### 0001

ⲞⲨⲖⲞⲄⲞⲤ Ⲉ ⲀϤⲦⲀⲨⲞϤ Ⲛ̄ϬⲒ ⲀⲠⲀ
ⲆⲨⲘⲎⲦⲢⲒⲞⲤ ⲠⲀⲢⲬⲎⲈⲠⲒⲤⲔⲞⲠⲞⲤ Ⲛ̄ ⲦⲠⲞ-
ⲗⲒⲤ ⲀⲚϮⲞⲬⲒⲀ • ⲠⲈⲚⲦⲀϤⲬⲈⲒⲢⲞⲆⲞⲚⲈⲒ Ⲙ̄
ⲠⲚⲞϬ Ⲓ︦Ⲱ︦Ⲥ︦ • ⲠⲈⲬⲢⲨⲤⲞⲤⲦⲞⲘⲞⲤ • Ⲙ̄ ⲠⲢⲈⲤ-
ⲂⲨⲦⲈⲢⲞⲤ • Ⲉ ⲀϤⲦⲀⲨⲞϤ Ⲉ ⲠⲈϪⲠⲞ •
ⲔⲀⲦⲀ ⲤⲀⲢⲜ̄ • Ⲙ̄ ⲠⲚⲞⲨⲦⲈ ⲠⲖⲞⲄⲞⲤ • Ⲛ̄
ⲤⲞⲨ ϪⲞⲨ ⲮⲒⲤ Ⲙ̄ ⲠⲈⲂⲞⲦ ⲬⲞⲒⲀⲬ • ⲀⲨⲰ
Ⲉ ⲦⲂⲈ ⲘⲀⲢⲒⲀ ⲦⲈϤⲘⲀⲀⲨ • Ⲙ̄ ⲠⲀⲢⲐⲈ-
ⲚⲞⲤ ⲦⲚ̄Ⲧ ⲀⲤϪⲠⲞϤ ϨⲚ̄ ⲞⲨⲈⲒⲢⲎⲚⲎ Ⲛ̄ⲦⲈ
ⲠⲚⲞⲨⲦⲈ Ϥ︦Ⲑ︦ •
Ⲧⲁⲣⲭⲏ ⲅⲁⲣ ⲙ̄ ⲡⲉⲃⲟⲧ ⲭⲟⲓⲁϩⲕ̄ ⲟⲩⲣⲁϣⲉ ⲛⲁⲛ ⲡⲉ |
ⲁⲩⲱ ⲧⲉϥϩⲁⲏ • ⲟⲩⲉⲩⲫⲣⲟⲥⲩⲛⲏ ⲧⲉ ⲛ̄ ⲧⲙⲛ︦ⲧ︦ⲣⲱⲙⲉ
ⲧⲏⲣ︦ⲥ︦ ⁖- ⲉⲛϣⲁⲛⲉⲓ ⲅⲁⲣ ⲉ ⲧⲁⲣⲭⲏ • ⲙ̄ ⲡⲉⲓ ⲉⲃⲟⲧ • ⲧⲉ
ⲣⲟⲙⲡⲉ • ϣⲁⲣⲉ ⲡⲉⲛⲥⲱⲙⲁ ⲧⲏⲣϥ̄ ⲉⲩⲫⲣⲁⲛⲉ ⲉϥⲥⲩ‐
ⲙⲁⲛⲉ ⲛⲁⲛ ⲛ̄ ⲟⲩⲙⲛ︦ⲧ︦ⲣⲉϥⲣ̄ϣⲁ ⁖-ϩⲙ̄ ⲡⲉⲓ ⲉⲃⲟⲧ ⲅⲁⲣ
ⲛ̄ⲧⲁ ⲡⲇⲓⲁⲃⲟⲩⲗⲟⲥ ⲣ̄ ϭⲱⲃ ⲁⲩⲱ ⲁϥϫⲓ ϣⲓⲡⲉ ⁖-ⲧⲁⲣ‐
ⲭⲏ ⲙⲉⲛ • ⲙ̄ ⲡⲉⲓ ⲉⲃⲟⲧ • ⲡⲣⲱⲧ ⲡⲉ ⲛ̄ ⲛ̄ⲕⲁⲣⲡⲟⲥ ⲛ̄
ⲧⲥⲱϣⲉ • ⲁⲩⲱ ⲧⲉϥϩⲁⲏ ⲡⲉ ⲡⲧⲁϩⲟ ⲉ ⲣⲁⲧϥ̄ ⲛ̄ ⲛⲉⲛ‐
ⲯⲩⲭⲏ • ⲧⲙⲛ︤ⲧ︥ⲣⲱⲙⲉ ⲧⲏⲣⲥ̄ ϩⲛ̄ ⲟⲩⲙⲛ︤ⲧ︥ⲣⲉϥϣⲁ • ⲧⲁⲣ‐
ⲭⲏ ⲅⲁⲣ ⲙ̄ ⲡⲉⲓ ⲉⲃⲟⲧ • ⲉϥⲥⲩⲙⲁⲛⲉ • ⲛⲁⲛ ⲙ̄ ⲡⲉϫⲡⲟ
ⲕⲁⲧⲁ ⲥⲁⲣⲝ̄ ⲙ̄ ⲡⲛⲟⲩⲧⲉ ⲡⲗⲟⲅⲟⲥ • ⲧⲉϥϩⲁⲏ ⲇⲉ • ⲉϥⲥⲩ‐


### 0002

ⲙⲁⲛⲉ ⲛⲁⲛ ⲫⲁⲛⲉⲣⲱⲥ • ϫⲉ ⲁⲩϫⲡⲟ ⲙ̄ ⲡⲗⲟⲅⲟⲥ ⲙ̄
ⲡⲉⲓⲱⲧ ⁖-ⲛⲓⲙ ⲡⲉ ⲡⲁⲓ ⲉⲧ ⲥⲩⲙⲁⲛⲉ ⲛⲁⲛ ϩⲛ̄ ⲧⲁⲣⲭⲏ
ⲙ̄ ⲡⲉⲓ ⲉⲃⲟⲧ • ⲛ̄ ⲟⲩⲙⲛ︦ⲧ︦ⲣϥ︦ⲣ︦ϣⲁ • Ⲡⲁⲓ ⲡⲉ ⲇ︦ⲁ︦ⲇ︦ ⲡⲉⲓⲱⲧ
ⲙ̄ ⲡⲉⲭ︦ⲥ︦ • ⲕⲁⲧⲁ ⲥⲁⲣ︦ⲝ︦ • ⲉϥϫⲱ ⲙ̄ⲙⲟⲥ ϫⲉ ⲥⲁⲗⲡⲓⲍⲉ
ⲛ̄ ⲛⲉⲧⲛ︤ⲥⲁⲗⲡⲓⲅ︦ⲍ︦ ϩⲛ̄ ⲛ̄ⲉⲧⲛ̄ⲥⲟⲩⲁ • ⲡⲉϩⲟⲟⲩ ⲉⲧ ⲟⲩⲟⲛϩ̄
ⲉ ⲃⲟⲗ ⲉⲧⲉ ⲡⲉⲛϣⲁ ⲡⲉ • ϫⲉ ⲟⲩⲡⲣⲟⲥⲇⲁⲅⲙⲁ ⲡⲉ ⲙ̄
ⲡⲓ︦ⲏ︦ⲗ︦ • | ⲁⲩⲱ ⲟⲩϩⲁⲡ ⲡⲉ ⲙ̄ ⲡⲛⲟⲩⲧⲉ ⲛ̄ ⲓⲁⲕⲱⲃ ⁖-ⲁϥ‐
ⲟⲩⲉⲛϩ̄ ⲡϩⲱⲃ ⲉ ⲃⲟⲗ • ϫⲉ ⲡⲉⲧ ⲉⲣⲉ ⲧⲡⲁⲣⲑⲉⲛⲟⲥ ⲛⲁϫ‐
ⲡⲟϥ • ⲛ̄ⲧⲟϥ ⲡⲉⲧ ⲛⲁϣⲱⲡⲉ ⲙ̄ ⲙⲟⲛⲟⲅⲉⲛⲏⲥ ⲛ̄ ⲧⲙⲛ︦ⲧ︦-
ⲣⲱⲙⲉ ⲧⲏⲣ︦ⲥ︦ • ⲕⲁⲓ ⲅⲁⲣ ϥϫⲱ ⲟⲛ ⲙ̄ⲙⲟⲥ • ϫⲉ ⲡⲉ‐
ⲯⲁⲗⲙⲟⲥ ⲛ̄ ⲇ︦ⲁ︦ⲇ︦ ⲛ̄ⲥⲟⲩⲁ ⲛ̄ ⲛ̄ⲥⲁⲃⲃⲁⲧⲟⲛ • Ⲁⲩⲱ ⲟⲛ
ϫⲉ ⲡⲉⲯⲁⲗⲙⲟⲥ ⲛ̄ ⲇ︤ⲁ︦ⲇ︥ ⲉⲩⲣ̄ ⲡⲙⲉⲉⲩⲉ • ⲉ ⲧⲃⲉ ⲡⲥⲁⲃⲃⲁ‐
ⲧⲟⲛ • ϩⲙ̄ ⲡⲉϩⲟⲟⲩ ⲇⲉ ⲛ̄ⲧⲁϥϣⲱⲡⲉ ⲛ̄ϭⲓ ⲡⲉⲓ ⲛⲟϭ ⲙ̄
ⲙⲩⲥⲧⲏⲣⲓⲟⲛ • ⲉ ⲧⲣⲉ ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ϫⲡⲟ ⲛⲁⲛ
ⲙ̄ ⲡⲙⲟⲛⲟⲅⲉⲛⲏⲥ ⲙ̄ ⲡⲉⲓⲱⲧ • ⲥⲟⲩⲁ ⲛ̄ ⲭⲟⲓⲁϩ︦ⲕ︦ ⲡⲉ • ⲛ̄ ⲧⲉ
ⲣⲟⲙⲡⲉ ⲉⲧ ⲙ̄ⲙⲁⲩ ⲛⲉ ⲡⲥⲁⲃⲃⲁⲧⲟⲛ ⲡⲉ • ⲕⲁⲧⲁ ⲛⲉⲛⲧ
ⲁⲛϩⲉ ⲉ ⲣⲟⲟⲩ • ⲉⲩⲥⲏϩ ϩⲛ̄ ⲧⲃⲩⲃⲗⲓⲟⲑⲩⲕⲏ ⲙ̄ ⲡⲉⲭⲣⲟ‐
ⲛⲟⲥ • ⲛ̄ⲧⲁⲩϫⲡⲟϥ ⲛ̄ϩⲏⲧϥ̄ • ⲡⲉϫⲁϥ ϫⲉ ⲡⲉⲯⲁⲗⲙⲟⲥ ⲛ̄
ⲇ︦ⲁ︦ⲇ︦ ⲉⲩⲣ̄ ⲡⲙⲉⲉⲩⲉ ⲉ ⲧⲃⲉ ⲡⲥⲁⲃⲃⲁⲧⲟⲛ ϩⲱⲥ ⲧⲉ ϥⲡⲁⲣⲁⲅ‐
ⲅⲉⲗⲉ ⲙ̄ ⲡⲥⲱⲛ︦ⲧ︦ ⲧⲏⲣ︦ϥ︦ • ϫⲉ ⲁⲣⲓ ⲡⲙⲉⲉⲩⲉ • ⲛ̄ ⲧⲉⲓ ⲛⲟϭ
ⲙ̄ ⲡⲁⲛⲏⲅⲏⲣⲓⲥ • ⲙ̄ ⲡⲉⲓ ⲛⲟϭ ⲛ̄ ϣⲁ ⲙ̄ ⲡⲟⲟⲩ | ⲙ̄ⲡⲣ̄ ⲣ︤
ⲡⲉⲥⲱⲃϣ̄ • ⲡⲉϫⲁϥ ϫⲉ ⲙ̄ ⲡϯⲟⲩ ⲙ̄ ⲡⲥⲁⲃⲃⲁⲧⲟⲛ ⁖-
ϯⲟⲩⲱϣ ⲅⲁⲣ ⲱ̄ ⲛⲉⲥⲛⲏⲩ ⲉ ⲟⲩⲱⲛ︤ϩ︥ ⲛⲏⲧⲛ̄ ⲉ ⲃⲟⲗ ⲛ̄
ⲟⲩⲛⲟϭ ⲙ̄ ⲙⲩⲥⲧⲏⲣⲓⲟⲛ ⲛ̄ ϣⲡⲏⲣⲉ • ⲉϣϫⲉ ⲟⲩⲥⲟⲉⲓⲧ •
ⲉ ⲛⲁⲛⲟⲩϥ ⲡⲉ ⲡⲣ̄ ⲡⲙⲉⲉⲩⲉ ⲙ̄ ⲡⲇⲓⲕⲁⲓⲟⲥ • ⲉⲓⲉ ⲟⲩⲛ̄
ⲟⲩⲏⲏⲣ • ⲛ̄ ⲁⲅⲁⲑⲟⲛ • ⲛⲁϣⲱⲡⲉ • ϩⲓ ⲡⲉⲧ ⲛⲁⲛⲟⲩϥ
ⲛⲓⲙ ϩⲙ̄ ⲡⲉⲣ ⲡⲙⲉⲉⲩⲉ • ⲙ̄ ⲡⲉⲛⲧⲁ ⲛ̄ⲇⲓⲕⲁⲓⲟⲥ ⲧⲏⲣⲟⲩ •
ϣⲱⲡⲉ ⲉ ⲃⲟⲗ ϩⲓ ⲧⲟⲟⲧϥ̄ • Ⲙⲁⲣⲛ̄ ⲕⲱ ϭⲉ ⲛ̄ⲥⲱⲛ ⲙ̄
ⲡⲙⲩⲥⲧⲏⲣⲓⲟⲛ ⲛ̄ⲧⲁⲛⲁⲣⲭⲉⲓ ⲉ ⲣⲟϥ ⲛ̄ ϯⲉⲟⲟⲩ ⲛ̄ϩⲏⲧϥ̄ ⲙ̄
ⲡⲙⲟⲛⲟⲅⲉⲛⲏⲥ ⲙ̄ ⲡⲉⲓⲱⲧ ⁖-ⲧⲁⲣⲛ̄ⲉⲓⲛⲉ ⲟⲛ ⲉ ⲧⲙⲏⲏⲧⲉ
ⲙ̄ ⲡⲉϫⲡⲟ ⲛ̄ ⲧⲡⲁⲣⲑⲉⲛⲟⲥ • ⲁⲩⲱ ⲧⲕⲓⲃⲱⲇⲟⲥ • ⲛ̄ⲣⲉϥⲣ̄
ϩⲙ̄ⲙⲉ • ⲛ̄ⲧⲁϥϣⲱⲡⲉ ⲉ ⲃⲟⲗ ϩⲓ ⲧⲟⲟⲧⲥ̄ ⲛ̄ϭⲓ ⲡⲗⲟⲅⲟⲥ ⲙ̄
ⲡⲉⲓⲱⲧ • ⲉⲧⲉ ⲧⲁⲓ ⲧⲉ ⲧⲡⲁⲣⲑⲉⲛⲟⲥ • ⲉⲧ ⲟⲩⲁⲁⲃ ⲙⲁⲣⲓⲁ •
Ⲛⲉⲩⲛ̄ ⲟⲩⲣⲱⲙⲉ ⲇⲉ ⲉϥϣⲟⲟⲡ ϩⲛ̄ ⲑⲓⲉⲗⲏⲙ ⲉ ⲡⲉϥⲣⲁⲛ


### 0003

ⲡⲉ ⲓⲱⲁⲕⲓⲙ • ⲉ ⲟⲩⲟⲛⲧⲁϥ ⲟⲩⲥϩⲓⲙⲉ ⲙ̄ⲙⲁⲩ • ⲉ ⲡⲉⲥⲣⲁⲛ
ⲡⲉ ⲥⲟⲩⲥⲁⲛⲛⲁ • ⲁⲩⲱ ⲛ̄ⲧⲟⲟⲩ ⲙ̄ ⲡⲉⲥⲛⲁⲩ | ⲛⲉ ⲁⲩⲣ̄
ϩⲗ̄ⲗⲟ • ⲁⲩⲁⲓⲁⲓ ϩⲛ̄ ⲛⲉⲩϩⲟⲟⲩ • ⲁⲩⲱ ⲛⲉⲩϩⲏⲛ ⲉ ϩⲟⲩⲛ
ⲉ ⲡⲛⲟⲩⲧⲉ • ⲛⲉⲩϣⲟⲟⲡ ⲇⲉ ⲙⲛ̄ ⲛⲉⲩⲉⲣⲏⲩ • ⲉⲩⲥⲟⲡⲥⲡ̄
ⲙ̄ ⲡⲛⲟⲩⲧⲉ ⲉⲩϫⲱ ⲙ̄ⲙⲟⲥ ϫⲉ • ⲡⲛⲟⲩⲧⲉ ⲡⲁⲅⲁⲑⲟⲥ •
ⲁⲩⲱ ⲡⲙⲁⲓⲣⲱⲙⲉ • ⲙ̄ⲡⲣ̄ ⲧⲣⲉ ⲩⲙⲟⲩⲧⲉ ⲉ ⲧⲁ ⲥϩⲓⲙⲉ
ϫⲉ ⲧⲁϭⲣⲏⲛ • ⲁⲗⲗⲁ ⲉⲕⲉϯ ⲛⲁⲛ ⲛ̄ ⲟⲩⲥⲡⲉⲣⲙⲁ ⲛ̄
ⲣⲱⲙⲉ ⁖-ⲛ̄ⲧⲟⲕ ⲅⲁⲣ ⲡⲉ ⲛ̄ⲧⲁⲕϫⲟⲟⲥ • ϩⲛ̄ ⲧⲧⲁⲡⲣⲟ • ⲙ̄
ⲙⲱⲩⲥⲏⲥ • ⲡⲉⲕϩⲙ̄ϩⲁⲗ • ϫⲉ ⲛ̄ⲛⲉ ⲁϭⲣⲏⲛ • ⲟⲩⲇⲉ ⲟⲩ
ⲁⲧ ϣⲏⲣⲉ ϣⲱⲡⲉ ϩⲙ̄ ⲡⲓ︦ⲏ︦ⲗ︦ • Ⲛⲁⲓ̄ ⲇⲉ ⲉϥϫⲱ ⲙ̄ⲙⲟⲥ •
ⲉⲓⲥ ⲟⲩⲣⲱⲙⲉ ⲛ̄ ⲟⲩⲟⲉⲓⲛ • ⲁϥⲟⲩⲱⲛ︤ϩ︥ ⲛⲁϥ ⲉ ⲃⲟⲗ ⲛ̄
ⲧⲉⲩϣⲏ • ⲉϥϫⲱ ⲙ̄ⲙⲟⲥ • ϫⲉ ⲓⲱⲁⲕⲓⲙ • ⲓⲱⲁⲕⲓⲙ • ⲟⲩ
ⲡⲉⲧ ϣⲟⲟⲡ ⲙ̄ⲙⲟⲕ • ⲉⲕⲙⲟⲕ︦ϩ︦ ⲛ̄ϩⲏⲧ ⲛ̄ ⲧⲉⲓ ϩⲉ ⲧⲏⲣ︦ⲥ︦ •
ⲡⲉϫⲁϥ ⲛⲁϥ • ϫⲉ ⲡⲁ ϫⲥ̄ • ⲁⲓⲁⲓⲁⲓ ϩⲛ̄ ⲛⲁϩⲟⲟⲩ • ⲁⲛⲟⲕ
ⲙⲛ̄ ⲧⲁ ⲥϩⲓⲙⲉ ⲙ̄ⲡⲉ ϣⲏⲣⲉ • ϣⲱⲡⲉ ⲛⲁⲛ • ⲛ̄ⲧⲟϥ ⲇⲉ
ⲡⲉϫⲁϥ ⲛⲁϥ ϫⲉ ⲉⲓⲥ ⲧⲉⲕⲥϩⲓⲙⲉ ⲛⲁⲱ̄ⲱ ⲛⲉⲥϫⲡⲟ ⲛ̄ ⲟⲩ‐
ϣⲉⲉⲣⲉ ⲛ̄ ⲥϩⲓⲙⲉ • ⲧⲁⲓ ⲉⲧⲉ ⲙ̄ⲡⲉ ⲥ|ϩⲓ̈ⲙⲉ ⲙⲓ̈ⲥⲉ ⲛ̄ ⲧⲉⲥϩⲉ
ⲉⲛⲉϩ • ⲟⲩⲇⲉ ⲟⲛ ⲛ̄ⲛⲉⲩⲙⲓⲥⲉ ⲛ̄ ⲧⲉⲥϩⲉ ϣⲁ ⲉⲛⲉϩ • ϯϩⲧⲏⲕ
ϭⲉ ⲉ ⲣⲟⲕ • ⲡⲉϩⲟⲟⲩ ⲅⲁⲣ ⲉⲧ ⲟⲩⲛⲁⲙⲁⲥⲧⲥ̄ ⲛ̄ϩⲏⲧϥ̄ •
ⲟⲩⲛ̄ ⲟⲩⲛⲟϭ ⲛ̄ ⲣⲁϣⲉ ⲛⲁϣⲱⲡⲉ ⲛⲁⲕ • ⲁⲩⲱ ⲉⲕⲉϯ ⲙ̄‐
ⲙⲟⲥ ⲉ ϩⲟⲩⲛ ⲙ̄ ⲡⲣ̄ⲡⲉ ⲙ̄ ⲡϫ︦ⲥ︦ • ⲁⲩⲱ ⲉⲕⲉⲙⲟⲩⲧⲉ ⲉ
ⲡⲉⲥⲣⲁⲛ ϫⲉ ⲙⲁⲣⲓⲁ ⁖-Ⲛ ⲧⲉⲣⲉ ⲡⲣⲱⲙⲉ ⲇⲉ ⲗⲟ • ⲉϥ‐
ϣⲁϫⲉ ⲛⲙ̄ⲙⲁϥ • ⲁϥⲧⲱⲟⲩⲛ ⲁϥⲛⲉϩⲥⲉ ⲛ̄ ⲁⲛⲛⲁ ⲧⲉϥ‐
ⲥϩⲓⲙⲉ • ⲁϥⲧⲁⲙⲟⲥ • ⲉⲛϣⲁϫⲉ ⲧⲏⲣⲟⲩ ⲛ̄ⲧⲁⲩϫⲟⲟⲩ
ⲛⲁϥ ⁖-ⲛ̄ⲧⲟⲥ ⲇⲉ ⲁⲥⲟⲩⲱⲃϣ̄ ⲛ̄ϭⲓ ⲧϥ̄ⲥϩⲓⲙⲉ • ⲡⲉϫⲁⲥ
ⲛⲁϥ • ϫⲉ ⲙⲁⲣⲉ ⲡⲟⲩⲱϣ ⲙ̄ ⲡϫ︦ⲥ̄ ϣⲱⲡⲉ ⁖-ⲙⲛ︦ⲛ︦ⲥⲁ
ⲛⲁⲓ ⲁⲥⲱ̄ⲱ ⲛ̄ϭⲓ Ⲁⲛⲛⲁ ⲧⲉϥⲥϩⲓⲙⲉ • ⲁⲥⲙⲓⲥⲉ ⲙ̄ ⲡⲉⲓ̄ ⲛⲟϭ
ⲛ̄ ⲇⲱⲣⲟⲛ • ⲡⲉϩⲟⲟⲩ ⲇⲉ ⲛ̄ⲧⲁⲩϫⲡⲟⲥ ⲛ̄ϩⲏⲧϥ̄ ⲡⲥⲁⲃⲃⲁⲧⲟⲛ
ⲡⲉ • ⲛ̄ⲥⲟⲩ ⲙⲛ̄ⲧⲏ ⲙ̄ ⲡⲉⲃⲟⲧ ⲁⲑⲱ̄ⲣ • ⲉⲛⲉⲩⲣ̄ ϣⲁ ⲅⲁⲣ
ⲡⲉ ϩⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲙ̄ ⲡϩⲉⲑⲛⲟⲥ ⲛ̄ ⲛⲓⲟⲩⲇⲁⲓ •
ⲡⲉⲥ ⲙⲉϩ ϣⲙⲟⲩⲛ ⲛ̄ϩⲟⲟⲩ ⲟⲛ ⲡⲉ ⲡⲥⲁⲃⲃⲁⲧⲟⲛ • ⲁⲩⲥⲉϩ
ⲡⲉⲥⲣⲁⲛ ⲙⲛ̄ ⲡⲉⲥⲇⲱⲣⲟⲛ • ⲁⲩⲧⲁⲁϥ (sic) ⲉ ϩⲟⲩⲛ ⲉ ⲡⲣ̄ⲡⲉ
ϫⲉ ⲛⲉ ⲟⲩϣⲁ ⲙⲓⲥⲉ ⲧⲉ • ⲡⲁⲓ ⲅⲁⲣ | ⲡⲉ ⲡⲛⲟⲙⲟⲥ • ⲛ̄
ⲛ̄ϩⲉⲃⲣⲁⲓⲟⲥ • ⲉⲩϯ ⲣⲁⲛ ⲅⲁⲣ ⲉ ⲡⲉⲧ ⲟⲩⲛⲁⲙⲁⲥⲧϥ̄ • ϩⲙ̄


### 0004

ⲡϥ̄ ⲙⲉϩ ϣⲙⲟⲩⲛ ⲛ̄ϩⲟⲟⲩ • ⲉ ⲧⲃⲉ ⲡⲁⲓ ⲁⲩⲉⲓⲣⲉ ϩⲁ ⲣⲟⲥ ϩⲓ
ⲛⲁⲓ • Ⲛ̄ ⲧⲉⲣⲉ ⲥⲁⲓⲁⲓ ⲇⲉ ⲛⲉⲥⲉⲓ ⲉ ⲡϫⲱⲕ ⲛ̄ ϣⲟⲙⲧⲉ ⲛ̄
ⲣⲟⲙⲡⲉ • ⲁⲩⲧⲁⲁⲥ ⲉ ϩⲟⲩⲛ ⲉ ⲡⲣ︤ⲡⲉ ⲙ̄ ⲡϫ︦ⲥ︦ ⲟⲩⲛⲟϭ ⲛ̄
ϣⲡⲏⲣⲉ ⲁⲥϣⲱⲡⲉ • ⲧⲁⲓ ⲉⲧⲉ ⲙ̄ⲡⲉ ⲟⲩⲟⲛ ⲛ̄ ⲧⲉⲥϩⲉ ϣⲱⲡⲉ •
ϫⲓⲛ ⲡϣⲁⲥⲱⲛⲧ̄ ⲙ̄ ⲡⲕⲟⲥⲙⲟⲥ ϣⲁ ⲉⲛⲉϩ • ⲛ̄ ⲟⲩⲟⲉⲓϣ ϩⲙ̄
ⲡⲧⲣⲉ ⲁⲛⲛⲁ ⲧⲉⲥⲙⲁⲁⲩ • ⲕⲁⲁⲥ ⲉ ⲡⲉⲥⲏⲧ • ϩⲓϫⲛ̄ ⲛⲉⲥϭⲃⲟⲓ
ⲙ̄ ⲡϩⲟⲩⲛ ⲙ̄ ⲡⲣⲟ ⲙ̄ ⲡⲣ̄ⲡⲉ • ⲙ̄ ⲡⲙ̄ⲧⲟ ⲉ ⲃⲟⲗ ⲛ̄ ⲛ̄ⲟⲩⲏⲏⲃ •
ⲁⲥⲙⲟⲟϣⲉ ⲙⲁⲩⲁⲁⲥ • ⲉ ϩⲟⲩⲛ ⲉ ⲡⲣ̄ⲡⲉ ϣⲁⲥⲧ ⲉⲥⲃⲱⲕ
ⲉ ϩⲟⲩⲛ ⲉ ⲡⲥⲁ ⲛ̄ ϩⲟⲩⲛ ⲙ̄ ⲡⲕⲁⲧⲁⲡⲉⲧⲁⲥⲙⲁ • ⲙ̄ ⲡⲉⲑⲩ‐
ⲥⲓⲁⲥⲧⲏⲣⲓⲟⲛ • ⲡⲁⲓ ⲉⲧⲟⲩⲧⲁⲗⲟ ⲉ ϩⲣⲁⲓ ⲉ ϫⲱϥ ⲛ̄ ⲛⲉⲑⲩⲥⲓⲁ
ⲙ̄ ⲡϫ︦ⲥ︦ • ⲁⲩⲱ ϩⲙ̄ ⲡ ⲧⲣⲉ ⲥⲃⲱⲕ ⲉ ϩⲟⲩⲛ ⲙ̄ⲡⲉ ⲥⲕⲧⲟⲥ
ⲉ ⲉⲓ ⲉ ⲃⲟⲗ ⲛ̄ ⲕⲉ ⲥⲟⲡ • ⲟⲩⲇⲉ ⲙ̄ⲡⲉ ⲡⲙⲉⲉⲩⲉ ⲛ̄ ⲛⲉⲥ‐
ⲉⲓⲟⲟⲧⲉ • ⲁⲗⲉ | ⲉ ϩⲣⲁⲓ ⲉϫⲙ̄ ⲡⲉⲥϩⲏⲧ • ⲟⲩⲇⲉ ⲗⲁⲁⲩ
ⲙ̄ ⲙⲉⲉⲩⲉ ⲛ̄ⲧⲉ ⲡⲉⲓ ⲕⲟⲥⲙⲟⲥ • ⲉⲛⲉⲥⲡⲣⲟⲕⲟⲡⲧⲉⲓ ⲙ̄
ⲙⲏⲏⲛⲉ • ⲁⲩⲱ ⲉⲛⲉⲥϯ ⲉⲡⲁⲛⲁⲓ ⲡⲁⲣⲁ ⲡ ⲕⲉ ⲥⲉⲉⲡⲉ ⲛ̄
ⲙ̄ⲡⲁⲣⲑⲉⲛⲟⲥ ⲉⲧ ϩⲙ̄ ⲡⲣ̄ⲡⲉ ⁖-ⲙⲛ︦ⲛ︦ⲥⲁ ⲧⲣⲉ ⲥⲁⲓⲁⲓ ⲇⲉ
ⲛⲉⲥⲣ̄ ⲁϣⲙⲟⲩⲛⲉ ⲛ̄ ⲣⲟⲙⲡⲉ ⲏ̄ ⲙⲏⲏⲧⲉ • ⲛⲉⲥϣⲟⲟⲡ ⲛ̄
ⲧⲩⲡⲟⲥ ⲛ̄ ⲛ̄ⲟⲩⲏⲏⲃ • ⲁⲩⲱ ⲛⲉⲩⲣ̄ ϩⲟⲧⲉ ⲉ ⲁⲡⲁⲛⲧⲁ ⲉ ⲣⲟⲥ •
ⲛⲉⲣⲉ ⲡⲉⲥⲥⲱⲙⲁ ⲅⲁⲣ ⲧⲏⲣϥ̄ ⲧⲃ̄ⲃⲏⲩ ⲁⲩⲱ ⲛⲉⲣⲉ ⲡⲉⲥϩⲏⲧ
ⲧⲁϫⲣⲏⲩ ϩⲙ̄ ⲡ︦ⲥ︦ • Ⲛⲉⲟⲩⲕⲁⲑⲁⲣⲟⲥ ⲧⲉ ϩⲙ̄ ⲡⲉⲥⲥⲱⲙⲁ
ⲙⲛ̄ ⲧⲉⲥⲯⲩⲭⲏ ⲙ̄ⲡⲉ ⲥϯ ⲙ̄ⲡⲉ ⲥϩⲟ ⲙ̄ ⲡⲃⲟⲗ ⲙ̄ ⲡⲣⲟ
ⲙ̄ ⲡⲣ̄ⲡⲉ • ϫⲉ ⲛ̄ⲛⲉ ⲥⲛⲁⲩ ⲉ ϩⲟⲟⲩⲧ ⲛ̄ ϣⲙ̄ⲙⲟ • ⲙ̄ⲡⲉ
ⲥⲁⲛⲉⲭⲉ ⲉⲛⲉϩ ⲉ ⲛⲁⲩ ⲉ ⲡϩⲟ ⲛ̄ ⲟⲩϩⲣ̄ϣⲉⲉⲣⲉ • ⲛⲉⲥ‐
ϣⲟⲟⲡ ⲇⲉ ϩⲛ̄ ⲟⲩϩⲁⲅⲛⲓⲁ ⲙⲛ̄ ⲟⲩⲙⲛⲧ̄ⲣϥ̄ϣⲙ̄ϣⲉ ⲛⲟⲩⲧⲉ
ⲙⲛ̄ ⲟⲩⲕⲁⲧⲁⲥⲧⲁⲥⲓⲥ • ⲛⲉⲣⲉ ⲧⲉⲥϩⲃ̄ⲥⲱ ⲇⲉ ϣⲟⲟⲡ ϩⲛ̄
ⲟⲩⲙⲛ︦ⲧ︦ⲁⲥϯⲟⲥ • ⲉⲣⲉ ⲧⲉⲥϣⲧⲏⲛ ⲛⲏⲩ • ⲉ ⲡⲉⲥⲏⲧ ⲉϫⲛ̄
ⲛⲉⲥⲧⲃⲥ̄ • ⲉⲣⲉ ⲡⲉⲥⲡⲁⲗⲗⲏⲛ ⲛⲏⲩ ⲉ ⲡⲉⲥⲏⲧ ⲉϫⲛ̄ ⲛⲉⲥⲃⲁⲗ •
ⲉⲥⲙⲏⲣ ⲛ̄ ⲟⲩⲫⲁⲥ|ⲕⲓⲁ ⲉϫⲛ̄ ⲧⲉⲥϣⲧⲏⲛ • ⲙ̄ⲡⲉ ⲧⲥ̄ϣⲧⲏⲛ
ⲗⲱⲙ ⲉⲛⲉϩ ⲟⲩⲇⲉ ⲙ̄ⲡⲉ̄ ⲡⲱϩ • ⲟⲩⲇⲉ ⲙ̄ⲡⲉ ⲥϯ ⲛ̄ ⲟⲩ‐
ⲥⲧⲏⲙ ⲉ ⲛⲉⲥⲃⲁⲗ ⲉⲛⲉϩ • ⲟⲩⲇⲉ ⲟⲩⲕⲣⲟⲅⲟⲥ ⲉ ⲛⲉⲥ‐
ⲟⲩⲟⲓϭⲉ (sic) • ⲙ̄ⲡⲉ ⲥϯ ⲛ̄ ⲟⲩⲧⲟⲟⲩⲉ ⲉ ⲛⲉⲥⲟⲩⲣⲏⲏⲧⲉ ϩⲛ̄
ⲟⲩⲁⲡⲁⲧⲏ • ⲟⲩⲇⲉ ϩⲉⲛⲕⲟⲥⲙⲏⲥⲓⲥ ⲙⲛ̄ ϩⲉⲛⲯⲉⲗⲓⲟⲛ ⲉ
ⲛⲉⲥϭⲓϫ • ⲙ̄ⲡⲉ ⲥⲉⲡⲉⲓⲑⲩⲙⲉⲓ ⲉ ϩⲉⲛⲛⲟϭ ⲛ̄ϭⲓⲛ ⲟⲩⲱⲙ
ⲉⲛⲉϩ • ⲟⲩⲇⲉ ⲙ̄ ⲡⲉⲥⲙⲟⲟϣⲉ ϩⲛ̄ ⲧⲁⲅⲟⲣⲁ ⲛ̄ ⲧⲉⲥⲡⲟⲗⲓⲥ


### 0005

ⲉⲛⲉϩ • ϫⲉ ⲛ̄ⲛⲉ ⲥⲉⲡⲉⲓⲑⲩⲙⲉⲓ ⲉ ⲛⲉϩⲃⲏⲩⲉ ⲙ̄ ⲡⲉⲓ ⲕⲟⲥ‐
ⲙⲟⲥ • ⲙ̄ⲡⲉ ⲥⲕⲁⲁⲥ ⲕⲁ ϩⲏⲩ ⲉⲛⲉϩ • ⲟⲩⲇⲉ ⲙ̄ⲡⲉ ⲥϫⲱ‐
ⲕⲙ̄ ϩⲛ̄ ⲟⲩⲥⲓⲟⲟⲛ • ⲟⲩⲇⲉ ⲙ̄ⲡⲉ ⲥϭⲱϣⲧ̄ ⲉϫⲛ̄ ⲙⲉⲗⲟⲥ
ⲛ̄ⲧⲁⲁⲥ ⲉⲛⲉϩ • ϩⲙ̄ ⲡⲉⲥⲥⲱⲙⲁ ϩⲛ̄ ⲟⲩϯ ϩⲧⲏϥ • ⲛⲉⲥϣⲟⲟⲡ
ⲇⲉ ϩⲛ̄ ⲟⲩⲉⲡⲉⲓⲥϯⲙⲏ • ϩⲛ̄ ⲟⲩϩⲟⲧⲉ ⲛ̄ⲧⲉ ⲡⲛⲟⲩⲧⲉ • ⲉⲣⲉ
ⲡⲉⲭ︦ⲥ︦ ⲙⲟⲟϣⲉ ⲛⲙ̄ⲙⲁⲥ ⲉϥⲣⲟⲉⲓⲥ ⲉ ⲣⲟⲥ ⲛ̄ ⲥⲁ ⲥⲁ ⲛⲓⲙ •
ϥ̄ⲥⲟⲟⲩⲛ ⲅⲁⲣ ϫⲉ ⲛ̄ⲧⲁϥⲧⲁⲙⲓⲟⲥ ⲉ ⲧⲣⲉ ⲥϣⲱⲡⲉ ⲛⲁϥ ⲛ̄
ⲟⲩⲕⲓⲃⲱⲧⲟⲥ • ⲁⲩⲱ ⲙ̄ ⲙⲁ ⲛ̄ ⲟⲩⲟϩ • ⲛⲉⲥϣⲟⲟⲡ ⲇⲉ ⲛ
ϩⲟⲩ ⲙ̄ ⲡⲣ̄ⲡⲉ • ϩⲛ̄ ⲛⲉⲓ ⲥⲙⲟⲧ ⲉⲧ ⲟⲩⲁ|ⲁⲃ ϣⲁⲛⲧⲉ ⲥϫⲉⲕ
ⲙⲛ︦ⲧ︦ⲥⲛⲟⲟⲩⲥ ⲛ̄ ⲣⲟⲙⲡⲉ • Ⲛ̄ⲧⲉⲣ ⲟⲩⲛⲁⲩ ⲇⲉ ⲉ ⲣⲟⲥ ⲛ̄ϭⲓ
ⲛ̄ ⲟⲩⲏⲏⲃ ⲉⲧ ϩⲙ̄ ⲡⲣ̄ⲡⲉ ϫⲉ ⲁⲥⲣ̄ ⲛⲟϭ ϩⲙ̄ ⲡⲉⲥⲥⲱⲙⲁ
ⲁⲩⲣ̄ ϩⲟⲧⲉ • ϫⲉ ⲙⲏ ⲡⲟⲧⲉ ⲛ̄ⲧⲉ ⲛ̄ ⲥⲱⲛ︦ⲧ︦ ⲛ̄ ⲛⲉϩⲓⲟⲟⲙⲉ
ϣⲱⲡⲉ ⲙ̄ⲙⲟⲥ ϩⲙ̄ ⲡⲣ̄ⲡⲉ • ⲛ̄ⲥⲉⲥⲟⲟⲩⲛ ⲁⲛ ⲛ̄ ⲧⲟⲓⲕⲟⲛⲟ‐
ⲙⲓⲁ ⲙ̄ ⲡⲛⲟⲩⲧⲉ ⲉⲧ ⲛⲁϣⲱⲡⲉ ⲙ̄ⲙⲟⲥ • ⲉⲓⲧⲁ ⲁⲩϫⲓ
ⲛ̄ ⲟⲩϣⲟϫⲛⲉ ⲛ̄ϭⲓ ⲛ̄ⲟⲩⲏⲏⲃ ⲉ ⲧⲣⲉⲩ ⲧⲁⲁⲥ ⲉ ⲧⲟⲟⲧϥ̄ ⲛ̄
ⲟⲩⲣⲱⲙⲉ ⲛϥ̄ϩⲁⲣⲉϩ ⲉ ⲣⲟⲥ ϣⲁⲛⲧ ⲟⲩⲛⲁⲩ ⲉ ⲛⲉⲧ
ⲛⲁϣⲱⲡⲉ ⲙ̄ⲙⲟⲥ • Ⲁⲩϩⲙⲟⲟⲥ ϫⲉ ⲉⲩⲛⲁⲛⲉϫ ⲕⲗⲏⲣⲟⲥ •
ⲁ ⲡⲉⲕⲗⲏⲣⲟⲥ ⲉⲓ ⲉ ϩⲣⲁⲓ ⲉϫⲙ̄ ⲡⲏⲓ ⲛ̄ ⲇ︦ⲁ︦ⲇ︦ • ⲁⲩⲛⲉϫ
ⲕⲗⲏⲣⲟⲥ ⲉϫⲛ̄ ⲛⲁ ⲡⲏⲓ ⲧⲏⲣ︦ϥ︦ ⲉⲧ ⲙ̄ⲙⲁⲩ • ⲁ ⲡⲉ ⲕⲗⲏⲣⲟⲥ
ϣⲱⲡⲉ ⲉϫⲛ̄ ⲓⲱⲥⲏⲫ • Ⲡⲁⲓ ⲇⲉ ⲛⲉ ⲟⲩϩⲗ̄ⲗⲟ ⲛ̄ ϩⲁⲙϣⲉ
ⲡⲉ ϩⲛ̄ ⲧⲉϥⲧⲉⲭⲛⲏ • ⲉϥⲣ̄ ϩⲟⲧⲉ ϩⲏⲧϥ̄ ⲙ̄ ⲡⲛⲟⲩⲧⲉ • ⲡⲁⲓ
ⲉⲙ ⲉϥⲟⲩⲱⲙ ⲛ̄ ⲟⲩⲟⲉⲓⲕ ⲉⲛⲉϩ ϩⲛ̄ ⲟⲩⲙⲛ︦ⲧ︦ⲣⲉϥϫⲛⲁⲁⲩ •
ⲁⲩⲱ ⲛⲉ ⲙⲛ̄ⲧⲁϥ ⲥϩⲓⲙⲉ ⲙ̄ⲙⲁⲩ ⲡⲉ • ⲛⲉ ⲁ ⲧⲉϥⲥϩⲓⲙⲉ
ⲅⲁⲣ ⲙⲟⲩ • ⲁⲥⲕⲱ ⲛⲁϥ ⲛ̄ ϩⲉⲛϣⲏⲣⲉ ⲛ̄ ⲥⲁⲃⲉ • ⲙⲛ̄
ϣⲉⲉⲣⲉ ⲥⲛ̄ⲧⲉ ⲛ̄ ⲥϩⲓⲙⲉ • ⲁⲩⲱ ⲁⲩ|ⲙⲟⲩⲧⲉ ⲉ ⲣⲟϥ ⲛ̄ϭⲓ ⲛ̄
ⲟⲩⲏⲏⲃ • ⲡⲉϫⲁⲩ ⲛⲁϥ ϫⲉ ⲙⲁⲣⲓⲁ ⲧⲡⲁⲣⲑⲉⲛⲟⲥ • ⲧϣⲉⲉⲣⲉ
ⲛ̄ ⲓⲱⲁⲕⲓⲙ ⲁ ⲡⲉ ⲕⲗⲏⲣⲟⲥ ⲉⲓ ⲉ ϫⲱⲕ • ⲉ ⲧⲣⲉ ⲥϣⲱⲡⲉ
ⲛⲁⲕ ⲛ̄ ⲥϩⲓⲙⲉ • ⲉⲓⲥ ϩⲏⲏⲧⲉ ⲛ̄ϯ ⲙ̄ⲙⲟⲥ ⲉ ϩⲣⲁⲓ ⲉ
ⲛⲉⲕϭⲓϫ • ϩⲁⲣⲉϩ ⲉ ⲣⲟⲥ ϣⲁ ⲡⲉⲟⲩⲟⲉⲓϣ ⲛ̄ⲧⲛ︦ⲣ︦ ⲧϣⲉ‐
ⲗⲉⲉⲧ • Ⲡϩⲗ̄ⲗⲟ ⲇⲉ ⲉⲧ ⲟⲩⲁⲁⲃ ⲉⲧ ⲉⲣⲉ ⲛϥ̄ⲥⲕⲓⲙ ⲧⲛ̄ⲧⲱⲛ •
ⲉⲛⲉⲕⲗⲁⲇⲟⲥ ⲙ̄ ⲡϣⲏⲛ ⲙ̄ ⲡⲁⲣⲁⲇⲓⲥⲟⲥ • ⲉⲧⲉ ⲡϣⲏⲛ ⲙ̄
ⲡⲱⲛϩ̄ ϩⲛ̄ ⲧⲙⲏⲏⲧⲉ ⲙ̄ ⲡⲡⲁⲣⲁⲇⲓⲥⲟⲥ • ⲁϥⲥⲱⲕ ϩⲁ ϫⲱⲥ
ⲛ̄ⲧⲥⲱϣⲉ • ⲉⲧ ⲉⲣⲉ ⲡⲱⲛⲉ ⲙ̄ ⲙⲁⲣⲕⲁⲣⲓⲧⲏⲥ • ϩⲏⲡ ⲛ̄-
ϩⲏⲧⲥ̄ • ⲁϥϥⲓⲧⲥ̄ ⲉ ⲛⲁⲍⲁⲣⲉⲑ • ⲁϥϫⲓⲧⲥ̄ ⲉ ϩⲟⲩⲛ ⲉ ⲡϥ̄ⲏⲓ •


### 0006

ⲁⲥⲣ̄ ⲡϥ̄ⲏⲓ ⲙ̄ ⲙⲁ ⲛ̄ ϣⲗⲏⲗ ⲁⲩⲱ ⲙ̄ⲙⲟⲛⲁⲥⲧⲏⲣⲓⲟⲛ •
Ⲁϥϫⲓ ⲛ̄ ⲟⲩⲡⲁⲣⲑⲉⲛⲟⲥ ⲉ ϩⲟⲩⲛ ⲉ ⲡϥ̄ⲏⲓ ⲉ ⲧⲣⲉ ⲥϣⲱⲡⲉ
ⲛⲁϥ ⲛ̄ ⲥϩⲓⲙⲉ • ⲁⲥⲣ̄ ⲡϥ̄ⲏⲓ ⲛ̄ ⲟⲩⲉⲕⲕⲗⲏⲥⲓⲁ • ⲁ ϩⲉⲛ‐
ⲯⲁⲗⲙⲟⲥ ϣⲱⲡⲉ ⲛ̄ϩⲏⲧϥ̄ • ⲙⲛ̄ ϩⲉⲛϣⲗⲏⲗ ⲙⲛ̄ ϩⲉⲛⲱ̄ⲇⲏ
ⲙ̄ ⲡ︦ⲛ︦ⲓ︦ⲕⲟⲛ • ⲁϥϫⲓ ⲛ̄ ⲟⲩⲥϩⲓⲙⲉ • ⲁⲥϣⲱⲡⲉ ⲛⲁϥ ⲛ̄
ⲥⲱⲧⲏⲣⲓⲁ • ⲙⲛ︦ⲛ︦ⲥⲁ | ⲧⲣϥ̄ϫⲓⲧⲥ̄ ⲇⲉ ⲉ ϩⲟⲩⲛ ⲉ ⲡⲉϥⲏⲓ
Ⲁⲥⲃⲱⲕ ⲉ ϩⲟⲩⲛ ⲉⲩⲕⲟⲓⲧⲟⲛ ⲁⲥϩⲙⲟⲟⲥ ⲙ̄ⲙⲁⲩ • ⲙ̄ⲡⲉ
ⲥⲟⲩⲱϩ ⲉ ⲧⲟⲟⲧⲥ̄ • ⲉ ⲉⲓ ⲉ ⲡⲉⲥⲏⲧ ⲙ̄ ⲡⲧⲱⲣⲧⲣ̄ ϣⲁ ⲡⲉ‐
ϩⲟⲟⲩ ⲛ̄ⲧ ⲁⲥⲃⲱⲕ ⲉⲧⲟⲣⲓⲛⲏ • ⲙⲛ̄ ⲡⲉϩⲟⲟⲩ ⲛ̄ⲧⲁ ⲓⲱⲥⲏⲫ
ϫⲓⲧⲥ̄ ⲉ ⲃⲏⲑⲗⲉⲉⲙ ⲉ ⲧⲣⲉⲩ ⲥϩⲁⲓ ⲙ̄ ⲡⲉϥⲣⲁⲛ ⲙⲛ̄ ⲡⲱⲥ
ⲙⲛ̄ ⲡⲁ ⲡⲉⲥϣⲏⲣⲉ • ⲛ̄ⲧⲁⲩⲥϩⲁⲓ ⲛ̄ϯϩⲉ ϫⲉ ⲓⲱⲥⲏⲫ
ⲡϣⲏⲣⲉ ⲛ̄ ⲇ︦ⲁ︦ⲇ︦ ⲙⲛ̄ ⲙⲁⲣⲓⲁ ⲧⲉϥⲥϩⲓⲙⲉ • ⲙⲛ̄ ⲓ︦ⲥ︦
ⲡⲉⲩϣⲏⲣⲉ • ⲁⲛⲁⲩ ϭⲉ ⲉ ϯ ⲛⲟϭ ⲛ̄ ϣⲡⲏⲣⲉ • ⲱ̄
ⲛⲁⲙⲉⲣⲁⲁⲧⲉ ⁖-Ⲟⲩⲥϩⲓⲙⲉ ⲉⲥⲉⲉⲧ ⲉⲥⲟ ⲙ̄ ⲡⲁⲣⲑⲉⲛⲟⲥ
ⲛ̄ⲥⲉⲥⲟⲟⲩⲛ ⲁⲛ ϫⲉ ⲟⲩ ⲡⲉⲧ ϩⲓ ϩⲟⲩⲛ ⲙ̄ⲙⲟⲥ • ϯⲣ̄ ϣⲡⲏⲣⲉ
ⲙ̄ⲙⲟⲕ ⲱ̄ ⲡϩⲗ̄ⲗⲟ ⲛ̄ ϩⲁⲙϣⲉ ⲉⲧ ⲥⲙⲁⲙⲁⲁⲧ • ϫⲉ ⲟⲩ
ⲡⲉ ⲛⲧⲁϥⲉⲓ ⲉ ⲡⲉⲕϩⲏⲧ ⲛ̄ⲧⲁⲕⲥϩⲁⲓ ⲡⲉⲓ̄ ϣⲏⲣⲉ ϣⲏⲙ
ⲛ̄ⲥⲱⲕ • ⲛⲅ̄ ⲥⲟⲟⲩⲛ ⲁⲛ ϫⲉ ⲟⲩ ⲉ ⲃⲟⲗ ⲧⲱⲛ ⲡⲉ • ⲟ̄ⲡⲥ̄ ϫⲉ
ⲁⲕⲥϩⲁⲓ ⲧⲉⲥϩⲓⲙⲉ ⲛ̄ⲥⲱⲕ ϫⲉ ⲉⲥϭⲁⲗⲱⲟⲩ ⲉ ⲣⲟⲕ • ⲉⲕ‐
ⲥⲟⲟⲩⲛ ⲧⲱⲛ ϫⲉ ⲟ︦ⲩ︦ ⲡⲉⲧ ⲉⲥⲉⲓⲉⲧ ⲙ̄ⲙⲟϥ • Ⲟⲩⲡⲓⲥⲧⲟⲥ ⲅⲁⲣ
ⲡⲉ ⲡⲉⲛⲧ ⲁϥϣⲁϫⲉ ⲛⲙ̄ⲙⲁⲓ • ⲉϥϫⲱ ⲙ̄ⲙⲟⲥ • ϫⲉ ϫⲓ ⲙ̄
ⲙⲁⲣⲓⲁ ⲧⲉⲕⲥϩⲓⲙⲉ | ⲉ ϩⲟⲩⲛ ⲉ ⲡⲉⲕⲏⲓ • ⲡ ⲉⲧ ⲟⲩⲛⲁϫ‐
ⲡⲟϥ • ⲉ ⲃⲟⲗ ⲛ̄ϩⲏⲧⲥ̄ ⲟⲩ ⲉ ⲃⲟⲗ ⲡⲉ • ϩⲛ̄ ⲟⲩⲡⲛ︦ⲁ︦
ⲉϥⲟⲩⲁⲁⲃ ⁖-Ⲉⲓⲧⲁ ϫⲉ ⲛ̄ⲛⲉ ⲛⲕⲧⲉ ⲡϣⲁϫⲉ ⲉ ⲕⲉ ⲥⲁ • ⲁ
ⲡϩⲗ̄ⲗⲟ ⲛ̄ ϩⲁⲙϣⲉ ϥⲓ ⲛ̄ ⲧⲡⲩⲗⲏ ⲉⲧ ϣⲟⲧⲙ̄ ⲉ ϩⲟⲩⲛ ⲉ
ⲡϥ̄ⲏⲓ • ⲁ ⲡⲉⲛⲧ ⲁϥϫⲓ ϯⲡⲉ ⲙ̄ ⲡⲅⲁⲙⲟⲥ ⲣⲟⲉⲓⲥ • ⲉⲧ ⲉⲧⲉ
ⲙ̄ⲡⲉ ⲥⲥⲟⲩⲛ̄ ϩⲟⲟⲩⲧ ⲉⲛⲉϩ • ⲁ ⲡⲉⲓ̄ⲱⲧ ⲛ̄ ϩⲉⲛϣⲏⲣⲉ
ϣⲱⲡ ⲉ ⲣⲟϥ ⲙ̄ ⲡⲗⲟⲅⲟⲥ ⲙ̄ ⲡⲓⲱⲧ ⁖-Ⲁ ⲡⲉⲛⲧ ⲁϥϫⲓ
ⲡⲉⲓⲣⲁ ⲙ̄ ⲡⲅⲁⲙⲟⲥ ⲙ̄ ⲡⲉⲓ ⲕⲟⲥⲙⲟⲥ • ϣⲱⲡⲉ ⲛ̄ ϩⲩⲡⲉⲣ‐
ⲉⲧⲏⲥ ⲛ̄ ⲧⲉϩⲓⲉⲓⲃ ⲛ̄ ⲁⲧⲧⲱⲗⲙ̄ • ⲉⲧ ⲧⲱⲟⲩⲛ ϩⲁ ⲡⲙⲟ‐
[ⲛⲟ]ⲅⲉⲛⲏⲥ • ⲛ̄ ϣⲏⲣⲉ • ⲛ̄ⲧⲉ ⲡⲛⲟⲩⲧⲉ • ⲁ ⲓⲱⲥⲏⲫ ϫⲓ ⲙ̄
ⲙⲁⲣⲓⲁ ⲉ ϩⲟⲩⲛ ⲉ ⲡⲉϥⲏⲓ • ⲁ ⲡⲣⲱⲙⲉ ϣⲱⲡ ⲉ ⲣⲟϥ
ⲙ̄ ⲡⲛⲟⲩⲧⲉ • ⲛϥ̄ⲥⲟⲟⲩⲛ ⲁⲛ • ⲛⲉⲥϩⲙⲟⲟⲥ ⲇⲉ ⲡⲉ ϩⲙ̄
ⲡⲥ̄ⲏⲓ • ⲉⲥⲣ̄ ϩⲱⲃ ⲉ ⲡϫⲏϭⲉ ⲙ̄ ⲡⲕⲁⲧⲁⲡⲉⲧⲁⲥⲙⲁ ⲕⲁⲧⲁ


