### 0001

[Ⲁⲩ]ⲱ ⲧⲇⲓⲁⲕⲟⲛⲓⲁ • ⲛ̄ⲧ ⲁⲛⲧⲁⲛ[ϩⲟⲩ]ⲧ︦ⲕ︦ ⲉ ⲣⲟⲥ • ⲱ̄ ⲛⲁⲓ‐
ⲁⲧⲛ̄ ⲁⲛⲟⲛ ▨ⲡⲉⲛⲕⲁϩ • ⲣ ⲡⲙ̄ⲡϣⲁ • ⲛ ⲛⲉⲕⲧⲁϭⲥ[ⲉ] [ⲉ]ⲧ
ⲟⲩⲁⲁⲃ • ⲕⲁⲗⲱⲥ ⲁϥϫⲟⲟⲥ ⲛ̄ϭⲓ ⲡ[ⲣϥ̄]ⲯⲁⲗⲗⲉⲓ ⲇⲁ︦ⲇ︦ • ϫⲉ
ϩⲉⲛⲙⲉⲣⲓⲧ ⲛⲉ [ⲛⲉⲕ]ⲙⲁ • ⲛ̄ ϣⲱⲡⲉ • ⲁⲩⲱ ⲟⲛ • ϫⲉ ϩⲉⲛ‐
ⲙⲉⲣ[ⲓⲧ] ⲛⲉ • ⲉ ⲧⲃⲉ ⲛⲉⲩⲉⲓⲟⲧⲉ • ⲡϫⲟⲉⲓⲥ ⲡⲉⲧ [ϫⲟⲟⲥ] ϫⲉ
ⲁϥϣⲱⲡⲉ • ϩ︦ⲛ︦ ⲟⲩⲱ̄ ⲙ︦ⲛ︦ ⲟⲩⲛⲟϭ • ⲛ▨▨ⲧⲉ • ⲙⲛ̄ ⲟⲩⲟⲩ‐
ⲣⲟⲧ • ⲉ ϩⲟⲩⲛ ⲉ ⲣⲟⲛ • ⲁⲓ[ⲣ] [ⲡ]ⲙⲉⲉⲩⲉ • ⲙ ⲡϣⲁϫⲉ ⲛⲧⲁ
ⲡϫⲟⲉⲓⲥ ϫⲱ[ϥ ϩⲙ̄] ⲡⲉⲩⲁⲅⲅⲉⲗⲓⲟⲛ • ϫⲉ ⲡⲏⲓ ϫⲉ ⲡⲉ ⲧⲉⲧ‐
ⲛⲁⲃⲱⲕ ⲉ ϩⲟⲩⲛ ⲉ ⲣⲟϥ • ⲁϫⲓⲥ ⲛ̄[ϣⲟ]ⲣ︦ⲡ︦ ϫⲉ ϯⲣⲏⲛⲏ ⲙ
ⲡⲉⲓ ⲏⲓ ⲉϣⲱⲡⲉ ⲛ̄ ⲛ̄ϣⲏⲣⲉ • ⲛ ⲉⲓⲣⲏⲛⲏ ⲙⲙⲁⲩ • ⲙⲁⲣⲉ
ⲧⲉ[ⲧⲛ̄ⲉⲓ]ⲣⲏⲛⲏ ⲙⲧⲟⲛ ⲙⲙⲟⲥ ⲉ ϩⲣⲁⲓ ⲉ ϫⲱϥ • [ⲉ]ϣⲱⲡⲉ
ⲙⲙⲟⲛ • ⲉⲣⲉ ⲧⲉⲧⲛ̄ⲉⲓⲣⲏⲛⲏ [ⲕⲟⲧⲥ̄] ⲉ ϫⲱⲧ︦ⲛ︦ • ⲛ̄ ⲧⲉⲣⲉ ⲓϩⲉ
ⲇⲉ ⲉ ⲣⲟⲟⲩ [ⲛ̄]ϣⲏⲣⲉ ⲛ̄ ⲏⲣⲏⲛⲏ ⲛⲉ • ⲁⲓⲕⲱ ⲛ ⲧⲁ ⲉⲓ[ⲣⲏ]ⲛⲏ
ⲉ ϩⲣⲁⲓ • ⲉ ϫⲱⲟⲩ • ⲕⲁⲧⲁ ⲡϣⲁϫⲉ [ⲛ̄]ⲥⲁϩ • ⲧⲏⲣⲛ̄ ⲡⲉⲭ︦ⲥ︦
ⲓ︦ⲥ︦ ⲡⲉⲛϫⲟⲉⲓⲥ ⁘ [ⲛ̄ ⲧⲉ]ⲣⲉ ⲡⲛⲁⲩ ⲇⲉ ϣⲱⲡⲉ • ⲁⲛⲉⲓⲣⲉ
ⲛ[ⲥⲩⲛⲁ]ⲝⲓⲥ • ⲁⲩⲕⲱ ϩⲁ ⲣⲱⲛ ⲛⲧⲉ ⲧⲣⲁ[ⲡⲏⲍⲁ][ⲁ]ⲛϣⲗ̇ⲏⲗ
ⲁⲛⲟⲩⲱⲙ▨▨▨▨▨ [one or two lines wanting] | [ⲟⲩ]ⲱⲙ •
ⲙⲛ̄ ⲛⲉⲓ ϩⲁⲅⲓⲟⲥ ⲛ̄ⲧⲉ ⲡⲛⲟ[ⲩⲧⲉ] [ⲛ̄]ⲑⲉ ⲙ ⲡϩ︦ⲙ︦ϩⲁⲗ • ⲛ̄
ⲁⲃⲣⲁϩⲁⲙ • ⲛⲧⲁ▨▨▨ϥ̄ ⲉ ϩⲟⲩⲛ ϩⲛ̄ ⲟⲩⲣⲁϣⲉ • ⲁⲩⲱ
ⲁⲩ[ϫⲱⲕ ⲉ ⲃⲟ]ⲗ • ⲙ ⲡⲉⲩⲟⲩⲱϣ • ⲧⲏⲣ︦ϥ︦ ⲁⲛⲟⲕ [ⲣⲱ] ⲁⲓϯ
ⲉⲟⲟⲩ ⲙ ⲡⲛⲟⲩⲧⲉ • ϫⲉ ⲙⲡⲉϥϥⲟ▨ⲧ • ⲙ ⲡⲉϯϣⲓⲛⲉ • ⲛ
ⲥⲱϥ ⲕⲁⲧⲁ ⲡⲉⲧ ⲥⲏϩ ϫⲉ ⲁ ⲡⲉⲧ ⲉϩⲛⲁϥ • ⲙ ⲡⲣⲱⲙⲉ ϫⲱⲕ
ⲉ ⲃⲟⲗ ▨ⲟⲩⲱϣⲧ̄ • ⲙ ⲡⲛⲟⲩⲧⲉ • ⲙⲛ︦ⲛ︦ⲥⲁ ⲧⲣ︦ⲛ︦▨ⲉ ⲇⲉ ⲙ̄
ⲡⲗⲩⲭⲛⲓⲕⲟⲛ • ⲁⲛϫⲉⲕ ⲧⲉⲩ▨▨ⲧⲏⲣ︦ⲥ︦ ⲉ ⲃⲟⲗ ⲉⲛϣⲗⲏⲗ •


### 0002

ⲉⲛϣⲁϫⲉ ▨▨ ⲡϣⲁϫⲉ ⲙ ⲡⲛⲟⲩⲧⲉ ⲙⲛ̄ ⲛⲉⲥⲃⲟⲟⲩⲉ ⲉⲧ
ⲟⲩⲁⲁⲃ • ⲉⲓⲧⲁ • ⲡⲉϫⲁⲓ ⲙ ⲡϩ︦ⲗ︦ⲗⲟ [ⲉⲧ] ⲟⲩⲁⲁⲃ • ⲁⲡⲁ
ⲡⲥⲉⲗⲉⲩⲥⲓⲟⲥ ⲛⲥⲁ ⲟⲩⲥⲁ[ϩ] ⲟⲩⲥⲟⲛ ⲉⲛⲁⲛⲟⲩϥ • ⲡⲉⲧ
ⲉⲕⲟⲩⲏⲏϩ • [ⲛⲙ]ⲙⲁϥ ⲉⲧⲉ ⲁⲡⲁ ⲍⲁⲩⲃⲟⲩⲗⲱⲛ ⲡⲉ •
ⲁⲩ[ⲱ] ▨▨ⲣⲙ̄ ⲛ̄ϩⲏⲩ ⲡⲉ ⲉ ⲁⲛϯ ϩⲏⲩ ⲉ ⲣⲟϥ ⲉ[ⲙⲁⲁ]ⲧⲉ •
ⲡⲉϫⲁϥ ⲛⲁⲓ ϫⲉ ⲁⲛⲟⲕ • ϩⲱ▨▨ⲛ ⲁⲓϯ ϩⲏⲩ ⲕⲁⲧⲁ ⲧⲉⲓ
ϩⲉ ⲁⲓϫⲓ ▨▨ • ⲉ ⲃⲟⲗ • ϩⲓ ⲧⲟⲟⲧϥ̄ • ϩⲓⲧⲙ̄ ⲡⲉⲑⲃ̄[ⲃⲓⲟ] ⲙⲛ̄
ⲡⲕⲁ ⲣⲱϥ • ⲉⲙ ⲉϥⲟⲩⲱϣ • ⲉⲉⲓ▨▨ ⲙ ⲡⲉϥϣⲁϫⲉ • ⲉ ⲑⲏ
ϩⲛ̄ⲗⲁⲁⲩ • ⲛ̄▨▨ ⲕⲁⲛ ⲟⲩⲕⲟⲩⲓ • ⲡⲉⲧ ϣⲁϫⲉ • ⲛⲙ̄[ⲙⲁϥ]•
ⲕⲁⲛ ⲟⲩⲛⲟϭ ⲡⲉ • ϣⲁϥϫⲟⲟⲥ ϫ[ⲉ ⲙⲡ ⲉⲓ]ⲥⲟⲟⲩⲛ •
ⲡⲉϫⲁⲓ ⲛⲁϥ ϫⲉ ⲛ̄▨▨▨ⲉⲉ • [ⲁ]ϣ ⲛ̄ ϩⲉ • ϩⲙ̄ ⲡⲉⲓ ▨▨|
ⲉⲣⲅⲁⲥⲓⲁ • ⲛ ϯ ⲙⲓⲛⲉ • ⲡⲉϫⲁϥ ⲛ[ⲁⲓ] [ⲛ̄]ϭⲓ ⲡϩ︦ⲗ︦ⲗ︦ⲟ ϫⲉ 
ⲥⲱⲧⲙ̄ • ⲛ̄ⲧⲁⲧⲁⲙ[ⲟⲕ] [ⲁϥ]ϫⲓ ⲛⲁϥ ⲛ ⲟⲩⲥϩⲓⲙⲉ • ϩⲛ̄
ⲧⲉϥⲙ[ⲛ︦]ⲧ︦ⲃⲣ̄ⲣⲉ • ⲁⲩⲱ ⲛⲉϥⲡⲣⲟⲕⲟⲡⲧⲉⲓ • ϩⲛ̄ ϩⲱⲃ • ⲛⲓⲙ •
ⲛⲉ ⲟⲩⲡⲁⲣⲑⲉⲛⲟⲥ ⲡⲉ • ϫⲓⲛ ⲧⲉϥⲙ︦ⲛ︦ⲧ︦ⲕⲟⲩⲓ • ⲁⲩⲱ ⲛⲉϥ‐
ⲡⲏⲧ ⲉ ⲃⲟⲗ ⲛ̄ ⲥⲩⲛⲧⲉⲭⲓⲁ • ⲛⲓⲙ • ⲛ̄ⲧⲉ ⲛⲉϩⲓⲟⲟⲙⲉ • ⲉϥⲣ̄‐
ϩⲟⲧⲉ • ϩⲏⲧϥ̄ • ⲙ ⲡϣⲁϫⲉ ⲉⲧ ⲥⲏϩ ϫⲉ ⲡⲉⲧ ⲛⲁϭⲱϣⲧ̄ •
ⲛ̄ⲥⲁ ⲟⲩⲥϩⲓⲙⲉ • ⲉ ⲉⲡⲓⲑⲩⲙⲉⲓ ⲉ ⲣⲟⲥ • ⲁϥⲟⲩⲱ • ⲉϥⲟ ⲛ
ⲛⲟⲉⲓⲕ ⲉ ⲣⲟⲥ ϩⲙ̄ ⲡⲉϥϩⲏⲧ • ⲁⲩⲱ ⲧⲉⲡⲓⲑⲩⲙⲓⲁ ⲉ ⲁⲥⲱ̄ •
ϣⲁⲥϫⲡⲟ • ⲙ ⲡⲛⲟⲃⲉ • ⲡⲛⲟⲃⲉ ⲇⲉ ⲉϥϣⲁⲛϫⲱⲕ ⲉ ⲃⲟⲗ •
ϣⲁϥⲙⲓⲥⲉ • ⲙ ⲡⲙⲟⲩ • ⲁⲩⲱ ⲛⲉϥⲙⲟⲟϣⲉ • ϩⲛ̄ ⲑⲃ̄ⲃⲓⲟ
ⲛⲓⲙ • ⲛ ⲧⲉⲓ ϩⲉ ⲇⲉ ⲁϥⲛⲁⲩ • ⲉⲩϩⲟⲣⲟⲙⲁ ϩⲱⲥ ϫⲉ ⲉϥ‐
ⲛⲁⲩ ⲉⲩⲣⲱⲙⲉ ⲉϥϩⲁⲉⲟⲟⲩ • ⲙ ⲡⲉϥⲙⲧⲟ ⲉ ⲃⲟⲗ • ⲉϥϫⲱ
ⲙ̄ⲙⲟⲥ • ϫⲉ ⲙⲛ̄ϭⲟⲙ • ⲛ̄ ⲗⲁⲁⲩ • ⲉⲣ̄ ϩⲙ̄ϩⲁⲗ • ⲛ̄ϫⲟⲉⲓⲥ •
ⲥⲛⲁⲩ • ⲏ ⲛϥ̄ⲙⲉⲣⲉ ⲟⲩⲁ • ⲏ ⲛϥ̄ⲙⲉⲥⲧⲉ ⲟⲩⲁ • ⲧⲁⲓ
ϩⲱⲱϥ • ⲧⲉ ⲧⲉⲕϩⲉ • ⲡⲁ ⲥⲟⲛ • ⲡⲥⲉⲗⲉⲩⲥⲓⲟⲥ • ⲉ ⲁⲕⲥⲡⲟⲩ‐
ⲇⲁⲍⲉ • ⲉⲩϩⲱⲃ • ⲉⲛⲁⲛⲟⲩϥ • ⲕⲁⲧⲁ ⲑⲉ • ⲉⲧ ⲥⲏϩ • ϩⲙ̄‐
ⲡⲁⲡⲟⲥⲧⲟⲗⲟⲥ • ϫ[ⲉ] [ⲙ]ⲉⲣⲉ ⲗⲁⲁⲩ • ⲉϥⲟ ⲙ ⲙⲁⲧⲟⲓ •
ⲧⲁϩϥ̄ • ⲙⲛ̄ [one line wanting] ▨▨ⲡⲉⲛⲧ ⲁϥⲁⲁϥ • ⲙ
ⲙⲁⲧⲟⲓ • ⲉϣ[ⲱⲡⲉ] ⲇⲉ ⲟⲛ • ⲉⲣϣⲁⲛ ⲟⲩⲁ • ⲣ̄ ϣⲟⲉⲓϫ
[ⲙ]ⲉϥϫⲓ ⲕⲗⲟⲙ • ⲉⲓ ⲙⲏ ⲧⲉⲓ ⲛ︦ϥ︦ⲙⲓϣ[ⲉ] ⲕⲁⲗⲱⲥ •
ⲕⲛⲁϫⲣⲟ • ⲛⲥⲁ ⲟⲩⲛⲁⲙ ⲁⲩ[ⲱ] ⲛⲥⲁ ϩⲃⲟⲩⲣ • ⲁⲩⲱ
ⲛ̄ⲧⲉⲩⲛⲟⲩ • ⲁϥⲣ̄ ⲁⲧ ⲟⲩⲱⲛ︦ϩ︦ ⲉ ⲃⲟⲗ • ⲛ̄ϭⲓ ⲡⲉⲧ ϣⲁϫⲉ
ⲛⲙ̄ⲙⲁϥ • ⲁϥⲗⲟ ⲉϥⲛⲁⲩ • ⲉ ⲣⲟϥ • ⲛ̄ ⲧⲉⲣⲉ ϩⲧⲟⲟⲩⲉ


### 0003

ⲇⲉ ϣⲱⲡⲉ • ⲛⲉⲩⲛ̄ ⲟⲩⲣⲱⲙⲉ • ⲛ ϩ︦ⲗ︦ⲗⲟ ⲟⲩⲏⲏϩ • ϩⲓ‐
ⲧⲟⲩⲱϥ • ⲉ ⲟⲩⲛⲧⲁϥ ⲙⲙⲁⲩ ⲙ ⲡⲥⲟⲟⲩⲛ ⲛ ⲛⲉⲅⲣⲁ‐
ⲫⲏ • ⲛⲉϣⲁϥⲃⲱⲕ ϣⲁ ⲣⲟϥ ⲛϩⲁϩ ⲛⲥⲟⲡ • ⲛϥ̄ϣⲓⲛⲉ ⲉ
ⲃⲟⲗ • ϩⲓ ⲧⲟⲟⲧ︦ϥ︦ • ⲉ ⲧⲃⲉ ⲛⲁⲛⲁⲅⲛⲱⲥⲓⲥ • ⲉϣⲁⲩⲟ̄ϣⲟⲩ
ϩⲛ̄ ⲧⲉⲕⲕⲗⲏⲥⲓⲁ • ⲛⲉ ⲟⲩⲙⲁⲓ ϩⲏⲕⲉ • ⲧⲱⲛⲟⲩ ⲡⲉ • ⲁⲩⲱ
ⲟⲛ • ⲛⲉϣⲁϥϫⲱ ⲉ ⲣⲟϥ • ⲛ̄ ⲛ̄ⲉϥⲙⲉⲉⲩⲉ • ⲛ̄ϩⲁϩ ⲛ̄ⲥⲟⲡ •
ⲛϥ̄ⲧⲉⲧ ⲡⲉϥϩⲏⲧ • ϩⲛ̄ ⲛⲉⲅⲣⲁ[ⲫ]ⲏ ⲉⲧ ⲟⲩⲁⲁⲃ • ⲛ̄ ⲧⲉⲣ
ϥ̄ⲃⲱⲕ ⲟⲩⲛ [ϣ]ⲁ ⲣⲟϥ • ⲛϥ̄ϫⲱ ⲉ ⲣⲟϥ ⲙ ⲡϩⲟⲣⲟⲙⲁ •
ⲛⲧⲁϥⲛⲁⲩ • ⲉ ⲣⲟϥ • ϫⲉ ⲉϥⲥⲩⲙⲃⲟⲩⲗⲉⲩ[ⲉ] • ⲡⲉϫⲁϥ ⲉ
ⲁⲡⲟⲧⲁⲥⲥⲉ ⲙ ⲡⲉⲧ ⲁⲛⲧⲁϥ ⲧⲏⲣ︦ϥ︦ • ⲛⲅ̄ϥⲓ • ⲙ ⲡⲉⲕⲥⳁⲟ︦ⲥ︦ •
ⲛⲅ̄ⲟⲩⲁϩⲕ̄ • ⲛⲥⲁ ⲡⲉⲕϫⲟⲉⲓⲥ • ⲛⲅ̄ⲕⲱ ⲛⲉⲧ ⲙ[ⲟ]ⲟⲩⲧ •
ⲉ ⲧⲉⲙⲉ̄ • ⲛⲛⲉⲩⲣϥ̄ⲙⲟⲟⲩⲧ • ⲉⲧ ▨▨▨▨▨▨▨▨▨▨▨ |
ⲉⲧ ϣⲟⲩⲉⲓⲧ • ⲙⲏ ⲙⲡⲉ ⲕⲥⲱⲧ︦ⲙ︦ • ⲉ ⲡϫⲥ̄ ⲉϥⲱϣ ⲉ ⲃⲟⲗ •
ϩ︤ⲛ︥ ⲛⲉⲩⲁⲅⲅⲉⲗⲓⲟⲛ • ϫⲉ ⲙⲉⲣⲉ ⲗⲁⲁⲩ ⲧⲁⲗⲉ ⲧⲟⲟⲧϥ̄
ⲉϫⲛ̄ ⲟⲩϩⲃ̄ⲃⲉ • ⲛϥ̄ⲕⲟⲧϥ̄ ⲉ ⲡⲁϩⲟⲩ • ⲛϥ̄ⲥⲟⲟⲩⲧⲛ̄ ⲉ ϩⲟⲩⲛ •
ⲉ ⲧⲙ︦ⲛ︦ⲧ︦ⲉⲣⲟ ⲛ̄ ⲙⲡⲏⲩⲉ • ⲡⲉⲓ ϣⲁϫⲉ • ⲇⲉ ϫⲉ ϭⲱϣ︦ⲧ︦ • ⲉ
ⲡⲁϩⲟⲩ • ϥⲥⲩⲙⲁⲛⲉ • ⲛ︦ⲛ︦ⲣⲟⲟⲩϣ • ⲙ̄ ⲡⲕⲟⲥⲙⲟⲥ ⲉⲧ
ϣⲟⲩⲉⲓⲧ • ⲙⲛ̄ ⲛⲉϥϩⲩⲗⲉⲓ ⲛ̄ⲧⲛ̄ ⲧⲙ̄ ⲥⲟⲩⲱⲛⲟⲩ • Ⲧⲉⲛⲟⲩ
ϭⲉ ⲡⲁ ⲙⲉⲣⲓⲧ ⲛ ⲥⲟⲛ • ϯⲟⲩⲱϣ ⲙⲉⲛ ⲁⲛ • ⲉ ⲧⲣ̄ ⲕ̄ⲃⲱⲕ
ⲛ︦ⲅ︦ⲕⲁⲁⲧ ⲉ ⲧⲃⲉ ⲧⲉⲕⲉⲡⲓⲥⲧⲏⲙⲉⲓ • ⲙⲛ̄ ⲧⲉⲕⲉⲓ ϣⲁ ⲣⲟⲓ •
ⲉⲧ ⲙⲉϩ • ⲛ̄ϩⲏⲩ ⲁⲗⲗⲁ ϯⲟⲩⲱϣ ⲟⲛ ⲉ ⲧⲣⲉⲕⲙⲟⲟϣⲉ •
ϩⲙ̄ ⲡⲧⲱϩⲙ̄ • ⲛⲧⲁⲩⲧⲁϩⲙⲉⲕ ⲉ ⲣⲟϥ • ⲧⲱⲟⲩⲛ ⲛⲅ̄ⲃⲱⲕ •
ϣⲁ ⲛⲉⲥⲛⲏⲩ • ⲛⲥⲉϯ ϩⲓⲱⲱⲕ • ⲙ ⲡⲉⲥⲭⲏⲙⲁ ⲛ ⲧⲙ︤ⲛ︦ⲧ︥‐
ⲙⲟⲛⲟⲭⲟⲥ • ⲁⲩⲱ ⲥⲉⲛⲁⲧⲁⲙⲟⲕ • ⲉⲑⲉ ⲉⲧ ϣ̄ϣⲉ ⲉ ⲣⲟⲕ •
ⲉ ⲁⲁⲥ • ⲁⲩⲱ ⲛ ⲧⲉⲓ ϩⲉ • ⲁϥⲃⲱⲕ • ⲕⲁⲧⲁ ⲑⲉ • ⲛ̄ⲧⲁϥϫⲟⲟⲥ
ⲛϭⲓ ⲡϩ︦ⲗ︦ⲗⲟ • ⲁϥⲃⲱⲕ • ⲉ ⲣⲁⲧⲟⲩ • ⲛ̄ ⲛⲉⲥⲛⲏⲩ • ⲉ ⲡⲙⲁ
ⲉⲧⲟⲩⲙⲟⲩⲧⲉ • ⲉ ⲣⲟ[ϥ] ▨▨▨▨▨▨▨▨▨▨▨▨▨▨▨
ⲙⲉ • ⲉϥⲟⲩ▨▨▨▨▨▨▨▨▨▨▨▨▨▨▨▨▨▨▨▨ⲣⲁⲛ •
▨▨▨▨▨▨▨▨▨▨▨▨▨▨▨▨▨ⲧⲉ | ⲁⲩⲱ ⲛ̄ ⲁⲥϯⲟⲥ ⲉ
ⲡⲉϩⲟⲩⲟ • ⲉⲣⲉ ⲡⲉϥϩⲟ ⲟⲩⲉⲧⲟⲩⲱⲧ • ⲉⲙⲁⲧⲉ • ⲙⲛ̄ ⲡⲉϥⲥⲱⲙⲁ
ⲧⲏⲣ︦ϥ︦ • ⲉ ⲃⲟⲗ • ⲙ ⲡⲉϩⲟⲩⲟ • ⲛ̄ ⲛⲁⲥⲕⲏⲥⲓⲥ • ⲕⲁⲧⲁ ⲑⲉ ⲉⲧ
ⲥⲏϩ • ϫⲉ ϩⲉⲛⲧⲛ︦ϩ︦ ⲛ̄ ϭⲣⲟⲙⲡⲉ ⲉⲩⲗⲁⲗⲱⲟⲩ • ⲛ ϩⲁⲧ ⲁⲩⲱ
ⲡⲕⲱⲧⲉ ⲛ̄ ⲛⲉⲥⲛⲁ︦ϩ︦ⲃ︦ • ϩⲙ̄ ⲡⲟⲩⲟⲧⲟⲩⲉⲧ ⲙ ⲡⲛⲟⲩⲃ •
ⲛⲧⲁϥϫⲉ ⲡⲁⲓ • ⲉ ⲧⲃⲉ ⲡϥⲓ ⲉ ϩⲣⲁⲓ ⲛ ⲛ̄ϭⲓϫ • ⲙ ⲡϩⲗ̄ⲗⲟ •


### 0004

ⲙ ⲡⲧⲩⲡⲟⲥ ⲛ̄ ⲛ̄ⲧⲛ︦ϩ︦ ⲕⲁⲧⲁ ⲛⲉⲅⲣⲁⲫⲏ • ⲁⲩⲱ ⲡⲡⲓⲣⲉ ⲙ
ⲡϩⲁⲧ ⲉϥⲉⲓⲛⲉ ⲙⲙⲟϥ ⲉϫⲛ̄ ⲛⲉϣⲗⲏⲗ • ⲉⲧ ⲧⲃ̄ⲃⲏⲩ ⲁⲩⲱ
ⲡⲟⲩⲟⲧⲟⲩⲉⲧ ⲙ ⲡⲛⲟⲩⲃ • ⲉϫⲛ̄ ⲡⲟⲩⲟⲧⲟⲩⲉⲧ • ⲛ ⲛⲁⲥⲕⲏ‐
ⲥⲓⲥ ⲕⲁⲧⲁ ⲡⲉⲧ ⲥⲏϩ • ϫⲉ ⲛⲁⲓⲁⲧⲟⲩ ⲛ ⲛⲉⲧ ⲟⲩⲁⲁⲃ [ϩ]ⲙ̄
ⲡⲉⲩϩⲏⲧ ϫⲉ ⲛⲧⲟⲟⲩ • ⲛⲉⲧ ⲛⲁ[ⲛ]ⲁⲩ • ⲉ ⲡⲛⲟⲩⲧⲉ • ⲛⲉ
ⲟⲩⲣ︦ϥ︦ϣⲡ̄ ϩⲓⲥⲉ [ⲡ]ⲉ • ⲁⲩⲱ ⲛⲉϣⲁϥⲣ̄ ⲟⲩϣⲏ ⲛ̄ⲣⲟⲉⲓⲥ ⲡⲉ
[ⲛ]ϩⲁϩ • ⲛⲥⲟⲡ • ⲛⲉϣⲁϥⲟⲩⲱⲙ • ⲇⲉ ⲟⲛ [ⲛ]ϩⲁϩ • ⲛⲥⲟⲡ
ϩⲛ̄ ⲛⲉⲛⲧⲏϭ • ⲛⲑⲉ ⲛ ⲓⲱ[ϩⲁ]ⲛⲛⲏⲥ • ⲡⲃⲁⲡⲧⲓⲥⲧⲓⲥ • ⲛⲧⲁⲩ‐
ⲣⲙ︦ⲛ︦ⲧ︦ⲣⲉ ϩⲁ ⲣⲟϥ [ϫⲉ ⲧⲉϥϩⲣⲉ ⲇⲉ ⲡⲉ ϩⲉⲛϣϫⲉ ⲡⲉ ⲙ]ⲛ̄
ⲟⲩⲉⲃⲉⲓⲉ ϩⲟⲟⲩⲧ▨▨▨▨▨▨▨▨▨ ⲟⲡ ▨▨▨▨▨▨▨▨
▨▨▨▨▨▨▨| Ⲉ ⲧⲃⲉ ⲡ︦ⲧ︦ⲃ︦ⲃⲟ ⲙ ⲡⲉϥϩⲏⲧ • ⲙⲛ̄ ⲡⲧ[ⲃ̄]ⲃⲟ •
ⲙ̄ ⲡⲉϥⲥⲱⲙⲁ • ⲁϥϫⲟⲟⲥ ⲛ̄ϭⲓ ⲡ[ⲉⲓ]ⲱⲧ • ⲉⲧ ⲟⲩⲁⲁⲃ • ⲁⲡⲁ
ⲡⲥⲉⲗⲉⲩⲥⲓⲟⲥ • [ϫⲉ] ϣⲁϥⲛⲁⲩ ⲉ ϩⲁϩ • ⲛ̄ϭⲱⲗⲡ̄ ⲉ ⲃⲟⲗ •
ⲛϩⲁ[ϩ] ⲛⲥⲟⲡ • ⲁⲩⲱ ϣⲁϫⲉ ⲛⲓⲙ • ⲉϣⲁϥϫⲟ[ⲟⲥ] ⲛⲉϣⲁⲩ‐
ϣⲱⲡⲉ ⲙⲙⲉ • ⲛⲉϣⲁϥⲛⲁⲩ ϩⲛ̄ ⲛⲉϥϩⲟⲣⲁⲥⲓⲥ • ⲛⲑⲉ ⲛ̄
ⲇⲁⲛⲓⲏⲗ • ⲡⲉ[ⲧ ⲉϥ]ⲛⲁⲩ ⲉ ⲃⲟⲗ • ⲡⲉϫⲁϥ ⲟⲛ ⲛ̄ϭⲓ ⲁⲡⲁ
[ⲡⲥⲉ]ⲗⲉⲩⲥⲓⲟⲥ ϫⲉ ⲛ ⲧⲉⲣ ⲓⲉⲓ • ⲟⲩⲛ ϣⲁ ⲣⲟϥ • ⲉⲧⲉ ⲡⲉⲛⲧ
ⲁⲓϣⲣ︦ⲡ︦ ϣⲁϫⲉ ⲉ ⲣⲟϥ • ⲉⲧⲉ [ⲓⲱ]ϩⲁⲛⲛⲏⲥ ⲡⲉ ⲡⲉⲛⲧ ⲁⲓϫⲉ
ⲛⲉⲓ ϣⲁϫⲉ ⲧⲏⲣⲟⲩ • ⲉ ⲧⲃⲏⲏⲧ︦ϥ︦ • ⲁϥϣⲟⲡ︦ⲧ︦ ⲉ ⲣ[ⲟⲓ] ϩⲛ̄
ⲟⲩⲛⲟϭ • ⲛ̄ ⲙ ⲙ︦ⲛ︦ⲧ︦ⲙⲁⲓⲣⲱⲙⲉ • ⲁ[ⲩⲱ] ⲙⲡⲉ ⲓϭⲛ̄ ⲗⲁⲁⲩ
ϩⲙ̄ ⲡⲉϥⲙⲁ • ⲛ ϣⲱ[ⲡⲉ] ⲉⲓ ⲙⲏ ⲧⲉⲓ ϣⲟⲙ︤ⲛ︦ⲧ︥ ⲛⲟⲉⲓⲕ •
ⲙⲙⲁⲧⲉ ⲉⲩⲙⲙⲁⲩ • ⲉ ⲧⲃⲉ ⲛ̄ϣⲙ̄ⲙⲟ ⲉⲧ ⲛⲁⲡⲁ[ⲣⲁ]ⲅⲉ •
ⲙⲏ ⲡⲟⲧⲉ • ⲛ̄ⲥⲉϫⲟⲟⲥ • ϫⲉ ⲡϩ︦ⲗ︦ⲗ[ⲟ] ⲟⲩⲉⲙ ⲟⲉⲓⲕ • ⲁⲛ •
ⲛ̄ ⲧⲉⲣ ⲓϭⲱ ⲇⲉ ϩⲁϩ[ⲧϥ̄] ⲁⲓⲡⲁⲣⲁⲕⲁⲗⲉⲓ ⲙⲙⲟϥ • ⲉ ⲧⲣ̄
ϥ̄ϯ ϩⲓⲱ[ⲱⲧ] ⲙ ⲡⲉⲥⲭⲏⲙⲁ [ⲛ̄ ⲙ̄ ⲙⲛ︤ⲧ︥]ⲙⲟⲛⲟⲭⲟⲥ▨▨▨
▨▨▨▨▨▨▨▨▨▨▨▨▨▨ⲛⲧⲉ▨▨▨▨▨▨▨▨▨▨▨
▨▨▨▨ϫⲓ | ▨▨ⲛⲕⲱⲧ • ⲛ̄ ⲧⲙⲛ︤ⲧ︥ⲙⲟⲛⲟⲭⲟⲥ • Ⲁⲩⲱ
[ⲡ]ⲉϫⲁϥ • ⲛⲁⲓ ϫⲉ ⲟⲩ ⲡⲁ ⲥⲟⲛ • ⲡⲥⲉⲗⲉⲩⲥⲓ[ⲟⲥ] ϥⲥⲏϩ •
ϫⲉ ⲁ ⲛⲉⲕϣⲁϫⲉ • ϩⲗⲟϭ • ϩⲛ̄ [ⲧ]ⲁ ϣⲟⲩⲱⲃⲉ • ⲡϫ︤ⲥ︥ •
ⲛ̄ϩⲟⲩⲟ ⲉⲩⲉⲃⲓⲱ ▨ ϩⲛ̄ ⲣⲱⲓ • ⲉⲡⲉⲓ ⲇⲏ ⲁⲕϫⲛⲟⲩⲓ ⲡⲁ
[ϣ]ⲏⲣⲉ • ⲉ ⲧⲃⲉ ⲧⲉⲥⲃⲱ • ϫⲉ ϣⲱⲡⲉ • ⲉ[ⲧ]ⲉⲧⲛ̄ⲧⲥⲁⲛⲏⲩ •
ⲛ ⲛⲁϩⲣ︦ⲛ︦ ⲛⲁ ⲡⲃⲟⲗ ⁘[ⲁⲩ]ⲱ ⲉⲧⲉⲧⲛ̄ϫⲟⲕⲣ̄ • ϩ︦ⲙ︦ ⲡⲉϩⲙⲟⲩ •
ⲛ[ⲑⲉ] ⲛⲧⲁ ⲡ︦ⲥ︦ⲏ︦ⲣ︦ • ϫⲟⲟⲥ ϩⲙ̄ ⲡⲉⲩⲁⲅⲅⲉⲗⲓⲟⲛ [ⲛ̄]ⲛⲉϥⲁⲡⲟ‐
ⲥⲧⲟⲗⲟⲥ • ϫⲉ ⲛ̄ⲧⲱⲧ︦ⲛ︦ • ⲡⲉ [ⲡⲉ]ϩⲙⲟⲩ ⲙ ⲡⲕⲁϩ ϣⲱⲡⲉ


### 0005

ⲛⲣ︦ⲙ︦ⲣⲁϣ [ⲁⲩ]ⲱ ⲛⲃⲁⲗϩⲏⲧ • ⲕⲁⲧⲁ ⲑⲉ ⲛⲧⲁ ⲡⲉⲛ[ϫⲟ]ⲉⲓⲥ
ϫⲟⲟⲥ ϫⲉ ⲉⲓⲥ ϩⲏⲏⲧⲉ ⲁⲛⲟⲕ ϯ[ϫⲟ]ⲟⲩ ⲙⲙⲱⲧⲛ̄ • ⲛⲑⲉ
ⲛ ϩⲉⲛⲉⲥⲟⲟⲩ ⲉ ⲧⲙⲏ[ⲏⲧ]ⲉ ⲛ ϩⲉⲛⲱⲛϣ̄ • ϣⲱⲡⲉ ϭⲉ ⲛⲥⲁⲃⲉ
[ⲛⲑⲉ] ⲛ̄ⲛⲉⲓ ϩⲟϥ • ⲁⲩⲱ ⲛⲁⲕⲁⲓⲣⲁⲓⲟⲥ ⲛⲑⲉ • [ⲛ]ⲉⲓ ϭⲣⲟⲙ‐
ⲡⲉ ⁘ ⲁϥϫⲟⲟⲩⲥⲟⲩ ϩⲱⲥ ⲉⲥⲟⲟⲩ • [ⲁⲗ]ⲗⲁ ⲙⲡⲉ ϥⲧⲁⲛϩⲉⲧ
ⲧⲙ︦ⲛ︦ⲧ︦ⲁⲧⲣⲟⲟⲩϣ [ⲛⲛ]ⲉⲥⲟⲟⲩ • ⲉ ⲧⲣ︦ϥ︦ⲙⲟⲟϣⲉ ⲛϩⲏⲧ︦ⲥ︦ •
ⲛⲥⲉ[ⲕⲁ]▨▨▨ⲉⲩϩⲏⲧ ⲉ ⲃⲟⲗ • ⲉ ⲧⲃⲉ ⲛⲙⲉⲉⲩⲉ • ⲛ︦ⲛ︦[ⲇⲁⲓ]‐
ⲙⲟⲛⲓⲟⲛ ·▨▨▨▨▨▨▨▨▨▨▨ⲣⲡ̄ • ϫⲉ̄▨▨▨▨▨▨
▨▨▨▨▨▨▨ⲧⲛ︦▨▨▨▨▨▨▨▨▨▨▨▨▨▨▨ⲛ▨▨▨
▨▨▨▨▨▨▨▨▨▨▨▨ | ϩⲛ̄ ⲟⲩⲃⲱⲗ • ⲉ ⲃⲟⲗ• ⲟⲩⲇⲉ •
ⲉ ⲧⲙ̄ ⲕⲁ ⲡⲉϩⲏⲧ • ⲉ ⲃⲟⲗ • ϩⲛ̄ ⲟⲩⲱⲙ • ⲙⲛ̄ ⲟⲩⲥⲱ ⲙⲛ̄
ⲟⲩϩⲏⲇⲟⲛⲏ ϫⲉ ⲡⲉⲛⲁⲛⲇⲓⲇⲓⲕⲟⲥ ⲡⲇⲓⲁⲃⲟⲗⲟⲥ • ⲙⲟⲟϣⲉ
ⲉϥϭⲟⲣϭ̄ • ⲉ ⲡⲣⲱⲙⲉ ⲉϥⲉⲗϩⲏⲙ • ⲛⲑⲉ • ⲛⲛⲉⲓ ⲙⲟⲩⲓ •
ⲉϥϣⲓⲛⲉ ⲛⲥⲁ ⲱⲙ︦ⲕ︦ • ⲛ̄ ⲛⲉⲛⲯⲩⲭⲏ • ⲛ̄ ⲧⲉⲣ ⲓⲣ ϩⲉⲛϩⲟⲟⲩ
ⲇⲉ ϩⲁϩⲧⲏϥ • ⲉϥ▨▨ⲉ ⲣⲟⲓ ⲛⲛⲉⲓ ϣⲁϫⲉ ⲙⲛ̄ ⲛⲉⲧ ⲧⲛ̄ⲧⲱⲛ •
ⲉ ⲣⲟⲟⲩ • ⲁⲓⲡⲁⲣⲁⲕⲁⲗⲉⲓ ⲙⲙⲟϥ • ⲉ ⲧⲣ︦ϥ︦ϫⲓⲧ ⲉⲩⲙⲁ
ⲙⲁⲩⲁⲁⲧ • ⲛ ⲧⲉⲓ ϩⲉ ⲇⲉ ⲁϥⲉⲛ︦ⲧ︦ • ⲉ ⲡⲉⲓ ⲙⲁ • ⲁϥϭⲱ
ϩⲁϩⲧⲏⲛ ⲛ̄ϩⲉⲛϩⲟⲟⲩ • ϣⲁⲛⲧ ⲉϥⲧⲥⲁⲃⲟⲓ • ⲉ ⲧϭⲓⲛⲟⲩⲱϩ •
ⲙⲁⲩⲁⲁⲧ ϩⲓ ⲡϫⲁⲓⲉ • ⲉ ⲁϥϯ ⲉ ⲧⲟⲟⲧ • ⲛ̄ϩⲉⲛⲉⲛⲧⲟⲗⲏ •
ⲙⲛ̄ ⲧϭⲓⲛϥⲓ ⲉ ϩⲣⲁⲓ ϩⲁⲛⲙⲉⲉⲩⲉ • ⲛ̄ ⲛ̄ⲇⲁⲓⲙⲟⲛⲓⲟⲛ •
ⲙⲛ̄ ⲧϭⲓⲛⲙⲓϣⲉ • ⲉⲧ ⲥⲁϣⲉ • ⲁϥⲕⲁⲁⲧ • ⲙⲁⲩⲁⲁⲧ ϣⲁⲛⲧⲉ
ⲡⲁ ⲥⲟⲛ • ⲍⲁⲃⲟⲩⲗⲱⲛ ⲉⲓ ϣⲁⲣⲟⲓ • ⲉⲓⲧⲁ ⲡⲉϫⲁϥ • ⲛⲁⲓ
ϫⲉ ϯⲡⲁⲣⲁⲕⲁⲗⲉⲓ ⲙⲙⲟⲕ ⲡⲁ ⲉⲓⲱⲧ ⲡⲥⲉⲗⲉⲩⲥⲓⲟⲥ • ⲉⲡⲉⲓ
ⲇⲏ • ⲟⲩⲛ̄ • [three lines wanting]| ⲁϥⲟⲩⲱϣⲃ̄ • ⲛϭⲓ ⲡϩ︦ⲗ︦-
ⲗⲟ • ⲡⲉϫⲁϥ ⲛⲁⲓ ϫⲉ ⲉⲡⲉⲓ ⲇⲏ • ⲁⲕϣⲓⲛⲉ ϯⲛⲁⲧⲁⲙⲟⲕ
ⲁⲩⲱ ⲙⲛ̄ ⲗⲁⲁⲩ • ϩⲏⲡ ⲉ ⲣⲟⲕ • ⲛⲉⲑⲏⲡ ⲟⲛ ⲉ ⲣⲟⲕ •
ϩⲁϩⲧⲛ̄ ⲛ̄ⲣⲱⲙⲉ • ⲡⲉⲡ︦ⲛ︦ⲁ︦ • ⲉⲧ ⲟⲩⲁⲁⲃ • ϭⲱⲗⲡ̄ • ⲙⲙⲟⲟⲩ •
ⲛⲁⲕ • ⲉ ⲃⲟⲗ • ⲡⲉϫⲁⲓ ⲛⲁϥ • ϫⲉ ⲁⲣⲓ ⲧⲁⲅⲁⲡⲏ • ⲛⲙ̄ⲙⲁⲓ
ⲡⲁ ⲉⲓⲱⲧ • ⲙ̄ⲡⲣ̄ ⲥⲛ̄ⲧ ⲡⲉⲕϩⲙ̄ϩⲁⲗ : ⲉ ⲃⲟⲗ • ⲁϥⲟⲩⲱϣⲃ̄ •
ⲉϥϫⲱ ⲙⲙⲟⲥ ⲛⲁⲓ • ϫⲉ ⲉⲡⲉⲓ ⲇⲏ • ⲁⲕϣⲓⲛⲉ • ϯⲛⲁⲧⲁ‐
ⲙⲟⲕ • ⲡⲉϫⲁϥ ϫⲉ ⲁⲓⲃⲱⲕ • ⲛ̄ⲟⲩⲟⲉⲓϣ ⲉ ϩⲟⲩⲛ • ⲉ ⲧⲉⲣⲏ‐
ⲙⲟⲥ • ⲉⲧ ϩⲓ ϩⲟⲩⲛ • ⲉⲛⲁϩⲟⲟⲩ ⲥⲛⲁⲩ ⲙ ⲙⲟⲟϣⲉ ⲁⲓϭⲓⲛⲉ
ⲛ̄ϩⲉⲛⲕⲟⲩⲓ ⲛⲃⲛ̄ⲛⲉ • ϩⲛ̄ⲟⲩⲉⲓⲁ • ⲙⲛ̄ ⲟⲩⲡⲩⲅⲏ ⲙⲙⲟⲟⲩ •
ⲙⲛ̄ ϩⲉⲛⲉⲛⲧⲏϭ • ⲙ ⲡⲕⲱⲧⲉ ⲙⲙⲟⲟⲩ • ⲁⲓϩⲙⲟⲟⲥ ϩⲓϫⲛ̄


### 0006

ⲧⲡⲩⲅⲏ ⲉ ⲧⲣⲁⲙⲧⲟⲛ • ⲙⲙⲟⲓ • ⲛ ⲟⲩⲕⲟⲩⲓ • ⲉⲓϩ︦ⲙ︦ ⲡϩⲓⲥⲉ •
ⲛ̄ⲛⲉϩⲓⲟⲟⲩⲉ • ⲉⲓϫⲱ • ⲙⲙⲟⲥ ϫⲉ [ⲁ]ⲣⲁ • ⲟⲩⲛⲥⲟⲛ • ⲙ̄
ⲡⲉⲓ ⲙⲁ ϫⲓⲛ ⲙⲙⲟⲛ ϩⲟⲥⲟⲛ • ⲇⲉ • ⲉⲓⲙⲉⲉⲩⲉ • ⲛ̄ϯϩⲉ •
ⲁⲓϭⲱϣ︦ⲧ︦ [ⲁⲓ]ⲛⲁⲩ • ⲉ ⲣ̄ⲱⲙⲉ▨▨▨▨▨▨▨▨▨▨▨▨
[ⲙ]ⲟⲩⲧ[ⲉ] ▨▨▨▨▨▨▨▨▨▨▨▨▨▨▨▨▨▨▨▨▨
▨▨▨▨▨▨▨▨▨ [one line wanting] | ϩⲉⲛⲃⲛ̄ⲛⲉ • ⲁⲩⲱ
ⲁⲩⲉⲓⲛⲉ • ⲛ̄ ⲟⲩⲕⲟⲩⲓ • ⲙⲙⲟⲟⲩ • ⲉ ⲧⲣⲁⲥⲱ • ⲁⲛⲟⲕ ⲇⲉ
ⲁⲓⲟⲩⲱϣ ⲉ ⲧⲣⲁϭⲱ • ϩⲁϩⲧⲏⲩ • ϩ︦ⲙ︦ ⲡⲙⲁ ⲉⲧ ⲙ̄ⲙⲁⲩ
ⲁⲗⲗⲁ • ⲁⲓⲣ̄ ⲡⲙⲉⲉⲩⲉ • ⲙ̄ ⲡⲁ ⲥⲟⲛ • ⲍⲁⲃⲟⲩⲗ[ⲱⲛ] ⲙⲡⲉ
ⲓⲉϣϭⲱ ⲙ ⲡⲉϥⲃⲟⲗ • ⲕⲁⲧⲁ ⲑⲉ ⲉⲧ ⲉⲣⲉ ⲡⲁⲡⲟⲥⲧⲟⲗⲟⲥ
ϫⲱ ⲙⲙⲟⲥ ϫⲉ ⲛ̄ ⲧⲉⲣⲉ ⲟⲩⲛⲟϭ • ⲛ ⲣⲟ • ⲟⲩⲏⲛ ⲛⲁⲓ ϩ︤ⲙ︥
▨▨▨▨▨ⲙⲡⲉ ⲓⲙⲧⲟⲛ • ϩⲙ̄ ⲡⲁ ⲡ︦ⲛ︦︦ⲁ︦ • ⲉϯⲧⲟⲥ • ⲡⲁ
ⲥⲟⲛ ⁘ ⲁⲩⲱ ⲟⲛ ϫⲉ ⲁⲛⲟⲕ ⲁⲓⲧⲱϭⲉ • ⲁⲡⲱⲗⲗⲱ ⲡⲉⲛⲧ
ⲁϥⲧⲥⲟ • ⲡⲛⲟⲩⲧⲉ • ⲡⲉⲛⲧ ⲁϥⲁⲩⲝⲁⲛⲉ • ⲁⲓϫⲟⲟⲥ ⲇⲉ ⲛⲁⲩ
ϫⲉ ⲛⲧⲁⲧⲉⲧⲛ̄ⲉⲓ • ⲉ ⲡⲉⲓ ⲙⲁ • ⲛ̄ ⲁϣ ⲛ̄ ϩⲉ • ⲁⲩⲱ
ⲉⲧⲉⲧⲛ̄ⲟⲩⲉⲙ ⲟⲩ • ⲁⲩⲱ ⲛⲓⲙ ⲛⲉ ⲛⲉⲧⲛ̄ⲣⲁⲛ • ⲁⲩⲱ
ⲛⲧⲉⲧⲛ̄ϩⲉ ⲛⲣ︦ⲙ︦ ⲧⲱⲛ • ⲁⲩⲱ ⲉⲧⲉⲧⲛ̄ ⲥⲩⲛⲁⲅⲉ • ⲛ ⲁϣ
ⲛ̄ ϩⲉ ⲉⲧⲉⲧⲛ̄ ⲙ ⲡⲉⲓ ⲙⲁ • ⲛ̄ⲧⲟⲟⲩ ⲇⲉ ⲡⲉϫⲁϥ ϫⲉ
ⲁⲛⲟⲛ • ϩⲉⲛⲣⲙ̄ⲧⲡⲟⲗⲓⲥ • ⲥⲟⲩⲁⲛ ⲉ ⲁⲛϣⲱⲡⲉ • ϩⲛ̄
ⲟⲩϩⲏⲧ • ⲛⲟⲩⲱⲧ • ϫⲓⲛ ⲉⲛ ϩⲙ̄ ⲡⲕⲟⲥⲙⲟⲥ • ⲉⲛⲟⲛϣⲃⲏⲣ
ⲉⲛⲉⲛⲉⲣⲏⲩ • ⲛⲉϣⲁⲛⲃⲱⲕ • ⲉ ⲧⲉⲕⲕⲗⲏⲥⲓⲁ ⲙⲛ̄ ⲛⲉⲛⲉⲣⲏⲩ •
ⲙⲙⲏⲏⲛⲉ • ⲉⲣⲟⲩϩⲉ • ⲙ︦ⲛ︦ ϩⲧⲟⲟⲩⲉ • ⲉⲛⲥⲱⲧⲙ̄ • ⲉ ⲛⲉⲅⲣⲁ‐
ⲫⲏ • ⲉⲧ ⲟⲩⲁⲁⲃ • ⲉⲧⲟⲩⲱϣ • ⲙⲙⲟⲟⲩ • ⲙⲛ̄ ⲛ̄ⲁⲛⲁⲅ‐
ⲛⲱⲥⲓⲥ • ϩⲙ̄ ⲡⲉⲩⲁⲅⲅⲉⲗⲓⲟⲛ • ⲙⲉⲛ ϫⲉ ⲡⲉⲧ ⲙⲉ • ⲛ̄ⲉ ⲓⲱⲧ •
ⲏ ⲙⲁⲁⲩ ⲉϩⲟⲩⲉ ⲣⲟⲓ | ⲛϥ︦ⲙ︦ⲡϣⲁ • ⲙⲙⲟⲓ ⲁⲛ • ⲁⲩⲱ
ⲡⲉⲧⲉ ⲛϥ[ⲛ]ⲁϥⲓ ⲁⲛ ⲙ ⲡⲉϥⲥ⳨ⲟ︦ⲥ︦ • ⲛϥ̄ⲟⲩⲁϩ︦ϥ︦ • ⲛⲥⲱⲓ
ⲛϥ̄ⲙⲡϣⲁ ⲙⲙⲟⲓ ⲁⲛ • ⲁⲛⲟⲛ ⲇⲉ ⲛ ⲧⲉⲣ ⲛ̄ⲥⲱⲧⲙ̄ • ⲉ ⲛⲉⲓ
ϣⲁϫⲉ • ⲛⲱⲛ︤ϩ︥ ⲉ ⲃⲟⲗ ϩⲛ̄ ⲧⲧⲁⲡⲣⲟ • ⲙ ⲡⲉⲛϫⲟⲉⲓⲥ • ⲓ︤ⲥ︥
ⲡⲉⲭⲥ̄ ⲡⲉⲛⲥ︦ⲏ︦ⲣ︦ • ⲙ ⲙⲁⲓ ⲣⲱⲙⲉ • ⲙⲛ̄ ⲛⲉⲧ ⲧⲛ̄ⲧⲱⲟⲩⲛ •
ⲉ ⲣⲟϥ • ⲉⲧⲉ ⲛⲁⲓ ⲛⲉ • ϫⲉ ⲡⲉⲧ ⲙⲉ • [ⲛ̄ ⲧⲉϥ]ⲯⲩⲭⲏ •
ϥⲛⲁⲥⲟⲣⲙⲉⲥ • ⲁⲩⲱ ⲡⲉⲧ [ⲛⲁⲥⲟⲣ]ⲙ̄ • ⲛ̄ ⲧⲉϥⲯⲩⲭⲏ •
ⲉ ⲧⲃⲏⲏⲧ • ϥⲛⲁϩⲉ • ⲉ ⲣⲟⲥ • ⲉⲓⲧⲁ • ⲟⲛ • ϫⲉ ⲉⲣϣⲁⲛ
ⲡⲣⲱⲙⲉ • ϯϩⲏⲩ • ⲙ ⲡⲕⲟⲥⲙⲟⲥ ⲧⲏⲣ︦ϥ︦ • ⲛϥ̄ϯⲟⲥⲉ ⲇⲉ •
ⲛ̄ ⲧⲉϥⲯⲩⲭⲏ ⲏ ⲟⲩ ⲡⲉⲧ ⲉⲣⲉ ⲡⲣⲱⲙⲉ • ⲛⲁⲧⲁⲁϥ • ⲛ


### 0007

ϣⲃ̄ⲃⲓⲱ • ⲛ̄ⲧⲉϥⲯⲩⲭⲏ ⁘ ⲛⲁⲓ ⲇⲉ • ⲛ ⲧⲉⲣ̄ ⲛ̄ⲥⲟⲧⲙⲟⲩ •
ⲁⲛⲣ ⲟⲩϩⲏⲧ • ⲛ̄ ⲟⲩⲱⲧ ⲙⲛ̄ ⲛⲉⲛⲉⲣⲏⲩ • ⲁ ⲡϣⲁϫⲉ • ⲙ̄
ⲡⲛⲟⲩⲧⲉ • ϩⲗⲟϭ • ⲛ̄ ⲧⲟⲟⲧⲛ̄ • ⲛ̄ϩⲟⲩⲟ • ⲉ ⲡⲉⲃⲓⲱ̄ ⲙⲛ̄
ⲡⲙⲟⲗ︦ϩ︦ • ⲁⲛⲥⲩⲛⲧⲁⲍⲉ • ⲙⲛ̄ ⲛⲉⲛⲉⲣⲏⲩ • ⲉⲩϩⲟⲟⲩ • ⲉ
ⲧⲣ︦ⲛ︦ⲉⲓ • ⲉ ⲃⲟⲗ ϩⲛ̄ ⲧⲡⲟⲗⲓⲥ • ⲛ̄ϩⲏⲧϥ̄ • ⲁⲛϭⲱ ⲙⲉⲛ •
ⲛ̄ϩⲉⲛϩⲟⲟⲩ ⲉⲛϫⲱ ⲙⲙⲟⲥ ϫⲉ ϩⲁⲣⲏⲩ ⲛ̄ⲇⲁⲓⲙⲱⲛ ⲛⲉⲧ
ⲡⲓⲣⲁⲍⲉ • ⲙⲙⲟⲛ • ⲛ ⲧⲉⲣ ⲛ̄ⲁⲓⲥⲑⲁⲛⲉ • ⲇⲉ • ⲉ ⲡⲙⲉⲉⲩⲉ •
ⲉⲧ ⲛⲁⲛⲟⲩϥ • ⲉϥⲧⲱⲃⲥ̄ • ⲙⲙⲟⲛ • ⲉ ⲧⲙ̄ ⲕⲁ ⲧⲟⲟⲧⲛ̄ •
ⲉ ⲃⲟⲗ • ⲁⲛⲥⲱⲣ • ⲙ ⲡⲉⲧ ⲣ̄ ϩⲟⲩⲟ • ⲉ ⲣⲟⲛ • ⲛ̄ⲛⲉⲧ
[ϣ]ⲁⲁⲧ • ⲁⲛϫⲓ • ⲛϩⲉⲛⲕⲟⲩⲓ • ⲛ̄ⲟⲉⲓⲕ | ⲁⲛⲉⲓ ⲉ ⲃⲟⲗ • ϩ︤ⲛ︥
ⲧⲡⲟⲗⲓⲥ • ⲁⲛⲧⲁⲗⲟ • ⲉⲩⲕⲟⲩⲓ • ⲛ ⲥⲕⲁⲫⲟⲥ • ⲁⲛⲉⲓ ⲉ
ⲡⲧⲟⲟⲩ • ⲉ ⲡⲙ[ⲁ] ⲉⲧⲟⲩⲙⲟⲩⲧⲉ • ⲉ ⲣⲟϥ • ϫⲉ ⲡⲕⲟⲟϩ •
ⲁⲛⲁⲩⲱϩ • ⲙⲛ̄ ϩⲉⲛⲥⲛⲏⲩ • ⲉⲩⲟⲩⲁⲁⲃ ⲉⲩ ϩ︦ⲙ︦ ⲡⲙⲁ • ⲉⲧ
ⲙ̄ⲙⲁⲩ • ⲉ ⲧⲃⲉ ϫⲉ ⲟⲩⲛ ⲟⲩⲛⲟϭ ⲛϩⲉⲛⲟⲩϥⲉ • ϣⲟⲟⲡ •
ϩ︤ⲙ︥ ⲡⲉ ⲟⲩⲟⲉⲓϣ • ⲉⲧ [ⲙ̄]ⲙⲁⲩ ⲕⲁⲧⲁ ⲡⲛⲟⲩⲧⲉ • ⲁⲛⲁ‐
ⲡⲁⲛⲧⲁ • ⲉ[ⲩ]ϩ︦ⲗ︦ⲗⲟ ⲉϥⲟⲩⲁⲁⲃ • ⲉ ⲡⲉϥⲣⲁⲛ • ⲡⲉ ⲍⲁⲭⲁ‐
[ⲓⲟⲥ] ⲉ ⲁϥⲱⲥ︦ⲕ︦ • ϩⲛ̄ ⲧⲁⲛⲁⲭⲱⲣⲓⲥⲓⲥ • ⲉⲩⲁⲥⲕ[ⲏ]ⲧⲏⲥ •
ⲉⲙⲁⲧⲉ ⲡⲉ • ⲉⲩⲛ̄ ⲕⲉ ⲥⲟⲛ • ⲥⲛⲁⲩ [ⲉⲩ]ⲏⲏϩ • ϩⲓⲧⲟⲩⲱϥ •
ⲉ ⲛⲉϥⲙⲁⲑⲏⲧⲏⲥ [ⲛⲉ] ⲡⲣⲁⲛ • ⲙ ⲡⲟⲩⲁ ⲙⲙⲟⲟⲩ ⲡⲉ
ⲥⲁⲣⲁⲡⲁⲙ[ⲱⲛ] ⲁⲩⲱ ⲡⲣⲁⲛ • ⲙ ⲡⲕⲉⲟⲩⲁ • ⲡⲉ ⲙⲁⲑ‐
ⲑⲁⲓ[ⲟⲥ] ⲉ ⲁⲩⲉⲓ ⲉ ϩⲣⲁⲓ • ϩ︦ⲛ︦ ⲟⲩⲛⲟϭ • ⲛⲁⲑⲗⲏⲥⲓⲥ ⲙⲛ︦ⲧ︦-
ⲣϥ̄ϣⲡ̄ ϩⲙⲟⲧ • ⲉⲩⲥⲱⲧ︦ⲙ︦ • ⲛⲥⲁ ⲡϩ︦ⲗ︦ⲗⲟ • ⲁⲡⲁ ⲍⲁⲭⲁⲓⲟⲥ •
ϩⲛ̄ ϩⲱⲃ ⲛ[ⲓⲙ] ⲉⲧ ϥ̄ⲛⲁϫⲟⲟⲩ • ⲛⲁⲩ • ⲥⲁⲣⲁⲡⲁⲙⲱⲛ •
[ⲇⲉ] ⲁϥϫⲡⲟ ⲛⲁϥ • ⲛ ⲟⲩⲁⲅⲁⲡⲏ • ⲉⲧⲉ ⲧⲁⲓ ⲧ[ⲉ] • ⲉⲣϣⲁⲛ
ⲟⲩⲣⲱⲙⲉ ⲉⲓ ⲉϥϣⲓⲛⲉ • ⲛⲥⲁ ⲡϩⲱⲃ • ⲛ̄ϭⲓϫ • ⲉ ⲧⲣϥ̄ϣⲟⲡϥ̄ •
ⲛ̄ ⲧⲟⲟⲧϥ̄ • ϣⲁϥⲕⲱⲧⲉ • ⲉ ⲛⲉⲥⲛⲏⲩ • ⲛϣⲟⲣ︦ⲡ︦ • [ⲁϥ]‐
ϫⲟⲟⲥ • ⲛⲁⲩ • ϫⲉ ⲡⲉⲧⲉ ⲟⲩⲛⲧⲁϥ • ϩ[ⲱⲃ] [ⲛ̄ϭⲓ]ϫ • ⲙ‐
ⲙⲁⲩ • ⲙⲁⲣϥ̄ⲉⲛⲧ︦ϥ︦ • ⲛⲁⲓ • [ⲛⲧⲁϯ] ⲧⲉϥϯⲙⲏ • ⲛⲁϥ •
ⲁⲩⲱ • ⲛⲉϣ[ⲁϥ]▨▨[ϩⲱⲃ] ⲛ̄ϭⲓϫ • ⲉϥⲥⲡⲟⲩⲇ[ⲁⲍⲉ]▨▨▨▨
▨▨▨▨ϩⲱⲃ ⲛ̄ϭⲓϫ▨▨ | ⲉⲓ ϣⲁ ⲣⲟϥ ⲉϥⲥⲟⲟⲩⲛ • ϫⲉ
ϣⲁϥϫⲓⲧ︤ϥ︥ • ⲛ̄ ϭⲟⲛⲥ̄ ϣⲁϥϯ ⲡⲱϥ • ⲛⲁϥ • ⲉϥⲙⲉ ⲇⲉ ⲟⲛ
ⲙ ⲡⲟⲥⲉ • ⲛ̄ϩⲟⲩⲟ̄ • ⲉ ⲡϩⲏⲩ • ⲁⲩⲱ ⲡⲥⲱϣ ⲛ̄ϩⲟⲩⲟ • ⲉ
ⲡⲧⲁⲓⲟ • ⲁϥϭⲱ ϩⲛ̄ ϯⲁⲅⲁⲡⲏ ϣⲁ ⲡⲉϩⲟⲟⲩ • ⲙ ⲡⲉϥϫⲱⲕ •
ⲉ ⲃⲟⲗ • ⲙⲁⲑ[ⲑ]ⲁⲓⲟⲥ ⲇⲉ ϩⲱⲱϥ • ⲁϥϫⲡⲟ • ⲛ ⲧⲉⲓ ⲡⲟⲗⲩ‐


### 0008

[ⲧ]ⲁ • ⲧⲁⲓ ⲛⲉ ⲙⲉϥⲡⲓⲑⲉ ⲅⲁⲣ • ⲉⲛⲉϩ • ⲉⲛ ⲡⲉϥ[ϣ]ⲁϫⲉ •
ⲉⲑⲏ ϩⲛ̄ ⲗⲁⲁⲩ • ⲛ̄ϣⲁϫⲉ • ⲁⲩⲱ▨▨ⲉⲣϣⲁⲛ ⲟⲩⲁ • ϫⲛⲟⲩϥ •
ⲉⲩⲗⲉⲝⲓⲥ • ϩ︦ⲛ︦ [ⲛⲉ]ⲅⲣⲁⲫⲏ • ϣⲁϥⲟⲩⲱϣⲃ̄ • ⲛⲁϥ • ⲛ̄ϯϩⲉ
[ⲛⲅ̄]ⲕⲱ ⲛⲁⲓ • ⲉ ⲃⲟⲗ • ⲛ̄ϯϩⲉ • ⲛ ϯⲛⲟⲓ • ⲁⲛ [ⲕⲁⲓ] ⲡⲉⲣ
ⲟⲩⲛⲟϭ • ⲛ ⲥⲁϩ ⲡⲉ • ⲉ ⲁⲩⲡⲁⲓⲇⲉⲩⲉ [ⲙⲙ]ⲟϥ • ϩⲛ̄ ⲛⲉⲥ‐
ϩⲁⲓ • ⲛ̄ ⲛⲉⲅⲣⲁⲫⲏ • ⲉⲧ ⲟⲩ[ⲁⲁⲃ] • ⲁⲩⲱ ⲛ ⲧⲉⲓ ϩⲉ
ⲁϥⲙⲧⲟⲛ • ⲙⲙⲟϥ ⲥⲟⲩ ⲙⲛ̄ⲧⲏ • ⲙ ⲡⲉⲃⲟⲧ • ⲡⲁⲱ̄ⲛⲉ :-
[ⲡϩ]ⲗ̄ⲗⲟ ⲇⲉ ϩⲱⲱϥ • ⲛ̄ⲧⲁⲛϣⲣ︦ⲡ︦ ϣⲁ[ϫⲉ] ⲉ ⲣⲟϥ • ⲉⲧⲉ
ⲁⲡⲁ ⲍⲁⲭⲁⲓⲟⲥ ⲡⲉ ⲛⲧⲟϥ • [ⲡⲉⲛ]ⲧ ⲁϥⲧⲥⲁⲃⲟⲛ • ⲉ ⲧϭⲓ‐
ⲛⲟⲩⲱϩ • ϩⲓ ⲡ[ϫⲁⲓⲉ] • ⲁⲩⲱ ⲛⲧⲟϥ • ⲡⲉⲛⲧ ⲁϥϯ • ϩⲓⲱⲱⲛ
[ⲡⲉ]ⲥⲭⲏⲙⲁ • ⲛ̄ ⲧⲙ︦ⲛ︦ⲧ︦ⲙⲟⲛⲟⲭⲟⲥ ⲁⲩⲱ [ⲡⲉϩ]ⲗ̄ⲗⲟ • ⲉⲣ‐
ϣⲁϫⲉ • ⲛⲙ̄ⲙⲁⲛ • ⲉ ⲧⲃⲉ ⲛⲁⲣⲉ[ⲧⲏ ⲛ]ⲛⲉⲧ ⲟⲩⲁⲁⲃ • ⲉⲧ ϩⲓ
ⲡϫⲁⲓⲉ • ⲛⲁⲓ ⲉⲧ[ⲟⲩⲥⲡⲟⲩ]ⲇⲁⲍⲉ • ⲉ ⲧⲙ̄ ⲛⲁⲩ • ⲉ ⲣⲱⲙⲉ •
ⲁϥϯ▨▨▨• ⲛⲟⲩⲁⲥⲕⲓⲥⲓⲥ • ⲉⲥϫⲁϫⲱ • ▨▨▨▨▨ⲥⲉ • ⲁⲩⲱ
ⲛⲉϥϩⲱⲛ • ⲉ ⲧⲟⲟⲧⲛ̄▨▨▨ⲛ̄ⲛⲉⲧⲛ̄ⲯⲩⲭ[ⲏ] • ▨▨▨▨|
▨ⲁϥⲉⲓ [ⲉ] ϩⲣⲁⲓ • ϩⲛ̄ ⲧⲡⲟⲗⲩⲧⲁ • ⲛⲧ▨▨▨ⲉϥϫⲁϫⲱ •
ⲕⲁⲓ ⲡⲉⲣ • ⲉϥϩⲛ̄ ⲧⲉⲓ ⲙⲛ︦[ⲧ︦ϩⲗ̄]ⲗⲟ • ⲛⲉ ⲟⲩⲡⲁⲣⲑⲉⲛⲟⲥ •
ⲡⲉ ϫⲓⲛ ⲡⲉϥϫⲡⲟ ⲉϥⲡⲏⲧ • ⲉ ⲃⲟⲗ • ⲛ ⲥⲩⲛⲧⲉⲭⲓⲁ • ⲛⲓⲙ •
ⲛⲧⲉ ⲛⲉϩⲓⲟⲟⲙⲉ • ⲙⲛ̄ ϫⲓ ϩⲣⲁϥ • ⲛⲓⲙ • ⲉϥⲙⲉ • ⲙ
ⲡⲣⲓⲙⲉ • ⲛ̄ ϩⲟⲩⲟ • ⲉ ⲡⲥⲱⲃⲉ • ⲉⲙⲉϥⲕⲁ ⲧⲟⲟⲧ︦ϥ︦ • ⲉ ⲃⲟⲗ •
ⲙ ⲡⲣⲓⲙⲉ • ⲙ ⲡⲉϩⲟⲟⲩ • ⲙⲛ̄ ⲧⲉⲩϣⲏ • ⲁⲛϫⲟⲟⲥ ⲇⲉ
ⲛⲁϥ • ⲛ ⲟⲩϩⲟⲟⲩ ϫⲉ ⲡⲁ ⲉⲓⲱⲧ • ⲉ ⲧⲃⲉ ⲟⲩ • ⲕⲣⲓⲙⲉ ⲛ̄
ⲧⲉⲓ ϩⲉ • ⲛⲧⲟϥ ⲇⲉ • ⲡⲉϫⲁϥ • ϫⲉ ϣϣⲉ ⲉⲣ ⲁⲡⲟⲧⲁⲕϯⲕⲟⲥ •
ⲛⲓⲙ • ⲉ ⲧⲙ̄ ⲕⲁ ⲧⲟⲟⲧϥ̄ • ⲉ ⲃⲟⲗ ⲙ ⲡⲉϩⲟⲟⲩ • ⲙⲛ̄
ⲧⲉⲩϣⲏ • ⲉϥⲣⲓⲙⲉ • ⲉϫⲛ̄ ⲛⲉϥⲛⲟⲃⲉ • ⲛⲑⲉ ⲉⲧ ⲥⲏϩ • ϫⲉ
ⲛⲁⲓⲁⲧⲟⲩ ⲛⲛⲉⲧ ⲣ̄ ϩⲏⲃⲉ • ϫⲉ ⲛⲧⲟⲟⲩ • ⲛⲉⲧ ⲟⲩⲛⲁⲥⲡ̄ⲥⲱ‐
ⲡⲟⲩ • ⲉⲣϣⲁⲛ ⲧⲉⲓ ⲗⲉⲝⲓⲥ • ⲧⲁϩⲉ ⲧⲏⲩⲧ︦ⲛ︦ • ⲧⲉⲧⲛⲁⲙⲧⲟⲛ •
ⲙⲙⲱⲧ︦ⲛ︦ ⲉ ⲃⲟⲗ • ϩⲛ̄ ⲛⲉⲧⲛ̄ϩⲓⲥⲉ • ϣϣⲉ ⲅⲁⲣ • ⲉ ⲣⲱⲙⲉ •
ⲛⲓⲙ • ⲉ ⲕⲱ ϩⲁⲉⲓⲁⲧⲟⲩ • ⲙ ⲡⲉⲓ ϣⲟⲙⲛ︤︦ⲧ︦] ⲛϩⲱⲃ • ⲉⲧⲉ ⲛⲁⲓ
ⲛⲉ • ⲧⲉⲩϭⲓⲛⲉⲓ • ⲉ ⲃⲟ[ⲗ] ϩⲛ̄ ⲥⲱⲙⲁ • ⲡ︦ⲣ︦ ⲡⲙⲉⲉⲩⲉ • ⲛ
ⲧⲁⲡⲟⲫⲁⲥⲓⲥ ⲉⲧ ⲛⲁⲧⲁϩⲟⲛ • ⲙ ⲡⲉϩⲟⲟⲩ • ⲙ ⲡⲛⲟϭ • ⲛ̄
ϩⲁⲡ • ⲉⲧ ϩⲁϩⲟⲧⲉ • ⲕⲁⲓ • ⲅⲁⲣ • ⲧⲛ̄ⲥⲱⲧⲙ̄ ⲉ ⲧⲃⲉ ⲡⲛⲟϭ •
ⲙⲱⲩⲥⲏⲥ • ϫⲉ ϩ︦ⲙ︦ ⲡⲧⲣ︦ϥ︦ϥⲓ • ⲉ ϩⲣⲁⲓ • ⲛⲧⲉϥϭⲓϫ ⲥⲛ̄ⲧⲉ •
ⲛ̄ϭⲓϫ • ϣⲁϥⲧϥ̄ϭⲱⲧⲡ̄ • ⲙ ⲡⲁⲙⲁⲗⲏⲕ • ⲁⲩⲱ ⲟⲛ • ϫⲉ


### 0009

ϩ︤ⲙ︥ⲡⲧⲣϥ̄ⲉⲛⲧⲟⲩ • ⲉ ⲡⲉⲥⲏⲧ • ϣⲁϥϭⲱⲧⲡ︥ | ▨▨▨▨▨▨
ⲛϥ̄ϭⲙ̄ϭⲟⲙ • ⲛ̄ϭⲓ ⲡⲁⲙⲁⲗⲏⲕ • ⲁⲥϫⲱ ⲅⲁⲣ • ⲛ̄ϭⲓ
ⲧⲉⲅⲣⲁⲫⲏ ⲉⲧ ⲟⲩⲁⲁⲃ ϫⲉ ⲛⲉⲣⲉ ⲁⲁⲣⲱⲛ • ϥⲓ ⲉ ϩⲣⲁⲓ •
ϩⲁ ⲧϭⲓϫ • ⲛ̄ ⲟⲩⲛⲁⲙ • ⲙ ⲙⲱⲩⲥⲏⲥ • ⲱⲣ • ϩⲱⲱϥ • ϩⲁ
ⲧⲉϥϩⲃⲟⲩⲣ • ⲁⲩⲱ ⲛ̄ ⲧⲉⲓ ϩⲉ • ϩⲙ̄ ⲡⲧⲣⲉⲩⲧⲱⲟⲩⲛ • ⲉ
ϩⲣⲁⲓ • ϩⲓ ⲟⲩⲥⲟⲡ • ϩⲛ̄ ⲟⲩϩⲟⲙⲟⲛⲓⲁ • ⲛ ⲟⲩⲱⲧ • ϩⲁ
ⲛⲉϥϭⲓϫ • ϣⲁϥϭⲱⲧ︦ⲡ︦ ⲛϭⲓ ⲡⲁⲙⲁⲗⲏⲕ • ⲡⲉϫⲁϥ ⲟⲛ ⲛ̄ϭⲓ
ⲡⲉⲥϩⲁⲓ • ⲉⲧ ⲟⲩⲁⲁⲃ • ϫⲉ ⲁⲩⲱ ⲛⲉⲣⲉ ⲁⲁⲣⲱⲛ ϥⲓ ⲉ ϩⲣⲁⲓ •
ϩⲁ ⲛⲉϥϭⲓϫ • ϣⲁ ⲡⲛⲁⲩ • ⲛ̄ ⲣⲟⲩϩⲉ • ⲉⲧⲉ ⲡⲁⲓ ⲡⲉ ⲡⲁϩⲉ •
ⲧⲏⲣ︦ϥ︦ • ⲙ ⲡⲣⲱⲙⲉ ⲧⲁⲓ ⲧⲉ ⲑⲉ • ⲛ̄ⲣⲱⲙⲉ • ⲛⲓⲙ • ⲉϥ‐
ⲛⲁϥⲓ • ⲛ̄ⲛⲉϥϭⲓϫ • ⲉ ϩⲣⲁⲓ • ⲙ ⲡⲧⲩⲡⲟⲥ • ⲙ ⲡⲉⲥ⳨ⲟ︦ⲥ︦ •
ⲙ̄ ⲡⲉⲭ︦ⲥ︦ • ϣⲁϥϭⲱⲧ︦ⲡ︦ • ⲛ̄ⲛⲉϥϫⲁϫⲉ • ⲧⲏⲣⲟⲩ • ⲛⲑⲉ •
ⲙ ⲙⲱⲩⲥⲏⲥ • ⲛⲧⲁϥϭⲱⲧ︦ⲡ︦ ⲙ̄ ⲡⲁⲙⲁⲗⲏⲕ • ϩ︦ⲙ︦ ⲡϥⲓ • ⲉ
ϩⲣⲁⲓ • ⲛ̄ ⲛⲉϥϭⲓϫ • ⲁⲁⲣⲱⲛ • ⲙⲉⲛ • ⲉⲣⲉ ⲧⲉⲅⲣⲁⲫⲏ •
ⲉⲓⲛⲉ ⲙⲙⲟϥ ⲉϫⲛ̄ ⲙⲙⲁ • ⲛ̄ ⲙⲧⲟⲛ • ⲉⲧ ϩⲛ̄ ⲙ̄ⲡⲏⲩⲉ ⲙⲛ̄
ⲧⲉⲩⲫⲣⲟⲥⲩⲛⲏ • ⲉⲧ ϩⲛ̄ ⲑⲓⲉⲗ︦ⲏ︦ⲙ︦ ⲛ̄ ⲧⲡⲉ • ⲙⲛ̄ ⲡⲉⲑⲣⲟ‐
ⲛⲟⲥ • ⲁⲩⲱ ⲛⲉⲥⲧⲟⲗⲏ ⲉⲧⲟⲩⲛⲁⲧⲁⲁⲩ • ϩⲓ ⲛⲉⲧ ⲟⲩⲁⲁⲃ •
ⲕⲁⲧⲁ ⲑⲉ • ⲉⲧ ⲥⲏϩ • ϫⲉ ⲁⲕⲡⲉϣ ⲧⲁ ϭⲟⲟⲩⲛⲉ • ⲁⲕⲙⲟⲣ︦ⲧ︦ •
ⲛ̄ ⲟⲩⲟⲩⲛⲟϥ • ⲁⲩⲱ ⲟⲛ • ⲉⲥⲛⲁⲣ̄ ⲡⲙ̄ⲡϣⲁ • ⲛ ⲕⲟⲓⲛⲱⲛⲟⲥ •
ⲙⲛ̄ ⲛ̄ϣⲣ︦ⲡ︦ ⲙⲓⲥⲉ • ⲉⲧ ⲥⲏϩ • ϩⲛ̄ ⲙⲡⲏⲩⲉ • ⲙⲛ̄ [ⲡⲡⲁ]|‐
ⲣⲁⲇⲉⲓⲥⲟⲥ • ⲉⲧ ϩ︦ⲛ︦ ⲙⲙⲁ̄ ⲛ̄ ϣ[ⲁ ⲙ̄] ⲡⲉⲃⲁⲗ • ⲛⲁⲩ ⲉ
ⲣⲟⲟⲩ • ⲙ ⲡⲉ ⲙⲁⲁϫ[ⲉ] ⲥⲟⲧⲙⲟⲩ • ⲙ̄ⲡ ⲟⲩⲁⲗⲉ ⲉ ϩⲣⲁⲓ •
ⲉϫⲙ̄ ⲡ[ϩⲏⲧ] ⲛ︦ⲛ︦ⲣⲱⲙⲉ • ⲛⲁⲓ ⲁ ⲡⲛⲟⲩⲧⲉ • ⲥⲃ̄ⲧⲱ[ⲧⲟⲩ] ⲛ̄ ⲛⲉⲧ
ⲙⲉ ⲙⲙⲟϥ • ⲱⲣ ⲇⲉ ϩⲱⲱϥ • ⲧⲉⲅⲣⲁⲫⲏ • ⲉⲓⲛⲉ ⲙⲙⲟϥ •
ⲉϫⲛ̄ ⲛⲕ[ⲣⲓ]ⲥⲓⲥ • ⲙⲛ̄ ⲡ︦ϥ︦ⲧ︦ ⲛ ⲁⲧ ⲛ̄ⲕⲟⲧ︦ⲕ︦ • ⲙⲛ̄▨▨ⲁ •
ⲙ ⲡⲣⲓⲙⲉ • ⲙⲛ̄ ⲡϭⲟϩϭⲉϩ • ⲛ̄ⲛⲟⲃ[ϩⲉ] • ⲙⲛ̄ ⲡⲕⲁⲕⲉ ⲉⲧ ϩⲓ
ⲃⲟⲗ • ⲙⲛ̄ ⲧϣⲱⲧⲉ ⲙ̄ ⲡⲛⲟⲩⲛ • ⲁⲩⲱ ⲡⲉⲓⲉⲣⲟ • ⲛ̄ ⲕⲱϩ︦ⲧ︦ •
[ⲡ]ⲉⲧ ⲥⲱⲕ • ⲉⲧ ϯ ϩⲟⲧⲉ ⲉⲙⲁⲁⲧⲉ • ⲉⲣϣ[ⲁⲛ] ⲟⲩⲁ •
ⲅⲁⲣ • ⲕⲁ ⲡⲉⲣ ⲡⲙⲉⲉⲩⲉ • ⲛ ⲛⲁⲓ • ϩ[ⲛ̄] ⲡⲉϥϩⲏⲧ • ⲙ
ⲡⲛⲁⲩ • ⲉⲧ ⲉϥⲛⲁϣⲗⲏ[ⲗ] • ϣⲁⲣⲉ ⲡⲉϥⲥⲟⲡⲥⲡ̄ • ⲡⲱϩ ϣⲁ
ⲡⲉⲑⲣⲟ[ⲛⲟⲥ] ⲙ̄ ⲡⲛⲟⲩⲧⲉ • ⲁⲩⲱ ϩⲱⲃ • ⲛⲓⲙ • ⲉⲧⲉ[ϥⲛⲁ]‐
ⲁⲓⲧⲉⲓ ⲙⲙⲟⲟⲩ • ⲛⲧ ⲙ̄ ⲡⲛⲟⲩⲧⲉ • ⲥⲉⲛⲁ[ϣⲱ]ⲡⲉ ⲛⲁϥ •
ⲕⲁⲧⲁ ⲡⲉⲧ ⲥⲏϩ • ϫⲉ ⲡⲥⲟⲡⲥ︦ⲡ︦ [ⲛ̄] ⲡⲇⲓⲕⲁⲓⲟⲥ • ϭⲙ̄ϭⲟⲙ •
ⲉⲙⲁⲁⲧⲉ • ⲁⲩ[ⲱ] ϥⲉⲛⲉⲣⲅⲉⲓ • ⲁⲩⲱ ϣⲁϥϭⲱⲧ︦ⲡ︦ • ⲙ


