### 0001

✠ Ⲁ︦ Ⲱ︦ Ⲓ︦︦Ⲥ︦ ⲠⲈⲬ︦︦Ⲥ︦ Ⲛ: ⲒⲀⲂⲞⲐ Ϥ︦Ⲑ︦
ⲞⲨⲖⲞⲄⲞⲤ Ⲛ̄ⲦⲈ ⲠⲠⲀⲦⲢⲒ̄ⲀⲢⲬⲎⲤ • ⲈⲦ
ⲦⲀⲒⲎⲨ • ⲀⲨⲰ ⲠⲈⲚⲦⲀϤⲢ̄ ⲘⲀ Ⲛ̄ ⲞⲨⲰϨ Ⲙ
ⲠⲈⲠⲚ︦Ⲁ︦ ⲈⲦ ⲞⲨⲀⲀⲂ • ⲀⲠⲀ ⲔⲈⲖⲈⲤⲦⲚⲞⲤ •
ⲠⲀⲢⲬⲎⲈⲠⲒⲤⲔⲞⲠⲞⲤ Ⲛ̄ ⲦⲚⲞϬ Ⲙ̄ ⲠⲞⲖⲒⲤ
ϨⲢⲰⲘⲎ • Ⲉ ⲀϤⲦⲀⲨⲞϤ • Ⲉ ⲠⲚⲞϬ Ⲛ̄ ⲦⲀⲒ̈Ⲟ•
Ⲙ̄ ⲠϤⲀⲒ ϢⲘ̄ ⲚⲞⲨϤⲈ • Ⲛ̄ ⲚⲒⲀⲒ̈ⲰⲚ • Ⲙ̄ ⲠⲞⲨ-
ⲞⲈⲒⲚ • ⲠⲀⲢⲬⲀⲄⲄⲈⲖⲞⲤ ⲄⲀⲂⲢⲒ̈ⲎⲖ • ϨⲘ̄
ⲠⲈϨⲞⲞⲨ Ⲙ̄ ⲠⲈϤϢⲀ ⲈⲦ ⲞⲨⲀⲀⲂ • ⲈⲦⲈ
ⲤⲞⲨ ϪⲞⲨⲦⲞⲨⲈ Ⲙ̄ ⲠⲈⲂⲞⲦ ⲬⲞⲒⲀⲔϤ̄ • ⲀϤ-
ϢⲀϪⲈ ⲆⲈ ⲞⲚ Ⲉ ⲦⲂⲈ Ⲛ̄ϬⲞⲘ ⲘⲚ̄ ⲚⲈϢⲠⲎⲢⲈ
Ⲛ̄ⲦⲀⲨϢⲰⲠⲈ ϨⲘ̄ ⲠϤⲦⲞⲠⲞⲤ ⲈⲦ ⲞⲨⲀⲀⲂ •
ⲚⲀⲒ̈ Ⲛ̄ⲦⲀⲨⲔⲞⲦϤ̄ ⲚⲀϤ ϨⲚ̄ ⲦⲠⲞⲖⲒⲤ ϨⲢⲰⲘⲎ •
ⲀⲨⲰ • ⲞⲚ • Ⲉ ⲦⲂⲈ ⲠϢⲀϪⲈ ⲈⲦ ⲤⲎϨ ϨⲚ̄
ⲠⲚⲞⲘⲞⲤ • ϪⲈ ⲠⲈⲦⲈ ⲚⲄ̄ ⲞⲨⲀϢϤ ⲀⲚ Ⲉ
ⲦⲢϤ̄ ϢⲰⲠⲈ Ⲙ̄ⲘⲞⲔ • ⲘⲠⲢ̄ ⲀⲀϤ Ⲛ̄ ⲞⲨⲀ •
ⲀⲨⲰ ⲞⲚ • ϪⲈ ⲞⲨⲚⲞϬ Ⲛ̄ ⲚⲞⲂⲈ ⲠⲈ
ⲦⲘⲚ︦Ⲧ︦ⲢϤ̄ϪⲒ̈ϬⲞⲖ • ⲘⲀⲖⲒⲤⲦⲀ ⲚⲈⲦ ⲦⲀϪⲢⲞ
Ⲙ̄ ⲠϬⲞⲖ ϨⲒ̈ⲦⲘ̄ ⲠⲀⲚⲀϢ Ⲛ̄ⲚⲞⲨϪ • ⲀⲨⲰ
ⲞⲚ • ϪⲈ ϢⲀⲢⲈ ⲠⲈϢⲖⲎⲖ ⲂⲞⲎⲐⲈⲒ̈ Ⲉ
ⲠⲢⲰⲘⲈ ⲚϤ̄ⲚⲀϨⲘϤ̄ Ⲛ̄ϬⲞⲢⲞⲤ̄ Ⲙ̄ ⲠⲤⲀ-


### 0002

ⲦⲀⲚⲀⲤ • ϨⲚ̄ ⲞⲨⲈⲒⲢⲎⲚⲎ ⲚⲦⲈ ⲠⲚⲞⲨⲦⲈ •
ⲤⲘⲞⲨ Ⲉ ⲢⲞⲚ • ϨⲀⲘⲎⲚ Ϥ︦Ⲑ︦-
Ⲡⲉϩⲙⲟⲧ ⲙ̄ ⲡⲛⲟⲩⲧⲉ ϣⲏⲡ • [ⲁⲩ]ⲱ ⲧϥ̄ⲭⲁⲣⲓ̈ⲥ ⲣ︤▨▨▨
▨▨▨ⲥⲕⲉ|ⲡⲁⲍⲉ ⲙ̄ⲙⲟⲛ • ⲁⲩⲱ ⲁϥⲣ̄ ⲥⲟⲃⲧⲛ̄ ⲉ ⲣⲟⲛ ϩⲛ̄
ⲧϥ̄ϭⲓϫ • ⲛ̄ ⲁϩⲟⲣⲁⲧⲟⲛ • ⲁϥⲛ̄ⲧⲛ̄ ⲉ ϩⲣⲁⲓ̈ ϩⲙ̄ ⲡⲕⲩⲕⲗⲟⲥ ⲛ̄
ⲧⲉ ⲣⲟⲙⲡⲉ ⲛ︦ⲛ︦ⲟⲛϩ̄ • Ⲁϥⲥⲟⲃϩⲉⲛ (sic) • ⲉ ϩⲟⲩⲛ ⲉ ⲡⲧⲟⲡⲟⲥ •
ⲙ̄ ⲡϥⲁⲓ̈ ϣⲙ̄ ⲛ̇ⲟⲩϥⲉ ⲛ̄ ⲛⲁⲓ̈ⲱⲛ • ⲙ̄ ⲡⲟⲩⲟⲉⲓ̈ⲛ • ⲡⲁⲣⲭ‐
ⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ • Ⲉ ⲧⲃⲉ ⲡⲁⲓ̈ ⲧⲓ̈ⲛⲁϫⲓ̈
ⲛⲁⲓ̈ ϩⲱ ⲛ̄ⲧⲉⲥⲙⲏ • ⲙ̄ ⲡϩⲩⲙⲛⲟⲧⲟⲥ ⲉⲧ ⲟⲩⲁⲁⲃ ⲇⲁ︦ⲇ︦
Ⲁⲩⲱ ⲡⲣϥ̄ⲥⲉⲩϩ ⲟⲩⲃⲗ̄ⲗⲉ ⲉⲧ ⲛⲟⲧⲙ̄ • ⲁⲩⲱ ⲡⲣ̄ⲣⲟ ⲛ̄ⲇⲓ̈‐
ⲕⲁⲓ̈ⲟⲥ • ⲛ̄ⲧⲁϫⲟⲟⲥ ϩⲙ̄ ⲡⲁ ⲗⲁⲥ ⲛ̄ ϩⲏⲕⲉ • ϫⲉ ⲡⲁⲓ̈ ⲡⲉ
ⲡⲉϩⲟⲟⲩ • ⲛ̄ⲧⲁ ⲡϫⲥ̄ ⲧⲁⲙⲓ̈ⲟϥ • ⲙⲁⲣⲛ̄ⲥⲱⲟⲩϩ ⲛ̄ⲧⲛ̄ⲧⲉ‐
ⲗⲏⲗ • ⲛ̄ⲧⲛ̄ⲟⲩⲛⲟϥ • ⲙ̄ⲙⲟⲛ ⲛ̄ϩⲏⲧϥ̄ ϣⲁϥϫⲟⲟⲥ ⲟⲛ ϫⲉ
ⲓ̈ⲟⲩⲇⲁ • ⲁⲣⲓ̈ ⲛⲉⲕϣⲁ • ⲁⲩⲱ ⲛⲉⲕϯ ⲛ̄ ⲛⲉⲕⲉⲣⲏⲧ • Ⲉ
ⲧⲃⲉ ⲡⲁⲓ̈ • ⲉϥⲥⲙⲁⲙⲁⲁⲧ ⲛ̄ϭⲓ ⲡⲛⲟⲩⲧⲉ • ϫⲉ ⲁϥⲁⲛ ⲛ̄
ⲁⲝⲓⲟⲥ • ⲁϥⲥⲟⲃϩⲉⲛ ⲉ ϩⲟⲩⲛ • ⲉ ⲡⲧⲟⲡⲟⲥ ⲙ̄ ⲡⲉϥⲟⲓ̈ⲕⲟ‐
ⲛⲟⲙⲟⲥ ⲉⲧ ⲟⲩⲁⲁⲃ • ⲁⲩⲱ ⲡϥⲁⲓ̈ ϣⲙ̄ ⲛⲟⲩϥⲉ • ⲛ̄ ⲛⲓⲁⲓ̈ⲟⲛ •
ⲙ̄ ⲡⲟⲩⲟⲉⲓⲛ • ⲡⲁⲣⲭⲁⲅⲅⲉ|ⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ •
ⲙⲁⲣⲛ̄ⲥⲱⲟⲩϩ ϭⲓ̈ ϩⲛ̄ ⲟⲩⲧⲃ̄ⲃⲟ • ⲛ̄ϩⲏⲧ • ⲙⲛ̄ ⲟⲩⲧⲃ̄ⲃⲟ • ⲛ̄
ⲥⲱⲙⲁ • ⲛ̄ⲧⲛ︦ⲣ︦ ϣⲁ ⲙ̄ ⲡⲉⲧ ⲉⲣⲉ ⲡⲛⲟⲩⲧⲉ ⲙⲛ̄ ⲛϥ̄ⲁⲅⲅⲉⲗⲟⲥ
ⲣ̄ ϣⲁ • ⲛⲁϥ • Ⲙⲁⲣⲛ̄ⲛⲟⲩϫⲉ ⲛ̄ ⲥⲁ ⲃⲟⲗ • ⲙ̄ⲙⲟⲛ • ⲛ̄
ⲧⲟⲗⲙ̄ ⲛⲓ̄ⲙ ⲙⲛ̄ ϩⲩⲡⲟⲕⲣⲓⲥⲓⲥ ⲛⲓⲙ • Ⲛ̄ⲧⲛ︦ⲣ︦ ϣⲁ • ⲙ̄
ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲛ̄ⲱϣ ⲉ ⲃⲟⲗ • ⲛ̄ϫⲱ ⲙ̄ⲙⲟⲥ •
ⲙⲛ̄ ⲡϩⲩⲉⲣⲟⲯⲁⲗⲧⲏⲥ ⲇⲁ︦ⲇ︦ • ϫⲉ ⲥⲙⲟⲩ ⲉ ⲡϫ︦ⲥ︦ • ⲛⲉϥ‐
ⲁⲅⲅⲉⲗⲟⲥ ⲧⲏⲣⲟⲩ • ⲛ̄ϫⲱⲱⲣⲉ ϩⲛ̄ ⲧⲉⲩϭⲟⲙ • ⲉⲧ ⲉⲓⲣⲉ
ⲙ̄ ⲡⲉⲩϣⲁϫⲉ • Ⲁⲗⲏⲑⲱⲥ • Ⲱ̄ ⲡⲁⲣⲭⲁⲅⲅⲉⲗⲟⲥ ⲉⲧ
ⲟⲩⲁⲁⲃ • ⲅⲁⲃⲣⲓ̈ⲏⲗ • ⲟⲩⲛⲟϭ ⲡⲉ ⲡⲉⲟⲟⲩ ⲛⲧⲁ ⲡⲛⲟⲩⲧⲉ
ⲧⲁⲁϥ ⲛⲁⲕ • ⲡⲁⲣⲁ ⲧⲁⲅⲅⲉⲗⲓⲕⲏ • ⲧⲏⲣⲥ̄ • ⲛ̄ⲁⲥⲱⲙⲁⲧⲟⲥ •
ⲉⲧ ϩⲙ̄ ⲡϫⲓⲥⲉ • ⲛ̄ ⲙ̄ⲡⲏⲩⲉ • Ⲱ̄ ⲡⲁⲣⲭⲁⲅⲅⲉⲗⲟⲥ • ⲛ̄ⲧⲁⲩ‐
ⲙⲟⲩⲧⲉ ⲉ ⲣⲟⲕ ϫⲓⲛ ⲛ̄ϣⲟⲣⲡ̄ • ⲉ ⲡⲉⲓ ⲣⲁⲛ ϩⲓⲧⲙ̄ ⲡⲛⲟⲩⲧⲉ •
ϫⲉ ⲅⲁⲃⲣⲓ̈ⲏⲗ • ⲧⲁⲣⲕ̄ϭⲱ • ⲉⲕⲇⲓⲁⲕⲟⲛⲉⲓ̈ ⲉ ⲡⲉϫⲡⲟ • ⲙ̄
ⲡⲛⲟⲩⲧⲉ • ⲡⲗⲟ|ⲅⲟⲥ • ⲉⲡⲉⲓ̈ ⲇⲏ ⲉⲓⲣ̄ⲙⲓ̈ⲛⲓ̈ⲁ ⲛ̄ ⲅⲁⲃⲣⲓ̈ⲏⲗ •
ⲡⲉ ⲛⲟⲩⲧⲉ ϩⲓ ⲣⲱⲙⲉ • ⲕⲁⲧⲁ ⲡⲧⲩⲡⲟⲥ ⲙ̄ ⲡⲉⲛϫ︦ⲥ︦ •


### 0003

ⲛ̄ⲧⲁϥⲉⲓ̈ ϩⲛ̄ ⲟⲩⲑⲃ̄ⲃⲓ̈ⲟ • ⲁϥⲫⲟⲣⲉⲓ̈ • ⲛ̄ ⲟⲩⲥⲁⲣⲝ̄ ⲉ ⲧⲃⲏⲏⲧⲛ̄ •
ⲉⲩⲛⲟⲩⲧⲉ ⲡⲉ ϩⲓ ⲣⲱⲙⲉ • ⲙ̄ⲡⲉ ⲧϥ̄ⲙⲛ︦ⲧ︦ⲛⲟⲩⲧⲉ ⲡⲱⲣϫ̄ ⲉ
ⲧϥ̄ⲙⲛ︦ⲧ︦ⲣⲱⲙⲉ • ⲛ̄ ⲟⲩⲣⲓⲕⲉ ⲛ̄ⲃⲁⲗ • ⲙⲉ ⲅⲉⲛⲟⲓ̈ⲧⲟ • ⲁⲗⲗⲁ
ⲉϥⲟ ⲛ̄ ⲛⲟⲩⲧⲉ ϩⲓ ⲣⲱⲙⲉ • ϩⲛ̄ ⲟⲩϫⲱⲕ • ϩⲓ ⲟⲩⲥⲟⲡ • ϩⲛ̄
ⲧⲕⲁⲗⲁϩⲏ ⲛ̄ ⲧϥ̄ⲙⲁⲁⲩ • Ⲁⲥϫⲡⲟϥ • ⲉϥⲟ ⲛ̄ ⲛⲟⲩⲧⲉ • ϩⲓ
ⲣⲱⲙⲉ • ⲁⲩⲥⲣ︦ⲟ︦ⲩ︦ ⲙ̄ⲙⲟϥ • ⲉϥⲟ ⲛ̄ ⲛⲟⲩⲧⲉ ϩⲓ ⲣⲱⲙⲉ • Ⲁϥⲣ̄
ⲥⲁⲣⲝ̄ ⲛ̄ ⲟⲩⲁ ⲛ̄ ⲟⲩⲱⲧ • ϩⲛ̄ ⲧⲙⲛ︦ⲧ︦ⲛⲟⲩⲧⲉ • ϩⲛ̄ ⲟⲩⲫⲩⲥⲓⲥ
ⲛ̄ ⲟⲩⲱⲧ • ⲛ̄ ⲁⲧ ⲡⲱⲣϫ̄ ⲛ̄ ⲁⲧ ϣⲓⲃⲉ • ⲛ̄ ⲁⲧ ⲟⲩⲉ ⲉ ⲃⲟⲗ •
ⲛ̄ ⲛⲉⲩⲉⲣⲏⲩ • Ⲁⲙⲟⲩ ⲧⲉⲛⲟⲩ ⲱ̄ ⲛⲥ̄ⲧⲱⲣⲓ̈ⲟⲥ • ⲡⲁⲧ ⲛⲟⲩⲧⲉ
ⲛⲁⲙⲉ • Ⲁⲩⲱ ⲡⲁⲧ ⲧⲁⲡⲣⲟ • ⲛ̄ ϣⲟⲩⲧⲟⲙⲥ̄ • ⲛⲅ̄ ⲥⲓ̈ ⲛ̄
ϣⲓⲡⲉ • ⲁⲩⲱ ⲛⲅ̄ ⲁⲥⲭⲩⲙⲟⲛⲏ • Ⲁⲙⲟⲩ ⲧⲉⲛⲟⲩ • ⲛⲅ̄
ⲛⲁⲩ • ⲉ ⲡⲣ︤ⲣⲟ ⲡⲉⲭ︦ⲥ︦ • ⲡⲓ̈ⲟⲩⲁ ⲡⲓ̈ⲟⲩⲁ ⲡⲉ • ⲉϥⲟ ⲛ̄
ⲛⲟⲩⲧⲉ ϩⲓ ⲣⲱⲙⲉ • ⲉⲣⲉ ⲛⲣ̄ⲣⲱⲟⲩ • ⲙⲛ̄ ⲛⲥ̄ⲧⲣⲁⲧⲉⲩⲙⲁ •
ⲛⲏⲩ • ⲉⲩⲡⲣⲟⲥⲕⲩⲛⲏ • ⲛⲁϥ • ⲁⲩⲱ ⲉⲣⲉ ⲧⲟⲓ̈ⲕⲟⲩⲙⲉⲛⲏ
ⲧⲏⲣⲥ̄ ϫⲓ̈ ⲉ ⲃⲟⲗ ϩⲙ̄ | ⲡϥ̄ⲥⲱⲙⲁ • ⲙⲛ̄ ⲡϥ̄ⲥⲛⲟϥ • ⲉⲩⲱϣ
ⲉ ⲃⲟⲗ ϩⲛ̄ ⲧⲉⲫⲱⲛⲏ • ⲙ̄ ⲡⲙⲁⲕⲁⲣⲓ̈ⲟⲥ ⲉⲧ ⲙ̄ⲙⲁⲩ • ϫⲉ
ⲁⲣⲓ̈ ⲡⲁ ⲙⲉⲉⲩⲉ ⲉ ⲡϫ︦ⲥ︦ • ⲉⲕϣⲁⲛⲉⲓ̈ ϩⲛ̄ ⲧⲕ̄ⲙⲛ︦ⲧ︦ⲉⲣⲟ • ⲛ̄ⲧⲟⲕ
ⲇⲉ ⲱ̄ ⲡⲁⲛϩⲟⲥⲓⲟⲥ • ⲁⲕϣⲱⲱⲛⲉ • ⲙ̄ ⲡⲉⲕⲉⲟⲟⲩ • ⲁⲩⲱ
ⲉⲕⲛⲁⲙⲟⲩ ϩⲛ̄ ⲧⲕ̄ⲝⲟⲣⲓⲥϯⲁ • ⲉ ⲧⲃⲉ ⲧⲕ̄ⲙⲛ︦ⲧ︦ⲣϥ̄ϫⲓⲟⲩⲁ •
ⲙⲛ̄ ⲡⲉⲕⲗⲁⲥ • ⲉⲧ ⲙⲉϩ ⲙ̄ ⲙⲁⲧⲟⲩ • Ⲁⲗⲗⲁ ⲡⲁⲣⲁ ⲕⲉ
ⲕⲟⲩⲓ̈ • ⲁⲛⲃⲱⲕ ⲁⲛⲣ̄ ⲡⲱⲃϣ̄ ⲙ̄ ⲡⲉⲕⲧⲁⲓ̈ⲟ • ⲙⲛ̄ ⲡⲉⲕⲉⲟⲟⲩ •
ⲱ̄ ⲡⲛⲟϭ • ⲛ̄ ⲁⲣⲭⲁⲅⲅⲉⲗⲟⲥ • ⲅⲁⲃⲣⲓ̈ⲏⲗ • Ⲁⲗⲗⲁ
ⲙⲁ ⲛⲁⲛ ⲛ̄ ⲟⲩⲥⲩⲛⲅⲛⲱⲙⲏ • ϫⲉ ⲧⲓ̈ϭⲟϫⲃ̄ ⲉⲙⲁⲧⲉ
ϩⲛ̄ ⲛⲁⲡⲣⲁⲝⲓⲥ • ⲁⲩⲱ ⲙⲛ̄ϣϭⲟⲙ ⲛ̄ ⲧⲁ ⲧⲁⲡⲣⲟ • ⲛ̄
ⲁⲥ[ⲑⲉ]ⲛⲏⲥ • ⲉ ϫⲱ ⲙ̄ ⲡⲉⲕ[ⲉ]ⲟⲟⲩ • ⲡⲁⲓ̈ ⲛ̄ⲧⲁ ⲡⲛ[ⲟⲩ]ⲧⲉ
ⲧⲁⲁϥ ⲛⲁⲕ ⲱ̄ Ⲅⲁⲃⲣⲓ̈ⲏⲗ • ⲡⲁⲣⲭⲁⲅⲅⲉⲗⲟⲥ ⲙ̄ ⲡⲣⲁϣⲉ •
Ⲁϣ ⲛ̄ ⲗⲁⲥ • ⲛ̄ ⲥⲁⲣⲝ̄ • ⲏ̄ ⲧⲁⲡⲣⲟ ⲛ̄ⲣⲱⲙⲉ • ⲡⲉⲧ ⲛⲁϣϫⲱ
ⲙ̄ ⲡⲉⲕⲧⲁⲓ̈ⲟ • Ⲱ̄ ⲡⲗⲓⲧⲟⲩⲣⲅⲟⲥ ⲉⲧ ⲟⲩⲁⲁⲃ • Ⲛ̄ⲧⲉ ⲡⲛⲟϭ
ⲛ︦ⲣ︦ⲣⲟ ⲙ̄ (?) ⲡⲁ ϩⲟ • ⲉⲧ ϣⲟⲩⲓ (?) ⲣⲁϣⲉ ⲉ ⲃⲟⲗ • Ⲱ̄
Ⲅⲁⲃⲣⲓ̈ⲏⲗ ⲡϥⲁⲓ̈ ϣ[ⲙ̄ ⲛⲟⲩ]ϥⲉ ⲛ̄ ⲧⲁⲅⲅⲉⲗⲓⲕ[ⲏ] • |
Ⲱ̄ ⲡⲇⲓ̈ⲁⲕⲟⲛⲓⲧⲏⲥ ⲛ̄ⲁⲙⲉ • ⲉⲧ ⲇⲓ̈ⲁⲕⲟⲛⲉⲓ̈ ⲉ ⲡⲉϫⲡⲟ •
ⲙ̄ ⲡϥ̄ϫⲥ̄ • Ⲱ̄ ⲡⲉϩⲣⲏⲧⲱⲣ ⲛ̄ ⲧⲁⲗⲓⲑⲓⲁ • ⲡⲕⲩⲣⲓ̈ⲝ ⲛ̄
ⲧⲙⲛ︦ⲧ︦ⲉⲣⲟ • ⲛ̄ ⲙ̄ⲡⲏⲩⲉ • [ϯ]ⲟⲩⲱϣ ⲉ ⲛⲁⲩ ⲉ ⲣⲟⲕ • ⲱ̄
ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ • ⲉⲕϣⲁϫⲉ ⲙⲛ̄


