛ̄ ⲛⲉⲕⲉⲓⲟⲟⲧⲉ ϫⲓⲛ ⲙ̄ⲙⲟⲛ ⲙ̄ ⲙⲁⲧⲟⲓ ⲛⲉⲛⲧ ⲁⲩⲧⲁⲁϥ
ⲉ ⲣⲟⲕ ⁖-Ⲡⲉϫⲁϥ ⲛ̄ϭⲓ ⲫⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϫⲉ ⲡⲁ
ⲉⲓⲱⲧ ⲛ̄ⲧⲁϥⲙⲟⲩⲧⲉ ⲉ ⲣⲟⲓ ϫⲉ ⲫⲓⲗⲟⲡⲁⲧⲱⲣ • ⲉⲧⲉ
ⲡⲉϥⲟⲩⲱϩⲙ̄ ⲡⲉ ⲡⲙⲁⲓ̈ ⲛⲉϥⲉⲓⲟⲟⲧⲉ ⲛ̄ ⲧⲉⲣ ⲉⲓⲣ̄ ⲙⲁⲧⲟⲓ
ⲇⲉ ⲁⲩⲙⲟⲩⲧⲉ ⲉ ⲣⲟⲓ ϩⲓⲧⲛ̄ ⲡⲧⲣⲓ̈ⲃⲟⲩⲛⲟⲥ ϫⲉ ⲙⲉⲣⲕⲟⲩ‐
ⲣⲓⲟⲥ • Ⲡⲣ̄ⲣⲟ ⲇⲉ ⲡⲉϫⲁϥ ⲛⲁϥ ϫⲉ ⲙⲉⲣⲕⲟⲩⲣⲓⲟⲥ ⲱⲡ ⲉⲧ
ⲕ̄ϫⲱ ⲙ̄ⲙⲟϥ ⲕⲛⲁⲉⲓⲣⲉ ⲕⲁⲧⲁ ⲡⲉⲛⲡⲣⲟⲥⲧⲁⲅⲙⲁ ⲛ̄ⲧ
ⲁⲛⲧⲟϭϥ̄ ⲉ ⲃⲟⲗ ⲛ̄ ⲟⲩⲟⲛ ⲛⲓⲙ ⲛⲅ̄ ⲡⲣⲟⲥⲕⲩⲛⲏ ⲛ̄ ⲛ̄ⲛⲟⲩⲧⲉ
ⲛⲅ̄ϫⲓ ⲙ̄ ⲡⲉⲕⲧⲁⲓⲟ • ⲛ̄ ϣⲟⲣⲡ̄ ⲙⲛ̄ ⲡⲕ̄ⲉⲟⲟⲩ ϫⲓⲛ ⲙ̄ⲙⲟⲛ •
ⲱⲡ ⲉⲧ ⲉⲕϫⲱ ⲙ̄ⲙⲟϥ • ⲁϫⲓⲥ ⲛⲁⲛ ϩⲛ̄ ⲟⲩϭⲉⲡⲏ ϩⲱⲥ
ⲉⲕⲥⲟⲟⲩⲛ̄ ϫⲉ ⲛ̄ⲧⲁⲩⲛ̄ⲧⲕ̄ ⲉ ⲡⲉⲓ ⲙⲁ • ⲉ ⲧⲃⲉ ⲡⲓ̈ ϩⲱⲃ ⁖-
ⲁϥⲟⲩⲱϣⲃ̄ ⲛ̄ϭⲓ ⲡⲙⲁⲣⲧⲩⲣⲟⲥ ⲡⲉϫⲁϥ ϫⲉ ⲁⲛⲟⲕ ⲕⲁⲧⲁ
ⲑⲉ ⲛ̄ⲧ ⲁⲓⲉⲓ ⲉ ⲡⲉⲓ ⲙⲁ ϩⲱⲥ ϫⲉ ⲉⲓⲉϫⲣⲟ ⲉ ⲣⲟⲕ ⲙⲛ̄
ⲡⲉⲕⲉⲓⲱⲧ ⲡⲥⲁⲧⲁⲛⲁⲥ • ⲡⲉ ⲛ̄ⲧⲁ | ⲡⲉⲑⲟⲟⲩ ⲛⲓⲙ • ϣⲱⲡⲉ


### 0009

ⲉ ⲃⲟⲗ ϩⲓ ⲧⲟⲟⲧϥ̄ • Ⲉⲓϣⲁⲛϫⲣⲟ ⲇⲉ ϣⲁⲩϯ ⲕⲗⲟⲙ • ⲉ
ϫⲱⲓ ϩⲓⲧⲙ̄ ⲡⲁⲅⲱⲛⲟⲑⲉⲧⲏⲥ • ⲙ̄ⲙⲉ ⲡⲁ ϫⲥ̄ ⲓ︤ⲥ︥ ⲡⲉⲭ︤ⲥ︥ • ⲡⲉⲧ
ⲉϩⲛⲁⲕ ϭⲉ ⲟⲩⲛ ⲁⲣⲓϥ ϩⲛ̄ ⲟⲩϭⲉⲡⲏ ⲛⲅ̄ ⲧⲙ̄ ⲱⲥⲕ̄ • ⲟⲩⲛ̄-
ⲧⲁⲓ ⲅⲁⲣ ⲙ̄ⲙⲁⲩ ⲛ̄ ⲧⲡⲁⲛϩⲟⲡⲗⲓⲁ ⲙ̄ ⲡⲛⲟⲩⲧⲉ ⲙⲛ̄
ⲡⲉⲑⲩⲣⲱⲛ ⲛ̄ ⲧⲡⲓⲥϯⲥ • ⲛⲁⲓ ⲉ ⲃⲟⲗ ϩⲓ ⲧⲟⲟⲧⲟⲩ • ϯⲛⲁ‐
ϫⲣⲟ ⲉ ⲛⲉⲕⲙⲉⲉⲩⲉ ⲙⲛ̄ ⲛⲉⲕⲧⲉⲭⲛⲏ ⲧⲏⲣⲟⲩ • ⲛ̄ ⲕⲣⲟϥ
ⲉ ϩⲟⲩⲛ ⲉ ⲣⲟⲓ • ⲧⲟⲧⲉ ⲡⲣ̄ⲣⲟ ⲁϥⲙⲟⲩϩ ⲛ̄ ϫⲱⲛⲧ̄ ⲡⲉϫⲁϥ
ϫⲉ ⲉⲡⲉⲓ ⲇⲏ ⲡⲁⲓ ϫⲱ ⲙ̄ⲙⲟⲥ • ϫⲉ ⲟⲩⲛ̄ⲧⲁⲓ ⲙ̄ⲙⲁⲩ ⲛ̄
ⲟⲩⲡⲁⲛϩⲟⲡⲗⲓⲁ • ⲛ̄ ϩⲱⲃ Ⲕⲁⲓ ⲡⲉⲣ ⲉϥⲕⲏ ⲕⲁ ϩⲏⲩ ⲉϥⲁϩⲉ
ⲣⲁⲧϥ̄ • ϯⲕⲉⲗⲉⲩⲉ ⲉ ⲧⲣ ⲉⲩⲧⲟⲥϥ̄ ⲉ ⲃⲟⲗ • ⲉ ϥⲧⲟ ⲉⲛ̄
ϣⲙⲟⲩⲓ • ⲛ̄ⲥⲉ ϫⲟⲗⲕϥ̄ • ⲉ ⲃⲟⲗ ⲟⲩⲧⲉ ⲧⲡⲉ ⲙⲛ̄ ⲡⲕⲁϩ
ⲛ̄ⲁⲟⲩⲙⲁϩⲉ • ⲛ̄ ⲧⲉⲣ ⲟⲩⲣ̄ ⲡⲁⲓ ⲇⲉ ⲛⲁϥ • ⲡⲉϫⲁϥ ⲛ̄ϭⲓ
ⲡⲣ̄ⲣⲟ ϫⲉ ⲉⲩⲧⲱⲛ ⲧⲉⲛⲟⲩ ⲛⲉⲕϩⲟⲡⲗⲟⲛ ⲉⲧ ⲉⲕⲑⲁⲣⲉⲓ
ⲉ ⲣⲟⲟⲩ • ϣⲉ ⲡⲛⲟϭ ⲛ̄ ⲛⲟⲩⲧⲉ ⲡⲍⲉⲩⲥ • ⲁⲩⲧⲟⲥⲕ̄ ⲉ ⲃⲟⲗ
ⲉⲙⲁⲧⲉ • ⲁϥϭⲱϣⲧ̄ | ⲇⲉ ⲉ ϩⲣⲁⲓ ⲉ ⲧⲡⲉ ⲛ̄ϭⲓ ⲡⲡⲉⲧ
ⲟⲩⲁⲁⲃ ⲡⲉϫⲁϥ ϫⲉ ⲡⲁ ϫⲥ̄ ⲃⲟⲏⲑⲉⲓ ⲉ ⲣⲟⲓ̈ ⲁⲛⲟⲕ ⲡⲉⲕ‐
ϩⲙ̄ϩⲁⲗ • ⲡⲁⲗⲓⲛ ⲟⲛ Ⲁϥⲕⲉⲗⲉⲉⲩⲉ (sic) ⲛ̄ϭⲓ ⲡⲣ̄ⲣⲟ ⲉ ⲧⲣ
ⲉⲩϣⲱⲗϭ̄ ⲙ̄ ⲡⲉϥⲥⲱⲙⲁ ϩⲛ̄ ϩⲉⲛϭⲟⲣⲧⲉ ⲉⲩϫⲏⲣ ⲉ ⲡⲙⲁ •
ⲛ̄ ϩⲉⲛⲙⲁⲥϯⲅⲝ̄ • Ⲁⲩⲱ ⲙⲛ︦ⲛ︦ⲥⲱⲥ ⲛ̄ⲥⲉⲡⲉⲣϣ̄ ϩⲉⲛ ϫⲃ̄ⲃⲥ̄
ⲛ̄ ⲕⲱϩⲧ̄ ϩⲁ ⲣⲟϥ ϫⲉ ⲕⲁⲥ ⲉϥⲉⲣⲱⲕϩ̄ • ⲕⲁⲧⲁ ⲕⲟⲩⲓ ⲕⲟⲩⲓ̈
ⲁϥⲱϣⲙ̄ ⲛ̄ϭⲓ ⲡϣⲁϩ ⲙ̄ ⲡⲕⲱϩⲧ̄ ϩⲙ̄ ⲡⲉⲥⲛⲟϥ ⲙ̄ ⲡⲇⲓ‐
ⲕⲁⲓⲟⲥ ⲉⲧ ϩⲁⲧⲉ ⲉ ⲡⲉⲥⲏⲧ • ⲡϩⲁⲅⲓⲟⲥ ⲇⲉ ⲁϥϥⲓ ⲉ ⲣⲟϥ
ϩⲛ̄ ⲟⲩⲛⲟϭ ⲙ̄ ⲙⲛ︤ⲧ︥ϫⲱⲱⲣⲉ ϩⲛ̄ ⲧⲉⲓ ⲛⲟϭ ⲛ̄ ⲃⲁⲥⲁⲛⲟⲥ ⁖-
ⲇⲉⲕⲓⲟⲥ ⲇⲉ ⲁϥⲕⲉⲗⲉⲩⲉ ⲉ ⲧⲣ ⲉⲩⲃⲟⲗϥ̄ ⲉ ⲃⲟⲗ ϫⲉ ⲕⲁⲥ
ⲛ̄ⲛⲉϥⲙⲟⲩ ϩⲛ̄ ⲟⲩϭⲉⲡⲏ ⲛ̄ⲥⲉⲟⲧⲡϥ̄ ⲉ ϩⲟⲩⲛ ⲉⲩⲙⲁ ⲛ̄
ⲕⲁⲕⲉ ⲛ̄ⲥⲉⲱⲣϫ̄ ⲉ ⲣⲱϥ ϩⲛ̄ ⲟⲩϭⲉⲡⲏ ⁖-ⲙ̄ⲙⲁⲧⲟⲓ ⲇⲉ
ⲁⲩϥⲓ ⲉ ϩⲣⲁⲓ ϩⲁ ⲣⲟϥ • ⲉϥⲟ ⲙ̄ ⲡⲁϣ ⲙⲟⲩ ⲉⲩⲛ̄ ⲟⲩⲕⲟⲩⲓ̈
ⲛ̄ ⲛⲓϥⲉ • ϣⲟϫⲡ̄ ⲛ̄ϩⲏⲧϥ̄ ⲉⲩⲙⲉⲉⲩⲉ ϫⲉ ⲉϥⲛⲁⲙⲟⲩ ⁖-
ⲙⲛ︦ⲛ︦ⲥⲁ Ⲟⲩⲕⲟⲩⲓ ⲇⲉ ϩⲛ̄ ⲧⲉⲩⲛⲟⲩ ⲉⲧ ⲙ̄ⲙⲁⲩ | ⲁ ⲡⲁⲅ‐
ⲅⲉⲗⲟⲥ ⲙ̄ ⲡϫⲥ̄ ⲟⲩⲱⲛϩ̄ ⲛⲁϥ ⲉ ⲃⲟⲗ ⲡⲉϫⲁϥ ⲛⲁϥ ϫⲉ
ϯⲣⲏⲛⲏ ⲛⲁⲕ ⲡϣⲟⲉⲓϫ ⲛ̄ ⲣⲉϥϫⲣⲟ • ⲛ̄ ⲧⲉⲣ ϥ̄ϫⲉ ⲡⲁⲓ ⲇⲉ
ⲁϥⲧⲁⲗϭⲉ ⲛϥ̄ⲥⲁϣ ⲉⲧ ϩⲙ̄ ⲡⲉϥⲥⲱⲙⲁ • ⲁⲩⲱ ⲁϥⲧⲁϩⲟϥ
ⲉ ⲣⲁⲧϥ̄ ⲉϥⲟⲩⲟϫ ϩⲱⲥ ⲧⲉ ⲛϥ̄ⲧⲱⲟⲩⲛ • ⲛϥ̄ⲁϩⲉ ⲣⲁⲧϥ̄
ⲛϥ̄ϯ ⲉⲟⲟⲩ ⲙ̄ ⲡⲛⲟⲩⲧⲉ ⲛ̄ⲧ ⲁϥⲃⲟⲏⲑⲉⲓ ⲉ ⲣⲟϥ ⁖-ⲙⲛ︦ⲛ︦‐


### 0010

Ⲥⲁ ⲛⲁⲓ ⲁϥⲕⲉⲗⲉⲩⲉ ⲉ ⲧⲣ ⲉⲩⲧⲁϩⲟϥ ⲉ ⲣⲁⲧϥ̄ ⲉ ⲡⲃⲏⲙⲁ •
ⲁⲩⲱ ⲛ̄ ⲧⲉⲣ ⲉϥⲛⲁⲩ ⲉ ⲣⲟϥ ⲛ̄ϭⲓ ⲡⲣ̄ⲣⲟ ⲡⲉϫⲁϥ ⲛⲁϥ ϫⲉ
ⲁⲩϥⲓⲧⲕ̄ ⲉ ⲃⲟⲗ ϩⲓ ⲧⲟⲟⲧ ⲉⲕⲟ ⲙ̄ ⲡⲁϣ ⲙⲟⲩ ⲛ̄ ⲁϣ ⲛ̄ ϩⲉ
ⲧⲉⲛⲟⲩ ⲉⲕⲙⲟⲟϣⲉ ⲙⲉϣⲁⲕ ⲣⲱ ⲙⲛ̄ ⲗⲁⲁⲩ ⲙ̄ ⲡⲱⲗϩ̄ ϩⲓ
ⲡⲉⲕⲥⲱⲙⲁ • ⲧⲟⲧⲉ Ⲁϥⲕⲉⲗⲉⲩⲉ ⲛ̄ ⲛ̄ⲃⲁⲓ ⲙⲉⲣⲉϩ ⲉ ⲧⲁϩⲉ
ⲣⲁⲧⲟⲩ ⲉ ⲧⲣ ⲉⲩⲙⲟⲩϣⲧ̄ ⲙ̄ ⲡⲉϥⲥⲱⲙⲁ • ⲛⲁⲓ ⲇⲉ ⲡⲉϫⲁⲩ
ⲙ̄ ⲡⲣ︦ⲣ︦ⲟ ϫⲉ ϣⲉ ⲡⲉⲕⲣⲁⲧⲟⲥ • ⲱ̄ ⲡⲣ̄ⲣⲟ ⲛ̄ ⲉⲩⲥⲉⲃⲏⲥ •
ⲡⲉϥⲥⲱⲙⲁ ⲧⲏⲣϥ̄ • ⲟⲩⲟϫ ⲉ ⲙⲛ̄ ⲗⲁⲁⲩ ⲛ̄ ⲧⲁⲕⲟ ϩⲓⲱⲱϥ
ⲛ̄ⲑⲉ ⲛ̄ ⲟⲩⲁ ⲙ̄ⲡ ⲟⲩϫⲱϩ ⲉ ⲣⲟϥ ⲉ ⲡⲧⲏⲣϥ̄ ⲙ̄ ⲡⲉⲩ‐
ⲧⲏⲃⲉ ⁖-ⲇⲉⲕⲓⲟⲥ ⲇⲉ | ϩⲱⲱϥ ⲡⲉϫⲁϥ ϫⲉ ⲡⲁⲛⲧⲱⲥ ϥⲛⲁ‐
ϫⲟⲟⲥ ϫⲉ ⲡⲉⲭⲥ̄ ⲡⲉⲛⲧ ⲁϥⲧⲟⲩϫⲟⲓ̄ ⲁϥⲧⲁⲗϭⲟⲓ • ⲙⲏ
ⲁⲧⲉⲧⲛ̄ϫⲓ ⲥⲁⲉⲓⲛ ⲉϩⲟⲩⲛ ⲉ ⲡⲉϣⲧⲉⲕⲟ ⲉ ⲧⲣ ⲉϥⲑⲉⲣⲁⲡⲉⲩⲉ
ⲙ̄ⲙⲟϥ • ⲛ̄ⲧⲟⲟⲩ ⲇⲉ ⲡⲉϫⲁⲩ Ϫⲉ ϣⲉ ⲧⲉⲕⲙⲛ︦ⲧ︦ⲛⲟϭ ⲉⲧ
ⲧⲁⲓⲏⲩ ⲉⲧ ⲁⲙⲁϩⲧⲉ ⲉϫⲛ̄ ⲧⲟⲓⲕⲟⲩⲙⲉⲛⲏ ⲧⲏⲣⲥ̄ • ⲙ̄ⲡⲉ
ⲗⲁⲁⲩ ⲑⲉⲣⲁⲡⲉⲩⲉ ⲙ̄ⲙⲟϥ • ⲁⲗⲗⲁ ⲛⲛ̄ⲙⲉⲉⲩⲉ ϫⲉ ϥⲛⲁ‐
ⲙⲟⲩ ⲡⲉ • ⲛ̄ ⲁϣ ⲛ̄ ϩⲉ ⲧⲉⲛⲟⲩ ϥⲟⲛϩ̄ ⲏ̄ ⲛⲧⲁϥⲗⲟ ⲛ̄ ⲁϣ ⲛ̄
ϩⲉ • ⲛ̄ⲧⲛ̄ ⲥⲟⲟⲩⲛ ⲁⲛ • ⲡⲉϫⲁϥ ⲇⲉ ⲛⲁⲩ ϫⲉ ⲧⲉⲧⲛ̄ⲥⲟⲟⲩⲛ
ϫⲉ ⲟⲩⲁϣ ⲛ̄ ϭⲟⲧ • ⲧⲉ ⲧⲙⲁⲅⲓⲁ • ⲛ̄ ⲛⲉⲭⲣⲓⲥϯⲁⲛⲟⲥ • ⲁⲩⲱ
ⲛ̄ ⲁϣ ⲛ̄ ϩⲉ ⲥⲁϥ ⲙⲉⲛ ⲁϥⲣ̄ⲕⲱⲱⲥ • ⲙ̄ⲡⲟⲟⲩ ϩⲱⲱϥ ϥⲁϩⲉ
ⲣⲁⲧϥ̄ Ⲁϥⲟⲩⲟϫ • Ⲁϥⲙⲟⲩϩ ⲇⲉ Ⲛ̄ ϭⲱⲛⲧ̄ ⲡⲉϫⲁϥ ⲛⲁϥ ϫⲉ
ⲁϫⲓⲥ ⲉ ⲣⲟⲓ ϩⲛ̄ ⲟⲩⲙⲉ • ϫⲉ ⲛⲓⲙ ⲡⲉⲛⲧ ⲁϥⲧⲁⲗϭⲟⲕ ⲭⲱ‐
ⲣⲓⲥ ⲙⲁⲅⲓⲁ • Ⲁϥⲟⲩⲱϣⲃ̄ ⲛ̄ϭⲓ ⲫⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϫⲉ
ⲡⲁ ϫⲥ̄ ⲓⲥ̄ ⲡⲉⲭⲥ̄ ⲡⲥⲁⲉⲓⲛ ⲙ̄ ⲙⲉ ⲛ̄ ⲛⲉⲛⲯⲩ|ⲭⲏ ⲙⲛ̄ ⲛⲉⲛ‐
ⲥⲱⲙⲁ • ⲛ̄ⲧⲟϥ ⲡⲉⲧ ⲟⲩⲱϣ ⲉ ⲭⲁⲣⲓⲍⲉ ⲛⲁⲓ ⲙ̄ ⲡⲧⲁⲗϭⲟ •
ⲕⲁⲧⲁ ⲑⲉ ⲛ̄ⲧ ⲁⲓϫⲟⲟⲥ • ⲙ̄ ⲫⲁⲣⲙⲁⲅⲟⲥ ⲇⲉ ⲙⲛ̄ ⲛ̄ⲣⲉϥ‐
ⲙⲟⲩⲧⲉ ⲙⲛ̄ ⲛ̄ ⲣⲉϥϣⲙ̄ϣⲉ ⲉⲓⲇⲟⲗⲟⲛ ⲥⲉⲟ ⲛ̄ ϣⲉⲙⲙⲟ ⲉ
ⲣⲟϥ • ⲁⲩⲱ ϥⲛⲁⲙⲁⲣⲟⲩ ⲛ̄ ϩⲉⲛⲙⲣ̄ⲣⲉ ⲛ̄ ⲁⲧ ⲃⲱⲗ ⲉ ⲃⲟⲗ •
ⲛϥ̄ⲡⲁⲣⲁⲇⲓⲇⲟⲩ ⲙ̄ⲙⲟⲟⲩ ⲉ ⲡⲕⲱϩⲧ̄ ⲛ̄ ⲧⲅⲉϩⲉⲛⲛⲁ • ⲉ ⲧⲃⲉ
ϫⲉ ⲙ̄ⲡ ⲟⲩⲥⲟⲩⲛ ⲡⲛⲟⲩⲧⲉ ⲙ̄ ⲙⲉ ⲛ̄ⲧⲁϥⲧⲁⲙⲓⲟⲟⲩ • ⲡⲉϫⲉ
ⲡⲣ̄ⲣⲟ ϫⲉ ϯⲛⲁⲁⲛϩⲁⲗⲓⲥϭⲉ ⲙ̄ ⲡⲉⲕⲥⲱⲙⲁ ϩⲛ̄ ϩⲉⲛ‐
ⲃⲁⲥⲁⲛⲟⲥ ⲉⲩⲛⲁϣⲧ̄ ⲙⲁⲣⲉⲓⲛⲁⲩ ϫⲉ ⲡⲉⲭⲥ̄ ⲉⲧ ⲉⲕⲛⲁϩⲧⲉ
ⲉ ⲣⲟϥ • ⲛⲁⲧⲁⲗϭⲟⲕ ⁖-Ⲡⲉϫⲁϥ ⲛ̄ϭⲓ ⲫⲁⲅⲓⲟⲥ ϫⲉ ϯⲡⲓ‐
ⲥⲧⲉⲩⲉ ⲉ ⲡⲁ ϫⲥ̄ ⲓⲥ̄ ⲡⲉⲭⲥ̄ • ϫⲉ ⲉⲕϣⲁⲛⲉⲛ ⲟⲩⲙⲏⲏϣⲉ ⲛ̄
ϯⲙⲱⲣⲓⲁ • ⲉ ϫⲱⲓ • ⲛⲅ̄ ⲛⲁϣϣⲧⲣ̄ⲧⲱⲣⲧ̄ ⲁⲛ • ⲁϥϫⲟⲟⲥ


