### 0001

ⲞⲨⲖⲞⲄⲞⲤ Ⲛ̄ⲦⲈ ⲠϨⲀⲄⲒⲞⲤ ⲔⲨⲢⲒⲖⲖⲞⲤ •
ⲠⲀⲢⲬⲎⲈⲠⲒⲤⲔⲞⲠⲞⲤ Ⲛ̄ ⲐⲒ︦Ⲉ︦ⲖⲎ︦Ⲙ︦ • Ⲉ ⲀϤ-
ⲦⲀⲞⲨⲞϤ Ⲉ ⲦⲂⲈ ⲠⲈⲤⳀⲞ︦Ⲥ︦ • Ⲙ̄ ⲠⲈⲚϪⲞⲈⲒⲤ
Ⲓ︦Ⲥ︦ ⲠⲈⲬ︦Ⲥ︦ • Ⲙ̄ ⲠⲈϨⲞⲞⲨ Ⲙ̄ ⲠϤ̄ⲞⲨⲰⲚϨ̄ Ⲉ
ⲂⲞⲖ • ⲈⲦⲈ ⲤⲞⲨ ⲘⲚ̄ⲦⲤⲀϢϤ̄ ⲠⲈ Ⲙ̄ ⲠⲈⲂⲰⲦ
ⲐⲰⲞⲨⲦ • ⲀϤϢⲀϪⲈ ⲆⲈ ⲞⲚ Ⲉ ⲦⲂⲈ ⲠϢⲀϪⲈ
Ⲛ̄ⲦⲀ ⲠϪⲤ̄ ϪⲞⲞϤ ϨⲘ̄ ⲠⲚⲞⲘⲞⲤ Ⲙ̄ ⲘⲰⲨⲤⲎⲤ:
ϪⲈ ⲀⲢⲒ ϢⲀ ⲚⲀⲒ • ⲚϢ̄ⲞⲘⲚ︤Ⲧ︥ Ⲛ̄ⲔⲈⲢⲞⲤ Ⲛ̄
ⲦⲈ ⲢⲞⲘⲠⲈ: ⲀϤϢⲀϪⲈ ⲆⲈ ⲞⲚ Ⲉ ⲦⲂⲈ
ⲠⲦⲀⲒⲞ Ⲙ̄ ⲠⲤ̄⳨Ⲟ︦Ⲥ︦ • Ⲛ̄ⲦⲀϤⲞⲨⲰⲚϨ̄ Ⲉ ⲂⲞⲖ
ϨⲘ̄ ⲠⲈⲦⲠⲈ Ⲙ̄ ⲠⲦⲀⲪⲞⲤ Ⲙ̄ ⲠⲤⲰⲦⲎⲢ • ⲀϤ-
ϢⲀϪⲈ ⲆⲈ ⲞⲚ Ⲉ ⲦⲂⲈ ⲒⲤⲀⲔ ⲠⲤⲀⲘⲀⲢⲒ-
ⲦⲎⲤ • Ⲛ̄ⲦⲀϤⲂⲀⲠⲦⲒⲍⲈ Ⲙ̄ⲘⲞϤ • Ⲛ̄ⲦⲀϤⲦⲀ-
ⲞⲨⲈ Ⲛ̄ⲖⲞⲄⲞⲤ ⲆⲈ ϨⲘ̄ ⲠⲦⲞⲠⲞⲤ Ⲛ̄ ⲦⲀⲚⲀ-
ⲤⲦⲀⲤⲒⲤ | ⲈⲦⲈ ⲦⲀⲒ ⲦⲈ ⲦϨⲀⲄⲒⲀ ⲈⲒⲢⲎⲚⲎ
ⲈϤⲢ̄ ϢⲀ Ⲙ ⲠⲤ̄⳨Ⲟ︦Ⲥ︦ • ⲘⲚ ⲠⲖⲀⲞⲤ ⲦⲎⲢϤ̄ •
Ⲛ̄ⲞⲢⲐⲞⲆⲞⲜⲞⲤ • ⲈⲨⲤⲰⲞⲨϨ Ⲉ ϨⲞⲨⲚ Ⲉ
ⲦⲈⲔⲔⲖⲎⲤⲒⲀ ⲈⲦ ⲞⲨⲀⲀⲂ • ϨⲚ̄ ⲞⲨⲒ︦Ⲛ︦Ⲛ︦ Ⲛ̄ⲦⲈ
ⲠⲚⲞⲨⲦⲈ ϨⲀⲘⲎⲚ:
Ⲁ ⲡϫⲟⲉⲓⲥ ⲉⲣ︦ⲣ︦ⲣ︦ⲟ ⲙⲁⲣⲉ ⲡⲕⲁϩ ⲧⲉⲗⲏⲗ • ⲙⲁⲣⲟⲩⲉⲩ‐
ⲫⲣⲁⲛⲉ : ⲛ̄ϭⲓ ⲛ̄ⲛⲏⲥⲟⲥ ⲉⲧ ⲛⲁϣⲱⲟⲩ :-Ⲁ ⲡϫⲟⲉⲓⲥ


### 0002

ⲉⲣ︦ⲣ︦ⲣ︦ⲟ • ⲁϥϯ ϩⲓⲱⲱϥ ⲛ̄ ⲟⲩⲥⲁ • ⲁ ⲡϫⲟⲉⲓⲥ Ⲉⲣⲉⲣ︦ⲣ︦ⲟ •
ⲁϥϯ ϩⲓⲱⲱϥ ⲛ̄ ⲟⲩϭⲟⲙ • ⲁϥⲙⲟⲣϥ̄ ⲙ̄ⲙⲟⲥ :-Ⲱ̄ ⲛ̄ⲁ‐
ⲕⲣⲱⲁⲧⲏⲥ ⲙ̄ⲙⲁⲓ ⲥⲃⲱ • ⲁⲩⲱ ⲙ̄ⲙⲁⲓ ⲗⲟⲅⲟⲥ ⲁⲩⲱ
ⲙ̄ⲙⲁⲓ ⲛⲟⲩⲧⲉ :-Ⲧⲛⲁⲩ ⲅⲁⲣ ⲉ ϩⲛ̄ⲛⲟⲏⲙⲁ • ⲉⲩϣⲟⲃ[ⲉ]
ⲛⲉⲩⲉⲣⲏⲩ • ⲉⲛⲁ▨ | ⲡⲣⲟⲫⲏⲧⲏⲥ ⲉⲧ ⲟⲩⲁⲁⲃ ⲛⲉ • ⲇ︦ⲁ︦ⲇ︦
ⲡⲉⲓⲱⲧ ⲙ̄ ⲡⲉⲭⲥ̄ ⲕⲁⲧⲁ ⲥⲁⲣⲝ̄ • Ⲡⲉϫⲁϥ ϫⲉ ⲁ ⲡϫⲟⲉⲓⲥ •
ⲉⲣ︦ⲣ︦ⲣ︦ⲟ ⲙⲁⲣⲉ ⲡⲕⲁϩ ⲧⲉⲗⲏⲗ • ⲙⲁⲣⲟⲩⲉⲩⲫⲣⲁⲛⲉ ⲛ̄ϭⲓ
ⲛ̄ⲛⲏⲥⲟⲥ ⲉⲧ ⲛⲁϣⲱⲟⲩ • Ⲡⲉϫⲁϥ ⲟⲛ ϩⲙ̄ ⲡⲉⲡⲛⲁ̄ ⲛ̄ ⲟⲩⲱⲧ
ϫⲉ ⲁ ⲡϫⲟⲉⲓⲥ ⲉⲣ︤ⲣ︥ⲣⲟ ⲉ ⲃⲟⲗ ϩⲙ̄ ⲡϣⲉ :-Ⲡⲓⲡⲛⲁ̄ ⲅⲁⲣ
ⲉⲧ ⲟⲩⲁⲁⲃ • ⲡⲛ̄ⲧⲁϥϣⲁϫⲉ ϩⲛ̄ ⲧⲧⲁⲡⲣⲟ ⲛ̄ ⲛϥ̄ⲡⲣⲟⲫⲏⲧⲏⲥ
ⲧⲏⲣⲟⲩ :-Ⲛⲧⲟϥ ⲡⲉ ⲛ̄ⲧⲁϥⲟⲩⲱⲛϩ̄ ⲉ ⲃⲟⲗ • ⲛ̄ⲑⲉ ⲛ̄ϩⲛ̄ⲗⲁⲥ
ⲛ̄ⲕⲱϩⲧ̄ ⲙ̄ ⲡⲉϩⲟⲟⲩ ⲛ̄ ⲧⲡⲛ̄ⲧⲏⲕⲟⲥⲧⲏ ⲉⲧ ⲟⲩ[ⲁⲁ]ⲃ • [Ϥϫⲱ]
ⲙ̄ⲙⲟⲥ ⲟⲛ ⲛ̄ϭⲓ | ⲇ︦ⲁ︦ⲇ︦ ⲡⲣ︦ⲣ︦ⲟ ⲛ̄ⲇⲓⲕⲁⲓⲟⲥ • ϫⲉ ⲁ ⲡϫⲟⲉⲓⲥ
ⲉⲣ︦ⲣ︦ⲣ︦ⲟ ⲙⲁⲣⲉ ⲛ̄ⲗⲁⲟⲥ ⲛⲟⲩϭⲥ̄ • Ⲱ̄ ⲡϩⲩⲙⲛⲟⲇⲟⲥ ⲇ︦ⲁ︦ⲇ︦
ϩⲁ ⲑⲏ ⲛ̄ ⲟⲩⲕⲟⲩⲓ ⲉⲕϫⲱ ⲙ̄ⲙⲟⲥ • Ϫⲉ ⲁ ⲡϫⲟⲉⲓⲥ ⲉⲣ︤ⲣ︦ⲣ︥ⲟ •
ⲙⲁⲣⲉ ⲡⲕⲁϩ ⲧⲉⲗⲏⲗ • ⲉⲛⲉⲕϫⲱ ⲛ̄ ⲟⲩⲧⲉⲗⲏⲗ ⲙ̄ ⲡⲕⲁϩ
ⲧⲏⲣϥ̄ :-Ⲁⲩⲱ ⲟⲛ ⲕϫⲱ ⲛ̄ ⲟⲩⲡⲱⲣϫ ⲉ ⲃⲟⲗ ⲛ̄ ⲛ̄ⲛⲏⲥⲟⲥ •
ⲙⲛ̄ ⲟⲩⲉⲩⲫⲣⲟⲥⲩⲛⲏ :-Ⲁⲩⲱ ⲟⲩⲙ̄ⲕⲁϩ ⲛ̄ϩⲏⲧ ⲛ︤ⲛ︥ⲣⲱⲙⲉ
ⲉⲧⲉⲣ ⲡⲉⲑⲟⲟⲩ • ⲡϭⲱⲛⲧ̄ ⲅⲁⲣ ⲙ̄ ⲡⲣⲱⲙⲉ • ϣⲁϥⲉⲓⲛⲉ
ⲛ ⲟⲩⲙ̄ⲕⲁϩ ⲛ̄ϩⲏⲧ • ⲁⲩⲱ ⲙⲉⲣⲉ ⲛⲗⲉⲝⲓⲥ ⲛ̄ϩⲁⲡⲗⲟⲩⲛ •
ⲧⲉⲣⲡⲓ ⲙ̄ ⲡϩⲏⲧ ⲛ̄ⲛⲉⲧⲥⲱⲧⲙ̄ • ⲉϣ|ⲱⲡⲉ ⲙ̄ⲡ ⲟ̄ⲩϭⲛ̄ ⲧⲉⲩ‐
ϩⲏⲣⲙⲉⲛⲓⲁ • ⲏ̄ ⲡⲉⲧ ⲛⲁϫⲱ ⲛⲁⲩ ⲙ̄ ⲡⲉⲩⲃⲟⲗ :-Ⲁⲩⲱ
ⲉⲓⲥ ⲗⲟⲓⲡⲟⲛ ⲛ̄ⲧⲉⲛⲡⲁⲣⲁⲕⲁⲗⲉⲓ̈ ⲙ̄ ⲡⲉⲡⲛⲁ̄ ⲉⲧ ⲟⲩⲁⲁⲃ •
ⲡⲉⲧⲟ ⲛ̄ ⲟⲩⲁ ⲛ̄ ⲟⲩⲱⲧ • ⲙⲛ̄ ⲡⲓⲱⲧ ⲙⲛ̄ ⲡϣⲏⲣⲉ • ϫⲉ
ⲕⲁⲥ ⲉϥⲉⲟⲩⲟⲛ ⲛ̄ ⲛ̄ⲃⲁⲗ ⲙ̄ ⲡⲛ̄ϩⲏⲧ • ⲛ̄ⲧⲛ︦ⲛ︦ⲟⲓ ⲉ ϩⲛ̄ⲕⲟⲩⲓ̈
ϩⲙ̄ ⲡⲉϥⲥⲱⲟⲩⲛ ⲙ̄ⲙⲉ • Ⲛⲁⲓ ⲛ̄ⲧⲁϥϫⲟⲟⲩ ϩⲛ̄ ⲧⲧⲁⲡⲣⲟ
ⲛ̄ ⲛⲉϥⲡⲣⲟⲫⲏⲧⲏⲥ ⲉⲧ ⲟⲩⲁⲁⲃ :-Ⲉⲡⲓ ⲇⲏ ⲁⲛⲟⲛ ϩⲛ̄‐
ϩⲓⲕⲁⲛⲟⲥ ⲁⲛ ⲉⲣ ⲡⲁⲓ̈ • ⲁⲗⲗⲁ ⲉⲛⲉⲣϣⲁ ϩⲙ̄ ⲡⲣⲁϣⲉ ⲙ̄
ⲡⲉⲥ̄⳨ⲟ︦ⲥ︦• ⲙⲛ̄ ⲡⲇⲏⲙⲟⲥ ⲧⲏⲣϥ̄ ⲛ̄ⲟⲣⲑⲟⲇⲟⲝⲟⲥ • ⲛ|ⲁⲓ
ⲛ̄ⲧⲁⲩⲥⲱⲟⲩϩ ⲉ ϩⲟⲩⲛ ⲉ ⲡⲓ ⲙⲁ ⲉⲧ ⲟⲩⲁⲁⲃ ⲙ̄ⲡⲟⲟⲩ • ⲉ
ⲃⲟⲗ ϩⲛ̄ ⲭⲱⲣⲁ ⲛⲓⲙ • ⲉⲩϯ ⲉⲟⲟⲩ ⲙ̄ ⲡⲉⲥ̄⳨ⲟ︦ⲥ︦ • ⲉⲩ‐
ⲟⲩⲱϣⲧ̄ ⲁⲩⲱ ⲉⲩⲡⲣⲟⲥⲕⲩⲛⲏ • ⲙ̄ ⲡⲛ̄ⲧⲁϥⲁⲗⲉ ⲉ ⲡⲉⲥ̄ⳁⲟ︦ⲥ︦
ⲡⲛ̄ⲥⲱ︤ⲣ︥ ⲓ︤ⲥ︥ ⲡⲉⲭⲥ̄ • ϫⲉ ⲕⲁⲥ ⲉϥⲉϯⲑⲉ ⲛⲁⲛ ⲧⲏⲣⲛ̄ • ⲛ̄ⲧⲛ̄‐
ⲙⲟⲩϣⲧ̄ ⲙ̄ ⲡϥ̄ⲛⲟⲙⲟⲥ ⲛ̄ⲧⲛ̄ⲛⲟⲓ ⲛ ⲛϥ̄ⲉⲛⲧⲟⲗⲏ :-Ⲛⲧⲁ


### 0003

ⲡϫⲟⲉⲓⲥ ⲉⲣ︦ⲣ︦ⲣⲟ ⲧⲛⲁⲩ • ⲧⲁⲣⲛ̄ⲉⲓ̈ⲙⲉ • ⲛ̄ⲧⲁϥϯ ϩⲧⲏϥ
ⲉⲩⲟⲩⲟⲉⲓϣ • ϫⲉ ⲕⲁⲥ ⲉϥⲉⲣ︦ⲣ︦ⲣ︦ⲟ ⲛ̄ϩⲏⲧϥ̄ ϩⲛ̄ ⲟⲩⲱⲛϩ̄ ⲉ
ⲃⲟⲗ • Ⲙⲏ ⲛ̄ⲧⲟϥ ⲁⲛ ⲧⲉ ⲧⲙⲛ̄ⲧⲉⲣ̄ⲣⲟ • ⲙⲛ̄ ⲧⲙⲛ̄ⲧϫⲟⲉⲓⲥ
ϫⲓⲛ ⲉⲛⲉϩ :-Ⲙⲏ ⲛⲧⲁϥϫⲟⲟⲥ [ⲁⲛ ?] ϫⲓⲛⲉ ϣⲟⲣⲡ • ϩ▨ⲓ
ⲇⲁⲛⲓⲏⲗ • ⲡⲉⲡⲣⲟⲫⲏⲧⲏⲥ • ⲡⲣⲱⲙⲉ ⲛ̄ ϣⲟⲩⲁϣϥ̄ • ϫⲉ
ⲧⲉϥⲙⲛ̄ⲧⲉⲣ̄ⲣⲟ ⲟⲩⲙⲛ̄ⲧⲉⲣⲣⲟ ϣⲁ ⲛⲓ̈ⲉⲛⲉϩ • ⲁⲩⲱ ⲧⲉϥ‐
ⲙⲛ̄ⲧϫⲟⲉⲓⲥ • ϫⲓⲛ ⲟⲩϫⲱⲙ ϣⲁ ⲟⲩϫⲱⲙ • ⲁⲩⲱ ⲡϥ̄‐
ⲁⲙⲁϩⲧⲉ ϫⲓⲛ ⲉ ⲑⲁⲗⲁⲥⲥⲁ ϣⲁ ⲑⲁⲗⲁⲥⲥⲁ • ⲁⲩⲱ ϫⲓⲛⲉ ⲉ
ⲡⲓⲉⲣⲟ ϣⲁ ⲁⲣⲏⲛ̄ϫⲥ̄ (sic) ⲛ̄ ⲧⲟⲓⲕⲟⲩⲙⲉⲛⲏ :-Ⲁⲩⲱ ⲟⲛ ϫⲉ
ⲡⲣ︦ⲣ︦ⲟ ⲙ̄ ⲡⲕⲁϩ ⲧⲏⲣϥ̄ ⲡⲉ ⲡϫⲟⲉⲓⲥ • Ⲁⲩⲱ ⲟⲛ ϫⲉ ⲡⲛⲟⲩⲧⲉ
ⲡⲉ ⲡⲛ̄ⲉⲣ̄ⲣⲟ • ϫⲓⲛ ⲉⲛϩ̄ • ⲕⲟⲩⲱϣ ⲉ ⲉⲓⲙⲉ ⲱ̄ ⲡϩⲁⲓⲣⲉ‐
ϯⲕⲟⲥ • ⲙ̄ⲙⲁⲥⲧⲉ ⲛⲟⲩⲧⲉ • ϫⲉ ⲡⲣ̄ⲣⲟ ⲛ̄ ⲛⲉⲣ︤ⲣ︥ⲱⲟⲩ ⲡⲉ
ⲡⲉⲭⲥ̄ • [ⲥ]ⲱⲧⲙ̄ ⲉ ⲙⲁⲑⲁⲓⲟⲥ [ⲙ]ⲛ̄ ⲗⲟⲩⲕⲁⲥ ⲛⲉⲩⲁ[ⲅⲅ]ⲉ‐
ⲗⲓⲥⲧⲏⲥ • ⲉⲩϫⲱ ⲙ̄ⲙⲟⲥ :- |ϫⲉ ⲛ̄ ⲧⲉⲣ ⲟⲩϫⲡⲟ ⲙ̄ ⲡⲉⲭⲥ̄ •
ⲉⲓⲥ ϩⲙ̄ⲙⲁⲅⲟⲥ ⲁⲩⲉⲓ ⲉ ⲃⲟⲗ ϩⲛ̄ ⲙ̄ ⲙⲁ ⲛ̄ ϣⲁ ⲉ ϩⲣⲁⲓ
ⲉ ⲑⲓⲉⲗⲏ︦ⲙ︦ • ⲉⲩϫⲱ ⲙ̄ⲙⲟⲥ • ϫϥⲧⲟⲛ (sic) ⲡⲉⲣ︦ⲣ︦ⲟ • ⲛ̄
ⲛⲓⲟⲩⲇⲁⲓ ⲛ̄ⲧⲁⲩϫⲡⲟϥ • ⲁⲛⲛⲁⲩ ⲅⲁⲣ ⲉ ⲡϥ̄ⲥⲓⲟⲩ ϩⲛ̄ ⲛⲉⲙⲁ
ⲛ ϣⲁ • ⲁⲛⲓ ⲉ ⲟⲩⲱϣⲧ̄ ⲛⲁϥ • ⲁⲩϯ ⲅⲁⲣ ⲛⲁϥ ⲛ̄ ϩⲛ̄ⲛⲟϭ
ⲛ̄ ⲧⲁⲉⲓⲟ • ϩⲱⲥ ⲉⲣ︦ⲣ︦ⲟ :-Ⲕⲟⲩⲱϣ ⲉ ⲉⲓⲙⲉ ⲥⲱⲧⲙ̄ ⲁⲛⲟⲕ
ϯⲛⲁⲧⲁⲙⲟⲕ • Ⲛⲑⲉ ⲅⲁⲣ ⲛ̄ ⲟⲩⲉⲣ︤ⲣ︥ⲟ • ⲛ̄ϣⲁⲣⲉ ⲟⲩⲇⲏⲣⲁⲛⲟⲥ
ⲧⲱⲟⲩⲛ ⲉ ϫⲱϥ • ⲉϥⲟⲩⲱϣ ⲉⲣ ϫⲟⲉⲓⲥ ⲉ ϫⲱϥ • ⲙⲛ̄ ⲧϥ̄‐
ⲭⲱⲣⲁ • | ⲛϥ̄ⲁⲓⲭⲙⲁⲗⲟϯⲍⲉ ⲛ̄ⲛϥ̄ⲙⲁⲧⲟⲓ • ⲛϥ̄ϩⲱⲧⲃ̄
ⲙ̄ⲙⲟⲟⲩ • ⲛϥ̄ϫⲓ ⲛ̄ⲛⲉϥⲡⲟⲗⲓⲥ • ⲛϥ̄ⲕⲁⲁⲩ ϩⲁ ⲣⲟϥ • ⲛ̄
ⲥⲉϯ ⲫⲟⲣⲟⲥ ⲛⲁϥ :-Ⲙⲣ︦ⲣ︦ⲟⲟⲩ ⲛⲉⲧ ⲙ̄ⲙⲁⲩ • ⲛϥ̄ⲉⲙⲕⲁϩ
ⲛ̄ϩⲏⲧ • ⲉϫⲛ̄ ⲛϥ̄ⲙⲏⲏϣⲉ ⲧⲏⲣⲟⲩ ϫⲉ ⲁ ⲕⲉ ⲉⲣ︦ⲣ︦ⲟ ⲃⲓⲧⲟⲩ
ⲛ̄ⲧⲟⲟⲧϥ̄ • Ⲁϥϣⲟϫⲛ̄ ⲉ ϩⲣⲁⲓ̈ ⲛ̄ϩⲏⲧϥ̄ • ⲉϥϫⲱ ⲙ̄ⲙⲟⲥ •
ϫⲉ ⲉⲓⲛⲁⲙⲉⲓϣⲉ ⲙⲛ̄ ⲡⲓ ⲇⲩⲣⲁⲛⲛⲟⲥ • ⲛ̄ ⲁϣ ⲛ̄ ϩⲉ • ⲕⲁⲓ
ⲅⲁⲣ ⲛⲉⲧ ϣⲟⲟⲡ ϩⲙ̄ ⲧⲉϥⲉⲝⲟⲩⲥⲓⲁ • ⲥⲉⲱ ⲛⲁϥ ⲛ̄ϩⲙ̄ϩⲁⲗ •
ⲁⲩⲱ ⲛ̄ⲥⲉⲥⲱⲧⲙ̄ ⲛⲁϥ :-ⲗⲟⲓⲡⲟⲛ ⲉϥϣⲁⲛⲉⲓ ⲉ ⲃⲟⲗ ⲉ
ⲡⲡⲟⲗⲩⲙⲟⲥ ⲛϥ̄ⲙⲓϣⲉ ⲛⲙ̄ⲙⲁϥ ⲛϥ̄ϫⲣⲟ ⲉ ⲣⲟϥ • ⲛϥ̄ⲃⲓ
ⲛ̄ⲧⲟⲟⲧϥ̄ ⲙ̄ ⲡϥ̄|ⲙⲏⲏϣⲉ • ⲛϥ̄ⲉⲗⲉⲩⲑⲉⲣⲟⲩ ⲙ̄ⲙⲟⲟⲩ
ⲧⲏⲣⲟⲩ : ⲛ̄ⲧⲟⲟⲧϥ̄ ⲙ̄ ⲡⲇⲩⲣⲁⲛⲛⲟⲥ • ⲡⲁⲓ ⲛ̄ⲧⲁϥⲁⲓⲭ‐
ⲙⲁⲗⲱϯⲍⲉ ⲙ̄ⲙⲟⲟⲩ • Ϣⲁⲩⲥⲁⲗⲡⲓⲍⲉ ϩⲟⲟⲩ ϩⲛ̄ ϩⲛ̄ⲥⲁⲗ‐
ⲡⲓⲅⲝ̄ • ⲉⲩϫⲱ ⲛ ⲟⲩⲧⲉⲗⲏⲗ • ϫⲉ ⲁ ⲡⲉⲩⲉⲣ̄ⲣⲟ ⲙ̄ⲙⲓⲛ


### 0004

ⲉⲙⲙⲟⲟⲩ • ⲥⲱⲧⲟⲩ ⲁⲩⲱ ⲁϥⲉⲣ︦ⲣ︦ⲟ ⲉ ϫⲱⲟⲩ ⲛ̄ⲕⲉ ⲥⲟⲡ :-
Ⲙ̄ ⲡⲉⲩⲟⲉⲓϣ ϩⲱⲱϥ ⲉⲣⲉ ⲡⲛⲟⲃⲉ ⲡⲱⲗⲓⲧⲉⲩⲉ • ϩⲙ̄ ⲡⲕⲟⲥ‐
ⲙⲟⲥ • ⲁⲩⲱ ⲉⲣⲉ ⲧⲁⲛⲟⲙⲉⲓⲁ ⲭⲣⲏⲙⲁϯⲍⲉ :-Ⲉⲣⲉ ⲧⲕⲁ‐
ⲕⲓⲁ ⲱϭⲧ̄ ⲙ̄ ⲡϩⲩⲅⲉⲙⲱⲛⲓⲕⲟⲛ • ⲉⲧⲉ ⲡⲛⲟⲩⲥ ⲡⲉ • ⲉⲣⲉ
ⲡⲇⲩⲣⲁⲛⲛⲟⲥ ⲁⲓⲭⲙⲁⲗⲱϯ[ⲍⲉ] ⲙ̄ⲙⲟⲟⲩ • ⲧⲏⲣⲟⲩ [ⲁⲩ]ⲱ
ⲉϥϩⲱⲧⲃ̄ ⲙ̄ⲙⲟ]ⲟⲩ • ⲉⲣⲉ ⲡⲟⲩ[ⲁ] | ⲡⲟⲩⲁ ⲉⲓⲣⲉ ⲙ̄ ⲡⲉⲧⲉ
ⲣⲁⲛⲁϥ • ⲙ̄ ⲡϥ︦ⲙ︦ⲧⲟ ⲉ ⲃⲟⲗ • ϩⲁⲡⲗⲟⲥ ⲉⲣⲉ ⲛ̄ⲣⲟⲟⲩϣ
ⲙ̄ ⲡ̄ⲇⲓⲁⲃⲟⲗⲟⲥ • ⲡⲟⲣϣ̄ ⲉ ⲃⲟⲗ ⲉϫⲛ̄ ⲧⲟⲓⲕⲟⲩⲙⲏⲛⲏ
ⲧⲏⲣⲉⲥ • ⲁⲩⲱ ⲙⲡ ⲟⲩⲉⲛ ⲧⲟⲟⲧϥ̄ • ⲙ̄ ⲡⲇⲩⲣⲁⲛⲟⲥ ⲉⲧ
ⲉⲓⲣⲉ ⲛ̄ ⲛⲁⲓ̈ ⲛⲁⲩ • Ⲛ̄ⲧⲁⲩⲡⲱⲧ ⲅⲁⲣ ⲉ ⲡⲟⲩⲉ • ⲁⲩⲗⲟ
ϩⲁ ⲡⲛⲁϩⲃ̄ ⲙ̄ ⲡⲉⲧ ⲙ̄ⲙⲁⲩ ⲛⲉⲩⲛⲁⲟⲩϫⲁⲓ ⲡⲉ • ⲁⲗⲗⲁ
ⲙ̄ⲡ ⲟⲩⲣ̄ ⲡⲁⲓ • ⲉⲁ ⲡⲉⲧ ⲥⲏϩ • ϫⲱⲕ ⲉ ⲃⲟⲗ ⲉ ϫⲱⲟⲩ • ϫⲉ
ⲁⲩⲕⲁⲁⲧ ⲛ̄ⲥⲟⲟⲩⲧ ⲡⲏⲅⲏ ⲙⲙⲟⲩ ⲛ̄ ⲱⲛϩ̄ • ⲁⲩⲱ ⲟⲛ ϫⲉ
ⲡⲙⲟⲩ ⲡⲉⲧ ⲙⲟⲟⲛⲉ ⲙ̄ⲙⲟⲟⲩ • [ⲉ] ⲧⲃⲉ ⲡⲁⲓ • ⲁϥⲱϣ ⲉ
ⲃⲟⲗ ⲛ̄ϭⲓ ⲡⲉⲡⲣⲟⲫ[ⲏ]ⲧⲏⲥ ⲉϥϫⲱ ⲙ̄ⲙ|ⲟⲥ • ϫⲉ ⲙⲛ̄ ⲡⲉⲧ
ⲥⲱⲧⲉ ⲁⲩⲱ ⲙⲛ̄ ⲡⲉⲧ ⲛⲟⲩϩⲙ̄ • ⲉⲙⲛ̄ϭⲟⲙ ⲛ̄ⲣⲱⲙⲉ ⲉ
ⲥⲱⲧⲉ ⲙ̄ⲙⲟⲟⲩ • Ⲉⲡⲓ ⲇⲏ ⲣⲱⲙⲉ ⲛⲓⲙ • ⲛ̄ϩⲩⲡⲟⲕⲓⲥⲑⲉ
ⲉⲩϭⲟϫⲃ̄ • ⲁⲩⲱ ⲥⲉⲙⲏⲣ ⲛ̄ ⲟⲩϣⲟⲛⲉ • ⲁⲩⲱ ⲥⲉⲭⲣⲁⲓⲟⲥⲧⲉⲓ :
ⲛ̄ⲟⲩⲙⲁ ⲛ̄ ϯϩⲁⲡ • ⲙⲛ̄ ⲟⲩⲙⲟⲩ ⲛ̄ⲥⲉϯ ⲗⲟⲅⲟⲥ ϩⲁ ⲛ︦ⲛ︦‐
ⲧⲁⲩⲁⲁⲩ ⲧⲏⲣⲟⲩ • Ⲟⲩⲇⲉ ⲙⲛ̄ ⲁⲅⲅⲉⲗⲟⲥ ⲛⲁϣ̄ⲥⲱⲧⲟⲩ •
ϩⲛ̄ ⲁⲥⲱⲙⲁⲧⲟⲥ ⲅⲁⲣ ⲛⲉ • ⲟⲩⲇⲉ ⲙⲛ̄ ⲕⲁⲥ ⲙ̄ⲙⲟⲟⲩ ϩⲓ
ⲥⲁⲣⲝ̄ • ⲁⲩⲱ ϩⲛ̄ ⲁⲧⲙⲟⲩ ⲛⲉ • ϩⲛ̄ ⲗⲓⲧⲟⲩⲣⲅⲟⲥ ⲅⲁⲣ ⲛ̄ϣⲁϩ
ⲛ̄ ⲥⲁⲧⲉ ⲛⲉ • ⲉⲩⲟ ⲛϩⲙ̄ϩⲁⲗ ⲉ ⲧϩⲩⲡⲉⲣⲉⲥⲓⲁ ⲙ̄ ⲡⲛ̄ⲧⲁϥ‐
ⲧⲁⲙⲓⲟⲟⲩ • ⲁⲩⲱ ⲙⲛ̄ ϭⲟⲙ ⲙ̄ⲙⲟⲟⲩ ⲉⲗⲉⲩⲑⲉⲣⲟⲩ ⲛ̄
ⲧⲁⲓⲭⲙⲁ|ⲗⲱⲥⲓⲁ • ⲁⲗⲗⲁ ⲉⲣ ⲡϫⲟⲉⲓⲥ ⲛ̄ ⲛ̄ϩⲙ̄ϩⲁⲗ
ⲟⲩⲱϣ ⲉ ⲁⲁⲩ ⲛ̄ⲉⲗⲉⲩⲑⲉⲣⲟⲥ • ϩⲙ̄ ⲡⲣⲓⲕⲉ ⲛ̄ ⲛⲉϥⲃⲁⲗ
ⲙ̄ⲙⲁⲧⲉ • ϣⲁϥⲁⲁⲩ • ⲗⲟⲓⲡⲟⲛ ⲁ ⲡⲣ︦ⲣ︦ⲟ ⲛ̄ ⲛⲁ ⲧⲡⲉ ⲙⲛ̄
ⲛⲁ ⲡⲕⲁϩ • ϣⲉⲛ̄ϩⲧⲏϥ ϩⲁ ⲛⲛ̄ⲧⲁϥⲁⲓ̈ⲭⲙⲁⲗⲱϯⲍⲉ ⲙ̄‐
ⲙⲟⲟⲩ : ⲉ ⲃⲟⲗ ϩⲓ ⲧⲟⲟⲧϥ̄ ⲙ̄ ⲡⲇⲩⲣⲁⲛⲛⲟⲥ ⲉⲑⲟⲟⲩ •
ⲡⲇⲓⲁⲃⲟⲗⲟⲥ ⲉⲑⲟⲟⲩ • ⲡⲁⲓ ⲛ̄ⲧⲁϥϫⲣⲟ ⲉⲛⲉⲣⲱⲙⲉ ⲛ̄ⲧⲁⲩⲣ̄
ⲛϥ̄ⲟⲩⲱϣ • Ⲁϥⲉⲓ ⲟⲩⲛ ⲉ ⲃⲟⲗ ϩⲛ̄ ⲧⲡⲉ • ⲛ̄ϭⲓ ⲡⲣ︦ⲣ︦ⲟ
ⲙ̄ ⲡⲉⲟⲟⲩ • ⲁⲩⲱ ⲙ̄ⲡ ϥ̄ⲉⲓⲛⲉ ⲛ̄ ⲟⲩⲛⲟϭ ⲙ̄ⲙⲏⲏϣⲉ •
ⲉϥⲛⲏⲩ ⲛⲉⲙⲙⲁϥ • ⲉ ⲧⲣϥ̄ⲃⲓ̈ ⲛ̄ ⲧⲉⲭⲙⲁⲗⲟⲥⲓⲁ ⲛ̄ⲧⲟⲟⲧϥ̄
ⲙ̄ ⲡⲇⲩⲣⲁⲛⲛⲟⲥ ⲉⲑⲟⲟⲩ ϩⲛ̄ ⲁⲙ|ⲉⲛⲧⲉ • ⲙ̄ⲡⲉ ϥⲉⲓ ⲅⲁⲣ


### 0005

ϩⲛ̄ ⲟⲩⲱⲛϩ̄ ⲉ ⲃⲟⲗ • ⲉⲓ ϩⲛ̄ ⲟⲩⲛⲟϭ ⲛ̄ ⲉⲟⲟⲩ • ⲉⲓ̈ⲉ ⲙⲏ
ϯ ⲡⲉⲟⲟⲩ ⲙ̄ ⲡϥ̄ⲉⲓⲱⲧ ⲉⲧ ⲙ̄ⲡ ϥ̄ⲕⲁⲁϥ ⲛ̄ⲥⲱϥ • ⲟⲩⲇⲉ
ⲙ̄ⲡ ⲟⲩⲉϣ ⲃⲓⲧϥ̄ ⲛ̄ⲧⲟⲟⲧϥ̄ • ⲁⲗⲗⲁ ⲁϥⲫⲟⲣⲓ ⲙ ⲡⲉⲑⲃ̄ⲃⲓ̄ⲟ
ⲡⲁⲓ ⲉⲧ ϥ︦ⲙ︦ⲓϣⲉ ⲙⲛ̄ ⲡⲇⲓⲁⲃⲟⲗⲟⲥ ⲉⲑⲟⲟⲩ ⲛ̄ϩⲏⲧϥ̄ •
Ⲉⲓϣⲁϫⲉ ⲉ ⲧⲥⲁⲣⲝ̄ ⲉⲧ ⲟⲩⲁⲁⲃ ⲛ̄ⲧⲁϥϭⲟⲟⲗϥ̄ ⲙ̄ⲙⲟⲥ •
ⲧⲥⲁⲣⲝ̄ ⲛ̄ⲧⲁϥⲧⲁⲁⲥ ϩⲓⲟⲟϥ ⲙ̄ⲙⲓⲛ ⲉⲙⲙⲟϥ • ⲛ̄ⲑⲉ ⲛ̄ⲧⲁϥ‐
ⲟⲩⲁϣⲥ̄ • Ⲧⲥⲁⲣⲝ̄ ⲛ̄ ⲁⲧ ⲛⲟⲩϫ ⲉ ⲣⲟⲥ ⲛ̄ ⲟⲩϭⲣⲟϭ • ⲟⲩⲇⲉ
ⲛ̄ ⲁⲧ ⲉⲣⲉⲓ ⲉ ⲡⲟⲩⲟⲉⲓⲉ ⲉ ⲣⲟⲥ • ⲟⲩⲥⲁⲣⲝ̄ ⲛ̄ⲧⲁϥϫⲓ ⲡⲓⲣⲁ
ⲛ̄ϩⲏⲧⲥ̄ ⲛ̄ϩⲱⲃ ⲛⲓⲙ • ϣⲁⲧ [ⲛ̄]ⲛⲟⲃⲉ ϩⲓ ⲕⲣⲟϥ • ⲙ̄ⲡⲉ ϥⲉⲣ‐
ⲛⲟⲃⲉ ⲅⲁⲣ ⲟ[ⲩ]|ⲇⲉ ⲙ̄ⲡ ⲟⲩϩⲉ ⲕⲣⲟϥ ϩⲛ̄ ⲧⲁⲡⲣⲟ • ⲟⲩⲥⲁⲣⲝ̄
ⲉⲣⲉ ⲡⲛⲟⲩⲧⲉ • ϩⲓ ϩⲟ̄ⲩⲛ ⲙ̄ⲙⲟⲥ ⲁⲩⲱ ϩⲓ ⲃⲟⲗ • ϩⲓ ϩⲟⲩⲛ
ⲙⲛ̄ ⲙ̄ⲙⲟⲥ ⲡⲛⲟⲩⲧⲉ ⲡⲉ • ϫⲉ ⲙⲉⲣⲉ ⲣⲱⲙⲉ ⲉϣⲛⲁⲩ ⲉ
ⲣⲟϥ • ϩⲓ ⲃⲟⲗ ⲟⲛ ⲉϥⲉⲓⲣⲉ ⲛ̄ⲛⲓⲛⲟϭ ⲛ̄ϣⲡⲏⲣⲉ • ⲙⲛ̄
ⲛⲓⲧⲁⲗϭⲟ ⲧⲏⲣⲟⲩ :-Ⲧϥ̄ϭⲓϫ ⲧⲉ ⲛ̄ⲧⲁⲥⲥⲟⲟⲩⲧⲛ̄ ⲉ ⲃⲟⲗ •
ⲁⲥⲧⲟⲩⲛⲟⲥ ⲛⲉⲧ ⲙⲟⲟⲩⲧ • ⲉⲧⲉ ⲡϣⲏⲣⲉ ⲡⲉ ⲛ ⲧⲉⲭⲏⲣⲁ
ⲉⲥϩⲛ̄ ⲛⲁⲉⲓⲛ • Ⲕⲁⲓ ⲅⲁⲣ ⲁϥⲱⲛϩ̄ ⲛ̄ⲕⲉ ⲥⲟⲡ • ⲙⲛ︤︦ⲛ︦ⲥⲁ
ⲧⲣϥ︦ⲣ︦ⲟⲩⲟⲩϣⲏ ϥⲙⲟⲟⲩⲧ • ⲙ̄ ⲡϥ̄ⲣⲁⲥⲧⲉ ⲉⲩⲃⲓ ⲙ̄ⲙⲟϥ ⲉ
ⲃⲟⲗ ⲉ ⲡⲧⲁⲫⲟⲥ • ⲉ ⲧⲱⲙⲉⲥ ⲙ̄ⲙⲟϥ • Ⲁϥⲥⲟⲟⲩⲧⲛ̄ ⲉ ⲃⲟⲗ
ⲛ̄ ⲧϥ̄[ϭⲓ]ϫ ⲛ̄ ⲥⲁⲣⲝ̄ • ⲛ̄ⲣⲱ[ⲙ]ⲉ ϩⲓ ⲛⲟⲩⲧⲉ • ⲁϥ|ϫⲱ ϩⲉ
ⲡⲙⲁ ⲛ̄ ⲛ̄ⲕⲟⲧⲕ̄ ⲉϥϩⲓ ϫⲱϥ • ⲛⲉⲧ ⲧⲱⲟⲩⲛ ⲇⲉ ⲙ̄ⲙⲟϥ
ⲁⲩⲁϩⲉ ⲣⲁⲧⲟⲩ • Ⲁⲩⲱ ϩⲓⲧⲛ̄ ⲟⲩϣⲁϫⲉ ⲉⲛⲟⲩⲱⲧ • ⲁϥ‐
ⲧⲟⲩⲛⲟⲥϥ̄ • ⲁϥⲧⲁⲁϥ ⲛ̄ⲧⲉϥⲙⲁⲁⲩ • ⲁⲩⲱ ⲁⲥⲃⲓⲧϥ̄ ⲁⲥⲃⲱⲕ
ⲉ ⲡⲉⲥⲏⲓ • ⲉⲥϫⲓ ⲃⲟϭⲥ̄ ⲉⲥⲥⲙⲟⲩ ⲉ ⲡⲛⲟⲩⲧⲉ • ⲁⲩⲱ ⲛⲉⲥ‐
ⲥⲁϩⲱ ⲙ̄ ⲡϥ̄ϩⲟ ⲉ ϩⲣⲁⲓ̈ : ⲉⲥϭⲱϣⲧ̄ ⲉ ⲣⲟϥ ⲉⲥⲣ̄ ϣⲡⲏⲣⲉ :-
Ⲁⲩⲱ ⲛⲉⲣⲉ ⲙ̄ ⲙⲏⲏϣⲉ • ⲡⲏⲧ ⲉ ϩⲣⲁⲓ ⲉ ϫⲱϥ • ⲉⲩⲱϣ
ⲉ ⲃⲟⲗ • ⲉⲩⲟⲩⲱϣ ⲉⲥⲟⲩⲱⲛϥ̄ ⲁⲩⲱ ⲛ̄ϩⲟⲟⲩⲧ ⲙⲛ̄ ⲛ̄ϩⲓⲟⲙⲉ
ⲛ̄ⲧⲁⲩⲉⲓ ⲉ ⲃⲟⲗ ⲛⲙ̄ⲙⲁϥ ⲉⲩⲑⲡⲟ ⲙⲙⲟϥ ⲉ ⲃⲟⲗ ⲕⲁⲧⲁ
ⲡϩⲑ̄ⲛⲟⲥ • ⲁⲩⲕⲟⲧⲟⲩ • ⲉ ⲡⲁϩⲟⲩ ⲙ̄ⲡⲁⲧ ⲟⲩⲧⲁϩⲟ ⲛ̄ⲃⲱⲕ |
ⲉ ϩⲟⲩⲛ ⲉ ⲛⲉⲩⲏⲓ̈ ϣⲁⲛⲧ ⲟⲩⲕⲟⲧⲟⲩ ⲉⲡⲁϩⲟⲩ • ⲛ̄ⲥⲉⲛⲁⲩ ⲉ
ⲧϣⲡⲏⲣⲉ ⲛⲧⲁⲥ ϣⲱⲡⲉ :-Ⲉⲩⲛⲁⲩ ⲉⲛϩ̄ⲃⲟⲟⲥ ⲉⲩϭⲗⲉⲙ‐
ⲗⲟⲙ ⲉ ⲣⲟϥ • ⲉϥⲙⲟⲟⲩⲧ • ⲉⲩⲧⲁⲗⲏⲩ ⲉ ⲧⲛⲁϩⲃ̄ ⲛⲛ̄ⲣⲱⲙⲉ •
ⲉⲩⲃⲏⲕ ⲉ ϩⲟⲩⲛ ⲉ ⲧⲡⲟⲗⲓⲥ : ⲉⲩⲟ ⲛ̄ⲙⲛ̄ⲧⲣⲉ ⲛ ⲛ̄ⲉⲁⲧ
ⲛⲁϩⲧⲉ :-Ⲁⲩⲱ ⲛ̄ ⲧⲉⲣⲉ ⲟⲩⲟⲛ ⲛⲓⲙ • ⲛⲁⲩ ⲉ ⲧ̄ϣⲡⲏⲣⲉ •
ⲁⲩⲡⲓⲥⲧⲉⲩⲉ ⲉ ⲓⲥ̄ ⲡⲉⲭⲥ̄ • ⲛⲉⲫⲁⲣⲓⲥⲥⲁⲓⲟⲥ ⲇⲉ ⲙⲉⲛ


### 0006

ⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ • ⲁ ⲡϫⲟⲓ̈ ⲙⲟⲟϣⲉ ϩⲛ̄ ⲟⲩ‐
ⲁⲥⲁⲓ̈ ϣⲁⲛⲧ ⲉϥⲃⲱⲕ ⲉ ⲧⲉϥⲡⲟⲗⲓⲥ ϩⲛ̄ ⲟⲩⲉⲓ̈ⲣⲏⲛⲏ :-
Ⲡⲉⲡⲣⲁⲅⲙⲁⲧⲉⲩⲧⲏⲥ ⲇⲉ ⲛ ⲧⲉⲣ ϥ̄ⲉⲓ ⲉ ⲡⲉϥⲏⲓ̈ • ⲁϥϫⲱ
ⲉ̄ ⲧⲉϥⲥϩⲓ̈ⲙⲉ ⲙⲛ̄ ⲛⲉϥϣⲏⲣⲉ ⲛ̄ ⲛⲉⲛ̄ⲧ ⲁϥⲛⲁⲩ ⲉ ⲣⲟⲟⲩ
ⲙⲛ̄ ⲛⲉⲛⲧ ⲁϥⲥⲟⲧⲙⲟⲩ ⲙⲛ̄ ⲛⲉⲛⲧ ⲁⲩϣⲱⲡⲉ ⲙ̄ⲙⲟϥ ϩⲛ̄
ⲧⲡⲟⲗⲓⲥ ⲅⲁⲗⲟⲛⲓ̈ⲁ • ⲛⲧⲉ ⲛⲉⲫⲓⲗⲓⲡⲡⲟⲥ • Ⲙⲛ︦ⲛ︦ⲥⲱⲥ ⲁϥϫⲉ
ⲡϣⲁϫⲉ ⲉ ⲣⲟⲟⲩ ⲕⲟⲩⲓ ⲕⲟⲩⲓ̈ ⲉϥϫⲱ ⲙ̄ⲙⲟⲥ ϫⲉ ⲁⲗⲏⲑⲱⲥ
ⲁⲓ̈ϩⲉ ⲉ ⲣⲟⲥ ⲡⲣⲏ ⲉ̄ⲧ ⲛ̄ϣⲙ̄ϣⲉ ⲛ̄ⲁϥ ⲛ̄ ⲟⲩⲛⲟⲩⲧⲉ ⲁⲛ ⲡⲉ •
ⲁⲗⲗⲁ ⲟⲩϩⲙ̄ϩⲁⲗ ⲡⲉ ⲛ̄ⲧⲉ ⲡⲛⲟⲩⲧⲉ ⲛ̄ ⲛ̄ⲅⲁⲗⲓ̈ⲗⲁⲓⲟⲥ •
Ⲡⲉϥⲛⲟϭ ⲇⲉ ⲛ ϣⲏⲣⲉ ⲛⲉ ⲟⲩⲥⲟⲫⲟⲥ ⲡⲉ • Ⲡⲉϫⲁϥ ⲙ̄
ⲡⲉϥⲓ̈ⲱⲧ ϫⲉ ⲁⲛⲟⲕ ϯⲛⲁⲉⲓ̈ⲙⲉ ϩⲛ̄ ϯⲟⲩⲛⲟⲩ ⲧⲁⲓ • Ⲡϣⲏⲣⲉ
ⲇⲉ ϣⲙ̄ (sic) ⲁϥⲃⲱⲕ ⲉ ϩⲣⲁⲓ̈ ⲉ ⲧϫⲉⲛⲉⲡⲱⲣ ⲙ̄ ⲡⲉϥⲏⲓ̈ •
ⲁϥⲱϣ ⲉ ϩⲣⲁⲓ̈ ⲉ ⲡⲣⲏ ⲉϥϫⲱ ⲙ̄ⲙⲟⲥ • ϫⲉ ϯⲱ̄ⲣⲕ̄ ⲉ ⲣⲟⲕ
ⲙ̄ ⲡⲉⲕⲛⲟϭ ⲛ̄ ⲟⲩⲟ̄ⲉⲓⲛ̄ ⲙⲛ̄ ⲧⲉⲕϩⲙ̄ⲙⲉ ⲉⲧ ⲙⲟϩ ϩⲙ̄ ⲡⲉⲓ̈ |
ⲕⲟⲥⲙⲟⲥ ⲧⲏⲣϥ̄ ⲉϣⲱⲡⲉ ⲛⲧⲟⲕ ⲁⲛ ⲡⲉ ⲡⲛⲟⲩⲧⲉ ⲙ ⲙⲉ •
ⲉ ⲧⲣⲉ ⲕⲧⲁⲙⲟⲛ ϫⲉ ⲛⲧⲕ̄ ⲟⲩϩⲙ̄ϩⲁⲗ ⲛ̄ⲧⲁϥ ⲕⲁⲧⲁ ⲑⲉ
ⲛ̄ⲧⲁ ⲡⲁ ⲓⲱⲧ ⲧⲁⲙⲟⲓ • ⲁⲩⲱ ⲛ̄ⲧⲉⲩⲛⲟⲩ ⲁⲩⲥⲙⲏ ϣⲱⲡⲉ
ϣⲁ ⲣⲟϥ ⲉⲥϫⲱ ⲙ̄ⲙⲟⲥ • ϫⲉ ⲕⲁⲗⲱⲥ ⲡϣⲏⲣⲉ ϣⲏⲙ
ⲉⲧ ϣⲓ̈ⲛⲉ ⲛⲥⲁ ⲡⲛⲟⲩⲧⲉ ⲛ ⲁⲗⲏⲑⲓⲛⲟⲛ • Ⲁⲛⲟⲕ ⲁⲛ ⲡⲉ
ⲡⲛⲟⲩⲧⲉ ⲙⲉ ⲅⲉⲛⲉⲧⲟ ⲛⲑⲉ ⲉⲧ ⲉⲣⲉ ⲛϩⲉⲗⲗⲏⲛ ϫⲱ ⲙ̄ⲙⲟⲥ :
ⲁⲗⲗⲁ ⲁⲛⲅ̄ ⲟⲩϩⲙ̄ϩⲁⲗ ⲛ̄ⲧⲁϥ ⲉⲓⲥⲱⲧⲙ̄ ⲛ̄ⲥⲁ ⲧⲉϥⲕⲉⲗⲉⲩ‐
ⲥⲓⲥ • Ⲡⲗⲏⲛ ⲉ̄ϣⲱⲡⲉ ⲕϣⲓⲛⲉ ⲛⲥⲁ ⲡⲛⲟⲩⲧⲉ ⲙ ⲙⲉ • ⲉⲓⲥ
ⲡⲉⲕⲓ̈ⲱⲧ ⲁϥⲥⲟⲩⲱ̄ⲛϥ̄ ϫⲓⲛ ⲉϥ ϩⲛ̄ ⲕⲁⲗⲟⲛⲓⲁ ⲧⲡⲟⲗⲓⲥ
ⲛ̄ ⲛⲉⲫⲓⲗⲓⲡⲡⲟⲥ • Ⲁⲩⲱ ⲛ̄ⲧⲟⲕ ϩⲱⲱⲕ ⲟⲛ ϥⲕⲁⲗⲓ ⲙ̄ⲙⲟⲕ
ϣⲁ ⲣⲟϥ ϫⲉ ⲉⲕⲥⲃ̄ⲧⲱⲧ ⲉⲩⲛⲟϭ ⲛ̄ ⲇⲓ̈ⲁⲕⲟⲛⲓ̈ⲁ ⲛⲁϥ : Ⲛⲁⲓ̈
ⲇⲉ ⲛ ⲧⲉⲣⲉ ⲧⲉⲥⲙⲏ ϫⲟⲟⲩ ⲁⲥⲕⲁ ⲣⲱⲥ : Ⲡϣⲏⲣⲉ ⲇⲉ
ϣⲏⲙ ⲡⲉϫⲁϥ ⲙ̄ ⲡⲉϫⲁϥ (sic) ⲙ̄ ⲡⲉϥⲓ̈ⲱⲧ ϫⲉ ⲁⲗⲏⲑⲱⲥ
ⲁⲕⲥⲟⲩⲛ ⲡⲛⲟⲩⲧⲉ ϫⲓⲛ ⲧⲉⲭⲱⲣⲁ ⲛ̄ⲧⲁⲕⲉⲓ ⲛ̄ϩⲏⲧⲥ̄: Ⲁⲗⲗⲁ
ⲁⲛⲟⲕ ϩⲱⲱⲧ ⲛⲙ̄ⲙⲁⲕ ⲧⲛ̄ⲛⲁⲃⲱⲕ ϣⲁ ⲣⲟϥ ϩⲛ̄ ⲟⲩⲣⲁϣⲉ• |
Ⲡⲉϥⲓ̈ⲱⲧ ⲇⲉ ⲡⲉϫⲁϥ ⲛ̄ⲧⲟⲩⲗⲏ ⲧⲉϥⲥϩⲓⲙⲉ • ϫⲉ ⲉ̄ϣⲱⲡⲉ
ⲧⲉⲥⲕⲁⲛⲇⲁⲗⲓⲍⲉ • ⲉⲓⲥ ϣⲙⲟⲩⲛ̄ ⲛ̄ϣⲟ ⲛ̄ ⲛ̄ⲟⲙⲓⲥⲙⲁ ϣⲟⲟⲡ
ⲛⲁⲛ • ϫⲓⲧⲟⲩ ⲛⲏ ⲉϣⲱⲡⲉ ⲛⲧⲉ ⲧⲏⲧ ⲛ̄ϩⲏⲧ ⲛⲙ̄ⲙⲁⲓ̈ ⲁⲛ •
ϯⲛⲁϫⲓ ⲛ ⲟⲩϣⲟ ⲛ̄ ⲛ̄ⲟⲙⲓⲥⲙⲁ ⲧⲁⲃⲱⲕ ⲧⲁϫⲓ ⲛ̄ ⲡⲕⲱ ⲉ
ⲃⲟⲗ ⲛ̄ ⲛⲁⲛⲟⲃⲉ • Ⲧⲉϥⲥϩⲓ̈ⲙⲉ ⲇⲉ ⲡⲉϫⲁⲥ ⲛⲁϥ • ϫⲉ


