### 0001

ⲦⲘⲀⲢⲦⲨⲢⲒⲀ Ⲙ̄ ⲠϨⲀⲄⲒⲞⲤ ⲘⲈⲢⲔⲞⲨⲢⲒⲞⲤ •
ⲠⲈⲤⲦⲢⲀⲦⲎⲖⲀⲦⲎⲤ • Ⲛ̄ⲦⲞϤϪⲰⲔ Ⲉ ⲂⲞⲖ
Ⲙ̄ ⲠⲈϤⲀⲄⲰⲚ • ⲈⲦⲀⲒⲎⲨ (sic)  Ⲛ̄ ⲤⲞⲨ ϪⲞⲨⲦⲎ
Ⲙ̄ ⲠⲈⲒⲈⲂⲞⲦ ⲀⲐⲰⲢ • ϨⲚ̄ ⲞⲨⲈⲢⲎⲚⲎ Ⲛ̄ⲦⲈ
ⲠⲚⲞⲨⲦⲈ • ⲈⲢⲈ ⲚⲈϤⲤⲘⲞⲨ ⲈⲦ ⲞⲨⲀⲀⲂ •
ⲈⲨⲈϢⲰⲠⲈ ⲚⲘ̄ⲘⲀⲚ ϨⲀⲘⲎⲚ •
[Ⲁ]ⲥϣⲱⲡⲉ ⲇⲉ • [ϩⲛ̄] ⲧⲙⲉϩ ⲙⲛ︦ⲧ︦ⲥⲛⲟⲟⲩⲥ ⲛ̄ⲣⲟⲙⲡⲉ ⲛ̄
ⲇⲉⲕⲓⲟⲥ ⲡⲣ︦ⲣ︦ⲟ • ⲟⲩⲁⲗⲗⲏⲣⲓⲁⲛⲟⲥ • ⲙⲛ̄ ⲙⲁⲝⲓⲙⲓⲁⲛⲟⲥ •
ⲉϥⲟ ⲛ̄ⲕⲁⲓ̈ⲥⲁⲣ • ⲁⲩⲱ ⲛ̄ⲁⲩⲧⲱⲕⲣⲁⲧⲱⲣ • [ⲁ]ϥⲛⲉϩⲥⲉ ⲛ̄ ⲟⲩ‐
[ⲇⲓⲱ]ⲕⲙⲟⲥ ⲉ [one line wanting] ⲧⲏⲣⲟⲩ • ⲙⲛ̄ ⲟⲩⲟⲛ ⲛⲓⲙ
ⲉⲧ ϩⲟⲙⲟⲗⲟⲅⲉⲓ ⲙ̄ ⲡⲉⲭ︦ⲥ︦ • ⲁϥⲧⲱϭⲉ ⲉ ⲃⲟⲗ ⲛ̄ ⲟⲩⲇⲓⲁ‐
ⲧⲁⲅⲙⲁ ⲕⲁⲧⲁ ⲡⲟⲗⲓⲥ • ⲁⲩⲱ ⲕⲁⲧⲁ ⲭⲱⲣⲁ • ⲁⲩⲱ ⲕⲁⲧⲁ
ⲉⲡⲁⲣⲭⲓⲁ • ⲉ ⲧⲣⲉ ⲅⲉⲛⲟⲥ ⲛⲓⲙ ⲛ̄ [ⲣⲱ]ⲙⲉ ϩⲓ ⲗⲩ▨▨
ⲉϥⲉⲑⲩⲥⲓ[ⲁⲍⲉ]▨ⲛ̄ⲛⲟⲩⲧⲉ▨▨▨▨[one or two lines wanting] |
▨▨▨ⲏ ⲁⲩϣⲱⲡⲉ ϩⲛ̄ ⲧⲟⲓⲕⲟⲩⲙⲉⲛⲏ ⲧⲏⲣⲥ̄ • ⲙ̄ ⲡⲉⲓ
ⲟⲩⲟⲉⲓϣ ⲉⲧ ⲙ̄ⲙⲁⲩ • ⲛⲁⲓ ⲛⲉ ⲉⲧ ⲥⲏϩ ⲉ ⲡⲉⲓ ⲡⲣⲟⲥⲧⲁⲅⲙⲁ •
ⲇⲉⲕⲓⲟⲥ ⲟⲩⲁⲗⲉⲣⲓⲁⲛⲟⲥ ⲙⲁⲝⲉⲛⲧⲓⲟⲥ ⲡⲛⲟϭ ⲛ︦ⲣ︦ⲣ︦ⲟ ⲛ̄ⲁⲩ‐
ⲧⲱⲕⲣⲁⲧⲱⲣ • ⲉⲧⲁⲙⲁϩⲧⲉ ⲉϫⲛ̄ ⲧⲟⲓⲕⲟⲩⲙⲉⲛⲏ ⲧⲏⲣⲥ̄ •
ⲛ̄ⲥϩⲁⲓ ⲉ ⲃⲟⲗ ϩⲛ̄ ⲧⲟⲓⲕⲟⲩⲙⲉⲛⲏ • ⲙⲛ̄ ⲛⲉⲭⲱⲣⲁ • ⲙⲛ̄
ⲛⲉⲡⲁⲣⲭⲓⲁ • ⲉⲧ [ϣⲱ]ⲡⲉ ⲛ̄ⲁⲙⲁϩⲧⲉ▨▨▨▨▨ⲇⲉ ⲁⲛⲟⲡϥ
▨▨▨ⲛⲁⲅⲕⲁⲓ▨▨▨ⲟⲛ ϯ▨▨▨▨ⲃⲓⲕⲧⲱⲣⲓⲁ▨ⲧⲁ▨▨
ⲛⲛⲟⲩⲧⲉ ⲉⲧ ⲧⲁⲓⲏⲟⲩ ⲟⲩⲟⲛϩⲟⲩ ⲉ ⲣⲟⲛ • ⲛ̄ⲑⲉ ⲉⲧⲟⲩⲣⲟⲟⲩϣ
ϩⲁ ⲣⲟⲛ ϩⲓⲧⲛ̄ ⲧⲉⲩⲡⲣⲟϩⲉⲣⲉⲥⲓⲥ ⲉⲧⲛⲁⲛⲟⲩⲥ • ⲙⲁⲗⲓⲥⲧⲁ
ⲧⲛⲟϭ ⲛ̄ ⲃⲓⲕⲧⲱⲣⲓⲁ ⲙ̄ ⲡⲉⲓ ϫⲣⲟ • ⲉⲧⲟⲩϯ ⲙ̄ⲙⲟⲥ ⲛⲁⲛ ϩⲙ̄
ⲡⲡⲟⲗⲉⲙⲟ[ⲥ] • ⲉⲩⲛⲟⲩϩⲙ̄ ⲙ̄ⲙⲟ[ⲛ] ⲛ̄ ⲧⲟⲟⲧⲟⲩ ⲛⲉⲛϫⲁϫⲉ •


### 0002

ⲉⲧ ⲧⲱⲟⲩⲛ ⲉ ϫⲱⲛ ⲕⲁⲧⲁ ⲕⲁⲓⲣⲟⲥ ⲉ ⲧⲣⲉ ⲡⲁⲙⲁϩⲧⲉ
ⲛ̄ⲛⲉϩⲣⲱⲙⲁⲓⲟⲥ ϫⲓ ⲉⲉⲟⲟⲩ • ϩⲙ̄ ⲙⲁ ⲛⲓⲙ • ⲉⲣⲉ ⲛ̄ⲃⲁⲣ‐
ⲃⲁⲣⲟ[ⲥ] ϩⲩⲡⲟⲧⲁⲥⲥⲉ ⲛⲁⲛ (?) ⲁⲛⲟ▨▨▨▨
[Eighteen pages wanting]
ⲛⲁⲡⲁⲓ̈ⲇⲉⲩⲉ ⲙ̄ⲙⲟⲕ • ⲛ̄ⲧⲉⲩⲛⲟⲩ ⲁϥⲉⲓ • ϫⲉ ⲉϥⲛⲁϥⲟϭϥ̄
ⲉ ⲃⲟⲗ • ϩⲓϫⲛ̄ ⲡⲧⲃ̄ⲛⲏ • ϫⲉ ⲉϥⲛⲁϩⲓⲟⲩⲉ ⲉ ⲡⲣⲱⲙⲉ • ⲛ̄
ⲁⲣⲕⲁⲧⲏⲥ ⲛ̄ ϩⲏⲕⲉ • ⲁⲩⲱ ⲛ̄ⲧⲉⲩⲛⲟⲩ ⲁ ⲡϩⲁⲅⲓⲟⲥ ⲙⲉⲣ‐
ⲕⲟⲩⲣⲓⲟⲥ ⲕⲓⲙ ⲙ̄ⲙⲟϥ • ⲛ̄ ϩⲟⲩⲛ ⲛ̄ ⲧⲕⲁⲓⲥⲉ • ⲁ ⲧⲙⲟⲩⲗⲉⲥ •
ⲉⲧ ⲉϥⲧⲁⲗⲏⲩ ⲉ ⲣⲟⲥ • ⲃⲱⲕ ⲥⲁ ⲡⲁϩⲟⲩ : ⲁ ⲧⲉϥⲟⲩⲉⲣⲏⲧⲉ
ⲛ̄ ⲟⲩⲱⲧ ⲉϣⲉ ⲉ ϩⲣⲁⲓ ϩⲛ̄ ⲧⲥⲗ̄ⲗⲉ ⲙ̄ⲡⲉ ⲧⲙⲟⲩⲗⲓⲥ ⲗⲟ
ⲉⲥⲡⲏⲧ : ⲛⲙ̄ⲙⲁϥ ⲉϥⲁϣⲉ ⲛ̄ⲥⲁ ......ⲉⲧ ...... [four
or five lines wanting] ⲛ︤ⲃⲗ̄ⲗⲉ ⲁ ⲧⲙⲟⲩⲗⲉⲥ • ϫⲓ ⲛ ⲟⲩⲥⲙⲏ
ⲛ̄ⲣⲱⲙⲉ • ⲁⲥⲱϣ ⲉ ⲃⲟⲗ ⲉⲥϫⲱ ⲙ̄ⲙⲟⲥ • ϫⲉ ⲱ̄ ⲣⲱⲙⲉ
ⲉⲧ ⲥⲱⲣⲙ̄ • ⲁⲩⲱ ⲛ̄ ϩⲗ̄ⲗⲏⲛ • ⲛⲁⲓ ⲛ̄ⲧⲁ ⲡⲉ▨ ⲟⲩⲱϭⲡ̄ ⲙ̄
ⲡⲉⲩⲛⲟⲩⲧⲉ ⲛ̄ⲧⲉⲩϣ▨ • ⲁⲙⲏⲓⲧⲉⲛ ⲉ ⲃ[ⲟⲗ] • [ⲛ̄ⲧⲉ]ⲧⲛ̄ⲛⲁⲩ
ⲉ ⲡⲙⲁ[ⲣⲧⲩ]ⲣⲟⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲙⲛ̄ ⲇⲏⲙ▨ⲣⲓⲁ
ⲙ̄ ⲡⲉⲧⲛ̄ϣⲏⲣⲉ • ⲛ̄ⲧⲉⲧⲛ̄ⲡⲓⲥⲧⲉⲩⲉ ⲉ ⲓ︦ⲥ︦ ⲡⲉⲭ︦ⲥ︦ • ⲡⲛⲟⲩⲧⲉ
ⲛ̄ ⲧⲡⲉ ⲙⲛ̄ ⲡⲕⲁϩ • ⲁⲩⲱ ⲟⲛ ⲁ ⲧⲙⲟⲩⲗⲉⲥ ⲡⲱⲧ ⲛⲙ̄ⲙⲁϥ
[ⲁⲩⲱ ⲙⲡ]▨▨▨ⲉⲥⲕⲱⲧ .....[five or six lines wanting] | ⲱ̄
ⲟⲩⲏ︦ⲣ︦ ⲱ̄ ⲧⲉϣϣⲡⲏⲣⲉ (sic) ⲙⲛ̄ ⲧⲉⲑⲉⲱⲣⲓⲁ ⲛ̄ⲧⲁⲥϣⲱⲡⲉ ⲙ̄
ⲡⲉϩⲟⲟⲩ ⲉⲧ ⲙ̄ⲙⲁⲩ • ⲙ̄ⲡⲉ ⲟⲩⲣⲱⲙⲉ [ⲛ̄] ⲟⲩⲱⲧ ϭⲱϩ ⲛ̄
ⲧⲡⲟⲗⲓⲥ ⲧⲏⲣⲥ̄ • ⲉⲓⲧⲉ ▨ⲡ • ⲉⲓⲧⲉ ⲛⲟϭ • ▨ⲛ̄ⲧⲟⲩⲉⲓ ⲉ ⲣⲁⲧϥ̄ •
ⲙ̄ ⲡⲙⲁⲣⲧⲩⲣⲟⲥ ⲉⲧ ⲟⲩⲁⲁⲃ : ϩⲱⲥ ⲧⲉ ⲉⲩϩⲣⲁ : ⲛⲥⲱⲟⲩ
ϩⲓⲧⲛ̄ ⲟⲩⲉⲝⲟⲩⲥⲓ̈ⲁ • ⲡⲣⲱⲙⲉ ⲇⲉ ϩⲱⲱϥ • ⲙⲛ̄ ⲧⲉϥⲥϩⲓⲙⲉ •
ⲙⲛ ⲛⲉϥϣⲏⲣⲉ ⲛⲉⲩⲡⲏⲧ : ⲛ̄ⲥⲁ ⲡⲙⲟⲩⲗ[ⲉⲥ • ⲁ]ⲩϣⲧⲟⲣⲧⲣ̄
[seren or eight lines wanting] ⲛⲙ̄ⲙⲁϥ • ⲁⲥϫⲓ̈ ⲙ̄ ⲡⲁⲧⲟⲩⲱⲧ
ⲛ̄ ⲛⲟⲩⲃ ⲉⲧ ⲉⲥϣⲙ̄ϣⲉ ⲛⲁϥ • ⲉϥⲟ ⲛ̄ ⲡⲏϣⲉ ⲡⲏϣⲉ ⲉⲓ ⲉ
ⲃⲟⲗ • ϩⲛ̄ ⲧⲙⲏⲧⲉ ⲛ̄ ⲧⲡⲟⲗⲓⲥ • ⲉⲣⲉ ⲟⲩⲟⲛ ⲛⲓⲙ ⲑⲉⲱⲣⲉ
ⲙ̄ⲙⲟⲥ • ⲙ̄ ⲡⲉⲥⲉⲇⲱⲗⲟⲛ • ⲉⲣⲉ ⲧⲉⲥϣⲉⲉⲣⲉ ϫⲓ ⲙⲟⲉⲓⲧ
ⲛⲁⲥ • ⲛ̄ⲑⲉ ⲛ̄ ⲛⲉⲧ ϣⲓⲧ ⲉⲥⲱϣ ⲉ ⲃⲟⲗ • ϫⲉ ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ • ⲁⲛⲁⲩ ⲉ ⲡⲁ ⲑⲃ̄ⲃⲓⲟ • ⲙⲛ̄ ⲡⲁ ⲛⲟϭ ϣⲓ̈ⲡⲉ •
ⲙⲛ̄ ⲡϣⲓ̈ⲡⲉ ⲙ̄ ⲡⲁ ⲧⲟⲩⲱⲧ • ⲛⲅ̄ ⲛ︦︦ⲁ︦ ⲛⲁⲓ • ⲛ̄ ⲧⲉⲣ ⲉⲥⲉⲓ̈
[ⲇ]ⲉ ⲉ ⲃⲟⲗ • ⲁ ⲧⲉⲥϣⲉ[ⲉⲣ]ⲉ ⲧⲁⲙⲟⲥ • ϫⲉ▨▨▨▨ⲁⲅⲓⲟ
ⲉ▨▨▨ [five or six lines wanting] | ⲛ̄ ⲧⲕⲁⲓⲥⲉ • ⲁⲥ[ⲱ]ϣ ⲉ


### 0003

ⲃⲟⲗ • ϫⲉ ⲡⲙⲁⲣⲧⲩⲣⲟⲥ ⲛ̄ⲧⲁϥϫⲓ ⲙ̄ ⲡⲉϭⲗⲟ • ⲙ̄ ⲡⲣ︦ⲣ︦ⲟ
ⲡⲉⲭ̄ⲥ • ⲕⲱ ⲛⲁⲓ ⲉ ⲃⲟⲗ ⲛ̄ⲧⲁⲡⲓⲥⲧⲉⲩⲉ ⲣⲟⲕ • ⲙⲛ̄ ⲡⲉⲕ‐
ⲛⲟⲩⲧⲉ • ⲡⲁⲓ ⲉⲧⲉ ⲉⲙⲡϣⲁ ⲁⲛ • ⲛ̄ⲧⲁⲩⲟ ⲡⲉϥⲣⲁⲛ ⲉⲃⲟⲗ ϩⲛ̄
ⲣⲟ ⲉⲧ ϫⲁϩⲙ̄ • ⲛ̄ⲧⲉⲩⲛⲟⲩ ⲁⲩⲗⲉⲩⲕⲟ ⲙⲙⲙⲟⲟⲩ • ϣⲟⲩⲟ
ⲉ ⲡⲉⲥⲏⲧ ϩⲛ̄ ⲛⲉⲥⲃⲁⲗ • ϩⲱⲥ ⲉⲥⲣⲓⲙⲉ • ⲁⲥⲛⲁⲩ ⲉ ⲃⲟⲗ •
ⲛ̄ⲧⲉⲩⲛⲟⲩ ⲁⲩⲱ ⲁ ⲧⲉⲥϩⲟⲣⲁⲥⲓⲥ ⲥⲙⲓⲛⲉ • ⲛ̄ⲑⲉ ⲛ̄ϣⲟⲣⲡ̄ •
ⲙⲛ︦ⲛ︦ⲥⲱⲥ ⲁⲥϭⲱⲡ ⲛ̄ ⲙ̄ⲡⲏϣⲉ ⲡⲏϣⲉ ⲙ̄ ⲡⲉⲧⲟⲩⲱⲧ •
ⲁⲥⲟⲩⲟϭⲡⲟϥ ⲉϫⲛ̄ ⲛⲉⲩⲉⲣⲏⲩ • ⲁⲥⲱϣ ⲉ ⲃⲟⲗ • ϫⲉ ⲁ
ⲡⲁⲡⲟⲗⲗⲱⲛ • ϫⲓ ϣⲓⲡⲉ • ⲁ ⲡⲉⲭ̄ⲥ ϫⲓ ⲧⲁⲓⲟ ⲙⲛ̄ ⲡⲉϥ‐
ⲙⲁⲣⲧⲩⲣⲟⲥ • ⲛⲉⲥⲉⲓⲟⲧⲉ ⲇⲉ ⲛ̄ ⲧⲉⲣ ⲟⲩⲛⲁⲩ ⲉ ⲡⲧⲁⲗϭⲟ
ⲛ̄ⲧⲁϥϣⲱⲡⲉ • ⲛ̄ⲧⲉⲩϣⲉ • ⲉⲣⲉ ⲁⲩⲱϣ ⲉ ⲃⲟⲗ • ϫⲉ ⲁⲛⲟⲛ
ϩⲉⲛⲭⲣⲓⲥϯⲁⲛⲟⲥ ⲉⲓⲛⲏ ⲡⲉ ⲡⲛⲟⲩⲧⲉ ⲛ̄ ⲧⲡⲉ • ⲙⲛ̄ ⲡϥ̄‐
ⲙⲁⲣⲧⲩⲣⲟⲥ ⲉⲧ ⲟⲩⲁ̄ⲁⲃ • ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉⲟⲟⲩ
ⲛⲁϥ • ϣⲁ ⲛⲉϩ ⲉⲛⲉϩ ϩⲁⲙⲏⲛ •
Ⲁⲥϣⲱⲡⲉ ⲇⲉ • ⲙⲛ︦ⲛ︦ⲥⲁ [ⲛⲁ]ⲓ ⲁ ⲡⲗⲁⲟⲥ ⲛ̄ⲛⲉⲭⲣⲓⲥⲧⲓⲁ‐
ⲛⲟⲥ • ϣⲁϫⲉ ⲙⲛ̄ ⲛⲉⲩⲉⲣⲏⲩ • ϫⲉ ⲙⲁⲣⲉⲛϫ[ⲓ] ⲙ̄ ⲡⲥⲱⲙⲁ
ⲙ̄ ⲡⲙⲁⲣⲧⲩⲣⲟⲥ • ⲉ ϩⲟⲩⲛ ⲉ ⲧⲉⲡⲟⲗⲓⲥ • ⲁ ϩⲉⲛⲕⲟⲟⲩⲉ
ⲟⲩⲱϣⲃ̄ • ϫⲉ ⲁⲣⲏⲩ ⲉ ⲡϩⲏ[ⲧ] • | ⲙ̄ ⲡⲇⲓⲕⲁⲓⲟⲥ ⲡⲓ̈ⲑⲉ ⲁⲛ •
ⲙⲛ︦ⲛ︦ⲥⲁ ⲛⲁⲓ • ⲁⲩⲁⲣⲭⲉⲓ ⲙ̄ ⲙⲓϣⲉ ⲙⲛ̄ ⲛⲉⲩⲉⲣⲏⲩ •
ⲁⲩⲱ ⲛ̄ⲧⲉⲩⲛⲟⲩ • ⲁ ⲇⲓⲕⲁⲓⲟⲥ ⲕⲓⲙ ⲙ̄ⲙⲟϥ ⲙⲁⲩⲁⲁϥ •
ⲁϥⲃⲱⲕ ⲉ ϩⲟⲩⲛ ⲉ ⲧⲡⲟⲗⲓ̈ⲥ • ⲁⲩⲱ ⲁ ⲧⲙⲟⲩⲗⲗⲉⲥ ⲱϣ
ⲉ ⲃⲟⲗ • ϫⲉ ⲯⲁⲗⲗⲉ ⲉ ⲡⲙⲁⲣⲧⲩⲣⲟⲥ • ⲁⲩⲱ ⲁ ⲡⲉⲓⲱⲧ
ⲙ̄ ⲡϣⲏⲣⲉ ϣⲏⲙ • ⲉⲧ ⲁϣⲉ ⲉ ⲧⲥⲗ̄ⲗⲉ ⲛ̄ ⲧⲙⲟⲩⲗⲗⲉⲥ •
ⲱϣ ⲉ ⲃⲟⲗ • ⲉϥϫⲱ ⲙ̄ⲙⲟⲥ • ϫⲉ ϯ ⲥⲟⲡⲥ̄ ⲙ̄ⲙⲟⲕ ⲡⲁ
ϫⲟⲉⲓⲥ ⲡⲙⲁⲣⲧⲩⲣⲟⲥ • ⲛ̄ⲑⲉ ⲛ̄ⲧⲁⲕϯ • ⲙ̄ ⲡⲟⲩⲟⲉⲓⲛ ⲛ̄ ⲧⲁ
ϣⲉⲉⲣⲉ • ⲙⲁⲣⲉ ⲡⲉⲕⲛⲁ̄ ⲟⲛ̄ ⲧⲁϩⲉ ⲡⲁ ⲕⲉ ϣⲏⲣⲉ ⲙ̄ⲙⲟⲛ •
ⲁϥϩⲓⲥⲉ ⲉϥⲁϣⲉ ⲉ ϩⲣⲁⲓ • ⲁⲩⲱ ⲛ̄ⲧⲉⲩⲛⲟⲩ ⲁ ⲡⲙⲁⲣⲧⲩⲣⲟⲥ
ⲕⲁⲁϥ ⲉ ϩⲣⲁⲓ • ⲉϫⲙ̄ ⲡⲕⲁϩ • ⲁⲩⲱ ⲁϥⲧⲱⲟⲩⲛ ⲁϥⲁϩⲉ


### 0004

ⲣⲁⲧϥ̄ • ⲛ̄ ⲁⲧ ⲗⲁⲁⲩ ⲛ̄ ⲧⲁⲕⲟ ϩⲙ̄ ⲡϥ̄ⲥⲱⲙⲁ • ⲟⲩⲇⲉ
ⲡⲟⲗϩ̄ • ⲟⲩⲇⲉ ⲙ̄ⲡ ϥ̄ⲁⲓⲥⲑⲁⲛⲉ ϩⲱⲗⲟⲥ • ⲛⲉⲕⲕⲗⲏⲣⲓⲕⲟⲥ
ⲇⲉ • ⲙⲛ̄ ⲛⲉⲑⲗⲟⲡⲟⲛⲟⲥ (sic) • ⲛⲉⲩⲯⲁⲗⲗⲉ ϩⲁ ⲧⲉϥϩⲏ ⲙⲛ̄
ϩⲉⲛⲕⲁⲛⲧⲩⲗⲏ • ⲉⲩⲙⲟⲩϩ ⲙⲛ̄ ϩⲉⲛⲥϯ ⲛⲟⲩϥⲉ ⲉⲩⲥⲟⲧⲡ̄ :
ⲙⲛ̄ ϩⲉⲛⲕⲗⲁⲇⲟⲥ ⲛ̄ⲥⲧⲟⲓ • ϣⲁⲛⲧ ⲟⲩϫⲓⲧϥ̄ • ⲉ ϩⲟⲩⲛ ⲉ
ⲧⲡⲟⲗⲓ̈ⲥ • ⲡⲣⲱⲙⲉ ⲇⲉ • ⲛⲉϥⲟⲩⲱϣ ⲉ ϫⲓⲧϥ̄ • ⲉ ϩⲟⲩⲛ
ⲉ ⲡⲉϥⲏⲓ̈ • ⲁⲩⲱ ⲙ̄ⲡⲉ ⲡⲇⲓⲕⲁⲓⲟⲥ ⲡⲓ̈ⲑⲉ • ⲉ ⲃⲟⲗ ϫⲉ • ⲁ
ⲡⲉϥⲥⲱⲙⲁ ϩⲣⲟϣ • ⲛ̄ⲑⲉ ⲛ̄ ⲟⲩⲧⲁϩⲧϩ̄ (sic) • ⲙ̄ⲡ ⲟⲩⲉϣⲕⲓⲙ
ⲙ̄ⲙⲟϥ ϩⲟⲗⲟⲥ • ⲁ ⲡⲙⲏⲏϣⲉ ⲱϣ ⲉ ⲃⲟⲗ • ϫⲉ ⲛϥ̄ⲡⲓ̈ⲑⲉ
ⲁⲛ • ⲁⲗⲗⲁ ⲙⲁⲣⲛ̄ϫⲓⲧϥ̄ ⲉ | ⲧⲉⲕⲕⲗⲏⲥⲓⲁ • ⲁⲩⲱ ⲁϥ‐
ⲟⲩⲟϩϥ̄ ⲛ̄ⲥⲱⲟⲩ • ⲁⲩϫⲓⲧϥ̄ ⲉ ⲧⲉⲕⲕⲗⲏⲥⲓⲁ • ⲁⲩⲕⲁⲁϥ
ⲙ̄ⲙⲁⲩ ϣⲁⲛⲧ ⲟⲩⲕⲱⲧ ⲉ ⲣⲟϥ ⲛ̄ ⲟⲩⲙⲁⲣⲧⲩⲣⲓⲟⲛ • ⲕⲁⲧⲁ
ⲡⲉϥⲙ̄ⲡϥ︦ⲙ︦ⲡϣⲁ (sic) • ⲁ ⲡⲉⲟⲟⲩ ⲛⲁϥ • ϣⲁ ⲛⲉϩ ⲉⲛⲉϩ
ϩⲁⲙⲏⲛ •
ⲦⲘⲈϨ ϤⲦⲞ ⲈⲚⲞⲞⲘ Ⲙ̄ ⲠϨⲀⲄⲒⲞⲤ
ⲘⲈⲢⲔⲞⲨⲢⲒⲞⲤ
Ⲁⲥϣⲱⲡⲉ ⲇⲉ ⲙⲛ︦ⲛ︦ⲥⲁ ⲥⲁϣϥ̄ ⲛ̄ϩⲟⲟⲩ • ⲉⲩⲟⲩⲱⲙ ⲉⲩⲥⲱ
ⲛ̄ⲙⲏⲏϣⲉ ⲧⲏⲣⲟⲩ ⲛ̄ ⲧⲡⲟⲗⲓⲥ • ⲉⲩⲣ ϣⲁ ϩⲛ̄ ⲟⲩⲛⲟϭ ⲛ̄
ⲣⲁϣⲉ • ⲉ ⲧⲃⲉ ⲡⲟⲩⲱⲛϩ̄ ⲉ ⲃⲟⲗ • ⲙ̄ ⲡⲥⲱⲙⲁ ⲙ̄ ⲡⲉⲧ
ⲟⲩⲁⲁⲃ • ⲁ ⲡⲉⲓⲱⲧ ⲛ̄ ⲡϣⲉⲉⲣⲉ ϣⲏⲙ • ⲛ̄ⲧⲁ ⲡⲉⲧ ⲟⲩⲁⲁⲃ
ϯ ⲡⲟⲩⲟⲉⲓⲛ ⲛⲁⲥ • ⲁϥϯ ⲡⲉϥⲟⲩⲟⲓ ⲉ ⲡⲉⲡⲓⲥⲕⲟⲡⲟⲥ •
ⲁϥⲁⲓ̈ⲧⲉⲓ ⲙ̄ ⲡⲃⲁⲡⲧⲓⲥⲙⲁ ⲉⲧ ⲟⲩⲁⲁⲃ • ⲁⲩⲱ ⲁϥⲕⲩⲣⲓⲥⲍⲉ
ⲛⲁϥ ⲛ̄ ϩⲉⲛϩⲟⲟⲩ ⲛⲏⲥⲧⲉⲩⲉ • ⲙⲛ︦ⲛ︦ⲥⲱⲥ ⲁϥⲃⲁⲡⲧⲓⲍⲉ
ⲙ̄ⲙⲟϥ • ⲙⲛ̄ ⲡⲉϥⲏⲓ̈ ⲧⲏⲣϥ̄ • ⲉ ⲡⲣⲁⲛ ⲙ̄ ⲡⲓ̈ⲱⲧ • ⲙⲛ̄
ⲡϣⲏⲣⲉ • ⲙⲛ̄ ⲡⲉⲡⲛ̄ⲁ • ⲉⲧ ⲟⲩⲁⲁⲃ • ⲁⲩⲱ ⲁⲩϫⲓ ⲏⲏⲡⲉ •
ⲙ̄ ⲡⲉϥⲅⲉⲛⲟⲥ ⲛ̄ⲧⲁⲩϫⲓ ⲛⲙ̄ⲙⲁϥ • ⲉ ⲃⲟⲗ ϩⲙ̄ ⲡⲟⲩⲟⲉⲓⲛ •
ⲙ̄ ⲡⲟⲩⲃⲁⲡⲧⲓⲥⲙⲁ • ⲁⲩϩⲉ ⲉ ⲣⲟⲟⲩ ⲉⲩⲉⲓⲣⲉ ⲛ̄ⲧⲁⲓⲟⲩ
ϣⲟⲙⲛ︤ⲧ︥ ⲉⲙⲯⲩⲭⲏ • ⲁⲩϫⲓ ⲃⲁⲡⲧⲓ̈ⲥⲙⲁ • ⲙⲛⲛⲥⲁ ⲛⲁⲓ
ⲧⲏⲣⲟⲩ • ⲉⲥ ⲡϩⲁⲅⲓ̈ⲟⲥ ⲙⲉⲣⲕⲟⲩⲣⲓⲟⲥ • ⲁϥⲟⲩⲱⲛϩ̄ ⲉ ⲃⲟⲗ •
ⲙ̄ ⲡⲣⲱⲙⲉ ⲛ̄ϩⲏⲕⲉ ⲛ̄ⲑⲉ ⲛ̄ϣⲟⲣⲡ̄ • ⲡⲉϫⲁϥ ⲛⲁϥ • | ϫⲉ


