### 0001

ⲞⲨⲈ[ⲚⲔ]ⲰⲘⲒⲞⲚ Ⲉ ⲀϤⲦⲀⲨⲞϤ • Ⲛ̄ϬⲒ ⲠϨⲀ-
ⲄⲒⲞⲤ ⲀⲠⲀ ⲀⲔⲀⲔⲒⲞⲤ • ⲠⲈⲠⲒⲤⲔⲞⲠⲞⲤ Ⲛ̄
ⲦⲔⲀⲒⲤⲀⲢⲒⲀ • ϨⲘ̄ ⲠⲘⲀⲢⲦⲎⲢⲒⲞⲚ • Ⲛ̄ ⲦⲀⲨ-
ⲔⲞⲦϤ̄ Ⲉ ⲠⲢⲀⲚ Ⲙ̄ ⲠϨⲀⲄⲒⲞⲤ ⲘⲈⲢⲔⲞⲨ-
ⲢⲒⲞⲤ • ϨⲘ̄ ⲠⲈϨⲞⲞⲨ Ⲙ̄ ⲠϤ︦Ⲣ︦ ⲠⲘⲈⲈⲨⲈ ⲈⲦ
ⲞⲨⲀⲀⲂ • ⲈⲦⲈ ⲤⲞⲨ ϪⲞⲨⲦⲈ ⲠⲈ Ⲙ̄ ⲠⲈⲂⲞⲦ
ⲀⲐⲰⲢ • Ⲉ ⲀϤⲈⲄⲰⲘⲒⲀⲍⲈ Ⲛ̄ϨⲀϨ Ⲛ̄ϬⲞⲘ •
ϨⲒ ϢⲠⲎⲢⲈ • ⲀⲨϢⲰⲠⲈ Ⲉ ⲂⲞⲖ ϨⲒ ⲦⲞⲞⲦϤ̄
Ⲙ̄ ⲠⲘⲀⲢⲦⲎⲢⲞⲤ ⲈⲦ ⲞⲨⲀⲀⲂ • ⲠϨⲀⲄⲒⲞⲤ
ⲘⲈⲢⲔⲞⲨⲢⲒⲞⲤ ϨⲚ ⲞⲨⲈⲢⲎⲚⲎ Ⲛ̄ⲦⲈ ⲠⲚⲞⲨ-
ⲦⲈ • ⲈⲢⲈ ⲚⲈϤⲤⲘⲞⲨ ⲈⲦ ⲞⲨⲀⲀⲂ ⲈⲨⲈ-
ϢⲰⲠⲈ ⲚⲘ̄ⲘⲀⲚ ⲦⲎⲢⲚ̄ ϨⲒ ⲞⲨⲤⲞⲠ • ϨⲀⲘⲎⲚ •
Ⲁⲗⲏⲑⲱⲥ ⲁ ⲡⲟⲩⲟⲉⲓⲛ ϣⲁ ⲛ̄ ⲉⲛⲇⲓⲕⲁⲓⲟⲥ • ⲙ̄ ⲡⲉⲓ
ϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲕⲁⲧ[ⲁ] ▨▨▨▨ ⲁ[ϥϫⲱ
ⲡⲉϩⲓⲉⲣⲟⲩⲯⲁⲗⲧⲏⲥ • ⲁⲩⲱ ⲡⲉⲓⲱⲧ ⲙ̄ ⲡⲉⲭ̄ⲥ • ⲕⲁⲧⲁ
ⲥⲁⲣⲝ̄ • ⲡⲣ︦ⲣ︦ⲟ ⲛ̄ ⲇⲓⲕⲁⲓⲟⲥ • ⲡϩⲩⲙⲛⲟⲇⲟⲥ ⲇⲁⲩⲉⲓⲇ •
ⲉϥⲱϣ ⲉ ⲃⲟⲗ • ⲉ[ϥ]|ⲱϣ ⲉ ⲃⲟⲗ • ϩⲛ̄ ⲧⲉϥⲥⲙⲏ ⲉⲧ ⲛⲟⲧⲙ̄ •
ⲉϥϫⲱ ϩⲛ̄ ⲧⲉϥⲕⲓⲑⲁⲣⲁ ϩⲙ̄ ⲡⲗⲁⲕⲧⲣⲟⲛ • [ⲉ]ⲧ ⲛ̄ⲧⲟⲟⲧϥ̄ •
ⲉϥϫⲱ ⲙⲙⲟⲥ • ϫⲉ ⲁ ⲡⲟⲩⲟⲉⲓⲛ ϣⲁ ⲛ̄ ⲛ̄ⲇⲓⲕⲁⲓⲟⲥ • ⲁⲩⲱ
ⲟⲛ • ϫⲉ ⲁ ⲡⲟⲩⲟⲉⲓⲛ ϣⲁ ϩⲙ̄ ⲡⲕⲁⲕⲉ • ⲉⲛ ⲛⲉⲧ ⲥⲟⲩⲧⲱⲛ
ϩⲙ̄ ⲡⲉⲩϩⲏⲧ • ⲡⲉϫⲉ ⲡⲉⲭ̄ⲥ ϩⲱϥ ϩⲙ̄ ⲡⲉⲩⲁⲅⲅⲉⲗⲓⲟⲛ •
ϫⲉ ⲧⲟⲧⲉ ⲛ̄ⲇⲓⲕⲁⲓⲟⲥ ⲛⲁⲣ̄ ⲟⲩⲟⲉⲓⲛ • ⲛ̄ⲑⲉ ⲙ̄ ⲡⲣⲏ ϩⲛ̄
ⲧⲙⲛ︦ⲧ︦ⲉⲣⲟ ⲙ̄ ⲡⲉⲩ[ⲉ]ⲓⲱⲧ • ⲁ ⲡϩⲁⲅⲓⲟⲥ [ⲙ]ⲉⲣⲕⲟⲩⲣⲓⲟⲥ


### 0002

▨▨▨ⲕⲛⲁⲩ ⲉ▨▨▨ⲛ̄ ⲁⲡⲉⲣⲁⲛⲧⲟⲛ ϫⲉ ⲛⲉⲕⲱ : ⲛ̄ϩⲗ̄‐
ⲗⲏⲛ ⲙ̄ⲡⲁⲧ ⲉⲕⲥⲟⲩⲛ ⲡⲉⲭ︦ⲥ︦ ⲕⲁⲗⲟⲥ • ⲁⲩⲱ ⲛ̄ ⲧⲉⲣⲉ
ϥϩⲟⲕϥ̄ • ⲛⲉϥⲃⲱⲕ ⲉ ⲃⲟⲗ ⲉ ⲡⲡⲟⲗⲩⲙⲟⲥ ⲛ̄ⲃⲁⲣⲃⲁⲣⲟⲥ •
ⲉϥϩⲓⲑⲏ ⲇⲉ ⲛⲇⲓⲕⲁ[ⲓ]ⲟⲥ ⲡⲣ︦ⲣ︦ⲟ ⲛ̄ ⲁⲛⲟⲙⲟⲥ ϩⲱⲥ ⲡⲟⲗⲩ‐
ⲙⲁⲣⲭⲏⲥ • ⲉϥⲁⲙⲁϩⲧⲉ ⲛⲉⲛⲥⲟⲧⲉ ⲛⲕ̄ⲗⲟ ⲉϥⲛⲁϣⲱϭⲉ
ⲛ̄ ⲛ̄ⲃⲁⲣⲃⲁⲣⲟⲥ ⲛ̄ϩⲏⲧⲟⲩ • ⲡⲁⲅⲅⲉⲗⲟⲥ ⲇⲉ ⲙ̄ ⲡϫⲟⲉⲓⲥ •
ⲁϥⲉⲓ ⲉ ⲡⲉⲥⲏⲧ ⲉ ⲃⲟⲗ ϩⲛ̄ ⲧⲡⲉ • ⲁϥⲧⲁⲁⲧ (sic) ⲉⲛ ⲧⲥⲏϥⲉ
ⲛⲁϥ • ϫⲉ ⲟϫⲛⲉ ⲛ̄ ⲛ̄ⲃⲁⲣⲃⲁⲣⲟⲥ▨▨▨
▨▨▨ⲧⲁ (?)
▨▨▨|ⲧ ⲉϣϣⲉ ⲡⲉ ⲉ ⲧⲣⲛ̄ⲟⲩⲟⲛϩ̄ ⲉ ⲃⲟⲗ • ⲛ̄ ⲟⲩⲛⲟϭ
ⲛ̄ ⲇⲓⲁⲑⲉⲥⲓⲥ ⲉ ϩⲟⲩⲛ ⲉ ⲣⲟⲟⲩ • ⲛ̄ⲧⲛ̄ϯ ⲛ̄ ⲟⲩⲧⲁⲓⲟ ⲛⲁⲩ •
ⲙⲛ̄ ⲟⲩⲉⲟⲟⲩ ⲕⲁⲧⲁ ⲡⲉⲩⲙⲡϣⲁ • ϩⲛ̄ ϩⲉⲛⲥⲡⲟⲇⲏ ⲙⲛ̄
ϩⲉⲛⲑⲩⲥⲓⲁ • ⲕⲁⲧⲁ ⲙ̄ ⲡⲉⲧ ⲛⲁⲛⲟⲩϥ • ⲛ̄ⲧⲁⲩⲁⲁⲩ ⲛⲁⲛ
ⲛ̄ϣⲟⲣⲡ̄ • ⲧⲛ̄ⲟⲩⲉϩⲥⲁϩⲛⲉ ⲉ ⲧⲣⲉⲩⲟⲩⲱⲛ ⲛ̄ ⲛ̄ⲣⲟ ⲛ̄
ⲛ̄ⲣⲡⲏⲩⲉ ⲧⲏⲣⲟⲩ • ⲕⲁⲧⲁ ⲡⲟⲗⲓⲥ • ⲁⲩⲱ ⲕⲁⲧⲁ ϯⲙⲉ •
ϫⲓ ϯϩⲣⲱⲙⲁⲛⲓⲁ ϣⲁ ⲣⲏⲥ ⲉ ⲡⲓⲗⲁⲕ • ⲙⲛ̄ ⲛⲓϭⲟⲟϣ •
ⲉ ⲛⲥⲉⲧⲁⲗⲉ ⲗⲓⲃⲁⲛⲟⲥ ⲉ ϩⲣⲁⲓ ⲛ̄ ⲛ̄ⲛⲟⲩⲧⲉ ⲉⲧⲁⲓⲏⲩ • ⲛⲥⲉ‐
ⲉⲓⲣⲉ ⲛⲉⲩϣⲙ̄ϣⲉ ϩⲛ̄ ⲟⲩⲛⲟϭ ⲛ̄ ⲥⲡⲟⲩⲇⲏ • ⲉ ⲧⲙ̄ ⲧⲣⲉ
ⲗⲁⲁⲩ ⲛ̄ⲭⲣⲓⲥⲧⲓⲁⲛⲟⲥ • ⲁⲩⲱⲛϩ̄ ⲉ ⲃⲟⲗ ϩⲛ̄ ⲗⲁⲁⲩ ⲙ̄ⲙⲁ •
ⲁⲩⲱ ⲛ̄ⲧⲉ ⲛ̄ⲁⲣⲭⲱⲛ ⲛ̄ ⲧⲉⲡⲁⲣⲭⲓⲁ • ⲇⲓⲱⲕⲉⲓ ⲛ̄ⲥⲁ ⲛⲉⲓ
ⲭⲣⲓⲥϯⲁⲛⲟⲥ ⲕⲁⲧⲁ ⲙⲁ • ⲉⲓⲧⲉ ⲉⲡⲓⲥⲕⲟⲡⲟⲥ • ⲉⲓⲧⲉ ⲡⲣⲉⲥ‐
ⲃⲩⲧⲉⲣⲟⲥ • ⲉⲓⲧⲉ ⲁⲛⲁⲅⲛⲱⲥⲧⲏⲥ • ⲉⲓⲧⲉ ⲙⲟⲛⲁⲭⲟⲥ • ⲉⲓⲧⲉ
ⲕⲟⲥⲙⲓⲕⲟⲛ • ⲉⲓⲧⲉ ϩⲟⲟⲩⲧ • ⲉⲓⲧⲉ ⲥϩⲓⲙⲉ • ⲉⲓⲧⲉ ⲙⲁⲧⲟⲓ •
ⲉⲓⲧⲉ ⲡⲁⲅⲁⲛⲟⲥ • ⲉⲓⲧⲉ ⲧⲁⲝⲓⲱⲧⲏⲥ • ϩⲁⲡⲗⲟⲥ ⲅⲉⲛⲟⲥ ⲛⲓⲙ
ⲛ̄ⲣⲱⲙⲉ • ⲉ ⲧ[ⲃⲉ] | ⲡⲁⲙⲁϩⲧⲉ ⲛ̄ⲧⲁⲙⲛ︦ⲧ︦ⲉⲣⲟ • ⲉ ⲧⲣⲉⲩ
ⲑⲩⲥⲓⲁⲍⲉ ⲛ̄ ⲛ̄ⲛⲟⲩⲧⲉ ⲉⲧⲁⲓⲏⲩ • ⲁⲩⲱ ⲡⲉⲧ ⲛⲁⲁⲛϯⲗⲉⲅⲉⲓ
ⲙ̄ ⲡⲁ ⲟⲩⲉϩⲥⲁϩⲛⲉ • ⲉⲩⲉⲡⲁⲣⲁⲇⲓⲇⲟⲩ ⲙ̄ⲙⲟϥ • ⲉ ϩⲉⲛ‐
ⲛⲟϭ ⲛ̄ⲃⲁⲥⲁⲛⲟⲥ ⲉⲩϣⲟⲃⲉ • ϣⲁⲛⲧ ⲟⲩⲙⲟⲩ • ⲧⲟⲧⲉ ⲁϥ‐
ⲟⲩⲉϩⲥⲁϩⲛⲉ ⲛ̄ϭⲓ ⲇⲉⲕⲓⲟⲥ ⲡⲣ︦ⲣ︦ⲟ ⲛ̄ ⲁⲛⲟⲙⲟⲥ • ⲉ ⲧⲣⲉ
ⲡⲕⲩⲣ[ⲓ]ⲝ ⲱϣ ⲉ ⲃⲟⲗ • ϩⲛ̄ ⲧⲡⲟⲗⲓⲥ ⲧⲏⲣⲥ̄ • ϫⲉ ⲉⲩϫⲓ
ⲉ ⲣⲱⲧⲛ̄ ⲧⲏⲣⲧⲛ̄ ⲙ̄ ⲡⲗⲁⲟⲥ • ϫⲉ ⲉⲓⲧⲉ ⲙⲁⲧⲟⲓ • ⲉⲓⲧⲉ
ⲡⲁⲅⲁⲛⲟⲥ • ⲉⲓⲧⲉ ⲅⲉⲛⲟⲥ ⲛⲓⲙ ⲛ̄ⲣⲱⲙⲉ • ⲙⲛ̄ ϩⲩⲗⲓⲕⲓⲁ
ⲛⲓⲙ • [ϫ]ⲉ ⲁⲙⲏⲓⲧⲛ̄ ⲧⲏⲣⲧⲛ̄ ▨▨▨ⲣ̄ⲡⲉ ⲛ̄ ⲛ̄ⲛⲟⲩⲧⲉ •
[ⲛ̄ⲧⲉ]ⲧⲛ̄ⲧⲁⲗⲉ ⲑⲩⲥⲓⲁ ⲛⲁⲩ ⲉ ϩⲣⲁⲓ • ⲁⲩϫⲣⲟ ⲛ̄ⲧϣⲏⲩⲉ ϩⲓⲣⲙ̄
ⲡⲣⲟ ⲙ̄ ⲡⲣ̄ⲡⲉ • ⲁⲩⲧⲁⲗⲉ ⲑⲩⲥⲓⲁ ⲛⲁⲩ ⲉ ϩⲣⲁⲓ ϩⲓ ⲗⲓⲃⲁⲛⲟⲥ •