### 0011

ⲅⲁⲣ ϫⲉ ⲙ̄ⲡⲣ̄ ⲣ̄ ϩⲟⲧⲉ ϩⲏⲧⲟⲩ • ⲛ̄ ⲛⲉⲧ ⲛⲁⲙⲟⲩⲟⲩⲧ ⲙ̄
ⲡⲉⲧⲛ̄ⲥⲱⲙⲁ • ⲉⲙⲛ̄ϭⲟⲙ ⲇⲉ ⲙ̄ⲙⲟⲟⲩ ⲉ | ⲙⲟⲩⲟⲩⲧ ⲛ̄
ⲛⲉⲧⲙ̄ⲯⲩⲭⲏ • ⲁⲗⲗⲁ Ⲁⲣⲓ ϩⲟⲧⲉ ϩⲏⲧϥ̄ ⲛ̄ ϩⲟⲩⲟ ⲙ̄
ⲡⲉⲧⲉ ⲟⲩⲛ̄ ϭⲟⲙ ⲙ̄ⲙⲟϥ ⲉ ⲧⲁⲕⲟ ⲛ̄ ⲛⲉⲧⲙ̄ⲯⲩⲭⲏ
ⲙⲛ̄ ⲡⲉⲧⲛ̄ⲥⲱⲙⲁ ϩⲣⲁⲓ ϩⲛ̄ ⲧⲅⲉϩⲉⲛⲛⲁ ⲛ̄ ⲥⲁⲧⲉ ⁘ ⁘
Ⲧⲟⲧⲉ ⲁϥⲕⲉⲗⲉⲩⲉ ⲛ̄ϭⲓ ⲡⲣ̄ⲣⲟ ⲉ ⲧⲣ ⲉⲩⲉⲓⲛⲉ ⲛ̄ ⲟⲩⲡⲉⲛⲓⲡⲉ
ⲉϥⲗⲟⲃϣ̄ ⲛ̄ⲥⲉⲕⲁⲁϥ ϩⲁ ⲛⲉϥⲁⲛⲁⲅⲕⲁⲓⲟⲛ • Ⲁⲩⲱ ⲙⲛ︦ⲛ︦ⲥⲁ
ⲛⲁⲓ ϩⲉⲛⲗⲁⲙⲡⲁⲥ ⲛ̄ ⲕⲱϩⲧ̄ ϩⲁ ⲛⲉϥⲥⲡⲓ̄ⲣⲟⲟⲩⲉ ⁖-Ⲛ̄ ⲧⲉⲣ
ⲟⲩⲣ̄ ⲡⲁⲓ ⲇⲉ • ⲉ ⲡⲙⲁ ⲛ̄ ⲟⲩⲕⲁⲡⲛⲟⲥ ⲁⲩⲛⲟϭ ⲛ̄ ⲥϯ ⲛⲟⲩϥⲉ
ϣⲱϣ ⲉ ⲃⲟⲗ • ⲉ ⲟⲩⲟⲛ ⲛⲓⲙ ⲉⲧ ϩⲙ̄ ⲡⲙⲁ ⲉⲧ ⲙ̄ⲙⲁⲩ •
ⲉⲩⲃⲁⲥⲁⲛⲓⲍⲉ ⲇⲉ ⲙ̄ⲙⲟϥ ⲉ ⲡⲉϩⲟⲩⲟ ⲙ̄ⲡ ϥⲁϣⲁϩⲟⲙ
ⲟⲩⲇⲉ ⲙ̄ⲡ ⲉϥⲣⲓⲙⲉ • ⲡⲉϫⲁϥ ⲇⲉ ⲛⲁϥ ⲛ̄ϭⲓ ⲇⲉⲕⲓⲟⲥ •
ϫⲉ ⲉϥⲧⲱⲛ ⲡⲉⲕⲥⲁⲉⲓⲛ ⲧⲉⲛⲟⲩ • ⲙⲁⲣⲉϥⲉⲓ ⲛϥ̄ⲑⲉⲣⲁⲡⲉⲩⲉ
ⲙ̄ⲙⲟⲕ • ⲕⲁⲓ ⲅⲁⲣ ⲁⲕϫⲟⲟⲥ ⲛⲉ ⲟⲩⲛ̄ ϣϭⲟⲙ ⲙ̄ⲙⲟϥ
ⲉⲧⲟⲩⲛⲟⲥⲧ̄ ⲉⲓϣⲁⲛⲙⲟⲩ • ⲫⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ •
ⲡⲉϫⲁϥ ⲛⲁϥ ϫⲉ ⲁⲣⲓ̈ ⲡⲉⲧ | ⲉϩⲛⲁⲕ ⲟⲩⲛ̄ⲧⲁⲕ ⲉⲝⲟⲩⲥⲓⲁ ⲉ
ϩⲟⲩⲛ ⲉ ⲡⲁ ⲥⲱⲙⲁ • ⲧⲁ ⲯⲩⲭⲏ ⲇⲉ ⲡⲛⲟⲩⲧⲉ ⲡⲉⲧⲟ ⲙ̄
ⲡⲉⲥϫⲥ̄ • ⲡⲁ ⲥⲱⲙⲁ ⲙⲉⲛ Ⲕⲁⲛ ⲉⲕϣⲁⲛⲧⲁⲕⲟϥ • ⲧⲁ ⲯⲩⲭⲏ
ⲛⲁⲙⲁⲟⲩⲛ ⲉ ⲃⲟⲗ ⲉⲥⲟ ⲛ̄ ⲁⲧ ⲧⲁⲕⲟ ⁘ Ⲡⲁⲗⲓⲛ ⲟⲛ ⲁϥ‐
ⲕⲉⲗⲉⲩⲉ ⲛ̄ϭⲓ ⲡⲣ̄ⲣⲟ ⲉ ⲧⲣ ⲉⲩⲁϣⲧϥ̄ ⲛ̄ⲥⲁ ϫⲱϥ • ⲁⲩⲱ ⲛ̄ⲥⲉ
ⲉⲓϣⲉ ⲛ̄ ⲟⲩⲛⲟϭ ⲛ̄ ⲱⲛⲉ ⲉ ⲡⲉϥⲙⲁⲕϩ̄ ϫⲉ ⲕⲁⲥ ϩⲙ̄ ⲡ
ⲧⲣⲉ ϥⲱⲧϭ̄ (sic) ⲉϥⲉⲙⲟⲩ ϩⲛ̄ ⲟⲩϭⲉⲡⲉ • ⲡⲙⲁⲣⲧⲩⲣⲟⲥ ⲇⲉ
ⲁ ⲧϭⲟⲙ ⲙ̄ ⲡⲛⲟⲩⲧⲉ ⲟⲩⲱϩ ⲛ̄ϩⲏⲧϥ̄ ⲙⲛ̄ ⲧⲉϥⲭⲁⲣⲓⲥ •
ⲁϥⲙⲟⲩⲛ ⲉ ⲃⲟⲗ ⲛ̄ ⲟⲩⲛⲟϭ ⲛ̄ ⲛⲁⲩ ϩⲛ̄ ϯⲃⲁⲥⲁⲛⲟⲥ ⲧⲁⲓ̈ •
Ⲇⲉⲕⲓⲟⲥ ⲇⲉ ⲛ̄ ⲧⲉⲣ ⲉϥⲛⲁⲩ ⲉ ⲡⲙⲁⲣⲧⲩⲣⲟⲥ • ϫⲉ ϥϥⲓ ϩⲁ
ⲛ̄ ϯⲙⲱⲣⲓⲁ • ϩⲛ̄ ⲟⲩⲙⲛ︤ⲧ︥ϫⲱⲱⲣⲉ • ⲁⲩⲱ ⲙ̄ⲡⲉ ⲗⲁⲁⲩ
ⲛ̄ⲃⲁⲥⲁⲛⲟⲥ ϫⲱϩ ⲉ ⲣⲟϥ ⲁϥⲕⲉⲗⲉⲩⲉ ⲉ ⲧⲣ ⲉⲩϥⲓ ⲡⲱⲛⲉ
ⲙ̄ⲙⲁⲩ ⲉ ⲃⲟⲗ ϩⲓ̈ ⲡⲉϥⲙⲁⲕϥ̄ ⲛ̄ⲥⲉ ⲉⲓⲛⲉ ⲛ̄ ⲟⲩⲙⲁⲥϯⲅⲝ̄
ⲛ̄ ⲕⲱⲃϩ̄ ⲉⲥⲟ ⲛ̄ϥⲧⲟⲟⲩ ⲛ̄ϣⲗⲟⲡ • ⲛ̄ⲥⲉϩⲓⲟⲩⲉ ⲉ ⲣⲟϥ
ϣⲁⲧⲉ ⲡⲕⲁϩ • ϩⲱⲣⲡ̄ ϩⲙ̄ ⲡⲉϥⲥⲛⲟϥ • ⲡⲓ ⲅⲉⲛⲛⲁⲓⲟⲥ ⲇⲉ
Ⲛⲉϥⲟ ⲛ̄ⲑⲉ ⲛ̄ ⲟⲩⲱⲛⲉ ⲛ̄ ⲁⲇⲁⲙⲁⲥ • ⲁϥⲧⲱⲟⲩⲛ ϩⲛ̄ ⲟⲩ‐
ⲙⲛ︦ⲧ︦ϫⲱⲱ|ⲣⲉ ϩⲁ ⲧⲉⲓ ⲃⲁⲥⲁⲛⲟⲥ • ⲁⲩⲱ ⲡⲉϫⲁϥ ϫⲉ
Ⲧⲉⲩⲭⲁⲣⲓⲥⲧⲟⲩ ⲛⲁⲕ ⲡ[ⲁ]ϫⲥ̄ ϫⲉ ⲁⲕⲁⲁⲧ ⲛ̄ ⲙ̄ⲡϣⲁ • ⲛ̄
ϣⲡ̄ ϩⲓⲥⲉ ⲉϫⲙ̄ ⲡⲉⲕⲣⲁⲛ ⲉⲧ ⲟⲩⲁⲁⲃ • ⲡⲣ̄ⲣⲟ ⲇⲉ ⲛ̄ ⲧⲉⲣ


### 0012

ⲉϥⲛⲁⲩ Ϫⲉ ⲟⲩⲁⲧⲡⲱⲱⲛⲉ ⲡⲉ ⲡⲉϥⲗⲟⲅⲓⲥⲙⲟⲥ ⲁⲩⲱ ϫⲉ
ⲉϥⲛⲁⲉϣⲡⲓⲑⲉ ⲁⲛ ⲙ̄ⲙⲟϥ ⲉ ⲧⲣ ⲉϥⲑⲩⲥⲓⲁⲍⲉ • ⲁϥϫⲓ‐
ϣⲟϫⲛⲉ ⲛⲉϥϭⲉⲡⲏ ⲅⲁⲣ ⲉ ⲃⲱⲕ ⲡⲉ ⲉ ϩⲟⲩⲛ ⲉ ϩⲣⲱⲙⲏ :
ⲁϥϯ ⲁⲡⲟⲫⲁⲥⲓⲥ ⲉ ⲣⲟϥ ⲉ ⲧⲣ ⲉⲩϯⲙⲱⲣⲉⲓ ⲙ̄ⲙⲟϥ ϩⲛ̄
ⲧⲥⲏϥⲉ ⲉϥϫⲱ ⲙ̄ⲙⲟⲥ • ϫⲉ Ⲙⲉⲣⲕⲟⲩⲣⲓⲟⲥ ⲡⲁⲓ ⲛ̄ⲧ ⲁϥ‐
ⲥⲱϣ ⲛ̄ ⲛ̄ⲛⲟⲩⲧⲉ ⲁⲩⲱ ⲁϥⲕⲁⲧⲁⲫⲣⲟⲛⲉⲓ ⲙ̄ ⲡⲇⲟⲅⲙⲁ
ⲉⲧ ⲟⲩⲁⲁⲃ • ⲛ̄ⲧⲉ ⲧⲙⲛ︦ⲧ︦ⲣⲙ̄ⲣⲁϣ • ⲉ ⲁϥⲟⲡϥ̄ ⲉⲩⲗⲁⲁⲩ
ⲡⲉⲛⲕⲣⲁⲧⲟⲥ ⲕⲉⲗⲉⲩⲉ ⲉ ⲧⲣ ⲉⲩϥⲓ ⲛ̄ ⲧⲉϥⲁⲡⲉ ϩⲛ̄
ⲧⲉⲭⲱⲣⲁ • ⲛ̄ ⲧⲕⲁⲡⲡⲁⲇⲟⲕⲓⲁ • ϩⲙ̄ ⲡⲓⲙⲁ ⲉⲧ ⲙ̄ⲙⲁⲩ •
ⲉⲣⲉ ⲟⲩⲟⲛ ⲛⲓⲙ ⲛⲁⲩ ⲉ ⲣⲟϥ • Ⲟⲩⲟⲛ ⲅⲁⲣ ⲛⲓⲙ ⲛ̄ⲧ
ⲁⲩϫⲓ ⲉⲟⲟⲩ ⲉ ⲃⲟⲗ ϩⲓⲧⲙ̄ ⲡⲣ̄ⲣⲟ ⲉⲩϣⲁⲛⲁⲛϯⲗⲉⲅⲉ ⲉ ⲧⲃⲉ
ⲡⲉϥⲟⲩⲉϩⲥⲁϩⲛⲉ • ⲥⲉⲛⲁϯ ⲛⲁϥ ⲛ̄ ϩⲉⲛⲥⲏϣⲉ • ⲉ ⲡϩⲁⲏ
ⲛ̄ⲥⲉⲡⲁⲣⲁⲇⲓⲇⲟⲩ ⲙ̄ⲙⲟϥ • ⲉ ⲧⲟⲟⲧⲥ̄ ⲛ̄ ⲧⲥⲏϥⲉ :-ⲛⲉ ⲛⲧ
ⲁⲩⲧⲟϣⲟⲩ ⲇⲉ ⲉ ⲧⲣ ⲉⲩϥⲓⲧϥ̄ • ⲁⲩϥⲓ ϩⲁ ⲣⲟϥ • ⲁⲩⲱ
ⲁⲩⲧⲁⲗⲟϥ ⲉⲩⲧⲃ̄ⲛⲏ | ⲁⲩⲙⲟⲣϥ̄ ⲉ ϩⲣⲁⲓ ⲉ ϫⲱϥ • ⲉ ⲃⲟⲗ
ϫⲉ ⲁ ⲡⲥⲱⲙⲁ ⲙ̄ ⲡⲙⲁⲣⲧⲩⲣⲟⲥ ⲃⲱⲗ ⲉ ⲃⲟⲗ ⲛ̄ ⲥⲁ ⲥⲁ
ⲛⲓⲙ • ⲁϥⲣ̄ ⲑⲉ ⲛ̄ⲛⲉⲓⲕⲱⲱⲥ • Ⲁⲩⲙⲟⲟϣⲉ ⲇⲉ ϩⲛ̄ ⲟⲩϩⲓⲏ
ⲉⲥⲟⲩⲏⲏⲩ • ⲁⲩⲱ ϩⲓⲧⲛ̄ ϩⲉⲛⲕⲟⲩⲓ ⲛ̄ ϩⲟⲟⲩ ⲁⲩⲧⲁϩⲉ
ⲧⲡⲟⲗⲓⲥ ⲧⲕⲁⲓⲥⲁⲣⲓⲁ • ⲁⲩⲱ ⲛ̄ ⲧⲉⲓ ϩⲉ ⲁⲩⲟⲩⲁϩϥ̄ ⲉ ⲡⲉⲥⲏⲧ
ⲕⲟⲩⲓ ⲕⲟⲩⲓ • Ⲡϫⲥ̄ ⲇⲉ ⲁϥⲁϩⲉ ⲣⲁⲧϥ̄ ϩⲓ ϫⲱϥ ⲡⲉϫⲁϥ
ⲛⲁϥ • ϫⲉ ⲙⲉⲣⲕⲟⲩⲣⲓⲉ • ⲁⲙⲟⲩ ⲛⲅ̄ ⲙ̄ⲧⲟⲛ ⲙ̄ⲙⲟⲕ
ϩⲁ ϩⲧⲏⲓ • ⲉⲡⲉⲓ ⲇⲏ ⲁⲕϫⲉⲕ ⲡⲉⲕⲇⲣⲟⲙⲟⲥ ⲉ ⲃⲟⲗ • ⲁⲕ‐
ϩⲁⲣⲉϩ ⲉ ⲧⲡⲓⲥϯⲥ • ϫⲓ ⲛⲁⲕ ⲙ̄ ⲡⲉⲕⲗⲟⲙ • ⲛ̄ ⲧⲙⲛ︤ⲧ︥‐
ϣⲟⲉⲓϫ ⲡⲉ ⲛ̄ⲧ ⲁⲩⲧⲟϣϥ̄ ⲛⲁⲕ ⲉ ⲕⲗⲏⲣⲟⲛⲟⲙⲉⲓ̄
ⲙ̄ⲙⲟϥ • ⲡⲙⲁⲣⲧⲩⲣⲟⲥ ⲇⲉ ϩⲙ̄ Ⲡⲧⲣⲉ ⲡϫⲥ̄ ⲟⲩⲱⲛϩ̄
ⲉ ⲣⲟϥ ⲁϥϭⲙ̄ϭⲟⲙ • ⲡⲉϫⲁϥ ⲛ̄ ⲛⲉⲧ ϩⲁ ϩⲧⲏϥ • ϫⲉ
ⲁⲣⲓ ⲡⲉⲛ̄ⲧ ⲁⲩⲟⲩⲉϩⲥⲁϩⲛⲉ ⲙ̄ⲙⲟϥ • ⲛⲏⲧⲛ̄ ϩⲛ̄ ⲟⲩ‐
ϭⲉⲡⲏ • ⲉⲣⲉ ⲡϫⲥ̄ ⲇⲉ ⲡⲁⲓ ⲉⲧ ⲧⲱϩⲙ̄ ⲛ̄ ⲟⲩⲟⲛ ⲛⲓⲙ
ⲉ ϩⲟⲩⲛ ⲉ ⲧⲙⲉⲧⲁⲛⲟⲓⲁ • ⲉϥⲉⲧⲣⲉ ⲧⲉⲧⲛ︦ⲙ︦ⲡϣⲁ ⲛ̄
ⲧⲉϥⲭⲁⲣⲓⲥ • ⲟⲩⲣⲙ̄ⲙⲁⲟ ⲅⲁⲣ ⲡⲉ ⲁⲩⲱ ϣⲁϥⲭⲁ‐
ⲣⲓⲍⲉ ⲛ̄ ⲛⲉⲧ ⲛⲁϯ ⲡⲉⲩⲟⲩⲟⲓ ⲉ ⲣⲟϥ | ϩⲛ̄ ⲟⲩⲇⲱ‐
ⲣⲉⲁ ⲁϫⲛ̄ ⲫⲑⲟⲛⲟⲥ :-ⲁⲩⲱ ⲛ̄ ⲧⲉⲣ ⲉϥϫⲉ ⲛⲁⲓ ⲁⲩϥⲓ ⲛ̄
ⲧⲉϥⲁⲡⲉ ⲁϥϫⲱⲕ ⲉ ⲃⲟⲗ • ⲛ̄ ⲑⲟⲙⲟⲗⲟⲅⲓⲁ ⲉⲧ ⲛⲁⲛⲟⲩⲥ
ⲙ̄ ⲡⲉⲛⲥⲏ︦ⲣ︦ ⲛ̄ ⲥⲟⲩ • ϫⲟⲩⲧⲏ ⲙ ⲡⲉⲃⲟⲧ ⲛⲟⲉⲃⲣⲓⲟⲥ ⲉⲧⲉ


