### 0001

⁘ ⲦⲘⲈϨ ϪⲞⲨⲦⲞⲨⲈ Ⲛ̄ ⲈⲜⲎⲄⲎⲤⲒ̄Ⲥ Ⲉ
ⲀϤⲦⲀⲞⲨⲞⲤ • Ⲛ̄ϬⲒ ⲠⲠⲀⲦⲢⲒ̄ⲀⲢⲬⲎⲤ Ⲉ̄Ⲧ
ⲞⲨⲀⲀⲂ • ⲀⲠⲀ ⲔⲨⲢⲒ̄ⲖⲖⲞⲤ ⲠⲀⲢⲬⲎⲈⲠⲒ̄-
ⲤⲔⲞⲠⲞⲤ Ⲛ̄ ⲐⲒ̄ⲖⲎ︦Ⲙ︦ • Ⲉ ⲠⲂⲒ̄ⲞⲤ Ⲛ̄ⲦⲈ ⲐⲈⲰ-
ⲆⲞⲄⲞⲤ Ⲉ̄Ⲧ ⲞⲨⲀⲀⲂ ⲘⲀⲢⲒ︤Ⲁ︥ • ⲀϤϢⲀ[ϪⲈ]
ⲆⲈ ⲞⲚ ϪⲈ ⲞⲨϨⲞ[ⲞⲨ]Ⲧ ⲘⲚ̄ ⲞⲨⲤϨⲒ̄ⲘⲈ [ⲚⲈ
Ⲉ]ⲦⲀⲨϪⲠⲞⲤ Ⲛ̄[ⲐⲈ Ⲛ̄]ⲞⲨⲞⲚ ⲚⲒ̄Ⲙ • ⲀϤ[ϢⲀ]ϪⲈ
ⲆⲈ ⲞⲚ Ⲉ ⲦⲂⲈ [ⲠⲈ]ϨⲞⲞⲨ Ⲛ̄ⲦⲀⲤⲘⲦⲞⲚ
Ⲙ̄ⲘⲞⲤ Ⲛ̄ϨⲎⲦϤ̄ • ⲈⲦⲈ ⲠⲀⲒ̄ ⲠⲈ ⲤⲞⲨ ϪⲞⲨ-
ⲦⲞⲨⲈ Ⲛ̄ ⲦⲰⲂⲈ • ϨⲚ̄ ⲞⲨⲈⲒ̄ⲢⲎⲚⲎ Ⲛ̄ⲦⲈ
ⲠⲚⲞⲨⲦⲈ • ϨⲀⲘⲎⲚ •
Ⲉⲣϣⲁⲛ ⲟⲩⲁⲝⲓ̄ⲱⲙⲁⲇⲓ̄ⲕⲟⲥ ⲟⲩⲱϣ ⲉ ⲧⲱϩⲙ̄ ⲛ̄[ⲛⲉϥ]ϣ‐
ⲃⲏ[ⲣ] [ⲉ ⲡ]ⲁⲣⲓ̄ⲥⲧⲟⲛ • ⲏ̄ ⲟⲩⲇⲓ̄ⲡⲛⲟⲛ • Ⲙⲏ ⲙⲉϥϩ̄ⲙⲟⲟⲥ
ϣⲟⲣⲡ̄ ⲙ̄ ⲡⲁⲧ▨▨ⲙⲟⲩⲧⲉ ⲉ̄ ⲛⲉⲧ ⲧⲁϩⲙ̄ • ⲛϥ̄ⲉⲡⲉⲓ̄ⲇⲁⲍⲉ
ⲛ̄ ⲛ̄ϭⲓ ⲛ̄ⲟⲩⲱⲙ ⲉⲩϣⲟⲃⲉ ⲉ ⲛⲉⲩⲉⲣⲏⲩ • ϫⲉ ⲕⲁⲥ ⲉϥⲉ‐
ⲧⲣⲉⲫⲏ ⲛ̄ ⲛⲉⲧ ⲛⲁⲩ ⲉ̄ ⲣⲟⲟⲩ • ⲁⲩⲱ̄ ⲛ̄ⲥⲉϫⲓ̄ ϯⲡⲉ ⲙ̄‐
ⲙⲟⲟⲩ • ⲁⲩⲱ̄ ⲟⲛ [ⲁϥⲧⲣⲉⲩ]ⲙⲟⲩⲧⲉ ⲉ̄ ⲛⲉϥϩⲙ̄ϩⲁⲗ • ⲛϥ̄‐
ϫⲟⲟⲩ ⲥⲟⲩ ϣⲁ ⲛⲉϥϣⲃⲏⲣ ⲉ ⲡⲁⲣⲓ̄ⲥⲧⲟⲛ • Ϩⲟⲧⲁⲛ ⲇⲉ ⲉⲩ‐
ϣⲁⲛⲃⲱⲕ ⲉ̄ ϩⲟⲩⲛ ⲛ̄ⲥⲉⲛⲟϫⲟⲩ • ϣⲁⲣⲉ ⲡⲉⲛⲧⲁϥⲧⲁϩⲙⲟⲩ
ϯ ⲛⲁⲩ ⲛ̄ ⲟⲩⲏⲣⲡ̄ ⲉ ⲛⲁⲛⲟⲩϥ ⲉϥⲟ ⲛ̄ ⲥϯ ⲛⲟⲩⲃⲉ • ⲁⲩⲱ̄
ⲉϥϩⲩⲇⲁⲛⲉ ⲛ̄ ⲛⲉⲩϭⲃ̄ϣⲁ • | [one line wanting] ⲉⲩⲉⲓ̄ⲛⲉ


### 0002

ⲉ̄ ϩⲟⲩⲛ ⲛ̄ ⲛ̄ϭⲓ ⲛ̄ⲟⲩⲱⲙ ⲧⲏⲣⲟⲩ • ⲡⲟⲩⲁ̄ ⲡⲟⲩⲁ̄ ϩⲛ̄
ⲧⲉⲩϯⲡⲉ • ⲁⲩⲱ ⲉⲩϣⲟⲃⲉ ⲉ̄ ⲛⲉⲩⲉⲣⲏⲩ • Ⲉϥⲉⲓ̄ⲣⲉ ⲇⲉ ⲙ̄
ⲡⲁⲓ̄ ⲛ̄ϭⲓ̄ ⲡⲉⲛⲧⲁϥⲧⲁϩⲙⲟⲩ • ϫⲉ ⲛ̄ⲛⲉ ⲛⲉⲧ ⲛⲏϫ ϫⲟⲟⲥ •
ϫⲉ ⲁⲛϫⲓ̄ ϯⲡⲉ ⲙ̄ ⲡⲁⲓ̄ ⲛ̄ⲕⲉ ⲥⲟⲡ • ⲧⲁⲓ̄ ⲧⲉ ⲧⲁϩ[▨ⲛⲙ̄]‐
ⲙⲏⲧⲛ̄ ⲙ̄ⲡⲟⲟⲩ • Ⲕⲁⲓ̄ ⲅⲁⲣ ⲛⲉ ϯⲛⲁϫⲟⲟⲩ ⲛⲏⲧⲛ̄ ϣⲁ
ⲧⲉⲧⲛ̄ϫⲟⲟⲥ • ϫⲉ ⲁⲛⲥⲉⲧⲙ̄ ⲛⲁⲓ̄ ⲛ̄ⲕⲉ ⲥⲟⲡ • ⲕⲁⲧⲁ ⲑⲉ
ⲛ̄ⲧⲁ ⲛ̄ⲁⲑⲛ̄ⲛⲁⲓ̄ⲟⲥ ϫⲟⲟⲥ ϫⲟⲟⲥ (sic) ⲙ̄ ⲡⲁⲩⲗⲟⲥ • ϫⲉ
ⲛ̄ⲁⲑⲛ̄ⲛⲁⲓ̄ⲟⲥ ⲉⲩⲟⲩⲱϣ ⲉ ⲥⲱⲧⲙ̄ • ⲉ ⲗⲁⲁⲩ ⲉⲓ̄ ⲙⲏ ⲧⲉⲓ̄
ϩⲱⲃ ⲛ̄ ⲃⲣ︤ⲣⲉ • Ϣⲁϥϫⲟⲟⲥ ⲟⲛ ⲛ̄ϭⲓ̄ ⲇⲁ︤ⲇ︥ • ϫⲉ ϫⲱ ⲉ
ⲡϫⲟⲉⲓⲥ ⲛ̄ ⲟⲩϫⲱ ⲛ̄ ⲃⲣ︤ⲣⲉ • ⲡⲉϥⲥⲙⲟⲩ ϩⲛ̄ ⲛⲉⲕⲕⲗⲏⲥⲓ︦ⲁ︦
ⲛ̄ ⲛⲉⲧ ⲟⲩⲁⲁⲃ • Ⲡⲉⲩⲁⲅⲅⲉⲗⲓ̄ⲟⲛ ⲟⲛ ϫⲱ ⲙ̄ⲙⲟⲥ • ϫⲉ
ⲉⲥⲧⲛ̄ⲧⲱⲛ ⲛ̄ϭⲓ̄ ⲧⲙⲛ︦ⲧ︦ⲣ︦ⲣ︦ⲟ ⲛ︦ⲛ︦ ⲙ̄ⲡⲏⲩⲉ • ⲉⲩⲣⲱⲙⲉ ⲛ̄‐
[ⲣⲙ̄]ⲙⲁⲟ • Ⲁⲩⲱ ⲟⲛ ϫⲉ ⲁ[ⲧⲉ]ⲧⲛ̄ⲥⲱⲧⲙ̄ [ⲉ ⲧ]ⲃⲉ ⲡⲧⲁⲓ̄ⲟ
ⲙ̄ ⲡⲉⲥ̄⳨ⲟ︦ⲥ︥︦• ⲙⲛ̄ ⲡⲉϥⲟⲩⲱⲛϩ̄ ⲉ̄ ⲃⲟⲗ • ⲙⲛ̄ ⲡⲉⲧ ⲟ
ⲛ̄ ⲛ̄ϩⲉⲑⲛⲟⲥ ⲙⲛ̄ ⲛ̄ ⲓ̄ⲟⲩⲇⲁⲓ • ⲉ̄ ϩⲟⲩⲛ ⲉ̄ ⲡⲥⲟⲟⲩⲛ̄ ⲛ̄ ⲓ︦ⲥ︦
ⲡⲉⲭ︦ⲥ︦ • Ⲙⲛ︦ [ⲡ]ⲉⲛⲧⲁϥⲡⲓ̄ⲥⲧ[ⲉ]ⲩⲉ | ⲛ̄ϭⲓ ⲅⲁ︤ⲥⲧⲱⲣ • ⲡⲛⲟϭ
ⲛ̄ ⲓ̄ⲟⲩⲇⲁⲓ̈ ⲙⲛ̄ ⲡⲉϥⲏⲓ̄ ⲧⲏⲣϥ̄ • ⲁⲩⲱ̄ ⲧⲁ ⲙⲛ︦ⲧ︦ⲉⲗⲁⲭⲓ̄ⲥⲧⲟⲥ
ⲁⲛⲟⲕ ⲕⲩⲣⲓ̄ⲗⲗⲟⲥ • ⲁⲓ̄ⲕⲁⲑⲩⲅⲉ ⲙ̄ⲙⲟϥ • ⲁⲩⲱ ⲁⲓ̄ⲃⲁⲡ‐
ϯⲍⲉ ⲙ̄ⲙⲟϥ ϩⲛ̄ ⲧⲛⲟϭ ⲛ̄ ⲁⲛⲁⲥⲧⲁⲥⲓ̄ⲥ ⲙ̄ ⲡⲉⲭ︤ⲥ︥ • Ⲉ
ⲁϥϣⲱⲡⲉ ⲛ̄ ⲟⲩⲛⲟϭ ⲛ̄ ⲥⲕⲁⲓ̄ⲟⲥ ⲛ̄ ⲥⲱⲧⲡ̄ ⲛ̄ ⲇⲓ̄ⲕⲁⲓ̄ⲟⲥ •
ⲉϥⲙⲉ ⲛ̄ ⲧⲡⲓ̄ⲥⲧⲓ̄ⲥ ⲙ̄ ⲡϣⲏⲣⲉ ⲙ̄ ⲡⲛⲟⲩⲧⲉ • Ⲁⲩⲱ ⲁⲓ̄‐
ⲃⲁⲡϯⲍⲉ ⲛ̄ ⲕⲉ ⲙⲏⲏϣⲉ ⲛ̄ⲥⲁⲙⲁⲣⲓ̄ⲧⲏⲥ • ⲉ ⲟⲩⲁ̄ ⲛ̄ϩⲏⲧⲟⲩ
ⲡⲉ ⲓ̄ⲥⲁⲁⲕ ⲡ̄ⲓⲟⲡⲉⲛⲓⲧⲏⲥ (sic) • ⲁϥϣⲱⲡⲉ ⲛ̄ ⲟⲩⲥⲱⲧⲡ̄ ⲛ̄
ⲭⲣⲏⲥϯⲁⲛⲟⲥ ⲛ̄ⲧⲉ ⲡⲉⲭ︦ⲥ︦ • Ⲉⲓ̈ϫⲱ ⲛ̄ ⲛⲁⲓ̄ ⲧⲏⲣⲟⲩ ⲱ̄
ⲛⲁⲙⲉⲣⲁⲧⲉ • ϫⲉ ⲁⲓ̄ⲟⲩⲱ ⲉⲓ̄ϯⲥⲃⲱ ⲛ̄ⲧⲉⲧⲛ̄ⲁⲅⲁⲡⲏ ⲛ̄ⲕⲉ
ⲥⲟⲡ ⲛ̄ϩⲏⲧⲟⲩ • ⲁⲗⲗⲁ ⲛ̄ϣⲁϫⲉ ⲙ̄ ⲡⲛⲟⲩⲧⲉ ⲙⲉⲩⲣ̄
ϩⲟⲟⲗⲉ ⲉⲛⲉϩ • ⲥⲉϩⲟⲗϭ̄ ⲙ̄ ⲡⲁⲣⲁ ⲡⲉⲃⲓ︤ⲱ︥ ⲙⲛ̄ ⲡⲙⲟⲩⲗϩ̄ •
Ⲕⲁⲧⲁ ⲑⲉ ⲛ̄ⲧⲁϥϫⲟⲟⲥ ⲛ̄ϭⲓ̄ ⲡⲉⲛⲉⲓ̄ⲱⲧ ⲇⲁ︦ⲇ︦ • ϫⲉ ⲛⲉⲕ‐
ϣⲁϫⲉ ϩⲗⲟϭ ϩⲛ̄ ⲧⲁ ϣⲟⲩⲱⲃⲉ ⲙ̄ ⲡⲁⲣⲁ ⲡⲉⲃⲓ︤ⲱ︥ • Ⲧⲉⲛⲟⲩ
ϭⲉ ⲙⲁⲣⲉⲛⲣ̄ ⲡⲙⲉⲉⲩⲉ ⲙ̄ ⲡⲛⲟϭ ⲛ̄ ⲭⲣⲉⲱⲥ ⲧⲉⲓ̄ ⲉⲧ ⲉ̄
ⲣⲟⲛ • ⲛ̄ⲧⲉⲛⲛⲁⲩ • ϫⲉ ⲧⲉⲛⲛⲁϣⲧⲟⲩⲓ̄ⲱ ⲟⲩⲕⲟⲩⲓ̄ | ⲛ̄ϩⲏⲧϥ̄ •
ⲕⲁⲛ ϣ̄ϫⲉ ⲙⲉⲛϣ̄ⲧⲁⲁϥ ⲧⲏⲣϥ̄ • ⲁⲗⲗⲁ ⲙⲁⲣⲉⲛϯ ⲛ̄
ⲗⲉⲡⲧⲟⲛ ⲥⲛⲁⲩ ⲙ̄ⲙⲁⲧⲉ • ⲛ̄ⲑⲉ ⲛ̄ ⲧⲙⲁⲕⲁⲣⲓ︤ⲁ︥ ⲛ̄ ϩⲏⲕⲉ
ⲉⲧ ⲙ̄ⲙⲁⲩ • ⲏ̄ ⲟⲩⲧⲉⲛⲁⲣⲓ̄ⲟⲥ • ⲉ̄ⲧⲉ ⲟⲩⲥⲁⲧⲉⲉⲣⲉ ⲧⲉ •


### 0003

ⲛ̄ⲑⲉ ⲛ̄ ⲧⲉ ⲛⲧⲁ ⲡⲉⲧⲣⲟⲥ ϭⲛ̄ⲧⲥ̄ ϩⲛ̄ ⲣⲱϥ ⲙ̄ ⲡⲧⲃ︦ⲧ︦ • ⲛ̄-
ⲧⲁϥⲧⲁⲁⲥ ⲛ̄ ⲧⲩⲗⲟⲥ ϩⲁ ⲣⲟϥ ⲙⲛ̄ ⲡⲉϥϫⲟⲉⲓ̄ⲥ • Ⲉⲛϣⲁⲛϯ
ⲟⲩⲕⲟⲩⲓ̄ ⲅⲁⲣ ϩⲙ̄ ⲡⲉⲧ ⲉ̄ ⲣⲟⲛ • ⲛ̄ⲥⲉⲛⲁⲧϭⲁⲓ̄ⲟⲟ ⲛⲁⲛ
ⲛ̄ⲑⲉ ⲙ̄ ⲡⲉⲧ ⲙ̄ⲡⲉ ϥϯ ⲉ ⲡⲧⲏⲣⲉϥ • Ⲁⲗⲗⲁ ⲙⲁⲣⲉⲛⲉⲓ̄ⲙⲉ
ϩⲛ̄ ⲟⲩⲁⲕⲣⲏϥⲓ︤ⲁ︥ • ϫⲉ ⲛ̄ⲧⲁⲩⲧⲁϩⲙⲉⲛ ⲉ̄ ⲡⲉⲓ̄ ⲙⲁ ⲙ̄ⲡⲟⲟⲩ
ϩⲙ̄ ⲡⲣⲁⲛ ⲛ̄ ⲛⲓ̄ⲙ • ⲏ̄ ⲛⲓ̄ⲙ ⲡⲉⲧ ⲧⲱϩⲙ̄ ⲙ̄ⲙⲟⲛ • Ⲓⲥ︥
ⲡⲛⲟⲩⲧⲉ ⲙ̄ ⲙⲉ ⲡⲉⲧ ⲧⲱϩⲙ̄ ⲙ̄ⲙⲟⲛ • ⲉ ⲡⲉⲣ̄ ⲡⲙⲉⲉⲩⲉ
ⲛ̄ⲧⲉϥⲙⲁⲁⲩ ⲛ̄ⲧⲁⲥϣⲱⲡⲉ ⲛⲁϥ • ⲛⲑ̄ⲣⲟⲛⲟⲥ • ⲁⲩⲱ ⲙ̄
ⲙⲁ ⲛ̄ ⲟⲩⲱϩ • ϩⲱⲥ ⲁϥⲧⲁϩⲙⲉⲛ ⲙ̄ ⲡⲉⲧ ϣ̄ϣⲉ ⲁⲛ ⲡⲉ •
ⲉ ⲧⲣⲉⲛϣⲱⲡⲉ ⲛ̄ ⲣⲉϥϫⲛⲁⲁⲩ • ⲉ ⲧⲙ̄ ϫⲱⲕ ⲉ̄ ⲃⲟⲗ ⲙ̄
ⲡⲉⲛⲧⲁ ⲛⲉⲣⲏⲧ ⲙ̄ⲙⲟϥ ⲛⲏⲧⲛ̄ ϩⲛ̄ ⲑⲉⲡⲟⲥⲧⲁⲥⲓ̄ⲥ ⲛ̄ ϯⲉⲝⲏ‐
ⲅⲏⲥⲓ̄ⲥ • Ⲡⲁⲓ̄ ⲡⲉ ⲡⲉϩⲟⲟⲩ ⲛ̄ ⲧⲉⲡⲣⲟⲥⲫⲟⲣⲁ ⲉ̄ⲧ ⲟⲩⲁⲁⲃ •
ⲁⲩⲱ̄ ⲉ̄ⲧ ⲧⲃ̄ⲃⲏⲩ ⲧⲏⲣⲥ̄ • ϩⲛ̄ ⲧⲉⲥⲯⲩⲭⲏ ⲙ̄ ⲡⲉⲥⲡⲛ︦ⲁ︦ •
Ⲡⲁⲓ̄ ⲡⲉ ⲡⲉϩⲟⲟⲩ | ⲛ̄ⲧⲁ ⲧⲣ̄ⲣⲱ ⲧ̄ⲙⲁⲁⲩ ⲙ̄ ⲡⲣ̄ⲣⲟ ⲙ̄
ⲡⲱⲛϩ̄ • ϫⲓ̄ ϯⲡⲉ ⲙ̄ ⲡⲙⲟⲩ ⲛ̄ⲑⲉ ⲣⲱⲙⲉ ⲛⲓ̄ⲙ • ⲉ ⲃⲟⲗ
ϫⲉ ⲟⲩⲥⲁⲣⲝ̄ ϩⲓ̄ ⲥⲛⲟϥ ⲧⲉ • Ⲁⲩⲱ ⲟⲛ ⲟⲩϫⲡⲟ ⲧⲉ ⲉ̄ ⲃⲟⲗ
ϩⲛ̄ ⲟⲩⲉⲓ̄ⲱⲧ • ⲙⲛ̄ ⲟⲩⲙⲁⲁⲩ ⲛ̄ⲑⲉ ⲛ̄ⲣⲱⲙⲉ ⲛⲓ̄ⲙ • Ⲙⲁ‐
ⲣⲉϥϫⲓ̄ ϣⲓ̄ⲡⲉ ⲧⲉⲛⲟⲩ ⲛ̄ϭⲓ ⲉ̄ⲃⲓ̄ⲱⲛ • ⲙⲛ̄ ⲁⲣⲡⲟⲕⲣⲁϯⲟⲥ •
ⲛⲉⲓ̄ ϩⲁⲓ̄ⲣⲉϯⲕⲟⲥ ⲛ̄ ⲁⲧ ⲛⲟⲩⲧⲉ • ⲛⲁⲓ̄ ⲉⲩϫⲱ ⲙ̄ⲙⲟⲥ ϩⲙ̄
ⲡⲉⲩⲗⲓ̄ⲃⲉ ⲡⲟⲟⲩ • ϫⲉ ⲟⲩⲇⲩⲛⲁⲙⲓ̄ⲥ ⲛ̄ⲧⲉ ⲡⲛⲟⲩⲧⲉ ⲧⲉ •
ⲛ̄ⲧⲁⲥϫⲓ̄ ⲙ̄ ⲡⲓ̄ⲛⲉ ⲛ̄ ⲟⲩⲥϩⲓ̄ⲙⲉ • ⲁⲥⲉⲓ̄ ⲉ̄ϫⲙ̄ ⲡⲕⲁϩ •
ⲁⲩⲙⲟⲩⲧⲉ ⲉ̄ ⲣⲟⲥ • ϫⲉ ⲙⲁⲣⲓ︦ⲁ︥ • ⲛ̄ⲧⲟⲥ ⲁⲥⲙⲓ̄ⲥⲉ ⲛ̄ⲁⲛ
ⲙ̄ⲙⲁⲛⲟⲩⲏⲗ • Ⲟⲩⲕ ⲟⲩⲛ ⲕⲁⲧⲁ ⲡⲉⲕϣⲁϫⲉ ⲛ̄ ⲡⲗⲁⲥⲧⲣⲟⲛ •
ⲉⲧⲉ ⲛϥ︤ⲥⲙⲟⲟⲛ︦ⲧ︦ ⲁⲛ • ⲙ̄ⲡⲉ ⲡⲉⲭ︦ⲥ︦ ϫⲓ̄ ⲥⲁⲣⲝ̄ • ⲙⲛ̄ ⲥⲁⲣⲝ̄
ⲅⲁⲣ • ⲟⲩⲇⲉ ⲕⲁⲥ ϩⲛ̄ ⲇⲩ̄ⲛⲁⲙⲓ̄ⲥ ϩⲛ̄ ⲁⲥⲱⲙⲁⲧⲟⲥ ⲅⲁⲣ
ⲛⲉ • ⲁⲩⲱ ⲙⲉⲩⲙⲟⲩ ⲛ̄ⲑⲉ ⲛ̄ ⲛ̄ⲣⲱⲙⲉ ⲛ̄ϣⲁⲩⲙⲟⲩ • Ⲡⲗⲏⲛ
ⲁⲙⲏⲓ̄ⲧⲛ̄ ⲛ̄ⲕⲟⲫⲟⲥ • ⲛ︤ⲃⲗ̄ⲗⲉ • ⲁⲩⲱ̄ ⲛ̄ⲥⲟϭ ⲱ̄ ⲃⲓ̄ⲱⲛ •
ⲙⲛ̄ ⲁⲣⲡⲟⲕⲣⲁϯⲟⲛ ⲧⲁϫⲛⲟⲩⲓ̄ ⲛⲙ̄ⲙⲏⲧⲛ̄ • Ⲉϣϫⲉ ⲕϫⲱ
ⲙ̄ⲙⲟⲥ • ϫⲉ ⲟⲩⲇⲩⲛⲁⲙⲓ̄ⲥ ⲡⲉ ⲙⲁⲣⲓ︦ⲁ︦ ⲁⲩⲱ̄ • ϫⲉ ϣⲁⲣⲉ
ⲇⲩⲛⲁⲙⲓ̄ⲥ ⲙⲟⲩ • Ⲉⲓ︦ⲉ︦ ⲛⲓ̄ⲙ ⲧⲉ ⲧⲁⲓ̄ ⲉ̄ⲣⲉ ⲧⲟⲓ̄ⲕⲟⲩⲙⲩⲛⲏ
ⲧⲏⲣⲥ̄ ⲉⲣϣⲁ ⲛⲁⲥ ⲙ̄ ⲡⲉ|ϩⲟⲟⲩ ⲙ̄ ⲡⲉⲥⲛ︦ⲕ︦ⲟⲧⲕ̄ • Ⲙⲏ ⲛ̄
ⲑⲁⲅⲓ︤ⲁ︥ ⲙⲁⲣⲓ︤ⲁ︥ ⲁⲛ ⲧⲉ • ⲧⲙⲁⲁⲩ ⲙ̄ ⲡⲉⲛϫⲟⲉⲓⲥ ⲓ︤ⲥ︥ ⲡⲉⲭ︤ⲥ︥ •
Ⲁⲗⲗⲁ ⲙⲁ ⲛⲁⲓ̄ ⲙ̄ ⲡⲉⲧⲛ̄ⲛⲟⲩⲥ ⲉϥⲥϭ̄ⲣⲁϩⲧ̄ • ⲙⲛ̄ ϩⲛ̄‐
ⲙⲁⲁϫⲉ ⲛ̄ⲣⲉϥⲥⲱⲧⲙ̄ • Ⲁⲛⲟⲕ ⲇⲉ ϩⲱⲱⲧ ϯⲛⲁⲡⲁⲣⲁ‐


### 0004

ⲕⲁⲗⲉⲓ̄ ⲙ̄ ⲡ̄ⲡⲁⲣⲁⲕⲗⲏⲧⲟⲥ • ⲡⲉⲡⲛ︦ⲁ︦ ⲉ̄ⲧ ⲟⲩⲁⲁⲃ • ⲛϥ︦ⲣ︦‐
ⲟⲩⲟⲉⲓ̄ⲛ ⲉ̄ ⲡⲁ ϩⲏⲧ • ⲉ̄ ⲃⲟⲗ ϩⲙ̄ ⲡⲥⲟⲟⲩⲛ̄ ⲛ̄ ⲛⲉⲅⲣⲁⲫⲏⲛ
ⲛⲓ̄ⲃ ⲛ̄ⲧⲉ ⲡⲛⲟⲩⲧⲉ • ⲉ ⲧⲣⲁⲟⲩⲱⲛϩ̄ ⲛⲏⲧⲛ̄ ⲉ ⲃⲟⲗ ϩⲛ̄
ⲟⲩⲉⲩⲫⲣⲟⲥⲩⲛⲏ • ⲙ̄ ⲡⲃⲓ̄ⲟⲥ ⲛ̄ ⲧⲡⲁⲣⲑⲉⲛⲟⲥ ⲉ̄ⲧ ⲟⲩⲁⲁⲃ
ⲙⲁⲣⲓ︦ⲁ︦ • ⲁⲩⲱ̄ ϫⲉ ⲁϣ ⲡⲉ ⲡⲉⲥⲕⲉⲛⲟⲥ • ⲙⲛ̄ ⲡⲣⲁⲛ ⲛ̄
ⲛⲉⲥⲉⲓ̄ⲟⲧⲉ ⲕⲁⲧⲁ ⲛ̄ⲕⲉⲛⲉⲟ̄ⲗⲟⲅⲓ︦ⲁ︦ • ⲛ̄ϣⲟⲣⲡ̄ ⲉⲧ ⲥⲏϩ ϩⲛ̄
ⲛⲓ̄ⲅⲣⲁⲫⲏ • Ⲛ̄ⲧⲁⲛⲟⲩⲁ̄ϩⲛ̄ ⲅⲁⲣ ⲁⲛ ⲛ̄ⲥⲁ ϩⲛ̄ ϣⲁϫⲉ ⲉ̄
ⲁⲩⲧⲃ̄ⲧⲱⲃⲟⲩ • ⲙ̄ ⲡ̄ⲗⲁⲥⲧ̄ⲣⲟⲕⲣⲁⲫⲓ︦ⲁ︦ • ⲛ̄ⲑⲉ ⲛ︦ⲛ︦ ⲙ̄
ⲡⲟⲓ̄ⲏⲧⲏⲥ ⲛ̄ϩⲉⲗⲗⲏⲛ • ⲉⲩⲙⲛ︦ⲧ︦ⲑⲉⲱⲗⲟⲅⲓ︦ⲁ︦ • ⲉⲩⲧⲁⲩⲟ
ⲛ︦ⲛ︦ ⲙ̄ⲙⲏⲑⲏⲥ ϩⲁ ⲛⲉⲩⲛⲟⲩⲧⲉ • Ⲟⲩⲇⲉ ⲛⲉⲛⲧⲁⲙⲓ̄ⲟ ⲛⲁⲥ
ⲛ︦ⲛ︦ ⲟⲩⲃⲓⲟⲥ • ⲉⲛⲡⲣⲟⲥⲭⲁⲣⲓ̄ⲍⲉ ⲛⲁⲥ • ⲁⲗⲗⲁ ⲡⲟⲥ ⲡⲉ‐
ⲭⲁⲣⲓ̄ⲥⲙⲁ ⲛⲓ̄ⲙ • Ⲁϣ ⲡⲉ ⲡⲉⲭⲁⲣⲓ̄ⲥⲙⲁ ⲛ̄ⲧⲁϥϣⲱⲡⲉ
ⲛ̄ϩⲟⲟⲩⲧ • | ⲏ̄ ⲥϩⲓⲙⲉ • ϫⲓ̄ⲛⲉ ⲁⲇⲁⲙ ϣⲁ ϩⲣⲁⲓ̄ ⲉ̄ ⲡⲟⲟⲩ
ⲛ̄ ϩⲟⲟⲩ • ⲛⲟⲉⲓ ⲉ̄ ⲡⲉⲛⲧⲁϥϣⲱⲡⲉ ⲛⲉ • ⲱ̄ ⲧⲡⲁⲣⲑⲉⲛⲟⲥ ⲛ̄
ⲥⲟⲫⲏ • ϩⲱⲥ ⲇⲉ ⲛ̄ⲧⲉⲣϣⲱⲡⲉ (sic) ⲙ̄ ⲡⲉ • ⲁⲩⲱ̄ ⲛ̄ ⲑⲣⲟⲛⲟⲥ
ⲙ̄ ⲡⲉⲛⲧⲁϥⲡⲗⲁⲥⲥⲉ ⲙ̄ⲙⲟⲥ • Ⲙ̄ⲡ ⲟⲩϯ ⲙ̄ ⲡⲓ̄ ⲭⲁⲣⲓⲥⲙⲁ
ⲛⲉⲡⲁⲧⲣⲓ̄ⲁⲣⲭⲏⲥ • ⲛ̄ⲧⲁⲩⲣ̄ ϣⲃⲏⲣ ⲉ̄ ⲡⲛⲟⲩⲧⲉ ⲁⲩⲟⲩⲱⲙ
ⲛⲙ̄ⲙⲁϥ • Ⲁⲩⲱ ⲉⲛⲉⲩϭⲱϣⲧ̄ ⲉ̄ ⲃⲟⲗ ϩⲏⲧϥ̄ ϫⲉ ⲡⲁⲛⲧⲟⲥ •
ϥ̄ⲛⲁϣⲱⲡⲉ ϩⲛ̄ ⲛⲉⲩⲟⲩⲟⲉⲓ̄ϣ • Ⲙ̄ⲡ ⲟⲩϯ ⲙ̄ ⲡⲓ̄ ⲭⲁⲣⲓ̄ⲥⲙⲁ
ⲛ̄ ⲛⲉⲡⲣⲟⲫⲏⲧⲏⲥ • ⲁⲗⲗⲁ ⲁⲩⲛⲁⲩ ⲉ̄ ⲣⲟϥ • ϫⲓⲛ ⲉ̄ ⲡⲟⲩⲉ
ⲁⲩⲁⲥⲡⲁⲍⲉ ⲙ̄ⲙⲟϥ • ⲁⲩⲡⲣⲟⲫⲏⲧⲉⲩⲉ • ϩⲁ ⲧϭⲓ̄ⲛⲉⲓ̄ ⲙ̄
ⲡⲗⲟⲅⲟⲥ ⲙ̄ ⲡⲛⲟⲩⲧⲉ • ϣⲁⲛⲧ ⲉϥⲉⲓ̄ ⲧⲉϥⲟⲩⲱϩ ϩⲛ̄ ⲧⲕⲁ‐
ⲗⲁϩⲏ ⲙ̄ ⲙⲁⲣⲓ︦ⲁ︦ • ⲧⲡⲁⲣⲑⲉⲛⲟⲥ • ⲛ̄ⲧⲁⲥⲣ̄ ⲙⲁⲁⲩ ⲙ̄
ⲡⲣ̄ⲣⲟ ⲡⲉⲭ︦ⲥ︦ • Ⲙⲁⲧⲁⲙⲟⲓ̄ ⲉ ⲡⲟⲩⲗⲁⲟⲥ • ⲙⲛ̄ ⲡⲏⲓ̄ ⲙ̄
ⲡⲟⲩⲉⲓ̄ⲱⲧ • ϫⲉ ⲉⲓ̄ⲉⲧⲁⲙⲙⲉ ⲟⲩⲟⲛ ⲛⲓ̄ⲙ ⲉ ⲡⲟⲩⲅⲉⲛⲟⲥ
ⲉⲧ ⲥⲟⲧⲡ̄ • Ⲉⲓ̄ⲥ ϩⲏⲏⲧⲉ ⲇⲉ ⲟⲛ ϩⲱⲥ ⲉ̄ⲣⲉ ⲧⲡⲁⲣⲑⲉⲛⲟⲥ •
ⲥⲟⲟⲩⲧⲛ̄ ⲉ̄ ⲣⲟⲓ ⲛ̄ⲧⲉⲥϭⲓϫ • ϫⲉ ⲱ̄ ⲕⲩⲣⲓ̄ⲗⲗⲟⲥ • ⲉϣϫⲉ
ⲕⲟⲩⲱϣ ⲉ̄ ⲉⲓ̄ⲙⲉ ⲉ̄ ⲡⲁ ⲅⲉⲛⲟⲥ | ⲙⲛ̄ ⲡⲏⲓ̄ ⲛ̄ ⲛⲁⲓ̄ⲟⲧⲉ •
ⲥⲱⲧⲙ̄ • Ⲁⲛⲅ̄ ⲟⲩⲉⲣⲏⲧ ⲛ̄ⲧⲉ ⲡⲛⲟⲩⲧⲉ • ⲉⲁ ⲛⲁⲓ̄ⲟⲧⲉ ⲉ̄
ⲣⲏⲧ ⲙ̄ⲙⲟⲓ ϣⲁⲛⲧ ⲟⲩϫⲡⲟⲓ̄ • Ⲁⲩⲱ ⲛⲁⲓ̄ⲟⲧⲉ ⲛ̄ⲧⲁⲩϫⲡⲟⲓ̄
ϩⲛ̄ ⲉ̄ ⲃⲟⲗ ⲛⲉ ϩⲛ̄ ⲧⲉⲫⲩⲗⲏ ⲛ̄ ⲓ̄ⲟⲩⲇⲁ ⲙⲛ̄ ⲡⲏⲓ̄ ⲛ̄ ⲇⲁ︤ⲇ︥ •
Ⲓⲱⲁⲕⲓ̄ⲙ ⲡⲉ ⲡⲁ ⲉⲓ̄ⲱⲧ • ⲛ̄ϣⲁⲩⲟⲩⲁϩⲙ̄ⲉϥ ϫⲉ ⲕⲗⲉⲱⲡⲁ •
Ⲁⲛⲛⲁ ⲧⲉ ⲧⲁ ⲙⲁⲁⲩ • ⲛ̄ⲧⲁⲥϫⲡⲟⲓ̄ • ⲛ̄ϣⲁⲩⲙⲟⲩⲧⲉ ⲉ̄
ⲣⲟⲥ ϫⲉ ⲙⲁⲣⲓ̄ϩⲁⲙ • Ⲁⲛⲟⲕ ⲧⲉ ⲙⲁⲣⲓ︦ⲁ︦ ⲧⲙⲁⲕⲇⲁⲗⲓ̄ⲛⲏ •