### 0004

ⲧⲡⲁⲣⲑⲉⲛⲟⲥ • Ⲱ̄ ⲡⲁⲡⲟⲇⲩⲙⲟⲥ ⲛ̄ ⲧⲁⲡⲟⲇⲩⲙⲓ̈ⲁ ⲙ̄
ⲡⲛⲟⲩⲧⲉ • ⲡⲡⲁⲛⲧⲱⲕⲣⲁⲧⲱⲣ ⲛ̄ ⲧⲙⲛ︦ⲧ︦ⲣⲱⲙⲉ • ⲧⲓ̈ⲟⲩⲱϣ
ⲉ ⲑⲉⲱⲣⲉⲓ̈ ⲙ̄ⲙⲟⲕ • Ⲉⲕϣⲁϫⲉ ⲙⲛ̄ ⲧⲣ̄ⲣⲱ ⲛ̄ ⲛⲉ‐
ϩⲓⲟⲟⲙⲉ • ϯⲟⲩⲱϣ ⲉ ⲛⲁⲩ ⲉ ⲡⲉⲕϩⲟ • ⲉⲧ ϣⲟⲩⲉ ⲣⲁϣⲉ
ⲉ ⲃⲟⲗ • ⲉⲕϣⲁϫⲉ ⲙⲛ̄ ⲧⲉⲧ ⲥⲟⲧⲡ̄ • ⲡⲁⲣⲁ ⲧⲡⲉ ⲙⲛ̄ ⲡⲕⲁϩ •
ⲉⲕⲱϣ ⲉ ⲃⲟⲗ ⲉ ⲣⲟⲥ • ϫⲉ ⲭⲁⲓ̈ⲣⲉ • ⲧⲛ̄ⲧ ⲁⲥϭⲛ̄ ϩⲙⲟⲧ •
ⲡϫ︦ⲥ︦ ⲛⲙ̄ⲙⲉ • Ⲱ̄ ⲡⲉⲥⲧⲣⲁⲧⲟⲡⲉⲧⲁⲣⲭⲟⲥ ⲙ̄ ⲡⲣ̄ⲣⲟ ⲛ̄
ⲛ︦ⲣ︦ⲣⲱⲟⲩ • ⲙⲛ̄ϣϭⲟⲙ ⲙ̄ ⲡⲁ ⲗⲁⲥ • ⲛ̄ϩⲏⲕⲉ • ⲉϫⲱ ⲙ̄
ⲡⲉⲕⲉⲟⲟⲩ • ⲁⲗⲗⲁ ϯⲛⲁϫⲟⲟⲥ ⲉⲙⲁⲧⲉ • ϫⲉ ϥⲥⲙⲁⲙⲁⲁⲧ
ⲛ̄ϭⲓ ⲡⲛⲟⲩⲧⲉ • ⲡⲛⲁⲏⲧ • ⲡⲛ̄ⲧⲁϥϫⲟⲟⲥ ϩⲛ̄ ⲧϥ̄ⲧⲁⲡⲣⲟ • ⲛ̄
ⲛⲟⲩⲧⲉ • ϫⲉ ⲡⲙⲁ ⲉⲧ ⲉⲣⲉ ⲥⲛⲁⲩ | ϩⲓ ϣⲟⲙ︦ⲛ︦ⲧ︦ ⲛ̄ϩⲏⲧϥ̄ •
ϩⲙ̄ ⲡⲁ ⲣⲁⲛ • ϯϣⲟⲟⲡ ⲛⲙ̄ⲙⲁⲩ • ϩⲛ̄ ⲧⲉⲩⲙⲏⲏⲧⲉ • ⲉϣϫⲉ
ⲡⲛⲟⲩⲧⲉ ϣⲟⲟⲡ ⲙⲛ̄ ⲥⲛⲁⲩ ⲛ̄ ϣⲟⲙ︦ⲛ︦ⲧ︦ • ⲏ̄ ⲛⲓⲙ ⲡⲉⲧ‐
ⲛⲁϣϫⲓ ⲏⲡⲉ • ⲙ̄ ⲡⲉϥⲣⲁϣⲉ ⲙ̄ⲡⲟⲟⲩ • ⲙⲛ̄ ⲡⲉϥⲉⲓⲱⲧ ⲛ̄
ⲁⲅⲁⲑⲟⲥ • ⲙⲛ̄ ⲡⲉⲡⲛ︦ⲁ︦ ⲉⲧ ⲟⲩⲁⲁⲃ • ⲉⲩⲛⲁⲩ ⲉ ⲡⲉⲓ ⲛⲟϭ •
ⲙ̄ⲙⲏⲏϣⲉ • ⲛ̄ⲁⲕⲣⲟⲁⲧⲏⲥ • ⲉⲩⲥⲱⲟⲩϩ ⲉ ϩⲟⲩⲛ ⲉⲩϯ ⲉⲟⲟⲩ •
ⲙ̄ ⲡϥ̄ⲛⲟϭ ⲛ̄ ⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ •
ⲡⲁⲣⲭⲁⲅⲅⲉⲗⲟⲥ ⲙ̄ ⲡⲣⲁϣⲉ • Ⲁⲛⲟⲛ ϩⲱⲱⲛ ⲙⲁⲣⲛ̄ⲥⲁ‐
ϩⲱⲱⲛ ⲉ ⲃⲟⲗ • ⲛ̄ ϫⲓⲛϭⲟⲛⲥ̄ ⲛⲓⲙ • ⲙⲛ̄ ⲕⲁⲧⲁⲗⲁⲗⲓ̈ⲁ
ⲛⲓⲙ • ⲙⲛ̄ ϫⲓⲟⲩⲁ ⲛⲓⲙ • ⲙⲛ̄ ⲙⲟⲥⲧⲉ ⲛⲓⲙ • ⲙⲛ̄ ϭⲟⲗ
ⲛⲓⲙ • ⲙⲛ̄ ϩⲱⲃ ⲛⲓⲙ • ⲙ̄ ⲡⲟⲛⲩⲣⲟⲛ • ⲛⲁⲓ̈ ⲉⲧⲉ ⲛⲉⲧ ⲉⲓ̈ⲣⲉ
ⲙ̄ⲙⲟⲟⲩ • ϣⲟⲟⲡ ϩⲁ ⲡⲥⲁϩⲟⲩ • ⲕⲁⲓ̈ ⲅⲁⲣ ⲣⲱⲙⲉ ⲛⲓⲙ ⲉⲧ
ϫⲓ ϭⲟⲗ • ⲉϥⲧⲛ̄ⲧⲱⲛ ⲉ ⲡⲇⲓⲁⲃⲟⲗⲟⲥ • ⲡⲁⲓ̈ ⲉⲧⲉ ⲙ̄ⲡ ϥⲁϩⲉ
ⲣⲁⲧϥ̄ ϩⲛ̄ ⲧⲙⲉ ⲉⲛⲉϩ • ⲛⲅ̄ ⲥⲱⲧⲙ̄ ⲁⲛ • ⲉ ⲡⲉⲧ ⲥⲏϩ • ϫⲉ
ⲡϫ︦ⲥ︦ ⲛⲁⲧⲁⲕⲟ | ⲛ̄ ⲟⲩⲟⲛ ⲛⲓⲙ ⲉⲧ ϫⲱ ⲙ̄ ⲡϭⲟⲗ • ⲁⲩⲱ ⲟⲛ
ϫⲉ ⲣϥ̄ϫⲓ ϭⲟⲗ ⲛⲓⲙ • ϩⲉⲛ ⲉ ⲃⲟⲗ ⲁⲛ ⲛⲉ ϩⲛ̄ ⲧⲙⲉ •
Ⲁⲗⲗⲁ ϩⲉⲛ ⲉ ⲃⲟⲗ ⲛⲉ ϩⲙ̄ ⲡⲥⲁⲧⲁⲛⲁⲥ • ⲉ ⲧⲃⲉ ⲡⲁⲓ̈ ⲡⲉⲧ
ⲛⲁϫⲓ ϭⲟⲗ • ⲏ̄ ⲛⲉϥⲱⲣⲕ̄ ⲛ̄ ⲛⲟⲩϫ • ⲉϫⲛ̄ ϩⲉⲛⲥⲕⲉⲩⲉ ⲛ̄ⲧⲉ
ⲡⲓ ⲕⲟⲥⲙⲟⲥ • ϣⲁϥⲃⲱⲕ ⲛϥ̄ⲕⲁⲁⲩ • ⲉϥⲧⲛ̄ⲧⲱⲛ ⲉⲓ̈ⲟⲩⲇⲁⲥ •
ⲡⲉⲥⲕⲁⲣⲓ̈ⲱⲧⲏⲥ • ⲡⲉⲛⲧ ⲁϥⲡⲁⲣⲁⲇⲓⲇⲟⲩ • ⲙ̄ ⲡϥ︦ϫ︦ⲥ︦ • ⲉ ⲧⲃⲉ
ⲭⲣⲏⲙⲁ • ⲙ̄ⲡⲉ ⲥⲱⲧⲙ̄ ⲉ ⲡⲉⲧ ⲥⲏϩ • ϫⲉ ϥⲥ[ϩ]ⲟⲩⲟⲣⲧ̄
ⲛ̄ϭⲓ ⲡⲉⲧ ⲛⲁϫⲉ ⲡⲣⲁⲛ ⲙ̄ ⲡϫ︦ⲥ︦ ⲉϫⲛ̄ ⲟⲩϩⲱⲃ • ⲉϥϣⲟⲩⲉⲓⲧ •
ϯⲟⲩⲱϣ ⲙⲉⲛ ⲉ ϣⲁϫⲉ ⲛⲙ̄ⲙⲏⲧⲛ̄ ⲉ ⲡϩⲏⲩ ⲛ̄ ⲛⲉⲧⲛ̄‐
ⲯⲩⲭⲏ • ⲁⲗⲗⲁ ⲁϥⲧⲓϩⲧⲟⲣ ⲉ ⲣⲟⲓ̈ ⲛ̄ϭⲓ ⲡⲉⲛⲟⲥ ⲙ̄ ⲡⲁⲣⲭ‐


### 0005

ⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲡⲁⲓ̈ ⲉⲧ ⲛ︤ⲣ︥ ϣⲁ ⲛⲁϥ ⲙ̄ⲡⲟⲟⲩ •
ⲛ̄ⲁⲅⲅⲉⲗⲟⲥ ⲅⲁⲣ ⲧⲏⲣⲟⲩ ⲛ̄ⲧⲁ ⲡⲛⲟⲩⲧⲉ ϫⲟⲟⲩⲥⲟⲩ • ϩⲛ̄
ⲧⲡⲁⲗⲁⲓ̈ⲁ • ⲇⲓⲁⲕⲟⲛⲉⲓ ⲉ ϩⲉⲛⲣⲱⲙⲉ ⲉ ϣⲁⲩⲙⲟⲩ • ⲛ̄ⲧⲟⲕ
ⲇⲉ ϩⲱⲱⲕ Ⲱ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ • ⲛ̄ⲧⲁ ⲡⲉⲓⲱⲧ
ⲧⲛ̄ⲛⲟⲟⲩⲕ • ϩⲛ̄ ⲧⲅⲉⲛⲏ ⲇⲓⲁⲑⲩⲕⲏ • ϣⲁ ⲧⲡⲁⲣⲑⲉⲛⲟⲥ •
ⲉⲧ ⲟⲩⲁⲁⲃ ⲙⲁⲣⲓⲁ • ⲉⲕⲩⲣⲓⲍⲥⲉ (sic) ⲛⲁⲥ • ⲙ̄ ⲡⲉϫⲡⲟ • ⲕⲁⲧⲁ
ⲥⲁⲣⲝ̄ • ⲙ̄ ⲡⲉϥⲙⲟⲛⲟⲅⲉⲛⲏⲥ ⲛ̄ ϣⲏⲣⲉ • Ⲱ︦ ⲡⲁⲣⲭⲁⲅ‐
ⲅⲉⲗⲟⲥ ⲛ̄ ϣⲟⲩⲧⲁⲓⲟϥ • ⲅⲁⲃⲣⲓ̈ⲏⲗ • Ⲱ̄ ⲡⲕⲩⲣⲓⲝ ⲛ̄ ⲣⲙ︦ⲛ︦‐
ϩⲏⲧ • Ⲱ̄ ⲡⲃⲁⲗϩⲏⲧ ⲉⲧ ⲟⲩⲁⲁⲃ • ⲉⲧ ⲉⲣⲉ | ⲛϥ̄ⲧⲛϩ̄ • ⲟⲧⲧⲡ̄
ⲛ̄ ⲥⲧⲓ ⲛⲟⲩϥⲉ • Ⲱ̄ ⲡⲉ[ⲟⲓ]ⲕⲟⲧⲏⲥⲡⲟⲧⲏⲥ • ⲉⲧ ⲥⲟⲃⲧⲉ • ⲁⲩⲱ •
ⲉⲧ ϩⲩⲇⲩⲙⲁⲍⲉ ⲙ̄ ⲡⲏⲓ̈ • ⲙ̄ ⲡⲉⲛⲧⲁϥⲥⲙⲛ̄ ⲥⲉⲛⲧⲉ • ⲛ̄
ⲧⲟⲓⲕⲟⲩⲙⲉⲛⲏ ⲧⲏⲣⲥ̄ • Ⲁ ⲡⲛⲟⲩⲧⲉ • ϭⲱϣⲧ̄ ⲉ ⲃⲟⲗ • ϩⲙ̄
ⲡⲥⲱⲙⲛ︦ⲧ︦ (sic) ⲧⲏⲣϥ̄ • ⲙ̄ⲡ ϥ̄ϩⲉ ⲉ ⲡⲉⲧ ⲧⲛ̄ⲧⲱⲛ • ⲉ ⲙⲁⲣⲓⲁ •
ϩⲙ̄ ⲡⲅⲉⲛⲟⲥ ⲧⲏⲣⲥ̄ ⲛ̄ ⲛⲉϩⲓⲟⲟⲙⲉ • ⲁϥⲣ̄ ϩⲛⲁϥ ⲉ ⲟⲩⲱϩ
ⲛ̄ϩⲏⲧⲥ̄ • ϩⲛ̄ ⲟⲩⲟⲓⲕⲟⲛⲟⲙⲓ̈ⲁ • ϣⲁⲛⲧ ϥ̄ⲥⲱⲧⲉ ⲙ̄ ⲡⲉⲛ‐
ⲅⲉⲛⲟⲥ • Ⲁϥϭⲱϣⲧ̄ ⲉ ⲃⲟⲗ ϩⲛ̄ ⲧⲁⲅⲅⲉⲗⲓ̈ⲕⲏ • ⲧⲏⲣⲥ̄ ⲛ̄
ⲛ̄ⲁⲅⲅⲉⲗⲟⲥ • ⲙ̄ⲡ ϥ̄ϩⲉ ⲉ ⲡⲉⲧ ⲧⲛ̄ⲧⲱⲛ ⲉ ⲣⲟⲕ ϩⲛ̄ ⲧⲟⲓ̈‐
ⲕⲟⲛⲟⲙⲓ̈ⲁ • ⲙ̄ ⲡⲉⲕⲣⲁⲛ ⲉⲧ ⲟⲩⲁⲁⲃ • ⲉ ⲧⲃⲉ ⲡⲁⲓ̈ • Ⲁϥ‐
ⲧⲛ̄ⲛⲟⲟⲩⲕ • ϣⲁ ⲧϥ̄ⲙⲁⲩ • ⲙ̄ ⲡⲁⲣⲑⲉⲛⲟⲥ • ⲉ ⲧⲣⲉⲕⲧⲓ
ϣⲙ̄ ⲛⲟⲩϥⲉ ⲛⲁⲥ • ⲁⲩϫⲟⲟⲩ ⲙ̄ ⲡⲁⲥⲱⲙⲁⲧⲟⲥ • ϣⲁ
ⲑⲁⲅⲓ̈ⲁ ⲙ̄ ⲡⲓⲥⲧⲏ • ⲁϥϫⲟⲟⲩ • ⲙ̄ ⲡϥⲁⲓ̈ ϣⲙ̄ ⲛⲟⲩϥⲉ •
ⲙ̄ ⲡⲱⲛϩ̄ • ϣⲁ ⲧⲣ̄ⲣⲱ ⲙ̄ ⲡⲅⲉⲛⲟⲥ ⲛ̄ ⲛⲉϩⲓⲟⲟⲙⲉ • ⲁⲩ‐
ϫⲟⲟⲩ ⲛ̄ ⲅⲁⲃⲣⲓ̈ⲏⲗ • ⲉⲣⲉ ⲧⲉⲕⲗⲟⲟⲗⲉ ⲙ̄ ⲡⲱⲛϩ̄ ⲁⲗⲏⲩ
ⲉ ⲣⲟϥ • ⲉⲣⲉ ⲡⲱⲛϩ̄ • ⲛ̄ ⲟⲩⲟⲛ ⲛⲓⲙ • Ⲛϩⲏⲧⲥ̄ • ⲉ ⲧⲣϥ̄‐
ⲟⲩⲱⲱϩ ϩⲛ̄ ⲧⲥ̄ⲕⲁⲗⲁϩⲏ • ⲙ̄ ⲯⲓⲥ ⲛ̄ⲉⲃⲟⲧ ⲧⲉ • ⲧⲥⲟⲧⲡ̄
ⲡⲁⲣⲁ ⲧⲡⲉ ⲙⲛ̄ ⲡⲕⲁϩ • Ⲁⲩⲱ ⲛ̄ ⲧⲉⲣⲉ ⲡⲁⲅⲅⲉⲗⲟⲥ
ⲟⲩⲱⲛϩ̄ ⲛⲁⲥ ⲉ ⲃⲟⲗ • ⲡⲉϫⲁϥ ⲛⲁⲥ ϫⲉ • ⲭⲁⲓⲣⲉ ⲧⲛ̄ⲧ
ⲁⲥϭⲛ̄ ϩⲙⲟⲧ • ⲡϫ︦ⲥ︦ ⲛⲙ̄ⲙⲉ • ⲉⲓⲥ ϩⲏⲏⲧⲉ ⲧⲣ̄ⲁⲱ︦ⲱ︦
ⲛ̄ⲧⲉϫⲡⲟ • | ⲛ̄ ⲟⲩϣⲏⲣⲉ • ⲛ̄ⲧⲉⲙⲟⲩⲧⲉ ⲉ ⲡϥ̄ⲣⲁⲛ ϫⲉ ⲓ︦ⲥ︦ •
ⲁⲩⲱ ⲛ̄ⲧⲉⲩⲛⲟⲩ ⲛ̄ⲧⲁϥϫⲉ ⲛⲁⲓ̈ ⲛⲁⲥ • ⲁⲥⲱ︦ⲱ︦ • ϩⲓ̈ⲧⲙ̄
ⲡⲥⲱⲧⲙ̄ ⲛ̄ ⲛⲥ̄ⲙⲁⲁϫⲉ • ⲙⲛ̄ ⲡⲁⲥⲡⲁⲥⲙⲟⲥ (sic) ⲙ̄ ⲡⲁⲣⲭ‐
ⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲡϣⲏⲣⲉ ⲙ̄ ⲡⲛⲟⲩⲧⲉ • ⲃⲱⲕ ⲉ
ⲡⲉⲥⲏⲧ ⲉ ⲧⲥ̄ⲕⲁⲗⲁϩⲏ • ϩⲛ̄ ⲟⲩⲙⲛ︦ⲧ︦ⲁⲧⲓ̈ⲙⲉ ⲉ ⲣⲟⲥ • ⲧⲓ̈ⲡⲁ‐
ⲣⲁⲅⲁⲗⲉⲓ̈ ⲙ̄ⲙⲟⲕ • Ⲱ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ •


### 0006

ⲅⲁⲃⲣⲓ̈ⲏⲗ • ⲡϥⲁⲓ̈ ϣⲙ̄ ⲛⲟⲩϥⲉ • ⲙ̄ ⲡⲱⲛϩ̄ • ⲛ̄ ⲧⲉⲣ ⲕ̄ⲉⲓ̈
ⲉ ⲧⲙ̄ⲙⲏⲏⲧⲉ (sic) ⲙ̄ⲡⲟⲟⲩ • ϩⲙ̄ ⲡⲉⲓ̈ ⲛⲟϭ ⲛ̄ ϣⲁ • ⲉⲧ ⲡⲟⲣϣ̄
ⲉ ⲃⲟⲗ ⲙ̄ⲡⲟⲟⲩ • ⲛⲅ̄ ⲥⲙⲟⲩ • ⲉ ⲡⲉⲓ̈ ⲛⲟϭ ⲙ̄ ⲙⲏⲏϣⲉ •
ⲉⲧ ⲥⲱⲟⲩϩ ⲉ ϩⲟⲩⲛ • ϩⲙ̄ ⲡⲉⲕⲣⲁⲛ ⲉⲧ ⲟⲩⲁⲁⲃ • Ⲕⲁⲓ̈ ⲅⲁⲣ •
ⲉⲓⲥ ⲡⲉⲕϫ︦ⲥ̄ ϩⲁϩⲧⲏⲛ • ⲙ̄ⲡⲟⲟⲩ • ⲁⲩⲱ ⲡⲉⲛϫⲟⲉⲓⲥ ⲧⲏⲣⲛ̄ •
ⲙⲛ̄ ⲛⲉϥⲁⲅⲅⲉⲗⲟⲥ • ⲧⲏⲣⲟⲩ • ⲉⲧ ⲟⲩⲁⲁⲃ • ⲙⲛ̄ ⲧϥ̄ⲙⲁⲁⲩ •
ⲙ̄ ⲡⲁⲣⲑⲉⲛⲟⲥ • ⲉⲩⲣ̄ ϣⲁ ⲛⲁⲕ • Ⲁⲩⲱ ⲧⲁⲅⲅⲉⲗⲓⲕⲏ ⲧⲏⲣⲥ̄
ⲛ̄ⲁⲥⲱⲙⲁⲧⲟⲥ • ⲉⲩⲣⲁϣⲉ ⲛⲙ̄ⲙⲁⲕ • ϩⲙ̄ ⲡⲉϩⲟⲟⲩ ⲙ̄
ⲡⲟⲩⲱⲛϩ̄ ⲉ ⲃⲟⲗ • ⲙ̄ ⲡⲉⲕⲣⲁⲛ ⲉⲧ ⲟⲩⲁⲁⲃ • Ⲱ̄ ⲅⲁⲃⲣⲓ̈ⲏⲗ
ⲡⲥⲟⲗⲥⲗ̄ • ⲛ̄ⲧⲁⲅⲅⲉⲗⲓ̈ⲕⲏ • ⲁⲩⲱ ⲡϣⲟⲩϣⲟⲩ ⲛ̄ ⲛ̄ⲧⲁⲅⲙⲁ
ⲛ̄ ⲙ̄ⲡⲏⲩⲉ • ⲟⲩⲛⲟϭ ⲧⲉ ⲧⲓ̈ⲙⲏ • ⲛ̄ⲧⲁ ⲡⲛⲟⲩⲧⲉ ⲧⲁⲁⲥ ⲛⲁⲕ |
ϩⲛ̄ ⲧⲡⲉ • ⲙⲛ̄ ⲡⲕⲁϩ • ϩⲛ̄ ⲧⲡⲉ ⲙⲛ̄ • ⲁⲩⲙⲟⲩⲧⲉ ⲉ ⲣⲟⲕ •
ϫⲉ ϥⲁⲓ̈ ϣⲙ̄ ⲛⲟⲩϥⲉ ⲛ̄ ⲛⲓⲁⲓ̈ⲱⲛ • ⲙ̄ ⲡⲟⲩⲟⲉⲓⲛ • ϩⲓϫⲙ̄
ⲡⲕⲁϩ ⲇⲉ ⲁⲩⲙⲟⲩⲧⲉ ⲉ ⲣⲟⲕ • ϫⲉ ⲡⲁⲅⲅⲉⲗⲟⲥ ⲙ̄ ⲡⲣⲁϣⲉ •
ⲉ ⲧⲃⲉ ⲧⲛⲟϭ • ⲛ̄ ⲟⲓ̈ⲕⲟⲛⲟⲙⲓ̈ⲁ • ⲛ̄ϣⲡⲏⲣⲉ ⲛ̄ⲧⲁⲩⲧⲁⲛ‐
ϩⲟⲩⲧⲕ̄ ⲙ̄ⲙⲟⲥ • Ⲱ̄ ⲅⲁⲃⲣⲓ̈ⲏⲗ • ⲡⲇⲓ̈ⲁⲕⲟⲛⲓ̈ⲧⲏⲥ ⲉⲧⲟ ⲛ̄-
ϩⲟⲧ ⲛ̄ⲁⲙⲉ • ⲕⲁⲓ̈ ⲅⲁⲣ ⲛ̄ ⲧⲉⲣⲉ ⲧⲁⲅⲇⲓⲕⲟⲥ ⲧⲱⲟⲩⲛ • ⲉϫⲙ̄
ⲇⲁⲛⲓ̈ⲏⲗ • ⲡⲉⲡⲣⲟⲫⲏⲧⲏⲥ • ⲁⲩⲛⲟⲩϫⲉ ⲙ̄ⲙⲟϥ ⲉ ⲡⲉⲥⲏⲧ
ⲉ ⲡϣⲏⲓ̈ ⲛ̄ ⲛ̄ⲙⲟⲩⲓ̈ • ⲁϥⲑⲗⲓ̈ⲃⲉ ⲉⲙⲁⲧⲉ • ⲉ ⲧⲃⲉ ⲡⲉϩⲕⲟ
ⲙⲛ̄ ⲡⲓ̈ⲃⲉ • ⲡⲁⲣⲭⲁⲅⲅⲉⲗⲟⲥ ⲇⲉ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ •
ⲁϥϣⲛ̄ϩⲧⲏϥ ϩⲁ ⲣⲟϥ • ϩⲓⲧⲛ̄ ⲧⲕⲉⲗⲉⲩⲥⲓⲥ ⲙ̄ ⲡϥ︦ϫ︦ⲥ︦ •
Ⲁϥⲁⲙⲁϩⲧⲉ ⲙ̄ ⲡϥⲱ • ⲛ̄ ⲧⲁⲡⲉ ⲛ̄ ⲁⲩⲁⲕⲟⲩⲙ • ⲙⲛ̄
ⲡⲁⲣⲓⲥⲧⲱⲛ ⲉⲧ ⲛ̄ ⲧⲟⲟⲧϥ̄ • ⲁϥⲁϣⲧϥ̄ ϩⲛ̄ ⲑⲟⲣⲙⲏ ⲙ̄
ⲡⲉⲡ︦ⲛ︦ⲁ︦ • ϫⲓⲛ ⲁⲓⲟⲩⲇⲁⲓⲁ ϣⲁ ⲧⲃⲁⲃⲩⲗⲱⲛ • ⲛ̄ ϩⲙⲉ ⲧⲟⲥⲉ
ⲙ̄ⲙⲟⲛⲏ • ⲁϥϫⲓⲧϥ̄ ⲛ̄ⲧⲉⲩⲛⲟⲩ • ⲉ ⲡϣⲏⲓ̈ ⲛ̄ ⲛⲓⲙⲟⲩⲓ̈ •
Ⲁϥϯ ⲙ̄ ⲡⲁⲣⲓⲥⲧⲟⲛ ⲛ̄ ⲇⲁⲛⲓⲏⲗ • ⲁϥⲟⲩⲱⲙ ⲁϥⲥⲙⲟⲩ ⲉ
ⲡⲛⲟⲩⲧⲉ ⲉϥϫⲱ ⲙ̄ⲙⲟⲥ • ϫⲉ ⲁⲕⲣ̄ | ⲡⲁ ⲙⲉⲉⲩⲉ ⲡϫ︦ⲥ︦ ⲙ̄ⲡⲉ
ⲕⲕⲱ ⲛ̄ⲥⲱⲕ ⲛ̄ ⲛⲉⲧ ⲙⲉ ⲙ̄ⲙⲟⲕ • ⲛ̄ⲧⲟϥ ⲟⲛ • ⲡⲉⲛⲧⲁϥ
ϣⲧⲁⲙ • ⲛ̄ⲧⲁⲡⲣⲟ ⲛ̄ ⲙ̄ⲙⲟⲩⲓ̈ • ϫⲉ ⲛ̄ⲛⲉⲩⲉⲛⲱⲭⲗⲉⲓ ⲛⲁϥ
ⲛ̄ⲥⲁϣϥ̄ ⲛ̄ϩⲟⲟⲩ • ⲉϥⲛ̄ ⲡⲉⲥⲏⲧ ⲙ̄ ⲡϣⲏⲓ̈ ⲛ̄ ⲙ̄ⲙⲟⲩⲓ̈ •
ⲅⲁⲃⲣⲓ̈ⲏⲗ ⲡⲁⲣⲭⲁⲅⲅⲉⲗⲟⲥ ⲡⲉⲛⲧ ⲁϥⲟⲩⲱⲛϩ̄ ⲉ ⲃⲟⲗ • ⲉ
ⲇⲁⲛⲓⲏⲗ • ⲁϥⲧⲥⲁⲃⲟϥ ⲉ ⲑⲟⲣⲁⲥⲓⲥ ⲕⲁⲧⲁ ⲑⲉ • ⲉⲧ ⲥⲏϩ •
ϫⲉ ⲅⲁⲃⲣⲓ̈ⲏⲗ • ⲙⲁⲧⲥⲁⲃⲉ ⲛⲁⲓ̈ ⲉ ⲑⲟⲣⲁⲥⲓⲥ • Ⲁⲩⲱ • ϫⲉ
ⲉⲓⲥ ⲡⲣⲱⲙⲉ ⲅⲁⲃⲣⲓ̈ⲏⲗ • ⲁϥⲉⲓ̈ ϣⲁ ⲣⲟⲓ̈ • ⲁϥⲧⲓ ϭⲟⲙ ⲛⲁⲓ̈ •