### 0003

ⲙⲛ̄ ϩⲉⲛⲙⲁⲥⲉ • ⲙⲛ̄ ϩⲉⲛϭⲓⲉⲓ̈ • ⲙⲛ̄ ϩⲉⲛϩⲁⲗⲁⲁⲧⲉ • ⲁ
ⲡⲉⲥⲧⲉⲣⲉⲩⲱⲙⲁ ⲙⲟⲩϩ • ϩⲙ̄ ⲡⲕⲁⲡⲛⲟⲥ ⲙ̄ ⲡⲉⲥϯ ⲃⲱⲱⲛ •
ⲛ̄ ⲛⲉⲩⲑⲩⲥⲓⲁ • ⲁⲩⲱ ⲛⲉⲣⲉ ⲟⲩⲛⲟϭ ϣⲟⲟⲡ ϩⲛ̄ ⲛⲉ‐
ⲭⲣⲓ[ⲥⲧ]ⲓⲁⲛⲟⲥ • ⲛ̄ϣⲧⲟⲣⲧⲣ̄ ⲉⲩⲇⲓⲱⲕⲉⲓ ⲛ̄ⲥⲱⲟⲩ • ⲉⲩ‐
ϩⲓⲟⲩⲉ ⲉ ⲣⲟⲟⲩ • ⲉⲩⲥⲱⲕ ⲙ̄ⲙⲟⲟⲩ ⲉ ⲛⲉⲥⲡⲩⲗⲱⲛ • ⲙⲛ̄
ⲙ̄ⲙⲁ ⲉⲧ ϩⲉⲡ • ⲉⲩⲁⲛⲁⲅⲁⲍⲉ | ⲙ̄ⲙⲟⲟⲩ ⲉⲣ ⲑⲩⲥⲓⲁ • ⲉⲣⲉ
ϩⲉⲛⲛⲟϭ ⲛ̄ ⲧⲁⲣⲁⲭⲏ ϣⲟⲟⲡ ⲕⲁⲧⲁ ⲙⲁ • ⲁϥⲟⲩⲉϩⲥⲁϩⲛⲉ
ⲅⲁⲣ ⲛ̄ ⲡⲧⲩⲣⲁⲛⲛⲟⲥ • ⲉ ⲕⲱ ⲉ ϩⲣⲁⲓ ϩⲓⲑⲏ ⲙ̄ⲙⲟϥ •
ⲉⲛⲉⲓⲇⲟⲥ ⲛⲓ̈ⲙ ⲛ̄ⲕⲟⲗⲁⲥⲧⲓⲣⲓⲟⲛ ⲉⲩϯ ϩⲟⲧⲉ • ϫⲉ ⲕⲁⲥ
ⲉⲩⲉⲛⲁⲩ ⲉ ⲣⲟⲟⲩ ⲛ̄ϭⲓ ⲛⲉⲭⲣⲓⲥϯⲁⲛⲟⲥ • ⲛ̄ⲥⲉⲣ ϩⲟⲧⲉ
ϩⲉⲛⲥⲏϥⲉ ⲉⲩⲧⲁⲁⲧⲉ • ⲙⲛ̄ ϩⲉⲛ ⲙ̄ⲙⲁ ⲛ̄ ⲙ̄ⲕⲟⲧⲕ̄ ⲙ̄
ⲡⲉⲛⲓⲡⲉ • ⲙⲛ̄ ⲛⲉϣⲁⲩⲥⲉⲕ ⲛⲉⲩⲣⲟⲛ ⲛ̄ϩⲏⲧⲟⲩ • ⲙⲛ̄ ϩⲉⲛ‐
ⲧⲟⲕ ⲛ̄ϣⲉⲧ ⲗⲁⲥ • ⲙⲛ̄ ϩⲉⲛⲕⲟⲩⲡⲓⲥ ⲙⲛ̄ ϩⲉⲛϭⲟⲣⲧⲉ
ⲉⲩϫⲏⲣ • ⲙⲛ̄ ϩⲉⲛⲭⲁⲗⲕⲓⲟⲛ ⲉⲩⲙⲉϩ ⲛ̄ ⲗⲁⲙϫⲁⲧⲡ̄ ⲉⲩ‐
ⲃⲏⲣⲃⲣ̄ • ⲁⲩⲱ ⲟⲛ ϩⲉⲛⲭⲁⲗⲕⲓⲟⲛ ⲉⲩⲙⲉϩ ϩⲛ̄ⲥⲏⲙⲁ • ⲁⲩⲱ
ϩⲉⲛⲧⲣⲟⲭⲟⲥ ⲛ̄ⲃⲁϣⲟⲩⲣ • ⲙⲛ̄ ⲡⲕⲉ ⲥⲉⲉⲡⲉ ⲛ̄ⲕⲟⲗⲁⲥϯⲏ‐
ⲣⲓⲟⲛ ⲉⲩϯ ϩⲟⲧⲉ • ⲛⲉϥϫⲱ ⲅⲁⲣ ⲙ̄ⲙⲟⲥ • ⲛ̄ϭⲓ ⲡⲣ︦ⲣ︦ⲟ
ⲛ̄ ⲁⲥⲉⲃⲏⲥ ⲉⲧ ⲙ̄ⲙⲁⲩ • ϫⲉ ⲡⲉⲧ ⲛⲁϯ ⲁⲛϯⲗⲉⲅⲉⲓ ⲙ̄ ⲡⲁ
ⲟⲩⲉϩⲥⲁϩⲛⲉ • ϯⲛⲁⲡⲱⲣⲕ̄ ⲛ̄ⲛⲉϥⲃⲁⲗ • ⲛ̄ⲧⲁϣⲱⲧ ⲙ̄ ⲡⲉϥ‐
ⲗⲁⲥ • ⲛ̄ⲧⲁⲉⲓⲛⲉ ⲉ ⲃⲟⲗ ⲙ̄ ⲡϥ̄ⲛϩⲱⲛ : ⲛ̄ⲧⲁⲓⲟⲩⲉⲓⲥⲉ ⲥⲏⲃⲉ
ⲛ̄ⲣⲁⲧϥ̄ • ⲛ̄ⲧⲁⲓⲉⲓⲛⲉ ⲉ ⲃⲟⲗ ⲙ̄ ⲡⲉϥⲁⲛⲕⲉⲫⲁⲗⲟⲥ • ⲡⲕⲉ
ⲥⲉⲉⲡ[ⲉ] | ⲇⲉ ⲙ̄ ⲡⲉϥⲥⲱⲙⲁ • ϯⲛⲁⲧⲁϥ ⲉ ⲡⲕⲱϩⲧ̄ ⲛϥ̄ⲁⲛ‐
ϩⲁⲗⲓⲥⲕⲉⲓ ⲙ̄ⲙⲟϥ • ⲛ̄ ⲧⲉⲣ ⲟⲩⲛⲁⲩ ⲇⲉ ⲉ ⲛⲁⲓ ⲛ̄ϭⲓ
ⲛ̄ⲣⲱⲙⲉ ⲛ̄ ⲉⲩⲥⲉⲃⲏⲥ • ⲁⲩ ⲟⲩⲛⲟϭ ⲙⲛ︦ⲧ︦ϭⲁⲃ ϩⲏⲧ ⲧⲁ‐
ϩⲟⲟⲩ • ⲁⲩⲣ̄ϩⲟⲧⲉ • ⲁⲩⲕⲁ ⲧⲟⲟⲧⲟⲩ ⲉ ⲃⲟⲗ • ⲉⲣⲉ ⲡⲟⲩⲁ
ⲡⲟⲩⲁ ⲡⲁⲣⲁⲇⲓⲇⲟⲩ • ⲙ̄ ⲡⲉⲧ ϩⲓⲧⲟⲩⲱϥ ⲉ ⲡⲙⲟⲩ • ϩⲉⲛ‐
ⲉⲓ̈ⲟⲧⲉ ⲉⲩⲡⲁⲣⲁⲇⲓⲇⲟⲩ ⲛ̄ⲛⲉⲩϣⲏⲣⲉ ⲉ ⲡⲙⲟⲩ • ⲁⲩⲣ̄
ⲡⲱⲃϣ̄ ⲛ̄ ⲧⲙⲉ ⲛ̄ ⲧⲉⲫⲩⲥⲓⲥ ⲁⲩⲱ [ϩ]ⲉⲛⲥⲛⲏⲩ ⲉⲩⲥⲱⲕ ⲙ̄‐
ⲙⲟⲟⲩ • ⲉⲩϩⲱⲣⲃⲣ̄ ⲙ̄ⲙⲟⲟⲩ • ⲉⲩⲡⲁⲣⲁⲇⲓⲇⲟⲩ ⲙ̄ⲙⲟⲟⲩ •
ⲉⲣⲉ ⲟⲩⲛⲟϭ ⲛ̄ϣⲧⲱⲣⲧⲣ̄ ϣⲟⲟⲡ : ⲛ̄ ⲟⲩⲟⲛ ⲛⲓⲙ ⲉⲧ ϩⲟⲙⲟ‐
ⲗⲟⲅⲉ ⲙ̄ ⲡⲣⲁⲛ ⲙ̄ ⲡⲣⲁⲛ (sic) ⲛ̄ ⲓ︦ⲥ︦ • ⲛⲉⲩⲛ̄ ⲟⲩϣⲏⲣⲉ ⲇⲉ
ϣⲏⲙ ⲛ̄ϫⲱⲱⲣⲉ • ϩⲙ̄ ⲡⲉⲥⲧⲣⲁⲧⲉⲩⲙⲁ • ⲉ ⲡⲉϥⲣⲁⲛ ⲡⲉ
ⲙⲉⲣⲕⲟⲩⲣⲓⲟⲥ • ⲉϥϩⲏⲕ ϩⲙ̄ ⲡⲁⲣⲓⲑⲙⲟⲥ ⲛ̄ ⲛ︦ⲙ︦ⲙ︦ⲁⲣⲧⲩ‐
ⲥⲓⲟⲥ • ⲉϥⲣ̄ ϩⲟⲧⲉ ϩⲏⲧϥ̄ ⲙ̄ ⲡⲛⲟⲩⲧⲉ ⲉⲛⲉⲓⲥⲱϥ ⲉⲙⲁⲧⲉ •


### 0004

ϩⲙ̄ ⲡⲉϥⲉⲓⲛⲉ • ⲉⲣⲉ ⲡⲉⲥⲧⲣⲁⲧⲉⲩⲙⲁ ⲧⲏⲣϥ̄ ⲙⲉ ⲙ̄ⲙⲟϥ •
ⲉ ⲧⲃⲉ ⲧⲉϥⲉⲡⲓⲥⲧⲏⲙⲓ̈ | ⲛⲉϥⲉⲑⲟⲥ ⲟⲩ ⲉ ⲃⲟⲗ ⲡⲉ ϩⲛ̄
ⲧⲉⲭⲱⲣⲁ ⲛ̄ ⲧⲕⲁⲡⲡⲁⲇⲟⲕⲓⲁ ϩⲙ̄ ⲡϥ̄ⲅⲉⲛⲟⲥ • ⲉⲩⲭⲣⲓⲥϯⲁ‐
ⲛⲟⲥ ⲡⲉ ϫⲓ[ⲛ] ⲧⲉϥⲙⲛ︦ⲧ︦ⲕⲟⲩⲓ̈ • ⲙⲛ̄ ⲛⲉϥⲉⲓⲟⲧⲉ ⲛ̄ ⲟⲩ‐
ϫⲱⲱⲣⲉ ⲡⲉ ϩⲙ̄ ⲡⲡⲟⲗⲩⲙⲟⲥ • ⲉⲣⲉ ⲡⲛⲟⲩⲧⲉ ϣⲟⲟⲡ ⲛⲙ̄‐
ⲙⲁϥ ϩⲛ̄ ⲛϥ̄ϩⲃⲏⲩⲉ ⲧⲏⲣⲟⲩ • ⲛ̄ ⲧⲉⲣ ϥ̄ⲛⲁⲩ ⲉ ⲣⲟϥ ⲛ̄ϭⲓ
ⲡⲉⲧⲣⲓⲃⲟⲩⲛⲟⲥ • ϫⲉ ⲉϥⲡⲣⲟⲕⲟⲡⲧⲉⲓ ϩⲛ̄ ⲧⲉϥⲧⲁⲝⲓⲥ • ⲙⲛ̄
ⲧϩⲉⲝⲓⲥ ⲛ̄ ⲧⲙⲛ︦ⲧ︦ⲙⲁⲧⲟⲓ • ⲁϥⲁⲁϥ ⲛ̄ ⲧⲣⲓⲙⲏⲕⲓⲣⲓⲟⲥ (sic)
ⲉϫⲙ̄ ⲡⲉϥⲁⲣⲓⲑⲙⲟⲥ • ⲡⲣ︦ⲣ︦ⲟ ⲇⲉ ⲛ̄ ⲧⲉⲣⲉ ϥⲛⲁⲩ ⲉ ⲧⲙⲛ︦ⲧ︦‐
ϫⲱⲱⲣⲉ ⲙ̄ ⲡϣⲏⲣⲉ ϣⲏⲙ • ⲁϥⲙⲉⲣⲓⲧ[ϥ̄] • ⲁϥⲕⲁⲁϥ
ⲉϥⲧⲏϭ ⲉ ⲣⲟϥ • ⲉϥϣⲟϫⲛⲉ ⲛⲙ̄ⲙⲁϥ ⲉ ⲛⲉϩⲃⲏⲩⲉ ⲙ̄
ⲡⲁⲗⲗⲁϯⲟⲛ • ⲁⲥϣⲱⲡⲉ ⲇⲉ ⲙⲛ︦ⲛ︦ⲥⲁ ⲛⲁⲓ • ⲇⲉ ⲉⲣⲉ
ⲡⲇⲓⲱⲕⲙⲟⲥ ⲥⲏⲣ ⲉ ⲃⲟⲗ • ⲁ ⲡϩⲉⲑⲛⲟⲥ ⲛ̄ⲃⲁⲣⲃⲁⲣⲟⲥ •
ⲧⲱⲟⲩⲛ ⲉ ϩⲣⲁⲓ ⲉϫⲛ̄ ϩⲣⲱⲙⲁⲓⲟⲥ • ⲡⲣ︦ⲣ︦ⲟ ⲇⲉ ⲇⲉⲕⲓⲟⲥ •
ⲙⲛ̄ ⲧⲥⲩⲛⲕⲗⲏⲧⲟⲥ ⲧⲏⲣⲥ̄ • ⲁⲩⲁⲡⲟⲣⲉⲓ ⲉ ⲧⲃⲉ ⲧⲛⲟϭ ⲛ̄
ⲁⲡⲟⲣⲓⲁ • ⲙⲛ̄ ⲧⲙⲛ︦ⲧ︦ⲁⲃⲟⲗⲏ ⲛ̄ⲧⲁⲥϣⲱⲡⲉ • ϩⲛ̄ ⲟⲩϣⲡ̄ ⲛ̄
ϣⲱⲡ • ⲁⲩⲡ[ⲟ]ⲗⲉⲙⲉⲓ ⲛⲙ̄ⲙⲁⲩ ⲛ̄ϭⲓ ⲛ̄ⲃⲁⲣⲃ[ⲁⲣⲟⲥ] • |
ϩⲱⲥ ⲧⲉ ⲛ̄ⲥⲉϥⲓ̈ ⲛ̄ ⲧⲟⲟⲧⲟⲩ • ⲛ̄ ⲧⲛⲟϭ ⲛ̄ ϩⲁⲣⲙⲉⲛⲓⲁ • ⲉⲧ
ϣⲟⲟⲡ ϩⲛ̄ ⲛⲉⲩⲧⲟϣ • ⲛ̄ ⲧⲉⲩⲙⲏⲏⲧⲉ • ⲙⲛ̄ ⲛⲉϩⲣⲱ‐
ⲙⲁⲓⲟⲥ • ⲡⲣ︦ⲣ︦ⲟ ⲇⲉ ⲇⲉⲕⲓⲟⲥ • ⲁϥⲟⲩⲉϩⲥⲁϩⲛⲉ ⲥⲟⲟⲩϩ ⲉ
ϩⲟⲩⲛ • ⲛ̄ⲛⲟⲩⲙⲉⲣⲟⲛ • ⲙⲛ̄ ⲛ̄ⲁⲣⲓⲑⲙⲟⲥ ⲧⲏⲣⲟⲩ ⲛ̄ⲛⲉ‐
ϩⲣⲱⲙⲁⲓⲟⲥ • ϫⲉ ⲕⲁⲥ ⲉⲩⲉⲃⲱⲕ ⲉ ⲃⲟⲗ • ⲉ ⲡⲡⲟⲗⲉⲙⲟⲥ ⲉ
ⲙⲓϣⲉ ⲙⲛ̄ ⲛ̄ⲃⲁⲣⲃⲁⲣⲟⲥ • ⲧⲟⲧⲉ ⲡⲣ︦ⲣ︦ⲟ ⲁϥⲧⲱϣ [ⲛ̄]ⲛⲟⲩⲙⲉ‐
ⲣⲟⲛ • ⲙⲛ̄ ⲛ̄ ⲛ̄ⲁⲣⲓⲑⲙⲟⲥ ⲁϥⲙⲟⲟϣⲉ ⲉ ⲃⲟⲗ • ⲉ ⲡⲡⲟⲗⲉⲙⲟⲥ
ⲛ̄ⲃⲁⲣⲃⲁⲣⲟⲥ • ⲁϥϫⲓⲟⲣ ⲙ̄ ⲡⲉⲩⲫⲣⲁⲧⲏⲥ ⲡⲛⲟϭ ⲛ̄ ⲉⲓⲉⲣⲟ •
ⲡⲁⲓ ⲉⲧ ϣⲟⲟⲡ ϩⲛ̄ ⲛ̄ ⲛ̄ⲧⲟϣ ⲛ̄ ⲑⲉⲣⲙⲉⲛⲓⲁ • ⲁϥⲧⲁϫⲣⲟ
ⲙ̄ ⲡϩⲟⲧ [ⲛ̄]ⲃⲁⲗ ⲛ̄ ⲛ̄ⲃⲁⲣⲃⲁⲣⲟⲥ • [ⲁϥ]ϭⲱ ϩⲓⲣⲛ̄ ⲣⲱⲟⲩ •
ⲙⲛ̄ ⲡⲉϥⲥⲧⲣⲁⲧⲉⲩⲙⲁ • ϩⲙ̄ ⲡⲉⲟⲩⲟⲉⲓϣ ⲉⲧ ⲙ̄ⲙⲁⲩ • ⲛ̄ⲧⲁ‐
ⲥⲟⲩⲱⲛϩ̄ ⲉ ⲃⲟⲗ ⲛ̄ϭⲓ ⲧⲙⲛ︦ⲧ︦ϫⲱⲱⲣⲉ • ⲙ̄ ⲡⲉⲓ ⲅⲉⲛⲛⲁⲓⲟⲥ
ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉⲡⲓⲥⲧⲟⲥ ⲛⲁⲙⲉ : ⲁⲩⲱ ⲡⲉⲓ ⲡⲣⲩ‐
ⲙⲏⲕⲓⲣⲓⲟⲥ (sic) ⲙ̄ ⲡⲁⲣⲓⲑⲙⲟⲥ ⲛ̄ ⲙ̄ⲙⲁⲣⲧⲩⲣⲟⲥ (sic) • ⲉⲛⲉⲩ
ⲟⲩⲣⲱⲙⲉ ⲅⲁⲣ ⲡⲉ • ⲉϥϫⲏⲕ ⲉ ⲃⲟⲗ ⲙ̄ ⲙⲛ︦ⲧ︦ⲣⲉϥϣⲙ̄ϣⲉ
ⲛⲟⲩⲧⲉ • ⲁⲩⲱ ⲉϥⲡⲟⲗⲓⲧⲉⲩⲉ ϩⲛ̄ ⲙⲛ︦ⲧ︦ⲉⲩⲥⲉⲃⲏⲥ ⲛⲓⲙ • ⲉⲣⲉ
ⲡϣⲁϫⲉ ⲙ̄ ⲡⲛⲟⲩⲧⲉ ϩⲟⲗϭ̄ ϩⲛ̄ ⲧⲉϥ|ⲧⲁⲡⲣⲟ ⲛⲁⲩ ⲛⲓⲙ •