### 0007

ⲟⲩⲥϩⲓⲙⲉ ⲉⲧ ⲟⲟⲩ ⲧⲉ ⲉⲣϣⲣⲱ • ⲉⲩϣⲁⲛϫⲱϩ ⲉ ⲣⲟⲟⲩ
ϣⲁⲩϫⲱⲕⲙ̄ ϩⲛ̄ ⲟⲩⲙⲟⲩ • ⲉ ⲧⲃⲉ ⲛⲉⲩⲟⲩⲱϣ ⲛ̄ϩⲏⲧ ⲉⲧ
ⲥⲟⲩⲱⲣⲧ̄ (sic) • ⲗⲟⲓⲡⲟⲛ ϩⲓ ⲛⲁⲓ̈ • ⲁϥⲙⲟⲟϣⲉ ⲛϭⲓ ⲡⲥⲁⲙⲁ‐
ⲣⲓⲧⲏⲥ • ⲙⲛ̄ ⲙ̄ⲡⲓ̄ⲥⲧⲟⲥ ⲉϥⲟⲩⲱϣ ⲉ ϫⲱⲕⲙ̄ ϩⲛ̄ ⲧⲡⲏⲅⲏ
ⲉⲧ ϩⲛ̄ ⲅⲁⲃⲁⲱⲛ • ⲙⲛ̄ | ⲛⲉϥⲥⲕⲉⲩⲏ ⲧⲏⲣⲟⲩ • Ⲉⲧⲉ ⲧⲁⲓ
ⲧⲉ ⲧⲡⲏⲅⲏ ⲛ̄ⲧⲁ ⲓⲏ︦ⲥ︦ ⲡϣⲏⲣⲉ ⲛ̄ ⲛⲁⲩⲏ • ⲕⲱⲧ ϩⲓ̈ ϫⲱⲥ
ⲛ ⲟⲩⲑⲩⲥⲓⲁⲥⲧⲏⲣⲓⲟⲛ • ⲛ̄ ⲧⲉⲣ ϥ̄ⲡⲱϣ ⲉϫⲛ̄ ⲛ̄ ⲛ̄ϣⲏⲣⲉ •
ⲙ̄ ⲡⲓ︦ⲏ︦ⲗ︦ • ⲙ̄ ⲡⲕⲁϩ ⲙ̄ ⲡⲉⲣⲏⲧ • ⲉ ⲁϥⲥⲃ̄ⲃⲉ ⲙ̄ⲙⲟⲟⲩ ϩⲙ̄
ⲡⲙⲁ ⲉⲧ ⲙ̄ⲙⲁⲩ ⲉⲧ ⲙ̄ⲙⲁⲩ (sic) ϩⲓϫⲛ̄ ⲧⲡⲏⲅⲏ • Ⲉⲡⲓ ⲇⲏ
ⲉⲩϫⲱ ⲙ̄ⲙⲟⲥ ⲛ̄ϭⲓ ⲛ̄ⲥⲁⲙⲁⲣⲓⲧⲏⲥ • ϫⲉ ⲡⲉⲧ ⲛⲁϫⲱⲕⲙ̄ •
ϩⲛ̄ ⲧⲡⲩⲅⲏ ⲉⲧ ⲙ̄ⲙⲁⲩ • ⲏ̄ ⲛϥ̄ϩⲱⲣⲡ̄ ⲛ̄ⲛⲉϥⲟⲩⲉⲣⲏⲧⲉ • ⲏ̄
ⲛϥ̄ⲥⲕⲉⲩⲏ ⲛ̄ϩⲏⲧⲥ̄ • ⲙⲉⲩⲉⲣ ⲭⲣⲓⲁ ⲛ̄ ϩⲟⲣⲡⲟⲩ ⲛ̄ ⲕ[ⲉ] ⲥⲟⲡ •
ⲁⲩⲱ ⲁⲥϯ▨ ⲙⲟⲟϣⲉ • ⲁ ⲡⲣⲏ▨ | ϩⲱⲥ ⲇⲉ ⲛⲅ̄ ϫⲟⲟⲥ
ϫⲉ ⲁ ⲡⲣⲏ ϩⲱⲧⲡ̄ • ⲁⲩⲱ ⲁ ⲡⲕⲁⲕⲉ ϣⲱⲡⲉ ⲛⲁⲩ ϩⲓ
ⲟⲩⲥⲟⲡ • Ⲙⲡⲓⲥⲧⲟⲥ ⲇⲉ ⲙⲛ̄ ⲡⲥⲁⲙⲁⲣⲓⲧⲏⲥ • ⲁⲩⲉⲓ ⲉ
ϩⲣⲁⲓ ⲉϫⲛ̄ ⲟⲩⲗⲁⲕⲕⲟⲥ ⲙ̄ⲙⲟⲟⲩ • ⲁⲩⲃⲱⲕ ⲉ ⲡⲉⲥⲏⲧ
ⲉ ⲣⲟϥ ϫⲉⲩⲛⲁⲥⲱ ⲛ̄ϭⲓ ⲙ̄ⲡⲓⲥⲧⲟⲥ • ⲙⲛ̄ ⲛⲉⲩϣⲏⲣⲉ ⲙⲛ̄
ⲛⲉⲩⲧⲃ̄ⲛⲟⲟⲩⲉ :-Ⲁ ⲡⲥⲁⲙⲁⲣⲓⲧⲏⲥ ϭⲛ̄ ⲙⲟⲟⲩ ⲛ̄ⲧⲟⲟⲧϥ̄
ⲁϥⲥ̄ⲱ • ⲙⲛ̄ⲧⲣ̄ ⲭⲣⲓⲁ ⲛ̄ⲛϥ̄ⲣⲱⲙⲉ • ⲙⲛ̄ ⲛⲉϥⲧⲃ̄ⲛⲟⲟⲩⲉ •
Ⲡⲉϫⲁϥ ⲛ̄ⲟⲩⲁ ⲛ̄ ⲛⲉⲛⲉⲭⲣⲓⲥϯⲁⲛⲟⲥ (sic) • ⲛ̄ϭⲓ ⲡⲥⲁⲙⲁ‐
ⲣⲓⲧⲏⲥ • ϫⲉ ⲟⲩⲣⲱ ⲡⲉ ⲡⲓⲥⲕⲩⲗ▨ⲟⲥ • ⲉⲧⲉⲧⲛ̄ⲃⲏⲕ [ⲉ]
ⲑⲓ︦ⲉ︦ⲗⲏ︦ⲙ︦ • ⲉ ⲟⲩⲱϣⲧ | ⲛ̄ ⲟⲩϣⲉ ⲉϥϣⲟⲩⲱⲟⲩ • Ⲉ ⲁⲩϩⲱⲧⲃ̄
ⲛ̄ ⲟⲩⲣⲱⲙⲉ ⲙ̄ ⲡⲣⲟ̄ⲫⲏⲧⲏⲥ ϩⲓ ϫⲱϥ • ⲛϣ̄ϣⲉ ⲁⲛ ⲉ
ⲟⲩⲱϣⲧ̄ ⲛⲁϥ • Ⲉ ⲧⲃⲉ ⲡⲁⲓ ⲁⲧⲉⲧⲛ̄ⲙⲟⲩ ϩⲁ ⲡⲓⲃⲉ • ⲙⲛ̄
ⲛⲉⲧⲛ̄ϣⲏⲣⲉ • ⲙⲛ̄ ⲛⲉⲧⲉϥⲛⲟⲟⲩⲉ • ϫⲉ ⲁ ⲡⲛⲟⲩⲧⲉ ϭⲱⲛⲧ̄
ⲉ ⲣⲱⲧⲛ̄ ⲁϥⲧⲣⲉ ⲡⲙⲟⲟⲩ ⲕⲛⲟⲥ • Ⲉⲛⲉϥⲥⲱⲧⲙ̄ ⲉ ⲛⲁⲓ
ⲛ̄ϭⲓ ⲟⲩⲡⲣⲉⲥⲃⲩⲧⲉⲣⲟⲥ • ⲙ̄ ⲙⲁⲓ ⲛⲟⲩⲧⲉ • ⲉ ⲡϥ̄ⲣⲁⲛ ⲡⲉ
ⲁⲡⲁ ⲃⲁⲭⲟⲥ • ⲉⲩⲟⲣⲑⲟⲇⲟⲝⲟⲥ ⲡⲉ • ⲉϥϫⲓⲥⲙⲏ ⲉ ⲛⲉⲧ
ⲉⲣⲉ ⲡⲥⲁⲙⲁⲣⲓⲧⲏⲥ • ϫⲱ ⲙ̄ⲙⲟⲟⲩ • ⲉⲛϥϫⲱ ⲅⲁⲣ ⲛ̄
ϩⲛ̄ⲛⲟϭ ⲛ̄ϥⲫⲗⲁⲥⲫⲩⲙⲓⲁ • ⲉ ϩⲟⲩⲛ ⲉ ⲡϣⲉ ⲉⲧ ⲟⲩⲁⲁⲃ
ⲙ̄ ⲡⲉⲥ̄⳨ⲟ︦ⲥ︦ • ⲙ̄ ⲡⲛ̄ϫⲟⲉⲓⲥ ⲓⲥ̄ ⲡⲉⲭⲥ̄ • ⲁϥ|ⲟⲩⲱϣⲃ̄ ⲛ̄ϭⲓ
ⲁⲡⲁ ⲃⲁⲭⲟⲥ • ⲡⲉϫⲁϥ ⲙ̄ ⲡⲥⲁⲙⲁⲣⲓⲧⲏⲥ ϫⲉ ⲛⲓⲙ ⲡⲉ
ⲡⲉⲕⲣⲁⲛ ⲏ̄ ⲉⲕⲏⲡⲉ ⲉⲧⲟⲛ • Ⲁϥⲟⲩⲱϣⲃ̄ ⲛ̄ϭⲓ ⲡⲥⲁⲙⲁ‐
ⲣⲓⲧⲏⲥ • ϫⲉ ⲓⲥⲁⲕ ⲁⲛⲟⲕ ⲡⲉ ⲡⲁ ⲣⲁⲛ • ⲁⲩⲱ ⲙⲱⲩⲥⲏⲥ


### 0008

ⲙⲛ̄ ⲓⲏ̄ⲥ • ⲛ︤ⲛ︥ⲧⲁⲩϯ ⲡⲛⲟⲙⲟⲥ ⲛⲁⲓ • ⲁⲗⲗⲁ ⲁ ⲛⲉⲧ ⲙ̄ⲙⲁⲩ
ϣⲁϫⲉ ⲙⲛ̄ ⲡⲛⲟⲩⲧⲉ • Ⲡϣⲏⲣⲉ ϩⲱⲱϥ ⲙ̄ ⲙⲁⲣⲓⲁ : ⲟⲩ‐
ⲡⲣⲟⲫⲏⲧⲏⲥ ⲡⲉ • ⲛ̄ⲧⲉ ⲡⲛⲟⲩⲧⲉ • ⲉⲁ ⲛⲓⲟⲩⲇⲁⲓ ⲉⲥϫⲉⲩ‐
ⲛⲁⲥ̄⳨ⲟ︦ⲩ︦ ⲙ̄ⲙⲟϥ • ϫⲉ ⲁϥⲃⲱⲗ ⲉ ⲃⲟⲗ ⲛ̄ ⲛ̄ⲛⲟⲙⲟⲥ ⲙ̄
ⲡⲥⲁⲃⲃⲁⲧⲟⲛ • ⲁ ⲡⲛⲟⲩⲧⲉ ⲛⲁϩⲙⲉϥ ⲉ ⲛⲉⲩϭⲓϫ • ⲁϥⲃⲱⲕ
ⲉϫⲛ̄ ⲟⲩⲁ ⲛ̄ ⲛ̄ⲧⲟⲟⲩ • ⲙ̄ⲡ ⲟⲩⲉⲓⲙⲉ ⲉ ⲡⲛ̄ⲧⲁϥϣ|ⲱⲡⲉ
ⲙ̄ⲙⲟϥ • ⲁⲩϭⲱⲡⲉ ⲛ̄ ϩⲛ̄ⲕⲉ ⲥⲟⲟⲛⲉ • ⲙⲛ̄ ⲕⲉ ⲟⲩⲁ ϫⲉ
ⲓⲥ̄ • ⲉⲩⲡⲣⲟⲫⲏⲧⲏⲥ ⲟⲛ ⲡⲉ • ⲁⲩⲙⲟⲩⲟⲩⲧ ⲙ̄ⲙⲟϥ ϩⲓϫⲛ̄
ⲟⲩϣⲉ ⲛ̄ ⲥ̄⳨ⲟ︦ⲥ︦• ⲡⲁⲓ ⲧⲉⲛⲟⲩ ⲉⲧⲉⲧⲛ̄ϣⲱⲡ ⲛ̄ⲛⲓϩⲉ ⲉ ⲣⲟϥ
ⲉ ⲡϫⲓⲛϫⲏ • ⲉⲧⲛ̄ⲃⲏⲕ ⲉ ⲟⲩⲱϣⲧ̄ ⲛⲁϥ : Ⲁⲩⲱ ⲛ̄ ⲛϣ̄ϣⲉ ⲁⲛ
ⲉⲟⲩⲱϣⲧ̄ ⲙ̄ ⲙⲟⲩⲛⲅ̄ ϭⲓϫ ⲛ̄ⲣⲱⲙⲉ • ⲁⲗⲗⲁ ⲛ̄ⲛⲁⲟⲩⲱϣⲧ̄
ⲙ̄ ⲡⲛⲟⲩⲧⲉ ⲙ̄ⲁⲩⲁⲁϥ :-Ⲛ̄ⲑⲉ ⲛ̄ⲧⲁϥϣⲁϫⲉ ⲙⲛ̄ ⲡⲛ̄ⲉⲓⲱⲧ •
ⲙⲱⲩⲥⲏⲥ • ⲉϥϯ ⲛⲟⲙⲟⲥ ⲛⲁϥ • ϫⲉ ⲛ̄ ⲛ︦ⲕ︦ⲟⲩⲱϣⲧ̄ ⲉ ⲛⲟⲩⲧⲉ
ⲛ̄ ϣⲙ̄ⲙⲟ • ⲛ̄ ⲧⲉⲣⲉ ⲥⲱⲧⲙ̄ ⲉ ⲛⲁⲓ ⲛ̄ϭⲓ ⲁⲡⲁ ⲃⲁⲭⲟⲥ •
ⲡⲉⲡⲣⲉⲥⲃⲩⲧⲉⲣⲟⲥ • ⲁϥ[ϭ]|ⲱⲛⲧ̄ ϩⲛ̄ ⲟⲩϭⲱⲛⲧ̄ ⲛ̄ⲧⲉ ⲡⲛⲟⲩⲧⲉ •
ⲁⲩⲱ ⲡⲉϫⲁϥ ⲙ̄ ⲡⲥⲁⲙⲁⲣⲓⲧⲏⲥ • ϫⲉ ⲟⲛⲧⲟⲥ ⲡⲣⲁⲛ ⲙ̄
ⲡⲡⲁⲧⲣⲓⲁⲣⲭⲏⲥ • ⲛ̄ⲧⲁⲩⲧⲁⲁϥ ⲉ ⲣⲟⲕ ⲛⲁⲛⲟⲩⲃ • ⲁⲗⲗⲁ
ⲧⲉⲕⲡⲓⲥϯⲥ ϣⲟⲩⲉⲓⲧ • ⲁⲩⲱ ⲕ̄ϣⲱⲛⲉ ϩⲛ̄ ⲛⲉⲕⲛⲟⲃⲉ • Ⲡⲗⲏⲛ
ⲙⲛ̄ ⲣⲁⲛ ϩⲓ ⲥⲭⲏⲙⲁ • ⲛⲁⲛⲉϩⲙ̄ ⲡⲣⲱⲙⲉ • ⲉϣⲱⲡⲉ
ⲉⲙⲛ̄ⲧⲁϥ ⲙ̄ⲙⲁⲩ ⲙ̄ ⲡⲇⲉⲗⲓⲟⲛ • ⲉⲧⲉ ⲧⲡⲓⲥϯⲥ ⲛ̄ ⲟⲣⲑⲟ‐
ⲇⲟⲝⲟⲥ ⲡⲉ :-Ⲁⲗⲏⲑⲟⲥ ϯⲙⲁⲕⲁⲣⲓⲍⲉ ⲛ̄ ⲛ̄ϩⲑ̄ⲛⲟⲥ • ⲛ̄ϩⲟⲩⲉ
ⲉ ⲣⲟⲕ • ϫⲉ ⲛⲉⲧ ⲙ̄ⲙⲁⲩ ⲙ̄ⲡ ⲟⲩⲥⲟⲩⲉⲛ ⲡⲥⲟⲩⲛ • ⲁⲩⲱ
ⲛ̄ⲥⲉⲱϣ ⲁⲛ ⲙ̄ ⲡⲧⲁⲙⲓⲟ ⲙ̄ | ⲡⲛⲟⲩⲧⲉ ⲛ̄ ⲧⲕ̄ϩⲉ • ⲉⲕϫⲱ
ⲙ̄ⲙⲟⲥ • ϫⲉ ⲛⲉϩⲃⲏⲩⲉ ⲧⲏⲣⲟⲩ ⲥⲟⲟϥ ⲛⲁⲓ ⲛ̄ⲧⲁ ⲡⲛⲟⲩⲧⲉ •
ⲥⲟⲛⲧⲟⲩ ⲉⲧⲣ ⲙ̄ⲡⲓⲥⲧⲟⲥ ϫⲓⲧⲟⲩ • ϩⲛ̄ ⲟⲩϣⲉⲡ ϩ̄ⲙⲟⲧ :-
Ⲙ̄ⲡⲉ ⲕⲙⲟⲩϣⲧ̄ ⲱ̄ ⲡⲥⲁⲙⲁⲣⲓⲧⲏⲥ • ⲛⲅ̄ ⲉⲓ̈ⲙⲉ ⲉ ⲡⲉⲧ ⲥⲏϩ •
ϫⲉ ϩⲱⲃ ⲛⲓⲙ • ⲛ̄ⲧⲁ ⲡⲛⲟⲩⲧⲉ ⲧⲁⲙⲓⲟⲟⲩ • ⲛⲁⲛⲟⲩⲟⲩ •
ⲁⲩⲱ ⲙⲛ̄ ⲗⲁⲁⲩ ⲥⲧⲏⲩ ⲉ ⲃⲟⲗ • ⲉⲩϫⲓ̈ ⲙ̄ⲙⲟⲟⲩ ϩⲛ̄
ⲟⲩϣⲉⲡ ϩⲙⲟⲧ :-Ⲱ̄ ⲡⲁⲑⲏⲧ ⲛ̄ⲥⲁⲙⲁⲣⲓⲧⲏⲥ ⲉⲛ ⲛ̄ⲡⲣⲟⲥ‐
ⲕⲩⲛⲉⲓ ⲁⲛ ⲙ̄ ⲡⲉⲥ̄⳨ⲟ︦ⲥ︦• ϩⲱⲥ ⲛⲟⲩⲧⲉ • ⲁⲗⲗⲁ ⲙ̄
ⲡⲣⲟⲥⲕⲩⲛⲉⲓ ⲛⲁϥ • ⲁⲩⲱ ⲛ̄ϯⲉⲟⲟⲩ ⲛⲁϥ • ϫⲉ ⲁ ⲡϣⲏⲣⲉ
ⲙ ⲡⲛⲟⲩⲧⲉ ϯ ⲉⲟⲟⲩ ⲛⲁϥ • ϫⲉ ⲁϥ|ϫⲱⲕ ⲉ ⲃⲟⲗ ⲛⲉϥⲟⲓ‐
ⲕⲟⲛⲟⲙⲓⲁ ϩⲓ ϫⲱϥ • Ⲥⲱⲧⲙ̄ ⲉ ⲣⲟⲓ ⲱ̄ ⲡⲥⲁⲙⲁⲣⲓⲧⲏⲥ •
ⲧⲁϣⲁϫⲉ ⲛⲙ̄ⲙⲁⲕ • ⲁ ⲡϩⲱⲃ ⲛ̄ ϩⲟⲙⲛ︦ⲧ︦ ⲟⲩⲱⲛϩ̄ ⲉ ⲃⲟⲗ •


### 0009

ⲉϥⲟ ⲛ̄ϣⲡⲏⲣⲉ • ⲡⲁⲓ ⲛ̄ⲧⲁ ⲙⲱⲩⲥⲏⲥ ⲧⲁⲙⲓⲟϥ ϩⲛ̄ ⲧⲉⲣⲩ‐
ⲙⲟⲥ • ⲙ̄ ⲡⲓⲟⲩⲟⲉⲓϣ • ϩⲱⲥ ⲉⲣϣⲁⲛ ⲡϩⲱⲃ ⲉⲧ ⲟⲛϩ̄ •
ⲗⲝ̄ ⲟⲩⲁ • ϩⲛ̄ ⲛ̄ ⲛ̄ϣⲏⲣⲉ ⲙ̄ ⲡⲓ︦ⲏ︦ⲗ︦ • ⲛϥ̄ⲉⲓ ϩⲛ̄ ⲟⲩϭⲉⲡⲏ •
ⲛⲁϩⲣⲉⲙ ⲡϩⲱϥ ⲛ̄ ϩⲟⲙⲛ︦ⲧ︦ • ⲛϥ̄ϭⲱϣⲧ̄ ⲉ ⲣⲟϥ ϣⲁϥⲙ̄‐
ⲧⲟⲛ :-Ⲁⲩϫⲟⲟⲥ ⲅⲁⲣ ⲛ̄ϭⲓ ⲛ̄ⲁⲣⲭⲁⲓⲟⲛ • ϫⲉ ⲛ̄ϩⲱⲃ ⲉⲧ
ⲙ̄ⲙⲁⲩ • ⲛ̄ⲧⲁ ⲡⲛⲟⲩⲧⲉ ϫⲟⲟⲥⲟⲩ ⲉ ϩⲟⲩⲛ ⲛ̄ϣⲏⲣⲉ ⲙ̄
ⲡⲓⲏ︦ⲗ︦ • ⲥⲉϩⲟⲟⲩ ⲙ̄ⲙⲁⲧⲉ • ϩⲱⲥ | ⲇⲉ ⲉϥϣⲁⲛⲗⲝ̄ ⲟⲩⲁ
ⲛ̄ϩⲏⲧⲟⲩ • ϣⲁⲣⲉ ⲛⲉⲩⲙⲉⲗⲟⲥ ⲗⲟϥⲗⲉϥ ⲉ ⲃⲟⲗ ⲛ̄ⲥⲉϩⲉ
ⲉ ⲡⲉⲥⲏⲧ ⲕⲟⲩⲓ ⲕⲟⲩⲓ • ϣⲁⲛⲧ ⲟⲩⲱϫⲛ̄ ⲉ ⲡⲧⲏⲣϥ̄ :-Ⲉϣϫⲉ
ⲁ ⲡϩⲱⲃ ⲛ̄ ϩⲟⲙⲛ︦ⲧ︦ ⲕⲁⲧⲁⲣⲅⲉⲓ ⲙ̄ ⲡϩⲱⲃ ⲛ̄ ⲥⲓⲧ • ⲉⲧⲉ ⲧⲁⲓ
ⲧⲉ ⲧϩ̄ⲃⲱ • ⲧⲁⲓ ⲛ̄ⲧⲁ ⲡⲛⲟⲩⲧⲉ ϣⲁϫⲉ ⲙⲛ̄ ⲙⲱⲩⲥⲏⲥ ⲉ
ⲧⲃⲏⲏⲧⲥ̄ • Ⲉⲓⲉ ⲡϣⲉ ϩⲱⲱϥ ⲙ̄ ⲡⲉⲥ̄⳨ⲟ︦ⲥ︦ ⲕⲁⲧⲁⲣⲅⲉⲓ ⲁⲛ •
ⲛ̄ ⲧⲙⲁⲧⲟⲩ ⲙ̄ ⲡϩⲱⲃ ⲛ̄ⲛⲟⲏⲧⲟⲛ • ⲡⲁⲓ ⲛ̄ⲧⲁⲕⲁⲙⲁ ⲛⲁⲕ
ⲛ̄ϩⲏⲧϥ (sic) • ⲉⲧⲉ ⲡⲁⲓ ⲡⲉ ⲡⲇⲓⲁⲃⲟⲗⲟⲥ :-Ⲡϣⲉ ⲙ̄ ⲡⲉⲥ̄‐
⳨ⲟ︦ⲥ︦ • ⲁϥⲣ̄ ⲙⲁ ⲛ̄ ⲟⲩⲱϩ ⲙ̄ ⲡⲁ ϫⲟⲉⲓⲥ ⲓⲥ̄ ⲡⲉⲭⲥ̄ : Ⲡϣⲉ
ⲙ̄ ⲡⲉⲥ̄⳨ⲟ︦ⲥ︦ • ⲡⲛ̄ⲧⲁϥϣⲱⲡⲉ ⲉ ⲣⲟϥ ⲙ̄ ⲡⲛⲟⲩ[ⲧ]ⲉ ⲁϥⲁⲗⲉ
ⲉ ϩⲣⲁⲓ ⲉ ϫⲱ[ϥ] | ⲙ̄ⲙⲓⲛ ⲉⲙ̄ⲙⲟϥ • ϩⲙ̄ ⲡϥ̄ⲟⲩⲱϣ •
ⲁϥⲙⲟⲩ ⲉ ⲧⲃⲏⲏⲧⲛ̄ • ⲁⲛⲟⲛ ⲛⲓⲣⲱⲙⲉ ⲛ̄ⲣϥ̄ⲉⲣⲛⲟⲃⲉ • ϩⲙ̄
ⲡⲧⲣⲉ ⲡϫⲟⲉⲓⲥ • ⲣⲓⲕⲉ ⲉ̄ⲛ ⲧⲉϥⲁⲡⲉ ϩⲓ ϫⲱϥ • ⲁϥⲕⲁ ⲡⲧⲏⲩ •
ⲕⲁⲧⲁ ⲡⲟⲩⲱϣ ⲙ̄ ⲡⲉϥⲉⲓⲱⲧ ⲛ̄ ⲁⲅⲁⲑⲟⲥ • ⲡϣⲉ ϩⲱⲱϥ
ⲙ̄ ⲡⲉⲥ̄⳨ⲟ︦ⲥ︦ • ⲛ̄ⲧⲟϥ ⲡⲉ ⲛ̄ⲧⲁϥⲃⲓ ⲙ̄ⲙⲁⲩ • ⲛ̄ⲧϫⲉⲛ ⲉⲛ
ⲧⲙⲏⲧⲉ ⲙ ⲡϫⲟⲗϫⲉⲗ • ⲉⲧ ⲟⲩⲧⲱⲛ ⲙⲛ̄ ⲡⲛⲟⲩⲧⲉ ⲡⲉⲓⲱⲧ •
ϩⲓⲧⲛ̄ ⲡⲉϥⲙⲟⲛⲟⲅⲉⲛⲏⲥ ⲛ̄ϣⲏⲣⲉ • ⲓⲥ̄ ⲡⲉⲭⲥ̄ ⲡⲛ̄ⲧⲁϥⲁⲗⲉ
ⲉ ⲣⲟϥ ϩⲁ ⲣⲟⲛ :-Ⲧⲕⲟⲓⲃⲟⲩⲧⲟⲥ ⲛ̄ⲧⲁ ⲛⲟϩⲉ ⲧⲁⲙⲓⲟⲥ •
ⲙ̄ ⲡⲓ̈ⲟⲩⲟⲉⲓϣ ⲕⲁⲧⲁ ⲡⲟⲩⲉϩⲥⲁϩⲛⲉ ⲙ̄ ⲡϫⲟⲉⲓⲥ • ⲛ̄ⲧⲁ‐
ⲥⲧⲱⲟⲩⲛ ϩⲁ ⲛ̄ⲣⲱⲙⲉ ⲙⲛ̄ ⲛ̄ⲧⲃ̄ⲛⲟⲟⲩⲉ • ⲉ ⲁⲩⲟⲩϫⲁⲓ ⲉ
ⲡⲙⲟⲟⲩ ⲉ ⲡⲕⲁⲧⲁⲕⲗⲩⲥⲙⲟⲥ • [ⲛ̄ⲧ]ⲟⲕ ⲇⲉ ⲱ̄ ⲡⲉⲥ̄ⳁⲟ︦ⲥ︦•
ⲉⲧ ϩⲁ [ⲣⲟ]ⲟⲩ • ⲁⲕⲧⲱⲟⲩⲛ ϩⲁ | ⲡⲛⲧ̄ ⲁϥⲟⲩⲉϩⲥⲁϩⲛⲉ ⲛ̄
ⲛⲟϩⲉ • ⲉ ⲧⲁⲙⲓⲟ ⲛ̄ ⲧⲕⲟⲓⲃⲟⲩⲧⲟⲥ • ⲁⲩⲱ ⲁϥⲥⲱⲟⲩϩ ϣⲁ
ⲣⲟϥ ⲛ̄ⲅⲉⲛⲟⲥ ⲛⲓⲙ • ⲉ ⲁϥⲉⲓⲛⲉ ⲉ ϩⲟⲩⲛ ⲛ̄ⲉⲩⲧⲣⲟⲫⲏ •
ϩⲟⲥ ⲟⲓⲕⲟⲛⲟⲙⲟⲥ ⲉⲛⲁⲛⲟⲩϥ • ⲉ ⲁϥϯ ⲛ̄ ⲟⲩϣⲟϫⲡ̄ ⲉ ⲡⲕⲟⲥ‐
ⲙⲟⲥ • Ⲛ̄ⲧⲟⲕ ⲟⲛ ⲱ̄ ⲡⲉⲥ̄ϯⲟ︦ⲥ︦ ⲡⲉⲛⲧⲁⲕⲉⲣ ⲡⲕⲟⲥⲙⲟⲥ ⲛ̄
ⲃⲣ︤ⲣⲉ • ϩⲙ̄ ⲡⲧⲣⲉⲩ ⲡⲱϩⲧ̄ ⲉ ⲃⲟⲗ ϩⲓ ϫⲱⲕ • ⲙ̄ ⲡⲉⲥⲛⲟϥ
ⲙ̄ ⲡⲉϩⲉⲓⲃ ⲛ̄ ⲁⲧ ⲧⲱⲗⲙ̄ ⲡⲉⲭⲥ̄ ⲓⲥ̄ ⲡϣⲏⲣⲉ ⲙ̄ ⲡⲛⲟⲩⲧⲉ


### 0010

ⲉⲧ ⲱⲛϩ̄ :-Ⲓⲥⲁⲕ ⲇⲉ ⲡⲥⲁⲙⲁⲣⲓⲧⲏⲥ ⲛ̄ ⲧⲉⲣ ϥ̄ⲥⲱⲧⲙ̄ ⲉ
ⲛⲁⲓ̈ ⲉⲣⲉ ⲁⲡⲁ ⲃⲁⲭⲟⲥ • ϫⲱ ⲙ̄ⲙⲟⲟⲩ • ⲁϥⲣ̄ϣⲡⲏⲣⲉ
ⲁⲩⲱ ⲁϥϣⲁϫⲉ ⲛⲙ̄ⲙⲁϥ ⲉϥϫⲱ ⲙ̄ⲙⲟⲥ ϫⲉ ⲉⲓ̈ⲥ ϩⲏⲏⲧⲉ •
ⲁⲕϫⲟⲟⲥ • ϫⲉ ⲙⲱⲩⲥⲏⲥ | ⲁϥⲉⲓⲣⲉ ⲛ̄ ⲛⲓⲛⲟϭ ⲛ̄ϣⲡⲏⲣⲉ
ⲁϥⲕⲁⲧⲁⲣⲅⲉⲓ̈ ⲙ̄ ⲡϩⲟϥ ⲛ̄ ⲥⲓⲧ ⲉⲧ ⲙⲟⲩⲟⲩⲧ ⲛ̄ ⲛⲉⲧ ⲉϥ‐
ⲛⲁⲗⲟⲕⲥⲟⲩ • Ⲁϣ ⲧⲉ ⲧⲉϣⲡⲏⲣⲉ ϩⲱⲱⲥ ⲛ̄ⲧⲁ ⲡⲉⲥ̄ⳁⲟ︦ⲥ︦
ⲁⲁⲥ • ϫⲉ ⲕⲁⲥ ⲉⲓⲉⲡⲓⲥⲧⲉⲩⲉ ⲉ ⲣⲟϥ ϩⲱ • Ⲁϥⲟⲩⲱϣⲃ̄
ⲛ̄ϭⲓ ⲁⲡⲁ ⲡⲁⲭⲟⲥ ⲡⲉϫⲁϥ ⲛⲁϥ • ϫⲉ ⲱ̄ ⲓ̈ⲥⲁⲁⲕ ⲡⲥⲁⲙⲁ‐
ⲣⲓ̈ⲧⲏⲥ • ⲙⲱⲩⲥⲏⲥ ⲙ̄ⲡⲉ ⲕⲛⲁⲩ ⲉ ⲣⲟϥ ⲉ̄ⲛⲉϩ ⲟⲩⲇⲉ
ⲛⲉϥϣⲡⲏⲣⲉ • ⲁⲗⲗⲁ ⲁⲕⲥⲱⲧⲙ̄ ⲡⲁⲛⲧⲟⲥ ϩⲁ ⲣⲟϥ • Ⲉϣⲱⲡⲉ
ϩⲱⲱϥ ⲉⲕϣⲁⲛⲛⲁⲩ ⲉ ⲧϭⲟⲙ ⲙ̄|ⲡⲉⲭⲥ̄ ⲕⲛⲁⲡⲓⲥⲧⲉⲩⲉ ⲉ
ⲣⲟϥ ⲙⲛ̄ ⲡⲉϥⲥ̄⳨ⲟ︦ⲥ︦ ⲉⲧ ⲟⲩⲁⲁⲃ • Ⲡⲉϫⲉ ⲡⲥⲁⲙⲁⲣⲓ̈ⲧⲏⲥ
ⲛⲁϥ ϫⲉ ⲉⲣϣⲁⲛ ⲙⲱⲩⲥⲏⲥ ⲙⲛ̄ ⲓⲏⲥⲟⲩ ϣⲁϫⲉ ⲛⲙ̄ ⲙⲁⲓ̈ •
ⲛ̄ ϯⲛⲁⲡⲓⲥⲧⲉⲩⲉ ⲁⲛ ⲉ ⲡⲉⲓ̈ ϣⲉ ⲉⲧ ⲉⲕϣⲁϫⲉ ⲉ ⲣⲟϥ •
ⲉⲓ̈ ⲙ̄ⲡⲉ ⲓ̈ⲛⲁⲩ ⲉⲩϭⲟⲙ ⲉ ⲁⲥⲉⲓ ⲉ ⲃⲟⲗ ⲛ̄ϩⲏⲧϥ̄ • Ⲁϥⲟⲩⲱϣⲃ̄
ⲛ̄ϭⲓ ⲁⲡⲁ ⲡⲁⲭⲟⲥ ⲡⲉⲡⲣⲉⲥⲃⲩⲧⲉⲣⲟⲥ • ϫⲉ ⲉ ⲧⲃⲏⲏⲧⲕ̄
ⲁⲛ ⲙ̄ⲙⲁⲧⲉ ⲉⲓⲛⲁⲉⲓⲣⲉ ⲙ̄ ⲡⲉⲓ ⲙⲁⲉⲓⲛ ⲛ̄ϣⲡⲏⲣⲉ • ⲁⲗⲗⲁ
ⲉ ⲧⲃⲉ ⲡⲉⲓ ⲙⲏⲏ̄ϣⲉ ⲛ̄ⲧⲁⲩⲉⲓ ⲉ ⲟⲩⲱϣⲧ̄ ⲙ̄ ⲡ︦ϣ︦ⲉ ⲙ
ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁ̄ⲃ ⲙ̄ ⲡⲉⲛ|ϫⲟⲉⲓⲥ ⲓⲥ̄ ⲡⲉⲭⲥ̄ • ϫⲉ
ⲛ̄ⲛⲉⲩⲥⲕⲁⲛⲇⲁⲗⲓⲍⲉ ⲛ̄ ⲧⲕ̄ϩⲉ • ϯⲛⲁϣⲗⲏⲗ ⲉ ⲡⲛ̄ⲧⲁϥⲁⲗⲉ
ⲉ ⲡⲉⲥ̄⳨ⲟ︦ⲥ︦ • ⲁϥⲙⲟⲩ ϩⲁ ⲣⲟⲛ • ϩⲙ̄ ⲡϥ̄ⲟⲩⲱϣ ⲙ̄ⲙⲓⲛ
ⲉⲙⲙⲟϥ • ϩⲁ ⲡⲛ̄ⲟⲩϫⲁⲓ :-Ⲁⲩⲱ ⲁϥϣⲗⲏⲗ ⲉϫⲙ̄ ⲡⲗⲁⲕ‐
ⲕⲟⲥ ⲉϥϫⲱ ⲙ̄ⲙⲟⲥ ϫⲉ ⲡⲛ̄ⲧⲁϥⲧⲣⲉ ⲛⲓ̈ⲉⲣⲟⲟⲩ • ϩⲁⲧⲉ ϩⲛ̄
ⲟⲩϩⲗⲟϭ • ⲉ ⲧⲣⲉ ⲩⲥⲱ ⲉ ⲃⲟⲗ ⲛ̄ϩⲏⲧⲟⲩ ⲛ̄ϭⲓ ⲅⲉⲛⲟⲥ ⲛⲓⲙ
ⲛ̄ⲣⲱⲙⲉ ⲁⲩⲱ ⲑⲁⲗⲁⲥⲥⲁ • ⲁⲕⲕⲱ ⲙ̄ⲙⲟⲥ ⲉⲩⲥⲓϣⲉ ⲉⲣⲉ
ⲛⲓⲉⲣⲟⲟⲩ ϩⲁⲧⲉ ⲉ ⲡⲉⲥⲏⲧ ⲉ ⲣⲟⲥ • ⲁⲩⲱ ⲙⲉⲥⲗⲟ ⲉⲥⲥⲁϣⲉ
ⲉⲥⲙⲟⲗⲉϩ • ⲛⲓⲙ ⲡⲉⲛ[ⲧ]ⲁϥϭⲛ̄ ⲣⲁⲧⲥ̄ ⲛ̄ⲧⲉⲕⲥⲟⲫⲓⲁ • ⲱ̄
ⲡⲛ|ⲟⲩⲧⲉ ⲡⲙⲁⲓⲣⲱⲙⲉ • ϫⲓⲛⲉ ϣⲟⲣⲡ̄ ⲅⲁⲣ • ⲁⲕⲥⲟⲟⲩϩ
ⲉ ϩⲟⲩⲛ ⲛⲓⲙⲟⲩⲛⲓⲟⲟⲩⲉ • ⲉⲩⲥⲟⲟⲩϩⲥ̄ ⲛ̄ⲟⲩⲱⲧ • ⲁⲕⲧⲁϫⲣⲉ
ⲡⲕⲁϩ ⲉⲧ ⲙ̄ ⲃⲟⲗ • ϩⲙ̄ ⲡϩⲏⲧ ⲙ̄ ⲡⲙⲟⲟⲩ • ⲁⲩⲱ ⲁⲕⲡⲱϣ
ⲙ̄ ⲡⲙⲟⲟⲩ • ⲁⲕⲁⲁϥ ⲛ̄ϣⲟⲙⲛ︦ⲧ︦ ⲛ̄ⲟⲩⲟⲛ • ⲁⲕⲕⲱ ⲛ̄ ⲟⲩ‐
ⲙⲉⲣⲟⲥ ϩⲁ ⲡⲉⲥⲧⲉⲣⲉⲱⲙⲁ • ⲁⲩⲱ ⲕⲉ ⲙⲉⲣⲟⲥ ϩⲛ̄ ⲑⲁⲗⲁⲥⲥⲁ
ⲙⲛ̄ ⲛⲓⲉⲣⲟⲟⲩ • ⲁⲩⲱ ⲕⲉ ⲙⲉⲣⲟⲥ ϩⲁ ⲡⲉⲥⲏⲧ ⲉ ⲡⲕⲁϩ :
Ⲁⲧⲉⲕⲙⲛ̄ⲧⲡⲣⲟⲕⲛⲟⲥⲧⲏⲥ ⲧⲟϭⲟⲩ • ϩⲛ̄ ⲟⲩⲧⲱϣ ⲉⲛⲁⲛⲟⲩⲃ •


### 0011

ϩⲱⲥ ⲧⲉ ⲛ̄ⲕⲉ ⲭⲱⲣⲁ ⲉⲧⲉ ⲙⲛ̄ ⲛⲓⲉⲣⲟ ⲛ̄ϩⲏⲧⲟⲩ • ⲛ̄ⲧⲉⲧⲕ̄ⲙⲛ̄ⲧ‐
ⲁⲅⲁⲑⲟⲥ • ⲧⲥⲟⲟⲩϩ ⲙ̄ ⲡϩⲟⲩ ⲙ̄ⲡⲉ • ⲡⲉⲧ ⲛⲁⲣ̄ ⲭⲣⲓ̈ⲁ ⲟⲛ ⲙ̄
ⲡⲙⲟⲟⲩ • ⲉⲧ ⲥⲁ | ⲡⲉⲥⲏⲧ ⲙ̄ ⲡⲕⲁϩ ϥ̄ⲛⲁϩⲉ ⲉ ⲣⲟϥ • ⲡⲛ̄ⲧⲁϥ‐
ⲥⲱⲧⲙ̄ ⲉ ⲙⲱⲩⲥⲏⲥ ⲡⲉⲡⲣⲟⲫⲏⲧⲏⲥ Ⲁϥⲧⲣⲉ ⲛⲉⲙⲟⲟⲩ ⲉⲧ ϩⲛ̄
ⲉⲗⲉⲓⲙ ϩⲗⲟϭ • ⲉⲩⲣ̄ ⲙⲛ̄ⲧⲥⲛⲟⲟⲩⲥ ⲙ̄ ⲡⲏⲅⲏ • ⲁⲕϯ ⲙⲁⲉⲓⲛ
ⲛⲁϥ ⲉⲩϣⲉ • ⲉⲧⲉ ⲡⲁⲓ ⲡⲉ ⲡϣⲉ ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ •
ⲟⲩⲛ̄ϭⲟⲙ ⲙ̄ⲙⲟⲕ ⲉ ⲧⲣⲉ ⲡⲉⲓ ⲙⲟⲟⲩ ϩⲗⲟϭ • ϫⲉ ⲧⲟⲕ ⲧⲉ
ⲧⲉⲝⲟⲩⲥⲓⲁ ⲙⲁⲩⲁⲁⲕ • ⲉϫⲛ̄ ⲛ̄ⲕⲁⲁ ⲛⲓⲙ • Ⲧⲉⲛⲟⲩ ϭⲉ
ⲡϫⲟⲉⲓⲥ ⲡⲁ ⲛⲟⲩⲧⲉ • ⲛ̄ⲑⲉ ⲛ̄ⲧⲁⲕⲱⲛϩ̄ ⲉ ⲃⲟⲗ ⲙ̄ ⲡⲓ ϣⲉ
ⲉ ⲙⲱⲩⲥⲏⲥ ϫⲉ ⲉⲩⲉⲡⲓⲥⲧⲉⲩⲉ ⲛ̄ϭⲓ ⲛⲁ ⲡⲗⲁⲟⲥ ⲧⲏⲣϥ̄ ⲙ̄
ⲡⲓⲏⲗ :-Ⲧⲉⲛⲟⲩ ⲇⲉ ⲟⲛ ⲙⲁⲣⲉ ⲡⲕ̄ⲣⲁⲛ ϫⲓ ⲉⲟⲟⲩ ⲛ̄ⲑⲉ ⲟⲛ
ⲧⲉⲛⲟⲩ ⲧⲕ̄ | ϫⲓ ⲉⲟⲟⲩ ϩⲛ̄ ⲛⲕ̄ϩⲃⲏⲩⲉ ⲧⲏⲣⲟⲩ • ⲁⲩⲱ ⲙ̄ⲡⲉⲣ
ⲕⲁ ⲛⲓϩⲑ̄ⲛⲟⲥ ⲉ ϫⲟⲟⲥ • ϫⲉ ϥⲧⲟⲛ ⲡⲉⲩⲛⲟⲩⲧⲉ • Ⲉϥϣⲗⲏⲗ
ⲇⲉ ⲉ ϩⲣⲁⲓ̈ ⲉ ⲡⲛⲟⲩⲧⲉ • ⲛ̄ϭⲓ ⲁⲡⲁ ⲃⲁⲭⲟⲥ • ⲁⲩⲥⲙⲏ
ϣⲱⲡⲉ ϣⲁ ⲣⲟϥ ⲉⲥϫⲱ ⲙ̄ⲙⲟⲥ • ϫⲉ ⲡⲉⲧ ⲡⲓⲥⲧⲉⲩⲉ ⲉ ⲣⲟⲓ •
ϥⲛⲁϫⲟⲟ ⲙ ⲡⲓ ⲧⲟⲟⲩ • ϫⲉ ⲡⲱⲱⲛⲉ ⲉ ⲡⲓ ⲙⲁ ⲡⲁⲓ ⲛϥ̄‐
ⲡⲱⲱⲛⲉ • ⲁⲩⲱ ⲙⲛ̄ ⲗⲁⲁⲩ ⲛⲁⲣ̄ ⲁⲧ ϭⲟⲙ ⲙ̄ ⲡⲓⲥⲧⲉⲩⲉ •
Ⲡⲉⲧ ⲡⲓⲥⲧⲉⲩⲉ ⲅⲁⲣ ⲉ ⲡⲉⲥ̄⳨ⲟ︦ⲥ︦ • ϫⲉ ⲟⲩⲛ̄ϭⲟ[ⲙ̄] ⲙ̄ⲙⲟϥ
ⲉ ⲉⲓⲣⲉ ⲛⲓ̈ϣⲡⲏⲣⲉ • ϥ̄ⲛⲁⲙⲁⲧⲉ ⲙ̄ ⲡⲉⲧ ϥ̄ϣⲓⲛⲉ ⲛ̄ⲥⲱϥ •
ⲁⲩⲱ ⲡⲧ̄ ϫⲓ ⲙ̄ⲙⲟⲓ • ⲉϥϫⲓ ⲙ̄ ⲡⲛ̄ⲧⲁϥⲧⲛ̄ⲛⲟⲟⲩⲧ • | ⲧⲉⲛⲟⲩ
ϭⲉ ⲡⲛ̄ⲧⲁⲕ ⲁⲓϯ ⲙ̄ⲙⲟϥ • ϥⲛⲁϣⲱⲡⲉ ⲛⲁⲕ • ⲉ ⲧⲃⲉ ⲡⲓⲥϯⲥ
ⲉⲧ ϩⲙ̄ ⲡⲕ̄ϩⲏⲧ • Ⲡⲉⲧ ⲁⲙⲁϩⲧⲉ ⲛ̄ ⲧⲡⲓⲥϯⲥ ⲉⲧ ⲟⲩⲟϫ •
ⲡⲟϥ ⲡⲉ ⲡⲧⲏⲣϥ̄ • Ⲁⲩⲱ ⲛ̄ϯϩ̄ⲉ • ⲁϥϫⲓ ⲛ̄ϭⲓ ⲡⲡⲉⲧ
ⲟⲩⲁⲁⲃ • ⲁⲡⲁ ⲃⲁⲭⲟⲥ • ⲛ̄ⲥⲛ̄ⲧⲉ ⲛ̄ⲕⲟⲩⲓ ⲛ̄ⲕⲟⲟϩ ⲛ̄ϣⲉ •
ⲁϥⲙⲱⲣⲟⲩ ⲉⲛⲉⲩⲉⲣⲏⲩ • ⲙ̄ ⲡⲧⲏⲡⲟⲥ ⲙ̄ ⲡⲉⲥ̄ⳁⲟ︦ⲥ︦ ⲉⲧ
ⲟⲩⲁⲁⲃ • ⲁϥⲛⲟϫⲟⲩ ⲉ ⲡⲗⲁⲕⲕⲟⲥ ⲙ̄ⲙⲟⲟⲩ • Ⲁϥⲱϣ ⲉ
ⲃⲟⲗ ⲉϥϫⲱ ⲙ̄ⲙⲟⲥ • ϫⲉ ⲡⲙⲟⲟⲩ ⲁ ⲡⲉⲭⲥ̄ ⲧⲁⲗϭⲟϥ
ϩⲓⲧⲛ̄ ⲡϥ︤ⲥ︥⳨ⲟ︦ⲥ︥ • ⲉϥⲉϣⲱⲡⲉ ⲛ̄ ⲟⲩⲙⲟⲟⲩ ⲛ̄ ϩⲗⲏϭⲉ ϫⲓⲛ
ⲧⲉⲛⲟⲩ • ⲁⲩⲱ ⲟⲛ ϣⲁ ⲉⲛϩ̄ ⲛ̄ ⲉⲛϩ̄ • ⲛ̄ⲥⲉⲥⲱ ⲉ ⲃⲟⲗ
ⲛ̄ϩⲏⲧϥ̄ ϩⲛ̄ ⲟⲩⲡⲓⲥϯⲥ • ⲛ̄ϭⲓ ⲟⲩⲟⲛ ⲛⲓⲙ ⲉⲧ ⲡⲓⲥⲧⲉ|ⲩⲉ
ⲉ ⲡⲉⲥ̄⳨ⲟ︦ⲥ︦ ⲙ̄ ⲡⲉⲭⲥ̄ • Ⲛ̄ϫⲁϫⲉ ϩⲟⲟⲩ ⲙ̄ ⲡⲉⲭⲥ̄ ⲛⲁⲓ
ⲛ̄ⲥⲉⲡⲓⲥⲧⲉⲩⲉ ⲁⲛ ⲉ ⲣⲟϥ ⲙⲛ̄ ⲡϥ︤ⲥ︥⳨ⲟ︦ⲥ︥︦• ⲛⲛ̄ⲉⲩϣ̄ⲥⲱ ⲉ
ⲃⲟⲗ ϩⲙ̄ ⲡⲓⲗⲁⲕⲕⲟⲥ ⲡⲁⲓ • ⲁⲗⲗⲁ ⲉϥⲉϣⲱⲡⲉ ⲛⲁⲩ
ⲉⲩϩⲙ̄ϫ • ⲉϥϫⲏϥ ⲉϥⲥⲁϣⲉ • Ⲛ̄ ⲧⲉⲣ ϥ̄ⲟⲩⲱ ⲇⲉ • ⲉϥ‐


### 0012

ⲧⲁⲟⲩⲟ ⲛⲁⲓ • ⲛ̄ϭⲓ ⲁⲡⲁ ⲃⲁⲭⲟⲥ • ⲁϥⲱϣ ⲉ ⲡⲙⲏⲏϣⲉ
ϩⲛ̄ ⲧⲉⲥⲙⲏ ⲙ̄ ⲡⲉⲩⲁⲅⲅⲉⲗⲓⲟⲛ • Ϫⲉ ⲡⲉⲧ ⲟⲃⲉ ⲙⲁⲣϥ̄ⲉⲓ
ϣⲁ ⲣⲟⲓ ⲛϥ̄ⲥⲱ • ⲡⲉⲧ ⲡⲓⲥⲧⲉⲩⲉ ⲉ ⲡⲉⲥ̄⳨ⲟ︦ⲥ︥ ⲙ̄ ⲡⲉⲭⲥ̄ • ⲁⲩⲱ
ⲁ ⲡⲙⲏⲏϣⲉ ⲛ ⲙ̄ⲡⲓⲥⲧⲟⲥ ⲃⲱⲕ ⲉϫⲙ̄ ⲡⲗⲁⲕⲕⲟⲥ • ⲁⲩϫⲓ
ⲉ ⲃⲟⲗ ⲛ̄ϩⲏⲧϥ̄ • ⲁⲩϭⲛ̄ⲧϥ̄ ⲉϥϩⲟⲗϭ̄ ⲉ ⲡϥ̄ⲉⲓⲱ • ⲁⲩⲱ
ⲉⲛⲁⲛⲟⲩⲃ ⲙ̄ⲙⲁⲧⲉ :-Ⲁⲩⲱ ⲛ̄ ⲧⲉⲣ ⲟⲩϭⲱϣⲧ̄ ⲉ ⲡⲉⲥⲏⲧ ⲉ
ⲡⲗⲁⲕⲕⲟⲥ • ⲛ̄ϭⲓ ⲛⲉⲧ ⲡⲛ̄ⲅ ⲙ̄ⲟⲟⲩ • ⲁⲩϭⲓⲛⲉ ⲁⲩⲱ ⲁⲩⲛⲁⲩ |
ⲛⲁⲩ (sic) ⲉⲩⲕⲟⲩⲓ ⲛ ⲥ̄⳨ⲟ︦ⲥ︦ ⲙ̄ ⲡⲉⲥⲙⲟⲧ ⲛ̄ ⲟⲩⲗⲁⲙⲡⲁⲥ
ⲛ̄ ⲟⲩⲟⲉⲓⲛ • ⲁⲩⲱ ⲁⲩⲱϣ ⲉ ⲃⲟⲗ ⲧⲏⲣⲟⲩ • ϫⲉ ⲟⲩⲁ ⲡⲉ
ⲡⲉⲭⲥ̄ ⲓⲥ̄ • ⲙⲛ̄ ⲡϥ︤ⲥ︥⳨ⲟ︦ⲥ︦ ⲉⲧ ϩⲁ ⲉⲟⲟⲩ • Ⲛ ⲧⲉⲣ ⲉϥⲥⲱⲧⲙ̄
ⲉ ⲛⲁⲓ ⲛ̄ϭⲓ ⲡⲥⲁⲙⲁⲣⲓⲧⲏⲥ • ⲁϥⲣ̄ ϩⲟⲧⲉ • ⲙ̄ⲡ ϥ̄ⲟⲩⲱϣ ⲉ
ϣⲁϫⲉ ⲛ̄ⲥⲁ ⲡⲉⲥⲧⲁⲩⲣⲟⲥ ⲛ̄ⲕⲉ ⲥⲟⲡ : Ⲁⲩⲱ ⲛ̄ ⲧⲉⲣⲉ ϥ̄ⲉⲓⲃⲉ
ⲛ̄ϭⲓ ⲡⲥⲁⲙⲁⲣⲓⲧⲏⲥ ⲁϥⲃⲱⲕ ϫⲉ ϥⲛⲁⲥⲉ ⲙⲟⲟⲩ ϩⲛ̄ ⲛⲉϥ‐
ⲁⲅⲅⲉⲓⲟⲛ • ⲁⲩⲱ ⲛ̄ ⲧⲉⲣ ϥ̄ⲧⲙ̄ϩⲉ ⲟⲩⲟⲛ • ⲁϥⲣ̄ϩⲃⲁ ⲙⲡ
ϥ̄ϭⲛ̄ ⲉϥⲛⲁⲣ ⲟⲩ • ⲁⲩⲱ ⲛϥ̄ⲙⲟⲕϩ̄ ⲛ̄ⲧⲉ ⲡⲓⲃⲉ ⲙⲛ̄ ⲛⲉϥ‐
ⲣⲱⲙⲉ : Ⲁⲩⲱ ⲛ̄ ⲧⲉⲣⲉ ϥⲁⲛⲁⲅⲅⲏ ϩⲁ ⲡⲓ̈ⲃⲉ • ⲁϥⲧⲱⲟⲩⲛ
ⲁϥⲃⲱⲕ ⲉϫⲙ̄ ⲡⲗⲁⲕⲕⲟⲥ • ⲛ̄ⲧⲟϥ ⲙⲛ̄ ⲛϥ̄ⲣⲱⲙⲉ • ϫⲉ
ⲩⲛⲁ|ⲃⲓ ϩⲙ̄ ⲡⲙⲟⲟⲩ ⲛ̄ⲥⲉⲥⲱ ⲁϥϭⲱϣⲧ̄ ⲉ ⲡⲉⲥⲏⲧ ⲉ ⲡⲗⲁⲕ‐
ⲕⲟⲥ • ⲛ̄ϭⲓ ⲡⲥⲁⲙⲁⲣⲓⲧⲏⲥ • ⲁϥⲛⲁⲩ ⲉⲩ ⲧⲏⲡⲟⲥ ⲛ̄ ⲥ̄⳨ⲟ︦ⲥ︦•
ⲉϥⲟ ⲛ̄ⲑⲉ ⲛ̄ ⲟⲩⲗⲁⲙⲡⲁⲥ ⲛ̄ ⲟⲩⲟⲉⲓⲛ • Ⲡⲗⲏⲛ ⲁϥϫⲓ ⲛⲁϥ
ⲛ̄ ⲟⲩⲙⲛ︦ⲧ︦ϫⲁⲣ ϩⲏⲧ • ⲁϥⲛⲉϫ ⲑⲟⲧⲉ ⲥⲁ ⲃⲟⲗ ⲙ̄ⲙⲟϥ •
ⲁⲩⲱ ⲁϥⲙϩ̄ ⲙⲟⲟⲩ ϩⲙ̄ ⲡⲗⲁⲕⲕⲟⲥ ⲁϥⲥⲱ • ⲁϥϩⲉ ⲉ ⲣⲟϥ
ⲉ ⲁϥⲣ̄ ϩⲙ︦ϫ︦ • ⲉϥⲥⲁϣⲉ ⲁⲩⲱ ⲉϥⲗⲟⲙⲉⲥ • Ⲁϥⲱϣ ⲉ ⲃⲟⲗ
ⲛ̄ϭⲓ ⲡⲥⲁⲙⲁⲣⲓⲧⲏⲥ • ϫⲉ ⲁⲗⲏⲑⲟⲥ ⲁ ⲡⲉⲭⲥ̄ • ⲙⲛ̄ ⲡϥ̄‐
ⲥⲧⲁⲩⲣⲟⲥ ⲉⲓⲣⲉ ⲛ̄ ϩⲛ̄ϣⲡⲏⲣⲉ • ϩⲣⲁⲓ ⲛ̄ϩⲏⲧⲛ̄ ⲙ̄ⲡⲟⲟⲩ •
Ⲁⲩⲱ ⲛ̄ⲧⲉⲩⲛⲟⲩ ⲁϥⲃⲱⲕ ϣⲁ ⲡⲡⲉⲧ ⲟⲩⲁⲁⲃ • ⲁⲡⲁ
ⲃⲁⲭⲟⲥ ⲡⲉϫⲁϥ ⲛⲁϥ • ϫⲉ ϫⲓ ⲛⲁⲕ ⲛ̄ⲛⲁⲭⲣⲏⲙⲁ ⲛ̄-
ⲧⲁⲉⲛⲧⲟⲩ ⲉ ⲧϩⲓⲏ ⲛⲙ̄ⲙⲁⲓ • ⲛⲅ̄ ⲧⲁⲁⲩ ⲉⲛ[ⲛ̄] | ϩⲏⲕⲉ •
ⲛⲅ̄ ⲧⲁⲙⲟⲓ ⲉ ⲡⲙⲁ ⲙ̄ ⲡ̄ϣⲉ ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ
ⲧⲁⲡⲣⲟⲥⲕⲩⲛⲏ ⲛⲁϥ • ⲡⲉϫⲉ ⲡⲉⲡⲣⲉⲥⲃⲩⲧⲉⲣⲟⲥ ⲛⲁϥ • ϫⲉ
ⲡⲁ ϣⲏⲣⲉ • ⲙⲉⲩϫⲓ ⲭⲣⲏⲙⲁ ϩⲁ ⲧⲇⲱⲣⲁⲓ ⲙ̄ ⲡⲉⲡⲛⲁ̄
ⲉⲧ ⲟⲩⲁⲁⲃ • Ⲡⲗⲏⲛ ⲉϣⲱⲡⲉ ⲉⲕⲟⲩⲉⲉⲣ ⲧⲉⲗⲓⲟⲥ • ⲧⲱⲟⲩⲛ
ⲛⲅ̄ ⲃⲱⲕ ⲉ ⲑⲓ︦ⲉ︦ⲗⲏ︦ⲙ︦ • ⲛⲅ̄ ϣⲓⲛⲉ ⲛ̄ⲥⲁ ⲡⲧⲟⲡⲟⲥ ⲉⲧ ⲟⲩⲁⲁⲃ •
ⲛ̄ⲧⲁⲛⲁⲥⲧⲁⲥⲓⲥ • ⲛⲅ̄ ⲃⲱⲕ ⲉ ⲧⲕ̄ⲕⲗⲏⲥⲓⲁ ⲉⲧ ⲙ̄ⲙⲁⲩ •