### 0007

ⲡⲛⲟⲙⲟⲥ ⲛ̄ ⲙ̄ⲡⲁⲣⲑⲉⲛⲟⲥ • ⲛⲉⲥⲛⲁⲩ ⲁⲛ ⲉ ⲗⲁⲁⲩ ⲛ̄
ⲣⲱⲙⲉ • ⲁⲗⲗⲁ ⲛⲉⲣⲉ | ⲛ̄ⲁⲅⲅⲉⲗⲟⲥ ⲛⲏⲩ ⲉⲩⲇⲓⲁⲕⲱⲛⲉⲓ̈
ⲉ ⲣⲟⲥ • ⲉⲩⲉⲓⲣⲉ ⲙ̄ ⲡⲉϩⲟⲟⲩ ⲧⲏⲣϥ̄ • ⲉⲩⲁϩⲉ ⲣⲁⲧⲟⲩ ⲙ̄
ⲡⲉⲥⲙ̄ⲧⲟ ⲉ ⲃⲟⲗ • ⲙ̄ ⲡⲉⲥⲙⲟⲧ ⲛ̄ ϩⲉⲛⲙⲁⲥ ⲛ̄ ϭⲣⲟⲙⲡⲉ •
ⲉⲩϯ ⲧⲱⲕ ⲛ̄ϩⲏⲧ ⲛⲁⲥ • ⲁⲩⲱ ⲉⲩⲥⲟⲗⲥⲗ̄ ⲙ̄ⲙⲟⲥ •
ⲛⲉⲥϩⲙⲟⲟⲥ ⲇⲉ ⲡⲉ ϩⲙ̄ ⲡⲉϥⲏⲓ̈ ⲛ̄ ϣⲟⲙⲧⲉ ⲛ̄ ⲣⲟⲙⲡⲉ •
ⲉⲩⲇⲓⲁⲕⲱⲛⲉⲓ ⲉ ⲣⲟⲥ ⲛ̄ϭⲓ ⲛϥ̄ϣⲏⲣⲉ ⲉⲣⲉ ⲛ̄ ⲁⲅⲅⲉⲗⲟⲥ
ⲙ̄ ⲡⲉⲥⲕⲱⲧⲉ ⲛ̄ ⲛⲁⲩ ⲛⲓⲙ • ⲉⲩⲉⲡⲉⲓⲑⲩⲙⲉⲓ ⲉ ϭⲱ ϩⲁϩ‐
ⲧⲏⲥ • ⲉ ⲧⲃⲉ ⲡⲉⲥⲧⲃ̄ⲃⲟ • ⲉⲩⲟ ⲙ̄ ⲡⲉⲥⲙⲟⲧ ⲛ̄ ϩⲉⲛϭⲣⲟⲙⲡⲉ •
ⲏ̄ ϩⲉⲛⲕⲟⲟⲩⲉ ⲛ̄ ϩⲁⲗⲁⲁⲧⲉ ⲉⲩⲟⲩⲁⲁⲃ • ⲉⲥϩⲏⲗ ⲙ̄ ⲡⲉⲥ‐
ⲕⲱⲧⲉ ϩⲙ̄ ⲡⲙⲁ ⲉⲛⲉⲥϩⲙⲟⲟⲥ ⲛ̄ϩⲏⲧϥ̄ • ⲉⲥⲉⲓⲣⲉ ⲙ̄ ⲡⲉⲥ‐
ϩⲱⲃ ⲛ̄ ϭⲓϫ ⲁⲩⲱ ⲛⲉⲩ ϩⲓϫⲛ̄ ⲛ̄ ϣⲟⲩϣⲧ̄ ⲙ̄ ⲡⲉⲥⲕⲟⲓ‐
ⲧⲟⲛ • ⲉⲩⲉⲡⲉⲓⲑⲩⲙⲉⲓ ⲉ ⲥⲱⲧⲙ̄ ⲉ ⲧⲉⲥⲙⲏ ⲉⲧ ⲟⲩⲁⲁⲃ •
ⲁⲩⲱ ⲉⲧϩⲟⲗϭ̄ ⲉⲧ ⲛⲟⲧⲙ̄ ⲉⲧ ⲟⲩⲁⲁⲃ • ⲉⲥⲥⲙⲟⲩ ⲉ ⲡⲛⲟⲩⲧⲉ
ⲉⲛⲉⲥⲕⲱ ⲛ̄ ⲧⲟⲟⲧⲥ̄ ⲉ ⲃⲟⲗ ⲁⲛ ⲙ̄ ⲡⲉϩⲟⲟⲩ ⲙⲛ̄ ⲧⲉⲩϣⲏ •
ⲉⲥⲥⲙⲟⲩ ⲉ ⲡⲉⲥⲇⲏⲙⲓⲟⲩⲣⲅⲟⲥ | ⲉⲣⲉ ⲟⲩⲛⲟϭ ⲛ̄ ⲥϭⲣⲁϩⲧ̄
ⲙⲛ̄ ⲟⲩϩⲟⲧⲉ ⲛ̄ⲧⲉ ⲡⲛⲟⲩⲧⲉ ϣⲟⲟⲡ ⲙ̄ ⲡⲕⲱⲧⲉ • ⲙ̄ ⲡⲙⲁ
ⲉⲧ ⲉⲥⲏⲍⲩⲭⲁⲍⲉ (sic) ⲛ̄ϩⲏⲧϥ̄ • ⲉⲣⲉ ⲛ̄ ⲇⲩⲛⲁⲙⲓⲥ ⲧⲏⲣⲟⲩ ⲉⲧ
ϩⲛ̄ ⲙ̄ⲡⲏⲩⲉ ⲟ̄ ⲛ̄ ϣⲡⲏⲣⲉ ⲙ̄ ⲡⲉⲥⲧⲃ̄ⲃⲟ ⲙⲛ̄ ⲧⲉⲥϩⲁⲅⲛⲓⲁ •
ⲉⲩϫⲱ ⲙ̄ⲙⲟⲥ ϫⲉ ⲙ̄ⲡⲉⲛ ⲛⲁⲩ ⲉ ⲟⲩⲟⲛ ⲛ̄ ⲧⲉⲓ ϩⲉ ⲉⲛⲉϩ •
Ⲥⲁⲣⲣⲁ ⲇⲉ ⲧⲉⲥϩⲓⲙⲉ ⲛ̄ ⲁⲃⲣⲁϩⲁⲙ ⲛⲉ ⲟⲩⲥϩⲓⲙⲉ ⲧⲉ ⲉⲛⲉⲥ‐
ⲉϩⲣⲁⲥ ⲁⲩⲱ ⲛⲉⲥϣⲟⲟⲡ ⲁⲛ ϩⲛ̄ ⲛⲉϩⲃⲏⲩⲉ ⲛ̄ ⲧⲉⲓ ⲙⲓⲛⲉ •
Ϩⲣⲉⲃⲉⲕⲕⲁ ⲧⲉⲥϩⲓⲙⲉ ⲛ̄ ⲓⲥⲁⲕ ⲛⲉ ⲟⲩⲥϩⲓⲙⲉ ⲉⲛⲉⲥⲱⲥ
ⲉⲙⲁⲧⲉ • ⲁⲗⲗⲁ ⲛⲥ̄ⲧⲛ̄ⲧⲱⲛ ⲁⲛ ⲉ ⲧⲉⲓ ⲡⲁⲣⲑⲉⲛⲟⲥ ⁖-
ⲗⲓⲁ ⲙⲛ̄ ⲣⲁⲭⲏⲗ ϩⲉⲛⲥϩⲓⲙⲉ ⲛⲉ ⲉⲩϣⲟⲟⲡ ϩⲙ̄ ⲡⲅⲁ‐
ⲙⲟⲥ • ⲉⲩϫⲡⲉ ϣⲏⲣⲉ ⲁⲗⲗⲁ ⲙ̄ⲡ ⲟⲩϣⲱⲡⲉ ϩⲙ̄ ⲡⲧⲁⲓ̈ⲟ
ⲛ̄ ⲧⲉⲓ ⲡⲁⲣⲑⲉⲛⲟⲥ ⁖-ⲁⲛⲛⲁ ⲧⲙⲁⲁⲩ ⲛ̄ ⲥⲁⲙⲟⲩⲏⲗ ⲟⲩ‐
ϩⲟⲟⲩ ⲛ̄ ⲟⲩⲱⲧ • ⲡⲉ ⲛⲧⲁⲥⲁⲁϥ • ⲉⲥⲡⲱϩⲧ̄ ⲛ̄ ⲛⲉⲥⲣⲙ̄‐
ⲉⲓⲟⲟⲩⲉ • ⲙ̄ ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ • ⲁϥⲭⲁⲣⲓⲍⲉ ⲛⲁⲥ
ⲙ̄ ⲡⲉⲥⲁⲓⲧⲏⲙⲁ • ⲧⲉ ⲡⲁⲣⲑⲉⲛⲟⲥ ⲇⲉ | ⲛ̄ⲧⲟⲥ • ϫⲓⲛ ⲙ̄
ⲡⲉϩⲟⲟⲩ ⲛ̄ⲧⲁⲩⲧⲁⲁⲥ ⲉ ϩⲟⲩⲛ ⲉ ⲡⲣ̄ⲡⲉ ⲙ̄ⲡⲉⲥ ⲕⲁ ⲧⲟⲟⲧⲥ̄
ⲉ ⲃⲟⲗ ϩⲙ̄ ⲡⲉⲥⲙⲟⲧ ⲛ̄ ⲟⲩⲱⲧ • ϩⲛ̄ ⲛⲉⲥϣⲗⲏⲗ ⲙⲛ̄ ⲛⲉⲥ‐
ⲛⲏⲥϯⲁ ⲙⲛ̄ ⲛⲉⲥⲡⲟⲗⲩϯⲁ ⲙⲛ̄ ⲛⲉⲥⲁⲥⲕⲏⲥⲓⲥ ⲉⲧ ⲟϣ •
Ⲙⲛ︦ⲛ︦ⲥⲁ ⲛⲁⲓ ⲁ ⲡⲉⲟⲩⲟⲉⲓϣ ϣⲱⲡⲉ ⲉ ⲧⲣⲉ ⲡϫ︦ⲥ︦ ⲣ̄ ⲡⲙⲉⲉⲩⲉ


### 0008

ⲛ̄ ⲛ̄ϣⲁϫⲉ ⲛ̄ ⲛⲉⲛⲉⲓⲟⲟⲧⲉ • ⲉⲧ ⲟⲩⲁⲁⲃ ⲙ̄ ⲡⲣⲟⲫⲏⲧⲏⲥ •
ⲁϥϫⲓ ϣⲟϫⲛⲉ ⲛ̄ϭⲓ ⲡⲉⲓⲱⲧ ⲙⲛ̄ ⲡϥ̄ⲗⲟⲅⲟⲥ ⲉⲧ ⲟⲩⲁⲁⲃ
ⲡⲉⲛⲧⲁϥⲉⲓ ⲉ ⲃⲟⲗ ⲛ̄ϩⲏⲧϥ̄ • ⲡⲉⲧ ⲟ ⲛ̄ ϩⲟⲙⲟⲟⲩⲥⲓⲟⲥ ⲛⲙ̄‐
ⲙⲁϥ • ⲡⲉⲧ ϣⲟⲟⲡ ⲛⲙ̄ⲙⲁϥ • ϩⲙ̄ ⲡⲉⲓ ⲧⲁⲓⲟ • ⲛ̄ ⲟⲩⲱⲧ
ϫⲓⲛ ⲧⲉϩⲟⲩⲉⲓⲧⲉ • ⲙⲛ̄ ⲡⲉⲓ ⲉⲟⲟⲩ ⲛ̄ ⲟⲩⲱⲧ • ⲙⲛ̄ ⲧⲉⲓ ϭⲟⲙ
ⲛ̄ ⲟⲩⲱⲧ • ⲙⲛ̄ ⲧⲉⲓ ⲉⲛⲉⲣⲅⲓⲁ ⲛ̄ ⲟⲩⲱⲧ • ⲙⲛ̄ ϯⲫⲩⲥⲓⲥ
ⲛ̄ ⲟⲩⲱⲧ • ⲉⲓϣⲁϫⲉ ⲉ ⲡϥ̄ⲙⲟⲛⲟⲅⲉⲛⲏⲥ ⲛ̄ ϣⲏⲣⲉ • ⲉⲧⲟ
ⲛ̄ ⲟⲩⲁ ⲛ̄ ⲟⲩⲱⲧ ⲛⲙ̄ⲙⲁϥ ϩⲛ̄ ⲧⲟⲩⲥⲓⲁ ⲛ̄ ⲧϥ̄ⲙⲛ︦ⲧ︦ⲛⲟⲩⲧⲉ •
ⲉϥϫⲱ ⲙ̄ⲙⲟⲥ ϫⲉ ⲁ ⲡⲉⲟⲩⲟⲉⲓϣ ϣⲱⲡⲉ ⲡⲁ ⲙⲉⲣⲓⲧ ⲛ̄
ϣⲏⲣⲉ • ⲙ̄ ⲙⲉⲣⲓⲧ ⲉ ⲧⲣⲉ ⲕⲃⲱⲕ ⲉ ⲡⲉⲥⲏⲧ ⲛⲅ̄ ϣⲓ̄|ⲛⲉ •
ⲛ̄ⲥⲁ ⲡⲉⲕⲉⲥⲟⲟⲩ ⲛ̄ⲧⲁϥⲥⲱⲣⲙ̄ ϩⲙ̄ ⲡⲕⲟⲥⲙⲟⲥ • ⲉ ⲧⲃⲉ
ⲡⲛⲟⲃⲉ • ϯⲟⲩⲱϣ ⲉ ⲧⲣ ⲕ̄ϣⲛ̄ ϩⲧⲏⲕ ϩⲁ ⲁⲇⲁⲙ ⲛⲅ̄ ⲟⲩⲱⲛ
ⲛⲁϥ ⲙ̄ ⲡⲣⲟ ⲙ̄ ⲡⲁⲣⲁⲇⲓⲥⲟⲥ • ⲁⲣⲓ ⲡⲁⲙⲉⲉⲩⲉ • ⲡⲁϣⲏⲣⲉ •
ϫⲉ ⲁ ⲡⲉⲟⲩⲟⲉⲓϣ ϣⲱⲡⲉ ⲉ ⲧⲣⲉ ⲕϫⲱⲕ ⲉ ⲃⲟⲗ ⲛ̄ ⲧⲉⲑⲩⲥⲓⲁ
ⲛ̄ ⲓⲥⲁⲕ • ϫⲉ ⲙ̄ⲡⲉ ⲡⲉⲧ ⲙ̄ⲙⲁⲩ ⲣⲱϣⲉ ⲉ ⲧⲟⲩϫⲉ ⲡⲕⲟⲥⲙⲟⲥ
ⲁⲩⲧⲁⲗⲟ ⲙⲉⲛ ⲉ ϩⲣⲁⲓ ⲛ̄ ⲧϣⲉⲉⲣⲉ ⲛ̄ ⲓⲉⲫⲑⲁⲉ • ⲁⲗⲗⲁ
ⲡⲉⲥⲥⲛⲟϥ • ⲡⲉⲛⲧ ⲁϥⲧⲟⲩϫⲟⲥ ⲙ̄ⲙⲓⲛ ⲙ̄ⲙⲟⲥ • Ⲡⲉⲥⲛⲟϥ
ⲅⲁⲣ ⲛ̄ ⲁⲃⲉⲗ ⲱϣ ⲉ ⲃⲟⲗ • ⲉϥϭⲱϣⲧ̄ ⲉ ⲃⲟⲗ ⲛ̄ ϩⲏⲧⲕ̄ ⲉ
ⲧⲣⲉ ⲕⲃⲱⲕ ⲉ ⲡⲉⲥⲏⲧ ⲉ ⲡⲕⲟⲥⲙⲟⲥ • ⲛⲅ̄ ⲡⲱϩ︤ⲧ︥ ⲉ ⲃⲟⲗ ⲙ̄
ⲡⲉⲕⲥⲛⲟϥ ϫⲉ ⲕⲁⲥ ⲉⲣⲉ ⲡⲱⲕ ⲱϣ ⲉ ⲃⲟⲗ ⲛ̄ⲧⲉ ⲡⲱϥ ⲕⲁ
ⲣⲱϥ • ⲛⲉⲡⲣⲟⲫⲏⲧⲏⲥ ⲧⲏⲣⲟⲩ ϭⲱϣⲧ̄ ⲉ ⲃⲟⲗ ϩⲏⲧⲕ̄ ⲉⲩϫⲱ
ⲙ̄ⲙⲟⲥ • ϫⲉ ϣⲁ ⲧⲛⲁⲩ ⲡϫ︦ⲥ︦ • ⲉⲕⲛⲁⲕⲧⲟⲕ ⲛⲅ̄ ⲉⲓ ⲉ ⲡⲉⲥⲏⲧ
ⲛⲅ̄ ϫⲱⲕ ⲉ ⲃⲟⲗ ⲛ̄ ⲛⲉⲛⲡⲣⲟⲫⲏϯⲁ ⲙⲛ̄ | ⲛⲉⲛϩⲟⲣⲁⲥⲓⲥ •
ⲧⲉⲛⲟⲩ ϭⲉ ⲱ̄ ⲡⲁϣⲏⲣⲉ • ⲙ̄ⲡ ⲣ̄ ⲁⲙⲉⲗⲉⲓ ⲉ ⲡⲉⲕⲡⲗⲁⲥⲙⲁ
ϫⲉ ⲛ̄ⲛⲉ ϥⲧⲁⲕⲟ ⁖-ⲉⲓⲥ ⲡⲉⲕⲑⲣⲟⲛⲟⲥ • ⲥⲃ̄ⲧⲱⲕ ⲛⲁⲕ • ⲱ̄
ⲡⲁ ⲙⲉⲣⲓⲧ ⲛ̄ ϣⲏⲣⲉ • ϣⲁⲛⲧ ⲕ̄ϭⲱⲧⲡ̄ ⲙ̄ ⲡⲇⲓⲁⲃⲟⲩⲗⲟⲥ •
ⲉⲓⲥ ⲡⲉⲕⲙⲁ ⲛ̄ ϣⲱⲡⲉ • ⲥⲃ̄ⲧⲱⲧ ⲛⲁⲕ ϩⲓϫⲙ̄ ⲡⲕⲁϩ • ⲉⲧⲉ
ⲙⲁⲣⲓⲁ ⲧⲡⲁⲣⲑⲉⲛⲟⲥ ⲧⲉ • ⲧⲁⲓ ⲛ̄ⲧⲁⲕⲧⲁⲙⲓⲟⲥ • ϩⲛ̄ ⲛⲉⲕ‐
ϭⲓϫ ⲙ̄ⲙⲓⲛ ⲙ̄ⲙⲟⲕ • ⲉⲓⲥ ϩⲏⲏⲧⲉ ⲁⲓⲥⲟⲃⲧⲉ ⲛⲁⲕ ⲛ̄
ⲟⲩⲉⲓⲱⲧ ϩⲓϫⲙ̄ ⲡⲕⲁϩ ⲉⲧⲉ ⲓⲱⲥⲏⲫ ⲡⲉ ⲡϩⲗ̄ⲗⲟ ⲛ̄ ϩⲁⲙϣⲉ •
ⲉⲧ ⲥⲙⲁⲙⲁⲁⲧ • ⲡⲁⲓ̄ ⲉⲧ ⲛⲁϣⲱⲡⲉ ⲛⲁⲕ ⲛ̄ ⲇⲓⲁⲕⲱⲛⲓⲧⲏⲥ •
ⲁⲩⲱ ⲛ̄ ϩⲩⲡⲉⲣⲉⲧⲏⲥ • Ⲉⲕϣⲁⲛⲃⲱⲕ ⲉ ⲡⲉⲥⲏⲧ ⲉϫⲙ̄ ⲡⲕⲁϩ
ϥⲛⲁⲉⲩⲫⲣⲁⲛⲉ ϣⲁ ⲛⲉϥⲥⲛ̄ⲧⲉ • ⲁⲩⲱ ⲡⲇⲓⲁⲃⲟⲩⲗⲟⲥ ⲛⲁ‐
ϣⲓⲛⲉ ⲛ̄ⲥⲁ ⲡⲱⲧ ⁖-ⲃⲱⲕ ⲡⲁϣⲏⲣⲉ • ϩⲛ̄ ⲟⲩⲉⲓⲣⲏⲛⲏ • ⲛⲅ̄


### 0009

ⲉⲓ ⲟⲛ ϩⲛ̄ ⲟⲩⲉⲓⲣⲏⲛⲏ • ⲙⲛ̄ ⲗⲁⲁⲩ ⲁⲛⲁⲅⲕⲁⲍⲉ ⲙ̄ⲙⲟⲕ ⲉ
ⲃⲱⲕ • ⲁⲛⲟⲕ ⲡⲉⲧ ⲟⲩⲉϩⲥⲁϩⲛⲉ ⲛⲁⲕ ϫⲱⲕ ⲉ ⲃⲟⲗ ⲙ̄ ⲡⲁ
ⲟⲩⲉϩⲥⲁϩⲛⲉ • ⲙ̄ⲡⲣ̄ ⲁⲙⲉ|ⲗⲉⲓ ⲉ ⲡϩⲱⲃ ⲛ̄ ⲛⲉⲕϭⲓϫ • ⲛϥ̄‐
ⲧⲁⲕⲟ • ⲁⲓϫⲟⲟⲥ ⲉ ⲃⲟⲗ ϩⲛ̄ ⲧⲁ ⲧⲁⲡⲣⲟ ϫⲉ ⲛ̄ⲛⲉ ⲕⲁⲧⲁ‐
ⲕⲗⲩⲥⲙⲟⲥ ⲙ̄ⲙⲟⲟⲩ ϣⲱⲡⲉ • ϩⲓϫⲙ̄ ⲡⲕⲁϩ • ⲁ ⲡ‐
ⲕⲁⲧⲁⲕⲗⲩⲥⲙⲟⲥ ⲙ̄ ⲡⲛⲟⲃⲉ ⲁϣⲁⲓ ϩⲓϫⲙ̄ ⲡⲕⲁϩ • ⲁϥⲟⲙ‐
ⲥⲟⲩ ⲧⲏⲣⲟⲩ • ϩⲛ̄ ⲙ̄ⲙⲟⲩ ⲛ ⲉⲓⲟⲟⲩⲉ ⲛ̄ ⲧⲁⲛⲟⲙⲓⲁ • Ⲁ
ⲧⲕⲓⲃⲱⲇⲟⲥ ⲛ̄ ⲛⲱϩⲉ ϣⲱϫⲡ̄ ⲛ̄ ⲟⲩⲥⲡⲣ̄ⲙⲁ ϩⲓϫⲙ̄ ⲡⲕⲁϩ •
ⲉⲓⲥ ϩⲏⲏⲧⲉ ⲁⲓⲥⲟⲃⲧⲉ ⲛⲁⲕ ⲛ̄ ⲧⲕⲁⲗⲁϩⲏ ⲙ̄ ⲙⲁⲣⲓⲁ ⲧⲡⲁⲣ‐
ⲑⲉⲛⲟⲥ ⲉ ⲧⲣⲉ ⲕϣⲱⲡⲉ ⲛ̄ϩⲏⲧⲥ̄ ⲙ̄ ⲯⲓⲥ ⲛ̄ ⲉⲃⲟⲧ • ϫⲉ
ⲉⲕⲉⲧⲟⲩϫⲟ ⲙ̄ ⲡⲕⲟⲥⲙⲟⲥ ⲧⲏⲣϥ̄ ⲉ ⲃⲟⲗ ϩⲓ ⲧⲟⲟⲧⲥ̄ •
Ⲁⲛⲧⲁⲕⲉ ⲥⲟⲇⲟⲙⲁ ⲙⲛ̄ ⲅⲟⲙⲟⲣⲣⲁ ⲙⲛ̄ ⲙ̄ ⲡⲟⲗⲓⲥ
ⲧⲏⲣⲟⲩ ⲉⲧ ⲕⲱⲧⲉ ⲉ ⲣⲟⲟⲩ • ⲁⲩⲱ̄ ϣⲁ ⲧⲉⲛⲟⲩ ⲙ̄ⲡ ⲟⲩⲕⲁ
ⲧⲟⲟⲧⲟⲩ ⲉ ⲃⲟⲗ ϩⲙ̄ ⲡⲛⲟⲃⲉ • ⲧⲉⲛⲟⲩ ϭⲉ ⲡⲁ ⲙⲉⲣⲓⲧ ⲛ̄
ϣⲏⲣⲉ ϭⲉⲡⲏ ⲛⲅ̄ ⲃⲱⲕ ⲉ ⲡⲉⲥⲏⲧ ⲛⲅ̄ ⲧⲟⲩϫⲟ ⲙ̄ ⲡⲕⲉ
ⲥⲉⲉⲡⲉ ⲛ̄ ⲧⲙⲛ︦ⲧ︦ⲣⲱⲙⲉ ⲧⲏⲣ︦ⲥ︦ • Ⲁⲛϫⲟⲟⲩ ⲛ̄ ⲓⲱⲛⲁⲥ ⲡⲉ‐
ⲡⲣⲟⲫⲏⲧⲏⲥ • ⲉ ⲛⲓⲛⲉⲩⲏ ⲧⲛⲟϭ ⲙ̄ ⲡⲟⲗⲓⲥ ⲁϥⲧⲁϣⲉⲟⲉⲓϣ
ⲛⲁⲥ • ⲛ̄ ⲟⲩⲙⲉⲧⲁⲛⲟⲓⲁ • ⲁⲗⲗⲁ ⲙ̄ⲡⲉ ⲡⲉϥⲧⲁϣⲉ[ⲟⲉⲓϣ] |
ⲣⲱϣⲉ ⲉ ⲧⲟⲩϫⲟⲟⲩ ⲙⲛ︦ⲛ︦ⲥⲁ ⲧⲣⲉ ⲩⲙⲉⲧⲁⲛⲟⲓ • ⲁⲩⲧⲁⲕⲟ
ⲟⲛ • ⲁⲩⲙⲉⲣⲟⲥ ⲛ̄ⲧⲉ ⲡⲕⲟⲥⲙⲟⲥ • ⲧⲁⲕⲟ • ϫⲉ ⲉⲣⲉ ⲡⲕⲉ
ⲥⲉⲉⲡⲉ ⲛⲁⲣ̄ ϩⲟⲧⲉ ⲛ̄ⲥⲉⲕⲁ ⲧⲟⲟⲧⲟⲩ ⲉ ⲃⲟⲗ ϩⲙ̄ ⲡⲛⲟⲃⲉ •
ⲁⲩⲱ ⲙ̄ⲡ ⲟⲩⲣ̄ ϩⲟⲧⲉ • ⲁⲗⲗⲁ ⲉⲧⲉⲓ ⲟⲛ ⲥⲉⲙⲏⲛ ⲉ ⲃⲟⲗ ϩⲛ̄
ⲛⲉⲩⲛⲟⲃⲉ • Ⲧⲉⲛⲟⲩ ϭⲉ ⲱ̄ ⲡⲁ ⲙⲉⲣⲓⲧ ⲛ̄ ϣⲏⲣⲉ • ⲁⲙⲟⲩ
ⲛⲅ̄ ⲃⲱⲕ ⲉ ⲡⲉⲥⲏⲧ ⲉ ⲡⲕⲟⲥⲙⲟⲥ ⲛⲅ̄ ⲧⲟⲩϫⲉ ⲡⲕⲉ ⲥⲉⲉⲡⲉ
ⲛ̄ ⲧⲙⲛ︦ⲧ︦ⲣⲱⲙⲉ • ⲁⲓϯ ⲛⲁⲩ ⲙ̄ ⲡⲛⲟⲙⲟⲥ ϩⲓ̄ⲧⲙ̄ ⲙⲱⲩⲥⲏⲥ •
ⲁⲗⲗⲁ ϣⲁⲛⲧ ⲕ̄ⲃⲱⲕ ⲉ ⲡⲉⲥⲏⲧ ⲉ ⲡⲕⲟⲥⲙⲟⲥ ⲛⲅ̄ ⲇⲉⲗⲓⲟⲩ
ⲙ̄ⲙⲟϥ • ⲛϥ̄ⲛⲁϫⲱⲕ ⲉ ⲃⲟⲗ ⲁⲛ ⁖-ⲁ ⲛⲉⲡⲣⲟⲫⲏⲧⲏⲥ
ⲧⲏⲣⲟⲩ ⲡⲣⲟⲫⲏⲧⲉⲩⲉ ϩⲁ ⲣⲟⲕ ⲁⲗⲗⲁ ϩⲉⲛ ⲗⲁⲁⲩ ⲛⲉ
ⲛⲉⲩⲡⲣⲟⲫⲏⲧⲓⲁ ϣⲁⲛⲧ ⲉⲕⲃⲱⲕ ⲉ ⲡⲉⲥⲏⲧ • ⲛⲅ̄ ⲧⲁϩⲟⲟⲩ
ⲉ ⲣⲁⲧⲟⲩ • ⲧⲟⲓ̈ⲕⲟⲩⲙⲉⲛⲏ ⲧⲏⲣ︦ⲥ︦ ϭⲱϣⲧ̄ ⲉ ⲃⲟⲗ ϩⲏⲧⲕ̄ ⲁ
ⲡⲕⲁϩ ⲧⲏⲣ︦ϥ︦ ϫⲱϩⲙ̄ ⲉ ⲃⲟⲗ ϩⲛ̄ ⲧⲉⲡⲗⲁⲛⲏ ⲛ̄ ⲛ̄ⲉⲓⲇⲱⲗⲟⲛ •
ⲉⲕ ⲧⲙ̄ ⲃⲱⲕ ⲉ ⲡⲉⲥⲏⲧ ⲛⲅ̄ ⲡⲱϩⲧ̄ ⲉ ⲃⲟⲗ ⲙ̄ ⲡⲉⲕⲥⲛⲟϥ ϩⲓ
ϫⲱϥ ⲛϥ̄ⲛⲁⲧⲃ̄ⲃⲟ ⲁⲛ • ⲛⲉⲧ ϩⲛ̄ ⲁⲙⲛ̄ⲧⲉ ⲙ̄ ⲡⲉⲥⲏⲧ ϭⲱϣⲧ̄
ⲉ ⲃⲟⲗ ϩⲏⲧⲕ̄ ϫⲉ ⲕⲁⲥ ⲉⲕⲛⲁⲃⲱⲕ ⲛⲅ̄ | ϯ ⲛⲁⲩ ⲛ̄ ⲟⲩ‐


### 0010

ⲥⲱⲧⲉ ⁖-ⲁ ⲡⲉⲟⲩⲟⲉⲓϣ ϣⲱⲡⲉ • ⲉ ⲧⲣⲉ ⲕⲟⲩⲱⲛ ⲙ̄ ⲡⲣⲟ̄
ⲙ̄ ⲡⲡⲁⲣⲁⲇⲓⲥⲟⲥ • ⲛⲅ̄ ⲕⲧⲉ ⲁⲇⲁⲙ ⲉ ϩⲟⲩⲛ ⲉ ⲣⲟϥ ⲛ̄ ⲕⲉ
ⲥⲟⲡ • ⲉⲩϩⲁ • ⲧⲙⲁⲁⲩ ⲛ̄ ⲛⲉⲧ ⲟⲛϩ̄ ⲧⲏⲣⲟⲩ • ⲥϭⲱϣⲧ̄ ⲉ
ⲃⲟⲗ ϩⲏⲧⲕ̄ ⲉ ⲧⲣⲉ ⲕⲃⲱⲕ ⲉ ϩⲏⲧⲥ̄ ⲙ̄ ⲙⲁⲣⲓⲁ ⲛⲅ̄ ϫⲓ ⲛ̄
ⲟⲩⲥⲱⲙⲁ ⲛ̄ ⲣⲱⲙⲉ ϩⲛ̄ ⲧⲉⲥⲕⲁⲗⲁϩⲏ • ⲛⲅ̄ ⲭⲁⲣⲓⲍⲉ ⲛ̄
ⲟⲩⲉⲗⲉⲩⲑⲉⲣⲓⲁ ⲙ̄ ⲡⲅⲉⲛⲟⲥ ⲧⲏⲣϥ̄ ⲛ̄ ⲛⲉϩⲓⲟⲟ̄ⲙⲉ • ⲉⲕ‐
ϣⲁⲛⲃⲱⲕ ⲡⲁ ϣⲏⲣⲉ • ⲕⲛⲁϯ ⲙ̄ⲧⲟⲛ ⲛ̄ ⲛ̄ϩⲉⲑⲛⲟⲥ ⲧⲏⲣⲟⲩ •
ⲃⲱⲕ ⲡⲁ ϣⲏⲣⲉ ⲛⲅ̄ ϯ ϩⲧⲏⲕ ⲉ ⲡⲁⲙⲁ ⲛ̄ ⲉⲗⲟⲟⲗⲉ ϫⲉ ⲛ̄
ⲛϥ︦ⲣ︦ ⲭⲉⲣⲥⲟⲥ ⁖-Ⲙⲛ︦ⲛ︦ⲥⲁ ⲛⲁⲓ ⲇⲉ ⲁ ⲡⲙⲟⲛⲟⲅⲉⲛⲏⲥ
ⲥⲱⲧⲙ̄ ⲛ̄ⲥⲁ ⲡⲟⲩⲉϩⲥⲁϩⲛⲉ ⲙ̄ ⲡⲉϥⲉⲓⲱⲧ • ⲁⲩⲱ ϩⲙ̄ ⲡⲉϥ‐
ⲟⲩⲱϣ ⲙ̄ⲙⲓⲛ ⲙ̄ⲙⲟϥ • ⲁϥⲥⲃ̄ⲧⲱⲧϥ̄ ⲉ ⲉⲓ ⲉ ⲡⲉⲥⲏⲧ ⲉϫⲙ̄
ⲡⲕⲁϩ • ⲉ ϫⲱⲕ ⲉ ⲃⲟⲗ ⲛ̄ ϩⲱⲃ ⲛ̄ⲧⲁⲩϫⲟⲟⲩ ⲉ ⲧⲃⲏⲏⲧϥ̄ •
ϩⲙ̄ ⲡⲛⲟⲙⲟⲥ ⲙⲛ̄ ⲛⲉⲡⲣⲟⲫⲏⲧⲏⲥ • ⲡⲉϫⲁϥ ⲅⲁⲣ ⲛ̄ϭⲓ
ⲡⲉⲥⲕⲉⲩⲟⲥ ⲛ̄ ⲥⲱⲧⲡ̄ ⲡⲁⲩⲗⲟⲥ ϫⲉ ⲛ̄ ⲧⲉⲣⲉ ⲡϫⲱⲕ ⲙ̄
ⲡⲉⲟⲩⲟ|ⲉⲓϣ ⲉⲓ • ⲁ ⲡⲛⲟⲩⲧⲉ ⲧⲛ̄ⲛⲟⲟⲩ ⲙ̄ ⲡϥ̄ϣⲏⲣⲉ •
ⲁϥϣⲱⲡⲉ ⲉ ⲃⲟⲗ ϩⲛ̄ ⲟⲩⲥϩⲓⲙⲉ • ⲁϥϣⲱⲡⲉ ϩⲁ ⲡⲛⲟⲙⲟⲥ •
ϫⲉ ⲉϥⲉϣⲱⲡ ⲛ̄ ⲛⲉⲧ ϩⲁ ⲡⲛⲟⲙⲟⲥ ⁖-ⲛⲓⲙ ⲡⲉⲧ ⲛⲁ‐
ⲥⲱⲧⲙ̄ ⲉ ⲛⲉⲓ ⲛⲟϭ ⲛ̄ ϣⲁϫⲉ ⲛ̄ ⲑⲁⲩⲙⲁⲥⲓⲁ ⲛϥ̄ ⲧⲙ̄ ⲣ̄
ϣⲡⲏⲣⲉ ⲉ ⲡⲉϩⲟⲩⲟ • ⲁⲛⲟⲕ ⲅⲁⲣ ⲉⲓϣⲁⲛⲙⲉⲉⲩⲉ ⲉ ⲃⲟⲗ •
ⲉ ⲡⲉⲛⲧ ⲁϥϣⲱⲡⲉ ⲛ̄ ⲧⲉⲓ ⲡⲁⲣⲑⲉⲛⲟⲥ • ϣⲁⲓⲣ̄ϩⲃⲁ ⲛ̄ⲧⲁ‐
ϣⲧⲟⲣⲧⲣ̄ ⲛ̄ⲧⲁⲕⲁ ⲧⲟⲟⲧ ⲉ ⲃⲟⲗ • ⲉⲙ ⲉⲓϭⲛ̄ ⲉⲓⲛⲁⲣ̄ ⲟⲩ •
ⲕⲁⲓ̄ ⲅⲁⲣ ⲁⲩⲙⲏⲏϣⲉ ⲟⲩⲱϣ ⲉ ϩⲟⲧϩⲧ̄ ⲛ̄ⲥⲁ ⲛⲉⲓ ⲁⲛϯ‐
ⲗⲟⲅⲓⲁ ⲛ̄ ϯ ⲙⲉⲓⲛⲉ • ⲁⲩϩⲉ ⲉ ϩⲣⲁⲓ ⲉⲩⲙⲛⲧ̄ⲣⲉϥⲉⲓⲁ
ⲧⲟⲟⲧⲟⲩ ⲛ̄ⲥⲱⲟⲩ ⲙ̄ⲡ ⲟⲩⲉⲓⲙⲉ • Ⲟⲩϩⲱⲃ ⲅⲁⲣ ⲡⲉ ⲉϥϫⲟⲥⲉ
ⲉ ⲧⲉⲫⲩⲥⲓⲥ ⲛ̄ ⲧⲙⲛⲧ̄ⲣⲱⲙⲉ ϩⲙ̄ ⲡ ⲧⲣⲉ ϥϣⲓⲛⲉ ϫⲉ ⲛ̄ ⲁϣ
ⲛ̄ ϩⲉ ⲁ ⲡⲗⲟⲅⲟⲥ ⲣ̄ ⲥⲁⲣⲝ̄ • ⲏ̄ ϫⲉ ⲛ̄ⲧⲁϥϣⲱⲡⲉ ⲛ̄ ⲣⲱⲙⲉ
ⲛ̄ ⲁϣ ⲛ̄ ϩⲉ • ⲡⲱⲛ ⲙ̄ⲙⲁⲧⲉ ⲡⲉ ⲡⲓ̄ⲥⲧⲉⲩⲉ ⲉⲩⲛⲟⲩⲧⲉ ⲛ̄
ⲧⲉⲗⲓ̄ⲟⲥ ⲛϥ̄ϭⲟϫⲃ̄ ⲁⲛ ⲉ ⲡⲉϥⲉⲓⲱⲧ • ⲟⲩⲙⲟⲛⲟⲅⲉⲛⲏⲥ ⲡⲉ ⲉ
ⲃⲟⲗ | ϩⲙ̄ ⲡⲛⲟⲩⲧⲉ ⲡ[ⲉ]ⲓⲱⲧ ⁖-ⲟⲩϣⲣ︦ⲡ︦ ⲙ̄ ⲙⲓⲥⲉ ⲟⲛ ⲡⲉ •
ⲉ ⲃⲟⲗ ϩⲛ̄ ⲧⲕⲁⲗⲁϩⲏ ⲙ̄ ⲙⲁⲣⲓⲁ ⲧⲉϥⲙⲁⲁⲩ ⲙ̄ ⲡⲁⲣⲑⲉ‐
ⲛⲟⲥ • ⲟⲩⲛⲟⲩⲧⲉ ⲅⲁⲣ ⲡⲉ ⲁϥⲣ̄ ⲣⲱⲙⲉ • ⲁⲩⲱ ⲉϥϫⲏⲕ ⲉ
ⲃⲟⲗ ⲛ̄ϩⲱⲃ ⲛⲓⲙ • ⲛ̄ ⲧⲙⲛ̄ⲧⲣⲱⲙⲉ ϣⲁⲛⲧ ⲛ̄ ⲡⲛⲟⲃⲉ •
ⲟⲩϩⲟⲙⲟⲟⲩⲥⲓⲟⲥ ⲡⲉ ⲙⲛ̄ ⲡⲉϥⲉⲓⲱⲧ • Ⲁⲩⲱ ⲛϥ̄ⲡⲟⲣϫ̄ ⲁⲛ
ⲉ ⲡⲉϥⲉⲓⲱⲧ • ⲕⲁⲧⲁ ⲧⲟⲩⲥⲓⲁ ⲛ̄ ⲧⲙⲛⲧ̄ⲛⲟⲩⲧⲉ • ⲟⲩⲣⲱⲙⲉ


### 0011

ⲡⲉ ⲉϥⲟ ⲛ̄ ⲛⲟⲩⲧⲉ • ⲉ ⲁϥⲡⲣⲟⲕⲟⲡⲧⲉⲓ̄ ϩⲛ̄ ϩⲱⲃ ⲛⲓⲙ • ⲛ̄
ⲧⲙⲛⲧ̄ⲕⲟⲩⲓ̈ ⲉϥⲥⲱⲧⲙ̄ ⲛ̄ⲥⲁ ⲛϥ̄ⲉⲓⲟⲟⲧⲉ • ⲛ̄ ⲧⲉⲣ ϥ̄ⲟⲩⲱϣ
ⲟⲩⲛ ⲉ ⲉⲓ ϣⲁ ⲣⲟⲛ ⲁϥϣⲁϫⲉ ⲙⲛ̄ ⲅⲁⲃⲣⲓⲏⲗ ⲡⲁⲣⲭⲁⲅ‐
ⲅⲉⲗⲟⲥ ⲉϥϫⲱ ⲙ̄ⲙⲟⲥ ⲛⲁϥ ϫⲉ ⲁⲙⲟⲩ ⲛⲅ̄ ϫⲱⲕ ⲉ ⲃⲟⲗ
ⲙ̄ ⲡⲟⲩⲉϩⲥⲁϩⲛⲉ ⲙ̄ ⲡⲉⲕϫⲥ̄ • ⲁⲙⲟⲩ ⲛⲅ̄ ϩⲏⲡⲉⲣⲉⲧⲏ ⲛ̄
ⲧⲁ ⲇⲓⲁⲕⲱⲛⲓⲁ • ⲃⲱⲕ ϣⲁ ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙⲁⲣⲓⲁ •
ⲛⲅ̄ ⲥⲩⲙⲁⲛⲉ ⲛⲁⲥ ⲛ̄ ⲧⲁ ⲡⲁⲣⲟⲩⲥⲓⲁ • ⲛⲅ̄ ⲧⲁⲙⲟⲥ ϫⲉ
ϯⲛⲁⲟⲩⲱϩ ϩⲣⲁⲓ ⲛ̄ϩⲏⲧⲥ̄ • | ϯ ϩⲧⲏⲕ ⲉ ⲣⲟⲥ ⲉⲕϣⲁⲛϣⲁϫⲉ
ⲛⲙ̄ⲙⲁⲥ • ⲙ̄ⲡⲣ̄ ϯ ϩⲟⲧⲉ ⲛⲁⲥ ϩⲛ̄ ⲧⲕ̄ϭⲓⲛⲟⲩⲱⲛϩ̄ ⲉ ⲣⲟⲥ
ⲙ̄ⲡⲣ̄ ϣⲧⲣ̄ⲧⲱⲣⲥ̄ ϩⲛ̄ ⲧⲉⲕϭⲓⲛϣⲁϫⲉ ⁖-ⲙ̄ⲡⲣ̄ ⲧⲁⲣⲁⲥⲥⲉ
ⲙ̄ ⲡⲉⲥⲛⲟⲩⲥ • ⲟⲩϣⲉⲉⲣⲉ ϣⲏⲙ ⲅⲁⲣ ⲧⲉ ⲛⲉⲥⲛⲁϣϥⲓ ⲁⲛ
ϩⲁ ⲧⲕ̄ϩⲟⲧⲉ • ⲟⲩⲛⲟϭ ⲛ̄ ϣⲡⲏⲣⲉ ⲧⲉ ⲉ ⲧⲣⲉ ⲣⲱⲙⲉ •
ⲥⲱⲧⲙ̄ ϫⲉ ⲟⲩⲛ̄ ⲟⲩⲡⲁⲣⲑⲉⲛⲟⲥ ⲛⲁⲙⲓⲥⲉ ⲁϫⲛ̄ ⲥⲡⲣ̄ⲙⲁ ⲛ̄
ϩⲟⲟⲩⲧ • ⲙ̄ⲡ ⲣ̄ ⲁⲡⲟⲫⲁⲛⲉ ⲉ ϫⲱⲥ ⲛ̄ ⲟⲩⲧⲏⲙⲱⲣⲓⲁ ⲛ̄ⲑⲉ
ⲛ̄ ⲍⲁ[ⲭⲁ]ⲣⲓⲁⲥ • ⲟⲩⲟⲛϩ︦ⲕ︦ ⲉ ⲣⲟⲥ ϩⲛ̄ ⲟⲩⲟⲩⲣⲟⲧ • ϣⲁϫⲉ
ⲛⲙ̄ⲙⲁⲥ ϩⲛ̄ ⲟⲩⲙⲛⲧ̄ⲣⲙ̄ⲣⲁϣ • ⲧⲁⲙⲟⲥ ⲉ ⲡⲁ ⲉⲟⲟⲩ ⲉⲧ
ⲛⲁϣⲱⲡⲉ ⲙ̄ⲙⲟⲥ • ⲡⲙⲩⲥⲧⲏⲣⲓⲟⲛ ⲙ̄ ⲡⲣ̄ⲣⲟ ⲛⲁⲛⲟⲩ
ϩⲟⲡϥ̄ • ⲛⲉϩⲃⲏⲩⲉ ⲇⲉ ⲙ̄ ⲡⲛⲟⲩⲧⲉ ⲛⲁⲛⲟⲩ ⲟⲩⲟⲛϩⲟⲩ ⲉ ⲃⲟⲗ
ϩⲛ̄ ⲟⲩⲉⲟⲟⲩ • Ⲛ̄ ⲧⲉⲣⲉ ϥⲉⲓ ⲇⲉ ϣⲁ ⲣⲟⲥ ⲛ̄ϭⲓ ⲅⲁⲃⲣⲓⲏⲗ •
ⲙ̄ⲡⲉ ϥⲟⲩⲟⲛϩ︤ϥ︥ ⲉ ⲣⲟⲥ ϩⲙ̄ ⲡⲉϥⲉⲟⲟⲩ • ⲟⲩⲇⲉ ⲙ̄ⲡⲉ ϥⲃⲱⲕ
ⲉ ϩⲟⲩⲛ ϣⲁ ⲣⲟⲥ ϩⲱⲥ ⲣⲱⲙⲉ • ϥⲥⲟⲟⲩⲛ | ⲅⲁⲣ ϫⲉ ⲧⲉⲥⲥⲩ‐
ⲛⲏⲑⲓ̈ⲁ ⲁⲛ ⲡⲉ ⲛⲁⲩ ⲉ̄ ⲣⲱⲙⲉ ⲛ̄ ϣⲙ̄ⲙⲟ • ⲁϥⲁϩⲉ ⲣⲁⲧϥ̄ ⲙ̄
ⲡⲃⲟⲗ ⲙ̄ ⲡⲣⲟ ⲙ̄ ⲡⲉⲥⲕⲟⲓⲧⲱⲛ • ⲁϥⲙⲟⲩⲧⲉ ⲉ ⲣⲟⲥ ⲉϥϫⲱ
ⲙ̄ⲙⲟⲥ • ϫⲉ ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ •
ⲛ̄ ⲧⲉⲣⲉ ⲥⲥⲱⲧⲙ̄ ⲇⲉ ⲉ ⲧⲉⲥⲙⲏ ⲛ̄ ϣⲙ̄ⲙⲟ • ⲁⲥϣⲧⲟⲣⲧⲣ̄
ⲉⲥϫⲱ ⲙ̄ⲙⲟⲥ ϫⲉ ⲟⲩⲁϣ ⲙ̄ ⲙⲓⲛⲉ ⲡⲉ ⲡⲉⲓ̈ ⲁⲥ[ⲡⲁⲥ]ⲙⲟⲥ •
ⲉⲥⲙⲟⲕⲙⲉⲕ ⲇⲉ ⲙ̄ⲙⲟⲥ ϩⲓ ⲛⲁⲓ • ⲁⲩⲱ ⲉⲥⲣ̄ ϣⲡⲏⲣⲉ ⲉϫⲛ̄
ⲧⲉⲥⲙⲏ ⲛ̄ⲧ ⲁⲥⲥⲟⲧⲙⲉⲥ • Ⲁϥⲙⲟⲩⲧⲉ ⲟⲛ ⲙ̄ ⲡⲙⲉϩ ⲥⲡ̄
ⲥⲛⲁⲩ ϫⲉ ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫⲥ̄ ⲛⲙ̄ⲙⲉ • ⲛ̄ ⲧⲉⲣⲉ
ⲡⲁⲅⲅⲉⲗⲟⲥ ⲇⲉ ⲛⲁⲩ ⲉ ⲣⲟⲥ ϫⲉ ⲁⲥϣⲧⲟⲣⲧⲣ̄ ⲉϫⲙ̄
ⲡϣⲁϫⲉ • ⲁϥⲁⲣⲭⲉⲓ ⲙ̄ ⲙⲟⲟϣⲉ • ⲉ ϩⲟⲩⲛ ⲉ ⲣⲟⲥ ϩⲛ̄ ⲟⲩ‐
ⲟⲩⲣⲟⲧ • ⲙⲛ̄ ⲟⲩⲟⲩⲣⲟⲧ ⲉϥϫⲱ ⲙ̄ⲙⲟⲥ • ϫⲉ ⲙ̄ⲡⲣ̄ ⲣ̄ ϩⲟⲧⲉ
ⲙⲁⲣⲓⲁ • ⲁⲣϭⲓⲛⲉ ⲅⲁⲣ ⲛ̄ ⲟⲩϩⲙⲟⲧ ⲛ̄ ⲛⲁϩⲣⲙ̄ ⲡⲛⲟⲩⲧⲉ •
ⲉⲓⲥ ϩⲏⲏⲧⲉ ⲅⲁⲣ ⲧⲉⲣⲁⲱ︦ⲱ︦ ⲛ̄ⲧⲉϫⲡⲟ̄ ⲛ̄ ⲟⲩϣⲏⲣⲉ ⲛ̄ⲧⲉ‐


### 0012

ⲙⲟⲩⲧⲉ ⲉ ⲣⲟϥ ϫⲉ ⲓⲥ̄ • ⲁⲥⲣ̄ϣⲡⲏⲣⲉ ⲇⲉ ⲛ̄ϭⲓ ⲧⲡⲁⲣ‐
ⲑⲉⲛⲟⲥ • ⲉⲥϫⲱ ⲙ̄ⲙⲟⲥ • | ϫⲉ ⲁⲩⲱ ⲛ̄ ⲁϣ ⲛ̄ ϩⲉ • ⲉⲣⲉ
ⲡⲁⲓ ⲛⲁϣⲱⲡⲉ ⲙ̄ⲙⲟⲓ • ⲙ̄ⲡ ⲉⲓⲥⲟⲩⲛ̄ ϩⲟⲟⲩⲧ ⲉⲛⲉϩ • ⲁⲛⲟⲕ
ⲅⲁⲣ ⲁⲛⲅ̄ ⲟⲩⲡⲁⲣⲑⲉⲛⲟⲥ • Ⲁϥⲟⲩⲱϣⲃ̄ ⲛ̄ϭⲓ ⲡⲁⲣⲭⲏ‐
ⲁⲅⲅⲉⲗⲟⲥ ⲡⲉϫⲁϥ ⲛⲁⲥ ϫⲉ ⲙ̄ⲡⲣ̄ ⲣ̄ ϩⲟⲧⲉ ⲙⲁⲣⲓⲁ
ⲁⲣϭⲓⲛⲉ ⲅⲁⲣ ⲛ̄ ⲟⲩϩⲙⲟⲧ ⲛ̄ ⲛⲁϩⲣⲙ̄ ⲡⲛⲟⲩⲧⲉ • ϭⲙ̄ϭⲟⲙ
ⲁⲩⲱ ⲛ̄ⲧⲉ ⲧⲁϫⲣⲟ ϫⲉ ⲡⲉⲧ ⲉⲣⲁϫⲡⲟϥ • ϥⲟⲩⲁⲁⲃ ⲁⲩⲱ
ⲥⲉⲛⲁⲙⲟⲩⲧⲉ ⲉ ⲣⲟϥ ϫⲉ ⲡϣⲏⲣⲉ ⲙ̄ ⲡⲛⲟⲩⲧⲉ ⁖-ⲭⲁⲓⲣⲉ
ⲙⲁⲣⲓⲁ • ⲧⲉⲧ ⲉⲣⲉ ⲡⲉⲥⲕⲁⲣⲡⲟⲥ ⲛⲁϯ ⲛ̄ ⲟⲩⲟⲩϫⲁⲓ ⲙ̄
ⲡⲕⲟⲥⲙⲟⲥ • ⲙⲛ̄ ⲧⲙⲛ︦ⲧ︦ⲣⲱⲙⲉ ⲧⲏⲣⲥ̄ ⁖-ⲭⲁⲓⲣⲉ ⲧⲛ̄ⲧ
ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ • ⲭⲁⲓⲣⲉ ⲙⲁⲣⲓⲁ ⲧⲉϭⲣⲟⲙⲡⲉ
ⲛ̄ ⲁⲧ ⲧⲱⲗⲙ̄ ⲉⲧⲉ ⲙⲛ̄ ϫⲃⲓⲛ ⲛ̄ϩⲏⲧⲥ̄ • ⲛ̄ⲧⲁⲩϫⲟⲟⲩ
ϣⲁ ⲣⲟⲥ ⲙ̄ ⲡϣⲙ̄ ⲛⲟⲩϥⲉ ⲉⲧ ⲥⲟⲧⲡ̄ ⲉ ⲃⲟⲗ ϩⲓ ⲧⲟⲟⲧ
ⲁⲛⲟⲕ ⲅⲁⲃⲣⲓⲏⲗ ⁖-ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦
ⲛⲙ̄ⲙⲉ • ⲭⲁⲓⲣⲉ ⲙⲁⲣⲓⲁ • ⲧⲉⲧ ⲛⲁⲫⲟⲣⲉⲓ ⲛ̄ ⲧⲟⲓⲕⲟⲩ‐
ⲙⲉⲛⲏ ⲧⲏⲣⲥ̄ ϩⲛ̄ ⲟⲩϩⲃ̄ⲥⲱ ⲛ̄ ⲟⲩϫⲁⲓ ⁖-ⲭⲁⲓⲣⲉ ⲧⲛ̄ⲧ
ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ • ⲭⲁⲓⲣⲉ ⲙⲁⲣⲓⲁ ⲧⲛ̄ⲧ ⲁ
ⲡⲟⲩϫⲁⲓ ⲙ̄ ⲡⲕⲟⲥⲙⲟⲥ ⲧⲏⲣϥ̄ ϣⲱⲡⲉ | ϩⲓⲧⲛ̄ ⲧⲉⲥϭⲓⲛ‐
ⲙⲟⲟϣⲉ ϩⲓ ϫⲱϥ • ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ • ⲡϫ︦ⲥ︦
ⲛⲙ̄ⲙⲉ ⁖-ⲭⲁⲓⲣⲉ ⲙⲁⲣⲓⲁ ⲧⲉⲧ ⲥⲟⲧⲡ̄ ⲡⲁⲣⲁ ⲧⲡⲉ ⲙⲛ̄
ⲡⲕⲁϩ • ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ ⁖-
ⲭⲁⲓⲣⲉ ⲙⲁⲣⲓⲁ ⲡⲡⲩⲣⲅⲟⲥ • ⲉⲧ ⲉⲣⲉ ⲡⲉⲑⲩⲥⲁⲩⲣⲟⲥ •
ⲙ̄ ⲡⲣ̄ⲣⲟ ⲛ̄ϩⲏⲧϥ̄ ⁖-ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦
ⲛⲙ̄ⲙⲉ ⁖-ⲭⲁⲓⲣⲉ ⲙⲁⲣⲓⲁ ⲧⲛ̄ⲧ ⲁⲥϯ ⲛⲁⲛ ⲛ̄ ⲟⲩϩⲓⲏ
ⲛ̄ ⲃⲱⲕ ⲉ ϩⲣⲁⲓ̈ ⲉ ⲧⲡⲉ • ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦
ⲛⲙ̄ⲙⲉ ⁖-ⲭⲁⲓⲣⲉ ⲙⲁⲣⲓⲁ ⲧⲛ̄ⲧ ⲁⲥⲟⲩⲱⲛ ⲛⲁⲛ ⲙ̄ ⲡⲣⲟ
ⲙ̄ ⲡⲡⲁⲣⲁⲇⲓⲥⲟⲥ • ⲙⲛ︦ⲛ︦ⲥⲁ ⲧⲣⲉⲩ ϣⲱⲧⲙ̄ ⲙ̄ⲙⲟϥ ϩⲓⲧⲛ̄
ⲧⲡⲁⲣⲁⲃⲁⲥⲓⲥ ⲛ̄ ⲁⲇⲁⲙ ⲙⲛ̄ ⲉⲩϩⲁ • ⲭⲁⲓⲣⲉ ⲧⲛ̄ⲧ ⲁⲥϭⲛ̄
ϩⲙⲟⲧ ⲡϫ︤ⲥ︥ ⲛⲙ̄ⲙⲉ ⁖-ⲭⲁⲓⲣⲉ ⲧⲙⲉϩ ⲥⲛ̄ⲧⲉ ⲛ̄ ⲕⲓⲃⲱⲇⲟⲥ
ⲛ̄ⲧ ⲁⲥⲧⲟⲩϫⲉ ⲡⲕⲟⲥⲙⲟⲥ ⲉ ⲡⲧⲁⲕⲟ ⲛ̄ ⲧⲙⲛ︦ⲧ︦ⲁⲥⲉⲃⲏⲥ ⁖-
ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ • ⲭⲁⲓⲣⲉ ⲧⲉϩⲓⲉⲓⲃ
ⲉⲧ ⲛⲉⲥⲱⲥ • ⲛ̄ⲧⲁⲥϯ ⲟⲩⲱ ⲛⲁⲛ ⲉ ϩⲣⲁⲓ̈ ⲙ̄ ⲡⲥⲟⲣ︦ⲧ︦ • ⲛ̄ ⲕⲁ‐
ⲑⲁⲣⲱⲛ ⲙⲛ̄ ⲑⲃ̄ⲥⲱ ⲛ̄ | ⲧⲙⲛ︦ⲧ︦ ⲁⲧ ⲧⲁⲕⲟ ⁖-ⲭⲁⲓⲣⲉ ⲧⲛ̄ⲧ
ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ • ⲭⲁⲓⲣⲉ ⲡϭⲁⲗⲙⲁⲛ ⲛ̄ ⲛⲟⲩⲃ