### 0005

ⲉ̄ ⲃⲟⲗ ϫⲉ ⲡⲣⲁⲛ ⲙ̄ ⲡϯⲙⲉ ⲛ̄ⲧⲁⲩϫⲡⲟⲓ̄ ⲛ̄ϩⲏⲧϥ̄ ⲡⲉ‐
ⲙⲁⲕⲇⲁⲗⲓ︦ⲁ︦ • Ⲡⲁ ⲣⲁⲛ ⲧⲉ ⲙⲁⲣⲓ︦ⲁ︦ ⲧⲁ ⲕⲗⲉⲱⲡⲁ • ⲁⲛⲟⲕ
ⲧⲉ ⲙⲁⲣⲓ︦ⲁ︦ ⲧⲁ ⲓ̄ⲁⲕⲕⲱⲃⲟⲥ • ⲡ̄ϣⲏⲣⲉ ⲛ̄ ⲓ̄ⲱⲥⲏⲫ ⲡ̄ϩⲁⲙϣⲉ •
ⲡⲁⲓ̄ ⲛ̄ⲧⲁⲩϭⲁⲗⲱⲱⲧ ⲉ̄ ⲣⲟϥ • Ϣⲓ̄ⲛⲉ ϩⲛ̄ ⲛⲉⲅⲣⲁⲫⲏ • ⲁⲩⲱ
ⲕⲛⲁⲡⲗⲏⲣⲟⲫⲟⲣⲉⲓ̄ ϩⲛ̄ ⲛⲉⲧ ⲉⲕϣⲓ̄ⲛⲉ ⲛ̄ⲥⲱϥ • Ⲕⲁⲓ̄ ⲅⲁⲣ
ϩⲙ̄ ⲡⲧ̄ⲣⲉ ⲓ̄ⲏⲥⲟⲩ ⲡϣⲏⲣⲉ ⲛ̄ ⲛⲁⲩⲏ̄ • ⲡⲱϣ ⲙ̄ ⲡⲕⲁϩ ⲙ̄
ⲡⲉⲟⲩⲟ̄ⲉⲓ̄ϣ ⲉⲓ̄ϫⲉ ⲛ̄ ⲛⲉϣⲏⲣⲉ ⲙ̄ ⲡⲓ︦ⲏ︦ⲗ︦ • ⲁ̄ ⲧⲉⲫⲩⲗⲏ
ⲛ̄ ⲓ̄ⲟⲩⲇⲁ • ⲕⲗⲏⲣⲟⲛⲟⲙⲉⲓ̄ ⲛ︦ⲓ︦ⲉⲃⲟⲩⲥⲉⲗⲓ̄ⲁ • ⲉⲧⲉ ⲧⲁⲓ̄ ⲧⲉ
ⲑⲓ̄ⲗⲏ︦ⲙ︦ • ⲙⲛ̄ ⲡⲉⲥⲧⲟϣ • Ϫⲓ̄ⲛ ⲡⲉⲩⲟⲉⲓ̄ϣ ⲉⲧ ⲙ̄ⲙⲁⲩ •
ⲁ ⲧⲙⲛ︦ⲧ︦ⲥⲛⲟⲟⲩⲥ ⲉⲙⲫⲩⲗⲏ ϭⲱ ⲧⲟⲩⲉⲓ̄ • ⲧⲟⲩⲉⲓ̄ | ϩⲛ̄
ⲛⲉⲧⲟϣ ⲛ̄ ⲧⲉⲩⲕⲗⲏⲣⲟⲛⲟⲙⲓ︦ⲁ︦ • ⲙⲉⲣⲉ ⲟⲩⲫⲩⲗⲏ ϣⲃⲱⲕ
ⲉ̄ ϩⲟⲩⲛ ⲉⲩⲫⲩⲗⲏ • ⲛⲥ̄ϫⲓ̄ ⲕⲗⲏⲣⲟⲛⲟⲙⲉⲓ̄ ⲛ̄ϩⲏⲧⲥ̄ • ⲟⲩⲇⲉ
ⲛⲉⲥⲧⲟϣ • ⲟⲩⲇⲉ ⲟⲛ ⲙⲉⲩϫⲓ̄ ⲥϩⲓ̄ⲙⲉ • ⲟⲩⲇⲉ ⲙⲉⲩϫⲓ̄
ϩⲁⲓ̈ ϩⲛ̄ ⲟⲩⲉⲫⲩⲗⲏ ⲛ̄ⲧⲱⲟⲩ ⲁⲛ ⲧⲉ • Ϣⲁ ⲡⲉⲩⲟ̄ⲉⲓ̄ϣ ⲛ̄ⲧⲁ
ⲡⲗⲟⲅⲟⲥ ⲙ̄ ⲡⲉⲓ̄ⲱⲧ • ⲉⲣϩ̄ⲛⲁϥ • ⲛϥ̄ⲉⲓ̄ ⲛϥ̄ⲥⲱⲧⲉⲓ̄ ⲙ̄ⲙⲟⲛ
ⲉ̄ ⲃⲟⲗ ϩⲛ̄ ⲧⲙⲛ︦ⲧ︦ϩⲙ̄ϩⲁⲗ ⲙ̄ ⲡⲛⲟⲃⲉ • Ⲁⲩⲱ ⲟⲛ ⲛϥ̄‐
ⲫⲟⲣⲉⲓ̄ ⲛ̄ⲧⲉⲛⲥⲁⲣⲝ̄ ⲉ̄ ⲃⲟⲗ ϩⲛ̄ ⲟⲩⲥϩⲓ̄ⲙⲉ • ⲛ̄ⲑⲉ ⲛ̄ⲧⲁϥ‐
ⲟⲩⲱϣ ⲉ ⲙⲛ̄ϭⲟⲙ ⲙ̄ⲙⲟⲛ ⲉ̄ ⲛⲟⲩϩⲙ̄ • Ⲁⲛⲟⲕ ⲅⲁⲣ ϩⲙ̄
ⲡ︦ⲧ︦ⲣⲁ ⲙⲟⲩϣⲧ̄ ⲛ̄ ⲛⲁⲣⲭⲏⲟ̄ⲗⲱⲅⲓ︦ⲁ︦ ⲛ̄ ⲓ︦ⲱⲥⲏⲡⲡⲟⲥ • ⲙⲛ̄
ⲉ︦ⲓ︦ⲉ︦ⲣⲉ̄ⲛⲛⲁⲓ̄ⲟⲥ • ⲛ̄ ⲁⲡⲟ ϩⲃ̄ⲣⲁⲓ̄ⲟⲥ • ⲛ̄ⲧⲁϩⲉ ϩⲱⲱⲧ • ⲁⲓ̄ⲛⲟⲓ̄
ⲉ ⲡⲉϯⲛⲁϫⲟⲟϥ ⲧⲉⲛⲟⲩ • Ⲉⲡⲉⲓ̄ ⲇⲏ ⲟⲩⲉ ⲉ̄ ⲃⲟⲗ ϩⲛ̄ ⲛ̄
ⲓ̄ⲟⲩⲇⲁⲓ̄ ⲧⲉ ⲙⲁⲣⲓ︦ⲁ︦ • ⲉ̄ ⲃⲟⲗ ϩⲛ̄ ⲧⲉⲫⲩⲗⲏ ⲛ̄ ⲇⲁ︦ⲇ︦ • ⲕⲁⲧⲁ
ⲡⲉⲥⲙⲟⲩ ⲛ̄ⲧⲁ ⲡϫⲟⲉⲓⲥ ϫⲟⲟϥ ⲉⲓ̄ϫⲉ ⲛ̄ ⲁⲃⲣⲁϩⲁⲙ • ϫⲉ
ⲥⲉⲛⲁϫⲓ̄ ⲥⲙⲟⲩ ϩⲙ̄ ⲡⲉⲕⲥⲡⲉⲣⲙⲁ ⲛ̄ϭⲓ̄ ⲙ̄ ⲡⲁⲧⲣⲓ︦ⲁ︦ ⲧⲏⲣⲟⲩ
ⲙ̄ ⲡⲕⲁϩ • Ⲁ ⲁⲃⲣⲁϩⲁⲙ ϫⲡⲉ ⲓ̄ⲥⲁⲁⲕ • ⲓ̄ⲥⲁⲁⲕ ϫⲉ
ⲁϥϫⲡⲟ ⲛ̄ ⲓ̄ⲁⲕⲱⲃ • ⲓ̄ⲁⲕⲱⲃ ⲇⲉ ⲁϥϫⲡⲟ ⲛ̄ ⲓ̄ⲟⲩⲇⲁⲥ ⲙⲛ̄
ⲛⲉϥⲥ̄ⲛⲏⲩ • | ⲁ̄ ⲡⲉⲛϫⲟⲉⲓ̄ⲥ ⲉⲓ̄ ⲉ̄ ⲃⲟⲗ ϩⲛ̄ ⲧⲉⲫⲩⲗⲏ ⲛ̄
ⲓ̄ⲟⲩⲇⲁⲥ ⲙ̄ ⲡⲉⲥⲙⲟⲩ ⲛ̄ ⲁⲃⲣⲁϩⲁⲙ ϫⲱⲕ ⲉ̄ ⲃⲟⲗ ϩⲙ̄
ⲡⲓ̄ⲙⲁ • Ⲉⲡⲉⲓ̄ ⲇⲏ ⲡⲟⲩⲁ̄ ⲡⲟⲩⲁ̄ ⲙ̄ⲙⲱⲧⲛ̄ ⲟⲩⲱϣ ⲉ̄ ⲉⲓ̄ⲙⲉ
ⲉ̄ ⲡⲉϯⲛⲁϫⲟⲟϥ • ⲧⲉⲛⲟⲩ • ⲉ︦ⲁ︦ ⲛ̄ ⲛ︦ⲓ︦ⲟⲧⲉ ⲧⲥⲁⲃⲟⲛ ⲉ̄ ⲣⲟϥ
ϩⲱⲱⲛ • Ⲛ̄ⲑⲉ ⲛ̄ ϣⲁⲣⲉ ⲡⲉⲯⲁⲗⲙⲟⲇⲟⲥ ⲇⲁ︤ⲇ︥ ϫⲟⲟⲥ •
ϫⲉ ⲛⲉ ⲛ̄ⲧⲁ ⲛⲉⲛⲓ̄ⲟⲧⲉ ϫⲟⲟⲩ ⲙ̄ⲡ ⲟⲩϩⲱⲡ ⲉ ⲛⲉⲩϣⲏⲣⲉ
ⲉ̄ ⲕⲉ ϫⲱⲙ • Ϩⲣⲁⲓ̄ ⲇⲉ ϩⲛ̄ ⲛⲉⲩⲟ̄ⲉⲓ̄ϣ ⲛ̄ⲧⲁⲩϫ̄ⲡⲟ ⲛ̄
ⲧ̄ⲡⲁⲣⲑⲉⲛⲟⲥ ⲛ̄ϩⲏⲧϥ̄ ⲟⲩⲉⲛ̄ ⲟⲩⲥⲱ̄ϣⲉ ϩⲛ̄ ⲑⲓ̄ⲗⲏ︤ⲙ︥ • ⲛ̄‐


### 0006

ϣⲁⲩⲙⲟⲩⲧⲉ ⲉ ⲣⲟⲥ ϫⲉ ⲙⲁⲕⲇⲁⲗⲓ︤ⲁ︥ • Ⲛⲉⲩⲛ̄ ⲟⲩⲕⲟⲩⲓ̄
ⲛ̄ ϯⲙⲉ ⲛ̄ϩⲏⲧϥ̄ ⲉⲩⲙⲟⲩⲧⲉ ⲉ̄ ⲣⲟϥ ⲉ̄ ⲡⲉⲓ̄ ⲣⲁⲛ • ⲉⲩϣⲟⲟⲡ
ⲛ̄ϩⲏⲧϥ̄ ⲛ̄ϭⲓ̄ ϩⲛ̄ⲕⲟⲩⲓ̄ ⲛ̄ ⲏⲡⲉ ⲛ̄ⲣⲱⲙⲉ ⲉ̄ ϩⲛ︤ⲓ︥ⲟⲩⲇⲁⲓ̄ ⲛⲉ •
Ⲛⲉⲩⲛ̄ ⲟⲩⲁ̄ ⲇⲉ ⲉ̄ ⲃⲟⲗ ⲛ̄ϩⲏⲧⲟⲩ ⲛ̄ϣⲁⲩⲙⲟⲩⲧⲉ ⲉ̄ ⲣⲟϥ
ϫⲉ ⲇⲁ︤ⲇ︥ • ⲉⲛⲉ ⲟⲩⲣⲙ̄ⲙⲁⲟ ⲙ̄ⲙⲁⲧⲉ ⲡⲉ ϩⲛ̄ ϩⲱⲃ ⲛⲓ̄ⲙ
ⲛ̄ⲁⲅⲁⲑⲟⲛ • ⲉϥϯ ⲛ̄ϩⲏⲧϥ̄ ⲉ ⲡⲛⲟⲙⲟⲥ ⲙ̄ ⲙⲱⲩⲥⲏⲥ • ⲙⲛ̄
ⲛⲉⲡⲣⲟⲫⲏⲧⲏⲥ • ⲉⲩϩⲟⲗϭ̄ ⲛⲁϥ ⲙ̄ ⲡⲁⲣⲁ ⲡⲉⲃⲓ︦ⲱ︦ • ⲉϥⲉⲓ̄ⲣⲉ
ⲛ̄ϩⲁϩ ⲙ̄ⲙⲛ︦ⲧ︦ⲛⲁ ⲛ̄ ⲛⲉⲧ ⲟ̄ ⲭⲣⲓ︦ⲁ︦ • ⲉ̄ⲛⲉϥϭⲱϣⲧ̄ ⲉ̄ ⲃⲟⲗ
ϩⲏⲧϥ̄ ⲉ ⲡⲥⲱⲧⲉ ⲙ̄ ⲡⲓⲏⲗ • ϫⲉ ⲉϥⲛⲏⲩ ϩⲛ̄ | ⲁϣ ⲛ̄
ⲟⲩⲟ̄ⲉⲓ̄ϣ • Ⲡⲁⲓ̄ ⲇⲉ ⲛⲉϥⲛ̄ⲕⲟⲧⲕ̄ ⲛ̄ ⲟⲩⲟⲩϣⲏ • ⲁϥϣⲱⲡ
ⲉ̄ ϩⲛ̄ ⲟⲩⲉⲕⲥ̄ⲧⲁⲥⲓ̄ⲥ • ⲛ̄ⲑⲉ ⲉϣϫⲉ ⲉ̄ⲣⲉ ⲟⲩⲁ̄ ϫⲱ ⲙ̄ⲙⲟⲥ
ⲛⲁϥ • ϫⲉ ⲱ̄ ⲁⲁ̄ⲣⲱⲛ • ⲉ̄ⲣⲉ ⲡⲥⲱⲧⲉ ⲙ̄ ⲡⲓ̄ⲏ︦ⲗ︦ ⲛⲁϣⲱⲡⲉ
ϩⲙ̄ ⲡⲉⲕⲕⲉⲛⲟⲥ • ⲉ̄ ⲃⲟⲗ ϫⲉ ⲁ ⲡⲉⲩⲟⲉⲓ̄ϣ ϣⲱⲡⲉ • ⲛ̄ⲧⲉ
ⲧⲛⲟⲩⲛⲉ ⲧⲁⲩⲉ ⲕⲁⲣⲡⲟⲥ ⲉ̄ ⲃⲟⲗ • Ⲛ̄ⲧⲟϥ ⲇⲉ ⲡⲉϫⲁϥ
ϩⲣⲁⲓ̄ ⲛ̄ϩⲏⲧϥ̄ • ϫⲉ ⲟⲩ ⲁⲣⲁ ⲡⲉ ⲡⲉⲓ̄ ϩⲟⲣⲟⲙⲁ • ⲛ̄ⲧⲁⲓ̄ⲛⲁⲩ
ⲉ̄ ⲣⲟϥ • Ⲡⲗⲏⲛ ⲛ̄ⲑⲉ ⲉⲧ ⲉⲣⲉ ⲡϫⲟⲉⲓ̄ⲥ ⲟⲩⲱϣⲥ̄ • ⲙⲁⲣⲉ‐
ⲥϣⲱⲡⲉ • Ⲛⲉⲩⲛ̄ⲧⲁϥ ⲇⲉ ⲙ̄ⲙⲁⲩ ⲛ̄ ⲟⲩⲥϩⲓ̄ⲙⲉ ⲙ̄ ⲡⲓ̄ⲥⲧⲏ
ⲉ̄ ⲡⲉⲥⲣⲁⲛ ⲡⲉ ⲥⲁⲣⲁ • ⲁⲥϫⲡⲟ ⲛⲁϥ ⲛ̄ ⲟⲩϣⲏⲣⲉ ⲛ̄ ϩⲟⲟⲩⲧ •
ⲁ ⲡⲉϥⲉⲓ̄ⲱⲧ ⲙⲟⲩⲧⲉ ⲉ ⲣⲟϥ • ϫⲉ ⲓ̄ⲱⲁ̄ⲕⲓ̄ⲙ • Ⲧⲉϥⲙⲁⲁⲩ
ϩⲟⲱⲥ ⲱⲥ (sic)• ⲁⲥⲙⲟⲩⲧⲉ ⲉ̄ ⲣⲟϥ ϫⲉ ⲕⲗⲉⲱⲡⲁ • Ⲁⲡⲉϥⲉⲓ̄ⲱⲧ
ⲇⲁ︦ⲇ︦ ϯ ⲛⲁϥ ⲛ̄ ⲁⲛⲛⲁ ⲧϣⲉⲉⲣⲉ ⲙ̄ ⲡⲉϥⲥⲟⲛ ⲁⲙⲓ̄ⲛⲁⲇⲁⲃ •
ⲉ ⲧⲣⲉ ⲥϣⲱⲡⲉ ⲛⲁϥ ⲛ̄ ⲥϩⲓ̄ⲙⲉ • ⲉⲛⲉ ⲛⲁⲛⲟⲩⲟⲩ ⲙ̄ ⲡⲉⲥⲛⲁⲩ
ⲙ̄ ⲡⲙ̄ⲧⲟ ⲉ ⲃⲟⲗ ⲙ̄ ⲡϫⲟⲉⲓ̄ⲥ • ⲁⲩⲱ ⲙⲛ︦ⲛ︦ⲥⲁ ⲟⲩⲟ̄ⲉⲓ̄ϣ
ⲁⲩϯ ⲙ̄ ⲡⲉⲧⲛ̄ⲧⲁⲩ ⲧⲏⲣⲥ̄ ⲛ̄ ⲓ̄ⲱⲁ̄ⲕⲓ̄ⲙ ⲡⲉⲩ|ϣⲏⲣⲉ • ⲙⲛ̄
ⲁⲛⲛⲁ ⲧⲉϥⲥϩⲓ̄ⲙⲉ • ϩⲙ̄ ⲡ̄ϯⲙⲉ ⲧⲏⲣϥ̄ ⲙⲁⲅⲇⲁⲗⲓ︦ⲁ︥ •
Ⲁⲛⲛⲁ ϩⲱⲱⲥ ⲉⲛⲉ ⲟⲩⲁϭⲣⲏⲛ ⲧⲉ • ⲙ̄ⲡⲉ ⲥϫ̄ⲡⲉ ϣⲏⲣⲉ
ⲉ̄ⲛⲉϩ • ⲉⲛⲉⲣⲉ ⲡ̄ϩⲱⲃ ⲟⲛ ⲣⲟⲟⲩϣ ⲛⲁⲩ ⲡⲉ ⲉⲩϫⲱ ⲙ̄ⲙⲟⲥ •
ϫⲉ ⲛⲓ̄ⲙ ⲁ̄ⲣⲁ ⲡⲉⲧ ⲛⲁⲕⲗⲏⲣⲟⲛⲟⲙⲉⲓ̄ ⲙ̄ⲙⲟⲛ • Ⲡⲉϫⲉ
ⲓ̄ⲱⲁ̄ⲕⲓ̄ⲙ ⲛ̄ ⲁⲛⲛⲁ • ⲙⲛ︤ⲛ︥ⲥⲁ ϩⲛ̄ ϩⲟⲟⲩ ϫⲉ ⲙⲁⲣⲉⲛⲃⲱⲕ
ⲉ̄ ⲡⲉⲣⲡⲉ ⲙ̄ ⲡ̄ϫⲟⲉⲓ̄ⲥ • ⲛ̄ⲧⲉⲛⲥⲟⲡⲥ̄ ⲙ̄ ⲡϫⲟⲉⲓ̄ⲥ • ⲧⲁⲣⲉϥⲛⲁ
ⲛⲁⲛ ϩⲱⲱⲛ • ⲛϥ̄ϯ ⲛⲁⲛ ⲙ̄ ⲡⲉⲛⲁⲓ̄ⲧⲏⲙⲁ • ⲉ̄ ⲧⲉⲛⲁⲓ̄ⲧⲉⲓ̄
ⲙ̄ⲙⲟϥ ⲛ̄ⲧⲟⲟⲧϥ̄ • ⲁⲩⲱ ⲁⲩⲧⲱⲟⲩⲛ ⲁⲩⲃⲱⲕ ⲉ̄ ⲡⲣ̄ⲡⲉ
ⲙ̄ ⲡϫⲟⲉⲓ̄ⲥ • ⲁⲩⲱ ⲁⲩⲥⲟⲡⲥ̄ ⲙ̄ⲙⲟϥ • ⲁⲩϯ ⲛ̄ ⲛⲉⲩⲉⲣⲏⲧ
ⲉ ⲡⲟⲩⲏⲏⲃ • ⲁⲩϣⲗⲏⲗ ⲉ̄ ϩⲣⲁⲓ̄ ⲉ̄ ⲡϫⲟⲉⲓ̄ⲥ • ⲉ̄ⲣⲉ ⲡⲉⲩϩⲟ


### 0007

ⲡⲁϩⲧ̄ ⲉ̄ ⲡⲉⲥⲏⲧ ⲉⲓ̄ϫⲙ̄ ⲡⲕⲁϩ • ⲉϥⲧⲱⲃϩ̄ ⲛ̄ϭⲓ ⲓ̄ⲱⲁ̄ⲕⲓ̄ⲙ
ⲉϥϫⲱ ⲙ̄ⲙⲟⲥ • Ϫⲉ ⲡϫⲟⲉⲓ̄ⲥ ⲡⲛⲟⲩⲧⲉ ⲡⲡⲁⲛⲧⲟⲕⲣⲁⲧⲱⲣ •
ⲡⲉⲛⲧⲁϥⲥⲱⲧⲙ̄ ⲉ ⲡⲉⲛⲉⲓ̄ⲱⲧ ⲁⲃⲣⲁϩⲁⲙ ϩⲛ̄ ⲧⲉϥⲙⲛ︦ⲧ︥ϩⲗ̄ⲗⲟ •
ⲁϥⲭⲁⲣⲓ̄ⲍⲉ ⲛⲁϥ ⲛ̄ ⲓ̄ⲥⲁⲁⲕ ⲡⲉϥϣⲏⲣⲉ ⲛⲉⲣⲏⲧ ⲉ̄ⲕⲉⲥⲱⲧⲙ̄
ⲉ̄ ⲣⲟⲛ • ϩⲱⲱⲛ ⲙ̄ⲡⲟⲟⲩ • ⲛⲅ̄ϯ ⲛⲁⲛ ⲛ̄ ⲟⲩⲥⲡⲉⲣⲙⲁ
ⲛ̄ⲣⲱⲙⲉ • Ⲉⲣϣⲁⲛ ⲡⲁⲓ̄ ϣⲱⲡⲉ ⲛⲅ̄ ⲧⲁⲁϥ ⲛⲁⲛ ⲉⲓ̄ⲧⲉ
ϩⲟⲟⲩⲧ | ⲉⲓ̄ⲧⲉ ⲥϩⲓⲙⲉ • ⲧⲉⲛⲁⲧⲁⲁϥ ⲉ̄ ϩⲟⲩⲛ ⲉ̄ ⲡⲉⲕⲣ̄ⲡⲉ •
ⲛ̄ ⲛⲉϥϩⲟⲟⲩ ⲧⲏⲣⲟⲩ • ⲛϥ̄ϣⲙ̄ϣⲉ ⲛⲁⲕ • Ⲁⲩⲱ ⲛ̄ⲧⲉⲩⲛⲟⲩ
ⲁⲥϣⲱⲡⲉ ϣⲁ ⲣⲟⲟⲩ • ⲛ̄ϭⲓ̄ ⲟⲩⲥⲙⲏ ⲉ̄ ⲃⲟⲗ ϩⲙ̄ ⲡⲉⲑⲩ‐
ⲥⲓⲁⲥⲧⲏⲣⲓ̄ⲟⲛ • ⲉⲥϫⲱ ⲙ̄ⲙⲟⲥ • ϫⲉ ⲓ̄ⲱⲁ̄ⲕⲓ̄ⲙ ⲕⲗⲉⲱ̄ⲡⲁ •
ⲡⲉⲕⲧⲱⲃϩ̄ ⲛ̄ⲧⲁⲕⲁⲁϥ ⲁ ⲡϫⲟⲉⲓ̄ⲥ ⲥⲱⲧⲙ̄ ⲉ̄ ⲣⲟϥ • ⲁⲩⲱ
ⲁϥϫⲱⲕ ⲉ̄ ⲃⲟⲗ ⲙ̄ ⲡⲉⲕⲁⲓ̄ⲧⲏⲙⲁ • Ⲧⲉⲛⲟⲩ ϭⲉ ⲧⲱⲟⲩⲛ
ⲛⲅ̄ ⲃⲱⲕ ⲉ̄ ϩⲣⲁⲓ̄ ⲉ̄ ⲡⲉⲕⲏⲓ̄ • ϫⲉ ⲡⲉϩⲙⲟⲧ ⲛ̄ⲧⲁϥϣⲱⲡⲉ
ⲙ̄ⲙⲟⲕ ⲙ̄ⲡⲉ ϥϣⲱⲡⲉ ⲛ̄ ⲛ̄ⲁⲣⲭⲁ︦ⲓ︦ⲟⲛ • Ⲉⲣⲉ ⲓ̄ⲱⲁ̄ⲕⲓ̄ⲙ
ⲙⲉⲉⲩⲉ ϫⲉ ⲡⲟⲩⲏⲏⲃ ⲡⲉ ⲉϥϣⲁϫⲉ ⲛⲙ̄ⲙⲁϥ • ⲉ̄ ϩⲟⲩⲛ
ⲉ̄[ⲡⲉ]ⲑⲩⲥⲓ̄ⲁⲥⲧⲏⲣⲓⲟⲛ • Ⲁϥⲟⲩⲱϣ[ⲃ̄ ⲉϥ]ϫⲱ ⲙ̄ⲙⲟⲥ [ⲛⲁϥ]•
ϫⲉ ⲥⲉϣⲱ[ⲡⲉ] ⲛⲙ̄ⲙⲁⲓ̄ ⲕⲁⲧⲁ ⲡⲉⲕϣⲁϫⲉ ⲡⲁ ϫⲟⲉⲓ̄ⲥ •
Ⲁⲩⲧⲱⲟⲩⲛ ⲁⲩⲃⲱ[ⲕ] ⲉ̄ ϩⲣⲁⲓ̄ ⲡⲉⲩⲏⲓ̄ • ⲁⲩⲱ̄ ⲙⲛ︦ⲛ︦ⲥⲁ
ϩⲛ̄ϩⲟⲟⲩ • ⲁ ⲓ̄ⲱⲁ̄ⲕⲓ̄ⲙ ϭⲙ̄ ⲡ̄ϣⲓ̄ⲛⲉ ⲛ̄ ⲁⲛⲛⲁ ⲁⲥⲱ̄ • ⲁⲩ‐
ⲣⲁϣⲉ ⲛⲙ̄ⲙⲁⲥ ⲧⲏⲣⲟⲩ ⲛ̄ϭⲓ̄ ⲛⲉⲧ ⲥⲟⲟⲩⲛ̄ ⲙ̄ⲙⲟⲥ ⲧⲏⲣⲟⲩ •
Ⲁⲩⲱ̄ ⲛ̄ ⲧⲉⲣⲉ ϥϫⲱⲕ ⲉ̄ ⲃⲟⲗ ⲛ̄ϭⲓ̄ ⲡⲉϩⲟⲟⲩ ⲙ̄ ⲡⲉⲥⲙⲓ̄ⲥⲉ •
ⲁⲥϫⲡⲟ ⲛ̄ ⲟⲩϣⲉⲉⲣⲉ ⲛⲥ̄ϩⲓ̄ⲙⲉ ⲕⲁⲧⲁ ⲟⲩⲟⲓ̄ⲕⲟⲛⲟⲙⲓ︤ⲁ︥ ⲛ̄ⲧⲉ
ⲡⲛⲟⲩⲧⲉ • ⲁⲩⲱ̄ ⲛⲉⲣⲉ ⲧⲉⲭⲁⲣⲓ̄ⲥ ⲙ̄ ⲡⲛⲟⲩⲧⲉ ϩⲓ̄ⲣⲙ̄
ⲡⲉⲥϩⲟ • Ⲁ ⲛⲉⲥⲓ̄ⲟⲧⲉ ⲇⲉ | ⲙⲟ[ⲩ]ⲧⲉ ⲉ̄ ⲣⲟⲥ ⲉ ⲡ▨ⲛϫⲉ
ⲙⲁ[ⲣⲓ︦ⲁ︦] • ⲁ̄ⲩⲱ̄ ⲉ▨ⲉⲥϯⲉ̄¹ ⲡⲁⲛⲁⲓ̄ [ⲙ̄]ⲙⲏⲛⲉ • ⲁⲩⲱ̄ ⲛⲉⲧ
ⲛⲁⲩ ⲉ̄ ⲣⲟⲥ ⲧⲏⲣⲟⲩ ⲛⲉⲩⲣ̄ ϣ̄ⲡⲏⲣⲉ ⲙ̄ⲙⲟⲥ • ⲉ̄ ⲧⲃⲉ
ⲡⲉⲟ̄ⲟⲩ ⲙ̄ ⲡⲛⲟⲩⲧⲉ ⲉ̄ⲧ ⲕⲱⲧⲉ ⲉ̄ ⲣⲟⲥ ⲛ̄ ⲛⲁⲩ ⲛⲓ̄ⲙ • Ⲁⲩⲱ̄
ⲛ̄ ⲧⲉⲣⲉ ϣⲟⲙⲧⲉ ⲛ̄ⲣⲟⲙⲡⲉ ϫⲱⲕ ⲉ̄ ⲃⲟⲗ • ⲁⲩⲱ̄ⲙϫ̄
ⲛⲧ̄ϣⲉⲉⲣⲉ ϣⲏⲙ ⲉ̄ ⲃⲟⲗ ϩⲛ̄ ⲧⲉⲣⲱⲧⲉ ⲛ̄ⲧⲉⲥⲙⲁⲁⲩ • Ⲡⲉϫⲉ
ⲓ̄ⲱⲁ̄ⲕⲓ̄ⲙ ⲛ̄ ⲁⲛⲛⲁ ⲧⲉϥⲥϩⲓ̄ⲙⲉ • ϫⲉ ⲙⲁⲣⲉⲛϯ ⲙ̄ ⲡⲉⲛⲧⲁ‐
ⲛⲉ̄ⲣⲏⲧ ⲙ̄ⲙⲟϥ ⲉ ⲡϫⲟⲉⲓ̄ⲥ • ϫⲉ ⲛ ⲛⲉϥϭⲱⲛⲧ̄ ⲉ̄ ⲣⲟⲛ •
Ⲁⲩⲱ̄ ⲁⲩⲥⲟϥⲧⲉ ⲛ̄ ⲛⲉⲩⲉⲣⲏⲧ ⲙⲛ̄ ⲛⲉⲩⲁⲡⲁⲣⲭⲏ • ⲁⲩⲉⲛ‐
ⲧⲟⲩ ⲉ̄ ϩⲣⲁⲓ̄ ⲡⲣ̄ⲡⲉ ⲙⲛ̄ ⲙⲁⲣⲓ︤ⲁ︥ ⲧⲉⲩϣⲉⲉⲣⲉ • Ⲁⲩϯ ⲛ̄