### 0007

ⲛ̄ⲑⲉ ⲛ̄ϣⲟⲣⲡ̄ • Ⲅⲁⲃⲣⲓ̈ⲏⲗ ⲡⲁⲣⲭⲁⲅⲅⲉⲗⲟⲥ • ⲡⲉⲛⲧ ⲁϥ‐
ⲱⲛϩ̄ ⲉ ⲃⲟⲗ ⲛ̄ ⲍⲁⲭⲁⲣⲓⲁⲥ • ϩⲙ̄ ⲡⲣ̄ⲡⲉ • ⲁϥⲕⲓⲣⲩⲍⲉ
ⲛⲁϥ ⲙ̄ ⲡⲉϫⲡⲟ ⲛ̄ ⲓ̈ⲱϩⲁⲛⲛⲏⲥ • ⲁⲩⲱ ⲛ̄ ⲧⲉⲣ ϥ︦︦ⲣ︦ ⲁⲡⲓⲥⲧⲟⲥ •
ⲁϥⲁⲡⲟⲫⲁⲛⲉ ⲉ ϫⲱϥ • ⲛ̄ ⲟⲩⲙⲛ︦ⲧ︦ⲙ︦ⲡⲟ • Ⲅⲁⲃⲣⲓ̈ⲏⲗ ⲟⲛ
ⲡⲉⲛⲧ ⲁϥⲟⲩⲱⲛϩ̄ ⲉ ⲃⲟⲗ ⲛ̄ ⲛ̄ϣⲟⲟⲥ • ⲉϥⲧⲁϣⲉⲟⲉⲓϣ ⲛⲁⲩ
ⲙ̄ ⲡⲛⲟϭ • ⲛ̄ ϣⲙ̄ ⲛⲟⲩϥⲉ • ⲉⲧⲉ ⲡⲉϫⲡⲟ ⲡⲉ • ⲙ̄ ⲡⲛⲟⲩⲧⲉ
ⲡⲗⲟⲅⲟⲥ ⲉ ⲃⲟⲗ • ϩⲛ̄ ⲧⲉϩⲓ̈ⲃⲉ ⲙ̄ⲙⲉ • Ⲛ̄ ⲁⲧ ϫⲃⲓ̈ⲛ • ⲧⲉ
ⲑⲉⲟⲧⲟⲕⲟⲥ ⲙⲁⲣⲓ̈ⲁ • Ⲅⲁⲃⲣⲓ̈ⲏⲗ ⲡⲁⲣⲭⲁⲅⲅⲉⲗⲟⲥ ⲡⲉⲛⲧ
ⲁϥⲉⲓ̈ⲛⲉ ⲉ ⲃⲟⲗ ⲛ̄ ⲛ̄ϩⲃ̄ⲣⲁⲓ̈ⲟⲥ • ⲛ̄ ⲧⲕ̄ⲭⲙⲁⲗⲟⲥⲓⲁ (sic) • ⲁϥ‐
ⲛⲟϩⲙ̄ ⲙ̄ ⲡⲗⲁⲟⲥ • ϩⲙ̄ ⲡⲕⲁϩ• ⲛ̄ ⲧⲉⲩⲙⲛ︦ⲧ︦ϩⲙ̄ϩⲁⲗ •|ⲁϥⲧⲟⲩ‐
ϫⲟⲟϥ • ϩⲛ̄ ⲧⲉⲣⲓⲙⲟⲥ ⲁϥⲉⲓ̈ⲣⲉ ⲛ̄ ⲛⲉⲓ̈ ⲙⲁⲉⲓⲛ ϩⲛ̄ ⲧϭⲓϫ ⲙ̄
ⲙⲱⲩⲥⲏⲥ • ⲡⲁⲣⲭⲏⲡⲣⲟⲫⲏⲧⲏⲥ • Ⲅⲁⲃⲣⲓ̈ⲏⲗ • ⲟⲛ ⲡⲉ ⲡⲓ‐
ⲥⲧⲟⲗⲟⲫⲟⲣⲟⲥ ⲉⲧⲟ ⲛ̄ϩⲟⲧ ϩⲛ̄ ⲧⲙⲏⲏⲧⲉ ⲛ̄ⲧⲁⲅⲅⲉⲗⲓⲕⲏ •
ⲛ̄ⲧⲟϥ ⲟⲛ ⲡⲉⲛⲧ ⲁϥϣⲙ̄ ⲛⲟⲩϥⲉ • ϩⲛ̄ ⲧⲙⲏⲏⲧⲉ ⲛ̄ ⲛ̄ⲁⲅⲅⲉ‐
ⲗⲟⲥ • Ⲅⲁⲃⲣⲓ̈ⲏⲗ • ⲟⲛ ⲡⲉ ⲡⲙⲓⲧⲁⲧⲱⲣ • ⲙ̄ ⲡⲡⲁⲛⲧⲱ‐
ⲕⲣⲁⲧⲱⲣ • ⲁⲩⲱ ⲡⲟⲓ̈ⲕⲟⲛⲟⲙⲟⲥ • ⲛ̄ ⲧⲙⲛ︦ⲧ︦ⲉⲣⲟ ⲛ̄ ⲙ̄ⲡⲏⲩⲉ •
Ⲱ̄ ⲅⲁⲃⲣⲓ̈ⲏⲗ • ⲡϥⲁⲓ̈ ϣⲙ̄ ⲛⲟⲩϥⲉ • ⲉⲧⲟ ⲛ̄ϩⲟⲧ • ⲉⲣⲉ ⲛⲓⲙ
ⲛⲁϣϫⲱ ⲙ̄ ⲡⲉⲕⲛⲟϭ ⲛ̄ ⲉⲟⲟⲩ • Ⲁϣ ⲛ̄ ⲗⲁⲥ ⲛ̄ ⲥⲁⲣⲝ̄ • ⲛ̄
ⲣⲱⲙⲉ • ⲛ̄ⲧⲁϥϣⲱⲡⲉ ϩⲓϫⲙ̄ ⲡⲕⲁϩ • ⲡⲉⲧ ⲛⲁϣϫⲱ ⲙ̄
ⲡⲉⲕⲛⲟϭ ⲛ̄ ⲉⲟⲟⲩ • Ⲱ̄ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲡⲉⲧ
ⲁϩⲉ ⲣⲁⲧϥ̄ • ⲙ̄ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ • ⲛ̄ ⲟⲩⲟⲉⲓϣ
ⲛⲓⲙ • ⲕⲁⲧⲁ ⲑⲉ ⲛ̄ⲧⲁⲕⲣ̄ⲙⲛ︦ⲧ︦ⲣⲉ ⲛ̄ ⲍⲁⲭⲁⲣⲓⲁⲥ • ϩⲙ̄
ⲡⲣ̄ⲡⲉ • ϫⲉ ⲁⲛⲟⲕ ⲡⲉ ⲅⲁⲃⲣⲓ̈ⲏⲗ • ⲡⲉⲧ ⲁϩⲉ ⲣⲁⲧϥ̄ ⲙ̄ⲡⲙ̄ⲧⲟ
ⲉ ⲃⲟⲗ ⲙ̄ ⲡⲛⲟⲩⲧⲉ • Ⲁϣ ⲛ̄ ϩⲏⲧ ⲛ̄ ⲣⲱⲙⲉ • ⲕⲁⲛ ⲟⲩⲥⲟ‐
ⲫⲟⲥ ⲡⲉ • ⲡⲁⲣⲁ ⲟⲩⲟⲛ ⲛⲓⲙ • ⲛ̄ⲧⲁϥϣⲱⲡⲉ • ϩⲓϫⲙ̄
ⲡⲕⲁϩ • ⲡⲉⲧ ⲛⲁϣⲙ̄ⲫⲁⲛⲏⲥⲑⲁⲓ̈ ⲛⲁⲛ ⲙ̄ ⲡⲕ̄ⲧⲁⲓ̈ⲟ • Ⲱ̄
ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲡⲁ ⲡϩⲟ ⲉⲧ ϣⲟⲩⲉ ⲣⲁϣⲉ
ⲉ ⲃⲟⲗ • ϩⲓ ⲟⲩ|ⲛⲟϥ • ⲕⲁⲓ̈ ⲅⲁⲣ ⲙⲛ̄ ⲧⲁⲓⲟ • ⲉϥϣⲏϣ ⲙⲛ̄
ⲡⲉⲕⲧⲁⲓ̈ⲟ • ⲉ ⲃⲟⲗ • ϫⲉ ⲉⲕⲁϩⲉ ⲣⲁⲧⲕ̄ ⲙ̄ⲡⲙ̄ⲧⲟ ⲉ ⲃⲟⲗ • ⲙ̄
ⲡⲛⲟⲩⲧⲉ ⲛ̄ ⲟⲩⲟⲉⲓϣ ⲛⲓⲙ • ⲉⲕⲥⲟⲡⲥⲡ̄ ⲙ̄ⲙⲟϥ • ⲉϫⲙ̄
ⲡⲅⲉⲛⲟⲥ ⲧⲏⲣϥ̄ ⲛ̄ ⲁⲇⲁⲙ • Ⲁⲩⲱ • ⲙ̄ ⲡⲛⲁⲩ • ⲉ ϣⲁⲣⲉ
ⲛ̄ⲧⲁⲅⲙⲁ ⲧⲏⲣⲟⲩ • ⲛ̄ ⲛ̄ⲁⲅⲅⲉⲗⲟⲥ ⲙⲛ̄ ⲛⲉⲓ̈ ⲭⲉⲓ̈ⲣⲟⲩⲃⲉⲓⲛ
ⲙⲛ̄ ⲛ̄ⲥⲉⲣⲁⲫⲉⲓⲛ • ⲡⲁϩⲧⲟⲩ ⲙ̄ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ •
Ⲉⲩϯ ⲛ̄ⲧⲉⲝⲟⲙⲟⲗⲟⲅⲓ̈ⲥⲓⲥ • ⲙⲛ̄ ⲡⲉⲟⲟⲩ • ⲙⲛ̄ ⲡⲧⲁⲓ̈ⲟ •


### 0008

ⲙⲛ̄ ⲧϭⲟⲙ • ⲙ̄ ⲡⲛⲟⲩⲧⲉ ⲡⲣ̄ⲣⲟ ⲛ̄ ⲧⲡⲉ ⲙⲛ̄ ⲡⲕⲁϩ • ⲉⲩⲱϣ
ⲉ ⲃⲟⲗ • ⲉⲩϫⲱ ⲙ̄ⲙⲟⲥ ⲛ̄ ⲟⲩ[ⲟ]ⲉⲓϣ ⲛⲓⲙ • ϫⲉ ⲕⲟⲩⲁⲁⲃ •
ⲕⲟⲩⲁⲁⲃ • ⲕⲟⲩⲁⲁⲃ • ⲡϫ︦ⲥ︦ ⲥⲁⲃⲁⲱⲑ • ⲙ̄ⲡⲏⲩⲉ ⲙⲛ̄ ⲡⲕⲁϩ
ⲙⲉϩ ⲉ ⲃⲟⲗ ϩⲙ̄ ⲡⲉⲕ[ⲉ]ⲟⲟⲩ • ϣⲁⲣⲉ ⲡⲛⲟϭ ⲛ̄ ⲁⲣⲭⲏ‐
ⲥⲧⲣⲁⲧⲓ̈ⲅⲟⲥ • ⲡϥⲁⲓ̈ ϣⲙ̄ ⲛⲟⲩϥⲉ • ⲙ̄ ⲡⲱⲛϩ̄ Ⲅⲁⲃⲣⲓ̈ⲏⲗ •
ⲙⲛ̄ ⲡⲛⲟϭ ⲛ̄ ⲁⲣⲭⲏⲥⲧⲣⲁϯⲅⲟⲥ ⲙⲓⲭⲁⲏⲗ • ⲡⲁⲣⲭⲱⲛ
ⲛ̄ ⲙ̄ⲡⲏⲩⲉ • ϣⲁϥⲡⲁϩⲧⲟⲩ ⲙ̄ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ
ⲉⲧ ϩⲙⲟⲟⲥ ϩ̄ⲓ̈ ⲡϥ̄ⲑⲣⲟⲛⲟⲥ ⲉⲩϫⲱ ⲙ̄ⲙⲟⲥ • | ϫⲉ ⲡϫ︦ⲥ︦ •
ⲡⲛⲟⲩⲧⲉ ⲡⲡⲁⲛⲧⲱⲕⲣⲁⲧⲱⲣ ⲛⲁ ⲙ̄ ⲡⲉⲕⲗⲁⲟⲥ • ϣⲛ̄ϩⲧⲏⲕ
ⲉϫⲙ̄ ⲡⲉⲕⲉⲓ̈ⲛⲉ ⲙⲛ̄ ⲧⲉⲕϩⲓ̈ⲕⲱⲛ • ⲥⲱⲧⲉ ⲙ̄ ⲡϩⲱⲃ ⲛ̄
ⲛⲅ̄ϭⲓϫ • ⲙ̄ⲡⲣ̄ ϫⲓ̈ ⲕⲁⲧⲟⲓⲅⲟⲣⲓⲁ ⲛ̄ⲧⲉ ⲡϫⲁϫⲉ • ⲉ ϩⲟⲩⲛ
ⲉⲣⲟⲟⲩ • ϫⲉ ϥⲙⲟⲥⲧⲉ ⲛ̄ⲛⲉⲕϩⲙ̄ϩⲁⲗ • Ⲧ ϭⲟⲙ ⲛ̄ ⲛⲉⲓ‐
ⲣⲱⲙⲉ • ⲛ̄ⲧⲁⲕⲧⲁⲙⲓ̈ⲟⲟⲩ • ⲕⲁⲧⲁ ⲡⲉⲕⲉⲓ̈ⲛⲉ • ⲙⲛ̄ ⲧⲉⲕϩⲓ̈‐
ⲕⲱⲛ • Ⲥⲙⲟⲩ ⲉ ⲡϩⲱⲃ • ⲛ̄ ⲛⲉⲩϭⲓϫ • ⲁⲩⲝⲁⲛⲉ ⲙ̄ ⲡⲕⲁⲣ‐
ⲡⲟⲥ ⲙ̄ ⲡⲉⲩⲕⲁϩ • ϫⲟⲟⲩ ⲛⲁⲩ ⲛ̄ ϯⲱⲧⲉ • ⲙⲛ̄ ⲡⲙⲟⲩ ⲛ̄
ϩⲱⲟⲩ ⲙ̄ ⲡⲉⲩⲟⲉⲓϣ ⲧⲏⲣϥ̄ • ⲁⲛⲓ̈ⲛⲉ ⲛⲁⲩ ⲉ ϩⲣⲁⲓ̈ • ⲙ̄
ⲡⲙⲟⲟⲩ ⲙ̄ ⲡⲓ̈ⲉⲣⲟ • ⲕⲁⲧⲁ ⲡⲉⲕⲟⲩⲱϣ • ⲕⲱ ⲛⲁⲩ ⲛ̄
ⲛⲉⲩⲙⲛ︦ⲧ︦ϣⲁϥⲧⲉ • Ⲙ︦ⲡⲣ̄ ϥⲓ̈ ⲱⲡ ⲛⲙ̄ⲙⲁⲩ • ⲉ ⲧⲃⲉ ⲛⲉⲩ‐
ⲁⲛⲟⲙⲓ̈ⲁ • ϫⲉ ⲕⲥⲟⲟⲩⲛ • ϫⲉ ⲡⲓⲃⲁ[ⲗ]ϩⲏⲧ ⲛ̄ ⲇⲓⲁⲃⲟⲗⲟⲥ •
ⲉⲧ ⲥⲱⲣⲙ̄ ⲙ̄ ⲡⲉⲩϩⲏⲧ • ⲛ̄ⲥⲁⲃⲟⲗ ⲙ̄ⲙⲟⲕ • Ⲁⲩⲱ ⲙ̄
ⲡⲉⲩⲗⲟ ⲉⲩⲡⲟϩⲧ̄ ⲉϫⲙ̄ ⲡⲉⲩϩⲟ • ⲉⲩⲡⲁⲣⲁⲕⲁⲗⲉⲓ̈ ⲙ̄‐
ⲙⲟϥ ⲙ̄ ⲡⲉϩⲟⲟⲩ ⲙⲛ̄ ⲧⲉⲩϣⲏ • ϣⲁⲛ|ⲧ ϥ̄ⲕⲱ ⲉ ⲃⲟⲗ
ⲙ̄ ⲡϥ̄ⲉⲓ̈ⲛⲉ ⲙⲛ̄ ⲧϥ̄ϩⲓⲕⲱⲛ • ⲛ̄ⲧⲉ ⲛϥ̄ⲙⲛ︦ⲧ︦ϣⲁⲛⲉϩⲧⲏϥ
ⲧⲁϩⲟⲟⲩ ⲧⲏⲣⲟⲩ • ϩⲓⲧⲛ̄ ⲛⲉⲩⲥⲟⲡⲥⲡ̄ • ⲁⲗⲗⲁ ϯⲡⲁⲣⲁ‐
ⲕⲁⲗⲉⲓ ⲙ̄ⲙⲟⲕ • Ⲱ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ • ⲕⲱ
ⲛⲏⲩ(sic) ⲉ ⲃⲟⲗ • Ϫⲉ ⲁⲓ̈ⲧⲟⲗⲙⲁ ⲉⲩϩⲱⲃ • ⲡⲁⲣⲁ ⲡⲁⲙ̄ⲡϣⲁ •
ⲁⲩⲱ ⲡⲁⲣⲁ ⲛⲁⲙⲉⲧⲣⲟⲛ • ⲉ ⲧⲣⲁ ϣⲁϫⲉ ⲉ ⲡⲉⲕⲧⲁⲓ̈ⲟ •
ⲁⲩⲱ ⲙ̄ⲡⲉ ⲧⲁⲡⲟⲗⲟⲅⲓ̈ⲁ ⲙ̄ ⲡⲁ ⲗⲁⲥ ⲉⲧ ϭⲟϫⲃ̄ • Ⲉϣⲕⲁⲧⲁ‐
ⲗⲁⲃⲁⲛⲉ ⲛ̄ ⲟⲩⲕⲟⲩⲓ̈ ⲙ̄ ⲙⲉⲗⲟⲥ ϩⲙ̄ ⲡⲉⲕⲧⲁⲓⲟ • Ϥⲣⲟϣⲉ •
ⲛ̄ϭⲓ ⲡⲛⲟϭ ⲛ︦ⲣ︦ⲣⲟ ⲙ̄ⲙⲉ ⲓ︦ⲥ︦ ⲡⲉⲭ︦ⲥ︦ • ⲉ ⲧⲁⲓ̈ⲟ ⲕⲁⲧⲁ
ⲡⲉⲕⲙ̄ⲡϣⲁ • ϯⲛⲁⲕⲧⲟⲓ • ⲛ̄ⲧⲁϫⲱ ⲉ ⲣⲱⲧⲛ̄ • ⲛ̄ ϩⲉⲛⲕⲟⲩⲓ̈
ϩⲛ̄ ⲛ̄ϭⲟⲙ • ⲙⲛ̄ ⲛⲉϣⲡⲏⲣⲉ ⲙ̄ ⲡⲛⲟϭ ⲛ̄ ⲁⲣⲭⲁⲅⲅⲉⲗⲟⲥ
ⲅⲁⲃⲣⲓ̈ⲏⲗ • ⲛⲁⲓ̈ ⲛ̄ⲧⲁϥϣⲱⲡⲉ • ϩⲙ̄ ⲡⲙⲁⲣⲧⲓ̈ⲣⲓⲟⲛ • ⲉⲧ
ⲟⲩⲁⲁⲃ • ⲡⲁⲓ̈ ⲉⲧ ⲛ̄ⲥⲱⲟⲩϩ ⲉ ⲣⲟϥ • ⲉⲩⲉⲟⲟⲩ ⲙ̄ ⲡⲛⲟⲩⲧⲉ •


