### 0001

ⲞⲨⲚ̄ⲔⲰⲘⲒⲞⲚ Ⲉ ⲀϤⲦⲀⲞⲨⲞϤ Ⲛ̄ϬⲒ ⲠϨⲀ-
ⲄⲒⲞⲤ ⲀⲠⲀ ⲐⲈⲞⲆⲰⲢⲞⲤ • ⲠⲀⲢⲬⲎⲈⲠⲒⲤⲔⲞ-
ⲠⲞⲤ Ⲛ̄ ⲦⲀⲚⲦⲒⲞ̄ⲬⲒⲀ • Ⲉ ⲀϤⲦⲀⲞⲨⲞϤ Ⲉ
ⲠⲠⲈⲦ ⲞⲨⲀⲀⲂ Ⲛ̄ ϪⲰⲰⲢⲈ • ⲀⲨⲰ ⲠⲢⲈϤⲈⲢ-
ⲠⲞⲖⲀⲒⲘⲞⲤ • ⲠⲦⲀϪⲢⲞ Ⲛ ⲦⲀⲚϮⲞⲬⲒⲀ •
ⲠϢⲞⲢϢⲢ̄ Ⲛ︦Ⲛ︦ Ⲙ̄ⲠⲈⲢⲤⲞⲤ • ⲠϨⲀⲄⲒⲞⲤ ⲐⲈⲞ-
ⲆⲰⲢⲞⲤ ⲠⲀⲚⲀⲦⲞⲖⲒⲞⲤ • ⲈϤϢⲀϪⲈ Ⲉ ⲦⲂⲈ
ⲠⲈϤϪⲠⲞ • ⲘⲚ̄ ⲠⲈϤⲄⲈⲚⲞⲤ ⲘⲚ̄ ⲦⲈϤⲘⲚ︦Ⲧ︦-
ⲘⲀⲦⲞⲒ • ⲘⲚ̄ ⲦⲈϤⲘⲚ︦Ⲧ︦ⲤⲦⲢⲀⲦⲨⲖⲀⲦⲎⲤ ⲈⲦ
ⲦⲀⲒⲎⲨ • ⲘⲚ̄ ⲦⲎⲠⲈ Ⲛ̄ ⲚⲈϤⲀⲚⲚⲰⲚⲚⲀ • ⲀϤ-
ϢⲀϪⲈ ⲆⲈ ⲞⲚ Ⲉ ⲦⲂⲈ ⲠⲈϨⲞⲞⲨ Ⲙ̄ ⲠⲈϤϪⲰⲔ
Ⲉ ⲂⲞⲖ Ⲙ̄ ⲠⲀⲔⲀⲢⲒⲞⲤ (?) • ⲈⲦⲈ ⲤⲞⲨ ⲘⲚ︦Ⲧ︦-
ⲤⲚⲞⲞⲨⲤ ⲠⲈ Ⲙ̄ ⲠⲈⲂⲞⲦ ⲦⲰⲂⲈ • ⲀϤϢⲀϪⲈ
ⲆⲈ ⲞⲚ Ⲉ ⲦⲂⲈ ⲀⲠⲀ ⲔⲀⲒⲞⲤ • ⲠⲀⲢⲬⲎⲈⲠⲒ-
ⲤⲔⲞⲠⲞⲤ ⲀⲚϮⲞⲬⲒⲀ • ϪⲈ Ⲛ̄ϢⲞⲢⲠ̄ ⲠⲈ ϨⲀ
ϪⲰϤ Ⲛ̄ ⲚⲈⲘⲀⲢⲦⲨⲢⲞⲤ ⲦⲎⲢ[ⲞⲨ]• ⲀϤϪⲰ (?)
ϨⲚ̄ ⲔⲞⲨⲒ ⲆⲈ ⲞⲚ Ⲉ ⲦⲂⲈ ⲠϨⲀⲄⲒⲞⲤ ⲀⲠⲀ
ⲔⲖⲀⲨⲆⲒⲞⲤ • ϨⲚ̄ ⲞⲨⲈⲒⲢⲎⲚⲎ ⲚⲦⲈ ⲠⲚⲞⲨⲦⲈ
ϨⲀⲘⲎⲚ •
Ⲡⲕⲟⲙⲁⲣⲓⲟⲛ ϩⲟⲗϭ̄ • ⲉⲣⲉ ⲛⲉϥϣⲏⲛ ⲧⲏⲣⲟⲩ ⲕⲱⲧⲉ ⲉ ⲣⲟϥ •
ⲉⲩⲣⲟⲟⲩⲧ ⲉⲩⲱⲧⲡ̄ ⲛ̄ⲕⲁⲣⲡⲟⲥ ⲱ̄ ⲛⲁ ⲙⲉⲣⲁⲧⲉ • ⲡⲉ▨ⲱ‐
ⲁ▨ⲟⲥ ϩⲟⲗϭ̄ • ⲁⲩⲱ ϥ̄ⲧⲁⲓⲏⲩ • ⲉϥϯ ⲥϯ ⲛⲟⲩϥⲉ ⲉ ⲃⲟⲗ


### 0002

ⲉⲧ ⲥⲟⲧⲡ̄ • | ⲉⲣⲉ ⲛ̄ⲛⲟϭ ⲧⲏⲣⲟⲩ ⲕⲱⲧⲉ ⲉ ⲣⲟⲥ • ⲙⲛ̄ ⲛ̄ⲇⲩⲛⲁ‐
ⲧⲟⲥ ⲙⲛ̄ ⲛⲉⲥⲧⲣⲁⲧⲩⲗⲁⲧⲏⲥ • ⲉⲩⲟⲩⲛⲟϥ ⲙ̄ⲙⲟⲟⲩ ⲛ̄ϩⲏⲧⲥ̄ •
ⲛⲉⲓ ϣⲁϫⲉ ⲁⲛ ⲉ ⲧⲁⲛϯⲟⲭⲓⲁ ⲙⲁⲩⲁⲁⲥ • ⲁⲗⲗⲁ ⲛⲉⲓ
ⲙ̄ⲙⲁⲩ ⲛ̄ϭⲓ ⲑⲓ̄ⲗⲏ︦ⲙ︦ ⲛ̄ ⲧⲡⲉ • ⲡⲙⲁ ⲛ̄ ϣⲱⲡⲉ ⲛ̄ ⲛⲉⲧ ⲟⲩⲁⲁⲃ
ⲧⲏⲣⲟⲩ • Ⲕⲁⲛ ⲉϣϫⲉ ⲁ ⲇⲓⲟⲕⲗⲏϯⲁⲛⲟⲥ ⲡⲁⲛⲟⲙⲟⲥ
ϣⲟⲣϣⲣ̄ ⲛ̄ ⲛ̄ⲏⲓ ⲛ̄ ⲛⲉⲥⲧⲣⲁⲧⲩⲗⲁⲧⲏⲥ ⲛ̄ ⲧⲁ ⲡⲟⲗⲓⲥ ⲁⲛ‐
ϯⲟⲩⲓⲁ ⲉ ⲧⲃⲉ ⲡⲉϥⲑⲩⲙⲟⲥ ⲉ ϩⲟⲩⲛ ⲉ ⲣⲟⲟⲩ • ⲁ ⲡⲉⲭ︦ⲥ︦
ϩⲱⲱϥ ⲡⲙⲉⲣⲓⲧ ⲙ̄ ⲡⲉⲓⲱⲧ ⲕⲱⲧ ⲛⲁⲩ ϩⲙ̄ ⲡⲁⲗⲗⲁϯⲟⲛ
ϩⲛ̄ ⲧⲉϥⲡⲟⲗⲓⲥ ⲙ̄ⲙⲉ ⲑⲓ̄ⲗⲏ︦ⲙ︦ ⲛ̄ ⲧⲡⲉ • [Ⲕⲁ]ⲛ ⲉϣϫ[ⲉ ⲁ]
ⲇⲓⲟⲕ|ⲗⲏϯⲁⲛⲟⲥ ⲡⲁⲛⲟⲙⲟⲥ ⲡⲱⲣϫ̄ ⲙ̄ⲙⲟⲟⲩ ⲉ ⲃⲟⲗ
ⲉ ⲛⲉⲩⲉⲓⲟⲧⲉ • ⲙⲛ̄ ⲛⲉⲩⲥⲛⲏⲩ • ⲙⲛ̄ ⲛⲉⲩⲥⲩⲛⲅⲉⲛⲏⲥ
ϩⲓϫⲙ̄ ⲡⲓⲥⲁϩ • Ⲁ ⲡⲣ︤ⲣ︥ⲟ ⲛ̄ ⲛ︤ⲣ︦ⲣ︥ⲱⲟⲩ ⲡⲉⲭ︦ⲥ︦ ⲙⲟⲩⲧⲉ ⲉ
ⲣⲟⲟⲩ ⲛⲁϥ ⲛ̄ⲥⲟⲛ ϩⲓ ϣⲃⲏⲣ ⲛ̄ⲑⲉ ⲛ̄ ⲛ̄ⲁⲡⲟⲥⲧⲟⲗⲟⲥ ϫⲓⲛ
ⲉⲩϩⲓϫⲙ̄ ⲡⲕⲁϩ • Ⲁ ⲡⲣ︦ⲣ︦ⲟ ⲙ̄ ⲡⲕⲁϩ ⲙⲟⲩⲧⲉ ⲛ̄ϫⲱⲱⲣⲉ
ⲛ̄ ⲧⲁ ⲡⲟⲗⲓⲥ ⲛⲁϥ ⲛ̄ⲇⲓⲣⲱⲛ • Ⲁ ⲡⲣ︦ⲣ︦ⲟ ⲛ̄ ⲁⲧ ⲙⲟⲩ
ⲡⲉⲭ︦ⲥ︦ ⲙⲟⲩⲧⲉ ⲉ ⲣⲟⲟⲩ ϫⲉ ⲛⲁⲡⲟⲗⲩⲙⲁⲣⲭⲏⲥ ⲛ̄ⲣⲉϥϫⲣⲟ
ϩⲙ̄ ⲡⲁⲅⲱⲛ • Ⲁⲛⲟⲕ ⲇⲉ ϩⲱ ⲡⲉⲓ ⲉⲗⲁⲭⲓⲥⲧⲟⲥ ⲑⲉⲟ‐
ⲇⲱⲣⲟⲥ ⲉⲓϣⲁⲛⲛⲁⲩ ⲉ ⲛⲉⲩⲙⲁ ⲛ̄ ϣⲱⲡⲉ ϩⲓϫⲙ̄ ⲡⲕⲁϩ
ⲛ̄ⲧⲁ ⲇⲓⲟⲕⲗⲏϯⲁⲛⲟⲥ ⲁⲁⲩ ⲛ̄ | ϫⲁⲓⲉ • ⲛ̄ⲧⲉⲩⲛⲟⲩ ϣⲁⲓϫⲟⲟⲥ
ϫⲉ ⲉⲩⲧⲱⲣ ⲛ︤ⲣ︦ⲣ︥ⲱⲟⲩ ⲛ̄ⲧⲁⲩⲙⲟⲩ ⲙⲛ̄ ⲛⲉⲥⲧⲣⲁⲧⲩⲗⲁⲧⲏⲥ
ⲛ̄ⲧⲁ ⲇⲓⲟⲕⲗⲏϯⲁⲛⲟⲥ ⲁⲁⲩ ⲛ̄ ϫⲁⲓⲉ • Ⲛ̄ⲇⲩⲛⲁⲧⲟⲥ ⲛ̄ ⲧⲁ
ⲡⲟⲗⲓⲥ ⲁϥⲧⲁⲟⲩⲟⲟⲩ ⲉ ⲡⲉⲥⲏⲧ ⲛ̄ϭⲓ ⲡⲉⲓ ⲑⲩⲣⲓⲟⲛ ⲉⲑⲟⲟⲩ
ⲉ ⲧⲃⲉ ⲡⲉϥⲙⲟⲥⲧⲉ ⲉ ϩⲟⲩⲛ ⲉ ⲣⲟⲟⲩ • ⲁⲗⲗⲁ ⲁ ⲡϫⲟⲉⲓⲥ
ⲙ̄ ⲙⲁⲓ ⲣⲱⲙⲉ ϣⲟⲡⲟⲩ ⲉ ⲣⲟϥ ⲉ ϩⲟⲩⲛ ⲉ ⲧⲉϥⲙⲛ︦ⲧ︦ⲣ︦ⲣⲟ •
ⲁϥϯ ⲕⲗⲏⲣⲟⲛⲟⲙⲓⲁ ⲛⲁⲩ ϩⲛ̄ ⲧⲉϥⲙⲛ︦ⲧ︦ⲣ︦ⲣⲟ • ⲁⲩⲱ
ⲟⲩⲡⲟⲗⲓⲥ ⲉⲙ ⲉⲥϣⲱϥ • ⲟⲩⲇⲉ ⲙⲉⲣⲉ ⲛⲉⲥϣⲏⲛ ⲗⲱⲱⲙ •
ⲟⲩⲇⲉ ⲙⲉⲣⲉ ⲛⲉⲩⲅⲁⲣⲡⲟⲥ ⲧⲁⲕⲟ ϣⲁ ⲉⲛⲉϩ • Ⲡⲁⲓ ⲡⲉ
ⲡⲙⲁ ⲙ ⲡⲣⲁϣⲉ ⲙⲉⲛ ⲡⲧⲉⲗⲏⲗ • ⲙⲛ̄ ⲡⲟⲩ|ⲛⲟϥ ϣⲁ
ⲉⲛⲉϩ • Ϫⲓ ϣⲓⲡⲉ ⲛⲁⲕ ⲙ̄ⲡⲟⲟⲩ ⲱ̄ ⲇⲓⲟⲕⲗⲏϯⲁⲛⲟⲥ • ⲉⲕ‐
ϣⲟⲟⲡ ϩⲛ̄ ⲁⲙⲛ̄ⲧⲉ ⲙ̄ ⲡⲉⲥⲏⲧ ⲉⲣⲉ ⲛⲉⲧ ⲟⲩⲁⲁⲃ ⲧⲏⲣⲟⲩ
ⲟⲛ̄ ⲧⲙⲛ︦ⲧ︦ⲣ︦ⲣⲟ ⲛ̄ ⲙ̄ⲡⲏⲩⲉ • Ⲏⲣⲣⲱⲟⲩ ⲛ̄ⲁⲛⲟⲙⲟⲥ ϣⲟⲟⲡ
ϩⲛ̄ ⲁⲙⲛ̄ⲧⲉ ⲉ ⲧⲃⲉ ⲙ̄ ⲡⲉⲑⲟⲟⲩ ⲛ̄ⲧⲁⲩⲁⲁⲩ ⲛ̄ ⲙ̄ⲙⲁⲣⲧⲩⲣⲟⲥ
ⲉⲧ ⲟⲩⲁⲁⲃ • ⲉⲣⲉ ⲛⲉⲓ ⲡⲉⲧ ⲟⲩⲁⲁⲃ ϩⲱⲟⲩ ϩⲛ̄ ⲧⲙⲛ︤ⲧ︦ⲣ︥ⲣⲟ
ⲛ̄ ⲙ̄ⲡⲏⲩⲉ • Ⲁⲕϥⲓⲧⲟⲩ ⲙ̄ⲙⲁⲩ ⲱ̄ ⲡⲡⲁⲣⲁⲛⲟⲙⲟⲥ ϩⲛ̄


### 0003

ⲟⲩⲡⲟⲗⲓⲥ ⲉⲣⲉ ⲡⲙⲟⲩ ⲟⲛ ⲣ︦ⲣ︦ⲟ ⲉ ϩⲣⲁⲓ ⲉ ϫⲱⲥ • Ⲁⲩϫⲓⲧⲟⲩ
ϩⲱⲟⲩ ⲉ ϩⲣⲁⲓ ⲉⲩⲡⲟⲗⲓⲥ ⲉⲙⲉⲛ ⲉⲝⲟⲩⲥⲓⲁ ⲛ̄ⲧⲉ ⲡⲙⲟⲩ
ϩⲓ ϫⲱⲥ • Ⲛ̄ⲧⲁⲕⲙⲟⲩⲟⲩⲧ ⲙ̄ⲙⲟⲟⲩ ⲁⲛ ⲱ̄|ⲡⲡⲁⲣⲁⲛⲟⲙⲟⲥ
ⲛ̄ⲑⲉ ⲛ̄ ⲟⲩⲟⲛ ⲛⲓⲙ ⲁⲗⲗⲁ ⲛ̄ⲧⲁⲕⲙⲟⲩⲟⲩ ϩⲛ̄ ϩⲉⲛⲙⲟⲩ ⲛ̄
ⲁⲛⲁⲅⲕⲏ • Ⲁⲗⲏⲑⲱⲥ ⲅⲁⲣ ⲱ̄ ⲇⲓⲟⲕⲗⲏϯⲁⲛⲟⲥ ⲉⲓϣⲁⲛⲉⲣ
ⲡⲙⲉⲉⲩⲉ ⲛ̄ ⲧⲉⲕⲁⲣⲭⲏ ⲙⲛ̄ ⲙ̄ ⲡⲉⲑⲟⲟⲩ ⲛ̄ⲧⲁⲕⲁⲁⲩ ⲛ̄
ⲛⲉⲛⲟϭ ⲛ̄ ⲧⲁⲛϯⲟⲭⲓⲁ ϣⲁⲓⲥⲁϩⲟⲩ ⲙ̄ⲙⲟⲕ • ⲧⲁⲥⲟϣⲕ̄
ⲧⲁⲃⲁⲃⲱⲱⲕ • Ⲱ̄ ⲡⲙⲟⲩⲓ ⲉⲑⲟⲟⲩ ⲛ̄ ⲣⲉϥⲡⲉϩⲧ̄ ⲥⲛⲟϥ ⲉ
ⲃⲟⲗ • Ⲱ̄ ⲧⲁⲣⲝ̄ ⲛ̄ ⲣⲉϥⲥⲉ ⲥⲛⲟϥ ⲛⲁⲩ ⲛⲓⲙ • ⲱ̄ ⲡⲉⲇⲣⲁ‐
ⲕⲱⲛ ⲉⲧ ϩⲙ̄ ⲡⲛⲟⲩⲛ • Ⲉⲓϣⲁⲛⲉⲣ ⲡⲙⲉⲉⲩⲉ ϩⲱⲱϥ ⲛ̄
ⲛⲉⲧⲁⲉⲓⲟ̄ ⲡ̄ⲧⲁⲩϫⲓⲧⲟⲩ ϩⲛ̄ ⲙ̄ⲡⲏⲩⲉ • ⲉⲣⲉ ⲡⲉⲩⲉⲣ ⲡⲙⲉⲉⲩⲉ
ⲙⲏⲛ ⲉ ⲃⲟⲗ ϩⲙ̄ ⲡⲕⲟⲥ|ⲙⲟⲥ • ⲉⲣⲉ ⲛ̄ⲗⲁⲟⲥ ⲉⲣϣⲁⲛⲁⲩ
ⲉⲣⲉ ϩⲛ̄ⲇⲩⲛⲁⲙⲓⲥ ⲛ̄ⲣⲉϥⲧⲁⲗϭⲟ Ⲧⲏϣ ⲉⲛⲉⲩⲥⲱⲙⲁ ⲉⲧ
ⲟⲩⲁⲁⲃ • ⲉⲩⲭⲁⲣⲓⲍⲉ ⲙ̄ ⲡ̄ⲧⲁⲗϭⲟ ⲛ̄ ⲛⲉⲧ ϣⲱⲛⲉ ϩⲙ̄
ⲡⲣⲁⲛ ⲛ̄ ⲛⲉⲧ ⲟⲩⲁⲁⲃ • ⲉⲣⲉ ⲛⲉⲩⲙⲁⲣⲧⲏⲣⲓⲟⲛ ⲕⲏⲧ ⲛ̄ⲥⲁ
ⲛⲉⲩⲉⲣⲏⲩ ϩⲓϫⲙ̄ ⲡⲕⲁϩ ⲁⲩⲱ ⲛ̄ⲧⲉⲩⲛⲟⲩ ϣⲁⲓϫⲟⲟⲥ • ϫⲉ
ⲕⲁⲕⲱⲥ ⲁⲩϫⲡⲟⲕ ⲉ ⲡⲉⲕⲧⲁⲕⲟ ⲙⲁⲩⲁⲁⲕ • ⲁⲩⲱ ⲟⲛ
ⲕⲁⲗⲱⲥ ⲁ ⲛⲉⲓ ⲡⲉⲧ ⲟⲩⲁⲁⲃ ⲙ̄ⲙⲁⲣⲧⲩⲣⲟⲥ ϫⲱⲕ ⲉ ⲃⲟⲗ
ϩⲓ ⲧⲟⲟⲧⲕ̄ ⲁⲩϫⲓ ⲙ̄ⲡⲉⲕⲗⲟⲙ ⲛ̄ ⲁⲧ ⲧⲁⲕⲟ ϩⲛ̄ ⲧⲙⲛ︤ⲧ︦ⲣ︥ⲣⲟ
ⲛ︦ⲛ︦ ⲙ̄ⲡⲏⲩⲉ • Ⲁⲗⲏⲑⲱⲥ ⲅⲁⲣ ⲉⲓϣⲁⲛⲉⲣ ⲡⲙⲉⲉⲩⲉ ⲙ̄
ⲡⲉⲛⲧⲁⲕⲁⲁϥ ⲙ̄ ⲡϩⲁⲅⲓⲟⲥ | ⲑⲉⲟⲇⲱⲣⲟⲥ • ⲡⲁⲛⲁⲧⲟⲗⲁⲓ̈ⲟⲥ
ϣⲁⲓⲉⲣ ϩⲃⲁ • ⲁⲩⲱ ⲧⲁϣⲧⲟⲣⲧⲣ̄ • Ϩⲛ̄ⲛⲟϭ ⲅⲁⲣ ⲁⲗⲏⲑⲱⲥ
ⲛⲉ ⲛⲉⲡⲉⲑⲟⲟⲩ ⲛ̄ ⲧⲁⲕⲁⲁⲩ ⲛ̄ ⲛⲉϫⲱⲱⲣⲉ ⲛ̄ ⲧⲁⲛϯⲟⲭⲓⲁ
ⲱ̄ ⲇⲓⲟⲕⲗⲏϯⲁⲛⲟⲥ • Ⲉⲓϣⲁⲛⲛⲁⲩ ⲉ ⲡⲉϣⲟⲩⲉ ⲛ̄ⲧⲁⲩⲥ̄ⳁⲟ︦ⲥ︦
ⲛ̄ ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ ϩⲓ ϫⲱϥ • ⲉⲣⲉ ⲡⲉϥⲥⲛⲟϥ ⲉⲧ
ⲟⲩⲁⲁⲃ ϫⲏϩ ⲉ ⲣⲟϥ • ⲁⲩⲱ ⲧⲁⲉⲣ ⲡⲙⲉⲉⲩⲉ ⲙ̄ ⲡϣⲉⲧⲁⲓⲟⲩ •
ⲙⲛ̄ ⲡϣⲟⲙⲛ︤ⲧ︥ ⲛ̄ⲓⲃⲧ ⲛ̄ⲧⲁⲩⲧⲟⲕⲥⲟⲩ ⲉ ⲡⲉϥⲥⲱⲙⲁ ⲉⲧ ⲟⲩⲁⲁⲃ
ⲉ ϩⲟⲩⲛ ϩⲙ̄ ⲡⲉϣⲟⲩⲉ • ϣⲁⲓⲣⲓⲙⲉ ⲙ̄ⲙⲁⲧⲉ ϩⲛ̄ ⲟⲩⲥⲓϣⲉ
ⲧⲁⲥⲁϩⲟ ⲙ̄ⲙⲟⲕ ⲱ̄ ⲇⲓⲟⲕⲗⲏϯⲁⲛⲟⲥ • Ϩⲟⲧⲁⲛ ⲇⲉ ⲉⲓϣⲁⲛ
ϭⲱϣⲧ̄ ⲉ ⲧⲡⲉ | ⲧⲁⲛⲁⲩ ⲉ ⲡⲉϥⲑⲣⲟⲛⲟⲥ ϩⲱⲱϥ ϩⲓ ⲟⲩⲛⲁⲙ
ⲙ̄ ⲙⲓⲭⲁⲏⲗ ϩⲓ ⲃⲟⲗ ⲉ ⲡⲕⲁⲧⲁⲡⲉⲧⲁⲥⲙⲁ ⲙ̄ ⲡⲉⲓⲱⲧ •
ⲁⲩⲱ ⲛ̄ⲧⲉⲩⲛⲟⲩ ϣⲁⲓⲉϣⲗⲟⲩⲗⲁⲓ ⲉ ⲃⲟⲗ ⲧⲁϫⲟⲟⲥ • ϫⲉ
ⲕⲁⲗⲱⲥ ⲁⲩϫⲡⲟⲕ ⲱ̄ ⲇⲓⲟⲕⲗⲏϯⲁⲛⲟⲥ • ϣⲁⲛⲧ ⲉⲕⲙⲟⲩⲟⲩⲧ
ⲙ̄ ⲡⲉⲓ ϫⲱⲱⲣⲉ ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ϣⲁⲛⲧ