### 0008

ⲛⲉⲩⲁⲡⲁⲣⲭⲏ ⲛ̄ ⲛⲉⲟⲩⲏⲏⲃ ⲉ̄ⲧ ⲁⲣⲭⲉⲓ̄ ⲙ̄ ⲡⲉⲟⲩⲟⲉⲓ̄ϣ
ⲉ̄ⲧ ⲙ̄ⲙⲁⲩ • ⲉⲧⲉ ⲥⲉⲙⲉⲱⲛ ⲡⲉ • ⲙⲛ̄ ⲍⲁⲭⲁⲣⲓⲁⲥ • Ⲁⲩⲁ̄‐
ⲙⲁϩⲧⲉ ⲛ̄ ⲧⲉⲩϣⲉⲉⲣⲉ ⲙⲁⲣⲓ︦ⲁ︦ • ⲁⲩⲧⲁⲁⲥ ⲉ ⲛⲉϭⲓ̄ϫ ⲛ̄
ⲛⲉⲟⲩⲏⲏⲃ ⲉⲩϫⲱ ⲙ̄ⲙⲟⲥ ⲛⲁⲩ • ϫⲉ ⲉⲓ̄ⲥ ⲡⲉⲛⲧⲁ ⲡⲛⲟⲩⲧⲉ
ⲭⲁⲣⲓ̄ⲍⲉ ⲙ̄ⲙⲟϥ ⲛⲁⲛ • ⲧⲉⲛϯ ⲙ̄ⲙⲟϥ (sic) ⲛⲉⲣⲏⲧ ⲉ̄ ϩⲟⲩⲛ
ⲉ̄ ⲡⲉⲣⲡⲉ ⲙ̄ ⲡϫⲟⲉⲓ̄ⲥ • ⲉ ⲧⲣⲉ ⲥϣⲙ̄ϣⲉ ⲛⲁϥ ⲛ̄ ⲛⲉⲥϩⲟⲟⲩ
ⲧⲏⲣⲟⲩ • Ⲁⲩⲱ̄ ⲁ ⲛⲉⲟⲩⲏⲏⲃ | ⲥⲙⲟⲩ ⲉ̄ ⲓ̄ⲱⲁ̄ⲕⲓ̄ⲙ ⲙⲛ̄
ⲁⲛⲛⲁ • ⲉⲩϫⲱ ⲙ̄ⲙⲟⲥ • Ϫⲉ ⲛ̄ⲑⲉ ⲛ̄ⲧⲁⲧⲉⲧⲛ̄ⲉⲣⲏⲧ • ⲁⲧⲉ‐
ⲧⲛ̄ⲧⲟⲩⲓ̄ⲱ ⲙ̄ ⲡϫⲟⲉⲓ̄ⲥ • ⲉϥⲉⲧⲟⲩⲓ̄ⲱ ⲛⲏⲧⲛ̄ ⲛ̄ ⲛⲉϥⲁⲅⲁⲑⲟⲛ •
ⲛ̄ⲧⲉ ϩⲛ̄ ⲕⲉ ϣⲏⲣⲉ ϣⲱⲡⲉ ⲛⲏⲧⲛ̄ • ⲉ ⲡⲙⲁ ⲛ̄ⲧⲁⲓ̄ • ⲛ̄ⲧⲁ
ⲧⲉⲧⲛ̄ⲧⲁⲁⲥ ⲉ ⲡϫⲟⲉⲓ̄ⲥ • Ⲙⲁⲣⲓ︦ⲁ︦ ⲇⲉ ϩⲱⲱⲥ ⲛ̄ⲧⲉ ⲡⲉⲥⲣⲁⲛ
ⲣ̄ ⲥⲟⲉⲓ̄ⲧ ϣⲁ ⲉⲛⲉϩ • ⲡⲉϫⲁⲩ ϫⲉ ϩⲁⲙⲏⲛ • ⲙⲁⲣⲉⲥϣⲱⲡⲉ •
ⲁⲩⲱ̄ ⲁⲩⲕ̄ⲧⲟⲟⲩ ⲉ̄ ϩⲣⲁⲓ̄ ⲉ̄ ⲡⲉⲩⲏⲓ̄ • Ⲛⲉ ⲛ̄ϣⲁⲩϭⲙ̄ ⲡ̄ϣⲓ̄ⲛⲉ
ⲇⲉ ⲛ̄ ⲧⲉⲩϣⲉⲉ̄ⲣⲉ ⲛ̄ ⲟⲩⲥⲟⲡ ⲕⲁⲧⲁ ⲉⲃⲟⲧ • ⲛ̄ⲥⲉⲉⲓ̄ⲛⲉ ⲛⲁⲥ
ⲙ̄ ⲡⲉⲧ ⲉⲥⲣ̄ ⲭ̄ⲣⲓ︤[ⲁ︥] ⲙ̄ⲙⲟⲟⲩ Ⲁⲩⲱ̄ ⲉⲛⲉⲥϯⲁ̄ⲕⲟⲛⲉⲓ̄ ϩⲙ̄
ⲡⲣ̄ⲡⲉ ⲛ̄ϭⲓ̄ ⲧ̄ⲕⲟⲩⲓ̄ ⲛ̄ ϣⲉⲉ̄ⲣⲉ ⲙ̄ ⲡⲁⲣⲑⲉⲛⲟⲥ • ⲙⲛ̄ ϩⲛ̄
ⲕⲉ ϩⲗ̄ⲗⲱ ⲛ̄ⲥϩⲓ̄ⲙⲉ ⲙ̄ ⲡⲁⲣⲑⲉⲛⲟⲥ • ⲉⲩⲧⲁⲙⲙⲟ ⲙ̄ⲙⲟⲥ
ⲉ ⲣ̄ ϩⲱⲃ ⲛ̄ϭⲓ̄ϫ • Ⲁⲩⲱ̄ ⲛ̄ ⲧⲉⲣⲉ ⲥⲣ̄ ⲡⲉⲥϫⲟⲉⲓ̄ⲥ ⲛ̄ ⲟⲩⲕⲟⲩⲓ̄ •
ⲁⲥⲃⲱⲕ ⲉ̄ ϩⲟⲩⲛ ⲉⲩⲙⲁ ⲙⲁⲩⲁⲁⲥ ϩⲙ̄ ⲡⲣ̄ⲡⲉ • ⲉ̄ⲙ ⲛ̄‐
ⲣⲱⲙⲉ ⲛⲁⲩ ⲉ̄ ⲣⲟⲥ ⲉ̄ ⲡⲧⲏⲣϥ̄ ⲉⲓ̄ ⲙⲏ ⲧⲉⲓ̄ ⲛ̄ ⲟⲩⲏⲏⲃ •
ⲙⲛ̄ ⲛⲉⲥⲓ̄ⲟⲧⲉ • Ⲧⲉⲥⲧⲣⲟⲫⲏ ⲡⲉ ⲟⲩⲟ̄ⲉⲓ̄ⲕ • ⲙⲛ̄ ⲟⲩⲙⲟⲩ •
ⲙⲛ̄ ⲟⲩⲕⲟⲩⲓ̄ ⲛ̄ ⲟⲩⲟⲟ̄ⲧⲉ • ⲉ̄ⲛⲉⲥⲛⲏⲥⲧⲉⲩⲉ̄ ϩⲛ̄ ⲟⲩⲙⲟⲩⲛ
ⲉ̄ ⲕⲟⲗ • Ϩⲁⲡⲗⲱⲥ ⲉ̄ⲛⲉ▨| ⲙⲛ̄ϣ▨▨ⲟⲟⲡ ⲙ̄ ⲡⲉⲥⲁ̄ⲛⲁⲓ̄ •
ϩⲙ̄ ⲡⲉⲥⲥⲱⲙⲁ • ⲙⲛ̄ ⲧⲉⲥⲯⲩⲭⲏ ⲙⲛ̄ ⲡⲉⲥⲡⲛ︤ⲁ︥ • Ϩⲙ̄
ⲡ︦ⲧ︦ⲣⲉⲩϫⲱⲕ ⲛⲁⲥ ⲉ̄ ⲃⲟⲗ ⲛ̄ϭⲓ̄ ⲙⲛ̄ⲧⲁϥⲧⲉ ⲛ̄ⲣⲟⲙⲡⲉ • ⲁ
ⲡϣⲱⲥ ⲣ̄ϩⲛⲁϥ ⲉ ⲧⲣⲉ ϥⲉⲓ̄ ⲛϥ̄ϣⲓ̄ⲛⲉ ⲛ̄ⲥⲁ ⲛⲉϥⲉⲥⲟⲟⲩ •
ⲛϥ̄ϥⲓ̄ⲧⲟⲩ ⲛ̄ⲧⲟⲟⲧϥ̄ ⲉ ⲡⲟⲩⲱⲛϣ̄ • Ⲁ ⲡⲣ̄ⲣⲟ ⲣ̄ϩⲛⲁϥ
ⲉ̄ ⲥⲱⲧⲉ ⲛ̄ ⲧⲉϥⲁⲓ̄ⲭⲙⲁⲗⲱⲥⲓ︦ⲁ︦ • ⲛ̄ⲧⲟⲟⲧϥ̄ ⲉ ⲡⲧⲩⲣⲁⲛⲟⲥ •
Ⲁⲩϫⲟⲟⲩ ⲛ̄ ⲅⲁⲃⲣⲓ̄ⲏⲗ ⲡⲁⲣⲭⲁⲅⲅⲉⲗⲟⲥ ⲉ̄ ⲃⲟⲗ ϩⲓ̄ⲧⲙ̄
ⲡⲛⲟⲩⲧⲉ • ϣⲁ ⲧⲡⲁⲣⲑⲉⲛⲟⲥ ⲉ̄ⲧ ⲟⲩⲁⲁⲃ ⲙⲁⲣⲓ︤ⲁ︥ • ⲁϥⲉⲩ‐
ⲁⲅⲅⲉⲗⲓ̄ⲍⲉ ⲛⲁⲥ ⲛⲧ̄ϭⲓ̄ⲛⲉⲓ̄ ϣⲁ ⲣⲟⲥ ⲙ̄ ⲡⲥⲱⲧⲏⲣ • ⲁⲗⲗⲁ
ⲕⲛⲁϫⲟⲟⲥ ⲛⲁⲓ̄ ϫⲉ ϩⲛ̄ ⲁϣ ⲛⲭ̄ⲣⲟⲛⲟⲥ • ⲏ̄ ϩⲛ̄ ⲁϣ ⲛ̄
ϩⲉⲡⲁϯⲁ̄ ⲛ̄ⲧⲁ ⲛⲁⲓ̄ ϣⲱⲡⲉ • ϫⲉ ⲕⲁⲥ ⲛⲁⲧⲁϫⲣⲟⲛ ⲉⲓ̄ϫⲙ̄
ⲡ̄ϣⲁϫⲉ ⲉ̄ⲧ ⲉⲕϫⲱ ⲙ̄ⲙⲟϥ • ϯⲛⲁⲧⲓ̄ⲅⲛⲉⲩⲉ ⲙ̄ⲙⲟⲥ ⲛⲁⲕ


### 0009

ⲕⲁⲧⲁ ⲛⲉⲅⲣⲁⲫⲏ • ⲛ̄ⲧⲁ ⲡϫⲟⲉⲓ̄ⲥ ϫⲟⲟⲩ ⲛ̄ ⲅⲁⲃⲣⲓⲏⲗ •
ⲛ̄ ⲥⲟⲩ ⲥⲁϣϥ̄ ⲙ̄ ⲡⲉⲃⲟⲧ ⲝⲁⲛⲑⲓ̄ⲕⲟⲥ • ⲉⲧⲉ ⲡⲉⲃⲟⲧ ⲛ̄ ⲃⲣ︤ⲣⲉ
ⲡⲉ ⲡⲁⲣⲙⲟⲩⲧⲉ • ϩⲙ̄ ⲡⲙⲉϩ ϯⲟⲩ ϭⲁⲥ ⲛ̄ϣⲟ ⲛ̄ⲣⲟⲙⲡⲉ •
ⲡⲁⲓ̄ ⲟⲛ ⲛ̄ⲧⲁⲩⲱⲱ ⲛ̄ϩⲏⲧϥ̄ ⲙ̄ ⲡⲉⲛⲱⲛϩ̄ ⲧⲏⲣⲛ̄ • Ⲁⲩϫⲡⲟϥ
ⲛ̄ ⲥⲟⲩ | ϫⲟⲩⲯⲓ̄ⲥ ⲙ̄ ⲡⲉⲃⲟⲧ ⲭⲁⲥⲓ̄ⲗⲉⲩⲉ • ⲉⲧⲉ ⲭⲟⲓⲁϩⲕ̄
ⲡⲉ • ϩⲛ̄ ⲧⲙⲉϩ ϥ̄ⲧⲟ ⲛ̄ⲣⲟⲙⲡⲉ ⲛ̄ ⲁⲩⲕⲟⲩⲥⲧⲟⲥ ⲡⲣ̄ⲣⲟ ⲛ̄
ⲛⲉϩⲣⲱⲙⲁⲓ̄ⲟⲥ • ϩⲛ̄ ⲧⲙⲉϩ ⲙⲛ︤ⲧ︥ⲏ ⲛ̄ⲣⲟⲙⲡⲉ ⲙ̄ ⲡⲱⲛϩ̄
ⲙ̄ ⲙⲁⲣⲓ︦ⲁ︦ • Ⲡⲙⲁ ⲛ̄ⲧⲁⲩϫⲡⲟϥ ⲛ̄ϩⲏⲧϥ̄ ⲡⲉ ⲭⲁⲃⲣⲁⲑⲁ •
ⲉ̄ⲧⲉ ⲃⲉⲑⲗⲉⲉⲙ • [ⲙ̄]ⲡⲉ ⲡ̄ⲕⲁϩ ⲛ̄ ⲓ̄ⲟⲩⲇⲁ • ϩⲛ̄ ⲧ̄ⲙⲉϩ ⲣⲟⲙⲡⲉ
ⲥⲛ̄ⲧⲉ ⲛ̄ ϩⲏⲣⲱⲇⲏⲥ ⲡⲣ̄ⲣⲟ • ⲛ̄ ϯⲟⲩⲇⲁⲓ︦ⲁ︦ • ⲛ̄ⲧⲁⲩⲉⲓ̄ⲛⲉ
ⲙ̄ ⲡⲉⲭ︦ⲥ︦ ⲉ̄ ⲕⲏⲙⲉ ⲉϥϩⲛ̄ ⲣⲟⲙⲡⲉ ⲥⲛ̄ⲧⲉ ⲙⲛ̄ ϥ̄ⲧⲟⲟⲩ ⲛ̄
ⲉⲃⲟⲧ • Ⲁⲗⲗⲁ ⲡⲁⲛⲧⲟⲥ ⲕⲛⲁϫⲟⲟⲥ ⲛⲁⲓ̄ • ϫⲉ ⲛ̄ ⲁϣ ⲛ̄ ϩⲉ
ⲁ̄ ⲓ̄ⲱⲥⲏⲫ ⲃⲱⲕ ϩⲙ̄ ⲡⲓ̄ⲛⲟϭ ⲛ̄ ⲇⲓ̄ⲁⲥⲧⲏⲙⲁ ⲙⲛ̄ ⲙⲁⲣⲓ︦ⲁ︦ •
ϫⲓ̄ⲛⲉ ⲧⲡⲁⲗⲥ̄ϯⲛⲏ • ϣⲁⲛⲧ ⲟⲩⲉⲓ̄ ⲉ̄ ϩⲣⲁⲓ̄ ⲉ̄ ⲕⲏⲙⲉ ⲙⲁⲩ‐
ⲁⲁⲩ • ⲁⲩⲱ ⲥⲉϫⲱ ⲙ̄ⲙⲟⲥ • ϫⲉ ⲟⲩⲉⲛ̄ ϫⲟⲩⲱⲧⲉ ⲙ̄ⲙⲱⲛⲏ
ⲙ̄ⲙⲁⲩ • ϣⲁⲛⲧ ⲟⲩⲉⲓ̄ ⲉ̄ ⲕⲏⲙⲉ • Ⲉⲓ︦ⲉ̄ ⲁⲩϫⲉⲕ ϯⲛⲟϭ ⲛ̄
ϩⲓ̄ⲏ ⲙ̄ ⲙⲟⲟϣⲉ ⲉ̄ ⲃⲟⲗ ⲛ̄ ϯϭⲟⲧ ⲛ̄ ⲟⲩⲏⲣ ⲛ̄ϩⲟⲟⲩ ⲏ̄
ⲛ̄ⲧⲁⲩϭⲛ̄ ⲧ̄ⲣⲟⲫⲏ ⲧⲱⲛ ⲁⲩⲟⲩⲱⲙ • ϯⲛⲁϫⲟⲟⲥ ⲛⲁⲕ ϫⲉ
ⲧⲉⲕⲙⲛ︤ⲧ︥ⲁⲡⲓ̄ⲥⲧⲟⲥ • ⲙⲛ̄ ⲧⲉⲕⲙⲛ︤ⲧ︥ⲁⲥⲑⲉⲛⲏⲥ • ⲛⲉⲧ ϯ ⲙ̄
ⲡⲉⲣ ⲡ̄ⲙⲉⲉⲩⲉ ⲛⲁⲕ • Ⲁⲛⲟⲕ ⲇⲉ ϯⲛⲁϣⲁϫⲉ ⲛⲙ̄ⲙⲁⲕ
ⲉ̄ ⲃⲟⲗ ϩⲛ̄ ⲛⲉⲅⲣⲁⲫⲏ • | Ⲁⲣⲁ ⲕⲛⲁϫⲟⲟⲥ ⲛⲁⲓ̄ ϫⲉ ⲁ
ⲡⲁⲅⲅⲉⲗⲟⲥ ϫⲓ̄ ⲛ̄ ⲁⲃⲁⲕⲟⲩⲙ ⲉ̄ ⲧⲃⲁⲃⲩⲗⲱⲛ ϫⲓ̄ⲛⲉ
ⲑⲓ̄ⲗⲏ︦ⲙ︦ • ⲉⲣⲉ ⲧⲉϩⲓ̄ⲏ ⲉⲓ̄ⲣⲉ ⲛϣ̄ⲃⲉ ⲙ̄ⲙⲟⲛⲏ ⲛ̄ ⲟⲩⲏⲣ
ⲛ̄ ⲟⲩⲟⲉⲓ̄ϣ • Ⲁ ⲁⲃⲁⲕⲟⲩⲙ ⲡⲉϫⲁϥ ⲡⲱϣ ⲛ̄ϩⲛ̄ⲟⲉⲓ̄ⲕ
ⲉⲩⲕⲱⲧ • ⲁϥⲧⲁⲗⲟⲟⲩ ⲙⲛ̄ ⲡⲏⲣⲡ̄ • ⲙⲛ̄ ⲛ̄ ϭⲓ̄ⲛⲟⲩⲱⲙ •
ⲁϥⲙⲟⲟϣⲉ ⲉ̄ ⲧⲥⲱϣⲉ ⲉ̄ ⲧⲣⲉ ϥⲛ̄ⲧⲟⲩ ⲛ̄ ⲛⲉϥϫⲁⲓ̄ⲟϩⲥ̄ •
Ⲁ ⲡⲁⲅⲅⲉⲗⲟⲥ ⲙ̄ ⲡϫⲟⲉⲓ̄ⲥ ⲁϣⲧϥ̄ ⲛ̄ⲥⲁ ⲡⲃⲱ ⲛ̄ⲧⲉϥⲁⲡⲉ •
ϩⲙ̄ ⲡⲟⲩⲟⲓ̄ ⲙ̄ ⲡⲉϥⲡⲛⲁ̄ • ⲉⲧⲉ ⲡⲁⲓ̄ ⲡⲉ ϫⲉ ϩⲛ̄ ⲧϭⲟⲙ
ⲛ̄ ⲧⲉϥⲁⲓⲛϩⲱⲗ • Ⲁϥⲉⲛⲧⲉϥ ⲛ̄ⲧⲉⲩⲛⲟⲩ ϩⲓ̄ϫⲙ̄ ⲡ̄ϣⲏⲓ̄ ⲛ̄
ⲛⲉⲙⲟⲩⲓ̄ • ϩⲛ̄ ⲧⲃⲁⲃⲩⲗⲱⲛ ⲁϥϯ ⲙ̄ ⲡⲁⲣⲓ̄ⲥⲧⲟⲛ ⲛ̄ ⲇⲁⲛⲓ̄ⲏⲗ •
ⲁϥⲟⲩⲱⲙ ⲛ̄ϩⲏⲧϥ̄ • ⲁⲩⲟⲩⲱⲙ ϩⲟⲟⲩ ⲛ̄ϭⲓ ⲛ̄ϫⲁⲓ̄ⲟϩⲥ̄ ⲙ̄
ⲡⲉϩⲟⲟⲩ ⲛ̄ ⲟⲩⲱⲧ • Ⲉϣϫⲉ ⲧϭⲟⲙ ⲛ̄ ⲟⲩⲁⲅⲅⲉⲗⲟⲥ ⲟ ⲛ̄
ⲛⲟϭ ⲛ̄ϯϩⲉ • ⲉⲓ︦ⲉ︦ ⲡϫⲟⲉⲓ̄ⲥ ⲛ̄ ⲛⲁⲅⲅⲉⲗⲟⲥ ⲛ̄ⲧⲁϥⲉⲓ̄ ⲉ̄ ⲕⲏⲙⲉ •
ⲉϥⲧⲁⲗⲏⲩ ⲉⲓ̄ϫⲉⲛ ⲧⲉⲕⲗⲟⲟⲗⲉ ⲉ̄ⲧ ⲁⲥⲟⲟⲩ • ϩⲛ̄ ⲟⲩⲙⲉ


### 0010

ⲧⲉⲥⲁⲥⲟⲟⲩ ⲛ̄ϭⲓ̄ ⲧⲉⲕⲗⲟⲟⲗⲉ ⲛ̄ⲧⲁ ⲡⲛⲟⲩⲧⲉ ⲉⲓ̄ ⲉ̄ ⲕⲏⲙⲉ
ⲛ̄ϩⲏⲧⲥ̄ • Ⲁ ⲡϣⲏⲣⲉ ϣⲏⲙ ⲉⲓ̄ ⲉ̄ ⲕⲏⲙⲉ • ⲁϥⲁⲛⲁⲕⲁⲗⲉⲓ̄
ⲛ̄ ⲛⲉϩⲃⲏⲩⲉ ⲛ̄ ⲕⲏⲙⲉ • ⲉϥⲧⲁⲗⲏⲩ|ⲉ ⲉ̄ϫⲉⲛ ⲧⲉⲕⲗⲟⲟⲗⲉ
ⲉⲥⲁⲥⲟⲟⲩ ⲛ̄ⲥⲁ ⲃⲟⲗ ⲉ̄ ⲛⲉⲧⲡⲟⲛⲓ̄ ⲙⲛ̄ⲧⲉ ⲡⲛⲟⲃⲉ • Ⲁ
ⲧⲉϩⲓⲁⲓ̄ⲃⲉ ⲛ̄ ⲁⲧ ⲧⲟⲗⲙ̄ ⲙⲛ̄ ⲡ̄ϩⲗ̄ⲗⲟ ⲓ̄ⲱⲥⲏⲫ ⲉⲓ̄ ⲉ̄ ϩⲣⲁⲓ̄
ⲉ̄ ⲕⲏⲙⲉ • ⲕⲁⲧⲁ ⲑⲉ ⲛ̄ⲧⲁ ⲡⲉⲧ ⲧⲁⲗⲏⲩ ⲉ ⲣⲟⲥ ⲟⲓ̄ⲕⲟⲛⲟⲙⲓ̄
ⲙ̄ⲙⲟⲥ • Ⲁⲩⲱ̄ ⲉⲛⲉⲣⲉ ⲛ̄ⲧⲟⲟⲩ ⲙⲛ̄ ⲛⲉⲡⲉⲇⲣⲁ ϣⲏϣ ⲉ̄
ⲃⲟⲗ ϩⲓ̄ⲑⲏ ⲙ̄ⲙⲟⲟⲩ • ⲉⲩⲉⲓ̄ⲣⲉ ⲛ̄ ϩⲛ︦ϩ︦ⲓ̄ⲏ ⲙ̄ⲙⲟⲟϣⲉ •
ⲉⲩϣⲏϣ ⲉ̄ ⲃⲟⲗ ⲉ̄ ⲛⲉⲩⲟⲩⲉⲣⲏⲧⲉ • Ⲛⲉⲩϯ ⲁ̄ⲡⲉⲣⲁⲛ ⲛⲉⲙⲟⲩ
ⲛⲓ̄ⲟⲟⲩⲉ • ⲭⲱⲣⲓ̄ⲥ ϫⲟⲓ̄ ϩⲓ̄ ⲛⲉⲉϥ • ⲗⲟⲡⲓⲟⲛ ⲁ ⲡⲉⲛⲥⲱⲧⲏⲣ
ⲉⲓ̄ ⲉ̄ ⲕⲏⲙⲉ ϩⲓ̄ⲧⲉⲛ ⲧ̄ϭⲟⲙ ⲙ̄ ⲡⲉϥⲉⲓ̄ⲱⲧ • ⲁϥⲉⲣ ϣⲟⲙⲧⲉ
ⲛ̄ⲣⲟⲙⲡⲉ ⲙ̄ⲙⲁⲩ • ⲉϥⲉⲩⲁⲅⲅⲉⲗⲓ̄ⲥⲥⲉ ⲛⲁⲩ ⲛ̄ ⲛⲉⲧ ϣ̄ϣⲉ
ⲉ ⲁⲁⲩ • ⲉϥϩⲙ̄ ⲡϩⲁⲙⲏⲣ ⲛ̄ ⲧⲉϥⲙⲁⲁⲩ ⲙⲁⲣⲓ︦ⲁ︦ • Ⲛ̄ ⲧⲉⲣⲉ
ϩⲏⲣⲱⲇⲏⲥ ϫⲓ̄ ⲛ̄ ⲧⲉϥϯⲙⲟⲣⲓ︤ⲁ︥ ⲉ̄ⲧ ⲉϥⲙ̄ϣⲁ ⲙ̄ⲙⲟⲥ • ⲉ̄
ⲧⲃⲉ ⲛ̄ ϣⲏⲣⲉ ⲕⲟⲩⲓ̄ ⲛ̄ⲧⲁϥⲙⲟⲟⲩⲧⲟⲩ ⲛ̄ ⲁⲧ ⲛⲟⲃⲉ • ⲁ
ⲡϣⲁϫⲉ ⲉⲧ ⲥⲏϩ ϩⲙ̄ ⲡⲉⲡⲣⲟⲫⲏⲧⲏⲥ ϫⲱⲕ ⲉ̄ ⲃⲟⲗ • ϫⲉ
ⲁⲓⲙⲟⲩⲧⲉ ⲉ̄ ⲡⲁ ϣⲏⲣⲉ ⲉ̄ ⲃⲟⲗ ϩⲛ̄ ⲕⲏⲙⲉ • Ⲁ ⲡⲛⲟⲩⲧⲉ
ϫⲟⲟⲩ ⲙ̄ ⲡⲉϥϣⲏⲣⲉ ⲙ̄ ⲙⲉⲣⲓⲧ ⲙⲛ̄ | ⲧⲉϥⲙⲁⲁⲩ ⲙⲁⲣⲓ︤ⲁ︥
ⲙⲛ̄ ⲓ̄ⲱⲥⲏⲫ • ⲡⲁⲣⲁ ⲑⲩⲛⲟⲫⲩⲗⲁⲝ ⲁϥⲉⲛⲧⲟⲩ ⲉ̄ ⲃⲟⲗ
ϩⲛ̄ ⲕ̄ⲏⲙⲉ • ⲁϥⲟⲩⲱϩ ϩⲛ̄ ⲛⲁⲍⲁⲣⲉⲑ • Ⲛ̄ⲧ ⲁⲓ̄ⲧⲁⲩⲉ̄ ⲛⲁⲓ̄
ⲧⲏⲣⲟⲩ ⲉ ⲧⲉⲧⲛ︦ⲁ︦ⲅⲁⲡⲏ • ⲉ̄ ⲧⲃⲉ ⲛⲉϩⲁⲓ̄ⲣⲉⲇⲓⲕⲟⲥ ⲛ̄ ⲁⲧ
ⲛⲟⲩⲧⲉ • ⲛⲁⲓ̄ ⲉⲧ ϫⲱ ⲙ̄ⲙⲟⲥ ϫⲉ ⲟⲩⲇⲩⲛⲁⲙⲓ̄ⲥ ⲧⲉ ⲙⲁⲣⲓ︦ⲁ︦ •
Ⲉⲓ̄ⲥ ϩⲏⲏⲧⲉ ⲁⲓ̄ⲧⲓ̄ⲕⲛⲉⲩⲉ ⲙ̄ⲙⲟⲥ ⲛⲏⲧⲛ̄ ϩⲙ̄ ⲡ̄ϣⲁϫⲉ
ϩⲓ̄ⲧⲉⲛ ⲛⲉ ⲛ̄ⲧ ⲁⲓ̄ϫⲟⲟⲩ ⲧⲉⲛⲟⲩ • ϫⲉ ⲟⲩⲥⲁⲣⲝ̄ ϩⲱⲱⲥ ⲧⲉ
ⲙⲁⲣⲓ︦ⲁ︦ ⲛ̄ⲑⲉ ⲛ̄ⲣⲱⲙⲉ ⲛⲓ̄ⲙ • ⲛ̄ⲧⲁ ⲡⲉϩⲓ̄ⲉⲓ̄ⲃ ⲙ̄ ⲡⲛⲟⲩⲧⲉ
ⲡⲉⲛⲧⲁϥϥⲓ̄ ⲙ̄ ⲡ̄ⲛⲟⲃⲉ ⲙ̄ ⲡⲕⲟⲥⲙⲟⲥ • ϫⲓ̄ ⲥⲁⲣⲝ̄ ⲛ̄ϩⲏⲧⲥ̄ •
ϯⲟⲩⲱϣ ⲇⲉ ⲉ ϫⲱ ⲉ̄ ⲣⲱⲧⲛ̄ ⲛ̄ ⲟⲩⲇⲓ̄ⲁⲧⲁⲅⲙⲁ ⲉ̄ ⲁϥϣⲱⲡⲉ
ϩⲓ̄ⲱⲱⲧ • Ⲛⲉⲩⲛ̄ ⲟⲩⲙⲟⲛⲟⲭⲟⲥ ⲇⲉ ⲉϥⲟⲩⲏϩ ϩⲙ̄ ⲡⲕⲱⲧⲉ
ⲙ̄ ⲡ̄ⲙⲁⲓ̄ⲱⲙⲁ ⲛ̄ ⲕⲁⲍⲁ • ⲛ̄ⲧⲁϥϫⲓ̄ ⲥⲃⲱ ⲛ̄ ⲧⲟⲟ̄ⲧⲟⲩ ⲛ̄‐
ⲑⲉⲣⲏⲥⲓ̄ⲥ ⲛ̄ ⲃⲓ̄ⲱⲛ ⲙⲛ̄ ⲁⲣⲡⲟⲕⲣⲁⲇⲓⲟⲥ ⲡⲉϥⲥⲁϩ • ⲉ̄ ⲁϥⲕⲱ
ⲛⲁϥ ⲛ̄ ⲛⲉϥϫⲱⲱⲙⲉ • ⲁϥⲱϣ ϩⲓ︦ⲱ︦ⲟⲩ • ⲉⲩⲙⲏϩ ⲛ̄ⲫⲗⲁ‐
ⲥⲫⲩⲙⲓ︦ⲁ︦ • ⲙ̄ ⲙⲛ︦ⲧ︦ⲥⲟϭ • ⲁⲩⲱ̄ ⲛⲉϥⲫⲁⲛⲧⲁⲥⲓ̄ⲁⲥⲑⲁⲓ̄ ϩⲛ̄
ⲟⲩⲛⲟϭ ⲙ̄ ⲙⲛ︦ⲧ︦ϫⲁⲥⲓ̄ ϩⲏⲧ • ϩⲙ̄ ⲡⲕⲱⲧⲉ ⲉ̄ⲧ ⲙ̄ⲙⲁⲩ •
ⲉ̄ ⲃⲟⲗ ϩⲓ̄ⲧⲉⲛ ⲛⲉⲧ ⲛⲏⲩ ϣⲁ ⲛⲉⲧⲟⲡⲟⲥ ⲉ̄ⲧ ⲟⲩⲁⲁⲃ ⲉ̄ⲧ