### 0005

ⲉ ⲧⲃⲉ ⲟⲩ ⲉⲕⲛ̄ⲕⲟⲧⲕ̄ • ⲉⲕⲟ ⲛ̄ ⲁⲣⲅⲟⲥ • ⲙ̄ⲡ ⲉⲕⲧⲱⲟⲩⲛ
ⲛⲅ̄ ⲡⲁⲡⲉ ⲧⲱⲃⲉ ⲉ ⲡⲁ ⲧⲟⲡⲟⲥ • ⲡⲉϫⲉ ⲡⲣⲱⲙⲉ ⲛⲁϥ •
ϫⲉ ⲡⲁ ϫⲟⲉⲓ̈ⲥ • ⲁⲅ̄ ⲟⲩϩⲏⲕⲉ • ⲙⲛ̄ ⲧⲁⲓ ⲣⲱⲙⲉ ⲙⲛ̄ ⲧⲁⲓ
ⲧⲃ̄ⲛⲏ • ⲟⲩⲇⲉ ⲧⲁⲡⲁⲛⲏ • ⲡⲉϫⲉ ⲡⲡⲉⲧ ⲟⲩⲁⲁⲃ ⲛⲁϥ • ϫⲉ
ϯⲛⲁϯ ⲛⲁⲕ • ⲛ̄ⲧⲉⲕⲣ̄ ⲭⲣⲓⲁⲁ ⲧⲏⲣⲥ̄ • ⲙⲟⲛⲟⲛ ϣⲱⲡⲉ
ⲛ̄ⲧⲕ̄ ⲟⲩϩⲏⲕⲉ • ⲉⲕϩⲏⲕ ⲉ ϩⲟⲩⲛ ⲉ ⲡⲁ ⲏⲓ̈ • ⲛⲅ̄ ⲟ ⲁⲛ •
ⲛ̄ϩⲏⲧ ⲥⲛⲁⲩ • ⲁⲩⲱ ⲕⲛⲁⲛⲁⲩ ⲉ ⲛⲁϭⲟⲙ • ⲁⲩⲱ ⲉⲕ‐
ϣⲁⲛⲧⲱⲟⲩⲛ ⲛ̄ϣⲟⲣⲡ̄ • ⲁⲙⲟⲩ ⲉ ⲡⲉⲏⲃⲧ ϩⲙ̄ ⲡϣⲟⲣⲡ̄ •
ⲛ̄ ϩⲓⲣ ⲛ̄ ⲧⲡⲟⲗⲓⲥ • ⲉ ⲕⲛⲁϩⲉ ⲉ ⲡⲉϣⲏⲣⲉ ϣⲏⲙ ⲛ̄ⲧⲁ
ⲧⲙⲟⲩⲗⲗⲉⲥ ⲡⲁⲣⲁ ⲉⲓⲕⲉ ⲙ̄ⲙⲟϥ • ⲉ ⲃⲟⲗ ϫⲉ ⲁϥⲟⲩⲱϣ
ϩⲓⲟⲩⲉ ⲉ ⲣⲟⲕ • ⲉ ⲧⲃⲉ ⲡⲁ ⲥⲱⲙⲁ • ⲁϫⲓⲥ ⲛⲁϥ • ϫⲉ
ⲡⲉⲧ ⲛ̄ⲧⲟⲟⲧⲕ̄ ⲧⲁⲁϥ ⲛⲁⲓ • ϫⲉ ϯⲣ̄ ⲭⲣⲓⲁ ⲙ̄ⲙⲟϥ • ⲁⲩⲱ
ⲁϥⲛⲁϯ ⲛⲁⲕ ⲛ̄ ϣⲟⲙⲛ︦ⲧ︦ ⲛ̄ ϩⲟⲗⲟⲕⲟϯⲛⲟⲥ • ⲉϥⲟⲩⲉϣ
ⲧⲁⲁⲩ ⲛ̄ ⲁⲅⲁⲡⲏ • ⲙⲟⲛⲟⲛ ϯⲛⲁⲕⲁⲁⲕ ⲁⲛ ⲉⲣ ⲭⲣⲓ̈ⲁ
Ⲛ̄ ⲗⲁⲁⲩ • ⲁⲩⲱ ⲥⲉⲛⲁⲉⲓⲛⲉ ⲛⲁⲕ • ⲛⲅ̄ ⲧⲙ̄ ⲉⲓⲙⲉ ϫⲉ
ⲉⲕⲛⲁⲣ ⲟⲩ ⲛⲁϥ • ⲁⲩⲱ ⲉϥϣⲁⲛϫⲛⲟⲩⲕ • ϫⲉ ⲧⲁⲕⲉⲓⲙⲉ
ⲉ ⲧⲱⲛ • ϫⲉ ⲟⲩⲛ̄ ⲗⲁ̄ⲩ ⲛ̄ⲧⲟⲟⲧ • ⲁϫⲓⲥ ⲛⲁϥ ϫⲉ ⲙⲉⲣ‐
ⲕⲟⲩⲣⲓⲟⲥ ⲡⲉ ⲛ̄ⲧⲁϥⲧⲁⲗϭⲟⲕ • ⲛ̄ⲧⲟϥ ⲡⲉ ⲛ̄ⲧⲁϥϫⲟⲟⲥ ⲛⲁⲓ •
ϫⲉ ⲁϫⲓⲥ ⲛⲁⲕ • ⲁⲩⲱ ⲟⲛ ⲛϥ̄|ϫⲟⲟⲥ ⲙ̄ ⲡⲉϥⲉⲓⲱⲧ • ϫⲉ
ⲉⲕⲥⲟⲟⲩⲛ̄ • ⲙ̄ ⲡⲛⲁⲩ ⲛ̄ⲧⲁⲕⲁⲓⲧⲉⲓ ⲙ̄ⲙⲟⲓ • ⲁⲓϭⲉⲡⲏ ⲁⲓ‐
ⲥⲱⲧⲙ̄ ⲉ ⲣⲟⲕ • ⲁⲓϯ ⲡⲟⲩⲟⲉⲓⲛ ⲛ̄ ⲧⲉⲕϣⲉⲉⲣⲉ • ⲁⲩⲱ ⲟⲛ
ⲁⲓⲭⲁⲣⲓⲍⲉ ⲛⲁⲕ ⲙ̄ ⲡⲉⲕϣⲏⲣⲉ ϥⲟ̄ϫ • ⲉϣⲱⲡⲉ ⲟⲩⲛ̄
ⲗⲁⲁⲩ • ⲙⲛ̄ⲧⲥ̄ ⲟⲛ ϣⲟⲟⲡ ⲁⲣⲓ ϣⲁⲩ ⲉϫⲙ̄ ⲡⲉⲕϣⲃⲏⲣ •
ⲙ̄ ⲙⲁⲣⲧⲩⲣⲟⲥ • ϫⲉ ⲡⲧⲁⲓⲟ ⲛ̄ ⲟⲩϣⲃⲏⲣ ⲉϫⲛ̄ ⲟⲩϣⲃⲏⲣ •
ⲉϥϣⲁⲛⲣ̄ ϩⲟⲩⲟ- • ϣⲁ ϩⲧⲟⲟⲩⲉ ⲡⲉϩⲟⲩⲟ ⲉ ⲡⲁⲓ • ⲟⲩ‐
ϩⲣⲟϣ ⲡⲉ ⲙⲛ̄ ⲛ̄ⲥⲁ ⲥⲁ ⲛⲓⲙ • ⲉϥϣⲁⲛϯ ⲣ̄ ϩⲱⲃ ⲛⲁⲕ •
ⲁⲣⲓⲣⲉ • ⲉϥⲧⲙ̄ ⲥⲱⲧⲙ̄ ⲛ̄ⲥⲱⲕ ⲟⲩⲱⲙ : ⲛⲁⲕ ϩⲙ̄ ⲡⲉⲓ
ϣⲟⲙⲛ︤ⲧ︥ ϩⲟⲗⲟⲕⲟⲧⲓⲛⲟⲥ • ϣⲁ ⲛⲉⲓ ⲛⲁⲕ ϩⲙ̄ ⲡⲟⲩⲱϣ
ⲡⲛⲟⲩⲧⲉ • ⲁⲩⲱ ϯⲛⲏⲩ ⲛⲁⲕ • ⲙ̄ⲡⲁ ϯⲱⲥⲕ̄ ϣⲱⲡⲉ • ⲛⲁⲓ
ⲇⲉ ⲛ̄ ⲧⲉⲣⲉ ϥϫⲟⲟⲩ ⲛⲁϥ • ⲁϥⲉⲓ ⲉ ⲃⲟⲗ ϩⲓ ⲧⲟⲟⲧϥ̄ ϩⲛ̄
ⲟⲩⲉⲣⲏⲛⲏ- • ϣⲟⲣⲡ̄ ⲇⲉ • ⲉⲛ ⲧⲉⲣⲉ ϥϣⲱⲡⲉ • ⲁ ⲡⲣⲱⲙⲉ
ⲧⲱⲟⲩⲛ • ⲁϥⲙⲟⲟϣⲉ ϩⲙ̄ ⲡϣⲟⲣⲡ̄ ⲛ̄ ϩⲓⲣ • ⲁϥⲉⲓ ⲉϫⲙ̄
ⲡϣⲏⲣⲉ ϣⲏⲙ • ⲁϥϫⲓ ⲙ̄ ⲡϣⲟⲙ̄ⲧ ⲛ̄ϩⲟⲗⲟⲕϯⲛⲟⲥ (sic) •
ⲁⲩⲱ ϣⲁϫⲉ ⲛⲓⲙ ⲛ̄ⲧⲁ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϫⲟⲟⲩ


### 0006

ⲛⲁϥ ϩⲙ̄ ⲡϩⲟⲣⲟⲙⲁ • ⲁϥϫⲟⲟⲩ ⲛⲁϥ • ⲁϥⲃⲱⲕ ⲛ̄ϭⲓ
ⲡϣⲏⲣⲉ ϣⲏⲙ • ⲁϥϫⲟⲟⲩ ⲙ̄ | ⲡⲉϥ ⲉⲓⲱⲧ • ϩⲛ̄ ⲟⲩϩⲟⲧⲉ •
ⲡϥⲉⲓⲱⲧ ⲇⲉ ⲛ̄ ⲧⲉⲣⲉ ϥⲥⲱⲧⲙ̄ ⲉ ⲛⲁⲓ • ⲁϥ[ϯ] ⲉⲟⲟⲩ ⲙ̄
ⲡⲛⲟⲩⲧⲉ ⲙⲛ̄ ⲡⲉϥⲙⲁⲣⲧⲩⲣⲟⲥ ⲉⲧ ⲟⲩⲁⲁⲃ • ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ • ⲛ̄ⲧⲟϥ ⲇⲉ • ⲙ̄ⲡ ⲉϥⲁⲙⲉⲗⲉⲓ ⲉ ⲡⲧⲏⲣϥ̄ •
ⲁⲗⲗⲁ ⲁϥϩⲱⲕ ⲛ̄ ⲛⲉϥϭⲁⲙⲟⲩⲗ • ⲙⲛ̄ ⲟⲩⲙⲏⲏϣⲉ ⲛ̄‐
ϫⲁⲓ ⲃⲉⲕⲉ • ⲙⲛ̄ ⲟⲩⲛⲟϭ ⲛ̄ⲁⲛϩⲟⲗⲟⲙⲁ • ⲁϥⲥⲱⲟⲩϩ ⲉ
ϩⲟⲩⲛ • ⲛ̄ⲟⲩⲁ ϣⲏ ⲛ̄ϩⲩⲗⲏ • ⲁϥⲧⲁⲁⲩ ⲉ ⲧⲟⲟⲧϥ̄ ⲙ̄
ⲡⲣⲱⲙⲉ ⲛ̄ϩⲏⲕⲉ • ⲉⲩⲧⲣⲉ ϥⲡⲁⲡⲉ ⲧⲱⲃⲉ • ⲁⲩⲱ ⲁϥϯ
ⲛⲁϥ ⲙ̄ ⲡϩⲏⲩⲃⲉ • ⲉ ⲧⲣⲉ ϥⲥⲕⲁⲓ ⲙ̄ ⲡⲕⲁϩ • ⲁⲩⲱ ⲧⲉϥⲉⲣ
ⲭⲣⲓⲁⲁ ⲧⲏⲣⲥ̄ • ⲁⲥϣⲱⲡⲉ ⲇⲉ • ⲛ̄ ⲟⲩϩⲟⲟⲩ ⲁⲛⲧⲃ̄ⲛⲟⲟⲩⲉ •
ⲉⲩⲥⲕⲁⲓ • ⲁ ⲡⲟⲩⲁ ϫⲱϩ ⲛ̄ⲟⲩⲥϣ̄ⲛⲉ ⲛ̄ⲥⲁ ⲡⲟⲩⲁ ⲙ̄ⲙⲁⲥⲉ •
ⲁϥⲡⲉϩⲏⲧϥ̄ ϩⲛ̄ ⲛⲉϥⲧⲁⲡ • ⲡⲣⲱⲙⲉ ⲇⲉ ⲛ̄ϩⲏⲕⲉ ⲛ̄ ⲧⲉⲣⲉ
ϥⲛⲁⲩ ⲉ ⲡⲉⲛⲧ ⲁϥϣⲱⲡⲉ • ⲁϥⲗⲩⲡⲉ ⲉⲙⲁⲧⲉ • ⲡⲉϫⲁϥ •
ϫⲉ ⲟⲩⲟⲓ ⲛⲁⲓ ⲙ̄ ⲡⲉⲓ ⲥⲁϫⲉ • ⲡⲣⲱⲙⲉ ⲉⲛⲁⲣⲭⲱⲛ ⲁϥ‐
ϩⲱⲧⲃ̄ ⲙ̄ ⲡϥ̄ⲧⲃ̄ⲛⲏ • ϩⲁⲙⲟⲓ ⲙ̄ⲡ ⲉⲓϫⲱ ⲉ ⲡⲉⲓ ϣⲏⲣⲉ
ϣⲏⲙ ⲙ̄ ⲡⲉⲓ ϩⲟⲣⲟⲙⲁ • ϫⲉ ⲉϥⲉϫⲟⲟⲥ ⲙ̄ ⲡϥ̄ⲉⲓⲱⲧ • ϫⲉ
ϥⲉⲧⲁⲛϩⲟⲩⲧ ⲉ ⲡⲓϩⲱⲃ • ⲛ̄ⲧⲉ ⲡⲉⲓ ⲛⲟϭ ⲉⲛⲟⲥⲉ ⲧⲁϩⲟⲓ •
ⲛⲁⲓ ϫⲉ ⲉϥϫⲱ ⲙ̄ⲙⲟⲟⲩ • ⲉⲓⲥ ⲡϩⲁⲅⲓⲟⲥ ⲙⲉⲣ|ⲕⲟⲩⲣⲓⲟⲥ •
ⲁϥϫⲓ ⲡⲓⲛⲉ ⲛ̄ ⲟⲩⲁⲣⲭⲱⲛ ⲛ̄ⲧⲉ ⲧⲡⲟⲗⲓⲥ • ⲁϥⲉⲓ ⲉ ⲡⲁⲣⲁⲅⲉ •
ⲁϥⲛⲁⲩ ⲉ ⲡⲣⲱⲙⲉ • ⲁϥⲙⲟⲟϣⲉ ⲉ ⲣⲟϥ • ⲁϥⲣ̄ ⲡⲉⲥⲙⲟⲧ
ⲛ̄ ⲛⲉⲧⲟ ⲛ̄ ϣⲡⲏⲣⲉ • ⲡⲉϫⲁϥ ⲛⲁϥ • ϫⲉ ⲱ̄ ⲡⲣⲱⲙⲉ ⲉ
ⲧⲃⲉ ⲟⲩ • ⲁⲕⲕⲱ ⲛⲉⲧⲃ̄ⲛⲟⲟⲩⲉ ⲉⲛⲉⲩⲉⲣⲏⲩ • ϣⲁⲛⲧⲉ ⲟⲩⲁ
ⲡⲗⲩⲅⲏ ⲛ̄ⲟⲩⲁ • ⲡϥ̄ϫⲟⲉⲓⲥ ⲅⲁⲣ ⲛⲁϣⲓ̈ⲧⲕ̄ ⲙ̄ⲙⲟϥ • ⲁⲩⲱ
ⲁϥⲗⲩⲡⲉⲓ ⲛ̄ϭⲓ ⲡⲣⲱⲙⲉ ⲛ̄ ⲁⲣⲅⲁⲧⲏⲥ ⲉⲙⲁⲧⲉ • ⲁⲩⲱ ⲟⲛ
ⲉϥϯ ⲉⲟⲟⲩ • ⲙ̄ ⲡⲛⲟⲩⲧⲉ ⲙ̄ ⲡϩⲁⲅⲓ̈ⲟⲥ ⲙⲉⲣⲕⲟⲩⲣⲓⲟⲥ • ⲁⲩ‐
ⲥⲱⲧⲙ̄ ⲇⲉ ⲛ̄ϭⲓ ⲣⲱⲙⲉ ⲉⲧⲉ ⲡⲱⲟⲩ ⲡⲉ ⲡⲧⲃ̄ⲛⲏ • ⲁⲩⲉⲓ ⲛⲁⲩ
ⲉ ⲡⲉ ⲛ̄ⲧⲟϥϣⲱⲡⲉ (sic) • ⲁⲩⲱ ⲁⲩⲙ̄ ⲡⲕⲁϩ ⲛ̄ ϩⲏⲧ ⲉⲙⲁⲧⲉ •
ϫⲉ ⲛⲉⲓⲥⲱϥ ϩⲙ̄ ⲡⲉϥⲥⲁ ⲙⲛ̄ ⲧⲉϥⲙⲛ︤ⲧ︥ϫⲱⲱⲣⲉ • ⲁⲩⲱ
ⲛⲉⲣⲉ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲙ̄ⲡⲟⲩⲉ • ⲉϥϩⲙⲟⲟⲥ ⲙⲛ̄
ⲗⲁⲁⲩ ⲛⲁⲩ ⲉ ⲣⲟϥ • ⲉ ⲙⲏ ⲧⲉⲓ̈ ⲡⲣⲱⲙⲉ ⲛ̄ ϩⲏⲕⲉ •
ⲁⲩⲥⲱⲟⲩϩ ⲇⲉ ⲛ̄ ⲟⲩⲙⲏⲏϣⲉ ⲛ̄ⲣⲱⲙⲉ • ⲉ ⲡⲧⲃ̄ⲛⲏ • ⲁⲩϫⲓ
ⲉ ϩⲟⲩⲛ ⲉ ⲧⲡⲟⲗⲓⲥ ⲉⲩⲙⲁ ⲙⲁⲩⲁⲁϥ • ⲁⲩϯ ⲧⲣⲟⲫⲏ
ⲛⲁϥ • ⲉ ⲧⲣⲉ ϥⲟⲩⲱⲙ • ⲛ̄ⲧⲟϥ ⲇⲉ ⲙ̄ⲡ ϥϫⲓ ϯⲡⲓ ⲛ̄ⲧⲣⲟⲫⲏ


### 0007

ⲉ ⲡⲧⲏⲣϥ̄ • ⲁⲩⲱ ⲛⲉⲣⲉ ⲡⲉϥϫⲟⲉⲓⲥ ⲗⲩⲡⲉⲓ̈ ⲙ̄|ⲙⲟϥ
ⲉⲙⲁⲧⲉ • ϫⲉ ⲟⲩϫⲱⲱⲣⲉ ⲡⲉ ⲕⲁⲗⲟⲥ • ϩⲙ̄ ⲡϥ̄ⲥⲱⲙⲁ •
ⲛ̄ ⲧⲉⲣ ⲛ̄ⲣⲱⲙⲉ ⲇⲉ ⲃⲱⲕ ⲉ ⲛⲉⲩⲏⲓ • ⲁ ⲡϩⲏⲕⲉ ⲛ̄ ⲣⲱⲙⲉ
ϭⲱϩ ⲡⲁϩⲟⲩ ⲙ̄ ⲡⲧⲃ̄ⲛⲏ • ⲙⲁⲩⲁⲁϥ • ⲉϥⲗⲩⲡⲉⲓ ⲉⲙⲁⲧⲉ •
ⲁⲩⲱ ⲛⲉϥⲙⲉⲉⲩⲉ ⲉ ⲃⲟⲗ • ⲉ ⲧⲉϥⲙⲛ︤ⲧ︥ϩⲏⲕⲉ • ϩⲛ̄ ⲟⲩⲥϣ̄ⲛⲉ
ⲇⲉ ⲉⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲁϥⲉⲓ ⲉ ϩⲟⲩⲛ • ⲉϥⲥⲱⲃⲉ
ϩⲛ̄ ⲟⲩⲥⲱⲃⲉ ⲉϥⲟⲩⲁⲁⲃ • ⲁϥⲁϩⲉ ⲣⲁⲧϥ̄ • ϩⲁϩⲧⲛ̄ ⲙ̄
ⲡⲧⲃ̄ⲛⲏ • ⲙ̄ ⲡⲣⲱⲙⲉ ⲛ̄ ϩⲏⲕⲉ • ⲉ ⲃⲟⲗ ϫⲉ • ϣⲁϥⲟⲩⲱⲛϩ̄
ⲉ ⲣⲟϥ ⲛ̄ ϩⲟ ϩⲓ ϩⲟ • ⲡⲉϫⲁϥ ⲛⲁϥ ⲉϥⲥⲱⲃⲉ ϫⲉ ⲙ̄ⲡⲉ
ⲕⲱⲥⲕ ⲉ ϯⲟⲩⲱ : ⲱ̄ ⲡⲥⲟⲛ • ⲡⲉϫⲉ ⲡⲣⲱⲙⲉ ⲛⲁϥ • ϫⲉ
ⲁⲙⲟⲩ ⲛⲅ̄ ⲛⲁⲩ ⲉ ⲡⲉ ⲛⲧⲟϥϣⲱⲡⲉ(sic) • ⲙⲛ︤ⲛ︥ⲥⲁ ⲛⲁⲓ ⲁ
ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲕⲓⲙ ⲉ ⲡⲙⲁⲥⲉ • ⲛ̄ ⲧⲉϥⲟⲩⲉⲣⲏⲧⲉ •
ⲡⲉϫⲁϥ ⲛⲁϥ ϫⲉ ϩⲙ̄ ⲡⲣⲁⲛ ⲛ̄ ⲓ̄ⲥ ⲡⲉⲭ̄ⲥ • ⲡⲁ ϫⲟⲉⲓⲥ •
ⲧⲱⲟⲩⲛ ⲛⲅ̄ ⲣ̄ ⲡⲕ̄ϩⲱⲃ ⲁϫⲛ̄ ϣⲱⲛⲉ • ⲁⲩⲱ ⲁϥⲟⲛⲕϥ̄ ⲉ
ϩⲣⲁⲓ • ϩⲛ̄ ⲟⲩⲛⲟϭ ⲛⲟⲙⲧⲉ • ϩⲱⲥ ⲉϣϫⲉ ⲙ̄ⲡ ⲟⲩⲡⲗⲩⲅⲏ
ⲙ̄ⲙⲟϥ ⲉ ⲡⲧⲏⲣϥ̄ • ⲁⲩⲱ ⲁϥⲟⲩⲱⲙ ϩⲙ̄ ⲡⲉⲓ ⲭⲟⲣⲧⲟⲥ •
ⲛ̄ⲧⲉⲩⲛⲟⲩ ⲡϩⲁⲅⲓⲟⲥ ⲇⲉ • ⲙⲉⲣⲕⲟⲩⲣⲓⲟⲥ • ⲁϥⲉⲡⲓ̈ⲧⲓⲙⲁ
ⲙ̄ⲙⲁⲥⲥⲉ ⲉⲧ ϯ ⲟⲩⲃⲉ : ⲉϥϫⲱ ⲙ̄ⲙⲟⲥ ⲛⲁϥ • ϫⲉ ⲉⲣⲉ
ⲛⲉⲕⲧⲁⲡ ⲛⲁⲧⲟⲧ ⲉ ⲃⲟⲗ • ⲙ̄ ⲛ̄ⲧⲕ̄ⲁⲡⲉ • | ⲛ̄ ⲛⲕ̄ϭⲙ̄ϭⲟⲙ
ⲉ ϫⲱ ⲙ̄ⲙⲟⲥ • ⲛ̄ⲕⲉ ⲥⲟⲡ • ⲛ̄ ⲗⲁⲁⲩ ⲛ̄ⲣⲱⲙⲉ • ⲟⲩⲇⲉ
ⲧⲃ̄ⲛⲏ ϣⲁ ⲉⲛⲉϩ • ⲛ̄ ⲟⲩⲟⲉⲓϣ ⲁⲗⲗⲁ ⲉⲕⲉϣⲱⲡⲉ ⲉⲕⲟ ⲛ̄
ϩⲩⲙⲉⲣⲟⲥ ϣⲁ ⲉⲛⲉϩ • ⲁⲩⲱ ⲛ̄ⲧⲉⲩ[ⲛⲟⲩ] ⲁ ⲛⲉϥⲧⲁⲡ
ⲛⲟⲩϩⲉ ⲉ ⲃⲟⲗ • ⲁⲩϩⲉ ⲁⲩⲧⲱⲧ ⲉ ⲃⲟⲗ ⲙ̄ ⲛ̄ⲧⲉϥⲁⲡⲉ •
ⲁⲩⲱ ⲁϥϣⲱⲡⲉ ϩⲛ̄ ⲟⲩⲙⲛ︤ⲧ︥ϩⲩⲙ[ⲉ]ⲣⲟⲥ • ⲡⲣⲱⲙⲉ ⲇⲉ
ⲛ̄ ϩⲏⲕⲉ ⲁϥⲡⲁϩⲧϥ̄ • ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲉϥϫⲱ
ⲙ̄ⲙⲟⲥ ⲛⲁϥ • ϫⲉ ⲡⲉⲕϩⲙⲟⲧ ϣⲏⲙ ⲡⲁ ϫⲟⲉⲓⲥ • ⲡⲙⲁⲣ‐
ⲧⲩⲣⲟⲥ ⲙ̄ ⲡⲉⲭ︤ⲥ ⲉⲓ̄ⲥ • ⲡⲉ ⲛⲧⲟⲕⲣ̄ ⲙⲁⲣⲧⲩⲣⲟⲥ ⲉϫⲙ̄
ⲡϥ̄ⲣⲁⲛ ⲉⲧ ⲟⲩⲁⲁⲃ • ⲁⲩⲱ ⲛ̄ⲧⲉⲩⲛⲟⲩ ⲁ ⲡϩⲁⲅⲓⲟⲥ ⲙⲉⲣ‐
ⲕⲟⲩⲣⲓⲟⲥ ϩⲟⲡϥ̄ ⲉ ⲣⲟϥ ⲡⲣⲱⲙⲉ ⲇⲉ ⲁϥⲉⲓ ⲉ ⲃⲟⲗ •
ⲉϥⲣⲁϣⲉ ⲉϥⲱϣ ⲉ ⲃⲟⲗ • ⲉϥϫⲱ ⲙ̄ⲙⲟⲥ • ϫⲉ ⲁ ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ ⲟⲩⲱⲛϩ̄ ⲉ ⲣⲟⲓ • ⲁϥⲧⲁⲗϭⲟ ⲡⲙⲁⲥⲉ •
ⲁϥⲉⲡⲓ̈ⲧⲓ̈ (sic) ⲙ̄ⲙⲁⲥⲉ ⲉⲧ ϯ ⲟⲩⲃⲉ • ⲁϥⲣ̄ ⲥⲁⲃⲉ • ⲁⲩⲉⲓ
ⲛ̄ϭⲓ ⲟⲩⲙⲏⲏϣⲉ • ⲉ ⲛⲁⲩ ⲉ ⲡⲉ ⲛⲧⲟϥϣⲱⲡⲉ • ⲁⲩⲱϣ ⲉ
ⲃⲟⲗ ⲧⲏⲣⲟⲩ • ϫⲉ ⲟⲩⲁ ⲡⲉ ⲡⲛⲟⲩⲧⲉ ⲙ̄ ⲡϩⲁⲅⲓⲟⲥ ⲙⲉⲣ‐