### 0009

ⲙⲛ̄ ⲡϥ̄ⲛⲟϭ ⲛ̄ ⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓⲏⲗ •
ⲡⲁⲓ̈ ⲉⲧ ⲛ︦ⲣ︦ϣⲁ ⲛⲁϥ ⲙ̄ⲡⲟⲟⲩ • Ⲛⲉⲩⲛ̄ ⲟⲩⲣⲱⲙⲉ ⲇⲉ ⲛ̄
ⲣⲙ̄ⲙⲁⲟ • ϩⲛ̄ ϯⲡⲟⲗⲓ̈ⲥ • ⲉ ⲡϥ̄ⲣⲁⲛ ⲡⲉ ⲫⲓⲗⲓⲡⲡⲟⲥ • ⲡⲁⲓ̈
ⲇⲉ ⲛⲉ | ⲟⲩⲣⲙ̄ⲙⲁⲟ ⲉⲙⲁⲧⲉ ⲡⲉ ϩⲙ̄ ⲡⲛⲟⲩⲃ ⲙⲛ̄ ⲡϩⲁⲧ •
ⲙⲛ̄ ⲛ̄ⲧⲃ̄ⲛⲟⲟⲩⲉ • ⲁⲩⲱ ⲕⲁⲧⲁ ⲑⲉ ⲉⲧⲟⲩϫⲱ ⲙ̄ⲙⲟⲥ • ⲉ
ⲧⲃⲏⲏⲧϥ̄ ⲟⲩⲛ̄ⲧⲁⲁϥ ϩⲟⲩⲟ • ⲉ ⲧⲁⲓ̈ⲟⲩ ⲛ̄ϭⲓ ⲧⲓ̈ⲛⲁⲣⲓ̈ⲟⲛ ⲛ̄
ⲛⲟⲩⲃ • ⲉⲛⲉ ⲟⲩⲛⲟϭ ⲅⲁⲣ ⲡⲉ • ⲙ̄ ⲡⲣⲁⲅⲙⲁⲧⲉⲩⲧⲏⲥ •
ⲉϥϫⲓ̈ⲧⲓ̈ ϩⲛ̄ ϩⲁϩ ⲛ̄ⲭⲱⲣⲁ • ⲁⲩⲱ ⲉⲣⲉ ϩⲁϩ ⲛ̄ⲣⲱⲙⲉ •
ⲣ̄ ϩⲱⲃ ϩⲁ ⲣⲟϥ ϩⲛ̄ ⲛⲉⲭⲱⲣⲁ ⲛ̄ ⲃⲟⲗ ⲉⲩⲉⲓⲛⲉ ⲛⲁϥ ⲛ̄
ⲟⲩⲛⲟϭ ⲙ̄ ⲡⲣⲁⲅⲙⲁⲧⲓ̈ⲁ • ϩⲛ̄ ⲡⲉⲭⲱⲣⲁ ⲧⲏⲣⲟⲩ • ⲁⲩⲱ
ⲛⲉⲩⲥⲙⲟⲩ ⲉ ⲣⲟϥ ⲉⲙⲁⲧⲉ ⲉ ⲧⲃⲉ ⲧϥ̄ϭⲓⲛⲣ̄ ϩⲱⲃ • ⲉⲧ
ⲛⲁⲛⲟⲩⲥ • ⲡⲁⲓ̈ ⲇⲉ ⲛⲉ ⲟⲩⲁⲅⲁⲡⲏⲧⲟⲥ ⲡⲉ ⲙ̄ ⲙⲁⲓ̈ ϩⲏⲕⲉ •
ⲛ̄ⲁⲅⲁⲑⲟⲥ • Ⲁⲩⲱ ⲛϥ̄ϯ ⲛ̄ ϩⲉⲛⲛⲟϭ ⲛ̄ⲁⲅⲁⲡⲏ ⲛ̄ⲁϣⲟⲟⲩ
ⲛ ⲛ̄ϩⲏⲕⲉ • ⲙⲛ̄ ⲛ̄ⲟⲣⲫⲁⲛⲟⲥ • Ⲁⲩⲱ ⲟⲛ • ⲛϥ̄ϯ ⲛ̄ ϩⲉⲛ‐
ⲛⲟϭ ⲛ̄ⲁⲅⲁⲡⲉ • ⲉ ϩⲟⲩⲛ ⲉ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ
ⲉⲧ ⲟⲩⲁⲁⲃ • ⲅⲁⲃⲣⲓ̈ⲏⲗ • Ⲉⲡⲉⲓ ⲇⲏ • ⲛϥ̄ⲟⲩⲏⲏϩ ϩⲓⲧⲟⲩⲱϥ •
ⲙ̄ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ •
Ⲛⲉⲩⲛ̄ ⲟⲩⲣⲱⲙⲉ ⲇⲉ ⲛ̄ϩⲏⲕⲉ • ⲟⲩⲏⲏϩ • ϩⲓⲧⲟⲩⲱϥ |
ⲉ ⲡϥ̄ⲣⲁⲛ ⲡⲉ ⲥⲧⲉⲫⲁⲛⲟⲥ • ⲡⲁⲓ̈ ⲇⲉ ⲛⲉϥϣⲁⲁⲧ •
ⲛ̄ⲧⲉϩⲣⲉ ⲙ̄ ⲡⲉϩⲟⲟⲩ ⲡⲉϩⲟⲟⲩ • ⲫⲓ̈ⲗⲓⲡⲡⲟⲥ ⲇⲉ ⲡⲣⲱⲙⲉ
ⲛ̄ ⲣⲙ̄ⲙⲁⲟ • ⲛⲉϥⲭⲱⲣⲏⲅⲉⲓ̈ ⲙ̄ ⲡⲣⲱⲙⲉ ⲛ̄ϩⲏⲕⲉ • ⲛ̄
ⲧϥ̄ⲭⲣⲓ̈ⲁ • ⲧⲏⲣⲥ̄ ⲕⲁⲧⲁ ⲟⲩⲁⲅⲁⲡⲉ ⲛ̄ⲧⲉ ⲡⲛⲟⲩⲧⲉ ϩⲓ̈ⲧⲛ̄
ⲧϥ̄ⲙⲛ︦ⲧ︦ⲁⲅⲁⲑⲟⲥ • ⲉⲡⲉⲓ̈ ⲇⲏ • ⲛϥ̄ⲟⲩⲏⲏϩ ϩⲓ̈ⲧⲟⲩⲱϥ •
ⲕⲁⲧⲁ ⲑⲉ ⲛ̄ⲧⲁⲓϣⲣ︦ⲡ︦ ϫⲟⲟⲥ • Ⲥⲧⲉⲫⲁⲛⲟⲥ ⲇⲉ ⲡⲣⲱⲙⲉ
ⲛ̄ ϩⲏⲕⲉ ⲛⲉϥⲛⲟⲓ̈ ⲛ̄ⲥϩⲁⲓ̈ ⲕⲁⲗⲱⲥ • ⲡⲣⲙ̄ⲙⲁⲟ ⲇⲉ • ⲛⲉ
ⲟⲩⲁⲫⲉⲗⲗⲓⲥ ⲡⲉ • ⲛⲉϥⲛⲟⲓ̈ ⲁⲛ ⲛ̄ⲥϩⲁⲓ̈ • ⲁⲩⲱ ϩⲁϩ ⲛ̄ⲥⲟⲡ •
ⲛⲉϣⲁϥⲧⲣⲉ ⲥⲧⲉⲫⲁⲛⲟⲥ ⲡⲣⲱⲙⲉ ⲛ̄ϩⲏⲕⲉ • ⲥⲙⲛ̄ ⲛⲉϥⲗⲟ‐
ⲅⲟⲥ ⲛⲁϥ • ⲙⲛ̄ ⲛⲉϥⲉⲡⲓⲧⲣⲟⲡⲟⲥ • ⲙⲛ̄ ⲛ̄ⲣⲱⲙⲉ • ⲉⲧ
ⲡⲣⲁⲅⲙⲁⲧⲉⲩⲉ ϩⲁ ⲣⲟϥ • Ⲁⲩⲱ ⲛⲉ ⲁϥⲧⲁⲛϩⲟⲩⲧϥ̄ ⲉ
ⲛⲉϥⲗⲟⲅⲟⲥ • ⲧⲏⲣⲟⲩ • ⲉϥⲥϩⲁⲓ̈ ⲛ̄ⲥⲁ ϩⲱⲃ ⲛⲓⲙ • ⲉ ⲡⲱϥ
ⲡⲉ • Ⲁⲩⲱ ϩⲁϩ ⲛ̄ⲥⲟⲡ • ⲁⲛⲣⲱⲙⲉ ⲉⲧ ϫⲓⲧⲓ̈ ⲙⲛ̄ ⲡⲣⲙ̄‐
ⲙⲁⲟ • ⲧⲓ̈ ⲛ̄ ϩⲉⲛⲛⲟϭ ⲛ̄ⲭⲣⲏⲙⲁ ⲙ̄ ⲡⲣⲱⲙⲉ ⲛ̄ ϩⲏ|ⲕⲉ •
ϩⲛ̄ ⲟⲩϩⲱⲡ ⲧⲁⲣϥ̄ⲗⲁⲛⲑⲁⲛⲉ • ⲙ̄ ⲡⲣⲙ̄ⲙⲁⲟ ϩⲛ̄ ⲛⲉϥ‐
ⲗⲟⲅⲟⲥ • ⲧⲁⲣⲟⲩϥⲓ̈ ⲙ̄ ⲡⲉⲧ ϩⲁϩⲧⲏⲩ ϫⲉ ⲛ̄ ⲛⲉϥⲉⲓⲙⲉ


### 0010

ⲟⲩϩⲟⲟⲩ ⲇⲉ ⲉ ⲃⲟⲗ ϩⲛ̄ ⲟⲩϩⲟⲟⲩ • Ⲁ ⲡⲣⲱⲙⲉ ⲛ̄ ϩⲏⲕⲉ
ⲣ̄ ⲣⲙ̄ⲙⲁⲟ ⲕⲟⲩⲓ̈ ⲕⲟⲩⲓ̈ • ⲁⲗⲗⲁ ⲧⲙⲛ︦ⲧ︦ⲣⲙ̄ⲙⲁⲟ • ⲉⲧ
ⲟⲩⲛⲁⲥⲱⲟⲩϩ ⲙ̄ⲙⲟⲥ ⲉ ϩⲟⲩⲛ ϩⲛ̄ ⲟⲩϫⲓⲛϭⲟⲛⲥ̄ • ⲥⲛⲁ‐
ϫⲱⲱⲣⲉ ⲉ ⲃⲟⲗ ϩⲛ̄ ⲟⲩϭⲉⲡⲏ • ⲕⲁⲧⲁ ⲑⲉ ⲉⲧ ⲛ̄ⲛⲁⲟⲩⲉⲛϩ̄
ⲡϩⲱⲃ ⲛⲏⲧⲛ̄ ⲉ ⲃⲟⲗ • ⲕⲁⲧⲁ ⲡϣⲁϫⲉ ⲙ̄ ⲡⲙⲉⲗⲓ̈ⲟⲅⲣⲁⲫⲟⲥ
ⲇⲁ︦ⲇ︦ • ϫⲉ ⲙ̄ⲡⲣ̄ ⲛⲁϩⲧⲉ ⲉ ϫⲓⲛϭⲟⲛⲥ̄ • ⲟⲩⲇⲉ ⲙ̄ⲡⲣ̄
ⲕⲁϩⲧⲏⲕ ⲉ ⲧⲱⲣⲡ̄ • ⲟⲩⲙⲛ︦ⲧ︦ⲣⲙ̄ⲙⲁⲟ • ⲉⲥϣⲁⲛⲉⲓ̈ ⲙ̄ⲡⲣ̄
ⲕⲁϩⲧⲏⲕ ⲉ ⲣⲟⲥ • ⲛ̄ ⲧⲉⲣⲉ ⲡϩⲏⲕⲉ ⲇⲉ ⲧⲓ̈ ⲉⲑⲏ ⲕⲟⲩⲓ̈ ⲕⲟⲩⲓ̈ •
ⲁϥϩⲉ ⲉ ⲡⲟⲉⲓⲕ • ⲁϥⲟⲩⲟⲙϥ̄ • ⲁϥϯ ⲡⲉϥⲟⲩⲟⲓ̈ ⲉ ⲡⲣⲱⲙⲉ
ⲛ̄ ⲣⲙ̄ⲙⲁⲟ • ⲛ̄ ⲟⲩϩⲟⲟⲩ • ⲡⲉϫⲁϥ ⲛⲁϥ • ϫⲉ ⲉⲓ̈ⲟⲩⲱϣ
ⲉ ⲧⲣⲕ︦ⲣ︦ ⲡⲛⲁ ⲛⲙ̄ⲙⲁⲓ̈ • ⲛⲅ̄ ⲧⲓ̈ ⲛⲁⲓ̈ ϩⲱ ⲛ̄ ϩⲉⲛⲕⲟⲩⲓ̈ ⲛ̄
ⲛⲟⲩⲃ • ⲛ̄ⲧⲁⲡⲣⲁⲅⲙⲁϯⲉⲩⲉ ⲛ̄ϩⲏⲧⲟⲩ • ⲛ̄ⲧⲁⲟⲩⲱⲛϩ̄ ⲉ
ⲣⲟⲟⲩ • ⲙⲛ̄ ⲛⲁϣⲏⲣⲉ • ⲁⲩ|[ⲱ] ⲡⲛⲁⲩ ⲉⲧ ⲕ̄ⲛⲁϣⲓⲛⲉ ⲛ̄ⲥⲁ
ⲛⲉⲕⲛⲟⲩⲃ • ϯⲛⲁⲧⲁⲁⲩ ⲛⲁⲕ ⲙⲛ̄ ⲡⲕ̄ⲙⲉⲣⲟⲥ • ϩⲙ̄ ⲡⲉⲧⲓ̈‐
ⲛⲁϫⲡⲟϥ • ⲛ̄ϩⲏⲧⲟⲩ • ⲉⲓⲉⲩⲭⲁⲣⲓⲥⲧⲟⲩ ⲛⲁⲕ • ⲡⲉϫⲉ
ⲡⲣⲱⲙⲉ ⲛ̄ ⲣⲙ̄ⲙⲁⲟ ⲛⲁϥ • ϫⲉ ⲃⲱⲕ ⲛⲅ̄ ⲥⲙⲛ̄ ⲡⲉⲕⲣⲁⲙ‐
ⲙⲁϯⲟⲛ ⲛⲁⲓ̈ • ⲉ ⲡⲉⲧ ⲕ︦ⲣ︦ ⲭⲣⲓ̈ⲁ ⲙ̄ⲙⲟϥ • Ⲁⲩⲱ ⲧⲓ̈ⲛⲁ‐
ⲧⲁⲁϥ ⲛⲁⲕ ⲛⲁⲕ (sic) • ⲡϩⲏⲕⲉ ⲇⲉ ⲁϥϩⲙⲟⲟⲥ • ⲁϥⲥⲙⲛ̄
ⲡⲉⲅⲣⲁⲙⲙⲁⲧⲓ̈ⲟⲛ • ⲙ̄ ⲡⲣⲱⲙⲉ ⲛ̄ ⲣⲙ̄ⲙⲁⲟ • ⲉ ⲥⲁϣϥ̄
ⲛ̄ϣⲉ ⲛ̄ϩⲟⲗⲟⲕⲟⲧⲧⲓⲛⲟⲥ • Ⲉϥⲱⲣⲕ̄ ⲙ̄ ⲡⲛⲟⲩⲧⲉ ⲡⲡⲁⲛⲧⲱ‐
ⲕⲣⲁⲧⲱⲣ • ⲧⲁⲣϥ̄ⲧⲁⲁⲩ ⲛⲁϥ ⲙ̄ ⲡϫⲱⲕ ⲛ̄ ⲟⲩⲣⲱⲙⲉ •
ⲙⲛ̄ ⲧⲡⲁϣⲉ ⲙ̄ ⲡⲉⲧ ϥ̄ⲛⲁϫⲡⲟϥ • ⲛ̄ϩⲏⲧⲟⲩ • ⲡⲣⲙ̄ⲙⲁⲟ •
ⲇⲉ ⲁϥϫⲓ̈ ⲙ̄ ⲡⲉⲅⲣⲁⲙⲙⲁϯⲟⲛ • ⲁϥⲧⲓ̈ ⲙ̄ ⲡⲥⲁϣϥ̄ ⲛ̄ϣⲉ
ⲛ̄ϩⲟⲗⲟⲕⲟⲧϯⲛⲟⲥ • ⲙ̄ ⲡⲣⲱⲙⲉ ⲛ̄ ϩⲏⲕⲉ • ⲁϥⲃⲱⲕ ⲁϥ‐
ⲡⲣⲁⲅⲙⲁⲧⲉⲩⲉ ⲛ̄ϩⲏⲧⲟⲩ • ⲛ̄ϣⲟⲙⲧⲉ ⲛ̄ⲣⲟⲙⲡⲉ • ⲁϥⲧⲓ̈
ϩⲏⲩ • ⲛ̄ ϩⲉⲛⲁϣⲏ ⲛ̄ ⲭⲣⲏⲙⲁ • Ⲁⲩⲱ ⲙ̄ⲡ ϥ̄ϣⲓⲛⲉ ⲛ̄ⲥⲁ •
ⲧⲓ̈ ⲗⲁⲁⲩ • ⲙ̄ ⲡⲣⲙ̄ⲙⲁⲟ • ⲟⲩⲇⲉ ⲕⲁⲓⲫⲁⲗⲓⲟⲛ • ⲟⲩⲇⲉ
ⲡⲁⲣⲁⲙⲓ̈ⲑⲓ̈ⲁ • Ⲉⲓ̈ⲧⲁ ⲙⲛ︦ⲛ︦ⲥⲁ ϩⲉⲛϩⲟⲟⲩ ⲉⲛⲁ|ϣⲱⲟⲩ • ⲁ
ⲡⲣⲙ̄ⲙⲁⲟ ϫⲓ̈ ⲙ̄ ⲡϩⲏⲕⲉ ⲉ ϩⲟⲩⲛ • ⲉ ⲡϥ̄ⲏⲓ̈ ⲉ ⲧⲣϥ̄ⲥⲙⲛ̄
ⲛϥ̄ⲗⲟⲅⲟⲥ ⲛⲁϥ • ⲁⲩⲱ ⲛ̄ ⲧⲉⲣⲉ ⲟⲩⲱⲛ ⲛ̄ ⲧⲕⲁⲡⲥⲁ ⲉⲧ
ⲉⲣⲉ ⲛⲉⲕⲣⲁⲙⲙⲁⲧⲓⲟⲛ ⲙⲛ̄ ⲛ̄ϫⲱⲱⲙⲉ ⲛ̄ϩⲏⲧⲥ̄ • ⲉϥⲟⲩⲱϣ
ⲉ ϩⲉ ⲉ ⲛⲉⲭⲁⲣⲧⲏⲥ • ⲉⲧ ϥ̄ⲕⲱⲧⲉ ⲛ̄ⲥⲱⲟⲩ • ⲛ̄ ⲧⲉⲣⲉ ⲥⲧⲉ‐
ⲫⲁⲛⲟⲥ • ⲇⲉ ⲡⲣⲱⲙⲉ • ⲉⲧ ⲛ̄ϣⲁϫⲉ ⲉ ⲣⲟϥ • ϩⲉ ⲉ ⲡϥ̄‐
ⲅⲣⲁⲙⲙⲁⲧⲓ̈ⲟⲛ • ⲁϥⲧⲁⲁⲥ ⲉ ϩⲟⲩⲛ ϩⲁ ⲧϥ̄ⲕⲁⲙⲓⲥⲓⲟⲛ • ⲙ̄ⲡⲉ


### 0011

ⲡⲣⲙ̄ⲙⲁⲟ • ⲉⲓⲙⲉ ⲉ ⲧⲃⲉ ⲧϥ̄ⲙⲛ︦ⲧ︦ⲃⲁⲗϩⲏⲧ • ⲙⲛ̄ ⲧϥ̄ⲙⲛ︦ⲧ︦‐
ϩⲁⲡⲗⲟⲩⲥ • ⲁϥⲉⲓ ⲉ ⲃⲟⲗ ⲙ̄ⲡⲉ ⲡⲣⲱⲙⲉ • ⲉⲓⲙⲉ • ⲟⲩϩⲟⲟⲩ ⲇⲉ
ⲉ ⲃⲟⲗ ϩⲛ̄ ⲟⲩϩⲟⲟⲩ • ⲁ ⲡⲣⲱⲙⲉ ⲛ̄ ϩⲏⲕⲉ ⲣ̄ ⲣⲙ̄ⲙⲁⲟ ⲕⲟⲩⲓ̈
ⲕⲟⲩⲓ̈ • ⲁⲗⲗⲁ ⲉⲡⲉⲓ ⲇⲏ • ⲧⲙⲛ︦ⲧ︦ⲣⲙ̄ⲁⲟ • ⲉⲧⲟⲩⲥⲱⲟⲩϩ ⲙ̄‐
ⲙⲟⲥ ⲉ ϩⲟⲩⲛ ϩⲛ̄ ⲟⲩϫⲓⲛϭⲟⲛⲥ̄ • ⲥⲛⲁⲧⲁⲕⲟ ⲛⲉⲥϫⲱⲱⲣⲉ • ⲉ
ⲃⲟⲗ ϩⲛ̄ ⲟⲩϭⲉⲡⲏ • ⲕⲁⲧⲁ ⲑⲉ ⲛ̄ⲧⲁⲓ̈ ϣⲣⲡ̄ ϫⲟⲟⲥ • ⲛ̄ ⲧⲉⲣⲉ
ⲥⲧⲉⲫⲁⲛⲟⲥ ⲇⲉ ⲃⲱⲕ ⲉ ⲡϥ̄ⲏⲓ̈ • ⲁϥⲡⲉϣ ⲡⲉⲕⲣⲁⲙⲙⲁϯⲟⲛ •
ⲁϥⲁϥ ⲛ̄ⲗⲁⲕⲙ̄ⲗⲁⲕⲙ̄ (sic) • ⲁⲩⲱ ⲡⲉϫⲁϥ ϩⲙ̄ ⲡϥ̄ϩⲏⲧ
ϩⲓⲧⲛ̄ ⲛⲉϥⲙⲉⲉⲩⲉ ⲉⲧ ⲑⲟⲟⲩ • ⲛ̄ⲧⲁ ⲡⲥⲁⲧⲁⲛⲁⲥ • ⲛⲟϫⲟⲩ
ⲉ ⲡϥ̄ϩⲏⲧ • ϫⲉ ⲁⲗⲏⲑⲱⲥ | ⲙⲓ̈ϯ ⲗⲁⲁⲩ • ⲙ̄ ⲡⲁⲓ̈ ϣⲁ
ⲉⲛⲉϩ • ϩⲙ̄ ⲡⲓ̈ ⲥⲁϣϥ̄ ⲛ̄ϣⲉ ⲛ̄ϩⲟⲗⲟⲕⲟⲧⲧⲓ̈ⲛⲟⲥ ⲉⲧ ⲉⲓ‐
ⲭⲣⲉⲱⲥϯ ⲙⲙⲟϥ ⲛⲁϥ • Ⲁⲩⲱ ⲉϥϣⲁⲛϫⲟⲟⲥ ⲛⲁⲓ̈ • ϫⲉ
ⲧⲁⲁⲩ ⲛⲁⲓ̈ • ⲧⲓ̈ⲛⲁϫⲟⲟⲥ ⲛⲁϥ • ϫⲉ ⲙⲛ̄ⲧⲁⲕ ⲗⲁⲁⲩ ⲉ ⲣⲟⲓ̈ •
ⲁⲩⲉⲓⲥ ⲡⲉⲕⲣⲁⲙⲙⲁⲧⲓ̈ⲟⲛ • ⲛ̄ⲧⲁⲙⲁϩⲕ̄ ⲙ̄ⲙⲟϥ • ⲉϣⲱⲡⲉ
ϩⲟⲗⲟⲥ • ⲧⲓ̈ⲭⲣⲉⲱⲥⲧⲓ̈ ⲛⲁⲕ • ⲟⲩⲇⲉ ⲣⲱ • ⲙ̄ⲡ ⲁⲓ̈ⲣ̄
ⲭⲣⲓ̈ⲁ ⲁⲛ ⲛ̄ⲛⲟⲩⲃ • ⲁⲗⲗⲁ ⲧⲓ̈ⲛⲁϥⲓ̈ⲧⲟⲩ ⲛ̄ⲧⲁⲣ̄ ⲣⲙ̄ⲙⲟ (sic)
ⲛ̄ϩⲏⲧⲟⲩ • ⲁⲩⲱ ⲛⲁⲓ̈ • ⲛⲁⲣⲱϣⲉ ⲉ ⲣⲟⲓ̈ ⲛ̄ ⲟⲩⲛⲟϭ ⲛ̄
ⲟⲩⲟⲉⲓϣ • ⲉⲓⲟⲩⲱⲙ ⲉⲓⲥⲱ • ⲛ̄ϩⲏⲧⲟⲩ ⲉⲓ̈ⲑⲉⲣⲁⲡⲉⲩⲉ • ⲛⲧⲁ‐
ⲯⲩⲭⲏ • ⲙ̄ⲡ ϥ︦ⲣ︦ ⲡⲙⲉⲉⲩⲉ ⲣⲱ • ⲙ̄ ⲡⲉⲧ ⲥⲏϩ • ϫⲉ ⲡⲁⲧ
ⲑⲏⲧ ⲥⲉⲛⲁϥⲓ̄ ⲛ̄ ⲧⲕ̄ⲯⲩⲭⲏ ⲛ̄ ⲧⲟⲟⲧⲕ̄ • ⲛⲉⲛⲧⲁⲕⲥⲃ̄ⲧⲱⲧⲟⲩ •
ⲉⲩⲛⲁϣⲱⲡⲉ ⲛ̄ ⲛⲓ̈ⲙ • Ⲉⲓ̈ⲧⲁ ϫⲉ ⲛⲉⲛⲱⲥⲕ̄ ϩⲙ̄ ⲡϣⲁϫⲉ •
ⲙⲛ︦ⲛ︦ⲥⲁ ϥⲧⲟⲉ ⲇⲉ ⲛ̄ⲣⲟⲙⲡⲉ • ⲁ ⲡⲣⲙ̄ⲙⲁⲟ ⲛⲁⲩ ϫⲉ ⲙ̄ⲡⲉ
ⲡϩⲏⲕⲉ ⲧⲓ̈ ⲗⲁⲁⲩ ⲛⲁϥ • | ⲟⲩⲇⲉ ⲕⲁⲓ̈ⲫⲁⲗⲓ̈ⲟⲛ • ⲟⲩⲇⲉ
ⲡⲁⲣⲁⲙⲓ̈ⲑⲓ̈ⲁ • ⲁϥϭⲉⲡⲏ • ⲁϥⲧⲛ̄ⲛⲟⲟⲩ ⲛ̄ⲥⲱϥ • ⲛ̄ ⲛϥ̄ϩⲙ̄‐
ϩⲁⲗ • ⲁⲩⲱ ⲡⲉϫⲁϥ ⲛⲁϥ • Ⲛ̄ ⲧⲉⲣ ϥ̄ⲉⲓ̈ ϣⲁ ⲣⲟϥ • ϫⲉ ⲙⲁ
ⲛⲁⲓ • ⲙ̄ ⲡⲥⲁϣϥ̄ ⲛ̄ϣⲉ ⲛ̄ϩⲟⲗⲟⲕⲟⲧϯⲛⲟⲥ • ⲉⲧ ϩⲁϩⲧⲏⲕ •
ϫⲉ ϯⲣ̄ ⲭⲣⲓ̈ⲁ ⲙ̄ⲙⲟⲟⲩ • ⲡⲁⲧ ⲛⲟⲩⲧⲉ ⲇⲉ ⲉⲧ ⲙ̄ⲙⲁⲩ •
ⲁϥϩⲓ ⲧⲟⲟⲧϥ̄ ⲛ̄ ⲁⲣⲛⲁ ⲙ̄ ⲡⲣⲙ̄ⲙⲁⲟ • ⲛ̄ ⲉⲩⲥⲉⲃⲏⲥ ⲉⲧ ⲙ̄‐
ⲙⲁⲩ • ϫⲉ ⲙⲛ̄ⲧⲕ̄ ⲗⲁⲁⲩ • ϩⲁϩⲧⲏⲓ̈ • ⲟⲩⲇⲉ ⲙ̄ⲡⲉ ⲕϯ
ⲗⲁⲁⲩ • ⲛⲁⲓ̈ ⲉⲛⲉϩ • ⲡⲉϫⲉ ⲡⲣⲙ̄ⲙⲁⲟ • ⲛⲁϥ ϩⲛ̄ ⲟⲩ‐
ϭⲱⲛⲧ̄ • ϫⲉ Ⲱ︦ ⲡⲁⲛⲟⲙⲟⲥ ⲛⲁⲙⲉ • ⲙⲏ ⲉⲓⲥ ⲡⲉⲅⲣⲁⲙ‐
ⲙⲁⲧⲓ̈ⲟⲛ ⲛ̄ ⲧⲟⲟⲧ ⲁⲛ ⲛ̄ⲧⲁⲕⲥⲙⲛ︦ⲧ︦ϥ︦ ⲛⲙ̄ⲙⲁⲓ̈ • ⲉ ⲥⲁϣϥ̄
ⲛ̄ϣⲉ ⲛ̄ϩⲟⲗⲟⲕⲟⲧⲧⲓⲛⲟⲥ • ⲉⲓⲥ ϯⲉ ⲛ̄ⲣⲟⲙⲡⲉ • ϫⲓ̈ⲛ ⲛ̄ⲧⲁⲓ̈‐
ⲧⲁⲁⲩ ⲛⲁⲕ • ⲟⲩ ⲙⲟⲛⲟⲛ • ϫⲉ ⲙ̄ⲡⲉ ⲕϯ ⲡⲁ ⲡⲁⲣⲁ‐
ⲙⲩⲑⲩⲁ • ⲛⲁⲓ̈ ϩⲁ ⲣⲟⲟⲩ • ⲁⲗⲗⲁ ⲉⲓⲥ ϩⲏⲏⲧⲉ • ⲉⲕⲟⲩⲱϣ


