### 0001

Ⲓ︦Ⲥ︦⁘      Ⲭ︦Ⲥ︦⁘     Ⲁ̄⁘      Ⲱ︦⁘
ⲞⲨⲖⲞⲄⲞⲤ Ⲉ ⲀϤⲦⲀⲨⲞϤ Ⲛ̄ϬⲒ ⲠϨⲀⲄⲒⲞⲤ
ⲒⲰϨⲀⲚⲚⲎⲤ ⲠⲀⲢⲬⲒⲈⲠⲒⲤⲔⲞⲠⲞⲤ Ⲛ̄ ⲔⲰ-
ⲤⲦⲀⲚⲦⲒⲚⲞⲨⲠⲞⲖⲒⲤ • ⲀⲨⲰ ⲠⲈⲬⲢⲨⲤⲞⲤ-
ⲦⲞⲘⲞⲤ ⲀⲨⲰ ⲠⲀ ⲠⲖⲀⲤ Ⲛ̄ ⲚⲞⲨⲂ • Ⲛ̄ⲦⲀϤ-
ⲦⲀⲨⲞϤ ⲆⲈ Ⲉ ⲠⲀⲢⲬⲀⲄⲄⲈⲖⲞⲤ ⲈⲦ
ⲞⲨⲀⲀⲂ ϨⲢⲀⲪⲀⲎⲖ • ϨⲘ̄ ⲠⲈϨⲞⲞⲨ Ⲙ̄ ⲠⲈϤⲢ̄
ⲠⲘⲈⲈⲨⲈ ⲈⲦ ⲞⲨⲀⲀⲂ ⲈⲦⲈ ⲤⲞⲨ ϤⲦⲞⲞⲨ
ⲠⲈ Ⲛ ⲀⲠⲀⲄⲞⲨⲘⲈⲚⲞⲚ • Ⲛ̄ⲦⲀϤⲦⲀⲨⲈ̄ ⲠⲈⲒ
ⲗⲞⲄⲞⲤ ⲆⲈ ϨⲘ̄ ⲠⲦⲞⲠⲞⲤ Ⲛ̄ⲦⲀⲨⲔⲞⲦϤ̄ ⲚⲀϤ
Ⲛ̄ ⲂⲢ̄ⲢⲈ • ⲠⲀⲒ Ⲛ̄ⲦⲀ ⲠⲢ̄ⲢⲞ Ⲙ̄ ⲘⲀⲒ ⲚⲞⲨⲦⲈ
ⲀⲢⲔⲀⲆⲒⲞⲤ • ⲔⲞⲦϤ̄ Ⲉ ⲠⲢⲀⲚ Ⲙ̄ ⲠⲀⲢⲬ-
ⲀⲄⲄⲈⲖⲞⲤ ⲈⲦ ⲞⲨⲀⲀⲂ ϨⲢⲀⲪⲀⲎⲖ • Ⲙ̄ ⲠⲢⲎⲤ
Ⲛ̄ ⲦⲠⲞⲖⲒⲤ • ⲘⲚ︦Ⲛ︦ⲤⲀ ⲠϪⲒⲀⲈⲒⲔ Ⲛ̄ ⲦⲔⲈ
ⲢⲞⲘⲠⲈ ⲈⲦ ⲚⲎⲨ • ⲚⲈ ⲀϤⲈⲒ ⲠⲈ Ⲛ̄ϬⲒ ⲠⲘⲀⲒ
ⲚⲞⲨⲦⲈ ⲚⲢ̄ⲢⲞ Ⲉ ϢⲖⲎⲖ • ⲀⲨⲰ ⲠⲢⲞⲤⲔⲨⲚⲈⲒ •
ϨⲘ̄ ⲠⲦⲞⲠⲞⲤ Ⲛ̄ ⲂⲢ̄ⲢⲈ Ⲛ̄ⲦⲀ ⲠⲈϤⲤⲞⲚ ⲔⲞⲦϤ.
ⲀⲨⲰ ⲀϤϨⲀⲄⲒⲀⲜⲈ Ⲙ︤ⲘⲞϤ • ⲀⲨⲰ ⲀⲨⲢ̄ ⲞⲨ-
ϨⲞⲘⲞⲚⲒⲀ Ⲛ̄ ⲞⲨⲰⲦ Ⲛ̄ϬⲒ Ⲛ ⲈⲨⲤⲈⲂⲎⲤ Ⲛ̄
Ⲣ̄ⲢⲞ ⲞⲚⲚⲰⲢⲒⲞⲤ ⲘⲚ̄ Ⲛ̄ ⲀⲢⲔⲀⲆⲒⲞⲤ • Ⲉ ⲀⲨ-
ⲠⲀⲢⲀⲔⲀⲖⲈⲒ Ⲙ̄ ⲠⲚⲞϬⲒⲰ̄ϨⲀⲚⲚⲎⲤ ⲠⲈⲬⲢⲨ-


### 0002

Ⲥ[ⲞⲤ]ⲦⲰⲘⲞⲤ • Ⲉ ⲦⲀⲨⲈ ϨⲈⲚⲔⲞⲨⲒ Ⲛ̄ⲀⲒⲠⲈ-
ⲚⲞⲤ Ⲉ ⲠⲀⲢⲬⲎⲀⲄⲄⲈⲖⲞⲤ ⲈⲦ ⲞⲨⲀⲀⲂ
ϨⲢⲀⲪⲀⲎⲖ • Ⲛ̄ⲦⲞϤ ⲆⲈ ϨⲰⲰϤ ⲠⲈⲬⲢⲨ-
ⲤⲞⲤⲦⲰⲘⲞⲤ ⲈⲦ ⲞⲨⲀⲀⲂ • ⲘⲀⲖⲖⲞⲚ ⲆⲈ
ⲠⲠⲀⲚⲦⲞⲬⲒⲞⲚ Ⲙ̄ ⲠⲈⲠⲚⲀ̄ ⲈⲦ ⲞⲨⲀⲀⲂ •
ⲀϤⲆⲒⲀⲖⲈⲄⲈ Ⲙ̄ ⲠⲈⲒ ⲖⲞⲄⲞⲤ ⲈⲦ ⲞⲨⲀⲀⲂ •
Ⲉ ⲀϤⲦⲀⲨⲈ ϨⲈⲚⲔⲞⲨⲒ ⲘⲚ Ⲛ̄ϬⲞⲘ ⲘⲚ̄ Ⲙ̄
ⲘⲀⲈⲒⲚ ⲘⲚ̄ ⲚⲈϢⲠⲎⲢⲈ Ⲛ̄ⲦⲀⲨϢⲰⲠⲈ Ⲉ ⲂⲞⲖ
ϨⲒ ⲦⲞⲞⲦϤ̄ Ⲙ̄ ⲠⲀⲢⲬⲀⲄⲄⲈⲖⲞⲤ ⲈⲦ ⲞⲨⲀⲀⲂ
ϨⲢⲀⲪⲀⲎⲖ • ⲀⲨⲰ Ⲉ ⲦⲂⲈ ⲐⲈ Ⲛ̄ⲦⲀⲨⲘⲞⲨⲦⲈ
Ⲉ ⲢⲞϤ Ⲛ̄ⲦⲞϤ • ϪⲈ ⲠⲔⲀϢ Ⲙ̄ ⲠⲈⲠⲚⲀ̄ ϨⲚ̄
ⲞⲨⲈⲒⲢⲎⲚⲎ Ⲛ̄ⲦⲈ ⲠⲚⲞⲨⲦⲈ • ⲈⲢⲈ ⲚⲈϤ ⲤⲘⲞⲨ
ⲈⲦ ⲞⲨⲀⲀⲂ • ⲚⲀⲈⲒ Ⲉ ϨⲢⲀⲒ Ⲉ ϪⲰⲚ • Ⲛ̄ⲦⲚ̄-
ⲞⲨϪⲀⲒ ⲦⲎⲢⲚ̄ ϨⲒ ⲞⲨⲤⲞⲠ • ⲤⲘⲞⲨ Ⲉ ⲢⲞⲚ •
ϨⲀⲘⲎⲚ :-
Ⲛⲁⲙⲉⲣⲁⲧⲉ ⲛⲉⲣⲉ ⲡⲁⲅⲅⲉⲗⲟⲥ ⲙ̄ ⲡϫⲟⲉⲓⲥ ⲕⲱⲧⲉ ⲉ ⲛⲉⲧ
ⲣ̄ ϩⲟⲧⲉ ϩⲏⲧϥ̄ ⲛϥ̄ⲛⲁϩⲙⲟⲩ • Ⲟⲛⲧⲱⲥ ⲁ ⲡⲁⲣⲭⲁⲅⲅⲉⲗⲟⲥ
ⲉⲧ ⲟⲩⲁⲁⲃ ⲙ̄ ⲡϫⲥ̄ ϩⲣⲁⲫⲁⲏⲗ ⲕⲱⲧⲉ ⲉ ⲛⲉⲧ ⲣ︤̄ ϩⲟⲧⲉ
ϩⲏⲧϥ̄ ⲧⲱⲃⲏⲇ ⲁϥⲛⲁϩⲙⲉϥ • Ⲁⲩⲱ ⲟⲛ ⲁϥϫⲟⲟⲥ • ϫⲉ
ϥⲛⲁϩⲱⲛ ⲉ ⲧⲟⲟⲧⲟⲩ ⲛ̄ ⲛⲉϥⲁⲅⲅⲉⲗⲟⲥ • ⲉ ⲧⲃⲏⲏⲧⲕ̄ • ⲉ
ⲧⲣⲉⲩϩⲁⲣⲉϩ ⲉ ⲣⲟⲕ • ⲁⲩⲱ ⲛ̄ⲥⲉϥⲓⲧⲕ̄ ϩⲓϫⲛ̄ ⲛⲉⲩϭⲓϫ • ⲙⲏ
ⲡⲟⲧⲉ ⲛⲅ̄ ϫⲱⲣⲡ̄ ⲉⲩⲱⲛⲉ ⲛ̄ⲧⲉⲕⲟⲩⲣⲏⲏ[ⲧⲉ] • ϩⲛ̄ ⲟⲩⲙⲉ
ⲅⲁⲣ ⲁ ⲡϫⲟⲉⲓⲥ ϩⲱⲛ ⲉ ⲧⲟⲟⲧϥ̄ ⲙ̄ ⲡⲁⲣⲭⲁⲅⲅⲉⲗⲟⲥ ⲉⲧ
ⲟⲩⲁⲁⲃ ϩⲣⲁⲫⲁⲏⲗ • ⲉ ⲧⲣⲉϥϩⲁⲣⲉϩ ⲉ ⲇⲱⲃⲓⲁⲥ ⲡϣⲏⲣⲉ
ⲛ̄ ⲧⲱⲃⲓⲇ ϩⲛ̄ ⲛⲉϥϩⲓⲟⲟⲩⲉ ⲧⲏⲣⲟⲩ • ⲙⲏ ⲡⲟⲧⲉ ⲛⲅ̄ ϫⲱⲣⲡ̄
ⲉⲩⲱ̄ⲛⲉ ⲛ̄ ⲧⲉⲕⲟⲩⲣⲏⲏⲧⲉ • ⲛ̄ⲧⲁ ⲛ̄ϩⲁⲓ ⲛ̄ ⲥⲁⲣⲣⲁ ϫⲱⲣⲡ̄
ⲉⲩⲱ̄ⲛⲉ ⲁⲩⲱ ⲁⲩϩⲉ • ⲁϥϫⲟⲟⲩ ⲙ̄ ⲡϥ̄ϣⲁϫⲉ ⲁⲩⲱ ⲁϥ‐
ⲧⲁⲗϭⲟⲟⲩ • ⲁⲩⲱ ⲁϥⲧⲟⲩϫⲟⲟⲩ ⲉ ⲃⲟⲗ ϩⲛ̄ ⲛⲉⲩⲑⲗⲓⲯⲓⲥ
ⲧⲏⲣⲟⲩ • ⲡⲉϫⲁϥ ⲛ̄ϭⲓ • ⲡⲣⲉϥⲯⲁⲗⲗⲉⲓ ⲇⲁⲩⲉⲓⲇ • Ⲁⲗⲏ‐
ⲑⲱⲥ ⲁ ⲡⲛⲟⲩⲧⲉ ϫⲟⲟⲩ ⲙ̄ ⲡⲉϥϣⲁϫⲉ • ⲉⲧⲉ ⲡⲉϥⲛⲟϭ ⲛ̄
ⲁⲣⲭⲁⲅⲅⲉⲗⲟⲥ ϩⲣⲁⲫⲁⲏⲗ ⲡⲉ • ⲁϥⲧⲁⲗϭⲉ ⲥⲁⲣⲣⲁ