### 0010

ⲡⲁ[ⲙⲁ]ⲗⲏⲕ • ⲉⲧ ⲑⲏⲡ • ⲙⲛ̄ ⲛⲉϥⲉⲛⲉⲣⲅⲓⲁ • [ⲁⲩ]ⲱ •
ⲡϩⲱⲃ • ⲥⲛⲁⲩ • ⲉⲧⲉϥϣⲗⲏⲗ • ⲉ ⲧ[ⲃⲏ]ⲏⲧⲟⲩ • ⲡⲣⲁϣⲉ •
ⲙⲛ̄ ⲡⲣⲓⲙⲉ • ⲡⲣ[ⲁϣⲉ] ⲙⲉⲛ • ⲉ ⲧⲃⲉ ⲡⲣⲓⲙⲉ • ⲙⲛ̄ ⲡⲣ̄
ⲡ̄ⲙⲉ[ⲉⲩⲉ] ⲛⲙ︦ⲙ︦ⲁ • ⲛ̄ ⲙⲧⲟⲛ • ⲉⲧ ϩ︦ⲙ︦ ⲛⲡⲏⲩⲉ • ⲡⲣⲓⲙⲉ •
ⲇⲉ ϩⲱⲱϥ • ⲉ ⲧⲃⲉ ⲡ︦ⲣ︦ ⲡⲙ[ⲉⲉⲩⲉ] ⲛ ⲛⲕⲟⲗⲁⲥⲓⲥ • ⲉⲧ ϩⲛ̄
ⲁⲙⲛ̄ⲧⲉ • | [ⲱ ⲛⲁⲥⲛⲏⲩ ⲛ]ⲁ ϣⲏⲣⲉ • ϣϣⲉ • ⲉ ⲣⲱⲙⲉ [ⲛⲓⲙ
ⲉ ⲕ]ⲱ ϩⲁⲉⲓⲁⲧⲟⲩ ⲙ ⲡ︦ⲣ︦ ⲡⲙⲉⲉⲩⲉ [ⲙ] ⲡⲉⲓ ϩⲱⲃ • ⲥⲛⲁⲩ •
ⲧⲁⲛⲁⲡⲁⲩⲥⲓⲥ • ⲁⲩⲱ ⲛ̄ϩⲓⲥⲉ ⁘ ⲛ̄ ⲧⲉⲣ ⲛ̄ϩⲓⲥⲉ • ⲟⲩⲛ • ⲛ ⲟⲩⲕⲟⲩⲓ
ⲛ ⲁϩⲉ • ⲉ ⲧⲁⲛⲁⲡⲁⲩⲥⲓⲥ • ⲛⲁⲓ ⲇⲉ • ⲛ ⲧⲉ[ⲣ ⲛ̄ⲥ]ⲱⲧ︦ⲙ︦ •
ⲉ ⲣⲟⲟⲩ ⲛ ⲧⲟⲟⲧ︦ϥ︦ • ⲙ ⲡϩ︦ⲗ︦ⲗ︦ⲟ︦ [ⲉⲧ ⲟ]ⲩⲁⲁⲃ • ⲁⲡⲁ
ⲍⲁⲭⲁⲓⲟⲥ • ⲁⲛⲙⲟⲩϩ [ⲙ̄ ⲡⲣⲁ]ϣⲉ • ⲁⲩⲱ ⲡⲉϫⲁⲛ • ⲛⲁϥ
ϫⲉ ⲁⲣⲓ ⲡ[ⲛⲁ] ⲛⲙ̄ⲙⲁⲛ • ⲛⲅ̄ ϫⲓⲧⲛ̄ • ⲉⲩⲙⲁ • ⲛ̄[ϣⲱⲡ]ⲉ •
ⲉⲕⲥⲟⲟⲩⲛ • ϫⲉ ⲧⲛ̄ⲛⲁⲟⲩϫⲁⲓ • ⲛ̄[ϩⲏ]ⲧϥ̄ • ⲁⲩⲱ ⲛ ⲧⲉⲓ ϩⲉ
ⲁϥϯ • ⲛⲁⲛ [ⲛ̄] ⲛ̄ⲟⲉⲓⲕ • ⲙⲛ̄ ϫⲱⲱⲙⲉ • ⲥⲛⲁⲩ • ⲁϥ‐
[ⲙⲟⲟ]ϣⲉ • ⲛⲙ̄ⲙⲁⲩ (sic) • ϣⲁⲧ ⲉϥⲉⲛⲧⲛ̄ • ⲉ [ϩⲟⲩ]ⲛ • ⲉ ⲡⲉⲓ
ⲙⲁ • ⲁϥϭⲱ • ϩⲁϩⲧⲏⲛ • ⲛ̄ [ϩⲛ̄]ⲕⲟⲩⲓ • ⲛ̄ϩⲟⲟⲩ • ϣⲁⲛⲧ
ⲛ̄ⲛⲟⲓ • ⲛ ⲧϭⲓⲛ[ⲟⲩ]ⲱϩ • ϩⲓ ⲡϫⲁⲓⲉ • ⲉ ⲁϥϯ ⲉ ⲧⲟⲟⲧⲛ̄ •
ⲛ̄ [ϩⲛ̄]ⲉⲛⲧⲟⲗⲏ • ⲉⲩϭⲙ̄ϭⲟⲙ • ⲙⲛ̄ ϩⲉⲛⲟⲩ[ϣⲏ] ⲛⲣⲟⲉⲓⲥ •
ⲁⲩⲱ ⲟⲩϭⲓⲛⲟⲩⲱⲙ • ⲙⲛ̄ [ⲟⲩϭ]ⲓⲛⲥⲱ • ϩⲛ̄ ⲟⲩⲣⲱϣⲉ •
ⲁⲩⲱ ⲁϥⲧⲥⲁ[ⲃⲟⲛ] ⲉⲑⲉ ⲉⲧ ⲉⲣⲉ ⲛ̄ⲇⲁⲓⲙⲱⲛ • ⸤ⲡⲓⲣⲁⲍⲉ ⲛ̄
ⲛ̄ⲣⲱⲙⲉ • ⲙⲙⲟⲥ • ϩ︦ⲛ︦ ⲟⲩⲁϣⲏ • ⲛ̄ⲥⲙⲟⲧ • ⲕⲁⲧⲁ ⲑⲉ • ⲉⲧ
ⲥⲏϩ • ϩⲙ̄ ⲡⲁⲡⲟⲥⲧⲟ[ⲗⲟⲥ] ϫⲉ ⲉⲣⲉ ⲡⲉⲛⲙⲓϣⲉ • ϣⲟⲟⲡ •
ⲛⲁⲛ [ⲁⲛ ⲟⲩ]ⲃⲉ ⲥⲛⲟϥ • ϩⲓ ⲥⲁⲣ︦ⲝ︦ • ⲁⲗⲗⲁ • ⲟⲩⲃⲉ ⲛⲁⲣⲭⲏ
ⲟⲩⲃⲉ ⲛⲉⲝⲟⲩⲥⲓⲁ • ⲟⲩⲃⲉ | ⲛⲉⲡⲛⲓⲕⲟⲛ • ⲛ̄ ⲧⲡⲟⲛⲏⲣⲓⲁ •
ⲉⲧ ϩⲁ ⲙ[ⲡⲏⲩⲉ] ϣⲁⲣⲉ ⲛⲇⲁⲓⲙⲱⲛ • ⲅⲁⲣ • ⲙⲓϣⲉ • ⲙⲛ̄
ⲛⲉⲩⲉⲣⲏⲩ • ⲉⲩⲕⲏ ⲕⲁ ϩⲏⲩ • ⲛ ⲧⲉⲩϣⲏ • ⲁⲩⲱ ⲁϥⲧⲁⲙⲟⲛ •
ⲉ ϩⲉⲛⲕⲱⲧ • ϫⲉ ⲕⲁⲥ • ⲉⲣϣⲁⲛ ϩⲉⲛⲥⲛⲏⲩ ⲉⲓ • ϣⲁ ⲣⲟⲛ
ⲉⲛⲉⲁⲁⲩ • ⲛⲙ̄ⲙⲁⲩ • ⲁⲩⲱ ⲧⲁⲓ ⲧⲉ ⲑⲉ • ⲛ̄ⲧⲁϥⲃⲱⲕ • ⲉ
ⲃⲟⲗ • ϩⲓ ⲧⲟⲟⲧⲛ̄ • ⲁϥⲙⲧⲟⲛ • ⲙⲙⲟϥ • ϩⲛ̄ ⲥⲟⲩ ⲙⲛ︦ⲧ︦ⲟⲩⲉ
ⲛ ⲑ︦ⲱ︦ⲑ︦ • ⲁⲛⲟⲛ ⲇⲉ ⲁⲛϭⲱ • ⲙ ⲡⲉⲓ ⲙⲁ • ϣⲁ ϩⲣⲁⲓ • ⲉ
ⲡⲟⲟⲩ • ⲱ ⲡⲉⲛⲉⲓⲱⲧ • ⲉⲧ ⲟⲩⲁⲁⲃ • ⲉⲣⲉ ⲧⲛ̄ⲧⲣⲟⲫⲏ • ϣⲟⲟⲡ •
ⲛⲁⲛ • ⲉ ⲃⲟⲗ • ϩ︦ⲛ︦ ⲛⲉⲓ ⲃ︦ⲛ︦ⲛⲉ • ⲁⲩⲱ ⲉⲛϣⲁⲛⲉⲓ ⲉ ⲃⲟⲗ •
ⲉ ⲡⲧⲟⲟⲩ ⲉⲧ ϩⲓ ⲃⲟⲗ • ⲛ̄ⲧⲛ̄ⲥⲩⲛⲁⲅⲉ • ⲙⲛ̄ ⲛⲉⲥⲛⲏⲩ ϩⲙ̄


### 0011

ⲡⲥⲁⲃⲃⲁⲧⲱⲛ • ⲙⲛ̄ ⲧⲕⲩⲣⲓⲁⲕⲏ • ⲉⲓⲥ ϩⲏⲏⲧⲉ ⲁⲛⲧⲁⲙⲟⲕ •
ⲉ ⲧⲛ̄ϭⲓⲛⲁⲡⲟⲧⲁⲥⲥⲉ • ⲛⲧⲟⲕ • ϩⲱⲱⲕ • ⲁⲣⲓ ⲧⲁⲅⲁⲡⲏ ϣⲗⲏⲗ
ⲉ ϫⲱⲛ • ⲱ̄ ⲡⲉⲛⲉⲓⲱⲧ ⲉⲧ ⲟⲩⲁⲁⲃ • ⲁⲛⲟⲕ ⲇⲉ • ⲁⲓⲉⲓ ⲉ ⲃⲟⲗ‐
ϩⲓ ⲧⲟⲟⲧⲟⲩ • ⲁⲓⲟⲩⲱϩ • ϩⲙ̄ ⲡⲁ ⲙⲁ • ⲛ̄ ϣⲱⲡⲉ • ⲡⲣⲁⲛ •
ⲙ ⲡⲟⲩⲁ ⲙⲙⲟⲟⲩ • ⲡⲉ ⲁⲛⲓⲁⲛⲟⲥ • ⲁⲩⲱ ⲡⲣⲁⲛ • ⲙ ⲡⲕⲉ
ⲟⲩⲁ • ⲡⲉ ⲡⲁⲩⲗⲟⲥ • ⲡϩⲟⲩⲛ • ⲇⲉ ⲛ ϩⲉⲛⲕⲟⲩⲓ • ⲛ̄ϩⲟⲟⲩ
ⲁⲛⲥⲱⲧⲙ̄ • ⲉ ⲃⲟⲗ ϩⲓ ⲧⲟⲟⲧϥ̄ • ⲛ ⲟⲩⲥⲟⲛ • ⲡⲁⲓ ⲉ ϣⲁϥ‐
ⲃⲱⲕ ϣⲁ ⲣⲟⲟⲩ • ⲛ̄ϩⲁϩ • ⲛ̄ⲥⲟⲡ • ⲉϥϭⲓⲛⲉ • ⲙ ⲡⲉϥϣⲓⲛⲉ •
ϫⲉ ⲁⲩⲙⲧⲟⲛ • ⲙⲙⲟⲟⲩ • ⲙ ⲡⲉⲥ[ⲛⲁⲩ] • ⲁⲛⲓⲁⲛⲟⲥ • ⲙⲉⲛ •
ⲛ ⲥⲟⲩ ϫⲟⲩⲱⲧ | [ⲡⲁⲩⲗ]ⲟⲥ • ⲇⲉ • ϩⲛ ⲥⲟⲩ ϣⲟⲙ̄ⲛⲧ • ⲙ
ⲡⲁⲟⲡⲉ • ⲛ̄ ⲧⲉⲣ ϥ̄ⲥⲱⲧⲙ̄ • ⲇⲉ • ⲛϭⲓ ⲡⲉⲛⲥⲟⲛ ⲃⲁⲛⲟⲩ‐
ⲫⲓⲏⲗ • ⲁϥⲃⲱⲕ • ⲁϥⲉⲓⲛⲉ • ⲛⲛⲉⲩⲥⲱⲙⲁ • ⲁϥⲧⲟⲙⲥⲟⲩ •
ϩⲁϩⲧⲏϥ ⁘ ⲉⲓⲥ ⲛⲁⲓ ⲟⲩⲛ • ⲁⲛϫⲟⲟⲩ ⲉ ⲣⲟⲕ • ⲡⲁ ⲥⲟⲛ •
ⲡⲁⲡⲛⲟⲩⲧⲉ • ⲉ ⲧⲃⲉ ⲛⲉⲧ ⲟⲩⲏⲏϩ • ϩⲓ ⲡϫⲁⲓⲉ ⲉ ⲧⲃⲉ ⲛⲉⲛⲧ
ⲁⲓⲛⲁⲩ ⲉ ⲣⲟⲟⲩ • ⲙⲛ̄ ⲛⲉⲛⲧ ⲁⲓⲥⲟⲧⲙⲟⲩ • ⲁⲩⲱ ⲡⲣ̄
ⲡⲙⲉⲉⲩⲉ • ⲛ̄ⲛⲉⲩⲉⲓⲟⲧⲉ • ⲛ̄ⲧⲁⲩⲉⲓ • ⲉ ϩⲣⲁⲓ • ϩⲓ ⲧⲟⲟⲧⲟⲩ •
ⲙⲛ̄ ⲡⲉⲩϫⲱⲕ • ⲉ ⲃⲟⲗ • ⲟⲩⲟⲛ • ⲡⲉⲧ ⲛ̄ⲛⲁϫⲟⲟϥ ⲉ ⲧⲃⲉ
ⲡϩ︦ⲗ︦ⲗ︦ⲟ︦ ⲉⲧ ⲟⲩⲁⲁⲃ • ⲁⲡⲁ ⲓⲥⲁⲁⲕ • ⲡⲁ ⲡⲉⲓ ⲣ̄ ⲡⲙⲉⲉⲩⲉ •
ⲉⲧ ⲛⲁⲛⲟⲩϥ • ⲡⲁⲓ • ⲛ̄ⲧⲁϥⲣ ⲁ ⲧⲁⲣⲭⲏ • ⲙ ⲡⲉϥⲃⲓⲟⲥ
ϩⲁ ⲑⲏ • ⲙⲡⲁⲧ ⲉϥⲣ̄ ⲙⲟⲛⲟⲭⲟⲥ • ⲙ ⲡⲉⲓ ⲙⲁ • ⲡⲁⲓ ⲉⲧ
ⲟⲩⲏⲏϩ • ϩⲛ̄ ⲧⲛⲏⲥⲟⲥ • ⲉⲧ ϩ︦ⲛ︦ ⲧⲙⲏⲏⲧⲉ • ⲙ ⲡⲕⲁⲧⲁ‐
ϩⲣⲁⲕⲧⲏⲥ • ⲙ ⲡⲣⲏⲥ • ⲙⲙⲟⲛ • ⲛⲁ ϥⲧⲟⲟⲩ • ⲙⲙⲏ‐
ⲗⲓⲟⲛ • ⲉ ⲁϥⲙⲁⲑⲏⲧⲉⲩⲉ ϩⲱⲱϥ ϩⲁ ⲣⲁⲧ︦ϥ︦ • ⲙ ⲡϩ︦ⲗ︦ⲗ︦ⲟ •
ⲉⲧ ⲟⲩⲁⲁⲃ ⲁⲡⲁ ϩⲁⲣⲱⲛ • ⲁⲩⲱ ⲁϥϯ ⲙⲟⲟⲩ • ⲉ ⲛⲉϥ‐
ϭⲓϫ • ⲛ̄ⲑⲉ ⲙ ⲡⲛⲟϭ • ⲉⲗⲉⲥⲁⲓⲟⲥ • ⲉ ⲧⲟⲟⲧϥ̄ • ⲙ̄ ⲡⲉⲡⲣⲟ‐
ⲫⲏⲧⲏⲥ ϩⲏⲗⲓⲁⲥ • ⲡⲣⲱⲙⲉ • ⲛⲁⲙⲉ • ⲉⲧ ϫⲏⲕ ⲉ ⲃⲟⲗ •
ⲛ̄ϩⲁϩ • ⲛ̄ⲁⲣⲉⲧⲏ • ⲉⲩϣⲟⲃⲉ • ⲉ ⲛⲉⲩⲉⲣⲏⲩ • ⲛ ⲧⲉⲣ ⲓⲥⲱ‐
ⲧ︦ⲙ︦ • ⲟⲩⲛ • ⲙ ⲙⲁⲕⲁⲣⲓⲥⲙⲟⲥ ⲙ ⲡⲉⲓ ⲣⲱⲙⲉ • ⲛ ⲧⲉⲓ
ⲙⲓⲛⲉ • ⲁⲓⲥ︦ⲡ︦ⲥⲡ ⲡⲁ ⲉⲓⲱⲧ | [ⲡⲥ]ⲉⲗⲉⲩⲥⲓⲟⲥ • ⲉⲓϫⲱ ⲙ‐
ⲙⲟⲥ▨▨▨ϣⲁ ⲣⲟϥ • ⲛ̄ⲧⲁⲣ ⲡⲙ̄ⲡϣⲁ • ⲙ ⲡⲉϥⲥⲙⲟ[ⲩ]▨
▨[ⲧⲁ]ⲓ ⲧⲉ ⲑⲉ ⲛⲧⲁⲛϣⲗⲏⲗ • ϩ︦ⲙ︦ ⲡⲉϥⲙⲁ • ⲛϣⲱⲡⲉ • ⲁⲛⲉⲓ
ⲉ ⲃⲟⲗ • ⲁⲛⲁⲗⲉ ⲉⲩⲕⲟⲩⲓ • ⲛⲥⲕⲁⲫⲟⲥ • ⲁⲛⲣ̄ϩⲱⲧ • ⲉ ⲣⲏⲥ •
ⲉ ⲧⲣ̄ⲛⲃⲱⲕ • ϣⲁ ⲡϩⲗ̄ⲗⲟ • ⲉⲧ ⲟⲩⲁⲁⲃ • ⲁⲡⲁ ⲓⲥⲁⲁⲕ •
ⲛⲉⲩⲛ ϩⲉⲛⲛⲟϭ • ⲇⲉ • ⲛⲱⲛⲉ • ⲣⲏⲧ • ϩ︦ⲙ︦ ⲡⲙⲟⲟⲩ •


### 0012

ⲛⲧⲙⲏⲏⲧⲉ • ⲙ ⲡⲉⲓⲉⲣⲟ • ⲉⲣⲉ ⲡⲙⲟⲟⲩ • ⲉⲧ ⲙ̄ⲙⲁⲩ ⲱϣ •
ⲉ ⲃⲟⲗ • ⲉϥⲟ ⲛ̄ϩⲟⲧⲉ • ⲛ̄ ⲧⲉⲣ ⲛ̄ⲉⲓ ⲇⲉ ⲉ ⲣⲏ[ⲥ] ⲁⲛϩⲱⲛ ⲉ
ϩⲟⲩⲛ • ⲉ ⲡⲙⲁ • ⲛ̄ ϣⲱⲡⲉ • ⲙ ⲡϩⲗ̄ⲗⲟ • ⲡⲁⲣⲁ ⲟⲩⲕⲟⲩⲓ •
ⲁⲩⲧⲥⲁⲃⲉⲉⲓⲁⲧϥ̄ • ⲉ ⲃⲟⲗ ϩⲓⲧⲛ̄ ⲡⲉ ⲡ︦ⲛ︦ⲁ︦ • ⲁϥⲉⲓ ⲉ ⲃⲟⲗ •
ⲁϥⲁⲁϩ • ⲉⲣⲁⲧϥ̄ ϩⲓϫⲙ̄ ⲡⲉⲥⲡⲟⲧⲟⲩ • ⲙ ⲡⲉⲓⲉⲣⲟ • ⲡⲣⲱⲙⲉ
ϫⲉ • ⲛⲉ ⲟⲩⲣⲙ̄ ⲛ ⲭⲁⲣⲓⲥ ⲡⲉ • ⲉ ⲁϥⲁⲓⲁⲓ • ϩⲛ̄ ⲛⲉϥϩⲟⲟⲩ •
ⲛ ⲧⲉⲣ ⲛ̄ⲙⲟⲟⲛⲉ ⲇⲉ ⲉ ⲡⲉⲕⲣⲟ • ⲁϥⲣ̄ ϣⲟⲣ︦ⲡ︦ • ⲁϥⲙⲟⲩⲧⲉ
ⲉ ⲡⲁ ⲣⲁⲛ • ϫⲉ ⲕⲁⲗⲱⲥ • ⲁⲕⲉⲓ ϣⲁ ⲣⲟⲛ • ⲡⲁ ⲥⲟⲛ •
ⲡⲁⲡⲛⲟⲩⲧⲉ • ⲡⲁⲓ ⲛⲧⲁϥⲣ̄ ⲡⲙⲡϣⲁ • ⲛ ⲁⲥⲡⲁⲍⲉ • ⲛ̄ⲛⲉⲧ
ⲟⲩⲁⲁⲃ • ⲁⲩⲱ ⲛ ⲧⲉⲣ ϥ̄ⲁⲥⲡⲁⲍⲉ ⲙⲙⲟⲛ • ⲁϥϫⲓⲧⲛ̄ • ⲉ
ϩⲟⲩⲛ • ⲉ ⲡⲉϥⲙⲁ • ⲛ̄ ϣⲱⲡⲉ • ϩⲛ̄ ⲟⲩⲣⲁϣⲉ ⲁⲩⲱ ⲡⲉϫⲁϥ •
ⲛⲁⲛ • ϫⲉ ⲁⲣⲓ ⲧⲁⲅⲁⲡⲏ • ⲛⲧⲉⲧⲛ̄ϣⲗⲏⲗ ϫⲉ ⲛⲧⲉⲧⲛ̄ϩⲉⲛ‐
ⲣⲱⲙⲉ • ⲉⲩ[ⲟⲩ]ⲁⲁⲃ • ⲉ ⲁⲧⲉⲧⲛ̄ⲉⲓ ϣⲁ ⲣⲟⲓ • ⲙ̄ⲡⲟⲟⲩ •
ⲁⲩⲱ ⲛ̄ ⲧⲉⲣ ⲛ̄ϣⲗⲏⲗ • ⲁⲛϩⲙⲟⲟⲥ • ⲁϥⲉⲓⲛⲉ • ⲛ ⲟⲩⲗⲁ‐
ⲕⲁⲛⲏ • ⲙⲙⲟⲟⲩ • ⲁⲛⲉⲓⲱ̄ • ⲛ̄ⲛⲉⲛⲟⲩⲣⲉⲧⲉ ⁖- | ▨▨▨▨
▨▨▨▨▨▨▨▨▨▨▨▨ⲙⲟⲟⲩ▨▨▨▨▨ⲉϥϫⲱ ⲙⲙⲟⲥ •
ϫⲉ ⲁⲓⲣ̄ ⲡⲙ̄ⲡϣ[ⲁ ⲁⲛ ⲛ ⲟⲩ]ⲛⲟϭ • ⲛ ϩⲙⲟⲧ ϫⲉ ⲁⲧⲉⲧⲛ̄ⲉⲓ• ϣⲁ
ⲣ[ⲱⲓ] ⲙⲡⲟⲟⲩ ⲱ ⲛⲉⲥⲛⲏⲩ • ⲉⲧ ⲟⲩⲁⲁⲃ • ⲙⲛ︦ⲛ︦ⲥⲱⲥ • ⲁϥⲕⲱ
ϩⲁ ⲣⲱⲛ • ⲛ̄ ⲟⲩⲧⲣⲁⲡⲉⲍⲁ • ⲁⲛⲟⲩⲱⲙ • ⲁⲩⲱ ⲁⲛϯ • ⲙ
ⲡϣⲡ̄ ϩⲙⲟⲧ • ⲁⲛϩⲙⲟⲟⲥ • ⲁⲛⲟⲕ ⲇⲉ ⲁⲓϣⲁϫⲉ ⲛⲙ̄ⲙⲁϥ •
ⲉ ⲧⲃⲉ ⲧⲉϥϭⲓⲛⲣ̄ ϩⲱⲃ • ⲁⲩⲱ ⲁⲓϫⲟⲟⲥ ⲛⲁϥ ϫⲉ ⲡⲁ ⲉⲓⲱⲧ •
ⲁⲕⲁⲁⲓ • ⲧⲱⲛⲟⲩ • ϩ︦ⲛ︦ ⲑⲩⲗⲓⲕⲓⲁ • ⲁϥⲟⲩⲱϣⲃ̄ • ⲛϭⲓ
ⲡϩ︦ⲗ︦︦ⲗ︦ⲟ ⲉⲧ ⲟⲩⲁⲁⲃ • ⲡⲉϫⲁϥ • ⲛⲁⲓ ϩⲛ̄ ⲟⲩⲥⲙⲏ • ⲉⲥⲙⲉϩ •
ⲛ̄ⲣⲁϣⲉ ϫⲉ ⲕⲱ ⲛⲁⲓ ⲉ ⲃⲟⲗ • ⲡⲁ ⲉⲓⲱⲧ ⲡⲁ ⲥⲟⲛ ⲡⲁ‐
ⲡⲛⲟⲩⲧⲉ • ⲁⲛ︦ⲅ︦ ⲟⲩⲣⲱⲙⲉ • ⲛ ⲉⲗⲁⲭⲓⲥⲧⲟⲛ • ⲛ̄ ⲣϥ︦ⲣ︦ ⲛⲟⲃⲉ •
ⲉⲡⲉⲓ ⲇⲏ • ⲁⲕϫⲛⲟⲩⲓ ⲉ ⲧⲁ ϭⲓⲛⲣ̄ ϩⲱⲃ • ϯⲛⲁⲧⲁⲙⲟⲓ (sic) • ⲉ
ⲛⲉⲛⲧ ⲁⲓⲛⲁⲩ ⲉ ⲣⲟⲟⲩ • ⲙⲛ̄ ⲛⲉⲛⲧ ⲁⲓⲥⲟⲧⲙⲟⲩ • ⲛ̄ⲧ ⲙ̄ ⲡⲁ
ⲉⲓⲱⲧ ⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ⲕⲁⲓ ⲅⲁⲣ • ⲁⲛⲟⲕ • ⲛⲧ ⲁⲓ‐
ⲙⲁⲑⲏⲧⲉⲩⲉ • ϩⲁ ⲣⲁⲧϥ̄ • ⲁⲩⲱ ⲁⲓⲥⲡ̄ⲥⲱⲡ︦ϥ︦ • ⲉ ⲧⲣ︦ϥ︦ϫⲱ ⲉ ⲣⲟⲓ
ⲛⲛⲉⲛⲧ ⲁϥⲛⲁⲩ ⲉ ⲣⲟⲟⲩ • ⲙⲛ̄ ⲛⲉⲛⲧ ⲁⲩϣⲱⲡⲉ • ϩⲁ
ⲧⲉϥϩⲏ • ⲡⲉϫⲁϥ ⲅⲁⲣ • ⲛ̄[ϭⲓ] ⲡⲁ ⲉⲓⲱⲧ • ⲉⲧ ⲟⲩⲁⲁⲃ •
ⲁⲡⲁ ϩⲁⲣⲱⲛ▨▨ⲉ ϯⲛⲁϫⲱ ⲉ ⲣⲟⲕ • ⲡⲁ ϣⲏⲣⲉ • ⲛⲛⲉⲛⲧ
ⲁⲓ[ⲛⲁ]ⲩ ⲉ ⲣⲟⲟⲩ • ⲙⲛ̄ ⲛⲉⲛⲧ ⲁⲓⲥⲟⲧⲙⲟⲩ • ⲛ [ⲧⲟⲟ]ⲧϥ̄ •
ⲙ ⲡⲙⲁⲕⲁⲣⲓⲟⲥ • ⲁⲡⲁ ⲙⲁⲣⲕⲉⲇⲟⲛⲓⲟⲥ | [ⲡⲉⲡⲓ]ⲥⲕⲟⲡⲟⲥ •


### 0013

ⲁϥϫⲟⲟⲥ ⲅⲁⲣ • ▨▨▨▨▨▨▨ⲉⲓⲟ ⲛ ⲁⲣⲭⲱⲛ • ⲉ ⲁⲓϫⲓ
ⲁⲣⲭⲏ ⲛ ⲧ▨▨▨▨ⲗⲟⲩⲥⲓⲟⲥ ⲁⲓⲉⲓ ⲉ ⲣⲏⲥ ⲉⲓⲡⲁⲅⲁⲣⲭⲏ •
ⲉϫⲛ̄ ⲛⲉⲓ ⲡⲟⲗⲓⲥ • ⲁⲓⲃⲱⲕ ⲇⲉ ⲉ ϩⲟⲩⲛ • ⲉ ⲡⲉⲓⲗⲁⲕ • ⲁⲩ‐
ⲥⲁⲃⲃⲁⲧⲱⲛ • ϣⲱⲡⲉ • ⲁⲓϣⲓⲛⲉ ⲛⲥⲁ ⲟⲩⲙⲁ • ϫⲉ ⲉⲓⲛⲁ‐
ⲥⲩⲛⲁⲅⲉ ϫⲉ ⲁⲛ︦ⲅ︦ ⲟⲩⲟⲣⲑⲟⲇⲟⲝⲟⲥ • ⲉ ⲧⲃⲉ ϫⲉ ⲛⲉⲩϣⲙ̄ϣⲉ
ⲉⲓⲇⲟⲗⲟⲛ • ⲙ ⲡⲙⲁ • ⲉⲧ ⲙ̄ⲙⲁⲩ • ⲁⲩⲱ ⲡϣⲱϫ︦ⲡ︦ • ⲟⲛ •
ⲛ̄ⲛⲟⲣⲑⲟⲇⲟⲝⲟⲥ ⲉⲧ ⲛ̄ϩⲏⲧⲟⲩ • ⲛⲉ ⲙⲛ̄ⲧⲁⲩ ⲡⲁⲣϩⲏⲥⲓⲁ •
ⲙⲙⲁⲩ ⲉ ⲧⲃⲉ ⲡⲁϣⲁⲓ • ⲛ̄ ⲛ̄ⲣϥ̄ϣⲉⲙϣⲉ ⲉⲓⲇⲟⲗⲟⲛ • ⲁⲓ‐
ϣⲓⲛⲉ • ⲟⲩⲛ • ⲛ̄ ⲧⲟⲟⲧϥ̄ ⲛ̄ ⲟⲩⲣⲱⲙⲉ • ⲛ̄ ⲭⲣⲓⲥϯⲁⲛⲟⲥ •
ⲉ ⲧⲃⲉ ⲑⲉ • ⲛ̄ ⲥⲩⲛⲁⲅⲉ • ⲛⲧⲟϥ ⲇⲉ • ⲡⲉϫⲁϥ • ⲛⲁⲓ ϫⲉ
ⲱⲛⲧⲱⲥ • ⲕⲩⲣⲓ ⲡⲁⲣⲭⲱⲛ • ⲥⲉϫⲏⲩ • ⲛ̄ϭⲟⲛⲥ̄ • ⲛ̄ϭⲓ ⲛⲁ
ϯⲡⲟⲗⲓⲥ • ⲛ̄ⲧⲟⲟⲧⲟⲩ • ⲛ̄ ⲛ̄ⲣϥ̄ϣⲙ̄ϣⲉ ⲉⲓⲇⲟⲗⲟⲛ • ⲕⲁⲓ ⲅⲁⲣ
ⲉϣⲁⲩⲉⲓ ⲉ ϩⲣⲁⲓ • ϣⲁ ⲣⲟⲛ ⲛ̄ϭⲓ ϩⲉⲛⲕⲗⲏⲣⲓⲕⲟⲥ • ⲛ̄
ⲧⲡⲟⲗⲓⲥ • ⲥⲟⲩⲁⲛ • ⲛⲥⲉⲥⲩⲛⲁⲅⲉ ⲙⲙⲟⲛ • ϩⲙ̄ ⲡⲥⲁⲃⲃⲁ‐
ⲧⲱⲛ • ⲙⲛ̄ ⲧⲕⲩⲣⲓⲁⲕⲏ • ⲁⲛⲟⲕ ⲇⲉ ⲙⲁⲕⲉⲇⲟⲛⲓⲟⲥ • ⲁⲓⲕⲁ
ⲛⲉⲓ ϣⲁϫⲉ • ϩ︦ⲙ︦ ⲡⲁ ϩⲏⲧ • ⲁⲩⲱ ⲛ̄ ⲧⲉⲣⲉ ⲓⲃⲱⲕ • ⲉ ⲧⲡⲟ‐
ⲗ[ⲓⲥ] ⲣⲁⲕⲟⲧⲉ • ⲉ ⲧⲣⲁⲡⲣⲟⲥⲕⲩⲛⲉⲓ • ⲙ ⲡⲉⲥⲧ[ⲣⲁⲧⲏ]ⲗⲁⲧⲏⲥ •
ⲁⲓϣⲓⲛⲉ ⲛⲥⲁ ⲁⲡⲁ ⲁⲑ[ⲁⲛⲁⲥⲓⲟⲥ ⲡⲁⲣ]ⲭⲏⲉⲡⲓⲥⲕⲟⲡⲟⲥ •
ⲛ̄ ⲣⲁⲕⲟⲧ[ⲉ] | [ⲁⲓϫ]ⲱ ⲉ ⲣⲟϥ • ⲛⲑⲉ ⲧⲏⲣ︦ϥ︦ • ⲛ̄ⲧⲁⲓⲛ[ⲁⲩ
ⲉ ⲣⲟϥ]• ⲡⲉϫⲁϥ ⲛⲁⲓ ⲛϭⲓ ⲡⲥⲟⲫⲟⲥ • ⲉⲧ ⲟⲩⲁ[ⲁⲃ▨] • ⲁⲩⲱ
ⲡⲡⲁⲧⲣⲓⲁⲣⲭⲏⲥ ⲛⲁⲙⲉ • ϫⲉ ⲟⲩ[ⲏⲣ] ⲛ̄ⲣϥ̄ϣⲉⲙϣⲉ ⲛⲟⲩⲧⲉ •
ϩⲙ̄ ⲡⲙⲁ • ⲉⲧ ⲙ̄ⲙⲁⲩ • ⲁⲛⲟⲕ ⲇⲉ ⲡⲉϫⲁⲓ ⲛⲁϥ ϫⲉ ⲥⲉ
ⲡⲁ [ⲉⲓ]ⲱⲧ • ⲕⲁⲓ ⲅⲁⲣ ⲟⲩⲣⲱⲙⲉ • ⲛ ⲭⲣⲓⲥϯⲁⲛ[ⲟⲥ] ⲡⲉⲛⲧ
ⲁϥϫⲟⲟⲥ ⲉ ⲣⲟⲓ • ϫⲉ ϣⲁⲣⲉ ⲛⲉⲕⲣⲓⲣⲓⲕⲟⲥ (sic) • ⲛ ⲧⲡⲟⲗⲓⲥ •
ⲥⲟⲩⲁⲛ ⲉⲓ ⲉ ϩⲣⲁⲓ • ⲛⲥⲉⲥⲩⲛⲁⲅⲉ • ⲙⲙⲟⲛ • ⲙ̄ ⲡⲥⲁⲃⲃⲁ‐
ⲧⲱⲛ ⲙⲛ̄ ⲧⲕⲩⲣⲓⲁⲕⲏ • ⲧⲉⲛⲟⲩ ϭⲉ ⲡⲁ ϫ︦ⲥ︦ • ⲛ ⲉⲓⲱⲧ •
ⲁⲛⲁⲩ ⲉ ⲟⲩⲁ • ⲉϥⲙⲡϣⲁ • ⲛ ⲇⲓⲁⲕⲟⲛⲉⲓ • ⲉ ⲡⲉⲓ ϩⲱⲃ •
ⲛⲁⲛⲁⲅⲕⲁⲓⲟⲛ • ⲛⲅ̄ ⲭⲉⲓⲣⲟⲇⲟⲛⲉⲓ • ⲙⲙⲟϥ • ⲛ ⲉⲡⲓⲥⲕⲟ‐
ⲡⲟⲥ • ⲛ̄ⲧⲁϫⲓⲧϥ̄ • ⲉ ⲣⲏⲥ • ⲛⲙ̄ⲙⲁⲓ • ⲡⲁⲣⲭⲏⲉⲡⲓⲥⲕⲟⲡⲟⲥ •
ⲇⲉ ⲉⲧ ⲟⲩⲁⲁⲃ • ⲁϥⲟⲩⲱϣⲃ̄ ⲡⲉϫⲁϥ ⲛⲁⲓ • ϫⲉ ⲉ ⲃⲟⲗ ϫⲉ
ⲁⲕϣⲓⲛⲉ ⲛⲥⲁ ⲡϩⲱⲃ • ⲉⲧ ⲛⲁⲛⲟⲩϥ • ⲛⲓⲙ • ⲡⲉ ⲡⲥⲁⲃⲉ •
ⲛϩⲟⲩⲟ ⲉ ⲣⲟⲕ • ⲏ ⲛⲓⲙ • ⲡⲉ ⲡⲣ̄ⲙ ⲛ̄ ϩⲏⲧ • ⲉϥⲧ︦ⲛ︦ⲧⲱⲛ •
ⲉ ⲣⲟⲕ • ⲛⲧⲟⲕ • ⲡⲉⲧ ⲛⲁϣⲱⲡⲉ • ⲛϣⲱⲥ • ⲉϫⲛ̄ ⲛⲉⲥⲟⲟⲩ •
ⲉⲧ ϩⲙ̄ ⲡⲙⲁ • ⲉⲧ ⲙ̄ⲙⲁⲩ • ⲁⲛⲟⲕ ⲇⲉ ⲡⲉ[ϫ]ⲁⲓ ⲛⲁϥ •


### 0014

ϫⲉ ⲕⲱ • ⲛⲁⲓ ⲉ ⲃⲟⲗ ⲡⲁ ⲉⲓⲱⲧ [ⲉⲧ] ⲟⲩⲁⲁⲃ • ⲛ ϯⲙⲡϣⲁ •
ⲁⲛ • ⲉ ϩⲱⲃ • ⲛ̄ [ϯ ⲙ]ⲓⲛⲉ • ⲛ̄ⲧⲟϥ ⲇⲉ • ⲁϥⲡⲓⲑⲉ • ⲙⲙ[ⲟⲓ]|
ϩⲛ̄ ⲛⲉϥϣⲁϫⲉ ⲉⲧ ϩⲟ[ⲗϫ̄]▨▨▨▨ⲛⲉⲓ • ⲙⲙⲟⲓ • ⲛ̄ ⲧⲉⲣⲉ
ⲓⲉⲓ • ⲇⲉ • ⲉ ⲣ[ⲏⲥ ⲁⲓ]ⲥⲱⲣ • ⲙ ⲡⲉⲧ ⲣ̄ ϩⲟⲩⲟ ⲉ ⲣⲟⲓ • ⲛⲛⲉⲧ
▨▨ⲁⲓⲉⲓ ⲉ ⲡⲉⲓ ⲙⲁ • ⲱ ⲡⲁ ⲥⲟⲛ • ϩⲁⲣⲱⲛ • ⲙ̄[ⲡⲉ ⲓ]ⲉϣ‐
ⲡⲁⲣϩⲏⲥⲓⲁⲍⲉ • ⲙⲙⲟⲓ • ϩⲱⲥ ⲉⲡⲓⲥⲕ[ⲟⲡⲟⲥ] ⲁⲗⲗⲁ • ⲛⲉⲓ‐
ⲙⲟⲟϣⲉ • ϩⲱⲥ ⲉⲗⲁⲭⲓⲥⲧⲟⲥ • [ϩⲛ̄] ⲧⲉⲩⲙⲏⲏⲧⲉ • ⲁⲓⲛⲁⲩ
ⲇⲉ • ⲉ ⲣⲟⲟⲩ [ⲉⲩ]ⲃⲏⲕ • ⲉ ϩⲟⲩⲛ • ⲉ ⲛⲉⲣⲡⲏⲩⲉ • ⲉⲩϣ︦ⲙ︦[ϣ︦ⲉ]
ⲟⲩϩⲁⲗⲏⲧ • ⲉⲩⲙⲟⲩⲧⲉ ⲉ ⲣⲟϥ • ϫⲉ ⲡ[ⲃⲏϭ] ⲛϩⲟⲩⲛ • ϩ︦ⲛ︦
ϩⲉⲛⲙⲁⲅⲕⲁⲛⲟⲛ • ⲁⲥ[ϣⲱ]ⲡⲉ ⲇⲉ • ⲙⲛ̄ⲛⲥⲁ ϩⲉⲛϩⲟⲟⲩ • ⲉⲓ
ⲛϩⲟⲩⲛ ▨▨ⲧⲏⲩ • ⲁ ⲡⲟⲩⲏⲏⲃ • ⲉⲓ ⲉ ⲃⲟⲗ ϩⲛ̄ ⲧⲡⲟⲗⲓⲥ
ⲁϥⲃⲱⲕ • ⲛ ⲟⲩⲁⲡⲟⲕⲣⲓⲥⲓⲥ • ⲡⲉϥϣⲏⲣⲉ • [ⲇⲉ] ⲥⲛⲁⲩ •
ⲛⲉⲩⲡⲣⲟⲥⲕⲁⲣⲧⲏⲣⲉⲓ • ⲉ ⲧⲃⲉ ⲟⲩⲁ [ⲛ]ⲉϥⲛⲁⲣ ⲑⲩⲥⲓⲁ • ⲙ
ⲡⲉⲓⲇⲟⲗⲟⲛ • ⲁⲛⲟⲕ [ⲇⲉ] ⲙⲁⲕⲉⲇⲟⲛⲓⲟⲥ • ⲁⲓⲃⲱⲕ • ϣⲁ
ⲣⲟⲟⲩ • ⲁⲓϣ[ⲁ]ϫⲉ • ⲛⲙ̄ⲙⲁⲩ ϩⲛ̄ ⲟⲩⲕⲣⲟϥ • ⲉⲓϫⲱ ⲙ‐
ⲙⲟ[ⲥ] ϫⲉ ϯⲟⲩⲱϣ • ⲉ ⲧⲁⲗⲉ ⲑⲩⲥⲓⲁ • ⲉ ϩⲣⲁⲓ • ⲙ
ⲡⲛⲟⲩⲧⲉ • ⲙⲡⲟⲟⲩ • ⲛⲧⲟⲟⲩ ⲇⲉ ⲡⲉϫⲁⲩ [ⲛⲁⲓ] ⲁⲙⲟⲩ
ⲛⲅ̄ⲧⲁⲗⲟⲥ • ⲉ ϩⲣⲁⲓ • ⲛ̄ ⲧⲉⲣ ϥ̄ⲃⲱⲕ ⲇⲉ ⲉ ϩⲟⲩⲛ • ⲁϥⲟⲩ‐
ⲉϩⲥⲁϩⲛⲉ • ⲉ ⲧⲣⲉⲩⲧⲁⲗⲉ ⲛϣⲉ • ⲉϫⲛ̄ ⲧϣⲏⲩⲉ • ⲛⲥⲉϫⲉⲣⲉ
ⲡⲕ[ⲱ]ϩ︦ⲧ︦ • ϩⲁ ⲣⲟⲟⲩ • ⲡϣⲏⲣⲉ ⲇⲉ ⲥⲛⲁⲩ • ⲙ ⲡⲟ[ⲩ]ⲏⲏⲃ •
ⲛⲉⲩⲡⲣⲟⲥⲕⲁⲣⲧⲏⲣⲉⲓ • ⲉⲛϣⲉ • ϣⲁⲧ ⲟⲩⲣ̄ ϫⲃ̄ⲃⲥ̄ |▨▨▨▨
ⲛ ⲉⲡⲓⲥⲕⲟⲡⲟⲥ • ⲁⲡⲁ ⲙⲁ[ⲕⲉ]ⲇⲟⲛⲓⲟⲥ • ⲁϥϯ ⲡⲉϥⲟⲩⲟⲓ •
ⲉ ⲡⲙⲁ • ⲉⲧⲉ • [ⲡ]ⲙⲁⲅⲕⲁⲛⲟⲛ • ⲛ̄ϩⲏⲧ︦ϥ︦ • ⲁϥⲉⲓⲛⲉ ⲉ ⲃⲟⲗ
[ⲡ]ⲃⲏϭ • ⲁϥⲥⲱⲗ︦ⲡ︦ • ⲛ̄ ⲧⲉϥⲁⲡⲉ • ⲁϥⲛⲟⲩ[ϫⲉ] ⲉ ⲃⲟⲗ •
ⲙⲙⲟϥ • ⲉϫⲛ̄ ⲧϣⲏⲩⲉ • ⲉⲧ [ⲙⲟ]ⲩϩ • ⲁϥⲉⲓ ⲉ ⲃⲟⲗ • ϩ︦ⲙ︦
ⲡⲣ̄ⲡⲉ • ⲁϥⲃⲱⲕ • [ⲛ̄ϣⲏ]ⲣⲉ • ⲇⲉ ⲙ ⲡⲟⲩⲏⲏⲃ • ⲛ ⲧⲉⲣ ⲟⲩ‐
ⲛⲁⲩ [ⲉ ⲡⲉⲛ]ⲧ ⲁϥϣⲱⲡⲉ • ⲁⲩⲡⲱϩ • ⲛ̄ ⲛⲉⲩϩⲟⲓ[ⲧⲉ • ⲁ]ⲩⲱ
ⲡⲉϫⲉ ⲡⲛⲟϭ • ⲙ ⲡⲕⲟⲩⲓ ϫⲉ ⲟⲩ [ⲡⲉⲧ] ⲛ̄ⲛⲁⲁϥ • ⲧⲛ̄‐
ϩⲏϣ • ⲛⲥⲁⲥⲁ • ⲛⲓⲙ • ⲉⲩ[ϣⲁ]ⲛⲥⲱⲧ︤ⲙ︥ • ⲛ̄ϭⲓ ⲛⲁ ⲧⲡⲟ‐
ⲗⲓⲥ • ⲥⲉⲛⲁϩⲓ ⲱ[ⲛⲉ] • ⲉ ⲣⲟⲛ • ϫⲉ ⲁⲛⲁⲙⲉⲗⲉⲓ • ϣⲁⲛ‐
ⲧⲟⲩⲣⲱⲕ︦ϩ︦ [ⲙ̄] ⲡⲉⲩⲛⲟⲩⲧⲉ • ⲡⲁⲗⲓⲛ • ⲟⲛ • ⲉⲛϣⲁⲛⲛⲟ‐
[ⲩϩ]ⲙ • ⲛ̄ ⲧⲟⲟⲧⲟⲩ • ⲧⲛ̄ⲛⲁⲣ ⲃⲟⲗ • ⲁⲛ • ⲛⲧⲟ[ⲟ]ⲧϥ̄ • ⲙ
ⲡⲉⲛⲉⲓⲱⲧ • ⲉ ⲃⲟⲗ • ϫⲉ ϥⲙⲉ • ⲙ ⲡ[ⲛ]ⲟⲩⲧⲉ ⲡⲃⲏϭ • ⲛ
ϩⲟⲩⲟ ⲉ ⲣⲟⲛ • ⲧⲉⲛⲟⲩ [ϭⲉ] ⲡⲁ ⲥⲟⲛ • ⲙⲁⲣⲛ̄ⲧⲱⲟⲩⲛ •


### 0015

ⲛⲧⲛ̄ⲡⲱⲧ [ⲛ]ⲁⲛ • ⲉⲩⲙⲁ • ⲛ̄ ϫⲁⲓⲉ • ϩⲁⲣⲏⲩ • ⲧⲛ̄ⲛⲁⲣ ⲃⲟⲗ
[ⲁ]ⲩⲱ ⲧⲁⲓ ⲧⲉ ⲑⲉ • ⲛⲧⲁⲩⲉⲓ • ⲉ ⲃⲟⲗ • ϩⲛ̄ ⲧⲡⲟ‐
[ⲗⲓ]ⲥ • ⲙ ⲡⲉⲥⲛⲁⲩ • ⲙ ⲡⲉϩⲟⲟⲩ • ⲉⲧ ⲙ̄ⲙⲁⲩ • [ⲙ̄]-
ⲡⲉ ⲗⲁⲁⲩ • ⲉⲓⲙⲉ • ⲉ ⲃⲟⲗ • ϫⲉ ⲛⲉⲣⲉ ⲡⲛⲟⲩ[ⲧ]ⲉ ⲥⲕⲉ‐
ⲡⲁⲍⲉ • ⲙⲙⲟⲟⲩ • ⲉ ⲧⲃⲉ ϫⲉ ⲛⲉⲩ[ⲧ]ⲏϣ • ⲉⲩⲟⲓⲕⲟⲛⲟ‐
ⲙⲓⲁ • ⲉⲛⲁⲛⲟⲩⲥ • ⲁⲩ[ϫⲓ]ⲟⲟⲣ • ⲇⲉ • ⲙⲙⲟⲟⲩ • ⲁⲩⲉⲓ •
ⲉ ⲡⲉⲓ︦ⲉ︦ⲃ︦ⲧ︦ • ⲁⲩ[ⲛ]ⲁⲩ • ⲉ ϩⲟⲩⲛ • ⲉ ⲡⲧⲟⲟⲩ • ⲉⲧ ϩⲓ ϩⲟⲩⲛ • |
Ⲉⲩϫⲱ ⲙⲙⲟⲥ • ϫⲉ ⲛⲁⲛⲟⲩⲥ • ⲛⲁⲛ • ⲉ[ⲛ]ⲙⲟⲩ • ⲛ̄ⲧⲉ
ⲛⲉⲑⲏⲣⲓⲟⲛ • ⲟⲩⲱⲙ • ⲛⲛⲉⲛⲥ[ⲁⲣⲝ̄] ⲛ̄ϩⲟⲩⲟ ⲉ ⲣⲟⲥ • ⲉ
ⲧⲣⲉⲩϩⲓ ⲱⲛⲉ • ⲉ ⲣⲟⲟⲩ • ϩⲓⲧ[ⲛ̄] ⲛⲁ ⲧⲡⲟⲗⲓⲥ ⁘ ⲁⲥϣⲱⲡⲉ •
ⲇⲉ • ⲛ̄ ⲧⲉⲣⲉ ⲡⲉⲩⲉⲓⲱⲧ • ⲉⲓ • ⲛ︦ϥ︦ⲃⲱⲕ • ⲉ ϩⲟⲩⲛ • ⲉ ⲡ︦ⲣ︦ⲡⲉ
ⲉ ⲧ︦ⲣ︦ϥ︦ⲟⲩⲱϣ︦ⲧ︦ • ⲙ ⲡⲉⲓⲇⲱⲗⲟⲛ • ⲛ̄ ϣⲟⲣ︦ⲡ︦ ⲕⲁⲧⲁ ⲡⲉϥ‐
ⲉⲑⲟⲥ • ⲙ̄ⲡⲁⲧ ⲉϥⲃⲱⲕ • ⲉ ⲡⲉϥⲏⲓ • ⲛ ⲧⲉⲣ ϥ̄ⲃⲱⲕ • ⲇⲉ ⲉ
ϩⲟⲩⲛ • ⲙⲡⲉ ϥϩⲉ ⲉ ⲛⲉϥϣⲏⲣⲉ • ⲁϥϯ ⲡⲉϥⲟⲩⲟⲓ • ⲉ ⲡⲙⲁ •
ⲉⲧ ϩⲓ ϩⲟⲩ[ⲛ] • ⲙ̄ⲡⲉ ϥϩⲉ ⲉ ⲣⲟⲟⲩ • ⲁϥⲕⲱⲧⲉ ⲟⲛ • ϩ︦ⲙ︦
ⲡⲙ[ⲁ]ⲅⲕⲁⲛⲟⲛ • ⲉⲧ ⲉⲣⲉ ⲡⲃⲏϭ • ⲛ̄ϩⲏⲧ︦ϥ︦ • ⲙⲡⲉ ϥϩⲉ • ⲉ
ⲣⲟϥ • ⲁϥⲉⲓ ⲇⲉ • ⲉ ⲃⲟⲗ • ⲉϥⲁⲡⲟⲣⲉⲓ • ⲉϥϫ[ⲱ] ⲙⲙⲟⲥ •
ϫⲉ ⲟⲩ ⲡⲉⲛⲧ ⲁϥϣⲱⲡⲉ • ⲉ ⲃⲟⲗ ϫⲉ ⲙⲡⲉ ⲓϩⲉ • ⲉ ⲛⲁ‐
ϣⲏⲣⲉ • ⲟⲩⲇⲉ • ⲡⲕⲉ ⲛⲟⲩⲧⲉ • ⲡⲃⲏϭ • ⲁⲥⲥⲱⲧ︤ⲙ︥ • ⲉ
ⲣⲟϥ • ⲛ̄ϭⲓ ⲟⲩϩⲗ̄ⲗⲟⲩ • ⲛ ⲥϩⲓⲙⲉ • ⲉⲥⲟⲩⲏⲏϩ • ϩⲓⲧⲟⲩⲱϥ •
ⲙ ⲡⲣ̄ⲡⲉ • ⲁⲥⲙⲟⲩⲧⲉ • ⲟⲩⲃⲏϥ ⲉⲥϫⲱ ⲙⲙⲟⲥ ϫⲉ ⲁⲙⲟⲩ •
ϣⲁ ⲣⲟⲓ • ⲡⲟⲩⲏⲏⲃ • ⲉⲧ ⲥⲙⲁⲙⲁⲁⲧ ⲛⲧⲁⲧⲁⲙⲟⲕ • ⲉ
ⲡⲉⲛⲧ ⲁⲓⲛⲁⲩ • ⲉ ⲣⲟϥ • ⲙⲡⲟⲟⲩ • ⲁⲓⲛⲁⲩ • ⲅⲁⲣ • ⲉ ⲡⲉⲓ
ⲡⲁⲣⲁⲃⲁⲧⲏⲥ • ⲙ ⲙⲟⲛⲟⲭⲟⲥ • ⲡⲁⲓ ⲉⲧ ⲡⲗⲁⲛⲁ • ⲛ̄ϩⲟⲓⲛⲉ •
ϩⲛ̄ ⲛⲁ ⲧⲉ[ⲓ] ⲡⲟⲗⲓⲥ • ⲁϥⲃⲱⲕ • ⲉ ϩⲟⲩⲛ • ⲉ ⲡⲣ̄ⲡⲉ • ⲙⲛ̄
ⲛⲉⲕϣⲏⲣⲉ • ⲟⲩ ⲡⲁⲛⲧⲱⲥ • ⲛ̄ⲧⲟϥ • ⲡⲉⲛ[ⲧ ⲁϥ]ⲧⲁⲕⲉ ⲡⲉⲩ‐
ϩⲏⲧ • ⲁⲩϥⲓ ⲡⲛⲟⲩⲧⲉ [ⲡⲃⲏϭ] ⲁⲩⲡⲱⲧ • ⲡⲟⲩⲏⲏⲃ • ⲇⲉ :- |
[ⲛ̄ ⲧⲉⲣ] ϥⲥⲱⲧⲙ̄ • ⲉ ⲛⲉⲓ ϣⲁϫⲉ • ⲛ̄ⲧⲟⲟⲧⲥ̄ [ⲛ̄] ⲑⲗ̄ⲗⲟⲩ (sic) •
ⲁϥⲙⲟⲟϣⲉ • ⲉϥϯ ⲟⲩⲟⲓ • ϩⲛ̄ ⲧ[ⲡ]ⲟⲗⲓⲥ • ⲛⲥⲁ ⲛⲉϥϣⲏⲣⲉ •
ϫⲉ ⲟⲩ ⲙⲟⲛⲟⲛ [ⲛ]ⲁ ϣⲏⲣⲉ • ϯⲛⲁϩⲟⲧⲃⲟⲩ • ⲁⲗⲗⲁ •
ⲡⲕⲉⲙⲟ[ⲛ]ⲟⲭⲟⲥ • ⲉⲓϣⲁⲛϩⲉ • ⲉ ⲣⲟϥ • ϯⲛⲁⲡⲁⲧⲁⲥ[ⲥⲉ]
ⲙⲙⲟϥ • ⲟⲩⲣⲱⲙⲉ • ⲇⲉ ⲙ ⲡⲓⲥⲧⲟⲥ ⲛ̄ ⲧⲉⲣ ϥ̄ⲥⲱⲧⲙ̄ • ⲉ
ⲣⲟⲥ • ⲉϥϣⲁϫⲉ(sic) • ⲙⲛ̄ ⲡⲟⲩⲏⲏⲃ • ⲁϥⲃⲱⲕ • ϣⲁ ⲡⲉⲡⲓⲥⲕⲟⲡⲟⲥ •


### 0016

ⲉⲧ ⲟⲩ[ⲁ]ⲁⲃ • ⲡⲉϫⲁϥ • ⲛⲁϥ • ϫⲉ ⲡⲁ ⲉⲓⲱⲧ • ⲉⲧ ⲧⲁⲓ[ⲏⲩ]
▨ⲥⲉⲧⲙ̄ ⲟⲩϣⲁϫⲉ • ⲛ̄ ⲧⲟⲟⲧϥ̄ • ⲙ ⲡⲉⲓ ⲟⲩ[ⲏ]ⲏⲃ • ⲉⲧ
ⲥϩⲣⲟⲩⲣ︦ⲧ︦ • ⲛⲧⲉ ⲡ︦ⲣ︦ⲡⲉ • ⲉ ⲧⲃⲏⲏ[ⲧ]ⲕ̄ • ⲉϥϫⲱ ⲙⲙⲟⲥ • ϫⲉ
ⲉⲓϣⲁⲛϩⲉ • ⲉ ⲣⲟϥ [ϯ]ⲛⲁⲙⲟⲟⲩⲧϥ̄ • ⲧⲉⲛⲟⲩ ϭⲉ ⲡⲁ ⲉⲓⲱⲧ •
ⲉ[ⲧ] ⲟⲩⲁⲁⲃ • ⲧⲱⲟⲩⲛ • ⲛⲅ̄ ⲃⲱⲕ • ⲛⲁⲕ • ⲉⲩⲙⲁ • ⲉϥ‐
ⲥϭⲣⲁϩⲧ̄ • ⲛ̄ϩⲉⲛϩⲟⲟⲩ • ϣⲁⲛⲧⲉ ⲡϩⲱⲃ • ⲟⲩⲉⲓⲛⲉ • ⲡⲉϫⲉ
ⲡⲉⲡⲓⲥⲕⲟⲡⲟⲥ ⲙ ⲡⲣⲱⲙⲉ ⲉⲧ ⲙ̄ⲙⲁⲩ ϫⲉ ⲟⲩ • ⲡⲁ ϣⲏⲣⲉ
ⲉⲧ ⲧⲁⲓⲏⲩ • ⲁⲓⲥⲱⲧⲙ̄ • ϩⲛ̄ ⲧⲧⲁⲡⲣⲟ • ⲉⲧ ⲥⲙⲁⲙⲁⲁⲧ ⲙ̄
ⲡⲉⲛⲛⲟⲩⲧⲉ • ⲡⲉⲛ︦ⲥ︦ⲏ︦ⲣ︦ • ⲓ︦ⲥ︦ ⲡⲉⲭⲥ̄ • ⲡⲉⲛϫ︦ⲥ︦ • ⲉϥϫⲱ ⲙ‐
ⲙⲟⲥ ϫⲉ ⲙ̄ⲡⲣ̄ [ⲣ̄]ϩⲟⲧⲉ • ϩⲏⲧⲟⲩ • ⲛ ⲛⲉⲧ ⲛⲁⲙⲟⲟⲩⲧ •
ⲙ ⲡⲉⲧⲛ̄ⲥⲱⲙⲁ • ⲉⲙⲛ̄ϣϭⲟⲙ • ⲇⲉ ⲙⲙⲟⲟⲩ [ⲉ] ⲙⲟⲟⲩⲧ •
ⲛ̄ ⲛ̄ⲉⲧⲙ̄ⲯⲩⲭⲏ • ⲡⲉϫⲉ [ⲡ]ⲣⲱⲙⲉ • ⲉⲧ ⲙ̄ⲙⲁⲩ • ⲙ̄
ⲡⲉⲡⲓⲥⲕⲟⲡⲟⲥ▨▨ⲉⲁϥϫⲟⲟⲥ ⲟⲛ • ϫⲉ ⲉⲩϣⲁⲛⲡⲱⲧ • ⲛ̄‐ |
ⲥⲱⲧⲛ̄ • ϩⲛ̄ ϯ ⲡⲟⲗⲓⲥ • ⲡⲱⲧ • ⲉ ϩⲣⲁⲓ ⲉ ⲕⲉ ⲟⲩⲉⲓⲉ • ⲡⲉϫⲉ
ⲡⲉⲡⲓⲥⲕⲟⲡⲟⲥ ϫⲉ ⲛⲓⲙ [ⲡⲉⲛ]ⲧ ⲁϥⲧⲁⲙⲟϥ • ϫⲉ ⲁⲓⲃⲱⲕ • ⲉ
ϩⲟⲩⲛ • ⲉ ⲡ︤ⲣ︥ⲡⲉ • ⲛ̄ⲧⲟϥ ⲇⲉ ⲡⲉϫⲁϥ ⲛⲁϥ ϫⲉ ⲁⲓⲥⲱⲧⲙ̄ •
ϫⲉ ⲟⲩϩ︤ⲗ︥ⲗⲟⲩ • ⲛ̄ ⲥϩⲓⲙⲉ ⲧⲉ • ⲉⲥⲟⲩⲏⲏϩ • ϩⲓⲧⲟⲩⲱϥ •
ⲙ ⲡⲣ̄ⲡⲉ • ⲡⲉϫⲉ ⲡⲉⲡⲓⲥⲕⲟⲡⲟⲥ ϩⲛ̄ ⲟⲩϣⲱⲱⲧ • ⲉ ⲃⲟⲗ •
ϫⲉ ⲉⲣⲉ ⲡⲉⲥⲗⲁⲥ ⲛⲁϣⲱⲡⲉ ⲙ ⲡⲉⲛⲓⲡⲉ ⲛϥ̄ϭⲱ ⲉϥⲕⲓⲙ •
ⲁⲛ ϣⲁ ⲉⲛⲉϩ • ϣⲁⲛⲧⲉ ⲧⲇⲱⲣⲉⲁ ⲙ ⲡⲛⲟⲩⲧⲉ • ⲟⲩⲱⲛ︦ϩ︦
ⲉ ⲃⲟⲗ • ⲁⲩⲱ ⲁⲥϣⲱⲡⲉ • ⲕⲁⲧⲁ ⲡⲉϥϣⲁϫⲉ • ⲛⲑⲉ • ⲛⲧⲁ
ⲡⲉⲧⲣⲟⲥ ⲡⲁⲡⲟⲥⲧⲟⲗⲟⲥ ϫⲟⲟⲥ ⲛ ⲥⲓⲙⲱⲛ • ϫⲉ ⲉⲕⲉϣⲱⲡⲉ
ⲉⲕⲟ ⲛ︤ⲃⲗ̄ⲗⲉ • ⲛⲅ̄ ⲛⲁⲩ ⲉ ⲃⲟⲗ • ⲁⲛ • ⲉ ⲡⲣⲏ • ϣⲁ ⲟⲩⲟ‐
ⲉⲓϣ • ⲛ ⲧⲉⲣ ϥ̄[ϫⲱ] ⲛⲁⲓ • ⲛϭⲓ ⲡⲉⲡⲓⲥⲕⲟⲡⲟⲥ • ⲉⲧ ⲟⲩⲁⲁⲃ •
ⲁ ⲡⲣⲱⲙⲉ • ⲁⲛⲁⲭⲱⲣⲉⲓ • ⲛⲁϥ • ⲉ ⲃⲟⲗ • ϩⲓⲧⲟⲟⲧ︦ϥ︦ •
ⲡⲡⲉⲧ ⲟⲩⲁⲁⲃ • ⲁϥⲧⲱⲟⲩⲛ • ϩⲱⲱϥ • ⲁϥⲃⲱⲕ • ⲉϩⲏⲧ • ⲉ
ⲡⲙⲁ • ⲉⲧⲟⲩⲙⲟⲩⲧⲉ • ⲉ ⲣⲟϥ • ϫⲉ ⲡⲓⲁ • ⲁϥϣⲱⲡⲉ •
ϩ︤ⲙ︥ ⲡⲙⲁ • ⲉⲧ ⲙ̄ⲙⲁⲩ • ⲉϥⲥⲟⲡⲥ︤ⲡ︥ ⲙ ⲡⲛⲟⲩⲧⲉ • ϩⲛ̄ ϩⲉⲛ‐
ⲛⲏⲥϯⲁ • ⲙⲛ̄ ⲛϩⲉⲛⲟⲩϣⲏ • ⲛⲣⲟⲉⲓⲥ • ⲉⲛⲁϣⲱⲟⲩ • ⲉϥ‐
ϫⲱ ⲙ[ⲙⲟⲥ] ϫⲉ ⲡϫ︤ⲥ︥ • ⲡⲛⲟⲩⲧⲉ • ⲕⲧⲟ • ⲙ ⲡϩⲏⲧ • ⲙ
ⲡⲣⲱⲙⲉ • ⲉⲩⲙⲉⲧⲁⲛⲟⲓⲁ ϩⲛ̄ ⲧⲉⲓ ⲟⲩϣⲏ • ▨▨▨▨▨ⲩ •
ⲁϥⲛⲁⲩ • ⲉⲩϩⲟⲣⲟⲙⲁ • ⲉϣϫ[ⲉ](?)▨[ⲡⲣⲱ]ⲙⲉ ⲁϩ • ⲉⲣⲁⲧϥ̄ •
ⲉⲣⲉ ϣ[ⲏⲣⲉ | ⲥⲛⲁⲩ] ϩⲓⲧⲟⲩⲱϥ • ⲉⲩⲁⲁϩ • ⲉⲣⲁⲧⲟⲩ • ⲟⲩⲁ
[ϩⲓ ⲟ]ⲩⲛⲁⲙ • ⲙⲙⲟϥ • ⲁⲩⲱ ⲟⲩⲁ • ϩⲓ ϩⲃⲟⲩⲣ ⲙⲙⲟϥ •


### 0017

ⲉⲩⲛⲕⲟⲧⲕ̄ • ⲁϥⲉⲓ • ⲛϭⲓ ⲟⲩⲣⲱⲙⲉ ⲛ ⲟⲩⲟⲉⲓⲛ • ⲁϥⲁⲁϩ •
ⲉⲣⲁⲧϥ̄ ϩⲓ ϫⲱⲟⲩ • ⲁϥϯ ⲛ ⲟⲩⲕⲗⲟⲙ • ⲉϫⲛ̄ ⲧⲁⲡⲉ • ⲙ̄
ⲡⲉⲧ ϩⲓ ⲟⲩⲛⲁⲙ • ⲙⲙⲟϥ • ⲉⲧⲉ ⲡⲛⲟϭ ⲡⲉ • ⲁⲩⲱ ⲕⲉ
ⲕⲗⲟⲙ • ⲉϫⲛ̄ ⲧⲁⲡⲉ • ⲙ̄ ⲡⲉⲧ ϩⲓ ϩⲃⲟⲩⲣ ⲙⲙⲟϥ • ⲁⲩⲱ
ⲁϥϯ • ⲛ̄ ⲟⲩϭⲉⲣⲱⲃ • ⲉ ⲧϭⲓϫ • ⲙ̄ ⲡⲉⲧ ϩⲓ ⲟⲩⲛⲁⲙ ⲉⲣⲉ
ⲟⲩϣⲟϣⲧ ⲙⲏⲣ ⲙⲙⲟϥ • ⲁⲩⲱ • ⲕⲉ ϭⲉⲣⲱⲃ • ⲉ ⲧϭⲓϫ
ⲙ ⲡⲉⲧ ϩⲓ ϩⲃⲟⲩⲣ • ⲙⲙⲟϥ • ⲉⲣⲉ ⲕⲉ ϣⲟϣⲧ̄ ⲙⲏⲣ •
ⲙⲙⲟϥ • ⲁϥⲃⲱⲕ • ⲉ ϩⲣⲁⲓ • ⲉ ⲧⲡⲉ • ⲉⲓⲟⲣⲙ̄ • ⲛⲥⲱϥ •
ⲁϥⲧⲱⲟⲩⲛ ⲇⲉ ⲉϩⲧⲟⲟⲩⲉ ⲛ̄ϭⲓ ⲡⲉⲡⲓⲥⲕⲟⲡⲟⲥ • ⲉⲧ ⲟⲩⲁⲁⲃ •
ⲁⲡⲁ ⲙⲁⲕⲉⲇⲱⲛⲓⲟⲥ • ⲉϥϫⲱ ⲙⲙⲟⲥ • ϫⲉ ⲟⲩ • ⲡⲉ ⲡⲉⲓ
ϩⲟⲣⲟⲙⲁ • ⲛⲧⲁⲓⲛⲁⲩ • ⲉ ⲣⲟϥ • ⲙⲏ ⲉⲩⲛⲁϫⲡⲟ • ⲛⲁⲓ •
ⲛ̄ ϩⲉⲛϣⲏⲣⲉ • ⲙⲛ̄ⲛⲥⲁ ⲧⲣⲁ ⲁⲡⲟⲧⲁⲥⲥⲉ • ⲉⲣⲉ ⲡϩⲱⲃ •
ⲟ︦ⲥ︦ⲕ︦ • ⲡⲗⲏⲛ • ⲡⲉⲕⲟⲩⲱϣ • ⲙⲁⲣϥ̄ϣⲱⲡⲉ • ⲡⲁ ϫ︦ⲥ︦ • ⲓ︦ⲥ︦
ⲡⲉⲭⲣ︦ⲥ︦ • Ⲉⲧⲓ ⲇⲉ • ⲉⲣⲉ ⲡⲉⲡⲓⲥⲕⲟⲡⲟⲥ • ⲙⲟⲕⲙⲉⲕ [ⲙ̄]‐
ⲙⲟϥ • ⲛ ⲧⲉⲓ ϩⲉ • ⲁⲩⲥⲙⲏ • ϣⲱⲡⲉ • ϣⲁ [ⲣⲟ]ϥ • ⲉⲥϫⲱ
ⲙⲙⲟⲥ • ϫⲉ ϣⲁⲧ ⲛⲁⲩ ⲉⲕⲁ[ⲙ]ⲉⲗⲉⲓ ⲉⲛⲉⲥⲟⲟⲩ • ⲛ̄ⲧⲁⲩ‐
ⲧⲁⲛϩⲟⲩⲧⲕ̄ [ⲉ] ⲣⲟⲟⲩ • ⲧⲱⲟⲩⲛ • ⲛⲅ̄ϯ ⲡⲉⲕⲟⲩⲟⲓ • [ⲉ
ⲣ]ⲟⲟⲩ • ⲕⲛⲁϩⲉ • ⲉ ϩⲉⲛⲥⲕⲉⲩⲟⲥ • ⲛ̄ [ⲥⲱⲧⲡ̄] | [ϩⲙ̄ ⲡ]ⲙⲁ •
ⲉⲧ ⲙ̄ⲙⲁⲩ • Ⲁϥⲧⲱⲟⲩⲛ • ⲁϥ[ⲙⲟⲟϣ]ⲉ • ⲕⲁⲧⲁ ⲑⲉ ⲛⲧⲁⲩ‐
ϫⲟⲟⲥ ⲛⲁϥ • ⲁⲩ[ⲱ ⲛ̄] ⲧⲉⲣ ϥ̄ⲟⲩⲉ ⲉ ϩⲟⲩⲛ • ϩⲓ ⲡⲧⲟⲟⲩ •
ⲛⲁ [ϣⲟ]ⲙⲛ︦ⲧ︦ • ⲙ ⲙⲏⲗⲓⲟⲛ • ⲁϥϭⲱϣ︦ⲧ︦ • ⲛⲥⲁ [ⲟⲩ]ⲛⲁⲙ •
ⲙⲙⲟϥ • ⲁϥϩⲉ ⲉ ⲡϣⲏⲣⲉ • ⲥⲛⲁⲩ [ⲉ]ⲩⲛⲏϫ • ϩⲁ ⲟⲩⲕⲟⲟϩ •
ⲛ̄ ⲧⲟⲟ • ⲉ ⲁⲩ▨▨ⲧⲟⲟⲩ ⲉ ⲃⲟⲗ • ⲉ ⲡⲙⲟⲩ ⲉ ⲧⲃⲉ ⲡⲉϩⲕⲟ
[ⲙ]ⲛ̄ ⲡⲉⲓⲃⲉ • ⲉ ⲃⲟⲗ • ϫⲉ ⲡⲉⲩⲥⲟⲟⲩ ⲡⲉ • ⲙ̄ⲡ ⲟⲩⲉⲙ
ⲟⲉⲓⲕ • ⲟⲩⲇⲉ • ⲙⲡ ⲟⲩⲥⲉ ⲙⲟⲟⲩ • ⲛ̄ ⲧⲉⲣⲉ ⲡⲉⲡⲓⲥⲕⲟⲡⲟⲥ •
ⲛⲁⲩ ⲉ ⲣⲟⲟⲩ • ⲁϥⲣ̄ ⲡⲙⲉⲉⲩⲉ • ⲙ ⲡϩⲟⲣⲟⲙⲁ • ⲛⲧⲁϥ‐
ⲛⲁⲩ ⲉ ⲣⲟϥ • ⲁⲩⲱ ⲡⲉϫⲁϥ • ϫⲉ ⲛⲁⲓ ⲛⲉ ⲡϣⲏⲣⲉ ⲥⲛⲁⲩ •
ⲛⲧⲁⲩⲧⲥⲁⲃⲟⲓ • ⲉ ⲣⲟⲟⲩ ϩ︦ⲙ︦ ⲡϩⲟⲣⲟⲙⲁ • ⲁⲩⲱ ⲛⲁⲓ ⲟⲛ •
ⲛⲉ ⲛⲧⲁⲩϫⲟⲟⲥ ⲛⲁ ⲉ ⲧⲃⲏⲏⲧⲟⲩ • ϫⲉ ⲃⲱⲕ • ⲕⲛⲁϭⲓⲛⲉ •
ⲛ̄ ϩⲉⲛⲥⲕⲉⲩⲱⲥ • ⲛⲥⲱⲧ︦ⲡ︦ • ⲁⲓⲙⲟⲟϣⲉ • ⲇⲉ ⲉ ϩⲟⲩⲛ • ⲉ
ⲣⲟⲟⲩ • ⲡⲉϫⲁϥ • ⲁⲩⲱ̄ • ⲛ̄ ⲧⲉⲣ ⲟⲩⲛⲁⲩ ⲉ ⲣⲟⲓ • ⲁⲩ‐
ⲧⲱⲕ • ⲛ̄ ϩⲏⲧ • ⲁⲩⲧⲱⲟⲩⲛ ⲁⲩⲡⲁϩⲧⲟⲩ • ϩⲁ ⲛⲁⲟⲩⲣⲏⲏⲧⲉ •
ⲁⲩϯⲡⲓ ⲉ ϫⲱⲟⲩ • ⲁⲛⲟⲕ ⲇⲉ ϩⲱⲱⲧ • ⲁⲓϯ ⲧⲟⲟⲧⲟⲩ
ⲁⲓⲧⲟⲩⲛⲟⲥⲟⲩ • ⲛ̄ ⲧⲉⲣ ⲓⲛⲁⲩ ⲇⲉ ⲉ ⲣⲟⲟⲩ ⲉⲩⲥⲟϣⲙ̄ • ϩⲁ