### 0011

ϣ̄ⲗⲏⲗ ⲛ̄ϩⲏⲧⲟⲩ • Ⲁⲩϫⲱ ⲉ̄ ⲣⲟⲓ̄ ⲛ̄ ⲛⲉⲧ ⲉϥⲧⲁⲩⲟ̄ ⲙ̄‐
ⲙⲟⲟⲩ | ϩⲛ̄ ⲧⲉϥⲕⲁⲕⲟⲇⲟⲝⲓ︦ⲁ︥ ⲙ̄ ⲡ̄ⲗⲁⲛⲏ • ⲁⲩⲱ̄ ⲁⲓ̄ϫⲟⲟⲩ
ⲛ̄ ⲥⲛⲁⲩ ⲛ̄ϩⲩⲡⲉⲣⲉⲧⲏⲥ ϣⲁ ⲡⲉⲡⲓ̄ⲥⲕⲟⲡⲟⲥ ⲛ̄ ⲕⲁⲍⲁ • Ⲉⲓ̄ϫⲱ
ⲙ̄ⲙⲟⲥ ⲛⲁϥ • ϫⲉ ⲙⲁⲣⲉ ⲧⲉⲕⲙⲛ︦ⲧ︦ϣⲓ̄ⲛⲉ ⲛⲁⲓ̄ ⲛ̄ⲥⲁ ⲡⲓ̄‐
ⲙⲟⲛⲟⲭⲟⲥ ⲉⲧ ϩⲙ̄ ⲡⲕⲟⲧⲉ ⲙ̄ⲙⲁⲓ̄ⲱⲙⲁ • ⲛⲅ̄ ⲧⲛ̄ⲛⲟⲟⲩϥ
ⲛⲁⲓ̄ ⲙⲛ̄ ⲛⲉϥϫⲱⲱⲙⲉ • Ⲧⲟⲧⲉ ⲡⲉⲡⲓ̄ⲥⲕⲟⲡⲟⲥ ⲛ̄ ⲧⲉⲣⲉ
ϥϫⲓ̄ ⲛ̄ ⲛⲉⲥϩⲁⲓ̄ • ⲁϥⲱϣⲟⲩ ⲁϥⲧ̄ⲣⲉⲩ ϯⲟⲩⲟⲓ̄ ⲛ̄ⲥⲱϥ ϩⲙ̄
ⲙⲁ ⲛⲓ̄ⲙ • Ⲛ ⲧⲉⲣ ⲟⲩⲛ̄ⲧϥ̄ ⲇⲉ ϣⲁ ⲡⲉⲡⲓ̄ⲥⲕⲟⲡⲟⲥ • ⲡⲉϫⲁϥ
ⲛⲁϥ • ϫⲉ ⲡⲁ ϣⲏⲣⲉ • ⲧⲱⲟⲩⲛ ⲛⲅ̄ ⲃⲱⲕ ⲉ̄ ⲑⲓ̄ⲗⲏ︦ⲙ︦ •
ϣⲁ ⲡⲁⲣⲭⲏⲉⲡⲓ̄ⲥⲕⲟⲡⲟⲥ • ⲙ̄ⲙⲟⲛ ⲁϥⲧⲛ̄ⲛⲟⲟⲩ ⲛ̄ⲥⲱⲕ •
ⲙⲛ̄ ⲛⲉⲕϫⲱⲱⲙⲉ • ⲛϥ̄ⲉⲓ̄ⲙⲉ ⲉ̄ ⲧⲉⲕⲥ̄ⲃⲱ • ⲉ̄ ⲧⲉⲕⲧⲁϣⲉ‐
ⲟⲉⲓ̄ϣ • ⲙ̄ⲙⲟⲥ ϫⲉ ⲧⲁ ⲛⲓ̄ⲙ ⲧⲉ • Ⲡⲙⲟⲛⲟⲭⲟⲥ ⲇⲉ
ⲁϥⲟⲩⲱϣⲃ̄ • ϫⲉ ϯⲛⲁϥⲓ̄ ⲛ̄ ⲛⲁϫⲱⲱⲙⲉ • ⲧⲁ ⲃⲱⲕ ϣⲁ
ⲣⲟϥ ⲉ̄ ⲑⲓ̄ⲗⲏ︦ⲙ︦ • Ⲡϩⲩⲡⲉⲣⲉⲧⲏⲥ ⲇⲉ ⲥⲛⲁⲩ ⲁⲩⲉⲛⲧϥ̄ ⲉ
ⲑⲓ̄ⲗⲏ︤ⲙ︥ ϣⲁ ⲡⲁⲣⲭⲏⲉⲡⲓ̄ⲥⲕⲟⲡⲟⲥ • Ⲡⲉϫⲁϥ ⲛⲁϥ • ϫⲉ
ⲁⲛⲥⲱⲧⲙ̄ ⲡ̄ⲥⲟⲛ • ϫⲉ ⲕⲧⲓ̄ⲥⲃⲱ ϩⲛ̄ ⲟⲩⲥⲃⲱ ⲛ̄ ϣⲙ̄ⲙⲟ •
ⲉⲕⲡⲱⲱⲛⲉ ⲛ̄ ⲛⲉⲫⲟⲛⲟⲟⲩⲉ̄ ⲛ̄ ⲛⲉⲩⲁⲅⲅⲉⲗⲓ̄ⲟⲛ ⲉ̄ⲧ ⲟⲩⲁⲁⲃ •
Ⲡⲉϫⲉ ⲁⲛⲛⲁⲣⲓ̄ⲭⲟⲥ ⲡⲙⲟⲛⲟⲭⲟⲥ ⲛⲁϥ • ϫⲉ ⲛ̄ ⲟⲩⲥⲃⲱ
ⲛ̄ ϣⲙ̄|ⲙⲟ ⲁⲛ ⲧⲉ ⲧⲁ ⲥⲃⲱ • ⲁⲗⲗⲁ ⲧⲁ ⲛⲉⲛⲓ̄ⲟⲧⲉ ⲛ̄-
ⲁⲡⲟⲥⲧⲟⲗⲟⲥ ⲧⲉ • ⲉⲁ̄ ⲛⲉⲛⲓ̄ⲟⲧⲉ ⲧⲓ̄ⲥⲃⲱ ⲙ̄ⲙⲟⲥ ϩⲛ̄ ⲟⲩⲉⲩ‐
ⲇⲟⲝⲓ̄ⲁ︦ ϩⲙ̄ ⲙⲁ ⲛⲓ̄ⲙ • Ⲡⲉϫⲉ ⲁⲡⲁ ⲕⲩⲣⲓ̄ⲗⲗⲟⲥ ⲛⲁϥ •
ϫⲉ ⲛⲓ̄ⲙ ⲛⲉ ⲛⲉⲕⲓ̄ⲟⲧⲉ • Ⲡⲉϫⲁϥ ϫⲉ ⲡⲛⲟϭ ⲛ̄ ⲉⲡⲓ̄ⲥⲕⲟⲡⲟⲥ
ⲉ̄ⲧ ⲟⲩⲁⲁⲃ ⲥⲁⲧⲱⲣ • ⲙⲛ̄ ⲉ̄ⲃⲓ̄ⲱⲛ • ⲡⲉⲛⲧⲁϥⲉⲓ̄ ⲙⲛ︦ⲛ︦ⲥⲱϥ •
Ⲡⲉϫⲉ ⲡⲁⲣⲭⲏⲉⲡⲓ̄ⲥⲕⲟⲡⲟⲥ ⲛⲁϥ • ϫⲉ ⲛ̄ⲧⲁⲕⲙⲁⲑⲉⲧⲉⲩⲉ •
ⲁⲩⲱ ⲁⲕⲉⲣ ⲙⲟⲩⲗⲓ̄ⲁⲣⲏⲥ ⲙ̄ ⲡⲥⲟⲉⲓ̄ϣ ⲛ̄ ⲥⲏϭ ⲙ̄ ⲡϩⲁⲣⲙⲁ
ⲙ̄ ⲡⲇⲓ︦ⲁ︦ⲃⲟⲗⲟⲥ • Ⲡⲉϫⲉ ⲡⲙⲟⲛⲟⲭⲟⲥ ⲛⲁϥ • ϫⲉ ⲁ ⲁⲣⲡⲟ‐
ⲕⲣⲁⲇⲓ̄ⲟⲥ ⲛⲉϫ ⲇⲁⲓ̄ⲙⲟⲛⲓ̄ⲟⲛ ⲉ̄ ⲃⲟⲗ • Ⲡⲉϫⲉ ⲡⲁⲣⲭⲏ‐
ⲉⲡⲓ̄ⲥⲕⲟⲡⲟⲥ ⲛⲁϥ • ϫⲉ ⲧⲁⲙⲟⲓ̄ ϫⲉ ⲕⲛⲉϫ ⲇⲁⲓ̄ⲙⲟⲛⲓ̄ⲟⲛ
ⲉ̄ ⲃⲟⲗ ⲛ̄ ⲁϣ ⲛ̄ ϩⲉ • ⲉⲓ̄ ⲉⲕⲧⲁϣⲉⲟⲉⲓ̄ϣ ⲙ̄ ⲡⲉⲩⲁⲅⲅⲉⲗⲓ̄ⲟⲛ
ⲛ̄ ⲁϣ ⲛ̄ ϩⲉ • ⲏ̄ ⲉⲕϫⲱ ⲙ̄ⲙⲟⲥ • ϫⲉ ⲟⲩ ⲉ̄ ⲧⲃⲉ ⲡⲉⲭ︦ⲥ︦
ⲙⲛ̄ ⲡⲉϥϫ̄ⲡⲟ ⲕⲁⲧⲁ ⲥⲁⲣⲝ̄ • ⲏ̄ ϫⲉ ⲛⲓ̄ⲙ ⲧⲉ ⲧⲉϥⲙⲁⲁⲩ
ⲛ̄ⲧⲁⲥϫⲡⲟϥ • ⲙⲛ̄ ⲡⲉϥⲙⲟⲩ ⲉ̄ⲧ ⲙⲉϩ ⲛ̄ ⲟⲩϫⲁⲓ̄ • ⲙⲛ̄
ⲡⲉϥⲧⲱⲟⲩⲛ ⲉ̄ ⲃⲟⲗ ϩⲛ̄ ⲛⲉⲧ ⲙⲟⲟⲩⲧ ⲙ̄ ⲡⲉϥⲙⲉϩ ϣⲟⲙⲛ︦ⲧ︦
ⲛ̄ϩⲟⲟⲩ • Ⲡⲉϫⲉ ⲡⲉⲧ ⲙ̄ⲙⲁⲩ ϫⲉ ϥⲥⲏϩ ϩⲙ̄ ⲡ|ⲕⲁⲧⲁ


### 0012

ϩⲃ̄ⲣⲁⲓ̄ⲟⲥ • ϫⲉ ⲛ̄ ⲧⲉⲣⲉ ⲡⲉⲭ︤ⲥ︥ ⲟⲩⲱϣ ⲉ̄ ⲉⲓ̄ ⲉ̄ϫⲙ̄ ⲡⲕⲁϩ
ϣⲁ ⲛ̄ⲣⲱⲙⲉ • ⲁ ⲡⲉⲉⲓ̄ⲱⲧ ⲛ̄ ⲁⲅⲁⲑⲟⲥ ⲙⲟⲩⲧⲉ ⲉⲩⲛⲟϭ
ⲛ̄ ⲇⲩⲛⲁⲙⲓ̄ⲥ • ϩⲛ̄ ⲛ̄ ⲙ̄ⲡⲏⲩⲉ • ⲛ̄ ϣⲁⲩⲙⲟⲩⲧⲉ ⲉ̄ ⲣⲟⲥ
ϫⲉ ⲙⲓ̄ⲭⲁⲏⲗ • ⲁϥϭⲁⲗⲱ ⲙ̄ ⲡⲉⲭ︤ⲥ︥ ⲉ̄ ⲣⲟⲥ • ⲁⲥⲉⲓ̄ ⲉ̄
ⲡⲉⲥⲏⲧ ⲉ̄ ⲡⲕⲟⲥⲙⲟⲥ • ⲁⲩⲙⲟⲩⲧⲉ ⲉ̄ ⲣⲟⲥ • ϫⲉ ⲙⲁⲣⲓ︦ⲁ︦ •
ⲁϥϣⲱⲡⲉ ϩⲛ̄ ⲧⲉⲥⲕⲁⲗⲁϩⲏ ⲛ̄ⲥⲁϣϥ̄ ⲛ̄ⲉⲃⲟⲧ • Ⲙⲛ︦ⲛ︦ⲥⲱⲥ
ⲁⲥⲙⲓ̄ⲥⲉ ⲙ̄ⲙⲟϥ • ⲁϥⲁⲓ̄ⲁⲓ̄ ϩⲛ̄ ⲑⲩⲗⲏⲅⲓ︦ⲁ︦ • ⲁϥⲥⲟⲧⲡ̄ ⲛ̄
ϩⲛ̄ⲁⲡⲟⲥⲧⲟⲗⲟⲥ • ⲁⲩⲧⲁ ϣⲉⲟ̄ⲉⲓ̄ϣ ⲙ̄ⲙⲟϥ ϩⲙ̄ ⲙⲁ ⲛⲓⲙ •
ⲁϥϫⲱⲕ ⲉ ⲃⲟⲗ ⲛ̄ ⲧⲉⲡⲣⲟⲑⲉⲥⲙⲓ︦ⲁ︦ • ⲉⲧ ⲧⲏϣ ⲛⲁϥ • ⲁ
ⲛⲓⲟⲩⲇⲁⲓ̄ ⲕⲱϩ ⲉ̄ ⲣⲟϥ • ⲁⲩⲙⲉⲥⲧⲟϥ • ϫⲉ ⲁϥϣⲓ̄ⲃⲉ ⲛ̄
ⲛⲉⲥⲩⲛⲏⲑⲓ︦ⲁ︦ ⲙ̄ ⲡⲉⲩⲛⲟⲙⲟⲥ • Ⲁⲩⲱ ⲁⲩⲧⲱⲟⲩⲛ ⲉ̄ ϩⲣⲁⲓ̄
ⲉ̄ ϫⲱϥ ⲁⲩϭⲱⲡϥ̄ • ⲁⲩⲡⲁⲣⲁⲇⲓ̄ⲇⲟⲩ ⲙ̄ⲙⲟϥ ⲉ̄ ⲡϩⲏⲅⲉ‐
ⲙⲱⲛ • ⲁϥⲧⲁⲁϥ ⲛⲁⲩ ⲉ ⲧⲣⲉ ⲩⲥ̄⳨ⲟ︦ⲩ︦ ⲙ̄ⲙⲟϥ • Ⲛ̄ ⲧⲉⲣ
ⲟⲩⲧⲁⲗⲟϥ ϩⲓ̄ϫⲙ̄ ⲡϣⲉ ⲙ̄ ⲡⲉⲥ̄⳨ⲟ︦ⲥ︦ ⲁ ⲡⲉⲓ̄ⲱⲧ ϥⲓ̄ⲧϥ̄ ⲉ̄
ⲧⲡⲉ ϩⲁϩⲧⲓⲛⲓ • Ⲡⲉϫⲉ ⲡⲡⲁⲧⲣⲓ̄ⲁⲣⲭⲏⲥ ⲕⲩⲣⲓ̄ⲗⲗⲟⲥ • ϫⲉ
ⲛⲓ̄ⲙ ⲁϥⲧⲛ̄ⲛⲟⲟⲩⲕ • ϫⲉ ⲧⲓ̄ⲥⲃⲱ ⲛⲁⲓ̄ • Ⲡⲉϫⲉ ⲡⲏ ⲛⲁϥ •
ϫⲉ ⲡⲉⲭ︤ⲥ︥ ⲁϥϫⲟⲟⲥ ϫⲉ ⲉ̄ ⲙⲟⲟϣⲉ | ⲉ̄ ⲃⲟⲗ ⲉ̄ ⲡⲕⲟⲥⲙⲟⲥ
ⲧⲏⲣϥ̄ • ⲛ̄ⲧⲉⲧⲛ̄ⲧⲓ̄ⲥⲃⲱ ⲛ̄ ⲛⲓϩⲉⲑⲛⲟⲥ ⲧⲏⲣⲟⲩ ϩⲙ̄ ⲡⲁ
ⲣⲁⲛ ϩⲙ̄ ⲙⲁ ⲛⲓ̄ⲙ • Ⲡⲉϫⲉ ⲁⲡⲁ ⲕⲩⲣⲓ̄ⲗⲗⲟⲥ ⲛⲁϥ • ϫⲉ
ⲕϫⲓ̄ ⲣⲱ ⲛ̄ ⲛⲉⲩⲁⲅⲅⲉⲗⲓ̄ⲟⲛ • Ⲡⲉϫⲁϥ ⲛⲁϥ • ϫⲉ ⲥⲉ •
ⲧⲱⲛⲟⲩ ⲡⲁ ϫⲟⲉⲓ̄ⲥ ⲛ̄ ⲉⲓ̄ⲱⲧ • Ⲁϥⲟⲩⲱϣⲃ̄ ⲛ̄ϭⲓ ⲡⲁⲣⲭⲏ‐
ⲉⲡⲓ̄ⲥⲕⲟⲡⲟⲥ • ϫⲉ ⲁϣ ϩⲙ̄ ⲡⲉϥⲧⲟⲟⲩ ⲛ̄ⲉⲩⲁⲅⲅⲉⲗⲓ̄ⲟⲛ
ⲡⲉⲛⲧⲁϥϫⲟⲟⲥ • ϫⲉ ⲟⲩⲇⲩⲛⲁⲙⲓ̄ⲥ ⲧⲉ ⲧⲡⲁⲣⲑⲉⲛⲟⲥ ⲉ̄ⲧ
ⲟⲩⲁⲁⲃ ⲙⲁⲣⲓ̄ⲁ︦ ⲧⲙⲁⲁⲩ ⲙ̄ ⲡⲛⲟⲩⲧⲉ • Ⲁϥⲟⲩⲱϣⲃ̄ ⲛ̄ϭⲓ
ⲡⲏ ϫⲉ ⲡⲕⲁⲧⲁ ϩⲃ̄ⲣⲁⲓ̄ⲟⲥ ⲡⲉ • Ⲁϥⲟⲩⲱϣⲃ̄ ⲁⲡⲁ ⲕⲩⲣⲓ̄ⲗ‐
ⲗⲟⲥ • ϫⲉ ⲟⲩⲕ ⲟⲩⲛ ⲕⲁⲧⲁ ⲡⲉⲕϣⲁϫⲉ ⲟⲩⲉⲛ ϯⲟⲩ ⲛ̄ⲉⲩ‐
ⲁⲅⲅⲉⲗⲓ̄ⲟⲛ ⲙ̄ⲙⲁⲩ • Ⲁϥⲟⲩⲱϣⲃ̄ ⲛ̄ϭⲓ̄ ⲡ̄ⲙⲟⲛⲟⲭⲟⲥ ⲉ̄ⲧ
ⲙ̄ⲙⲁⲩ • ϫⲉ ⲥⲉ ⲥⲉ ⲙ̄ⲙⲁⲩ • Ⲁϥⲟⲩⲱϣⲃ̄ ⲛ̄ϭⲓ̄ ⲁⲡⲁ
ⲕⲩⲣⲓ̄ⲗⲗⲟⲥ ϫⲉ ⲛⲓ̄ⲙ ⲡⲉ ⲡⲣⲁⲛ ⲙ̄ ⲡⲙⲉϩ ϯⲟⲩ ⲛ̄ⲉⲩ‐
ⲁⲅⲅⲉⲗⲓ̄ⲟⲛ ⲧⲁⲣⲉⲛ ⲉⲓ̄ⲙⲉ ϫⲉ ⲟⲩⲉ ⲉ̄ ⲃⲟⲗ ⲧⲱⲛ ⲡⲉ ⲧⲉⲥⲃⲱ
ⲙ̄ ⲡⲉⲭ︦ⲥ︦ ⲧⲉⲛⲉⲓ̄ⲙⲉ ⲉ ⲣⲟⲥ • Ⲡⲉϥⲧⲟⲟⲩ ⲛ̄ⲉⲩⲁⲅⲅⲉⲗⲓ̄ⲟⲛ
ⲥⲉⲥⲏϩⲉ ⲉ̄ ϫⲱⲟⲩ • Ⲡⲕⲁⲧⲁ ⲙⲁⲑⲉⲟⲥ • ⲡ̄ⲕⲁⲧⲁ ⲙⲁⲣⲕⲟⲥ •
ⲡ̄ⲕⲁⲧⲁ ⲗⲟⲩⲕⲁⲥ • ⲡ̄ⲕⲁⲧⲁ ⲓ̄ⲱϩⲁⲛⲛⲏⲥ • | ⲛⲓ̄ⲙ ϩⲱⲱϥ ⲡⲉ
ⲡ̄ⲙⲉϩ ϯⲟⲩ • Ⲡⲉϫⲉ ⲡⲏ ⲛⲁϥ ϫⲉ ⲛⲉϩⲃ̄ⲣⲁⲓ̄ⲟⲥ • ⲁⲩⲥⲁϩϥ̄ •


### 0013

Ⲁϥⲟⲩⲱϣⲃ̄ ⲛ̄ϭⲓ̄ ⲡϩⲁⲅⲓ̄ⲟⲥ ⲕⲩⲣⲓ̄ⲗⲗⲟⲥ • ϫⲉ ⲁⲕϫⲉ ⲧⲙⲏ
ⲙ̄ ⲡⲓ̄ⲥⲟⲡ • Ⲟⲩⲕ ⲟⲩⲛ ⲉⲛⲛⲁⲕⲱ ⲛ̄ⲥⲱⲛ ⲉ̄ ⲧⲉⲥⲃⲱ ⲙ̄
ⲡⲉⲭ︦ⲥ︦ • ⲉⲛⲧⲛ̄ⲟⲩⲁ̄ϩⲛ̄ ⲛ̄ⲥⲁ ⲛⲉϩⲃ̄ⲣⲁⲓ̄ⲟⲥ • ⲉⲩⲡⲗⲁⲛⲁ • ⲛ̄ⲛⲉ
ⲥϣⲱⲡⲉ • Ⲉ̄ⲣⲉ ⲛ̄ϩⲃ̄ⲣⲁⲓ̄ⲟⲥ ⲟⲩⲉϣⲟⲩ ⲛ̄ⲥⲁ ⲡⲁⲓ̄ ⲙ̄ⲙⲁⲧⲉ •
ⲉ ⲧⲣⲉ ⲩϯ ⲛ̄ ⲟⲩⲧⲱⲗⲙ̄ ⲉ̄ ⲡⲉⲛⲧⲃ̄ⲃⲟ • ⲁⲩⲱ ⲡⲉⲛⲧⲁⲓ̄ⲟ
ⲛ̄ⲑⲉ ⲛ̄ⲧⲁⲩϫⲟⲟⲥ ⲙ̄ ⲡⲉⲭ︦ⲥ︦ ⲙ̄ ⲡⲓ̄ⲟⲩⲟ̄ⲉⲓ̄ϣ ϫⲉ ⲉⲕⲛⲉϫ
ⲇⲁⲓ̄ⲙⲟⲛⲓ̄ⲟⲛ ⲉ̄ ⲃⲟⲗ ϩⲛ̄ ⲃⲉⲣⲍⲉⲃⲟⲩⲗ • Ⲙⲏ ⲛϥ̄ⲥⲏϩ ⲁⲛ •
ϫⲉ ⲡⲉⲧ ⲛϥ̄ϩⲟⲙⲟⲗⲟⲅⲓ̄ ⲁⲛ • ϫⲉ ⲓ︤ⲥ︥ ⲡⲉⲭ︤ⲥ︥ ⲁϥⲉⲓ̄ ϩⲛ̄
ⲧⲥⲁⲣⲝ̄ • ⲡⲁⲓ̄ ⲡⲉ ⲡⲉⲡⲗⲁⲛⲟⲥ • ⲁⲩⲱ ⲡⲁⲛⲧⲓ̄ⲭⲣⲓ̄ⲥⲧⲟⲥ ⲛ̄
ⲧⲉⲕϩⲉ ϩⲱⲱⲕ • ⲁⲩⲱ̄ ⲟⲛ ϫⲉ ⲡⲉⲧ ⲛⲏⲩ ϣⲁ ⲣⲱⲧⲛ̄ ⲛϥ̄ⲧ‐
ⲙ̄ ⲉⲓ̄ⲛⲉ ⲛⲏⲧⲛ̄ ⲛ̄ ⲧⲓ̄ⲥⲃⲱ • ⲙ̄ⲡⲉⲣ ϫⲓ̄ⲧϥ̄ ⲉ̄ ϩⲟⲩⲛ ⲉ̄ ⲡⲉⲧⲛ̄ⲏⲓ̄ •
ⲟⲩⲇⲉ ⲙ̄ⲡⲉⲣϫⲟⲟⲥ ⲛⲁϥ ϫⲉ ⲭⲁⲓ̄ⲣⲉ • ⲁⲩⲱ̄ ⲟⲛ ϫⲉ ⲉⲛⲉ
ϩⲛ̄ ⲉ̄ ⲃⲟⲗ ⲙ̄ⲙⲟⲛ ⲛⲉ ⲛⲉⲩⲛⲁⲉⲓ̄ⲛⲉ ⲙ̄ⲙⲟⲛ ⲡⲉ • ⲛ̄ⲧⲁⲩⲉⲓ̄
ⲉ̄ ⲃⲟⲗ ⲛ̄ϩⲏⲧⲛ̄ • Ⲁⲗⲗⲁ ϩⲛ̄ ⲉ̄ ⲃⲟⲗ ⲛ̄ϩⲏⲧⲛ̄ ⲁⲛ ⲛⲉ • ⲉⲧⲉ
ⲡⲁⲓ̄ ⲡⲉ ϫⲉ ⲥⲉϫⲱ ⲙ̄ ⲡⲣⲁⲛ ⲙ̄ ⲡⲉⲭ︤ⲥ︥ ⲉ ⲃⲟⲗ ϩⲛ̄ ⲣⲱⲟⲩ •
ⲉⲩϩⲩⲡⲟⲕⲣⲓ̄ⲛⲉ ϩⲙ̄ ⲡⲉⲩϩⲏⲧ ⲛ̄ⲁⲧⲉⲣϩ̄ⲧⲏⲉⲩ|ⲥⲉⲩϩ̄ ϭⲱⲛⲧ̄
ⲛⲁⲩ ⲉ̄ ϩⲟⲩⲛ ⲙ̄ ⲡⲉϩⲟⲟⲩ ⲙ̄ ⲡϩⲁⲡ ⲙ̄ ⲙⲉ • ⲙⲛ̄ ⲡ̄ϭⲱⲛⲧ̄
ⲉ ⲃⲟⲗ ⲛ̄ ⲓ︦ⲥ︦ ⲡⲉⲭ︦ⲥ︦ • Ⲙⲉⲣⲉ ⲧⲉⲥⲃⲱ ⲛ̄ ⲛ̄ⲓⲟⲩⲇⲁⲓ̄ ϣ̄ϩⲱⲧⲉⲣ
ⲙⲛ̄ ⲧⲉⲥⲃⲱ ⲙ̄ ⲡⲉⲭ︦ⲥ︦ • Ⲁϣ ⲡⲉ ⲡϣⲟⲛϥ̄ ⲛ̄ ⲛⲉϩⲃ̄ⲣⲁⲓ̄ⲟⲥ •
ⲙⲛ̄ ⲡϣⲟⲛϥ̄ ⲛ̄ ⲛ̄ⲉⲩⲁⲅⲅⲉⲗⲓ̄ⲟⲛ ⲉ̄ⲧ ⲟⲩⲁⲁⲃ • Ⲁ[ⲓ] ϯ ⲅⲁⲣ
ⲛ̄ϩⲁⲓ̄ⲣⲉⲥⲓ̄ⲥ ϣⲱⲡⲉ • ⲛⲁⲓ̄ ⲛ̄ⲧⲁ ⲁⲡⲁ ⲉ̄ⲡⲓ̄ⲫⲁⲛⲓ̄ⲟⲥ ϣⲁϫⲉ
ϩⲁ ⲣⲟⲟⲩ • ϩⲙ̄ ⲡⲉϥⲉⲩⲁⲅⲅⲉⲣⲟⲇⲟⲥ • ⲟⲩⲉⲧ ⲧⲉⲡⲗⲁⲛⲏ
ⲛ̄ⲧⲟⲩⲉⲓ̄ ⲧⲟⲩⲉⲓ̄ ⲙ̄ⲙⲟⲟⲩ ⲧⲟⲕ ϩⲟⲟⲩ ⲡⲁⲣⲁ ⲧⲟⲟⲩ ⲧⲏⲣⲟⲩ •
Ⲡⲉϫⲉ ⲁⲛⲛⲁⲣⲓ̄ⲭⲟⲥ ⲡⲙⲟⲛⲟⲭⲟⲥ ⲛ̄ ⲁⲡⲁ ⲕⲩⲣⲓ̄ⲗⲗⲟⲥ • ϫⲉ
ⲙⲛ̄ ϭⲟⲙ ⲛ̄ⲧⲉⲩϣⲏ ⲉ ϯⲧⲟⲛ ⲙⲛ̄ ⲡⲉϩⲟⲟⲩ • ⲟⲩⲇⲉ ⲙⲉⲣⲉ
ⲡⲕⲁⲕⲉ ⲉϣⲁϩⲉ ⲣⲁⲧϥ̄ ϩⲓ̄ ⲑⲏ ⲙ̄ ⲡⲟⲩⲟⲉⲓ̄ⲛ • Ⲁⲓ̄ϭⲱⲧⲡ̄
ⲛⲁϩⲣⲉⲛ ⲧⲉⲕⲛⲟϭ ⲛ̄ⲥⲟⲫⲓⲁ • ⲁⲩⲱ ⲁⲓ̄ⲉⲓ̄ⲙⲉ ϩⲱⲱⲧ ϫⲉ
ϯϣⲟⲃⲧ̄ • ⲙⲁⲣⲉ ⲧⲉⲕⲙⲛ︤ⲧ︥︥ⲱⲧ • ϯ ⲙⲉⲧⲁⲛⲟⲓ︤ⲁ︥ ⲛⲁⲓ̄ ϩⲱⲱⲧ •
ⲁⲩⲱ̄ ⲛⲁⲓ̄ ⲧⲏⲣⲟⲩ ⲛ̄ⲧⲁⲓ̄ϣⲣ̄ϣⲟⲣⲟⲩ ϯⲛⲁⲕⲟⲧⲟⲩ • Ⲁⲗⲗⲁ
ϫⲓ̄ ⲛ̄ ⲛⲁϫⲱⲱⲙⲉ ⲛⲅ̄ ⲣⲟⲕϩⲟⲩ • ⲁⲩⲱ ⲛⲁ ⲭ̄ⲣⲏⲙ[ⲁ] •
ⲛⲅ̄ ⲧⲁⲁⲩ ⲛ̄ ⲛⲉϩⲏⲕⲉ • ϫⲉ ⲁ̄ ⲡⲁ ϩⲏⲧ ⲟⲩⲁϩϥ̄ ⲛ̄ⲥⲁ
ⲛⲉⲕϣⲁϫⲉ • ⲙⲛ̄ ⲛⲉⲩⲁⲅⲅⲉⲗⲓ̄ⲟⲛ ⲉ̄ⲧ ⲟⲩⲁⲁⲃ • Ⲁⲩⲱ̄ ⲛ̄
ⲧⲉⲣ ⲓ̄ⲣⲱⲕϩ̄ ⲛ̄ ⲛⲉϥϫⲱⲱⲙⲉ • ⲡⲉϫⲁⲓ̄ ⲛⲁϥ ϫⲉ ⲛⲓ̄ⲙ |