### 0003

ⲧϣⲉⲉⲣⲉ ⲛ̄ ϩⲣⲁⲅⲟⲩⲏⲗ ϩⲙ̄ ⲡϣⲱⲛⲉ ⲉⲧ ⲛⲁϣⲧ̄ ⲛ̄
ⲧⲙⲛ︦ⲧ︦ⲁ︦ϭⲣⲏⲛ • ⲁⲩⲱ ⲁϥⲧⲟⲩϫⲟⲥ ⲉⲛ̄ⲛⲟϭⲛⲉϭ ⲛ̄ ⲛϩⲙ̄‐
ϩⲁⲗ ⲙ̄ ⲡⲉⲥⲉⲓ|ⲱⲧ ⲕⲁⲧⲁ ⲡϣⲁϫⲉ ⲙ̄ ⲡϩⲓⲉⲣⲟⲥ ⲛ̄ⲁⲡⲟ‐
ⲥⲧⲟⲗⲟⲥ ⲡⲁⲩⲗⲟⲥ ϫⲉ ⲙⲏ ⲛ̄ϩⲉⲛⲗⲩⲧⲟⲩⲣⲅⲓⲕⲟⲛ ⲁⲛ ⲛⲉ
ⲙ̄ ⲡⲛⲁ̄ ⲧⲏⲣⲟⲩ ⲛⲉ • ⲉⲩⲧⲛ̄ⲛⲟⲟⲩ ⲙ̄ⲙⲟⲟⲩ ⲉ ϩⲉⲛⲇⲓⲁ‐
ⲕⲟⲛⲓⲁ • ⲉ ⲧⲃⲉ ⲛⲉⲧ ⲛⲁⲕⲗⲏⲣⲟⲛⲟⲙⲉⲓ ⲛ̄ⲟⲩⲟⲩϫⲁⲓ :-
Ⲛⲁⲙⲉⲣⲁⲁⲧⲉ ⲉⲓϣⲁⲛⲙⲉⲉⲩⲉ ⲉ ⲃⲟⲗ ⲉ ⲧⲙⲛ︦ⲧ︦ⲙⲁⲓ ⲣⲱⲙⲉ
ⲉⲧ ⲟϣ ⲙ̄ ⲡⲛⲟⲩⲧⲉ ⲉ ϩⲟⲩⲛ ⲉⲛⲣⲱⲙⲉ • ⲙⲁⲗⲗⲟⲛ ⲇⲉ ⲉ
ϩⲟⲩⲛ ⲉⲛⲇⲓⲕⲁⲓⲟⲥ • ϣⲁⲓⲣ̄ ϣⲡⲏⲣⲉ ⲉⲙⲁⲁⲧⲉ • Ⲡϫⲟⲉⲓⲥ
ⲙⲉⲛ ⲛ̄ⲇⲓⲕⲁⲓⲟⲥ ⲕⲁⲧⲁ ⲡⲉⲧ ⲥⲏϩ • ⲛ̄ⲣⲉϥⲣ̄ ⲛⲟⲃⲉ ϣⲁϥⲕⲁ
ⲛⲉⲩⲛⲟⲃⲉ ⲛⲁⲩ ⲉ ⲃⲟⲗ • ⲕⲁⲧⲁ ⲑⲉ ⲛ̄ⲧⲁϥϫⲟⲟⲥ ϩⲛ̄ ⲧⲉϥ‐
ⲧⲁⲡⲣⲟ ⲛ̄ⲛⲟⲩⲧⲉ ⲛ̄ ⲁⲧ ϭⲟⲗ ϫⲉ ϣⲁⲣⲉ ⲟⲩⲣⲁϣⲉ ϣⲱⲡⲉ
ϩⲛ̄ ⲧⲡⲉ :-ⲙ̄ ⲡⲙ̄ⲧⲟ ⲉ ⲃⲟⲗ ⲙ̄ ⲡⲛⲟⲩⲧⲉ ⲙⲛ̄ ⲛⲉϥⲁⲅⲅⲉ‐
ⲗⲟⲥ • ⲉϫⲛ̄ ⲟⲩⲣⲉϥⲣ̄ ⲛⲟⲃⲉ ⲉϥϣⲁⲛⲙⲉⲧⲁⲛⲟⲓ • ϩⲛ̄ ⲟⲩⲙⲉ
ⲥⲉⲙ̄ⲡϣⲁ (sic) ϩⲟⲩⲧⲁⲓⲟ̄ ⲛ̄ϭⲓ ⲛ̄ⲁⲅⲅⲉⲗⲟⲥ ⲉⲧ ⲟⲩⲁⲁⲃ • ⲙⲁⲗ‐
ⲗⲟⲛ ⲇⲉ ϣϣⲉ ⲉ ⲣⲟⲛ ⲉ ⲧⲣ ⲛ̄ⲣⲁϣⲉ ⲛⲙ̄ⲙⲁⲩ: ϫⲉ ⲛ̄ⲇⲓⲕⲁⲓⲟⲥ
ⲙⲉⲛ ⲛ̄ⲧⲟⲟⲩ ⲛⲉⲧⲉ ϣⲁⲩⲇⲓⲁⲕⲟⲛⲉⲓ ⲛⲁⲩ • ϩⲓⲧⲛ̄ ⲧⲕⲉⲗⲉⲩ‐
ⲥⲓⲥ ⲙ̄ ⲡⲇⲓⲙⲓⲟⲩⲣⲅⲟⲥ ⲡⲛⲟⲩⲧⲉ ⲡⲡⲁⲛⲧⲱⲕⲣⲁⲧⲱⲣ • ϩⲛ̄
ⲟⲩⲡⲣⲟϩⲁⲓⲣⲉⲥⲓⲥ ⲙⲛ̄ ⲟⲩⲥⲧⲱⲧ • ⲥⲉⲣⲁϣⲉ ⲇⲉ ⲉϫⲛ̄ ⲧϭⲓⲛⲕⲧⲟ
ⲛ̄ⲣⲉϥⲣ̄ ⲛⲟⲃⲉ • ⲛ̄ϭⲓ ⲛ̄ⲁⲅⲅⲉⲗⲟⲥ ⲉⲧ ⲥⲙⲁⲙⲁⲁⲧ ⲁⲩⲱ ⲟⲛ
ϫⲉ ⲥⲉⲣ̄ϩⲟⲩⲟ ⲣⲟⲟⲩⲧ ⲉ ⲇⲓⲁⲕⲟⲛⲉⲓ ⲛ̄ⲇⲓⲕⲁⲓⲟⲥ • ⲛ̄ⲑⲉ ⲛⲟⲩⲣ̄‐
ⲣⲟ ⲛ̄ⲧⲉ ⲡⲕⲁϩ • ⲉⲣϣⲁⲛ ⲟⲩⲇⲩⲣⲁⲛⲛⲟⲥ ⲏ̄ ⲟⲩⲉⲛⲇⲣⲁⲧⲏⲥ
ⲛ̄ⲣⲱⲙⲉ ⲧⲱⲟⲩⲛ | ϩⲛ̄ ⲛⲉϥⲉⲡⲁⲣⲭⲓⲁ ⲛϥ̄ⲉⲓⲣⲉ ⲛ̄ ϩⲉⲛ‐
ⲁⲧⲁⲝⲓⲁ • ⲙⲛ̄ ϩⲉⲛⲙⲛ︦ⲧ︦ⲁⲩⲑⲁⲧⲏⲥ • ⲗⲟⲓⲡⲟⲛ ϣⲁⲣⲉ ⲡⲣ̄ⲣⲟ
ⲙⲉⲉⲩⲉ ϩⲙ̄ ⲡⲉϥϩⲏⲧ ϫⲉ ⲛ̄ ⲁϣ ⲛ̄ϩⲉ ⲉⲓⲛⲁϫⲣⲟ ⲉ ⲡⲉⲓ
ⲇⲩⲣⲁⲛⲏ :-Ⲧⲟⲧⲉ ϣⲁϥⲙⲟⲩⲧⲉ ⲉ ⲟⲩⲁ ⲛ̄ ⲛⲉϥⲙⲉⲅⲓ‐
ⲥⲧⲁⲛⲟⲥ ⲉⲧ ϥⲑⲁⲣⲉⲓ ⲉ ϫⲱⲟⲩ • ⲉ ⲧⲣⲉ ϥⲃⲱⲕ ⲉ ⲃⲟⲗ ⲛϥ̄‐
ϭⲱⲧⲡ̄ ⲙ̄ ⲡⲁⲛⲧⲓⲇⲓⲕⲟⲥ ⲙ̄ ⲙ̄ⲡⲣ̄ⲣⲟ (sic) • ϩⲟⲧⲁⲛ ⲉϥϣⲁⲛ‐
ϫⲣⲟ ⲉ ⲣⲟϥ ϣⲁϥⲕⲟⲧϥ̄ ϣⲁ ⲡⲉϥϫⲟⲉⲓⲥ ϩⲛ̄ ⲟⲩⲣⲁϣⲉ ⲙⲛ̄
ⲟⲩⲧⲉⲗⲏⲗ • ⲉⲣⲉ ⲡⲉⲧⲟ ⲛ̄ⲇⲩⲣⲁⲛⲛⲟⲥ ⲛ̄ⲥⲁϥ ϭⲟⲧⲡ̄ ⲉϥⲙⲏⲣ
ⲛ̄ⲥⲁ ⲡⲉϥϩⲧⲟ • ⲧⲟⲧⲉ ϣⲁⲣⲉ ⲡⲣ̄ⲣⲟ ϫⲓⲥⲉ ⲛϥ̄ⲣⲁϣⲉ • ϫⲉ ⲁ̄
ⲡⲉϥϫⲁϫⲉ ϩⲉ ϩⲁ ⲡⲉϥⲥⲧⲣⲁⲧⲏⲅⲟⲥ • ⲁⲩⲱ ϣⲁϥⲭⲁⲣⲓⲍⲉ
ⲛ̄ ϩⲉⲛⲕⲉ ⲛⲟϭ ⲛ̄ⲧⲁⲓⲟ • ⲙⲛ̄ ϩⲉⲛⲕⲉ ⲟⲩⲥⲓⲁ ⲛ̄ ⲛϥ̄ⲥⲧⲣⲁⲧⲱ‐
ⲡⲉⲧⲁⲣⲭⲏⲥ • ⲡⲁⲣⲁ ⲛⲉⲧⲉ ⲟⲩⲛ̄ⲧⲁϥⲥⲟⲩ ⲧⲏⲣⲟⲩ ⲛ̄ ϣⲟⲣⲡ̄ •