### 0004

ⲉϥⲙⲁⲧⲉ ⲙ ⲡⲉⲓ ⲛⲟϭ ⲛ̄ ⲧⲁⲉⲓⲟ ϩⲛ̄ ⲙ̄ⲡⲏⲩⲉ ⲛⲁϩⲣⲙ̄
ⲡⲉⲭ︦ⲥ︦ ⲓ︦ⲥ︦• Ⲉⲓⲥ ⲡⲉϣⲟⲩⲉ ⲛ̄ⲧⲁⲩⲥ̄ⳁⲟ︦ⲩ︦ ⲙ̄ⲙⲟⲕ ϩⲓ ϫⲱϥ •
ⲁ ⲡⲣ︦ⲣ︦ⲟ ⲕⲱⲥⲧⲁⲛϯⲛⲟⲥ ⲕⲉⲗⲉⲩⲉ ⲉ ⲧⲁⲁϥ ⲉⲛⲉⲣⲟ ⲙ̄
ⲡⲉϥⲙⲁⲣⲧⲩⲣⲓⲟⲛ ⲙⲛ̄ ⲑⲁⲯⲓⲥ ⲙ̄ ⲡⲉϥⲑⲩⲥⲓⲁⲥⲧⲏⲣⲓⲟⲛ
ⲙⲛ̄ ⲡⲉϭⲗⲟϭ ⲉⲧ ⲉⲣⲉ ⲡⲉϥⲥⲱⲙⲁ ⲉⲧ ⲟⲩⲁⲁⲃ ϩⲓ ϫⲱϥ • |
Ⲉⲓϣⲁⲛⲙⲉⲉⲩⲉ ⲉ ⲃⲟⲗ ⲉ ⲡⲉⲛⲧⲁⲕⲁⲁϥ ⲛ̄ ⲃⲓⲕⲧⲱⲣ ⲡϣⲏⲣⲉ
ⲛ ϩⲣⲱⲙⲁⲛⲟⲥ ϣⲁⲓⲉⲣ ϩⲃⲁ • ϫⲉ ⲙ̄ⲡⲉ ⲕϣⲓⲡⲉ ϩⲏⲧϥ̄ ⲙ̄
ⲡⲉϥⲉⲓⲱⲧ ⲉⲧ ⲙⲟⲩⲟⲩⲧ ⲙ̄ⲙⲟϥ • Ⲉⲓϣⲁⲛⲛⲁⲩ ⲉ ⲛⲉⲡⲗⲁⲝ
ⲛ̄ⲧⲁⲩⲥⲩⲣⲁ ⲙ̄ⲙⲟϥ ϩⲓ ϫⲱⲟⲩ • ⲉⲩϫⲏϩ ϩⲙ̄ ⲡⲉϥⲥⲛⲟϥ ⲉⲧ
ⲟⲩⲁⲁⲃ • Ⲉⲓϣⲁⲛⲉⲣ ⲡⲙⲉⲉⲩⲉ ⲛ̄ ⲙ̄ⲡⲁⲓⲇⲏⲥ ⲛ̄ⲧⲁⲩⲥⲟⲛϩ̄
ⲙ̄ⲙⲟϥ ⲛ̄ϩⲏⲧⲟⲩ • ⲉⲩⲁϣⲉ ⲉ ⲛⲉⲣⲟ ⲙ̄ ⲡⲉϥⲙⲁⲣⲧⲩⲣⲓⲟⲛ
ⲉⲧ ⲟⲩⲁⲁⲃ ⲉϥⲛⲉϫ ⲇⲁⲓⲙⲱⲛⲓⲟⲛ ⲉ ⲃⲟⲗ ⲛ̄ϩⲏⲧϥ̄ • ⲁⲩⲱ ⲟⲛ
ⲛⲉⲡⲗⲁⲝ ⲇⲉ ⲉⲧ ϫⲏϩ ϩⲛ̄ ⲡⲉϥⲥⲛⲟϥ ⲉⲩⲧⲟⲧⲥ̄ ⲉ ⲡⲉϥⲙⲁⲣ‐
ⲧⲩⲣⲓⲟⲛ ⲉⲩϯ ⲙ̄ ⲡⲟⲩⲟⲉⲓ̄▨▨▨ ⲁⲗⲗⲉ ⲛ̄ ⲧⲁ ⲡⲟ|ⲗⲓⲥ •
ϣⲁⲓϣⲡ̄ϩⲙⲟⲧ ⲛ̄ⲧ ⲙ̄ ⲡⲛⲟⲩⲧⲉ ⲧⲁϫⲟⲟⲥ ϫⲉ ⲕⲁⲗⲱⲥ
ⲁⲩϫⲡⲟⲕ ⲱ̄ ⲇⲓⲟⲕⲗⲏϯⲁⲛⲟⲥ • ϣⲁⲛⲧ ⲉⲕⲙⲟⲩⲟⲩⲧ ⲛ̄ ⲛⲉⲓ
ⲡⲉⲧ ⲟⲩⲁⲁⲃ • ⲁⲩϣⲱⲡⲉ ϩⲱⲱϥ ⲛ̄ϩⲓⲥⲁⲅⲅⲉⲗⲟⲥ ϩⲛ̄ ⲙ̄ⲡⲏⲩⲉ
ⲁⲩⲱ ϩⲓϫⲙ̄ ⲡⲕⲁϩ • Ⲉⲓϣⲁⲛⲛⲁⲩ ⲉ ⲧⲥⲏⲃⲉ ⲛ̄ϩⲟⲣⲓⲟⲛ
ⲡⲉϣⲃⲏⲣ ⲙ̄ ⲡⲡⲉⲧ ⲟⲩⲁⲁⲃ ⲁⲡⲁ ⲃⲓⲕⲧⲱⲣ ⲉⲥⲡⲉⲇⲁⲗⲟⲛ
ⲛ̄ ⲛⲟⲩⲃ ⲉⲥⲁϣⲉ ⲙ̄ ⲡⲉϥⲙⲁⲣⲧⲩⲣⲓⲟⲛ • Ⲁⲩⲱ ⲟⲛ ⲧⲁϥⲓ
ⲛ̄ ⲛⲁⲃⲁⲗ ⲉ ϩⲓⲁⲓ ⲉ ⲧⲡⲉ • ⲧⲁⲛⲁⲩ ⲉ ⲡⲉϥⲕⲗⲟⲙ ⲛ̄ ⲛⲟⲩⲃ
ⲙⲛ̄ ⲧⲉϥϭⲣⲏⲡⲉ ⲛ︦ⲣ︦ⲣ︦ⲟ ⲉⲣⲉ ϫⲟⲩⲧⲁϥⲧⲉ ⲛ̄ⲁⲅⲅⲉⲗⲟⲥ
ⲧⲱⲟⲩⲛ ϩⲁ ⲣⲟⲟⲩ ϩⲛ̄ ⲙ̄ⲡⲏⲩⲉ • Ⲁⲩⲱ ⲧⲁⲛⲁⲩ ⲉ | ⲡⲣ︦ⲣ︦ⲟ
ⲡⲉⲭ︦ⲥ︦ ⲉϥⲥⲟⲗⲥⲉⲗ ⲙ̄ⲙⲟϥ ⲉϥϫⲱ ⲙ̄ⲙⲟⲥ • ϫⲉ ⲁⲓⲧⲛ̄ⲧⲛ̄
ⲡⲁϩⲓⲥⲉ ⲉ ⲛⲟⲩⲕ ⲱ̄ ⲡⲁ ⲥⲱⲧⲡ̄ ⲃⲓⲕⲧⲱⲣ • Ⲉⲓϣⲁⲛⲛⲁⲩ ⲉ
ⲛⲉϥⲁⲩⲗⲏ ⲉⲩⲣⲏⲧ ⲛ̄ ϣⲏⲛ • ⲉⲣⲉ ϩⲙ̄ ⲡⲩⲅⲏ ⲙ̄ⲙⲟⲟⲩ
ⲕⲏ ⲉ ϩⲣⲁⲓ ⲛ̄ϩⲏⲧⲟⲩ ⲙⲛ̄ ϩⲛ̄ⲥⲧⲩⲗⲗⲟⲥ ⲉⲩⲧⲉⲕ ⲉⲃⲓⲱ ⲉ
ⲃⲟⲗ ⲛ̄ ⲛⲁⲩ ⲛⲓⲙ • ⲧⲁⲛⲁⲩ ⲉ ⲡⲣⲁϣⲉ ⲙ̄ ⲡⲉϥⲕⲟⲓⲛⲱⲃⲓⲟⲛ
ⲉϥⲕⲏ ⲉ ϩⲣⲁⲓ ϩⲛ̄ ⲙ̄ⲡⲏⲩⲉ • ⲉⲩⲡⲱⲱⲛⲉ ⲙ̄ⲙⲟϥ ⲉ ⲡⲉⲓ
ⲥⲁ ⲙⲛ̄ ⲡⲁⲓ • ϣⲁⲓϫⲟⲟⲥ ϩⲱ • ϫⲉ ⲕⲁⲗⲱⲥ ⲁⲩϫⲡⲟⲕ ⲱ̄
ⲇⲓⲟⲕⲗⲏϯⲁⲛⲟⲥ • ϫⲉ ⲁⲕⲙⲟⲩⲟⲩⲧ ⲙ̄ ⲡⲉⲓ ϫⲱⲱⲣⲉ ϩⲓϫⲙ̄
ⲡⲕⲁϩ • ϣⲁⲛⲧ ⲉϥϫⲓ ⲕⲗⲏⲣⲟⲛⲟⲙⲓⲁ ϩⲛ̄ ⲙ̄ⲡⲏⲩⲉ • Ⲁⲩⲱ
ⲛ̄ⲧⲉⲩⲛⲟⲩ ϣⲁⲓⲥⲙⲟⲩ ⲉ ⲡⲣⲉϥ|ⲥⲱⲛⲧ ⲙ̄ ⲙⲉ ⲡⲉⲩ︤ⲥ︥ • ϫⲉ
ⲁϥⲉⲣ ⲡⲙⲉⲉⲩⲉ ⲛ̄ ⲧⲁ ⲡⲟⲗⲓⲥ ⲁⲛϯⲟⲭⲓⲁ • ⲁϥⲧⲟⲩⲛⲟⲩⲥ


### 0005

ⲛⲁⲛ ⲛ̄ ⲛⲉⲓ ⲛⲟϭ ⲙ̄ ⲫⲱⲥⲧⲏⲣ ⲉⲧ ⲉⲣ ⲟⲩⲟⲉⲓⲛ • ⲛⲉⲓ
ⲙⲁⲣⲕⲁⲣⲓⲧⲏⲥ ⲙ̄ ⲙⲉ ⲉⲩϩⲙ̄ ⲡⲏⲓ ⲛ̄ ⲛⲉⲣ︦ⲣ︦ⲱⲟⲩ ⲛ̄ⲇⲓⲕⲁⲓⲟⲥ •
ⲛⲉⲓ ϫⲱⲱⲣⲉ ϩⲙ̄ ⲡⲡⲟⲗⲁⲓⲙⲟⲥ • Ⲙ̄ ⲡⲛⲁⲩ ⲅⲁⲣ ⲛ̄ ϣⲁⲓ‐
ⲙⲟⲟϣⲉ ϩⲛ̄ ⲛⲉⲩⲙⲁⲣⲧⲩⲣⲓⲟⲛ ϩⲓϫⲙ̄ ⲡⲓⲥⲁϩ • ⲧⲁⲛⲁⲩ ⲉ
ⲛⲉⲩⲗⲓⲙⲏⲛ ⲉⲩⲍⲱⲅⲣⲁⲫⲓ ϩⲁϩⲧⲛ̄ ⲛⲉⲩⲉⲣⲏⲩ • ϩⲱⲥ ϫⲉ
ⲛ̄ⲧⲁⲩⲉⲓ ϩⲙ̄ ⲡⲡⲟⲗⲁⲓⲙⲟⲥ ⲉⲩⲙⲓϣⲉ • Ⲁⲩⲱ ⲛ̄ⲧⲉⲩⲛⲟⲩ
ϣⲁⲓⲧⲉⲗⲏⲗ ⲙ̄ⲙⲟⲓ ⲧⲁⲉϣⲗⲟⲩⲗⲁⲓ ⲉ ⲃⲟⲗ • ⲙ̄ ⲉⲓⲉϣ‐
ϭⲙ̄ϭⲟⲙ ⲉ ⲁⲙⲁϩⲧⲉ ⲙ̄ ⲡⲧⲱⲱⲃⲉ ⲛ̄ ⲛ̄ⲁⲥⲡⲟⲧⲟⲩ ⲛ̄ⲕⲉ
ⲥⲟⲡ • | ⲟⲩⲇⲉ ⲙ̄ ⲓⲉϣϯ ⲭⲁⲗⲓⲛⲟⲥ ⲉ ⲛⲁⲥⲡⲟⲧⲟⲩ ⲙⲛ̄
ⲧⲁ ⲧⲁⲡⲣⲟ ⲉ ⲧⲃⲉ ⲡⲉⲩⲣⲁϣⲉ ⲉⲓⲑⲉⲱⲣⲉⲓ ⲙ̄ⲙⲟⲟⲩ • ⲙ̄
ⲉⲓⲉϣⲕⲱⲗⲩ ⲙ̄ ⲡⲁ ⲗⲁⲥ ⲉ ⲧⲙ̄ ⲕⲓⲙ ⲙ̄ ⲡⲉϥⲟⲣⲅⲁⲛⲟⲛ
ⲧⲁϣⲁϫⲉ ⲉ ⲡⲉⲩⲧⲁⲉⲓⲟ • Ⲉⲓϣⲁⲛⲛⲁⲩ ⲅⲁⲣ ⲉ ⲡⲡⲁⲗ‐
ⲗⲁϯⲟⲛ ⲛ̄ ⲇⲓⲟⲕⲗⲏϯⲁⲛⲟⲥ • ⲡⲉⲓ ⲣⲉϥⲙⲟⲩⲟⲩⲧ ⲛ̄ ⲛ̄ⲇⲩ‐
ⲛⲁⲧⲟⲥ ⲛ̄ ⲧⲁⲛϯⲟⲭⲓⲁ • ⲉϥϣⲟⲟⲡ ϩⲁ ⲧⲕⲁⲧⲁⲥⲧⲁⲥⲓⲥ ⲙ̄
ⲡⲣ︦ⲣ︦ⲟ ⲙ̄ ⲙⲁⲓ ⲛⲟⲩⲧⲉ • ⲁⲩⲱ ⲧⲁⲛⲁⲩ ⲉ ⲛⲉϥⲙⲁ ⲛ̄
ⲓⲇⲱⲗⲟⲛ ⲉⲩϣⲣ̄ϣⲱⲣ • ⲛ̄ⲧⲁⲩⲁⲁⲩ ⲛⲉⲕⲕⲗⲏⲥⲓⲁ ⲉⲩⲱϣ
ⲛ̄ ⲛ̄ⲉⲩⲁⲅⲅⲉⲗⲓⲟⲛ ⲛ̄ϩⲏⲧⲟⲩ • ⲁⲩⲱ ⲧⲁⲛⲁⲩ ⲉ ⲡⲉϥⲑⲣⲟⲛⲟⲥ
ⲛ̄ⲁⲛⲟⲙⲓⲁ ⲛ̄ⲧⲁⲩⲡⲟⲟⲛⲉϥ | ϩⲁ ⲣⲟϥ • Ⲧⲁⲛⲁⲩ ⲉ ⲡⲉϥ‐
ⲕⲟⲓⲧⲱⲛ ⲛ̄ ⲁⲛⲟⲙⲓⲁ ⲉϥϣⲣ̄ϣⲱⲣ • ϣⲁⲓϫⲟⲟⲥ ϫⲉ ⲕⲁⲗⲱⲥ
ⲁⲩⲑⲃ̄ⲃⲓⲟ ⲙ̄ ⲡϫⲁⲥⲓ ϩⲏⲧ ⲇⲓⲟⲕⲗⲏϯⲁⲛⲟⲥ • ⲁⲩⲧⲟⲩⲛⲟⲩⲥ
ⲙ̄ ⲡⲉⲧ ⲑⲃ̄ⲃⲓⲏⲩ ⲛⲁⲛ ⲕⲱⲥⲧⲁⲛϯⲛⲟⲥ ⲡⲣ︤ⲣ︥ ⲙ̄ ⲙⲁⲓ‐
ⲛⲟⲩⲧⲉ • ⲁⲩⲱ ⲁϥⲉⲣ ⲡⲙⲉⲉⲩⲉ ⲛ ⲧⲉϥⲙⲛ︤ⲧ︥ϣⲃⲏⲣ ⲛⲙ̄ⲙⲁⲩ
ⲙⲛ̄ ⲧⲉϥⲙⲛ︦ⲧ︦ⲥⲧⲣⲁⲧⲩⲗⲁⲧⲏⲥ • ⲁⲩⲭⲁⲣⲓⲍⲉ ⲛⲁϥ ⲙ̄ ⲡⲉ‐
ⲑⲣⲟⲛⲟⲥ ⲛ̄ ⲧⲁⲛϯⲟⲭⲓⲁ • Ⲉⲓϣⲁⲛⲛⲁⲩ ⲅⲁⲣ ⲉ ⲙⲁⲣⲑⲁ
ⲧⲙⲁⲁⲩ ⲛ̄ ⲁⲡⲁ ⲃⲓⲕⲧⲱⲣ ⲉⲥⲣⲓⲙⲉ ⲉ ⲡⲉⲥϣⲏⲣⲉ ϩⲛ̄
ⲟⲩϫⲟⲩϥ ⲛ̄ϩⲏⲧ • ⲁⲩⲱ ⲧⲁⲥⲱⲧⲙ̄ ⲉ ⲑⲏⲃⲁⲥⲓⲁ ⲧⲥⲱⲛⲉ
ⲛ̄ ⲁⲡⲁ ⲕⲗⲁⲩⲇⲓⲟⲥ ⲉⲥⲣⲓⲙⲉ ⲉ ⲡⲉⲥⲥⲟⲛ ϩⲛ̄ | ⲟⲩⲙⲕⲁϩ ⲛ̄‐
ϩⲏⲧ • Ⲁⲩⲱ ⲧⲁⲛⲁⲩ ⲉ ⲧⲉⲭⲁⲣⲓⲥ ⲧⲥⲱⲛⲉ ⲛ̄ ⲑⲉⲟⲇⲱⲣⲟⲥ
ⲡⲁⲛⲁⲧⲟⲗⲁⲓⲟⲥ ϩⲁ ⲣⲁⲧϥ̄ ⲙ̄ ⲡⲉϣⲟⲩⲉ ⲉⲥⲣⲓⲙⲉ ⲉ ⲡⲉⲥⲥⲟⲛ •
Ⲧⲁⲛⲁⲩ ⲉ ⲁⲥⲉⲛⲛⲏⲑ ⲧⲥⲱⲛⲉ ⲛ̄ ⲁⲡⲁ ⲥⲧⲉⲫⲁⲛⲟⲥ • ⲡϣⲏⲣⲉ
ⲛ̄ ⲃⲁⲥⲓⲗⲓⲧⲏⲥ ⲉⲥⲣⲓⲙⲉ ⲉ ⲡⲉⲥⲥⲟⲛ • Ⲉⲓϣⲁⲛⲛⲁⲩ ⲅⲁⲣ ⲉ
ⲛⲁⲓ ⲧⲏⲣⲟⲩ ⲉⲩⲣⲓⲙⲉ ϣⲁⲓϫⲟⲟⲥ ϫⲉ ⲕⲁⲕⲱⲥ ⲁⲩϫⲡⲟⲕ
ⲱ̄ ⲇⲓⲟⲕⲗⲏϯⲁⲛⲟⲥ • Ⲙⲛ︤ⲛ︥ⲥⲱⲥ ⲟⲛ ⲉⲓϣⲁⲛϥⲓ ⲛ̄ ⲛⲁⲃⲁⲗ
ⲉ ϩⲣⲁⲓ ⲉⲧⲡⲉ • ⲧⲁⲛⲁⲩ ⲉ ⲛⲉⲓ ⲡⲉⲧ ⲟⲩⲁⲁⲃ • ⲉⲩϩⲙⲟⲟⲥ ⲉ


### 0006

ϩⲣⲁⲓ ⲉϫⲛ̄ ϩⲛ̄ⲑⲣⲟⲛⲟⲥ ⲛ̄ ⲉⲟⲟⲩ • ⲉⲣⲉ ⲛ̄ⲁⲅⲅⲉⲗⲟⲥ ϯ ⲕⲗⲟⲙ
ⲉ ϫⲱⲟⲩ • ϣⲁⲓϫⲟⲟⲥ ϫⲉ ⲕⲁⲗⲱⲥ ⲁⲩϫⲡⲟⲕ ϣⲁⲛⲧⲉ ⲛⲉⲓ
ⲡⲉ|ⲧ ⲟⲩⲁⲁⲃ ϫⲓ ⲕⲗⲟⲙ ⲛ̄ⲧⲉⲕⲁⲫⲟⲣⲙⲏ • Ϩⲟⲧⲁⲛ ⲅⲁⲣ
ⲉⲓϣⲁⲛⲛⲁⲩ ⲉ ⲛⲉⲩⲙⲁⲣⲧⲩⲣⲓⲟⲛ ⲉⲧ ⲟⲩⲁⲁⲃ ⲉⲩⲕⲱⲧⲉ ⲉ
ⲧⲁ ⲡⲟⲗⲓⲥ ⲁⲛϯⲟ̄ⲭⲓⲁ ⲛ̄ⲑⲉ ⲛ̄ⲟⲩⲥⲟⲃⲧ̄ • Ⲁⲩⲱ ⲧⲁⲥⲱⲧⲙ̄
ⲉ ⲡⲉϣⲕⲉⲗⲕⲉⲗ ⲛ̄ ⲛⲟⲩⲃ ⲉⲧ ⲁϣⲉ ⲉ ⲛⲉⲩⲕⲁⲧⲁⲡⲉⲧⲁⲥⲙⲁ
ϩⲛ̄ ⲛⲉⲩⲙⲁⲣⲧⲩⲣⲓⲟⲛ • Ⲁⲩⲱ ⲟⲛ ⲧⲁⲛⲁⲩ ⲛ̄ⲗⲁⲟⲥ ⲉⲩⲉϣ
ⲗⲟⲩⲗⲁⲓ ⲉ ⲃⲟⲗ ϩⲙ̄ ⲡⲉⲩϣⲁ ⲉⲧ ⲟⲩⲁⲁⲃ • ⲛ̄ⲧⲉⲩⲛⲟⲩ
ϣⲁⲓⲧⲉⲗⲏⲗ • ⲧⲁⲥⲙⲟⲩ ⲉ ⲡⲁ ⲣ︦ⲣ︦ⲟ ⲡⲉⲭ︤ⲥ︥ • ⲉⲓϫⲱ ⲙ̄ⲙⲟⲥ
ϫⲉ ⲕⲁⲗⲱⲥ ⲁ ⲡⲛⲟⲩⲧⲉ ⲧⲟⲩⲛⲟⲩⲥ ⲡⲁⲛ ⲛ̄ ⲛⲉⲓ ⲛⲟϭ
ⲙ̄ ⲫⲱⲥⲧⲏⲣ ⲉⲧ ⲉⲣ ⲟⲩⲟⲉⲓⲛ • ⲧⲁⲣⲟⲩ ⲉⲣ ⲟⲩⲟⲉⲓⲛ ⲉ ⲧⲛ̄‐
ⲡⲟⲗⲓⲥ ⲧⲏⲣⲥ̄ • Ⲛⲉⲓ ⲥⲁⲉⲓⲛ ⲛ̄ⲣⲉϥ|ⲧⲁⲗϭⲟ ⲛ̄ ⲛⲉⲛⲯⲩⲩⲏ •
ⲙⲛ̄ ⲛⲉⲛⲥⲱⲙⲁ ϩⲓ ⲟⲩⲥⲟⲡ • Ⲛⲉⲓ ⲥⲧⲣⲁⲧⲩⲗⲁⲧⲏⲥ ⲉⲧⲟ
ⲛ̄ϩⲟⲧ • Ⲛⲉⲓ ⲣⲉϥⲙⲓϣⲉ ⲛ̄ ⲟⲩⲟⲉⲓϣ ⲛⲓⲙ ⲉϫⲙ̄ ⲡⲣⲁⲛ
ⲙ̄ ⲡⲉⲭ︦ⲥ︦ • Ⲛⲉⲓ ⲡⲟⲗⲩⲙⲓⲥⲧⲏⲥ ⲉⲧ ⲡⲟⲗⲩⲙⲉⲓ ⲛ̄ ⲟⲩⲟⲉⲓϣ
ⲛⲓⲙ • ⲙⲛ̄ ⲡⲥⲁⲇⲁⲛⲁⲥ • ⲁⲩⲱ ⲁϥⲧⲟⲩⲛⲟⲩⲥ ⲛⲁⲛ ⲙ̄
ⲡⲣ︦ⲣ︦ⲟ ⲙ̄ ⲙⲁⲓ ⲛⲟⲩⲧⲉ ⲕⲱⲥⲧⲁⲛϯⲛⲟⲥ • ϫⲉ ⲡⲉⲩϣⲃⲏⲣ
ⲥⲧ̄ⲣⲁⲧⲩⲗⲁⲧⲏⲥ ⲡⲉ ϫⲓⲛ ⲉⲩϩⲙ̄ ⲡⲥⲱⲙⲁ ⲛⲙ̄ⲙⲁϥ •
Ⲁⲩⲱ ⲁϥⲕⲱⲧ ⲛ̄ ⲛⲉⲩⲙⲁⲣⲧⲩⲣⲓⲟⲛ ϩⲛ̄ ⲧⲁⲉⲓⲟ ⲛⲓⲙ •
ⲁϥϣⲓⲛⲉ ⲛ̄ⲥⲁ ⲛⲉⲩⲥⲱⲙⲁ ⲁϥⲟⲩⲟⲛϩⲟⲩ ⲉ ⲃⲟⲗ • ⲉⲩ‐
ⲥⲟⲗⲥⲗ̄ | ⲛ̄ ⲛⲉⲩⲣⲱⲙⲉ ⲛⲙ̄ⲙⲁⲛ ⲧⲏⲣⲛ̄ • ⲉⲩⲧⲁϫⲣⲟ ⲛ̄
ⲧⲛ̄ⲡⲟⲗⲓⲥ ⲧⲏⲣⲥ̄ • ⲙ̄ ⲡⲉⲛⲣ︦ⲣ︦ⲟ ⲙ̄ ⲙⲁⲓ ⲛⲟⲩⲧⲉ • ⲉϥⲥⲟⲟⲩⲛ̄
ⲉ ⲛⲉⲩϭⲟⲙ ϫⲓⲛ ⲉⲩϩⲙ̄ ⲡⲥⲱⲙⲁ ⲛⲙ̄ⲙⲁϥ • ϫⲉ ϩⲛ̄ⲣⲉϥⲉⲣ‐
ⲡⲟⲗⲁⲓⲙⲟⲥ ⲛⲉ • ⲙⲛ̄ ⲛ̄ⲃⲁⲣⲃⲁⲣⲟⲥ ⲉⲑⲟⲟⲩ • Ϩⲙ̄ ⲡⲧⲣⲉ
ϥⲛⲁⲩ ϫⲉ ⲁϥⲉⲣ ⲣ︦ⲣ︦ⲟ ⲁⲩⲱ ϫⲉ ϥⲉⲣ ⲭⲣⲓⲁ ⲙ̄ⲙⲟⲟⲩ
ⲉ ⲡⲉϩⲟⲩⲟ ϩⲙ̄ ⲡⲡⲟⲗⲁⲓⲙⲟⲥ • ⲉϥⲥⲟⲟⲩⲛ̄ ϫⲉ ⲁⲩⲉⲣ ϩⲟⲩ
ⲉ ⲇⲩⲛⲁⲧⲟⲥ • ⲁϥϯⲉⲟⲟⲩ ⲛⲁⲩ ⲛ̄ϩⲟⲩⲟ ϫⲉ ⲉⲩⲉϫⲓⲥⲉ ⲙ̄ⲙⲟϥ
ϩⲙ̄ ⲡⲁⲝⲓⲱⲙⲁ ⲛ̄ ⲧⲉϥⲙⲛ︤ⲧ︥ⲣⲣⲟ • ⲙ̄ ⲡⲉϥⲟⲩⲱϣ ⲉ ⲥⲛ̄ⲧ
ⲧⲙⲛ︦ⲧ︦ϣⲃⲏⲣ ⲙ̄ ⲡⲁⲛⲁⲧⲟⲗⲁⲓⲟⲥ ⲉ ⲃⲟⲗ • ⲉϥⲥⲟⲟⲩⲛ̄ ⲉ
ⲧⲉϥⲙⲛ︤ⲧ︥ϫⲱⲱⲣⲉ | ⲙⲛ̄ ⲡⲉϥⲧⲁⲉⲓⲟ̄ ϫⲓⲛ ⲉ ⲛⲉϥⲉⲓⲟⲧⲉ •
ⲁⲗⲗⲁ ⲁϥϯ ⲉⲟⲟⲩ ⲛⲁϥ ϫⲉ ⲕⲁⲥ ⲉϥⲉⲉⲣ ϩⲟⲩⲟ ⲉ ϫⲓⲥⲉ
ⲙ̄ⲙⲟϥ • Ⲁⲛⲟⲕ ⲇⲉ ϩⲱ ⲡⲉⲓ ⲉⲗⲁⲭⲓⲥⲧⲟⲥ ⲑⲉⲟⲇⲱⲣⲟⲥ ⲛ̄
ϯⲛⲁⲕⲁ ⲣⲱⲓ ⲁⲛ ⲉ ⲡⲉⲣ̄ ⲡⲙⲉⲉⲩⲉ ⲙ̄ ⲡⲉⲓ ϩⲁⲅⲓⲟⲥ ⲑⲉⲟ‐
ⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ⲉ ⲃⲟⲗ ϫⲉ ⲉⲛⲟⲩⲱⲙ ⲉ ⲃⲟⲗ