### 0005

ⲛ̄ϩⲟⲩⲟ ⲟⲩⲉⲃⲃⲓⲱ(sic)• ⲁⲥϣⲱⲡⲉ ⲇⲉ ⲛ︦ⲛ︦ⲟⲩϣⲏ • ⲉϥⲛ̄ⲕⲟⲧⲕ̄ ⲛ̄
ⲧⲙⲏⲏⲧⲉ ⲙ̄ ⲡⲉⲥⲧⲣⲁⲧⲉⲩⲙⲁ • ⲙⲛ︦ⲛ︦ⲥⲁ ⲧⲣⲉϥⲟⲩⲱ ⲉⲛ︦ϥ︦‐
ⲉⲓⲣⲉ ⲛϥ̄ϣⲗⲏⲗ • ⲁϥⲱⲃϣ̄ ⲛ̄ ⲟⲩⲕⲟⲩⲓ • ⲁⲩⲱ ⲉⲓⲥ ⲟⲩⲁⲅⲅⲉ‐
ⲗⲟⲥ ⲛ̄ⲧⲉ ⲡϫⲟⲉⲓⲥ ⲁϥⲁϩⲉ ⲣⲁⲧϥ̄ ϩⲓ ϫⲱϥ• ⲁϥⲧⲃⲥ̄ ⲡⲉϥⲥⲡⲓ̈ⲣ •
ⲁϥⲧⲟⲩⲛⲟⲥϥ̄ ⲉⲣⲉ ⲟⲩⲥⲏϥⲉ ϩⲛ̄ ⲧⲉϥϭⲓϫ • ⲛ̄ ⲟⲩⲛⲁⲙ • ⲉϥϯ
ϩⲟⲧⲉ ϩⲙ̄ ⲡⲉϥⲉⲓⲛⲉ • ⲉⲣⲉ ⲟⲩϩⲱⲛ ϩⲓⲱⲱϥ • ⲉϥⲟ ⲛ̄ ⲛ̄ϣ‐
ⲡⲏⲣⲉ • ⲛ̄ ⲧⲉⲣⲉ ϥⲛⲁⲩ ⲇⲉ ⲉⲣⲟϥ • ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ •
ⲁϥⲣ̄ ϩⲟⲧⲉ ⲉⲙⲁⲧⲉ • ⲁϥⲟⲩⲱϣⲃ̄ ⲛⲁϥ ⲛ̄ϭⲓ ⲡⲁⲛⲅⲉⲗⲟⲥ •
ⲡⲉϫⲁϥ ⲛⲁϥ • ϫⲉ ⲙⲉⲣⲕⲟⲩⲣⲓⲟⲥ • ⲛ̄ⲧⲟϥ ⲇⲉ ⲡⲉϫⲁϥ • ϫⲉ
ⲉⲓⲥ ϩⲏⲏⲧⲉ ⲁⲛⲟⲕ ⲡϫⲟ̄ⲉⲓⲥ • ⲁϥⲟⲩⲱⲛ ⲇⲉ ⲛⲉϥⲃⲁⲗ ⲛ̄ϭⲓ
ⲙⲉⲣⲕⲟⲩⲣⲓⲟⲥ • ⲁⲩⲱ ⲛ̄ ⲧⲉⲣ ϥⲛⲁⲩ ⲉ ⲡⲁⲅⲅⲉⲗⲟⲥ ⲁϥⲣ̄‐
ϩⲟⲧⲉ • ⲉϥⲙⲉⲉⲩⲉ ϫⲉ ⲟⲩⲁ ⲡⲉ ϩⲛ̄ ⲛ̄ ⲙ̄ⲙⲁⲅⲓⲥⲧⲣⲓⲁⲛⲟⲥ
ⲙ̄ ⲡⲣ︦ⲣ︦ⲟ • ⲏ̄ ⲟⲩⲥⲧⲣⲁⲧⲩⲗⲁⲧⲏⲥ ⲡⲉ • ⲛ̄ⲧⲟϥ ⲇⲉ ⲁϥ‐
ⲥⲟⲟⲩⲧⲛ̄ ⲉ ⲣⲟϥ • ⲛ̄ ⲧⲥⲏϥⲉ ⲉⲧ ⲛ̄ⲧⲟⲟⲧϥ̄ • ⲉⲥⲧⲟⲕⲙ̄
ϩⲛ̄ | [ⲧⲉϥ]ϭⲓϫ ⲉϥϫⲱ ⲙ̄ⲙⲟⲥ ⲛⲁϥ • ϫⲉ ϫⲓ ⲛⲁⲕ ⲛ̄
ⲧⲉⲓ ⲥⲏϥⲉ ⲉⲧ ⲧⲱⲕⲙ̄ • ⲉⲧ ϩⲛ̄ ⲧⲁϭⲓϫ • ϩⲓⲧⲛ̄ ⲧⲁⲓ̈ ⲅⲁⲣ
ⲉⲕⲛⲁⲡⲁⲧⲁⲥⲥⲉ ⲛ̄ ⲧϭⲟⲙ ⲧⲏⲣⲥ̄ ⲛ̄ ⲛ̄ⲃⲁⲣⲃⲁⲣⲟⲥ • ⲁⲛⲟⲕ
ⲅⲁⲣ ⲡⲉ ⲡⲁⲣⲭⲏⲥⲧⲣⲁⲧⲏⲅⲟⲥ ⲛ̄ ⲧϭⲟⲙ ⲙ̄ ⲡϫⲟⲉⲓⲥ •
ⲛ̄ⲧⲁⲓⲉⲓ ⲅⲁⲣ ⲉ ⲃⲟⲏⲑⲉⲓ ⲉ ⲣⲟⲕ • ⲙⲛ̄ ⲛⲉⲕϣⲃⲏⲣ ⲙ̄ⲙⲁ‐
ⲧⲟⲓ • ⲛⲁⲓ ⲉⲧ ⲡⲓ̈ⲥⲧⲉⲩⲉ ⲉ ⲡϫⲟⲉⲓⲥ ⲓ︦ⲥ︦ ⲡⲉⲭ︦ⲥ • ⲧⲉⲛⲟⲩ ϭⲉ
ϫⲣⲟ ⲛⲅ̄ ϭⲙ̄ϭⲟⲙ • ⲁⲛⲟⲕ ⲅⲁⲣ ϯϣⲟⲟⲡ ⲛⲙ̄ⲙⲁⲕ ϣⲁ
ⲡϫⲱⲕ ⲉ ⲃⲟⲗ ⲙ̄ ⲡⲉⲕⲁⲅⲱⲛ ϩⲛ̄ ⲟⲩⲉⲣⲏⲛⲏ • ⲉⲥ (sic) ϩⲏⲏⲧⲉ
ⲉⲓ (sic) ⲡⲉⲟⲩⲟⲉⲓϣ ⲁϥⲉⲓ • ⲁⲩⲱ ⲉⲓⲥ ⲡⲁⲅⲱⲛ ⲡⲟⲣϣ̄ ⲉ ⲃⲟⲗ •
ⲙⲓϣⲉ ⲛ̄ⲧⲁⲣⲉⲕϫⲓ ⲙ̄ ⲡⲉⲕϭⲟⲙ • ⲙⲉⲣⲉϣⲟⲉ[ⲓ]ϫ ϫⲓ ⲕⲗⲟⲙ •
ⲉⲓ ⲙⲏ ⲧⲉⲓ ⲛϥ̄ⲙⲓϣⲉ ⲕⲁⲗⲱⲥ • ⲁⲩⲱ ⲡⲟⲩⲟⲓⲉ ⲉⲧ ϩⲟⲥⲉ •
ⲛ̄ⲧⲟϥ ⲡⲉ ϣⲁϥϫⲓ ⲉ ⲃⲟⲗ ϩⲛ̄ ⲛ̄ⲕⲁⲣⲡⲟⲥ ⲛ̄ϣⲟⲣⲡ̄ • ⲧⲉ‐
ⲛⲟⲩ ϭⲉ ⲥⲱⲧⲙ̄ ⲛ̄ϣⲁϫⲉ ϯϫⲱ ⲙ̄ⲙⲟⲟⲩ ⲛⲁⲕ • ⲁⲩⲱ ⲙ̄ⲡⲣ̄
ⲱⲥⲕ̄ ⲉⲕⲧⲟⲕ ⲉ ⲡϫⲟⲉ︦ⲓ︦ⲥ︦ ⲉ ⲡⲉⲕⲛⲟⲩⲧⲉ • ⲟⲩⲛⲟϭ ⲅⲁⲣ ⲛ̄
ⲁⲅⲱⲛ ϭⲉⲉⲧ ⲉ ⲣⲟⲕ • ⲁⲩⲱ ⲕⲛⲁϣⲱⲡⲉ ⲛ̄ ⲟⲩⲙⲁⲣⲧⲩ|ⲣⲟⲥ
ⲛ̄ ϫⲱⲱⲣⲉ • ⲧⲉⲕⲙⲁⲣⲧⲩⲣⲓⲁ ⲅⲁⲣ • ⲛⲁⲣ ⲥⲟⲉⲓⲧ ϩⲛ̄ ⲧⲟⲓ‐
ⲕⲟⲩⲙⲉⲛⲏ ⲧⲏⲣⲥ̄ • ⲁⲩⲱ ⲟⲩⲟⲛ ⲛⲓⲙ ⲉⲧ ⲥⲱⲧⲙ̄ ⲉ ⲣⲟⲥ •
ⲛⲁⲣ̄ ϣⲡⲏⲣⲉ ⲛ̄ ⲧⲉⲕⲙⲛ︦ⲧ︦ϫⲱⲱⲣⲉ • ⲛ̄ⲥⲉϯⲉⲟⲟⲩ ⲙ̄ ⲡⲛⲟⲩⲧⲉ •
ⲉⲧⲃⲉ ⲛ̄ϭⲟⲙⲙⲛ̄ [ⲛ]ⲉϣⲡⲏⲣⲉ • ⲙⲛ̄ ⲙⲛ︦ⲧ︦ϫⲱⲱⲣⲉ ⲛ̄ⲧⲟϥⲁⲁⲩ
ⲛⲁⲕ ⲛ̄ϭⲓ ⲡϫⲟⲉⲓⲥ ⲡⲉⲕⲛⲟⲩⲧⲉ • ⲟⲩⲛ̄ ϩⲉⲛⲛⲟϭ ⲛ̄ⲃⲁⲥⲁⲛⲟⲥ


### 0006

ⲛⲁϣⲱⲡⲉ ⲉⲩϭⲉⲧ ⲉ ⲣⲟⲕ • ϩⲓ̈ⲧⲙ̄ ⲡⲣ︦ⲣ︦ⲟ ⲛ̄ ⲁⲛⲟⲙⲟⲥ • ⲙⲛ̄
ⲛ̄ ϩⲉⲛⲛⲟϭ ⲛ̄ⲑⲗⲓⲯⲓⲥ • ⲁⲗⲗⲁ ϩⲩⲡⲟⲙⲟⲛⲏ • ⲁⲩⲱ ⲕⲛⲁϫⲓ
ⲙ̄ ⲡⲕ̄ⲗⲟⲙ ⲛ̄ ⲁⲧⲁⲕⲟ • ⲁⲩⲣⲱⲙⲉ ⲛⲓⲙ ⲉⲧ ⲣ̄ ⲡⲙ̄ϣⲁ ⲛ̄
ϫⲱϩ ⲉ ⲡⲉⲕⲥⲱⲙⲁ • ⲉⲛⲁⲧⲟⲩϫⲟϥ • ⲕⲁⲛ ϣⲱⲡⲉ ⲉⲩϩⲛ̄
ⲛ̄ⲁⲛⲁⲅⲕⲏ ⲛⲓⲙ ⲛⲉⲩϩⲛ̄ ⲟⲩ[ⲇⲓ]ⲕⲁⲥⲧⲏⲣⲓⲟⲛ • ⲛⲉⲩϩⲛ̄ ⲟⲩⲙⲁ
ⲛ̄ ϫⲁ ⲉ • ⲏ̄ ⲟⲩⲕⲓⲛⲇⲏⲛⲟⲥ ⲛ̄ ⲑⲁⲗⲗⲁⲥⲥⲁ • ⲏ̄ ϩⲙ̄ ⲡⲉⲓⲉⲣⲟ •
ⲏ̄ ϩⲛ̄ ⲟⲩϩⲱϫϩϫ̄ • ⲛⲉϣⲧⲉⲕⲱⲟⲩ • ⲛϥ︦ⲣ︦ ⲡⲙⲉⲉⲩⲉ ⲙ̄
ⲡⲉⲕⲣⲁⲛ • ϩⲛ̄ ⲟⲩⲡⲓⲥⲧⲓⲥ • ⲛϥ̄ⲉⲡⲓⲕⲁⲗⲉⲓ ⲙ̄ⲙⲟⲕ • ϥⲛⲁ‐
ⲟⲩϫⲁⲓ • ⲡⲉⲧ ⲛⲁⲕⲱⲧ ⲛ̄ ⲟⲩⲧ[ⲟ] | ⲡⲟⲥ ϩⲙ̄ ⲡⲉⲕⲣⲁⲛ • ⲛϥ̄ϯ
ⲛ̄ ⲟⲩⲡⲣⲟ[ⲥ]ⲫⲟⲣⲁ ϩⲙ̄ ⲡⲉⲕⲣⲁⲛ • ϩⲙ̄ ⲡⲉϩⲟⲟⲩ ⲙ̄ ⲡⲕ︦ⲣ︦
ⲡⲙⲉⲉⲩⲉ • ϯⲛⲁ ⲕⲱ ⲙ̄ ⲡⲁ ⲥⲙⲟⲩ • ⲙⲛ̄ ⲟⲩϩⲩ ⲛⲟⲩϥⲉ
ⲉϥⲙⲏⲛ ⲉ ϩⲙ̄ ⲡⲉⲩⲙⲁ ⲛ̄ ϣⲱⲡⲉ • ⲁⲩⲱ ϯⲛⲁⲕⲁⲁⲩ ⲁⲛ ⲉ
ϣⲱⲧ ⲛ̄ ⲗⲁⲁⲩ ϣⲁ ⲉⲛⲉϩ • ⲡⲉⲧ ⲛⲁⲥϩⲁⲓ ⲙ̄ ⲡϫⲱⲱⲙⲉ ⲛ̄
ⲧⲉⲕⲙⲁⲣⲧⲏⲣⲓⲁ • ϯⲛⲁⲡⲱϩ̄ ⲙ̄ ⲡⲉⲭⲉⲓⲣⲟⲅⲣⲁⲫⲟⲛ ⲛ̄
ⲛⲉϥⲛⲟⲃⲉ • ⲁⲩⲱ ⲛ̄ ⲛ̄ⲧⲁϥⲁⲁⲩ ⲧⲏⲣⲟⲩ • ϯⲛⲁⲣ ⲡⲉⲩ‐
ⲙⲉⲉⲩⲉ ⲁⲛ ϣⲁ ⲉⲛⲉϩ • ⲁⲩⲱ ϯⲛⲁⲭⲁⲣⲓⲍⲉ ⲙ̄ⲙⲟϥ ⲛⲁⲕ
ⲛ̄ ϣⲏⲣⲉ • ϩⲛ̄ ⲧⲁ ⲙⲛ︦ⲧ︦ⲉⲣⲟ • ⲉⲥ (sic) ϩⲏⲏⲧⲉ ⲁⲓⲭⲁⲣⲓⲍⲉ ⲛⲁⲕ
ⲛ̄ϣⲟⲙⲛ︦ⲧ︦ ⲛ̄ⲕⲗⲟⲙ • ⲟⲩⲁ ϩⲁ ⲧⲙⲛ︦ⲧ︦ⲣⲙ̄ⲙⲁⲟ (sic) • ⲟⲩⲁ
ϩⲁ ⲛ̄ϩⲓⲥⲉ ⲉ ⲧⲉⲕⲛⲁϣⲟⲡⲟⲩ ϩⲁ ⲡⲁ ⲣⲁⲛ • ⲁⲩⲱ ⲕⲉ ⲟⲩⲁ
ϩⲁ ⲧⲉⲕⲙⲛ︤ⲧ︥ⲡⲁⲣⲑⲉⲛⲟⲥ • ϫⲣⲟ ⲁⲩⲱ ⲛⲅ̄ ϭⲙ̄ϭⲟⲙ • ϫⲉ
ⲁⲛⲟⲕ ϯϣⲟⲟⲡ ⲛⲙ̄ⲙⲁⲕ • ⲛⲁⲓ ⲇⲉ ⲛ̄ ⲧⲉⲣⲉ ϥϫⲟⲟⲩ ⲛⲁϥ •
ⲛ̄ϭⲓ ⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ • ⲁϥⲃⲱⲕ ⲉ ϩⲣⲁⲓ ⲉⲙ‐
ⲡⲏⲩⲉ : ϩⲛ̄ ⲟⲩⲉⲟⲟⲩ • ⲛⲉⲧ ⲙ̄ ⲡⲉϥⲕⲱⲧⲉ ⲇⲉ ⲛ̄ ⲧⲉⲣ
ⲟⲩⲛⲁⲩ ⲉ ⲧ|ⲛⲟϭ ⲉⲛⲟⲡⲧⲁⲥⲓⲁ ⲛ̄ⲧⲁⲥϣⲱⲡⲉ • ⲁⲩⲣ̄ ⲑⲉ
ⲛ̄ ⲛⲉⲧ ⲙⲟⲟⲩⲧ • ⲙ̄ ⲡⲉϥⲣⲁⲥⲧⲉ ⲇⲉ ⲁϥⲟⲩⲉϩⲥⲁϩⲛⲉ • ⲛ̄ϭⲓ
ⲇⲉⲕⲓⲟⲥ ⲡⲣ︦ⲣ︦ⲟ ⲙ̄ ⲡⲉϥⲥⲧⲣⲁⲧⲉⲩⲙⲁ • ⲉ ⲧⲣⲉ ⲩⲧⲟϣ
ⲛ̄ⲛⲟⲩⲙⲉⲣⲟⲛ ⲙⲛ̄ ⲛⲁⲣⲓⲑⲙⲟⲥ • ⲛ̄ ⲧⲉⲣ ⲟⲩϩⲟⲕⲟⲩ ϩⲛ̄
ⲛⲉⲩⲡⲁⲛϩⲟⲡⲗⲓⲁ ⲙ̄ ⲡⲟⲗⲉⲙⲓⲕⲟⲛ • ⲛ̄ⲥⲉ ⲁϩⲉ ⲣⲁⲧⲟⲩ ⲉ
ⲡⲡⲟⲗⲉⲙⲟⲥ ⲛ̄ ⲛ̄ⲃⲁⲣⲃⲁⲣⲟⲥ • ⲧⲟⲧⲉ ⲡⲉϫⲱⲱⲣⲉ ⲛⲁ ⲙⲉ
ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ⲁϥϯ ⲡⲉϥⲟⲩⲟⲓ ⲉ ϩⲙ̄ ⲡⲙⲏⲏϣⲉ
ⲛ̄ ⲛ̄ⲃⲁⲣⲃⲁⲣⲟⲥ • ⲁϥⲃⲱⲕ ⲉ ϩⲟⲩⲛ ⲉ ⲧⲉⲩⲙⲏⲏⲧⲉ • ϩⲓ
ⲧϭⲟⲙ ⲙ̄ ⲡⲛⲟⲩⲧⲉ ⲉⲧ ϣⲟⲟⲡ ⲛⲙ̄ⲙⲁϥ • ⲁϥϥⲓ ⲛ̄ ⲛⲉϥ‐
ⲃⲁⲗ ⲉ ϩⲣⲁⲓ ⲉ ⲧⲡⲉ • ⲁϥⲛⲁⲩ ⲉ ⲡⲁⲣⲭⲁⲅⲅⲉⲗⲟⲥ
ⲙⲓ̈ⲭⲁⲏⲗ • ⲉϥⲟ ⲙ̄ ⲡⲉⲥⲙⲟⲧ ⲛ̄ ⲟⲩⲥⲧⲣⲁⲧⲱⲡⲉⲧⲁⲣⲭⲟⲥ •


### 0007

ⲉⲣⲉ ⲟⲩⲥⲏϥ[ⲉ] ⲧⲱⲕⲙ̄ : ϩⲛ̄ ⲧⲉϥϭⲓϫ ⲛ̄ ⲟⲩⲛⲁⲙ • ⲉϥⲥⲟⲟⲩⲧⲛ̄
ⲙⲟⲥ (sic) ⲉ ϩⲟⲩⲛ ⲉ ⲣⲟϥ • ⲉϥϫⲱ ⲙ̄ⲙⲟⲥ ⲛⲁϥ • ϫⲉ ⲧⲱⲕ
ⲛ̄ ϩⲏⲧ • ⲛⲅ̄ ⲁⲙⲁϩⲧⲉ ⲛ̄ ϯ ⲥⲏϥⲉ • ⲛⲅ̄ ϯ ⲡⲉⲕⲟⲩⲟⲓ ⲉ ϩⲟⲩⲛ :
ⲛ̄ⲃⲁⲣⲃⲁⲣⲟⲥ ⲛⲅ̄ ϭⲉϫϭⲱϫⲟⲩ ϩⲙ̄ ⲡⲣⲁⲛ ⲙ̄ ⲡ[ⲉ]|ⲭ̄ⲥ ⲡⲁⲓ
ⲉⲧ ϯ ϭⲟⲙ ⲛⲁⲕ • ⲡϩⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ • ⲁϥⲥⲟⲟⲩⲧⲛ̄
ⲉ ⲃⲟⲗ ⲛ̄ⲧⲉϥ[ϭⲓ]ϫ • ⲁϥϫⲓ ⲧⲥⲏϥⲉ ⲛ̄ ⲧⲟⲟⲧϥ̄ ⲙ̄ ⲡⲁⲅⲅⲉ‐
ⲗⲟⲥ ⲙⲓⲭⲁⲏⲗ • ⲁϥϯ ⲡⲉϥⲟⲩⲟⲓ ⲉϫⲛ̄ ⲛ̄ ⲙ̄ⲙⲏⲏϣⲉ • ⲛ̄
ⲛ̄ⲃⲁⲣⲃⲁⲣⲟⲥ • ⲁϥϭⲉϫϭⲟϫⲟⲩ ϩⲙ̄ ⲡⲣⲁⲛ ⲙ̄ ⲡⲉⲭ︦ⲥ • ϩⲛ̄
ⲟⲩⲙⲛ︦ⲧ︦ ⲁⲧ ϯ ⲥⲟ • ϣⲁⲛϯ ⲧⲉϥϭⲓϫ ⲧⲱϭⲉ ⲉ ϩⲟⲩⲛ ⲉ
ⲧⲥⲏϥⲉ • ϩⲓⲧⲛ̄ ⲧⲁϣⲏ ⲙ̄ ⲡⲉⲓ ⲥⲛⲟϥ ⲉϥⲡⲁⲧⲁⲥⲥⲉ ⲛ̄ ⲛ̄ⲃⲁⲣ‐
ⲃⲁⲣⲟⲥ • ϩⲛ̄ ⲟⲩⲛⲟϭ ⲙ̄ ⲡⲗⲩⲡⲉⲓ (?) ⲉⲙⲁⲧⲉ • ⲉⲥⲛⲁϣⲧ̄ ⲙ̄
ⲡⲉϩⲟⲟⲩ [ⲉ]ⲧ ⲙ̄ⲙⲁⲩ • ⲁⲩⲱ ⲁ ⲡⲥⲉⲉⲡⲉ ⲡⲱⲧ ⲁⲩⲣⲁⲧⲟⲩ‐
ⲱⲛϩ̄ ⲉ ⲃⲟⲗ • ϩⲱⲥ ⲧⲉ ⲛ̄ⲧⲁ ⲟⲩⲕⲱϩⲧ̄ ⲉ ⲃⲟⲗ ϩⲛ̄ ⲧⲡⲉ •
ⲁⲥⲟⲩⲁⲙⲟⲩ • ⲡⲣ︦ⲣ︦ⲟ ⲛ̄ ⲧⲉⲣⲉ ϥⲛⲁⲩ ⲉ ⲧⲙⲛ︦ⲧ︦ϫⲱⲱⲣⲉ •
ⲉⲛⲧⲁ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲁⲁⲥ • ϩⲓⲧⲛ̄ ⲧϭⲟⲙ ⲙ̄
ⲡⲛⲟⲩⲧⲉ • ⲉⲧ ϣⲟⲟⲡ ⲛⲙ̄ⲙⲁϥ • ⲁϥⲣⲁϣⲉ ⲉⲙⲁⲧⲉ ⲉ ⲧⲃⲉ
ⲧⲃⲓⲕⲧⲱⲣⲓⲁ • ⲙⲛ̄ ⲡⲉⲓ̈ ϫⲣⲟ ⲛ̄ⲧⲟϥϣⲱⲡⲉ ⲛ̄ⲛⲉϩⲣⲱ‐
ⲙⲁⲓⲟⲥ • ⲡⲣ̄ⲣⲟ ⲇⲉ ⲁϥⲭⲁⲣⲓⲍⲉ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩ‐
ⲣⲓⲟⲥ • ⲛ̄ ϩⲉⲛⲛⲟϭ ⲛ̄|ⲧⲁⲓⲟ ⲙⲛ̄ ϩⲉⲛⲭⲣⲏⲙⲁ ⲛⲁϣⲱⲟⲩ •
ⲁϥⲁⲛⲓⲛⲟⲩ : ⲁϥⲁⲁϥ ⲛ̄ ⲛⲟϭ ⲉϫⲛ̄ ⲡⲁⲣⲓⲑⲙⲟⲥ ⲛ̄ ⲙ̄‐
ⲙⲁⲣⲧⲩⲥⲓⲟⲛ • ⲁⲥϣⲱⲡⲉ ⲇⲉ ⲙⲛ︦ⲛ︦ⲥⲁ ⲛⲁⲓ • ⲁϥⲟⲩⲉϩ‐
ⲥⲁϩⲛⲉ ⲛ̄ϭⲓ ⲡⲣ︦ⲣ︦ⲟ ⲇⲉⲕⲓⲟⲥ • ⲛ̄ ⲛⲉⲥⲧⲣⲁⲧⲉⲩⲙⲁ ⲧⲏⲣⲟⲩ •
ⲙⲛ̄ [ⲛ̄]ⲛⲟⲩⲙⲉⲣⲟⲛ ⲙⲛ̄ ⲛ̄ⲁⲣⲓⲑⲙⲟⲥ • ⲙⲛ̄ ⲛⲉⲝⲁⲣⲭⲟⲥ •
ⲙⲛ̄ ⲛⲉⲥⲧⲣⲁⲧⲩⲗⲁⲧⲏⲥ • ⲙⲛ̄ ⲙ̄ ⲡⲁⲧⲣⲓⲕⲓⲟⲥ ⲙⲛ̄ ⲧⲥⲩⲛ‐
ⲕⲗⲏⲧⲟⲥ ⲧⲏⲣⲥ̄ ⲛ̄ ⲛⲉϩⲣⲱⲙⲁⲓⲟⲥ • ⲉ ⲧⲣⲉ ⲩⲥⲱⲟⲩϩ ⲧⲏⲣⲟⲩ •
ⲉ ⲡⲣ̄ⲡⲉ ⲙ̄ ⲡⲁⲡⲱⲗⲗⲱⲛ • ⲛ̄ⲥⲉⲑⲩⲥⲓⲁⲍⲉ • ⲧⲟⲧⲉ ⲡⲙⲁⲕⲁ‐
ⲣⲓⲟⲥ ⲙⲉⲣⲕⲟⲩⲣⲓⲟⲥ ⲛ̄ ⲧⲉⲣ ⲉϥⲛⲁⲩ • ⲉ ⲧⲛⲟϭ ⲙ̄ ⲡⲗⲁⲛⲏ
ⲛ̄ⲧⲁⲥⲁⲙⲁϩⲧⲉ • ⲉϫⲙ̄ ⲡⲣ︤ⲣ︥ⲟ • ⲙⲛ̄ ⲡⲉⲥⲧⲣⲁⲧⲉⲩⲙⲁ ⲉ ⲃⲟⲗ
ϩⲓⲧⲙ̄ ⲡⲇⲓⲁⲃⲟⲗⲟⲥ • ⲁϥⲥⲁϩⲱⲱϥ ⲉ ⲃⲟⲗ ⲙ̄ⲙⲟⲟⲩ • ⲁϥ‐
ⲃⲱⲕ ⲉ ϩⲟⲩⲛ : ⲉ ⲡⲉϥⲏⲓ • ⲁϥⲥⲟⲡⲥ̄ ⲙ̄ ⲡϫⲥ̄ ⲉϥϫⲱ
ⲙ̄ⲙⲟⲥ • ϫⲉ ⲡϫⲟⲉⲓⲥ ⲡⲁⲛⲧⲱⲕⲣⲁⲧⲱⲣ • ⲡⲉⲓⲱⲧ ⲙ̄ ⲡⲉⲛ‐
ϫⲟⲉⲓⲥ ⲓ︤ⲥ︥ ⲡⲉⲭⲥ̄ • ϣⲛ̄ ϩⲧⲏⲕ ⲉϫⲙ̄ ⲡⲕ̄ⲡⲗⲁⲥⲙⲁ ⲛ̄ⲧⲟⲕ‐
ⲧⲁⲙⲓⲟϥ • ⲛⲅ̄ ϫⲱⲱⲣⲉ ⲉ ⲃⲟⲗ ⲙ̄ ⲡⲉ[ⲥ]|ⲕⲁⲛⲧⲁⲗⲟⲛ • ⲛ̄ⲧⲁ
ⲡⲇⲓⲁⲃⲟⲗⲟⲥ ⲛⲟϫϥ̄ ⲉ ⲡϩⲏⲧ ⲛ̄ ⲧⲉⲙⲛ︦ⲧ︦ⲣⲱⲙⲉ ⲧⲏⲣⲥ̄ • ⲛⲅ̄