### 0014

Ⲡⲉⲧ ⲙ̄ⲡ ⲟⲩϯ ⲥⲭⲏⲙⲁ ⲉ ⲣⲟϥ ⲟⲩϫⲡⲟ ⲛ̄ ϣⲏⲣⲉ ⲡⲉ •
ⲟⲩⲁⲣⲭⲏ̄ ⲇⲉ ⲡⲉ • ⲁⲩϫⲡⲟϥ ⲉⲧⲉ ⲙⲛ︦ⲧ︦ϥ︦ ⲁⲣⲭⲏ • Ⲧⲁⲣⲭⲏ
ⲙⲛ̄ ⲁⲥϣⲱⲡⲉ ⲛ̄ ⲧⲙⲛ︦ⲧ︦ⲣⲱⲙⲉ • ⲧⲙⲛ︦ⲧ︦ⲛⲟⲩⲧⲉ ⲇⲉ ⲙⲛ︦ⲧ︦ⲥ︦
ⲁⲣⲭⲏ • ⲡⲉⲓ̄ ⲁⲧ ⲙⲟⲣⲫⲏ • Ⲁⲩⲱ̄ ⲙ̄ⲡⲉ ⲡⲣⲟⲥⲑⲩⲕⲏ
ϣⲱⲡⲉ ϩⲛ̄ ⲧⲉⲧⲣⲓ̄ⲁⲥ • ⲉ ⲧⲣⲉ ⲥϣⲱⲡⲉ ⲛ̄ ⲧⲉⲧⲣ[ⲓ̄]ⲁⲥ • ⲉⲧⲉ
ⲡⲁⲓ̄ ⲡⲉ ϫⲉ ⲛ̄ⲧⲉ ϣⲟⲙⲛ︦ⲧ︦ ⲣ̄ ϥ̄ⲧⲟⲟⲩ • Ⲟⲩⲥⲩⲛϩⲟⲇⲟⲥ ⲛ̄
ⲟⲩⲱⲧ • ⲟⲩϭⲓ̄ⲛⲓ̄ ⲉ ϩⲟⲩⲛ ⲛ̄ ⲟⲩⲱⲧ ⲉ̄ ⲃⲟⲗ ϩⲛ̄ ⲫⲩⲥⲓ̄ⲥ ⲥⲛ̄ⲧⲉ •
ⲁⲩⲱ̄ ⲟⲩϫⲡⲟ ⲛ̄ ⲟⲩϣⲏⲣⲉ ⲛ̄ ⲟⲩⲱⲧ ⲟⲩⲙⲛ︦ⲧ︦ⲟⲩⲁ̄ ⲛ̄ ⲧⲥⲁⲣⲝ̄ •
ⲁϫⲛ̄ ⲗⲁⲁⲩ ⲛ̄ϫⲣⲟⲡ • Ⲙⲉϥϣⲓ̄ⲃⲉ ⲅⲁⲣ ϩⲛ̄ ⲧⲉϥⲫⲩⲥⲓ̄ⲥ •
ⲟⲩⲇⲉ ⲙⲉϥϭⲟϫϥ̄ ϩⲛ̄ ⲧⲉϥϭⲟⲙ • ⲟⲩⲇⲉ ⲙⲉϥⲡⲱⲣϫ̄ ⲥⲁ
ⲃⲟⲗ ⲉ̄ ⲡⲉⲛⲧⲁϥϫⲡⲟϥ ⲛ̄ ⲁⲣⲭⲁⲓ̄ⲟⲥ • ⲉⲧⲉ ⲡⲁⲓ̄ ⲡⲉ ⲛ̄
ⲁⲣⲭⲏ • ⲁⲗⲗⲁ ⲟⲩⲙⲛ︦ⲧ︦ⲟⲩⲁ̄ ⲇⲉ ⲛ̄ ⲧⲥⲁⲣⲝ̄ ⲙ̄ ⲡⲛⲟⲩⲧⲉ •
ⲉⲩϫⲓ̄ ⲛ̄ ⲟⲩⲫⲩⲥⲓ̄ⲥ ⲛ̄ ⲟⲩⲱⲧ • ⲛ̄ⲧⲉⲧϭⲓ̄ⲛⲓ̄ ϣⲁ ⲣⲟⲛ ⲙ̄
ⲡⲉϫⲏⲟ ⲉⲧ ⲥⲙⲁⲙⲁⲁⲧ ⲙ̄ ⲡ̄ⲛⲟⲩⲧⲉ ⲡⲗⲟⲅⲟⲥ • ⲧⲉ ϣⲡⲏⲣⲉ
ⲉⲧ ϩⲏⲡ ϩⲙ̄ ⲡⲛⲟⲩⲧⲉ ϫⲓ̄ⲛ ⲉⲛⲉϩ • ⲉⲓ̄ϣⲁϫⲉ ⲉ̄ ⲧⲉϣⲡⲏⲣⲉ
ⲙ̄ ⲡ̄ⲛⲟⲩⲧⲉ ⲛ̄ⲧⲁϥⲣ̄ ⲣⲱⲙⲉ • Ⲡⲙⲩⲥⲧⲏⲣⲓ̄ⲟⲛ ⲛ̄ ⲁⲧ ⲡⲟϣϥ̄ •
ⲧⲉ ⲫⲩⲥⲓ̄ⲥ • ⲡⲉⲛⲧⲁϥⲃⲱⲗ ⲉ̄ ⲃⲟⲗ ⲉ̄ ⲡⲥⲁϩⲟⲩ • ⲁϥⲧⲁⲕⲟ
ⲛ̄ ⲧⲁⲡⲟⲫⲁⲥⲓ̄ⲥ ⲙ̄ ⲡⲙⲟⲩ • Ⲡⲉⲛⲧⲁϥⲧⲥⲁⲃⲟⲛ ⲉ ⲑⲩⲡⲟ‐
ⲥⲧⲁⲥⲓ̄ⲥ ⲉ̄ⲧⲉ ⲙⲛ︦ⲧ︦ⲥ︦ ⲁⲣⲭⲏ • ⲛ̄ⲧⲉ ⲡⲙⲟⲛⲟⲅⲉⲛⲏⲥ ⲙⲁⲩⲁⲁϥ
ⲓ︦ⲥ̄ ⲡⲉⲭ︦ⲥ︦ ⲡⲉⲛϫⲟⲉⲓ̄ⲥ • Ⲡⲉϫⲡⲟ ⲕⲁⲧⲁ ⲥⲁⲣⲝ̄ ϩⲛ̄ ⲧⲉⲧⲟ ⲙ̄
ⲡⲁⲣⲑⲉⲕⲟⲥ ⲛ̄ ⲟⲩⲟⲉⲓ̄ϣ ⲛⲓ̄ⲙ ⲑⲁⲅⲓ̄ⲁ︦ ⲙⲁⲣⲓ︦ⲁ̄ • ⲧⲁⲓ̄ ⲉ̄ⲧ
ⲉⲛⲥⲱⲟⲩϩ ⲉ̄ ϩⲟⲩⲛ | ⲉ̄ ⲡⲉⲥⲏⲓ̄ ⲉ̄ⲧ ⲟⲩⲁⲁⲃ ⲙ̄ⲡⲟⲟⲩ • ⲉⲛⲉⲓ̄ⲣⲉ
ⲙ ⲡ̄ⲙⲉⲉⲩⲉ̄ ⲙ̄ ⲡⲉϩⲟⲟⲩ ⲙ̄ ⲡⲉⲥⲛ̄ⲕⲟⲧⲕ̄ • Ⲉϣϫⲉ ⲕ̄ⲛⲁϩⲟ‐
ⲙⲟⲗⲟⲅⲉⲓ̄ ⲛ̄ ⲛⲁⲓ̄ • ⲛ̄ⲟⲩⲡⲓ̄ⲥⲧⲓ̄ⲥ ⲛ̄ ⲁⲧⲁ̄ⲣⲓ̄ⲕⲉ • ⲉⲓ̄ⲉ ⲧⲉⲛⲥⲃ̄‐
ⲧⲱⲧ ⲉ̄ ϫⲓ︦ⲕ︦ ⲉ̄ ϩⲟⲩⲛ ⲉ̄ ⲧⲁⲩⲗⲏ ⲛ̄ ⲛⲉⲥⲟⲟⲩ ⲧⲏⲣⲟⲩ • ⲙ̄
ⲡ̄ϣⲱⲥ ⲙ̄ⲙⲉ ⲙ̄ ⲡⲉⲭ︦ⲥ︦ • ⲙⲏ ⲉⲕⲟ ⲛ̄ϩⲏⲧ ⲥⲛⲁⲩ • ⲉⲕⲟⲩⲏϩ
ⲛ̄ⲥⲁ ⲛⲉϣⲁϫⲉ ⲛ̄ⲧⲁⲩⲧⲥⲁⲃⲟⲕ ⲉ ⲣⲟⲟⲩ • ⲉⲓ̄ⲉ ⲁ̄ⲛⲁⲭⲱⲣⲉⲓ̄
ⲛⲁⲕ ⲥⲁ ⲃⲱⲗ ⲉ̄ ⲡⲓ̄ⲙⲁ • Ⲁϥⲟⲩⲱⲛ ⲉ̄ ⲣⲟϥ ⲛ̄ϭⲓ ⲁⲛⲛⲁⲣⲓ̄‐
ⲭⲟⲥ • ⲁϥⲁⲛⲁⲑⲏⲙⲁϯⲍⲉ ⲉ̄ ⲑⲁⲓⲣⲏⲥⲓ̄ⲥ ⲛ̄ ⲉⲃⲓ̄ⲱⲛ • ⲙⲛ̄
ⲁⲣⲡⲟⲕⲣⲁⲧⲓ̄ⲥ • ⲉϥϫⲱ ⲙ̄ⲙⲟⲥ • ϫⲉ ⲁ̄ⲛⲁⲑⲩⲙⲁ ⲉ̄ ϩⲩⲣⲏ‐
ⲥⲓ̄ⲥ ⲛⲓ̄ⲙ • ⲉ̄ⲧⲛ̄ⲥⲉⲡⲓ̄ⲥⲧⲉⲩⲉ̄ ⲁⲛ ⲉ̄ ⲛⲉⲛⲧⲁⲕϫⲟⲟⲩ ⲛⲁⲓ̄ •
Ⲧⲉⲛⲟⲩ ⲧⲉ ⲡⲁ ⲉⲓ̄ⲱⲧ • ϣⲟⲡⲧ̄ ⲉ̄ ⲣⲟⲕ ⲉⲩⲁ̄ⲅⲁⲑⲟⲛ ⲛⲁⲕ •
Ⲛ̄ ⲧⲉⲣ ⲓ̄ⲉⲓ̄ⲙⲉ ⲇⲉ • ϫⲉ ⲁ ⲡⲉϥⲛⲟⲩⲥ ϫⲓ̄ ⲟⲩⲟⲉⲓ̄ⲛ • ⲁⲓ̄ⲃⲁⲡ‐
ϯⲍⲉ ⲙ̄ⲙⲟϥ ϩⲙ̄ ⲡ̄ⲣⲁⲛ ⲛ̄ ⲧⲉⲛϫⲟⲉⲓ̄ⲥ • ⲧⲏⲣⲉⲛ ⲑⲁⲅⲓ︤ⲁ︥


### 0015

ⲙⲁⲣⲓ︦ⲁ︦ • ⲉ̄ⲧⲉ ⲡⲟⲟⲩ ⲛ̄ϩⲟⲟⲩ ⲡⲉ • ⲗⲟⲓ̄ⲡⲟⲛ ⲁϥⲃⲱⲕ ⲉⲩ‐
ⲙⲟⲛⲁⲥⲧⲏⲣⲓ̄ⲟⲛ ϩⲙ̄ ⲡ̄ⲧⲟⲟⲩ ⲛ̄ ⲛⲉϫⲟⲉⲓ̄ⲧ • ⲉϥⲕⲱⲧ ⲉⲓ̄ϫⲉⲛ
ⲧ̄ⲥⲩⲛⲧⲉ ⲛ̄ ⲛ̄ⲁⲡⲟⲥⲧⲟⲗⲟⲥ ϣⲁ ⲡⲉϩⲟⲟⲩ ⲙ̄ ⲡⲉϥⲙⲟⲩ •
Ⲛ̄ⲧⲁⲓ̄ϫⲱ ⲉ̄ ⲣⲱⲧⲛ̄ ⲙ̄ ⲡⲓ̄ ⲇⲓ̄ⲏⲅⲓ̄ⲙⲓ︦ⲁ︦ ⲧⲏⲣϥ̄ ⲉ̄ ⲧⲃⲉ ⲑⲁⲓ̄ⲣⲏ‐
ⲥⲓ̄ⲥ ⲛ̄ ⲉⲃⲓ̄ⲱⲛ • ⲉϥϫⲱ ⲙ̄ⲙⲟⲥ • ϫⲉ ⲟⲩⲇⲩⲛⲁⲙⲓ̄ⲥ ⲧⲉ
ⲙⲁⲣⲓ︦ⲁ︦ ⲧⲙⲁⲁⲩ ⲙ̄ ⲡ̄ϫⲟⲉⲓ̄ⲥ • Ⲙⲁⲣⲉⲛⲕⲧⲟⲛ ⲧⲉⲛⲟⲩ
ⲉⲓ̄ϫⲉⲛ | ⲡⲉⲛⲧⲁⲛⲉⲣⲏⲧ ⲙ̄ⲙⲟϥ ⲛⲏⲧⲛ̄ ϩⲛ̄ ⲁⲩⲡⲟⲑⲩⲥⲓⲥ ⲛ̄
ⲧⲉ̄ⲝⲏⲅⲏⲥⲓ̄ⲥ • ⲉⲧⲉ ⲡϫⲱⲕ ⲉ̄ ⲃⲟⲗ ⲡⲉ ⲛ̄ ⲧⲡⲁⲣⲑⲉⲛⲟⲥ ⲉ̄ⲧ
ⲟⲩⲁⲁⲃ ⲙⲁⲣⲓ︦ⲁ︦ • ϯⲟⲩⲱϣ ⲇⲉ ⲟⲛ ⲉ ⲧⲣⲁⲕⲧⲟⲓ̄ ⲉ̄ ϩⲣⲁⲓ̄
ⲉⲓ̄ϫⲙ̄ ⲡⲉⲛⲧⲁⲛⲉⲣⲏⲧ ⲙ̄ⲙⲟϥ ⲛⲏⲧⲛ̄ • ϫⲓ̄ⲛⲉ ϣⲟⲣⲡ̄ ⲧⲁ
ϣⲁϫⲉ ⲉ̄ ⲣⲟϥ • Ⲁϫⲓ̄ⲥ ⲉ̄ ⲣⲟⲓ ⲱ̄ ⲅⲁⲃⲣⲓ̄ⲏⲗ • ⲛ̄ϯⲁⲧⲟⲭⲟⲥ
ⲙⲡ̄ⲛⲟⲩⲧⲉ ϣⲁ ⲛⲉⲣⲱⲙⲉ • ϫⲉ ⲧⲥⲩⲛⲅⲉⲛⲏⲥ ⲙ̄ ⲙⲁⲣⲓ︦ⲁ︦ •
ⲧⲉ ⲉⲗⲓ̄ⲥⲁⲃⲉⲧ ⲛ̄ ⲁϣ ⲛ̄ ϩⲉ • ϯⲥⲱⲧⲙ̄ ⲅⲁⲣ ⲉ̄ ⲣⲟⲕ ⲉⲕⲧⲁ‐
ϣⲉⲟⲉⲓ̄ϣ ⲛⲁⲥ • ϫⲉ ⲉⲓ̄ⲥ ⲉ̄ⲗⲓ̄ⲥⲁⲃⲉⲧ • ⲧⲟⲩⲥⲩⲅⲅⲉⲛⲏⲥ •
ⲁⲥⲱⲱ̄ ⲛ̄ ⲟⲩϣⲏⲣⲉ ϩⲛ̄ ⲧⲉⲥⲙⲛ︦ⲧ︦ϩⲗ̄ⲗⲟ • ⲕⲁⲧⲁ ⲧⲉⲡⲣⲟ‐
ⲫⲏϯⲁ̄ ⲙ̄ ⲡⲉⲩⲁⲅⲅⲉⲗⲓ̄ⲟⲛ • Ⲛⲉⲓ̄ⲟⲧⲉ ⲛⲧ̄ⲡⲁⲣⲑⲉⲛⲟⲥ ϩⲛ̄ ⲉ̄
ⲃⲟⲗ ⲛⲉ ϩⲛ̄ ⲧⲉⲫⲩⲗⲏ ⲛ̄ ⲓ̄ⲟⲩⲇⲁ • ⲉⲗⲓ̄ⲥⲁⲃⲉⲧ ϩⲱⲱⲥ ⲟⲩⲉ
ⲉ̄ ⲃⲟⲗ ⲧⲉ ϩⲛ̄ ⲛⲉϣⲉⲉⲣⲉ ⲛ̄ ⲁⲁⲣⲱⲛ • Ⲁⲁⲣⲱⲛ ⲇⲉ ϩⲱⲱϥ
ⲟⲩⲉ ⲉ̄ ⲃⲟⲗ ⲡⲉ ϩⲛ̄ ⲧⲉⲫⲩⲗⲏ ⲛ̄ ⲗⲉⲩⲉⲓ̄ • ⲡⲉⲓ̄ ϣⲁϫⲉ ⲛ̄ϯϩⲉ
ⲟⲛ ⲧⲓ̄ⲡⲗⲟⲩⲛ • ⲁⲩⲱ ϥ̄ⲛⲏⲩ ⲉⲓ̄ϫⲉⲛ ϩⲱ (?) ⲥ̄ⲛⲁⲩ • Ⲓⲟⲩⲇⲁⲥ
ⲙⲛ̄ ⲗⲉⲩⲉⲓ̄ • ϩⲛ̄ⲥⲛⲏⲩ ⲛⲉ • ⲙⲛ̄ ⲛⲉⲩⲉⲣⲏⲩ • ⲟⲩⲉⲓ̄ⲱⲧ
ⲙⲛ̄ ⲟⲩⲙⲁⲁⲩ ⲛⲉ ⲛ̄ⲧⲁⲩϫⲡⲟⲟⲩ • ⲉⲧⲉ ⲓ̄ⲁⲕⲱⲃ ⲡⲉ • Ⲉϣϫⲉ
ⲧ̄ϣⲉⲉⲣⲉ ⲛ̄ ⲗⲉⲩⲉⲓ̄ ⲧⲉ ⲉⲗⲓ̄ⲥⲁⲃⲉⲧ • ⲁⲩⲱ̄ ⲟⲩⲉ ⲉ̄ ⲃⲟⲗ ϩⲛ̄
ⲓ̄ⲟⲩⲇⲁ ⲡⲉ ⲙⲁⲣⲓ︦ⲁ︦ • ⲉⲓ̄ⲉ ⲛ̄ϣⲉⲉⲣⲉ ⲛⲉ ⲛ̄ⲥⲟⲛ ⲥⲛⲁⲩ • ⲟⲩⲕ
ⲟⲩⲛ ⲉⲩⲟ ⲛ̄ ⲥⲩⲅⲅⲉⲛⲏⲥ ⲉ ⲛⲉⲩⲉⲣⲏⲩ • | Ⲁⲓ̄ϯ ⲟⲛ ⲉ̄ⲣⲉ
ⲧⲕⲟⲩⲓ̄ ⲙ̄ ⲡⲁⲣⲑⲉⲛⲟⲥ ⲙⲁⲣⲓ︦ⲁ︦ ϩⲙ̄ ⲡⲣ̄ⲡⲉ • ⲉⲛⲉⲥϭⲉⲉⲧ
ⲙⲁⲩⲁⲁⲥ ⲡⲉ ϩⲁ ⲑⲏ ⲉ ⲧⲣⲉ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓ̄ⲏⲗ
ⲃⲱⲕ ϣⲁ ⲣⲟⲥ ⲙⲛ̄ ⲡϣⲙ̄ ⲛⲟⲩⲃⲉ • Ⲁ ⲍⲁⲭⲁⲣⲓⲁⲥ ⲡⲟⲩⲏⲏⲃ
ⲡϩⲁⲓ̄ ⲛ̄ ⲉⲗⲓ̄ⲍⲁⲃⲉⲧ • ϫⲱ ⲉ̄ ⲣⲟⲥ ⲛ̄ ⲛⲉⲡⲁⲓ̄ⲛⲟⲥ ⲛ̄ ⲧⲡⲁⲣ‐
ⲑⲉⲛⲟⲥ • ⲁⲓ̄ϯ ⲉⲥϩⲙ̄ ⲡⲣ̄ⲡⲉ ⲙ̄ⲡⲁⲧ ⲟⲩⲧⲁⲁⲥ ⲛ̄ ⲇⲱⲣⲟⲛ ⲉ̄
ⲡϫⲟⲉⲓ̄ⲥ • ⲉⲛⲉ ⲙⲛ̄ ϣⲓ ϣⲟⲟⲡ ⲙ̄ ⲡⲉⲥⲁ̄ⲛⲁⲓ̄ • Ⲉⲛⲉ ⲛ̄
ϣⲁⲣⲉ ⲡⲣ̄ⲡⲉ ⲧⲏⲣϥ̄ ⲙⲟⲩϩ ⲛ̄ⲁⲅⲅⲉⲗⲟⲥ ⲉ̄ ⲃⲟⲗ ϩⲙ̄ ⲡⲉⲥϯ
ⲛⲟⲩⲃⲉ • ⲉⲩⲛⲏⲩ ϣⲁ ⲣⲟⲥ ⲉⲩϭⲓ̄ⲛⲉ ⲙ̄ ⲡⲉⲥϣⲓ̄ⲛⲉ • ⲉ̄ ⲧⲃⲉ
ⲛⲉⲥⲡⲟⲗⲩϯⲁ • Ⲛ̄ ⲧⲉⲣⲉ ⲥⲥⲱⲧⲙ̄ ⲉ ⲛⲁⲓ̄ • ⲛ̄ϭⲓ̄ ⲉⲗⲓ̄ⲍⲁⲃⲉⲧ •


### 0016

ⲁⲥⲧⲱⲟⲩⲛ • ⲁⲥⲕⲁ ⲣⲁⲧⲥ̄ ⲉ̄ ⲃⲟⲗ ϫⲓ̄ⲛⲉ ⲇⲱⲣⲓ̄ⲛⲏ • ⲁⲥⲃⲱⲕ
ⲉ̄ ⲑⲓ̄ⲗⲏ︦ⲙ︦ • ⲁⲥⲃⲱⲕ ⲉ̄ ϩⲟⲩⲛ ⲉ̄ ⲡⲣ̄ⲡⲉ ⲙ̄ ⲡϫⲟⲉⲓ̄ⲥ • Ⲛ̄ ⲧⲉⲣⲉ
ⲥⲛⲁⲩ ⲉ̄ ⲙⲁⲣⲓ︦ⲁ︦ • ⲁⲥⲉⲣ ϣⲡⲏⲣⲉ • ⲛ̄ ⲧⲉⲭⲁⲣⲓⲥ ⲙ̄ ⲡ̄ϫⲟⲉⲓ̄ⲥ
ⲉ̄ⲧ ϩⲓ̄ⲣⲙ̄ ⲡⲉⲥϩⲟ • ⲁⲩⲱ̄ ⲁⲩⲁⲥⲡⲁⲍⲉ ⲛ̄ ⲛⲉⲩⲉⲣⲏⲩ • ⲁⲩ‐
ϩ̄ⲙⲟⲟⲥ • Ⲡⲉϫⲉ ⲉ̄ⲗⲓ̄ⲍⲁⲃⲉⲧ ⲙ̄ ⲙⲁⲣⲓ︤ⲁ︥ • ϫⲉ ⲁⲣⲧⲟϭⲉ
ⲛ̄ⲧⲟⲩⲯⲩⲭⲏ ⲙⲛ̄ ⲡⲟⲩⲥⲱ̄ⲙⲁ ⲉ̄ ⲡϫⲟⲉⲓ̄ⲥ • ϫⲓ̄ⲛⲉ ⲧⲟⲩ‐
ⲙⲛ︦ⲧ︦ⲕⲟⲩⲓ̄ • ⲁⲣⲟⲩⲁϩⲉ ⲛ̄ⲥⲱϥ ϩⲙ̄ ⲡⲟⲩϩⲏⲧ ⲧⲏⲣⲉϥ • ⲛ̄ⲑⲉ
ϫⲉ ⲉ̄ⲣⲉ ⲡⲥⲱⲧⲉ ⲙ̄ ⲡⲓ︤ⲏ︦ⲗ︥ ⲛⲏⲩ ⲉ̄ ⲃⲟⲗ ⲛ̄ϩⲏⲧⲉ • Ⲡⲉϫⲉ
ⲙⲁⲣⲓ︦ⲁ︦ • ϫⲉ ϥⲥⲙⲁⲙⲁⲁⲧ ⲛ̄ϭⲓ ⲡⲛⲟⲩⲧⲉ ⲙ̄ ⲡⲓⲏ︦ⲗ︦ • ⲡⲉⲛⲧ‐
ⲁϥⲧⲁϩⲙⲉⲧ ⲛⲁϥ • ϫⲓ̄ⲛⲉ ⲧⲁ ⲙⲛ︦ⲧ︦ⲕⲟⲩⲓ̈ • | ⲉ ⲧⲣⲁ ϣⲙ̄ϣⲉ
ⲛⲁϥ ϩⲙ̄ ⲡⲣ̄ⲡⲉ ϩⲛ̄ ⲟⲩϫⲱⲕ ⲉ̄ ⲃⲟⲗ • Ⲁⲩⲱ̄ ⲛⲉⲩⲥⲟⲗⲥⲗ̄ ⲛ̄
ⲛⲉⲩⲉⲣⲏⲩ • ⲛ̄ⲧⲥⲛ̄ⲧⲉ ⲉ̄ ⲃⲟⲗ ϩⲙ̄ ⲡⲛⲟⲙⲟⲥ • ⲙⲛ̄ ⲛⲉⲡⲣⲟ‐
ⲫⲏⲧⲏⲥ ⲛ̄ ⲟⲩⲙⲏⲏϣⲉ ⲛ̄ϩⲟⲟⲩ • Ⲙⲛ︦ⲛ︦ⲥⲱⲥ ⲁ̄ ⲉⲗⲓ̄ⲍⲁⲃⲉⲧ
ⲕⲟⲧⲥ̄ ⲉ̄ ϩⲣⲁⲓ̄ ⲉ̄ ⲇⲱⲣⲓ̄ⲛⲏ ⲛ̄ ⲧⲉⲥϩⲉ • ⲉ̄ⲛⲉⲛϣⲁⲥϭⲛ̄ ⲡϣⲓ̄ⲛⲉ
ⲛⲧ̄ⲡⲁⲣⲑⲉⲛⲟⲥ ⲛ̄ ⲟⲩⲙⲏⲏϣⲉ ⲛ̄ⲥⲟⲡ ⲛ̄ⲧⲉⲣⲟⲙⲡⲉ • ⲁⲥϯⲁ‐
ⲕⲟⲛⲓ̄ ⲛⲁⲥ ⲙ̄ ⲡⲉⲧ ⲉⲥⲣ̄ ⲭⲣⲓ︦ⲁ︦ ⲙ̄ⲙⲟϥ • ϣⲁ ⲡⲉϩⲟⲟⲩ ⲛ̄ⲧⲁ
ⲅⲁⲃⲣⲓ̄ⲏⲗ ⲉⲓ̄ ϣⲁ ⲣⲟⲥ • ⲁϥϫⲟⲟⲥ ⲛⲁⲥ ⲉⲓ̄ⲥ ⲉ̄ⲗⲓ̄ⲍⲁⲃⲉⲧ
ⲧⲟⲩⲥⲩⲅⲅⲉⲛⲏⲥ ⲁⲥⲱⲱ̄ • ⲗⲟⲓ̄ⲡⲟⲛ ⲉⲓ̄ⲥ ⲡϩⲱⲃ ⲁϥⲟⲩⲱ̄ⲛϩ̄
ⲉ̄ ⲃⲟⲗ • ϫⲉ ⲛ̄ⲥⲩⲅⲅⲉⲛⲏⲥ ⲛ̄ ⲛⲉⲩⲉⲣⲏⲩ ⲡⲉ ⲙⲁⲣⲓ︦ⲁ︦ ⲙⲛ̄
ⲉ̄ⲗⲓ̄ⲍⲁⲃⲉⲧ • ⲡⲣⲟⲥ ⲡⲉⲧ ⲥⲏϩ ϩⲛ̄ ⲛⲉⲩⲁⲅⲅⲉⲗⲓ̄ⲟⲡ • ⲛⲉ
ⲛ̄ⲧⲁⲓ̄ϣⲉⲣⲡ̄ ϫⲟⲟⲥ • Ⲁⲩⲉⲓ̄ⲥ ⲧⲉⲛⲟⲩ • ⲛ̄ⲧⲉⲛⲕ̄ⲧⲟⲛ ⲉ ϩⲣⲁⲓ̄
ⲉⲓ̄ϫⲙ̄ ⲡⲉⲡⲣⲟⲕⲓ̄ⲙⲉⲛⲟⲛ • ⲉ̄ⲧ ⲕⲏ ⲛⲁⲛ ⲉ̄ ϩⲣⲁⲓ • ⲉ̄ ⲧⲃⲉ
ⲧⲣ̄ⲣⲱ ⲧⲙⲁⲁⲩ ⲙ̄ ⲡⲣ̄ⲣⲟ • ⲛ̄ ⲟⲩϩⲓ̄ⲥⲉ ⲁⲛ ⲡⲉ ⲙ̄ ⲡⲉⲧ
ϣⲁϫⲉ ⲉ̄ ⲣⲟⲥ • ⲛ̄ⲟⲩⲉⲧ̄ⲡⲟ ⲁⲛ ⲧⲉ ⲙ̄ ⲡⲉⲧ ⲥⲱⲧⲙ̄ • ⲙ̄
ⲡⲉⲥⲙⲟⲧ ⲛ̄ ⲟⲩⲁ̄ ⲉϥⲛⲁϫⲱⲗϩ̄ ⲛ̄ ⲟⲩⲙⲟⲟⲩ ⲉ̄ ⲃⲟⲗ ϩⲛ̄
ⲟⲩⲡⲩⲅⲏ • ϩⲙ̄ ⲡⲧⲣⲉ ϥϩⲓ̄ ⲧⲟⲟⲧϥ̄ ⲅⲁⲣ ⲉ̄ ϫⲱⲗϩ̄ ⲉ̄ ⲃⲟⲗ •
ϣⲁⲣⲉ ⲧⲡⲩⲅⲉⲓ ⲃⲉⲉⲃⲉ ⲉ̄ ⲡⲉϩⲟⲩⲟ̄ • ⲧⲁⲓ̄ ⲧⲉ ⲧⲁ ϩⲉ ϩⲱ ϩⲙ̄
ⲡⲧⲣⲁ ⲁⲣⲭⲉⲓ̄ ⲉ̄ ⲡⲃⲓⲟⲥ ⲛⲧ̄ⲡⲁⲣⲑⲉⲛⲟⲥ • ϣⲁⲣⲉ ⲧⲡⲩⲅⲏ
ⲙ̄ ⲡⲗⲟⲅⲟⲥ ⲃⲉⲉⲃⲉ ⲉ̄ ⲡⲉϩⲟⲩⲟ • ϯⲛⲁ ⲱϣ ⲉ̄ ⲃⲟⲗ ϩⲱ ⲙⲛ̄
ⲡⲉⲏⲣⲟⲫⲏⲧⲏⲥ ⲇ︦ⲁ︦ⲇ︦ • ⲧⲁϫⲓ̄ⲥⲉ ⲛ̄ ⲧⲁ ⲥⲙⲏ • | ϫⲉ ⲁⲕⲧⲥⲁⲃⲟⲓ̄
ⲛ̄ ϩⲟⲩ ⲉ̄ ⲛⲉⲧ ⲧⲥⲁⲃⲟ ⲙ̄ⲙⲟⲓ ⲧⲏⲣⲟⲩ • Ⲁⲩⲱ̄ ⲟⲛ ϫⲉ
ⲡⲟⲩⲱⲛϩ̄ ⲉ̄ ⲃⲟⲗ ⲛ̄ ⲛⲉⲕϣⲁϫⲉ • ⲡⲉⲧ ⲣ̄ ⲟⲩⲟ̄ⲉⲓⲛ ⲉ̄ ⲣⲟⲛ •
Ⲉⲓ̄ⲙⲟⲩϣⲧ̄ ⲅⲁⲣ ⲙ̄ⲙⲟⲓ̄ • ϫⲉ ⲉⲓ̄ⲛⲁⲁⲣⲭⲉⲓ̄ ⲛ̄ϣⲁϫⲉ ⲉ̄ ⲃⲟⲗ
ⲧⲱⲛ • ⲁⲓ̄ⲉⲣ ⲡ̄ⲙⲉⲉⲩⲉ ⲅⲁⲣ ⲛ̄ ⲛⲉϣⲁϫⲉ ⲙ̄ ⲡⲥⲱⲧⲏⲣ •