### 0004

ⲧⲁⲓ ⲟⲩⲛ ⲧⲉ ⲑⲉ ⲛ̄ⲧⲁ ⲡϫ[ⲥ̄] ⲁⲁⲥ ⲡⲙⲁⲓ ⲣⲱⲙⲉ ⲙ̄ ⲡⲉⲓ
ⲙⲁ • ⲉⲡⲉⲓ ⲇⲏ ⲙⲓⲭⲁⲏⲗ ⲙⲛ̄ ⲅⲁⲃⲣⲓⲏⲗ ⲙⲛ̄ ϩⲣⲁⲫⲁⲏⲗ •
ⲛ̄ⲧⲟⲟⲩ ⲛⲉⲧ ⲟ ⲛ̄ⲛⲟϭ ϩⲛ̄ ⲧⲧⲁⲝⲓⲥ ⲛ̄ⲧⲁⲛⲕⲉⲗⲓⲕⲏ ⲧⲏⲣⲥ̄ • Ⲉ
ⲧⲃⲉ ⲡⲁⲓ ⲙⲓⲭⲁⲏⲗ ⲙⲉⲛ • ⲁϥⲧⲛ̄ⲛⲟⲟⲩϥ ⲙ̄ ⲡϣⲟⲣⲡ̄
ⲛ̄ ⲥⲟⲡ • ⲁϥⲡⲁⲧⲁⲥⲥⲉ ⲙ̄ ⲡϩⲟϥ ⲛ̄ⲁⲣⲭⲁⲓⲟⲛ • ⲉⲧⲉ
ⲥⲁⲧⲁⲛⲁⲏⲗ ⲡⲉ • ⲁⲩⲱ ⲁϥϫⲣⲟ ⲉ ⲣⲟϥ • ⲁϥⲙⲟⲣϥ̄ ⲛ̄ϣⲟ
ⲛ̄ⲣⲟⲙⲡⲉ • ⲉ ⲧⲃⲉ ⲡⲁⲓ ⲁ ⲡϫⲟⲉⲓⲥ ⲭⲁⲣⲓⲍⲉ ⲛⲁϥ ⲙ̄ ⲡⲉⲓ
ⲛⲟϭ ⲛ̄ ⲁⲝⲓⲱⲙⲁ ⲛ̄ ⲧⲉⲓ ϭⲟⲧ • Ⲅⲁⲃⲣⲓⲏⲗ ϩⲱⲱϥ ⲁ ⲧⲉϥ‐
ⲙⲛ︦ⲧ︦ⲡⲣⲟⲅⲛⲱⲥⲧⲏⲥ • ⲙⲟϣⲧϥ̄ | ⲙⲛ̄ ⲡⲉϥⲉⲓⲱⲧ ⲛ̄ ⲁⲅⲁⲑⲟⲥ
ⲙⲛ̄ ⲡⲉⲡⲛⲁ ⲉⲧ ⲟⲩⲁⲁⲃ • ϫⲉ ϥⲛⲁⲃⲱⲕ ϣⲁ ⲧⲡⲁⲣⲑⲉⲛⲟⲥ
ⲙⲛ̄ ⲡϣⲙ̄ⲛⲟⲩϥⲉ :- Ϩⲣⲁⲫⲁⲏⲗ ϩⲱⲱϥ ϩⲱⲱϥ (sic) ⲉ
ⲣⲁⲧⲟⲩ ⲛ︦ⲛ︦ⲣⲱⲙⲉ ⲛ︦ⲛ︦ⲇⲓⲕⲁⲓⲟⲥ ⲛϥ̄ⲇⲓⲁⲕⲟⲛⲉⲓ ⲛⲁⲩ ⲁⲩⲱ
ⲛϥ̄ϫⲓ ⲙⲟⲉⲓⲧ ϩⲏⲧⲟⲩ • ⲁⲩⲱ ⲛϥ̄ⲧⲁⲗϭⲟⲟⲩ : ⲁⲩⲱ ⲉⲙⲟⲩⲣ
ⲛ̄ ⲁⲥⲙⲟⲇⲁⲓⲟⲥ ⲡⲇⲁⲙⲟⲛⲓⲟⲛ (sic) ⲉⲑⲟⲟⲩ • ⲁ ⲡⲛⲟⲩⲧⲉ ⲅⲁⲣ
ⲧⲱϣ ⲙ̄ ⲡⲟⲩⲁ ⲡⲟⲩⲁ ⲛ̄ ⲛ̄ⲁⲅⲅⲉⲗⲟⲥ ⲕⲁⲧⲁ ⲡϩⲱⲃ ⲉⲧ
ⲧⲟⲟⲙⲉ ⲉ ⲧⲟⲛⲟⲙⲁⲥⲓⲁ ⲛ̄ ⲛⲉⲩⲣⲁⲛ • Ⲙⲓⲭⲁⲏⲗ ⲙⲉⲛ
ⲁϥⲧⲟϣϥ̄ ⲉ ⲧⲣ ϥ̄ⲡⲣⲉⲥⲃⲉⲩⲉ ϩⲁ ⲛ̄ⲣⲱⲙⲉ ⲙ̄ ⲡⲙ̄ (sic) ⲉ ⲧⲃⲉ
ⲧⲉϥⲡⲣⲟⲥⲉⲓⲅⲱⲣⲓⲁ ⲉⲧ ⲧⲟⲙⲉ • Ⲙⲓⲭⲁⲏⲗ ⲉⲕϣⲁⲛϩⲉⲣ‐
ⲙⲏⲛⲉⲩⲉ ⲙ̄ⲙⲟϥ ϫⲉ ⲧⲙⲛ︦ⲧ︦ϣⲁⲛϩⲧⲏϥ ⲙ̄ ⲡⲛⲟⲩⲧⲉ
ⲡⲉ ⲡⲁⲛⲧⲱⲕⲣⲁⲧⲱⲣ • Ⲅⲁⲃⲣⲓⲏⲗ ϩⲱⲱϥ ϫⲉ ⲛⲟⲩⲧⲉ ϩⲓ
ⲣⲱⲙⲉ • ⲉ ⲧⲃⲉ ⲡⲁⲓ ⲁϥⲧⲟϣϥ̄ ⲛ̄ⲇⲓⲁⲕⲟⲛⲓⲧⲏⲥ • ⲁⲩⲱ
ⲛϥⲁⲓ ϣⲙ̄ⲛⲟⲩϥⲉ ⲙ̄ ⲡⲛⲟⲩⲧⲉ ⲉⲧ ⲛⲁⲣ̄ ⲣⲱⲙⲉ • ⲧϩⲉⲣ‐
ⲙⲏⲛⲓⲁ ⲅⲁⲣ ⲛ̄ ϩⲣⲁⲫⲁⲏⲗ ⲡⲉ ⲡⲛⲟⲩⲧⲉ ⲉⲧ ϫⲓ̈
ⲙⲟⲉⲓⲧ ϩⲏⲧⲟⲩ ⲛ̄ ⲛ̄ⲣⲱⲙⲉ • ⲛ̄ϯϩⲉ ⲇⲉ ⲁ ⲡⲛⲟⲩⲧⲉ ϣⲉⲣⲡ̄
ⲟⲛⲟⲙⲁⲍⲉ ⲙ̄ⲙⲟⲟⲩ ϩⲓⲧⲛ̄ ⲧⲉϥϭⲓⲛϣⲉⲣⲡ̄ ⲥⲟⲟⲩⲛ ⲛ̄ ⲛⲉⲧ
ⲛⲁϣⲱⲡⲉ ϩⲁⲑⲏ ⲙ̄ⲡⲁⲧ ⲟⲩϣⲱⲡⲉ • Ⲙⲁⲣⲛ̄ⲕⲧⲟⲛ ⲗⲟⲓⲡⲟⲛ
ⲉϫⲛ̄ ⲧϩⲩⲡⲟⲑⲉⲥⲓⲥ ⲙ̄ ⲡϣⲁϫⲉ : ⲛ̄ⲧⲛ̄ϣⲁϫⲉ ⲉ ⲧⲱⲃⲏⲇ
ⲡϣⲏⲣⲉ ⲛ̄ ⲧⲱⲃⲓⲏⲗ • Ⲡⲉϫⲁϥ ⲅⲁⲣ ⲛⲧⲟϥ ⲧⲱⲃⲏⲇ • ϫⲉ
ⲁⲛⲟⲕ ⲧⲱⲃⲏⲇ ⲛⲉⲓⲙⲟⲟϣⲉ | ϩⲓ ⲛⲉϩⲓⲟⲩⲉ ⲛ̄ ⲧⲙⲉⲉⲣⲉ
ⲧⲇⲓⲕⲁⲓⲟⲥⲩⲛⲏ ϩⲛ̄ ⲛⲁϭⲓϫ ⲛ̄ ⲟⲩⲟⲉⲓϣ ⲛⲓⲙ ⲛ̄ ⲛⲉϩⲟⲟⲩ
ⲧⲏⲣⲟⲩ ⲙ̄ ⲡⲁ ⲱⲛϩ̄ • ⲁⲗⲏⲑⲱⲥ ⲟⲩⲣⲉϥⲙⲟⲟϣⲉ ϩⲓ
ⲛⲉϩⲓⲟⲟⲩⲉ ⲛ̄ ⲧⲙⲉ ⲡⲉ ⲧⲱⲃⲓⲇ • ⲁⲩⲱ ⲟⲩⲣⲉϥⲧⲙⲛ︦ⲧ︦ⲛⲁ ⲡⲉ
ϩⲛ̄ ⲟⲩⲛⲟϭ ⲛⲉⲩⲙⲉⲛⲓⲁ • ⲁⲩⲱ ⲛⲉ ⲟⲩⲣⲉϥϯ ⲁⲡⲁⲣⲭⲏ
ⲡⲉ ϩⲓ ⲣⲉⲙⲏⲧ ⲉ ⲡⲏⲓ ⲙ̄ ⲡⲛⲟⲩⲧⲉ • ⲡⲉ ⲡϣⲏⲣⲉ ⲛ̄ ⲧⲱⲃⲓⲏⲗ •