### 0008

ⲕⲟⲩⲣⲓⲟⲥ • ⲡⲉⲟⲟⲩ ⲛⲁϥ ϣⲁ ⲉⲛⲉϩ ⲉⲛⲉϩ ϩⲁⲙⲏⲛ▨▨▨▨
ⲦⲘⲈϨ Ⲧ ⲈⲚϬⲞⲘ Ⲙ̄ ⲠⲒ ϨⲀⲄⲒⲞⲤ
ⲠⲈⲢⲔⲞⲨⲢⲒⲞⲤ
Ⲁⲥϣⲱⲡⲉ ϫⲉ ⲙⲛ︤ⲛ︥ⲥⲁ ⲛⲁⲓ • ⲁⲩⲁⲣⲭⲉⲓ ⲛ̄ ⲣ̄ ϩⲱⲃ ⲉ ⲡⲁⲡⲉ
ⲧⲱⲃⲉ • ⲉ ⲡⲧⲟⲡⲟⲥ | ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲉⲥ ⲟⲩ‐
ⲁⲣⲭⲱⲛ ⲛ̄ ϩⲗ̄ⲗⲏⲛ ⲁϥⲉⲓ ϩⲱϥ ϩⲓⲧⲟⲩⲱϥ • ⲛ̄ ⲛ̄ⲁⲣⲕⲁⲧⲏⲥ
ⲉⲧⲡⲁⲡⲉ ⲉⲧⲱⲃⲉ • ⲉ ⲡⲧⲟⲡⲟⲥ ⲙ̄ ⲡϩⲁⲅⲓⲟⲥ ⲙⲉⲣⲓⲟⲥ (sic) •
ⲁϥⲥⲙⲓ̈ⲛⲉ ϩⲱϥ • ⲙ̄ ⲡⲉϥⲙⲁ ⲙ̄ ⲡⲁⲡⲉ ⲧⲱⲃⲉ ϩⲁϩⲧⲏⲩ
ⲧⲁⲭⲉ • ⲉϥⲟⲩⲱϣ ϩⲱϥ ⲉ ⲕⲱⲧ ⲛ̄ ⲟⲩⲁⲩⲗⲏ ϩⲙ̄ ⲡϥ̄ⲏⲓ •
ⲁϥⲉⲓ ⲇⲉ ⲛ̄ ⲟⲩϩⲟⲟⲩ ⲁϥϩⲙⲟⲟⲥ ϩⲁϩⲧⲏ ⲛ̄ ⲛ̄ⲁⲣⲅⲁⲧⲏⲥ • ⲉⲧ
ⲣ̄ ϩⲱⲃ • ⲁϥⲧⲱⲟⲩⲛ ⲁϥⲙⲟⲩϣⲧ̄ ⲛ̄ ⲛ̄ⲧⲱⲃⲉ • ϣⲁⲛⲧ ⲉϥⲉⲓ
ⲉϫⲛ̄ ⲛ̄ⲧⲱⲃⲉ ⲙ̄ ⲡⲉⲧ ⲟⲩⲁⲁⲃ • ⲁⲩⲱ ⲁϥⲉⲡⲓ̈ⲑⲉⲙⲉⲓ ⲛ̄ⲧⲱⲃⲉ
ⲙ̄ ⲡⲉⲧ ⲟⲩⲁⲁⲃ ⲛ̄ϩⲟⲩⲟ ⲉⲛⲟⲩϥ ⲧⲏⲣⲟⲩ • ⲡⲉϫⲁϥ ϫⲉ ⲟⲛ‐
ⲧⲱⲥ • ϯⲛⲁϥⲓ ϣⲉ ⲛⲥⲟⲧⲉ ⲛ̄ⲧⲱⲃⲉ • ϩⲛ̄ ⲛⲓ ⲧⲱⲃⲉ ⲛ̄ⲛⲉⲭⲣⲓ‐
ⲥϯⲁⲛⲟⲥ ⲛ̄ⲧⲁϫⲟⲟⲥ ⲛ̄ ⲛ̄ⲁⲣⲅⲁⲧⲏⲥ ϫⲉ ⲛ̄ⲧⲁⲩⲥⲙⲛ̄ⲧⲟⲩ
[ⲛⲁⲓ?] ⲁⲩⲱ ⲉⲩϣⲁⲛϫⲟⲟⲥ ϫⲉ ⲧⲛ̄ⲛⲁⲕⲁⲁⲕ ⲁⲛ • ⲉϥⲉⲧⲟⲩ •
ϯⲛⲁϩⲓ̈ⲟⲩⲉ ⲉ ⲣⲟⲟⲩ • ⲛ̄ⲧⲁϥⲓⲧⲟⲩ ⲉ ϩⲛ̄ⲁⲩⲁⲛ • ⲛ̄ⲧⲁⲛⲁⲩ ϫⲉ
ⲉⲣⲉ ⲡⲉⲓ ⲟⲩⲁ • ϫⲉ ⲙⲉⲣⲕⲟⲩⲣⲓⲟⲥ • ⲛⲁⲣ ⲟⲩ ⲛⲁⲓ • ⲁⲩⲱ
ⲁϥⲃⲱⲕ ⲉ ⲡϥ̄ⲏⲓ ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲙⲛ︤ⲛ︥ⲥⲁ ϩⲉⲛ‐
ⲕⲟⲩⲓ • ⲇⲉ ⲟⲛ ⲛ̄ϩⲟⲟⲩ • ⲁϥⲃⲱⲕ ⲁϥⲛⲁⲩ ⲛ̄ⲧⲱⲃⲉ • ⲙ̄ ⲡⲉⲧ
ⲟⲩⲁⲁⲃ • ⲁϥⲱϣⲁϩⲟⲙ (sic) ⲉⲙⲁⲧⲉ • ⲉ ⲃⲟⲗ ϫⲉ ⲛ̄ⲕⲟⲩⲓ̈ ⲙⲛ̄
ⲛ̄ⲛⲟϭ ⲛ̄ ⲧⲡⲟⲗⲓⲥ • ⲉⲩⲧⲛ̄ⲛⲟⲟⲩ ⲛ̄ⲟⲩⲁⲣⲅⲁⲧⲏⲥ • ⲉ ⲡⲟⲩⲁ
ⲙ̄ⲙⲏⲏⲛⲉ • ⲉⲩⲉⲣϩⲱⲃ ϫⲉ ⲉⲩⲉⲡⲉⲓⲑⲉⲙⲉⲓ¹ | ⲛ̄ⲕⲱⲧ ϫⲉ
ⲉ ⲣⲟϥ ⲛ̄ ⲟⲩⲙⲁⲣⲧⲏⲣⲓⲟⲛ • ⲗⲟⲓ̈ⲡⲟⲛ ⲟⲛ ⲁ ⲡⲣⲱⲙⲉ ⲛ̄
ϩⲉⲑⲛⲓⲕⲟⲥ • ⲕⲱϩ ϩⲛ̄ ⲟⲩⲛⲟϭ ⲛ̄ⲕⲱϩ • ⲛ̄ⲧⲉ ⲡⲇⲓⲁⲃⲟⲗⲟⲥ •
ⲉⲛ̄ⲧⲱⲃⲉ ⲙ̄ ⲡⲉⲧ ⲟⲩⲁⲁⲃ • ⲙⲛ︤ⲛ︥ⲥⲁ ⲛⲁⲓ • ⲁϥⲙⲟⲩⲧⲉ ⲉ
ⲡⲣⲱⲙⲉ ⲛ̄ ϩⲏⲕⲉ • ⲡⲉⲓ ⲉⲧ ⲉⲣⲉ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ •
ⲟⲩⲱⲛϩ̄ ⲉ ⲣⲟϥ • ⲡⲉϫⲁϥ ⲛⲁϥ • ϫⲉ ⲁⲙⲟⲩ ⲛⲅ̄ ⲧⲁⲙⲟⲓ̈ ⲉ
ⲡⲧⲟϣ • ⲛ̄ ⲛⲁⲧⲱⲃⲉ ⲙⲛ̄ ⲛⲟⲩⲕ • ⲉⲡⲓ̈ ⲇⲏ • ϯⲟⲩⲱϣ
ⲕⲱⲧ ⲙ̄ ⲡⲁ ⲏⲓ̈ • ⲡⲉϫⲉ ⲡⲣⲱⲙⲉ ⲛⲁϥ • ϫⲉ ⲛⲉⲕⲣⲱⲙⲉ


### 0009

ⲥⲟⲟⲩⲛ : ⲛ̄ ⲧⲏⲏⲡⲉ ⲛ̄ ⲛⲉⲕⲧⲱⲃⲉ • ⲡⲉϫⲁϥ ϫⲉ ⲙⲉⲓϫⲓ
ⲗⲁⲁⲩ ⲛ̄ⲣⲱⲙⲉ • ⲛ̄ⲥⲁⲃⲗ̄ⲗⲁⲕ • ⲛⲙ̄ⲙⲁⲓ • ⲁⲗⲗⲁ ⲕⲁⲧⲁ
ⲡⲁ ⲙⲉⲉⲩⲉ ⲛ̄ ϩⲏⲧ • ⲛⲟⲩⲓ̈ ⲧⲉ ⲛⲁⲓ ϣⲁ ⲙⲁ • ⲡⲣⲱⲙⲉ ⲇⲉ
ⲁϥⲣ̄ ϩⲃⲁ • ⲡⲉϫⲁϥ ⲛⲁϥ • ϫⲉ ⲱ̄ ⲡⲣⲱⲙⲉ • ⲙ̄ⲡⲣ̄ ϯ ⲟⲥⲉ :
ⲛ̄ⲧⲉⲕⲯⲩⲭⲏ ⲙ̄ⲡⲣ̄ ϫⲱϩ ⲉⲛⲧⲱⲃⲉ • ⲙ̄ ⲡⲉⲓ ⲡⲉⲧ ⲟⲩⲁⲁⲃ •
ⲛ̄ⲧⲉ ⲟⲩϫⲣⲟⲡ ⲧⲁϩⲱⲕ • ⲡⲗⲏⲛ ⲉⲕϣⲁⲛϥⲓⲧⲟⲩ • ϯⲛⲁⲉⲓⲙⲉ
ⲉ ⲧⲕ̄ϭⲟⲙ ⲙⲛ̄ ⲧⲉⲕⲙⲛ︤ⲧ︥ϫⲱⲱⲣⲉ • ⲁⲩⲱ ⲁ ⲡϩⲗ̄ⲗⲏⲛ •
ϯ ⲛ̄ ⲟⲩϣⲥ︤ⲛ︥ⲛⲁⲥ • ⲙ̄ ⲡⲣⲱⲙⲉ ⲛ̄ ϩⲏⲕⲉ • ⲡⲉϫⲁϥ ⲛⲁϥ •
ϫⲉ ⲙ̄ⲡ ϩⲟⲥⲟⲡ ⲁⲕϫⲟⲟⲥ • ϫⲉ ⲡⲉⲧ ⲙ̄ⲙⲁⲩ ⲛⲁⲡⲗⲩⲅⲏ
ⲙ̄ⲙⲟⲕ • ϯⲛⲁϥⲓ̈ ϩⲟⲩⲟ • ⲉ ⲛⲁⲓ ⲛ̄ⲧⲁⲓ̈ⲉⲓⲙⲉ • ⲉ ⲧⲉⲕϭⲟⲙ •
ⲙⲛ̄ ⲡⲉⲧ ⲙ̄ⲙⲁⲩ • ϫⲉ ⲉϥⲛⲁⲣ̄ ⲟⲩ ⲛⲁⲓ̈ ⲡⲉϫⲉ ⲡⲣⲱⲙⲉ |
ⲛⲁϥ • ϫⲉ ⲛ̄ⲑⲉ ⲉⲧ ⲉϩⲛⲁⲕ ⲁⲣⲓⲥ • ⲉⲥ ⲡⲛⲟⲩⲧⲉ ⲙ̄ ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ • ⲛⲁⲩ ⲉ ⲣⲟⲕ ⲙⲟⲛⲟⲛ ⲛⲅ̄ ⲛⲁϫⲣⲟ ⲉ ⲣⲟϥ
ⲁⲛ • ⲡⲣⲱⲙⲉ ⲇⲉ ⲁϥⲧⲛ̄ⲛⲟⲟⲩ ⲛ̄ⲧⲉⲩⲛⲟⲩ • ϩⲛ̄ ⲛⲟϭ ⲙ̄
ⲙⲛ︤ⲧ︥ϫⲁⲥⲓϩⲏⲧ • ⲟⲩϩⲙ̄ϩⲁⲗ ⲡⲱϥ • ⲁϥⲃⲱⲕ ⲁϥⲉⲓⲛⲉ • ⲛ̄
ϩⲉⲛϭⲁⲙⲟⲩⲗ • ⲁϥⲙⲟⲟϣⲉ ϩⲓⲑⲏ ⲙ̄ⲙⲟⲟⲩ • ϩⲛ̄ ⲟⲩⲛⲟϭ
ⲙⲛ︤ⲧ︥ϫⲁⲥⲓϩⲏⲧ • ⲁϥⲁⲣⲛⲧⲁⲗⲟ ⲛ̄ϭⲁⲙⲟⲩⲗ ϩⲛ̄ ⲛ︤ⲛ︥ⲧⲱⲃⲉ
ⲙ̄ ⲡⲉⲧ ⲟⲩⲁⲁⲃ • ⲁⲩⲱ ⲁϥⲁϩⲉ ⲣⲁⲧϥ̄ • ϩⲓⲑⲏ ⲛ̄ ⲟⲩⲛⲟϭ
ⲛ̄ ϭⲁⲙⲟⲩⲗ ϩⲟⲟⲩⲧ • ⲡⲱϥ ⲡⲉ • ⲁϥⲟⲩⲉϩⲥⲁϩⲛⲉ ⲛⲉϥϩⲙ̄‐
ϩⲁⲗ • ϩⲛ̄ ⲟⲩⲛⲟϭ ⲙⲛ︤ⲧ︥ϫⲁⲥⲓϩⲏⲧ • ⲉ ⲧⲣⲉⲩⲧⲁⲗⲟ ⲧⲱⲃⲉ
ⲛ̄ϭⲁⲙⲟⲩⲗ • ⲡⲉϫⲁϥ ϫⲉ ⲙⲁⲣⲉⲓⲛⲁⲩ ⲧⲉⲛⲟⲩ • ⲉ ⲧϭⲟⲙ
ⲙ̄ ⲡⲁⲓ • ϫⲉ ⲙⲉⲣⲕⲟⲩⲣⲓⲟⲥ • ⲁⲩⲱ ⲛ̄ⲧⲉⲩⲛⲟⲩ ⲙ̄ⲡⲁϯ
ⲡϣⲁϫⲉ ⲗⲟ ϩⲛ̄ ⲧϥ̄ⲧⲁⲡⲣⲟ • ⲁ ϭⲁⲙⲟⲩⲗ ⲉⲧ ⲉϥⲁϩⲉ
ⲣⲁⲧϥ̄ • ϩⲓⲑⲏ ⲙ̄ⲙⲟϥ • ⲟⲩⲱⲛ ⲛ̄ ⲧⲉϥⲧⲁⲡⲣⲟ • ⲁϥⲁ‐
ⲙⲁϩⲧⲉ ⲙ̄ ⲡⲁⲣⲭⲱⲛ ⲛ̄ ϩⲗ̄ⲗⲏⲛ • ⲁϥⲛⲟϫϥ̄ ⲉ ϩⲟⲩⲛ ϩⲁϩ‐
ⲧⲏϥ • ⲁϥⲛ̄ⲕⲟⲧⲕ̄ ⲉ ϫⲟϥ • ⲁⲩⲱ ⲛ̄ⲧⲉⲩⲛⲟⲩ ⲉⲥ ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ • ⲁϥⲉⲓ ⲉϥⲧⲁⲗⲏⲩ • ⲉ ⲡϥ̄ϩⲧⲟ ⲙ̄ ⲡⲛ︤ⲁ︥ •
ⲁϥⲁϩⲉ ⲣⲁⲧϥ̄ ϩⲁϩⲧⲙ̄ ⲙ̄ ⲡϭⲁⲙⲟⲩⲗ • ⲉⲧ ⲁⲙⲁϩⲧⲉ ⲉϫⲙ̄
ⲡⲣⲱⲙⲉ • ⲁϥⲣⲁⲧϥ̄ ⲙ̄ ⲡⲉϥⲕⲟⲩⲛⲧⲁⲣⲓⲟⲛ • ⲉ ⲧⲉϥⲟⲩⲉ‐
ⲣⲏⲧⲉ ⲛ̄ ϩⲃⲟⲩⲣ ⲁⲩⲱ ⲛ̄ |
[ⲟⲃⲉ ⲓⲥⲁⲓ ⲧⲁnting -ⲣⲟgⲉ ⲗ︤ⲇ︥ ⲁⲃⲁ ⲗ︤ⲉ︥]
ⲧⲉⲛⲟⲩ ⲉϥⲁⲡⲓ̈ⲗⲏ ⲉ ⲣⲟⲓ • ϫⲉ ⲛ̄ⲧⲟⲕ ⲡⲉⲧ ⲛⲁϯ ⲡϣⲱⲗϩ̄ •
ⲉ ⲡⲁ ⲙⲁⲣⲧⲏⲣⲓⲟⲛ • ⲉⲕⲁϣⲉ ⲛ̄ⲥⲁ ⲧⲉⲕ ⲟⲩⲉⲣⲏⲧⲉ ⲛ̄
ⲟⲩⲱⲧ • ⲁⲩⲱ ⲁ ⲡⲙⲏⲏϣⲉ • ⲟⲩⲁϩϥ̄ ⲛ̄ⲥⲱϥ ϩⲛ̄ ⲟⲩϩⲟⲧⲉ •


### 0010

ⲙⲛ̄ ⲟⲩⲥⲧⲱⲧ • ϣⲁⲛⲧⲉϥⲱⲃⲣⲉⲓ ⲉ ϩⲟⲩⲛ • ⲛ̄ ⲧⲥⲛ̄ⲧⲉ ⲙ̄
ⲡⲧⲟⲡⲟⲥ • ⲉϥⲁϣⲉ ⲉ ϩⲣⲁⲓ ⲛ̄ⲥⲁ ϫⲱϥ • ⲁⲩⲱ ⲁϥⲱϣ
ⲉ ⲃⲟⲗ • ⲛ̄ϭⲓ ⲡⲣⲱⲙⲉ • ⲉ[ϥ]ϫⲱ ⲙ̄ⲙⲟⲥ • ϫⲉ ⲡⲁ ϫⲟⲉⲓⲥ
ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲕⲟ ⲛⲁⲓ ⲉ ⲃⲟⲗ • ⲉ ⲧⲃⲉ ⲧⲁ
ⲙⲛ︤ⲧ︥ⲁⲧⲥⲟⲟⲩⲛ • ⲁⲩⲱ ⲛⲁⲧⲱⲃⲏ ⲧⲏⲣⲟⲩ ϯⲛⲁⲧⲁⲁⲩ ⲛⲁⲕ •
ⲉ ⲧⲕⲟⲇⲟⲙⲏ ⲙ̄ ⲡⲉⲕⲧⲟⲡⲟⲥ • ⲁⲩⲱ : ϣⲉ ⲛⲓⲙ ⲉⲛⲁⲛⲟⲩϥ
ϯⲛⲁⲧⲁⲩ ⲛⲁⲕ ⲙⲛ̄ ⲑⲩⲗⲏ ⲧⲏⲣⲥ̄ ⲛ̄ⲧ ⲁⲓⲥⲟⲟⲩϩ ⲉ ⲡⲁ ⲏⲓ̈ •
ⲁⲩⲱ ϯⲛⲁϣⲱⲡⲉ ⲛ̄ ⲭⲣⲓⲥϯⲁⲛⲟⲥ • ⲙⲛ̄ ⲡⲁ ⲏⲓ ⲧⲏⲣϥ̄ •
ⲛ̄ⲧⲁⲕⲟ ⲉ ⲃⲟⲗ ⲛ̄ⲛⲁϩⲙ̄ϩⲁⲗ • ⲉⲩⲟ ⲛ̄ⲣⲙ̄ϩⲉ • ⲛ̄ⲧⲁϣⲱⲡⲉ
ⲛⲙ̄ⲛⲟⲩⲧ ⲉ ⲡⲉⲕⲧⲟⲡⲟⲥ • ϣⲁ ⲡⲉⲓ ϩⲟⲟⲩ ⲙ̄ ⲡⲁ ⲙⲟⲩ • ⲛⲁⲓ
ⲇⲉ ⲛ̄ ⲧⲉⲣⲉ ϥϫⲱⲟⲩ : ⲁ ϭⲁⲙⲟⲩⲗ ⲕⲁⲁϥ ⲉ ⲡⲉⲥⲏⲧ • ⲉϫⲙ̄
ⲡⲕⲁϩ • ⲁⲩⲱ ⲁ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϫⲱϩ ⲉ ⲛⲉϥ‐
ⲥⲁϣ • ⲁϥⲧⲁⲗϭⲟϥ • ⲁϥⲕⲁⲁϥ ⲉ ⲃⲟⲗ • ⲙⲛ̄ ⲗⲁⲁⲩ ⲙ̄
ⲡⲱⲗϩ̄ • ϩⲙ̄ ⲡϥ̄ⲥⲱⲙⲁ ⲉ ⲡⲧⲏⲣϥ̄ • ⲁⲩⲱ ⲁⲩ (sic) ⲟⲩⲛⲟϭ
ⲛ̄ϩⲟⲧⲉ • ⲧⲁϩⲉ ⲟⲩⲟⲛ ⲛⲓⲙ • ⲉⲧ ⲁϩⲉ ⲣⲁⲧⲟⲩ • ⲉⲩⲛⲁⲩ ⲉ
ⲑⲉ ⲛ|ⲧⲁ ϭⲁⲙⲟⲩⲗ ⲡⲗⲩⲅⲏ ⲙ̄ⲙⲟϥ • ⲁⲩⲱ ⲁ ⲡⲣⲱⲙⲉ
ϩⲟⲙⲟⲗⲟⲅⲉ ⲛⲁⲩ • ϫⲉ ⲁⲓ̈ⲛⲁⲩ ⲉ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ •
ⲉϥⲗⲟⲅⲭⲓⲍⲉ ⲙ̄ⲙⲟⲓ • ⲗⲟⲓⲡⲟⲛ ⲁϥⲙⲟⲩϣⲧ̄ ⲙ̄ ⲡⲥⲱⲙⲁ •
ⲙ̄ ⲡⲣⲱⲙⲉ ⲙ̄ⲡ ⲟⲩϩⲉ ⲉ ⲗⲁⲁⲩ • ⲙ̄ ⲡⲱⲗϩ̄ ⲛ̄ϩⲏⲧϥ̄ ⲉ
ⲡⲧⲏⲣϥ̄ • ⲁⲩϫⲓⲛⲟⲩϥ • ϫⲉ ⲉϥⲧⲱⲛ ⲙ̄ ⲡⲱⲗϩ̄ ⲉⲧ ϩⲙ̄
ⲡⲉⲕⲥⲱⲙⲁ • ⲕⲉ ⲙⲁⲗⲓⲥⲧⲁ ⲉⲕⲱϣ • ⲉ ⲃⲟⲗ ϫⲉ • ⲉⲓⲥ
ⲡⲇⲓⲕⲁⲓⲟⲥ ⲗⲟⲅⲕⲓⲍⲉ ⲙ̄ⲙⲟⲓ • ⲉ ⲧⲁⲟⲩⲣⲏⲧⲉ ϩⲙ̄ ⲡϥ̄ⲕⲟⲩⲛ‐
ⲧⲁⲣⲓⲟⲛ • ⲡⲉϫⲉ ⲡⲣⲱⲙⲉ ⲛⲁⲩ • ϫⲉ ϫⲓⲛ ⲛ̄ⲧⲉⲩⲛⲟⲩ • ⲛ̄ⲧⲁ
ϭⲁⲙⲟⲩⲗ ⲕⲁⲁⲧ ⲉ ⲃⲟⲗ • ⲉⲁϥϫⲱϩ ⲉ ⲉ (sic) ⲡⲁ ⲥⲱⲙⲁ ⲧⲏⲣϥ̄ •
ⲁⲓⲟⲩϫⲁⲓ̈ • ⲁⲩⲱ ⲛ̄ⲧⲉⲩⲛⲟⲩ ⲁ ⲡⲣⲱⲙⲉ ⲃⲱⲕ ⲉ ⲣⲁⲧϥ̄ •
ⲙ̄ ⲡⲉⲡⲓ̈ⲥⲕⲟⲡⲟⲥ • ⲁϥⲃⲁⲡⲧⲓⲍⲉ ⲙ̄ⲙⲟϥ ⲙⲛ̄ ⲡⲉϥⲓⲏ (sic)
ⲧⲏⲣϥ̄ • ⲁⲩⲱ ⲛⲉϥϩⲙ̄ϩⲁⲗ ⲧⲏ[ⲣ]ⲟⲩ • ⲁϥⲕⲁⲁⲩ ⲉ ⲃⲟⲗ
ⲉⲩⲱⲣϥ̄ • ⲁⲩⲱ ⲁϥϯ ⲑⲩⲗⲏ ⲧⲏⲣⲥ̄ • ⲛ̄ⲧⲁϥⲥⲟⲟⲩϩⲥ̄ ⲉ
ϩⲟⲩⲛ • ⲉ ⲡⲕⲱⲧ ⲙ̄ ⲡϥ̄ⲏⲓ̈ • ⲙⲛ̄ ⲛ̄ϣⲉ • ⲙⲛ̄ ⲛ̄ ⲛ̄ⲱⲛⲉ •
ⲁⲩⲱ ⲛⲉϥⲧⲱⲃⲉ ⲧⲏⲣⲟⲩ • ⲁⲩⲱ ⲁϥⲧⲁⲩ ⲉ ϩⲟⲩⲛ • ⲉ ⲡⲧⲟ‐
ⲡⲟⲥ • ⲙⲛ̄ ⲟⲩⲛⲟⲩⲃ ⲉϥⲥⲱⲧⲡ̄ • ⲙⲛ̄ ⲟⲩⲛⲟϭ ⲛ̄ⲁⲛϩⲟⲗⲱ‐
ⲙⲁ • ⲁⲩⲱ ⲛⲉϥⲣ̄ • ϩⲛ̄ ⲛⲉϥϭⲓϫ • ⲙⲛ̄ ⲛⲉϥⲣⲱⲙⲉ
ⲧⲏⲣⲟⲩ • ⲁⲩⲱ ⲛⲉϥⲧⲃ̄ⲛⲟⲟⲩⲉ • ⲉⲩⲣ ϩⲱⲃ ⲧⲏⲣⲟⲩ •
ⲛ̄ϫⲓϫⲏ (sic) ⲁⲩⲱ ⲛϥ̄ϫⲱ ⲙ̄ⲙⲟⲥ • ⲛ̄ⲛⲉⲧ ⲣ̄ ϩⲱⲃ • ϫⲉ