### 0017

ⲛ̄ⲧⲁϥϫⲟⲟⲩ ⲛ̄ⲧⲉϥⲙⲁⲁⲩ • ⲉϥⲧⲁⲗⲏⲩ ⲉ ⲡⲉⲥ̄⳨ⲟ︦ⲥ︥︦• ϫⲉ
ⲧⲉⲥϩⲓ̄ⲙⲉ ⲉⲓ̄ⲥ ⲡⲟⲩϣⲏⲣⲉ • ⲉϥϣⲁϫⲉ ⲉ̄ ⲓ̄ⲱϩⲁⲛⲛⲏⲥ • Ⲁϥ‐
ⲕⲟⲧϥ̄ ⲟⲛ ⲉ ⲓ̄ⲱϩⲁⲛⲛⲏⲥ • ⲡⲉϫⲁϥ ⲛⲁϥ ϫⲉ ⲉⲓ̄ⲥ ⲧⲉⲕ‐
ⲙⲁⲁⲩ • ϫⲓ̄ⲛⲉ ⲡⲉϩⲟⲟⲩ ⲉ̄ⲧ ⲙ̄ⲙⲁⲩ ⲁ ⲡⲙⲁⲑⲏⲧⲏⲥ ϫⲓ̄ⲧⲥ̄
ⲉ̄ ϩⲟⲩⲛ ⲉ̄ ⲡⲉϥⲏⲓ̄ • ⲛⲉϥⲇⲓ︦ⲁ︦ⲕⲟⲛⲉⲓ̄ ⲛⲁⲥ ϩⲛ̄ ⲇⲓⲁ̄ⲕⲟⲛⲓ︦ⲁ̄ •
ⲛⲓ̄ⲙ ⲛ̄ⲑⲉ ⲛ̄ ⲟⲩϩⲙ̄ϩⲁⲗ • ⲉϥⲇⲓ︦ⲁ︦ⲕⲟⲛⲓ̄ ⲉ ⲡⲉϥϫⲟⲉⲓ̄ⲥ •
ⲛⲉⲥⲙⲉ ⲙ̄ⲙⲟϥ • ϩⲱⲱϥ • ⲛ̄ⲑⲉ ⲛ̄ⲟⲩⲙⲁⲁⲩ ⲙⲛ̄ ⲛⲉⲥ‐
ϣⲏⲣⲉ • ⲉ̄ⲛⲉⲥⲉⲓ̄ⲣⲉ ⲛ̄ ϩⲛ̄ⲛⲟϭ ⲛ̄ϭⲟⲙ • ⲙⲛ̄ ϩⲛ̄ⲧⲁⲗϭⲟ
ϩⲙ̄ ⲡ̄ⲗⲁⲟⲥ • ⲉⲩⲧⲛ̄ⲧⲟⲛ ⲉ ⲛⲁ ⲓ︤ⲥ︥ ⲡⲉⲛⲛⲟⲩⲧⲉ • ⲁⲗⲗⲁ
ⲛⲉⲥⲕⲱ ⲁⲛ ⲛ̄ ⲛ̄ⲁⲡⲟⲥⲧⲟⲗⲟⲥ ⲉⲓ̄ⲙⲉ • ϫⲉ ⲛⲉⲥⲡⲏⲧ ⲉ̄ ⲃⲟⲗ
ⲉ̄ ⲡⲉⲟⲟⲩ ⲛ̄ ⲛ̄ⲣⲱⲙⲉ • Ⲛⲉⲣⲉ ⲛ̄ⲁⲡⲟⲥⲧⲟⲗⲟⲥ ⲙⲏⲣ ⲉ̄ ⲣⲟⲥ
ⲛ̄ⲛⲁⲩ ⲛⲓ̄ⲙ • ⲉ̄ ⲃⲟⲗ ϩⲓ̄ ⲧⲟⲟⲧⲥ̄ ⲙⲡ̄ⲧⲁϣⲉⲟ̄ⲉⲓ̄ϣ • Ⲁⲥ‐
ⲥⲱⲟⲩϩ ⲇⲉ ⲉ̄ ⲣⲟⲥ ⲛ̄ ⲟⲩⲙⲏⲏϣⲉ ⲙ̄ⲡⲁⲣⲑⲉⲛⲟⲥ • ⲉⲥⲡ︦ⲣ︦ⲟ‐
ⲉⲓ̄ⲥⲧⲁ ⲉ̄ ϫⲟⲟⲩ ⲉⲥϯ ⲟⲩⲣⲟⲧ ⲛⲁⲩ • ⲉ̄ ϩⲟⲩⲛ ⲉ̄ ⲡⲁⲅⲁⲑⲟⲛ
Ⲛ̄ ⲧ̄ⲡⲁⲣⲑⲉⲛⲓ︤ⲁ︥ • ⲛ̄ϭⲓ ⲧⲉ ⲛ̄ⲧⲁⲥⲥⲟⲕ ϣⲁ ⲣⲟⲥ • ⲙ̄ ⲡ̄ⲛⲟⲩⲧⲉ •
ϣⲁⲛⲧ ⲉϥⲉⲓ̄ ⲧ ⲉϥ | ⲟⲩⲱϩ ϩⲛ̄ ⲧⲉⲥⲕⲁⲗⲁϩⲏ • ⲙ̄ ⲯⲓ̄ⲥ ⲛ̄ⲉⲃⲟⲧ •
ⲛⲥ̄ϯ ⲧⲉϩⲓ̄ⲏ • ⲛⲁⲛⲉ ⲧϭⲓ̄ⲛⲃⲱⲕ ⲉ̄ ϩⲣⲁⲓ̄ ⲉ̄ ⲧⲡⲉ • ϣⲁ ⲡⲉⲥ‐
ⲙⲉⲣⲓ̄ⲧ ⲛ̄ ϣⲏⲣⲉ ⲁ̄ϫⲛ̄ ϫⲣⲟⲡ • Ⲁⲥϣⲱⲡⲉ ⲇⲉ ⲙⲛ︤ⲛ︥ⲥⲁ
ⲙⲏⲧⲉ ⲛ̄ⲣⲟⲙⲡⲉ • ϫⲓ̄ⲛ ⲛ̄ⲧⲁ ⲡⲉⲛϫⲟⲉⲓ̄ⲥ ⲧⲱⲟⲩⲛ ⲉ̄ ⲃⲟⲗ
ϩⲛ̄ ⲛⲉⲧ ⲙⲟⲟⲩⲧ • ⲕⲁⲧⲁ ⲛ̄ ⲁⲣⲭⲏⲟ̄ⲗⲟⲅⲓ︤ⲁ︥ ⲛ̄ ⲓ̄ⲱⲥⲏⲡⲡⲟⲥ •
ⲙⲛ̄ ⲉⲓ︦ⲉ︦ⲣⲓ̄ⲛⲁⲓ̄ⲟⲥ • ⲛ̄ ⲁⲡⲟ ϩⲃ̄ⲣⲁⲓ̄ⲟⲥ • Ⲁⲩϫⲟⲟⲩ • ϫⲉ
ⲛⲉⲣⲉ ⲓ̄ⲱϩⲁⲛⲛⲏⲥ ⲙⲛ̄ ⲙⲁⲣⲓ︦ⲁ︦ • ⲟⲩⲏϩ ϩⲛ̄ ⲟⲩⲏⲓ̄ ⲛ̄ ⲟⲩⲱⲧ
ϩⲛ̄ ⲑⲓ̄ⲗⲏ︤ⲙ︥ • Ⲁϥϣⲱⲡⲉ ⲛ̄ϭⲓ̄ ⲟⲩϩⲟⲟⲩ ⲛ̄ϯϩⲉ ⲡⲉϫⲁϥ • ⲁ
ⲧⲡⲁⲣⲑⲉⲛⲟⲥ ⲉ̄ⲧ ⲟⲩⲁⲁⲃ ⲙⲁⲣⲓ︦ⲁ︦ • ⲙⲟⲩⲧⲉ ⲉ̄ ⲉⲓ̄ⲱϩⲁⲛⲛⲏⲥ •
ⲡⲉϫⲁⲥ ⲛⲁϥ • ϫⲉ ⲃⲱⲕ • ⲙⲟⲩⲧⲉ ⲛⲁⲓ̄ ⲉ̄ ⲡⲉⲧⲣⲟⲥ ⲙⲛ̄
ⲓ̄ⲁⲕⲕⲟⲃⲟⲥ • ⲙⲁⲣⲟⲩⲉⲓ̄ ⲛⲁⲓ̄ ⲙ̄ ⲡⲓ̄ ⲙⲁ • Ⲁϥⲃⲱⲕ ⲇⲉ ϩⲛ̄
ⲟⲩϭⲉⲡⲏ • ⲁϥⲙⲟⲩⲧⲉ ⲉ̄ ⲣⲟⲟⲩ • ⲁⲩⲉⲓ̄ ⲁⲩϩ̄ⲙⲟⲟⲥ ϩⲁϩ‐
ⲧⲏⲥ • ⲙ ⲡ̄ϣⲟⲙ︦ⲛ︦ⲧ • Ⲡⲉϫⲁⲥ ⲛⲁⲩ ϫⲉ ⲥⲱⲧⲙ̄ ⲉ̄ ⲣⲟⲓ̄ ⲛⲉ
ⲛ̄ⲧⲁ ⲡⲛⲟⲩⲧⲉ ⲥⲟⲧⲡⲟⲩ ⲉ ⲧⲣⲉ ⲩⲧⲁϣⲉⲟ̄ⲉⲓ̄ϣ ⲙ̄ ⲡⲉⲩ‐
ⲁⲅⲅⲉⲗⲓ̄ⲟⲛ ϩⲛ̄ ⲧⲟⲓ̄ⲕⲟⲩⲙⲩⲛⲏ ⲧⲏⲣⲥ̄ • Ⲛ̄ⲧⲉⲧⲛ̄ ⲇⲉ ⲁⲧⲉⲧⲛ̄‐
ⲛⲁⲩ ϩⲉⲛ ⲛⲉⲧⲛ̄ⲃⲁⲗ • ⲉⲛϭⲟⲙ ⲙⲛ̄ ⲛⲉϣⲡⲏⲣⲉ • ⲛ̄ⲧⲉ
ⲡⲛⲟⲩⲧⲉ ⲁⲁⲩ • ⲙ̄ ⲡⲉⲩⲟ̄ⲉⲓ̄ϣ ⲉϥϩⲙ̄ ⲡⲕⲟⲥⲙⲟⲥ ⲛⲙ̄ⲙⲏⲧⲛ̄ •
ⲁⲩⲱ̄ ⲛ̄ⲧⲉⲧⲛ︦ⲣ︦ ⲭⲣⲓ︦ⲁ︦ ⲁⲛ ⲛ̄ ⲟⲩⲁ̄ • ⲉ ⲧⲣⲉ ϥⲣ̄ ⲙⲛ̄ⲧⲣ̄ⲉ‐
ⲛⲏⲧⲛ̄ | ⲛ̄ⲧⲟⲧⲛ ⲛ̄ ⲙ̄ ⲡϣⲟⲙⲛ︦ⲧ︦ • ⲁϥϫⲓ̄ ⲧⲏⲩⲧⲛ̄ ϩⲓϫⲙ̄


### 0018

ⲡⲉⲧⲟⲟⲩ ⲛ̄ ⲛⲉϫⲟⲉⲓⲧ • ⲁⲩⲱ̄ ⲁ ⲛⲉⲧⲛ̄ⲙⲁⲁϫⲉ ⲥⲱⲧⲙ̄ ⲉ̄
ⲧⲉⲫⲟⲛⲏ ⲙ̄ ⲡⲉⲓ̄ⲱⲧ ⲉⲥⲉⲣ ⲙⲛ︦ⲧ︦ⲣⲉ ϩⲁ ⲣⲟϥ • ϫⲉ ⲡⲁⲓ̄ ⲡⲉ
ⲡⲁ ϣⲏⲣⲉ ⲡⲁ ⲙⲉⲣⲓ̄ⲧ • ⲡⲉⲛⲧⲁ ⲡⲁ ⲟⲩⲱϣ ϣⲱⲡⲉ ⲛ̄ϩⲏⲧϥ̄ •
Ⲁⲧⲉⲧⲛ̄ⲛⲁⲩ ⲉⲛϩⲓ̄ⲥⲉ ⲛ̄ⲧⲁ ⲛⲓ̄ⲟⲩⲇⲁⲓ̄ ⲧⲁⲁⲩ ⲛⲁϥ • ⲉϥⲁ‐
ⲗⲏⲩ (sic) ⲥ̄ ⲡⲉⲥ̄ⳁⲟ︦ⲥ︦ • ⲁⲩⲱ̄ ⲁⲩⲙⲟⲟⲩⲧϥ̄ • ⲁ ⲡⲉϥⲉⲓ̄ⲱⲧ
ⲧⲟⲩⲛⲟⲥϥ̄ ⲉ̄ ⲃⲟⲗ ϩⲛ̄ ⲛⲉⲧ ⲙⲟⲟⲩⲧ • ⲙ̄ ⲡⲉϥⲙⲉϩ ϣⲟⲙⲛ︦ⲧ︦
ⲛ̄ϩⲟⲟⲩ • Ⲁⲩⲱ ⲁⲓ̄ⲃⲱⲕ ⲉ̄ ⲃⲟⲗ ⲉ̄ ⲡⲧⲁⲫⲟⲥ • ⲁϥⲟⲩⲱ̄ⲛϩ̄ ⲉ̄
ⲣⲟⲓ • ⲁϥϣⲁϫⲉ ⲛⲙ̄ⲙⲁⲓ̄ ⲉϥϫⲱ ⲙ̄ⲙⲟⲥ • ϫⲉ ⲃⲱⲕ ⲧⲁⲙⲙⲉ
ⲛⲁⲥⲛⲏⲩ • ⲉ ⲛⲉⲛⲧⲁⲣⲛⲁⲩ ⲉ ⲣⲟⲟⲩ • ⲛⲁⲓ̄ ⲛ̄ⲧⲁ ⲡⲁ ⲉⲓ̄ⲱⲧ
ⲙⲉⲣⲓ̄ⲧⲟⲩ • ⲙⲁⲣⲟⲩⲉⲓ̄ ⲉ̄ ⲧⲅⲁⲗⲓ̄ⲗⲉⲁ • Ⲁⲩⲱ ⲁϥⲉⲓ̄ ⲉ̄ ϩⲟⲩⲛ
ϣⲁ ⲣⲟⲧⲛ̄ ⲉ̄ⲣⲉ ⲛ̄ ⲣⲟ ϣⲟⲧⲙ̄ • ⲁϥϣⲁϫⲉ ⲛⲙ̄ⲙⲏⲧⲛ̄ ⲉ̄
ⲧⲃⲉ ⲧⲙⲛ︦ⲧ︦ⲣ︦ⲣⲟ ⲛ︦ⲛ︦ ⲙ̄ⲡⲏⲩⲉ • Ⲁⲩⲱ̄ ⲡ̄ϫⲱⲕ ⲛ̄ ϩ̄ⲙⲏ
ⲛ̄ϩⲟⲟⲩ ⲉ̄ⲧⲉⲧⲛ̄ⲥⲟⲟⲩϩ ⲧⲏⲣⲧⲛ̄ • ⲉⲩⲙⲁ ⲛ̄ ⲟⲩⲱⲧ • ⲛⲉ ⲙ̄‐
ⲙⲁⲩ ⲅⲁⲣ ⲛⲙ̄ⲙⲏⲧⲛ̄ ⲡⲉ ϩⲓ̄ϫⲙ̄ ⲡ̄ⲧⲟⲟⲩ ⲛ̄ ⲛⲉϫⲟ̄ⲉⲓ̄ⲧ •
Ⲁϥⲉⲓ̄ ⲟⲛ ϣⲁ ⲣⲱⲧⲛ̄ ⲛ̄ϭⲓ̄ ⲡ̄ϫⲟⲉⲓ̄ⲥ • ⲡⲉϫⲁϥ ⲛⲏⲧⲛ̄ • ϫⲉ
ⲁⲓ̄ϫⲉⲕ ⲧⲟⲓ̄ⲕⲟⲛⲟⲙⲓ︦ⲁ︦ ⲉ̄ ⲃⲟⲗ ⲉ̄ⲧ ⲕⲏ ⲛⲁⲓ̄ ⲉ̄ ϩⲣⲁⲓ̄ • ϩⲙ̄
ⲡⲕⲟⲥⲙⲟⲥ • ⲁⲩⲱ ⲉⲓ̄ⲛⲁⲃⲱⲕ ⲉ ϩⲣⲁⲓ̄ ϣⲁ ⲡⲁ ⲉⲓ̄ⲱⲧ •
Ⲁⲧⲉⲧⲛ̄ⲟⲩⲱϣⲃ̄ • ϫⲉ ⲉⲕⲛⲁⲃⲱⲕ ⲛⲅ̄ ⲕⲁⲁⲛ ⲉⲛⲉ|ⲛⲟⲣ‐
ⲫⲁⲛⲟⲥ • Ⲛ̄ⲧⲟϥ ⲇⲉ ⲡⲉϫⲁϥ ϫⲉ ⲉⲓ̄ϣⲁⲛⲃⲱⲕ • ϯⲛⲁⲧⲛ̄‐
ⲛⲟⲟⲩ ⲛⲏⲧⲛ̄ ⲉ ⲡⲡⲁⲣⲁⲕⲗⲏⲧⲟⲥ • ⲡⲉⲡⲛ︦ⲁ︦ ⲉⲧ ⲟⲩⲁⲁⲃ •
ⲛ̄ ⲧⲁ ϣⲃ̄ⲃⲓ̄ⲟ • ⲙⲛ︦ⲛ︦ⲥⲁ ϩⲁϩ ⲁⲛ ⲛ̄ϩⲟⲟⲩ • ⲁⲗⲗⲁ ϣⲁ
ⲧⲡⲉⲛⲧⲏⲕⲟⲥⲧⲏ • Ⲁⲗⲗⲁ ⲉⲓ̄ⲥ ⲧⲉⲛⲧ ⲁⲥϣⲱⲡⲉ ⲛⲁⲓ̄ ⲙ̄ ⲙⲁ
ⲛ ⲟⲩⲱϩ • ⲁⲓ̄ϣⲱⲡⲉ ⲛⲁⲥ ⲛ̄ ϣⲏⲣⲉ ϩⲛ̄ ⲧⲉⲥⲁⲣⲝ̄ • ⲥϣⲟⲟⲡ
ϩⲁⲧⲛ̄ ⲧⲏⲩⲧⲛ̄ ⲧⲉⲛⲟⲩ • Ⲁⲗⲗⲁ ⲁⲛⲟⲕ ϯϣⲟⲟⲡ ⲛⲙ̄ⲙⲏⲧⲛ̄
ϣⲁ ⲧⲥⲩⲛⲧⲉⲗⲉⲁ̄ ⲙ̄ ⲡⲁⲓ̄ⲱⲛ • Ⲁⲩⲱ̄ ⲛ̄ ⲧⲉⲣⲉ ϥϫⲉ ⲛⲁⲓ̄
ⲛⲁⲛ • ⲁϥⲡⲟⲣϫ̄ ⲉ ⲃⲟⲗ ⲙ̄ⲙⲟⲛ • ⲛ̄ ⲟⲩⲕⲟⲩⲓ̄ • ⲁϥⲁⲗⲉ
ⲉⲓ̄ϫⲙ̄ ⲡⲧⲟⲟⲩ ⲙ̄ ⲡⲓ̄ⲏⲃⲧ̄ • ⲁϥⲁⲗⲉ ⲉⲓ̄ϫⲉⲛ ⲛⲉⲭⲁⲓ̄ⲣⲟⲩ‐
ⲃⲓ̄ⲛ • ⲁϥⲃⲱⲕ ⲉ̄ ⲡϫⲓ̄ⲥⲉ ϩⲛ̄ ⲧⲥⲁⲣⲝ̄ • ⲛ̄ⲧⲁϥϫⲓ̄ⲧⲥ̄ ⲛ̄ϩⲏⲧ •
ⲁⲩⲱ̄ ⲁⲩϩⲩⲙⲛⲉⲩⲉ ⲉ̄ ⲣⲟϥ • ⲛ̄ϭⲓ̄ ϩⲛ̄ϣⲟ ⲛ̄ϣⲟ • ⲙⲛ̄ ϩⲛ̄‐
ⲧⲃⲁ ⲛ̄ⲧⲃⲁ • ⲁⲩⲱ̄ ⲛⲉⲩϭⲱϣⲧ̄ ⲛ̄ⲥⲱϥ • ϣⲁⲛⲧ ⲉϥⲃⲱⲕ ⲉ̄
ϩⲣⲁⲓ̄ ⲉ̄ ⲧⲡⲉ • Ⲁⲩⲱ̄ ⲁⲛⲛⲁⲩ ⲟⲛ ⲉ̄ ⲣⲱⲙⲉ ⲥⲛⲁⲩ ⲉⲩⲁϩⲉ
ⲣⲁⲧⲟⲩ ϩⲓ̄ⲧⲟⲩⲱϥ • ⲡⲉϫⲁⲩ • ϫⲉ ⲛ̄ⲣⲱⲙⲉ ⲁϩⲣⲱⲧⲛ̄
ⲉⲧⲉⲧⲛ̄ϭⲱϣⲧ̄ ⲉ̄ ϩⲣⲁⲓ̄ ⲉ̄ ⲧⲡⲉ • ⲡⲁⲓ̄ ⲡⲉ ⲓ︦ⲥ︦ ⲡⲉⲛⲧⲁⲩⲥ̄ⳁⲟ︦ⲩ︦
ⲙ̄ⲙⲟϥ • ⲉⲩⲛⲁϥⲓ̄ⲧϥ̄ ⲉ̄ ϩⲣⲁⲓ̄ ⲉ̄ ⲧⲡⲉ • ⲁⲩⲱ̄ ⲧⲁⲓ̄ ⲧⲉ ⲑⲉ ⲉⲧ


### 0019

ⲉϥⲛⲏⲩ ⲙ̄ⲙⲟⲥ ⲉ ⲕⲣⲓ̄ⲛⲉ ⲛ̄ ⲛⲉⲧ ⲟⲛϩ̄ • ⲙⲛ̄ ⲛⲉⲧ ⲙⲟⲟⲩⲧ •
Ⲁⲩⲱ̄ ⲙⲛ︦ⲛ︦ⲥⲁ ⲡϫⲱⲕ ⲙ̄ ⲙⲏⲧ ⲛ̄ϩⲟⲟⲩ • ⲁϥⲧⲛ̄|ⲧⲟⲟⲩ
ⲉⲓ̄ϫⲉⲛ ⲛ̄ⲧⲏⲩⲧⲛ̄ ⲙ̄ ⲡⲉⲡⲛ︦ⲁ︦ ⲉ̄ⲧ ⲟⲩⲁⲁⲃ • ⲁⲩⲱ̄ ⲉⲛⲉϥ‐
ⲉ̄ⲛⲉⲣⲅⲓ̄ ⲛⲏⲧⲛ̄ ⲛ̄ ⲛⲓ̄ϭⲟⲙ • ⲡⲣⲟⲥ ⲑⲉ ⲉⲧⲉⲧⲛ̄ⲁϣ̄ϭⲙ̄ϭⲟⲙ
ⲙ̄ⲙⲟⲥ • ⲁⲩⲱ̄ ⲙ̄ⲡⲉⲣ ⲕⲱ ⲛ̄ⲥⲱⲧⲛ̄ ⲉ̄ⲛⲉⲛⲧⲟⲗⲏ ⲙ̄ ⲡ̄ϣⲏⲣⲉ
ⲙ̄ ⲡ̄ⲛⲟⲩⲧⲉ • Ⲙ̄ⲡⲉⲣ ⲣ̄ ϩⲟⲧⲉ ϩⲏⲧⲥ̄ ⲉ̄ ⲧⲁⲡⲓ̄ⲗⲏ ⲛ̄ ⲛ︦ⲣ︦ⲣ︦ⲱⲟⲩ
ⲙⲛ̄ ⲛ̄ⲁⲣⲭⲱⲛ ⲙ̄ ⲡⲕⲁϩ • ⲛ̄ⲧⲉⲧⲛ̄ⲕⲱ ⲛ̄ ⲥⲱⲧⲛ̄ ⲉ̄ ⲛⲉⲡⲁⲣ‐
ⲁⲅⲅⲉⲗⲓ︦ⲁ︦ ⲙ̄ ⲡⲉⲧⲛ̄ϫⲟⲉⲓ̄ⲥ • ⲁⲩⲱ ⲡⲉⲧⲛ̄ⲥⲁϩ • Ⲧⲉⲛⲟⲩ ϭⲉ
ⲙ̄ⲡⲉⲣ ⲗⲩⲡⲏ ϩⲙ̄ ⲡⲉⲧⲛ̄ϩⲏⲧ ϩⲙ̄ ⲡⲉ ϯⲛⲁϫⲟⲟϥ ⲛⲏⲧⲛ̄ •
Ⲁϥϩⲱⲛ ⲉ̄ ϩⲟⲩⲛ ⲉ̄ ⲣⲟⲓ̄ ⲛ̄ϭⲓ ⲡⲉⲩⲟ̄ⲉⲓ̄ϣ ⲙ̄ ⲡⲁ ϭⲙ̄
ⲡ̄ϣⲓ̄ⲛⲉ • ⲧⲁⲕⲱ ⲉ̄ ϩⲣⲁⲓ̄ ⲙ̄ ⲡⲁ ⲥⲱⲙⲁ ⲛ̄ⲧⲉ ⲧⲁ ⲯⲩⲭⲏ
ⲙⲛ̄ ⲡⲁ ⲡⲛ︦ⲁ︦ ⲃⲱⲕ ⲉ̄ ϩⲣⲁⲓ̄ ϩⲁⲧⲙ̄ ⲡ̄ϫⲟⲉⲓ̄ⲥ • ϫⲉ ⲕⲁⲥ
ⲉϥⲉϯ ⲛⲁⲓ̄ ⲛ̄ ⲛⲉⲛⲧⲁϥⲉ̄ⲣⲏⲧ ⲙ̄ⲙⲟⲟⲩ ⲛⲁⲓ̄ • Ⲕⲁⲓ̄ ⲅⲁⲣ
ⲁϥⲉⲓ̄ ϣⲁ ⲣⲟⲓ̄ ⲛ̄ϭⲓ̄ ⲡⲁ ϫⲟⲉⲓⲥ ⲛ̄ ⲧⲉⲩϣⲏ ⲛ̄ ⲥⲁⲃ (sic)• ⲉⲓ̄‐
ⲁ̄ϩⲉ ⲣⲁⲧ ⲉ̄ ϣⲗⲏⲗ • ⲡⲉϫⲁϥ ⲛⲁⲓ̄ • ϫⲉ ⲁⲣⲥⲟⲩⲱ̄ⲛⲧ̄ •
ⲡⲉϫⲁⲓ̄ ⲛⲁϥ • ϫⲉ ⲛ̄ⲧⲟⲕ ⲡⲉ ⲡⲁ ϫⲟⲉⲓ̄ⲥ • ⲁⲩⲱ̄ ⲡⲁ ϣⲏⲣⲉ
ⲙ̄ ⲙⲉⲣⲓ̄ⲧ • ⲟⲩ ⲡⲉ ⲡⲉⲧ ⲉⲕⲟⲩⲉϩⲥⲁϩⲛⲉ ⲙ̄ⲙⲟϥ ⲛⲁⲓ̄ •
Ⲡⲉϫⲁϥ ⲛⲁⲓ̄ • ϫⲉ ⲧⲁⲙⲙⲉ ⲡⲉⲧⲣⲟⲥ ⲙⲛ̄ ⲓ̄ⲱϩⲁⲛⲛⲏⲥ ⲉ̄
ⲛⲁⲓ̄ • ϫⲉ ⲛ̄ⲧⲟⲟⲩ ⲛⲉ ⲛ̄ϣⲁⲩⲕⲱ ⲛ̄ ⲛⲉⲩϭⲓ̄ϫ ⲉⲓ̄ϫⲛ̄ ⲛ̄ ⲟⲩ‐
ⲃⲁⲗ • Ⲧⲉⲛⲟⲩ ϭⲉ ⲕⲉ ϣⲟⲙⲛⲧ ⲛ̄ϩⲟⲟⲩ ⲛⲉ ϣⲁⲛⲧⲁⲉⲓ̄ |
ⲛ̄ⲥⲱ ⲧⲁϫⲓ̄ ⲧⲟⲩⲯⲩⲭⲏ ⲙⲛ̄ ⲡⲟⲩⲥⲱⲙⲁ ⲉ̄ ϩⲟⲩⲛ ⲉ̄ ⲧⲁ
ⲡⲟⲗⲓⲥ ⲑⲓ̄ⲗⲏ︦ⲙ︦ ⲛ̄ ⲧⲡⲉ • ⲛ̄ⲧⲉ ⲛⲁⲡⲉⲧ ⲟⲩⲁⲁⲃ ⲧⲏⲣⲟⲩ ⲣ̄
ϣⲡⲏⲣⲉ ⲙ̄ ⲡⲉⲟⲟⲩ ⲉ ϯⲛⲁⲧⲁⲁϥ ⲛⲏ ϩⲙ̄ ⲡ̄ⲙⲁ ⲉ̄ⲧ ⲙ̄ⲙⲁⲩ •
ϫⲉ ⲛ̄ⲧⲟ ⲡⲉ ⲛ̄ⲧⲁⲣ̄ ϩⲱⲧⲡ̄ ⲉ̄ ⲡⲛⲟⲩⲧⲉ ⲙⲛ̄ ⲛⲉϥⲁⲅⲅⲉⲗⲟⲥ •
ⲉ̄ ⲧⲙ︦ⲛ︦ⲧⲣⲱⲙⲉ • Ⲁⲩⲱ̄ ⲧⲉⲣⲛⲁϣⲱⲡⲉ ⲉⲣ ϫⲟⲥⲉ ⲉ̄ ⲛⲉⲧ
ⲟⲩⲁⲁⲃ ⲧⲏⲣⲟⲩ • ϯⲛⲁⲧⲣⲉ ⲛⲁⲁⲅⲅⲉⲗⲟⲥ ϣⲱⲡⲉ • ⲉⲩϩⲩⲙ‐
ⲛⲉⲩⲉ̄ ⲉ̄ⲣⲟ ⲛ̄ⲛⲁⲩ ⲛⲓ̄ⲙ • ϫⲉ ⲉⲣⲧⲛ̄ⲧⲱⲛ ⲉ ⲣⲟⲟⲩ ϩⲙ̄
ⲡⲟⲩⲧⲃ̄ⲃⲟ ⲙⲛ̄ ⲧⲟⲩⲁⲓ̄ ⲛ̄ ⲧ̄ⲡⲁⲣⲑⲉⲛⲟⲥ • Ⲥⲉⲛⲁⲣⲁϣⲉ ⲛ̄ϭⲓ
ⲛ̄ ⲁⲅⲅⲉⲗⲟⲥ ⲧⲏⲣⲟⲩ • ⲙⲛ̄ ⲛⲉⲧⲁⲅⲙⲁ ⲛ̄ ⲧⲡⲉ • ⲉⲓ̄ϫⲛ̄ ⲧⲟⲩ‐
ϭⲓ̄ⲛⲁⲡⲁⲛⲧⲁ ⲉ̄ ⲣⲟⲟⲩ • Ⲙ̄ⲡⲁⲧⲣⲓ̄ⲁⲣⲭⲏⲥ ⲙⲛ̄ ⲛⲉⲡⲣⲟⲫⲏ‐
ⲧⲏⲥ ⲛⲁⲉⲓ̄ ⲉ̄ ⲃⲟⲗ ⲉ̄ⲧ ⲟⲩⲁ̄ⲡⲁⲛⲧⲏ • ⲉⲩⲧⲉⲗⲏⲗ ⲙ̄ⲙⲟⲟⲩ •
ϫⲉ ⲁ ⲧⲙⲁⲁⲩ ⲙ̄ ⲡϫⲟⲉⲓ̄ⲥ ⲉⲓ̄ ϣⲁ ⲣⲟⲛ • Ⲕⲁⲓ̄ ⲅⲁⲣ ⲙ̄‐
ⲡⲟⲩϣϭⲙ̄ϭⲟⲙ ⲛ̄ ⲛⲁⲩ ⲉ̄ ⲣⲟⲥ ϩⲛ̄ ⲧ̄ⲥⲁⲣⲝ̄ • ⲉⲓ̄ⲥ ϩⲏⲏ̄ⲧⲉ
ⲁⲩⲛⲁⲛ(sic) ⲉ̄ ⲣⲟⲥ • ⲉⲩϯ ⲉ̄ⲟⲟⲩ ⲛⲁⲥ ϩⲓ̄ⲧⲙ̄ ⲡⲛⲟⲩⲧⲉ ⲡ̄ⲉⲓ̄ⲱⲧ •