### 0005

ⲉ ⲧⲃⲉ ⲛⲁⲓ ⲁⲛ ⲇⲓⲁⲃⲟⲗⲟⲥ ⲫⲑⲟⲛⲉⲓ ⲉ ⲣⲟϥ ⲁϥⲁⲁϥ ⲛ̄
ⲃⲗ̄ⲗⲉ • ⲡⲛⲟⲩⲧⲉ ϩⲱⲱϥ ⲁϥϫⲟⲟⲥ ϩⲛ̄ ⲧⲉϥⲧⲁⲡⲣⲟ ⲙ̄
ⲡⲉⲡⲣⲟⲫⲏⲧⲏⲥ ⲉⲧ ⲟⲩⲁⲁⲃ ⲇⲁⲩⲉⲓⲇ ϫⲉ ⲉⲓⲥ ϩⲏⲏⲧⲉ
ⲁⲓⲣ̄ϩⲗ̄ⲗⲟ ⲙ̄ⲡⲉ ⲓⲛⲁⲩ ⲉⲩⲇⲓⲕⲁⲓⲟⲥ ⲉⲁ ⲡϫⲟⲉⲓⲥ ⲕⲁⲁϥ
ⲛ̄ⲥⲱϥ • ⲗⲟⲓⲡⲟⲛ ⲁϥⲧⲛ̄ⲛⲟⲟⲩ ⲙ̄ ⲡⲉϥⲁⲅⲅⲉⲗⲟⲥ ⲉⲧ ⲟⲩⲁⲁⲃ
ϩⲣⲁⲫⲁⲏⲗ • ⲁϥⲭⲁⲣⲓⲍⲉ ⲛⲁϥ ⲙ̄ ⲡⲟⲩⲟⲉⲓⲛ ⲛ̄ ⲛⲉϥⲃⲁⲗ •
ϩⲙ̄ ⲡⲧⲣ ϥⲟⲩⲱϣ ⲇⲉ ⲟⲛ ⲉ ϫⲟⲟⲩ ⲙ̄ ⲡϥ̄ϣⲏⲣⲉ ⲧⲱⲃⲓⲁⲥ
ⲉⲩⲁⲡⲟⲇⲩⲙⲓⲁ ⲉⲥⲟⲩⲏⲩ • ⲁϥⲧⲣⲉ ⲡⲁⲅⲅⲉⲗⲟⲥ ⲛ̄ⲁⲅⲁⲑⲟⲥ
ϫⲓ ⲙⲟⲉⲓⲧ ϩⲏⲧϥ̄ ⲁⲩⲱ ⲡⲙⲁ ⲟⲛ ⲛ̄ⲧⲁϥⲃⲱⲕ ⲉ ⲣⲟϥ
ⲁϥⲧⲁⲗϭⲉ ⲥⲁⲣⲣⲁ ⲧϣⲉⲉⲣⲉ ⲛ̄ ϩⲣⲁⲅⲟⲩⲏⲗ • ⲁϥⲙⲟⲩⲣ
ⲛ̄ⲁⲥⲙⲟⲇⲁⲓⲟⲥ ⲡⲣⲉϥϣⲟⲟⲣ • ⲛ̄ ⲧⲉⲓ ϩⲉ ⲟⲛ ⲡⲏⲓ ⲙ̄ ⲡϩⲏⲕⲉ
ⲁϥⲙⲁϩϥ ⲛ̄ ⲧⲉⲗⲏⲗ ⲡⲏⲓ ⲙ̄ ⲡⲣⲙⲙⲁϥ (sic) ⲙⲁϩϥ̄ ⲛ̄
ⲣⲁϣⲉ • ⲡⲏⲓ ⲙ̄ ⲡⲛⲟϭⲛⲉϭ ⲁϥⲙⲟϩϥ̄ (sic) ⲛ̄ ⲭⲟⲣⲁⲩⲗⲏⲥ •
ⲁϥⲧⲣⲉ ⲧⲗⲩⲡⲏⲓ ⲙⲛ̄ ⲡⲁϣⲁϩⲟⲙ ⲛ̄ ϩⲣⲁⲅⲟⲩⲏⲗ ⲡⲱⲧ
ⲉⲡⲟⲩⲉ : | Ⲁⲩⲱ ⲟⲛ ⲁϥϥⲱⲧⲉ ⲉ ⲃⲟⲗ ⲛ̄ ⲛ̄ⲣⲙⲉⲓⲟⲟⲩⲉ ϩⲛ̄
ⲛⲉⲥⲃⲁⲗ • ⲁⲩⲱ ⲁϥϫⲓ ⲛ̄ ⲛⲉϣⲗⲏⲗ ⲛ̄ ⲥⲁⲣⲣⲁ ϣⲁ ⲧⲙⲉϩ
ⲥⲁϣϥⲉ ⲙ̄ ⲡⲉ • ϣⲁ ⲡⲛⲟⲩⲧⲉ ⲡⲡⲁⲛⲧⲱⲕⲣⲁⲧⲱⲣ • Ⲡⲉⲓ
ⲁⲅⲅⲉⲗⲟⲥ ⲅⲁⲣ ⲱ ⲛⲁⲙⲉⲣⲁⲁⲧⲉ ⲟⲩⲁⲅⲅⲉⲗⲟⲥ ⲛ̄ ⲁⲅⲁⲑⲟⲥ
ⲡⲉ • ⲟⲩⲗⲩⲧⲟⲩⲣⲅⲟⲥ ⲡⲉ • ⲟⲩϣⲁϩ ⲛ̄ ⲥⲁⲧⲉ ⲡⲉ • ⲁⲩⲱ ⲉⲩⲡⲛⲁ
ⲡⲉ • ⲟⲩⲣⲙ̄ ⲛ̄ ϩⲓⲏ̄ ⲉϥⲛ̄ϩⲟⲧ ⲡⲉ • ⲟⲩⲁⲥⲱⲙⲁⲧⲟⲥ ⲡⲉ • ⲟⲩ‐
ⲁⲣⲭⲁⲅⲅⲉⲗⲟⲥ ⲟⲛ ⲡⲉ • ⲟⲩⲣⲙ̄ ⲛ ⲇⲓⲁⲕⲟⲛⲉⲓ ⲕⲁⲗⲱⲥ
ⲡⲉ • ⲟⲩⲁⲅⲉⲣⲁⲣⲭⲏⲥ ⲡⲉ ⲟⲩⲣϥ︦ⲣ̄ ϩⲱⲃ ⲡⲉ ⲛⲟⲙⲓⲥⲑⲟⲥ • ⲟⲩ‐
ⲥⲁⲉⲓⲛ ⲡⲉ ⲛ̄ⲣⲉϥⲧⲁⲗϭⲟ ⲙⲉϥϫⲓ ⲃⲉⲕⲉ • ⲛⲁⲓ ⲇⲉ ⲧⲏⲣⲟⲩ
ⲛⲧⲁⲓϫⲟⲟⲩ ⲛ̄ⲧⲁ ⲡⲉⲓ ⲁⲣⲭⲁⲅⲅⲉⲗⲟⲥ ⲛ̄ ϩⲁⲣϣ̄ϩⲏⲧ ⲁⲁⲩ •
ϩⲓⲧⲛ̄ ⲧⲕⲉⲗⲉⲩⲥⲓⲥ ⲙ̄ ⲡϥ̄ⲧⲉⲭⲛⲓⲧⲏⲥ ⲡⲛⲟⲩⲧⲉ • ⲧⲉⲧⲛ̄ⲟⲩⲱϣ
ⲇⲉ ⲉ ⲉⲓⲙⲉ ⲱ ⲛⲉⲥⲛⲏⲩ ⲙ̄ⲙⲉⲣⲓⲧ • ϫⲉ ⲛⲉⲣⲁⲛ ⲧⲏⲣⲟⲩ
ⲧⲟⲟⲙⲉ ⲉ ⲡⲉⲓ ⲁⲣⲭⲁⲅⲅⲉⲗⲟⲥ ⲛ̄ ϣⲁⲛϩⲧⲏϥ • ϯⲛⲁⲟⲩⲉ̄ⲛϩ̄
ⲡϩⲱⲃ ⲛⲏⲧⲛ̄ ⲉ ⲃⲟⲗ • Ⲉⲡⲉⲓ ⲇⲏ ⲁⲓϫⲟⲟⲥ ϫⲉ ⲟⲩⲁⲅⲅⲉⲗⲟⲥ
ⲛ̄ⲁⲅⲁⲑⲟⲥ ⲡⲉ • Ⲉⲓⲥ ⲧⲉϥⲙⲛ̄ⲧϩⲁⲣϣ̄ϩⲏⲧ ⲁⲥⲟⲩⲱ̄ⲛϩ̄
ⲙ̄ⲙⲟϥ ⲉ ⲃⲟⲗ • ⲉ ⲃⲟⲗ ϫⲉ ⲟⲩⲁⲅⲅⲉⲗⲟⲥ ⲉϥⲇⲓⲁⲕⲟⲛⲉⲓ
ⲙ̄ⲙⲟϥ ϩⲱⲟⲩ ⲙⲛ︦ⲧ︦ⲥⲙⲏⲧ ϣⲁ ϩⲣⲁⲓ ⲉ ⲥⲙ︦ⲛ︦ⲧ ϭⲓⲛⲟⲩⲱⲙ
ⲛⲁϥ • ⲟⲩⲣⲱⲙⲉ ⲡⲉ • ⲟⲩⲗⲩⲧⲟⲩⲣⲅⲟⲥ ⲡⲉ ⲉϥⲁⲁϩⲉ ⲣⲁⲧϥ̄
ⲉ ⲡⲣ̄ⲣⲟ ⲛ̄ ⲁⲧ ⲙⲟⲩ ⲡⲉⲭⲣⲥ̄ | ⲉϥⲗⲩⲧⲟⲩⲣⲅⲉⲓ ⲉ ⲡⲉϥⲟⲩ‐
ⲉϩⲥⲁϩⲛⲉ • ⲕⲁⲧⲁ ⲡϣⲁϫⲉ ⲙ̄ ⲡⲗⲁⲥ ⲙ̄ ⲡⲉⲥϯ ⲛⲟⲩϥⲉ