### 0018

ⲡⲉϩⲕⲟ ⲙⲛ̄ ⲡⲉⲓⲃⲉ • ⲁⲓϩⲙⲟⲟⲥ • ⲉ ϩⲣⲁⲓ • ⲛⲙ̄ⲙⲁⲩ •
ⲡⲛⲟϭ • ⲇⲉ • ⲉⲧ ⲙ̄ⲙⲁⲩ [ⲁϥ]ϫⲱⲣⲙ̄ • ⲟⲩⲃⲉ • ⲡⲕⲟⲩⲓ |
[ϫⲉ] ϣⲁϫⲉ • ⲡⲕⲟⲩⲓ ⲇⲉ ϩⲱⲱϥ • ⲁϥ[ϫⲱⲣ]ⲙ̄ • ⲟⲩⲃⲉ
ⲡⲛⲟϭ ϫⲉ ϣⲁϫⲉ • ⲛⲧⲟⲕ • [ⲁϥ]ⲟⲩⲱϣ︦ⲃ︦ • ⲛϭⲓ ⲡⲛⲟϭ •
ϫⲉ ⲱⲛⲧⲱⲥ • [ⲡⲁ] ⲉⲓⲱⲧ • ⲁⲓⲣⲑⲉ ⲉϣϫⲉ ⲛⲧⲁⲓⲟⲩⲱⲙ •
ⲁ[ⲩⲱ] ⲛ ⲧⲉⲣⲉ ⲓⲛⲁⲩ • ⲉ ⲣⲟⲕ • ⲕⲁⲓ ⲅⲁⲣ ϫⲓⲛ ⲡⲉ[ϩⲟⲟⲩ]
ⲛⲧⲁⲛⲉⲓ • ⲉ ⲃⲟⲗ • ϩ︦ⲛ︦ ⲧⲡⲟⲗⲓⲥ • ⲙⲡⲉ ⲛⲟ[ⲩ]ⲱⲙ • ⲟⲩⲇⲉ •
ⲙⲡⲉ ⲛⲥⲱ • ⲟⲩⲇⲉ • ⲙⲡⲉ ⲓⲛⲁⲩ ⲉ ⲣⲱⲙⲉ ⲛⲥⲁⲃⲗ̄ⲗⲁⲕ •
ⲡⲉⲛⲥⲟⲟⲩ ⲅⲁⲣ • ⲡⲉ ⲡⲟⲟⲩ • ⲁⲥϣⲱⲡⲉ ⲅⲁⲣ ⲙⲙⲟⲛ ϩⲛ̄
ⲧⲉⲓ ⲟⲩϣⲏ • ⲛⲧⲁⲥⲟⲩⲉⲓⲛⲉ • ⲁⲛⲟⲕ ⲇ[ⲉ] ⲛⲉⲓⲱⲃϣ̄ • ⲁⲛ ⲡⲉ •
ⲁⲗⲗⲁ • ⲛⲉⲣⲉ ⲛⲁⲃⲁⲗ ⲟⲩⲱⲛ • ⲁϥⲉⲓ ⲛϭⲓ ⲟⲩⲣⲱⲙⲉ ⲛ
ⲟⲩⲟⲉⲓⲛ ⲉⲣⲉ ⲟⲩϫⲱⲱⲙⲉ • ⲛ ⲧⲟⲟⲧ︦ϥ︦ • ⲉϥⲉⲓⲣⲉ • ⲛ̄[ⲛ̣]ϥⲧⲟⲟⲩ •
ⲁⲩⲱ ⲟⲩⲛ ϩⲉⲛϩⲃ̄ⲥⲱ • ⲉⲩⲧⲁⲓⲏⲩ ⲉⲙⲁⲁⲧⲉ • ⲧⲁⲗⲏⲩ •
ⲉϫⲛ̄ ⲧⲉϥⲛⲁϩⲃ • ⲁϥⲁⲁϩ • ⲉⲣⲁⲧϥ̄ • ϩⲓ ϫⲱⲓ • ⲁϥⲕⲓⲙ • ⲉ
ⲣⲟⲓ • ⲛ ⲧⲉⲣⲉ ⲓⲧⲱⲟⲩⲛ • ⲇⲉ ⲉ ϩⲣⲁⲓ • ⲁϥϯ ϩⲓⲱⲱⲧ • ⲛ
ⲟⲩϣⲧⲏⲛ • ⲁϥϭⲟⲗⲧ̄ • ⲛ ⲟⲩⲉⲡⲱ[ⲙⲓⲥ] • ⲛ̄ ⲧⲉⲣⲉ ⲓⲣ̄ ⲟⲩⲁ‐
ⲡⲣⲏⲧⲉⲓ • ⲇⲉ • ⲉⲥϩⲓⲱⲱⲧ • ⲁϥⲟⲩⲃⲟϣⲧ̄ ⲙⲙⲟⲥ • ⲁϥⲧⲁⲁⲥ •
ϩⲓ ⲡⲁ ⲕⲟⲩⲓ • ⲛ̄ ⲥⲟⲛ • ⲁⲩⲱ ⲁϥϭⲟⲟⲗϥ̄ • ϩⲱⲱϥ • ⲛ
ⲟⲩⲉⲡⲱⲙⲓⲥ • ⲛ ⲧⲉⲣ ⲥ̄ⲣ ⲟⲩⲁⲡⲣⲏⲧⲉ • ⲇⲉ • ϩⲓⲱⲱϥ •
ⲁϥⲟⲩⲟⲃϣϥ̄ • ⲙⲙⲟⲥ ⲁϥⲧⲁⲁⲥ • ϩⲓⲱⲱⲧ • ⲛ ⲕⲉ ⲥⲟⲡ •
ⲛⲧⲁϩⲉ ⲁⲓϭⲱϣⲧ̄ • ⲛ̄ⲥⲁ ⲟⲩⲛⲁⲙ • ⲙⲙ[ⲟⲓ ⲁⲩⲱ] | ⲁⲓⲛⲁⲩ •
ⲉ ⲣⲟⲕ • ⲡⲁ ⲉⲓⲱⲧ • ⲉⲧ ⲟⲩⲁⲁⲃ • [ⲁϥϫ]ⲓⲧ • ϩ︦ⲛ︦ ⲛⲉϥϭⲓϫ •
ⲛ ⲟⲩⲟⲉⲓⲛ • ⲛϭⲓ ⲡⲣⲱⲙ[ⲉ] ⲛ ⲟⲩⲟⲉⲓⲛ • ⲉⲧ ⲙ̄ⲙⲁⲩ • ⲁϥ‐
ⲛⲟϫⲧ̄ • ⲉ ϩⲣⲁⲓ ⲉ ⲕⲟⲩⲟⲛ︦ⲅ︦ • ⲙⲛ̄ⲛⲥⲱⲥ ⲁϥϥⲓ • ⲙ ⲡⲁ
ⲥⲟⲛ ⲁϥⲛⲟϫϥ̄ • ⲉ ϩⲣⲁⲓ • ⲉ ⲕⲟⲩⲱⲛ︦ⲅ︦ • ⲁⲩⲱ • ⲛ̄ⲧⲉⲩⲛⲟⲩ •
ⲁϥⲣ̄ ⲁⲧ ⲟⲩⲱⲛ︦ϩ︦ • ⲉ ⲃⲟⲗ • ⲁⲓⲗⲟ ⲉⲓⲛⲁⲩ • ⲉ ⲣⲟϥ • ⲧⲉⲛⲟⲩ
ϭⲉ ⲡⲁ ⲉⲓⲱⲧ ⲉⲓⲥ ϩⲏⲏⲧⲉ • ⲁⲛⲣ̄ ⲡⲙⲡϣⲁ • ⲉ ⲧⲣⲉⲕⲉⲓ ϣⲁ
ⲣⲟⲛ • ⲉⲓⲥ ⲛⲉⲛⲯⲩⲭⲏ ⲛ̄ ⲧⲟⲟⲧ︦ⲕ︦ • ⲙⲛ̄ ⲡⲉⲛⲥⲱⲙⲁ • ⲕⲁⲓ
ⲅⲁⲣ • ⲛ̄ⲧⲁⲛⲡⲱⲧ ⲣ[ⲱ] ⲉ ⲃⲟⲗ • ϩ︦ⲛ︦ ⲧⲡⲟⲗⲓⲥ ⲛ̄ ⲧⲉⲕⲁ‐
ⲫⲟⲣⲙⲏ • ⲁ[ⲛ]ⲉⲓ ⲉ ⲡⲉⲓ ⲙⲁ • ⲁⲥϣⲱⲡⲉ ⲇⲉ ⲛ̄ ⲧⲉⲣⲉ
ⲡⲉⲡⲓⲥⲕⲟⲡⲟⲥ ⲥⲱⲧ︦ⲙ︦ • ⲉ ⲛⲉⲓ ϣⲁϫⲉ • ⲁϥⲣ̄ ⲡⲙⲉⲉⲩⲉ • ⲙ
ⲡⲉⲛⲧⲁ ⲡⲁⲡⲟⲥⲧⲟⲗⲟⲥ ϫⲟⲟϥ • ϫⲉ ⲛⲧⲉ ⲛⲉ ⲡ︦ⲛ︦ⲁ︦ • ⲛ ⲛⲉ‐
ⲡⲣⲟⲫⲏⲧⲏⲥ • ⲉⲓ ⲉ ϫⲱⲧ︦ⲛ︦ • ⲡⲉϫⲁϥ ⲛⲁⲩ ϫⲉ ⲧⲱⲟⲩⲛ •
ⲙⲁⲣⲟⲛ ⲛⲁϣⲏⲣⲉ • ϫⲉ ⲧⲁⲓ • ⲧⲉ ⲑⲉ ⲛ̄ⲧⲁ ⲡⲛⲟⲩⲧⲉ •


### 0019

ⲧⲟ︦ϣ︦ⲥ︦ • ⲉ ⲧⲣ̄ ⲛ̄ⲟⲩⲱϩ ⲙⲛ̄ ⲛⲉⲛⲉⲣⲏⲩ • ⲁⲩⲧⲱⲟⲩ̣ⲛ ⲁⲩⲉⲓ •
ⲉ ⲃⲟⲗ ϩⲓ ⲡⲧⲟⲟⲩ • ϩⲓ ⲟⲩⲥⲟⲡ • ⲁⲩⲃⲱⲕ • ⲉ ϩⲟⲩⲛ ⲉ
ⲡⲙⲁ • ⲉⲧ ⲉϥⲟⲩⲏⲏϩ • ⲛ̄ϩⲏⲧ︦ϥ︦ • ⲛ̄ϭⲓ ⲡⲡⲉⲧ ⲟⲩⲁⲁⲃ • ⲛ
ⲉⲡⲓⲥⲕⲟⲡⲟⲥ • ⲁⲩⲱ ⲁⲩⲟⲩⲱϩ • ⲙⲛ̄ ⲛⲉⲩⲉⲣⲏⲩ • ⲙ ⲡ‐
ϣⲟⲙⲛ̄ⲧ • [ⲁϥϫⲱ]ⲙⲙⲟⲥ • ⲛ̄ϭⲓ ⲡⲉⲡⲓⲥⲕⲟⲡⲟⲥ | [ϫⲉ] ϯⲛⲁ‐
ⲟⲩⲱⲙ ⲛ︦ⲙ︦ⲙ︦ⲁⲩ ⲁⲛ • ⲉ ⲃⲟⲗ • ϫⲉ ⲙⲡ ⲟⲩϫⲓ ⲃⲁⲡϯⲥⲙⲁ •
ⲁϥⲧⲱⲟⲩⲛ̄ ⲇⲉ ⲁϥⲙⲟⲩϩ • ⲛ̄ ⲟⲩⲛ̄ⲕⲁ ⲙⲙⲟⲟⲩ • ⲕⲁⲧⲁ ⲑⲉ •
ⲉ ϣⲁϥⲁⲁⲥ • ⲁϥϣⲗⲏⲗ ⲉ ϫⲱⲟⲩ ⲕⲁⲧⲁ ⲛⲕⲁⲛⲱⲛ • ⲁⲩⲱ
ⲡⲉϫⲁϥ ⲛⲁⲩ ϫⲉ ⲛⲓⲙ • ⲛⲉ ⲛⲉⲧ︦ⲛ︦ⲣⲁⲛ • ⲡⲉϫⲁϥ ⲛϭⲓ
ⲡⲛⲟϭ • ϫⲉ ⲛⲉⲛⲣⲁⲛ • ϩⲟⲥⲉ ⲛϭ︦ⲛ︦ⲧⲟⲩ • ⲉ ⲃⲟⲗ ϫⲉ ⲛⲣⲁⲛ •
ⲛⲛⲟⲩⲧⲉ ⲛⲉ ⲛⲧⲁⲩⲙⲟⲩⲧⲉ [ⲉ] ⲣⲟⲛ ⲙⲙⲟⲟⲩ • ⲁⲩⲱ ⲁⲩ‐
ϫⲟⲟⲩ • ⲉ ⲡⲉⲡⲓⲥ[ⲕ]ⲟⲡⲟⲥ • ⲛⲧⲟϥ ⲇⲉ • ⲡⲉϫⲁϥ ϫⲉ ⲛⲛⲉ
ⲥ[ϣ]ⲱⲡⲉ • ⲉ ⲧⲣⲉⲩⲙⲟⲩⲧⲉ • ⲉ ⲣⲱⲧⲛ̄ • ⲛ ⲛⲉⲓ ⲣⲁⲛ • ϫⲓⲛ
ⲧⲉⲛⲟⲩ • ⲁⲩⲱ ⲁϥⲙⲟⲩⲧⲉ ⲉ ⲡⲛⲟϭ • ⲁϥⲃⲁⲡϯⲍⲉ • ⲙ‐
ⲙⲟϥ • ⲁϥⲙⲟⲩⲧⲉ ⲉ ⲣⲟϥ ϫⲉ ⲙⲁⲣⲕⲟⲥ • ⲁⲩⲱ ⲡⲙⲉϩ
ⲥⲛⲁⲩ ϫⲉ ⲓⲥⲁⲏⲁⲥ • ⲛ̄ ⲧⲉⲣ̄ ϥ̄ⲃⲁⲡϯⲍⲉ • ⲙⲙⲟⲟⲩ ⲁϥⲥⲩ‐
ⲛⲁⲅⲉ • ⲙⲙⲟⲟⲩ • ⲙⲛ̄ⲛⲥⲱⲥ ⲁϥⲕⲱ ϩⲁ ⲣⲱⲟⲩ • ⲛ ⲟⲩ‐
ⲧⲣⲁⲡⲉⲍⲁ • ⲉ ⲧⲣⲉⲩⲱⲙ • ⲁⲥϣⲱⲡⲉ • ⲇⲉ • ⲙⲛ̄ⲛⲥⲁ ϩⲉⲛ‐
ϩⲟⲟⲩ • ⲉⲩ ϩⲁϩⲧⲏϥ • ⲉⲩϯ ⲛ̄ϩⲧⲏⲩ ⲉ ⲧⲉϥϭⲓⲛϣⲗⲗ
ⲙⲛ̄ ⲧⲉϥϭⲓⲛϩⲙⲟⲟⲥ • ⲙⲛ̄ ⲧⲉϥⲕⲁⲧⲁⲥⲧⲁⲥⲓⲥ • ⲉ ⲃⲟⲗ •
ϫⲉ ⲛⲉⲩⲥⲟⲟⲩⲛ ⲁⲛ • ⲛϣⲗⲏⲗ • ⲛⲥⲁⲃⲏⲗ • ϫⲉ ⲁⲩⲱϩ •
ⲙⲛ̄ ⲡⲡⲉⲧ ⲟⲩⲁⲁⲃ • ⲡⲉϫⲉ ⲙⲁⲣⲕⲟⲥ ϫⲉ ⲡⲁ ⲉⲓⲱⲧ |
[ⲉⲧ] ⲟⲩⲁⲁⲃ • ⲧⲛ̄ⲟⲩⲱϣ • ⲉ ⲧⲣ︦ⲕ︦ϣⲱⲃ • [ⲡϥ]ⲱ ⲛ︦ⲧ︦ⲛ︦ⲁ︦ⲡⲉ •
ϫⲉ ⲕⲁⲥ ⲉⲛⲉϣⲙ̄ϣⲉ • ϩⲁ ⲣⲁⲧⲕ̄ • ⲁⲩⲱ ⲁϥϣⲱⲃ • ⲛ̄ⲧⲉⲩ‐
ⲁⲡⲉ • ⲁⲩⲱ ⲛⲉⲩⲥⲱⲧ︦ⲙ︦ • ⲛⲥⲱϥ • ϩⲛ̄ ϩⲱⲃ • ⲛⲓⲙ •
[ⲁⲥ]ϣⲱⲡⲉ ⲇⲉ • ⲙⲛ̄ⲛⲥⲁ ϩⲉⲛϩⲟⲟⲩ • ⲁϥⲣ̄ⲡⲙⲉⲉⲩⲉ • ⲙ
ⲡϩⲟⲣⲟⲙⲁ • ⲛ̄ⲧⲁϥⲛⲁⲩ ⲉ ⲣⲟϥ • ⲛ̄ϭⲓ ⲡⲉⲡⲓⲥⲕⲟⲡⲟⲥ
ⲉⲧ ⲟⲩⲁⲁⲃ • ⲉ ⲧⲃⲉ ⲡϣⲏⲣⲉ ⲥⲛⲁⲩ • ⲁⲩⲱ ⲡⲉϫⲁϥ
ϫⲉ ⲛⲁⲙⲉ • ⲡⲁⲓ ⲡⲉ ⲡϣⲏⲣⲉ • ⲥⲛⲁⲩ ⲛⲧⲁⲓⲛⲁⲩ •
ⲉ ⲣⲟⲟⲩ • ⲡⲟⲩⲁ ϩⲓ ⲟⲩⲛⲁⲙ • ⲁⲩⲱ ⲡⲟⲩⲁ • ϩⲓ ϩⲃⲟⲩⲣ
ⲙⲙⲟⲓ • ⲁϥⲁⲙⲁϩⲧⲉ • ⲙ ⲙⲁⲣⲕⲟⲥ ⲛ̄ ϣⲟⲣⲡ̄ • ⲁϥⲁⲁϥ
ⲙ ⲡⲣⲉⲥⲃⲩⲧⲉⲣⲟⲥ • ⲁⲩⲱ ⲏⲥⲁⲓⲁⲥ • ⲡⲉϥⲥⲟⲛ ⲁϥⲁⲁϥ •
ⲛⲇⲓⲁⲕⲟⲛⲟⲥ ⁘ ⲁⲥϣⲱⲡⲉ ⲇⲉ ⲛ ⲧⲉⲣⲉ ⲡⲉⲡⲓⲥⲕⲟⲡⲟⲥ
ϩⲙⲟⲟⲥ • ϩ︤ⲙ︥ ⲡⲉϥⲙⲁ • ⲛ̄ ϣⲱⲡⲉ • ⲉϥⲱϣ • ⲛ̄ⲛⲉⲩ‐


### 0020

ⲁⲅⲅⲉⲗⲓⲟⲛ • ⲉⲧ ⲟⲩⲁⲁⲃ • ⲙⲁⲣⲕⲟⲥ ϩⲱⲱϥ • ⲛⲉϥϩⲙⲟⲟⲥ •
ϩⲁϩⲧⲙ̄ ⲡⲣⲟ • ⲁⲩⲉⲓ ⲛ̄ϭⲓ ϩⲉⲛⲁⲛⲟⲩⲃⲁ ⲁⲩϭⲟⲓⲗⲉ • ⲉ
ⲡⲙⲁ • ⲉⲧ ⲙ̄ⲙⲁⲩ • ⲙⲛ̄ ⲛⲉⲩϭⲁⲙⲟⲩⲗ • ⲁ ⲡⲉⲧ ϫⲟⲟⲣ •
ⲛϩⲏⲧⲟⲩ • ⲣⲉϩⲧ̄ ⲡⲉⲧ ϭⲟⲟⲃ • ⲉ ⲡⲉⲥⲏⲧ • ⲁϥⲟⲩⲱϭⲡ̄ • ⲛ
ⲧⲉϥⲟⲩⲣⲏⲏⲧⲉ • ⲛ ⲧⲉⲣ ⲟⲩⲛⲁⲩ • ⲛϭⲓ ⲛⲁⲛⲟⲩⲃⲁ • ⲉ
ⲡⲉⲛⲧ ⲁϥϣⲱⲡⲉ • ⲁⲩⲙⲓϣⲉ • ⲙⲛ̄ • [ⲛ]ⲉⲩⲉⲣⲏⲩ • ⲡϫ︦ⲥ︦
ⲇⲉ • ⲙ ⲡⲉⲛⲧⲁ ⲧⲉϥⲟⲩⲣⲏⲏⲧⲉ • ⲟⲩ[ⲱϭⲡ̄] | [ⲁ]ϥϫⲱ ⲙ‐
ⲙⲟⲥ • ⲙ ⲡⲕⲉ ⲟⲩⲁ • ϫⲉ ⲉⲓⲛ[ⲁ]ϥⲓ ⲙ ⲛⲉⲕϭⲁⲙⲟⲩⲗ • ⲉ
ⲡⲙⲁ • ⲙ ⲡⲱⲓ • [ⲁⲩ]ⲱ • ⲛⲉⲣⲉ ⲟⲩⲛⲟϭ • ⲛ ϯⲧⲱⲛ • ϩ︦ⲛ︦
ⲧⲉⲩ [ⲙⲏ]ⲏⲧⲉ • ⲙ̄ ⲡⲉⲥⲛⲁⲩ • ⲙⲁⲣⲕⲟⲥ ⲇⲉ • ⲡⲉⲡⲣⲥ̄
ⲛ ⲧⲉⲣ ϥ̄ⲛⲁⲩ • ⲉ ⲣⲟⲟⲩ ⲉⲩⲙⲓϣⲉ • ⲙⲛ̄ ⲛⲉ[ⲩ]ⲉⲣⲏⲩ •
ⲁϥⲃⲱⲕ ⲉ ϩⲣⲁⲓ • ⲁϥⲧⲁⲙⲉ ⲡⲉⲡⲓⲥⲕⲟⲡⲟⲥ • ⲛⲉ ⲁϥⲕⲁⲁⲥ •
ϩⲙ̄ ⲡⲉϥϩⲏⲧ • ⲉ ⲧⲙ̄ ⲃⲱⲕ • ⲉ ⲡⲉⲥⲏⲧ • ϣⲁ ⲣⲟⲟⲩ • ⲛ
ⲧⲉⲣ ϥ̄ⲉⲓ ⲉ ⲑⲏ • ⲉϫⲛ̄ ⲧⲗⲉⲝⲓⲥ ⲉⲧ ⲥⲏϩ • ϫⲉ ⲛⲁⲓⲁⲧⲟⲩ • ⲛ̄
ⲛ̄ⲣϥ︦ⲣ︦ⲉⲓⲣⲏⲛⲏ • ϫⲉ ⲛⲧⲟⲟⲩ ⲛⲉⲧ ⲟⲩⲛⲁⲙⲟⲩⲧⲉ • ⲉ ⲣⲟⲟⲩ ϫⲉ
ⲛϣⲏⲣⲉ ⲙ ⲡⲛⲟⲩⲧⲉ • ⲛⲧⲉⲩⲛⲟⲩ • ⲁϥⲙⲟⲩⲣ ⲙ ⲡϫⲱⲱⲙⲉ
ⲁϥⲉⲓ ⲉ ⲡⲉⲥⲏⲧ • ϣⲁ ⲣⲟⲟⲩ • ⲛ ⲧⲉⲣ ⲟⲩ ⲛⲁⲩ ⲇⲉ ⲉ ⲣⲟϥ •
ⲁ ⲡⲉⲧ ϫⲏⲩ • ⲛ[ϭ]ⲟⲛⲥ̄ • ⲡⲱⲧ • ⲉ ϩⲟⲩⲛ • ⲉ ⲣⲟϥ • ⲁⲩⲱ
ⲡⲉϫⲁϥ ϫⲉ ⲁⲙⲟⲩ • ⲛ︦ⲅ︦ ϩⲙⲟⲟⲥ • ⲡⲁ ⲉⲓⲱⲧ • ⲛ︦ⲅ︦ ⲥⲉⲧⲙ̄
ⲡⲉⲛϩⲁⲡ • ⲁⲩⲱ ⲁϥϩⲙⲟⲟⲥ • ⲛϭⲓ ⲡⲉⲡⲓⲥⲕⲟⲡⲟⲥ • ⲡⲉϫⲁϥ
ⲛⲁϥ ⲛϭⲓ ⲡⲁⲛⲟⲩⲃⲁ • ϫⲉ ⲁⲓⲙⲟⲩⲣ • ⲙ ⲡⲁ ϭⲁⲙⲟⲩⲗ •
ⲡⲁ ϣⲃⲏⲣ • ⲇⲉ ⲛⲧⲟϥ • ⲙ̄ⲡⲉ ϥⲙⲟⲩⲣ • ⲙ ⲡⲱϥ • ⲁϥⲉⲓ •
ⲛϭⲓ ⲡⲉϥ ϭⲁⲙⲟⲩⲗ • ⲁϥⲣⲉϩⲧ̄ ⲡⲱⲓ ⲉ ⲡⲕⲁϩ • ⲁϥⲟⲩⲱϭⲡ̄ •
ⲛ̄ ⲧⲉϥⲟⲩⲣⲏⲏⲧⲉ • ⲛ ⲧⲉⲣⲉ ⲡⲁⲓ ⲇⲉ ⲟⲩⲱ ⲉϥϣⲁϫⲉ • ⲁ ⲡⲕⲉ
ⲟⲩ[ⲁ]▨▨ⲉϥϫⲱ ⲙⲙⲟⲥ • ϫⲉ▨▨▨▨| [ⲙ]ⲉⲛ • ⲁⲓⲙⲟⲣ︦ϥ︦ •
ⲉ ϩⲟⲩⲛ • ⲁⲗⲗⲁ • ⲛⲧⲁϥⲣ̄ [ⲡ]ⲃⲟⲗ • ⲙⲡⲉ ⲓⲉⲓⲙⲉ • ⲡⲉⲡⲓ‐
ⲥⲕⲟⲡⲟⲥ • ⲇⲉ ⲛ̄ϥϩⲙⲟⲟⲥ • ⲉϥⲕⲱ ⲛ ⲣⲱϥ • ϣⲁⲛⲧ ⲟⲩϫⲱ
ⲛ ⲛⲉⲩϣⲁϫⲉ • ⲧⲏⲣⲟⲩ • ⲡⲉϫⲉ ⲡⲡⲉⲧ ⲟⲩⲁⲁⲃ ⲛ ⲉⲡⲓ‐
ⲥⲕⲟⲡⲟⲥ ⲛⲁⲩ • ϫⲉ ⲙⲛ̄ ⲗⲁⲁⲩ • ⲛϩⲱⲃ ⲛ ϯⲧⲱⲛ • ϩⲛ̄
ⲧⲉⲧⲛ̄ⲙⲏⲏⲧⲉ ϩⲁ ⲑⲏ ⲙ̄ⲡⲟⲟⲩ ⲉⲓ ⲙⲏ ⲧⲉ • ⲡϩⲱⲃ • ⲙ
ⲡϭⲁⲙⲟⲩⲗ ⲙⲙⲁⲁⲧⲉ • ⲡⲉϫⲉ ⲡⲟⲩⲁ • ⲛϩⲏⲧⲟⲩ ϫⲉ
ϯⲛⲁϫⲉ ⲧⲙⲉ • ⲉ ⲣⲟⲕ • ⲡⲁ ⲉⲓⲱⲧ • ⲉⲧ ⲟⲩⲁⲁⲃ ⲉⲓⲥ
ⲙⲁⲁⲃⲉ ⲛⲣⲟⲙⲡⲉ ⲧⲛ̄ⲙⲟⲟϣⲉ • ⲙⲛ̄ ⲛⲉⲛⲉⲣⲏⲩ ⲁⲩⲱ
ⲙⲡⲉ ⲟⲩⲁ ⲙⲙⲟⲛ • ⲙⲓϣⲉ ⲙⲛ̄ ⲛⲉⲛⲉⲣⲏⲩ • ⲛ ⲟⲩϩⲟⲟⲩ •


### 0021

ⲡⲉϫⲉ ⲡⲡⲉⲧ ⲟⲩⲁⲁⲃ • ⲛ ⲉⲡⲓⲥⲕⲟⲡⲟⲥ ϫⲉ ⲁⲛⲓⲛⲉ • ϣⲁ
ⲣⲟⲓ • ⲙ ⲡϭⲁⲙⲟⲩⲗ • ⲛⲧⲁ ⲧⲉϥⲟⲩ[ⲣ]ⲏⲏⲧⲉ • ⲟⲩⲱϭ︦ⲡ︦ •
ⲁⲩⲱ ⲁⲩⲉⲛⲧϥ̄ ϣⲁ ⲣⲟϥ • ⲛⲉ ⲁ ⲡⲕⲉⲉⲥ • ⲅⲁⲣ • ⲛ̄ⲧⲉϥⲟⲩ‐
ⲣⲏⲏⲧⲉ • ⲟⲩⲱϭ︦ⲡ︦ • ⲡϣⲁⲁⲣ • ⲙⲙⲁⲁⲧⲉ [ⲡ]ⲉⲧ ⲁⲙⲁϩⲧⲉ •
ⲁⲩⲱ ⲛϥ̄ⲙⲟⲟϣⲉ • ϩⲛ̄ ⲟⲩ[ϭⲓ] ⲛϭⲟⲛⲥ̄ • ⲉϥϫⲟⲩϩⲉ • ⲛⲧⲉϥ‐
ⲟⲩⲣⲏⲏ[ⲧⲉ] • ⲛ ⲧⲉⲣ ϥ̄ⲛⲁⲩ ⲇⲉ • ⲉ ⲡⲧⲃ̄ⲛⲏ • ⲛϭⲓ ⲡ[ⲡⲉ]ⲧ
ⲟⲩⲁⲁⲃ • ⲛ ⲉⲡⲓⲥⲕⲟⲡⲟⲥ • ⲙⲡⲉ ϥⲟⲩ▨▨ⲉⲣ ⲡϩⲱⲃ • ϩⲁ
ⲡⲉϥϩⲧⲟⲣ • ⲟⲩⲁⲁϥ:-▨▨ϫⲉ ⲛⲉϥⲡⲏⲧ • ⲉ ⲃⲟⲗ • ⲙ‐
ⲡⲉⲟⲥⲩ▨▨▨ⲉⲓⲧ • ⲡⲉϫⲁϥ • ⲙ ⲡⲕⲟⲩⲓ ⁘ | Ⲉⲧⲉ ⲏⲥⲁⲓⲁⲥ ⲡⲉ •
ⲡⲇⲓⲁⲕⲱⲛ • ϫⲉ ⲃⲱⲕ ⲁⲛⲓⲛⲉ ⲛⲁⲓ • ⲛ ⲟⲩⲕⲟⲩⲓ • ⲙⲙⲟⲟⲩ •
ϩⲛ̄ ⲧⲗⲁⲕⲁⲛⲏ • ⲁϥⲃⲱⲕ • ⲁϥⲉⲛⲧ︤ϥ︥ ϣⲁ ⲣⲟϥ • ⲡⲉϫⲁϥ
ⲛⲁϥ ϫⲉ ⁶⁰ϣϭϣ̄ • ⲉϫⲛ̄ ⲧⲉϥⲟⲩⲣⲏⲏⲧⲉ • ⲉⲕϫⲱ ⲙⲙⲟⲥ •
ϫⲉ ϩⲙ̄ ⲡⲣⲁⲛ • ⲙ̄ ⲡⲉⲓⲱⲧ • ⲙⲛ̄ ⲡⲉⲡ︤ⲛ︦ⲁ︥ • ⲉⲧ ⲟⲩⲁⲁⲃ •
ⲁⲩⲱ ⲁⲥⲫⲣⲁⲅⲓⲍⲉ (sic) • ⲙⲙⲟⲥ • ⲕⲁⲧⲁ ⲑⲉ ⲛⲧⲁϥϫⲟⲟⲥ •
ⲛⲁϥ • ⲁⲥⲧⲱⲱϭⲉ ⲛ̄ϭⲓ ⲧⲉϥⲟⲩⲣⲏⲏⲧⲉ • ϩⲱⲥ ⲉϣϫⲉ ⲙⲡⲉ
ⲥⲟⲩⲱϭ︦ⲡ︦ ⲉ ⲡⲧⲏⲣ︦ϥ︦ • ⲛ ⲧⲉⲣ ⲟⲩⲛⲁⲩ ⲇⲉ • ⲉ ⲡⲉⲛⲧ ⲁϥ‐
ϣⲱⲡⲉ ⲛϭⲓ ⲛⲁⲛⲟⲩⲃⲁ • ⲁⲩⲣ ϣⲡⲏⲣⲉ • ⲉ ⲃⲟⲗ ϫⲉ ⲛⲥⲉ‐
ⲥⲟⲟⲩⲛ ⲁⲛ • ⲙ ⲡⲛⲟⲩⲧⲉ • ⲁ ϩⲉⲛⲣⲱⲙⲉ • ⲉⲓ • ⲉⲩⲡⲁⲣⲁⲅⲉ •
ⲉ ϩⲉⲛⲣⲙ̄ ⲡⲉⲗⲁⲕ ⲛⲉ • ⲛ ⲧⲉⲣ ⲟⲩⲛⲁⲩ • ⲉ ⲡⲉⲛⲧ ⲁϥ‐
ϣⲱⲡⲉ • ⲁⲩϯ ⲉⲟⲟⲩ ⲙ ⲡⲛⲟⲩⲧⲉ • ⲁⲩⲱ ⲁⲩⲃⲱⲕ • ⲉ ϩⲟⲩⲛ •
ⲉ ⲧⲡⲟⲗⲓⲥ • ⲁⲩϯ ⲡⲥⲟⲉⲓⲧ • ⲙ ⲡⲡⲉⲧ ⲟⲩⲁⲁⲃ • ⲛ ⲉⲡⲓ‐
ⲥⲕⲟⲡⲟⲥ • ⲉ ⲧⲃⲉ ⲛⲉⲛⲧ ⲁⲩⲛⲁⲩ • ⲉ ⲣⲟⲟⲩ • ⲁⲩⲱ ⲁⲩⲧⲁⲙⲉ
ⲡⲁⲣⲭⲓⲉⲣⲉⲩⲥ • ⲙ ⲡⲣ̄ⲡⲉ ⲉⲧⲉ ⲡⲟ[ⲩ]ⲏⲏⲃ ⲡⲉ ⲉ ⲧⲃⲉ ⲡⲉϥ‐
ϣⲏⲣⲉ • ⲥⲛⲁⲩ • ⲁ[ⲩ]ⲱ • ϫⲉ ⲡⲕⲟⲩⲓ • ⲉⲧ ⲛ̄ϩⲏⲧⲟⲩ ⲡⲉⲛ[ⲧ]
ⲧⲉϣⲡⲏⲣⲉ • ϣⲱⲡⲉ ⲉ ⲃⲟⲗ • ϩⲓ ⲧⲟⲟⲧ[ϥ̄] • Ⲛ ⲧⲉⲣ
ϥ̄ⲥⲱⲧⲙ̄ • ⲇⲉ ⲛϭⲓ ⲡⲟⲩⲏ[ⲏⲃ] ⲁϥⲥⲡⲟⲩⲇⲁⲍⲉ • ⲉ ⲉⲓ ⲉ
ⲃⲟⲗ • ϩ︦ⲛ︦ [ⲡⲉⲣⲡⲉ] | ⲁϥⲃⲱⲕ • ⲉ ⲡⲙⲁ • ⲉⲧ ⲉⲣⲉ ⲡⲉⲡⲓ‐
ⲥⲕⲟⲡⲟⲥ [ⲛ]ϩⲏⲧϥ̄ • ⲙⲛ̄ ⲛⲉϥϣⲏⲣⲉ • ⲛ ⲧⲉⲣ ϥ̄ϩⲱⲛ ⲇⲉ ⲉ
ϩⲟⲩⲛ • ⲉ ⲡⲙⲁ • ⲛ ϣⲱⲡⲉ ⲁⲩⲧⲁⲙⲉ ⲡⲉⲡⲓⲥⲕⲟⲡⲟⲥ • ϩⲓⲧⲛ̄
ⲡⲉⲡ︦ⲛ︦ⲁ︦ • ⲁϥⲧⲱⲟⲩⲛ ⲛⲧⲉⲩⲛⲟⲩ • ⲁϥⲉⲓ ⲉ ⲃⲟⲗ • ϩⲏⲧ︦ϥ︦ •
ⲁⲩⲱ • ⲡⲉϫⲁϥ • ⲛⲁϥ ϫⲉ ⲁⲣⲓⲥⲧⲟⲥ • ⲛⲧⲁⲕϯ ϩⲏⲩ • ⲛ ⲟⲩ •
ϫⲉ ⲁⲕⲡⲗⲁⲛⲁ • ⲙ ⲡⲉⲓ ⲙⲏⲏϣⲉ • ⲉ ⲧⲣⲉⲩϯ ⲟⲥⲉ ⲛ̄ ⲧⲉⲩ‐
ⲯⲩⲭⲏ • ⲁⲩⲱ ⲛⲧⲉⲩⲛⲟⲩ • ⲁϥⲡⲁϩⲧ︦ϥ︦ • ϩⲁ ⲛⲉϥⲟⲩⲣⲏⲏⲧⲉ •
ⲁϥϭⲱ ⲉϥϯⲡⲉⲓ • ⲉ ϫⲱⲟⲩ • ⲉϥϫⲱ ⲙⲙⲟⲥ • ϫⲉ ⲕⲱ ⲛⲁⲓ •


### 0022

ⲉ ⲃⲟⲗ • ⲡⲁ ϫⲟⲉⲓⲥ • ⲛ ⲉⲓⲱⲧ • ⲛⲧⲟϥ ⲇⲉ ⲁϥⲁⲙⲁϩⲧⲉ •
ⲛ̄ⲛⲉϥϭⲓ[ϫ] ⲁϥⲧⲟⲩⲛⲟⲥ︦ϥ︦ • ⲁϥϫⲓⲧ︦ϥ︦ • ⲉ ϩⲟⲩⲛ • ⲉ ⲡⲉϥⲙⲁ •
ⲛ ϣⲱⲡⲉ • ⲁⲥϣⲱⲡⲉ ⲇⲉ ⲛ ⲧⲉⲣⲉ ⲡⲟⲩⲏⲏⲃ • ⲛⲁⲩ • ⲉ
ⲡⲉϥⲛⲟϭ • ⲛ ϣⲏⲣⲉ • ⲙⲁⲣⲕⲟⲥ • ⲁϥϯ ⲡⲉϥⲟⲩⲟⲓ ⲉ ϩⲟⲩⲛ
ⲉ ⲣⲟϥ • ϫⲉ ⲉϥⲛⲁⲁⲥⲡⲁⲍⲉ • ⲙⲙⲟϥ • ⲛⲧⲟϥ ⲇⲉ ⲙⲡⲉ
ϥ[ⲁ]ⲛⲉⲭⲉⲓ • ⲉϥϫⲱ ⲙⲙⲟⲥ • ϫⲉ ⲙⲡⲁⲧⲉ ⲕⲣ̄ [ⲙ]ⲡϣⲁ •
ⲙ ⲡⲃⲁⲡϯⲥⲙⲁ • ⲉⲧ ⲟⲩⲁⲁⲃ • ⲛ [ⲧⲉ]ⲣ ϥ̄ⲛⲁⲩ ⲇⲉ ⲛϭⲓ
ⲡⲉϥⲉⲓⲱⲧ • ⲉϥⲣϣⲡⲏ[ⲣⲉ] • ⲡⲉϫⲁϥ ⲛⲁϥ • ϫⲉ ⲙⲏ • ⲛⲧⲟⲕ
ⲁⲛ ⲡⲉ [ⲡⲁ ϣ]ⲏⲣⲉ • ⲛⲧⲟϥ ⲇⲉ ⲡⲉϫⲁϥ ⲛⲁϥ • ϫⲉ ⲛ
▨▨▨ϯⲟ ⲛⲁⲕ • ⲛ ϣⲏⲣⲉ • ⲙⲡⲟⲟⲩ ϩⲱⲱϥ ⲁⲓⲙⲁⲧⲉ • ⲛ
ⲟⲩⲉⲓⲱⲧ • ⲉⲛⲁⲛⲟⲩϥ • | [ⲡ]ⲉϫⲁϥ ⲛ̄ϭⲓ ⲡⲉϥⲉⲓⲱⲧ ϫⲉ ⲙⲁ‐
ⲧⲁⲙⲟⲓ ϩ[ⲛ̄ⲥⲙ]ⲟⲧ ⲟⲛ • ⲉ ⲑⲉ • ⲉⲧ ϣ̄ϣⲉ • ⲉ ⲱⲛ︦ϩ︦ • ⲛϩⲏⲧⲥ̄ •
ⲡⲉϫⲉ ⲙⲁⲣⲕⲟⲥ ⲡⲉϥϣⲏⲣⲉ • ⲛⲁϥ • ϫⲉ ⲉⲓⲥ ⲡⲉⲛⲉⲓⲱⲧ •
ⲡⲉⲡⲓⲥⲕⲟⲡⲟⲥ • ⲛⲧⲟϥ • ⲡⲉⲧ ⲛⲁⲧⲁⲙⲟⲕ • ⲉ ⲑⲉ • ⲛⲱⲛ︦ϩ︦ •
ⲁϥⲁⲣⲭⲉⲓ ⲇⲉ▨ϣⲁϫⲉ ⲛⲙ̄ⲙⲁϥ • ⲛ̄ϭⲓ ⲡⲉⲡⲓⲥⲕⲟⲡⲟⲥ • ⲉ
[ⲃ]ⲟⲗ • ϩⲛ̄ ⲧⲉⲅⲣⲁⲫⲏ • ⲉⲧ ⲟⲩⲁⲁⲃ • ⲉ ⲁϥϯ ⲉ [ⲧ]ⲟⲟⲧϥ̄ •
ⲙ ⲡⲧⲱϣ • ⲙ ⲡⲃⲁⲡⲧⲓⲥⲙⲁ [ⲙ]ⲛ̄ ⲧⲡⲓⲥⲧⲓⲥ • ⲉⲧ ⲥⲟⲩⲧⲱⲛ •
ⲛⲁⲓ ⲇⲉ [ⲛ]ⲧⲉⲣ ϥ̄ⲥⲟⲧⲙⲟⲩ • ⲛϭⲓ ⲡⲟⲩⲏⲏⲃ • ⲡⲉ[ϫ]ⲁϥ • ⲙ
ⲡⲉⲡⲓⲥⲕⲟⲡⲟⲥ • ϫⲉ ⲛⲁⲓⲁⲁⲧ • ϩⲱ [ⲡ]ⲁ ⲉⲓⲱⲧ • ⲉⲧ ⲟⲩⲁⲁⲃ ϫⲉ
ⲁⲓⲣ ⲡⲙⲡϣⲁ [ⲉ] ⲥⲱⲧⲙ̄ • ⲉ ⲛⲉⲓ ϣⲁϫⲉ ⲉⲧ ϩⲟⲗϭ • ⲉ ⲃⲟⲗ
[ϩ]ⲛ̄ ⲧⲉⲕⲧⲁⲡⲣⲟ • ⲉⲧ ⲟⲩⲁⲁⲃ • ϯⲡⲁⲣⲁⲕⲁ[ⲗ]ⲉⲓ • ⲟⲩⲛ • ⲙ‐
ⲙⲟⲕ ⲡⲁ ⲉⲓⲱⲧ • ⲉⲧ ⲟⲩⲁⲁⲃ [ⲉ] ⲧⲣ︦ⲕ︦ϯ ⲛⲁⲓ • ⲙ ⲡⲃⲁⲡⲧⲓⲥⲙⲁ •
ⲉⲧ ⲟⲩⲁⲁⲃ ⲛⲑⲉ ⲛⲧⲁⲕⲧⲁⲁϥ • ⲛ ⲛⲁϣⲏⲣⲉ • ⲛ ⲧⲉⲣ ϥ̄ⲉⲓⲙⲉ •
ⲇⲉ • ⲛϭⲓ ⲡⲉⲡⲓⲥⲕⲟⲡⲟⲥ ϫⲉ ⲁ ⲑⲟⲧⲉ ⲙ ⲡⲛⲟⲩⲧⲉ • ⲕⲓⲙ •
ⲉ ⲣⲟϥ • ⲁⲩⲱ • ⲁϥⲧⲁϫⲣⲟ • ϩ︦ⲙ︦ ⲡⲉϥϩⲏⲧ • ⲉ ϩⲟⲩⲛ • ⲉ
ⲡⲛⲟⲩⲧ[ⲉ] • ⲡⲉϫⲁϥ ϫⲉ ϯⲛⲁⲃⲁⲡϯⲍⲉ • ⲙⲙⲟⲕ • ⲁ[ⲛ] ϩⲙ̄
ⲡⲉⲓ ⲙⲁ • ⲁⲗⲗⲁ • ⲧⲱⲟⲩⲛ • ⲛ︦ⲅ︦ ⲃⲱ[ⲕ] ⲉ ϩⲟⲩⲛ • ⲉ ⲧⲡⲟⲗⲓⲥ
ⲛⲅ̄ ϥⲓⲡⲣⲟⲟⲩϣ • [ⲙ ⲡⲕ̄]ⲏⲓ • ⲛⲅ̄ ⲕⲟⲧϥ̄ • ⲛ̄ ⲟⲩⲉⲕⲕⲗⲏ[ⲥⲓⲁ]• |
[ⲛ] ⲧⲉⲣⲉ ⲟⲩⲛⲟϭ • ⲇⲉ ⲛ ⲛⲁⲩ • ϣⲱ[ⲡⲉ ⲕⲁ]ⲑⲏⲅⲉⲓ ⲙⲙⲟⲟⲩ •
ⲡⲉϫⲁⲩ • ⲙ̄ⲡⲟ▨▨▨ⲁⲣⲓ ⲡⲧⲱϣ • ⲛ ⲟⲩⲙⲟⲟⲩ • ⲛⲧⲟϥ
ⲇ[ⲉ ⲁϥ]ⲧⲱⲧϥ̄ • ⲡⲉϫⲁϥ ⲟⲛ ϫⲉ ⲁⲛⲓⲛⲉ • [ⲛⲁⲓ] ⲛⲛⲉϩ •
ⲛⲧⲟϥ • ⲇⲉ ⲁϥⲉⲛⲧϥ̄ • ⲁϥϯ▨▨▨ⲛϭⲓ ⲡⲉⲡⲓⲥⲕⲟⲡⲟⲥ ⲁϥ‐
ϣⲗⲏⲗ ⲉϫⲛ̄▨▨ⲙⲛ̄ ⲡⲛⲉϩ • ⲕⲁⲧⲁ ⲛⲕⲁⲛⲱⲛ ⲛ ⲛⲉ[ⲓⲟⲟⲧⲉ]
ⲉⲧ ⲟⲩⲁⲁⲃ • ⲛⲁⲡⲟⲥⲧⲟⲗⲟⲥ • ⲁⲩⲱ ⲡⲉϫⲁϥ ⲙ ⲙⲁⲣⲕⲟⲥ •


### 0023

ⲡⲉⲡⲣⲉⲥⲃⲩⲧⲉⲣⲟⲥ • ϫ[ⲉ] ⲕⲩⲣⲓⲥⲥⲉ • ϩⲛ̄ ⲧⲉⲕⲕⲗⲏⲥⲓⲁ ϫⲉ
ⲡⲉⲧⲟⲩ[ⲱ]ϣ ⲡϫⲥ̄ • ⲙⲁⲣϥ̄ⲉⲓ • ϣⲁ ⲣⲟⲓ • ⲁⲩⲱ ⲛⲉⲩϯ •
ⲡⲉⲩ ⲟⲩⲟⲓ • ⲉ ⲣⲟϥ • ϩⲓ ⲟⲩⲥⲟⲡ • ϩⲛ̄ ⲟⲩⲟⲩ[ⲣ]ⲟⲧ • ⲉ ϩⲟⲩⲛ
ⲉ ⲣⲟϥ • ⲉϥⲃⲁⲡϯⲍⲉ • ⲙⲙⲟⲟⲩ • [ⲁ]ϥⲣ̄ ϣⲟⲣⲡ̄ • ⲇⲉ ⲉ
ⲡⲟⲩⲏⲏⲃ • ⲁϥⲃⲁⲡϯⲍⲉ [ⲙ]ⲙⲟϥ • ⲁϥⲙⲟⲩⲧⲉ • ⲉ ⲡⲉϥⲣⲁⲛ •
ϫⲉ ⲓⲁⲕⲱⲃ • ⲙⲛ̄ⲛⲥⲱⲥ • ⲛⲁ ⲧⲡⲟⲗⲓⲥ • ⲧⲏⲣ︤ⲥ︥ ⲛϩⲟⲟⲩⲧ • ⲙⲛ̄
ⲛⲉϩⲓⲟⲟⲙⲉ • ⲙⲛ̄ ⲛϣⲏⲣⲉ [ⲕ]ⲟⲩⲓ • ⲙⲡⲉ ⲗⲁⲁⲩ • ϣⲱϫ︦ⲡ︦ • ⲉ
ⲡⲁϩⲟⲩ • ⲛϩⲏⲧⲟⲩ • ⲙⲡⲉ ϥϫⲓ ⲃⲁⲡⲧⲓⲥⲙⲁ • ⲙ ⲡⲉϩⲟⲟⲩ • ⲉⲧ
ⲙ̄ⲙⲁⲩ • ⲛⲧⲉⲣ ϥ̄ⲃⲱⲕ • ⲇⲉ • ⲉ[ⲧ]ⲉⲕⲕⲗⲏⲥⲓⲁ • ⲛ ⲧⲉⲣ ϥ̄ⲟⲩⲱ
ⲇⲉ • ⲉ [ⲃⲁⲡ]ϯⲍⲉ • ⲙⲙⲟⲟⲩ • ⲛϭⲓ ⲡⲉⲡⲓⲥⲕⲟⲡⲟⲥ ⲁϥ[ϫⲟⲟ]ⲥ •
ⲁϥⲙⲟⲩⲧⲉ ⲉ ⲡ[ⲣ]ⲱⲙⲉ • ⲉⲧ ⲉϥⲟ • ▨ⲟ[ⲩⲱϣ ⲉ] ⲭⲉⲓⲣⲟⲇⲟ‐
ⲛⲉⲓ• [ⲙ]ⲙⲟϥ ⲙ̄ ⲡⲣⲉⲥⲃ[ⲩⲧⲉⲣⲟⲥ]▨▨▨ⲱⲥ • ⲟⲛ • ⲡ▨▨▨
▨▨▨ | ▨▨▨▨ⲡⲉⲛϫ︦ⲥ︦• ⲓ︦ⲥ︦• ⲁϥⲧⲱⲟⲩⲛ • [ⲇⲉ]▨▨ⲏ
ⲁϥⲃⲱⲕ • ⲕⲁⲧⲁ ⲑⲉ • ⲛⲧⲁϥ[ϩⲱⲛ ⲉ] ⲧⲟⲟⲧϥ̄ • ⲁϥϥⲓ
ⲡⲣⲟⲟⲩϣ • ⲙ ⲡⲉϥ[ⲏⲓ]▨▨▨ⲉ ⲉ ⲃⲟⲗ • ⲛ̄ⲛⲕⲁ • ⲛⲓⲙ • ⲉⲧ
ϣⲟ[ⲟⲡ ⲛⲁϥ] • ⲁϥⲙⲉϩ ⲙⲟⲟⲩ • ⲁϥⲉⲓⲁⲁϥ • ⲉ ⲃⲟⲗ▨▨▨
[ⲁ]ϥⲥⲧⲉⲫⲁⲛⲟⲩ ⲙⲙⲟϥ • ϩⲛ̄ ϩⲉⲛϩⲃ̄ⲥⲟ ⲛⲥⲓⲛⲇⲱⲛⲓⲟⲛ •
ⲁϥϫⲟⲟⲩ ▨▨▨ⲛϭⲓ ⲡⲟⲩⲏⲏⲃ ϣⲁ ⲡⲉⲡⲓⲥⲕⲟⲡⲟⲥ • ⲉϥ[ϫ]ⲱ
ⲙⲙⲟⲥ • ϫⲉ ⲁⲓⲡⲣⲟⲟⲩϣ • ⲛ̄ϩⲱⲃ ⲛⲓⲙ • ⲕⲁⲧⲁ ⲑⲉ •
ⲛ̄ⲧⲁⲕⲕⲉⲗⲉⲩⲉ • ⲛⲁⲓ • ⲧⲱⲟⲩⲛ • ⲛⲅ̄ ⲉⲓ ⲉ ϩⲟⲩⲛ • ⲉ
ⲧⲡⲟⲗⲓⲥ • ⲁⲩⲱ ⲁϥⲧⲱⲟⲩⲛ • ⲛϭⲓ ⲡⲉⲡⲓⲥⲕⲟⲡⲟⲥ • ⲛⲧⲟϥ
ⲙⲛ̄ ⲛⲉϥⲙⲁⲑⲏⲧⲏⲥ • ⲁⲩⲃⲱⲕ • ⲛ̄ ⲧⲉⲣ ⲟⲩⲥⲱⲧⲙ̄ • ⲛϭⲓ
ⲛⲁ ⲧⲡⲟⲗⲓⲥ • ⲁⲩⲣⲁϣⲉ ϩⲓ ⲟⲩⲥⲟⲡ • ϫⲓⲛ ⲡⲉⲩⲕⲟⲩⲓ • ϣⲁ
ⲡⲉⲩⲛⲟϭ • ⲁⲩⲉⲓ ⲉ ⲃⲟⲗ • ϩⲏⲧϥ̄ • ⲁⲩϫⲓⲧϥ̄ [ⲉ] ϩⲟⲩⲛ • ⲉ
ⲡⲏⲓ • ⲙ ⲡⲟⲩⲏⲏⲃ • ⲁⲩⲕⲱ ϩⲁ ⲣⲁⲧϥ̄ ⲛⲟⲩⲑⲣⲟⲛⲟⲥ • ⲁⲩⲱ ⲛ̄
ⲧⲉⲣ ϥ̄ϩⲙⲟⲟⲥ [ⲁ ⲡ]ⲙⲏⲏϣⲉ • ⲥⲟⲟⲩϩ • ⲉ ⲣⲟϥ • ⲁϥⲕⲁⲑⲏ‐
[ⲅⲉⲓ ⲙ]ⲙⲟϥ • ϩⲛ̄ ⲛ̄ⲗⲟⲅⲟⲥ ⲙ ⲡⲛⲟⲩⲧⲉ ▨▨▨[ⲙ]ⲙⲟⲟⲩ •
ⲉ ⲡⲧⲱϣ • ⲙ ⲡⲃⲁⲡⲧⲓⲥ[ⲙⲁ ⲉⲧ] ⲟⲩⲁⲁⲃ • ⲁⲩ[ⲱ ⲉ] ⲧⲣⲉⲩ‐
ⲙⲉⲣⲉ ⲛⲛⲉⲩⲉⲣⲏⲩ • ϩⲛ̄ ⲟⲩⲁ[ⲅⲁⲡⲏ] • ⲉⲙⲛ̄ ϩⲩⲡ[ⲟⲕⲣⲓⲥⲓⲥ]
ⲛ̄ϩⲏⲧⲥ̄▨▨|▨▨ⲣⲟϥ • ⲁϥⲧⲁⲙⲟϥ • ⲉ ⲧⲣ︦ϥ︦ϩⲟⲡ︦ϥ︦ • ϫⲉ ⲥⲉ‐
ⲇⲓⲱⲕⲉⲓ • ⲛⲥⲱϥ • ϩⲓⲧⲙ̄ ⲡⲟⲩⲏⲏⲃ • ⲁϥⲭⲉⲓⲣⲟⲇⲟⲛⲉⲓ •
ⲙⲙⲟϥ • ⲛ ⲇⲓⲁⲕⲟⲛ • ⲉⲓⲧⲁ ⲡⲉϫⲁϥ ⲛⲁⲩ ϫⲉ ⲉⲣⲉ ⲛⲉⲥ‐
ⲕⲉⲩⲏ ⲉⲧⲉ ϣⲁⲩⲥⲩⲛⲁⲅⲉ • ⲙⲙⲱⲧⲛ̄ • ϩⲓⲱⲟⲩ ⲧⲱⲛ • ⲡⲉ‐
ϫⲁⲩ ⲛⲁϥ ϫⲉ ⲥⲉϩⲛ̄ ⲟⲩⲙⲁ ⲉϥϩⲏⲡ • ⲛⲧⲟϥ ⲇⲉ ⲁϥ‐


### 0024

ⲕⲉⲗⲉⲩⲉ • ⲉ ⲧⲣⲉⲩⲛⲧⲟⲩ • ϩⲛ̄ ⲟⲩϭⲉⲡⲏ • ⲁⲩⲃⲱⲕ ⲇⲉ
ⲛⲧⲉⲩⲛⲟⲩ • ⲁⲩⲧⲱⲟⲩⲛ • ⲁⲩⲉⲛⲧⲟⲩ • ⲛⲧⲉⲩⲛⲟⲩ • ⲉⲩⲧⲱⲛ •
ⲙⲙⲟⲟⲩ ϩⲓ ⲧⲉⲩⲛⲁϩ︦ⲃ︦ • ⲁⲩⲱ ⲁ ⲡⲉⲡⲓⲥⲕⲟⲡⲟⲥ • ⲕⲉⲗⲉⲩⲉ •
ⲉ ⲧⲣⲉⲩⲕⲁⲁⲩ ⲉ ϩⲣⲁⲓ • ϩⲛ̄ ⲧⲙⲏⲏⲧⲉ • ⲙ ⲡⲙⲁ • ⲡⲉϫⲁϥ •
ⲙ ⲙⲁⲣⲕⲟⲥ ⲡⲉ ⲡⲣⲉⲥⲃⲩⲧⲉⲣⲟⲥ ϫⲉ ⲕⲱⲗ︦ϩ︦ • ⲛ̄ ⲛⲕⲉⲗⲉⲉⲗⲉ •
ⲧⲁⲣⲉ ⲡⲙⲏⲏϣⲉ • ⲥⲱⲟⲩϩ • ⲉ ⲧⲉⲕⲕⲗⲏⲥⲓⲁ • ⲛⲧⲟϥ ⲇⲉ •
ⲁϥⲉⲓⲣⲉ • ⲕⲁⲧⲁ ⲑⲉ • ⲛⲧⲁϥϫⲟⲟⲥ • ⲛⲁϥ ⲁⲩⲱ ⲁ
ⲡⲙⲏⲏϣⲉ • ⲧⲏⲣ︦ϥ︦ • ⲥⲱⲟⲩϩ ⲡⲉϫⲉ ⲡⲉⲡⲓⲥⲕⲟⲡⲟⲥ • ⲛ
ⲓⲁⲕⲱⲃ • ϫⲉ ϥⲓ ⲡⲣⲟⲟⲩϣ • ⲛ ⲟⲩⲏⲣ︦ⲡ︦ • ⲙⲛ̄ ϩⲉⲛⲟⲉⲓⲕ [ⲉⲧ
ⲥⲱ]ⲧⲡ̄ • ϫⲉ ⲕⲁⲥ • ⲉⲓⲛⲁⲥⲩⲛⲁⲅⲉ ⲙ ⲡ▨▨▨▨▨▨▨▨▨
ⲁϥⲣ̄ ⲡⲙⲉⲉⲩⲉ ⲛ▨▨▨▨▨▨▨▨▨▨▨▨ⲉ ⲕⲱ ⲉ ⲃⲟⲗ
▨▨▨▨▨▨▨▨▨▨▨▨▨▨ⲟⲛ▨▨ϣⲁ | ⲡⲉ ⲡⲉⲧⲛⲉⲓⲱⲧ
ⲉⲧ ϩ︦ⲛ︦ ⲙⲡⲏⲩⲉ • ⲁϥϫ[ⲱ] ⲉ ⲧⲣⲉⲩⲉⲓⲛⲉ • ⲛ̄ ⲧϩ︦ⲗ︦ⲗⲟⲩ • ϣⲁ
ⲣⲟϥ • ϩⲓϫⲛ̄ ⲟⲩϭⲗⲟϭ • ⲉ ⲃⲟⲗ ϫⲉ ⲛⲉ ⲙⲛ̄ϭⲟⲙ • ⲙⲙⲟⲥ
ⲉ ⲙⲟⲟϣⲉ • ⲁⲩⲉⲛⲧ︦ⲥ︦ • ⲁⲩⲕⲁⲁⲥ ϩⲓ ⲑⲏ • ⲙ ⲡⲉⲡⲓⲥⲕⲟⲡⲟⲥ •
ⲡⲉϫⲁϥ • ⲛⲁⲥ ⲛϭⲓ ⲡⲉⲡⲓⲥⲕⲟⲡⲟⲥ • ϫⲉ ⲡⲓⲥⲧⲉⲩⲉ • ⲱ
ⲧϩ̄ⲗⲗⲱ ϫⲉ ⲡⲛⲟⲩⲧⲉ • ϣⲟⲟⲡ • ⲛ̄ⲧⲟⲥ ⲇⲉ • ⲁⲥⲕⲓⲙ •
Ⲛ̄ ⲧⲉⲥⲁⲡⲉ • ⲉⲥϫⲱ ⲙⲙⲟⲥ • ϫⲉ ⲥⲉ • ⲉ ⲃⲟⲗ • ϫⲉ ⲉϣϫⲉ
ϣⲁϫⲉ ⲁⲛ • ⲉ ⲧⲃⲉ ⲧⲉⲥⲧⲁⲡⲣⲟ • ⲉⲧ ⲥⲁϣ▨ ϩⲓⲧ︤ⲛ︥ ⲧⲁⲡⲟ‐
ⲫⲁⲥⲓⲥ • ⲙ ⲡⲉⲡⲓⲥⲕⲟⲡⲟⲥ • ⲛⲧⲁϥⲧⲁⲩⲟⲥ • ⲉ ϫⲱⲥ • ⲁϥ‐
ⲧⲱⲟⲩⲛ ⲇⲉ ⲛϭⲓ ⲡⲉⲡⲓⲥⲕⲟⲡⲟⲥ • ⲁⲡⲁ ⲙⲁⲕⲉⲇⲱⲛⲓⲟⲥ
ⲁϥⲙⲟⲟϣⲉ • ⲉ ϩⲟⲩⲛ • ⲉ ⲡⲉϭⲗⲟϭ • ⲁϥϯ ⲡⲉϥⲧⲏⲏⲃⲉ •
ⲉ ϩⲟⲩⲛ • ⲉ ⲣⲱⲥ ⲁⲩⲱ • ⲛⲧⲉⲩⲛ[ⲟⲩ] ⲁⲩⲃⲱϣ • ⲛϭⲓ
ⲛⲙⲣ̄ⲣⲉ • ⲙ ⲡⲉⲥⲗⲁⲥ • ⲁⲥϣⲁϫⲉ • ⲕⲁⲗⲱⲥ • ⲁⲥϯ ⲉⲟⲟⲩ •
ⲙ ⲡⲛⲟⲩⲧⲉ • ⲡⲙⲏⲏϣⲉ ⲇⲉ ⲛ ⲧⲉⲣ ⲟⲩⲛⲁⲩ ⲉ ⲡⲉⲛⲧ ⲁϥ‐
ϣⲱⲡⲉ • ⲁⲩϥⲓ ϩⲣⲁⲩ ⲉ ⲃⲟⲗ • ϩⲛ̄ ⲟⲩⲛⲟϭ ⲛ ⲥⲙⲏ • ⲉⲩϫⲱ
ⲙⲙⲟⲥ • ϫⲉ ⲟⲩⲁ • ⲡⲉ ⲡⲛⲟⲩⲧⲉ ⲙ ⲡⲡⲉⲧ ⲟⲩⲁⲁⲃ • ⲁⲡⲁ
ⲙⲁ[ⲕ]ⲉⲇⲱⲛⲓⲟⲥ • ⲡⲉⲡⲓⲥⲕⲟⲡⲟⲥ • ▨▨▨▨ⲉⲛⲟⲩⲧⲉ • ▨▨▨
▨▨▨▨▨ⲉ ⲃⲁⲡϯ[ⲥⲙⲁ]▨▨▨▨▨▨▨▨ⲥⲩ▨▨▨▨▨▨
[ⲛ ⲧⲉⲣⲉ] | ⲉϥⲥⲩⲛⲁⲅⲉ • ⲙ ⲡⲙⲏⲏϣⲉ • ⲁϥⲃⲱⲕ • ⲉ ⲧⲉⲕ‐
ⲕⲗⲏⲥⲓⲁ • ⲁϥϩⲙⲟⲟⲥ ϩⲁϩⲧⲏⲩ • ⲛ ⲟⲩϩ︦ⲃ︦ⲇⲟⲙⲁⲥ ⲛ̄ϩⲟⲟⲩ •
ⲁϥⲭⲉⲓⲣⲟⲇⲟⲛⲉⲓ ⲛⲁⲩ • ⲛ̄ ϩⲉⲛⲡⲣⲉⲥⲃⲩⲧⲉⲣⲟⲥ ⲙⲛ̄ ϩⲉⲛ‐
ⲇⲓⲁⲕⲟⲛⲟⲥ • ⲉ ⲁϥⲧⲁⲙⲟⲟⲩ • ⲉⲛ̄ⲕⲱⲧ • ⲙⲛ̄ ⲛ̄ⲕⲁⲛⲱⲛ •
ⲛ̄ ⲧⲉⲕⲕⲗⲏⲥⲓⲁ • ⲙⲛ̄ⲛⲥⲁ ⲡⲥⲁϣϥ̄ ⲇⲉ ⲛϩⲟⲟⲩ ⲁϥⲃⲱⲕ •


### 0025

ⲉ ⲡⲉϥⲙⲁ • ⲛ ϣⲱⲡⲉ • ⲁⲥϣⲱⲡⲉ ⲇⲉ ⲙⲛ̄ⲛⲥⲁ ϩⲉⲛϩⲟⲟⲩ •
ⲁ ⲡⲉϥⲥⲱⲙⲁ ϩⲣⲟϣ • ⲉ ⲣⲟϥ • ⲛⲉⲁϥⲁⲁⲓ ⲡⲉ • ϩⲛ̄ ⲛⲉϥ‐
ϩⲟⲟⲩ • ⲁϥⲙⲟⲩⲧⲉ ⲉ ⲙⲁⲣⲕⲟⲥ • ⲡⲉⲡⲣⲉⲥⲃⲩⲧⲉⲣⲟⲥ • ⲙⲛ̄
ⲏⲥⲁⲓⲁⲥ • ⲡⲇⲓⲁⲕⲱⲛ • ⲡⲉϫⲁϥ ⲛⲁⲩ • ϫⲉ ⲉⲓⲥ ϩⲏⲏⲧⲉ •
ⲁⲩϩⲱⲛ • ⲉ ϩⲟⲩⲛ • ⲛϭⲓ ⲛⲉϩⲟⲟⲩ • ⲙ ⲡⲁ ϭⲙ̄ⲡϣⲓⲛⲉ •
ⲛⲧⲟⲕ ⲇⲉ ⲡⲁ ϣⲏⲣⲉ • ⲙⲁⲣⲕⲟⲥ • ⲙⲛ̄ⲛⲥⲁ ⲡⲁ ϫⲱⲕ ⲉ
ⲃⲟⲗ • ⲡⲛⲟⲩⲧⲉ ⲛⲁⲕⲁⲑⲓⲥⲧⲁ ⲙⲙⲟⲕ ⲉ ⲡⲁ ⲙⲁ • ⲛⲅ̄ ϩⲙⲟⲟⲥ •
ⲉϫⲙ̄ ⲡⲁ ⲑⲣⲟⲛⲟⲥ ⲙⲟⲟⲛⲉ ⲕⲁⲗⲱⲥ ⲙ ⲡⲟⲟϩⲉ • ⲙ ⲡⲛⲟⲩⲧⲉ
[ⲱ ⲡⲁ]ϣⲏⲣⲉ • ⲕⲁⲧⲁ ⲑⲉ ⲛⲧⲁⲓⲧⲁⲁⲥ ⲉ ⲧⲟⲟⲧ︦ⲕ︦ • ▨▨▨▨▨
▨▨▨▨▨ⲧⲟⲟⲧ︦ϥ︦• ⲛϭⲓ▨▨▨▨▨▨▨▨▨▨▨▨▨▨ⲉⲙⲁ
̄▨▨▨▨▨▨▨▨▨▨▨▨▨▨▨▨▨ | ⲁϥϣⲱⲛⲉ ⲁⲩⲱ ⲁ
ⲡϣⲱⲛⲉ • ϩⲣⲟϣ • ⲉ ϫⲱϥ ⲉ ⲡⲉϩⲟⲩⲟ • ⲁⲩⲱ ⲛ︦ϥ︦ϯ ⲉ
ⲡⲁϩⲟⲩ ϣⲁ ⲥⲟⲩ ⲥⲁϣϥ̄ • ⲛ ⲙ̄ⲭⲓⲣ • ⲁϥⲙⲟⲩⲧⲉ ⲉ ⲛⲉϥ‐
ⲙⲁⲑⲏⲧⲏⲥ • ⲁϥϩⲱⲛ • ⲉ ⲧⲟⲟⲧⲟⲩ ⲛϩⲱⲃ ⲛⲓⲙ • ⲉⲧ ⲉϣϣⲉ •
ⲉ ⲣⲟⲟⲩ • ⲉ ⲁⲁⲩ • ϩⲧⲟⲟⲩⲉ ⲇⲉ ⲛ ⲥⲟⲩ ϣⲙⲟⲩⲛ • ⲛⲙ̄‐
ⲭⲓⲣ • ⲁϥⲙⲧⲟⲛ ⲙⲙⲟϥ ϩⲛ̄ ⲟⲩⲙ︦ⲛ︦ⲧ︦ϩⲗ︦ⲗ︦ⲟ︦ • ⲉⲛⲁⲛⲟⲩⲥ
ⲛϭⲓ ⲡⲉⲡⲓⲥⲕⲟⲡⲟⲥ • ⲉⲧ ⲟⲩⲁⲁⲃ • ⲁⲡⲁ ⲙⲁⲕⲉⲇⲱⲛⲓⲟⲥ •
ⲛ ⲧⲉⲣ ⲟⲩⲥⲱⲧ︦ⲙ︦ ⲇⲉ ⲛ̄ϭⲓ ⲛⲁ ⲧⲉϥⲡⲟⲗⲓⲥ ⲁⲩⲉⲓ ⲉ ⲃⲟⲗ •
ⲉ ⲡⲙⲁ • ⲉⲧ ϥ̄ⲛϩⲏⲧϥ̄ ⲁⲩⲉⲓⲣⲉ • ⲛⲁϥ • ⲛ̄ ⲟⲩⲛⲟϭ • ⲛ
ϩⲏⲃⲉ • ⲉ ⲧⲃⲉ ϫⲉ ⲛⲉⲩⲙⲉ • ⲙⲙⲟϥ • ⲉⲙⲁⲁⲧⲉ ⲁⲩⲱ •
ⲁⲩⲕⲟ︦ⲥ︦ϥ︦ • ⲕⲁⲧⲁ ⲡⲉϥⲙⲡϣⲁ • ⲁⲩⲱ ⲁⲩⲧⲱⲙ︦ⲥ︦ • ⲙⲙⲟϥ
ⲡⲃⲟⲗ • ⲙ ⲡⲉⲩⲙⲁ ⲛ ϣⲱⲡⲉ ⁘ ⲁⲥϣⲱⲡⲉ ⲇⲉ ⲙⲛ̄ⲛⲥⲁ
ϩⲉⲛϩⲟⲟⲩ • ⲉⲣⲉ ⲡⲙⲁ • ⲕⲏ ⲉ ⲃⲟⲗ • ⲉϥⲟ ⲛ ⲁⲧ ⲉⲡⲓⲥⲕⲟ‐
ⲡⲟⲥ • ⲁⲩⲥⲱⲟⲩϩ • ⲉ ϩⲟⲩⲛ ⲛϭⲓ ⲡⲗⲁⲟⲥ ⲧⲏⲣ︦ϥ︦ • ⲡⲉϫⲁⲩ •
ⲛⲛⲉⲩⲉⲣⲏⲩ ϫⲉ ϣⲁ ⲧⲛⲁⲩ • ⲉⲛⲁⲙⲉⲗⲉⲓ • ⲉ ⲡⲉⲓ ⲛⲟϭ •
ⲛ ⲕⲉⲫⲁⲗⲓⲟⲛ • ⲛⲧⲛ̄ϣⲓⲛⲉ • ⲁⲛ ⲛ ⲟ▨▨ϣⲱⲥ • ⲉⲧⲣ︤▨▨
▨▨▨▨▨▨▨▨▨▨▨▨ⲡⲉⲛ▨▨▨▨▨▨▨▨▨▨▨▨▨
▨▨▨▨▨▨▨▨▨▨▨▨▨▨▨|ⲕⲉ ⲟⲩⲁ • ϫⲉ ⲙⲓϣ • ⲛ
ⲛⲓⲙ • ⲛ̄ⲇⲓⲁⲕⲟⲛ • ⲛⲉ ⲁⲩⲣ ϣⲟⲙⲛ︦ⲧ︦ • ⲇⲉ ⲛ̄ϩⲟⲟⲩ • ⲉⲩ‐
ϣⲁϫⲉ ⲙⲛ̄ ⲛⲉⲩⲉⲣⲏⲩ • ⲛ̄ ⲧⲉⲓ ϩⲉ ⲁⲩⲱ ⲙⲡ ⲟⲩⲧⲉϣ
ⲗⲁⲁⲩ ⲛϩⲱⲃ • ⲁϥⲧⲱⲟⲩⲛ • ⲇⲉ • ⲁϥⲁⲁϩ • ⲉⲣⲁⲧ︦ϥ︦ • ⲛ̄ϭⲓ
ⲡⲛⲟϭ • ⲙ ⲡⲣⲉⲥⲃⲩⲧⲉⲣⲟⲥ ⲛ ⲧⲉⲕⲕⲗⲏⲥⲓⲁ • ⲡⲉϫⲁϥ • ⲙ
ⲡⲙⲏⲏϣⲉ ϫⲉ ϯⲛⲁϫⲱ • ⲛⲏⲧ︦ⲛ︦ • ⲛ̄ ⲟⲩϣⲁϫⲉ ⲡⲁⲓ ⲉϥⲙ‐
ⲡϣⲁ • ⲛⲁⲁϥ • ⲉϣⲱⲡⲉ • ⲧⲉⲧⲛⲁⲥⲱⲧⲙ̄ ⲛⲥⲱⲓ • ⲡⲉϫⲁⲩ


### 0026

ⲛⲁϥ ⲛ̄ϭⲓ ⲡⲉϩⲟⲩⲟ ⲙ ⲡⲗⲁⲟⲥ • ϫⲉ ⲁϫⲓϥ ⲉ ⲣⲟⲛ •
ⲉϣⲱⲡⲉ • ⲉϥⲡⲣⲉⲡⲉⲓ ⲧⲛ̄ⲛⲁⲁϥ • ⲛⲧⲟϥ ⲇⲉ ⲡⲉϫⲁϥ ⲛⲁⲩ •
ϫⲉ ⲙⲁⲣⲛ̄ⲥⲱⲧⲡ̄ • ⲛ ϩⲉⲛⲣⲱⲙⲉ ⲉ ⲃⲟⲗ • ⲛ̄ϩⲏⲧⲛ̄ • ⲕⲁⲧⲁ
ⲑⲉ ⲛ̄ ⲥⲧⲉⲫⲁⲛⲟⲥ • ⲙⲛ̄ ⲛⲉϥϣⲃⲏⲣ • ⲛⲥⲉⲛⲉϫ ⲕⲗⲏⲣⲟⲥ •
ⲡⲉⲧ ⲉⲣⲉ ⲡⲉⲕⲗⲏⲣⲟⲥ • ⲛⲁⲧⲁϩⲟϥ • ⲛⲧⲛ̄ϫⲓⲧϥ̄ • ⲛ̄ⲧⲛ̄ⲭⲉⲓ‐
ⲣⲟⲇⲟⲛⲉⲓ • ⲙⲙⲟϥ • ⲛ ⲉⲡⲓⲥⲕⲟⲡⲟⲥ • ⲁⲥϣⲱⲡⲉ ⲇⲉ ⲛ ⲧⲉⲣⲉ
ⲡⲉⲡⲣⲉⲥⲃⲩⲧⲉⲣⲟⲥ ⲟⲩⲱ • ⲉϥϣⲁϫⲉ • ⲁϥⲟⲩⲱϣ︦ⲃ︦ • ϩⲱⲱϥ
ⲛϭⲓ ⲡⲁⲣⲭⲏⲇⲓⲁⲕⲟⲛ • ⲡⲉϫⲁϥ ϫⲉ ⲟⲩⲛⲧⲁ▨▨▨▨▨▨ⲙ‐
ⲙⲁⲩ • ⲉ ⲧⲣⲁϫⲟⲟϥ • ⲁ▨▨▨▨▨▨▨▨▨▨▨▨ϫⲉ ⲁϫⲓϥ
▨▨▨▨▨▨▨▨▨▨▨▨▨▨▨▨ⲱⲙ▨▨▨▨▨▨▨▨▨
▨▨▨▨▨| ⲡⲉϫⲁⲩ • ϫⲉ ⲛⲉϥϣⲏⲣⲉ ⲛⲉ • ⲡⲉϫⲉ ⲡⲁⲣⲭⲏ‐
ⲇⲓⲁⲕⲟⲛ • ϫⲉ ⲉⲓⲥ ϩⲏⲏⲧⲉ ⲥⲉϣⲟⲟⲡ • ⲧⲉⲛⲟⲩ ⲛϭⲓ ⲛⲉⲕⲗⲏ‐
ⲣⲟⲛⲟⲙⲟⲥ • ⲁⲩⲱ • ⲙⲡⲉ ⲧⲉⲧⲛ̄ϣⲓⲛⲉ • ⲛⲥⲱⲟⲩ • ⲛ̄ ⲧⲉⲣ
ϥ̄ϫⲉ ⲡⲁⲓ • ⲇⲉ • ⲁⲩⲣ̄ ⲡⲙⲉⲉⲩⲉ • ⲙ ⲙⲁⲣⲕⲟⲥ • ⲙⲛ̄
ⲏⲥⲁⲓⲁⲥ • ⲁⲩⲟⲩⲱϣⲃ̄ • ⲛ̄ϭⲓ ⲡⲗⲁⲟⲥ ⲧⲏⲣ︦ϥ︦ • ϫⲉ ⲡϣⲁϫⲉ •
ⲙ ⲡⲁⲣⲭⲏⲇⲓⲁⲕⲟⲛ • ⲡⲉⲧⲉ ϣⲁϥϣⲱⲡⲉ • ⲁⲩⲱ ⲛⲧⲉⲩⲛⲟⲩ
ⲁⲩϫⲟⲟⲩ • ⲁⲩⲉⲛⲧⲟⲩ • ϩ︦ⲙ︦ ⲡⲙⲁ • ⲉⲛⲉⲩⲛ̄ϩⲏⲧ︦ϥ︦ • ⲁⲩ‐
ϩⲙⲟⲟⲥ ϩ︤ⲛ︥ ⲧⲉⲕⲕⲗⲏⲥⲓⲁ • ⲁⲩϫⲉ ⲡϣⲁϫⲉ ⲉ ⲙⲁⲣⲕⲟⲥ •
ⲡⲉⲡⲣⲉⲥⲃⲩⲧⲉⲣⲟⲥ • ⲛ̄ⲧⲟϥ ⲇⲉ ⲡⲉϫⲁϥ ⲛⲁⲩ ϫⲉ ⲕⲱ ⲛⲁⲓ
ⲉ ⲃⲟⲗ • ⲛⲁⲉⲓⲟⲧⲉ • ⲛ ϯⲙⲡϣⲁ • ⲁⲛ ⲛ ϩⲱⲃ • ⲛ ϯ ⲙⲓⲛⲉ
ⲁⲛⲁⲩ • ⲛⲏⲧ︦ⲛ︦ • ⲉ ⲕⲉ ⲟⲩⲁ • ⲉϥⲛⲁϥⲓ ⲡⲣⲟⲟⲩϣ ⲙ̄ ⲡⲟⲟϩⲉ •
ⲙ ⲡⲉⲭ︦ⲣ︦ⲥ︦ • ⲡⲗⲁⲟⲥ ⲇⲉ ⲧⲏⲣ︦ϥ︦ ⲛϥ̄ⲙ̇ⲉ • ⲙ̄ ⲙⲁⲣⲕⲟⲥ • ⲉ
ⲧⲃⲉ ⲧⲉϥⲉⲡⲓⲥϯⲙⲉⲓ • ⲙⲛ̄ ⲧⲉϥⲥⲟⲫⲓⲁ • ⲉ ⲃⲟⲗ ϫⲉ ⲁⲩⲡⲁ‐
ⲇⲉⲩⲉ • ⲙⲙⲟϥ • ⲕⲁⲗⲱⲥ • ϩⲓⲧⲛ̄ ⲡⲉϥⲉⲓⲱⲧ ⲡⲉⲡⲓⲥⲕⲟⲡⲟⲥ •
ⲁⲡⲁ ⲙⲁⲕⲉⲇⲱⲛⲓⲟⲥ [ⲁ]ⲩϫⲓⲧϥ̄ ⲇⲉ ⲛϫⲛⲁϩ • ⲁⲩⲥϩⲁⲓ •
ⲙ ⲡⲁⲣ[ⲭ]ⲏⲉⲡⲓⲥⲕⲟⲡⲟⲥ • ⲉⲧ [ⲟⲩⲁⲁⲃ] [ⲁⲡⲁ ⲁⲑⲁⲛⲁ‐
ⲉⲓ]ⲟⲥ • ϩⲁ ⲣⲟϥ • ▨▨▨▨▨▨▨▨▨▨▨[ⲁ]ⲩⲱ▨▨▨▨
▨▨▨▨▨▨▨▨▨▨|ⲁⲩⲥϭⲏⲣ • ⲛⲙ̄ⲙⲁϥ • ⲉ ⲣⲁⲕⲟⲧⲉ •
ⲛ̄ ⲧⲉⲣ ⲛ̄ⲃⲱⲕ • ⲇⲉ ⲉ ϩⲟⲩⲛ • ⲉ ⲧⲡⲟⲗⲓⲥ • ⲁⲛϣⲓⲛⲉ • ⲛ̄ⲥⲁ
ⲡⲡⲁⲧⲣⲓⲁⲣⲭⲏⲥ • ⲙⲡⲉ ⲛϩⲉ • ⲉ ⲣⲟϥ • ⲙ ⲡⲉϩⲟⲟⲩ • ⲉⲧ
ⲙ̄ⲙⲁⲩ • ϩⲛ̄ ⲧⲉⲕⲕⲗⲏⲥⲓⲁ • ⲉ ⲃⲟⲗ ϫⲉ ⲟⲩϩⲁⲅⲓⲟⲥ ⲡⲉ •
ⲉϥⲙⲉ • ⲙ ⲡⲉⲥϭⲣⲁϩⲧ̄ • ⲉⲙⲁⲁⲧⲉ • ⲛ ⲧⲉⲣ ⲟⲩⲧⲁⲙⲟⲛ
ⲇⲉ ⲛ̄ϭⲓ ϩⲉⲛⲣⲱⲙⲉ ⲛⲣϥ̄ⲣϩⲟⲧⲉ • ϫⲉ ⲉϥⲉⲥⲩⲭⲁⲍⲉ • ⲙ‐
ⲙⲟϥ ϩⲛ̄ ⲟⲩⲕⲟⲩⲓ • ⲙ ⲙⲟⲛⲁⲥⲧⲏⲣⲓⲟⲛ • ⲛ ⲥⲁ ⲡⲉⲙ︦ⲛ︦ⲧ︦ •