### 0020

Ⲙ̄ⲡⲁⲣⲑⲉⲛⲟⲥ ⲧⲏⲣⲟⲩ ⲛ︦ⲛ︦ ⲙ̄ⲡⲏⲩⲉ̄ • ⲥⲉⲛⲁⲣⲁϣⲉ ⲛⲙ̄ⲙⲏ
ϩⲛ̄ ⲟⲩϭⲓ̄ⲛⲁⲡⲁⲛⲧⲁ ⲉ̄ ⲣⲟⲟⲩ • ⲛⲁⲓ̄ ⲛ̄ⲧⲁⲩϩⲁⲣⲉϩ ⲉ̄ ⲧⲉⲩ‐
ⲡⲁⲣⲑⲉⲛⲓ︦ⲁ︦ • ⲥⲉⲛⲏⲩ ⲉ ⲃⲟⲗ ϩⲁ ϫⲱ • ⲉⲩⲡ̄ⲣⲟⲥⲕⲩⲛⲏ
ⲙ̄ⲙⲟ • ⲉⲩϫⲱ ⲙ̄ⲙⲟⲥ • ϫⲉ ⲕⲁⲗⲱⲥ ⲁⲣⲉⲓ̄ ⲧ̄ⲙⲁⲁⲩ ⲛ̄
ⲛⲉ|ⲡⲁⲣⲑⲉⲛⲟⲥ ⲧⲏⲣⲟⲩ • ⲗⲟⲓ̄ⲡⲟⲛ ⲁ ⲡⲉⲩⲟⲉⲓ̄ϣ ϣⲱⲡⲉ ⲉ̄
ⲧⲣⲉ ⲣ ⲉⲓ̄ ϩⲁϩⲧⲏⲛ ⲱ̄ ⲧⲁ ⲙⲁⲁⲩ • Ⲙ︦ⲡⲉⲣ ⲗⲩⲡⲏ ⲱ̄ ⲧⲁ‐
ⲙⲁⲁⲩ ⲉ̄ ⲧⲃⲉ ⲡⲟⲩⲥⲱⲙⲁ ⲉ̄ⲧ ⲟⲩⲁⲁⲃ • ϫⲉ ⲟⲩ ⲡⲉⲧ
ⲛⲁϣⲱⲡⲉ ⲙ̄ⲙⲟϥ • Ⲛ̄ ⲉⲩⲛⲁⲕⲁⲁϥ ⲧⲱⲛ • Ⲛⲓ̄ⲙ ⲛ̄ ⲣⲱⲙⲉ
ϩⲱⲗⲟⲥ ⲛ̄ ϫⲡⲟ ⲛ̄ ⲥⲁⲣⲝ̄ • ⲡⲉⲧⲉ ⲙⲉϥϫⲓ̄ ϯⲡⲉ ⲙ̄ ⲡ̄ⲙⲟⲩ •
ⲁⲩⲱ ⲛ̄ⲧⲉ ⲡⲉϥⲥⲱⲙⲁ ⲕⲟⲧϥ̄ ⲉ ⲡⲕⲁϩ • ⲛ̄ⲧⲁϫⲓ̄ⲧϥ̄ ⲛ̄ϩⲏⲧϥ̄ •
Ⲁⲛⲟⲕ ⲁⲓ̄ϫⲓ̄ ϯⲡⲉ ⲙ̄ ⲡⲙⲟⲩ • ⲁⲗⲗⲁ ⲁⲓ̄ⲧⲱⲟⲩⲛ ⲉ̄ ⲃⲟⲗ
ϩⲛ̄ ⲛⲉⲧ ⲙⲟⲟⲩⲧ • ⲙ̄ ⲡ̄ⲙⲉϩ ϣⲟⲙⲛ︤ⲧ︥ ⲛ̄ϩⲟⲟⲩ • ⲁⲓ̄ⲃⲱⲗ
ⲉ̄ ⲃⲟⲗ ⲙ̄ ⲡⲉⲧ ⲉⲩⲉⲛⲧϥ̄ ⲡⲁⲙⲁϩⲧⲉ ⲙ̄ⲙⲁⲩ ⲙ̄ ⲡⲙⲟⲩ •
ϯⲛⲁⲥⲕⲩⲡⲁⲍⲉ ⲙ̄ ⲡⲟⲩⲥⲱⲙⲁ ϩⲙ̄ ⲡⲕⲁϩ • ⲧⲁⲧⲣⲉ ⲛⲁⲁⲅ‐
ⲅⲉⲗⲟⲥ ⲥⲕⲩⲡⲁⲍⲉ ⲙ̄ ⲡⲟⲩⲥⲱⲙⲁ ϩⲙ̄ ⲡⲕⲁϩ ⲛ̄ⲛⲁⲩ ⲛⲓ̄ⲙ •
Ⲛ̄ⲛⲉ ⲗⲁⲁⲩ ⲛ̄ⲣⲱⲙⲉ ϭⲛ̄ ⲡⲟⲩⲥⲱⲙⲁ ϩⲙ̄ ⲡⲕⲁϩ ϩⲙ̄ ⲡⲙⲁ
ⲉϯⲛⲁⲕⲁⲁϥ ⲛ̄ϩⲏⲧϥ̄ • ϣⲁ ⲡⲉϩⲟⲟⲩ ⲉ ϯⲛⲁⲧⲟⲩⲛⲟⲥϥ̄ ⲉϥⲟ
ⲛ̄ ⲁⲧ ⲧⲁⲕⲟ • Ⲁⲗⲗⲁ ⲟⲩⲉⲛ ⲟⲩⲥϯ ⲛⲟⲩⲃⲉ ⲛⲁϣⲟⲩϣⲟⲩ
ⲉ̄ ⲃⲟⲗ ϩⲙ̄ ⲡⲟⲩⲥⲱⲙⲁ ϣⲁ ⲡⲉϩⲟⲟⲩ ⲉ̄ⲧ ⲉϥⲛⲁⲧⲱⲟⲩⲛ
ⲛ̄ϩⲏⲧϥ̄ • Ⲥⲉⲛⲁⲕⲱⲧ ⲛ̄ ⲟⲩⲛⲟϭ ⲛ̄ ⲉⲕⲕⲗⲏⲥⲓ︦ⲁ︦ ⲉⲓ̄ϫⲙ̄
ⲡⲟⲩⲥⲱⲙⲁ ⲉ̄ⲧ ⲧⲁⲓ̄ⲏⲩ • ⲁⲩⲱ̄ ⲉ̄ⲧ ⲥⲟⲧⲡ̄ • ⲙ̄ ⲡⲁⲣⲁ ⲡⲡⲁⲗ‐
ⲗⲁϯⲟⲛ ⲛ̄ ⲛ︦ⲣ︦ⲣⲱⲟⲩ • ϭⲉⲡⲏ ⲙ̄ⲙⲟ ⲟⲩⲉϩⲥⲁϩⲛⲉ ⲛ̄
ⲛ̄ⲁⲡⲟⲥⲧⲟⲗⲟⲥ • | ϯ ⲡⲧⲱϣ ⲛ̄ ⲛⲉⲡⲁⲣⲑⲉⲛⲟⲥ • ⲁⲛⲟⲕ
ϯⲛⲏⲩ ⲙⲛ̄ ⲛⲁⲁⲅⲅⲉⲗⲟⲥ • ⲧⲁⲥⲕⲉⲡⲁⲍⲉ ⲙ̄ ⲡⲟⲩⲥⲱⲙⲁ •
ⲙⲛ̄ ⲧⲟⲩⲯⲩⲭⲏ • ⲛ̄ⲧⲉ ⲧⲙ̄ ⲣ̄ ϩⲟⲧⲉ ⲉ ϩⲏⲧϥ̄ ⲉ̄ ⲡⲙⲟⲩ ⲉ̄ⲧ
ⲛⲏⲩ ⲛ̄ⲥⲱ • Ⲧⲉⲛⲟⲩ ϭⲉ ⲙⲟⲩⲧⲉ ⲛⲁⲛ ⲛ̄ ⲛⲉⲡⲁⲣⲑⲉⲛⲟⲥ
ⲧⲏⲣⲟⲩ • ⲧⲁϯ ⲡⲧⲟϣ ⲛⲁⲩ • Ⲛ̄ⲧⲟⲟⲩ ⲇⲉ ⲁⲩⲉⲓ̄ⲣⲉ ⲕⲁⲧⲁ
ⲑⲉ ⲛ̄ⲧⲁⲥϫⲟⲟⲥ ⲛⲁⲩ • Ⲛ̄ ⲧⲉⲣ ⲟⲩⲉⲓ̄ ⲇⲉ ϣⲁ ⲣⲟⲥ • ⲁⲩⲁⲥ‐
ⲡⲁⲍⲉ ⲙ̄ⲙⲟⲥ • ⲡⲉϫⲁⲥ ⲛⲁⲩ • ϫⲉ ϯϣⲓ̄ⲛⲉ ⲉ̄ ⲣⲱⲧⲛ̄ ⲙ̄‐
ⲙⲟⲛ ⲉⲓ̄ⲃⲏⲕ ⲉ̄ ⲑⲓ̄ⲗⲏ︦ⲙ︦ ⲛ̄ ⲧⲡⲉ • ⲛ̄ⲧⲟⲟⲩ ⲇⲉ ⲙ̄ⲡ ⲟⲩϯ
ϩⲧⲏⲩ ⲉ̄ ⲡϣⲁϫⲉ • Ⲁⲥⲁⲙⲁϩⲧⲉ ⲛ̄ ⲧϭⲓϫ ⲛ̄ ⲟⲩⲉⲓ̄ ⲛ̄ϩⲏⲧⲟⲩ
ⲉ̄ ⲁⲥⲣ̄ ϩⲗ̄ⲗⲱ ⲙ̄ⲙⲁⲧⲉ • ⲉⲧⲉ ⲙⲁⲣⲓ︦ⲁ︦ ⲧⲉⲧ ⲙⲁⲕⲧⲁⲗⲓ̄ⲛⲏ •
ⲧⲉ ⲛ̄ⲧⲁ ⲡⲉⲭ︦ⲥ︦ ⲛⲉϫ ⲥⲁϣϥ̄ ⲛ̄ ⲇⲁⲓ̄ⲙⲱⲛⲓⲟⲛ ⲉ̄ ⲃⲟⲗ
ⲛ̄ϩⲏⲧⲥ̄ • Ⲡⲉϫⲁⲥ ⲛ̄ ⲛⲉⲡⲁⲣⲑⲉⲛⲟⲥ • ϫⲉ ⲉⲓ̄ⲥ ⲧⲉⲧⲛ̄ⲙⲁⲁⲩ


### 0021

ϫⲓ̄ⲛⲉ ⲧⲉⲩⲛⲟⲩ • ϯ ⲙ̄ⲧⲟⲛ ⲉ ⲡⲉⲥⲡⲛ︤ⲁ︥ • ⲛ̄ⲑⲉ ⲛ̄ⲧⲁⲥϯ ⲙ̄-
ⲧⲟⲛ ⲉ̄ ⲡⲟⲓ ϩⲱ ⲛ̄ⲛⲁϩⲟⲟⲩ • ϩⲁⲣⲉϩ ⲉⲛⲥⲩⲛⲏⲑⲓ︦ⲁ︦ ⲛ̄ⲧⲁⲧⲉ‐
ⲧⲛ︦ⲥ̄ⲙⲛ̄ⲧⲟⲩ ⲙⲛ̄ ⲡⲉⲭ︦ⲥ︦ • ⲧⲁⲣⲉⲧⲉⲧⲛ̄ϣⲱⲡⲉ ⲛⲙ̄ⲙⲁϥ •
Ⲛⲁⲓ̄ ⲇⲉ ⲉⲥϫⲱ ⲙ̄ⲙⲟⲟⲩ ⲙ̄ⲡⲉ ⲥⲧⲁⲙⲟⲟⲩ ⲉ̄ ⲡⲉⲥⲛ̄ⲕⲟⲧⲕ̄ •
Ⲁⲩⲱ̄ ⲁⲥⲕⲟⲧⲥ̄ ⲉⲛⲁⲡⲟⲥⲧⲟⲗⲟⲥ • ⲡⲉϫⲁⲥ ⲛ̄ ⲥⲓ̄ⲙⲱⲛ
ⲡⲉⲧⲣⲟⲥ • ϫⲉ ⲥⲓ̄ⲙⲱⲛ ⲡⲉⲧⲣⲟⲥ • ⲡⲉⲛⲧⲁ ⲡϫⲟⲉⲓ̄ⲥ
ⲙⲉⲣⲓ̄ⲧϥ̄ • ⲁϥⲧⲁⲛ | ϩⲟⲩⲧϥ̄ ⲉ̄ ⲧⲙⲛ︦ⲧ︦ⲣ︦ⲣⲟ ⲛ︦ⲛ︦ ⲙ̄ⲡⲏⲩⲉ •
ϣⲱⲡⲉ ⲛ̄ ϣⲉⲛϩⲧⲏϥ ⲛ̄ⲑⲉ ⲙ̄ ⲡⲉⲧⲛ̄ⲉⲓ̄ⲱⲧ ⲉ̄ⲧ ϩⲛ̄ ⲙ̄ⲡⲏⲩⲉ •
ⲉⲩϣⲉⲛϩ̄ⲧⲏϥ ⲡⲉ • Ⲓ̄ⲁⲕⲕⲱⲃⲟⲥ ⲙⲛ̄ ⲓ̄ⲱϩⲁⲛⲛⲏⲥ ⲣⲟⲉⲓ̄ⲥ ⲉ̄
ⲡⲉⲧⲛ̄ⲕⲁⲑⲟⲗⲓⲕⲟⲥ ⲉϥⲟⲩⲁⲁⲃ • ϣⲱⲡⲉ ⲛ̄ⲣⲙ̄ⲣⲁϣ ⲉ ϩⲟⲩⲛ
ⲉ̄ ⲣⲱⲙⲉ ⲛⲓ̄ⲙ • Ⲛ̄ⲧⲟⲕ ⲇⲉ ⲱ̄ ⲡⲉⲧⲣⲟⲥ • ⲃⲱⲕ ⲉ̄ ⲡⲏⲓ̄
ⲃⲓⲃⲣⲟⲥ ⲡⲉⲕⲙⲁⲑⲏⲧⲏⲥ • ⲛⲅ̄ ϫⲓ̄ ⲛ̄ ⲛⲓ̄ⲥⲩⲛⲇⲟⲛⲓ̄ⲟⲛ ⲛ̄ⲧⲁⲕ‐
ϭⲁⲗⲟⲟⲩ ⲉ̄ ⲣⲟϥ • ⲛⲅ̄ ⲛ̄ⲧⲟⲩ ⲛⲁⲓ̄ ⲉ̄ ⲡⲓ̄ ⲙⲁ • ⲁⲩⲱ̄ ⲁϥⲉⲓ̄ⲣⲉ
ⲕⲁⲧⲁ ⲑⲉ ⲛ̄ⲧⲁⲥϫⲟⲟⲥ ⲛⲁϥ • ⲁϥⲉⲓ̄ⲛⲉ ⲛ̄ ⲛⲉⲥⲩⲛⲧⲟⲛⲓ̄ⲟⲛ
ⲛ̄ⲧⲁϥϭⲁⲗⲟⲟⲩ ⲉ ⲃⲓϥⲣⲟⲥ • ⲁⲩⲱ̄ ⲡⲉϫⲁⲥ ⲛ̄ ⲓ̄ⲁⲕⲕⲟⲃⲟⲥ •
ϫⲉ ⲧⲱⲟⲩⲛ ⲛⲅ̄ ϫⲓ̄ ⲛ̄ ϯⲥⲁⲧⲉⲉⲣⲉ • ⲛⲅ̄ ⲃⲱⲕ ϣⲁ ⲛⲉⲧ
ϯ ϣⲟⲩϩⲏⲛⲉ ⲉ̄ ⲃⲟⲗ • ⲛⲅ̄ ϫⲓ̄ⲧⲥ̄ ⲛ̄ ⲥⲧⲟⲓ̄ ⲛⲅ̄ ⲛ̄ⲧⲟⲩ ⲛⲁⲓ̄ ⲉ̄
ⲡⲓ̄ ⲙⲁ • ⲁⲩⲱ̄ ⲁϥⲉⲓ̄ⲣⲉ ⲕⲁⲧⲁ ⲑⲉ ⲛ̄ⲧⲁⲥϫⲟⲟⲥ ⲛⲁϥ • ⲛ̄
ⲧⲉⲣⲉ ⲛⲉϩⲟⲟⲩ ⲛ̄ ⲧⲉⲥⲁ̄ⲛⲁⲗⲩⲯⲓⲥ ϣⲱⲡⲉ • ⲡⲉϫⲉ ⲧⲡⲁⲣ‐
ⲑⲉⲛⲟⲥ ⲙⲁⲣⲓ︦ⲁ︦ ⲛⲁϩⲣⲉⲛ ⲓ̄ⲱϩⲁⲛⲛⲏⲥ • ϫⲉ ⲧⲱⲟⲩⲛ ⲛⲅ̄
ϫⲉⲣⲟ ⲛ̄ ⲟⲩⲙⲏⲏϣⲉ ⲛ̄ ⲗⲁⲙⲡⲁⲥ • ⲙⲛ̄ ϩⲛ̄ⲫⲁⲛⲟⲥ • ϫⲉ
ⲛⲉ ⲁ̄ ⲣⲟⲩϩⲉ ⲅⲁⲣ ϣⲱⲡⲉ • ⲁⲥϫⲓ̄ ⲛ̄ ⲛⲉⲥⲩⲛⲇⲟⲛⲓ̄ⲟⲛ •
ⲁⲥⲡⲟⲣϣⲟⲩ ϩⲙ̄ ⲡⲕⲁϩ • ⲁⲥⲡⲱϩⲧ̄ ⲛ̄ ⲛⲉⲥϯ ⲛⲟⲩⲃⲉ ⲉⲓ̄ϫⲉⲛ
ⲛⲉⲩⲉⲣⲏⲩ • ⲉⲓ̄ϫⲉⲛ ⲛⲉⲥⲩⲛⲇⲟⲛⲓ̄ⲟⲛ • ⲁⲥⲁϩⲉ ⲣⲁⲧⲥ̄ ⲉ̄
ϫⲟⲟⲩ • ⲡⲉϫⲁⲥ ⲛ̄ ⲛ̄ⲁⲡⲟⲥⲧⲟⲗⲟⲥ ϫⲉ ⲙⲁⲣⲉⲛϣⲗⲏⲗ ⲉ̄
ϩⲣⲁⲓ̄ ⲉ̄ ⲡ|ϫⲟⲉⲓ̄ⲥ • ⲧⲁⲣⲉϥⲛⲁ ⲛⲁⲛ • ⲁⲩⲱ̄ ⲁⲥⲡⲱⲣϣ̄ ⲛ̄
ⲛⲉⲥϭⲓϫ ⲉ̄ ⲃⲟⲗ • ⲉ̄ ⲡⲥⲁ ⲛ̄ ⲧⲁⲛⲁⲧⲟⲗⲏ • ⲁⲥⲥⲟⲡⲥⲡ̄ ⲉ̄
ⲡϫⲟⲉⲓ̄ⲥ • ⲉⲥϫⲱ ⲙ̄ⲙⲟⲥ • Ϫⲉ ϯϣⲡ̄ ϩⲙⲟⲧ ⲛ̄ ⲧⲟⲟⲧⲕ̄
ⲡϫⲟⲉⲓ̄ⲥ ⲡⲛⲟⲩⲧⲉ • ⲡ̄ⲡⲁⲛⲧⲟⲕⲣⲁⲧⲱⲣ • ⲙⲛ̄ ⲡⲉⲕⲙⲟⲛⲟ‐
ⲅⲉⲛⲏⲥ ⲛ̄ ϣⲏⲣⲉ ⲓ︦ⲥ︦ ⲡⲉⲭ︦ⲥ︦ • ⲡ̄ⲗⲟⲅⲟⲥ • ⲙ̄ ⲡⲉⲓ̄ⲱⲧ • ϫⲉ
ⲁϥⲉⲓ̄ ϣⲁ ⲣⲟⲛ • ⲁϥⲕⲱⲧ ⲛⲁϥ ⲟⲩⲁ̄ⲁϥ ⲛ̄ ⲟⲩⲙⲁ ϩⲛ̄ ⲧⲁ
ⲕⲁⲗⲁϩⲏ • ⲛ̄ⲑⲉ ⲛ̄ⲧⲁϥⲟⲩⲁϣⲥ̄ • ⲁⲓ︤ϫ︥ⲡⲟϥ ⲁϫⲛ̄ ϫⲱϩⲙ̄
ⲁϫⲛ̄ ϩ̄ⲧⲟⲡ • ⲁⲓ̄ⲥⲁⲛⲟⲩⲱϣϥ̄ ⲁϫⲛ̄ ⲣⲟⲟⲩϣ ⲛ̄ⲧⲟϥ ⲡⲉⲧ
ⲥⲁⲁ̄ⲛϣ̄ ⲙ̄ⲙⲟⲓ̄ • ϯϣⲡ̄ ϩⲙⲟⲧ ⲛ̄ ⲧⲟⲟⲧϥ̄ ⲛ̄ⲧⲉ ⲡⲉⲕⲡⲛ︦ⲁ︦ ⲉ̄ⲧ


### 0022

ⲟⲩⲁⲁⲃ ⲉⲓ̄ ⲉ̄ ϩⲣⲁⲓ̄ ⲉ̄ ϫⲱⲓ • Ⲧⲉⲛⲟⲩ ⲇⲉ ⲡⲁ ϫⲟⲉⲓ̄ⲥ • ⲁ
ⲡⲛⲁⲩ ϣⲱⲡⲉ ⲛⲅ̄ ⲉⲓ̄ ϣⲁ ⲣⲟⲓ̄ ⲛⲅ̄ ⲛⲁ ⲛⲁⲓ̄ • ⲛⲟⲩϫ ⲉ̄ ⲃⲟⲗ
ⲛ̄ ⲛ̄ⲱⲛⲉ ⲧⲏⲣⲟⲩ • ⲛ̄ϫⲣⲟⲡ ⲉ̄ⲧ ϩⲁⲧⲁϩⲏ • ⲙⲛ̄ ⲛⲉϣⲁ‐
ⲃⲉϩⲟ • Ⲙⲁⲣⲟⲩ ⲡⲱⲧ ⲉ̄ ⲃⲟⲗ ϩⲁⲧⲁϩⲏ • ⲛ̄ϭⲓ̄ ⲛⲉⲧ ϩⲓ̄
ϩⲃⲟⲩⲣ • ⲛ̄ⲧⲉ ⲛⲉⲧ ϩⲓ̄ ⲟⲩⲛⲁⲙ • ⲁϩⲉ ⲣⲁⲧⲟⲩ ⲛⲙ̄ⲙⲁⲓ ϩⲛ̄
ⲟⲩⲣⲁϣⲉ • Ⲙⲁⲣⲉ ⲛⲉⲝⲟⲩⲥⲓ︦ⲁ︦ ⲙ̄ ⲡ̄ⲕⲁⲕⲉ ϫⲓ̄ ϣⲓⲡⲉ • ϫⲉ
ⲙ̄ⲡ ⲟⲩϭⲛ̄ ⲗⲁⲁⲩ ⲛ̄ⲧⲁⲩ ⲛ̄ϩⲏⲧ • Ⲁⲟⲩⲱⲛ ⲛⲁⲓ̄ ⲙ̄ⲡⲩⲗⲏ
ⲛ̄ ⲧⲇⲓ̄ⲕⲁⲓ︤ⲟ︥ⲥⲩⲛⲏ • ⲧⲁⲉⲓ̄ ⲉ̄ ϩⲟⲩⲛ ⲛ̄ϩⲏⲧⲟⲩ • ⲧⲁⲟⲩⲱⲛϩ̄
ⲉ̄ ⲃⲟⲗ ⲉ̄ ⲡⲉⲕⲣⲁⲛ ⲉ̄ⲧ ⲟⲩⲁⲁⲃ ⲡⲁ ⲛⲟⲩⲧⲉ • Ⲙⲁⲣⲉ ⲡⲉ‐
ⲇⲣⲁⲕⲱⲛ ⲡⲱⲧ ϩⲁⲧⲁϩⲏ • ϫⲉ ⲉⲓ̄ⲉⲡⲁⲣⲣⲏⲥⲓ︦ⲁ︦ⲍⲉ ⲙ̄ⲙⲟⲓ̄
ⲛⲁϩⲣⲁⲕ • Ⲙⲁⲣⲉ ⲡⲓ̄ⲉⲣⲟ ⲛ̄ ⲕⲱϩⲧ̄ ϩⲣⲁⲕ ⲉⲓ̄ⲛⲏⲩ ⲉ ⲣⲁⲧⲕ̄
ϥϣⲁⲛϯ ⲡⲁⲣⲁⲅⲉ ⲙ̄ⲙⲟⲓ • | ϫⲉ ⲧⲟⲕ ⲧⲉ ⲧϭⲟⲙ • ⲙⲛ̄
ⲡⲉ̄ⲟⲟⲩ ϣⲁ ⲉⲛⲉϩ ⲛ̄ⲉⲛⲉϩ ϩⲁⲙⲏⲛ • Ⲁⲩⲱ̄ ⲛ̄ ⲧⲉⲣⲉ ⲥϫⲉ
ⲛⲁⲓ̄ • ⲁⲥⲛ̄ⲕⲟⲧⲕ̄ ⲉⲓ̄ϫⲉⲛ ⲛⲉⲥⲩⲛⲇⲟⲛⲓ̄ⲟⲛ ⲙⲛ̄ ⲛⲉϣⲟⲩ‐
ϩⲏⲛⲉ • ⲉⲣⲉ ⲡⲉⲥϩⲟ ⲕⲧⲏⲩ ⲉ̄ ⲡⲥⲁ ⲛ̄ ⲧⲁⲛⲁⲛⲧⲟⲗⲏ (sic)•
Ⲁⲩⲱ̄ ⲉⲓ̄ⲥ ⲡϫⲟⲉⲓ̄ⲥ ⲓ︦ⲥ︦ ⲡⲉⲭ︦ⲥ︦ ⲁϥⲉⲓ̄ ϣⲁ ⲣⲟⲥ • ⲉⲓ̄ϫⲉⲛ
ⲛⲉⲭⲁⲓ̄ⲣⲟⲩⲃⲓ̄ⲛ • ⲉ̄ⲣⲉ ⲛ̄ⲁⲅⲅⲉⲗⲟⲥ ϩⲓ̄ⲑⲏ ⲙ̄ⲙⲟϥ • ⲁϥⲉⲓ̄
ⲁϥⲁϩⲉ ⲣⲁⲧϥ̄ ϩⲁϩⲧⲛ̄ ⲧⲁⲡⲉ ⲛ̄ ⲧⲉϥⲙⲁⲁⲩ • ⲡⲉϫⲁϥ ⲛⲁⲥ
ϫⲉ • ⲙ̄ⲡⲉⲣ ⲣ̄ ϩⲟⲧⲉ ϩⲏⲧϥ̄ • ⲙ̄ ⲡ̄ⲙⲟⲩ • ⲉ̄ⲣⲉ ⲡⲱⲛϩ̄
ⲙ̄ ⲡⲕⲟⲥⲙⲟⲥ ⲧⲏⲣϥ̄ ϩⲁⲧⲏ • ϩⲁⲡⲥ̄ ⲡⲉ ⲉ̄ ⲧⲣⲉ ⲛⲁⲩ ⲉ̄
ⲣⲟϥ • ϩⲛ̄ ⲛ̄ⲟⲩⲃⲁⲗ ⲙ̄ⲙⲁⲧⲉ • ⲙ̄ⲙⲟ̄ ⲉⲓ̄ ⲧⲙ̄ ⲟⲩⲉϩⲥⲁϩⲛⲉ
ⲛⲁϥ • ⲛⲉϥⲛⲁϣⲉⲓ̄ ⲁⲛ ⲡⲉ • Ⲁⲩⲱ̄ ⲡⲉϫⲉ ⲓ︦ⲥ︦ ⲛⲁϥ • ϫⲉ
ⲁⲙⲟⲩ ⲡⲉⲧ ϩⲛ̄ ⲛⲉⲧⲁⲙⲓ̄ⲟⲛ ⲙ̄ ⲡⲣⲏⲥ • ⲁⲩⲱ̄ ⲛ̄ ⲧⲉⲣⲉ
ⲥⲛⲁⲩ ⲉ̄ ⲣⲟϥ • ⲁⲥϥⲟϭⲥ̄ ⲛ̄ϭⲓ̄ ⲧⲉⲥⲯⲩⲭⲏ ⲉ̄ ⲡϩⲁⲙⲏⲣ ⲙ̄
ⲡⲉⲥϣⲏⲣⲉ • ⲁϥⲥ̄ⲕⲩⲡⲁⲍⲉ ⲙ̄ⲙⲟⲥ ϩⲛ̄ ⲛ̄ⲉⲛⲇⲏⲙⲁ ⲙ̄
ⲡⲟⲩⲟⲉⲓⲛ • Ⲁⲛⲁⲡⲟⲥⲧⲟⲗⲟⲥ ⲧⲁⲗⲟ ⲛ̄ ⲛⲉⲩϭⲓϫ ⲉⲓ̄ϫⲛ̄
ⲛⲉⲥⲃⲁⲗ • ⲁⲥⲛ̄ⲕⲟⲧⲕ̄ ϩⲛ̄ ⲟⲩⲛ̄ⲕⲟⲧⲕ̄ ⲉ̄ⲛⲁⲛⲟⲩϥ • ⲛ̄ⲧⲉⲩϣⲏ
ⲛ̄ ⲥⲟⲩ ϫⲟⲩⲧⲟⲩⲉ ⲛ̄ ⲧⲱⲃⲉ • ϩⲛ̄ ⲟⲩⲉⲓ̄ⲣⲏⲛⲏ ⲛ̄ⲧⲉ ⲡⲛⲟⲩⲧⲉ
ϩⲁⲙⲏⲛ • Ⲡϫⲟⲉⲓⲥ ⲇⲉ ⲡⲉϫⲁϥ ⲛ̄ ⲛ̄ⲁⲡⲟⲥⲧⲟⲗⲟⲥ • ϫⲉ
ⲱⲗ ⲙ̄ ⲡⲉⲥⲥⲱⲙⲁ ⲕⲁⲗⲱⲥ • ϫⲓ̄ⲧⲥ̄ ⲉ̄ ⲡⲓ︦ⲁ︦ ⲛ̄ ⲓ̄ⲱⲥⲁⲫⲁⲧ •
ⲡⲉⲧ ⲙ̄ ⲡⲙ̄ⲧⲟ ⲉ̄ ⲃⲟⲗ ⲙ̄ ⲡⲧⲟⲟⲩ ⲛ̄ ⲛⲉϫⲟⲉⲓⲧ • ⲡ̄ⲙⲁ ⲛ̄ⲧ
ⲁⲓ̄ⲡⲱϣ ⲙ̄ⲡⲟⲉⲓⲕ • ⲙ̄ ⲡⲓ̄ⲟⲩⲟⲉⲓ̄ϣ • Ⲕⲱ ⲙ̄ ⲡ̄ⲙⲁ ⲛ̄ ⲉⲛ‐
ⲕⲟⲧⲕ̄ ⲉ̄ ⲡⲉⲥⲏⲧ • ⲉ̄ⲧ ⲉ̄ⲣⲉ ⲡⲥⲱⲙⲁ ϩⲓ̄ϫⲱϥ • ⲁⲛⲁⲭⲱⲣⲓ̄
ⲛⲏⲧⲛ̄ ⲉ̄ ⲧⲃⲉ ⲧⲁⲡⲓ̄ⲗⲏ ⲛ̄ ⲛⲓ̄ⲟⲩⲇⲁⲓ̄ • ϫⲉ ⲥⲉⲛⲁⲡⲱⲧ