### 0006

ⲡⲁⲩⲗⲟⲥ • ϫⲉ ⲙⲏ ⲛ̄ ϩⲉⲛⲗⲩⲧⲟⲩⲣⲅⲓⲕⲟⲛ ⲁⲛ ⲛⲉ ⲙ̄
ⲡⲛⲁ̄ⲙⲁ (sic) ⲧⲏⲣⲟⲩ ⲛⲉ • ⲉⲩⲧⲛ̄ⲛⲟⲟⲩ ⲙ̄ⲙⲟⲟⲩ ⲉ ϩⲉⲛⲇⲓⲁ‐
ⲕⲟⲛⲓⲁ̄ ⲉ ⲧⲃⲉ ⲛⲉⲧ ⲛⲁⲕⲗⲏⲣⲟⲛⲟⲙⲉⲓ ⲛ̄ ⲟⲩⲟⲩϫⲁⲓ • ⲕⲛⲁⲩ
ⲉ ⲧⲙⲛ︦ⲧ︦ⲙⲛ︦ⲧ︦ⲣⲉ ⲉⲧ ⲛ̄ϩⲟⲧ: ⲟⲩⲡⲛⲁ̄ ⲡⲉ ⲕⲁⲧⲁ ⲧⲉⲡⲣⲟⲫⲏϯⲁ
ⲛ̄ ⲇ︦ⲁ︦ⲇ︦ • ϫⲉ ⲡⲉⲧ ⲧⲁⲙⲓⲟ ⲛ̄ ⲛⲉϥⲁⲅⲅⲉⲗⲟⲥ ⲙ̄ ⲡⲛⲁ̄
ⲟⲩϣⲁϩ ⲛ̄ ⲥⲁⲁⲧⲉ ⲡⲉ ⲕⲁⲧⲁ ⲡⲉⲧ ⲥⲏϩ • ϫⲉ ⲛⲉϥⲗⲓⲧⲟⲩⲣ‐
ⲅⲟⲥ ⲛ̄ ϣⲁϩ ⲛ̄ ⲥⲁⲧⲉ • ⲟⲩⲣⲙ̄ ⲛ̄ϩⲓⲏ ⲡⲉ • ⲉ ⲧⲃⲉ ϫⲉ ⲁϥϫⲓ
ⲙⲟⲉⲓⲧ ϩⲏⲧϥ̄ ⲛ̄ ⲧⲱⲃⲓⲁⲥ ⲉⲩⲕⲁϩ ⲛ̄ ϣⲙ̄ⲙⲟ • ⲉϫⲛ̄ (sic) ⲉ
ⲡⲗⲁⲡⲧⲉⲓ ⲗⲁⲁⲩ :-ⲟⲩⲁⲣⲭⲏⲙⲁⲅⲉⲣⲟⲥ ⲅⲁⲣ ⲡⲉ • ϫⲉ
ⲁϥⲥⲙⲛ̄ ⲡⲧⲃ̄ ⲙ̄ ⲡϣⲏⲣⲉ ϣⲏⲙ • ⲟⲩⲁⲅⲅⲉⲗⲟⲥ ⲣⲱ ⲡⲉ •
ⲟⲩⲛⲩⲙⲫⲁⲅⲱⲅⲟⲥ ⲟⲛ ⲡⲉ ϫⲉ ⲛ̄ⲧⲟϥ ⲁϥϣⲁϫⲉ ϩⲁ ⲧⲱⲃⲓⲁⲥ •
ⲁϥⲉⲓⲣⲉ ⲛ̄ ⲧϣⲉⲗⲉⲉⲧ • ⲟⲩⲁⲥⲱⲙⲁⲧⲟⲥ ϫⲉ ⲙ̄ ⲡⲉϥⲧⲉⲡ
ⲗⲁⲁⲩ ⲛⲛⲉϩⲟⲟⲩ ⲧⲏⲣⲟⲩ ⲛ̄ⲧⲁϥⲙⲟⲟϣⲉ ⲛⲙ̄ⲙⲁϥ • ⲟⲩ‐
ⲡⲣⲉⲥⲃⲉⲩⲧⲏⲥ ⲡⲉ ⲉ ⲧⲃⲉ ϫⲉ ⲛ̄ⲧⲟϥ ⲁϥⲥⲟⲡⲥⲡ̄ ⲙ̄ ⲡⲁⲛⲁϩⲱⲣ
ⲛ̄ ⲧⲙⲛ︦ⲧ︦ϣⲁⲛϩⲧⲏϥ ⲡⲉⲭⲣⲥ̄ ϩⲁ ⲧⲱⲃⲓⲇ ⲙⲛ̄ ⲧⲱⲃⲓⲁⲥ • |
ⲡⲉϥϣⲏⲣⲉ ⲙⲛ̄ ⲥⲁⲣⲣⲁ ⲟⲩⲁⲕⲉⲣⲁⲣⲭⲏⲥ ⲡⲉ ϫⲉ ⲉⲣⲉ
ⲧⲱⲃⲓⲁⲥ ϩⲙ̄ ⲡⲙⲁ ⲛ̄ ϣⲉⲗⲉⲉⲧ : ⲁϥϫⲓ ⲛ̄ ⲟⲩϭⲁⲙⲟⲩⲗ
ⲉ ⲉⲕⲃⲁⲧⲁⲛⲟⲥ ⲁϥⲉⲓⲛⲉ ⲛ̄ ⲛ̄ϩⲁⲧ • ⲟⲩϩⲓⲁⲧⲣⲟⲥ ⲡⲉ ⲉ ⲧⲃⲉ
ϫⲉ ⲁϥⲑⲉⲣⲁⲡⲉⲩⲉ ⲛ̄ ⲛ̄ⲃⲁⲗ ⲛ̄ⲧⲱⲃⲏⲇ ⲡⲣⲱⲙⲉ ⲛ̄ ⲛⲁⲏⲧ
ⲡⲉ ⲛⲧⲁϥϫⲟⲟⲥ ⲙ̄ ⲡⲉϥϣⲏⲣⲉ • ϫⲉ ⲛ̄ⲑⲉ ⲉⲧⲉ ⲟⲩⲛ̄ⲧⲁⲕ •
ⲕⲁⲧⲁ ⲡⲉⲕϩⲟⲩⲟ ⲁ̄ⲣⲓ ⲙⲛⲧⲛⲁ • ⲡⲛⲁ ⲅⲁⲣ ϣⲁϥⲛⲉϩⲙ̄
ⲡⲣⲱⲙⲉ ⲉ̄ ⲡⲙⲟⲩ • ⲟⲩⲁⲣⲭⲏⲥⲧⲣⲁⲧⲏⲅⲟⲥ ⲡⲉ ϫⲉ ⲁϥⲙⲟⲩⲣ
ⲛ̄ ⲁⲥⲙⲟⲇⲁⲓⲟⲥ • ⲟⲩⲁⲙⲓⲥⲑⲩⲥⲧⲟⲥ ⲡⲉ ϫⲉ ⲙ̄ⲡⲉ ϥϫⲓ
ⲡⲃⲉⲕⲉ ⲛ̄ⲧⲁⲩⲥⲙⲛ̄ⲧϥ̄ ⲛⲙ̄ⲙⲁϥ • ⲟⲩϩⲩⲡⲉⲣⲉⲧⲏⲥ ⲡⲉ
ⲉⲛⲁⲛⲟⲩϥ • ϫⲉ ⲁϥϩⲩⲡⲉⲣⲉⲧⲏ ⲛ̄ ⲛⲉⲧ ϥ̄ⲣ ⲭⲣⲓⲁ ⲙ̄ⲙⲟⲟⲩ
ⲧⲏⲣⲟⲩ ⲟⲩⲣⲉϥⲇⲓⲁⲕⲟⲛⲉⲓ ⲡⲉ ϫⲉ ⲁϥⲁⲁϩⲉ ⲣⲁⲧϥ̄ ϩⲓ
ϫⲱϥ ⲁϥⲇⲓⲁⲕⲟⲛⲉⲓ ⲛ̄ⲑⲉ ⲛ̄ ⲟⲩϩⲙ̄ϩⲁⲗ ⲙ̄ ⲡⲓ̈ⲥⲧⲟⲥ • ⲱ
ⲡⲡⲉⲗⲁⲅⲟⲥ ⲛ̄ ⲧⲙⲛ︦ⲧ︦ϣⲁⲛϩ̄ⲧⲏϥ ⲙ̄ ⲡⲛⲟⲩⲧⲉ • ⲱ̄
ⲧⲙⲛ︦ⲧ︦ⲥⲙⲏⲧ ⲙ̄ ⲡⲉⲓ ⲁⲣⲭⲁⲅⲅⲉⲗⲟⲥ • ⲡⲁⲓ ⲉⲧ ⲁϩⲉ ⲣⲁⲧϥ̄
ⲉ ⲡϫⲟⲉⲓⲥ ⲥⲁⲃⲁⲱⲑ • ⲁϥⲁⲁϩⲉ ⲣⲁⲧϥ̄ ⲉϫⲛ̄ ⲟⲩⲣⲱⲙⲉ ⲉ
ⲇⲓⲁⲕⲟⲛⲉⲓ : Ⲁⲩⲉⲓⲥ ϭⲉ ⲟⲩⲛ ⲱ ⲛⲁⲙⲉⲣⲁⲧⲉ • ⲛ̄ⲧⲛ̄ⲉⲓⲛⲉ
ⲉ ⲧⲙⲏⲏⲧⲉ • | ⲛ̄ⲧⲛ̄ϫⲱ ⲉ ⲣⲱⲧⲛ̄ • ⲛ ϩⲉⲛⲕⲟⲩⲓ ⲉ ⲧⲃⲉ :
ⲡⲉⲙⲁⲣⲧⲏⲣⲓⲟⲛ ⲡⲁⲓ ⲉⲧⲛ̄ⲥⲟⲟⲩϩ ⲉ ⲣⲟϥ ⲉ ⲡⲣⲁⲛ ⲙ̄
ⲡⲁⲣⲭⲁⲅⲅⲉⲗⲟⲥ • ⲁⲥϣⲱⲡⲉ ⲇⲉ ⲙⲙⲟⲓ ⲛ ⲟⲩϩⲟⲟⲩ ⲁⲛⲟⲕ


### 0007

ⲓⲱϩⲁⲛⲛⲏⲥ ⲉⲓⲉⲓⲣⲉ ⲛ̄ ⲧⲁ ⲥⲩⲛⲁⲝⲓⲥ ⲙ̄ ⲡⲛⲁⲩ ⲛ̄ ϫⲡ̄ ⲥⲟ
ⲁⲩⲛⲟϭ ⲛ̄ ⲟⲩⲟ̄ⲉⲓⲛ ϣⲁ ϩⲙ̄ ⲡⲏⲓ̈ ⲉⲛⲉⲓ ⲛ̄ϩⲏⲧϥ̄ • ⲉⲓⲥ
ⲟⲩϩⲣ̄ϣⲓⲣⲉ ⲉⲛⲉⲥⲉ ϩⲣⲁϥ ⲉⲙⲁⲁⲧⲉ • ⲁϥⲉⲓ ⲉ ϩⲟⲩⲛ ⲛ̄
ϣⲁ ⲣⲟⲓ ⲉⲣⲉ ⲟⲩⲛⲟϭ ⲛ ⲉⲟⲟⲩ ⲕⲱⲧⲉ ⲉ ⲣⲟϥ • ⲉⲣⲉ ⲟⲩ‐
ϭⲉⲣⲱⲃ ⲛ̄ ⲛⲟⲩⲃ ϩⲛ̄ ⲧϥ̄ϭⲓϫ ⲛ̄ ⲟⲩⲛⲁⲙ • ⲉⲟⲩⲛ̄ ⲟⲩⲥⳁⲟ︦ⲥ︦
ϩⲓ ϫⲱϥ • ⲁϥⲙⲟⲩⲧⲉ ⲉ ⲣⲟⲓ ⲛ̄ ϣⲟⲙ︦ⲛ︦ⲧ︦ ⲛ̄ ⲥⲟⲡ ⲉϥϫⲱ
ⲙ̄ⲙⲟⲥ ϫⲉ ⲓⲱϩⲁⲛⲛⲏⲥ ⲡⲕⲁϣ ⲙ̄ ⲡⲉⲡⲛⲁ̄ ⲉⲧ ⲟⲩⲁⲁⲃ •
ⲓ̈ⲱϩⲁⲛⲛⲏⲥ ⲡⲗⲁⲥ ⲛ̄ ⲣⲉϥⲑⲉⲣⲁⲡⲉⲩⲉ ⲛ̄ ⲛⲉⲯⲩⲭⲏ
ⲛ̄ⲧⲁⲩⲟⲩⲱ̄ϣϥ̄ ϩⲙ̄ ⲡⲛⲟⲃⲉ • Ⲓⲱϩⲁⲛⲛⲏⲥ ⲡⲗⲁⲥ ⲛ̄ ⲣⲉϥϣⲁϫⲉ
ϩⲓϫⲙ̄ ⲡⲕⲁϩ • ⲉ ⲧⲣⲉ ϥⲡⲓⲑⲉ ⲙ̄ ⲡⲛⲟⲩⲧⲉ ϩⲛ̄ ⲧⲙⲉϩ
ⲥⲁϣϥⲉ ⲙ̄ ⲡⲉ • ⲁⲛⲟⲕ ⲇⲉ ⲛ̄ ⲧⲉⲣⲉ ⲓⲥⲱⲧⲙ̄ ⲉ ⲛⲁⲓ •
ⲁⲓϣⲧⲟⲣⲧⲣ̄ ⲁⲩⲱ ⲁⲓϩⲉ ϩⲁ ⲛⲉϥⲟⲩⲣⲏⲏⲧⲉ • ⲉ ⲧⲣⲁ ⲟⲩⲱ̄ϣⲧ̄
ⲛⲁϥ • ⲁϥⲁⲙⲁϩⲧⲉ ⲛ̄ ⲧⲁ ϭⲓϫ ⲁϥⲧⲟⲩⲛⲟⲥⲧ̄ ⲡⲉϫⲁϥ ⲛⲁⲓ
ϫⲉ ⲙ̄ⲡⲣ̄ ⲣ̄ ϩⲟⲧⲉ • ⲙ̄ⲡⲱⲣ ⲁⲛⲅ̄ ⲡⲉⲕϣⲃⲏⲣ ϩⲙ̄ϩⲁⲗ •
ⲟⲩⲱϣⲧ̄ ⲙ̄ ⲡⲛⲟⲩⲧⲉ • ⲡⲉϫⲁⲓ ⲛⲁϥ ϩⲛ̄ ⲟⲩⲥⲧⲱⲧ | ϫⲉ ⲛ̄ⲧⲕ̄
ⲛⲓⲙ • ⲛ̄ ⲧⲉⲓ ϩⲉ ⲡⲁ ϫⲟⲉⲓⲥ • ⲉⲣⲉ ⲡⲉⲓ ⲛⲟϭ ⲛ̄ ⲉⲟⲟⲩ ⲕⲱⲧⲉ
ⲉ ⲣⲟⲕ • ⲙ̄ⲡⲉ ⲓⲛⲁⲩ ⲉ ⲟⲩⲟⲛ ⲛⲧⲉⲕϩⲉ ⲉⲛⲉϩ ⲛ̄ⲧⲟϥ ⲇⲉ
ⲁϥϥⲓ ⲛ̄ ⲑⲟⲧⲉ ⲛ̄ⲥⲁ ⲃⲟⲗ ⲙ̄ⲙⲟⲓ • ⲡⲉϫⲁϥ ⲛⲁⲓ ϫⲉ ⲁⲛⲟⲕ
ⲡⲉ ϩⲣⲁⲫⲁⲏⲗ • ⲟⲩⲁ ⲉ ⲃⲟⲗ ϩⲙ̄ ⲡⲥⲁϣϥ̄ ⲛ̄ ⲁⲣⲭⲁⲅⲅⲉ‐
ⲗⲟⲥ • Ⲁⲛⲟⲕ ⲡⲉ ϩⲣⲁⲫⲁⲏⲗ ⲡⲉ ⲛⲧⲁ ⲡⲁ ⲇⲉⲥⲡⲟⲇⲏⲥ
ϩⲟⲧⲣⲉϥ ⲙⲛ̄ ⲫⲓⲗⲟⲑⲉⲟⲥ ⲁⲓⲡⲣⲟⲥⲉⲛⲉⲅⲕⲉ ⲙ̄ⲙⲟϥ ⲙ̄
ⲡⲉϥⲉⲓⲱⲧ ⲙⲛ̄ ⲧⲉϥⲙⲁⲁⲩ ⲙ̄ ⲡⲉⲭⲣ︦ⲥ︦ ⲓⲥ̄ • Ⲁⲛⲟⲕ
ⲡⲉ ϩⲣⲁⲫⲁⲏⲗ ⲡⲁⲣⲭⲁⲅⲅⲉⲗⲟⲥ Ⲉⲁ ⲡⲉⲭⲣⲥ̄ ⲧⲁⲁⲕ ⲉ
ⲧⲟⲟⲧ ϫⲓⲛ ⲉⲕⲟ ⲛ̄ ⲕⲟⲩⲓ • ⲁⲩⲱ ⲟⲛ ϫⲓⲛ ⲙ̄ ⲡⲉϩⲟⲟⲩ
ⲛ̄ⲧⲁⲩϫⲡⲟⲕ ϣⲁ ϩⲣⲁⲓ ⲉ ⲡⲟⲟⲩ ⲛ̄ϩⲟⲟⲩ ⲉⲙ ⲉⲓⲥⲛ̄ⲧⲉⲕ̄ ⲉ ⲃⲟⲗ
ⲛ̄ ⲟⲩⲟⲩⲛⲟⲩ ⲛ̄ ⲟⲩⲱⲧ : ⲏ̄ ⲧⲡⲁϣⲉ ⲛ̄ ⲟⲩⲟⲩⲛⲟⲩ ϣⲁ ⲡⲣⲓⲕⲉ
ⲛ̄ ⲟⲩⲃⲁⲗ • ⲁⲩⲱ ⲟⲛ ⲛ ϯⲛⲁⲥⲛⲧⲕ̄ ⲉ ⲃⲟⲗ ⲁⲛ ϣⲁ ⲡⲉϩⲟⲟⲩ
ⲉ ϯⲛⲁϫⲓⲧⲕ̄ ϣⲁ ⲡⲣ̄ⲣⲟ ⲡⲉⲭⲣⲥ̄ ⲛ̄ⲧⲉϥⲧⲁⲁⲕ ⲉ ⲧⲟⲟⲧ ⲉⲕⲟ
ⲛ̄ ⲁⲧ ⲧⲱⲗⲙ̄ • ϣⲁ ϩⲣⲁⲓ ⲉ ⲡⲏⲓ ⲙ̄ ⲡⲥⲁϩ ⲛ̄ⲧⲁϥⲧⲥⲁⲃⲟⲕ
ⲉⲥϩⲁⲓ • ⲁⲩⲱ ⲟⲛ ϣⲁ ϩⲣⲁⲓ ⲉ ⲧⲉⲕϭⲓⲛϫⲓⲟⲟⲣ ⲛ̄ⲑⲁⲗⲁⲥⲥⲁ •
ϣⲁ ⲁⲑⲉⲛⲛⲁⲓⲥ ⲙⲛ̄ ⲃⲉⲣⲏⲧⲟⲥ • ⲛⲉ ⲛⲧⲁⲕⲃⲱⲕ ⲉ ⲣⲟⲟⲩ :-Ⲓ
ⲛⲉⲓⲙⲟⲟϣⲉ ⲛⲙ̄ⲙⲁⲕ ⲡⲉ ⲉⲓⲥⲟⲃⲧⲉ ⲛ̄ ⲛⲉⲕⲙⲁ ⲙ̄ ⲙⲟⲟϣⲉ •
ⲁⲩⲱ ⲉⲓϩⲓϯⲙⲁⲍⲉ ⲛⲙ̄ⲙⲁⲑⲏⲙⲁ ⲙ̄ ⲡⲉⲕⲛⲟⲩⲥ • ⲙⲛ̄
ⲡⲉⲕϩⲏⲧ • ⲛ̄ⲑⲉ ⲙ ⲡⲟⲩⲟ̄ⲉⲉⲓ̈ ⲉⲧ ϣⲉⲣⲡ̄ ⲥⲟⲃⲧⲉ ⲛ̄ ⲛⲉϥⲉⲃⲣⲁ •