### 0027

ⲛ̄ ⲧⲡⲟⲗⲓⲥ • ⲁⲛⲡⲁⲣⲁⲕⲁⲗⲉⲓ • ⲛ ⲟⲩⲁ • ⲛϩⲏⲧⲟⲩ • ⲉ ⲧⲣ︦ϥ︦‐
ϫⲓⲧⲛ̄ • ϣⲁ ⲣⲟϥ • ⲉ ⲃⲟⲗ ϫⲉ ⲛⲧⲛ̄ⲥⲟⲟⲩⲛ • ⲁⲛ • ⲙ ⲡⲙⲁ •
ⲛ ⲧⲉⲣ ⲛ̄ⲡⲱϩ • ⲇⲉ ⲟⲩⲛ • ⲉ ⲡⲧⲟⲡⲟⲥ • ⲉⲧ ϥ︦ⲛ︦ϩⲏⲧ︦ϥ︦ ⲁϥⲉⲓ
ⲉ ⲃⲟⲗ • ⲛϭⲓ ⲟⲩⲇⲓⲁⲕⲱⲛ • ⲁⲛϫⲱ ⲉ ⲣⲟϥ • ⲙ ⲡϩⲱⲃ • ⲛⲧ
ⲁⲛⲉⲓ ⲉ ⲧⲃⲏⲏⲧ︦ϥ︦ • ⲁϥⲃⲱⲕ ⲉ ϩⲣⲁⲓ • ⲁϥⲧⲁⲙⲉ ⲡⲁⲣⲭⲏ‐
ⲉⲡⲓⲥⲕⲟⲡⲟⲥ ⲁⲩⲱ ⲁϥⲧⲛ̄ⲛⲟⲟⲩ• ⲉ ⲃⲟⲗ• ⲁϥϫⲓⲧⲛ̄• ⲉ ϩⲟⲩ[ⲛ]
ⲁⲛⲡⲁϩⲧⲛ̄ • ⲉϫⲙ̄ ⲡⲕⲁϩ • ⲁⲛⲟⲩⲱϣⲧ ⲉϫⲛ̄ ⲛⲉϥⲟⲩⲣⲏⲏⲧ̄ⲉ •
ⲉⲩ ⲟⲩⲁⲁⲃ • ⲡⲁⲣⲭⲏⲉⲡⲓⲥⲕⲟⲡⲟⲥ ⲇⲉ • ⲉⲧ ⲟⲩⲁⲁⲃ • ⲁⲡⲁ
ⲁ[ⲑⲁⲛ]ⲁⲥⲓⲟⲥ • ⲛⲉⲁⲩⲧⲁⲙⲟϥ • ϩⲓⲧ︦ⲙ︦ ⲡⲉⲡ︦︦ⲛ︦[ⲁ︦]▨▨▨▨▨
▨▨▨▨▨▨▨▨▨▨▨▨ⲛϩⲟⲟⲩ• ⲙ▨▨▨▨▨▨▨▨▨▨
▨▨▨▨▨▨▨▨ϩⲁⲧⲛ̄▨▨▨▨▨▨▨▨▨▨▨▨▨▨▨▨
▨▨▨ⲉ • | ▨▨▨ⲁϥⲟⲩⲱϣⲃ̄ • ⲛ̄ϭⲓ ⲡϩⲁⲅⲓⲟⲥ ⲁⲑⲁⲛⲁⲥⲓⲟⲥ
ⲡⲉϫⲁϥ ⲙ ⲙⲁⲣⲕⲟⲥ • ϫⲉ ⲁⲕⲣ ⲡⲱⲃϣ̄ ⲡⲁ ϣⲏⲣⲉ • ⲙ
ⲡⲛⲁⲩ • ⲛⲧⲁⲩϯ ϩⲓⲱⲱⲕ ⲛ ⲧⲉϣⲧⲏⲛ • ⲁⲩⲱ ⲁⲩϭⲟⲟⲗⲕ̄ •
ⲛ̄ ⲧⲉⲡⲟⲩⲙⲓⲥ • ⲡⲁⲓ ⲡⲉ ⲡⲉϩⲟⲟⲩ • ⲛⲧⲁⲩⲧⲟϣ︦ϥ︦ ⲛⲁⲕ • ⲱ̄
ⲡⲉⲡⲣⲉⲥⲃⲩⲧⲉⲣⲟⲥ • ⲉⲧ ⲛ̄ϩⲟⲧ • ⲁϥⲣ̄ ϣⲡⲏⲣⲉ ⲇⲉ • ⲛϭⲓ
ⲙⲁⲣⲕⲟⲥ • ⲉϫⲙ̄ ⲡϣⲁϫⲉ • ⲛⲧⲁϥϫⲟⲟϥ ⲛⲁϥ • ϫⲉ ⲁϥⲉⲓ‐
ⲙⲉ • ⲉ ⲡϩⲟⲣⲟⲙⲁ • ⲉ ⲃⲟⲗ • ϫⲉ ⲙⲡⲉ ϥⲧⲁⲙⲉ ⲗⲁⲁⲩ
ⲅⲁⲣ • ⲛ̄ⲣⲱⲙⲉ ⲉ ⲣⲟϥ • ⲉⲓ ⲙⲏ ⲧⲉⲓ • ⲁⲡⲁ ⲙⲁⲕⲉⲇⲱⲛⲓⲟⲥ
ⲡⲉⲡⲓⲥⲕⲟⲡⲟⲥ • ⲙⲛ̄ ⲡⲉϥⲥⲟⲛ • ⲏⲥⲁⲓⲁⲥ • ⲙⲁⲣⲕⲟⲥ ⲇⲉ
ⲡⲉϫⲁϥ • ϫⲉ ⲛ̄ⲧⲕ̄ ⲟⲩϩⲁⲅⲓⲟⲥ • ⲛⲁⲙⲉ ⲛⲧⲉ ⲡⲛⲟⲩⲧⲉ • ⲱ
ⲡⲁ ϫ︦ⲥ︦ • ⲛ ⲉⲓⲱⲧ • ⲉⲧ ⲥⲙⲁⲙⲁⲁⲧ • ⲡⲉϫⲁϥ ⲛ̄ϭⲓ ⲡⲁⲣⲭⲏ‐
ⲉⲡⲓⲥⲕⲟⲡⲟⲥ • ϫⲉ ⲛⲧⲟⲕ • ⲙⲁⲩⲁⲁⲕ • ⲉ ⲡⲉϩⲟⲩⲟ • ϫⲉ
[ⲁ]ⲕⲙⲁⲑⲏⲧⲉⲩⲉ • ϩⲁ ⲣⲁⲧ︦ϥ︦ • ⲛ ⲟⲩⲉⲡⲓⲥⲕⲟⲡⲟⲥ [ⲙ]ⲛ̄
ⲟⲩⲡⲉⲧ ⲟⲩⲁⲁⲃ • ⲉϥⲟⲩⲁⲁⲃ • ⲛⲁⲓ ⲇⲉ [ⲛ]ⲧⲉⲣ ϥ̄ϫⲟⲟⲩ •
ⲁϥⲟⲩⲉϩⲥⲁϩⲛⲉ • ⲛ ⲟⲩⲇⲓⲁⲕⲟ[ⲛⲟ]ⲥ • ⲉ ⲧⲣ︦ϥ︦ϫⲓⲧ︦ⲛ︦ • ⲉⲩⲙⲁ •
ⲛ̄ⲥⲑⲟ • ⲙⲁⲩⲁⲁⲛ • [ⲁⲩ]ⲱ • ⲁϥⲟⲩⲉϩⲥⲁϩⲛⲉ • ▨▨▨▨▨▨
▨▨▨[ⲛ] ⲧⲉⲣⲉ ϩⲧⲟⲟⲩ[ⲉ ⲇⲉ ϣⲱⲡⲉ]▨▨▨▨▨▨▨▨▨
▨▨ⲧⲣⲉⲩ▨▨▨▨▨▨▨▨▨▨▨▨▨▨▨▨▨▨▨▨▨▨
▨▨▨▨▨▨▨▨▨ ⲁⲩⲉⲓ ϩⲱⲱⲟⲩ ⲟⲛ • ⲛϭⲓ ϩⲉⲛⲁⲣⲭⲱⲛ •
ⲛⲧⲉ ⲡⲥⲁ ⲛ ⲉϩⲙⲓⲧ • ⲉⲩⲟⲩⲱϣ ⲉ ϫⲓ ⲥⲙⲟⲩ • ⲛⲧⲟⲟⲧ︦ϥ︦ •
ⲁ ⲡⲇⲓⲁⲕⲟⲛⲟⲥ • ⲉⲓ ⲉ ϩⲟⲩⲛ • ⲁϥⲧⲁⲙⲟⲟⲩ ⲉ ⲧⲃⲏⲏⲧ︦ϥ︦ • ⲡⲉ‐
ϫⲁϥ • ϫⲉ ⲛ ⲥ̄ⲭⲟⲗⲁⲍⲉ • ⲁⲛ ⲡⲉϫⲁϥ • ⲛ̄ ⲟⲩⲁ ⲙⲙⲟⲟⲩ
ϫⲉ ⲥⲕⲩⲗⲗⲉⲓ • ⲙⲙⲱⲧⲛ̄ ⲛⲧⲉⲧⲛ̄ⲁⲛⲁⲭⲱⲣⲉⲓ • ⲛⲏⲧⲛ̄ •


### 0028

ϣⲁ ϩⲧⲟⲟⲩⲉ ⲉ ⲃⲟⲗ • ϫⲉ ⲥⲉϩⲁϩⲧⲏⲛ • ⲛϭⲓ ϩⲉⲛⲥⲛⲏⲩ • ⲉ
ⲛⲁ ⲡⲙⲁ ⲣⲏⲥ ⲛⲉ • ⲁⲩⲱ ⲛ ⲧⲉⲣ ϥ̄ⲧⲁⲙⲟⲟⲩ ⲁⲩⲃⲱⲕ •
ⲉⲩϫⲱ ⲙⲙⲟⲥ ϫⲉ ϣⲗⲏⲗ • ⲉ ϫⲱⲛ • ⲛⲧⲱⲧⲛ̄ • ⲛⲧⲛ̄ⲃⲱⲕ
ⲛⲧⲛ̄ϣⲗⲏⲗ • ϩ︦ⲙ︦ ⲡⲙⲟⲛⲁⲥⲧⲏⲣⲓⲟⲛ • ⲛ ⲁⲡⲁ ⲙⲏⲛⲁ •
ⲛⲧⲛ̄ⲕⲧⲟⲛ • ϣⲁ ⲣⲟⲕ • ⲁⲛⲟⲛ ⲇⲉ ⲁⲛϯ ⲛⲁϥ • ⲙ ⲡⲉⲯⲩ‐
ⲫⲓⲥⲙⲁ ⲁⲩⲱ ⲛ ⲧⲉⲣ ϥ̄ⲟϣⲥ̄ • ⲁϥⲣⲁϣⲉ ⲉⲙⲁⲁⲧⲉ • ⲁⲩⲱ
ⲡⲉϫⲁϥ • ⲛⲁⲛ • ϫⲉ ϯⲣⲁϣⲉ ⲧⲱⲛⲟⲩ • ⲉϫⲛ̄ ⲛⲉⲥⲟⲟⲩ • ⲉⲧ
ⲥⲟⲣ︦ⲙ︦ • ⲉⲧ ϩ︦ⲛ︦ ⲧⲉⲧⲛ̄ⲡⲟⲗⲓⲥ • ⲛⲧⲁ ⲡⲛⲟⲩⲧⲉ • ⲡⲙⲁⲓ
ⲣⲱⲙⲉ • ⲕⲧⲟⲟⲩ • ⲉⲩⲙⲉⲧⲁⲛⲟⲓⲁ • ⲁϥⲧⲁⲙⲟⲟⲩ ⲇⲉ ⲟⲛ •
ⲉ ⲧⲃⲉ ⲛⲕⲁⲛⲱⲛ • ⲛ̄ⲧⲉⲕⲕⲗⲉⲥⲓⲁ • ⲁⲩⲱ • ϫⲉ ⲉⲧⲉⲧⲛ̄ⲱϣ •
ⲛ ⲁϣ • ⲛ ϩⲉ • ⲁⲛⲧⲁ▨▨ⲉⲑⲉ • ⲛ̄ⲧⲁ ⲡⲉⲛⲉⲛⲉⲓⲱⲧ(sic)• ⲁⲡⲁ
ⲙⲁⲅⲉ[ⲇⲱⲛⲓⲟⲥ]▨▨▨ⲛ̄ • ⲛ ⲧⲉⲣ ϥ̄ⲥⲱⲧⲙ︦▨▨▨▨▨▨
▨▨▨▨ⲁⲃ• ⲡⲉ▨▨▨▨▨▨▨▨▨▨▨▨ⲭⲏ | ⲁⲛⲕⲱⲧ •
ⲉ ϫⲱⲥ • ⲱⲛⲧⲱⲥ ⲛⲁϣⲏⲣⲉ ϫⲉ ⲟⲩ ⲙⲟⲛⲟⲛ • ϫⲉ ⲁⲡⲉⲧ︦ⲛ︦‐
ⲉⲓⲱⲧ ⲉⲧ ⲟⲩⲁⲁⲃ • ⲕⲱ ⲉ ϩⲣⲁⲓ • ⲛ ⲧ︦ⲥ︦ⲛ︦ⲧⲉ ⲁⲗⲗⲁ • ⲁϥⲕⲱⲧ
ϣⲁⲛⲧ ⲉϥϫⲱⲕ • ⲉ ⲃⲟⲗ • ⲛ ⲧ︤ⲥ︦ⲛ︥ⲧⲉ • ⲁⲗⲗⲁ ⲁϥⲕⲱⲧ •
ϣⲁⲛⲧ ⲉϥϫⲱⲕ︤ⲥ︥ • ⲉ ⲃⲟⲗ • ⲛ︤ϥ︥ϯ • ⲡⲗⲱⲃ︤ϣ︥ • ⲛⲧⲱⲧⲛ̄ ⲇⲉ
ϩⲱⲱⲧ ⲧⲏⲩⲧ︤ⲛ︥ • ⲡⲱⲧ︤ⲛ︥ • ⲡⲉ ϩⲁⲣⲉϩ • ⲉ ⲛⲉⲛⲧ ⲁϥϩⲟⲛⲟⲩ •
ⲉⲧⲉ ⲧⲏⲩⲧ︦ⲛ︦ • ⲛ ⲧⲉⲣ ϥ̄ⲟⲩⲱ ⲇⲉ ⲉϥϣⲁϫⲉ ⲛⲙ̄ⲙⲁⲛ •
ⲡⲉϫⲉ ⲙⲁⲣⲕⲟⲥ ⲡⲉⲡⲣⲉⲥⲃⲩⲧⲉⲣⲟⲥ ϫⲉ ⲟⲩⲛ ⲟⲩϣⲁϫⲉ • ⲟⲛ̄
ϫⲣⲟⲡ • ⲉ ⲣⲟⲓ • ⲉⲓⲟⲩⲱϣ • ⲉⲧⲁⲙⲟⲕ • ⲉ ⲣⲟϥ ⲡⲁ ⲉⲓⲱⲧ
ⲉⲧ ⲟⲩⲁⲁⲃ • ⲡⲉϫⲉ ⲡⲁⲣⲭⲏⲉⲡⲓⲥⲕⲟⲡⲟⲥ ϫⲉ ⲁϫⲓϥ •
ⲡⲉϫⲉ ⲙⲁⲣⲕⲟⲥ ϫⲉ ⲟⲩⲛ ⲟⲩϩⲉⲑⲛⲟⲥ • ⲛⲥⲁ ⲡⲉⲓⲉ︦ⲃ︦ⲧ︦
ⲙⲙⲟⲛ ⲁⲩⲱ ϩ︦ⲙ︦ ⲡⲉⲙⲛ︦ⲧ︦ ⲙ ⲡⲣⲏⲥ • ⲛ ⲧ︦ⲛ︦ⲡⲟⲗⲓⲥ ⲉⲩ‐
ⲙⲟⲩⲧⲉ • ⲉ ⲣⲟϥ • ϫⲉ ⲁⲛⲟⲩⲃⲁ • ⲉϥⲣ ϭⲣⲱϩ ⲉⲙⲁⲁⲧⲉ •
ϣⲁⲥϣⲱⲡⲉ ⲅⲁⲣ • ⲛⲥⲉⲙⲟⲩⲧⲉ ⲉ ϩⲟⲩⲛ • ⲉ ⲣⲟⲛ • ϫⲉ
ϯ ⲟⲩⲟⲉⲓⲕ • ⲛⲁⲛ • ϣⲁⲣⲉ ⲡⲁ ⲗⲟⲅⲓⲥⲙⲟⲥ • ⲕⲓⲙ ⲉ ⲣⲟⲓ •
ⲉ ⲧⲙ̄ϯ • ⲛⲁⲩ▨▨ϫⲉ ⲟⲩϩⲉⲑⲛⲟ[ⲥ]▨▨▨▨▨▨▨▨▨▨
ⲛⲟⲩⲧⲉ▨▨▨▨▨▨▨▨▨▨▨▨ⲧⲟⲟ▨▨▨▨▨▨▨▨▨▨
▨▨▨▨▨ |ϭⲓⲛⲉ • ⲧⲱϩ︦ⲙ︦ • ⲧⲁⲣⲟⲩⲱⲛ • ⲛⲏⲧ︦ⲛ︦ • ⲙⲏ
ⲙⲡⲉ ⲕⲥⲱⲧ︦ⲙ︦ • ⲉ ⲡⲁⲡⲟⲥⲧⲟⲗⲟⲥ ⲉϥϫⲱ ⲙⲙⲟⲥ • ϫⲉ
ⲙⲏ • ⲡⲛⲟⲩⲧⲉ • ⲡⲁ ⲛⲓⲟⲩⲇⲁⲓ ⲙⲁⲩⲁⲁⲩ ⲡⲉ • ⲙ ⲡⲁ
ⲛ̄ⲕⲉϩⲉⲑⲛⲟⲥ ⲁⲛ • ⲡⲉ ⲉϩⲉ • ⲡⲁ ⲛⲕⲉϩⲉⲑⲛⲟⲥ ⲡⲉ • ⲉ ⲧⲃⲉ
ϫⲉ ⲟⲩⲁ ⲡⲉ ⲡⲛⲟⲩⲧⲉ • ⲡⲉϫⲁϥ • ⲛ ⲁⲃⲣⲁϩⲁⲙ • ϫⲉ ⲉⲓⲥ


### 0029

ϩⲏⲏⲧⲉ ⲁⲓⲕⲱ ⲙⲙⲟⲕ • ⲛ ⲉⲓⲱⲧ • ⲛ̄ϩⲁϩ ⲛϩⲉⲑⲛⲟⲥ • ⲁⲩⲱ
ⲟⲛ ⲡⲉϫⲁϥ • ⲛ̄ⲕⲟⲣⲛⲓⲗⲓⲟⲥ ϩⲛ̄ ⲛⲉⲡⲣⲁⲝⲓⲥ • ϫⲉ ⲟⲩϩⲉⲑⲛⲟⲥ
ⲡⲉ • ⲉ ⲧⲃⲉ ϫⲉ ⲟⲩⲁ ⲡⲉ ⲡⲛⲟⲩⲧⲉ • ⲁ ⲡⲛⲟⲩⲧⲉ ⲧⲛ̄ⲛⲟⲟⲩ
ϣⲁ ⲣⲟϥ • ⲙ ⲡⲉⲧⲣⲟⲥ • ⲡⲛⲟϭ • ⲛⲁⲡⲟⲥⲧⲟⲗⲟⲥ ⲁϥⲃⲁⲡ‐
ϯⲍⲉ • ⲙⲙⲟϥ • ⲉ ⲁϥⲧⲟⲩⲛⲟⲉⲓⲁⲧϥ̄ ⲉ ⲃⲟⲗ • ϩⲙ̄ ⲡϩⲟ‐
ⲣⲟⲙⲁ • ⲉ ⲧⲙ̄ ⲉⲡ ⲗⲁⲁⲩ • ⲛⲣⲱⲙⲉ ϫⲉ ϥϫⲁϩ︦ⲙ︦ ⲏ ϫⲉ
ⲟⲩⲁⲕⲁⲑⲁⲣⲧⲟⲛ ⲡⲉ • ⲕϫⲓ • ⲛ ⲟⲩⲏⲏⲣ • ⲙⲙ︦ⲛ︦ⲧ︦ⲙⲛ︦ⲧ︦ⲣⲉ •
ⲉ ⲣⲟⲕ ⲱ ⲙⲁⲣⲕⲟⲥ ⲡⲁ ϣⲏⲣⲉ ⲉ ⲧⲣⲉⲩⲡⲗⲏⲣⲟⲫⲟⲣⲉⲓ •
ⲙⲙⲟⲕ • ⲉ ⲃⲟⲗ • ϩ︦ⲛ︦ ⲛⲉⲅⲣⲁⲫⲏ • ⲉⲧ ⲟⲩⲁⲁⲃ • ⲡⲉϫⲉ
ⲙⲁⲣⲕⲟⲥ ϫⲉ ⲁⲓϣⲓⲛⲉ • ⲁⲩⲱ • ⲁⲓ▨▨▨▨▨▨▨▨▨▨▨
ⲩⲟⲩⲱⲛ • ⲛⲁⲓ▨▨▨▨▨▨▨▨▨▨▨▨▨ϫⲓⲛ▨▨▨▨▨
▨▨▨▨▨▨▨▨▨▨▨▨▨▨| ⲡⲉϫⲉ ⲡⲁⲣⲭⲏⲉⲡⲓⲥⲕⲟⲡⲟⲥ
ⲛⲁϥ ϫⲉ ⲟⲩⲕ ⲟⲩⲛ ⲉⲕⲟ • ⲛ ⲁⲧ ⲥⲟⲟⲩⲛ • ⲉ ⲛⲁⲓ ϣⲁ
ⲧⲉⲛⲟⲩ • ⲙⲡⲉ ⲕⲱϣ ϩⲛ̄ ⲛⲉⲩⲁⲅⲅⲉⲗⲓⲟⲛ • ϫⲉ ⲛⲧⲁ ⲡⲉⲛ‐
ⲥⲱⲧⲏⲣ ϫⲟⲟⲥ ϫⲉ ⲟⲩ • ⲛ̄ ⲧⲉⲥϩⲓⲙⲉ ⲛ ⲭⲁⲛⲁⲛⲁⲓⲁ • ⲡⲉϫⲁϥ
ϫⲉ ⲛⲁⲛⲟⲩⲥ • ⲁⲛ ⲉ ϫⲓ ⲙ ⲡⲟⲉⲓⲕ ⲛ︤ⲛ︥ϣⲏⲣⲉ • ⲉ ⲛⲟⲩϫⲉ
ⲙⲙⲟϥ • ⲛ︦ⲛ︦ⲉⲩϩⲟⲟⲣ ⲛⲧⲟⲥ • ⲇⲉ ⲁⲥⲟⲩⲱϣ︦ⲃ︦ • ⲉⲥϫⲱ ⲙ̄‐
ⲙⲟⲥ ϫⲉ ⲥⲉ ⲡϫⲟⲉⲓⲥ • ⲛ̄ⲕⲉ ⲟⲩⲟϩⲟⲣ • ϣⲁⲩⲟⲩⲱⲙ ⲉ ⲃⲟⲗ •
ϩ︤ⲛ︥ ⲛⲉⲥⲣⲓⲥⲣⲓϥⲉ • ⲉⲧ ϩⲏⲩ • ⲉ ⲃⲟⲗ • ϩ︤ⲛ︥ ⲧⲉⲧⲣⲁⲡⲉⲍⲁ • ⲛ̄
ⲛⲉⲩϫⲓⲥⲟⲟⲩⲉ • ⲁⲛⲁⲩ ϫⲉ ⲛⲧⲁ ⲡⲉⲛ︦ⲥ︦ⲏ︦ⲣ︦ • ⲉⲡⲁⲓⲛⲟⲩ • ⲛ̄
ⲧⲉⲥⲁⲡⲟⲗⲟⲅⲓⲁ • ⲛ ⲁϣ • ⲛ̄ ϩⲉ • ⲡⲉϫⲁϥ • ⲛⲁⲥ ϫⲉ ⲟⲩ (sic)
ⲧⲉⲥϩⲓⲙⲉ ⲟⲩⲛⲟϭ • ⲧⲉ ⲧⲟⲩⲡⲓⲥⲧⲓⲥ • ⲙⲁⲣⲉⲥϣⲱⲡⲉ • ⲛⲏ •
ⲛ̄ⲑⲉ • ⲉⲧ︦ⲣ︦ⲟⲩⲁϣ︦ⲥ︦ • ⲁⲩⲱ ⲁⲥⲗⲟ • ⲛ̄ϭⲓ ⲡⲉⲥϣⲉⲉⲣⲉ • ϫⲓⲛ
ⲧⲉⲩⲛⲟⲩ • ⲉⲧ ⲙ̄ⲙⲁⲩ • ⲉ ⲧⲃⲉ ⲡⲉⲓ ϣⲁϫⲉ • ⲙⲙⲁⲁⲧⲉ •
ⲡⲉϫⲁϥ • ⲟⲛ • ⲛϭⲓ ⲡⲁⲣⲭⲏⲉⲡⲓⲥⲕⲟⲡⲟⲥ • ϫⲉ ϯⲛⲁϫⲱ •
ⲉ ⲣⲟⲕ • ⲛ ⲕⲉ ⲡⲁⲣⲁⲃⲟⲗⲏ • ⲉ ⲁⲓⲥⲟⲧ︦ⲙ︦ⲥ︦ ⲛⲧⲟⲟⲧⲟⲩ • ⲛ̄ⲛⲉ‐
ⲛⲉⲓⲟⲧⲉ • ⲙⲙⲟⲛⲟⲭⲟⲥ • ⲛⲁⲓ ⲉⲧϣⲟⲟⲡ • ϩⲛ̄▨▨▨▨▨▨
▨▨▨▨▨ⲣⲓⲕⲉ • ▨▨▨▨▨▨▨▨▨▨▨▨▨▨▨▨▨
ⲛⲉ▨▨▨▨▨▨▨▨▨▨▨▨ⲥⲉ ⲛⲁ-]|ⲛⲟⲩ ⲡⲉϥϩⲱⲃ • ⲁⲛ •
ⲉϥⲉⲓⲣⲉ • ⲙⲉ▨▨▨ϩⲱⲡ • ⲙ ⲡⲉⲧ ⲉϥⲉⲓⲣⲉ • ⲙⲙⲟϥ • ⲁⲛ
[ⲡ]ⲉϫⲁϥ ⲟⲛ • ⲛϭⲓ ⲓⲁⲕⲕⲱⲃⲟⲥ • ϩ︦ⲛ︦ ⲛⲉϥⲕⲁⲑⲟⲗⲓⲕⲟⲛ ϫⲉ
ⲡⲉⲧ ϫⲱ ⲙⲙⲟⲥ • ϫⲉ ⲁⲛⲟⲕ • ⲟⲩⲣϥ̄ϣⲙ̄ϣⲉ ⲛϥ̄ⲭⲁⲗⲓ‐
ⲛⲟⲩ • ⲁⲛ • ⲙ ⲡⲉϥⲗⲁⲥ • ⲁⲗⲗⲁ • ⲉϥⲁⲡⲁⲧⲁ • ⲙ ⲡⲉϥ‐
ϩⲏⲧ • ⲡⲁⲓ ⲡⲉϥϣⲙ̄ϣⲉ ϣⲟⲩⲉⲓⲧ • ⲡⲉϫⲉ ⲡⲕⲉ ⲟⲩⲁ •


### 0030

ϩⲱⲱϥ • ϫⲉ ⲥⲉⲛⲁⲛⲟⲩ ⲡⲉϥϩⲱⲃ • ϥϫⲱ ⲙⲙⲟⲥ • ⲛϭⲓ
ⲡⲉⲯⲁⲗⲙⲟⲇⲟⲥ ⲉⲧ ⲟ̄ⲩⲁⲁⲃ ⲇⲁ︦ⲇ︦ • ϫⲉ ϯⲛⲁϯ • ⲛ︦ⲛ︦ⲁ‐
ϣⲗⲏⲗ ⲙⲡⲙ̄ⲧⲟ • ⲉ ⲃⲟⲗ • ⲛ ⲟⲩⲟⲛ • ⲛⲓⲙ • ⲉⲧ ⲣ̄ ϩⲟⲧⲉ
ϩⲏⲧ︤ϥ︥ • ⲙ ⲡϫⲥ̄ • ⲁⲩⲱ ⲟⲛ ⲡⲁⲡⲟⲥⲧⲟⲗⲟⲥ • ϫⲱ ⲙⲙⲟⲥ •
ϫⲉ ϣⲗⲏⲗ • ⲁϫⲛ̄ ⲱϫⲛ̄ • ⲉⲓⲥ ϩⲏⲏ[ⲧⲉ] ⲥⲉⲡⲗⲏⲣⲟⲫⲟⲣⲉⲓ •
ⲙⲙⲟⲛ • ⲉ ⲃⲟⲗ • ϩ︦ⲛ︦ ⲛⲉⲅⲣⲁⲫⲏ ϩⲛ̄ϩⲁϩ • ⲙⲙⲁ • ⲉ ⲧⲃⲉ
ⲡⲉϣⲗⲏⲗ • ⲡⲉϫⲁϥ ⲟⲛ ⲛϭⲓ ⲡⲕⲉ ⲥⲟⲛ • ⲉⲧ ⲙ̄ⲙⲁⲁⲩ • ϫⲉ
ⲁ ⲡⲉⲛⲥⲱⲧⲏⲣ ⲧⲁⲙⲟⲛ • ϫⲉ ⲛⲧⲟⲕ • ⲉⲕⲛⲁϣⲗⲏⲗ • ⲃⲱⲕ
ⲉ ϩⲟⲩⲛ ⲉ ⲡⲉⲕⲧⲁⲙⲓⲟⲛ • ⲛ︦ⲅ︦ ϣⲧⲁⲙ • ⲙ̄ ⲡⲉⲕⲣⲟ • ⲉ ⲣⲟⲕ
ⲛ︦ⲅ︦ ϣⲗⲏⲗ • ⲉ ⲡⲉⲕⲉⲓⲱⲧ • ⲉⲧ ϩ︦ⲙ︦ ⲡⲡⲉⲧ ⲑⲏⲡ ⲁⲩⲱ
ⲡⲉⲕⲉⲓⲱⲧ • ⲉⲧ ϭⲱϣⲧ̄ • ⲉ ⲣⲟⲕ • ϩⲙ̄ ⲡⲡⲉⲧ ⲑⲏⲡ • ϥⲛⲁ‐
ⲧⲱⲱⲃⲉ • ⲛⲁⲕ • ⲡⲉϫⲉ ⲡⲕⲉ ⲟⲩⲁ ⲟⲛ • ϩⲱⲙⲁⲓⲟⲥ • ϫⲉ
ⲁⲛⲟⲕ • ⲣⲱ ⲛ ϯⲡⲓⲥⲧⲉⲩⲉ ⲁ[ⲛ] ⲉ ⲡⲉⲓϩⲱⲃ • ⲡⲉϫⲉ ⲡⲕⲉ
ⲥⲟⲛ • ⲛⲁϥ • ϫⲉ ⲙⲁⲣⲛ̄ϫⲛⲟⲩ • ⲁⲡⲁ ⲫⲟⲩ • ⲡⲕⲱϩ︦ⲧ︦ • ⲁⲩⲱ
ϥⲛⲁ[ⲧⲁ]ⲙⲟⲛ • ⲉ ⲡⲃⲱⲗ • ⲙ ⲡⲉⲧⲛ̄ϣⲓⲛⲉ • ⲛⲥⲱϥ▨▨▨▨
▨▨▨▨▨▨▨▨▨▨ⲛⲉⲣⲏⲩ▨▨▨ | ▨▨▨▨▨▨ⲇⲉ • ⲁ
ⲛⲉⲥⲛⲏⲩ ϯ ⲟⲩⲣⲁⲛ • ⲉ ⲣⲟϥ • ϫⲉ ▨[ⲫⲟⲩ ⲡⲕ]ⲱϩ[ⲧ ⲉ] ⲃⲟⲗ •
ϫⲉ ⲙⲉϥⲁⲣⲓⲥⲕⲉ ⲛⲗⲁⲁⲩ • ⲛⲣⲱⲙⲉ • ϩ︤ⲙ︥ ⲡⲉⲧ ⲥⲙⲟ︤ⲛ︦ⲧ︥ •
ⲁ ⲡⲥⲟⲛ • ⲇⲉ ⲥⲛⲁⲩ ⲧⲱⲟⲩⲛ • ⲁⲩⲡⲱⲧ • ϣⲁ ⲣⲟϥ • ⲁⲩⲱ
ⲁⲩⲙⲟⲩⲧⲉ ⲉ ϩⲟⲩⲛ ⲕⲁⲧⲁ ⲡⲕⲁⲛⲱⲛ • ⲛ̄ⲛⲉⲥⲛⲏⲩ • ⲁϥⲉⲓ
ⲉ ⲃⲟⲗ • ⲁϥϫⲓⲧⲟⲩ ⲉ ϩⲟⲩⲛ • ⲉ ⲡⲉϥⲧⲟⲡⲟⲥ • ⲁⲩϣⲗⲏⲗ •
ⲁⲩϩⲙⲟⲟⲥ • ⲉ ϩⲣⲁⲓ ϩⲓ ⲟⲩⲥⲟⲡ • ⲁⲩⲱ ⲡⲉϫⲁϥ • ⲛⲁⲩ ϫⲉ
ⲕⲁⲗⲱⲥ • ⲁⲧⲉⲧ︦ⲛ︦ⲉ︦ⲓ • ⲛ̄ⲉⲥⲛⲏⲩ ⲛⲧⲟⲟⲩ • ⲡⲉϫⲁⲩ • ⲛⲁϥ •
ϫⲉ ⲕⲱ ⲛⲁⲛ ⲉ ⲃⲟⲗ ⲡⲉⲛⲉⲓⲱⲧ • ⲉⲧ ⲟⲩⲁⲁⲃ • ⲁ ⲡⲟⲩⲁ
ⲇⲉ ⲛϩⲏⲧⲟⲩ ϫⲱⲣ︦ⲙ︦ • ⲉ ⲡⲕⲉ ⲟⲩⲁ ϫⲉ ϣⲁϫⲉ • ⲁϥⲟⲩⲱϣ︦ⲃ︦ •
ⲛϭⲓ ⲡⲉⲧ ϭⲛ̄ⲁⲣⲓⲕⲉ • ⲉ ⲡⲥⲟⲛ • ϫⲉ ⲉϥⲉⲓⲣⲉ ⲛ︦ⲛ︦ⲉϥⲡⲟ‐
ⲗⲩϯⲁ • ϩ︦ⲛ︦ ⲟⲩⲱⲛ︦ϩ︦ • ⲉ ⲃⲟⲗ • ⲁϥⲧⲁⲙⲟϥ ⲉ ⲧⲃⲉ ⲡϯⲧⲱⲛ •
ⲉⲧ ϩ︦ⲛ︦ ⲧⲉⲩⲙⲏⲧⲉ • ⲁϥⲟⲩⲱϣⲃ̄ • ⲛϭⲓ ⲡϩ︦ⲗ︦ⲗⲟ • ϫⲉ ⲕⲱ
ⲛⲁⲓ • ⲉ ⲃⲟⲗ • ⲛⲉⲥⲛⲏⲩ • ⲟⲩϩⲓⲥⲉ • ⲡⲉ ϯⲧⲱⲛ • ϩ︦ⲛ︦ ⲛⲉ‐
ⲅⲣⲁⲫⲏ • ⲉ ⲃⲟⲗ • ϫⲉ ϣⲁⲥⲙⲟⲩⲣ ϩⲛ̄ ⲟⲩⲙⲁ • ⲛⲥⲃⲱⲗ
ϩⲛ̄ ⲟⲩⲙⲁ • ⲡⲗⲏⲛ • ϯⲛⲁϫⲱ • ⲉ ⲣⲱⲧ︤ⲛ︥ • ⲛ ⲟⲩϣⲁϫⲉ •
ⲉ ⲡⲁ ⲡⲉⲓ ⲕⲟⲥⲙⲟⲥ ⲡⲉ • ⲁⲥϣⲱⲡⲉ ⲇⲉ • ⲛ ⲟⲩⲣⲟⲙⲡⲉ
ⲙⲡⲉ ⲧⲁⲛⲁⲃⲁⲥⲓⲥ • ϣⲱⲡⲉ ⲛⲧⲉⲛⲥⲱϣⲉ • ⲧⲏⲣⲟⲩ • ϫⲓ
ⲙⲟⲟⲩ • ⲁⲗⲗⲁ • ϩⲉⲛⲕⲟⲩⲓ • ⲛⲉⲩⲛ ⲣⲱⲙⲉ • ⲇⲉ ⲥⲛⲁⲩ •


### 0031

ϩⲛ̄ ⲟⲩ[ⲏ]ⲓ • ⲛ ⲟⲩⲱⲧ • ⲡⲉϫⲉ ⲟⲩⲁ • ⲛϩⲏⲧⲟⲩ • ϫⲉ
ϯ[ⲛ]ⲁⲡⲱⲧ • ⲉ ⲃⲟⲗ • ⲉ ⲧⲥⲱϣⲉ • ⲛⲧⲁⲛⲁⲩ • ϫⲉ [ϯ]ⲛⲁ‐
ⲉϣϫⲱ • ⲛ̄ ⲟⲩⲕⲟⲩⲓ • ⲛⲉ ⲡⲟⲩⲉⲓⲏ▨▨| ⲙⲏⲡⲟⲥ • ⲛⲧ︦ⲛ︦ⲙⲟⲩ •
ϩⲁ ⲡⲉϩⲕⲟ • ϩ[ⲓ]▨▨▨ⲡ • ⲡⲉϫⲉ ⲡⲕⲉ ⲟⲩⲁ • ϫⲉ ⲛ ϯⲛⲁⲃⲱⲕ •
ⲁⲛ ⲁⲛⲟⲕ • ϫⲉ ⲙⲡⲉ ⲛⲥⲱϣⲉ • ⲧⲏⲣⲟⲩ • ϫⲓ ⲙⲟⲟⲩ • ⲉ ⲧⲃⲉ
ϫⲉ ⲛⲥⲉⲛⲁⲣϣⲁⲩ • ⲁⲛ ⲁϥⲃⲱⲕ • ⲇⲉ • ⲉ ⲃⲟⲗ ⲛϭⲓ ⲡⲉⲛⲧ
ⲁϥϫⲉ ⲡϣⲁϫⲉ • ⲉ ⲡⲉϥϣⲃⲏⲣ • ⲁϥϫⲱ ⲛ ⲟⲩⲕⲟⲩⲓ •
ⲛⲥⲟⲩⲟ • ⲙⲛ̄ ⲟⲩⲕⲟⲩⲓ • ⲛ̄ ⲉⲓⲱⲧ • ⲙⲛ̄ ⲟⲩⲕⲟⲩⲓ • ⲛ ⲁⲣ‐
ϣⲓⲛ • ⲙⲛ̄ ⲟⲩⲕⲟⲩⲓ ⲛ ⲟⲩⲣⲱ • ⲙⲛ̄ ⲡⲕⲉ ⲥⲉⲡⲉ • ⲛ̄ ⲛⲉϭ‐
ⲣⲟⲟϭ • ⲕⲁⲧⲁ ϯϩⲉ • ⲡϩⲉⲃⲱⲛ ⲇⲉ • ⲁϥϭ︦ⲙ︦ϭ︦ⲟ︦ⲙ︦ • ⲉ ϩⲣⲁⲓ
ⲉϫⲙ̄ ⲡⲕⲁϩ • ⲧⲉⲛⲟⲩ ϭⲉ • ⲛⲁⲥⲛⲏⲩ • ⲛⲓⲙ ⲛϩⲏⲧⲟⲩ • ⲡⲉⲧ‐
ⲛⲁⲱⲛ︦ϩ︦ • ⲡⲉⲛⲧ ⲁϥϫⲱ ⲛ ⲟⲩⲕⲟⲩⲓ ⲡⲉ • ϫⲓⲛ ⲙ̄ⲙⲟⲛ •
ⲡⲉⲧⲉ ⲙⲡⲉ ϥϫⲱ • ⲉ ⲡⲧⲏⲣ︦ϥ︦ ⲡⲉ • ⲁϥⲟⲩⲱϣⲃ̄ • ⲛϭⲓ ⲡⲉⲧ
ϯⲧⲱⲛ • ϫⲉ ⲡⲉⲛⲧ ⲁϥϫⲱ • ⲛ ⲟⲩⲕⲟⲩⲓ • ⲛ ϭⲣⲟⲟϭ ⲡⲉ •
ⲡⲉϫⲉ ⲡⲡⲉⲧ ⲟⲩⲁⲁⲃ • ⲛⲁϥ • ϫⲉ ⲁⲕⲕⲣⲓⲛⲉ • ϩ︦ⲛ︦ ⲟⲩ‐
ⲥⲟⲟⲩⲧ︦ⲛ︦ • ⲡⲁ ϣⲏⲣⲉ ⲕⲁⲓ ⲅⲁⲣ • ⲡⲉⲧ ⲛⲁⲉⲓⲣⲉ • ϩⲟⲗⲱⲥ •
ⲛ ⲟⲩⲕⲟⲩⲓ ⲛⲉⲛⲧⲟⲗⲏ • ϥⲛⲁⲱⲛ︦ϩ︦ • ⲡⲁⲣⲁ ⲡⲉⲧⲉ ⲙⲡⲉ
ϥⲉⲓⲣⲉ • ⲉ ⲡⲧⲏⲣ︤ϥ︥ • ⲛⲧⲉⲩⲛⲟⲩ ⲁ ⲡⲥⲟⲛ • ⲉⲧ ⲙ̄ⲙⲁⲩ •
ⲡⲁϩⲧ︦ϥ︦ • ⲙ ⲡⲉⲧⲉ ϥϯⲧⲱⲛ • ⲛⲙ̄ⲙⲁϥ • ϩ︦ⲙ︦ ⲡⲧⲣ︦ϥ︦ⲥⲱⲧ︦ⲙ︦
ϫⲡⲓⲟ ⲉϥϫⲱ ⲙⲙⲟⲥ • ϫⲉ ⲕⲱ ⲛⲁⲓ▨▨▨▨▨▨▨▨▨
ⲙⲛ︦ⲧ︦ • ⲁⲩⲱ ⲧⲁⲓ▨▨▨▨▨▨▨▨▨▨▨ⲛ ⲧⲟⲟⲧ︦︦︦ϥ︦• | Ⲉ▨▨
ϯϩ▨▨▨ⲙ ⲡⲉⲥⲛⲁⲩ • ⲧⲉⲛⲟⲩ ϭⲉ • ⲡⲁ ϣⲏⲣⲉ ⲙⲁⲣⲕⲟⲥ •
ⲛⲧⲁⲓϫⲉ ⲛⲁⲓ • ⲛⲁⲕ ⲉ ⲧⲃⲉ ⲡϩⲉⲑⲛⲟⲥ ⲛⲧⲁⲕϫⲟⲟⲥ • ⲛⲁⲓ ⲉ
ⲧⲃⲏⲏⲧ︦ϥ︦ • ⲟⲩϩⲏⲩ ⲡⲉ ϩⲓⲟⲟⲩⲉ • ⲉ ⲣⲟⲕ • ⲉ ⲧⲃⲉ ⲧⲁⲅⲁⲡⲏ •
ⲛ ϩⲟⲩⲟ • ⲉ ⲣⲟⲥ • ⲉ ⲧⲣⲉⲩϩⲓⲟⲩⲉ • ⲉ ⲣⲟⲕ • ϫⲉ ⲙⲛ̄
ⲁⲅⲁⲡⲏ • ϩ︦ⲙ︦ ⲡⲉⲕϩⲏⲧ • ⲉ ⲃⲟⲗ • ϫⲉ ϣⲁⲣⲉ ⲧⲁⲅⲁⲡⲏ •
ϩⲱⲥ ⲉ ⲃⲟⲗ ⲉϫⲙ̄ ⲟⲩⲙⲏⲏϣⲉ • ⲛ̄ⲛⲟⲃⲉ • ⲡϩⲉⲑⲛⲟⲥ • ⲉⲧ
ⲙ̄ⲙⲁⲩ • ϩⲁⲡⲥ̄ ⲡⲉ • ⲉ ⲧⲣ︦ϥ︦ⲡⲓⲥⲧⲉⲩⲉ • ⲉ ⲡⲛⲟⲩⲧⲉ ⲙⲛ̄ⲛⲥⲁ
ⲟⲩⲟⲉⲓϣ • ⲉ ⲧⲃⲉ ⲡⲁⲓ • ⲛⲧⲁⲓϫⲱ • ⲉ ⲣⲟⲕ • ⲛⲛⲁⲓ ⲧⲏⲣⲟⲩ
ϫⲉ ⲁⲓϩⲉ ⲉ ⲣⲟⲕ • ⲛ̄ⲑⲉ • ⲛ ⲟⲩⲃⲓⲗⲃⲓⲗⲉ • ϩⲙ̄ ⲡⲉⲥⲙⲁϩ •
ⲕⲁⲧⲁ ⲑⲉ ⲛ̄ⲧⲁϥϫⲟⲟⲥ • ⲛϭⲓ ⲏⲥⲁⲓⲁⲥ • ϫⲉ ⲙⲡⲣ̄ ⲧⲁⲕⲟϥ
ϫⲉ ⲟⲩⲛ ⲟⲩⲥⲙⲟⲩ • ⲛⲧⲉ ⲛϫⲟⲉⲓⲥ • ⲛ̄ϩⲏⲧ︤ϥ︥ • Ⲁⲥϣⲱⲡⲉ ⲇⲉ
ⲛ̄ ⲧⲉⲣ ϥ̄ϫⲉ ⲛⲁⲓ • ⲛϭⲓ ⲡⲁⲣⲭⲏⲉⲡⲓⲥⲕⲟⲡⲟⲥ • ⲉⲧ ⲟⲩⲁⲁⲃ •
ⲁⲡⲁ ⲁⲑⲁⲛⲁⲥⲓⲟⲥ ⲡⲉϫⲁϥ ⲙ ⲡⲉϥⲇⲓⲁⲕⲟⲛⲟⲥ • ϫⲉ ϥⲓ


### 0032

ⲡⲣⲟⲟⲩϣ ⲛ ⲧⲉⲡⲣⲟⲥⲫⲟⲣⲁ • ϫⲉ ⲉⲛⲛⲁⲭⲉⲓⲣⲟⲇⲟⲛⲉⲓ ⲙ
ⲡⲉⲡⲓⲥⲕⲟⲡⲟⲥ • ⲁⲩⲱ ⲧⲁⲓ ⲧⲉ ⲑⲉ • ⲛⲧⲁϥⲧⲱⲟⲩⲛ • ⲁϥⲁ‐
ⲙⲁϩⲧⲉ ⲛ ⲧϭⲓϫ • ⲙⲙⲁⲣⲕⲟⲥ [ⲁ]ϥϫⲓⲧϥ̄ • ⲉ ϩⲟⲩⲛ • ⲉ
ⲧⲉⲕⲕⲗⲉⲥⲓⲁ • ⲉⲣⲉ ⲡ[ⲙ]ⲏⲏϣⲉ • ⲧⲏⲣ︦ϥ︦ • ⲙⲟⲟϣⲉ • ⲛⲙ̄‐
ⲙⲁϥ • ⲁϥⲭⲓ[ⲣⲟ]ⲇⲱⲛⲉⲓ • ⲙⲙⲟϥ • ⲁϥⲉⲓ ⲉ ⲃⲟⲗ • ⲁϥ‐
ⲃⲱⲕ [ⲉ ⲡ]ⲙⲁ • ⲉⲛⲉϥⲛ̄ϩⲏⲧϥ̄ • ⲁⲩⲱ ⲡⲉϫⲁϥ [ⲙ ⲡⲉϥ]ⲇⲓⲁ‐
ⲕⲟⲛⲟⲥ▨▨▨▨▨▨▨▨▨▨▨▨▨▨▨ | ⲛⲧⲛ̄ⲟⲩⲱⲙ • ⲛ
ⲟⲩⲟⲉⲓⲕ • ⲙ[ⲛ̄ ⲛⲉⲛⲉ]ⲣⲏⲩ ⲁⲩⲱ ⲧⲁⲓ ⲧⲉ ⲑⲉ • ⲛⲧⲁⲛ‐
ⲙⲡϣⲁ • ⲛϫⲓ ⲡⲉⲥⲙⲟⲩ • ⲛ ⲧⲉϥⲙⲛ︦ⲧ︦ⲉⲓⲱⲧ • ⲉⲧ ⲟⲩⲁⲁⲃ •
ⲁⲛ︦ⲣ︦ ϣⲟⲙⲛ︦ⲧ︦ • ⲛϩⲟⲟⲩ • ϩⲁϩⲧⲏϥ • ⲉⲛⲉⲓⲣⲉ • ⲕⲁⲧⲁ ϯϩⲉ •
ϩⲙ̄ ⲡⲙⲉϩ ϥⲧⲟⲟⲩ ⲇⲉ ⲛϩⲟⲟⲩ ⲁϥϯ • ⲛⲁⲛ ⲛ̄ ⲧⲥⲩⲥⲧⲁⲕⲏ •
ⲛ̄ ⲧⲙⲛ︦ⲧ︦ⲉⲡⲓⲥⲕⲟⲡⲟⲥ • ⲁϥⲕⲁⲁⲛ • ⲉ ⲃⲟⲗ ⲛ ⲧⲉⲣ ⲛ︦ⲣ︦
ⲡⲃⲟⲗ • ⲙ̄ ⲡⲣⲟ • ⲁϥⲧⲛ̄ⲛⲟⲟⲩ • ⲙ ⲡ[ⲉϥ]ⲇⲓⲁⲕⲟⲛⲟⲥ • ϣⲁ
ⲁⲡⲁ ⲙⲁⲣⲕⲟⲥ • ⲡⲉⲡⲓⲥⲕⲟⲡⲟⲥ ⲁϥϫⲓⲧϥ̄ • ⲉ ϩⲟⲩⲛ • ϣⲁ
ⲣⲟϥ • ⲁⲩⲱ ⲡⲉϫⲁϥ ⲛⲁϥ • ϫⲉ ⲉⲕϣⲁⲛⲃⲱⲕ • ⲉ ⲣⲏⲥ •
ⲉ ⲡⲉⲕⲧⲟⲡⲟⲥ ⲧⲁⲗⲉ ϭⲓϫ • ⲉϫⲙ̄ ⲡⲉⲕⲥⲟⲛ • ⲛ ϣⲟⲣ︦ⲡ︦ •
ⲛ︦ⲅ︦ ⲡⲟϣⲛⲉϥ • ⲛ ⲇⲓⲁⲕⲟⲛⲟⲥ • ⲙⲛ̄ⲛⲥⲱⲥ • ⲙ ⲡⲣⲉⲥⲃⲩ‐
ⲧⲉⲣⲟⲥ • ⲉ ⲧⲃⲉ ϫⲉ ⲉϥⲧⲏϣ • ϩⲱⲱϥ ⲉⲩⲟⲓⲕⲟⲛⲟⲙⲓⲁ • ⲉ
ⲃⲟⲗ • ϫⲉ ⲁⲩϯ ϩⲓⲱⲱϥ ⲛ ⲧⲉϣⲧⲏⲛ • ⲁⲩϭⲟⲟⲗϥ̄ • ⲛ̄
ⲧⲉⲡⲟⲩⲙⲓⲥ • ⲁⲩⲱ ⲛⲧⲟⲕ • ⲙⲉⲛ • ⲛⲧⲁⲩⲛⲟϫⲕ̄ • ⲉⲕⲟⲩ‐
ⲱⲛ︦ϥ︦ • ⲙ ⲡⲉⲕⲉⲓⲱⲧ • ⲡⲉⲕⲥⲟⲛ • ϩⲱⲱϥ ⲛⲧⲁⲩⲛⲟϫϥ̄ •
ⲉⲕⲟⲩⲛ︦ⲕ︦ • ⲉ ⲧⲃⲉ ⲡⲁⲓ • ⲙⲛ̄ⲛⲥⲁ ⲧⲣ︦ⲕ︦ϫⲱⲕ • ⲉ ⲃⲟⲗ •
ⲛⲧⲟϥ • ⲡⲉⲧ ⲛⲁϩⲙⲟⲟⲥ • ⲉ ⲡⲉⲕⲙⲁ • ⲛⲁⲓ ⲇⲉ • ⲛ ⲧⲉⲣ
ϥ̄ⲥⲟⲧ[ⲙⲟⲩ]▨▨▨▨▨▨▨▨ⲁⲣⲭⲏⲉⲡⲓⲥⲕⲟⲡ[ⲟⲥ]▨▨▨▨
▨▨▨▨▨ⲧⲁⲓ ⲧⲉ ⲑⲉ | ⲁⲩⲱ ⲧ[ⲁⲓ ⲧⲉ] ⲑⲉ ⲛⲧⲁⲛⲉⲓ• ⲉ ⲃⲟⲗ •
ϩⲓ ⲧⲟⲟⲧ︤ϥ︥ • ⲁⲛⲃⲱⲕ • ⲉ ⲣⲁⲕⲟⲧⲉ ⲁⲛⲁⲗⲉ ⲉⲩⲕⲟⲩⲓ ⲛ
ⲥⲕⲁⲫⲟⲥ ⲁⲛⲉⲓ • ⲉ ⲃⲟⲗ • ⲉⲩⲙⲁ • ⲉϣⲁⲩⲙⲟⲩⲧⲉ • ⲉ ⲣⲟϥ •
ϫⲉ ⲥⲭⲓⲥⲥⲁ • ⲁⲩⲱ ⲛⲉⲣⲉ ⲟⲩⲙⲏⲏϣⲉ ⲛϫⲟⲓ ⲙⲟⲟⲛⲉ •
ϩ︤ⲙ︥ ⲡⲙⲁ • ⲉⲧ ⲙ̄ⲙⲁⲩ • ⲁⲛⲙⲟϣⲧⲟⲩ • ⲧⲏⲣⲟⲩ • ⲙⲡⲉ
ⲛϩⲉ ⲉ ⲟⲩⲟⲛ ⲉϥⲛⲁⲣ ϩⲱⲧ • ⲉ ⲁⲛϯⲛⲱⲟⲩ • ⲧⲡⲟⲗⲓⲥ ⲉ ⲃⲟⲗ •
ϫⲉ ⲉⲩⲧⲁⲗⲉ ⲥⲟⲩⲟ • ϩ︤ⲛ︥ ⲛⲧⲟϣ ⲉⲧ ⲙ̄ⲙⲁⲩ • ⲁⲩⲱ ⲉⲡⲉⲓ
ⲇⲏ ⲉⲣⲉ ⲡⲛⲟⲩⲧⲉ • ⲛⲁⲧⲟϣ • ⲛⲁⲛ • ⲛ ⲟⲩⲉⲩⲕⲁⲓⲣⲓⲁ • ⲉⲛⲁ‐
ⲛⲟⲩⲥ • ⲛ ⲧⲉⲣ ⲛ̄ⲣ ⲟⲩⲕⲟⲩⲓ • ⲇⲉ ⲛϩⲟⲟⲩ ϩ︦ⲙ︦ ⲡⲙⲁ • ⲉⲧ
ⲙ̄ⲙⲁⲩ • ⲙⲛ̄ ⲛⲉⲥⲛⲏⲩ • ⲙⲛ̄ ⲡⲉⲡⲓⲥⲕⲟⲡⲟⲥ • ⲉⲩϫⲱ ⲙ‐


### 0033

ⲙⲟⲥ • ϫⲉ ⲉ ⲧⲃⲉ ⲟⲩ ⲙ̄ⲡⲉ ⲛϩⲉ ⲉⲩϫⲟⲓ • ϩⲛ̄ ⲛⲉⲓ ⲉϫⲏⲩ •
ⲧⲏⲣⲟⲩ ⲉϥⲛⲁⲃⲱⲕ • ⲉ ⲡⲉⲛⲧⲟϣ • ⲡⲉϫⲉ ⲡⲉⲡⲓⲥⲕⲟⲡⲟⲥ •
ⲛⲁⲩ (sic) • ϫⲉ ϩⲣⲟϣ • ⲛ̄ϩⲏⲧ • ⲡⲛⲟⲩⲧⲉ • ⲛⲁⲧⲛ̄ⲛⲟⲟⲩ •
ⲛⲁⲛ • ⲛⲧⲉⲩⲕⲁⲓⲣⲓⲁ ⲛⲧⲛ̄ⲃⲱⲕ • ⲉ ⲡⲉⲛⲏⲓ • ϩ︦ⲛ︦ ⲟⲩⲉⲓⲣⲏⲛⲏ •
Ϩⲛ̄ ⲧⲉⲩϣⲏ ⲇⲉ ⲉⲧ ⲛⲏⲩ • ⲁⲩϫⲟⲓ • ⲙⲟⲟⲛⲉ • ⲉϥⲏⲡ •
ⲉ ⲧⲡⲟⲗⲓⲥ • ⲥⲟⲩⲁⲛ • ⲟⲩⲙⲁ • ⲛϥ̄ⲟⲩⲏⲏⲩ • ⲁⲛ ⲉ ⲧⲉϥ‐
ⲡⲟⲗⲓⲥ • ⲡⲁⲓ ⲇⲉ • ⲛⲉⲁϥⲉⲓⲛⲉ • ⲙ ⲡⲉϥⲁⲩⲉⲓⲛ • ⲉϩⲏⲧ
ϣⲁ ⲧⲡⲟⲗⲓⲥ▨▨▨▨▨▨▨▨▨▨▨▨ⲡⲣⲓϫ • ▨▨▨▨▨
▨▨▨▨▨▨▨▨▨▨▨▨Ⲓ ⲕⲟⲟⲃⲉϥ • ⲛϭⲓ ϩⲉⲛⲁⲣⲭⲱⲛ •
ⲁⲩⲁⲗⲉ ⲉ ⲣⲟϥ ⲙⲛ̄ ⲛⲉⲩϩⲓⲟⲟⲙⲉ • ⲙⲛ̄ ⲛⲉⲩϣⲏ • ⲁⲩⲱ
ⲧⲉⲩⲁⲡⲟⲥⲕⲉⲩⲏ • ⲧⲏⲣⲥ̄ • ⲙⲛ̄ ⲛⲉⲩϩⲙ̄ϩⲁⲗ • ⲁⲩⲉⲓ • ⲉ
ⲣⲁⲕⲟⲧⲉ • ϩⲧⲟⲟⲩⲉ • ⲇⲉ ⲛ ⲧⲉⲣ ϥ̄ϣⲱⲡⲉ ⲁⲩϭⲱϣⲧ̄ •
ⲛϭⲓ ⲛⲉⲥⲛⲏⲩ ⲉⲧ ⲙⲟⲟϣⲉ • ⲙⲛ̄ ⲡⲉⲡⲓⲥⲕⲟⲡⲟⲥ • ⲁⲩⲱ
ⲛ ⲧⲉⲣ ⲟⲩⲛⲁⲩ • ⲉ ⲡϫⲟⲓ • ⲁⲩⲉⲓⲙⲉ ϫⲉ ⲛⲧⲁϥⲙⲟⲟⲛⲉ
ⲛ̄ⲧⲉⲩϣⲏ ⲉⲧ ⲙ̄ⲙⲁⲩ • ⲁϥⲃⲱⲕ • ⲛ̄ⲧⲉⲩⲛⲟⲩ • ⲛϭⲓ
ⲟⲩⲁ • ⲛ ⲛⲉⲥⲛⲏⲩ ⲁϥϣⲁϫⲉ • ⲙⲛ̄ ⲡⲛⲉⲉϥ • ⲙ
ⲡϫⲟⲓ • ⲉϥϫⲱ ⲙⲙⲟⲥ • ϫⲉ ⲧⲉⲧⲛⲁϣⲧⲁⲗⲟⲛ • ⲛ︦ⲙ︦ⲙ︦ⲏ︦ⲧ︦ⲛ︦
ⲉⲧⲉⲧⲛ̄ⲃⲏⲕ • ⲉ ⲣⲏⲥ • ⲡⲉϫⲉ ⲡⲛⲉⲉϥ • ⲛⲁϥ ϫⲉ ⲛ̄ⲧⲉⲧⲛ̄ ϩⲉ‐
ⲛⲣⲙ̄ ⲧⲱⲛ • ϫⲉ ϯⲛⲁⲩ ⲉ ⲧⲉⲕⲁⲥⲡⲉ • ⲉⲥⲧⲛ̄ⲧⲱⲛ • ⲉ ⲧⲱⲛ •
ⲛ̄ⲧⲟϥ ⲇⲉ • ⲡⲉϫⲁϥ • ϫⲉ ⲉⲛⲏⲡ • ⲉ ⲡⲓⲗⲁⲕ • ⲡⲉϫⲁϥ
ⲛⲁϥ • ϫⲉ ⲛⲧⲁⲕⲉⲓ • ⲉ ⲧⲱⲛ • ⲙ ⲡⲉⲓ ⲙⲁ • ⲏ [ⲛ]ⲧⲕⲉⲓ •
ⲉ ⲧⲃⲉ ⲟⲩ • ⲛ̄ ϩⲱⲃ • ⲁϥⲁⲣⲭⲉⲓ • ⲛ̄▨▨▨▨▨▨▨▨▨▨
▨▨ⲟⲥ ϫⲉⲛⲧⲁⲛ▨▨▨▨▨▨▨▨▨▨▨ⲡⲟⲥ▨▨▨▨▨▨
▨▨▨▨▨▨▨▨ⲛⲙ̄ [two or three lines wanting] | ⲁϥϩⲉ ·
ⲉ ⲣⲟϥ • ⲉϥϩⲙⲟⲟⲥ ϩⲓⲣ︦ⲙ︦ ⲡⲣⲟ • ⲛ̄ ⲧⲉⲕⲕⲗⲏⲥⲓⲁ • ⲁϥ‐
ⲡⲁϩⲧϥ̄ • ⲁϥⲟⲩⲱϣⲧ̄ • ϩⲁ ⲛⲉϥⲟⲩⲣⲏⲏⲧⲉ • ⲁⲩⲱ ⲡⲉϫⲁϥ •
ϫⲉ ⲁⲓⲙⲡϣⲁ ⲛ ⲟⲩⲛⲟϭ • ⲛ̄ ϩⲙⲟⲧ • ⲙⲡⲟⲟⲩ ⲡⲁ ⲉⲓⲱⲧ
ⲉⲧ ⲟⲩⲁⲁⲃ • ⲁⲩⲱ ⲁϥϣⲁϫⲉ • ⲁⲩⲱ • ⲛⲧⲁⲩⲟ ⲉ ⲣⲟϥ •
ⲛⲑⲉ • ⲛⲧⲁⲩⲕⲉⲉϥⲉ ⲡⲉϥϫⲟⲓ • ⲡⲉϫⲉ ⲡⲉⲡⲓⲥⲕⲟⲡⲟⲥ • ⲛⲁϥ •
ϫⲉ ⲥⲉⲛⲁⲕⲁⲁϥ ⲉ ⲃⲟⲗ ⲙⲡⲟⲟⲩ • ⲉϣⲱⲡⲉ • ⲡⲟⲩⲱϣ •
ⲙ ⲡⲛⲟⲩⲧⲉ ⲡⲉ • ⲁ ⲡⲛⲉⲉϥ • ⲇⲉ • ⲡⲱⲧ • ⲉ ⲃⲟⲗ • ⲉ ⲡϫⲟⲓ •
ⲁϥⲧⲁⲩⲉ ⲑⲉ • ⲉⲛⲁⲣⲭⲱⲛ • ⲙⲛ̄ ⲛⲉϥϣⲃⲏⲣ • ⲛⲉⲉϥ
ⲛⲧⲟⲟⲩ • ϩⲱⲟⲩ • ⲟⲛ • ⲛ̄ⲧⲟⲟⲩ ⲇⲉ • ϩⲱⲟⲩ ⲁⲩⲡⲱⲧ • ⲉ
ϩⲣⲁⲓ • ⲉ ⲧⲉⲕⲕⲗⲉⲥⲓⲁ • ⲉ ⲧⲣⲉⲩϫⲓ ⲥⲙⲟⲩ • ⲛⲧⲟⲟⲧ︤ϥ︥ • ⲙ


### 0034

ⲡⲉⲡⲓⲥⲕⲟⲡⲟⲥ • ⲁϥⲡⲁⲣⲁⲕⲁⲗⲉⲓ • ⲛ̄ ⲛ̄ⲁⲣⲭⲱⲛ • ⲉ ⲧⲣⲉⲩⲕⲁ
ⲡϫⲟⲓ ⲉ ⲃⲟⲗ • ⲛ̄ ⲛ̄ϩⲏⲕⲉ • ⲛⲥⲉⲧⲁⲗⲟϥ • ⲉ ⲣⲏⲥ • ⲛⲧⲟⲟⲩ
ⲇⲉ • ⲡⲉϫⲁⲩ • ϫⲉ ⲛⲑⲉ • ⲛ̄ⲧⲁⲕⲕⲉⲗⲉⲩⲉ • ⲙⲙⲟⲥ • ⲡⲉⲛ‐
ⲉⲓⲱⲧ • ⲉⲧ ⲟⲩⲁⲁⲃ • ⲥⲛⲁϣⲱⲡⲉ • ⲁⲩⲱ ⲧⲁⲓ ⲧⲉ ⲑⲉ • ⲛⲧⲩ‐
ⲭⲉⲓ(?) ▨▨ϩⲛ̄ ⲟⲩⲛⲟϭ • ▨▨▨▨▨▨▨▨▨▨▨▨▨ⲁⲡⲟⲩ
▨▨▨▨▨▨▨▨▨▨▨▨▨ [five or six lines wanting] |
ⲏⲑⲓⲁ • ⲙ ⲡⲉⲭ︦ⲥ︦ • ⲛⲉⲣⲉ ⲡⲧⲏⲩ • ⲥⲱⲕ ⲙⲙⲟⲛ ϩⲛ̄ ⲕⲟⲧⲥ̄ •
ⲛⲓⲙ • ϣⲁⲛⲧ ⲟⲩⲕⲁⲧⲁⲛⲧⲁ • ⲉ ⲧⲉϥⲡⲟⲗⲓⲥ • ⲛ ⲧⲉⲣ ⲟⲩⲉⲓ
ⲇⲉ ⲉ ⲣⲏⲥ • ⲉ ⲡⲉⲩⲏⲓ • ⲁⲩⲉⲓⲣⲉ • ⲛ ⲟⲩⲛⲟϭ • ⲙⲙ︦ⲛ︦ⲧ︦ⲙⲁⲓ
ⲣⲱⲙⲉ • ⲉ ⲡⲉⲡⲓⲥⲕⲟⲡⲟⲥ • ⲁⲩⲧⲱϣ ⲇⲉ ⲛⲁϥ • ⲛ̄ ϩⲉⲛⲧ︦ⲃ︦‐
ⲛⲟⲟⲩⲉ ϫⲉ ⲕⲁⲥ • ⲉⲩⲉⲧⲁⲗⲟϥ • ⲛⲥⲉϫⲓⲧ︦ϥ︦ • ⲉ ⲧⲉϥⲡⲟⲗⲓⲥ
Ⲛ ⲧⲉⲣ ⲟⲩⲥⲱⲧⲙ̄ • ⲇⲉ • ⲛ̄ϭⲓ ⲡⲗⲁⲟⲥ • ⲁⲩⲉⲓ ⲉ ⲃⲟⲗ •
ϩⲏⲧ︤ϥ︥ • ⲧⲏⲣⲟⲩ • ϩ︤ⲛ︥ ϩⲉⲛⲯⲁⲗⲙⲟⲥ ⲙⲛ̄ ϩⲉⲛϩⲩⲙⲛⲟⲥ •
ⲁⲩⲯⲁⲗⲗⲉⲓ • ϩⲁ ⲧⲉϥϩⲏ ϣⲁⲛⲧ ⲟⲩϫⲓⲧϥ̄ • ⲉ ϩⲟⲩⲛ • ⲉ
ⲧⲉⲕⲕⲗⲏⲥⲓⲁ ⲛⲥⲉⲑⲙ̄ⲥⲟϥ • ϩⲓϫⲙ̄ ⲡⲉⲑⲣⲟⲛⲟⲥ • ⲁⲩⲱ ⲁϥϯ
ⲛⲁⲩ • ⲛ̄ ⲧⲥⲩⲥⲧⲁⲗⲓⲕⲏ • ⲛ̄ ⲧⲙ︦ⲛ︦ⲧ︦ⲉⲡⲓⲥⲕⲟⲡⲟⲥ • ⲁϥϫⲓⲧⲥ̄ •
ⲛϭⲓ ⲡⲇⲓⲁⲕⲟⲛⲟⲥ ⲛⲧⲁϥϫⲟⲟⲥ • ⲉ ⲡⲗⲁⲟⲥ ⲉ ⲧⲃⲏⲏⲧ︦ϥ︦ •
ϫⲉ ⲥⲉϣⲟⲟⲡ ⲛϭⲓ ⲛⲉⲕⲗⲏⲣⲟⲛⲟⲙⲟⲥ • ⲁϥⲱϣⲥ̄ • ⲉ
ⲡⲗⲁⲟⲥ • ⲁⲩⲱ ⲁϥⲧⲣⲉⲩϥⲓ ⲡⲣⲟⲟⲩϣ • ⲛ̄ⲧⲉ ⲡⲣⲟⲥⲫⲟ[ⲣⲁ]
ⲁϥⲥⲩⲛⲁⲅⲉ • ⲙⲙⲟⲟⲩ • ⲧⲏⲣⲟⲩ • ϩⲛ̄ ⲛⲉϥϭⲓϫ • ϫⲓⲛ
ⲡⲉⲩⲕⲟⲩⲓ • ϣⲁ ⲡⲉⲩⲛⲟϭ ⲁϥⲣ̄ ϣⲟⲙⲛ︦ⲧ︦ • ⲛϩⲟⲟⲩ ϩⲛ̄ ⲧⲉⲕ‐
ⲕⲗⲉⲥⲓⲁ [ⲁϥ]ⲕⲁⲑⲏⲅⲉⲓ • ⲙⲙⲟⲟⲩ • ϩ︦ⲙ︦▨▨▨▨▨▨▨▨
[three or four lines wanting] | ⲉϥⲉⲓⲣⲉ • ⲛ ϩⲉⲛⲙⲛ̄ⲧⲛⲁ •
ⲉⲛⲁϣⲱⲟⲩ • ⲉϥϩⲁⲣⲉϩ ⲉ ⲛⲉⲛⲧⲟⲗⲏ • ⲧⲏⲣⲟⲩ • ⲙ ⲡⲉϥ‐
ⲉⲓⲱⲧ • ⲉⲧ ⲟⲩⲁⲁⲃ • ⲁⲡⲁ ⲙⲁⲕⲉⲇⲱⲛⲓⲟⲥ ⲡⲉⲡⲓⲥⲕⲟ‐
ⲡⲟⲥ • ⲙⲛ̄ⲛⲥⲁ ϩⲉⲛϩⲟⲟⲩ ⲇⲉ ⲁϥϣⲱⲡⲉ • ⲛϭⲓ ⲟⲩⲛⲟϭ
ⲛ ϣⲁ • ⲁ ⲡⲗⲁⲟⲥ • ⲧⲏⲣ︦ϥ︦ • ⲡⲁⲣⲁⲕⲁⲗⲉⲓ • ⲙⲙⲟϥ ⲉ
ⲧⲣ︦ϥ︦ⲉⲓ • ⲉ ϩⲟⲩⲛ • ⲉ ⲧⲡⲟⲗⲓⲥ ⲛ︦ϥ︦ⲥⲩⲛⲁⲅⲉ ⲙⲙⲟⲟⲩ • ⲁⲩⲱ
ϩⲙ̄ ⲡⲧⲣⲉⲩϥⲓ ⲙ ⲡⲣⲟⲟⲩϣ ⲛ ⲧⲉⲡⲣⲟⲥⲫⲟⲣⲁ ⲁϥⲙⲟⲩⲧⲉ •
ⲉ ⲏⲥⲁⲓⲁⲥ ⲡⲉϥⲥⲟⲛ • ⲁϥⲁⲙⲁϩⲧⲉ ⲙⲙⲟϥ • ⲁϥⲭⲓⲣⲟ‐
ⲇⲟⲛⲉⲓ • ⲙⲙⲟϥ • ⲙ ⲡⲣⲉⲥⲃⲩⲧⲉⲣⲟⲥ ⲕⲁⲧⲁ ⲑⲉ ⲛⲧⲁϥ‐
ϩⲱⲛ • ⲉ ⲧⲟⲟⲧ︤ϥ︥ • ⲛϭⲓ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁⲡⲁ ⲁⲑⲁⲛⲁ‐
ⲥⲓⲟⲥ • ⲁⲩⲱ ⲧⲁⲓ ⲧⲉ ⲑⲉ ⲛⲧⲁϥⲥⲩⲛⲁⲅⲉ • ⲙ ⲡⲗⲁⲟⲥ •
ⲁϥⲥⲙⲟⲩ • ⲉ ⲣⲟⲟⲩ ⲁϥⲕⲁⲁϥ • ⲉ ⲃⲟⲗ • ϩ︦ⲛ︦ ⲟⲩⲉⲓⲣⲏⲛⲏ •


### 0035

ⲙⲛ̄ⲛⲥⲱⲥ • ⲛ ⲧⲉⲣ ϥ︦ⲣ︦ ϩⲉⲛϩⲟⲟⲩ • ⲉϥⲙⲟⲟⲛⲉ • ⲙ ⲡⲉϥ‐
ⲗⲁⲟⲥ • ϩⲛ̄ ⲑⲟⲧⲉ • ⲙ ⲡⲛⲟⲩⲧⲉ • ⲁ ⲡⲉϥⲥⲱⲙⲁ • ⲕⲁ ϭⲟⲙ •
ⲉ ⲃⲟⲗ • ⲁϥⲙⲟⲩⲧ[ⲉ] ⲉ ⲏⲥⲁⲓⲁⲥ • ⲡⲉϥⲥⲟⲛ • ⲡⲉϫⲁϥ • ⲛⲁϥ •
ϫⲉ ⲥⲱⲧⲙ̄ • ⲛⲧⲁⲧⲁⲙⲟⲕ • ⲉⲡⲉⲓ ⲇⲏ • ⲁϥϫⲟⲟⲥ ⲛϭⲓ
ⲡⲁⲣⲭⲏⲉⲡⲓⲥⲕⲟⲡⲟⲥ • ⲉⲧ ⲟⲩⲁⲁⲃ • ⲁⲡⲁ ⲁ[ⲑⲁⲛⲁⲥⲓⲟⲥ] [ⲉ ⲧⲁ]
ⲛϩⲟⲩⲧⲕ̄ • ⲉϯⲗ▨▨ [three or four lines wanting] | ϫⲟⲟⲩ •
ⲁϥϣⲧⲟ • ⲉ ⲡϣⲱⲛⲉ • ⲛ̄ ⲥⲟⲩ ⲙⲏⲧ ⲛ ⲧⲱⲃⲉ • ⲁⲩⲱ ⲧⲁⲓ ⲧⲉ
ⲑⲉ • ⲛ̄ⲧⲁϥⲙⲧⲟⲛ ⲙ̄[ⲙⲟϥ] ⲛ̄ ⲥⲟⲩ ⲙⲛ̄ⲧⲁϥⲧⲉ • ⲙ ⲡⲉⲓ
ⲉⲃⲟⲧ ⲛ̄ ⲟⲩⲱⲧ • ⲁⲩⲱ ⲛ̄ ⲧⲉⲣ ⲟⲩⲧⲁⲙⲉ ⲡⲗⲁⲟⲥ ⲁⲩⲉⲓ ⲉ
ⲃⲟⲗ • ⲁⲩⲥⲕⲉⲡⲁⲍⲉ • ⲙ̄ ⲡⲉϥⲥⲱⲙⲁ • ⲁⲩⲱ ⲁⲩⲣⲓⲙⲉ
ⲉ ⲣⲟϥ ⲧⲏⲣⲟⲩ • ϫⲉ ⲟⲩⲣⲱⲙⲉ ⲡⲉ • ⲛ ⲁⲅⲁⲑⲟⲥ ⲡⲉ ⲁⲩⲱ
ⲧⲁⲓ ⲧⲉ ⲑⲉ ⲛⲧⲁⲩⲧⲟⲙⲥ̄ • ⲙⲙⲟϥ • ϩⲁϩⲧ︦ⲙ︦ ⲡⲥⲱⲙⲁ • ⲛ
ⲁⲡⲁ ⲙⲁⲕⲉⲇⲱⲛⲓⲟⲥ ⲡⲉⲡⲓⲥⲕⲟⲡⲟⲥ • ⲛⲧⲉⲩⲛⲟⲩ • ⲉⲧ ⲙ‐
ⲙⲁⲩ • ⲁⲩⲁⲙⲁϩⲧⲉ • ⲛ̄ ⲏⲥⲁⲓⲁⲥ • ⲡⲉⲡⲣⲉⲥⲃⲩⲧⲉⲣⲟⲥ • ⲁⲩ‐
ϫⲓⲧ︤ϥ︥ ⲉ ϩⲟⲩⲛ ⲉ ⲧⲡⲟⲗⲓⲥ • ϩⲙ̄ ⲡⲉϩⲟⲟⲩ ⲛ ⲟⲩⲱⲧ • ⲁⲩ‐
ⲡⲓⲑⲉ • ⲙⲙⲟϥ • ⲧⲏⲣⲟⲩ • ⲉ ⲧⲣⲉⲩⲧⲁϩⲟϥ • ⲉ ⲣⲁⲧ︦ϥ︦ • ⲛ̄
ϣⲱⲥ ⲉ ϩⲣⲁⲓ • ⲉ ϫⲱⲟⲩ • ⲉ ⲡⲙⲁ • ⲙ ⲙⲁⲣⲕⲟⲥ ⲡⲉϥ‐
ⲥⲟⲛ • ⲁⲩⲱ ⲧⲁⲓ ⲧⲉ ⲑⲉ • ⲛⲧⲁⲩⲥϩⲁⲓ • ⲙ ⲡⲉⲯⲓⲥⲁⲫⲓⲥ (sic)•
ϩⲁ ⲣⲟϥ • ⲁⲩⲧⲁⲁϥ • ⲛ ϩⲉⲛⲥⲛⲏⲩ • ⲙ ⲙⲁⲓ ⲛⲟⲩⲧⲉ •
ⲛⲥⲉϫⲓⲧ︦ϥ︦ • ⲉ ⲣⲁⲕⲟⲧⲉ • ⲛ̄ⲥⲉⲭⲉⲓ[ⲣ]ⲟⲇⲟⲛⲉⲓ • ⲙⲙⲟϥ •
ⲛⲧⲉⲩⲛⲟⲩ • ⲁϥⲉⲓ • ⲉ ⲃⲟⲗ [ⲉ] ⲡϫⲟⲓ • ⲁⲩⲁⲗⲉ • ⲁⲩⲥϭⲏⲣ •
ⲉ ϩⲏⲧ • ⲁⲩⲱ ϩ︦ⲙ︦ [ⲡ]ⲟⲩⲱϣ • ⲙ ⲡⲛⲟⲩⲧⲉ • ⲙⲡ▨▨▨▨▨
▨▨[ⲁ]ⲩⲕⲁⲧⲁⲛⲧⲁ • ⲉⲧ▨▨▨▨▨▨▨▨[three or four lines
wanting] | ⲡⲉϫⲁϥ ⲛⲁⲩ ϫⲉ ϥⲛⲏⲩ • ⲙⲡⲟⲟⲩ • ⲁⲩⲱ
ϯ▨▨ⲟⲩⲓ • ⲛ ⲉⲕⲕⲗⲉⲥⲓⲁ • ⲉⲧⲉⲧⲛ̄ⲛⲁⲩ • ⲉ ⲣⲟⲥ • ⲉϥ‐
ϣⲁⲛⲉⲓ • ϣⲁϥⲃⲱⲕ • ⲉ ϩⲟⲩⲛ • ⲉ ⲣⲟⲥ • ⲛ︤ϥ︥ⲥⲩⲛⲁⲅⲉ • ⲙ‐
ⲡⲟⲟⲩ • ⲛ̄ϩⲏⲧ︦ⲥ︦ • ⲉϯ ⲇⲉ • ⲉⲩϣⲁϫⲉ ⲙⲛ̄ ⲡⲣⲱⲙⲉ • ⲉⲓⲥ
ⲡⲁⲣⲭⲏⲉⲡⲓⲥⲕⲟⲡⲟⲥ [ⲁ]ϥⲉⲓ • ⲉⲩⲯⲁⲗⲗⲉⲓ • ϩⲁ ⲧⲉϥϩⲏ •
ⲁⲩϯ ⲙ ⲡⲉⲩⲟⲩⲟⲓ • ⲁⲩⲡⲁϩⲧⲟⲩ • ⲁⲩⲟⲩⲱϣⲧ̄ • ϩⲁ ⲣⲟϥ
ⲙ ⲡⲁⲣⲭⲏⲉⲡⲓⲥⲕⲟⲡⲟⲥ • ⲛⲧⲟϥ ⲇⲉ ⲁϥⲧⲟⲩⲛⲟⲥⲟⲩ • ⲉϥϫⲱ
ⲙⲙⲟⲥ • ϫⲉ ⲧⲱⲟⲩⲛ • ⲉ ϩⲣⲁⲓ ⲛⲁϣⲏⲣⲉ • ⲛ̄ⲧⲟⲟⲩ ⲇⲉ
ⲁⲩⲧⲱⲟⲩⲛ • ⲉ ϩⲣⲁⲓ ⲁⲩϫⲓ ⲥⲙⲟⲩ • ⲛⲧⲟⲟⲧ︦ϥ︦ • ⲁⲩϯ
ⲛⲁϥ • ⲙ̄ ⲡⲉⲯⲓⲥⲫⲓⲥⲙⲁ • ⲛⲧⲙ︦ⲛ︦ⲧ︦ⲉⲡⲓⲥⲕⲟⲡⲟⲥ • ⲁⲩ‐
ⲙⲟⲟϣⲉ ⲛⲙ̄ⲙⲁϥ • ⲉ ϩⲟⲩⲛ • ⲉ ⲧⲉⲕⲕⲗⲏⲥⲓⲁ ⲁϥϩⲙⲟⲟⲥ •