### 0013

ⲁⲑⲱⲣ̄ ⲡⲉ • Ⲁⲩⲛⲟϭ ⲇⲉ ⲛ̄ ϣⲡⲏⲣⲉ ϣⲱⲡⲉ ⲉⲥⲙ̄ⲡϣⲁ ⲛ̄
ⲣ̄ ⲡⲉⲥⲙⲉⲉⲩⲉ • ⲙⲛ︦ⲛ︦ⲥⲁ ⲧⲣⲉ ⲡⲙⲁⲣⲧⲩⲣⲟⲥ ϫⲱⲕ ⲉ ⲃⲟⲗ
ⲁ ⲡⲉϥⲥⲱⲙⲁ ⲟⲩⲃⲁϣ ⲛ̄ⲑⲉ ⲛ̄ ⲟⲩⲭⲓⲱⲛ ⲉϥϣⲉϣ ⲥϯ
ⲛⲟⲩϥⲉ ⲉ ⲃⲟⲗ ⲛ̄ⲑⲉ ⲛ̄ ϩⲉⲛϣⲟⲩϩⲏⲛⲉ • ⲉⲩⲥⲟⲧⲡ̄ ⲙⲛ̄
ⲟⲩϭⲛ̄ⲛⲉ ⲉ ⲧⲃⲉ ⲡⲓ ⲙⲁⲉⲓⲛ ϭⲉ ⲡⲁⲓ̈ • Ⲁ ϩⲁϩ ⲛ̄ⲣⲱⲙⲉ ⲣ̄
ⲭⲣⲓⲥϯⲁⲛⲟⲥ ⲡⲡⲉⲧ ⲟⲩⲁⲁⲃ ⲇⲉ ⲁⲩⲟⲩⲁϩϥ̄ ϩⲛ̄ ⲟⲩⲧⲟⲡⲟⲥ
ⲉϥⲟⲩⲟⲛϩ̄ ⲉ ⲃⲟⲗ ⲡⲙⲁ ⲉⲧ ⲉⲣⲉ ⲟⲩⲙⲏⲏϣⲉ ⲛ̄ ϭⲟⲙ •
ϩⲓ ⲧⲁⲗϭⲟ ϣⲱⲡⲉ ⲙ̄ⲙⲁⲩ ⲉⲩⲉⲟⲟⲩ ⲙ̄ ⲡⲛⲟⲩⲧⲉ ⲡⲉⲓⲱⲧ
ⲙⲛ̄ ⲡⲉϥⲙⲟⲛⲟⲅⲉⲛⲏⲥ ⲛ̄ ϣⲏⲣⲉ ⲓ︦ⲥ︦ ⲡⲉⲭ︦ⲥ︦ ⲡⲉⲛϫ︦ⲥ︦ ⲙⲛ̄
ⲡⲉⲡⲛⲁ̄ ⲉⲧ ⲟⲩⲁⲁⲃ ϣⲁ ⲉⲛⲉϩ • ϩⲁⲙⲏⲛ • Ⲧⲉϣⲡⲏⲣⲉ
ⲛ̄ⲧ ⲁⲥⲟⲩⲱⲛϩ̄ ⲉ ⲃⲟⲗ ϩⲓⲧⲙ̄ ⲫⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲛ̄ⲑⲉ
ⲛ̄ⲧ ⲁϥⲡⲁⲧⲁⲥⲥⲉ ⲛ̄ ⲓⲟⲩⲗⲓⲁⲛⲟⲥ • ⲡⲁⲛⲟⲙⲟⲥ • ⲛ︦ⲣ︦ⲣⲟ
ϩⲓ̈ϫⲙ̄ ⲡϥ̄ⲙⲉⲣⲉϩ | Ⲁⲩⲱ ⲧⲉϣⲡⲏⲣⲉ ⲛⲉⲥⲥⲏϩ ϩⲛ̄ ⲧⲙⲉϩ
ⲯⲓⲧⲉ ⲛ̄ϩⲓⲥⲧⲟⲣⲓⲁ • ⲛ̄ⲧⲉⲕⲕⲗⲏⲥⲓⲁ ϩⲁⲙⲏⲛ • ϩⲙ̄ ⲡⲉⲟⲩ‐
ⲟⲉⲓϣ ⲉⲧ ⲙ̄ⲙⲁⲩ Ⲉⲣⲉ ⲕⲩⲣⲓⲗⲗⲟⲥ ⲟⲛ ⲉⲡⲓⲥⲕⲟⲡⲟⲥ ⲉ
ⲓⲉⲗⲏ︦ⲙ︦ • ⲁⲩⲛⲟϭ ⲙ̄ⲙⲁⲉⲓⲛ ⲟⲩⲱⲛϩ̄ ⲉ ⲃⲟⲗ ⲛ̄ⲧⲉ ⲡⲉⲭⲥ̄ •
ϫⲓⲛ ϫⲡ̄ ϣⲟⲙⲧⲉ ⲙ̄ ⲡⲉϩⲟⲟⲩ ϣⲁ ϫⲡ̄ ⲯⲓⲧⲉ • Ⲁⲩⲛⲟϭ
ⲛ̄ ⲥⲧⲁⲩⲣⲟⲥ • ⲛ̄ ⲟⲩⲟⲉⲓⲛ • ⲟⲩⲱⲛϩ̄ ⲉ ⲃⲟⲗ • ⲉϥⲁϩⲉ ⲣⲁⲧϥ̄
ϩⲓϫⲙ̄ ⲡⲙ̄ϩⲁⲁⲩ ⲙ̄ ⲡⲥⲏ︤ⲣ︥ ⲙ̄ ⲡϩⲱⲧ ⲉ ⲃⲟⲗ ⲛ̄ ⲥⲁⲣⲝ̄
ⲛⲓⲙ • ⲙ̄ⲡⲓⲥⲧⲟⲥ ⲙⲛ̄ ⲛ̄ⲁⲡⲓⲥⲧⲟⲥ • ⲃⲁⲣⲃⲁⲣⲟⲥ ϩⲣⲱ‐
ⲙⲁⲓⲟⲥ • ϩⲱⲥ ⲧⲉ ⲛ̄ⲧⲉ ⲙ̄ⲙⲏⲏϣⲉ ⲏⲣⲟⲩ ⲉⲧ ϣⲟⲟⲡ ϩⲛ̄
ⲙ̄ ⲡⲟⲗⲓⲥ • ⲥⲱⲟⲩϩ ⲙⲛ̄ ⲛⲉⲩϭⲓⲛⲟⲩⲱⲙ ⲙⲛ̄ ⲛⲉⲩϭⲓⲛⲥⲱ
ⲙⲛ̄ ⲛⲉⲩⲏⲣⲡ̄ ⲛ̄ⲥⲉⲱⲙ▨▨▨▨▨▨▨▨▨ⲙ̄ ⲡⲉⲥⲧⲁⲩⲣⲟⲥ
ϣⲁⲛⲧ ⲉϥⲃⲱⲕ ⲉ ϩⲣⲁⲓ ⲉ ⲧⲡⲉ (?)▨▨▨ⲛ̄ϫⲡ̄ ⲯⲓⲧⲉ •
ⲉⲣⲉ ⲛ̄ⲃⲁⲗ ⲛ̄ ⲟⲩⲟⲛ ⲛⲓⲙ ϭⲱϣⲧ̄ ⲛ̄ⲥⲱϥ • Ⲕⲩⲣⲓⲗⲗⲟⲥ
Ⲇⲉ ⲡⲉⲡⲓⲥⲕⲟⲡⲟⲥ ⲛ̄ ⲑⲓⲉⲗⲏ︦ⲙ︦ ⲁϥⲥϩⲁⲓ ⲛ̄ ⲧⲉϣⲡⲏⲣⲉ ⲛ̄ⲧ
ⲁⲥϣⲱⲡⲉ • ⲁϥⲥϩⲁⲓ ⲛ̄ ⲟⲩⲉⲡⲓⲥⲧⲟⲗⲏ • ⲁϥϫⲟⲟⲩⲥ ⲛ̄
ⲕⲱⲥⲧⲟⲥ ⲡⲣ︤ⲣⲟ | ⲉ ⲡⲕⲱⲙⲏⲧⲁⲧⲟⲛ • ⲡⲁⲓ ⲉⲧⲙⲉ ⲛ̄
ⲁⲑⲁⲛⲁⲥⲓⲟⲥ • ⲁⲑⲁⲛⲁⲥⲓⲟⲥ ⲇⲉ Ⲁϥⲁⲙⲁϩⲧⲉ ⲉϫⲛ̄ ⲧⲉⲕ‐
ⲕⲗⲏⲥⲓⲁ ⲛ̄ ⲣⲁⲕⲟⲧⲉ ⲛ̄ ⲕⲉ ϫⲟⲩⲧⲏ ⲛ̄ⲣⲟⲙⲡⲉ • ⲛ̄ⲥⲁ‐
ⲛⲉⲩⲉⲣⲏⲩ ⲙ̄ⲡⲉ ⲗⲁⲁⲩ ⲙ̄ ⲡⲟⲗⲩⲙⲟⲥ ⲧⲱⲟⲩⲛ ⲉ ϫⲱϥ •
Ⲁϥⲣ̄ ϫⲟⲩ ⲥⲛⲟⲟⲩⲥ ⲅⲁⲣ ⲛ̄ⲣⲟⲙⲡⲉ ϩⲛ̄ ⲧⲉⲡⲓⲥⲕⲟⲡⲏ ⲙⲛ̄
ⲧⲉⲝⲟⲣⲓⲥϯⲁ • ⲛ̄ ⲧⲉⲣ ϥ̄ⲙⲟⲩ ⲇⲉ ⲛ̄ϭⲓ ⲕⲱⲥⲧⲟⲥ ⲁϥⲣ︦ⲣ︦ⲣ︦ⲟ
ⲉ ⲡⲉϥⲙⲁ ⲛ̄ϭⲓ ⲓⲟⲩⲗⲓⲁⲛⲟⲥ • ⲉⲩⲁⲛⲟⲙⲟⲥ ⲡⲉ ⲛ̄ ϩⲉⲗⲏⲛ


### 0014

ⲉⲩ ⲉ ⲃⲟⲗ ⲡⲉ ϩⲛ̄ ⲧⲥⲱⲛⲉ ⲛ̄ ⲕⲱⲥⲧⲁⲛϯⲛⲟⲥ ⲡⲛⲟϭ ⲧⲉⲥϩⲁⲓ
ⲅⲁⲣ ⲛⲉ ⲟⲩϩⲉⲗⲏⲛ ⲡⲉ ⲛ̄ϣⲏⲣⲉ ⲇⲉ ⲛ̄ ⲕⲱⲛⲥⲧⲁⲛϯⲛⲟⲥ
ⲁⲩⲛⲁⲩ ⲉ ⲡϣⲏⲣⲉ ϣⲏⲙ ϫⲉ ⲟⲩⲛⲁϣⲧ̄ ϩⲣⲁϥ ⲡⲉ ⲁⲩⲣ̄‐
ϩⲟⲧⲉ ϫⲉ ⲛ̄ ⲛϥ̄ϥⲓ ⲛ̄ⲧ▨▨ⲧ ⲙⲛ̄ⲧⲉⲣⲟ ⲙ̄ ⲡⲉⲩ▨▨▨▨
ⲛ̄ⲕⲟⲩⲓ ⲁⲩⲧⲁⲁϥ ⲉ ⲧⲉⲕⲕⲗⲏⲥⲓⲁ • ⲁⲩⲁⲁϥ ⲛ̄ ⲁⲛⲁⲅⲛⲱ‐
ⲥⲧⲏⲥ • ⲛ̄ⲣⲱⲙⲉ ⲇⲉ ⲙ̄ ⲡⲉϥⲉⲓⲱⲧ ⲁⲩⲉⲓⲛⲉ ⲙ̄ⲙⲟϥ ⲉ
ϩⲣⲁⲓ ϩⲛ̄ ⲧⲙⲛ︤ⲧ︥ϩⲉⲗⲗⲏⲛ • ⲛ̄ ⲧⲉⲣ ⲉϥⲙⲟⲩ ⲇⲉ ⲛ̄ϭⲓ
ⲕⲱⲥⲧⲟⲥ ⲁϥⲣ︦ⲣ︦ⲣⲟ ⲉ ⲡⲉϥⲙⲁ | ⲛ̄ϭⲓ ⲓⲟⲩⲗⲓⲁⲛⲟⲥ • ⲁⲩⲱ
ⲁϥⲧⲁⲁϥ ⲉ ⲧⲙⲛ︦ⲧ︦ϩⲗ̄ⲗⲏⲛ ⲛ̄ⲧⲉⲩⲛⲟⲩ • Ⲁϥϣⲓⲛⲉ ⲛ̄ⲥⲁ
ⲟⲩⲱⲛ ⲛ̄ ⲛ︦ⲣ︦ⲡⲏⲩⲉ ⲇⲏⲙⲟⲥⲓⲁ • ⲡⲁⲓ ϭⲉ ⲁϥϭⲱ ϩⲙ̄
ⲡⲡⲁⲗⲗⲁϯⲟⲛ ⲛ̄ ⲧⲁⲛⲇⲓⲟⲭⲓⲁ ⲛ︦ϥ︦ⲙ︦ⲡϣⲁ ⲅⲁⲣ ⲁⲛ ⲛ̄
ⲙ̄ⲙⲁ ⲛ̄ ⲕⲱ[ⲥ]ⲧⲁⲛϯⲛⲟⲥ ⲉ ⲧⲣⲉϥⲟⲩⲱϩ ⲛ̄ϩⲏⲧⲟⲩ • ⲁϥ‐
ⲃⲱⲕ ⲉ ⲡⲙⲁ ⲛ̄ ⲛ̄ϩⲉⲗⲗⲏⲛ ⲙⲛ̄ ⲛⲉⲩⲉⲓⲇⲱⲗⲟⲛ • ⲁϥϫⲓ ⲛ̄
ⲟⲩⲃⲏϭ ⲁϥⲧⲁⲁϥ ⲙ̄ ⲡϩⲩⲉⲣⲉⲩⲥ ⲁϥⲧⲁⲗⲟϥ ⲉ ϩⲣⲁⲓ ⲛ̄
ⲑⲩⲥⲓⲁ ⲙ̄ ⲡⲇⲁⲓⲙⲱⲛ • ⲁϥϥⲓ ⲙ̄ ⲡϩⲩⲡⲁⲣ ⲁϥⲧⲁⲁϥ ⲛⲁϥ
ⲁϥⲟⲩⲟⲙϥ̄ • Ⲓⲟⲩⲗⲓⲁⲛⲟⲥ ⲇⲉ ⲡϣⲏⲣⲉ ⲛ ⲧϥ̄ⲥⲱⲛⲉ ⲡⲉ
ⲁϥⲧⲁⲛϩⲟⲩⲧϥ̄ ⲉ ⲧⲙⲛ︦ⲧ︦ⲉⲣⲟ • ⲛ̄ ⲧⲉⲣⲉ ϥⲛⲁⲩ ⲇⲉ ⲉ ⲧⲉ‐
ⲡⲣⲟⲑⲉⲥⲙⲓⲁ ⲙ̄ ⲡⲥⲟⲛ ⲛ̄ ⲧⲉϥⲙⲁⲁⲩ • ⲁϥϭⲱⲡⲉ ⲙ̄
ⲫⲁⲅⲓⲟⲥ ⲑⲉⲟⲇⲟⲣⲓⲭⲟⲥ ⲡⲉⲡⲣⲉⲥⲃⲩⲧⲉⲣⲟⲥ • ⲁⲩⲱ ⲡⲟⲓⲕⲟ‐
ⲛⲟⲙⲟⲥ ⲛ̄ ⲧⲉⲕⲕⲗⲏⲥⲓⲁ ⲁϥⲙⲟⲟⲩⲧϥ̄ • ⲁϥⲉⲓ ⲇⲉ ⲁϥϫⲓ
ⲡⲟⲩⲱ ⲛ̄ ⲓⲟⲩⲗⲓⲁⲛⲟⲥ • ⲛ̄ⲧⲟϥ ⲇⲉ ⲁϥⲛⲟⲩϭⲥ̄ ⲉϥϫⲱ ⲙ̄‐
ⲙⲟⲥ ϫⲉ ⲁⲕϣⲧⲣ̄ⲧⲱⲣⲧ̄ ⲛ̄ϯⲟⲩ|ⲱϣ ⲁⲛ ⲉⲙⲟⲟⲩⲧⲟⲩ • ϫⲉ
ⲛ̄ⲛⲉⲩϣⲟⲩϣⲟⲩ ⲙ̄ⲙⲟⲟⲩ ϫⲉ ⲁⲛⲣ̄ ⲙⲁⲣⲧⲩⲣⲟⲥ ϩⲓⲱⲱⲕ
ⲁⲗⲗⲁ ⲉⲓϣⲁⲛⲉⲓ ϩⲛ̄ ⲧⲡⲉⲣⲥⲓⲥ ϯⲛⲁⲕⲁ ⲟⲩⲛⲟⲙⲟⲥ ⲉ ϩⲣⲁⲓ
ⲛⲁⲩ • ϫⲉ ϣⲟⲙⲛ︦ⲧ︦ ⲛ̄ϩⲟⲗⲟⲕⲟⲧϯⲛⲟⲥ ⲉ ⲧⲁⲡⲉ ⲙ̄ ⲡⲡⲁ‐
ⲅⲁⲛⲟⲥ ⲧⲉ ⲣⲟⲙⲡⲉ ⲛ̄ ⲛⲉⲭⲣⲓⲥϯⲁⲛⲟⲥ • ⲡⲃⲟⲩⲗⲉⲩⲧⲏⲥ
ⲇⲉ ϣⲟⲙⲛ︦ⲧ︦ ⲛ̄ⲟⲩⲕⲅⲓⲁ • ⲛⲁⲓ̈ ⲇⲉ ⲉϥⲉⲓⲣⲉ ⲙ̄ⲙⲟⲟⲩ ⲛⲉϥ‐
ϩⲟϫϩϫ̄ ⲛ̄ ⲛⲉⲭⲣⲓⲥϯⲁⲛⲟⲥ ϩⲛ̄ ⲥⲙⲟⲧ ⲛⲓⲙ • ϩⲙ̄ ⲡⲉⲟⲩⲟⲉⲓϣ
ⲇⲉ ⲉⲧ ⲙ̄ⲙⲁⲩ ⲛⲉⲣⲉ ⲧⲉⲕⲕⲗⲏⲥⲓⲁ ⲟ ⲛ̄ ⲣⲙ̄ⲙⲁⲟ ϩⲛ̄
ⲧⲙⲛ︦ⲧ︦ϫⲱⲱⲣⲉ ⲛ̄ⲛⲉⲡⲛ︦ⲁ︦ⲧⲟⲫⲟⲣⲟⲥ • ⲉⲣⲉ ϥⲧⲟⲟⲩ ⲛ̄ⲥⲧⲩⲗⲟⲥ
ⲧⲱⲟⲩⲛ ϩⲁ ⲣⲟⲥ • ⲉⲧⲉ ⲛⲁⲓ ⲛⲉ • ⲁⲑⲁⲛⲁⲥⲓⲟⲥ ⲛ̄ ⲣⲁⲕⲟⲧⲉ •
ⲁⲩⲱ ⲁⲛⲧⲱⲛⲓⲟⲥ ⲙⲛ̄ ⲡⲁϩⲱⲙⲱ ϩⲙ̄ ⲡⲙⲁⲣⲓ̈ⲥ • ⲁⲩⲱ
ⲃⲁⲥⲓⲗⲉⲓⲟⲥ ϩⲛ̄ ⲧⲕⲁⲡⲡⲁⲇⲟⲕⲓⲁ • Ⲃⲁⲥⲓⲗⲉⲓⲟⲥ ⲇⲉ ⲛⲉϥⲟ
ⲛ̄ ϣⲃⲏⲣ ⲉ ⲓⲟⲩⲗⲓⲁⲛⲟⲥ ⲉ ⲧⲃⲉ ⲧⲙⲛ︦ⲧ︦ⲕⲟⲩⲓ ⲛ̄ⲧⲁⲩⲁⲁⲥ ⲙⲛ̄