### 0007

ϩⲛ̄ ⲧⲉϥⲇⲣⲁⲡⲩⲍⲁ • ⲁⲩⲱ ⲉⲥⲑⲁⲣⲉⲓ ⲛ̄ ⲧⲉϥⲙⲛ︦ⲧ︦ϫⲱⲱⲣⲉ •
ϫⲉ ⲉⲓϣⲁⲛϩⲉ ϥ̄ⲛⲁⲧⲟⲩⲛⲟⲥⲧ̄ • ⲉⲣϣⲁⲛ ⲡⲁ ϫⲁϫⲉ ⲡⲱⲧ
ⲛ̄ⲥⲱⲓ ϥ̄ⲛⲁⲛⲟⲩϩⲙ̄ ⲙ̄ⲙⲟⲓ ⲛ̄ ⲧⲟⲟⲧϥ̄ • Ⲉⲣϣⲁⲛ ⲡⲁ ϫⲟⲓ
ⲱⲙⲥ̄ ϣⲁϥⲉⲣ ϩⲙ̄ⲙⲉ ⲙ̄ⲙⲟⲓ ⲛϥ̄ⲏⲛⲧ̄ ⲉ ⲡⲉⲕⲣⲟ • ⲉⲓϣⲁⲛ‐
ϣⲱϥⲧ̄ ϩⲙ̄ ⲡⲉϥ|ⲛ̄ⲅⲱⲙⲓⲟⲛ ϣⲁϥϩⲣⲟϣ ⲛ̄ϩⲏⲧ ⲉ ϫⲱⲓ •
ϣⲁⲛⲧ ⲉⲓⲗⲟ ⲉⲓⲥⲟⲣⲙ̄ ⲛ̄ⲧⲉ ⲧⲁ ⲉⲕⲥⲧⲁⲥⲓⲥ ⲕⲧⲟⲥ ⲉ ⲣⲟⲓ • ⲉ
ⲧⲃⲉ ⲡⲁⲓ ϯⲛⲁⲕⲓⲙ ⲙ̄ ⲡⲟⲣⲅⲁⲛⲱⲛ ⲙ̄ ⲡⲁ ⲗⲁⲥ ϩⲛ̄
ⲟⲩⲥⲟⲟⲩⲧⲛ̄ • ⲧⲁϣⲁϫⲉ ⲉ ⲡⲉⲣ ⲡⲙⲉⲉⲩⲉ ⲙ̄ ⲡⲉⲓ ⲡⲉⲧ
ⲟⲩⲁⲁⲃ ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ϯⲛⲁ ⲟⲩⲱⲛ ⲛ̄ ⲣⲱⲓ
ϩⲛ̄ ⲟⲩⲟⲩⲛⲟϥ • ⲧⲁϫⲱ ⲛ̄ⲛⲉⲧ ⲉⲣⲉ ⲡⲉⲡⲛ︦ⲁ︦ ⲉⲧ ⲟⲩⲁⲁⲃ
ⲛⲁⲭⲟⲣⲏⲅⲉⲓ ⲙ̄ⲙⲟⲟⲩ ⲉ ⲧⲁ ⲧⲁⲡⲣⲟ • Ⲡⲉ ⲡⲉⲧ ⲟⲩⲁⲁⲃ
ⲑⲉⲟⲇⲱⲣⲟⲥ ⲡⲁⲓ ⲉⲧ ⲛⲁ ⲉⲣϣⲁ ⲛⲁϥ ⲙ̄ⲡⲟⲟⲩ ⲉⲛⲉ ⲡϣⲏⲣⲉ
ⲡⲉ ⲛ̄ⲥⲟⲧⲉⲣⲓⲭⲟⲥ ⲡⲥⲟⲛ ⲙ̄ ⲡⲧⲟⲗⲟⲙⲁⲓⲟⲥ ⲡⲣ︦ⲣ︦ⲟ ⲡⲉⲓⲱⲧ
ⲛ̄ ⲁⲡⲁ | ⲕⲗⲁⲩⲇⲓⲟⲥ • ⲛⲉ ϩⲛ̄ ⲣⲙ̄ ⲧⲁⲣⲥⲟⲥ ⲛⲉ ⲛ̄ⲧⲉ
ⲕⲩⲗⲏⲕⲓⲁ ⲉⲩϩⲛ̄ ⲟⲩⲕⲏⲡⲟⲥ ⲛ̄ ⲟⲩⲱⲧ ⲙⲛ̄ ⲛⲉⲩⲉⲣⲏⲩ •
Ⲡⲉⲩⲉⲓⲱⲧ ⲇⲉ ⲙ̄ ⲡⲉⲥⲛⲁⲩ ⲁⲡⲁ ⲑⲉⲟⲇⲱⲣⲟⲥ • ⲙⲛ̄ ⲁⲡⲁ
ⲕⲗⲁⲩⲧⲓⲟⲥ ⲛⲉ ⲛ̄ϣⲏⲣⲉ ⲛ̄ ⲟⲩⲣⲱⲙⲉ ⲛ̄ ⲟⲩⲱⲧ ⲛⲉ ⲉ
ⲡⲉϥⲣⲁⲛ ⲡⲉ ⲥⲁⲙⲁⲣ • ⲉⲛⲉ ⲟⲩⲣⲙ̄ⲙⲁⲟ ⲙ̄ⲙⲁⲧⲉ ⲡⲉ
ⲉ ⲡⲉϩⲟⲩⲟ • ⲉϥϫⲟ ⲛ̄ ⲟⲩⲛⲟϭ ⲛ̄ⲥⲱϣⲉ ⲛ̄ⲥⲟⲩⲟ • ⲉⲩⲛ̄ⲧⲁϥ
ⲙ̄ⲙⲟⲩ ⲛ̄ ϩⲛ̄ⲕⲏⲡⲟⲥ ⲙⲛ̄ ϩⲙ̄ⲙⲁ ⲛ̄ ⲉⲗⲟⲟⲗⲉ ⲙⲛ̄ ϩⲛ̄ⲕⲟ‐
ⲙⲁⲣⲓⲟⲛ • Ⲉⲛⲉ ⲟⲩⲉϣⲱⲧ ⲡⲉ ⲉϥϣⲱⲡ ⲙ̄ ⲡⲉⲧ ⲛ̄ⲧⲁϥ
ⲧⲏⲣⲟⲩ ⲙ̄ ⲡⲧⲟϣ ⲉⲧ ⲙ̄ⲙⲁⲩ ⲉ ⲧⲃⲉ ⲡⲉϩⲟⲩⲟ ⲛ̄ ⲧⲉϥ‐
ⲙⲛ︦ⲧ︦ⲣⲙ̄ⲙⲁⲟ • Ⲙⲛ︦ⲛ︦ⲥⲁ ⲟⲩⲛⲟϭ | ⲇⲉ ⲛ̄ ⲟⲩⲟⲉⲓϣ ⲁϥⲙ̄ⲧⲟⲛ
ⲙ̄ⲙⲟϥ ⲛ̄ⲑⲉ ⲛ̄ⲣⲱⲙⲉ ⲛⲓⲙ • ⲁϥⲕⲱ ⲙ̄ ⲡⲉⲧ ⲛ̄ⲧⲁϥ ⲉ ⲃⲟⲗ
ⲛ̄ ⲛⲉϥϣⲏⲣⲉ • ⲡⲧⲟⲗⲟⲙⲁⲓⲟⲥ ⲡⲉⲓⲱⲧ ⲛ̄ ⲁⲡⲁ ⲕⲗⲁⲩⲇⲓⲟⲥ
ⲙⲛ̄ ⲥⲟⲧⲉⲣⲓⲭⲟⲥ ⲡⲉⲓⲱⲧ ⲛ̄ ⲁⲡⲁ ⲑⲉⲟⲇⲱⲣⲟⲥ • Ⲛ̄ ⲧⲉⲣⲉ
ⲑⲏⲃⲉ ⲇⲉ ⲙ̄ ⲡⲉⲩⲉⲓⲱⲧ ⲟⲩⲉⲓⲛⲉ ⲁⲩⲛⲟϭ ⲛ̄ ϯⲧⲱⲛ ϣⲱⲡⲉ
ϩⲛ̄ ⲧⲉⲩⲙⲏⲧⲉ ⲙ̄ ⲡⲉⲥⲛⲁⲩ ⲉ ⲧⲃⲉ (?) ⲡⲉⲧ ⲛ̄ⲧⲁϥ ⲙ̄
ⲡⲉⲩⲉⲓⲱⲧ • Ⲁⲩⲱ ⲁⲩⲧⲱⲟⲩⲛ ⲙ̄ ⲡⲉⲥⲛⲁⲩ ⲁⲩⲉⲓ ⲉ ⲧⲁⲛ‐
ϯⲟⲭⲓⲁ ⲉ ⲣⲁⲧϥ̄ ⲡⲣ︦ⲣ︦ⲟ ⲉ ⲧⲣⲉϥⲃⲟⲗⲟⲩ ⲙⲛ̄ ⲛⲉⲩⲉⲣⲏⲩ •
Ⲡⲧⲟⲗⲟⲙⲁⲓⲟⲥ ⲇⲉ ⲡⲉⲓⲱⲧ ⲛ̄ ⲁⲡⲁ ⲕⲗⲁⲩⲇⲓⲟⲥ • ⲟⲩⲛⲟϭ
ⲡⲉ ϩⲙ̄ ⲡⲉⲭⲣⲟⲛⲟⲥ ⲡⲁⲣⲁ ⲥⲟⲧⲉⲣⲓ|ⲭⲟⲥ ⲡⲉⲓⲱⲧ ⲛ̄ ⲁⲡⲁ
ⲑⲉⲟⲇⲱⲣⲟⲥ • Ⲁⲩⲱ ⲁ ⲡⲧⲟⲗⲟⲙⲁⲓⲟⲥ ϩⲱϥ ⲧ (sic) ⲛ̄ ⲟⲩ‐
ⲕⲓⲛⲇⲩⲛⲁⲣⲓⲟⲛ ⲛ̄ ⲛⲟⲩⲃ ϩⲓ ⲡⲁϩⲟⲩ ⲙ̄ ⲡⲉⲓⲱⲧ ⲛ̄ ⲁⲡⲁ


### 0008

ⲑⲉⲟⲇⲱⲣⲟⲥ • ⲁϥⲧⲁⲁϥ ⲛ̄ ⲉⲩϩⲓⲟⲥ ⲡⲣ︦ⲣ︦ⲟ • Ⲛ ⲧⲉⲣⲉ ⲡⲣ︦ⲣ︦ⲟ
ⲇⲉ ⲛⲁⲩ ⲉ ⲧⲉⲩⲙⲛ︦ⲧ̄ⲣⲙ̄ⲙⲁⲟ • ⲙⲛ̄ ⲧⲉⲩⲙⲛ︦ⲧ︦ⲥⲡⲁⲑⲁⲣⲓⲟⲥ •
ⲁϥϯ ⲛ̄ ⲧⲉϥϣⲉⲉⲣⲉ ⲙ̄ ⲡⲧⲟⲗⲟⲙⲁⲓⲟⲥ ⲛ̄ ⲥϩⲓⲙⲉ • Ⲥⲟⲧⲉ‐
ⲣⲓⲭⲟⲥ ⲇⲉ ϩⲱⲱϥ ⲡⲉⲓⲱⲧ ⲛ̄ ⲁⲡⲁ ⲑⲉⲟⲇⲱⲣⲟⲥ • ⲁ ⲡⲧⲟⲗⲟ‐
ⲙⲁⲓⲟⲥ ⲧⲁⲙⲉ ⲉⲩϩⲓⲟⲥ ⲡⲣ︦ⲣ︦ⲟ • ϫⲉ ⲡⲁ ⲥⲟⲛ ⲡⲉ ⲁⲩⲱ
ⲟⲩⲉⲓⲱⲧ ⲛ̄ ⲟⲩⲱⲧ ⲁϥϫⲡⲟ ⲛ̄ ⲙ̄ ⲡⲉⲥⲛⲁⲩ • ⲁⲩⲱ ⲁϥⲁⲁϥ
ⲛ̄ ⲥⲩⲛⲕⲁⲑⲉⲇⲣⲟⲥ ⲛⲁϥ • Ⲁⲩⲱ ⲁ ⲡⲣ︦ⲣ︦ⲟ ϫⲟⲟⲩ ⲉ ⲧⲁⲣⲥⲟⲥ
ⲁϥⲡⲟⲟⲛⲟⲩ ⲉ ⲧⲁⲛϯⲟⲭⲓⲁ • | ⲁⲩⲱ ⲁ ⲡⲣ︦ⲣ︦ⲟ ϯ ⲛ̄ ⲥⲟⲧⲉ‐
ⲣⲓⲭⲟⲥ ⲛ̄ ⲧϣⲉⲉⲣⲉ ⲙ̄ ⲡⲉϥⲥⲟⲛ ⲛ̄ ⲥϩⲓⲙⲉ ⲉ ⲡⲉⲥⲣⲁⲛ ⲡⲉ
ⲥⲟⲫⲓⲁ • Ⲛ̄ⲧⲟⲟⲩ ⲇⲉ ⲙ̄ ⲡⲉⲥⲛⲁⲩ ⲁⲩϭⲙ̄ϭⲟⲙ ⲙ̄ⲙⲁⲧⲉ •
ⲁⲩⲱ ⲁⲩⲧⲁϫⲣⲟ ϩⲛ̄ ⲧⲁⲛϯⲟⲭⲓⲁ • ϫⲉ ⲛⲉⲣⲉ ⲡⲣ︦ⲣ︦ⲟ ⲙⲉ
ⲙ̄ⲙⲟⲟⲩ • Ⲙ ⲡⲛⲁⲩ ⲅⲁⲣ ⲛ̄ ϣⲁⲩⲃⲱⲕ ⲉ ⲡⲡⲟⲗⲁⲓⲙⲟⲥ
ⲛⲉⲩⲧⲁⲗⲏⲩ ⲉ ⲛⲉϩⲁⲣⲙⲁ ⲛ̄ ⲣ︦ⲣ︦ⲟ ⲙ̄ ⲡⲉⲥⲛⲁⲩ • Ⲉⲓⲧⲁ ⲁ
ⲡⲉⲓ ϩⲱⲃ ⲟⲩⲟⲛϩ̄ ⲉ ⲃⲟⲗ • ϫⲉ ⲉⲩϩⲙⲟⲟⲥ ⲙⲛ̄ ⲧϣⲉⲉⲣⲉ
ⲛ̄ⲧⲉ ⲛ ⲣ︦ⲣ︦ⲟ ⲙ̄ ⲡⲉⲥⲛⲁⲩ • Ⲙⲛ︦ⲛ︦ⲥⲁ ⲛⲁⲓ ⲇⲉ ⲁⲩϫⲡⲟ ⲙ̄
ⲡⲉⲓ ⲫⲟⲥⲧⲏⲣ [sic) ⲥⲛⲁⲩ ⲉⲧ ⲉⲣ ⲟⲩⲟⲉⲓⲛ • ⲑⲉⲟⲇⲱⲣⲟⲥ ⲙⲛ̄
ⲕⲗⲁⲩⲇⲓⲟⲥ • ⲛ̄ⲧⲉⲩⲛⲟⲩ ⲁⲩϫⲟⲟⲩ ⲛ̄ⲥⲁ ⲡⲁⲣⲭⲏⲉⲡⲓⲥⲕⲟ‐
ⲡⲟⲥ ⲁⲡⲁ ⲕⲁⲓⲟⲥ • | ⲁϥϣⲗⲏⲗ ⲉϫⲛ̄ ⲛ̄ϣⲏⲣⲉ ⲕⲟⲩⲓ • ⲁⲩⲱ
ⲁⲩⲉⲓⲣⲉ ⲛ̄ ⲟⲩⲛⲟϭ ⲛ̄ ⲁⲣⲓⲥⲧⲟⲛ ⲉ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲙⲛ̄ ⲛ̄ⲛⲟϭ ⲙ̄ ⲡⲡⲁⲗⲗⲁⲇⲓⲟⲛ ⲙⲛ̄ ⲧⲁⲛϯⲟⲭⲓⲁ ⲧⲏⲣⲥ̄
ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲁⲩⲱ ⲙ̄ⲡⲉ ⲛⲉⲩⲉⲓⲟⲧⲉ ϯ ⲣⲁⲛ
ⲉ ⲣⲟⲟⲩ • ⲁϫⲛ̄ ⲧⲉⲅⲛⲱⲙⲏ ⲙ̄ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁⲩⲱ
ⲁϥⲥⲙⲟⲩ ⲉ ⲣⲟⲟⲩ ⲛ̄ϭⲓ ⲁⲡⲁ ⲕⲁⲓⲟⲥ ϩⲛ̄ ⲑⲟⲣⲙⲏ ⲙ̄
ⲡⲉϥⲡⲛ︦ⲁ︦ • Ⲛ̄ ⲧⲉⲣ ⲟⲩϫⲱⲕ ⲇⲉ ⲉ ⲃⲟⲗ ⲛ̄ϭⲓ ⲛⲉϩⲟⲟⲩ
ⲙ̄ ⲡⲉⲩⲧⲃ̄ⲃⲟ • ⲁ ⲡⲁⲣⲭⲏⲉⲡⲓⲥⲕⲟⲡⲟⲥ ϫⲓ ⲙ̄ ⲡϣⲏⲣⲉ ϣⲏⲙ
ⲥⲛⲁⲩ ⲁϥⲕⲁⲁⲩ ϩⲓⲑⲏ ⲙ̄ ⲡⲉⲑⲩⲥⲓⲁⲥⲧⲏⲣⲓⲟⲛ ⲁϥϣⲗⲏⲗ
ⲉ ϩⲣⲁⲓ ⲉ ϫⲱⲟⲩ • ⲁⲩⲱ | ⲁϥϭⲱⲗⲡ̄ ⲉ ⲃⲟⲗ ⲙ̄ ⲡⲉⲩϩⲟ •
ⲁϥⲛⲁⲩ ⲉ ⲡⲉⲩⲣⲁⲛ ⲙ̄ ⲡⲉⲥⲛⲁⲩ ⲉⲩⲥⲏϩ ⲉϫⲛ̄ ⲧⲉⲩⲧⲉϩⲛⲏ •
Ⲑⲏⲧⲁ ⲛ̄ ⲥϩⲁⲓ ϩⲓϫⲙ̄ ⲡϣⲏⲣⲉ ⲛ̄ ⲥⲟⲧⲉⲣⲓⲭⲟⲥ • ⲁⲩⲱ
ⲅⲁⲙⲙⲁ ⲛ̄ ⲥϩⲁⲓ ⲉϫⲙ̄ ⲡϣⲏⲣⲉ ⲛ̄ ⲧϣⲉⲉⲣⲉ ⲙ̄ ⲡⲣ︤ⲣ︥ⲟ •
ⲁⲩⲱ ⲡⲉⲓ ⲕⲁⲡ ⲥⲛⲁⲩ ⲛ̄ ⲥϩⲁⲓ • ⲟⲩⲟⲛϩ̄ ⲉ ⲃⲟⲗ • ⲛ̄ ⲟⲩⲟⲛ
ⲛⲓⲙ ⲉⲩⲉⲣ ϣⲡⲏⲣⲉ ⲙ̄ⲙⲟⲟⲩ • Ⲁⲡⲁ ⲕⲁⲓⲟⲥ ⲇⲉ ⲡⲁⲣⲭⲏ‐
ⲉⲡⲓⲥⲕⲟⲡⲟⲥ ⲁϥⲑⲁⲩⲙⲁⲍⲉ ⲙ̄ⲙⲁⲧⲉ ⲉ ⲧⲃⲉ ⲡⲉⲛⲧⲁϥϣⲱⲡⲉ
ⲛ̄ ⲛⲉϣⲏⲣⲉ ⲕⲟⲩⲓ • Ⲁⲩⲱ ⲁⲩⲥⲙⲏ ϣⲱⲡⲉ ϩⲙ̄ ⲡⲉⲥⲧⲩⲗ-


### 0009

ⲗⲟⲥ ⲉⲧ ⲉⲣⲉ ⲛⲉⲓ ϣⲏⲣⲉ ⲕⲟⲩⲓ ⲛ̄ⲕⲟⲧⲕ̄ ϩⲁ ⲣⲟϥ • ϫⲉ
ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ | ⲕⲗⲁⲩϯⲟⲥ ⲡⲉⲡⲉⲣⲥⲓⲧⲏⲥ •
Ⲁⲩⲱ ⲁ ⲡⲁⲣⲭⲏⲉⲡⲓⲥⲕⲟⲡⲟⲥ ϯ ⲛ̄ ⲧⲉⲑⲩⲥⲓⲁ ⲙ̄ ⲡⲉϩⲟⲟⲩ
ⲉⲧ ⲙ̄ⲙⲁⲩ • ⲁⲩⲱ ⲁⲩⲉⲣ ⲟⲩⲛⲟϭ ⲛ̄ ϣⲁϩ ⲛ̄ ⲧⲁⲛϯⲟⲭⲓⲁ •
ⲙⲛ̄ ⲟⲩⲛⲟϭ ⲛ̄ ϣⲟⲡⲥ̄ ⲉ ⲟⲩⲟⲛ ⲛⲓⲙ • ⲛⲉⲣⲉ ⲛⲁ ⲡⲡⲁⲗ‐
ⲗⲁϯⲟⲛ ⲙⲉ ⲛ̄ ⲕⲗⲁⲩϯⲟⲥ ⲉ ⲧⲃⲉ ⲧⲉϥⲙⲛ︦ⲧ︦ⲥⲡⲁⲑⲁⲣⲓⲟⲥ •
ⲉⲛⲉ ⲙ̄ⲡⲁⲧ ⲉϥⲉⲣ ⲣ︦ⲣ︦ⲟ ⲛ̄ϭⲓ ⲡⲧⲟⲗⲟⲙⲁⲓⲟⲥ ⲡⲉϥⲉⲓⲱⲧ •
ⲁⲗⲗⲁ ⲛⲉϥⲟ ⲛ̄ ϩⲓⲥⲱⲛ ⲛ̄ ⲣ︦ⲣ︦ⲟ • Ⲁⲩⲱ ⲁⲩⲧⲱϣ ⲛ̄ ϩⲙ̄‐
ⲙⲟⲟⲛⲉ ⲛ̄ ⲉⲗⲉⲩⲑⲉⲣⲁ ⲉ ⲣⲟⲟⲩ ⲙ̄ ⲡⲉⲥⲛⲁⲩ • ⲉ ⲧⲣⲉ
ⲩϩⲗⲟⲟⲗⲉ ⲙ̄ⲙⲟⲟⲩ • ⲁⲩⲱ ⲁ ⲡⲉⲓⲱⲧ ⲁⲡⲁ ⲕⲁⲓⲟⲥ ⲡⲁⲣⲭⲏ‐
ⲉⲡⲓⲥⲕⲟⲡⲟⲥ ⲃⲁⲡ|ϯⲍⲉ ⲙ̄ⲙⲟⲟⲩ ⲙ̄ ⲡⲉⲥⲛⲁⲩ ϫⲉ ϩⲛ̄ ⲥⲛⲏⲩ
ⲛⲓⲙ ⲛ̄ⲛⲉⲩⲉⲣⲏⲩ • ⲁⲩⲱ ⲟⲩⲅⲉⲛⲟⲥ ⲛ̄ ⲟⲩⲱⲧ ⲡⲉ • ⲁϥϯ
ⲣⲁⲛ ⲉ ⲡⲟⲩⲁ ⲡⲟⲩⲁ ⲙ̄ⲙⲟⲟⲩ ⲕⲁⲧⲁ ⲡⲉⲕⲗⲏⲣⲟⲥ ⲛ̄ⲧⲁϥ‐
ⲧⲁϩⲟϥ • Ⲁⲩⲱ ⲛ̄ ⲧⲉⲣ ⲟⲩⲙⲟⲩϣⲧ̄ ⲙ̄ ⲡⲣⲁⲛ ⲙ̄ ⲡⲡⲉⲧ
ⲟⲩⲁⲁⲃ ⲑⲉⲟⲇⲱⲣⲟⲥ ⲁ ⲧⲉϥⲙⲁⲁⲩ ⲙⲟⲩⲧⲉ ⲉ ⲣⲟϥ ϫⲉ
ⲁⲛⲁⲧⲟⲗⲁⲓⲟⲥ • ⲕⲁⲧⲁ ⲡⲣⲁⲛ ⲛ̄ ⲧⲉⲥⲡⲟⲗⲓⲥ ϫⲉ ⲁⲛⲁⲧⲟⲗⲏ •
Ⲡϩⲁⲅⲓⲟⲥ ⲇⲉ ϩⲱⲱϥ ⲁⲡⲁ ⲕⲗⲁⲩⲇⲓⲟⲥ ⲁⲩⲣⲁⲛ ⲉ ⲣⲟϥ
ϫⲉ ⲡⲉⲣⲥⲓⲧⲏⲥ • ⲉ [ⲧ]ⲃⲉ ⲡⲅⲉⲛⲟⲥ ⲛ̄ ⲧⲉϥⲙⲁⲁⲩ • Ⲉⲓⲧⲁ
ⲙⲛ︦ⲛ︦ⲥⲁ ⲛ̄ⲣⲟⲙⲡⲉ ϫⲓⲛⲧ ⲁⲩϫⲡⲟ ⲛ̄ ⲛⲁⲓ |ⲡⲉⲧ ⲟⲩⲁⲁⲃ •
ⲁϥⲙⲟⲩ ⲛ̄ϭⲓ ⲉⲩϩⲓⲟⲥ ⲡⲣ︦ⲣ︦ⲟ • ⲁⲩⲱ ⲁϥⲉⲣ ⲣ︦ⲣ︦ⲟ ⲛ̄ϭⲓ
ⲡⲉⲓⲱⲧ ⲛ̄ ⲁⲡⲁ ⲕⲗⲁⲩⲇⲓⲟⲥ • ⲁϥⲉⲣ ⲥⲟⲧⲉⲣⲓⲭⲟⲥ ⲡⲉⲓⲱⲧ
ⲛ̄ ⲁⲡⲁ ⲑⲉⲟⲇⲱⲣⲟⲥ ⲛ̄ϩⲓⲥⲱⲛ ⲛ︦ⲛ︦ ⲣ︦ⲣ︦ⲟ • ⲁⲩⲱ ⲁⲩⲇⲓⲟⲓⲕⲉⲓ
ⲛ̄ ⲛⲉϩⲃⲏⲩⲉ ⲛ̄ ⲧⲙⲛ︦ⲧ︦ⲣ︦ⲣⲟ • Ⲛⲉⲩⲛ̄ ⲟⲩⲛⲟϭ ⲇⲉ ⲛ̄ⲉϣⲱⲧ
ϩⲛ̄ ⲧⲁⲛϯⲟⲭⲓⲁ ϩⲓⲧⲟⲩⲱϥ ⲙ̄ ⲡⲉϥⲏⲓ ⲉ ⲡⲉϥⲣⲁⲛ ⲡⲉ
ϩⲣⲱⲙⲁⲛⲟⲥ • ⲉⲩⲣⲙ̄ⲙⲁⲟ ⲙ̄ⲙⲁⲧⲉ ⲛⲉ • ⲁⲩⲱ ⲁϥϯ ⲛ̄
ⲟⲩⲕⲓⲛⲇⲩⲛⲁⲣⲓⲟⲛ ⲛ̄ ⲛⲟⲩⲃ ⲛ̄ ⲥⲟⲧⲉⲣⲓⲭⲟⲥ ⲡⲉⲓⲱⲧ ⲛ̄
ⲁⲡⲁ ⲑⲉⲟⲇⲱⲣⲟⲥ ϣⲁⲛⲧⲉϥⲁⲁϥ ⲛ̄ ⲥⲧ|ⲣⲁⲧⲩⲗⲁⲧⲏⲥ ⲉ
ⲧⲙⲛ︦ⲧ︦ⲣ︦ⲣ︦ⲟ • ⲁⲩⲱ ⲁϥϫⲓ ⲛ̄ⲛⲉⲭⲣⲏⲙⲁ ⲁϥϯ ⲛⲁϥ ⲛ̄
ⲧⲉⲝⲟⲩⲥⲓⲁ ⲛ̄ ⲧⲙⲛ︦ⲧ︦ⲥⲧⲣⲁⲧⲩⲗⲁⲧⲏⲥ • ϫⲉ ⲡϩⲁⲓ ⲛ̄ ⲧⲉϥ‐
ⲥⲱⲛⲉ ⲡⲉ • Ϩⲣⲁⲓ ⲇⲉ ϩⲛ̄ ⲛⲉϨϩⲟⲟⲩ (sic) ⲉⲧ ⲙ̄ⲙⲁⲩ ⲉⲧⲉ
ⲧⲁⲓ ⲧⲉ ⲧⲉⲣⲟⲙⲡⲉ ⲛ̄ⲧⲁⲩϫⲡⲟ ⲛⲉⲓ ⲡⲉⲧ ⲟⲩⲁⲁⲃ • ⲑⲉⲟⲇⲱ‐
ⲣⲟⲥ ⲙⲛ̄ ⲕⲗⲁⲩⲇⲓⲟⲥ ⲁⲩϯ ⲛ̄ⲧⲉⲩⲑⲩⲥⲓⲁ ⲙ ⲡⲉⲥⲛⲁⲩ • ⲁⲩⲱ
ⲁⲛⲣⲙ̄ ⲧⲁⲛϯⲟⲭⲓⲁ ⲧⲏⲣⲟⲩ ⲉⲣ ϣⲡⲏⲣⲉ ⲙ̄ ⲡⲉⲩⲧⲁⲉⲓⲟ •
ⲁⲩⲱ ⲁ ⲛⲉⲩⲉⲓⲟⲧⲉ ⲉⲣ ϫⲟⲩⲧ ⲥⲁϣϥ̄ ⲛ̄ϩⲟⲟⲩ ⲉⲩⲉⲓⲣⲉ ⲉ