### 0008

ⲁⲩⲱ ⲉⲧ ϭⲱϫⲉ ⲙ̄ ⲡⲙⲟⲟⲩ ⲉ ⲛⲉⲧⲗⲟⲙ • Ⲧⲉⲛⲟⲩ ϭⲉ
ϫⲣⲟ ⲛⲅ̄ ϭⲙ̄ϭⲟⲙ • ⲙ̄ⲡⲣ̄ ⲣ̄ ϩⲟⲧⲉ ⲱ̄ ⲡϩⲟⲙⲟⲗⲟⲅⲓⲧⲏⲥ ⲛ̄
ϣⲡⲏⲣⲉ • ⲉ ⲃⲟⲗ ϫⲉ ⲁⲛⲅ̄ ⲟⲩⲣⲉϥϯ ϩⲟⲧⲉ ⲁⲛ ⲛ̄ ⲛⲉⲯⲩⲭⲏ •
ⲁⲗⲗⲁ ⲁⲛⲅ̄ ⲟⲩⲣⲉϥϯϭⲛ̄ⲛⲉ ⲛ ⲛⲉⲯⲩⲭⲏ :-Ⲥⲉⲙⲟⲩⲧⲉ
ⲅⲁⲣ ⲉ ⲣⲟⲓ ϩⲓⲧⲛ̄ ⲛⲁϣⲃⲏⲣ ⲁⲅⲅⲉⲗⲟⲥ • ϫⲉ ⲡⲁⲅⲅⲉⲗⲟⲥ
ⲙ ⲙⲁⲧⲛ̄ ϩⲏⲧ • ϫⲣⲟ ⲁⲩⲱ ⲙⲁⲣⲉ ⲡⲉⲕϩⲏⲧ ⲧⲱⲕ • ⲙ̄ⲡⲣ̄
ⲣ̄ ϩⲟⲧⲉ ϫⲉ ⲁⲛⲟⲕ ⲡⲁ ⲡⲉ ϣⲧⲟⲣⲧⲣ̄ ⲁⲛ • ⲁⲗⲗⲁ ⲁⲛⲟⲕ
ⲡⲁ ϯⲣⲏⲛⲏ : Ⲧⲉⲛⲟⲩ ϭⲉ ⲱ̄ ⲓ̈ⲱϩⲁⲛⲛⲏⲥ • Ⲉⲓⲥ ⲡⲣ̄ⲣⲟ
ⲁⲣⲕⲁⲇⲏⲥ ⲛⲁϫⲛⲟⲩⲕ ⲉⲩϣⲁϫⲉ ⲛ̄ ⲣⲁⲧⲉ • ϫⲉ ϥⲛⲁⲕⲱⲧ
ⲛⲁⲓ ⲛ̄ ⲟⲩⲙⲁⲣⲧⲏⲣⲓⲟⲛ ϩⲙ̄ ⲡⲁ ⲣⲁⲛ • ⲡⲣⲟⲧⲣⲉⲡⲉ ⲙ̄ⲙⲟϥ
ϩⲛ̄ ⲛⲉⲕϣⲁϫⲉ ⲉⲧ ϭⲏⲛ • ⲉ ⲃⲟⲗ ϫⲉ ϥⲥⲏϩ • ϫⲉ ⲡⲗⲁⲥ
ⲙ̄ ⲡⲇⲓⲕⲁⲓⲟⲥ ⲥⲟⲧⲡ ⲉϩⲟⲩⲉ̄ ⲡⲛⲟⲩⲃ ⲙⲛ̄ ⲡϩⲁⲧ • ⲁⲩⲱ
ⲛⲅ̄ ϯ ⲟⲩⲣⲟⲧ ⲛⲁϥ ⲉ̄ ⲧⲟⲓⲕⲟⲇⲟⲙⲏ ⲙ̄ ⲡⲁ ⲧⲟⲡⲟⲥ •
ⲉⲕϣⲁⲛϩⲁⲅⲓⲁⲍⲉ ⲙ̄ ⲡⲁ ⲧⲟⲡⲟⲥ ϩⲛ̄ ⲛ̄ ⲧⲁⲓⲟ̄ ⲙⲛ̄ ⲛ̄ϯⲙⲏ ⲉⲧ
ⲉⲣⲉ ⲡⲣ̄ⲣⲟ ⲙ̄ ⲙⲁⲓ ⲛⲟⲩⲧⲉ ⲛⲁⲧⲁ|▨ⲛⲁ▨▨▨ ⲧⲁⲧⲟϩⲓ
▨ⲟⲩ • ⲧⲁⲩⲉ ⲛⲉⲓ ϣⲁ[ϫⲉ] ⲉ ⲡⲣ̄ⲣⲟ ⲛ̄ ⲉⲩⲥⲉⲃⲏⲥ • ▨▨▨
ⲧⲙⲉⲣⲟⲑⲏⲕⲏ▨▨ⲉ ⲭⲣⲥ̄ • ⲡⲉⲧ ⲉⲣⲉ▨▨ⲟϭ ⲛ̄ ⲙ ⲡⲉⲡⲛⲁ̄
[ⲉ]ⲧ ⲟⲩⲁⲁⲃ ⲉⲧ ⲟ ⲛ̄ [ⲥ]ϯ ⲛⲟⲩϥⲉ • ⲉϥϣⲟⲩⲟ ⲉ ⲃⲟⲗ ϩⲛ̄
ⲧⲉϥⲧⲁⲡⲣⲟ • ⲧⲱⲕ ⲛ̄ ϩⲏⲧ ϯⲣⲏⲛⲏ ⲙ̄ ⲡⲉⲓⲱⲧ ⲙⲛ̄ ⲡϣⲏⲣⲉ
ⲙⲛ̄ ⲡⲉⲡⲛⲁ̄ ⲉⲧ ⲟⲩⲁⲁⲃ ⲉⲥⲉϣⲱⲡⲉ ⲛⲙ̄ⲙⲁⲕ • ⲛ̄ ⲧⲉⲣ ϥ̄ϫⲉ
ⲛⲁⲓ ⲛ̄ϭⲓ ⲡⲁⲣⲭⲁⲅⲅⲉⲗⲟⲥ • ⲁϥⲃⲱⲕ ⲉ ϩⲣⲁⲓ ⲉ ⲙ̄ⲡⲏⲩⲉ
ϩⲛ̄ ⲟⲩⲛⲟϭ ⲛ̄ ⲉⲟⲟⲩ • Ⲁⲛⲟⲕ ⲇⲉ ⲓ̈ⲱϩⲁⲛⲛⲏⲥ ⲙ̄ⲡⲉ ⲓ̈ⲟⲩⲱⲙ
ⲟⲩⲇⲉ ⲙ̄ⲡⲉ ⲓⲥⲱ ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲉ ⲧⲃⲉ ⲡⲧⲉⲗⲏⲗ
ⲉⲧ ϩⲙ̄ ⲡⲁ ϩⲏⲧ ϩⲓⲧⲛ̄ ⲧϭⲓⲛϣⲁϫⲉ ⲛⲙ̄ⲙⲁⲓ ⲙ̄ ⲡⲁⲣⲭ‐
ⲁⲅⲅⲉⲗⲟⲥ • [ⲁϥ]ϣⲱⲡⲉ ⲇⲉ ⲙ̄ ⲡⲉϥⲣⲁⲥⲧⲉ ⲁ ⲡⲣ︦ⲣ︦ⲟ ⲛ̄
ⲉⲩⲥⲉⲃⲏⲥ ⲁⲣⲕⲁⲇⲓⲟⲥ • ⲉⲓ ϣⲁ ⲧⲁ ⲙⲛ︦ⲧ︦ⲉⲗⲁⲭⲓⲥⲧⲟⲥ ⲉ
ⲡⲡⲁⲧⲣⲓⲁⲣⲭⲓ̈ⲟⲛ • ⲁϥϫⲓ ⲥⲙⲟⲩ ⲉ ⲃⲟⲗ ϩⲓ ⲧⲟⲟⲧ • ⲁⲩⲱ
ⲡⲉϫⲁⲓ ⲛⲁϥ ϫⲉ ϩⲙⲟⲟⲥ ⲛⲁⲕ ⲱ ⲡⲙⲁⲓ ⲡⲉⲭⲣⲥ̄ • ⲱ ⲡⲉ
ⲛⲧⲁϥϩⲟϫϩⲉϫ ⲙ̄ ⲡⲉϥⲡⲛⲁ̄ • ⲉ ⲧⲃⲉ ⲧⲟⲓⲕⲟⲇⲟⲙⲏ ⲙ̄
ⲡⲁⲣⲭⲁⲅⲅⲉⲗⲟⲥ ⲉⲧ ⲟⲩⲁⲁⲃ ϩⲣⲁⲫⲁⲏⲗ • Ⲱ̄ ⲡⲉ ⲛⲧⲁ
ⲡⲉϥⲣ̄ ⲡⲙⲉⲉⲩⲉ̄ ⲉⲧ ⲛⲁⲛⲟⲩϥ ⲧⲣⲉϥⲥⲁϩⲉ ⲡϩⲓⲛⲏⲃ ⲛ̄ⲥⲁ
ⲃⲟⲗ ⲙ̄ⲙⲟϥ • ⲱ̄ ⲡⲉ ⲛ̄ⲧⲁ ⲡⲣ̄ ⲡⲙⲉⲉⲩⲉ ⲛ̄ ⲧⲇⲓⲁⲕⲟ‐
ⲛⲓⲁ ⲛ̄ ⲛⲉⲧ ⲟⲩⲁⲁⲃ ⲧⲣⲉϥⲣ̄ ⲡⲱⲃϣ̄ ⲛ̄ ⲧⲁⲡⲟⲗⲁⲩⲥⲓⲥ
ⲛ̄ ⲧⲙⲛ︦ⲧ︦ⲉⲣⲟ :- | ⲛⲁⲓⲁ▨
▨ⲱ ⲡⲉⲧ ⲛⲁⲛⲟⲩϥ ⲛⲁ‐