### 0008

ϯ ⲛ̄ ⲟⲩⲥⲙⲓⲛⲉ ⲉ ⲡϩⲏⲧ ⲙ̄ ⲡⲗⲁⲟⲥ • ⲙⲛ̄ ⲟⲩⲟⲛ ⲉⲧ ⲣ̄ ϩⲟⲧⲉ
ϩⲏⲧϥ̄ • ⲙ̄ ⲡⲉⲕⲣⲁⲛ ⲉⲧ ⲟⲩⲁⲁⲃ • ⲡϫⲟ̄ⲉⲓⲥ ⲛⲅ̄ ϯ ⲛ̄ ⲟⲩ‐
ⲧⲁϫⲣⲟ ⲛ̄ ⲛⲉⲕⲉⲕⲕⲗⲏⲥⲓⲁ • ϫⲉ ⲕⲁⲥ ⲉⲣⲉ ⲟⲩⲟⲛ ⲛⲓⲙ
ⲉ ⲡⲓⲥⲧⲉⲩⲉ ⲉ ⲡⲉⲕⲣⲁⲛ ⲉⲧ ⲟⲩⲁⲁⲃ • ⲡⲉⲟⲟⲩ ⲛⲁⲕ ⲙⲛ̄
ⲡⲉⲕⲉⲓⲱⲧ ⲛ̄ ⲁⲅⲁⲑⲱⲥ • ⲙⲛ̄ ⲡⲉⲡⲛ̄ⲁ ⲉⲧ ⲟⲩⲁⲁⲃ • ϣⲁ
ⲉⲛⲉϩ ⲉⲛⲉϩ ϩⲁⲙⲏⲛ • ⲁⲥϣⲱⲡⲉ ⲛ̄ ⲧⲉⲣⲉ ⲡⲣ︦ⲣ︦ⲟ ⲉⲓ ⲉⲣⲙ̄
[ⲡⲣ̄ⲟ ⲙ̄ ⲡⲣ̄ⲡⲉ • ⲁ ⲡⲉⲥⲧⲣⲁⲧⲉⲩⲙⲁ ⲧⲏⲣϥ̄ ⲥⲱⲟⲩϩ ⲉ
ϩⲟⲩⲛ • ⲉ ⲧⲣⲉ ⲩⲑⲩⲥⲓⲁⲍⲉ ⲧⲏⲣⲟⲩ • ⲡⲟⲩⲁ ⲡⲟⲩⲁ ⲕⲁⲧⲁ
ⲡⲉϥⲧⲁⲅⲙⲁ • ⲁ ⲡⲟⲣⲇⲓⲛⲟⲛ ⲙ̄ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ
ⲧⲁϩⲟϥ ϩⲱⲱϥ • ⲉ ⲧⲣⲉ ϥⲑⲩⲥⲓⲁⲍⲉ • ⲁⲩⲱ ⲙ̄ⲡ ⲟⲩϩⲉ ⲉ ⲣⲟϥ
ϩⲛ̄ ⲧⲙⲏⲏⲧⲉ ⲙ̄ ⲡⲉⲥⲧⲣⲁⲧⲉⲩⲙⲁ • ⲁⲩⲱ ⲛ̄ ⲧⲉⲣⲉ ⲡⲣ︤ⲣ︥ⲟ
ϣⲓⲛⲉ ⲛ̄ⲥⲱϥ • ⲁϥϩⲉ ⲉ ⲣⲟϥ ⲉϥϩⲙⲟⲟⲥ ϩⲙ̄ ⲡⲉϥⲏⲓ • ϩⲛ̄
ⲟⲩϭⲟⲟⲩⲛⲉ ⲙⲛ̄ ⲟⲩⲕⲣ̄ⲙⲥ̄ • ⲉϥⲣ̄ ϩⲏⲃⲉ ⲉⲙⲁⲧⲉ • ⲉϫⲙ̄
ⲡⲛⲟϭ ⲛ̄ ⲥⲭⲓⲥⲙⲁ ⲛ̄ⲧⲁϥϣⲱ|ⲡⲉ ⲉ ϩⲣⲁⲓ • ⲉϫⲛ̄ ⲧⲟⲓⲕⲟⲩ‐
ⲙⲉⲛⲏ ⲧⲏⲣⲥ̄ • ϩⲓⲧⲙ̄ ⲡⲇⲓⲁⲃⲟⲗⲟⲥ • ⲧⲟⲧⲉ ⲁⲩϯ ⲡⲉⲩⲟⲩⲟⲓ
ⲉ ⲡⲣ︦ⲣ︦ⲟ • ⲛ̄ϭⲓ ϩⲟⲓⲛⲉ ϩⲙ̄ ⲡϥ̄ⲁⲣⲓⲑⲙⲟⲥ • ⲁⲩⲧⲉϣ ⲧⲟⲩⲏⲧ
ⲙ̄ ⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ • ⲉⲩϫⲱ ⲙ̄ⲙⲟⲥ ϫⲉ ⲡⲉⲛ‐
ϫⲟⲉⲓⲥ ⲡⲣ︤ⲣ︥ⲟ • ⲱⲛϩ̄ ϣⲁ ⲉⲛⲉϩ • ⲉ ⲡⲉⲕⲁⲙⲁϩⲧⲉ ⲉⲧ ⲧⲁⲓⲏⲩ •
ⲟⲩⲉϩⲥⲁϩⲛⲉ ⲛ̄ⲅⲉⲛⲟⲥ ⲛⲓⲙ ⲛ̄ⲣⲱⲙⲉ • ⲉ ⲑⲩⲥⲓⲁⲍⲉ ⲛ̄
ⲛ̄ⲛⲟⲩⲧⲉ ⲉⲧ ⲧⲁⲉⲓⲏⲩ • ⲧⲉⲛⲟⲩ ϭⲉ ⲉⲥ (sic) ϩⲏⲏⲧⲉ • ⲉⲥ ⲛⲉⲧ
ϩⲏⲛ ⲉ ⲣⲟⲕ • ⲁⲩⲱ ⲛⲉⲧ ⲧⲏϭ ⲉ ⲣⲟⲕ • ⲥⲉⲕⲁⲧⲁⲫⲣⲟⲛⲏ ⲙ̄
ⲡⲉⲧⲛ̄ⲡⲣⲟⲥⲧⲁⲅⲙⲁ ⲉⲧⲁⲓⲏⲩ • ⲙⲉⲣⲕⲟⲩⲣⲓⲟⲥ ϭⲉ ⲧⲉⲛⲟⲩ •
ⲡⲉⲧⲁⲙⲁϩⲧⲉ ⲛ̄ⲧⲉⲕⲙⲛ︦ⲧ︦ⲉⲣⲟ • ⲁⲕϫⲁⲥⲧϥ̄ ⲁⲕⲭⲁⲣⲓⲍⲉ ⲛⲁϥ •
ⲙ̄ ⲡⲁⲝⲓⲱⲙⲁ ⲛ̄ ⲧⲙⲛ︦ⲧ︦ⲕⲟⲙⲉⲥ • ⲉϫⲙ̄ ⲡⲁⲣⲓⲑⲙⲟⲥ • ϩⲱⲥ
ⲇⲉ ⲛ̄ ⲧⲉⲣⲉ ⲡⲉⲥⲧⲣⲁⲧⲉⲩⲙⲁ ⲧⲏⲣϥ̄ ⲛ̄ ⲛⲉϩⲣⲱⲙⲁⲓⲟⲥ •
ⲥⲱⲧⲙ̄ ⲛ̄ⲥⲱϥ • ⲁⲩⲱ ⲛ̄ⲥⲉϯ ⲉⲟⲟⲩ ⲛⲁϥ • ⲁⲩⲱ ⲛ̄ⲥⲉϩⲩ‐
ⲡⲟⲧⲁⲥⲉ ⲛⲁϥ • ⲉ ⲧⲃⲉ ⲧⲛⲟϭ ⲛ̄ | ϯⲙⲏ ⲛ̄ⲧⲟⲕ ⲧⲁⲁⲁⲥ
ⲛⲁϥ • ⲉⲥ (sic) ϩⲏⲏⲧⲉ ⲉϥⲕⲁⲧⲁⲫⲣⲟⲛⲉⲓ ⲙ̄ ⲡⲉⲕⲁⲙⲁϩⲧⲉ •
ⲁⲩⲱ ⲙ̄ⲡ ⲉϥⲥⲱⲟⲩϩ ⲛⲙ̄ⲙⲁⲛ ⲉ ⲡⲣ̄ⲡⲉ • ⲉ ⲧⲁⲗⲉ ⲑⲩⲥⲓⲁ
ⲉ ϩⲣⲁⲓ • ⲛ̄ ⲛ̄ⲛⲟⲩⲧⲉ • ⲁⲗⲗⲁ ⲁϥⲃⲱⲕ ⲉ ⲡⲉϥⲓⲏ (sic) ⲁϥⲕⲁϥ
ⲕⲁ ϩⲏⲩ ⲙ̄ ⲡⲉϥⲁⲝⲓⲱⲙⲁ • ⲁϥϯ ϣⲓⲡⲉ ⲙ̄ ⲡⲉⲟⲟⲩ ⲛ̄
ⲛⲉϩⲣⲱⲙⲁⲓⲟⲥ • ⲁⲩⲱ ⲁϥϯ ⲛ̄ ⲟⲩⲧⲱⲗⲙ̄ ⲛ̄ ⲛⲟⲙⲟⲥ ⲉⲧ
ⲟⲩⲁⲁⲃ • ⲁⲛϩⲉ ⲉ ⲣⲟϥ ⲛ̄ ϩⲟⲩⲛ ⲙ̄ ⲡⲉϥⲏⲓ • ⲉϥϩⲙⲟⲟⲥ
ϩⲛ̄ ⲟⲩϭⲟⲟⲛⲉ ⲙⲛ̄ ⲟⲩⲕⲣ̄ⲙⲥ̄ • ⲉϥϣⲗⲏⲗ ⲉ ϩⲣⲁⲓ ⲉ ⲡϫⲟⲉⲓⲥ


### 0009

ⲡⲉϥⲛⲟⲩⲧⲉ • ϩⲛ̄ ϩⲉⲛⲣⲙ̄ⲉⲓⲟⲟⲩⲉ • ⲁⲩⲱ ⲉϥⲡⲓⲑⲉ ⲛ̄ ⲟⲩⲟⲛ
ⲛⲓⲙ • ⲉ ⲕⲧⲟⲟⲩ ⲉ ⲃⲟⲗ ⲛ̄ ⲡϣⲙ̄ϣⲉ ⲛ̄ ⲛ̄ⲛⲟⲩⲧⲉ • ⲁϥ‐
ⲧⲣⲩ̄ⲟⲩⲁϩⲟⲩ ⲛ̄ⲥⲁ ⲓ︦ⲥ︦ ⲡⲛⲁⲍⲱⲣⲁⲓⲟⲥ • ⲡⲉⲛⲧⲁⲩⲥ̄⳨ⲟ︦ⲩ︦ ⲙ̄‐
ⲙⲟϥ • ⲉϥϫⲱ ⲙ̄ⲥ • ϫⲉ ⲡⲁⲓ ⲡⲉ ⲡⲛⲟⲩⲧⲉ ⲛ̄ⲧⲟϥ ⲧⲁⲙⲓⲟ
ⲛ̄ ⲧⲡⲉ • ⲙⲛ̄ ⲡⲕⲁϩ • ⲁⲩⲱ ⲛ̄ ⲧⲉⲓ ϩⲉ • ⲁϥⲧⲣⲉ ⲟⲩⲟⲛ ⲛⲓⲙ
ⲥⲁϩⲱⲟⲩ ⲉ ⲃⲟⲗ ⲛ̄ ⲛ̄ⲛⲟⲩⲧⲉ • ⲡⲣ︦ⲣ︦ⲟ ⲇⲉ ⲡⲉϫⲁϥ ⲛ̄ ⲛⲉⲧ‐
ⲧⲁⲩⲟ ⲛⲓ ϣⲁϫⲉ • ⲉϥϫⲱ ⲙⲟⲥ ⲛⲁⲩ • ϫⲉ ϩⲉⲛⲙⲉ ⲛⲉ ⲛⲓ
ϣⲁ|ϫⲉ ⲉⲧⲉⲧⲛ̄ϫⲱ ⲙⲟⲟⲩ ⲛⲁⲓ • ⲉ ⲧⲃⲉ ⲙⲉⲣⲕⲟⲩⲣⲓⲟⲥ ⲡⲉ‐
ⲧⲏϭ (sic) ⲉ ⲣⲟⲓ • ϫⲉ ⲉϥⲕⲁⲧⲁⲫⲣⲟⲛⲉⲓ ⲛ̄ⲛⲁⲛⲟⲩⲧⲉ-ⲡⲗⲏⲛ
ⲙⲁⲣⲉ ⲥⲛⲁⲩ ⲛ̄ⲛⲟϭ ⲉⲧ ⲙ̄ ⲡⲉⲓ ⲙⲁ • ⲃⲱⲕ ⲛ̄ⲥⲉⲙⲟⲩⲧⲉ ⲉ
ⲣⲟϥ • ⲛ̄ⲧⲁⲓⲉⲓⲙⲉ ϫⲉ ϩⲉⲛⲙⲉ ⲛⲉ ⲛⲓ ϣⲁϫⲉ • ⲉⲧⲉⲧⲛ̄ϫⲱ
ⲙ̄ⲙⲟⲟⲩ ⲛⲁⲓ • ⲉ ⲧⲃⲏⲏⲧϥ̄ ϫⲓ̈ⲛ ⲙ̄ⲙⲟⲛ • ⲧⲟⲧⲉ ⲡⲙⲁⲕⲁ‐
ⲣⲓⲟⲥ ⲙⲉⲣⲕⲟⲩⲣⲓⲟⲥ ⲁⲩⲉⲓⲛⲉ ⲙ̄ⲙⲟϥ ⲉ ⲣⲁⲧϥ̄ ⲙ̄ ⲡⲣ︦ⲣ︦ⲟ
ⲇⲉⲕⲓⲟⲥ • ⲉⲣⲉ ⲛⲉϥⲃⲁⲗ ⲙⲉϩ ⲙⲉⲣⲉⲓⲏ(sic) : ⲉⲣⲉ ⲟⲩϩⲃ̄ⲥⲱ
ⲛⲑⲃ̄ⲃⲓⲟ ⲧⲱ ϩⲓⲱⲱϥ • ⲁⲩⲧⲁϩⲟϥ ⲉ ⲣⲁⲧϥ̄ • ϩⲓⲑⲏ ⲙ̄
ⲡⲣ︦ⲣ︦ⲟ • ⲛ̄ ⲧⲉⲣⲉ ϥⲛⲁⲩ ⲇⲉ ⲉ ⲣⲟϥ ϩⲙ̄ ⲡⲉⲥⲭⲏⲙⲁ • ⲉⲧ
ⲑⲃ̄ⲃⲓⲏⲩ • ⲁϥⲕⲓⲙ ⲛ̄ⲧⲉϥⲁⲡⲉ • ⲉϥⲁⲡⲟⲣⲉⲓ ⲉϫⲙ̄ ⲡⲉ ⲛⲧⲟϥ‐
ϣⲱⲡⲉ • ⲉⲓⲧⲁ ⲁϥϣⲁϫⲉ ⲛⲙ̄ⲙⲁϥ ⲉϥϫⲱ ⲙ̄ⲙⲟⲥ • ϫⲉ
ⲙⲉⲣⲕⲟⲩⲣⲓⲟⲥ ⲁϫⲓⲥ ⲉ ⲣⲟⲓ • ϫⲉ ⲟⲩ ⲡⲉⲛⲧⲟϥϣⲱⲡⲉ
ⲙ̄ⲙⲟⲕ • ⲁⲩⲱ ⲉ ⲧⲃⲉ ⲛ̄ ⲗⲟⲓϭⲉ • ⲁⲕⲕⲁⲧⲁⲫⲣⲟⲛⲉⲓ ⲙ̄
ⲡⲉⲓ ⲛⲟϭ ⲛ̄ ⲧⲁⲓⲟ • ⲙⲛ̄ ⲡⲁⲝⲓⲱⲙⲁ • ⲛ̄ⲧⲁⲓⲧⲁⲁϥ ⲛⲁⲕ •
ⲁⲓⲁⲁⲕ ⲛ̄ ⲙ̄ⲡϣⲁ • ⲉ ϯ ⲡⲣⲟⲛⲓⲁ ⲛ̄ ⲛ̄ⲛⲟⲩⲧⲉ • ⲁⲩⲱ
ⲡⲁⲝⲓⲱⲙⲁ ⲛ̄ⲧⲁⲓⲧⲁⲁϥ ⲛⲁⲕ • ⲡⲁⲣⲁ ⲡⲕⲉ ⲥⲉⲉⲡⲉ | ⲙ̄
ⲡⲉⲥⲧⲣⲁⲧⲉⲩⲙⲁ ⲧⲏⲣϥ̄ • ⲁⲕⲟⲡϥ̄ ⲉⲩⲗⲁⲁⲩ • ⲗⲟⲓⲡⲟⲛ •
ⲙⲁⲧⲁⲙⲟⲓ ⲧⲉⲛⲟⲩ ϫⲉ ⲧⲁ ⲧⲉⲓ ⲡⲗⲁⲛⲏ ϣⲱⲡⲉ ⲙ̄ⲙⲟⲕ •
ⲉ ⲃⲟⲗ ϩⲓ ⲧⲱⲛ • ⲁ ⲡⲉⲥⲧⲣⲁⲧⲉⲩⲙⲁ ⲛ̄ ⲛⲉϩⲣⲱⲙⲁⲓⲟⲥ •
ⲥⲱⲟⲩϩ ⲉ ϩⲟⲩⲛ ⲉ ⲡⲣ̄ⲡⲉ • ⲉ ⲧⲣⲉ ⲩⲑⲩⲥⲓⲁ ⲛ̄ ⲛ̄ⲛⲟⲩⲧⲉ
ⲛⲇⲓⲕⲁⲓⲟⲛ • ⲛ̄ⲧⲟⲕ ⲇⲉ ⲙⲁⲩⲁⲁⲕ • ⲡⲉⲛⲧ ⲁⲕⲡⲟⲣϫⲕ̄
ⲉ ⲃⲟⲗ ⲙ̄ ⲡⲁⲣⲓⲑⲙⲟⲥ • ⲡⲗⲏⲛ ⲁϫⲓⲥ ⲉ ⲣⲟⲓ • ϫⲉ ⲛ̄ⲧⲕ̄ ⲟⲩ
ⲉ ⲃⲟⲗ ϩⲛ̄ ⲛ̄ ⲁϣ ⲛ̄ ⲭⲱⲣⲁ • ⲏ̄ ϫⲉ ⲛ̄ⲧⲁ ⲛⲉⲕⲉⲓⲟⲧⲉ
ⲙⲟⲩⲧⲉ ⲉ ⲣⲟⲕ • ⲙ̄ ⲡⲉⲓ ⲣⲁⲛ • ⲁϥⲟⲩⲱϣⲃ̄ ⲛ̄ϭⲓ ⲡⲙⲁ‐
ⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ • ⲡⲉϫⲁϥ ⲙ̄ ⲡⲣ︦ⲣ︦ⲟ • ϫⲉ ⲉⲕⲟⲩⲱϣ
ⲉ ⲉⲓⲙⲉ ϫⲉ ⲁⲛⲅ̄ ⲟⲩ ⲉ ⲃⲟⲗ ϩⲛ̄ • ⲛ̄ ⲁϣ ⲛ̄ ⲑⲣⲏⲥⲕⲓⲁ •
ⲥⲱⲧⲙ̄ ϩⲙ̄ ⲡⲁ ⲅⲉⲛⲟⲥ • ⲁⲛⲅ̄ ⲟⲩ ⲉ ⲃⲟⲗ ϩⲛ̄ ⲧⲕⲁⲡⲡⲁ‐