### 0011

ⲙⲟⲟϣⲉ ⲛ̄ⲧⲉⲧⲛ̄ⲕⲱⲧ • ⲙ̄ ⲡⲏⲓ̈ ⲙ̄ ⲡⲉⲓ ⲇⲩⲛⲁⲇⲟⲥ • ⲁⲩⲱ
ⲁϥⲙⲟⲩ ⲕⲁⲧⲁ ⲡⲧⲟϣ ⲛ̄ⲣⲱⲙⲉ ⲛⲓⲙ • ⲙ̄ⲡⲁⲧ ⲟⲩϫⲉⲕ |
ⲡⲙⲁⲣⲧⲏⲣⲓⲟⲛ ⲉ ⲃⲟⲗ • ⲟⲩⲉⲟⲟⲩ ⲙ̄ ⲡⲛⲟⲩⲧⲉ • ⲙⲛ̄
ⲡϥ̄ⲙⲁⲣⲧⲩⲣⲟⲥ ⲉⲧ ⲟⲩⲁⲁⲃ • ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ •
ⲦⲘⲈϨ ⲤⲞ ⲈⲚϬⲞⲘ Ⲙ̄ ⲠϨⲀⲄⲒⲞⲤ
ⲠⲈⲢⲔⲞⲨⲢⲒⲞⲤ
Ⲁⲥϣⲱⲡⲉ ⲇⲉ ⲛ [ⲧⲉ]ⲣ ⲟⲩⲁⲣⲭⲉⲓ ⲛ̄ ⲕⲱⲧ ⲙ̄ ⲡⲙⲁⲣⲧⲏ‐
ⲣⲓⲟⲛ • ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϩⲛ̄ ⲟⲩⲛⲟϭ ⲉⲛⲉ‐
ⲡⲓⲕⲏⲥ • ϫⲉ ⲛⲁϣⲉ • ⲛ̄ϩⲩⲗⲏ ⲙⲛ̄ ⲛ̄ⲣⲱⲙⲉ • ⲉⲧ ⲣ̄ ϩⲱⲃ •
ⲉ ⲡⲧⲟⲡⲟⲥ ⲙ̄ ⲡⲉⲧ ⲟⲩⲁⲁⲃ • ⲙⲛ︤ⲛ︥ⲥⲁ ⲛⲁⲓ • ⲁⲩ ⲟⲩⲣⲱⲙⲉ
ⲛ̄ⲧⲉ ⲧⲡⲟⲗⲓⲥ • ⲉⲓ ⲉϥⲡⲁⲣⲁⲅⲉ • ⲁϥⲛⲁⲩ ⲉ ⲑⲩⲗⲏ ⲙ̄
ⲡⲧⲟⲡⲟⲥ ⲙ̄ ⲡⲙⲁⲣⲧⲏⲣⲓⲟⲛ • ⲁϥⲣ̄ ϣⲡⲏⲣⲉ • ⲁϥⲉⲡⲓⲑⲩ‐
ⲙⲉⲓ ⲉⲩϣⲉ • ⲉϥⲛⲏϫ ⲉ ⲃⲟⲗ • ⲡⲉϫⲁϥ • ϫⲉ ϯⲣ̄ ⲭⲣⲓⲁ
ⲙ̄ ⲡⲉⲓ ⲥⲁⲏ ⲛ̄ϣⲉ • ⲁⲩⲱ ϯⲛⲁϥⲓⲧϥ̄ • ⲁϥϯ ⲡϥ̄ⲟⲩⲟⲓ ⲉ
ⲡϣⲉ • ⲁϥⲧⲁⲗⲟϥ ⲉ ϫⲱϥ • ⲁϥⲙⲟⲟϣⲉ ⲛⲙ̄ⲙⲁϥ • ϣⲁⲛⲧ
ⲉϥⲉⲓ ⲉ ⲧⲡⲟⲗⲓⲥ • ⲛ̄ ⲟⲩⲕⲟⲩⲓ • ⲗⲟⲓ̈ⲡⲟⲛ ⲁϥⲥⲱⲣⲙ̄ • ⲙ̄ⲡ
ϥ̄ⲉⲓ̈ⲙⲉ • ϫⲉ ⲉϥⲙⲟⲟϣⲉ ⲉ ⲧⲱⲛ • ⲉ ⲃⲟⲗ ϫⲉ ⲁ ⲡⲉⲧ
ⲟⲩⲁⲁⲃ ⲥⲱⲣⲙ̄ ⲡϥ̄ⲛⲟⲩⲥ • ϣⲁⲛⲧ ⲉϥⲉⲓ̈ ⲛϥ̄ⲁϩⲉ ⲣⲁ[ⲧϥ̄] •
ϩⲓⲣⲙ̄ ⲡⲣⲟ • ⲙ̄ ⲡⲣⲱⲙⲉ ⲛ̄ ϩⲏⲕⲉ • ⲡⲉⲓⲡⲓⲧⲣⲟⲡⲟⲥ • ⲙ̄
ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲡⲁⲓ ⲉⲧ ⲉϥⲟⲩⲱⲛϩ̄ ⲉ ⲣⲟϥ •
ⲛⲉϥⲥⲟⲟⲩⲛ̄ ⲁⲛ • ϫⲉ ⲉϥⲃⲏⲕ ⲧⲱⲛ • ⲁⲩⲱ ⲉⲥ ⲡⲉⲧ ⲟⲩⲁⲁⲃ •
ⲁϥϣⲁϫⲉ ⲙⲛ̄ ⲡⲉⲡⲓⲧⲣⲟⲡⲟⲥ • ⲉϥϫⲱ ⲙ̄ⲙⲟⲥ ⲛⲁϥ • ϫⲉ
ⲉⲕ | ϩⲙⲟⲟⲥ ⲉⲕⲣ̄ ⲟⲩ • ⲉⲥ ϩⲏⲏⲧⲉ ⲁⲩϫⲓⲟⲩ ⲉⲛϣⲉ ⲙ̄ ⲡⲁ
ⲧⲟⲡⲟⲥ • ⲁⲗⲗⲁ ⲧⲱⲟⲩⲛ ⲛⲅ̄ ⲃⲱⲕ ⲉⲣⲙ̄ ⲡⲣⲟ ⲙ̄ ⲡⲉⲕⲏⲓ̈ •
ⲉⲕⲛⲁϭⲓⲛⲉ ⲙ̄ ⲡⲉⲣⲱⲙⲉ • ⲉⲣⲉ ⲡⲉⲓ ϣⲉ ⲧⲁⲗⲏⲩ ⲉ ⲣⲟϥ •
ⲉϥⲥⲱⲣⲙ̄ ⲉϥⲥⲟⲟⲩⲛ̄ ⲁⲛ • ϫⲉ ⲉϥⲃⲏⲕ ⲉ ⲧⲱⲛ • ϫⲉ ⲁⲛⲟⲕ
ⲡⲉ ⲛ̄ⲧⲁⲓⲥⲱⲣⲙ̄ [ⲙ̄]ⲙⲟϥ • ⲙ̄ⲡ ⲉⲓⲕⲁⲁϥ ⲉⲓⲙⲉ • ϫⲉ ⲉϥ‐
ⲃⲏⲕ ⲧⲱⲛ ϣⲁⲛ[ⲧ] ⲉϥⲉⲓ ⲉ ⲡⲉⲓ ⲙⲁ • ⲛⲅ̄ ⲛⲁⲩ ⲉ ⲣⲟϥ •
ⲉⲣⲉ ⲡϣⲉ ⲛ̄ⲧⲁϥⲓⲧϥ̄ • ⲛ̄ϫⲓⲟⲩⲉ • ⲧⲁⲗⲏⲩ ⲉ ⲣⲟϥ • ⲛ̄ ⲧⲉⲣ
ϥ̄ⲛⲁⲩ ⲇⲉ • ⲉ ⲡⲏⲓ ⲁϥⲟⲩⲱⲛ ⲛⲁϥ • ⲁϥⲥⲟⲩⲱⲛϥ̄ • ϫⲉ


### 0012

ⲡⲟⲓⲕⲟⲛⲟⲙⲟⲥ ⲡⲉ • ⲙ̄ ⲡⲙⲁⲣⲧⲏⲣⲓⲟⲛ ⲡⲉ • ⲁ ⲡϥ̄ⲛⲟⲩⲥ
ⲉⲓ ⲉ ⲣⲟϥ • ⲛ̄ⲧⲉⲩⲛⲟⲩ ⲁϥⲱϣ ⲉ ⲃⲟⲗ • ϫⲉ ⲟⲩⲁ ⲡⲉ
ⲡⲛⲟⲩⲧⲉ • ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲛⲁ̄ ⲛⲁⲓ ⲙ̄ⲡⲉⲣ
ϭⲱⲛⲧ̄ ⲉ ⲣⲟⲓ • ⲛⲅ̄ ⲉⲓ̈ ⲛ̄ ⲟⲩⲡⲉⲑⲟⲟⲩ ⲉ ϫⲟⲓ̈ • ϫⲉ ⲁⲓⲣ̄‐
ⲛⲟⲃⲉ ⲉ ⲣⲟⲕ • ⲁⲓ̈ϫⲓⲟⲩⲉ ⲉ ⲛⲉⲕϣⲉ • ⲉⲓⲥ ⲡⲉⲧ ⲟⲩⲁ︤ⲃ︥ ⲟⲛ
ⲁϥϫⲟⲟⲥ ⲙ̄ ⲡⲉϥ[ⲉ]ⲡⲓⲧⲣⲟ[ⲡⲟ]ⲥ • ϫⲉ ϫⲟⲟⲥ ⲛ̄ ⲡⲣⲱⲙⲉ ⲛ̄
ⲧⲉⲓ ϩⲉ • ϫⲉ ⲉ ⲧⲃⲉ ⲟⲩ • ⲙⲉⲕⲉⲓ ⲛⲅ̄ ⲣ̄ ⲟⲩϩⲟⲟⲩ ⲛⲣ̄ϩⲟⲟⲩ
ⲉ ⲡⲁ ⲧⲟⲡⲟⲥ • ⲧⲕⲉ ϣⲉ ⲛ̄ⲧⲁϥⲧⲁⲁϥ ⲉ ϩⲟⲩⲛ • ⲉ ⲡⲁ ⲧⲟⲡⲟⲥ
ⲛ̄ ⲥⲱⲧⲉ • ϩⲁ ⲡⲟⲩϫⲁⲓ • ⲛ̄ ⲛⲉⲩⲯⲩⲭⲏ • ⲁⲕⲃⲱⲕ ⲁⲕϥⲓⲧϥ̄
ⲛ̄ϫⲓⲟⲩⲉ • ⲁⲗⲗⲁ ⲉ ⲧⲃⲉ ⲙⲛ︤ⲧ︥ϣⲁⲛϩⲧⲏϥ ⲙ̄ ⲡⲛⲟⲩⲧⲉ :
ⲉⲥ ϩⲏⲏⲧⲉ ⲁⲓⲕⲁⲁⲕ ⲉ ⲃⲟⲗ • ϥⲓ̈ ⲙ̄ ⲡϣⲉ ⲛⲅ̄ ⲕⲁⲁϥ ϩⲙ̄
ⲡϥ̄ⲙⲁ ⲛ̄ⲧⲉϥϩⲉ • ⲛⲅ̄ ⲃⲱⲕ ⲉ ⲡⲕ̄ⲏⲓ • ⲉϥϣⲁⲛⲧⲱⲛ ϩⲧⲟⲟⲩⲉ
ⲙⲁⲣϥ̄ ⲧⲁϣⲉⲟⲉⲓϣ ⲙ̄ ⲡⲛ̄|ⲧⲟϥⲁⲁϥ ϫⲉ ⲕⲁⲥ ⲉⲣⲉ ⲡⲕ̄
ⲟⲩⲥⲉⲉⲡⲉ ⲉ ⲣ̄ ϩⲟⲧⲉ ⲛ̄ⲥⲉ ⲧⲙ̄ ϫⲓⲟⲩⲉ • ⲉ ⲧⲑⲩⲗⲏ ⲙ̄ ⲡⲁ
ⲧⲟⲡⲟⲥ • ⲛ̄ⲕⲉ ⲥⲟⲡ • ⲛ̄ⲧⲁⲉⲓⲛⲉ ⲉ ϫⲱⲟⲩ ⲛ̄ ⲟⲩⲡⲉⲑⲟⲟⲩ •
ⲛⲁⲓ ⲇⲉ ⲛ̄ ⲧⲉⲣⲉ ϥϫⲟⲟⲩ • ⲁϥϩⲟⲡϥ̄ ⲉ ⲣⲟϥ • ⲡⲣⲱⲙⲉ ⲇⲉ
ⲛ̄ ϩⲏⲕⲉ • ⲁϥⲧⲱⲟⲩⲛ ⲁϥⲉⲓ ⲉ ⲃⲟⲗ • ⲁϥϩⲉ ⲉ ⲡⲣⲱⲙⲉ •
ⲉⲣⲉ ⲡϣⲉ ⲧⲁⲗⲏⲩ ⲉ ⲣⲟϥ • ⲉϥⲁϩⲉ ⲣⲁⲧϥ̄ • ϩⲓⲣⲙ̄ ⲡⲣⲟ ⲙ̄
ⲡϥ̄ⲏⲓ • ⲉϥⲥⲟⲟⲩ[ⲛ] ⲁⲛ • ϫⲉ ⲉϥⲛⲁⲉⲓ ⲧⲱⲛ • ⲁⲩⲱ ⲛⲉϥϫⲱ
ⲙ̄ⲙⲟⲥ • ϫⲉ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϣⲛ̄ ϩⲧⲏⲕ ϩⲁ ⲣⲟⲓ •
ⲛⲅ̄ ⲛⲁ̄ ⲛⲁⲓ • ϫⲉ ⲁⲓⲣ̄ ⲛⲟⲃⲉ • ⲱ̄ ⲡⲁ ϫⲥ̄ • ⲡⲣⲱⲙⲉ ⲇⲉ ⲛ̄
ϩⲏⲕⲉ • ⲁϥϣⲁϫⲉ ⲛⲙ̄ⲙⲁϥ • ϫⲉ ⲱ̄ ⲡⲁ ⲙⲉⲣⲓⲧ ⲛ̄ ⲥⲟⲛ •
ⲉⲕⲛⲏⲩ ⲧⲱⲛ • ⲉⲣⲉ ⲡⲉϣⲉ ⲧⲁⲗⲏⲩ ⲉ ⲣⲟⲕ ϯϫⲱ ⲙ̄ⲙⲟⲥ
ⲛⲁⲕ • ϫⲉ ⲡⲁ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉ • ⲡⲉⲓ ϣⲉ •
ⲗⲟⲓⲡⲟⲛ • ϫⲓ ⲡⲉⲛⲧⲟϥϣⲱⲡⲉ ⲙ̄ⲙⲟⲕ • ⲧⲏⲣϥ̄ ⲉ ⲣⲟⲓ •
ⲡⲣⲱⲙⲉ ⲇⲉ ⲁϥⲧⲁⲙⲟϥ • ⲉ ⲧⲃⲉ ⲑⲉ ⲛ̄ⲧⲁϥϥⲓ ⲡϣⲉ •
ⲙ̄ⲙⲟⲥ ⲙⲛ̄ ⲑⲉ ⲛ̄ⲧⲁ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲥⲱⲣⲙ̄
ⲙ̄ ⲡⲉϥⲛⲟⲩⲥ • ϣⲁⲛⲧ ϥ̄ⲉⲓ • ⲉⲣⲙ̄ ⲡⲣⲟ ⲙ̄ ⲡⲏⲓ̈ • ⲙ̄
ⲡⲣⲱⲙⲉ ⲛ̄ ϩⲏⲕⲉ • ⲉϥⲟ ⲛ̄ ⲁⲧ ⲥⲟⲟⲩⲛ̄ • ⲡⲣⲱⲙⲉ ⲇⲉ • ⲉⲧ
ⲉⲣⲉ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲁϥⲡⲁⲣⲁⲅⲓ̈ⲗⲉ • ⲉ ⲡⲣⲱⲙⲉ
ⲛ̄ⲧⲁϥϥⲓ̈ ⲡϣⲉ • ⲛ̄ ϣⲁ ϫⲉ ⲛⲓⲙ • ⲛ̄ⲧⲁ ⲡϩⲁⲅⲓⲟⲥ ⲙⲉⲣ‐
ⲕⲟⲩⲣⲓⲟⲥ ϫⲟⲟⲩ ⲛⲁϥ • ⲁⲩⲱ ⲛ̄ ⲧⲉⲣⲉ ⲡⲣⲱⲙⲉ • ⲥⲱⲧⲙ̄
ⲉ ⲛⲁⲓ • ⲁϥⲣ̄ ϣⲡⲏⲣⲉ ⲁⲩⲱ ⲡⲉϫⲁϥ • ϫⲉ | ⲟⲩ ⲙⲟⲛⲟⲛ
ϫⲉ ⲟⲩ▨▨ϩⲟⲟⲩ ⲛ̄ ⲟⲩⲱⲧ ⲙ̄ⲙⲁⲧⲉ • ⲁⲗⲗⲁ ⲉⲣϣⲁⲛ


### 0013

ⲡⲛⲟⲩⲧⲉ • ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲭⲁⲣⲓⲍⲉ ⲛⲁⲓ •
ⲙ̄ ⲡⲟⲩϫⲁⲓ • ϯⲛⲁⲗⲟ ⲁⲛ • ⲉⲓⲣ̄ ϩⲱⲃ ⲉ ⲡϥ̄ⲧⲟⲡⲟⲥ • ϣⲁⲛⲧ
ⲟⲩϫⲟⲕϥ̄ ⲉ ⲃⲟⲗ • ⲁⲩⲱ ϯⲛⲁⲧⲁϣⲉⲟⲉⲓϣ • ⲛ̄ ⲧⲉ[ϥ]ϭⲟⲙ
ϩⲙ̄ ⲙⲁ ⲛⲓⲙ • ⲉ ϯ ⲃⲱⲕ ⲉ ⲣⲟϥ • ⲁⲩⲱ ⲛ̄ⲧⲉⲩⲛⲟⲩ • ⲁ
ⲡⲉϥϩⲏⲧ ϣⲱⲡⲉ ⲙ̄ⲙⲟϥ • ⲁϥⲃⲱⲕ ⲉ ⲡϥ̄ⲏⲓ • ⲉϥϯ ⲉⲟⲟⲩ
ⲙ̄ ⲡⲛⲟⲩⲧⲉ • ⲙⲛ̄ ⲡⲉϥⲙⲁⲣⲧⲩⲣⲟⲥ ⲉⲧ ⲟⲩⲁⲁⲃ • ⲁϥⲛ̄‐
ⲕⲟⲧⲕ̄ ϣⲁ ϩⲧⲟⲟⲩⲉ • ⲁⲩⲱ ⲛ̄ ⲧⲉⲣⲉ ⲡⲟⲩⲟⲉⲓⲛ ⲉⲓ ⲉ ⲃⲟⲗ •
ⲁϥⲧⲁϣⲉⲟⲉⲓϣ ⲉⲛ ⲧⲡⲟⲗⲓⲥ ⲧⲏⲣⲥ̄ • ⲙ̄ ⲡⲉⲛⲧⲟϥϣⲱⲡⲉ •
ⲁⲩⲱ ⲁϥⲃⲱⲕ ⲉ ⲡⲙⲁ • ⲉⲧ ⲉⲣⲉ ⲡϣⲉ ⲛⲏⲩ ⲉ ⲃⲟⲗ
ⲛ̄ϩⲏⲧϥ̄ • ⲁϥⲁⲗⲟϥ ⲉϫⲙ̄ ⲧⲉϥⲛⲁϩⲃ̄ • ⲉⲣⲉ ⲟⲩⲟⲛ ⲛⲓⲙ
ⲑⲉⲱⲣⲉⲓ ⲙ̄ⲙⲟϥ • ⲁϥϥⲓⲧϥ̄ ⲉ ⲡⲧⲟⲡⲟⲥ • ⲙ̄ ⲡⲉⲧ ⲟⲩⲁⲁⲃ •
ⲁϥⲕⲁⲁϥ ϩⲙ̄ ⲡⲙⲁ • ⲛ̄ⲧ ⲁϥϥⲓⲧϥ̄ ⲛ̄ϩⲏⲧϥ̄ • ⲁⲩⲱ ⲁⲩⲛⲟϭ
ⲛ̄ ϩⲟⲧⲉ • ϩⲉ ⲉ ϩⲣⲁⲓ ⲉϫⲛ̄ ⲟⲩⲟⲛ ⲛⲓⲙ • ⲉⲧ ⲛⲁⲩ ⲉ ⲣⲟϥ •
ⲁⲩⲱ ⲙ̄ⲡ ⲟⲩϫⲱϩ ⲉ ⲉⲕⲉ ⲉⲓⲇⲟⲥ • ⲙ̄ ⲡⲧⲟⲡⲟⲥ ⲛ̄ⲕⲉ ⲥⲟⲡ •
ϣⲁⲛⲧ ⲟⲩϫⲟⲕϥ̄ ⲉ ⲃⲟⲗ • ⲁⲩⲱ ⲙ̄ⲡⲉ ⲡⲣⲱⲙⲉ • ⲗⲟ ⲉϥⲣ̄
ϩⲱⲃ • ⲉϥⲡⲟⲅ (sic) ⲟ̄ⲙⲉ ϩⲓ ⲧⲱⲃⲉ • ⲉ ⲡⲧⲟⲡⲟⲥ ⲙ̄ ⲡⲉⲧ ⲟⲩⲁⲁⲃ •
ϣⲁⲛⲧ ⲟⲩϫⲟⲕϥ̄ ⲉ ⲃⲟⲗ • ⲁⲩⲱ ⲉϥϯ ⲉⲟⲟⲩ ⲙ̄ ⲡⲛⲟⲩⲧⲉ
ⲙ̄ ⲡϩⲁⲅⲓⲟⲥ | ⲙⲉⲣⲕⲟⲩⲣⲓⲟⲥ •
ⲦⲘⲈϨ ⲤⲀϢϤ ⲈⲚⲞⲞⲘ • Ⲙ̄ ⲠϨⲀⲄⲒⲞⲤ
ⲘⲈⲢⲔⲞⲨⲢⲒⲞⲤ
Ⲥⲱⲧⲙ̄ ⲟⲛ • ⲉ ⲧⲉⲕⲉ ⲛⲟϭ ⲛ̄ϣⲡⲏⲣⲉ • ⲱ̄ ⲛⲁⲙⲉⲣⲁⲧⲉ •
ⲟⲩⲉⲟⲟⲩ ⲙ̄ ⲡⲛⲟⲩⲧⲉ • ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲁⲥ‐
ϣⲱⲡⲉ ⲇⲉ ⲛ̄ ⲧⲉⲣ ⲟⲩⲥⲙⲓⲛⲉ • ⲙ̄ ⲡⲧⲟⲡⲟⲥ ⲕⲁⲗⲟⲥ • ϩⲙ̄
ⲙⲛ︤ⲧ︥ⲥⲁⲏ ⲛⲓ̈ⲙ • ⲁⲩⲥⲙⲓ̈ⲛⲉ ⲉ ⲣⲟϥ • ⲛ̄ ⲟⲩⲅⲁⲅⲉⲗⲟⲥ ⲛ̄
ϣⲉ : ⲛ̄ϣⲟⲩⲉⲃⲉ • ⲉ ⲃⲟⲗ ϫⲉ ⲉⲣⲉ ϣⲟ︤ⲙ︥ⲧ ⲛ̄ⲛⲟϭ ⲛ̄ϣⲟⲩⲉⲃⲉ
ⲛ̄ ⲧⲉⲥⲥϩⲙⲉ ⲛ̄ⲧⲁ ⲡϩⲁⲅⲓⲟⲥ ⲙⲉⲣⲕⲟⲩⲣⲓ̈ⲟⲥ ϯ ⲡⲟⲩⲟⲉⲓⲛ
ⲛⲁⲥ • ⲛ̄ⲧⲁ ⲡⲉⲥⲙⲁ[ⲕⲁ]ⲣⲓⲟⲥ ⲛ̄ ϩⲁⲓ ϯ ⲡⲟⲩⲧⲟϣ • ⲙ̄ⲡⲁⲧ
ϥ̄ⲙⲟⲩ • ⲉ ⲥⲙⲛ︤ⲧ︥ⲟⲩ ⲛ̄ ⲟⲩⲛⲟϭ ⲛ̄ ⲕⲓⲛⲃⲏⲗ • ⲗⲟⲓⲡⲟⲛ ⲁ


### 0014

ⲡⲛⲟⲩⲧⲉ • ⲁ ⲛⲟⲩⲧⲉ ϭⲓ ⲙ̄ ⲡⲉϥϣⲓⲛⲉ • ⲕⲁⲧⲁ ⲡⲧⲟϣ ⲛ̄-
ⲣⲱⲙⲉ ⲛⲓ̈ⲙ • ⲁϥⲙⲟⲩ • ⲁϥⲕⲁ ⲟⲩⲙⲏⲏϣⲉ • ⲛ̄ⲕⲧⲏⲥⲓⲥ
ⲛⲁⲥ • ⲧⲟⲧⲉ ⲁⲩⲥⲙⲓⲛⲉ ⲛ̄ ⲑⲁⲯⲓⲥ ⲛ̄ϣⲟⲩⲉⲃⲉ ⲉ ⲛⲁⲛⲁ‐
ⲛⲟⲩϥ (sic) ⲉⲙⲁⲧⲉ • ⲁⲩⲱ ⲛ̄ ⲧⲏⲣ ⲟⲩⲥⲱⲟⲩϩ • ⲛ̄ ⲙ̄ⲙⲏⲏϣⲉ
ⲧⲁⲗⲟⲥ ⲉ ϩⲣⲁⲓ • ⲛ̄ ⲕⲟⲩⲓ̈ ⲇⲉ ⲛ̄ⲁⲣⲅⲁⲧⲏⲥ • ⲡⲉϫⲁⲩ
ⲛ︤ⲛ︥ⲉⲩⲉⲣⲏⲩ ⲛ̄ⲑⲉ ⲛⲉⲧⲥⲱⲃⲉ • ϩⲁⲙⲟⲓ ⲉϣⲱⲡⲉ ⲉ ⲡϩⲏⲧ •
ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲧⲏⲧ ⲛⲙ̄ⲙⲁⲛ • ⲉ ⲕⲱⲧ ⲉ
ⲣⲟϥ ⲛ̄ ⲟⲩⲙⲁⲣⲧⲩⲣⲓⲟⲛ • ⲛϥ̄ⲧⲣⲉ ⲧⲉϩⲁⲯⲓⲥ ⲛ̄ϣⲟⲩⲉⲃⲉ
ⲧⲁⲩⲟ • | ⲅⲁⲣⲡⲟⲥ ⲉϥⲱⲧⲡ̄ • ⲉϣϫⲉ ⲉϥⲣⲏⲧ ⲛ̄ⲧⲛ̄ⲟⲩⲱⲙ
ⲛ̄ϩⲏⲧϥ̄ • ϩⲛ̄ ⲟⲩϣⲥ̄ⲛⲉ ⲇⲉ • ϩⲟⲥⲟⲛ ⲉⲣⲉ ⲡϣⲁϫⲉ ⲛⲏⲩ
ⲉ ⲃⲟⲗ ϩⲛ̄ ⲣⲱⲟⲩ • ⲁ ⲡϣⲉ ⲧⲁⲩⲟ ⲉ ⲃⲟⲗ ⲛ̄ ϩⲉⲛⲕⲗⲁⲇⲟⲥ
ⲉϥⲱⲧⲡ̄ : ⲛ̄ⲇⲏⲅⲉⲓ ⲉⲛⲁⲛⲟⲩϥ ⲉϥⲗⲏⲕ • ⲁⲩⲱ ⲛ̄ⲧⲉⲣ
ⲟⲩⲛⲁⲩ ⲛ̄ϭⲓ ⲙⲏⲏϣⲉ • ⲉ ⲡⲉ ⲛ̄ⲧⲟϥϣⲱⲡⲉ • ⲁⲩⲱϣ ⲉ ⲃⲟⲗ
ϩⲛ̄ ⲟⲩⲛⲟϭ ⲛ̄ⲥⲙⲏ • ⲉⲩϯ ⲉⲟⲟⲩ ⲙ̄ ⲡⲛⲟⲩⲧⲉ ⲙⲛ̄ ⲡⲉϥ‐
ⲙⲁⲣⲧⲩⲣⲟⲥ ⲉⲧ ⲟⲩⲁⲁⲃ • ⲡⲁⲓ ⲉⲓⲧⲉ (sic) ⲉⲓⲣⲉ ⲛ̄ⲛⲉϭⲟⲙ • ⲙⲛ̄
ⲛⲉⲓ ϣⲡⲏⲣⲉ • ⲉⲛⲁϣⲱⲟⲩ • ⲁⲩⲱ ⲁⲩⲉⲓ[ⲛⲉ] ⲉ ⲃⲟⲗ ϩⲛ̄ ⲛ̄‐
ⲅⲁⲣⲡⲟⲥ • ⲛ̄ϩⲟⲓⲛⲉ ⲛ̄ⲥⲡⲟⲩⲇⲁⲟⲥ • ⲁⲩⲕⲁⲁⲩ ⲛ̄ⲧⲟⲟⲧⲟⲩ
ϩⲛ̄ ⲛⲉⲩⲏⲓ : ϩⲱⲥ ⲫⲩⲗⲁⲕⲧⲏⲣⲓⲟⲛ • ⲱ̄ ϫⲉ ⲟⲩⲏ︤ⲣ︥ ⲛ̄
ⲛ̄ⲧⲁⲗϭⲟ ⲛ̄ⲧⲁⲩϣⲱⲡⲉ ϩⲛ̄ ⲛ̄ⲅⲁ[ⲣ]ⲡⲟⲥ ⲉⲧ ⲙ̄ⲙⲁⲩ • ⲁⲙ‐
ⲙⲏⲏϣⲉ ⲟⲩⲱⲙ • ⲁⲩⲥⲉⲓ ⲁⲩⲉⲩⲭⲁⲣⲓⲥⲧⲟⲩ ⲙ̄ ⲡⲛⲟⲩⲧⲉ •
ⲙⲛ̄ ⲡϥ̄ⲙⲁⲣⲧⲩⲣⲟⲥ ⲉⲧ ⲟⲩⲁⲁⲃ • ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ •
ⲁⲩⲥⲱⲧⲙ̄ ⲇⲉ ⲛ̄ϭⲓ ⲟⲩⲟⲛ ⲛⲓⲙ • ⲉⲧ ϩⲛ̄ ⲧⲡⲟⲗⲓⲥ ⲙⲛ̄
ⲡⲉⲥⲕⲱⲧⲉ • ⲉⲓⲧⲉ ⲕⲟⲩⲓ̈ • ⲉⲓⲧⲉ ⲛⲟϭ • ⲁⲩⲉⲓ ⲧⲏⲣⲟⲩ ϩⲓ
ⲟⲩⲥⲟⲡ • ⲉⲛⲁⲩ ⲉ ⲧⲉⲛⲟϭ ⲛ̄ ϣⲡⲏⲣⲉ • ⲛ̄ϩⲟⲟⲩⲧ ⲙⲛ̄
ⲛⲉϩⲓⲟⲙⲉ • ⲉⲩⲛⲏⲩ ⲉⲩⲑⲉⲱⲣⲉⲓ • ⲙⲛ̄ ⲙ̄ ⲡⲉⲛⲧⲟϥϣⲱⲡⲉ •
ⲛ̄ⲧⲁ ⲡⲇⲓ̈ⲕⲁⲓⲟⲥ ⲁⲁϥ • ⲛⲉⲩⲛ ⲟⲩⲇⲁⲓ • ⲇⲉ ⲟⲛ ϩⲛ̄ ⲧⲡⲟⲗⲓⲥ •
ⲉⲩⲙⲟⲩⲧⲉ ⲉ ⲣⲟϥ • ϫⲉ ⲅⲁⲓⲡⲓⲟⲥ • ⲉⲩ|ⲁⲅⲣⲓⲟⲥ▨▨▨ⲡⲉ •
ⲉ ϩⲟⲩⲛ ⲉ ⲣⲱⲙⲉ ⲛⲓⲙ • ⲛ̄ϩⲟⲩⲟ ⲇⲉ ⲉ ⲛⲉⲭⲣⲓⲥϯⲁⲛⲟⲥ •
ⲁϥⲥⲱⲧⲙ̄ ϩⲱϥ • ⲉ ⲧⲛⲟϭ ⲛ̄ ϣⲡⲏⲣⲉ ⲛ̄ⲧⲁⲥϣⲱⲡⲉ • ϩⲛ̄
ⲡⲧⲟⲡⲟⲥ ⲙ̄ ⲡⲉⲧ ⲟⲩⲁⲁⲃ • ⲡⲉϫⲁϥ ϫⲉ • ϯⲛⲁⲃⲱⲕ ⲧⲁⲛⲁⲩ •
ϫⲉ ϩⲉⲛⲙⲉ ⲛⲉ ⲛⲓ ϣⲁϫⲉ • ⲉⲧⲉ ⲛⲉⲓ ⲭⲣ[ⲏⲥⲧ]ⲓⲁⲛⲟⲥ ϫⲱ
ⲙ̄ⲙⲟⲟⲩ • ϫⲉⲛ ⲉⲙⲟⲛ • ϩⲁⲣⲏⲩ ⲉⲩϫⲓ ϭⲟⲗ • ⲁϥⲟⲩⲉϩ‐
ⲥⲁϩⲛⲉ ⲛⲉ ⲛⲧⲉ ⲛ ⲟⲩⲛ̄ ⲟⲩϩⲙ̄ϩⲁ[ⲗ] ⲙ̄ ⲡⲟϥ ⲡⲉ • ⲉ ⲧⲣⲉϥ‐
ϩⲱⲕ ⲛⲁϥ • ⲛ̄ ⲟⲩⲙⲟⲩⲗ︤ⲗ︥ⲥ ⲛ̄ ⲥϩⲓⲙⲉ • ⲛ̄ ⲗⲏⲩⲕⲟⲛ •