### 0013

ⲕ̄ⲛⲁϩⲉ ⲡⲛ̄ⲉⲓⲱⲧ ⲡⲉⲡⲓⲥⲕⲟⲡⲟⲥ • ⲉϥⲥⲟⲟⲩϩ ⲙⲛ̄ ⲛ̄ⲟⲣⲑⲟ‐
ⲇⲟⲝⲟⲥ Ⲉⲩⲣ̄ϣⲁ ϩⲙ̄ ⲡϣⲁ ⲙ̄ ⲡⲉⲥ̄ⳁⲟ︦ⲥ︦ ⲉⲧ ⲟⲩⲁⲁⲃ • ϫⲉ
ⲡⲉϩⲟⲟⲩ ⲡⲉ ⲙ̄ ⲡϥ̄ⲟⲩⲱⲛϩ̄ ⲉ ⲃⲟⲗ • ⲁⲩⲱ ⲉⲕϣⲁⲛⲃⲱⲕ •
ϥ̄ⲛⲁⲧⲥⲁⲃⲱⲕ ⲉ ⲧϩⲓⲏ ⲙ̄ ⲡⲟⲩϫⲁⲓ • ⲁⲩⲱ ⲕ̄ⲛⲁⲛⲁⲩ | ⲉ
ⲧϭⲟⲙ ⲙ̄ ⲡⲉⲭⲥ̄ • ⲙⲛ̄ ⲡⲉϥⲥ̄⳨ⲟ︦ⲥ︦ ⲉⲧ ⲟⲩⲁⲁⲃ • Ⲧⲟⲧⲉ
ⲡⲉⲡⲣⲉⲥⲃⲩⲧⲉⲣⲟ[ⲥ] ⲉⲧ ⲟⲩⲁⲁⲃ • ⲉϥⲟⲩⲱϣ ⲉⲧⲉⲧ ⲡϩⲏⲧ ⲙ̄
ⲡⲥⲁⲙⲁⲣⲓⲧⲏⲥ • ⲛϥ̄ⲧⲁϫⲣⲟϥ ϩⲛ̄ ⲧⲡⲓⲥϯⲥ • ⲁϥⲥⲫⲣⲁⲅⲓⲍⲉ
ⲛⲙ̄ⲙⲟⲟⲩ • ⲛ̄ⲧⲁⲩⲙⲁϩⲟⲩ ⲙ̄ ⲡⲗⲁⲕⲕⲟⲥ • ⲉⲩⲟ ⲛ̄ ϩⲙ̄ϫ
ⲉϥϫⲏϥ • ⲛ̄ⲧⲉⲩⲛⲟⲩ ⲁⲩϩⲗⲟϭ ⲁⲩⲥⲱ ⲉ ⲃⲟⲗ ⲛ̄ϩⲏⲧⲟⲩ
ϩⲛ̄ ⲟⲩⲡⲓⲥϯⲥ • Ⲁⲩⲱ ⲛⲉⲣⲉ ⲟⲩⲛⲟϭ ⲙ̄ ⲙⲏⲏϣⲉ • ⲛⲏⲩ
ϣⲁ ⲡⲡⲉⲧ ⲟⲩⲁⲁⲃ • ⲁⲡⲁ ⲃⲁⲭⲟⲥ ⲡⲉⲡⲣⲉⲥⲃⲩⲧⲉⲣⲟⲥ •
ⲉⲩϫⲓ ⲥⲙⲟⲩ ⲉ ⲃⲟⲗ ϩⲓ ⲧⲟⲟⲧϥ̄ • Ⲁⲩⲱ ⲛ̄ ⲧⲉⲣ ϥ̄ⲛⲁⲩ ϫⲉ
ⲙ̄ⲙⲏⲏϣⲉ • ϩⲟϫϩⲉϫ ⲙ̄ⲙⲟϥ • ⲙ̄ⲙⲁⲧⲉ • ⲁϥⲃⲱⲕ ⲁϥ‐
ϩⲟⲡϥ̄ • ⲁϥⲉⲓ ⲉ ⲑⲓ̄ⲗⲏ︤ⲙ︥ • ⲁⲩⲧⲱⲟⲩⲛ ϩⲟⲟⲩ ⲛ̄ϭⲓ ⲙ̄ⲙⲏⲏϣⲉ
ⲉⲧ ϩⲓϫⲛ̄ ⲡⲗⲁⲕⲕⲟⲥ ⲁⲩⲉⲓ ⲉ ⲑⲓ︦ⲉ︦ⲗⲏ︦ⲙ︦ • ⲁⲩⲱ | ⲛ̄ⲧⲟϥ
ϩⲱⲱϥ ⲟⲛ ⲓⲥⲁⲕ ⲡⲥⲁⲙⲁⲣⲓⲧⲏⲥ • ⲁϥⲉⲓ ⲛⲙ̄ⲙⲁⲩ ⲉϥⲟⲩⲏϩ
ⲛ̄ⲥⲟⲟⲩ • ⲙⲛ̄ ⲛⲉⲧ ⲛⲙ̄ⲙⲁϥ • Ⲧⲛ̄ⲛⲁϫⲱ ⲛⲏⲧⲛ̄ ⲛ̄ⲟⲩⲛⲟϭ
ⲛ̄ϣⲡⲏⲣⲉ ⲉ ⲁⲥϣⲱⲡⲉ • ⲁⲩⲱ ⲛⲟⲩϣⲟⲩⲥⲁⲁⲛⲧⲥ̄ ⲁⲛ ⲧⲉ •
Ⲁⲩϫⲟⲟⲥ ⲅⲁⲣ ⲛⲁⲛ ⲛ̄ϭⲓ ⲛ̄ⲣⲱⲙⲉ • ⲉⲧ ϩⲙ̄ ⲡⲕⲱⲧⲉ ⲙ̄
ⲡⲗⲁⲕⲕⲟⲥ ⲛ̄ⲧⲁⲛϣⲁϫⲉ ⲉ ⲣⲟϥ • Ϫⲉ ⲁ ⲡⲡⲉⲧ ⲟⲩⲁⲁⲃ
ⲁⲡⲁ ⲃⲁⲭⲟⲥ ⲡⲉⲡⲣⲉⲥⲃⲩⲧⲉⲣⲟⲥ • ϣⲗⲏⲗ ⲉ ϫⲱⲛ ⲁϥⲗⲟ
ⲉϥⲗⲟⲙⲉⲥ • ⲁⲩⲱ ⲉϥⲟ ⲛ̄ ⲃⲛ̄ⲧ ⲛ̄ϭⲓ ⲡⲙⲟⲟⲩ ⲁϥϣⲱⲡⲉ
ⲛ̄ ⲟⲩⲙⲟⲟⲩ ⲉϥϩⲟⲗϭ̄ :-Ⲁⲩϫⲟⲟⲥ • ϫⲉ ⲛ̄ ⲧⲉⲣϥ̄ⲃⲱⲕ ⲉ
ⲡⲉⲥⲏⲧ ⲉ ⲡⲗⲁⲕⲕⲟⲥ ⲉⲧ ⲙ̄ⲙⲁⲩ • ⲁⲛⲛⲁⲩ ϩⲛ̄ ⲛⲛ̄ⲃⲁⲗ •
ⲉ ⲡⲧⲏⲡⲟⲥ ⲙ̄ ⲡⲉⲥ̄⳨ⲟ︦ⲥ︦ ⲉϥⲟ ⲛ̄ⲑⲉ ⲛ̄ⲟⲩⲗⲁⲙⲡⲁⲥ ⲛ̄ ⲕⲱϩⲧ̄ •
ⲉϥⲟ ⲛ̄ | ⲟⲩⲟⲉⲓⲛ ⲙ̄ⲙⲁⲧⲉ • ⲁⲩⲱ ⲛ̄ ⲧⲉⲣ ⲟⲩⲥⲱ • ⲁⲩϭⲛ̄ⲧϥ̄
ⲉϥϩⲟⲗϭ̄ ⲙ̄ⲙⲁⲧⲉ • ⲁⲩⲱ ⲁⲩⲣ̄ ϣⲡⲏⲣⲉ ⲙ̄ ⲡⲛ̄ⲧⲁϥϣⲱⲡⲉ •
Ⲉⲛⲉⲩⲥⲟⲟⲩⲛ ⲛ̄ϣⲟⲣⲡ̄ ϫⲉ ⲡϥ̄ⲙⲟⲟⲩ ⲗⲟⲙⲉⲥ • ⲛ̄ⲥⲁⲃⲏⲗ
ϫⲉ ⲁ ⲟⲩⲁ ⲛ̄ϩⲏⲧⲟⲩ ⲛϥ̄ⲥⲟⲟⲩⲛ ⲥ̄ϩⲁⲓ • ⲁϥⲛⲁⲩ ⲉ ϩⲛ̄ⲥϩⲁⲓ •
ⲉⲩⲥⲏϩ ϩⲛ̄ ⲟⲩϫⲟ • ⲉⲥϫⲏϩ ⲛ̄ ⲕⲟⲛⲓⲁ • ⲉⲩⲥⲏϩ ⲛ̄ϯϩⲉ • ⲉⲁ̇
ⲡⲉⲧ ⲟⲩⲁⲁⲃ ⲁⲡⲁ ⲃⲁⲭⲟⲥ • ⲥϩⲁⲓ̈ⲥⲟⲩ • Ϫⲉ ⲧⲃⲉ ⲡϩⲱⲃ
ⲙ̄ ⲡⲥ̄ⲙⲟⲟⲩ • ⲁ ⲡⲉⲭⲥ̄ ⲙⲛ̄ ⲡϥ︤ⲥ︥⳨ⲟ︦ⲥ︦ ⲉⲧ ⲟⲩⲁⲁⲃ ⲧⲣϥ̄‐
ϩⲗⲟϭ • ϫⲉ ⲕⲁⲥ ⲉⲣⲉ ⲙ̄ⲡⲓⲥⲧⲟⲥ ⲥⲱ ⲉ ⲃⲟⲗ ⲛ̄ϩⲏⲧϥ̄
ϩⲛ̄ ⲟⲩⲱⲛϩ̄ ⲉ ⲃⲟⲗ ⲙⲛ̄ ⲟⲩϣⲡ̄ ϩⲙⲟⲧ • ⲁⲩⲱ ⲛϥ̄ϣⲱⲡⲉ


### 0014

ⲛⲁⲩ ⲛ̄ⲑⲉⲣⲁⲡⲓⲁ • Ⲛ̄ϫⲓ ⲛ̄ϫⲉⲩⲉ ϩⲱⲟⲩ ⲙ̄ ⲡⲉⲭⲥ̄ • ⲉⲧ ⲛ̄ⲥ‐
ⲉⲡⲓⲥⲧⲉⲩⲉ ⲉ ⲣⲟϥ ⲁⲛ ⲙⲛ̄ ⲡ[ϥ̄]|ⲥ̄⳨ⲟ︦ⲥ︦ ⲛ̄ⲣϥ̄ϯ ⲱⲛϩ̄ ⲁⲩⲱ
ⲛ̄ ⲣϥ̄ⲛⲟⲩϩⲙ̄ • ⲉⲩϣⲁⲛⲥⲱ ⲉ ⲃⲟⲗ ⲛ̄ϩⲏⲧϥ̄ ⲉϥⲉϣⲱⲡⲉ ⲛⲁⲩ
ⲛ̄ ⲟⲩϩⲙ̄ϫ ⲉϥϫⲏϥ ⲕⲁⲗⲟⲥ • ⲁⲩⲱ ⲉϥⲥⲁϣⲉ • Ⲙⲡⲓⲥⲧⲟⲥ
ⲇⲉ ⲛ̄ ⲧⲉⲣ ⲟⲩⲥⲱⲧⲙ̄ ⲉ ⲛⲁⲓ • ⲉ ⲃⲟⲗ ϩⲓ ⲧⲟⲟⲧϥ̄ ⲙ̄
ⲡⲛ̄ⲧⲁϥⲱϣ ⲛ̄ⲛⲉⲥϩⲁⲓ • ⲁⲩϫⲓ ⲉ ⲃⲟⲗ ϩⲙ̄ ⲡⲙⲟⲟⲩ ⲁⲩⲥⲱ •
ⲁⲩⲱ ⲁⲩϭⲛ̄ⲧⲥ̄ ⲉϥϩⲟⲗϭ̄ ⲙ̄ⲙⲁⲧⲉ • ⲉⲛⲉⲩⲉⲣϣⲡⲏⲣⲉ ⲅⲁⲣ
ⲡⲉ Ⲉⲛⲉⲩⲑⲉⲱⲣⲉⲓ ⲙ̄ ⲡⲧⲟⲡⲟⲥ ⲙ̄ ⲡⲉⲥ⳨ⲟ︦ⲥ︦ ⲛ̄ ⲟⲩⲟⲉⲓⲛ •
ϩⲙ̄ ⲡⲉⲥⲏⲧ ⲉ ⲡⲗⲁⲕⲕⲟⲥ • ⲉϥⲟ ⲛ̄ⲑⲉ ⲛ̄ ⲟⲩⲗⲁⲙⲡⲁⲥ ⲛ̄
ⲕⲱϩⲧ̄ • ⲁⲩⲱ ⲉⲩϣⲁⲛϫⲱⲕⲙ̄ ϩⲙ̄ ⲡⲙⲟⲟⲩ ⲛ̄ϭⲓ ⲛⲉⲧ
ϣⲟⲛⲉ ϣⲁⲩⲗⲟ • Ⲁⲩⲱ ⲡⲗⲁⲕⲕⲟⲥ ⲉϥϩⲛ̄ ⲧⲥⲱϣⲉ ⲙ̄
ⲡⲓⲇ▨ⲱⲛ • ϩⲛ̄ ⲇⲓⲁⲥⲡⲟ|ⲗⲓⲥ (sic) • ⲉⲩϣⲁⲛⲡⲁⲣⲁⲅⲉ ⲛ̄ϭⲓ ⲛ̄‐
ϫⲁϫⲉ ⲙ̄ ⲡⲉⲭⲥ̄ • ⲉⲩⲛⲁϫⲥⲱ ϩⲙ̄ ⲡⲓⲗⲁⲕⲕⲟⲥ • ϣⲁⲣⲉ
ⲡϥ̄ⲙⲟⲟⲩ ϣⲱⲡⲉ ⲛ̄ⲑⲉ ⲛ ⲟⲩϩⲙ̄ϫ ⲉϥϫⲏϥ ⲕⲁⲗⲟⲥ • ⲁⲩⲱ
ϥ̄ⲗⲟⲙⲉⲥ ⲛⲁϩⲣⲁⲩ • Ⲉⲩϣⲁⲛϩⲟⲙⲟⲗⲟⲅⲉⲓ̈ ⲙ ⲡⲉⲭⲥ̄ •
ⲁⲩⲱ ⲛ̄ⲥⲉⲡⲓⲥⲧⲉⲩⲉ ⲉ ⲡϥ︤ⲥ︥⳨ⲟ︦ⲥ︦ ⲉⲧ ⲟⲩⲁⲁⲃ • ϩⲙ̄ ⲡⲉⲩϩⲏⲧ
ⲧⲏⲣϥ̄ • ϣⲁϥϣⲱⲡⲉ ⲛⲁⲩ ⲉϥϩⲟⲗϭ̄ ⲁⲩⲱ ⲉϥⲕⲏϥ • Ⲉ ⲧⲃⲉ
ⲡⲓϩⲱⲃ ⲡⲁⲓ • ϣⲁⲣⲉ ϩⲁϩ ⲛ̄ϩⲑ̄ⲛⲟⲥ ⲡⲟⲟⲛⲟⲩ ⲉ ϩⲟⲩⲛ ⲉ
ⲡⲥⲟⲟⲩⲛ ⲙ̄ ⲡⲉⲭⲥ̄ • ϩⲓⲧⲛ̄ ⲡⲙⲁⲉⲓⲛ ⲙ̄ ⲡⲉⲥ̄⳨ⲟ︦ⲥ︦ ⲉϥⲟⲩⲱⲛϩ̄
ⲉ ⲃⲟⲗ ⲛ̄ ⲟⲩⲟⲛ ⲛⲓⲙ • ⲙ̄ ⲡⲉⲥⲏⲧ ⲉ ⲡⲗⲁⲕⲕⲟⲥ ⲉⲧ ⲙ̄ⲙⲁⲩ •
ⲉϥⲣ̄ⲟⲩⲟⲉⲓⲛ ⲛ̄ⲑⲉ ⲛ̄ ⲟⲩϣⲁϩ ⲛ̄ ⲕⲱϩⲧ̄ • | ⲁⲩⲱ ⲁⲩⲙⲏⲏϣⲉ
ⲙ̄ⲡⲓⲥⲧⲟⲥ ⲉ ⲃⲟⲗ ϩⲛ̄ ⲧⲥⲱϣⲉ ⲉⲧ ⲙ̄ⲙⲁⲩ • ⲁⲩⲥⲟⲟⲩϩ ⲉ‐
ⲛⲉⲩⲉⲣⲏⲩ ⲉⲩⲟ ⲛ̄ ⲟⲩϩⲏⲧ ⲛ̄ ⲟⲩⲱⲧ • ⲁⲩⲕⲱⲧ ⲛ̄ ⲟⲩⲉⲕ‐
ⲕⲗⲏⲥⲓⲁ ⲙ̄ ⲡⲕⲱⲧⲉ ⲙ̄ ⲡⲗⲁⲕⲕⲟⲥ ⲉⲧ ⲙ̄ⲙⲁⲩ • ⲁⲩⲙⲟⲩⲧⲉ
ⲉ ⲣⲟⲥ ϫⲉ ⲡⲧⲏⲡⲟⲥ ⲙ̄ ⲡⲉⲥ̄⳨ⲟ︦ⲥ︦ • Ⲁⲩⲱ ⲧⲁ ⲙⲛ̄ⲧⲉⲗⲁ‐
ⲭⲓⲥⲧⲟⲥ ⲁⲛⲟⲕ ⲕⲩⲣⲓⲗⲗⲟⲥ • ⲁⲓϩⲁⲅⲓⲁⲍⲉ ⲙ̄ⲙⲟⲥ • ⲁⲩⲱ
ⲧϣ̄ⲡⲏⲣⲉ ⲛ̄ⲧⲁⲥϣⲱⲡⲉ ⲁⲓⲛⲁⲩ ⲉ ⲣⲟⲥ ϩⲛ̄ ⲛⲁⲃⲁⲗ • ⲉⲓⲥ
ϩⲏⲏⲧⲉ ⲟⲩⲛ ⲁⲓⲧⲁⲙⲱⲧⲛ̄ ⲉ ⲣⲟⲥ ϩⲛ̄ ⲟⲩⲁⲅⲁⲡⲏ ⲛ̄ⲧⲉ
ⲡⲛⲟⲩⲧⲉ • Ⲉⲁⲛⲣ̄ⲑⲉ ϩⲱⲥ ⲁⲛⲣ̄ ⲡⲱⲃϣ̄ ⲙ̄ ⲡⲕⲉⲫⲁⲗⲁⲓⲟⲛ
ⲙ̄ ⲡⲉ︤ⲥ︥⳨ⲟ︦ⲥ︦ ⲙ̄ ⲡⲛ̄ϫⲟⲉⲓⲥ ⲡⲉ|ⲭⲥ̄ • ⲁⲩⲱ ⲉ ⲧⲃⲉ ⲡϩⲣⲏⲧⲟⲛ
ⲉⲧ ⲥⲏϩ ϩⲛ̄ ⲛⲉⲯⲁⲗⲙⲟⲥ • ϫⲉ ⲁ ⲡϫⲟⲉⲓⲥ ⲉⲣ︦ⲣ︦ⲣ︦ⲟ ⲙⲁⲣⲉ
ⲡⲕⲁϩ ⲧⲉⲗⲏⲗ • ⲁⲩⲱ ⲟⲛ ⲉ ⲧⲃⲉ ⲡϣⲁϫⲉ ⲛ̄ⲧⲁ ⲡϫⲟⲉⲓⲥ
ϫⲟⲟϥ ⲙ̄ ⲙⲱⲩⲥⲏⲥ • Ϫⲉ ⲁⲣⲓ ϣⲁ ⲛⲁⲓ ⲛ︤ϣ︥ⲟⲙⲛ︤ⲧ︥ ⲛ̄ⲕⲉⲣⲟⲥ
ⲧⲉ ⲣⲟⲙⲡⲉ • ⲁⲩⲱ ⲟⲛ ⲉ ⲧⲃⲉ ⲓⲥⲁⲕ ⲡⲥⲁⲙⲁⲣⲓⲧⲏⲥ ⲛ̄ⲧ


### 0015

ⲁⲓⲃⲁⲡϯⲍⲉ ⲙ̄ⲙⲟϥ • Ⲛⲁⲓ ⲟⲩⲛ ⲧⲛ̄ⲛⲁⲧⲉⲗⲓⲟⲩ ⲙ̄ⲙⲟⲟⲩ
ⲛⲏⲧⲛ̄ • ⲛ︦ⲧ︦ⲛ︦ϯ ⲛ̄ ⲟⲩϫⲱⲕ ⲙ̄ ⲡϣⲁϫⲉ ϩⲙ̄ ⲡⲟⲩⲱϣ ⲙ̄
ⲡⲛⲟⲩⲧⲉ • ⲙⲛ̄ ⲡⲉⲟⲟⲩ ⲙ̄ ⲡⲉⲥ̄⳨ⲟ︦ⲥ︦ • ⲡⲁⲓ ⲉⲧ ⲉⲛⲣ̄ ϣⲁ
ⲛⲁϥ ⲙ̄ⲡⲟⲟⲩ • ⲙⲛ̄ ⲡⲛ̄ⲧⲁϥⲁⲗⲉ ⲉ ϫⲱϥ ⲡⲛ̄ϫⲟⲉⲓⲥ ⲓⲥ̄
ⲡⲉⲭⲥ̄ • ⲁⲥϣⲱⲡⲉ ⲟⲛ ⲛ̄ ⲧⲉⲣⲉ ⲓ̈ⲥⲁⲕ ⲡⲥⲁⲙⲁⲣⲓⲧⲏⲥ ⲉⲓ
ⲉ ϩⲟⲩ[ⲛ] | ⲉ ⲑⲓⲗⲏ︦ⲙ︦ • ⲁϥϣⲓⲛⲉ ⲛ̄ⲧⲉⲩⲛⲟⲩ ⲛ̄ⲥⲁ ⲧⲁ
ⲙⲛ̄ⲧⲉⲗⲁⲭⲓⲥⲧⲟⲥ ⲁⲛⲟⲕ ⲕⲩⲣⲓⲗⲗⲟⲥ • ⲁⲩⲧⲁⲙⲟϥ ϩⲓⲧⲛ̄
ⲟⲩⲇⲓ̈ⲁⲕⲟⲛⲟⲥ • ϫⲉ ϥⲉⲣϣⲁ ϩⲙ̄ ⲡⲧⲟⲡⲟⲥ ⲛ̄ ⲧⲁⲛⲁⲥⲧⲁⲥⲓⲥ •
ϩⲙ̄ ⲡϣⲁ ⲙ̄ ⲡⲉⲥ̄ⳁⲟ︦ⲥ︥ ⲉⲧ ⲟⲩⲁⲁⲃ • ⲡⲉϫⲁϥ ϫⲉ ⲕⲛⲁϣ̄ϫⲓⲧ
ϣⲁ ⲣⲟϥ • ⲁⲛⲅ̄ ⲟⲩⲭⲣⲓⲥϯⲁⲛⲟⲥ ⲁⲛ • ⲁⲗⲗⲁ ⲁⲛⲟⲕ
ⲟⲩⲥⲁⲙⲁⲣⲓⲧⲏⲥ :-Ⲉⲡⲓ ⲇⲏ ⲁⲓⲛⲁⲩ ⲉⲩⲛⲟϭ ⲛ̄ϣⲡⲏⲣⲉ •
ϩⲛ̄ ⲧϭⲟⲙ ⲙ̄ ⲡⲉⲥ̄⳨ⲟ︦ⲥ︥ :-Ⲁⲩⲱ ⲁϥⲉⲓ ⲁϥⲧⲁⲙⲟⲓ ⲛ̄ϭⲓ
ⲡⲇⲓⲁⲕⲟⲛⲟⲥ ⲁⲩⲱ ⲁⲓⲉⲡⲉⲓⲇⲣⲉⲡⲉ ⲛⲁϥ • ⲉ ⲧⲣϥ︦ⲛ︦ⲧϥ̄ ϣⲁ
ⲣⲟⲓ̈ • ⲉⲓϫⲱ ⲙ̄ⲙⲟⲥ ϫⲉ ⲃⲱⲕ ⲛⲅ̄ ⲉⲓⲛⲉ ⲙ̄ ⲡⲉⲥⲟⲟⲩ ⲉⲧ
ⲥⲱ|ⲣⲙ̄ ⲛ̄ⲧⲁⲕϩⲉ ⲉ ⲧⲟⲟⲧ (sic) ⲉ ϩⲟⲩⲛ ⲉ ⲧⲕ̄ⲕⲗⲏⲥⲓⲁ ⲙ̄
ⲡⲉⲭⲥ̄ • ⲛϥ̄ⲥⲱⲧⲙ̄ ⲉ ⲡϣⲁϫⲉ ⲛ̄ ⲧⲕⲁⲑⲩⲅⲏⲥⲓⲥ • ⲁⲩⲱ ⲣ̄ϣⲁⲛ
ⲧϥ̄ⲙⲉⲧⲁⲛⲟⲓ ⲟⲩⲱⲛϩ̄ ⲉ ⲃⲟⲗ • ⲛ̄ ⲟⲩⲟⲛ̄ ⲛⲓⲙ • ⲧⲛ̄ⲛⲁⲃⲁⲡϯⲍⲉ
ⲙ̄ⲙⲟϥ :-Ⲡⲇⲓⲁⲕⲟⲛⲟⲥ ⲇⲉ ⲁϥⲃⲱⲕ ϣⲁ ⲣⲟϥ • ⲡⲉϫⲁϥ
ⲛⲁϥ • ϫⲉ ⲁⲙⲟⲩ ⲉ ϩⲟⲩⲛ ⲉ ⲧⲕ̄ⲕⲗⲏⲥⲓⲁ ⲛⲅ̄ ⲛⲁⲩ ⲉ ⲧϭⲟⲙ
ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ : Ⲁⲩⲱ ⲁϥⲕⲱ ⲛ̄ ⲛϥ︦ⲣ︦ⲱⲙⲉ • ϩⲛ̄
ⲟⲩⲙⲁ ϩⲛ̄ ⲧⲕ̄ⲕⲗⲏⲥⲓⲁ • Ⲁϥⲛⲁⲩ ⲉⲩⲛⲟϭ ⲙ̄ ⲫⲟⲃⲟⲥ •
ⲙⲛ̄ ⲟⲩⲙⲏⲏϣⲉ ⲉⲩⲗⲉⲕⲟⲫⲟⲣⲉⲓ̈ • ⲁϥⲣ̄ϩⲟⲧⲉ ⲁⲩⲱ ⲁϥϣ‐
ⲧⲟⲣⲧⲣ̄ • ⲁϥⲉⲓ ϫⲉ ϥⲛⲁⲡⲱⲧ ⲉ ⲃⲟⲗ ϩⲛ̄ ⲧⲕ̄ⲕⲗⲏⲥⲓ̈ⲁ •
ⲛⲥ̄ⲁⲃⲏⲗ ϫⲉ ⲁ ⲡⲇⲓⲁ|ⲕⲟⲛⲟⲥ • ϯ ⲙⲛ︦ⲧ︦ϫⲁⲣ ϩⲏⲧ ⲛⲁϥ •
ⲉϥϫⲱ ⲙ̄ⲙⲟⲥ • ϫⲉ ⲙ̄ⲡⲣ ⲉⲣ ϩⲟⲧⲉ • ϫⲉ ⲡⲉⲭⲥ̄ ⲛⲁϣⲟⲡⲕ̄
ⲉ ⲣⲟϥ • Ⲁⲩⲱ ⲁϥϭⲱ ⲉϥⲥⲱⲧⲙ̄ ⲉ ⲛⲉϯϫⲱ ⲙ̄ⲙⲟⲟⲩ •
ⲉⲁ ⲡϩ̄ⲣⲏⲧⲟⲛ ⲛ̄ⲧⲁⲛϣⲁϫⲉ ⲉ ⲣⲟϥ • ϩⲛ̄ ⲓⲉⲍⲉⲕⲓⲏⲗ • ⲡⲉ‐
ⲡⲣⲟⲫⲏⲧⲏⲥ ϫⲱⲕ ⲉ ⲃⲟⲗ ⲉ ϫⲱϥ • ϫⲉ Ⲛ̄ ϯⲟⲩⲉϣ ⲡⲙⲟⲩ
ⲁⲛ ⲙ̄ ⲡⲣϥ̄ⲉⲣⲛⲟⲃⲉ ⲛ̄ⲑⲉ ⲉ ⲧⲣϥ̄ⲕⲧⲟϥ • ⲛϥ̄ⲙⲉⲧⲁⲛⲟⲓ •
ⲉ ⲃⲟⲗ ϩⲛ̄ ⲧϥ̄ϩⲓⲏ ⲉⲑⲟⲟⲩ ⲛϥ̄ⲱⲛϩ̄ • Ⲁⲩⲱ ⲟⲛ̄ ϫⲉ ϣⲁⲣⲉ
ⲟⲩⲣⲁϣⲉ ϣⲱⲡⲉ ϩⲛ̄ ⲧⲡⲉ • ⲉϫⲛ̄ ⲟⲩⲣϥ︦ⲣ︦ⲛⲟⲃⲉ ⲉϥⲛⲁ‐
ⲙⲉⲧⲁⲛⲟⲓ :-ⲛ̄ ⲧⲉⲣ ϥ̄ⲥⲱⲧⲙ̄ ⲉ ⲛⲁⲓ • ⲁ ⲑⲟⲧⲉ ⲥⲁϩⲱⲱϥ
ⲉ ⲃⲟⲗ ⲙ̄ⲙⲟϥ • ⲁ ⲡϥ̄ⲡⲛⲁ̄ ϫⲓ̈ ⲃⲟϭⲥ̄ ⲉ ⲣⲟϥ • ⲉϥⲥⲱⲧⲙ̄
ⲛ̄ϣⲁϫⲉ ⲙ̄ ⲡⲛⲟⲩⲧⲉ • | ⲁⲩⲱ ⲛϥ̄ϯ ϩⲧⲏϥ ⲕⲁⲗⲟⲥ • ⲛ̄ϣⲁϫⲉ


### 0016

ⲉⲧ ϥ̄ⲥⲱⲧⲙ̄ ⲉ ⲣⲟⲟⲩ • ⲁⲩⲱ ⲛⲉⲩϫⲏϥ ⲛⲁϩⲣⲁϥ ⲛ̄ⲑⲉ ⲛ
ⲟⲩⲕⲱϩⲧ̄ • ⲉⲩϫⲏⲣ ⲛ̄ⲑⲉ ⲛ̄ ⲟⲩⲥⲏⲃⲉ • ⲕⲁⲧⲁ ⲑⲉ ⲛ̄ⲧⲁϥ‐
ϫⲟⲟⲥ ⲛ̄ϭⲓ ⲡⲉⲡⲣⲟⲫⲏⲧⲏⲥ :-Ϫⲉ ⲡⲉϫⲉ ⲡϫⲟⲉⲓⲥ ⲛⲁⲓ̈ •
ϫⲉ ⲉⲓⲥ ϩⲏⲏⲧⲉ • ⲁⲓϯ ⲛ̄ⲛⲁ ϣⲁϫⲉ ⲉ ⲧⲉⲕⲧⲁⲡⲣⲟ • ⲛ̄ⲑⲉ
ⲛ̄ ⲟⲩⲕⲱϩⲧ̄ ⲁⲩⲱ ⲡⲓ ⲗⲁⲟⲥ • ⲛ̄ⲑⲉ ⲛ̄ ϩⲛ̄ϣⲉ ⲉ ⲡⲣⲟⲕϩⲟⲩ :-
Ⲁⲩⲉⲓⲥ ⲟⲩⲛ ⲛ̄ⲧⲛ̄ϫⲱⲕ ⲉ ⲃⲟⲗ • ⲛ̄ ⲑⲩⲡⲟⲑⲉⲥⲓⲥ ⲙ̄ ⲡⲗⲟⲅⲟⲥ
ⲉ ⲧⲃⲉ ⲡϣⲁϫⲉ ⲉⲧ ⲥⲏϩ ϩⲛ̄ ⲛⲉⲯⲁⲗⲙⲟⲥ • ϫⲉ ⲁ ϫⲉ ⲁ (sic)
ⲡϫⲟⲉⲓⲥ ⲉⲣ︦ⲣ︦ⲟ ⲙⲁⲣⲉ ⲡⲕⲁϩ ⲧⲉⲗⲏⲗ • ⲧⲙⲛ̄ⲧⲉⲣ︦ⲣ︦ⲟ ⲙ̄
ⲡⲙⲟⲛⲟⲅⲉⲛⲏⲥ ⲛϣ̄ⲏⲣⲉ ⲛ̄ⲧⲉ ⲡⲛⲟⲩⲧⲉ • ⲡⲉⲓⲱⲧ ⲙⲛ̄ ⲡϥ̄ⲛⲟϭ
ⲛ̄▨ϫⲓⲥⲉ • ⲁϥϭⲟⲟⲗϥ̄ ⲙ̄ ⲡⲉⲑⲃ︦ⲃ︦ⲓⲟ ⲁϥⲉⲓ ϣⲁⲣ[ⲟⲛ]|ⲁϥⲑⲃ̄ⲃⲓⲟ
ⲙ̄ ⲡϫⲁⲥⲓϩⲏⲧ ⲛ̄ⲑⲉ ⲛ̄ ⲟⲩϩⲱⲧⲉⲃ ⲛ̄ⲧⲁϥϩⲟⲧⲃⲉϥ ⲁⲛ ⲛ̄ⲧⲉⲩ‐
ⲛⲟⲩ • ⲁⲗⲗⲁ ⲛ̄ⲧⲁϥⲕⲁⲁϥ ⲉϥⲙⲏⲣ ϣⲁ ⲡⲉⲡⲣⲟⲑⲉⲥⲙⲉⲓⲁ̄
ⲙ̄ ⲡⲉⲓⲱⲧ • Ⲛ̄ ⲧⲉⲣ ϥ̄ϫⲱⲕ ⲉ ⲃⲟⲗ ⲛ̄ ⲧⲉⲡⲣⲟⲑⲉⲥⲙⲓⲁ ⲛ̄ⲧⲁϥⲉⲓ
ⲉ ⲧⲃⲏⲏⲧⲥ̄ • ⲕⲁⲧⲁ ⲡϥ̄ⲟⲩⲱϣ • ⲛ̄ϭⲓ ⲡⲛ̄ⲥⲱ︦ⲣ︦ • ⲕⲁⲧⲁ ⲧⲟⲓⲕⲟ‐
ⲛⲟⲙⲓⲁ ⲙ̄ ⲡⲟⲩⲱϣ ⲙ̄ ⲡϥ̄ⲉⲓⲱⲧ • ⲛ̄ⲥⲉⲥ̄ⳁⲟ︦ⲩ︦ ⲙ̄ⲙⲟϥ ϩⲁ ⲣⲟⲛ
ⲛϥ̄ⲙⲟⲩ ⲁⲩⲱ ⲛ̄ϥⲧⲱⲟⲩⲛ ⲉ ⲃⲟⲗ ϩⲛ̄ ⲛ̄ⲉⲧ ⲙⲟⲟⲩⲧ • ⲁⲩⲱ
ⲛϥ̄ϣⲱⲗ • ⲛ̄ ⲁⲙⲛ̄ⲧⲉ • ⲛϥ̄ⲉⲓⲛⲉ ⲉ ϩⲣⲁⲓ ⲛ̄ ⲧⲁⲓⲭⲙⲁ‐
ⲗⲟⲥⲓⲁ̄ • ⲛϥ̄ⲃⲱⲕ ⲛⲙ̄ⲙⲁⲥ ⲉ ϩⲣⲁⲓ̈ ϣⲁ ⲡϥ̄ⲉⲓ̈ⲱⲧ ⲛ̄ⲁⲅⲁⲑⲟⲥ •
ⲛϥ̄ϩⲙⲟⲟⲥ ϩⲓ̈ϫⲙ̄ ⲡⲉⲑⲣⲟⲛⲟⲥ ⲙ̄ ⲡϥ̄ⲉⲟⲟⲩ • ϩⲓ ⲟⲩⲛⲁⲙ
ⲙ̄ ⲡϥ̄ⲉⲓⲱⲧ :-Ⲁⲩⲱϣ ⲉ ⲃⲟⲗ ⲛ̄ϭⲓ ⲧⲉⲥⲧⲣⲁϯⲁ ⲛ̄ ⲛⲁ
ⲙ̄ⲡⲏⲩⲉ ⲉⲩϫⲱ ⲙ̄ⲙⲟⲥ • ϫⲉ ⲁ ⲡϫⲟⲉⲓⲥ ⲉⲣ̄ ⲉⲣ︦ⲣ︦ⲟ ⲉ ⲃⲟⲗ
ϩⲙ̄ ⲡ|ϣⲉ .... ⲙⲁⲣ ⲙ̄ⲡⲏⲩⲉ ⲟⲩⲛⲟϥ • ⲛ̄ⲧⲉ ⲡⲕⲁϩ
ⲧⲉⲗⲏⲗ • ϫⲉ ⲁϥⲛⲁ̄ ⲙ̄ ⲡϥ̄ⲗⲁⲟⲥ • ⲁϥⲥⲱⲧⲉ ⲛ̄ ⲧⲉⲩⲁⲓⲭ‐
ⲙⲁⲗⲟⲥⲓⲁ :-Ⲁ ⲡϫⲟⲉⲓⲥ ⲉⲣ︦ⲣ︦ⲣ︦ⲟ • ⲁϥϯ ϩⲓⲟⲟϥ ⲛ̄ ⲟⲩ‐
ϭⲟⲙ • ⲁϥⲙⲟⲣϥ̄ ⲙ̄ⲙⲟⲥ • ⲉⲧⲉ ⲧⲁⲓ ⲧⲉ ⲧⲥⲁⲣⲝ̄ ⲛ̄ⲧⲁϥϫⲓⲧⲥ̄
ⲉ ⲃⲟⲗ ϩⲛ̄ ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙⲁⲣⲓⲁ • Ⲉ ⲁϥⲧⲁⲁⲥ
ϩⲓⲱⲱϥ • ⲁϥⲁⲥ ⲛ̄ ⲟⲩⲉⲓ̈ ⲛ̄ ⲟⲩⲱⲧ ⲛⲙ̄ⲙⲁϥ • ϩⲛ̄ ⲧϥ̄ⲙⲛ̄ⲧ‐
ⲛⲟⲩⲧⲉ • ⲁϥⲃⲱⲕ ⲉ ϩⲣⲁⲓ ⲉⲛ ⲙ̄ⲡⲏⲩⲉ ⲁϥϩ̄ⲙⲟⲟⲥ ⲛ̄ⲥⲁ
ⲟⲩⲛⲁⲙ̄ ⲙ̄ ⲡϥ̄ⲉⲓⲱⲧ • ϩⲓϫⲙ̄ ⲡⲉⲑⲣⲟⲛⲟⲥ ⲙ̄ ⲡⲉϥⲉⲟⲟⲩ :-
Ⲁϥⲧⲁⲙⲓⲟ ⲛ̄ ⲟⲩϭⲟⲙ ⲁϥⲙⲱⲣϥ ⲙ̄ⲙⲟⲥ • ⲉⲧⲉ ⲡⲁⲓ̈ ⲡⲉ
ⲡϣⲉ ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ • ⲁⲩⲱ ⲁϥⲟⲧϥ̄ ⲉ ϩⲟⲩⲛ ⲉ
ⲣⲟϥ • ⲁϥϫⲓⲧϥ̄ ⲉ ⲡϫⲓⲥⲉ ⲛⲙ̄ⲙⲁϥ :-ⲁⲩⲱ ϥⲛⲁⲉⲛⲧϥ̄
ⲟⲛ ⲛⲙ̄ⲙⲁϥ ϩⲛ̄ ⲧϥ̄ ⲙϩ̄ ⲥⲛ̄ⲧⲉ ⲙ̄ ⲡⲁⲣ|ⲣⲟⲩⲥⲓ̈ⲁ ϩⲟⲧⲁⲛ
ⲉϥϣⲁⲛⲉⲓ ⲉ ⲕⲣⲓⲛⲉ ⲛ̄ ⲛⲉⲧ ⲟⲛϩ̄ ⲙⲛ̄ ⲛⲉⲧ ⲙⲟⲟⲩⲧ •


### 0017

ⲛ̄ⲇⲓ̈ⲕ[ⲁⲓ]ⲟⲥ • ⲙⲛ̄ ⲛ̄ⲣϥ︦ⲣ︦ⲛⲟⲃⲉ • ⲥⲉⲛⲁⲑⲉⲱⲣⲉⲓ̈ ⲛ︦ⲛ︦ ⲛ̄ⲧⲁⲩ‐
ⲡⲓⲥⲧⲉⲩⲉ ⲉ ⲡⲉⲥ̄⳨ⲟ︦ⲥ︦ • ⲉⲩⲙⲟⲟϣⲉ ϩⲓ ϩⲏ ⲙ̄ⲙⲟϥ • ⲉⲩⲧⲱⲟⲩⲛ
ϩⲁ ⲡⲉⲥ̄⳨ⲟ︦ⲥ︥ ⲛ̄ϭⲓ ⲛⲁⲅⲅⲉⲗⲟⲥ • ⲛ̄ⲑⲉ ⲛ̄ϩⲛ̄ⲥⲓⲅⲛⲟⲫⲟⲣⲟⲥ •
Ⲁⲗⲗⲁ ⲟⲩⲛ̄ ⲟⲩⲁ ⲛⲁϫⲟⲟⲥ ⲛⲁⲓ • ϫⲉ ⲉ ⲧⲃⲉ ⲟⲩ ⲁⲩⲥ̄ⳁⲟ︦ⲩ︦
ⲙ̄ⲙⲟϥ • ⲁⲩⲱ ⲉⲩⲛⲁⲉⲓⲛⲉ ⲙ̄ ⲡⲉⲥ̄⳨ⲟ︦ⲥ︦ ⲉ ⲡⲙⲁ ⲛ ϯ ϩⲁⲡ
ⲉ ⲧⲃⲉ ⲟⲩ ⲉⲩⲉⲓⲛⲉ ⲙ̄ⲙⲟϥ • ⲉ ⲧⲃⲉ ⲛⲓⲟⲩⲇⲁⲓ ⲛ̄ⲁⲅⲛⲟⲙⲟⲥ
ⲙⲛ̄ ⲟⲩⲟⲛ ⲛⲓⲙ ⲉⲧ ⲛ̄ⲥⲉⲡⲓⲥⲧⲉⲩⲉ ⲁⲛ ⲉ ⲡⲉⲥ̄⳨ⲟ︦ⲥ︦ ⲛ̄ ⲓ︦ⲥ︦ •
ϫⲉ ⲕⲁⲥ ⲛ︤ⲛ︥ⲉⲩⲙⲉⲉⲩⲉ ϫⲉ ⲟⲩⲉⲧ ⲡⲉⲧ ⲛⲏⲩ ⲛ̄ ⲕⲣⲓⲧⲏⲥ •
ⲛϥ̄ⲕⲣⲓⲛⲉ ⲛ̄ ⲛⲉⲧ ⲟⲛϩ̄ [ⲙⲛ̄ ⲛⲉⲧ] ⲙⲱⲟⲩⲧ :-Ⲉϥⲛⲏⲩ ⲅⲁⲣ
ϩⲙ̄ ⲡⲉⲟⲟⲩ ⲙ̄ ⲡϥ̄ⲉⲓⲱⲧ • ⲙⲛ̄ ⲛⲉϥⲁⲅⲅⲉⲗⲟⲥ ⲛϥ̄ⲟⲩⲱⲛϩ̄ ⲉ
ⲃⲟⲗ ⲙ̄ ⲡⲙⲁ|ⲉⲓⲛ ⲙ̄ ⲡⲉⲥ̄⳨ⲟ︦ⲥ︦ ⲛ̄ⲧⲡⲉ ⲙ̄ⲙⲟ︥ ⲛ̄ⲧⲟϥ ⲡⲉⲥ̄ⳁⲟ︦ⲥ︦ •
ⲑⲉⲗⲡⲓ̈ⲥ ⲛ̄ ⲟⲩⲟⲛ ⲛⲓⲙ ⲉⲧ ϯ ⲛ̄ ⲧⲉⲥⲫⲣⲁⲅⲓⲥ ϩⲓⲟⲟⲩ • ϩⲛ̄
ⲟⲩϫⲱⲕ • ⲙⲉⲩϫⲱⲕ ⲉ ⲃⲟⲗ ⲙ̄ ⲡⲃⲁⲡϯⲥⲙⲁ ⲁϫⲛ̄ ⲡⲉⲥ̄ⳁⲟ︦ⲥ︦ •
ⲉⲓⲉ ⲙⲏ ⲛ̄ⲧⲉ ⲡⲟⲩⲏⲏⲃ ⲫⲣⲁⲅⲓⲍⲉ (sic) ⲛ̄ ⲧⲕⲟⲗⲟⲃⲏⲑⲣⲁ (sic)
ϩⲙ̄ ⲙⲁⲉⲓⲛ ⲙ̄ ⲡⲉⲥ̄⳨ⲟ︦ⲥ︥ : ϩⲙ̄ ⲡϥ̄ⲧⲏⲏⲃⲉ • ⲙⲉϥϫⲱⲕ ⲉ
ⲃⲟⲗ ⲙ̄ ⲡⲛⲁ̄ ⲉϥⲟⲩⲁⲁⲃ :-Ⲡⲉⲥ̄⳨ⲟ︦ⲥ︦ ⲡⲉ ⲛ̄ϣⲁϥⲇⲓⲟⲕⲉⲓ
ⲛ̄ⲥⲁ ⲛ̄ⲇⲁⲓⲙⲱⲛⲓ̈ⲟⲛ • ⲙⲛ̄ ⲛⲉⲡⲛⲁ̄ ⲛ̄ⲁⲅⲁⲑⲁⲣⲧⲟⲛ ϩⲟⲧⲁⲛ
ⲉⲩϣⲁⲛⲫⲣⲁⲅⲓⲍⲉ (sic) ⲙ̄ⲙⲟⲟⲩ ϩⲙ̄ ⲡⲱⲛϩ̄ ⲉⲧ ⲟⲩⲁⲁⲃ •
ⲡⲁⲣⲏⲃ ⲛ̄ ⲧⲙⲛ̄ⲧⲉⲣ︦ⲣ︦ⲟ ⲛⲛ̄ ⲙ̄ⲡⲏⲩⲉ • ϯⲛⲁⲩ ⲅⲁⲣ ⲱ̄
ⲛⲁϣⲏⲣⲉ ⲙⲛ̄ ⲛⲁϣⲉⲉⲣⲉ • ϫⲉ ⲁ ⲡⲛⲁⲩ ⲡⲣⲟⲕⲟⲡⲧⲉⲓ̈ •
ϯⲛⲁⲩ ⲇⲉ ⲟⲛ ⲉ ⲡⲙⲏⲏϣⲉ ⲛ̄ⲧⲁⲩⲉⲓ ⲉ ⲡϣⲁ • ⲉⲩⲟⲩⲱϣ
ⲉ ⲥⲱⲧⲙ̄ ⲉ ⲡϣⲁ[ϫⲉ] ⲙ̄ ⲡⲛⲟⲩⲧⲉ • ϩⲛ̄ ⲟⲩⲧⲃ̄ⲃⲟ • ⲉⲩϫⲱⲕ
ⲉ ⲃⲟⲗ ⲙ̄ [ⲡ]ⲛ̄ⲧⲁ ⲡϫⲟⲉⲓ[ⲥ] | ⲅⲁⲣ ϫⲟⲟⲥ • ϫⲉ ⲁⲣⲓ ϣⲁ
ⲛⲁⲓ ⲛ̄ϣⲟⲙⲛ︦ⲧ︦ ⲛ̄ⲕⲉⲣⲟⲥ : ⲉϥϫⲱ ⲙ̄ⲙⲟⲥ • ϫⲉ ⲁⲣⲓ ϣⲁ
ⲛⲁⲓ ⲛ̄ϣⲟⲙⲛ︦ⲧ︦ ⲛ̄ⲥⲟⲡ • Ⲡⲃⲟⲧ ⲛ̄ ⲃⲉⲣⲣ̄ⲉ ⲙ̄ ⲡⲙⲛ̄ⲧⲁϥⲧⲉ
ⲙ̄ ⲡⲟⲟϩ • ⲉⲧⲉ ⲡⲁⲣⲙⲟⲩⲧⲉ ⲡⲉ • ⲉ ⲁϥϩⲱⲛ̄ ⲉ ⲧⲟⲟⲧϥ̄ ⲙ̄
ⲙⲱⲩⲥⲏⲥ • Ⲉ ⲧⲣϥ̄ϣⲱⲱⲧ • ⲛ̄ ⲟⲩⲉⲥⲟⲟⲩ ⲛ̄ ⲧⲉⲗⲓⲟⲛ • ⲉϥ‐
ϫⲏⲕ ⲉ ⲃⲟⲗ ⲛ̄ ⲟⲩⲣⲟⲙⲡⲉ ⲛ̄ⲥⲉϫⲱ ϩⲛ̄ ⲛⲉⲟⲩⲉϭⲣⲟ ⲛ̄
ⲛⲉⲩⲏⲓ • ϫⲉ ⲛ̄ⲛⲉ ⲡⲉⲧ ⲧⲁⲕⲟ • ⲧⲁⲕⲟ ⲛ̄ⲛⲉⲩϣⲉⲣⲡ̄ ⲙⲓⲥⲉ :-
Ⲁⲛⲟⲛ ϩⲱⲱⲛ ⲡⲗⲁⲟⲥ ⲛ̄ ⲛⲉⲭⲣⲓⲥϯⲁⲛⲟⲥ • ⲁⲩϣⲱⲱⲧ
ⲙ̄ ⲡⲉϩⲉⲓⲃ ⲛ̄ ⲁⲧ ⲧⲱⲗⲙ̄ • ⲡⲉⲭⲥ̄ ⲓⲥ̄ ⲡⲛ̄ϫⲟⲉⲓⲥ ϩⲁ ⲣⲟⲛ :-
Ⲡⲁⲓ ⲛ̄ⲧⲁⲥⲙⲁⲥⲧϥ̄ ⲛ̄ϭⲓ ⲧϩⲓⲁⲓⲃⲉ ⲙ̄ⲙⲉ • ⲙⲁⲣⲓⲁ ⲧⲡⲁⲣ‐
ⲑⲉⲛⲟⲥ ⲛ̄ ⲁⲧ ⲧⲱⲗⲙ̄ • ⲛ̄ⲧⲁⲩϣⲁⲁⲧϥ̄ ⲅⲁⲣ • ϩⲓϫⲙ̄
ⲡⲉⲥ̄⳨ⲟ︦ⲥ︦ • ⲙ̄ ⲡⲉⲃⲟⲧ ⲛ̄ ⲃⲣ︤ⲣⲉ • ⲛ̄ⲥⲟⲩ ⲙ̄ⲛⲧⲁϥ|ⲧⲉ ⲙ̄


### 0018

ⲡⲟⲟϩ • ⲛ̄ⲧⲁⲩϣⲁⲁⲧϥ︦ⲧ︦ ⲟⲛ • ϩⲓϫⲛ̄ ⲧⲡⲉⲧⲣⲁ ⲛ̄ⲟⲛⲉ ⲙ̄
ⲡⲅⲟⲗⲅⲟⲑⲁ • ⲉⲧⲉ ⲡⲙ̄ⲁ ⲙ̄ ⲡⲕ̄ⲣⲁⲛⲓⲟⲛ :-Ⲁⲩⲕⲟⲟⲛⲥϥ̄ •
ⲉ ⲡϥ̄ⲥⲡⲓ̈ⲣ ⲛ̄ⲟⲩⲛⲁⲙ • ⲁⲩⲥⲛⲟϥ ⲁⲩⲉⲓ̈ ⲉ ⲃⲟⲗ ⲙⲛ̄ ⲟⲩ‐
ⲙⲟⲟⲩ • Ⲛ̄ⲧⲁⲩϫⲉϩ ⲡϥ̄ⲥⲛⲟϥ ⲉ ⲟⲩ :-ⲉⲓⲥ ϩⲏⲏⲧⲉ ϥ̄ϫⲏϩ
ⲉ ⲧⲡⲉⲧⲣⲁ ⲛ̄ ⲱⲛⲉ • ⲙ̄ ⲡⲅⲟⲗⲅⲟⲑⲁ ⲁⲩⲱ ϥ̄ⲛⲁⲃⲱⲧⲉ ⲉ
ⲃⲟⲗ ⲁⲛ ⲛ̄ϭⲓ ⲡⲉⲥⲛⲟϥ ⲉⲧ ⲙ̄ⲙⲁⲩ • ϣⲁ ⲧⲥⲩⲛ̄ⲧⲉⲗⲉⲁ̄
ⲙ̄ ⲡⲓ ⲁⲓⲱⲛ : ⲉⲩϫⲡⲓⲟ ⲛ̄ ⲛⲓⲟⲩⲇⲁⲓ̈ ⲙⲛ̄ ⲟⲩⲛⲟϭⲛϭ̄ ⲛⲁⲩ •
Ⲁⲛⲟⲛ ϩⲱⲱⲛ ⲛⲉⲭⲣⲓⲥϯⲁⲛⲟⲥ • ⲁⲛϫⲓⲧϥ̄ ⲁⲛϫⲁϩϥ̄ ⲛ̄
ⲟⲩⲉϭⲣⲟ ⲛ̄ⲛⲛ̄ⲏⲓ̈ • ⲉⲧⲉ ⲧⲛ̄ⲧⲁⲡⲣⲟ ⲧⲉ ⲙⲛ̄ ⲛ︦ⲛ︦ⲥⲡⲟⲧⲟⲩ •
Ⲛ̄ ⲧⲉⲣ ⲛ̄ϫⲉⲓ ⲟⲩⲛ ⲉ ⲃⲟⲗ ϩⲙ̄ ⲡⲉⲥⲛⲟϥ ⲛ̄ ⲧⲉⲗⲓⲟⲛ • ⲁⲩⲱ
ⲛ̄ⲧⲛ̄ⲥⲱ ⲉ ⲃⲟⲗ ⲛ̄ϩⲏⲧϥ̄ : | ⲛ̄ⲧⲛ̄ⲟⲩⲱⲙ ⲛⲉϥⲥⲁⲣⲝ̄ • ⲁⲛⲟⲩ‐
ϫⲁⲓ ⲉ ⲡⲧⲁⲕⲟ • ⲁⲛϩⲱⲙ ⲉϫⲛ̄ ⲡⲇⲓⲁⲃⲟⲗⲟⲥ • ⲙⲛ̄ ⲛϥ̄‐
ⲙⲉⲉⲩⲉ ⲧⲏⲣⲟⲩ ⲙ̄ ⲡⲟⲛⲏⲣⲟⲛ :-Ⲛ̄ⲧⲁⲩⲕⲁ ⲡⲥⲱⲙⲁ ⲙ̄
ⲡϫⲟⲉⲓⲥ ⲧⲱⲛ • ⲛ̄ⲧⲁⲩⲕⲁⲁϥ ϩⲛ̄ ⲟⲩⲧⲁⲫⲟⲥ • ⲁⲩⲱ ⲡⲓ̈ ⲧⲟⲡⲟⲥ
ⲡⲁⲓ • ⲉⲧ ⲛ︦ⲣ︦ϣⲁ ⲛ̄ϩⲏⲧϥ̄ ⲙ̄ⲡⲟⲟⲩ • ⲁⲩⲱ ⲛⲓⲙ ⲡⲉ ⲛ̄ⲧⲁϥ‐
ⲧⲟⲩⲛⲟⲥϥ̄ ⲉ ⲃⲟⲗ ϩⲛ̄ ⲛⲉⲧ ⲙⲟⲟⲩⲧ • ⲙⲛ̄ ⲗⲁⲁⲩ ⲛⲁϣ̄‐
ϩⲟⲧϩⲉⲧ ⲛ̄ⲥⲁ ⲡⲓ ϣⲁϫⲉ :-Ⲟⲩⲇⲉ ⲉ ⲉⲓⲙⲉ ⲡϩⲱⲃ ⲛ̄ⲥⲁ
ⲡⲉⲓ̈ⲱⲧ ⲙⲁⲩⲁⲁϥ • ⲛ̄ⲧⲁϥⲧⲟⲩⲛⲟⲥϥ̄ ⲉ ⲃⲟⲗ ϩⲛ̄ ⲛⲉⲧ
ⲙ̄ⲱⲟⲩⲧ :-Ϥ̄ϫⲱ ⲙ̄ⲙⲟⲥ ⲅⲁⲣ ϩⲙ̄ ⲡϫⲱⲱⲙⲉ • ⲛ̄ⲛⲉ‐
ⲯⲁⲗⲙⲟⲥ • ϫⲉ ⲁ ⲡϫⲟⲉⲓⲥ ⲧⲱⲟⲩⲛ ⲛ̄ⲑⲉ ⲙ̄ ⲡⲉⲧ ⲟⲃϣ̄ •
ⲛ̄ⲑⲉ ⲛ̄ ⲟⲩϫⲱⲱⲣⲉ ⲉ ⲁϥ|ϯϩⲉ ϩⲁ ⲡⲏⲣⲡ̄ • ⲛⲓⲙ ⲡⲛ̄ⲧⲁϥ‐
ⲧⲱⲙⲛ︦ⲧ︦ ⲉ ⲣⲟϥ ⲛ̄ϣⲟⲣⲡ̄ • ⲏ̄ ⲛ̄ⲧⲁϥⲟⲩⲱⲛϩ̄ ⲉ ⲛⲓⲙ • ⲉⲓⲉ
ⲙⲏ ⲧⲉⲓ • ⲙⲁⲣⲓⲁ ⲧⲙⲁⲅⲇⲁⲗⲓⲛⲏ • ⲙ̄ ⲙⲁⲣⲓⲁ ⲧϥ̄ⲙⲁⲁⲩ
ⲉⲧⲉ ⲧⲉⲥⲥⲱⲛⲉ ⲧⲉ • Ⲉ ⲁⲥϫⲡⲟϥ ⲁϫⲛ̄ ϩⲟⲟⲩⲧ ⲁⲥϯⲛⲁⲁⲕⲉ
ⲙ̄ⲙⲟϥ ⲁϫⲛ̄ ⲧⲓⲧⲕⲁⲥ • ⲁⲥⲥⲁⲛⲟⲩϣϥ̄ • ⲁϫⲛ̄ ⲣⲟⲟⲩϣ ϩⲓ
ϩⲓⲥⲉ • ⲁϥⲣ̄ ϩⲙⲉ ⲛ̄ϩⲟⲟⲩ ⲉϥⲟⲩⲱⲛϩ̄ ⲉ ⲃⲟⲗ ⲛ̄ ⲛⲁⲡⲟⲥⲧⲟ‐
ⲗⲟⲥ ⲉϥⲟⲩⲱⲙ ⲉϥⲥⲱ ⲛⲙ̄ⲙⲁⲩ :-Ⲙⲛ︦ⲛ︦ⲥⲟⲥ (sic) ⲟⲛ ⲁϥ‐
ⲡⲁⲣⲁⲅⲅⲓⲗⲉ ⲛⲁⲩ ⲉϥϫⲱ ⲙ̄ⲙⲟⲥ ⲛⲁⲩ • ϫⲉ ⲙⲟⲟϣⲉ ⲉ
ⲃⲟⲗ ⲉ ⲡⲕⲟⲥⲙⲟⲥ ⲧⲏⲣϥ̄ • ⲛ̄ⲧⲉⲧⲛ̄ϯⲥⲃⲱ ⲛ̄ ⲟⲩϩⲑ̄ⲛⲟⲥ
ⲧⲏⲣⲟⲩ ⲛ̄ⲧⲉⲧⲛ̄ⲃⲁⲡϯⲍⲉ ⲙ̄ⲙⲟⲟⲩ • ϩⲙ̄ ⲡⲣⲁⲛ ⲙ̄ ⲡⲉⲓⲱⲧ
ⲙⲛ̄ ⲡϣⲏⲣⲉ ⲙⲛ̄ ⲡⲉⲡⲛⲁ̄ ⲉⲧ ⲟⲩⲁⲁⲃ : | ⲁⲩⲱ ⲁϥⲉⲣⲏⲧ
ⲛⲁⲩ ⲛ̄ⲧⲉⲩⲛⲟⲩ • ⲙ̄ ⲡⲉⲡⲛⲁ̄ ⲙ̄ ⲡⲁⲣⲁⲕⲗⲏⲧⲟⲛ ⲙⲛ︦ⲛ︦ⲥⲁ
ⲧⲡⲛ̄ⲧⲏⲕⲟⲥⲧⲏ • ⲉⲧ ⲟⲩⲁⲁⲃ • Ⲛ̄ⲧⲉ ⲡⲕⲉⲣⲟⲥ ⲡⲉ ⲛ̄ⲧⲁ
ⲡϫⲟⲉⲓⲥ ϫⲟⲟⲥ ⲙ̄ ⲙⲱⲩⲥⲏⲥ ⲡⲉ • ϫⲉ ⲉⲕⲉⲟⲩⲛⲟϥ ⲙ̄ⲙⲟⲕ