### 0012

ⲉϥⲓ̈ ⲙ̄ ⲡⲁⲗⲗⲟⲧⲣⲓⲟⲛ • Ⲁϥⲱϣⲃ̄ (sic) ⲛ̄ϭⲓ | ⲡϩⲏⲕⲉ • ϫⲉ
ⲉϣϫⲉ ⲡⲉⲕⲅⲣⲁⲙⲙⲁϯⲟⲛ • ϩⲁϩⲧⲏⲕ • Ⲁⲩⲉⲓⲥϥ̄ ⲛⲁⲓ̈ •
ⲛ̄ⲧⲁⲛⲁⲩ ⲉ ⲣⲟϥ • ⲁⲩⲱ ⲛ̄ⲧⲁⲃⲱⲕ • ⲛ̄ⲧⲁⲧⲓ̈ ⲡⲁ ⲏⲓ̈ ⲙⲛ̄
ⲛⲁϣⲏⲣⲉ • Ⲛ̄ⲧⲁⲙⲁϩⲕ̄ ⲛ̄ⲥⲁϣϥ̄ ⲛ̄ϣⲉ ⲛ̄ϩⲟⲗⲟⲕⲟⲧⲧⲓ̈ⲛⲟⲥ •
ⲡⲣⲙ̄ⲙⲁⲟ ⲇⲉ • Ⲁϥⲙⲉϣⲧ̄ ⲛⲉⲕⲣⲁⲙⲙⲁⲧⲓⲟⲛ ⲧⲏⲣⲟⲩ
ⲙⲛ̄ ⲛ̄ⲭⲁⲣⲧⲏⲥ ⲙ̄ⲡ ϥ̄ϩⲉ ⲉ ⲣⲟϥ • ⲁϥⲉⲓⲙⲉ ⲛ̄ⲧⲉⲩⲛⲟⲩ •
ϫⲉ ⲛ̄ⲧⲁϥϩⲟϥⲧ̄ ⲛ̄ϫⲓⲟⲩⲉ • ⲁⲩⲱ ⲡⲉϫⲁϥ ⲛⲁϥ • ϫⲉ
ⲛ̄ⲥⲟⲟⲩⲛ ⲁⲓ̈ⲉⲓ̈ⲙⲉ • ϫⲉ ⲛ̄ⲧⲟⲕ ⲡⲉⲛⲧ ⲁⲕϥⲓⲧϥ̄ • ⲛ̄ϫⲓⲟⲩⲉ •
ⲡⲗⲏⲛ • ⲉϣϫⲉ ⲉⲕⲑⲁⲣⲉⲓ̈ • ϩⲙ̄ ⲡⲉⲕϩⲏⲧ • ϫⲉ ⲙ̄ⲡ ⲉⲓ̈ⲧⲓ̈
ⲛⲁⲕ ⲙ̄ ⲡⲥⲁϣϥ̄ ⲛ̄ϣⲉ ⲛ̄ϩⲟⲗⲟⲕⲟⲧⲧⲓ̈ⲛⲟⲥ • ⲁⲙⲟⲩ ⲙⲁⲣⲟⲛ •
ⲉ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ •
ⲉⲧ ϩⲛ̄ ⲡⲉⲛϩⲓⲣ • ⲛⲅ̄ ⲱⲣⲕ̄ ⲛⲁⲓ̈ ⲛⲅ̄ ⲡⲗⲏⲣⲟⲫⲟⲣⲉⲓ̈ ⲙ̄ⲙⲟⲓ̈ •
ⲁⲩⲱ ⲧⲓ̈ⲛⲁⲃⲱⲗ • ⲛⲙ̄ⲙⲁⲕ • ⲡⲁⲧ ϩⲏⲧ ⲉⲧ ⲙ̄ⲙⲁⲩ ⲁϥⲛⲉϫ
ⲑⲟⲧⲉ ⲙ̄ ⲡϫ︦ⲥ︦ ⲛ̄ⲥⲁ ⲃⲟⲗ ⲙ̄ⲙⲟϥ • ⲙⲛ̄ ⲧⲁϣⲏ ⲛⲙ̄ ⲡⲉⲧ‐
ⲛⲁⲛⲟⲩϥ • ⲛ̄ⲧⲁϥⲡⲁⲑⲉ ⲙ̄ⲙⲟⲟⲩ ⲉ ⲃⲟⲗ ϩⲓ ⲧⲟⲟⲧϥ̄ | ⲙ̄
ⲡⲣⲙ̄ⲙⲁⲟ • ⲛ̄ ⲉⲩⲥⲉⲃⲏⲥ ⲉⲧ ⲙ̄ⲙⲁⲩ • ⲉ ⲁϥⲣ̄ ⲡⲱⲃϣ̄ ⲙ̄
ⲡⲉⲧ ⲥⲏϩ • ϫⲉ ⲡϫ︦ⲥ︦ ⲛⲁⲧⲁⲕⲟ ⲛ̄ ⲟⲩⲟⲛ ⲛⲓⲙ • ⲉⲧ ϫⲱ •
ⲙ̄ ⲡϭⲟⲗ • Ⲁⲩⲱ ⲡⲉϫⲁϥ ⲙ̄ ⲡⲣⲙ̄ⲙⲁⲟ • ϫⲉ ⲙⲁⲣⲟⲛ
ⲛ̄ⲧⲁⲱⲣⲕ̄ ⲛⲁⲕ • ⲁⲩⲱ ⲛ̄ⲧⲉⲩⲛⲟⲩ ⲁⲩⲙⲟⲟϣⲉ ⲙⲛ̄ ⲛⲉⲩⲉ‐
ⲣⲏⲩ • ϣⲁⲛⲧ ⲟⲩⲃⲱⲕ ⲉ ϩⲟⲩⲛ ⲉ ⲡⲧⲟⲡⲟⲥ • ⲙ̄ ⲡⲁⲣⲭⲁⲅ‐
ⲅⲉⲗⲟⲥ Ⲅⲁⲃⲣⲓⲏⲗ • ⲁⲩⲱ ⲁⲩⲛⲟϭ • ⲙ̄ⲙⲏⲏϣⲉ ⲥⲱⲟⲩϩ ⲉ
ⲣⲟⲟⲩ • ⲁⲩⲣ̄ ϣⲡⲏⲣⲉ ⲙ̄ ⲡⲉⲛⲧⲁϥϣⲱⲡⲉ • ⲡⲣⲙ̄ⲙⲁⲟ •
ⲇⲉ ⲛⲉϥϫⲱ ⲙ̄ⲙⲟⲥ ⲙ̄ ⲡϩⲏⲕⲉ • ϫⲉ ⲙⲁ ⲛⲁⲓ̈ ⲙ̄ ⲡⲥⲁϣϥ̄
ⲛ̄ϣⲉ ⲛ̄ϩⲟⲗⲟⲕⲟⲧϯⲛⲟⲥ • ⲛ̄ⲧⲁⲓⲧⲁⲁⲩ ⲛⲁⲕ • ⲙ̄ⲡⲣ̄ ⲱⲣⲕ̄ ⲛ̄
ⲛⲟⲩϫ • ⲛ̄ⲧⲉ ⲟⲩⲡⲉⲧⲑⲟⲟⲩ ⲧⲁϩⲟⲕ • ⲡⲁⲧ ⲑⲏⲧ ⲇⲉ ⲉⲧ ⲙ̄ⲙⲁⲩ •
ⲡⲉϫⲁϥ • ϫⲉ ⲙⲛ̄ⲧⲁⲕ ⲗⲁⲁⲩ ϩⲁϩⲧⲏⲓ̈ ⲡⲉϫⲉ ⲡⲣⲙ̄ⲙⲁⲟ •
ⲛⲁϥ ϫⲉ ⲉϣϫⲉ ⲙⲛ̄ⲧⲁⲓ̈ ⲗⲁⲁⲩ ϩⲁϩⲧⲏⲕ • ⲱⲣⲕ̄ ⲛⲁⲓ̈ ⲛ̄ⲧⲁ‐
ⲃⲱⲕ ⲛⲁⲓ̈ • ⲡⲁⲧ ⲛⲟⲩⲧⲉ ⲇⲉ ⲉⲧ ⲙ̄ⲙⲁⲩ • ⲁϥⲕⲁⲧⲁⲫⲣⲟⲛⲏ
ⲛ̄ ⲛ̄ϭⲟⲙ ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈|ⲏⲗ ⲉ
ⲧⲃⲉ ⲭⲣⲏⲙⲁ ⲉϣⲁⲩⲧⲁⲕⲟ • ⲁⲩⲱ ⲁϥⲧⲟⲗⲙⲁ ϩⲛ̄ ⲧϥ̄
ⲙⲛ︦ⲧ︦ⲁⲧⲑⲏⲧ • Ⲁϥⲟⲩⲉϩ ⲧϥ̄ϭⲓϫ ⲉϫⲛ̄ ⲛ̄ ⲣⲟ ⲙ̄ ⲡⲉⲑⲓ̈ⲥⲓ̈ⲁ‐
ⲥⲧⲏⲣⲓ̈ⲟⲛ • Ⲁϥⲱⲣⲕ̄ ⲛⲁϥ • ϫⲉ ϣⲉ ⲛ̄ⲛⲟϭ ⲛ̄ϭⲟⲙ ⲙ̄
ⲡⲁⲣⲭⲁⲅⲅⲉⲗⲟⲥ Ⲅⲁⲃⲣⲓ̈ⲏⲗ • ⲙⲛ̄ⲧⲕ̄ ⲗⲁⲁⲩ ⲉ ⲣⲟⲓ̈ • ⲟⲩⲇⲉ
ⲙ̄ⲡⲉ ⲕⲧⲓ̈ ⲗⲁⲁⲩ ⲛⲁⲓ̈ ⲉⲛⲉϩ • ϩⲙ̄ ⲡⲓⲥⲁϣϥ̄ ⲛ̄ϣⲉ • ⲛ̄ϩⲟⲗⲟ‐
ⲕⲧⲓ̈ⲛⲟⲥ • ⲉⲧ ⲉⲕⲉⲛⲉⲣⲅⲉⲓ̈ ⲙ̄ⲙⲟⲓ̈ ϩⲁ ⲣⲟⲟⲩ • Ⲁⲩⲱ ⲛ̄‐


### 0013

ⲧⲉⲩⲛⲟⲩ • ⲉⲧⲉⲓ̈ • ⲉⲣⲉ ⲡϣⲁϫⲉ ϩⲛ̄ ⲧϥ̄ⲧⲁⲡⲣⲟ • ⲁⲩⲇⲓ̈ⲛⲁ‐
ⲙⲓⲥ ⲣⲁϩⲧϥ̄ • ⲁϥϩⲉ ⲉ ϩⲣⲁⲓ̈ • ⲉϫⲙ̄ ⲡϥ̄ϩⲟ • ⲁⲩⲱ ⲁϥⲣ̄
ⲃⲗ̄ⲗⲉ • ⲉ ⲡϥ̄ⲃⲁⲗ ⲥⲛⲁⲩ • ⲁ ⲡⲉϥϩⲟ ϭⲟⲟⲩⲭ ⲛ̄ⲥⲁ ⲡⲁ
ϩⲟⲩ ⲙ̄ⲙⲟϥ • ⲁ ⲡⲉϥⲗⲁⲥ ⲙⲉϩ ⲣⲱϥ • ⲁϥϩⲉ ⲉϫⲛ̄ ⲛⲉ‐
ⲡⲗⲁⲝ ⲙ̄ ⲡⲧⲟⲡⲟⲥ • ⲁⲩⲱ ⲛϥ̄ⲟⲩϭⲃϭ̄ ⲛ̄ⲥⲁ ⲡϥ̄ⲗⲁⲥ • ⲙⲛ̄
ⲛⲉϥⲥⲡⲟⲧⲟⲩ • ⲙ̄ⲙⲓⲛ ⲙ̄ⲙⲟϥ ϩⲛ̄ ⲟⲩⲛⲟϭ ⲛ̄ ⲁⲅⲱⲛⲓ̈ⲁ •
ⲁⲩⲱ ⲛϥ̄ⲧⲁⲃⲉ ϩⲃⲉⲧⲉ ⲉ ⲃⲟⲗ ϩⲛ̄ ⲣⲱϥ • ⲛ̄ⲑⲉ ⲛ̄ ⲛ̄ⲇⲁⲓ̈‐
ⲙⲱⲛⲓⲟⲛ • Ⲛ̄ ⲧⲉⲣⲉ ⲡⲙⲏⲏϣⲉ ⲇⲉ ⲛⲁⲩ ⲉ ⲡⲉⲛⲧⲁϥϣⲱⲡⲉ • |
ⲙⲛ̄ ⲁⲩⲣ̄ϣⲡⲏⲣⲉ ⲁⲩⲱ ⲁⲩⲣ̄ ϩⲃⲁ • ⲁⲩⲱϣ ⲉ ⲃⲟⲗ ϩⲛ̄
ⲟⲩⲛⲟϭ ⲛ̄ ⲥⲙⲏ • ⲉⲩϫⲱ ⲙ̄ⲙⲟⲥ • ϫⲉ ⲟⲩⲁ ⲡⲉ ⲡⲛⲟⲩⲧⲉ
ⲙ̄ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲙⲛ︦ⲛ︦ⲥⲁ ⲟⲩⲛⲟϭ ϫⲉ
ⲛⲁⲡⲣⲏⲧⲉ • ⲉϥⲃⲁⲥⲁⲛⲓⲍⲉ • ⲉϥⲁϣⲕⲁⲕ ⲉ ⲃⲟⲗ ϩⲛ̄ [ⲟⲩ]ⲛⲟϭ
ⲛ̄ ⲥⲙⲏ • ϫⲉ ⲕⲱ ⲛⲁⲓ̈ ⲉ ⲃⲟⲗ ⲡⲁ ϫ︦ⲥ︦ ⲡⲁⲣⲭⲁⲅⲅⲉⲗⲟⲥ
ⲅⲁⲃⲣⲓ̈ⲏⲗ • ϫⲉ ⲁⲓ̈ⲧⲟⲗⲙⲁ • Ⲁⲓ̈ⲱⲣⲕ̄ ⲙ̄ ⲡⲉⲕⲣⲁⲛ ⲛ̄
ⲛⲟⲩϫ • ⲁ ⲡⲉⲓ ⲣⲱⲙⲉ ⲛ̄ ⲣⲙ̄ⲙⲁⲟ • ϯ ⲥⲁϣϥ̄ ⲛ̄ϣⲉ
ⲛ̄ϩⲟⲗⲟⲕⲟⲧϯⲛⲟⲥ ⲛⲁⲓ̈ ⲉⲓ̈ⲥ ϯⲉ ⲛ̄ⲣⲟⲙⲡⲉ • ⲧⲓ̈ⲣ̄ ϩⲱⲃ ⲛ̄ϩⲏ‐
ⲧⲟⲩ • ⲁⲩⲱ ⲙ̄ⲡ ⲉⲓ̈ⲧⲓ̈ ⲗⲁⲁⲩ ⲛⲁϥ ϩⲁⲣⲟⲟⲩ • ⲛ̄ ⲧⲉⲣ
ⲓ̈ϩⲉ • ⲉ ⲧⲉⲩⲕⲩⲣⲓⲁ • ⲁⲓ̈ϥⲓ̈ ⲙ̄ⲡⲉⲕⲣⲁⲙⲙⲁⲧⲓⲟⲛ ⲛ̄ ϫⲓⲟⲩⲉ •
ⲉ ⲁⲓ̈ϩⲓ̈ⲗⲁ ⲉ ⲣⲟϥ • ⲉⲓ̈ⲟⲩⲱϣ ⲉϥⲓⲧⲟⲩ • ⲛ̄ⲧⲁⲣ̄ ⲣⲙ̄‐
ⲙⲁⲟ • ⲛ̄ϩⲏⲧⲟⲩ • Ⲟⲩⲟⲓ̈ ⲛⲁⲓ̈ • ⲉⲓⲛⲁⲣ̄ ⲟⲩ • ϫⲉ ⲁⲓ̈ⲱⲣⲕ̄
ⲛ̄ ⲛⲟⲩϫ • Ⲁⲩⲱ ⲛ̄ⲧⲉⲩⲛⲟⲩ ⲁϥⲧⲛ̄ⲛⲟⲟⲩ ⲉ ⲡϥ̄ⲏⲓ̈ ϩⲛ̄
ⲟⲩϭⲉⲡⲏ • ⲁ ⲧϥ̄ⲥϩⲓⲙⲉ • ⲉⲓⲛⲉ ⲙ̄ ⲡⲥⲁϣϥ̄ ⲛ̄ϣⲉ ⲛ̄ϩⲟⲗⲟ‐
ⲕⲟⲧϯⲛⲟⲥ • Ⲁⲥⲧⲁⲁⲩ ⲙ̄ ⲡⲣⲙ̄ⲙⲁⲟ • ⲡⲣⲱⲙⲉ ⲇⲉ ⲉⲧ
ⲙ̄ⲙⲁⲩ • | ⲁϥϭⲱ ⲉϥⲃⲁⲥⲁⲛⲓⲍⲉ ⲙ̄ ⲡⲉϩⲟⲟⲩ ⲧⲏⲣϥ̄ • ϩⲱⲥ
ϫⲉ ⲉⲩⲕⲟⲛⲥ̄ ⲙ̄ⲙⲟϥ • ⲛ̄ ⲟⲩⲗⲟⲅⲭⲏ • ⲁⲩⲱ ⲁϥϯ ⲙ̄
ⲡⲉϥⲡⲛ︦ⲁ︦ • ϩⲛ̄ ⲟⲩⲙⲛ︦ⲧ︦ⲉⲃⲃⲓⲏⲛ • ⲡⲁⲣⲁ ⲣⲱⲙⲉ ⲛⲓⲙ •
ⲁϥⲱⲣⲕ̄ ⲛ̄ ⲛⲟⲩϫ ⲙ̄ⲡ ϥⲧⲓ̈ϩⲏⲩ ⲛ̄ ⲗⲁⲁⲩ • ⲉⲓ ⲙⲏ ⲧⲉ
ⲡⲧⲁⲕⲟ ⲛ̄ ⲧⲉϥⲯⲩⲭⲏ ⲙⲛ̄ ⲡϥ̄ⲥⲱⲙⲁ • ⲁⲧⲉⲧⲛ̄ⲛⲁⲩ ⲱ̄
ⲛⲁⲙⲉⲣⲁⲧⲉ • ϫⲉ ⲟⲩⲛ̄ϭⲟⲙ ⲛ̄ ⲁϣ ⲛ̄ ϩⲉ ⲛ̄ϭⲓ ⲛ̄ϭⲟⲙ •
ⲙ̄ ⲡⲁⲣⲭⲁⲅⲅⲉⲗⲟⲥ Ⲅⲁⲃⲣⲓ̈ⲏⲗ • ⲡⲁⲓ̈ ⲉⲧ ⲛ︦ⲣ︦ ϣⲁ ⲛⲁϥ
ⲙ̄ⲡⲟⲟⲩ • ⲁⲩⲱ ϫⲉ ⲡⲉⲧ ⲛⲁⲱⲣⲕ̄ ⲛ̄ ⲡϥ̄ⲣⲁⲛ ⲛ̄ ⲛⲟⲩϫ • ϩⲛ̄
ⲟⲩⲙⲟⲩ • ϥⲛⲁⲙⲟⲩ • ϩⲛ̄ ⲟⲩⲙⲛ︦ⲧ︦ⲉⲃⲃⲓⲏⲛ • ⲙⲁⲣⲛ︦ⲣ︦ ⲛ̄ⲥⲁ
ϩⲱⲛ • ⲉ ⲃⲟⲗ ⲙ̄ ⲡϭⲟⲗ • ⲡⲉϫⲃⲓⲛ ⲉⲧ ϩⲟⲟⲩ • ⲙⲁⲗⲓⲥⲧⲁ
ⲛⲉⲧ ⲧⲁϫⲣⲟ ⲙ̄ ⲡϭⲟⲗ • ϩⲓⲧⲛ̄ ⲡⲁⲛⲁϣ ⲛ̄ⲛⲟⲩϫ • ⲛⲅ̄ ⲥⲱⲧⲙ̄