### 0015

ⲛⲉⲩⲉⲣⲏⲩ ϩⲛ̄ ⲧⲁⲛ|ⲍⲏⲃⲉ • ⲛ̄ ⲧⲉⲣⲉ ϥⲥⲱⲧⲙ̄ ⲇⲉ ⲉ ⲧⲃⲉ
ⲛⲉϥⲡⲣⲁⲝⲓⲥ ⲉⲑⲟⲟⲩ • ⲁϥⲉⲓ ϣⲁ ⲣⲟϥ ⲙⲛ̄ ϩⲉⲛⲕⲉⲣⲉϥ‐
ϣⲙ̄ϣⲉ ⲛⲟⲩⲧⲉ ⲛ̄ϣⲃⲏⲣ ⲉ ⲡⲉⲡⲓⲥⲕⲟⲡⲟⲥ ⲛ̄ⲧⲁϥ • Ⲛ̄ ⲧⲉⲣ
ⲟⲩⲃⲱⲕ ⲇⲉ ⲉ ϩⲟⲩⲛ ϣⲁ ⲣⲟϥ ⲁϥⲛⲁⲩ ⲉ ⲛⲉⲩⲥⲭⲏⲙⲁ
ⲉⲩⲑⲃ̄ⲃⲓⲏⲩ • ⲁⲩⲱ ⲛⲉⲣⲉ ⲛⲉⲩⲙⲟⲣⲧ̄ ⲣⲏⲧ ⲡⲉ • ⲡⲉϫⲁϥ
ⲛⲁⲩ ϫⲉ ⲉⲣⲉ ⲛⲁⲓ ϣⲓⲛⲉ ⲛ̄ⲥⲁ ⲟⲩ • ⲁϥⲟⲩⲱϣⲃ̄ ⲛ̄ϭⲓ
ⲃⲁⲥⲓ̈ⲗⲉⲓⲟⲥ ϫⲉ ⲉⲛϣⲓⲛⲉ ⲛ̄ⲥⲁ ⲟⲩϣⲱⲥ ⲉⲛⲁⲛⲟⲩϥ ⲛ̄ⲣⲉϥ‐
ⲙⲟⲟⲛⲉ • ⲡⲉϫⲁϥ ⲛ̄ ⲃⲁⲥⲓⲗⲉⲓⲟⲥ ϫⲉ ⲛ̄ⲧⲁⲕⲕⲁ ⲡϣⲏⲣⲉ
ⲙ̄ ⲡϩⲁⲙϣⲉ ⲧⲱⲛ ⲁⲕⲉⲓ ⲉ ⲡⲉⲓ̄ ⲙⲁ • ⲡⲉϫⲁϥ ⲛⲁϥ
ϫⲉ ⲛ̄ⲧⲁⲓⲕⲁⲁϥ ⲉⲧⲁⲙⲓⲟ▨ⲁⲓ̈ⲃⲉ ⲉⲧⲟⲩⲛⲁⲛⲟⲩϫⲕ̄ ⲉ ⲣⲟⲥ •
ⲡⲉϫⲉ ⲡⲣ̄ⲣⲟ ⲛⲁϥ ϫⲉ Ⲉⲛⲉⲓⲫⲓⲗⲟⲥⲟⲫⲉⲓ ⲁⲛ ϫⲉ ⲛⲧⲕ̄
ⲡⲁ ϣⲃⲏⲣ • ⲛⲉⲓⲛⲁⲧⲣⲉⲩϥⲓ ⲡⲉ ⲛ̄ⲧⲉⲕⲁⲡⲉ • Ⲡⲉϫⲉ ⲃⲁⲥⲓ‐
ⲗⲉⲓⲟⲥ ⲛⲁϥ ⲙ̄ⲡ ⲉⲕⲫⲓⲗⲟⲥⲟⲫⲉⲓ • ⲉⲛⲉⲛⲧⲁⲕⲫⲓⲗⲟⲥⲟⲫⲉⲓ
ⲅⲁⲣ ⲛⲉⲕⲛⲁⲕⲁ ⲛ̄ⲥⲱⲕ ⲁⲛ ⲡⲉ ⲛ̄ ⲧⲥⲟⲫⲓⲁ • ⲛ̄ⲧ ⲁⲩⲧⲥⲁⲃⲟⲕ
ⲉ ⲣⲟⲥ • ⲉⲕⲱ ⲛ̄ ⲣⲉϥⲱϣ ϩⲛ̄ ⲛ̄|ϫⲱⲱⲙⲉ ⲛ̄ ⲧⲥⲟⲫⲓⲁ ⲙ̄
ⲙⲉ • Ⲡⲉϫⲉ ⲡⲣ︤ⲣⲟ ⲛⲁϥ ϫⲉ ⲁⲓⲟϣⲟⲩ ⲁⲩⲱ ⲁⲓⲛⲟⲓ ⲙ̄‐
ⲙⲟⲟⲩ • ⲡⲉϫⲉ ⲃⲁⲥⲓⲗⲉⲓⲟⲥ ϫⲉ ⲙ̄ⲡⲉ ⲕⲟϣⲟⲩ ⲕⲁⲗⲱⲥ •
ⲟⲩⲇⲉ ⲙ̄ⲡⲉ ⲕⲛⲟⲓ ⲙ̄ⲙⲟⲟⲩ • ⲉⲛⲉϩ ⲉⲛⲉⲛⲧⲁⲕⲛⲟⲓ ⲅⲁⲣ
ⲙ̄ⲙⲟⲟⲩ • ⲛⲅ̄ ⲛⲁⲧϭⲁⲓⲟⲟⲩ ⲁⲛ ⲡⲉ • ⲡⲉϫⲉ ⲡⲣ̄ⲣⲟ ⲛⲁⲩ
ϫⲉ ϯⲛⲁⲉⲧⲡ̄ ⲧⲏⲩⲧⲛ̄ ⲉ ϩⲟⲩⲛ ϣⲁⲛ ⲧⲁⲉⲓ ϩⲛ̄ ⲧⲡⲉⲣⲥⲓⲥ •
ⲧⲁⲣⲉ ⲧⲉⲧⲛ̄ⲉⲓⲙⲉ ϫⲉ ⲟⲩ ⲡⲉⲧ ϯⲟⲩⲃⲉ ⲡⲣ̄ⲣⲟ ⲛ̄ⲧⲉⲧⲛ̄ⲙⲟⲩϩ
ⲙ̄ ⲡϩⲟϫϩϫ̄ ⲙ̄ ⲡⲙⲁ ⲛ̄ ⲱⲧⲡ̄ ⲉ ϩⲟⲩⲛ :-Ⲡⲉϫⲉ ⲃⲁⲥⲓⲗⲉⲓ̄ⲟⲥ
ϫⲉ ⲉⲕϣⲁⲛⲃⲱⲕ ⲉ ⲧⲡⲉⲣⲥⲓⲥ ⲛ[ⲛⲉ] ⲕⲟⲧⲕ̄ ⲉⲓⲉ ⲙ̄ⲡⲉ ⲡⲛⲟⲩⲧⲉ
ϣⲁϫⲉ ϩⲛ̄ ⲃⲁⲥⲓⲗⲉⲓⲟⲥ • Ⲡⲣ̄ⲣⲟ ⲇⲉ ⲓⲟⲩⲗⲓ̈ⲁⲛⲟⲥ ⲡⲉϫⲁϥ
ϫⲉ ⲟⲩ ⲡⲉ ϯⲛⲁⲁϥ ⲙ̄ ⲡⲓⲅⲁⲗⲓⲗⲁⲓⲟⲥ ⲡⲓⲣⲉϥϫⲓ ϭⲟⲗ
ⲁϥϫⲟⲟⲥ ⲅⲁⲣ ϩⲙ̄ ⲡⲉϥϩⲏⲧ ϫⲉ ⲛ̄ⲥⲉⲛⲁⲕⲁ ⲟⲩⲱⲛⲉ ⲁⲛ
ϩⲓϫⲛ̄ ⲟⲩⲱⲛⲉ ϩⲙ̄ ⲡⲣ̄ⲡⲉ ⲛ̄ ⲛ̄ⲓⲟⲩⲇⲁⲓ̈ • Ⲁⲛⲟⲕ ϩⲱ ϯⲛⲁ‐
ⲕⲟⲧϥ̄ ⲛ̄ϩⲱⲃ ⲛ︦ⲣ︦ⲣⲟ • ⲛ̄ⲧⲁⲣ ⲛⲉϥϣⲁϫⲉ ⲛ̄ϭⲟⲗ ⲧⲁⲣⲟⲩ‐
ⲉⲓⲙⲉ ϫⲉ ⲟⲩⲣⲉϥϫⲓϭⲟⲗ ⲡⲉ • | Ⲁⲩⲱ ⲁϥⲟⲩⲉϩⲥⲁϩⲛⲉ ⲉ
ⲧⲣⲉ ⲩⲱⲧⲡ̄ ⲉ ϩⲟⲩⲛ ⲛ̄ ⲃⲁⲥⲓⲗⲉⲓⲟⲥ ⲉ ⲡⲉϣⲧⲉⲕⲟ ⲙⲛ̄ ⲡⲕⲉ
ⲥⲛⲁⲩ ⲉⲧ ⲛⲙ̄ⲙⲁϥ • Ⲁⲩⲱ ⲁϥⲧⲁⲁϥ ⲉ ⲃⲱⲕ ⲉ ⲧⲡⲉⲣⲥⲓⲥ •
ⲁϥⲉⲓ ⲇⲉ ⲉϫⲛ̄ ⲑⲓ̈ⲉⲗⲏ︦ⲙ︦ • ⲁϥⲛⲁⲩ ⲉⲛϣⲟⲣϣⲣ̄ ⲙ̄ ⲡⲣ̄ⲡⲉ •
ⲉⲙⲛ̄ ⲟⲩϫⲟⲉ ⲛ̄ ⲟⲩⲱⲧ ⲕⲱⲧⲉ ⲉ ⲣⲟϥ • ⲕⲁⲧⲁ ⲑⲉ ⲛⲧⲁ
ⲟⲩⲁⲥⲡⲁⲥⲓⲁⲛⲟⲥ ⲧⲁⲕⲟϥ ϩⲙ̄ ⲡⲧⲁⲕⲟ ⲛ̄ⲧⲁϥⲁⲁϥ • ⲛ̄ ⲛⲓⲟⲩ‐


### 0016

ⲇⲁⲓ̈ • ⲁϥⲕⲉⲗⲉⲩⲉ ⲉ ⲧⲣⲉ ⲩⲕⲁⲑⲁⲣⲓⲍⲉ ⲙ̄ⲙⲟϥ ϫⲉ ⲕⲁⲥ
ⲉⲩⲉⲕⲟⲧϥ̄ ⲉϥⲧⲁⲓⲏⲩ ⲉ ⲡⲉϩⲟⲩⲟ • Ⲓⲟⲩⲗⲓⲁⲛⲟⲥ ⲇⲉ ⲁϥ‐
ⲕⲁⲑⲓⲥⲧⲁ ⲛ̄ ⲟⲩⲕⲟⲙⲉⲥ ⲉϫⲙ̄ ⲡⲣ̄ⲡⲉ • ϫⲉ ⲉϥⲉⲕⲁⲑⲁⲣⲓⲍⲉ
ⲙ̄ⲙⲟϥ ϣⲁⲛⲧ ⲉϥⲥⲙⲛ̄ ⲥⲉⲛⲧⲉ ⲙ̄ⲙⲟϥ • ⲛϥ̄ⲕⲟⲧϥ̄ • ⲛ̄ⲧⲟϥ
ⲇⲉ ⲁϥⲧⲁⲁϥ ⲉ ⲧⲡⲉⲣⲥⲓⲥ • ⲁϥⲡⲟⲗⲉⲙⲉⲓ ⲁϥⲕⲁ ⲛⲉⲧ
ⲟⲩⲁⲁⲃ ⲉⲩⲟⲧⲡ̄ ⲉ ϩⲟⲩⲛ ⲉ ⲡⲉϣⲧⲉⲕⲟ • ⲛⲉⲧ ϣⲟⲣϣⲣ̄ ⲇⲉ
ⲉ ⲡⲉⲣⲡⲉ ⲁⲩⲕⲁⲑⲁⲣⲓⲍⲉ ⲙ̄ⲙⲟϥ ⲙ̄ⲡ ⲟⲩⲕⲁ ⲟⲩⲱⲛⲉ ϩⲓϫⲛ̄
ⲟⲩⲱⲛⲉ • ⲙ̄ⲡⲟⲩⲃⲟⲗϥ̄ ⲉ ⲃⲟⲗ ⲕⲁⲧⲁ ⲡϣⲁϫⲉ ⲙ̄ ⲡⲉⲛⲥ︦ⲏ︦ⲣ︦ •
ⲁⲩⲁⲣⲭⲉⲓ ⲇⲉ ⲛ̄ⲕⲱⲧ | ϣⲁⲩⲕⲱⲧ ϫⲓⲛ ϩⲧⲟⲟⲩⲉ ϣⲁ ⲣⲟⲩϩⲉ
ⲛ̄ⲥⲉⲡⲱϩ ⲉ ϩⲧⲟⲟⲩⲉ • ⲛ̄ⲥⲉϭⲛ̄ ⲛ̄ ⲕⲱⲧ ⲛ̄ⲧⲁⲩⲕⲟⲩ ⲉⲩϣⲣ̄‐
ϣⲱⲣ ϩⲛ̄ ⲟⲩϭⲓϫ ⲁⲛ ⲛ̄ⲣⲱⲙⲉ • ⲁⲩⲣ̄ ⲉⲃⲟⲧ ⲇⲉ ⲥⲛⲁⲩ
ⲛ̄ϩⲟⲟⲩ ⲉⲩⲙⲏⲛ ⲉ ⲃⲟⲗ ⲛ̄ ⲧⲉⲓ ϩⲉ ⲉⲩⲧⲁⲗⲁⲓⲡⲟⲣⲉⲓ ⲉⲙⲛ̄
ⲟⲩϩⲱⲃ ⲟⲩⲏⲏϩ ⲛ̄ⲥⲱⲟⲩ ⲕⲁⲧⲁ ⲑⲉ ϫⲉ ⲧⲉⲡⲣⲟⲛⲟⲓⲁ ⲧⲉⲧ
ⲕⲱⲗⲉⲓ ⲙ̄ⲙⲟⲟⲩ • Ⲁⲩⲧⲁⲙⲟⲟⲩ ⲇⲉ ⲛ̄ϭⲓ ⲛ̄ⲓⲟⲩⲇⲁⲓ̈ ⲉⲧ
ⲙ̄ⲙⲁⲩ ϫⲉ ⲣⲱⲕϩ̄ ⲛ̄ⲛⲉⲙϩⲁⲁⲩ ⲉⲧ ⲉⲣⲉ ⲛⲉⲭⲣⲓⲥϯⲁⲛⲟⲥ •
ⲧⲟⲙⲥ̄ ⲛ̄ϩⲏⲧⲟⲩ • ⲁⲩⲱ ⲧⲉⲧⲛ̄ϭⲙ̄ϭⲟⲙ ⲉ ⲕⲱⲧ ⲁⲩⲥⲱⲧⲙ̄
ⲇⲉ ⲛ̄ⲥⲱⲟⲩ ⲁⲩⲱ ⲁⲩⲣⲱⲕϩ̄ ⲛ̄ ⲛⲉⲙϩⲁⲁⲩ :-Ⲛ ⲧⲉⲣ
ⲟⲩⲡⲱϩ ⲇⲉ ⲉϫⲙ̄ ⲡⲙ̄ϩⲁⲁⲩ • ⲉⲧ ⲉⲣⲉ ⲓ̈ⲱϩⲁⲛⲛⲏⲥ ⲡⲃⲁⲡ‐
ϯⲥⲧⲏⲥ ⲛ̄ϩⲏⲧϥ̄ ⲙⲛ̄ ⲉⲗⲉⲥⲁⲓⲟⲥ • ⲡⲉⲡⲣⲟⲫⲏⲧⲏⲥ • ⲙ̄ⲡⲉ
ⲡⲕⲱϩⲧ̄ ϫⲱϩ ⲉ ⲣⲟⲟⲩ • ⲉ ⲁⲩⲣ̄ ⲟⲩⲙⲏⲏϣⲉ ⲛ̄ϩⲟⲟⲩ • ⲉⲣⲉ
ⲡⲕⲱϩⲧ̄ ⲙⲟⲩϩ • ⲙ̄ ⲡⲉⲩⲕⲱⲧⲉ • ⲛ̄ⲧⲟⲟⲩ ⲇⲉ ⲙ̄ⲡⲉ ⲡⲕⲱϩⲧ̄
ϫⲱϩ ⲙ̄ⲙⲟⲟⲩ ⁖ ϩⲟⲓⲛⲉ ⲇⲉ ⲛ̄ ⲛⲉⲥⲛⲏⲩ ⲁⲩϯ ⲛⲁϥ ⲛ̄ |
ϩⲉⲛⲭⲣⲏⲙⲁ ⲁⲩⲥⲡ̄ⲥⲱⲡϥ̄ ⲉ ⲧⲣ̄ ϥ̄ϯⲑⲉ ⲛⲁⲩ ⲉ ⲧⲣⲉ
ⲩϥⲓ ⲛ̄ ⲛ̄ⲕⲉⲉⲥ ⲛ̄ ⲛⲉⲧ ⲟⲩⲁⲁⲃ • ⲛ̄ⲧⲟϥ ⲇⲉ ⲁϥϫⲓ ⲛ̄
ⲛ̄ϩⲟⲙⲛ︦ⲧ︦ • ⲁϥⲉⲓⲣⲉ ⲕⲁⲧⲁ ⲑⲉ ⲛ̄ⲧⲁⲩϫⲟⲟⲥ ⲛⲁϥ • ⲁϥⲕⲁ
ⲟⲩⲱϣ ⲛⲁⲩ ⲉ ϩⲣⲁⲓ̈ ⲉ ⲧⲣⲉⲩⲉⲓ ⲛ̄ ⲧⲉⲩϣⲏ ⲛ̄ⲥⲉϥⲓ ⲛ︦ⲛ︦ⲕⲉⲉⲥ
ⲛ̄ ⲛⲉⲧ ⲟⲩⲁⲁⲃ • Ⲓⲱ︦ⲥ︦ ⲡⲃⲁⲡⲧⲓⲥⲧⲏⲥ ⲙⲛ̄ ⲉⲗⲩⲥⲁⲓⲟⲥ ⲡⲉ‐
ⲡⲣⲟⲫⲏⲧⲏⲥ • ⲛ̄ⲧⲟⲟⲩ ⲇⲉ ⲉⲣⲉ ⲧϭⲓϫ ⲙ̄ ⲡϫⲥ︥ ϣⲟⲟⲡ
ⲛⲙ̄ⲙⲁⲩ • ⲁⲩⲧⲟⲃⲥⲟⲩ ⲇⲉ ⲉ ϫⲓⲧⲟⲩ ⲉ ⲕⲏⲙⲉ ⲛ̄ ⲁⲑⲁⲛⲁⲥⲓⲟⲥ •
ⲉ ⲃⲟⲗ ϫⲉ ⲛⲉϥⲉⲡⲓⲑⲩⲙⲉⲓ ⲣⲱ ⲉ ⲛⲁⲩ ⲉ ⲣⲟⲟⲩ • Ⲁⲩⲉⲓ
ⲇⲉ ⲉ ⲃⲟⲗ ⲉϫⲛ̄ ⲑⲁⲗⲗⲁⲥⲁ ⲁⲩϩⲉ ⲉ ⲡϫⲟⲓ̈ ϩⲛ̄ ⲟⲩϣⲡ̄
ⲛ̄ ϣⲱⲡ • ⲁⲩⲁⲗⲉ ⲁⲩⲉⲓ ⲉ ⲣⲁⲕⲟⲧⲉ ϩⲛ̄ ⲟⲩⲁⲥⲁⲓ ⲁⲩⲧⲁⲁⲩ
ⲛ̄ ⲁⲑⲁⲛⲁⲥⲓⲟⲥ • ⲁϥⲣⲁϣⲉ ⲉ ϩⲣⲁⲓ ⲉ ϫⲱⲟⲩ • ⲛ̄ⲑⲉ ⲛⲧⲁϥ‐
ⲛⲁⲩ ⲉ ⲣⲟⲟⲩ ϩⲱⲥ ϫⲉ ⲛ̄ⲧⲁϥⲛⲁⲩ ⲉ ⲣⲟⲟⲩ ϩⲙ̄ ⲡⲥⲱⲙⲁ