### 0036

ⲛ ⲧⲉⲣ ϥ̄ⲱϣ • ⲇⲉ ⲙ ⲡⲉⲯⲩⲫⲓⲥⲙⲁ • ⲁϥⲕⲉⲗⲉⲩⲉ • ⲉ
ⲧⲣⲉⲩϥⲓ • ⲙ̄ ⲡⲣⲟⲟⲩϣ ⲛ ⲧⲉⲡⲣⲟⲥⲫⲟⲣⲁ • ⲁϥⲧⲱⲟⲩⲛ •
ⲁϥⲁⲙⲁϩⲧⲉ ⲛ ⲏ̄ⲥⲁⲓⲁⲥ • ⲁϥϫⲓⲧϥ̄ • ⲉ ⲡⲥⲁ ⲛ ϩⲟⲩⲛ •
ⲁϥⲭ[ⲉⲓ]ⲣⲟⲇⲱⲛⲉⲓ • ⲙⲙⲟϥ ⲛ ⲉⲡⲓⲥⲕⲟⲡⲟⲥ • ⲁϥⲥⲩⲛⲁ[ⲅⲉ]
▨▨▨ϩⲛ̄ ⲛⲉϥϭⲓϫ • ⲉⲧ ⲟⲩⲁⲁⲃ • ⲛⲧ▨▨▨▨▨▨▨ⲁ]ϥ‐
ϩⲙⲟⲟⲥ • ⲁϥⲧⲣⲉⲩⲥϩ[ⲁⲓ]▨▨ [three or four lines wanting] |
ⲁⲛⲁⲗⲉ • ⲁⲛⲕⲱ ⲉ ⲃⲟⲗ • ⲁⲩⲱ ϩ︦ⲙ︦ ⲡⲟⲩⲱϣ • ⲙ̄ ⲡⲛⲟⲩⲧⲉ •
ⲙ ⲡϩⲟⲩⲛ • ⲛ ϩⲉⲛⲕⲟⲩⲓ • ⲛϩⲟⲟⲩ ⲁⲛⲙⲟⲟⲛⲉ ⲉ ⲧⲡⲟⲗⲓⲥ •
ⲥⲟⲩⲁⲛ • ⲁϥⲥⲱⲧⲙ̄ • ⲛ̄ϭⲓ ⲡⲗⲁⲟⲥ • ⲁⲩⲉⲓ ⲉ ⲃⲟⲗ • ⲉ ⲧⲉϥ‐
ⲁⲡⲁⲛⲧⲏ ⲁⲩⲱ ⲁⲩⲯⲁⲗⲗⲉⲓ • ϩⲁ ⲧⲉϥϩⲏ • ⲁⲩϫⲓⲧ︦ϥ︦ • ⲉ
ϩⲟⲩⲛ ⲉ ⲧⲉⲕⲕⲗⲉⲥⲓⲁ • ⲁⲩⲑⲣⲟⲛⲓⲁⲍⲉ • ⲙⲙⲟϥ • ⲁⲩⲱ ⲁϥϯ
ⲛⲁⲩ • ⲛ ⲛⲉⲥϩⲁⲓ • ⲙ ⲡⲁⲣⲭⲏⲉⲡⲓⲥⲕⲟⲡⲟⲥ ⲁⲩⲟϣⲟⲩ •
ⲁⲩⲱ ⲛϯϩⲉ • ⲁϥⲕⲁⲁⲩ • ⲉ ⲃⲟⲗ • ϩ︦ⲛ︦ ⲟⲩⲉⲓⲣⲏⲛⲏ • ⲙⲛ̄‐
ⲛⲥⲁ ϣⲟⲙ︦ⲛ︦ⲧ • ⲇⲉ ⲛϩⲟⲟⲩ • ⲉϥ ϩⲛ̄ ⲧⲉⲕⲕⲗⲉⲥⲓⲁ • ⲁϥⲉⲓ
ⲉ ⲃⲟⲗ • ⲁϥⲁⲛⲁⲭⲱⲣⲉⲓ ⲉ ⲡⲉϥⲙⲁ • ⲛ ϣⲱⲡⲉ • ⲁⲩⲱ
ⲙⲉϥⲃⲱⲕ • ⲉ ⲧⲡⲟⲗⲓⲥ • ⲉⲓ ⲙⲏ ⲧⲉⲓ • ⲟⲩⲛⲟϭ • ⲛ̄ϩⲟⲟⲩ •
ⲛ ϣⲁ • ⲁⲩⲱ ϩⲓ ⲛⲁⲓ ⲟⲛ • ⲛⲉ ϣⲁⲣⲉ ⲡⲉⲕⲗⲏⲣⲟⲥ • ⲉⲓ ⲙⲛ̄
ⲛⲉⲕⲗⲏⲣⲓⲕⲟⲥ • ⲙ︦ⲛ︦ ⲛⲛⲟϭ • ⲙ ⲡⲗⲁⲟⲥ • ⲛⲥⲉⲡⲁⲣⲁⲕⲁⲗⲉⲓ •
ⲙⲙⲟϥ • ϣⲁⲛⲧ ⲉϥⲟⲩⲁϩ︦ϥ︦ • ⲛⲥⲱⲟⲩ ⲛⲧⲟϥ • ⲇⲉ • ⲡ
ⲙⲁⲕⲁⲣⲓⲟⲥ • ⲁⲡⲁ ⲏⲥⲁⲓⲁⲥ • ⲛⲉ ⲟⲩⲣⲱⲙⲉ ⲡⲉ • ⲉⲛⲁ‐
ⲛⲟⲩϥ • ⲙ ⲡⲣⲟⲥⲟⲡⲟⲛ • ⲁⲩⲱ [ⲛ ⲟⲩ]ⲁⲅⲁⲡⲏⲧⲟⲥ ⲡⲉ ⲙ‐
ⲙⲁⲁⲧⲉ • ⲛⲉⲣⲉ ⲛⲣ︦ⲙ︦ⲙ︦ⲁⲟ▨▨▨▨▨▨▨▨▨▨▨▨▨▨
▨▨ⲉ ⲧⲣ︦ϥ︦ [three or four lines wanting] | ⲁⲩⲉⲓ • ⲉ ⲃⲟⲗ •
ⲁⲩⲥⲕⲉⲡⲁⲍⲉ • ⲙ ⲡⲉϥⲗⲩⲯⲁⲛⲟⲛ ⲉⲧ ⲧⲁⲓⲏⲩ • ⲁⲩⲱ
ⲛⲉⲩⲛⲉϩⲡⲉ • ⲉ ⲣⲟϥ • ⲧⲏⲣⲟⲩ ⲉ ⲃⲟⲗ • ϫⲉ ⲟⲩⲣⲱⲙⲉ ⲡⲉ •
ⲛ ⲁⲅⲁⲑⲟⲥ • ⲉⲙⲁⲁⲧⲉ ⲛ ⲧⲉⲣ ⲟⲩⲕⲟⲥ︦ϥ︦ • ⲟⲛ • ⲕⲁⲧⲁ
ⲡⲉϥⲙⲡϣⲁ • ⲁⲩⲧⲟⲙⲥ︦ϥ︦ • ϩⲁϩⲧⲛ̄ ⲛⲉϥϣⲃⲏⲣ • ⲗⲩⲧⲟⲩⲣ‐
ⲅⲟⲥ ⲉⲧ ⲟⲩⲁⲁⲃ • ⲙⲙⲁⲕⲁⲣⲓⲟⲥ • ⲉⲧⲉ ⲁⲡⲁ ⲙⲁⲕⲉⲇⲱⲛⲓⲟⲥ
ⲡⲉ • ⲙⲛ̄ ⲁⲡⲁ ⲙⲁⲣⲕⲟⲥ • ⲁⲩⲱ ⲧⲁⲓ ⲧⲉ ⲑⲉ ⲛⲧⲁ ⲡⲟⲩⲁ •
ⲡⲟⲩⲁ • ⲁⲛⲁⲭⲱⲣⲉⲓ • ⲉ ⲡⲉϥⲙⲁ ⲛ ϣⲱⲡⲉ • ⲁ ⲧⲡⲟⲗⲓⲥ •
ⲣ̄ ϩⲉⲛϩⲟⲟⲩ • ⲉⲥⲕⲏⲉⲃ • ⲛⲁⲧⲉⲡⲓⲥⲕⲟⲡⲟⲥ • ⲉⲛⲉϥϣⲟⲟⲡ • ⲇⲉ
ⲟⲛ ϩⲛ̄ ϯⲛⲏⲥⲟⲥ • ⲛϭⲓ ⲟⲩⲙⲟⲛⲟⲭⲟⲥ • ⲉ ⲡⲉϥⲣⲁⲛ ⲡⲉ
ⲡⲥⲟⲩⲗⲟⲩⲥⲓⲁ • ⲉⲩⲣ ⲙ︦ⲛ︦ⲧ︦ⲣⲉ • ϩⲁ ⲛⲉϥⲡⲣⲁⲝⲓⲥ • ⲛϭⲓ
ⲟⲩⲟⲛ ⲛⲓⲙ • ⲉⲧ ⲥⲟⲟⲩⲛ • ⲙⲙ[ⲟϥ] ⲡⲁⲓ ⲛⲧⲁ ⲡⲉⲛⲉⲓⲱⲧ •


### 0037

ⲁⲡⲁ ϩⲁⲣⲱⲛ • ⲣ̄ ⲧⲉϥⲙⲛ︦ⲧ︦ⲙⲟⲛⲟⲭⲟⲥ • ϩ︦ⲛ︦ ⲧⲉϥⲙ︦ⲛ︦ⲧ︦-
ⲉⲡⲓⲥⲕⲟⲡⲟⲥ ⲡⲛⲟⲩⲧⲉ • ⲇⲉ • ⲁϥⲧⲁⲁⲥ • ⲉ ⲡϩⲏⲧ • ⲙ ⲡⲗⲁⲟⲥ
ⲉ ⲧⲣⲉⲩϣⲓⲛⲉ ⲛⲥⲱϥ • ⲁⲩⲉⲓ ⲉ ⲃⲟⲗ • ⲉϯⲛⲏⲥⲟⲥ ⲛϭⲓ ⲡⲉⲕⲗⲏ‐
ⲣⲟⲥ • ⲙⲛ̄ ⲡⲗⲁⲟⲥ • ⲁⲩⲱ▨▨ⲛ︦▨▨▨▨▨▨▨[three or four
lines wanting] | ⲛⲓⲙ • ⲁⲛⲟⲕ • ⲅⲁⲣ • ⲁⲛ︦ⲅ︦ ⲟⲩϩⲓⲇⲓⲱ̄ⲧⲏⲥ ⲛ
ϯⲥⲟⲟⲩⲛ • ⲁⲛ • ⲛ̄ ⲧⲁ ⲟⲩⲛⲁⲙ • ⲙⲛ̄ ⲧⲁ ϩⲃⲟⲩⲣ • ⲛ ⲧⲉⲣ
ⲉⲩⲣ ⲟⲩⲛⲟϭ • ⲇⲉ • ⲛ ⲁⲡⲣⲏⲧⲉ • ⲉⲩⲡⲁⲣⲁⲕⲁⲗⲉⲓ ⲙⲙⲟϥ •
ⲁⲩⲱ ⲙ̄ⲡⲉ ϥⲡⲓⲑⲉ • ⲛⲁⲩ • ⲁⲩϫⲓⲧϥ̄ • ⲇⲉ ⲛ ϫⲛⲁϩ • ⲁⲩ‐
ⲧⲁⲗⲟϥ • ⲁⲩϫⲓⲧ︦ϥ︦ ⲉ ϩⲟⲩⲛ ⲉ ⲧⲡⲟⲗⲓⲥ • ⲁⲩⲥϩⲁⲓ • ⲙ
ⲡⲉⲯⲩⲫⲓⲥⲙⲁ • ϩⲁ ⲣⲟϥ ⲁⲩⲧⲛ̄ⲛⲟⲟⲩ • ⲛⲙ̄ⲙⲁϥ • ⲛ̄ ϩⲉⲛ‐
ⲕⲉⲥⲛⲏⲩ • ⲙⲙⲁⲓ ⲛⲟⲩⲧⲉ • ⲉ ⲁⲩϩⲱⲛ • ⲉ ⲧⲟⲟⲧⲟⲩ • ⲉ
ⲧⲣⲉⲩⲣⲟⲉⲓⲥ ⲉ ⲣⲟϥ • ϣⲁⲛⲧ ⲟⲩϫⲓⲧ︦ϥ︦ • ⲉ ⲣⲁⲕⲟⲧⲉ • ⲛⲥⲉ‐
ⲭⲉⲓⲣⲟⲇⲟⲛⲉⲓ • ⲙⲙⲟϥ • ⲛⲧⲟⲟⲩ ⲇⲉ ⲛ ⲧⲉⲣ ⲟⲩⲡⲱϩ ⲉ
ⲧⲙ̄ⲣⲱ • ⲛ ⲥⲭⲓⲥⲥⲁ • ⲁⲩⲁⲗⲉ • ⲉⲩⲕⲟⲩⲓ • ⲛ ⲥⲕⲁⲫⲟⲥ •
ϣⲁⲛⲧ ⲟⲩⲃⲱⲕ • ⲉ ϩⲟⲩⲛ • ⲉ ⲧⲡⲟⲗⲓⲥ • ⲛ ⲧⲉⲣ ⲟⲩⲡⲱϩ •
ⲇⲉ • ⲉ ⲡⲡⲉⲓⲗⲱⲛ • ⲁⲩϩⲉ • ⲉⲩⲥⲟⲛ • ⲁⲩⲡⲁⲣⲁⲕⲁⲗⲉⲓ •
ⲙⲙⲟϥ • ⲉ ⲧⲣ︦ϥ︦ⲧⲁⲙⲟⲟⲩ • ⲉ ⲡⲙⲁ • ⲉⲧ ⲉⲣⲉ ⲡⲁⲣⲭⲏ‐
ⲉⲡⲓⲥⲕⲟⲡⲟⲥ • ⲛϩⲏⲧϥ̄ ⲛ̄ⲧⲟϥ • ⲇⲉ • ⲡⲁⲣⲭⲏⲉⲡⲓⲥⲕⲟⲡⲟⲥ •
ⲉⲛⲉϥϩⲙⲟⲟⲥ ⲡϩⲟⲩⲛ • ⲙ ⲡⲡⲩⲗⲱⲛ • ⲉϥⲥⲩⲛⲧⲉⲭⲉⲓ▨▨[ⲉ]
ⲡⲓⲥⲕⲟⲡⲟⲥ • ⲥⲛⲁⲩ • ⲟⲩⲁ • ⲛⲧⲉ ⲁⲑⲣⲓⲃⲉ▨▨▨▨▨▨▨▨
▨▨▨ϫ • ⲁϥ [three or four lines wanting] | ⲁⲡⲁ ⲥⲉⲗⲗⲟⲩ‐
ⲥⲓⲁ • ⲡⲉϫⲁϥ ⲛⲁϥ • ϩ︦ⲛ︦ ⲟⲩⲥⲙⲏ • ⲉⲥⲙⲉϩ • ⲛ ⲣⲁϣⲉ •
ϫⲉ ⲙ ⲙⲏⲏⲛⲉ • ⲱ ⲡⲙⲟⲛⲟⲭⲟⲥ • ⲕϣⲟⲟⲡ • ϩⲛ̄ ⲟⲩⲙⲛ︤ⲧ︥-
ⲁⲧⲣⲟⲟⲩϣ • ⲙⲡⲟⲟⲩ • ⲕⲛⲁϥⲓ ⲣⲟⲟⲩϣ • ⲛⲧ︦ⲛ︦ϩⲉ • ϩⲱⲱⲛ
ⲛⲁⲓ ⲇⲉ • ⲛ̄ ⲧⲉⲣ ϥ̄ϫⲟⲟⲩ • ⲛϭⲓ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲁϥⲧⲱⲟⲩⲛ • ⲁϥϫⲓⲧⲛ ⲉ ϩⲟⲩⲛ • ⲉ ⲧⲉⲕⲕⲗⲏⲥⲓⲁ • ⲁϥ‐
ⲧⲣⲉⲩϥⲓ ⲡⲣⲟⲟⲩϣ • ⲛ ⲧⲉⲡⲣⲟⲥⲫⲟⲣⲁ • ⲙⲛ̄ ⲡⲉⲑⲩⲥⲓⲁ‐
ⲥⲧⲏⲣⲓⲟⲛ • ⲁϥϣⲗⲏⲗ ⲉ ϫⲱϥ • ⲁϥⲡⲟϣⲛ︦ϥ︦ • ⲛ ⲁⲛⲁⲅⲛⲱ‐
ⲥⲧⲏⲥ • ⲉⲓⲧⲁ • ⲁϥⲡⲟϣⲛ︦ϥ︦ • ⲛ ⲇⲓⲁⲕⲟⲛⲟⲥ • ⲉⲓⲧⲁ • ⲁϥⲁⲁϥ
ⲙ ⲡⲣⲉⲥⲃⲩⲧⲉⲣⲟⲥ • ϩⲱⲙⲁⲓⲟⲥ • ⲁϥⲭⲓⲣⲟⲇⲟⲛⲉⲓ ⲙⲙⲟϥ •
ⲛ ⲉⲡⲓⲥⲕⲟⲡⲟⲥ • ⲁϥⲕⲁⲁⲛ • ⲉ ⲃⲟⲗ ⲉϥϫⲱ ⲙⲙⲟⲥ • ϫⲉ
ⲃⲱⲕ • ϩ︦ⲛ︦ ⲟⲩⲉⲓⲣⲏⲛⲏ ⲁⲛⲉⲓ ⲇⲉ ⲉ ⲃⲟⲗ • ϩⲓⲧⲟⲟⲧϥ̄ • ⲁⲛⲣ̄
ⲡⲱⲃϣ̄ • ⲛ̄ⲧⲥⲩⲥⲧⲁⲇⲓⲕⲏ • ⲛ ⲧⲙ︦ⲛ︦ⲧ︦ⲉⲡⲓⲥⲕⲟⲡⲟⲥ • ⲁⲛⲕ‐
ⲧⲟⲛ • ϣⲁ ⲣⲟϥ • ⲁⲛⲡⲁⲣⲁⲕⲁⲗⲉⲓ • ⲙⲙⲟϥ ⲉ ⲧⲃⲏⲏⲧ︦ⲥ︦ •


### 0038

ⲛⲧⲟϥ ⲇⲉ ⲁϥⲕⲉⲗⲉⲩⲉ • ⲙ ⲡⲉϥⲇⲓⲁⲕⲟⲛⲟⲥ • ⲁϥⲉⲕⲗⲁⲃⲉ •
ⲙⲙⲟⲥ • ⲛ̄ⲧⲟⲟⲧϥ̄▨▨ⲁϥⲥⲁ▨▨▨▨▨▨▨▨▨▨▨▨▨
[three or four lines wanting]|▨▨▨▨▨ⲛϩⲱⲃ • ⲛⲓⲙ • ⲛⲧⲉ
ⲧⲙ︦ⲛ︦ⲧ︦ⲉⲡⲓⲥⲕⲟⲡⲟⲥ • ⲛⲧⲁⲥⲧⲁϩⲟⲓ ⲡⲁⲣⲁ ⲡⲁ ⲙⲡϣⲁ • ⲉϥ‐
ϫⲱ ⲙⲙⲟⲥ • ϫⲉ ⲁⲓⲛⲁⲩ • ⲉ ⲣⲟⲕ • ⲛⲧⲁⲩϭⲟⲟⲗⲕ̄ • ⲛ
ⲟⲩⲥⲧⲟⲗⲏ • ⲁⲩⲱ ⲁⲩϯ • ⲛ ϩⲉⲛϣⲟϣ︦ⲧ︦ • ⲉ ϩⲣⲁⲓ • ⲉ ⲛⲉⲕ‐
ϭⲓϫ • ⲁⲥϣⲱⲡⲉ ⲇⲉ • ⲙⲛ̄ⲛⲥⲁ ⲧⲣ︤ϥ︥ⲉⲓ • ⲉ ⲣⲏⲥ ⲁϥⲃⲱⲕ •
ⲛ ϣⲟⲣ︦ⲡ︦ • ⲛϭⲓ ⲡⲉⲡⲓⲥⲕⲟⲡⲟⲥ • ⲉ ⲡⲉϥⲧⲟⲡⲟⲥ • ⲉⲧ ϩ︦ⲛ︦
ⲧⲛⲏⲥⲟⲥ • ⲛⲧⲟϥ • ⲙⲛ̄ ⲛⲉⲧ ⲛ︦ⲙ︦ⲙ︦ⲁ︦ϥ ⲁϥϩⲙⲟⲟⲥ • ϩ︦ⲙ︦
ⲡⲙⲁ • ⲉⲧ ⲙ̄ⲙⲁⲩ • ⲉ ⲃⲟⲗ ϫⲉ ⲟⲩⲣⲱⲙⲉ ⲡⲉ • ⲉϥⲟⲩⲉϣ
ⲧⲉⲥⲩⲭⲓⲁ • ⲙⲙⲁⲁⲧⲉ • ⲡⲗⲁⲟⲥ • ⲇⲉ • ⲛ ⲧⲉⲣ ϥ̄ⲥⲱⲧ︦ⲙ︦ •
ⲁϥⲣ̄ϩⲃⲁ • ⲁⲩⲱ ⲁⲩⲁⲗⲉ • ⲉ ϩⲉⲛⲥⲕⲁⲫⲟⲥ • ⲁⲩⲉⲓ • ⲉ ⲃⲟⲗ •
ⲉ ⲧⲛⲏⲥⲟⲥ • ⲁⲩⲱ ⲛ ⲧⲉⲣ ⲟⲩϫⲓ ⲥⲙⲟⲩ • ⲇⲉ • ⲛ̄ ⲧⲟⲟⲧ︦ϥ︦ •
ⲁⲩⲧⲁⲙⲟϥ • ⲉ ⲧⲃⲉ ⲧⲙ︦ⲛ︦ⲧ︦ⲉⲡⲓⲥⲕⲟⲡⲟⲥ ⲁ ⲛⲉⲥⲛⲏⲩ ⲉⲧ
ⲙⲟⲟϣⲉ • ⲛ︦ⲙ︦ⲙ︦ⲁ︦ϥ︦ ⲧⲁⲙⲟⲟⲩ • ϫⲉ ⲁⲩⲭⲓⲣⲟⲇⲟⲛⲉⲓ • ⲙ‐
ⲙⲟϥ • ⲡⲉϫⲉ ⲡⲗⲁⲟⲥ • ⲛⲁϥ • ϫⲉ ⲉ ⲧⲃⲉ ⲟⲩ ⲙⲡⲉ ⲕⲉⲓ •
ⲉ ϩⲟⲩⲛ • ⲉ ⲧ︦ⲛ︦ⲡⲟⲗⲓⲥ • ⲱ ⲡⲉⲛⲉⲓⲱⲧ ⲛⲑⲉ • ⲛⲛⲉⲡⲓⲥⲕⲟ‐
ⲡⲟⲥ • ⲧⲏⲣⲟⲩ * • ⲛⲧⲟϥ • ⲇⲉ ⲡⲉϫⲁϥ • ϫⲉ ⲡⲓⲥⲧⲉⲩⲉ
ⲛⲁⲓ • ⲱ ⲛⲁϣⲏⲣⲉ ϫⲉ ⲛ ϯⲉⲡⲓⲑⲩⲙⲉⲓ • ⲉ ⲡⲁ ⲕⲟⲩⲓ •
ⲙⲙⲁ • ⲛ ϣⲱⲡⲉ • ⲉ ⲧⲣⲁⲛⲁⲩ • ⲉ ⲣⲟϥ • ⲛ ϣⲟⲣ︦ⲡ︦ •
ⲁⲩⲉⲛⲧ︦ϥ︦ • ⲇⲉ ⲉ ⲃⲟⲗ • ⲁⲩⲧⲁⲗⲟϥ • ⲉⲩⲕⲟⲩⲓ • ⲛ ⲥⲕⲁⲫⲟⲥ •
ⲁⲩⲯⲁⲗⲗⲉⲓ • ϩⲁ ⲧⲉϥϩⲏ ϣⲁⲛⲧ ⲟⲩϫⲓⲧϥ̄ • ⲉ ϩⲟⲩⲛ • ⲉ
ⲧⲉⲕⲕⲗⲉⲥⲓⲁ • ⲛⲥⲉ[ⲑ]ⲙ̄ⲥⲟϥ • ⲉϫⲙ̄ ⲡⲉⲑⲣⲟⲛⲟⲥ • ⲕⲁⲧⲁ
ⲧⲥⲩⲛⲏⲑⲓⲁ • ⲁⲩⲱ [ⲧ]ⲁⲓ ⲧⲉ ⲑⲉ • ⲛⲧⲁϥⲥⲩⲛⲁⲅⲉ • ⲙⲙⲟⲟⲩ
ⲧⲏⲣⲟⲩ • ⲁϥ[ⲕ]ⲁⲁⲩ ⲉ ⲃⲟⲗ • ϩⲛ̄ ⲟⲩⲉⲓⲣⲏⲛⲏ • ⲡⲉⲡⲓⲥⲕⲟⲡⲟⲥ
ⲇⲉ [ⲁ]ⲡⲁ ⲡⲥⲩⲗⲟⲩⲥⲓⲁ • ⲁϥⲃⲱⲕ • ⲉ ϩⲣⲁⲓ • ⲉ ⲧⲉⲕⲕⲗⲏ‐
ⲥⲓⲁ • | ⲁϥⲣ̄ ⲙⲛⲧⲁⲥⲉ • ⲛ̄ϩⲟⲟⲩ • ⲉϥⲕ[ⲁⲑⲏⲅⲉⲓ ⲡⲗⲁ]ⲟⲥ •
ϩⲛ̄ ⲛⲗⲟⲅⲟⲥ • ⲙ ⲡⲛⲟⲩⲧⲉ • ⲉ ⲁϥ[ϩⲱⲛ ⲉⲧ]ⲟⲟⲧⲟⲩ • ⲉ
ⲧⲣⲉⲩϩⲁⲣⲉϩ • ⲉ ⲡⲧⲃ̄ⲃⲟ • ⲁⲩⲱ ⲧⲁⲅⲁⲡⲏ • ⲉ ϩⲟⲩⲛ • ⲉⲛⲉⲩ‐
ⲉⲣⲏⲩ • ⲙⲛ̄ⲛⲥⲱⲥ ⲇⲉ ⲟⲛ • ⲁϥⲕⲟⲧ︦ϥ︦ • ⲉ ϩⲟⲩⲛ • ⲉ
ⲡⲉϥⲙⲁ • ⲛ̄ ϣⲱⲡⲉ ⲁⲥϣⲱⲡⲉ • ⲇⲉ ⲙⲛ̄ⲛⲥⲁ ⲛⲁⲓ • ⲁϥⲙ‐
ⲧⲟⲛ ⲙⲙⲟϥ ⲛϭⲓ ⲁⲡⲁ ϯⲙⲟⲑⲉⲟⲥ • ⲉ ⲁϥⲕⲁⲑⲓⲥⲧⲁ • ⲛ ⲁⲡⲁ
ⲑⲉⲟⲫⲓⲗⲟⲥ • ⲁⲩⲱ ⲁⲛⲉⲡⲓⲥⲕⲟⲡⲟⲥ • ⲧⲏⲣⲟⲩ • ⲃⲱⲕ ⲉ
ⲣⲁⲕⲟⲧⲉ • ⲉ ⲧⲣⲉⲩⲡⲣⲟⲥⲕⲩⲛⲉⲓ • ⲙⲙⲟϥ • ⲁϥⲃⲱⲕ ⲇⲉ


### 0039

ϩⲱⲱϥ • ⲛ̄ϭⲓ ⲡⲡⲉⲧ ⲟⲩⲁⲁⲃ • ⲁⲡⲁ ⲡⲥⲩⲗⲟⲩⲥⲓⲁ • ⲛ ⲧⲉⲣ
ⲟⲩⲕⲁⲧⲁⲛⲧⲁ • ⲇⲉ • ⲉ ⲧⲡⲟⲗⲓⲥ • ⲁⲩϩⲉ • ⲉ ⲡⲁⲣⲭⲏ‐
ⲉⲡⲓⲥⲕⲟⲡⲟⲥ • ⲉϥⲛϩⲟⲩⲛ • ⲛ ⲧⲉⲕⲕⲗⲏⲥⲓⲁ • ⲉⲩⲥⲱⲟⲩϩ •
ⲉ ⲣⲟϥ • ⲛ̄ϭⲓ ⲡⲉⲕⲗⲏⲣⲟⲥ ⲁⲩⲱ ⲡⲗⲁⲟⲥ • ⲧⲏⲣ︦ϥ︦ • ⲉⲛⲉ
ⲑⲃ̄ⲧⲱⲙⲁⲥ ⲧⲉ ⲙ ⲡⲥⲁⲃⲃⲁⲧⲟⲛ • ⲉϣⲁⲩⲃⲁⲡϯⲍⲉ • ⲛ̄ϩⲏⲧ︦ⲥ︦ •
ⲛ ⲧⲉⲣ ⲟⲩⲙⲟⲩϩ • ⲇⲉ • ⲛ ⲧⲕⲟⲗⲩⲙⲃⲏⲑⲣⲁ • ⲙ̄ⲙⲟⲟⲩ •
ⲁ ⲡⲁⲣⲭⲏⲉⲡⲓⲥⲕⲟⲡⲟⲥ • ⲃⲱⲕ • ⲉ ϩⲟⲩⲛ • ⲙⲛ̄ ⲡⲕⲉ ⲥⲉⲉⲡⲉ •
ⲛⲉⲡⲓⲥⲕⲟⲡⲟⲥ • ⲁⲩϣⲗⲏⲗ • ⲉϫⲙ̄ ⲡⲓⲟⲣⲇⲁⲛⲏⲥ • ⲁⲡⲁ
ⲡⲥⲉⲗⲗⲟⲩⲥⲓⲁ • ⲇⲉ ϩⲱⲱϥ ⲉⲛⲉϥⲁⲁϩ • ⲉⲣⲁⲁⲧϥ̄• ϩⲓⲣⲙ̄
ⲡⲣⲟ • ⲙ̄ⲡⲃⲁⲡϯⲥⲧⲏⲣⲓⲟⲛ • ⲉϥⲟⲩⲉ • ⲙⲙⲟϥ • ⲛ ⲟⲩⲕⲟⲩⲓ •
ⲙⲡⲉ ϥⲃⲱⲕ ⲉ ϩⲟⲩⲛ • ⲉ ⲙⲁⲩ • ⲉϥⲱⲡ • ⲙⲙⲟϥ • ⲛ ⲁⲧ
ⲙ̄ϣⲁ ⲁⲩⲧ︦ⲃ︦ⲥ︦ ⲡⲁⲣⲭⲏⲉⲡⲓⲥⲕⲟⲡⲟⲥ • ⲇⲉ • ⲉ ⲧⲃⲏⲏⲧϥ̄ ϩ︦︦ⲙ︦
ⲡⲉⲡ︦ⲛ︦ⲁ︦ • ⲁϥⲟⲩⲉϩⲥⲁϩⲛⲉ • ⲉ ϫⲓⲧ︦ϥ︦ • ⲉ ϩⲟⲩⲛ ⲁⲩⲱ ⲡⲉϫⲁϥ •
ⲛⲁϥ • ϫⲉ ⲉ ⲧⲃⲉ ⲟⲩ • ⲙⲡⲉ ⲕⲉⲓ | [ⲉ ⲧⲉⲕⲕⲗⲏⲥⲓⲁ] • ⲉ
ⲧⲣ︦ⲕ︦ϣ︦ⲗⲏⲗ • ⲛⲙ̄ⲙⲁⲛ [ⲛⲧⲟϥ ⲇⲉ] ⲡⲉϫⲁϥ • ⲙ ⲡⲁⲣⲭⲓ‐
ⲉⲡⲓⲥⲕⲟⲡⲟⲥ • ϫⲉ ⲕⲱ ⲛⲁⲓ ⲉ ⲃⲟⲗ • ⲡⲁ ⲉⲓⲱⲧ • ⲉⲧ ⲟⲩⲁⲁⲃ •
ⲁⲛⲅ̄ ⲟⲩⲣⲱⲙⲉ • ⲉϥϭⲟϫⲃ̄ • ⲁⲩⲱ ⲛ̄ⲧⲉⲩⲛⲟⲩ • ⲛⲧⲁϥ‐
ⲡⲱⲣϣ̄ • ⲛ ⲛⲉϥϭⲓϫ • ⲉ ⲃⲟⲗ • ⲁϥϣⲗⲏⲗ • ⲛ︦ⲙ︦ⲙⲁⲩ ϩⲓ
ⲟⲩⲥⲟⲡ • ⲁⲥⲃⲣ̄ⲃⲣ̄ • ⲛϭⲓ ⲧⲕⲟⲗⲩⲙⲃⲏⲑⲣⲁ ⲛⲑⲉ ⲛⲟⲩ‐
ⲭⲁⲗⲭⲓⲟⲛ • ⲉⲩⲥⲁϩⲧⲉ • ϩⲁ ⲣⲟϥ • ⲡⲁⲣⲭⲏⲉⲡⲓⲥⲕⲟⲡⲟⲥ ⲇⲉ •
ⲙⲛ̄ ⲡⲕⲉⲥⲉ[ⲉⲡⲉ] • ⲛⲛⲉⲡⲓⲥⲕⲟⲡⲟⲥ ⲧⲏⲣⲟⲩ • ⲛ ⲧⲉⲣ ⲟⲩⲛⲁⲩ •
ⲉ ⲧⲉϣⲡⲏⲣⲉ • ⲛⲧⲁⲥϣⲱⲡⲉ • ⲁⲩϯ ⲉⲟⲟⲩ • ⲙ ⲡⲛⲟⲩⲧⲉ
ⲙⲛ̄ ⲡⲡⲉⲧ ⲟⲩⲁⲁⲃ • ⲛⲉⲡⲓⲥⲕⲟⲡⲟⲥ • ⲁⲡⲁ ⲡⲥⲉⲗⲟⲩⲥⲓⲁⲥ ⲉ
ⲧⲃⲉ ⲡⲉϥⲧⲃ̄ⲃⲟ • ⲛ ⲧⲉⲣ ϥ̄ⲟⲩⲱ • ⲇⲉ ⲉϥⲃⲁⲡϯⲍⲉ • ⲛ̄ϭⲓ
ⲡⲁⲣⲭⲏⲉⲡⲓⲥⲕⲟⲡⲟⲥ • ⲁϥⲥⲩⲛⲁⲅⲉ • ⲙⲙⲟⲟⲩ • ⲁϥⲕⲁⲁϥ
ⲉ ⲃⲟⲗ • ⲁⲛⲉⲡⲓⲥⲕⲟⲡⲟⲥ ϭⲱ ϩⲁϩⲧⲏϥ • ⲙ ⲡⲉϩⲟⲟⲩ • ⲉⲧ
ⲙ︦ⲙ︦ⲁⲩ • ⲙ ⲡⲉϥⲣⲁⲥⲧⲉ ⲇⲉ • ⲁϥⲁⲡⲟⲗⲉⲓ • ⲙⲙⲟⲟⲩ • ⲉ
ⲧⲣⲉ ⲡⲟⲩⲁ ⲡⲟⲩⲁ • ⲃⲱⲕ • ⲉ ⲧⲉϥⲡⲟⲗⲓⲥ • ⲡⲡⲉⲧ ⲟⲩⲁⲁⲃ •
ⲇⲉ ϩⲱⲱϥ • ⲁⲡⲁ ⲡⲥⲉⲗⲟⲩⲥⲓⲁⲥ • ⲁϥϭⲱ • ⲉϥⲥϭⲣⲁϩ︦ⲧ︦ ϩⲙ̄
ⲡⲧⲟⲡⲟⲥ • ⲉⲛⲉϥⲛϩⲏⲧ︦ϥ︦ • ⲛ ϣⲟⲣ︦ⲡ︦ • ⲙⲡⲁⲧⲉ ϥⲣ̄ ⲉⲡⲓ‐
ⲥⲕⲟⲡⲟⲥ • ϣⲁ ⲡⲉϩⲟⲟⲩ • ⲛⲧⲁϥϫⲱⲕ ⲉ ⲃⲟⲗ • ⲛϩⲏⲧ︦ϥ︦ • ⲉⲛⲉ‐
ⲁϥϫⲧⲟ ⲇⲉ • ⲉ ⲡϣⲱⲛⲉ • ϫⲓⲛ ⲥⲟⲩ ϫⲟⲩⲱⲧ • ⲙ ⲡⲁⲱⲛⲉ •
ⲙⲛ̄ⲛⲥⲱⲥ ⲁϥⲙⲧⲟⲛ • ⲙⲙⲟϥ • ⲛ ⲥⲟⲩ ϫⲟⲩⲧϣⲟⲙⲧⲉ •
ⲙ ⲡⲉⲓ ⲉⲃⲟⲧ • ⲛ ⲟⲩⲱⲧ • ⲁⲩⲉⲓ ⲇⲉ ⲉ ⲃⲟⲗ • ⲛϭⲓ ⲛⲉⲕⲗⲏ‐


### 0040

ⲣⲟⲥ • ⲧⲏⲣϥ̄ • ⲙⲛ̄ ⲡⲗⲁⲟⲥ • ⲁⲩⲥⲕⲉⲡⲁⲍⲉ ⲙ ⲡⲉϥⲥⲱⲙⲁ |
Ⲉⲧ ⲧⲁⲓⲏⲩ • ⲁⲩⲧⲱⲙⲥ̄ • ⲙⲙⲟϥ▨▨▨▨▨ⲙⲓⲧⲏⲣⲓⲟⲛ • ⲉⲧ
ⲧⲁⲓⲏⲩ ⲙⲙⲓⲛ • ⲙ[ⲙⲟϥ • ⲧⲉ]ⲛⲟⲩ • ϭⲉ ⲡⲁ ⲥⲟⲛ ⲡⲁⲡⲛⲟⲩⲧⲉ •
ⲉⲡⲉⲓ ⲇⲏ ⲁⲕⲧⲁⲙⲟⲓ • ⲉ ⲧⲃⲉ ϩⲉⲛⲕⲟⲩⲓ • ⲉⲓⲥ ϩⲏⲏⲧⲉ • ⲁⲓⲧⲁ‐
ⲙⲟⲕ • ⲉ ⲧⲃⲉ ⲛⲉⲡⲓⲥⲕⲟⲡⲟⲥ • ⲛⲧⲁⲩϣⲱⲡⲉ ϩⲙ̄ ⲡⲓⲗⲁⲕ •
ⲛⲑⲉ ⲛⲧⲁ ⲡⲁ ⲉⲓⲱⲧ • ⲁⲡⲁ ϩⲁⲣⲱⲛ ⲧⲁⲙⲟⲓ • ϩⲱⲱⲧ • ⲁ
ⲛⲉϥⲉⲓⲟⲧⲉ ⲇⲉ • ϩⲱⲟⲩ ϯ ⲛ ϩⲉⲛⲭⲣⲏⲙⲁ • ⲁⲩⲥⲧⲣⲁⲧⲉⲩⲉ •
ⲙⲙⲟϥ ϩⲱⲱϥ • ⲁⲩⲱ ⲛϥ̄ϫⲓ • ⲛ̄ⲥⲁϣϥⲉ • ⲛ̄ⲁⲛⲛⲱⲛⲛⲁ
ⲙ̄ⲙⲏⲏⲛⲉ • ⲉⲛⲉ ⲙⲉϥⲟⲩⲉⲙ ⲗⲁⲁⲩ • ⲛ̄ϩⲏⲧⲟⲩ • ⲁⲗⲗⲁ •
ⲛϥ̄ϯ ⲙⲙⲟⲟⲩ • ⲉ ⲧⲛ̄ⲧⲟⲗⲏ ⲉⲛⲉ ⲁ ⲛⲉϥⲉⲓⲟⲧⲉ • ⲟⲩⲱϣ •
ⲉϫⲓ ⲥϩⲓⲙⲉ • ⲛⲁϥ ⲛⲧⲟϥ • ⲇⲉ ⲙ̄ⲡⲉ ϥⲟⲩⲱϣ • ⲁⲗⲗⲁ •
ⲁϥϩⲁⲣⲉϩ ⲉ ⲡⲉϥⲥⲱⲙⲁ • ϩ︦ⲛ︦ ⲟⲩⲙ︦ⲛ︦ⲧ︦ⲡⲁⲣⲑⲉⲛⲟⲥ • ϫⲓⲛ
ⲡⲉϥϫⲡⲟ • ϣⲁ ⲡⲉϥϫⲱⲕ • ⲉ ⲃⲟⲗ • ⲁⲥϣⲱⲡⲉ ⲇⲉ • ⲛ
ⲟⲩϩⲟⲟⲩ • ⲁⲩⲧⲛ̄ⲛⲟⲟⲩ • ⲛ̄ ϩⲉⲛⲥϩⲁⲓ ⲉ ⲛⲁ ⲡⲣ̄ⲣⲟ ⲛⲉ • ϫⲉ
ⲕⲁⲥ ⲉⲩⲛⲁϫⲓⲧⲟⲩ • ⲉ ⲕⲉ ⲡⲟⲗⲓⲥ • ⲁ ⲡⲟⲣⲇⲓⲛⲟⲛ ⲇⲉ •
ⲛ ⲁⲡⲁ ϩⲁⲣⲱⲛ • ⲧⲁϩⲟϥ • ⲉ ⲧⲣ︦ϥ︦ϫⲓⲧⲟⲩ • ⲛ︦ϥ︦ⲃⲱⲕ • ⲛ︦ⲙ︦‐
ⲙ̄ⲁⲩ • ⲛ̄ ⲧⲉⲣ ϥ̄ⲉⲓ ⲇⲉ ⲉ ⲃⲟⲗ • ϩⲛ̄ ⲧⲡⲟⲗⲓⲥ ⲁⲩⲙⲟⲩⲓ
ⲧⲱⲙ︦ⲛ︦ⲧ︦ ⲉ ⲣⲟϥ • ϩⲓ ⲧⲉϩⲓⲏ • ⲙ ⲡⲛⲁⲩ ⲛ ⲣⲟⲩϩⲉ • ⲉϥⲟⲩⲱϣ •
ⲉ ϩⲁⲣⲡⲁⲍⲉ • ⲙⲙⲟϥ • ⲁⲩⲱ ⲡⲉϫⲁϥ • ⲛϭⲓ ⲡⲇⲓⲕⲁⲓⲟⲥ •
ϫⲉ ⲛ̄ ⲧⲉⲣ ϥ︤ⲣ︥ ⲡⲙⲉⲉⲩ[ⲉ] ⲙ ⲡϣⲁϫⲉ • ⲛⲧⲁ ⲡⲉⲡⲣⲟⲫⲏ‐
ⲧⲏⲥ • ⲇⲁ︦ⲇ︦ ϫⲟⲟϥ • ϫⲉ ⲡⲙⲟⲩⲓ • ⲙⲛ̄ ⲧⲁⲣ︦ⲝ︦ • ⲡⲉⲕϩⲙ̄‐
ϩ[ⲁⲗ] ⲁϥⲡⲁⲧⲁⲥⲥⲉ • ⲙⲙⲟⲟⲩ • ⲁⲓϥⲓ ⲛ ⲛⲁⲃⲁⲗ | ▨▨▨
▨▨ⲡⲉϫⲁⲓ • ϫⲉ ⲡⲁ ϫⲟⲉⲓⲥ • ⲓ︦ⲥ︦ ⲡⲉⲭ︦ⲥ︦▨▨▨▨ϯ ⲙ ⲡⲉⲓ
ⲑⲩⲣⲓⲟⲛ • ⲉ ϩⲣⲁⲓ ⲉ ⲛⲁϭⲓϫ ϯⲛⲁⲁⲡⲟⲧⲁⲥⲥⲉ • ⲛ ⲛ̄ⲁ ⲡⲁⲏⲓ •
ⲧⲏⲣⲟⲩ • ⲙⲛ̄ ⲛⲁϩⲩⲡⲁⲣⲭⲟⲛⲧⲁ • ⲧⲏⲣⲟⲩ • ⲁⲩⲱ ⲛ̄ⲧⲁⲣ‐
ϣ︤ⲙ︥ⲙⲟ • ⲉ ⲛⲁⲉⲓⲟⲧⲉ • ⲙⲛ̄ ⲛⲁⲣⲱⲙⲉ • ⲧⲏⲣⲟⲩ • ⲁⲩⲱ •
ⲛⲧⲁⲣϣⲙ̄ⲙⲟ • ⲉ ⲛⲁ ⲡⲉⲓ ⲕⲟⲥⲙⲟⲥ • ⲛⲧⲁϯ ϩⲓⲱⲱⲧ • ⲙ
ⲡⲉⲥⲭⲏⲙⲁ • ⲛ̄ ⲧⲙ︦ⲛ︦ⲧ︦ⲙⲟⲛⲟⲭⲟⲥ ⲉ ⲧⲃⲉ ⲡⲉⲕⲣⲁⲛ • ⲉⲧ
ⲟⲩⲁⲁⲃ • ⲡⲉϫⲁϥ ⲇⲉ ⲛϭⲓ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ •
ϫⲉ ⲛ̄ ⲧⲉⲣ ⲉⲓϫⲉ ⲛⲁⲓ • ⲁⲓⲥⲟⲃⲧⲛ̄ • ⲉ ⲃⲟⲗ • ⲙ ⲡⲕⲟⲛⲧⲁ‐
ⲣⲓⲟⲛ • ⲉⲧ ϩ︦ⲛ︦ ⲧⲁ ϭⲓϫ • ⲁⲓⲗⲟⲅⲭⲓⲍⲉ • ⲙ ⲡⲙⲟⲩⲓ • ⲁϥ‐
ⲙⲟⲩ • ⲁⲩⲱ • ⲛⲧⲉⲩⲛⲟⲩ • ⲙⲡⲉ ⲓⲕⲧⲟⲓ • ⲉ ⲧⲡⲟⲗⲓⲥ • ⲛⲕⲉ
ⲥⲟⲡ • ⲁⲗⲗⲁ • ⲁⲓⲃⲱⲕ ⲉ ⲕⲉ ⲡⲟⲗⲓⲥ • ⲉⲧ ϩⲓ ⲡⲥⲁ ⲣⲏⲥ •
ⲙⲙⲟⲓ • ⲛⲕⲉ ϣⲟⲙⲛ︦ⲧ︦ • ⲛϩⲟⲟⲩ • ⲙ ⲙⲟⲟϣⲉ • ⲁⲓϯ • ⲉ


### 0041

ⲃⲟⲗ • ⲙ̄ ⲡⲁ ϩⲧⲟ • ⲙⲛ̄ ⲧⲁ ⲕⲁⲙⲓⲥⲉ • ⲁⲩⲱ ⲛⲁⲧⲥⲁⲧ︦ⲃ︦ϥ︦
ⲙⲛ̄ ⲛⲁⲥⲕⲉⲩⲏ • ⲧⲏⲣⲟⲩ • ⲉⲧ ⲛ̄ ⲧⲟⲟⲧ • ⲁⲓϣⲱⲡ ⲛⲁⲓ •
ⲛ ⲟⲩϩⲃ̄ⲥⲱ • ⲙ ⲡⲁⲅⲁⲛⲟⲥ • ⲡⲕⲉ ⲥⲉⲡⲉ ⲇⲉ • ⲁⲓⲇⲓⲁⲕⲟⲛⲉⲓ
ⲙ̄ⲙⲟⲟⲩ • ⲛ̄ ⲛ̄ϩⲏⲕⲉ • ⲉⲧ ϩⲙ̄ ⲡⲙⲁ • ⲉⲧ ⲙ̄ⲙⲁⲩ •
ⲁⲓⲃⲱⲕ • ⲉ ⲡⲧⲟⲟⲩ ⲛ ϣⲓⲏⲧ • ⲁⲓϯ ⲉ ϫⲱⲓ • ⲙ ⲡⲉⲥⲭⲏ‐
ⲙⲁ • ⲙ ⲙⲟⲛⲟⲭⲟⲥ • ϩⲙ̄ ⲡⲙⲁ • ⲉⲧ ⲙ̄ⲙⲁⲩ • ⲡⲁⲗⲓⲛ
ⲟⲛ • ⲙⲡⲉ ⲓⲉϣϭⲱ • ϩ︦ⲙ︦ ⲡⲙⲁ • ⲉⲧ ⲙ̄ⲙⲁⲩ • ⲉ ⲧⲃⲉ
ⲛⲁⲉⲓⲟⲧⲉ • ϫⲉ ⲛⲛⲉⲩϯ ⲟⲩⲟⲓ • ⲛⲥⲱϥ (sic) ⲁⲓⲙⲟⲟϣⲉ ⲇⲉ ⲉ
ⲣⲏⲥ • ⲕⲟⲩⲓ • ⲕⲟⲩⲓ • ϣⲁⲛⲧ ⲁⲓⲉⲓ • ⲉ ⲡⲉⲓ ⲧⲟⲟⲩ • ⲧⲉⲛⲟⲩ •
ⲛⲁⲓ ⲇⲉ ⲛⲧⲁⲓϫⲟⲟⲩ | ⲉ ⲣⲟⲕ • ⲡⲁ ⲥⲟⲛ • ⲡⲁⲡⲛⲟⲩⲧⲉ •▨▨▨
▨▨ⲛ ⲧⲟⲟⲧ︦ϥ︦ • ⲙ ⲡⲁ ⲉⲓⲱⲧ • ⲁⲡⲁ ϩⲁⲣ[ⲱⲛ] • ▨▨[ⲛ]
ⲧⲉⲣ ⲓⲥ︦ⲡ︦ⲥⲱⲡϥ̄ • ⲉ ⲧⲣ︦ϥ︦ϫⲱ ⲉ ⲣⲟⲓ • ⲛⲧⲉϥϭⲓ▨▨ⲁⲡⲟⲥ‐
ⲧⲁⲥⲥⲉ • ⲙⲛ̄ⲛⲥⲱⲥ • ⲟⲛ • ⲉⲕϣⲁⲛϣⲗⲏⲗ ⲉ ϫⲱⲓ • ϯⲛⲁϫⲱ
ⲉ ⲣⲟⲕ • ⲛ̄ⲛⲉ ⲛⲧⲁⲓⲛⲁⲩ ⲉ ⲣⲟⲟⲩ • ϩⲛ̄ ⲛⲁⲃⲁⲗ • ⲁⲥϣⲱⲡⲉ •
ⲇⲉ ⲙⲙⲟⲓ ⲉⲓⲟ • ⲛ̄ ϣⲏⲣⲉ ϣⲏⲙ • ϩ︦ⲙ︦ ⲡⲏⲓ • ⲛ̄ ⲛⲁⲉⲓⲟⲧⲉ •
ⲁ ⲛⲁⲓⲉⲟⲧⲉ ⲧⲁⲁⲧ • ⲉ ⲧⲁⲛⲥⲏⲃⲉ ⲉ ⲧⲣⲉⲩⲧⲥⲁⲃⲟⲓ • ⲉ ⲥϩⲁⲓ
ⲡⲁ ⲥⲁϩ ⲇⲉ ⲛⲉϥⲥⲡⲟⲩⲇⲁⲍⲉ ⲉ ⲣⲟⲓ • ⲙ ⲙⲏⲏⲛⲉ • ϣⲁⲛⲧ
ⲉϥⲧⲥⲁⲃⲟⲓ • ⲉ ⲥϩⲁⲓ • ϩⲛ̄ ϩⲉⲛⲥϩⲁⲓ ⲉⲩⲟⲩⲁⲁⲃ ⲛ ⲧⲉⲣ ⲓⲉⲓ •
ⲉ ⲑⲏ • ⲉϫⲛ̄ ⲧⲗⲉⲝⲓⲥ • ⲉⲧ ϩ︦ⲙ︦ ⲡⲉⲩⲁⲅⲅⲉⲗⲓⲟⲛ • ϫⲉ ⲡⲉⲧⲉ
ⲛ︦ϥ︦ⲛⲁⲕⲁ ⲉⲓⲱⲧ • ⲁⲛ ⲛⲥⲱϥ • ⲏ ⲙⲁⲁⲩ • ⲙⲛ̄ ⲡⲕⲉ ⲥⲉⲡⲉ •
ⲉⲧ ⲛⲏⲩ ⲙⲛ̄ⲛⲥⲁ ⲛⲁⲓ • ⲛ︦ϥ︦ⲟⲩⲁϩ︦ϥ︦ • ⲛⲥⲱⲓ • ⲛ︦ϥ︦ⲙⲡϣⲁ •
ⲙⲙⲟⲓ • ⲁⲛ • ⲁⲛⲟⲕ • ⲇⲉ • ⲁⲓϯϩⲧⲏⲓ ⲉ ⲡⲉϩⲣⲏⲧⲟⲛ •
ⲁⲓϭⲱ • ⲉⲓⲙⲉⲗⲉⲧⲁ • ⲙⲙⲟϥ ϩⲙ̄ ⲡⲁ ϩⲏⲧ • ⲧⲏⲣ︦ϥ︦ • ⲁⲥ‐
ϣⲱⲡⲉ • ⲇⲉ ⲙⲛ̄ⲛⲥⲁ ϩⲉⲛϩⲟⲟⲩ • ⲁⲓⲥⲱⲧ︤ⲙ︥ • ⲉ ⲡⲥⲟⲉⲓⲧ •
ⲙ ⲡⲉⲛⲉⲓⲱⲧ • ⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ϫⲉ ⲉϥⲡⲟⲗⲩ‐
ⲧⲉⲩⲉ • ϩ︦ⲛ︦ ⲟⲩⲙⲁ • ⲉⲩⲙⲟⲩⲧⲉ • ⲉ ⲣⲟϥ ϫⲉ ⲡⲉⲓⲁ • ⲉϥⲉⲓⲣⲉ •
ⲛ ⲟⲩⲙⲏⲏϣⲉ • ⲛⲧⲁⲗϭⲟ • ⲛ̄ ⲛⲉⲧ ϣⲱⲛⲉ • ⲧⲏⲣⲟⲩ •
ⲁⲓⲧⲱⲟⲩⲛ • ⲁⲓⲃⲱⲕ ⲉ ⲡⲙⲁ • ⲉⲛⲉϥⲛ̄ϩⲏⲧ︦ϥ︦ • ⲁⲓϩⲙⲟⲟⲥ •
ϩⲓⲣ︤ⲙ︥ ⲡⲣⲟ • ⲙ ⲡⲉϥⲙⲁ • ⲛ ϣⲱⲡⲉ • ϣⲁⲛⲧⲉ ⲡⲣⲏ
ϩⲱⲧ︤ⲡ︥ • ⲉⲛⲉ ⲡⲟⲩⲱϣ ⲅⲁⲣ • ⲡⲉ ⲡⲉϩⲟⲟⲩ | ⲉⲧ ⲙ̄ⲙⲁⲩ • ⲛ
ⲧⲉⲣⲉ ⲣⲟⲩϩⲉ • ϣⲱⲡⲉ • ⲙⲡⲉ ϥⲉⲓ • ⲁⲓⲧⲱⲟⲩⲛ • ⲁⲓⲙⲟⲟ‐
ϣⲉ • ϩⲙ̄ ⲡⲧⲟⲟⲩ • ⲛⲁ ϣⲟⲙⲛ︤ⲧ︥ • ⲙⲙⲓⲗⲓⲟⲛ • ⲙⲛ̄ⲛⲥⲱⲥ
ⲁⲓϭⲱϣ︦ⲧ︦ • ⲉ ⲡⲉⲥⲏⲧ • ⲉϫ︦ⲙ︦ ⲡϣⲟ • ⲁⲓⲛⲁⲩ • ⲉ ϩⲉⲛⲧⲁϭⲥⲉ •
ⲛⲣⲱⲙⲉ • ⲉⲩⲥⲱⲕ • ⲉ ϩⲟⲩⲛ • ϩⲁ ⲟⲩⲕⲱⲱϩ ⲙ ⲡⲉⲧⲣⲁ •


### 0042

ⲁⲓⲙⲟⲟϣⲉ ϩⲁ ⲣⲁⲧⲟⲩ • ⲁⲓϭⲓⲛⲉ ⲙ ⲡⲁ ⲉⲓⲱⲧ • ⲉⲧ ⲟⲩⲁⲁⲃ •
ⲁⲡⲁ ϩⲁⲣⲱⲛ • ⲉⲣⲉ ⲟⲩⲛⲟⲩϩ ⲙⲏⲣ • ⲉⲩⲛⲟϭ • ⲛ ⲱⲛⲉ •
ⲉϥⲁϣⲉ ⲉ ⲡⲉϥⲙⲁⲕ︦ϩ︦ • ⲛ ⲧⲉⲣ ⲓⲙⲟⲩⲧⲉ ⲇⲉ ⲟⲩⲃⲏϥ • ϫⲉ
ⲥⲙⲟⲩ • ⲉ ⲣⲟⲓ ⲁϥⲥⲁϩⲉ ⲡⲉϥⲙⲁⲕ︦ϩ︦ • ⲉ ⲃⲟⲗ • ϩ︦ⲙ︦ ⲡⲛⲟⲩϩ •
ⲁϥⲛⲉϫ ⲡⲱⲱⲛⲉ • ϩⲓϫ︦ⲙ︦ ⲡⲕⲁϩ • ⲁϥϯ ϩⲓⲱⲱϥ • ⲛ ⲧⲉϥ‐
ⲥⲧⲟⲗⲏ • ⲁϥϭⲱϣ︦ⲧ︦ • ⲉ ϩⲟⲩⲛ • ⲉ ϩⲣⲁⲓ • ⲡⲉϫⲁϥ • ⲛⲁⲓ •
ϫⲉ ⲉⲕⲛⲏⲩ • ⲧⲱⲛ • ⲡⲁ ϣⲏⲣⲉ ⲙ ⲡⲉⲓ ⲙⲁ • ⲁⲛⲟⲕ • ⲇⲉ
ⲡⲉϫⲁⲓ ⲛⲁϥ ϫⲉ ⲕⲱ ⲛⲁⲓ ⲉ ⲃⲟⲗ ⲡⲁ ⲉⲓⲱⲧ • ⲙⲙⲟⲛ ⲛⲧⲁⲓ‐
ⲥⲱⲣ︦ⲙ︦ • ⲡⲉϫⲁϥ ⲛⲁⲓ ϫⲉ ⲁⲙⲟⲩ • ⲛⲅ̄ ϩⲙⲟⲟⲥ • ⲡⲁ ϣⲏⲣⲉ •
ⲙⲙⲟⲛ ⲛⲧⲁⲕⲥⲱⲣ︦ⲙ︦ • ⲁⲛ • ⲁⲗⲗⲁ • ⲛⲧⲁⲕϩⲉ • ⲉ ⲧⲉϩⲓⲏ
ⲉⲧ ⲛⲁⲛⲟⲩⲥ • ⲛ̄ ⲧⲉⲣ ⲓϩⲙⲟⲟⲥ ⲇⲉ ϩⲁϩⲧⲏϥ ⲁⲓⲡⲁⲣⲁ‐
ⲕⲁⲗⲉⲓ ⲙⲙⲟϥ • ϫⲉ ⲉⲓⲟⲩⲱϣ ϩⲱⲱⲧ • ⲉ ⲧ︦ⲣ︦ⲕ︦ⲕⲁⲁⲧ • ⲙ
ⲙⲟⲛⲟⲭⲟⲥ • ϩⲁϩⲧⲏⲕ • ⲡⲉϫⲁϥ • ⲛⲁⲓ • ϩ︦ⲛ︦ ⲟⲩⲙ︦ⲛ︦ⲧ︦ⲣⲙ︦ⲛ︦‐
ϩⲏⲧ • [ϫ]ⲉ ⲛⲧⲁ ⲡⲉⲛⲥⲱⲧⲏⲣ ϫⲟⲟⲥ • ϩⲛ̄ ⲛⲉⲩⲁⲅⲅⲉⲗⲓⲟⲛ •
ϫⲉ ⲁⲙⲏⲓⲧ︤ⲛ︥ • ϣⲁ ⲣⲟⲓ ⲟⲩⲟⲛ • ⲛⲓⲙ • ⲉⲧ • ϩⲟⲟⲥⲉ • ⲁⲩⲱ
ⲁⲛⲟⲕ • ϯⲛⲁϯⲙⲧⲟⲛ • ⲛⲏⲧ︦ⲛ︦ ⲡⲣⲁⲛ • ⲛ̄ ⲧ︦ⲙ︦ⲛ︦ⲧ︦ⲙⲟⲛⲟⲭⲟⲥ |
ⲛⲁⲛⲟⲩϥ • ⲁⲗⲗⲁ • ⲡⲉⲓ ⲃⲓⲟⲥ ϩⲟⲟⲥⲉ • ⲛ ϫⲟⲕϥ̄ ⲉ ⲃⲟⲗ • ⲡⲉ‐
ϫⲁⲓ ⲇⲉ ⲛⲁϥ • ϫⲉ ⲛⲧ ⲁⲓⲉⲓ • ⲉ ϩⲣⲁⲓ ⲉ ⲡⲉⲓ ⲙⲁ • ⲉ ⲧⲃⲉ
ⲡⲉⲓ ϩⲱⲃ • ⲱ ⲡⲁ ⲉⲓⲱⲧ • ⲉⲧ ⲟⲩⲁⲁⲃ • ⲉϣⲱⲡⲉ ϯⲛⲁϣ‐
ϫⲟⲕ︤ϥ︥ • ⲉ ⲃⲟⲗ • ⲛⲅ︤ⲣ︥ ⲡⲛⲁ • ⲛⲙ̄ⲙⲁⲓ • ⲡⲉϫⲁϥ ⲛⲁⲓ ϫⲉ
ⲟⲩϩⲱⲃ ⲉⲛⲁⲛⲟⲩϥ • ⲡⲉⲧ ⲉⲕϣⲓⲛⲉ • ⲛ̄ⲥⲱϥ • ⲱ ⲡⲁ ϣⲏⲣⲉ •
ⲉⲕϫⲉ (sic) ⲁⲕϩⲓ ⲧⲟⲟⲧⲕ̄ • ⲉ ⲡϩⲱⲃ • ⲉⲧ ⲛⲁⲛⲟⲩϥ ⲛⲓⲙ • ⲡⲉⲧ
ⲛⲁϣⲕⲱⲗⲩ • ⲙⲙⲟⲕ • ⲱ ⲡⲁ ϣⲏⲣⲉ • ⲁⲛⲧⲱⲟⲩⲛ ⲇⲉ
ⲁⲛⲉⲓ ⲉ ⲃⲟⲗ • ϩ︦ⲙ︦ ⲡⲧⲟⲟⲩ ⲁϥϫⲓⲧ • ϣⲁ ⲟⲩⲡⲣⲉⲥⲃⲩⲧⲉⲣⲟⲥ •
ⲉ ⲧⲣ︦ϥ︦ϯ • ϩⲓⲱⲱⲧ • ⲙ ⲡⲉⲥⲭⲏⲙⲁ • ⲛ ⲧⲙ︦ⲛ︦ⲧ︦ⲙⲟⲛⲟⲭⲟⲥ •
ⲁⲩⲱ ⲛ̄ ⲧⲉⲣ ⲛ̄ⲙⲟⲩⲧⲉ • ⲉ ϩⲟⲩⲛ • ⲁϥⲉⲓ • ⲉ ⲃⲟⲗ • ⲛϭⲓ
ⲡⲉⲡⲣⲉⲥⲃⲩⲧⲉⲣⲟⲥ • ⲁϥⲁⲥⲡⲁⲍⲉ ⲙⲙⲟⲛ • ⲁϥϫⲓⲧ︦ⲛ︦ • ⲉ
ϩⲟⲩⲛ • ⲉ ⲡⲉϥⲧⲟⲡⲟⲥ ⲁ ⲡⲁ ⲉⲓⲱⲧ • ϫⲟⲟⲥ • ⲛⲁϥ • ⲛⲧⲉⲩ‐
ⲛⲟⲩ • ⲉ ⲧⲃⲏⲏⲧ ⲁⲩⲱ ⲛⲧⲉⲩⲛⲟⲩ • ⲁϥϣⲱⲃ • ⲙ ⲡϥⲱ • ⲛ
ⲧⲁ ⲁⲡⲉ • ⲁϥϯ ⲉ ϫⲱⲓ • ⲙ ⲡⲉⲥⲭⲏⲙⲁ • ⲛ ⲧ︦ⲙ︦ⲛ︦ⲧⲙⲟⲛⲟ‐
ⲭⲟⲥ • ⲁⲛⲧⲱⲟⲩⲛ • ⲁⲛⲃⲱⲕ • ⲉ ⲡⲉⲛⲙⲁ ⲛ ϣⲱⲡⲉ • ⲡⲁ
ⲉⲓⲱⲧ ⲇⲉ • ⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ⲁϥⲣ̄ ⲟⲩϩ︦ⲃ︦ⲇⲱⲙⲁⲥ •
ⲛ̄ϩⲟⲟⲩ • ⲉϥⲕⲱⲧ • ⲙⲙⲟⲓ • ϩ︦ⲛ︦ ⲛⲉϩⲃⲏⲩⲉ • ⲛ̄ ⲧⲙ︦ⲛ︦ⲧⲣ︦ϥ︦‐
ϣⲙ̄ϣⲉ ⲛⲟⲩⲧⲉ • ⲙⲛ̄ⲛⲥⲁ ⲛⲁⲓ • ⲡⲉϫⲁϥ ⲛⲁⲓ ϫⲉ ϩⲙⲟⲟⲥ


### 0043

ⲛⲁⲕ • ϩ︦ⲙ︦ ⲡⲉⲓ ⲙⲁ • ⲧⲁⲃⲱⲕ ⲧⲁϭ︦ⲙ︦ ⲡϣⲓⲛⲉ • ⲙ ⲡⲉⲓ
ⲥⲟⲛ • ⲧⲁⲕⲧⲟⲓ • ϣⲁ ⲣⲟⲕ ⲙⲡⲉ ϥⲟⲩⲱϣ ⲇⲉ • ⲉ ⲧⲣⲁⲉⲓⲙⲉ
ϫⲉ ⲉϥⲟⲩⲱϣ | ⲉ ⲃⲱⲕ ⲉ ⲛⲉϥⲡⲟⲗⲩⲧⲉⲩⲉ • ⲡⲉϫⲁⲓ ⲇⲉ ⲛⲁϥ
ϫⲉ ⲉⲕⲛⲏⲩ • ⲙⲡⲟⲟⲩ • ⲡⲉϫⲁϥ ⲇⲉ • ⲛⲁⲓ ϫⲉ ⲙⲙⲟⲛ •
ⲙⲉⲣⲉ ⲡⲥⲟⲛ • ⲕⲁⲁⲧ ⲉ ⲃⲟⲗ • ϣⲁ ⲡⲥⲁⲃⲃⲁⲧⲟⲛ • ⲉⲛⲉ
ⲡϣⲟⲣⲡ̄ • ⲛ̄ϩⲟⲟⲩ • ⲛ̄ⲧⲁϥⲃⲱⲕ • ⲉ ⲃⲟⲗ • ϩⲓ ⲧⲟⲟⲧ ⲡⲉ
ⲡⲟⲩⲱϣ ⲁⲩⲱ ⲁϥⲣ̄ ⲡϣⲟⲣ︦ⲡ︦ • ⲛϩⲟⲟⲩ • ⲙⲛ̄ ⲡⲙⲉϩ ⲥⲛⲁⲩ •
ⲙⲛ̄ ⲙⲡⲉϩ ϣⲟⲙ︦ⲛ︦ⲧ︦ • ϣⲁ ϩⲣⲁⲓ • ⲉ ⲡⲙⲉϩ ϥⲧⲟⲟⲩ • ⲙⲛ̄
ⲡⲙⲉϩ ϯⲟⲩ • ⲁⲛⲟⲕ • ⲇⲉ ⲁⲛⲇⲁⲓⲙⲱⲛⲓⲟⲛ • ϯ ϩⲓⲥⲉ ⲛⲁⲓ •
ⲉⲙⲁⲁⲧⲉ • ϫⲉ ⲉ ⲧⲃⲉ ⲟⲩ • ⲁ ⲡⲉⲕⲉⲓⲱⲧ • ⲕⲁⲁⲕ • ⲙⲁⲩⲁⲁⲕ
ⲁϥⲃⲱⲕ • ⲉ ⲧⲃⲉ ⲟⲩ • ⲙⲡⲉ ϥϫⲓⲧⲕ̄ • ⲛ̄ⲧⲟⲕ ⲛⲅ̄ϫⲓ ⲥⲙⲟⲩ •
ⲛ̄ⲧ ⲙ̄ ⲡⲥⲟⲛ • ⲉⲧ ⲙ̄ⲙⲁⲩ • ⲛ̄ ⲧⲉⲣ ⲟⲩϭⲱ ⲇⲉ • ⲉⲩⲉⲛⲱⲭ‐
ⲗⲉⲓ • ⲛⲁⲓ • ⲁⲓⲧⲱⲟⲩⲛ • ⲁⲓϩⲓ ⲧⲟⲟⲧ • ⲉ ϩⲟⲩⲛ • ϩⲙ̄ ⲡⲧⲟⲟⲩ
ϣⲁ ⲡⲙⲁ • ⲛ̄ⲧ ⲁⲓϩⲉ ⲉ ⲣⲟϥ • ⲙ ⲡϣⲟⲣ︤ⲡ︥ ⲛ ⲥⲟⲡ
ⲁⲓϭⲛ̄ⲧϥ̄ • ⲉϥⲁⲁϩ • ⲉⲣⲁⲁⲧ︦ϥ︦ • ϩⲛ̄ ⲧⲙⲏⲏⲧⲉ ⲙ ⲡϣⲟ • ⲉⲣⲉ
ⲟⲩⲛⲟϭ • ⲛⲕⲁⲩⲥⲱⲛ • ⲛ ⲃⲟⲗ ϫⲉ ⲛⲉ ⲡⲕⲁⲓⲣⲟⲥ • ⲙ
ⲡⲙⲟⲩϩ • ⲙ ⲡⲙⲟⲟⲩ ⲁⲩⲱ ⲛⲉⲣⲉ ⲟⲩⲛⲟϭ • ⲛ ⲱⲛⲉ •
ⲧⲁⲗⲏⲩ • ⲉ ⲣⲟϥ • ⲉⲁ ⲛⲉϥⲃⲁⲗ • ϩⲱⲛ • ⲉ ⲡⲱⲣ︦ⲕ︦ • ⲉ ⲧⲃⲉ
ⲡⲕⲁⲩⲥⲱⲛ ⲉⲧ ⲛ̄ ⲃⲟⲗ • ⲁϥϩⲉ ⲉϫ︦ⲙ︦ ⲡⲕⲁϩ • ⲁϥⲕⲁ
ⲧⲟⲟⲧ︦ϥ︦ ⲉ ⲃⲟⲗ • ⲉ ⲧⲣ︦ϥ︦ⲙⲟⲩ • ⲁⲛⲟⲕ • ⲇⲉ ⲁⲓⲁⲙⲁϩⲧⲉ
ⲙⲙⲟϥ • ⲁⲓⲧⲟⲩⲛⲟⲥ︦ϥ︦ ⲉⲓⲣⲓⲙⲉ • ⲉ ϩⲟⲩⲛ ⲉ ϩⲣⲁϥ • ⲉⲓϫⲱ
ⲙⲙⲟⲥ • ϫⲉ ⲁϩⲣⲟⲕ • ⲉⲕϯ ϩⲓⲥⲉ • ⲛⲁⲕ • ⲛϯϩⲉ ⲧⲏⲣ︦ⲥ︦ •
ⲱ ⲡⲁ ⲉⲓⲱⲧ ⲉⲧ ⲟⲩⲁⲁⲃ | ⲛⲧⲟϥ ⲇⲉ ⲡⲉϫⲁϥ • ⲛⲁⲓ • ϫⲉ
ⲛⲧⲁⲕⲉⲓ ⲉ ⲡⲁⲓ ⲙⲁ • ⲉ ⲧⲃⲉ ⲟⲩ ⲱ ⲡⲁ ϣⲏⲣⲉ • ⲡⲉϫⲁⲓ
ⲛⲁϥ ϫⲉ ⲁⲛⲁⲛⲟⲩⲃⲁ • ϯ ϩⲓⲥⲉ • ⲛⲁⲓ • ⲁⲓⲉⲓ ⲉ ⲧⲁⲙⲟⲕ •
ⲁϥⲛⲉⲧⲃ̄ ⲣⲱϥ • ⲛ̄ ⲥⲱⲃⲉ ⲡⲉϫⲁϥ • ϫⲉ ⲁⲗⲏⲑⲱⲥ • ⲛⲁ‐
ⲛⲟⲩⲃⲁ • ⲉⲧ ⲑⲏⲡ ⲛⲉ • ⲱ ⲡⲁ ϣⲏⲣⲉ • ⲁⲓⲡⲁⲣⲁⲕⲁⲗⲉⲓ •
ⲇⲉ • ⲙⲙⲟϥ • ⲉⲓϫⲱ ⲙⲙⲟⲥ ϫⲉ ϯⲥⲟⲡⲥ︦ⲡ︦ • ⲛ̄ ⲧⲉⲕⲙ︦ⲛ︦ⲧ︦‐
ⲉⲓⲱⲧ • ⲉⲧ ⲟⲩⲁⲁⲃ • ϫⲉ ⲉ ⲧⲃⲉ ⲟⲩ • ⲕϯ ⲙⲙⲟⲕ • ⲉ ⲛⲉⲓ
ϩⲓⲥⲉ • ⲙⲛ̄ ⲛⲉⲓ ⲡⲟⲗⲩϯⲁ • ⲁϥⲟⲩⲱϣⲃ̄ • ⲛϭⲓ ⲡϩⲗ̄ⲗⲟ •
ⲛⲁⲙⲉ • ⲁⲡⲁ ϩⲁⲣⲱⲛ • ϫⲉ ⲛ ϯⲛⲁϩⲡ̄ • ⲗⲁⲁⲩ • ⲁⲛ ⲉ
ⲣⲟⲕ ⲡⲁ ϣⲏⲣⲉ ϩ︦ⲛ︦ ⲛⲉⲧ ⲉⲕϣⲓⲛⲉ • ⲛⲥⲱⲟⲩ • ⲙ ⲡⲛⲁⲩ •
ⲅⲁⲣ ⲡⲉϫⲁϥ ⲉ ϯⲛⲁⲣ̄ ⲡⲙⲉⲉⲩⲉ • ⲛ̄ⲛϩⲓⲥⲉ • ⲛⲧⲁϥϣⲟⲡⲟⲩ
ϩⲁ ⲣⲟⲛ ⲛϭⲓ ⲡⲁ ⲥ︤ⲏ︦ⲣ︥ • ⲛ ⲁⲅⲁⲑⲟⲛ • ϣⲁⲛⲧ ⲉϥϯⲥⲟ •


### 0044

ⲉ ⲡⲉⲛ ⲅⲉⲛⲟⲥ • ⲉ ⲃⲟⲗ • ϩ︦ⲛ︦ ⲧⲉⲭⲙⲁⲗⲱⲥⲓⲁ • ⲙ ⲡⲇⲓⲁ‐
ⲃⲟⲗⲟⲥ • ⲁϥϯ ⲙ ⲡⲉϥⲥⲱⲙⲁ • ⲙⲛ̄ ⲡⲉϥⲥⲛⲟϥ • ϩⲁ ⲣⲟⲛ •
ϣⲁⲓϫⲟⲟⲥ ⲗⲟⲓⲡⲟⲛ ϫⲉ ⲉϣϫⲉ ⲁ ⲡⲛⲟⲩⲧⲉ • ⲁⲛⲉⲭⲉ ⲉ ϣⲡ̄
ϩⲓⲥⲉ ϩⲁ ⲣⲟⲛ • ⲁⲛⲟⲛ • ϩⲱⲱⲛ • ϣϣⲉ ⲉ ⲣⲟⲛ • ⲉ ⲧ︤ⲣ︦ⲛ︥ϥⲓ
ϩⲁ ϩⲓⲥⲉ • ⲛⲓⲙ • ϣⲁⲛⲧ ⲉϥⲣ ⲟⲩⲛⲁ • ⲛⲙ̄ⲙⲁⲛ ⲙ ⲡⲉϩⲟⲟⲩ •
ⲙ ⲡⲉⲛϭⲙ ⲡϣⲓⲛⲉ • ⲛⲁⲓ ⲇⲉ ⲛ ⲧⲉⲣ ϥ̄ϫⲟⲟⲩ • ⲁⲛⲧⲱⲟⲩⲛ •
ⲁⲛⲉⲓ ⲉ ⲃⲟⲗ • ⲁⲛⲃⲱⲕ • ⲉ ⲡⲉⲛⲙⲁ • ⲛ ϣⲱⲡⲉ • ⲙ ⲡⲉ‐
ϩⲟⲟⲩ ⲉⲧ ⲙ̄ⲙⲁⲩ • ⲁⲩⲱ ⲛ︤ϥ︥ⲡⲟⲗⲩⲧⲉⲩⲉ • ϩ︤ⲙ︥ ⲡⲉⲓ ⲥⲙⲟⲧ •
ϩ︤ⲙ︥ ⲡⲉϩⲟⲟⲩ • ⲉⲧ ⲙ̄ⲙⲁⲩ • ⲉⲧ ⲉϥⲛⲁⲟⲩⲱⲙ • ⲉⲛⲉ |
ⲙⲉϥⲥⲉ ⲙⲟⲩ • ⲛϩⲏⲧϥ̄ • ⲁⲩⲱ ⲡⲉϩⲟⲟⲩ ⲉⲧ ⲉϥⲛⲁⲥⲉ
ⲙⲟⲟⲩ • ⲉⲛⲉⲙⲉϥⲟⲩⲱⲙ • ⲁⲥϣⲱⲡⲉ ⲇⲉ ⲛ̄ ⲟⲩⲟⲩϣⲏ •
ⲉⲛⲉⲛⲕⲟⲧ︦ⲕ︦ • ⲙ ⲡⲉⲥⲛⲁⲩ • ϩ︦ⲙ︦ ⲡⲉⲛⲙⲁ • ⲛ ϣⲱⲡⲉ • ⲁⲛ‐
ⲇⲁⲓⲙⲟⲛⲓⲟⲛ • ⲉⲓⲣⲉ • ⲛ̄ ⲟⲩⲫⲁⲛⲧⲁⲥⲓⲁ • ϩⲣⲁⲓ ϩ︦ⲙ︦ ⲡⲉⲓⲁ
ⲉⲩⲱϣ ⲉ ⲃⲟⲗ • ⲛ ⲧⲁⲥⲡⲉ • ⲛ̄ⲛⲗⲉϩⲙⲟⲟⲩⲉ • ⲁⲛⲟⲕ • ⲇⲉ
ⲛ ⲧⲉⲣ ⲓⲥⲱⲧ︦ⲙ︦ ⲉ ⲣⲟⲟⲩ • ⲁⲓϣⲧⲟⲣⲧ︦ⲣ︦ • ⲁⲩⲱ ⲁⲓⲕⲓⲙ • ⲉ ⲡⲁ
ⲉⲓⲱⲧ ⲉⲓϫⲱ ⲙⲙⲟⲥ ϫⲉ ⲁⲛⲃⲉⲗϩⲙⲟⲟⲩⲉ • ⲉⲓ ⲉ ⲣⲟⲛ •
ⲛⲧⲟϥ ⲇⲉ • ⲡⲉϫⲁϥ ⲛⲁⲓ ϫⲉ ⲙⲡⲣ̄ ⲣ̄ ϩⲟⲧⲉ • ⲡⲁ ϣⲏⲣⲉ •
ϥⲥⲏϩ ⲅⲁⲣ ϫⲉ ϩⲙ̄ ⲡⲉⲛⲛⲟⲩⲧⲉ ⲧⲛ̄ⲛⲁⲉⲓⲣⲉ ⲛ ⲟⲩϭⲟⲙ
ⲁⲩⲱ ⲟⲛ • ϫⲉ ⲙⲁⲣⲉ ⲡⲛⲟⲩⲧⲉ • ⲧⲱⲟⲩⲛ ⲛⲧⲉ ⲛⲉϥϫⲁϫⲉ •
ϫⲱⲱⲣⲉ • ⲉ ⲃⲟⲗ • ⲛⲁⲓ ⲇⲉ ⲛ ⲧⲉⲣ ϥ̄ϫⲟⲟⲩ • ⲁⲛⲧⲱⲟⲩⲛ •
ⲉ ϩⲣⲁⲓ • ⲁⲛⲃⲱⲕ • ⲉ ⲡⲙⲁ ⲛ ⲧⲡⲉ • ⲁⲩⲱ ⲛⲉⲣⲉ ⲛⲇⲁⲓⲙⲱⲛ •
ⲱϣ ⲉ ⲃⲟⲗ ⲛϯϩⲉ • ϩⲟⲓⲛⲉ • ⲙⲉⲛ • ϫⲉ ⲁⲛⲓⲥⲟⲩ • ⲉ ⲃⲟⲗ •
ⲛⲧⲛ̄ϩⲟⲧⲃⲟⲩ • ϩⲉⲛⲕⲟⲟⲩⲉ ϫⲉ ⲙⲁⲣ︦ⲛ︦ϩⲟⲧⲃⲟⲩ ϩⲓϫⲙ̄
ⲡⲙⲁ • ⲉⲛⲉⲩⲛϩⲏⲧϥ̄ • ⲡϩⲁⲅⲓⲟⲥ ⲇⲉ ⲁϥⲉⲓⲙⲉ • ϩⲙ̄ ⲡⲉ‐
ⲡ︦ⲛ︦ⲁ︦ • ϫⲉ ϩⲉⲛ ⲇⲁⲓⲙⲟⲛⲓⲟⲛ ⲛⲉ • ⲡⲉϫⲁϥ ⲛⲁⲓ • ϫⲉ
ⲙⲁⲣ︦ⲛ︦ⲧⲁⲁⲛ • ⲉ ⲡⲉϣⲗⲏⲗ Ⲁⲩⲱ ⲛⲧⲉⲩⲛⲟⲩ • ⲁⲛⲧⲁⲁⲛ •
ⲉ ⲡⲉϣⲗⲏⲗ • ⲁⲩⲱ ⲛⲧⲉⲩⲛⲟⲩ • ⲛⲧⲁⲛⲧⲁⲁⲛ • ⲉ ⲡⲉϣⲗⲏⲗ •
ⲁⲩⲡⲱⲧ • ϩⲙ̄ ⲡⲉⲓⲁ • ⲁⲛⲟⲕ • ⲇⲉ ⲁⲓⲣϣⲡⲏⲣⲉ ⲡⲉϫⲁⲓ •
ⲙ ⲡϩⲗ̄ⲗⲟ • ⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ ϫⲉ ⲙⲏ • ϣⲁⲩⲣ ϯ
ⲁϣⲏ • ⲛⲥⲙⲟⲧ • ⲛϭⲓ ⲛ̄ⲇⲁⲓⲙⲟⲛⲓⲟⲛ ⁘- | ⲛⲧⲟϥ ⲇⲉ ⲡⲉ‐
ϫⲁϥ • ϫⲉ ⲛⲧⲁⲕⲛⲁⲩ ⲱ ⲡⲁϣⲏⲣⲉ • ⲟⲩⲕⲟⲩⲓ ⲛ ϩⲱⲃ •
ⲡⲉ ⲡⲁⲓ • ⲛⲧⲁⲕⲁⲁϥ • ⲕⲁⲓ ⲅⲁⲣ • ⲁⲩⲥⲟⲛ • ϫⲟⲟⲥ • ⲛⲁⲓ
ϫⲉ ⲁⲥϣⲱⲡⲉ ⲙⲙⲟⲓ • ⲛ ⲟⲩⲥⲟⲡ • ⲉⲓⲁⲁϩ • ⲉⲣⲁⲁⲧ • ϩⲁ
ⲟⲩⲕⲟⲟϩ ⲛ̄ ⲧⲟⲟⲩ • ϩ︦ⲛ︦ ⲛⲉϩⲟⲟⲩ • ⲙ ⲡϣⲱⲙ • ⲉⲛⲉ ⲡⲁ ⲥⲟⲟⲩ