### 0015

ⲁϥⲁⲗⲉ ⲉ ⲣⲟⲥ • ⲡⲉϫⲁϥ ⲙ̄ ⲡϥ̄ϩⲙ̄ϩⲁⲗ • ϫⲉ ⲁⲙⲟⲩ
ⲛ̄ⲧⲛ̄ⲛⲁⲩ ⲉ ⲡⲥⲱⲃⲉ • ⲉⲧⲉ ⲛⲉⲭⲣⲓⲥϯⲁⲛⲟⲥ ⲉⲓⲣⲉ ⲙ̄ⲙⲟϥ •
ⲗⲟⲓⲡⲟⲛ ⲁⲩⲙⲟⲟϣⲉ • ⲙⲛ̄ ⲛⲉⲩⲉⲣⲏⲩ • ϣⲁⲛⲧ ⲟⲩⲉⲓ ⲉ
ⲡⲧⲟⲡⲟⲥ • ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲁϥⲃⲟⲕ ⲉ ϩⲟⲩⲛ
ⲛ̄ϭⲓ ⲡⲣⲱⲙⲉ ⲛ̄ ⲟⲩⲇⲁⲓ • ⲉϥⲧⲁⲗⲏⲩ ⲉ ⲡⲉϥⲧⲃ̄ⲛⲏ • ⲡⲉϫⲉ
ⲟⲩⲁ ⲛⲁϥ • ϩⲛ̄ ⲛ̄ϣⲏⲣⲉ ⲕⲟⲩⲓ̈ ⲛ̄ⲭⲣⲓⲥϯⲁⲛⲟⲥ • ⲉⲧ ⲡⲟⲛⲅ
ⲟⲙⲉ ⲉ ⲡⲧⲟⲡⲟⲥ • ϫⲉ ⲉⲕⲃⲏⲕ ⲉ ⲧⲟⲡ • ⲱ̄ ⲡⲁⲧⲛⲟⲩⲧⲉ •
ⲙⲛ̄ ⲡⲉⲓ ⲧⲃ̄ⲛⲏ • ⲉ ϩⲟⲩⲛ ⲉ ⲧⲉⲕⲕⲗⲏⲥⲓⲁ ⲙ̄ ⲡⲛⲟⲩⲧⲉ •
ⲁⲩⲱ ⲙ̄ⲡⲉ ⲡⲣⲱⲙⲉ ⲛ̄ ⲓⲟⲩⲇⲁⲓ • ϭⲱϣⲧ̄ ⲛ̄ⲥⲟϥ ϩⲱⲗⲟⲥ •
ⲁⲗⲗⲁ ⲁϥⲃⲱⲕ • ⲁϥⲁϩⲉ ⲣⲁⲧϥ̄ • ⲁϥϭⲱϣⲧ̄ | ⲉ ϩⲣⲁⲓ ⲉ
ⲧⲑⲁⲯⲓⲥ • ⲉⲥⲟⲧⲡ̄ ⲛ̄ⲅⲁⲣⲡⲟⲥ ϩⲓ ϭⲱⲃⲉ • ⲉϣϫⲉ ⲉϥⲣⲏⲧ
ϩⲓ̈ϫⲙ̄ ⲡⲕⲁϩ • ⲁⲩⲱ ⲡⲉϫⲁϥ ⲛ̄ϭⲓ ⲡⲣⲱⲙⲉ ⲛ̄ ⲓⲟⲩⲇⲁⲓ •
ϫⲉ ⲛⲓⲙ ⲡⲉ ⲛ̄ⲧⲟϥϯ • ⲛ̄ⲛⲓϭⲱⲃⲉ ⲉⲛⲁⲗⲗⲟⲧⲣⲓⲟⲛ ⲉⲛⲉⲕ‐
ⲗⲟⲙ • ⲉⲩϫⲓ ϭⲟⲗ • ⲉ ⲡⲉⲧ ⲟⲩⲁⲁⲃ • ϫⲉ ⲛ̄ⲧⲟϥ ⲡⲉ
ⲛ̄ⲧⲁϥⲣ̄ ⲡⲉⲓ • ⲁϥⲟⲩⲱϣⲃ̄ ⲛ̄ϭⲓ ⲡϣⲏⲣⲉ ϣⲏⲙ • ⲛ̄ⲁⲡ‐
ⲑⲁⲣⲧⲟⲥ • ⲡⲉ ⲛ̄ⲧⲟϥϣⲁϫⲉ • ϫⲓⲛ ⲛ̄ϣⲟⲣⲡ̄ ⲉ ⲧⲃⲉ ⲡⲧⲃ̄ⲛⲏ
ⲉⲧ ⲉϥⲧⲁⲗⲏⲩ • ⲡⲉϫⲁϥ ⲛⲁϥ • ϫⲉ ⲡⲉⲧ ⲛⲁⲡⲁⲧⲁⲥⲥⲉ
ⲙ̄ⲙⲟⲕ • ϩⲓ ϯⲟⲩⲛⲟⲩ • ⲛ̄ⲧⲟϥ ⲡⲉⲧ ⲟⲩⲱⲛϩ̄ ⲉ ⲃⲟⲗ • ⲛ̄‐
ⲛⲉϣⲡⲏⲣⲉ ⲧⲏⲣⲟⲩ • ⲛ̄ⲧⲉⲩⲛⲟⲩ ⲇⲉ ⲁϥⲙⲟⲩϩ ⲛ̄ ϭⲱⲛⲧ̄
ϩⲛ̄ ⲛ̄ⲛⲟϭ • ⲛ̄ ⲑⲩⲙⲟⲥ • ⲁϥⲕⲁ ⲡⲧⲃ̄ⲛⲏ ⲉϫⲙ̄ ⲡϣⲏⲣⲉ
ϣⲏⲙ • ϫⲉ ⲉϥⲛⲁϩⲓⲟⲩⲉ ⲉ ⲣⲟϥ • ⲁⲩⲱ ⲛ̄ⲧⲉⲩⲛⲟⲩ •
ⲁ ⲧⲟⲩⲣⲏⲧ ⲉⲛ ⲧⲙⲟⲩⲗ︤ⲗ︥ⲥ • ⲃⲱⲕ ⲉ ⲡⲉⲥⲏⲧ ϩⲙ̄ ⲡⲕⲁϩ •
ⲛ̄ⲑⲉ ⲛ̄ ⲟⲩⲟⲙⲉ • ⲁϥϩⲉ ⲉϫⲙ̄ ⲡⲉϥϩⲟ • ⲁϥⲡⲗⲩⲅⲏ ⲙ̄‐
ⲙⲟϥ • ϩⲛ̄ ⲛⲉⲛⲛⲱⲛⲉ ⲙⲛ̄ ⲛ̄ⲧⲱⲃⲉ • ⲉⲧ ⲛⲏϫ ⲉ ⲃⲟⲗ •
ϩⲙ̄ ⲡⲙⲁ ⲛ̄ ⲕⲱⲧ • ⲁⲩⲱ ⲛ̄ⲧⲉⲩⲛⲟⲩ • ⲉⲓⲥ ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ • ⲁϥⲉⲓ ϩⲛ̄ ⲡⲣⲟ • ⲉⲣⲉ ⲟⲩⲁⲅⲅⲉⲗⲟⲥ ⲙⲟⲟϣⲉ
ⲛⲙ̄ⲙⲁϥ • ⲉⲣⲉ ⲡⲉϥⲕⲟⲩⲛⲧⲁⲣⲓⲟⲛ ⲛ̄ ⲧⲟⲟ|ⲧϥ̄ ⲡⲉϫⲁϥ
ⲛⲁϥ • ϫⲉ ⲉⲕⲣ̄ ⲟⲩ ⲙ̄ ⲡⲉⲓ ⲙⲁ • ⲱ̄ ⲡⲓⲣⲱⲙⲉ ⲉⲧⲏⲩ (sic)
ⲉ ⲃⲟⲗ • ⲡⲙⲁ ⲛ̄ ⲭⲗⲓ̈ⲃⲁⲍⲉ ⲁⲛ ⲡⲉ ⲡⲉⲓ ⲙⲁ • ⲁⲕⲕⲟ ⲙ̄
ⲡⲉⲕϩⲧⲟ ⲉⲓ ⲉ ϩⲟⲩⲛ • ϩⲉⲛⲛ̄ⲁⲗⲗⲟⲧⲣⲓⲟⲥ ⲛⲉ ⲛⲓϭⲱⲃⲉ •
ⲙⲛ̄ ⲛ̄ⲓ ⲅⲁⲣⲡⲟⲥ • ⲁⲩⲱ ⲛ̄ⲧⲁⲕⲉⲓ ⲉ ⲡⲉⲓ ⲙⲁ • ϫⲉ ⲉⲕⲉϩⲓⲟⲩⲉ
ⲉ ⲛⲉⲧ ⲣ̄ ϩⲱⲃ • ⲉ ⲡⲁ ⲧⲟⲡⲟⲥ • ⲙ̄ⲡⲉ ⲕⲣ̄ ϩⲱⲃ • ⲟⲩⲇⲉ
ⲙ̄ⲡⲉ ⲕⲕⲱ ⲛⲉⲧ ⲣ̄ ϩⲱⲃ • ⲁⲩⲱ ⲛ̄ⲧⲉⲩⲛⲟⲩ ⲁϥϩⲟⲕϥ̄ ⲙ̄
ⲡⲉϥⲕⲟⲩⲛⲧⲁⲣⲓⲟⲛ • ⲉ ⲧⲙⲏⲏⲧⲉ ⲛ̄ϩⲏⲧϥ̄ • ⲁ ⲛⲉϥⲙⲁϩⲧ̄


### 0016

ⲉⲓ ⲉ ⲃⲟⲗ ⲙ̄ⲙⲟϥ • ⲉⲛⲉ ⲙⲛ̄ ⲗⲁⲁⲩ ⲛⲁⲩ ⲉ ⲡⲡⲉⲧ ⲟⲩⲁⲁⲃ •
ⲉⲓ ⲙⲏ ⲧⲉⲓ̈ ⲡⲣⲱⲙⲉ ⲛ̄ ⲟⲩⲇⲁⲓ • ⲛ̄ⲧⲁ ⲡⲉⲧ ⲟⲩⲁⲁⲃ ⲡⲁ‐
ⲧⲁⲥⲥⲉ • ⲁⲗⲗⲁ ⲛⲉⲩⲛⲁⲩ ⲉ ⲡⲣⲱⲙⲉ • ⲉϥⲛⲉϫ ⲉ ⲃⲟⲗ •
ⲉϥⲟ ⲛ̄ ⲁⲧ ⲉⲓⲙⲉ • ⲥⲉⲥⲟⲟⲩⲛ̄ ⲁⲛ • ⲙ̄ ⲡⲉ ⲛ̄ⲧⲟϥϣⲱⲡⲉ
ⲙ̄ⲙⲟϥ • ⲙⲛ︤ⲛ︥ⲥⲱⲥ ⲁϥⲱϣ ⲉ ⲃⲟⲗ • ⲛ̄ϭⲓ ⲡⲣⲱⲙⲉ • ϩⲛ̄
ⲟⲩⲛⲟϭ ⲛ̄ ⲥⲙⲏ • ⲉϥϫⲱ ⲙ̄ⲙⲟⲥ • ϫⲉ ⲡϩⲁⲅⲓⲟⲥ ⲙⲉⲣ‐
ⲕⲟⲩⲣⲓⲟⲥ • ⲃⲟⲓⲏⲑⲉⲓ ⲉ ⲣⲟⲓ • ϩⲛ̄ ⲧⲉⲟⲩⲛⲟⲩ ⲛ̄ ⲁⲛⲁⲅⲅⲉⲕⲏ •
ϯⲛⲁⲟⲩⲱϩ ⲁⲛ ⲉ ⲧⲟⲟⲧ ϣⲁ ⲉⲛⲉϩ • ⲛ̄ⲟⲩⲟⲉⲓϣ ⲉⲓⲥⲕⲟⲧⲉⲓ
ⲛ̄ⲥⲁ ⲗⲁⲁⲩ • ⲙ ⲡⲉⲧ ⲟⲩⲁⲁⲃ • ⲁⲩⲱ [ⲉ]ϣⲱⲡⲉ ⲉⲕϣⲁⲛⲉⲣ̄
ⲡⲛⲁ̄ ⲛⲙ̄ⲙⲁⲓ • ⲛⲅ̄ ⲕⲟ ⲛⲁⲓ ⲉ ⲃⲟⲗ ϩⲙ̄ ⲡⲉⲓ ϣⲱⲛⲉ • ϯⲛⲁ
ϣⲱⲡⲉ ϩⲱⲱⲧ ⲛ̄ ⲭⲣⲓⲥϯⲁⲛⲟⲥ • ⲁⲩⲱ ϯ | ⲥⲙⲓⲛⲉ ⲛ̄
ⲧⲉⲕⲥⲧⲏⲗⲏ • ϯ▨▨▨
▨▨▨ⲕ ⲧⲉⲛⲟⲩ ϩⲙ̄ ⲡⲉⲕⲉⲟⲟⲩ •
ⲉⲣⲉ ⲡⲉⲕⲕⲟⲩⲛⲧⲁⲣⲓⲟⲛ ⲧⲟⲕⲥ̄ ⲉ ⲣⲟⲓ • ⲁⲩⲱ ϯⲛⲁⲥⲙⲓⲛⲉ
ⲙ̄ ⲡⲁ ⲗⲓ̈ⲙⲛ̄ ϩⲱⲱⲧ • ⲉϥⲛⲏϫ ⲉ ⲃⲟⲗ ϩⲁ ⲛⲉⲕⲟⲩⲉⲣⲏⲧⲉ •
ϩⲛ̄ ⲟⲩⲛⲟϭ ⲛ̄ ϣⲓ̈ⲡⲉ • ⲙⲛ̄ ⲟⲩⲙⲛ︤ⲧ︥ⲁⲧϭⲟⲙ • ⲛ̄ⲧⲁⲭⲣⲩⲥ‐
ⲥⲟⲩ ⲛ̄ ⲧⲉⲕϩⲓⲕⲱⲛ ϩⲛ̄ ⲟⲩⲛⲟⲩⲃ • ⲉϥⲥⲟⲧⲡ̄ • ⲙⲛ̄ ϩⲉⲛⲛⲱⲛⲉ
ⲛ̄ⲁⲩⲉⲓⲛ ⲛ̄ⲕⲱϩⲧ̄ • ⲉⲧⲉ ⲡⲉⲭⲣⲩⲥⲟⲗⲓ̈ⲛⲑⲟⲥ ⲡⲉ • ⲁⲩⲱ
ⲡⲗⲓ̈ⲙⲛ̄ ⲙ̄ ⲡⲉⲕⲕⲟⲩⲛⲧⲁⲣⲓⲟⲛ • ϯⲛⲁ ⲧⲣⲉⲩⲧⲟⲕⲥϥ̄ ⲉⲛⲱⲛⲉ
ⲙ̄ ⲙⲉ • ⲛ̄ ⲁⲧⲁⲙⲁⲥ • ⲃⲟⲏⲑⲉⲓ ⲉ ⲣⲟⲓ ⲱ̄ ⲡⲁ ϫⲟⲉⲓⲥ •
ⲙⲉⲣⲕⲟⲩⲣⲓⲟⲥ • ⲛⲁⲓ ϫⲉ ⲛ̄ ⲧⲉⲣⲉ ϥϫⲟⲟⲩ • ⲉϥⲛⲏϫ ⲉ
ⲃⲟⲗ • ⲉϥⲟ ⲙ̄ ⲡⲏϣ ⲙⲟⲩ : ⲙⲛ︤ⲛ︥ⲥⲁ ⲛⲁⲓ • ⲁ ⲡⲁⲅⲅⲉⲗⲟⲥ
ⲙ̄ ⲡϫⲟⲉⲓⲥ • ϣⲁϫⲉ ⲙⲛ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϫⲉ
ⲛⲉϩ ⲡⲕ̄ⲕⲟⲩⲛⲧⲁⲣⲓⲟⲛ ϩⲓⲱⲱϥ • ⲉϣϫⲉ ⲉϥⲛⲁⲡⲓ̈ⲥⲧⲉⲩⲉ ⲉ
ⲡⲉⲛⲣ︤ⲣ︥ⲟ ⲙ̄ ⲙⲉ • ⲡⲉⲭ︤ⲥ • ⲛⲁⲛⲟⲩ ⲟⲩⲣⲉϥⲣ̄ ⲛⲟⲃⲉ • ⲛ̄ϩⲟⲩⲟ
ⲉⲩⲇⲓⲕⲁⲓ̈ⲟⲥ • ⲉϥⲛⲁⲣ̄ ⲛⲟⲃⲉ • ϣⲁⲣⲉ ⲟⲩⲣⲁϣⲉ ϣⲱⲡⲉ •
ϩⲛ̄ ⲧⲙⲏⲏⲧⲉ ⲛ̄ ⲛ̄ⲁⲅⲅⲉⲗⲟⲥ • ⲉϫⲛ̄ ⲟⲩⲣϥ︤ⲣ︥ ⲛⲟⲃⲉ • ⲉϥϣⲁⲛ‐
ⲙⲉⲧⲁⲛⲟⲓⲁ ⲉϫⲛ̄ | ⲛϥ̄ⲛⲟⲃⲉ • ⲕⲁⲧⲁ ⲑⲉ ⲛ̄ⲧⲁ • ⲡⲥⲱⲧⲏⲣ
ⲧⲁⲙⲉ ⲛⲉϥⲙⲁⲑⲏⲧⲏⲥ • ϫⲉ ⲛϥ̄ ⲙ̄ⲙⲁⲩ • ⲙⲁⲣⲉ ⲡⲕ̄ⲛⲁ̄
ⲧⲁϩⲟϥ • ϫⲉ ⲟⲩⲁⲧ ⲥⲟⲟⲩⲛ̄ ⲡⲉ • ⲁⲩⲱ ⲁ ⲡⲡⲉⲧ ⲟⲩⲁⲁⲃ
ⲕⲁⲁϥ ⲉ ⲃⲟⲗ • ⲛ̄ ⲧⲉⲣⲉ ⲡⲉϥϩⲏⲧ ϣⲱⲡⲉ ⲙ̄ⲙⲟϥ • ⲁϥϫⲓ
ϩⲱⲃ ⲛⲓ̈ⲙ • ⲛ̄ⲧⲁⲩϣⲱⲡⲉ ⲙⲟ̄ϥ (sic) • ⲉ ⲡⲙⲏⲏϣⲉ ⲉⲧ ⲥⲟⲟⲩϩ
ⲉ ϩⲟⲩⲛ • ⲛ̄ⲧⲟⲟⲩ ⲇⲉ ⲁⲩϯ ⲉⲟⲟⲩ ⲙ̄ ⲡⲛⲟⲩⲧⲉ • ⲡⲁⲓ ⲉⲧ
ⲓⲣⲉ ⲛ̄ ⲛⲓ ϭⲟⲙ • ⲉ ⲃⲟⲗ ϩⲓ ⲧⲟⲟⲧ ⲙ̄ ⲡϥ̄ⲙⲁⲣⲧⲩⲣⲟⲥ ⲉⲧ
ⲟⲩⲁⲁⲃ • ⲙⲛ︤ⲛ︥ⲥⲁ ⲛⲁⲓ • ⲇⲉ ⲁ ⲡⲣⲱⲙⲉ ⲧⲱⲟⲩⲛ • ⲁϥⲃⲱⲕ


### 0017

ⲉ ⲡϥ̄ⲏⲓ̈ • ⲉϥϣⲁϫⲉ ⲉ ⲧⲉϥⲥϩⲓⲙⲉ • ⲙⲛ̄ ⲛⲉϥϩⲙ̄ϩⲁⲗ •
ⲛ̄ϩⲱⲃ ⲛⲓ̈ⲙ ⲛ̄ⲧⲁⲩϣⲱⲡⲉ ⲙ̄ⲙⲟϥ • ⲁⲩⲱ ϫⲉ ⲛⲉ ⲙⲛ̄ⲧⲁⲁϥ
ϣⲏⲣⲉ ⲙ̄ⲙⲁⲩ • ϫⲉ ⲟⲩⲁϭⲣⲏⲛ ⲧⲉ • ⲧⲉϥⲥϩⲓⲙⲉ • ⲙ̄ ⲡⲉϥ‐
ⲣⲁⲥⲧⲉ ⲇⲉ • ⲡⲉϫⲁϥ ⲛ̄ ⲧⲉϥⲥϩⲓⲙⲉ • ϫⲉ ⲡⲉⲧ ⲟⲩⲉϣ
ⲡⲛⲟⲩⲧⲉ • ⲙⲁⲣⲉϥⲟⲩⲁϩϥ̄ ⲛ̄ⲥⲱⲓ • ⲁⲩⲱ ⲁϥϫⲓ ⲛ̄ ⲧⲉϥⲥϩⲓⲙⲉ •
ⲙⲛ̄ ⲛⲉϥϩⲙ̄ϩⲁⲗ • ⲁϥⲃⲱⲕ ⲉ ⲣⲁⲧϥ̄ ⲙ̄ ⲡⲓ̈ⲥⲕⲟⲡⲟⲥ (sic) •
ⲁϥⲃⲁⲡⲧⲓⲍⲉ ⲙ̄ⲙⲟⲟⲩ • ⲉ ⲡⲣⲁⲛ ⲙ̄ ⲡⲣⲁⲛ (sic) ⲙ̄ ⲡⲓⲱⲧ •
ⲙⲛ̄ ⲡϣⲏⲣⲉ • ⲙⲛ̄ ⲡⲉⲡⲛ︤ⲁ︥ [ⲉ]ⲧ ⲟⲩⲁ̄ⲃ • ⲁⲩⲱ ⲁϥⲙⲟⲩⲧⲉ |
ⲉ ⲡⲉϥⲣⲁⲛ ϫⲉ ⲍⲁⲭⲁⲣⲓⲁⲥ • ⲁⲩⲱ ⲧⲉϥⲥϩⲓⲙⲉ ϫⲉ ⲗⲉⲥⲁ‐
ⲃⲉⲧ • ⲁⲩⲱ ⲛ̄ ⲧⲉⲣⲉ ϥⲃⲱⲕ ⲉ ⲡⲉϥⲓ̈ⲏ • ⲁϥⲥⲟⲩⲱⲛ ⲧⲉϥ‐
ⲥϩⲓ̈ⲙⲉ • ⲁⲥⲱⲱ ⲛ̄ϣⲏⲣⲉ ⲥⲛ̄ⲁⲩ • ⲛ̄ϩⲟⲟⲩⲧ ⲛ̄ ⲟⲩⲥⲟⲡ ⲛ̄
ⲟⲩⲱⲧ • ⲁⲩⲱ ⲛ̄ ⲧⲉⲣⲉ ⲯⲓⲥ ⲛ̄ⲉⲃⲟⲧ ϫⲱⲕ ⲉ ⲃⲟⲗ • ⲁⲥϫⲡⲟ
ϣⲏⲣⲉ ⲥⲛⲁⲩ ⲛ̄ϩⲁⲧⲣⲉ • ⲁⲥⲙⲟⲩⲧⲉ ⲉ ⲡϣⲟⲣⲡ̄ ⲙ ⲙⲓ̈ⲥⲉ •
ϫⲉ ⲙⲉⲣⲕⲟⲩⲣⲓⲟⲥ • ⲕⲁⲧⲁ ⲡⲣⲁⲛ ⲙ̄ ⲡⲉⲧ ⲟⲩⲁⲁⲃ • ⲉ ⲃⲟⲗ
ϫⲉ ⲧⲁⲩⲁⲙⲁⲧⲉ ⲙ̄ ⲡⲟⲩϫⲁⲓ ⲉ ⲃⲟⲗ ϩⲓ ⲧⲟⲟⲧϥ̄ • ⲡⲙⲉϩ
ⲥⲛⲁⲩ ⲁⲩⲙⲟⲩⲧⲉ ⲉ ⲣⲟϥ • ϫⲉ ⲓⲱϩⲁⲛⲛⲏⲥ • ⲉ ⲡⲣⲁⲛ ⲙ̄
ⲡⲃⲁⲡⲧⲓⲥⲧⲏⲥ • ⲙⲛ︤ⲛ︥ⲥⲁ ⲛⲁⲓ ⲧⲏⲣⲟⲩ • ⲁϥⲙⲟⲩⲧⲉ ⲉⲩⲣⲱⲙⲉ
ⲛ̄ ⲧⲩⲭⲛⲉⲓⲧⲏⲥ ⲁϥϯ ⲛⲁϥ ⲙ̄ ⲙⲏⲧ ⲛ̄ⲗⲓⲧⲣⲁ ⲛⲟⲩⲃ •
ⲉϥⲥⲟⲧⲡ̄ • ⲙⲛ̄ ϩⲉⲛⲛⲱⲛⲉ ⲙ̄ ⲙⲉ ⲉⲩⲧⲁⲓⲏⲩ • ⲁϥⲥⲙⲛ̄
ⲡⲗⲓ̈ⲙⲛ̄ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲉⲣⲉ ⲡϥ̄ⲕⲟⲩⲛⲧⲁⲣⲓ̈ⲟⲛ
ⲛ̄ ⲧⲟⲟⲧϥ̄ • ⲁϥⲧⲣⲉⲩⲧⲟⲕⲥϥ̄ ⲉⲛⲱⲛⲉ • ⲛ̄ ⲁⲧⲁⲙⲁⲥ ⲁⲩⲱ
ⲁϥⲧⲣⲉⲩⲥⲙⲓⲛⲉ ⲙ̄ ⲡϥ̄ⲗⲓⲙⲏⲛ • ϩⲱϥ ⲛ̄ ⲛⲟⲩⲃ • ϩⲓ̈ ⲱⲛⲉ
ⲙ̄ ⲙⲉ • ⲉϥϩⲁ ⲡⲉⲥⲏⲧ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲉϥ‐
ⲡⲁⲧⲁⲥⲥⲉ ⲙ̄ⲙⲟϥ ϩⲙ̄ ⲡϥ̄ⲙⲉⲣⲉϩ • ⲉϫⲛ̄ ϩⲏⲧϥ̄ • ⲁⲩⲱ
ϥⲓ | ⲛ̄ ⲧⲉϥϩⲓⲕⲱⲛ • ⲉ ϩⲟⲩⲛ ⲉ ⲧⲉⲕⲕⲗⲏⲥⲓⲁ • ⲙⲛ︤ⲛ︥ⲥⲁ
ⲡϩⲁⲅⲓⲁⲥⲙⲟⲥ • ⲙ̄ ⲡⲧⲟⲡⲟⲥ ⲁϥⲕⲁⲁⲥ ϩⲓⲑⲏ ⲙ̄ ⲡϩⲓⲣⲁ‐
ⲧⲓⲟⲛ • ϣⲁ ϩⲣⲁⲓ ⲉ ⲡⲟⲟⲩ ⲛ̄ϩⲟⲟⲩ • ⲁⲩⲱ ⲥⲉϣⲟⲟⲡ ⲧⲉⲛⲟⲩ
ⲉⲩⲙⲛ︤ⲧ︥ⲙⲛ︤ⲧ︥ⲣⲉ ⲛ̄ ⲛ̄ϭⲟⲙ ⲙ̄ ⲡⲙⲁⲣⲧⲩⲣⲟⲥ ⲉⲧ ⲟⲩⲁⲁⲃ •
ⲡϩⲁⲅⲓⲟⲥ ⲙⲉⲣⲕⲟⲩⲣⲓ̈ⲟⲥ • ϩⲛ̄ ⲟⲩⲉⲣⲏⲛⲏ ⲛ̄ⲧⲉ ⲡⲛⲟⲩⲧⲉ
ϩⲁⲙⲏⲛ ▨:::