### 0017

ⲁϥϩⲟⲡⲟⲩ ϩⲙ̄ ⲡⲃⲁⲡϯⲥⲧⲏⲣⲓⲟⲛ • ⲉϥϣⲓⲛⲉ ⲛ̄ⲥⲁ ⲟⲩⲟⲉⲓϣ •
ⲛ̄ ⲕⲱⲧ ⲉ ⲣⲟⲟⲩ ⲛ̄ ⲟⲩⲙⲁⲣⲧⲩⲣⲓⲟⲛ :-ⲉϥⲟⲩⲱⲙ ⲇⲉ ⲛ̄
ⲟⲩ|ϩⲟⲟⲩ ϩⲙ̄ ⲡⲕⲏⲡⲟⲥ ⲛ̄ ⲛⲉⲛⲉⲓⲟⲟⲧⲉ ⲙⲛ̄ ⲛⲉⲥⲛⲏⲩ •
ⲛϥ̄ⲙⲟⲩⲧⲉ ⲅⲁⲣ ⲙ̄ⲙⲏⲏⲛⲉ ⲉⲛⲛⲟϭ ⲙ̄ ⲡⲉⲕⲗⲏⲣⲟⲥ •
ⲉϥⲟⲩⲱⲙ ⲛⲙ̄ⲙⲁⲩ • ⲛⲁⲓ ⲉⲛⲉⲩⲛⲏⲩ ϣⲁ ⲣⲟϥ ⲉϩⲛⲁⲩ •
Ⲟⲩ ⲙⲟⲛⲟⲛ ⲇⲉ ϫⲉ ⲉⲩⲟⲩⲱⲙ • ⲁⲗⲗⲁ ⲉⲩⲥⲱⲧⲙ̄ ⲟⲛ
ⲉⲛ̄ϣⲁϫⲉ ⲛ ⲧⲥⲟⲫⲓⲁ • ⲛⲧⲁ ⲡⲛⲟⲩⲧⲉ ⲧⲁⲁⲥ ⲛⲁϥ • ⲕⲁⲧⲁ
ⲑⲉ ⲉⲧ ⲥⲏϩ • ϩⲱⲃ ⲛⲓⲙ ⲉ ⲡⲉⲟⲟⲩ ⲙ̄ ⲡⲛⲟⲩⲧⲉ • ⲉⲓⲧⲉ ⲙ̄
ⲡⲛⲁⲩ ⲛ̄ ⲛⲏⲥⲧⲉⲩⲉ • ⲉⲓⲧⲉ ⲙ̄ ⲡⲛⲁⲩ ⲛ̄ ⲟⲩⲱⲙ • ⲁⲩⲱ
ⲛ̄ⲥⲱ • ⲉϥⲟⲩⲱⲙ ⲉϥⲥⲱ ϩⲙ̄ ⲡϣⲁϫⲉ ⲙ̄ ⲡⲛⲟⲩⲧⲉ ⲛ̄
ⲟⲩⲟⲉⲓϣ ⲛⲓⲙ • Ⲉϥⲟⲩⲱⲙ ϭⲉ ⲙⲛ̄ ⲛⲉⲥⲛⲏⲩ ⲙⲛ̄ ⲛⲉ‐
ⲕⲗⲏⲣⲓⲕⲟⲥ ⲙⲛ̄ ⲛ̄ⲛⲟϭ ⲙ̄ ⲫⲓⲗⲟⲡⲟⲛⲟⲥ ⲛ̄ ⲧⲉⲕⲕⲗⲏⲥⲓⲁ •
ϩⲙ̄ ⲡⲕⲏⲡⲟⲥ ⲉⲧ ϣⲟⲟⲡ ⲛⲁϥ ϩⲙ̄ ⲡϩⲓⲣ • ⲉⲧⲟⲩⲙⲟⲩⲧⲉ
ⲉ ⲣⲟϥ ϫⲉ ⲡϩⲉⲣⲙⲏⲥ ⲙ̄ ⲡⲣⲏⲥ ⲛ̄ ⲧⲡⲟⲗⲓⲥ • ⲉϥⲟⲩⲏⲛ
ⲉϫⲛ̄ ϩⲉⲛⲕⲟⲡⲣⲓⲁ • ⲙⲛ̄ ϩⲉⲛⲡⲗⲁϯⲁ ⲛ̄ ϫⲁⲓⲉ • ⲡⲉϫⲁϥ
ϫⲉ Ⲉⲓϣⲁⲛϭⲛ̄ ⲡⲉⲟⲩⲟⲉⲓϣ ϯⲛⲁⲕⲁⲑⲁⲣⲓⲍⲉ ⲛ̄ ⲛⲉⲕⲟ‐
ⲡⲣⲓⲁ • ⲛ̄|ⲧⲁⲕⲱⲧ ⲛ̄ϩⲏⲧⲟⲩ • ⲙ̄ ⲡⲙⲁⲣⲧⲩⲣⲓⲟⲛ ⲛ̄ ⲓⲱ‐
ϩⲁⲛⲛⲏⲥ ⲡⲃⲁⲡϯⲥⲧⲏⲥ • Ⲑⲉⲟⲫⲩⲗⲟⲥ ⲇⲉ ⲙ̄ ⲡⲉⲟⲩⲟⲉⲓϣ
ⲉⲧ ⲙ̄ⲙⲁⲩ ⲛϥ̄ⲁϩⲉ ⲣⲁⲧϥ̄ ⲉ ⲧⲉⲧⲣⲁⲡⲉⲍⲁ ⲉϥⲟⲩⲱⲙ •
ⲉ ⲃⲟⲗ ϫⲉ ⲛⲉϥⲟ ⲛ︦ⲛ︦ⲟⲧⲁⲣⲓⲟⲥ ⲛⲁϥ • Ⲁϥⲥⲱⲧⲙ̄ ⲉ
ⲡϣⲁϫⲉ ⲛ̄ⲧⲁϥϫⲟⲟϥ ⲛ̄ϭⲓ ⲁⲑⲁⲛⲁⲥⲓⲟⲥ • ⲁϥⲕⲁⲁϥ ϩⲙ̄
ⲡⲉϥϩⲏⲧ • Ⲓⲟⲩⲗⲓⲁⲛⲟⲥ ⲇⲉ ⲕⲁⲧⲁ ⲡⲉⲧ ⲥⲱⲕ ⲙ̄ⲙⲟϥ •
ⲉ ⲧⲣⲉ ϥⲃⲱⲕ ϩⲛ̄ ⲟⲩϭⲱⲛⲧ̄ ⲉ ⲧⲡⲉⲣⲥⲓⲥ • ⲁ ⲡⲉⲭⲣ︦ⲥ︦ ⲓ︦ⲥ︦
ⲡⲛⲟⲩⲧⲉ ⲧⲁⲁϥ ⲉ ϩⲣⲁⲓ ⲉ ⲧⲟⲟⲧⲟⲩ ⲛ̄ ⲙ̄ⲡⲉⲣⲥⲟⲥ • ⲉ ⲃⲟⲗ
ϫⲉ ⲁϥⲕⲁ ⲛⲉⲧ ⲟⲩⲁⲁⲃ • ⲉⲩⲟⲧⲡ̄ ⲉ ϩⲟⲩⲛ ⲁϥⲃⲱⲕ ⲉ
ⲧⲡⲉⲣⲥⲓⲥ • Ⲡⲙⲟⲩ ⲇⲉ ⲛ̄ⲧⲁϥⲙⲟⲩ ⲙ̄ⲙⲟϥ ⲛ̄ⲉ ⲟⲩϯϩⲉ ⲡⲉ •
ⲁϥⲛⲁⲩ ϩⲛ̄ ⲧⲉⲩϣⲏ ⲉⲩⲙⲏⲏϣⲉ ⲙ̄ ⲙⲁⲧⲟⲓ ⲉⲩⲛⲏⲩ ⲉ
ϫⲱϥ ⲉ ⲃⲟⲗ ϩⲙ̄ ⲡⲁⲏⲣ • ⲉⲓⲥ ⲟⲩⲗⲟⲅⲭⲏ ⲇⲉ ⲁⲥⲣⲁϩⲧϥ̄
ⲉϫⲛ̄ ⲛϥ̄ϭⲗⲟⲟⲧⲉ ⲁϥⲥⲟⲩⲱⲛⲟⲩ ϫⲉ ⲛⲉⲧ ⲟⲩⲁⲁⲃ ⲛⲉ •
ⲁϥϫⲓ ϭⲉ ⲙ̄ ⲡϥ̄ⲥⲛⲟϥ ⲁϥⲛⲟϫϥ̄ ⲉ ϩⲣⲁⲓ ⲉ ⲧⲡⲉ ⲉϥϫⲱ
ⲙ̄ⲙⲟⲥ ϫⲉ ϫⲓⲧϥ̄ ⲛⲁⲕ ⲓ︤ⲥ︥ ⲁⲕϥⲓ ⲡⲙⲁ ⲧⲏⲣϥ̄ • ⲛ̄ ⲧⲉⲣ
ϥ̄|ϫⲓ ⲟⲩⲁ • ⲅⲁⲣ ⲛ̄ⲧⲉⲩⲛⲟⲩ ⲁϥϩⲉ ⲁⲩⲱ ⲁ ⲡⲛⲟⲩⲧⲉ ⲣ̄
ϩⲙ̄ⲙⲉ ⲙ̄ ⲡⲉϥⲗⲁⲟⲥ • ⲁⲩⲱ ⲁϥⲧⲟⲩϫⲟⲛ • ⲓⲉ ϩⲣⲱⲙⲁⲓⲟⲥ
ⲉ ϩⲣⲁⲓ ⲉ ⲡⲉⲩⲙⲁ • ⲃⲁⲥⲓⲗⲉⲓⲟⲥ ϭⲉ ϩⲁⲑⲏ ⲛ̄ϣⲟⲙⲛ︦ⲧ︦


### 0018

ⲛ̄ϩⲟⲟⲩ ⲉ ⲡⲙⲟⲩ ⲛ̄ ⲓⲟⲩⲗⲓⲁⲛⲟⲥ • ⲁϥⲛ̄ⲁⲩ ⲉⲩⲣⲁⲥⲟⲩ ϩⲙ̄
ⲡⲉϣⲧⲉⲕⲟ • ⲁϥⲛⲉϩⲥⲉ ⲇⲉ ⲁϥϫⲟⲥ ⲉ ⲡⲉϥⲥⲟⲛ ⲥⲛⲁⲩ ⲉϥϫⲱ
ⲙ̄ⲙⲟⲥ • ϫⲉ ⲁⲓⲛⲁⲩ ϩⲛ̄ ⲧⲉⲓ ⲟⲩϣⲏ ⲉ ⲡⲙⲁⲣⲧⲩⲣⲟⲥ ⲉⲧ
ⲟⲩⲁⲁⲃ ⲫⲁⲅⲓⲟ[ⲥ] ⲙⲉⲣⲕⲟⲩⲣⲓⲟⲥ • ⲉ ⲁϥⲃⲱⲕ ⲉ ϩⲟⲩⲛ ⲉ
ⲡⲉϥⲙⲁⲣⲧⲩⲣⲓⲟⲛ • ⲁϥⲧⲱⲕⲙ̄ ⲙ̄ ⲡⲉϥⲙⲉⲣⲉϩ ⲉϥϫⲱ ⲙ̄‐
ⲙⲟⲥ ϫⲉ ⲉⲓⲛⲁⲕⲁ ⲡⲉⲓ ⲁⲛⲟⲙⲟⲥ ⲛ̄ ⲧⲉⲓ ϩⲉ • ⲉϥϫⲓⲟⲩⲁ •
ⲉ ⲡⲛⲟⲩⲧⲉ ⲛ̄ ⲧⲡⲉ • Ⲁⲩⲱ ⲛ̄ ⲧⲉⲣⲉ ϥϫⲉ ⲛⲁⲓ ⲁϥⲃⲱⲕ
ⲁⲓⲗⲟ ⲉ ⲛⲁⲩ ⲉ ⲣⲟϥ • Ⲁⲩⲟⲩⲱϣⲃ̄ ⲇⲉ ⲛ̄ϭⲓ ⲡⲕⲉ ⲥⲛⲁⲩ
ϫⲉ ⲛⲁⲙⲉ ⲁⲛⲟⲛ ϩⲱⲱⲛ • ⲁⲛⲛⲁⲩ ⲉ ⲡⲉⲓ̈ ϩⲟⲣⲟⲙⲁ ⲛ̄
ϯⲙⲉⲓⲛⲉ :-Ⲛ̄ ⲧⲉⲣ ⲟⲩⲛⲁⲩ ⲇⲉ ⲛ ⲧⲉⲓ ⲅⲛⲱⲙⲏ ⲛ̄ⲧⲁ
ⲡⲛⲟⲩⲧⲉ ⲧⲥⲁⲃⲟⲟⲩ • ⲉ ⲣⲟⲥ • ⲁⲩⲡⲓⲥⲧⲉⲩⲉ • ⲡⲉϫⲁⲩ ⲛ̄
ⲛⲉⲩⲉⲣⲏⲩ ϫⲉ ⲙⲁⲣⲉⲛ|ϫⲟⲟⲩ ⲉ ⲡⲙⲁⲣⲧⲩⲣ[ⲓ]ⲟⲛ ⲙ̄
ⲫⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲛ̄ⲧⲛ̄ⲛⲁⲩ ϫⲉ ⲉⲣⲉ ⲡⲉϥⲙⲉⲣⲉϩ
ⲧⲟⲕⲥ̄ ⲉ ⲡⲉϥⲙⲁ ϫⲉ ⲛ ⲙ̄ⲙⲟⲛ • Ⲁⲩⲧⲛ̄ⲛⲟⲟⲩ ϭⲉ ⲁⲩⲱ
ⲙ̄ⲡ ⲟⲩϭⲛ̄ⲧϥ̄ ⲁⲩⲡⲓⲥⲧⲉⲩⲉ ⲉ ⲡϩⲟⲣⲟⲙⲁ • ⲙⲛ︦ⲛ︦ⲥⲁ ϣⲟⲙⲛ︦ⲧ︦
ⲇⲉ ⲛ̄ϩⲟⲟⲩ ⲁⲩⲧⲛ̄ⲛⲟⲟⲩ ⲛ̄ⲛⲉⲥϩⲁⲓ ⲉ ⲧⲁⲛϯⲟⲭⲓⲁ ϫⲉ ⲁ
ⲡⲣ̄ⲣⲟ ⲙⲟⲩ ϩⲙ̄ ⲡⲡⲟⲗⲩⲙⲟⲥ • Ⲧⲥⲩⲅⲕⲗⲏⲧⲟⲥ ⲇⲉ ⲧⲏⲣⲥ̄
ϩⲛ̄ ⲟⲩⲯⲩⲫⲟⲥ ⲛ̄ⲧⲉ ⲡⲛⲟⲩⲧⲉ ⲁⲩⲁⲙⲁϩⲧⲉ ⲛ̄ ⲓⲟⲩⲃⲓ̈ⲁⲛⲟⲥ •
ⲁⲩⲁⲁϥ ⲛ̄ ⲣ̄ⲣⲟ • ⲉ ⲡⲙⲁ ⲛ̄ ⲓⲟⲩⲗⲓ̈ⲁⲛⲟⲥ • Ⲉⲩⲣⲱⲙⲉ ⲡⲉ
ⲙ̄ ⲡⲓⲥⲧⲟⲥ • ⲛ̄ ⲣⲙ̄ ⲛ̄ ⲛⲟⲩⲧⲉ ϫⲓⲛ ⲧⲉϥⲙⲛ︦ⲧ︦ⲕⲟⲩⲓ̈ • ⲛ̄ⲧⲟϥ
ⲇⲉ ⲛ̄ⲧⲉⲩⲛⲟⲩ ⲁϥⲕⲱ ⲉ ⲃⲟⲗ ⲛ̄ ⲛⲉⲧ ⲟⲩⲁⲁⲃ ⲃⲁⲥⲩⲗⲉⲓⲟⲥ •
ⲡⲉⲥⲧⲩⲗⲗⲟⲥ ⲛ̄ ⲧⲙⲉ • ⲡⲕⲁⲡⲡⲁⲇⲟⲝ • ⲙⲛ̄ ⲛⲉⲥⲛⲏⲩ •
ⲁⲩⲱ ϭⲉ ⲙ̄ⲡⲉ ϥⲕⲟⲧϥ̄ ⲛ̄ϭⲓ [ⲓ]ⲟⲩⲗⲓⲁⲛⲟⲥ ⲕⲁⲧⲁ ⲡϣⲁϫⲉ
ⲛ̄ ⲃⲁⲥⲓⲗⲉⲓⲟⲥ • ϩⲛ̄ ⲟⲩⲉⲓⲣⲏⲛⲉ ⲛ̄ⲧⲉ ⲡⲛⲟⲩⲧⲉ • ⲉⲣⲉ ⲛⲉϣ‐
ⲗⲏⲗ ⲙⲛ̄ ⲛ̄ⲧⲱⲃϩ̄ ⲙ̄ ⲡⲓⲛⲟϭ ⲛ̄ ⲥⲧⲣⲁⲧⲏⲗⲁⲧⲏⲥ ⲫⲁⲅⲓⲟⲥ
ⲙⲉⲣⲕⲟⲩⲣⲓⲟⲥ ⲛⲁⲉⲓ ⲉ ϩⲣⲁⲓ̈ ⲉ ϫⲱⲛ ⲛ̄ⲧⲛ̄ⲟⲩϫⲁⲓ ϩⲓ̈ ⲟⲩ‐
ⲥⲟⲡ • ϥ︦ⲑ︦ •


### 0019

ⲈⲞⲢⲦⲎⲚ ⲦⲞⲨ ⲀⲄⲒⲞⲨ ⲘⲈⲢⲔⲞⲨⲢⲒⲞⲨ •
ⲤⲦⲢⲀⲦⲎⲖⲀⲦⲀ ⲈⲠⲀⲔⲞⲎ •
Ⲇⲟⲝⲏ ⲕⲁⲓ ⲧⲏⲙⲏ (sic) ⲉⲥⲧⲉⲫⲁⲛⲟ (sic)
ⲥⲁⲥ ⲁⲩⲧⲱⲛ • ⲕⲁⲓ ⲕⲁⲧⲉⲥⲧⲏⲥⲁⲥ
ⲁⲩⲧⲟⲛ • ⲉⲡⲓ ⲡⲁⲛⲧⲁ ⲧⲁ ⲉⲣⲅⲁ
ⲗⲟ • ⲧⲟⲛ (sic) ⲭⲉⲓⲣⲱⲛ ⲥⲟⲩ ⁘ ¹
Ⲉⲑⲏⲕⲁⲥ ⲉⲡⲓ ⲧⲏⲛ ⲕⲉⲫⲁⲗⲏⲛ
ⲁⲩⲧⲟⲩ ⲥⲧⲉⲫⲁⲛⲟⲛ • ⲉⲕ ⲗⲓⲑⲟⲩ
ϯⲙⲓ̈ⲟⲩ • ⲍⲱⲏⲛ ⲁⲓⲧⲏⲥⲁⲧⲱ (sic)
ⲥⲁⲓ̈ (sic) • ⲕⲁⲓ ⲉⲇⲱⲕⲉⲛ (sic) ⲁⲩⲧⲱⲛ (sic)
ⲙⲁⲕⲣⲟⲧⲏⲧⲁ ⲏⲙⲉⲣⲟⲛ (sic) • ⲉⲓⲥ ⲁⲓⲱⲛⲁ ⲧⲟⲩ
⁘⁘²
ⲁⲛⲁⲧ ⲁⲓⲱⲛⲟⲥ ⁘ ⁖
Ⲏⲗⲁⲧⲧⲱⲥⲁⲥ ⲁⲩⲧⲱⲛ (sic) • ⲃⲣⲁⲭⲩ
ⲧⲓ ⲡⲁⲣⲁ ⲛ̄ⲁⲅⲅⲉⲗⲟⲥ (sic) • ⲇⲟⲝⲁ Ϩ (sic)•
ϯⲙⲏ ⲉⲥⲧⲉⲫⲁⲛⲱⲥⲁⲥ
ⲁⲩⲧⲱⲛ (sic) • ⲕⲁⲓ ⲕⲁⲧⲉⲥⲧⲏ‐
ⲥⲁⲥ ⲁⲩⲧⲱⲛ (sic) • ⲉⲡⲓ ⲡⲁⲛ(ⲧⲁ (sic)
ⲧⲁ ⲉⲣⲅⲁ • ⲧⲱⲛ ⲭⲉⲓⲣⲟⲛ (sic) ⲥⲟⲩ •³
ⲈⲔ ⲦⲞⲨ ⲔⲀⲦⲀ
ⲗⲞⲨⲔⲀⲚ ⁘
[Chapter xiv. 25-85]
Ⲥⲩⲛⲉⲡⲟⲣⲉⲩⲟⲛⲧⲟ ⲇⲉ ⲁⲩⲧⲱ ⲟⲭ‐
ⲗⲟⲓ ⲡⲟⲗⲗⲟⲓ • ⲕⲁⲓ ⲥⲧⲣⲁⲫⲉⲓⲥ
ⲉⲓ̈ⲡⲉⲛ ⲡⲣⲟⲥ ⲁⲩⲧⲟⲩⲥ • ⲉⲓ ⲧⲏⲥ
ⲉⲣⲭⲉⲧⲁⲓ ⲡⲣⲟⲥ ⲙⲉ • ⲕⲁⲓ̈ ⲟⲩ
ⲙⲏⲥⲉⲓ ⲧⲟⲛ ⲡⲁⲧⲉⲣⲁ • ⲁⲩⲧⲟⲩ •
ⲕⲁⲓ ⲙⲏⲧⲉⲣⲁ • ⲕⲁⲓ ⲧⲏⲛ ⲅⲩⲛⲁⲓ‐
ⲕⲁ · ⲕⲁⲓ ⲧⲁ •ⲧⲉⲕⲛⲁ ⲕⲁⲓ ⲧⲟⲩⲥ
ⲁⲧⲉⲗⲫⲟⲩⲥ • ⲕⲁⲓ̈ ⲧⲁⲥ ⲁⲧⲉⲗⲫⲁⲥ •
ⲉⲧⲓ ⲇⲉ  ⲧⲏⲛ ⲉⲁⲩⲧⲟⲩ ⲯⲩⲭⲏⲛ •
ⲠⲔⲀⲦⲀ ⲖⲞⲨⲔⲀⲤ ⁘
[Chapter xiv. 25-35]
Ⲛⲉⲩⲙⲟⲟϣⲉ ⲇⲉ ⲛⲙ̄ⲙⲁϥ ⲛ̄ϭⲓ
ϩⲉⲛⲙⲏⲏϣⲉ ⲉⲛⲁϣⲱⲟⲩ ⲁϥⲕⲟⲧϥ̄
ⲇⲉ ⲡⲉϫⲁϥ ⲛⲁⲩ ϫⲉ ⲡⲉⲧ ⲛⲏⲩ ϣⲁ
ⲣⲟⲓ ⲛϥ̄ⲙⲟⲥⲧⲉ ⲁⲛ ⲙ̄ ⲡⲉϥⲉⲓⲱⲧ •
ⲙⲛ̄ ⲧϥ̄ⲙⲁⲁⲩ • ⲙⲛ̄ ⲧⲉϥⲥϩⲓⲙⲉ •
ⲙⲛ̄ ⲛϥ̄ϣⲏⲣⲉ • ⲙⲛ̄ ⲛⲉϥⲥⲛⲏⲩ •
ⲙⲛ̄ ⲡⲉϥⲥⲱⲛⲉ • ⲉϯ ⲇⲉ ⲧⲉϥⲕⲉ‐
ⲯⲩⲭⲏ • ⲙⲛ̄ϣϭⲟⲙ ⲉ ⲧⲣϥ̄ ⲣ̄
ⲙⲁⲑⲏⲧⲏⲥ • ⲛⲁⲓ • ⲁⲩⲱ ⲡⲉⲧ ⲉⲛϥ̄