### 0019

ⲛ̄ϩⲏⲧϥ̄ ⲙⲛ̄ ⲧⲉⲕⲥϩⲓⲙⲉ • ⲙⲛ̄ ⲛⲕ̄ϣⲏⲣⲉ • ⲙⲛ̄ ⲛⲉⲕϩⲙ̄ϩⲁⲗ •
ⲙⲛ̄ ⲛⲕ̄ⲧⲃ̄ⲛⲟⲟⲩⲉ • ⲙⲛ̄ ⲛ︦ⲕ︦ϣⲱⲡ ϩⲁ ϩⲟⲙⲛ︦ⲧ︦ • ⲙⲛ̄ ⲉⲛⲕⲁⲁ
ⲛⲓⲙ ⲛ̄ⲧⲁⲕ :-Ⲙϣⲁ ⲅⲁⲣ ⲛⲁⲛ ⲛ̄ⲥⲁϣϥ̄ ⲡⲉ ⲡϣⲁ ⲛ̄
ⲧⲡⲛ̄ⲧⲏⲕⲟⲥⲧⲏ • ⲡⲓϩⲟⲟⲩ ⲛ̄ ⲟⲩⲱⲧ ⲡⲉ ⲛ̄ⲧⲁ ⲡⲉⲡⲛⲁ̄ ⲉⲓ
ⲉϫⲛ̄ ⲛ̄ⲁⲡⲟⲥⲧⲟⲗⲟⲥ • Ⲛ̄ⲑⲉ ⲅⲁⲣ ⲛ̄ ⲟⲩⲟⲉⲓⲉ ⲛ̄ ⲥⲡⲟⲩⲇⲁⲓ̈ⲟⲥ
ⲛ̄ ϣⲁϥⲃⲱⲕ ⲉ ⲧϥ̄ⲥⲱ̄ϣⲉ • ⲛϥ̄ⲕⲁⲑⲁⲣⲓⲍⲉ ⲙ̄ⲙⲟⲥ • ⲛϥ̄‐
ⲡⲟⲣⲕ̄ ⲛ︦ⲛ︦ϣⲟⲛⲧⲉ ⲙⲛ̄ ⲛⲁⲣⲱⲟⲩ • ⲙⲛ̄ ⲛ̄ⲥ[ⲟ]ⲩⲣⲉ ⲛ̄ⲧⲁⲩⲣⲱⲧ
ⲛ̄|ϩⲏⲧⲥ̄ • ⲙⲛ︦ⲛ︦ⲥⲱⲥ ⲛϥ̄ϫⲱ ⲙ̄ ⲡⲉϭⲣⲟϭ ϩⲛ̄ ⲟⲩϭⲓϫ
ⲉⲥⲟⲩⲟⲟⲗⲉ • ⲛϥ̄ⲥⲕⲁⲓ ⲙ̄ⲙⲟⲥ • ϩⲙ̄ ⲡϩⲃ̄ⲃⲉ • ⲗⲟⲓⲡⲟⲛ ⲉϥ‐
ϭⲱϣⲧ̄ ⲛ̄ⲥⲁ ⲡⲕⲉⲣⲟⲥ ⲙ̄ ⲡⲉⲁⲣ • ⲉ ⲧⲣⲉ ⲡϩⲟⲩ ⲙ̄ⲡⲉ ⲉⲓ
ⲉ ϫⲱⲟⲩ • ⲛ̄ⲥⲉϯⲟⲩⲱ̄ ⲧⲏⲣⲟⲩ ⲛ̄ⲥⲉⲉⲓ̈ⲣⲉ ⲛ̄ ⲟⲩϭⲣⲟϭ ⲉ
ⲛⲁⲛⲟⲩⲃ • ⲉ ⲧⲃⲉ ⲡⲛⲓϥ ⲙⲛ̄ ⲧⲉⲓⲟⲧⲉ ⲛ̄ⲧⲁⲥⲉⲓ̈ ⲉ ϫⲱⲟⲩ •
ⲉ ⲃⲟⲗ ϩⲛ̄ ⲧⲡⲉ ϩⲓⲧⲛ̄ ⲡⲛⲟⲩⲧⲉ • Ⲧⲁⲓ ϩⲱⲱϥ ⲧⲉ ⲑⲉ ⲙ̄
ⲡⲉⲛϫⲟⲉⲓⲥ ⲓ︦ⲥ︦ ⲡⲉⲭⲥ̄ • ⲙⲛ̄ ⲛ̄ⲣⲱⲙⲉ ⲉⲧ ⲟⲩⲁⲁⲃ • ⲉⲧⲉ
ⲛ︦ⲛ︦ⲉⲓⲟⲧⲉ ⲛ̄ⲁⲡⲟⲥⲧⲟⲗⲟⲥ ⲛⲉ • ⲉⲁϥⲕⲁⲑⲁⲣⲓⲍⲉ ⲙ̄ⲙⲟⲟⲩ ⲉ
ⲃⲟⲗ ϩⲛ̄ ⲧⲱⲗⲙ̄ ⲛⲓⲙ • ⲙⲛ̄ ⲕ̄ⲣⲟϥ ⲛⲓⲙ • ϣⲁⲛⲧ ⲡⲛ̄ⲧⲏ‐
ⲕⲟⲥⲧⲏ ⲉⲧ ⲟⲩⲁⲁⲃ • Ⲉⲁϥⲧⲛ̄ⲛⲟⲟⲩ ⲉ ϫⲱⲟⲩ • ⲙ̄ ⲡⲁⲣⲁ‐
ⲕⲗⲏⲧⲟⲥ ⲡⲉⲡⲛⲁ̄ ⲉⲧ ⲟⲩⲁⲁⲃ • ⲡⲉⲡⲛ︦ⲁ︦ ⲛ̄ ⲧⲙⲉ • ⲁϥⲙⲁϩⲟⲩ
ⲛ̄ⲥⲟⲟⲩ ⲛⲓⲙ • ⲁⲩϣⲁ|ϫⲉ ϩⲛ̄ ϩⲛ̄ⲕⲉⲁⲥⲡⲉ ⲛ̄ⲥⲉⲥⲟⲟⲩⲛ
ⲙ̄ⲙⲟⲟⲩ ⲁⲛ • ⲁⲩⲉⲓⲣⲉ ⲛ̄ ϩⲛ̄ⲛⲟϭ ⲛ̄ϭⲟⲙ • ⲙⲛ̄ ϩⲛ̄ϣⲡⲏⲣⲉ •
ⲉⲩⲉⲓⲛⲉ ⲛ̄ ⲛⲁ ⲡϫⲟⲉⲓⲥ • ⲟⲩⲁ ⲁϥⲉⲓ̈ⲣⲉ ⲛ̄ϣⲉ • ⲟⲩ̇ⲁ ⲁϥⲉⲓⲣⲉ
ⲛ̄ⲥⲉ • ⲟⲩⲁ ⲁϥⲉⲓⲣⲉ ⲙ̄ⲙⲁⲁϥ • Ⲡⲁⲓ ⲧⲉⲛⲟⲩ ⲡⲉ ⲡⲕⲉⲣⲟⲥ
ⲛ̄ ⲛ̄ⲧⲉⲣ̄ ϣⲁ ⲛ̄ϩⲏⲧϥ̄ • ⲕⲁⲧⲁ ⲡⲟⲩⲉϩⲥⲁϩⲛⲉ ⲙ̄ ⲡϫⲟⲉⲓⲥ
ϩⲛ̄ ϩⲛ̄ⲁϣⲏ ⲁⲛ ⲛ̄ϭⲓⲛ̄ⲟⲩⲱⲙ • ⲙⲛ̄ ⲟⲩⲁϣⲏ [ⲁⲛ] ⲛ̄ ⲏⲣⲡ̄
ⲙⲛ̄ ϩⲛ̄ϫⲏⲣ • ⲁⲗⲗⲁ ϩⲛ̄ ϩⲛ̄ⲥⲩⲛⲁⲝⲓⲥ • ⲙⲛ̄ ϩⲛ̄ⲯⲁⲗⲙⲟⲥ
ⲙⲛ̄ ϩⲛ̄ⲯⲁⲗⲗⲉⲓ • ⲛ̄ϫⲱ ⲙ̄ⲙⲟⲥ ϫⲉ ⲙⲁⲣⲛ̄ⲉⲓ ⲉ ⲃⲟⲗ ϩⲛ̄
ⲟⲩⲱⲛϩ̄ ⲉ ⲃⲟⲗ • ⲛ̄ⲧⲛ̄ϯ ⲗⲟⲩⲗⲁⲓ ⲛⲁϥ ϩⲛ̄ ϩⲛ̄ⲯⲁⲗⲙⲟⲥ •
ϫⲉ ⲛ̄ⲧⲟϥ ⲡⲉ ⲡⲛ̄ⲛⲟⲩⲧⲉ • ⲁⲛⲟⲛ ⲡϥ̄ⲗⲁⲟⲥ • Ⲛ̄ ⲧⲉⲣ
ϥ̄ⲃⲱⲕ ⲟⲩⲛ̄ ⲉ ϩⲣⲁⲓ ϣⲁ ⲡϥ̄ⲉⲓⲱⲧ ⲛϥ̄ϩⲙⲟⲟⲥ ϩⲓ ⲟⲩⲛⲁ[ⲙ]
ⲙ̄ⲙⲟϥ • ⲁⲩⲱϣ ⲉ ⲃⲟⲗ ⲉⲩϫⲱ ⲙ̄|ⲙⲟⲥ • Ϫⲉ ⲁ ⲡϫⲟⲉⲓⲥ
ⲉⲣ︦ⲣ︦ⲟ︦ ⲉϫⲛ̄ ⲛ̄ϩⲑ̄ⲛⲟⲥ ⲧⲏⲣⲟⲩ • ⲡⲛⲟⲩⲧⲉ ⲉⲧ ⲟⲩⲁⲁⲃ ϩⲙⲟⲟⲥ •
ϩⲓ ⲡϥ̄ⲑⲣⲟⲛⲟⲥ ⲉⲧ ⲟⲩⲁⲁⲃ :-Ⲁⲩⲱ ⲡⲉϫⲉ ⲡϫⲟⲉⲓⲥ ⲙ̄
ⲙⲱⲩⲥⲏⲥ • ϫⲉ ⲁⲣⲓ ϣⲁ ⲛⲁⲓ • ⲛ̄ϣⲟⲙⲛ︦ⲧ︦ ⲛ̄ⲥⲟⲡ ⲧⲉ
ⲣⲟⲙⲡⲉ :-Ⲁϣ ϭⲉ ⲡⲉ ⲡⲕ̄ϣⲁ ⲉⲧⲟ ⲛ̄ⲛⲟϭ ⲙ̄ⲡⲟⲟⲩ • Ⲱ̄


### 0020

ⲛⲁⲙⲉⲣⲁⲧⲉ • ⲡⲁⲓ ⲉⲧ ϣⲟⲟⲡ ϩⲙ̄ ⲡϣⲟⲣⲡ̄ ⲛ̄ ⲉⲃⲟⲧ ⲧⲉ
ⲣⲟⲙⲡⲉ • ⲉⲧⲉ ⲡϣⲁ ⲡⲉ ⲙ̄ ⲡⲟⲩⲱⲛϩ̄ ⲉ ⲃⲟⲗ ⲙ̄ ⲡⲉⲥ̄ⳁⲟ︦ⲥ︦ •
Ⲁⲩⲱ ⲧⲉⲛⲛⲁⲟⲩⲱⲛϩ̄ ⲛⲏⲧⲛ̄ ⲉ ⲃⲟⲗ ⲙ̄ ⲡϩ̄ⲱⲃ • ϫⲉ ⲉ
ⲧⲃⲉ ⲟⲩ ⲧⲛ̄ⲉⲣϣⲁ ⲙ̄ ⲡϩⲁⲅⲓⲟⲛ ⲛ︤ⲥ︥⳨ⲟ︦ⲥ︦ ⲙ̄ⲡⲟⲟⲩ • Ⲉⲡⲓ
ⲇⲏ ⲁ ⲛⲓ̈ⲓ̄ⲟⲩⲇⲁⲓ̈ ϫⲓϭⲟⲗ ⲉ ⲧⲁⲛⲁⲥⲧⲁⲥⲓⲥ ⲙ̄ ⲡϫⲟⲉⲓⲥ •
ⲉⲩϫⲱ ⲙ̄ⲙⲟⲥ ϫⲉ ⲙ̄ⲡ ⲉϥⲧⲱⲟⲩⲛ ⲉ ⲃⲟⲗ ϩⲛ̄ ⲛⲉⲧ ⲙⲱⲟⲩⲧ •
ⲁⲗⲗⲁ ⲛϥ̄ⲙⲁⲑⲏⲧⲏⲥ ⲛ︦ⲛ︦ⲧⲁⲩⲉⲓ ⲛ̄ ⲧⲉⲩϣⲏ ⲁⲩⲃⲓⲧϥ̄ ⲛ̄-
ϫⲓⲟⲩⲉ • ⲉⲛⲉⲛⲕⲱⲧⲕ̄ • ⲁⲩⲱ | ⲡⲉ ⲛⲉⲩⲙⲉⲉⲩⲉ ⲉϣϩⲟⲡ ⲙ̄
ⲡⲉⲟⲟⲩ ⲙ̄ ⲡⲉⲥ̄⳨ⲟ︦ⲥ︦ • ⲕⲁⲧⲁ ⲧⲇⲓⲁⲧⲏⲡⲟⲥ ⲛ̄ ⲓ̄ⲉⲣⲓⲛⲛⲁ︦ⲓ̈ⲟⲥ •
ⲙⲛ̄ ⲉⲓ̈ⲱⲥⲏⲡⲡⲟⲥ • ⲙⲛ̄ ⲫⲓⲗⲩⲙⲱⲛ ⲛ̄ⲁⲡⲟ ϩⲃ̄ⲣⲁⲓⲟⲥ •
ⲉ ⲧⲃⲉ ⲡϭⲱⲛⲧ̄ ⲛ︦ⲛ︦ⲓⲟⲩⲇⲁⲓ ⲉ ϩⲟⲩⲛ ⲉⲙⲙⲁⲑⲩⲧⲏⲥ ⲙ̄
ⲡⲛ̄ϫⲟⲉⲓⲥ • ⲙⲛ̄ ⲡⲉⲥ̄ⳁⲟ︦ⲥ︦ ⲙ̄ ⲡⲛ̄ϫⲟⲉⲓⲥ • Ⲉⲛⲉⲣⲉ ⲟⲩⲛⲟϭ
ⲙ̄ ⲡⲟⲛⲏⲣⲓⲁ • ϩⲙ̄ ⲡϩⲏⲧ ⲛ︦ⲛ︦ⲛⲟⲩⲇⲁⲓ • ⲛ̄ⲧⲁⲩⲥ̄ⳁⲟ︦ⲩ︦ ⲙ̄
ⲡϫⲟⲉⲓⲥ • ⲉ ϩⲟⲩⲛ ⲉ ⲡϣⲉ ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ •
ⲉⲩⲟⲩⲱϣ ⲉ ⲣⲟⲕϩ̄ ⲙ̄ⲙⲟϥ • ⲙⲛ︤ⲛ︥ⲥⲁ ⲧⲣⲉ ⲡϫⲟⲉⲓⲥ
ⲧⲱⲟⲩⲛ • ⲉ ⲃⲟⲗ ϩⲛ̄ ⲛⲉⲧ ⲙⲱⲟⲩⲧ • Ⲉⲛⲉⲣⲉ ⲡϣⲉ ⲙ̄
ⲡⲉⲥ̄ⳁⲥ︥ ⲧⲟⲝ ⲉ ⲡⲕⲁϩ ϩⲙ̄ ⲡⲙⲁ ⲛ̄ⲧⲁⲩⲥ̄ⳁⲟ︦ⲩ︦ ⲙ̄ ⲡϫⲟⲉⲓⲥ
ⲛ̄ϩⲏⲧϥ̄ • Ⲛ̄ ⲧⲉⲣⲉ ⲡϣⲧⲟⲣⲧⲣ̄ ⲕⲟⲩⲓ ⲕⲟⲩⲓ • ⲉ ⲃⲟⲗ ϫⲉ
ⲛⲉⲣⲉ ⲙ̄ⲙⲁⲑⲩⲧⲏⲥ | ϩⲏⲡ ⲉ ⲧⲃⲉ ⲑⲟⲧⲉ ⲛ̄ⲛⲓ̈ⲓ̈ⲟⲩⲇⲁⲓ̈ •
ⲁϥⲧⲱⲟⲩⲛ ⲛ̄ϭⲓ ⲓⲱⲥⲏⲫ ⲡⲁⲣⲓⲙⲁⲑⲁⲓⲁ • ⲁϥⲉⲓ̈ ϣⲁ ⲛⲓ‐
ⲕⲱⲇⲏⲙⲟⲥ ⲡⲉϫⲁϥ ⲛⲁϥ • ϫⲉ ⲉⲓⲥ ϩⲏⲏⲧⲉ ⲁⲩⲥⲩⲛⲃⲟⲩ‐
ⲗⲉⲩⲉ • ⲛ̄ϭⲓ ⲛⲓ̈ⲓ̈ⲟⲩⲇⲁⲓ • ⲙⲛ̄ ⲛ̄ⲁⲣⲭⲓⲉⲣⲉⲩⲥ • ⲙⲛ̄ ⲡⲥⲉⲉⲡⲉ
ⲙ̄ ⲡⲥⲩⲛϩ︦ⲇ︦ⲣⲓⲟⲛ • ϫⲉ ⲙⲁⲣⲛ̄ⲣⲟⲕϩ̄ ⲙ̄ ⲡⲉⲥ̄⳨ⲟ︦ⲥ︦ • ⲧⲉⲛⲟⲩ
ϭⲉ ⲙⲁⲣⲛ̄ⲃⲓⲧϥ̄ ⲛ̄ ⲧⲛ︤ϩ︥ⲟⲡϥ̄ • ϫⲉ ⲛ̄ⲛⲉⲩⲉⲓⲣⲉ ⲙ̄ ⲡⲛ̄ⲧⲁⲩ‐
ⲙⲉⲉⲩⲉ ⲉ ⲣⲟϥ • Ⲁⲩⲧⲱⲟⲩⲛ ⲙ̄ ⲡⲉⲥⲛⲁⲩ ⲁⲩⲉⲓ ⲉϫⲙ̄
ⲡⲕ̄ⲣⲁⲛⲓⲟⲛ ⲛ̄ⲧⲉⲩϣⲏ • ⲁⲩϭⲓⲛⲉ ⲙ̄ ⲡϣⲉ ⲉⲧ ⲟⲩⲁⲁⲃ ⲉ
ⲡⲉⲥ̄⳨ⲟ︦ⲥ︦ ⲛ̄ ⲓ︦ⲥ︦ • ⲙⲛ̄ ⲡⲧⲓⲧⲗⲟⲥ ⲛ̄ⲧⲁ ⲡⲓ̈ⲗⲁⲧⲟⲥ • ⲟϫϥ ⲉ
ϩⲟⲩⲛ ⲉ ⲣⲟϥ • ⲙⲛ̄ ⲛ̄ⲕⲉ ⲉⲓⲃⲧ ⲉⲩⲧⲟⲕⲥ̄ ⲉ ⲣⲟϥ • ⲛⲁⲓ̈
ⲛ̄ⲧⲁⲩⲟⲃⲧⲟⲩ ⲉ ⲡⲥⲱⲙⲁ ⲙ̄ ⲡϫⲟⲉⲓⲥ • ⲉⲛϥ̄|ϭⲓϫ ⲙⲛ̄ ⲛⲉϥ‐
ⲟⲣⲧⲉ (sic) ⲁⲩϩⲟϥⲧⲟⲩ ⲙⲛ̄ ⲛⲁ ⲛⲥⲟⲟⲛⲉ • ⲙ̄ⲡ ⲟⲩϣⲃⲱⲕ ⲉ
ϩⲟⲩⲛ ⲉ ⲧⲃⲉ ⲑⲟⲧⲉ ⲛ̄ⲓ̈ⲟⲩⲇⲁⲓ̈ • Ⲁⲩⲱ ⲡⲉϫⲉ ⲓ̈ⲱⲥⲏⲫ ⲛ̄
ⲛⲓⲕⲱⲇⲏⲙⲟⲥ ϫⲉ ⲙⲁⲣⲛ̄ ⲥⲱⲗⲡ̄ ⲙ̄ ⲡϣⲉ • ϩⲁ ⲡⲉⲥⲏⲧ ⲉ
ⲡⲉⲥ̄⳨ⲟ︦ⲥ︦ • ⲛ̄ⲧⲛ̄ⲃⲓⲧϥ̄ ⲙⲛ̄ ⲛⲉⲥ̄⳨ⲟ︦ⲥ︦ ⲛ̄ⲧⲛ̄ⲕⲁⲁⲩ ⲛ̄ ϩⲟⲩⲛ
ⲉ ⲡⲧⲁⲫⲟⲥ • ⲉ ⲡⲙⲁ ⲛ̄ⲧⲁⲩⲕⲁ ⲡⲥⲱⲙⲁ ⲙ̄ ⲡϫⲟⲉⲓⲥ ⲛ̄-


### 0021

ϩⲏⲧϥ̄ • ⲕⲁⲓ ⲅⲁⲣ ⲡⲱⲓ ⲡⲉ • ⲁⲩⲱ ⲙ̄ⲡ ⲓⲕⲁ ⲥⲱⲙⲁ ⲛ̄ϩⲏⲧϥ̄
ⲉⲛϩ̄ • ⲏ ⲙⲏ ⲧⲉⲓ ⲡⲥⲱⲙⲁ ⲛ̄ ⲓ︦ⲥ︦ • Ⲁⲩⲱ ⲉⲓⲥ ϩⲏⲏⲧⲉ
ⲁϥⲧⲱⲟⲩⲛ ⲉ ⲃⲟⲗ ϩⲛ̄ ⲛⲉⲧ ⲙⲱⲟⲩⲧ • ⲁⲩⲉⲓⲣⲉ ϩⲓ ⲛⲁⲓ
ⲁⲩϫⲓⲧⲟⲩ ⲉ ϩⲟⲩⲛ ⲉ ⲡⲧⲁⲫⲟⲥ • ⲉⲛϥ̄ϩⲏⲛ ⲅⲁⲣ ⲉ ϩⲟⲩⲛ
ⲉ ⲡⲙⲁ ⲛ̄ⲧⲁⲩⲥ̄⳨ⲟ︦ⲩ︦ ⲙ̄ⲙⲟϥ ⲛ̄ϩⲏⲧϥ̄ • ⲁⲩⲥⲕⲟⲣⲕⲣ̄ ⲙ̄
ⲡⲱⲛⲉ | ⲉⲣⲛ̄ ⲧⲧⲁⲡⲣⲟ ⲙ ⲡⲧⲁⲫⲟⲥ ⲁⲩⲃⲱⲕ • ⲁⲩⲱ ⲙ̄ⲡⲉ
ⲗⲁⲁⲩ ⲉⲓⲙⲉ ⲉ ⲡⲛ̄ⲧⲁⲩⲁⲁϥ ⲛ̄ⲟⲩⲛⲟϭ ⲛ̄ⲟⲩⲟⲉⲓϣ • ⲉⲣⲉ
ⲙ̄ⲙⲁⲑⲩⲧⲏⲥ ⲃⲏⲕ ⲉ ⲡⲧⲁⲫⲟⲥ ⲙ̄ⲙⲏⲛⲉ • ⲉⲩϣⲗⲏⲗ ⲛ̄‐
ⲧⲉⲩϣⲏ ⲛ̄ϫⲓ̈ⲟⲩⲉ :-Ⲁⲩⲱ ⲟⲛ ⲉⲩⲃⲓ ⲛ̄ ⲛⲉⲧ ϣⲱⲛⲉ ⲉⲩϫⲓ
ⲙ̄ ⲧⲁⲗϭⲟ ϩⲓⲧⲛ̄ ⲓ︦ⲥ︦ ⲙⲛ̄ ⲡϥ︦ⲥ︦⳨ⲟ︦ⲥ︦ ⲉⲧ ⲟⲩⲁⲁⲃ • ϩⲱⲥ
ⲧⲉ ⲛ̄ⲇⲁⲓ̈ⲙⲱⲛⲓⲟⲛ ⲛ̄ ⲉⲩϭⲁⲗⲟⲟⲩ ⲛ̄ⲣⲱⲙⲉ • ⲉⲩϣⲁⲛϫⲱϩ
ⲉ ⲡⲧⲁⲫⲟⲥ ϣⲁⲩⲱϣ ⲉ ⲃⲟⲗ • ϫⲉ ⲓ︦ⲥ︦ ⲁϥⲉⲡⲓⲇⲓⲙⲁ ⲛⲁⲛ
ϩⲛ̄ ⲧⲥⲁⲣⲝ̄ :-Ⲁⲩⲱ ⲛ̄ ⲧⲉⲣ ⲟⲩⲥ̄ⳁⲟ︦ⲩ︥ ⲙ̄ⲙⲟϥ • ⲉⲓⲥ ⲡϣⲉ
ⲙ̄ ⲡⲉⲥ̄⳨ⲟ︦ⲥ︦ ⲁϥⲇⲓⲱⲕⲓ ⲛ̄ⲥⲱϥ ϩⲙ̄ ⲡⲧⲁⲫⲟⲥ • ⲉϥϯ ϩⲓⲥⲉ
ⲛⲁⲛ ⲉϥⲛⲟⲩϫ ⲙ̄ⲙⲟⲛ ⲉ ⲃⲟⲗ • ϩⲛ̄ ⲛ̄ⲥⲱⲙⲁ ⲛ̄ⲧⲁⲛϭⲟⲓⲗⲉ
ⲉ ⲣⲟⲟⲩ • Ⲥⲱⲧⲙ̄ ⲟⲛ ⲉ ϯⲕⲉ ⲛⲟϭ ⲛϣ̄ⲡⲏⲣⲉ • ⲛ̄ⲧⲁ
ⲛ̄|ϫⲓⲥⲟⲟⲩⲉ ⲛ︦ⲛ︦ⲉⲓⲟⲧⲉ ⲛ̄ⲁⲣⲭⲁⲓⲟⲛ ϫⲟⲟⲥ ⲉ ⲣⲟⲛ • ⲛⲉⲩⲛ
ⲟⲩⲣⲱⲙⲉ ⲛ̄ ⲓⲟⲩⲇⲁⲓ • ⲙⲡ̄ⲉⲩⲟⲉⲓϣ ⲉⲧ ⲙ̄ⲙⲁⲩ • ϩⲛ̄
ⲑⲓ︦ⲉ︦ⲗⲏ︦ⲙ︦ ⲉⲩⲣⲙ̄ⲙⲁⲟ ⲙ̄ⲙⲁⲧⲉ ⲡⲉ • ⲉ ⲡϥ̄ⲣⲁⲛ ⲡⲉ
ⲕⲗⲉⲟⲡⲁ • ⲉϥⲟ ⲛ̄ ⲡⲟⲧⲁⲕⲣⲟⲥ • ⲙ̄ⲡ ϥ̄ⲙⲟⲟϣⲉ ⲉⲛⲉϩ
ⲉϫⲉⲛ ⲛϥ̄ⲟⲩⲉⲣⲏⲧⲉ • ⲟⲩⲇⲉ ⲟⲛ ⲙ̄ⲡ ϥ̄ϣϭⲙ̄ ϭⲟⲙ ⲉ ⲁⲗⲉ
ⲉϫⲛ̄ ⲛ̄ⲧⲃ̄ⲛⲏ ⲉⲛϩ̄ • ⲁⲗⲗⲁ ϣⲁⲩⲧⲁⲗⲟϥ ⲉⲩϩⲟⲩⲣⲓⲟⲛ̄
ⲛ̄ⲥⲉϫⲱⲕⲙⲉϥ • ⲁⲩⲱ ⲛ̄ⲥⲉϫⲓⲧϥ̄ ⲉ ⲡⲙⲁ ⲉⲧ ϥⲟⲩϣ̄ ⲃⲱⲕ
ⲉ ⲣ̄ⲟϥ :-ⲁⲩⲱ ⲡⲉⲧ ⲙ̄ⲙⲁⲩ ⲙ̄ⲡ ϥ̄ⲃⲱⲕ ϩⲙ̄ ⲡϣⲟϫⲛⲉ •
ⲛ︦ⲛ︦ⲡⲁⲣⲁⲛⲟⲙⲟⲥ • ⲛ︦ⲓ̈ⲟⲩⲇⲁⲓ̈ • ⲛⲁⲓ ⲛ̄ⲧⲁⲩⲥ̄ⳁⲟ︦ⲩ︦ ⲙ̄ ⲡϫⲟⲉⲓⲥ
ⲙ̄ ⲡⲉⲟⲟⲩ ϩⲁ ⲣⲟⲛ • Ⲁϥϩⲱⲛ ⲉ ⲧⲟⲟⲧⲟⲩ ⲛ̄ ⲛϥ̄ϩⲙ̄ϩⲁⲗ •
ϫⲉ ⲙ̄ⲡⲣ̄ ⲕⲟⲓⲛⲟⲛⲉⲓ • ⲙⲛ̄ ⲛ︤ⲓ̈ⲟⲩⲇⲁⲓ̈ • ⲛⲁⲛⲟⲙⲟⲥ ⲛⲁⲓ
ⲉⲧⲟⲩⲱϣ ⲉ ⲙⲟⲩ|ⲟⲩⲧ ⲛ̄ ⲓ︦ⲥ︦ ⲡⲛⲁⲥⲱⲣⲉⲟⲥ • ⲉ ⲧⲃⲉ ⲟⲩⲕⲱϩ
ⲙⲛ̄ ⲟⲩⲫⲑⲟⲛⲟⲥ • Ⲁⲛⲟⲕ ϩⲱ ϯⲥⲟⲟⲩⲛ ϫⲉ ⲡϣⲏⲣⲉ ⲙ̄
ⲡⲛⲟⲩⲧⲉ ⲡⲉ • ⲕⲁⲧⲁ ⲛⲉⲡⲣⲟⲫⲏϯⲁ ⲛ︦ⲛ︦ ⲛ̄ⲉⲓⲟⲧⲉ ⲙ̄ⲡⲣⲟ‐
ⲫⲏⲧⲏⲥ • Ⲁⲩⲱ ⲁ ⲙⲁⲣⲉⲓⲁ ⲧⲛ̄ⲥⲱⲛⲉ ϫⲡⲟϥ ϩⲛ̄ ⲟⲩⲡⲛⲁ̄
ⲉⲧ ⲟⲩⲁⲁⲃ ⲉⲧⲉ ⲧⲉ ⲧϣⲉⲉⲣⲉ ⲛ̄ ⲕ̄ⲗⲉⲟⲡⲁ • ⲡⲉⲧ ⲛ̄ϣⲁⲩ‐
ⲙⲟⲩⲧⲉ ⲉ ⲣⲟϥ ϫⲉ ⲓⲱⲁⲕⲓⲙ • ⲡⲥⲱⲛ ⲙ̄ ⲡⲁ ⲉⲓⲱⲧ • ⲁⲩⲱ
ϯⲡⲓⲥⲧⲉⲩⲉ ϫⲉ ⲙ̄ⲡⲉ ⲥⲟⲩⲉⲛ̄ ϩⲟⲟⲩⲧ ⲉⲛϩ̄ :-Ⲟⲩⲡⲛⲁ̄


### 0022

ⲉϥⲟⲩⲁⲁⲃ ⲡⲉ ⲛ̄ⲧⲁϥⲉⲓ ⲉ ϩⲣⲁⲓ ⲉ ϫⲱⲥ • ⲕⲁⲧⲁ ⲧⲉⲫⲟⲛⲏ
ⲙ̄ ⲡⲁⲣⲭⲁⲅⲅⲉⲗⲟⲥ • Ⲡⲉⲓ ⲣⲱⲙⲉ ⲇⲉ ⲛ̄ ⲇⲓⲕⲁⲓⲟⲥ ϫⲉ
ⲕⲗⲉⲱⲡⲁ • ⲉⲟⲩⲛ̄ⲧⲁϥ ⲙ̄ⲙⲁⲩ ⲛ̄ ⲟⲩϣⲏⲣⲉ ⲙ̄ⲙⲟⲛⲟ‐
ⲅⲉⲛⲏⲥ ⲉ ⲡϥ̄ⲣⲁⲛ ⲡⲉ ϩⲣⲟⲩⲫⲟⲥ • Ⲡⲁⲓ ⲇⲉ ⲁϥϣⲱⲛⲉ
ϩⲙ̄ ⲡϥ̄ϣⲟⲛⲉ ⲙ̄ⲙⲟⲩ • ⲛ̄ ⲧⲉⲣ ϥ︤ⲣ︥ ϩⲛ̄ⲕⲟⲩⲓ ⲇⲉ | ⲛ̄ϩⲟⲟⲩ
ⲁϥⲙ̄ⲧⲟⲛ ⲙ̄ⲙⲟϥ • ⲁϥⲙⲟⲩⲧⲉ ⲛⲉϥϩⲙ̄ϩⲁⲗ • ⲛ̄ϭⲓ ⲕⲗⲉⲱⲡⲁ
ⲡⲉϫⲁϥ ⲛⲁⲩ ϫⲉ ϫⲓ ⲛⲏⲧⲛ̄ ⲛ̄ ⲟⲩⲣⲱⲙⲉ ⲛ ⲗⲁⲧⲟⲙⲟⲥ
ⲛ̄ ⲣϥ̄ⲕϩ̄ⲕϩ̄ ⲱⲛ[ⲉ] ⲙⲁⲣϥ̄ ⲕⲁϩⲕϩ̄ ⲙ̄ ⲡⲧⲁⲫⲟⲥ ⲙ̄ ⲡⲁ
ϣⲏⲣⲉ • ϩⲓ̈ⲧⲟⲩⲱϥ ⲛ̄ ⲓ︤ⲥ︥ ⲡⲛⲁⲍⲱⲣⲁⲓⲟⲥ • ⲧⲁⲧⲟⲙⲉⲥ ⲙ̄
ⲡⲁ ϣⲏⲣⲉ ⲛ̄ϩⲏⲧϥ̄ • Ⲁⲩⲱ ⲉⲓϣⲁⲛⲙⲟⲩ ϩⲱ ⲧⲟⲙⲉⲥ ⲙ̄ⲙⲟⲓ
ⲛ̄ϩⲏⲧϥ̄ • ⲁⲩⲉⲓⲣⲉ ⲕⲁⲧⲁ ⲡϥ̄ϣⲁϫⲉ • ⲁⲩⲥⲙⲓⲛⲉ ⲙ̄ ⲡⲧⲁ‐
ⲫⲟⲥ • ⲁⲓϯ ⲉϥⲟⲛ︦ϩ︦ ⲛ̄ϭⲓ ϩⲣⲟⲩⲫⲟⲥ ⲡϣⲏⲣⲉ ⲛ̄ ⲕⲗⲉⲟⲡⲁ •
ⲁⲩⲱ ⲙⲛ︦ⲛ︦ⲥⲁ ϩⲟⲟⲩ ⲥⲛⲁⲩ ⲁϥⲙ̄ⲧⲟⲛ ⲙ̄ⲙⲟϥ • ⲉⲛⲉ ⲡⲥⲁⲃ‐
ⲃⲁⲧⲟⲛ ⲡⲉ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲁⲩⲱ ⲙ̄ⲡ ⲟⲩⲱϣ ⲉϫⲓ ⲙ̄
ⲡϥ̄ⲥⲱⲙⲁ ⲉ ⲃⲟⲗ ⲉ ⲡⲧⲁⲫⲟⲥ • ϫⲉ ⲛ̄ⲛⲉⲩⲃⲗ̄ ⲡⲥⲁⲃⲃⲁⲧⲟⲛ
ⲉ ⲃⲟⲗ • ⲙ̄ ⲡϥ̄ⲣⲁⲥⲧⲉ ⲇⲉ ⲉⲧⲉ ⲡⲟⲩⲁ ⲛ︦ⲛ︦ⲥⲁⲃⲃⲁⲧⲟⲛ ⲡⲉ • |
ⲁⲩϫⲓⲧϥ̄ ⲉ ⲃⲟⲗ ⲉ ⲡⲧⲁⲫⲟⲥ ϩⲓϫⲛ̄ ⲟⲩⲙⲁ ⲛ̄ⲛⲕⲟⲧⲕ̄ •
ⲡϥ̄ⲉⲓⲱⲧ ⲇⲉ ϩⲱⲱϥ ⲁϥⲧⲁⲗⲟϥ ⲉ ⲡϩⲟⲩⲣⲓⲟⲛ • ⲁⲩⲧⲱⲟⲩⲛ
ⲙ̄ⲙⲟϥ ⲁⲩⲃⲓⲧϥ̄ ⲉ ⲃⲟⲗ ⲛⲙ̄ⲙⲁϥ • ⲉϥⲟⲩⲏϩ ⲛ̄ⲥⲱϥ ⲁⲩⲱ
ⲛϥ̄ⲣⲓⲙⲉ ⲉ ⲡϥ̄ϣⲏⲣⲉ • ϩⲛ̄ ⲟⲩⲛⲟϭ ⲛ̄ ⲛϩ̄ⲡⲉ :-Ⲛ̄ ⲧⲉⲣ
ⲟⲩⲡⲱϩ ⲇⲉ ⲉ ⲡⲧⲁⲫⲟⲥ ⲛ̄ ⲓ︦ⲥ︦ • ⲁⲩⲟⲩⲱϩ ⲙ̄ ⲡϥ̄ⲥⲱⲙⲁ
ⲉ ⲡⲉⲥⲏⲧ ⲉϫⲙ̄ ⲡⲕⲁϩ • ⲁⲩⲱ ⲁⲩⲑⲙ̄ⲥⲉ ⲡϥ̄ⲉⲓⲱⲧ ϩⲁⲧⲙ̄
ⲡⲧⲁⲫⲟⲥ ⲛ̄ ⲓ︦ⲥ︦ • ⲁⲩⲱ ⲉⲛϥ̄ⲛϩ̄ⲡⲉ ⲉ ⲡϥ̄ϣⲏⲣⲉ ⲛ̄ϭⲓ ⲕⲗⲉⲱⲡⲁ •
ⲉϥⲣⲓ̈ⲙⲉ ⲉϥⲱϣ ⲉ ⲃⲟⲗ :-Ϫⲉ ⲱ̄ ⲡⲁ ϣⲏⲣⲉ ⲙ̄ⲙⲉⲣⲓⲧ •
ϩⲁⲙⲟⲓ ⲉ ⲛⲉⲛⲉϩⲟⲟⲩ ⲛⲉ ⲛⲁⲓ • ⲉⲣⲉ ⲓ︤ⲥ︥ ⲡⲛⲁⲍⲱⲣⲁⲓ̈ⲟⲥ
ϩⲓϫⲙ̄ ⲡⲕⲁϩ • ⲉϥⲧⲟⲩⲛⲟⲥ ⲛ̄ ⲛⲉⲧ ⲙⲱⲟⲩⲧ • ⲁⲩⲱ ⲁⲛⲟⲕ
ϩⲱ ⲛⲓⲛⲁⲃⲱⲕ (sic) ϣⲁ ⲣⲟϥ ⲡⲉ • ⲧⲁⲡⲁⲣⲁⲕⲁⲗⲓ̈ ⲙ̄ⲙⲟϥ :
ⲛϥ̄ⲧⲟⲩⲛⲟⲥⲕ̄ ⲛⲁⲓ • ⲕⲁⲓ ⲅⲁⲣ ⲁϥⲧⲟⲩⲛⲉⲥ ϩⲛ̄ⲕⲟ[ⲟⲩⲉ]| ⲁⲩⲱ
ⲥⲉϩⲙ̄ ⲡⲥⲱⲙⲁ ⲛⲉⲙⲙⲁⲛ ⲙ̄ⲡⲟⲟⲩ • Ⲁϥⲧⲟⲩⲛⲉⲥ ⲁⲛⲛⲁ
ⲧϣⲉⲉⲣⲉ ⲛ̄ ⲓⲁⲉⲓⲣⲟⲥ • ⲡⲁⲣⲭⲏⲥⲩⲛⲁⲅⲱⲅⲟⲥ ⲡⲥⲟⲛ ⲛ̄ⲧⲕ‐
ⲙ̄ⲁⲁⲩ • ⲉⲓⲥ ϯⲕⲉ ⲟⲩⲉⲓ ϩⲙ̄ ⲡⲥⲱⲙⲁ ⲙ̄ⲡⲟⲟⲩ :-Ⲁϥⲧⲟⲩ‐
ⲛⲉⲥ ⲗⲁⲍⲁⲣⲟⲥ ⲡⲛ̄ⲥⲟⲛ ⲉ ⲃⲟⲗ ϩⲛ̄ ⲛⲉⲧ ⲙⲟⲟⲩⲧ • ⲡⲗⲏⲛ
ⲱ̄ ⲡⲁ ⲙⲉⲣⲓⲧ ⲛ̄ ϣⲏⲣⲉ • ⲉϣϫⲉ ⲡϥ̄ⲟⲩⲱϣ ⲡⲉ ⲡⲁⲓ • ⲉⲣⲉ
ⲡϫⲟⲉⲓⲥ ⲓ︦ⲥ︦ ϣⲉⲡ ϩⲣⲁⲕ ⲉ ϩⲟⲩⲛ ⲉ ⲧϥ̄ⲙⲛ̄ⲧⲉⲣ︦ⲣ︦ⲟ ϣⲁ


### 0023

ⲉⲛⲉϩ • Ⲉϥⲧⲁⲟⲩⲟ ⲛⲁⲓ ⲛ̄ϭⲓ ⲕⲗⲉⲱⲡⲁ ϩⲛ̄ ⲟⲩⲛⲟϭ ⲙ̄
ⲡⲓⲥϯⲥ ⲉ ϩⲟⲩⲛ ⲉ ⲡⲉⲭⲥ̄ ⲓ︦ⲥ︦ :-Ⲛ̄ⲧⲉⲩⲛⲟⲩ ⲁⲩⲛⲟϭ ⲛ̄ⲥϯ
ⲛⲟⲩⲃⲉ ⲉⲓ ⲉ ⲃⲟⲗ ϩⲙ̄ ⲡⲧⲁⲫⲟⲥ ⲛ̄ ⲓ︦ⲥ︦ • ⲁϥⲛⲁⲩ ⲛ̄ϭⲓ
ⲕⲗⲉⲟⲡⲁ ϩⲛ̄ ⲛϥ̄ⲃⲁⲗ ⲉⲩⲧⲏⲡⲟⲥ • ⲛ︤ⲥ︥⳨ⲟ︦ⲥ︦ ⲛ̄ ⲟⲩⲟⲉⲓⲛ
ⲉ ⲁϥⲉⲓ ⲉ ⲃⲟⲗ ϩⲙ̄ ⲡⲧⲁⲫⲟⲥ • ⲁϥⲟⲩⲱϩ ⲉϫⲙ̄ ⲡⲉϭⲗⲟϭ
ⲙ̄ ⲡⲉⲧ ⲙⲱⲟⲩⲧ :-Ⲁⲩⲱ ⲛ̄ⲧⲉⲩⲛⲟⲩ ⲁϥⲧ|ⲱⲟⲩⲛ ⲛ̄ⲧⲉⲩ‐
ⲛⲟⲩ ⲛ̄ϭⲓ ⲡⲉⲧ ⲙⲟⲟⲩⲧ ⲁϥϩⲙⲟⲟⲥ • Ⲛ̄ ⲧⲉⲣ ϥ̄ⲛⲁⲩ ⲇⲉ
ⲛ̄ϭⲓ ⲡϥ̄ⲉⲓⲱⲧ • ϫⲉ ⲁϥⲧⲱⲟⲩⲛ ⲁϥϩⲙⲟⲟⲥ ⲛ̄ϭⲓ ⲡϥ̄ϣⲏⲣⲉ •
ⲁϥⲟⲛⲅϥ̄ ⲉ ϩⲣⲁⲓ ϩⲙ̄ ⲡⲣⲁϣⲉ ⲙ̄ ⲡϥ̄ϩⲏⲧ :-Ⲁϥⲁϩⲉ
ⲣⲁⲧϥ̄ ⲉϫⲛ̄ ⲛϥ̄ⲟⲩⲉⲣⲏⲧⲉ • ⲁϥⲣ̄ⲑⲉ ⲉϣϫⲉ ⲙ̄ⲡ ⲟⲩⲙ̄ⲕⲁϩ
ⲉⲛⲉϩ • Ⲛⲓⲟⲩⲇⲁⲓ ⲇⲉ ⲉⲧ ⲙⲟⲟϣⲉ ⲛⲙ̄ⲙⲁϥ • ⲁⲩⲛⲟϭ ⲛ̄
ϩⲟⲧⲉ ⲧⲁϩⲟⲟⲩ • ϫⲉ ⲁⲩⲛⲁⲩ ⲉ ⲡⲉⲧ ⲙⲟⲟⲩⲧ ⲉϥϩⲙⲟⲟⲥ •
ⲁⲩⲱ ⲡϥ̄ⲉⲓⲱⲧ ⲉϥⲟ ⲛ̄ ⲡⲟⲧⲁⲕⲣⲟⲥ ⲉϥⲡⲏⲧ ⲉ ⲡⲁⲓ ⲥⲁ ⲙⲛ̄
ⲡⲁⲓ • Ⲁⲩⲱ ⲁⲩⲃⲓ ⲙ̄ⲙⲁⲩ ⲛ︦ⲛ︦ϩⲃⲟⲟⲥ • ⲉⲩϭⲗⲙ̄ⲗⲟⲙ ⲉ
ⲣⲟϥ • ⲁϥⲧⲱⲟⲩⲛ ⲁϥⲁϩⲉ ⲣⲁⲧϥ̄ • ϩⲛ̄ ⲧⲉⲩⲙⲏⲧⲉ :-Ⲁⲩⲱ
ⲛⲉⲣⲉ ⲛ︦ⲓ̈ⲟⲩⲇⲁⲓ̈ ϫⲱ ⲙ̄ⲙⲟⲥ ⲛⲁϥ • ϫⲉ ⲛⲓⲙ ⲡⲉ ⲛ̄ⲧⲁϥ‐
ⲧⲟⲩⲛⲟⲥⲕ̄ • ⲡⲉϫⲁϥ ⲛⲁⲩ ϫⲉ ⲟⲩⲣⲱⲙⲉ ⲛ̄ ⲟⲩⲟⲉⲓⲛ ⲡⲉ
ⲛ̄ⲧⲁϥⲉⲓ ⲉ ⲃⲟⲗ | ϩⲙ̄ ⲡⲧⲁⲫⲟⲥ • ⲉϥⲧⲱⲟⲩⲛ ϩⲁ ⲟⲩⲥ̄⳨ⲟ︦ⲥ︦
ⲛ̄ ⲟⲩⲟⲉⲓⲛ • ⲁϥⲁϩⲉ ⲣⲁⲧϥ̄ ϩⲓ ϫⲱⲓ ⲁϥⲧⲟⲩⲛⲟⲥⲧ̄ ⲁⲩⲱ
ⲁⲓ̈ⲱⲛϩ̄ ⲛ̄ⲕⲉ ⲥⲟⲡ • ⲉⲓⲥ ϩⲏⲏⲧⲉ ⲧⲉⲧⲛⲁⲩ ⲉ ⲣⲟⲓ • ⲁⲩⲱ
ⲛⲉⲩϫⲱ ⲙ̄ⲙⲟⲥ ⲛ̄ ⲕⲗⲉⲟⲡⲁ • ϫⲉ ⲛ̄ ⲁϣ ⲛ̄ ϩⲉ ⲁⲕⲙⲟⲟϣⲉ •
ⲏ̄ ⲛⲓⲙ ⲡⲉ ⲛ̄ⲧⲁϥⲧⲁⲗϭⲟⲕ :-Ⲁϥⲟⲩⲱϣⲃ̄ ϩⲛ̄ ⲟⲩⲛ̄ⲟϭ ⲛ̄
ⲣⲁϣⲉ ⲉϥϫⲱ ⲙ̄ⲙⲟⲥ • ϫⲉ ⲡⲛ̄ⲧⲁϥⲧⲟⲩⲛⲉⲥ ⲡⲁ ϣⲏⲣⲉ •
ⲉ ⲡⲉϥⲥⲛⲁⲩ ⲡⲉ • ϫⲓⲛⲧⲁϥⲙⲟⲩ • ⲛ̄ⲧⲟϥ ⲡⲉ ⲛ̄ⲧⲁϥ‐
ⲧⲁⲗϭⲟⲓ ⲛ̄ϯϩⲉ :-Ⲁϥⲁⲙⲁϩⲧⲉ ⲛ̄ ⲧϭⲓϫ ⲙ̄ ⲡϥ̄ϣⲏⲣⲉ •
ⲁϥⲃⲱⲕ ⲛⲙ̄ⲙⲁϥ ⲉ ϩⲟⲩⲛ ⲉ ⲧⲡⲟⲗⲓⲥ • ϩⲛ̄ ⲟⲩⲛⲟϭ ⲛ̄
ⲣⲁϣⲉ ⲉⲩⲥⲙⲟⲩ ⲉ ⲡⲛⲟⲩⲧⲉ : ⲙⲛ̄ ⲡϥ̄ⲙⲟⲛⲟⲅⲉⲛⲏⲥ ⲛ̄
ϣⲏⲣⲉ ⲓ︤ⲥ︥ ⲡⲉⲭⲥ̄ ⲡⲛ̄ϫⲟⲉⲓⲥ Ⲉⲩⲱϣ ⲉ ⲃⲟⲗ ⲉⲩϫⲱ ⲙ̄ⲙⲟⲥ •
ϫⲉ ⲟⲩⲛⲟϭ ⲧⲉ ⲧⲕ̄ϭⲟⲙ ⲓ︤ⲥ︥ ⲡⲛⲁⲍⲱⲣⲁⲓⲟⲥ • ⲁⲩⲱ ⲟⲛ
ⲁⲕ|ⲕⲱ ⲛ̄ⲧⲕ̄ϭⲟⲙ̄ ϩⲙ̄ ⲡⲕ︤ⲥ︥⳨ⲟ︦ⲥ︦ ⲉⲧ ⲟⲩⲁⲁⲃ • ⲛⲣϥ̄ϯ
ⲱⲛϩ̄ ⲛ̄ ⲛⲉⲧ ⲡⲓⲥⲧⲉⲩⲉ ⲉ ⲣⲟϥ :-Ⲉ ⲡⲙⲁ ⲛ̄ ⲟⲩⲗⲩⲡⲉⲓ •
ⲁⲕϯ ⲛⲁⲓ ⲛ̄ ⲟⲩⲣⲁϣⲉ ⲉϥⲟ ⲛⲥⲛⲁⲩ • ⲙⲛ̄ ⲟⲩⲧⲉⲗⲏⲗ
ⲡⲧⲱⲟⲩⲛ ⲙ̄ ⲡⲁ ϣⲏⲣⲉ • ⲁⲩⲱ ⲡⲧⲁⲗϭⲟ ⲛ̄ⲧⲁϥϣⲱⲡⲉ
ⲛⲁⲓ :-Ⲉⲛⲉⲣⲉ ⲡⲗⲁⲟⲥ ⲧⲏⲣϥ̄ ⲥⲱⲧⲙ̄ ⲉ ⲡⲛ̄ⲧⲁϥϣⲱⲡⲉ


### 0024

ⲙ̄ⲙⲟⲟⲩ • ⲉⲩⲣ̄ϣⲡⲏⲣⲉ ⲕⲗⲉⲱⲡⲁ ⲙⲛ̄ ϫⲉ ⲁϥⲗⲟ ⲉ ⲃⲟⲗ
ϩⲙ̄ ⲡϥ̄ϣⲱⲛⲉ ⲉⲧ ⲛⲙ̄ⲙⲁϥ • ⲡϥ̄ϣⲏⲣⲉ ϫⲉ ⲁϥⲧⲱⲟⲩⲛ
ⲉ ⲃⲟⲗ ϩⲛ̄ ⲛⲉⲧ ⲙⲟⲟⲩⲧ :-Ⲁⲩⲱ ⲁϥⲧⲣⲉⲩⲉⲓⲛⲉ ⲛⲁϥ ⲛ̄‐
ⲛⲉⲭⲏⲣⲁ ⲙⲛ̄ ⲛ̄ⲟⲣⲫⲁⲛⲟⲥ • ⲁϥⲉⲓⲣⲉ ⲉ ⲣⲟⲟⲩ ⲛⲟϭ
ⲛ̄ϣⲟⲡⲥ̄ • ⲁⲩⲱ ⲁϥⲥⲱⲣ ⲉ ϫⲱⲟⲩ ⲛ̄ ⲟⲩⲛⲟϭ ⲛ︦ⲭ︦ⲣⲏⲙⲁ
ⲙ̄ ⲡϥ̄ⲣⲁⲥⲧⲉ • Ⲁⲩⲱ ⲛϥ̄ϩⲙ̄ϩⲁⲗ ⲁϥⲁⲁⲩ ⲛ︦ⲣ︦ⲙ︦ϩⲉ • Ⲁϥ‐
ⲃⲱⲕ ϣⲁ ⲛⲁⲡⲟⲥⲧⲟⲗ⁰ ⲙⲛ̄ ⲛϥ̄ϣⲏⲣⲉ • ⲁϥϫ[ⲓ]|ⲃⲁⲡϯⲥⲙⲁ
ⲛ̄ⲧⲟϥ ⲙⲛ̄ ⲛⲁ ⲡϥ̄ⲏⲓ ⲧⲏⲣⲟⲩ ϩⲛ̄ ⲡⲣⲁⲛ ⲉ ⲡⲉⲓⲱⲧ ⲙⲛ̄
ⲡϣⲏⲣⲉ • ⲙⲛ̄ ⲡⲉⲡⲛⲁ̄ ⲉⲧ ⲟⲩⲁⲁⲃ :-Ⲉ ⲁⲩϣⲱⲡⲉ ⲛ̄
ϩⲙ̄ ⲙⲁⲑⲏⲧⲏⲥ ⲛ̄ ⲥⲱⲧⲡ̄ ⲉⲩⲧⲁϣⲉⲟⲉⲓϣ ⲙ̄ ⲡⲉⲭⲥ̄ ⲙⲛ̄
ⲡϥ︤ⲥ︥⳨ⲟ︦ⲥ︦ :-Ⲛⲓⲟⲩⲇⲁⲓ ⲇⲉ ⲛ̄ ⲧⲉⲣ ⲟⲩⲛⲁⲩ ⲉ ϯϣⲡⲏⲣⲉ
ⲛ̄ⲧ ⲁⲥϣⲱⲡⲉ • ⲁⲩⲡⲓⲥⲧⲉⲩⲉ ⲉ ⲡⲉⲭⲥ̄ ⲓ︦ⲥ︦ :-Ⲛⲉⲅⲣⲁⲙ‐
ⲙⲁⲧⲉⲩⲥ ⲇⲉ ⲙⲛ̄ ⲛⲉⲫⲁⲣⲓⲥⲥⲁⲓⲟⲥ ⲛ̄ ⲧⲉⲣ ⲟⲩⲥⲱⲧⲙ̄ ⲇⲉ
ϫⲉ ⲁ ϯⲛⲟϭ ⲛ̄ ϣⲡⲏⲣⲉ ϣⲱⲡⲉ ϩⲙ̄ ⲡⲧⲁⲫⲟⲥ ⲛ̄ ⲓ︤ⲥ︥ •
ⲁⲩϫⲟⲟⲥ ϫⲉ ⲙⲁⲣⲛ̄ ⲣⲟⲕϩϥ̄ ϩⲛ̄ ⲟⲩⲕⲱϩⲧ̄ • ⲁⲩⲟⲩⲱϣⲉⲃ
ⲛ̄ϭⲓ ⲛ̄ⲛⲟϭ ⲛ̄ⲧⲥⲩⲛⲁⲅⲱⲅⲏ • ⲙⲛ̄ ⲛ̄ⲓ̈ⲟⲩⲇⲁⲓ ⲉⲩϫⲱ ⲙ̄ⲙⲟⲥ •
ⲛ̄ⲛⲁⲣⲭⲏⲉⲣⲉⲩⲥ • ϫⲉ ⲟⲩⲱⲛϩ̄ ⲉ ⲁⲩϣⲉⲧϣⲟⲧϥ̄ ϩⲛ̄ ⲟⲩ‐
ⲡⲉⲧⲣⲁ • ⲙⲉⲣⲉ ⲡⲕⲱϩⲧ̄ ϫⲓ ⲙⲙⲟϥ :-Ⲁⲗⲗⲁ ⲉϣⲱⲡⲉ
ⲡϩⲱⲃ [ⲉ] ⲣⲁ[ⲛ] ⲛⲏⲧⲛ̄ • ⲙⲁⲣⲟⲩ|ϩⲟⲥϥ̄ ⲛ̄ⲛⲓⲉⲓ̈ⲧⲛ̄ ⲛ̄ϭⲓ
ⲛ︤ⲓ︥ⲟⲩⲇⲁⲓ̈ • ⲛ̄ⲧⲉ ⲧⲙ̄ ⲡϥ︦ⲣ︦ ⲡⲙⲉⲉⲩⲉ ⲟⲩⲱⲛⲉϩ ⲉ ⲃⲟⲗ ⲉ
ⲡⲧⲏⲣϥ̄ :-Ⲁⲩⲱ ⲁ ⲧⲓ ⲥⲩⲙⲃⲟⲩⲗⲓⲁ ⲉ ⲣⲁⲛⲁϥ ⲧⲏⲣⲟⲩ •
ⲁⲩⲧⲁϣⲉⲟⲉⲓϣ ⲛ̄ ⲧⲡⲟⲗⲓⲥ ⲧⲏⲣⲥ̄ ⲑⲓ︦ⲉ︦ⲗⲏ︦ⲙ︦ ⲉⲩϫⲱ̄ ⲙ̄ⲙⲟⲥ
ϫⲉ ⲛ̄ϩⲟⲟⲩⲧ • ⲙⲛ̄ ⲛ̄ϩⲓⲟⲙⲉ • ⲉⲩϣⲁⲛⲥⲉϩⲉⲣ ⲉⲓ̈ⲧⲛ̄ ⲉ ⲃⲟⲗ
ϩⲛ̄ ⲛⲉⲩⲏⲓ̈ • ⲙⲛ̄ ⲛⲉⲩⲣ̄ⲅⲁⲥⲧⲏⲣⲓⲟⲛ ϣⲁ ϩⲣⲁⲓ̈ ⲉⲛⲉⲩ‐
ⲥⲧⲁⲃⲗⲟⲛ • ⲙⲁⲣⲟⲩⲃⲓⲧⲟⲩ ⲙ̄ⲙⲏⲛⲉ • ⲛ̄ⲥⲉ ⲡⲁϩⲧⲟⲩ ⲉϫⲙ̄
ⲡⲧⲁⲫⲟⲥ ⲙ̄ ⲡⲓ̈ ⲡⲗⲁⲛⲟⲥ ϫⲉ ⲓ︦ⲥ︦ :-Ⲡⲉⲧ ⲟⲩⲛⲁϩⲉ ⲉ ⲣⲟϥ
ⲁⲛ̄ ⲉϥⲉⲓⲣⲉ ⲛ̄ϯϩⲉ • ϣⲁⲩⲁⲁϥ ⲛ̄ⲁⲡⲟ ⲥⲩⲛⲁⲥⲩⲛⲁⲅⲱⲅⲟⲥ (sic)
ⲛ̄ⲥⲉϣⲁⲧϥ̄ ⲛ̄ ⲟⲩⲧⲣⲁⲭⲙⲏ ⲛϩ̄ⲟⲙⲛ̄ⲧ :-Ⲁⲩⲱ ⲁ ⲧⲓⲥⲩⲙ‐
ⲃⲟⲩⲗⲓ̈ⲁ ϣⲱⲡⲉ ϩⲛ̄ ⲑⲓ︦ⲉ︦ⲗⲏ︦ⲙ︦ ⲧⲏⲣⲉⲥ • ⲉⲛ ⲟⲩⲥⲩⲛⲏⲑⲓⲁ
ⲉⲩⲉⲓⲣⲉ ⲙ̄ⲙⲟⲥ ⲙ̄ⲙⲏⲛⲉ • ϣⲁ ϩⲣⲁⲓ ⲉ ⲡⲉⲟⲩⲟⲉⲓϣ ⲛ̄
ⲟⲩⲁⲥⲡⲁⲥⲓⲁ|ⲛⲟⲥ ⲡⲉⲣⲣⲟ • ⲡⲁⲓ ⲛ̄ⲧⲁϥϣⲱϥ ⲛ̄ ⲑⲓ︦ⲉ︦ⲗⲏ︦ⲙ︦ •
ⲁⲩⲱ ϣⲁⲛⲧ ⲉϥⲉⲓ ⲉϫⲛ̄ ⲛ︦ⲓ̈ⲟⲩⲇⲁⲓ ⲧⲏⲣⲟⲩ ⲙ̄ⲡ ⲟⲩⲕⲁ
ⲧⲟⲟⲧⲟⲩ ⲉ ⲃⲟⲗ ⲉⲩⲉⲓⲣⲉ ⲙ̄ ⲡⲁⲓ̈ :-Ⲕⲁⲧⲁ ⲛ̄ϯⲁⲇⲏⲡⲟⲥ
ⲛ̄ ⲓ̈ⲱⲥⲏⲡⲡⲟⲥ • ⲙⲛ̄ ⲉⲓⲉⲣⲓⲛⲛⲁⲓⲟⲥ • ⲁⲩⲱ ⲡϩⲓⲥⲧⲟⲣⲓⲟ‐