### 0013

ⲉⲧ ⲉⲣⲉ ⲡⲙⲁⲛⲛⲁ ⲛ̄ϩⲏⲧϥ̄ :-ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ
ⲡϫ︦ⲥ︦ ⲛⲙ̄ⲙⲉ • ⲭⲁⲓⲣⲉ ⲧⲛ̄ⲧ ⲁⲥϥⲓ ⲙ̄ⲙⲁⲩ ⲛ̄ ⲧⲙⲛ︦ⲧ︦ϫⲁϫⲉ •
ⲉⲧ ⲟⲩⲧⲱⲛ ⲙⲛ̄ ⲡⲛⲟⲩⲧⲉ ⁖-ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ
ⲡϫ︦︦ⲥ︦ ⲛⲙ̄ⲙⲉ ⁖-ⲭⲁⲓⲣⲉ ⲙⲁⲣⲓⲁ ⲡⲉⲥϯ ⲛⲟⲩϥⲉ ⲉⲧ ⲟⲩⲧⲁⲗⲟ
ⲙ̄ⲙⲟϥ ⲉ ϩⲣⲁⲓ ⲙ̄ ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ ⲡⲡⲁⲛ‐
ⲧⲱⲕⲣⲁⲧⲱⲣ ϣⲁⲛⲧ ϥ̄ϩⲱⲧⲡ̄ • ⲉ ⲡⲛⲟⲩⲧⲉ ⲙ̄ ⲡϥ̄ⲡⲗⲁⲥⲙⲁ
ⲛ̄ⲧⲁϥⲧⲁⲙⲓⲟϥ ⁖-ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄‐
ⲙⲉ ⁖-ⲭⲁⲓⲣⲉ ⲧⲉⲥⲕⲩⲛⲏ ⲧⲛ̄ⲧⲁ ⲧⲙⲛ︦ⲧ︦ⲛⲟⲩⲧⲉ • ⲙ̄
ⲡⲙⲟⲛⲟⲅⲉⲛⲏⲥ ⲙ̄ ⲡⲉⲓⲱⲧ ⲙ̄ⲧⲟⲛ ⲙ̄ⲙⲟϥ ⲛ̄ϩⲏⲧⲥ̄ ⁖-
ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫⲟⲉⲓⲥ ⲛⲙ̄ⲙⲉ ⁖-ⲭⲁⲓⲣⲉ
ⲙⲁⲣⲓⲁ ⲧⲕⲓⲃⲱⲧⲟⲥ ⲉⲧ ϭⲟⲟⲗⲉ ⲛ̄ ⲛⲟⲩⲃ ⲛ̄ ⲥⲁ ⲥⲁ ⲛⲓⲙ •
ⲧⲁⲓ ⲛ̄ⲧⲁ ⲡⲛⲟⲩⲧⲉ ⲡⲉⲓⲱⲧ ϭⲟⲓⲗⲉ ⲉ ⲣⲟⲥ ⲙ̄ ⲡⲉϥⲗⲟⲅⲟⲥ
ⲉⲧ ⲟⲩⲁⲁⲃ • ⲭⲁⲓⲣⲉ ⲙⲁⲣⲓⲁ ⲡⲟⲉⲓⲕ ⲛ̄ⲧⲁϥⲉⲓ̈ | ⲉ ⲃⲟⲗ ϩⲛ̄
ⲧⲡⲉ ⲉ ⲧⲥⲓⲟ ⲛ̄ⲛⲉⲧ ϩⲕⲟⲉⲓⲧ • ⲁⲩⲱ ⲉ ⲙⲟⲩϩ ⲛ̄ⲛⲉⲩⲯⲩⲭⲏ
ⲛ̄ ⲁⲅⲁⲑⲟⲛ • ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦︦ⲥ︦ ⲛⲙ̄ⲙⲏ ⁖-
ⲭⲁⲓⲣⲉ ⲙⲁⲣⲓⲁ ⲧⲉⲧ ⲧⲟⲩϫⲟ ⲛ̄ ⲟⲩⲟⲛ ⲛⲓⲙ ⲉ ⲃⲟⲗ ϩⲛ̄ ⲛ̄
ⲭⲉⲓⲙⲱⲛ ⲙ̄ ⲡⲇⲓⲁⲃⲟⲗⲟⲥ • ⲁⲩⲱ ⲉⲥⲉⲓⲛⲉ ⲙ̄ⲙⲟⲟⲩ ⲉ ϩⲟⲩⲛ
ⲉ ⲡⲗⲩⲙⲏⲛ ⲙ̄ ⲡⲟⲩϫⲁⲓ ⁘ ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ
ⲡϫ︦ⲥ︦ ⲛⲙ̄ⲙⲉ • ⲭⲁⲓⲣⲉ ⲙⲁⲣⲓⲁ • ⲧⲛⲩⲙⲫⲏ ⲛ̄ ⲁⲧ ⲧⲱⲗⲙ̄ •
ⲛ̄ ⲁⲧ ϫⲃⲓⲛ ⲛ̄ⲧⲁⲥⲥⲟⲃⲧⲉ ⲛⲁⲛ [ⲛ̄ ⲧⲉϩⲓⲏ ⲙ̄ ⲡⲟⲩϫⲁⲓ] •¹
ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ • ⲭⲁⲓⲣⲉ ⲙⲁⲣⲓⲁ
ⲧⲛ̄ⲧⲁ ⲛⲉϩⲓⲟⲟⲙⲉ ⲧⲏⲣⲟⲩ ⲛ̄ ⲧⲟⲓⲕⲟⲩⲙⲉⲛⲏ ϭⲓⲛⲉ ⲛ̄ ⲟⲩ‐
ⲡⲁⲣϩⲏⲥⲓⲁ • ϩⲓⲧⲙ̄ ⲡⲉⲥ ϫⲥ̄ ⲁⲩⲱ ⲉ ⲧⲃⲏⲏⲧⲥ̄ ⁖-ⲭⲁⲓⲣⲉ
ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ ⁖-ⲭⲁⲓⲣⲉ ⲙⲁⲣⲓⲁ ⲧⲉ
ⲧⲣⲁⲡⲉⲍⲁ ⲉⲧ ⲟⲩⲁⲁⲃ • ⲉⲧⲟⲩϣⲱⲱⲧ ϩⲓ ϫⲱⲥ ⲛ̄ ⲧⲉⲑⲩⲥⲓⲁ
ⲛ̄ ⲗⲟⲅⲓⲕⲏ ⁖-ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ •
ⲭⲁⲓⲣⲉ ⲙⲁⲣⲓⲁ ⲧⲛ̄ⲧⲁ ⲡⲟⲩⲟⲉⲓⲛ ⲙ̄ ⲡⲉⲥϣⲏⲣⲉ ⲙⲉϩ
ⲧⲟⲓⲕⲟⲩⲙⲉⲛⲏ ⲧⲏⲣⲥ̄ ⁖-ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦
ⲛⲙ̄ⲙⲉ ⁖-|ⲭⲁⲓⲣⲉ ⲙⲁⲣⲓⲁ ⲧⲉⲧ ⲉⲣⲉ ⲧⲡⲉ ⲙⲛ̄ ⲡⲕⲁϩ
ϭⲱϣⲧ̄ ⲉ ⲃⲟⲗ ϩⲏⲧⲥ̄ ⁖-ⲛ̄ⲧⲉⲥⲛⲁⲁⲕⲉ ⲉⲧ ⲟⲩⲁⲁⲃ ⁖-ⲭⲁⲓⲣⲉ
ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ ⁖-ⲭⲁⲓⲣⲉ ⲙⲁⲣⲓⲁ
ⲧⲛⲟⲩⲛⲉ ⲉⲧ ⲛⲁⲛⲟⲩⲥ • ⲧⲛ̄ⲧ ⲁⲥϯ ⲟⲩⲱ ⲛⲁⲛ ⲉ ϩⲣⲁⲓ ⲙ̄


### 0014

ⲡⲕⲁⲣⲡⲟⲥ ⲛ̄ ⲧⲇⲓⲕⲁⲓⲟⲥⲩⲛⲏ • ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ
ⲡϫ︦ⲥ︦ ⲛⲙ̄ⲙⲉ ⁖-ⲭⲁⲓⲣⲉ ⲙⲁⲣⲓⲁ ⲡⲉⲥⲡⲉⲣⲙⲁ ⲉⲧ ⲥⲙⲁ‐
ⲙⲁⲁⲧ ⲛ̄ⲧⲁϥϯ ⲟⲩⲱ︦ⲱ︦ ⲛⲁⲛ ⲉ ϩⲣⲁⲓ ⲙ̄ ⲡⲕⲁⲣⲡⲟⲥ ⲛ̄ ⲧⲇⲓ‐
ⲕⲁⲓⲟⲥⲩⲛⲏ • ⲙ̄ ⲡϣⲏⲛ ⲙ̄ ⲡⲱⲛϩ̄ ⁖-ⲭⲁⲓⲣⲉ ⲧⲛ̄ⲧ ⲁⲥϭⲛ̄
ϩⲙⲟⲧ ⲡϫ︤ⲥ︥ ⲛⲙ̄ⲙⲉ ⁖-ⲭⲁⲓⲣⲉ ⲙⲁⲣⲓⲁ ⲧⲗⲩⲭⲛⲓⲁ ⲛ̄
ⲛⲟⲩⲃ :-ⲭⲁⲓⲣⲉ ⲧⲛ̄ⲧ ⲁⲥϭⲛ̄ ϩⲙⲟⲧ ⲡϫⲥ̄ ⲛⲙ̄ⲙⲉ ⁖-
ⲭⲁⲓⲣⲉ ⲙⲁⲣⲓⲁ ⲧϩⲩⲇⲣⲓⲁ ⲛ̄ ⲃⲣ︤ⲣⲉ ⲉⲧ ⲉⲣⲉ ⲡⲉϩⲙⲟⲩ ⲛ̄‐
ϩⲏⲧⲥ̄ • ⲛ̄ⲧⲁϥ ⲧⲣⲉ ⲛⲉⲧ ⲥⲁϣⲉ ϩⲗⲟϭ ⁖-ⲭⲁⲓⲣⲉ ⲧⲛ̄ⲧ
ⲁⲥϭⲛ̄ ϩⲙⲟⲧ ⲡϫ︦ⲥ︦ ⲛⲙ̄ⲙⲉ ⁖-Ⲁⲗⲏⲑⲱⲥ ⲣ̄ϣⲁⲛ ⲧⲟⲓⲕⲟⲩ‐
ⲙⲉⲛⲏ ⲧⲏⲣ︦ⲥ︦ ⲉⲓ ⲉⲩⲙⲁ ⲛ̄ ⲟⲩⲱⲧ • Ⲁⲗⲏⲑⲱⲥ ⲉⲓϣⲁⲛⲕⲧⲟⲓ
ⲛ̄ ⲥⲁ ⲥⲁ ⲛⲓⲙ ⲛ̄ ϯⲛⲁϭⲛ̄ ⲡϫⲱⲕ ⲁⲛ ⲛ̄ ⲛⲟⲩⲙⲁⲕⲁⲣⲓⲥ‐
ⲙⲟⲥ ⁖- | ⲉⲧ ⲧⲟⲟⲙⲉ ⲉⲣⲟ ⲱ̄ ⲧⲉ ϭⲣⲙ̄ⲡϣⲁⲛ ⲉⲧ ⲟⲩⲁⲁⲃ •
ⲛ̄ⲧⲁⲥⲉⲓ ⲉ ⲃⲟⲗ ϩⲙ̄ ⲡⲙⲉⲛⲟⲩⲁⲗ ⲙ̄ ⲡⲛⲟϭ ⲛ̄ ⲣ︦ⲣ̄ⲟ ⲧⲉ
ⲛⲧⲁⲥϫⲡⲟ ⲙ̄ ⲡⲛⲩⲙⲫⲓⲟⲥ ⲙ̄ ⲡⲕⲟⲥⲙⲟⲥ ⲧⲏⲣ︦ϥ︦ • ⲕⲁⲛ ⲣ︤
ϣⲁⲛ ⲛ̄ⲥⲟⲫⲟⲥ ⲧⲏⲣⲟⲩ ⲙ̄ ⲡⲕⲟⲥⲙⲟⲥ ⲧⲏⲣϥ̄ • ⲙⲛ̄ ⲛⲉⲥ‐
ⲭⲟⲗⲁⲥϯⲕⲟⲥ • ⲙⲛ̄ ⲛⲉϩⲣⲏⲧⲱⲣ ⲛ̄ ⲧⲟⲓⲕⲟⲩⲙⲉⲛⲏ ⲧⲏⲣⲥ̄
ⲉⲩϣⲁⲛⲥⲱⲟⲩϩ ⲧⲏⲣⲟⲩ • ⲉ ⲛⲉⲩⲉⲣⲏⲩ • ⲛ̄ⲥⲉⲛⲁⲉϣϭⲙ̄ϭⲟⲙ
ⲁⲛ ⲉϫⲱ ⲛ̄ ⲛⲟⲩⲧⲁⲓⲟ ⲉⲧ ⲧⲟⲟⲙⲉ ⲉⲣⲟ • ⲏ̄ ϩⲟⲗⲱⲥ ϫⲉ
ⲉⲩⲛⲁϫⲟⲟⲥ ϫⲉ ⲟⲩ ⲛ̄ ⲛⲁϩⲣⲙ̄ ⲡⲛⲟϭ ⲛ̄ ⲉⲟⲟⲩ ⲛ̄ⲧ ⲁⲣ‐
ⲙⲁⲁⲧⲉ ⲙ̄ⲙⲟϥ ϩⲓⲧⲙ̄ ⲡⲟⲩϣⲏⲣⲉ • ⲉⲩϣⲁⲛϫⲟⲟⲥ ϫⲉ ⲧⲡⲉ
ϫⲟⲟⲥⲉ • ⲁⲗⲗⲁ ⲛⲉⲥϣⲏϣ ⲁⲛ ⲛⲙ̄ⲙⲉ • ⲁ ⲧⲟⲩⲕⲁⲗⲁϩⲏ
ⲅⲁⲣ ϥⲓ ϩⲁ ⲡⲉⲧ ⲙⲟⲩϩ ⲛ̄ ⲧⲡⲉ ⲙⲛ̄ ⲡⲕⲁϩ • ⲉⲩϣⲁⲛϫⲟⲟⲥ
ϫⲉ ⲟⲩⲛⲟϭ ⲡⲉ ⲡⲕⲁϩ • ϣⲁⲓϫⲟⲟⲥ ϫⲉ ⲡⲕⲁϩ ⲡⲉ ⲡϩⲩⲡⲟ‐
ⲡⲟⲇⲓⲟⲛ ⲛ̄ ⲛⲉϥⲟⲩⲣⲏⲏⲧⲉ ⁖-ⲉⲩϣⲁⲛⲧⲛ̄ⲧⲱⲛⲉ ⲛ̄ⲧⲁⲅⲙⲁ
ⲛ̄ ⲙ̄ⲡⲏⲩⲉ • ⲧⲉϫⲟⲥⲉ ⲛ̄ ϩⲟⲩⲟ | ⲉ ⲣⲟⲟⲩ ϩⲙ̄ ⲡⲟⲩⲧⲃ̄ⲃⲟ •
ⲉⲩⲛⲁⲙⲟⲩⲧⲉ ⲉⲣⲱ ϫⲉ ⲧⲕⲟⲓⲃⲱⲇⲟⲥ ⲛ̄ⲧⲁ ⲧⲕⲓⲃⲱⲇⲟⲥ •
ⲙ̄ ⲡⲉⲟⲩⲟ̄ⲉⲓϣ • ϩⲁⲣⲉϩ ⲉ ⲛⲱϩⲉ ⲙⲛ̄ ⲛϥ̄ϣⲏⲣⲉ • ⲛ̄ⲧⲟ ⲇⲉ
ⲁⲣⲧⲟⲩϫⲟ ⲙ̄ ⲡⲕⲟⲥⲙⲟⲥ ⲧⲏⲣϥ̄ ϩⲙ̄ ⲡⲧⲁⲕⲟ ⲛ̄ ⲧⲙⲛ︦ⲧ︦ⲁⲥⲉ‐
ⲃⲏⲥ • ⲉⲩⲛⲁⲙⲟⲩⲧⲉ ⲉⲣⲟ ϫⲉ ⲧⲕⲓⲃⲱⲇⲟⲥ ⲛ̄ ⲧⲇⲓⲁⲑⲩⲕⲏ •
ⲁⲗⲗⲁ ⲧⲉⲧ ⲙ̄ⲙⲁⲩ ⲙⲉⲛ • ⲉⲣⲉ ⲧⲉⲡⲗⲁⲝ̄ ⲥⲛ̄ⲧⲉ ⲛ̄ϩⲏⲧⲥ̄ •
ⲉⲩⲥⲏϩ ϩⲛ̄ ⲛ̄ⲧⲏⲏⲃⲉ • ⲙ̄ ⲡⲛⲟⲩⲧⲉ • Ⲛ̄ⲧⲟ ⲇⲉ ⲁ ⲡⲉⲧϥⲓ ϩⲁ
ⲡⲧⲏⲣϥ̄ ϩⲙ̄ ⲡϣⲁϫⲉ ⲛ̄ ⲧⲉϥϭⲟⲙ • ⲉⲩⲛⲁⲙⲟⲩⲧⲉ ⲉⲣⲟ
ϫⲉ ⲡϭⲉⲗⲙⲏⲛ ⲛ̄ ⲛⲟⲩⲃ • ⲡⲉⲧ ⲙ̄ⲙⲁⲩ ⲙⲉⲛ ⲛ̄ⲧⲁϥ‐
ϣⲱⲡⲉ ⲉ ⲣⲟϥ ⲛ̄ ⲟⲩϣⲏⲙ ⲙ̄ ⲙⲁⲛⲛⲁ ⲉⲩⲣ̄ ⲡⲙⲉⲉⲩⲉ ⲛ̄


### 0015

ⲛ̄ϣⲏⲣⲉ ⲙ̄ ⲡⲓ︦ⲏ︦ⲗ︦ • ⲛ̄ⲧⲟ ⲇⲉ ⲁⲣϣⲱⲡ ⲉⲣⲟ ⲙ̄ ⲡⲉⲛⲧ ⲁϥⲧ‐
ⲥⲓⲟ ⲛ̄ ⲧⲟⲓⲕⲟⲩⲙⲉⲛⲏ ⲧⲏⲣⲥ̄ ϩⲙ̄ ⲡⲙⲁⲛⲛⲁ ⲛ̄ ⲛⲟⲏⲧⲟⲛ
ⲉⲧⲉ ⲡⲁⲓ ⲡⲉ ⲡⲉϥⲥⲱⲙⲁ ⲛ̄ ⲛⲟⲩⲧⲉ ⲙⲛ̄ ⲡⲉϥⲥⲛⲟϥ ⲛ̄
ⲁⲗⲩⲑⲓⲛⲟⲛ • ⲛ̄ⲧⲁϥⲧⲁⲁϥ ϩⲁ ⲣⲟⲛ • ϣⲁⲛ ⲧⲉϥⲥⲟⲧⲛ̄ • |
ϩⲛ̄ ⲛⲉⲛⲛⲟⲃⲉ ⁘ Ⲙⲛ︤ⲛ︥ⲥⲁ ⲛⲁⲓ ⲇⲉ ⲡⲉϫⲉ ⲙⲁⲣⲓⲁ ⲙ̄ ⲡⲁⲣ‐
ⲭⲏⲁⲅⲅⲉⲗⲟⲥ ϫⲉ ⲉⲓⲥ ϩⲏⲏⲧⲉ ⲁⲕϣⲁϫⲉ ⲛⲙ̄ⲙⲁⲓ ϩⲛ̄
ϩⲉⲛϣⲁϫⲉ ⲉⲩϫⲟⲥⲉ ⲡⲁⲣⲁ ⲡϣⲓ ⲛ̄ ⲧⲙⲛⲧ̄ⲣⲱⲙⲉ ⲧⲏⲣⲥ̄ •
ⲁⲩⲱ ⲕⲧⲁϣⲉⲟⲉⲓϣ ⲛⲁⲓ ⲛ̄ ⲟⲩⲙⲩⲥⲧⲏⲣⲓⲟⲛ ⲛ̄ ϣⲡⲏⲣⲉ •
ⲁⲛⲅ̄ ⲟⲩⲡⲁⲣⲑⲉⲛⲟⲥ ⲅⲁⲣ ⲁⲩⲱ ⲛ̄ ⲁϣ ⲛ̄ ϩⲉ ⲉⲣⲉ ⲡⲁⲓ
ⲛⲁϣⲱⲡⲉ ⲙ̄ⲙⲟⲓ ⲙ̄ⲡⲉ ⲓ̈ⲥⲟⲩⲛ̄ ϩⲟⲟⲩⲧ • ⲁ ⲡⲁⲅⲅⲉⲗⲟⲥ
ⲇⲉ ⲟⲩⲱϣⲃ̄ ⲡⲉϫⲁϥ ϫⲉ ⲉϣⲱⲡⲉ • ⲧⲣ̄ ⲟⲩⲱϣ ⲉ ⲧⲁⲛϩⲉⲧ •
ⲛ̄ϣⲁϫⲉ ⲛ̄ⲧ ⲁⲓϫⲟⲟⲩ ⲛⲉ • ⲧⲱⲟⲩⲛ ⲛ̄ⲧⲉⲃⲱⲕ ϣⲁ ⲉⲗⲩⲥⲁ‐
ⲃⲉⲧ ⲧⲉⲥϩⲓⲙⲉ ⲛ̄ ⲍⲁⲭⲁⲣⲓⲁⲥ ⲡⲟⲩⲏⲏⲃ • ⲧⲁⲓ ⲉⲧ ϣⲟⲟⲡ ϩⲛ̄
ⲧⲟⲣⲓⲛⲏ ⲧⲟⲩⲥⲩⲛⲅⲉⲛⲏⲥ ⲅⲁⲣ ⲧⲉ • ⲁⲩⲱ ⲧⲣ̄ ⲛⲁⲉⲓⲙⲉ
ⲉ ⲧⲙⲉ ⲛ̄ ⲛ̄ϣⲁϫⲉ • ⲛ̄ⲧ ⲁⲓϫⲟⲟⲩ ⲛⲉ ⲉ ⲃⲟⲗ ϩⲓ ⲧⲟⲟⲧⲥ̄ •
ⲕⲁⲓ ⲅⲁⲣ ⲁⲩⲧⲛ̄ⲛⲟⲟⲩⲧ ϣⲁ ⲍⲁⲭⲁⲣⲓⲁⲥ • ⲡⲉⲥϩⲁⲓ ϩⲁ ⲑⲉ
ⲛ̄ ⲛⲉϩⲟⲟⲩ ⲁϥⲧⲁϣⲉⲟⲉⲓϣ (sic) ⲛⲁϥ ϩⲱⲱϥ ⲛ̄ ⲟⲩⲣⲁϣⲉ •
ϫⲉ ⲉⲓⲥ ⲉⲗⲩⲥⲁⲃⲉⲧ | ⲧⲉⲕⲥϩⲓⲙⲉ ⲛⲁϫⲡⲟ ⲛⲁⲕ ⲛ̄ ⲟⲩϣⲏⲣⲉ
ⲛⲅ̄ ⲙⲟⲩⲧⲉ ⲉ ⲡⲉϥⲣⲁⲛ ϫⲉ ⲓⲱϩⲁⲛⲛⲏⲥ • ⲁⲩⲱ ⲛ̄ ⲧⲉⲣⲉ
ⲍⲁⲭⲁⲣⲓⲁⲥ ⲣ̄ ⲁⲧ ⲛⲁϩⲧⲉ ⲉ ⲛⲁ ϣⲁϫⲉ • ⲁⲓϩⲟⲣⲓⲍⲉ ⲉ ϫⲱϥ
ⲛ̄ ⲟⲩⲧⲏⲙⲱⲣⲓⲁ ⲉⲧⲉ ⲧⲙⲛ︦ⲧ︦ⲙ︦ⲡⲟⲧⲉ • Ⲉⲗⲩⲥⲁⲃⲉⲧ ⲙⲉⲛ
ⲁⲥⲱ︦ⲱ︦ ⲙ̄ ⲡϣⲏⲣⲉ • ⲍⲁⲭⲁⲣⲓⲁⲥ ϩⲱⲱϥ ⲁϥϣⲱⲡⲉ ⲉϥⲟ ⲛ̄
ⲙ̄ⲡⲟ ⲕⲁⲧⲁ ⲡϣⲁϫⲉ ⲛ̄ ⲧⲁ ⲧⲁⲡⲣⲟ • Ⲁⲩⲛⲟϭ ⲇⲉ ⲛ̄
ⲣⲁϣⲉ ϣⲱⲡⲉ ϩⲙ̄ ⲡⲏⲓ̈ ⲛ̄ ⲍⲁⲭⲁⲣⲓⲁⲥ • ⲁⲩⲱ ⲡⲙⲉϩ ⲥⲟⲟⲩ
ⲛ̄ ⲉⲃⲟⲧ ⲡⲉ ⲡⲁⲓ̄ ϫⲓⲛ ⲛ̄ⲧⲁ ⲉⲗⲩⲥⲁⲃⲉⲧ ⲱ︦ⲱ︦ ⲙ̄ ⲡϣⲏⲣⲉ
ϣⲏⲙ ⲕⲁⲧⲁ ⲡϣⲁϫⲉ ⲛ̄ⲧ ⲁⲓⲉⲩⲁⲅⲅⲉⲗⲓⲍⲉ ⲙ̄ⲙⲟϥ ⲛⲉ •
ⲛ̄ⲧⲟ ⲇⲉ ⲱ̄ ⲧⲡⲁⲣⲑⲉⲛⲟⲥ ⲛ̄ ⲥⲁⲃⲏ • ⲧⲉϫⲟⲥⲉ ⲡⲁⲣⲁ ⲡⲥⲱⲛⲧ̄
ⲧⲏⲣϥ̄ ⲛ̄ⲧⲁ ⲡⲛⲟⲩⲧⲉ ⲧⲁⲙⲓ̈ⲟϥ ⲁⲩⲱ ⲙⲛ̄ϭⲟⲙ ⲙ̄ⲙⲟⲓ ⲉ
ⲁⲡⲟⲫⲁⲛⲉ ⲉϫⲱ ⲛ̄ ⲟⲩⲕⲁⲧⲁⲇⲓⲕⲏ • ⲕⲁⲧⲁ ⲑⲉ ⲛ̄ⲧ ⲁⲓⲁⲁⲥ
ⲙ̄ ⲡⲉⲧ ⲙ̄ⲙⲁⲩ ⲉ ⲃⲟⲗ • ϫⲉ ⲛ̄ⲧⲟ ⲡⲉ ⲡⲕⲁⲍⲟⲫⲩⲗⲁⲕⲓⲟⲛ
ⲙ̄ ⲡⲁ ϫⲟⲉⲓⲥ ⁖- |ⲙ̄ ⲡⲁ ϫ︦ⲥ︦ (sic) • ⲕⲁⲓ ⲅⲁⲣ ⲡⲙⲩⲥⲧⲏⲣⲓⲟⲛ
ⲛ̄ⲧⲁϥϣⲱⲡⲉ • ⲛ̄ ⲍⲁⲭⲁⲣⲓⲁⲥ • ⲁϥϣⲱⲡⲉ ⲛ̄ ϩⲉⲛⲕⲟⲟⲩⲉ
ϩⲁ ⲧⲉϥϩⲏ • Ⲡⲙⲩⲥⲧⲏⲣⲓⲟⲛ ⲇⲉ ⲛ̄ⲧⲟϥ ⲛ̄ⲧⲁϥϣⲱⲡⲉ ⲙ̄‐
ⲙⲁⲩ ⲙ̄ⲡⲉ ϥϣⲱⲡⲉ ⲉⲛⲉϩ ϫⲓⲛ ⲙ̄ ⲡϣⲁ ⲥⲱⲛⲧ̄ ⲙ̄ ⲡⲕⲟⲥ‐


### 0016

ⲙⲟⲥ • ⲟⲩⲇⲉ ⲟⲛ ⲛ̄ⲛⲉ ϥϣⲱⲡⲉ • Ⲙⲁⲣⲓⲁ ⲇⲉ ⲛ̄ ⲧⲉⲣⲉ
ⲥⲱⲧⲙ̄ ⲉ ⲛⲁⲓ • ⲡⲉϫⲁⲥ ⲛ̄ ⲅⲁⲃⲣⲓⲏⲗ ϩⲛ̄ ⲟⲩϩⲟ ⲉϥⲛⲟⲧⲙ̄ •
ϫⲉ ⲉⲓⲥ ϩⲏⲏⲧⲉ • ⲁⲛⲅ̄ ϩⲙ̄ϩⲁⲗ ⲙ̄ ⲡϫ︤ⲥ︥ • ⲙⲁⲣⲉⲥϣⲱⲡⲉ ⲛⲁⲓ
ⲕⲁⲧⲁ ⲡⲉⲕϣⲁϫⲉ • ⲁⲩⲱ ⲁ ⲡⲁⲅⲅⲉⲗⲟⲥ ⲃⲱⲕ ϩⲓ ⲧⲟⲟⲧⲥ̄ •
ⲙⲁⲣⲓⲁ ⲇⲉ ⲙ̄ⲡⲉ ⲥⲁⲙⲉⲗⲉⲓ ⲉ ⲡⲧⲏⲣϥ̄ ⲉ ⲉⲓⲣⲉ ⲙ̄ ⲡⲉⲛⲧ
ⲁⲩϫⲟⲟϥ ⲛⲁⲥ • ⲁⲗⲗⲁ ⲁⲥⲧⲱⲟⲩⲛ ϩⲛ̄ ⲟⲩϭⲉⲡⲏ ⲉ ⲧⲣⲉ
ⲥⲃⲱⲕ ⲉ ⲧⲟⲣⲓⲛⲏ • ⲉⲥⲟⲩⲏⲏϩ ⲉⲥⲟⲩⲏⲏϩ (sic) ⲛ̄ⲥⲱⲥ ⲛ̄ϭⲓ
ⲧϣⲉⲉⲣⲉ ⲛ̄ ⲓⲱⲥⲏⲫ ⲉⲥⲟ ⲛⲁⲥ ⲛ̄ ⲣⲙ︦ⲛ︦ϩⲓⲏ • ⲁⲥⲧⲁⲁⲥ ⲇⲉ
ⲉ ⲧⲉϩⲓⲏ ⲙ̄ ⲡⲉⲓ ⲛⲟϭ ⲛ̄ ⲇⲓⲁⲥⲧⲏⲙⲁ ⲛ̄ ⲧⲉⲓ ϭⲟⲧ • ϫⲓⲛ
ⲛⲁⲍⲁⲣⲉⲑ ϣⲁ ⲧⲟⲣ̄ⲓⲛ̄ⲏ • ⲁⲥⲃⲱⲕ ⲉ ϩⲟⲩⲛ ⲉ ⲡⲏⲓ ⲛ̄
ⲍⲁⲭⲁⲣⲓⲁⲥ ⲁⲥⲡⲁⲍⲉ ⲛ̄ ⲉⲗⲩⲥⲁ|ⲃⲉⲧ • ϯⲣ̄ ϣⲡⲏⲣⲉ ⲙ̄ⲙⲟ
ⲱ̄ ⲧⲡⲁⲣⲑⲉⲛⲟⲥ • ϫⲉ ⲣ̄ ⲥⲟⲟⲩⲛ̄ ⲧⲱⲛ ⲛ̄ ⲧⲟⲣⲓⲛⲏ • ⲏ̄ ⲛⲓⲙ
ⲡⲉⲛⲧ ⲁϥⲧⲁⲙⲟ ⲉ ⲡⲏⲓ ⲛ̄ ⲍⲁⲭⲁⲣⲓⲁⲥ ⲛ̄ⲧⲉⲙⲟⲟϣⲉ ⲁⲛ
ϩⲛ̄ ⲧⲟⲩⲡⲟⲗⲓⲥ ⲙ̄ⲙⲓⲛ ⲙ̄ⲙⲟ • ⲟⲩⲇⲉ ⲏⲓ ⲛ ϣ̄ⲙⲙⲟ • ⲛ̄ⲧⲉ‐
ⲧⲥⲁⲃⲏⲩ ⲁⲛ ⲉ ⲃⲱⲕ ⲉ ϩⲟⲩⲛ ⲉ ⲣⲟϥ ⲉ ⲡⲧⲏⲣϥ̄ ⲉ ⲃⲟⲗ ϫⲉ
ⲧⲟⲩⲥⲩⲛⲏⲑⲓⲁ ⲁⲛ ⲧⲉ ⁘ ⲉⲓⲃⲏⲕ ⲡⲉϫⲁⲥ ⲛ̄ϭⲓ ⲧⲡⲁⲣⲑⲉⲛⲟⲥ
ⲉ ⲧⲣⲁⲛⲁⲩ ⲉ ⲡⲉⲓ ⲛⲟϭ ⲙ̄ⲙⲩⲥⲧⲏⲣⲓⲟⲛ ⲛ̄ ϣⲡⲏⲣⲉ ⲛ̄ⲧⲁⲩ‐
ⲥⲏⲙⲁⲛⲉ ⲙ̄ⲙⲟϥ ⲛⲁⲓ ⁖-ⲉⲓϣⲁⲛϭⲛ̄ ⲉⲗⲩⲥⲁⲃⲉⲧ ⲉⲥⲉⲉⲧ
ⲛ̄ⲧⲁⲛⲁⲩ ϩⲛ̄ ⲛⲁ ⲃⲁⲗ ⲉ ⲧⲕⲁⲗⲁϩⲏ ⲛ̄ⲧ ⲁϭⲣⲏⲛ ⲉⲥⲃⲟⲟⲣ
ⲉ ⲃⲟⲗ ϩⲓⲧⲙ̄ ⲡⲉϩⲣⲟϣ ⲛ̄ ⲡϣⲏⲣⲉ ϣⲏⲙ ⲉⲧ ⲉⲥϥⲓ̄ ϩⲁ
ⲣⲟϥ • ⲁⲩⲱ ⲛ̄ⲧⲁⲛⲁⲩ ⲉ ⲛⲉⲥⲉⲕⲓⲃⲉ • ⲛ̄ⲧ ⲁⲩϣⲟⲟⲩⲉ ⲉⲁⲩ‐
ϫⲱⲥ ⲛ̄ ⲉⲣⲱⲧⲉ • ⲛ̄ⲧⲁⲛⲁⲩ ⲉ ⲡⲣⲁϣⲉ ⲛ̄ ⲧⲙⲛⲧ̄ⲣϥ̄ⲙⲓⲥⲉ
ϩⲙ̄ ⲡⲏⲓ ⲛ̄ ⲧⲁϭⲣⲏⲛ • ⲛ̄ⲧⲁⲛⲁⲩ ⲉ ⲍⲁⲭⲁⲣⲓⲁⲥ ⲉϥⲟ ⲛ
ⲙ̄ⲡⲟ • ⲉϥⲕⲱ ⲛ̄ ⲣⲱϥ ⲟ̄ⲛⲧⲱⲥ • ⲁⲛⲟⲕ ϩⲱ ϯⲛⲁⲡⲓⲥⲧⲉⲩⲉ |
ⲁⲛⲟⲕ ϩⲱ ϯⲛⲁⲡⲓⲥⲧⲉⲩⲉ (sic) ⲉ ⲛⲉⲓ̈ ϣⲁϫⲉ ⲛ̄ⲧⲁⲩϫⲟⲟⲩ ⲛⲁⲓ
ϫⲉ ϩⲉⲛⲙⲉ ⲛⲉ • ⲕⲁⲓ ⲅⲁⲣ ϯϣⲡⲏⲣⲉ ⲁⲛⲟⲕ ⲙ̄ ⲡⲉⲓ • ϣⲁϫⲉ
ϫⲉ ϯⲛⲁⲙⲓⲥⲉ ⲛ̄ ⲟⲩϣⲏⲣⲉ ⲁϫⲛ̄ ⲛ̄ ϩⲟⲟⲩⲧ • ⲡϩⲱⲃ ⲙⲉⲛ
ⲉ ⲧⲣⲉ ⲟⲩⲁϭⲣⲏⲛ ⲱ︦ⲱ︦ ⲛ̄ ⲟⲩϣⲡⲏⲣⲉ ⲁⲛ ⲧⲉ • ⲕⲁⲓ ⲅⲁⲣ
ⲁⲩϯ ⲓⲥⲁⲕ ⲛ̄ ⲁⲃⲣⲁϩⲁⲙ ⲉϥ ϩⲛ̄ ϣⲉ ⲛ̄ⲣⲟⲙⲡⲉ • ⲉⲣⲉ
ⲥⲁⲣⲣⲁ ϩⲱⲱⲥ ϩⲙ̄ ⲡⲉⲥⲧⲁⲓⲟⲩ ⲛ̄ⲣⲟⲙⲡⲉ • ⲉϥ ϩⲛ̄ ⲥⲉ ⲛ̄‐
ⲣⲟⲙⲡⲉ ⲛ̄ϭⲓ ⲓⲥⲁⲁⲕ • ⲉϥⲛⲁϫⲡⲟ ⲛ̄ ⲓⲁⲕⲱⲃ ⲙⲛ̄ ⲏⲥⲁⲩ •
ⲉⲣⲉ ϩⲣⲉⲃⲉⲕⲕⲁ ϩⲛ̄ ⲧⲁⲓⲟⲩ ⲛ̄ⲣⲟⲙⲡⲉ • ϩⲣⲁⲭⲏⲗ ⲟⲩ
ⲁϭⲣⲏⲛ ⲧⲉ ⲁⲥⲙⲓⲥⲉ ⲛ̄ ⲃⲉⲛⲉⲁⲙⲓⲛ ⲙⲛ̄ ⲓⲱⲥⲏⲫ • ⲁⲛⲛⲁ
ⲧⲙⲁⲁⲩ ⲛ̄ ⲥⲁⲙⲟⲩⲏⲗ ⲟⲩⲁϭⲣⲏⲛ ⲧⲉ • ⲁⲥϫⲡⲟ ⲛ̄ ⲟⲩ‐


### 0017

ⲡⲣⲟⲫⲏⲧⲏⲥ • ⲉ ⲧⲣⲉ ⲟⲩⲡⲁⲣⲑⲉⲛⲟⲥ ⲙⲓⲥⲉ ⲁϫⲛ̄ ϩⲟⲟⲩⲧ •
ⲟⲩϣⲡⲏⲣⲉ ⲡⲉ ⲡⲉⲓ ⲙⲩⲥⲧⲏⲣⲓⲟⲛ ⁖-Ⲁⲥⲙⲟⲟϣⲉ ⲇⲉ ⲛ̄ϭⲓ
ⲙⲁⲣⲓⲁ ⲁⲥⲃⲱⲕ ⲉ ϩⲟⲩⲛ ⲉ ⲡⲏⲓ ⲛ̄ ⲍⲁⲭⲁⲣⲓⲁⲥ ⲁⲥⲡⲁⲍⲉ ⲛ̄
ⲉⲗⲩⲥⲁⲃⲉⲧ • ⲁⲩⲱ ⲁⲥϩⲉ ⲉ ⲉⲗⲩⲥⲁⲃⲉⲉⲧ ⲁⲥⲱ︦ⲱ︦ ⲁⲩⲱ |
ⲁⲥϭⲓⲛⲉ ⲛ̄ ⲍⲁⲭⲁⲣⲓⲁⲥ ⲉϥⲟ ⲛ̄ ⲙ̄ⲡⲟ̄ • ⲙⲛ̄ ⲙ̄ⲙⲁⲉⲓⲛ
ⲧⲏⲣⲟⲩ ⲉⲩⲍⲩⲛϩⲓⲥⲧⲁ • ⲁⲥⲛⲁⲩ ⲟⲛ ⲉ ⲍⲁⲭⲁⲣⲓⲁⲥ • ⲉ ⲁϥϫⲓ
ⲛ̄ ⲟⲩⲕⲁⲧⲁⲇⲓⲕⲏ • ⲉⲧⲉ ⲧⲙⲛⲧ︦ⲙ︦ⲡⲟⲧⲉ ⲁⲩⲱ ⲛϥ̄ϩⲙⲟⲟⲥ
ⲉϥⲕⲱ ⲛ ⲣⲱϥ ⁖-Ⲁⲥⲛⲁⲩ ⲟⲛ ⲉ ⲧϩⲗ̄ⲗⲱ ⲛ̄ ⲁϭⲣⲏⲛ • ⲉ
ⲁⲥⲣ̄ ⲃⲣ︤ⲣⲉ • ϩⲓⲧⲛ̄ ⲡⲉϩⲣⲟϣ ⲙ̄ ⲡϣⲏⲣⲉ ϣⲏⲙ • ⲁⲥⲛⲁⲩ
ⲟⲛ ⲉ ⲛⲉⲕⲓⲃⲉ ⲛ̄ⲧⲁⲩϣⲟⲟⲩⲉ ϩⲓⲧⲙ̄ ⲡⲉ ⲭⲣⲟⲛⲟⲥ • ⲉⲧ ⲟϣ
ⲁⲩⲱ ⲉ ⲁⲩⲗⲱⲱⲙ ⲉ ⲁⲩϣⲟⲩⲉ ⲉ ⲣⲱⲧⲉ ⲉ ⲡⲉⲥⲏⲧ • ⲁⲩⲱ
ⲁⲥϭⲓⲛⲉ ⲛ̄ ⲧⲕⲁⲗⲁϩⲏ ⲛ̄ⲧⲁⲥⲗⲱⲱⲙ ⲁⲩⲱ ⲁⲥϣⲟⲟⲩⲉ
ⲁⲥⲃⲱⲱⲣⲉ ⲉ ⲃⲟⲗ ⲉⲥⲧⲱⲟⲩⲛ ϩⲁ ⲡϣⲏⲣⲉ ϣⲏⲙ • Ⲁⲥⲛⲁⲩ
ⲉⲩⲉⲩⲫⲣⲟⲥⲩⲛⲏ ⲙⲛ̄ ⲟⲩⲙⲛⲧ̄ⲣϥ︦ⲣ︦ϣⲁ • ϩⲙ̄ ⲡⲏⲓ ⲛ̄ ⲍⲁⲭⲁ‐
ⲣⲓⲁⲥ • ⲛ̄ⲧⲉⲩⲛⲟⲩ ⲛ̄ⲧⲁⲥⲙⲟⲟϣⲉ ⲉ ϩⲟⲩⲛ ⲉ ⲉⲗⲩⲥⲁⲃⲉⲧ
ⲁⲥⲁⲥⲡⲁⲍⲉ ⲙ̄ⲙⲟⲥ • ⲁⲥϥⲟⲕⲥ̄ ⲉ ϩⲣⲁⲓ ⲛ̄ⲑⲉ ⲛ̄ ⲟⲩϣⲉⲉⲣⲉ
ϣⲏⲙ ϩⲓⲧⲙ̄ ⲡⲉⲡⲛ︤ⲁ︥ ⲉⲧ ⲟⲩⲁⲁⲃ ⲛ̄ⲧⲁϥⲉⲓ ⲉ ϩⲣⲁⲓ ⲉ ϫⲱⲥ •
ⲛ̄ ⲧⲉⲣⲉ ⲥⲁϩ ⲇⲉ ⲉ ⲣⲁⲧⲥ̄ ⲁ ⲓ︦ⲱ︦ⲥ︦ ⲕⲓⲙ ϩⲛ̄ ⲟⲩⲧⲉⲗⲏⲗ ϩⲣⲁⲓ
ⲛ̄ϩⲏⲧⲥ̄ ⁘ Ⲛⲧⲉⲩⲛⲟⲩ | ⲁⲥⲱϣ ⲉ ⲃⲟⲗ ϩⲛ̄ ⲟⲩⲛⲟϭ ⲛ̄ ⲥⲙⲏ
ⲡⲉϫⲁⲥ ϫⲉ ⲧⲉ ⲥⲙⲁⲙⲁⲁⲧ ⲛ̄ⲧⲟ ϩⲛ̄ ⲛⲉϩⲓⲟⲟⲙⲉ • ⲁⲩⲱ
ϥⲥⲙⲁⲙⲁⲁⲧ ⲛ̄ϭⲓ ⲡⲕⲁⲣⲡⲟⲥ ⲛ̄ ϩⲏⲧⲉ ϫⲉ ⲁⲛⲅ̄ ⲛⲓⲙ
ⲁⲛⲟⲕ ϫⲉ ⲉⲣⲉ ⲧⲙⲁⲁⲩ ⲙ̄ ⲡⲁ ϫⲥ̄ ⲉⲓ ⲉ ⲣⲁⲧ • ⲉⲓⲥ ϩⲏⲏⲧⲉ
ⲛ̄ ⲧⲉⲣⲉ ⲧⲉⲥⲙⲏ ⲙ̄ ⲡⲟⲩⲁⲥⲡⲁⲥⲙⲟⲥ ⲧⲁϩ ⲉ ⲛⲁⲙⲁⲁϫⲉ
ⲁ ⲡϣⲏⲣⲉ ϣⲏⲙ ⲕⲓⲙ ϩⲛ̄ ⲟⲩⲧⲉⲗⲏⲗ ⲛ̄ϩⲏⲧ ⲁⲩⲱ ⲛⲁⲓⲁⲧⲥ̄
Ⲛ̄ⲧ ⲛ̄ⲧⲁⲥⲡⲓⲥⲧⲉⲩⲉ • ϫⲉ ⲟⲩⲛ̄ ⲟⲩϫⲱⲕ ⲉ ⲃⲟⲗ ⲛⲁϣⲱⲡⲉ •
ⲛ̄ ⲛⲉ ⲛ̄ⲧⲁⲩϫⲟⲟⲩ ⲛⲁⲥ ϩⲓⲧⲙ̄ ⲡϫ︦ⲥ︦ ⁖-ⲱ̄ ⲉⲗⲩⲥⲁⲃⲉⲧ ⲣ̄
ⲥⲟⲟⲩⲛ̄ ⲧⲱⲛ • ϫⲉ ⲟⲩϣⲏⲣⲉ ⲡⲉⲧ ⲣ̄ⲉⲉⲧ ⲙ̄ⲙⲟϥ ⲉⲣ̄ ⲣ̄ⲙⲛ︦ⲧ︦ⲣⲉ
ⲙ̄ⲙⲟϥ • ϫⲉ ⲁϥⲕⲓⲙ ⲛ̄ϩⲏⲧ • ⲙ̄ⲡ ⲉⲥϣⲱⲡⲉ ⲛ̄ ϯϩⲉ •
ⲉⲛⲉϩ ⲉ ⲧⲣⲉ ⲟⲩⲥϩⲓⲙⲉ ⲉⲓⲙⲉ ⲉ ⲡⲉⲧ ⲛ̄ϩⲏⲧⲥ̄ ϩⲁⲑⲏ ⲙ̄‐
ⲡⲁⲧⲉ ⲥⲙⲓⲥⲉ ⲙ̄ⲙⲟϥ ⲛⲉⲥⲛⲁⲩ ⲉ ⲡⲉⲧ ⲉⲥⲛⲁⲙⲁⲥⲧϥ̄ ϫⲉ
ⲟⲩⲟⲩ ⲡⲉ • Ⲁⲗⲗⲁ ⲡⲁⲛⲧⲱⲥ ⲍⲁⲭⲁⲣⲓⲁⲥ ⲡⲉⲛⲧ ⲁϥⲧⲁ‐
ⲙⲟⲥ ⲉ ⲛⲉⲛⲧⲁ ⲡⲁⲅⲅⲉⲗⲟⲥ ϫⲟⲟⲩ ⲛⲁϥ • ϫⲓⲛ ⲧⲉⲛⲟⲩ
ⲅⲁⲣ ⲛ̄ⲧⲁ ⲍⲁⲭⲁⲣⲓⲁⲥ ⲣ̄ ⲁⲧ ⲛⲁϩⲧⲉ ⲛ̄ϣⲁϫⲉ ⲙ̄ ⲡⲁⲅ‐
ⲅⲉⲗⲟⲥ • ⲁϥⲁⲡⲟⲫⲁⲛⲉ | ⲉ ϫⲱϥ ⲛ̄ ⲟⲩⲙⲛ︦ⲧ︦ⲙ︦ⲡⲟ̄ • ϫⲓⲛ


### 0018

ⲉϥ ϩⲛ̄ ⲡⲣ̄ⲡⲉ ⲙ̄ⲡⲉ ϥⲕⲧⲟϥ ⲉ ϣⲁϫⲉ ⲙⲛ̄ ⲉⲗⲩⲥⲁⲃⲉⲧ ⁖-
ⲱ̄ ⲉⲗⲩⲥⲁⲃⲉⲧ ⲟⲡⲥ̄ ϫⲉ ⲁⲣϥⲓ ⲣⲟⲟⲩϣ ⲉ ⲡⲉⲧ ⲉⲣⲁϫⲡⲟϥ •
ⲣ̄ ⲥⲟⲟⲩⲛ̄ ⲧⲱⲛ ⲛ̄ ⲛⲉ ⲛⲧⲁ ⲡⲁⲅⲅⲉⲗⲟⲥ ϫⲟⲟⲩ ⲙ̄ ⲙⲁⲣⲓⲁ
ⲣ̄ ϫⲱ ⲙ̄ⲙⲟⲥ • ϫⲉ ⲁⲩⲱ ⲛⲁⲓⲁⲧⲥ̄ ⲛ̄ⲧ ⲛ̄ⲧⲁⲥⲡⲓⲥⲧⲉⲩⲉ ϫⲉ
ⲟⲩⲛ̄ ⲟⲩϫⲱⲕ ⲉ ⲃⲟⲗ ⲛⲁϣⲱⲡⲉ ⲛ̄ ⲛⲉ ⲛⲧⲁⲩϫⲟⲟⲩ ⲛⲁⲥ
ϩⲓⲧⲙ̄ ⲡϫⲥ̄ ⁖-Ⲁⲣⲁ ⲉⲥϩⲁϩⲧⲏⲥ ⲙ̄ ⲡⲛⲁⲩ ⲛ̄ⲧⲁ ⲅⲁⲃⲣⲓⲏⲗ
ϣⲁϫⲉ ⲛⲙ̄ⲙⲁⲥ • ⲙ̄ⲙⲟⲛ ⲁⲗⲗⲁ ⲡⲉⲡⲛⲁ̄ ⲉⲧ ⲟⲩⲁⲁⲃ ⲡⲉ
ⲛ̄ⲧⲁϥⲉⲓ ⲉ ϩⲣⲁⲓ ⲉ ϩⲣⲁⲓ (sic) ⲉ ϫⲱⲥ • ⲁⲥⲡⲣⲟⲫⲏⲧⲉⲩⲉ ϩⲁ
ⲛⲉⲧ ϩⲏⲡ • ⲁⲩⲱ ⲡϣⲏⲣⲉ ϣⲏⲙ ⲥⲛⲁⲩ ⲁⲩⲥⲟⲩⲛ̄ ⲛⲉⲩⲉⲣⲏⲩ
ϫⲓⲛ ⲉⲩϩⲛ̄ ⲧⲕⲁⲗⲁϩⲏ ⲛ̄ ⲛⲉⲩⲙⲁⲁⲩ • ⲁⲩⲛⲁⲩ ⲉ ⲛⲉⲩⲉⲣⲏⲩ
ⲁⲩⲣⲁϣⲉ ⲁⲩⲱ ⲁⲩⲧⲉⲗⲏⲗ ⲁⲩⲟⲩⲱϣ ⲉ ⲉⲓ ⲉ ⲃⲟⲗ ⲙ̄ⲡⲁⲧⲉ
ⲡⲟⲩⲟⲉⲓϣ ϣⲱⲡⲉ • ⲉ ⲧⲃⲉ ⲡⲁⲓ ⲁ ⲡⲉⲡⲛⲁ̄ ⲉⲧ ⲟⲩⲁⲁⲃ ⲉⲓ ⲉ
ⲡⲉⲥⲏⲧ ⲉ ϫⲱⲥ ⲁⲥⲡⲣⲟⲫⲏⲧⲉⲩⲉ ⁘ Ⲙⲁⲣⲓⲁ ⲇⲉ ⲛ̄ ⲧⲉⲣⲉ
ⲥⲧⲁϫⲣⲟⲥ ⲉϫⲛ̄ ⲛ̄ϣⲁϫⲉ ⲙ̄ ⲡⲁⲅⲅⲉⲗⲟⲥ • ⲡⲉϫⲁⲥ ϫⲉ
Ⲁ ⲧⲁ ⲯⲩⲭⲏ ϫⲓⲥⲉ ϩⲙ̄ ⲡϫ︦ⲥ︦ • ⲁⲩⲱ ⲁ ⲡⲁ ⲡⲛⲁ̄ ⲧⲉⲗⲏⲗ
ⲉϫⲙ̄ ⲡⲛⲟⲩⲧⲉ ⲡⲁ ⲥⲏ︦ⲣ︦ • ϫⲉ ⲁϥϭⲱϣⲧ̄ | ⲉ ϩⲣⲁⲓ ⲉϫⲙ̄
ⲡⲉⲑⲃ̄ⲃⲓⲟ ⲛ̄ ⲧϥ̄ϩⲙ̄ϩⲁⲗ • ⲉⲓⲥ ϩⲏⲏⲧⲉ ⲅⲁⲣ ϫⲓⲛ ⲧⲉⲛⲟⲩ •
ⲥⲉⲛⲁⲧⲙⲁⲉⲓ̈ⲟⲓ ⲛ̄ϭⲓ ⲅⲉⲛⲉⲁ ⲛⲓⲙ • ϫⲉ ⲁϥⲉⲓⲣⲉ ⲛⲙ̄ⲙⲁⲓ̄
ⲛ̄ ϩⲉⲛⲙⲛⲧ̄ⲛⲟϭ ⲛ̄ϭⲓ ⲡⲉⲧⲉ ⲟⲩⲛ̄ϭⲟⲙ ⲙ̄ⲙⲟϥ • ⲁⲩⲱ
ⲡⲉϥⲣⲁⲛ ⲟⲩⲁⲁⲃ • ⲡⲉϥⲛⲁ ϫⲓⲛ ⲟⲩϫⲱⲙ ϣⲁ ⲟⲩϫⲱⲙ •
ⲉϫⲛ̄ ⲛⲉⲧ ⲣ̄ ϩⲟⲧⲉ ϩⲏⲧϥ̄ • ⲁϥⲉⲓⲣⲉ ⲛ̄ ⲟⲩϭⲟⲙ ϩⲙ̄ ⲡϥ̄‐
ϭⲃⲟⲓ • ⲁϥϫⲱⲱⲣⲉ ⲉ ⲃⲟⲗ ⲛ̄ ⲛ̄ϫⲁⲥⲓ ϩⲏⲧ ϩⲙ̄ ⲡⲙⲉⲉⲩⲉ
ⲛ̄ ⲛⲉⲩϩⲏⲧ • ⲁϥϣⲟⲣϣⲣ̄ ⲛ̄ ⲛ̄ⲇⲩⲛⲁⲥⲧⲏⲥ • ϩⲓ ⲛⲉⲩⲑⲣⲟ‐
ⲛⲟⲥ ⲁⲩⲱ ⲁϥϫⲓⲥⲉ ⲛ̄ⲛⲉⲧ ⲑⲃ̄ⲃⲓⲏⲩ • ⲁϥⲧⲥⲓⲉ ⲛⲉⲧ ϩⲕⲟⲉⲓⲧ
ⲛ̄ⲁⲅⲁⲑⲟⲛ ⲁⲩⲱ ⲁϥϫⲉⲩ ⲛ̄ⲣⲙ̄ⲙⲁⲟ ⲉⲩϣⲟⲩⲉⲓⲧ • ⲁϥϯ
ⲧⲟⲟⲧϥ̄ ⲙ̄ ⲡⲓ︦ⲏ︦ⲗ︦ ⲡⲉϥϩⲙ̄ϩⲁⲗ • ⲉⲣ̄ ⲡⲙⲉⲉⲩⲉ ⲙ̄ ⲡⲛⲁ
ⲕⲁⲧⲁ ⲑⲉ ⲛ̄ⲧⲁϥϣⲁϫⲉ ⲙⲛ̄ ⲛⲉⲛⲉⲓⲟⲟⲧⲉ ⲁⲃⲣⲁϩⲁⲙ ⲙⲛ̄
ⲡⲉϥⲥⲡⲉⲣⲙⲁ ϣⲁ ⲉⲛⲉϩ ⁖-Ⲁ ⲙⲁⲣⲓⲁ ⲇⲉ ϭⲱ ϩⲁϩⲧⲏⲥ
ⲛ̄ ϣⲟⲙⲛ︦ⲧ︦ ⲛ̄ ⲉⲃⲟⲧ • ⲁⲩⲱ ⲁⲥⲕⲟⲧⲥ̄ ⲉ ϩⲣⲁⲓ ⲉ ⲡⲉⲥⲏⲓ ⁖-
ⲡϩⲱⲃ ⲟⲩⲟⲛϩ̄ ⲉ ⲃⲟⲗ ϫⲉ ⲁⲥϭⲱ ϩⲁϩⲧⲏⲥ • ⲛ̄ ϣⲟⲙⲛ︦ⲧ︦ ⲛ̄
ⲉⲃⲟⲧ • | ⲟⲩⲕ ⲟⲩⲛ ⲁⲥϭⲱ ϩⲁϩⲧⲏⲥ ϣⲁⲛⲧ ⲉⲥⲙⲓⲥⲉ • ⲁⲩⲱ
ⲕⲁⲛ ⲉϣϫⲉ ⲙ̄ⲡⲉ ⲡⲉⲩⲁⲅⲅⲉⲗⲓⲥⲧⲏⲥ ⲟⲩⲟⲛϩ̄ ⲡⲁⲓ ⲉ ⲃⲟⲗ
ϩⲣⲏⲧⲟⲥ • ⲁⲗⲗⲁ ⲉⲓⲥ ϩⲏⲏⲧⲉ ⲡⲉⲧ ⲛⲏⲩ ⲙⲛ︤ⲛ︥ⲥⲁ ⲛⲁⲓ ⲧⲁⲙⲟ
ⲙ̄ⲙⲟⲛ ⁖-ⲁ ⲛⲉϩⲟⲟⲩ ⲇⲉ ⲛ̄ ⲉⲗⲩⲥⲁⲃⲉⲉⲧ ϫⲱⲕ ⲉ ⲃⲟⲗ