### 0010

ⲛⲁ ⲧⲡⲟⲗⲓⲥ ⲧⲏⲣⲥ̄ ⲉ ⲡϩⲟⲩ ⲙⲁⲥⲉ ⲙ̄ ⲡϣⲏⲣⲉ ⲕⲟⲩⲓ ⲥⲛⲁⲩ •
ⲉⲓⲧⲉ ϩⲙ̄ ⲡⲡⲁⲗⲗⲁϯⲟⲛ ⲉⲓⲧⲉ ϩⲙ̄ ⲡⲏⲓ ⲛ̄ | ⲛⲉⲭⲏⲣⲁ ⲙⲛ̄
ⲛ̄ⲟⲣⲫⲁⲛⲟⲥ • ⲁⲩⲱ ⲁⲩⲥϩⲁⲓ ⲙ̄ ⲡⲉⲩⲣⲁⲛ ⲙ̄ ⲡⲉⲥⲛⲁⲩ
ϩⲓϫⲙ̄ ⲡⲧⲉⲧⲣⲁ ⲡⲩⲗⲱⲛ ⲛ̄ ⲧⲡⲟⲗⲓⲥ • ϫⲉ ⲑⲉⲟⲇⲱⲣⲟⲥ
ⲙⲛ̄ ⲕⲗⲁⲩⲇⲓⲟⲥ ⲛ̄ϣⲏⲣⲉ ⲙ̄ ⲡⲣ︦ⲣ︦ⲟ • ⲟⲩⲁⲛⲍⲏⲃ ⲛ̄ ⲟⲩⲱⲧ
ⲧⲉⲧⲟⲩ ⲛ̄ϩⲏⲧⲥ̄ ⲙ̄ ⲡⲉⲥⲛⲁⲩ • ⲉⲣⲉ ⲛⲁ ⲧⲡⲟⲗⲓⲥ ⲧⲏⲣⲥ̄ ⲉⲡⲉⲓ‐
ⲑⲩⲙⲉⲓ ⲛ̄ⲛⲁⲩ ⲉ ⲣⲟⲟⲩ ⲉ ⲧⲃⲉ ⲡⲉⲩⲥⲁ • ⲙⲛ̄ ⲧⲉⲩⲙⲛ︦ⲧ︦ⲥⲡⲁ‐
ⲑⲁⲣⲓⲟⲥ • ⲙⲛ̄ ⲧⲉⲩⲙⲛ︦ⲧ︦ⲥⲁⲃⲉ • ⲙⲛ̄ ⲛⲉⲩϩⲓⲕⲱⲛ ⲉⲛⲉⲥⲱⲟⲩ •
ⲙⲛ̄ ⲡϣⲟⲩϣⲟⲩ ⲛ̄ ⲛⲉⲩϩⲟⲓⲧⲉ • ⲙⲛ̄ ⲧⲁϣⲏ ⲛ̄ ⲛ̄ⲕⲩⲙ‐
ⲃⲁⲗⲱⲛ ⲉⲧ ⲱϣ ⲉ ⲃⲟⲗ ϩⲓ ⲑⲏ ⲙ̄ⲙⲟⲟⲩ • Ⲉⲩϣⲁⲛⲟⲩⲱϣ
ⲅⲁⲣ ⲉ ⲃⲱⲕ ⲉ ⲧⲉⲕ|ⲕⲗⲏⲥⲓⲁ ⲉⲩⲥⲩⲛⲁⲅⲉ • ϣⲁⲩⲕⲩⲣⲓⲍⲉ
ϩⲛ̄ ⲧⲡⲟⲗⲓⲥ ⲧⲏⲣⲥ̄ ϫⲉ ⲉⲣⲉ ⲕⲗⲁⲩⲇⲓⲟⲥ ⲙⲛ̄ ⲑⲉⲟⲇⲱⲣⲟⲥ
ⲛ̄ϣⲏⲣⲉ ⲙ̄ ⲡⲣ︦ⲣ̄ⲟ ⲟⲩⲱϣ ⲉ ⲃⲱⲕ ⲉ ⲧⲉⲕⲕⲗⲏⲥⲓⲁ ⲉ
ⲥⲩⲛⲁⲅⲉ • Ⲁⲩⲱ ϣⲁⲣⲉ ⲟⲩⲙⲏⲏϣⲉ ⲥⲟⲟⲩϩ ϩⲓϫⲛ̄ ⲛ̄ⲕⲟⲡⲣⲓⲁ
ⲛ̄ ⲧⲡⲟⲗⲓⲥ ⲁⲛϯⲟⲭⲓⲁ • ⲙⲛ̄ ⲙ̄ⲙⲁ ⲉⲧ ϫⲟⲥⲉ • ⲙⲛ̄ ⲛ̄ϫⲉ‐
ⲛⲉⲡⲱⲣ ⲙ̄ ⲡⲉⲩⲏⲓ • ϫⲉ ⲉⲩⲛⲁⲩ ⲉ ⲣⲟⲟⲩ ⲉⲩϩⲙⲟⲟⲥ ϩⲓϫⲛ̄
ⲛ̄ϩⲁⲣⲙⲁ ⲛ︦ⲣ︦ⲣ︦ⲟ • Ⲧⲉϩⲓⲏ ⲇⲉ ⲉⲧ ⲟⲩⲛⲏⲩ ⲉ ⲧⲉⲕⲕⲗⲏⲥⲓⲁ
ⲛ̄ϩⲏⲧⲥ̄ ⲉⲛⲉϣⲁⲩⲥⲧⲉⲫⲁⲛⲟⲩ ⲙ̄ⲙⲟⲥ ⲛ̄ϩⲟⲓⲧⲉ ⲛ̄ϫⲏϭⲉ ϩⲓ
ϣⲛ︤ⲥ︥ ϩⲓ ⲥⲓⲙⲓⲕⲓⲛⲑⲓⲛⲟⲛ • ϩⲓ ⲧⲟⲡⲁⲧⲓⲟⲛ • ⲛ̄ⲥⲉⲕⲁⲑⲁⲣⲓⲍⲉ
ⲙ̄ⲙⲟⲥ ⲛ̄ | ⲥⲉⲛⲟⲩϫ ⲙ̄ⲙⲟⲥ ⲙ̄ ⲙⲟⲩⲥϯⲕⲟⲛ ⲉⲧ ⲥⲟⲧⲡ̄ •
ϩⲓ ⲁⲛⲕⲣⲁⲧⲱⲣ • Ⲉⲛⲉⲩϩⲙⲟⲟⲥ ⲙⲛ̄ ⲛⲉⲩⲉⲣⲏⲩ ⲙ̄ ⲡⲉⲥⲛⲁⲩ
ⲟⲛ̄ ⲟⲩϯⲙⲏ ⲙⲛ̄ ⲟⲩⲉⲡⲓⲥⲏⲙⲉⲓ ϩⲛ̄ ⲧⲉⲕⲕⲗⲏⲥⲓⲁ • ⲁⲩⲱ
ⲛⲉⲣⲉ ⲡⲗⲁⲟⲥ ⲧⲏⲣϥ̄ ϩⲓ ⲡⲁϩⲟⲩ ⲙ̄ⲙⲟⲟⲩ ⲉⲩⲉⲣ ϣⲡⲏⲣⲉ
ⲙ̄ ⲡⲉⲩⲥⲁ • Ⲉⲛⲉ ⲁ ⲧⲉⲩⲙⲁⲁⲩ ⲧⲁⲙⲓⲟ̄ ⲛ̄ ϩⲛ̄ϩⲉⲣⲙⲁⲛ
ⲛ̄ⲛⲟⲩⲃ ϩⲓ ϩⲁⲧ • ⲉⲩⲛⲟⲩϫ ⲙ̄ⲙⲟⲟⲩ ⲉ ϫⲱⲟⲩ • ⲉⲣⲉ
ⲛⲉⲩⲇⲣⲁⲡⲩⲍⲁ ⲙⲛ̄ ⲛⲉⲩ ⲡⲟⲧⲏⲣⲏ ⲛ̄ ⲛⲟⲩⲃ ϩⲓ ϩⲁⲧ •
ⲧⲟⲧⲥ̄ ⲛ̄ⲱⲛⲉ ⲙ̄ ⲙⲉ • ϩⲓ ⲥⲙⲁⲣⲁⲕⲇⲟⲥ • ϩⲓ ⲧⲟⲡⲁϯⲟⲛ •
ⲟⲓ ⲁⲇⲁⲙⲁⲥ • ϩⲓ ⲭⲣⲏⲥⲟⲗⲓⲛⲑⲟⲥ • Ⲛⲉⲣⲉ ⲡⲣⲁⲛ ⲙ̄
ⲡⲟⲩⲁ ⲡⲟⲩⲁ ⲙ̄ⲙⲟⲟⲩ | ⲥⲏϩ ϩⲓϫⲛ̄ ⲛⲉⲩⲇⲣⲁⲡⲩⲍⲁ ϩⲛ̄
ⲟⲩϣⲱϣ ⲛ̄ ⲟⲩⲱⲧ ⲙⲛ̄ ⲟⲩⲧⲁⲉⲓⲟ ⲛ̄ ⲟⲩⲱⲧ • ⲉⲣⲉ ⲡⲁ ⲉⲓⲱⲧ
ⲁⲡⲁ ⲅⲁⲓⲟⲥ ⲥⲩⲛⲁⲅⲉ ⲙ̄ⲙⲟⲟⲩ • Ⲁⲛⲟⲕ ⲇⲉ ϩⲱ ⲡⲉⲓ
ⲉⲗⲁⲭⲓⲥⲧⲟⲥ ⲑⲉⲟⲇⲱⲣⲟⲥ ⲉⲛⲉⲓⲟ ⲛ̄ ⲇⲓⲁⲧⲟⲭⲟⲥ ϩⲁ ⲣⲁⲧϥ̄
ⲙ̄ ⲡⲁ ⲉⲓⲱⲧ ⲁⲡⲁ ⲕⲁⲓⲟⲥ ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • Ⲁⲩⲱ
ⲛ̄ ⲧⲉⲣⲉ ⲛⲉⲓ ϣⲏⲣⲉ ϣⲏⲙ ⲉⲓ ⲉ ⲧⲉⲕⲕⲗⲏⲥⲓⲁ ⲉ ⲥⲩⲛⲁⲅⲉ •


### 0011

ⲁⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ • ⲙⲛ̄ ⲅⲁⲃⲣⲓⲏⲗ ⲁϩⲉ ⲣⲁⲧⲟⲩ
ⲛ̄ⲥⲁ ⲥⲡⲓⲣ ⲙ̄ⲙⲟⲟⲩ ⲙ̄ ⲡⲉⲥⲛⲁⲩ • Ⲁ ⲙⲓⲭⲁⲏⲗ ⲁⲙⲁϩⲧⲉ
ⲛ̄ ⲧϭⲓϫ ⲙ̄ ⲡϩⲁⲅⲓⲟⲥ ⲑⲉⲟⲇⲱⲣⲟⲥ • ⲁϥϯ ⲛ̄ⲧⲉϥⲥⲏⲃⲉ ⲉ
ⲧⲟⲟⲧϥ̄ ⲉϥ|ϫⲱ ⲙ̄ⲙⲟⲥ •ϫⲉ ϫⲓ ⲛ̄ ⲧⲁⲓ ⲛⲁⲕ ⲱ̄ ⲑⲉⲟⲇⲱⲣⲟⲥ
ⲛⲅ̄ ϫⲣⲟ • ⲁⲩⲱ ⲛⲅ̄ ϭⲙ̄ϭⲟⲙ ⲛⲅ̄ ⲡⲱⲧ ⲛ̄ⲥⲁ ⲛⲉⲕϫⲁϫⲉ
ⲛ̄ϩⲏⲧⲥ̄ ⲛ̄ⲑⲉ ⲛ̄ⲁⲃⲉⲛⲛⲁⲓⲟⲥ¹ ⲡϫⲱⲱⲣⲉ ⲙ̄ ⲡⲓ︦ⲏ︦ⲗ︦ • ϫⲉ ⲥⲛⲁ‐
ⲙⲓϣⲉ ⲛ̄ϭⲓ ⲧⲉⲕϭⲓϫ ⲛ̄ⲥⲧⲁϫⲣⲟ ⲛ̄ϭⲓ ⲧⲉⲕⲟⲩⲛⲁⲙ • Ⲁⲛⲟⲕ
ⲡⲉ ⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ • ⲁ ⲡⲉⲭ︦ⲥ︦ ⲟⲩⲱ ⲉϥ‐
ⲭⲁⲣⲓⲍⲉ ⲙ̄ⲙⲟⲕ ⲛⲁⲓ ⲛ̄ϩⲙⲟⲧ ϩⲛ̄ ⲧⲉϥⲙⲛ︦ⲧ︦ⲣ︦ⲣ︦ⲟ • ⲉⲕⲉϫⲓ
ⲛ̄ ⲧⲁ ϭⲟⲙ ϩⲙ̄ ⲡⲡⲟⲗⲁⲓⲙⲟⲥ ϫⲉ ⲁⲩⲟⲩⲱ ⲉⲩϯ ⲣⲁⲛ ⲉ
ⲣⲟⲕ ϩⲛ̄ ⲙ̄ⲡⲏⲩⲉ • ϫⲉ ⲑⲉⲟⲇⲱⲣⲟⲥ ⲡⲉⲥⲧⲣⲁⲧⲩⲗⲁⲧⲏⲥ
ⲛ̄ ϫⲱⲱⲣⲉ • Ⲁⲩⲱ ⲁ ⲅⲁⲃⲣⲓⲏⲗ ϣⲁϫⲉ ⲙⲛ̄ ⲕⲗⲁⲩⲇⲓⲟⲥ |
ⲉϥϩⲓ ⲟⲩ ⲛⲁⲙ ⲙ̄ⲙⲟϥ ⲉϥⲥⲟⲟⲩⲧⲛ̄ ⲉ ⲣⲟϥ ⲛ̄ ⲧⲉϥⲥⲏⲃⲉ
ⲓⲛ̄ ⲕⲱϩⲧ̄ ⲉⲧ ⲛ̄ ⲧⲟⲟⲧϥ̄ ⲉϥϫⲱ ⲙ̄ⲙⲟⲥ • ϫⲉ ϫⲓ ⲧⲁⲓ ⲛⲁⲕ
[ⲉ ⲡⲧⲁⲕⲟ ⲛ̄ ⲛ̄ⲃⲁⲣⲃⲁⲣⲟⲥ • ⲛⲅ̄ ⲡⲱⲧ ⲛ̄ⲥⲁ ⲙ̄ⲡⲉⲣⲥⲟⲥ
ⲛ̄ϩⲏⲧⲥ̄ • Ϫⲓ ⲛⲁⲕ ⲱ̄ ⲕⲗⲁⲩⲇⲓⲟⲥ ⲙ̄ ⲡⲁ ⲛⲟϭ ⲛ ⲑⲃ̄ⲃⲓⲟ
ⲓⲙⲛ̄ ⲉⲟⲟⲩ ⲉⲩⲙⲟⲩⲧⲉ ⲉ ⲣⲟⲓ ϫⲉ ⲛⲟⲩⲧⲉ ϩⲓ ⲣⲱⲙⲉ •
Ⲥⲉⲛⲁⲙⲟⲩⲧⲉ ⲉ ⲣⲟⲕ ϩⲱⲱⲕ ϫⲉ ⲥⲧⲣⲁⲧⲩⲗⲁⲧⲏⲥ ϩⲓ
ϣⲏⲣⲉ ⲛ̄ ⲣ︤ⲣ︥ⲟ • ⲁⲩϯ ⲅⲁⲣ ⲛ̄ ⲑⲉⲟⲇⲱⲣⲟⲥ ⲉ ⲧⲟⲟⲧϥ̄ ⲙ̄
ⲡⲁ ϣⲃⲏⲣ ⲁⲣⲭⲁⲅⲅⲉⲗⲟⲥ ϩⲛ̄ ⲛ̄ ⲙ̄ⲡⲏⲩⲉ • ⲁⲩⲭⲁⲣⲓⲍⲉ
ⲙ̄ⲙⲟⲕ ⲛⲁⲓ ϩⲱ ϩⲛ̄ ⲙ̄ⲡⲏⲩⲉ • Ⲛ̄ ⲧⲉⲣⲉ ⲁⲡⲁ ⲕⲁⲓⲟⲥ ⲇⲉ
ⲛⲁⲩ ⲉ ⲧⲟⲡⲧⲁⲥⲓⲁ ⲛϥ̄ϣⲡⲏ|ⲣⲉ ⲁϥϣⲧⲟⲣⲧⲣ̄ ⲙ̄ⲙⲁⲧⲉ •
ⲁϥⲧⲱⲟⲩⲛ ⲉ ϩⲣⲁⲓ ⲁⲩⲱ ⲡⲉϫⲁϥ ⲛⲁⲓ ϫⲉ ⲡⲁ ϣⲏⲣⲉ
ⲑⲉⲟⲇⲱⲣⲟⲥ • ⲕⲁⲛ ϯⲛⲁⲙⲟⲩ • ⲕⲁⲛ ϯⲛⲁⲱⲛϩ̄ • ⲕⲗⲁⲩϯⲟⲥ
ⲙⲛ̄ ⲑⲉⲟⲇⲱⲣⲟⲥ ⲛⲁⲉⲣ ⲥⲟⲉⲓⲧ ϩⲙ̄ ⲡⲕⲟⲥⲙⲟⲥ ⲧⲏⲣϥ̄ ⲉ
ⲧⲃⲉ ⲧⲉⲩⲙⲛ︤ⲧ︥ϫⲱⲱⲣⲉ • ϯϫⲱ ⲅⲁⲣ ⲙ̄ⲙⲟⲥ ⲛⲁⲕ ⲱ̄ ⲡⲁ
ϣⲏⲣⲉ ⲑⲉⲟⲇⲱⲣⲟⲥ • ϫⲉ ⲡⲣⲁⲛ ⲛ̄ ⲛⲁⲓ ⲛⲁⲉⲣ ⲥⲟⲉⲓⲧ ⲛ̄ⲑⲉ
ⲛ︦ⲛ︦ⲁⲡⲟⲥⲧⲟⲗⲟⲥ ⲙ̄ ⲡⲉⲭ︤ⲥ︥ • ⲡⲉⲩⲣⲁⲛ ⲛⲁⲡⲱϩ ϣⲁ ⲙ̄‐
ⲡⲉⲣⲥⲟⲥ • Ⲁⲛⲟⲕ ⲇⲉ ⲁⲓϯ ⲙⲉⲧⲁⲛⲟⲓⲁ ⲛⲁϥ ⲉⲓϫⲱ ⲙ̄ⲙⲟⲥ
ϫⲉ ⲕⲱ ⲛⲁⲓ ⲉ ⲃⲟⲗ ⲡⲁ ⲉⲓⲱⲧ ⲉⲧ ⲟⲩⲁⲁⲃ • ⲁⲣⲏⲩ
ⲛ̄ⲧⲁⲕⲛⲁⲩ ⲉⲩϭⲱ|ⲗⲡ̄ ⲉ ⲃⲟⲗ ⲉ ⲧⲃⲉ ⲛⲉⲓ ϣⲏⲣⲉ ϣⲙ̄ ⲛ̄
ⲣ︦ⲣ︦ⲟ • ⲛ̄ⲧⲟϥ ⲇⲉ ⲡⲉϫⲁϥ ⲛⲁⲓ ϫⲉ ⲡⲁ ϣⲏⲣⲉ ⲑⲉⲟⲇⲱⲣⲟⲥ •
ⲓⲛⲁⲩ ⲉ ⲣⲟⲟⲩ ⲙ̄ ⲡⲉⲥⲛⲁⲩ ⲛ̄ⲧⲁⲩⲧⲁⲁⲩ ⲉ ⲧⲟⲟⲧϥ̄ • ⲙ̄


### 0012

ⲡⲁⲣⲭⲱⲛ ⲥⲛⲁⲩ ⲛ̄ ⲧⲁⲩⲗⲏ ⲙ̄ ⲡⲣ︦ⲣ︦ⲟ ⲡⲉⲭ︦ⲥ̄ • ⲙⲓⲭⲁⲏⲗ •
ⲙⲛ̄ ⲅⲁⲃⲣⲓⲏⲗ • ⲧⲁⲣⲟⲩ ⲧⲁϫⲣⲟ ϩⲙ̄ ⲡⲡⲟⲗⲁⲓⲙⲟⲥ •
ⲁⲩⲧⲁⲙⲟⲓ ϫⲉ ⲁ ⲡⲉⲕⲗⲏⲣⲟⲥ ⲛ̄ ⲑⲉⲟⲇⲱⲣⲟⲥ ⲧⲱⲙⲛ︦ⲧ̄ ⲉ
ⲙⲓⲭⲁⲏⲗ • ⲁⲩⲱ ⲁⲩϯ ⲛ̄ ⲕⲗⲁⲩⲇⲓⲟⲥ ϩⲱⲱϥ ⲉ ⲧⲟⲟⲧϥ̄
ⲛ̄ ⲅⲁⲃⲣⲓⲏⲗ • ⲁⲩⲱ ϯⲡⲓⲥⲧⲉⲩⲉ ⲡⲁ ϣⲏⲣⲉ ⲑⲉⲟⲇⲱⲣⲟⲥ ϫⲉ
ⲥⲉⲛⲁⲙⲁⲕⲁⲣⲓⲍⲉ ⲙ̄ⲙⲟⲟⲩ ϩⲙ̄ ⲡⲉⲩⲙⲟⲩ ⲙⲛ̄ ⲡⲉⲩⲱⲛϩ̄ •
Ⲉⲓⲧⲁ ⲙⲛ︦ⲛ︦ⲥⲁ ⲛⲁⲓ | ⲁⲩⲉⲓ ⲉ ⲃⲟⲗ ϩⲛ̄ ⲧⲉⲕⲕⲗⲏⲥⲓⲁ • ⲙ̄
ⲡⲉϩⲟⲟⲩ ⲉⲧ ⲙ̄ⲙⲁⲩ ϩⲛ̄ ⲟⲩⲛⲟϭ ⲛ̄ ⲧⲁⲉⲓⲟ̄ • ⲙⲛ̄ ⲟⲩⲛⲟϭ
ⲉⲛ ⲉⲟⲟⲩ ⲙ̄ ⲡⲉⲥⲛⲁⲩ • ⲛ̄ϭⲓ ⲛⲉⲡⲉⲧ ⲟⲩⲁⲁⲃ ϣⲁ ϩⲣⲁⲓ̈
ⲛ̄ ϫⲟⲓ̈ ⲛ̄ⲧⲙⲛ︦ⲧ︦ⲉⲣⲟ • ⲁⲩⲥϩⲁⲓ̈ ⲛ̄ ⲛⲉⲩⲣⲁⲛ ⲉϫⲛ̄ ⲛⲉⲩⲗⲁⲃⲱ
ϩⲱⲥ ⲡⲟⲗⲏⲙⲁⲣⲭⲏⲥ ⲁⲩⲱ ⲛ̄ϣⲏⲣⲉ ⲛ̄ ⲣ︤ⲣ︥ⲟ • Ⲁⲛⲉⲩⲉⲓ̈ⲟⲧⲉ
ⲧⲁⲙⲓ̈ⲟ ⲛⲁⲩ ⲛ̄ ⲟⲩⲙⲁⲛⲓ̈ⲁⲕⲓⲥ ⲛ̄ ⲛⲟⲩⲃ • ⲉ ⲡⲟⲩⲁ̄ ⲁⲩⲱ
ⲁⲩϯ ⲛⲁⲩ ⲛ̄ ⲟⲩϣⲟ̄ • ¹ ⲛ̄ϩⲙ̄ϩⲁⲗ • ⲉ ⲡⲟⲩⲁ ⲉⲣⲉ ϩⲉⲛ‐
ⲕⲉⲛⲟⲡⲓ̈ⲟⲛ ⲛ̄ ⲣ︦ⲣ︦ⲟ ϩⲓ̈ ϫⲱⲟⲩ • ⲙ̄ ⲡⲉⲥⲛⲁⲩ • ⲉⲩⲉⲓ̈ⲛⲉ
ⲛ̄ⲛⲉⲩⲉⲣⲏⲩ • ϩⲙ̄ ⲡⲉⲓ̈ⲛⲉ ⲙⲛ̄ ⲧⲉⲭⲁⲣⲓ̈ⲥ • ⲙⲛ̄ ⲧⲙⲛ︦ⲧ︦‐
ⲥⲁⲃⲉ • ⲙⲛ̄ ⲧⲉⲡⲓⲥⲧⲏⲙⲉⲓ̈ • ⲉⲛⲉ ⲁⲩϯ ⲧⲱϣ ⲉ ϩⲱⲧⲣ̄ ⲛ̄
ⲧⲥⲱⲛⲉ ⲛ̄ ⲑⲉⲱ̄ⲇⲱⲣⲟⲥ • ⲙⲛ̄ ⲁⲡⲁ ⲕⲗⲁⲩϯⲟⲥ • ⲁⲩⲱ |
ⲑⲉⲱⲇⲱⲣⲟⲥ ⲡⲁⲛⲁⲧⲟⲗⲉⲩⲥ • ⲙⲛ̄ ⲧⲥⲱⲛⲉ ⲛ̄ ⲁⲡⲁ ⲕⲗⲁⲩ‐
ϯⲟⲥ • ⲧⲁⲣⲉ ⲡⲉⲓ̈ ⲅⲉⲛⲟⲥ ⲛ̄ ⲣ︤ⲣ︥ⲟ ⲧⲱⲙⲛ︤ⲧ︥ ⲉ ⲡⲉⲓ̈ ⲅⲉⲛⲟⲥ
ⲛ̄ ⲣ︦ⲣ︦ⲟ • ⲁⲩⲱ ⲡⲧⲁⲉⲓ̈ⲟ ϩⲓ̈ϫⲙ̄ ⲡⲧⲁⲉⲓ̈ⲟ̄ • ⲁⲩⲱ ⲙⲛ︦ⲧ︦ⲛⲟϭ •
ϩⲓ̈ϫⲙ̄ ⲙ̄ ⲙⲛ︤ⲧ︥ⲛⲟϭ • ⲉⲟⲟⲩ ϩⲓ̈ϫⲛ̄ ⲉⲟⲟⲩ • ⲁⲗⲗⲁ ϫⲓ̈ⲛ
ⲛ̄ⲧⲉⲩⲛⲟⲩ ⲛ̄ⲧⲁ ⲡⲁⲅⲅⲉⲗⲟⲥ ⲙ̄ ⲡϫⲟⲉⲓ̈ⲥ ϫⲱϩ ⲉ ⲣⲟⲟⲩ •
ⲁϥϥⲓ̈ ⲙ̄ ⲡϫⲱϩⲙ̄ ⲛ̄ⲥⲁ ⲃⲟⲗ ⲙ̄ⲙⲟⲟⲩ • ⲙⲛ̄ ⲧⲱⲗⲙ̄ ⲛⲓ̈ⲙ
ⲛ̄ⲧⲉ ⲡⲉⲓ̈ ⲕⲟⲥⲙⲟⲥ • ⲁⲩⲣ̄ ⲡⲱⲃϣ̄ ⲙ̄ ⲡⲅⲁⲙⲟⲥ • ⲙⲛ̄ ⲡϫⲓ̈
ⲥϩⲓ̈ⲙⲉ • ⲁⲩⲣ̄ ϩⲓⲥⲓ̈ ⲁⲅⲅⲉⲗⲟⲥ • Ϩⲱⲥ ⲇⲉ • ⲉϣϫⲉ ϩⲉⲛ‐
ⲥⲓ̈ⲟⲩⲣ ⲛⲉ • ⲉ ⲃⲟⲗ ϩⲓ̈ ⲧⲟⲟⲧⲟⲩ ⲛ︦ⲛ︦ⲣⲱⲙⲉ • ϫⲓ̈ⲛ ⲙ̄
ⲡⲉϩⲟⲟⲩ ⲉⲧ ⲙ̄ⲙⲁⲩ ⲙ̄ⲡⲉ ⲛⲉⲡⲉⲧ ⲟⲩⲁⲁⲃ ⲃⲱⲕ ⲉ ⲥⲓ̈ⲟⲟⲩⲛ
ⲉ ⲧⲣⲉ ⲩϫⲱⲕⲙ̄ ⲛ̄ϩⲏⲧⲥ̄ • ⲟⲩⲇⲉ ⲙ̄ⲡ ⲟⲩ|ⲕⲁⲁⲩ ⲕⲁ ϩⲏⲩ •
ⲉⲣⲉ ⲛ̄ ϩⲏⲕⲉ ⲙⲛ̄ ⲛⲉⲓⲭⲏⲣⲁ • ⲙⲛ̄ ⲛⲟⲣ̄ⲫⲁⲛⲟⲥ ⲡⲣⲟⲥ‐
ⲅⲁⲣⲧⲏⲣⲉⲓ̈ ⲉ ⲧⲉⲓ ϩⲓ̈ⲏ̄ ⲉⲧ ⲉⲣⲉ ⲛⲉⲡⲉⲧ ⲟⲩⲁⲁⲃ ⲛⲏⲩ
ⲛ̄ϩⲏⲧⲥ̄ • Ⲉⲩϫⲓ ⲙⲛ︦ⲧ︦ⲛⲁ̄ ⲉ ⲃⲟⲗ ϩⲓ ⲧⲟⲟⲧⲟⲩ ⲛ̄ ⲡⲉⲩϩⲙ̄‐
ⲟⲁⲗ • Ⲉⲣⲉ ⲛⲉⲩϫⲓ̈ⲥⲟⲟⲩⲉ ϯ ⲛⲁⲩ ⲉⲩϯ ⲛ̄ⲛⲉⲧ ϣⲁⲁⲧ ϩⲛ̄
ⲛⲉⲓ̈ ϩⲓ̈ⲟⲟⲩⲉ • ⲛⲉⲣⲉ ⲛⲉⲩⲁⲛⲛⲱⲛⲛⲁ ⲉⲓⲣⲉ ⲉⲛ ⲟⲩϣⲟ ⲛ̄ⲛⲟ‐