### 0045

ⲡⲉ • ⲙⲡⲉ ⲓⲟⲩⲱⲙ • ⲟⲩⲇⲉ • ⲙⲡⲉ ⲓⲥⲱⲟⲩ ⲇⲉ • ⲙⲡⲉ
ⲓϩⲙⲟⲟⲥ • ⲉ ϩⲣⲁⲓ • ⲁϥⲉⲓ ⲛ̄ϭⲓ ⲟⲩⲇⲁⲓⲙⲟⲛⲓⲟⲛ • ⲉⲣⲉ ⲟⲩ‐
ϩⲣⲁⲃⲇⲟⲥ • ⲛ̄ ⲛ̄ⲟⲩⲃ ϩⲛ̄ ⲧⲉϥϭⲓϫ • ⲡⲉϫⲁϥ ⲛⲁⲓ • ϫⲉ ϫⲣⲟ
ⲙⲙⲟⲕ ⲱ̄ ⲡϣⲟⲉⲓϫ • ⲙ ⲡⲉⲭ︦ⲥ︦ • ⲛⲧⲁϥⲙⲓϣⲉ ⲕⲁⲗⲱⲥ •
ⲁⲓⲛⲁⲩ • ⲅⲁⲣ • ⲉ ⲛⲉⲕϩⲓⲥⲉ • ⲁⲩⲧⲛ̄ⲛⲟⲟⲩⲕ • ⲉ ⲥ︦ⲗ︦ⲥ︦ⲱⲗ︦ⲕ︦ •
ⲡⲥⲟⲛ • ⲇⲉ ⲉⲧ ⲙ̄ⲙⲁⲩ • ⲛ ⲧⲉⲣ ϥ̄ⲛⲁⲩ • ⲉⲛⲕⲟⲧ︦ⲥ︦ • ⲙ
ⲡⲇⲓⲁⲃⲟⲗⲟⲥ • ⲁϥϣⲱⲗ︦ϩ︦ ⲛ ⲟⲩⲥ⳨ⲟ︦ⲥ︦ • ⲉ ⲡⲕⲁϩ • ⲛⲧⲉⲩ‐
ⲛⲟⲩ • ⲁϥⲣ ⲁⲧ ⲟⲩⲱ︦ⲛ︦ϩ︦ • ⲉ ⲃⲟⲗ • ⲛϭⲓ ⲡⲇⲁⲓⲙⲟⲛⲓⲟⲛ •
ⲁⲥϣⲱⲡⲉ ⲇⲉ ⲛ ⲧⲉⲣ ϥ̄ϫⲉ ⲛⲁⲓ • ⲛϭⲓ ⲡⲡⲉⲧ ⲟⲩⲁⲁⲃ • ⲁⲡⲁ
ϩⲁⲣⲱⲛ • ⲁⲓⲡⲁϩ︤ⲧ︥ • ϩⲁ ⲛⲉϥⲟⲩⲣⲏⲏⲧⲉ • ⲁⲓⲡⲁⲣⲁⲕⲁⲗⲉⲓ
ⲙⲙⲟϥ • ϫⲉ ⲛⲓⲙ • ⲡⲉ ⲡⲥⲟⲛ • ⲉⲧ ⲙ̄ⲙⲁⲩ • ⲛⲧⲟϥ ⲇⲉ
ⲡⲉϫⲁϥ • ϫⲉ ⲧⲱⲟⲩⲛ ⲉ ϩⲣⲁⲓ ⲁⲩⲱ ϯⲛⲁⲧⲁⲙⲟⲕ • ⲛ ⲧⲉⲣ
ⲉⲓⲧⲱⲟⲩⲛ • ⲇⲉ ⲉ ϩⲣⲁⲓ • ⲡⲉϫⲁϥ • ⲛⲁⲓ • ϫⲉ ϭⲱϣ︦ⲧ︦ •
ⲙⲡⲣ̄ ϫⲟⲟⲥ ⲛ ⲗⲁⲁⲩ • ⲁⲛⲟⲕ ⲡⲉ ⲡⲉⲓ ϩⲙ̄ϩⲁⲗ • ⲛ ⲁⲧ
ϣⲁⲩ ⲁ ⲡⲁⲓ ϣⲱⲡⲉ • ⲙⲙⲟⲓ • ⲁⲥϣⲱⲡⲉ ⲇⲉ ⲟⲛ • ⲛ̄ ⲟⲩ‐
ϩⲟⲟⲩ • ⲉⲛϩⲙⲟⲟⲥ • ⲙⲛ̄ ⲛⲉⲛⲉⲣⲏⲩ • ⲁϥⲉⲓ ⲉ ⲃⲟⲗ • ϩ︤ⲙ︥
ⲡⲧⲟⲟⲩ • ⲛϭⲓ ⲟⲩⲁ ⲛⲟⲩⲃⲁ • ⲙⲛ̄ ⲡⲉϥϣⲏⲣⲉ • ϫⲉ ⲉⲩⲛⲁⲥⲉ
ⲙⲟⲟⲩ • ϩ︦ⲙ︦ ⲡⲉⲓⲉⲣⲟ • | ⲁⲩⲱ ⲛ ⲧⲉⲣⲉ ⲡϣⲏⲣⲉ • ⲕⲟⲩⲓ •
ⲛⲉϫ ⲧⲉϥϭⲓϫ ⲉ ⲡⲙⲟⲟⲩ • ϫⲉ ϥⲛⲁⲥⲱ • ⲁϥⲥⲟⲕ︦ϥ︦ • ⲛϭⲓ
ⲟⲩⲛⲟϭ ⲛⲉⲙⲥⲁϩ • ⲁϥϩⲁⲣⲡⲁⲍⲉ • ⲙⲙⲟϥ • ⲁϥⲃⲱⲕ •
ⲛⲧⲉⲩⲛⲟⲩ • ⲇⲉ • ⲁ ⲡⲉϥⲉⲓⲱⲧ • ⲛⲟϫ︦ϥ︦ • ⲉϫⲙ̄ ⲡⲕⲁϩ •
ⲁϥⲁϣⲕⲁⲕ • ⲉ ⲃⲟⲗ • ⲁϥⲣⲓⲙⲉ • ϩ︦ⲛ︦ ⲟⲩⲥⲓϣⲉ ⲉⲛⲉ ⲙⲛ̄‐
ⲧⲁϥϣⲏⲣⲉ • ⲛⲥⲁⲃⲗ̄ⲗⲁϥ • ⲉⲛⲉϥⲡⲏⲧ ⲇⲉ • ϩⲓ ⲡⲧⲟⲟⲩ •
ⲉϥϫⲓ ϣⲕⲁⲕ • ⲉ ⲃⲟⲗ • ⲁϥⲥⲟⲗⲡ̄ ⲛ̄ ⲛⲉϥⲥⲱⲙⲁ • ϩ︦ⲛ︦
ⲛ̄ⲱⲛⲉ • ⲉⲧ ϫⲏⲣ • ϩ︦ⲛ︦ ⲙ ⲡⲉⲧⲣⲁ • ⲁϥⲡⲗⲩⲅⲉⲓ • ⲙ ⲡⲉϥ‐
ⲥⲱⲙⲁ • ⲙⲙⲁⲁⲧⲉ ⲁⲛⲟⲕ • ⲇⲉ • ⲛ ⲧⲉⲣ ⲉⲓⲛⲁⲩ • ⲉ ⲡⲉϥ‐
ⲛⲟϭ • ⲛ̄ ⲙ̄ⲕⲁϩ ⲛϩⲏⲧ • ⲁⲓϫⲟⲟⲥ • ⲙ ⲡⲁ ⲉⲓⲱⲧ • ⲁϥ‐
ⲧⲱⲟⲩⲛ ⲁϥⲉⲓ • ⲉⲣ︦ⲙ︦ ⲡⲣⲟ • ⲁϥϫⲱⲣ︦ⲙ︦ • ⲙ ⲡⲁⲛⲟⲩⲃⲁ •
ⲛ ⲧⲉϥϭⲓϫ • ⲉ ⲧⲣ︦ϥ︦ⲃⲱⲕ • ϣⲁ ⲣⲟϥ • ⲛ̄ ⲧⲉⲣ ϥ̄ⲉⲓ ⲇⲉ •
ⲁϥⲛⲁⲩ • ⲉ ⲛⲉⲡⲗⲩⲅⲏ • ⲉⲧ ϩ︦ⲙ︦ ⲡⲉϥⲥⲱⲙⲁ • ⲁϥϥⲱⲧⲉ •
ⲉ ⲃⲟⲗ • ⲛ̄ ⲛⲉⲥⲛⲟϥ • ⲉⲧ ⲥⲱⲕ ⲉ ⲡⲉⲥⲏⲧ ϩⲙ̄ ⲡⲉϥⲥⲱⲙⲁ •
ⲁϥⲁⲙⲁϩⲧⲉ ⲙⲙⲟϥ • ⲁϥϫⲓⲧ︦ϥ︦ • ⲉ ϩⲟⲩⲛ • ⲉ ⲡⲉϥⲙⲁ • ⲛ
ϣⲱⲡⲉ • ⲁϥϫⲓⲧ︤ϥ︥ ⲛ̄ϫⲛⲁⲁϩ • ⲁϥⲧⲣ︤ϥ︥ϩⲙⲟⲟⲥ • ⲛ ⲧⲉⲣ
ⲣ̄ϫⲛⲟⲟⲩϥ • ⲇⲉ • ⲉ ⲡⲉⲛⲧ ⲁϥϣⲱⲡⲉ ⲙⲡⲉ ϥⲉⲓⲙⲉ • ⲉ ⲡⲉⲧ


### 0046

ϥ̄ϫⲱ • ⲙⲙⲟϥ • ⲛⲁϥ ⲡⲉϫⲉ ⲡⲁ ⲉⲓⲱⲧ • ⲛⲁⲓ • ϫⲉ ⲧⲱⲟⲩⲛ •
ⲁⲛⲁⲩ ϫⲉ ⲕⲛⲁϭ︦ⲛ︦ ⲟⲩⲣⲱⲙⲉ • ϩ︦ⲛ︦ ⲧⲉϩⲓⲏ • ⲛ︦ⲅ︦ⲙⲟⲩⲧⲉ ⲉ
ⲣⲟϥ • ⲁⲣⲏⲩ • ⲕⲛⲁϭ︦ⲛ︦ⲧ︦ϥ︦ • ⲉϥⲥⲟⲟⲩⲛ • ⲛ̄ϣⲁϫⲉ ⲛ︦ⲙ︦‐
ⲙⲁϥ • ⲛ ⲧⲉⲣ ⲓⲃⲱⲕ ⲇⲉ ⲁⲓϭ︦ⲛ︦ • ⲟⲩⲣⲙ̄ ⲡⲓⲗⲁⲕ • ⲉϥ‐
ⲧⲁⲗⲏⲩ • ⲉⲡⲉⲓⲱ • ⲉϥⲛⲁⲃⲱⲕ • ⲉⲥⲟⲩⲁⲛ • ⲁⲓⲙⲟⲩⲧⲉ • ⲉ
ⲣⲟϥ ⁘|ⲡⲉϫⲁⲓ ⲛⲁϥ ϫⲉ ⲁⲣⲁ ⲕⲛⲟⲓ ⲛ ⲧⲁⲥⲡⲉ ⲛ ⲛⲁⲛⲟⲩⲃⲁ •
ⲡⲉϫⲁϥ ϫⲉ ⲥⲉ • ⲁⲓϫⲓⲧϥ ⲇⲉ ϣⲁ ⲡⲁ ⲉⲓⲱⲧ • ⲁⲡⲁ ϩⲁⲣⲱⲛ •
ⲡⲣⲱⲙⲉ ⲇⲉ ⲉⲧ ⲙ̄ⲙⲁⲩ • ⲛ̄ ⲧⲉⲣ ϥ̄ⲛⲁⲩ • ⲡⲁⲛⲟⲩⲃⲁ • ϩ︦ⲛ︦
ⲛⲉⲡⲗⲩⲅⲏ • ⲉⲧ ϩⲙ̄ ⲡⲉϥⲥⲱⲙⲁ • ⲁϥⲣϣⲡⲏⲣⲉ ⲉⲙⲁⲁⲧⲉ •
ⲡⲉϫⲁϥ ⲛⲁϥ ϫⲉ ⲁϩⲣⲟⲕ • ⲉⲕⲡⲗⲩⲅⲏ • ⲡⲁⲛⲟⲩⲃⲁ • ⲇⲉ
ⲁϥⲧⲁⲙⲟϥ • ⲉ ⲡⲉⲛⲧ ⲁϥϣⲱⲡⲉ • ⲡⲡⲉⲧ ⲟⲩⲁⲁⲃ • ⲇⲉ ⲁⲡⲁ
ϩⲁⲣⲱⲛ ⲁϥϫⲓ ⲛ̄ ⲟⲩⲗⲁⲕ︤ⲙ︥ • ⲛ̄ ϣⲉ ⲁϥⲧⲁⲁⲥ • ⲛⲁϥ ⲉϥϫⲱ
ⲙⲙⲟⲥ ϫⲉ ϫⲓⲧⲥ̄ • ⲛⲟϫ︦ⲥ︦ • ⲉ ⲡⲉⲥⲏⲧ ⲉ ⲡⲉⲓⲉⲣⲟ • ⲡⲙⲁ •
ⲛⲧⲁ ⲡⲙ̄ⲥⲁϩ • ϥⲓ • ⲙ ⲡⲉⲕϣⲏⲣⲉ • ⲛϩⲏⲧ︦ⲥ︦ • ⲁⲩⲱ ⲁϥ‐
ⲃⲱⲕ • ⲕⲁⲧⲁ ⲑⲉ ⲛⲧⲁϥϫⲟⲟⲥ ⲛⲁϥ • ⲁⲥϣⲱⲡⲉ ⲇⲉ • ⲛ̄ ⲧⲉⲣ
ϥ̄ⲛⲟϫ︤ⲥ︥ • ⲧⲗⲁⲕⲙ̄ • ⲛ̄ ϣⲉ • ⲉ ⲡⲙⲟⲟⲩ • ⲁϥⲉⲓ • ⲛ̄ⲟⲩⲛⲟϭ •
ⲛⲙ̄ⲥⲁϩ • ⲁϥⲛⲟⲩϫⲉ • ⲙ̄ ⲡϣⲏⲣⲉ ⲕⲟⲩⲓ ⲉ ⲡⲉⲕⲣⲟ • ⲉⲙⲛ̄
ⲗⲁⲁⲩ • ⲛ ⲧⲁⲕⲟ • ϣⲟⲟⲡ • ⲙ̄ ⲡⲉϥⲥⲱⲙⲁ • ⲁⲩⲱ ⲁϥ‐
ⲁⲙⲁϩⲧⲉ • ⲛ̄ ⲧⲉϥϭⲓϫ • ⲁϥⲉⲛⲧ︦ϥ︦ • ϣⲁ ⲛ︦ϩ︦ⲗ︦ⲗ︦ⲟ • ⲉⲧ
ⲟⲩⲁⲁⲃ • ⲁⲡⲁ ϩⲁⲣⲱⲛ ⲡⲁⲛⲟⲩⲃⲁ • ⲇⲉ • ⲛ̄ ⲧⲉⲣ ϥ̄ⲛⲁⲩ •
ⲉ ⲧⲉϣⲡⲏⲣⲉ ⲁϥⲉϣⲗⲟⲩⲗⲁⲓ • ⲉ ⲃⲟⲗ • ϩⲁ ⲡⲣⲁϣⲉ • ⲉ
ⲁϥϩⲱⲗϭ̄ • ⲉ ⲣⲟϥ • ⲁϥϯⲡⲓ • ⲉ ⲣⲟϥ • ⲡⲣⲱⲙⲉ ⲇⲉ ⲁϥ‐
ⲃⲱⲕ • ⲉ ⲡⲓⲗⲁⲕ • ⲙ̄ⲡⲉ ϥⲃⲱⲕ • ⲉ ⲥⲟⲩⲁⲛ • ⲙ̄ ⲡⲉϩⲟⲟⲩ •
ⲉⲧ ⲙ̄ⲙⲁⲩ • ⲁⲗⲗⲁ • ⲛⲉϥⲙⲟⲟϣⲉ ⲡⲉ ⲉϥⲧⲁϣⲉⲟⲉⲓϣ • ⲛ̄
ⲧⲉϣⲡⲏⲣⲉ • ⲛⲧⲁⲥϣⲱⲡⲉ • ⲡⲁⲛⲟⲩⲃⲁ • ⲇⲉ • ⲛ ⲧⲉⲣ ϥ̄ⲛⲁⲩ •
ⲉ ⲧⲉϣⲡⲏⲣⲉ • ⲛⲧⲁⲥϣⲱⲡⲉ • ⲁϥⲃⲱⲕ • ⲉ ⲡⲉϥⲏⲓ • ⲉϥϯ
ⲉⲟⲟⲩ | ⲙ ⲡⲛⲟⲩⲧⲉ • ⲁⲩⲱ • ⲉϥⲧⲁϣⲉⲟⲉⲓϣ • ⲙ ⲡⲉⲛⲧ
ⲁϥϣⲱⲡⲉ • ⲁⲩⲱ ⲟⲩⲟⲛ • ⲛⲓⲙ • ⲛⲧⲁⲩⲥⲱⲧⲙ̄ • ⲁⲩϯ ⲉⲟⲟⲩ
ⲙ ⲡⲛⲟⲩⲧⲉ • ⲙ︦ⲛ︦ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ϣⲁ
ϩⲣⲁⲓ • ⲉ ⲡⲟⲟⲩ • ⲛϩⲟⲟⲩ Ⲁⲥϣⲱⲡⲉ ⲇⲉ ⲟⲛ • ⲛ ⲟⲩϩⲟⲟⲩ •
ⲉⲛϩⲙⲟⲟⲥ • ϩ︦ⲙ︦ ⲡⲉⲛⲙⲁ • ⲛ ϣⲱⲡⲉ • ⲁⲩⲣⲱⲙⲉ • ⲛ ⲟⲩⲱϩⲉ
ⲉⲓ ϣⲁ ⲣⲟⲛ • ⲉⲣⲉ ⲛⲉϥϩⲟⲓⲧⲉ ⲡⲏϩ • ϩⲓⲱⲱϥ • ⲉⲣⲉ ⲧⲉϥⲁⲡⲉ •
ⲙⲉϩ ⲉⲓⲁⲧⲛ̄ • ⲉϥⲣⲓⲙⲉ ⲉⲙⲁⲁⲧⲉ ϩⲛ̄ ⲟⲩⲥⲓϣⲉ • ⲁⲛⲟⲕ ⲇⲉ
ⲁⲓϯ ⲙ ⲡⲁ ⲟⲩⲟⲓ • ⲉ ⲣⲟϥ ⲉⲓϫⲱ ⲙⲙⲟⲥ • ϫⲉ ⲟⲩ ⲡⲉⲛⲧ ⲁϥ‐


### 0047

ϣⲱⲡⲉ • ⲙⲙⲟⲕ • ⲛⲧⲟϥ • ⲇⲉ ⲡⲉϫⲁϥ • ⲛⲁⲓ ϫⲉ ⲁⲥϣⲱⲡⲉ •
ⲙⲙⲟⲓ • ⲉⲓⲥⲱⲕ • ⲙ ⲡⲉϣⲛⲏ ⲙⲛ̄ ⲡⲁ ⲕⲟⲩⲓ ⲛ ϣⲏⲣⲉ •
ⲉϥϩⲙ̄ ⲡϫⲟⲓ ϩⲛ̄ ⲟⲩⲥϣⲛⲉ • ⲁϥϩⲉ ⲉ ⲡⲉⲥⲏⲧ • ⲉ ⲡⲙⲟⲟⲩ •
ⲁϥⲃⲱⲕ • ⲉ ϩⲣⲁⲓ • ⲉ ⲧⲁⲃⲱ ⲁⲩⲱ ⲙⲡⲉ ⲓⲉϣϭⲙϭⲟⲙ •
ⲉ ⲥⲉⲕ ⲡⲉϣⲛⲏ ⲉ ϩⲣⲁⲓ • ⲉ ⲃⲟⲗ • ϫⲉ ⲉⲣⲉ ⲡⲙⲟⲟⲩ •
ⲛⲁϣⲧ̄ • ⲉⲙⲁⲁⲧⲉ • ⲛ ⲧⲉⲣ ⲓⲣ̄ ⲡⲙⲉⲉⲩⲉ • ⲙ ⲡⲁ ϫⲥ̄ • ⲛ
ⲉⲓⲱⲧ ⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ⲁⲓⲧⲱⲟⲩⲛ • ⲁⲓⲉⲓ • ϣⲁ
ⲣⲟϥ • ϫⲉ ⲉⲣⲉ ⲡⲉϥⲛⲁ • ⲛⲁⲧⲁϩⲟⲓ • ϫⲉ ⲟⲩϣⲏⲣⲉ ⲛ
ⲟⲩⲱⲧ • ⲛⲁⲓ ⲡⲉ • ⲁⲛⲟⲕ ⲇⲉ • ⲁⲓⲧⲱⲟⲩⲛ • ⲁⲓⲃⲱⲕ • ⲁⲓ‐
ⲧⲁⲙⲉ ⲡⲁ ⲉⲓⲱⲧ • ⲁϥⲧⲱⲟⲩⲛ • ⲁϥⲉⲓ ⲉ ⲡⲉⲥⲏⲧ • ⲡⲣⲱⲙⲉ
ⲇⲉ • ⲁϥⲡⲁϩⲧ︦ϥ︦ • ϩⲁ ⲛⲉϥⲟⲩⲣⲏⲏⲧⲉ • ⲁϥⲟⲩⲱϣⲧ̄ • ⲛⲁϥ •
ⲉϥϫⲱ ⲙⲙⲟⲥ ϫⲉ ⲃⲟⲏⲑⲉⲓ • ⲉ ⲣⲟⲓ • ⲛⲅ̄ⲥⲡ̄ⲥⲡ̄ ⲡⲉⲭ︦ⲥ︦ •
ⲛ︦ϥ︦ⲭⲁⲣⲓⲍⲉ • ⲛⲁⲓ ⲙ̄ ⲡⲁ ϣⲏⲣⲉ ϫⲉ ⲟⲩⲟⲛ ⲛⲧⲁⲓ • ⲛⲥⲁⲃ︦ⲗ︦‐
ⲗⲁϥ • ⲡ︦ϩ︦ⲗ︦ⲗⲟ • ⲇⲉ • ⲉⲧ ⲧⲁⲓⲏⲩ • ⲡⲉϫⲁϥ ⲛⲁϥ ⁘ |
ϫⲉ ⲃⲱⲕ • ⲡⲁ ϣⲏⲣⲉ ϩⲙ̄ ⲡⲣⲁⲛ ⲙ̄ ⲡϫⲥ̄ ϯⲡⲓⲥⲧⲉⲩⲉ • ϫⲉ
ⲕⲛⲁϩⲉ • ⲉ ⲛⲉⲕϣⲏⲣⲉ ⲉϥϩⲙⲟⲟⲥ ϩⲙ̄ ⲡϫⲟⲓ • ⲛ̄ⲧⲟϥ ⲇⲉ
ⲡⲉϫⲁϥ ϫⲉ ⲧⲡⲓⲥⲧⲉⲩⲉ • ⲉ ⲡⲛⲟⲩⲧⲉ • ϫⲉ ⲥⲛⲁϣⲱⲡⲉ • ⲕⲁⲧⲁ
ⲑⲉ ⲛⲧⲁⲕϫⲟⲟⲥ • ⲛⲧⲟϥ ⲇⲉ ⲁϥⲃⲱⲕ • ⲉ ⲡϫⲟⲓ ⲁϥϩⲉ • ⲉ
ⲡⲉϥϣⲏⲣⲉ • ⲕⲁⲧⲁ ⲑⲉ ⲛ̄ⲧⲁϥϫⲟⲟⲥ ⲛⲁϥ • ⲁϥϫⲛ ⲉ
ⲡⲉϥϣⲏⲣⲉ ϫⲉ ⲟⲩ • ⲡⲉⲛⲧ ⲁϥϣⲱⲡⲉ • ⲙⲙⲟⲕ • ⲛⲧⲟϥ
ⲇⲉ ⲡⲉϫⲁϥ • ϫⲉ ⲁⲥϣⲱⲡⲉ • ⲙⲙⲟⲓ • ⲛ ⲧⲉⲣ ⲉⲓⲃⲱⲕ •
ⲉ ϩⲣⲁⲓ • ⲉ ⲧⲁⲃⲱ • ⲉϯ ⲇⲉ • ⲉⲣⲉ ⲡⲁ ϩⲁⲏ • ⲛ̄ⲛⲓϥⲉ •
ϩ︤ⲛ︥ ⲛⲁϭ︤ⲃ︥ϣⲁ • ⲁⲓϭⲱϣⲧ̄ • ⲁⲓⲛⲁⲩ • ⲉⲩⲣⲱⲙⲉ • ⲛ̄ ⲟⲩⲟⲉⲓⲛ
ⲉⲁϥⲁⲙⲁϩⲧⲉ • ⲛ̄ ⲧⲁ ϭⲓϫ • ⲁϥⲉⲛⲧ̄ • ⲉ ϩⲣⲁⲓ • ϩ︦ⲛ︦ ⲧⲁⲃⲱ •
ⲁϥⲧⲁⲗⲟⲓ • ⲉ ⲡϫⲟⲓ • ⲁⲩⲱ ⲛ̄ⲧⲉⲩⲛⲟⲩ ⲁⲓⲗⲟ • ⲉⲓⲛⲁⲩ • ⲉ
ⲣⲟϥ • ⲡⲉϥⲉⲓⲱⲧ ⲇⲉ ⲁϥⲁⲙⲁϩⲧⲉ • ⲙⲙⲟϥ • ⲁϥⲉⲛⲧϥ̄ • ⲉ
ⲣⲁⲧϥ̄ • ⲙ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ⲁϥϣⲡ̄ ϩⲙⲟⲧ •
ⲛ̄ⲧ ⲙ ⲡⲛⲟⲩⲧⲉ • ⲙⲛ̄ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱ︦ⲛ︦ Ⲛⲉⲩⲛ
ⲟⲩⲣⲱⲙⲉ • ⲇⲉ ⲟⲛ • ⲛⲟⲩⲟⲉⲓⲏ • ⲙ ⲡⲣⲏⲥ ⲙⲙⲟⲛ • ⲛ
ⲟⲩⲕⲟⲩⲓ • ⲉϥⲣ̄ ϩⲱⲃ • ⲉⲩⲙⲁ • ⲛ̄ ⲉⲗⲟⲟⲗⲉ • ⲁⲥϣⲱⲡⲉ ⲇⲉ •
ⲛ ⲧⲉⲣ ϥ̄ⲁⲗⲉ ⲉⲩⲃⲛ̄ⲛⲉ • ϫⲉ ⲉϥⲛⲁⲕⲱⲧ︦ϥ︦ • ⲛⲛⲉϥⲕⲁⲣⲡⲟⲥ
ⲁⲧϣⲏⲧⲉ • ⲥⲟⲗⲡ̄ ⲁϥϩⲉ • ⲛⲥⲁ ⲡⲁϩⲟⲩ • ϩⲓϫⲙ̄ ⲡⲕⲁϩ •
ⲁϥⲣⲑⲉ • ⲛ︦ⲛ︦ⲉⲧ ⲙⲟⲟⲩⲧ • ⲡⲉϥϣⲏⲣⲉ • ⲇⲉ • ⲛϥ̄ϩⲙⲟⲟⲥ •
ϩⲁ ⲧⲃ̄ⲛⲛⲉ • ⲁⲩⲱ ⲛ ⲧⲉⲣ ϥ̄ⲛⲁⲩ • ⲉ ⲡⲉⲛⲧ ⲁϥϣⲱⲡⲉ ⲁϥ‐


### 0048

ⲣⲓⲙⲉ ϩⲛ̄ ⲟⲩⲥⲓϣⲉ • ⲛ̄ ⲣⲱⲙⲉ ⲇⲉ • ⲉⲧ ⲙ̄ ⲡⲉϥⲕⲱⲧⲉ • | ⲛ
ⲧⲉⲣ [ⲟⲩⲥⲱⲧ]ⲙ̄ ⲉ ⲣⲟϥ • ⲉϥⲱϣ • ⲉ ⲃⲟⲗ • ⲁⲩⲃⲱⲕ • ⲉ ⲛⲁⲩ ⲉ
ⲡⲉⲛⲧ ⲁϥϣⲱⲡⲉ • ⲛ ⲧⲉⲣ ⲟⲩⲛⲁⲩ ⲇⲉ ⲡⲁⲓ • ⲉϥⲛⲏϫ • ⲉ
ⲃⲟⲗ • ⲉϫⲙ̄ ⲡⲕⲁϩ ⲉⲧⲉ ⲡⲉⲩϣⲃⲏⲣ ⲡⲉ • ⲉϥⲟ ⲛⲑⲉ • ⲛ︦ⲛ︦ⲉⲧ
ⲙⲟⲟⲩⲧ • ⲡⲉϫⲁⲩ • ⲙ ⲡⲉϥϣⲏⲣⲉ • ϫⲉ ⲃⲱⲕ • ϣⲁ ⲡⲡⲉⲧ
ⲟⲩⲁⲁⲃ • ⲁⲡⲁ ϩⲁⲣⲱⲛ • ⲛ︦ⲅ︦ϫⲓ ⲛ ⲟⲩϭⲁⲡⲏ ⲙⲙⲟⲟⲩ •
ⲛ ⲧⲟⲟⲧ︦ϥ︦ • ϩ︦ⲛ︦ ⲟⲩⲡⲓⲥⲧⲓⲥ • ⲛⲅ̄ⲛⲟϫϥ̄ • ⲉ ϫⲱϥ • ⲙⲉϣⲁⲕ •
ϥⲛⲁⲛⲉϩⲥⲉ • ⲡϣⲏⲣⲉ ϣⲏⲙ • ⲁϥⲃⲱⲕ • ϣⲁ ⲡⲡⲉⲧ ⲟⲩⲁⲁⲃ
ⲉϥⲣⲓⲙⲉ • ⲡⲡⲉⲧ ⲟⲩⲁⲁⲃ • ⲇⲉ ⲛ︦ϥ︦ϩⲙⲟⲟⲥ • ϩⲁϩⲧⲛ̄ ⲡⲣⲟ •
ϫⲉ ⲛⲧⲁϥⲉⲓ ϩ︤ⲛ︥ ⲟⲩⲕⲁⲩⲙⲁ • ⲉϥϩⲟⲟⲥⲉ • ⲡϣⲏⲣⲉ ⲇⲉ
ϣⲏⲙ • ⲁϥⲡⲁϩⲧ︤ϥ︥ • ⲛⲁϥ ⲁϥⲧⲁⲙⲟϥ • ⲉ ⲡⲉⲛⲧ ⲁϥϣⲱⲡⲉ •
ⲡⲇⲓⲕⲁⲓⲟⲥ ⲇⲉ ⲛ ϣⲛ̄ϩⲧⲏϥ • ⲛ ⲧⲉⲣ ϥ̄ⲥⲱⲧ︦ⲙ︦ • ⲉ ⲡⲉⲛⲧ
ⲁϥϣⲱⲡⲉ • ⲁϥⲙ̄ⲕⲁϩ • ⲛ̄ϩⲏⲧ • ⲡⲉϫⲁϥ ⲛⲁⲓ ϫⲉ ⲁⲛⲓⲛⲉ •
ⲛⲁⲓ • ⲛ ⲟⲩⲕⲟⲩⲓ • ⲙⲙⲟⲟⲩ ⲛϥ̄ϥⲓⲧ︦ϥ︦ • ⲛϥ̄ⲛⲟϫϥ̄ •
ⲉ ϫⲱϥ • ϩⲙ̄ ⲡⲣⲁⲛ • ⲙ̄ ⲡⲉⲭ︦ⲥ︦ • ⲁⲓⲉⲛⲧ︦︦ϥ︦ ⲇⲉ • ⲛⲁϥ •
ⲁϥⲥⲫⲣⲁⲅⲓⲍⲉ ⲙⲙⲟϥ • ⲁϥⲧⲁⲁϥ ⲛⲁϥ • ϫⲉ ϫⲓⲧ︦ϥ︦ •
ⲛⲅ̄ⲛⲟϫϥ̄ ⲉ ϫⲱϥ • ⲁⲩⲱ ⲛ ⲧⲉⲣ ϥ̄ⲛⲟϫⲕ︦ϥ︦ • ⲉ ϫⲱϥ •
ⲁϥⲧⲱⲟⲩⲛ • ⲛⲧⲉⲩⲛⲟⲩ • ⲁϥⲉⲓ • ⲙⲛ̄ ⲡⲉϥϣⲏⲣⲉ ⲁϥⲟⲩ‐
ⲱϣⲧ̄ • ⲙ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱ︦ⲛ︦ ⲛⲧⲟϥ ⲇⲉ • ⲁϥ‐
ⲧⲟⲩⲛⲟⲥ︦ϥ︦ • ⲉϥϫⲱ ⲙⲙⲟⲥ ϫⲉ ⲟⲩⲱϣⲧ̄ • ⲙ̄ ⲡⲛⲟⲩⲧⲉ •
ⲁⲛⲟⲕ • ⲅⲁⲣ • ⲁⲛⲅ̄ ⲟⲩⲉⲗⲁⲭⲓⲥⲧⲟⲥ • ⲛ ⲧⲉⲣ ϥ̄ⲧⲱⲟⲩⲛ
ⲇⲉ • ⲁ ⲡⲉϥϣⲏⲣⲉ • ⲧⲁⲙⲟϥ • ⲉ ⲡⲉⲛⲧ ⲁϥϣⲱⲡⲉ ⲉϥϫⲱ
ⲙⲙⲟⲥ | ϫⲉ ⲛ ⲧⲉⲣ ⲓⲛⲟⲩϫⲕ̄ • ⲙ ⲡⲙ[ⲟⲟⲩ ⲉ ϫⲱ]ⲕ • ⲁⲕ‐
ⲃⲟϭ︦ⲕ︦ • ⲁⲕⲁⲁϩ • ⲉⲣⲁⲧⲕ • ϩⲱⲥ ⲉϣϫⲉ ⲛⲧⲁⲕⲛⲉϩⲥⲉ • ϩⲁ
ⲡϩⲓⲛⲏⲃ • ⲁⲩⲱ ⲧⲁⲓ ⲧⲉ ⲑⲉ ⲛⲧⲁⲩⲃⲱⲕ • ⲉ ⲃⲟⲗ • ϩⲓ ⲧⲟⲟⲧϥ̄ •
ϩ︤ⲛ︥ ⲟⲩⲉⲓⲣⲏⲛⲏ • ⲟⲩⲥϩⲓⲙⲉ ⲇⲉ ϩⲙ̄ ⲡⲉⲓⲗⲁⲕ ⲛ ⲧⲉⲣ︤ⲥ︥ⲉⲓ •
ⲉⲥⲛⲁⲙⲓⲥⲉ • ⲁ ⲡⲉⲥϣⲏⲣⲉ • ϫⲟϩ︦ⲧ︦ ⲛϩⲏⲧ︦ⲥ︦ • ⲁϥⲙⲟⲩ • ⲁⲩⲱ
ⲛ̄ ⲧⲉⲣ ⲥ︦ⲣ︦ ⲡⲙⲉⲉⲩⲉ ⲛ ⲛⲉⲥϣⲡⲏⲣⲉ • ⲉⲧ ⲉⲣⲉ ⲡⲛⲟⲩⲧⲉ •
ⲉⲓⲣⲉ ⲙⲙⲟⲟⲩ ⲉ ⲃⲟⲗ • ϩⲓⲧⲙ̄ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ
ⲁⲥⲱϣ • ⲉ ⲃⲟⲗ • ⲉϥϫⲱ • ⲙⲙⲟⲥ ϫⲉ ⲡⲛⲟⲩⲧⲉ • ⲙ̄ ⲡⲡⲉⲧ
ⲟⲩⲁⲁⲃ • ⲁⲡⲁ ϩⲁⲣⲱⲛ • ⲉⲕⲉⲥⲱⲧⲙ̄ ⲉ ⲣⲟⲓ • ϩⲛ̄ ⲧⲟⲩⲛⲟⲩ
ⲛ ⲁⲛⲁⲅⲕⲏ • ⲛⲧⲉⲩⲛⲟⲩ ⲁⲥⲙⲓⲥⲉ • ⲙ̄ ⲡϣⲏⲣⲉ ϣⲏⲙ •
ⲉϥⲙⲟⲟⲩⲧ • ⲛⲉⲥⲉⲓⲟⲧⲉ • ⲇⲉ • ⲁⲩⲗⲩⲡⲉⲓ • ⲉⲙⲁⲁⲧⲉ • ⲉ
ⲧⲃⲉ ⲡϣⲏⲣⲉ ϣⲏⲙ • ⲛ ⲧⲉⲣⲉ ⲧϣⲉⲉⲣⲉ ⲇⲉ ϣⲏⲙ • ⲛⲁⲩ


### 0049

ⲉ ⲛⲉⲥⲉⲓⲟⲧⲉ • ⲉⲩⲙⲟⲕ︦ϩ︦ • ⲛ̄ϩⲏⲧ • ⲡⲉϫⲁⲥ • ⲛⲁⲩ ϫⲉ
ⲁϩⲣⲱⲧⲛ̄ • ⲉⲧⲉⲧⲛ̄ⲙⲟⲕ︦ϩ︦ • ⲛ̄ϩⲏⲧ • ⲉ ⲧⲃⲉ ⲡϣⲏⲣⲉ ϣⲏⲙ •
ⲛ̄ⲥⲁⲃⲏⲗ ⲅⲁⲣ ϫⲉ ⲁⲓⲁⲓⲧⲉⲓ ⲙ ⲡⲛⲟⲩⲧⲉ • ⲙ ⲡⲡⲉⲧ ⲟⲩⲁⲁⲃ •
ⲁⲡⲁ ϩⲁⲣⲱⲛ • ⲉϣϫⲉ ⲁⲓϩⲱⲛ • ⲉ ⲙⲟⲩ • ⲁⲛⲟⲕ • ⲙ ⲡⲁ
ⲥⲱⲙⲁ • ⲛ ⲧⲉⲣ ⲟⲩⲥⲱⲧⲙ̄ • ⲇⲉ • ⲛϭⲓ ⲛⲉⲥⲉⲓⲟⲧⲉ • ⲉⲛⲉ
ϩⲛ̄ⲣⲙ̄ⲙⲁⲟ • ⲅⲁⲣ • ⲙⲙⲁⲁⲧⲉ ⲛⲉ • ⲁⲩϫⲓ ⲛ̄ ϩⲉⲛⲭⲣⲏ‐
ⲙⲁ • ϩⲛ̄ ⲛⲉⲩϭⲓϫ • ⲁⲩⲃⲱⲕ • ϣⲁ ⲡⲡⲉⲧ ⲟⲩⲁⲁⲃ • ⲁⲡⲁ
ϩⲁⲣⲱⲛ • ⲛⲧⲟϥ ⲇⲉ ⲁⲩⲧⲁⲙⲟϥ • ϩ︤ⲙ︥ ⲡⲉⲡ︤ⲛ︦ⲁ︥ • ϫⲉ
ⲥⲉⲛⲏⲩ • ϣⲁ ⲣⲟⲕ ⲡⲉϫⲁϥ ⲛⲁⲓ ϫⲉ ϣⲧⲁⲙ • ⲙ ⲡⲣⲟ •
ⲙⲡⲣ̄ ⲕⲁ ⲣⲱⲙⲉ • ⲛⲁⲓ • ⲉ ϩⲟⲩⲛ • ⲙⲡⲟⲟⲩ • ⲛ ⲧⲉⲣ
ⲟⲩⲉⲓ | ⲇⲉ • ⲟⲩⲣ̄ • ⲟⲩⲛⲟϭ • ⲛ ⲁⲡⲣⲏⲧⲉ • ⲉⲩⲧⲱϩⲙ̄ •
ⲉϩⲟⲩⲛ ⲛⲧⲟϥ • ⲇⲉ • ⲁϥϭⲱϣⲧ • ⲉ ⲃⲟⲗ • ϩⲛ̄ ⲟⲩϣⲟϣⲧ̄
ⲡⲉϫⲁϥ • ⲛⲁⲩ ϫⲉ ⲉⲧ︦ⲛ︦ϣⲓⲛⲉ • ⲛⲥⲁ ⲟⲩ • ⲁⲩⲟⲩⲱϣⲃ̄ •
ϫⲉ ⲉⲛϣⲓⲛⲉ • ⲛⲥⲁ ⲧⲉⲕⲙⲛ︤ⲧ︥ⲡⲉⲧⲟⲩⲁⲁⲃ • ⲉⲓⲧⲁ • ⲡⲉϫⲁϥ •
ϫⲉ ⲉⲧⲉⲧⲛ︤ⲣ︥ ⲭⲣⲓⲁ • ⲛ̄ ⲟⲩ • ⲡⲉϫⲁⲩ • ϫⲉ ⲛⲧⲁⲛⲉⲓ • ϫⲉ
ⲉⲛⲉⲁⲡⲁⲛⲧⲁ • ⲉ ⲧⲉⲕⲙⲛ︦ⲧ︦ⲡⲉⲧⲟⲩⲁⲁⲃ • ϫⲓ ⲛ ⲧⲟⲟⲧ︦ⲛ︦ ⲛ ϯ
ⲕⲟⲩⲓ ⲛ ⲉⲩⲗⲟⲅⲓⲁ • ⲛⲅ̄ϣⲗⲏⲗ • ⲉϫⲙ̄ ⲡⲕⲟⲩⲓ • ⲛ ϣⲏⲣⲉ
ⲛ︦ϥ︦ⲱⲛ︦ϩ︦ • ⲛ ⲧⲉϥⲙⲁⲁⲩ • ⲕⲁⲓ ⲅⲁⲣ ⲛⲧⲁ ⲧⲉϥⲙⲁⲁⲩ ⲉⲡⲓ‐
ⲕⲁⲗⲉⲓ • ⲙ ⲡⲉⲕⲣⲁⲛ • ⲙ ⲡⲛⲁⲩ • ⲛⲧⲁⲥⲉⲓ • ⲉⲥⲛⲁⲙⲓⲥⲉ •
ⲉⲛⲉ ⲙⲙⲟⲛ ⲡⲉ • ⲁⲩⲙⲟⲩ • ⲙ ⲡⲉⲥⲛⲁⲩ • ⲡⲉϫⲉ ⲡϩⲁⲅⲓⲟⲥ •
ⲁⲡⲁ ϩⲁⲣⲱⲛ • ⲛⲁⲩ • ϫⲉ ⲕⲁⲗⲱⲥ ⲁ ⲡⲁⲡⲟⲥⲧⲟⲗⲟⲥ ϫⲟⲟⲥ •
ϫⲉ ⲧⲛⲟⲩⲛⲉ • ⲙ ⲡⲉⲑⲟⲟⲩ ⲛⲓⲙ • ⲧⲉ ⲧⲙ︤ⲛ︥ⲧⲙⲁⲓ ϩⲟⲙ︤ⲛ︦ⲧ︥ •
ⲁⲩⲱ ⲟⲛ ⲁ ⲡⲉⲧⲣⲟⲥ • ⲉⲡⲓϯⲙⲁ • ⲛ̄ ⲥⲓⲙⲱⲛ • ⲉϥϫⲱ •
ⲙⲙⲟⲥ • ϫⲉ ⲡⲉⲕϩⲁⲧ • ⲙⲛ̄ ⲡⲉⲕⲛⲟⲩⲃ • ⲉϥⲉϣⲱⲡⲉ ⲛ︦ⲙ︦-
ⲙⲁⲕ • ϩⲓ ⲡⲧⲁⲕⲟ • ϫⲉ ⲁⲕⲙⲉⲉⲩⲉ • ϫⲉ ⲧⲇⲱⲣⲉⲁ ⲙ
ⲡⲛⲟⲩⲧⲉ • ϣⲁⲩϫⲡⲟⲥ • ϩⲓⲧⲛ̄ ⲭⲣⲏⲙⲁ • ⲧⲁⲓ ⲅⲁⲣ • ⲉ ⲧⲃⲉ
ⲧⲙⲛⲧⲙⲁⲓ ϩⲟⲙ︦ⲛ︦ⲧ︦ • ⲛⲧⲁⲩⲥϩⲣⲟⲩⲉⲣ (sic) ⲅⲓⲉⲓⲥⲉⲓ • ϩ︦ⲛ︦ ⲟⲩ‐
ⲥⲱⲃ︦ϩ︦ • ⲡⲉⲛ ϫⲟⲉⲓⲥ ⲓ︦ⲥ︦ ⲟⲛ • ⲛⲧⲁϥϫⲟⲟⲥ • ⲙ ⲡⲃⲁⲥⲓⲗⲓⲕⲟⲥ ϫⲉ
ⲃⲱⲕ • ⲡⲉⲕϣⲏⲣⲉ • ⲟ︦ⲛ︦ϩ︦ • ⲛⲧ ⲁϥϯ ⲛⲟⲩⲃ • ⲛⲁϥ ⲁⲛ • ⲟⲩⲇⲉ
ϩⲁⲧ • ⲛⲧⲱⲧⲛ̄ ⲇⲉ • ϩⲱⲱⲧ ⲧⲏⲩⲧⲛ̄ • ⲉϣⲱⲡⲉ • ⲟⲩⲛ ⲧⲉⲧⲛ̄‐
ⲡⲓⲥⲡⲓⲥ (sic) • ⲙⲙⲁⲩ • ⲧⲇⲱⲣⲉⲁ ⲙ̄ ⲡⲉⲭⲥ̄ ⲛⲁϣⲱⲡⲉ ⲛⲏⲧⲛ̄ •
ⲁⲩⲟⲩⲱϣⲃ̄ [ϫ]ⲉ ⲧⲛ̄ⲡⲓⲥⲧⲉⲩⲉ • ⲉ ⲡⲉⲛⲉⲓⲱⲧ • ⲉⲧ ⲟⲩⲁⲁⲃ
ϩⲱⲃ • ⲛⲓⲙ • ⲉⲧ ⲉⲕⲛⲁϫⲟⲟⲩ • ⲛⲁⲛ • ϫⲉ ⲡⲉⲭ︤ⲥ︥ • ⲛⲁϫⲟ‐
ⲕⲟⲩ • ⲉ ⲃⲟⲗ ⁘-| ⲡⲉⲓⲱⲧ • ⲇⲉ ⲙ ⲡϣⲏⲣⲉ ϣⲏⲙ [ⲁϥϫⲓ]


### 0050

ⲟⲩⲕⲟⲩⲓ ⲛⲕⲁϩ • ϩⲓⲣⲙ̄ ⲡⲣⲟ • ⲙ ⲡⲉϥⲙⲁ • ⲛ ϣⲱⲡⲉ •
ⲁϥ[ⲙⲟ]ⲣ︦ϥ︦ • ⲉ ⲡⲉϥⲣϣⲱⲛ • ⲁⲩⲱ ⲛ ⲧⲉⲣ ⲟⲩⲉⲓ • ⲉ ϩⲟⲩⲛ ⲉ
ⲡⲏⲓ • ⲁⲩϩⲉ ⲉⲩⲛⲟϭ • ⲙⲙⲏⲏϣⲉ • ⲉⲩⲥⲱⲟⲩϩ • ⲙⲛ̄ ⲧⲉϥ‐
ⲥϩⲓⲙⲉ • ⲙⲛ̄ ⲡⲉⲥϣⲏⲣⲉ • ⲁ ⲡⲉϥⲉⲓⲱⲧ ⲃⲱⲗ • ⲉ ⲃⲟⲗ • ⲙ
ⲡⲕⲟⲩⲓ • ⲛ ⲕⲁϩ • ⲉⲧ ⲙⲏⲣ • ⲉ ⲡⲉϥⲣϣⲱⲛ • ⲁϥⲛⲟϫϥ̄ • ⲉϫⲙ̄
ⲡϣⲏⲣⲉ ⲕⲟⲩⲓ ⲉⲧ ⲙⲟⲟⲩⲧ • ⲛⲧⲉⲩⲛⲟⲩ • ⲁϥⲕⲓⲙ • ⲙ ⲡⲉϥ‐
ⲥⲱⲙⲁ ⲁⲩⲱ ⲁϥⲟⲩⲱⲛ • ⲛ̄ ⲛⲉϥⲃⲁⲗ • ⲁⲩⲣ ϣⲡⲏⲣⲉ ⲛ̄ϭⲓ
ⲛⲉⲧ ϩⲙⲟⲟⲥ • ϩⲁϩⲧⲏⲥ • ⲁⲩϯ ⲉⲟⲟⲩ • ⲙ ⲡⲛⲟⲩⲧⲉ • ⲙ
ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ⲟⲩⲙⲏⲏϣⲉ ⲇⲉ • ⲉⲩϣⲟⲟⲡ •
ϩ︤ⲛ︥ ϩⲉⲛϣⲱⲛⲉ ⲉⲛⲉ ϣⲁⲩⲉⲛⲧⲟⲩ • ϣⲁ ⲣⲟϥ • ⲛ︤ϥ︥ⲧⲁⲗ‐
ϭⲟⲟⲩ • ⲉϥϣⲟⲟⲡ • ⲛⲑⲉ ⲛⲛⲁⲡⲟⲥⲧⲟⲗⲟⲥ • ⲛⲧⲁ ⲡⲛⲟⲩⲧⲉ •
ϯ ⲛⲁⲩ • ⲛ ⲧⲉⲝⲟⲩⲥⲓⲁ • ⲉϫⲛ̄ ϣⲱⲛⲉ ⲛⲓⲙ • ⲁⲩⲣⲱⲙⲉ ⲇⲉ
ⲟⲛ • ⲉⲓ ϣⲁ ⲣⲟϥ • ⲛ ⲟⲩϩⲟⲟⲩ • ⲉϥⲏⲡ • ⲉ ⲧⲡⲟⲗⲓⲥ ⲥⲟⲩⲁⲛ •
ⲁϥϭⲱ ⲉϥⲣⲓⲙⲉ • ⲉ ϩⲟⲩⲛ • ⲉ ⲣⲟϥ • ⲉϥϫⲱ ⲙⲙⲟⲥ • ϫⲉ
ⲟⲩⲣⲱⲙⲉ • ⲛ ⲣ︦ⲙ︦ⲙⲁⲟ • ⲉϥϩ︦ⲛ︦ ⲧⲁ ⲡⲟⲗⲓⲥ • ⲉⲓⲭⲣⲉⲱⲥⲧⲉⲓ •
ⲛⲁϥ • ⲙ ⲙⲏⲧ • ⲛϩⲟⲗⲟⲕⲟⲧϯⲛⲟⲥ • ⲙⲡⲉ ⲓϩⲉ • ⲉ ⲣⲟⲟⲩ •
ⲛⲧⲁⲩⲧⲁⲁⲩ ⲛⲁϥ • ⲁⲓⲡⲁⲣⲁⲕⲁⲗⲉⲓ ⲙⲙⲟϥ • ϫⲉ ϩⲣⲟϣ
ⲛ̄ϩⲏⲧ • ⲉ ϩⲣⲁⲓ • ⲉ ϫⲱⲓ • ⲛⲧⲁⲧⲁⲁⲩ ⲛⲁϥ • ⲛⲧⲟϥ ⲇⲉ •
ⲙ̄ⲡⲉ ϥⲁⲛⲉⲭⲉⲓ • ⲁⲗⲗⲁ • ⲁϥⲁⲙⲁϩⲧⲉ • ⲙⲙⲟⲓ • ⲉ ⲧⲃⲉ
ⲡⲉϥⲭⲣⲉⲱⲥⲧⲉⲓ • ⲉϥⲟⲩⲱϣ • ⲉ ϥⲓ ⲛⲧⲟⲟⲧ ⲙ ⲡⲁ ⲙⲁ •
ⲛ ⲉⲗⲟⲟⲗⲉ • ⲛⲧⲁⲓⲧⲁϩⲟϥ • ϩⲁ ⲛⲁⲉⲓⲟⲧⲉ • ⲉ ϯϭⲓⲛⲉ • ⲙ
ⲡⲕⲟⲩⲓ • ⲙ ⲡⲁⲣⲁⲙⲩⲑⲓⲁ • ⲉ ⲃⲟⲗ ⲛ̄ϩⲏⲧ︦ϥ︦ • ⲉ ⲧⲃⲉ ⲧⲁ
ϭⲓⲛⲱⲛ︤ϩ︥ • ⲙⲛ̄ ⲛⲁϣⲏⲣⲉ | ⲛϩⲏⲕⲉ • ⲁⲩⲱ ⲉⲓϯ ⲛⲁϥ •
ⲛ̄ⲧⲉϥⲙⲏⲥⲉ • ϯⲡⲁⲣⲁⲕⲁⲗⲉⲓ • ⲛ ⲧⲉⲕⲙⲛ︦ⲧ︦ⲡⲉⲧⲟⲩⲁⲁⲃ •
ⲉ ⲧⲣ︦ⲕ︦ⲧⲛ̄ⲛⲟⲟⲩ • ⲛⲁϥ • ⲛϥ̄ⲁⲛⲉⲭⲉ • ⲙⲙⲟⲓ • ⲛⲧⲁ ⲟⲩⲁ
ⲅⲁⲣ • ϩⲛ̄ ⲛⲁ ⲡⲉϥⲏⲓ • ϫⲟⲟⲥ ⲉ ⲣⲟⲓ ϫⲉ ϥⲛⲁϯ ⲁⲛⲁⲅⲕⲏ
ⲉ ⲣⲟⲕ • ⲉ ⲧⲃⲉ ⲡⲕⲁⲓⲫⲁⲗⲓⲟⲛ • ϥⲛⲁⲧⲣ︦ⲕ︦ϩⲱϣ • ⲛⲅ̄ⲁⲡⲟ‐
ⲧⲁⲥⲥⲉ • ⲙ ⲡⲉⲕⲙⲁ • ⲛ ⲉⲗⲟⲟⲗⲉ • ⲁⲩⲱ ϯⲡⲓⲥⲧⲉⲩⲉ • ϫⲉ
ⲉⲕϣⲁⲛⲧⲛ̄ⲛⲟⲟⲩ • ⲛⲁϥ • ⲛ︦ϥ︦ⲛⲁⲣ ⲁⲧ ⲥⲱⲧⲙ̄ ⲛⲥⲱⲕ • ⲁⲛ
ⲛⲁⲓ ⲇⲉ ⲉϥϫⲱ ⲙⲙⲟⲟⲩ • ⲉϥⲣⲓⲙⲉ • ⲛⲉ ⲁ ⲡⲛⲁⲩ ⲛ
ⲣⲟⲩϩⲉ • ϣⲱⲡⲉ • ⲛⲧⲟϥ ⲇⲉ ⲁϥⲧⲱⲟⲩⲛ ϫⲉϥⲛⲁⲃⲱⲕ •
ⲉ ⲡⲉϥⲏⲓ • ⲁⲡⲁ ϩⲁⲣⲱⲛ • ⲇⲉ ⲛ ⲧⲉⲣ ϥ̄ⲛⲁⲩ • ⲉ ⲡⲉϥⲙ‐
ⲕⲁϩ • ⲛϩⲏⲧ • ⲡⲉϫⲁϥ ⲛⲁϥ • ϫⲉ ϩⲙⲟⲟⲥ ⲛⲁⲕ • ⲙ ⲡⲉⲓ
ⲙⲁ • ϣⲁ ϩⲧⲟⲟⲩⲉ • ϫⲉ ⲁ ⲡⲛⲁⲩ • ⲡⲣⲟⲕⲟⲡⲧⲉⲓ • ⲁⲩⲱ


### 0051

ⲁϥϩⲙⲟⲟⲥ ϩⲓ ⲧⲁⲩⲗⲏ • ϩⲓ ⲃⲟⲗ • ⲡⲉϫⲉ ⲡⲁ ⲉⲓⲱⲧ ⲛⲁⲓ •
ϫⲉ ϫⲓ • ⲛⲁⲕ • ⲛ ⲟⲩⲟⲉⲓⲕ • ⲙ︤ⲛ︥ ⲟⲩⲙⲟⲟⲩ ⲛⲅ̄ⲧⲁⲁⲩ •
ⲛⲁϥ • ⲛ︦ⲅ︦ϫⲟⲟⲥ ⲛⲁϥ • ϫⲉ ϩⲙⲟⲟⲥ ⲛⲁⲕ • ϣⲁ ϩⲧⲟⲟⲩⲉ •
ⲁⲩⲱ ⲡⲛⲟⲩⲧⲉ • ⲛⲁⲃⲟⲏⲑⲉⲓ • ⲉ ⲣⲟⲕ • ⲁⲛⲟⲕ ⲇⲉ ⲁⲓⲉⲓⲣⲉ
ⲕⲁⲧⲁ ⲑⲉ ⲛⲧⲁϥϫⲟⲟⲥ ⲛⲁⲓ • ⲁⲩⲱ ⲙⲡⲉ ⲡⲣⲱⲙⲉ ⲟⲩⲱϣ •
ⲉ ϫⲓ ϯⲡⲉ • ⲛ ⲗⲁⲁⲩ • ⲉ ⲧⲃⲉ ⲧⲗⲩⲡⲉⲓ • ⲁⲩⲱ ⲁⲓⲃⲱⲕ •
ⲁⲓⲧⲁⲙⲉ ⲡⲁ ⲉⲓⲱⲧ • ⲁϥⲉⲓ • ⲉ ⲃⲟⲗ • ϣⲁ ⲣⲟϥ • ⲡⲉϫⲁϥ
ⲛⲁϥ • ϫⲉ ⲙ̄ⲡⲣ̄ ⲣ̄ ⲁⲧ ⲥⲱⲧⲙ̄ • ⲡⲁ ϣⲏⲣⲉ • ⲧⲱⲟⲩⲛ ⲛⲅ̄
ⲟⲩⲱⲙ • ⲛ̄ ⲟⲩⲕⲟⲩⲓ • ⲛ̄ⲟⲉⲓⲕ • ⲁⲩⲱ • ϯⲡⲓⲥⲧⲉⲩⲉ▨▨▨▨
ⲡⲛⲟⲩⲧⲉ ⲛⲁⲃⲟⲏⲑⲉⲓ • ⲉ ⲣⲟⲕ • | ⲁⲩⲱ ⲧⲁⲓ ⲧⲉ ⲑⲉ • ⲛⲧⲁϥ‐
ⲉϣⲡⲓⲑⲉ ⲙⲙⲟϥ • ⲁϥⲧ[ⲱ]ⲟⲩⲛ • ⲁϥⲟⲩⲱⲙ • ⲡⲡⲉⲧ ⲟⲩⲁⲁⲃ
ⲇⲉ • ⲁⲡⲁ ϩⲁⲣⲱⲛ • ⲁϥⲧⲱⲟⲩⲛ • ⲁϥⲃⲱⲕ • ⲉ ϩⲣⲁⲓ • ⲉ ⲡⲙⲁ
ⲛ ⲧⲡⲉ • ⲁϥⲉⲣ ⲧⲉⲩϣⲏ • ⲧⲏⲣ︦ⲥ︦ • ⲉϥⲥⲟⲡⲥ︦ⲡ︦ ⲙ ⲡⲛⲟⲩⲧⲉ •
ⲁⲩⲱ ⲉϥϣⲗⲏⲗ • ⲉ ⲧⲃⲏⲏⲧϥ̄ ϩⲧⲟⲟⲩⲉ ⲇⲉ • ⲛ ⲧⲉⲣ ϥ̄ϣⲱⲡⲉ •
ⲁ ⲡⲣⲱⲙⲉ ϣⲓⲛⲉ • ⲛⲥⲁ ⲃⲱⲕ • ⲉ ⲡⲉϥⲏⲓ • ⲡⲡⲉⲧ ⲟⲩⲁⲁⲃ •
ⲇⲉ ⲁⲡⲁ ϩⲁⲣⲱⲛ • ⲡⲉϫⲁϥ • ⲛⲁϥ • ϫⲉ ϭⲱ ⲛⲁⲕ • ⲛ̄ ⲕⲉ
ⲕⲟⲩⲓ • ⲕⲛⲁⲃⲱⲕ • ⲉ ⲡⲉⲕⲏⲓ • ⲉⲣⲉ ⲡⲉⲕϩⲏⲧ ⲙⲟⲧ︦ⲛ︦ • ⲁⲩⲱ
ⲙⲡⲁⲧⲉ ⲡϣⲁϫⲉ • ⲟⲩⲱϩ ϩⲛ̄ ⲣⲱϥ • ⲉⲓⲥ ⲡⲣⲱⲙⲉ • ⲛ
ⲣ︦ⲙ︦ⲙⲁⲟ • ⲁϥⲉⲓ ⲉϥⲧⲁⲗⲏⲩ • ⲉⲩⲉⲓⲱ • ⲉⲩⲁⲙⲁϩⲧⲉ • ⲙⲙⲟϥ •
ⲉⲣⲉ ⲕⲉ ⲥⲛⲁⲩ • ⲛ̄ⲣⲱⲙⲉ • ⲟⲩⲏⲏϩ • ⲛⲥⲱϥ • ⲉⲩϫⲓ ⲙⲟⲉⲓⲧ •
ϩⲏⲧϥ̄ • ϣⲁ ⲡⲇⲓⲕⲁⲓⲟⲥ • ⲉⲣⲉ ⲛⲉϥⲃⲁⲗ ⲟⲩⲱⲛ • ⲛ︤ϥ︥ⲛⲁⲩ •
ⲉ ⲃⲟⲗ • ⲁⲛ • ⲁϥⲡⲁϩⲧϥ̄ • ⲁϥⲟⲩⲱϣⲧ̄ • ⲉϫⲛ̄ ⲛ̄ ⲟⲩⲣⲏⲏⲧⲉ •
ⲙ ⲡⲁ ⲉⲓⲱⲧ • ⲁϥⲁⲙⲁϩⲧⲉ ⲙⲙⲟϥ • ⲁϥⲧⲱⲟⲩⲛ • ⲙⲙⲟϥ •
ⲉ ϩⲣⲁⲓ Ⲉⲓⲧⲁ • ⲡⲉϫⲉ ⲡⲡⲉⲧ ⲟⲩⲁⲁⲃ • ⲛⲁϥ ϫⲉ ⲙⲡⲉ
ⲕⲥⲱⲧⲙ̄ • ⲉ ⲡⲛⲟⲙⲟⲥ • ⲉϥϫⲱ • ⲙⲙⲟⲥ ϫⲉ ⲟⲩ ϫⲉ ⲛⲛⲉ‐
ⲕⲉⲡⲓⲑⲩⲙⲉⲓ • ⲉ ⲗⲁⲁⲩ • ⲛ︦ⲛ︦ⲕⲁ ⲙ ⲡⲉⲧ ϩⲓⲧⲟⲩⲱⲕ ⲟⲩⲇⲉ
ϩⲙ̄ ⲡⲉϥⲏⲓ • ⲟⲩⲇⲉ ⲧⲉϥⲥⲱϣⲉ • ⲟⲩⲇⲉ ⲡⲉϥⲧⲃ̄ⲛⲏ • ⲟⲩⲇⲉ
ⲡⲉϥⲙⲁ • ⲛ ⲉⲗⲟⲟⲗⲉ • ⲟⲩⲇⲉ • ⲡⲉϥⲙⲁ • ⲛ ϫⲟⲉⲓⲧ▨ⲉϣϫⲉ
ⲛⲛⲉⲛϫⲟⲟⲩ • ⲧⲏⲣⲟⲩ • ⲛⲧⲉ ⲡϣⲁ▨▨▨▨▨▨▨▨▨
▨▨▨[ⲡⲉϫ]ⲁϥ ⲟⲛ▨▨▨▨▨▨▨▨▨▨▨▨▨▨▨ⲏⲓ |
ⲉⲩⲏⲓ • ⲉⲧ ⲧⲱϭⲉ ⲛ̄ ⲟⲩⲥⲱϣⲉ • ⲉⲩⲥⲱϣⲉ • ϫⲉ ⲉⲩⲉϥⲓ •
ⲛⲧⲉ ⲡⲉⲧ ϩⲓⲧⲟⲩⲱⲟⲩ • ⲡⲉⲓ ϣⲁϫⲉ • ϫⲉ ⲟⲩⲟⲓ • ⲟⲩⲟⲛ︦ϩ︦ •
ⲙ ⲡϩⲱⲃ • ⲉ ⲃⲟⲗ • ϫⲉ ⲟⲩⲛ ⲟⲩⲛⲟϭ • ⲛ ⲕⲟⲗⲁⲥⲓⲥ ϭⲉⲉⲧ •
ⲉ ⲡⲉⲧ ⲛⲁⲉⲡⲓⲑⲩⲙⲉⲓ ⲉ ⲛⲉⲛⲕⲁ • ⲙ ⲡⲉⲧ ϩⲓⲧⲟⲩⲱϥ • ϫⲓⲛ


### 0052

ⲟⲩⲛⲟϭ ϣⲁ ϩⲣⲁⲓ • ⲉⲩⲕⲟⲩⲓ • ⲛ ⲉⲗⲁⲭⲓⲥⲧⲟⲛ • ⲉϥⲱϣ ⲉ
ⲃⲟⲗ ⲟⲛ • ⲛϭⲓ ⲡⲥ︦ⲏ︦ⲣ︦ • ϫⲉ ⲛⲁⲓⲁⲧⲟⲩ • ⲛ̄ ⲛ̄ⲛⲁⲏⲧ • ϫⲉ
ⲛⲧⲟⲟⲩ • ⲛⲉⲧ ⲟⲩⲛⲁⲛⲁ • ⲛⲁⲩ • ⲉⲓⲧⲁ ⲟⲛ • ϫⲉ ⲡⲛⲁ •
ϣⲁϥϣⲟⲩϣⲟⲩ • ⲙⲙⲟϥ • ϩⲓϫⲛ̄ ⲧⲉⲕⲣⲓⲥⲓⲥ • ⲛⲁ • ⲙ ⲡⲉⲓ
ⲙⲁ • ⲡⲁ ϣⲏⲣⲉ • ⲧⲁⲣⲟⲩⲛⲁ • ⲛⲁⲕ ϩⲙ̄ ⲡⲕⲉ ⲙⲁ • ⲉⲧ
ⲉⲕⲛⲁⲃⲱⲕ • ⲉ ⲣⲟϥ ⲛⲁⲛⲟⲩⲥ ⲛⲁⲕ • ⲉ ⲧⲣ︦ⲕ︦ϣⲛ̄ϩⲧⲏⲕ • ϩⲁ
ⲡϩⲏⲕⲉ • ϫⲉ ⲛⲛⲉ ⲧⲙⲛ︦ⲧ︦ⲉ︦ⲃⲓⲏⲛ • ⲛⲛⲓⲛⲉⲩⲏ • ⲡⲁⲧ ⲛⲁ •
ⲧⲁϩⲟⲕ • ⲉ ⲃⲟⲗ • ϫⲉ ⲧⲉⲕⲣⲓⲥⲓⲥ • ⲟⲩⲁⲧ ⲛⲁ ⲧⲉ • ⲙ ⲡⲉⲧⲉ
ⲙⲡⲉ ϥⲉⲓⲣⲉ • ⲙ ⲡⲛⲁ • ⲁⲩⲱ ⲟⲛ • ϫⲉ ⲡⲛⲁ • ϣⲁϥϣⲟⲩ‐
ϣⲟⲩ • ⲙⲙⲟϥ • ϩⲓϫⲛ̄ ⲧⲉⲕⲣⲓⲥⲓⲥ • ⲙⲏ ⲙⲡⲉ ⲕⲥⲱⲧⲙ̄ • ⲉ
ⲧⲃⲉ ⲁⲭⲁⲃ ϫⲉ ⲛⲧⲁⲟⲩ • ϣⲱⲡ︦ⲉ︦ • ⲙⲙⲟϥ • ⲛ ⲧⲉⲣ ϥ̄ⲉⲡⲓ‐
ⲑⲩⲙⲉⲓ • ⲉ ⲡⲙⲁ • ⲛ ⲉⲗⲟⲟⲗⲉ ⲛⲛⲁⲃⲟⲩⲑⲁⲓ • ⲡⲓⲥⲣⲁⲉⲓⲗⲏ‐
ⲧⲏⲥ • ⲛⲁⲓ ⲇⲉ ⲛ ⲧⲉⲣ ϥ̄ϫⲟⲟⲩ • ⲙ ⲡⲣⲱⲙⲉ ⲛ ⲣ︦ⲙ︦ⲙⲁⲟ •
ⲛϭⲓ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱ︦ⲛ︦ ⲁϥⲟⲩⲱϣⲃ̄ • ⲉϥϫⲱ
ⲙⲙⲟⲥ ϫⲉ ⲛⲁ • ⲛⲁⲓ ⲡⲇⲓⲕⲁⲓⲟⲥ • ⲉⲧ ϩⲁⲉⲟⲟⲩ • ⲛⲅ̄-
ⲥⲟⲡⲥ︦ⲡ︦ • ⲙ ⲡⲉⲭⲥ̄ • ϩⲁ ⲣⲟⲓ • ⲛⲧⲉ ⲡⲉⲓ ⲕⲁⲕⲉ • ⲗⲟ ⲙ‐
ⲙⲁⲩ • ϩⲓϫⲛ̄ ⲛⲁⲃⲁⲗ • ⲁⲩⲱ ⲛ̄ ϯⲛⲁⲣ ⲁⲧ ⲥⲱⲧⲙ̄ • ⲛ̄ⲥⲱⲕ
▨▨ϩⲛ̄ ⲗⲁⲁⲩ ⲛϩⲱⲃ • ⲡⲉϫⲉ ⲡⲡⲉⲧ ⲟⲩⲁⲁⲃ ⲛⲁϥ | ϫⲉ
ⲉⲕⲡⲓⲥⲧⲉⲩⲉ • ϫⲉ ⲟⲩⲛϭⲟⲙ • ⲙⲙⲟⲓ ⲉⲣ ⲡⲁⲓ • ⲁϥⲟⲩⲱϣⲃ̄ •
ϫⲉ ⲥⲉ ⲧⲱⲛⲟⲩ • ⲱ ⲡⲁ ⲉⲓⲱⲧ • ⲉⲧ ⲟⲩⲁⲁⲃ • ⲗⲟⲓⲡⲟⲛ ⲥⲱⲧ︤ⲙ︥ •
ⲉ ⲣⲟⲓ • ⲛ̄ⲧⲁϫⲱ • ⲉ ⲧⲉⲕⲁⲅⲁⲡⲏ • ⲙ ⲡⲉⲛⲧ ⲁϥϣⲱⲡⲉ •
ⲙⲙⲟⲓ • ⲁⲥϣⲱⲡⲉ ⲇⲉ • ϩⲙ̄ ⲡⲧⲣⲉ ⲡⲣⲱⲙⲉ • ⲉⲧ ⲉⲕϣⲁϫⲉ •
ⲛⲙ̄ⲙⲁⲓ • ⲉ ⲧⲃⲏⲏⲧ︦ϥ︦ • ⲃⲱⲕ • ⲉ ⲃⲟⲗ • ϩⲓ ⲧⲟⲟⲧ • ⲛⲥⲁϥ
ⲁⲓⲃⲱⲕ • ⲉ ϩⲣⲁⲓ ⲉ ⲡⲁ ⲏⲓ • ⲁⲓⲛⲕⲟⲧ︦ⲕ︦ • ⲁⲓⲛⲉϩⲥⲉ ⲉ ϩⲣⲁⲓ •
ⲛⲧⲉⲩϣⲏ • ⲁⲓⲁⲓⲥⲑⲁⲛⲉ • ⲉ ⲡⲉⲓ ⲛⲟϭ • ⲛⲕⲁⲕⲉ • ϩⲓϫⲛ̄
ⲛⲁⲃⲁⲗ • ⲁⲩⲱ ⲛ ⲧⲉⲣⲉ ϩⲧⲟⲟⲩⲉ ϣⲱⲡⲉ • ⲡⲉϫⲁⲓ ⲛ̄ ⲛⲁ‐
ⲣⲱⲙⲉ • ϫⲉ ⲛ ϯⲛⲁⲩ • ⲉ ⲃⲟⲗ • ⲁⲛ • ⲙⲡⲟⲟⲩ • ⲛⲧⲟⲟⲩ
ⲇⲉ • ⲡⲉϫⲁⲩ ⲛⲁⲓ ϫⲉ ⲡⲁⲛⲧⲱⲥ ⲛⲧⲁ ⲡⲁⲓ • ⲧⲁϩⲟⲕ • ⲉ ⲧⲃⲉ
ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ⲁⲛⲛⲁⲩ • ⲉ ⲡⲣⲱⲙⲉ ⲛⲧⲁⲕ‐
ϣⲁϫⲉ ⲛⲙⲙⲁϥ • ⲛⲥⲁϥ • ⲉ ⲧⲃⲉ ⲛ ⲛⲟⲩⲃ ⲛⲧⲁϥⲃⲱⲕ • ϣⲁ
ⲣⲟϥ • ⲛ ⲧⲉⲣⲉ ⲓⲥⲱⲧⲙ̄ ⲇⲉ ϫⲉ ⲁϥⲉⲓ • ϣⲁ ⲧⲉⲕⲙⲛ︦ⲧ︦ⲡⲉⲧ‐
ⲟⲩⲁⲁⲃ • ⲁⲓⲉⲓⲙⲉ ϫⲉ ⲛⲧⲁ ⲡⲉⲓ ϩⲱⲃ • ⲧⲁϩⲟⲓ • ⲉ ⲧⲃⲏⲏⲧ︦ϥ︦ •
ⲁⲓⲉⲓ ϣⲁ ⲣⲟⲕ • ϩⲱⲱⲧ • ⲉ ⲧⲃⲉ ⲡⲁⲓ ϯⲡⲓⲥⲧⲉⲩⲉ • ϫⲉ ⲟⲩ‐
ⲛϭⲟⲙ • ⲙⲙⲟⲕ • ⲉ ⲧⲁⲗϭⲟⲓ • ⲡⲉϫⲉ ⲡⲡⲉⲧ ⲟⲩⲁⲁⲃ ⲛⲁϥ •