### 0019

ⲉ ⲧⲣⲉ ⲥⲙⲓⲥⲉ ⲡⲉϫⲁϥ • ⲡϩⲱⲃ ⲟⲩⲟⲛ︦ϩ︦ ⲉ ⲃⲟⲗ ϫⲉ ⲛⲥ̄‐
ⲛⲁⲕⲁⲁⲥ ⲉ ⲃⲟⲗ ⲁⲛ ⲙ̄ⲡⲉ ⲥⲛⲁⲩ ⲉ ⲡⲣⲁϣⲉ ⲙ̄ ⲡϣⲏⲣⲉ
ⲕⲟⲩⲓ ⲉⲧ ⲉⲥⲛⲁϫⲡⲟϥ • ⲛ̄ⲧⲁⲥⲃⲱⲕ ⲣⲱ ⲉ ⲧⲃⲉ ⲡⲉⲓ ϩⲱⲃ ⁖-
ⲟⲩⲣⲱⲙⲉ ⲅⲁⲣ ⲉⲩⲧⲱϩⲙ̄ ⲙ̄ⲙⲟϥ • ⲉⲩⲕⲁⲗⲉⲓ ⲙ̄ⲙⲟϥ ⲉⲩⲁ‐
ⲣⲓⲥⲧⲟⲛ • ⲏ̄ ⲟⲩϩⲟⲩ ⲙⲓⲥⲉ ⲏ̄ ⲕⲉ ϩⲟⲟⲩ ⲛ̄ ⲣⲁϣⲉ ϩⲁⲡⲗⲱⲥ
ⲛ̄ ⲁϣ ⲛ̄ ϩⲉ ⲉⲣⲉ ⲡⲣⲱⲙⲉ ⲛ̄ⲧⲁϥⲧⲁϩⲙⲉϥ ⲉ ⲡⲉϥⲁⲣⲓⲥⲧⲟⲛ
ⲛⲁⲕⲁⲁϥ ⲉ ⲃⲟⲗ ϣⲁⲛⲧ ⲉϥⲛⲁⲩ ⲉ ⲡϫⲱⲕ ⲉ ⲃⲟⲗ ⲙ̄
ⲡⲣⲁϣⲉ ⁖-ⲙⲛ̄ ⲧⲉⲩⲫⲣⲟⲥⲩⲛⲏ ⁖-Ⲉⲓⲉ ⲡⲟⲥⲟ ⲙⲁⲗⲗⲟⲛ
ⲧⲙⲁⲁⲩ ⲙ̄ ⲡⲉⲧ ⲟⲛϩ̄ • ⲁⲩⲱ ⲉⲧ ⲙⲟⲩϩ ⲛ̄ ⲧⲡⲉ ⲙⲛ̄ ⲡⲕⲁϩ •
ⲥⲉⲛⲁⲕⲁⲁⲥ ⲉ ⲃⲟⲗ ϣⲁⲛⲧ ⲉⲥⲙⲁⲧⲉ ⲙ̄ ⲡϩⲱⲃ ⲛ̄ⲧⲁⲥⲉⲓ
ⲉ ⲧⲃⲏⲏⲧϥ̄ • ⲁⲥϭⲱ ϩⲁϩⲧⲏⲥ ⲡⲁⲛⲧⲱⲥ ϣⲁⲛⲧ ⲉⲥⲛⲁⲩ
ⲉ ⲡϣⲏⲣⲉ ⲕⲟⲩⲓ • ⲁⲩⲱ ⲛⲉⲥ|ϣⲁϫⲉ ⲙⲛ̄ ⲍⲁⲭⲁⲣⲓⲁⲥ •
ⲙⲛ︦ⲛ︦ⲥⲁ ⲛⲁⲓ ⲇⲉ ⲡⲉϫⲁϥ ϫⲉ ⲁⲥⲕⲟⲧⲉ ⲉ ϩⲣⲁⲓ ⲉ ⲡⲉⲥⲏⲓ •
ⲛⲉⲥϩⲙⲟⲟⲥ ⲇⲉ ϩⲛ̄ ⲟⲩⲕⲁⲧⲁⲥⲧⲁⲥⲓⲥ • ⲛ̄ ⲧⲉⲓ ⲙⲓ̄ⲛⲉ ϣⲁⲛⲧ
ⲉⲥϫⲉⲕ ϣⲙⲟⲩⲛ ⲛ̄ⲉⲃⲟⲧ ⲉ ⲃⲟⲗ • ⲙⲛ︦ⲛ︦ⲥⲁ ⲛⲁⲓ̈ ⲟⲩ ⲡⲉⲛⲧ
ⲁϥϣⲱⲡⲉ • ⲁⲥϣⲱⲡⲉ • ⲡⲉϫⲁϥ ϩⲛ̄ ⲛⲉϩⲟⲟⲩ ⲉⲧ ⲙ̄ⲙⲁⲩ
ⲁⲩⲇⲟⲅⲙⲁ ⲉⲓ ⲉ ⲃⲟⲗ ϩⲓⲧⲙ̄ ⲡⲣ̄ⲣⲟ • ⲁⲩⲅⲟⲩⲥⲧⲟⲥ ⲉ ⲧⲣⲉ
ⲧⲟⲓⲕⲟⲩⲙⲉⲛⲏ ⲧⲏⲣ︦ⲥ̄ ⲥϩⲁⲓⲥ ⲛ̄ⲥⲁ ⲛⲉⲥⲧⲙⲉ • ⲧⲁⲓ ⲧⲉ
ⲧϣⲟⲣⲡ̄ ⲛ̄ ⲁⲡⲟⲕⲣⲁⲫⲏ ⲛ̄ⲧⲁⲥϣⲱⲡⲉ • ⲉⲣⲉ ⲕⲩⲣⲏⲛⲟⲥ
ⲟ̄ ⲛ̄ ϩⲏⲅⲉⲙⲱⲛ ⲉ ⲧⲥⲩⲣⲓⲁ • ⲁⲩⲱ ⲛⲉⲩⲃⲏⲕ ⲧⲏⲣⲟⲩ ⲡⲉ •
ⲡⲟⲩⲁ ⲡⲟⲩⲁ ⲉⲥϩⲁⲓϥ ⲛ̄ⲥⲁ ⲧⲉϥⲡⲟⲗⲓⲥ ⲁϥⲃⲱⲕ ⲉ ϩⲣⲁⲓ
ϩⲱⲱϥ ⲛ̄ϭⲓ ⲓⲱⲥⲏⲫ • ⲁϥϣⲁϫⲉ ⲇⲉ ⲙⲛ̄ ⲙⲁⲣⲓⲁ • ϫⲉ
ⲟⲩ ⲡⲉ ⲧⲛ̄ⲛⲁⲁϥ • ⲉⲓⲥ ϩⲏⲏⲧⲉ ⲥⲉⲁⲙⲁϩⲧⲉ ⲙ̄ⲙⲟⲛ ⲉ ⲧⲣ
ⲛ̄ⲃⲱⲕ ⲉ ϩⲣⲁⲓ ⲉ ⲃⲏⲑⲗⲉⲉⲙ ⲉ ⲧⲣⲉ ⲩⲥϩⲁⲓ ⲙ̄ ⲡⲉⲛⲣⲁⲛ
ϩⲱⲱⲛ ⁖-ⲉ ⲧⲁⲡⲟⲅⲣⲁⲫⲏ • ⲛ̄ⲧⲟⲥ ⲇⲉ ⲡⲉϫⲁⲥ ⲛⲁϥ ϫⲉ
ⲁⲩⲱ ⲛ̄ⲛⲁ|ⲃⲱⲕ ⲉ ϩⲣⲁⲓ ⲛ̄ ⲁϣ ⲛ̄ ϩⲉ • ⲉⲓⲥ ⲛⲉϩⲟⲟⲩ
ⲅⲁⲣ ⲁⲩϫⲱⲕ ⲉ ⲃⲟⲗ ⲉ ⲧⲣⲁ ⲙⲓⲥⲉ • ⲡⲉϫⲁϥ ⲛⲁⲥ ⲛ̄ϭⲓ
ⲡϩⲗ̄ⲗⲟ ⲉⲧ ⲛⲁⲛⲟⲩϥ • ϫⲉ ϯⲡⲓⲥⲧⲉⲩⲉ ϫⲉ ⲡⲛⲟⲩⲧⲉ ⲛⲁϫⲓ
ⲙⲟⲉⲓⲧ ⲛⲁⲛ • ⲁⲩⲧⲱⲟⲩⲛ ⲇⲉ ⲉ ⲃⲟⲗ ϩⲛ̄ ⲛⲁⲍⲁⲣⲉⲑ
ⲁⲩⲧⲁⲁⲩ ⲉ ⲧⲉϩⲓⲏ ⲉ ⲧⲣⲉ ⲩⲃⲱⲕ ⲉ ϩⲣⲁⲓ ⲉ ⲃⲏⲑⲗⲉⲉⲙ •
ⲁⲩⲕⲁⲧⲁⲛⲧⲁ ⲉ ⲡⲙⲁ ⲉⲧ ⲙ̄ⲙⲁⲩ ϩⲙ̄ ⲡⲉϩⲟⲟⲩ ⲛ̄ ⲧⲡⲁ‐
ⲣⲁⲥⲕⲉⲩⲏ • ⲉⲧⲉ ⲧⲁⲓ ⲧⲉ ⲧⲛⲟϭ ⲛ̄ ⲛⲏⲥϯⲁ ⲙ̄ⲡ ⲟⲩϣⲓⲛⲉ
ⲛ̄ⲥⲱⲟⲩ ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲟⲩⲇⲉ ⲟⲛ ⲙ̄ⲡ ⲟⲩϣⲓⲛⲉ
ⲛ̄ⲥⲁ ⲙⲁ • ⲙ̄ ⲡⲱⲧ ⲉ ⲣⲟϥ • ⲁⲩϩⲉ ⲇⲉ ⲉⲩⲙⲁ ⲛ̄ ϭⲟⲓⲗⲉ


### 0020

ⲛ̄ ϩⲟⲩⲛ ⲉ ⲧⲡⲟⲗⲓⲥ ⲉϣⲁⲣⲉ ⲛ̄ϣⲙ̄ⲙⲟ ϭⲟⲓⲗⲉ ⲉ ⲣⲟϥ •
ⲛ̄ⲧⲟⲟⲩ ϩⲱⲟⲩ ⲟⲛ • ⲁⲩⲃⲱⲕ ⲉ ϩⲟⲩⲛ ⲁⲩϭⲟⲓⲗⲉ ⲉ ⲣⲟϥ •
ⲟⲩⲇⲉ ⲙ̄ⲡ ⲟⲩϭⲛ̄ ⲙⲁ ⲛ̄ ⲙ̄ⲧⲟⲛ ϩⲙ̄ ⲡⲙⲁ ⲛ̄ ϭⲟⲓⲗⲉ
ⲉ ⲧⲃⲉ ⲡⲉϩⲟⲩⲟ ⲛ̄ ⲛ̄ⲣⲱⲙⲉ • Ϩⲧⲟⲟⲩⲉ ⲇⲉ ⲙ̄ ⲡⲉϥⲣⲁⲥⲧⲉ
ⲉⲛⲉ ⲡⲥⲁⲃⲃⲁⲧⲟⲛ ⲡⲉ ⲛ̄ ⲥⲟⲩⲁ ⲛ̄ ⲭⲟⲓⲁⲕ • ⲁⲩⲥⲟⲕⲟⲩ
ⲉⲩϭⲗ̄ϫⲉ ϩⲁϩⲧⲛ̄ ⲟⲩⲟⲙ︦ϥ︦ ⲛ̄ ⲧⲃ̄ⲛⲏ ⁖- | ⲁ ⲡⲉϩⲟⲟⲩ
ⲧⲏⲣϥ̄ ⲉⲧ ⲙ̄ⲙⲁⲩ ⲟⲩⲉⲓⲛⲉ ⲙ̄ⲡⲁⲧⲉ ⲡⲉⲟⲣⲇⲓⲛⲟⲛ ⲧⲁϩⲟⲟⲩ
ⲛ̄ⲥⲉⲥϩⲁⲓ ⲙ̄ ⲡⲉⲩⲣⲁⲛ • ⲛ̄ⲧⲉⲣⲟⲩⲥϩⲁⲓ ⲇⲉ ⲛ̄ϭⲓ ⲛⲉⲧ ⲁⲡⲟ‐
ⲅⲣⲁⲫⲉ ⲛ̄ⲧⲁⲩⲥϩⲁⲓ ⲛ̄ ⲧⲉⲓ ϩⲉ • ϫⲉ ⲓⲱⲥⲏⲫ ⲡϩⲁⲙϣⲉ
ⲡⲉⲃⲟⲗ ϩⲙ̄ ⲡⲅⲉⲛⲟⲥ ⲛ̄ ⲇⲁ︦ⲇ︦ ⲙⲛ̄ ⲙⲁⲣⲓⲁ ⲧⲉϥⲥϩⲓⲙⲉ
ⲙⲛ̄ ⲓⲥ̄ ⲡⲉⲩϣⲏⲣⲉ • ⲛⲁⲓⲁⲧⲕ̄ ⲛ̄ⲧⲟⲕ ⲱ̄ ⲓ̄ⲱⲥⲏⲫ ϫⲉ ⲡⲉⲧⲉ
ⲙ̄ⲡⲉ ⲣⲱⲙⲉ ⲙⲁⲧⲉ ⲙ̄ⲙⲟϥ ⲉⲛⲉϩ • ⲁⲕⲙⲁⲧⲉ ⲛ̄ⲧⲟⲕ
ⲙ̄ⲙⲟϥ ⲉ ⲧⲣⲉ ⲕⲥϩⲁⲓ ⲙ̄ ⲡⲗⲟⲅⲟⲥ ⲙ̄ ⲡⲉⲓⲱⲧ ⲛ̄ⲥⲱⲕ •
ϩⲱⲥ ϣⲏⲣⲉ • ϫⲓⲛ ⲧⲱⲛ ⲉ ⲧⲱⲛ • ϫⲓⲛ ⲉⲣⲉ ⲛⲉⲕⲥⲕⲉⲩⲉ
ⲧⲁⲗⲏⲩ ⲉ ⲣⲟⲕ ⲉⲕⲣ̄ ϩⲱⲃ ⲉ ⲧⲕ̄ⲧⲉⲭⲛⲏ • ⲙ̄ ⲙⲛ︦ⲧ︦ϩⲁⲙϣⲉ
ϣⲁⲛⲧ ⲉⲕⲣ̄ ⲉⲓⲱⲧ ⲙ̄ ⲡⲉ ⲛⲧⲁϥⲧⲁⲙⲓⲉ ⲧⲉⲕⲧⲏⲥⲓⲥ ⲧⲏⲣⲥ̄ •
ⲣ̄ϣⲁⲛ ⲟⲩⲣⲱⲙⲉ ⲙⲁⲧⲉ ⲛ̄ ⲟⲩⲙⲛ̄ⲧⲣ̄ⲣⲟ • ⲏ̄ ⲛϥ̄ⲫⲟⲣⲉⲓ ⲛ̄
ⲟⲩϭⲣⲏⲏⲡⲉ • ⲙⲛ︦ⲛ︦ⲥⲁ ⲟⲩⲟⲉⲓϣ ⲇⲉ ϣⲁϥⲡⲁⲣⲁⲅⲉ ⲛ̄ⲧⲉ
ⲧⲉϥ ⲕⲉ ⲧⲁⲝⲓⲥ ⲡⲁⲣⲁⲅⲉ ⲛⲙ̄ⲙⲁϥ ⁖-Ⲛⲧⲟⲕ ⲇⲉ ⲟⲩ
ⲙⲟⲛⲟⲛ ϫⲉ ⲧⲉⲕⲙⲛ̄ⲧⲉⲣⲟ ⲛⲁⲡⲁⲣⲁⲅⲉ ⲁⲛ • ⲙⲛ︦ⲛ︦ⲥⲁ ⲧⲣⲉ
ⲕⲙⲟⲩ • ⲁⲗⲗⲁ ⲥⲛⲁⲙⲟⲩⲛ ⲉ ⲃⲟⲗ ϣⲁ ⲉⲛⲉϩ • ⲁⲛⲟⲛ ⲇⲉ
ϩⲱⲱⲛ | ⲛⲉⲧ ϩⲙⲟⲟⲥ ϩⲓ ⲛⲉⲑⲣⲟⲛⲟⲥ ⲉⲧ ϫⲟⲥⲉ ⲣ̄ ϣⲁⲛ
ⲛⲉⲛϩⲟⲟⲩ ϫⲱⲕ ⲉ ⲃⲟⲗ ⲉ ⲧⲣ ⲛ︤ⲛ︥ⲕⲟⲧⲕ̄ ⲙⲛ̄ ⲛⲉⲛⲉⲓⲟⲟⲧⲉ
ϣⲁⲣⲉ ⲡⲉⲛⲧⲁⲓⲟ ⲙⲛ̄ ⲡⲉⲛⲣⲁⲛ ϩⲱⲃⲥ̄ ϩⲓ ⲟⲩⲥⲟⲡ • ⲛ̄ⲧⲟⲕ
ⲇⲉ ⲱ̄ ⲡϩⲗ̄ⲗⲟ ⲛ̄ ⲇⲓⲕⲁⲓⲟⲥ ⲡⲉⲕⲣⲁⲛ ⲛⲁϭⲱ ⲉϥⲙⲏⲛ ⲉ
ⲃⲟⲗ ϣⲁ ⲉⲛⲉϩ • ⲉⲕⲛⲁϩⲱⲡ ⲛ̄ ⲁϣ ⲛ̄ ϩⲉ ⲉⲕⲟ ⲛ̄ ⲉⲓⲱⲧ •
ⲁⲩⲱ ⲛ̄ ⲇⲓⲁⲕⲱⲛⲓⲧⲏⲥ ⲙ̄ ⲡⲉ ⲛⲧⲁϥⲧⲁⲙⲓⲉ ⲧⲉⲕⲧⲏⲥⲓⲥ ⲧⲏⲣⲥ̄
ϩⲛ̄ ⲛϥ̄ϭⲓϫ ⁖-ⲉⲓⲧⲁ ⲙⲛ︤ⲛ︥ⲥⲁ ⲛⲁⲓ ⲧⲏⲣⲟⲩ ⲁⲩⲥϩⲁⲓ ⲙ̄
ⲡⲉⲩⲣⲁⲛ ⲛ̄ ⲥⲟⲩ ϫⲟⲩⲧ ⲥⲁϣϥⲉ ⲙ̄ ⲡⲉϩⲟⲟⲩ ⲛ̄ ⲥⲓⲱⲥ •
ⲥⲟⲩ ϫⲟⲩⲧ ϣⲙⲏⲛ ⲇⲉ ⲧⲉ ⲧⲛⲟϭ ⲛ̄ ⲛⲏⲥϯⲁ ⲙ̄ⲡ ⲟⲩⲉϣ‐
ⲙⲟⲟϣⲉ ⲇⲉ ϣⲁⲛⲧⲉ ⲡⲥⲁⲃⲃⲁⲧⲟⲛ ⲟⲩⲉⲓⲛⲉ • ϩⲛ̄ ⲧⲡⲁϣⲉ
ⲇⲉ ⲙ̄ ⲡⲉϩⲟⲟⲩ ⲛ̄ ⲥⲟⲩ ϫⲟⲩⲧ ϣⲏⲙ (sic) ⲁϥϭⲱϣⲧ̄ ⲉ ϩⲟⲩⲛ
ⲉ ϩⲣⲁⲥ ⲛ̄ϭⲓ ⲓⲱⲥⲏⲫ ⲁϥⲛⲁⲩ ⲉ ⲣⲟⲥ ⲉ ⲁⲥⲣ̄ ⲟⲩⲟⲉⲓⲛ
ⲧⲏⲣⲥ̄ ⲛⲉⲥϣⲧⲣ̄ⲧⲱⲣ ⲅⲁⲣ ⲡⲉ ⲡⲉϫⲁϥ ⲛⲁⲥ • ϩⲛ̄ ⲟⲩⲙⲛⲧ̄‐


### 0021

ⲣⲙ̄ⲣⲁϣ • ϫⲉ ⲁϩⲣⲱ ⲣ̄ ϣⲧⲣ̄ⲧⲱⲣ ⲙ̄ⲡⲟⲟⲩ • ⲛ̄ⲧⲟⲥ ⲇⲉ
ⲡⲉϫⲁⲥ ⲛⲁϥ ϩⲛ̄ ⲟⲩϩⲟⲧⲉ ϫⲉ ⲃⲟⲏⲑⲉⲓ̄ ⲉ ⲣⲟⲓ • ϫⲉ ⲉⲓⲥ
ⲡⲕⲁⲣⲡⲟⲥ ⲛ̄ ϩⲏⲡ ⲟⲩⲱϣ ⲉ ⲉⲓ ⲉ ⲃⲟⲗ • ⲛ̄ⲧⲟϥ ⲇⲉ |ⲡⲉϫⲁϥ
ⲛⲁⲥ ϫⲉ ⲙ̄ⲡⲣ̄ ⲣ︤̄ ϩⲟⲧⲉ ⲁⲗⲗⲁ ϭⲙ̄ϭⲟⲙ ϫⲉ ⲡⲉⲧ ⲛⲏⲩ ⲉ
ⲃⲟⲗ ⲛ̄ϩⲏⲧⲉ ⲛ̄ⲧⲟϥ ⲡⲉⲧ ⲛⲁⲃⲟⲏⲑⲉⲓ ⲉⲣⲟ • ⲙⲛ︦ⲛ︦ⲥⲁ ⲛⲁⲓ
ⲟⲛ ⲛⲉⲥϣⲧⲣ̄ⲧⲱⲣ ⲉ ⲡⲉϩⲟⲩⲟ • ⲉⲡⲉⲓ ⲇⲏ ⲟⲩϣⲁ ⲙⲏⲥⲉ
ⲧⲉ • ⲁⲩⲱ ⲟⲩϣⲙ̄ⲙⲟ ⲧⲉ • ⲛⲉ ⲙⲛ̄ ⲣⲙ︦ⲛ︦ⲥⲟⲟⲩⲛ̄ ⲇⲉ
ϩⲁϩⲧⲏⲥ • ⲟⲩⲇⲉ ⲥⲩⲛⲅⲉⲛⲏⲥ • ⲟⲩⲇⲉ ⲙ̄ⲡ ⲉⲥⲛⲁⲩ ⲉ ⲥϩⲓⲙⲉ
ⲉⲥⲙⲓⲛⲉ ⲉⲛⲉϩ • ⲟⲩⲇⲉ ⲛⲉⲥⲧⲥⲁⲃⲏⲩ ⲁⲛ • ⲉ ϩⲱⲃ ⲛ̄ ⲧⲉⲓ
ⲙⲓⲛⲉ • Ⲛⲉⲩⲛ̄ ⲟⲩⲛⲟϭ ⲇⲉ ⲛ̄ ⲥⲓⲟⲩ ϩⲛ̄ ⲧⲙⲏⲏⲧⲉ ⲛ̄ ⲧⲡⲉ
ⲉϥⲣ̄ ⲟⲩⲟⲉⲓⲛ ⲉ ⲡⲕⲟⲥⲙⲟⲥ ⲧⲏⲣϥ̄ ⲁⲩⲱ ⲛⲉⲣⲉ ⲟⲩⲛⲟϭ ⲛ̄
ⲑⲉⲱⲣⲓⲁ ϣⲟⲟⲡ ⲛ̄ ⲛ̄ⲣⲱⲙⲉ ⲉⲧ ϩⲛ̄ ⲃⲏⲑⲗⲉⲉⲙ • ⲉⲩϣⲁϫⲉ
ⲙⲛ̄ ⲛⲉⲩⲉⲣⲏⲩ ⲉⲩϫⲱ ⲙ̄ⲙⲟⲥ ϫⲉ ⲟⲩⲥⲓⲟⲩ ⲛ︦ⲣ︦ⲣⲟ ⲡⲉ ⲡⲁⲓ
ⲉⲧⲟⲩⲛⲁϫⲡⲟϥ • ⲙⲁⲣⲓⲁ ⲇⲉ ⲙⲛ̄ ⲓⲱⲥⲏⲫ ⲛⲉⲩⲥⲱⲧⲙ̄ ⲉ
ⲣⲟⲟⲩ ⲉⲩϣⲁϫⲉ ⲧⲏⲣⲟⲩ ⲉ ⲧⲃⲉ ⲡⲉⲓ ϩⲱⲃ • ⲛ̄ⲧⲟⲥ ⲇⲉ ⲛⲉⲩ‐
ⲣⲁϣⲉ ⲉⲩⲣ̄ ϣⲡⲏⲣⲉ • ⲛⲉⲣⲉ ⲡⲙⲁ ⲛ̄ ϭⲟⲓⲗⲉ ⲅⲁⲣ ϣⲟⲟⲡ
ⲙ̄ ⲡⲉ • ⲉⲣⲉ ⲡⲛⲟⲩⲧⲉ ⲙⲛ̄ ⲛⲉϥⲁⲅⲅⲉⲗⲟⲥ ⲟⲩⲏϩ ⲛ̄ϩⲏⲧϥ̄ •
ⲁⲥⲣ̄ ⲧⲉⲩϣⲏ ⲧⲏⲣⲥ̄ ⲉⲧ ⲙ̄ⲙⲁⲩ • ⲉⲥϣⲧⲣ̄ⲧⲱⲣ • ⲁⲩⲱ ⲉⲥⲟ
ⲛ̄ ϩⲃⲁ • ⲙ̄ ⲡⲛⲁⲩ ⲇⲉ | ⲙ̄ ⲡⲟⲩⲟⲉⲓⲛ ⲛ̄ ⲥⲟⲩ ϫⲟⲩⲧⲯⲓⲥ •
ⲛ̄ ⲭⲟⲓⲁϩⲕ̄ • ⲡⲉϫⲉ ⲧⲉⲕⲗⲟⲟⲗⲉ ⲛ̄ ⲟⲩⲟⲉⲓⲛ ⲉⲧ ⲁⲥⲱⲟⲩ ⲙ̄
ⲡϩⲩⲡⲉⲣⲉⲧⲏⲥ ⲉⲧ ⲛⲁⲛⲟⲩϥ • ϫⲉ ⲁⲣⲓ ⲧⲁⲅⲁⲡⲏ ⲛⲅ̄ ϣⲓⲛⲉ
ⲛⲁⲓ ⲛ̄ⲥⲁ ⲟⲩⲥϩⲓⲙⲉ ⲛⲉⲥⲥⲕⲉⲡⲁⲍⲉ ⲙ̄ ⲡⲉⲧ ⲛⲏⲩ ⲉ ⲃⲟⲗ ⲛ̄‐
ϩⲏⲧ • ⲡⲉϫⲁϥ ⲛⲁⲥ ⲛ̄ϭⲓ ⲓⲱⲥⲏⲫ ϫⲉ ⲙ̄ⲡⲣ̄ ϩⲟⲧⲉ ⲡⲉⲛⲧ ⲁϥ‐
ϣⲁϫⲉ ⲛⲙ̄ⲙⲉ ϫⲉ ⲧⲉⲣⲁϫⲡⲟ ⲛ̄ ⲟⲩϣⲏⲣⲉ ⲟⲩⲡⲓⲥⲧⲟⲥ ⲡⲉ •
ⲛ̄ⲧⲟϥ ⲅⲁⲣ ⲁϥϣⲁϫⲉ ⲛⲙ̄ⲙⲁⲓ ϩⲱ ϫⲉ ⲡⲉⲧⲟⲩⲛⲁϫⲡⲟϥ
ⲉ ⲃⲟⲗ ⲛ̄ϩⲏⲧⲥ̄ ⲟⲩ ⲉ ⲃⲟⲗ ⲡⲉ ϩⲛ̄ ⲟⲩⲡⲛ︦ⲁ︥ ⲉϥⲟⲩⲁⲁⲃ •
Ⲛⲁⲓ ⲇⲉ ⲛ̄ ⲧⲉⲣⲉ ϥϫⲟⲟⲩ ⲛⲁⲥ ⲁϥⲙⲟⲟϣⲉ ⲉ ⲃⲟⲗ ϩⲙ̄
ⲡⲙⲁ ⲛ ϭⲟⲓⲗⲉ • ⲛϥ̄ⲥⲟⲟⲩⲛ ⲁⲛ ϫⲉ ⲉϥⲙⲟⲟϣⲉ ⲉ ⲧⲱⲛ •
ⲁϥϭⲱϣⲧ̄ ⲇⲉ ⲁϥⲛⲁⲩ ⲉⲩⲥⲕⲩⲛⲏ ⲛ̄ ⲥⲁ ⲃⲟⲗ ⲛ̄ ⲧⲡⲟⲗⲓⲥ •
ⲉⲣⲉ ϩⲉⲛⲣⲱⲙⲉ ⲟⲩⲏϩ ⲛ̄ϩⲏⲧⲥ̄ • ⲁϥⲙⲟⲟϣⲉ ⲉ ⲣⲟⲥ ⲁϥ‐
ϭⲱϣⲧ̄ ⲉ ϩⲣⲁⲓ ⲁϥⲛⲁⲩ ⲉⲩⲥϩⲓⲙⲉ ⲉⲥⲁⲁϩ ⲉ ⲣⲁⲧⲥ̄ ⲉϫⲛ̄
ⲧⲉⲥϫⲉⲛⲉⲡⲱⲣ ⲉⲥϭⲱϣⲧ̄ ⲉ ⲃⲟⲗ • ⲁϥⲙⲟⲩⲧⲉ ⲟⲩⲃⲏⲥ ⲛ̄ϭⲓ
ⲓⲱⲥⲏⲫ ⲉϥϫⲱ ⲙ̄ⲙⲟⲥ • ϫⲉ ϯⲱ︦ⲣ︦ⲕ︦ ⲉⲣⲟ ⲱ̄ ⲧⲉ ⲥϩⲓ̄ⲙⲉ
ⲙⲁⲧⲁⲙⲟⲓ ⲉⲩⲥϩⲓⲙⲉ ϩⲙ̄ ⲡⲉⲓ ⲙⲁ ⲉⲥⲥⲟⲟⲩⲛ ⲙ̄ ⲙⲉⲥⲓⲱ • |


### 0022

ⲛⲉⲥⲉⲓ ⲛⲉⲥϩⲙⲟⲟⲥ ⲙⲛ̄ ⲧⲉⲓ ϣⲉⲉⲣⲉ ϣⲏⲙ ϣⲁⲛⲧ ⲉⲥⲙⲓⲥⲉ •
ⲁⲩⲱ ϯⲛⲁϯ ⲛⲁⲥ ⲙ̄ ⲡⲉⲥⲃⲉⲉⲕⲉ ⁘ ⲛ̄ⲧⲉⲩⲛⲟⲩ ⲁ ⲡⲉⲡⲛⲁ̄
ⲉⲧ ⲟⲩⲁⲁⲃ ⲉⲓ ⲉ ϩⲣⲁⲓ ⲉ ϫⲱⲥ • ⲡⲉϫⲁⲥ ⲛⲁϥ ϫⲉ ⲛ̄ⲧⲟⲕ
ⲡⲉ ⲓⲱⲥⲏⲫ ⲡϩⲗ̄ⲗⲟ ⲛ̄ ⲇⲓⲕⲁⲓ̈ⲟⲥ ⲉⲧ ⲥⲙⲁⲙⲁⲁⲧ ⲡϩⲁⲓ
ⲙ̄ ⲙⲁⲣⲓⲁ ⲧⲉⲧ ⲉⲣⲉ ⲡⲗⲟⲅⲟⲥ ⲙ̄ ⲡⲉⲓⲱⲧ ⲛⲏⲩ ⲉ ⲃⲟⲗ
ⲛ̄ϩⲏⲧⲥ̄ • ⲛ̄ⲧⲟϥ ⲇⲉ ⲡⲉϫⲁϥ ⲛⲁⲥ ϫⲉ ⲁⲙⲏ ⲉ ⲡⲉⲥⲏⲧ
ⲛ̄ⲧⲉⲩⲛⲟⲩ ϩⲓⲧⲛ̄ ⲡⲉⲡⲛⲁ̄ ⲉⲧ ⲟⲩⲁⲁⲃ ⲛ̄ⲧⲁϥⲉⲓ ⲉ ϩⲣⲁⲓ ⲉ
ϫⲱⲥ • ⲁⲥϭⲉⲡⲏ ⲁⲥⲉⲓ ⲉ ⲡⲉⲥⲏⲧ • ⲁⲥⲫⲟⲣⲉⲓ ⲛ̄ ⲛⲉⲥϩⲟⲓⲧⲉ
ⲉⲧ ⲛⲁⲛⲱⲟⲩ ϩⲱⲥ ⲉⲥⲥⲟⲟⲩⲛ ϫⲉ ⲉⲥⲃⲏⲕ ⲉ ⲁⲡⲁⲛⲧⲁ ⲉ
ⲡⲛⲟⲩⲧⲉ • ⲁⲥⲉⲓ ⲇⲉ ⲉ ⲡⲥⲁ ⲛ ⲃⲟⲗ ⲙ̄ ⲡⲣⲟ • ⲁⲥⲡⲱⲣϣ̄
ⲉ ⲃⲟⲗ ⲛ̄ ⲛⲉⲥϭⲓϫ ⲉ ϩⲣⲁⲓ ⲉ ⲧⲡⲉ ⲉⲥϫⲱ ⲙ̄ⲙⲟⲥ ϫⲉ ⲓ︦ⲥ︦
ⲡⲗⲟⲅⲟⲥ ⲙ̄ ⲡⲉⲓⲱⲧ ⲛ̄ⲑⲉ ⲛ̄ⲧⲁⲓⲕⲁ ⲡⲁ ⲣⲟ • ⲉϥⲟⲩⲱⲛ •
ⲁⲓⲟⲩⲁϩⲧ̄ ⲛ̄ⲥⲱⲕ • ⲉⲕⲉⲟⲩⲱⲛ • ⲛⲁⲓ ϩⲱ ⲛ̄ ⲟⲩⲙⲁ ⲛ̄ ϣⲱⲡⲉ
ϩⲛ̄ ⲧⲉⲕⲙⲛ̄ⲧⲉⲣⲟ • ⲉϯ ⲇⲉ ⲉϥ ⲛ̄ ⲃⲟⲗ ⲛ̄ϭⲓ ⲓⲱⲥⲏⲫ ⲁ
ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙⲁⲣⲓⲁ ⲙⲓⲥⲉ • ⲙ̄ ⲡⲉⲥ|ϣⲏⲣⲉ
ⲡⲉⲥϣⲣ︦ⲡ︦ ⲙ̄ ⲙⲓⲥⲉ • ⲁⲥϭⲟⲟⲗϥ̄ ⲛ̄ ϩⲉⲛⲧⲟⲉⲓⲥ • ⲁⲥϫⲧⲟϥ
ϩⲛ̄ ⲟⲩⲟⲙϥ̄ ⲛ̄ ⲧⲃ̄ⲛⲏ • ϫⲉ ⲛⲉ ⲙⲛ̄ ⲙⲁ ϣⲟⲟⲡ ⲛⲁⲩ ϩⲙ̄
ⲡⲙⲁ ⲛ̄ ϭⲟⲓⲗⲉ • Ⲱ̄ ⲡⲉⲓ ⲙⲁ ⲛ̄ ϭⲟⲓⲗⲉ ⲉⲧ ϣⲟⲟⲡ ⲛ̄
ⲉⲕⲕⲗⲏⲥⲓⲁ ⲛⲧⲁ ⲡⲉⲭ︦ⲥ︦ ⲟⲩⲱϩ ⲛ̄ϩⲏⲧⲥ̄ ⁖-ⲱ̄ ⲡⲉⲓ [ⲟⲩ]‐
ⲟⲙϥ̄ ⲡϣⲟⲣⲡ̄ ⲛ̄ ⲑⲩⲥⲓⲁⲥⲧⲏⲣⲓⲟⲛ ⲛ̄ⲧⲁ ⲡⲉⲭ︦ⲥ︦ ⲧⲁⲗⲟ ⲉ
ϩⲣⲁⲓ ⲛ̄ ⲧⲉϥⲑⲩⲥⲓⲁ ⲛ̄ϩⲏⲧϥ̄ • ⲱ̄ ⲛⲉⲓⲧⲟⲉⲓⲥ ⲑⲃ̄ⲥⲱ ⲛ̄
ⲧⲙⲛⲧ̄ ⲁⲧ ⲧⲁⲕⲟ • ⲧⲁⲓ ⲛ̄ⲧⲁϥⲫⲟⲣⲉⲓ ⲙ̄ⲙⲟⲥ ⲛ̄ϭⲓ ⲡⲛⲟⲩⲧⲉ
ⲡⲗⲟⲅⲟⲥ ϣⲁⲛⲧϥ̄ ϩⲟⲧⲡⲛ̄ ⲉ ⲣⲟϥ ⲙⲛ̄ ⲡⲉϥⲉⲓⲱⲧ • ⲱ̄ ⲡⲉⲓ
ⲟⲩⲟⲙϥ̄ • ⲱ̄ ⲡⲉⲓ ⲙⲁ ⲛ̄ ϭⲟⲓⲗⲉ ⲛ̄ⲧⲁϥϣⲱⲡⲉ ϩⲓϫⲙ̄ ⲡⲕⲁϩ
ⲁⲩⲱ ⲛ̄ ⲟⲩⲣ̄ⲡⲉ • ⲉϥⲟⲩⲁⲁⲃ ⲙ̄ ⲡⲛⲟⲩⲧⲉ ⲡⲗⲟⲅⲟⲥ ⁖-
ⲱ̄ ⲡⲉⲓ ⲟⲩⲟⲙϥ̄ ⲛ̄ⲧⲁϥϣⲱⲡⲉ ⲙ̄ ⲙⲁ ⲛ̄ ⲙ̄ⲧⲟⲛ ⲙ̄ ⲡⲛⲟⲩⲧⲉ
ⲙⲛ̄ ⲛ̄ ⲣⲱⲙⲉ ϩⲓⲧⲛ̄ ⲧⲁⲡⲟⲇⲓⲙⲓⲁ ⲛ̄ⲧⲁϥⲁⲁⲥ ϣⲁ ⲣⲟⲛ •
ⲱ̄ ⲛⲉⲓ ⲧⲟⲉⲓⲥ ⲛ̄ⲧⲁⲩⲥⲕⲉⲡⲁⲍⲉ ⲙ̄ⲙⲟⲛ ⲉ ⲡⲧⲁⲕⲟ ⲙ̄ ⲡⲇⲓⲁ‐
ⲃⲟⲩⲗⲟⲥ • ϫⲉ ⲛ̄ⲛⲉ ϥϩⲱⲛ ⲉ ϩⲟⲩⲛ ⲉ ⲣⲟⲓ ⲛ̄ ⲕⲉ ⲥⲟⲡ ⁖-
ⲙⲛ︦ⲛ︦ⲥⲁ ⲛⲁⲓ ⲁϥⲉⲓ ⲛ̄ϭⲓ ⲓⲱⲥⲏⲫ ⲉϥⲙⲟⲟϣⲉ ⲙⲛ̄ ⲧⲉⲥϩⲓⲙⲉ
ⲉⲧ ⲙ̄ⲙⲁⲩ | ⲧⲁⲓ ⲉ ⲡⲉⲥⲣⲁⲛ ⲡⲉ ⲥⲁⲗⲱⲙⲏ • ⲁⲩϭⲱϣⲧ̄
ⲁⲩⲛⲁⲩ ⲉ ⲡϣⲏⲣⲉ ⲕⲟⲩⲓ • ϩⲙ̄ ⲡⲟⲩⲟⲙϥ̄ • ⲁⲩⲣ̄ ϣⲡⲏⲣⲉ •
ⲁⲩⲛⲁⲩ ⲟⲛ ⲉ ⲧⲡⲁⲣⲑⲉⲛⲟⲥ ⲉⲥϩⲙⲟⲟⲥ ϩⲛ̄ ⲟⲩⲙⲛⲧ̄ϩⲏⲕⲉ •
ⲉⲣⲉ ⲡⲉⲥϩⲟ ⲛⲉϫ ⲁⲕϯⲛ ⲛ̄ⲟⲩⲟⲉⲓⲛ ⲉ ⲃⲟⲗ ⲁⲩⲛⲁⲩ ⲉⲩⲉϩⲉ


### 0023

ⲙⲛ̄ ⲉⲓⲟ ⲉϥⲥⲕⲉⲡⲁⲍⲉ ⲙ̄ ⲡϣⲏⲣⲉ ⲕⲟⲩⲓ • ⲁⲩⲛⲁⲩ ⲉ ⲡⲙⲁ
ⲛ̄ ϭⲟⲓⲗⲉ ⲧⲏⲣϥ̄ ⲉϥⲙⲉϩ ⲛ̄ ⲣⲁϣⲉ ⲉⲣⲉ ⲡϣⲏⲣⲉ ⲙ̄
ⲡⲛⲟⲩⲧⲉ ⲛ̄ϩⲏⲧϥ̄ • Ⲥⲁⲗⲱⲙⲏ ⲇⲉ ⲁⲥⲙⲟⲟϣⲉ ⲉ ϩⲟⲩⲛ ⲉ
ⲡⲟⲩⲟⲙϥ̄ ⲁⲥⲟⲩⲱϣⲧ̄ ⲙ̄ ⲡϫ︦ⲥ︦ ⲉⲥϫⲱ ⲙ̄ⲙⲟⲥ ϫⲉ ⲁ ⲛⲁ
ⲃⲁⲗ ⲛⲁⲩ ⲉ ⲡⲉⲕⲟⲩϫⲁⲓ ⲡϫⲥ̄ ⲡⲁⲓ ⲛ̄ⲧⲁϥⲉⲓ ⲉ ⲛⲟⲩϩⲙ̄
ⲛ̄ ⲛ̄ⲣⲉϥⲣ̄ⲛⲟⲃⲉ ⲧⲏⲣⲟⲩ ⲙ̄ ⲡⲕⲁϩ • ⲉ ⲁⲛⲟⲕ ⲡⲉ ⲡⲉⲩ‐
ϣⲟⲣⲡ̄ • Ⲙⲛ︤ⲛ︥ⲥⲁ ⲛⲁⲓ ⲟⲛ ⲁⲥⲙⲟⲟϣⲉ ⲉ ϩⲟⲩⲛ ⲉ ⲧⲡⲁⲣ‐
ⲑⲉⲛⲟⲥ ⲁⲥⲟⲩⲱϣⲧ̄ ⲉ ⲛⲉⲥϭⲓϫ ⲙⲛ̄ ⲛⲉⲥⲟⲩⲣⲏⲏⲧⲉ • ⲉⲥϫⲱ
ⲙ̄ⲙⲟⲥ • ϫⲉ ⲛⲁⲓⲁⲧⲉ ⲛ̄ⲧⲟ ⲱ̄ ⲙⲁⲣⲓⲁ ⲧⲡⲁⲣⲑⲉⲛⲟⲥ ⲧⲛ̄ⲧ
ⲁⲥⲣ̄ ⲡⲕⲟⲥⲙⲟⲥ ⲧⲏⲣϥ̄ ⲛ̄ ⲣⲙ̄ϩⲉ ⲉ ⲃⲟⲗ ϩⲙ̄ ⲡⲥⲁϩⲟⲩ
ⲉⲧ ϩⲓϫⲱⲛ ϩⲓⲧⲛ̄ ⲧⲡⲁⲣⲁⲃⲁⲥⲓⲥ ⲛ̄ ⲉⲩϩⲁ ⁖-Ⲱ̄ ⲙⲁⲣⲓⲁ
ⲧⲉⲧ ⲟⲩϭⲱϣⲧ̄ ⲉ ⲃⲟⲗ ϩⲏⲧⲥ̄ ϩⲁ ⲑⲏ ⲛ̄ⲛⲉ ⲭⲣⲟⲛⲟⲥ | ⲧⲏⲣⲟⲩ
ⲛ̄ⲧ ⲁⲩⲟⲩⲉⲓⲛⲉ ⲁⲩⲱ ⲁⲛⲟⲕ ϩⲱ ⲛ̄ ϯⲛⲁⲟⲩⲱϩ ⲁ ⲛⲉⲧⲟⲟⲧ
ⲉ ⲕⲧⲟⲓ ⲉ ⲡⲁ ⲏⲓ ϣⲁ ⲉⲛⲉϩ • ⲧⲁⲓ ⲅⲁⲣ ⲧⲉ ⲥⲁⲗⲱⲙⲏ ⲧⲉ
ⲛ̄ⲧⲟⲥ ⲧⲉⲧ ϣⲟⲣⲡ̄ ⲛ̄ⲧⲁⲥⲥⲟⲩⲛ̄ ⲡⲉⲭ︦ⲥ︦ ⲁⲥⲟⲩⲱϣⲧ̄ ⲛⲁϥ •
ⲁⲩⲱ ⲁⲥⲡⲓⲥⲧⲉⲩⲉ ⲉ ⲣⲟϥ • ⲛ̄ ⲧⲉⲣⲉ ϥⲉⲓ ⲉϫⲙ̄ ⲡⲕⲁϩ ⲁⲩⲱ
ⲙ̄ⲡ ⲉⲥⲟⲩⲱϩ ⲉ ⲧⲟⲟⲧⲥ̄ ⲉ ⲕⲧⲟⲥ ⲉ ⲡⲉⲥⲏⲓ ϣⲁ ⲡⲉϩⲟⲟⲩ ⲙ̄
ⲡⲉⲥⲙⲟⲩ • ⲁⲗⲗⲁ ⲙⲁ ⲛⲓⲙ ⲉϣⲁⲣⲉ ⲡⲉⲭ︦ⲥ︦ ⲃⲱⲕ ⲉ ⲣⲟϥ
ⲛϥ̄ⲧⲁϣⲉⲟⲉⲓϣ ⲙⲛ̄ ⲧⲉϥⲙⲁⲁⲩ ⲙ̄ ⲡⲁⲣⲑⲉⲛⲟⲥ • ⲛⲉⲥⲟⲩⲏϩ
ⲛ̄ⲥⲱϥ ⲡⲉ ⲙⲛ̄ ⲛⲉϥⲙⲁⲑⲏⲧⲏⲥ ϣⲁ ⲡⲉϩⲟⲟⲩ ⲛ̄ⲧⲁⲩⲥ⳨ⲟ︦ⲩ︦
ⲙ̄ⲙⲟϥ ⲙⲛ̄ ⲧⲉϥⲁⲛⲁⲥⲧⲁⲥⲓⲥ ⲉⲧ ⲟⲩⲁⲁⲃ ⲉ ⲁⲥⲛⲁⲩ ⲉ ⲣⲟⲟⲩ
ⲧⲏⲣⲟⲩ ⲙⲛ̄ ⲧϥ̄ⲙⲁⲁⲩ ⲙ̄ ⲡⲁⲣⲑⲉⲛⲟⲥ ⁖-ⲉⲛⲉⲓⲟⲩⲱϣ
ⲙⲉⲛ • ⲉ ⲟⲩⲱⲛϩ̄ ⲛⲏⲧⲛ̄ ⲉ ⲃⲟⲗ ⲙ̄ ⲡⲃⲓⲟⲥ ⲛ̄ ⲧⲉⲥϩⲓⲙⲉ
ⲉⲧ ⲙ̄ⲙⲁⲩ ⲙⲛ̄ ⲧⲉⲥⲡⲟⲗⲩϯⲁ • ⲁⲩⲱ ϫⲉ ⲟⲩ ⲉ ⲃⲟⲗ ⲧⲱⲛ
ⲧⲉ ϩⲙ̄ ⲡⲉⲥⲅⲉⲛⲟⲥ • ⲁⲗⲗⲁ ϫⲉ ⲛ̄ⲛⲉ ⲛϫⲱⲱⲣⲉ [ⲉ ⲃⲟⲗ ⲙ̄
ⲡⲃⲓⲟⲥ ⲛ̄ ⲧⲉⲥϩⲓⲙⲉ ⲉⲧ ⲙ̄ⲙⲁⲩ • ⲙⲛ̄ ⲧⲉⲥⲡⲟⲗⲩϯⲁ • ⲁⲩⲱ
ϫⲉ ⲟⲩ ⲉ ⲃⲟⲗ ⲧⲱⲛ ⲧⲉ ϩⲙ̄ ⲡⲉⲥⲅⲉⲛⲟⲥ ⲁⲗⲗⲁ ϫⲉ ⲛ̄ⲛⲉ
ⲛϫⲱⲱⲣⲉ ⲉ ⲃⲟⲗ ⲙ̄]¹ ⲡϣⲁϫⲉ ⲉ ⲕⲉ ⲥⲁ ⲛ̄ⲧⲛ︦ⲣ︦ ⲡⲱ|ⲃϣ̄ •
ⲙ̄ ⲡⲉⲧ ⲕⲏ ⲛⲁⲛ ⲉ ϩⲣⲁⲓ • ⲉ ⲧⲃⲉ ⲡⲁⲓ ⲧⲛ̄ⲛⲁⲕⲧⲟⲛ ⲉϫⲙ̄
ⲡϣⲁϫⲉ ⲙ̄ ⲡⲉⲓ ϣⲁ ⲙ̄ⲡⲟⲟⲩ ⲉⲧ ⲡⲟⲣϣ̄ ⲛⲁⲛ ⲉ ⲃⲟⲗ •
ⲁⲙⲟⲩ ⲉ ⲧⲛ̄ⲙⲏⲏⲧⲉ ⲙ̄ⲡⲟⲟⲩ ⲧⲉⲛⲟⲩ ⲱ̄ ⲡⲁ ⲡⲉⲓ ⲛⲟϭ
ⲛ̄ ϩⲣⲟⲟⲩ ϩⲛ̄ ⲛⲉⲡⲣⲟⲫⲏⲧⲏⲥ ⲏ̄ⲥⲁⲓⲁⲥ ⲛⲅ̄ ⲧⲁⲙⲟⲛ ⲙ̄‐