### 0025

ⲅⲣⲁⲫⲟⲥ :-Ⲉ ⲁϣⲉϥⲃⲉ ⲛ̄ⲣⲟ ⲙ̄ ⲡⲉⲟⲩⲉⲓⲛⲉ • ϫⲓⲛ ⲉ ⲡⲉⲩ‐
ⲟⲉⲓϣ ⲉⲧ ⲙ̄ⲙⲁⲩ • ϣⲁ ⲟⲩⲁⲥⲡⲁⲥⲓⲁⲛⲟⲥ • ϩⲟⲥ ⲧⲉ ⲛ̄ⲧⲉ
ϩⲛ̄ⲛⲟϭ ⲛ̄ⲕⲟⲡⲣⲓⲁ ϣⲱⲡⲉ • ϩⲓϫⲛ̄ ⲡⲧⲁⲫⲟⲥ ⲛ̄ ⲓ︤ⲥ︥ • ⲉⲩϫⲟⲟⲥⲉ
ⲉ ⲧⲡⲟⲗⲓⲥ ⲧⲏⲣⲉⲥ :-Ⲟⲩⲛⲟϭ ⲅⲁⲣ ⲛ̄ⲧⲁⲕⲟ ⲁϥⲛ̄ⲧϥ̄ ⲉϫⲛ̄
ⲛ︦ⲓ̈ⲟⲩⲇⲁⲓ̈ ⲛ̄ϭⲓ ⲟⲩⲁⲥⲡⲁⲥⲓⲁⲛⲟⲥ • Ⲉ ⲁϥϩⲱⲧⲃ̄ ⲛ̄ϩⲏⲧⲟⲩ ⲛ̄
ϣⲟⲙⲛ̄ⲧⲃⲁ (sic) • Ⲁⲩⲱ ⲁϥⲉⲝⲟⲣⲓⲍⲉ ⲛ̄ϣⲟⲙⲛ︦ⲧ︦ ⲛ̄ϣⲟ ⲉ
ⲕⲏⲙⲉ Ⲉ ⲁϥⲥϩⲁⲓ ⲙⲡ̄ⲧⲟⲗⲟⲙⲁⲓⲟⲥ ⲡⲁⲣⲭⲱⲛ ⲛ̄ ⲧⲉⲕⲉⲡϯⲁ •
ⲉϥϫⲱ̄ ⲙ̄ⲙⲟⲥ | ϫⲉ ⲙ̄ⲡⲣ̄ⲕⲁ ⲛ̄ⲓ̈ⲟⲩⲇⲁⲓ̈ ⲉ ϭⲙ̄ ⲡⲁⲣϩⲏⲥⲓⲁ
ϩⲟⲗⲟⲥ ϩⲛ̄ ⲧⲉⲭⲱⲣⲁ ⲛ̄ ⲕⲏⲙⲉ • ⲟⲩⲇⲉ ⲙ̄ⲡⲣ̄ ⲕⲁⲁⲩ ⲛⲉⲣⲉⲓ̈ ⲉ
ⲡϣⲱⲱⲧ • ⲟⲩⲇⲉ ⲙⲡⲣ̄ ⲕⲁⲁⲩ ⲉϫⲛ̄ ⲛⲓⲟ ⲙⲛ̄ ⲏⲣⲡ̄ • ⲟⲩⲇⲉ
ⲉϫⲛ̄ ⲛⲓϩⲣⲱⲧ ϩⲟⲗⲟⲥ • ⲟⲩⲇⲉ ⲛⲉⲧ ⲛ̄ϫⲛⲟⲟⲩ ⲙⲛ̄ ⲛⲉⲧ
ⲛ̄ⲅⲉⲛⲏⲙⲁ • ⲁⲩⲱ ⲙⲁⲣⲟⲩⲣ̄ ⲕⲃⲁ ϩⲓ ⲁⲗⲱⲧ ⲧⲏⲣⲟⲩ •
ϩⲛ̄ ⲧⲉⲭⲱⲣⲁ ⲛ̄ ⲕⲏⲙⲉ • ϣⲁⲛⲧ ⲟⲩϣⲓⲛⲉ̄ ⲛⲥⲟⲟⲩ ⲉ ⲃⲟⲗ
ϩⲓ ⲧⲟⲟⲧ ⲧⲏⲩⲧⲛ̄ • Ⲁⲩⲱ ⲛⲓ̈ⲟⲩⲇⲁⲓ̈ ⲛⲉⲩϯ ϩⲓⲥⲉ ⲛⲁⲩ ⲉ
ⲡ̄ϩⲟⲩⲟ • ⲉⲩⲑⲙ̄ⲕⲟ ⲙ̄ⲙⲟⲟⲩ • ⲛ̄ϩⲟⲩⲉ ⲛⲉⲩⲓⲟⲧⲉ • ⲙ̄ ⲡⲉⲩ‐
ⲟⲉⲓϣ ⲙ̄ ⲫⲁⲣⲁⲱ ⲉⲩⲟ ⲛϩⲙ̄ϩⲁⲗ ⲛ̄ ⲛ̄ⲣⲙ̄ ⲛ̄ ⲕⲏⲙⲉ •
Ⲉⲛⲉⲣⲉ ϣⲁⲣⲉ ⲟⲩϣⲏⲣⲉ ϣⲏⲙ ϩⲓⲟⲩⲉ ⲉ ⲙⲏⲧ ⲛ̄ⲣⲱⲙⲉ
ϫⲱⲱⲣⲉ • ⲛⲧ [ϩⲃ̄ⲣ]ⲁⲓⲟⲥ :-Ⲁⲩⲱ ⲛⲉ ⲙⲉⲩϣⲣ̄ ⲗⲁⲁⲩ
ⲙ̄ ⲡⲉⲑⲟⲟⲩ ⲛⲁϥ • ⲁⲗⲗ[ⲁ] ⲛⲉⲩⲡⲁⲣⲁⲕⲁⲗⲓ ⲙ̄[ⲙⲟϥ] | ⲉ
ⲧⲣϥ̄ⲥⲟ ⲉ ⲣⲟⲟⲩ • ⲡϫⲟⲉⲓⲥ ⲅⲁⲣ ⲁϥⲑⲃ̄ⲃⲓⲟⲟⲩ • ⲉ ⲧⲃⲉ ⲧⲧⲟⲗ-
ⲙⲏⲣⲓⲁ ⲛ̄ⲧⲁⲁⲥ (sic) ⲉ ϩⲟⲩⲛ ⲉ ⲣⲟϥ • ⲗⲟⲓⲡⲟⲛ ⲧⲅⲉⲛⲁⲓⲁ
ⲧⲏⲣⲉⲥ ⲉⲧ ⲙ̄ⲙⲁⲩ • ⲛⲁⲓ ⲛ̄ⲧ ⲁⲩⲥ̄⳨ⲟ︦ⲩ︦ ⲙ̄ ⲡϫⲟⲉⲓⲥ ⲙ̄
ⲡⲉⲟⲟⲩ • Ⲁⲥϩⲱⲛ ⲉ ⲱϫⲛ̄ ⲉⲩϩⲱⲧⲃ̄ ⲛ̄ⲥⲱⲟⲩ • ϩⲓⲧⲛ̄ ⲛⲉⲣⲱⲟⲩ •
ⲁⲩⲱ ⲟⲛ ϩⲉⲛ ϩⲛ̄ⲗⲓⲙⲟⲥ • ⲙⲛ̄ ϩⲛ̄ ϩⲛ̄ϩⲏⲃⲱⲱⲛ :-Ⲉⲣⲉ
ⲡⲛⲟⲩⲧⲉ ⲉⲓⲛⲉ ⲙ̄ⲙⲟⲟⲩ ⲉ ϫⲱⲟⲩ • ⲉ ⲧⲃⲉ ⲛⲉⲩⲛⲟⲃⲉ •
ⲡⲥⲉⲉⲡⲉ ⲇⲉ ⲛ̄ⲧⲁⲩϣⲟϫⲡ̄ ϩⲛ̄ ⲑⲓ︦ⲉ︦ⲗⲏ︦ⲙ︦ • ⲁⲩⲣ̄ ⲡⲟⲃϣ̄ ⲉ
ⲧⲥⲩⲛⲏⲑⲓⲁ ⲛ̄ ⲛⲉⲩⲉⲓⲟⲧⲉ • ⲙ̄ⲡ ⲟⲩϩⲱⲥ ⲉⲓⲧⲛ̄ ⲉ ϫⲱϥ ⲛ̄ⲕⲉ
ⲥⲟⲡ • ⲗⲟⲓⲡⲟⲛ ⲁ ϩⲛ̄ⲛⲟϭ ⲛ̄ ⲕⲟⲡⲣⲓⲁ ϣⲱⲡⲉ ϩⲓϫⲛ̄ [ⲡⲧⲁ]‐
ⲫⲟⲥ ⲛ̄ ⲓ︦ⲥ︦ • ⲙⲛ̄ [ⲉⲡⲕ̄ⲣ]ⲁⲛⲓⲟⲛ • ϩⲱⲥ ⲧⲉ ⲛ̄ⲧⲉ ⲧⲙ̄ ⲗⲁⲁⲩ
ⲉⲣ ⲡⲉϥⲙⲉⲉⲩⲉ ⲛ̄ⲕⲉ ⲥⲟⲡ • ⲡⲗⲏⲛ ⲛⲉⲩⲙⲟⲩⲧⲉ ⲉ ⲧⲕ|ⲟⲡⲣⲓⲁ
ⲙ̄ ⲡⲕ̄ⲣⲁⲛⲓⲟⲛ ⲛ̄ ⲓ︦ⲥ︦ • ϫⲉ ⲡⲕⲟⲗⲕⲟⲑⲁ • Ⲉⲛⲉϥⲉⲡⲉⲛⲟⲩ
ⲙ̄ ⲡⲁⲓ̈ ⲛ̄ϭⲓ ⲡⲇⲓⲁⲃⲟⲗⲟⲥ ⲉϥϫⲱ ⲙ̄ⲙⲟⲥ • ⲛ︦ⲛ︦ ⲛ̄ⲧⲁⲩ‐
ϣⲱⲡⲉ ⲛⲁϥ ⲛ̄ϩⲉⲡⲉⲣⲉⲧⲏⲥ • ϫⲉ ϯⲛⲁⲃⲓ̄ ⲙ̄ ⲡⲣ̄ ⲡ̄ⲙⲉⲉⲩⲉ
ⲙ̄ ⲡⲉⲥ̄⳨ⲟ︦ⲥ︦ ⲛ̄ ⲧⲙⲏⲧⲉ • Ⲛϥ̄ⲥⲟⲟⲩⲛ ⲣⲱ ⲁⲛ ϫⲉ ϩⲁⲡⲥ̄ ⲡⲉ •


### 0026

ⲛ̄ⲧⲉ ⲡⲉⲥ̄⳨ⲟ︦ⲥ︦ ϫⲓ ⲉⲟⲟⲩ • ϩⲁⲧⲛ̄ ⲛⲉⲣⲱⲟⲩ ⲙⲛ̄ ⲟⲩⲟⲛ ⲛⲓⲙ
ⲛ̄ⲧⲁⲩⲡⲓⲥⲧⲉⲩⲉ ⲉ ⲣⲟϥ :-ⲛ̄ⲥⲉϣⲧⲁⲙ ⲉ ⲡⲣⲱ ⲛ︦ⲛ︦ⲣⲡⲏⲩⲉ :-
Ⲁⲩⲱ ⲉϣϫⲉ ⲁ ⲛⲉⲧⲟ ⲛ̄ⲟⲣⲅⲁⲛⲟⲛ ⲡⲇⲓⲁⲃⲟⲗⲟⲥ ⲟⲩⲱϣ
ⲉ ϩⲱⲡ ⲙ̄ ⲡⲉⲥ̄⳨ⲟ︦ⲥ︦ :-Ⲁⲗⲗⲁ ⲙⲡ ⲟⲩϣ̄ϭⲙ̄ϭⲟⲙ ϩⲟⲡϥ̄
ϣⲁ ⲃⲟⲗ • ⲟⲩⲇⲉ ϩⲟⲗⲟⲥ • ⲉⲛϥ̄ⲍⲱⲅⲣⲁⲫⲓ ϩⲙ̄ ⲡϩⲏⲧ ⲛ̄
ⲉⲙ̄ⲡⲓⲥⲧⲟⲥ • ⲛ̄ϭⲓ ⲡⲉⲥ̄⳨ⲟ︦ⲥ︦ • ⲉⲩⲉⲓⲣⲉ ⲙ̄ ⲡϥ̄ⲙⲉⲉⲩⲉ ⲧⲏⲣⲟⲩ •
ⲛ̄ⲑⲉ ⲛ̄ ⲟⲩϩⲓⲕⲱⲛ ⲉⲩϭⲱ|ϣⲧ̄ ⲉ ⲣⲟϥ ⲛ̄ⲑⲉ ⲛ̄ ⲟⲩϩⲓⲕⲱⲛ •
ⲉⲩϭⲱϣⲧ̄ ⲉ ⲣⲟⲥ • ⲉϣϫⲉ ⲁⲩϩⲟⲡϥ̄ ⲛ̄ ⲟⲩⲕⲟⲩⲓ • ⲁⲗⲗⲁ
ⲉⲛϥ̄ⲧⲛ̄ⲧⲟⲛ ⲉ ⲡⲣⲏ ϩⲉⲛ̄ ⲧϥ̄ϭⲟⲙ • ⲉϣⲁϥϩⲟⲧⲡ̄ ⲛ̄ⲧⲉⲩϣⲏ
ⲛϥ̄ⲟⲩⲱⲛϩ̄ ⲉ ⲃⲟⲗ ⲙ̄ ⲡⲉϩⲟⲟⲩ • Ⲉϥⲟ ⲛ̄ⲑⲉ ⲛ̄ ⲟⲩⲛⲩⲙⲫⲓⲟⲥ
ⲉϥⲛⲏⲩ ⲉ ⲃⲟⲗ ϩⲙ̄ ⲡϥ̄ⲙⲁ ⲛ̄ ϣⲉⲗⲉⲉⲧ • ⲛ̄ϯϩⲉ ϩⲱⲱϥ
ⲡⲉⲥ̄⳨ⲟ︦ⲥ︦ • ⲁⲩϩⲟⲡϥ̄ ⲛ̄ϭⲓ ⲛ̄ⲓ̈ⲟⲩⲇⲁⲓ̈ • ⲉ ⲧⲃⲉ ⲡⲉⲩⲕⲱϩ
ⲉⲑⲟⲟⲩ ⲉ ϩⲟⲩⲛ ⲉ ⲡϫⲟⲉⲓⲥ ⲓ︦ⲥ︦ ⲡⲉⲭ︦ⲥ︦ • Ⲁⲗⲗⲁ ⲁϥⲟⲩⲱⲛϩ̄
ⲉ ⲃⲟⲗ ⲉϥⲟ ⲛ ⲗⲁⲙ̄ⲡⲣⲟⲛ ⲉ ⲡϩ̄ⲟⲩⲟ • Ⲉϥϯ ⲥⲁ ⲉ ⲡⲉⲑⲩ‐
ⲥⲓⲁⲥⲧⲏⲣⲓⲟⲛ ⲙⲛ̄ ⲧⲉⲑⲩⲥⲓⲁ • Ⲡⲉⲥ̄ⳁⲟ︦ⲥ︦ ⲡⲉⲧ ⲛⲁϣⲧⲉ ⲛ̄
ⲛⲉⲣⲱⲟⲩ ⲙ̄ⲙⲁⲓ ⲛⲟⲩⲧⲉ :-Ⲉⲩⲕⲱ ⲙ̄ⲙⲟϥ ⲛ̄ϭⲣⲏⲡⲉ
ⲛⲁⲩ • ⲁⲩⲱ ⲉⲩⲕⲱ ⲙ̄ⲙⲟϥ ϩⲓϫ|ⲉⲛ ⲛⲉⲩϩⲣⲁⲃⲧⲟⲥ ⲛ̄ⲛⲟⲩⲃ
ϩⲛ̄ ⲛⲉⲩϭⲓϫ • Ϥ︦ⲍⲱⲅⲣⲁⲫⲓ ⲟⲛ ϩⲙ̄ ⲡⲏⲓ ⲛ̄ⲛⲉⲣⲱⲟⲩ ⲛ̄ϭⲓ
ⲡⲉⲥ̄⳨ⲟ︦ⲥ︦ :-Ⲥⲉⲡⲏⲥⲥⲉ ⲙ̄ⲙⲟϥ ϩⲛ̄ ⲛⲉϩⲓⲟⲟⲩⲉ • Ϥ︦ ϩⲓϫⲛ̄
ⲛⲉⲥⲧⲏⲗⲗⲟⲥ ⲙⲛ̄ ⲛ̄ⲕⲟⲟϩ ⲛ̄ⲏⲓ :-Ϫⲉ ⲉϥⲉϣⲱⲡⲉ ⲛⲁⲩ
ⲛ̄ⲛⲁϣⲧⲉ • ⲙⲛ̄ ⲟⲩⲟⲛ [ⲛ]ⲓⲙ ⲉⲧ ⲛⲁⲡⲁⲣⲁⲅⲉ • Ϥ ϩⲓϫⲛ̄
ⲛⲉϫⲏⲩ ⲟⲛ ⲛ̄ϭⲓ ⲡⲉⲥ̄⳨ⲟ︦ⲥ︦ • ⲉϥⲛⲟⲩϩⲙ̄ ⲙ̄ⲙⲟⲟⲩ ⲉ ⲛⲉⲭⲓ‐
ⲙⲱⲛ ⲙⲛ̄ ⲛ̄ⲧⲏⲩ ⲉⲧ ⲛⲁϣⲧ̄ • Ϥ︦ ϩⲓϫⲛ̄ ⲡⲕⲟⲓⲛⲟⲃⲓⲟⲛ ⲛ̄
ⲛⲉⲣⲣⲱⲟⲩ • ⲉϥϯ ⲭⲁⲣⲓⲥ ⲛⲁⲩ • Ϥ ϩⲓⲑⲏ ⲟⲛ ⲛ̄ⲥϩⲁⲓ
ⲛⲓⲙ ⲛ̄ϭⲓ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ • ⲛ̄ⲧⲉ ⲛⲉⲧ ⲛⲁϩⲩⲡⲟⲅⲣⲁⲫⲉ
ϩⲁ ⲣⲟⲟⲩ • Ⲱ̄ ⲧϭⲟⲙ ⲁⲩⲱ ⲡϣⲟⲩϣⲟⲩ • ⲛ̄ ⲛⲉⲭⲣⲓⲥϯⲁ‐
ⲛⲟⲥ • ⲙⲛ̄ ⲙ̄ⲡⲓⲥⲧ[ⲟⲥ] | Ⲙⲉⲩⲣ̄ ⲗⲁⲁⲩ ⲛ̄ϩⲱⲃ ⲛ̄ⲧⲉ ⲡⲓ‐
ⲕⲟⲥⲙⲟⲥ ⲁϫⲛ̄ ⲡⲉⲥ̄⳨ⲟ︦ⲥ︦ • Ⲙⲉⲩⲕⲉⲧ ⲉⲕⲕⲗⲏⲥⲓⲁ ⲁϫⲛ̄
ⲡⲉⲥ̄⳨ⲟ︦ⲥ︦ :-Ⲙⲉⲩⲥⲙⲉⲛ ⲡⲉ ⲑⲩⲥⲓ̈ⲁⲥⲧⲏⲣⲓⲟⲛ ⲁϫⲛ̄ ⲡⲉⲥ̄ⳁⲟ︦ⲥ︦:
Ⲙⲉⲩⲧⲁⲗⲉ ⲑⲩⲥⲓⲁ ⲉ ϩⲣⲁⲓ ⲁϫⲛ̄ ⲡⲉⲥ̄⳨ⲟ︦ⲥ︦ :-Ⲙⲉⲩⲭⲓⲣⲟ‐
ⲇⲱⲛⲓⲛ ⲉⲡⲓⲥⲕⲟⲡⲟⲥ • ⲏ ⲕⲗⲏⲣⲓⲕⲟⲥ ⲁϫⲛ̄ ⲡⲉⲥ̄⳨ⲟ︦ⲥ︦ •
Ⲙⲉⲩⲃⲁⲡⲧⲓⲍⲉ ⲁϫⲛ̄ ⲡⲉⲥ̄⳨ⲟ︦ⲥ︦ • ⲉⲩⲥⲫⲣⲁⲅⲓⲍⲉ ⲙ̄ⲙⲟⲟⲩ
ϩⲛ̄ ⲧⲕⲟⲗⲏⲙⲃⲏⲑⲣⲁ ϩⲓ̈ⲧⲛ̄ ⲡⲉⲥ̄⳨ⲟ︦ⲥ︥ :-Ⲡⲉⲧⲉ ⲟⲩⲛ̄ⲧⲁϥ ⲙ̄‐
ⲙⲁⲩ ⲙ̄ ⲡⲉⲥ̄ⳁⲟ︦ⲩ︦ ⲟⲩⲛ̄ⲧϥ̄ ⲟⲩⲛⲟϭ ⲛ̄ ⲃⲟⲓⲑⲉⲓⲁ ⲙ̄ⲙⲁⲩ :-


### 0027

Ⲡⲉⲥ̄ⳁⲟ︦ⲥ︦ ⲅⲁⲣ ϣⲁϥⲭⲁⲗⲓⲛⲟⲩ • ⲛ̄ ⲧⲙⲛ̄ⲧⲕⲟⲩⲓ ⲛ̄ϩⲏⲧ :-
Ⲧⲉⲥⲫⲣⲁⲅⲓⲥ ⲟⲛ ϣⲁⲥⲕⲁⲧⲁⲣⲅⲉⲓ ⲛ̄ ⲧⲟⲣⲅⲏ ⲛⲥ̄ϯ ϩⲣⲱⲕ
ⲉ ⲡϭⲱⲛⲧ̄ ϩⲓϫⲛ̄ ⲧⲉⲧⲣⲁⲡⲏⲍⲁ Ⲁ ⲙⲛ̄ ⲙ̄ⲡⲓⲥⲧⲟⲥ • ϥ̄ⲥ‐|
ⲙⲟⲩ ⲉ ⲧⲉⲩⲧⲣⲟⲫⲏ ϩⲓⲧⲛ̄ ⲛⲉⲧ ⲥⲫⲣⲁⲅⲓⲍⲉ ⲙ̄ⲙⲟⲟⲩ • Ϥ
ϩⲛ̄ ⲛ̄ⲇⲓⲡⲛⲟⲛ ⲙⲛ̄ ⲛⲉⲧ ⲥⲱ ⲙ̄ ⲡⲏⲣⲡ̄ ϩⲛ̄ ⲟⲩⲛⲟϥ :-
Ϥ︦ⲧⲁⲕⲟ ⲛ̄ ⲛ̄ⲁⲡⲓⲥⲧⲟⲥ ⲛ̄ϫⲁϫⲉ ⲙ̄ ⲡⲉⲥ̄⳨ⲟ︦ⲥ ⲛ̄ⲑⲉ ⲛ̄ⲧⲁϥ‐
ⲧⲁⲕⲟ ⲛ̄ ⲇⲓⲟⲕⲗⲏϯⲁⲛⲟⲥ • ⲁϥⲁⲁϥ ⲛ︤ⲃⲗ̄ⲗⲉ ⲉ ⲡϥ̄ⲃⲁⲗ
ⲥⲛⲁⲩ • Ϫⲉ ⲙⲡ ϥ̄ⲕⲁⲁϥ ⲛⲁϥ ⲛ̄ⲛⲁϣⲧⲉ • ⲁⲗⲗⲁ ⲁϥⲣ̄‐
ϫⲁϫⲉ ⲉ ⲣⲟϥ ⲉ ⲡϩ̄ⲟⲩⲟ : Ⲁⲩⲱ ⲟⲛ ⲑⲉ ⲙ̄ⲙⲁⲝⲓⲙⲓⲛⲓⲁⲛⲟⲥ •
ⲛ̄ⲧⲁϥⲧⲣϥ̄ⲕⲛⲟⲥ ⲉϥⲟⲛϩ̄ • ⲁⲩⲱ ⲁ ⲡϥ̄ⲗⲁⲥ ⲟⲩⲉⲓⲧⲉ ⲛ̄
ϩⲟⲩⲛ ⲉ ⲧϥ̄ⲧⲁⲡⲣⲟ • ϫⲉ ⲁϥϫⲓⲟⲩⲁ ⲉ ⲡⲉⲥ̄⳨ⲟ︦ⲥ︥ :-Ⲁⲩⲱ
ⲟⲛ ⲁϥⲧⲁⲕⲟ ⲛ̄ ⲓⲟⲩⲗⲓⲁⲛⲟⲥ • ⲡⲁⲡⲟⲥⲧⲁⲧⲏⲥ • ⲛ̄ϭⲓ ⲡⲉⲥ̄‐
⳨ⲟ︦ⲥ︦ • ϫⲉ ⲁϥⲕⲁⲁϥ ⲛ̄ⲥⲱϥ : Ⲁ ⲡⲁⲡⲟⲥⲧⲁⲧⲏⲥ ⲉⲧ ⲙ̄ⲙⲁⲩ
ϣⲱⲡⲉ • ⲛ̄ ⲟⲩⲧⲁⲡ ⲛ̄ⲧⲉ ⲡⲇⲓⲁⲃⲟⲗⲟⲥ | ϩⲁ ⲑⲉ ⲙ̄ ⲡⲁⲛϯⲭⲣ︤ⲥ︥
ⲉϥⲧϭⲉⲓⲟ ⲛ̄ ⲛⲉⲅⲣⲁⲫⲏ ⲉⲧ ⲟⲩⲁⲁⲃ • ⲉ ⲁϥⲙⲉⲗⲉⲧⲁ ⲙ̄‐
ⲙⲟⲟⲩ ⲛ̄ ⲟⲩⲙⲏⲏϣⲉ ⲛ̄ ⲥⲟⲡ • Ⲉ ⲁϥϩⲟⲙⲟⲗⲟⲅⲓ̈ ϩⲛ̄ ⲧϥ̄‐
ⲧⲁⲡⲣⲟ ⲛ̄ ϣⲟⲩⲧⲟⲙ̄ⲉⲥ • ⲙⲛ̄ ⲡϥ̄ⲗⲁⲥ ⲛ̄ϣⲟⲩϣⲁⲁⲧϥ̄ • ϫⲉ
ⲁⲓⲟϣⲟⲩ (sic) ⲁⲓⲧϭⲁⲉⲓⲟⲟⲩ (sic)ⲓ Ⲁⲗⲏⲑⲱⲥ ⲙ̄ⲡ ϥ̄ⲟϣⲟⲩ ⲟⲩⲇⲉ
ⲙ̄ⲡ ϥ̄ⲛⲟⲓ ⲙ̄ⲙⲟⲟⲩ : ⲉⲛ ⲛ̄ⲧⲁϥⲉⲓⲙⲉ ⲅⲁⲣ ⲉ ⲡⲉⲩⲛⲟⲏⲙⲁ •
ⲁⲩⲱ ⲁϥϯ ⲉⲟⲟⲩ ⲉ ⲡϣⲟⲩϣⲟⲩ ⲛ̄ ⲛⲉⲭⲣⲓⲥϯⲁⲛⲟⲥ • ⲉⲧⲉ
ⲡⲉⲥ̄⳨ⲟ︦ⲥ︦ ⲡⲉ • ⲉⲛϥ̄ⲛⲁⲙⲟⲩ ⲁⲛ ⲕⲁⲕⲟⲥ ⲡⲉ • Ⲁϥⲣ̄ ϫⲁϫⲉ
ⲅⲁⲣ ⲉ ⲡⲉⲥ̄⳨ⲟ︦ⲥ︦ ⲙ̄ ⲡϥ̄ⲱⲛϩ̄ • ⲉ ⲧⲃⲉ ⲡⲁⲓ ⲡⲕⲉ ⲙⲟⲟⲩ
ⲛ̄ϣⲁⲣⲉ ⲛ̄ϣⲁⲣⲉ (sic) ⲛ̄ϣⲁⲩⲥⲓ ⲉ ⲃⲟⲗ ⲙ̄ⲙⲟⲥ • ⲁϥⲙⲟⲩ
ⲉϥⲟⲃⲉ ⲙ̄ⲙⲟϥ • ⲛ̄ϭⲓ ⲡⲁⲛⲟⲙⲟⲥ ⲉⲧ ⲙ̄ⲙⲁⲩ : ⲉ ⲁϥⲥⲱ
ϩⲛ̄ ⲧⲙⲏ ⲙ̄ⲙⲟⲟⲩ ⲛ̄|ⲉϩⲧⲟⲟⲣ • ⲁⲩⲱϩ (sic) ⲛ̄ⲧⲟϥ ⲙ̄ⲙⲓⲛ
ⲙ̄ⲙⲟϥ • Ⲁⲩⲱ ⲙ̄ⲡⲉ ⲡϥ̄ⲥⲱⲙⲁ ⲙ̄ϣⲁ ⲛ ⲟⲩⲧⲁⲫⲟⲥ •
ⲛ̄ⲑⲉ ⲛ̄ ⲟⲩⲣⲱⲙⲉ ⲛ̄ ϩⲏⲕⲉ • ⲟⲩⲇⲉ ⲟⲩⲕⲁⲓ̈ⲥⲉ ⲉ ⲡϥ̄ⲥⲱⲙⲁ :
ⲉⲡⲓ ⲇⲏ ⲁϥⲣ̄ ϫⲁϫⲉ ⲉ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ :-Ⲉ ⲧⲃⲉ
ⲡⲁⲓ̈ ⲙ̄ⲡⲣ̄ ⲧⲣⲛ̄ⲙⲉⲣⲉ ⲧϭⲓⲛⲣ̄ ϩⲱⲃ ⲛ̄ ⲛⲉⲧ ⲙ̄ⲙⲁⲩ • ϫⲉ
ⲛⲛ̄ ⲛ̄ϩⲉ ⲡⲉⲩⲧⲁⲕⲟ • ⲙ̄ⲡⲣ̄ ⲧⲣⲛ̄ ⲉⲣ ϫⲁϫⲉ ⲉ ⲡⲉⲥ̄ⳁⲟ︦ⲥ︦ •
ϫⲉ ⲛ̄ⲛⲉ ⲡⲛ̄ⲧⲁϥϣⲱⲡⲉ ⲛⲛ︤ⲓ̈ⲟⲩⲇⲁⲓ̈ • ϣⲱⲡⲉ ⲙ̄ⲙⲟⲛ :-
Ⲛⲉ ⲛⲧⲁⲩϩⲱⲥ ⲅⲁⲣ ⲉϫⲙ̄ ⲡϣⲉ ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ :
ⲉⲩⲟⲩⲱϣ ⲉ ϩⲱⲡ ⲙ̄ⲙⲟϥ :-Ⲁⲩϣⲱⲱⲧ ⲅⲁⲣ ⲛ̄ⲛⲉⲩϣⲏⲣⲉ •
ϩⲛ̄ ⲛⲉⲩϭⲓϫ ⲙ̄ⲙⲓⲛ ⲙ̄ⲙⲟⲟⲩ :-Ⲁⲩⲟⲩⲱⲙ ⲉ ⲃⲟⲗ ϩⲛ̄


### 0028

ⲛⲉⲩⲁⲃ ⲙ̄ⲙⲓⲛ ⲙ̄ⲙⲟⲟⲩ • ⲉ ⲧⲃⲉ ⲡⲛⲟϭ ⲛϩ̄ⲕⲟ • ⲉ ⲃⲟⲗ
ϩⲓⲧⲛ̄ ⲡⲛⲟⲩⲧⲉ ⲙ̄ ⲙⲉ ⲓ︤ⲥ︥ ⲡⲉⲭ︤ⲥ︥ :- | ⲡⲛ̄ϫⲟⲉⲓⲥ • ⲉ ⲧⲃⲉ
ⲧⲧⲟⲗⲙⲏⲣⲓⲁ ⲛ̄ⲧⲁⲩⲁⲥ ⲉ ϩⲟⲩⲛ ⲉ ⲣⲟϥ ⲉ ⲁⲩⲥ̄ⳁⲟ︦ⲩ︦ ⲙ̄-
ⲙⲟϥ :-Ⲁⲩⲱ ⲡⲁⲗⲓⲛ ⲟⲛ ⲁⲩⲟⲩⲱϣ ⲉ ϩⲱⲡ ⲙ̄ ⲡϥ︦ⲥ︦⳨ⲟ︦ⲥ︦
ⲉⲧ ⲟⲩⲁⲁⲃ • ⲕⲁⲧⲁ ⲛⲉ ⲛ̄ⲧⲁϥϫⲟⲟⲩ ⲛ̄ϭⲓ ⲓⲱⲥⲏⲡⲡⲟⲥ :
ⲙⲛ̄ ⲉⲓⲉⲣⲓⲛⲛⲁⲓⲟⲥ ⲛ̄ⲁⲡⲟ ϩⲃ̄ⲣⲉⲟⲥ : Ϩⲛ̄ ⲛⲉⲩⲁⲣⲭⲓⲟⲗⲟⲅⲓⲁ
ⲉ ⲧⲃⲉ ⲛⲛ̄ⲧⲁⲩϣⲱⲡⲉ ⲛ︦ⲛ︦ⲓ̈ⲟⲩⲇⲁⲓ̈ • ⲛ︤ⲛ︥ⲉⲥϣⲱⲡⲉ ⲇⲉ ⲱ̄
ⲛⲉⲥⲛⲏⲩ ⲉ ⲧⲣⲛ︦ⲣ︦ ⲁⲧ ⲛⲁϩⲧⲉ ⲉ ⲡⲉⲭ︦ⲥ︦ ⲙⲛ̄ ⲡϥ︦ⲥ︦ⳁⲟ︦ⲥ︦ ⲉⲧ
ⲟⲩⲁⲁⲃ • ϫⲉ ⲛ̄ⲛⲉⲩⲉⲓ ⲉ ϩⲣⲁⲓ ⲉ ϫⲱⲛ ⲛ̄ϭⲓ ⲛⲓⲡⲉⲑⲟⲟⲩ
ⲧⲏⲣⲟⲩ • ϫⲉ ⲟⲩⲛⲟϭ ⲧⲉ ⲧϭⲟⲙ ⲙ̄ ⲡⲉⲥ̄ⳁⲟ︦ⲥ︦ : ϯⲛⲁⲧⲟ‐
ⲗⲟⲙⲁ ⲧⲁϫⲟⲟⲥ ϫⲉ ⲡⲉⲓⲱⲧ ⲛ̄ ⲧⲙⲛ︦ⲧ︦ⲣⲱⲙⲉ ⲧⲏⲣⲥ̄ ⲁⲇⲁⲙ
ⲙⲛ̄ ⲛⲉϥϣⲏⲣⲉ ⲧⲏⲣⲟⲩ ⲉⲧⲉ ⲁⲛⲟⲛ ⲡⲉ • ⲁⲩⲱ ⲡⲁⲓ ⲁ
ⲡⲛⲟⲩⲧⲉ | ⲧⲁⲙⲓⲟϥ • ⲕⲁⲧⲁ ⲡϥ̄ⲉⲓⲛⲉ ⲙⲛ̄ ⲧϥ̄ϩⲓⲕⲱⲛ •
Ⲉϣϫⲉ ⲉⲣⲉ ⲁⲇⲁⲙ ⲉⲓⲛⲉ ⲙ̄ ⲡⲓⲛⲉ ⲙ̄ ⲡⲛⲟⲩⲧⲉ ⲕⲁⲧⲁ
ⲛⲉⲅⲣⲁⲫⲏ • ⲉⲓ ⲙⲏ̄ ⲧ[ⲉⲓ] ⲛ̄ϫⲉ ⲟⲩⲥ̄⳨ⲟ︦ⲥ︦ ⲧⲏⲣϥ̄ ⲡⲉ ⲡⲛⲟⲩⲧⲉ
ⲡⲗⲟⲅⲟⲥ • ϩⲙ̄ ⲡⲧⲣⲉϥⲡⲉⲣϣ̄ ⲛϥ̄ϭⲓϫ ⲉ ⲃⲟⲗ ⲉ ⲡⲉⲥ̄ⳁⲟ︦ⲥ︦
ⲉⲧ ⲟⲩⲁⲁⲃ :-Ⲉ ⲁϥϣⲱⲡⲉ ⲛ̄ ⲇⲩⲡⲟⲥ ⲛ̄ ⲟⲩⲱⲧ ⲛⲙ̄ⲙⲁϥ :
ϣⲁⲛⲧ ϥ̄ⲧⲟⲩϫⲟⲛ ϩⲛ̄ ⲛ̄ ⲛ̄ⲛⲟⲃⲉ • ⲁⲛⲟⲛ ⲛⲛ̄ⲧⲁⲩⲡⲓⲥⲧⲉⲩⲉ
ⲉ ⲣⲟϥ • ⲉⲛⲱ ϩⲱⲱⲛ ⲙ̄ ⲡϥ̄ⲧⲩⲡⲟⲥ • ϩⲙ̄ ⲡ[ⲧ]ⲣⲛ̄ⲡⲱⲣϣ̄ ⲛ̄
ⲛⲛ̄ϭⲓϫ ⲉ ⲃⲟⲗ ⲛ̄ ϣⲗⲏⲗ :-ⲗⲟⲓⲡⲟⲛ ⲙⲁⲣⲛ̄ⲧⲛ̄ⲧⲱⲛ ⲉ ⲛⲉⲛ
ⲛ̄ⲉⲓⲟⲧⲉ ⲛ̄ⲟⲣⲑⲟⲇⲟⲝⲟⲥ • ⲛⲁⲓ ⲛ̄ⲧⲁⲩⲙ̄ⲧⲟⲛ ⲙ̄ⲙⲟⲟⲩ • ⲉⲩϯ
ⲉⲟⲟⲩ ⲙ ⲡⲥ̄⳨ⲟ︦ⲥ︦ ⲛ̄ ⲣϥ̄ⲧⲟⲩϫⲟ • ϯⲛⲁⲧⲁⲙⲱⲧⲛ̄ ⲇⲉ • | ⲉ
ⲡⲓ ⲛⲟϭ ⲛ̄ ⲕⲁⲓⲫⲁⲗⲁⲓⲟⲛ • ⲉ ⲡϩ̄ⲟⲩⲟ ⲛ̄ⲧⲁ ⲡⲛⲟⲩⲧⲉ
ⲭⲁⲣⲓⲍⲉ ⲙ̄ⲙⲟϥ ⲛⲁⲛ • ϩⲓⲧⲛ̄ ⲕⲱⲛⲥ̄ⲧⲁⲛϯⲛⲟⲥ ⲡⲙⲁⲓ
ⲛⲟⲩⲧⲉ ⲛⲣ̄ⲣⲟ : Ⲡⲁⲓ ⲛ̄ⲧⲁϥϣⲁ ⲛ̄ⲑⲉ ⲛ ⲟⲩⲥⲓⲟⲩ ⲉϥⲣ̄
ⲟⲩⲟⲉⲓⲛ • ⲉ ⲁϥϣⲁ ⲛⲁⲛ ⲉ ⲃⲟⲗ ϩⲛ̄ ⲧⲡⲉ :-ⲡⲁⲓ̈ ⲟⲩⲛ
ⲕⲱⲛⲥ̄ⲧⲁⲛϯⲛⲟⲥ • ⲟⲩ ⲉ ⲃⲟⲗ ⲡⲉ ϩⲉⲛⲟⲩⲛⲟⲩⲛⲉ ⲉⲧ
ⲛⲁⲛⲟⲩⲥ • ⲙ̄ⲙⲁⲓ ⲛⲟⲩⲧⲉ ⲉ ⲡϩ̄ⲟⲩⲟ :-Ⲉ ⲧⲃⲉ ⲡⲁⲓ ⲁ
ⲡⲉⲭ︦ⲥ︦ ϯⲉⲟⲟⲩ ⲛⲁϥ ϩⲓⲧⲛ̄ ⲡϥ︦ⲥ︦⳨ⲟ︦ⲥ︦ ⲉⲧ ⲟⲩⲁⲁⲃ • ⲉϥⲉⲣ‐
ϩⲙ̄ⲙⲉ ⲙ̄ⲙⲟϥ • ϩⲙ̄ ⲙⲁⲁ ⲛⲓⲙ • ⲙⲛ̄ ⲡⲟⲗⲩⲙⲟⲥ ⲛⲓⲙ •
ϣⲁ ⲡⲉϩⲟⲟⲩ ⲙ̄ ⲡϥ̄ⲙⲟⲩ • ⲡⲁⲓ ⲛ̄ⲧⲁϥⲕⲟⲥⲙⲉⲓ ⲛ̄ⲛⲉⲕ‐
ⲕⲗⲩⲥⲓⲁ • ϩⲛ̄ ⲕⲟⲥⲙⲏⲥⲓⲥ ⲛⲓⲙ ⲙ̄ ⲃⲁⲥⲓⲗⲓⲕⲟⲛ • ⲉϥⲕⲱ
ⲛ̄ ⲧϥ̄ϩⲗ̄ⲡⲓⲥ ϩⲙ̄ ⲡⲛⲟⲩⲧⲉ • ⲡⲉⲭ︦ⲥ︦ ⲓ︦ⲥ︦ ⲙⲉⲛ | ⲡϥ︦ⲥ︦⳨ⲟ︦ⲥ︦
ⲉⲧ ⲟⲩⲁⲁⲃ • ⲉ ⲁϥϭⲱ ⲉϥⲧⲏϭ ⲉ ϩⲟⲩⲛ ⲉ ⲣⲟϥ • ϩⲛ̄ ⲟⲩ‐


### 0029

ⲡⲓⲥϯⲥ ⲉⲥⲧⲁϫⲣⲏⲩ • ⲉ ⲁϥⲧⲣ̄ϣⲧⲁⲙ̄ ⲉ ⲡⲣⲟ ⲛ̄ ⲛ︤ⲣ︥ⲡⲏⲩⲉ •
ⲛ︦ⲛ︦ ⲛ̄ⲣϥ̄ϣⲙ̄ϣⲉ ⲓⲇⲱⲗⲟⲛ :-Ⲁϥⲭⲁⲣⲓⲍⲉ ⲛ̄ ϩⲛ︦ⲛ︦ⲟϭ ⲛ̄
ⲧⲁⲉⲓ̈ⲟ ⲛ︦ⲛ︦ ⲛ̄ⲉⲓⲟⲧⲉ ⲛ̄ⲟⲣⲑⲟⲇⲟⲝⲟⲥ • ⲛ̄ⲉⲡⲉⲓⲥⲕⲟⲡⲟⲥ • ⲙⲛ̄
ⲛ︦ⲕ︦ⲕⲗⲏⲥⲓⲁ ⲉⲧ ⲟⲩⲁⲁⲃ • ϩⲙ̄ ⲙⲁⲁ ⲛⲓⲙ ⲉⲧ ϩⲩⲡⲟⲧⲁⲥⲥⲉ
ⲛⲁϥ ⲉ ⲁϥϩⲱⲡ ⲛ̄ⲛⲉⲩϫⲁϫⲉ ⲁϥϩⲱⲙ ⲉ ϩⲣⲁⲓ ⲉ ϫⲱⲟⲟ •
ⲛ̄ϭⲓ ⲕⲱⲛⲥⲧⲁⲛϯⲛⲟⲥ • ⲡⲁⲓ ⲛ̄ⲧⲁϥϯ ⲉⲟⲟⲩ ⲙ̄ ⲡⲉⲥ̄ⳁⲟ︦ⲥ︦ ⲉⲧ
ⲟⲩⲁⲁⲃ •Ⲁⲩⲱ ⲡⲁⲓ ⲛϥ̄ⲥⲟⲟⲩⲛ ⲁⲛ ⲉ ⲡⲉⲥ̄ⳁⲟ︦ⲥ︦ ⲛ̄ ϣⲟⲣⲡ̄ • ϩⲓⲧⲛ̄
ⲡⲁϣⲁⲓ ⲛ ⲧⲙⲛ̄ⲧⲣϥ̄ϣⲙ̄ϣⲉ ⲉⲓ̈ⲇⲱⲗⲟⲛ : ⲉⲧ ⲡⲟⲣϣ̄ ⲉ ⲃⲟⲗ
ϩⲙ̄ ⲙⲁⲁ ⲛⲓⲙ • ϩⲓⲧⲛ̄ ⲛⲉⲣⲱⲟⲩ ⲛ̄ⲁⲡⲟⲥⲧⲁⲧⲏⲥ ⲇⲓⲟⲕⲗⲏϯⲁ‐
ⲛⲟⲥ • ⲙⲛ̄ ⲙⲁⲝⲓⲙⲓⲛⲓⲁⲛⲟⲥ • ⲛ̄ⲧⲟϥ ⲇⲉ ⲕⲱⲛⲥⲧⲁⲛϯ[ⲛⲟⲥ] |
ⲛⲉ ⲟⲩ ⲉ ⲃⲟⲗ ⲡⲉ ⲛ̄ ϩⲛ̄ⲉⲓⲟⲧⲉ ⲛ̄ⲇⲓⲕⲁⲓⲟⲥ • ⲁⲩⲱ ⲛ̄ⲭⲣⲓⲥϯⲁ‐
ⲛⲟⲥ • ⲁϥϣⲱⲡⲉ ϩⲱⲱϥ ⲡⲣⲟⲥ ⲧⲉⲩϭⲓⲛⲣ̄ϩⲱⲃ • Ⲉⲛϥ̄ⲟ ⲅⲁⲣ
ⲛ̄ⲑⲉ ⲛ̄ ⲟⲩϩⲏⲃⲉⲥ ⲉϥⲣ̄ ⲟⲩⲟⲉⲓⲛ̄ • ⲛ̄ ⲛⲉⲧ ϣⲟⲟⲡ ϩⲙ̄ ⲡⲕⲁϩ
ⲧⲏⲣϥ̄ :-Ⲉ ⲧⲃⲉ ⲡⲁⲓ̈ ⲉⲣⲉ ⲟⲩⲟⲛ̄ ⲛⲓⲙ ⲉⲡⲩⲑⲩⲙⲉⲓ ⲛ̄ ⲛⲁⲩ
ⲉ ⲣⲟϥ • ⲉ ⲧⲃⲉ ⲧϥ̄ⲙⲛ︦ⲧ︦ⲥⲁⲉⲓⲛ ⲙⲛ̄ ⲧϥ̄ⲙⲛ︦ⲧ︦ⲥⲁⲃⲉ • ⲙⲛ̄
ⲧϥ̄ⲙⲛ︦ⲧ︦ϫⲱⲱⲣⲉ :-Ⲉϥⲥⲁϩⲏⲩ ⲉ ⲃⲟⲗ ⲛ̄ ⲙⲛ︦ⲧ︦ⲣϥ̄ϣⲙ̄ϣⲉ
ⲉⲓⲇⲱⲗⲟⲛ ⲛⲓⲙ • ⲉ ⲧⲃⲉ ⲡⲁⲓ̈ ⲁ ⲇⲓⲟⲕⲗⲏϯⲁⲛⲟⲥ ⲙⲉⲣⲓⲧϥ̄ •
ⲁϥϯ ⲙ̄ ⲡⲉⲝⲉⲣⲭⲏⲧⲟⲛ ⲧⲏⲣϥ̄ ⲉ ϩⲣⲁⲓ ⲉ ⲧⲟⲟⲧϥ̄ :-Ⲉ ⲃⲟⲗ
ϫⲉ ⲟⲩϩⲓⲥⲟⲛ ⲛ︤ⲣ︦ⲣ︥ⲟ ⲡⲉ • ϩⲙ̄ ⲡⲅⲉⲛⲟⲥ ⲛ︤ⲛ︦ⲣ︦ⲣ︥ⲱⲟⲩ ⲛ︤ⲛ︥‐
ϩⲣⲱⲙⲁⲓⲟⲥ ⲛ̄ⲁⲣⲭⲁⲓⲟⲛ :-Ⲁⲩⲱ ⲛⲉ ⲟⲩⲡⲟⲗⲩⲙⲓ̈ⲥⲧⲏⲥ
ⲙ̄ⲙⲁⲧⲉ ⲡⲉ • ϩⲱⲥ ⲇⲉ ⲡⲟⲗⲩⲙⲟⲥ ⲛⲓⲙ ⲛ̄ϣⲁϥⲃⲱⲕ ⲉ
ⲣⲟϥ ϣⲁ[ⲣ]ⲉ ⲡϫⲟⲉⲓⲥ ⲑⲃ̄ⲃⲓⲟⲟⲩ ϩⲓ | ϩⲏ ⲙⲙⲟϥ • ϫⲉ
ⲛϥ̄ⲙⲉ ⲙ̄ⲙⲟϥ • ⲁⲥϣⲱⲡⲉ ⲇⲉ ⲛ̄ ⲟⲩϩⲟⲟⲩ ⲉϥϩⲙ̄ ⲡⲟⲗⲟⲓ‐
ⲙⲟⲥ • ⲛ̄ϭⲓ ⲡⲙⲁⲓ ⲛⲟⲩⲧⲉ ⲛ︦ⲣ︦ⲣⲟ ⲕⲱⲛⲥⲧⲁⲛϯⲛⲟⲥ • ⲉϥ‐
ⲙⲓϣⲉ ⲙⲛ̄ ⲙ̄ⲡⲣ︤ⲥⲟⲥ ϩⲛ̄ ⲧϥ̄ⲙⲛ︦ⲧ︦ϣⲏⲣⲉ ϣⲏⲙ :-ϩⲛ̄
ⲟⲩⲙⲁ ⲛ̄ ϣⲁⲩⲙⲟⲩⲧⲉ ⲉ ⲣⲟϥ • ϫⲉ ⲭⲁⲗⲗⲁⲙⲁⲭ ⲁⲩⲱ
ⲡⲙⲏⲏϣⲉ ⲛⲉ ⲙ̄ⲡⲣ︤ⲥⲟⲥ • ⲛⲉⲩⲟϣ ⲛ̄ϩⲟⲩⲉ ⲛⲏ :-Ⲁⲩϯ
ⲃⲉⲕⲉ ⲛ̄ⲕⲉ ⲥⲁϣϥ̄ ⲛ̄ϩⲑ̄ⲛⲟⲥ • ϫⲉ ⲕⲁⲥ ⲉⲩⲉϯ ⲧⲟⲟⲧⲟⲩ
ⲛⲙ̄ⲙⲁⲩ ⲉⲩⲃⲟⲓⲑⲓⲁ ⲛⲁⲩ • Ⲁⲩⲱ ⲛⲉⲩϫⲱ ⲙ̄ⲙⲟⲥ ϫⲉ
ⲧⲛ̄ⲛⲁϥⲓ ⲛ̄ⲛⲉⲭⲱⲣⲁ ⲧⲏⲣⲟⲩ • ⲛ̄ ⲧϩ̄ⲣⲱⲙⲁⲛⲓⲁ • ⲛ̄ⲧⲛ̄‐
ⲕⲁⲁⲩ ϩⲁ ⲣⲟⲛ ⲛⲙ̄ⲙⲁⲩ : Ⲁⲩⲧⲁⲙⲓⲟ ⲛ̄ ϩⲛ̄ⲇⲓⲁⲃⲁⲑⲣⲁ ϩⲛ̄
ⲛⲉϫⲏⲩ • ϫⲉ ⲕⲁⲥ ⲉⲩⲉϫⲓⲟⲟⲣ ⲙ̄ ⲡϥ̄ⲣⲁⲥⲧⲉ • Ⲁⲩⲱ
ⲛⲉⲩϫⲱ ⲙ̄ⲙⲟⲥ ϫⲉ ⲧⲛ̄ⲛⲁⲙⲟⲩⲟⲩⲧ ⲛ̄ ⲕⲱⲛⲥⲧⲁⲛϯⲛⲟⲥ •
ⲡⲡⲟⲗⲩ|ⲙⲁⲣⲭⲟⲥ • ⲡⲁⲓ ⲛ̄ⲧⲁϥϣⲱϥ ⲛ̄ ⲧⲛ̄ⲭⲱⲣⲁ ⲧⲏⲣⲥ̄ •