### 0013

ⲙⲓⲥⲙⲁ̄ ⲉ ⲡⲟⲩⲁ̄ ϩⲙ̄ ⲡⲁⲗⲗⲁϯⲟⲛ ⲙ̄ ⲡⲣ︦ⲣ︦ⲟ • ⲙ̄ⲡⲉ
ⲛⲉⲡⲉⲧ ⲟⲩⲁⲁⲃ ⲉⲡⲉⲓⲑⲩⲙⲉⲓ̈ ⲉⲩⲁⲣⲓⲥⲧⲱⲛ ⲉⲛⲉϩ • Ⲉⲣⲉ
ϩⲉⲛⲙⲟⲩⲙⲕⲟⲩⲙ̄¹ ⲙⲛ̄ ϩⲉⲛⲥⲏϥⲉ ⲛ̄ϫⲱ ⲛ̄ϩⲏⲧϥ̄ • ⲙ̄ⲡ
ⲟⲩⲙⲉⲣⲉ ⲟⲩⲙⲁ ⲛ̄ ⲑⲉ︦ⲱ︦ⲣⲉⲓ̈ ⲉⲛⲉϩ • ⲙ̄ⲡ ⲟⲩⲙⲏⲣⲉ ⲙⲁ ⲛ̄
ϫⲱ | ⲛ̄ⲟⲣⲅⲁⲛⲟⲛ ⲉⲛⲉϩ • Ⲙ̄ⲡ ⲟⲩⲉⲡⲓ̈ⲑⲏⲙⲉⲓ̈ ⲉⲩⲡⲁⲗⲗⲁⲕⲏ
ⲉⲛⲉϩ • Ⲟⲩⲇⲉ ⲙ̄ⲡ ⲟⲩϭⲱϣⲧ̄ ⲉⲛⲥⲱⲟⲩ ⲉ ⲡⲧⲏⲣϥ̄ • ϩⲱⲥ
ϣⲏⲣⲉ ⲛ̄ ⲣ︤ⲣ︥ⲟ • ⲙ̄ⲡ ⲟⲩⲉⲡⲓⲑⲩⲙⲉⲓ̈ ⲉ ⲡϣⲟⲩϣⲟⲩ ⲛ̄ⲧⲉ ⲡⲉⲓ̈
ⲕⲟⲥⲙⲟⲥ ⲉⲛⲉϩ • Ⲁⲗⲗⲁ ⲉⲩϣⲟⲟⲡ ϩⲛ̄ ⲟⲩⲕⲁⲧⲁⲥⲧⲁⲥⲓ̈ⲥ
ⲙⲛ̄ ϩⲉⲛⲯⲁⲗⲙⲟⲥ ⲙⲛ̄ ϩⲉⲛϣⲗⲏⲗ ϩⲛ̄ ϩⲉⲛⲟⲩϣⲏ ⲛ̄
ⲣ̄ⲟⲉⲓ̈ⲥ • ⲉⲩϣⲁⲛⲉⲡⲉⲑⲩⲙⲉⲓ̈ ⲉ ϩⲉⲛϩⲃⲏ︦ⲩ︦ⲉ︦ ⲛⲧⲉ ⲡⲟⲗⲉⲙⲟⲥ
ϣⲁⲩϫⲓ ⲙ̄ ⲡϫⲱⲱⲙⲉ ⲛ̄ ⲁⲗⲉⲝⲁⲛⲇⲣⲟⲥ ⲛ̄ⲥⲉⲱϣ ⲛ̄ϩⲏⲧϥ̄
ⲉⲩⲥⲟⲗⲥⲗ̄ ⲛⲁⲩ • ⲛⲉⲓ̈ ⲡⲉⲧ ⲟⲩⲁⲁⲃ ⲇⲉ ⲁⲩⲣ̄ ⲙⲛ̄ⲧⲏ
ⲛ̄ⲣⲟⲙⲡⲉ ϩⲙ̄ ⲡϣⲟⲩϣⲟⲩ ⲛ̄ⲧⲙⲛ︦ⲧ︦ⲉⲣⲟ • ϩⲛ̄ ⲧⲉⲩⲙⲛ︦ⲧ︦‐
ⲕⲟⲩⲓ̈ ⲉⲛⲉⲣⲉ ⲛⲁ ⲧⲧⲁⲝⲓ̈ⲥ | ⲧⲏⲣⲟⲩ ⲙⲉ ⲙ̄ⲙⲟⲟⲩ ⲛ̄ⲑⲉ
ⲉⲛ ⲟⲩⲁⲅⲅⲉⲗⲟⲥ ⲛ̄ⲧⲉ ⲡⲛⲟⲩⲧⲉ • ⲉ ⲧⲃⲉ ⲧⲉⲩⲁⲛⲁⲥⲧⲣⲁⲫⲏ
ⲉⲧ ⲛⲁⲛⲟⲩⲥ • ⲙⲛ̄ ⲡⲉⲩⲃⲓ̈ⲟⲥ ⲛ̄ ⲥⲩⲙⲛⲟⲛ • ϩⲱⲥ ⲇⲉ ⲛ̄ⲧⲉ
ⲙ̄ⲡⲉⲣⲥⲟⲥ ⲥⲱⲧⲙ̄ ⲉ ⲡⲉⲩⲣⲁⲛ ⲛ̄ⲥⲉⲣ̄ ϣⲡⲏⲣⲉ ⲙ̄ⲙⲟⲟⲩ •
Ϩⲣⲁⲓ̈ ⲇⲉ ϩⲛ̄ ⲛⲉϩⲟⲟⲩ ⲉⲧ ⲙ̄ⲙⲁⲩ • ⲁⲩⲡⲟⲗⲩⲙⲟⲥ ϣⲱⲡⲉ
ϩⲛ̄ ⲧⲙⲏⲏⲧⲉ ⲛ̄ ⲙ̄ⲡⲉⲣⲥⲟⲥ • ⲙⲛ̄ ⲛⲉϩⲣⲱⲙⲁⲓ̈ⲟⲥ • ⲉ ⲧⲃⲉ
ϩⲉⲛⲉϫⲏⲩ • ⲛ̄ⲧⲁⲩϣⲟⲗⲟⲩ ϩⲛ̄ ⲧⲉϩⲓ̈ⲏ̄ • ⲗⲟⲓ̈ⲡⲟⲛ ⲁⲩⲛⲟϭ
ⲛ̄ ⲧⲓ̈ ⲧⲱⲛ ϣⲱⲡⲉ ϩⲛ̄ ⲧⲉⲩⲙⲏⲏⲧⲉ • ⲥⲭⲉⲇⲱⲛ ⲇⲉ ⲛ̄ⲧⲉ
ϩⲁϩ ⲛ̄ⲣⲱⲙⲉ ⲙⲟⲩ ϩⲙ̄ ⲡⲡⲟⲗⲩⲙⲟⲥ ⲉⲧ ⲙ̄ⲙⲁⲩ • ⲁ ⲡⲣ︦ⲣ︦ⲟ
ⲛ̄ ⲛⲉϩⲣⲱⲙⲁⲓ̈ⲟⲥ ϫⲟⲟⲩ • ⲙ̄ⲡⲉϥ|ⲧⲣⲁⲧⲉⲩⲙⲁ ⲙ̄ⲙⲁⲧⲟⲓ̈ •
ⲙⲛ̄ ⲡⲉϥϣⲏⲣⲉ • ⲙ̄ⲙⲓ̈ⲛ ⲙ̄ⲙⲟϥ • ⲙⲛ̄ ⲡⲉϥⲙⲏⲏϣⲉ ⲡⲡⲟ‐
ⲗⲩⲙⲟⲥ • ⲛⲉⲣⲉ ⲥⲱⲧⲏⲣⲓ̈ⲭⲟⲥ ϩⲙ̄ ⲡⲡⲁⲗⲗⲁⲧⲓ̈ⲟⲛ ⲙⲛ̄
ⲡⲉϥϣⲏⲣⲉ ⲑⲉⲱⲇⲱⲣⲟⲥ • ϫⲉ ⲛⲉⲩⲱ̄ ⲛ̄ϩⲟⲧ ⲉ ⲡⲉⲑⲣⲟⲛⲟⲥ
ⲛ̄ⲛⲉⲣ︦ⲣ︦ⲱⲟⲩ • ⲉⲓ̈ⲧⲁ ⲙⲛ︦ⲛ︦ⲥⲁ ⲛⲁⲓ̈ ⲁ ⲡⲟⲗⲩⲙⲟⲥ ⲥⲛⲁⲩ
ⲧⲱⲙⲛ︦ⲧ︦ ⲉⲛⲉⲩⲉⲣⲏⲩ ϩⲓ̈ϫⲙ̄ ⲡⲉⲓ̈ⲉⲣⲟ • ⲛ̄ⲧⲁⲛⲟⲃⲓ̈ⲥ • ⲁ ⲡⲣ︦ⲣ︦ⲟ •
ⲛ̄ⲛⲉϩⲣⲱⲙⲁⲓ̈ⲟⲥ ϫⲟⲟⲥ ⲙ̄ ⲡⲉϥⲙⲏⲏϣⲉ • ϫⲉ ⲛⲧⲟⲥ ⲛⲓ̈ⲙ
ⲉⲧⲉ ⲧⲛ̄ϣⲁⲛϥⲓ̈ⲧⲟⲩ ϩⲛ̄ ⲛ̄ϣⲟⲗⲉⲥ ⲛ̄ ⲙ̄ⲡⲉⲣⲥⲟⲥ • ⲉⲧⲉⲧⲛ︦ⲟ︦
ⲛ̄ ϫⲟⲉⲓ̈ⲥ ⲉ ⲣⲟⲟⲩ • ϩⲱⲙⲁⲓ̈ⲟⲥ (sic) ⲟⲛ ⲡⲣ︦ⲣ︦ⲟ ⲛ̄ ⲙ̄|ⲡⲉⲣⲥⲟⲥ
ⲕⲁⲧⲁ ⲧⲉⲓ̈ ϩⲉ • ⲗⲟⲓ̈ⲡⲟⲛ ⲁⲩⲧⲱⲙⲛ︤ⲧ︥ ⲉⲛⲉⲩⲉⲣⲏⲩ ϩⲛ̄
ⲟⲩⲙⲉ ⲉϥⲟⲩⲟϣⲥ̄ ⲉ ⲃⲟⲗ ⲉⲙⲁⲧⲉ • ⲁⲩⲣ̄ ϩⲙⲉ ⲛ̄ϩⲟⲟⲩ


### 0014

ⲉⲩⲥⲕⲉⲡⲧⲉ ⲙⲛ̄ ⲛⲉⲩⲉⲣⲏⲩ ϩⲓ̈ϫⲛ̄ ⲡⲉⲓ̈ⲉⲣⲟ̄ • ⲛ̄ⲧⲁⲛⲟⲩⲃⲓ̈ⲥ •
ⲉⲩϯϩⲣⲉ ⲛ̄ ⲛⲉⲩⲧⲃ̄ⲛⲟⲟⲩⲉ ⲙ̄ⲡⲁⲧ ⲟⲩⲙⲓ̈ϣⲉ ⲁⲩⲥⲙⲓ̈ⲛⲉ
ⲙ̄ ⲡⲉⲩⲕⲣⲟϥ • ⲉ ⲧⲃⲉ ⲑⲉ ⲛⲉⲣ ⲡⲟⲗⲩⲙⲟⲥ • Ⲁ ⲡⲇⲓ̈ⲁ‐
ⲃⲟⲗⲟⲥ ⲇⲉ ⲡⲙⲟⲥⲧⲉ ⲡⲉⲧ ⲛⲁⲛⲟⲩϥ ⲛⲓⲙ • ⲛ̄ ⲧⲉⲣⲉ ϥⲛⲁⲩ
ϫⲉ ⲙ̄ⲡ ⲟⲩⲙⲓ̈ϣⲉ ⲙⲛ̄ ⲛⲉⲩⲉⲣⲏⲩ • ⲁϥⲃⲱⲕ ⲉ ϩⲟⲩⲛ ⲙ̄‐
ⲡⲉⲣⲥⲟⲥ • ⲙ̄ ⲡⲉⲥⲙⲟⲧ ⲛ̄ ⲟⲩϥⲁⲓ̈ϣⲓ̈ⲛⲉ • ⲛ̄ⲧⲉ ⲛⲉϩⲣⲱⲙⲁⲓ̈ⲟⲥ •
ⲁϥⲕⲁⲧⲏⲕⲟⲣⲉⲓ̈ ⲙ̄ ⲡⲣ︦ⲣ︦ⲟ • ⲙⲛ̄ ⲡⲉϥⲙⲏⲏϣⲉ • Ⲉϥϫⲱ
ⲙ̄ⲙⲟⲥ ϫⲉ ⲉⲧⲉⲧⲛ̄ϩⲙⲟⲟⲥ ⲉⲧⲉⲧⲛ︦ⲣ︦ ⲟⲩ • ⲉ ⲧⲙ̄ ⲙⲓ̈ϣⲉ ⲙⲛ̄
ⲛⲉ|ⲧⲛ̄ⲉⲣⲏⲩ • ⲉⲣⲉ ⲛⲉϩⲣⲱⲙⲁⲓ̈ⲟⲥ • ⲥⲱϣ ⲙ̄ⲙⲱⲧⲛ̄ • ⲙⲛ̄
ⲡⲉⲧⲛ̄ⲙⲏⲏϣⲉ • ⲉⲩⲙⲟⲩⲧⲉ ⲉⲣⲱⲧⲛ̄ ϫⲉ ⲡϩⲉⲑⲛⲟⲥ • ⲛ̄ⲁⲧ
ⲛⲟⲩⲧⲉ • ⲉⲩⲥⲱϣ ⲛ̄ ⲛⲉⲧⲛ̄ⲛⲟⲩⲧⲉ • ⲡⲣⲏ ⲙⲛ̄ ⲡⲟⲟϩ • ϫⲉ
ϩⲉⲛⲛⲟⲩⲧⲉ ⲁⲛ ⲛⲉ • ⲉⲩϯ ⲧⲱϣ ⲉ ϣⲱϥ ⲛ̄ⲧⲛ̄ⲡⲟⲗⲓ̈ⲥ •
ⲉ ⲣⲱⲕϩ̄ ⲙ̄ⲙⲟⲟⲩ • ⲉⲁⲁ︦ⲩ︦ ⲛ ϫⲁⲓ̈ⲉ̄ • ⲁⲩⲱ ⲛ̄ⲥⲉϣⲟⲣϣⲉⲣ
ⲛ̄ ⲛⲉⲧⲛ︦ⲣ︦ⲡⲉ̄ • ⲛⲥⲉⲁ̄ⲙⲁϩⲧⲉ ⲙ̄ ⲡⲉⲧⲛ︦ⲣ︦ⲣ︦ⲟ • ⲛ̄ⲥⲉ ⲁⲁϥ ⲛ̄
ϩⲙ̄ϩⲁⲗ ϩⲁ ⲣⲁⲧⲟⲩ • Ⲁⲛⲟⲕ ϯⲥⲟⲟⲩⲛ ⲙ̄ⲙⲟⲟⲩ • ϫⲉ
ϩⲉⲡⲣⲱⲙⲉ • ⲛ̄ⲁⲧ ϩⲙⲟⲧ ⲛⲉ • ⲉⲓ̈ⲥ ⲛⲉ ⲛ̄ⲧⲁⲓ̈ⲥⲱⲧⲙ̄ ⲉ ⲣⲟⲟⲩ
ⲁⲓ̈ϫⲟⲟⲩ ⲉⲣⲱⲧⲛ̄ • ⲁⲩⲱ ⲉⲧⲉⲧⲛ̄ϣⲁⲛⲁⲛⲓ̈ⲭⲉ • ⲙ̄ⲙⲟⲟⲩ •
ⲉ ⲧⲙ̄ ⲙⲟⲟⲩⲧⲟⲩ • ⲥⲉⲛⲁⲧⲱⲟⲩⲛ ⲛ̄ϩⲏⲧⲟⲩ ⲛ̄ϭⲓ | ϩⲉⲛⲣⲱⲙⲉ
ⲛ̄ϫⲱⲱⲣⲉ • ⲛ̄ⲥⲉⲑⲗⲓ̈ⲃⲉ ⲙ̄ⲙⲱⲧⲛ̄ • ⲉ ⲡⲉϩⲟⲩⲟ̄ • ⲉⲓ̈ⲥ ⲟⲩ‐
ⲅⲉⲛⲓ̈ⲁ • ⲁⲥⲉⲓ̈ ⲉ ϩⲣⲁⲓ̈ ⲛ̄ϩⲏⲧⲟⲩ ⲉϣⲁⲥϫⲣⲟ ⲉ ⲡⲉϩⲟⲩⲟ ⲉ
ⲡⲉϩⲟⲩⲟ (sic) ϩⲙ̄ ⲡⲡⲟⲗⲩⲙⲟⲥ • ⲉⲓ̈ⲛⲁϫⲱ ⲉⲣⲱⲧⲛ̄ ⲛ̄ⲛⲉⲩ‐
ⲣⲁⲛ • ⲡⲛⲟϭ ⲉⲧ ⲛ̄ϩⲏⲧⲟⲩ ⲡⲉ ⲑⲉⲱⲇⲱⲣⲟⲥ ⲡⲁⲛⲁⲧⲟⲗⲉⲩⲥ
ⲟⲩϩⲣⲟⲟⲩ ⲙ̄ⲙⲟⲩⲓ̈ ⲡⲉ • ⲡϣⲁϫⲉ ⲛ̄ ⲧⲉϥⲧⲁⲡⲣⲟ • ⲟⲩⲕⲱϩⲧ̄
ⲉϥⲙⲟⲩϩ ⲡⲉ ⲧⲉϥⲥⲏϥⲉ • ⲉϥⲙⲓ̈ϣⲉ ⲛ̄ϩⲏⲧⲥ̄ ϩⲱ ⲉⲣⲱⲧⲛ̄
ⲉ ⲡⲉⲧ ⲙ̄ⲙⲁⲩ • ⲉϥϣⲁⲛⲣ̄ ⲛⲟϭ • ⲉ ϣⲁϥⲑⲗⲓ̈ⲃⲉ ⲙ̄ⲙⲱⲧⲛ̄
ⲉ ⲡⲉϩⲟⲩⲟ • ⲕⲉ ⲟⲩⲁ ϫⲉ ⲕⲗⲁⲩϯⲟⲥ ⲟⲩϫⲱⲱⲣⲉ ⲡⲉ ⲉ ⲡⲉ‐
ϩⲟⲩⲟ • ⲉϥϣⲁⲛⲣ̄ ⲛⲟϭ • ϣⲁϥⲑⲗⲓ̈ⲃⲉ ⲙ̄ⲙⲱⲧⲛ̄ ⲉ ⲡⲉϩⲟⲩⲟ •
ⲕⲉ | ⲟⲩⲁ̄ ϫⲉ ⲟⲩⲥⲧⲟⲥ ⲙⲛ̄ ⲥⲧⲉⲫⲁⲛⲟⲥ ⲙⲛ̄ ⲇⲓ̈ⲟⲥⲕⲟⲣⲟⲥ •
ⲙⲛ̄ ⲟⲩⲣⲙ̄ ⲛ̄ ⲕⲏⲙⲉ ϫⲉ ⲑⲉⲱⲇⲱⲣⲟⲥ • ⲡⲉⲥⲧⲣⲁⲧⲏⲗⲁ‐
ⲧⲏⲥ • ⲙⲛ̄ ⲕⲉ ⲟⲩⲁ̄ ϫⲉ ⲁⲡⲁ ⲡⲁⲧⲏⲣ • ⲟⲩϫⲱⲱⲣⲉ ⲡⲉ
ⲉ ⲡⲉϩⲟⲩⲟ • ⲙⲛ̄ ⲕⲉ ⲟⲩⲁ̄ ϫⲉ ⲉⲩϩⲓ̈ⲟⲥ • ⲙⲛ̄ ⲛⲉⲧ ⲙⲛ︤ⲛ︥‐
ⲥⲱⲟⲩ • Ⲧⲉⲛⲟⲩ ϭⲉ • ⲧⲱⲕ ⲙ̄ⲙⲱⲧⲛ̄ • ⲉ ⲛⲓ̈ ⲣⲱⲙⲉ •
ⲛ̄ϫⲱⲱⲣⲉ • ⲛ̄ⲧ ⲁⲓ̈ϫⲟⲟⲥ ⲛⲏⲧⲛ̄ ⲉ ⲧⲃⲏⲏⲧⲟⲩ • Ⲁⲩⲱ ϩⲛ̄
ⲛⲉⲓ̈ ϣⲁϫⲉ ⲧⲏⲣⲟⲩ • ⲛ̄ⲧ ⲁⲓ̈ϫⲟⲟⲩ ⲛⲏⲧⲛ̄ ⲉ ⲧⲃⲏⲏⲧⲟⲩ •


### 0015

ⲁⲩⲱ ϩⲛ̄ ⲛⲉϣⲁϫⲉ ⲧⲏⲣⲟⲩ • ⲛ̄ⲕⲁⲧⲏⲕⲟⲣⲉⲓ̈ • ⲛ̄ⲧⲁϥϫⲟⲟⲩ
ⲛ̄ ⲙ̄ⲡⲉⲣⲥⲟⲥ • ⲁϥϩⲟⲡϥ̄ ⲉ ⲣⲟⲟⲩ • ⲁⲩⲱ ⲁϥϣⲃ̄ⲃⲧ̄ ⲡⲉϥ‐
ⲥⲙⲟⲧ • ⲁϥⲉⲓ̈ | ϣⲁ ⲛⲉⲓ̈ ⲕⲟⲟⲩⲉ • ⲁϥϫⲓ̈ ⲙ̄ ⲡⲉⲥⲙⲟⲧ ⲛ̄
ⲟⲩϥⲁⲓ̈ϣⲓ̈ⲛⲉ • ⲛ̄ⲧ ⲛ̄ⲡⲏⲣⲥⲟⲥ (sic) • ⲁϥⲧⲁⲕⲉ ⲡϩⲏⲧ ⲛ̄ ⲛⲉⲓ̈
ⲕⲟⲟⲩⲉ • ϫⲉ ⲛⲁⲓ̈ ⲛⲉⲧ ⲉⲣⲉ ⲙ̄ⲡⲉⲣⲥⲟⲥ ϫⲱ ⲙ̄ⲙⲟⲟⲩ • ϫⲉ
ⲧⲛ̄ⲛⲁⲕⲟⲧⲛ̄ ⲉ ⲡⲁϩⲟⲩ ⲁⲛ • ϣⲁⲛⲧ ⲛ̄ϣⲱⲗ ⲛ̄ ⲧⲉϩⲣⲱⲙⲁⲛⲓ̈ⲁ
ⲧⲏⲣⲥ̄ • ⲛ̄ⲧⲛ︤ϫⲓ̈ ⲙ̄ ⲡⲉⲥⲣ︦ⲣ︦ⲟ • ⲉ ⲧⲛ̄ⲭⲱⲣⲁ ⲉⲁⲥⲙⲟⲛⲧ̄ ⲉ
ⲡⲉϥⲕⲗⲁⲗ ⲛ̄ⲑⲉ ⲛ̄ⲟⲩⲟⲩϩⲟⲟⲣ • ⲛ̄ⲧⲛ︤ⲣ︥ ⲛⲉϥϣⲏⲣⲉ ϩⲙ̄ϩⲁⲗ •
ⲉ ⲧⲛ̄ⲉⲣⲅⲁⲥⲓⲁ ⲛ̄ⲑⲉ ⲛ̄ ⲛⲁ ⲧⲃⲁⲃⲩⲗⲱⲛ • ⲛ̄ ⲧⲉⲣⲉ ϥϫⲉ
ⲛⲁⲓ̈ ⲇⲉ ⲛ̄ ⲛⲉⲓ̈ ⲕⲟⲟⲩⲉ • ⲁϥϩⲟⲡϥ̄ ⲉ ⲣⲟⲟⲩ • ⲁⲩⲱ ⲁϥϩ‐
ⲙⲟⲟⲥ ϩⲛ̄ ⲧⲙⲏⲏⲧⲉ ⲙ̄ ⲡⲙ̄ⲗⲁϩ ⲥⲛⲁⲩ ⲡⲁ ⲙ̄ⲡⲉⲣⲥⲟⲥ •
ⲙⲛ̄ | ⲡⲁ ⲛⲉⲓ̈ ϩⲣⲱⲙⲁⲓ̈ⲟⲥ • ⲁϥⲛⲉϫ ϯⲧⲱⲛ ϩⲓ̈ ⲙⲛ︤ⲧ︥ϫⲁϫⲉ
ⲉ ⲧⲉⲩⲙⲏⲏⲧⲉ ⲙⲛ̄ ⲛⲉⲩⲉⲣⲏⲩ • Ⲡϣⲟⲣⲡ̄ ⲛ̄ⲥⲟⲡ ⲛ̄ⲧⲁⲩ‐
ⲙⲓ̈ϣⲉ ⲙⲛ̄ ⲛⲉⲩⲉⲣⲏⲩ • ⲁⲩⲙⲟⲩⲟⲩⲧ ⲙ̄ ⲙⲏⲧ ⲛ̄ϣⲟ
ⲛ̄ⲣⲱⲙⲉ • Ⲡⲙⲉϩ ⲥⲛⲁⲩ ⲛ̄ϩⲟⲟⲩ ⲛ̄ⲧⲁⲩⲙⲓ̈ϣⲉ ⲁⲩⲙⲟⲩⲟⲩⲧ
ⲛ̄ ϫⲟⲩⲧⲟⲩⲉ ⲛ̄ϣⲟ̄ ⲛ̄ⲣⲱⲙⲉ • ϩⲛ̄ ⲧϣⲟⲣⲡ̄ ⲛ̄ⲣⲁϩⲧⲥ̄ ⲛ̄ⲧⲁⲥ‐
ϣⲱⲡⲉ • ⲁ ⲡⲉϩⲣⲱⲙⲁⲓ̈ⲟⲥ • ⲁⲙⲁϩⲧⲉ ⲙ̄ ⲡϣⲏⲣⲉ ⲙ̄
ⲡⲣ︦ⲣ︦ⲟ ⲛ̄ ⲙ̄ⲡⲣ̄ⲥⲟⲥ • ϩⲓ̈ϫⲛ̄ ⲡⲉϥϩⲁⲣⲙⲁ • Ⲁⲩⲱ ϩⲙ̄ ⲡⲙⲉϩ
ϣⲟⲙⲛ︦ⲧ︦ ⲛ̄ϩⲟⲟⲩ ⲁⲩϥⲓ̈ ⲙ̄ ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ̄ ⲙ̄ⲡⲉⲣⲥⲟⲥ
ⲁⲩⲡⲱⲧ • Ⲁⲩⲱ ⲁ ⲡⲙⲏⲏϣⲉ ⲧⲏⲣϥ̄ ϫⲱⲱⲣⲉ ⲉ ⲃⲟⲗ ϩⲓⲧⲛ̄
ⲧⲣⲁϩⲧⲥ̄ | ⲛ̄ⲧⲁⲥϣⲱⲡⲉ • ⲙⲛ̄ ⲧⲁϣⲉ ⲛ̄ ⲥⲛⲟϥ • ⲛ̄ⲧⲁⲩ‐
ⲡⲁϩⲧⲟⲩ ⲉ ⲃⲟⲗ ⲙⲛ̄ ⲛ̄ⲥⲱⲙⲁ • ⲉⲧ ⲛⲏϫ ⲉ ⲃⲟⲗ ⲉⲧ
ⲙⲟⲟⲩⲧ • ⲉⲧⲗⲟⲙⲥ̄ • Ⲁⲩⲱ ⲁ ⲛⲉϩⲣⲱⲙⲁⲓ̈ⲟⲥ ⲱϣ ⲉⲃⲟⲗ •
ϫⲉ ⲁⲛϥⲓ ⲙ̄ ⲡϣⲏⲣⲉ ⲙ̄ ⲡⲣ︤ⲣ︥ⲟ ⲛ̄ ⲙ̄ⲡⲉⲣⲥⲟⲥ • ⲁⲩⲱ
ⲛⲉ ⲟⲩⲣⲁϣⲉ ⲉⲙⲁⲧⲉ • ⲁⲩⲉⲓ̈ ⲉϫⲙ̄ ⲡⲉⲓ̈ⲉⲣⲟ̄ ⲛ̄ⲧⲁⲛⲟⲃⲓ̈ⲥ •
ⲉⲩⲛⲁϫⲱⲕⲙ̄ ⲛ̄ϭⲓ ⲛⲉϩⲣⲱⲙⲁⲓ̈ⲟⲥ ⲉ ⲧⲃⲉ ⲡϩⲓ̈ⲥⲉ ⲙⲛ̄ ⲡⲉⲥ‐
ⲛⲟϥ ⲛ̄ⲛⲉ ⲛ̄ⲧⲁⲩⲙⲟⲟⲩⲧⲟⲩ • Ⲁⲩⲱ ⲛ̄ ⲧⲉⲣⲉ ⲙ̄ⲡⲉⲣⲥⲟⲥ
ϣⲓ̈ⲛⲉ ⲛ̄ⲥⲁ ⲡϣⲏⲣⲉ ⲙ̄ ⲡⲉⲩⲣ︤ⲣ︥ⲟ • ⲙ̄ⲡ ⲟⲩϩⲉ ⲉ ⲣⲟϥ ϩⲓ̈ϫⲛ̄
ⲡⲉϥϩⲁⲣⲙⲁ • ⲁⲩϣⲧⲟⲣⲧⲣ̄ ⲉⲙⲁⲧⲉ • ⲡⲉϫⲁⲩ ϫⲉ ⲛ︦ⲛ︦ ⲁϣ
ⲛ̄ ϩⲉ | ⲛ̄ⲛⲁⲁⲡⲟⲗⲟⲅⲓ̈ⲍⲉ ⲙ̄ ⲡⲉϥⲉⲓ̈ⲱⲧ • ϩⲁⲣⲟϥ ϫⲉ ⲁⲩ‐
ϥⲓ̈ⲧϥ̄ • Ⲉϣϫⲉ ϩⲁⲡⲥ̄ ⲡⲉ ⲉ ⲧⲣⲉ ⲛ̄ ⲙⲟⲩϩ ⲛ̄ ⲛ̄ϭⲓϫ ⲙ̄
ⲡⲉϥⲉⲓ̈ⲱⲧ • ⲙⲁⲣⲉⲛⲡⲱⲧ ⲛ̄ⲥⲁ ⲛⲉϩⲣⲱⲙⲁⲓ̈ⲟⲥ • ⲛ̄ⲧⲛ̄ϥⲓ̈
ⲙ̄ ⲡϣⲏⲣⲉ ⲙ̄ ⲡⲛ︤ⲣ︦ⲣ︥ⲟ ⲛ̄ ⲧⲟⲟⲧⲟⲩ ⲙ̄ⲡⲁⲧ ⲛ̄ⲃⲱⲕ ⲉ ⲧⲛ̄‐
ⲭⲁⲣⲁ (sic) Ⲁⲩⲱ ⲛ̄ⲧⲉⲩⲛⲟⲩ ⲁⲩⲡⲱⲧ ⲛ̄ⲥⲁ ⲛⲉϩⲣⲱⲙⲁⲓ̈ⲟⲥ