### 0010

ⲇⲟⲕⲓⲁ • ϩⲙ̄ ⲡⲉⲓ ⲕⲟⲥⲙⲟⲥ • ⲕⲁⲧⲁ ⲧⲙⲉ ⲇⲉ ⲁⲛⲅ̄ ⲟⲩ
ⲉ ⲃⲟⲗ ϩⲛ̄ ⲑⲓ︦ⲉ︦ⲗⲏ︦ⲙ︦ ⲛ̄ ⲧⲡⲉ • ⲧⲙⲏⲧⲣⲟⲡⲟⲗⲓⲥ ⲛ̄ ⲛⲉⲧ
ⲟⲩⲁⲁⲃ • ⲁⲩⲱ ⲡⲁ ⲣⲁⲛ ⲛ̄ⲧⲁ ⲛⲉⲓⲟⲧⲉ ⲧⲁϥ ⲉ ⲣⲟⲓ ⲛ̄-
ϣⲟⲣⲡ̄ ⲡⲉ • ⲫⲓⲗⲟⲡⲁⲧⲱⲣ • ⲉⲧⲉ ⲡϥ̄|ⲟⲩⲱϩⲙ̄ ⲡⲉ ⲡⲙⲁⲓ
ⲡϥ̄ⲉⲓⲱⲧ • ⲛ̄ ⲧⲉⲣⲉ ⲣ̄ ⲙⲁⲧⲟⲓ ⲇⲉ • ⲁⲩⲙⲟⲩⲧⲉ ⲉ ⲣⲟⲓ
ⲙⲉⲣⲕⲟⲩⲣⲓⲟⲥ • ϩⲓⲧⲙ̄ ⲡⲉ ⲡⲣⲏⲙⲓⲕⲓⲣⲓⲟⲥ ⲙ̄ ⲡⲁⲣⲓⲑⲙⲟⲥ •
ⲁⲛⲅ̄ ⲟⲩ ⲡϩⲙ̄ϩⲁⲗ ⲛ̄ ⲛ︦ⲓ︦ⲥ ⲡⲉⲭ︦ⲥ ⲡⲁ ϫⲟⲉⲓⲥ • ⲡϣⲏⲣⲉ ⲙ̄
ⲡⲛⲟⲩⲧⲉ ⲉⲧ ⲟⲛϩ̄ • ⲡⲣ︦ⲣ︦ⲟ ⲇⲉ ⲛ̄ ⲧⲉⲣⲉ ϥⲥⲱⲧⲙ̄ ⲉ ⲛⲁⲓ •
ⲁϥⲱⲛϣ̄ ⲉ ⲃⲟⲗ ⲛ̄ ⲟⲩⲛⲟϭ ⲛ̄ ⲁⲡⲣⲏⲧⲉ • ⲁϥⲕⲓⲙ ⲛ̄
ⲧⲉϥⲁⲡⲉ • ⲉϥϫⲱ ⲙ̄ⲙⲟⲥ ϫⲉ ⲙⲉⲣⲕⲟⲩⲣⲓⲟⲥ • ⲕⲱ ⲛ̄ⲥⲱⲕ
ⲛ̄ ⲧⲉⲓ ⲁⲡⲉⲓⲗⲏ • ⲙⲛ̄ ⲧⲉⲓ ⲙⲁⲛⲓⲁ • ⲛⲅ̄ϯ ⲡⲉⲕⲟⲩⲟⲓ ⲉ
ϩⲟⲩⲛ ⲉ ⲡⲣ̄ⲡⲉ • ⲛⲅ̄ ⲑⲩⲥⲓⲁⲍⲉ ⲙ̄ ⲡⲛⲟϭ ⲛ̄ⲛⲟⲩⲧⲉ ⲡⲁⲡⲱⲗ‐
ⲗⲱⲛ • ⲛⲅ̄ ⲃⲱⲕ ⲉ ⲡⲉⲕⲁⲣⲓⲑⲙⲟⲥ • ⲉ ⲡⲙⲁ ⲛ̄ⲛⲉϣⲃⲏⲣ
ⲉⲙⲙⲁⲧⲟⲓ • ⲛⲅ̄ ϫⲓ ⲙ̄ ⲡⲉⲕⲁⲝⲓⲱⲙⲁ ⲛ̄ⲑⲉ ⲛ̄ϣⲟⲣⲡ̄ •
ⲡⲉϫⲁϥ ⲛ̄ϭⲓ ⲡⲡⲉⲧ ⲟⲩⲁⲁⲃ ⲙⲉⲣⲕⲟⲩⲣⲓⲟⲥ • ⲛⲁϩⲣⲙ̄ ⲙ̄
ⲡⲣ︦ⲣ︦ⲟ ⲛ̄ ⲁⲛⲟⲙⲟⲥ • ϫⲉ ⲙⲁⲣⲉ ⲡⲁⲓ̈ ϣⲱⲡⲉ ⲉϥⲟⲩⲱⲛϩ̄
ⲛⲁⲕ ⲉ ⲃⲟⲗ • ⲱ̄ ⲡⲣ︦ⲣ︦ⲟ ⲛ̄ ⲁⲛⲟⲙⲟⲥ • ϫⲉ ⲛ̄ ϯⲛⲁⲑⲩⲥⲓⲁⲍⲉ
ⲁⲛ ⲙ̄ ⲡⲉⲕⲁⲡⲱⲗⲗⲱⲛ • ⲉⲓⲧϣⲟⲩⲉⲓⲧ(sic) ⲛ̄ⲧⲁⲕⲱ ⲛ̄ⲥⲱⲓ • ⲙ̄
ⲡⲁ ⲛⲟⲩⲧⲉ • ⲛ̄ⲧⲟϥ ⲧⲁ|ⲧⲁⲙⲓⲟ (sic) ⲛ̄ ⲧⲡⲉ • ⲙⲛ̄ ⲡⲕⲁϩ •
ⲙⲛ̄ ⲕ̄ⲁ (sic) ⲛⲓⲙ • ⲁⲛⲟⲕ ⲅⲁⲣ ⲁⲛⲅ̄ ⲟⲩⲭⲣⲓⲥϯⲁⲛⲟⲥ • ⲡⲁⲣ‐
ⲣⲏⲥⲓⲁ ⲁⲩⲱ ⲧⲙⲛ︦ⲧ︦ⲙⲁⲧⲟⲓ ⲙ̄ ⲡⲉⲓ ⲕⲟⲥⲙⲟⲥ • ϯⲛⲁⲡⲟ‐
ⲧⲁⲥⲥⲉ ⲙ̄ⲙⲟⲥ • ⲁⲩⲱ ⲡⲉⲕⲁⲝⲓⲱⲙⲁ • ϯⲣ ⲭⲣⲓⲁ ⲙ̄ⲙⲟϥ
ⲁⲛ • ⲁⲛⲅ̄ ⲡϩⲙ̄ⲡϩⲁⲗ (sic) ⲙ̄ ⲡⲉⲭ︦ⲥ︦ ⲓ︦ⲥ︦ • ⲡϣⲏⲣⲉ ⲉ
ⲡⲛⲟⲩⲧⲉ ⲉⲧ ⲟⲛϩ̄ • ⲁϥⲟⲩⲱϣⲃ̄ ⲛ̄ϭⲓ ⲡⲣ︦ⲣ︦ⲟ ⲇⲉⲕⲓⲟⲥ ⲡⲉϫⲁϥ
ⲛⲁϥ • ϫⲉ ⲙⲉⲣⲕⲟⲩⲣⲓⲟⲥ • ϣⲁ ⲧⲉⲛⲟⲩ ⲙ̄ⲡ ⲉⲓⲡⲓⲥⲧⲉⲩⲉ ⲉ
ⲛⲉ ⲛ̄ⲧⲁⲩϫⲟⲟⲩ • ⲛⲁⲓ ⲉ ⲧⲃⲏⲏⲧⲕ̄ • ⲛ̄ϭⲓ ⲛⲉⲕⲕⲁⲧⲏⲅⲟⲣⲟⲥ •
ϯⲥⲟⲟⲩⲛ ⲅⲁⲣ • ϫⲉ ⲉⲓⲧⲉⲃⲉ (sic) ⲟⲩⲫⲑⲟⲛⲟⲥ ⲛ̄ⲧⲁⲩⲕⲁⲧⲏ‐
ⲅⲟⲣⲓⲁ ⲙ̄ⲙⲟⲕ • ⲛⲁⲓ ⲛ̄ ⲧⲉⲣ ⲟⲩⲛⲁⲩ ⲉ ⲧⲛⲟϭ ⲛ̄ ϯⲙⲏ ⲛ̄ⲧⲁⲓ‐
ⲧⲁⲁⲥ ⲛⲁⲕ • ϩⲛ̄ ⲧⲙⲏⲏⲧⲉ ⲙ̄ ⲡⲁⲣⲓⲑⲙⲟⲥ ⲧⲏⲣϥ̄ • ⲙⲛ̄ ⲡⲉⲥ‐
ⲧⲣⲁⲧⲉⲩⲙⲁ • ⲧⲉⲛⲟⲩ ϭⲉ ⲥⲱⲧⲙ̄ ⲛ̄ⲥⲱⲓ̈ : ⲛⲅ̄ ⲑⲩⲥⲓⲁⲍⲉ ⲛ̄
ⲛ̄ⲛⲟⲩⲧⲉ • ⲙ̄ⲡⲉⲣ ⲧⲣⲉ ⲡϩⲟⲃ ⲁⲛⲁⲅⲁⲍⲉ ⲙ̄ⲙⲟⲓ̈ • ⲛ̄ⲧⲁⲓⲣ̄
ⲡⲱⲃϣ̄ ⲛ̄ ⲧⲇⲓⲁⲑⲉⲥⲓⲥ ⲉⲛⲉⲟⲩⲛ̄ⲧⲁⲓⲥ ⲉ ϩⲟⲩⲛ ⲉ ⲣⲟⲕ • ⲛ̄-
ⲧⲁⲓϥⲓ ⲛ̄ ⲧⲟ|ⲟⲧⲕ̄ ⲙ̄ ⲡⲉⲕⲁⲝⲓⲱⲙⲁ • ⲁⲩⲱ ⲛ̄ⲧⲁϯ ⲛⲁⲕ
ⲛ̄ ϩⲉⲛⲛⲟϭ ⲛ̄ⲇⲓⲙⲟⲣⲓⲁ • ⲁϥⲟⲩⲱϣⲃ̄ ⲛ̄ϭⲓ ⲡⲙⲁⲕⲁⲣⲓⲟⲥ •


### 0011

ⲡ[ⲉ]ϫⲁϥ ⲙ̄ ⲡⲣ︦ⲣ︦ⲟ • ϫⲉ ⲧⲙⲛ︦ⲧ︦ϣⲃⲏⲣ ⲙ̄ ⲡⲉⲓ ⲕⲟⲥⲙⲟⲥ •
ⲟⲩ ⲗⲁⲁⲩ ⲁⲛ ⲧⲉ • ⲟⲩⲙⲛ︦ⲧ︦ϫⲁϫⲉ ⲧⲉ ⲛⲁϩⲣⲙ̄ ⲡⲛⲟⲩⲧⲉ •
ⲁⲩⲱ ⲛⲓ ⲧⲁⲓⲟ ⲛ̄ ⲧⲉⲓ̈ ⲙⲓ̈ⲛⲉ • ϩⲉⲛ ⲡⲣⲟⲥ ⲟⲩⲟⲉⲓϣ ⲛⲉ •
ⲡⲉⲟⲟⲩ ⲇⲉ ⲛ̄ⲧⲟϥ ⲙ̄ ⲡⲛⲟⲩⲧⲉ • ⲙⲏⲛⲉ ⲉ ⲃⲟⲗ ϣⲁ ⲉⲛⲉϩ •
ⲧⲉⲛⲟⲩ ϭⲉ ⲙ̄ⲡⲣ̄ ϯϩⲓⲥⲉ ⲛⲁⲕ ⲉ ⲡϫⲓⲛϫⲏ • ⲁⲛⲟⲕ ⲅⲁⲣ
ⲁⲛⲅ̄ ⲟⲩⲭⲣⲓⲥϯⲁⲛⲟⲥ • ϯⲛⲁⲑⲩⲥⲓⲁⲍⲉ ⲁⲛ ⲛ̄ ⲛⲉⲕⲛⲟⲩⲧⲉ
ⲛ̄ⲃⲟⲧⲉ • ⲗⲓⲟⲡⲟⲛ (sic) ⲡⲉⲧ ⲉϩⲛⲁⲕ ⲁⲣⲓϥ ⲛⲁⲓ • ⲇⲉⲕⲓⲟⲥ ⲇⲉ
ⲡⲉϫⲁϥ ⲛⲁϥ • ϫⲉ ⲱ̄ ⲙⲉⲣⲕⲟⲩⲣⲓⲟⲥ • ⲑⲩⲥⲓⲁⲍⲉ • ⲙ̄ⲡⲉⲣ
ⲙⲟⲩ ϩⲛ̄ ⲟⲩⲙⲟⲩ ⲉϥϩⲟⲟⲩ • ⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ
ⲡⲉϫⲁϥ ⲛⲁϥ • ϫⲉ ⲙⲁⲣⲉ ⲟⲩϣⲁϫⲉ ⲛ̄ ⲟⲩⲱⲧ ⲣⲁϣⲕ̄ • ⲱ̄
ⲡⲣ︦ⲣ︦ⲟ • ϯⲛⲁⲥⲱⲧⲙ̄ ⲛ̄ ⲥⲱⲧⲙ̄ (sic) ⲅⲁⲣ ⲁⲛ ⲛ̄ⲥⲱⲕ • ⲛ̄ⲧⲁϣⲙ̄‐
ϣⲉ ⲛ̄ ϩⲉⲛⲛⲟⲩⲧⲉ ⲛ̄ϣⲙ̄ⲙⲟ • ⲛ̄ⲧⲁⲕⲱ ⲛ̄ⲥⲱⲛ ⲡⲁ ⲛⲟⲩⲧⲉ
ⲓ︦ⲥ︦ | ⲡⲉⲭ︦ⲥ︦ • ⲇⲉⲕⲓⲟⲥ ⲇⲉ ⲛ̄ ⲧⲉⲣⲉ ϥⲥⲱⲧⲙ̄ ⲇⲉ ⲉ ⲛⲁⲓ •
ⲁϥϭⲱⲛⲧ̄ ⲉⲙⲁⲧⲉ • ⲁϥⲕⲉⲗⲉⲩⲉ ⲉ ⲧⲣⲉ ⲩⲕⲁⲁϥ ⲕⲁ ϩⲏⲩ
ⲛ̄ⲛⲉϥϩⲟⲓⲧⲉ • ⲉⲛⲥⲉϫⲟⲗⲕϥ̄ ⲉ ⲃⲟⲗ • ⲛ̄ϭⲓ ⲙⲏⲧ ⲙ̄ⲙⲁⲧⲟⲓ •
ⲛ̄ⲥⲉϩⲓⲟⲩⲉ ⲉ ⲣⲟϥ ⲛ̄ ϩⲉⲛⲃⲟⲩ ⲛⲉⲩⲣⲟⲛ ⲉⲩⲟⲩⲱⲧ • ϣⲁⲛⲧⲉ
ⲡⲕⲁϩ ⲉⲧ ϩⲁ ⲣⲁⲧϥ̄ ϩⲙ̄ ⲡⲉϥⲥⲛⲟϥ • ⲡⲉϫⲁϥ ⲛⲁϥ ⲛ̄ϭⲓ
ⲇⲉⲕⲓⲟⲥ ⲡⲣ︦ⲣ︦ⲟ • ϫⲉ ⲙⲉⲣⲕⲟⲩⲣⲓⲟⲥ ⲁⲕϫⲉ ⲛⲧⲧⲁⲣⲭⲏ (sic)•
ⲛ̄ ⲛ̄ⲃⲁⲥⲁⲛⲟⲥ • ϫⲉ ⲥⲉϩⲟⲟⲩⲉ ⲉⲕⲑⲩⲥⲓⲁⲍⲉ ϫⲉ ⲛ̄ ⲙ̄ⲙⲟⲛ •
ⲁϥⲟⲩⲱϣⲃ̄ ⲛ̄ϭⲓ ⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ • ϫⲉ ⲛ̄
ϩⲟⲥⲟⲛ ⲟⲩⲛ̄ⲧⲁⲓ ⲙ̄ⲙⲁⲩ • ⲙ̄ ⲡⲁ ϫⲥ̄ ⲓ︤ⲥ︥ ⲡⲉⲭ̄ⲥ • ⲉϥ‐
ⲃⲟⲓⲏⲑⲉⲓ ⲉ ⲣⲟϥ • ϯϩⲏϣ ϭⲉ ⲁⲛ ϩⲁ ⲛⲉⲕⲃⲁⲥⲁⲛⲟⲥ • ⲁⲛⲟⲕ
ⲅⲁⲣ ⲁⲛⲅ̄ ⲡϩⲙ̄ϩⲁⲗ • ⲙ̄ ⲡⲁ ϫⲟⲉⲓⲥ ⲉⲓ̄ⲥ ⲡⲉⲭ︦ⲥ︦ (sic) • ⲉϥ‐
ⲃⲟⲏⲑⲉⲓ ⲉ ⲣⲟⲓ • ⲡⲁⲓ̈ ⲡⲉ ⲡⲣ︦ⲣ︦ⲟ ⲛⲁ ⲧⲡⲉ • ⲙⲛ̄ ⲛⲁ ⲡⲕⲁϩ •
ⲛⲁⲓ ⲇⲉ ⲛ̄ ⲧⲉⲣⲉ ϥⲥⲟⲧⲙⲟⲩ ⲛ̄ϭⲓ ⲡⲣ︦ⲣ︦ⲟ ⲇⲉⲕⲓⲟⲥ • ⲡⲉϫⲁϥ
ϫⲉ ⲙⲉⲣⲕⲟⲩⲣⲓⲟⲥ • ⲥⲱⲧⲙ̄ ⲛ̄ ⲥⲱⲓ • ⲛⲅ̄ ⲑⲩⲥⲓⲁⲍⲉ ⲛ̄
ⲛ̄ⲛⲟⲩⲧⲉ • ⲛⲅ̄ ϯ ϩⲏⲩ | ⲛ̄ ϩⲉⲛⲟϭ ⲛ̄ⲃⲁⲥⲁⲛⲟⲥ • ϫⲉ ⲕⲁⲥ
ⲛⲅ̄ ⲙⲟⲩ [ⲁⲛ] ⲕⲁⲕⲟⲥ • ϣⲁⲧⲉ ϯⲛⲟⲩ(sic) ϯⲥⲟ ⲉ ⲣⲟⲕ • ⲁⲩⲱ
ϯⲟ ⲛ̄ϩⲁⲣϣ̄ ⲛ̄ ϩⲏⲧ ⲉ ϩⲣⲁⲓ ⲉ ϫⲱⲕ • ϯⲟⲩⲱϣ ⲅⲁⲣ ⲁⲛ ⲉⲣ
ⲡⲉⲑⲟⲟⲩ ⲛⲁⲕ • ⲙⲁⲗⲓⲥⲧⲁ ϫⲉ ⲁⲕϣⲱⲡⲉ ⲛⲁⲓ • ⲛ̄ ϣⲃⲏⲣ
ⲉ ⲧⲃⲉ ⲧϭⲓⲛⲙⲓϣⲉ ⲉ ϫⲱⲓ • ϩⲙ̄ ⲡⲡⲟⲗⲉⲙⲟⲥ • ⲥⲱⲧⲙ̄
ⲛ̄ⲥⲱⲓ ⲛⲅ̄ ⲑⲩⲥⲓⲁⲍⲉ ⲛ̄ ⲛ̄ⲛⲟⲩⲧⲉ • ⲙ̄ⲡⲉⲣ ⲧⲁ ⲟ ⲛ̄ⲧⲉⲕⲙⲛ︦ⲧ︦‐
ϣⲏⲣⲉ ϣⲏⲙ • ϩⲛ̄ ϩⲉⲛⲃⲁⲥⲁⲛⲟⲥ ⲉⲩϣⲟⲃⲉ • ⲁⲛⲟⲕ ϯϣⲛ̄
ϩⲧⲏⲓ ϩⲁ ⲧⲉⲕⲙⲛ︤ⲧ︥ϣⲏⲣⲉ ϣⲏⲙ • ⲙⲛ̄ ⲧⲉⲕⲙⲛ︤ⲧ︥ϣⲃⲏⲣ •