### 0024

ⲡⲟⲟⲩ ⲉ ⲡⲧⲱϣ ⲙ̄ ⲡⲉⲓ ⲟⲩⲟⲙϥ̄ ⲙⲛ̄ ⲛⲉⲓ ⲧⲟⲉⲓⲥ •
ⲙⲛ̄ ⲛⲉⲓ ⲧⲃ̄ⲛⲟⲟⲩⲉ • Ⲁⲩⲉϩⲉ ⲡⲉϫⲁϥ ⲥⲟⲩⲛ̄ ⲡⲉⲥϫⲟⲉⲓⲥ
ⲁⲩⲉⲓⲟ ⲥⲟⲩⲛ̄ ⲡⲟⲩⲟⲙϥ̄ ⲙ̄ ⲡϥ̄ϫⲥ̄ • ⲡⲁ ⲗⲁⲟⲥ ⲇⲉ ⲙ̄‐
ⲡⲉ ϥⲥⲟⲩⲱⲛⲧ̄ ⲁⲩⲱ ⲡⲓ︦ⲏ︦ⲗ︦ ⲙ̄ ⲡⲉϥϭⲛ̄ ⲁⲛⲅ̄ ⲛⲓⲙ • Ⲉⲓⲧⲁ
ⲡⲉϫⲁϥ ⲛ̄ϭⲓ ⲡⲉⲩⲁⲅⲅⲉⲗⲓⲥⲧⲏⲥ • ϫⲉ ⲛⲉⲟⲩⲛ̄ ϩⲉⲛ‐
ϣⲟⲟⲥ ⲇⲉ ⲡⲉ ϩⲛ̄ ⲧⲉⲭⲱⲣⲁ ⲉⲧ ⲙ̄ⲙⲁⲩ ⲉⲩϣⲟⲟⲡ ϩⲛ̄
ⲧⲥⲱϣⲉ ⲉⲩϩⲁⲣⲉϩ ϩⲛ̄ ⲛ̄ⲟⲩⲉⲣϣⲉ ⲛ̄ ⲧⲉⲩϣⲏ ⲉ ⲡⲉⲩⲟ̄ϩⲉ
ⲛ̄ ⲉⲥⲟⲟⲩ : ⲛ̄ ⲧⲉⲣ ⲟⲩⲛⲁⲩ ⲇⲉ ⲉ ⲡⲓⲥⲓⲟⲩ ⲁⲩⲣ̄ ϩⲟⲧⲉ
ⲙⲉⲩⲛ̄ⲕⲟⲧⲕ̄ ⲅⲁⲣ ϩⲛ̄ ⲧⲉⲩϣⲏ ⲧⲏⲣⲥ̄ • ⲁⲗⲗⲁ ⲛⲉⲩϣⲁϫⲉ
ⲙⲛ̄ ⲛⲉⲩⲉⲣⲏⲩ ⲉⲩϫⲱ ⲙ̄ⲙⲟⲥ • ϫⲉ ⲟⲩⲛⲟϭ ⲙ̄ ⲙⲩⲥⲧⲏ‐
ⲣⲓⲟⲛ ⲡⲉ ⲡⲁⲓ • ⲛ̄ⲧⲁϥⲟⲩⲱⲛϩ̄ ⲉ ⲣⲟⲛ • ϩⲟⲥⲟⲛ ⲇⲉ ⲉⲩϫⲱ
ⲛ̄ ⲛⲁⲓ ⲉⲓⲥ ⲡⲁⲅⲅⲉⲗⲟⲥ ⲙ̄ ⲡϫⲥ̄ ⲁϥⲟⲩⲱⲛϩ̄ | ⲛⲁⲩ ⲉ
ⲃⲟⲗ • Ⲁⲩⲱ ⲁ ⲡⲉⲟⲟⲩ ⲙ̄ ⲡϫ︦ⲥ︦ ⲣ̄ ⲟⲩⲟⲉⲓⲛ ⲉ ⲣⲟⲟⲩ ⲁⲩⲣ̄
ϩⲟⲧⲉ ϩⲛ̄ ⲟⲩⲛⲟϭ ⲛ̄ ϩⲟⲧⲉ ⲉⲙⲁⲧⲉ • ⲁⲩⲱ ⲛⲓⲙ ⲡⲉⲧⲉ ⲛⲉϥ‐
ⲛⲁⲣ̄ ϩⲟⲧⲉ ⲁⲛ • ⲉϥⲛⲁⲩ ⲉⲩⲁⲅⲅⲉⲗⲟⲥ ⲛ̄ⲧⲉ ⲡϫ︦ⲥ̄ ⲉϥⲁϩⲉ
ⲣⲁⲧϥ̄ ⲙ̄ ⲡϥ︦ⲙ︦ⲧⲟ ⲉ ⲃⲟⲗ ⲙⲁⲗⲓⲥⲧⲁ ⲉϥⲫⲟⲣⲉⲓ ⲛ̄ ⲟⲩϩⲃ̄ⲥⲱ
ⲛ̄ ϣⲡⲏⲣⲉ • ⲉ ⲧⲃⲉ ⲧⲁⲡⲟⲇⲏⲙⲓⲁ ⲙ̄ ⲡⲛ̄ϫⲟⲉⲓⲥ ⲛ̄ⲧⲁϥⲁⲁⲥ
ϣⲁ ⲣⲟⲛ • ⲛ̄ⲧⲉⲩⲛⲟⲩ ⲁϥϥⲓ ⲛ̄ⲑⲟⲧⲉ ⲛ̄ⲥⲁ ⲃⲟⲗ ⲙ̄ⲙⲟⲟⲩ •
ⲁⲩⲱ ⲡⲉϫⲁϥ ⲛⲁⲩ ϫⲉ ⲙ̄ⲡⲣ̄ ⲣ̄ ϩⲟⲧⲉ ⲉⲓⲥ ϩⲏⲏⲧⲉ ⲅⲁⲣ
ϯⲧⲁϣⲉⲟⲉⲓϣ ⲛⲏⲧⲛ̄ ⲛ̄ ⲟⲩⲛⲟϭ ⲛ̄ ⲣⲁϣⲉ ⲡⲁⲓ ⲉⲧ ⲛⲁ‐
ϣⲱⲡⲉ • ⲙ̄ ⲡⲗⲁⲟⲥ ⲧⲏⲣϥ̄ ϫⲉ ⲁⲩϫⲡⲟ ⲛⲏⲧⲛ̄ ⲙ̄ⲡⲟⲟⲩ
ⲙ̄ ⲡⲥ︦ⲏ︦ⲣ︦ ⲉⲧⲉ ⲡⲁⲓ ⲡⲉ ⲡⲉⲭ︦ⲥ︦ ⲡϫⲥ̄ ϩⲛ̄ ⲧⲡⲟⲗⲓⲥ ⲛ̄ ⲇ︦ⲁ︦ⲇ︦ •
Ⲁⲩⲱ ⲟⲩⲙⲁⲉⲓⲛ ⲛⲏⲧⲛ̄ ⲡⲉ ⲡⲁⲓ ⲧⲉⲧⲛⲁϩⲉ ⲉⲩϣⲏⲣⲉ ϣⲏⲙ
ⲉϥϭⲟⲟⲗⲉ ⲛ̄ ϩⲉⲛⲧⲟⲉⲓⲥ • ⲉϥϭⲏ ϩⲛ̄ ⲟⲩⲟⲙϥ̄ • Ⲛ̄ⲧⲉⲩⲛⲟⲩ
ⲁ ⲛⲉⲩⲃⲁⲗ ⲟⲩⲱⲛ ⲁⲩⲛⲁⲩ ⲉⲩⲙⲏⲏϣⲉ ⲛⲁⲅⲅⲉⲗⲟⲥ
ⲉⲩⲥⲙⲟⲩ ⲉ ⲡⲛⲟⲩⲧⲉ ⲉⲩϫⲱ ⲙ̄ⲙⲟⲥ :-Ϫⲉ ⲡⲉⲟⲟⲩ ⲙ̄
ⲡⲛⲟⲩⲧⲉ ϩⲛ̄ | ⲛⲉⲧϫⲟⲥⲉ ⲁⲩⲱ ⲧⲉϥⲉⲓⲣⲏⲛⲏ ϩⲓϫⲙ̄ ⲡⲕⲁϩ
ϩⲛ̄ ⲛ̄ⲣⲱⲙⲉ ⲙ̄ ⲡⲉϥⲟⲩⲱϣ ⁖-ⲛ̄ ⲧⲉⲣ ⲟⲩϯ ⲇⲉ ⲛ̄ ⲧⲉⲓ‐
ⲉⲝⲟⲙⲟⲗⲟⲅⲏⲥⲓ̄ⲥ ⲛ̄ϭⲓ ⲛ̄ⲁⲅⲅⲉⲗⲟⲥ • ⲛ̄ⲧⲉⲩⲛⲟⲩ ⲁⲩⲃⲱⲕ
ⲉ ϩⲣⲁⲓ ⲧⲡⲉ • Ⲛ̄ ϣⲟⲟⲥ ⲇⲉ ⲛ̄ ⲧⲉⲣⲉ ⲡⲉⲩϩⲏⲧ ⲉⲓ ⲉ ⲣⲟⲟⲩ •
ⲡⲉϫⲁⲩ ⲛ̄ ⲛⲉⲩⲉⲣⲏⲩ • ϫⲉ ϩⲉⲛⲁⲅⲅⲉⲗⲟⲥ ⲛⲉ ⲛⲁⲓ ⲉⲧ
ϣⲁϫⲉ ⲛⲙ̄ⲙⲁⲛ • ⲧⲉⲛⲟⲩ ϭⲉ ⲙⲁⲣⲛ̄ ⲧⲱⲟⲩⲛ ⲛ̄ⲧⲛ̄ⲃⲱⲕ
ϣⲁ ⲃⲏⲑⲗⲉⲉⲙ ⲛ̄ⲧⲛ̄ⲛⲁⲩ ⲉ ⲡⲉⲓ ⲛⲟϭ ⲙ̄ ⲙⲩⲥⲧⲏⲣⲓⲟⲛ
ⲛ̄ⲧⲁ ⲡϫ︦ⲥ︦ ⲟⲩⲟⲛϩ︦ϥ︦ ⲉ ⲣⲟⲛ • ⲁⲩⲱ ⲛ̄ ⲧⲉⲓ ϩⲉ ⲁⲩⲉⲓ ⲉ ϩⲣⲁⲓ


### 0025

ⲉ ⲃⲏⲑⲗⲉⲉⲙ • ⲉⲣⲉ ⲡⲥⲓⲟⲩ ⲥⲱⲕ ϣⲁ ϫⲱⲟⲩ ϣⲁⲛⲧ ⲟⲩⲉⲓ
ⲉ ϩⲣⲁⲓ ⲉϫⲙ̄ ⲡⲙⲁ ⲉⲛ ⲉⲣⲉ ⲡϣⲏⲣⲉ ϣⲏⲙ ⲛ̄ϩⲏⲧϥ̄ •
ⲁϥⲛⲁⲩ ⲉ ⲣⲟϥ ⲙⲛ̄ ⲙⲁⲣⲓⲁ ⲧⲉϥⲙⲁⲁⲩ • ⲙⲛ̄ ⲓⲱⲥⲏⲫ
ⲁⲩⲉⲓⲙⲉ ϫⲉ ϩⲉⲛⲙⲉ ⲛⲉ ⲛⲉ ⲛⲧⲁⲩϫⲟⲟⲩ ⲛⲁⲩ • ⲁⲩⲕⲟⲧⲟⲩ
ⲇⲉ ⲛ̄ϭⲓ ⲛ̄ϣⲟⲟⲥ ⲉⲩⲥⲙⲟⲩ ⲁⲩⲱ ⲉⲩϯ ⲉⲟⲟⲩ ⲙ̄ | ⲡⲛⲟⲩⲧⲉ
ⲉϫⲛ̄ ⲛⲉ ⲛⲧⲁϥⲛⲁⲩ ⲉ ⲣⲟⲟⲩ ⲧⲏⲣⲟⲩ • ⲙⲁⲣⲓⲁ ⲇⲉ ⲛⲉⲥ‐
ϩⲁⲣⲉϩ ⲉ ⲛⲉⲓ ϣⲁϫⲉ ⲧⲏⲣⲟⲩ • ⲉⲥⲕⲱ ⲙ̄ⲙⲟⲟⲩ ϩⲙ̄
ⲡⲉⲥϩⲏⲧ • Ⲛ̄ ⲧⲉⲣⲉ ϩⲏⲣⲱⲇⲏⲥ ⲇⲉ ⲛⲁⲩ ⲉ ⲡⲥⲓⲟⲩ • ⲁϥⲉⲓⲙⲉ
ϫⲉ ⲟⲩⲥⲓⲟⲩ ⲛ̄ ⲣ̄ⲣⲟ ⲡⲉ • ⲁϥϣⲧⲟⲣⲧⲣ̄ ⲉⲙⲁⲧⲉ ⲙⲛ̄
ⲑⲓⲉⲣⲟⲩⲥⲟⲗⲩⲙⲁ ⲧⲏⲣ︦ⲥ︦ ⲛⲙ̄ⲙⲁϥ • ⲉϥϫⲱ ⲙ̄ⲙⲟⲥ ϫⲉ ⲟⲩ
ⲡⲉ ⲡⲉⲓ ⲙⲩⲥⲧⲏⲣⲓⲟⲛ ⲛ̄ⲧⲁϥϣⲱⲡⲉ ⁖-ⲧⲟⲧⲉ ⲉⲓⲥ ϩⲉⲛ‐
ⲙⲁⲅⲟⲥ ⲁⲩⲉⲓ ⲉ ⲃⲟⲗ ϩⲛ̄ ⲙ̄ ⲙⲁ ⲛ ϣⲁ ⲉⲩϣⲓⲛⲉ ϫⲉ
ⲉϥⲧⲱⲛ ⲡⲣ̄ⲣⲟ ⲛ̄ ⲛⲓⲟⲩⲇⲁⲓ ⲛ̄ⲧⲁⲩϫⲡⲟϥ • ⲁⲛⲛⲁⲩ ⲅⲁⲣ
ⲉ ⲡⲉϥⲥⲓⲟⲩ ϩⲙ̄ ⲙ̄ ⲙⲁ ⲛ ϣⲁ ⲁⲛⲉⲓ ⲉⲟⲩⲱϣⲧ̄ ⲛⲁϥ ⁖-
Ⲛ̄ ⲧⲉⲣⲉ ϩⲏⲣⲱⲇⲏⲥ ⲇⲉ ⲥⲱⲧⲙ̄ ⲉ ⲛⲁⲓ ⲁϥⲣ̄ ϣⲡⲏⲣⲉ ⲧⲟⲧⲉ
ⲁϥⲙⲟⲩⲧⲉ ⲙ̄ⲙⲁⲅⲟⲥ ⲛ̄ϫⲓⲟⲩⲉ ⲁϥϣⲓⲛⲉ ⲉ ⲃⲟⲗ ϩⲓ
ⲧⲟⲟⲧⲟⲩ ⲛ̄ⲥⲁ ⲡⲉⲟⲩⲟⲉⲓϣ ⲙ̄ ⲡⲥⲓⲟⲩ ⲛ̄ⲧⲁϥⲟⲩⲱⲛϩ̄ ⲉ ⲃⲟⲗ •
ⲉϥϫⲱ ⲙ̄ⲙⲟⲥ ⲛⲁⲩ ϫⲉ ⲁⲙⲏⲓⲧⲛ̄ ⲛ̄ⲧⲉⲧⲛ̄ⲧⲁⲙⲟⲓ ϩⲛ̄
ⲧⲉⲧⲛ̄ | ⲧⲉⲭⲛⲏ ϫⲉ ⲛⲓⲙ ⲡⲉ ⲡⲣ̄ⲣⲟ ⲛ̄ⲧⲁⲩϫⲡⲟϥ • ⲁⲩ‐
ⲟⲩⲱϣⲃ̄ ⲛ̄ϭⲓ ⲙ̄ⲙⲁⲅⲟⲥ ϫⲉ ⲟⲩⲣ̄ⲣⲟ ⲁⲛ ⲡⲉ ⲛ̄ⲧⲉ ⲡⲉⲓ
ⲕⲟⲥⲙⲟⲥ • ⲁⲗⲗⲁ ⲡⲁⲓ ⲡⲉ ⲡⲣ̄ⲣⲟ ⲛ ⲁⲧ ⲃⲱⲗ ⲉ ⲃⲟⲗ
ϣⲁ ⲉⲛⲉϩ • ⲟⲩⲇⲉ ⲧⲉϥⲙⲛ̄ⲧⲉⲣⲟ • ⲛⲁⲟⲩⲉⲓⲛⲉ ⲁⲛ ⲉ
ⲡⲧⲏⲣ︦ϥ︦ • ⲡⲁⲓ ⲡⲉ ⲡⲣ̄ⲣⲟ ⲉⲧ ⲛⲁⲕⲁⲑⲓⲥⲧⲁ ⲛ̄ ⲛ︦ⲣ︦ⲣⲱⲟⲩ
ⲧⲏⲣⲟⲩ • ⲁⲩⲱ ⲟⲛ ⲉϥⲡⲱⲛⲉ ⲙ̄ⲙⲟⲟⲩ • ⲡⲁⲓ ⲡⲉ ⲡⲣ̄ⲣⲟ
ⲉⲧ ⲉⲣⲉ ⲧⲡⲉ ⲙⲛ̄ ⲡⲕⲁϩ ⲛⲁⲡⲁⲣⲁⲅⲉ ϩⲙ̄ ⲡⲉϥⲟⲩⲉϩⲥⲁϩⲛⲉ •
ⲡⲁⲓ ⲡⲉ ⲡⲣ̄ⲣⲟ ⲉⲧ ⲛⲁϯ ϩⲁⲡ ⲉ ⲧⲟⲓⲕⲟⲩⲙⲉⲛⲏ ⲧⲏⲣⲥ̄ ϩⲛ̄
ⲟⲩⲇⲓⲕⲁⲓⲟⲥⲩⲛⲏ • ⲡⲁⲓ ⲡⲉ ⲡⲣ︤ⲣⲟ ⲉⲧ ϫⲓⲥⲉ ⲛ̄ ⲟⲩⲁ •
ⲉϥⲑⲃ̄ⲃⲓⲟ ⲛ̄ ⲟⲩⲁ • ⲉϣϫⲉ ⲉⲕⲟⲩⲱϣ ⲇⲉ ⲉ ⲉⲓⲙⲉ ⲉⲓ̈ⲉ ⲁⲛⲟⲛ
ⲡⲉⲧ ⲛⲁⲧⲁⲙⲟⲕ ⲡⲁⲓ ⲡⲉ ⲓ︦ⲥ︦ ⲡⲉⲭ︦ⲥ︦ • ⲡⲉ ⲛⲧⲁⲩⲥϩⲁⲓ ⲉ
ⲧⲃⲏⲏⲧϥ̄ ϫⲉ ⲉⲩⲛⲁϫⲡⲟϥ ϩⲛ̄ ⲃⲏⲑⲗⲉⲉⲙ ⲛ̄ⲧⲉ ϯⲟⲩⲇⲁⲓⲁ •
Ⲛ̄ ⲧⲉⲣ ϥ̄ⲥⲱⲧⲙ̄ ⲉ ⲛⲁⲓ ⲛ̄ϭⲓ ϩⲏⲣⲱⲇⲏⲥ • ⲛ̄ ⲧⲟⲟⲧⲟⲩ ⲛ̄
ⲙ̄ⲙⲁⲅⲟⲥ • ⲁϥϣⲧⲟⲣⲧⲣ̄ ⲉⲙⲁⲧⲉ ⲁⲩⲱ ⲡⲉϫⲁϥ ⲛ̄ ⲙ̄‐
ⲙⲁⲅⲟⲥ ϫⲉ ⲟⲩⲁⲧϭⲟⲙ ⲡⲉ ⲛ̄ⲧⲉⲧⲛ̄ϩⲉ | ⲉⲙⲧⲟⲛ ϣⲁⲛ
ⲧⲉⲧⲛ̄ϩⲉ ⲉ ⲣⲟϥ ϫⲓ ϭⲉ ⲛⲏⲧⲛ̄ ⲛ̄ ϩⲉⲛⲇⲱⲣⲟⲛ ϩⲛ̄ ⲟⲩ‐


### 0026

ϩⲱⲡ ⲛ̄ⲧⲉⲧⲛ̄ⲃⲱⲕ ⲛ̄ⲧⲉⲧⲛ̄ϣⲓⲛⲉ • ⲁⲩⲱ ⲛ̄ⲧⲉⲧⲛ̄ϩⲟⲧϩⲧ̄ ϩⲛ̄
ⲟⲩⲱⲣϫ̄ • ⲛ̄ⲥⲁ ⲡⲙⲁ ⲉⲧ ⲉⲣⲉ ⲡⲛⲟϭ ⲛ︦ⲣ︦ⲣⲟ ⲛ̄ϩⲏⲧϥ̄
ⲛ̄ⲧⲁⲩϫⲡⲟϥ • ⲛ̄ⲧⲉⲧⲛ̄ϯ ⲛⲁϥ ⲛ̄ ⲛ̄ⲇⲱⲣⲟⲛ ⲁⲩⲱ ⲉⲧⲉⲧⲛ̄‐
ϣⲁⲛϩⲉ ⲉ ⲣⲟϥ ⲙⲁⲧⲁⲙⲟⲓ ϩⲱ ϫⲉ ⲕⲁⲥ ⲉⲓⲉⲉⲓ ⲛ̄ⲧⲁⲟⲩⲱϣⲧ̄
ⲛⲁϥ • ⲛ̄ⲧⲁϥϫⲉ ⲛⲁⲓ ⲇⲉ ⲛⲁⲩ ϩⲛ̄ ⲟⲩⲕⲣⲟϥ ⲉϥⲟⲩⲱϣ
ⲉ ⲙⲟⲩⲟⲩⲧ ⲙ̄ⲙⲟϥ • Ⲛ̄ ⲧⲉⲣ ⲩϫⲓ ⲇⲉ ⲛ̄ ϯⲁⲡⲟⲫⲁⲥⲓⲥ ⲉ
ⲃⲟⲗ ϩⲓⲧⲛ̄ ϩⲏⲣⲱⲇⲏⲥ • ⲡⲣ̄ⲣⲟ ⲁⲩⲃⲱⲕ ⲁⲩⲱ ⲛ̄ ⲧⲉⲣ ⲟⲩⲣ̄
ⲡⲃⲟⲗ ⲛ̄ ⲧⲡⲟⲗⲓⲥ ⲛ̄ ⲟⲩⲕⲟⲩⲓ ⲉⲓⲥ ⲡⲥⲓⲟⲩ ⲛ̄ⲧⲁⲩⲛⲁⲩ ⲉ ⲣⲟϥ
ϩⲛ̄ ⲙ̄ ⲙⲁ ⲛ̄ ϣⲁ • ⲁϥⲥⲱⲕ ϩⲁ ϫⲱⲟⲩ ϣⲁⲛⲧ ⲉϥⲉⲓ
ⲛϥ̄ⲁⲁϩⲉ ⲣⲁⲧϥ̄ ϩⲙ̄ ⲡⲙⲁ ⲉⲛ ⲉⲣⲉ ⲡϣⲏⲣⲉ ϣⲏⲙ ⲛ̄‐
ϩⲏⲧϥ̄ • ⲁⲩⲟⲩⲱϣⲧ̄ ⲙ̄ ⲡⲉ ⲛⲧⲁϥⲧⲁⲙⲓⲉ ⲧⲉⲕⲧⲏⲥⲓⲥ ⲧⲏⲣⲥ̄ •
ⲉϥⲛ̄ⲕⲟⲧⲕ̄ ϩⲛ̄ ⲟⲩⲟⲙϥ̄ ⲛ̄ ⲧⲃ̄ⲛⲏ ⲉϥϭⲟⲟⲗⲉ ⲛ̄ ϩⲉⲛⲧⲟⲉⲓⲥ
ⲛ̄ⲑⲉ ⲛ̄ ⲟⲩϩⲏⲕⲉ ⲛ̄ ⲣⲱⲙⲉ | ⲕⲁⲓ ⲅⲁⲣ ⲛⲉ ⲙⲛ̄ ⲙⲁ ϣⲟⲟⲡ
ⲛⲁⲩ ⲡⲉ ϩⲙ̄ ⲡⲙⲁ ⲛ̄ ϭⲟⲓⲗⲉ ⲉ ⲧⲣⲉⲩ ⲙ̄ⲧⲟⲛ ⲙ̄ⲙⲟⲟⲩ
ⲛ̄ϩⲏⲧϥ̄ • Ⲡⲁⲛⲧⲟⲥ ⲇⲉ ⲛⲉⲩϫⲱ ⲙ̄ⲙⲟⲥ ϫⲉ ⲁⲩⲛⲟϭ ⲛ̄
ⲕⲗⲏⲣⲟⲥ • ⲧⲁϩⲟⲛ ⲙⲛ︦ⲛ︦ⲥⲁ ⲛⲉⲛⲡⲣⲁⲝⲓⲥ ⲉⲑⲟⲟⲩ • ⲁⲛⲟⲕ
ϩⲱ ϯⲟ ⲛ̄ ϣⲡⲏⲣⲉ ⲙ̄ⲙⲱⲧⲛ̄ ⲱ̄ ⲙ̄ⲙⲁⲅⲟⲥ ⲁⲩⲱ ϯⲛⲁ‐
ϫⲟⲟⲥ ϫⲉ ϫⲓⲛ ⲧⲱⲛ ⲉ ⲧⲱⲛ • ϫⲓⲛ ⲉⲧⲉⲧⲛ̄ⲧⲱⲟⲩⲛ ϩⲁϩⲁ ϩⲛ̄‐
ϫⲱⲱⲙⲉ ⲙ̄ ⲙⲛ︤ⲧ︥ⲙⲁⲅⲟⲥ ⲉⲧⲉⲧⲛ̄ϯ ⲧⲱⲛ ⲙⲛ̄ ⲡⲛⲟⲩⲧⲉ
ⲉⲧⲉⲧⲛ̄ϯ ⲛⲟⲩϭ︦ⲥ︦ ⲛⲁϥ ϣⲁⲛ ⲧⲉⲧⲛ̄ⲉⲓ ⲛ̄ ϣⲟⲣⲡ̄ ⲛ̄ⲧⲉⲧⲛ̄‐
ⲟⲩⲱϣⲧ̄ ⲛⲁϥ • ϫⲓⲛ ⲉⲧⲉⲧⲛ̄ⲧⲁⲕⲟ ⲛ̄ ⲧⲉⲯⲩⲭⲏ ⲛ̄ ⲛ︦ⲣ︦ⲣⲱⲟⲩ
ⲁⲩⲱ ⲉⲧⲉⲧⲛ̄ⲡⲗⲁⲛⲁ ⲙ̄ⲙⲟⲟⲩ ⲉⲧⲉⲧⲛ̄ⲥⲱⲣⲙ̄ ⲛ̄ ⲧⲉⲯⲩⲭⲏ
ⲛ̄ ϩⲉⲛⲙⲏⲏϣⲉ ϣⲁⲛ ⲧⲉⲧⲛ︦ⲣ︦ ϣⲟⲣⲡ̄ ⲛ̄ⲧⲉⲧⲛ̄ⲟⲩⲱϣⲧ̄ ⲙ̄
ⲡⲣ̄ⲣⲟ ⲡⲉⲭ︦ⲥ︦ • ⲉ ⲧⲃⲉ ⲡⲁⲓ ⲛ̄ⲧⲉⲣ ⲟⲩⲙⲁⲧⲉ • ⲛ̄ ⲛⲉⲓ ⲛⲟϭ
ⲛ̄ ϣⲡⲏⲣⲉ ⲁⲩⲉⲓⲛⲉ ⲛⲁϥ ⲛ̄ ϩⲉⲛⲇⲱⲣⲟⲛ • ⲟⲩⲛⲟⲩⲃ ⲙⲛ̄
ⲟⲩⲗⲓⲃⲁⲛⲟⲥ ⲙⲛ̄ ⲟⲩϣⲁⲗ • | ϩⲛ̄ ⲧⲉⲩϣⲏ ⲇⲉ ⲉⲧ ⲛⲏⲩ
ⲉⲩⲛⲁⲃⲱⲕ ⲉ ⲡⲉⲩⲏⲓ̈ :-Ⲙ̄ⲡⲉϥⲣⲁⲥⲧⲉ ⲉⲓⲥ ⲡⲁⲅⲅⲉⲗⲟⲥ
ⲙ̄ ⲡϫⲥ̄ ⲁϥⲟⲩⲱⲛϩ̄ ⲛⲁⲩ ⲉ ⲃⲟⲗ ϩⲛ̄ ⲟⲩⲣⲁⲥⲟⲩ ⲉϥϫⲱ
ⲙ̄ⲙⲟⲥ • ϫⲉ ⲉⲧⲉⲧⲛ̄ⲃⲏⲕ ⲉ ⲧⲱⲛ • ⲛ̄ⲧⲟⲟⲩ ⲇⲉ ⲡⲉϫⲁⲩ ϫⲉ
ⲛ̄ⲧⲟⲕ ⲡϫⲥ̄ ⲉⲧ ⲥⲟⲟⲩⲛ ϫⲉ ⲟⲩ ⲡⲉⲧ ⲛ̄ⲛⲁⲁϥ • ⲡⲉϫⲉ ⲡⲁⲅ‐
ⲅⲉⲗⲟⲥ ⲇⲉ ⲛⲁⲩ ϫⲉ ⲙ̄ⲡⲣ̄ ⲕⲧⲉ ⲧⲏⲩⲧⲛ̄ ⲛ̄ ⲕⲉ ⲥⲟⲡ ϣⲁ
ϩⲏⲣⲱⲇⲏⲥ ⲁⲗⲗⲁ ⲁⲛⲁⲭⲱⲣⲉⲓ ⲛⲏⲧⲛ̄ ϩⲓⲧⲛ̄ ⲕⲉ ϩⲓⲏ ⲉ
ϩⲣⲁⲓ ⲉ ⲧⲉⲧⲛ̄ⲭⲱⲣⲁ • ⲛ̄ⲧⲟⲟⲩ ⲇⲉ ⲡⲉϫⲁⲩ ϫⲉ ⲛ̄ⲧⲛ̄ⲥⲟⲟⲩⲛ̄
ⲁⲛ ⲛ̄ ⲧⲉϩⲓⲏ ⲉⲧ ⲛ̄ⲛⲁⲃⲱⲕ ⲛ̄ϩⲏⲧⲥ̄ • ⲛ̄ⲧⲟϥ ⲇⲉ ⲁϥϫⲓ


### 0027

ⲙⲟⲉⲓⲧ ϩⲏⲧⲟⲩ ⲛ̄ⲥⲉⲥⲟⲟⲩⲛ̄ ⲁⲛ ϫⲉ ⲉⲩⲃⲏⲕ ⲉ ⲧⲱⲛ ϣⲁⲛⲧ
ϥ̄ϫⲓⲧⲟⲩ ⲉ ⲧⲉⲩⲡⲟⲗⲓⲥ ⲙⲛ̄ ⲧⲉⲭⲱⲣⲁ ⲧⲏⲣⲥ̄ ⲛ̄ ⲧⲡⲉⲣⲥⲓⲥ •
ⲟⲩⲛⲟϭ ⲇⲉ ⲛ̄ ϩⲟⲧⲉ ⲁⲥⲉⲓ ⲉϫⲛ̄ ϩⲏⲣⲱⲇⲏⲥ ⲙ̄ⲡ ⲉϥⲟⲩⲱϩ
ⲉ ⲧⲟⲟⲧϥ̄ ⲉ ϣⲓⲛⲉ ⲛ̄ⲥⲁ ⲡⲉⲭ︦ⲥ︦ ⲟⲩⲇⲉ ⲙ̄ⲙⲁⲅⲟⲥ • Ⲛ̄ ⲧⲉⲣⲉ
ⲡⲟⲩⲁ ⲡⲟⲩⲁ ⲛ̄ ⲙ̄ⲙⲁⲅⲟⲥ ⲃⲱⲕ ⲉ ⲧⲉϥⲭⲱⲣⲁ ⲁⲩϭⲉⲡⲏ
ⲁⲩⲣⲱⲕϩ̄ ⲛ̄ ⲛ̄ϫⲱⲱⲙⲉ ⲛ̄ ⲧⲉⲩⲙⲛⲧ̄|ⲙⲁⲅⲟⲥ • ⲁⲩⲧⲁϣⲉ‐
ⲟⲉⲓϣ ⲙ̄ ⲡⲉⲭ︦ⲥ︦ ⲓ︦ⲥ︦ ϩⲛ̄ ⲧⲡⲟⲗⲓⲥ ⲧⲏⲣⲥ̄ ⲙⲛ̄ ⲧⲉⲭⲱⲣⲁ ⲧⲏⲣⲥ̄
ⲛ̄ⲧⲉ ⲡⲉⲣⲥⲓⲥ • ⲧⲟⲧⲉ ⲡⲁⲅⲅⲉⲗⲟⲥ ⲙ̄ ⲡϫⲥ̄ ⲁϥⲟⲩⲱⲛϩ̄ ⲉ
ⲃⲟⲗ ⲛ̄ ⲓⲱⲥⲏⲫ ⲙⲛ︦ⲛ︦ⲥⲁ ⲧⲣⲉ ⲙ̄ⲙⲁⲅⲟⲥ ⲁⲛⲁⲭⲱⲣⲉⲓ
ϫⲉ ⲧⲱⲟⲩⲛ ⲛⲅ̄ ⲃⲱⲕ ⲉ ϩⲣⲁⲓ ⲉ ⲕⲏⲙⲉ • ⲛ̄ⲧⲟⲕ ⲙⲛ̄
ⲡϣⲏⲣⲉ ϣⲏⲙ ⲙⲛ̄ ⲧⲉϥⲙⲁⲁⲩ ϣⲁⲛⲧ ⲉⲓϫⲟⲟⲥ ⲛⲁⲕ ⁖-
ϩⲏⲣⲱⲇⲏⲥ ⲅⲁⲣ ⲛⲁϣⲓⲛⲉ ⲛ̄ⲥⲁ ⲡϣⲏⲣⲉ ϣⲏⲙ ⲉ ⲧⲁⲕⲟϥ •
Ⲁϥⲧⲱⲟⲩⲛ ⲇⲉ ⲛ̄ϭⲓ ⲓⲱⲥⲏⲫ ⲛ̄ ⲧⲉⲩϣⲏ ⲁϥϫⲓ ⲙ̄ ⲙⲁⲣⲓ̈ⲁ
ⲙⲛ̄ ⲓⲥ̄ ⲙⲛ̄ ⲥⲁⲗⲱⲙⲏ ⲁⲩⲙⲟⲟϣⲉ ⲉ ϩⲣⲁⲓ ⲁⲩⲃⲱⲕ ⲉ
ⲕⲏⲙⲉ • ⲉⲕⲃⲏⲕ ⲉ ⲧⲱⲛ ⲱ̄ ⲡⲉⲧ ⲉⲣⲉ ⲡⲛⲟⲩⲧⲉ ⲙⲟⲩⲧⲉ
ⲉ ⲣⲟϥ ⲛⲁϥ ⲛ̄ ⲉⲓⲱⲧ • ⲏ̄ ⲉⲕⲃⲏⲕ ⲉ ⲧⲱⲛ ⲱ̄ ⲡⲉⲧ ⲉⲣⲉ
ⲧⲡⲉ ⲙⲛ̄ ⲡⲕⲁϩ ⲥⲧⲱⲧ ϩⲁ ⲧⲉϥϩⲏ ⲙⲛ̄ ⲡⲥⲱⲛⲧ̄ • ⲁϩⲣⲟⲕ
ⲉⲕⲡⲏⲧ ϩⲏⲧⲥ̄ ⲛ̄ ⲧⲉⲓ ⲃⲁϣⲟⲣ • ⲉⲓⲃⲏⲕ ⲡⲉϫⲁϥ ϫⲉ ⲕⲁⲥ
ⲉⲓⲉϫⲉⲕ ⲡⲥⲱⲛⲧ̄ ⲧⲏⲣ︦ϥ︦ ⲛ̄ ⲧⲙⲛ︦ⲧ︦ⲣⲱⲙⲉ ⲉ ⲃⲟⲗ ϣⲁⲧ
ⲛ̄ⲛⲟⲃⲉ ⲙ̄ⲙⲁⲧⲉ ⁖- | Ⲡⲉⲧⲉ ϣⲁϥϭⲱϣⲧ̄ ⲉϫⲙ̄ ⲡⲕⲁϩ ⲉ
ⲧⲣⲉϥⲥⲧⲱⲧ ϣⲁ ⲛⲉϥⲥⲛ̄ⲧⲉ • Ⲡⲉⲧⲉ ϣⲁϥϫⲱϩ ⲛ̄ⲧⲟⲟⲩ
ⲛ̄ⲥⲉϯ ⲕⲁⲡⲛⲟⲥ • ⲉϥⲡⲏⲧ ϩⲏⲧϥ̄ ⲙ̄ ⲡⲉⲧ ⲉⲣⲉ ⲡⲉϥⲛⲓϥⲉ
ϩⲛ̄ ⲛⲉϥϭⲓϫ • Ⲉⲓⲡⲏⲧ ⲁⲛ ⲡⲉϫⲁϥ ϩⲱⲥ ⲉⲓⲣ̄ ϩⲟⲧⲉ • ⲁⲗⲗⲁ
ϫⲉ ⲕⲁⲥ ⲉⲓⲛⲁⲃⲱⲕ ⲉ ⲧⲉⲭⲱⲣⲁ ⲛ̄ ⲕⲏⲙⲉ • ⲛ̄ⲧⲁⲡⲱⲣⲕ̄
ⲉ ⲃⲟⲗ ⲛ̄ϩⲏⲧⲥ̄ ⲛ̄ ⲧⲙⲛⲧ̄ⲣⲉϥϣⲙ̄ϣⲉ ⲉⲓⲇⲱⲗⲟⲛ ⲛ̄ⲧⲁⲥⲟⲃⲧⲉ
ⲛⲁⲓ ⲛ̄ϩⲏⲧⲥ̄ ⲛ̄ ⲟⲩⲗⲁⲟⲥ ⲉϥⲧⲃ̄ⲃⲏⲩ • ⲁⲙⲟⲩ ⲉ ⲧⲛ̄ⲙⲏⲏⲧⲉ
ⲙ̄ⲡⲟⲟⲩ ⲱ̄ ⲡⲛⲟϭ ⲙ̄ ⲡⲣⲟⲫⲏⲧⲏⲥ ⲏ̄ⲥⲁⲓⲁⲥ ϩⲛ̄ ⲧⲙⲏⲏⲧⲉ
ⲙ̄ ⲡⲉⲓ ϣⲁ ⲙ̄ⲡⲟⲟⲩ ⲛⲅ̄ ⲧⲁⲙⲟⲛ ⲉ ⲛⲉ ⲛⲧⲁⲕⲡⲣⲟ‐
ⲫⲏⲧⲉⲩⲉ • ⲙ̄ⲙⲟⲟⲩ ϩⲁ ⲡⲉⲭ︦ⲥ︦ ⲙⲛ̄ ⲧⲉϥⲙⲁⲁⲩ ⲙ̄ ⲡⲁⲣ‐
ⲑⲉⲛⲟⲥ ϫⲓⲛ ⲛ̄ ϣⲟⲣⲡ̄ • ⲉⲓⲥ ⲡϫ︦ⲥ︦ ⲥⲁⲃⲁⲱⲑ ⲡⲉϫⲁϥ ⲛⲏⲩ
ⲉ ϩⲣⲁⲓ ⲉ ⲕⲏⲙⲉ ⲉϥϩⲙⲟⲟⲥ ϩⲓϫⲛ̄ ⲟⲩⲕⲗⲟⲟⲗⲉ ⲉⲥⲁⲥⲱⲟⲩ •
ⲁⲩⲱ ⲙ̄ ⲙⲟⲩⲛⲅ̄ ⲛ̄ ϭⲓϫ ⲧⲏⲣⲟⲩ ⲛ̄ ⲕⲏⲙⲉ ⲛⲁⲕⲓⲙ ⲙ̄
ⲡϥ̄ⲙ̄ⲧⲟ ⲉ ⲃⲟⲗ • ⲉⲓⲧⲁ ⲡⲉϫⲁϥ ⲟⲛ ϫⲉ ⲁⲩⲱ ⲛ̄ⲣⲙ̄
ⲛ̄ⲕⲏⲙⲉ ⲛⲁⲣ̄ⲑⲉ ⲛ̄ ϩⲉⲛⲥϩⲓⲙⲉ ϩⲛ̄ ⲟⲩϩⲟⲧⲉ ⲙⲛ̄ ⲟⲩⲥⲧⲱⲧ


### 0028

ⲉ ⲧⲃⲉ ⲧϭⲓϫ | ⲙ̄ ⲡϫⲥ̄ ⲥⲁⲃⲁⲱⲑ ⲛ̄ⲧⲁϥⲛ̄ⲧⲥ̄ ⲉ ϫⲱⲟⲩ •
ⲉⲡⲉⲓ ⲇⲏ ϩⲁⲑⲏ ⲙ̄ⲡⲁⲧⲉ ⲡⲉⲭ︦ⲥ︦ ⲉⲓ ⲉ ⲡⲕⲟⲥⲙⲟⲥ ⲛⲉⲣⲉ ⲛ̄
ⲣⲙ̄ ⲛ̄ ⲕⲏⲙⲉ ⲛⲁϣ︦ⲧ︦ ⲉⲣⲉ ⲡⲉⲩϭⲉⲣⲱⲃ ϩⲓϫⲙ̄ ⲡⲁϩⲁϩ
ⲛ̄ϩⲉⲑⲛⲟⲥ • ⲟⲩⲛ̄ ⲟⲩϩⲉⲑⲛⲟⲥ ⲅⲁⲣ ⲉϥⲛⲁϣ︦ⲧ︦ ⲛⲁϩⲗ̄ⲡⲓⲍⲉ
ⲉ ⲁϥⲑⲃ̄ⲃⲓⲟ • ⲛⲉ ϩⲉⲛⲣⲉϥϣⲙ̄ϣⲉ ⲉⲓⲇⲱⲗⲟⲛ ⲅⲁⲣ ⲛⲉ ⲛ̄
ⲣⲙ̄ ⲛ̄ ⲕⲏⲙⲉ ⲁⲩⲱ ⲛⲉⲩⲣ̄ ϩⲟⲧⲉ ⲁⲛ ϩⲏⲧϥ̄ ⲙ̄ ⲡⲛⲟⲩⲧⲉ •
ⲟⲩⲇⲉ ⲗⲁⲁⲩ ⲛ̄ ϩⲉⲑⲛⲟⲥ ⁖-Ⲛ̄ ⲧⲉⲣⲉ ⲡⲉⲭ︦ⲥ︦ ⲇⲉ ⲉⲓ ⲉ
ⲡⲕⲟⲥⲙⲟⲥ ⲁϥⲉⲓ ⲉ ϩⲣⲁⲓ ⲉ ⲕⲏⲙⲉ ⲁ ⲧⲉϥϩⲟⲧⲉ ⲙⲛ̄
ⲡⲉϥⲥⲧⲱⲧ ⲉⲓ ⲉ ϫⲱⲟⲩ ⲁϥⲧⲃ̄ⲃⲟⲟⲩ ⲛ̄ ⲟⲩⲗⲁⲟⲥ ⲉϥⲟⲩⲁⲁⲃ •
ⲟⲩϩⲉⲑⲛⲟⲥ ⲉϥⲧⲃ̄ⲃⲏⲩ ⲁⲩⲱ ⲁϥⲧⲣⲉ ⲡϭⲉⲣⲱⲃ ⲛ̄ ⲛ̄ϩⲉⲑⲛⲟⲥ
ⲧⲏⲣⲟⲩ ⲉⲓ ⲉ ϩⲣⲁⲓ ⲉ ϫⲱⲟⲩ • ⲉ ⲧⲃⲉ ⲡⲁⲓ ϥϫⲱ ⲙ̄ⲙⲟⲥ
ϫⲉ ⲁ ⲕⲏⲙⲉ ϩⲓⲥⲉ ⲙⲛ̄ ⲧⲙ̄ⲡⲟⲣⲓⲁ ⲛ̄ ⲛⲉϭⲟⲟϣⲉ • ⲁⲩⲱ
ⲛ̄ⲥⲁⲃⲉⲛ ⲛ̄ⲣⲱⲙⲉ ⲉⲧ ϫⲟⲥⲉ ⲛⲉⲩ ⲉ ⲣⲁⲧⲕ̄ ⲁⲩⲱ ⲥⲉ‐
ⲛⲁϣⲗⲏⲗ ⲉ ⲣⲟⲕ ⲛ̄ⲧⲟⲕ ⲅⲁⲣ ⲡⲉⲡⲛⲟⲩⲧⲉ ⲁⲩⲱ | ⲛⲉⲩ‐
ⲥⲟⲟⲩⲛ̄ ⲁⲛ ⲡⲉ ⲡⲛⲟⲩⲧⲉ ⲙ̄ ⲡⲓ︦ⲏ︦ⲗ︦ ⲡⲉⲛⲥ︦ⲏ︦ⲣ︦ • ⲁⲧⲉⲧⲛ̄ⲛⲁⲩ
ⲉ ⲛⲉⲡⲣⲟⲫⲏⲧⲓⲁ ⲉ ⲁϥⲟⲩⲱⲛϩ̄ ⲉ ⲃⲟⲗ • ⲉⲡⲉⲓ ⲇⲏ ⲛ̄
ⲧⲉⲣ ϥ̄ⲉⲓ ⲉ ϩⲣⲁⲓ ⲉϫⲙ̄ ⲡⲕⲁϩ ⲛ̄ϭⲓ ⲡⲗⲟⲅⲟⲥ ⲙ̄ ⲡⲉⲓⲱⲧ
ⲛ̄ⲧⲁϥⲉⲓ ϩⲛ̄ ⲟⲩⲑⲃ̄ⲃⲓⲟ • ⲙ̄ⲡⲉ ϥⲉⲓ ϩⲛ̄ ⲟⲩⲁⲝⲓⲱⲙⲁ ⲉϥϫⲟⲥⲉ
ⲟⲩⲇⲉ ⲙ̄ⲡ ϥⲫⲟⲣⲉⲓ ⲛ̄ ⲟⲩⲡⲟⲣⲫⲩⲣⲁ ⲛ︦ⲣ︦ⲣⲟ • ⲧⲉϥⲙⲛ︦ⲧ︦ⲉⲣⲟ
ⲅⲁⲣ ϣⲟⲟⲡ ϣⲁ ⲛⲓⲉⲛⲉϩ • ⲁⲩⲱ ⲧⲉϥⲙⲛⲧ̄ϫⲥ̄ ϣⲁ ⲟⲩϫⲱⲙ
ⲙⲛ̄ ⲟⲩϫⲱⲙ • ⲙ̄ⲡⲉ ϥⲉⲓ ⲉϥⲧⲁⲗⲏⲩ ⲉⲩⲕⲁⲣⲟⲩⲭⲓⲱⲛ
ⲁⲗⲗⲁ ⲉϥⲙⲟⲟϣⲉ ⲛ̄ ⲛⲉϥⲟⲩⲣⲏⲏⲧⲉ • ⲡϥ̄ⲕⲁⲣⲟⲩⲭⲓⲱⲛ
ⲅⲁⲣ ⲟⲩⲟⲙϥ̄ ⲛ̄ ⲧⲃ̄ⲛⲏ ⲡⲉ • ⲡⲁⲓ ⲛ̄ⲧⲁϥϯ ⲛⲁⲛ ⲛ̄ ⲧⲉϩⲓⲏ
ⲛ̄ ⲃⲱⲕ ⲉ ϩⲣⲁⲓ ⲉ ⲧⲡⲉ ⲉ ⲡⲙⲁ ⲛ ⲟⲩⲡⲟⲣⲫⲩⲣⲁ ϩⲉⲛⲧⲟⲉⲓⲥ
ⲛⲁⲓ ⲛ̄ⲧⲁⲩⲫⲟⲣⲉⲓ ⲙ̄ⲙⲟⲛ ϩⲛ̄ ⲑⲃ̄ⲥⲱ ⲛ̄ⲧⲙⲛ︦ⲧ︦ ⲁⲧ ⲧⲁⲕⲟ •
ⲉ ⲧⲃⲉ ⲡⲁⲓ ⲟⲩⲟⲛ ⲛⲓⲙ ⲉⲧ ⲟ ⲛ̄ ϩⲙ̄ϩⲁⲗ ⲛⲁϥ ⲙⲛ̄ ϭⲟⲙ
ⲙ̄ⲙⲟⲟⲩ ⲉ ⲙⲟⲟϣⲉ ϩⲛ̄ ⲟⲩⲙⲛⲧ̄ ϫⲁⲥⲓ ϩⲏⲧ • Ⲉⲓⲧⲁ ⲟⲛ
ⲡⲉϫⲁϥ ϫⲉ ⲟⲩⲛ ⲟⲩⲑⲩⲥⲓⲁⲥⲧⲏⲣⲓⲟⲛ ⲛⲁϣⲱ|ⲡⲉ ⲙ̄ ⲡϫⲥ︥
ϩⲛ̄ ⲕⲏⲙⲉ ϩⲁϩⲧⲛ̄ ⲛⲉⲭⲱⲣⲁ ⲛ̄ ⲛⲉϭⲟⲟϣⲉ • ⲁⲩⲱ ⲥⲉⲛⲁ‐
ⲧⲁⲗⲉ ⲇⲱⲣⲟⲛ ⲉ ϩⲣⲁⲓ ⲙ̄ ⲡϫⲥ̄ ϩⲓϫⲱϥ • ⲁ ⲡⲉϩⲗⲟϭ ⲛ̄
ⲛⲉⲕϣⲁϫⲉ ⲱ̄ ⲏ̄ⲥⲁⲓⲁⲥ ⲡⲉⲡⲣⲟⲫⲏⲧⲏⲥ ⲧⲣⲉⲛⲣ̄ ⲡⲱⲃϣ̄ ⲙ̄
ⲡ ⲕⲉⲥⲉⲡⲉ ⲛ̄ ⲛ̄ϣⲁϫⲉ ⲙ̄ ⲡⲉϩⲣⲏⲧⲟⲛ ⲛ̄ⲧⲁⲛⲁⲣⲭⲉⲓ ⲉ
ⲣⲟϥ ⲉ ⲧⲃⲉ ϩⲏⲣⲱⲇⲏⲥ ϫⲉ ⲁⲩⲥⲱⲃⲉ ⲙ̄ⲙⲟϥ ϩⲓⲧⲛ̄ ⲙ̄-
ⲙⲁⲅⲟⲥ • ⲟⲩⲇⲉ ⲙ̄ⲡⲉ ϥϭⲛ̄ ⲑⲉ ⲛ̄ ϣⲓⲛⲉ ⲛ̄ⲥⲁ ⲙ̄ⲙⲁⲅⲟⲥ


### 0029

ⲁϥⲙⲟⲩϩ ⲉ ⲃⲟⲗ ϩⲙ̄ ⲡϭⲱⲛⲧ̄ ⲙ̄ ⲡⲉϥⲉⲓⲱⲧ ⲡⲇⲓⲁⲃⲟⲩⲗⲟⲥ •
ⲛϥ︦ⲣ︦ ϩⲟⲧⲉ ⲅⲁⲣ ϩⲏⲧⲟⲩ ⲡⲉ • ϫⲉ ϩⲉⲛⲥⲁϩ ⲛⲉ ϩⲛ̄ ⲧⲉⲩ‐
ⲧⲉⲭⲛⲏ • ⲙⲏ ⲡⲟⲧⲉ ⲛ̄ⲥⲉⲉⲓⲣⲉ ⲛⲁϥ ⲛ̄ ϩⲉⲛⲡⲉⲑⲟⲟⲩ •
Ⲟⲩⲇⲉ ⲟⲛ ⲙ̄ⲡⲉ ϥⲉⲓⲙⲉ ϫⲉ ⲉⲣⲉ ⲡⲉⲭ︦ⲥ︦ ⲧⲱⲛ ⲛϥ̄ϣⲓⲛⲉ ⲅⲁⲣ
ⲛ̄ⲥⲱϥ ⲡⲉ ⁖-ⲗⲟⲓⲡⲟⲛ ⲁϥϣⲱⲡⲉ ⲉϥⲙⲏⲛ ⲉ ⲃⲟⲗ ϩⲙ̄
ⲡⲉⲓ ⲥⲛⲁⲩ ⲙ̄ ⲡⲁⲑⲟⲥ ⲉⲑⲟⲟⲩ • ⲡϭⲱⲛⲧ̄ ⲛ̄ⲧ ⲛ̄ ⲙ̄ⲙⲁⲅⲟⲥ
ⲛ̄ⲧⲁⲩⲥⲱⲃⲉ ⲙ̄ⲙⲟϥ • ⲁⲩⲱ ⲡⲉϥⲙⲟⲥⲧⲉ ⲉ ϩⲟⲩⲛ ⲉ ⲡⲉⲭ︦ⲥ︦
ⲉϥⲟⲩⲱϣ ⲉ ϩⲟⲧⲃϥ̄ • ⲛϥ̄ⲙⲏⲛ ⲉ ⲃⲟⲗ ⲉϥϭⲱϣⲧ̄ ϩⲏⲧⲟⲩ
ⲉ ⲧⲣⲉⲩⲕⲧⲟⲟⲩ | ϣⲁ ⲣⲟϥ ϩⲱⲥⲧⲉ ⲛ̄ⲧⲉ ⲥⲛ̄ⲧⲉ ⲣⲟⲙⲡⲉ ϫⲱⲕ
ⲉ ⲃⲟⲗ • ⲛ̄ⲧⲟϥ ⲁⲛ ⲡⲉⲛⲧ ⲁϥⲁⲛⲉⲭⲉ ⲙ̄ⲙⲟϥ • ⲁⲗⲗⲁ
ⲡⲛⲟⲩⲧⲉ ⲡⲉⲛⲧ ⲁϥϯ ⲁⲛⲟⲭⲏ ⲉ ⲡϥ̄ϩⲏⲧ ⲉ ⲧⲙ̄ ⲇⲓⲱⲕⲉⲓ
ⲛ̄ⲥⲁ ⲡⲉⲭ︦ⲥ︦ ϩⲛ̄ ⲟⲩϭⲉⲡⲏ ϣⲁⲛⲧⲉ ⲛⲉⲧ ⲥⲏϩ ⲧⲏⲣⲟⲩ
ⲉ ⲧⲃⲏⲏⲧϥ̄ ϫⲱⲕ ⲉ ⲃⲟⲗ • Ⲕⲁⲓ ⲅⲁⲣ ⲁⲩⲥⲃ̄ⲃⲏⲧϥ̄ ϩⲙ̄ ⲡⲙⲉϩ
ϣⲙⲟⲩⲛ ⲛ̄ ϩⲟⲟⲩ ⲁⲩⲉⲓⲣⲉ ⲙ̄ ⲡⲥⲱⲛ︤ⲧ︥ ⲙ̄ ⲡⲛⲟⲙⲟⲥ ϩⲁ ⲣⲟϥ •
ⲁⲩϫⲓⲧϥ̄ ⲉⲡⲣ̄ⲡⲉ ⲁ ⲥⲩⲙⲉⲱⲛ ⲡⲟⲩⲏⲏⲃ ϫⲓⲧϥ̄ ⲉ ⲡⲉϥϩⲁ‐
ⲙⲏⲣ ⲁϥⲥⲙⲟⲩ ⲉ ⲣⲟϥ • ⲁϥⲉⲓ ⲉ ϩⲣⲁⲓ ϩⲛ̄ ⲑⲩⲗⲓⲕⲓⲁ ϩⲱⲥ
ⲕⲟⲩⲓ ⲉϥⲥⲱⲧⲙ̄ ⲛ̄ⲥⲁ ⲛϥ̄ⲉⲓⲟⲟⲧⲉ ⲙⲛ̄ ⲛ̄ⲕⲉ ϩⲃⲏⲩⲉ ⲧⲏⲣⲟⲩ
ⲉⲧ ϣ̄ϣⲉ ⲉ ⲣⲟϥ ⲉ ⲁⲁⲩ • Ⲙⲛ︦ⲛ︦ⲥⲁ ⲛⲁⲓ ⲁϥⲃⲱⲕ ⲉ ϩⲣⲁⲓ
ⲉ ⲕⲏⲙⲉ ⲛⲙ̄ⲙⲁϥ ⲛ̄ϭⲓ ⲓⲱⲥⲏⲫ Ⲛ̄ ⲧⲉⲣⲉ ϥⲛⲁⲩ ⲇⲉ ⲛ̄ϭⲓ
ϩⲏⲣⲱⲇⲏⲥ ϫⲉ ⲙ̄ⲡ ⲟⲩⲕⲟⲧⲟⲩ ϣⲁ ⲣⲟϥ ⲛ̄ϭⲓ ⲙ̄ⲙⲁⲅⲟⲥ •
ⲁϥϭⲱⲛⲧ̄ ⲉⲙⲁⲧⲉ ⲁϥϫⲟⲟⲩ ⲁϥⲙⲟⲩⲟⲩⲧ ⲛ̄ϣⲏⲣⲉ ϣⲏⲙ
ⲛⲓⲙ ⲉⲧ ϩⲛ̄ ⲃⲏⲑⲗⲉⲉⲙ ⲙⲛ̄ ⲛⲉⲥⲧⲟϣ ϫⲓⲛ ⲣⲟⲙⲡⲉ ⲥⲛ̄ⲧⲉ
ⲉ ⲡⲉⲥⲏⲧ • ⲡⲉϫⲁϥ ⲅⲁⲣ ⲛ̄ϭⲓ ⲡⲉⲩⲁⲅⲅⲉⲗⲓⲥⲧⲏⲥ | ϫⲉ
ⲕⲁⲧⲁ ⲡⲉⲟⲩⲟⲉⲓϣ ⲛ̄ⲧⲁϥϩⲧ̄ϩⲱⲧϥ̄ ⲉ ⲃⲟⲗ ϩⲓ ⲧⲟⲟⲧⲟⲩ ⲛ̄
ⲙ̄ⲙⲁⲅⲟⲥ • ⲉϥⲟⲩⲱⲛϩ̄ ⲉ ⲃⲟⲗ ⲙ̄ ⲡϩⲱⲃ ϫⲉ ⲁϥⲱ̄ⲥⲕ̄
ⲙ̄ⲡⲁⲧ ϥϩⲱⲧⲃ̄ ⲛ̄ ⲛ̄ϣⲏⲣⲉ ϣⲏⲙ ⁖-Ⲛ ⲧⲉⲣⲉ ⲧⲉⲑⲩⲥⲓⲁ
ⲇⲉ ϣⲱⲡⲉ ⲁⲩⲣ̄ϩⲏⲃⲉ ⲛ̄ϭⲓ ⲛⲁ ⲃⲏⲑⲗⲉⲉⲙ ⲙⲛ̄ ⲛⲉⲥⲧⲟϣ
ⲉϫⲛ̄ ⲛⲉⲩϣⲏⲣⲉ ⲕⲟⲩⲓ ⲛ̄ⲧⲁⲩϩⲟⲧⲃⲟⲩ ⁘ ⲛⲉⲧ ϩⲛ̄ ⲙ̄ⲡⲏⲩⲉ
ⲇⲉ ⲧⲏⲣⲟⲩ ⲛⲉⲩⲣⲁϣⲉ ⲉϫⲛ̄ ⲧⲉⲑⲩⲥⲓⲁ ⲛ̄ϣⲏⲣⲉ ⲛ̄ⲧⲁⲥ‐
ϣⲱⲡⲉ ⲙⲛ︤ⲛ︥ⲥⲁ ⲧⲁⲡⲟⲇⲏⲙⲓ̈ⲁ ⲙ̄ ⲡⲉⲭ︤ⲥ︥ ⲉϥϫⲱ ⲙ̄ⲙⲟⲥ
ⲙ̄ ⲡⲉϥⲉⲓⲱⲧ ⲉϥⲣⲁϣⲉ ϫⲉ ⲉⲓⲥ ⲧⲁ ϣⲟⲣⲡ̄ ⲛ̄ ⲑⲩⲥⲓⲁ ⲁⲓⲧⲁ‐
ⲗⲟⲥ ⲛⲁⲕ ⲉ ϩⲣⲁⲓ ⲛ̄ ⲧⲉⲣ ⲓ̄ⲉⲓ ⲉϫⲙ̄ ⲡⲕⲁϩ • ⲧⲉⲛⲟⲩ ϭⲉ ⲡⲁ
ⲉⲓⲱⲧ ϫⲓ ⲛ̄ ⲧⲟⲟⲧ ⲛ̄ ⲧⲁ ⲑⲩⲥⲓⲁ ⲉ ⲡⲙⲁ ⲛ̄ ⲛ̄ⲧⲃ̄ⲛⲟⲟⲩⲉ
ⲉⲧ ⲟⲩⲱⲧⲛ̄ ⲙ̄ⲙⲟⲟⲩ ⲉ ⲃⲟⲗ ⲛ̄ ⲛ̄ⲇⲁⲓⲙⲱⲛⲓⲟⲛ • ⲉⲓⲥ ϩⲏⲏⲧⲉ