### 0014

ⲁⲛ ⲉ ⲡϫ︦ⲥ︦ ⲉϥⲱϣ ⲉ ⲃⲟⲗ ⲉ ⲟⲩⲟⲛ ⲛⲓⲙ • ϫⲉ ⲙⲁⲣⲉ ⲛⲉⲧⲛ̄‐
ϣⲁϫⲉ ϣⲱⲡⲉ ⲛ̄ⲥⲉ ⲛ̄ ⲛ̄ⲥⲉ • ⲁⲩⲱ ⲡⲉⲧ ⲙ̄ⲙⲟⲛ • ⲛ︤ⲙ︥ⲙⲟⲛ •
ϫⲉ ⲛ̄ⲛⲉⲩⲕⲣⲓⲛⲉ ⲙ̄ⲙⲱⲧⲛ̄ • ⲁⲛⲟⲛ ⲇⲉ ϩⲱⲱⲛ • ⲙⲁⲣⲛ̄
ϩⲁⲣⲉϩ • ⲉ ⲧⲛ̄ⲧⲁⲡⲣⲟ • ⲉ ⲃⲟⲗ ϩⲛ̄ ⲛⲉⲓ̈ | ⲛⲁϣ ⲛ̄ ϩⲟⲧⲉ • ⲉⲧ
ⲛ̄ⲱⲣⲕ̄ ⲙ̄ⲙⲟⲟⲩ • ⲙⲁⲗⲓⲥⲧⲁ ⲉϫⲛ̄ ⲟⲩϩⲱⲃ ⲉϫⲛ̄ ⲟⲩϩⲱⲃ (sic)•
ⲉϥϣⲟⲩⲉⲓⲧ • ϫⲉ ⲛ̄ⲛⲉ ⲛ̄ϫⲓ̄ ⲛ̄ ⲟⲩⲛⲟϭ ⲛ̄ ⲕⲣⲓⲙⲁ • ⲙⲛ̄ ⲟⲩ‐
ⲕⲟⲗⲁⲥⲓ̈ⲥ • ⲛ̄ ⲁⲧ ⲱ̄ϫⲛ̄ ϩⲙ̄ ⲡⲙⲁ • ⲉⲧⲉ ⲙ̄ⲡϣⲁ ⲉⲛϩ̄ ϭⲓⲛⲉ
ⲁⲛ ⲙ̄ ⲡϥ̄ϣⲓⲛⲉ • ⲧⲉⲓ ⲉⲓ̈ⲣⲉ ⲅⲁⲣ ⲙ̄ ⲡⲙⲉⲉⲩⲉ • ϫⲉ ⲁⲓ̈ⲉⲣⲏⲧ
ⲉ ϫⲱ ⲉ ⲣⲱⲧⲛ̄ ⲛ̄ ϩⲉⲛⲕⲟⲩⲓ̈ • ⲉ ⲃⲟⲗ ϩⲛ̄ ⲛ̄ϭⲟⲙ ⲙⲛ̄ ⲛⲉϣ‐
ⲡⲏⲣⲉ • ⲙ̄ ⲡⲛⲟϭ ⲛ̄ ⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲡⲁⲓ̈ ⲉⲧ
ⲛ︦ⲣ︦ϣⲁ ⲛⲁϥ ⲙ̄ⲡⲟⲟⲩ ⲉⲩⲉⲟⲟⲩ ⲙ̄ ⲡⲛⲟⲩⲧⲉ • ⲙⲛ̄ ⲡϥ̄ⲛⲟϭ
ⲛ̄ ⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ϥⲁⲓ̈ ϣⲙ̄ ⲛⲟⲩϥⲉ • ⲛⲉⲩⲛ̄
ⲟⲩⲣⲱⲙⲉ ⲇⲉ ⲟⲛ ϩⲛ̄ ⲧⲓ̈ ⲡⲟⲗⲓ̈ⲥ • ⲉϥⲟ ⲛ̄ ⲃⲗ̄ⲗⲉ • ⲉ ⲡⲉϥ‐
ⲃⲁⲗ ⲥⲛⲁⲩ ϫⲓⲛ ⲧϥ̄ⲙⲛ︦ⲧ︦ⲕⲟⲩⲓ̈ • ⲛ̄ ⲧⲉⲣ ϥⲥⲱⲧⲙ̄ ⲇⲉ ⲉ ⲧⲃⲉ
ⲛ̄ϭⲟⲙ • ⲙⲛ̄ ⲛⲉϣⲡⲏⲣⲉ • ⲙ̄ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ •
ⲁϥⲡⲁⲣⲁⲕⲁⲗⲉⲓ̈ ⲛ̄ ⲛⲉϥⲣⲱⲙⲉ • ⲉⲧⲣⲉⲩϫⲓ̈ⲧϥ̄ ⲉ ϩⲟⲩⲛ ⲉ
ⲡⲧⲟⲡⲟⲥ • ⲙ̄ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲉϥϫⲱ ⲙ̄ⲙⲟⲥ •
ϫⲉ ⲡⲁⲛⲧⲟⲥ ⲛ̄ⲧⲉ ⲡϥ̄ⲛⲁ ⲧⲁϩⲟⲓ̈ • ϩⲱ ⲛϥ̄ⲭⲁⲣⲓⲍⲉ ⲛⲁⲓ̈ ⲙ̄
ⲡⲟⲩⲟⲉⲓⲛ ⲛ̄ ⲛⲁⲃⲁⲗ • ⲛ̄ⲧⲟⲟⲩ ⲇⲉ ⲁⲩϫⲓ̈ⲧϥ̄ ⲉ ⲡⲧⲟⲡⲟⲥ • ⲙ̄ |
ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲉϥϫⲱ ⲙ̄ⲙⲟⲥ • ϫⲉ ⲡⲁⲛ‐
ⲧⲟⲥ • ⲛ̄ⲧⲉ ⲡⲉϥⲛⲁ ⲧⲁϩⲟⲓ̈ • Ⲁⲩⲱ ⲛ̄ ⲧⲉⲣ ϥ̄ⲃⲱⲕ ⲉ ϩⲟⲩⲛ •
Ⲁϥⲡⲁϩⲧϥ̄ ⲉϫⲙ̄ ⲡϥ̄ϩⲟ • ϩⲓⲑⲏ ⲙ̄ ⲡⲉⲑⲩⲥⲓⲁⲥϯⲣⲓ̈ⲟⲛ ⲉⲧ
ⲟⲩⲁⲁⲃ • Ⲁϥⲣⲓ̈ⲙⲉ ⲉϥϫⲱ ⲙ̄ⲙⲟⲥ • ϫⲉ ⲡⲁ ϫ︦ⲥ︦ ⲡⲁⲣⲭ‐
ⲁⲅⲅⲉⲗⲟⲥ • ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ • ϣⲛ̄ϩⲧⲏϥ • ⲉϫⲛ̄ ⲧⲁ
ⲙⲛ︦ⲧ︦ⲉⲃⲃⲓⲏⲛ • ⲛⲅ̄ ⲭⲁⲣⲓⲍⲉ ⲛⲁⲓ̈ ⲙ̄ ⲡⲟⲩⲟⲉⲓⲛ ⲛ̄ ⲛⲁⲃⲁⲗ •
ϫⲉ ϯϩⲏϣ ⲉⲙⲁⲧⲉ • ⲉⲧⲉⲓ ⲇⲉ ⲉϥⲣⲓ̈ⲙⲉ • ⲉϥϫⲱ ⲛ̄ ⲛⲁⲓ̈ •
ⲁϥⲁⲥⲑⲁⲛⲉ • ⲉⲩϭⲓϫ ⲛ̄ ⲣⲱⲙⲉ • ⲉⲥϫⲱϩ ⲉ ⲛϥ̄ⲃⲁⲗ • ⲡⲗⲁⲟⲥ
ⲇⲉ ⲧⲏⲣϥ̄ ⲉⲧ ⲥⲱⲟⲩϩ • ⲉ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ
ⲅⲁⲃⲣⲓ̈ⲏⲗ • Ⲛ̄ ⲧⲉⲣ ⲟⲩⲛⲁⲩ ⲇⲉ ⲉ ⲡⲃⲗ̄ⲗⲉ • ⲉϥⲛⲁⲩ ⲉ ⲃⲟⲗ •
ⲉϥⲉϣⲗⲟⲩⲗⲁⲓ ⲉ ⲃⲟⲗ • ϩⲁ ⲡⲣⲁϣⲉ • ⲉϥⲱϣ ⲉ ⲃⲟⲗ • ϫⲉ
ⲟⲩⲁ ⲡⲉ ⲡⲛⲟⲩⲧⲉ • ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ
ⲅⲁ́ⲃⲣⲓ̈ⲏⲗ • ϫⲉ ⲁ ⲡϥ̄ⲛⲁ ⲧⲁϩⲟⲓ̈ • | ⲁϥⲭⲁⲣⲓⲍⲉ ⲛⲁⲓ̈ ⲙ̄
ⲡⲟⲩⲟⲉⲓⲛ ⲛ̄ ⲛⲁⲃⲁⲗ • ⲁⲩⲱ ⲁⲩⲡⲱⲧ ⲉ ϫⲱϥ • ⲛ̄ϭⲓ ⲛ̄
ⲙⲏⲏϣⲉ ⲧⲏⲣϥ̄ • ⲁⲩϫⲛⲟⲩϥ • ⲉⲩϫⲱ • ⲙ̄ⲙⲟⲥ • ϫⲉ ϫⲱ


### 0015

ⲉ ⲣⲟⲛ • ⲙ̄ ⲡⲉⲛⲧⲁϥϣⲱⲡⲉ ⲙ̄ⲙⲟⲕ • ϫⲉ ⲛ̄ⲧⲁⲕⲛⲁⲩ • ⲉ
ⲃⲟⲗ • ⲛ̄ ⲁϣ ⲛ̄ ϩⲉ • Ⲁϥⲡⲁⲣⲁⲅⲅⲉⲗⲉⲓ̈ ⲉ ⲣⲟⲟⲩ • ⲛ̄ϩⲱⲃ
ⲛⲓⲙ • ⲛ̄ⲧⲁⲩϣⲱⲡⲉ ⲙ̄ⲙⲟϥ • ϫⲉ ⲁⲥϣⲱⲡⲉ ⲙ̄ⲙⲟⲓ̈ ⲙⲛ̄‐
ⲛ̄ⲥⲁ ⲧⲣⲁⲉⲓ̈ ⲉ ϩⲟⲩⲛ ⲉ ⲡⲉⲓ̈ ⲧⲟⲡⲟⲥ • ⲉⲧ ⲟⲩⲁⲁⲃ • ⲁⲓ̈ⲡⲁϩⲧ̄
ϩⲓ̈ⲑⲏ ⲙ̄ ⲡⲉⲑⲩⲥⲓ̈ⲁⲥⲧⲓ̈ⲣⲓ̈ⲟⲛ • ⲉⲧ ⲟⲩⲁⲁⲃ • Ⲁⲓ̈ⲡⲁⲣⲁⲕⲁⲗⲉⲓ̈
ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ • ⲅⲁⲃⲣⲓ̈ⲏⲗ • ϩⲛ̄ ⲧⲉⲩⲛⲟⲩ
ⲁⲓ̈ⲉⲥⲑⲁⲛⲉ • ⲉⲩϭⲓϫ ⲛ̄ ⲣⲱⲙⲉ • ⲁⲥⲉⲓ̈ ⲡⲉⲥⲏⲧ ⲉϫⲙ̄ ⲡⲁ
ϩⲟ • ⲁⲥⲫⲣⲁⲅⲓⲍⲉ ⲛ̄ ⲛⲁⲃⲁⲗ • ⲁⲩⲱ ⲛ̄ⲧⲉⲩⲛⲟⲩ ⲁⲓ̈ⲛⲁⲩ ⲉ
ⲃⲟⲗ • ⲁⲩⲱ ⲁⲓ̈ⲥⲱⲧⲙ̄ ⲉⲩⲥⲙⲏ ⲉⲥϫⲱ ⲙ̄ⲙⲟⲥ • ⲛⲁⲓ̈ • ϫⲉ
ⲉⲓⲥ ϩⲏⲏⲧⲉ ⲁⲓ̈ⲭⲁⲣⲓⲍⲉ ⲛⲁⲕ ⲙ̄ ⲡⲟⲩⲟⲉⲓⲛ ⲛ̄ ⲛⲅ̄ⲃⲁⲗ •
ⲡⲣⲟⲥ ⲑⲉ ⲛ̄ⲧⲁⲕⲥⲡ̄ⲥⲟⲡⲧ̄ • Ⲁⲛⲟⲕ ⲇⲉ ⲡⲉϫⲁⲓ̈ • ϫⲉ ⲛ̄ⲧⲕ̄
ⲛⲓⲙ ⲡⲁ ϫ︦ⲥ︦ • ⲛ̄ⲧⲟϥ ⲇⲉ ⲡⲉϫⲁϥ ⲛⲁⲓ̈ | ϫⲉ ⲁⲛⲟⲕ ⲡⲉ
ⲅⲁⲃⲣⲓ̈ⲏⲗ • ⲡⲁⲣⲭⲁⲅⲅⲉⲗⲟⲥ • ⲁⲩⲱ ⲧⲁⲓ̈ ⲧⲉ ⲑⲉ ⲛ̄ⲧⲁⲓ̈‐
ⲥⲱⲧⲙ̄ • ⲁⲗⲗⲁ ⲙ̄ⲡ ⲉⲓⲛⲁⲩ • ⲉ ⲡⲉⲧ ϣⲁϫⲉ ⲛⲙ̄ⲙⲁⲓ̈ •
ⲡⲗⲁⲟⲥ ⲇⲉ ⲛ̄ ⲧⲉⲣϥ̄ ⲥⲱⲧⲙ̄ ⲉ ⲛⲁⲓ̈ • ⲁⲩϥⲓ ϩⲣⲁⲩ ⲉ ⲃⲟⲗ •
ϩⲛ̄ ⲟⲩⲛⲟϭ ⲛ̄ ⲥⲙⲏ • ⲉⲩϫⲱ • ⲙ̄ⲙⲟⲥ • ϫⲉ ⲟⲩⲁ ⲡⲉ
ⲡⲛⲟⲩⲧⲉ ⲙ̄ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲡⲣⲱⲙⲉ ⲇⲉ •
ⲛ̄ⲧⲁϥⲛⲁⲩ ⲉ ⲃⲟⲗ • Ⲁϥϭⲱ • ϩⲙ̄ ⲡⲧⲟⲡⲟⲥ ⲙ̄ ⲡⲁⲣⲭ‐
ⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲉϥⲇⲓ̈ⲁⲕⲟⲛⲉⲓ̈ ϣⲁ ⲡⲉϩⲟⲟⲩ ⲙ̄
ⲡϥ̄ⲙⲟⲩ • ⲟⲩⲣⲱⲙⲉ ⲇⲉ ⲟⲛ • ⲛ̄ ⲣⲙ̄ⲙⲁⲟ • ϩⲛ̄ ⲡⲛⲟⲩⲃ
ⲙⲛ̄ ⲡϩⲁⲧ • ⲉϥⲟ ⲛ̄ ⲙ̄ⲡⲟ • ⲙⲛ︦ⲛ︦ⲥⲟⲥ ⲁϥϩⲉ ⲉⲩϣⲱⲛⲉ ⲡⲁⲓ̈
ⲉⲧ ⲟⲩⲙⲟⲩⲧⲉ ⲉ ⲣⲟϥ • ϫⲉ▨▨ⲡⲟⲧⲁⲕⲣⲓ̈ⲁ • ⲉⲣⲉ ⲟⲩⲛⲟϭ
ⲛ̄ ⲧⲕⲁⲥ • ⲟⲩⲱⲙ ⲛ̄ⲥⲁ ⲛϥ̄ⲟⲩⲣⲏⲏⲧⲉ ⲙ̄ ⲡⲉϩⲟⲟⲩ • ⲙⲛ̄
ⲧⲉⲩϣⲏ • ⲉ ⲁϥϫⲉ ⲡⲣⲱϣⲉ ⲛ̄ ⲁⲛϩⲟⲗⲟⲙⲁ ⲉ ⲃⲟⲗ •
ⲛ̄ ⲛ̄ⲥⲉⲉⲓⲛ ⲙ̄ⲡ ϥⲱⲫⲉⲗⲓ̈ ⲛ̄ ⲗⲁⲁⲩ • ⲁⲗⲗⲁ ⲛ̄ⲧⲁϥⲣ̄ ϩⲟⲩⲟ
ⲉⲑⲟ • Ⲛ̄ ⲧⲉⲣ ϥ̄ⲥⲱⲧⲙ̄ ⲇⲉ ⲛ̄ϭⲟⲙ • ⲙⲛ̄ ⲛⲉϣⲡⲏⲏⲣⲉ • ⲉⲧ
ϣⲟⲟⲡ • ϩⲙ̄ ⲡⲧⲟⲡⲟⲥ • ⲙ̄ ⲡⲁⲣⲭⲁⲅ|ⲅⲉⲗⲟⲥ ⲉⲧ ⲟⲩⲁⲁⲃ •
ⲅⲁⲃⲣⲓ̈ⲏⲗ • ⲁϥⲧⲣⲉ ⲛⲉϥϩⲙ̄ϩⲁⲗ ⲧⲁⲗⲟϥ • ⲛ̄ⲥⲉϫⲓ̈ⲧϥ̄ ⲉ
ⲡϥ̄ⲧⲟⲡⲟⲥ ⲉⲧ ⲟⲩⲁⲁⲃ ⲁϥⲛ̄ⲕⲟⲧⲕ̄ ϩⲙ̄ ⲡⲧⲟⲡⲟⲥ • ⲉⲧ ⲙ̄-
ⲙⲁⲩ • ⲉϥϣⲟⲟⲡ ϩⲛ̄ ⲟⲩⲛⲟϭ ⲛ̄ ϩⲓⲥⲉ • ⲁⲩⲱ ⲛⲉϥⲱϣ ⲉ
ⲃⲟⲗ • ⲉϥϫⲱ ⲙ̄ⲙⲟⲥ • ϫⲉ ⲡⲁ ϫ︦ⲥ︦ • ⲡⲁⲣⲭⲁⲅⲅⲉⲗⲟⲥ ⲉⲧ
ⲟⲩⲁⲁⲃ • ⲅⲁⲃⲣⲓ̈ⲏⲗ • ϣⲛ̄ϩⲧⲏⲕ ϩⲓ ϫⲱⲓ (?) ⲛⲅ̄ ⲭⲁⲣⲓ̈ⲍⲉ
ⲛⲁⲓ̈ ⲙ̄ ⲡⲧⲁⲗϭⲟ ⲉ ⲃⲟⲗ • ϫⲉ ⲁⲓ̈ϩⲓⲥⲉ ⲉⲙⲁⲧⲉ • Ⲁ ⲡⲣⲱⲙⲉ
ⲇⲉ ⲟⲛ • ϩⲟⲙⲁⲓ̈ⲟⲥ • ⲉϥⲥⲏϭ • ⲉ ⲛⲉϥⲟⲩⲣⲏⲏⲧⲉ • ⲉϥⲥⲩⲣⲁ


### 0016

ϩⲙ̄ ⲡⲕⲁϩ ⲛ̄ ⲛⲁⲩ ⲛⲓⲙ • ⲛ̄ⲑⲉ ⲛ̄ ⲛ̄ϣⲏⲣⲉ ϣⲏⲙ • ⲛⲉϥ ϩⲙ̄
ⲡⲧⲟⲡⲟⲥ • ϩⲱⲱϥ • ⲉϥⲛ̄ⲕⲟⲧⲕ̄ • ⲉϥⲡⲁⲣⲁⲕⲁⲗⲉⲓ̈ ⲙ̄ ⲡⲁⲣⲭ‐
ⲁⲅⲅⲉⲗⲟⲥ ⲉ ⲧⲣϥ̄ⲭⲁⲣⲓⲍⲉ ⲛⲁϥ ⲙ̄ ⲡⲧⲁⲗϭⲟ • Ⲡⲣⲱⲙⲉ
ⲇⲉ ⲉⲧ ⲥⲏϭ • ⲛϥ︦ⲛ︦ⲕⲟⲧⲕ̄ ϩⲓⲧⲟⲩⲱϥ • ⲙ̄ ⲡⲧⲟⲡⲟⲥ • ⲉϥⲧⲓ̈
ⲧⲕⲁⲥ ⲉ ⲛϥ̄ⲟⲩⲣⲏⲏⲧⲉ • Ⲁⲩⲱ ⲛ̄ⲧⲟⲟⲩ ⲙ̄ ⲡⲉⲥⲛⲁⲩ ⲛⲉⲩ‐
ϣⲓ̈ⲛⲉ ⲙ̄ ⲡⲥ̄ⲛⲁⲩ • ⲛ̄ⲥⲁ ⲡⲧⲁⲗϭⲟ ⲉ ⲃⲟⲗ • ϩⲓ ⲧⲟⲟⲧϥ̄ •
ⲙ̄ ⲡⲁⲣⲭⲁⲅⲅⲉⲗⲟⲥ • ⲉⲧ ⲟⲩⲁⲁⲃ • ⲅⲁⲃⲣⲓ̈ⲏⲗ ϩⲛ̄ ⲧⲉⲩⲛⲟⲩ
ⲉⲧ ⲙ̄ⲙⲁⲩ ⲁ ⲡⲁⲣⲭⲁⲅⲅⲉⲗⲟⲥ ϣⲛ̄ ϩⲧⲏϥ ϩⲁ ⲣⲟⲟⲩ •
ⲁϥⲣ̄ϩⲛⲁϥ ϩⲛ̄ ⲧϥ̄|ⲙⲛ︦ⲧ︦ⲁⲅⲁⲑⲟⲥ • ⲉ ⲭⲁⲣⲓⲍⲉ ⲛⲁⲩ ⲙ̄
ⲡⲧⲁⲗϭⲟ • ⲙ̄ ⲡⲉⲥⲛⲁⲩ • ⲛ̄ ⲟⲩⲥⲟⲡ ⲛ̄ ⲟⲩⲱⲧ • ⲁⲩⲱ ⲛ̄ ⲧⲉⲓ̈
ϩⲉ • ⲁϥⲱⲛϩ̄ ⲉ ⲃⲟⲗ ⲉ ⲡⲉⲧ ⲥⲏϫ ϩⲛ̄ ⲟⲩϩⲟⲣⲟⲙⲁ • ⲙ̄
ⲡⲉⲥⲙⲟⲧ ⲛ̄ ⲟⲩⲣⲱⲙⲉ ⲛ̄ ⲟⲩⲟⲉⲓⲛ • ⲉⲣⲉ ⲡⲉϥϩⲟ ⲛⲏϫ •
ⲁⲕⲧⲓⲛ ⲛ̄ ⲟⲩⲟⲉⲓⲛ ⲉ ⲃⲟⲗ • ⲡⲉϫⲁϥ ⲙ̄ ⲡⲣⲱⲙⲉ ⲉⲧ ⲥⲏϭ •
ϫⲉ ⲉϣⲱⲡⲉ • ⲉⲕⲟⲩⲱϣ ⲉⲙⲁⲧⲉ ⲙ̄ ⲡⲧⲁⲗϭⲟ • ⲁⲩⲱ ⲛ̄ⲧⲉ
ⲡⲟⲩϫⲁⲓ̈ • ϣⲱⲡⲉ ⲛⲁⲕ • ⲛⲅ̄ ⲙⲟⲟϣⲉ ⲛ̄ ⲛⲉⲕⲟⲩⲣⲏⲏⲧⲉ •
ⲛ̄ⲑⲉ ⲛⲣⲱⲙⲉ ⲛⲓⲙ • ⲡⲣⲟⲥⲉⲭⲉⲓ ⲉ ⲣⲟⲕ • ϣⲁⲛⲧⲉ ⲛ̄ⲣⲱⲙⲉ
ⲧⲏⲣⲟⲩ • ⲉⲧ ϩⲙ̄ ⲡⲧⲟⲡⲟⲥ • ⲛ̄ⲕⲟⲧⲕ̄ ⲛ̄ⲥⲉⲃⲱⲕ • ⲉⲕϣⲁⲛ‐
ⲉⲓⲙⲉ • ϫⲉ ⲁⲩⲱⲃϣ̄ ⲧⲏⲣⲟⲩ • ⲧⲱⲟⲩⲛ ϩⲱⲱⲕ • ⲛⲅ̄ ⲥⲓⲗⲁ •
ⲛ̄ ⲛⲉⲕϭⲓϫ • ⲙⲛ̄ ⲛⲉⲕⲟⲩⲣⲏⲏⲧⲉ ⲛⲅ̄ ⲃⲱⲕ ϩⲁϩⲧⲏ ⲙⲁ ⲛ̄
ⲛ̄ⲕⲟⲧⲕ̄ ⲙ̄ ⲡⲣⲙ̄ⲙⲁⲟ • ⲉⲧ ⲧⲓ ⲧⲕⲁⲥ ⲉ ⲛϥ̄ⲟⲩⲣⲏⲏⲧⲉ • ⲛⲅ̄
ⲁⲣⲭⲉⲓ̈ ⲛ̄ ϥⲓ̄ ⲙ̄ ⲡⲉⲡⲣⲏϣ ⲉⲧ ϩⲓ ϫⲱϥ • ⲁⲩⲱ ⲉⲕⲛⲁ‐
ⲙⲁⲁⲧⲉ ⲙ̄ ⲡⲧⲁⲗϭⲟ • ⲛⲅ̄ ⲙⲟⲟϣⲉ ⲛ̄ ⲛⲉⲕⲟⲩⲣⲏⲏⲧⲉ •
ⲛ̄ⲧⲉⲩⲛⲟⲩ ⲛⲅ̄ ⲟⲩϫⲁⲓ̈ • ⲛⲅ̄ ⲃⲱⲕ ⲉ ⲡⲉⲕⲏⲓ̈ ⲛ̄ⲑⲉ ⲛ̄ ⲟⲩⲁ
ⲉⲧⲉ ⲛⲉϥ|ϣⲱⲛⲉ ⲉⲛⲉϩ • ⲡⲣⲱⲙⲉ ⲇⲉ ⲛ̄ ⲧⲉⲣ ϥ̄ⲛⲉϩⲥⲉ •
ⲉ ϩⲣⲁⲓ̈ ϩⲙ̄ ⲡϩⲟⲣⲟⲙⲁ • ⲁϥⲣ̄ ϣⲡⲏⲣⲉ • ⲁⲩⲱ ⲡⲉϫⲁϥ
ϩⲣⲁⲓ̈ ⲛ̄ϩⲏⲧϥ̄ • ϫⲉ ⲁⲗⲏⲑⲱⲥ • ⲛ̄ⲧⲁⲩⲣ̄ ϩⲁⲗ ⲙ̄ⲙⲟⲓ̈ ϩⲛ̄
ⲧⲓⲣⲁⲥⲟⲩ • ⲉⲓ̈ϣⲁⲛⲣ̄ ⲡⲁⲓ̈ • ⲛ̄ⲧⲁⲃⲱⲕ ϫⲉ ⲉⲓ̈ⲛⲁϥⲓ̈ • ⲙ̄
ⲡϩⲟⲓ̈ⲧⲉ • ⲙ̄ ⲡⲣⲙ̄ⲙⲁⲟ • ⲥⲛⲁϣⲱⲡⲉ ⲛϥ̄ⲛⲉϩⲥⲉ • ⲉ ϩⲣⲁⲓ̈
ⲛ̄ⲧⲉ ⲛⲉϥϩⲙ̄ϩⲁⲗ • ϭⲟⲡⲧ̄ • Ⲉⲡⲉⲓ̈ ⲇⲏ • ⲙⲛ̄ϣϭⲟⲙ ⲙ̄‐
ⲙⲟⲓ̈ • ⲉⲓⲥⲏϭ ⲛ̄ⲥⲉⲡⲁⲣⲁⲇⲓⲇⲟⲩ ⲙ̄ⲙⲟⲓ̈ ⲉ ⲧⲟⲟⲧⲥ̄ ⲙ̄ ⲡⲉ‐
ⲡⲁⲣⲭⲟⲥ • ⲛ̄ ⲧⲡⲟⲗⲓⲥ • ⲛϥ̄ϩⲱⲧⲃ̄ ⲙ̄ⲙⲟⲓ̈ • ⲛ̄ⲧⲁⲃⲱⲕ
ⲉⲓϣⲓⲛⲉ ⲛ̄ⲥⲁ ⲉⲩⲧⲁⲗϭⲟ • ⲙ̄ ⲡⲁⲥⲱⲙⲁ • ⲛ̄ⲧⲁⲧⲓ ⲟⲥⲉ ⲛ̄
ⲧⲁ ⲯⲩⲭⲏ • ϩⲓ̈ⲧⲛ̄ ⲛ̄ⲃⲁⲥⲁⲛⲟⲥ ⲉⲧⲟⲩⲛⲁⲧⲁⲁϥ ⲛⲁⲓ̈ • ⲛ̄ⲧⲓ̈-
ⲛⲁⲣ̄ ⲡⲁⲓ̈ ⲁⲛ ϣⲁ ⲉⲛⲉϩ • Ⲛ̄ⲧⲉⲩϣⲏ ⲇⲉ ⲟⲛ ⲉⲧ ⲛⲏⲩ •