### 0012

ⲁϥⲟⲩⲱϣⲃ̄ ⲛ̄ϭⲓ ⲡⲙⲁⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ • ϫⲉ ϩⲓⲥⲉ
ⲛⲓⲙ ⲉⲧ ⲛⲁϣⲱⲡⲉ ⲙ̄ⲙⲟⲓ • ⲉ ⲧⲃⲉ ⲑⲟⲙⲟⲗⲟⲅⲉⲓ ⲉ ϩⲟⲩⲛ
ⲉ ⲡⲛⲟⲩⲧⲉ • ⲉⲥⲱ̄ ⲛⲁⲓ ⲛ̄ϩⲟⲩⲟ ⲉⲩⲃⲓⲕⲉ ⲉⲩⲟⲩⲁⲁⲃ • ⲛ̄ϩⲓⲥⲉ
ⲅⲁⲣ ⲧⲉⲛⲟⲩ ⲛ̄ⲥⲉⲙⲡϣⲁ ⲁⲛ ⲙ̄ ⲡⲉⲟⲟⲩ ⲉⲧ ⲛⲁϭⲱⲗⲡ̄ ⲉ
ⲣⲟⲛ • ⲛⲁⲓ ⲛ̄ ⲧⲉⲣⲉ ϥⲥⲱⲧⲙ̄ ⲉ ⲣⲟⲟⲩ • ⲛ̄ϭⲓ ⲡⲣ︦ⲣ︦ⲟ ⲇⲉⲕⲓⲟⲥ •
ⲡⲉϫⲁϥ ⲉϣϫⲉ ⲁⲕⲥⲙⲛ︦ⲧ︦ ⲡⲉⲕϩⲏⲧ ⲉ ϩⲟⲩⲛ ⲉ ϩⲉⲛϣⲁϫⲉ
ⲙ̄ ⲙⲛ︦ⲧ︦ ⲁⲧ ϩⲏⲧ • ⲁⲩⲱ ⲛ̄ⲧⲁⲓⲟ ⲛ̄ ⲛ̄ϩⲣⲱⲙⲁⲓⲟⲥ • ⲁⲕⲟ‐
ⲡⲟⲩ ϫⲉ ϩⲉⲛⲗⲁⲁⲩ ⲛⲉ • | ⲙ̄ⲡⲉ ⲕⲁⲛⲉⲭⲉ ⲉⲑⲩⲥⲓⲁⲍⲉ ⲛ̄
ϩⲉⲛⲛⲟⲩⲧⲉ ⲛⲇⲓ̈ⲕⲁⲓⲟⲛ • ⲕⲁⲧⲁ ⲛ̄ⲇⲟⲅⲙⲁ ⲛ̄ ⲧⲥⲩⲛⲕⲗⲏ‐
ⲧⲟⲥ • ⲟⲩⲇⲉ ⲙⲡⲉ ⲕⲥⲱⲧⲙ̄ ⲛ̄ⲥⲁ ⲛⲟⲙⲟⲥ ⲛ︦ⲣ︦ⲣ︦ⲱⲟⲩ • ⲁⲛⲟⲕ
ϩⲱ ϯⲛⲁⲕⲟⲗⲁⲍⲉ ⲙ̄ⲙⲟⲕ • ⲕⲁⲧⲁ ⲧⲉⲕⲙⲛ︤ⲧ︥ ⲁⲧ ⲑⲏⲧ •
ⲛ̄ⲧⲁⲛⲁⲩ ϫⲉ ⲡⲛⲟⲩⲧⲉ ⲛ̄ⲧⲁⲕⲛⲁϩⲧⲉ ⲉ ⲣⲟϥ • ⲛⲁϣⲛⲁϩ‐
ⲙⲉⲕ ⲉ ⲃⲟⲗ ϩⲛ̄ ⲛⲁϭⲓϫ • ⲁϥⲟⲩⲱϣⲃ̄ ⲛ̄ϭⲓ ⲡϩⲁⲅⲓⲟⲥ
ⲙⲉⲣⲕⲟⲩⲣⲓⲟⲥ • ⲡⲉϫⲁϥ ⲙ̄ ⲡⲣ︦ⲣ︦ⲟ • ϫⲉ ⲉϥⲥⲏϩ ϩⲙ̄
ⲡⲁⲡⲟⲥⲧⲟⲗⲟⲥ ⲉⲧ ⲟⲩⲁⲁⲃ • ϫⲉ ⲛⲓⲙ ⲡⲉⲧ ⲛⲁϣⲡⲟⲣϫⲛ̄ •
ⲉ ⲧⲁⲅⲁⲡⲏ ⲙ̄ ⲡⲛⲟⲩⲧⲉ • ⲟⲩⲑⲗⲓⲯⲓⲥ ⲧⲉ ⲏ̄ ⲟⲩⲗⲱϫϩ̄ • ⲏ̄
ⲟⲩⲇⲓⲟⲅⲙⲟⲥ • ⲏ̄ ⲟⲩϩⲕⲟ • ⲏ̄ ⲟⲩⲕⲱ ⲕⲁ ϩⲏⲩ • ⲏ̄ ⲟⲩⲕⲩⲛ‐
ⲇⲓⲛⲟⲥ • ⲏ̄ ⲟⲩⲥⲏϥⲉ • ⲕⲁⲧⲁ ⲑⲉ ⲉⲧ ⲥⲏϩ ϫⲉ ⲉ ⲧⲃⲏⲏⲧⲕ̄ •
ⲥⲉⲙⲟⲩⲟⲩⲧ ⲙ̄ⲙⲟⲛ ⲙ̄ ⲡⲉϩⲟⲟⲩ ⲧⲏⲣϥ̄ • ⲧⲛ̄ⲡⲓⲑⲉ ⲅⲁⲣ ϫⲉ
ⲟⲩⲇⲉ ⲙⲛ̄ ⲙⲟⲩ • ⲟⲩⲇⲉ ⲙⲛ̄ ⲱⲛϩ̄ • ⲟⲩⲇⲉ ⲁⲅⲅⲉⲗⲟⲥ • ⲟⲩ‐
ⲇⲉ ⲁⲣⲭⲏ • ⲟⲩⲇⲉ ⲉⲝⲟⲩⲥⲓⲁ • ⲟⲩⲇⲉ ⲛⲉⲧ ϣⲟⲟⲡⲉ • ⲟⲩⲇⲉ
ⲛⲉⲧ ⲛⲁϣⲱⲡⲉ • ⲛⲁⲉϣϭⲙ̄ϭⲟⲙ ⲉ ⲡⲱⲣϫⲛ̄ • ⲉ ⲃⲟⲗ | ϩⲛ̄
ⲧⲁⲅⲁⲡⲏ ⲙ̄ ⲡⲉⲭ︦ⲥ︦ • ⲛⲁⲓ ⲇⲉ ⲛ̄ ⲧⲉⲣ ⲉϥϫⲟⲟⲩ ⲛ̄ϭⲓ ⲡⲙⲁ‐
ⲕⲁⲣⲓⲟⲥ ⲙⲉⲣⲕⲟⲩⲣⲓⲟⲥ • ⲁϥϭⲱⲛⲧ̄ ⲛ̄ϭⲓ ⲡⲣ︦ⲣ︦ⲟ ⲇⲉⲕⲓⲟⲥ •
ⲁϥⲕⲉⲗⲉⲩⲉ ⲧⲣⲉ ⲩⲧⲁⲗⲟϥ ⲉ ⲡϩⲉⲣⲙⲉⲧⲁⲣⲓⲟⲛ • ⲛ̄ⲥⲉϩⲱⲕ
ⲙ̄ⲙⲟϥ • ⲛ̄ϭⲓ ⲕⲉⲥⲧⲱⲛⲁⲣⲓⲟⲥ ⲇⲉ ⲛⲉⲩϩⲱⲕ ⲙ̄ⲙⲟϥ ⲡⲉ •
ϣⲁⲛⲧⲉ ⲧⲕⲁⲥ ⲛ̄ ⲧⲉϥϫⲓⲥⲉ ⲕⲱⲗⲡ̄ ⲉ ⲃⲟⲗ • ⲡⲙⲁⲕⲁⲣⲓⲟⲥ
ⲇⲉ ⲙ̄ⲡⲉ ϥⲕⲁ ⲧⲟⲟⲧϥ̄ ⲉ ⲃⲟⲗ • ⲉϥⲥⲙⲟⲩ ⲉ ⲡⲛⲟⲩⲧⲉ •
ⲉϥϫⲱ ⲙ̄ⲙⲟⲥ • ϫⲉ ⲡϫⲟⲉⲓⲥ ⲓ︦ⲥ︦ ⲡⲉⲭ̄ⲥ ⲡⲙⲟⲛⲟⲅⲉⲛⲏⲥ ⲙ̄
ⲡⲓⲱⲧ • ⲡⲉϫⲡⲟ ⲉ ⲃⲟⲗ ϩⲛ̄ ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ
ⲙⲁⲣⲓⲁ • ⲡⲉⲛⲧⲁϥϫⲓ ⲥⲁⲣⲝ̄ ⲉ ⲃⲟⲗ ϩⲛ̄ ⲧⲉϩⲓⲉⲓⲃ ⲙ̄ ⲙⲉ •
ϣⲁⲛⲧⲉ ϥⲥⲱⲧⲉ ⲙ̄ ⲡⲅⲉⲛⲟⲥ ⲧⲏⲣϥ̄ ⲛ̄ ⲁⲇⲁⲙ • ⲛϥ̄ⲉⲗⲉⲩ‐
ⲑⲩⲣⲟⲩ ⲙ̄ⲙⲟⲛ • ⲉ ⲃⲟⲗ ϩⲛ̄ ⲧⲙⲛ︦ⲧ︦ϩⲙ̄ϩⲁⲗ ⲙ̄ ⲡⲛ̄ⲟⲃⲉ •
ϯϣⲡ̄ ϩⲙⲟⲧ ⲛ̄ ⲧⲟⲟⲧⲕ̄ • ϫⲉ ⲁⲕⲁⲁⲛ ⲛ︤ⲙ︥ⲡϣⲁ ⲛ̄ ⲧⲉⲕⲙⲛ︤ⲧ︥‐


### 0013

ⲁⲅⲁⲑⲱⲥ • ⲉⲧ ⲛⲁϣⲱⲥ ⲥⲱⲧⲙ̄ ⲉ ⲣⲟⲓ ⲙ̄ⲡⲟⲟⲩ • ⲁⲛⲟⲕ
ⲡⲉⲕϩⲙ̄ϩⲁⲗ ⲙⲉⲣⲕⲟⲩⲣⲓⲟⲥ • ⲛⲅ̄ ⲁⲁⲧ ⲛ︦ⲙ︦ⲡϣⲁ ⲙ̄ ⲡⲉⲕ‐
ⲧⲱϩⲙ̄ ⲉⲧ ⲟⲩⲁⲁⲃ • ⲁⲩⲱ ⲛ̄ ⲕⲟⲓⲛⲟⲛⲟⲥ ⲉ ⲛⲉⲕϩⲓⲥⲉ ⲉⲧ
ⲟⲩⲁⲁⲃ • ⲁⲩⲱ ⲙ̄ⲙⲛ︦ⲧ︦ⲣⲉ ⲙ̄ ⲡⲓⲥⲧⲟⲥ • ⲛ̄ⲧⲉⲕⲙⲛ︦ⲧ︦ⲛⲟⲩⲧⲉ •
[ⲧⲉ]ⲛⲟⲩ | ϭⲉ ⲡⲁ ϫⲟⲉⲓⲥ • ⲙ̄ⲡⲣ̄ ⲕⲁⲁⲧ ⲛ̄ⲥⲱⲕ • ⲁⲩⲱ ⲙ̄‐
ⲡⲉⲣ ⲟⲩⲉ ⲙ̄ⲙⲟⲓ̈ ϫⲉ ⲟⲩⲛ̄ ϩⲉⲛⲑⲗⲓⲯⲓⲥ ϭⲉⲧ ⲉ ⲣⲟⲓ • ⲁⲩⲱ
ⲁ ϩⲉⲛⲥⲛⲁⲩ ϩⲓϩⲉ ⲉ ϩⲣⲁⲓ ⲉ ϫⲱⲓ • ⲁⲗⲗⲁ ϯ ϭⲟⲙ ⲛⲁⲓ
ⲡⲁ ϫⲟⲉⲓⲥ • ϣⲁⲛⲧ ⲓ̈ϫⲱⲕ ⲉ ⲃⲟⲗ • ⲙ̄ ⲡⲁ ⲁⲅⲱⲛ ϩⲛ̄ ⲟⲩⲉ‐
ⲣⲏⲛⲏ • ⲙ̄ⲡⲣ̄ ⲧⲣⲉ ⲛⲁϫⲁϫⲉ ⲣⲁϣⲉ ⲙ̄ⲙⲟⲓ • ⲁⲩⲱ ⲙ̄ⲡⲣ̄
ⲧ[ⲣ]ⲉ ⲩϫⲟⲟⲥ • ϩⲛ̄ ⲛ̄ ⲛ̄ϩⲉⲑⲛⲟⲥ • ϫⲉ ⲉϥⲧⲱⲛ ⲡⲉⲩⲛⲟⲩⲧⲉ •
ⲛⲁⲓ ⲇⲉ ⲉϥϫⲱ ⲙ̄ⲙⲟⲟⲩ • ⲉⲥ (sic) ⲟⲩⲥⲙⲏ ⲁⲥϣⲱⲡⲉ ϣⲁ
ⲣⲟϥ • ⲉⲥϫⲱ ⲙ̄ⲙⲟⲥ ϫⲉ ⲧⲱⲕ ⲛ̄ϩⲏⲧ • ⲡⲁ ϣⲟⲉⲓϫ ⲙⲉⲣ‐
ⲕⲟⲩⲣⲓⲟⲥ • ϩⲩⲡⲟⲙⲓⲛⲏ ⲱ̄ ⲡⲁ ⲥⲟⲧⲡ̄ ⲛ̄ ϫⲱⲱⲣⲉ • ⲁⲛⲟⲕ
ⲅⲁⲣ ϯϣⲟⲟⲡ ⲛⲙ̄ⲙⲁⲕ • ⲉⲓϯ ϭⲟⲙ ⲛⲁⲕ • ⲁⲩⲱ ϯⲛⲁ‐
ϣⲱⲡⲉ ⲛⲙ̄ⲙⲁⲕ ⲛ̄ ⲥⲕⲉⲡⲁⲥⲧⲏⲥ • ⲉⲓⲃⲟⲏⲑⲉⲓ ⲉ ⲣⲟⲕ ϩⲛ̄
ϩⲓⲥⲉ ⲛⲓⲙ • ⲉⲧ ⲉⲕⲛⲁϣⲟⲡⲟⲩ ϩⲙ̄ ⲡⲁ ⲣⲁⲛ • ⲙ̄ⲡⲉⲣ ϭⲱⲃ •
ⲟⲩⲇⲉ ⲙ̄ⲡⲣ̄ ⲣ̄ ϭⲱⲧⲡ̄ ϩⲏⲧⲟⲩ ⲛ̄ ⲛ̄ⲃⲁⲥⲁⲛⲟⲥ • ⲁⲛⲟⲕ
ϯϣⲟⲟⲡ ⲛⲙ̄ⲙⲁⲕ • ⲉⲓϯ ϭⲟⲙ ⲛⲁⲕ • ϣⲁⲛⲧⲉ ⲕϫⲱⲕ ⲉ
ⲃⲟⲗ ⲙ̄ ⲡⲉⲕⲁⲅⲱⲛ • ⲟⲩⲙⲛ︦ⲧ︦ϫⲱⲱⲣⲉ • ⲁⲩⲱ ⲛ̄ⲧⲉⲩⲛⲟⲩ
ⲁϥⲁⲥⲡⲁⲍⲉ ⲙ̄ⲙⲟϥ ⲛ̄ϭⲓ ⲡⲁⲣⲭⲁⲅ|ⲅⲉⲗⲟⲥ ⲙⲓⲭⲁⲏⲗ •
ⲁⲩⲱ ⲁϥⲥⲫⲣⲁⲅⲓⲍⲉ ⲙ̄ ⲡⲉϥⲥⲱⲙⲁ ⲧⲏⲣϥ̄ • ⲁⲩⲱ ⲛ̄ⲧⲉⲩ‐
ⲛⲟⲩ ⲁ ⲡϩⲉⲣⲙⲉⲧⲁⲣⲓⲟⲛ ⲟⲩⲱϭⲡ̄ • ⲁϥⲣ̄ ⲥⲛⲁⲩ • ⲁⲩⲱ ⲁⲙ‐
ⲙⲉⲣⲉ ⲉⲧ ⲉϥⲙⲉⲣ ⲙ̄ⲙⲟⲟⲩ • ⲁⲩⲃⲱⲗ ⲉ ⲃⲟⲗ • ⲁϥϥⲟϭϥ̄
ⲁϥⲁϩⲉ ⲣⲁⲧϥ̄ • ⲙⲛ̄ ⲗⲁⲁⲩ ⲛ̄ ⲧⲁⲕⲟ ϣⲟⲟⲡ ⲛ̄ϩⲏⲧϥ̄ •
ⲁⲗⲗⲁ ⲛⲉϥϯ ⲉⲟⲟⲩ ⲙ̄ ⲡⲛⲟⲩⲧⲉ • ⲡⲣ︦ⲣ︦ⲟ ⲇⲉ ⲛ̄ ⲧⲉⲣ
ϥⲛⲁⲩ • ⲉ ⲡⲉⲛ̄ⲧ ⲟϥϣⲱⲡⲉ • ⲁϥⲙⲟⲩϩ ⲛ̄ ϭⲱⲛⲧ̄ • ⲡⲉϫⲁϥ
ϫⲉ ⲉⲡⲓ ⲇⲏ ⲁⲡⲁⲓ ϫⲱ ⲙⲟⲥ (sic) • ϫⲉ ⲟⲩⲛ̄ⲧⲁⲛ ⲙ̄ⲙⲁⲩ ⲛ̄
ⲟⲩⲡⲁⲛϩⲟⲡⲗⲓⲁ ⲛ̄ϩⲱⲃ • ϯⲕⲉⲗⲉⲩⲉ ⲉ ⲧⲣⲉ ⲩⲧⲟⲥϥ̄ ⲉ ⲃⲟⲗ ⲉ
ϥⲧⲟ ⲉⲛϣⲙⲟⲩⲓ̈ • ⲛ̄ⲥⲉϫⲟⲗⲕϥ̄ ⲉ ⲃⲟⲗ • ⲟⲩⲇⲉ ⲧⲡⲉ ⲟⲩⲇⲉ
ⲡⲕⲁϩ • ⲛ̄ ⲟⲩⲙⲁϩⲉ • ⲛ̄ ⲧⲉⲣ ⲟⲩⲣ̄ ⲡⲁⲓ ⲇⲉ ⲛⲁϥ • ⲡⲉϫⲁϥ
ⲛ̄ϭⲓ ⲡⲣ︦ⲣ︦ⲟ • ϫⲉ ⲉⲩⲧⲱⲛ ⲧⲉⲛⲟⲩ ⲛⲉⲕϩⲟⲡⲗⲟⲛ • ⲉⲧ ⲉⲕ
ⲑⲁⲣⲉⲓ ⲉ ⲣⲟⲟⲩ • ϣⲁ ⲡⲛⲟϭ ⲛ̄ ⲛⲟϭ ⲛⲟⲩⲧⲉ ⲡⲍⲉⲩⲥ ⲁⲩ‐
ⲧⲟⲥⲕ̄ ⲉ ⲃⲟⲗ ⲉⲙⲁⲧⲉ • ⲡⲡⲉⲧ ⲟⲩⲁⲁⲃ ⲁϥϭⲱϣⲧ̄ ⲉ ϩⲣⲁⲓ
ⲉ ⲧⲡⲉ ⲡⲉϫⲁϥ • ϫⲉ ⲡϫⲟⲉⲓⲥ ⲃⲟⲑⲉⲓ (sic) ⲉ ⲣⲟⲓ • | ⲁⲛⲟⲕ