### 0020

ⲟⲩ ⲇⲩⲛⲁⲧⲁⲓ̈ ⲙⲟⲩ ⲉⲓⲛⲁⲓ̄ ⲙⲁⲑⲏ‐
ⲧⲏⲥ • ⲕⲁⲓ ⲟⲥ ⲟⲩ ⲃⲁⲥⲧⲁⲍⲉⲓ ⲧⲟⲛ
ⲥⲣ︦ⲟ︦ⲛ︦ ⲁⲩⲧⲟⲩ • ⲕⲁⲓ ⲉⲣⲭⲉⲧⲁⲓ
ⲱ̄ⲡⲓ̄ⲥⲱ̄ ⲙⲟⲩ • ⲟⲩ ⲇⲩⲛⲁⲧⲁⲓ ⲙⲟⲩ
ⲉⲓⲛⲁⲓ̈ ⲙⲁⲑⲏⲧⲏⲥ • ⲧⲏⲥ ⲅⲁⲣ ⲉⲝ
ⲩⲙⲱⲛ • ⲟ ⲑⲉⲗⲟⲛ ⲡⲩⲣⲅⲟⲛ ⲟⲓ‐
ⲕⲟⲇⲟⲙⲏⲥⲁⲓ • ⲟⲩⲭⲓ ⲡⲣⲱⲧⲟⲛ
ⲕⲁⲑⲓⲥⲁⲥ • ⲯⲩⲫⲩⲥⲉⲓ ⲧⲏⲛ ⲇⲁ‐
ⲡⲁⲛⲏⲛ • ⲉⲓ ⲉ̄ⲭⲉⲓ ⲧⲁ • ⲉⲓⲥ ⲁⲡⲁⲣ‐
ⲧⲏⲥⲙⲱⲛ • ⲓⲛⲁ ⲙⲏⲡⲟⲧⲉ | ⲧⲓ‐
ⲑⲉⲛⲧⲟⲥ ⲁⲩⲧⲟⲩ ⲑⲉⲙⲉⲗⲓⲟⲛ •
ⲕⲁⲓ ⲙⲏ ⲓⲥⲭⲩⲟⲛⲧⲟⲥ ⲉⲕⲧⲉⲗⲉ‐
ⲥⲁⲓ̈ · ⲕⲁⲓ ⲡⲁⲛⲧⲉⲥ ⲟⲓ ⲑⲉⲱⲣⲟⲩⲛ‐
ⲧⲉⲥ • ⲁⲣⲝⲱⲛⲧⲁⲓ̈ ⲉⲙⲡⲉⲍⲉⲓⲛ
ⲁⲩⲧⲟⲩ · ⲗⲉⲅⲱⲛⲧⲉⲥ • ⲟⲧⲓ̄ ⲟⲩ‐
ⲧⲱⲥ ⲟ ⲁⲛ︦ⲟ︦ⲥ︦ ⲏⲣⲝⲁⲧⲟ ⲟⲓⲕⲟⲇⲟ‐
ⲙⲉⲓⲛ • ⲕⲁⲓ̈ ⲟⲩⲕ ⲓⲥⲭⲩⲥⲉⲛ ⲉⲕⲧⲉ‐
ⲗⲉⲥⲁⲓ̈ • ⲏ ⲧⲓⲥ ⲃⲁⲥⲓⲗⲉⲩⲟⲥ ⲡⲟⲣ‐
ⲉⲩⲟⲙⲉⲛⲟⲥ ⲥⲩⲙⲃⲁⲗⲉⲓⲛ ⲉⲧⲉⲣⲱ
ⲃⲁⲥⲓⲗⲉⲓⲟⲓⲥ(sic) ⲡⲟⲗⲉ̄ⲙⲟⲛ • ⲟⲩⲭⲓ
ⲕⲁⲑⲓⲥⲁⲥ ⲡⲣⲱⲧⲟⲛ ⲃⲟⲩⲗⲉⲩ[ⲥ]ⲉ‐
ⲧⲁⲓ ⲉⲓ ⲇⲩⲛⲁⲧⲟⲥ ⲉⲥⲧⲓⲛ ⲉⲛ ⲇⲉⲕⲁ
ⲭⲉⲓⲗⲓ︦ⲁ︦ⲥⲓⲛ ⲁⲡⲁⲛⲧⲏⲥⲁⲓ̈ ⲧⲱ ⲙⲉ‐
ⲧⲁ ⲉⲓⲕⲟⲩⲥⲏ ⲭⲉⲓⲗⲓⲁⲧⲟⲛ • ⲉⲣ‐
ⲭⲱⲙⲉⲛⲱ ⲉⲡ ⲁⲩⲧⲱⲛ • ⲁⲓ̈ ⲇⲉ
ⲙⲓ ⲅⲉ ⲉϯ ⲡⲟⲣⲣⲱ ⲁⲩⲧⲟⲩ ⲟⲛⲧⲟⲥ •
ⲡⲣⲉⲥⲃⲉⲓⲁⲛ • ⲁⲡⲟⲥⲧⲉⲓⲗⲁⲥ • ⲉ̄ⲣⲱ‐
ⲧⲁ ⲧⲁ ⲡⲣⲟⲥ ⲟⲓⲣⲏⲛⲏ • ⲟⲩⲧⲱⲥ
ⲟⲩⲛ ⲡⲁⲥ ⲉⲝ ⲩⲙⲱⲛ ⲟⲥ ⲟⲩⲕ
ⲁⲡⲟⲧⲁⲥⲥⲉⲧⲁⲓ ⲡⲁⲥⲏ ⲧⲟⲓⲥ ⲉⲁⲩ‐|
ⲧⲟⲩ ⲩⲡⲁⲣⲭⲟⲩⲥⲓⲛ • ⲟⲩ ⲇⲩⲛⲁ‐
ⲧⲁⲓ ⲙⲟⲩ ⲉⲓⲛⲁⲓ ⲙⲁⲑⲏⲧⲏⲥ • ⲕⲁ‐
ⲗⲱⲛ ⲧⲟ⸍ ̇ ⲁ⸍ⲗⲁⲥ • ⲉ̄ⲁⲛ ⲇⲉ ⲧⲱ
ⲁ⸍ⲗⲁⲥ ⲙⲱⲣⲁ̄ⲛⲑⲏ ⲉⲛ ϯⲛⲏ ⲁⲣ‐
ϯⲥⲑⲏⲥⲉⲧⲁⲓ • ⲟⲩⲇⲉ ⲉⲓⲥ ⲅⲏⲛ •
ⲟⲩⲇⲉ ⲉⲓⲥ ⲕⲟⲡⲣⲓⲁⲛ • ⲉⲩ⸍ⲑⲉⲧⲱⲛ
ⲉⲥⲧⲓⲛ ⲉ⸍ⲝⲱ • ⲃⲁⲗⲗⲟⲩⲥⲓⲛ • ⲁⲩ‐
ⲧⲱ • ⲟ ⲉ⸍ⲭⲱⲛ • ⲱ⸍ⲧⲁ ⲁⲕⲟⲩⲉⲓⲛ
ⲁⲕⲟⲩⲉⲧⲱ⁘⁘⁘⁘ 
ⲛⲁϥⲓ ⲁⲛ ⲙ̄ ⲡⲉϥⲥ⳨ⲟ︦ⲥ︦ ⲛϥⲟⲩⲁϩϥ̄
ⲛ̄ⲥⲱⲓ • ⲙⲛ̄ϣϭⲟⲙ • ⲉ ⲧⲣⲉ
ϥϣⲱⲡⲉ ⲛⲁⲓ • ⲙ̄ ⲙⲁⲑⲏⲧⲏⲥ •
ⲛⲓⲙ ⲅⲁⲣ ⲙ̄ⲙⲱⲧⲛ̄ ⲉϥⲟⲩⲉϣ ⲕⲉⲧ
ⲟⲩⲡⲩⲣⲅⲟⲥ • ⲙⲏ ⲛϥ̄ⲛⲁϩⲙⲟⲟⲥ
ⲁⲛ ⲛ̄ ϣⲟⲣ︦ⲛ︦ ⲛϥ̄ϥⲓ ⲡⲱⲡ ⲛ̄ ⲧⲉϥ‐
ⲇⲁⲡⲁⲛⲏ • ϫⲉ ⲕⲁⲥ ⲛ̄ⲛⲉϥⲥⲙⲛ̄
ⲥⲉⲛⲧⲉ ⲛϥ̄ⲧⲙ̄ ⲉϣϭⲙ̄ϭⲟⲙ | ⲉ
ϫⲟⲕϥ̄ ⲉ ⲃⲟⲗ • ⲛ̄ⲧⲉ ⲟⲩⲟⲛ ⲛⲓⲙ
ⲉⲧ ⲛⲁⲩ ⲉ ⲣⲟϥ ⲥⲱⲃⲉ ⲛ̄ⲥⲱϥ
ⲉⲩϫⲱ ⲙ̄ⲙⲟⲥ ϫⲉ ⲁ ⲡⲉⲓ ⲣⲱⲙⲉ
ⲁⲣⲭⲏ ⲛ̄ ⲕⲱⲧ • ⲁⲩⲱ ⲙ̄ⲡⲉ ϥⲉϣ‐
ϭⲙ̄ϭⲟⲙ ⲉ ϫⲟⲕϥ̄ ⲉ ⲃⲟⲗ • ⲏ
ⲛⲓⲙ ⲛ̄ ⲉⲣ̄ⲣⲟ ⲉϥⲛⲁⲃⲱⲕ ⲉ ⲙⲓϣⲉ
ⲙⲛ̄ ⲕⲉ ⲣ︤̄ⲣⲟ • ⲙⲏ ⲛϥ̄ⲛⲁϩⲙⲟⲥ
ⲁⲛ ⲉⲛ ϣⲟⲣⲡ̄ ⲛϥ̄ϫⲓ ϣⲟϫⲛⲉ ϫⲉ
ⲉⲛⲉ ⲟⲩⲛ̄ϭⲟⲙ ⲙ̄ⲙⲟϥ ⲉ ⲧⲱⲙⲛ︦ⲧ︦
ϩⲛ̄ ⲟⲩⲧⲃⲁ ⲉ ⲡⲉⲧ ⲛⲏⲩ ⲉ ϫⲱϥ
ϩⲛ̄ⲧⲃⲁ ⲥⲛⲁⲩ • ⲉϣⲱⲡⲉ ϫⲉ ⲙ̄‐
ⲙⲟⲛ • ⲉⲧⲓ̄ ⲉϥⲙ̄ⲡⲟⲩⲉ ϥⲛⲁϫⲟⲟⲩ
ⲛ̄ ϩⲉⲛⲃⲁⲓϣⲓⲛⲉ ⲉϥⲥⲟⲡⲥⲡ̄ ϫⲉ ⲁⲣⲓ
ⲟⲓⲣⲏⲛⲏ • ⲧⲁⲓ ϭⲉ ⲧⲉ ⲑⲉ ⲛ̄ ⲟⲩⲟⲛ
ⲡⲓⲙ ⲉ ⲃⲟⲗ ⲛ̄ϩⲏⲧ ⲧⲏⲩⲧⲛ̄ • ⲉⲛⲉ‐
ϥⲛⲁⲁⲡⲟⲧⲁⲥⲥⲉ ⲁⲛ • ⲛ̄ ⲛⲉϥϩⲩ‐
ⲡⲁⲣⲭⲱⲛⲧⲁ ⲧⲏⲣⲟⲩ • ⲙⲛ̄ϣϭⲟⲙ
ⲙ̄ⲙⲟϥ | ⲉ ⲧⲣⲉ ϥϣⲱⲡⲉ ⲛⲁⲓ ⲙ̄
ⲙⲁⲑⲏⲧⲏⲥ · ⲡⲁⲛⲟⲩ ⲡⲉϩⲙⲟⲩ
ⲉⲣϣⲁⲛ ⲡⲉϩⲙⲟⲩ ⲇⲉ ⲃⲁⲁⲃⲉ •
ⲉⲩⲛⲁⲙⲟⲗϩϥ̄ ⲟⲛ̄ ⲟⲩ • ⲙⲉϥⲣ̄
ϣⲁⲩ ⲉ ⲡⲕⲁϩ ⲟⲩⲇⲉ ⲉ ⲧⲕⲟⲡⲣⲓⲁ
ⲉϣⲁⲩⲛⲟϫϥ̄ ⲉ ⲃⲟⲗ • ⲡⲉⲧⲉ ⲟⲩⲛ̄‐
ⲧϥ̄ ⲙⲁⲁϫⲉ ⲉ ⲥⲱⲧⲙ̄ ⲙⲁⲣϥ̄ⲥⲱⲧⲙ̄


### 0021

ⲬⲞⲒⲀⲔ Ⲕ︦Ⲑ︦ ⲈⲞⲢⲦⲎⲤ
ⲄⲈⲚⲚⲎⲤⲈⲰⲤ ⲦⲞⲨ ⲤⲎ-
ⲢⲞ︦Ⲥ︦ ⲎⲘⲰⲚ Ⲓ︦Ⲧ︦ ⲬⲢⲒⲤ-
ⲦⲞⲨ ⁘ ⲈⲔ ⲦⲞⲨ ⲔⲀⲦⲀ
ⲘⲀⲐⲐⲀⲒⲞⲨ ⁘
[Chapter ii. 1-12]
Ⲧⲟⲩ ⲇⲉ ⲓ︦ⲩ︦ • ⲅⲉⲛⲛⲏⲑⲉⲛⲧⲟⲥ ⲉⲛ
ⲃⲏⲑⲗⲉⲉⲙ · ⲧⲏⲥ ⲓⲟⲩⲇⲁⲓⲁⲥ • ⲉⲛ
ⲏⲙⲉⲣⲁⲓⲥ ⲏⲣⲱⲇⲟⲩ ⲧⲟⲩ ⲃⲁⲥⲓ‐
ⲗⲉⲩⲱⲥ • ⲓⲇⲟⲩ ⲙⲁⲅⲟⲓ̈ ⲁⲡⲟ ⲁⲛⲁ‐
ⲧⲟⲗⲱⲡ ⲡⲁⲣⲉⲅⲉⲛⲟⲛⲧⲟ ⲉⲓⲥ ⲓⲉⲣⲟⲩ‐
ⲥⲟⲗⲏⲙⲁ ⲗⲉⲅⲱⲛⲧⲉⲥ • ⲡⲟⲩ ⲉⲥ‐
ⲧⲓⲛ ⲟ ⲧⲉⲭⲑⲏⲥ ⲃⲁⲥⲓⲗⲉⲩⲥ ⲧⲱⲛ
ⲓⲟⲩⲇⲁⲓⲱⲛ • ⲓⲇⲱⲙⲉⲛ ⲅⲁⲣ ⲁⲩ‐
ⲧⲟⲩⲧⲟⲛ ⲁⲥⲧⲉⲣⲁⲉⲛ ⲧⲏ ⲁⲛⲁⲧⲟⲗⲏ •
ⲕⲁⲓ̈ ⲏⲗⲑⲁⲙⲉⲛ ⲡⲣⲟⲥⲕⲩⲛⲏⲥⲁⲓ̈
ⲁⲩⲧⲱ • ⲁⲕⲟⲩⲥⲁⲥ ⲇⲉ ⲟ ⲃⲁⲥⲓ̈‐ |
ⲗⲉⲩⲟⲥ ⲏⲣⲱⲇⲟⲩ ⲉⲧⲁⲣⲁⲭⲑⲏ
ⲗⲓⲁ̄ⲛ · ⲕⲁⲓ ⲡⲁⲥⲁ ⲓⲉⲣⲟⲩⲥⲟⲗⲏⲙⲁ
ⲙⲉⲧ ⲁⲩⲧⲟⲩ • ⲕⲁⲓ ⲥⲩⲛⲁⲅⲁⲅⲱⲛ
ⲡⲁⲛⲧⲁⲥ • ⲧⲟⲩⲥ ⲁⲣⲭⲓⲉⲣⲉⲓⲥ ⲕⲁⲓ
ⲅⲣⲁⲙⲙⲁⲧⲉⲓⲥⲧⲟⲩⲗⲁⲟⲩ • ⲉⲡⲩⲛ‐
ⲑⲁⲛⲉⲧⲟ ⲡⲁⲣ ⲁⲩⲧⲱⲛ • ⲛⲟⲩ • ⲟ ⲭ︦ⲥ︦
ⲅⲉⲛⲛⲁⲧⲁⲓ • ⲟⲓ ⲇⲉ ⲉⲓⲛⲁⲛ ⲁⲩⲧⲱ
ⲉⲛ ⲃⲏⲑⲗⲉⲉⲙ ⲧⲏⲥ ⲓⲟⲩⲇⲁⲓⲁⲥ •
ⲟⲩⲧⲱⲥ ⲅⲁⲣ ⲅⲉⲅⲣⲁⲡⲧⲁⲓ̈ ⲇⲓⲁ ⲧⲟⲩ
ⲡⲣⲟⲫⲏⲧⲟⲩ • ⲕⲁⲓ ⲥⲩ ⲃⲏⲑⲗⲉⲉⲙ
ⲅⲏ ⲓⲟⲩⲇⲁ • ⲟⲩⲇⲁⲙⲱⲥ ⲉⲗⲁ‐
ⲭⲓⲥⲧⲏ ⲟⲓ ⲉⲛ ⲧⲏⲥ ⲏⲅⲉⲙⲱⲥⲓⲛ
ⲓⲟⲩⲇⲁ • ⲉⲕ ⲥⲟⲩ ⲅⲁⲣ • ⲉⲝⲉ‐
Ⲗⲉⲩⲧⲁⲓ • ⲏⲅⲟⲩⲙⲉⲛⲟⲛ • ⲟⲥⲧⲓⲥ
ⲡⲟⲓⲙⲁⲛⲉⲓ ⲧⲟⲛ ⲗⲁⲟⲛ ⲙⲟⲩ ⲧⲱⲛ
ⲓ︦ⲏ︦ⲗ︦ • ⲧⲟⲧⲉ ⲏⲣⲱⲇⲟⲩⲥ ⲗⲁⲑⲣⲁ •
ⲕⲁⲗⲉⲥⲁⲥ ⲧⲟⲩⲥ ⲙⲁⲅⲟⲩⲥ · ⲏⲕⲣⲓ‐
ⲃⲱⲥⲉⲛ • ⲡⲁⲣ ⲁⲩⲧⲟⲛ ⲧⲟⲛ ⲭⲣⲟ‐
ⲛⲟⲛ • ⲧⲟⲛ ⲫⲁⲓⲛⲟⲙⲉⲛⲟⲩ ⲁⲥⲧⲉ‐
ⲣⲟⲥ • ⲕⲁⲓ ⲡⲉⲙⲯⲁⲓ • ⲁⲩⲧⲟⲩⲥ
ⲉⲓⲥ ⲃⲏⲑⲗⲉⲉⲙ • ⲉⲓⲡⲉⲛ ⲡⲟⲣⲉⲩ‐
ⲑⲉⲛⲧⲉⲥ ⲉⲝⲉⲧⲁⲥⲁⲧⲉ ⲁⲕⲣⲓⲃⲱⲥ
ⲬⲞⲒⲀⲔ Ⲕ︦Ⲑ︦ ⲠϢⲀ Ⲙ̄
ⲠⲈⲚ ⲤⲰⲦⲎⲢ Ⲓ︦Ⲥ︦ ⲠⲈⲬⲢ︦Ⲥ︦
ⲠⲔⲀⲦⲀ ⲘⲀⲐⲐⲀⲒⲞⲤ ⁖-
[Chapter ii. 1-12]
Ⲡⲉⲛ ϫⲥ̄ ⲇⲉ ⲓ︦ⲥ︦ ⲛ̄ ⲧⲉⲣ ⲟⲩϫⲡⲟϥ
ϩⲣⲁⲓϩⲛ̄ ⲃⲏⲑⲗⲉⲉⲙⲛ̄ⲧⲉ ϯⲟⲩⲇⲁⲓⲁ•
ϩⲛ̄ ⲛⲉϩⲟⲟⲩ ⲛ̄ ϩⲏⲣⲱⲇⲏⲥ ⲡⲣ̄ⲣⲟ •
ⲉⲓⲥ ϩⲉⲛⲙⲁⲅⲟⲥ ⲁⲩⲉⲓ ⲉ ⲃⲟⲗ ϩⲛ̄
ⲙ̄ ⲙⲁ ⲛ̄ ϣⲁ ⲉ ϩⲣⲁⲓ̈ ⲉ ⲑⲓⲉⲣⲟⲩ‐
ⲥⲁⲗⲏⲙ ⲉⲩϫⲱ ⲙ̄ⲙⲟⲥ • ϫⲉ ⲉϥ‐
ⲧⲱⲛ ⲡⲣ̄ⲣⲟ ⲛ̄ⲧⲁⲩϫⲡⲟϥ • ⲁⲛⲛⲁⲩ
ⲅⲁⲣ ⲉ ⲡⲉϥⲥⲓⲟⲩ ϩⲛ̄ ⲙ̄ ⲙⲁ ⲛ̄
ϣⲁ • ⲁⲛⲉⲓ̈ ⲉ ⲟⲩⲱϣⲧ̄ ⲛⲁϥ • ⲁϥ‐
ⲥⲱⲧⲙ̄ ⲇⲉ ⲛ̄ϭⲓ ϩⲏⲣⲱⲇⲏⲥ ⲡⲣ̄ⲣⲟ
ⲁϥ|ϣⲧⲟⲣⲧⲣ̄ ⲉⲙⲁⲧⲉ ⲙⲛ̄ ⲑⲓⲉⲣⲟⲩ‐
ⲥⲟⲗⲩⲙⲁ ⲧⲏⲣϥ̄ ⲛⲙ̄ⲙⲁϥ • ⲁϥ‐
ⲥⲱⲟⲩϩ ⲉ ϩⲟⲩⲛ • ⲛ̄ ⲛⲁⲣⲭⲓⲉⲣⲉⲩⲥ
ⲙⲛ̄ ⲛⲉ ⲅⲣⲁⲙⲙⲁⲧⲉⲩⲥ • ⲧⲏⲣⲟⲩ
ⲙ̄ ⲡⲗⲁⲟⲥ • ⲁϥϣⲓⲛⲉ ⲉ ⲃⲟⲗ ϩⲓ
ⲧⲟⲟⲧⲟⲩ • ϫⲉ ⲉⲩⲛⲁϫⲡⲟ ⲙ̄ ⲡⲉ
ⲭⲣ︦ⲥ︦ ⲧⲱⲛ • ⲛ̄ⲧⲟⲟⲩ ⲇⲉ ⲡⲉϫⲁⲩ
ⲛⲁϥ ϫⲉ ϩⲣⲁⲓ ϩⲛ̄ ⲃⲏⲑⲗⲉⲉⲙ ⲛ̄ⲧⲉ
ⲇⲓⲟⲩⲇⲁⲓⲁ (sic) ϥⲥⲏϩ ⲅⲁⲣ ⲛ̄ ⲧⲉⲓ
ⲟⲉ ϩⲓⲧⲛ̄ ⲡⲉⲡⲣⲟⲫⲏⲧⲏⲥ ⲉϥϫⲱ ⲙ̄‐
ⲙⲟⲥ ϫⲉ ⲛ̄ⲧⲟ ϩⲱⲱⲧⲉ ⲃⲏⲑⲗⲉⲉⲙ
ⲡⲕⲁϩ • ⲛ̄ ⲓⲟⲩⲇⲁ • ⲛ̄ⲧⲉ ϫⲟⲗϩ̄
ⲁⲛ̄ ϩⲛ̄ ⲛ̄ϩⲏⲅⲉⲙⲱⲛ ⲛ̄ ⲓⲟⲩⲇⲁ •
ϥⲛⲏⲩ ⲅⲁⲣ ⲉ ⲃⲟⲗ ⲛ̄ ϩⲏⲧⲉ ⲛ̄ϭⲓ
ⲟⲩϩⲏⲅⲟⲩⲙⲉⲛⲟⲥ ⲡⲁⲓ ⲉⲧ ⲛⲁ‐
ⲙⲟⲟⲛⲉ ⲙ̄ ⲡⲁ ⲗⲁⲟⲥ ⲡⲓⲥⲣⲁⲏⲗ ⁘
Ⲧⲟⲧⲉ ϩⲏⲣⲱⲇⲏⲥ • ⲁϥⲙⲟⲩⲧⲉ ⲙ̄‐
ⲙⲁⲅⲟⲥ ⲛ̄ϫⲓⲟⲩⲉ • ⲁϥϣⲓⲛⲉ ⲉ ⲃⲟⲗ
ⲟⲓ ⲧⲟⲟⲧⲟⲩ ⲛ̄ⲥⲁ ⲡⲉⲟⲩⲟⲉⲓϣ ⲙ̄
ⲡⲥⲓⲟⲩ ⲛ̄ⲧⲁϥⲟⲩⲱⲛϩ̄ ⲉ ⲃⲟⲗ • ⲁⲩⲱ
ⲁϥϫⲟⲟⲩ ⲥⲟⲩ ⲉ ϩⲣⲁⲓ ⲉ ⲃⲏⲑⲗⲉⲉⲙ
ⲉϥϫⲱ ⲙ̄ⲙⲟⲥ • ϫⲉ ⲃⲱⲕ ⲛ̄ⲧⲉⲧⲛ̄‐
ϣⲓⲛⲉ ϩⲛ̄ ⲟⲩⲱⲣϫ̄ ⲉ ⲧⲃⲉ ⲡϣⲏⲣⲉ