### 0030

ⲁⲓⲧⲛ̄ⲛⲟⲟⲩ ⲛⲁⲕ ⲉ ϩⲣⲁⲓ ⲛ̄ ⲟⲩⲙⲏⲏϣⲉ ⲛ̄ ⲥⲛⲟϥ ⲛ̄ ⲁⲧ
ⲛⲟⲃⲉ • ⲁⲓⲭⲁⲣⲓⲍⲉ ⲛⲁⲕ ⲛ̄ⲛⲉⲓ ⲧⲁⲓⲟ ⲱ̄ ⲡⲁ ⲉⲓⲱⲧ • ϫⲉ ⲕⲁⲥ
ⲉⲩⲛⲁⲥⲙⲟⲩ ⲉ ⲣⲟⲕ ⲙⲛ̄ ⲛⲉⲕⲁⲅ|ⲅⲉⲗⲟⲥ ⲉⲧ ⲟⲩⲁⲁⲃ ϣⲁⲛ
ϯⲉⲓ̈ ⲉ ϩⲣⲁⲓ ϣⲁ ⲣⲟⲕ • ⲙ̄ⲡⲣ̄ ⲕⲱ ⲛ̄ⲥⲱⲕ ⲙ̄ ⲡⲕⲟⲥⲙⲟⲥ ⲱ̄
ⲡⲁ ⲉⲓⲱⲧ ⲙⲛ̄ ⲛⲉⲧ ⲟⲩⲏϩ ⲛ̄ϩⲏⲧϥ̄ • ⲁⲣⲓ ⲡⲙⲉⲉⲩⲉ ϫⲉ
ⲛⲉⲛϭⲓϫ ⲁⲩⲧⲁⲙⲓⲟⲟⲩ • ⲁⲩⲱ ⲛⲁⲓ̄ ⲧⲏⲣⲟⲩ ⲡϩⲱⲃ ⲛ̄ ⲛⲉⲛ‐
ϭⲓϫ ⲡⲉ • Ⲛ̄ ⲧⲉⲣ ϥ̄ⲛⲁⲩ ⲇⲉ ⲛ̄ϭⲓ ϩⲏⲣⲱⲇⲏⲥ ⲛⲉⲩϣⲟⲟⲡ
ⲛⲁϥ ⲛ̄ϭⲓ ϣⲏⲣⲉ ⲥⲛⲁⲩ ⲉ ⲁϥⲙⲟⲩⲧⲉ ⲉ ⲣⲟⲟⲩ ⲙ̄ ⲡϥ̄ⲣⲁⲛ
ϫⲉ ϩⲏⲣⲱⲇⲏⲥ • ⲉϥⲛⲁⲧⲓ ⲇⲉ ⲙ̄ ⲡⲉϥⲡⲛⲁ̄ • ⲁⲩϫⲛⲟⲩϥ
ⲛ̄ϭⲓ ⲛⲁ ⲧⲧⲁⲝⲓⲥ ϫⲉ ⲛⲓⲙ ϩⲛ̄ ⲛⲉⲕϣⲏⲣⲉ ⲡⲉⲧ ⲛⲁⲣ̄ ⲣ̄ⲣⲟ
ⲙⲛ︦ⲛ︦ⲥⲱⲕ • Ⲁϥϭⲱϣⲧ̄ ⲇⲉ ⲉ ⲡϥ̄ⲛⲟϭ ⲛ̄ ϣⲏⲣⲉ ⲡⲉϫⲁϥ
ⲛⲁϥ ϫⲉ ⲁⲣⲭⲉⲓ ⲉ ⲡⲉⲕⲗⲁⲟⲥ • ⲛ̄ⲧⲉⲩⲛⲟⲩ ⲁ ⲛⲁ ⲧⲇⲁⲝⲓⲥ
ϯ ⲉ ϫⲱϥ ⲛ̄ ⲧⲉϭⲣⲏⲏⲡⲉ ⲛ̄ ⲧⲙⲛ︤ⲧ︥ⲉⲣⲟ ⲁⲩϥⲓ ⲙ̄ⲙⲁⲩ ⲙ̄
ⲡⲉϥⲣⲁⲛ ⲛ̄ ϣⲟⲣⲡ̄ ϫⲉ ϩⲏⲣⲱⲇⲏⲥ ⲁⲩⲙⲟⲩⲧⲉ ⲉ ⲣⲟϥ ϫⲉ
ⲁⲣⲭⲉⲗⲁⲟⲥ ⲕⲁⲧⲁ ⲡⲉⲛⲧⲁ ⲡⲉϥⲉⲓⲱⲧ ⲧⲁⲁϥ ⲉ ⲣⲟϥ •
ⲡϫⲥ̄ ⲇⲉ ⲁϥⲡⲱⲛⲉ ⲙ̄ ⲡⲉϥϩⲏⲧ ⲉ ⲧⲙ̄ |ⲧⲣϥ̄ ϣⲓⲛⲉ ⲛ̄ⲥⲁ
ⲓ︦ⲥ︦ • ⲟⲩⲁⲅⲅⲉⲗⲟⲥ ⲇⲉ ⲛ̄ⲧⲉ ⲡϫ︦ⲥ︦ ⲁϥⲟⲩⲱ̄ⲛϩ̄ ⲉ ⲃⲟⲗ ⲛ̄
ⲓⲱⲥⲏⲫ ϩⲛ̄ ⲕⲏⲙⲉ ⲉϥϫⲱ ⲙ̄ⲙⲟⲥ ϫⲉ ⲧⲱⲟⲩⲛ ⲛⲅ̄ ϫⲓ
ⲙ̄ ⲡϣⲏⲣⲉ ϣⲏⲙ ⲙⲛ̄ ⲧⲉϥⲙⲁⲁⲩ ⲛⲅ̄ ⲃⲱⲕ ⲉ ϩⲣⲁⲓ ⲉ
ⲡⲕⲁϩ ⲙ̄ ⲡⲓ︦ⲏ︦ⲗ̄ • ⲁⲩⲙⲟⲩ ⲅⲁⲣ ⲛ̄ϭⲓ ⲛⲉⲧ ϣⲓⲛⲉ ⲛ̄ⲥⲁ
ⲧⲉⲯⲩⲭⲏ ⲙ̄ ⲡϣⲏⲣⲉ ϣⲏⲙ ⁘ Ⲛ̄ⲧⲉⲩⲛⲟⲩ ⲁϥⲧⲱⲟⲩⲛ
ⲛ̄ϭⲓ ⲡⲁ ⲧⲙⲛⲧ̄ϩⲗ̄ⲗⲟ ⲉⲧ ⲛⲁⲛⲟⲩⲥ • ⲁϥϫⲓ ⲙ̄ ⲡϣⲏⲣⲉ
ϣⲏⲙ • ⲙⲛ̄ ⲙⲁⲣⲓⲁ ⲧϥ̄ⲙⲁⲁⲩ ⲁϥⲃⲱⲕ ⲉ ϩⲣⲁⲓ ⲉ ⲡⲕⲁϩ
ⲙ̄ ⲡⲓ︤ⲏ︦ⲗ︥ • ⲁⲩⲱ ⲛϥ̄ⲙⲟⲩⲧⲉ ⲉ ⲣⲟϥ ϫⲉ ⲡⲁ ⲉⲓⲱⲧ • Ⲁⲩⲱ
ⲛϥ̄ϯⲥⲃⲱ ⲛⲁϥ ϩⲱⲥ ϣⲏⲣⲉ • ⲛ̄ⲧⲟϥ ϩⲱⲱϥ ⲛϥ̄ⲥⲱⲧⲙ̄
ⲛ̄ⲥⲱϥ ϩⲱⲥ ϣⲏⲣⲉ ⲛ̄ ⲥⲱⲧⲡ̄ • ⲛⲉⲩϣⲟⲟⲡ ⲇⲉ ⲡⲉ ⲛ̄ ⲁⲣⲭⲉ‐
ⲗⲁⲟⲥ ⲛ̄ϭⲓ ϣⲏⲣⲉ ⲥⲛⲁⲩ ⲡⲛⲟϭ ⲙⲉⲛ ⲛⲉⲩⲙⲟⲩⲧⲉ ⲉ ⲣⲟϥ
ϫⲉ ⲫⲓⲗⲓⲡⲡⲟⲥ ⲡⲕⲟⲩⲓ ⲇⲉ ϫⲉ ϩⲏⲣⲱⲇⲏⲥ ⲕⲁⲧⲁ ⲡⲣⲁⲛ
ⲙ̄ ⲡϥ̄ⲉⲓⲱⲧ • ⲫⲓⲗⲓⲡⲡⲟⲥ ⲇⲉ | ⲛⲉ ⲩⲟⲩⲛ̄ⲧⲁϥ ⲙ̄ⲙⲁⲩ ⲛ̄
ⲟⲩⲥϩⲓⲙⲉ ⲉ ⲡⲉⲥⲣⲁⲛ ⲡⲉ ϩⲏⲣⲱⲇⲓⲁⲥ :-ⲙⲛ︦ⲛ︦ⲥⲁ ϩⲉⲛⲕⲟⲩⲓ
ⲇⲉ ⲛ̄ϩⲟⲟⲩ ⲁϥⲙⲟⲩ ⲛ̄ϭⲓ ⲁⲣⲭⲉⲗⲁⲟⲥ ⲁⲩⲕⲁⲑⲓⲥⲧⲁ ⲛ̄
ϩⲏⲣⲱⲇⲏⲥ ⲉ ⲡⲉϥⲙⲁ • ⲉⲩϣⲏⲣⲉ ϣⲏⲙ ⲛ̄ⲥⲁⲉⲓ (sic) ⲡⲉ ⲉⲣⲉ
ⲧⲇⲁⲝⲓⲥ ⲧⲏⲣⲥ̄ ⲙⲉ ⲙ̄ⲙⲟϥ ⲛⲉ ⲙⲛ̄ⲧⲁϥ ⲥϩⲓⲙⲉ ⲇⲉ ⲙ̄‐
ⲙⲁⲩ • ⲛϥ̄ⲉⲓⲣⲉ ⲇⲉ ⲛ̄ ⲟⲩⲛⲟϭ ⲙ̄ ⲡⲁⲣⲁⲛⲟⲙⲓⲁ ⲉϥⲛ̄‐


### 0031

ⲕⲟⲧⲕ̄ ⲙⲛ̄ ⲑⲓⲙⲉ ⲙ̄ ⲡϥ̄ⲥⲟⲛ ⲉϯ ⲉϥⲟⲛϩ̄ ⲁⲩⲱ ⲛⲉ ⲙⲛ̄
ⲗⲁⲁⲩ ⲥⲟⲟⲩⲛ̄ ⲙ̄ ⲡⲉⲓ ⲙⲩⲥⲧⲏⲣⲓⲟⲛ ⲛ̄ⲥⲁ ⲓⲱϩⲁⲛⲛⲏⲥ
ⲡϣⲏⲣⲉ ⲛ̄ ⲍⲁⲭⲁⲣⲓⲁⲥ ⲡⲟⲩⲏⲏⲃ • Ⲉϥϣⲟⲟⲡ ⲇⲉ ϩⲙ̄
ⲡϫⲁⲓⲉ ⲛ̄ ⲧⲟⲣⲓⲛⲏ ϩⲛ̄ ⲛⲉϩⲟⲟⲩ ⲉⲧ ⲙ̄ⲙⲁⲩ ⲉ ⲃⲟⲗ ϫⲉ ⲙ̄
ⲡⲉⲟⲩⲟⲉⲓϣ ⲉⲧ ⲙ̄ⲙⲁⲩ ⲛ̄ⲧⲁ ϩⲏⲣⲱⲇⲏⲥ ⲙⲟⲩⲟⲩⲧ ⲛ̄
ⲛ̄ϣⲏⲣⲉ ϣⲏⲙ ⲉⲧ ϩⲛ̄ ⲃⲏⲑⲗⲉⲉⲙ • ⲉϥϣⲓⲛⲉ ⲛ̄ⲥⲁ ⲡⲉⲭ︦ⲥ̄
ⲁϥϣⲓⲛⲉ ⲟⲛ ⲛ̄ⲥⲁ ⲡⲕⲉ ⲓ︦ⲱ︦ⲥ︦ ⲉ ⲙⲟⲩⲟⲩⲧ ⲙ̄ⲙⲟϥ • ⲁⲥϥⲓⲧϥ̄ |
ⲛ̄ϭⲓ ⲧϥ̄ⲙⲁⲁⲩ ⲁⲥⲡⲱⲧ ⲛⲙ̄ⲙⲁϥ ⲉ ⲡϫⲁⲓⲉ ⲛ̄ ⲧⲟⲣⲓⲛⲏ •
Ⲁⲙⲉⲗⲉⲓ ⲁϥϫⲟⲟⲩ ϣⲁ ⲍⲁⲭⲁⲣⲓⲁⲥ ⲡⲉϥⲉⲓⲱⲧ ⲉ ⲡⲣ̄ⲡⲉ
ⲉϥϫⲱ ⲙ̄ⲙⲟⲥ • ϫⲉ ⲁϫⲓⲥ ⲉ ⲣⲟⲓ ϫⲉ ⲉⲣⲉ ⲡⲉⲕϣⲏⲣⲉ ⲧⲱⲛ
ϫⲉ ⲕⲁⲥ ⲉⲓⲉⲙⲟⲟⲩⲧϥ̄ • ⲡⲉϫⲁϥ ⲛ̄ϭⲓ ⲍⲁⲭⲁⲣⲓⲁⲥ ϫⲉ
ϯⲥⲟⲟⲩⲛ ⲁⲛ ⲁ ⲧϥ̄ⲙⲁⲁⲩ ϥⲓⲧϥ̄ ⲁⲥⲡⲱⲧ ⲛⲙ̄ⲙⲁϥ • ⲁϥ‐
ϭⲱⲛⲧ̄ ⲇⲉ ⲛ̄ϭⲓ ϩⲏⲣⲱⲇⲏⲥ ⲁϥϫⲟⲟⲩ ⲁϥⲙⲟⲩⲟⲩⲧ ⲛ̄
ⲍⲁⲭⲁⲣⲓⲁⲥ ⲡⲟⲩⲏⲏⲃ ϩⲙ̄ ⲡⲧⲁⲃⲓⲣ ⲛ̄ ⲧⲕ︦ⲛ︦ϩⲉ ⲙ̄ ⲡⲙⲁ
ⲉⲧ ⲟⲩⲁⲁⲃ ϩⲓϫⲛ̄ ⲛ̄ⲧⲱⲣⲧⲣ̄ ⲙ̄ ⲡⲉⲑⲩⲥⲓⲁⲥⲧⲏⲣⲓⲟⲛ ⁖-
Ⲙⲛ︦ⲛ︦ⲥⲁ ⲛⲁⲓ ⲁϥⲙⲟⲩ ⲛ̄ϭⲓ ⲫⲓⲗⲓⲡⲡⲟⲥ • ⲁϥⲕⲱ ⲛ̄ ⲟⲩ‐
ϣⲉⲉⲣⲉ ϫⲉ ⲟⲣⲭⲏⲥⲧⲣⲓⲁⲛⲏ • ϩⲏⲣⲱⲇⲏⲥ ⲇⲉ ⲛϥ̄ⲙⲏⲛ
ⲉ ⲃⲟⲗ ϩⲙ̄ ⲡⲛⲟⲃⲉ • ⲁⲩⲱ ⲛⲉⲣⲉ ⲓ︦ⲱ︦ⲥ︦ ϫⲡⲓⲟ ⲙ̄ⲙⲟϥ ⲉϥ‐
ϫⲟⲟⲩ ϣⲁ ⲣⲟϥ ⲙ̄ ⲙⲏⲏⲛⲉ ϩⲓⲧⲛ̄ ⲛ̄ ⲃⲁⲓ ϣⲓⲛⲉ • ⲉϥϫⲱ
ⲙ̄ⲙⲟⲥ ϫⲉ ⲟⲩⲕ ⲉⲝⲉⲥϯ ⲛⲁⲕ ⲉ ϫⲓ ⲛ̄ ⲑⲓⲙⲉ ⲙ̄ ⲡⲉⲛⲥⲟⲛ ⁖-
ⲱ̄ ⲓ︦ⲱ︦ⲥ︦ | ⲡⲉⲧⲉ ⲙ̄ⲡ ϥ̄ⲧⲱⲟⲩⲛ ϩⲙ̄ ⲡⲉϫⲡⲟ ⲛ̄ ⲛⲉϩⲓⲟⲙⲉ
ⲛ̄ϭⲓ ⲡⲉⲧⲟ ⲛ̄ ⲛⲟϭ ⲉ ⲣⲟϥ • ϯⲟⲩⲱϣ ⲉ ⲧⲣⲉⲕⲧⲁⲙⲟⲓ ϫⲉ ⲛⲓⲙ
ⲡⲉ ⲡⲃⲁⲓ ϣⲓⲛⲉ ⲉⲧ ⲕ̄ϫⲟⲟⲩ ⲙ̄ⲙⲟϥ ⲙ̄ ⲙⲏⲏⲛⲉ ϣⲁ ϩⲏⲣⲱ‐
ⲇⲏⲥ • ⲟⲩⲇⲉ ⲅⲁⲣ ⲙ̄ⲡⲁⲧ ⲕⲟⲩⲱⲛϩ̄ ⲉ ⲣⲱⲙⲉ ⲟⲩⲇⲉ ⲙⲛ̄
ⲗⲁⲁⲩ ⲛ̄ ⲣⲱⲙⲉ ⲛⲁⲉϣⲧⲟⲗⲙⲁ ⲉⲧⲁⲩ ⲉ ⲗⲁⲁⲩ ⲛ̄ ϣⲁϫⲉ
ⲛ̄ ϯ ⲙⲉⲓⲛⲉ ⲉ ϩⲟⲩⲛ ϩⲙ̄ ⲡϩⲟ ⲙ̄ ⲡⲣ̄ⲣⲟ • ϯ ⲙⲉⲉⲩⲉ ⲇⲉ
ⲱ̄ ⲛⲁⲥⲛⲏⲩ ϫⲉ ⲟⲩⲁⲅⲅⲉⲗⲟⲥ ⲡⲉⲧ ϣⲟⲟⲡ ⲛⲁϥ ⲛ̄ ⲃⲁⲓϣⲓⲛⲉ
ⲉϥⲃⲏⲕ ϣⲁ ϩⲏⲣⲱⲇⲏⲥ ⲉϥϫⲱ ⲉ ⲣⲟϥ ⲛ̄ ⲙ̄ⲙⲩⲥⲧⲏⲣⲓⲟⲛ
ⲛ̄ ⲓⲱϩⲁⲛⲛⲏⲥ • ⲉ ⲧⲃⲉ ⲡⲁⲓ ⲙ̄ⲡ ⲉϥⲉⲓⲙⲉ ϫⲉ ⲉϥⲧⲱⲛ ⲟⲩⲇⲉ
ⲙ̄ⲡⲉ ϥⲉϣⲁⲙⲁϩⲧⲉ ⲙ̄ ⲡⲃⲁⲓ ϣⲓⲛⲉ ϫⲉ ⲛϥ̄ⲛⲁⲩ ⲉ ⲣⲟϥ
ⲁⲛ ⲁⲗⲗⲁ ⲧⲉϥⲥⲙⲏ ⲙ̄ⲙⲁⲧⲉ ⲧⲉⲧ ϥ̄ⲥⲱⲧⲙ̄ ⲉ ⲣⲟⲥ ⁖-
Ⲙⲛ︦ⲛ︦ⲥⲱⲥ ⲟⲛ ⲛ̄ ⲧⲉⲣⲉ ϥⲟⲩⲱⲛϩ̄ ⲉ ⲃⲟⲗ ⲛ̄ϭⲓ ⲡⲉⲡⲣⲟⲇⲣⲟ‐
ⲙⲟⲥ ⲉⲧ ⲟⲩⲁⲁⲃ ⲓⲱϩⲁⲛⲛⲏⲥ ⲛϥ̄ϫⲡⲓⲟ ⲙ̄ⲙⲟϥ ⲟⲛ ⲡⲉ •
ⲁⲩⲱ ⲙ̄ⲡⲉ ϥⲉϣϭⲙ̄ϭⲟⲙ ⲉ ϣⲁϫⲉ ⲛⲙ̄ⲙⲁϥ • ⲕⲁⲧⲁ


### 0032

ⲗⲁⲁⲩ ⲙ̄ ⲡⲉⲑⲟⲩ | ⲉ ⲧⲃⲉ ⲡⲙⲏⲏϣⲉ ϫⲉ ⲛϥ︦ⲛ︦ⲧⲟⲟⲧⲟⲩ ϩⲱⲥ
ⲡⲣⲟⲫⲏⲧⲏⲥ • Ⲛⲉⲓⲟⲩⲱϣ ⲙⲉⲛ ⲡⲉ ⲉ ϣⲁϫⲉ ⲛⲙ̄ⲙⲏⲧⲛ̄ ⲉ
ⲧⲃⲉ ⲛⲉ ⲛⲧⲁⲩϣⲱⲡⲉ ⲛ̄ ϩⲏⲣⲱⲇⲏⲥ ⲙⲛ̄ ⲓ︦ⲱ︦ⲥ︦ ⲁⲗⲗⲁ ⲙⲏ
ⲡⲟⲧⲉ ⲛ̄ⲧⲛ̄ϣⲁϫⲉ ⲉ ⲧⲃⲉ ⲡⲁⲓ ⲛ̄ⲧⲛ︦ⲣ︦ ⲡⲱⲃϣ̄ ⲙ̄ ⲡⲙⲩⲥⲧⲏ‐
ⲣⲓⲟⲛ ⲙ̄ ⲡⲉⲓ ⲛⲟϭ ⲛ̄ ϣⲁ ⲉⲧ ⲡⲟⲣϣ̄ ⲛⲁⲛ ⲉ ⲃⲟⲗ ⲙ̄ⲡⲟⲟⲩ •
ⲉ ⲧⲃⲉ ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙⲁⲣⲓⲁ ⲧⲛ̄ⲧ ⲁⲥⲙⲓⲥⲉ ⲙ̄
ⲡⲛⲟⲩⲧⲉ • ⲙⲏ ⲟⲩⲛ ⲕⲉ ⲛⲟϭ ⲛ̄ ϣⲡⲏⲣⲉ ⲛ̄ⲑⲉ ⲙ̄ ⲡⲁⲓ
ϩⲓϫⲙ̄ ⲡⲕⲁϩ ⲛⲅ̄ ϩⲉ ⲉⲩⲡⲁⲣⲑⲉⲛⲟⲥ ⲉⲥⲉⲉⲧ • ⲁⲩⲱ ⲟⲛ
ⲁⲥⲙⲓⲥⲉ ⲛ̄ ⲟⲩⲉϣ ⲛ̄ ϩⲟⲟⲩⲧ • ⲙⲁⲗⲗⲟⲛ ⲇⲉ ⲁⲩⲣ̄ ⲡⲉⲥⲧⲱϣ
ⲉ ⲧⲁⲁⲥ ⲛ̄ ⲟⲩⲣⲱⲙⲉ • ⲁⲩⲱ ⲛ̄ ⲧⲉⲣ ⲟⲩⲧⲁⲁⲥ ⲛⲁϥ ⲙ̄ⲡ
ϥ̄ⲥⲟⲩⲱⲛⲥ̄ • ⲟⲩⲇⲉ ⲙ̄ⲡⲉ ϥⲥⲕⲁⲛⲇⲁⲗⲓⲍⲉ ϫⲉ ⲉⲥⲥⲉⲧ ⲛ̄ ⲛⲓⲙ
ⲙⲁⲗⲗⲟⲛ ⲇⲉ ⲉϥϣⲟⲟⲡ ⲛ̄ ⲉⲓⲱⲧ ⲁⲩⲱ ⲛ̄ ⲇⲓⲁⲕⲱⲛⲓⲧⲏⲥ
ⲙ̄ⲡⲉ ⲛⲧⲁⲥϫⲡⲟϥ • ⲟⲛⲧⲱⲥ ⲉⲛⲉ ⲁⲛⲟⲕ ⲡⲉ ϯⲛⲁϫⲟⲟⲥ ⲛⲁⲥ
ϫⲉ ϯⲟⲩⲱϣ ⲉ ⲉⲓⲙⲉ ⲉ ⲡⲉⲓ ⲧⲱϣ ⲛ̄ⲧⲁϥϣⲱⲡⲉ ⲙ̄ⲙⲁⲩ •
ⲁⲩϣⲡ̄ ⲧⲟⲟⲧⲉ ⲛⲙ̄ⲙⲁⲓ ϩⲱⲥ | ⲡⲁⲣⲑⲉⲛⲟⲥ ⲉ ⲣ̄ ⲧϣⲉⲗⲉⲉⲧ
ⲇⲉ ⲙ̄ⲡⲁⲧⲉ ⲡⲁⲓ ϣⲱⲡⲉ • ⲧⲉⲛⲟⲩ ϭⲉ ϯ ⲙⲟⲟϣⲉ ⲛⲙ̄ⲙⲉ
ϯⲛⲁⲩ ⲉⲣⲱ ⲣ̄ⲉⲉⲧ ⲁⲩⲱ ⲉⲁⲣϩⲱⲛ̄ ⲉ ϩⲟⲩⲛ ⲉ ⲙⲓⲥⲉ •
ⲁⲗⲗⲁ ⲙ̄ⲡⲉ ⲗⲁⲁⲩ ϩⲛ̄ ⲛⲁⲓ ⲁⲗⲉ ⲉ ϩⲣⲁⲓ ⲉϫⲙ̄ ⲡⲉϥϩⲏⲧ
Ⲱ̄ ⲏ̄ⲥⲁⲓⲁⲥ ⲡⲛⲟϭ ⲙ̄ ⲡⲣⲟⲫⲏⲧⲏⲥ ⲁⲩⲱ ⲡⲣⲉϥϣⲁϫⲉ
ⲙⲛ̄ ⲡⲛⲟⲩⲧⲉ ⲛ̄ ϩⲁϩ ⲛ̄ ⲥⲟⲡ • ⲁⲩⲱ ⲟⲛ ⲡⲉⲧⲉ ⲙ̄ⲡⲉ ϥⲕⲁ
ⲣⲱϥ ⲉ ϣⲁϫⲉ ⲛ̄ ϩⲁϩ ⲛ̄ ⲥⲟⲡ • ⲉ ⲛⲉϣⲡⲏⲣⲉ ⲛ̄ ϯⲡⲁⲣ‐
ⲑⲉⲛⲟⲥ ⲱ̄ ⲡⲉⲧ ϥ̄ϫⲱ ⲙ̄ⲙⲟⲥ ⲡⲉϫⲁϥ ⲙ̄ⲡⲁⲧⲉ ⲧⲉⲉⲧ
ϯⲛⲁⲁⲕⲉ ⲙⲓⲥⲉ • ⲙ̄ⲡⲁⲧⲉ ⲡⲉ ⲧⲕⲁⲥ ⲛ̄ ⲛ̄ⲛⲁⲁⲕⲉ ⲉⲓ
ⲁⲥⲣ̄ ⲃⲟⲗ • ⲁⲥⲙⲓⲥⲉ ⲛ̄ ⲟⲩϣⲣ̄ ϩⲟⲟⲩⲧ • ⲛⲓⲙ ⲡⲉ ⲛ̄ⲧⲁϥ‐
ⲥⲱⲧⲙ̄ ⲉ ϩⲱⲃ ⲛ̄ ϯⲙⲓⲛⲉ ⲏ̄ ⲛⲓⲙ ⲡⲉ ⲛⲧⲁϥⲛⲁⲩ ϫⲉ ⲛⲉ ⲁⲩ‐
ⲥϩⲓⲙⲉ ⲙⲓⲥⲉ ⲁⲥϫⲡⲟ ⲛ̄ ⲟⲩϩⲉⲑⲛⲟⲥ ϩⲓ ⲟⲩⲥⲟⲡ • ⲕⲁⲓ ⲅⲁⲣ
ⲟⲩⲛⲟϭ ⲛ̄ ϣⲡⲏⲣⲉ ⲧⲉ ⲧⲁⲓ ϫⲉ ⲁⲥϯⲛⲁⲁⲕⲉ ϩⲱⲱⲥ ⲛ̄ⲑⲉ ⲛ̄
ⲛⲉϩⲓⲟⲟⲙⲉ ⲧⲏⲣⲟⲩ ⲕⲁⲓ ⲅⲁⲣ ⲁⲥⲙⲓⲥⲉ ⲉϫⲛ̄ ϩⲟⲟ▨▨¹ ϩⲓ
ϣⲧⲟⲣⲧⲣ̄ ⲡⲉϩⲃⲁ ⲉⲧⲉ ϣⲁϥϣⲱⲡⲉ ⲛ̄ ⲛ̄ϣⲁ ⲙⲓⲥⲉ ⲧⲏⲣⲟⲩ |
ⲙ̄ⲡⲉ ϥϣⲱⲡⲉ ⲙ̄ⲙⲟⲥ • Ⲱ̄ ⲙⲁⲣⲓⲁ ⲉⲣⲉ ⲟⲩ ϩⲙ̄ ⲡⲟⲩϩⲏⲧ
ⲙ̄ ⲡⲛⲁⲩ ⲉⲣ̄ ⲛ̄ ϩⲟⲩⲛ ⲙ̄ ⲡⲙⲁ ⲛ̄ ϭⲟⲓⲗⲉ ⲙⲁⲩⲁⲁⲧⲉ ϩⲛ̄
ⲟⲩⲙⲛ̄ⲧϣⲙ̄ⲙⲟ • ⲙⲛ̄ ⲗⲁⲁⲩ ⲛ̄ ⲣⲱⲙⲉ ϩⲁϩⲧⲉ ⲣ̄ ⲥⲟⲟⲩⲛ
ⲙ̄ⲙⲟϥ • ⲟⲩⲇⲉ ⲟⲛ ⲙ̄ⲡⲣ̄ ϭⲛ̄ ⲙⲁ ⲛ̄ ⲙ̄ⲧⲟⲛ ϩⲙ̄ ⲡⲙⲁ


### 0033

ⲛ̄ ϭⲟⲓⲗⲉ ⲁⲗⲗⲁ ⲣ̄ ϣⲟⲟⲡ ⲙⲁⲩⲁⲁⲧⲉ ⲁϫⲛ̄ ϣⲧⲟⲣⲧⲣ̄ ⲁⲩⲱ
ⲁϫⲛ̄ ϩⲃⲁ • ⲁⲣⲁ ⲙ̄ⲡⲣ̄ ϫⲟⲟⲥ ϩⲙ̄ ⲡⲟⲩϩⲏⲧ ϫⲉ ⲁⲛⲅ̄
ⲟⲩⲥϩⲓⲙⲉ ϩⲱ ⲛ̄ⲑⲉ ⲛ̄ ⲛⲉϩⲓⲟⲟⲙⲉ ⲧⲏⲣⲟⲩ ϯⲛⲁⲩ ϭⲉ ⲉ ⲣⲟⲓ
ⲉⲓⲉⲉⲧ ⲉⲓⲟ ⲙ̄ ⲡⲁⲣⲑⲉⲛⲟⲥ ⲟⲩⲙⲩⲥⲧⲏⲣⲓⲟⲛ ⲅⲁⲣ ⲛ̄ ϣⲡⲏⲣⲉ
ⲡⲉⲛⲧ ⲁϥϣⲱⲡⲉ ⲙ̄ⲙⲟⲓ • ϯⲛⲁⲩ ⲉ ⲡⲕⲁⲣⲡⲟⲥ ⲉϥⲕⲓⲙ •
ϯⲛⲁⲩ ⲉ ⲛ̄ⲛⲁⲁⲕⲉ ⲉⲩϣⲟⲩⲟ ⲉ ϫⲱⲓ ⲛ̄ⲑⲉ ⲛ̄ ⲛ̄ⲧⲗ̄ϯⲗⲉ
ⲙ̄ ⲡⲙⲟⲩ ⲛ̄ ϩⲱⲟⲩ • ϯⲛⲁⲩ ⲉ ⲣⲟⲓ ϩⲛ̄ ⲟⲩⲛⲟϭ ⲙ̄ ⲙⲛ︦ⲧ︦
ⲁⲧ ⲣⲱⲙⲉ ⲙⲛ̄ ⲟⲩⲙⲛ︦ⲧ︦ϣⲙ̄ⲙⲟ ⲛ̄ ϯⲥⲟⲟⲩⲛ ⲁⲛ ϫⲉ
ⲉⲓⲛⲁϫⲟⲟⲥ ϫⲉ ⲟⲩ ⲟⲩⲇⲉ ⲛ̄ ϯⲛⲁⲩ ⲁⲛ ⲉ ⲗⲁⲁⲩ ⲉⲛ ⲣⲱⲙⲉ
ⲉϥϥⲓ ⲣⲟⲟⲩϣ ϩⲁ ⲣⲟⲓ ϩⲛ̄ ⲟⲩⲛⲉϩ ⲙⲛ̄ ⲟⲩⲏⲣ︦ⲡ︦ ⲙⲛ̄ ⲛ̄ⲕⲉ
ϩⲃⲏⲩⲉ | ⲉⲧⲉ ϣⲁⲩⲁⲁⲩ ⲛ̄ ⲛ̄ϣⲁ ⲙⲓⲥⲉ • ⲙⲁⲗⲓⲥⲧⲁ ϫⲉ
ⲁⲛⲅ̄ ⲟⲩ ⲁⲧ ⲣⲱⲙⲉ ⲧⲉⲛⲟⲩ ⲁⲩⲱ ⲁⲛⲅ̄ ⲟⲩϣⲙ̄ⲙⲟ ⲉⲓϭⲁ‐
ⲗⲱⲟⲩ ϩⲛ̄ ⲟⲩⲙⲁ ⲛ ϭⲟⲓⲗⲉ • ⲛⲉϩⲓⲟⲙⲉ ⲅⲁⲣ ⲧⲏⲣⲟⲩ
ⲉⲧⲟⲩⲛⲁⲙⲓⲥⲉ ⲙ̄ ⲡⲉⲩϣⲟⲣⲡ̄ ⲛ̄ ⲥⲟⲡ • ϩⲟⲧⲁⲛ ⲉⲩϣⲁⲛⲉⲓ
ⲉ ⲡⲉⲩⲙⲉϩ ⲯⲓⲥ ⲛ̄ ⲉⲃⲟⲧ ϣⲁⲩϥⲓ̈ⲣⲟⲟⲩϣ ϩⲁ ⲣⲟⲟⲩ ⲛ̄ϭⲓ
ⲛⲉⲩⲉⲓⲟⲟⲧⲉ • Ⲁⲛⲟⲕ ϩⲱ ⲛ̄ ϯⲛⲁⲩ ⲁⲛ ⲉ ⲗⲁⲁⲩ ⲛ̄ ⲛⲁⲓ ⲙ̄
ⲡⲁⲕⲱⲧⲉ • ⲟⲩⲇⲉ ⲣⲱ ⲙⲛ̄ⲧⲁⲓ ⲡⲕⲉ ⲏⲓ ⲙ̄ⲙⲁⲩ ⲉ ⲧⲣⲁ
ⲟⲩⲱϩ ⲛ̄ϩⲏⲧϥ̄ • ⲧⲉⲛⲟⲩ ⲉ ⲧⲃⲉ ⲟⲩ ϭⲉ ⲣ̄ ⲛⲁϣⲧⲟⲣⲧⲣ̄ ⲱ̄
ⲙⲁⲣⲓⲁ • ⲉⲓⲥ ⲧⲉⲥⲧⲣⲁϯⲁ ⲧⲏⲣ︤ⲥ︥ ⲛ̄ ⲧⲡⲉ ⲁϩⲉ ⲣⲁⲧⲥ̄ ⲙ̄
ⲡⲟⲩⲙ̄ⲧⲟ ⲉ ⲃⲟⲗ ⲉ ⲡⲙⲁ ⲛ̄ ⲛⲟⲩⲉⲓⲟⲟⲧⲉ ⲕⲁⲧⲁ ⲥⲁⲣⲝ̄ •
ⲉⲓⲥ ⲡⲛⲟⲩⲧⲉ ⲁⲩⲱ ⲡϫ︦ⲥ︦ ⲙ̄ ⲡⲥⲱⲛ︦ⲧ︦ ⲧⲏⲣϥ̄ ⲁϥϣⲱⲡⲉ ⲛⲏ ⲛ̄
ⲉⲓⲱⲧ ⲉ ⲡⲙⲁ ⲛ̄ ⲛⲟⲩⲥⲛⲏⲩ ⲙⲛ̄ ⲛⲟⲩⲥⲩⲛⲅⲉⲛⲏⲥ • ⲉⲓⲥ ⲡⲉⲛⲧ
ⲁϥⲧⲁⲙⲓⲉ ϯ[ⲟⲓ]ⲕⲟⲩⲙⲉⲛⲏ ⲧⲏⲣⲥ̄ ϩⲛ̄ ⲛϥ̄ϭⲓϫ ⲙ̄ⲙⲓⲛ
ⲙ̄ⲙⲟϥ ⲉϥϩⲓ ϩⲟⲩⲛ ⲙ̄ⲙⲁⲩ ⲉϥⲥⲕⲉⲡⲁⲍⲉ ⲙ̄ⲙⲁⲩ ⲉ ⲡⲙⲁ
ⲛ̄ ⲟⲩⲏⲣ︦ⲡ︦ ⲙⲛ̄ ⲟⲩⲛⲉϩ ⲙⲛ̄ ⲡⲕⲉ | ⲥⲉⲉⲡⲉ ⲛ̄ ⲭⲣⲓⲁ ⲛ̄ⲧⲉ
ⲡⲥⲱⲙⲁ ⲡⲉⲧ ϯ ⲧⲣⲟⲫⲏ ⲛ̄ ⲛⲉⲧ ϩⲙ̄ ⲫⲉⲃⲱⲱⲛ ϥⲛⲏⲩ ⲉ
ⲃⲟⲗ ⲛ̄ϩⲏⲧⲉ • ⲉ ⲡⲙⲁ ⲛ̄ ⲟⲩⲏⲓ ⲙⲛ̄ ⲟⲩⲉⲣⲥⲟⲓ • ⲧⲡⲉ ⲛ̄
ⲧⲡⲉ ⲧⲉⲧⲛⲁϣⲱⲡⲉ ⲛⲉ ⲛ̄ⲏⲓ ⲁⲩⲱ ⲙ̄ ⲙⲁ ⲛ̄ ⲟⲩⲱϩ • ⲉ ⲡⲙⲁ
ⲛ̄ ϩⲉⲛⲙⲁ ⲛ̄ ⲛ̄ⲕⲟⲧⲕ̄ ⲙⲛ̄ ϩⲉⲛⲡⲗⲟⲩⲙⲁⲕⲓⲟⲛ ⲙⲛ̄ ϩⲉⲛ
ⲡⲣⲏϣ • Ⲉⲓⲥ ⲧϩⲃ̄ⲥⲱ ⲛ̄ ⲉⲡⲟⲩⲣⲁⲛⲓⲟⲛ ⲛ̄ ⲁⲧ ⲧⲁⲕⲟ • ⲁⲩ‐
ⲥⲃ̄ⲧⲱⲧⲥ̄ ⲛⲉ • ⲉ ⲡⲙⲁ ⲛ̄ ⲟⲩϩⲏⲡⲉⲣⲉⲧⲏⲥ ⲙⲛ̄ ⲟⲩⲇⲓⲁ‐
ⲕⲱⲛⲓⲧⲏⲥ • ⲉⲓⲥ ⲓⲱⲥⲏⲫ ⲡϩⲗ̄ⲗⲟ ⲛ̄ ϩⲁⲙϣⲉ ⲉⲧ ⲥⲙⲁ‐
ⲙⲁⲁⲧ ⲁⲩⲥⲃ̄ⲧⲱⲧϥ̄ ⲛⲏ ⲛ̄ ⲇⲓⲁⲕⲱⲛⲓⲧⲏⲥ ⲁⲩⲱ ⲛ̄
ϩⲩⲡⲉⲣⲉⲧⲏⲥ ⁖-ⲙ̄ⲡⲣ̄ ⲣ̄ ϩⲟⲧⲉ ⲱ̄ ⲙⲁⲣⲓⲁ ⲡϫ︤ⲥ︥ ⲛⲙ̄ⲙⲉ ϩⲱ


### 0034

ⲅⲁⲣ ⲉ ⲡⲉⲟⲩⲟⲉⲓϣ ⲛ̄ⲧⲁϥⲟⲩⲉⲓⲛⲉ • ⲡϣⲁϫⲉ ⲅⲁⲣ ⲛ̄ⲧⲁ
ⲅⲁⲃⲣⲓⲏⲗ ϫⲟⲟϥ ⲛⲉ ϫⲉ ⲭⲁⲓⲣⲉ ⲧⲛ̄ⲧ ⲁⲥ ϭⲛ̄ ϩⲙⲟⲧ ⲡϫⲥ̄
ⲛⲙ̄ⲙⲉ ⲁⲩⲱ ϥⲣⲱϣⲉ ⲉⲣⲟ ⲉⲧⲥⲓⲟ ⲛ̄ ⲁⲅⲁⲑⲟⲛ ⲛⲓⲙ ⲛ̄ⲧⲉ
ⲙ̄ⲡⲏⲩⲉ • ⲁⲩⲱ ⲛⲓⲙ ϩⲛ̄ ⲧⲟⲓⲕⲟⲩⲙⲉⲛⲏ ⲧⲏⲣⲥ̄ ⲡⲉⲛ‐
ⲧⲁϥϭⲛ̄ ϩⲙⲟⲧ ⲛ̄ⲧⲟⲩϩⲉ • ⲱ̄ ⲧⲡⲟⲗⲓⲥ ⲉⲧ ⲟⲩⲁⲁⲃ | ⲉⲧ ⲉⲣⲉ
ⲛ̄ ⲕⲉ ⲑⲣⲟⲛⲟⲥ • ⲙ̄ ⲡⲛⲟϭ ⲛ̄ ⲣ̄ⲣⲟ ϩⲛ̄ ⲧⲉⲥⲙⲏⲏⲧⲉ •
ⲁⲗⲏⲑⲱⲥ ⲱ̄ ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙⲁⲣⲓⲁ ⲁⲣ ϫⲓⲥⲉ
ⲉⲙⲁⲧⲉ ⲉ ϩⲟⲩⲉ ⲛⲉ ⲛⲧⲁⲩϫⲓⲥⲉ • ⲧⲏⲣⲟⲩ ⲉⲙⲁⲧⲉ ϩⲛ̄ ⲧⲡⲉ
ⲁⲩⲱ ϩⲓϫⲙ̄ ⲡⲕⲁϩ • ⲱⲛⲧⲟⲥ ⲉⲓϣⲁⲛⲙⲉⲉⲩⲉ ⲉ ⲃⲟⲗ ⲉ ⲡⲉⲛⲧ‐
ⲁϥϣⲱⲡⲉ ⲙ̄ⲙⲟ ϣⲁⲓⲣ̄ ϩⲃⲁ ϩⲱⲥ ϫⲉ ⲛ̄ⲧⲁⲓⲡⲱⲱⲛⲉ ⲉ ⲃⲟⲗ
ϩⲓϫⲙ̄ ⲡⲕⲁϩ ⲉ ϩⲣⲁⲓ ⲉ ⲧⲡⲉ • Ⲕⲁⲓ ⲅⲁⲣ ⲁⲩⲙⲏⲏϣⲉ
ⲛ̄ⲥⲁϩ ⲛ̄ⲉⲡⲓⲥⲕⲟⲡⲟⲥ ⲛ̄ⲑⲉⲟⲗⲟⲅⲟⲥ ⲁⲩⲱ ⲛ̄ⲑⲉⲟⲫⲟⲣⲟⲥ •
ⲟⲩⲱϣ ⲉ ϣⲁϫⲉ ⲉ ⲡⲟⲩⲧⲁⲓⲟ ⲙⲛ̄ ⲛⲟⲩⲙⲁⲕⲁⲣⲓⲟⲥ ⲁⲩϩⲓⲥⲉ
ⲁⲩⲕⲁ ⲧⲟⲟⲧⲟⲩ ⲉ ⲃⲟⲗ • ⲉ ⲧⲃⲉ ϫⲉ ⲙ̄ⲡ ⲟⲩϭⲛ̄ ⲡϫⲱⲕ ⲛ̄
ⲛⲟⲩⲧⲁⲓⲟ ⲙⲛ̄ ⲟⲩⲁⲣⲉⲧⲏ ⲙ̄ⲡ ⲟⲩϭⲛ̄ ⲉⲩⲛⲁⲣ̄ ⲟⲩ ϫⲉ ⲁⲩⲣ̄
ⲁⲧ ϭⲟⲙ ⲛ̄ ⲛⲁϩⲣⲛ̄ ⲡϫⲓⲥⲉ ⲛ̄ ⲛⲟⲩⲕⲁⲧⲱⲣⲑⲱⲙⲁ • Ⲉⲓⲥ
ⲡⲁⲥⲉⲃⲏⲥ ⲛⲉⲥⲧⲱⲣⲓⲟⲥ ⲡⲁⲧⲉⲓ ⲧⲁⲡⲣⲟ ⲛ̄ ϣⲟⲩⲧⲟⲙⲥ̄
ⲁⲩⲟⲩⲱ ⲅⲁⲣ ⲉⲩⲧⲱⲙ ⲙ̄ⲙⲟⲥ ϩⲛ̄ ⲟⲩⲕⲱϩⲧ̄ ⲛ̄ ⲁⲧ ⲱϣⲙ̄
ϩⲣⲁⲓ ϩⲛ̄ ⲁⲙⲛ̄ⲧⲉ • ⲁϥϣⲱⲡⲉ ⲉϥⲙⲉⲉⲩⲉ ⲉ ⲃⲟⲗ ⲉ ⲡⲛⲟϭ
ⲙ̄ ⲙⲩⲥⲧⲏⲣⲓⲟⲛ ⲛ̄ⲧⲁϥϣⲱ|ⲡⲉ ⲙ̄ⲙⲁⲩ • ⲁϥⲡⲱϣⲥ̄ ⲁϥⲣ̄
ϩⲃⲁ • ⲁϥϩⲉ ⲉ ϩⲣⲁⲓ ⲉ ⲡⲛⲟϭ ⲛ̄ ϣⲓⲕ ⲛ̄ ⲧⲙⲛ̄ⲧⲣⲉϥⲣ̄
ⲡⲉⲑⲟⲟⲩ • ⲁⲗⲗⲁ ⲁϥϫⲓ ⲧⲕⲁⲧⲁⲇⲓ̈ⲕⲏ ⲉ ⲡϥ︦ⲙ︦ⲡϣⲁ ⲙ̄ⲙⲟⲥ •
ⲁϥⲣ̄ ϣⲙ̄ⲙⲟ ⲉ ⲧⲙⲛ̄ⲧⲉⲡⲓⲥⲕⲟⲡⲟⲥ ⲙ̄ ⲡⲉⲓ ⲕⲟⲥⲙⲟⲥ • ⲁϥⲣ̄
ϣⲙ̄ⲙⲟ ⲉ ⲡⲉⲟⲟⲩ ⲛ̄ ⲧⲙⲛ̄ⲧⲉⲣⲟ ⲛ̄ ⲙ̄ⲡⲏⲩⲉ • ⲁ ⲡⲉϥⲣⲁⲛ
ϩⲱⲃⲥ̄ ϩⲙ̄ ⲡⲕⲁⲕⲉ • ⲁ ⲕⲉ ⲟⲩⲁ ϫⲓ ⲛ̄ ⲧⲉϥⲙⲛ̄ⲧⲉⲡⲓⲥⲕⲟⲡⲟⲥ •
ⲉⲧⲉⲓ ⲉϥⲟⲛϩ̄ ⲁϥϫⲓ ⲛ̄ ⲟⲩⲁⲛⲁⲑⲉⲙⲁϯⲥⲙⲟⲥ ⲉϥⲙ̄ⲡϣⲁ
ⲙ̄ⲙⲟϥ ⲙⲛ̄ ⲟⲩⲉⲝⲟⲣⲓⲥϯⲁ ⲕⲁⲧⲁ ⲡⲉϥⲙ̄ⲡϣⲁ ϩⲛ̄ ⲟⲩ‐
ϣⲓⲡⲉ • Ⲉ ⲧⲃⲉ ⲡⲁⲓ ϭⲉ ⲱ̄ ⲛⲁⲙⲉⲣⲁⲧⲉ ⲙ̄ⲡⲣ̄ ⲧⲣⲛ̄ϩⲟⲧϩⲧ̄
ⲛ̄ⲥⲁ ⲧⲟⲓⲕⲟⲛⲟⲙⲓⲁ ⲙ̄ ⲡϣⲏⲣⲉ ⲙ̄ ⲡⲛⲟⲩⲧⲉ ϫⲉ ⲛ̄ⲧⲁⲥ‐
ϣⲱⲡⲉ ⲛ̄ ⲁϣ ⲛ̄ ϩⲉ ⁖-Ⲡⲉϫⲁϥ ⲅⲁⲣ ϩⲛ̄ ⲙ̄ ⲡⲁⲣϩⲏⲙⲓⲁ
ϫⲉ ⲉⲕϣⲁⲛⲥⲱⲕ ⲛ̄ ϩⲉⲛϣⲁϫⲉ ϣⲁⲣⲉ ⲟⲩⲙⲓϣⲉ ϣⲱⲡⲉ ⁘
ⲉ ϫⲟⲟⲥ ⲙⲉⲛ ϫⲉ ⲁ ⲧⲡⲁⲣⲑⲉⲛⲟⲥ ⲙⲓⲥⲉ ⲙ̄ ⲡⲗⲟⲅⲟⲥ ⲙ̄
ⲡⲉⲓⲱⲧ ⲭⲱⲣⲓⲥ ⲥⲩⲛⲟⲩⲥⲓⲁ ⲛ̄ ϩⲟⲟⲩⲧ • ⲡϩⲱⲃ ⲟⲩⲟⲛϩ̄ ⲉ
ⲃⲟⲗ • ⲉ ϩⲟⲧϩⲧ̄ ⲇⲉ ϫⲉ ⲛ̄ⲧⲁϥⲉⲓ ⲉ ⲡⲉⲥⲏⲧ ⲛ̄ ⲁϣ ⲛ̄ ϩⲉ