### 0014

ⲡⲉⲕϩⲙ̄ϩⲁⲗ • ⲡⲁⲗⲓⲛ ⲟⲛ ⲁϥⲕⲉⲗⲉⲩⲉ ⲛ̄ϭⲓ ⲡⲣ︦ⲣ︦ⲟ • ⲉ ⲧⲣⲉ
ⲩϣⲱⲗϭ̄ ⲙ̄ ⲡϥ̄ⲥⲱⲙⲁ • ⲛ̄ ϩⲉⲛϭⲟⲣⲧⲉ ⲉⲩϫⲏⲣ • ⲙⲛ̄ ϩⲉⲛ‐
ⲙⲁⲥⲧⲓⲅⲝ̄ • ⲙⲛ︦ⲛ︦ⲥⲟⲥ ⲛ̄ⲥⲉⲡⲉⲣϣ̄ ⲛ̄ ϩⲉⲛϫⲃ̄ⲃⲥ̄ ⲛ̄ ⲕⲱϩⲧ̄
ϩⲁ ⲣⲟϥ • ϫⲉ ⲕⲁⲥ ⲉϥⲉⲣⲱⲕϩ̄ ⲕⲟⲩⲓ ⲕⲟⲩⲓ • ⲁⲩⲱ ⲁϥⲱϣⲙ̄
ⲛ̄ϭⲓ ⲡⲕⲱϩⲧ̄ ϩⲙ̄ ⲡⲉⲥⲛⲟϥ • ⲙ̄ ⲡⲇⲓⲕⲁⲓⲟⲥ ⲉⲧ ϩⲁⲁⲧⲉ ⲉ
ⲡⲉⲥⲏⲧ • ⲡⲡⲉⲧ ⲟⲩⲁⲁⲃ ⲇⲉ ⲁϥⲓ ⲉ ⲣⲟϥ • ϩⲛ̄ ⲟⲩⲛⲟϭ
ⲙ̄ ⲙⲛ︦ⲧ︦ϫⲱⲱⲣⲉ • ϩⲛ̄ ϯ ⲕⲉ ⲃⲁⲥⲁⲛⲟⲥ • ⲡⲣ︦ⲣ︦ⲟ ⲇⲉ ⲇⲉⲕⲓⲟⲥ
ⲁϥⲧⲣⲉ ⲩⲟⲗϥ̄ ⲉ ⲃⲟⲗ ϫⲉ ⲛⲉϥⲙⲟⲩ ϩⲛ̄ ⲟⲩϭⲉⲡⲏ • ⲁⲩⲱ
ⲁⲩⲟⲧⲡϥ̄ ⲉ ϩⲟⲩⲛ ⲉⲩⲙⲁⲛⲕⲁⲕⲉ • ϩⲛ̄ ⲟⲩϭⲉⲡⲏ • ⲙ̄ⲙⲁⲧⲟⲓ
ⲇⲉ ⲁⲩϥⲓ ⲉ ϩⲁ ⲣⲟϥ • ⲉϥⲟ ⲙ ⲡⲁϣ ⲙⲟⲩ • ⲟⲩⲛ̄ ⲟⲩⲕⲟⲩⲓ
ⲛ̄ ⲛⲓϥⲉ ϣⲟϫⲡ̄ ⲛ̄ϩⲏⲧϥ̄ • ⲉⲩⲙⲉⲉⲩⲉ ϫⲉ ⲁϥⲙⲟⲩ • ⲙⲛ︦ⲛ︦ⲥⲁ
ⲟⲩⲕⲟⲩⲓ ⲇⲉ ϩⲛ̄ ⲧⲉⲩⲛⲟⲩ ⲉⲧ ⲙ̄ⲙⲁⲩ • ⲉⲥ (sic) ⲁⲅⲅⲉⲗⲟⲥ ⲙ̄
ⲡϫⲟⲉⲓⲥ ⲁϥⲟⲩⲱⲛϩ̄ ⲛⲁϥ ⲉ ⲃⲟⲗ • ⲡⲉϫⲁϥ ⲛⲁϥ • ϫⲉ
ϯⲣⲏⲛⲏ ⲛⲁⲕ • ⲡϣⲟⲉⲓϫ ⲛ̄ⲣⲉϥ | ϫⲣⲟ • ⲛ̄ ⲧⲉⲣⲉ ϥϫⲓ ⲡⲁⲓ
ⲇⲉ ⲁϥⲧⲁⲗϭⲉ ⲛⲉϥⲥⲁϣ • ⲉⲧ ϩⲙ̄ ⲡⲉϥⲥⲱⲙⲁ • ⲁⲩⲱ
ⲁϥⲧⲁϩⲟϥ ⲉ ⲣⲁⲧϥ̄ • ⲉϥⲟϫ ϩⲱⲥ ⲇⲉ ⲛⲉϥⲧⲱⲟⲩⲛ • ⲛⲉϥ‐
ⲁϩⲉ ⲣⲁⲧϥ̄ ⲉϥϯ ⲉⲟⲟⲩ • ⲙ̄ ⲡⲛⲟⲩⲧⲉ • ⲛⲧⲟϥⲃⲟⲏⲑⲉⲓ ⲉ
ⲣⲟϥ • ⲙⲛ︦ⲛ︦ⲥⲁ ⲛⲁⲓ ⲁϥⲕⲉⲗⲉⲩⲉ ⲛ̄ϭⲓ ⲡⲣ︦ⲣ︦ⲟ • ⲉ ⲧⲣⲉ
ⲩⲧⲁϩⲟϥ ⲉ ⲣⲁⲧϥ̄ ⲉ ⲡⲃⲏⲙⲁ • ⲛ̄ ⲧⲉⲣⲉ ϥ ⲇⲉ¹ ⲉ ⲣⲟϥ
ⲛ̄ϭⲓ ⲡⲣ︦ⲣ︦ⲟ • ⲡⲉϫⲁϥ ⲛⲁϥ ϫⲉ ⲁⲩϥⲓⲧⲕ̄ ⲛ̄ ⲧⲟⲟⲧ • ⲉⲕⲟ ⲙ̄
ⲡⲁϣ ⲙⲟⲩ • ⲛ︦ⲛ︦ ⲁϣ ⲛ̄ ϩⲉ ⲧⲉⲛⲟⲩ ⲕⲙⲟⲟϣⲉ • ⲙⲉϣⲁⲕ
ⲣⲱ ⲙⲛ̄ ⲗⲁⲁⲩ ⲙ̄ ⲡⲱⲗϩ̄ ϩⲓ ⲡⲉⲕⲥⲱⲙⲁ • ⲧⲟⲧⲉ ⲁϥⲕⲉ‐
ⲗⲉⲩⲉ ⲛ̄ ⲛ̄ϥⲁⲓ ⲙⲉⲣⲉϩ • ⲉ ⲧⲁϩⲉ ⲣⲁⲧⲟⲩ ⲉ ⲧⲣⲉ ⲩⲙⲟⲩϣⲧ̄
ⲙ̄ ⲡⲉϥⲥⲱⲙⲁ • ⲛ̄ⲧⲟⲟⲩ ⲇⲉ ⲡⲉϫⲁⲩ ⲙ̄ ⲡⲣ︦ⲣ︦ⲟ • ϫⲉ ϣⲉ
ⲡⲕ̄ⲣⲁⲧⲟⲥ • ⲱ̄ ⲡⲣ︦ⲣ︦ⲟ • ⲛ̄ ⲉⲩⲥⲉⲃⲏⲥ • ⲡⲉϥⲥⲱⲙⲁ ⲧⲏⲣϥ̄
ⲟⲩⲟϫ • ⲙⲛ̄ ⲗⲁⲩ (sic) ⲛ̄ ⲧⲁⲕⲟ ϣⲟⲟⲡ ⲛ̄ϩⲏⲧϥ̄ • ⲛ̄ⲑⲉ ⲙ̄ⲡ
ⲟⲩϫⲱϩⲉ ⲉ ⲣⲟϥ ⲉ ⲡⲧⲏⲣϥ̄ • ⲇⲉⲕⲓⲟⲥ ⲇⲉ ϩⲱⲱϥ ⲡⲉϫⲁϥ •
ϫⲉ ⲡⲁⲛⲧⲱⲥ ϥ̄ⲛⲁϫⲟⲟⲥ • ϫⲉ | ⲡⲉⲭ︤ⲥ︥ ⲡⲉⲛⲧⲟϥⲧⲁⲗϭⲟⲓ •
ⲙⲏ ⲁⲧⲉⲧⲛ̄ϫⲓ ⲥⲁⲉⲓⲛ ⲉ ϩⲟⲩⲛ ⲉ ⲡⲉϣⲧⲉⲕⲟ • ⲉ ⲧⲣⲉ ϥⲑⲉ‐
ⲣⲁⲡⲉⲩⲉ ⲙ̄ⲙⲟϥ • ⲛ̄ⲧⲟⲟⲩ ⲇⲉ ⲡⲉϫⲁⲩ • ϫⲉ ϣⲁ ⲧⲉⲕⲙⲛ︦ⲧ︦-
ⲛⲟϭ ⲉⲧⲁⲓⲏⲩ • ⲉⲧ ⲁⲙⲁϩⲧⲉ ⲉϫⲛ̄ ⲧⲟⲓⲕⲟⲩⲙⲉⲛⲉ ⲧⲏⲣⲥ̄ •
ⲙⲛ̄ ⲡⲉ ⲗⲁⲁⲩ ⲛ̄ ⲑⲉⲣⲁⲡⲉⲩⲉ ⲛ̄ⲣⲱⲙⲉ ⲧⲁⲗϭⲟϥ • ⲁⲗⲗⲁ


### 0015

ⲙ̄ ⲙⲉⲉⲩⲉⲩⲉ (sic) ϫⲉ ϥⲛⲁⲙⲟⲩ ⲛ̄ ⲁϣ ⲛ̄ ϩⲉ ⲉϥⲟⲛϩ̄ • ⲏ̄
ⲛ̄ⲧⲟϥⲗⲟ ⲛ̄ ⲁϣ ⲛ̄ ϩⲉ • ⲛ̄ⲧⲛ̄ⲥⲟⲟⲩⲛ ⲁⲛ • ϫⲉ ⲟⲩⲁϣⲉ ⲛ̄
ϭⲟⲧ ⲧⲉ ⲧⲙⲁⲕⲓⲁ ⲛ̄ ⲭⲣⲓⲥϯⲁⲛⲟⲥ ⲛ̄ⲥⲁϥ : ⲙⲛ̄ ⲁϥⲣ̄ⲕⲱⲥ •
ⲙ̄ⲡⲟⲟⲩ ⲇⲉ ϩⲱϥ ⲉϥⲁϩⲉ ⲣⲁⲧϥ̄ ⲉϥⲟⲩⲟϫ • ⲡⲣ︦ⲣ︦ⲟ ⲇⲉ
ⲁϥⲙⲟⲩϩ ⲛ̄ ϭⲱⲛⲧ̄ • ⲡⲉϫⲁϥ ⲛⲁϥ • ϫⲉ ⲁϫⲓⲥ ⲉ ⲣⲟⲓ •
ϩⲛ̄ ⲟⲩⲙⲉ ϫⲉ ⲛⲓⲙ ⲡⲉⲛ̄[ⲧ ⲟϥ]ⲧⲁⲗϭⲟⲕ ⲭⲟⲣⲓ̈ⲥ ⲙⲁⲅⲓⲁ •
ⲁϥⲟⲩⲱϣⲃ̄ ⲛ̄ϭⲓ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϫⲉ ⲡⲁ ϫⲥ̄ ⲓ︦ⲥ︦
ⲡⲉⲭ︦ⲥ︦ • ⲡⲥⲁⲉⲓⲛ ⲛ̄ ⲛ̄ⲯⲩⲭⲏ ⲙⲛ̄ ⲛ̄ⲥⲱⲙⲁ • ⲛ̄ⲧⲟϥ ⲡⲉ
ⲛ̄ⲧⲟϥⲭⲁⲣⲓⲍⲉ ⲛⲁⲓ ⲙ̄ ⲡⲧⲁⲗϭⲟ • ⲛ̄ⲑⲉ ⲛ̄ⲧⲟϥϫⲟⲟⲥ ⲫⲁⲣ‐
ⲙⲁⲅⲟⲥ • ⲙⲛ̄ ⲛ̄ⲣⲉϥⲙⲟⲩⲧⲉ : ⲙⲛ̄ ⲣⲉϥϣⲙ̄ϣⲉ ⲉⲇⲱ‐
ⲗⲟⲛ (sic) • ⲛ̄ⲥⲉⲟ ⲛ̄|ϣⲙ̄ⲙⲟ ⲉ ⲣⲟϥ • ⲁⲩⲱ ϥ̄ⲛⲁⲙⲟⲣⲟⲩ •
ⲛ̄ ϩⲉⲛⲙⲣ̄ⲣⲉ ⲛ̄ ⲁⲧ ⲃⲱⲗ ⲉ ⲃⲟⲗ • ⲛϥ̄ⲡⲁⲣⲁⲇⲓⲇⲟⲩ ⲙ̄‐
ⲙⲟⲟⲩ • ⲉ ⲡⲕⲱϩⲧ̄ ⲛ̄ ⲧⲉⲅⲉϩⲉⲛⲛⲁ • ⲉ ⲧⲃⲉ ϫⲉ ⲙ̄ⲡ ⲟⲩ‐
ⲥⲟⲩⲛⲛ̄ ⲡⲛⲟⲩⲧⲉ ⲛ̄ⲧⲁϥⲧⲁⲙⲓ̈ⲟⲟⲩ • ⲡⲉϫⲉ ϯⲛⲁⲁⲛϩⲁⲗⲓⲥⲕⲉ
ⲙ̄ ⲡⲕ̄ⲥⲱⲙⲁ ϩⲛ̄ ϩⲉⲛⲃⲁⲥⲁⲛⲟⲥ ⲉⲩⲛⲁϣⲧ̄ • ⲙⲁⲣⲉⲓⲛⲁⲩ
ϫⲉ ⲡⲉⲭ︤ⲥ︥ ⲉⲧ ⲉⲕⲛⲁϩⲧⲉ ⲉ ⲣⲟϥ ⲛⲁⲧⲁⲗϭⲟⲕ • ⲡⲉϫⲉ
ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ • ϫⲉ ϯⲡⲓⲥⲧⲉⲩⲉ ϫⲉ ⲡⲁ ϫⲟⲉⲓⲥ ⲓ︦ⲥ︦
ⲡⲉⲭ︦ⲥ︦ • ϫⲉ ⲉⲕϣⲁⲛⲉⲓⲛⲉ ⲛ̄ ⲟⲩⲙⲏⲏϣⲉ ⲛ̄ϯⲙⲱⲣⲓⲁ ⲉ
ϫⲱⲓ • ⲛⲅ̄ ⲛⲁϣⲧⲣ̄ⲧⲱⲣⲧ̄ ⲁⲛ • ⲁϥϫⲟⲟⲥ ⲅⲁⲣ ϫⲉ ⲙ̄ⲡⲣ̄ ⲣ︤
ϩⲟⲧⲟⲩ • ⲛ̄ ⲛⲉⲧ ⲛⲁⲙⲟⲩⲟⲩⲧ ⲙ̄ⲡⲉⲧⲛ̄ⲥⲱⲙⲁ • ⲉⲙⲛ̄ ϭⲟⲙ
ⲙⲟⲟⲩ (sic) • ⲉ ⲙⲟⲩⲟⲩⲧ ⲛ̄ ⲛⲉⲧⲛ̄ⲯⲩⲭⲏ • ⲁⲣⲓ ϩⲟⲧⲉ ⲇⲉ
ϩⲏⲧϥ̄ • ⲛ̄ⲧⲟϥ ⲙ̄ ⲡⲉⲧ ⲛ̄ ⲟⲩⲛ̄ϭⲟⲙ ⲙ̄ⲟϥ (sic) • ⲉⲧⲁⲕⲟ ⲛ̄
ⲧⲉⲧⲛ̄ⲯⲩⲭⲏ • ⲙⲛ̄ ⲡⲉⲧⲛ̄ⲥⲱⲙⲁ • ϩⲣⲁⲓ ⲧⲅⲉϩⲉⲛⲁ • ⲧⲟⲧⲉ
ⲁϥⲕⲉⲗⲉⲩⲉ ⲛ̄ϭⲓ ⲡⲣ︦ⲣ︦ⲟ • ⲉ ⲧⲣⲉ ⲩⲉⲓⲛⲉ ⲛ̄ ⲟⲩⲡⲉⲛⲓ̈ⲡⲉ
ⲉϥⲗⲟⲃϣ̄ • ⲛ̄ⲥⲉⲕⲁⲁⲁϥ ϩⲁ ⲛⲉϥⲁⲅⲕⲁⲓⲟⲛ • ⲁⲩⲱ ϩⲉⲛ‐
ⲗⲁⲙⲡⲁⲥ ⲛ̄ ⲕⲱϩⲧ̄ ϩⲁ ⲛϥ̄|ⲥⲡⲓ̈ⲣⲟⲟⲩⲉ • ⲛ̄ ⲧⲉ[ⲣ ⲟⲩⲣ̄
ⲡⲁⲓ ⲇⲉ • ⲉ ⲡⲙⲁ ⲛ̄ ⲟⲩⲕⲁⲡⲛⲟⲥ • ⲁⲩⲥϯ ⲛⲟⲩϥⲉ ϣⲱⲡⲉ •
ⲉϥϣⲱϣ ⲉ ⲃⲟⲗ • ⲉ ⲟⲩⲟⲛ ⲛⲓⲙ ⲉⲧ ϩⲙ̄ ⲡⲙⲁ ⲉⲧ ⲙ̄ⲙⲁⲩ •
ⲉⲩⲃⲁⲥⲁⲛⲓⲍⲉ ⲙ̄ⲙⲟϥ ⲉ ⲡⲉⲓϩⲟⲩⲟ • ⲙ̄ⲡⲉ ϥⲁϣⲁϩⲟⲙ • ⲟⲩⲇⲉ
ⲙ̄ⲡⲉ ϥⲣⲓⲙⲉ • ⲡⲉϫⲉ ⲡⲣ︦ⲣ︦ⲟ ⲛⲁϥ • ϫⲉ ⲉϥⲧⲱⲛ ⲙ̄ ⲡⲉⲕ‐
ⲥⲁⲉⲓⲛ ⲧⲉⲛⲟⲩ • ⲙⲁⲣⲉϥⲉⲓ ⲛϥ̄ⲑⲉⲣⲁⲡⲉⲩⲉ ⲙ̄ⲙⲟⲕ • ⲕⲁⲓ
ⲅⲁⲣ ⲁⲕϫⲟⲟⲥ • ϫⲉ ⲟⲩⲛ̄ϭⲟⲙ ⲙⲟϥ (sic) ⲉⲧⲟⲩⲛⲟⲥⲧ̄ ⲉⲓ‐
ϣⲁⲛⲙⲟⲩ • ⲡϩⲁⲅⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ ⲡⲉϫⲁϥ ⲛⲁϥ •
ϫⲉ ⲁⲣⲓ ⲡⲉⲧ ⲉϩⲛⲁⲕ • ⲟⲩⲛⲧⲁⲕ ⲉⲝⲟⲩⲥⲓⲁ ⲅⲁⲣ ⲉ ϩⲟⲩⲛ