### 0018

ⲦⲘⲈϨ ϢⲘⲞⲨⲚ Ⲛ̄ϬⲞⲘ ⲠⲒ ϨⲀⲄⲒⲞⲤ
ⲘⲈⲢⲔⲞⲨⲢⲒⲞⲤ
Ⲁⲥϣⲱⲡⲉ ⲇⲉ • ⲙⲛ︤ⲛ︥ⲥⲁ ⲧⲣⲉⲩϩⲁⲅⲓⲁⲍⲉ • ⲙ̄ ⲡⲧⲟⲡⲟⲥ ⲙ̄
ⲡⲉⲧ ⲟⲩⲁⲁⲃ • ⲁⲩⲱ ⲁ ⲡⲥⲟⲉⲓⲧ ⲛ̄ ⲛⲓϭⲟⲙ (?) [ⲡ]ⲱϩ • ϣⲁ
ⲙⲁ ⲛⲓⲙ • ⲁⲩⲱ ⲟⲩⲛⲟϭ ⲙ̄ⲙⲏⲏϣⲉ • ⲉⲩⲛⲏⲩ ⲉ ⲡⲉϥⲗⲓ‐
ⲯⲁⲛⲟⲛ ⲉⲧ ⲟⲩⲁⲁⲃ • ⲉⲩ[ⲟⲩ]ⲱϣⲧ̄ ⲉ ϫⲱϥ • ⲁⲩⲱ ⲛⲉⲧ
ϣⲱⲛⲉ ⲉⲩⲁⲙⲁⲧⲉ ⲙ̄ ⲡⲧⲁⲗϭⲟ • ⲉⲩⲃⲏⲕ ⲉ ⲛⲉⲩⲏⲓ̈ • ⲛ̄-
ⲇⲓⲙⲱⲛⲓⲟⲛ ⲉϥⲛⲟⲩϫ ⲙ̄ⲙⲟⲟⲩ ⲉ ⲃⲟⲗ • ⲁⲩⲱ ⲛⲉⲩϯ ϩⲁϩ
ⲛ̄ⲉⲓⲣⲏⲧ ϩⲓ ⲡⲣⲟⲥⲫⲟⲣⲁ • ⲉ ϩⲟⲩⲛ ⲉ ⲡⲉϥⲧⲟⲡⲟⲥ • ⲛⲉⲩⲛ̄
ⲟⲩⲁⲣⲭⲱⲛ ⲇⲉ • ϩⲛ̄ ⲟⲩⲭⲱⲣⲓⲟⲛ ϩⲓⲧⲟⲩⲱϥ • ⲙ̄ ⲡⲙⲁⲓ̈ (sic)
ⲟⲩⲙⲁ ⲉⲩⲙⲟⲩⲧⲉ • ⲉ ⲡⲣⲁⲛ ⲙ̄ ⲡⲁⲣⲭⲱⲛ ⲉⲧ ⲙ̄ⲙⲁⲩ •
ϫⲉ ⲕⲩⲣⲓⲥ ϩⲉⲣⲙⲁⲡⲟⲗⲗⲱⲛ • ⲉ ⲟⲩⲛ̄ⲧⲁϥ ⲙ̄ⲙⲁⲩ | ⲛ̄ •
ⲟⲩϣⲉⲉⲣⲉ [ϣⲏⲙ] • ⲙ̄ ⲙⲟⲛⲟⲅⲉⲛⲏⲥ • ⲙ̄ⲡ ϥ̄ϫⲟ ϣⲏⲣⲉ
ⲉⲛⲉϩ • ⲛ̄ⲥⲁⲃⲗ̄ⲗⲁⲥ • ⲛ̄ⲧⲁϥⲕⲁⲁⲥ ⲉ ϩⲣⲁⲓ • ⲉⲥⲟ ⲛ̄ ⲕⲟⲩⲓ
ⲛ̄ ⲟⲣⲫⲁⲛⲟⲥ • ⲉϥϭⲱϣⲧ̄ ⲛ̄ⲥⲱⲥ • ϩⲱⲥ ⲉϥⲛⲁⲩ ⲉ ⲡⲛⲟⲩⲧⲉ •
ⲁϥⲥⲱⲧⲙ̄ ⲉ ⲧⲃⲉ ⲛ̄ϭⲟⲙ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲁϥ‐
ⲧⲱⲟⲩⲛ • ⲁϥϥⲓ ⲟⲩⲕⲟⲩⲓ ⲛ̄ⲉⲩⲗⲟⲅⲓ̈ⲁ • ϣⲁ ⲙⲁⲁⲃ ⲛ̄ϩⲟ‐
ⲗⲟⲕⲟϯⲛⲟⲥ • ⲁϥⲃⲱⲕ ⲉ ⲡⲧⲟⲡⲟⲥ ⲙ̄ ⲡⲉⲧ ⲟⲩⲁⲁⲃ • ⲁϥ‐
ϣⲗⲏⲗ ⲁϥϯ ⲙ̄ ⲡⲙⲁⲁⲃ • ⲛ̄ϩⲟⲗⲟⲕⲟϯⲛⲟⲥ • ⲙ̄ ⲡⲟⲓⲕⲟ‐
ⲛⲟⲙⲟⲥ ⲙ̄ ⲡⲧⲟⲡⲟⲥ • ⲁⲩⲱ ⲁ ⲛⲉⲕⲗⲏⲣⲓⲕⲟⲥ • ⲉⲓⲣⲉ ⲛ̄
ⲟⲩⲛⲟϭ ⲛ̄ ϣⲟⲡⲥ̄ ⲉ ⲣⲟϥ • ϫⲉ ⲛⲉ ϩⲉⲛⲙⲁⲓⲣⲱⲙⲉ ⲛⲉ •
ⲛⲉⲕⲗⲏⲣⲓⲕⲟⲥ ⲉⲧ ⲙ̄ⲙⲁⲩ • ⲗⲟⲓⲡⲟⲛ ⲁⲩⲥⲱ ⲛ̄ ⲟⲩⲙⲏⲏϣⲉ
ⲛ̄ ⲏⲣⲡ̄ • ⲁⲩⲱ ⲁⲩⲱⲙ : ⲛ̄ ⲟⲩⲙⲏⲏϣⲉ ⲛ̄ ϭⲓⲛⲟⲩⲱⲙ •
ⲉⲩϯ ⲙⲁ ⲙ̄ ⲡⲁⲣⲭⲱⲛ • ⲗⲟⲓⲡⲟⲛ ⲁⲩⲥⲩⲛϯⲭⲓⲁ • ⲉⲓ̈
ⲉ ⲧⲙⲏⲏⲧⲉⲓ̈ • ⲡⲉϫⲉ ⲡⲁⲣⲭⲱⲛ • ϫⲉ ⲧⲉⲧⲛ︤ⲣ︥ ⲭⲣⲓⲁ ⲉⲛ
ⲟⲩ ⲙⲁⲧⲁⲙⲟⲓ • ⲛ̄ⲧⲁⲥⲙⲛ̄ⲧϥ̄ ⲉ ⲡⲉⲓ ⲧⲟⲡⲟⲥ • ⲛⲉⲕⲗⲏ‐
ⲣⲓⲕⲟⲥ ⲇⲉ ⲁⲩⲱ ⲡⲟⲓⲕⲟⲛⲟⲙⲟⲥ • ⲡⲉϫⲁⲩ ⲛⲁϥ • ϫⲉ ⲛ̄-
ⲟⲩⲉϣ ⲟⲩⲙⲁ ⲛ̄ ⲙ̄ⲕⲟⲧⲕ̄ ⲉⲛⲁⲛⲟⲩϥ • ⲛ̄ⲧⲛ̄ⲧⲁⲗⲟ ⲡⲥⲱⲙⲁ
ⲙ̄ ⲡⲙⲁⲣⲧⲩⲣⲟⲥ ⲉ ϫⲱϥ • ⲁ ⲡⲁⲣ|ⲭⲱⲛ ⲟⲩⲱϣⲃ̄ • ⲉϥϫⲱ
ⲙ̄ⲙⲟⲥ • ϫⲉ ⲉⲣϣⲁⲛ ⲡⲛⲟⲩⲧⲉ • ⲙ̄ ⲡϩⲁⲅⲓⲟⲥ ⲙⲉⲣⲕⲟⲩ‐
ⲣⲓⲟⲥ • ⲛ̄ⲧⲉ ⲡⲁⲓ̈ ⲁⲓ̈ⲧⲉⲓ̈ⲙⲁ ϫⲱⲕ ⲉ ⲃⲟⲗ • ϯⲛⲁⲥⲙⲓⲛⲉ ⲛ̄


### 0019

ⲟⲩ[ⲙⲁ] ⲛ̄ ⲙ̄ⲕⲟⲧⲕ̄ • ⲙ̄ ⲡⲙⲁⲣⲧⲩⲣⲟⲥ • ⲛ̄ⲧⲁϣⲉⲧϣⲱⲧϥ̄
ⲛ̄ ⲏⲓⲗⲓⲫⲁⲛϯⲛⲟⲛ ⲉϥⲧⲁⲓⲏⲩ • ⲛ̄ⲑⲉ ⲙ̄ ⲡⲁ ⲛⲉⲣⲣⲱⲟⲩ •
ⲛ̄ ⲛⲉϩⲣⲱⲙⲁⲓⲟⲥ • ⲙⲛ︤ⲛ︥ⲥⲁ ⲛⲁⲓ ⲁϥⲛ̄ⲕⲟⲧⲕ̄ ⲛ̄ϭⲓ ⲡⲁⲣⲭⲱⲛ
ⲛ̄ⲧⲉⲩϣⲏ • ⲁⲩⲱ ⲉⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲁϥⲟⲩⲱⲛϩ̄
ⲉ ⲣⲟϥ • ⲙ̄ ⲡⲉⲥⲙⲟⲧ ⲛ̄ ⲟⲩⲥⲧⲣⲁⲧⲩⲗⲁⲧⲏⲥ • ⲡⲉϫⲁϥ
ⲛⲁϥ • ϫⲉ ⲉⲕϣⲁⲛⲧⲱⲟⲩⲛ • ▨ⲣ[ⲧ]ⲁⲗⲉ ⲉ ⲡⲕ̄ⲧⲃ̄ⲛⲏ • ⲛⲅ̄
ⲃⲱⲕ ⲉ ⲡⲕ̄ⲏⲓ • ⲁⲩⲱ ⲙ̄ⲡⲣ̄ ⲕⲁⲧⲉⲭⲉⲓ • ⲉ ⲥⲙⲓⲛⲉ ⲙ̄ ⲡⲉⲓ
ϭⲗⲟϭ • ⲛ̄ⲑⲉ ⲛ̄ⲧⲁⲕϫⲟⲟⲥ • ϯⲥⲟⲟⲩⲛ ⲅⲁⲣ ϫⲉ ⲟⲩⲛ̄ •
ⲟⲩⲕⲟⲩⲓ ⲛ̄ ⲁⲙⲉⲗⲓⲁ ⲛⲁϣⲱⲡⲉ ⲙ̄ⲙⲟⲕ • ⲉ ⲧⲃⲉ ⲡⲧⲱϣ
ⲙ̄ ⲡⲙⲁ ⲛ̄ ⲙ̄ⲕⲟⲧⲕ̄ • ⲛ̄ⲧⲁ ⲛⲉⲕⲗⲏⲣⲓⲕⲟⲥ ⲧⲁⲙⲟⲕ • ⲉ
ⲧⲃⲏⲏⲧϥ̄ • ϩⲓ ⲣⲟⲩϩⲉ • ⲁⲗⲗⲁ ϯϥⲓ ⲱⲡ ⲛⲙ̄ⲙⲁⲕ ⲁⲛ •
ϯⲥⲟⲟⲩⲛ̄ ϫⲉ ⲙⲛ︤ⲛ︥ⲥⲁ ⲛⲁⲩ ⲛⲓ̈ⲙ • ⲉⲕⲛⲁϫⲡⲉ ⲉⲓ ⲉ ⲡⲁ ⲧⲟ‐
ⲡⲟⲥ • ⲛ̄ⲧⲁⲛⲁ̄ ⲛⲁⲕ • ⲡⲁⲣⲭⲱⲛ ⲇⲉ ⲁϥⲛⲉϩⲥⲉ • ⲉϩⲙ̄
ⲡϩⲟⲣⲟⲙⲁ ⲉ ϩⲣⲁⲓ • ⲁϥⲣ̄ ϣⲡⲏⲣⲉ ⲉⲙⲁⲧⲉ • | ϣⲟⲣⲡ̄ ⲇⲉ
ⲛ̄ ⲧⲉⲣ ⲉϥϣⲱⲡⲉ • ⲁϥⲃⲱⲕ ⲉ ⲧⲉⲕⲗⲏⲥⲓⲁ(sic) • ⲁϥⲟⲩⲱϣⲧ̄
ⲉϫⲙ̄ ⲡⲥⲱⲙⲁ ⲙ̄ ⲡⲙⲁⲣⲧⲩⲣⲟⲥ • ⲁϥ[ⲉⲓ] ⲉ ⲃⲟⲗ • ⲁϥⲁⲗⲉ
ⲉ ⲛⲉϥⲧⲃ̄ⲛⲟⲟⲩⲉ • ⲁϥⲃⲱⲕ ⲉ ⲡϥ̄ⲏⲓ̈ • ⲛ̄ ⲧⲉⲣⲉ ⲟⲩϩⲟⲟⲩ
ⲇⲉ ⲟⲩⲉⲓⲛⲉ • ϫⲉ ⲛ̄ⲧⲁ ⲡⲁⲣⲭⲱⲛ • ⲉⲓ ϩⲙ̄ ⲡⲙⲁⲣⲧⲏⲣⲓⲟⲛ
ⲙ̄ ⲡⲉⲧ ⲟⲩⲁⲁⲃ • ⲁⲩⲁⲣⲭⲱⲛ ⲛ̄ⲧⲉ ⲧⲡⲟⲗⲓⲥ • ⲥⲱⲧⲙ̄ ⲉ
ⲧⲃⲉ ⲧⲉϥϣⲉⲉⲣⲉ ⲙ̄ ⲡⲁⲣⲑⲉⲛⲟⲥ • ϫⲉ ⲛⲉⲥⲟⲥ ⲉⲙⲁⲧⲉ •
ⲁϥⲧⲛ̄ⲛⲟⲟⲩ ⲛ̄ ϩⲉⲛⲣⲱⲙⲉ ⲛ̄ⲧⲉ ⲧⲡⲟⲗⲓⲥ ϣⲁ ⲣⲟϥ • ⲉϥϫⲱ
ⲙ̄ⲙⲟⲥ • ϫⲉ ⲉⲓⲟⲩⲱϣ ϫⲓ ϩⲱⲓ • ⲛ̄ ⲧⲉⲕϣⲉⲉⲣⲉ ⲙ̄ ⲡⲁ
ϣⲏⲣⲉ • ⲁⲩⲱ ϯⲛⲁⲧⲁϣⲟ ⲧⲉϭⲣⲏⲡⲉ • ϩⲙ̄ ⲡⲛⲟⲩⲃ ⲙⲛ̄
ⲡϩⲁⲧ • ⲁⲩⲱ ϩⲉⲛϩⲙ̄ϩⲁⲗ ⲛ̄ϩⲟⲟⲩⲧ • ⲙⲛ̄ ϩⲉⲛϩⲙ̄ϩⲁⲗ
ⲛ̄ⲥϩⲓⲙⲉ • ⲁⲩⲱ ϩⲉⲛϭⲁⲙⲟⲩⲗ • ϩⲉⲛⲣⲉϥⲡⲗⲉⲓⲁ ϩⲛ̄ ⲑⲁⲗ‐
ⲗⲁⲥⲥⲁ • ⲕⲁⲧⲁ ⲡⲧⲁⲓⲟ ⲛ̄ⲧⲉⲕⲙⲛ︤ⲧ︥ⲛⲟϭ ϩⲓ ⲟⲩⲥⲟⲡ • ⲧⲟⲧⲉ
ⲧⲙⲁⲁⲩ ⲛ̄ ⲧϣⲉⲉⲣⲉ ϣⲏⲙ ⲧⲉⲥϩⲓⲙⲉ ⲙ̄ ⲡⲁⲣⲭⲱⲛ •
ⲁⲥⲙⲟⲩⲧⲉ ⲉ ⲣⲟϥ • ⲁⲥⲧⲁⲙⲟϥ ⲁ ⲡϣⲁϫⲉ • ⲡⲉϫⲉ ⲡⲁⲣ‐
ⲭⲱⲛ • ϫⲉ ⲉϣⲱⲡⲉ ⲙⲓϩⲉ ⲉ ϣⲏⲣⲉ ϣⲏⲙ • ⲛ̄ⲧⲁⲓⲛ̄ⲧϥ̄ ⲉ
ϩⲟⲩⲛ ⲉ ⲡⲁ ⲏⲓ • ⲛ̄ⲧ ⲁⲓⲥϩⲁⲓ ⲛⲁϥ • ⲛ̄ ⲧⲁ ⲡⲣⲟⲥϩⲟⲇⲟⲥ
ⲧⲏⲣⲥ̄ • ⲙⲛ̄ ϭⲟⲙⲙⲟⲓ ⲉ ⲡⲟⲣϫⲥ̄ ⲉ ⲣⲟⲓ ⲉⲛⲉϩ • | ⲁⲩⲱ
ⲡϣⲏⲣⲉ [ϣⲏⲙ] ϫⲉ ⲙⲛ̄ⲧⲁⲓ ⲛ̄ⲥⲁⲃⲗ̄ⲗⲁⲥ • ⲉⲓϭⲱϣⲧ̄ ⲛ̄ⲥⲟⲥ
ⲉⲓϭⲱϣⲧ̄ ⲛ̄ⲥⲁ ⲡⲛⲟⲩⲧⲉ • ⲧⲟⲧⲉ ⲁ ⲧⲉⲥϩⲓ̈ⲙⲉ ⲙ̄ ⲡⲁⲣⲭⲱⲛ •
ϫⲱ ⲛ̄ϩⲱⲃ ⲛⲓⲙ • ⲉ ⲛⲉⲥϩⲓ̈ⲙⲉ ⲛ̄ⲧⲁⲩⲉⲓ • ⲁⲩⲱ ⲁⲩⲃⲱⲕ


### 0020

ⲉⲩⲗⲩⲡⲉⲓ̈ • ⲁⲩϫⲱ ⲛ̄ ϩⲱⲃ ⲉ ⲡϣⲏⲣⲉ ϣⲏⲙ : ⲙⲛ̄ ⲛⲉϥ‐
ⲉⲓⲟⲧⲉ • ⲁⲩⲱ ⲁⲩⲉⲙ ⲡⲕⲁϩ ⲛ̄ϩⲏⲧ • ⲁⲩⲱ ⲙ̄ⲡ ⲟⲩϣⲁϫⲉ •
ⲣⲟⲩϩⲉ ⲇⲉ ⲛ̄ ⲧⲉⲣⲉ ϥϣⲱⲡⲉ • ⲁⲩⲙⲟⲩⲧⲉ ⲉ ⲡⲉⲩϣⲏⲣⲉ •
ⲁⲩϣⲁϫⲉ ⲛⲙ̄ⲙⲁϥ • ⲉ ⲧⲃⲉ ϩⲁϩ ⲛ̄ϣⲏⲣⲉ ϣⲏⲙ • ϩⲛ̄
ⲧⲡⲟⲗⲓ̈ⲥ • ⲁⲩⲱ [ⲙ̄]ⲡ ⲟⲩⲣⲁⲛⲁϥ ⲡϣⲏⲣⲉ ϣⲏⲙ • ⲁⲗⲗⲁ
ⲛⲉϥⲙⲟⲕϩ̄ ⲛ̄ ϩⲏⲧ • ⲉ ⲃⲟⲗ ϫⲉ ⲉϥⲥⲟⲟⲩⲛ̄ ⲛ̄ ⲧϣⲉⲉⲣⲉ
ϣⲏⲙ • ϫⲉ ⲛⲉⲥⲟⲥ ⲉⲙⲁⲧⲉ • ϫⲉ ⲛϥ̄ⲟ ⲛⲕⲟⲩⲓ • ⲉϥϩⲛ̄
ⲧⲁⲛⲍⲉⲃⲉ • ϩⲁϩⲧⲛ̄ ⲙ̄ ⲡⲉϥⲥⲁϩ • ϣⲁⲣⲉ ⲡⲥⲁϩ ⲧⲛ̄ⲛⲟⲟⲩ
ⲙ̄ ⲡϣⲏⲣⲉ ϣⲏⲙ • ⲙ̄ⲙⲏⲏⲛⲉ • ⲛⲉϥⲁⲡⲁⲅⲅⲉⲗⲉ ⲉ ⲧϣⲉⲉⲣⲉ
ϣⲏⲙ • ⲛ̄ ⲛⲉⲧ ⲉⲣⲉ ⲡϥ̄ⲥⲁϩ ⲛⲁⲥϩⲁⲓⲥⲟⲩ ⲛⲁϥ • ⲉ ⲧϥ̄‐
ⲡⲁⲛⲁⲅⲓⲥ • ⲗⲟⲓⲡⲟⲛ ⲁϥⲣ̄ ⲧⲉⲩϣⲏ ⲧⲏⲣⲥ̄ • ⲉϥ︤ⲛ︥ⲕⲟⲧⲕ̄ •
ⲉϥⲙⲉⲉⲩⲉ ⲉ ⲃⲟⲗ • ϫⲉ ⲟⲩ ⲁⲣⲁ ⲡⲉⲧ ⲉϥⲛⲁⲁⲁϥ • ϣⲁⲛⲧ
ⲉϥⲁⲡⲁⲛⲧⲁ • ⲉⲧ | ⲉ ⲧϣⲉⲉⲣⲉ ϣⲏⲙ • ⲛ̄ ϩⲛ̄ ⲟⲩϣϣⲏⲃ
ⲛ̄ ⲅⲁⲙⲟⲥ • ⲏ̄ ϩⲛ̄ ⲟⲩⲡⲟⲣⲛⲓⲁ • ⲉ ⲧⲃⲉ ⲡⲉϥⲛⲟϭ ⲛ̄ ⲕⲱϩ •
ⲉ ϩⲟⲩⲛ ⲉ ⲣⲟⲥ • ϩⲁⲡⲗⲟⲥ ⲁϥϭⲱ ⲉϥⲗⲩⲡⲉⲓ̈ • ⲁⲩⲱ ⲙ̄ⲡ
ϥ̄ⲧⲁⲙⲉ ⲗⲁⲁⲩ ⲛ̄ⲣⲱⲙⲉ ⲉ ⲡⲉϥⲗⲩⲡⲉⲓ̈ • ⲁⲩⲱ ⲙ̄ ⲡϩⲟⲩⲛ
ⲛ̄ ⲟⲩⲉⲃⲟⲧ ⲛ̄ϩⲟⲟⲩ • ϫⲓⲛ ⲛ̄ⲧⲁ ⲛⲁⲓ ϣⲱⲡⲉ • ⲁ ⲧⲙⲁⲁⲩ
ⲙ̄ ⲡϣⲏⲣⲉ ϣⲏⲙ ⲙⲟⲩ • ⲁⲩⲱ ⲉ ⲃⲟⲗ ⲛ̄ ⲧⲗⲩⲡⲉⲓ ⲛ̄
ⲧⲉϥⲙⲁⲁⲩ • ⲙ̄ⲡⲉ ⲡⲉϥⲉⲓⲱⲧ • ϣⲓⲛⲉ ⲛ̄ⲥⲁ ⲗⲁⲁⲩ ⲛ̄ ⲥϩⲓⲙⲉ
ⲛⲁϥ ⲛ̄ ⲕⲉ ⲥⲟⲡ • ⲡϣⲏⲣⲉ ⲇⲉ ϣⲏⲙ • ⲙ̄ⲡⲉ ⲡⲙⲉⲉⲩⲉ
ⲗⲟ ⲉϥⲉⲛⲱⲭⲗⲉ ⲛⲁϥ • ⲉ ⲧⲃⲉ ⲧϣⲉⲉⲣⲉ ϣⲏⲙ • ⲁϥϯ ⲉ
ⲡⲁϩⲟⲩ ⲙ̄ⲙⲏⲛⲉ • ϣⲁⲛⲧ ⲉϥϩⲱⲛ ⲉ ϩⲟⲩⲛ ⲉ ⲡⲙⲟⲩ •
ⲁⲩⲱ ϩⲁϩ ⲙ̄ⲙⲁⲅⲟⲥ ⲁϥⲃⲱⲕ ⲉ ⲣⲁⲧⲟⲩ • ⲉϥⲟⲩⲱϣ ⲥⲱⲕ
ⲙ̄ ⲡⲛⲟⲩⲥ ⲛ̄ ⲛⲉⲥⲉⲓⲟⲧⲉ • ⲛ̄ⲥⲉ ϯ ⲛ̄ ⲧϣⲉⲉⲣⲉ ϣⲏⲙ ⲛⲁϥ
ⲙⲁⲁⲩ • ⲁⲩⲱ ⲙ̄ⲡ ⲉϥⲁⲙⲁⲧⲉ ⲙ̄ ⲡⲁⲓ • ⲁⲗⲗⲁ ⲁϥϩⲉ
ⲉⲩⲛⲟϭ ⲙ̄ⲙⲁⲅⲟⲥ • ⲡϩⲁⲏ ⲡⲉϫⲁϥ • ϫⲉ ϯⲛⲁⲧⲣⲉⲕⲛⲁⲩ
ⲉ ⲣⲟⲥ • ⲛⲅ̄ ϣⲁϫⲉ ⲛⲙ̄ⲙⲁⲥ • ⲛ̄ ⲟⲩⲙⲏⲏϣⲉ ⲛ̄ⲥⲟⲡ •
ⲛ̄ⲧⲁⲡⲣⲟ ϩⲓ ⲧⲁⲡⲣⲟ • ⲡϣⲏⲣⲉ ⲇⲉ ϣⲏⲙ ϩⲓⲧⲛ̄ ⲡϥ̄ⲛⲟϭ
ⲛ̄ϫⲱϥ ⲛ̄ ϩⲏⲧ ⲉ ϩⲟⲩⲛ ⲉ
[Ⲟne leaf, or more, wanting]
|ϫⲱϫ • ⲁⲩⲱ ⲟⲛ ϩⲉⲛⲡⲉⲩⲕⲓⲟⲛ ⲁⲩⲥⲙⲛ̄ⲧⲟⲩ ⲙ̄ ⲡⲟϭⲉ •
ⲁⲩϣⲉⲧϣⲱⲧⲟⲩ ⲙ̄ ⲡⲉⲧⲁⲗⲟⲛ ϩⲓⲗⲉⲫⲁ[ⲛ]ϯⲛⲟⲛ • ⲁⲩⲱ
ⲧⲁⲙⲓⲟ ⲙ̄ ⲡⲙⲁ ⲛ̄ ⲙ̄ⲕⲁⲧⲕ̄ (sic) ⲁⲩⲱϥⲧ̄ ⲉ ϩⲟⲩⲛ ⲉ ⲣⲟϥ ⲛ̄
ⲑⲓⲕⲱⲛ ⲙ̄ ⲡⲙⲁⲣⲧⲩⲣⲟⲥ ϩⲛ̄ ϩⲉⲛⲛⲱⲛⲉ ⲛⲁⲩⲁⲛ ⲉⲛⲓϭⲉ •