### 0035

ⲁϥⲃⲱⲕ ⲉ ϩⲟⲩⲛ ⲉ ϩⲏⲧⲥ̄ ⲛ̄ ⲧⲡⲁⲣⲑⲉⲛⲟⲥ ⲡϩⲱⲃ | ⲙⲟⲕϩ̄
ⲛ̄ⲉⲓⲙⲉ ⲉ ⲣⲟϥ • ⲙⲛ̄ ⲕⲉ ⲙⲩⲥⲧⲏⲣⲓⲟⲛ ⲅⲁⲣ ⲛ̄ⲥⲁ ⲡⲉⲛⲧⲁ
ⲅⲁⲃⲣⲓⲏⲗ ϫⲟⲟϥ ⲛⲁⲥ ϫⲉ ⲟⲩⲡⲛ︦ⲁ︦ ⲉϥⲟⲩⲁⲁⲃ ⲡⲉⲧ ⲛⲏⲩ
ⲉ ϩⲣⲁⲓ ⲉ ϫⲱ • ⲁⲩⲱ ⲧϭⲟⲙ ⲙ̄ ⲡⲉⲧ ϫⲟⲥⲉ ⲧⲉⲧ ⲛⲁⲣ̄ ϩⲁⲓⲃⲥ̄
ⲉⲣⲟ • ⲉ ⲧⲃⲉ ⲡⲁⲓ ⲡⲉⲧ ⲉⲣⲁϫⲡⲟϥ ϥ̄ⲟⲩⲁⲁⲃ ⲁⲩⲱ ⲥⲉⲛⲁ‐
ⲙⲟⲩⲧⲉ ⲉ ⲣⲟϥ ϫⲉ ⲡϣⲏⲣⲉ ⲙ̄ ⲡⲛⲟⲩⲧⲉ ⁖-Ⲡⲁⲓ ⲅⲁⲣ
ⲡⲉⲛⲧ ⲁⲩⲧⲁⲛϩⲟⲩⲧϥ̄ ⲉ ⲣⲟϥ ⲉ ⲧⲣϥ̄ ϫⲟⲟϥ ⲛ̄ ⲧⲡⲁⲣ‐
ⲑⲉⲛⲟⲥ • ⲁⲩⲱ ⲛϥ̄ⲥⲟⲟⲩⲛ ⲁⲛ ⲛ̄ ⲕⲉ ⲗⲁⲁⲩ ⲛ̄ⲥⲁ ⲡⲁⲓ
ⲙ̄ⲙⲁⲧⲉ • ⲕⲁⲓ ⲅⲁⲣ ⲛ̄ⲧⲟⲥ ϩⲱⲱⲥ ⲟⲛ ⲧⲡⲁⲣⲑⲉⲛⲟⲥ ⲛⲉⲥⲟ
ⲛ̄ ϣⲡⲏⲣⲉ • ⲉϫⲙ̄ ⲡⲁⲥ[ⲡⲁⲥ]ⲙⲟⲥ ⲁⲩⲱ ⲛⲉⲥⲙⲟⲕⲙⲕ̄ ⲙ̄ⲙⲟⲥ
ⲉⲥϫⲱ ⲙ̄ⲙⲟⲥ ϩⲙ̄ ⲡⲉⲥϩⲏⲧ ϫⲉ ⲉⲓⲥ ⲡϣⲙ̄ ⲛⲟⲩϥⲉ ⲙⲉⲛ
ⲁϥⲡⲱϩ ϣⲁ ⲣⲟⲓ ϩⲓⲧⲛ̄ ⲡⲁⲅⲅⲉⲗⲟⲥ ⁖-ⲁⲩⲱ ⲟⲛ ⲉⲓⲥ ⲡⲉϥ‐
ϣⲁϫⲉ ⲁϥϫⲱⲕ ⲉ ⲃⲟⲗ • ⲉⲓⲥ ϩⲏⲏⲧⲉ ⲅⲁⲣ ⲁⲓⲱ︤ⲱ︥ ⲁⲩⲱ ⲉⲓⲥ
ⲛⲁⲉⲕⲓⲃⲉ ⲙⲉϩ ⲛ̄ ⲉⲣⲱⲧⲉ • ⲉⲓⲥ ⲧⲁⲕⲁⲗⲁϩⲏ ⲁⲥⲃⲱⲱⲣⲉ
ⲉ ⲃⲟⲗ • ⲁⲗⲗⲁ ⲛ̄ ϯⲥⲟⲟⲩⲛ ⲁⲛ ϫⲉ ⲛ̄ⲧⲁ ⲡⲁⲓ ϣⲱⲡⲉ
ⲙ̄ⲙⲟⲓ̄ ⲉ ⲃⲟⲗ ⲧⲱⲛ • ⲧⲉⲛⲟⲩ ⲇⲉ ⲱ̄ ⲡϩⲁⲓⲣⲉϯⲕⲟⲥ ⲛ̄ ⲁⲧ
ⲛⲁϩⲧⲉ ⲉϣϫⲉ ⲛⲉⲕⲡⲓⲥⲧⲉⲩⲉ ⲁⲛ | ⲙⲛ︦ⲛ︦ⲥⲁ ⲛⲉⲓ ϣⲁϫⲉ
ⲧⲏⲣⲟⲩ ⲉⲧ ⲙⲉϩ ⲛ̄ ϣⲡⲏⲣⲉ • ⲉⲓⲉ ⲧⲱⲟⲩⲛ ⲁⲙⲟⲩ ⲛⲙ̄ⲙⲁⲓ
ⲛ̄ⲧⲛ̄ⲃⲱⲕ ⲉ ⲧⲡⲟⲗⲓ̈ⲥ ⲃⲏⲑⲗⲉⲉⲙ • ⲛ̄ⲧⲁⲧⲥⲁⲃⲟⲕ ⲉ ⲣⲟϥ ⲉϥⲛ̄‐
ⲕⲟⲧⲕ̄ ϩⲛ̄ ⲟⲩⲟⲙϥ̄ ⲛ̄ ⲧⲃ̄ⲛⲏ • ⲁⲩⲱ ϯⲛⲁⲧⲣⲉ ⲕⲡⲓⲥⲧⲉⲩⲉ
ϩⲓⲧⲛ̄ ⲟⲩⲉϩⲉ ⲙⲛ̄ ⲟⲩⲉⲓⲟ̄ ⲉⲩⲣ̄ ϩⲁⲓⲃⲥ̄ ⲉ ⲣⲟϥ ϩⲙ̄ ⲡⲟⲩⲟⲙϥ̄ •
Ⲉⲓⲥ ⲛ̄ϣⲟⲟⲥ ⲉⲩⲉⲗⲉⲅⲭⲉ ⲛ̄ ⲧⲉⲕⲙⲛ︦ⲧ︦ⲁⲥⲉⲃⲏⲥ ϩⲓⲧⲛ̄
ⲧⲉⲥⲧⲣⲁϯⲁ ⲛ̄ ⲧⲡⲉ • ⲛ̄ⲧⲁⲥⲟⲩⲱⲛ︦ϩ︦ ⲛⲁⲩ ⲉ ⲃⲟⲗ ⲉⲩⲥⲙⲟⲩ
ⲉ ⲡⲛⲟⲩⲧⲉ • ⲁⲩⲱ ⲉⲣⲉ ⲛⲁ ⲙ̄ⲡⲏⲩⲉ ⲧⲏⲣⲟⲩ ⲣⲁϣⲉ ⲉϫⲙ̄
ⲡⲉϥϫⲡⲟ ⲉⲧ ⲟⲩⲁⲁⲃ • ⲉⲓⲥ ⲙ̄ⲙⲁⲅⲟⲥ ⲛ̄ⲧⲁⲩⲉⲓ ⲉ ⲃⲟⲗ
ϩⲛ̄ ⲙ̄ ⲙⲁ ⲛ̄ ϣⲁ ⲉⲣⲉ ⲡⲉϥⲥⲓⲟⲩ ⲥⲱⲕ ϩⲁ ϫⲱⲟⲩ ϫⲓⲛ
ⲧⲁⲛⲁⲧⲟⲗⲏ ⲧⲏⲣⲥ̄ ϣⲁⲛⲧ ⲟⲩⲉⲓ ⲉ ϩⲣⲁⲓ ⲉ ⲃⲏⲑⲗⲉⲉⲙ •
ⲛ̄ⲥⲉⲛⲁⲩ ⲉ ⲣⲟϥ ⲛ̄ⲥⲉⲟⲩⲱϣⲧ̄ ⲛⲁϥ ⲁⲩⲱ ⲛ̄ⲥⲉⲛⲁⲩ ⲉ ⲣⲟϥ
ⲛ̄ⲥⲉⲡⲣⲟⲥⲉⲛⲉⲅⲅⲉⲓ ⲛⲁϥ ⲛ̄ ⲛⲉⲩⲇⲱⲣⲟⲛ ⲛ̄ⲥⲉⲉⲝⲟⲙⲟⲗⲟⲅⲉⲓ
ⲛⲁϥ ⲛ̄ ⲛⲉⲩⲛⲟⲃⲉ • ⲉⲁ ⲡⲛⲟⲩⲧⲉ ⲛ̄ⲧⲁ ⲧⲡⲁⲣⲑⲉⲛⲟⲥ ϫⲡⲟϥ
ⲡⲱϩ ⲙ̄ⲡⲉ ⲭⲉⲓⲣⲟⲅⲣⲁⲫⲟⲛ ⲛ̄ ⲛⲉⲩⲛⲟⲃⲉ ϩⲓⲧⲛ̄ ⲛ̄ ϫⲱⲱⲙⲉ •
ⲛ̄ ⲧⲉⲩⲙⲛ︦ⲧ︦ⲙⲁⲅⲟⲥ ⲛ̄ⲧⲁⲩⲣⲟⲕϩⲟⲩ ⲉ ⲁⲩⲁⲧⲑⲉⲧⲉⲓ |ⲙ̄ ⲡⲣ̄ⲣⲟ
ⲙ̄ ⲡⲕⲁϩ • ⲁⲩϩⲟⲙⲟⲗⲟⲅⲉⲓ ⲙ̄ ⲡⲣ̄ⲣⲟ ⲛ̄ ⲧⲡⲉ ⁖-Ⲉⲓⲥ ⲙⲁⲣⲓⲁ
ⲧⲡⲁⲣⲑⲉⲛⲟⲥ ϩⲙⲟⲟⲥ ϩⲙ̄ ⲡⲙⲁ ⲛ̄ ϭⲟⲓⲗⲉ ⲉⲥϯ ⲉⲕⲓⲃⲉ ⲙ̄


### 0036

ⲡϣⲏⲣⲉ ⲙ̄ ⲡⲛⲟⲩⲧⲉ ⲛ̄ⲧⲁⲥϫⲡⲟϥ • ⲉⲓⲥ ⲥⲁⲗⲱⲙⲏ ⲛ̄ⲧⲁⲥ‐
ⲁⲡⲟⲧⲁⲥⲥⲉ ⲙ̄ ⲡⲉⲥⲏⲓ ⲙⲛ̄ ⲛⲉⲥⲡⲟⲗⲩϯⲁ ⲛ̄ ϣⲟⲣⲡ̄ •
ⲛⲁⲓⲁⲧⲉ ⲛ̄ⲧⲟ ⲱ̄ ⲙⲁⲣⲓⲁ • ⲧⲛ̄ⲧⲁ ⲟⲩⲥⲏϥⲉ ⲉⲓ ⲉ ⲃⲟⲗ ϩⲛ̄
ⲧⲟⲩⲯⲩⲭⲏ • ϫⲉ ⲕⲁⲥ ⲉⲩⲉϭⲱⲗⲛ̄ ⲉ ⲃⲟⲗ ⲛ̄ϭⲓ ⲙⲟⲕⲙⲕ̄ ⲛ̄
ϩⲁϩ ⲛ̄ϩⲏⲧ • ⲧⲥⲏϥⲉ ⲛ̄ⲧⲁⲥⲉⲓ ⲉ ⲃⲟⲗ ϩⲓⲧⲛ̄ ⲧⲟⲩⲯⲩⲭⲏ
ⲡⲉ ⲡⲗⲟⲅⲟⲥ ⲙ̄ ⲡⲉⲓⲱⲧ ϩⲉⲛⲙⲟⲕⲙⲉⲕ ⲛⲉ ⲛ̄ϩⲁⲓⲣⲉϯⲕⲟⲥ
ⲙ̄ⲙⲁⲓ ⲉⲟⲟⲩ ⲉⲧ ϣⲟⲩⲉⲓⲧ ⲛⲁⲓ ⲉⲧ ⲡⲱⲣϫ̄ ⲛ̄ ⲧⲙⲛ︦ⲧ︦ⲛⲟⲩⲧⲉ
ⲙ̄ ⲡⲙⲟⲛⲟⲅⲉⲛⲏⲥ ⲙ̄ ⲡⲉⲓⲱⲧ ⲉ ⲃⲟⲗ ⲙ̄ⲙⲟϥ • ⲙⲛ̄ ⲛⲓⲟⲩⲇⲁⲓ
ⲛ̄ ⲁⲥⲉⲃⲏⲥ ⲛⲁⲓ ⲉⲧ ϫⲓⲟⲩⲁ • ⲉ ⲧⲉϥⲁⲛⲁⲥⲧⲁⲥⲓⲥ ⲉⲧ ⲟⲩⲁⲁⲃ
ⲙⲛ̄ ⲛ̄ⲕⲉ ⲇⲟⲅⲙⲁ ⲧⲏⲣⲟⲩ ⲛ̄ⲁⲥⲉⲃⲏⲥ ⲛⲁⲓ ⲛ̄ⲧⲁ ⲧⲥⲏϥⲉ
ⲉⲧ ⲙ̄ⲙⲁⲩ ⲟⲩⲟⲛϩⲟⲩ ⲉ ⲃⲟⲗ ⁖-Ⲧⲡⲁⲣⲁⲕⲁⲗⲉⲓ ⲙ̄ⲙⲟ ⲱ̄
ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲁⲙⲉ ⲛ̄ϯ ϯⲧⲟⲟⲧⲉ ⲛⲙ̄ⲙⲁⲓ ϩⲙ̄
ⲡⲉⲓ ⲛⲟϭ ⲛ̄ ϣⲁ ⲉⲧ ⲟⲩⲁⲁⲃ ⲙ̄ⲡⲟⲟⲩ • ⲁⲩⲱ ⲙ̄ⲡⲣ̄ ϩⲡ̄ⲧ
ⲟⲩϭⲟⲙ ⲉ ⲣⲟⲓ ϫⲉ ⲕⲁⲥ ⲉⲛⲉⲟⲩⲱⲙ ⲉ ⲃⲟⲗ ϩⲛ̄ ⲛ̄ⲟⲩⲁⲅⲁ‐
ⲑⲟⲛ | ⲛ̄ⲧⲛ̄ⲥⲉⲓ ⲛ̄ⲧⲛ̄ⲉⲩⲫⲣⲁⲛⲉ ⲉⲧⲉ ⲛ̄ϭⲓⲛⲟⲩⲱⲙ ⲙ̄ ⲡⲛ︦ⲁ︦ⲓ︦-
ⲕⲟⲛ ⲛⲉ ⲛ̄ⲧⲁⲣⲕⲁⲁⲩ ϩⲁ ⲣⲟⲛ • ϩⲓϫⲛ̄ ⲧⲉⲧⲣⲁⲡⲉⲍⲁ ⲙ̄
ⲡⲟⲩϣⲏⲣⲉ ⲛ̄ ⲛⲟⲩⲧⲉ ⁖-Ⲱ̄ ⲡⲣⲙ̄ⲣⲁϣ ⲇ︦ⲁ︦ⲇ︦ ⲁⲙⲟⲩ ⲛⲅ̄
ⲣⲁϣⲉ ⲛⲙ̄ⲙⲁⲛ ⲙ̄ⲡⲟⲟⲩ ϩⲙ̄ ⲡⲉⲓ ⲛⲟϭ ⲛ̄ ϣⲁ • ⲁⲓⲉⲓ
ⲡⲉϫⲁϥ ⲉⲓⲱϣ ⲉ ⲃⲟⲗ ϫⲉ ⲙⲁⲧⲁϩⲟ ⲉ ⲣⲁⲧϥ̄ ⲛ̄ ⲟⲩϣⲁ
ϩⲛ̄ ⲛⲉⲧ ⲟⲩⲁϩⲙ̄ ϣⲁ ϩⲣⲁⲓ ⲛ̄ⲧⲁⲡ ⲙ̄ ⲡⲉⲑⲩⲥⲓⲁⲥⲧⲏⲣⲓⲟⲛ •
ⲛ̄ⲧⲟⲕ ⲡⲉ ⲡⲁ ⲛⲟⲩⲧⲉ • ⲧⲓⲛⲁϯ ⲉⲟⲟⲩ ⲛⲁⲕ • ⲁⲩⲱ ϯⲛⲁ‐
ⲟⲩⲱⲛϩ̄ ⲛⲁⲕ ⲉ ⲃⲟⲗ • ⲛ̄ⲧⲟⲕ ⲡⲉ ⲡⲁ ⲛⲟⲩⲧⲉ ϯⲛⲁϫⲁⲥⲧⲕ̄
Ⲛⲥⲁⲓⲁⲥ ⲟⲛ ⲡⲁ ⲡⲉⲓ ⲛⲟϭ ⲛ̄ ϩⲣⲟⲟⲩ ϩⲛ̄ ⲛⲉⲡⲣⲟⲫⲏⲧⲏⲥ
ⲁⲙⲟⲩ ⲛⲅ̄ ⲧⲁⲙⲟⲛ ⲉ ⲡⲉ ⲛⲧⲁⲕϣⲣⲡ̄ ⲧⲁⲩⲟⲟϥ ⲉ ⲧⲃⲉ
ⲧⲡⲁⲣⲑⲉⲛⲟⲥ ⲛ̄ ⲣⲉϥϫⲡⲉ ⲛⲟⲩⲧⲉ • ⲡⲉϫⲁϥ ⲅⲁⲣ ϫⲉ
ⲁⲛⲟⲩⲱⲛ ⲛ̄ ⲙ̄ⲡⲩⲗⲏ ⲙⲁⲣⲉ ⲡⲗⲁⲟⲥ ⲃⲱⲕ ⲉ ϩⲟⲩⲛ ⲛⲉⲧ
ϩⲁⲣⲉϩ ⲉ ⲧⲇⲓⲕⲁⲓⲟⲥⲩⲛⲏ ⲉⲧ ϩⲁⲣⲉϩ ⲉ ⲧⲙⲉ ⲙⲛ̄ ⲡϩⲁⲡ ϫⲉ
ⲁⲩϩⲗ̄ⲡⲓⲍⲉ ⲉ ⲣⲟⲕ ⲡⲛⲟⲩⲧⲉ ϣⲁ ⲉⲛⲉϩ ⁖-ⲁⲗⲏⲑⲱⲥ
ⲟⲩⲛⲟϭ ⲡⲉ ⲡⲉⲓ ϣⲁ ⲙ̄ⲡⲟⲟⲩ • | ϫⲉ ⲁⲩⲥϩⲓⲙⲉ ⲙⲓⲥⲉ ⲙ̄
ⲡⲛⲟⲩⲧⲉ • Ⲡⲉⲧⲉ ⲙⲉⲣⲉ ⲙⲁ ϣⲟⲡϥ̄ • ⲡⲉⲧⲉ ⲙⲉⲣⲉ ⲡⲕⲁϩ
ⲉϣϥⲓ ϩⲁ ⲣⲟϥ ⲁ ϩⲏⲧⲥ̄ ⲙ̄ ⲙⲁⲣⲓⲁ • ⲧⲡⲁⲣⲑⲉⲛⲟⲥ ϣⲟⲡϥ̄
ⲉ ⲣⲟⲥ • ⲡⲉ ⲛⲧⲁ ⲙ̄ⲡⲏⲩⲉ ⲧⲁϫⲣⲟ ϩⲓⲧⲛ̄ ⲡϥ̄ϣⲁϫⲉ • Ⲁⲩⲱ
ⲛⲉⲩϭⲟⲙ ⲧⲏⲣⲟⲩ ϩⲙ̄ ⲡⲉ ⲡⲛⲁ̄ ⲛ̄ ⲣⲱϥ • ⲁⲙⲏⲓⲧⲛ̄
ⲛ̄ⲧⲉⲧⲛ̄ⲛⲁⲩ ⲉ ⲣⲟϥ • ⲧⲉⲛⲟⲩ ⲉϥⲧⲁⲗⲏⲩ ⲉϫⲛ̄ ⲙ̄ ⲡⲁⲧ


### 0037

ⲙ̄ ⲙⲁⲣⲓⲁ • ⲧⲡⲁⲣⲑⲉⲛⲟⲥ ⲉⲥϯ ⲉⲕⲓⲃⲉ ⲛⲁϥ • Ⲡⲉⲛⲧ ⲁϥⲛ̄
ⲡⲙⲟⲟⲩ ⲉ ⲃⲟⲗ ϩⲛ̄ ⲟⲩⲡⲉⲧⲣⲁ ⲉⲥⲛⲁϣⲧ̄ ⲁϥⲧⲥⲉ ⲛⲉⲧ ⲟⲟⲃⲉ
ϩⲓ ⲡϫⲁⲓⲉ • ⲉⲓⲥ ϩⲏⲏⲧⲉ ⲧⲉⲛⲟⲩ ϥϫⲓ ⲉⲕⲓⲃⲉ ⲧⲉⲛⲟⲩ ϩⲱⲥ
ϣⲏⲣⲉ ⲕⲟⲩⲓ ϩⲛ̄ ⲛ̄ⲉⲕⲓⲃⲉ ⲙ̄ ⲙⲁⲣⲓⲁ ⲧⲡⲁⲣⲑⲉⲛⲟⲥ ⲡⲉⲛⲧ
ⲁϥⲧⲁⲙⲓⲉ ⲡⲕⲁϩ • ⲁⲩⲱ ⲁ ⲡⲣⲱⲙⲉ ϣⲱⲡⲉ ϩⲓ ϫⲱϥ ⁖-
Ⲉⲓⲥ ϩⲏⲏⲧⲉ ⲧⲉⲛⲟⲩ ϥϣⲟⲟⲡ ϩⲛ̄ ⲟⲩⲙⲁ ⲛ̄ ϭⲟⲓⲗⲉ ⲉⲙⲛ̄‐
ⲧⲁϥ ⲙⲁ ⲛ̄ ⲣⲁⲕⲧ̄ ⲧϥ̄ⲁⲡⲉ • ⲕⲁⲗⲱⲥ ⲁϥϫⲟⲟⲥ ϫⲉ ⲟⲩ
ⲛ̄ⲧⲉⲛⲃⲁϣⲁⲣ ⲛⲉⲩⲃⲏⲃ • ⲁⲩⲱ ⲛ̄ϩⲁⲗⲁⲧⲉ ⲛ̄ ⲧⲡⲉ ⲟⲩ‐
ⲛ̄ⲧⲁⲩ ⲛⲉⲩⲙⲁϩ • ⲡϣⲏⲣⲉ ⲇⲉ ⲙ̄ ⲡⲣⲱⲙⲉ ⲙⲛ̄ⲧϥ̄ ⲙⲁ |
ⲛ̄ ⲣⲁⲕⲧ̄ ⲧϥ̄ⲁⲡⲉ • ⲡⲉⲭⲥ̄ ⲁⲩϫⲡⲟϥ ⲛⲁⲛ ⲙ̄ⲡⲟⲟⲩ ⲱ̄
ⲛⲁⲙⲉⲣⲁⲧⲉ • ⲁⲛⲟⲛ ⲇⲉ ϩⲱⲱⲛ ⲙⲁⲣⲛ̄ϫⲡⲟⲛ ⲛ̄ ⲕⲉ ⲥⲟⲡ
ϩⲓⲧⲛ̄ ⲧⲙⲉⲧⲁⲛⲟⲓⲁ • ⲁϥⲉⲓ ⲉ ⲡⲉⲥⲏⲧ ϣⲁ ⲣⲟⲛ ϩⲓⲧⲛ̄ ⲡⲉϥ‐
ⲟⲩⲱϣ ⲉ ϩⲟⲩⲛ ⲉ ⲣⲟⲛ • Ⲁⲛⲟⲛ ϩⲱⲱⲛ ⲙⲁⲣⲛ̄ ⲃⲱⲕ ϣⲁ
ⲣⲟϥ ϩⲛ̄ ⲟⲩⲧⲃ̄ⲃⲟ • ⲁϥⲙ̄ⲧⲟⲛ ⲙ̄ⲙⲟϥ ϩⲛ̄ ⲟⲩⲟⲙϥ̄ ⲡⲁⲓ̈ ⲉⲧ
ⲉⲣⲉ ⲛ̄ⲧⲃ̄ⲛⲟⲟⲩⲉ ⲟⲩⲱⲙ ⲉ ⲃⲟⲗ ⲛ̄ϩⲏⲧϥ̄ • ⲁⲛⲟⲛ ϩⲱⲱⲛ
ⲙⲁⲣⲛ̄ ⲣ̄ ⲧⲉⲗⲓⲟⲥ ϩⲛ̄ ⲟⲩⲙⲛ︦ⲧ︦ ⲁⲧ ⲧⲁⲕⲟ • Ⲁϥⲡⲣⲟⲕⲟⲡⲧⲉⲓ
ϩⲛ̄ ⲧⲥⲟⲫⲓⲁ ⲙⲛ̄ ⲑⲩⲗⲏⲕⲓⲁ • ⲙⲛ̄ ⲧⲉⲭⲁⲣⲓⲥ ⲛ̄ ⲛⲁϩⲣⲙ̄
ⲡⲉϥⲉⲓⲱⲧ ϩⲛ̄ ⲙ̄ⲡⲏⲩⲉ • ⲙⲛ̄ ⲛ̄ⲣⲱⲙⲉ ϩⲓϫⲙ̄ ⲡⲕⲁϩ •
ⲁⲛⲟⲛ ϩⲱⲱⲛ ⲙⲁⲣⲛ̄ ⲡⲣⲟⲕⲟⲡⲧⲉⲓ ϩⲛ̄ ⲑⲩⲗⲏⲕⲓⲁ ⲛ̄ ⲧⲙⲛ︦ⲧ︦-
ⲧⲉⲗⲓⲟⲥ ⲙⲛ̄ ⲧⲁⲣⲉⲧⲏ ⲛ̄ ⲛⲁϩⲣⲙ̄ ⲡⲛⲟⲩⲧⲉ ⲙⲛ̄ ⲛⲉϥⲁⲅ‐
ⲅⲉⲗⲟⲥ • ⲁϥⲥⲱⲧⲙ̄ ⲛ̄ⲥⲁ ⲡϥ̄ⲉⲓⲱⲧ ⲙⲛ̄ ⲧⲉϥⲙⲁⲁⲩ ϩⲱⲥ
ⲣⲱⲙⲉ • ⲁⲛⲟⲛ ϩⲱⲱⲛ ⲙⲁⲣⲛ̄ ⲥⲱⲧⲙ̄ ⲛ̄ⲥⲁ ⲛϥ︦ⲛ︦ⲧⲟⲗⲏ
ⲙⲛ̄ ⲛϥ̄ⲡⲣⲟⲥⲧⲁⲅⲙⲁ ⲛ̄ⲧⲁϥⲧⲁⲁⲩ ⲉ ⲧⲟⲟⲧⲛ̄ • ⲁϥⲟⲩⲱⲙ
ⲁϥⲥⲱ ϩⲱⲥ ⲣⲱⲙⲉ ϫⲉ ⲕⲁⲥ ⲉϥⲉⲧⲣⲉ ⲡⲣⲱⲙⲉ | ⲟⲩⲱⲙ
ⲛϥ̄ⲥⲱ ϩⲓϫⲛ̄ ⲧⲉϥⲧⲣⲁⲡⲉⲍⲁ ϩⲛ̄ ⲧⲉϥⲙⲛ︦ⲧ︦ⲉⲣⲟ • ⲁϥϩⲓ̄ⲥⲉ
ⲉϥⲙⲟⲟϣⲉ ϩⲓ ⲧⲉϩⲓⲏ ϫⲉ ⲉⲛⲉⲧⲥⲁⲃⲟ ⲉ ϣⲡ̄ ϩⲓⲥⲉ ⲛⲙ̄ⲙⲁϥ •
ϣⲁⲛⲧ ⲛ̄ⲃⲱⲕ ⲉ ϩⲣⲁⲓ ⲉ ⲧⲡⲉ ⲛⲙ̄ⲙⲁϥ • Ⲁϥⲙ̄ⲧⲟⲛ ⲙ̄‐
ⲙⲟϥ ϩⲓϫⲛ̄ ⲧⲡⲩⲅⲏ ϫⲉ ⲕⲁⲥ ⲉⲛⲉⲙ̄ⲧⲟⲛ ⲙ̄ⲙⲟⲛ ϩⲱⲱⲛ
ϩⲓϫⲛ̄ ⲛ̄ⲉⲓⲉⲣⲱⲟⲩ ⲙ̄ⲙⲟⲩ ⲛ̄ ⲱⲛϩ̄ ⲉⲧ ϩⲁⲁⲧⲉ ⲉ ⲃⲟⲗ ⲛ̄‐
ϩⲏⲧϥ̄ • ⲁϥϣⲁϫⲉ ⲙⲛ̄ ⲟⲩⲥϩⲓⲙⲉ ⲛ̄ⲥⲁⲙⲁⲣⲓⲧⲏⲥ ϫⲉ ⲕⲁⲥ
ⲁⲛⲟⲛ ϩⲱⲱⲛ ⲉⲛⲉϣⲱⲡⲉ ⲛ̄ϣⲏⲣⲉ ⲛ̄ ⲧⲉϥⲙⲁⲁⲩ ⲙ̄ ⲡⲁⲣ‐
ⲑⲉⲛⲟⲥ • ⲁϥⲟⲩⲏⲛ ⲛ̄ ⲛ̄ⲃⲁⲗ ⲛ̄ ⲛ̄ⲃⲉⲗⲗⲉ ⲙ̄ ⲙⲓⲥⲉ ϫⲉ
ⲕⲁⲥ ⲉⲛⲉⲟⲩⲱⲛ ⲛ̄ ⲛ̄ⲃⲁⲗ ⲙ̄ ⲡⲉⲛϩⲏⲧ ⲙⲛ̄ ⲧⲛ̄ⲯⲩⲭⲏ ⲉ ⲧⲣ
ⲛ̄ⲧⲱⲟⲩⲛ ⲉ ⲃⲟⲗ ϩⲙ̄ ⲡⲉϩⲧⲟⲡ ⲙ̄ ⲡⲇⲓⲁⲃⲟⲗⲟⲥ • ⲁϥⲧⲟⲩ‐


### 0038

ⲛⲉⲥ ⲛⲉⲧ ⲙⲟⲟⲩⲧ • ϫⲉ ⲕⲁⲥ ⲉϥⲉⲧⲟⲩⲛⲟⲥⲛ̄ ϩⲛ̄ ⲛⲉⲛⲡⲁ‐
ⲣⲁⲡⲧⲱⲙⲁ • ⲁϥⲁⲛⲉⲭⲉ ⲉ ⲧⲣⲉ ⲩϯⲁⲁⲥ ⲉ ϩⲟⲩⲛ ϩⲙ̄
ⲡⲉϥϩⲟ ⲛ̄ϭⲓ ⲛ̄ⲣⲱⲙⲉ ⲛ̄ⲣⲉϥⲣ̄ⲛⲟⲃⲉ ϫⲉ ⲕⲁⲥ ⲉϥⲉⲧⲥⲁⲃⲟⲛ
ⲉ ⲧⲣⲉ ⲛⲕⲱ ⲉ ⲃⲟⲗ ⲛ̄ ⲛⲉⲧ ⲣ̄ ⲛⲟⲃⲉ ⲉ ⲣⲟⲛ • ⲁϥⲁⲛⲉⲭⲉ |
ⲉ ⲧⲣⲉ ⲩⲥⲟϣϥ̄ ϩⲓⲧⲛ̄ ⲛ̄ⲣⲱⲙⲉ ⲛ̄ⲣⲉϥⲣ̄ⲛⲟⲃⲉ ϫⲉ ⲕⲁⲥ
ⲁⲛⲟⲛ ϩⲱⲱⲛ ⲉⲛⲉϫⲓ ⲧⲁⲓⲟ ⲙ̄ ⲡⲙ̄ⲧⲟ ⲉ ⲃⲟⲗ ⲙ̄ ⲡⲉϥⲉⲓⲱⲧ
ⲙⲛ̄ ⲛϥ̄ⲁⲅⲅⲉⲗⲟⲥ ⲉⲧ ⲟⲩⲁⲁⲃ ⁖-Ⲁⲩⲕⲁⲁϥ ⲕⲁ ϩⲏⲩ ⲛ̄
ⲛϥ̄ϩⲟⲓⲧⲉ ⲁⲩⲡⲟϣⲟⲩ ⲉ ϫⲱⲟⲩ ϩⲓⲧⲛ̄ ⲙ̄ⲙⲁⲧⲟⲓ • ϫⲉ ⲕⲁⲥ
ⲉϥⲛⲁⲫⲟⲣⲉⲓ ⲙ̄ⲙⲟⲛ ϩⲛ̄ ⲑⲃ̄ⲥⲱ ⲛ̄ ⲧⲙⲛ︦ⲧ︦ ⲁⲧ ⲧⲁⲕⲟ ϩⲛ̄
ⲙ̄ⲡⲏⲩⲉ ⁖-ⲁⲩϯ ⲛ̄ ⲟⲩⲕⲗⲟⲙ ⲛ̄ ϣⲟⲛⲧⲉ ⲉϫⲛ̄ ⲧϥ̄ⲁⲡⲉ
ϫⲉ ⲕⲁⲥ ⲉϥⲛⲁϯ ⲉ ϫⲱⲛ ⲙ̄ ⲡⲉⲕⲗⲟⲙ ⲉⲧ ⲛⲁⲛⲟⲩϥ
ⲛ̄ⲧⲉ ⲧϥ̄ⲙⲛ︦ⲧ︦ϣⲁⲛϩⲧⲏϥ ⲛ̄ ⲁⲧ ϩⲱϭⲃ̄ ⲙ̄ ⲡⲛⲁⲩ ⲉⲧ
ⲛ̄ⲛⲁⲃⲱⲕ ⲉ ⲁⲡⲁⲛⲧⲁ ⲉ ⲡⲉϥⲉⲓⲱⲧ ⲛ̄ ⲁⲅⲁⲑⲟⲥ ⲉⲧ ϩⲛ̄ ⲙ̄‐
ⲡⲏⲩⲉ • ⲁⲩϯ ⲛ̄ ⲟⲩⲕⲁϣ ⲉ ⲧϥ̄ϭⲓϫ • ⲉⲩⲥⲕⲟⲡⲧⲉⲓ ⲙ̄ⲙⲟϥ
ϩⲓⲧⲛ̄ ⲛⲓⲟⲩⲇⲁⲓ̈ ⲛ̄ⲁⲧ ⲛⲁϩⲧⲉ ϫⲉ ⲕⲁⲥ ⲉϥⲉϯ ⲉ ⲛⲉⲛϭⲓϫ
ⲙ̄ ⲡϭⲉⲣⲱⲃ ⲛ̄ ⲛ̄ ⲧⲙⲛ︦ⲧ︦ϫⲥ̄ ⲉϫⲙ̄ ⲡⲇⲓⲁⲃⲟⲗⲟⲥ ⲙⲛ̄
ⲛϥ̄ⲇⲁⲓⲙⲱⲛ ⲙ̄ ⲡⲟⲛⲏⲣⲟⲛ • ⲁⲩϯ ϩⲓⲱⲱϥ ⲛ̄ ⲟⲩⲭⲗⲁⲙⲓⲥ
ⲛ̄ ϫⲏⲕⲉ ϫⲉ | ⲕⲁⲥ ⲉϥⲛⲁϯ ϩⲓⲱⲱⲛ ⲛ̄ ⲟⲩⲉⲟⲟⲩ ⲙⲛ̄
ⲟⲩⲧⲁⲓⲟ • ⲁⲩⲱ ϫⲉ ϥⲛⲁⲧⲣⲉ ⲡⲇⲓⲁⲃⲟⲗⲟⲥ ⲕⲱ ⲕⲁ ϩⲏⲩ
ⲛϥ̄ⲕⲁⲁϥ ⲉϥⲁⲥⲭⲏⲙⲱⲛⲉⲓ̈ • Ⲁϥⲁⲁϩ ⲉ ⲣⲁⲧϥ̄ ⲉ ⲡⲉⲓⲗⲁⲧⲟⲥ
ϫⲉ ⲕⲁⲥ ⲁϥⲉⲛ ϩⲱⲱⲛ ⲉⲛⲉⲁⲁϩ ⲉ ⲣⲁⲧⲛ̄ ⲙ̄ ⲡϥ︤ⲙ︥ⲧⲟ ⲉ
ⲃⲟⲗ ϩⲛ̄ ⲟⲩⲡⲁⲣϩⲩⲥⲓⲁ ϩⲙ̄ ⲡⲉϩⲟⲟⲩ ⲛ̄ ⲧⲉϥⲁⲛⲁⲥⲧⲁⲥⲓⲥ
ⲉⲧ ⲟⲩⲁⲁⲃ ⁖-ⲁⲩⲛⲟϫϥ̄ ⲉ ⲡⲉϣⲧⲉⲕⲟ • ϫⲉ ⲕⲁⲥ ⲉϥⲛⲁⲉⲛ‐
ⲧⲛ̄ ⲉ ϩⲣⲁⲓ ϩⲙ̄ ⲡⲉϣⲧⲉⲕⲟ ⲛ̄ ⲁⲙⲛ̄ⲧⲉ • ⲛϥ̄ⲧⲁⲁⲛ ⲛ̄
ⲇⲱⲣⲟⲛ ⲙ̄ ⲡⲉϥⲉⲓⲱⲧ ⲛ̄ ⲁⲅⲁⲑⲟⲥ • Ⲁϥⲁⲗⲉ ⲉϫⲙ̄ ⲡϣⲉ
ⲙ̄ ⲡⲉⲥϯⲟ︦ⲥ︦ ϫⲉ ⲉⲩⲛⲁⲥⳁⲟ︦ⲩ︦ ⲙ̄ⲙⲟϥ ϩⲁ ⲣⲟⲛ • ϫⲉ ⲕⲁⲥ
ⲉϥⲉⲧⲁⲕⲟ ⲛ̄ϩⲏⲧⲛ̄ ⲙ̄ ⲡⲛⲟⲃⲉ ⲁⲩⲱ ⲛϥ̄ⲧⲥⲁⲃⲟⲛ ⲉ ⲡⲉⲣϣ̄
ⲛⲉⲛϭⲓϫ ⲉ ⲃⲟⲗ ⲛ̄ⲧⲛ̄ϣⲗⲏⲗ ⲉ ϩⲣⲁⲓ̈ ⲉ ⲣⲟϥ ⲙⲛ̄ ⲡϥ̄ⲉⲓⲱⲧ
ⲛ̄ ⲁⲅⲁⲑⲟⲥ • ⲁϥⲕⲁⲁϥ (sic) ϩⲛ̄ ⲟⲩⲧⲁⲫⲟⲥ ϫⲉ ⲕⲁⲥ ⲉϥⲉⲧⲟⲩ‐
ⲛⲟⲥⲉⲛ ϩⲱⲱⲛ ⲛⲙ̄ⲙⲁϥ • ⲁⲩⲱ ⲛϥ̄ⲕⲱ ⲛⲁⲛ ⲉ ⲃⲟⲗ ⲛ̄
ⲛⲉⲛⲛⲟⲃⲉ ⲛ̄ⲧⲁⲛⲁⲁⲩ ϩⲛ̄ ⲟⲩⲙⲛ︦ⲧ︦ ⲁⲧ ⲥⲟⲟⲩⲛ • ⲁϥⲧⲱⲟⲩⲛ |
ⲉ ⲃⲟⲗ ϩⲛ̄ ⲛⲉⲧⲙⲟⲟⲩⲧ • ϫⲉ ⲕⲁⲥ ⲉϥⲉⲧⲥⲁⲃⲟⲛ ⲉ ⲡⲧⲩⲡⲟⲥ
ⲛ̄ ⲧϥ̄ⲁⲛⲁⲥⲧⲁⲥⲓⲥ ⲉⲧ ϩⲁ ⲉⲟⲟⲩ ⁘ ⲁϥⲃⲱⲕ ⲉ ϩⲣⲁⲓ ⲙ̄‐
ⲡⲏⲩⲉ ϫⲉ ⲕⲁⲥ ⲉϥⲉϫⲓⲧⲛ̄ ⲛⲙ̄ⲙⲁϥ ϩⲛ̄ ⲧϥ̄ ⲙⲉϩ ⲥⲛ̄ⲧⲉ


### 0039

ⲙ̄ ⲡⲁⲣⲟⲩⲥⲓⲁ • ⲁϥϩⲙⲟⲟⲥ ϩⲓ ⲟⲩⲛⲁⲙ ⲙ̄ ⲡϥ̄ⲉⲓⲱⲧ ϫⲉ
ⲕⲁⲥ ⲉϥⲉⲑⲙ̄ⲥⲟⲛ ⲛⲙ̄ⲙⲁϥ ϩⲓϫⲛ̄ ⲡⲉⲑⲣⲟⲛⲟⲥ ϩⲙ̄ ⲡⲉϩⲟⲟⲩ
ⲉⲧ ϥⲛⲁⲕⲣⲓⲛⲉ ⲛ̄ⲛⲉⲧ ⲟⲛϩ̄ ⲙⲛ̄ ⲛⲉⲧ ⲙⲟⲟⲩⲧ ⁘ ⲱ̄
ⲛⲁⲙⲉⲣⲁⲧⲉ ⲉⲓⲥ ϩⲏⲏⲧⲉ ⲁⲛⲉⲓⲙⲉ ⲉ ⲡⲉⲓ ⲛⲟϭ ⲙ̄ ⲡⲉⲗⲁⲅⲟⲥ
ⲙ̄ ⲡⲉⲧ ⲛⲁⲛⲟⲩϥ ⲛ̄ⲧ ⲁϥϣⲱⲡⲉ ⲛⲁⲛ ⲙ̄ⲡⲟⲟⲩ • ϩⲓⲧⲛ̄
ⲧⲉⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙⲁⲣⲓⲁ ⲛ̄ⲧ ⲁⲥϫⲡⲉ ⲡⲛⲟⲩⲧⲉ ⁖-
ⲁⲙⲏⲓⲧⲛ̄ ⲱ̄ ⲛⲉϩⲓⲟⲙⲉ ⲧⲏⲣⲟⲩ ⲛ̄ⲣϥ̄ϫⲡⲉ ϣⲏⲣⲉ ⲛ̄ⲧⲉⲧⲛ̄ϯ
ⲉⲟⲟⲩ ⲛ̄ ⲧⲉⲡⲁⲣⲑⲉⲛⲟⲥ ⲛ̄ⲧ ⲁⲥⲙⲓⲥⲉ ⲙ̄ ⲡⲛⲟⲩⲧⲉ • ⲁⲙⲏⲓⲧⲛ̄
ⲛⲉⲛⲧ ⲁⲩϫⲓϯⲡⲉ ⲙ̄ ⲡⲅⲁⲙⲟⲥ ⲛ̄ⲧⲉⲧⲛ̄ϯ ⲉⲟⲟⲩ ⲛ̄ ⲧⲛ̄ⲧ ⲁⲥ‐
ⲙⲓⲥⲉ ⲙ̄ ⲡⲛⲟⲩⲧⲉ ⲁϫⲛ̄ ⲥⲩⲛⲟⲩⲥⲓⲁ ⲛ̄ ϩⲟⲟⲩⲧ • ⲁⲙⲏⲓⲧⲛ̄
ⲛⲉⲭⲏⲣⲁ ⲛ̄ⲧⲉⲧⲛ̄ⲣⲁϣⲉ ⲙ̄ⲡⲟⲟⲩ ϫⲉ ⲁϥⲉⲓ ⲛ̄ϭⲓ ⲡⲉⲕⲣⲓⲧⲏⲥ
ⲛ̄ ⲛⲉⲭⲏⲣⲁ ⲁⲩⲱ ⲡⲃⲟⲏⲑⲟⲥ ⲛ̄ ⲛ̄ⲉⲃⲓⲏⲛ • Ⲁⲙⲏⲓⲧⲛ̄ ⲙ̄
ⲡⲁⲣⲑⲉⲛⲟⲥ ⲛ̄ⲧⲉ|ⲧⲛ̄ⲑⲉⲱⲣⲉⲓ ⲙ̄ ⲡⲣ̄ⲣⲟ ⲙ̄ ⲡⲉⲟⲟⲩ • ⲁⲩⲱ
ⲡⲡⲁⲣⲑⲉⲛⲟⲥ ⲉⲧ ⲧⲁⲓⲏⲩ ⲡⲉⲭ︦ⲥ︦ ⲡⲉⲧ ϯ ⲉⲟⲟⲩ ⲛ̄ ⲙ̄ⲡⲁⲣ‐
ⲑⲉⲛⲟⲥ ⲧⲏⲣⲟⲩ • ⲁⲩϫⲡⲟϥ ⲙ̄ⲡⲟⲟⲩ ⲉ ⲃⲟⲗ ϩⲛ̄ ⲧⲕⲁⲗⲁϩⲏ
ⲛ̄ ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙⲁⲣⲓⲁ • ⲧⲣ̄ⲣⲱ ⲁⲩⲱ ⲧⲙⲁⲁⲩ
ⲛ̄ ⲙ̄ⲡⲁⲣⲑⲉⲛⲟⲥ ⲧⲏⲣⲟⲩ • ⲁⲩⲱ ⲧϫⲥ̄ ⲙ̄ ⲡⲥⲱⲛ︦ⲧ︦ ⲧⲏⲣϥ̄ ⁖-
Ⲁⲙⲏⲓⲧⲛ̄ ⲛ̄ ϩⲗ̄ⲗⲟ ⲛ̄ⲧⲉⲧⲛ̄ⲛⲁⲩ ⲉ ⲡϭⲉⲣⲱⲃ ⲉⲧ ϫⲟⲟⲣ •
ⲡⲁⲓ ⲉⲧⲉⲧⲛ̄ⲧⲁϫⲣⲏⲩ ⲉ ϫⲱϥ ⲉϥⲛⲏⲩ ⲉ ⲃⲟⲗ ⲙ̄ⲡⲟⲟⲩ
ϩⲛ̄ ⲧⲕⲁⲗⲁϩⲏ ⲙ̄ ⲙⲁⲣⲓⲁ ⲧⲡⲁⲣⲑⲉⲛⲟⲥ ⲛ̄ ⲁⲧ ⲧⲱⲗⲙ̄ ⁖-
ⲁⲙⲏⲓⲧⲛ̄ ⲛ̄ ϩⲉⲣϣⲉⲉⲣⲉ ⲙⲛ̄ ⲛ̄ϣⲏⲣⲉ ϣⲏⲙ ⲛ̄ⲧⲉⲧⲛ̄ⲛⲁⲩ
ⲉ ⲧⲉⲓ ϣⲉⲉⲣⲉ ϣⲏⲙ ⲉ ⲁⲥⲙⲓⲥⲉ ⲙ̄ ⲡⲛⲟⲩⲧⲉ ⁘ ⲁⲙⲏⲓⲧⲛ̄
ⲛ̄ϣⲙ̄ⲙⲟ ⲛ̄ⲧⲉⲧⲛ̄ⲛⲁⲩ ⲉ ⲡⲉ ⲛⲧⲁϥⲣ̄ ϣⲙ̄ⲙⲟ ⲙⲛ̄
ⲧⲉϥⲙⲁⲁⲩ ⲙ̄ ⲡⲁⲣⲑⲉⲛⲟⲥ ⲉ ⲧⲃⲏⲏⲧⲛ̄ ⁖-Ⲁⲙⲏⲓⲧⲛ̄ ⲛⲉ
ⲫⲩⲗⲟⲟⲩⲉ ⲧⲏⲣⲟⲩ ⲙ̄ ⲡⲕⲁϩ • ⲙⲛ̄ ⲛ̄ϩⲉⲑⲛⲟⲥ ⲧⲏⲣⲟⲩ
ⲛ̄ⲧⲉⲧⲛ̄ⲛⲁⲩ ⲉ ⲡⲉ ⲛⲧⲁⲩϫⲡⲟϥ ⲛⲁⲛ ⲙ̄ⲡⲟⲟⲩ • ϩⲛ̄ ⲟⲩⲙⲁ
ⲛ ϭⲟⲓⲗⲉ • ⲉϥⲟ ⲛ̄ ϣⲏⲣⲉ ϣⲏⲙ • ⲁⲩⲱ ⲛ̄ ⲑⲉ ⲛ̄ ⲟⲩϩⲏⲕⲉ
ⲛ̄ ⲉⲃⲓⲏⲛ • ⲉ ⲁⲩϭⲟⲟⲗϥ̄ ⲛ̄ ϩⲉⲛⲧⲟⲉⲓⲥ • ⲁⲩϫⲧⲟϥ ϩⲛ̄
ⲟⲩⲟⲙϥ̄ ⲛ̄ ⲧⲃ̄ⲛⲏ ⁖-Ⲛ︦ⲁⲥⲡⲉ ⲧⲏⲣⲟⲩ ⲙ̄ ⲡⲕⲟⲥⲙⲟⲥ ⲧⲏⲣϥ̄
ⲁⲙⲏⲓⲧⲛ̄ | ⲛ̄ⲧⲉⲧⲛ̄ⲛⲁⲩ ⲉ ⲡⲉⲛⲧ ⲁϥϫⲱⲱⲣⲉ ⲉ ⲃⲟⲗ ⲛ̄ ⲛ̄-
ⲁⲥⲡⲉ ⲧⲏⲣⲟⲩ • ϫⲉ ⲛ̄ⲛⲉ ⲡⲟⲩⲁ ⲡⲟⲩⲁ ⲥⲱⲧⲙ̄ ⲉ ⲧⲁⲥⲡⲉ
ⲙ̄ ⲡⲉⲧ ϩⲓⲧⲟⲩⲱϥ • ⲉϥⲛⲏⲩ ⲉ ⲃⲟⲗ ϩⲛ̄ ⲧⲕⲁⲗⲁϩⲏ ⲙ̄
ⲙⲁⲣⲓⲁ ⲧⲡⲁⲣⲑⲉⲛⲟⲥ • ⲡⲕⲁϩ ⲧⲏⲣϥ̄ ⲧⲉⲗⲏⲗ ⲙ̄ⲡⲟⲟⲩ •
ϫⲉ ⲡⲉⲛⲧ ⲁϥⲥⲟⲛⲧϥ̄ ⲁϥⲉⲓ̈ ⲉ ⲡⲉⲥⲏⲧ ⲉ ϫⲱϥ • Ⲛⲁ ⲙ̄‐


### 0040

ⲡⲏⲩⲉ ⲧⲏⲣⲟⲩ ⲣⲁϣⲉ ⲙ̄ⲡⲟⲟⲩ ϫⲉ ⲡⲉⲛⲧ ⲁϥⲧⲁⲙⲓⲉ ⲙ̄‐
ⲡⲏⲩⲉ ϩⲛ̄ ⲧϥ̄ⲥⲟⲫⲓⲁ ⲉⲓ ⲉ ⲃⲟⲗ ⲙ̄ⲡⲟⲟⲩ ϩⲛ̄ ⲧⲕⲁⲗⲁϩⲏ
ⲙ̄ ⲙⲁⲣⲓⲁ ⲧⲡⲁⲣⲑⲉⲛⲟⲥ • ⲛⲉⲡⲣⲟⲫⲏⲧⲏⲥ ⲣⲁϣⲉ ⲙ̄ⲡⲟⲟⲩ
ϫⲉ ⲁϥⲉⲓ ⲉ ⲃⲟⲗ ⲙ̄ⲡⲟⲟⲩ ϩⲛ̄ ⲙⲁⲣⲓⲁ ⲛ̄ϭⲓ ⲡⲉⲧ ⲛⲁϫⲱⲕ
ⲉ ⲃⲟⲗ ⲛ̄ ⲛⲉⲩⲡⲣⲟⲫⲏϯⲁ • Ⲁⲃⲉⲗ ⲣⲁϣⲉ ⲙ̄ⲡⲟⲟⲩ ϫⲉ
ⲁϥⲉⲓ ⲛ̄ϭⲓ ⲡⲉⲧ ⲛⲁⲣ̄ ⲡⲉⲕⲃⲁ ⲙ̄ ⲡⲉϥⲥⲛⲟϥ ⲙⲛ̄ ⲡⲉϥⲥⲟⲛ •
Ϩⲁⲡⲁⲝ ϩⲁⲡⲗⲱⲥ ⲧⲉⲕⲧⲏⲥⲓⲥ ⲧⲏⲣⲥ̄ ⲧⲉⲗⲏⲗ ⲙ̄ⲡⲟⲟⲩ
ϩⲙ̄ ⲡⲉⲓ ⲛⲟϭ ⲛ̄ ϣⲁ ⲉⲧ ⲡⲟⲣϣ̄ ⲉ ⲃⲟⲗ ϩⲛ̄ ⲧⲟⲓⲕⲟⲩⲙⲉⲛⲏ
ⲧⲏⲣⲥ̄ ϫⲉ ⲁ ⲡⲗⲟⲅⲟⲥ ⲙ̄ ⲡⲉⲓⲱⲧ ⲟⲩⲟⲛϩϥ̄ ⲉ ⲃⲟⲗ ϩⲛ̄
ⲧⲕⲟⲩⲓ ⲙ̄ ⲡⲟⲗⲓⲥ ⲃⲏⲑⲗⲉⲉⲙ ⲉ ⲁϥϣⲁ ⲛⲁⲛ ⲉ ⲃⲟⲗ ϩⲛ̄
ⲧⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙⲁⲣⲓⲁ • ⲧⲉⲛⲟⲩ ϭⲉ ⲱ̄ ⲛⲁ‐
ⲙⲉ|ⲣⲁⲧⲉ ⲛ̄ ϩⲟⲥⲟⲛ ⲁⲛⲙⲉⲧⲉⲭⲉ • ⲉ ⲡⲉⲓ ⲛⲟϭ ⲙ̄ ⲙⲩ‐
ⲥⲧⲏⲣⲓⲟⲛ ⲙ̄ⲡⲟⲟⲩ ⲉⲧⲉ ⲡϩⲟⲩ ⲙⲓⲥⲉ ⲙ̄ ⲡⲉⲭ︦ⲥ︦ ⲡⲗⲟⲅⲟⲥ
ⲙ̄ ⲡⲉⲓⲱⲧ • ⲁⲩⲱ ⲡⲣ̄ⲣⲟ ⲛ̄ ⲛⲣ̄ⲣⲱⲟⲩ • ⲙⲁⲣⲛ̄ ⲉⲓⲣⲉ ⲛ̄
ϩⲉⲛⲡⲣⲁⲝⲓⲥ ⲉ ⲛⲁⲛⲱⲟⲩ ⲉⲩⲧⲟⲟⲙⲉ ⲉ ⲡⲉⲓ ⲛⲟϭ ⲛ̄ ϣⲁ
ⲉⲧ ⲟⲩⲁⲁⲃ • ⲙⲁⲣⲉ ⲡⲉⲓ ϣⲁ ϣⲱⲡⲉ ⲛ̄ ⲧⲓⲡⲗⲱⲛ ⲛⲁⲛ
ⲁⲩⲱ ⲛ̄ ⲟⲩⲛⲟϥ • ϣⲟⲣⲡ̄ ⲙⲉⲛ ϫⲉ ⲁⲩⲙⲟⲩⲧⲉ ⲉ ⲣⲟⲛ
ϫⲉ ⲭⲣⲓⲥϯⲁⲛⲟⲥ • ⲙⲛ︤ⲛ︥ⲥⲱⲥ ϫⲉ ϩⲙ̄ϩⲁⲗ ⲙ̄ ⲡⲉⲭ︤ⲥ︥ •
ⲙ̄ⲡⲣ̄ ⲧⲣⲉ ⲛⲉⲓ ⲉ ⲃⲟⲗ ϩⲛ̄ ⲧⲕ̄ⲕⲗⲏⲥⲓⲁ ⲉⲛⲥⲱⲧⲙ̄ ⲉ ⲛϥ̄‐
ⲗⲟⲅⲟⲥ ⲉⲧ ⲟⲩⲁⲁⲃ ⲉⲧⲟⲩϯⲥⲃⲱ ⲛⲁⲛ ⲛ̄ϩⲏⲧⲟⲩ ⲁⲩⲱ
ⲛ̄ⲧⲛ︦ⲣ︦ ⲡⲉⲩⲱⲃϣ̄ ⲙ̄ⲡⲁⲧ ⲛ̄ⲡⲱϩ ⲉ ⲛ̄ⲣⲟ ⲙ̄ ⲡⲉⲛⲏⲓ • ⲙⲁⲣⲛ̄
ⲫⲟⲣⲉⲓ ⲛ̄ ⲟⲩϩⲃ̄ⲥⲱ ⲉⲥⲡⲣ̄ⲉⲓⲱⲟⲩ ⲡⲣⲟⲥ ⲡⲧⲁⲓⲟ ⲉⲧ ⲧⲟⲟⲙⲉ
ⲉ ⲡⲉⲓ ⲛⲟϭ ⲛ̄ ϣⲁ ⲙ̄ⲡⲟⲟⲩ • ⲉⲧⲉ ⲧⲁⲓ ⲧⲉ ⲧⲇⲓⲕⲁⲓⲟⲥⲩⲛⲏ
ⲙⲛ̄ ⲡⲛⲁ ⲙⲛ̄ ⲡϩⲁⲡ • ⲙⲛ̄ ϩⲱⲃ ⲛⲓⲙ ⲉ ⲛⲁⲛⲱⲟⲩ • Ⲧⲁⲓ
ⲅⲁⲣ ⲧⲉ ⲧⲑⲃ̄ⲥⲱ ⲉⲧ ⲉⲣⲁⲛⲁϥ ⲙ̄ ⲡⲛⲟⲩⲧⲉ • ⲁⲩⲱ ⲛ̄ⲧⲟⲥ
ⲉⲧ ⲧⲟⲟⲙⲉ ⲉ ⲡⲉⲓ ϣⲁ ⲉⲁ ϥⲧⲁⲁⲥ ϩⲓⲱⲱⲛ • ⲙ̄ⲡⲣ̄ ⲧⲣ ⲛ̄ⲕⲁⲁⲛ
ⲕⲁ ϩⲏⲩ ⲙ̄ⲙⲟⲥ ϩⲓⲧⲛ̄ ⲧⲁⲙⲉ|ⲗⲓⲁ • ⲟⲩⲟⲓ ⲛ̄ⲛⲉⲧ ⲉⲣⲉ
ⲡⲛⲩⲙⲫⲓⲟⲥ ⲛⲁⲉⲓ ⲛϥ̄ⲛⲁⲩ ⲉ ⲣⲟⲟⲩ • ⲉⲙⲛ̄ ϩⲃ̄ⲥⲱ ⲙ̄
ⲙⲁ ⲛ̄ ϣⲉⲗⲉⲉⲧ ⲧⲟ ϩⲓⲱⲟⲩ • Ⲁⲩⲱ ⲉⲩϩⲛ̄ ⲧⲙⲏⲏⲧⲉ ⲛ
ⲛⲉⲛⲧⲁⲩⲧⲁϩⲙⲟⲩ ⲧⲏⲣⲟⲩ ⲡⲣⲟⲥ ⲡⲉⲩⲙ̄ⲡϣⲁ • ⲛϥ̄ⲁⲡⲉⲓⲗⲏ
ⲉ ⲣⲟⲟⲩ ϩⲛ̄ ⲟⲩⲛⲟϭ ⲛ̄ ⲁⲡⲉⲓⲗⲏ ϩⲛ̄ ⲧⲙⲏⲏⲧⲉ ⲛ̄ ⲛⲉⲧ
ⲛⲏϫ ⲧⲏⲣⲟⲩ ⲛϥ̄ϫⲟⲟⲥ ⲛⲁⲩ ϫⲉ ⲡⲉϣⲃⲏⲣ ⲛ̄ ⲁϣ ⲛ̄ ϩⲉ
ⲁⲕⲉⲓ ⲉ ϩⲟⲩⲛ ⲉ ⲡⲉⲓ ⲙⲁ • ⲉⲙⲛ̄ ϩⲃ̄ⲥⲱ ⲙ̄ ⲙⲁ ⲛ̄ ϣⲉⲗⲉⲉⲧ
ⲧⲟ ϩⲓⲱⲱⲕ • ⲁⲩⲱ ⲧϥ̄ⲧⲁⲡⲣⲟ ⲛⲁⲧⲱⲙ ϩⲛ̄ ⲧⲙⲏⲏⲧⲉ