### 0016

ⲁⲩⲧⲁϩⲟⲟⲩ ϩⲓϫⲙ̄ ⲡⲉⲓ̈ⲉⲣⲟ̄ ⲛ̄ⲧⲁⲛⲟⲃⲓ̈ⲥ • ⲉⲩⲱϣ ⲉϫⲓ̈ⲟⲟⲣ
ⲛⲥⲉⲃⲱⲕ • ⲉ ⲧⲉⲩⲭⲱⲣⲁ • Ⲁⲩⲱ ⲁⲙⲡⲉⲣⲥⲟⲥ ⲧⲁϩⲉ
ⲡϩⲁⲣⲙⲁ • ⲉⲧ ⲉⲣⲉ ⲕⲗⲁⲩϯⲟⲥ ⲧⲁⲗⲏⲩ ⲉ ⲣⲟϥ • ϩⲓ̈ ⲃⲟⲗ
ⲙ̄ ⲡⲙⲏⲏϣⲉ Ⲉⲣⲉ ⲙ̄ⲡⲣ︤ⲥⲟⲥ ⲙⲉⲉⲩⲉ ϫⲉ ⲡϣⲏⲣⲉ | ⲙ̄
ⲡⲉⲩⲣ︦ⲣ︦ⲟ ⲡⲉ • ⲁⲩⲱ ⲁⲩⲙⲓ̈ϣⲉ ⲙⲛ̄ ⲛⲉⲩⲉⲣⲏⲩ ⲛ̄ⲕⲉ ⲥⲟⲡ •
ⲁⲩⲙⲟⲩⲟⲩⲧ ⲛ̄ ϯⲟⲩ ⲛ̄ϣⲟ ⲛ̄ⲣⲱⲙⲉ • ϩⲙ̄ ⲡⲉⲩⲙⲏⲏϣⲉ •
ⲁⲩⲱ ⲁⲩϫⲣⲟ ⲉ ⲛⲉϩⲣⲱⲙⲁⲓ̈ⲟⲥ • ⲁⲩϥⲓ̈ ⲛ̄ ⲕⲗⲁⲩϯⲟⲥ
ⲁⲩⲡⲱⲧ ⲉ ⲧⲉⲩⲭⲱⲣⲁ • ⲛⲉⲣⲉ ⲛⲉϩⲣⲱⲙⲁⲓ̈ⲟⲥ ⲗⲩⲡⲉⲓ̈ •
ϫⲉ ⲁϥϥⲓ̈ ⲙ̄ ⲡϣⲏⲣⲉ ⲙ̄ ⲡⲉⲩⲣ︤ⲣ︥ⲟ • ⲉⲣⲉ ⲙ̄ⲡⲉⲣⲥⲟⲥ ϩⲱⲟⲩ
ⲗⲩⲡⲉⲓ̈ • ϫⲉ ⲁⲩϥⲓ̈ ⲙ̄ ⲡϣⲏⲣⲉ ⲙ̄ ⲡⲉⲩⲣ︦ⲣ︦ⲟ • ⲗⲟⲓ̈ⲡⲟⲛ
ⲁⲩϫⲓ̈ ⲛ̄ ⲕⲗⲁⲩϯⲟⲥ ⲉ ⲧⲉⲭⲱⲣⲁ ⲛ̄ ⲙ̄ⲡⲉⲣⲥⲟⲥ • ⲁⲩⲧⲁϩⲟϥ
ⲉ ⲣⲁⲧϥ̄ ⲙ̄ ⲡⲉⲩⲣ︦ⲣ︦ⲟ • ⲡⲉϫⲁⲩ ⲛⲁϥ ϫⲉ ⲡⲉⲛϫⲥ̄ ⲁⲩϥⲓ̈
ⲛ̄ⲕⲣⲁⲧⲱⲣ ⲡⲉⲕϣⲏⲣⲉ ⲛ̄ϫⲓ ⲛⲉⲕϫⲁϫⲉ • ⲁⲗⲗⲁ ⲉⲓ̈ⲥ ⲡϣⲏⲣⲉ
ⲙ̄ ⲡⲉⲩⲣ︦ⲣ︦ⲟ • ⲁⲛⲉⲛⲧϥ̄ ⲛⲁⲕ • Ⲛ̄ ⲧⲉⲣⲉ ⲡⲣ︦ⲣ︦ⲟ ⲇⲉ ⲛⲁⲩ
ⲉ ⲕⲗⲁⲩϯⲟⲥ • ⲡⲉϫⲁϥ ⲛⲁϥ ϫⲉ ⲛ̄ⲧⲟⲕ ⲡⲉ ⲡϣⲏⲣⲉ ⲙ
ⲡⲣ̄|ⲣ̄ⲟ ⲛ̄ ⲛⲉϩⲣⲱⲙⲁⲓ̈ⲟⲥ • Ⲛⲉ ⲁ ⲡⲣ︦ⲣ︦ⲟ ⲣ̄ ϣⲡⲏⲣⲉ ⲙ̄ⲙⲟϥ
ⲉ ⲧⲃⲉ ⲡⲉϥⲥⲁ ⲙⲛ̄ ⲧⲉϥⲙⲛ︦ⲧ︦ⲥⲁⲃⲉ • ⲙⲛ̄ ⲧⲉϥⲙⲛ︦ⲧ︦ⲥⲡⲁⲑⲁ‐
ⲣ[ⲓ]ⲟⲥ ⲉⲛⲉϥⲫⲱⲣⲉⲓ̈ ⲛ̄ ⲧⲉϥϩⲃ̄ⲥⲱ ⲛ ⲉⲣ︦ⲣ︦ⲟ • ⲙⲛ̄ ⲧⲉⲕⲗⲁⲃⲧ̄
ⲛ̄ ⲧⲉϥⲙⲛ︦ⲧ︦ⲕⲟⲩⲓ̈ • ⲁⲩⲱ ⲁ ⲡⲉϥⲥⲙⲟⲧ ⲟⲩⲟⲛϩϥ̄ ⲉ ⲃⲟⲗ
ϫⲉ ⲟⲩϣⲏⲣⲉ ⲛ̄ ⲣ︤ⲣ︥ⲟ ⲡⲉ • ⲡⲉϫⲉ ⲡⲣ︤ⲣ︥ⲟ ⲛⲁϥ ϫⲉ ⲛ̄ⲧⲟⲕ
ⲡⲉ ⲡϣⲏⲣⲉ ⲙ̄ ⲡⲣ︦ⲣ︦ⲟ • ⲁϥⲟⲩⲱϣⲃ̄ ⲉϥϫⲱ ⲙ̄ⲙⲟⲥ ϫⲉ ⲛ̄
ⲟⲩⲟⲉⲓ̈ϣ ⲙⲉⲛ • ⲁⲛⲟⲕ ⲡⲉ ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ̄ ⲛⲉϩⲣⲱ‐
ⲙⲁⲓ̈ⲟⲥ • ⲙ̄ⲡⲟⲟⲩ ⲇⲉ ϩⲱⲱϥ • ⲁⲛⲟⲕ ⲟⲩϩⲙ̄ϩⲁⲗ • ϩⲁ
ⲣⲁⲧϥ̄ ⲙ̄ ⲡⲣ︦ⲣ︦ⲟ • ⲉⲓ̈ⲥ ϩⲏⲏⲧⲉ ⲁⲓ̈ⲁϩⲉ ⲣⲁⲧ • ⲙ̄ ⲡⲉϥ ⲙ̄ⲧⲟ
ⲉ ⲃⲟⲗ • ⲙⲛ︦ⲛ︦ⲥⲁ ⲛⲁⲓ̈ ⲁⲛⲟⲩⲏⲏⲃ ⲛⲁⲩ ⲉ ⲕⲗⲁⲩϯⲟⲥ
ⲉⲛⲉⲥⲱϥ ⲉⲙⲁⲧⲉ ϩⲙ̄ ⲡⲉϥⲉⲓ̈ⲛⲉ • ⲡⲉϫⲁⲩ ⲙ̄ ⲡⲣ︦ⲣ︦ⲟ ϫⲉ
ⲡⲁⲓ̈ ⲛⲁⲙ ⲉⲣϣⲁⲩ ⲉ ⲧⲉⲑⲩⲥⲓ̈ⲁ ⲛ̄ ⲛ̄ⲛⲟⲩⲧⲉ • ⲉ ⲧⲃⲉ ⲡⲟⲩ‐
ϫⲁⲓ̈ ⲙ̄ ⲡⲉⲕϣⲏ|ⲣⲉ ⲛ̄ⲧⲁ ⲛⲉϩⲣⲱⲙⲁⲓ̈ⲟⲥ ⲃⲓⲧϥ̄ ϩⲙ̄ ⲡⲡⲟ‐
ⲗⲁⲓⲙⲟⲥ • Ⲁⲩⲱ ⲛ̄ⲧⲉⲩⲛⲟⲩ ⲁ ⲧⲣ︦ⲣ︦ⲱ ϭⲱϣⲧ̄ ⲉ ⲃⲟⲗ ϩⲛ̄
ⲟⲩϣⲟⲩϣⲧ̄ ϩⲙ̄ ⲡⲉⲥⲕⲟⲓⲧⲱⲛ • ⲁⲥⲛⲁⲩ ⲉ ⲕⲗⲁⲩϯⲟⲥ
ⲉⲛⲉⲥⲱϥ ϩⲙ̄ ⲡⲉϥⲥⲁ • ⲁⲥⲙⲉⲣⲓⲧϥ̄ ⲉ ⲡⲉϩⲟⲩⲟ • Ⲁⲩⲱ
ⲁⲥⲉⲓ̈ ⲉ ⲡⲉⲥⲏⲧ ⲧⲁⲭⲏ ⲡⲉϫⲁⲥ ⲙ̄ ⲡⲣ︦ⲣ︦ⲟ • ϫⲉ ⲡⲣ︦ⲣ︦ⲟ ⲱⲛϩ̄
ϣⲁ ⲉⲛⲉϩ • ϯⲡⲁⲣⲁⲕⲁⲗⲉⲓ ⲙ̄ⲙⲟⲕ ⲙ̄ⲡⲉⲣ ⲣ︤̄ ⲡⲉⲑⲟⲟⲩ ⲙ̄
ⲡⲉⲓ ϣⲏⲣⲉ ϣⲏⲙ ⲛ̄ ⲣ︤ⲣ︥ⲟ • ϫⲉ ⲉⲛⲉⲥⲱϥ ϩⲙ̄ ⲡⲉϥⲥⲁ •


### 0017

ⲙⲛ̄ ⲡⲉϥⲡⲣⲟⲥⲟⲡⲟⲛ ⲙⲛ̄ ⲧⲉϥⲙⲛ︦ⲧ︦ⲥⲁⲃⲉ • ⲛⲅ̄ ⲉⲓⲣⲉ ⲁⲛ
ⲙ̄ ⲡⲙⲉⲉⲩⲉ ⲱ̄ ⲡⲣ︦ⲣ︦ⲟ ϫⲉ ⲟⲩⲕⲁⲗⲁϩⲏ ⲛ̄ ⲥϩⲓⲙⲉ ⲧⲛ̄ⲧⲁ‐
ⲥⲧⲱⲟⲩⲛ | ϩⲁ ⲡⲁⲓ ⲛ̄ⲑⲉ ⲛ̄ ⲟⲩⲟⲛ ⲛⲓⲙ • ⲁⲩⲱ ⲟⲛ ϩⲛ̄ⲉⲕⲓⲃⲉ
ⲛ̄ ⲥϩⲓⲙⲉ ⲁⲩⲥⲁⲛⲟⲩϣϥ̄ ⲛ̄ⲑⲉ ⲙ̄ ⲡⲁ ⲙⲉⲣⲓⲧ ⲛ̄ ϣⲏⲣⲉ ϩⲱ •
ⲁⲩⲱ ⲛ̄ⲑⲉ ⲉⲧ ⲉⲓⲑⲗⲓⲃⲉ ⲉ ⲧⲃⲉ ⲡⲁ ⲙⲉⲣⲓⲧ ⲛ̄ ϣⲏⲣⲉ •
ⲧⲙⲁⲁⲩ ⲙ̄ ⲡⲁⲓ ϩⲱⲱϥ ⲑⲗⲓⲃⲉ ⲉ ⲧⲃⲏⲏⲧϥ̄ • Ⲁⲩⲱ
ⲉⲕϣⲁⲛⲧⲁⲕⲉ ⲡⲁⲓ ⲛ̄ⲧⲉ ⲡⲉϥⲉⲓⲱⲧ ⲥⲱⲧⲙ̄ ⲉ ⲡⲉϥⲟⲩⲱ •
ϥⲛⲁⲙⲟⲟⲩⲧ ⲙ̄ ⲡⲁ ⲙⲉⲣⲓⲧ ⲛ̄ ϣⲏⲣⲉ ϩⲱ ⲛ̄ⲧⲉϥⲁⲫⲟⲣⲙⲏ
ⲛ̄ⲧⲛ̄ϣⲱⲡⲉ ⲛ̄ ⲁⲧ ϣⲏⲣⲉ • Ϩⲛ̄ ⲟⲩⲙⲉ ⲅⲁⲣ ⲱ̄ ⲡⲣ︦ⲣ̄ⲟ •
ⲟⲩϩⲁⲡ ⲛ̄ ⲇⲓⲕⲁⲓⲟⲛ ⲁϥϣⲱⲡⲉ ϩⲛ̄ ⲧⲙⲏⲧⲉ ⲛ̄ ⲧⲡⲉ • ⲁ ⲡⲟⲩⲁ
ⲡⲟⲩⲁ ⲉⲣ ϫⲟⲉⲓⲥ ⲉ ⲡⲉϥϣⲏⲣⲉ • | ⲛ̄ⲛⲁⲕⲁⲁⲕ ⲁⲛ ⲉⲛⲉϩ ⲱ̄
ⲡⲣ︦ⲣ︦ⲟ ⲉ ⲙⲟⲩⲟⲩⲧ ⲙ̄ ⲡⲉⲓ ϣⲏⲣⲉ ϣⲙ̄ (sic) ⲉⲛⲉⲥⲱϥ ϩⲙ̄
ⲡⲉϥⲥⲁ • ⲁⲩⲱ ϥ̄ⲧⲁⲓⲏⲩ ϫⲉ ⲟⲩϣⲏⲣⲉ ⲛ̄ ⲣ︦ⲣ︦ⲟ ⲡⲉ • Ⲁⲩⲱ
ⲕⲥⲟⲟⲩⲛ ϫⲉ ϩⲛ̄ ⲧⲉ ⲣⲟⲙⲡⲉ ⲛ̄ⲧⲁⲛϯ ⲧⲱϣ ⲉ ϫⲓ ϩⲱⲛ ⲙ̄
ⲡⲉⲛϣⲏⲣⲉ ⲙⲛ̄ ⲧⲉϥⲥⲱⲛⲉ • ⲛ̄ ⲟⲩⲛⲏⲙⲫⲓⲟⲥ ⲙⲛ̄ ⲟⲩ‐
ϣⲉⲗⲉⲉⲧ ⲁⲛⲛⲁⲩ ⲉⲩⲛⲟϭ ⲛ̄ ⲧⲁⲉⲓⲟ ϩⲙ̄ ⲡⲉⲩⲅⲉⲛⲟⲥ • ⲁⲩⲱ
ⲉⲥϣⲁⲛϣⲱⲡⲉ ⲛ̄ⲥⲉⲕⲱ ⲙ̄ ⲡⲉⲛϣⲏⲣⲉ ⲛⲁⲛ ⲉ ⲃⲟⲗ • ϣⲁⲓϯ
ⲛ̄ ⲕⲉⲥⲉⲛ ⲧⲁ ϣⲉⲉⲣⲉ ⲛⲁϥ ⲛ̄ ⲥϩⲓⲙⲉ • ⲧⲁϫⲟⲟⲩϥ ϣⲁ
ⲡⲉϥⲉⲓⲱⲧ ϩⲛ̄ ⲟⲩⲛⲟϭ ⲛ̄ ⲧⲁⲉⲓⲟ • Ⲁⲩⲱ ⲁ ⲧⲣ︦ⲣ̄ⲱ | ⲥⲉⲕ
ⲡϩⲏⲧ ⲙ̄ ⲡⲣ︦ⲣ︦ⲟ ϩⲛ̄ ϩⲉⲛϣⲁϫⲉ ⲙ̄ ⲡⲉⲧ ⲛⲁⲛⲟⲩϥ ⲉ
ϩⲟⲩⲛ ⲉ ⲕⲗⲁⲩⲇⲓⲟⲥ • ⲁⲥⲕⲧⲟϥ ⲉ ⲡⲁϩⲟⲩ ⲉ ⲧⲙ̄ ⲙⲟⲩⲟⲩⲧ
ⲙ̄ⲙⲟϥ • Ⲉⲛⲉⲣⲉ ⲕⲗⲁⲩⲧⲓⲟⲥ ⲉⲓⲣⲉ ⲛ̄ ϩⲛ̄ⲛⲟϭ ⲛ̄ ⲣⲓⲙⲉ
ϩⲙ̄ ⲡⲏⲓ ⲛ̄ ⲧ︦ⲣ︦ⲣ︦ⲱ ⲉϥϫⲱ ⲙ̄ⲙⲟⲥ • ϫⲉ ⲛⲓⲙ ⲡⲉⲧ ⲛⲁ
ⲧⲁⲙⲉ ⲡⲁ ⲉⲓⲱⲧ ⲙⲛ̄ ⲧⲁ ⲙⲁⲁⲩ ⲉ ⲡⲁ ⲙ̄ⲕⲁϩ ⲛ̄ϩⲏⲧ •
ⲛϥ̄ϫⲱ ⲉ ⲣⲟⲟⲩ ⲛ̄ ⲧⲁ ⲙⲛ︦ⲧ︦ⲉⲃⲓⲏⲛ • ϫⲉ ⲕⲗⲁⲩⲧⲓⲟⲥ • ⲡⲉⲕ‐
ϣⲏⲣⲉ ϩⲁ ⲧⲟⲟⲧϥ̄ ⲉ ⲡⲙⲟⲩ ϩⲁϩⲧⲙ̄ ⲡⲣ︤ⲣ︥ⲟ • Ⲛⲓⲙ ⲡⲉ ⲡⲁ
ⲃⲁⲓ ϣⲓⲛⲉ ⲙ̄ⲡⲟⲟⲩ • ⲛⲉϥⲧⲁⲙⲉ ⲡⲁ ⲉⲓⲱⲧ ⲙⲛ̄ ⲧⲁ ⲙⲁⲁⲩ
ϫⲉ ϯⲟⲛⲉϩ ϩⲙ̄ ⲡ|ⲛⲁ ⲙ̄ ⲡϫⲟⲉⲓⲥ • Ⲛⲓⲙ ⲡⲉⲧ ⲛⲁⲥⲗ︦ⲥⲗ︦
ⲡⲁ ⲉⲓⲱⲧ ⲙⲛ̄ ⲧⲁ ⲙⲁⲁⲩ ⲉ ⲡⲁ ⲙ̄ⲕⲁϩ ⲛ̄ϩⲏⲧ • Ⲛⲓⲙ ⲡⲉ
ⲛ̄ ϣⲁϥⲧⲁⲙⲉ ⲡⲁ ⲉⲓⲱⲧ ⲙⲛ̄ ⲧⲁ ⲙⲁⲁⲩ • ϫⲉ ⲁⲣⲓ ⲡⲡⲉⲧ
ⲛⲁⲛⲟⲩϥ ⲙⲛ̄ ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ̄ ⲙ̄ⲡⲉⲣⲥⲟⲥ • ⲉⲧ
_ⲁⲗⲉⲩ ⲉ ⲣⲱⲧⲛ̄ • ⲧⲁⲣⲉ ⲡⲛⲟⲩⲧⲉ ϯ ⲙ̄ ⲡⲁ ⲛⲁ ⲉ ⲡϩⲏⲧ
ⲙ̄ ⲡⲉϥⲉⲓⲱⲧ ⲛϥ̄ⲉⲣ ⲡⲛⲁ ⲛⲙ̄ⲙⲁⲓ ϩⲱ • Ⲛⲓⲙ ⲡⲉ ⲛ̄ϣⲁϥϫⲓ
ⲙ̄ ⲡⲁ ⲟⲩⲱ • ⲛϥ̄ⲧⲁⲙⲉ ⲡⲁ ⲥⲟⲛ ⲑⲉⲟⲇⲱⲣⲟⲥ ϫⲉ ⲕⲗⲁⲩ‐


### 0018

ⲇⲓⲟⲥ ϣⲓⲛⲉ ⲉ ⲣⲟⲕ ⲕⲁⲗⲱⲥ • Ⲛⲓⲙ ⲡⲉⲧ ⲛⲁϫⲓ ⲙ̄ ⲡⲁ ⲟⲩⲱ
ⲛϥ̄ⲧⲁⲙⲉ ⲧⲁ ⲙⲉⲣⲓⲧ ⲛ̄ ⲥⲱⲛⲉ ⲉ ⲡⲁ ⲙ̄ⲕⲁϩ ⲛ̄ϩⲏⲧ • |
Ⲛⲓⲙ ⲡⲉⲧ ⲛⲁ ϫⲟⲟⲥ ⲧⲁ ⲙⲉⲣⲓⲧ ⲙ̄ ⲙⲁⲁⲩ ϫⲉ ⲁⲣⲓ
ⲟⲩⲣⲓⲙⲉ ⲉ ⲡⲉⲧⲛ̄ϣⲏⲣⲉ • ⲕⲗⲁⲩϯⲟⲥ ϫⲉ ϥϩⲁ ⲧⲟⲟⲧϥ̄ ⲛ̄
ⲟⲩⲣ︦ⲣ︦ⲟ ⲛ̄ ⲇⲩⲣⲁⲛⲛⲟⲥ ⲉⲑⲟⲟⲩ • Ϩⲁⲙⲟⲓ ⲉ ⲛⲉ ⲛⲧⲁϭⲓⲛⲉ
ⲛ̄ ⲟⲩⲛⲁⲏⲧ ⲧⲁⲥϩⲁⲓ ⲛⲁϥ ⲛ̄ ⲟⲩⲉⲡⲓⲥⲧⲟⲗⲏ ⲛϥ̄ϫⲓⲧⲥ̄
ⲛϥ̄ⲧⲁⲁⲥ ⲙ̄ ⲡⲧⲟⲗⲟⲙⲁⲓⲟⲥ ⲡⲁ ⲉⲓⲱⲧ • Ⲛ̄ ϯⲥⲟⲟⲩⲛ ⲁⲛ
ⲉⲩⲣⲱⲙⲉ ⲙ̄ ⲡⲛ̄ ⲙⲁ • ⲧⲁϯ ⲛⲁϥ ⲙ̄ ⲡⲉϥⲃⲉⲕⲉ ⲧⲁϫⲟⲟⲩϥ
ϣⲁ ⲡⲁ ⲉⲓⲱⲧ • ⲙⲛ̄ ⲧⲁ ⲙⲁⲁⲩ • ⲛϥ̄ⲧⲁⲙⲟⲟⲩ ⲉ ⲡⲁ
ⲟⲩⲱ • ϫⲉ ⲉⲓⲣ ⲟⲩ • Ⲛⲁⲓ ⲇⲉ ⲙⲛ̄ ⲛⲉⲓ ⲕⲟⲟⲩⲉ • ⲉⲣⲉ
ⲡϩⲁⲅⲓⲟⲥ ⲕⲗⲁⲩϯⲟⲥ ϫⲱ ⲙ̄ⲙⲟⲟⲩ ϩⲙ̄ ⲡⲉϥⲕⲟⲓ̈|ⲧⲱⲛ •
ⲉϥⲣⲓⲙⲉ • ⲉⲛ ⲉⲣⲉ ⲧϣⲉⲉⲣⲉ ⲙ̄ ⲡⲣ︦ⲣ︦ⲟ ⲁϩⲉ ⲣⲁⲧⲥ̄ • ⲉⲥϫⲓ
ⲥⲙⲏ ⲉ ⲣⲟϥ ⲁⲥⲣⲓⲙⲉ ϩⲱⲱⲥ ⲉ ⲧⲃⲉ ⲛ̄ϣⲁϫⲉ ⲉⲧ ϩⲟⲗϭ̄
ⲉⲧ ⲉϥϫⲱ ⲙ̄ⲙⲟⲟⲩ • Ⲁⲩⲱ ⲛ̄ⲧⲉⲩⲛⲟⲩ ⲉⲓⲥ ⲟⲩⲟⲡⲧⲁⲥⲓⲁ
ⲛ̄ ⲟⲩⲟⲉⲓⲛ • ⲁⲥϣⲁ ⲉ ϩⲣⲁⲓ ⲉ ϫⲱϥ • ⲁⲩⲱ ⲁ ⲡⲙⲁ ⲧⲏⲣϥ̄
ⲉⲣ ⲑⲉ ⲛ̄ ⲟⲩⲕⲱϩⲧ̄ ⲉⲧ ⲙⲟⲩϩ • ⲟⲱⲥ ⲇⲉ ⲛ̄ⲧⲉ ⲡⲡⲁⲗⲗⲁ‐
ϯⲟⲛ ⲙ̄ ⲡⲣ︤ⲣ︥ⲟ ϯ ϣⲁϩ • Ⲁⲩⲱ ⲛ̄ⲧⲉⲩⲛⲟⲩ ⲁ ⲡⲁⲣⲭⲁⲅ‐
ⲅⲉⲗⲟⲥ ⲅⲁⲃⲣⲓⲏⲗ ⲟⲩⲟⲛϩϥ̄ ⲉ ⲡⲡⲉⲧ ⲟⲩⲁⲁⲃ ⲕⲗⲁⲩⲇⲓⲟⲥ •
ⲁϥϣⲁϫⲉ ⲛⲙ̄ⲙⲁϥ • ⲉϥϫⲱ ⲙ̄ⲙⲟⲥ • Ϫⲉ ⲭⲁⲓⲣⲉ ⲕⲗⲁⲩ‐
ϯⲟⲥ • ⲡⲉⲛⲧ ⲁⲓϯ ⲣⲁⲛ ⲉ ⲣⲟϥ • ϫⲓⲛⲉ ⲧⲉϥϣⲟⲣⲡ̄
ⲉⲛⲑⲩⲥⲓⲁ • ⲭⲁⲓⲣⲉ | ⲡⲉⲛⲧ ⲁⲓⲣⲟⲉⲓⲥ ⲉ ⲣⲟϥ ϫⲓⲛⲉ ⲧⲉϥ‐
ⲙⲛ︦ⲧ︦ⲕⲟⲩⲓ̄ • ⲉ ⲧⲃⲉ ⲟⲩ ⲉⲕⲣⲓⲙⲉ • ⲁⲩⲱ ⲉⲕⲁϣⲁϩⲟⲙ •
ϫⲉ ⲉⲕϩⲁ ⲧⲟⲟⲧϥ̄ • ⲛ̄ ⲟⲩⲣ︤ⲣ︥ⲟ ⲛ̄ ϣⲁϥⲙⲟⲩ • ⲉⲣⲉ ⲡⲣ︤ⲣ︥ⲟ
Ⲛ̄ ⲧⲡⲉ ⲙⲛ̄ ⲡⲕⲁϩ ⲣⲟⲉⲓⲥ ⲉ ⲣⲟⲕ • ⲛⲁϥ ⲛ̄ⲥⲁ ⲥⲁ ⲛⲓⲙ •
Ⲁⲛⲟⲕ ⲡⲉ ⲅⲁⲃⲣⲓⲏⲗ ⲡⲉⲛⲧⲁ ⲡⲣ︦ⲣ︦ⲟ ⲙ̄ ⲙⲉ • ⲡⲉⲭ︦ⲥ︦ •
ⲧⲁⲁⲕ ⲉ ⲧⲟⲟⲧ ϫⲓⲛⲉ ⲧⲉⲕⲙⲛ︤ⲧ︥ⲕⲟⲩⲓ • ⲁⲩⲱ ⲁϥϯ ⲛ̄ ⲑⲉⲟ‐
ⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ⲉ ⲧⲟⲟⲧϥ̄ ⲙ̄ ⲙⲓⲭⲁⲏⲗ ⲡⲁⲣⲭ‐
ⲁⲅⲅⲉⲗⲟⲥ • ⲉ ⲧⲣⲉ ϥ̄ϣⲱⲡⲉ ⲉϥⲣⲟⲉⲓⲥ ⲉ ⲣⲟϥ ϩⲱⲱϥ •
Ⲉ ⲧⲃⲉ ⲟⲩ ⲉⲕⲉⲣ • ϩⲟⲧⲉ ϩⲏⲧⲟⲩ • ⲛ̄ ⲛ̄ⲇⲓⲣⲱⲛ ⲙ̄ ⲡⲕⲁϩ
ⲉϣⲁⲩⲙⲟⲩ • ⲉⲣⲉ ⲛ̄ ⲁⲅⲅⲉⲗⲟⲥ ⲙ̄ ⲡϫⲟⲉⲓⲥ ⲣⲟⲉⲓⲥ ⲉ ⲣⲟⲕ |
ⲛⲁϥ ⲛ̄ⲥⲁ ⲥⲁ ⲛⲓⲙ • Ⲡⲉϫⲉ ⲕⲗⲁⲩⲇⲓⲟⲥ ⲛⲁϥ ϫⲉ ⲡⲁ
ϫⲟⲉⲓⲥ ⲉⲓⲉⲣ ϩⲟⲧⲉ ⲙ̄ ⲡⲙⲉⲣⲟⲥ ⲥⲛⲁⲩ • ϫⲉ ⲁⲓϩⲉ ⲉ
ⲧⲟⲟⲧⲟⲩ • ⲛ̄ ⲛ̄ⲃⲁⲣⲃⲁⲣⲟⲥ ⲉⲑⲟⲟⲩ • ⲕⲁⲛ ⲛ̄ⲥⲉⲙⲟⲩⲟⲩⲧ
ⲙ̄ⲙⲟⲓ • ⲕⲁⲛ ⲛ̄ⲥⲉⲁⲁⲧ ⲛ̄ ⲑⲩⲥⲓⲁ ⲛ̄ ⲛⲉⲩⲛⲟⲩⲧⲉ ⲧⲁ ⲥⲱϣ