### 0053

ϫⲉ ⲉⲕϣⲁⲛⲣ̄ ⲡⲛⲁ • ⲙⲛ̄ ⲡϩⲏⲕⲉ • ⲡⲉⲭ︤ⲥ︥ ϩⲱⲱϥ • ⲛⲁⲧⲁⲗ‐
ϭⲟⲕ • ⲁϥⲙⲟⲩⲧⲉ • ⲉ ⲟⲩⲁ • ⲛ︤ⲛ︥ⲉⲧ ⲙⲟⲟϣⲉ • ⲛ︤ⲙ︥ⲙⲁϥ
ⲁϥϫⲓ • ⲙ ⲡⲉⲕⲣⲁⲙⲙⲁϯⲟⲛ • ⲛ̄ ⲧⲟⲟⲧϥ̄ ⲁϥⲧⲁⲁϥ • ⲙ ⲡⲇⲓ‐
ⲕⲁⲓⲟⲥ • ⲁⲡⲁ ϩⲁⲣⲱⲛ • ⲡⲉϫⲉ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ
ⲛⲁϥ [two lines illegible] | ϩⲙ̄ ⲡⲉⲓ ⲕⲟⲥⲙⲟⲥ ⲛ︤ϥ︥ϯ ⲛⲁⲕ • ⲙ
ⲡⲉⲕⲃⲉⲉⲕⲉ • ϩⲙ̄ ⲡⲉⲓ ⲁⲓⲱⲛ • ⲉⲧ ⲛⲏⲩ • ⲛⲧⲉⲩⲛⲟⲩ • ⲁϥ‐
ⲥⲫⲣⲁⲅⲓⲍⲉ • ⲛ︦ⲛ︦ⲉϥⲃⲁⲗ • ⲁϥⲙⲟⲩⲧⲉ • ⲉ ⲣⲟⲓ ⲡⲉϫⲁϥ ⲛⲁⲓ •
ϫⲉ ⲁⲛⲓⲛⲉ • ⲛ ϯⲗⲁⲕⲏⲛⲏ • ⲙⲙⲟⲟⲩ ⲁⲩⲱ ⲡⲉϫⲁϥ • ⲛⲁϥ •
ϫⲉ ⲉⲓⲁ ⲡⲉⲕϩⲟ • ϩ︤ⲛ︥ ⲟⲩⲡⲓⲥⲧⲓⲥ • ⲛⲧⲉⲩⲛⲟⲩ • ⲇⲉ • ⲛⲧⲁϥⲉⲓⲟ
ⲙ̄ ⲡⲉϥϩⲟ • ⲁϥⲛⲁⲩ • ⲉ ⲃⲟⲗ • ⲁⲩⲣ̄ ϣⲡⲏⲣⲉ • ⲛϭⲓ ⲛⲉⲧ
ϩⲁϩⲧⲏϥ • ⲁⲩϯ ⲉⲟⲟⲩ • ⲙ ⲡⲛⲟⲩⲧⲉ • ⲁϥⲧⲱⲟⲩⲛ • ⲁϥ‐
ⲟⲩⲱϣ︦ⲧ︦ • ⲙ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ⲉϥϣⲡ̄ ϩⲙⲟⲧ •
ⲙ ⲡⲛⲟⲩⲧⲉ • ⲛⲙ̄ⲙⲁϥ ⲉϫⲙ̄ ⲡⲉϥⲛⲁⲩ • ⲉ ⲃⲟⲗ • ⲡⲡⲉⲧ
ⲟⲩⲁⲁⲃ • ⲇⲉ ⲁϥϯ ⲙ ⲡⲉⲕⲣⲁⲙⲙⲁϯⲟⲛ ⲙ ⲡⲣⲱⲙⲉ ⲛ
ϩⲏⲕⲉ • ⲁϥϩⲱⲛ • ⲉ ⲧⲟⲟⲧ︤ϥ︥ • ⲉϥϫⲱ ⲙⲙⲟⲥ • ϫⲉ ⲛ̄ⲧⲟⲕ •
ϩⲱⲱⲕ • ⲁⲣⲓ ⲡⲛⲁ • ⲙⲛ̄ ⲡⲉⲧ ϩⲓⲧⲟⲩⲱⲕ ⲛⲑⲉ ⲛⲧⲁⲩⲁⲁϥ •
ⲛ︦ⲙ︦ⲙⲁⲕ ⲙⲏⲡⲟⲧⲉ ⲛ︦ⲅ︦ ϫⲟⲟⲥ ϫⲉ ⲁⲛⲅ̄ ⲟⲩϩⲏⲕⲉ • ⲙⲛ̄ϭⲟⲙ •
ⲙⲙⲟⲓ • ⲉⲣ ⲧⲉⲛⲧⲟⲗⲏ • ⲙ ⲡⲉⲩⲁⲅⲅⲉⲗⲓⲟⲛ • ⲙⲏⲉ ⲡⲉⲩ‐
ⲁⲅⲅⲉⲗⲓⲟⲛ • ϣⲡ̄ ϫⲡ̄ ⲗⲁⲁⲩ ⲛ ⲗⲟⲓϭⲉ • ⲛⲁⲕ • ⲱ ⲡϩⲏⲕⲉ •
ⲉ ⲧⲣ︦ⲕ︦ϫⲟⲟⲥ ⲁⲗⲗⲁ • ϣⲁ ϩⲣⲁⲓ • ⲉⲩϫⲱ ⲙⲙⲟⲩ ⲛ ⲱⲣ︦ϣ︦ •
ⲡⲛⲟⲩⲧⲉ ⲛⲁϯ ⲃⲉⲉⲕⲉ • ⲛⲁⲕ • ϩⲁ ⲣⲟϥ • ⲙⲡⲣ̄ ⲣⲑⲉ • ⲙ
ⲡϩⲙ̄ϩⲁⲗ ⲛ ⲁⲧ ϣⲁⲩ • ⲛⲧⲁ ⲡⲉϥϫⲟⲉⲓⲥ • ⲕⲁ ϩⲁϩ • ⲛ̄ϭⲓⲛ‐
ϭⲱⲣ • ⲛⲁϥ ⲉ ⲃⲟⲗ • ⲁϥⲃⲱⲕ • ⲁϥⲱϭⲧ̄ ⲙ̄ ⲡⲉϥϣⲃⲏⲣ •
ϩⲙ̄ϩⲁⲗ • ⲉ ⲧⲃⲉ ϩⲉⲛⲕⲟⲟⲩⲉ ⲉⲧ ⲉ ⲣⲟϥ • ⲁⲗⲗⲁ • ϣⲱⲡⲉ •
ⲛⲧⲟϥ (sic) • ⲛⲑⲉ ⲙ̄ ⲡϩⲙ̄ϩⲁⲗ • ⲛ̄ ⲥⲁⲃⲉ • ⲛ̄ⲧⲁ ⲡⲉϥϭⲓⲛϭⲱⲣ
ϭⲱⲃ ⲛⲁϥ • | ⲁϥⲟⲩⲱϣⲃ̄ • ⲛ̄ϭⲓ ⲡⲣⲱⲙⲉ • ⲛ̄ ϩⲏⲕⲉ • ϫⲉ
ϣⲗⲏⲗ ⲉ ϫⲱⲓ • ⲡⲁ ⲉⲓⲱⲧ • ⲉⲧ ⲟⲩⲁⲁⲃ • ⲁⲩⲱ ϯⲛⲁϩⲁⲣⲉϩ
ⲉ ϩⲱⲃ • ⲛⲓⲙ • ⲛ̄ⲧⲁⲕϩⲟⲛⲟⲩ • ⲉ ⲧⲟⲟⲧ • ⲁⲩⲱ ⲧⲁⲓ ⲧⲉ ⲑⲉ
ⲛⲧⲁⲩϯϩⲏⲩ • ⲙ ⲡⲉⲥⲛⲁⲩ • ⲁⲩⲃⲱⲕ ⲉ ⲃⲟⲗ ϩⲓ ⲧⲟⲟⲧ︦ϥ︦ •
ⲉⲩϯ ⲉⲟⲟⲩ • ⲙ ⲡⲛⲟⲩⲧⲉ • ⲡⲣ︦ⲙ︦ⲙⲁⲟ ⲇⲉ • ⲛ ⲧⲉⲣ ϥ̄ⲃⲱⲕ •
ⲉ ⲡⲉϥⲏⲓ • ⲁϥϫⲱ ⲉ ⲛⲉϥⲣⲱⲙⲉ • ⲛϩⲱⲃ • ⲛⲓⲙ • ⲛ̄ⲧⲁⲩ‐
ϣⲱⲡⲉ • ⲙⲙⲟϥ ⲛⲉⲩⲛ̄ ⲟⲩⲣⲱⲙⲉ ⲇⲉ ⲟⲛ ϩ︤ⲙ︥ ⲡⲉϥⲏⲓ •
ⲉⲣⲉ ⲛⲉϥⲟⲩⲣⲏⲏⲧⲉ • ϯⲧⲕⲁⲥ • ⲉ ⲣⲟϥ • ⲛ ⲟⲩⲛⲟϭ • ⲛ
ⲟⲩⲟⲉⲓϣ • ⲛ ⲧⲉⲣ ϥ̄ⲥⲱⲧ︦ⲙ︦ • ⲉ ⲛⲉϣⲡⲏⲣⲉ • ⲉⲧ ⲉⲣⲉ ⲡⲡⲉⲧ


### 0054

ⲟⲩⲁⲁⲃ • ⲉⲓⲣⲉ • ⲙⲙⲟⲟⲩ • ⲡⲉϫⲁϥ • ϫⲉ ϩⲁⲙⲟⲓ • ⲉⲓⲉ •
ⲁⲛⲟⲕ • ⲡⲉⲛⲧ ⲁⲓⲙⲡϣⲁ • ⲛ ⲁⲡⲁⲛⲧⲁ • ⲉ ⲣⲟϥ • ⲛ︦ϥ︦ⲛⲁ •
ϩⲁ ⲧⲁ ⲙ︤ⲛ︦ⲧ︥ⲉⲃⲓⲏⲛ • ⲧⲁⲙⲁⲧⲉ • ⲙ ⲡⲧⲁⲗϭⲟ • ⲡⲉϫⲁϥ •
ⲛ̄ϭⲓ ⲡⲣⲱⲙⲉ • ⲉⲧ ϯⲧⲕⲁⲥ • ⲙ ⲡⲣⲱⲙⲉ • ⲛ̄ ⲣ̄ⲙⲙⲁⲟ •
ϫⲉ ⲙⲡⲉ ⲁⲡⲁ ϩⲁⲣⲱⲛ • ϫⲱϩ • ⲉ ⲗⲁⲁⲩ • ⲙ ⲙⲉⲗⲟⲥ
ⲛⲧⲁⲕ ⲡⲉϫⲁϥ ϫⲉ ⲁϩⲉ • ⲁϥϫⲱϩ • ⲉ ⲛⲁϭⲓϫ • ⲁⲩⲱ
ⲁⲓⲡⲁϩⲧ̄ ϩⲁ ⲣⲁⲧϥ̄ • ⲁⲓⲧⲁⲗⲟ • ⲛ̄ⲛⲁϭⲓϫ • ⲉϫⲛ̄ ⲛⲉϥⲟⲩ‐
ⲣⲏⲏⲧⲉ • ⲁⲓⲟⲩⲱϣⲧ̄ • ⲛⲁϥ • ⲡⲉϫⲁϥ ⲛⲁⲓ (sic) • ϫⲉ ⲁⲣⲓ
ⲧⲁⲅⲁⲡⲏ • ⲛⲅ̄ϩⲛ̄ⲧⲕ̄ • ⲉ ϩⲟⲩⲛ [ⲉ ⲣ]ⲟⲓ • ⲛ ⲧⲉⲣ ϥ̄ϩⲱⲛ • ⲇⲉ
ⲉ ϩⲟⲩⲛ • ⲉ ⲣⲟϥ • ⲁϥ[ⲁⲙⲁϩ]ⲧⲉ • ⲛ ⲧⲉϥϭⲓϫ • ⲁϥⲧⲟϭ︦ⲥ︦ •
ⲉ ⲛⲉϥⲟⲩⲣⲏⲏⲧⲉ • ⲉϥϫⲱ • ⲙⲙⲟⲥ • ϫⲉ ϯⲡⲓⲥⲧⲉⲩⲉ▨▨▨
ϭⲓϫ▨▨▨▨ⲡⲡⲉⲧ ⲟⲩⲁⲁⲃ ⲁⲡⲁ ϩⲁⲣⲱⲛ [one line illegible] |
ⲙ ⲡⲧⲁⲗϭⲟ • ⲁⲩⲱ ⲧⲁⲓ ⲧⲉ ⲑⲉ ⲛ̄ⲧⲁ ⲛⲉϥⲟⲩⲣⲏⲏⲧⲉ • ⲗⲟ •
ⲉⲩϯⲧⲕⲁⲥ • ϫⲓⲛ ⲧⲉⲩⲛⲟⲩ • ⲉⲧ ⲙ̄ⲙⲁⲩ • ⲁⲩⲱ ⲟⲩⲟⲛ • ⲛⲓⲙ •
ⲛⲧⲁⲩⲥⲱⲧ︦ⲙ︦ • ⲁⲩϯ ⲉⲟⲟⲩ • ⲙ ⲡⲛⲟⲩⲧⲉ • ⲛ ⲁⲡⲁ ϩⲁⲣⲱⲛ •
Ⲛⲉⲩⲛ ⲟⲩⲣⲱⲙⲉ ⲇⲉ ⲟⲛ • ϩⲙ̄ ⲡⲓⲗⲁⲕ • ⲉ ⲟⲩⲛⲧⲁϥ • ⲙⲙⲁⲩ •
ⲛⲟⲩⲉⲓⲱ • ⲉϥⲣ̄ ϩⲱⲃ • ⲛ̄ϩⲏⲧϥ̄ ϩ︦ⲙ︦ ⲡⲟⲩⲉⲓⲧ • ⲛ ⲧⲉⲣ ϥ̄ⲉⲓ
ⲇⲉ ϫⲉ ϥⲛⲁⲃⲱⲕ • ⲉ ⲡⲉϥⲏⲓ • ⲁ ⲡⲉⲓⲱ ϩⲉ • ϩⲁ ⲣⲁⲧ︦ϥ︦ •
ⲙ ⲡⲟⲉⲓⲧ ⲁϥⲙⲟⲩ • ⲛⲧⲟϥ ⲇⲉ • ϩⲓⲧⲛ̄ ⲧⲉϥⲛⲟϭ • ⲙ ⲡⲓⲥ‐
ⲧⲓⲥ • ⲉ ϩⲟⲩⲛ • ⲉ ⲡⲇⲓⲕⲁⲓⲟⲥ • ⲁϥⲕⲁ ⲡⲉⲓⲱ ⲉϥⲛⲏϫ • ⲉ
ⲃⲟⲗ • ⲉϥⲙⲟⲟⲩⲧ • ⲁϥⲉⲓ ϣⲁ ⲣⲟϥ • ⲁϥⲧⲁⲩⲉⲑⲉ • ⲉ ⲣⲟϥ •
ⲡⲇⲓⲕⲁⲓⲟⲥ ⲇⲉ • ⲡⲉϫⲁϥ ⲛⲁϥ ϫⲉ ⲙⲡⲉ ϥⲙⲟⲩ • ⲡⲁ
ϣⲏⲣⲉ ⲁⲗⲗⲁ • ⲉϥⲟ ⲛⲕⲛⲁⲁⲩ • ⲁϥϯ ⲛⲁϥ • ⲛ̄ ⲟⲩϭⲉⲣⲱⲃ •
ⲉϥϫⲱ ⲙⲙⲟⲥ • ϫⲉ ⲃⲱⲕ • ⲛⲅ̄ⲣⲁϩⲧ︦ϥ︦ • ⲛ̄ϩⲏⲧ︦ϥ︦ • ⲛ̄ϩⲏⲧ︦ϥ︦ (sic)•
ⲛ ϣⲟⲙ︦ⲛ︦ⲧ • ⲛⲥⲟⲡ • ⲁⲩⲱ ϥⲛⲁⲧⲱⲟⲩⲛ • ⲁϥϫⲓⲧϥ̄ ⲇⲉ •
ⲁϥⲃⲱⲕ • ⲁϥⲣⲁϩⲧϥ̄ ⲛϩⲏⲧ︦ϥ︦ • ⲛϣⲟⲙ︦ⲛ︦ⲧ • ⲛⲥⲟⲡ • ⲁϥ‐
ⲧⲱⲟⲩⲛ ⲁϥⲁⲁϩ • ⲉⲣⲁⲧϥ̄ • ⲛ̄ⲑⲉ • ⲉⲛⲉϥⲟ • ⲙⲙⲟⲥ •
ⲡⲣⲱⲙⲉ • ⲁϥⲉⲓ • ϣⲁ ⲡⲁ ⲉⲓⲱⲧ • ⲉϥϫⲱ • ⲙⲙⲟⲥ • ϫⲉ
ϯⲉⲩⲭⲁⲣⲓⲥⲧⲟⲩ • ⲛⲁⲕ • ⲡⲁ ⲉⲓⲱⲧ ⲉ ⲧⲃⲉ ⲡⲉϩⲙⲟⲧ • ⲛⲧⲁϥ‐
ⲧⲁϩⲟⲓ • ⲛⲧⲟϥ ⲇⲉ ⲁϥϩⲱⲛ ⲉ ⲧⲟⲟⲧϥ̄ • ⲉ ⲧⲙ̄ ϫⲉ ⲡⲉⲛⲧ
ⲁϥϣⲱⲡⲉ • ⲉ ⲗⲁⲁⲩ ⲙ̄ⲡⲣ̄ ⲧⲣⲉ • ⲗⲁⲁⲩ ⲅⲁⲣ • ⲣ̄ ⲁⲡⲓⲥⲧⲟⲥ •
ⲛ ⲛⲉⲛ ϣⲁϫⲉ • ⲕⲁⲓ ⲅⲁⲣ • ⲁ ⲡⲉⲛⲥⲱⲧⲏⲣ • ϫⲟⲟⲥ ϫⲉ ⲡ▨▨▨
▨▨▨▨▨▨▨▨▨▨▨▨▨▨▨▨▨▨ⲣⲉⲙ||ⲡⲁⲓ ϩⲱⲱϥ ·
ϥⲛⲁⲁⲩ • ⲁⲩⲱ • ϥⲛⲁⲣ̄ ⲛⲉⲧ ⲛⲁⲁⲩ ⲉ ⲣⲟⲟⲩ • ⲛⲧⲟϥ ⲇⲉ


### 0055

ϩⲱⲱϥ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ • ⲉⲛⲉϥⲣ̄ ϩⲱⲃ •
ⲉⲛⲉϥϭⲓϫ • ⲙⲙⲁⲁⲧⲉ • ⲉϥⲉⲓⲣⲉ • ⲙ ⲡⲙⲉⲉⲩⲉ • ⲙ ⲡⲉⲧ
ⲥⲏϩ ϫⲉ ⲁⲛ︦ⲣ︦ ϩⲱⲃ • ⲛ̄ϭⲓϫ • ⲙ ⲡⲉϩⲟⲟⲩ • ⲙⲛ̄ ⲧⲉⲩϣⲏ •
ϫⲉ ⲛⲛⲉ ⲛⲟⲩⲉϩ ϩⲓⲥⲉ • ⲉ ⲟⲩⲟⲛ • ⲙⲙⲱⲧⲛ̄ • ϩⲉⲛⲥⲟⲡ
ⲙⲉⲛ • ⲛ︦ϥ︦ⲧⲁⲙⲓⲟ • ⲛ̄ ϩⲉⲛⲕⲩⲣⲓⲁ • ϩⲉⲛⲥⲟⲡ • ⲙⲉⲛ ⲉϥ‐
ϣⲉϣ ⲛⲟⲩϩ • ⲉⲛⲉ ⲙⲉϥϭⲉⲡⲏ • ⲅⲁⲣ • ⲉ ϣⲁϫⲉ ⲉⲓ ⲙⲏ
ⲧⲉⲓ • ⲛ̄ⲧⲉ ⲟⲩⲛⲟϭ • ⲛ ⲣⲭⲣⲓⲁ • ϣⲱⲡⲉ • Ⲁⲩⲣⲱⲙⲉ • ⲉⲓ
ϣⲁ ⲣⲟϥ • ⲛ ⲟⲩⲥⲟⲡ • ⲁϥϣ︤ⲡ︥ ⲛⲟⲩϩ ⲛ ⲧⲟⲟⲧϥ̄ • ⲉ ⲧⲉ‐
ⲭⲣⲓⲁ • ⲙ ⲡⲉϥⲙⲁ • ⲛ ⲉⲗⲟⲟⲗⲉ ⲡⲙⲁ • ⲛ ⲉⲗⲟⲟⲗⲉ • ⲇⲉ •
ⲉⲧ ⲙ︦ⲙ︦ⲁⲩ • ⲉⲛⲉⲣⲉ ⲡⲉϥϭⲉⲗⲙⲁ • ϫⲁϫⲱ ⲉⲙⲁⲁⲧⲉ • ⲛ̄
ⲧⲉⲣ ϥ̄ϫⲓ ⲇⲉ ⲛ ⲛ̄ⲛⲟⲩϩ • ⲛ̄ ⲧⲟⲟⲧ︦ϥ︦ • ⲁϥⲙⲟⲣⲟⲩ • ⲉ ⲡⲉϥ‐
ⲙⲁ • ⲛ̄ ⲉⲗⲟⲟⲗⲉ • ⲁϥϣⲱⲡⲉ • ⲛ̄ ⲟⲩⲅⲉⲛⲏⲙⲁ • ⲉⲛⲁ‐
ⲛⲟⲩϥ • ⲙⲙⲁⲁⲧⲉ • ⲁⲩⲱ ⲛⲉⲛⲧ ⲁⲩⲥⲱⲧⲙ̄ ⲁⲩϯ ⲉⲟⲟⲩ •
ⲙ ⲡⲛⲟⲩⲧⲉ • ⲁ ϩⲉⲛⲣⲱⲙⲉ ⲇⲉ ⲟⲛ ⲛⲃⲟⲩϩⲉ • ⲉⲓ ϣⲁ ⲣⲟϥ •
ⲛ ⲟⲩⲥⲟⲡ • ⲉⲩⲙⲟⲕϩ̄ • ⲛϩⲏⲧ ⲁⲩⲡⲁⲣⲁⲕⲁⲗⲉⲓ ⲙⲙⲟϥ •
ϫⲉ ⲁⲣⲓ ⲧⲁⲅⲁⲡⲏ • ⲛⲅ̄ ϣⲗⲏⲗ • ⲉ ϫⲱⲛ ϫⲉ ⲥⲉⲉⲛⲱⲭⲗⲉⲓ •
ⲛⲁⲛ • ϩⲓⲧⲛ̄ ⲟⲩⲁⲣⲭⲱⲛ • ⲛ ϩⲉⲛⲁϣⲏ ⲛⲧ︦ⲃ︦ⲧ︦ • ⲁⲩⲱ •
ⲙⲡⲉ ⲛϭⲓⲛⲉ • ⲉ ϯ ⲛⲁϥ • ⲉⲛⲣ̄ ϩⲟⲧⲉ • ϫⲉ ⲛⲛⲉϥϩⲟⲣⲓ‐
[ⲍⲉ] ⲉ ϫⲱⲛ • ⲛ︦ϥ︦ϣⲁⲁⲧⲛ̄ • ⲛ ⲟⲩⲟⲥⲉ ⲡⲁⲣⲁ ⲧⲛ̄ϭⲟⲙ •▨▨
▨▨▨▨▨ⲁϥⲛⲁⲩ • ϫⲉ ⲛⲧⲉⲧⲛ̄▨▨▨▨▨▨▨▨▨▨▨▨
ⲛⲧⲉⲧⲛ︤▨▨▨▨▨▨▨▨▨▨▨▨▨▨▨▨▨▨ | ⲡⲉⲧⲣⲟⲥ •
ϫⲉ ⲛⲟⲩϫⲉ • ⲙ ⲡⲉϣⲛⲏ • ⲛⲥⲁ ⲟⲩⲛⲁⲙ • ⲙ ⲡϫⲟⲓ •
ⲧⲉⲧⲛⲁϩⲉ • ⲉ ⲟⲩⲟⲛ • ⲛⲧⲁϥϫⲟⲟⲥ ⲁⲛ ϫⲉ ⲥⲁ ϩⲃⲟⲩⲣ •
ⲁⲗⲗⲁ • ⲛ̄ⲥⲁ ⲟⲩⲛⲁⲙ ⲉⲧⲉ ⲡⲁⲓ ⲡⲉ • ϫⲉ ⲉⲣϣⲁⲛ ⲡⲣⲱⲙⲉ •
ⲕⲱ ⲛⲥⲱϥ ⲛⲙ̄ⲙⲉⲉⲩⲉ • ⲉⲧ ⲑⲟⲟⲩ • ⲉⲧⲉ ⲛⲁⲓ ⲛⲉ ⲛⲉⲛⲉⲧ ϩⲓ
ϩⲃⲟⲩⲣ • ⲛϥ︤ⲣ︥ ⲛⲉⲧ ϩⲓ ⲟⲩⲛⲁⲙ • ⲉⲧⲉ ⲙ ⲡⲉⲧ ⲛⲁⲛⲟⲩϥ
ⲛⲉ • ϩⲱⲃ • ⲛⲓⲙ • ⲉⲧⲉ ϥⲛⲁⲁⲓⲧⲉⲓ • ⲙⲙⲟⲟⲩ ⲛⲧ ⲙ̄
ⲡⲛⲟⲩⲧⲉ • ⲥⲉⲛⲁϣⲱⲡⲉ • ⲛⲁϥ • ϥϫⲱ ⲅⲁⲣ ⲙⲙⲟⲥ •
ⲛϯϩⲉ • ⲛ ⲛⲉⲧ ϩⲓ ϩⲃⲟⲩⲣ • ϫⲉ ⲥⲁϩⲉ ⲧⲏⲩⲧⲛ̄ • ⲉ ⲃⲟⲗ •
ⲙⲙⲟⲓ • ⲛⲉⲧ ⲥϩⲟⲩⲣ︦ⲧ︦ • ⲉ ⲧⲥⲁⲁⲧⲉ • ⲛ ϣⲁ ⲉⲛⲉϩ ⲛⲧⲁⲩ‐
ⲥ︦ⲃ︦ⲧⲱⲧⲥ̄ • ⲙ ⲡⲇⲓⲁⲃⲟⲗⲟⲥ • ⲙⲛ̄ ⲛⲉϥⲁⲅⲅⲉⲗⲟⲥ • ⲛⲉⲧ ϩⲓ
ⲟⲩⲛⲁⲙ ϩⲱⲱϥ • ϫⲉ ⲁⲙⲏⲓⲧⲛ̄ • ϣⲁ ⲣⲟⲓ • ⲛⲉⲧ ⲥⲙⲁ‐
ⲙⲁⲁⲧ ⲛⲧⲉ ⲡⲁ ⲉⲓⲱⲧ • ⲁⲩⲱ ⲟⲛ ϫⲉ ⲁⲙⲏⲓⲧⲛ̄ • ϣⲁ ⲣⲟⲓ
ⲟⲩⲟⲛ • ⲛⲓⲙ • ⲉⲧ ϩⲟⲟⲥⲉ • ⲁⲩⲱ ⲉⲧ ⲟⲧⲡ̄ • ⲁⲩⲱ ⲁⲛⲟⲕ •


### 0056

ϯⲛⲁϯ ⲙⲧⲟⲛ ⲛⲏⲧ︤ⲛ︥ • ⲁⲩⲱ ⲟⲛ ϫⲉ ⲧⲉⲧ ⲛⲁⲕⲗⲏⲣⲟⲛⲟ‐
ⲙⲉⲓ • ⲛ ⲧ︦ⲙ︦ⲛ︦ⲧⲉⲣⲟ • ⲛ̄ⲧⲁⲩⲥ︦ⲃ︦ⲧⲱⲧ︦ⲥ︦ • ⲛⲏⲧ︦ⲛ︦ • ϫⲓⲛ ⲧⲕⲁ‐
ⲧⲁⲃⲟⲗⲏ ⲙ ⲡⲕⲟⲥⲙⲟⲥ • ⲉ ⲧⲃⲉ ⲟⲩ • ⲡⲉϫⲁϥ ϫⲉ ⲛⲉⲓ‐
ϩⲕⲟⲉⲓⲧ • ⲁⲧⲉⲧⲛ̄ⲧⲙ̄ⲙⲟⲓ • ⲛⲉⲓⲟⲃⲉ • ⲁⲧⲉⲧⲛ̄ⲧⲥⲟⲓ ⲛⲉⲓⲕⲏ
ⲕⲁ ϩⲏⲩ • ⲁⲧⲉⲧⲛ̄ϯ • ϩⲓⲱⲱⲧ • ⲛⲉⲓⲟ ⲛ ϣⲙ̄ⲙⲟ • ⲁⲧⲉⲧ︦ⲛ︦‐
ϣⲟⲡⲧ̄ • ⲉ ⲣⲱⲧⲛ̄ (sic) • ⲛⲉⲓϣⲱⲛⲉ • ⲁⲧⲉⲧⲛ̄ϭⲙ̄ • ⲡⲁ ϣⲓⲛⲉ •
ⲛⲉⲓϩⲙ̄ ⲡⲉϣⲧⲉⲕⲟ • ⲁⲧⲉⲧⲛ̄ⲉⲓ • ϣⲁ ⲣⲟϥ (sic) • ⲛⲁⲓ ⲛⲉ ⲛⲉ
ⲡ▨▨▨ ⲉ ϣⲁⲩϫⲉ ⲡⲧⲛϣⲛⲏ ⲉ ⲡⲥⲁ ⲛ ⲟⲩⲛⲁⲙ • | ⲛⲧⲱⲧⲛ̄ •
ϩⲱⲧ ⲧⲏⲩⲧⲛ̄ • ⲉⲧⲉⲧⲛ̄ⲁⲁⲩ • ⲧⲉⲧⲛⲁϭⲱⲡⲉ • ⲛ̄ ϩⲉⲛⲁϣⲏ •
ⲛⲧ︦ⲃ︦ⲧ︦ • ⲕⲁⲧⲁ ⲧⲉⲧⲛ̄ⲭⲣⲓⲁ • ⲛⲧⲟⲟⲩ ⲇⲉ ⲡⲉϫⲁⲩ • ϫⲉ ϣⲉ
ⲡⲉⲕⲟⲩϫⲁⲓ • ⲱ ⲡⲁ ⲉⲓⲱⲧ • ⲉⲧ ⲟⲩⲁⲁⲃ • ⲉ ⲧⲃⲉ ⲧⲙ︦ⲛ︦ⲧ︦-
ϩⲏⲕⲉ • ⲙⲛ̄ ⲥⲉⲣϥⲉ • ⲉ ⲃⲱⲕ • ⲉ ⲧⲉⲕⲕⲗⲏⲥⲓⲁ ⲙ ⲡⲥⲁⲃⲃⲁ‐
ⲧⲱⲛ • ⲙⲛ̄ ⲧⲕⲩⲣⲓⲁⲕⲏ • ⲡⲉϫⲁϥ ⲛⲁⲩ • ϫⲉ ⲙⲏ • ⲙⲡⲉ
ⲓϫⲟⲟⲥ • ⲛⲏⲧ︦ⲛ︦ • ϫⲉ ⲛⲧⲉⲧⲛ̄ⲃⲏⲕ • ⲁⲛ • ⲉ ⲧⲉⲕⲕⲗⲏⲥⲓⲁ •
ⲙ ⲡⲛⲟⲩⲧⲉ • ⲛ̄ⲧⲉⲧⲛ̄ⲡⲁⲣⲁⲕⲁⲗⲉ ⲙⲙⲟϥ • ⲛϥ︦ⲣ︦ ⲡⲛⲁ •
ⲛ︦ⲙ︦ⲙⲏⲧⲛ̄ • ⲛ︦ϥ︦ⲧⲙ̄ⲕⲁ ⲧⲏⲩⲧⲛ̄ • ⲉⲧⲉⲧⲛ̄ϣⲁⲁⲧ • ⲛ̄ ⲗⲁⲁⲩ •
ϣϣⲉ ⲅⲁⲣ • ⲉ ⲭⲣⲓⲥϯⲁⲛⲟⲥ • ⲛⲓⲙ • ⲉ ϣⲟⲣⲡⲟⲩ • ⲉ ⲡⲏⲓ •
ⲙ ⲡⲛⲟⲩⲧⲉ • ⲛⲥⲉⲥⲡ̄ⲥⲱⲡ︦ϥ︦ • ⲛϥ̄ⲥⲟⲃⲧⲉ • ⲙ ⲡⲉⲩϩⲱⲃ • ⲛ̄
ϭⲓϫ • ⲛⲧⲟⲟⲩ ⲇⲉ ⲁⲩⲟⲩⲱϣⲧ̄ • ϩⲁ ⲛⲉϥⲟⲩⲣⲏⲏⲧⲉ • ⲉⲩϫⲱ •
ⲙⲙⲟⲥ ϫⲉ ϣⲗⲏⲗ • ⲉ ϫⲱⲛ • ⲡⲉⲛⲉⲓⲱⲧ • ⲉⲧ ⲟⲩⲁⲁⲃ ⲁⲩⲱ •
ⲧⲛ̄ⲛⲁϩⲁⲣⲉϩ • ⲉ ⲛⲉⲕϣⲁϫⲉ • ⲧⲏⲣⲟⲩ • ⲁⲩⲱ ⲧⲁⲓ ⲧⲉ ⲑⲉ •
ⲛⲧⲁϥϣⲗⲏⲗ • ⲉ ϫⲱⲟⲩ • ⲁϥϯ ⲛⲁⲩ • ⲛ ⲟⲩϭⲁⲡⲉⲓ • ⲙ‐
ⲙⲟⲟⲩ • ϫⲉ ϭⲟϣϭ︦ϣ︦ • ⲉϫⲛ̄ ⲛⲉⲧⲛ̄ϣⲛⲏⲩ • ⲁⲩⲱ ⲧⲉⲧ‐
ⲛⲁϩⲉ • ⲉ ⲟⲩⲟⲛ ⲛⲧⲟⲟⲩ ⲇⲉ • ⲁⲩⲃⲱⲕ • ϩ︦ⲛ︦ ⲟⲩⲡⲓⲥⲧⲓⲥ
ⲁⲩϭⲱⲡⲉ • ⲛ ϩⲉⲛⲁϣⲏ • ⲛⲧ︦ⲃ︦ⲧ︦ ⲁⲩϯ ⲛ ⲧⲉⲭⲣⲓⲁ • ⲙ̄
ⲡⲁⲣⲭⲱⲛ • ⲛⲁϥ • ⲁⲩϯ ⲡⲕⲉ ⲥⲉⲉⲡⲉ • ⲉ ⲧⲉⲭⲣⲓⲁ ⲙ
ⲡⲉⲩⲏⲓ • ⲁⲩⲉⲓ ϣⲁ ⲡⲇⲓⲕⲁⲓⲟⲥ • ⲉⲩⲉⲩⲭⲁⲣⲓⲥⲧⲉⲓ • ⲙ
ⲡⲛⲟⲩⲧⲉ • ⲙⲛ̄ ⲛⲉϥϣⲗⲏⲗ • ⲉⲩⲟⲩⲁⲁⲃ ▨▨▨▨▨▨▨▨
▨▨▨▨▨▨▨▨▨▨▨▨▨▨▨▨▨▨▨▨▨▨▨▨▨▨▨
▨▨▨▨▨▨▨▨▨▨ | ⲧⲉⲩⲛⲟⲩ • ⲕⲉ ⲟⲩⲁ • ⲇⲉ ⲟⲛ • ⲉⲁ
ⲡⲉϥϫⲟⲓ • ⲕⲩⲛⲇⲉⲛⲉⲩⲉ • ⲁⲩⲱ ϩ︦ⲙ︦ ⲡⲧ︦ⲣ︦ϥ︦ⲉⲡⲓⲕⲁⲗⲉⲓ • ⲙ
ⲡⲛⲟⲩⲧⲉ • ϩ︦ⲙ︦ ⲡⲉϥⲣⲁⲛ • ⲁ ⲡⲉϥϫⲟⲓ • ⲧⲟⲩϫⲟ • ⲙⲛ̄
ⲡⲉϥⲁⲩⲉⲓⲛ • ⲧⲏⲣ︦ϥ︦ • ⲁⲥϣⲱⲡⲉ ⲇⲉ ⲟⲛ • ⲛ̄ ⲟⲩϩⲟⲟⲩ ⲉⲩ‐
ⲙⲟⲟϣⲉ • ⲙⲛ̄ ⲛⲉⲩⲉⲣⲏⲩ • ⲛ̄ϭⲓ ⲁⲛⲟⲩⲃⲁ • ⲥⲛⲁⲩ ⲉⲩⲛⲁ‐


### 0057

ⲃⲱⲕ • ⲉ ⲥⲟⲩⲁⲛ • ⲡⲟⲩⲁ • ⲇⲉ ⲉ ⲃⲟⲗ • ⲛϩⲏⲧⲟⲩ • ⲟⲩⲃⲁⲗ •
ⲛ ⲟⲩⲱⲧ • ⲡⲉⲧ ⲙ̄ⲙⲟϥ • ⲡⲉϫⲉ ⲡⲉϥϣⲃⲏⲣ ⲛⲁϥ • ϫⲉ
ⲁⲙⲟⲩ • ⲛⲧⲛ̄ϫⲓ ⲥⲙⲟⲩ ⲛ ⲧⲟⲟⲧ︦ϥ︦ • ⲙ ⲡⲉⲓ ⲛⲟϭ • ⲛ ⲣⲱⲙⲉ
ⲡⲉϫⲉ ⲡⲁ ⲡⲃⲁⲗ • ⲛ̄ ⲟⲩⲱⲧ • ϫⲉ ⲟⲩⲛⲟϭ • ⲛ︦ⲣ︦ⲱⲙⲉ ⲁⲛ
ⲡⲉ • ⲉϣϫⲉ ⲉϩⲉ • ⲙⲁⲣ︦ϥ︦ ⲟⲩⲱⲛ • ⲙ ⲡⲁ ⲃⲁⲗ • ⲁⲩⲱ •
ⲙⲡⲁⲧⲉ ⲡϣⲁϫⲉ • ⲟⲩⲱϩ ⲛ̄ⲣⲱϥ • ⲁ ⲡⲉϥⲃⲁⲗ • ⲉⲧⲟ ⲛ
ⲃ︦ⲗ︦ⲗ︦ⲉ • ⲛⲁⲩ • ⲉ ⲃⲟⲗ • ⲁ ⲡⲉⲧ ⲛⲁⲩ ⲉ ⲃⲟⲗ • ⲣ̄ ⲃⲗ̄ⲗⲉ • ⲛ
ⲧⲉⲣⲉ ⲡⲉϥϣⲃⲏⲣ • ⲛⲁⲩ • ⲉ ⲡⲉⲛⲧ ⲁϥϣⲱⲡⲉ • ⲁϥⲣ̄ ϣⲡⲏⲣⲉ •
ⲉⲙⲁⲁⲧⲉ • ⲁⲩⲱ ⲡⲉϫⲁϥ • ⲛⲁϥ • ϫⲉ ⲙⲡⲉ ⲓϫⲟⲟⲥ ⲛⲁⲕ •
ϫⲉ ⲟⲩⲛⲟϭ • ⲛ̄ ⲣⲱⲙⲉ • ⲉⲙⲁⲁⲧⲉ • ⲡⲉϫⲁϥ • ϫⲉ ⲙⲡⲉ
ⲓϯⲟⲥⲉ • ⲛ̄ ⲗⲁⲁⲩ • ϫⲉ ⲁⲩϣⲧⲁⲙ • ⲛ ⲟⲩⲁ • ⲁⲩⲟⲩⲱⲛ •
ⲛ ⲟⲩⲁ • ⲡⲗⲏⲛ • ⲙⲁⲣⲛ̄ⲃⲱⲕ • ϣⲁ ⲣⲟϥ • ⲙⲉϣⲁⲕ • ⲛ︦ϥ︦ϯ
ⲡⲟⲩⲟⲉⲓⲛ • ⲙ ⲡⲕⲉ ⲟⲩⲁ • ⲁⲩⲱ • ⲁⲩⲉⲓ ⲙ ⲡⲉⲥⲛⲁⲩ • ϣⲁ
ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ ⲡⲉϫⲉ ⲡⲁ ⲉⲓⲱⲧ ⲙ ⲡⲁⲛⲟⲩⲃⲁ •
ⲛ̄ⲧⲁϥⲣ ⲁⲧⲛⲁϩⲧⲉ ϫⲉ ⲉϣϫⲉ ⲕⲥⲟⲟⲩⲛ • ϫⲉ ⲙⲡⲉ ⲕϯⲟⲥⲉ ⲉⲕⲣ
ⲟⲩ • ⲙ ⲡⲉⲓ ⲙⲁ • ⲛⲧⲉⲩⲛⲟⲩ • ⲁⲩⲛⲟϭ ⲛ ϩ▨▨▨ⲉ▨▨[ⲁϥ]‐
ⲟⲩⲱϣⲧ̄ • ⲛⲁϥ • ⲉϥϫⲱ ⲙⲙⲟⲥ • ϫⲉ • [ⲟⲩⲱⲛ ⲙ ⲡⲁ]ⲃⲁⲗ •
ⲁⲩⲱ • ⲛⲧⲉⲩⲛⲟⲩ | ⲁϥⲛⲁⲩ • ⲉ ⲃⲟⲗ • ϩⲙ̄ ⲡⲕⲉ ⲟⲩⲁ • ⲁⲩⲱ
ⲁⲩⲡⲓⲥⲧⲉⲩⲉ ⲙ ⲡⲉⲥⲛⲁⲩ • ⲁⲩⲃⲱⲕ • ⲉ ⲃⲟⲗ • ϩⲓ ⲧⲟⲟⲧ︦ϥ︦ • ϩ︦ⲛ︦
ⲟⲩⲣⲁϣⲉ • ⲉⲩⲧⲁϣⲉⲟⲉⲓϣ • ⲛ ⲧⲉϣⲡⲏⲣⲉ • ⲛⲧⲁⲥϣⲱⲡⲉ • ϩ︦ⲛ︦
ⲧⲉⲭⲱⲣⲁ • ⲧⲏⲣ︦ⲥ︦ ⲉⲧ ⲙ̄ⲙⲁⲩ Ⲛⲉⲩⲛ̄ ⲟⲩⲣⲱⲙⲉ ⲇⲉ ⲟⲛ • ⲛ
ⲣ︦ϥ︦ⲣϩⲟⲧⲉ • ϩ︦ⲛ︦ ⲧⲡⲟⲗⲓⲥ • ⲥⲟⲩⲁⲛ • ⲉⲩⲡⲓⲥⲧⲟⲥ ⲡⲉ • ⲉϥⲛⲏⲩ •
ϣⲁ ⲣⲟⲛ • ⲛ̄ϩⲁϩ • ⲛ̄ⲥⲟⲡ • ⲁⲥϣⲱⲡⲉ ⲇⲉ ⲛ ⲟⲩϩⲟⲟⲩ ⲁϥⲟⲩⲱϣ•
ⲉ ⲉⲓ ϣⲁ ⲣⲟⲛ • ⲡⲉϫⲉ ⲧⲉϥⲥϩⲓⲙⲉ ⲛⲁϥ ϫⲉ ⲉⲕϣⲁⲛⲃⲱⲕ •
ϣⲁ ⲡⲡⲉⲧ ⲟⲩⲁⲁⲃ ⲁⲡⲁ ϩⲁⲣⲱⲛ • ⲡⲁⲣⲁⲕⲁⲗⲉⲓ ⲙⲙⲟϥ •
ⲛ︦ϥ︦ⲧⲱ︦ⲃ︦ϩ︦ ⲙ ⲡⲉⲭⲣ︦ⲥ︦ • ⲉ ϫⲱⲛ • ⲛ︦ϥ︦ϯ ⲛⲁⲛ • ⲛ ⲟⲩⲥⲡⲉⲣ‐
ⲙⲁ ⲛⲣⲱⲙⲉ • ⲕⲁⲓ ⲅⲁⲣ ⲁⲓⲥⲱⲧⲙ̄ • ϫⲉ ⲛ ⲧⲉⲣⲉ ⲟⲩϣⲉⲣⲉ
ϣⲏⲙ • ⲉⲓ ⲉⲥⲛⲁⲙⲓⲥⲉ • ⲁⲥⲥⲱϣⲧ̄ • ⲛ̄ ⲧⲉⲣ ⲥ̄ⲉⲡⲓⲕⲁⲗⲉⲓ
ⲇⲉ • ⲙⲙⲟϥ • ⲉ ⲧⲃⲉ ⲡⲉⲓ ϩⲱⲃ • ⲁⲥⲙⲓⲥⲉ • ⲙ ⲡⲉⲥϣⲏⲣⲉ •
ⲉϥⲙⲟⲟⲩⲧ • ⲁ ⲡⲉⲥⲉⲓⲱⲧ ⲃⲱⲕ • ϣⲁ ⲣⲟϥ • ⲁϥⲡⲁⲣⲁ‐
ⲕⲁⲗⲉⲓ • ⲙⲙⲟϥ • ⲁⲩⲱ ⲡⲉϫⲁⲩ • ϫⲉ ⲛ̄ ⲧⲉⲣ ϥ̄ϫⲓ • ⲛ̄
ⲟⲩⲕⲟⲩⲓ • ⲛ ⲕ︦ⲣ̄ⲙⲉⲥ ϩⲓⲣⲙ̄ • ⲡⲣⲟ • ⲙ ⲡⲉϥⲙⲁ • ⲛ ϣⲱⲡⲉ •
ⲁϥⲛⲟϫϥ̄ • ⲉϫⲙ̄ ⲡϣⲏⲣⲉ ⲕⲟⲩⲓ • ⲉⲧ ⲙⲟⲟⲩⲧ • ⲁϥⲱⲛ︦ϩ︦
ⲛⲧⲉⲩⲛⲟⲩ • ⲛⲧⲟⲕ ϩⲱⲱⲕ • ⲉⲕϣⲁⲛⲥ︦ⲡ︦ⲥⲱⲡ︦ϥ︦ • ϯⲡⲓⲥⲧⲉⲩⲉ •


### 0058

ϫⲉ ⲡⲉⲧ ⲉⲕⲛⲁϫⲟⲟϥ • ϥⲛⲁϣⲱⲡⲉ ⲛⲧⲟϥ • ⲇⲉ • ⲛ ⲧⲉⲣ
ϥ̄ⲉⲓ • ϣⲁ ⲣⲟⲛ • ⲁϥⲧⲁⲩⲉ ⲡϣⲁϫⲉ ⲉ ⲡⲁ ⲉⲓⲱⲧ • ⲉϥϫⲱ
ⲙⲙⲟⲥ ϫⲉ ⲁⲓϩⲙⲟⲟⲥ • ⲙ︦ⲛ︦ ⲧⲁ ⲥϩⲓⲙⲉ • ϫⲓⲛ ⲧⲁ ⲙ︦ⲛ︦ⲧ‐
ⲕⲟⲩⲓ • ⲁⲩⲱ ⲙⲡⲉ ϣⲏⲣⲉ▨▨▨▨▨▨▨▨▨▨ⲛⲣⲟⲙⲡⲉ •
ⲧⲉⲛⲟⲩ ϭⲉ▨▨▨▨▨▨▨▨|▨▨▨▨▨ⲙⲙⲟⲟⲩ • ⲛⲧ︦ⲙ︦‐
ⲡⲛⲟⲩⲧⲉ • ϥⲛⲁⲧⲁⲁⲩ • ⲛⲁⲕ • ⲛⲧⲟϥ ⲇⲉ ⲡⲇⲓⲕⲁⲓⲟⲥ • ⲁϥ‐
ⲃⲱⲕ • ⲉ ⲡⲙⲁ • ⲉ ⲧⲉϥⲉⲍⲩⲭⲁⲍⲉ • ⲛ̄ϩⲏⲧ︦ϥ︦ • ⲁϥϣⲗⲏⲗ •
ⲛϯϩⲉ ⲉϥϫⲱ ⲙⲙⲟⲥ • ϫⲉ ⲡⲁ ϫ︦ⲥ︦ • ⲛⲧⲟⲕ • ⲡⲉⲛⲧ ⲁⲕϯ ⲛ̄
ⲥⲁⲣⲣⲁ • ⲧⲁϭⲣⲓⲛ ⲙ ⲡⲉⲛⲉⲓⲱⲧ • ⲓⲥⲁⲁⲕ • ⲁⲩⲱ ⲁⲕϯ ⲛ
ⲓⲱⲥⲏⲫ • ⲛ ϩⲣⲁⲭⲏⲗ • ⲁⲕϯ ⲛ̄ⲥⲁⲙⲟⲩⲏⲗ • ⲛ ⲁⲛⲛⲁ •
ⲧⲉⲛⲟⲩ ϭⲉ ⲡϫⲟⲉⲓⲥ • ⲛⲧⲟⲕ ⲡⲉ ⲛ̄ⲥⲁϥ • ⲛⲧⲟⲕ ⲟⲛ ⲙⲡⲟⲟⲩ •
ⲁⲩⲱ ⲟⲛ • ϣⲁ ⲛⲓⲉⲛⲉϩ • ϯⲥⲟⲟⲩⲛ • ⲛ ⲧⲉⲕⲙⲛ︦ⲧ︦ⲁⲅⲁⲑⲟⲥ •
ⲡϫⲟⲉⲓⲥ ⲉⲕⲉⲥⲱⲧ︦ⲙ︦ • ⲉ ⲡⲁ ⲧⲱⲃ︦ϩ︦ • ⲛⲅ̄ϫⲱⲕ ⲉ ⲃⲟⲗ • ⲙ
ⲡⲉⲧⲏⲙⲁ • ⲙ ⲡⲉⲓ ⲣⲱⲙⲉ ⲛⲧⲁϥⲉⲓ • ϣⲁ ⲣⲟⲛ ⲛ ⲧⲉⲣ ϥ̄ⲟⲩⲱ
ⲇⲉ ⲉϥϣⲗⲏⲗ • ⲁϥⲉⲓ ϣⲁ ⲡⲣⲱⲙⲉ ⲡⲉϫⲁϥ ⲛⲁϥ • ϫⲉ
ⲃⲱⲕ • ⲡⲁ ϣⲏⲣⲉ • ϩⲙ̄ ⲡⲣⲁⲛ • ⲙ ⲡⲉⲭⲣ︦ⲥ︦ • ϯⲡⲓⲥⲧⲉⲩⲉ
ϫⲉ ⲛⲑⲉ ⲛⲧⲁ ⲡⲛⲟⲩⲧⲉ ϫⲟⲟⲥ ⲙ ⲡⲉⲛⲉⲓⲱⲧ • ⲁⲃⲣⲁϩⲁⲙ •
ϫⲉ ϯⲛⲏⲩ • ⲕⲁ ⲡⲉⲟⲩⲟⲉⲓϣ • ⲛ̄ⲧⲉ ⲟⲩϣⲏⲣⲉ • ϣⲱⲡⲉ ⲛ
ⲥⲁⲣⲣⲁ ⲥⲛⲁϣⲱⲡⲉ • ⲙⲙⲟⲕ ϩⲱⲱⲕ • ⲁⲩⲱ ⲕⲁⲧⲁ ⲑⲉ
ⲛⲧⲁϥϫⲟⲟⲥ • ⲧⲁⲓ ⲧⲉ ⲑⲉ ⲛⲧⲁⲥϣⲱⲡⲉ • ⲙ ⲡϩⲟⲩⲛ ⲇⲉ ⲛ
ⲟⲩⲣⲟⲙⲡⲉ ⲁϥⲉⲓ ϣⲁ ⲣⲟⲛ • ⲉⲣⲉ ⲡϣⲏⲣⲉ ⲕⲟⲩⲓ ⲧⲁⲗⲏⲩ •
ⲉ ⲣⲟϥ • ⲁϥⲥⲟⲟⲩⲧ︦ⲛ︦ • ⲙⲙⲟϥ • ⲉ ⲡⲁ ⲉⲓⲱⲧ ϫⲉ ⲉⲓⲥ ⲡⲕⲁⲣ‐
ⲡⲟⲥ ⲛⲧⲁ ⲡⲛⲟⲩⲧⲉ • ⲧⲁⲁϥ ⲛⲁⲓ • ϩⲓⲧⲛ̄ ⲛⲉⲕϣⲗⲏⲗ • ⲡⲡⲉⲧ
ⲟⲩⲁⲁⲃ • ⲇⲉ ⲁⲡⲁ ϩⲁⲣⲱⲛ ⲁϥϫⲓⲧϥ̄ • ⲉ ⲡⲉϥϩⲁⲙⲏⲣ •
ⲁϥⲥⲙⲟⲩ • ⲉ ⲡⲛⲟⲩⲧⲉ ⲉϥϫⲱ ⲙⲙⲟⲥ • ϫⲉ ⲕⲥⲙⲁⲙⲁⲁⲧ •
ⲡϫⲟⲉⲓⲥ • ϩ︦ⲛ︦ ⲛⲉⲕϩⲃⲏⲩⲉ • ⲧⲏⲣⲟⲩ • ⲉⲓⲧⲁ • ⲁϥⲧⲁⲁϥ ⲙ
ⲡⲉϥⲉⲓⲱⲧ • ⲉϥϫⲱ ⲙⲙⲟⲥ • ϫⲉ ⲁⲛⲁⲩ • ⲉ ⲡⲉϩⲙⲟⲧ ⲙ
ⲡⲛⲟⲩⲧⲉ • ⲛⲧⲁϥⲧⲁϩⲟⲕ • ⲡⲉⲭⲥ̄ • ⲡⲉⲛⲧ ⲁϥⲭⲁⲣⲓⲍⲉ ⲙ‐
ⲙⲟϥ ⲛⲁⲕ • ⲡⲁ ϣⲏⲣⲉ • ⲉϥⲉⲁⲩⲝⲁⲛⲉ▨▨ⲛⲁⲕ | ⲛϥ̄ϯⲑⲉ •
ⲛⲁⲛ • ⲉ ⲧⲣⲛ︦ⲣ︦ ⲡⲉϥⲟⲩⲱϣ • ⲟⲩⲣⲱⲙⲉ ⲇⲉ ⲟⲛ • ⲉⲣⲉ ⲟⲩ‐
ⲇⲁⲓⲙⲟⲛⲓⲟⲛ • ⲉⲛⲱⲭⲗⲉⲓ • ⲛⲁϥ • ⲉ ⲡⲉϩⲟⲟⲩ ⲛ ⲧⲉⲣⲉ
ⲛⲉϥⲉⲓⲟⲧⲉ • ⲥⲱⲧ︦ⲙ︦ • ⲉ ⲡⲥⲟⲉⲓⲧ • ⲛ̄ ⲁⲡⲁ ϩⲁⲣⲱⲛ • ⲁⲩ‐
ⲥⲟⲛϩ︦ϥ︦ • ⲉ ⲛⲉϥϭⲓϫ • ⲙⲛ̄ ⲛⲉϥⲟⲩⲣⲏⲏⲧⲉ • ⲁⲩⲧⲁⲗⲟϥ •
ⲉⲩⲉⲓⲱ • ⲁⲩϫⲓⲧ︦ϥ︦ • ϣⲁ ⲣⲟϥ ⲉⲩⲁⲙⲁϩⲧⲉ • ⲙⲙⲟϥ • ⲛϭⲓ


### 0059

ϥⲧⲟⲟⲩ • ⲛⲣⲱⲙⲉ • ⲛ ⲧⲉⲣ ⲟⲩⲉⲛⲧϥ̄ • ⲇⲉ • ⲁⲩⲟⲩⲁϩϥ̄ •
ⲉ ⲃⲟⲗ • ϩ︦ⲙ︦ ⲡⲉⲓⲱ ⲁⲩⲕⲁⲁϥ • ⲉϥⲛⲏϫ • ⲉ ⲃⲟⲗ • ϩⲓⲣ︦ⲙ︦
ⲡⲣⲟ • ⲡⲇⲁⲓⲙⲟⲛⲓⲟⲛ • ⲇⲉ • ⲛⲉϥϣⲁϫⲉ ⲉ ⲃⲟⲗ • ϩ︦ⲙ︦
ⲡⲣⲱⲙⲉ • ⲉϥⲧⲁⲩⲟ • ⲛ̄ ϩⲉⲛⲛⲟϭ • ⲙ ⲙⲛ︦ⲧ︦ⲁⲧ ϣⲓⲡⲉ • ⲉ
ⲡⲁ ⲉⲓⲱⲧ • ⲉϥϫⲱ ⲙⲙⲟⲥ • ϫⲉ ⲙⲏ ⲛⲧⲕ̄ • ⲟⲩⲙⲁⲧⲟⲓ •
ⲣⲱ ⲁⲛ ⲉⲕⲟⲩⲉ ⲙ ϫⲓⲛϭⲟⲛ︦ⲥ︦ • ⲙⲏ ⲛ ϩⲉⲛⲁⲣⲭⲱⲛ • ⲁⲛ
ⲛⲉ ⲛⲉⲕⲉⲓⲟⲧⲉ • ⲉⲩⲟⲩⲱⲙ • ⲙ ⲡⲉⲧⲉ ⲙ ⲡⲟⲩϣⲡ̄ ϩⲓⲥⲉ ⲉ
ⲣⲟϥ • ϯⲥⲟⲟⲩⲛ • ⲉⲩϩⲟⲟⲩ • ⲉⲁ ⲡⲉⲕⲉⲓⲱⲧ • ϯ ⲙⲏⲧ ⲛϩⲟ‐
ⲗⲟⲕⲟⲧϯⲛⲟⲥ • ⲛ ⲟⲩⲣⲱⲙⲉ • ⲉ ⲡⲉⲩϣⲁⲡ • ⲁⲩⲱ ⲛ ⲧⲉⲣ
ϥ̄ⲧⲙ︤ϩ︥ⲉ • ⲉ ⲣⲟⲟⲩ • ⲛ︤ϥ︥ⲧⲁⲁⲩ • ⲛⲁϥ • ⲉ ⲧⲃⲉ ⲧⲉⲩⲙⲛ︤ⲧ︥-
ϩⲏⲕⲉ • ⲁϥⲧⲱⲣⲡ̄ • ⲙ ⲡⲉϥⲏⲓ • ϩⲁ ⲣⲟⲟⲩ ⲙⲏ ⲛ ⲟⲩⲛⲟⲃⲉ
ⲁⲛ • ⲡⲉ ⲡⲁⲓ • ⲛⲧⲁϥⲁⲁϥ • ⲛ̄ⲧⲟⲕ ϩⲱⲱⲕ • ⲁⲕⲉⲓ • ⲉ ⲡⲉⲓ
ⲙⲁ • ϫⲉ ⲉⲓⲉⲣ ⲡⲁϩⲣⲉ • ⲉ ⲛⲉⲓ ⲣⲱⲙⲉ • ⲉⲧ ϣⲱⲛⲉ • ⲙ‐
ⲛⲧⲕ̄ ⲟⲩϩⲓⲁⲧⲣⲟⲥ • ⲣⲱ ⲡⲁ ⲉⲓⲱⲧ ⲇⲉ • ⲁϥⲁⲛⲉⲭⲉ ϣⲁⲛ‐
ⲧⲉϥϫⲱ ⲛⲛⲉϥϣⲁϫⲉ • ⲧⲏⲣⲟⲩ • ⲡⲉϫⲁϥ ⲛⲁϥ • ϫⲉ ⲛⲧⲟⲕ
ⲣⲱ ⲛⲅ̄ ⲙⲡϣⲁ • ⲁⲛ • ⲉ ⲟⲩⲱϣ︦ⲃ︦ • ⲛⲁⲕ • ⲧⲉⲛⲟⲩ ϫⲉ •
ϯⲡⲁⲣⲁⲛⲅⲉⲗⲉ ⲛⲁⲕ • ϩⲙ̄ ⲡⲣⲁⲛ • ⲙ ⲡⲉⲭ︤ⲥ︥ ⲡⲉⲛⲧ
ⲁⲩⳀⲟⲩ • ⲙ̄ⲙⲟϥ • ⲉ ⲧⲣ︦ⲕ︦ⲉⲓ • ⲉⲃⲟⲗ • ⲛ̄ • ▨▨▨▨▨ⲡⲇⲁⲓ‐
ⲙⲟⲛⲓⲟⲛ ⲇⲉ • ⲛ ⲧⲉⲣ ϥ̄ⲥⲱⲧⲙ̄▨▨▨▨▨▨▨▨▨▨▨▨ⲛ
▨▨|ⲛϥⲓ ⲡⲣⲱⲙⲉ • ⲛ︦ϥ︦ⲡⲱⲧ • ⲧⲟⲧⲉ • ⲡⲡⲉⲧ ⲟⲩⲁⲁⲃ ⲁϥⲙⲉϩ
ⲧⲉϥϭⲓϫ • ⲙⲙⲟⲟⲩ • ⲁϥⲛⲟϫⲥ̄ • ⲉ ϩⲟⲩⲛ • ϩⲙ̄ ⲡⲉϥϩⲟ •
ⲛϣⲟⲙⲛ︦ⲧ︦ • ⲛⲥⲟⲡ ⲉϥϫⲱ ⲙⲙⲟⲥ • ϫⲉ ϩⲙ̄ ⲡⲣⲁⲛ • ⲛ
ⲧⲉⲧⲣⲓⲁⲥ • ⲉⲧ ⲟⲩⲁⲁⲃ • ⲁⲙⲟⲩ • ⲉ ⲃⲟⲗ • ⲛ̄ϩⲏⲧϥ̄ • ⲡⲇⲁⲓ‐
ⲙⲟⲛⲓⲟⲛ • ⲇⲉ • ⲁϥⲉⲓ ⲉ ⲃⲟⲗ • ⲡⲉϫⲉ ⲡⲡⲉⲧ ⲟⲩⲁⲁⲃ • ⲛⲁϥ •
ϫⲉ ⲃⲱⲕ • ⲛⲁⲕ • ⲉ ⲧⲃⲁⲃⲩⲗⲱⲛ ⲛ ⲛⲉⲭⲁⲗⲇⲁⲓⲟⲥ • ⲛⲅ̄
ϭⲱ ϩⲙ̄ ⲡⲙⲁ • ⲉⲧ ⲙ̄ⲙⲁⲩ ϣⲁ ⲡⲉϩⲟⲟⲩ • ⲙ ⲡϩⲁⲡ • ⲉⲧ
ⲉⲣⲉ ⲡⲟⲩⲁ • ⲡⲟⲩⲁ ⲛⲁϫⲓ • ⲕⲁⲧⲁ ⲛⲉⲛⲧ ⲁϥⲁⲁϥ • ⲛⲧⲟⲕ
ϩⲱⲱⲕ • ⲥⲉⲛⲁⲛⲟϫⲕ̄ • ⲉ ⲡϣⲓⲕ • ⲛ ⲁⲙⲛ̄ⲧⲉ • ⲡⲇⲁⲓⲙⲟ‐
ⲛⲓⲟⲛ ⲇⲉ • ⲛ̄ ⲧⲉⲣ ϥ̄ⲥⲱⲧⲙ̄ • ⲉ ⲛⲁⲓ • ⲁϥⲃⲱⲕ • ⲉϥϭⲟⲛ︦ⲧ︦ •
ⲡⲣⲱⲙⲉ • ⲇⲉ • ⲛ ⲧⲉⲣⲉ ⲡⲉϥϩⲏⲧ • ⲥⲙ̄ⲛⲧ︦ϥ︦ ⲉ ⲣⲟϥ • ⲁϥϯ
ⲉⲟⲟⲩ • ⲙ ⲡⲛⲟⲩⲧⲉ • ⲙⲛ̄ ⲛⲉϥⲉⲓⲟⲧⲉ • ⲙⲛ̄ ⲟⲩⲟⲛ • ⲛⲓⲙ
ⲉⲧ ⲙⲟⲟϣⲉ ⲛⲙ̄ⲙⲁϥ • ⲧⲟⲧⲉ ⲁⲩⲡⲁⲣⲁⲕⲁⲗⲉⲓ • ⲙ ⲡⲡⲉⲧ
ⲟⲩⲁⲁⲃ • ⲉ ⲧⲣ︦ϥ︦ϫⲓ ⲛ ⲟⲩⲗⲁⲁⲩ • ⲛⲧⲟϥ ⲇⲉ • ⲙⲡⲉ
ϥⲁⲛⲉⲭⲉⲓ ⲉ ⲃⲟⲗ • ϫⲉ ⲙⲡⲉ ϥϫⲓ ⲟⲩⲗⲁⲁⲩ • ⲛ ϯⲙⲓⲛⲉ •


### 0060

ϫⲓⲛ ⲧⲁϥⲣ̄ ⲙⲟⲛⲟⲭⲟⲥ • ⲉⲛⲉϣⲁϥϫⲟⲟⲥ ⲉ ⲣⲟⲓ ⲛ̄ϩⲁϩ
ⲛ̄ⲥⲟⲡ • ϫⲉ ⲙⲡ︦ⲣ︦ ϭⲱϣⲧ̄ • ⲛⲥⲁ ⲛⲉϩⲃⲏⲩⲉ • ⲙ̄ ⲡⲉⲓ ⲕⲟⲥ‐
ⲙⲟⲥ • ⲛⲁⲓ • ⲉⲧⲉ ⲛⲥⲉⲛⲁϯ ϩⲏⲩ • ⲁⲛ ⲛ ⲗⲁⲁⲩ • ⲁⲗⲗⲁ •
ⲛ̄ ϩⲟⲥⲟⲛ • ⲟⲩⲛ̄ⲧⲁⲛ • ⲙⲙⲁⲩ ⲛ ⲧⲉϩⲣⲉ ⲙⲛ̄ ⲑⲃ̄ⲥⲱ • ⲛⲁⲓ •
ⲛⲁⲣⲱϣⲉ • ⲉ ⲣⲟⲛ • ⲕⲁⲓ ⲅⲁⲣ • ⲁ ⲡⲉⲛⲥ︦ⲏ︦ⲣ︦ • ϫⲟⲟⲥ • ⲛ̄
ⲛⲉϥⲁⲡⲟⲥⲧⲟⲗⲟⲥ • ϫⲉ ⲙⲡⲣ̄ ϫⲡⲟ ⲛⲏⲧⲛ̄ • ⲛ ⲟⲩⲛⲟⲩⲃ •
ⲏ ⲟⲩ ϩⲁⲧ • ⲟⲩⲇⲉ • ϩⲟⲙⲛ︦ⲧ︦ • ϩⲛ̄ • ⲛⲉⲧⲛ̄ⲙⲟⲕϫ (sic) • ⲉ ⲧⲃⲉ •
ⲡⲁⲓ • ϣϣⲉ • ⲉ ⲡⲙⲟⲛⲟⲭⲟⲥ • ⲉ ⲧⲣⲉϥⲙⲟⲟϣⲉ | ϩ︦ⲛ︦ ⲟⲩ‐
ⲥⲙⲟⲧ • ⲛ ϯⲙⲓⲛⲉ • ⲙⲛ̄ ⲟⲩⲃⲓⲟⲥ • ⲉⲛⲁⲛⲟⲩϥ Ⲉⲡⲉⲓ ⲇⲏ •
ⲁⲩⲁⲡⲟⲧⲁⲥⲥⲉ • ⲙ ⲡⲉⲓ ⲕⲟⲥⲙⲟⲥ • ⲁⲩⲟⲩⲁϩⲟⲩ • ⲛ̄ⲥⲁ
ⲡϫⲟⲉⲓⲥ • ⲁⲥϣⲱⲡⲉ ⲇⲉ ⲙⲛ̄ⲛⲥⲁ ⲛⲁⲓ • ⲁϥⲧⲱⲟⲩⲛ • ⲛ̄ϭⲓ
ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣ︦ⲱ︦ⲛ︦ ⲁϥⲙⲟⲟϣⲉ • ⲉ ϩⲟⲩⲛ • ϩ︦ⲙ︦
ⲡⲓⲁ • ⲁⲛⲟⲕ • ⲇⲉ ⲁϥϩⲱⲛ ⲉ ⲧⲟⲟⲧ • ⲉϥϫⲱ ⲙⲙⲟⲥ • ϫⲉ
ϩⲙⲟⲟⲥ ⲛⲁⲕ • ⲙ ⲡⲉⲓ ⲙⲁ • ⲉⲣϣⲁⲛ ⲟⲩⲣⲱⲙⲉ • ⲉⲓ ⲉϥ‐
ϣⲓⲛⲉ ⲛⲥⲱⲓ • ⲁϫⲓⲥ ⲛⲁϥ • ϫⲉ ⲁϥⲃⲱⲕ • ⲉ ϭⲙ̄ⲡϣⲓⲛⲉ ⲛ̄
ⲟⲩⲥⲟⲛ • ⲧⲁⲓ ⲅⲁⲣ ⲧⲉ ⲧⲉϥⲡⲟⲗⲩϯⲁ • ⲉⲧ ⲉϥⲉⲓⲣⲉ ⲙⲙⲟⲥ •
ⲉϥϣ︦ⲁ︦ⲛ︦ⲡⲱϩ • ⲉ ⲧⲉⲡⲣⲱ • ϣⲁϥϩⲱⲣⲡ̄ • ⲛ̄ ⲧⲉϥⲗⲩⲃⲩ‐
ⲧⲱⲛ • ⲙⲙⲟⲟⲩ • ⲛⲥ̄ⲧⲁⲁⲥ ϩⲓⲱⲱϥ • ⲛϥ̄ⲁⲁϩ ⲉⲣⲁⲧϥ̄ • ⲉ
ϯⲱ̄ⲧⲉ • ⲛϥ̄ⲣ ⲧⲉⲩϣⲏ • ⲧⲏⲣ︤ⲥ︥ ⲉϥϣⲗⲏⲗ ⲉⲣϣⲁⲛ ϩⲧⲟⲟⲩⲉ •
ϣⲱⲡⲉ • ϣⲁϥⲃⲱⲕ • ⲉ ϩⲟⲩⲛ ϩⲁ ϩⲉⲛϩⲟⲕⲟⲟϩ (sic)• ⲙ ⲡⲉⲧⲣⲁ •
ⲉⲩⲱϭ︦ⲃ︦ • ⲉⲛⲉⲙⲉϥϯ ⲙⲧⲟⲛ • ⲛⲁϥ • ϩⲱⲗⲱⲥ • ⲙ ⲡⲉ‐
ϩⲟⲟⲩ • ⲙⲛ̄ ⲧⲉⲩϣⲏ • ϩⲙ̄ ⲡϣⲱⲙ • ⲇⲉ ϩⲱⲱϥ • ϣⲁ‐
ϥⲁⲁϩ • ⲉⲣⲁⲧϥ̄ • ϩⲛ̄ ⲧⲙⲏⲏⲧⲉ • ⲙ ⲡⲕⲁⲩⲙⲁ • ⲛϥ̄ϣⲗⲏⲗ •
ⲁϥⲣ̄ ⲡⲉϥⲟⲩⲟⲉⲓϣ • ⲧⲏⲣϥ̄ • ⲉϥⲙⲏⲛ ⲉⲃⲟⲗ • ϩⲛ̄ ⲛⲉⲓ ⲛⲟϭ •
ⲙ ⲡⲟⲗⲩϯⲁ • ⲁⲥϣⲱⲡⲉ • ⲇⲉ ⲛ ⲟⲩⲣⲟⲙⲡⲉ • ⲙⲡⲉ ⲁⲛⲁ‐
ⲃⲁⲥⲓⲥ • ϣⲱⲡⲉ ⲛ ⲧⲉⲛⲥⲱϣⲉ • ⲧⲏⲣⲟⲩ • ϫⲓ ⲙⲟⲟⲩ • ⲁⲩⲉⲓ •
ⲛϭⲓ ϩⲛ̄ ⲙⲏⲏϣⲉ • ⲛ̄ϩⲏⲕⲉ • ⲁⲩⲣⲓⲙⲉ • ⲉ ϩⲟⲩⲛ • ⲉ ⲣⲟϥ
ⲉⲩϫⲱ ⲙⲙⲟⲥ • ϫⲉ ⲡⲉⲛⲉⲓⲱⲧ • ⲉⲧ ⲟⲩⲁⲁⲃ ⲛ̄ⲛⲁⲙⲟⲩ •
ⲙⲛ̄ ⲛⲉⲛϣⲏⲣⲉ • ϫⲉ ⲙⲡⲉ ⲧⲁⲛⲁⲃⲁⲥⲓⲥ • ϣⲱⲡⲉ • ⲡⲉϫⲁϥ •
ⲛⲁⲩ ϫⲉ ⲡⲓⲥⲧⲉⲩⲉ▨▨▨▨▨▨▨▨▨▨▨▨▨▨▨▨▨▨
▨▨▨▨▨▨▨▨▨▨▨▨▨▨▨▨▨▨▨ | ϫⲉ ⲡⲉϣⲗⲏⲗ •
ⲙ ⲡϩⲏⲕⲉ • ⲉϥϣⲁⲛⲙ̄ⲕⲁϩ • ⲛ̄ϩⲏⲧ ϣⲁϥⲡⲱϩⲧ̄ • ⲙ ⲡⲉϥ‐
ⲥⲟⲡⲥ︤ⲡ︥ • ⲙⲡⲙⲧⲟ • ⲉ ⲃⲟⲗ • ⲙ̄ ⲡϫⲟⲉⲓⲥ • ⲉⲓⲧⲁ • ⲟⲛ ϫⲉ ⲁ
ⲡϫⲟⲉⲓⲥ ⲥⲱⲧⲙ̄ • ⲉ ⲡⲟⲩⲱϣ • ⲛ̄ ⲛ̄ϩⲏⲕⲉ • ⲁϥϫⲱ ⲉ ⲣⲟⲟⲩ


### 0061

ⲟⲛ • ⲛ̄ϩⲉⲛⲕⲉ ⲙⲏⲏϣⲉ • ⲛϣⲁϫⲉ ⲛ̄ⲧⲉ ⲛⲉⲅⲣⲁⲫⲏ •
ⲉϥⲃⲱⲗ • ⲙ̄ⲙⲟⲟⲩ • ⲉ ⲣⲟⲟⲩ • ⲁⲩⲱ ⲉϥⲥⲟⲗⲥ︦ⲗ︦ • ⲙⲙⲟⲟⲩ •
ⲁⲩⲱ ⲧⲁⲓ ⲧⲉ ⲑⲉ • ⲛⲧⲁⲩⲃⲱⲕ ⲉ ⲃⲟⲗ • ϩⲓ ⲧⲟⲟⲧ︦ϥ︦ • ⲉⲩⲥⲙⲟⲩ
ⲉ ⲡⲛⲟⲩⲧⲉ • ⲡⲡⲉⲧ ⲟⲩⲁⲁⲃ • ⲇⲉ ⲁⲡⲁ ϩⲁⲣⲱⲛ • ⲙⲡⲉ
ϥⲁⲙⲉⲗⲉⲓ • ⲉ ⲡⲉⲩϩⲱϣ • ⲁⲗⲗⲁ • ⲛⲉϣⲁϥⲃⲱⲕ ⲉ ⲡⲉⲓⲉⲣⲟ •
ⲕⲁⲧⲁ ⲟⲩϣⲏ ⲛϥ̄ⲟⲩⲱⲙⲥ̄ • ⲉ ϩⲣⲁⲓ ϣⲁ ⲡⲉϥⲙⲁⲕϩ̄ •
ⲛ︦ϥ︦ⲥⲟⲡⲥⲡ̄ • ⲙ̄ ⲡⲛⲟⲩⲧⲉ • ⲉϥϫⲱ • ⲙⲙⲟⲥ • ϫⲉ ⲡⲉⲭⲥ̄ •
ⲡⲁⲅⲁⲑⲟⲥ • ϣⲛ̄ϩⲧⲏⲕ • ⲱ̄ ⲡϣⲛ̄ϩⲧⲏϥ • ϩⲁ ⲡⲉⲕⲉⲓⲛⲉ • ⲙⲛ̄
ⲧⲉⲕϩⲓⲕⲱⲛ ⲉⲛⲉⲁϥϭⲱ ⲅⲁⲣ • ⲉϥⲙⲏⲛ • ⲉ ⲃⲟⲗ • ⲛϯϩⲉ •
ϣⲁⲛⲧⲉ ⲡⲛⲟⲩⲧⲉ ϣⲛ̄ϩⲧⲏϥ • ϩⲁ ⲛⲉϥⲣⲙ̄ⲉⲓⲟⲟⲩⲉ • ⲛ︤ϥ︥ⲧⲣⲉ‐
ⲡⲙⲟⲟⲩ • ⲉⲓ ⲉϫⲙ̄ ⲡϩⲟ ⲙ ⲡⲕⲁϩ • ⲧⲏⲣ︦ϥ︦ • Ⲁⲥϣⲱⲡⲉ ⲇⲉ
ⲟⲛ • ⲛ ⲟⲩⲣⲟⲙⲡⲉ • ⲁ ϩⲉⲛⲣⲱⲙⲉ • ⲉⲓ ϣⲁ ⲣⲟϥ • ⲉⲩϫⲉⲕ
ϯⲟⲩ • ⲕⲁⲧⲁ ⲑⲉ ⲉⲧ ⲉⲣⲉ ⲧϩⲓⲥⲧⲟⲣⲓⲁ • ⲛⲁⲧⲁⲙⲟⲛ •
ⲉⲛϣⲁⲛⲙⲟⲟϣⲉ • ⲉⲑⲏ • ⲛ ⲧⲉⲣ ⲟⲩϭⲱ • ⲇⲉ ⲉⲩⲥⲟⲡⲥⲡ̄
ⲙⲙⲟϥ • ⲉ ⲧⲣ︦ϥ︦ⲧⲱⲃϩ̄ • ⲙ̄ ⲡⲉⲭⲥ̄ • ⲛϥ̄ⲧⲛⲛⲟⲟⲩ • ⲛⲁⲩ •
ⲙ ⲡⲙⲟⲟⲩ ⲉ ⲧⲃⲉ • ⲧⲁⲛⲁⲃⲁⲥⲓⲥ • ⲛ̄ ⲛ̄ⲣⲱⲙⲉ • ⲉ ⲃⲟⲗ • ϫⲉ
ⲉⲩϣⲧⲣ̄ⲧⲱⲣ • ⲉ ⲃⲟⲗ • ϫⲉ • ⲁ ⲡⲕⲁⲓⲣⲟⲥ • ⲙ ⲡⲙⲟⲩϩ ⲙ
ⲡⲙⲟⲟⲩ • ⲟⲩⲉⲓⲛ • ⲛ̄ⲧⲟⲟⲩ • ⲇⲉ • ⲁⲩϭⲱ ⲉⲩⲣⲓ̈ⲙⲉ •▨▨▨
▨▨▨▨▨▨▨▨ⲁϥ▨▨▨▨▨▨▨▨▨▨▨Ϩⲏⲧϥ̄▨▨▨
▨▨▨▨▨▨▨▨ | ⲉϥϫⲱ ⲙⲙⲟⲥ • ϫⲉ ⲡⲛⲟⲩⲧⲉ • ⲙⲡ︦ⲣ︦
ⲕⲱ ⲛⲥⲱⲕ ⲛ ⲛⲉϩⲃⲏⲩⲉ ⲛ̄ ⲛⲉⲕϭⲓϫ • ⲛ̄ⲣⲱⲙⲉ ⲙⲛ̄
ⲛⲧ︦︦ⲃ︦ⲛⲛⲟⲟⲩⲉ • ⲕⲁⲓ ⲅⲁⲣ ⲛⲧⲁⲕⲥⲟⲛⲧ︦ⲛ︦ • ⲧⲏⲣⲛ̄ ϩ︦ⲙ︦ ⲡⲉⲕ •
ⲥⲛⲟϥ • ⲉⲁ ⲕⲕⲁⲧⲁⲝⲓⲟⲩ • ⲙⲙⲟⲕ • ⲁⲕⲉⲓ • ⲉ ⲡⲕⲟⲥⲙⲟⲥ •
ⲁⲩϫⲡⲟⲕ • ϩⲱⲥ ⲣⲱⲙⲉ • ⲉ ⲧⲃⲉ ⲡⲉⲛⲟⲩϫⲁⲓ • ⲧⲛ̄ⲥⲟⲟⲩⲛ •
ϫⲉ ⲙⲛ̄ ⲗⲁⲁⲩ • ⲟ ⲛ ⲁⲧ ϭⲟⲙ ⲛ ⲛⲁϩⲣⲁⲕ • ⲡⲛⲟⲩⲧⲉ •
ⲙⲡⲣ̄ ⲣ̄ ⲡⲱⲃ︦ϣ︦ • ⲛ ⲧⲉⲯⲩⲭⲏ • ⲛ̄ ⲛ̄ϩⲏⲕⲉ • ⲙⲏⲡⲟⲧⲉ ⲛⲥⲉⲣ̄
ⲛⲟⲃⲉ • ϩⲛ̄ ⲛⲉⲩⲥⲡⲟⲧⲟⲩ • ⲙ̄ ⲡⲉⲕⲙⲧⲟ • ⲉ ⲃⲟⲗ • ϯⲉⲓⲣⲉ
ⲅⲁⲣ • ⲙ ⲡⲙⲉⲉⲩⲉ • ⲙ ⲡⲉⲛⲧⲁ ⲡⲥⲟⲫⲟⲥ • ⲥⲟⲗⲟⲙⲱⲛ •
ϫⲟⲟϥ • ϫⲉ ⲙⲡⲣ̄ ϯ ⲛⲁⲓ • ⲛ ⲟⲩⲙⲛ︤ⲧ︦ⲣ︦ⲙ︥ⲙⲁⲟ • ⲙⲛ
ⲟⲩⲙ︦ⲛ︦ⲧ︦ϩⲏⲕⲉ • ⲁⲩⲱ ϩⲟⲧⲁⲛ ⲉϥϣⲁⲛⲉⲓⲛⲉ ⲙ ⲡⲙⲟⲟⲩ • ⲙ
ⲡⲉⲓⲉⲣⲟ • ⲉ ϩⲣⲁⲓ • ⲉϥⲉⲓⲛⲉ • ⲙⲙⲟϥ • ⲁⲛ • ⲉ ⲧⲃⲉ
ⲧⲛ̄ⲁⲛⲁⲡⲁⲩⲥⲓⲥ • ⲙⲁⲩⲁⲁⲛ • ⲟⲩⲉⲛϭⲟⲙ • ⲅⲁⲣ • ⲙ
ⲡⲛⲟⲩⲧⲉ • ⲉ ⲧⲣⲉⲡⲉϥⲥⲱⲛ︦ⲧ︦ • ⲧⲏⲣϥ̄ ϩⲉ ⲉ ⲧⲉⲭⲣⲓⲁ • ⲛ̄
ⲧⲉⲩϭⲓⲛⲱⲛ︦ϩ︦ ⲁⲗⲗⲁ • ⲛⲧⲁ ⲡⲛⲟⲩⲧⲉ • ⲕⲁ ⲡϩⲏⲕⲉ • ⲉ