### 0030

ⲛ̄ⲧⲛ̄ⲃⲱⲕ ϣⲁ ϯⲁⲛϯⲟⲭⲓⲁ ⲛ̄ⲧⲉⲛϭⲱⲡⲉ ⲙ̄ ⲡⲣ̄ⲣⲟ ⲙⲛ̄
ⲛϥ̄ⲭⲣⲏⲙⲁ ⲧⲏⲣⲟⲩ ⲙⲛ̄ ⲧⲉⲩⲁⲓⲭⲙⲁⲗⲟⲥⲓⲁ :-Ⲕⲱⲛ‐
ⲥⲧⲁⲛϯⲛⲟⲥ ⲇⲉ ⲁϥϩⲟϫϩⲉϫ ⲙ̄ ⲡϥ̄ⲡⲛⲁ̄ • ⲉϥϫⲱ ⲙ̄ⲙⲟⲥ
ϫⲉ ⲛⲓⲙ ⲡⲉⲧ ⲟⲩⲛ ⲧϥ̄ϭⲟⲙ ⲙ̄ⲙⲁⲩ • ⲉ ⲙⲓϣⲉ ⲙⲛ̄
ⲡⲓ ⲙⲏⲏϣⲉ ⲛ̄ϩⲑ̄ⲛⲟⲥ :-Ⲛ̄ ⲧⲉⲣ ϥ̄ⲧⲱⲟⲩⲛ ⲇⲉ ⲁϥϫⲟⲟⲩ
ϣⲁ ⲙ̄ⲡⲣ︤ⲥⲟⲥ • ⲉϥϫⲱ ⲙ̄ⲙⲟⲥ ⲛⲁⲩ ϫⲉ ⲙ̄ⲡⲣ̄ ⲧⲣ ⲛ̄ⲙⲓϣⲉ
ⲙⲛ̄ ⲛⲛ̄ⲉⲣⲏⲩ ϣⲁⲛⲧ ⲛ̄ⲥⲕⲉⲡϯ ⲙ̄ⲙⲟⲛ ϩⲱⲱⲛ • ⲙⲛ̄
ⲡⲛ̄ⲙⲏⲏϣⲉ • ⲉϣⲱⲡⲉ ⲛ̄ⲧ ⲛ̄ϭⲟⲙ ⲁⲛ ⲧⲉ ⲙⲉⲓϣⲉ ⲛⲙ̄‐
ⲙⲏⲧⲛ̄ :-Ⲉⲓⲉ ⲧⲛ̄ⲛⲁⲕⲱ ⲛⲏⲧⲛ̄ ⲛ̄ ⲧⲛ̄ⲭⲱⲣⲁ • ⲛ̄ⲧⲛ̄ⲁⲛⲁ‐
ⲭⲱⲣⲓ ⲛⲁⲛ :-Ⲁⲩⲱ ⲛ̄ϯϩⲉ ⲁⲩⲣⲁϣⲉ ⲛ̄ϭⲓ ⲡⲣ︤ⲥⲟⲥ • ⲉⲩ‐
ⲙⲉⲉⲩⲉ ϫⲉ ⲛ̄ⲧⲁ ⲕⲱⲛⲥⲧⲁⲛϯⲛⲟⲥ ϭⲱⲧⲡ̄ ϩⲏⲧⲟⲩ : | ⲉϥ‐
ⲛ̄ⲕⲱⲧⲕ̄ ⲟⲩⲛ̄ ⲛ̄ⲧⲉⲩϣⲏ • ⲛ̄ϭⲓ ⲕⲱⲛⲥⲧⲁⲛϯⲛⲟⲥ • ⲉⲣⲉ
ⲡϥ̄ϩⲏⲧ ⲙⲟⲕϩ̄ ⲉ ⲣⲟϥ :-Ⲁ ⲡϩⲓⲛⲏⲃ ⲥⲁϩⲱⲱϥ ⲉ ⲃⲟⲗ
ⲙ̄ⲙⲟϥ • ⲁⲩⲱ ⲉⲣⲉ ⲛϥ̄ⲃⲁⲗ ϭⲱϣⲧ̄ ⲉ ϩⲣⲁⲓ ⲉ ⲧⲡⲉ •
ⲉϥⲙⲉⲉⲩⲉ ⲉ ⲃⲟⲗ • ϩⲓⲧⲛ̄ ⲡϩ̄ⲟⲩ ⲛ̄ⲧⲗⲩⲡⲉⲓ ⲉⲧ ⲛⲙ̄ⲙⲁϥ :-
Ⲁϥⲛⲁⲩ ϩⲛ̄ ⲧⲙⲏⲧⲉ ⲛ︦ⲛ︦ⲉⲥⲓⲟⲩ • ⲉⲩⲥ̄⳨ⲟ︦ⲥ︦ ⲛ̄ⲟⲩⲟⲉⲓⲛ :-
ⲁⲩⲱ ⲛⲉⲣⲉ ⲛ̄ⲥϩⲁⲓ ⲥⲏϩ ⲉ ⲣⲟϥ ⲛ̄ϩⲣⲱⲙⲁⲉⲓⲕⲱⲛ • ⲁⲩⲱ
ⲁϥⲱϣ ⲛ̄ ⲛⲉⲥϩⲁⲓ̈ ⲉⲩⲥⲏϩ ⲙ̄ ⲡⲓⲧⲏⲡⲟⲥ :-Ϫⲉ ⲕⲱⲛⲥⲧⲁⲛ‐
ϯⲛⲟⲥ ϩⲓⲧⲛ̄ ⲡⲓⲙⲁⲉⲓⲛ ⲡⲁⲓ ⲕ̄ⲛⲁϫⲣⲟ ⲉ ⲛⲉⲧ ϯ ⲛⲙ̄ⲙⲁⲕ :-
Ⲁⲩⲱ ϣⲓⲛⲉ ⲛ̄ⲥⲁ ⲡⲛⲟⲩⲧⲉ ⲛ ⲛⲕ̄ⲉⲓⲟⲧⲉ ⲁⲩⲱ ⲕⲛⲁϩⲉ ⲉ
ⲣⲟϥ :-Ⲁⲩⲱ ⲛ̄ ⲧⲉⲣ ϥ̄ⲧⲱⲟⲩⲛ ϩⲧⲟⲟⲩⲉ • ⲉⲛϥ̄ⲟ ⲛ̄ ϣⲡⲏⲣⲉ
ⲁⲩⲱ ⲛϥ̄ϫⲱ ⲙ̄ⲙⲟⲥ • ϫⲉ ⲡⲁ ⲛⲓⲙ ⲛ̄ⲛⲟⲩⲧⲉ ⲡⲉ ⲡⲓ
[ⲙ]ⲁⲉⲓⲛ • ⲁⲩⲱ ⲁϥ[ⲧ]ⲣⲉ ⲩⲙⲟⲩⲧⲉ ⲛ̄ⲟⲩⲏ[ⲏⲃ] | ⲙⲛ̄ ⲛⲟϭ
ⲙ̄ ⲡⲉⲝⲉⲣⲭ̄ⲉⲇⲱⲛ ⲧⲏⲣϥ̄ • ⲁϥϫⲛⲟⲩⲟⲩ ⲉ ⲧⲃⲉ ⲡⲙⲁⲉⲓⲛ
ⲛ̄ⲧⲁϥⲛⲁⲩ ⲉ ⲣⲟϥ • ϫⲉ ⲡⲁ ⲛⲓⲙ ϩⲛ̄ ⲛ̄ⲛⲟⲩⲧⲉ ⲡⲉ ⲡⲓ‐
ⲙⲁⲉⲓⲛ :-Ⲡⲉϫⲉ ϩⲟⲓⲛⲉ ⲛⲁϥ ⲉ ⲃⲟⲗ ⲛ̄ϩⲏⲧⲟⲩ • ϫⲉ ⲟⲩ
ⲡⲁⲛⲧⲟⲥ ⲡⲁ ⲫⲓⲃⲗⲁⲣⲓⲟⲛ ⲡⲉ • ⲡⲣϥ̄ϫⲣⲟ • ⲁⲩⲱ ⲡⲣϥ̄ϫⲓ
ⲡⲟⲗⲟⲓⲙⲟⲥ • ⲉ ⲁϥⲟⲩⲱⲛϩ̄ ⲉ ⲣⲟⲕ ⲉ ϯ ⲛⲁⲕ ⲙ̄ ⲡⲉϫⲣⲟ •
ⲁⲩⲱ ⲛ̄ϯϩⲉ ⲙⲁⲣⲛ̄ⲟⲩⲱⲧⲛ̄ ⲛⲁϥ ⲉ ⲃⲟⲗ :-Ϩⲛ̄ⲕⲟⲟⲩⲉ
ⲇⲉ ⲟⲛ ϫⲉ ⲡⲁ ⲡϩⲩⲣⲁⲕⲗⲏⲥ ⲡⲉ • ⲡⲉⲧ ϣⲱⲡⲉ ⲛ̄ⲧⲛ̄ⲟⲩⲱⲧⲛ̄
ⲛⲁϥ ⲉ ⲃⲟⲗ • Ⲛ̄ⲧⲟⲟⲩ ⲅⲁⲣ ⲛⲉⲧ ⲟⲩⲱϣ ⲉ ϯ ⲛⲁⲕ ⲙ̄
ⲡⲉϫⲣⲟ ϩⲙ̄ ⲡⲡⲟⲗⲩⲙⲟⲥ :-Ⲕⲱⲛⲥⲧⲁⲛϯⲛⲟⲥ ⲇⲉ ⲟⲩⲛ •
ⲙ̄ⲡ ϥ̄ⲉⲓⲙⲉ ϫⲉ ⲟⲩ ⲡⲉⲧ ϥ̄ⲛⲁⲁϥ • ⲉⲛⲉ ⲟⲩⲭⲣⲓⲥϯⲁⲛⲟⲥ
ⲡⲉ ⲛ̄ ϣⲏⲣⲉ ⲛ̄ ⲭⲣⲓⲥϯⲁⲛⲟⲥ • ⲁⲩⲱ ⲛϥ̄ⲥⲟⲟⲩⲛ ⲁⲛ ⲉ


### 0031

ⲡⲙⲁⲉⲓⲛ | ⲙ̄ ⲡⲉⲥ̄⳨ⲟ︦ⲥ︦ • ⲉ ⲃⲟⲗ ϫⲉ ⲙⲛ̄ ⲉⲕⲕⲗⲏⲥⲓⲁ ⲕⲏⲧ
ⲙ̄ ⲡⲉⲩⲟⲉⲓϣ ⲉⲧ ⲙ̄ⲙⲁⲩ • ⲟⲩⲇⲉ ⲙⲛ̄ ⲥ̄⳨ⲟ︦ⲥ︦ ⲟⲩⲱⲛϩ̄ ⲉ
ⲃⲟⲗ ϫⲉ ⲡⲉⲩⲟⲉⲓϣ ⲡⲉ ⲛ̄ⲧⲁⲩϣⲟⲣϣⲣ̄ ⲛ̄ ⲛⲉⲕ̄ⲕⲗⲏⲥⲓⲁ ⲛ̄‐
ϩⲏⲧϥ̄ :-Ⲛ̄ⲧⲁⲩϫⲡⲟϥ ⲅⲁⲣ ⲙ̄ ⲡⲉⲩⲟⲉⲓϣ ⲙ̄ ⲡⲇⲓⲟⲅⲙⲟⲥ •
ⲡⲁⲓ ⲇⲉ ⲁϥϯ ⲙ̄ ⲡϥ̄ⲟⲩⲟⲓ ⲉ ϩⲟⲩⲛ ⲉ ⲡⲉⲭⲥ̄ ⲙⲛ̄ ⲛ︦ϥ︦ⲉⲓⲟⲧⲉ •
ϩⲛ̄ ⲟⲩϩⲱⲡ :-Ⲉⲧⲓ ⲟⲩⲛ̄ ⲉϥⲙⲉⲉⲩⲉ ⲉ ⲛⲁⲓ ⲛ̄ϭⲓ ⲕⲱⲛⲥⲧⲁⲛ̄‐
ϯⲛⲟⲥ • ⲡⲡⲁⲧⲣⲓⲕⲓⲟⲥ :-ⲁϥϯ ⲡϥ̄ⲟⲩⲟⲓ̈ ⲛ̄ϭⲓ ⲟⲩⲙⲁⲧⲟⲓ •
ⲛ̄ ϫⲱⲱⲣⲉ • ⲁⲩⲱ ⲛ̄ ⲣⲙ︦ⲛ︦ⲛⲟⲩⲧⲉ • ⲉ ⲡϥ̄ⲣⲁⲛ ⲡⲉ ⲉⲩ‐
ⲥⲓⲅⲛⲓⲟⲥ :-ⲉⲩⲥⲁⲓⲉ ⲧⲟⲛⲟⲩ ⲡⲉ ⲛϥ̄ⲟⲩⲱⲛϩ̄ ⲙ̄ⲙⲟϥ ⲉ
ⲃⲟⲗ ⲁⲛ • ϫⲉ ⲡⲉⲩⲟⲉⲓϣ ⲡⲉ ⲙ̄ ⲡⲇⲓⲟⲅⲙⲟⲥ ⲡⲉ :-Ⲡⲁⲓ ⲇⲉ
ⲁϥϯ ⲙ̄ ⲡϥ̄ⲟⲩⲟⲓ ⲉ ⲕⲱⲛⲥⲧⲁⲛϯⲛⲟⲥ ⲡⲉϫⲁϥ ⲛⲁϥ • ϩⲛ̄
ⲟⲩ|ϩⲱⲡ ϫⲉ ⲡⲁ ϫⲟⲉⲓⲥ ⲥⲱⲧⲙ̄ ⲉ ⲡϣⲁϫⲉ ⲙ̄ ⲡⲕ̄ϩⲙ̄ϩⲁⲗ •
ⲡⲙⲁⲉⲓⲛ ⲛ̄ⲧⲁⲕⲛⲁⲩ ⲉ ⲣⲟϥ ϩⲛ̄ ⲧⲡⲉ • ⲙ̄ ⲡⲁ ⲟⲩⲟⲩⲟⲛ
ⲁⲡ ⲡⲉ • ϩⲛ̄ ⲛ︦ⲛ︦ⲟⲩⲧⲉ • ⲛ̄ ⲇⲓⲟⲕⲗⲏϯⲁⲛⲟⲥ ⲡⲣ︦ⲣ︦ⲟ :-Ⲁⲗⲗⲁ
ⲡⲁ ⲓ︦ⲥ︦ ⲡⲉⲭⲥ̄ ⲡⲉ ⲡϣⲏⲣⲉ ⲙ̄ ⲡⲛⲟⲩⲧⲉ ⲉⲧ ⲟⲛϩ̄ • ⲁⲩⲱ ⲁϥⲉⲓ
ⲉ ⲡⲉⲥⲏⲧ ⲉ ⲡⲓ̈ ⲕⲟⲥⲙⲟⲥ • ⲁϥϫⲓ ⲥⲁⲣⲝ̄ ϩⲛ̄ ⲧⲡⲁⲣⲑⲉⲛⲟⲥ
ⲉⲧ ⲟⲩⲁⲁⲃ ⲙⲁⲣⲓⲁ :-Ⲁϥⲣ̄ ⲧⲥⲁⲣⲝ̄ ⲛ̄ ⲟⲩⲉⲓ ⲛ̄ ⲟⲩⲱⲧ •
ⲙⲛ̄ ⲧⲙⲛ︦ⲧ︦ⲛⲟⲩⲧⲉ :-Ⲁϥⲣ̄ ⲙⲁⲁⲃ ϣⲟⲙⲧⲉ ⲛ̄ⲣⲟⲙⲡⲉ •
ⲁϥⲉⲣϩⲱⲃ ⲛⲓⲙ ⲛ̄ⲧⲉ ⲧⲙⲛ̄ⲧⲣⲱⲙⲉ • ⲛ̄ⲧⲛ̄ϩⲉ • ϣⲁⲧⲛ̄
ⲡⲛⲟⲃⲉ ⲙ̄ⲙⲁⲧⲉ • Ⲁϥⲉⲓⲣⲉ ⲛ̄ ϩⲛ̄ⲛⲟϭ ⲛ̄ ⲧⲁⲗϭⲟ • ⲛⲉⲧ
ⲙⲱⲟⲩⲧ ⲁϥⲧⲟⲩⲛⲟⲥⲟⲩ • ⲛ︤ⲃⲗ̄ⲗⲉ ⲁϥϯ ⲛⲁⲩ ⲙ̄ ⲡ|ⲟⲩⲟⲉⲓⲛ •
ⲛ̄[ⲇ]ⲁⲓⲙⲱⲛⲓⲟⲛ ⲁϥⲛⲟϫⲟⲩ ⲉ ⲃⲟⲗ :-ⲛⲉⲧ ⲥⲱⲃϩ̄ ⲁϥⲧⲉⲃ‐
ⲃⲟⲟⲩ • ⲛⲉⲧ ⲥⲏϭ ⲁϥⲧⲁⲗϭⲟⲩ • ϩⲁⲡⲗⲱⲥ • ⲙⲛ̄ ϣⲓ̈
ϣⲟⲟⲡ ⲛ̄ ⲛϥ̄ϣⲡⲏⲣⲉ • ⲙⲛ̄ ⲛ̄ϭⲟⲙ ⲛ̄ⲧⲁⲁϥⲁⲁⲩ • ϩⲓϫⲙ̄
ⲡⲕⲁϩ • ⲁⲩⲕⲱϩ ⲉ ⲣⲟϥ ⲛ̄ϭⲓ ⲛ︦ⲓ̈ⲟⲩⲇⲁⲓ̈ ⲛ̄ ⲁⲧ ⲛⲟⲩⲧⲉ •
ⲁⲩⲧⲱⲟⲩⲛ ⲉ ϫⲱϥ ⲁⲩⲥⲟⲛⲉϩϥ̄ :-ⲁⲩⲧⲁⲁϥ ⲉ ⲧⲟⲟ[ⲧ]ϥ̄
ⲙ̄ ⲡⲓⲗⲁⲧⲟⲥ ⲡϩⲏⲅⲉⲙⲱⲛ • ⲡⲁⲓ̈ ⲛ̄ⲧⲁϥⲁⲣⲭⲉⲓ ⲉ ⲧⲡⲁⲗⲉ‐
ⲥϯⲛⲏ • ⲉ ⲃⲟⲗ ϩⲓ ⲧⲟⲟⲧϥ̄ ⲛ̄ ϯⲃⲉⲣⲓⲁ̈ⲥ • Ⲁⲩⲱ ⲛ̄ ⲧⲉⲣ
ϥ̄ⲧⲙ̄ϩⲉ ⲉ ϩⲁⲡ ⲙ̄ ⲙⲟⲩ • ⲉ ϩⲟⲩⲛ ⲉ ⲣⲟϥ ⲁϥⲟⲩⲱϣ ⲉ
ⲕⲁⲁϥ ⲉ ⲃⲟⲗ :-Ⲛⲓ̈ⲟⲩⲇⲁⲓ̈ ⲇⲉ ⲁⲩϭⲱⲛⲧ̄ • ⲁⲩⲥⲧⲁⲥⲓⲁⲍⲉ •
ⲁⲩⲱ ⲡⲁⲣⲁ ⲡϥ̄ⲟⲩⲱϣ ⲁϥⲡⲁⲣⲁⲇⲓⲇⲟⲩ ⲙ̄ⲙⲟϥ ⲉ ⲧⲟⲟ‐
ⲧⲟⲩ • ⲁⲩⲉⲓⲣ[ⲉ] | ⲛⲁϥ ⲕⲁⲧⲁ ⲡⲉⲩⲟⲩⲱϣ • ⲁⲩϫⲓ ⲇⲉ
ⲛ ⲓ︤ⲥ︥ • ⲛ̄ϭⲓ ⲛ̄ⲓ̈ⲟⲩⲇⲁⲓ̈ • ⲁⲩⲧⲁⲗⲟϥ ⲉϫⲛ̄ ⲟⲩϣⲉ ⲛ̄ ⲥ̄⳨ⲟ︦ⲥ︦ •
Ⲁⲩⲥ̄⳨ⲟ︦ⲩ︦ ⲙ̄ⲙⲟϥ ⲙⲛ̄ ⲕⲉ ⲥⲟⲟⲛⲉ ⲥⲛⲁⲩ • ⲁϥⲙⲟⲩ ϩⲓϫⲛ̄


### 0032

ⲡⲉⲥ̄⳨ⲟ︦ⲥ︥ • ⲁⲩⲱ ⲉⲩⲉⲓ̈ⲛⲉ ⲙ̄ⲙⲟϥ ⲉ ⲡⲉⲥⲏⲧ • ⲁⲩⲕⲁⲁϥ
ϩⲛ̄ ⲟⲩⲧⲁⲫⲟⲥ • ⲁϥⲧⲱⲟⲩⲛ ϩⲙ̄ ⲡϥ̄ ⲙϩ̄ ϣⲟⲙⲛ︤ⲧ︥ ⲛ̄ϩⲟⲟⲩ •
ⲕⲁⲧⲁ ⲛⲉⲅⲣⲁⲫⲏ • Ⲁϥⲃⲱⲕ ⲉ ϩⲣⲁⲓ̈ ⲉⲛ̄ ⲙ̄ⲡⲏⲩⲉ •
ⲁϥϩⲙⲟⲟⲥ ϩⲓ ⲟⲩⲛⲁⲙ ⲙ̄ ⲡⲛⲟⲩⲧⲉ • ⲁⲩⲱ ϥⲛⲏⲩ ⲉ ⲕⲣⲓⲛⲉ
ⲛ̄ ⲛⲉⲧ ⲟⲛϩ̄ ⲙⲛ̄ ⲛⲧ̄ ⲙⲱⲟⲩⲧ • ⲉϥⲥⲱⲕ ϩⲏⲧϥ̄ ⲛ̄ϭⲓ ⲡⲉⲓ
ⲙⲁⲉⲓⲛ • ⲛ̄ⲧⲁⲕⲛⲁⲩ ⲉ ⲣⲟϥ ϩⲛ̄ ⲧⲡⲉ :-Ⲕⲱⲛⲥⲧⲁⲛϯⲛⲟⲥ
ⲇⲉ ⲛ̄ ⲧⲉⲣ ϥ̄ⲥⲱⲧⲙ̄ ⲉ ⲛⲁⲓ̈ ⲛ̄ ⲧⲟⲟⲧϥ̄ • ⲛ̄ ⲉⲩⲥⲓⲅⲛⲓⲟⲥ •
ⲡⲉϫⲁϥ ϫⲉ ⲟⲩⲛ̄ⲕ(sic) ⲟⲩⲛ • ⲡⲓ ⲙⲁⲉⲓⲛ ⲛ̄ⲧⲁⲓⲛⲁⲩ ⲉ ⲣⲟϥ
ϯ ⲛⲁⲓ ⲙ̄ ⲡⲉϫⲣⲟ • ϯⲛⲁ | ⲡⲓⲥⲧⲉⲩⲉ ⲉ ⲣⲟϥ ϫⲉ ⲛⲧⲟϥ ⲡⲉ
ⲡⲛⲟⲩⲧⲉ ⲛ̄ ⲛ̄ⲁⲉⲓⲟⲧⲉ :-ⲁⲩⲱ ⲛⲧⲉⲩⲛⲟⲩ ⲁ ⲕⲱⲛⲥⲧⲁⲛ̄‐
ϯⲛⲟⲥ • ϫⲓ̈ ⲙ̄ ⲡϥ̄ⲙⲉⲣⲉϩ ⲉⲧ ⲛⲁⲛⲟⲩϥ • ⲁϥⲕⲱ ϩⲓ̈ ϫⲱϥ
ⲛ̄ ⲟⲩⲥ̄⳨ⲟ︦ⲥ︦ ⲛ̄ ⲛⲟⲩⲃ • ⲁϥⲕⲱ ⲙ̄ⲙⲟϥ ϩⲓⲑⲏ ⲙ̄ⲙⲟϥ : Ⲁⲩⲱ
ⲛ̄ ⲧⲉⲣⲉ ⲧⲉⲡⲣⲟⲑⲉⲥⲙⲉⲓⲁ̄ • ⲛ̄ⲧⲁ ⲕⲱⲛⲥⲧⲁⲛ̄ϯⲛⲟⲥ • ⲥⲙⲛⲧⲥ̄
ⲙⲛ̄ ⲙ̄ⲡⲣ︤ⲥⲟⲥ • ϫⲱⲕ ⲉ ⲃⲟⲗ :-ⲁⲩϫⲓⲟⲟⲣ ⲉ ⲧⲣ ϥ̄ⲡⲟⲗⲩ‐
ⲙⲉⲓ ⲛⲙ̄ⲙⲁⲩ • ⲛ̄ϭⲓ ⲕⲱⲛⲥⲧⲁⲛϯⲛⲟⲥ • ⲉϥⲑⲁⲣⲣⲉⲓ ⲙ̄
ⲡⲙⲁⲉⲓⲛ • ⲛ̄ⲧⲁϥⲛⲁⲩ ⲉ ⲣⲟϥ ⲉ ⲃⲟⲗ ϩⲛ̄ ⲧⲡⲉ • Ⲁ ⲡϫⲟⲉⲓⲥ
ⲇⲉ ϯ ⲛⲁϥ ⲙ̄ ⲡⲉϫⲣⲟ • ⲉ ⲃⲟⲗ ϩⲛ̄ ⲧⲡⲉ ⲙ̄ ⲡⲉϩⲟⲟⲩ ⲉⲧ
ⲙ̄ⲙⲁⲩ : Ⲁⲩⲡⲱⲧ ϩⲁ ⲧϥ̄ϩⲏ ⲛ̄ϭⲓ ⲡⲙⲏⲏϣⲉ ⲧⲏⲣϥ̄
ⲛ̄ ⲙ̄ⲡⲣ︤ⲥⲟⲥ • ⲙⲛ̄ ⲛⲉⲧ ⲛⲙ̄ⲙⲁⲩ ⲧⲏⲣⲟⲩ • ⲙ̄ ⲡⲉⲥⲛⲁⲩ •
ⲛ̄ϩⲏⲧⲟⲩ ⲃⲱⲕ ⲉⲩϩⲓⲏ ⲛ̄ ⲟⲩⲱⲧ ⲁⲩⲱ ⲁⲩϩⲱⲧⲃ̄ ⲛ̄ϩⲏⲧⲟⲩ
ϣⲁ ϩⲣⲁⲓ ⲉ ⲛⲉⲩⲧⲟϣ :-Ⲉ ⲁϥⲛⲁⲩ ϩⲛ̄ ⲛϥ̄ⲃⲁⲗ • |
▨▨▨▨▨▨▨▨▨▨ⲛⲟⲩ ⲕⲱ[ⲛⲥ]ⲧⲁⲛϯⲛⲟⲥ • ⲉ ϩⲙ̄ ⲙⲏⲏϣⲉ
ⲙ̄ⲙⲁⲧⲟⲓ • ⲉⲣⲉ ⲛ̄ⲉⲩⲥⲏⲃⲉ ⲧⲟⲕⲙ̄ ϩⲛ̄ ⲛⲉⲩϭⲓϫ • ⲉⲩϭⲱϣⲧ̄
ⲛ̄ⲥⲱⲟⲩ • ⲁⲩⲱ ⲛ̄ ⲧⲉⲣⲉ ⲡⲉϫⲣⲟ ϣⲱⲡⲉ ⲛⲁϥ ϩⲓⲧⲙ̄
ⲡⲉⲥ̄⳨ⲟ︦ⲥ︦ • Ⲁϥⲕⲧⲟϥ ⲉ ϩⲟⲩⲛ ⲉ ⲧⲡⲟⲗⲓⲥ ⲙⲛ̄ ⲡϥ̄ⲁⲣⲓⲑⲙⲟⲥ
ⲙ̄ⲙⲁⲧⲟⲓ̈ • ⲙ̄ⲡⲉ ⲟⲩⲁ ⲛ̄ϩⲏⲧⲟⲩ ⲡⲗⲏⲥⲥⲉ • Ⲁⲩⲱ ⲛⲁⲓ
ⲛ̄ⲧⲁⲩϣⲱⲡⲉ • ⲕⲁⲧⲁ ⲛ̄ ⲛ̄ⲧⲁ ⲛⲥⲩⲛ̄ⲅⲣⲁⲫⲉⲩⲥ ⲛ̄ⲁⲡⲟ
ϩⲃ̄ⲣⲁⲓⲟⲥ • ⲥϩⲁⲓ̈ⲥⲟⲩ ϫⲓⲛⲉ ϣⲟⲣⲡ̄ • Ⲡⲛⲟⲩⲧⲉ ⲇⲉ ⲉⲧ
ⲕⲁⲑⲓ̈ⲥⲧⲁ ⲛ̄ ⲛⲉⲣ︦ⲣ︦ⲱⲟⲩ • ⲁⲩⲱ ⲉⲧ ⲡⲱⲛⲉ ⲙ̄ⲙⲟⲟⲩ •
ⲁϥⲡⲁⲧⲁⲥⲥⲉ ⲛ̄ ⲇⲓⲟⲅⲗⲏϯⲁⲛⲟⲥ ⲉ ⲡⲉϥⲃⲁⲗ ⲥⲛⲁⲩ :-Ⲉ
ⲧⲃⲉ ⲛ̄ ⲛ̄ⲧⲁϥⲁⲁⲩ ϩⲛ̄ ⲛ̄ ⲟⲩⲙⲛ̄ⲧⲣϥ̄ϣⲙ̄ϣⲉ ⲉⲓⲇⲱⲗⲟⲛ •
ⲁⲩⲱ ⲛ̄ϯϩⲉ ⲁⲩⲛⲟϫϥ̄ ⲉ ⲃⲟⲗ ϩⲓ̈ϫⲙ̄ ⲡϥ̄ⲑⲣⲟⲛⲟⲥ • Ⲁⲩⲱ
ϩⲓⲧⲛ̄ ⲡⲣⲟⲛⲟⲓ̄ⲁ ⲙ̄ ⲡⲛⲟⲩⲧⲉ • ⲁ ⲛⲁⲧⲥⲩⲛⲕⲗⲏⲧⲟⲥ • ⲙⲛ̄
ⲡⲃⲟⲩⲗⲉⲩⲧⲏⲣⲓⲟⲛ ⲛ̄ ⲧⲡⲟⲗⲓⲥ ⲥⲛ̄ⲧⲉ • ϩⲣⲱⲙⲏ | ⲙⲛ̄


### 0033

ⲧⲁⲛϯⲟⲭⲓⲁ ⲁⲩϭⲱⲡⲉ ⲛ̄ ⲕⲱⲛⲥⲧⲁⲛϯⲛⲟⲥ • ⲁⲩⲑⲙ̄ⲥⲱϥ
ⲉϫⲙ̄ ⲡⲉⲑⲣⲟⲛⲟⲥ ⲛ̄ ϩⲣⲱⲙⲏ • ⲁⲩϯ ⲉ ϫⲱϥ ⲙ̄ ⲡⲉⲥⲧⲉ‐
ⲫⲁⲛⲟⲥ ⲛ̄ ⲧⲙⲛ̄ⲧⲉⲣⲣⲟ • ⲙⲛ̄ ⲧ̄ⲉϭⲣⲏⲡⲉ :-Ⲁⲩⲱ ⲁⲩⲛ̄
ⲇⲱⲣⲟⲛ ⲛⲁϥ • ⲛ̄ϭⲓ ⲛ̄ⲛⲟϭ ⲛ̄ ⲧⲡⲟⲗⲓⲥ ⲥⲛ̄ⲧⲉ • ⲁⲩⲱ
ⲛⲉⲩϯ ⲉⲟⲟⲩ ⲙ̄ ⲡⲛⲟⲩⲧⲉ ⲉ ⲧⲃⲉ ⲧϥ̄ⲙⲛ︦ⲧ︦ⲁⲅⲁⲑⲱⲥ • ⲙⲛ̄
ⲧϥ̄ⲙⲛ︦ⲧ︦ⲙⲁⲓ ⲣⲱⲙⲉ • ⲛ̄ⲧⲁϥⲟⲩⲱⲛϩⲥ̄ ⲉ ⲃⲟⲗ • ⲉ ϩⲟⲩⲛ
ⲉ ⲟⲩⲟⲛ ⲛⲓⲙ :-ⲛ̄ⲧⲉⲩⲛⲟⲩ ⲁϥⲕⲱ ⲉ ⲃⲟⲗ ⲛ︦ⲛ︦ⲙ︦ⲙⲁⲛⲱⲧ
ⲉ ϩⲟⲩⲛ ⲧⲏⲣⲟⲩ • ⲕⲁⲧⲁ ⲙⲁ • ⲉ ⲁϥⲭⲁⲣⲓⲍⲉ ⲛ̄ ⲟⲩⲉⲓⲣⲏⲛⲏ
ⲛⲁϣⲱⲥ • ⲛ̄ ⲛⲉⲕ̄ⲗⲏⲥⲓⲁ • ⲉ ⲁϥⲥϩⲁⲓ ⲛ̄ ⲟⲩⲉⲡⲓⲥⲧⲱⲗⲏ •
ϣⲁ ⲡⲉⲡⲓⲥⲕⲟⲡⲟⲥ ⲟⲣⲑⲟⲇⲟⲝⲟⲥ • ϩⲙ̄ ⲙⲁⲁ ⲛⲓⲙ • ⲉ ⲧⲣⲉ
ⲩϣⲗⲏⲗ ϩⲁ ⲣⲟϥ • ⲙⲛ̄ ⲧϥ̄ⲙⲛ︦ⲧ︦ⲉⲣⲣⲟ ⲧⲏⲣⲉⲥ • ⲉ ⲧⲣⲉ
ⲡⲛⲟⲩⲧⲉ ⲥⲕⲉⲡⲁⲍⲉ ⲙ̄ⲙⲟϥ • ⲁⲩⲱ ⲛⲉⲣⲉ ⲟ[ⲩⲛ]|ⲟϭ ⲛ̄‐
ⲓⲣⲏⲛⲏ • ⲕⲱⲧⲉ ⲉ ⲣⲟϥ • ⲛ̄ ⲥⲁ ⲥⲁ ⲛⲓⲙ • ϩⲛ̄ⲛⲟϭ ⲛ̄ ⲡⲉⲧ
ⲛⲁⲛ̄ⲟⲩⲃ • ⲁ ⲡⲛⲟⲩⲧⲉ ⲭⲁⲣⲓⲍⲉ ⲙ̄ⲙⲟⲟⲩ ⲛ̄ ⲛⲉⲕⲕⲗⲏⲥⲓⲁ
ⲉ ⲃⲟⲗ ϩⲓ ⲧⲟⲟⲧϥ̄ • ⲙⲛ̄ ⲛⲉⲡⲣⲟⲉⲥⲧⲟⲥ ⲛ̄ ⲛⲉⲕⲕⲗⲏⲥⲓⲁ :-
Ⲉϥⲉⲡⲓⲧⲣⲉⲡⲉ ⲛⲁⲩ ⲉ ⲧⲣⲉ ⲩⲕⲱⲧ ⲛ̄ ϩⲛ̄ⲉⲕⲕⲗⲏⲥⲓⲁ ⲕⲁⲧⲁ
ⲙⲁ • ⲡⲣⲟⲥ ⲡⲉⲟⲟⲩ ⲛ̄ ⲧϥ̄ⲙⲛ̄ⲧⲉⲣ̄ⲣⲟ :-Ⲁⲩϫⲡⲟ ⲇⲉ ⲛⲁϥ
ⲛ̄ ⲟⲩϣⲏⲣⲉ • ⲁϥⲙⲟⲩⲧⲉ ⲉ ⲡϥ̄ⲣⲁⲛ ϫⲉ ⲕⲟⲛ̄ⲥⲧⲁⲛⲧⲟⲥ •
ⲕⲁⲧⲁ ⲡϥ̄ⲣⲁⲛ ⲙ̄ⲙⲓⲛ ⲙ̄ⲙⲟϥ :-Ⲙⲛ︦ⲛ︦ⲥⲁ ⲛⲁⲓ ⲟⲛ ⲁⲩϫⲡⲟ
ⲛⲁϥ ⲛ̄ⲕⲉ ⲟⲩⲁ • ⲁϥⲙⲟⲩⲧⲉ [ⲉ] ⲡϥ̄ⲣⲁⲛ ϫⲉ ⲕⲟⲥ|[ⲧⲁⲛⲧⲟⲥ
ⲕⲁ]ⲧⲁ ⲡϥ̄ⲣⲁⲛ ⲟⲛ • ⲛ̄ ⲧⲉⲣ ⲟⲩⲣ︥ ⲛⲟϭ ⲛ̄ ⲟⲩⲕⲟⲩⲓ • ⲁⲩϯ ⲉ
ϫⲱⲟⲩ • ⲙ̄ ⲡⲉⲥⲧⲉⲫⲁⲛⲟⲥ ⲛ̄ ⲧⲙⲛ︤ⲧ︥ⲉⲣⲣⲟ ⲙⲛ̄ ⲧⲉϭⲣⲏⲡⲉ •
Ⲁⲩⲱ ⲁⲩⲧⲁⲙⲉ ⲉ ⲡⲣ̄ⲣⲟ ⲕⲱⲛⲥⲧⲁⲛϯⲛⲟⲥ ϫⲉ ⲥⲉϣⲙ̄ϣⲉ
ⲉⲓⲇⲱⲗⲟⲛ • ϩⲛ̄ ϩⲁϩ ⲙ̄ⲙⲁ :-Ⲁⲩⲱ ⲛ̄ⲧⲉⲩⲛⲟⲩ ⲁϥⲧⲛ̄ⲛⲟⲟⲩ
ⲛ̄ⲟⲩⲕⲉⲗⲉⲩⲥⲓⲥ ⲕⲁⲧⲁ ⲡⲟⲗⲓⲥ • ⲉ ⲧⲣⲉ ⲩϣⲧⲁⲙ ⲛ̄ ⲛⲣ̄ⲡⲏⲩⲉ •
ⲛ̄ⲥⲉⲃⲓ ⲛ̄ⲛⲉⲩϣⲟϣⲧ̄ ⲛ̄ⲥⲉⲧⲁⲁⲩ ⲉ ⲛⲉⲡⲣⲟⲉⲥⲧⲟⲥ • ⲛ̄ ⲛⲕ̄-
ⲕⲗⲏⲥⲓⲁ • Ⲁⲩⲱ ⲁⲩϭⲓⲛⲉ ⲛ̄ ϩⲛ̄ⲛⲟϭ ⲛ̄ ⲭⲣⲏⲙⲁ • ⲉ ⲃⲟⲗ
ⲛ̄ϩⲏⲧⲟⲩ • ⲁⲩϫⲱⲱⲣⲟⲩ ⲉ ⲃⲟⲗ • ⲉ ⲡⲕⲱⲧ ⲛ̄ ⲛ︦ⲕ︦ⲗⲏⲥⲓⲁ
ⲕⲁⲧⲁ ⲙⲁ • ⲕⲁⲧⲁ ⲧⲕⲉⲗⲉⲩⲥⲓⲥ ⲙ̄ ⲡⲣ︦ⲣ︦ⲟ :-Ⲁϥⲧⲱⲟⲩⲛ
ⲛ̄ ϩⲛ̄ ⲟⲩϭⲉⲡⲏ ⲛ̄ϭⲓ ⲕⲱⲛⲥⲧⲁⲛ̄|ϯⲛⲟⲥ • ⲁϥϫⲓ ⲛⲙ̄ⲙⲁϥ •
ⲛ̄ⲧⲉϥⲙⲁⲁⲩ ⲙⲛ̄ ⲧϥ̄ⲥⲱⲛⲉ ⲙ̄ ⲡⲁⲣⲑⲉⲛⲟⲥ • ⲙⲛ̄ ⲟⲩ‐
ⲁⲡⲟⲥⲕⲉⲩⲏ ⲉⲛⲁϣⲱⲥ • ⲙⲛ̄ ⲟⲩⲙⲏⲏϣⲉ ⲙ̄ⲙⲁⲧⲟⲓ • ϩⲓ
ϩⲙ̄ϩⲁⲗ • ⲁⲩⲱ ϩⲛ̄ⲛⲟϭ ⲛ̄ⲉⲡⲓⲥⲕⲟⲡⲟⲥ ⲉⲩⲟⲩⲁⲁⲃ ⲁϥⲃⲱⲕ
ⲛⲙ̄ⲙⲁⲩ ⲉ ϩⲟⲩⲛ ⲉ ⲑⲓ̈ⲉ︦ⲗⲏ︦ⲙ︦ :-Ⲁⲩⲱ ⲁϥⲧⲣⲉⲩⲉⲓⲛⲉ


### 0034

ⲛⲁϥ • ⲛ︦ⲛ︦ⲛⲟϭ ⲛ︦ⲓ̈ⲟⲩⲇⲁⲓ̈ • ⲁⲩⲱ ⲁϥϣⲓⲛⲉ ⲉ ⲃⲟⲗ ϩⲓ ⲧⲟⲟ‐
ⲧⲟⲩ • Ϫⲉ ⲉⲓⲟⲩⲱϣ ⲉ ⲧⲣⲉ ⲧⲉⲧⲛ̄ⲧⲁⲙⲟⲓ • ⲉ ⲡⲙⲁ ⲙ̄
ⲡϣⲉ ⲙ̄ ⲡⲉⲥ̄⳨ⲟ︦ⲥ︦ • ⲛ̄ⲧⲁⲩⲉⲓϣⲉ ⲉⲛ̄ ⲓ︤ⲥ︥ ⲉ ⲣⲟϥ :-ⲙⲛ̄ ⲡ‐
ⲧⲁⲫⲟⲥ ⲛ̄ⲧⲁⲩⲕⲱ ⲙ̄ ⲡϥ̄ⲥⲱⲙⲁ ⲛ̄ ⲛⲟⲩⲧⲉ ⲛ̄ϩⲏⲧϥ̄ • ⲡⲣⲟⲥ
ⲡⲁⲝⲓⲱⲙⲁ ⲛ̄ ⲧⲁ ⲙⲛ︤︦ⲧ︦ⲉⲣ̄ⲣⲟ :-Ⲛ̄ⲓ̈ⲟⲩⲇⲁⲓ̈ ⲇⲉ ⲡⲉϫⲁⲩ •
ϫⲉ ⲡⲛ̄ϫⲟⲉⲓⲥ ⲡⲣ︤ⲣ︥ⲟ • | ⲉⲓⲥ ⲟⲩⲛⲟϭ ⲛ̄ ⲭⲣⲟⲛⲟⲥ ϫⲓⲛ
ⲛ̄ⲧⲁⲩⲥ̄⳨ⲟ︦ⲩ︦ ⲛ̄ ⲓ︦ⲥ︦ • ⲉⲓⲥ ϩⲟⲩⲟ ⲥⲟ ⲛ̄ⲅⲉⲛⲁⲓⲁ ⲉ ⲡⲓϩⲱⲃ •
Ⲁⲩϣⲱϥ ⲅⲁⲣ ⲛ̄ ϯⲡⲟⲗⲓⲥ • ⲁⲩⲱ ⲁⲩⲣⲟⲕϩ̄ ⲙ̄ⲙⲟⲥ •
ϩⲓⲧⲛ̄ ⲟⲩⲁⲥⲡⲁⲥⲓⲁⲛⲟⲥ ⲡⲣ︤ⲣ︥ⲟ :-Ⲁⲩϩⲱⲧⲃ̄ ⲛ︤ⲛ︦ⲛ︥ⲉⲓⲟⲧⲉ ⲛ̄
ϣⲟⲣⲡ̄ • ⲁⲩⲱ ⲁⲓⲭⲙⲁⲗⲱϯⲍⲉ ⲙ̄ⲙⲟⲟⲩ • ⲁⲩⲉⲝⲟⲣⲓ̈ⲍⲉ
ⲙ̄ⲙⲟⲟⲩ ⲉ ⲕⲏⲙⲉ • ⲉϣⲱⲡⲉ ⲁ ϩⲛ̄ⲕⲟⲩⲓ̈ ϣⲟϫⲡ̄ ⲉ ⲡⲧⲁⲕⲟ
ⲛ̄ ⲟⲩⲁⲥⲡⲁⲥⲓⲁⲛⲟⲥ • ⲉⲓⲥ ϩⲏⲏⲧⲉ ⲧⲛ̄ⲟ ⲛ̄ϩⲙ̄ϩⲁⲗ ⲙ̄ ⲡⲛ̄‐
ϫⲟⲉⲓⲥ ⲡⲣ︤ⲣ︥ⲟ • ⲛ̄ⲛⲉϩⲣⲱⲙⲉⲟⲥ ϣⲁ ϩⲣⲁⲓ̈ ⲉ ⲧⲉⲛⲟⲩ :-
Ⲡⲉϫⲉ ⲡⲣ︦ⲣ︦ⲟ ⲛⲁⲩ ϫⲉ ⲟⲩⲛ̄ⲟϭ ⲛ̄ ⲇⲩⲙⲟⲣⲉⲓⲁ ϭⲉⲉⲧ
ⲉⲣⲱⲧⲛ̄ ⲉ ⲃⲟⲗ ϩⲓ ⲧⲟⲟⲧ ⲉⲧⲉⲧⲛ̄ⲟⲩⲱϣ ⲉ ⲧⲙ̄ [ⲧⲁ]|ⲙⲟⲓ
ⲉ ⲡⲙⲁ ⲛ̄ⲧⲁⲩⲥ̄ⳁⲟ︦ⲩ︦ ⲙ̄ ⲡϫⲟⲉⲓⲥ ⲛ̄ϩⲏⲧϥ̄ • ⲙⲛ̄ ⲡϣⲉ ⲙ̄
ⲡⲉⲥ̄⳨ⲟⲥ︦ ⲉⲧ ⲟⲩⲁⲁⲃ • ⲙⲛ̄ ⲡⲧⲁⲫⲟⲥ ⲛ̄ⲧⲁⲩⲕⲁ ⲡϥ̄ⲥⲱⲙⲁ
ⲛ̄ϩⲏⲧϥ̄ • Ⲁⲩⲟⲩⲱϣⲃ̄ ⲛ̄ϭⲓ ⲛ̄ⲓ̈ⲟⲩⲇⲁⲓ̈ ⲉⲩϫⲱ ⲙ̄ⲙⲟⲥ • ϫⲉ
ⲡⲛ̄ϫⲟⲉⲓⲥ ⲡⲣ︦ⲣ︦ⲟ • ϣⲓⲛⲉ ⲛ̄ⲥⲁ ⲛⲉⲧ ⲛⲟⲓ • ⲉ ⲡⲛⲟⲙⲟⲥ ϩⲛ̄
ⲛ︦ⲓ̈ⲟⲩⲇⲁⲓ̈ ⲕⲁⲗⲱⲥ • ⲙⲛ̄ ⲛⲁⲣⲭⲏⲉⲣⲉⲩⲥ ⲉⲧ ⲛ̄ϩⲏⲧⲟⲩ :-
Ⲁⲩⲱ ⲥⲉⲛⲁⲧⲁⲙⲉ ⲡⲉⲣ︦ⲣ︦ⲟ • ⲉ ⲡⲉⲧ ϥ̄ϣⲓⲛⲉ ⲛ̄ⲥⲱϥ :-Ⲟⲩⲛ̄
ⲟⲩⲟⲛ ⲛ̄ϩⲏⲧⲛ̄ ⲛϥ̄ⲛⲟⲓ ⲉ ϯ ⲡⲟⲗⲓⲥ ⲁⲛ : ϫⲉ ⲉⲩⲉⲓⲙⲉ ⲉ ⲡⲉⲧ
ⲉⲣⲉ ⲡⲣ︦ⲣ︦ⲟ ϣⲓⲛⲉ ⲛ̄ⲥⲱϥ :-Ⲁⲩⲱ ⲡⲉϫⲉ ⲡⲣ︦ⲣ︦ⲟ ⲛⲁⲩ • ϫⲉ
ⲧⲁⲙⲟⲓ̈ ⲉ ⲛⲉⲧ ⲥⲟⲟⲩⲛ ⲉ ⲡⲛⲟⲙⲟⲥ • ⲕⲁⲗⲱⲥ ⲛ̄ϩⲏⲧ ⲧⲏⲩⲧⲛ̄ •
ⲧⲛ̄ | [one line wanting] ⲕⲁ ⲧⲏⲩⲧⲛ̄ ⲉ ⲃⲟⲗ ϩⲛ̄ ⲟⲩⲉⲓⲣⲏⲛⲏ •
ⲛ̄ⲧⲉⲧⲛ̄ⲃⲱⲕ ⲉ ⲛⲉⲧⲛ̄ⲏⲓ̈ • Ⲁⲩⲱ ⲁⲩϯ ⲛⲁϥ ⲛ̄ⲥⲁϣϥ̄ ⲛ̄ⲣⲱⲙⲉ •
ⲉⲩϫⲱ ⲙ̄ⲙⲟⲥ • ϫⲉ ⲛⲁⲓ ⲛⲉⲧ ⲥⲟⲟⲩⲛ ⲉ ⲡⲛⲟⲙⲟⲥ ⲕⲁⲗⲱⲥ •
ⲛ̄ⲧⲟⲟⲩ ⲅⲁⲣ ⲛⲉ ⲛⲁⲣⲭⲏⲉⲣⲉⲩⲥ • ⲁⲩⲱ ⲛⲁⲓ ⲛⲉ ⲛⲉⲩⲣⲁⲛ
ⲓ︦ⲟ︦ⲩ︦ⲇ︦ⲁ︦ⲥ︦ • ⲓ︦ⲁ︦ⲙ︦ⲉ︦ⲓ︦ⲛ︦ • ⲁⲃⲓⲇⲱⲛ • ⲁ︦ⲇ︦ⲱ︦ⲑ︦ⲓ︦ⲏ︦ⲥ︦ⲟ︦ⲩ︦ • ⲓ︦ⲏ︦ⲥ︦ⲟ︦ⲩ︦ •
ⲥⲩⲗⲱⲙ • ⲓ︦ⲁ︦ⲥ︦ⲥ︦ⲱ︦ⲛ︦ :-Ⲁⲩⲱ ⲡⲉϫⲉ ⲡⲣ︦ⲣ︦ⲟ ⲛⲁⲩ ϫⲉ ⲉϣⲱⲡⲉ •
ⲧⲉⲧⲛ̄ⲟⲩⲱϣ ⲉ ⲱⲛϩ̄ ϩⲙ̄ ⲡⲱⲛϩ̄ ⲙ̄ ⲡⲕⲟⲥⲙⲟⲥ ⲙⲛ̄ ⲡⲁ
ⲡⲕⲉ ⲁⲓⲱⲛ • ⲉⲓⲉ ⲧⲁⲭⲏ • ⲧⲁⲙⲟⲓ ⲉ ⲡⲙⲁ ⲙ̄ ⲡϣⲉ ⲙ̄
ⲡⲉⲥ̄⳨ⲟ︦ⲥ︦ • ⲙ̄ ⲡⲁ ϫⲟⲉⲓⲥ ⲓ︦ⲥ︦ ⲡⲉⲭ︦ⲥ︦ • ⲙⲛ̄ ⲡⲧⲁⲫⲟⲥ ⲛ̄‐
ⲧⲁⲩⲕⲁ ⲡϥ̄ⲥⲱⲙⲁ ⲛ̄ϩⲏⲧϥ̄ :-Ⲉϣⲱⲡⲉ ⲧⲉⲧⲛ̄ⲟⲩⲱϣ ⲁⲛ


### 0035

ⲉ ⲧⲁⲙⲟⲓ ⲉ ⲣⲟϥ • ⲉⲓⲉ ϯⲛⲁⲧⲁⲕⲟ | ⲛ̄ ⲛⲉⲧⲛ̄ⲥⲱⲙⲁ ϩⲛ̄
ϩⲛ̄ⲇⲓⲙⲟⲣⲓⲁ ⲉⲩⲛⲁϣⲧ̄ • Ⲁⲩⲱ ⲛⲉⲧⲛ̄ⲯⲩⲭⲏ ⲟⲛ • ⲡϫⲟⲉⲓⲥ
ⲛⲁⲣⲟⲕϩⲟⲩ ϩⲛ̄ ⲟⲩⲕⲱϩⲧ̄ ⲛ̄ ⲁⲧ ⲱϣⲙ̄ :-Ⲁϥⲟⲩⲱϣⲃ̄ ⲛ̄ϭⲓ
ⲟⲩⲁ ⲉ ⲡϥ̄ⲣⲁⲛ ⲡⲉ • ⲓ̈ⲁⲙⲓ̈ⲛ̄ ϫⲉ ⲙⲁⲣⲉ ⲡⲁ ϫⲟⲉⲓⲥ ⲡⲣ︦ⲣ︦ⲟ •
ⲱⲛ︦ϩ︦ ϣⲁ ⲉⲛϩ̄ :-ⲕⲉⲗⲉⲩⲉ ⲛⲁⲓ̈ ⲧⲁϫⲱ ⲙ̄ ⲡⲉ ϯⲥⲟⲟⲩⲛ
ⲙ̄ⲙⲟϥ • ϯⲡⲟⲗⲓⲥ ⲅⲁⲣ ⲧⲁⲓ ⲁⲩϣⲱϥⲥ̄ ⲛ̄ϣⲟⲙⲛ︦ⲧ︦ ⲛ̄ⲥⲟⲡ •
ϩⲓ̈ⲧⲛ̄ ⲛⲉⲣ︤ⲣ︥ⲱⲟⲩ ⲛ̄ ⲛϩ̄ⲣⲱⲙⲁⲓⲟⲥ :-Ⲁⲩⲱ ⲛ︤ⲛ︥ⲉⲓⲟⲧⲉ ⲁⲩ‐
ⲙⲟⲟⲩⲧⲟⲩ • ϩⲛ̄ⲕⲟⲟⲩⲉ ⲇⲉ ⲟⲛ ⲁⲩⲉⲝⲟⲣⲓⲍⲉ ⲙ̄ⲙⲟⲟⲩ
ⲉ ⲕⲏⲙⲉ • ⲁⲩⲱ ϣⲁ ⲧⲉⲛⲟⲩ ⲥⲉ ϩⲙ̄ ⲡⲙⲁ ⲉⲧ ⲙ̄ⲙⲁⲩ •
ⲙⲡ̄ ⲟⲩⲕⲱⲧⲟⲩ ⲉ ⲛⲉⲩⲏⲓ ⲛ̄ⲕⲉ ⲥⲟⲡ • Ⲉϣⲱⲡⲉ ⲁ ϩⲛ̄ⲕⲟⲩⲓ
ⲥⲉⲡⲉ ⲉ ⲡⲛ̄ⲅⲉⲛⲟⲥ • ⲉⲓⲥ ϩⲏⲏⲧⲉ ⲥⲉ ϩⲛ̄ ϯ ⲡ|ⲟⲗⲓⲥ • ⲛ̄ϣⲟⲟⲡ
ϩⲁ ⲛⲁϩⲃ̄ ⲛ̄ ⲛⲉⲣⲣⲱⲟⲩ ⲛ̄ ⲛ̄ϩⲣⲱⲙⲁⲓⲟⲥ • ⲛ̄ϯ ⲫⲟⲣⲟⲥ
ⲛⲁⲩ • ⲁⲩⲱ ⲙ̄ⲡ ⲛ̄ⲥⲃ̄ⲃⲉ ⲉ ⲛⲓⲙ ⲉⲛⲧ ⲡⲉⲣⲓⲟⲩⲣⲅⲟⲥ ⲧⲏ‐
ⲣⲟⲩ :-Ⲡⲗⲏⲛ ⲉ ⲱⲛϩ̄ ⲕⲁⲧⲁ ⲡⲛⲟⲙⲟⲥ • ⲛ̄ ⲛⲛ̄ⲉⲓ̈ⲟⲧⲉ •
ⲡϩⲱⲃ ϭⲉ ⲉⲧ ⲕ̄ϣⲓⲛⲉ ⲛ̄ⲥⲱϥ ⲉ ⲃⲟⲗ ϩⲓ ⲧⲟⲟⲧⲛ̄ • ⲛ̄ⲧⲛ̄-
ⲥⲟⲟⲩⲛ ⲙ̄ⲙⲟϥ ⲁⲛ • Ⲡⲣ̄ⲣⲟ ⲇⲉ ⲕⲱⲛⲥⲧⲁⲛϯⲛⲟⲥ ⲁϥⲧⲣⲉ
ⲩⲛⲟϫⲟⲩ ⲉⲩⲗⲁⲕⲕⲟⲥ ⲉⲙⲛ̄ ⲙⲟⲟⲩ ⲛ̄ϩⲏⲧϥ̄ ⲛ̄ⲥⲉ ⲧⲙ̄ ϯ
ⲟⲉⲓⲕ ⲛⲁⲩ ⲟⲩⲇⲉ ⲙⲟⲟⲩ • ϣⲁⲛⲧ ⲟⲩⲙⲟⲩ • Ⲙⲛ︦ⲛ︦ⲥⲁ ⲥⲁϣϥ̄
ⲛ̄ϩⲟⲟⲩ • ⲉⲩⲉⲙ ⲡⲉⲥⲏⲧ ⲉ ⲡⲗⲁⲕⲕⲟⲥ • ⲁⲩⲱϣ ⲉ ⲃⲟⲗ
ϫⲉ ⲙⲁⲣⲉ ⲡⲛ̄ϫⲟⲉⲓⲥ ⲡⲣ︤ⲣ︥ⲟ ⲕⲉⲗⲉⲩⲉ • ⲛ̄ⲥⲉⲉⲛⲧⲛ̄ ⲉ ϩⲣⲁⲓ •
ⲁⲩⲱ ⲧⲛ̄ⲛⲁⲙⲉ ⲡⲛ̄ϫ[ⲟⲉⲓⲥ] | ⲡⲣ︦ⲣ︦ⲟ ⲉ ⲡⲉⲧ ϥ̄ϣⲓⲛⲉ ⲛ̄ⲥⲱϥ •
ⲁϥⲕⲉⲗⲉⲩⲉ ⲉ ⲧⲣⲉ ⲩⲛ̄ⲧⲟⲩ ⲉ ϩⲣⲁⲓ • ⲉⲛⲉ ⲁ ⲡⲉⲩⲥⲱⲙⲁ
ⲅⲁⲣ ϣⲓⲃⲉ ϩⲓⲧⲛ̄ ⲡⲱϭⲃ̄ ⲙ̄ ⲡⲗⲁⲕⲕⲟⲥ • ϫⲉ ⲛϥ̄ⲟⲩⲏⲩ ⲉ
ⲡⲉⲥⲏⲧ ϩⲙ̄ ⲡⲕⲁϩ :-ⲟⲩⲁ ⲉ ⲃⲟⲗ ⲛ̄ϩⲏⲧⲟⲩ ⲉ ⲡϥ̄ⲣⲁⲛ ⲡⲉ
ⲓ̈ⲟⲩⲇⲁⲥ • ⲡⲉϫⲁϥ • ϫⲉ ⲙⲁⲣⲉ ⲡⲁ ϫⲟⲉⲓⲥ ⲡⲣ̄ⲣⲟ • ⲕⲉⲗⲉⲩⲉ •
ⲛ̄ⲥⲉⲧⲥⲟⲓ ⲛ̄ ⲟⲩⲕⲟⲩⲓ ⲙ̄ⲙⲟⲟⲩ • ⲁⲩⲱ ϯⲛⲁⲧⲁⲙⲟⲕ ⲉ ϩⲱⲃ
ⲛⲓⲙ • ⲉⲧ ⲕ̄ϣⲓⲛⲉ ⲛ̄ⲥⲱⲟⲩ : Ⲁϥϫⲟⲟⲥ ⲛ̄ϭⲓ ⲡⲣ̄ⲣⲟ ⲉ ⲧⲣⲉ
ⲩⲉⲓⲛⲉ • ⲛ̄ ϩⲛ̄ⲟⲉⲓⲕ ⲉⲩⲧⲃ̄ⲃⲏⲩ • ⲙⲛ̄ ⲟⲩⲙⲟⲟⲩ ⲁϥⲧⲣⲉ
ⲩⲟⲩⲱⲙ ⲁⲩⲥⲱ • Ⲛ̄ ⲧⲉⲣ ϥ̄ⲧⲁϫⲣⲉ ⲡϥ̄ϩⲏⲧ • ⲛ̄ϭⲓ ⲓ̈ⲟⲩⲇⲁⲥ
ϩⲓ ⲛⲁⲓ • ⲁϥⲱϣ ⲉ ⲃⲟⲗ ⲉϥϫⲱ ⲙ̄ⲙⲟⲥ • ϫⲉ ⲡⲁ ϫⲟ|ⲉⲓⲥ
ⲡⲣ︦ⲣ︦ⲟ ⲙ̄ ⲙⲁⲓ ⲛⲟⲩⲧⲉ • ⲁⲩⲱ ⲙ̄ ⲙⲁⲓ ⲣⲱⲙⲉ • Ϥϫⲱ
ⲙ̄ⲙⲟⲥ ⲛ̄ϭⲓ ⲡⲛ̄ⲉⲓⲱⲧ ⲇ︦ⲁ︦ⲇ︦ • ϩⲙ̄ ⲡⲉⲡⲛⲁ̄ • ϫⲉ ⲛ̄ ⲛ̄ⲧⲁⲛ‐
ⲥⲟⲧⲙⲟⲩ • ⲁⲛⲉⲓⲙⲉ ⲉ ⲣⲟⲟⲩ • ⲛ̄ ⲛ̄ⲧⲁ ⲛⲛ̄ⲉⲓⲟⲧⲉ ϫⲟⲟⲩ •
ⲙ̄ⲡ ⲟⲩϩⲱⲡ ⲉ ⲛⲉⲩϣⲏⲣⲉ ⲉ ⲕⲉ ϫⲱⲙ :-Ⲁϥϫⲟⲟⲥ ⲟⲛ