### 0019

ⲛⲁϩⲣⲉⲙ ⲡⲛⲟⲩⲧⲉ ⲛ̄ ⲧⲡⲉ • Ⲕⲁⲛ ⲛ̄ⲥⲉϩⲟⲧⲣⲧ̄ ϩⲛ̄ ⲟⲩ‐
ⲅⲁⲙⲙⲟⲥ • ⲉϥϫⲁϩⲙ̄ ⲡⲁⲣⲁ ⲡⲁ ⲟⲩⲱϣ • ⲧⲁϯ ϣⲏⲣⲉ ⲙ̄
ⲡⲅⲉⲛⲟⲥ ⲛ̄ ⲛⲁⲉⲓⲟⲧⲉ • Ⲡⲉϫⲉ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓⲏⲗ
ⲛⲁϥ • ϫⲉ ϯϫⲱ ⲙ̄ⲙⲟⲥ ⲛⲁⲕ • ϫⲉ ⲙⲉⲣⲉ ⲗⲁⲁⲩ ⲙ̄
ⲡⲉⲑⲟⲟⲩ ϣⲱⲡⲉ ⲙ̄ⲙⲟⲕ • ⲛ̄ⲑⲉ ⲧⲉⲕⲙⲉⲉⲩⲉ ⲉ ⲣⲟⲥ • Ⲉϣϫⲉ
ⲁⲕⲉⲓ ⲉ ⲧⲉⲓ ⲭⲱⲣⲁ ⲱ̄ ⲕⲗⲁⲩ|ϯⲟⲥ • ϩⲁⲡⲥ̄ ⲡⲉ ⲉ ⲧⲣⲉ
ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ⲉⲓ ⲉ ⲣⲁⲧⲕ̄ • ⲛⲅ̄ ⲛⲁⲩ ⲉ
ⲣⲟϥ • ⲛ̄ϩⲟ ϩⲓ ϩⲟ • ⲟⲩⲱ ⲟⲩⲛ ⲟⲩⲣⲁⲛ ⲛ̄ ⲥⲟⲉⲓⲧ ⲛⲁϣⲱⲡⲉ
ⲛⲏⲧⲛ̄ ⲙ̄ ⲡⲉⲥⲛⲁⲩ • ⲛ̄ⲧⲉ ⲟⲩϣⲧⲟⲣⲧⲣ̄ ϣⲱⲡⲉ ⲛ̄ⲧⲉⲓ ⲭⲱⲣⲁ
ⲧⲏⲣⲥ̄ • ϩⲙ̄ ⲡⲉⲧⲛ̄ⲣⲁⲛ • ϯⲣⲏⲛⲏ ⲙ̄ ⲡⲁ ⲣ︦ⲣ︦ⲟ ⲡⲉⲭ︦ⲥ︦ •
ⲉⲥⲉϣⲱⲡⲉ ⲛⲙ̄ⲙⲁⲕ • ⲛⲅ̄ ⲟⲩϫⲁⲓ ϩⲙ̄ ⲡⲉϥⲣⲁⲛ ⲉⲧ ⲟⲩⲁⲁⲃ •
Ⲛⲁⲓ ⲇⲉ ⲉⲣⲉ ⲡⲁⲣⲭⲁⲅⲅⲉⲗⲟⲥ ⲅⲁⲃⲣⲓⲏⲗ ϫⲱ ⲙ̄ⲙⲟⲟⲩ •
ⲁϥϩⲟⲡϥ̄ ⲉ ⲡⲡⲉⲧ ⲟⲩⲁⲁⲃ • Ⲁⲩⲱ ⲁ ⲧⲣ︦ⲣ︦ⲱ ⲛⲁⲩ ⲉ ⲧⲟⲡ‐
ⲧⲁⲥⲓⲁ ⲛ̄ⲟⲩⲟⲉⲓⲛ ⲛ̄ⲧⲁⲥϣⲁ ⲉϫⲛ̄ ⲕⲗⲁⲩϯⲟⲥ ⲉϥϩⲛ̄
ⲧⲙⲏⲧⲉ ⲙ̄ ⲡⲕⲱϩⲧ̄ • ⲁⲥϣⲧⲟⲣⲧⲣ̄ ⲙ̄ⲙⲁⲧⲉ • | ⲁⲥⲉⲓ ⲉ ⲡⲉ‐
ⲥⲏⲧ ϣⲁ ⲡⲣ︦ⲣ︦ⲟ • ⲛ̄ⲧⲉⲩⲛⲟⲩ ⲡⲉϫⲁⲥ ⲛⲁϥ • ϫⲉ ⲡⲁ ϫⲟⲉⲓⲥ
ⲡⲣ︦ⲣ︦ⲟ • ⲧⲁⲭⲏ ϫⲟⲟⲩ ⲙ̄ ⲡⲉⲓ ϣⲏⲣⲉ ⲛ̄ ⲣ︦ⲣ︦ⲟ ⲉ ⲣⲁⲧϥ̄ ⲙ̄
ⲡⲉϥⲉⲓⲱⲧ ⲛ̄ⲁⲛⲁⲅⲕⲏ ⲙ̄ⲙⲟⲛ • ⲁⲓⲛⲁⲩ ⲉ ⲡⲕⲱϩⲧ̄ ⲛ̄ⲧⲁϥⲉⲣ •
ϯ ⲟⲩϣⲏ ⲧⲏⲣⲥ̄ ϩⲙ̄ ⲡⲉϥⲙⲁ • ⲛ̄ϭⲓ (?) ⲡⲉϩⲟⲩⲛ • ⲡⲁⲛⲧⲟⲥ
ⲅⲁⲣ ⲛ̄ⲧⲉ ⲡⲛⲟⲩⲧⲉ ⲛ̄ ⲛⲉϥⲉⲓⲟⲧⲉ ⲧⲁⲕⲟ ⲛ̄ⲧⲛ̄ⲡⲟⲗⲓⲥ ⲛ̄ⲧⲉϥ‐
ⲁⲫⲟⲣⲙⲏ • Ⲁⲩⲱ ⲛ̄ ⲧⲉⲣⲉ ⲡⲣ︦ⲣ︦ⲟ ⲥⲱⲧⲙ̄ ⲉ ⲛⲁⲓ • ⲁⲥⲉⲣ‐
ⲁⲛⲁϥ ⲉ ϫⲟⲟⲩ ⲛ̄ ⲕⲗⲁⲩϯⲟⲥ ⲉ ⲧⲉϥⲭⲱⲣⲁ • ⲁⲗⲗⲁ ⲙ̄ⲡⲉ
ⲛ̄ⲛⲟϭ ⲙ̄ ⲡⲡⲁⲗⲗⲁϯⲟⲛ ⲕⲁⲁϥ ⲉ ⲉⲣ ⲡⲁⲓ • Ⲡⲉϫⲉ ⲧⲣ︦ⲣ︦ⲱ
ⲛⲁϥ ϫⲉ ⲉϣϫⲉ ⲕⲙⲉ ⲙ̄ ⲡⲉⲕϣⲏⲣⲉ • ⲁⲣⲓ ⲡⲡⲉⲧ ⲛⲁ|ⲛⲟⲩϥ •
ⲙⲛ̄ ⲡⲉⲓ ϣⲏⲣⲉ ϣⲏⲙ ⲛ̄ ⲣ︤ⲣ︥ⲟ • ⲙⲉϣⲁⲕ ⲛ̄ⲧⲉ ⲡⲛⲟⲩⲧⲉ •
ⲣⲉⲕⲧ̄ ⲡϩⲏⲧ ⲙ̄ ⲡⲉϥⲉⲓⲱⲧ • ⲉ ⲡⲡⲉⲧ ⲛⲁⲛⲟⲩϥ ⲉ ϩⲟⲩⲛ
ⲉ ⲡⲉⲛϣⲏⲣⲉ • ⲁⲩⲱ ⲉϣⲱⲡⲉ ⲧⲁ ⲥⲩⲙⲃⲟⲩⲗⲓⲁ̄ ⲉⲣⲁⲛⲁⲕ •
ⲁⲩⲱ ⲛⲁϣⲁϫⲉ • ⲃⲏⲕ ⲉ ϩⲟⲩⲛ ⲉ ⲛⲉⲕⲙⲁⲁϫⲉ • ϯ ⲛⲁϥ ⲛ̄
ⲟⲩⲭⲁⲣⲧⲏⲥ ⲙⲛ̄ ⲟⲩⲙⲉⲗⲁ[ⲥ] • ⲧⲁⲣⲉϥⲥϩⲁⲓ ⲛ̄ ⲛⲉϥϭⲓϫ
ⲙ̄ⲙⲓⲛ ⲉⲙⲙⲟϥ • ϣⲁ ⲡⲉϥⲉⲓⲱⲧ • ⲉϥϫⲱ ⲙ̄ⲙⲟⲥ ϫⲉ
ϯⲟⲛϩ̄ • ⲁⲩⲱ ⲙ̄ⲡ ⲟⲩⲉⲣ ⲗⲁⲁⲩ ⲛⲁⲓ • ⲙ̄ ⲡⲉⲑⲟⲟⲩ •
ⲁⲣⲏⲩ ϥ̄ⲛⲁϫⲟⲟⲩ • ⲙ̄ ⲡⲉⲛⲙⲉⲣⲓⲧ ⲛ̄ ϣⲏⲣⲉ ⲛⲁⲛ • ⲛ̄ⲧⲛ̄ⲕⲱ
ⲙ̄ ⲡⲉϥϣⲏⲣⲉ • ⲉ ⲃⲟⲗ ϩⲱⲱϥ • ϩⲛ̄ ⲟⲩⲛⲟϭ | ⲛ̄ ⲧⲁⲉⲓⲟ •
ⲁⲩⲱ ⲉϣϫⲉ ⲡⲉϥⲟⲩⲱϣ ⲡⲉ • ϯⲛⲁϯ ⲛⲁϥ ⲛ̄ ⲅⲉⲥⲉⲛ


### 0020

ⲧⲁ ϣⲉⲉⲣⲉ ⲛⲁϥ ⲛ̄ ⲥϩⲓⲙⲉ • Ⲡⲣ︦ⲣ︦ⲟ ⲇⲉ ⲁϥⲡⲓⲑⲉ • ⲉϫⲙ̄
ⲡϣⲁϫⲉ ⲛ̄ ⲁⲗⲓⲫⲟⲣⲟⲥ ⲧⲣ︦ⲣ︦ⲱ • ⲁⲩⲱ ⲛ̄ⲧⲉⲩⲛⲟⲩ ⲁϥⲧⲣⲉ
ⲩⲧⲁϩⲉ ⲕⲗⲁⲩϯⲟⲥ • ⲉ ⲣⲁⲧϥ̄ ⲙ̄ⲡⲉϥ ⲙ̄ⲧⲟ ⲉ ⲃⲟⲗ • Ⲡⲉϫⲉ
ⲡⲣ︦ⲣ︦ⲟ ⲛⲁϥ ϫⲉ ⲁϫⲓⲥ ⲉ ⲣⲟⲓ • ϫⲉ ⲛⲓⲙ ϩⲛ̄ ⲛ̄ⲛⲟⲩⲧⲉ ⲙ̄
ⲡⲉⲕⲉⲓⲱⲧ • ⲡⲉⲛⲧⲁϥⲉⲓ ϣⲁ ⲣⲟⲕ • ⲛ̄ ⲧⲉⲓ ⲟⲩϣⲏ • ⲁϥϣⲱⲡⲉ
ⲛ̄ ⲟⲩⲟⲉⲓⲛ ⲛ̄ ⲕⲱϩⲧ̄ • ϩⲱⲥ ⲇⲉ ⲛϥ̄ⲣⲱⲕϩ̄ ⲙ̄ ⲡⲡⲁⲗⲗⲁϯⲟⲛ •
ⲙⲏ ⲟⲩⲛⲟⲩⲧⲉ ⲡⲉ ⲡⲁⲛⲁⲧⲟⲗⲁⲓⲟⲥ • ⲛ̄ⲧⲁ ⲡⲉϥⲣⲁⲛ ⲉⲣⲥⲟⲉⲓⲧ
ⲛ̄ ⲧⲉⲓ ϩⲉ ⲧⲏⲣⲥ̄ • ⲙ̄ⲙⲟⲛ ⲉⲓⲥ ϣⲟⲙⲛ︦ⲧ︦ ⲉⲛⲟⲩ|ϣⲏ ϯⲛⲁⲩ
ⲉⲩϩⲟⲣⲟⲙⲁ • ⲉⲩⲙⲟⲩⲧⲉ ⲉ ϫⲱⲓ • ⲉⲩϫⲱ ⲙ̄ⲙⲟⲥ • ϫⲉ ⲉⲓⲥ
ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ⲛⲏⲩ ⲉ ϫⲱⲧⲛ̄ • ⲉ ⲃⲉⲧ
ⲧⲏⲩⲧⲛ̄ ⲉ ⲃⲟⲗ • Ⲡⲁⲛⲧⲟⲥ ⲅⲁⲣ • ⲁⲣⲏⲩ ⲛ̄ⲧⲟϥ ⲡⲉ ⲛ̄ⲧⲁϥⲉⲓ •
ϣⲁ ⲣⲟⲕ ⲛ̄ ⲧⲉⲓ ⲟⲩϣⲏ • ⲉϥⲟⲩⲱϣ ⲉ ⲣⲱⲕϩ̄ ⲙ̄ⲙⲟⲛ •
Ⲡⲉϫⲉ ⲡⲡⲉⲧ ⲟⲩⲁⲁⲃ ⲁⲡⲁ ⲕⲗⲁⲩⲇⲓⲟⲥ • ⲙ̄ ⲡⲣ︦ⲣ︦ⲟ ⲁⲅⲁ‐
ⲃⲟⲣⲛⲉ • ⲡⲁⲓ ⲅⲁⲣ ⲡⲉ ⲡⲉϥⲣⲁⲛ • ϫⲉ ⲙ̄ⲙⲟⲛ ⲡⲁ
ϫⲟⲉⲓⲥ ⲡⲣ︤ⲣ︥ⲟ • ⲁⲗⲗⲁ ⲡⲁⲅⲅⲉⲗⲟⲥ ⲙ̄ ⲡⲁ ϫⲟⲉⲓⲥ • ⲓ︤ⲥ︥
ⲡⲉⲭ︦ⲥ︦ • ⲡⲉ ⲛ̄ⲧⲁϥⲉⲓ ϣⲁ ⲣⲟⲓ • ⲛ̄ ⲧⲉⲓ ⲟⲩϣⲏ • ⲁⲩⲱ
ⲛ̄ⲧⲟϥ ⲡⲉ ⲛ̄ⲧⲁϥⲧⲟⲩϫⲟⲓ • ⲉ ⲡⲙⲟⲩ ϩⲛ̄ ⲧⲙⲏⲧⲉ ⲙ̄ ⲡⲉⲕ‐
ⲙⲏⲏ|ϣⲉ • ⲛ̄ⲧⲟϥ ⲟⲛ ⲡⲉ ⲛ̄ⲧⲁϥϯ ⲡⲁ ⲛⲁ • ⲉ ⲡⲉⲕϩⲏⲧ •
ⲁⲕⲉⲣ ⲡⲉⲓ ⲡⲉⲧ ⲛⲁⲛⲟⲩϥ ⲛⲙ̄ⲙⲁⲓ • ⲉ ⲧⲃⲉ ⲑⲉⲟⲇⲱⲣⲟⲥ
ϩⲱⲱϥ ⲡⲁⲛⲁⲧⲟⲗⲁⲓⲟⲥ • ⲡⲁⲓ ⲛ̄ⲧⲁⲕⲥⲱⲧⲙ̄ ⲉ ⲡⲉϥⲣⲁⲛ •
ⲡⲁ ⲥⲟⲛ ⲡⲉ • Ⲡⲉϫⲉ ⲡⲣ︦ⲣ︦ⲟ ⲙ̄ ⲡϩⲁⲅⲓⲟⲥ ⲁⲡⲁ ⲕⲗⲁⲩⲇⲓⲟⲥ •
ϫⲉ ⲉⲓⲟⲩⲱϣ ⲉ ⲧⲣⲉ ⲕⲥϩⲁⲓ • ϣⲁ ⲡⲉⲕⲉⲓⲱⲧ • ϩⲛ̄ ⲧⲉⲕϭⲓϫ
ⲙ̄ⲙⲓⲛ ⲉⲙⲙⲟⲕ • ⲛϥ̄ϫⲟⲟⲩ ⲙ̄ ⲡⲁ ϣⲏⲣⲉ ⲛⲁⲓ • ⲙⲛ̄
ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ ⲧⲁⲛⲁⲩ ⲉ ⲣⲟϥ • ⲧⲁⲕⲁⲁⲕ
ⲉ ⲃⲟⲗ ϩⲱⲱⲕ • ⲛⲅ̄ ⲃⲱⲕ ϣⲁ ⲡⲉⲕⲉⲓⲱⲧ • ϩⲛ̄ ⲟⲩϯⲙⲏ •
Ⲁⲩⲱ ⲁ ⲡϩⲁⲅⲓⲟⲥ | ⲁⲡⲁ ⲕⲗⲁⲩⲇⲓⲟⲥ • ⲥϩⲁⲓ ϣⲁ ⲡⲉϥⲉⲓⲱⲧ •
ⲛ̄ ⲧⲉⲓ ϩⲉ • Ϫⲉ ϩⲙ̄ ⲡⲣⲁⲛ ⲙ̄ ⲡⲉⲓⲱⲧ • ⲙⲛ̄ ⲡϣⲏⲣⲉ • ⲙⲛ̄
ⲡⲉⲡⲛ︦ⲁ︦ ⲉⲧ ⲟⲩⲁⲁⲃ • ⲧⲉ ⲧⲣⲓⲁⲥ ⲉⲧ ⲟⲩⲁⲁⲃ • ⲛ̄ ϩⲟⲙⲟⲟⲩ‐
ⲥⲓⲱⲛ • ⲛ̄ ⲁⲧ ⲡⲱⲱⲛⲉ • ⲛ̄ ⲁⲧ ϣⲓⲃⲉ • ⲛ̄ ⲁⲧ ⲉⲓⲙⲉ ⲉ ⲣⲟⲥ
ⲧⲉ ⲧⲁⲙⲁϩⲧⲉ ⲛ̄ ⲧⲡⲉ ⲙⲛ̄ ⲡⲕⲁϩ • ⲙⲛ̄ ⲛⲉⲥⲧⲟⲭⲓⲱⲛ
ⲛ̄ ⲁⲧ ⲃⲱⲗ ⲉ ⲃⲟⲗ • ⲡⲉⲧ ⲉⲓⲙⲉ ⲉ ⲡⲣⲏ ϩⲛ̄ ⲧⲉϥⲉⲣⲕⲁⲥⲓⲁ
ⲛ̄ ⲁⲧ ϩⲓⲥⲉ • ⲡⲉⲧ ⲡⲱⲱⲛⲉ ⲙ̄ ⲡⲟⲟϩ ⲉⲩⲙⲛ︦ⲧ︦ⲕⲟⲩⲓ ⲙ̄
ⲡϫⲱⲕ ⲙ̄ ⲡⲉϥⲕⲉⲕⲗⲟⲥ • Ⲡⲉⲛⲧ ⲁϥⲍⲱⲅⲣⲁⲫⲉⲓ ⲛ̄ ⲧⲡⲉ
ϩⲛ̄ ⲟⲉⲛⲥⲓⲟⲩ ⲉⲩⲉⲣ ⲟⲩⲟⲉⲓⲛ • ⲉϥⲉϩⲁⲣⲉϩ ⲉ ⲧⲉⲕⲙⲛ︤ⲧ︥ⲣⲣ