### 0022

ⲡⲉⲣⲓ ⲧⲟⲩ ⲡⲁⲓⲇⲓⲟⲩ • | ⲉⲡⲁⲛ ⲇⲉ
ⲉⲩⲣⲏⲧⲉ • ⲁⲡⲁⲅⲅⲉⲓⲗⲁⲧⲉ̄ ⲙⲟⲓ
ⲟ̄ⲡⲱⲥ ⲕⲁⲅⲱ ⲉⲗⲑⲱⲛ ⲡⲣⲟⲥⲕⲩ‐
ⲛⲏⲥⲱ • ⲁⲩⲧⲱ • ⲟⲓ ⲇⲉ ⲁⲕⲟⲩ‐
ⲥⲁⲛⲧⲉⲥ • ⲡⲁⲣⲁ ⲧⲟⲩ ⲃⲁⲥⲓⲗⲉⲩⲥ •
ⲉⲡⲟⲣⲉⲩⲑⲏⲥⲁⲛ • ⲕⲁⲓ ⲓⲇⲟⲩ ⲁⲥ‐
ⲧⲏⲣ • ⲟⲛ ⲓⲇⲟⲛ ⲉⲛ¹ ⲧⲏ ⲁⲛⲁ‐
ⲧⲟⲗⲏ ⲡⲣⲟⲏⲅⲉⲛ ⲁⲩⲧⲟⲩⲥ • ⲉⲱⲥ
ⲟⲩ (sic) ⲉⲗⲑⲱⲛ ⲉⲥⲧⲁⲑⲏ ⲉⲡⲁ̄ⲛⲱ •
ⲟⲡⲟⲩ ⲏⲛ • ⲧⲟ ⲡⲁⲓⲇⲓⲟⲛ • ⲓⲇⲟⲛ‐
ⲧⲉⲥ ⲇⲉ ⲧⲟⲛ ⲁⲥⲧⲉⲣⲁ • ⲉⲭⲁⲣⲏ‐
ⲥⲁⲛ ⲭⲁⲣⲁⲛ ⲙⲉⲅⲁⲗⲩⲛ • ⲥⲫⲟ‐
ⲇⲣⲁ • ⲕⲁⲓ ⲉⲗⲑⲱⲛⲧⲉⲥ ⲇⲉ ⲉⲓⲥ
ⲧⲏⲛ ⲟⲓ̈ⲕⲓⲁⲛ • ⲓⲇⲟⲛ ⲧⲟ ⲡⲁⲓⲇⲓⲟⲛ
ⲙⲉⲧⲁ ⲙⲁⲣⲓⲁⲥ • ⲧⲏⲥ ⲙⲏⲧⲣⲟⲥ
ⲁⲩⲧⲟⲩ • ⲕⲁⲓ ⲡⲉⲥⲟⲛⲧⲉⲥ ⲡⲣⲟⲥⲉⲕⲩ‐
ⲛⲏⲥⲁⲛ ⲁⲩⲧⲱ ⲕⲁⲓ ⲁⲡⲟⲓⲝⲁⲛⲧⲉⲥ •
ⲧⲟⲩⲥ ⲑⲏⲥⲁⲩⲣⲟⲩⲥ ⲁⲩⲧⲱⲛ ⲡⲣⲟⲥ‐
ⲏⲛⲉⲅⲕⲁⲛ ⲁⲩⲧⲱ ⲇⲱⲣⲁ ⲭⲣⲩ‐
ⲥⲟⲛ ⲕⲁⲓ ⲗⲓⲃⲁⲛⲟⲛ ⲕⲁⲓ ⲥⲙⲩⲣ‐
ⲛⲁⲛ • ⲕⲁⲓ ⲭⲣⲏⲙⲁⲧⲓⲥⲑⲉⲛⲧⲉⲥ
ⲕⲁⲧ ⲟⲛⲁⲣ • ⲙⲏ ⲁⲛⲁⲕⲁⲓⲯⲁⲓ
ⲡⲣⲟⲥ ⲏⲣⲱⲇⲏⲛ • ⲇⲓ ⲁⲗⲗⲏⲥ
ⲟⲇⲟⲩ ⲁⲛⲉⲭⲱⲣⲏⲥⲁⲛ ⲉⲓⲥ ⲧⲏⲛ
ⲭⲱⲣⲁⲛ ⲁⲩⲧⲱⲛ ⁘-
ϣⲏⲙ |̇ⲉϣⲱⲡⲉ ⲇⲉ ⲉⲧⲉⲧⲛ̄ϣⲁⲡϩⲉ
ⲉ ⲣⲟϥ • ⲙⲁⲧⲁⲙⲟⲓ ϩⲱ ϫⲉ ⲕⲁⲥ •
ⲉⲓⲉⲉⲓ ⲛ̄ⲧⲁⲟⲩⲱϣⲧ̄ ⲛⲁϥ • ⲛ̄ⲧⲟⲟⲩ
ⲇⲉ ⲛ̄ ⲧⲉⲣ ⲟⲩⲥⲱⲧⲙ̄ ⲉ ⲃⲟⲗ ⲁⲩ‐
ⲃⲱⲕ • ⲁⲩⲱ ⲉⲓⲥ ⲡⲥⲓⲟⲩ ⲛ̄ⲧⲁⲩⲛⲁⲩ
ⲉ ⲣⲟϥ ϩⲛ̄ ⲙ̄ ⲙⲁ ⲛ̄ ϣⲁ • ⲁϥ‐
ⲙⲟⲟϣⲉ ϩⲏⲧⲟⲩ ϣⲁⲛⲧ ⲉϥⲉⲓ ⲛϥ̄‐
ⲁϩⲉ ⲣⲁⲧϥ̄ ϩⲙ̄ ⲡⲙⲁ ⲉⲛ ⲉⲣⲉ
ⲡϣⲏⲣⲉ ϣⲏⲙ ⲛ̄ϩⲏⲧϥ̄ • ⲛ̄ ⲧⲉⲣ
ⲟⲩⲛⲁⲩ ⲇⲉ ⲉ ⲡⲥⲓⲟⲩ ⲁⲩⲣⲁϣⲉ ϩⲛ̄
ⲟⲩⲛⲟϭ ⲛ̄ ⲣⲁϣⲉ ⲉⲙⲁⲧⲉ • ⲁⲩⲱ
ⲛ̄ ⲧⲉⲣ ⲟⲩⲉⲓ ⲉ ϩⲣⲁⲓ ⲉ ⲡⲏⲓ ⲁⲩⲛⲁⲩ
ⲉ ⲡϣⲏⲣⲉ ϣⲏⲙ ⲙⲛ̄ ⲙⲁⲣⲓⲁ ⲧⲉϥ‐
ⲙⲁⲁⲩ ⲁⲩⲡⲁϩⲧⲟⲩ ⲁⲩⲟⲩⲱϣⲧ̄
ⲛⲁϥ • ⲁⲩⲟⲩⲱⲛ ⲛ̄ ⲛⲉⲩⲁϩⲱⲱⲣ •
ⲁⲩⲉⲓ̈ⲛⲉ ⲛⲁϥ ⲛ̄ ϩⲉⲛⲇⲱⲣⲟⲛ • ⲟⲩ‐
ⲛⲟⲩⲃ ⲙⲛ̄ ⲟⲩⲗⲓⲃⲁⲛⲟⲥ • ⲙⲛ̄ ⲟⲩ‐
ϣⲁⲗ • ⲁⲩⲧⲟⲩⲛⲟⲉⲓⲁⲧⲟⲩ ⲇⲉ ⲉ
ⲃⲟⲗ ϩⲛ̄ ⲟⲩⲣⲁⲥⲟⲩ • ⲉ ⲧⲙ̄ ⲕⲁⲧⲟⲩ
ϣⲁ ϩⲏⲣⲱⲇⲏⲥ • ⲉ ⲃⲟⲗ ⲇⲉ ϩⲓⲧⲛ̄
ⲛ̄ ⲕⲉ ϩⲓⲏ • ⲁⲩⲁⲛⲁⲭⲱⲣⲉⲓ ⲉ ⲛⲉⲩ‐
ⲭⲱⲣⲁ ⁘ ⁘
ⲞⲒⲀⲚⲞⲨⲀⲢⲒⲞⲤ Ⲓ︦Ⲁ︦ ⲀⲢⲬ
ⲔⲀⲦⲀ ⲘⲀⲢⲔⲞⲚ •
[Chapter i. 1-11]
Ⲁⲣⲭⲏ ⲧⲟⲩ ⲉⲩⲁⲅⲅⲉⲗⲓⲟⲩ ⲓ︦ⲩ︦
ⲭ︦ⲩ︦ ⲩ⸍ⲓⲟⲓ̄ ⲧⲟⲩ ⲑ︦ⲩ︦ ⲱ̄ⲥ ⲅⲉⲅⲣⲁ⸍ⲡⲧⲁⲓ̈
ⲉⲛ ⲏⲥⲁⲓⲁⲩ ⲧⲟⲩ ⲡⲣⲟⲫⲏⲧⲏ • ⲓⲇⲟⲩ
ⲉⲅⲱ ⲁⲡⲟⲥⲧⲉⲗⲗⲱ ⲧⲟⲛ ⲁⲅⲅⲉ⸍ⲗⲟⲛ
ⲙⲟⲩ ⲡⲣⲟ̄ ⲡⲣⲟⲥⲟ̄ⲡⲟⲩ ⲥⲟⲩ • ⲟ̄ⲥ
ⲕⲁⲧⲁⲥⲕⲉⲩⲁⲥⲉⲓ ⲧⲏⲛ ⲟⲇⲟⲛ ⲥⲟⲩ •
Ⲫⲱⲛⲏ ⲃⲟⲟⲛ̄ⲧⲉⲥ ⲉⲛ ⲧⲏ ⲉⲣⲏ̄ⲙⲱ •
ⲦⲨⲂⲒ • Ⲓ︦Ⲁ︦ ⲦⲀⲢⲬ Ⲙ ⲠⲔⲀⲦ
[Chapter i. 1-11]
Ⲧⲁⲣⲭⲏ ⲙ̄ ⲡⲉⲩⲁⲅⲅⲉⲗⲓⲟⲛ ⲛ̄ ⲓ︦ⲥ︦
ⲡⲉⲭⲥ̄ ⲡϣⲏⲣⲉ ⲙ̄ ⲡⲛⲟⲩⲧⲉ ⲕⲁⲧⲁ
ⲑⲉ ⲉⲧ ⲥⲏϩ ϩⲛ̄ ⲏⲥⲁⲓⲁⲥ • ⲡⲉⲡⲣⲟ‐
ⲫⲏⲧⲏⲥ • ϫⲉ ⲉⲓⲥ ϩⲏⲏⲧⲉ Ⲁⲛⲟⲕ
ϯⲛⲁϫⲁⲩ ⲡⲁ ⲁⲅⲅⲉⲗⲟⲥ ϩⲓ ϩⲏ
ⲙ̄ⲙⲟⲕ ⲛϥ̄ⲥⲟⲃⲧⲉ ⲛ̄ⲧⲉⲕϩⲓⲏ ⲙ̄ ⲡⲁ
ⲙ̄ⲧⲟ ⲉ ⲃⲟⲗ • ⲧⲉⲥⲙⲏ ⲙ̄ ⲡⲉⲧⲱϣ


### 0023

ⲉ ⲃⲟⲗ ϩⲓ ⲡϫⲁⲓⲉ ϫⲉ ⲥⲃ̄ⲧⲉ ⲧⲉϩⲓⲏ •
ⲙ̄ ⲡϫⲟⲉⲓⲥ • ⲁⲩⲱ ⲛ̄ⲧⲉⲧⲛ̄ⲥⲟⲃⲧⲉ
ⲛ̄ ⲛϥ̄ⲙⲁ ⲙ̄ ⲙⲟⲟϣⲉ • ⲁϥϣⲱⲡⲉ
ⲛ̄ϭⲓ ⲓⲱϩⲁⲛⲛⲏⲥ ⲉϥϯ ⲃⲁⲡϯⲥⲙⲁ
ϩⲙ̄ ⲡϫⲁⲓⲉ • ⲉϥⲧⲁϣⲉⲟⲉⲓϣ • ⲛ̄
ⲟⲩⲃⲁⲡϯⲥⲙⲁ ⲙ̄ ⲙⲉⲧⲁⲛⲟⲓⲁ • ⲉ
ⲡⲕⲱ ⲉ ⲃⲟⲗ ⲛ̄ ⲛ̄ⲛⲟⲃⲉ • ⲁⲩⲱ ⲁⲥ‐
ⲃⲱⲕ ⲉ ⲃⲟⲗ ⲉ ⲣⲁⲧϥ̄ ⲛ̄ϭⲓ ⲧⲡⲉⲣⲓ‐
ⲭⲱⲣⲟⲥ ⲧⲏⲣⲥ̄ ⲙ̄ ⲡⲓⲟⲣⲇⲁⲛⲏⲥ •
ⲛ̄ⲧⲉ ϯⲟⲩⲇⲁⲓⲁ ⲙⲛ̄ ⲑⲓⲉⲣⲟⲩⲥⲟ‐
ⲗⲩⲙⲁ • ⲁⲩϫⲓ ⲃⲁⲡϯⲥⲙⲁ ⲧⲏⲣⲟⲩ •
ϩⲙ̄ ⲡⲉⲓⲟⲣⲇⲁⲛⲏⲥ ⲡⲉⲓⲉⲣⲟ • ⲉⲩ‐
ⲉⲝⲟⲙⲟⲗⲟⲅⲉⲓ ⲛ̄ ⲛⲉⲩⲛⲟⲃⲉ • Ⲓⲱ‐
ⲁⲛⲛⲏⲥ | ⲇⲉ ⲡⲉⲣⲉ ϩⲉⲛϥⲱ ⲛ̄
ϭⲁⲙⲟⲩⲗ ⲧⲟ ϩⲓⲱⲱϥ • ⲉⲣⲉ ⲟⲩ‐
ⲙⲟϫⲕϥ̄ ⲛ̄ ϣⲁⲣ • ⲙⲏⲣ ⲉ ⲧⲉϥϯⲡⲉ •
ⲉϥⲟⲩⲉⲙ ϣϫⲉ ϩⲓ ⲉⲃⲓⲱ ϩⲟⲟⲩⲧ •
ⲁⲩⲱ ⲉϥⲧⲁϣⲉⲟⲉⲓϣ ⲉϥϫⲱ ⲙ̄‐
ⲙⲟⲥ ϫⲉ ϥⲛⲏⲩ ⲙⲛ︦ⲛ︦ⲥⲱⲓ ⲛ̄ϭⲓ
ⲡⲉⲧ ϫⲟⲟⲣ ⲉ ⲣⲟⲓ ⲡⲁⲓ ⲉ ⲁⲛⲅ̄ ⲟⲩ‐
ϩⲓⲕⲁⲛⲟⲥ ⲁⲛ ⲉ ⲧⲣⲁ ⲡⲁϩⲧ̄ ⲉ ⲃⲱⲗ
ⲉ ⲃⲟⲗ ⲙ̄ ⲡⲙⲟⲩⲥ ⲙ̄ ⲡⲉϥⲧⲱⲃⲉ •
ⲁⲛⲟⲕ ⲙⲉⲛ ⲉⲓϯ ⲃⲁⲡϯⲥⲙⲁ
ⲛⲏⲧⲛ̄ ϩⲛ̄ ⲟⲩⲙⲟⲟⲩ • ⲛ̄ⲧⲟϥ ⲇⲉ
ϥⲡⲁⲃⲁⲡϯⲍⲉ ⲙ̄ⲙⲱⲧⲛ̄ ϩⲛ̄ ⲟⲩⲡⲛ︤ⲁ︥
ⲉϥⲟⲩⲁⲁⲃ ⲙⲛ̄ ⲟⲩⲕⲱϩⲧ̄ • ⲁⲥϣⲱⲡⲉ
ⲇⲉ ⲉ ϩⲣⲁⲓ ϩⲛ̄ ⲛⲉϩⲟⲟⲩ • ⲉⲧ ⲙ̄‐
ⲙⲁⲩ • ⲁϥⲉⲓ ⲛ̄ϭⲓ ⲓ︦ⲥ︦ ⲉ ⲃⲟⲗ ϩⲛ̄
ⲛⲁⲍⲁⲣⲉⲑ ⲛ̄ⲧⲉ ⲧⲅⲁⲗⲓⲗⲁⲓⲁ • ⲁϥ‐
ϫⲓ ⲃⲁⲡϯⲥⲙⲁ ⲛ̄ⲧ ⲛ̄ ⲓⲱ︤ⲥ︥ ⲉ ⲃⲟⲗ
ϩⲙ̄ ⲡⲓⲟⲣⲇⲁⲡⲏⲥ • ⲛ̄ⲧⲉⲩⲛⲟⲩ ⲉϥ‐
ⲛⲏⲩ ⲉ ϩⲣⲁⲓ ϩⲙ̄ ⲡⲙⲟⲟⲩ ⲁϥⲛⲁⲩ
ⲙ̄ⲡⲏⲩⲉ ⲁⲩⲟⲩⲱⲛ • ⲁⲩⲱ ⲡⲉⲡⲛ︦ⲁ︦
ⲉϥⲛⲏⲩ ⲉ ⲡⲉⲥⲏⲧ ⲉ ϫⲱϥ ⲛ̄ⲑⲉ ⲛ̄
ⲟⲩϭⲣⲟⲙⲡⲉ • ⲁⲩⲱ ⲉⲓⲥ ⲟⲩⲥⲙⲏ
ⲁⲥϣⲱⲡⲉ ⲉ ⲃⲟⲗ ϩⲛ̄ ⲙ̄ⲡⲏⲩⲉ • ϫⲉ
ⲛ̄ⲧⲟⲕ ⲡⲉ ⲛⲁ ϣⲏⲣⲉ ⲡⲁ ⲙⲉⲣⲓⲧ ⲛ̄ⲧⲁ
ⲡⲁ ⲱϣ ϣⲱⲡⲉ ⲛ̄ϩⲏⲧϥ̄ ⁘⁘⁘
ⲉⲧⲟⲓⲙⲁ̄ⲥⲁⲧⲉ ⲧⲏⲛ ⲟⲇⲟⲛ ⲕⲩ̄ •
ⲉⲓⲑⲓⲁⲥ ⲡⲟⲓ̈ⲉⲓⲧⲉ ⲧⲁⲥ ⲧⲣⲓⲟⲩⲥ (sic)
ⲁⲩⲧⲟⲩ : - ⲉⲅⲉⲛⲉⲧⲟ Ⲓⲱⲁⲛⲛⲏⲛ
ⲃⲁⲡϯⲍⲱⲛ ⲉⲛ ⲧⲏ ⲉⲣⲏⲙⲱ • ⲕⲁⲓ
ⲕⲩⲣⲓⲥⲥⲱⲛ • ⲃⲁ̄ⲡⲧⲓⲥⲙⲁ ⲙⲉⲧⲁ‐
ⲡⲟⲓⲁⲥ ⲉⲓⲥ ⲁⲫⲉⲥⲓⲛ ⲁⲙⲁⲣϯⲱⲛ •
ⲕⲁⲓ ⲉⲝⲉⲡⲟⲣⲉⲩⲉ̄ⲧⲟ ⲡⲣⲟⲥ ⲁⲩⲧⲟ⸍ⲛ
ⲡⲁⲥⲁ⸍ ⲏ ⲓ̈ⲟⲩⲇⲁⲓ⸍ⲁ ⲭⲱⲣⲁ • ⲕⲁⲓ
ⲟⲓ ⲉⲣⲟⲥⲟⲗⲩⲙⲉⲓⲧⲁⲓ̈ ⲕⲁⲓ ⲉⲃⲁⲡ‐
ⲧⲓⲥⲟⲛⲧⲟ ⲡⲁⲛⲧⲉⲥ ⲉⲛ ⲧⲟ ⲓⲟⲣ‐
ⲇⲁⲡⲏ • ⲡⲟⲧⲁⲙⲱ ⲩ⸍ⲡ ⲁⲩⲧⲟⲩ
ⲉⲍⲟⲙⲟⲗⲟⲅⲟ⸍ⲩⲙⲉⲛⲟⲓⲧⲁⲥ ⲁⲙⲁⲣ‐
ⲧⲓⲁⲥ · ⲁⲩ⸍ⲧⲱⲛ • ⲏ⸍ⲛ ⲇⲉ ⲟ ⲓⲱ‐
ⲁⲛⲛⲏⲥ • ⲉⲛⲇⲉⲇⲩⲙⲏⲙⲉ̄ⲛⲟⲥ (sic)
ⲧⲣⲩⲭⲁⲥ ⲕⲁⲙⲏⲗⲟⲩ | ⲕⲁⲓ ⲍⲱ‐
ⲛⲏⲛ ⲇⲉⲣⲙⲁⲧⲓⲛⲏⲛ ⲡⲉⲣⲓ ⲧⲏⲡ
ⲟⲥⲫⲓⲛ ⲁⲩⲧⲟⲩ • ⲕⲁⲓ ⲉⲥⲑⲓⲱⲛ
ⲁⲕⲣⲓⲇⲁⲥ ⲕⲁⲓ ⲙⲉⲗⲓ ⲁⲅⲣⲓⲱⲛ •
ⲕⲁⲓ ⲉⲕⲏ⸍ⲣⲩⲥⲥⲉⲛ ⲗⲉⲅⲱⲛ ⲉⲣⲭⲉ⸍‐
ⲧⲁⲓ ⲉⲓⲥⲭⲩⲣⲟ̄ⲧⲉ̄ⲣⲟⲥ ⲙⲟⲩ • ⲟⲩ̄
ⲟⲩⲕ ⲉⲙⲏ ⲓⲕⲁⲛⲟⲥ ⲕⲩ̄ⲯⲁⲥ ⲗⲩⲥⲁⲓ̈
ⲧⲟⲛ ⲓⲙⲁⲡⲧⲁ ⲧⲟⲛ ⲩ⸍ⲡⲟⲇⲏⲙⲁⲧⲱⲛ
ⲁⲩⲧⲟⲩ · ⲉⲅⲱ ⲙⲉⲛ ⲉⲃⲁⲡⲧⲓⲥⲁ⸍
ⲩ⸍ⲙⲁⲥ ⲉⲛ ⲩ̄ⲇⲁⲧⲏ • ⲁⲩⲧⲟⲥ ⲇⲉ
ⲉⲃⲁⲡⲧⲓⲍⲉ ⲩ̄ⲙⲁⲥ ⲉⲛ ⲛ︦ⲛ︦ⲓ︦ ⲁⲅⲓⲱ
ⲕⲁⲓ ⲡⲩⲣⲓ⸍ • ⲕⲁⲓ ⲉⲅⲉⲛⲉⲧⲟ ⲉⲛ
ⲉⲕⲟⲓⲛⲁⲓⲥ ⲧⲁⲓⲥ ⲏⲙⲉⲣⲁⲓⲥ • ⲏ⸍ⲗ-
ⲑⲉⲛ ⲓ︦ⲥ︦ ⲁⲡⲟ ⲛⲁⲍⲁⲣⲉⲑ ⲧⲏⲥ ⲅⲁⲗⲓ‐
ⲗⲁⲓⲁⲥ · ⲕⲁⲓ ⲉⲃⲁⲡⲧⲓⲥⲑⲏ • ⲩ⸍ⲡⲟ
ⲓⲱⲁⲛⲛⲟⲩ ⲉⲓⲥ ⲧⲟⲛ ⲓⲟⲣⲇⲁ⸍ⲛⲏⲛ •
ⲕⲁⲓ ⲉⲩⲑⲉ̄ⲱⲥ ⲁⲛⲁⲃⲁ︦ⲓ︦ⲛⲱⲛ • ⲁⲡⲟ
ⲧⲟⲩ ⲩⲇⲁ̄ⲧⲟⲥ • ⲓⲇⲉⲛ ⲥⲭⲓⲍⲟⲙⲉ‐
ⲛⲟⲩⲥ • ⲧⲟⲩⲥ ⲟⲩⲛ︦ⲟ︦ⲩ︦ⲥ︦ ⲕⲁⲓ ⲧⲟ
ⲡⲛ︦ⲁ︦ ⲱⲥ ⲡⲉⲣⲓⲥⲧⲉⲣⲁⲛ ⲕⲁⲧⲁⲃⲁⲓ‐
ⲛⲟⲡ ⲉⲡ ⲁⲩⲧⲟⲛ • ⲕⲁⲓ ⲫⲱⲛⲏ
ⲉⲅⲉⲛⲉⲧⲟ ⲉⲕ ⲧⲟ⸍ⲛ ⲟⲩⲛⲱ︦ⲛ︦ ⲥⲟ︦ⲓ︦
ⲟ ⲓ̄ⲟⲩⲥ̄ ⲙⲟⲩ ⲟ ⲁⲅⲁⲡⲏⲧⲟⲥ ⲉⲛ
ⲥⲟⲓ ⲉⲩⲇⲟ̄ⲕⲏⲥⲁ ⁘