### 0016

ⲉ ⲡⲁ ⲥⲱⲙⲁ • ⲧⲁ ⲯⲩⲭⲏ ⲇⲉ ⲡⲛⲟⲩⲧⲉ ⲡⲉⲧⲟ ⲛ̄ ϫⲟⲉⲓⲥ ⲉ
ⲣⲟⲥ • ⲡⲁ ⲥⲱⲙⲁ ⲙⲛ̄ ⲉⲕϣⲁⲛⲧⲁⲕⲟϥ • ⲧⲁ ⲯⲩⲭⲏ ⲛⲁ‐
ⲙⲟⲩⲛⲉ ⲉ ⲃⲟⲗ ⲉⲥⲟ ⲛ̄ ⲁⲧⲁⲕⲟ (sic) • ⲡⲁⲗⲓⲛ ⲟⲛ ⲁϥⲕⲉⲗⲉⲩⲉ
ⲛ̄ϭⲓ ⲡⲣ︦ⲣ︦ⲟ ⲉ ⲧⲣⲉ ⲩⲥⲁϣⲧϥ̄ ⲛ̄ⲥⲁ ϫⲱϥ • ⲁⲩⲱ ⲛ̄ⲥⲉⲉⲓⲛⲉ ⲛ̄
ⲟⲩⲛⲟϭ ⲉⲛ ⲱⲛⲉ • ⲛ̄ⲥⲉⲁϣⲧϥ̄ ⲉ ⲡⲉϥⲙ̄ⲁⲕϩ̄ • ϫⲉ ⲕⲁⲥ ϩⲙ̄
ⲡⲧⲣⲉ ϥⲱϭⲧ̄ : ⲛϥ̄ⲙⲟⲩ ϩⲛ̄ ⲟⲩϭⲉⲡⲏ • ⲡⲙⲁⲣⲧⲩⲣⲟⲥ ⲇⲉ •
ⲁ ⲧϭⲟⲙ ⲙ̄ ⲡⲛⲟⲩⲧⲉ ⲱϩ (sic) ⲛ̄ϩⲏⲧϥ̄ • ⲙⲛ̄ ⲧⲭⲁⲣⲓⲥ
ⲁϥ|ⲙⲟⲩⲛⲉ ⲉ ⲃⲟⲗ ⲛ︦ⲛ︦ ⲟⲩⲛⲟϭ ⲛⲁⲩ • ϩⲛ̄ ϯⲃⲁⲥⲁⲛⲟⲥ
ⲧⲁⲓ • ⲇⲉⲕⲓⲟⲥ ⲇⲉ ⲡⲣ︦ⲣ︦ⲟ • ⲛ̄ ⲧⲉⲣⲉ ϥⲛⲁⲩ ⲉ ⲡⲙⲁⲣⲧⲩⲣⲟⲥ •
ϫⲉ ⲉϥϥⲓ ϩⲁⲛϯⲙⲱⲣⲓ̈ⲁ • ϩⲛ̄ ⲟⲩⲙⲛ︤ⲧ︥ϫⲱⲱⲣⲉ • ⲁⲩⲱ ⲙ̄ⲡⲉ
ⲗⲁⲁⲩ ⲛ̄ⲃⲁⲥⲁⲛⲟⲥ ⲧⲁϩⲟϥ • ⲁϥⲕⲉⲗⲉⲩⲉ ⲉ ⲧⲣⲉ ⲩϥⲓ
ⲡⲱⲛⲉ ⲙ̄ⲙⲁⲩ • ϩⲓ ⲡϥ̄ⲙⲁⲕϩ̄ • ⲛ̄ⲥⲉⲉⲓⲛⲉ ⲛ̄ ⲟⲩⲙⲁⲥⲧⲓⲅⲝ̄
ⲛ̄ⲕⲱⲃϩ̄ • ⲉⲥⲟ ⲛ̄ϥⲧⲟⲟⲩ ⲛ̄ϣⲗⲟⲡ • ⲛ̄ⲥⲉϩⲓⲟⲩⲉ ⲉ ⲣⲟϥ •
ϣⲁⲛⲧⲉ ⲡⲕⲁϩ ϩⲱⲣⲡ̄ ϩⲁ ⲡⲉϥⲥⲛⲟϥ • ⲡⲉⲅⲉⲛⲛⲁⲓⲟⲥ ⲇⲉ
ⲁϥⲧⲱⲟⲩⲛ ϩⲁ ϯⲕⲉ ⲃⲁⲥⲁⲛⲟⲥ • ⲛ̄ⲑⲉ ⲛ̄ ⲟⲩⲱⲛⲉ ⲛ̄ ⲁⲇⲁ‐
ⲙⲁⲥ • ϩⲛ̄ ⲧⲉϥⲙⲛ︦ⲧ︦ϫⲱⲱⲣⲉ • ⲁⲩⲱ ⲡⲉϫⲁϥ • ϫⲉ ϯⲉⲩⲭⲁ‐
ⲣⲓⲥⲧⲟⲩ ⲛⲁⲕ • ⲡⲁ ϫⲟⲉⲓⲥ • ϫⲉ ⲁⲕⲁⲁⲧ ⲛ︦ⲙ︦ⲡϣⲁ ⲛ̄ ϣⲡ̄
ϩⲓ̈ⲥⲉ ⲉϫⲙ̄ ⲡⲉⲕⲣⲁⲛ ⲉⲧ ⲟⲩⲁⲁⲃ • ⲡⲣ︤ⲣ︥ⲟ ⲇⲉ ⲛ̄ ⲧⲉⲣⲉ ϥⲛⲁⲩ
ⲇⲉ • ϫⲉ ⲟⲩⲁⲧ ⲡⲱⲛⲉ ⲡⲉ ⲡⲉϥⲗⲟⲅⲓⲥⲙⲟⲥ • ⲁⲩⲱ ϫⲉ
ⲛⲉϥϥⲁϣⲡⲓⲑⲉ ⲙ̄ⲙⲟϥ ⲁⲛ • ⲉ ⲧⲣⲉ ϥⲑⲩⲥⲓⲁⲍⲉ • ⲁϥϫⲓ
ϣⲟϫⲛⲉ • ⲛⲉϥϭⲉⲡⲏ ⲅⲁⲣ ⲉ ⲃⲱⲕ ⲉ ϩⲣⲱⲙⲏ • ⲁϥϯ
ⲁⲡⲟⲫⲁⲥⲓⲥ ⲉ ⲣⲟϥ • ⲉ ⲧⲣⲉ ⲩϯⲙⲱⲣⲓⲁ ⲙ̄ⲙⲟϥ • ϩⲛ̄
ⲧⲥⲏϥⲉ ⲉϥ|ϫⲱ ⲙ̄ⲙⲟⲥ • ϫⲉ ⲙⲉⲣⲕⲟⲩⲣⲓⲟⲥ ⲡⲉⲛ̄ⲧ ⲟϥ‐
ϣⲱⲡⲉ ⲉϥⲥⲱϣ ⲛ̄ ⲛ̄ⲛⲟⲩⲧⲉ • ⲁⲩⲱ ⲁϥⲕⲁⲧⲁⲫⲣⲟⲛⲉⲓ ⲛ̄
ⲛ̄ⲇⲟⲅⲙⲁ ⲉⲧ ⲟⲩⲁⲁⲃ • ⲛ̄ⲧⲉ ⲧⲛ̄ⲙⲛ︦ⲧ︦ⲣⲙ̄ⲣⲁϣ • ⲁϥⲟⲡϥ̄ ⲉⲩ‐
ⲗⲁⲁⲩ ⲡⲉⲛⲅⲣⲁⲧⲟⲥ • [ϯ]ⲕⲉⲗⲉⲩⲉ ⲉ ⲧⲣⲉ ⲩϫⲓⲧϥ̄ ⲉ ⲧⲡⲟⲗⲓⲥ
ⲛ̄ ⲧⲕⲁⲡⲡⲁⲇⲟⲕⲓⲁ • ⲛ̄ⲥⲉϥⲓ ⲛ̄ ⲧⲉϥⲁⲡⲉ ϩⲙ̄ ⲡⲙⲁ ⲉⲧ
ⲙ̄ⲙⲁⲩ • ⲉⲣⲉ ⲟⲩⲟⲛ ⲛⲓⲙ ⲛⲁⲩ ⲉ ⲣⲟϥ • ⲟⲩⲟⲛ ⲅⲁⲣ ⲛⲓⲙ •
ⲛ̄ⲧⲁⲩϫⲓ ⲉⲟⲟⲩ ⲉ ⲃⲟⲗ ϩⲓⲧⲙ̄ ⲡⲣ︦ⲣ︦ⲟ • ⲉⲩϣⲁⲛⲁⲛϯⲗⲉⲅⲉ
ⲙ̄ ⲡⲉϥⲟⲩⲉϩⲥⲁϩⲛⲉ ⲥⲉⲛⲁϯ ⲛⲁϥ • ⲛ̄ ϩⲉⲛⲥⲏϣⲉ • ⲡϩⲁⲉ
ⲇⲉ ⲛ̄ⲥⲉⲛⲁⲡⲁⲣⲁⲇⲓⲇⲟⲩ ⲙ̄ⲙⲟϥ • ⲉ ⲧⲟⲟⲧϥ̄ ⲛ̄ ⲧⲥⲏϥⲉ •
Ⲛ̄ ⲛ̄ⲧⲁⲩⲧⲁϣⲟⲩ ⲇⲉ ⲉ ⲧⲣⲉ ⲩϥⲓ̈ⲧϥ̄ • ⲁⲩϥⲓ ϩⲁ ⲣⲟϥ ⲁⲩⲧⲁ‐
ⲗⲟϥ ⲉⲩⲧⲃ̄ⲛⲏ • ⲁⲩⲙⲟⲣϥ̄ ⲉ ϩⲣⲁⲓ ⲉ ϫⲱϥ • ϫⲉ ⲛⲉⲓ̈ ⲁ
ⲡⲥⲱⲙⲁ ⲙ̄ ⲡⲙⲁⲣⲧⲩⲣⲟⲥ • ⲃⲱⲗ ⲉ ⲃⲟⲗ ⲛ̄ ⲥⲁ ⲥⲁ ⲛⲓⲙ •


### 0017

ⲁϥⲣ̄ ⲕⲱⲱⲥ • ⲁⲩⲙⲟⲟϣⲉ ⲇⲉ ϩⲛ̄ ⲧⲉϩⲓⲏ ⲉⲥⲟⲩⲏⲩ • ⲁⲩⲱ
ϩⲓⲧⲛ̄ ⲕⲟⲩⲓ ⲛ̄ϩⲟⲟⲩ • ⲁⲩⲡⲱϩ ⲉ ⲧⲡⲟⲗⲓⲥ ⲕⲁⲓⲥⲁⲣⲓⲁ • ⲁⲩⲱ
ⲛ̄ ⲧⲉⲓ ϩⲉ ⲁⲩⲟⲩⲁϩϥ̄ ⲉ ⲡⲉⲥⲏⲧ | ⲕⲟⲩⲓ ⲕⲟⲩⲓ̈ • ⲡϫⲟⲉⲓⲥ ⲇⲉ
ⲁϥⲁϩⲉ ⲣⲁⲧϥ̄ ϩⲓ ϫⲱϥ • ⲡⲉϫⲁϥ ⲛⲁϥ • ϫⲉ ⲙⲉⲣⲕⲟⲩⲣⲓⲟⲥ •
ⲁⲙⲟⲩ ⲛⲅ̄ ⲙ̄ⲧⲟⲛ ⲙ̄ⲙⲟⲕ ϩⲁϩⲧⲏⲓ • ⲉⲡⲓ̈ ⲇⲏ ⲁⲕϫⲉⲕ ⲡⲉⲕ‐
ⲇⲣⲟⲙⲟⲥ ⲉ ⲃⲟⲗ • ⲁⲕϩⲁⲣⲉϩ ⲉ ⲧⲡⲓⲥⲧⲓⲥ • ϫⲓ ⲛⲁⲕ ⲙ̄
ⲡⲉⲕⲗⲟⲙ ⲛ̄ ⲧⲙⲛ︦ⲧ︦ϣⲟⲉⲓ̈ϫ • ⲡⲉⲛⲧⲁⲩⲧⲟϣϥ̄ ⲛⲁⲕ • ⲉ[ⲕ]ⲗⲏ‐
ⲣⲟⲛⲟⲙⲉⲓ ⲙ̄ⲙⲟϥ • ⲡⲙⲁⲣⲧⲩⲣⲟⲥ ⲇⲉ ⲛ̄ ⲧⲉⲣⲉ ⲡϫⲟⲉⲓⲥ
ⲟⲩⲱⲛϩ̄ ⲉ ⲣⲟϥ ⲁϥϭⲙ̄ϭⲟⲙ • ⲡⲉϫⲁϥ ⲛⲉⲧ ⲧⲟ ⲉ ⲣⲟϥ •
ϫⲉ ⲁⲣⲓ ⲡⲉⲛⲧ ⲁⲩⲟⲩⲉϩⲥⲁϩⲛⲉ ⲙ̄ⲙⲟϥ ⲛⲏⲧⲛ̄ • ϩⲛ̄ ⲟⲩ‐
ϭⲉⲡⲏ • ⲉⲣⲉ ⲡϫ︤ⲥ︥ ⲇⲉ ⲧⲱϩⲙ̄ ⲛ̄ ⲟⲩⲟⲛ ⲛⲓⲙ ⲉ ϩⲟⲩⲛ •
ⲉ ⲧⲙⲉⲧⲁⲛⲟⲓⲁ • ⲉϥⲉⲣ ⲧⲏⲩⲧⲛ̄ ⲛ︤ⲙ︥ⲡϣⲁ ⲛ̄ ⲧϥ̄ⲭⲁⲣⲓⲥ •
ⲟⲩⲣⲙ̄ⲙⲁⲟ ⲅⲁⲣ ⲡⲉ ϣⲁϥⲭⲁⲣⲓⲍⲉ • ⲛ̄ ⲛⲉⲧ ⲛⲁϯ ⲡⲉⲩ‐
ⲟⲩⲟⲓ ⲉ ⲣⲟϥ ϩⲛ̄ ⲟⲩⲇⲱⲣⲓⲁ • ⲁϫⲛ̄ ⲫⲑⲟⲛⲟⲥ • ⲛ̄ ⲧⲉⲣⲉ
ϥϫⲓ ⲛⲁⲓ • ⲇⲉ ⲁⲩϥⲓ̈ ⲛ̄ ⲧⲉϥⲁⲡⲉ • ⲁϥϫⲱⲕ ⲉ ⲃⲟⲗ ⲛ̄ ⲧϩⲟ‐
ⲙⲟⲗⲟⲅⲓ̈ⲁ ⲉⲧ ⲛⲁⲛⲟⲩⲥ • ⲙ̄ ⲡⲉⲛⲥⲱⲧⲏⲣ ⲛ̄ⲥⲟⲩ ϫⲟⲩⲧⲏ
ⲛ̄ⲛⲟⲉⲃⲣⲓⲟⲥ • ⲉⲧⲉ ⲁⲑⲱⲣ ⲡⲉ • | ⲁⲩⲛⲟϭ ⲛ̄ ϣⲡⲏⲣⲉ ϣⲱⲡⲉ •
ⲉⲥⲙ̄ⲡϣⲁ ⲛ︦ⲣ︦ ⲡⲉⲥⲙⲉⲉⲩⲉ • ⲙⲛ︦ⲛ︦ⲥⲁ ⲧⲣⲉ ⲡⲙⲁⲣⲧⲩⲣⲟⲥ
ϫⲱⲕ ⲉ ⲃⲟⲗ • ⲁ ⲡϥ̄ⲥⲱⲙⲁ ⲟⲩⲃⲁϣ ⲛ̄ⲑⲉ ⲛ̄ ⲟⲩⲭⲓⲱⲛ •
ⲉϥϣⲉϣ ⲥϯ ⲛⲟⲩϥⲉ ⲉ ⲃⲟⲗ • ⲛ̄ⲑⲉ ⲛ̄ ⲟⲩϣⲟⲩϩⲏⲛⲉ ⲉϥⲥⲟⲧⲡ̄ •
ⲉ ⲧⲃⲉ ⲡⲉⲓ ⲙⲁⲉⲓⲛ ϭⲉ • ⲁ ϩⲁϩ ⲛ̄ⲣⲱⲙⲉ ϣⲱⲡⲉ ⲛ̄ⲭⲣⲓ‐
ⲥϯⲁⲛⲟⲥ • ⲡⲡⲉⲧ ⲟⲩⲁⲁⲃ ⲇⲉ • ⲁⲩⲟⲩⲁϩϥ̄ ϩⲛ̄ ⲧⲟⲡⲟⲥ •
ⲉϥⲟⲩⲱⲛϩ̄ ⲉ ⲃⲟⲗ ⲡⲙⲁ ⲉⲧ ⲉⲣⲉ ⲟⲩⲙⲏⲏϣⲉ ⲛ̄ϭⲟⲙ ϩⲓ
ⲧⲁⲗϭⲟ ϣⲱⲡⲉ ⲙ̄ⲙⲁⲩ • ⲟⲩⲉⲟⲟⲩ ⲙ̄ ⲡⲛⲟⲩⲧⲉ ⲡⲉⲓⲱⲧ •
ⲙⲛ̄ ⲡⲉϥⲙⲟⲛⲟⲅⲉⲛⲏⲥ ⲛ̄ ϣⲏⲣⲉ • ⲉ ⲓ︦ⲥ︦ ⲡⲉⲭ︦ⲥ︦ ⲡⲉⲛϫⲟⲉⲓⲥ •
ⲙⲛ̄ ⲡⲉⲡⲛ̄ⲁ ⲉⲧ ⲟⲩⲁⲁⲃ • ⲧⲉⲛⲟⲩ ⲁⲩⲱ ⲛ̄ⲟⲩⲟⲉⲓϣ ⲛⲓⲙ •
ϣⲁ ⲛ̄ⲁⲓⲱⲛ ⲧⲏⲣⲟⲩ ⲛ̄ⲁⲓⲱⲛ ϩⲁⲙⲏⲛ =:::=:::