### 0041

ⲛ̄ ⲛⲉⲧ ⲛⲏϫ • ϥⲛⲁⲟⲩⲉϩⲥⲁϩⲛⲉ ⲛ̄ϭⲓ ⲡⲣ̄ⲣⲟ ⲛ̄ⲛⲉⲧ ⲁⲁϩⲉ
ⲣⲁⲧⲟⲩ ⲉ ⲧⲇⲓⲁⲕⲱⲛⲉⲓ̄ ⲉ ⲧⲣⲉ ⲩⲙⲟⲩⲣ ⲛ̄ ⲛⲉϥⲟⲩⲣⲏⲏⲧⲉ
ⲛⲥⲉⲛⲟⲩϫⲉ ⲙ̄ⲙⲟϥ ⲉ ⲃⲟⲗ ⲉ ⲡⲕⲁⲕⲉ ⲉⲧ ϩⲓ ⲃⲟⲗ ⲉϥ‐
ⲛⲁϣⲱⲡⲉ ⲙ̄ⲙⲁⲩ ⲛ̄ϭⲓ ⲡⲣⲓⲙⲉ ⲁⲩⲱ ⲡϭⲁϩϭⲉϩ ⲛ̄
ⲛ̄ⲟⲃϩⲉ • ⲟⲩⲟⲓ ⲛ̄ⲛⲉⲧ ⲛ̄ⲕⲟⲧⲕ̄ ϩⲓ̄ⲧⲛ̄ ⲧⲁⲙⲉⲗⲓ̈ⲁ ⲛ̄ⲧⲉ ⲧⲉ‐
ⲥⲙⲏ ϣⲱⲡⲉ ϫⲉ ⲉⲓⲥ ⲡⲡⲁⲧϣⲉⲗⲉⲉⲧ ⲁⲙⲏⲓⲧⲛ̄ ⲉ ⲃⲟⲗ ⲉ
ⲧⲱⲙⲛ︦ⲧ︦ ⲉ ⲣⲟϥ • ⲛ̄ⲧⲉ ⲛⲉⲧ ⲥⲃ̄ⲧⲱⲧ ⲃⲱⲕ ⲉ ϩⲟⲩⲛ ⲛⲙ̄ⲙⲁϥ
ⲉ ⲡⲙⲁ | ⲛ̄ ϣⲉⲗⲉⲉⲧ ⲛϥ̄ϣⲧⲁⲙ ⲙ̄ ⲡⲣⲟ • ⲛ̄ⲥⲉⲉⲓ ⲛ̄ϭⲓ ⲛⲉ
ⲛⲧⲁ ⲛⲉⲩⲗⲁⲙⲡⲁⲥ ϫⲉⲛⲁ ⲛ̄ⲥⲉⲧⲱϩⲙ̄ ⲉ ϩⲟⲩⲛ ϫⲉ ⲡϫ︦ⲥ︦
ⲡϫ︦ⲥ︦ • ⲁⲛⲟⲩⲱⲛ ⲛⲁⲛ ⲛ̄ⲥⲉⲥⲱⲧⲙ̄ ⲉ ⲧⲥⲙⲏ ⲉⲧ ⲙⲉϩ ⲛ̄
ⲁⲡⲩⲗⲏ ϩⲓ ϩⲟⲧⲉ ϫⲉ ϩⲁⲙⲏⲛ ϯϫⲱ ⲙ̄ⲙⲟⲥ ⲛⲏⲧⲛ̄ ϫⲉ
ⲛ̄ ϯⲥⲟⲟⲩⲛ ⲙ̄ⲙⲱⲧⲛ̄ ⲁⲛ ⁖-Ⲙⲁⲣⲟⲩⲥⲱⲧⲙ̄ ϭⲉ ⲧⲉⲛⲟⲩ
ⲛ̄ϭⲓ ⲛⲁⲓ ⲛ̄ⲧⲉⲓ ⲙⲓⲛⲉ ⲉ ⲡⲛⲟϭ ⲛ̄ ⲥⲁϩ ⲛ̄ ⲧⲕ̄ⲕⲗⲏⲥⲓⲁ
ⲡⲉⲧⲣⲟⲥ ⲡⲉⲥⲧⲩⲗⲗⲟⲥ ⲛ̄ ⲧⲙⲉ • ϫⲉ ⲛⲁⲓ ⲇⲉ ⲙ̄ⲡⲣ̄ ⲧⲣϥ̄
ϣⲱⲡⲉ ⲛⲁⲩ ⲛ̄ϭⲓ ⲡⲕⲟⲥⲙⲟⲥ ⲉⲧ ϩⲓ ⲃⲟⲗ ⲛ̄ϩⲱⲗϭ̄ ϩⲓ ⲛⲟⲃ
ϩⲓ ϩⲟⲓⲧⲉ ϩⲓ ⲉⲓⲛⲉ ⲙ̄ ⲙⲉ • ⲁⲗⲗⲁ ⲙ̄ ⲡⲣⲱⲙⲉ ⲉⲧ ϩⲏⲡ
ⲛ̄ⲧⲉ ⲡϩⲏⲧ ϩⲛ̄ ⲧⲙ︦ⲛ︦ⲧ︦ ⲁⲧ ⲧⲁⲕⲟ ⲙ̄ ⲡⲉⲡⲛⲁ̄ ⲛ̄ ⲣⲙ̄ⲣⲁϣ
ⲡⲁⲓ ⲉⲧ ⲙ̄ ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ ⲉⲧ ⲧⲁⲓⲏⲩ • ϫⲉ ⲕⲁⲥ
ⲛ̄ⲛⲉⲩϭⲛ̄ ⲁⲫⲟⲣⲙⲏ ⲛ̄ϭⲓ ⲛⲁⲓ ⲛ̄ ϯⲙⲉⲓ̄ⲛⲉ • ⲁⲩϯ ⲙⲁⲉⲓⲛ
ⲛⲁⲩ ϩⲓⲧⲛ̄ ⲛⲉ ⲛⲧⲁⲩϣⲱⲡⲉ ϩⲁ ⲧⲉⲩϩⲏ • ⲉⲁⲩⲕⲗⲏⲣⲟⲩ
ⲉⲩⲛⲟϭ ⲙ̄ ⲙⲛ︦ⲧ︦ⲣⲙ̄ⲙⲁⲟ ⲉⲩϫⲱ ⲙ̄ⲙⲟⲥ ϫⲉ ⲧⲁⲓ ⲧⲉ ⲑⲉ
ⲉⲛⲉⲩⲕⲟⲥⲙⲉⲓ ⲙ̄ⲙⲟⲟⲩ ⲛ̄ϭⲓ ⲛⲉϩⲓⲟⲟⲙⲉ ⲉⲧ ⲟⲩⲁⲁⲃ ⲉⲧ |
ϩⲗ̄ⲡⲓⲍⲉ ⲉ ⲡⲛⲟⲩⲧⲉ ⲛ̄ ⲑⲉ ⲛ̄ ⲥⲁⲣⲁ ⲧⲉⲥϩⲓⲙⲉ ⲉⲧ ⲟⲩⲁⲁⲃ
ⲛ̄ ⲁⲃⲣⲁϩⲁⲙ • ⲧⲁⲓ ⲉⲧ ⲥⲱⲧⲙ̄ ⲛ̄ⲥⲁ ⲁⲃⲣⲁϩⲁⲙ ⲡⲉⲥϩⲁⲓ •
ⲉⲥⲙⲟⲩⲧⲉ ⲉ ⲣⲟϥ ϫⲉ ⲡⲁ ϫⲟⲉⲓⲥ ⲉⲁϥϯ ⲁⲡⲟⲇⲓⲝⲏⲥ ⲛⲁⲩ
ϩⲙ̄ ⲡⲉⲓ|ϣⲁϫⲉ ⲉϥϫⲱ ⲙ̄ⲙⲟⲥ ϫⲉ ⲧⲁⲓ ⲛ̄ⲧⲁ ⲧⲉⲧⲉⲛ̄ϣⲱⲡⲉ
ⲛⲁⲥ ⲛ̄ϣⲉⲉⲣⲉ ⲉⲧⲉⲧⲛ̄ⲉⲓⲣⲉ ⲙ̄ ⲡⲡⲉⲧ ⲛⲁⲛⲟⲩϥ • ⲛ̄ⲧⲉⲧⲛ︦ⲣ︦
ϩⲟⲧⲉ ⲁⲛ ϩⲏⲧⲥ̄ ⲛ̄ ⲗⲁⲁⲩ ⲛ̄ ϩⲟⲧⲉ • ϩⲱⲥ ⲧⲉ ⲥϩⲓⲙⲉ
ⲛⲓⲙ ⲉⲧ ⲛⲁⲙⲟⲟϣⲉ ⲕⲁⲧⲁ ⲛⲉⲡⲣⲁⲝⲓⲥ ⲉⲧ ⲛⲁⲛⲱⲟⲩ ⲛ̄
ⲛⲉϩⲓⲟⲙⲉ ⲛ̄ⲥⲉⲙⲛⲏ • ⲛ̄ ⲑⲉ ⲛ ⲥⲁⲣⲣⲁ ϩⲙ̄ ⲡⲙⲁ ⲉⲛⲉⲥ
ⲛ̄ϩⲏⲧϥ̄ ⲧⲉⲛⲟⲩ ϩⲛ̄ ⲧⲙⲛ︦ⲧ︦ⲉⲣⲟ ⲛ̄ ⲙ̄ⲡⲏⲩⲉ • ⲁⲩⲱ ⲥⲉⲛⲁ‐
ⲁⲙⲁⲧⲉ ⲛ̄ ⲛⲉⲓ ⲁⲅⲁⲑⲟⲛ ⲛ̄ ⲟⲩⲱⲧ ⲛⲙ̄ⲙⲁⲥ ϩⲙ̄ ⲡⲙⲁ
ⲛ̄ ϣⲱⲡⲉ ⲛ̄ ⲛⲉⲧ ⲉⲩⲫⲣⲁⲛⲉ • ⲡⲙⲁ ⲛ̄ⲧ ⲁϥⲡⲱⲧ ⲉ ⲃⲟⲗ
ⲛ̄ϩⲏⲧϥ̄ ⲛ̄ϭⲓ ⲡⲙ̄ⲕⲁϩ ⲛ̄ϩⲏⲧ ⲙⲛ̄ ⲧⲗⲩⲡⲏ ⲙⲛ̄ ⲡⲁ‐


### 0042

ϣⲁϩⲟⲙ • Ⲁⲗⲗⲁ ⲡⲁⲛⲧⲱⲥ ⲛ̄ⲧⲉⲧⲛ̄ⲃⲱⲕ ⲉ ⲧⲕ̄ⲕⲗⲏⲥⲓⲁ
ⲛ̄ⲧⲉⲧⲛ̄ⲟⲩⲱⲛϩ̄ ⲉ ⲃⲟⲗ ⲛ̄ ϩⲉⲛϩⲃⲏⲩⲉ ⲉⲩϣⲟⲩⲉⲓⲧ ⲉⲧⲉⲧⲛ̄-
ϣⲟⲩϣⲟⲩ ⲙ̄ⲙⲱⲧⲛ̄ ϩⲛ̄ ⲧⲙⲛ︤ⲧ︥ⲣⲉϥⲣ̄ϣⲁ • ⲙⲛ︤ⲛ︥ⲥⲱⲥ ⲇⲉ
ⲛ̄ⲧⲉⲧⲛ̄ⲉⲓ ⲉ ⲃⲟⲗ ϩⲛ̄ ⲧⲉⲕ|ⲕⲗⲏⲥⲓⲁ ⲛ̄ⲧⲉⲧⲛ̄ⲃⲱⲕ ⲉ ⲛⲉⲧⲛ̄ⲏⲓ
ⲛ̄ⲧⲉⲧⲛ̄ⲛⲁⲩ ⲉ ⲛⲉⲧⲣⲁⲡⲉⲍⲁ ⲉⲩⲟⲩⲟⲗⲉ ⲛ̄ⲁⲅⲁⲑⲟⲛ ⲛⲓⲙ
ⲉⲣⲉ ⲟⲩⲙⲏⲏϣⲉ ⲛ̄ ϩⲏⲕⲉ ⲛ̄ ⲥⲁ ⲃⲟⲗ ⲙ̄ ⲡⲉⲧⲛ̄ⲣⲟ ⲉⲩϣⲟⲟⲡ
ϩⲛ̄ ⲟⲩϭⲣⲱⲱϩ ⲁⲩⲱ ⲉⲩⲣ̄ ⲭⲣⲓⲁ ⲛ̄ ⲧⲉⲧⲣⲟⲫⲏ ⲙⲛ̄ ⲑⲃ̄ⲥⲱ
ⲉⲩϩⲕⲟⲉⲓⲧ ⲉⲩⲟⲃⲉ ⲛ̄ⲧⲉⲧⲛ̄ⲕⲧⲟ ⲁⲛ ⲙ̄ ⲡⲉⲧⲛ̄ϩⲟ ⲉ ϫⲱⲟⲩ •
ⲛ̄ⲧⲉⲧⲛ̄ϭⲱϣⲧ̄ ⲛ̄ⲥⲱⲟⲩ ⲁⲛ ⲉ ⲡⲧⲏⲣϥ̄ • Ⲟⲩ ⲡⲉ ⲡϩⲏⲩ ⲛ̄
ⲧⲉⲓ ⲙⲛ︦ⲧ︦ⲣⲉϥⲣ̄ϣⲁ ⲛ̄ ⲧⲉⲓ ⲙⲓⲛⲉ • ⲡⲁⲛⲧⲱⲥ ⲅⲁⲣ ⲛ̄ⲧⲁ
ⲏⲥⲁⲓⲁⲥ ⲡⲁ ⲡⲉⲓ ⲛⲟϭ ⲛ̄ ϩⲣⲟⲟⲩ ϩⲛ̄ ⲛⲉⲡⲣⲟⲫⲏⲧⲏⲥ ⲣ̄
ⲡⲙⲉⲉⲩⲉ ⲛ̄ ⲛⲁⲓ ⲛ̄ ⲧⲉⲓ ⲙⲓ̄ⲛⲉ • ⲁϥϫⲟⲟⲥ ϩⲙ̄ ⲡⲉⲡⲣⲟⲥⲟ‐
ⲡⲟⲛ ⲛ̄ ⲟⲩⲱⲧ ⲙ̄ ⲡⲛⲟⲩⲧⲉ ϫⲉ ⲛⲉⲧⲛ̄ⲥⲟⲩⲁ ⲙⲛ̄ ⲛⲉⲧⲛ̄-
ϣⲁ ⲧⲁ ⲯⲩⲭⲏ ⲙⲟⲥⲧⲉ ⲙ̄ⲙⲟⲟⲩ ⁖-ⲁⲧⲉⲧⲛ̄ϣⲱⲡⲉ ⲛⲁⲓ
ⲉⲩⲥⲉⲓ ⲛ̄ⲛⲁⲕⲱ ϭⲉ ⲉ ⲃⲟⲗ ⲛ̄ ⲛⲉⲧⲛ̄ⲛⲟⲃⲉ • ⲉⲓⲥ ϩⲏⲏⲧⲉ
ϭⲉ ⲧⲉⲛⲟⲩ ϯⲛⲁⲩ ⲉⲩⲙⲏⲏϣⲉ ⲛ̄ϩⲏⲧ ⲧⲏⲩⲧⲛ̄ ⲉⲩⲁϩⲉ
ⲣⲁⲧⲟⲩ ⲙ̄ ⲡⲉⲓ ⲙⲁ ⲉⲣⲉ ⲛⲉⲩϩⲟ ⲟⲕⲙ̄ ⲉ ⲧⲃⲉ ⲛⲉⲧ ⲟⲩⲥⲱⲧⲙ̄
ⲉ ⲣⲟⲟⲩ ⲉⲣⲉ ⲛⲉⲩⲃⲁⲗ ⲙⲉϩ | ⲛ̄ ⲣⲙ̄ⲉⲓⲏ ⲉⲩϣⲁⲛⲉⲓ ⲇⲉ
ⲉ ⲃⲟⲗ ϩⲛ̄ ⲧⲕ̄ⲕⲗⲏⲥⲓⲁ ϣⲁⲩⲣ̄ ⲡⲱⲃϣ̄ ⲛ̄ⲧⲉⲩⲛⲟⲩ ⲛ̄ ⲛⲉ
ⲛⲧⲁⲩⲥⲟⲧⲙⲟⲩ • ⲁⲩⲱ ϣⲁⲩⲕⲧⲟⲟⲩ ⲉ ⲛⲉⲩϩⲃⲏⲩⲉ ⲛ̄ ⲕⲉ
ⲥⲟⲡ • ⲙⲁⲗⲗⲟⲛ ⲇⲉ ϣⲁⲩⲟⲩⲱϩ ⲉ ϩⲣⲁⲓ ⲉ ϫⲱⲟⲩ • Ⲁⲩⲱ
ⲁϩⲣⲟⲓ ⲉⲓϫⲱ ⲙ̄ⲙⲟⲥ ϫⲉ ⲉⲩϣⲁⲛⲉⲓ ⲉ ⲃⲟⲗ ϩⲛ̄ ⲧⲕ̄ⲕⲗⲏⲥⲓⲁ •
ⲁⲗⲗⲁ ⲙ̄ⲡⲁⲧ ⲟⲩⲉⲓⲟ ⲉ ⲃⲟⲗ ⲛ̄ ⲛ̄ⲣⲙ̄ⲉⲓⲟⲟⲩⲉ ⲉⲧ ϩⲛ̄
ⲛⲉⲩⲃⲁⲗ • ϣⲁⲩϭⲛ̄ⲧⲟⲩ ⲉⲩⲙⲉⲉⲩⲉ ⲉ ⲃⲟⲗ ⲉ ⲛⲉⲧ ⲟⲩⲛⲁⲉⲓ
ⲉ ⲃⲟⲗ • ⲛ̄ⲥⲉⲁⲁⲩ ⲉⲩϭⲱϣⲧ̄ ⲉ ⲃⲟⲗ ϩⲛ̄ ⲧⲕ̄ⲕⲗⲏⲥⲓⲁ ϫⲉ
ⲡⲁⲛⲧⲱⲥ ⲥⲉⲛⲁϭⲛ̄ ⲟⲩⲁ̄ⲑⲏⲧ ⲛ̄ ⲧⲉⲩϩⲉ • ⲉⲩⲥⲟⲩⲧⲛ̄ ⲧⲏⲏⲃⲉ
ⲉ ⲛⲉⲩⲉⲣⲏⲩ ⲧⲁⲣⲟⲩⲑⲉⲱⲣⲉⲓ ⲛ̄ ⲛⲉⲝⲟⲩⲣ ⲛ̄ ⲛⲟⲩⲃ ⲉⲧ ϩⲛ̄
ⲛⲉⲩⲧⲏⲏⲃⲉ ⲉⲩϯ ⲛ̄ ⲛⲉⲩϭⲓϫ ⲛⲁⲩ ⲛ̄ ⲗⲟⲅⲟⲥ ⲉ ⲧⲙ̄
ⲡⲁⲣⲁⲃⲁ ⲙ̄ⲙⲟⲟⲩ • ⲉⲩⲉⲣⲏⲧ ⲛⲁⲩ ⲛ̄ ϩⲉⲛⲉⲣⲏⲧ ϩⲛ̄ⲣⲱⲟⲩ
ⲉⲣⲉ ⲡⲉⲩϩⲏⲧ ⲙⲉϩ ⲙ̄ ⲙⲛ︦ⲧ︦ⲛⲟⲉⲓⲕ • ⲉⲣⲉ ⲡⲉⲩϩⲏⲧ ϫⲓϥⲟⲕⲥ̄
ϩⲓⲧⲛ̄ ⲡⲉϩⲟⲩⲟ ⲛ̄ ⲛⲉⲩⲙⲛ︤ⲧ︥ⲛⲟⲉⲓⲕ ⲙⲛ̄ ⲧⲉⲩⲉⲡⲉⲓⲑⲩⲙⲓⲁ •
ⲉⲣⲉ ⲛⲉⲩⲥⲡⲟⲧⲟⲩ ϫⲱ ⲛ̄ ⲛⲉⲧ ϭⲟⲟⲙⲉ • ⲉϩⲛⲁⲩ ⲙⲉⲛ
ⲉ ⲉⲓ ⲉ ⲃⲟⲗ ϩⲛ̄ ⲧⲕ̄ⲕⲗⲏⲥⲓⲁ ϩⲓⲧⲙ̄ ⲡⲉϩⲟⲩⲟ ⲙ̄ ⲡⲉⲩⲥⲱⲣⲙ̄ |
ⲙ̄ⲡⲁⲧ ⲟⲩϫⲓ ⲛ̄ ϯⲣⲏⲛⲏ ⲁⲩⲱ ⲛⲁⲓ̈ ϫⲱ ⲙ̄ⲙⲟⲥ ϫⲉ ⲁⲛⲟⲛ


### 0043

ϩⲉⲛⲭⲣⲓⲥϯⲁⲛⲟⲥ • ⲉⲛⲁϩⲉ ⲣⲁⲧⲛ̄ ϩⲛ̄ ⲧⲉⲕⲕⲗⲏⲥⲓⲁ ⲛ̄‐
ϣⲗⲏⲗ ⲉⲛⲣ̄ ϣⲁ ⲙ̄ ⲡⲉⲭ︤ⲥ︥ ⁖-Ⲙⲁⲣⲟⲩⲉⲓ ⲧⲉⲛⲟⲩ ⲛ̄ϭⲓ
ⲛⲁⲓ ⲛ̄ ϯⲙⲉⲓⲛⲉ • ⲛ̄ⲥⲉⲥⲱⲧⲙ̄ ⲏⲥⲁⲓ̈ⲁⲥ ⲡⲉⲡⲣⲟⲫⲏⲧⲏⲥ
ⲉϥϫⲱ ⲙ̄ⲙⲟⲥ ϫⲉ ⲉⲧⲉⲧⲛ̄ϣⲁⲛⲡⲉⲣϣ̄ ⲛⲉⲧⲛ̄ϭⲓϫ ⲉ ⲃⲟⲗ
ⲉ ϩⲣⲁⲓ ⲉ ⲣⲟⲓ ϯⲛⲁⲕⲧⲉ ⲛⲁⲃⲁⲗ ⲉ ⲃⲟⲗ ⲙ̄ⲙⲱⲧⲛ̄ • ⲁⲩⲱ
ⲉⲧⲉⲧⲛ̄ϣⲁⲛⲧⲁϣⲟ ⲙ̄ ⲡⲉⲧⲛ̄ⲥⲟⲡⲥⲡ̄ ϯⲛⲁⲥⲱⲧⲙ̄ ⲉⲣⲱⲧⲛ̄
ⲁⲛ • ⲛⲉⲧⲛ̄ϭⲓϫ ⲅⲁⲣ ⲙⲉϩ ⲛ̄ ⲥⲛⲟϥ • ⲁⲩⲱ ⲛⲉⲧⲛ̄ⲥⲡⲟⲧⲟⲩ
ϩⲛ̄ ϩⲉⲛⲁⲛⲟⲙⲓⲁ ⲁⲩⲱ ⲛⲉⲧⲛ̄ⲗⲁⲥ ⲙⲉⲗⲏⲧⲁ ⲛ̄ ⲟⲩϫⲓⲛ‐
ϭⲟⲛⲥ̄ • ⲙⲏ ⲛ̄ ⲛⲁⲓ ⲁⲛ ⲛⲉ ⲛⲉϫⲡⲓⲟ ⲉⲧ ⲉⲣⲉ ⲛⲁⲓ
ⲛⲁⲥⲱⲧⲙ̄ ⲉ ⲣⲟⲟⲩ • ⲉϣϫⲉ ⲉⲕⲟⲩⲱϣ ⲇⲉ ⲉⲣϣⲁ ⲱ̄
ⲡⲙⲉⲣⲓⲧ ⲁⲩⲱ ⲛ̄ⲥⲉⲟ̄ⲡⲕ̄ ⲙⲛ̄ ⲛ̄ϩⲙ̄ϩⲁⲗ ⲙ̄ ⲡⲉⲭ︦ⲥ︦ • ⲕⲱ̄
ⲛ̄ ⲛⲉⲡⲣⲁⲝⲓⲥ ⲛ̄ ϣⲟⲣⲡ̄ ⲛ̄ ⲑⲉ ⲛ̄ ⲙ̄ⲙⲁⲅⲟⲥ • ⲥⲙⲟⲩ
ⲙⲛ̄ ⲛ̄ⲁⲅⲅⲉⲗⲟⲥ ⲛ̄ ⲑⲉ ⲛ̄ ⲛ̄ϣⲟⲟⲥ • ⲕⲱ ⲡⲉⲕⲣⲟ ⲉϥⲟⲩⲏⲛ •
ⲛ̄ ⲑⲉ ⲛ̄ ⲥⲁⲗⲱⲙⲏ ⁖-Ⲟⲩⲟϩⲕ̄ ⲛ̄ⲥⲱϥ ⲛ̄ ⲑⲉ ⲛ̄ ⲓⲱⲥⲏⲫ
ⲁⲩⲱ ⲕⲛⲁⲙⲉⲧⲉ ⲙ̄ ⲡⲕⲱ ⲉ ⲃⲟⲗ ⲛ̄ ⲛⲉⲕⲛⲟⲃⲉ ⲛ ⲑⲉ ⲛ̄
ⲛⲉ|ⲧ ⲙ̄ⲙⲁⲩ • ⲥⲱⲧⲙ̄ ⲉ ⲥⲟⲗⲟⲙⲱⲛ ϫⲉ ⲉϥϫⲱ ⲙ̄ⲙⲟⲥ
ϫⲉ ⲟⲩ • ⲥⲃ̄ⲧⲉ ⲛⲉⲕϩⲃⲏⲩⲉ ⲉ ⲧⲉⲕϩⲓⲏ • ⲁⲩⲱ ⲛⲅ̄ ⲥⲃ̄ⲧⲱⲧⲕ̄
ⲉ ⲧⲕ̄ⲥⲱϣⲉ ⲁⲩⲱ ⲛⲅ̄ ⲕⲱⲧ ⲙ̄ ⲡⲉⲕⲏⲓ • ⲧϭⲓⲛⲁⲡⲟⲧⲁⲥⲥⲉ
ⲅⲁⲣ ⲛ̄ ⲛⲉϩⲃⲏⲩⲉ ⲛ̄ ϣⲟⲣⲡ̄ • ⲧⲉ ⲧϭⲓⲛⲁⲙⲁϩⲧⲉ ⲛ̄ ⲧⲡⲁⲛ‐
ϩⲟⲡⲗⲓⲁ ⲙ̄ ⲡⲟⲩϫⲁⲓ • ⲛⲅ̄ ⲟⲩⲁϩⲕ̄ ⲛ̄ⲥⲁ ⲡⲉⲭ︤ⲥ︥ • ⲉⲧⲉ ⲡⲁⲓ ⲡⲉ
ⲟⲩⲕⲱⲧ ⲛ̄ ⲃⲣ︤ⲣⲉ • Ⲟⲩ ⲅⲁⲣ ⲡⲉⲧⲉ ⲧⲛ̄ⲧⲁⲁϥ ⲛ̄ ϣⲃ̄ⲃⲓ̈ⲱ ⲙ̄ ⲡⲉⲓ
ⲛⲟϭ ⲛ̄ ⲥⲕⲩⲗⲙⲟⲥ ⲛ̄ⲧⲁϥⲁⲁϥ ϣⲁ ⲣⲟⲛ ⲟⲛⲧⲱⲥ ⲉⲛϣⲁⲛⲕⲁ
ⲡⲕⲟⲥⲙⲟⲥ ⲛ̄ⲥⲱⲛ ⲛ̄ⲧⲛ̄ⲃⲱⲕ ⲉ ⲡϫⲁⲓⲉ ⲛ̄ⲧⲛ̄ⲛⲁϣϯ ⲛⲁϥ
ⲁⲛ ⲙ̄ ⲡⲧⲟⲩ[ⲉⲓ]ⲟ ⲙ̄ ⲡⲉⲓ ϩⲱⲃ ⲙ̄ⲙⲁⲧⲉ • ⲙⲁⲗⲓⲥⲧⲁ ⲛ̄ ⲕⲉ
ϩⲓⲥⲉ ⲧⲏⲣⲟⲩ ⲛ̄ⲧⲁϥϣⲟⲡⲟⲩ ϩⲁ ⲣⲟⲛ ⲉϩⲛⲁϥ • ⲉ ⲧⲃⲉ ⲡⲁⲓ
ⲉⲛ ϩⲟⲥⲟⲛ ⲉⲛⲥⲟⲟⲩⲛ̄ ϫⲉ ⲙⲛ̄ ϭⲟⲙ ⲙ̄ⲙⲟⲛ ⲉ ϯ ⲁⲡⲟ‐
ⲗⲟⲅⲓⲁ ⲛⲁϥ ⲟⲩⲇⲉ ⲗⲁⲁⲩ ⲛ̄ ⲧⲟⲩⲉⲓⲟ • ⲙⲁⲣⲛ̄ ϣⲡ̄ ϩⲙⲟⲧ
ⲛ̄ ⲧⲟⲟⲧϥ̄ ϩⲙ̄ ⲡ ⲧⲣ̄ ⲛ̄ϣⲡ̄ ϩⲓⲥⲉ ⲛⲙ̄ⲙⲁϥ ϫⲉ ⲕⲁⲥ ⲛ̄
ⲛⲁⲣ̄ ⲃⲟⲗ ⲛ̄ϭⲟⲣⲝ̄ ⲙ̄ ⲡⲇⲓⲁⲃⲟⲗⲟⲥ ⲙⲛ̄ ⲛⲉϥⲡⲁⲑⲟⲥ
ⲉⲑⲟⲟⲩ • Ⲁⲗⲗⲁ ⲡⲁⲛⲧⲱⲥ | ⲟⲩⲛ̄ ⲟⲩⲁ ⲛⲁϫⲟⲟⲥ ⲛⲁⲓ ϩⲛ̄
ⲛⲉⲧ ⲟ̄ ⲛ̄ⲁⲣⲅⲟⲥ ⲙⲛ̄ ⲙ̄ ⲙⲁⲓ ϩⲏⲇⲟⲛⲏ • ϫⲉ ⲉⲓⲛⲁⲟⲩϫⲁⲓ
ⲛ̄ ⲁϣ ⲛ̄ ϩⲉ • ⲁⲓⲧⲁⲕⲟ ⲅⲁⲣ ⲁⲩⲱ ⲙⲛ̄ ϭⲟⲙ ⲙ̄ⲙⲟⲓ̈
ⲉϣⲡ̄ ϩⲓⲥⲉ ⲙ̄ ⲡⲁ ⲥⲱⲙⲁ • ⲁⲛⲅ̄ ⲟⲩⲡⲟⲗⲩⲧⲏⲥ ⲅⲁⲣ • ⲁⲩⲱ


### 0044

ϯⲟ ⲛ̄ ⲁⲥⲑⲉⲛⲏⲥ ϩⲙ̄ ⲡⲁ ⲥⲱⲙⲁ • ⲁⲩⲱ ⲁⲓⲣ̄ ⲁⲧ ϭⲟⲙ
ϩⲛ̄ ⲧⲙⲛ︤ⲧ︥ϩⲗ̄ⲗⲟ • ⲟⲩ ⲅⲁⲣ ⲡⲉ ϯⲛⲁⲁϥ • ⲁⲛⲟⲕ ⲅⲁⲣ
ϯⲛⲁϫⲟⲟⲥ ⲛⲁϥ ϫⲉ ⲕϭⲙ̄ ⲗⲟⲓϭⲉ ⲙ̄ ⲡⲉⲕⲧⲱⲙ ⲛ̄ϩⲏⲧ
ⲉⲕϫⲱ ⲛ̄ ⲛⲁⲓ • ⲛ̄ⲧⲟϥ ⲅⲁⲣ ⲡⲗⲟⲅⲟⲥ • ⲉϥⲙⲉⲉⲩⲉ ⲁ ⲛⲉ
ⲗⲁⲁⲩ ⲛ̄ ⲛⲁⲓ • ⲟⲩϩⲱⲃ ⲅⲁⲣ ⲛ̄ ⲟⲩⲱⲧ ⲡⲉⲧ ϥ̄ϣⲓⲛⲉ ⲛ̄ⲥⲱϥ
ⲛ̄ ⲧⲟⲟⲧⲛ̄ • ⲉⲧⲉ ⲡⲁⲓ ⲡⲉ ⲉ ⲧⲣ ⲛ̄ⲕⲱ ⲛ̄ⲥⲱⲛ ⲛ̄ ⲛⲉϩⲃⲏⲩⲉ
ⲉⲑⲟⲟⲩ ⲛ̄ⲧⲁⲛⲁⲁⲩ ⲛ̄ ϣⲟⲣⲡ̄ • ⲁⲩⲱ ⲛ̄ⲧⲛ̄ⲧⲙ̄ ⲕⲧⲟⲛ ⲉ
ⲣⲟⲟⲩ ⲛ̄ ⲕⲉ ⲥⲟⲡ • ⲡⲗⲟⲅⲟⲥ ⲅⲁⲣ ⲙ̄ ⲡⲛⲟⲩⲧⲉ ⲧⲱϩⲙ̄
ⲙ̄ⲙⲟⲛ ⲛ̄ ⲕⲁⲓⲣⲟⲥ ⲛⲓⲙ ⲉϥϫⲱ ⲙ̄ⲙⲟⲥ ϫⲉ ⲕⲧⲉ ⲧⲏⲩⲧⲛ̄
ϣⲁ ⲣⲟⲓ ⲛ̄ϣⲏⲣⲉ ⲛ̄ⲧⲁⲩⲟⲩⲉ ⲉ ⲃⲟⲗ • ⲁⲩⲱ ⲁⲛⲟⲕ ϯⲛⲁϣⲡ̄
ⲧⲏⲩⲧⲛ̄ ⲉ ⲣⲟⲓ ⲛ̄ ⲧⲁⲕⲱ ⲛⲏⲧⲛ̄ ⲉ ⲃⲟⲗ ⲡⲉϫⲉ ⲡϫ︦ⲥ︦
ⲡⲡⲁⲛⲧⲱⲕⲣⲁⲧⲱⲣ • ⲛ̄ⲣⲱⲙⲉ ⲅⲁⲣ ⲁⲛ ⲛⲉⲧ ϫⲱ ⲛ̄ ⲛⲁⲓ
ⲁⲗⲗⲁ | ⲡⲛⲟⲩⲧⲉ ⲡⲡⲁⲛⲧⲱⲕⲣⲁⲧⲱⲣ ⲡⲉⲛⲧ ⲁϥϫⲟⲟⲩ ϩⲛ̄
ⲧⲧⲁⲡⲣⲟ ⲛ̄ ⲛⲉϥⲡⲣⲟⲫⲏⲧⲏⲥ ⲉⲧ ⲟⲩⲁⲁⲃ • Ⲉⲓⲥ ϩⲏⲏⲧⲉ
ⲅⲁⲣ ϥⲣ̄ ⲙⲛ︤ⲧ︥ⲣⲉ ϩⲁ ⲛⲉ ⲛⲧⲁϥϫⲟⲟⲩ ⲛ̄ϭⲓ ⲡⲉⲡⲣⲟⲫⲏⲧⲏⲥ
ⲏⲥⲁⲓⲁⲥ • ⲉϥϫⲱ ⲙ̄ⲙⲟⲥ ϫⲉ ⲧⲧⲁⲡⲣⲟ ⲅⲁⲣ ⲙ̄ ⲡϫ︦ⲥ︦
ⲥⲁⲃⲁⲱⲑ ⲧⲛ̄ⲧ ⲁⲥϫⲉ ⲛⲁⲓ • ϥϫⲱ ⲅⲁⲣ ⲙ̄ⲙⲟⲥ ⲟⲛ ϩⲛ̄
ⲕⲉ ⲙⲁ ⲛ̄ϭⲓ ⲡϫⲥ̄ ϩⲓ̈ⲧⲛ̄ ⲛϥ̄ⲡⲣⲟⲫⲏⲧⲏⲥ ⲉⲧ ⲟⲩⲁⲁⲃ ϫⲉ
ϯⲟⲛϩ̄ ⲁⲛⲟⲕ ⲡⲉϫⲉ ⲡϫⲥ̄ ϫⲉ ⲛ̄ ϯⲟⲩⲉϣ ⲡⲙⲟⲩ ⲁⲛ ⲙ̄
ⲡⲣⲉϥⲣ̄ⲛⲟⲃⲉ ⲛ̄ ⲑⲉ ⲉ|ⲧⲣ ϥ̄ⲕⲧⲟϥ ⲇⲉ ⲉ ⲃⲟⲗ ϩⲛ̄ ⲛϥ̄ⲛⲟⲃⲉ •
ϥⲛⲁⲱⲛϩ̄ ⲁⲩⲱ ⲛⲅ̄ ⲟⲩϫⲁⲓ ⲉ ϩⲟⲩⲛ ⲉ ⲧⲙⲛ︤ⲧ︥ⲉⲣⲟ ⲙ̄
ⲡⲛⲟⲩⲧⲉ ⁖-ⲕⲁⲓ ⲅⲁⲣ ⲙⲛ︦ⲛ︦ⲥⲁ ⲧⲣⲉ ⲡⲣⲱⲙⲉ ⲕⲁ ⲡⲛⲟⲩⲧⲉ
ⲛ̄ⲥⲱϥ ⲛϥ︤ⲣ︥ ϩⲁϩ ⲛ̄ⲛⲟⲃⲉ ϣⲁ ϩⲣⲁⲓ ⲉ ⲧⲕⲉ ⲙⲛ︦ⲧ︦ⲣⲉϥ‐
ϣⲙ̄ϣⲉ ⲉⲓⲇⲱⲗⲟⲛ • ⲙ̄ ⲡϫ︤ⲥ︥ ⲛⲁⲕⲁⲁϥ ⲁⲛ ⲛ̄ⲥⲱϥ ϣⲁ ⲃⲟⲗ
ⲉϥϭⲱϣⲧ̄ ⲉ ⲃⲟⲗ ϩⲏⲧⲥ̄ ⲛ̄ ⲧⲉϥⲙⲉⲧⲁⲛⲟⲓⲁ • ⲕⲁⲓ̈ ⲅⲁⲣ
ⲁⲩⲙⲏⲏϣⲉ ⲧⲁⲕⲟ ⲙⲁⲗⲓⲥⲧⲁ ϩⲙ̄ ⲡⲉⲓ ⲕⲁⲓⲣⲟⲥ ⲡⲁⲓ
ⲧⲉⲛⲟⲩ • ⲉ ⲁⲩϣⲱⲡⲉ ⲛ̄ ϣⲟⲩⲙⲉⲥⲧⲱⲟⲩ ϩⲓⲧⲛ̄ ⲛⲉⲩⲡⲣⲁⲝⲓⲥ
ⲉⲑⲟⲟⲩ ⲛ̄ⲧⲁⲩⲁⲁⲩ ϫⲓⲛ ⲛ̄ ϣⲟⲣⲡ̄ • ϩⲱⲥ ⲧⲉ ⲛ̄ⲧⲉ ⲟⲩⲟⲛ
ⲛⲓⲙ ⲛ̄ⲧⲁⲩⲥⲱⲧⲙ̄ | ⲉ ⲛⲉⲩϩⲃⲏⲩⲉ ⲉⲑⲟⲟⲩ ⲛ̄ⲧⲁⲩⲁⲁⲩ
ϫⲓⲛ ⲛ̄ ϣⲟⲣⲡ̄ • ϩⲱⲥ ⲧⲉ ⲛ̄ⲧⲉ ⲟⲩⲟⲛ ⲛⲓⲙ ϯ ⲧⲟⲟⲧⲟⲩ ⲉⲣⲛ̄
ⲛⲉⲩⲙⲁⲁϫⲉ • ⲁⲩⲱ ⲛ̄ ⲧⲉⲣⲉ ⲉϥⲣ̄ ϩⲛⲁⲁϥ ⲛ̄ϭⲓ ⲡⲛⲟⲩⲧⲉ
ⲡⲙⲁⲓ ⲣⲱⲙⲉ ⲉ ⲧⲣⲉ ϥⲣⲓⲕⲉ ⲙ̄ ⲡⲉⲩϩⲏⲧ ⲉ ϩⲟⲩⲛ ⲉ
ⲧⲙⲉⲧⲁⲛⲟⲓⲁ • ⲛ̄ⲥⲉⲕⲧⲟⲟⲩ ⲉ ⲃⲟⲗ ϩⲛ̄ ⲛⲉⲩⲁⲙⲉⲗⲓⲁ


### 0045

ⲛ̄ⲥⲉⲉⲓⲣⲉ ⲛ̄ ϩⲉⲛϩⲃⲏⲩⲉ ⲉ ⲛⲁⲛⲱⲟⲩ • ⲙⲛ︦ⲛ︦ⲥⲱⲥ ⲁ ⲡⲣⲁⲛ
ⲉⲧ ϩⲓ ϩⲟⲩⲛ ϩⲱⲃⲥ̄ ϩⲙ̄ ⲡⲕⲁϩ • ⲁⲩⲱ ⲁ ⲡⲣⲁⲛ ⲉⲧ
ⲛⲁⲛⲟⲩϥ ⲟⲩⲱϩ ⲛ̄ⲥⲱⲟⲩ ϩⲱⲥ ⲧⲉ ⲛ̄ⲧⲉ ⲟⲩⲟⲛ ⲛⲓⲙ ⲉⲡⲉⲓ‐
ⲑⲩⲙⲉⲓ ⲉ ⲣⲟⲟⲩ • ⲁⲩⲱ ⲉ ⲥⲱⲧⲙ̄ ⲉ ⲛⲉⲩⲡⲣⲁⲝⲓⲥ • ⲉⲧ
ⲛⲁⲛⲱⲟⲩ ⲛ̄ⲧⲁⲩϣⲱⲡⲉ ⲛⲁⲩ ⲉ ⲡϩⲁⲉ • ⲃⲱⲕ ⲛⲁⲕ ⲛ̄
ⲥⲁ ⲃⲟⲗ ⲛ̄ ⲧⲉⲓ ⲡⲟⲗⲓⲥ ⲛ̄ ⲟⲩⲕⲟⲩⲓ ⲉ ϩⲟⲩⲛ ⲉⲩ ⲙⲟⲛⲁ‐
ⲥⲧⲏⲣⲓⲟⲛ • ⲁⲩⲱ ⲕⲛⲁⲛⲁⲩ ⲉⲩⲙⲏⲏϣⲉ ⲛ̄ⲣⲱⲙⲉ ⲉⲁⲩⲣ̄
ⲡⲉⲩⲃⲓⲟⲥ ⲛ̄ ϣⲟⲣⲡ̄ ϩⲛ̄ ⲛⲉⲑⲉⲁⲧⲣⲟⲛ • ⲙⲛ̄ ⲛ̄ϩⲩⲡⲡⲓⲕⲟⲥ
ϩⲛ̄ ϩⲉⲛⲡⲟⲣⲛⲓⲁ • ⲙⲛ︤ⲛ︥ⲥⲱⲥ ⲁⲩⲕⲁ ⲡⲉⲩⲃⲓⲟⲥ ⲛ̄ⲥⲱⲟⲩ ⲛ̄
ϣⲟⲣⲡ̄ ⲉⲁⲩϣⲱⲡⲉ ⲛ̄ ϩⲓⲥ ⲁⲅⲅⲉⲗⲟⲥ • ⲉ ⲡϩⲁⲉ ⲁⲩⲱ ⲁⲩⲣ̄
ⲑⲁⲩⲙⲁⲥⲧⲟⲛ ϩⲛ̄ ⲛⲉⲩϩⲃⲏⲩⲉ ⲧⲏⲣⲟⲩ ⁖-ⲙⲁⲣⲟⲩ ⲧⲁϩⲟⲛ
ⲉⲣⲁⲧⲛ̄ ϩⲱⲱⲛ ⲛ̄ ⲛⲁϩⲣⲁϥ ⲱ̄ ⲛⲁⲙⲉⲣⲁⲧⲉ ϫⲉ ⲕⲁⲥ
ⲉⲛⲉϣⲱⲡⲉ ⲛ̄ⲧⲛ̄|ⲧⲱⲛ ⲉ ⲛⲉⲧ ⲥⲟⲧⲡ̄ • ⲁⲩⲱ ⲉⲧ ϩⲏⲛ ⲉ
ϩⲟⲩⲛ ⲉ ⲡⲟⲩϫⲁⲓ ⁘ ⲉⲛⲉⲓⲟⲩⲱϣ ⲙⲉⲛ ⲁⲛ ⲉ ϫⲱ ⲛ̄ ⲛⲉⲓ
ϣⲁϫⲉ ⲛ̄ ⲙ̄ⲕⲁϩ ⲛ̄ϩⲏⲧ ϩⲛ̄ ⲧⲙⲏⲏⲧⲉ ⲙ̄ ⲡⲉⲓ ⲛⲟϭ ⲛ̄
ϣⲁ ⲉⲧ ⲡⲟⲣϣ̄ ⲛⲁⲛ ⲉ ⲃⲟⲗ ⲙ̄ⲡⲟⲟⲩ ϩⲛ̄ ⲧⲟⲓⲕⲟⲩⲙⲉⲛⲏ
ⲧⲏⲣ︦ⲥ︦ • ⲁⲗⲗⲁ ⲛ̄ⲧⲟϥ ⲟⲛ ϩⲱⲱϥ ⲡⲗⲟⲅⲟⲥ ⲙ̄ ⲡⲉⲓⲱⲧ
ⲛ̄ⲧⲁϥⲕⲁⲧⲁⲝⲓⲟⲩ ⲁϥⲉⲓ ϣⲁ ⲣⲟⲛ ⲉ ⲧⲃⲉ ⲡⲟⲩϫⲁⲓ̈ ⲛ ⲛⲉⲛ‐
ⲯⲩⲭⲏ • ϫⲉ ⲕⲁⲥ ⲉϥⲉⲧⲁϩⲟⲛ ⲉ ⲣⲁⲧⲛ̄ ⲛⲁϥ ⲉⲛⲟ̄ ⲛ̄ⲁⲧ‐
ⲧⲱⲗⲙ̄ • ⲡⲛⲟⲩⲧⲉ ⲙ̄ ⲙⲉ ⲓⲥ̄ ⲡⲉⲭⲥ̄ ⲡⲉⲛϫⲥ̄ • ⲡⲉⲛⲧ ⲁϥⲉⲓ
ⲉ ⲃⲟⲗ ϩⲛ̄ ⲧⲉⲓ ⲡⲁⲣⲑⲉⲛⲟⲥ ⲉⲧ ⲟⲩⲁⲁⲃ ⲙ̄ⲡⲟⲟⲩ ⲉϥⲉϯ
ⲑⲉ ⲛⲁⲛ ⲧⲏⲣⲛ̄ ⲉ ⲧⲣ ⲛ̄ϣⲱⲡⲉ ⲛ̄ ⲥⲟⲧⲡ̄ ⲛ̄ ⲛⲁϩⲣⲁϥ ϩⲛ̄
ⲧⲛ̄ϭⲓⲛⲁⲡⲁⲛⲧⲁ ⲉ ⲣⲟϥ • ϫⲉ ⲁⲛⲟⲛ ⲙⲉⲛ ⲧⲏⲣⲛ̄ ⲧⲛ︦ⲣ︦
ⲭⲣⲓⲁ ⲙ̄ ⲡⲉϥⲛⲁ • Ⲉⲓⲧⲉ ⲛⲉⲧ ϣⲁϫⲉ • ⲉⲓⲧⲉ ⲛⲉⲧ ⲥⲱⲧⲙ̄ •
ⲉⲓⲧⲉ ⲕⲟⲩⲓ ⲉⲓⲧⲉ ⲛⲟϭ ⲉⲓⲧⲉ ϩⲟⲟⲩⲧ • ⲉⲓⲧⲉ ⲥϩⲓⲙⲉ • ⲉⲓⲧⲉ
ϩⲗ̄ⲗⲟ • ⲉⲓⲧⲉ ϣⲏⲣⲉ ⲕⲟⲩⲓ • ⲡⲉⲧ ⲛⲁϯ ⲙ̄ ⲡϥ̄ϩⲏⲧ ⲉ ⲧⲉⲥⲃⲱ
ϥⲛⲁⲥⲉⲓ ⲛ̄ⲁⲅⲁⲑⲟⲛ • ⲁⲙⲏⲓⲧⲛ̄ ⲛⲁ ϣⲏⲣⲉ • ⲡⲉϫⲁϥ
ⲛ̄ⲧⲉⲧⲛ̄ⲥⲱⲧⲙ̄ | ⲉ ⲣⲟⲓ ⲛ̄ⲧⲁϯ ⲥⲃⲱ ⲛⲏⲧⲛ̄ ⲉ ϩⲣⲁⲓ ϩⲛ̄
ⲑⲟⲧⲉ ⲙ̄ ⲡⲛⲟⲩⲧⲉ • ⲉⲣⲉ ⲑⲟⲧⲉ ⲅⲁⲣ ⲙ̄ ⲡϫ︦ⲥ︦ ⲣ︤̄ ϩⲱⲃ ⲉ
ⲡⲱⲛ︦ϩ︦ ⲁⲩⲱ ⲧⲙⲛ︦ⲧ︦ⲙⲁⲓⲛⲟⲩⲧⲉ • ⲟⲩⲱⲛ︦ϩ︦ ⲙ̄ ⲡⲣⲱⲙⲉ ⲧⲉ •
ⲁⲛϫⲉ ϩⲁϩ ⲙⲉⲛ ⲉ ⲧⲉⲧⲛ̄ⲁⲅⲁⲡⲏ ⲉ ⲧⲃⲉ ⲧϭⲓⲛⲉⲓ ϣⲁ ⲣⲟⲛ
ⲙ̄ ⲡⲛⲟⲩⲧⲉ ⲡⲗⲟⲅⲟⲥ ⲙⲛ̄ ⲧϥ̄ⲙⲁⲁⲩ ⲙ̄ ⲡⲁⲣⲑⲉⲛⲟⲥ •
ⲙⲁⲗⲗⲟⲛ ⲇⲉ ⲁ ⲡⲉϩⲟⲩⲟ ⲛ̄ ⲛⲉⲛⲁⲙⲉⲗⲓⲁ ⲛ̄ⲧⲛ̄ ⲉϫⲛ̄ ⲡⲉⲓ


### 0046

ⲙⲏⲏϣⲉ ⲛ̄ ϣⲁϫⲉ ⲛ̄ ⲙ̄ ⲕⲁϩ ⲛ̄ϩⲏⲧ • Ⲉⲥⲉϣⲱⲡⲉ ⲇⲉ
ⲙ̄ⲙⲟⲛ ⲧⲏⲣⲛ̄ ⲉ ⲧⲣ ⲛ̄ϭⲓⲛⲉ ⲛ̄ ⲟⲩⲡⲁⲣϩⲏⲥⲓⲁ ⲙ̄ ⲡϥ︦ⲙ︦ⲧⲟ
ⲉ ⲃⲟⲗ ϩⲛ̄ ⲧⲛ̄ϭⲓⲛⲁⲡⲁⲛⲧⲁ ⲉ ⲣⲟϥ • ⲙⲛ︦ⲛ︦ⲥⲁ ⲡⲱⲱⲛⲉ ⲉ
ⲃⲟⲗ ⲙ̄ ⲡⲉⲓ ⲃⲓⲟⲥ ⲛϥ̄ϣⲟⲡⲛ̄ ⲉ ⲣⲟϥ ⲉ ϩⲟⲩⲛ ⲉ ⲛϥ̄‐
ⲥⲕⲩⲛⲏ ϣⲁ ⲉⲛⲉϩ • Ⲡⲉⲟⲟⲩ ⲙ̄ ⲡⲉⲓⲱⲧ ⲙⲛ̄ ⲡϣⲏⲣⲉ ⲙⲛ̄
ⲡⲉⲡⲛⲁ̄ ⲉⲧ ⲟⲩⲁⲁⲃ ϣⲁ ⲉⲛⲉϩ ⲛ̄ ⲉⲛⲉϩ ϩⲁⲙⲏⲛ • ⲥⲙⲟⲩ
ⲉ ⲣⲟⲛ •