### 0024

ⲞⲨⲈ ⲦⲞⲨ ⲀⲄⲒⲞⲨ Ⲙ︦Ⲉ︦Ⲣ︦
ⲔⲀ[ⲦⲀ] ⲘⲀⲐⲀⲒⲞⲨ •
[Chapter viii. 5-13]
Ⲉⲓⲥⲉⲗⲑⲟⲛⲧⲉⲥ ⲇⲉ ⲁⲩⲧⲟⲩ ⲉⲓⲥ
ⲕⲁⲫⲁⲣⲛⲁⲟⲩⲙ • ⲡⲣⲟⲥⲏⲗⲑⲉⲛ ⲁⲩ‐
ⲧⲱ ⲉⲕⲁⲧⲟⲛⲧⲁⲣⲭⲟⲥⲡⲁⲣⲁⲕⲁⲗⲱⲛ
ⲁⲩⲧⲱⲛ • ⲕⲁⲓ ⲗⲉⲅⲱⲛ ⲕ︦ⲉ︦ ⲟ ⲡⲁⲓ⸍ⲥ
ⲙⲟⲩ ⲃⲉ⸍ⲃⲗⲏⲧⲁⲓ ⲉⲛ ⲧⲏ ⲟⲓⲕⲓⲁ
ⲡⲁⲣⲁⲗⲩⲧⲓ⸍ⲕⲟⲩⲥ • ⲇⲉⲓⲛⲱⲥ ⲃⲁ‐
ⲥⲁⲛⲓⲍⲱⲙⲉ̄ⲛⲟⲥ • ⲕⲁⲓ ⲗⲉⲅⲉⲓ ⲁⲩ‐
ⲧⲱ ⲟ ⲓ︦ⲥ︦ ⲉⲅⲱ ⲏⲗⲑⲱⲛ ⲑⲉⲣⲁⲡⲉⲩ‐
ⲥⲟⲡ ⲁⲩⲧⲱⲛ • ⲕⲁⲓ ⲁⲡⲟⲕⲣⲓⲑⲉⲓⲥ
ⲟ ⲉⲕⲁⲧⲟⲛⲧⲁⲣⲭⲟⲥ • ⲉⲫⲏ ⲕ︦ⲉ︦ ⲟⲩⲕ
ⲉⲙⲏ ⲓⲕⲁⲡⲟⲥ ⲓⲛⲁ ⲙⲟⲩ ⲩⲡⲟ ⲧⲏⲛ
ⲥⲕⲉⲡⲏⲡ (sic) ⲉⲓⲥⲉⲗⲑⲏⲥ · ⲁⲗⲗⲟ (sic)
ⲙⲟⲛⲟⲛ ⲉⲓⲡⲉ ⲗⲟⲅⲱ ⲕⲁⲓ ⲓⲁⲑⲏ‐
ⲥⲉⲧⲁⲓ • ⲕⲁ⸍ⲓ ⲅⲁⲣ ⲁⲛ︦ⲱ︦ⲥ︦ • ⲉⲓⲙⲏ
ⲩⲡⲟ ⲉⲝⲟⲩⲥⲓⲁⲛ ⲉⲭⲱⲛ ⲩⲫ
ⲉⲙⲁⲩⲧⲟⲛ ⲥⲧⲣⲁⲧⲓⲱⲧⲁⲥ · ⲕⲁⲓ
ⲗⲉⲅⲱ ⲧⲟⲩⲧⲱ ⲡⲟⲣⲉⲩⲑⲏⲧⲓ ⲕⲁⲓ
ⲡⲟⲣⲉⲩⲉⲧⲁⲓ • ⲕⲁⲓ̈ ⲁⲗⲗⲱ ⲉ⸍ⲣⲭⲟⲩ
ⲕⲁⲓ̈ ⲉⲣⲭⲉⲧⲁⲓ • ⲕⲁⲓ ⲧⲱ ⲇⲟⲩⲗⲱ
ⲙⲟⲩ ⲡⲟⲓⲏⲥⲟⲛ ⲧⲁⲩⲧⲟ ⲕⲁⲓ ⲡⲟⲓⲉⲓ •
ⲁⲕⲟⲩⲥⲁⲥ ⲇⲉ ⲟ ⲓ︦ⲥ︦ ⲉⲑⲁⲩⲙⲁⲥⲉⲛ
ⲕⲁⲓ ⲉⲓⲡⲉⲛ ⲧⲟⲓⲥ ⲁⲕⲟⲗⲟⲩⲑⲩⲥⲓⲛ
ⲁⲩⲧⲱ • ⲁⲙⲏⲛ ⲗⲉⲅⲱ | ⲩⲙⲉⲓⲛ •
ⲡⲁⲣ ⲟⲩⲇⲉⲛⲓ ⲧⲟⲥⲁⲩⲧⲏⲛ ⲡⲓⲥⲧⲓⲛ •
ⲉⲛ ⲧⲱ ⲓ︦ⲏ︦ⲗ︦ ⲉⲩⲣⲱⲛ • ⲗⲉⲅⲱ ⲧⲁⲓ
ⲩ̄ⲙⲓⲛ ⲟⲧⲓ ⲡⲟⲗⲗⲟⲛ ⲁⲡⲟ ⲁⲛⲁ‐
ⲧⲟⲗⲟⲛ • ⲕⲁⲓ ⲇⲩⲥⲙⲱⲛ ⲏⲝⲟⲩ‐
ⲥⲓⲛ · ⲕⲁⲓ ⲁⲛⲁⲕⲗⲏⲑⲏⲥⲟⲛⲧⲁⲓ
ⲙⲉⲧⲁ ⲁⲃⲣⲁⲁⲙ ⲕⲁⲓ ⲓⲥⲁⲕ ⲕⲁⲓ̈
ⲓⲁⲕⲱⲃ • ⲉⲛ ⲧⲏ ⲃⲁⲥⲓⲗⲉⲓⲁⲛ ⲧⲟⲛ
ⲟⲩⲛ︦ⲱ︦ⲛ︦ • ⲟⲓ ⲇⲉ ⲩⲓⲟⲓ ⲧⲏⲥ ⲃⲁⲥⲓ‐
ⲗⲉⲓⲁⲥ ⲉⲕⲃⲗⲏⲑⲏⲥⲟⲛⲧⲁⲓ̈ ⲉⲓⲥ ⲧⲟ
ⲥⲕⲟⲧⲟⲥ • ⲧⲱ ⲉⲝⲱⲧⲉⲣⲟⲛ • ⲉⲕⲉⲓ̈
ⲉⲥⲧⲁⲓ ⲟ ⲕⲗⲁⲩⲑⲙⲟⲥ ⲕⲁⲓ ⲟ ⲃⲣⲩⲅ‐
ⲙⲟⲥ ⲧⲱⲛ ⲟⲇⲟ̄ⲛⲧⲱⲛ • ⲕⲁⲓ ⲉⲓⲡⲉⲛ
ⲇⲉ ⲟ ⲓ︦ⲥ︦ ⲧⲱ ⲉⲕⲁⲧⲱⲛⲧⲁⲣⲭⲟⲥ •
ϨⲒ ⲢⲞⲨϨⲈ Ⲙ︦ ⲪⲀⲄⲒⲞ Ⲙ︦Ⲉ︦Ⲣ︦
ⲠⲔⲀ[ⲦⲀ] ⲘⲀⲐⲀⲒⲞⲤ •
[Chapter viii. 5-13]
Ⲛ̄ ⲧⲉⲣⲉ ϥⲃⲱⲕ ⲇⲉ ⲉ ϩⲟⲩⲛ ⲉ ⲕⲁ‐
ⲫⲁⲣⲛⲁⲟⲩⲙ ⲁϥϯ ⲡⲉϥⲟⲩⲟⲓ • ⲉ
ⲣⲟϥ ⲛ̄ϭⲓ ⲟⲩϩⲉⲕⲁⲧⲟⲛⲧⲁⲣⲭⲟⲥ •
ⲉϥⲡⲁⲣⲁⲕⲁⲗⲉⲓ ⲙ̄ⲙⲟϥ ⲉϥϫⲱ ⲙ̄-
ⲙⲟⲥ ϫⲉ ⲡϫⲥ̄ ⲡⲁ ϣⲏⲣⲉ ⲛⲏϫ ⲉ
ϩⲣⲁⲓ ϩⲙ̄ ⲡⲁ ⲏⲓ ⲉϥⲉⲏϭ ⲁⲩⲱ ⲉϥ‐
ⲃⲁⲥⲁⲛⲓⲍⲉ ⲙ̄ⲙⲁⲧⲉ • ⲡⲉϫⲁϥ ⲛⲁϥ
ⲛ̄ϭⲓ ⲓ︦ⲥ︦ ϫⲉ ⲁⲛⲟⲕ ϯⲛⲏⲩ ⲛ̄ⲧⲁⲣ̄
ⲡⲁϩⲣⲉ ⲉ ⲣⲟϥ • ⲁϥⲟⲩⲱϣⲃ̄ ⲛ̄ϭⲓ
ⲡϩⲉⲕⲁⲧⲟⲛⲧⲁⲣⲭⲟⲥ • ⲉϥϫⲱ ⲙ̄-
ⲙⲟⲥ ϫⲉ ⲡϫ︦ⲥ︦ ⲛ̄ ϯⲙ̄ⲡϣⲁ ⲁⲛ ⲉ ⲧⲣⲉ
ⲕⲉⲓ ⲉ ϩⲟⲩⲛ ϩⲁ ⲧⲁ ⲟⲩⲉϩⲥⲟⲓ ⲁⲗⲗⲁ
ϫⲓ ⲙ̄ⲙⲁⲧⲉ ⲙ̄ ⲡϣⲁϫⲉ ⲁⲩⲱ ⲉϥ‐
ⲛⲁⲗⲟ · ⲕⲁⲓ ⲅⲁⲣ ⲁⲛⲟⲕ ⲁⲛⲅ̄ ⲟⲩ‐
ⲣⲱⲙⲉ ⲉⲓϣⲟⲟⲡ ϩⲁ ⲟⲩ ⲉⲝⲟⲩⲥⲓⲁ •
ⲉⲣⲉ ϩⲉⲛⲙⲁⲧⲟⲓ ϣⲟⲟⲡ ϩⲁ ⲣⲁⲧ •
ϣⲁⲓϫⲟⲟⲥ ⲙ̄ ⲡⲁⲓ ϫⲉ ⲃⲱⲕ ⲁⲩⲱ
ϣⲁϥⲃⲱⲕ • ⲁⲩⲱ ⲕⲉ ⲟⲩⲁ ϫⲉ
ⲁⲙⲟⲩ ⲁⲩⲱ ⲛϥ̄ⲉⲓ • ⲁⲩⲱ ⲡⲁ ϩⲙ̄‐
ϩⲁⲗ ϫⲉ ⲁⲣⲉⲕ ⲡⲁⲓ • ⲁⲩⲱ ⲛϥ̄ⲁⲁϥ •
ⲁϥⲥⲱⲧⲙ̄ ⲇⲉ ⲉ ⲛⲁⲓ ⲛ̄ϭⲓ ⲓⲥ ⲁϥⲣ̄
ϣⲡⲏⲣⲉ • ⲁϥⲕⲟⲧϥ̄ ⲉ ⲛⲉⲧ ⲟⲩⲏϩ
ⲛ̄ⲥⲱϥ • ⲡⲉϫⲁϥ ⲛⲁⲩ ϫⲉ ϩⲁⲙⲏⲛ
ϯϫⲱ | ⲙ̄ⲙⲟⲥ ⲛⲏⲧⲛ̄ ϫⲉ ⲙ̄ⲡ ⲉⲓϩⲉ
ⲉ ⲡ[ⲓⲥ]ϯⲥ ⲛ̄ ⲧⲉⲓ ϭⲟⲧ ⲛ̄ⲧⲛ̄ ⲗⲁⲁⲩ
ϩⲙ̄ [ⲡⲓⲥ]ⲣⲁⲏⲗ • ϯϫⲱ ⲅⲁⲣ ⲙ̄‐
ⲙⲟⲥ ⲛⲉⲧⲛ̄ ϫⲉ ⲟⲩⲛ̄ ϩⲁϩ ⲛⲏⲩ ⲉ
ⲃⲟⲗ ϩⲛ̄ ⲙⲁ ⲛ̄ ϣⲁ ⲙⲛ̄ ⲙ̄
ⲙⲁ ⲛ̄ ϩⲱⲧⲛ̄ ⲛ̄ⲥⲉ ⲛⲟϫⲟⲩ ⲙⲛ̄
ⲁⲃⲣⲁϩⲁⲙ ⲙⲛ̄ ⲓⲥⲁⲕ ⲙⲛ̄ ⲓⲁⲕⲱⲃ •
ϩⲣⲁⲓ ϩⲛ̄ ⲧⲙⲛ︤ⲧ︥ⲉⲣⲟ ⲛ̄ ⲙ̄ⲡⲏⲩⲉ •
ⲛ̄ϣⲏⲣⲉ ⲇⲉ ⲛ̄ ⲧⲙⲛ︦ⲧ︦ⲉⲣⲟ ⲥⲉⲛⲁ‐
ⲛⲟϫⲟⲩ ⲉ ⲃⲟⲗ ⲉ ⲡⲕⲁⲕⲉ ⲉⲧ
ⲟⲓ ⲃⲟⲗ ⲉϥⲡⲁϣⲱⲡⲉ ⲙ̄ⲙⲁⲩ
ⲛ̄ϭⲓ ⲡⲣⲓⲙⲉ ⲁⲩⲱ ⲡϭⲁϩϭⲉϩ ⲛ̄
[ⲛ̄]ⲟⲃϩⲉ • Ⲡⲉϫ[ⲁϥ ⲇⲉ] ⲛ̄ϭⲓ ⲓ︦ⲥ︦


### 0025

ⲩⲡⲁⲅⲉ ⲕⲁⲓ ⲱⲥ ⲉⲡⲓⲥⲧⲉⲩⲥⲁⲥ ·
ⲅⲉⲛⲏⲑⲏⲧⲱ̄ ⲥⲟⲓ • ⲕⲁⲓ ⲓ̄ⲁⲑⲏ ⲟ
ⲡⲁⲓⲥ ⲉⲛ ⲧⲏ ⲱ̄ⲣⲁ ⲉⲕⲉⲓⲛⲏ ⁘
ⲙ̄ ⲡ[ϩⲉ]ⲕⲁⲧⲟⲛⲧⲁⲣⲭⲟⲥ • ϫⲉ ⲃⲱⲕ
ⲛ[ⲑⲉ] ⲛ̄ⲧⲁⲕⲡⲓⲥⲧⲉⲩⲉ ⲙⲁⲣⲉⲥ‐
ϣⲱ[ⲡⲉ] ⲛⲁⲕ • ⲁⲩⲱ ⲁϥⲗⲟ ⲛ̄ϭⲓ
ⲡϣⲏⲣⲉ [ϣⲏⲙ] ϫⲓⲛ ⲧⲉⲩⲛⲟⲩ ⲉⲧ
ⲙ̄ⲙⲁⲩ •
⁘ ⲉⲩⲝⲁⲥⲑⲁⲓ ⲩ̄ⲡⲉⲣ ⲉⲙⲟⲩ ⲉⲅⲱ ⲧⲁⲗⲁⲥ ⲁⲙⲁⲣⲧⲱⲗⲟⲩⲥ •
ⲁⲩⲣⲓⲗⲗⲓⲟⲥ • ⲃⲓⲕⲧⲱⲣ ⲉⲗⲁⲭⲓⲥⲧⲟⲩ ⲕⲥ ⲁⲛⲁⲝⲓⲟⲩ ⲇⲓⲁⲕⲟⲥ
ⲡⲁⲓⲥ ⲧⲟⲩ ⲙⲁⲕⲁⲣⲓⲟ ⲙⲉⲣⲕⲟⲩⲣⲓⲟ ⲇⲓⲁⲕⲟⲥ ⲧⲟⲩ ⲁⲅⲓⲟⲩ ⲙ︦ⲉ︦ⲣ︦
ⲙⲉⲅⲁⲥⲧⲣⲁⲧⲏⲗⲁⲧ ⲁⲡⲟⲧ ⲡⲟⲗ ⲗⲁⲧ ⲉⲅⲣⲁⲯⲁⲥ ⲃⲩⲃⲗⲟⲥ
ⲡⲁⲛⲧⲱⲛ ⲁⲛⲁⲅⲛⲱⲑⲏ ⲧⲏⲛ ⲃⲩⲃⲗⲓⲟⲩ ⲉⲡⲉⲩⲝⲉⲧⲁⲓ ⲙⲉ
ⲟⲡⲱⲥ ⲇⲓⲉⲝⲁⲅⲟⲓ ⲕⲥ̄ ⲧⲏⲛ ⲉⲗⲉⲟⲓⲛⲟ ⲙⲟⲩ ⲃⲓⲟⲛ ⲉⲩⲁⲣⲉ‐
ⲥⲧⲱⲛ ⲁⲙⲏ̄