### 0009

ⲛⲟⲩϥ(sic) ⲛⲁϣⲱⲡⲉ ⲙⲙⲟⲕ • ⲟⲛⲧⲱⲥ ⲁϥϫⲱⲕ ⲉⲃⲟⲗ ⲉ ϫⲱⲕ •
ⲛ̄ϭⲓ ⲡϣⲁϫⲉ ⲙ̄ ⲡⲑⲉⲥⲡⲉⲥⲓⲟⲥ ⲡⲁⲩⲗⲟⲥ • ϫⲉ ⲁⲧⲉⲧⲛ̄ⲇⲓⲁ‐
ⲕⲟⲛⲉⲓ ⲉ ⲛⲉⲧ ⲟⲩⲁⲁⲃ • ⲁⲩⲱ ⲟⲛ ϫⲉ ⲛ̄ ⲟⲩⲁⲇⲓⲕⲟⲥ ⲁⲛ
ⲡⲉ ⲡⲛⲟⲩⲧⲉ ⲉⲣ ⲡⲱⲃϣ̄ ⲙ̄ ⲡⲉⲧⲛ̄ϩⲱⲃ • ⲙⲛ̄ ⲧⲁⲅⲁⲡⲏ
ⲛ̄ⲧⲁ ⲧⲉⲧⲛ̄ⲟⲩⲟⲛϩⲥ̄ ⲉ ⲃⲟⲗ ⲉ ⲡⲉϥⲣⲁⲛ • ⲛ ⲧⲉⲣⲉ ⲓϫⲉ
ⲛⲁⲓ ⲇⲉ ⲛⲁϥ ⲁϥⲟⲩⲱⲛ▨▨ ⲉ ⲃⲟⲗ ⲛϭⲓ ⲡⲣ̄ⲣⲟ ⲉⲧ ⲥⲙⲁ‐
ⲙⲁⲁⲧ ⲛ̄ ⲟⲩⲛⲟϭ ⲛ̄ⲛⲁⲩ • ⲁϥⲟⲩⲱϣⲃ̄ ⲡⲉϫⲁϥ ⲛⲁⲓ
ϫⲉ ⲛⲁⲓⲁⲧⲛ̄ ⲁⲛⲟⲛ ⲡⲓⲏ︦ⲗ̄ • ϫⲉ ⲛⲉⲧ ⲣ ⲁ̄ ⲛⲁϥ ⲙ ⲡⲛⲟⲩⲧⲉ
ⲥⲉⲟⲩⲟⲛϩ̄ ⲛⲁⲛ ⲉ ⲃⲟⲗ ⲛⲁⲓⲁⲧⲛ̄ ⲟⲛ ϫⲉ ⲁ ⲡⲛⲟⲩⲧⲉ ⲧⲟⲩⲛⲟⲥ
ⲛⲁⲛ ⲛ̄ ⲟⲩⲉⲓⲱⲧ • [ⲛ ⲧⲉⲓ] ⲙⲓⲛⲉ ⲙ̄ ⲡⲛ̄ⲓⲕⲟⲛ • ϩⲛ̄ ⲟⲩⲙⲉ
ⲅⲁⲣ ⲛ̄[ⲧⲟⲕ] ⲟⲩⲁⲅⲅⲉⲗⲟⲥ ⲉⲕ[ⲙⲟ]ⲟϣⲉ ϩⲓϫⲙ̄ ⲡⲕⲁϩ ⲙⲛ̄
ⲛ̄ⲣⲱⲙⲉ • [ⲗⲟⲓ]ⲡⲟⲛ ⲁϥϫⲱⲕ ⲉ ⲃ[ⲟⲗ] ⲉ ϫⲱⲕ ⲛ̄ϭⲓ ⲡϣⲁ‐
ϫⲉ ⲙ̄ ⲡϩⲩⲙⲛⲟⲇⲟⲥ ⲉⲧ ⲟⲩⲁⲁⲃ ⲇ︦ⲇ︦ ϫⲉ ⲧⲅⲉⲛⲉⲁ •
ⲛⲛⲉⲧ ⲥⲟⲩⲧⲱⲛ ⲛⲁϫⲓ ⲥⲙⲟⲩ • ⲗⲟⲓⲡⲟⲛ ⲱ̄ ⲡⲁ ⲉⲓⲱⲧ ⲉⲧ
ⲟⲩⲁⲁⲃ • ⲉⲓⲥ ⲟⲩⲙⲏⲏϣⲉ ⲛ̄ϩⲟⲟⲩ ⲡⲁ ϩⲏⲧ ⲟϫⲓⲃⲉ (?) ⲙ̄ⲙⲟⲓ •
ⲉ ⲧⲃⲉ ⲧⲟⲓⲕⲟⲇⲟⲙⲏ ⲙ̄ ⲡⲧⲟⲡⲟⲥ ⲙ̄ ⲡⲁⲣⲭⲁⲅⲅⲉⲗⲟⲥ ⲉ̄ⲧ
ⲟⲩⲁⲁⲃ ϩⲣⲁⲫⲁⲏⲗ • ϣⲉ ⲛⲉⲕϣⲗⲏⲗ ⲉⲧ ⲟⲩⲁⲁⲃ • ⲙ̄ⲡⲉⲓ‐
ϫⲓ ⲟⲩⲣⲕ̄ⲣⲓⲕⲉ ϩⲱⲗⲱⲥ ⲛ̄ ⲧⲉⲓ ⲟⲩϣⲏ • ⲉ ⲧⲃⲉ ⲡⲉⲓ ϩⲱⲃ
ⲡⲁⲓ • ⲉⲓⲥ ϩⲏⲏⲧⲉ ⲉⲓⲥ ⲡⲉⲡⲛⲁ̄ [abont eight pages wanting]|
ⲁⲅⲁⲑⲟⲛ ⲙ̄ ⲡϫⲥ̄ ⲡⲛⲟⲩⲧⲉ ⲁϥϫⲓⲧ ⲟⲛ ⲉϫⲙ̄ ⲡⲓⲉⲣⲟ ⲛ̄
ⲉⲣⲱⲧⲉ ⲉⲧ ⲥⲁ ⲣⲏⲥ ⲛ̄ ⲧⲡⲟⲗⲓⲥ • ⲁⲓϭⲓⲛⲉ ⲛ̄ ⲛ̄ϣⲏⲣⲉ ⲕⲟⲩⲓ
ⲧⲏⲣⲟⲩ ⲛ̄ ⲧⲁϩⲏⲣⲱⲇⲏⲥ ϩⲟⲧⲃⲟⲩ ⲉ ⲧⲃⲉ ⲡⲣⲁⲛ ⲙ̄
ⲡⲉⲭⲣ︦ⲥ︦ • ⲁⲩⲁⲥⲡⲁⲍⲉ ⲙ̄ⲙⲟⲓ ⲧⲏⲣⲟⲩ • ⲡⲉϫⲁⲓ ⲙ̄
ⲡⲁⲅⲅⲉⲗⲟⲥ ϫⲉ ⲡⲁ ϫⲥ̄ ⲙⲉⲩⲕⲁ ⲣⲱⲙⲉ ⲛⲓ̈ⲙ ⲉ ϭⲱ
ϩⲁϩⲧⲛ̄ ⲛⲉⲓ ϣⲏⲣⲉ ϣⲏⲙ ⲉⲧ ⲟⲩⲁⲁⲃ • ⲡⲉϫⲉ ⲡⲁⲅⲅⲉⲗⲟⲥ
ϫⲉ ⲣⲱⲙⲉ ⲛⲓⲙ ⲉⲧ ⲛⲁϩⲁⲣⲉϩ ⲉ ⲡⲧⲃ̄ⲃⲟ ⲛ̄ ⲧⲉⲩⲡⲁⲣ‐
ⲑⲉⲛⲓⲁ ⲉⲩⲟⲩⲁⲁⲃ • ⲉ ⲗⲁⲁⲩ ⲛ̄ ϫⲱϩⲙ̄ • ⲉⲩϣⲁⲛⲉⲓ ⲉ ⲃⲟⲗ
ϩⲛ̄ ⲥⲱⲙⲁ • ϣⲁⲩϫⲓⲧⲟⲩ ⲛ̄ⲥⲉⲟⲩⲱϣⲧ̄ ⲙ̄ ⲡⲛⲟⲩⲧⲉ ⲛ̄ⲥⲉ‐
ⲧⲁⲁⲩ ⲉ ⲧⲟⲟⲧϥ̄ ⲙ̄ ⲙⲓⲭⲁⲏⲗ ⲛϥ̄ⲉⲛⲧⲟⲩ ⲉ ⲡⲉⲓ ⲙⲁ •
ⲛϥ̄ⲧⲁⲁⲩ ⲉ ⲧⲟⲟⲧϥ̄ ⲙ̄ ⲡⲉⲓ ⲙⲏⲏϣⲉ ⲛ̄ ϣⲏⲣⲉ ⲕⲟⲩⲓ • ⲛ̄-
ⲥⲉⲁⲥⲡⲁⲍⲉ ⲙⲙⲟⲟⲩ ϫⲉ ⲛⲉⲩϣⲃⲏⲣ ⲙⲉⲗⲟⲥ ⲛⲉ ⲁⲩⲱ
ⲛⲉⲩⲥⲛⲏⲩ ⲛⲉ ⲛ̄ⲥⲉⲕⲗⲏⲣⲟⲛⲟⲙⲉⲓ ⲛⲙ̄ⲙⲁⲩ ⲛ̄ ⲧⲡⲟⲗⲓⲥ ⲙ̄
ⲡⲉⲭⲣ︦ⲥ︦ ⲓ︦ⲥ︦ ϣⲁ ⲉⲛⲉϩ ⲁϥϫⲓ ⲙⲙⲟⲓ ⲉ ⲃⲟⲗ ⲉϫⲙ̄ ⲡⲉⲓⲉⲣⲟ
ⲛ̄ ⲏⲣⲡ̄ • ⲉⲧⲉ ⲡⲓⲉⲃⲧ̄ ⲛ̄ ⲧⲡⲟⲗⲓⲥ • ⲁⲓϭⲓⲛⲉ ⲛ̄ⲁⲃⲣⲁϩⲁⲙ ⲙⲛ̄