### 0062

ⲧⲣ︦ϥ︦ⲁⲓⲧⲉⲓ • ⲙ ⲡⲣ︦ⲙ︦ⲙ︦ⲁⲟ • ϫⲉ ⲕⲁⲥ • ⲉⲣϣⲁⲛ ⲡⲣ︦ⲙ︦ⲙⲁⲟ
ⲣ̄ ⲡⲛⲁ • ⲉⲩⲣ̄ ⲡⲛⲁ • ⲛⲙ̄ⲙⲁϥ • ⲙ ⲡⲉϩⲟⲟⲩ ⲙ ⲡⲉϥϭⲙ̄
ⲡϣⲓⲛⲉ • ⲡϩⲏⲕⲉ ⲇⲉ ϩⲱⲱϥ • ⲉϥϣⲁⲛⲧⲱⲟⲩⲛ • ϩⲁ
ⲧⲉϥⲙ︦ⲛ︦ⲧ︦ϩⲏⲕⲉ • ⲉϥⲛⲁⲃⲱⲕ • ⲉ ⲧⲙⲛ̄ⲧⲉⲣⲟ▨▨▨ϩⲛ︤▨▨▨
▨▨ⲧ▨▨▨▨▨▨▨▨▨▨▨▨▨▨▨▨▨▨▨▨▨▨▨▨
▨▨▨▨▨▨▨▨▨▨▨▨▨▨▨▨▨▨▨▨▨▨▨▨▨▨ |
ⲧⲉ ⲧ︦ⲙ︦ⲛ︦ⲧ︦ⲉⲣⲟ • ⲛⲙ̄ⲡⲏⲩⲉ • ⲡⲣⲱⲙⲉ ⲛ︦ⲛ︦ⲁⲏⲧ ⲉϥⲧⲛ̄ⲧⲱⲛ •
ⲉ ⲧⲉϭⲗⲟⲟϭⲉ • ⲛⲧⲁ ⲓⲁⲕⲱⲃ • ⲛⲁⲩ ⲉ ⲣⲟⲥ ⲉⲣⲉ ⲣⲁⲧⲥ̄ •
ⲧⲁϫⲣⲏⲩ • ⲉϫⲙ̄ ⲡⲕⲁϩ • ⲉⲣⲉ ⲧⲉⲥⲁⲡⲉ • ⲡⲏϩ • ϣⲁ ϩⲣⲁⲓ •
ⲉⲧⲡⲉ • ⲉⲣⲉ ⲛⲁⲅⲅⲉⲗⲟⲥ • ⲙ ⲡⲛⲟⲩⲧⲉ • ⲧⲁϫⲣⲏⲩ ⲉ ϫⲱⲥ •
ⲉⲧⲉ ⲡⲁⲓ ⲡⲉ ⲡⲉⲓⲱⲧ • ⲙ ⲡⲛⲁ • ⲁⲛⲁⲩ ϫⲉ ⲛⲧⲁϥϫⲟⲟⲥ ϫⲉ
ⲛⲉⲓ ⲕⲟⲩⲓ • ⲉⲧⲉ ⲛⲁⲓ ⲛⲉ • ⲉⲩⲥⲟⲃ︦ⲕ︦ • ⲛⲑⲉ ⲟⲛ ⲛ̄ⲧⲁϥϫⲟⲟⲥ
ϫⲉ ⲉⲕϣⲁⲛⲉⲓⲣⲉ • ⲛ̄ ⲟⲩⲁⲣⲓⲥⲧⲟⲛ • ⲏ ⲟⲩⲇⲓⲡⲛⲟⲛ • ⲙⲡⲣ̄
ⲙⲟⲩⲧⲉ • ⲉ ⲛⲉⲕϣⲃⲏⲣ • ⲟⲩⲇⲉ ⲛⲉⲕⲥⲩⲛⲅⲉⲛⲏⲥ • ⲁⲗⲗⲁ •
ⲧⲱϩ︦ⲙ︦ • ⲛ̄ ⲛ̄ϩⲏⲕⲉ ⲙⲛ̄ ⲛ︦ⲃ︦ⲗ︦ⲗⲉ • ⲙⲛ̄ ⲛ̄ϭⲁⲗⲉ • ϫⲉ ⲙⲛ̄
ⲧⲁⲩ ⲗⲁⲁⲩ ⲙⲙⲁⲩ • ⲛϣⲃ︦ⲃ︦ⲓ︦ⲱ • ⲛⲥⲉⲧⲱⲱⲃⲟⲩ • ⲛⲁⲕ •
ⲥⲉⲛⲁⲧⲟⲃⲟⲟⲩ ⲅⲁⲣ ⲛⲁⲕ • ϩⲛ̄ ⲧⲁⲛⲁⲥⲧⲁⲥⲓⲥ • ⲛ︦ⲛ︦ⲇⲓⲕⲁⲓⲟⲥ •
ⲁⲩⲱ ⲕⲁⲛ • ⲉϣϫⲉ ⲙ︦ⲛ︦ϭⲟⲙ ⲙⲙⲟⲕ ⲉ ⲁⲗⲉ • ⲉ ϩⲣⲁⲓ •
ⲉϫⲛ̄ ⲧⲁⲡⲉ • ⲛ ⲧⲉϭⲗⲟⲟϭⲉ • ⲉⲧⲉ ⲡⲁⲓ ⲡⲉ • ⲉ ⲧⲣ︦ⲛ︦ϯ • ϩⲛ̄
ⲟⲩⲱⲱⲗⲉ • ⲛⲧⲛ̄ϩⲉ ⲉ ⲡⲛⲁ • ⲉⲧ ϫⲏⲕ • ⲉ ⲃⲟⲗ • ⲉ ⲧⲃⲉ ⲡⲁⲓ •
ⲙⲁⲣ︦ⲛ︦ⲛⲁ • ϫⲉ ⲡⲛⲁ • ϣⲁϥϣⲟⲩϣⲟⲩ • ⲙⲙⲟϥ • ϩⲓϫⲛ̄
ⲧⲉⲕⲣⲓⲥⲓⲥ • ⲛⲁⲓ ⲇⲉ ⲛ ⲧⲉⲣ ϥ̄ϫⲟⲟⲩ • ⲛ̄ϭⲓ ⲡⲡⲉⲧ ⲟⲩⲁⲁⲃ •
ⲁⲡⲁ ϩⲁⲣⲱⲛ • ⲁϥϣⲗⲏⲗ • ⲁϥⲕⲁⲁⲩ ⲉ ⲃⲟⲗ • ϩⲛ̄ ⲟⲩ‐
ⲉⲓⲣⲏⲛⲏ • ϫⲉ ⲡⲛⲟⲩⲧⲉ ⲛⲁⲧⲣⲉ ⲡⲉⲓⲉⲣⲟ • ⲙⲟⲩϩ ⲙⲙⲟⲟⲩ •
ⲛ︦ϥ︦ⲉⲛⲧϥ̄ • ⲉ ⲛⲉϥϣⲓ • ⲙⲡⲣ̄ ⲣ̄ ϩⲟⲧⲉ • ⲟⲩⲇⲉ • ⲙⲡⲣ̄ ⲣ̄ ⲁⲧ
ⲛⲁϩⲧⲉ • ⲛⲧⲉⲧⲛ̄ϫⲟⲟⲥ ϫⲉ ⲁⲡⲥⲏⲩ • ⲙ ⲡⲙⲟⲩϩ • ⲙ ⲡⲙⲟⲟⲩ •
ⲟⲩⲉⲓⲛⲉ • ⲁⲗⲗⲁ ⲡⲓⲥⲧⲉⲩⲉ • ⲛ̄ⲧⲟϥ | ϫⲉ ⲟⲩⲛϭⲟⲙ • ⲙ
ⲡⲛⲟⲩⲧⲉ • ⲉ ϩⲱⲃ • ⲛⲓⲙ • ⲁⲩⲧⲱⲟⲩⲛ ⲇⲉ • ⲁⲩⲃⲱⲕ • ϩⲛ̄
ⲟⲩⲉⲓⲣⲏⲛⲏ • ϩ︦ⲛ︦ ⲧⲉⲩϣⲏ ⲇⲉ • ⲉⲧ ⲛⲏⲩ • ⲁϥⲃⲱⲕ • ⲉϫⲙ̄
ⲡⲓⲉⲣⲟ • ⲁϥϣⲗⲏⲗ ⲉϥϫⲱ ⲙ̄ⲙⲟⲥ • ϫⲉ ⲡϫⲟⲉⲓⲥ ⲛⲧⲟⲕ
ⲡⲉⲛⲥⲁϥ ⲡⲉ • ⲁⲩⲱ ⲛⲧⲟⲕ • ⲟⲛ • ⲙ̄ⲡⲟⲟⲩ • ⲁⲩⲱ ⲟⲛ • ϣⲁ
ⲛⲓⲉⲛⲉϩ • ⲛⲧⲟⲕ ⲡⲉⲛⲧ ⲁⲕⲡⲱϩ • ⲛ̄ ⲟⲩⲡⲉⲧⲣⲁ • ⲁ ϩⲉⲛⲙⲟⲟⲩ •
ⲉⲓ ⲉ ⲃⲟⲗ • ⲁⲕⲧⲥⲟ ⲛ̄ ⲟⲩⲗⲁⲟⲥ ⲁⲩⲱ ⲛ ⲧⲉⲣⲉ ⲥⲁⲙⲯⲱⲛ •
ⲉⲓⲃⲉ ⲁⲕⲧⲣⲉ ⲟⲩⲙⲉⲣ ⲟⲩⲟⲓϭⲉ • ⲛⲉⲓⲱ̄ • ⲧⲁⲩⲉ ⲙⲟⲟⲩ • ⲉ


### 0063

ⲃⲟⲗ • ⲁⲥⲧⲁⲗϭⲟ • ⲙ ⲡⲉϥⲉⲓⲃⲉ • ⲉ ⲧⲃⲉ ⲡⲁⲓ ϯⲥⲟⲡⲥ︦ⲡ︦
ⲙⲙⲟⲕ • ⲙⲡⲟⲟⲩ ϫⲉ ⲕⲁⲥ • ⲉⲕⲉⲧⲛ̄ⲛⲟⲟⲩ • ⲙ̄ ⲡⲙⲟⲟⲩ •
ⲙ ⲡⲉⲓⲉⲣⲟ • ⲉ ϩⲣⲁⲓ • ⲉϫⲙ̄ ⲡⲕⲁϩ ⲧⲏⲣ︦ϥ︦ ϫⲉ ⲕⲁⲥ ⲉⲣⲉ
ⲛϩⲏⲕⲉ • ⲙ ⲡⲉⲕⲗⲁⲟⲥ ⲛⲁϩⲉ • ⲉ ⲧⲉⲩⲧⲣⲟⲫⲏ • ⲛ̄ⲥⲉⲥⲙⲟⲩ •
ⲉ ⲣⲟⲕ • ⲙⲛ̄ ⲡⲉⲕⲣⲁⲛ ⲉⲧ ⲟⲩⲁⲁⲃ • ⲁⲩⲱ ⲁϥϫⲉⲕ ⲧⲉⲩϣⲏ •
ⲧⲏⲣ︦ⲥ︦ • ⲉ ⲃⲟⲗ • ⲉϥϣⲗⲏⲗ • ⲉϥⲥⲟⲡⲥⲡ̄ • ⲙ ⲡⲛⲟⲩⲧⲉ • ⲉ
ⲧⲃⲉ ⲡⲙⲟⲟⲩ • ⲙ ⲡⲉⲓⲉⲣⲟ ⲛϭⲓ ⲡⲡⲉⲧ ⲟⲩⲁⲁⲃ ⲁⲡⲁ ϩⲁⲣⲱⲛ •
ⲁⲩⲱ ⲧⲁⲓ ⲧⲉ ⲑⲉ ⲛⲧⲁ ⲡⲙⲟⲟⲩ ϭⲱ ⲉϥⲙⲟⲩϩ • ϩ︦ⲛ︦ ⲟⲩ‐
ⲙⲟⲩⲛ ⲉ ⲃⲟⲗ • ⲙⲡⲉ ϥⲉⲓ ⲉ ⲡⲁϩⲟⲩ • ⲛ̄ ⲟⲩϩⲟⲟⲩ • ϣⲁⲛ
ⲧⲉⲛⲥⲱϣⲉ • ⲧⲏⲣⲟⲩ ϫⲓ ⲙⲟⲟⲩ • ⲉ ⲁⲩⲛⲟϭ • ⲛϩⲩⲛⲟⲩϥⲉ •
ϣⲱⲡⲉ ⲛ ⲧⲉ ⲣⲟⲙⲡⲉ • ⲉⲧ ⲙ̄ⲙⲁⲩ • ϩⲓⲧⲛ̄ ⲛⲉϣⲗⲏⲗ ⲙ̄
ⲡⲡⲉⲧ ⲟⲩⲁⲁⲃ • ⲕⲁⲧⲁ ⲡⲡⲉⲧ ⲥⲏϩ • ϫⲉ ⲡⲥⲟⲡⲥⲡ̄ ⲙ̄ ⲡⲇⲓ‐
ⲕⲁⲓⲟⲥ • ϭⲙϭⲟⲙ • ⲁⲩⲱ ϥⲉⲛⲉⲣⲅⲉⲓ ⲉϣⲁⲛϩⲓ • ⲧⲟⲟⲧ •
ⲉ ⲧⲁⲩⲉ ⲛⲉϥⲙⲁⲉⲓⲛ • ⲧⲏⲣⲟⲩ▨▨▨▨▨▨▨▨▨▨ⲛⲟⲩⲧⲉ •
ⲉⲛⲉⲣⲅⲉⲓ▨▨▨▨▨▨▨▨▨▨▨▨▨[ⲡⲡⲉⲧ ⲟⲩ]ⲁⲁⲃ | ⲁⲡⲁ
ϩⲁⲣⲱⲛ ⲡϣⲁϫⲉ • ⲛⲁⲟⲩⲱϣ︤ⲥ︥ • ⲉ ⲃⲟⲗ • ⲉ ⲡⲉϩⲟⲩⲟ • ⲁⲥ‐
ϣⲱⲡⲉ ⲇⲉ ⲛⲟⲩϩⲟⲟⲩ • ⲉϥϩⲙⲟⲟⲥ • ⲉⲣⲉ ϩⲉⲛⲣⲱⲙⲉ •
ⲥⲟⲟⲩϩ • ⲉ ⲣⲟϥ • ⲁϥⲉⲓ ⲛϭⲓ ⲟⲩⲣⲱⲙⲉ • ⲛ̄ ϩⲏⲕⲉ • ⲉⲣⲉ
ⲟⲩⲉⲣⲧⲁⲩ • ⲛⲉⲓⲱⲧ • ⲧⲁⲗⲏⲩ ⲉ ⲣⲟϥ • ⲁϥⲡⲁⲣⲁⲕⲁⲗⲉⲓ
ⲙⲙⲟϥ • ⲉϥϫⲱ ⲙⲙⲟⲥ ϫⲉ ⲥⲙⲟⲩ • ⲉ ⲣⲟϥ • ⲛⲁⲓ • ⲡⲁ
ⲉⲓⲱⲧ • ⲉⲧ ⲟⲩⲁⲁⲃ • ⲛⲧⲁⲃⲱⲕ • ⲛⲧⲁⲧⲁⲙⲓⲟϥ • ⲛⲟⲉⲓⲕ • ⲛ̄
ⲛ̄ⲁϣⲏⲣⲉ • ϫⲉ ⲁⲛⲟⲕ • ⲟⲩⲣⲱⲙⲉ • ⲛ ϩⲏⲕⲉ • ⲡⲡⲉⲧ ⲟⲩⲁⲁⲃ
ⲇⲉ • ⲁⲡⲁ ϩⲁⲣⲱⲛ • ⲁϥⲙⲉϩ ⲡⲉϥϣⲱϥ︦ⲧ︦ ⲙⲙⲟⲟⲩ • ⲁϥ‐
ⲛⲟϫϥ̄ • ⲉϫⲙ̄ ⲡⲉⲣⲧⲁⲩ • ⲛⲉⲓⲱⲧ ⲉϥϫⲱ ⲙⲙⲟⲥ • ϫⲉ ⲃⲱⲕ •
ⲛⲅ̄ ⲧⲁⲙⲓⲟ ⲛⲛⲉⲕϣⲏⲣⲉ • ϩⲙ̄ ⲡⲣⲁⲛ • ⲙ ⲡⲉⲭ︦ⲥ︦ • ⲛⲧⲟϥ ⲇⲉ
ⲁϥϫⲓⲧϥ̄ ⲁϥⲃⲱⲕ • ⲁϥⲧⲁⲙⲓⲟϥ ⲁⲩⲛⲟϭ • ⲛ̄ ⲥⲙⲟⲩ • ϣⲱⲡⲉ
ⲛϩⲏⲧ︦ϥ︦ ⲡⲣⲱⲙⲉ ⲇⲉ • ⲁϥⲉⲓ ϣⲁ ⲣⲟⲛ • ⲉϥϯ ⲉⲟⲟⲩ • ⲙ
ⲡⲛⲟⲩⲧⲉ • ⲙⲛ̄ ⲡⲡⲉⲧ ⲟⲩⲁⲁⲃ ⲁⲡⲁ ϩⲁⲣⲱⲛ • ⲉⲓⲥ ϩⲏⲏⲧⲉ
ⲱ ⲡⲁ ⲥⲟⲛ • ⲡⲁⲡⲛⲟⲩⲧⲉ • ⲁⲓϫⲱ ⲉ ⲣⲟⲕ • ⲛ ϩⲉⲛⲕⲟⲩⲓ ⲉ
ⲃⲟⲗ ϩⲛ̄ ⲙⲡⲟⲗⲩϯⲁ • ⲙ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱ︦ⲛ︦ ⲉ
ⲃⲟⲗ ϫⲉ ⲁⲛⲅ̄ ⲟⲩⲗⲁⲥ ⲛ ⲥⲁ︦ⲣ︦ⲝ︦ • ⲙⲛ̄ϭⲟⲙ ⲙⲙⲟⲓ • ⲉ ϫⲱ •
ⲙ ⲡⲧⲁⲓⲟ • ⲛ ⲛⲉϥⲁⲣⲉⲧⲏ • Ⲧⲛⲁⲧⲁⲙⲟⲕ • ⲉ ⲧⲉϥϭⲓⲛ‐
ⲙⲧⲟⲛ • ⲉⲧ ⲟ ⲛ̄ϣⲡⲏⲣⲉ ⲉⲛⲉ ⲟⲩϩⲗ̄ⲗⲟ ⲡⲉ • ⲁϥⲁⲁⲓ • ϩⲛ̄
ⲛⲉϥϩⲟⲟⲩ • ⲁ ⲡⲉϥⲥⲱⲙⲁ • ⲁⲛϩⲁⲗⲓⲥⲕⲉ • ϩⲓⲧⲙ̄ ⲡⲉϩⲟⲩⲟ


### 0064

ⲛ ⲧⲁⲥⲕⲓⲥⲓⲥ • ⲁϥϣⲱⲛⲉ ⲇⲉ ⲛ ⲥⲟⲩ ϯⲟⲩ ⲙ ⲡⲁϣⲟⲛⲥ̄ •
ⲁⲩⲱ ⲙ̄ ⲡⲉϥⲣⲁⲥⲧⲉ ⲉⲧⲉ ⲥⲟⲩ ⲥⲟⲟⲩ ⲡⲉ • ⲁⲓⲥⲱⲧⲙ̄ • ⲉ ϩⲛ̄‐
ⲥⲙⲏ • ⲛⲧⲉ ϩⲛ̄ⲭⲟⲣⲟⲥ | ⲛⲁⲅⲅⲉⲗⲟⲥ ⲉⲩⲱϣ • ⲉ ⲃⲟⲗ • ϫⲉ
ⲙⲁⲕⲁⲣⲓⲟⲥ • ⲙⲁⲕⲁⲣⲓⲟⲥ • ⲙⲡⲉ ⲓⲉⲓⲉⲓⲙⲉ (sic) • ⲉ ⲡⲉⲧ ⲟⲩϫⲱ
ⲙⲙⲟϥ ⲁⲛⲟⲕ • ⲇⲉ ⲡⲁⲡⲛⲟⲩⲧⲉ • ⲡⲉϫⲁⲓ ⲛⲁϥ • ϫⲉ ⲡⲁⲓ ⲡⲉ
ⲡⲉϥⲃⲱⲗ • ϫⲉ ⲁⲩⲙⲁⲕⲁⲣⲓⲍⲉ • ⲙⲙⲟϥ • ϩ︦ⲛ︦ ⲙⲡⲏⲩⲉ • ⲛⲑⲉ
ⲛ̄ⲧⲁⲩⲙⲁⲕⲁⲣⲓⲍⲉ ⲙⲙⲟϥ • ϩⲓϫⲙ̄ ⲡⲕⲁϩ • ⲉⲛⲉⲩⲙⲏⲛ ⲇⲉ ⲉ
ⲃⲟⲗ • ⲛϯϩⲉ ϣⲁ ⲡⲛⲟϭ (sic)• ⲛϣⲱⲣⲡ̄ ⲛⲥⲟⲩ ⲯⲓⲥ ⲙ ⲡⲉⲃⲟⲧ •
ⲡⲁϣⲟⲛ︦ⲥ︦ • ⲙ ⲡⲛⲁⲩ • ⲇⲉ ⲛϫⲡ̄ ⲥⲁϣϥⲉ ⲙ ⲡⲉϩⲟⲟⲩ ⲉⲧ
ⲙ̄ⲙⲁⲩ • ⲁϥⲙⲧⲟⲛ ⲙⲙⲟϥ • ϩⲛ̄ ⲟⲩⲙⲛ︦ⲧ︦ϩⲗ̄ⲗⲟ • ⲉⲥⲕⲓⲱⲟⲩ •
ⲛϭⲓ ⲡⲡⲉⲧ ⲟⲩⲁⲁⲃ • ⲁⲡⲁ ϩⲁⲣⲱⲛ ⲁⲛⲟⲛ ⲇⲉ • ⲁⲛⲕⲱⲱⲥ •
ⲙ ⲡⲉϥⲥⲱⲙⲁ • ϩ︦ⲛ︦ ⲟⲩⲉⲟⲟⲩ ⲙⲛ̄ ⲟⲩϯⲙⲏ • ⲁⲛⲕⲁⲁϥ •
ϩⲁϩⲧⲛ̄ ⲡⲥⲱⲙⲁ • ⲛ̄ⲛⲉⲡⲓⲥⲕⲟⲡⲟⲥ • ⲉⲧ ⲟⲩⲁⲁⲃ • ⲛⲧⲁⲩ‐
ϣⲱⲡⲉ • ϩⲙ̄ ⲡⲓⲗⲁⲕ • ⲉⲧⲉ ⲁⲡⲁ ⲙⲁⲕⲉⲇⲱⲛⲓⲟⲥ ⲡⲉ • ⲙⲛ̄
ⲁⲡⲁ ⲙⲁⲣⲕⲟⲥ • ⲙⲛ̄ ⲁⲡⲁ ⲏⲥⲁⲓⲁⲥ • ⲧⲉⲛⲟⲩ ϭⲉ ⲡⲁ ⲥⲟⲛ
ⲡⲁⲡⲛⲟⲩⲧⲉ • ϣⲗⲏⲗ • ⲉ ϫⲱⲓ • ⲛⲧⲉ ⲡⲛⲟⲩⲧⲉ • ⲣ ⲟⲩⲛⲁ •
ⲛⲙ̄ⲙⲁⲓ • ⲛϥ̄ⲛ ⲧⲁ ϩⲁⲏ • ⲉ ⲃⲟⲗ • ϩ︦ⲙ︦ ⲡⲉⲓ ⲕⲟⲥⲙⲟⲥ •
ⲉⲥⲣⲁ • ⲛⲁϥ • ⲁⲛⲟⲕ ⲇⲉ • ⲡⲉϫⲁⲓ ⲛⲁϥ • ϫⲉ ⲁⲕⲣ ⲙⲡϣⲁ •
ⲛ ⲟⲩⲛⲟϭ • ⲛ ϩⲙⲟⲧ • ϫⲉ ⲁⲓⲥⲱⲧⲙ̄ • ⲉ ⲛⲉⲓ ⲡⲟⲗⲩϯⲁ •
ⲉ ⲃⲟⲗ • ϩⲓ ⲧⲟⲟⲧⲕ̄ ⲉⲛⲁ ⲡⲉⲓ ⲡⲉⲧ ⲟⲩⲁⲁⲃ • ⲉ ⲧⲃⲉ ⲡⲁⲓ •
ⲁⲛⲟⲕ ϩⲱ ϯⲛⲁⲥϩⲁⲓⲥⲟⲩ • ⲛⲧⲁⲕⲕⲁⲁⲟⲩ • ⲉ ϩⲣⲁⲓ • ⲉⲩⲡⲣⲟⲥ‐
ⲧⲁⲅⲙⲁ ⲛⲛⲅⲉⲛⲉⲁ • ⲧⲏⲣⲟⲩ • ⲉⲧ ⲛⲁϣⲱⲡⲉ ⲁⲩⲱ ⲧⲁⲓ ⲧⲉ
ⲑⲉ • ⲛⲧⲁⲓⲥϩⲁⲓⲥⲟⲩ • ⲛ ⲧⲉⲣ ⲛ̄ⲟⲩⲱ ⲇⲉ • ⲉⲛϣⲁϫⲉ ⲙⲛ̄
ⲛⲉⲛⲉⲣⲏⲩ • ⲁⲛⲟⲕ • ⲙⲛ̄ ⲁⲡⲁ ⲓⲥⲁⲁⲕ▨▨▨▨▨▨▨ⲁⲡⲁ
ϩⲁⲣⲱⲛ • ⲁϥϭⲱ▨▨ⲁⲓ ⲛ ⲟⲩⲧⲣⲁⲡⲉⲍⲁ • ⲁⲛⲟⲩⲱⲙ ⲁⲩⲱ
ⲁⲛⲥⲟ | ⲙⲛ̄ ⲛⲉⲛⲉⲣⲏⲩ • ⲁⲛⲧⲱⲟⲩⲛ • ⲁⲛϣⲗⲏⲗ • ⲁⲓⲉⲓ ⲉ
ⲃⲟⲗ • ϩⲓ ⲧⲟⲟⲧϥ̄ • ⲉ ⲧⲣⲁⲃⲱⲕ • ⲉϭ︦ⲙ︦ ⲡϣⲓⲛⲉ ⲛ̄ ⲛ̄ⲉⲥⲛⲏⲩ •
ⲉⲧ ϩⲓ ⲡⲥⲁ • ⲛ ⲙϩⲓⲧ • ⲙ̄ⲙⲟϥ • ⲡⲁⲓ ⲡⲉ ⲡⲃⲓⲟⲥ • ⲙ
ⲡⲡⲉⲧ ⲟⲩⲁⲁⲃ • ⲛ ⲁⲛⲁⲭⲱⲣⲓⲧⲏⲥ • ⲛ̄ ⲣⲙ̄ ⲡⲓⲗⲁⲕ • ⲁⲡⲁ
ϩⲁⲣⲱⲛ • ⲉ ⲁϥϫⲉⲕ ⲡⲉϥⲇⲣⲟⲙⲟⲥ • ⲉ ⲃⲟⲗ • ϩⲙ̄ ⲡⲧⲟⲟⲩ •
ⲙ ⲡⲉⲓⲉⲃ︦ⲧ︦ • ⲙ ⲡⲉⲓⲗⲁⲕ ⲉⲩⲉⲟⲟⲩ ⲛⲧⲉⲧⲣⲓⲁⲥ • ⲉⲧ ⲟⲩⲁⲁⲃ
ⲡⲉⲓⲱⲧ • ⲙⲛ̄ ⲡϣⲏⲣⲉ • ⲙⲛ̄ ⲡⲉⲡⲛ︦ⲁ︦ • ⲉⲧ ⲟⲩⲁⲁⲃ • ⲛ
ⲣ︦ϥ︦ⲧⲁⲛϩⲟ • ⲁⲩⲱ ⲛϩⲟⲙⲟⲟⲩⲥⲓⲟⲥ • ⲧⲉⲛⲟⲩ • ⲁⲩⲱ ⲛ
ⲟⲩⲟⲉⲓϣ • ⲛⲓⲙ • ϣⲁ ⲉⲛⲉϩ •


### 0065

ⲠϢⲀ • Ⲛ ⲀⲠⲀ ϨⲀⲢⲰⲚ ⲠⲈⲠⲢⲞⲔⲞⲘⲈⲚⲞⲚ •
Ⲡϫⲟⲉⲓⲥ ⲁϥⲣ̄ⲣⲣⲟ • ⲙⲁⲣⲉ ⲛⲗⲁⲟⲥ • ⲛⲟⲩϭ︦ⲥ︦ • ⲡⲉⲧ
ϩⲙⲟⲟⲥ • ⲉϫⲛ̄ ⲛⲉⲭⲉⲓⲣⲟⲩⲃⲓⲛ • ⲙⲁⲣⲉ ⲡⲕⲁϩ ⲕⲓⲙ •
ⲟⲩⲛⲟϭ • ⲡⲉ ⲡϫⲟⲉⲓⲥ • ϩⲛ̄ ⲥⲓⲱⲛ ⲉϥϫⲟⲟⲥⲉ ⲉϫⲛ̄ ⲛⲗⲁⲟⲥ
ⲧⲏⲣⲟⲩ • ⲙⲁⲣⲟⲩⲱⲛ︦ϩ︦ ⲉ ⲃⲟⲗ • ⲙ ⲡⲉⲕⲛⲁϭ (sic) • ⲛ ⲣⲁⲛ
ϫⲉ ⲟⲩϩⲟⲧⲉ ⲡⲉ • ⲁⲩⲱ ϥⲟⲩⲁⲁⲃ ⲡⲧⲁⲓⲟ ⲛ̄ ⲟⲩⲣ︤ⲣ︥ⲟ •
ⲡⲉ ⲙⲉⲣⲉ ⲡϩⲁⲡ • ⲛⲧⲟⲕ • ⲁⲕⲥ︦ⲃ︦ⲧⲉ ⲡⲥⲟⲟⲩⲧⲛ̄ • ⲁⲩⲱ
ⲁⲕⲉⲓⲣⲉ • ⲙ ⲡϩⲁⲡ • ⲙⲛ̄ ⲧⲇⲓⲕⲁⲓⲟⲥⲩⲛⲏ • ⲡⲛⲟⲩⲧⲉ • ϩ︦ⲛ︦
ⲓⲁⲕⲱⲃ • ϫⲉⲥ︦ⲧ︦ ⲡϫⲟⲉⲓⲥ • ⲡⲉⲛⲛⲟⲩⲧⲉ ⲛⲧⲉⲧⲛ̄ⲟⲩⲱϣⲧ̄ ⲙ
ⲡϩⲩⲡⲟⲡⲟⲇⲓⲟⲛ ⲛ ⲛⲉϥⲟⲩⲣⲏⲏⲧⲉ • ϫⲉ ⲙⲱⲩⲥⲏⲥ •
ⲟⲩⲁⲁⲃ • ⲙⲛ̄ ⲁⲁⲣⲱⲛ • ϩⲛ̄ ⲛⲉϥⲟⲩⲏⲏⲃ ⲁⲩⲱ ⲥⲁⲙⲟⲩⲏⲗ •
ϩⲛ̄ ⲛⲉⲧ ⲉⲡⲓⲕⲁⲗⲉⲓ • ⲙ ⲡⲉϥⲣⲁⲛ • ⲁⲩⲱϣ • ⲉ ϩⲣⲁⲓ • ⲉ
ⲡϫⲟⲉⲓⲥ • ⲁⲩⲱ ⲛⲧⲟϥ • ⲁⲩⲥⲱⲧⲙ̄ • ⲉ ⲣⲟⲟⲩ • ⲁϥϣⲁϫⲉ
ⲛⲙ̄ⲙⲁⲩ ⲉ ⲃⲟⲗ • ϩⲛ̄ ⲟⲩⲥⲧⲩⲗⲗⲟⲥ ⲛ ⲕⲗⲟⲟⲗⲉ •
ⲁⲩϩⲁⲣⲉϩ • ⲉ ⲛⲉϥⲙⲛ̄ⲧⲙⲛ̄ⲧⲣⲉ • ⲁⲩⲱ • ⲛⲉϥⲡⲣⲟⲥ‐
ⲧⲁⲅⲙⲁ • ⲉⲛⲧ ⲁϥⲧⲁⲁⲩ • ⲛⲁⲩ • ⲡϫⲟⲉⲓⲥ • ⲡⲉⲛⲛⲟⲩⲧⲉ •
ⲛ̄ⲧⲟⲕ • ⲉⲛⲧⲁⲕⲥⲱⲧⲙ̄ • | ⲉ ⲣⲟⲟⲩ ⲡⲛⲟⲩⲧⲉ ⲛ̄ⲧⲟⲕ • ⲡⲉⲛⲧ
ⲁⲕⲕⲱ ⲛⲁⲩ ⲉ ⲃⲟⲗ • ⲁⲕⲣ ⲡⲉⲕⲃⲁ • ⲛ ⲛⲉⲩϩⲃⲏⲩⲉ •
ϫⲁⲥ︤ⲧ︥ ⲡϫ︤ⲥ︥ ⲡⲉⲛⲛⲟⲩⲧⲉ ⲛⲧⲉⲧⲛ̄ⲟⲩⲱϣⲧ̄ • ⲙ ⲡⲉϥⲧⲟⲟⲩ ⲉⲧ
ⲟⲩⲁⲁⲃ • ϫⲉ ϥⲟⲩⲁⲁⲃ ⲛϭⲓ ⲡϫ︦ⲥ︦ ⲡⲉⲛⲛⲟⲩⲧⲉ •
ⲠⲀⲠⲞⲤⲦⲞⲖⲞⲤ ⁘
Ⲉⲟⲩⲛⲧⲁⲛ ⲇⲉ ⲙⲙⲁⲩ • ⲛ ⲟⲩⲛⲟϭ • ⲛ ⲁⲣⲭⲓⲉⲣⲉⲩⲥ ⲉ
ⲁϥϫⲉⲧ ⲙⲡⲏⲩⲉ • ⲓ︦ⲥ︦ ⲡⲉⲭ︦ⲥ︦ • ⲡϣⲏⲣⲉ ⲙ̄ ⲡⲛⲟⲩⲧⲉ • ⲙⲁⲣ‐
ⲛ̄ⲁⲙⲁϩⲧⲉ • ⲛ ⲧⲉϥϩⲟⲙⲟⲗⲟⲅⲓⲁ • ⲛ ⲟⲩⲁⲣⲭⲓⲉⲣⲉⲩⲥ •
ⲅⲁⲣ ⲁⲛ • ⲡⲉⲧⲉ ⲟⲩⲛ̄ⲧⲁⲛϥ̄ • ⲉⲙⲛ̄ϭⲟⲙ ⲙⲙⲟϥ • ⲉ ϣⲡ̄
ϩⲓⲥⲉ • ⲛⲙ̄ⲙⲁⲛ • ϩⲛ̄ ⲛⲉⲛⲁⲥⲑⲉⲛⲓⲁ • ⲁⲗⲗⲁ • ⲉϥϫⲟⲛ︤ⲧ︥ •
ⲛϩⲱⲃ • ⲛⲓⲙ • ⲛ ⲧⲉⲛϩⲉ • ϣⲁⲧⲛ̄ ⲡⲛⲟⲃⲉ • ⲙⲁⲣⲛ̄ϯ
ⲡⲉⲛⲟⲩⲟⲓ • ϩⲛ̄ ⲟⲩⲡⲁⲣϩⲏⲥⲓⲁ • ⲉ ⲡⲉⲑⲣⲟⲛⲟⲥ ⲛ ⲧⲉⲭⲁ‐
ⲣⲓⲥ • ϫⲉ ⲕⲁⲥ • ⲉⲛⲉϫⲓ ⲛ̄ ⲟⲩⲛⲁ • ⲁⲩⲱ ⲛⲧⲛ̄ϩⲉ • ⲉⲩϩⲙⲟⲧ
ⲛⲟⲩⲟⲉⲓϣ ⲛ︦ⲁ︦ⲛ︦ ⲛ̄ⲃⲟⲏⲑⲓⲁ • ⲁⲣⲭⲓⲉⲣⲉⲩⲥ • ⲅⲁⲣ ⲛⲓⲙ • ⲉⲧⲟⲩϫⲓ


### 0066

ⲙⲙⲟⲟⲩ • ⲉ ⲃⲟⲗ ϩⲛ̄ ⲛ̄ⲣⲱⲙⲉ • ⲉϣⲁⲩⲕⲁⲑⲓⲥⲧⲁ ⲙⲙⲟⲟⲩ‐
ⲉϫⲛ̄ ⲛ̄ⲣⲱⲙⲉ • ⲛ ⲛⲁϩⲣⲛ̄ ⲡⲛⲟⲩⲧⲉ • ⲇⲉ ϫⲉ ⲉϥⲉⲧⲁⲗⲉ
ⲇⲱⲣⲟⲛ ⲉ ϩⲣⲁⲓ ϩⲓ ⲑⲩⲥⲓⲁ • ϩⲁ ⲛⲟⲃⲉ ⲉⲟⲩⲛϭⲟⲙ •
ⲙⲙⲟϥ • ⲉ ϣⲡ̄ ϩⲓⲥⲉ • ⲙⲛ̄ ⲛⲉⲧ ⲟ ⲛ ⲁⲧ ⲥⲟⲟⲩⲛ • ⲙⲛ̄
ⲛⲉⲧ ⲡⲗⲁⲛⲁ • ⲉ ⲃⲟⲗ • ϩⲱⲱϥ ϫⲉ ϥϣⲟⲟⲡ • ϩⲛ̄ ⲟⲩ‐
ⲙⲛ̄ⲧϭⲱⲃ • ⲁⲩⲱ • ⲉ ⲧⲃⲏⲏⲧⲥ̄ • ϣϣⲉ ⲉ ⲣⲟϥ • ⲕⲁⲧⲁ
ⲑⲉ • ⲉϣⲁϥⲧⲁⲗⲟ • ⲉ ϩⲣⲁⲓ • ϩⲁ ⲡⲗⲁⲟⲥ • ⲛϥ̄ⲧⲁⲗⲟ •
ϩⲱⲱϥ • ϩⲁ ⲣⲟϥ • ⲛϯϩⲉ ϩⲁ ⲛⲉϥⲛⲟⲃⲉ ▨▨ ⲟⲩⲁ • ⲇⲉ
ⲡⲟⲩⲁ • ϫⲓ ⲛⲁϥ ⲁⲛ • ⲙ ⲡⲧⲁⲓⲟ • ⲁⲗⲗⲁ ⲉⲩⲉⲓⲛⲉ • ⲙ̄ⲙⲟϥ •
ⲉ ⲃⲟⲗ ϩⲓⲧⲛ̄ ⲡⲛⲟⲩⲧⲉ • ▨▨ⲁⲁⲣⲱⲛ • ⲧⲁⲓ ⲧⲉ ⲑⲉ • ⲙ̄
ⲡⲉⲭ︤ⲥ︥• ⲛⲧⲁϥ▨▨▨ⲁϥ ⲁⲛ • ▨▨▨▨▨▨▨▨▨▨▨|
ⲛ̄ ⲁⲣⲭⲓⲉⲣⲉⲩⲥ • ⲁⲗⲗⲁ ⲡⲉⲛⲧ ⲁϥϣⲁϫⲉ ⲛⲙ̄ⲙⲁϥ ⲡⲉ •
ϫⲉ ⲛⲧⲟⲕ • ⲡⲉ ⲡⲁ ϣⲏⲣⲉ • ⲁⲛⲟⲕ • ⲁⲓϫⲡⲟⲕ • ⲙⲡⲟⲟⲩ •
ⲕⲁⲧⲁ ⲑⲉ ⲟⲛ • ⲉϣⲁϥϫⲟⲟⲥ ϩⲛ̄ ⲕⲉ ⲙⲁ • ϫⲉ ⲛⲧⲟⲕ • ⲡⲉ
ⲡⲟⲩⲏⲏⲃ • ϣⲁ ⲉⲛⲉϩ • ⲕⲁⲧⲁ ⲧⲧⲁⲝⲓⲥ • ⲙ̄ ⲙⲉⲗⲭⲓⲥⲉⲇⲉⲕ •
ⲠⲔⲀⲐⲞⲖⲒⲔⲞⲤ • ⲒⲀⲔⲔⲰⲂⲞⲤ ⁘
Ϫⲓ ⲙ ⲡ︤ⲉ︦ⲥ︥ⲙⲟⲧ • ⲛⲁⲥⲛⲏⲩ • ⲙ̄ ⲡϩⲓⲥⲉ • ⲙ︤ⲛ︥ ⲧⲙⲛⲧϩⲁ‐
ⲣϣ̄ϩⲏⲧ • ⲛ̄ ⲛⲉⲡⲣⲟⲫⲏⲧⲏⲥ • ⲛⲁⲓ ⲛⲧⲁⲩϣⲁϫⲉ ϩ︦ⲙ︦ ⲡⲣⲁⲛ •
ⲙ ⲡϫ︦ⲥ︦ • ⲉⲓⲥ ϩⲏⲏⲧⲉ • ⲧⲛ̄ⲙⲁⲕⲁⲣⲓⲍⲉ • ⲛ̄ⲛⲉ︦ⲛ︦ⲧ ⲁⲩϩⲩⲡⲟ‐
ⲙⲓⲛⲉ • ⲁⲧⲉⲧⲛ̄ⲥⲱⲧⲙ̄ • ⲉ ⲑⲩⲡⲟⲙⲟⲛⲏ ⲛ ⲓⲱⲃ • ⲁⲩⲱ •
ⲁⲧⲉⲧⲛ̄ⲛⲁⲩ • ⲉ ⲑⲁⲏ • ⲙ ⲡϫ︦ⲥ︦ ϫⲉ ⲟⲩϣⲁⲛϩⲧⲏϥ • ⲡⲉ
ⲡϫ︦ⲥ︦ • ⲁⲩⲱ ⲟⲩⲛⲁⲏⲧ ⲡⲉ • ϩⲁⲑⲏ ⲇⲉ ⲛϩⲱⲃ • ⲛⲓⲙ •
ⲛⲁⲥⲛⲏⲩ • ⲙⲡⲣ̄ ⲱⲣ︦ⲕ︦ • ⲗⲁⲁⲩ ⲟⲩⲇⲉ • ⲧⲡⲉ ⲟⲩⲇⲉ
ⲡⲕⲁϩ • ⲟⲩⲇⲉ ⲗⲁⲁⲩ • ⲛ̄ⲁⲛⲁϣ • ⲙⲁⲣϥ̄ϣⲱⲡⲉ • ⲛϭⲓ
ⲡⲉⲧⲛ̄ⲥⲉ • ⲛ ⲥⲉ • ⲁⲩⲱ ⲡⲉⲧⲛ̄ⲙⲙⲟ︦ⲛ︦ ⲛ̄ ⲙ̄ⲙⲟⲛ • ϫⲉ ⲕⲁⲥ •
ⲛ̄ⲛⲉ ⲩⲕⲣⲓⲛⲉ • ⲙⲙⲱⲧⲛ̄ • ⲡⲉⲧ ϣⲡ̄ ϩⲓⲥⲉ • ⲙⲙⲱⲧⲛ̄ •
ⲙⲁⲣ︦ϥ︦ϣⲗⲏⲗ • ⲡⲉⲧ ⲣⲟⲟⲩⲧ • ⲙⲁⲣ︦ϥ︦ⲯⲁⲗⲗⲉⲓ ⲡⲉⲧ ϣⲱⲛⲉ •
ⲛ̄ϩⲏⲧ ⲧⲏⲩⲧ︦ⲛ︦ ⲙⲁⲣ︦ϥ︦ⲙⲟⲩⲧⲉ ⲉ ⲛⲉⲡⲣⲉⲥⲃⲩⲧⲉⲣⲟⲥ • ⲛ̄ ⲧⲉⲕ‐
ⲕⲗⲏⲥⲓⲁ • ⲛⲥⲉϣⲗⲏⲗ • ⲉ ϩⲣⲁⲓ ⲉ ϫⲱϥ • ⲉ ⲁⲩⲧⲁϩⲥ︦ϥ︦ •
ⲛ ⲟⲩⲛⲉϩ • ϩⲙ̄ ⲡⲣⲁⲛ • ⲙ ⲡϫⲥ̄ • ⲁⲩⲱ ⲡⲉϣⲗⲏⲗ • ⲙⲛ̄
ⲧⲡⲓⲥⲧⲓⲥ ⲛ ⲁⲧ ⲟⲩϫⲉ ⲡⲉⲧ ϣⲱⲛⲉ • ⲁⲩⲱ ⲡϫ︦ⲥ︦ • ⲛ̄ⲁⲧⲟⲩ‐


### 0067

ⲛⲟⲩⲥ︦ϥ︦ • ⲕⲁⲛ • ⲉϣⲱⲡⲉ • ⲉ ⲁϥⲣ̄ ϩⲉⲛⲕⲉⲛⲟⲃⲉ • ⲥⲉⲛⲁ‐
ⲕⲁⲁⲩ • ⲛⲁϥ • ⲉ ⲃⲟⲗ • ⲟⲩⲱⲛ︦ϩ︦ • ϭⲉ ⲉ ⲃⲟⲗ • ⲛ̄ⲛⲉⲧ‐
ⲛ̄ⲛⲟⲃⲉ • ⲉ ⲛⲉⲧⲛ̄ⲉⲣⲏⲩ • ⲛⲧⲉⲧⲛ̄ϣⲗⲏⲗ • ϩⲁ ⲛⲉⲧⲛ̄ⲉⲣⲏⲩ •
ϫⲉ ⲕⲁⲥ • ⲉ ϥⲉⲕⲱ ⲛⲏⲧⲛ̄ • ⲉ ⲃⲟⲗ • ⲡⲥⲟⲡⲥⲡ̄ • ⲙ̄ ⲡⲇⲓ‐
ⲕⲁⲓⲟⲥ • ϭⲙ̄ϭⲟⲙ • ⲉⲙⲁⲁⲧⲉ • ⲁⲩⲱ ϥⲉⲛⲉⲣⲅⲉⲓ • |
ⲠⲢⲀⲜⲒⲤ
Ⲧⲉⲛⲟⲩ ϭⲉ • ⲁⲙⲟⲩ • ⲛⲧⲁϫⲟⲟⲩⲕ ⲉ ϩⲣⲁⲓ ⲉ ⲕⲏⲙⲉ • ⲡⲁⲓ
ⲡⲉ ⲙⲱⲩⲥⲏⲥ • ⲛⲧⲁⲩⲁⲣⲛⲁ • ⲙⲙⲟϥ ⲉⲩϫⲱ ⲙⲙⲟⲥ • ϫⲉ
ⲛⲓⲙ • ⲡⲉⲛⲧ ⲁϥⲕⲁⲑⲓⲥⲧⲁ ⲙⲙⲟⲕ • ⲛ ⲁⲣⲭⲱⲛ • ⲁⲩⲱ ⲛ̄
ⲣϥϯϩⲁⲡ • ⲉ ϩⲣⲁⲓ • ⲉ ϫⲱⲛ • ⲡⲁⲓ ⲁ ⲡⲛⲟⲩⲧⲉ • ϫⲟⲟⲩϥ •
ⲛ ⲁⲣⲭⲱⲛ • ⲁⲩⲱ ⲛ ⲣϥ̄ⲥⲱⲧⲉ • ϩⲛ̄ ⲧϭⲓϫ • ⲙ ⲡⲁⲅⲅⲉⲗⲟⲥ •
ⲡⲁⲓ ⲛ̄ⲧⲁϥⲟⲩⲱ︦ⲛ︦ϩ︦ • ⲛⲁϥ • ⲉ ⲃⲟⲗ • ϩⲙ ⲡⲃⲁⲧⲟⲥ • ⲡⲁⲓ
ⲡⲉⲛⲧ ⲁϥⲉⲛⲧⲟⲩ • ⲉ ⲃⲟⲗ • ⲉ ⲁϥⲉⲓⲣⲉ ⲛ̄ ϩⲉⲛⲙⲁⲉⲓⲛ • ⲙⲛ̄
ϩⲉⲛϣⲡⲏⲣⲉ ϩⲛ̄ ⲕⲏⲙⲉ • ⲁⲩⲱ ϩⲛ̄ ⲧⲉⲗⲩⲑⲣⲁ ⲑⲁⲗⲁⲥⲥⲁ •
ϩ︤ⲙ︥ ⲡϫⲁⲓⲉ • ⲛ ϩⲙⲉ • ⲛ̄ⲣⲟⲙⲡⲉ • ⲡⲁⲓ ⲡⲉⲛⲧ ⲁϥϫⲟⲟⲥ •
ⲛ̄ ⲛϣⲏⲣⲉ • ⲙ ⲡⲓ︦ⲏ︦ⲗ︦ • ϫⲉ ⲡⲛⲟⲩⲧⲉ • ⲛⲁⲧⲟⲩⲛⲟⲥ ⲟⲩ‐
ⲡⲣⲟⲫⲏⲧⲏⲥ • ⲛⲏⲧⲛ̄ • ⲉ ⲃⲟⲗ • ϩⲛ̄ ⲛⲉⲧⲛ̄ⲥⲛⲏⲩ • ⲛ ⲧⲁ ϩⲉ •
ⲡⲁⲓ ⲡⲉⲛⲧ ⲁϥϣⲱⲡⲉ • ϩⲛ̄ ⲧⲉⲕⲕⲗⲏⲥⲓⲁ • ⲙⲛ̄ ⲡⲉⲧ ϣⲁϫⲉ •
ⲛⲙ̄ⲙⲁϥ ϩⲙ̄ ⲡⲧⲟⲟⲩ • ⲛ ⲥⲓⲛⲁ • ⲁⲩⲱ ⲙⲛ̄ ⲛⲉⲛⲉⲓⲟⲧⲉ •
ⲡⲁⲓ [ⲡⲉ]ⲛⲧ ⲁϥϫⲓ • ⲛ̄ ϩⲉⲛϣⲁϫⲉ ⲉⲩⲟ︦ⲛ︦ϩ︦ • ⲉ ⲃⲟⲗ • ⲉ ⲧⲁⲁⲩ
ⲛⲏⲧ︦ⲛ︦ • ⲁⲩⲱ ⲙ ⲡⲟⲩⲱϣ • ⲉ ⲥⲱⲧⲙ̄ • ⲛ̄ⲥⲱϥ • ⲛϭⲓ
ⲛⲉⲛⲉⲓⲟⲧⲉ • ⲁⲗⲗⲁ • ⲁⲩⲕⲁⲁϥ ⲛⲥⲱⲟⲩ • ⲁⲩⲕⲟⲧⲟⲩ • ⲉ
ⲕⲏⲙⲉ • ⲁⲩϫⲟⲟⲥ • ⲛ ⲁⲁⲣⲱⲛ • ϫⲉ ⲧⲁⲙⲓⲟ ⲛⲁⲛ • ⲛ
ϩⲉⲛⲛⲟⲩⲧⲉ ⲛⲥⲉϫⲓ ⲙⲟⲉⲓⲧ • ϩⲏⲧ︤ⲛ︥ • ⲙⲱⲩⲥⲏⲥ • ⲅⲁⲣ
ⲡⲁⲓ • ⲛⲧⲁϥⲉⲛⲧ︦ⲛ︦ ⲉ ⲃⲟⲗ • ϩ︦ⲙ︦ ⲡⲕⲁϩ ⲛ ⲕⲏⲙⲉ • ⲁⲩⲱ
ⲛⲧ︦ⲛ︦ⲥⲟⲟⲩⲛ • ⲁⲛ ϫⲉ ⲛⲧⲁ ⲟⲩ • ϣⲱⲡⲉ • ⲙⲙⲟϥ • ⲁⲩⲱ
ⲁⲩⲧⲁⲙⲓⲉ ⲥⲕⲩⲛⲏ • ϩⲛ̄ ⲛⲉϩⲟⲟⲩ ⲉⲧ ⲙ̄ⲙⲁⲩ • ⲁⲩⲧⲁⲗⲉ •
ⲑⲩⲥⲓⲁ • ⲉ ϩⲣⲁⲓ ⲙ ⲡⲉⲓⲇⲟⲗⲟⲛ • ⲁⲩⲱ • ⲁⲩⲉⲩⲫⲣⲁⲛⲉ •
ϩⲛ̄ ⲛⲉϩⲃⲏⲩⲉ • ⲛ̄ⲛⲉⲩϭⲓϫ • ⲁⲩⲕⲧⲟⲟⲩ • ⲇⲉ ⲛ̄ϭⲓ •
ⲡⲛⲟⲩⲧⲉ • ⲉ ⲧⲣⲉⲩϣⲙ̄ϣⲉ •|ⲛ ⲧⲉⲥⲧⲣⲁϯⲁ • ⲛⲧⲡⲉ • ⲕⲁⲧⲁ
ⲑⲉ ⲉⲧ ⲥⲏϩ • ϩⲙ̄ ⲡϫⲱⲱⲙⲉ • ⲛ̄ ⲛ̄ⲉⲡⲣⲟⲫⲏⲧⲏⲥ • ϫⲉ ⲙⲏ •


### 0068

ⲁⲧⲉⲧⲛ̄ⲧⲁⲗⲟ ⲛⲁⲓ ⲉ ϩⲣⲁⲓ • ⲛ ϩⲉⲛϣⲱⲱⲧ ⲙⲛ̄ ϩⲉⲛⲑⲩⲥⲓⲁ •
ⲛ ϩⲙⲉ • ⲛⲣⲟⲙⲡⲉ • ϩⲛ̄ ⲧⲉⲣⲏⲙⲟⲥ • ⲡⲏⲓ ⲙ ⲡ︦ⲓ︦ⲏ︦ⲗ︦ • ⲁⲩⲱ
ⲁⲧⲉⲧ︦ⲛ︦ϫⲓ • ⲛ ⲧⲉⲥⲕⲩⲛⲏ • ⲙ ⲙⲟⲗⲟⲭ • ⲙⲛ̄ ⲡⲥⲓⲟⲩ ⲙ
ⲡⲛⲟⲩⲧⲉ ⲫⲉⲣⲁⲛ • ⲛⲉⲥⲙⲟⲧ • ⲛⲧⲁ ⲧⲉⲧ︦ⲛ︦ⲧⲁⲙⲓⲟⲟⲩ ⲉ
ⲟⲩⲱϣ︦ⲧ︦ ⲛⲁⲩ • ⲁⲩⲱ ϯⲛⲁⲡⲉⲛⲉ ⲧⲏⲩⲧ︦ⲛ︦ • ⲉ ⲃⲟⲗ ⲉ
ⲡⲉⲓ ⲥⲁ • ⲛ ⲧⲃⲁⲃⲩⲗⲱⲛ •
ⲠⲀⲖⲖⲎ • ⲘⲈϤϪⲠⲞ ⁘
Ⲁ ⲛⲉⲕⲉⲩⲣⲏⲏϭⲉ • ⲣ ⲟⲩⲟⲉⲓⲛ • ⲉ ⲧⲟⲓⲕⲟⲩⲙⲉⲛⲏ • ⲁ
ⲡⲕⲁϩ • ⲕⲓⲙ • ⲁϥⲥⲧⲱⲧ • ⲉⲣⲉ ⲧⲉⲕϩⲓⲏ • ϩ︦ⲛ︦ ⲑⲁⲗⲗⲁⲥⲁ
ⲁⲩⲱ ⲛⲉⲕⲙⲁ • ⲙ ⲙⲟⲟϣⲉ ϩ︦ⲛ︦ ϩⲉⲛⲙⲟⲟⲩ • ⲉⲛⲁϣⲱⲟⲩ
ⲁⲩⲱ • ⲥⲉⲛⲁⲥⲟⲩⲛ ⲛⲉⲕⲧⲁϭⲥⲉ ⲁⲛ • ⲁⲕϫⲓ ⲙⲟⲉⲓⲧ • ϩⲏⲧϥ̄ •
ⲙ ⲡⲉⲕⲗⲁⲟⲥ • ⲛⲑⲉ • ⲛ ⲛⲉⲓⲉⲥⲟⲟⲩ • ⲉⲩϩ︦ⲛ︦ ⲧϭⲓϫ ⲙ
ⲙⲱⲩⲥⲏⲥ • ⲙⲛ̄ ⲁⲁⲣⲱⲛ •
ⲠⲔⲀⲦⲀ ⲘⲀⲐⲐⲀⲒⲞⲤ ⁘
Ⲁϥⲉⲓ ⲇⲉ ⲉ ⲃⲟⲗ • ϩⲛ̄ ⲧⲅⲁⲗⲓⲗⲁⲓⲁ • ⲧⲏⲣ︦ⲥ︦ • ⲉϥϯ ⲥⲃⲱ
ϩⲣⲁⲓ • ϩⲛ̄ ⲛⲉⲩⲥⲩⲛⲁⲅⲱⲅⲏ • ⲁⲩⲱ • ⲉϥⲧⲁϣⲉⲟⲉⲓϣ ⲙ
ⲡⲉⲩⲁⲅⲅⲉⲗⲓⲟⲛ • ⲛ ⲧⲙ︦ⲛ︦ⲧⲉⲣⲟ • ⲁⲩⲱ ⲉϥⲣ̄ ⲡⲁϩⲣⲉ • ⲉ
ϣⲱⲛⲉ • ⲛⲓⲙ • ϩⲓⲗⲟϫⲗϫ̄ ⲛⲓⲙ • ϩⲙ̄ ⲡⲗⲁⲟⲥ • ⲡⲉϥⲥⲟⲉⲓⲧ
ⲁϥⲃⲱⲕ • ⲉ ⲃⲟⲗ • ϩⲛ̄ ⲧⲥⲩⲣⲓⲁ • ⲧⲏⲣ︦ⲥ︦ • ⲁⲩⲉⲓⲛⲉ • ⲛⲁϥ •
ⲛ̄ ⲟⲩⲟⲛ ⲛⲓⲙ • ⲉⲧ ⲙⲟⲕ︦ϩ︦ • ϩⲛ̄ ϩⲉⲛϣⲱⲛⲉ • ⲉⲩϣⲟⲃⲉ •
ⲁⲩⲱ ⲉⲩϣⲟⲟⲡ ϩ︦ⲛ︦ ϩⲉⲛⲧⲕⲁⲥ • ⲙⲛ̄ ⲛⲉⲧ ⲟ • ⲛ̄ ⲇⲁⲓ‐
ⲙⲟⲛⲓⲟⲛ • ⲙⲛ̄ ⲛⲉⲧ ϩⲓⲧⲉ ⲙ︦ⲛ︦ ⲛⲉⲧ ⲥⲏϭ ⲁⲩⲱ ⲁϥⲣ̄
ⲡⲁϩⲣⲉ ⲉ ⲣⲟⲟⲩ • ⲁⲩⲟⲩⲁϩⲟⲩ ⲛⲥⲱϥ • ⲛϭⲓ ϩⲉⲛ‐
ⲙⲏⲏϣⲉ • ⲉⲛⲁϣⲱⲟⲩ • ⲉ ⲃⲟⲗ • ϩⲛ̄ ⲧⲇⲉⲕⲁⲡⲟⲗⲓⲥ •
ⲙⲛ̄ ⲑⲓⲉⲣⲟⲥⲟⲗⲩⲙⲁ • ⲙⲛ̄ ⲡⲉⲕⲣⲟ • ⲙ ⲡⲓⲟⲣⲇⲁⲛⲏⲥ • |
Ⲛ ⲧⲉⲣ ϥ̄ⲛⲁⲩ ⲇⲉ • ⲉ ⲙⲙⲏⲏϣⲉ • ⲁϥⲁⲗⲉ • ⲉ ϩⲣⲁⲓ
ⲉϫⲙ̄ ⲡⲧⲟⲟⲩ • ⲁⲩⲱⲛ ⲧⲉⲣ ϥ̄ϩⲙⲟⲟⲥ • ⲁⲩϯ ⲡⲉⲩⲟⲓ •
ⲉ ⲣⲟϥ • ⲛϭⲓ ⲛⲉϥⲙⲁⲑⲏⲧⲏⲥ • ⲁϥⲟⲩⲱⲛ ⲛ ⲣⲱϥ • ⲁϥϯ
ⲥⲃⲱ ⲛⲁⲩ • ⲉϥϫⲱ ⲙⲙⲟⲥ • ϫⲉ ⲛⲁⲓⲁⲧⲟⲩ ⲛ̄ ⲛ̄ϩⲏⲕⲉ •


### 0069

ϩ︤ⲙ︥ ⲡⲉⲡ︤ⲛ︦ⲁ︥ • ϫⲉ ⲧⲱⲟⲩ • ⲧⲉ ⲧⲙⲛ︤ⲧ︥ⲉⲣⲟ ⲛ ⲙ̄ⲡⲏⲩⲉ ⁘
ⲛⲁⲓⲁⲧⲟⲩ • ⲛ̄ ⲛ̄ⲉⲧ ⲣ̄ϩⲏⲃⲉ ϫⲉ ⲛⲧⲟⲟⲩ ⲛⲉⲧ ⲟⲩ ⲛⲁⲥ︦ⲡ︦‐
ⲥⲱⲡⲟⲩ ⁘ ⲛⲁⲓⲁⲧⲟⲩ ⲛ̄ ⲛⲣ︦ⲙ︦ⲣⲁϣ ϫⲉ ⲛ̄ⲧⲟⲟⲩ ⲛⲉⲧ ⲛⲁ‐
ⲕⲗⲏⲣⲟⲛⲱⲙⲉⲓ • ⲙ ⲡⲕⲁϩ ⁘ ⲛⲁⲓⲁⲧⲟⲩ • ⲛⲛⲉⲧ ϩⲕⲁⲉⲓⲧ
ⲉⲧ ⲟⲃⲉ • ⲛ ⲧⲇⲓⲕⲁⲓⲟⲥⲩⲛⲏ • ϫⲉ ⲛⲧⲟⲟⲩ ⲛⲉⲧ ⲛⲁⲥⲉⲓ ⁘
ⲛⲁⲓⲁⲧⲟⲩ ⲛ ⲛⲉⲧ ⲟⲩⲁⲁⲃ • ϩⲙ̄ ⲡⲉⲩϩⲏⲧ • ϫⲉ ⲛⲧⲟⲟⲩ ⲛⲉⲧ
ⲛⲁⲛⲁⲩ • ⲉ ⲡⲛⲟⲩⲧⲉ ⁘ ⲛⲁⲓⲁⲧⲟⲩ ⲛ ⲛⲛⲁⲏⲧ • ϫⲉ ⲛⲧⲟⲟⲩ •
ⲛⲉⲧ ⲟⲩⲛⲁⲛⲁ • ⲛⲁⲩ ⁘ ⲛⲁⲓⲁⲧⲟⲩ • ⲛ̄ ⲛ̄ⲣϥ︦ⲣ︦ ⲉⲓⲣⲏⲛⲏ •
ϫⲉ ⲛⲧⲟⲟⲩ ⲛⲉⲧ ⲟⲩⲛⲁⲙⲟⲩⲧⲉ • ⲉ ⲣⲟⲟⲩ ϫⲉ ⲛϣⲏⲣⲉ •
ⲙ̄ ⲡⲡⲛⲟⲩⲧⲉ (sic) ⁘ ⲛⲁⲓⲁⲧⲟⲩ • ⲛ ⲛⲉⲛⲧ ⲁⲩⲡⲱⲧ ⲛⲥⲱⲟⲩ •
ⲉ ⲧⲃⲉ ⲧⲇⲓⲕⲁⲓⲟⲥⲩⲛⲏ • ϫⲉ ⲧⲱⲟⲩ ⲧⲉ ⲧⲙ︦ⲛ︦ⲧ︦ⲉⲣⲟ • ⲛ̄
ⲙⲡⲏⲩⲉ ⁘ ⲛⲁⲓⲁⲧ ⲧⲏⲩⲧ︦ⲛ︦ ⲉⲩϣⲁⲛⲛⲉϭⲛⲉϭ ⲧⲏⲩⲧ︦ⲛ︦ •
ⲛⲥⲉⲡⲱⲧ ⲛⲥⲱⲧⲛ̄ ⲛⲥⲉϫⲉ ϩⲱⲃ • ⲛⲓⲙ • ⲉϥϩⲟⲟⲩ • ⲉ ϩⲟⲩⲛ •
ⲉ ⲣⲱⲧ︦ⲛ︦ • ⲉⲩϫⲓ ϭⲟⲗ • ⲉ ⲣⲱⲧ︦ⲛ︦ ⲉ ⲧⲃⲏⲏⲧ • ⲣⲁϣⲉ • ⲛⲧⲉⲧ︦ⲛ︦‐
ⲧⲉⲗⲏⲗ • ϫⲉ ⲡⲉⲧ︦ⲛ︦ⲃⲉⲉⲕⲉ ⲛⲁϣⲱϥ • ϩⲣⲁⲓ ϩ︦ⲛ︦ ⲙⲡⲏⲩⲉ •
ⲧⲁⲓ ⲅⲁⲣ ⲧⲉ ⲑⲉ • ⲛⲧⲁⲩⲡⲱⲧ • ⲛⲥⲁ ⲛⲉⲡⲣⲟⲫⲏⲧⲏⲥ • ⲉⲧ
ϩⲁ ⲧⲉⲧⲛ̄ϩⲏ • ⲛ̄ⲧⲱⲧⲛ̄ • ⲡⲉ ⲡⲉϩⲙⲟⲩ ⲙ ⲡⲕⲁϩ • ⲉⲣϣⲁⲛ •
ⲡⲉϩⲙⲟⲩ ⲇⲉ ⲃⲁⲃⲉ • ⲉⲩⲛⲁⲙⲁⲗϩϥ̄ | ⲛ ⲟⲩ ⲙⲉϥⲣ̄ϣⲁⲩ •
ⲉ ⲗⲁⲁⲩ • ⲛⲥⲁ ⲛⲟϫ︦ϥ︦ • ⲉ ⲃⲟⲗ ⲛⲥⲉϩⲟⲙ︦ϥ︦ • ϩⲓⲧⲛ̄ ⲛⲣⲱⲙⲉ •
ⲛⲧⲱⲧⲛ̄ ⲡⲉ ⲡⲟⲩⲟⲉⲓⲛ • ⲙ ⲡⲕⲟⲥⲙⲟⲥ • ⲙⲛ̄ϣϭⲟⲙ • ⲛ
ⲟⲩⲡⲟⲗⲓⲥ • ⲉ ϩⲱⲡ ⲉⲥⲕⲏ • ⲉ ϩⲣⲁⲓ ⲉϫⲛ̄ ⲟⲩⲧⲟⲟⲩ • ⲟⲩⲇⲉ
ⲙⲉⲩϫⲉⲣⲉ ⲟⲩϩⲏⲃ︦ⲥ︦ • ⲛⲥⲉⲕⲁⲁϥ ϩⲁ ⲟⲩϣⲓ • ⲁⲗⲗⲁ • ⲉ‐
ϣⲁⲩⲕⲁⲁϥ • ⲉϫⲛ̄ ⲧⲗⲩⲭⲛⲓⲁ • ⲛ︤ϥ︦ⲣ︥ ⲟⲩⲟⲉⲓⲛ • ⲉ ⲛⲉⲧ
ϣⲟⲟⲡ • ⲧⲏⲣⲟⲩ ϩ︤ⲙ︥ ⲡⲏⲓ • ⲧⲁⲓ ⲧⲉ ⲑⲉ • ⲙⲁⲣϥ︤ⲣ︥ ⲟⲩⲟⲉⲓⲛ •
ⲛϭⲓ ⲡⲉⲧ︦ⲛ︦ⲟⲩⲟⲉⲓⲛ • ⲙⲡⲙ̄ⲧⲟ • ⲉ ⲃⲟⲗ ⲛ̄ ⲛ̄ⲣⲱⲙⲉ • ϫⲉ
ⲕⲁⲥ • ⲉⲩⲉⲛⲁⲩ ⲉ ⲛⲉⲧ︦ⲛ︦ϩⲃⲏⲩⲉ ⲉⲧ ⲛⲁⲛⲱⲟⲩ • ⲛⲥⲉϯ ⲉⲟⲟⲩ •
ⲙ ⲡⲉⲧ︦ⲛ︦ⲉⲓⲱⲧ • ⲉⲧ ϩⲛ̄ ⲙ̄ⲡⲏⲩⲉ •
ⲞⲘⲀⲒⲰⲤ ⲔⲈ ⲞⲨⲀ • ⲀⲦⲀⲚⲀⲤⲦⲀⲤⲒⲤ •
ⲠⲔⲀⲦⲀ ⲘⲀⲢⲔⲞⲤ •
Ⲁⲩⲱ ⲛ ⲧⲉⲣⲉ ⲡⲥⲁⲃⲃⲁⲧⲱⲛ • ⲟⲩⲉⲓⲛⲉ • ⲙⲁⲣⲓⲁ ⲧⲙⲁⲅ‐
ⲇⲁⲗⲓⲛⲏ • ⲁⲩⲱ ⲙⲁⲣⲓⲁ • ⲧⲁ ⲓⲁⲕⲕⲱⲃⲟⲥ ⲙⲛ̄ ⲥⲁⲗⲱⲙⲏ •


### 0070

ⲁⲩϣⲡ̄ ϩⲉⲛϩⲏⲛⲉ • ϫⲉ ⲕⲁⲥ • ⲉⲩⲉⲉⲓ • ⲛⲥⲉⲧⲁϩⲥ︦ϥ︦ • ϩⲧⲟⲟⲩⲉ
ⲇⲉ • ⲛϣⲱⲣⲡ̄ • ⲙ ⲡⲟⲩⲁ ⲙ ⲡⲥⲁⲃⲃⲁⲧⲱⲛ • ⲁⲩⲉⲓ ⲉ ϩⲣⲁⲓ ⲉ
ⲡ︦ⲙ︦ϩⲁⲁⲩ • ⲙⲡⲁⲧⲉ ⲡⲣⲏ • ϣⲁ • ⲁⲩⲱ ⲛⲉⲩϫⲱ ⲙⲙⲟⲥ •
ⲛⲛⲉⲩⲉⲣⲏⲩ ϫⲉ ⲛⲓⲙ • ⲁⲣⲁ • ⲡⲉⲧ ⲛⲁⲥⲕⲣ̄ⲕⲣ̄ ⲡⲱⲱⲛⲉ •
ⲛⲁⲛ ⲉ ⲃⲟⲗ • ϩⲓⲣ︦ⲛ︦ ⲧⲧⲁⲡⲣⲟ • ⲙ ⲡⲉⲩϩⲁⲁⲩ • ⲛ̄ ⲧⲉⲣ ⲟⲩⲉⲓ
ⲇⲉ • ⲉ ϩⲣⲁⲓ • ⲁⲩⲛⲁⲩ • ⲉ ⲡⲱⲱⲛⲉ • ⲉ ⲁⲩϥⲓⲧ︦ϥ︦ ⲙ︦ⲙ︦ⲁⲩ
ⲛⲉ ⲟⲩⲛⲟϭ • ⲅⲁⲣ • ⲉⲙⲁⲁⲧⲉ ⲡⲉ • ⲁⲩⲱ ⲛ̄ ⲧⲉⲣ ⲟⲩⲃⲱⲕ
ⲉ ϩⲟⲩⲛ • ⲉ ⲡ︦ⲙ︦ϩⲁⲁⲩ • ⲁⲩⲛⲁⲩ • ⲉⲩϩ︦ⲣ︦ϣⲉⲉⲣⲉ ⲉϥϩⲙⲟⲟⲥ
ⲉ ϩⲣⲁⲓ • ⲛⲥⲁ ⲟⲩⲛⲁⲙ ⲙⲙⲟϥ • ⲉϥϭⲟⲟⲗⲉ • ⲛ ⲟⲩⲥ‐
ⲧⲟⲗⲏ • ⲛ̄ ⲟⲩⲱⲃϣ̄ • ⲁⲩⲱ • ⲁ ⲑⲟⲧⲉ ϫⲓⲧⲟⲩ • ⲛⲧⲟϥ • ⲇ[ⲉ
ⲁ]ϥϣⲁϫⲉ • ⲛⲙ̄ⲙⲁⲩ • ϫⲉ ⲙ̄ⲡⲣ̄ ⲣ̄ ϩⲟⲧⲉ • ▨▨[ϯ]ⲥⲟⲟⲩⲛ •
ⲅⲁⲣ • ϫⲉ • ⲉⲧⲉⲧⲛ̄ϣⲓⲛⲉ ⲛⲥⲁ ⲓ︦ⲥ︦ | ⲡⲛⲁⲍⲱⲣⲁⲓⲟⲥ • ⲡⲉⲛⲧ
ⲁⲩⲥⳁⲟⲩ ⲙⲙⲟϥ • ⲛ︦ϥ︦ ⲙ ⲡⲉⲓ ⲙⲁ • ⲁⲛ • ⲁϥⲧⲱⲟⲩⲛ •
ⲅⲁⲣ • ⲕⲁⲧⲁ ⲑⲉ ⲛⲧⲁϥϫⲟⲟⲥ • ⲁⲩⲱ ⲉⲓⲥ ⲡⲙⲁ • ⲛⲧⲁⲩ‐
ⲕⲁⲁϥ ⲛ̄ϩⲏⲧϥ̄ • ⲁⲗⲗⲁ • ⲃⲱⲕ • ⲛⲧⲉⲧⲛ̄ϫⲟⲟⲥ • ⲛ̄ ⲛⲉϥⲙⲁ‐
ⲑⲏⲧⲏⲥ • ⲙⲛ̄ ⲡⲕⲉ ⲡⲉⲧⲣⲟⲥ • ϫⲉ ϥⲛⲁⲣϣⲟⲣ︦ⲡ︦ • ⲉ ⲣⲱⲧⲛ̄
ⲉ ⲧⲅⲁⲗⲓⲗⲁⲓⲁ • ⲉⲧⲉⲧⲛⲁⲛⲁⲩ • ⲉ ⲣⲟϥ ϩ︦ⲙ︦ ⲡⲙⲁ ⲉⲧ
ⲙ̄ⲙⲁⲩ • ⲕⲁⲧⲁ ⲑⲉ ⲛ̄ⲧⲁϥϫⲟⲟⲥ • ⲛⲏⲧ︦ⲛ︦ • ⲛ̄ ⲧⲉⲣ ⲟⲩⲥⲱⲧⲙ̄ •
ⲁⲩⲉⲓ ⲉ ⲃⲟⲗ • ϩ︦ⲙ︦ ⲡⲙϩⲁⲁⲩ • ⲁⲩⲡⲱⲧ • ⲛⲉⲣⲉ ⲟⲩϩⲟⲧⲉ ⲅⲁⲣ •
ⲛⲙ̄ⲙⲁⲩ ⲡⲉ ⲁⲩⲱ ⲛⲉⲩⲣ̄ ϣⲡⲏⲣⲉ • ⲙⲡ ⲟⲩϫⲉ ⲗⲁⲁⲩ • ⲇⲉ
ⲛ̄ϣⲁϫⲉ ⲉ ⲗⲁⲁⲩ • ⲛⲉⲩⲣ̄ ϩⲟⲧⲉ ⲅⲁⲣ ⲡⲉ • ⲛ̄ ⲧⲉⲣ ϥ̄ⲧⲱⲟⲩⲛ
ⲇⲉ • ⲉ ϩⲧⲟⲟⲩⲉ • ⲛ ϣⲱⲣ︦ⲡ︦ • ⲛⲥⲟⲩⲁ • ⲙ̄ ⲡⲥⲁⲃⲃⲁⲧⲟⲛ •
ⲁϥⲟⲩⲱⲛ︦ϩ︦ • ⲉ ⲃⲟⲗ ⲛ ϣⲟⲣ︦ⲡ︦ • ⲉ ⲙⲁⲣⲓⲁ ⲧⲙⲁⲅⲇⲁⲗⲓⲛⲏ •
ⲧⲁⲓ ⲛⲧⲁϥⲛⲉϫ ⲥⲁϣϥ̄ • ⲛ̄ⲇⲁⲓⲙⲟⲛⲓⲟⲛ • ⲉ ⲃⲟⲗ • ⲛϩⲏⲧⲥ̄ •
ⲧⲉⲧ ⲙ̄ⲙⲁⲩ ⲇⲉ • ⲁⲥⲃⲱⲕ • ⲁⲥⲧⲁⲙⲉ ⲛⲉⲛⲧ ⲁⲩϣⲱⲡⲉ
ⲛ︦ⲙ︦ⲙ︦ⲁϥ • ⲉⲩⲣ̄ ϩⲏⲃⲉ • ⲁⲩⲱ ⲉⲩⲣⲓⲙⲉ • ⲛⲧⲟⲟⲩ • ⲇⲉ
ϩⲱⲟⲩ ⲛ ⲧⲉⲣ ⲟⲩⲥⲱⲧ︤ⲙ︥ • ϫⲉ ϥⲟⲛ︤ϩ︥ • ⲁⲩⲱ ϫⲉ ⲁⲥⲛⲁⲩ
ⲉ ⲣⲟϥ • ⲁⲩⲣ̄ ϩⲟⲧⲉ • ⲙⲛ̄ⲛⲥⲁ ⲛⲁⲓ ⲇⲉ ⲥⲛⲁⲩ • ⲉ ⲃⲟⲗ
ⲛϩⲏⲧⲟⲩ • ⲉⲩⲙⲟⲟϣⲉ • ⲁϥⲟⲩⲱⲛ︦ϩ︦ ⲉ ⲣⲟⲟⲩ • ϩ︦ⲛ︦ ⲕⲉ
ⲙⲟⲣⲫⲏ • ⲉⲩⲃⲏⲕ • ⲉ ⲧⲥⲱϣⲉ • ⲛⲉⲧ ⲙ̄ⲙⲁⲩ ϩⲱⲟⲩ • ⲟⲛ • ⲁⲩ‐
ⲃⲱⲕ • ⲁⲩⲧⲁⲙⲉ ⲡⲕⲉ ⲥⲉⲉⲡⲉ • ⲟⲩⲇⲉ ⲟⲛ • ⲙⲡ̇ ⲟⲩⲡⲓⲥⲧⲉⲩⲉ •
ⲛ̄ ⲛ̄ⲉⲧ ⲙ̄ⲙⲁⲩ • ⲙ︦ⲛ︦ⲛⲥⲁ • ⲉⲩⲛⲏϫ • ⲙ ⲡⲙⲛ̄ⲧⲟⲩⲉ • ⲁϥⲟⲩ‐
ⲱⲛϩ̄ ⲉⲩⲟⲩⲱⲙ ⲁⲩⲱ • ⲁϥⲛⲟϭⲛⲉϭ • ⲛⲧⲉⲩⲙⲛ︦ⲧ︦ⲁⲧⲛⲁϩⲧⲉ •
ⲧⲉⲧⲙ︦ⲛ︦ⲧ︦ⲛⲁϣⲧϩⲏⲧ• ▨▨ⲙ▨▨▨▨▨▨▨▨▨▨▨▨▨▨|


### 0071

ⲡⲉϫⲁϥ • ⲇⲉ ⲛⲁⲩ • ϫⲉ ⲃⲱⲕ • ⲉ ⲃⲟⲗ • ϩ︦ⲙ︦ ⲡⲕⲟⲥⲙⲟⲥ
ⲧⲏⲣ︦ϥ︦ • ⲛⲧⲉⲧⲛ̄ⲧⲁϣⲉⲟⲉⲓϣ • ⲙ ⲡⲉⲩⲁⲅⲅⲉⲗⲓⲟⲛ • ⲙ
ⲡⲥⲱⲛ︦ⲧ︦ • ⲧⲏ︦ⲣ︦ϥ︦ • ⲡⲉⲧ ⲛⲁⲡⲓⲥⲧⲉⲩⲉ • ⲇⲉ ⲛ︦ϥ︦ϫⲓⲃⲁⲡⲧⲓⲥⲙⲁ •
ϥⲛⲁⲟⲩϫⲁⲓ • ⲡⲉⲧⲉ ⲛ︤ϥ︥ⲛⲁⲡⲓⲥⲧⲉⲩⲉ • ⲇⲉ ⲁⲛ • ⲥⲉⲛⲁⲧ‐
ϭⲁⲓⲟϥ • ⲛⲉⲓ ⲙⲁⲉⲓⲛ • ⲇⲉ ⲛⲁⲟⲩⲱϩ • ⲉ ⲛⲉⲧ ⲛⲁⲡⲓⲥⲧⲉⲩⲉ •
ⲥⲉⲛⲁⲛⲉϫ ⲇⲁⲓⲙⲟⲛⲓⲟⲛ • ⲉ ⲃⲟⲗ • ϩⲙ̄ ⲡⲁ ⲣⲁⲛ • ⲥⲉⲛⲁ‐
ϣⲁϫⲉ ϩ︤ⲛ︥ ⲛⲁⲥⲡⲉ • ⲥⲉⲛⲁϥⲓ ⲛ ϩⲉⲛϩⲟϥ • ϩⲛ̄ ⲛⲉⲩϭⲓϫ •
ⲕⲁⲛ ⲉⲩϣⲁⲛⲥⲱ ⲛ ⲟⲩⲡⲁϩⲣⲉ ⲙⲙⲟⲩ • ⲛ︦ⲥ︦ⲛⲁⲣⲃⲟⲟⲛⲉ
ⲛⲁⲩ ⲁⲛ • ⲥⲉⲛⲁⲧⲁⲗⲉ ⲧⲟⲟⲧⲟⲩ • ⲉϫⲛ̄ ⲛⲉⲧϣⲱⲛⲉ
ⲛⲥⲉⲙⲧⲟⲛ • ⲡϫⲟⲉⲓⲥ ⲇⲉ ⲓ︦ⲥ︦ ⲙⲛ̄ⲛⲥⲁ ⲧⲣ︦ϥ︦ϣⲁϫⲉ ⲛ︦ⲙ︦ⲙⲁⲩ •
ⲁⲩϫⲓⲧϥ̄ ⲉ ϩⲣⲁⲓ ⲉ ⲧⲡⲉ • ⲁϥϩⲙⲟⲟⲥ ⲛⲥⲁ ⲟⲩⲛⲁⲙ • ⲙ
ⲡⲛⲟⲩⲧⲉ • ⲛⲧⲟⲟⲩ ⲇⲉ • ⲛ ⲧⲉⲣ ⲟⲩⲉⲓ • ⲉ ⲃⲟⲗ • ⲁⲩⲧⲁϣⲉ‐
ⲟⲉⲓϣ • ⲛⲙ̄ⲙⲁⲉⲓⲛ • ⲉⲣⲉ ⲡϫⲟⲉⲓⲥ ϯ ⲛ ⲧⲟⲟⲧⲟⲩ • ⲉϥⲧⲁ‐
ϫⲣⲟ • ⲙ ⲡϣⲁϫⲉ • ϩⲓⲧⲛ̄ ⲙ̄ⲙⲁⲉⲓⲛ • ⲉⲧ ⲟⲩⲏⲏϩ • ⲛ̄ⲥⲱⲟⲩ •