### 0036

ⲛⲁⲓ ⲛ̄ϭⲓ ⲡⲁ ⲉⲓⲱⲧ ⲥⲩⲙⲉⲱⲛ ϫⲉ ⲁ ⲡⲁ ⲉⲓⲱⲧ ⲓ̈ⲟⲩⲇⲁⲥ
ϫⲛⲟⲩⲓ • ϫⲉ ϩⲙ̄ ⲡⲕⲉⲣⲟⲥ ⲛ̄ⲧⲁⲩⲥ̄ⳁⲟ︦ⲩ︥ ⲛ̄ ⲓ︤ⲥ︥ ⲛ̄ϩⲏⲧϥ̄ • Ⲁ
ⲛ︦ⲓ̈ⲟⲩⲇⲁⲓ̈ ⲥⲱⲟⲩϩ ⲉ ⲛⲉⲩⲉⲣⲏⲩ • ⲁⲩⲉⲓⲣⲉ ⲛ̄ ⲟⲩϣⲟϫⲛⲉ
ⲛ̄ ⲟⲩⲱⲧ • Ⲛ̄ ⲧⲉⲣ ⲟⲩⲉⲓⲙⲉ ϫⲉ ⲁϥⲧⲱⲟⲩⲛ ⲉ ⲃⲟⲗ ϩⲛ̄ ⲛⲉⲧ
ⲙⲱⲟⲩⲧ • ⲁⲩϯ ⲛ̄ ϩⲛ̄ⲛⲟϭ ⲛ̄ ϩⲟⲙⲛ︦ⲧ︦ ⲛ̄ ⲙ̄ⲙⲁⲧⲟⲓ • ⲉⲧ
ⲣⲟⲉⲓⲥ ⲡⲧⲁⲫⲟⲥ • ⲉⲩϫⲱ ⲙ̄ⲙⲟⲥ • ϫⲉ ⲛϥ̄ⲙⲁⲑⲩⲧⲏⲥ ⲛ︦ⲛ︦‐
ⲧⲁⲩ | ⲉⲓ ⲁⲩ▨▨▨▨ⲉⲛⲧⲉⲩϣⲏ • ⲉⲛⲛ̄ⲕⲟⲧⲕ̄ ⲙ̄ⲡ ⲛ̄ⲉⲓⲙⲉ •
ⲁ ⲛ̄ⲉⲛⲉⲓⲟⲧⲉ • ϫⲓ ϭⲟⲗ ⲉ ⲧⲁⲛⲁⲥⲧⲁⲥⲓⲥ ⲙ̄ ⲡϫⲟⲉⲓ̈ⲥ • ⲉ ⲧⲃⲉ
ⲡⲉⲩⲧⲱⲙ̄ ⲛ̄ϩⲏⲧ • Ⲙⲛ︦ⲛ︦ⲥⲱⲥ ⲁ ϩⲛ̄ϭⲟⲙ ϣⲱⲡⲉ • ⲉ ⲃⲟⲗ
ϩⲙ̄ ⲡⲧⲁⲫⲟⲥ ⲛ̄ ⲓ︤ⲥ︥ • ϩⲱⲥ ⲧⲉ • ⲛϥ̄ⲧⲟⲩⲛ̄ⲉⲥ ⲛⲉⲧ ⲙⲱⲟⲩⲧ
Ⲁϥⲛⲟⲩϫ ⲉ ⲃⲟⲗ ⲛ̄ ⲛ̄ⲇⲁⲓⲙⲱⲛⲓⲟⲛ ϩⲛ̄ ⲛ̄ⲣⲱⲙⲉ :-
Ⲁⲩⲕⲱϩ ⲉ ⲣⲟϥ ⲛ̄ϭⲓ ⲛ︦ⲓ̈ⲟⲩⲇⲁⲓ̈ ⲉ ⲧⲃⲉ ⲡⲓ ϩⲱⲃ • Ⲁⲩⲕⲩⲣⲓⲍⲉ
ⲙ̄ ⲡⲓϣⲁϫⲉ ⲡⲁⲓ ⲛⲧⲁⲩⲙⲉⲉⲩⲉ ⲉ ⲣⲟϥ ⲛ̄ϭⲓ ⲛ︦ⲓ̈ⲟⲩⲇⲁⲓ̈ :-
ϫⲉ ⲙⲁⲣ ⲛ︦ⲓ̈ⲟⲩⲇⲁⲓ̈ ⲧⲏⲣⲟⲩ ⲉⲧ ϩⲛ̄ ⲑⲓ︤ⲉ︥ⲗⲏ︤ⲙ︥ ⲙⲛ̄ ⲙⲁⲁ
ⲛⲓⲙ ⲉⲧ ϩⲏⲛ ⲉ ⲣⲟⲟⲩ • ϩⲉⲥ ⲉⲓⲧⲛ̄ ⲉϫⲙ̄ ⲡⲧⲁⲫⲟⲥ ⲛ̄ ⲓ︦ⲥ︦ •
Ⲁⲩⲕⲩⲣⲓⲍⲉ ⲙ̄ ⲡⲓϩⲱⲃ ⲛ̄ ⲃⲟⲧⲉ • ϫⲉ ⲉⲓⲧⲛ̄ ⲛⲓⲙ ⲉϣⲁⲩ‐
ⲡⲟⲛⲅⲟⲩ | ⲉ ⲃⲟⲗ ϩⲛ̄ ⲛⲉⲩⲏⲓ ⲙⲁⲣⲟⲩϩⲟⲥⲟⲩ ⲉϫⲙ̄ ⲡⲧⲁⲫⲟⲥ
ⲛ̄ ⲓ︦ⲥ︦ :-Ⲉⲛⲉⲩⲉⲓⲣⲉ ⲇⲉ ⲙ̄ ⲡⲁⲓ̈ ⲛⲟⲩⲛⲟϭ ⲛ̄ ⲟⲩⲟⲉⲓϣ
ϣⲁⲛⲧ ϥ̄ⲉⲓ ⲛ̄ϭⲓ ⲟⲩⲁⲥⲡⲁⲥⲓⲁⲛⲟⲥ ⲡⲣ︤ⲣ︥ⲟ ⲛ̄ ⲛ︤ϩ︥ⲣⲱⲙⲁⲓⲟⲥ :
ⲛ︦ϥ︦ⲙⲟⲩⲟⲩⲧ ⲙ̄ ⲡⲛ̄ⲅⲉⲛⲟⲥ • ⲙ̄ⲡ ⲟⲩⲗⲟ ⲉⲩⲉⲓⲣⲉ ⲛ̄ϯϩⲉ •
ϣⲁⲛⲧⲉ ϩⲛ̄ⲛⲟϭ ⲛ̄ⲕⲟⲡⲣⲉⲓⲁ ϣⲱⲡⲉ :-Ⲟⲩⲛ̄ⲧⲁⲕ ⲟⲩⲛ ⲙ̄‐
ⲙⲁⲩ ⲱ̄ ⲡⲣ︦ⲣ︦ⲟ • ⲛ̄ ϩⲛ̄ⲁⲡⲟⲧⲉⲝⲓⲥ ⲉ ⲃⲟⲗ ϩⲛ̄ ⲛⲉⲩⲁⲅⲅⲉⲗⲓⲟⲛ
ⲛ̄ ⲓ︦ⲥ︦ ⲡⲉⲭ︦ⲥ︦ • ϫⲉ ⲁϣ ⲡⲉ ⲡⲙⲁ ⲛ̄ⲧⲁⲩⲕⲁⲁϥ ⲛ̄ϩⲏⲧϥ̄ :-
Ⲁⲩⲱ ⲁ ⲡⲣ︦ⲣ︦ⲟ ⲕⲉⲗⲉⲩⲉ ⲉ ⲉⲓⲛⲉ ⲛⲁϥ ⲛ̄ ⲛⲉⲩⲁⲅⲅⲉⲗⲓⲟⲛ •
ⲁϥⲱϣ ϩⲓⲱⲟⲩ ⲁϥϭⲛ̄ⲧⲟⲩ ⲉⲙⲛ̄ ⲗⲁⲁⲩ ⲛ̄ ϯⲁⲫⲟⲣⲁ •
ⲛ̄ϩⲏⲧⲟⲩ ⲙ̄ ⲡϥ̄ⲧⲟⲟⲩ ⲁⲗⲗ[ⲁ] | ϫⲉ ⲛ̄ⲧⲁⲩϫⲓⲧϥ̄ ⲉ ⲡⲙⲁ ⲙ̄
ⲡⲕⲟⲗⲅⲟⲑⲁ • ⲉⲧⲉ ⲡⲙⲁ ⲡⲉ ⲙ̄ ⲡⲕ̄ⲣⲁⲛⲓⲟⲛ • ⲛ̄ⲧⲁⲩⲥ̄ⳁⲟⲩ̄
ⲙ̄ⲙⲟϥ ϩⲙ̄ ⲡⲙⲁ ⲉⲧ ⲙ̄ⲙⲁⲩ • ⲁⲩⲱ ⲉⲣⲉ ⲡⲧⲁⲫⲟⲥ ϩⲙ̄
ⲡⲙⲁ ⲉⲧ ⲙ̄ⲙⲁⲩ • ⲛ̄ⲧⲁⲩⲕⲁ ⲡϥ̄ⲥⲱⲙⲁ ⲛ̄ϩⲏⲧϥ̄ • ⲉϥϩⲏⲛ
ⲉ ϩⲟⲩⲛ ⲉ ⲣⲟϥ : Ⲁϥⲟⲩⲱϣⲃ̄ ⲛ̄ϭⲓ ⲡⲣ︦ⲣ︦ⲟ • ⲕⲱⲛⲥⲧⲁⲛ‐
ϯⲛⲟⲥ • ⲡⲉϫⲁϥ ⲛ̄ ⲓ̈ⲟⲩⲇⲁⲥ • ϫⲉ ⲙⲁⲧⲁⲙⲟⲓ ⲉ ⲡⲙⲁ ⲙ̄
ⲡⲅⲟⲗⲅⲟⲑⲁ • ⲁⲩⲱ ⲕⲛⲁϣⲱⲡⲉ ⲉⲕⲟ ⲛ̄ ⲣⲙ̄ϩⲉ Ⲁⲩⲱ
ⲡⲉϫⲉ ⲓ̈ⲟⲩⲇⲁⲥ ϫⲉ ⲙⲁⲣⲉ ⲧⲕ̄ⲙⲛ︦ⲧ︦ϫⲟⲉⲓⲥ ⲥⲕⲩⲗⲗⲓ ⲙ̄ⲙⲟⲕ •
ⲛ︦ⲅ︦ ⲉⲓ ⲛⲙ̄ⲙⲁⲓ̈ ⲧⲁⲧⲥⲁⲃⲟⲕ ⲉ ⲡⲅⲟⲗⲅⲟⲑⲁ • ⲉⲧⲉ ⲡⲙⲁ̄


### 0037

ⲙ ⲡⲕ̄ⲣ[ⲁⲛ]ⲓⲟⲛ ⲡⲉ • Ⲁⲩⲱ ⲁϥⲧⲱⲟⲩⲛ̄ ⲛ̄ϭⲓ ⲡⲣ̄ⲣⲟ • ⲙⲛ̄
ⲧϥ̄ⲙⲁⲓ ⲛⲟⲩⲧⲉ ⲙ̄ ⲙⲁⲁⲩ | ϩⲏⲗⲏⲛⲏ • ⲙⲛ̄ ⲛ̄ⲛⲟϭ ⲉⲧ
ⲛⲙ̄ⲙⲁϥ • ⲁϥϫⲓⲧⲟⲩ ⲉϫⲙ̄ ⲡⲅⲟⲗⲅⲟⲑⲁ • ⲁϥϫⲓⲧⲟⲩ ⲉϫⲛ̄
ⲟⲩⲛⲟϭ ⲛ̄ⲕⲟⲡⲣⲓ̄ⲁ • ⲉⲥϫⲟⲟⲥⲉ ⲉϫⲛ̄ ⲧⲡⲟⲗⲓⲥ ⲧⲏⲣⲥ̄ • ⲛⲁ ϣⲉ
ⲙ̄ ⲙⲁⲁϩⲉ :-Ⲉⲥⲉⲓⲣⲉ ⲛ̄ ϫⲟⲩⲱⲧⲉ ⲛ̄ⲥⲓϯ ⲱϩⲉ • ⲉⲥⲕⲱⲧⲉ
Ⲉⲥⲙⲏϩ ⲛ̄ⲉⲓⲉⲓⲧⲛ̄ • ϩⲙ̄ ⲡⲙⲁ ⲙ̄ ⲡⲧⲁⲫⲟⲥ ⲙⲛ̄ ⲡⲕ̄ⲣⲁ‐
ⲛⲓⲟⲛ :-Ⲡⲉϫⲉ ⲓ̈ⲟⲩⲇⲁⲥ ⲙ̄ ⲡⲣ︦ⲣ︦ⲟ ϫⲉ ⲉⲓⲥ ⲡⲅⲟⲗⲅⲟⲑⲁ
ⲕⲁⲧⲁ ⲧⲕ̄ⲁⲥⲡⲉ :-ⲕⲁⲧ ⲁⲥⲡⲉ ϩⲱⲱⲛ ⲛ̄ⲉϩⲃ̄ⲣⲁⲓⲟⲥ • ⲅⲁⲃ‐
ⲃⲁⲑⲁ : Ⲡⲣ︦ⲣ︦ⲟ ⲇⲉ ⲛ̄ ⲧⲉⲣ ϥ̄ⲛⲁⲩ ⲛ︦ⲛ︦ⲟϭ ⲛ̄ⲕⲟⲡⲣⲓ̈ⲁ • ⲙⲛ̄
ⲡⲙⲁ ⲛ̄ ϫⲁⲓⲉ • ⲁϥϩⲟϫϩⲉϫ ⲙ̄ⲙⲁⲧⲉ :-Ⲓ̈ⲟⲩⲇⲁⲥ ⲇⲉ ⲛ̄
ⲧⲉⲣ ϥ̄ⲛⲁⲩ ⲉ ⲡⲣ︦ⲣ︦ⲟ • ϫⲉ ⲁϥⲟⲩⲟⲗⲉⲥ ⲛ̄ϩⲏⲧ • ⲡⲉϫⲁϥ
ⲛⲁϥ ϫⲉ ⲙ̄ⲡⲣ̄ ⲧⲣⲉ ⲡⲁ ϫⲟⲉⲓⲥ ⲡⲣ̄ⲣⲟ • ⲱⲕⲙ̄ • ⲟⲩ|ⲛ
▨▨▨ⲕⲕ▨ⲁⲧⲟⲥ • ⲉ ⲉⲓⲣⲉ ⲙ̄ ⲡⲕ̄ⲟⲩⲱϣ ⲧⲏⲣϥ̄ • Ⲉⲡⲓ ⲇⲏ
ⲛⲁ ⲡⲛ̄ⲅⲉⲛⲟⲥ • ⲁⲩⲉⲓ̈ⲣⲉ ⲛ̄ ⲛⲉⲓ̈ ⲛⲟϭ ⲙ̄ ⲡⲉⲑⲟⲟⲩ • Ⲧⲉⲛⲟⲩ
ϭⲉ ⲧⲛ̄ⲛⲟⲟⲩ ⲉ ⲃⲟⲗ ϩⲛ̄ ⲧⲕ̄ⲙⲛ︤ⲧ︥ⲉⲣⲣⲟ ⲧⲏⲣⲥ̄ • ⲙⲁⲣⲟⲩ
ϭⲱⲡⲉ ϩⲛ̄ ⲧⲕ̄ⲙⲛ̄ⲧⲉⲣ̄ⲣⲟ • ⲛ̄ ⲛ︦ⲓ̈ⲟⲩⲇⲁⲓ̈ ⲧⲏⲣⲟⲩ • ⲛ̄ⲥⲉⲉⲓⲛⲉ
ⲙ̄ⲙⲟⲟⲩ ⲕⲁⲧⲁ ⲙⲁ • ⲙⲛ̄ ⲛⲉⲩⲧⲃ̄ⲛⲟⲟⲩⲉ ⲙⲛ̄ ⲛⲉⲩⲥⲕⲉⲩⲉ
ⲛ̄ ϣⲓⲕⲉ • ⲙⲛ̄ ⲛⲉⲩⲁⲛϩⲟⲗⲟⲙⲁ • Ⲉ ⲃⲟⲗ ϫⲉ ⲛ̄ ⲛⲉⲓⲟⲧⲉ
ⲉⲧ ϩⲟⲥⲟⲩ • ⲛ̄ⲧⲟⲟⲩ ϩⲱⲟⲩ ⲛ̄ϣⲏⲣⲉ ⲛⲉⲧ ⲛⲁⲟⲗⲟⲩ ⲉ ⲃⲟⲗ •
Ⲁ ⲛ̄ⲉⲛ̄ⲉⲓⲟⲧⲉ • ⲟⲩⲉⲙ̄ ⲉⲗⲉⲗ ϩⲙ̄ϫ • ⲙⲁⲣⲛ︦ⲛ︦ⲁϫⲉ ⲛ̄ⲛⲉⲩ‐
ϣⲏⲣⲉ ⲛ̄ ⲟⲩϣⲥ̄ :-Ⲁⲩⲱ ⲛ̄ϯϩⲉ ⲁ ϯ ⲥⲩⲙⲃⲟⲩⲗⲓⲁ • ⲉⲣⲁ‐
ⲛⲁϥ ⲙ̄ ⲡⲣ̄ⲣⲟ • ⲙⲛ̄ ⲛϥ̄ⲛⲟϭ • | Ⲁⲩⲱ ⲛ̄ϯϩⲉ ⲁ ⲡⲣ︦ⲣ︦ⲟ
ⲥϩⲁⲓ̈ ⲛ̄ⲧⲉⲩⲛⲟⲩ • ⲉ ⲃⲟⲗ ϩⲛ̄ ⲧϥ̄ⲙⲛ︦ⲧ︦ⲣ︦ⲣⲟ ⲧⲏⲣⲥ̄ • ⲉϥϫⲱ
ⲙ̄ⲙⲟⲥ ⲛ̄ϯϩⲉ • ϫⲉ Ⲁⲛⲟⲕ ⲡⲉ ⲕⲱⲛⲥⲧⲁⲛϯⲛⲟⲥ ⲡⲣ̄ⲣⲟ •
ⲡⲁⲓ̈ ⲉⲧ ϩⲏⲕ ϩⲁ ⲣⲁⲧϥ̄ ⲛ̄ ⲓ︦ⲥ︦ ⲡⲉⲭ︦ⲥ︦ • ⲡⲛⲟϭ ⲛ̄ ⲣ̄ⲣⲟ ⲙ̄
ⲙⲉ • ⲉⲓⲥϩⲁⲓ ⲛ̄ ⲛ̄ⲛⲟϭ ⲛ̄ ⲙ̄ ⲡⲟⲗⲓⲥ ⲕⲁⲧⲁ ⲙⲁ • ⲙⲛ̄
ⲛⲉⲩⲧⲟϣ • ϣⲁ ϩⲣⲁⲓ ⲉⲩϯⲙⲉ • ⲏ̄ ⲟⲩⲭⲱⲣⲓⲟⲛ ⲉⲣⲉ ⲙⲏⲧ
ⲛ̄ⲣⲱⲙⲉ ⲛ̄ϩⲏⲧϥ̄ • ⲛⲁⲓ ⲉⲧ ϣⲟⲟⲡ ϩⲁ ⲡⲁⲙⲁϩⲧⲉ ⲛ̄ ⲧⲁ
ⲙⲛ︦ⲧ︦ⲉⲣ︦ⲣ︦ⲟ • ϫⲉ ⲕⲁⲥ ⲉⲩⲉϭⲱⲡⲉ ⲛ̄ⲉⲛⲓ̈ⲟⲩⲇⲁⲓ̈ ⲧⲏⲣⲟⲩ
ⲉⲧ ⲟⲩⲏϩ • ϩⲁⲧⲛ̄ ⲧⲏⲩⲧⲛ̄ • ⲛ̄ⲧⲉⲧⲛ̄ ⲧⲛ̄ⲛⲟⲟⲩⲥⲟⲩ • ⲉ
ⲑⲓ︦ⲉ︦ⲗⲏ︦ⲙ︦ ⲙⲛ̄ ⲛⲉⲧⲃ̄ⲛⲟⲟⲩⲉ ⲙⲛ̄ ⲛⲉⲥⲕⲉⲩⲏ ⲛ̄ϣⲓⲕⲉ • ⲙⲛ̄
ⲛⲉⲩⲁⲛϩⲟⲗⲟⲙⲁ • ⲁⲩⲱ ⲡⲉⲧ|ⲟⲩⲛⲁϩⲉ ⲉ ⲣⲟϥ • ⲉ ⲁϥϩⲱⲡ
ⲉϫⲛ̄ ⲟⲩⲁ ⲛ̄ϩⲏⲧⲟⲩ • ⲉϥⲉϣⲱⲡⲉ ⲉϥϭⲏⲡ ⲉ ⲡⲙⲟⲩ • ⲁⲩⲱ
ⲛ̄ⲥⲉⲧⲉⲙⲉⲩⲉ ⲙ̄ⲙⲟϥ ⲙⲛ̄ ⲡϥ̄ⲏⲓ :-Ⲛ̄ ⲧⲉⲣ ⲟⲩϫⲓ ⲇⲉ ⲛ̄


### 0038

ⲛⲉⲥϩⲁⲓ ⲙ̄ ⲡⲣ︦ⲣ︦ⲟ • ⲁⲩϭⲱⲡⲉ ⲛ︦ⲓ̈ⲟⲩⲇⲁⲓ̈ ⲧⲏⲣⲟⲩ ⲕⲁⲧⲁ
ⲙⲁ • ⲁⲩⲧⲛ̄ⲛⲟⲟⲩⲥⲟⲩ ⲉ ⲑⲓ︦ⲉ︦ⲗⲏ︦ⲙ︦ ⲙⲛ̄ ⲛⲉⲩⲥⲕⲉⲩⲉ ⲛ̄‐
ϣⲓⲕⲉ • ⲙⲛ̄ ⲛⲉⲩⲧⲃ̄ⲛⲟⲟⲩⲉ • ⲙⲛ̄ ⲛⲉⲩⲁⲛϩⲟⲗⲟⲙⲁ • Ⲁⲩⲱ
ⲁⲩⲉⲓ ⲉ ⲃⲟⲗ ϩⲛ̄ ⲭⲱⲣⲁ ⲛⲓⲙ ⲉ ⲑⲓ︦ⲉ︦ⲗⲏ︦ⲙ︦ ⲉⲩⲟϣ ⲛ̄ⲑⲉ
ⲛ̄ ⲛⲉⲥⲓⲟⲩ ⲛ̄ ⲧⲡⲉ :-Ⲁⲩⲱ ⲁ ⲡⲣ︦ⲣ︦ⲟ ⲧⲱϣ ⲉ ϫⲟⲟⲩ • ⲛ̄
ϩⲛ̄ⲉⲣⲅⲟⲇⲓⲟⲕⲧⲏⲥ • ϫⲉ ⲕⲁⲥ ⲉⲩⲉϫⲱⲣⲙ̄ ⲉ ϫⲟⲟⲩ ⲉ ϩⲟⲩⲛ
ⲉ ⲧⲣ̄ⲅⲁⲥⲓ̈ⲁ • Ⲁϥⲕⲟ ⲛϣⲟ ⲥⲛⲁⲩ ⲙ̄ⲙⲁⲧⲟⲓ • ϩⲛ̄ ⲑⲓ︦ⲉ︦ⲗⲏ︦ⲙ︦
ⲙⲛ̄ ϩⲛ̄ⲭⲓⲗⲓⲁⲣⲭⲟⲥ • | ⲙⲛ̄ ϩⲛ̄ϩⲩⲕⲁⲧⲟⲛⲧⲁⲣⲭⲟⲥ • ⲙⲛ̄
ϩⲛ̄ϩⲏⲅⲉⲙⲱⲛ • ⲛ̄ⲥⲉⲁⲛⲁⲅⲕⲁⲍⲉ ⲛ̄ ⲛ︦ⲓ̈ⲟⲩⲇⲁⲓ̈ ⲧⲏⲣⲟⲩ • ⲉ
ⲉⲣϩⲱⲃ ⲙ̄ ⲡⲉϩⲟⲟⲩ ⲙⲛ̄ ⲧⲉⲩϣⲏ ϣⲁⲛⲧ ⲟⲩϫⲱⲕ ⲉ ⲃⲟⲗ
ⲙ̄ ⲡⲟⲩⲉϩⲥⲁϩⲛⲉ ⲙ̄ ⲡⲣ︦ⲣ︦ⲟ • ⲕⲱⲛ̄ⲥⲧⲁⲛϯⲛⲟⲥ :-Ⲁⲩⲱ
ⲁϥⲕⲱ ϩⲁⲧⲛ̄ ⲧϥ̄ⲙⲁⲁⲩ • ⲛ̄ ϩⲛ̄ⲉⲡⲓⲥⲕⲟⲡⲟⲥ ⲉⲩⲟⲩⲁⲁⲃ •
ⲉⲧⲉ ⲁⲡⲁ ⲁⲑⲁⲛⲁⲥⲓⲟⲥ ⲡⲉ • ⲡⲁⲣⲭⲏⲉⲡⲓⲥⲕⲟⲡⲟⲥ ⲛ̄ ⲁⲛ‐
ϯⲟⲭⲓⲁ • ⲙⲛ̄ ⲁⲡⲁ ⲉⲓⲱⲥⲏⲫ ⲡⲁⲣⲭⲏⲉⲡⲓⲥⲕⲟⲡⲟⲥ ⲛ̄
ⲑⲓ̈ⲉ︦ⲗⲏ︦ⲙ︦ ⲉⲧⲉ ⲡⲉ ⲡⲙϩ̄ ⲙⲛ̄ⲧⲁϥⲧⲉ ⲛ̄ ⲉⲡⲓⲥⲕⲟⲡⲟⲥ ⲛ̄ⲧⲁϥϩ‐
ⲙⲟⲟⲥ ϩⲛ̄ ⲑⲓ̈ⲉ̄ⲗⲏ︦ⲙ︦ • ⲙⲛ︦ⲛ︦ⲥⲁ ⲛ̄ⲁⲡⲟⲥⲧⲟⲗⲟⲥ ⲉⲧ ⲟⲩⲁⲁⲃ
ⲉ ⲃⲟⲗ ϩⲙ̄ ⲡⲥⲃ̄ⲃⲉ :-Ⲁⲛⲟⲕ ⲇⲉ ϩⲱ ⲕⲩⲣⲓⲗⲗⲟⲥ • ⲁⲛⲅ
ⲟⲩ ⲉ ⲃⲟⲗ ⲙ̄ⲙ | [one line wanting] ⲁⲛⲁⲓ • ⲁϥⲛ̄ⲧⲉ ⲉ
ϩⲟⲩⲛ ⲉ ⲧⲕ̄ⲕⲗⲏⲥⲓⲁ • ⲁⲓ̈ⲧⲁϣⲉⲟⲉⲓϣ ⲙ̄ ⲡϥ̄ⲣⲁⲛ ⲉⲧ
ⲟⲩⲁⲁⲃ :-Ⲁϥⲧⲱⲟⲩⲛ ⲛ̄ϭⲓ ⲡⲙ̄ⲁⲓ ⲛⲟⲩⲧⲉ ⲛ̄ ⲣ︦ⲣ︦ⲟ • ⲁⲩⲱ
ⲙ̄ⲙⲁⲓ ⲁⲅⲁⲡⲏ ϩⲛ̄ ⲟⲩⲙⲉ • ⲕⲱⲛⲥⲧⲁⲛϯⲛⲟⲥ • ⲁϥⲃⲱⲕ
ⲉ ϩⲣⲱⲙⲏ • ⲉ ⲧⲃⲉ ⲛ̄ⲣⲱⲟⲩϣ ⲛ̄ ⲧⲙⲛ︦ⲧ︦ⲣ︦ⲣ̄ⲟ :-Ⲧⲟⲧⲉ
ⲧⲣ̄ⲣⲱ ϩⲩⲗⲏⲛⲏ • ⲁⲥⲙⲟⲩⲧⲉ ⲛ̄ⲛⲟϭ ⲛ︦ⲓ̈ⲟⲩⲇⲁⲓ̈ • ⲡⲉϫⲁⲥ
ⲛⲁⲩ ϫⲉ ⲁⲙⲏⲓⲧⲛ̄ ϫⲱⲕ ⲉ ⲃⲟⲗ • ⲙ̄ ⲡⲛ̄ⲧⲁ ⲡⲣ︦ⲣ︦ⲟ ⲟⲩ‐
ⲉϩⲥⲁϩⲛⲉ ⲙ̄ⲙⲟϥ • ϫⲉ ⲕⲁⲥ ⲛ̄ ⲛⲉⲧⲛ̄ϣⲱⲡⲉ ⲛⲟⲛⲟⲭⲟ ⲉ
ⲡⲙⲟⲩ :-Ⲁⲩⲱ ⲛⲉⲣ ⲙ̄ⲙⲁⲧⲟⲓ ⲁⲛⲁⲅⲕⲁⲍⲉ ⲙⲙⲟⲟⲩ ⲙ̄
ⲡⲉϩⲟⲟⲩ ⲙⲛ̄ ⲧⲉⲩϣⲏ • ⲛⲉⲣⲉ ⲡϣⲁϫⲉ ⲙ̄ ⲡⲣ︦ⲣ︦ⲟ ϭⲙ̄ϭⲟⲙ
ⲙ̄ⲙⲁⲧⲉ • ⲁⲩⲱ ⲛⲉⲩⲟⲩⲱϣ ⲉ ϫⲱⲕ ⲉ ⲃⲟⲗ | ⲛ̄ ⲧⲕⲉⲗⲉⲩⲥⲓⲥ
ⲙ̄ ⲡⲣ̄ⲣⲟ • ⲡϣⲟⲣⲡ̄ ⲛ̄ϩⲟⲟⲩ ⲛ̄ⲧⲁⲩⲉⲣϩⲱⲃ ⲛ̄ϩⲏⲧϥ̄ • ⲡⲣⲟⲥ
ⲑⲉ ⲛ̄ⲧⲁⲛⲉⲓⲙⲉ ⲉ ⲣⲟⲥ ⲡⲉ ⲥⲟⲩ ⲙⲛ︦ⲧ︦ⲥⲛⲟⲟⲩⲥ ⲙ̄ ⲡⲉⲃⲟⲧ •
ⲙⲁⲣⲧⲓⲟⲥ • ⲉⲧⲉ ⲡⲁⲣⲙ̄ϩⲟⲧ ⲡⲉ • ⲁⲩⲱ ϣⲁ ⲥⲟⲩ ⲙⲛ̄ⲧⲁⲥⲉ
ⲛ̄ ⲑⲟⲟⲩⲧ • ⲛ̄ⲧⲁⲥⲟⲩⲱⲛϩ̄ ⲉ ⲃⲟⲗ ⲛ̄ϭⲓ ⲧⲁⲡⲉ ⲙ̄ ⲡⲧⲁⲫⲟⲥ
ⲙ̄ⲙⲁⲧⲉ ⁖-Ⲁⲩⲧⲁⲙⲉ ⲧⲣ̄ⲣⲱ ϩⲏⲗⲏⲛⲏ • ϫⲉ ⲉⲓⲥ ϩⲏⲏⲧⲉ
ⲁⲩϭⲓⲛⲉ ⲙ̄ ⲡⲧⲁⲫⲟⲥ ⲙ̄ ⲡⲥⲱ︦ⲣ︦ ⁖-Ⲁⲩⲱ ⲛ̄ⲧⲉ[ⲩ]ⲛⲟⲩ


### 0039

ⲁⲥⲧⲱⲟⲩⲛ • ⲙⲛ̄ ⲛⲉⲡⲓⲥⲕⲟⲡⲟⲥ ⲧⲏⲣⲟⲩ • ⲙⲛ̄ ⲛ̄ ⲛⲟϭ
ⲧⲏⲣⲟⲩ • ⲁⲩⲉⲓ ⲉ ⲛⲁⲩ ⲉ ⲡⲧⲁⲫⲟⲥ • ⲁⲩⲱ ⲁⲩⲡⲁϩⲧⲟⲩ
ⲁⲩⲟⲩⲱϣⲧ̄ ϩⲓ ϫⲱϥ • Ⲁⲩⲱ ⲉⲓⲥ ⲟⲩⲛⲟϭ ⲛ̄ ⲟⲩⲟⲉⲓⲛ •
ⲁϥⲃⲱϭⲉ ϩⲓ ϫⲱϥ ⲛ̄ⲑⲉ ⲛ̄ ⲟⲩⲉⲃⲣⲏϭⲉ • ⲁϥϫⲓ ⲛⲁϥ ⲛ̄ |
ⲟⲩⲥⲕⲉⲟⲥ ⲛ̄ϭⲓ̄ ⲓ̈ⲟⲩⲇⲁⲥ • ⲁϥϣⲓⲕⲉ ϩⲙ̄ ⲡⲕⲁϩ ϩⲓⲧⲟⲩⲱⲥ
ⲛ̄ ⲧϫⲟ ⲛ̄ⲥⲁ ⲡⲉⲓ̈ⲏ̄ⲃⲧ • ⲙ̄ ⲡⲧⲁⲫⲟⲥ • ⲙⲛ̄ ⲕⲉ ⲙⲏⲏϣⲉ
ⲛ̄ⲉⲡⲓⲥⲕⲟⲡⲟⲥ ⲛⲙ̄ⲙⲁ̄ϥ • ⲉ ⲁⲩϣⲓⲕⲉ ⲁⲩϭⲓⲛⲉ ⲛ̄ ⲟⲩⲛⲟϭ
ⲛ̄ ⲱⲛⲉ • ⲉ ⲁⲩⲥⲕⲉⲣⲕⲱⲣϥ̄ • ⲁⲩⲱ ⲁⲥⲟⲩⲱⲛ︦ϩ︦ ⲉ ⲃⲟⲗ ⲛ̄ϭⲓ
ⲧⲧⲁⲡⲣⲟ ⲙ̄ ⲡⲧⲁⲫⲟⲥ :-Ⲉⲛⲉ ⲁ ⲣⲟⲩϩⲉ ⲅⲁⲣ ϣⲱⲡⲉ ⲙ̄
ⲡⲉϩⲟⲟⲩ ⲙ̄ ⲡⲉϩⲟⲟⲩ (sic) ⲉⲧ ⲙ̄ⲙⲁⲩ • ⲁⲩⲁⲛⲁⲭⲱⲣⲓ ϣⲁ
ⲡϥ̄ⲣⲁⲥⲧⲉ ⲉ ⲧⲙ̄ ⲃⲱⲕ ⲉ ϩⲟⲩⲛ ⲉ ⲡⲧⲁⲫⲟⲥ • Ⲁⲩⲱ ⲛⲉⲩⲛ̄-
ⲕⲱⲧⲕ̄ ϩⲙ̄ ⲡⲙⲁ ⲉⲧ ⲙ̄ⲙⲁⲩ ⲛ̄ϭⲓ ⲙ̄ ⲡⲓⲥⲧⲟⲥ ⲙ̄ ⲡⲗⲁⲟⲥ :-
Ⲁⲩⲱ ⲛⲉⲩⲑⲉⲟⲣⲓ ⲙ̄ ⲡⲟⲩⲟⲉⲓⲛ ⲉϥϯ ϣⲁϩ ⲛ̄ⲑⲉ ⲛ̄ ⲟⲩⲕⲱϩⲧ̄
ϣⲁⲛⲧⲉ ⲡⲟⲩⲟⲉⲓⲛ ⲉⲓ ⲉ ϩⲣⲁⲓ̈ • Ⲛ ⲧⲉⲣⲉ ϩ | [ⲧⲟⲟⲩⲉ ⲇⲉ
ϣⲱⲡⲉ ⲁⲥⲧⲱⲟⲩⲛ] ⲛ̄ϭⲓ ⲧⲣ̄ⲣⲱ¹ ϣⲟⲣⲡ̄ⲥ ⲙⲛ̄ ⲛ̄ⲉⲡⲓⲥⲕⲟⲡⲟⲥ •
ⲙⲛ̄ ⲙ̄ ⲡⲓⲥⲧⲟⲥ ⲁⲩⲃⲱⲕ ⲉ ⲃⲟⲗ ⲉ ⲡⲧⲁⲫⲟⲥ ⲛ̄ ⲓ︦ⲥ︦ ⁖ Ⲁⲩϫⲓ
ⲛⲙ̄ⲙⲁⲩ ⲛ̄ ϩⲛ̄ϣⲟⲩϩⲏⲛⲉ • ⲙⲛ̄ ϩⲛ̄ⲕⲁⲛⲧⲏⲗⲁ ⲉⲩⲙⲟⲩϩ
ⲁⲩϭⲱϣⲧ̄ ⲉ ϩⲟⲩⲛ ⲉ ⲡⲧⲁⲫⲟⲥ ⲛ̄ ⲓ︦ⲥ︦ • ⲁⲩⲛⲁⲩ ⲉ ϣⲟⲙⲛ︦ⲧ︦
ⲥ̄⳨ⲟ︦ⲥ︦ ⲉⲩⲕⲏ ⲉ ϩⲣⲁⲓ ⲙⲛ̄ ⲛⲉⲩⲉⲣⲏⲩ • (ⲙⲛ̄ ⲟⲩⲧⲟⲙⲟⲥ
ⲛ̄ ϣⲁⲁⲣ ⲉϥ[ⲕⲏ] ⲉ ϩⲣⲁⲓ ϩⲁⲧⲏⲩ]² • Ⲁⲩⲱ ⲛ̄ ⲧⲉⲣ ⲟⲩ‐
ⲕⲁⲑⲁⲣⲓⲍⲉ ⲙ̄ ⲡⲧⲁⲫⲟⲥ • ⲁⲩⲃⲱⲕ ⲉ ϩⲟⲩⲛ ⲛ̄ϭⲓ ⲛ̄ⲉⲡⲓ‐
ⲥⲕⲟⲡⲟⲥ • ⲁⲩϫⲓ ⲙ̄ ⲡⲧⲟⲙⲟⲥ ⲛ̄ ϣⲁⲁⲣ • ⲁⲩϩⲉ ⲉ ⲣⲟϥ •
ⲉϥⲥⲏϩ ⲛ̄ϩⲃ̄ⲣⲁⲓ̈ⲕⲟⲛ : ⲁⲩⲧⲁⲁϥ ⲛ̄ ⲓ̈ⲟⲩⲇⲁⲥ ⲁϥⲟϣϥ̄ ⲉ
ⲣⲟⲟⲩ • ⲉⲣⲉ ⲧⲣ̄ⲣⲱ ⲥⲱⲧⲙ̄ ⲙⲛ̄ ⲡⲙⲏⲏϣⲉ ⲧⲏⲣϥ̄ :-Ⲁⲩⲱ
ⲛⲁⲓ ⲛⲉ ⲉⲧ ⲥⲏϩ ⲉ ⲣⲟϥ ϫⲉ ⲁⲛⲟⲕ ⲡⲉ ⲓⲱⲥⲏⲫ ⲡⲁⲣⲓ‐
ⲙⲁⲑⲁⲓⲁ • ⲙⲛ̄ ⲛ̄ⲓ̈|ⲕⲱⲇⲏⲙⲟⲥ • ⲁⲛⲃⲉⲓ ⲙ̄ ⲡⲉⲥ̄⳨ⲟ︦ⲥ︦ ⲛ̄
ⲓ︦ⲥ︦ ⲙⲛ̄ ⲛⲁ ⲛ̄ⲗⲏⲥⲧⲏⲥ • ⲉ ⲃⲟⲗ ϩⲙ̄ ⲡⲕ̄ⲣⲁⲛⲓⲟⲛ :-Ⲁⲩⲱ
ⲁⲛⲕⲁⲁⲩ ⲉ ϩⲟⲩⲛ ⲉ ⲡⲧⲁⲫⲟⲥ • ⲉⲧⲉ ⲡⲙⲁ ⲡⲉ ⲛ̄ⲧⲁⲩⲕⲁ
ⲡⲥⲱⲙⲁ ⲛ̄ ⲓ︦ⲥ︦ ⲛ̄ϩⲏⲧϥ̄ • ⲁϥⲧⲱⲟⲩⲛ ⲉ ⲃⲟⲗ ϩⲙ̄ ⲛⲉⲧ
ⲙⲟⲟⲩⲧ • ⲁⲩⲱ ⲛ̄ⲧⲁⲛⲉⲣ ⲡⲁⲓ ⲛ̄ⲧⲉⲩϣⲏ • ⲉ ⲧⲃⲉ ⲑⲟⲧⲉ
Ⲛ̄ ⲛ︦ⲓ̈ⲟⲩⲇⲁⲓ̈ :-Ⲙ̄ⲡ ⲛ̄ⲕⲁ ⲣⲱⲙⲉ ⲉ ⲉⲓ̈ⲙⲉ ⲉ ⲡⲛ̄ⲧⲁⲛⲁⲁϥ •
ⲉ ⲃⲟⲗ ϫⲉ ⲛⲉⲣⲉ ⲛ︦ⲓ̈ⲟⲩⲇⲁⲓ̈ • ϫⲓ ⲛ̄ ⲟⲩϣⲟϫⲛⲉ ⲉ ⲣⲟⲕϩ̄


### 0040

ⲙ̄ ⲡⲉⲥ̄⳨ⲟ︦ⲥ︦ • ⲛ̄ ⲛⲓ︦ⲥ︦ ⲡⲉⲭⲥ̄ :-Ⲉ ⲧⲃⲉ ϯ ⲁⲓϯⲁ ⲟⲩⲛ
ⲁⲛⲡⲟⲟⲛⲟⲩ ⲉ ⲃⲟⲗ ϩⲙ̄ ⲡⲙⲁ ⲙ̄ ⲡⲕ̄ⲣⲁⲛⲓⲟⲛ • ⲁⲛⲕⲁⲁⲩ
ϩⲙ̄ ⲡⲙⲁ ⲛ̄ⲧⲁⲩⲕⲁ ⲡⲥⲱⲙ̄ⲁ ⲙ̄ ⲡϫⲟⲉⲓⲥ ⲛ̄ϩⲏⲧϥ̄ : ⲁⲩⲱ
ⲡⲓ ⲥ⳨ⲟ︦ⲥ︦ • ⲉⲧ ⲉⲣⲉ ⲡⲓⲧⲓⲧⲗⲟⲥ ⲥⲏϩ ⲉ ϫⲱϥ • ⲡⲁ ⲓ︦ⲥ︦ ⲡⲉ|ⲭⲥ̄
ⲡⲉ • Ⲁⲩⲱ ⲁⲩⲁⲙⲁϩⲧⲉ ⲙ̄ⲙⲟϥ • ⲛ̄ϭⲓ ⲛ̄ⲉⲡⲓⲥⲕⲟⲡⲟⲥ •
ⲁⲩϫⲓⲧϥ̄ ⲉ ⲡⲉⲩϩⲁⲙⲏⲣ ⲁⲩⲁⲥⲡⲁⲍⲉ ⲙ̄ⲙⲟϥ • ⲁⲩⲛ̄ⲧϥ̄
ⲉⲩⲧⲱⲟⲩⲛ ⲙ̄ⲙⲟϥ ⲁⲩⲧⲁⲁϥ ⲛ̄ ⲧⲣ̄ⲣⲱ :-Ⲁⲩⲱ ⲁⲥⲕⲁ
ⲡⲉⲥϩⲁⲙⲏⲣ ϩⲁ ⲣⲟϥ • ⲛ̄ ⲛ̄ ⲟⲩⲛ̄ⲟϭ ⲛ̄ ⲛⲁⲩ • ⲁⲥϩⲟⲗϭ̄
ⲉ ϩⲟⲩⲛ ⲉ ⲣⲟϥ • ⲙⲛ̄ ⲛ̄ⲛⲟϭ ⲛ̄ⲁⲝⲓⲱⲙⲁϯⲕⲟⲥ • ⲁⲩⲱ
ⲛ̄ⲁⲝⲓⲱⲡⲓⲥⲧⲟⲥ :-Ⲁⲩⲱ ⲁⲥⲧⲣⲉ ⲩϭⲟⲟⲗϥ̄ ⲛ̄ ⲟⲩⲡⲟⲣⲫⲏⲣⲁ •
ⲉ ⲧⲁ ⲕⲱⲛⲥⲧⲁⲛϯⲛⲟⲥ ⲡⲣ̄ⲣⲟ ⲧⲉ • ⲁⲥⲧⲣⲉ ⲩϭⲟⲟⲗϥ̄ ⲉ
ϩⲛ̄ⲉⲛ̄ⲧⲏⲙⲁ ⲉⲛⲁⲛⲟⲩⲟⲩ :-Ⲁⲩⲱ ⲁⲥⲧⲣⲉ ⲩⲥⲕⲉⲡⲁⲍⲉ ⲙ̄‐
ⲙⲟϥ • ⲉ ⲃⲟⲗ ϩⲓ ⲧⲟⲟⲧⲥ̄ • ϣⲁⲛⲧ ⲉⲥⲥϩⲁⲓ ⲙ̄ ⲡⲣ̄ⲣⲟ ⲉ
ⲧⲃⲉ ⲛ̄ⲧⲁⲥϣⲱⲡⲉ :-Ⲁⲥⲧⲣⲉ ⲙ̄ⲙⲁⲧⲟⲓ ⲁⲛⲁⲅⲕⲁⲍⲉ ⲛ̄ ⲛⲓ̈ⲟⲩ‐
ⲇⲁⲓ • ⲉ ⲧⲣⲉⲩⲕⲁⲑⲁⲣⲓⲍⲉ ⲙ̄ ⲡⲙⲁ ⲕⲁⲗⲱⲥ • ⲁⲩⲱ [ⲁⲥⲧ]|ⲣⲉ
ⲩϫⲓ ⲏⲡⲉ ⲛ̄ ⲛⲉⲣⲱⲙⲉ ⲧⲏⲣⲟⲩ • ⲁⲥϩⲉ ⲉ ⲣⲟⲟⲩ ⲉⲩⲉⲓⲣⲉ
ⲛ̄ϣⲉ ⲙⲛ̄ ⲧϣⲟⲙⲛ︦ⲧ︦ ⲛ̄ϣⲟ • ⲉ ⲃⲟⲗ ϩⲙ̄ ⲡⲅⲉⲛⲟⲥ ⲛ̄ ⲛⲉ‐
ϩⲃ̄ⲣⲁⲓⲟⲥ :-Ⲁⲩⲱ ⲧⲣ̄ⲣⲱ ϩⲏⲗⲏⲛⲏ • ⲁⲥⲥϩⲁⲓ ⲛ̄ ⲟⲩⲥϩⲁⲓ
ⲙ̄ ⲡⲉⲥϣⲏⲣⲉ ⲉⲥϫⲱ ⲙ̄ⲙⲟⲥ • ϫⲉ ⲛⲁⲓⲁⲧⲕ̄ ⲁⲩⲱ ⲡⲡⲉⲧⲛⲁ‐
ⲛⲟⲩⲃ • ⲛⲁϣⲱⲡⲉ ⲙ̄ⲙⲟⲕ • ϫⲉ ⲡⲛ̄ⲧⲁⲕ ⲁⲓϯ ⲙ̄ⲙⲟϥ
ⲉⲧⲙ̄ ⲡϫⲟⲉⲓⲥ • ⲁϥⲭⲁⲣⲓⲍⲉ ⲙ̄ⲙⲟϥ ⲛⲁⲕ • ⲁⲕϣⲓⲛⲉ ⲱ̄
ⲡⲁ ⲙⲉⲣⲓⲧ ⲛ̄ϣⲏⲣⲉ • ⲁⲕϭⲓⲛⲉ • ⲁⲕⲧⲟϩⲙ̄ ⲁⲩⲟⲩⲟⲛ̄ ⲛⲁⲕ
ⲙ̄ ⲡⲣⲟ ⲛ̄ ⲧⲁⲛⲁⲥⲧⲁⲥⲓⲥ ⲙ̄ ⲡϫⲟⲉⲓⲥ • ⲁⲕϭⲓⲛⲉ ⲙ̄ ⲡⲉⲧ ⲙ̄
ⲡⲕⲟⲥⲙⲟⲥ ⲧⲏⲣϥ̄ ⲙ̄ϣⲁ ⲙ̄ⲙⲟϥ ⲁⲛ • ⲉⲧⲉ ⲡⲉⲥ̄ⳁⲟ︦ⲥ︦ ⲉⲧ
ⲟⲩⲁⲁⲃ ⲡⲉ ⲙ̄ ⲡⲛ̄ϫⲟⲉⲓⲥ ⲓ︦ⲥ︦ ⲡⲉⲭ︦ⲥ︦ : ⲛⲁⲓⲁⲧⲕ̄ ⲛ̄ⲧⲟⲕ ⲱ̄ |
ⲡⲁ ϣⲏⲣⲉ ⲙ̄ ⲙⲉⲣⲓⲧ ϫⲉ ⲁⲕⲕⲱ ⲛ̄ⲥⲱⲕ ⲙ̄ ⲡⲣⲟⲟⲩϣ ⲙ̄
ⲡⲉⲕⲟⲥⲙⲟⲥ • ⲙⲛ̄ ⲛϥ̄ⲭⲣⲏⲙⲁ ⲉⲧ ϣⲟⲩⲉⲓⲧ ϣⲁⲛⲧ ⲕ̄ϭⲓⲛⲉ
ⲙ̄ ⲡⲉⲧ ⲥⲟⲧⲡ̄ ⲉ ⲭⲣⲏⲙⲁ ⲛⲓⲙ ⲉⲧ ⲥⲟⲧⲡ̄ ⁖-ⲙⲛ̄ ⲱⲛⲉ
ⲙ̄ ⲙⲉ ⲛⲓ̈ⲙ ⲉⲛⲁⲛⲟⲩⲃ • ⲥⲕⲩⲗⲗⲉⲓ ⲙ̄ⲙⲟⲕ ⲁⲙⲟⲩ ⲛⲅ̄
ⲛⲁⲩ ⲉ ⲡⲛ̄ⲧⲁϥⲫⲟⲣⲉⲓ ⲙ̄ ⲡⲛⲟⲩⲧⲉ :-Ⲙⲁⲗⲗⲟⲛ ⲇⲉ
ⲡⲛ̄ⲧⲁ ⲡⲛⲟⲩⲧⲉ • ⲫⲟⲣⲓ ⲙ̄ⲙⲟϥ • ⲉⲕϣⲁⲛⲛⲁⲩ ⲉ ⲣⲟϥ
ϩⲙ̄ ⲡϥ̄ⲥⲁ ⲙⲛ̄ ⲡϥ̄ⲁⲛⲁⲓ • ⲧⲕ̄ⲙⲛ︤ⲧ︥ⲕⲟⲩⲓ ⲛⲁⲣ̄ ⲃⲣ̄ⲣⲉ ⲛ̄ⲑⲉ
ⲛ̄ⲧⲁ ⲟⲩⲁⲉⲧⲟⲥ • ⲥⲕⲩⲗⲗⲓ ⲙ̄ⲙⲟⲕ ⲱ̄ ⲡⲁ ⲙⲉⲣⲓⲧ ⲛ̄ ϣⲏⲣⲉ •
ⲛ︦ⲅ︦ ⲉⲓ ⲛ︦ⲅ︦ ⲡⲣⲟⲥⲕⲩⲛⲉⲓ • ⲁⲩⲱ ⲛ︦ⲅ︦ ⲟⲩⲱϣⲧ̄ • ⲁⲩⲱ ⲛ︦ⲅ︦


### 0041

ⲁⲥⲡⲁⲍⲉ ⲙ̄ ⲡⲉⲥ⳨ⲟ︦ⲥ︦ ⲡⲁⲓ ⲛ̄ⲧⲁⲕⲛⲁⲩ ⲉ ⲣⲟϥ | ϩⲛ̄ ⲡⲱⲛϩ̄
ⲉ ⲃⲟⲗ ⲉϥϯ ⲛⲁⲕ ⲙ̄ ⲡⲉϫⲣⲟ ϩⲙ̄ ⲡⲡⲟⲗⲟⲓⲙⲟⲥ • Ⲕⲱⲛ‐
ⲥⲧⲁⲛϯⲛⲟⲥ ⲇⲉ ⲛ̄ ⲧⲉⲣⲉ ϥϫⲓ ⲛ̄ ⲛⲉⲥϩⲁⲓ ⲛ̄ ⲧϥ̄ⲙⲁⲁⲩ •
ⲁϥⲟϣⲟⲩ • ⲁⲩⲱ ⲛ̄ ⲧⲉⲣ ϥ̄ⲉⲓⲙⲉ ϫⲉ ⲁⲩϭⲓⲛⲉ • ⲙ̄ ⲡⲉⲧ
ϥ̄ϣⲓⲛⲉ ⲛ̄ⲥⲱϥ : ⲉⲧⲉ ⲡⲁⲓ ⲡⲉ ⲡⲉⲥ̄⳨ⲟ︦ⲥ︥ ⲉⲧ ⲟⲩⲁⲁⲃ ⲙ̄
ⲡⲛ̄ϫⲟⲉⲓⲥ • ⲁⲩⲛⲟϭ ⲛ̄ ⲣⲁϣⲉ ϣⲱⲡⲉ ⲛⲁϥ • ⲙⲛ̄ ⲟⲩⲉⲩ‐
ⲫⲣⲟⲥⲩⲛⲏ • ⲁϥⲧⲱⲟⲩⲛ ϩⲛ̄ ⲟⲩϭⲉⲡⲏ ⲁϥⲉⲓ̈ • ⲉ ⲑⲓ̈ⲗⲏ︦ⲙ︦ •
ⲧⲉϥⲙⲁⲁⲩ ⲇⲉ ⲙⲛ̄ ⲛ̄ⲉⲡⲓⲥⲕⲟⲡⲟⲥ ⲧⲏⲣⲟⲩ ⲛ̄ ⲧⲉⲣ ⲟⲩⲧⲁ‐
ⲙⲟⲟⲩ ϫⲉ ⲁ ⲡⲣ︦ⲣ︦ⲟ ⲉⲓ̈ • ⲁϥϩⲱⲛ ⲉ ϩⲟⲩⲛ ⲉ ⲣⲟⲟⲩ ⲁⲩϫⲓ
ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲧⲁⲓⲏⲩ • ⲁⲩϭⲟⲟⲗϥ̄ ⲛ̄ ⲧⲡⲟⲣⲫⲏⲣⲁ ⲙ̄
ⲡⲣ︦ⲣ︦ⲟ • ⲙⲛ̄ ϩⲛ̄ⲙⲁⲡⲡⲁ ⲉⲩⲧⲁⲓⲏⲩ • | ⲁⲩⲧⲁⲗⲟϥ ⲉⲩ‐
ⲙⲟⲩⲗⲗⲁ ⲛ̄ ⲗⲉⲩⲕⲟⲛ • ⲁⲩⲃⲱⲕ ⲛⲙ̄ⲙⲁϥ ϩⲏⲧϥ̄ ⲙ̄ ⲡⲣ︦ⲣ︦ⲟ •
ⲛⲁⲥⲟⲟⲩ ⲙ̄ ⲙⲏⲗⲗⲓ̈ⲟⲛ :-Ⲁⲩⲱ ⲛ̄ ⲧⲉⲣ ϥ̄ⲛⲁⲩ ⲉ ⲡⲉⲥ̄ⳁⲟ︦ⲥ︦ •
ⲛ̄ϭⲓ ⲡⲣ̄ⲣⲟ ⲙ̄ ⲙⲁⲓ ⲛⲟⲩⲧⲉ ⲛ̄ ⲣ︦ⲣ︦ⲟ ⲕⲱⲛⲥⲧⲁⲛϯⲛⲟⲥ ⁖-
Ⲁϥⲟⲩⲁϩϥ̄ ⲉ ⲡⲉⲥⲏⲧ ϩⲓ̈ ⲡϥ̄ϩⲁⲣⲙⲁ • ⲁϥⲁⲙⲁϩⲧⲉ ⲙ̄
ⲡⲉⲥ̄⳨ⲟ︦ⲥ︦ : ⲁϥⲃⲓⲧϥ̄ ⲉ ⲡϥ̄ϩⲁⲙⲏⲣ ⲁⲩⲱ ⲁϥⲣⲓⲙⲉ ⲉ ϩⲣⲁⲓ
ⲉ ϫⲱϥ ⁖-Ⲁϥⲃⲉⲓ ⲛ̄ ⲛϥ̄ⲃⲁⲗ ⲉ ϩⲣⲁⲓ̈ ⲉ ⲧⲡⲉ • ⲡⲉϫⲁϥ
ϫⲉ ⲁⲓⲛⲁⲩ ⲉ ⲡⲁ ϫⲟⲉⲓⲥ ⲓ︤ⲥ︥ ⲡⲉⲭ︤ⲥ︥ • ⲡⲛⲟⲩⲧⲉ ⲛ̄ ⲛⲁⲉⲓⲟⲧⲉ
ⲛ̄ⲇⲓⲕⲁⲓⲟⲥ • ϩⲛ̄ ⲧⲁⲡⲟⲇⲩⲙⲉⲓⲁ ⲛ̄ ⲧⲥⲁⲣⲝ̄ ⁖-Ⲉϥⲉⲓⲣⲉ ⲛ̄
ϩⲛ̄ⲛⲟϭ ⲛ̄ϣⲡⲏⲣⲉ • ϩⲓⲧⲛ̄ ⲡⲉⲛⲧⲁϥⲉⲙⲧⲟⲛ ⲙ̄ⲙⲟϥ ϩⲓ
ϫⲱϥ | ⲡⲉⲥ̄⳨ⲟ︦ⲥ︥ ⲛ̄ ⲣϥ̄ϯ ⲱⲛϩ̄ • ⲁⲩⲱ ⲟⲛ ⲁⲓⲛⲁⲩ ⲉ ⲡⲥⲱ︤ⲣ︥
ⲙ̄ ⲡⲕⲟⲥⲙⲟⲥ ⲧⲏⲣϥ̄ • ⲉϥϯ ϭⲟⲙ ⲛ̄ ⲛⲉⲧ ϣⲓⲛⲉ ⲛ̄ⲥⲱϥ •
ⲛⲁⲓ ⲉⲧ ⲡⲓⲥⲧⲉⲩⲉ ⲉ ⲣⲟϥ ϩⲓⲧⲛ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ : Ⲁⲩⲱ
ⲛⲉⲩϩⲓⲑⲏ ⲙ̄ ⲡⲣ︦ⲣ︦ⲟ • ⲛ̄ϭⲓ ⲛ̄ⲉⲡⲓⲥⲕⲟⲡⲟⲥ • ⲙⲛ̄ ⲛⲉⲫⲓⲗⲟ‐
ⲡⲟⲛⲟⲥ • ⲉⲩⲯⲁⲗⲗⲓ̈ ϩⲛ̄ ϩⲛ̄ⲱⲇⲏ ⲙ̄ ⲡ︦ⲛ︦ⲓ︦ⲕⲟⲛ • Ⲉⲩⲥⲱⲕ
ϩⲓⲑⲏ ⲙ̄ ⲡⲣ︤ⲣ︥ⲟ • ⲙⲛ̄ ⲡⲉⲥ̄⳨ⲟ︦ⲥ︥ ϣⲁ ϩⲟⲩⲛ̄ ⲉ ⲧⲡⲟⲗⲓⲥ :
Ⲁⲩⲱ ⲛ̄ ⲧⲉⲣ ⲟⲩⲡⲱϩ ⲉ ϩⲟⲩⲛ ⲉ ⲧⲡⲟⲗⲓⲥ • ⲁⲩⲃⲱⲕ ⲉ ϩⲟⲩⲛ
ϩⲛ̄ ⲙ̄ⲡⲏⲗⲏ • ⲁⲩϫⲱ ⲙ̄ ⲙ̄ (sic) ⲡⲓ̈ ϩⲩⲙⲛⲟⲥ : Ϫⲉ ⲣⲁϣⲉ
ⲛⲏ ⲥⲓⲱⲛ ⲧⲡⲟⲗⲓⲥ ⲙ̄ ⲡⲛⲟϭ ⲛ︦ⲣ︦ⲣ︦ⲟ ⲡⲉⲭⲥ̄ • ϫⲉ ⲉⲓⲥ ⲡⲟⲩ‐
ⲉⲣ︦ⲣ︦ⲟ • ⲁϥⲉⲓ ϣⲁⲣⲟ ϩⲛ̄ ⲟⲩⲣⲁϣⲉ • ⲙⲛ̄ ⲛ̄ ⲛⲓⲛⲟϭ ⲉⲧ
ⲛⲙ̄ⲙⲁϥ | ⲉⲩϯ ⲉⲟⲟⲩ ⲙ̄ ⲡⲣ︦ⲣ︦ⲟ ⲡϫⲟⲉⲓⲥ • ⲡⲁⲓ̈ ⲛ̄ⲧⲁϥⲉⲣ︦ⲣ︦ⲟ
ⲉ ⲃⲟⲗ ϩⲙ̄ ⲡϣⲉ ⲙ̄ ⲡⲉⲥ̄⳨ⲟ︦ⲥ︦ : Ⲁⲩⲱ ⲡⲣ︦ⲣ︦ⲟ ⲁϥⲃⲱⲕ ⲉ
ϩⲟⲩⲛ ⲉ ⲡⲙⲁ ⲉⲧ ⲟⲩⲣ̄ ϩⲱⲃ ⲛ̄ϩⲏⲧϥ̄ • Ⲁϥⲃⲱⲕ ⲉ ⲡⲧⲁⲫⲟⲥ
ⲛ̄ ⲓ︦ⲥ︦ • ⲁϥⲟⲩⲱϣⲧ̄ ⲉϫⲙ̄ ⲡⲕⲁϩ ⲉϥϫⲱ ⲙ̄ⲙⲟⲥ • ϫⲉ ϯϣⲉⲡ