### 0010

ⲓ̈ⲥⲁⲁⲕ ⲙⲛ̄ ⲓ̈ⲁⲕⲱⲃ • ⲁⲩⲱ ⲁⲩⲁⲥⲡⲁⲍⲉ ⲙⲙⲟⲓ • ⲡⲉϫⲁⲓ
ⲙ̄ ⲡⲁⲅⲅⲉⲗⲟⲥ • ϫⲉ ⲛⲓⲙ ⲛⲉ ⲛⲁⲓ • ⲡⲉϫⲁϥ ⲛⲁϥ ϫⲉ
ⲣⲱⲙⲉ ⲛⲓ̈ⲙ ⲉϥⲟ ⲙ̄ ⲙⲁⲓ ϣⲙ̄ⲙⲟ • ⲉⲩϣⲁⲛⲉⲓ ⲉ ⲃⲟⲗ
ϩⲛ ⲥⲱⲙⲁ ⲛ̄ⲥⲉⲃⲱⲕ ⲉ̄ ⲣⲁⲧϥ ⲙ̄ ⲡⲛⲟⲩⲧⲉ • ⲛⲥⲉⲟⲩⲱ̄ϣⲧ̄
ⲛⲁϥ ϣⲁϥⲧⲁⲁⲩ ⲉ ⲧⲟⲟⲧϥ̄ ⲙ ⲙⲓⲭⲁⲏⲗ • ⲛϥ̄ϫⲓⲧⲟⲩ ⲉ
ϩⲟⲩⲛ ⲉ ⲧⲡⲟⲗⲓⲥ • ⲁⲩⲱ ϣⲁⲣⲉ ⲛ̄ⲇⲓⲕⲁⲓⲟⲥ ⲧⲏⲣⲟⲩ
ⲁⲥⲡⲁⲍⲉ ⲙ̄ⲙⲟϥ ϩⲓ ⲧⲉϩⲓⲏ ⲉⲩϫⲱ ⲙ̄ⲙⲟⲥ • ϫⲉ ⲱ
ⲛⲉⲛϣⲏⲣⲉ ⲁⲩⲱ ⲛⲉⲛⲥⲛⲏⲩ • ⲁⲧⲉⲧⲛ̄ϫⲓ ⲛ̄ⲧⲛ̄ⲙⲛ︦ⲧ︦ⲙⲁⲓ
ϣⲙ̄ⲙⲟ | ⲁⲙⲏⲓⲧⲛ̄ ⲛ̄ⲧⲉⲧⲛ̄ⲕⲗⲏⲣⲟⲛⲟⲙⲉⲓ ⲛ̄ ⲧⲡⲟⲗⲓⲥ ⲙ̄
ⲡϫⲥ̄ ⲡⲉⲛⲛⲟⲩⲧⲉ • ⲕⲁⲧⲁ ⲡϩⲱⲃ ⲙ̄ ⲡⲟⲩⲁ̄ ⲡⲟⲩⲁ̄ • ϣⲁϥ‐
ϭⲓⲛⲉ ⲛ̄ ⲛ̄ⲣⲱⲙⲉ ⲉⲧ ϥ̄ⲉⲓⲛⲉ ⲙⲙⲟⲟⲩ ϩⲛ ⲧⲡⲟⲗⲓⲥ ⲙ̄
ⲡⲉⲭⲣ︦ⲥ︦ ⲓⲥ̄ ⲑⲓⲉⲗⲏ︦ⲙ︦ • ⲁⲓϭⲱϣⲧ̄ ⲁⲓⲛⲁⲩ ⲉ ϩⲉⲛⲣⲱⲙⲉ ⲙ̄
ⲡϩⲟⲩⲛ ⲛ̄ ⲧⲡⲩⲗⲏ ⲉⲩⲯⲁⲗⲗⲉⲓ ⲁⲩⲱ ⲉⲩϯ ⲉⲟⲟⲩ ⲙ̄
ⲡⲛⲟⲩⲧⲉ • ⲁⲩⲱ ⲉⲩⲣⲟⲟⲩⲧ ⲉⲙⲁⲁⲧⲉ • ⲡⲉϫⲁⲓ ⲙ̄ ⲡⲁⲅⲅⲉ‐
ⲗⲟⲥ ϫⲉ ϩⲉⲛⲟⲩ ⲛⲉ ⲛⲁⲓ • ⲁϥⲟⲩⲱϣⲃ̄ ⲉϥϫⲱ ⲙ̄ⲙⲟⲥ
ⲛⲁⲓ ϫⲉ ⲛⲁⲓ ⲛⲉⲧⲉ ϣⲁⲩϯ ⲡⲉⲩⲟⲩⲟⲓ ⲉ ⲡⲛⲟⲩⲧⲉ • ⲉⲙⲛ
ϩⲩⲡⲟⲕⲣⲓⲥⲓⲥ ⲙ̄ ⲙⲛ︦ⲧ︦ⲣⲱⲙⲉ ⲛ ϩⲏⲧⲟⲩ • ⲣⲱⲙⲉ ⲅⲁⲣ
ⲛⲓⲙ ⲉⲧ ⲣⲟⲟⲩⲧ ⲁⲩⲱ ⲉⲩⲯⲁⲗⲗⲉⲓ ⲉⲩϩⲩⲙⲛⲉⲩⲉ̄ ⲉ
ⲡⲛⲟⲩⲧⲉ ϩⲙ̄ ⲡⲉⲩϩⲏⲧ ⲧⲏⲣϥ̄ • ϣⲁⲩⲉⲛⲧⲟⲩ ⲉ ϩⲟⲩⲛ ⲉ ⲧⲉⲓ
ⲡⲩⲗⲏ ⲛ̄ⲥⲉⲕⲁⲁⲩ ϩⲛ̄ ⲧⲉϥⲡⲟⲗⲓⲥ (sic) • ⲛ̄ⲥⲉⲕⲁⲁⲩ ϩⲁϩⲧⲛ̄ ⲛⲉⲧ
ⲟⲩⲁⲁⲃ ⲉⲧ ⲯⲁⲗⲗⲉⲓ ⲉ ⲡⲉⲣ︦ⲥ︦ ⲛ̄ⲟⲩⲟ̄ⲉⲓϣ [ⲛⲓⲙ] • ⲁϥϫⲓⲧ
ⲉ̄ ϩⲟⲩⲛ ϣⲁ ⲧⲙⲏⲏⲧⲉ ⲛ̄ ⲧⲡⲟⲗⲓⲥ ϣⲁ ⲡⲙⲉϩ ⲙⲛ︦ⲧ︦ⲥⲛⲟⲟⲩⲥ
ⲛ̄ⲥⲟⲃ︦ⲧ︦ • ⲁⲓϭⲛ̄ⲧϥ̄ ⲉϥⲟⲩⲟ̄ⲧⲃ̄ ⲉ ⲣⲟⲟⲩ ⲧⲏⲣⲟⲩ • ⲉⲟⲩⲛ̄
ⲟⲩⲛⲟϭ ⲛ̄ ⲉⲟⲟⲩ ϩⲙ̄ ⲡⲥⲟⲃⲧ̄ ⲉⲧ ⲙ̄ⲙⲁⲩ ⲡⲁⲓ ⲉⲙⲛ̄ϭⲟⲙ
ⲛ̄ ⲗⲁⲁⲩ ⲛ̄ ⲣⲙ̄ ⲛ̄ ⲥⲁⲣ︦ⲝ︦ ⲉ ϫⲱ ⲙ̄ ⲡⲉⲟⲟⲩ ⲙⲛ̄ ⲡⲧⲁⲓⲟ̄
ⲙ̄ ⲡⲥⲟⲃⲧ̄ ⲉⲧ ⲙ̄ⲙⲁⲩ • ⲁⲛⲟⲕ ⲇⲉ ⲡⲉϫⲁⲓ ⲙ̄ ⲡⲁⲅⲅⲉⲗⲟⲥ •
ϫⲉ ⲡⲁ ϫ︦ⲥ︦ ⲟⲩⲕ ⲟⲩⲛ ⲟⲩⲛ̄ (sic) ⲙⲁ ϩⲙ̄ ⲡⲉⲓ ⲙⲁ ⲉϥⲟⲩⲟ̄ⲧⲃ̄
ⲡⲁⲣⲁ ⲟⲩⲟⲛ • ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ ϫⲉ ⲱ̄ ⲡⲥⲱⲧⲡ̄ ⲙ̄
ⲡⲛⲟⲩⲧⲉ ⲡⲁⲩⲗⲟⲥ • ⲉⲓⲥ ⲡⲙⲉϩ ⲥⲛⲁⲩ ⲛ̄ⲥⲟⲃⲧ̄ ⲟⲩⲟ̄ⲧⲃ̄
ⲡⲁⲣⲁ ⲡϣⲟⲣ︦ⲡ︦ • ⲁⲩⲱ ⲡⲙⲉϩ ϣⲟⲛ︦ⲧ︦ ⲟⲩⲟⲧⲃ̄ | ⲉ ⲡⲙⲉϩ
ⲥⲛⲁⲩ : ⲥⲉⲟⲩⲟ̄ⲧⲃ̄ ⲉ ⲛⲉⲩⲉ̄ⲣⲏⲩ ⲧⲏⲣⲟⲩ ϣⲁ ϩⲣⲁⲓ ⲉ̄ ⲡⲙⲉϩ
ⲙⲛ︦ⲧ︦ⲥⲛⲟⲟⲩⲥ ⲛ̄ⲥⲟⲃⲧ̄ • ⲁⲛⲟⲕ ⲇⲉ ⲡⲉϫⲁⲓ ⲙ ⲡⲁⲅⲅⲉⲗⲟⲥ •
ϫⲉ ⲡⲁ ϫⲥ̄ ⲙⲁⲧⲟⲩ ⲛⲟⲉⲓⲁⲧ ⲉ ⲃⲟⲗ ϫⲉ ⲛ̄ ϯⲥⲟⲟⲩⲛ
ⲙⲙⲟⲟⲩ ⲁⲛ Ⲡⲉϫⲉ ⲡⲁⲅⲅⲉⲗⲟⲥ ⲛⲁⲓ ϫⲉ ⲉϣⲱⲡⲉ ⲟⲩⲛ̄