### 0021

ⲙⲛ̄ ϣⲟⲙ̄ⲧ ⲛ︤ⲥ︥⳨ⲟ︦ⲥ︥ ⲛ̄ⲛⲟⲩⲃ • ⲙⲛ̄ ϣⲟⲙ̄ⲧ ⲛ̄ⲥⲫⲣⲁⲅⲓⲥ ⲛ̄
ϩⲁⲧ • ⲗⲟⲓ̈ⲡⲟⲛ ⲁⲩϫⲟⲕϥ̄ ⲉ ⲃⲟⲗ ⲕⲁⲗⲟⲥ • ϩⲛ̄ ⲟⲩⲛⲟϭ
ⲛⲓ̈ⲡⲓ̈ⲕⲏⲥ • ⲁϥⲧⲁⲗⲟ ⲡⲉⲕϭⲗⲟϭ • ⲉϫⲛ̄ ⲛⲉϥⲧⲃ̄ⲛⲟⲟⲩⲉ ⲛ̄-
ⲧⲉⲩϣⲏ • ⲙⲛ̄ ⲧⲉϥⲥϩⲓⲙⲉ ⲙⲛ̄ ⲧⲉϥϣⲉⲉⲣⲉ ⲉⲧ ϣⲱⲛⲉ •
ⲙⲛ̄ ⲛϥ̄ϩⲙ̄ϩⲁⲗ ϣⲁⲛⲧⲟⲩⲉⲓ ⲉ ⲡⲧⲟⲡⲟⲥ ⲙ̄ ⲡⲉⲧ ⲟⲩⲁⲁⲃ •
▨ⲛ̄ϣⲟⲛⲧ (sic) ⲉⲛϩⲟⲟⲩ • ⲉ ⲡϣⲁ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩ‐
ⲣⲓⲟⲥ • ⲉⲧⲉ ⲥⲟⲩ ϫⲟⲩⲧⲏ ⲛ̄ ⲁⲑⲱⲣ ⲡⲉ • ⲛ̄ ⲧⲉⲣ ⲟⲩⲛⲁⲩ
ⲇⲉ • ⲉ ⲡⲉⲕϭⲗⲟϭ • ⲛ̄ϭⲓ ⲛⲉⲕⲗⲏⲣⲓⲕⲟⲥ • ⲁⲩⲑⲁⲃⲙⲁⲍⲉ (sic)
ⲉⲙⲁⲧⲉ • ⲁⲩⲯⲁⲗⲗⲉ ϩⲓ̈ⲑⲏ ⲙ̄ⲙⲟϥ • ⲁⲩϫⲓⲧϥ̄ ⲉ ϩⲟⲩⲛ
ⲉ ⲧⲕ̄ⲕⲗⲏⲥⲓⲁ • ⲁⲩⲱ ⲁ ⲡⲁⲣⲭⲱⲛ • ⲙⲛ̄ ⲧⲉϥⲥϩⲓⲙⲉ • ⲙⲛ̄
ⲧⲉϥϣⲉⲉⲣⲉ • ⲁⲩⲃⲱⲕ ⲉ ϩⲟⲩⲛ ⲉ ⲡⲙⲁⲣⲧⲏⲣⲓⲟⲛ • ⲁⲩ‐
ⲟⲩⲱϣⲧ̄ ⲉϫⲙ̄ ⲡⲥⲱⲙⲁ • ⲙ̄ ⲡⲉⲧ ⲟⲩⲁⲁⲃ • ϩⲛ̄ ⲟⲩⲛⲟϭ
ⲛ̄ ⲣⲁϣⲉ • ⲁⲩⲱ ⲡⲟⲓⲕⲟⲛⲟⲙⲟⲥ ⲁϥϫⲓⲧⲟⲩ ⲉⲩⲙⲁ ⲙⲁⲩ‐
ⲁⲁⲩ • ⲁⲩⲁⲛⲁⲡⲉⲩ|ⲉ▨▨▨▨ⲡϩⲓⲥⲉ ⲛⲛⲉϩⲓⲟⲟⲩⲉ • ⲁⲩⲱ
ⲉⲣⲉ ⲧⲉⲩϣⲉⲉⲣⲉ ϣⲟⲟⲡ ϩⲁ ⲃⲁⲥⲁⲛⲟⲥ • ⲉ ⲃⲟⲗ ϫⲉ ϥ̄ⲙⲟⲥⲧⲉ
ⲛ̄ ⲧⲉⲕⲕⲗⲏⲥⲓⲁ ⲡⲉ ⲡϣⲱⲛⲉ ⲉⲧ ⲙ̄ⲙⲁⲩ • ϫⲉ ⲟⲩϩⲓⲥⲱⲛ
ⲛ̄ⲇⲁⲓⲙⲱⲛⲓⲟⲛ ⲡⲉ • ϩⲛ̄ ⲧⲡⲏϣⲉ ⲛ̄ ⲧⲉⲩϣⲏ ⲇⲉ • ⲉⲥ
ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲁϥϩⲟⲕϥ̄ ⲛ̄ⲑⲉ ⲛ̄ ⲟⲩⲥⲧⲣⲁⲧⲏ‐
ⲗⲁⲧⲏⲥ • ⲁϥⲃⲱⲕ ⲉ ⲧⲡⲟⲗⲓⲥ ⲙ̄ ⲡⲁⲣⲭⲱⲛ • ⲁϥⲃⲱⲕ ⲉ ϩⲟⲩⲛ
ⲉ ⲡⲏⲓ ⲙ̄ ⲡϩⲉⲣϣⲓⲣⲉ • ⲛ̄ⲧⲟϥⲉⲓⲛⲉ ⲙ̄ ⲡϣⲱⲛⲉ ⲉⲧ ϩⲟⲥⲉ •
ⲉϫⲛ̄ ⲧϣⲉⲉⲣⲉ ϣⲏⲙ • ⲁϥⲟⲩⲱⲛϩ̄ ⲉ ⲣⲟϥ ϩⲛ̄ ⲟⲩⲛⲟϭ
ⲙ̄ ⲫⲟⲃⲟⲥ • ⲉⲣⲉ ⲧⲉϥⲥⲏϥⲉ ⲧⲱⲕⲙ̄ ⲛ̄ⲧⲟⲟⲧϥ̄ • ⲁϥϩⲓⲟⲩⲉ
ⲉ ϫⲱϥ • ▨▨▨ⲛ̄ ⲧⲥⲏϥⲉ • ⲛ̄ϣⲟⲙⲛ︤ⲧ︥ ⲛ̄ⲥⲟⲡ • ⲉϥϭⲱⲛⲧ̄•
ⲁⲩⲱ ⲁϥⲟⲛⲕϥ̄ ⲉ ϩⲣⲁⲓ ϩⲁ ⲡϩⲓⲛⲏⲃ • ⲁϥⲛⲁⲩ ⲉ ⲡⲉⲧ
ⲟⲩⲁⲁⲃ • ⲉϥⲁϩⲉ ⲣⲁⲧϥ̄ ϩⲓ ϫⲟϥ • ⲛ̄ϩⲟ ϩⲓ ϩⲟ • ⲁϥⲟⲛⲕϥ̄
ϩⲓϫⲙ̄ ⲡϥ̄ⲙⲁ ⲛ̄ ⲙ̄ⲕⲟⲧⲕ̄ • ϫⲉ ⲉϥⲛⲁⲧⲱⲟⲩⲛ ⲛϥ̄ⲡⲱⲧ •
ⲁϥϩⲉ ⲛ̄ⲧⲉⲩⲛⲟⲩ ⲉϫⲙ̄ ⲡϥ̄ϩⲟ ϩⲁ ⲛ̄ⲟⲩⲣⲏⲧⲉ ⲙ̄ ⲡⲉⲧ ⲟⲩⲁ̄ⲃ •
ⲁⲩⲱ ⲁϥϭⲱ ⲉϥⲙⲁⲥⲧⲓⲅⲟⲩ ⲙ̄ⲙⲟϥ ⲛ̄ ⲟⲩⲛⲟϭ ⲛ̄ ⲛⲁⲩ ϩⲛ̄
ⲟⲩⲁⲡⲓⲗⲏ • ⲁⲩⲱ ⲉϥϯⲡⲓ : ⲉⲛⲟⲩⲣⲏⲧⲉ ⲙ̄ ⲡⲉⲧ ⲟⲩⲁⲁⲃ •
ⲉϥϫⲱ ⲙ̄ⲙⲟⲥ • ϫⲉ ⲟⲩⲟⲓ ⲛⲁⲓ ⲁⲛⲟⲕ ⲡⲉ ⲣⲉϥⲣ̄ ⲛⲟⲃⲉ •
ⲁⲩⲱ ⲉϥⲣⲓⲙⲉ • ϫⲉ ⲟⲩ ⲡⲉⲡⲛⲟⲃⲉ ⲛ̄ⲧⲟϥ ⲛ̄ⲧⲁⲓⲁⲁϥ ⲱ̄ ⲡⲁ
ϫⲥ̄ • ⲡⲉϫⲉ ⲡⲉⲧ ⲟⲩⲁ̄ⲃ | ⲛⲁϥ • ϫⲉ ⲙⲉⲕⲥⲱⲧⲙ̄ ⲉ ⲡⲉⲧ
ⲥⲏϩ • ϫⲉ ⲛⲉ ⲕⲥⲁϩⲟⲩ ⲙ̄ ⲡⲁⲣⲭⲱⲛ ⲙ̄ ⲡⲉⲕⲗⲁⲟⲥ ⲟⲩⲇⲉ
ⲛⲛⲉ ⲕⲛ̄ⲧⲟⲟⲧⲕ̄ ⲉϫⲙ̄ ⲡⲉⲭⲣⲓⲥⲧⲟⲥ ⲙ̄ ⲡϫⲥ︥ • ⲡⲉϫⲁϥ ϫⲉ


### 0022

ⲉϥⲥⲏϩ ⲡⲁ ϫⲟⲉⲓⲥ • ⲁⲗⲗⲁ ⲙⲁⲧⲁⲙⲟⲓ ⲉ ⲡⲉⲕⲣⲁⲛ • ⲁⲩⲱ
ⲛⲅ̄ ⲧⲁⲙⲟⲓ ⲉ ⲡⲁⲛⲟⲃⲉ • ϫⲉ ⲉⲓⲙⲉⲧⲁⲛⲟⲓⲁ ϩⲁ ⲡⲁ ⲛⲟⲃⲉ •
ϯⲥⲟⲟⲩⲛ ⲅⲁⲣ • ϫⲉ ⲟⲩⲛ ⲙⲉⲧⲁⲛⲟⲓⲁ ϣⲟⲟⲡ • ⲡⲉϫⲉ ⲡⲉⲧ
ⲟⲩⲁⲁⲃ ⲛⲁϥ • ϫⲉ ⲁⲛⲟⲕ ⲡⲉ ⲙⲉⲣⲕⲟⲩⲣⲓⲟⲥ ⲡⲉⲧ ⲉⲓⲣⲉ
ⲛⲓ ϭⲟⲙ ϩⲛ̄ ⲧⲉⲓ ⲡⲟⲗⲓⲥ ⲕⲁⲓⲥⲁⲣⲓⲁ • ⲛ̄ⲧⲁⲓⲉⲓ ⲉ ⲡⲁⲧⲁⲥⲥⲉ
ⲙ̄ⲙⲟⲕ ⲙⲛ̄ ⲡⲉⲕⲉⲙⲁⲅⲟⲥ • ⲡⲁⲓ ⲛ̄ⲧⲟϥ ϯ ⲙ̄ ⲡⲉⲓ ⲛⲟϭ
ⲛ̄ⲧⲕⲁⲥ ⲉ ϩⲟⲩⲛ ⲉ ⲡⲟⲩⲁ ϣⲉⲉⲣⲉ ⲛ̄ ϩⲣ̄ⲙⲁⲡⲟⲗⲗⲱⲛ ⲛ̄
ϯⲡⲟⲗⲓⲥ ϩⲛ̄ ⲟⲩϫⲓⲛϭⲟⲛⲥ̄ • ⲁⲗⲗⲁ ⲛ̄ ϩⲟⲥⲟⲛ ⲁⲓϭⲓⲛⲉ
ⲛ̄ ⲧⲙⲉⲧⲁⲛⲟⲓⲁ ⲛ̄ϩⲏⲧⲕ̄ • ϯⲛⲁⲡⲁⲧⲁⲥⲥⲉ ⲙⲟⲕ ⲁⲛ • ⲙ̄ ⲡⲓ̈
ⲥⲟⲡ • ⲁⲗⲗⲁ ⲉⲕϣⲁⲛⲧⲱⲟⲩⲛ ⲛ̄ϣⲟⲣⲡ̄ ⲙ̄ⲡⲣ̄ ⲁⲙⲉⲗⲉ •
ⲁⲗⲗⲁ ⲃⲱⲕ ⲉ ⲣⲁⲧϥ̄ ⲙ̄ ⲡⲣⲱⲙⲉ ⲙ̄ ⲙⲁⲅⲟⲥ • ⲡⲉⲓ ⲛ̄ⲧⲟϥ
ⲉⲓⲣⲉ ⲙ̄ ⲡⲛⲟⲃⲉ • ⲛ̄ⲧⲉⲧⲛ̄ⲉⲓ ⲉ ⲡⲁ ⲧⲟⲡⲟⲥ • ⲁⲩⲱ ⲡⲕ̄ⲣⲁϣⲉ
ⲛⲁϫⲱⲕ ⲉ ⲃⲟⲗ ϩⲛ̄ ϩⲱⲃ ⲛⲓ̈ⲙ • ⲡⲉϫⲉ ⲡⲣⲱⲙⲉ ⲛⲁϥ • ϫⲉ
ϯⲛⲏⲩ ⲁⲛⲟⲕ ⲉⲓⲣⲁϣⲉ • ⲁⲗⲗⲁ ⲡⲁⲛⲧⲟⲥ ⲉⲧⲙ̄ ⲡⲣⲱⲙⲉ ⲉⲧ
ⲙ̄ⲙⲁⲩ ⲉⲓ • ⲁ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲟⲩⲱϣⲃ̄ ⲡⲉϫⲁϥ
ⲛⲁϥ • ϫⲉ ⲧⲟⲩϫⲟⲕ | ⲛ̄ⲧⲉⲕ▨▨▨▨ⲧⲣⲉ ⲡⲉⲧ ⲙ̄ⲙⲁⲩ ⲉⲓ
ⲉϥⲥⲕⲉⲙⲁϯⲍⲉ • ⲧⲟⲧⲉ ⲁ ⲡⲉⲧ ⲟⲩⲁⲁⲃ ϩⲟⲡϥ̄ ⲉ ⲣⲟϥ • ϣⲟⲣⲡ̄
ⲇⲉ ⲛ̄ ⲧⲉⲣ ϥ̄ϣⲱⲡⲉ • ⲁϥϯ ⲡⲉϥⲟⲩⲟⲓ ⲉ ⲡⲁ(sic) ⲉⲓⲱⲧ • ⲡⲉϫⲁϥ
ⲛⲁϥ • ϫⲉ ⲡⲁ ⲉⲓⲱⲧ • ⲃⲟⲏⲑⲉⲓ ⲉ ⲣⲟⲓ • ϫⲉ ϯⲉⲡⲓⲑⲩⲙⲉⲓ ⲛ̄
ⲃⲱⲕ ⲉ ⲡⲧⲟⲡⲟⲥ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲛ̄ⲧⲁϣⲗⲏⲗ •
ⲁⲩⲱ ⲛⲓⲣⲉ (sic) ⲡϥ̄ⲉⲓⲱⲧ ⲑⲁⲗⲡⲉⲓ ⲙ̄ⲙⲟϥ ⲉⲙⲁⲧⲉ • ϫⲉ ⲙⲛ̄‐
ⲧⲁⲁϥ ⲛ̄ⲥⲁⲃⲗ̄ⲗⲁϥ • ⲡⲉϫⲁϥ ϫⲉ ⲃⲱⲕ ⲡⲁ ϣⲏⲣⲉ ⲁⲗⲗⲁ
ⲙⲡⲉ ⲕⲱⲥⲕ ⲉⲓ : ⲛⲅ̄ ⲕⲱ ⲛⲁⲥⲥⲡⲗⲁⲅⲭⲛⲟⲛ ⲉⲩϫⲏϥ ⲙ̄‐
ⲙⲟⲕ • ⲱ̄ ⲡⲟⲩⲟⲉⲓⲛ ⲛ̄ ⲛⲁⲃⲁⲗ • ⲁⲩⲱ ⲁϥϯ ⲛ̄ ⲟⲩⲙⲏⲏϣⲉ
ⲛ̄ⲁⲛϩⲟⲗⲟⲙⲁ • ⲁⲩⲱ ϣⲟⲙⲛ︤ⲧ︥ ⲛ̄ϩⲙ̄ϩⲁⲗ ⲛ̄ϩⲟⲟⲩⲧ • ⲉ ⲧⲣⲉ
ⲩⲙⲟⲟϣⲉ ⲛⲙ̄ⲙⲁϥ • ⲗⲟⲓ[ⲡⲟⲛ] ⲁϥϫⲱⲣⲙ̄ ϩⲓ ϯϩⲓⲏ ϩⲛ̄
ⲟⲩⲛⲟϭ ⲛ̄ ϫⲱⲗⲕ̄ ⲉ ⲃⲟⲗ • ⲉⲓ ⲉ ⲧⲡⲟⲗⲓⲥ ⲉⲧ ⲉⲣⲉ ⲡⲣⲱⲙⲉ
ⲙ̄ ⲙⲁⲅⲟⲥ ⲛ̄ϩⲏⲧⲥ̄ • ⲡⲉϫⲁϥ ⲛⲁϥ • ϫⲉ ⲧⲱⲟⲩⲛ ⲙⲁⲣⲟⲛ
ⲉ ⲡⲧⲟⲡⲟⲥ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲛ̄ⲧⲛ̄ϣⲗⲏⲗ ⲁⲩⲱ
ϩⲱⲃ ⲛⲓⲙ ⲛ̄ⲧⲁⲩϣⲱⲡⲉ ⲙ̄ⲙⲟϥ ⲁϥϫⲟⲟⲩ ⲙ̄ ⲙⲁⲅⲟⲥ •
ⲁⲩⲱ ⲛ̄ ⲧⲉⲣⲉ ⲡⲙⲁⲅⲟⲥ ⲥⲱⲧⲙ̄ ⲉⲥ ⲡⲣⲱⲙⲉ ⲙⲛ̄ ⲧⲉϥ‐
ϣⲉⲉⲣⲉ ϩⲓ ⲡⲙⲁⲣⲧⲩⲣⲓⲟⲛ ⲙ̄ ⲡⲉⲧ ⲟⲩⲁⲁⲃ • ⲁϥⲣ̄ ϩⲟⲧⲉ •
ⲡⲉϫⲉ ⲙⲁⲅⲟⲥ ϫⲉ ⲉϣⲁⲛϣⲱⲡⲉ ⲉ ⲧⲣⲁ ⲙⲟⲩⲧⲉ ⲧⲉⲛⲟⲩ
ϯⲛⲏⲩ ⲁⲛ ⲉ ⲡⲧⲟⲡⲟⲥ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϫⲉ


### 0023

ⲛⲉϥⲟⲩⲟⲛϩⲧ̄ ⲉ ⲃⲟⲗ ⲛ̄ⲧⲉ ⲡⲉⲓⲱⲧ ⲛ̄ | ⲧϣⲉⲉⲣⲉ ϣⲏⲙ
ϩⲱⲧⲃ̄ ⲙ̄ⲙⲟⲓ • ⲉ ⲧⲃⲉ ⲧⲉϥϣⲉⲉⲣⲉ • ⲛ̄ⲧⲉⲩⲛⲟⲩ ⲁ ⲡϣⲏⲣⲉ
ϣⲏⲙ ϫⲱⲣⲙ̄ ϩⲛ̄ ⲟⲩⲛⲟϭ ⲛ̄ϭⲟⲙ ϣⲁⲛⲧ ϥⲉⲓ ⲉ ⲡⲙⲁⲣ‐
ⲧⲩⲣⲓ̈ⲟⲛ ⲙ̄ ⲡⲉⲧ ⲟⲩⲁⲁⲃ • ϩⲛ̄ ⲟⲩⲛⲟϭ ⲛ̄ϩⲟⲧⲉ • ⲁϥⲟⲩⲱϣⲧ̄
ⲉϫⲙ̄ ⲡⲥⲱⲙⲁ ⲙ̄ ⲡⲉⲧ ⲟⲩⲁⲁⲃ • ⲁϥⲛⲁⲩ ⲉ ⲧϣⲉⲉⲣⲉ
ϣⲏⲙ ⲉⲥⲡⲁϩⲧ̄ ϩⲱⲥ ⲉϫⲙ̄ ⲡⲥⲱⲙⲁ ⲙ̄ ⲡⲉⲧ ⲟⲩⲁⲁⲃ • ⲙⲛ̄
ⲡⲉⲥⲉⲓⲱⲧ ⲙⲛ̄ ⲧⲉⲥⲙⲁⲁⲩ ⲉⲩⲡⲁⲣⲁⲕⲁⲗⲉⲓ ⲙ̄ⲙⲟϥ ⲉⲩⲃⲟⲏ‐
ⲑⲉⲓ ⲛⲁⲥ • ⲁⲩⲱ ⲛⲉⲣⲉ ⲡⲉⲧ ⲟⲩⲁⲁⲃ ⲕⲱ ⲙ̄ⲙⲟⲥ ⲉⲩⲅⲓⲣⲟⲥ
ⲉⲛⲁⲛⲟⲩϥ • ⲁ ⲡϣⲏⲣⲉ ϣⲏⲙ ⲙⲟⲩⲧⲉ ⲉ ⲡⲟⲓⲕⲟⲛⲟⲙⲟⲥ •
ⲁϥϯ ⲛⲁϥ ⲙ̄ⲙⲏⲧ ⲛ̄ϩⲟⲗⲟⲕⲟϯⲛⲟⲥ • ⲁⲩⲱ ⲁ ⲡⲁⲣⲭⲱⲛ
ⲉⲧⲉ ⲡⲉⲓⲱⲧ ⲛ̄ ⲧϣⲉⲉⲣⲉ ϣⲏⲙ ⲡⲉ • ⲁϥϭⲱϣⲧ̄▨▨▨▨
ⲁϥⲛⲁⲩ ⲉ ⲡϣⲏⲣⲉ ϣⲏⲙ • ⲁϥⲥⲟⲩⲱⲛϥ̄ • ⲁϥⲙⲟⲟϣⲉ ⲉ
ϩⲟⲩⲛ ⲉ ⲣⲟϥ • ⲛϥ̄ⲥⲟⲟⲩⲛ ⲁⲛ ⲗⲁⲩ ⲛ̄ϩⲱⲃ • ⲁϥⲁⲥⲡⲁⲍⲉ
ⲙ̄ⲙⲟϥ • ⲁⲩⲱ ⲁϥϣⲓⲛⲉ ⲛ̄ⲥⲁ ⲡⲟⲩϫⲁⲓ ⲙ̄ ⲡⲉϥⲏⲓ ⲉ ⲃⲟⲗ
ϩⲓ ⲧⲟⲟⲧϥ̄ • ⲛ̄ ⲧⲉⲣ ⲟⲩϣⲗⲏⲗ ⲇⲉ ⲙ̄ ⲡⲉⲥⲛⲁⲩ • ⲁϥⲡⲣⲟ‐
ⲧⲣⲉⲡⲉ ⲙ̄ ⲡϣⲏⲣⲉ ϣⲏⲙ • ⲁϥϫⲓⲧϥ̄ ⲉ ⲡⲙⲁ ⲉⲧ ϥ̄ⲟⲩⲏϩ
ⲛ̄ϩⲏⲧϥ̄ ⲛ̄ ⲧⲡⲉ • ⲁⲩⲟⲩⲱⲙ ⲁⲩⲥⲱ ⲙⲛ̄ ⲛⲉⲩⲉⲣⲏⲩ •
ⲁϥⲛⲁⲩ ⲉ ⲧϣⲉⲉⲣⲉ ϣⲏⲙ ⲁϥⲣⲁϣⲉ ⲉⲙⲁⲧⲉ • ⲁⲩⲱ ⲛⲉϥ‐
ⲗⲩⲡⲉⲓ ⲉ ⲧⲃⲏⲏⲧⲥ̄ • ϫⲉ ⲛⲉⲥⲃⲁⲥⲁⲛⲓⲍⲉ ⲁⲩⲱ ⲛⲉϥϣⲓⲡⲉ
ϩⲏⲧⲥ̄ ⲛ̄ ⲛⲉⲥⲉⲓⲟⲧⲉ ϫⲉ | ⲛ̄ⲧ▨▨▨▨ⲙ̄ ⲡⲉⲥϣⲱⲛⲉ • ⲁⲩⲱ
ⲟⲛ ⲉϥⲣ̄ ϩⲟⲧⲉ ϫⲉ ⲛⲉ ⲡⲙⲁⲣⲧⲩⲣⲟⲥ ⲟⲩⲟⲛϩϥ̄ ⲉ ⲃⲟⲗ •
ϩⲁⲡⲗⲟⲥ ⲛⲓⲣⲉ ϩⲁϩ ⲛ̄ⲣⲟⲟⲩϣ ϩⲙ̄ ⲡⲓϩⲏⲧ ⲙ̄ ⲡϣⲏⲣⲉ
ϣⲏⲙ • ⲡϩⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ • ⲁϥⲟⲩⲟⲛϩϥ̄ ⲉ ⲃⲟⲗ
ⲉ ⲡⲉⲓⲱⲧ ⲛ̄ ⲧϣⲉⲉⲣⲉ ϣⲏⲙ • ⲁϥⲧⲱⲟⲩⲛ ⲙ̄ⲙⲟϥ ⲉϥⲛ̄‐
ⲕⲟⲧⲕ̄ • ⲁϥϫⲓⲧϥ̄ ⲙ̄ ⲡⲃⲟⲗ ⲙ̄ ⲡⲙⲁ ⲛϥ︤ⲛ︥ⲕⲟⲧⲕ̄ ⲛ̄ϩⲏⲧϥ̄ •
ⲁϥϫⲓⲛⲟⲩϥ ϫⲉ ϯ ⲧⲉⲕϣⲉⲉⲣⲉ ⲙ̄ ⲡⲉϩⲣ̄ϣⲓⲣⲉ ⲉⲧ ϩⲁ ϩⲧⲏⲕ •
ⲉϣⲱⲡⲉ ⲉⲕⲟⲩⲱϣ ⲧⲣⲁ ⲧⲁⲗϭⲟⲥ ⲛⲁⲕ • ⲁⲩⲱ ⲙⲉⲣϣⲓⲛⲉ
ⲛⲥⲁ ⲡⲉⲑⲟⲟⲩ ⲉ ϩⲟⲩⲛ ⲉ ⲣⲟϥ ϫⲉ ⲛⲉ ⲕⲉ ϫⲣⲟⲡ ⲧⲁϩⲟⲥ
ⲛ̄ϩⲟⲩⲟ ⲉ ⲡⲁⲓ • ⲁⲩⲱ ⲁϥⲧⲁⲙⲟϥ ϫⲉ ⲕⲉ ϣⲟⲙⲛ︤ⲧ︥ ⲛⲉ •
ϣⲁⲛⲧⲉ ⲡⲉϥⲉⲓⲱⲧ ⲙ̄ⲧⲟⲛ ⲙ̄ⲙⲟϥ • ϫⲉ ⲁϥϫⲱⲕ ⲉ ⲃⲟⲗ
ⲛ̄ϭⲓ ⲡⲉϥⲁϩⲉ • ⲁⲩⲱ ⲙ̄ⲡⲉ ⲕⲁⲙⲉⲗⲉⲓ ⲉϫⲓ ⲛⲁϥ ⲛ̄ⲧⲉⲕ‐
ϣⲉⲉⲣⲉ • ⲙⲛ︤ⲛ︥ⲥⲁ ⲡⲙⲟⲩ ⲙ̄ ⲡⲉϥⲉⲓⲱⲧ • ⲁⲩⲱ ⲁϥⲧⲁⲙⲟϥ
ⲉ ⲑⲉ ⲛ̄ⲧⲟϥⲙⲁⲅⲉⲩⲉ ⲛ̄ⲧⲉϥϣⲉⲉⲣⲉ • ϣⲁⲛⲧ ⲉⲥϣⲱⲛⲉ ⲉ
ⲧⲃⲉ ⲡϥ̄ⲟⲩⲱϣ ⲉ ⲃⲟⲗ ⲉ ϩⲟⲩⲛ ⲉ ⲣⲟⲥ • ⲁⲩⲱ ⲁϥⲧⲁⲙⲟϥ