### 0023

ⲛ̄ⲥⲱⲧⲛ̄ • ⲉⲩⲟⲩⲱϣ ⲉ̄ ϩⲱⲧϥ̄ ⲙ̄ⲙⲱⲧⲛ̄ • Ⲁⲛⲟⲕ ⲇⲉ
ϯⲛⲁⲥⲕⲩⲡⲁⲍⲉ ⲙ̄ ⲡⲥⲱⲙⲁ ⲛ̄ⲑⲉ ⲉ̄ⲧ ⲉϩⲛⲁⲓ̄ • Ⲁⲩⲱ ⲛ̄ϯϩⲉ
ⲁⲛⲁ|ⲡⲟⲥⲧⲟⲗⲟⲥ ⲱⲗ ⲙ̄ ⲡⲥⲱⲙⲁ • ⲁⲩⲧⲁⲗⲟϥ ⲉⲓ̄ϫⲉⲛ
ⲟⲩⲙⲁ ⲛ̄ ⲛ̄ⲕⲟⲧⲕ̄ • Ⲁⲩⲱ̄ ⲛ̄ ⲧⲉⲣⲉ ϩⲧⲟⲟⲩⲉ ϣⲱⲡⲉ • ⲁⲩ‐
ⲛⲟϭ ⲙ̄ⲙⲏⲏϣⲉ ⲥⲱⲟⲩϩ ϩⲛ̄ ⲧ̄ⲡⲟⲗⲓⲥ • ⲁⲩⲱ ϩⲛ̄ⲡⲁⲣⲑⲉⲛⲟⲥ
ⲉⲩⲱϣ • Ⲛ̄ⲧⲉⲩⲛⲟⲩ ⲁⲩⲧⲱⲟⲩⲛ ⲙ̄ⲙⲟⲥ • ⲛ̄ϭⲓ̄ ⲡⲉⲧⲣⲟⲥ
ⲙⲛ̄ ⲓ̄ⲱϩⲁⲛⲛⲏⲥ • ⲉ ⲧⲣⲉⲩϫⲓ̄ⲧⲥ̄ ⲉ̄ ⲃⲟⲗ ⲉ̄ ⲡⲙⲁ ⲛ̄ⲧⲁ
ⲡⲥⲱⲧⲏⲣ ϫⲟⲟⲥ ⲛⲁⲩ • ⲛⲉⲩⲯⲁⲗⲗⲓ̄ ϩⲓ̄ⲑⲏ ⲙ̄ⲙⲟⲥ • ⲛ̄ϭⲓ ⲟⲩ‐
ⲛⲟϭ ⲙ̄ⲙⲏⲏϣⲉ • ϫⲉ ⲡϫⲟⲉⲓ̄ⲥ ▨▨ⲛⲉϥⲟ ⲛⲡⲉ▨▨▨ⲙⲟⲥ •
ⲙⲛ̄ ⲟⲩⲙⲏⲏϣⲉ ⲛ̄ⲁⲅⲅⲉⲗⲟⲥ ⲉⲩϩⲩⲙⲛⲉⲩⲉ ϩⲁ ⲧⲉⲥϩⲏ •
Ⲛ̄ ⲧⲉⲣ ⲟⲩⲡⲱϩ ⲇⲉ ⲉ̄ ⲡⲣ̄ⲡⲉ ⲛ̄ ⲛⲓ̄ⲟⲩⲇⲁⲓ̄ • ⲉⲣⲉ ⲡⲥⲩⲛ‐
ϩⲩⲇⲣⲓ̄ⲟⲛ ⲧⲏⲣⲉϥ ⲥⲟⲟⲩϩ ⲉ̄ ⲡⲣ̄ⲡⲉ ⲙ̄ ⲡⲉϩⲟⲟⲩ ⲉ̄ⲧ ⲙ̄ⲙⲁⲩ •
ⲁⲩⲥⲱⲧⲙ̄ ⲉ̄ ⲛⲉⲯⲁⲗⲗⲓ̄ ϩⲁ ϫⲱϥ ⲙ̄ ⲡⲉⲥⲗⲓ̄ⲯⲁⲛⲟⲛ ⲉ̄ⲧ
ⲟⲩⲁⲁⲃ • ⲡⲉϫⲁⲩ ϫⲉ ⲛⲓ̄ⲙ ⲡⲉ ⲡⲁⲓ̄ ⲛ̄ⲧⲁϥⲙⲟⲩ ⲙ̄ⲡⲟⲟⲩ
ϩⲛ̄ ϯⲡⲟⲗⲓⲥ • Ⲡⲉϫⲁⲩ ϫⲉ ⲧⲙⲁⲁⲩ ⲧⲉ ⲙ̄ ⲡ̄ⲛⲁⲍⲱⲣⲁⲓ̄ⲟⲥ •
ϫⲉ ⲓ︤ⲥ︥ • ⲛ̄ⲧⲁⲥⲙⲟⲩ • ⲉⲩϫⲓ̄ ⲙ̄ⲙⲟⲥ ⲉ̄ ⲃⲟⲗ ⲉ̄ ⲧⲱⲙⲥ̄
ⲙ̄ⲙⲟⲥ • Ⲁⲩⲱ̄ ⲁⲩⲉⲣ ⲟⲩϣⲟϫⲛⲉ ⲛ̄ ⲟⲩⲱⲧ ϩⲓ̄ ⲟⲩⲥⲟⲡ •
ϫⲉ ⲙ̄ⲡⲉⲣ ⲧ̄ⲣⲉⲛⲕⲁⲁⲩ ⲉ̄ ⲧⲱⲙⲥ̄ ⲙ̄ⲙⲟⲥ ϩⲛ̄ ϯⲡⲟⲗⲓⲥ •
ⲙⲏ ⲡⲟⲧⲉ ⲛ̄ⲥⲉⲉⲓ̄ⲣⲉ ⲛ̄ ϩⲛ̄ⲛⲟϭ ⲛ̄ϭⲟⲙ • ⲛ̄ⲑⲉ ⲛ̄ⲧⲁ ⲡⲉⲥ‐
ϣⲏⲣⲉ ⲁⲁⲩ • ⲛ̄ⲥⲉⲡⲓ̄ⲥⲧⲉⲩⲉ ⲉ̄ ⲣⲟⲥ ⲛ̄ⲥⲉϣⲓ̄ⲃⲉ ⲙ̄ ⲡⲉⲛⲛⲟ‐
ⲙⲟⲥ • Ⲡ[ⲉ]ϫⲉ ⲛ̄ⲁⲣⲭⲓ︦ⲉ︦ⲣⲉⲩⲥ [ⲙ]ⲛ̄ ⲛⲉⲥⲁϩ • ϫⲉ ⲙⲁ[ⲣⲉ]ⲛ‐
ⲃⲱⲕ ⲧⲉⲛⲣⲱⲕϩ̄ ⲙ̄ ⲡⲉⲥⲥⲱⲙⲁ • ϩⲛ̄ ⲟⲩⲕⲱϩⲧ̄ • ϫⲉ ⲛ̄ⲛⲉ
ⲗⲁⲁⲩ ⲛ̄ⲣⲱⲙⲉ ϭⲛ̄ⲧϥ̄ ⲉ ⲡⲧⲏⲣϥ̄ • Ⲁⲩⲱ̄ ⲁⲩϫⲉⲣⲟ ⲛ̄
ⲟⲩⲕⲱϩⲧ̄ ⲛ̄ϭⲓ̄ ⲛ︤ⲓ︥ⲟⲩⲇⲁⲓ̄ • ⲁⲩⲡⲱⲧ ⲛ̄ⲥⲱⲟⲩ ⲙⲛ̄ ⲧ̄ⲙⲁ ⲛ̄
ⲛ̄ⲕⲟⲧⲕ̄ • ⲉ̄ⲣⲉ ⲡⲥⲱⲙⲁ ⲛ̄ ⲧ̄ⲡⲁⲣⲑⲉⲛⲟⲥ ⲉ̄ ϫⲱϥ • Ⲛ̄ ⲧⲉⲣ
ⲟⲩⲃⲱⲕ ⲇⲉ ⲉ̄ ⲡⲓ︦ⲁ︦ ⲛ̄ ⲓ̄ⲱⲥⲁⲫⲁⲧ ⲁⲛⲁⲡⲟⲥⲧⲟⲗⲟⲥ ϭⲱϣⲧ̄ ⲉ̄
ⲡⲁϩⲟⲩ • | ⲁⲩⲛⲁⲩ ⲉ̄ ⲛⲓ̄ⲟⲩⲇⲁⲓ̄ • ⲉⲩⲡⲏⲧ ⲛ̄ⲥⲱⲟⲩ • ⲁⲩⲕⲱ
ⲙ̄ ⲡⲉϭⲗⲟϭ ⲉ̄ ⲡⲉⲥⲏⲧ • ⲉⲩⲣ̄ ϩⲟⲧⲉ • ϫⲉ ⲛ̄ ⲛ̄ⲟⲩϩⲟⲧⲃⲟⲩ •
ⲛ̄ϭⲓ̄ ⲛ̄ ⲁⲧ ⲛⲟⲩⲧⲉ • ⲛ︦ⲓ̄ⲟⲩⲇⲁⲓ̄ • Ⲛ̄ ⲧⲉⲣ ⲟⲩⲡⲱⲧ ⲇⲉ ⲉ̄
ϩⲣⲁⲓ̄ ⲉ̄ ϫⲱⲟⲩ • ⲁⲛⲁⲡⲟⲥⲧⲟⲗⲟⲥ ⲡⲱⲧ ⲁⲩⲛⲟⲩϩⲙ̄ • ⲁⲩⲱ̄
ⲡ̄ⲥⲱⲙⲁ ⲛ̄ ⲧ̄ⲡⲁⲣⲑⲉⲛⲟⲥ ⲉ̄ⲧ ⲟⲩⲁⲁⲃ ⲙ̄ⲡ ⲟⲩϩⲉ ⲉ̄ ⲣⲟϥ •
ⲁⲗⲗⲁ ⲡⲙⲁ ⲛ̄ ⲛ̄ⲕⲟⲧⲕ̄ ⲛ̄ ϣⲉ ⲙ̄ⲙⲁⲧⲉ • ⲡⲉⲛⲧ ⲁⲩϩⲉ ⲉ
ⲣⲟϥ • ⲁⲩⲱ̄ ⲁⲩϫⲉⲣⲱ ⲙ̄ ⲡ̄ⲕⲱϩⲧ̄ • ⲁⲩⲧⲁⲁϥ ⲉ̄ ⲣⲟϥ ⲙ̄
ⲡⲉϥⲣⲱ[ⲕϩ̄] Ⲉⲛⲉⲩϯ ⲟⲩⲟⲓ̄ ϩⲙ̄ ⲙ[ⲁ] ⲛⲓ̄ⲙ • ϫⲉ ⲙⲏϣⲁⲕ


### 0024

ⲛ̄ⲧⲁⲩϥⲓ̄ⲧⲥ̄ ⲛ̄ϫⲓ̄ⲟⲩⲉ̄ • ⲁⲩⲱ̄ ⲙ̄ⲡ ⲟⲩϩⲉ ⲉ̄ ⲣⲟϥ • ⲁⲩⲱ̄
ⲁⲩϫⲉⲣⲱ ⲙ̄ ⲡ̄ⲕⲱϩⲧ̄ • ⲁⲩⲧⲁⲁϥ ⲉ̄ ⲣⲟϥ ⲙ̄ ⲡⲉϥⲣⲟⲕϩ̄ •
Ⲉⲛⲉⲩϯ ⲟⲩⲟⲓ̄ ϩⲙ̄ ⲙⲁ ⲛⲓ̄ⲙ • ϫⲉ ⲙⲏϣⲁⲕ ⲛ̄ⲧⲁⲩϥⲓ̄ⲧⲥ̄
ⲛ̄ϫⲓ̄ⲟⲩⲉ̄ • ⲁⲩⲱ̄ ⲙ̄ⲡ ⲟⲩϩⲉ ⲉ ⲣⲟⲥ • ¹ Ⲛⲉⲣⲉ ⲟⲩⲛⲟϭ ⲛ̄ ⲥϯ
ⲛⲟⲩⲃⲉ ϣⲱϣ ⲉ̄ ⲃⲟⲗ ϩⲙ̄ ⲡⲙⲁ ⲛ̄ⲧⲁⲩⲕⲱ ⲙ̄ ⲡ̄ⲥⲱ[ⲙ]ⲁ ⲛ̄
ⲧ̄ⲡⲁⲣⲑⲉⲛⲟⲥ ⲛ̄ϩⲏⲧϥ̄ • Ⲁⲩⲱ̄ ⲁⲩⲛⲟϭ ⲛ̄ ⲥⲙⲏ ϣⲱⲡⲉ ϣⲁ
ⲣⲟⲟⲩ ⲉ̄ ⲃⲟⲗ ϩⲛ̄ ⲧⲡⲉ • ⲉⲥϫⲱ̄ ⲙ̄ⲙⲟⲥ ⲛⲁⲩ • ϫⲉ ⲙ̄ⲡⲉⲣ
ⲧⲣⲉ ⲗⲁⲁⲩ ϯ ϩⲓ̄ⲥⲉ ⲛⲁϥ ⲉ̄ ⲕⲱⲧⲉ ⲛ̄ⲥⲁ ⲡⲥⲱⲙⲁ ⲛ̄ ⲧ̄ⲡⲁⲣ‐
ⲑⲉⲛⲟⲥ • ϣⲁ ⲡⲉϩⲟⲟⲩ ⲛ̄ ⲧ̄ⲛⲟϭ ⲙ̄ ⲡⲁⲣⲣⲟⲩⲥⲓ︦ⲁ︦ ⲙ̄ ⲡⲥⲱ‐
ⲧⲏⲣ • ⲁⲩⲱ ⲁⲩⲡⲱⲧ ϩⲛ̄ ⲟⲩⲛⲟϭ ⲛ̄ ϣⲓ̄ⲡⲉ ⲛ̄ϭⲓ̄ ⲛ︦ⲓ︦ⲟⲩⲇⲁⲓ̄ •
ⲁⲩⲉⲓ̄ ⲉ ⲧⲡⲟⲗⲓ̄ⲥ • ⲉⲩϫⲱ ⲙ̄ ⲡⲉⲛⲧ ⲁϥϣⲱⲡⲉ ⲉ̄ ⲛⲉⲩ‐
[ϣⲃ]ⲉⲉⲣ • ⲁⲩⲟⲩⲉϩⲥⲁϩⲛⲉ ⲛⲁⲩ • ϫⲉ ⲙ̄ⲡⲉⲣ ϫⲱ ⲙ̄
ⲡⲉⲛⲧ ⲁϥϣⲱⲡⲉ ⲉ̄ ⲗⲁⲁⲩ • Ⲧⲉⲛⲟⲩ ϭⲉ ⲛⲁⲙⲉⲣⲁⲧⲉ • ⲛⲁⲓ̄
ⲛⲉ ⲛⲉⲛⲧⲁⲛⲉϣⲡⲱϩ ϣⲁ ⲣⲟⲟⲩ • ⲉⲛϣⲁϫⲉ ⲉ̄ ⲡⲃⲓ̄ⲟⲥ ⲛ̄
ⲧ̄ⲡⲁⲣⲑⲉⲛⲟⲥ ⲉ̄ⲧ ⲟⲩⲁ̄ⲁⲃ ⲙⲁⲣⲓ︦ⲁ︦ • Ⲡⲉⲩⲟ̄ⲉⲓ̄ϣ ⲅⲁⲣ ⲧⲏⲣⲉϥ
ⲙ̄ ⲡⲉⲥⲁ̄ϩⲉ | ⲡⲉ ⲥⲉ ⲛ̄ⲣⲟⲙⲡⲉ • Ⲁⲥϫⲡⲟ ⲙ̄ ⲡⲉⲛϫⲟⲉⲓ̄ⲥ ⲓ︦ⲥ︦
ⲡⲉⲭ︦ⲥ︦ ⲉⲥϩⲛ̄ ⲙⲛ̄ⲧⲏ ⲛ̄ⲣⲟⲙⲡⲉ • Ⲁⲥⲙⲟⲟϣⲉ ⲛ̄ⲥⲁ ⲡⲥⲱ‐
ⲧⲏⲣ ⲉϥⲧⲁϣⲉⲟⲉⲓ̄ϣ ⲛ̄ ϣⲟⲙⲧⲉ ⲛ̄ⲣⲟⲙⲡⲉ • ⲟⲩϭⲁⲥ ⲙⲛ̄‐
ⲛ̄ⲥⲁ ⲧⲣⲉⲥϫⲡⲟϥ • Ⲁⲩⲱ̄ ⲙⲛ︦ⲛ︦ⲥⲁ ⲧⲣⲉ ⲡⲥⲱⲧⲏⲣ • ⲧⲱⲟⲩⲛ
ⲉ̄ ⲃⲟⲗ ϩⲛ̄ ⲛⲉⲧ ⲙⲟⲟⲩⲧ • ⲁⲥⲱⲛϩ̄ ⲛ̄ ⲕⲉ ⲙⲛ︦ⲧ︦ⲟⲩⲉ̄
ⲛ̄ⲣⲟⲙⲡⲉ ⲟⲩϭⲁⲥ • Ⲛ̄ⲧⲁⲥϫⲱⲕ ⲉ̄ ⲃⲟⲗ ⲙ̄ ⲡⲉⲥⲃⲓⲟⲥ ⲛ̄
ⲥⲟⲩ ϫⲟⲩⲧⲟⲩⲉ ⲙ̄ ⲡⲉⲃⲟⲧ ⲧⲱⲃⲉ • ⲉ̄ⲣⲉ ⲡⲉⲛϫⲟⲉⲓ̄ⲥ ⲓ̄ⲥ︦
ⲡⲉⲭ︦ⲥ︦ ⲟⲛ ⲣ̄ⲣⲟ ⲉ̄ ϩⲣⲁⲓ ⲉ̄ ϫⲱⲛ • Ⲁⲩⲱ̄ ⲙⲛ︦ⲛ︦ⲥⲁ ⲧⲣⲉⲩ‐
ⲧⲱⲟⲩⲛ ⲛ̄ϭⲓ̄ ⲛ︦ⲣ︦ⲣⲱⲟⲩ ⲛ̄ⲇⲓ̄ⲕⲁⲓ̄ⲟⲥ ⲕⲟⲥⲧⲁⲛϯⲛⲟⲥ • ⲙⲛ̄
ⲛⲉϥϣⲏⲣⲉ • ⲛ̄ⲧⲁⲛⲕⲱⲧ ⲛ̄ ϯϩⲁⲅⲓ︦ⲁ︦ ⲛⲉⲕⲕⲗⲏⲥⲓ︦ⲁ︦ • ϩⲙ̄
ⲡⲣⲁⲛ ⲛ̄ ⲧ̄ⲡⲁⲣⲑⲉⲛⲟⲥ ⲉ̄ⲧ ⲟⲩⲁⲁⲃ ⲙⲁⲣⲓ︦ⲁ︦ • ⲧⲙⲁⲁⲩ ⲙ̄
ⲡϫⲟⲉⲓⲥ • ϩⲙ̄ ⲡⲉϩⲟⲟⲩ ⲙ̄ ⲡⲉⲥⲉⲣ ⲡⲙⲉⲉⲩⲉ ⲉ̄ⲧ ⲟⲩⲁⲁⲃ •
Ⲁⲛⲟⲛ ⲇⲉ ϩⲱⲱⲛ ⲙⲁⲣⲉⲛⲧⲛ̄ⲛⲟⲟⲩ ⲛⲁⲥ ⲉ̄ ϩⲣⲁⲓ̄ ⲛ̄ ⲟⲩ‐
ϣⲡ̄ ϩⲙⲟⲧ • ⲉⲛϫⲱ ⲙ̄ⲙⲟⲥ • ϫⲉ ⲁ̄ⲣⲓ̄ ⲡⲉⲛⲙⲉⲉⲩⲉ ⲉ̄ ⲧⲣ︤ⲣ︥ⲱ
ⲛ̄ ⲁⲗⲏⲑⲓ̄ⲛⲏ • ⲛ̄ ⲧⲉⲣⲡⲣⲉⲥⲃⲉⲩⲉ̄ ϩⲁ ⲣⲟⲛ ⲛⲁϩⲣⲉⲙ
ⲡ̄ⲛⲟⲩⲧⲉ • ϫⲉ ⲕⲁⲥ ⲉϥⲉ̄ⲛⲁ ⲛⲁⲛ • ⲛ̄ⲧⲉⲛⲣ̄ ϣⲁ ⲛⲁϥ
ⲛ̄ ⲟⲩⲟ̄ⲉⲓ̄ϣ ⲛⲓ̄ⲙ • Ⲙⲁⲣⲉⲛϯ ⲙⲛ︤ⲧ︥ⲛⲁ ⲛ̄ ⲛⲉϩⲏⲕⲉ ϩⲙ̄
ⲡ̄ⲣⲁⲛ ⲛ̄ ⲧⲡⲁⲣⲑⲉⲛⲟⲥ • ⲛⲥ̄ⲛⲁⲕⲁⲁⲛ ⲁⲛ ⲛ̄ⲥⲱ ⲉ ϩⲙ̄ ⲡ̄ⲙⲁ


### 0025

ⲉ̄ⲧⲉⲛⲛⲁⲃⲱⲕ ⲉ̄ ⲣⲟϥ • Ⲙⲁⲣⲉⲛϯ ⲉ̄ⲟⲟⲩ ⲛⲁⲥ ϩⲓ̄ⲧⲙ̄ ⲡ̄ⲕⲱ
ⲛ̄ ⲛⲉⲛⲥⲡⲟⲧⲟⲩ • ⲉⲛϫⲱ ⲙ̄ⲙⲟⲥ • ϫⲉ ⲁⲩϫⲱ ⲛ̄ ϩⲛ̄ⲧⲁⲓ̄ⲟ
ⲉ ⲧⲃⲏⲏⲧ ⲉ ⲧⲡⲟⲗⲓ̄ⲥ • ⲙ̄ ⲡⲉⲛⲛⲟⲩⲧⲉ • Ⲁⲩⲱ̄ ⲟⲛ ϫⲉ ⲉ̄ⲣⲉ
ⲡⲙⲟⲩ ⲛ̄ ⲛⲉⲧ ⲟⲩⲁⲁⲃ ⲙ̄ ⲡ̄ϫⲟⲉⲓ̄ⲥ ⲧⲁⲓ̄ⲏⲩ • | ⲙ̄ ⲡⲉϥⲙ̄ⲧⲟ
ⲉ̄ ⲃⲟⲗ • Ⲁⲩⲱ̄ ⲟⲛ ϫⲉ ⲡⲉϩⲣⲟⲟⲩ ⲙ̄ ⲡ̄ⲧⲉⲗⲏⲗ • ⲙⲛ̄ ⲡⲟⲩ‐
ϫⲁⲓ̄ ϩⲛ̄ ⲛⲉⲙⲁ ⲛ̄ ϣⲱⲡⲉ ⲛ̄ ⲛⲉⲇⲓ̄ⲕⲁⲓ̄ⲟⲥ • Ⲧⲉⲛⲟⲩ ⲇⲉ
ⲁ ⲡⲛⲁⲩ ϣⲱⲡⲉ ⲛ̄ⲧⲉⲛⲧⲁⲗⲟ ⲉ ϩⲣⲁⲓ̄ ⲛ̄ ⲧⲉⲡⲣⲟⲥⲫⲟⲣⲁ ⲉ̄ⲧ
ⲟⲩⲁⲁⲃ • ⲡⲥⲱⲙⲁ ⲙⲛ̄ ⲡⲉⲥⲛⲟϥ ⲛ̄ ⲓ︦ⲥ︦ ⲡⲉⲭ︦ⲥ︦ ⲡⲉⲛϫⲟⲉⲓ̄ⲥ •
ⲁⲩⲱ̄ ⲛⲁⲛⲟⲩ ⲡϣⲓ̄ ϩⲛ̄ ϩⲱⲃ ⲛⲓ̄ⲙ • ϩⲙ̄ ⲡⲟⲩⲱϣ ⲙ̄
ⲡⲛⲟⲩⲧⲉ • ⲧⲉⲛⲛⲁⲧⲉ ⲙ̄ ⲡⲥⲉⲉⲡⲉ ⲛ̄ ϯⲉⲝⲏⲅⲏⲥⲓ̄ⲥ ϩⲙ̄ ⲡⲧⲟ‐
ⲡⲟⲥ ⲉ̄ⲧ ⲟⲩⲁⲁⲃ • Ⲙⲁⲣⲉⲛϯ ⲛ̄ ⲟⲩϫⲱⲕ ⲉ̄ ⲡϣⲁϫⲉ ϣⲁ ⲡⲓ̄
ⲙⲁ • ⲧⲉⲛϯ ⲉ̄ⲟⲟⲩ ⲛ̄ ⲧⲉⲧⲣⲓ̄ⲁⲥ ⲉ̄ⲧ ⲟⲩⲁ̄ⲁⲃ ⲡⲉⲓ̄ⲱⲧ ⲙⲛ̄
ⲡ̄ϣⲏⲣⲉ ⲙⲛ̄ ⲡⲉⲡⲛ︦ⲁ︦ ⲉ̄ⲧ ⲟⲩⲁⲁⲃ • ⲛ̄ ⲣⲉϥⲧⲁⲛϩⲟ • ⲁⲩⲱ̄
ⲛ̄ ϩⲟⲙⲟⲟⲩⲥⲓ̄ⲱⲛ • Ⲧⲉⲛⲟⲩ • ⲁⲩⲱ̄ ⲛ̄ ⲟⲩⲟⲉⲓ̄ϣ ⲛⲓ̄ⲙ ϣⲁ
ⲉⲛⲉϩ • ⲛ̄ⲉⲛⲉϩ ϩⲁⲙⲏⲛ •
⳨ⲥ ⲡⲟ︦ⲥ︦ ⲓ︦ⲥ︦ ⲡⲉⲭ︦ⲥ︦ ⲡⲓⲁⲗⲑⲏ ⲛ̄ ⲛⲟⲩⲧⲉ • ⲉϥⲉⲥⲙⲟⲩ ⲉ
ⲡⲱⲛϩ̄ ⲛ̄ ⲛ̄ⲧⲁⲩϥⲓ ⲡⲣⲟⲟⲩϣ ⲙ̄ ⲡⲓ̄ ⲇⲱⲣⲟⲛ ⲉⲧ ⲥⲟⲧⲡ̄ ⲉ
ⲇⲱⲣⲟⲛ ⲛⲓⲙ • ⲛ̄ ⲉⲡⲟⲩⲣⲁⲛⲓ̄ⲟⲛ • ⲁⲩⲕⲁⲁϥ ϩⲛ̄ ⲛⲉⲕ‐
ⲕⲗⲏⲥⲓ︦ⲁ︦ ⲙ̄ ⲡ̄ϭⲟⲗⲡϥ̄ ϩⲙ̄ ⲡⲧⲟϣ ⲡⲙ̄ϫⲏ • ϫⲉ ⲕⲁⲥ ⲉⲣⲉ
ⲧⲡⲁⲑⲣ ⲙⲁⲣⲓ︦ⲁ︦ ⲥⲟⲡⲥⲡ̄ ⲙ̄ ⲡⲉⲥϣⲏⲣⲉ ⲉ ϩⲣⲁⲓ̄ ⲉ ϫⲱⲟⲩ
ⲧⲉϥⲡⲱϩ ⲙ̄ ⲡⲉⲭⲓⲗⲟⲅⲣⲁⲫⲟⲛ ⲛ̄ ⲛⲉⲩⲛⲟⲃⲉ • ⲧⲉϥⲥϩⲁⲓ̄
ⲙ̄ ⲡⲉⲩⲣⲁⲛ ⲉ ⲡϫⲱⲱⲙⲉ ⲙ̄ ⲡⲱⲛϩ̄ ϩⲁⲙⲏⲛ ⲉⲥⲉϣⲱⲡⲉ •
ⲉⲣⲉ ⲡⲟ︦ⲥ̄ ⲓ︦ⲥ︦ ⲡⲉⲭⲣ︦ⲥ︦ ⲡⲉ ⲁⲗⲓ▨ⲑⲛⲟⲥ ⲛ̄ ⲛⲟⲩⲧⲉ ⲟⲩⲙⲉ
ⲉϥⲉⲥⲙⲟⲩ ⲡⲱⲛϩ̄ ⲛ̄ ⲛ̄ⲧⲁⲩϥⲓ ⲡⲣⲟⲟⲩϣ ⲙ̄ ⲡⲓⲇⲱⲣⲟⲛ
▨▨ⲡⲉⲛⲧⲁϥ ϣⲏⲡ (?) ⲡⲓϫⲱⲱⲙⲉ • ⲁⲛⲟ[ⲕ] ⲙⲁⲣⲓⲁⲕⲟⲩ