### 0017

ⲁ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ ⲉⲓ̈ ϣⲁ ⲣⲟϥ • ⲉϥⲫⲟⲣⲉⲓ̈ ⲛ̄
ⲟⲩⲛⲟϭ ⲛ̄ ⲁⲝⲓⲱⲙⲁ ⲛ̄ ⲃⲁⲥⲓⲗⲓⲕⲟⲛ • ⲉϥⲣ̄ ⲟⲩⲟⲉⲓⲛ ⲛ̄ ϩⲟⲩⲟ
ⲉ ⲡⲣⲏ • Ⲁϥϣⲁϫⲉ ⲙⲛ̄ ⲡⲉⲧ ⲥⲏϭ • ⲉⲣⲉ ⲟⲩⲛⲟϭ ⲛ̄ ⲥⲧⲓ
ⲛⲟⲩϥⲉ | ⲛⲏⲩ ⲉ ⲃⲟⲗ ϩⲛ̄ ⲧϥ̄ⲧⲁⲡⲣⲟ • ⲁⲩⲱ ⲡⲉϫⲁϥ ⲛⲁϥ
ϫⲉ ⲉ ⲧⲃⲉ ⲟⲩ ⲁⲕⲁⲙⲉⲗⲉⲓ̈ ⲙ̄ⲡⲉ ⲕⲉⲓ̈ⲣⲉ • ⲙ̄ ⲡⲉⲛⲧ ⲁⲓ̈ⲟⲩⲉⲉϩ‐
ⲥⲁϩⲛⲉ (sic) ⲙ̄ⲙⲟϥ ⲛⲁⲕ • Ⲉⲓ̈ⲙⲉ ⲛⲁⲕ ⲉ ⲡⲁⲓ̈ • ϫⲉ ⲉϣⲱⲡⲉ
ⲛⲅ̄ ⲛⲁⲥⲱⲧⲙ̄ • ⲛ̄ⲥⲱⲓ̈ ⲁⲛ • ⲛⲅ̄ ⲛⲁⲗⲟ ⲁⲛ • ϩⲙ̄ ⲡⲉⲕϣⲱⲛⲉ
ϣⲁⲛⲧ ⲉⲕⲙⲟⲩ • ⲉⲕϣⲁⲛⲣ̄ ⲡⲉⲛⲧ ⲁⲓ̈ⲟⲩⲉϩⲥⲁϩⲛⲉ ⲙ̄ⲙⲟϥ
ⲛⲁⲕ • ⲕⲛⲁⲟⲩϫⲁⲓ̈ ϩⲛ̄ ⲟⲩϭⲉⲡⲏ • ⲁⲩⲱ ⲛ̄ ⲧⲉⲣⲉ ⲡⲁⲣⲭ‐
ⲁⲅⲅⲉⲗⲟⲥ ϫⲉ ⲛⲁⲓ̈ ⲛⲁϥ • ⲁϥⲃⲱⲕ ⲉ ⲃⲟⲗ ϩⲓ̈ ⲧⲟⲟⲧϥ̄ ⲛ̄‐
ⲧⲉⲩⲛⲟⲩ • ⲁϥⲛⲉϩⲥⲉ ϩⲛ̄ ⲟⲩϣⲧⲟⲣⲧⲣ̄ • ⲙⲛ̄ ⲟⲩϩⲟⲧⲉ • Ⲁⲩⲱ
ⲁϥⲧⲁϫⲣⲉ ⲡϥ̄ϩⲏⲧ ⲕⲁⲗⲱⲥ • ϫⲉ ⲁⲗⲏⲑⲱⲥ • ⲡⲁⲣⲭⲁⲅⲅⲉ‐
ⲗⲟⲥ ⲅⲁⲃⲣⲓ̈ⲏⲗ • ⲡⲉ ⲡⲁⲓ̈ ⲉⲧ ϣⲁϫⲉ ⲛⲙ̄ⲙⲁⲓ̈ • ⲧⲉⲛⲟⲩ ϭⲉ •
ⲉⲥϣⲁⲛϣⲱⲡⲉ • ⲛ̄ⲥⲉϭⲟⲡⲧ̄ ⲛ̄ⲥⲉⲙⲟⲩⲟⲩⲧ ⲙ̄ⲙⲟⲓ̈ ⲛ̄ ϯⲛⲁⲣ̄
ⲁⲧ ⲥⲱⲧⲙ̄ ⲁⲛ • ⲙ̄ ⲡⲉⲓ̈ ⲥⲟⲡ • ⲡⲟⲩⲱϣ ⲙ̄ ⲡϫⲥ̄ ⲙⲁⲣϥ̄‐
ϣⲱⲡⲉ • ⲛ̄ϯϩⲉ • ⲁ ⲡⲣⲱⲙⲉ ⲕⲁ ⲡϣⲁϫⲉ ϩⲙ̄ ⲡⲉϥϩⲏⲧ •
ⲙ̄ⲡⲉ ϥⲧⲁⲙⲉ ⲗⲁⲁⲩ • ⲛ̄ⲣⲱⲙⲉ • ⲉ ⲡⲉⲛⲧ ⲁϥϣⲱⲡⲉ •
ⲣⲟⲩϩⲉ ⲇⲉ ⲛ̄ ⲧⲉⲣ ϥ̄ϣⲱⲡⲉ • ⲁ |ⲡⲉⲧ ϭⲏϫ ⲡⲣⲟⲥⲩⲭⲉⲓ •
ϣⲁⲛⲧⲉ ⲛ̄ⲣⲱⲙⲉ ⲧⲏⲣⲟⲩ • ⲉⲧⲛ̄ⲕⲟⲧⲕ̄ ϩⲙ̄ ⲡⲧⲟⲡⲟⲥ ϩⲓⲛⲏⲃ •
Ⲁϥⲧⲱⲟⲩⲛ • ⲁϥⲥⲩⲣⲁ ⲛ̄ ⲛⲉϥϭⲓϫ • ⲙⲛ̄ ⲛⲉϥⲟⲩⲣⲏⲏⲧⲉ •
Ⲁϥⲃⲱⲕ ϩⲁϩⲧⲏⲛ ⲡⲣⲱⲙⲉ ⲉⲧⲟ ⲛ̄ ⲙ̄ⲡⲟ • Ⲁⲩⲱ ⲉϥϯ
ⲧⲕⲁⲥ ⲉ ⲛϥ̄ⲟⲩⲣⲏⲏⲧⲉ • Ⲁϥⲙⲁϩⲧⲉ ⲙ̄ ⲡϩⲟⲓ̈ⲧⲉ ⲉⲧ ϩⲟⲃⲥ̄
ⲉ ϫⲱϥ • Ⲁϥⲁⲣⲭⲉⲓ̈ ⲛ̄ⲥⲱⲕ ⲙ̄ⲙⲟϥ • ⲡⲣⲱⲙⲉ ⲇⲉ ⲉⲧ
ϯ ⲧⲕⲁⲥ ⲁⲩⲱ ⲉⲧⲟ ⲛ̄ ⲙ̄ⲡⲟ • ⲁϥⲛⲉϩⲥⲉ ⲉ ϩⲣⲁⲓ̈ ⲙ̄ ⲡϩⲓⲛⲏⲃ •
ϩⲛ̄ ⲟⲩϣⲧⲟⲣⲧⲣ̄ • Ⲁⲩⲱ ⲁ ⲡⲛⲟⲩⲧⲉ ⲙⲛ̄ ⲡⲁⲣⲭⲁⲅⲅⲉⲗⲟⲥ
ⲅⲁⲃⲣⲓ̈ⲏⲗ • ϣⲛ̄ϩⲧⲏϥ • ⲉ ϩⲣⲁⲓ̈ ⲉ ϫⲱϥ • ⲁⲥⲃⲱⲗ ⲉ ⲃⲟⲗ
ⲛ̄ⲧⲉⲩⲛⲟⲩ • ⲛ̄ϫⲓ ⲧⲙⲣ̄ⲣⲉ ⲙ̄ ⲡϥ̄ⲗⲁⲥ • ⲁϥϣⲁϫⲉ • Ⲕⲁⲓ̈
ⲡⲉⲣ ⲙ̄ⲡⲉ ϥϣⲁϫⲉ ⲉⲛⲉϩ • ⲁϥⲁϣⲕⲁⲕ ⲉ ⲃⲟⲗ • ϩⲛ̄ ⲟⲩⲛⲟϭ
ⲛ̄ ⲥⲙⲏ ⲉ ⲛϥ̄ϩⲙ̄ϩⲁⲗ • ϫⲉ ⲧⲱⲟⲩⲛ • ϩⲛ̄ ⲟⲩϭⲉⲡⲏ • Ⲛ̄ⲧⲉ‐
ⲧⲛ̄ϭⲱⲡⲉ • ⲙ̄ ⲡⲓ̈ⲗⲓ̈ⲥⲧⲏⲥ ⲛ̄ⲧⲁϥⲉⲓ̈ • ⲁϥϥⲓ̈ ⲙ̄ ⲡⲁϩⲟⲓ̈ⲧⲉ •
ⲉⲧ ϩⲟⲃⲥ̄ ⲉ ϫⲱⲓ • ⲡⲉⲧ ⲥⲏϭ ⲇⲉ ⲁϥϣⲧⲟⲣⲧⲣ̄ ϫⲉ ⲛ̄ⲛⲉ ⲛ̄‐
ϩⲙ̄ϩⲁⲗ ⲙ̄ ⲡⲣⲙ̄ⲙⲁⲟ • ϭⲟⲡϥ̄ • ⲁⲩⲱ ⲛ̄ⲧⲉⲩ|ⲛⲟⲩ ⲁ
ⲡⲥⲟⲟⲩⲧⲛ̄ ϣⲱⲡⲉ ⲛ̄ ⲛⲉϥϭⲓϫ • ⲙⲛ̄ ⲟⲩⲣⲏⲏⲧⲉ • ⲁϥⲃⲟϭϥ̄
ⲉ ϩⲣⲁⲓ̈ • ⲁϥⲡⲱⲧ ϩⲛ̄ ⲛⲉϥⲟⲩⲣⲏⲏⲧⲉ • ⲛ̄ⲑⲉ ⲛ̄ ⲟⲩⲧⲣⲟ‐


### 0018

ⲙⲉⲩⲥ • ϣⲁⲛⲧ ϥ̄ⲃⲱⲕ • ⲉ ⲡⲉϥⲙⲁ ⲛ̄ ⲛ̄ⲕⲟⲧⲕ̄ • ϩⲟⲙⲁⲓ̈ⲟⲥ
ⲡⲉⲛⲧⲁ ⲛϥ̄ⲟⲩⲣⲏⲏⲧⲉ • ⲱϭⲣ̄ ϩⲓⲧⲙ̄ ⲡⲉⲧⲕⲁⲥ • ⲁ ⲡⲥⲟⲟⲩⲧⲛ̄
ϣⲱⲡⲉ ⲛⲁϥ • Ⲁϥϥⲟϭϥ̄ ⲉ ⲡⲉⲥⲏⲧ ϩⲓ̈ϫⲙ̄ ⲡϥ̄ⲙⲁ ⲛ̄
ⲛ̄ⲕⲟⲧⲕ̄ • ⲛ̄ⲑⲉ ⲛ̄ ⲟⲩⲁ ⲙ̄ⲡ ϥ̄ϣⲱⲛⲉ ⲉⲛⲉϩ • ⲁϥⲡⲱⲧ ⲛ̄ⲥⲁ
ⲡⲉⲧ ⲥⲏϭ • ⲙⲛ̄ ⲛⲉϥϩⲙ̄ϩⲁⲗ • ⲉϥⲱϣ ⲉ ϭⲟⲡϥ̄ • ⲙⲛ︦ⲛ︦ⲥⲁ
ⲟⲩⲁⲡⲣⲏⲧⲉ ⲇⲉ • ⲛ̄ ⲧⲉⲣ ⲟⲩⲁⲥⲑⲁⲛⲉ ⲇⲉ ⲉ ⲡⲉϩⲙⲟⲧ
ⲛ̄ⲧⲁϥⲧⲁϩⲟⲟⲩ • ⲙ̄ ⲡⲉⲥⲛⲁⲩ • ⲉⲧⲉ ⲡⲣⲙ̄ⲙⲁⲟ • ⲡⲉⲛⲧ‐
ⲁϥⲗⲟ • ⲉϥⲧⲓ ⲧⲕⲁⲥ • Ⲁⲩⲱ ⲁϥⲗⲟ ⲉϥⲟ ⲛ̄ ⲙ̄ⲡⲟ • ⲁⲩⲱ
ⲡⲉⲧ ⲥⲏϭ • ⲛ̄ⲧⲁ ⲡⲥⲟⲟⲩⲧⲛ̄ ϣⲱⲡⲉ • Ⲁⲩⲉⲓ̈ ⲉ ⲧⲙⲏⲏⲧⲉ
ⲙ̄ ⲡⲉⲥⲛⲁⲩ • ⲁⲩϩⲟⲙⲟⲗⲟⲅⲉⲓ • ⲙ̄ ⲡⲧⲁⲗϭⲟ ⲛ̄ⲧⲁϥϣⲱⲡⲉ
ⲙ̄ⲙⲟⲟⲩ • ⲙ̄ ⲡⲉⲥⲛⲁⲩ • ⲁⲩϫⲓϣⲕⲁⲕ ⲉ ⲃⲟⲗ ϩⲓ̈ ⲟⲩⲥⲟⲡ •
ϫⲉ | ⲟⲩⲁ ⲡⲉ ⲡⲛⲟⲩⲧⲉ ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ
ⲅⲁⲃⲣⲓ̈ⲏⲗ • ⲛ̄ ⲧⲉⲣⲉ ⲡⲙⲏⲏϣⲉ ⲇⲉ ⲧⲏⲣϥ̄ ⲉⲧ ⲥⲱⲟⲩϩ ⲉ
ϩⲟⲩⲛ • ⲉ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ •
ⲅⲁⲃⲣⲓ̈ⲏⲗ • ⲁⲩⲛⲁⲩ ⲉ ⲧⲉⲓ̈ ⲛⲟϭ ⲛ̄ ϣⲡⲏⲣⲉ • ⲁⲩⲙⲟⲩϩ ⲛ̄
ϩⲟⲧⲉ • ⲉⲙⲁⲧⲉ • Ⲁⲩⲱ ⲁⲩⲥⲧⲱⲧ ⲧⲁϩⲟⲟⲩ • ⲉⲓ̈ⲧⲁ ⲁⲩϫⲛⲉ
ⲡⲣⲱⲙⲉ ⲉⲧ ϭⲏϭ • ϫⲉ ⲟⲩ ⲡⲛ̄ⲧⲁϥϣⲱⲡⲉ ⲙ̄ⲙⲟⲕ •
ϣⲁⲛⲧ ⲕ︤ⲣ︥ ⲡⲁⲓ̈ • ⲛ̄ⲧⲟϥ ⲇⲉ ⲁϥⲡⲁⲣⲁⲅⲅⲉⲗⲓ̈ ⲉ ⲣⲟⲟⲩ •
ⲛ̄ϩⲱⲃ ⲛⲓⲙ • ⲛ̄ⲧⲁ ϣⲱⲡⲉ ⲙ̄ⲙⲟϥ • ⲉϥϫⲱ ⲙ̄ⲙⲟⲥ • ϫⲉ
ⲉⲓ̈ⲥ ⲑⲉ ⲙ ⲛ̄ⲑⲉ ⲛ̄ⲧⲁⲥϣⲱⲡⲉ ⲙ̄ⲙⲟⲓ̈ • ⲁⲩⲱ ϫⲉ ⲡⲁⲣⲭⲁⲅ‐
ⲅⲉⲗⲟⲥ ⲅⲁⲃⲣⲓ̈ⲏⲗ • ⲡⲉⲛⲧ ⲁϥⲟⲩⲱⲛϩ̄ • ⲉ ⲣⲟⲓ̈ ⲛ̄ ⲥⲡ̄ ⲥⲛⲁⲩ •
Ⲉϥⲫⲟⲣⲉⲓ̈ ⲛ̄ ⲟⲩⲥⲭⲏⲙⲁ ⲛ̄ ⲟⲩⲟⲉⲓⲛ ϣⲁⲛⲧ ⲁⲣ̄ ⲡⲁⲓ̈ •
Ⲁ ⲡⲗⲁⲟⲥ ⲇⲉ ⲧⲏⲣϥ̄ ⲉⲧ ⲥⲱⲟⲩϩ • ⲉ ϩⲟⲩⲛ • ⲉ ⲡⲧⲟⲡⲟⲥ
ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ • ⲁϥϥⲓ ϩⲣⲁⲩ
ⲉ ⲃⲟⲗ ϩⲛ̄ ⲟⲩⲛⲟϭ ⲛ̄ ⲥⲙⲏ • ⲉⲩϫⲱ ⲙ̄ⲙⲟⲥ • ϫⲉ ⲟⲩⲁ ⲡⲉ
ⲡⲛⲟⲩⲧⲉ ⲙ̄ ⲡⲁⲣ|ⲭⲁⲅⲅⲉⲗⲟⲥ • ⲛ̄ ϫⲱⲱⲣⲉ • ϩⲉⲛⲛⲟϭ ⲛⲉ
ⲛ̄ϭⲟⲙ • ⲙ̄ ⲡϥⲁⲓ̈ ϣⲙ̄ ⲛⲟⲩϥⲉ ⲙ̄ ⲡⲱⲛϩ̄ ⲅⲁⲃⲣⲓ̈ⲏⲗ • ⲡⲁ
ⲡⲣⲁⲛ ⲛ̄ ϣⲟⲩⲧⲁⲓ̈ⲟϥ • ⲡⲣⲱⲙⲉ (sic) ⲇⲉ ⲛ̄ⲧⲁⲩⲙⲁⲁⲧⲉ ⲙ̄
ⲡⲧⲁⲗϭⲟ • Ⲁⲩϭⲱ ϩⲙ̄ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ
ⲅⲁⲃⲣⲓ̈ⲏⲗ • ⲉⲩϣⲗⲏⲗ ⲛ̄ϩⲏⲧϥ̄ • ⲁⲩⲱ ⲉⲩⲛⲏⲥⲧⲉⲩⲉ • ϣⲁ
ⲡⲉϩⲟⲟⲩ ⲙ̄ ⲡⲉⲩⲙⲟⲩ • ⲉⲓⲛⲁϫⲉ ⲟⲩ • ⲛ̄ⲧⲉⲕⲁⲟⲩ (sic) • ϩⲛ̄
ⲛⲉϣⲡⲏⲣⲉ ⲛ̄ⲧⲁⲕⲁⲁⲩ • Ⲱ̄ ⲡⲛⲟϭ ⲛ̄ ϩⲣⲏⲧⲱⲣ • ⲛ̄ⲧⲉ
ⲡⲛⲟⲩⲧⲉ • ⲡⲗⲟⲅⲟⲥ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁ‐
ⲃⲣⲓ̈ⲏⲗ • ⲁⲗⲏⲑⲱⲥ ⲉⲓϣⲁⲛⲣ̄ ⲡⲁ ⲟⲩⲟⲉⲓϣ ⲧⲏⲣϥ̄ ⲉⲓ̈ⲡⲉⲣⲓ̈ⲣ̄‐