### 0024

ⲟⲛ ⲉⲧ ⲑⲉ ⲛ̄ⲧⲟϥⲟⲩⲟⲛϩϥ ⲉ ⲃⲟⲗ ⲉ ⲡϩⲣ̄ϣⲓⲣⲉ ⲛ̄ⲑⲉ ⲛ̄ⲧⲟϥ‐
ⲁⲡⲓ̈ⲗⲉ ⲉ ⲣⲟϥ ⲉⲧ ⲛ̄ⲧⲟⲟⲧϥ̄ • ⲁⲩⲱ ⲉ ⲧⲃⲉ ϩⲱⲃ ⲛⲓⲙ
ⲛ̄ⲧⲁⲩϣⲱⲡⲉ ⲙ̄ ⲡϣⲏⲣⲉ ϣⲏⲙ • ϣⲁⲛⲧ ⲉϥⲉⲓ ⲉ ⲡⲙⲁⲣ‐
ⲧⲩⲣⲓⲟⲛ • ⲛⲁⲓ ⲇⲉ ⲛ̄ ⲧⲉⲣⲉ ϥ|ϫⲟⲟⲩ ⲛ̄ϭⲓ ⲡϩⲁⲅⲓⲟⲥ ⲙⲉⲣ‐
ⲕⲟⲩⲣⲓⲟⲥ • ⲁϥϩⲟⲡϥ̄ ⲉ ⲣⲟϥ • ⲡⲁⲣⲭⲱⲛ ⲇⲉ ⲁϥⲛⲉϩⲥⲉ
ⲉ ϩⲣⲁⲓ ϩⲙ̄ ⲡϩⲟⲣⲟⲙⲁ • ⲁϥϣⲱⲗⲙ̄ ⲉⲩⲛⲟϭ ⲛ̄ⲥϯ ⲛⲟⲩϥⲉ •
ⲉϥⲥⲟⲧⲡ̄ • ⲡⲉϫⲁϥ ϫⲉ ⲁⲗⲏⲑⲟⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ
ⲡⲉ ⲛ̄ⲧⲟϥⲉⲓ • ⲁϥⲟⲩⲟⲛϩ̄ ⲛϥ̄ ⲉ ⲣⲟⲓ̈ • ⲁⲩⲱ ⲁϥϭⲱ ⲉϥ‐
ⲙⲉⲉⲩⲉ ⲉ ⲃⲟⲗ • ⲉ ⲡⲉⲛⲧⲁ ⲡϩⲣ̄ϣⲓⲣⲉ ⲉⲁⲁϥ ⲛ̄ⲧⲉϥϣⲉⲉⲣⲉ •
ⲉ ⲧⲃⲉ ⲡⲉϥⲟⲩⲱϣ ⲉ ϩⲟⲩⲛ ⲉ ⲣⲟⲥ • ⲁϥϭⲱ ⲉϥⲙⲟⲕⲙⲉⲕ
ⲙ̄ⲙⲟϥ ϫⲉ ⲁⲣⲁ ⲡⲟⲩⲱϣ ⲙ̄ ⲡⲉⲧ ⲟⲩⲁⲁⲃ ⲡⲉ ⲉ ⲧⲣⲁϭⲟⲗⲡ̄
ⲡⲙⲩⲥⲧⲏⲣⲓⲟⲛ ⲉ ⲃⲟⲗ ϫⲓⲛ ⲙ̄ⲙⲟⲛ ⲉⲓⲛⲁⲕⲁⲁϥ ⲉϥϩⲏⲡ •
ϩⲟⲥⲟⲛ ⲉϥⲙⲉⲉⲩⲉ ⲉ ⲛⲁⲓ ⲁⲩⲥⲁⲗⲡⲓ̈ⲍⲉ • ⲉ ⲧⲣⲉ ⲟⲩⲟⲛ ⲛⲓⲙ
ⲉⲧ ⲛ̄ⲕⲟⲧⲕ̄ ⲧⲱⲟⲩⲛ • ⲛ̄ⲥⲉⲉⲓ ⲉ ⲧⲉⲕⲕⲗⲏⲥⲓⲁ • ⲛ̄ⲥⲉϩⲩⲙ‐
ⲛⲉⲩⲉ ⲙⲛ̄ ⲛⲉⲛⲑⲗⲟⲡⲟⲛⲟⲥ ϫⲉ ⲛⲉ ⲡⲛⲟϭ ⲛ̄ ϣⲁ ⲙ̄ⲡⲉ ⲙ̄
ⲡⲉⲧ ⲟⲩⲁⲁⲃ • ⲉⲧⲉ ⲥⲟⲩ ϫⲟⲩⲧⲏ ⲛ̄ ⲁⲑⲱⲣ ⲡⲉ • ⲁⲩⲧⲱⲟⲩⲛ
[ⲛ̄]ϭⲓ ⲙ̄ⲙⲏⲏϣⲉ • ⲉⲩⲗⲉⲕⲟⲩⲫⲟⲣⲉⲓ ϩⲛ̄ ⲟⲩⲣⲁϣⲉ • ⲁⲩⲉⲓ̈
ⲉ ⲧⲕ̄ⲕⲗⲏⲥⲓⲁ • ⲁⲩϭⲱ ⲉⲩϩⲩⲙⲛⲉⲩⲉ ϣⲁⲛⲧⲉ ⲡⲟⲩⲟⲉⲓⲛ
ⲥⲟⲣ • ⲁϥⲧⲱⲟⲩⲛ ϩⲱⲱϥ ⲛ̄ϭⲓ ⲡⲣⲱⲙⲉ • ⲁϥⲙⲟⲩⲧⲉ ⲉ
ⲧⲉϥⲥϩⲓⲙⲉ ⲙⲛ̄ ⲧⲉϥϣⲉⲉⲣⲉ • ⲁⲩⲉⲓ̈ ⲉ ⲡⲧⲟⲡⲟⲥ • ⲉⲣⲉ
ⲛⲉⲩϩⲩⲙϩⲁⲗ (sic) ⲟⲩⲏϩ ⲛ̄ⲥⲱⲟⲩ • ⲁⲩⲱ ⲡϩⲣ̄ϣⲓⲣⲉ ϩⲱⲱϥ
ⲟⲛ ⲙⲛ̄ ⲛⲉϥϩⲙ̄ϩⲁⲗ • ⲁⲩⲃⲱⲕ ⲁⲩ|ⲟⲩⲱϣⲧ̄ ⲉϫⲙ̄ ⲡⲥⲱⲙⲁ
ⲙ̄ ⲡⲉⲧ ⲟⲩⲁⲁⲃ • ⲉⲩⲣⲁϣⲉ ⲁⲩⲱ ⲁ ⲡϩⲣ̄ϣⲓⲣⲉ ⲙⲟⲩϣⲧ̄
ⲙ̄ ⲡⲙⲁ ⲛ̄ ⲙ̄ⲕⲟⲧⲕ̄ • ⲉϥⲣ̄ ϣⲡⲏⲣⲉ ⲙ̄ⲡϥ̄ⲥⲁ • ⲁⲩⲱ ⲁϥ‐
ϭⲓⲛⲉ ⲙ̄ ⲡⲣⲱⲙⲉ ⲙ̄ ⲙⲁⲅⲟⲥ • ⲉϥⲥⲟⲛϩ̄ ⲉ ϩⲟⲩⲛ ⲉ ⲡⲉⲕ‐
ϭⲗⲟϭ ⲙ̄ ⲡⲙⲁⲣⲧⲩⲣⲟⲥ • ⲛ̄ⲑⲉ ⲛ̄ ⲟⲩϩⲟⲣ ⲉϥⲕⲟ : ⲛ̄ⲣⲟϥ •
ⲁⲩⲱ ⲛ ⲧⲉⲣⲉ ϥ[ⲛⲁⲩ]ⲉ ⲡϩⲣ̄ϣⲓⲣⲉ • ⲁϥⲱϣ ⲉ ⲃⲟⲗ ϫⲉ
ⲟⲩⲟⲓ ⲛⲁⲓ ⲱ̄ ⲡⲁ ϫⲥ̄ ⲛ̄ⲥⲟⲛ • ⲁⲙⲟⲩ ⲛⲅ̄ ⲛⲁⲩ ⲉ ⲡⲁ ⲛⲟϭ
ⲛ̄ⲑⲃ̄ⲃⲓ̈ⲟ • ⲡⲉϫⲉ ⲡϩⲣ̄ϣⲓⲣⲉ ⲛⲁϥ ϫⲉ ⲛ̄ⲧⲟⲕ ⲉⲓ ⲉ ⲧⲱⲛ ⲙ̄
ⲡⲉⲓ ⲙⲁ • ⲡⲉϫⲉ ⲡⲙⲁⲅⲟⲥ ⲛⲁϥ • ϫⲉ ⲱ̄ ⲡⲁ ⲥⲟⲛ • ⲁⲥ‐
ϣⲱⲡⲉ ⲛ̄ ⲧⲉⲣⲉ ⲕⲃⲱⲕ ⲉ ⲃⲟⲗ ϩⲓ ⲧⲟⲟⲧ • ⲁ ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ ⲉⲓ ϣⲁ ⲣⲟⲓ • ⲁϥϯ ⲛ̄ ⲟⲩⲭⲁⲙⲟⲥ ⲉ ⲉⲣⲟⲓ •
ⲁϥⲉⲓⲛⲉ ⲙ̄ⲙⲟⲓ ⲁϥⲥⲟⲛϩ̄ ⲙ̄ⲙⲟⲓ ⲉ ϩⲟⲩⲛ • ⲉ ⲡⲉⲓ ⲙⲁ ⲛ̄
ⲙ̄ⲕⲟⲧⲕ̄ • ⲉⲩϣⲓ̈ⲡⲉ ⲛⲁⲓ • ⲛ̄ⲧⲉⲩⲛⲟⲩ ⲁϥⲱϣ ⲉ ⲃⲟⲗ • ϫⲉ


### 0025

ⲃⲟⲏⲑⲉⲓ ⲉ ⲣⲟⲓ • ⲡⲁ ⲥⲟⲛ ⲙ̄ ⲙⲉⲣⲓⲧ • ϫⲉ ⲛ̄ ϩⲟⲥⲟⲛ
ⲉⲓϣⲁϫⲉ ⲛⲙ̄ⲙⲁⲕ • ⲁ ⲡⲉⲧ ⲟⲩⲁⲁⲃ ϯ ⲛ̄ ⲟⲩϣⲥ̄ⲛⲁⲁⲥ ⲉ
ϩⲟⲩⲛ ϩⲛ̄ ⲡⲁϩⲟ • ⲁⲓⲁⲥⲭⲩⲙⲟⲛⲉⲓ ⲉⲙⲁⲧⲉ • ⲡⲉϫⲁϥ ⲛⲁϥ
ϫⲉ ⲟⲩⲙⲩⲥⲧⲏⲣⲓⲟⲛ ⲙ̄ⲡ ⲟⲩⲧⲁⲙⲟⲕ ⲉ ⲧⲃⲏⲏⲧϥ̄ • ϫⲉ
ⲟⲩⲟⲛϩ︤ϥ︥ ⲉ ⲃⲟⲗ • ⲉ ⲧⲃⲉ ⲟⲩ ⲉⲕⲛⲁϣⲓⲛⲉ ⲛ̄ⲥⲟϥ ⲉ ⲟⲩⲟⲛϩϥ̄
ⲉ ⲃⲟⲗ • ⲁⲩⲱ ⲛ̄ⲧⲉⲩⲛⲟⲩ • ⲉⲓⲥ ⲟⲩⲇⲁⲓⲙⲱⲛⲓⲟⲛ ⲁϥϥⲟϭⲉ
ⲉϫⲙ̄ ⲡⲣⲱⲙⲉ ⲙ̄ ⲙⲁⲅⲟⲥ • | ⲁϥⲃⲱ[ⲗϥ̄] ⲉ ⲃⲟⲗ • ⲁϥϩⲓⲧⲉ
ⲙ̄ⲙⲟϥ ϩⲓϫⲙ̄ ⲡⲕⲁϩ • ⲉϥⲱϣ ⲉ ⲃⲟⲗ • ϫⲉ ⲕⲁⲁⲧ ⲧⲁⲡⲁⲓ‐
ⲇⲉⲩⲉ ⲙ̄ⲙⲟϥ • ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉⲧ ⲟⲩⲉϩⲥⲁϩⲛⲉ
ⲛⲁⲓ • ϫⲉ ϩⲉⲛⲛⲟϭ ⲛⲉ ⲛⲉⲃⲗⲁⲥⲫⲩⲙⲓⲁ ⲛ̄ⲧⲟϥⲁⲁⲩ ⲉ
ⲡⲛⲟⲩⲧⲉ ⲛ̄ⲧⲁϥⲧⲁⲙⲓⲟϥ • ⲁⲩⲱ ⲉⲥ ⲟⲩⲥϩⲓⲙⲉ ⲟⲛ ⲁⲩⲇⲓ̈‐
ⲙⲱⲛⲓⲟⲛ ϩⲓⲧⲉ ϩⲁⲧⲙ̄ ⲡⲥⲱⲙⲁ ⲙ︤ⲙ︥ ⲡⲉⲧ ⲟⲩⲁ̄ⲃ • ⲁⲩⲱ ⲛ̄
ⲧⲉⲣ ⲟⲩⲕⲁ ⲧⲥⲩⲛⲁⲝⲓⲥ ⲉ ⲃⲟⲗ • ⲁ ⲡⲙⲏⲏϣⲉ ⲧⲏⲣϥ̄ ⲥⲱⲟⲩϩ
ⲉ ⲛⲁⲩ ⲉ ⲑⲉ ⲛⲧⲁ ⲡⲉⲧ ⲟⲩⲁⲁⲃ ϩⲉⲃⲣⲓⲍⲉ ⲛ︤ⲛ︥ⲇⲓⲙⲱⲛⲓⲟⲛ •
ⲁⲩⲱ ⲁ ⲡⲁⲣⲭⲱⲛ ⲉⲓ ϩⲱⲱϥ ⲟⲛ ⲁϥϩⲙⲟⲟⲥ • ⲁ ⲧⲉⲥϩⲓⲙⲉ
ⲉⲧⲟ ⲛ̄ⲇⲓⲙⲱⲛⲓⲟⲛ ⲱϣ ⲉ ⲃⲟⲗ • ϫⲉ ⲱ̄ ϩⲉⲣⲙⲁⲡⲟⲗⲗⲟⲛ •
▨▨▨▨ⲕⲁⲁⲩ ⲙ̄ ⲡⲉⲑⲟⲟⲩ ⲙ̄ ⲡⲉⲓ ⲣⲱⲙⲉ ⲙ̄
ⲙⲛ̄▨̄
ⲙⲁⲅⲟⲥ • ϫⲉ ⲛ̄ⲧⲟϥ ⲣ̄ ϩⲓⲕⲉ ⲧⲉⲕϣⲉⲉⲣⲉ • ⲁⲩⲱ ⲟⲛ ϯ
ⲧⲉⲕϣⲉⲉⲣⲉ ⲙ̄ ⲡϩⲉⲣϣⲓⲣⲉ • ⲕⲁⲧⲁ ⲑⲉ ⲛ̄ⲧ ⲁⲩⲧⲁⲙⲟⲕ ϩⲙ̄
ⲡϩⲟⲣⲟⲙⲁ • ϫⲉ ⲛⲛⲧⲉⲛⲟⲩⲉⲓⲥⲧⲉⲕ (sic) ⲁⲥⲁⲙⲁⲧⲉ ⲙ̄ ⲡⲧⲁⲗ‐
ϭⲟ • ⲁⲩⲱ ⲙ̄ⲡⲣ̄ ⲁⲙⲉⲗⲉⲓ ⲉϫⲓ ϩⲟ ⲛ̄ ⲛ̄ⲧⲉⲕϣⲉⲉⲣⲉ ⲙ̄ ⲡϣⲏⲣⲉ
ϣⲏⲙ • ϫⲉⲕ ⲟⲩϣⲟⲙⲛ︤ⲧ︥ ⲛ̄ⲉⲃⲟⲧ ⲉⲧⲉ ⲟⲩⲛ̄ⲧⲁϥⲥⲟⲩ ⲙ̄
ⲡⲉⲓⲱⲧ ⲙ̄ ⲡϣⲏⲣⲉ ϣⲏⲙ • ⲁⲩⲱ ⲙⲛ︤ⲛ︥ⲥⲁ ⲛⲁⲓ ⲡⲉⲕϩⲏⲧ
ⲛⲁⲉⲙⲧⲟⲛ • ⲧⲉϥⲥϩⲓⲙⲉ ⲇⲉ ⲁ ⲡⲉⲥϩⲏⲧ ⲥⲱⲣⲙ̄ ⲉ ⲃⲟⲗ •
ⲉ ⲧⲃⲉ ⲛⲉⲧ ⲉⲥⲥⲱⲧⲙ̄ ⲉ ⲣⲟⲟⲩ | ⲁⲩⲱ ⲉⲓⲥ ⲛ̄ⲧⲉⲩⲛⲟⲩ▨▨
ⲙⲁⲩ ⲁ ⲧⲉⲥϣⲉⲉⲣⲉ ⲗⲟ ⲉ ⲃⲟⲗ ϩⲛ̄ ⲧⲃⲁⲥⲁⲛⲟⲥ ϩⲱⲥ ⲙ̄ⲡⲉ
ⲥϣⲟⲛⲉ ⲉ ⲡⲧⲏⲣϥ̄ • ⲁⲩⲱ ⲡⲉϫⲁⲥ ⲙ̄ ⲡⲙⲁⲅⲟⲥ ⲛ̄ϭⲓ ⲧⲉ‐
ⲥϩⲓⲙⲉ • ⲉ ⲧⲣⲉ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϣⲁϫⲉ ⲛ̄ϩⲏⲧⲥ̄ •
ϫⲉ ϫⲓⲛ ⲛ̄ⲧⲉⲩⲛⲟⲩ ⲛ̄ⲛⲉ ⲕⲟⲩⲱϩ • ⲙⲛ̄ ⲛ̄ⲣⲱⲙⲉ • ⲁⲗⲗⲁ
ⲉⲕⲉⲡⲱⲧ : ⲛ̄ⲧⲟⲩⲉⲓⲏ ⲉⲕⲉϣⲱⲡⲉ ⲉⲕⲁⲁⲥⲕⲉⲓ ⲙⲁⲩⲁⲁⲕ •
ϩⲛ̄ ⲧⲩⲣⲏⲙⲟⲥ ϣⲁ ⲡⲉϩⲟⲟⲩ ⲙ̄ ⲡⲉⲕⲙⲟⲩ • ⲁⲩⲱ ⲁϥⲉⲡⲓ̈‐
ⲧⲓⲙⲁ ⲙ̄ ⲡⲉⲡⲛ̄ⲁ ⲉⲧ ⲛ̄ϩⲏⲧϥ̄ ⲁϥⲛⲟϫϥ̄ ⲉ ⲃⲟⲗ • ⲁ ⲧⲉϥ‐
ϩⲟⲣⲁⲥⲓⲥ ⲥⲙⲓⲛⲉ ⲕⲁⲗⲱⲥ • ⲁⲩⲱ ⲁϥⲃⲱⲕ ⲉ ⲧⲉⲣⲏⲙⲟⲥ •
ⲁϥⲁⲛⲁⲭⲱⲣⲉⲓ ϣⲁ ⲡⲉϩⲟⲟⲩ ⲙ̄ ⲡⲉϥⲙⲟⲩ • ⲛ̄ ⲧⲉⲣⲉ ⲡⲉ‐


### 0026

ϩⲟⲟⲩ ⲙ̄ ⲡϣⲁ ⲟⲩⲉⲓⲛⲉ ⲁ ϩⲉⲣⲙⲁⲡⲟⲗ[ⲗⲟⲛ ⲁϥⲁⲗⲉ] ⲛⲉϥ‐
[ⲧⲃ̄]ⲛⲟⲟⲩⲉ • ⲙⲛ̄ ⲧⲉϥⲥϩⲓⲙⲉ • ⲙⲛ̄ ⲧⲉϥϣⲉⲉⲣⲉ • ⲙⲛ̄ ⲛⲉϥ‐
ϩⲙ̄ϩⲁⲗ • ⲁⲩⲱ ⲡϩⲣ̄ϣⲓⲣⲉ ⲙⲛ̄ ⲛⲉϥϩⲙ̄ϩⲁⲗ • ⲁⲩⲉⲓ ⲉ
ⲧⲉⲩⲡⲟⲗⲓⲥ • ⲁⲩⲱ ⲁ ⲡⲁⲣⲭⲱⲛ ⲡⲁⲣⲁⲅⲅⲉⲗⲉⲓ ⲛ̄ⲧⲉϥ‐
ⲥϩⲓⲙⲉ • ⲛ̄ϩⲱⲃ ⲛⲓⲙ ⲛ̄ⲧⲁ ⲡⲉⲧ ⲟⲩⲁⲁⲃ ϫⲟⲟⲩ ⲛⲁϥ • ϩⲙ̄
ⲡϩⲟⲣⲟⲙⲁ • ⲛ̄ ⲧⲉⲣⲉ ⲧⲉϥⲥϩⲓⲙⲉ ⲉⲓⲙⲉ ϫⲉ ⲕⲁⲧⲁ ⲑⲉ ⲛ̄ⲧⲁ
ⲡⲁⲣⲭⲱⲛ ϫⲱ ⲉ ⲣⲟⲥ ⲙ̄ ⲡϩⲟⲣⲟⲙⲁ • ϯ ⲟⲛ ⲧⲉ ⲑⲉ ⲛ̄ⲧⲁ
ⲡⲡⲉⲧ ⲟⲩⲁⲁⲃ ϫⲟⲟⲥ • ϩⲛ̄ ⲧⲁⲡⲣⲟ ⲛ̄ ⲧⲉⲥϩⲓⲙⲉ • ⲉⲧⲟ
ⲛ̄ⲇⲁⲓⲙⲟⲛⲓ̈ⲟⲛ • ⲛ̄ ⲧⲉⲣⲉ ⲡⲗⲁⲟⲥ ⲇⲉ ⲥⲱⲧⲙ̄ ⲁⲩ ⲟⲩⲛⲟϭ
ⲛ̄ⲧⲱⲧ ⲛ̄ϩⲏⲧ ϣⲱⲡⲉ ϩⲛ̄ ⲧⲉⲩⲙⲏⲏⲧⲉ ⲁⲩⲧⲛ̄|ⲛⲟⲟⲩ
ⲁⲩ▨▨▨▨ⲁⲩⲱⲙ ⲁⲩⲥⲱ ⲛⲙ̄ⲛⲁϥ (sic) ⲁⲩⲧⲁⲙⲟϥ ϫⲉ ϥⲓ
ⲡⲕ̄ⲣⲟⲟⲩϣ ⲛ̄ⲧⲛ̄ⲉⲓⲣⲉ ⲛ̄ⲧϣⲉⲗⲉⲉⲧ ⲕⲁⲧⲁ ⲑⲉ ⲛⲧⲁ ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ ϫⲟⲟⲥ ⲛⲁⲛ • ⲁⲩⲱ ⲛ̄ⲧⲉⲣⲉ ϥ̄ⲥⲱⲧⲙ̄ ⲉ ⲛⲁⲓ •
ⲛ̄ϭⲓ ⲡϩⲉⲣϣⲓⲣⲉ ⲁϥⲣⲁϣⲉ ⲉⲙⲁⲧⲉ • ⲁⲩⲱ ⲛ̄ ⲧⲉⲣⲉ ⲡⲇⲓⲡ‐
ⲛⲟⲛ ϫⲱⲕ ⲉ ⲃⲟⲗ ⲁ ⲡϩⲣ̄ϣⲓ̈ⲣⲉ ⲃⲱⲕ ⲉ ⲡⲉϥⲏⲓ • ⲁϥϫⲱ
ⲛ̄ϩⲟⲃ ⲛⲓⲙ ⲉ ⲡⲉϥⲓ̈ⲱⲧ • ⲁⲩⲱ ⲁ ⲡⲉϥⲉⲓⲱⲧ ⲣⲁϣⲉ ⲉ
ⲡⲉϩⲟⲩⲟ • ϣⲟⲣⲡ̄ ⲇⲉ ⲛ̄ ⲧⲉⲣⲉ ϥϣⲱⲡⲉ • ⲁ ⲡⲉⲓⲱⲧ ⲙ̄
ⲡϩⲣ̄ϣⲓⲣⲉ ⲥⲱⲟⲩϩ • ⲛ̄ⲛⲟϭ ⲧⲏⲣⲟⲩ ⲛ̄ ⲧⲡⲟⲗⲓⲥ ⲙ̄ ⲡⲗⲟⲩ‐
ⲥⲓ̈ⲟⲥ • ⲁⲩⲉⲓ ⲉⲣⲙ ⲡⲏⲓ ⲛ̄ ⲡⲕⲩⲣⲓⲥ ϩⲉⲣⲙⲁⲡⲟⲗⲗⲟⲛ •
ⲁⲩⲱ ⲁⲩϣⲁϫⲉ ⲛⲙ̄ⲙⲁϥ ⲉ ⲧⲃⲉ ⲧⲉϥϣⲉⲉⲣⲉ • ⲁⲩⲱ ⲁⲩ‐
ⲧⲱⲧⲉ ⲛⲉⲩⲉⲣⲏⲩ ⲁⲩⲱ ⲁⲩϯ ⲛⲁⲥ ⲛ̄ ⲟⲩⲙⲏⲏϣⲉ ⲛ̄ⲟⲩⲃ ϩⲓ
ϩⲁⲧ • ⲁⲩⲱ ⲟⲩⲁϣⲓ ⲛ̄ⲕⲟⲥⲙⲏⲥⲓⲥ • ⲁⲩⲱ ϩⲉⲛϩⲙ̄ϩⲁⲗ
ⲛ̄ϩⲟⲟⲩⲧ • ⲙⲛ̄ ϩⲉⲛϩⲙ̄ϩⲁⲗ ⲛ̄ⲥϩⲓⲙⲉ • ⲙⲛ̄ ϩⲉⲛ : ⲟⲩⲁ̄ⲗ
ⲛ̄ⲣⲉϥⲡⲗⲉⲁ : ϩⲛ̄ ⲑⲁⲗⲗⲁⲥⲥⲁ ⲁⲩⲱ ⲁⲩⲉⲓⲛⲉ ⲛ̄ϩⲉⲛⲇⲩ‐
ⲙⲱⲧⲏⲥ • ⲙⲛ̄ ϩⲉⲛⲃⲟⲩⲛⲁⲧⲱⲣ • ⲙⲛ̄ ϩⲉⲛⲛ̄ⲟⲣⲕⲟⲛⲓⲥⲧⲏⲥ •
ⲁⲩⲱ ⲛ̄ϩⲉⲛⲙⲓ̈ⲙⲁⲣⲓ̈ⲟⲛ • ⲙⲛ̄ ϩⲉⲛϣⲟⲉⲓϫ • ⲙⲛ̄ ϩⲉⲛ‐
ⲕⲓⲛⲏⲕⲟⲛ • ⲁⲩⲉⲓⲣⲉ ⲛ̄ⲧϣⲉⲗⲉ̄ⲧ ϩⲛ̄ ⲟⲩⲛⲟϭ ⲙ̄ ⲙⲛ︤ⲧ︥ⲗⲁⲙ‐
ⲡⲣⲟⲥ • ⲁⲩⲱ ⲙⲛ︤ⲛ︥ⲥⲁ ⲕⲉ ϩⲉⲃⲇⲟⲙⲁⲥ • ⲁⲩⲧⲱϩⲙ̄ ⲛ̄
ⲟⲩⲙⲏⲏϣⲉ : ⲙ̄ ⲡⲗⲟⲩⲥⲓⲟⲥ • ⲙⲛ̄ ⲟⲩⲙⲏⲏϣⲉ ⲛ̄ⲁⲣⲭⲱⲛ •
ⲁⲩⲉⲓⲣⲉ ⲛ̄ | ⲧϣⲉⲗⲉⲉⲧ ϩⲛ̄ ⲟⲩⲛⲟϭ ⲙ̄ ⲙⲛ︤ⲧ︥ⲉⲡⲓⲅⲏⲥ • ⲁⲩⲱ
ⲁⲩⲣⲁϣⲉ ⲉⲙⲁⲧⲉ • ⲁⲩⲱ ⲙ̄ ⲡϩⲟⲩⲛ ⲛ̄ ϣⲟⲙ̄ⲧ ⲛ̄ⲉⲃⲟⲧ •
ⲙⲛ︤ⲛ︥ⲥⲁ ⲧϣⲉⲗⲉⲉⲧ • ⲁϥⲙⲟⲩ ⲛϭⲓ ⲡⲉⲓⲱⲧ ⲙ̄ ⲡϣⲏⲣⲉ
ϣⲏⲙ • ϩⲛ̄ ⲟⲩⲙⲛ︤ⲧ︥ϩⲗ̄ⲗⲟ ⲉⲥⲕⲟⲩⲱ • ⲁⲩⲱ ⲛ̄ ⲧⲉⲣⲉ ⲛⲉⲓ‐
ϩⲟⲟⲩ ⲙ̄ ⲡⲉϥϩⲏⲃⲉ ϫⲱⲕ ⲉ ⲃⲟⲗ • ⲁ ⲡϩⲣ̄ϣⲓⲣⲉ ϫⲓ ⲙ̄


### 0027

ⲡⲉϥⲛⲟⲩⲃ • ⲙⲛ̄ ⲡⲉϥϩⲏⲧ (sic) • ⲙⲛ̄ ⲡⲉϥⲁⲡⲟⲥⲕⲉⲩⲉ ⲧⲏⲣⲥ̄ •
ⲁⲩⲱ ⲛⲉϥϩⲙ̄ϩⲁⲗ • ⲁϥⲛ̄ⲧⲟⲩ ⲉ ⲡⲏⲓ̈ ⲙ̄ ⲡⲉϥϣⲟⲙ •
ⲁⲩϭⲱ ⲙⲛ̄ ⲛⲉⲩⲉⲣⲏⲩ ϣⲁ ⲡⲉϩⲟⲟⲩ ⲙ̄ ⲡⲉⲩⲙⲟⲩ • ⲁⲩⲱ
ⲉⲩⲛⲏⲩ ⲕⲁⲧⲁ ⲣⲟⲙⲡⲉ ⲉ ⲡⲧⲟⲡⲟⲥ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩ‐
ⲣⲓⲟⲥ • ϩⲙ̄ ⲡⲉϥϣⲁ ⲉⲧ ⲟⲩⲁⲁⲃ • ⲉⲩϣⲗⲏⲗ ⲉⲩⲉⲩⲭⲁⲣⲓ‐
ⲥⲧⲟⲩ (sic) ⲙ̄ ⲡⲛⲟⲩⲧⲉ ⲡⲁ ⲛⲉⲛⲟϭ ⲛ̄ϭⲟⲙ • ⲁⲧⲉⲧⲛ̄ⲛⲁⲩ ⲁⲩⲱ
ⲛⲁⲙⲉⲣⲁⲧⲉ • ⲉ ⲛⲉⲓ ⲛⲟϭ ⲛ̄ϩⲙⲟⲧ ⲉⲧ ⲉⲣⲉ ⲡⲛⲟⲩⲧⲉ ⲉⲓⲣⲉ
ⲙ̄ⲙⲟⲟⲩ • ⲙⲛ̄ ⲛⲉϥⲥⲟⲧⲡ̄ ⲕⲁⲧⲁ ⲅⲉⲣⲟⲥ • ϯⲟⲩⲱϣ ⲙⲛ̄
ⲱ̄ ⲡⲗⲁⲟⲥ ⲙ̄ⲙⲁⲓ ⲛⲟⲩⲧⲉ ⲉ ϫⲓ ϩⲉⲛⲕⲟⲩⲓ ⲉ ⲣⲱⲧⲛ̄ • ⲁⲗⲗⲁ
ϯⲥⲟⲟⲩⲛ ϫⲉ ⲙⲛ̄ϭⲟⲙ : ⲛ̄ⲗⲁⲁⲩ ⲉ ϭⲙ̄ ⲡϫⲱⲕ ⲛ︤ⲛ︥ϭⲟⲙ
ⲛ̄ ⲛⲉⲧ ⲟⲩⲁⲁⲃ : ⲙⲁⲗⲓⲥⲧⲁ ⲡⲙⲁⲣⲧⲩⲣⲟⲥ ⲡϩⲁⲅⲓⲟⲥ ⲙⲉⲣ‐
ⲕⲟⲩⲣⲓⲟⲥ • ⲁⲩⲱ ⲟⲛ ϫⲉ ⲛⲁⲛⲟⲩ ⲡϣⲓ ϩⲛ̄ ϩⲱⲃ ⲛⲓⲙ • ⲱ̄
ⲛⲁⲓⲧⲟⲩ ⲛ̄ ⲛ̄ⲟⲩⲟⲛ ⲛⲓⲙ ⲉⲧ ⲱϣ |
[Ⲧⲃe concluding lines are wanting.]