### 0042

ϩⲙⲟⲧ ⲛ̄ ⲧⲟⲟⲧⲕ̄ ⲡⲙⲟⲛⲟⲅⲉⲛⲏⲥ ⲛ̄ ϣⲏⲣⲉ ⲛ̄ⲧⲉ ⲡⲓ̈ⲱⲧ
ϫⲉ ⲡⲙⲁ ⲛ̄ⲧⲁⲩⲕⲱ ⲙ̄ ⲡⲕ̄ⲥⲱⲙⲁ ⲉⲧ ⲟⲩⲁⲁⲃ ⲛ̄ϩⲏⲧϥ̄ •
ⲁⲓ̈ⲙ︦ϣⲁ ⲙ̄ ⲡⲣⲟⲥⲕⲩⲛⲉⲓ̈ ⲙ̄ⲙⲟϥ :-Ⲁⲩⲱ ⲁϥⲛⲁⲩ ⲙ̄ⲙⲁ
ⲧⲏⲣⲟⲩ • ⲛ̄ⲧⲁ ⲛⲓ̈ⲟⲩⲇⲁⲓ̈ ⲕⲁⲑⲁⲣⲓⲍⲉ ⲙ̄ⲙⲟⲟⲩ • ⲁⲩⲱ
ⲁϥⲃⲱⲕ ⲉϫⲉⲛ̄ ⲧⲡⲉⲧⲣⲁ ⲙ̄ ⲡⲕ̄ⲣⲁⲛⲓⲟⲛ • ⲡⲙⲁ ⲛ̄ⲧⲁⲩⲥ̄ⳁⲟ︦ⲩ︦
ⲙ̄ ⲡϫⲟⲉⲓⲥ ⲛ̄ϩⲏⲧϥ̄ • ⲁϥⲟⲩⲱϣⲧ̄ ϩⲓ ϫⲟⲥ • ⲁⲩⲱ ⲛ̄ϯϩⲉ ϩⲓ
ⲛⲁⲓ ⲁϥⲃⲓ ⲙ̄|[ⲡⲉⲥ̄⳨ⲟ︦ⲥ︦ ⲁϥ]ⲕⲁⲁϥ ⲉ ϩⲟⲩⲛ ⲉ ⲡⲧⲁⲫⲟⲥ ϣⲁⲛⲧ
ϥ̄ⲕⲱⲧ ⲉ ⲣⲟϥ ⲛ̄ ⲟⲩⲧⲟⲡⲟⲥ • ⲕⲁⲧⲁ ⲡϥ̄ⲉⲟⲟⲩ ϩⲛ̄ ⲟⲩⲙ̄[ⲡ]‐
ϣⲁ :-Ⲁⲩⲱ ⲡⲣ︤ⲣ︥ⲟ ⲁϥϣⲁ[ϫⲉ] ⲙⲛ̄ ⲛ̄ⲉⲡⲓⲥⲕⲟⲡⲟⲥ • ϫⲉ
ⲓ̈ⲟⲩⲱϣ ⲉ ⲕⲱⲧ ⲛ̄ ⲟⲩⲡⲟⲗⲓⲥ ⲛ̄ ⲃⲣ︤ⲣⲉ • ϩⲙ̄ ⲡⲙⲁ ⲛ̄ⲧⲁ
ⲡϫⲟⲉⲓⲥ ⲟⲩⲁϩⲧ̄ ⲛ̄ϩⲏⲧϥ̄ ϩⲓⲧⲛ̄ ⲟⲩⲕⲗⲟⲟⲗⲉ :-Ϩⲙ̄ ⲡⲣϥ̄‐
ⲟⲩⲱϣ ⲉ ⲛⲟⲩϩⲙ̄ ⲙ̄ⲙⲟⲓ̈ • ⲛ̄ ⲧⲟⲟⲧⲟⲩ • ⲛ̄ ⲛⲉⲛⲧⲁⲩϣⲓⲛⲉ
ⲙⲟⲩⲟⲩⲧ ⲙ̄ⲙⲟⲓ̈ ⲉⲧⲉ ⲙ̄ⲡⲣ̄ⲥⲟⲥ ⲛⲉ :-Ⲁⲩⲱ ⲧⲁⲕⲱⲧ ⲛ̄
ϩⲉⲛⲉⲕⲕⲗⲏⲥⲓⲁ ⲉⲩⲡⲣⲉⲡⲓ ⲙ̄ ⲡⲉⲭⲥ̄ ⲙ̄ ⲡⲉⲓ ⲙⲁ • ⲉⲩⲉⲟⲟⲩ
ⲙ̄ ⲡⲉϥⲥ̄⳨ⲟ︦ⲥ︦ ⲉⲧ ⲟⲩⲁⲁⲃ • Ⲁⲩⲟⲩⲱϣⲃ̄ ⲛ̄ϭⲓ ⲛ̄ⲉⲡⲓⲥⲕⲟⲡⲟⲥ
ⲉⲩϫⲱ ⲙ̄ⲙⲟⲥ ⲛⲁϥ • ϫⲉ ⲉⲣⲉ ⲡⲛⲟⲩⲧⲉ ⲡⲡⲁⲛⲧⲱⲕⲣⲁⲧⲱⲣ |
ⲡⲉⲧⲉ ⲡⲱϥ ⲡⲉ ⲡⲧⲏⲣϥ̄ • ⲙⲛ̄ ⲡϥ̄ⲙⲟⲛⲟⲅⲉⲛⲏⲥ ⲛ̄ ϣⲏⲣⲉ
ⲓ︦ⲥ︦ ⲡⲉⲭⲥ̄ ⲡⲛ̄ϫⲟⲉⲓⲥ • ⲙⲛ̄ ⲡⲉⲡⲛⲁ̄ • ⲉⲧ ⲟⲩⲁⲁⲃ • ⲛ̄ⲁ‐
ϩⲁⲣⲉϩ ⲉ ⲣⲟⲕ ⲙⲛ̄ ⲡⲉⲕⲛⲟϭ ⲛ̄ ⲁⲙⲁϩⲧⲉ • ⲛ̄ ⲟⲩⲛⲟϭ ⲛ̄
ⲟⲩⲟⲉⲓϣ ⲛ̄ ⲉⲓⲣⲏⲛⲓⲕⲟⲛ : ϣⲁⲛⲧ ⲕ̄ϫⲱⲕ ⲉ ⲃⲟⲗ ⲙ̄ ⲡⲛ̄‐
ⲧⲁⲕⲙⲉⲉⲩⲉ ⲉ ⲣⲟϥ ⲧⲏⲣϥ̄ :-Ⲁⲩⲱ ⲛ̄ϯϩⲉ ⲁⲩϯ ⲡⲗⲟⲃϣ̄
ⲛ̄ ⲧⲕ̄ⲕⲗⲏⲥⲓⲁ • ⲁϥⲕⲱ ⲛ̄ ⲛ̄ⲧⲉⲭⲛⲓⲧⲏⲥ ⲧⲏⲣⲟⲩ • ⲡⲟⲩⲁ
ⲡⲟⲩⲁ ϩⲛ̄ ⲧϥ̄ⲉⲓⲟⲡⲉ • Ⲉ ⲁϥⲧⲣⲉ ϩⲛ̄ⲉⲡⲓⲧⲣⲟⲡⲟⲥ • ϭⲱ ϩⲓϫⲛ̄
ⲛ︦ϩ︦ⲃⲏⲩⲉ • ⲛ̄ ⲛ︦ⲣ︦ⲅⲁⲥⲧⲏⲣⲓⲟⲛ ⲧⲏⲣⲟⲩ :-Ⲉ ⲁϥϯ ⲟⲛ ⲛ̄
ⲧϥ̄ⲙⲁⲁⲩ ⲛ̄ ϩⲛ̄ⲭⲣⲏⲙⲁ ⲉⲛⲁϣⲟⲟⲩⲉ • ⲉ ⲃⲟⲗ ϩⲛ̄ ⲛⲉⲧⲉ
ⲛⲟⲩϥ ⲛⲉ • ⲉ ⲧⲣϥ̄ϫⲱ ⲉ ⲃⲟⲗ ⲛ̄ϩⲏⲧⲟⲩ ⲉ ⲛⲉⲕⲟⲇⲟⲙⲏ
ⲛ̄ ⲛ︦ⲕ︦ⲕⲗⲏⲥ[ⲓⲁ] • | ⲁⲩⲱ ⲁϥⲕⲉⲗⲉⲩⲉ ⲉ ⲧⲣⲉ ⲩⲉⲓ ⲛⲁϥ • ⲛ̄
ⲟⲩⲙⲏϣⲉ ⲛ̄ ⲱⲛⲉ ⲛ̄ ⲁⲗⲁⲃⲁⲥⲧⲣⲟⲛ • ϩⲓ ⲯⲩⲫⲟⲧⲟⲛ •
ⲙⲛ̄ ⲟⲩⲙⲁⲣⲙⲁⲣⲟⲛ • ⲙⲛ̄ ϩⲛ̄ϣⲉ ⲙ̄ ⲡⲉⲩⲑⲓⲛⲟⲛ • ⲙⲛ̄
ⲟⲩϩⲁⲧ • ⲙⲛ̄ ⲟⲩϩⲟⲙⲛ︦ⲧ︦ • ⲙⲛ̄ ⲟⲩⲧⲁϩⲧ̄ ⲉϥⲟϣ ⲙ̄ⲙⲁⲧⲉ •
Ϩⲁⲡⲗⲱⲥ ⲁϥⲧⲣⲉⲩⲉⲛ ⲡⲥⲟϥⲧⲉ ⲧⲏⲣϥ̄ ⲙ̄ ⲡⲕⲱⲧ • ⲁϥϯ
ⲡⲧⲟϣ ⲧⲏⲣϥ̄ ⲉ ⲧⲟⲟⲧⲥ̄ ⲛ̄ ⲧϥ̄ⲙⲁⲁⲩ • ⲁϥⲕⲱ ⲙ̄ⲙⲟⲥ ϩⲛ̄
ⲑⲓ̈ⲉ̄ⲗⲏ︦ⲙ︦ ⲉ ⲧⲣⲉ ⲥⲕⲱⲧ ⲛ̄ ⲟⲩⲉⲕⲕⲗⲏⲥⲓⲁ • ϩⲙ̄ ⲡⲙⲁ ⲙ̄
ⲡⲧⲁⲫⲟⲥ • ⲛ̄ⲥⲉⲙⲟⲩⲧⲉ ⲉ ⲣⲟⲥ ϫⲉ ⲁⲅⲓⲁ ⲁⲛⲁⲥⲧⲁⲥⲓⲥ •


### 0043

ⲁⲅⲓⲁ ⲁⲅⲁⲡⲏ • ⲁⲅⲓⲁ ⲉⲓⲣⲏⲛⲏ • Ⲁⲩⲱ ⲛ̄ⲥⲉⲕⲱⲧ ⲛ̄ ⲕⲉ ⲟⲩⲉⲓ
ⲛ̄ⲥⲉⲙⲟⲩⲧⲉ ⲉ ⲣⲟⲥ ϫⲉ ⲁⲅⲓⲟⲩ ⲇⲓⲙⲓⲟⲩ|▨▨▨▨
▨▨▨▨ⲥⲧⲟ▨
▨▨ⲙ̄ ⲡⲕ̄ⲣⲁⲛⲓⲟⲛ • ⲁⲩⲱ ⲁⲥⲕⲱⲧ ⲛ̄ ⲛⲉⲡⲗⲁϯⲁ • ⲙⲛ̄ ⲙ̄ⲙⲁ
ⲉⲧ ⲧⲁⲓⲏⲩ :-Ⲁϥⲕⲟⲧϥ̄ ⲟⲛ ⲛ̄ϭⲓ ⲡⲣ︦ⲣ︦ⲟ • ⲕⲱⲛⲥⲧⲁⲛϯⲛⲟⲥ •
ϩⲛ̄ ⲟⲩϫⲁⲓ̈ ⲉϥϯ ⲉⲟⲟⲩ ⲙ̄ ⲡⲉⲭⲥ̄ ⲙⲉⲛ̄ ⲡϥ︤ⲥ︥⳨ⲟ︦ⲥ︥ ⲉⲧ
ⲟⲩⲁⲁⲃ :-Ⲉⲁϥϫⲟⲟⲩ ⲉ ⲑⲓⲉⲗⲏ︦ⲙ︦ ⲛ̄ ⲧϥ̄ⲙⲁⲁⲩ • ⲛ̄ ⲣ̄ⲭⲣⲓⲁ
ⲛⲓⲙ ⲉⲧ ⲉⲥⲁϩⲉ ⲛⲁⲩ • Ⲁⲩⲱ ⲛⲉⲩⲟϣ ⲛ̄ϭⲓ ⲛ̄ⲉⲧ ⲣ̄ ϩⲱⲃ
ⲉ ⲑⲓⲉⲗⲏ︦ⲙ︦ ⲛ̄ ⲃⲣ︦ⲣ︦ⲉ • ⲥⲭⲉⲇⲟⲛ ⲉ ϫⲟⲟⲥ ϫⲉ ⲥⲉⲟϣ •
ⲛ̄ϩⲟⲩⲉ ⲛⲉⲧ ⲣ︤̄ ϩⲱⲃ ⲉ ⲡⲉⲣⲡⲉ ⲛ̄ ⲥⲟⲗⲟⲙⲱⲛ ⲙ̄ ⲡⲓⲟⲩ‐
ⲟⲉⲓϣ :-Ⲁⲩⲱ ⲁⲩⲣ̄ ϩⲱⲃ ϣⲁⲛⲧ ⲟⲩϫⲱⲕ ⲉ ⲃⲟⲗ ⲛⲉⲧⲟⲡⲟⲥ
ⲉⲧ ⲟⲩⲁⲁⲃ • Ⲁⲩⲕⲟⲥⲙⲉⲓ ⲙ̄ⲙⲟⲟⲩ ⲛ̄ⲑⲉ ⲙ̄ ⲡⲉⲥⲧⲉⲣⲉⲱ |
[ⲙⲁ]▨▨▨ⲙ̄ ⲡϥ̄ⲥⲁ • Ⲁϥϩⲁⲅⲓⲁⲍⲉ ⲙ̄ⲙⲟⲟⲩ ⲛ̄ϭⲓ ⲡⲡⲉⲧ
ⲟⲩⲁⲁⲃ ⲁⲡⲁ ⲓⲱⲥⲏⲫ ⲡⲁϩⲁⲅⲓⲁ (sic) ⲙ̄ ⲡⲟⲗⲓⲥ • ⲁⲩⲱ ϩⲁϩ
ⲛ̄ⲉⲡⲓⲥⲕⲟⲡⲟⲥ ⲛ̄ ⲟⲣⲑⲟⲇⲱⲝⲟⲥ ⲛⲉⲩ ⲛⲙ̄ⲙⲁϥ ⲡⲉ • ⲉ ⲁⲩⲉⲓ
ⲉ ⲡϫⲓⲁⲉⲓⲕ ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ • Ⲁⲩⲱ ⲡⲉϩⲟⲟⲩ
ⲛ̄ⲧⲁⲩϩⲁⲅⲓⲁⲍⲉ • ⲛ̄ ϯϩⲁⲅⲓⲁ ⲛ︦ⲕ︦ⲕⲗⲏⲥⲓⲁ ⲛ̄ϩⲏⲧϥ̄ • ⲡⲉ
ⲥⲟⲩ ⲙⲉⲛ︦ⲧ︦ⲥⲁϣϥ̄ ⲛ̄ ⲑⲟⲟⲩⲧ • ⲉⲧⲉ ⲡⲁⲓ ⲡⲉ ⲡⲉϩⲟⲟⲩ ⲙ̄
ⲡⲟⲩⲱⲛϩ̄ ⲉ ⲃⲟⲗ ⲙ̄ ⲡϩⲁⲅⲓⲟⲛ ⲛ̄ ⲥ̄⳨ⲟ︦ⲥ︦ ⲙⲛ̄ ⲡⲧⲁⲫⲟⲥ
ⲉⲧ ⲟⲩⲁⲁⲃ • Ⲁⲩⲱ ⲁⲩⲃⲁⲡϯⲍⲉ ⲛ̄ ⲓⲟⲩⲇⲁⲥ • ϩⲓⲧⲛ̄ ⲁⲡⲁ
ⲓⲱⲥⲏⲫ ⲡⲉⲡⲓⲥⲕⲟⲡⲟⲥ • ⲙⲛ̄ ⲛ̄ⲕⲉ ⲉⲡⲓⲥⲕⲟⲡⲟⲥ ⲛ̄ⲟⲣⲑⲟ‐
ⲇⲱⲝⲟⲥ • ⲁⲩⲱ ⲛ̄ⲧⲟϥ ⲓⲟⲩⲇⲁⲥ • ⲁϥϣ|ⲱⲡⲉ ⲛ̄ ⲟⲩⲣⲱⲙⲉ
ⲛ̄ ⲟⲣⲑⲟⲇⲟⲝⲟⲥ ⲛ̄ ⲭⲣⲓⲥϯⲁⲛⲟⲥ ⲛ̄ ⲥⲱⲧⲡ̄ : Ⲁⲩⲱ ⲟⲩ‐
ⲙⲏⲏϣⲉ ⲛ̄ⲓⲟⲩⲇⲁⲓ • ⲙⲛ̄ ⲟⲩⲙⲏⲏϣⲉ ⲛ̄ϩⲑ̄ⲛⲟⲥ ⲁⲩⲃⲁⲡϯⲍⲉ
ⲙ̄ⲙⲟⲟⲩ : Ⲁⲩⲉⲓ ⲉⲩⲛⲁⲡⲉⲓⲧⲉⲗⲓ ⲛ̄ ⲧⲉⲡⲣⲟⲥⲫⲟⲣⲁ ⲉⲧ
ⲟⲩⲁⲁⲃ • ⲁⲩⲱ ⲁⲓϯ ⲉϥⲧⲁⲟⲩⲟ ⲛ̄ ⲧⲉⲩϣⲏ ⲉⲧ ⲟⲩⲁⲁⲃ •
ⲛ̄ϭⲓ ⲁⲡⲁ ⲓⲱⲥⲏⲫ • Ⲉⲓⲥ ⲟⲩⲥ̄ⳁⲟ︦ⲥ︦ ⲛ̄ ⲟⲩⲟⲉⲓⲛ ⲁϥⲟⲩⲱⲛϩ̄
ⲉ ⲃⲟⲗ • ⲛ̄ ⲧⲡⲉ ⲧⲡⲉ (sic) ⲙ̄ ⲡⲧⲁⲫⲟⲥ ⲙ̄ ⲡⲥⲱ︦ⲣ︦ • ϫⲓⲛ ⲉ
ϣⲟⲣⲡ̄ ϣⲁⲧ ϫⲡ̄ ⲯⲓⲧⲉ ⲙ̄ ⲡⲉϩⲟⲟⲩ • Ⲁⲩⲱ ⲛⲉⲩⲑⲉⲱⲣⲓ
ⲙ̄ⲙⲟϥ ⲧⲏⲣⲟⲩ • ⲛ̄ϭⲓ ϩⲑ̄ⲛⲟⲥ ⲛⲓⲙ • ⲉⲧ ⲟⲩⲏϩ ϩⲛ̄
ⲑⲓ̈ⲉ̄ⲗⲏ︦ⲙ︦ • ⲙⲛ̄ ⲟⲩⲟⲛ ⲛⲓⲙ ⲉⲧ ⲕⲱⲧⲉ ⲉ ⲣⲟⲥ • Ⲁⲩⲱ
ϩⲙ̄ ⲡⲛⲁⲩ ⲛ̄ ϫⲡ̄ ⲯⲓⲧⲉ • ⲁϥⲃⲱⲕ ⲉ ϩⲣⲁⲓ ⲉ ⲧⲡⲉ • ⲉⲩ‐
ϭⲱϣⲧ̄ ⲛ̄ⲥⲱϥ ⲧⲏⲣⲟⲩ • ⲛ̄|ⲇⲓⲕⲁⲓⲟⲥ ⲙⲛ̄ ⲛ̄ ⲣⲉϥ︤ⲣ︥ ⲛⲟⲃⲉ •
ⲁⲩⲱ ⲛⲉⲩⲙⲱⲕϩ̄ ⲛ̄ϩⲏⲧ • ϫⲉ ⲙⲉⲩⲑⲉⲱⲣⲓ ⲙ̄ⲙⲟϥ • ⲛ̄
ⲕⲉ ⲥⲟⲡ • Ϩⲧⲟⲟⲩⲉ ⲇⲉ ⲟⲛ ⲛ̄ ⲧⲉⲣⲉ ϥϣⲱⲡⲉ • ⲁⲩⲉⲓ ⲉ


### 0044

ⲡⲧⲁⲫⲟⲥ ϫⲉⲩⲛ̄ⲁϣⲗⲏⲗ (sic) • ⲁⲩⲛⲁⲩ ⲉ ⲡⲉⲥ̄⳨ⲟ︦ⲥ︦ ⲛ̄ ⲟⲩ‐
ⲟⲉⲓⲛ ⲛ̄ ϩⲟⲩⲛ ⲉ ⲡⲧⲁⲫⲟⲥ • ⲉϥⲛⲉϫ ⲁⲕⲧⲓⲛ ⲛ̄ ⲟⲩⲟⲉⲓⲛ
ⲉ ⲃⲟⲗ • ⲛ̄ⲑⲉ ⲛ̄ ⲟⲩⲉϥⲣⲏϭⲉ • ⲛ̄ ⲧⲉⲣⲉ ⲛⲁⲓ̈ ⲇⲉ ϣⲱⲡⲉ
ⲛ̄ϯϩⲉ : Ⲁϥⲥϩⲁⲓ ⲛ̄ ϩⲛ̄ⲥϩⲁⲓ ⲛ̄ϭⲓ ⲡⲡⲉⲧ ⲟⲩⲁⲁⲃ • ⲁⲡⲁ
ⲉⲓⲱⲥⲏⲫ • ⲙⲛ̄ ⲧⲙⲁⲓⲛⲟⲩⲧⲉ ⲛ̄ ⲉⲩⲥⲉⲃⲏⲥ • Ⲁⲩⲧⲁⲙⲉ
ⲡⲣ︤ⲣⲟ ⲕⲱⲛⲥⲧⲁⲛϯⲛⲟⲥ • ⲉ ϩⲱⲃ ⲛⲓⲙ ⲛ̄ⲧⲁⲩϣⲱⲡⲉ • ⲁⲩⲱ
ⲁϥⲣ̄ϣⲡⲏⲣⲉ ⲁϥϯ ⲉⲟⲟⲩ ⲙ̄ ⲡⲛⲟⲩⲧⲉ • ⲙⲛ̄ ⲡϥ︦ⲥ︦ⳁⲟ︦ⲥ︦ ⲉⲧ
ⲟⲩⲁⲁⲃ :-Ⲁⲩⲱ ⲙⲛ︦ⲛ︦ⲥⲁ ⲛⲁⲓ ⲁϥⲙ̄ⲧⲟⲛ ⲙ̄ⲙⲟϥ ⲛ̄ϭⲓ
ⲁⲡⲁ ⲓⲱⲥⲏⲫ • ⲁⲩⲕⲁⲑⲓⲥⲧⲁ ⲛ̄ ⲓⲟⲩⲇⲁⲥ ⲉ ⲡϥ̄[ⲙⲁ] • ⲁϥⲣ̄
ⲙϩ̄ ⲙⲛ̄ⲧⲏ | ⲛⲉ [nearly a line wanting] ⲉ ⲙ̄ ⲡⲥⲃ̄ⲃⲉ ϫⲓⲛ
ⲉ ⲛⲉⲛⲉⲓⲟⲧⲉ • ⲛ̄ⲁⲡⲟⲥⲧⲟⲗⲟⲥ :-Ⲁⲩⲱ ⲁϥϣⲱⲡⲉ ⲛ̄ ⲥⲟⲉⲓⲧ
ϩⲛ̄ ⲧϥ̄ⲙⲛ︤ⲧ︥ⲉⲡⲓⲥⲕⲟⲡⲟⲥ • ⲉ ⲧⲃⲉ ⲧϩⲟⲙⲟⲗⲟⲅⲉⲓⲁ ⲛ̄ ⲧϥ̄ⲙⲛ︤ⲧ︥‐
ⲟⲣⲑⲟⲇⲟⲝⲟⲥ • Ⲛ̄ ⲧⲉⲣ ϥ︦ⲛ︦ⲕⲟⲧⲕ̄ ⲇⲉ ⲛ̄ϭⲓ ⲓ̈ⲟⲩⲇⲁⲥ • ⲁϥϫⲓ
ⲛ̄ ⲧϥ̄ⲙⲛ︦ⲧ︦ⲉⲡⲓⲥⲕⲟⲡⲟⲥ • ⲛ̄ϭⲓ ⲟⲩⲁ ϫⲉ ⲙⲁⲣⲕⲟⲥ • ⲉⲧⲉ
ⲡⲁⲓ ⲡⲉ ⲡϣⲟⲣⲡ̄ ⲛ̄ⲧⲁϥⲣ̄ ⲉⲡⲓⲥⲕⲟⲡⲟⲥ ⲉ ⲃⲟⲗ ϩⲛ̄ ⲑⲓⲉⲗⲏ︦ⲙ︦ •
Ⲛ̄ⲧⲁⲓⲧⲁⲩ ⲉ ⲛⲁⲓ ⲧⲏⲣⲟⲩ ⲉ ⲧⲉⲧⲛ̄ⲁⲅⲁⲡⲏ • ⲉⲓⲟⲩⲱⲛϩ̄ ⲛⲏⲧⲛ̄
ⲉ ⲃⲟⲗ • ϫⲉ ⲡⲉⲧ ϣ̄ϣⲉ ⲡⲉ • ⲉ ⲧⲣⲛ︦ⲣ︦ϣⲁ ϩⲙ̄ ⲡⲟⲩⲱⲛϩ̄
ⲉ ⲃⲟⲗ ⲙ̄ ⲡⲉⲥ̄⳨ⲟ︦ⲥ︦ • ⲙ̄ ⲡⲉⲟⲟⲩ • ⲉⲧⲉ ⲥⲟⲩ ⲙⲛ︦ⲧ︦ⲥⲁϣϥ̄
ⲡⲉ ⲙ̄ ⲡⲉⲃⲟⲧ ⲑⲟⲟⲩⲧ • Ⲉⲓⲥ ϩⲏⲏⲧⲉ ϭⲉ ⲧⲉⲛⲟⲩ ⲁ ⲡϩⲱⲃ
ⲟⲩⲱⲛϩ̄ ⲛⲁⲛ ⲉ ⲃⲟⲗ • ϩⲓⲧⲛ̄ ⲛⲓⲁⲡⲟⲧⲉⲝⲓⲥ ⲧⲏⲣⲟⲩ | [nearly
a line wanting] ⲟⲩⲱⲛϩ̄ ⲉ ⲃⲟⲗ ⲙ̄ ⲡⲉⲥ̄ⳁⲟ︦ⲥ︦ • ⲙⲛ̄ ⲡϫⲓⲁⲉⲓⲕ
ⲛ̄ ϩⲁⲅⲓⲁ ⲛⲕ̄ⲕⲗⲏⲥⲓⲁ ⲛ̄ ⲧⲁⲛⲁⲥⲧⲁⲥⲓⲥ :-ⲉⲧⲉ ⲥⲟⲩ ⲙⲛ︦ⲧ︦‐
ⲥⲁϣϥ̄ ⲡⲉⲃⲟⲧ ⲧⲉ ⲑⲱⲟⲩⲧ ⲡⲉ • ⲕⲁⲧⲁ ⲛ̄ ⲣⲙ̄ ⲛ̄ ⲕⲏⲙⲉ :-
Ⲉⲓⲥ ⲛⲁⲓ ⲙⲛ̄ ⲁⲓϫⲟⲟⲩ ϣⲁ ⲡⲓ ⲙⲁ • ⲉ ⲡⲉⲟⲟⲩ ⲙⲛ̄ ⲡⲧⲁⲉⲓⲟ
ⲙ̄ ⲡⲉⲥ̄⳨ⲟ︦ⲥ︦ ⲉⲧ ⲟⲩⲁⲁⲃ :-Ⲙⲁⲣⲛ̄ ϩⲱ ⲉ ⲣⲟⲛ ϣⲁ ⲡⲓ ⲙⲁ •
ⲛ̄ⲧⲛ̄ϯ ⲙ̄ ⲡⲛ̄ⲟⲩⲟⲓ ⲉ ⲡⲃⲁⲡⲧⲓⲥⲧⲏⲣⲓⲟⲛ • ⲙⲛ̄ ⲧⲉⲑⲩⲥⲓⲁ
ⲉⲧ ⲟⲩⲁⲁ̄ⲃ ϫⲉ ⲁ ⲡⲛⲁⲩ ⲡⲣⲟⲕⲟⲡⲧⲉ • ⲙⲁⲗⲗⲟⲛ ⲉ ⲧⲃⲉ
ⲡϩⲓⲥⲉ • ⲛ︦ⲛ︦ ⲛ̄ⲧⲁⲩⲉⲓ̈ ϣⲁ ⲣⲟⲛ • ⲉ ⲡⲉⲓ ⲧⲟⲡⲟⲥ • ⲉⲧ
ⲟⲩⲁⲁⲃ ⲙ̄ⲡⲟⲟⲩ • ⲉⲩϯ ⲉⲟⲟⲩ ⲙ̄ ⲡϫⲟⲉⲓⲥ ⲓ︦ⲥ︦ ⲡⲉⲭ︦ⲥ︦ • ⲙⲛ̄
ⲡϥ︦ⲥ︦⳨ⲟ︦ⲥ︦ ⲉⲧ ⲟⲩⲁⲁⲃ • ⲛ̄ ⲣϥ̄ⲧⲟⲩϫⲟ ⲛ̄ ⲟⲩⲟⲛ ⲛⲓⲙ ⲉⲧ
ⲡ|ⲓⲥⲧⲉⲩⲉ ⲉ ⲣⲟϥ • ⲕⲁⲓ ⲅⲁ[ⲣ] ⲛ̄ϣⲁϫⲉ ⲙ̄ ⲡⲛⲟⲩⲧⲉ ⲥⲉ‐
ⲥⲟⲧⲡ̄ ⲉ ⲡⲛⲟⲩⲃ ⲙⲉⲛ ⲡⲱⲛⲉ ⲙ̄ ⲙⲉ • ⲥⲉϩⲟⲗϭ̄ ⲉ ⲡϥ̄ⲉⲓⲱ
ⲙⲛ̄ ⲡⲙⲟⲩⲗϩ̄ • ⲛ̄ϩⲙ̄ϩⲁⲗ ⲙ̄ ⲡⲛⲟⲩⲧⲉ ϩⲁⲣⲉϩⲉⲣⲟⲟⲩ •
Ⲙⲡⲣ̄ ⲧⲣⲉ ⲛϩⲉ ⲉ ⲣⲟⲛ ⲉⲛⲣ̄ ϣⲁ ⲙ̄ ⲡϩⲁⲅⲓⲟⲛ ⲛ̄ ⲥ̄ⳁⲟ︦ⲥ︦


### 0045

ϩⲛ̄ ⲟⲩⲱⲛϩ̄ ⲉ ⲃⲟⲗ • ⲛ̄ⲧⲉⲛⲧⲱϩ ϩⲱⲱⲛ ⲙⲉⲛ ⲛ̄ϩⲃⲏⲩⲉ •
ⲛ︦ⲛ︦ ⲛ̄ϩⲑ̄ⲛⲟⲥ • Ⲙ̄ⲡⲣ̄ ⲧⲣ ⲛ̄ ϩⲉ ⲉ ⲣⲟⲛ ⲛ̄ ϯⲉⲟⲟⲩ ⲙ̄ ⲡⲉⲭⲥ̄ •
ⲛ̄ⲥⲙⲟⲩ ⲉ ⲣⲟϥ • ϩⲛ̄ ⲛ̄ ⲛ̄ⲥⲡⲟⲧⲟⲩ ⲙ̄ⲙⲁⲧⲉ • Ⲉⲛⲙⲉⲉⲩⲉ
ⲉ ⲃⲟⲗ ϩⲛ̄ ⲛⲉⲛϩⲏⲧ • ⲉ ⲧⲃⲉ ⲧⲙⲛ︦ⲧ︦ϩⲁϩ ⲛ̄ⲛⲟⲩⲧⲉ ⲛ̄ ⲛ̄‐
ϩⲉⲗⲗⲏⲛ • ⲟⲩⲉⲧ ⲡϣⲁϫⲉ ⲟⲩⲉⲧ ⲡⲙⲱⲕⲙⲉⲕ • ⲟⲩⲉⲧ
ⲧϩⲟⲙⲟⲗⲟⲅⲓⲁ ⲙ̄ ⲡⲗⲁⲥ • ⲟⲩⲉⲧ ⲧⲡⲓⲥϯⲥ ⲉⲧ ϫⲏ[ⲕ ⲉ] ⲃⲟⲗ
ϩⲙ̄ ⲡϩⲏⲧ • Ⲁ ⲡⲉⲫⲩⲥⲓⲁ ⲇⲉ▨▨▨|ⲙⲟⲛ ⲉ ⲧⲃⲉ ⲟⲩⲧⲃ̄ⲛⲏ
ⲛ̄ⲁⲗⲟⲅⲟⲛ • ⲉϥϩⲛ̄ ⲛ̄ⲧⲟⲩⲓⲏ • ⲛ̄ϣⲁⲩⲙⲟⲩⲧⲉ ⲉ ⲣⲟϥ • ϫⲉ
ⲕⲁⲙⲉⲗⲉⲟⲡⲁⲣⲇⲁⲗⲓⲥ • ⲉϥⲟ ⲛ̄ⲛⲟϭ ⲉ ⲡϩ̄ⲟⲩⲟ • Ⲉϥⲉⲓⲛⲉ
ⲛ̄ ⲟⲩϭⲁⲙⲟⲩⲗ ϩⲓⲑⲏ ⲙ̄ⲙⲟϥ • ⲁⲩⲱ ⲟⲩϩⲟ ⲙ̄ⲙⲁⲥⲉ ⲡⲉ
ϩⲓ ⲡⲁϩⲟⲩ ⲙ̄ⲙⲟϥ • Ⲉϥⲟ ⲛ̄ ⲧϭⲟⲧ ⲛ̄ ⲟⲩϭⲁⲙⲟⲩⲗ • ⲁⲩⲱ
ⲟⲛ ⲉⲣⲉ ⲡϥ̄ⲥⲙⲟⲧ ⲉⲓⲛⲉ ⲛ̄ ⲟⲩϭⲁⲙⲟⲩⲗ • ϩⲱⲥ ⲧⲉ ⲛϥ̄ⲡⲱϩ
ⲉ ⲡϩⲏⲧ ⲛ̄ϣⲏⲛ ⲉⲧ ϫⲟⲟⲥⲉ • ⲛϥ̄ⲟⲩⲱⲙ ⲉ ⲃⲟⲗ ⲛ̄ϩⲏⲧⲟⲩ
ⲉϥⲟ ⲛ̄ ⲙⲓ̈ⲛⲉ ⲙⲓ̈ⲛⲉ • ⲉϥⲟ ⲛ̄ⲁⲩⲉⲓⲁⲛ • Ⲡⲁⲓ ⲇⲉ ϥⲥⲟⲟϥ
ϩⲙ̄ ⲡϥ̄ϩⲏⲧ • ⲙⲛ̄ ⲡϥ̄ⲥⲱⲙⲁ • Ⲧⲁⲓ ϩⲱⲱϥ ⲧⲉ ⲑⲉ ⲛ̄
ⲛⲉϩⲉⲣⲉϯⲕⲟⲥ • ⲛ̄ ⲁⲧ ⲛⲟⲩⲧⲉ • ⲛ̄ⲥⲉϭⲉⲉⲧ ⲁ▨▨ⲟⲩⲙⲉⲉⲩⲉ
ⲛ̄ ⲟⲩⲱⲧ • | Ⲉ [one line wanting] ϩⲁ ⲡⲣⲁⲛ ⲙ̄ ⲡⲉ[ⲥ̄ⳁⲟ︦ⲥ︥] •
ⲥⲉⲉⲓⲣⲉ ⲙ̄ⲙⲟϥ▨▨ⲣⲱ]ⲙⲉ ⲙ̄ⲙⲁⲧⲉ • Ⲉϣϫⲉ ⲟⲩⲣ[ⲱⲙⲉ]
ⲙ̄ⲙⲁⲧⲉ ⲡⲉ ⲡⲉ[ⲭⲥ̄] ⲁⲩⲱ ⲛ ⲟⲩⲛⲟⲩⲧⲉ ⲁⲙ ⲡⲉ • Ⲱ̄
ⲡϩⲉⲣⲉϯⲕⲟⲥ • ⲉⲓ̈ ⲉⲕϣⲙ̄ϣⲉ ⲛ̄ⲧⲟⲕ ⲛ̄ ⲟⲩⲣⲱⲙⲉ • Ⲡⲉⲕϩⲏⲧ
ⲅⲁⲣ ⲟⲛ ⲙⲉⲓⲛⲉ ⲙⲉⲓⲛⲉ • ⲁⲩⲱ ⲙ̄ⲡ ⲕ̄ϭⲱ ϩⲛ̄ ⲟⲩⲙⲉⲉⲩⲉ
ⲛ̄ ⲟⲩⲱⲧ ⲱ̄ ⲡϩⲉⲣⲉϯⲕⲟⲥ • Ⲡⲁⲣⲁ ⲟⲩⲕⲟⲩⲓ ⲛ︦ⲅ︦ ϫⲟⲟⲥ
ⲛ̄ϯϩⲉ • ϫⲉ ⲛ̄ ⲟⲩⲛⲟⲩⲧⲉ ⲁⲛ ⲡⲉ ⲙ̄ⲙⲁⲛⲟⲩⲏⲗ • Ⲡⲉⲕ‐
ⲙⲟⲥⲧⲉ ⲅⲁⲣ ⲱ̄ ⲡϩⲉⲣⲉϯⲕⲟⲥ • ⲡⲉ ⲡⲙⲁⲉⲓⲛ ⲛ̄ ⲧⲟⲣⲑⲟ‐
ⲇⲟⲝⲓⲁ • Ⲉⲕⲡⲏⲧ ⲉ ⲃⲟⲗ ⲙ̄ⲙⲟⲥ ⲡⲕ̄ⲙⲟⲥⲧⲉ ⲙⲛ̄ ⲡⲕ̄‐
ⲙⲉⲉⲩⲉ ϫⲟⲟⲥ ⲉ ⲉⲓⲕⲏ • ⲕⲟⲩⲱⲙ | ▨▨▨▨▨▨
▨▨▨▨▨▨▨ⲟⲩ •
▨▨▨▨ϫⲉⲕⲱϣ▨▨▨▨▨ⲧⲉⲗⲓⲟⲛ [ⲉⲧ
ⲙⲛ̄▨▨▨▨▨▨
ⲟⲩⲁ]ⲁⲃ • ⲁⲩⲱ ⲕⲱⲡ ⲛ̄ ⲛⲉⲩϣⲁϫⲉ • ⲉ ϩⲛ̄ϣⲃⲱ ⲛ̄ϩⲗ̄ⲗⲟ •
Ⲙ̄ⲡⲱⲣ ⲱ̄ ⲡⲉⲭⲣⲓ̈ⲥϯⲁⲛⲟⲥ ⲉⲧ ⲏⲡⲉ ⲉ ⲡⲉⲭⲥ̄ • ⲙ̄ⲡⲣ̄
ⲧⲣⲛ̄ⲙⲉⲉⲩⲉ ⲉ ⲛⲁ ⲛ̄ϩⲉⲣⲉϯⲕⲟⲥ • ⲟⲩⲇⲉ ⲙ̄ⲡⲣ̄ ⲧⲣ ⲛ̄ⲃⲱⲕ
ⲉ ϩⲟⲩⲛ • ⲉ ⲛⲉⲩⲉⲕⲕⲗⲏⲥⲓⲁ ⲛ̄ⲧⲉⲧⲛ̄ϣⲗⲏⲗ ϫⲉ ⲛ̄ ϩⲛ̄ⲉⲕ‐
ⲕⲗⲏⲥⲓⲁ ⲁⲛ ⲛⲉ • Ⲁⲗⲗⲁ ϫⲡⲟ ⲛⲏⲧⲛ̄ ⲛ̄ ⲟⲩⲙⲉⲉⲩⲉ • ⲉⲧ
ⲛⲁⲛⲟⲩϥ • ⲙⲛ̄ ⲟⲩⲡⲓⲥϯⲥ ⲉⲥϫⲏⲕ ⲉ ⲃⲟⲗ • ⲉ ϩⲟⲩⲛ ⲉ
ⲡⲛⲟⲩⲧⲉ ⲙⲛ̄ ⲡϥ︦ⲥ︦⳨ⲟ︦ⲥ︦ ⲉⲧ ⲟⲩⲁⲁⲃ • Ⲁⲩⲱ ⲛ̄ⲧⲉⲧⲛ̄ϫⲟⲟⲥ


### 0046

ϩⲙ̄ ⲡⲉⲧⲛ̄ϩⲏⲧ ⲧⲏⲣϥ̄ • ϫⲉ ⲟⲩⲛⲟⲩ|ⲧⲉ ⲁⲛ ⲡⲉ ⲙ̄ⲙ[ⲁⲛⲟⲩ]ⲏⲗ •
ⲉ ⲁϥⲣ̄ ⲣⲱ[ⲙⲉ] • Ⲁⲩⲱ ⲙ̄ⲡⲉ ⲧϥ̄[ⲙⲛ︦ⲧ︦]ⲛⲟⲩⲧⲉ ⲡⲟⲟⲛⲉ ⲉ
ⲧ[ϥ̄]ⲙⲛ︦ⲧ︦ⲣⲱⲙⲉ • ⲛ̄ ⲟⲩⲥⲟⲩ ⲛ̄ ⲟⲩⲱⲧ • ⲏ ⲟⲩⲣⲓⲕⲉ ⲛ̄ⲃⲁⲗ •
ⲁⲗⲗⲁ ⲛ̄ϩⲟⲩⲟ ⲁϥϯ ⲉⲟⲟⲩ ⲛⲁⲛ • ϫⲉ ⲁϥⲫⲟⲣⲓ ⲛ̄ ⲧⲥⲁⲣⲝ̄ •
ⲡⲛⲟⲩⲧⲉ ⲡⲉ ϩⲛ̄ ⲟⲩⲙⲉ : Ⲉ ⲃⲟⲗ ϩⲛ̄ ⲧⲟⲩⲥⲓⲁ ⲙ̄ ⲡⲓⲱⲧ
ⲙⲛ̄ ⲡⲉⲡⲛ︦ⲁ︦ ⲉⲧ ⲟⲩⲁⲁⲃ • Ⲡⲉⲛⲧⲁϥⲉⲓⲣⲉ ⲙ̄ ⲡϥ︦ⲥ︦⳨ⲟ︦ⲥ︦ • ⲛ̄
ⲟⲩⲑⲩⲥⲓⲁⲥⲦⲏⲣⲓⲟⲛ • Ⲁⲩⲱ ⲛ̄ⲧⲟϥ ⲡⲉⲧ ϣⲟⲡ ⲉ ⲣⲟϥ
ⲛ̄ⲧⲉϥⲑⲩⲥⲓⲁ ⲙ̄ⲙⲓⲛ ⲉⲙⲙⲟϥ • Ⲛ̄ⲧⲟⲕ ϩⲱⲱⲕ ⲱ̄ ⲉⲓⲥⲁⲕ
ⲡⲥⲁⲙⲁⲣⲓⲧⲏⲥ • ⲡⲁⲓ ⲉⲧ ⲟⲩⲱϣ ⲉ ⲟⲡ▨ ⲡⲱϩ ⲉⲙ̄ ⲡⲉⲭⲥ̄ •
ϩⲓⲧⲛ̄ ⲡⲃⲁⲡϯⲥ[ⲙⲁ ⲛ̄]ⲧⲉⲕⲛⲁϫⲓⲧ▨▨▨ϫⲉ ⲁⲛϣ▨▨▨▨ |
▨▨ⲉ ⲉ ⲣⲁⲛⲁⲕ ⲙⲛ̄[ⲛ̄]ϣⲁϫⲉ ⲛ̄ ⲁⲡⲁ ⲃⲁ[ⲭⲟⲥ]• ⲡⲡⲣⲉⲥⲃⲩ‐
ⲧⲉⲣⲟⲥ • ⲁⲩⲱ ⲕⲡⲓⲥⲧⲉⲩⲉ ⲉ ⲡⲛⲟⲩⲧⲉ ϩⲙ̄ ⲡⲕ̄ϩⲏⲧ ⲧⲏⲣⲉϥ :
Ⲉⲓⲉϯ (sic) ⲙ̄ ⲡⲕ̄ⲟⲩⲟⲓ ⲉ ⲡⲃⲁⲡϯⲥⲙⲁ • ⲛⲅ̄ ϫⲓⲧϥ̄ ϩⲛ̄ ⲟⲩ‐
ⲧⲃ̄ⲃⲟ • ⲙⲛ̄ ⲟⲩⲡⲓⲥϯⲥ • ⲡⲉⲧⲣⲟⲡⲟⲥ ⲅⲁⲣ • ⲡⲉⲧ ⲥⲩⲛϩⲓⲥⲧⲁ ⲛ̄
ⲧⲕ̄ⲡⲓⲥϯⲥ • ⲙⲛ̄ ⲧⲕ̄ⲡⲣⲟϩⲁⲓⲣⲉⲥⲓ̄ⲥ : Ⲉϣϫⲉ ⲉⲕⲟ ⲛ̄ϩⲩⲇⲩ‐
ⲙⲟⲥ • ϩⲙ̄ ⲡⲕ̄ϩⲏⲧ ⲧⲏⲣϥ̄ • ⲉⲓⲉ ⲧⲛ̄ⲥⲃ̄ⲧⲱⲧ ϩⲱⲱⲛ ⲉ ϫⲱⲕ
ⲉ ⲃⲟⲗ • ⲙ̄ ⲡⲕ̄ⲟⲩⲱϣ • Ⲁϥⲱϣ ⲉ ⲃⲟⲗ ϩⲛ̄ ⲟⲩⲛⲟϭ ⲛ̄
ⲥⲙⲏ • ⲛ̄ϭⲓ ⲓⲥⲁⲕ ⲡⲥⲁⲙⲁⲣⲓⲧⲏⲥ [ⲉ]ϥϫⲱ ⲙ̄ⲙⲟⲥ • [ϯ]ⲡⲓ‐
ⲥⲧⲉⲩⲉ ⲁⲩⲱ [ϯⲛⲁϩⲟⲙⲟⲗⲟ]ⲅⲉⲓ • ⲙ̄ ⲡ[ⲛ̄ϫⲟ]ⲉⲓⲥ • | ▨▨
[one line wanting] ⲉⲧ ⲟ ⲛ▨▨▨▨▨▨ⲥⲁ▨▨ⲛ ⲡⲁⲣⲑⲉⲛⲟⲥ
ⲉⲧ ⲟⲩⲁ[ⲁⲃ] • Ⲁⲩⲱ ⲁ▨▨▨▨▨ⲟⲥⲙⲟⲥ • ⲁⲩⲥ̄ⳁⲟ︦ⲩ︦ [ⲙ̄]ⲙⲟϥ
ϩⲁ ⲣⲟⲛ▨▨Ⲁϥⲧⲱⲟⲩⲛ ⲉ ⲃⲟⲗ ϩⲛ̄ ⲛⲉⲧ ⲙⲟⲟⲩⲧ • ⲙ̄ ⲡⲙϩ̄
ϣⲟⲙⲛ︤ⲧ︥ ⲛ̄ϩⲟⲟⲩ • Ⲁϥⲃⲱⲕ ⲉ ϩⲣⲁⲓ ⲉⲛ ⲙ̄ⲡⲏⲩⲉ • ⲁϥ‐
ϩⲙⲟⲟⲥ ⲛ̄ⲥⲁ ⲟⲩⲛⲁⲙ ⲙ̄ ⲡⲛⲟⲩⲧⲉ • Ⲁⲩⲱ ϥⲛⲏⲩ ⲉ ⲕⲣⲓⲛⲉ
ⲛ̄ ⲛⲉⲧ ⲟⲛϩ̄ • ⲙⲛ̄ ⲛⲉⲧ ⲙⲟⲩⲧ • ⲛϥ̄ϯ ⲙ̄ ⲡⲟⲩⲁ ⲡⲟⲩⲁ
ⲕⲁⲧⲁ ⲛ̄ϩⲃⲏⲩⲉ • Ⲁⲩⲱ ϩⲙ̄ ⲡⲣϥ̄ϩⲟⲙⲟⲗⲟⲅⲓ ϩⲓ ⲛⲁⲓ •
ϩⲛ̄ ⲟⲩϩⲏⲧ ⲉϥⲥⲟⲩⲧⲱⲛ ⲙⲛ̄ ⲛⲧ̄ ⲛⲙ̄ⲙⲁϥ ⲧⲏⲣⲟⲩ •
Ⲁⲩϫⲓ ⲃⲁⲡϯⲥⲙⲁ ⲉ ⲡⲣⲁⲛ ⲉ ⲡⲉⲓⲱⲧ ⲙⲛ̄ ⲡϣⲏⲣⲉ ⲙⲛ̄
ⲡⲉⲡ|[ⲛⲁ̄ ⲉⲧ ⲟⲩⲁⲁⲃ]▨[about five lines wanting] ⲙⲁ▨▨▨
ϯ ⲉⲟⲟⲩ ⲙ̄ ⲡⲛⲟⲩⲧⲉ • ⲙⲛ̄ ⲡⲉϥⲥ̄⳨ⲟ︦ⲥ︥ ⲉⲧ ⲟⲩⲁⲁⲃ • Ⲟⲩ-
ⲛⲟϭ ⲅⲁⲣ ⲁⲗⲏⲑⲱⲥ • ⲡⲉ ⲡⲉⲟⲟⲩ ⲙ̄ ⲡⲛ̄ⲛⲟⲩⲧⲉ • ⲙⲛ̄
ⲡⲉⲟⲟⲩ ⲛⲧⲁϥⲭⲁⲣⲓⲍⲉ ⲙ̄ⲙⲟϥ ⲛⲁⲛ • ⲙⲛ̄ ⲡⲛ̄ⲅⲉⲛⲟⲥ
ⲁ̄ⲛⲟⲛ ⲛⲉⲭⲣⲓⲥϯⲁ̄ⲛⲟⲥ • Ⲉ ⲧⲣ ⲛ̄ϣⲱⲡⲉ ⲉⲛⲧⲛ̄ⲧⲱⲛ ⲉ ⲣⲟϥ
ϩⲛ̄ ⲛ̄ ⲛ̄ϩⲃⲏⲩⲉ ⲧⲏⲣⲟⲩ • ⲉ ⲁⲛⲁⲁⲁⲩ ⲉⲩⲉⲣⲁⲛⲁϥ ⲙ̄


### 0047

ⲡⲛ̄ⲟⲩⲧⲉ • ⲛ̄ ⲟⲩⲟⲉⲓϣ ⲛⲓⲙ • Ⲁⲩⲱ ⲛ̄ ⲟⲩ[ⲱϣⲧ̄ ⲙ̄ ⲡⲉⲥ̄‐
⳨ⲟ︦ⲥ︦ ⲛ̄[ⲟⲩⲟⲉⲓ]ϣ ⲛⲓⲙ • ⲉ ⲧⲃ[ⲉ] ⲛⲧⲁϥⲁⲗⲉ ⲉ ϫⲱ[ϥ] |
[one or two lines wanting] Ⲡⲁⲓ ⲡⲉⲟⲟⲩ [ⲛⲁϥ ⲙⲛ̄] ⲡϥ̄ⲉⲓⲱⲧ
ⲛ̄[ⲁⲅⲁⲑ]ⲟⲥ • ⲙⲛ̄ ⲡⲉⲡⲛⲁ̄ [ⲉⲧ] ⲟⲩⲁⲁⲃ • ⲛ̄ ⲣϥ̄ⲧ[ⲁⲛ]ϩⲟ
ⲁⲩⲱ ⲛ̄ ϩⲟⲙⲱⲟⲩⲥⲓⲱⲛ • ⲧⲉⲛⲟⲩ ⲁⲩⲱ ⲛ̄ ⲟⲩⲟⲉⲓϣ ⲛⲓⲙ •
ϣⲁ ⲉⲛϩ̄ ⲛ̄ⲉⲛϩ̄ ϩⲁⲙⲏⲛ •
ⲡⲟⲟⲩ ⲡⲁⲓ ⲓ︦ⲉ︦ ⲙ̄ ⲡⲁⲱⲛⲉ ϯⲣⲟⲙⲡⲉ ⲧⲁⲓ Ⳁ ⲙⲁⲣ ⲯⲝⲑ
ⲥⲁⲣⲁⲅⲉⲛⲟ ⲩ︦ⲙ︦ⲏ︦ ⲉⲣⲉ ⲡⲉⲭⲥ̄ ⲟ ⲛ ⲉⲣ̄ⲣⲟ ϩⲓ ϫⲱⲛ ϩⲁⲙⲏⲛ •
Ⲁⲣⲓ ⲡⲁ ⲙⲉⲉⲩⲉ ⲛ ⲁⲅⲁⲡⲏ • ⲁⲛⲟⲕ ⲡⲓⲣϥ︦ⲣ︦ ⲛⲟⲃⲉ ⲙ̄ ⲡⲁⲣⲁ
ⲡⲕⲁϩ • ⲧⲏⲣϥ̄ • ⲡⲓ̈ ⲁⲧ ⲙ̄ϣⲁ ⲙ̄ ⲡⲓ ⲣⲁⲛ ϫⲉ ⲇ▨▨ⲙⲣ̄ⲕⲟⲩⲣⲉ •
ⲡⲩ︦ⲥ︦ ⲙ̄ ⲡⲁⲡⲁⲙⲉⲟⲥ • ⲁⲣⲓ ⲡⲁ ⲙⲉⲩⲉ ⲛ̄ ⲁⲅⲁⲡⲏ • ϫⲉ ⲁⲛⲅ̈ ⲟⲩⲕⲟⲩⲓ
ⲙ̄ⲡⲁ ϯⲛⲟⲓ ⲕⲁⲗ̄▨▨ⲗⲁⲉⲓⲥ ϫ[ⲓ]ⲥⲃⲱ ⲛ̄▨▨
[one or two lines wanting)| ▨▨▨▨ϫⲓⲛⲓⲛ▨ⲗ▨▨▨▨
Ⲥⲙ̄ ⲛⲛ̄ⲉⲓⲱⲧ▨▨▨▨▨--.▨▨ ▨▨
▨▨▨▨
ⲛⲧⲉ ⲭⲏⲣⲁ • ⲛⲓⲣⲏⲛ▨▨▨▨▨▨▨▨▨▨▨▨▨▨▨▨▨▨▨
▨▨▨▨
ⲁⲗⲙⲟⲥ ⲙ̄ ⲡⲛ̄ⲉⲓⲱⲧ▨ⲧ——
▨▨▨▨
ⲙ̄ ⲡⲛ̄ ⲙⲁⲓ ⲛⲟⲩⲧⲉ ⲛ▨▨▨▨▨▨▨▨▨▨▨▨▨▨▨▨▨▨
—
ⲡⲩ︦ⲥ︦ ⲙ̄ⲙⲁϣⲛ̄ⲕⲁ • ⲙ̄▨▨▨▨▨▨▨▨▨▨▨▨▨▨▨▨▨
▨▨▨
ⲡⲁ ⲡⲧⲟϣ ⲡⲁⲭⲱⲣⲁ ⲛ̄ⲧⲉ ⲛ▨▨▨▨▨▨▨▨▨▨▨▨▨
......-▨▨
ⲡⲛ̄ⲧⲁϥϫⲱ ⲉ ⲃⲟⲗ ϩⲛ̄ ⲛⲉϥϩⲓⲥⲉ ⲙ̄ⲙⲓⲛ ⲙ̄ⲙⲟϥ ⲁϥⲥ‐
ⲙⲛ̄ • ⲡⲓⲕⲁⲓⲫⲁⲗⲁⲓⲟⲛ ⲛ̄ ϫⲱⲱⲙⲉ • ⲁϥⲕⲁⲁϥ ϩⲛ̄ ⲧⲕ̄‐
ⲕⲗⲏⲥⲓⲁ • ⲙ̄ ⲡⲥ̄⳨ⲟ︦ⲥ︦ ⲙ̄ ⲡϯⲉ ⲥⲉⲣⲣⲁϩ ϩⲁ ⲡⲟⲩϫⲁⲓ ⲛ̄
ⲧϥ̄ⲯⲩⲭⲏ • ⲉⲣⲉ ⲡⲛⲟⲩⲧⲉ ⲥⲙⲟⲩ ⲉ ⲣⲟϥ ϩⲛ̄ ⲥ (sic)
ⲥⲙⲟⲩ ⲛⲓⲙ ⲙ̄ ⲡⲛ︦ⲓ︦ⲕ︦ⲱ︦ⲛ︦ • ⲁⲩⲱ ⲛ̄ ⲉⲡⲟⲩⲣⲁⲛⲓⲟⲛ •
ⲛ̄ⲧⲟϥ ⲙⲛ̄ ⲧϥ̄ⲥϩⲓⲙⲉ • ⲙⲛ̄ ⲛⲉϥϣⲏⲣⲉ • ⲙⲛ̄ ⲉⲛⲕⲁ
ⲛⲓⲙ ⲉⲧ ⲛ̄ⲧⲁϥ • ⲛϥ̄ⲥϩⲁⲓ ⲉ ⲡϥ̄ⲣⲁⲛ ⲉ ⲡϫⲱⲱⲙⲉ ⲙ̄


### 0048

ⲡⲱⲛϩ̄ • ⲛϥ̄ⲁⲁϥ ⲛⲙ̄ϣⲁ • ⲙ̄ ⲡⲣⲁϣⲉ ⲛ̄ ⲧϥ̄ⲁⲛ‐
ⲁⲥⲧⲁⲥⲓⲥ • ⲙⲛ̄ ⲛϥ̄ⲡⲉⲧ ⲟⲩⲁⲁⲃ ⲧⲏⲣⲟⲩ ϩⲁⲙⲏⲛ •
ⲟⲩⲛⲁ ⲙ̄ ⲡⲉⲧ ⲥϩⲁⲓ • ⲟⲩⲥⲟⲟⲩⲛ ⲙ̄ ⲡⲉⲧ ⲱϣ • ⲟⲩⲙⲉ‐
ⲧⲁⲛⲟⲓⲁ ⲙ̄ ⲡⲧ̄ ⲥⲱⲧⲙ̄ • ϩⲁⲙⲏⲛ ⲉⲥⲉϣⲱⲡⲉ •
ⲓ︦ⲩ︦ ⲭ︦ⲩ︦ ⲭⲁⲣⲛⲛ (sic)