### 0019

ⲅⲁⲍⲉ ⲛ̄ⲥⲁ ⲡϫⲱⲕ • ⲛ̄ⲛⲉⲕϣⲡⲏⲣⲉ • ⲛ̄ ⲧⲓⲛⲁϣϫⲱ ⲁⲛ ⲛ̄
ⲟⲩⲙⲉⲣⲟⲥ ⲉ ⲃⲟⲗ ⲛ̄ϩⲏⲧⲟⲩ • ⲡⲗⲏⲛ ⲧⲓⲛⲁϫⲱ ⲛ̄ ϩⲉⲛⲕⲟⲩⲓ̈ •
ⲛ̄ ⲁⲡⲟⲩⲙⲉⲣⲟⲥ • ϩⲛ̄ ⲙ̄ⲙⲛ︦ⲧ︦ϫⲱⲱⲣⲉ • ⲛ̄ⲧⲁⲕⲁⲁⲩ • ⲉⲩ‐
ⲉⲟⲟⲩ ⲙ̄ ⲡⲉⲭ︦ⲥ︦ ⲡⲛ̄ⲥⲱⲧⲏⲣ • ⲙⲛ̄ ⲡϥ̄ⲛⲟϭ ⲛ̄ ⲁⲣⲭⲁⲅⲅⲉ‐
ⲗⲟⲥ ⲉⲧ ⲟⲩⲁⲁⲃ Ⲅⲁⲃⲣⲓ̈ⲏⲗ • ⲡⲁⲓ̈ ⲉⲧ ⲛⲣ̄ϣⲁ ⲛⲁϥ ⲙ̄‐
ⲡⲟⲟⲩ • Ⲛⲉⲩⲛ̄ ⲟⲩⲣⲱⲙⲉ ⲇⲉ ⲟⲛ ⲟⲩⲏⲏϩ ϩⲛ̄ ⲟⲩⲧⲓ̈ⲙⲉ
ⲉϥⲟⲩⲏⲏⲃ(sic) • ⲉ ⲃⲟⲗ • ⲉ ⲧⲡⲟⲗⲓ̈ⲥ ⲛ̄ⲁⲥⲟⲟⲩ ϩⲓ̈ ϣⲙⲟⲩⲛ
ⲙ̄ⲙⲓ̈ⲗⲓ̈ⲟⲛ • ⲡⲁⲓ̈ ⲇⲉ ⲛⲉⲟⲩⲛ̄ⲧⲁϥ ⲙ̄ⲙⲁⲩ • ⲛ̄ ⲟⲩϣⲏⲣⲉ
ⲙ̄ ⲙⲟⲛⲟⲅⲉⲛⲏⲥ • ⲁϥ|ⲉⲓ̈ ⲉ ⲡⲧⲁⲅⲙⲁ ⲛ̄ ⲑⲩⲗⲓ̈ⲅⲓ̈ⲁ • ⲙⲛ̄‐
ⲛ̄ⲥⲟⲥ • ⲁϥϩⲉ ⲉ ϩⲣⲁⲓ̈ ⲉⲩϣⲱⲛⲉ • ⲉϥⲧⲓ ⲧⲕⲁⲥ • ⲉ ⲛⲉϥϭⲓϫ
ⲙⲛ̄ ⲛϥ̄ⲟⲩⲣⲏⲏⲧⲉ • ⲙ̄ ⲡⲉϩⲟⲟⲩ ⲙⲛ̄ ⲧⲉⲩϣⲏ • ⲙⲛ̄ ϣϭⲟⲙ
ⲙ̄ⲙⲟϥ • ⲉϥⲓ̈ ϫⲱϥ ⲉ ϩⲣⲁⲓ̈ ⲉ ⲡⲧⲏⲣϥ̄ • ⲉⲛⲉ ⲁϥⲣ̄ⲥⲟⲉ
ⲛ̄ⲣⲟⲙⲡⲉ • ⲉϥⲛⲏϫ ⲉϫⲛ̄ ⲟⲩⲙⲁ ⲛ̄ ⲛ̄ⲕⲟⲧⲕ̄ • ⲉⲙⲉϥⲉϣⲧⲱ‐
ⲟⲩⲛ • ⲉ ϩⲣⲁⲓ̈ ϩⲙ̄ ⲡⲙⲁ • ⲉⲧ ϥⲛ̄ⲕⲟⲧⲕ̄ ⲛ̄ϩⲏⲧϥ̄ • ⲁⲩⲱ ϩⲁⲟ
ⲛ̄ⲥⲟⲡ • ⲁ ⲛⲉϥⲉⲓⲟⲟⲧⲉ ⲙⲛ̄ ⲛⲉϥⲥⲩⲛⲅⲉⲛⲏⲥ ⲉⲓⲁ ⲧⲟⲟⲧⲟⲩ
ⲛ̄ⲥⲱϥ • ⲉϥϫⲱ ⲙ̄ⲙⲟⲥ • ϫⲉ ⲁⲗⲏⲑⲱⲥ ⲟⲩⲙ̄ⲧⲟⲛ ⲛⲁϥ ⲡⲉ
ⲡⲙⲟⲩ • ⲛ̄ϩⲟⲩⲟ • ⲉ ⲡϩⲓⲥⲉ ⲉⲧ ϩⲓ ϫⲱϥ • ⲛⲉϥⲉⲓⲟⲟⲧⲉ ⲇⲉ •
ⲁⲩϫⲉϩ ⲛ̄ⲛⲟϭ ⲛ̄ⲭⲣⲏⲙⲁ ⲉ ⲃⲟⲗ ⲛ̄ ⲛ̄ⲥⲉⲉⲓⲛ ⲙ̄ⲡϥ︦ⲙ︦ⲧⲟⲛ̄
ⲛ̄ⲗⲁⲁⲩ • Ⲁⲗⲗⲁ ⲛ̄ⲧⲁϥⲣ̄ ϩⲟⲩⲟ ⲉⲑⲟ • ⲛ̄ ⲧⲉⲣⲉ ⲡϥ̄‐
ⲉⲓⲱⲧ ⲇⲉ ⲥⲱⲧⲙ̄ ⲉ ⲧⲃⲉ ⲛ̄ϭⲟⲙ • ⲙⲛ̄ ⲛⲉϣⲡⲏⲏⲣⲉ ⲉⲧ
ϣⲟⲟⲡ ϩⲙ̄ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ
ⲅⲁⲃⲣⲓ̈ⲏⲗ • ⲉⲧ ϩⲛ̄ ⲧⲡⲟⲗⲓⲥ ϩⲣⲱⲙⲏ • ⲁϥⲉⲣⲏⲧ • ⲉϥϫⲱ
ⲙ̄ⲙⲟⲥ • ϫⲉ ⲣ̄ϣⲁⲛ ⲡⲛⲟⲩⲧⲉ ⲙ̄ ⲡⲁⲣⲭⲁⲅⲅⲉⲗⲟⲥ
ⲅⲁⲃⲣⲓ̈ⲏⲗ ⲥⲱⲧⲙ̄ ⲉ ⲡⲁ ⲥⲟⲡⲥⲡ̄ • ⲛϥ̄ⲭⲁⲣⲓⲍⲉ ⲙ̄ ⲡⲧⲁⲗϭⲟ•
ⲙ̄ ⲡⲁ ϣⲏⲣⲉ • ϯⲛⲁⲧⲓ ⲥⲟⲟⲩ ⲛ̄|ϩⲟⲗⲟⲕϯⲛⲟⲥ • ⲉ ϩⲟⲩⲛ
ⲉ ⲡⲕ̄ⲧⲟⲡⲟⲥ ⲕⲁⲧⲁ ⲣⲟⲙⲡⲉ • ϣⲁ ⲡⲉϩⲟⲟⲩ ⲙ̄ ⲡⲁ ⲙⲟⲩ •
ϯⲥⲟⲟⲩⲛ ⲅⲁⲣ Ⲱ̄ ⲡⲁ ϫ︤ⲥ︥ ⲡⲁⲣⲭⲁⲅⲅⲉⲗⲟⲥ • ϫⲉ ⲟⲩⲛ̄ϭⲟⲙ
ⲙ̄ⲙⲟⲕ ⲉ ϩⲱⲃ ⲛⲓⲙ • ⲁⲩⲱ ϫⲉ ⲙⲛ̄ϣϭⲟⲙ ⲙ̄ⲙⲟⲓ̈ ⲉϫⲓ̈
ⲙ̄ ⲡⲁ ϣⲏⲣⲉ ⲉ ⲣⲁⲧϥ̄ ⲙ̄ ⲡⲉⲕⲧⲟⲡⲟⲥ • ϫⲉ ⲙⲛ̄ϣϭⲟⲙ
ⲙ̄ⲙⲟϥ • ⲉ ⲙⲟⲟϣⲉ ⲟⲩⲇⲉ ⲉ ⲁⲗⲉ ⲉ ⲧⲃ̄ⲛⲏ • ⲉ ⲧⲃⲉ ⲡⲛⲟϭ
ⲛ̄ϩⲓⲥⲉ ⲉⲧ ϩⲓ̈ ϫⲱϥ • ⲁⲗⲗⲁ ⲧⲓⲡⲓⲥⲧⲉⲩⲉ • ϫⲉ ⲧⲉⲕϭⲟⲙ ⲉⲧ
ⲟⲩⲁⲁⲃ • ⲙⲟⲩϩ ⲙ̄ⲙⲁ ⲛⲓⲙ • ⲙⲁⲣⲉ ⲡⲉⲕⲛⲁ ⲧⲁϩⲟⲓ̈ •
ⲛⲅ̄ ⲭⲁⲣⲓ̈ⲍⲉ ⲙ̄ ⲡⲧⲁⲗϭⲟ ⲙ̄ ⲡⲁ ⲕⲟⲩⲓ̈ ⲛ̄ ϣⲏⲣⲉ • ϯⲛⲁ‐
ϣⲱⲡⲉ • ⲉⲓⲉⲝⲟⲙⲟⲗⲟⲅⲉⲓ ⲛ̄ ⲛⲉⲕϭⲟⲙ • ϣⲁ ⲡⲉϩⲟⲟⲩ ⲙ̄


### 0020

ⲡⲁ ⲙⲟⲩ • ⲛ̄ⲧⲉⲩⲛⲟⲩ ⲇⲉ ⲡⲁⲣⲭⲁⲅⲅⲉⲗⲟⲥ Ⲅⲁⲃⲣⲓ̈ⲏⲗ •
ⲥⲱⲧⲙ̄ ⲉ ⲡⲥⲟⲡⲥⲡ̄ ⲙ̄ ⲡⲣⲱⲙⲉ • ⲁϥⲟⲩⲱϣ ⲉ ⲭⲁⲣⲓⲍⲉ ⲙ̄
ⲡⲧⲁⲗϭⲟ ⲙ̄ ⲡϥ̄ϣⲏⲣⲉ • ϫⲉ ⲟⲩϣⲁⲛⲉϩⲧⲏϥ ⲡⲉ • Ⲁⲩⲱ
ⲁϥⲉⲓⲛⲉ ⲛ̄ ⲟⲩⲕⲟⲩⲓ̈ ⲛ̄ ϩⲓⲛⲏⲃ • ⲉϫⲙ̄ ⲡϣⲏⲣⲉ ϣⲏⲙ •
Ⲁϥⲱⲃϣ̄ ⲡⲁⲣⲁⲧϥ̄ⲥⲩ[ⲛⲏ]ⲑⲓ̈ⲁ • ⲉⲛⲉ ⲙⲉϥⲱⲃϣ̄ ⲙ̄ ⲡⲉϩⲟⲟⲩ •
ⲙⲛ̄ ⲧⲉⲩϣⲏ • ⲉϥϫⲓϣ|ⲕⲁⲕ ⲉ ⲃⲟⲗ • ⲉ ⲧⲃⲉ ⲡⲛⲟϭ ⲛ̄
ϯ ⲧⲕⲁⲥ • ⲉⲧ ⲟⲩⲱⲙ ⲙ̄ⲙⲟϥ • Ⲁⲩⲱ ⲛ̄ ⲧⲉⲣ ϥ̄ⲱⲃϣ̄
ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ • ⲉⲓ̈ ϣⲁ ⲡϣⲏⲣⲉ
ϣⲏⲙ • ϩⲛ̄ ⲟⲩϩⲟⲣⲟⲙⲁ • ⲉϥⲫⲟⲣⲉⲓ̈ ⲛ̄ ⲟⲩⲛⲟϭ ⲛ̄ ⲉⲟⲟⲩ •
ⲛ̄ ⲁⲧ ϣⲁϫⲉ • ⲉ ⲣⲟϥ • ⲉⲣⲉ ⲟⲩⲥⲧⲟⲗⲏ • ⲛⲏϫ ⲁⲕⲧⲓⲛ ⲛ̄
ⲟⲩⲟⲉⲓⲛ ⲉ ⲃⲟⲗ • ϭⲟⲗⲉ ⲉ ⲣⲟϥ • ⲡⲉϫⲁϥ ⲛⲁϥ • ϫⲉ ⲉⲓⲥ
ϩⲏⲏⲧⲉ • Ⲁⲓ̈ϥⲓ̈ ⲛ̄ϩⲏⲧⲕ̄ ⲙ̄ ⲡⲉⲧⲕⲁⲥ • ⲁⲩⲱ ⲙⲛ̄ ⲗⲁⲁⲩ
ⲛ̄ϩⲓⲥⲉ • ⲛⲁⲧⲁϩⲟⲕ • ϫⲓⲛ ⲙ̄ ⲡⲓ ⲛⲁⲩ • ⲡϩⲣ̄ϣⲉⲣⲉ • ⲡⲉϫⲁϥ •
ϫⲉ ⲡⲁ ϫ︤ⲥ︥ ⲛ̄ⲧⲕ̄ ⲛⲓⲙ • ⲛ̄ ⲧⲉⲓ ϩⲉ • ⲉⲣⲉ ⲡⲉⲓ̈ ⲛⲟϭ ⲛ̄ ⲉⲟⲟⲩ •
ⲕⲱⲧⲉ ⲉ ⲣⲟⲕ • ⲡⲉϫⲁϥ ⲛⲁϥ • ϫⲉ ⲁⲛⲟⲕ ⲡⲉ ⲅⲁⲃⲣⲓ̈ⲏⲗ •
ⲡⲁⲣⲭⲁⲅⲅⲉⲗⲟⲥ • ⲁⲩⲱ ⲛ̄ⲧⲉⲩⲛⲟⲩ ⲁϥϩⲟⲡϥ̄ ⲙ̄ ⲡⲉϥⲙ̄ⲧⲟ
ⲉ ⲃⲟⲗ • ⲛ̄ ⲧⲉⲣ ϥ̄ⲛⲉϩⲥⲉ ⲇⲉ ⲉ ϩⲧⲟⲟⲩⲉ • ⲁϥϩⲉ ⲉ ⲡϥ̄‐
ⲥⲱⲙⲁ • ⲉϥⲙⲉϩ ⲛ̄ⲃⲱⲧⲉ • ⲁⲩⲱ ⲛ̄ ⲧⲉⲣ ϥ̄ⲁⲓⲥⲑⲁⲛⲉ • ⲉ
ⲡⲧⲁⲗϭⲟ • ⲛ̄ⲧⲁϥϣⲱⲡⲉ ⲙ̄ⲙⲟϥ • Ⲁⲩⲱ ϫⲉ ⲙⲛ̄ ⲗⲁⲁⲩ
ⲛ̄ ⲧⲕⲁⲥ ϩⲓ̈ ⲡϥ̄ⲥⲱⲙⲁ • ⲁⲩⲱ ⲁϥϥⲟϭϥ̄ ϩⲓ̈ϫⲙ̄ ⲡϥ̄ⲙⲁ | ⲛ̄
ⲛ̄ⲕⲟⲧⲕ̄ • ⲁϥⲁϩⲉ ⲣⲁⲧϥ̄ • ⲁϥⲙⲟⲟϣⲉ • ⲉϥϫⲓ̈ ⲃⲟϭⲉ • ⲉϥ‐
ⲥⲙⲟⲩ ⲉ ⲡⲛⲟⲩⲧⲉ • ⲁⲩⲱ ⲁϥⲣ̄ ⲑⲉ ⲛ̄ ⲟⲩⲁ ⲙ̄ⲡ ϥ̄ϣⲱⲛⲉ
ⲉⲛⲉϩ • ⲛ̄ⲧⲉⲩⲛⲟⲩ ⲁϥⲟⲩⲱϣ ⲉ ⲃⲟⲗ • ϫⲉ ⲧⲓϯ ⲉⲟⲟⲩ ⲛⲁⲕ •
ⲡⲛⲟϭ ⲛ̄ ⲁⲣⲭⲁⲅⲅⲉⲗⲟⲥ • ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ • ϫⲉ
ⲁⲕⲣ̄ ⲡⲁ ⲙⲉⲉⲩⲉ • Ⲁⲕⲭⲁⲣⲓⲍⲉ ⲛⲁⲓ̈ ⲙ̄ ⲡⲧⲁⲗϭⲟ •
ⲡϥ̄ⲉⲓⲱⲧ ⲇⲉ ⲙⲛ̄ ⲧϥ̄ⲙⲁⲁⲩ • ⲛ̄ ⲧⲉⲣ ϥ̄ⲛⲁⲩ • ⲉ ⲡⲧⲁⲗϭⲟ •
ⲛ̄ⲧⲁϥϣⲱⲡⲉ • ⲙ̄ ⲡⲉⲩϣⲏⲣⲉ • ϩⲛ̄ ⲟⲩϣⲡ̄ ⲛ̄ ϣⲱⲡ • ⲁⲩ‐
ⲣⲓ̈ⲙⲉ ⲉⲙⲁⲧⲉ • ⲉⲓ̈ⲧⲁ ⲁⲩϫⲛⲉ ⲡⲉⲩϣⲏⲣⲉ • ϫⲉ ⲟⲩ ⲡⲉⲛ‐
[ⲧⲁϥ]ϣⲱⲡⲉ ⲙ̄ⲙⲟⲕ • ⲡⲉⲛⲙⲉⲣⲓⲧ ⲛ̄ϣⲏⲣⲉ • ⲛ̄ⲧⲟϥ ⲇⲉ •
ⲁϥϫⲱ ⲉ ⲣⲟⲟⲩ • ⲙ̄ ⲡϩⲟⲣⲟⲙⲁ • ⲛ̄ⲧⲁϥⲛⲁⲩ ⲉ ⲣⲟϥ •
ⲛ̄ⲧⲉⲩⲛⲟⲩ ⲇⲉ ⲁⲩⲱϣ ⲉ ⲃⲟⲗ • ϫⲉ ⲟⲩⲁ • ⲡⲉ ⲡⲛⲟⲩⲧⲉ ⲙ̄
ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ • ⲟⲩⲛⲟϭ ⲧⲉ ⲇⲱ‐
ⲣⲉⲁ ⲛ̄ⲧⲁⲕⲁⲁⲥ ⲛⲙ̄ⲙⲁⲛ Ⲱ̄ ⲡϥⲁⲓ̈ ϣⲙ̄ ⲛⲟⲩϥⲉ • ⲛ̄
ⲁⲅⲁⲑⲟⲥ • ⲁⲩⲱ ⲁⲩⲛⲟϭ ⲛ̄ ⲣⲁϣⲉ ϣⲱⲡⲉ ϩⲙ̄ ⲡⲉⲩⲏⲓ̈


### 0021

ⲧⲏⲣϥ̄ • ⲉ ⲧⲃⲉ ⲡⲧⲁⲗϭⲟ • ⲛ̄ⲧⲁϥϣⲱⲡⲉ ⲙ̄ ⲡϣⲏⲣⲉ ϣⲏⲙ •
ⲉⲡⲉⲓ ⲇⲏ ⲛⲉ ⲟⲩⲙⲟⲛⲟⲅⲉⲛⲏⲥ ⲡⲉ • ⲛ̄ⲧⲉ ⲛϥ̄ⲉⲓⲟⲟⲧⲉ • ⲁⲩⲱ
ⲟⲩⲟⲛ | ⲛⲓⲙ • ⲛ̄ⲧⲁⲩⲥⲱⲧⲙ̄ • ⲁⲩⲣ̄ ϣⲡⲏⲣⲉ ⲉⲙⲁⲧⲉ • ⲁⲩϯ
ⲉⲟⲟⲩ • ⲙ̄ ⲡⲛⲟⲩⲧⲉ ⲙ̄ ⲡⲁⲣⲭⲁⲅⲅⲉⲗⲟⲥ • ⲉⲧ ⲟⲩⲁⲁⲃ
ⲅⲁⲃⲣⲓ̈ⲏⲗ • ⲁⲩⲱ ⲁ ⲡⲥⲟⲉⲓⲧ ⲡⲱϩ ϣⲁ ⲟⲩⲟⲛ ⲛⲓⲙ • Ⲙ̄ ⲡϥ̄‐
ⲣⲁⲥⲧⲉ ⲇⲉ ⲉⲛⲉ ⲧⲕⲩⲣⲓⲁⲕⲏ ⲧⲉ • ⲁ ⲡⲣⲱⲙⲉ ⲙⲟⲩⲧⲉ ⲉ
ⲡⲉϥϣⲏⲣⲉ • ⲁϥⲧⲓ̈ ⲛⲁϥ ⲙ̄ ⲡⲥⲟⲟⲩ ⲛ̄ϩⲟⲗⲟⲕⲟⲧⲓ̈ⲛⲟⲥ ⲙⲛ̄
ϩⲉⲛ ⲕⲉ ⲇⲱⲣⲟⲛ • ⲉⲧ ⲧⲁⲛⲩ (sic) Ⲁϥⲧⲛ̄ⲛⲟⲟⲩϥ ⲉ ⲧⲡⲟⲗⲓⲥ
ϩⲣⲱⲙⲏ • ⲉ ⲧⲣϥ̄ⲧⲁⲁⲩ • ⲉ ⲡⲧⲟⲡⲟⲥ • ⲙ̄ ⲡⲁⲣⲭⲁⲅⲅⲉⲗⲟⲥ
ⲉⲧ ⲟⲩⲁⲁⲃ ⲅⲁⲃⲣⲓ̈ⲏⲗ • ⲡⲣⲟⲥ ⲑⲉ ⲛ̄ⲧⲁϥⲉⲣⲏ[ⲏⲧ ⲙ̄]ⲙⲟⲥ •
ⲡϩⲣ̄[ϣⲉⲣⲉ] ⲇⲉ • ⲁϥϫⲓ̈ⲧ[ⲟⲩ] ϩⲛ̄ ⲟⲩⲣⲁϣⲉ • ⲁϥⲧⲁⲁϥ ⲉ
ⲧϥ̄ϩⲓ̈▨▨ⲉ ⲧⲣϥ̄ⲃⲱⲕ ⲉ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ
ⲟⲩⲁⲁⲃ Ⲅⲁⲃⲣⲓ̈ⲏⲗ • ⲁⲩⲱ ⲛ̄ ⲧⲉⲣ ϥ̄ⲙⲟⲟϣⲉ • ⲙⲁⲩⲁⲁϥ
ϣⲁⲛⲧ ϥ̄ϩⲱⲛ ⲉ ϩⲟⲩⲛ • ⲉ ⲧⲡⲟⲗⲓⲥ • ϣⲁⲛⲧⲉ ϣⲟⲙⲛ︤ⲧ︥
ⲙ̄ⲙⲓⲗⲓ̈ⲟⲛ • ⲁϥⲉⲓ̈ ⲉϫⲛ̄ ϩⲉⲛⲛⲟϭ ⲛ̄ϩⲩⲗⲏ ⲭⲉⲣⲥⲟⲥ •
ⲉⲩⲙⲟⲕϩ̄ ⲙ̄ ⲙⲟⲟϣⲉ ⲛ̄ϩⲏⲧⲟⲩ • Ⲁⲩⲱ ⲛ̄ⲧⲉⲩⲛⲟⲩ ⲉⲓ̈ⲥ
ⲟⲩⲙⲟⲩⲓ̈ • ⲛ̄ ⲁⲅⲅⲣⲓⲟⲛ • ⲁϥⲉⲓ̈ ⲉ ⲃⲟⲗ ϩⲛ̄ ⲛ̄ϩⲩⲗⲏ ⲉⲧ
ϫⲁϫⲱ • ⲉⲧ ⲙ̄ⲙⲁⲩ • ⲉϥⲉⲗϩⲙ̄ ⲉ ϩⲟⲩⲛ ⲉ ⲡϣⲏⲣⲉ |
ϣⲏⲙ • ⲁϥⲡⲱⲧ [ⲉ ϩⲟ]ⲩⲛ ⲉ ⲣⲟϥ • ⲁϥⲙⲉϩ ⲣⲱϥ ⲉ ⲡⲉⲥⲡⲓⲣ
ⲙ̄ ⲡϣⲏⲣⲉ ϣⲏⲙ • ⲁϥⲥⲱⲕ ⲙ̄ⲙⲟϥ • ⲉ ϩⲟⲩⲛ ϩⲛ̄ ⲑⲩⲗⲏ •
ⲉϥⲱϣ ⲉ ⲟⲩⲟⲙϥ̄ • ⲡϣⲏⲣⲉ ϣⲏⲙ ⲁϥⲟⲩⲱϣ ⲉ ⲃⲟⲗ •
ϩⲛ̄ ⲟⲩⲛⲟϭ ⲛ̄ ⲁⲛⲁⲅⲅⲏ ⲉϥϫⲱ ⲙ̄ⲙⲟⲥ • ϫⲉ ⲡⲁ ϫ︤ⲥ︥ •
ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̈ⲏⲗ • ⲃⲟⲏⲑⲓⲁ ⲉ ⲣⲟⲓ̈ • ϩⲛ̄ ⲧⲓ ⲛⲟϭ
ⲛ̄ ⲁⲛⲁⲅⲅⲏ • ⲕⲥⲟⲟⲩⲛ ⲅⲁⲣ ⲡⲁ ϫ︦ⲥ︦ • ϫⲉ ⲛ̄ⲧⲁ ⲡⲁ ⲉⲓ̈ⲱⲧ
ⲧⲛ̄ⲛⲟⲟⲩⲧ • ⲉ ⲡⲉⲕⲧⲟⲡⲟⲥ • ⲉ ⲧⲣⲁϯ ⲛⲓ ⲕⲟⲩⲓ̈ ⲛ̄ⲇⲱⲣⲟⲛ •
ⲉ ϩⲟⲩⲛ ⲉ ⲡⲉⲕⲙⲁⲣⲧⲩⲣⲓⲟⲛ ⲉⲧ ⲟⲩⲁⲁⲃ • ⲛ̄ⲧⲁⲕⲧⲟⲓ̈ ⲉ ⲡⲁ
ⲏⲓ̈ • ⲁⲩⲱ ⲉⲓ̈ⲥ ϩⲏⲏⲧⲉ • ⲧⲓⲛⲁⲙⲟⲩ ⲛ̄ ⲧⲟⲟⲧϥ̄ ⲙ̄ ⲡⲉⲑⲩ‐
ⲣⲓⲟⲛ • Ⲛ̄ⲧⲉⲩⲛⲟⲩ ⲇⲉ ⲉⲧ ⲙ̄ⲙⲁⲩ • ⲉⲓ̈ⲥ ⲡⲁⲣⲭⲁⲅⲅⲉⲗⲟⲥ
ⲉⲧ ⲟⲩⲁⲁⲃ • ⲅⲁⲃⲣⲓ̈ⲏⲗ • ⲁϥⲉⲓ̈ ⲉ ⲃⲟⲗ ϩⲛ̄ ⲧⲡⲉ • ⲉϥⲫⲟⲣⲉⲓ̈
ⲛ̄ ⲟⲩⲥⲭⲏⲙⲁ ⲛ̄ ⲟⲩⲟⲉⲓⲛ • Ⲁϥϥⲓ̈ ⲙ̄ ⲡϣⲏⲣⲉ ϣⲏⲙ •
ⲉ ⲃⲟⲗ ϩⲛ̄ ⲣⲱϥ ⲙ̄ ⲡⲙⲟⲩⲓ̈ • ⲁϥⲥⲫⲣⲁⲅⲓⲍⲉ ⲙ̄ ⲡϥ̄ⲥⲡⲓⲣ •
ⲁϥⲧⲁⲗϭⲟϥ • ⲉ ⲃⲟⲗ ϩⲛ̄ ⲛⲉϥⲡⲗⲏⲅⲏ • ⲛ̄ⲧⲁⲡⲙⲟⲩⲓ
ⲧⲁⲁⲩ ⲛⲁϥ ϩⲛ̄ ⲛϥ̄ | [The remainder of the Encomium is
wanting.]