### 0021

ⲡⲧⲟⲗⲟⲙⲁⲓⲟⲥ | ⲡⲁ ⲉⲓⲱⲧ • ϫⲓ ⲙ̄ ⲡⲉⲓ ⲣⲁϣⲉ ⲛⲁⲕ ϫⲉ
ϯⲟ̄ⲛϩ̄ • ⲁⲛⲟⲕ ⲡⲉ ⲕⲗⲁⲩⲇⲓⲟⲥ ⲡⲉⲕϣⲏⲣⲉ • ⲛ̄ⲧⲁ ⲙ̄ⲡⲉⲣⲥⲟⲥ
ϥⲓⲧ • ϩⲙ̄ ⲡⲡⲟⲗⲁⲓⲙⲟⲥ • ⲁ ⲡⲛⲟⲩⲧⲉ ϩⲁⲣⲉϩ ⲉ ⲣⲟⲓ • ϣⲁ
ⲧⲉⲛⲟⲩ • ⲁϥϯⲥⲁ ϩⲓ ⲭⲁⲣⲓⲥ ⲛⲁⲓ • ⲙ̄ⲡⲙ̄ⲧⲟ ⲉ ⲃⲟⲗ • ⲙ̄
ⲡⲣ︦ⲣ︦ⲟ • ⲙⲛ̄ ⲧⲣ︦ⲣ︦ⲱ • Ⲛ ϣⲟⲣⲡ̄ ⲙⲉⲛ ⲱ̄ ⲡⲁ ⲉⲓⲱⲧ • ⲁⲣⲓ
ⲡⲡⲉⲧ ⲛⲁⲛⲟⲩϥ ⲙⲛ̄ ⲡϣⲏⲣⲉ ⲙ̄ ⲡⲣ︦ⲣ︦ⲟ ⲉⲧ ϩⲁ ⲧⲟⲟⲧⲕ̄ •
ϯⲥϩⲁⲓ ⲛⲏ ⲱ̄ ⲧⲁ ⲙⲉⲣⲓⲧ ⲙ̄ ⲙⲁⲁⲩ • ⲙⲛ̄ ⲧⲁ ⲥⲱⲛⲉ
ⲑⲉⲃⲁⲥⲓⲁ • ⲙⲛ̄ ⲡⲁ ⲙⲉⲣⲓⲧ ⲛ̄ⲥⲟⲛ ⲑⲉⲟⲇⲱⲣⲟⲥ • ⲡⲁⲛⲁ‐
ⲧⲟⲗⲁⲓⲟⲥ • ⲉ ϣⲓⲛⲉ ⲉ ⲣⲱⲧⲛ̄ ⲧⲏⲣⲧⲛ̄ ϩⲙ̄ ⲡϫⲟⲉⲓⲥ • ⲁⲩⲱ |
ⲟⲛ ϯϣⲓⲛⲉ ⲉⲛⲛⲟϭ ⲙ̄ ⲡⲡⲁⲗⲗⲁϯⲟⲛ • ⲙⲛ̄ ⲡⲁ ⲉⲓⲱⲧ •
ⲁⲡⲁ ⲕⲁⲓⲟⲥ • ⲡⲁⲣⲭⲏⲉⲡⲓⲥⲕⲟⲡⲟⲥ • ϯϫⲱ ⲙ̄ⲙⲟⲥ ⲛⲏⲧⲛ̄
ϫⲉ ⲉⲓⲥ ϩⲏⲏⲧⲉ • ϯ ⲛ̄ ϩⲟⲩⲛ ⲉ ⲡⲕⲟⲓⲧⲱⲛ • ⲛ̄ ⲧⲣ︤ⲣ︥ⲱ ϩⲛ̄
ⲟⲩⲛⲟϭ ⲛ̄ ϯⲙⲏ • ⲗⲟⲓⲡⲟⲛ ⲧⲛ̄ⲛⲟⲟⲩ ⲡϣⲏⲣⲉ ⲙ̄ ⲡⲣ︦ⲣ︦ⲟ
ⲛⲁⲓ • ⲙⲛ̄ ⲡⲁ ϣⲃⲏⲣ ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ⲧⲁⲣⲉ
ⲡⲣ︦ⲣ︦ⲟ ⲕⲁⲁⲧ ⲉ ⲃⲟⲗ • ⲛ̄ⲑⲉ ⲛ̄ⲧⲁϥϫⲟⲟⲥ ⲉ ⲣⲟⲓ • Ⲁⲛⲟⲕ
ⲡⲉ ⲕⲗⲁⲩⲇⲓⲟⲥ ⲡⲉⲕϣⲏⲣⲉ • ⲉⲓⲥϩⲁⲓ ϣⲁ ⲣⲟⲕ • ⲱ̄ ⲡⲧⲟⲗⲟ‐
ⲙⲁⲓⲟⲥ • ⲡⲁ ⲉⲓⲱⲧ • ϩⲛ̄ ⲧⲁ ϭⲓϫ ⲙ̄ⲙⲓⲛ ⲉⲙⲙⲟⲥ • Ⲁⲩⲱ
ⲁϥⲥϩⲁⲓ ⲛ̄ ϩⲛ̄ⲕⲉ ⲙⲩⲥⲧⲏⲣⲓⲟⲛ • ⲉⲩϩⲛ̄ ⲧⲉϥⲙⲏ|ⲧⲉ • ⲙⲛ̄
ⲡⲉϥⲉⲓⲱⲧ ⲙⲛ̄ ⲧⲉϥⲙⲁⲁⲩ • ⲁⲩⲱ ⲁϥϯ ⲛ ⲧⲉⲡⲓⲥⲧⲟⲗⲏ ⲙ̄
ⲡⲣ︦ⲣ︦ⲟ • ϯⲛⲁⲧⲁⲙⲱⲧⲛ̄ ⲇⲉ ⲱ̄ ⲛⲁⲙⲉⲣⲁⲧⲉ ⲛ̄ ⲛⲉⲛⲧⲁⲩ‐
ϣⲱⲡⲉ ⲛ̄ ⲛⲉϩⲣⲱⲙⲁⲓⲟⲥ ϩⲱⲟⲩ • ⲛ̄ ⲧⲉⲣ ⲟⲩⲗⲟ ⲉⲩϩⲙ̄
ⲡⲡⲟⲗⲁⲓⲙⲟⲥ ⲛ̄ⲥⲉⲕⲧⲟⲟⲩ ⲉ ⲧⲉⲩⲡⲟⲗⲓⲥ • Ⲁⲥϣⲱⲡⲉ ⲇⲉ ⲛ̄
ⲧⲉⲣ ⲟⲩϣⲓⲛⲉ • ϩⲙ̄ ⲡⲉⲩⲙⲏⲏϣⲉ • ⲙ̄ⲡ ⲟⲩϩⲉ ⲕⲗⲁⲩⲇⲓⲟⲥ •
ϩⲓϫⲙ̄ ⲡⲉϥϩⲁⲣⲙⲁ • ⲁⲣⲁ ⲟⲩ ⲡⲉⲛⲧ ⲁϥϣⲱⲡⲉ • ϩⲙ̄
ⲡⲡⲁⲗⲗⲁϯⲟⲛ ⲙ̄ ⲡⲛⲁⲩ ⲉⲧ ⲙ̄ⲙⲁⲩ • ⲛ̄ ⲧⲉⲣ ⲟⲩϫⲟⲟⲥ •
ϫⲉ ⲁⲩϥⲓ ⲛ̄ ⲕⲗⲁⲩⲇⲓⲟⲥ • Ⲛ̄ ⲧⲉⲣⲉ ⲧⲉϥⲙⲁⲁⲩ ⲇⲉ ⲥⲱⲧⲙ̄
ⲁⲥⲡⲱϩ ⲛ̄ⲛⲉⲥϩⲟⲓⲧⲉ • ⲁⲥⲧⲁⲗⲉ | ⲉⲓⲧⲛ̄ ⲉϫⲛ̄ ⲧⲉⲥⲁⲡⲉ • ⲁⲥ‐
ⲧⲱⲗⲕ̄ ⲉ ⲃⲟⲗ ⲙ̄ ⲡⲉⲥⲃⲱ • ⲙⲛ̄ ⲑⲏⲃⲁⲥⲓⲁ ⲧⲉϥⲥⲱⲛⲉ •
ⲛ̄ϩⲟⲩⲟ ⲇⲉ ⲡⲧⲟⲗⲟⲙⲁⲓⲟⲥ • ⲡⲉϥⲉⲓⲱⲧ • ⲙⲛ̄ ⲛ̄ⲛⲟϭ ⲙ̄
ⲡⲡⲁⲗⲗⲁϯⲟⲛ • ⲁ ⲛⲉϥϩⲙ̄ϩⲁⲗ ⲡⲱϩ ⲛ̄ⲛⲉⲩϩⲟⲓⲧⲉ • ⲛⲉ‐
ⲭⲏⲣⲁ ⲙⲛ̄ ⲛ̄ⲟⲣⲫⲁⲛⲟⲥ ⲛⲉⲩⲣⲓⲙⲉ ⲉ ⲣⲟϥ ⲧⲏⲣⲟⲩ • ⲉ
ⲧⲃⲉ ⲙ̄ ⲙⲛ︦ⲧ︦ⲛⲁ ⲉ ⲛⲉϥⲉⲓⲣⲉ ⲙ̄ⲙⲟⲟⲩ ⲙⲛ̄ ⲛⲉⲧ ϣⲁⲁⲧ •
Ⲉⲛ ⲉⲣⲉ ⲧⲉϥⲙⲁⲁⲩ ⲣⲓⲙⲉ ⲉ ⲣⲟϥ • ⲉⲥϫⲱ ⲙ̄ⲙⲟⲥ • ϫⲉ
Ⲟⲩⲟⲓ ⲛⲁⲓ • ⲡⲁ ⲙⲉⲣⲓⲧ ⲛ̄ ϣⲏⲣⲉ • ⲕⲗⲁⲩϯⲟⲥ • ⲉⲓⲣ ⲟⲩ


### 0022

ⲙ̄ ⲡⲟⲗⲁⲓⲙⲟⲥ • ⲁⲛⲟⲕ ⲡⲁ ϣⲏⲣⲉ • ⲟⲩⲇⲉ ϩⲁⲣⲙⲁ ⲛ︦ⲣ︦ⲣ︦ⲟ
ⲛ̄ⲧⲁⲩϥⲓⲧⲕ̄ ⲛ̄ ⲧⲟⲟⲧ • Ⲛⲓⲙ ⲡⲉ ⲡⲣⲱⲙⲉ • | ⲛ̄ ϣⲁⲓϩⲉ ⲉ
ⲣⲟϥ ⲟⲛ • ⲧⲁϫⲟⲟⲩ ⲙ̄ ⲡⲁ ϣⲓⲛⲉ ⲛⲁⲕ ⲛⲙ̄ⲙⲁϥ • ⲑⲩ‐
ⲃⲁⲥⲓⲁ ⲧⲉⲕⲥⲱⲛⲉ ⲗⲩⲡⲏ • ⲁⲩⲱ ⲥⲣⲓⲙⲉ • ϩⲛ̄ ⲟⲩⲥⲓϣⲉ •
ⲉ ⲧⲃⲉ ⲡⲉⲕⲙ̄ⲕⲁϩ ⲛ̄ϩⲏⲧ • ⲱ̄ ⲡⲁ ⲙⲉⲣⲓⲧ ⲛ̄ ϣⲏⲣⲉ • Ⲧⲁⲣ
ⲟⲩ ⲛ̄ⲧⲉⲕϭⲣⲏⲡⲉ ⲛ︦ⲣ︦ⲣ︦ⲟ • ⲛ̄ⲧⲁⲩϩⲟⲩⲣⲱⲱⲧ • ⲉ ⲡⲉⲕϩⲟ
ⲉⲧ ϩⲟⲗϭ̄ • ⲧⲁⲣ ⲟⲩ ⲙ̄ ⲡⲉⲕⲙⲁⲛⲓⲁⲕⲏⲥ ⲛ̄ ⲛⲟⲩⲃ • ⲡⲁ
ϣⲏⲣⲉ • ⲛ̄ⲧⲁⲩϫⲓⲧⲕ̄ ⲉⲩⲭⲱⲣⲁ ⲛ̄ ϣⲙ̄ⲙⲟ • Ϩⲁⲙⲟⲓ ⲉ
ⲛⲉ ⲛⲧⲁⲓⲉⲓⲙⲉ ⲉ ⲡⲃⲁⲣⲃⲁⲣⲟⲥ • ⲛ̄ⲧⲁϥⲃⲓⲧⲕ̄ • ⲧⲁϯ ⲛ̄ ⲧⲉ‐
ⲕⲁⲥⲟⲩ ⲛⲁϥ • ⲛ̄ ϥⲧⲟⲟⲩ ⲛ̄ⲕⲱⲃ • ⲁⲣⲏⲩ ϣⲁϥⲕⲁⲁⲕ ⲛⲁⲓ
ⲉ ⲃⲟⲗ • ⲁⲣⲁ ⲛⲓⲙ ⲡⲉ ⲡⲃⲁⲣⲃⲁⲣⲟⲥ ⲉⲑⲟⲟⲩ • ⲛ̄ⲧⲁϥⲛⲁⲩ
ⲉ ⲕⲗⲁⲩϯⲟⲥ ⲡⲁ | ϣⲏⲣⲉ • ⲁϥⲉⲣ ⲡⲉⲑⲟⲟⲩ ⲛⲁϥ • ϯⲧⲉⲣⲕⲟ
ⲙ̄ⲙⲱⲧⲛ̄ ⲛⲉⲥⲧⲣⲁⲧⲩⲗⲁⲧⲏⲥ • ⲙ̄ ⲡⲣ︦ⲣ︦ⲟ ⲙⲛ̄ ⲛⲛⲟϭ ⲙ̄
ⲡⲁⲗⲗⲁϯⲟⲛ • ⲉϣⲱⲡⲉ ⲁⲩⲙⲟⲩⲟⲩⲧ • ⲙ̄ ⲡⲁ ⲙⲉⲣⲓⲧ ⲛ̄
ϣⲏⲣⲉ ⲕⲗⲁⲩⲇⲓⲟⲥ • ⲧⲁⲙⲟⲓ ⲉ ⲧⲙⲉ • ⲧⲁϯ ⲛ̄ⲛⲁⲭⲣⲏⲙⲁ •
ⲧⲏⲣⲟⲩ • ϣⲁⲛ ⲧⲁⲉⲓⲛⲉ ⲙ̄ ⲡⲉϥⲥⲱⲙⲁ • ⲉ ⲡⲁ ⲏⲓ • ⲧⲁϯ
ⲛ̄ ⲟⲩⲕⲁⲓⲥⲉ ⲉ ⲣⲟϥ • ⲕⲁⲧⲁ ⲡⲉϥⲙ̄ⲡϣⲁ • ⲧⲁⲕⲁⲁϥ ϩⲙ̄
ⲡⲧⲁⲫⲟⲥ ⲛ̄ ⲛ︦ⲣ︦ⲣ︦ⲱⲟⲩ • ⲧⲁⲣⲓⲙⲉ ⲉ ϩⲣⲁⲓ ⲉ ϫⲱϥ • ⲁⲣⲏⲩ
ϣⲁⲓⲥⲟⲗⲥⲗ̄ ⲛ̄ ⲟⲩⲕⲟⲩⲓ • ⲙ̄ⲙⲟⲛ • ⲙⲉ ⲥⲟⲗⲥⲗ̄ • ⲛⲁϣⲱⲡⲉ
ⲛ̄ ⲟⲩⲣ︦ⲣ︦ⲱ • ⲉⲩϣⲁⲛϥⲓ ⲙ̄ ⲡⲉⲥϫⲟⲉⲓⲥ • ⲙⲉ ⲥⲟⲗⲥⲗ̄ ϩⲛ̄
ⲟⲩⲡⲁⲗⲗⲁϯⲟⲛ ⲉⲣⲉ ⲡⲣⲓⲙⲉ | ϣⲟⲟⲡ ⲛ̄ϩⲏⲧϥ̄ • Ⲙⲉ ⲥⲟⲗⲥⲗ
ⲛ̄ⲧⲉ ⲟⲩϩⲁⲗⲏⲧ ⲉⲩϣⲁⲛⲧⲱⲣⲡ̄ ⲛ̄ ⲛⲉϥⲙⲁⲥ • Ⲙⲉ ⲥⲟⲗⲥⲗ̄
ⲛ̄ⲧⲉ ⲟⲩⲟⲣⲫⲁⲛⲟⲥ • ⲉⲩϣⲁⲛϥⲓ ⲛ̄ ⲛⲉϥⲉⲓⲟⲧⲉ • Ⲙⲉ ⲟⲩⲛⲟϥ
ⲛ̄ ⲧⲉⲭⲏⲣⲁ • ⲉⲩϣⲁⲛϥⲓ ⲙ̄ ⲡⲉⲥⲃⲟⲏⲑⲟⲥ • Ⲙⲉ ⲛⲧⲁⲓⲥⲟⲗⲥⲗ̄
ⲙ̄ⲙⲁⲩ ϩⲱ • ⲟⲩⲇⲉ ⲟⲩⲛⲟϥ • ⲛ̄ⲧⲁⲩϥⲓ ⲙ̄ ⲡⲁ ⲙⲉⲣⲓⲧ ⲛ̄
ϣⲏⲣⲉ ⲕⲗⲁⲩϯⲟⲥ • Ⲙⲉⲛⲧⲁⲕ ⲥⲟⲛ ⲙ̄ⲙⲁⲩ • ⲱ̄ ⲡⲁ ϣⲏⲣⲉ •
ⲧⲁϫⲓ ⲙ̄ ⲡⲁ ⲥⲟⲗⲥⲗ̄ ⲉ ⲃⲟⲗ ⲛ̄ϩⲏⲧϥ̄ • Ⲁⲗⲏⲑⲱⲥ ⲉⲓϭⲱϣⲧ̄
ⲉ ⲣⲟⲕ ⲙ̄ⲙⲏⲛⲉ • ⲛ̄ⲑⲉ ⲛ̄ ⲟⲩⲁⲅⲅⲉⲗⲟⲥ ⲛ̄ⲧⲉ ⲡⲛⲟⲩⲧⲉ •
Ⲙⲉⲛⲧ ⲁⲓⲥⲟⲗⲥⲗ̄ ⲙ̄ⲙⲁⲩ ⲛ̄ ⲕⲉ ⲥⲟⲡ • ⲉ ⲧⲃⲉ ϫⲉ • ⲁⲩϩⲟⲩ‐
ⲣⲱⲱⲧ ⲉ ⲡⲉⲕϩⲟ ⲉⲧ ϩⲟⲗϭ̄ :- | Ϩⲁⲡⲗⲱⲥ ⲛⲉⲣⲉ ⲟⲩⲛⲟϭ
ⲛ̄ ⲣⲓⲙⲉ • ⲥⲏⲣ ⲉ ⲃⲟⲗ ϩⲛ̄ ⲧⲡⲟⲗⲓⲥ ⲧⲏⲣⲥ̄ • ⲁⲛϯⲟ̄ⲭⲓⲁ •
Ϩⲟⲓⲛⲉ ϫⲉ ⲡⲉⲓ ⲥⲁⲉ̄ ϩⲙ̄ ⲡⲉϥⲡⲣⲟⲥⲟⲡⲟⲛ • Ϩⲛ̄ⲕⲟⲟⲩⲉ ϫⲉ
ⲡⲉⲓ ϣⲏⲣⲉ ϣⲏⲙ • ⲉϥⲧⲟⲟⲙⲉ ⲉ ⲧⲙⲛ︤ⲧ︦ⲣ︦ⲣ︥ⲟ • ϩⲛ̄ⲕⲟⲟⲩⲉ
ϫⲉ ⲡⲉⲓ ⲥⲡⲁⲑⲁⲣⲓⲟⲥ • ⲛⲉⲣⲉ ⲡⲣ︤ⲣ︥ⲟ ⲟⲩⲟⲗⲥ̄ ⲛ̄ϩⲏⲧ • ⲉ ⲧⲃⲉ


### 0023

ⲧⲗⲩⲡⲏ ⲛ̄ ⲕⲗⲁⲩϯⲟⲥ ⲡⲉϥϣⲏⲣⲉ • Ⲉⲓⲧⲁ ⲙⲛ︦ⲛ︦ⲥⲁ ⲛⲁⲓ • ⲁ
ⲥⲟⲧⲉⲣⲓⲭⲟⲥ ⲡⲉⲓⲱⲧ ⲛ̄ ⲁⲡⲁ ⲑⲉⲟⲇⲱⲣⲟⲥ • ϯ ⲙ̄ ⲡⲉϥ ⲟⲩⲟⲓ
ⲉ ⲣⲟϥ • ⲉϥϫⲱ ⲙ̄ⲙⲟⲥ • ϫⲉ ⲡⲣ︦ⲣ︦ⲟ ⲱⲛϩ̄ ϣⲁ ⲉⲛⲉϩ • ⲉϣϫⲉ
ⲁⲩϥⲓ ⲛ̄ ⲕⲗⲁⲩϯⲟⲥ ⲡⲉⲕϣⲏⲣⲉ • ⲉⲓⲥ ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ̄
ⲙ̄ⲡⲉⲣⲥⲟⲥ • ⲁⲩⲛ̄|ⲧϥ̄ ϣⲁ ⲣⲟⲕ ϩⲱⲱⲕ ⲉϥⲟⲛⲉϩ • ⲙⲁ ϫ‐
ⲛⲟⲩϥ • ⲧⲁⲣⲉϥⲥϩⲁⲓ ϣⲁ ⲡⲉϥⲉⲓⲱⲧ • ⲉϣⲱⲡⲉ ⲕⲗⲁⲩⲇⲓⲟⲥ
ⲡⲉⲕϣⲏⲣⲉ ⲟⲛϩ̄ • ϥⲛⲁⲕⲁⲁϥ ⲛⲁⲕ ⲉ ⲃⲟⲗ • ⲛⲅ̄ ⲕⲱ ⲙ̄
ⲡⲉϥϣⲏⲣⲉ ⲉ ⲃⲟⲗ ϩⲱⲱϥ • Ⲡⲉϫⲉ ⲡⲣ︦ⲣ︦ⲟ ⲛ̄ ⲥⲟⲧⲉⲣⲓⲭⲟⲥ •
ϫⲉ ϫⲟⲟⲩ ⲛ̄ⲥⲁ • ⲡⲁⲣⲭⲏⲉⲡⲓⲥⲕⲟⲡⲟⲥ • ⲛϥ̄ⲉⲓⲛⲉ ⲙ̄ ⲡϣⲏⲣⲉ
ⲙ̄ ⲡⲣ︦ⲣ︦ⲟ • ⲛ︦ⲛ︦ ⲙ̄ⲡⲉⲣⲥⲟⲥ • ϣⲁ ⲣⲟⲕ ⲛϥ̄ⲥϩⲁⲓ ϣⲁ
ⲡⲉϥⲉⲓⲱⲧ • ⲉ ⲧⲃⲉ ⲡⲁ ⲙⲉⲣⲓⲧ ⲛ̄ ϣⲏⲣⲉ ⲕⲗⲁⲩⲇⲓⲟⲥ •
Ⲉⲧⲉⲓ (sic) ⲙⲛ︦ⲛ︦ⲥⲁ ⲛⲁⲓ • ⲉⲩⲥⲕⲉⲡⲧⲉⲓ ⲙ̄ⲙⲟⲟⲩ ⲙⲛ̄ ⲛⲉⲩ‐
ⲉⲣⲏⲩ ⲛ̄ ⲟⲩⲉⲃⲟⲧ • ⲁ ⲛⲉⲥϩⲁⲓ ⲛ̄ ⲕⲗⲁⲩϯⲟⲥ • ⲉⲓ ⲉ ϩⲟⲩⲛ
ⲉ ⲧⲁⲛϯⲟⲭⲓⲁ • Ⲱ̄ ϫⲉ ⲁⲟⲩⲏⲣ ⲛ̄ | ⲣⲁϣⲉ • ϣⲱⲡⲉ ⲙ̄
ⲡⲉϩⲟⲟⲩ ⲉⲧ ⲙ̄ⲙⲁⲩ • ⲛ̄ ⲧⲉⲣ ⲟⲩⲱϣ ⲛ̄ ⲛⲉⲥϩⲁⲓ ⲁⲩϩⲉ
ⲉ ⲡⲣⲁⲛ • ⲙ̄ ⲡϩⲁⲅⲓⲟⲥ ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ⲉⲣⲉ
ⲡⲣ︦ⲣ︦ⲟ ⲁⲓⲧⲉⲓ ⲙ̄ⲙⲟϥ • ⲉ ⲧⲣⲉ ϥⲛⲁⲩ ⲉ ⲣⲟϥ • Ⲁⲩⲱ
ⲛ̄ⲧⲉⲩⲛⲟⲩ ⲁ ⲡⲣ︦ⲣ︦ⲟ ϫⲟⲟⲩ ⲛ̄ⲥⲱϥ • ⲙⲛ̄ ⲡⲉϥⲁⲣⲓⲑⲙⲟⲥ
ⲙ̄ⲙⲁⲧⲟⲓ • ⲛⲉϥϩⲛ̄ ⲙ̄ ⲙⲁ ⲛ̄ ⲣⲟⲉⲓⲥ ⲅⲁⲣ ⲉ ⲧⲃⲉ ⲛ̄ⲃⲁⲣ‐
ⲃⲁⲣⲟⲥ • ⲉ ⲃⲟⲗ ϫⲉ ⲙ̄ⲡⲉ ϥⲉⲓⲙⲉ • ⲉ ⲡⲉⲛⲧ ⲁϥϣⲱⲡⲉ ⲛ̄
ⲕⲗⲁⲩϯⲟⲥ • Ⲉⲓⲧⲁ ⲙⲛ︦ⲛ︦ⲥⲁ ⲛⲁⲓ • ⲁ ⲡϩⲁⲅⲓⲟⲥ ⲑⲉⲟⲇⲱⲣⲟⲥ •
ⲉⲓ ⲉ ⲡⲡⲁⲗⲗⲁϯⲟⲛ • ⲁϥϩⲉ ⲛ̄ϩⲙ̄ϩⲁⲗ ⲛ̄ ⲕⲗⲁⲩϯⲟⲥ • ⲉⲣⲉ
ⲛⲉⲩϩⲟⲓⲧⲉ ⲡⲏϩ ϩⲓⲱⲟⲩ • ⲁϥϣⲓⲛⲉ ϫⲉ ⲟⲩ ⲡⲉⲧ ϣⲟⲟⲡ •
ⲉⲧⲉⲧⲛ̄ⲉⲣ | ϩⲏⲃⲉ ⲛ̄ ⲧⲉⲓ ϩⲉ ⲧⲏⲣⲥ̄ • ⲁⲩⲱ ⲁⲩⲧⲁⲙⲟϥ • ⲉ
ⲡⲉⲛⲧ ⲁϥϣⲱⲡⲉ ⲙ̄ ⲡϩⲁⲅⲓⲟⲥ ⲕⲗⲁⲩϯⲟⲥ • ⲁϥⲣⲓⲙⲉ ⲙ̄ⲙⲁⲧⲉ
ⲉ ⲧⲃⲏⲏⲧϥ̄ • ⲁϥⲃⲱⲕ ⲇⲉ ⲉ ϩⲟⲩⲛ ϣⲁ ⲡⲣ︦ⲣ︦ⲟ • ⲁϥⲁⲝⲓⲟⲩ
ⲙ̄ⲙⲟϥ ⲉ ⲧⲃⲉ ⲕⲗⲁⲩϯⲟⲥ ⲡⲉϥϣⲏⲣⲉ • Ⲉⲛⲉϥϫⲱ ⲙ̄ⲙⲟⲥ
ⲛⲁϥ • ϫⲉ ⲙ̄ⲡⲉⲣ ⲙ̄ⲕⲁϩ ⲛ̄ϩⲏⲧ ⲱ̄ ⲡⲣ︦ⲣ︦ⲟ ⲁⲛⲟⲕ ⲡⲉⲧ‐
ⲛⲁⲃⲱⲕ • ⲧⲁⲉⲓⲛⲉ ⲛ̄ ⲕⲗⲁⲩⲇⲓⲟⲥ ⲡⲁ ⲥⲟⲛ ⲛⲁⲕ • ⲉ ⲡⲉⲓ
ⲙⲁ • ⲉⲥϣⲁⲛϣⲱⲡⲉ ⲧⲁⲙⲟⲩ ⲛⲙ̄ⲙⲁϥ • ϯⲛⲁⲕⲁ ⲧⲟⲟⲧ
ⲉ ⲃⲟⲗ ⲁⲛ • ϣⲁⲛ ⲧⲁⲉⲛⲧϥ̄ ϣⲁ ⲣⲟⲕ • Ⲡⲣ︦ⲣ︦ⲟ ⲇⲉ ⲁϥⲉⲣ
ⲡⲥⲟϥⲧⲉ ⲧⲏⲣϥ̄ • ⲛ̄ ⲧⲉⲩⲁⲡⲟⲇⲩ|ⲙⲓⲁ • ⲉ ⲧⲣⲉ ⲩⲧⲁⲁⲩ ⲉ
ⲧⲉϩⲓⲏ • Ⲧⲣ︦ⲣ︦ⲱ ⲇⲉ ⲙ̄ⲡⲉ ⲥⲡⲓⲑⲉ • ⲛ̄ϫⲟⲟⲩ ⲛ̄ ⲑⲉⲟⲇⲱⲣⲟⲥ •
ⲉ ⲧⲃⲉ ⲡⲉⲥϣⲏⲣⲉ ϫⲉ ⲛ̄ⲛⲉ ⲡⲣ︤ⲣ︥ⲟ ⲁⲙⲁϩⲧⲉ ⲙ̄ⲙⲟϥ • ⲉ


### 0024

ⲃⲟⲗ ϫⲉ ⲛⲉⲥⲙⲉ ⲙ̄ⲙⲟϥ ⲉ ⲡⲉϩⲟⲩⲟ • Ⲉⲛⲉ ⲥϫⲱ ⲇⲉ
ⲙ̄ⲙⲟⲥ ϫⲉ ⲉⲓⲉⲣ ϩⲟⲧⲉ • ϫⲉ ⲛ̄ⲛⲉ ⲡⲣ︦ⲣ︦ⲟ ⲁⲙⲁϩⲧⲉ ⲙ̄ⲙⲟⲟⲩ •
ⲙ̄ ⲡⲉⲥⲛⲁⲩ • ⲧⲁⲗⲩⲡⲏ ⲉ ⲧⲃⲏⲏⲧⲟⲩ • Ⲉⲓⲧⲁ ⲁ ⲡⲣ︦ⲣ︦ⲟ
ϫⲟⲟⲩ ⲛ̄ⲥⲁ ⲡⲁⲣⲭⲏⲉⲡⲓⲥⲕⲟⲡⲟⲥ • ⲡⲉϫⲁϥ ⲛⲁϥ ϫⲉ ⲡⲁ
ⲉⲓⲱⲧ ⲉⲧ ⲟⲩⲁⲁⲃ • ϩⲁⲣⲉϩ ⲉ ⲡϣⲏⲣⲉ • ⲙ̄ ⲡⲣ︦ⲣ︦ⲟ ⲉⲧ
ϭⲁⲗⲏⲩ ⲉ ⲣⲟⲕ • ϣⲁⲛ ⲧⲁϣⲓⲛⲉ ⲛ̄ⲥⲱϥ ⲛ̄ⲧⲟⲟⲧⲕ̄ • ⲉ ⲧⲃⲉ •
ϫⲉ ⲁⲓⲉⲣ ⲉⲓⲣⲏⲛⲏ ⲙⲛ̄ ⲡⲉϥⲉⲓⲱⲧ • ⲛϥ̄ϫⲟⲟⲩ | ⲙ̄ ⲡⲁ
ϣⲏⲣⲉ ⲛⲁⲓ • ⲧⲁϫⲟⲟⲩ ⲙ̄ ⲡⲉϥϣⲏⲣⲉ ⲛⲁϥ ϩⲱⲱϥ • Ⲡⲉϫⲉ
ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲁϥ • ϫⲉ ⲡⲁ ϫⲟⲉⲓⲥ ⲡⲣ︦ⲣ︥ⲟ ϥϩⲙ̄
ⲡⲉⲡⲓⲥⲕⲟⲡⲓⲟⲛ ⲛⲙ̄ⲙⲁⲓ • ⲟⲩⲇⲣⲁⲡⲩⲍⲁ ⲛ̄ ⲟⲩⲱⲧ ⲧⲉⲧ ⲉⲓ •
ⲟⲩⲱⲙ ϩⲓ ϫⲱⲥ ⲛⲙ̄ⲙⲁϥ • ⲁⲗⲗⲁ ⲉⲣⲉ ⲟⲩⲙⲁⲉⲓⲛ ⲛ̄
ⲥⲟⲧⲉ • ⲛ̄ⲧⲉ ⲡⲡⲟⲗⲁⲓⲙⲟⲥ • ϩⲙ̄ ⲡⲉϥⲥⲡⲓⲣ ⲉϥϣⲱⲛⲉ ⲉ
ⲣⲟϥ • Ⲡⲉϫⲉ ⲡⲣ︦ⲣ︦ⲟ ⲙ̄ ⲡⲁⲣⲭⲏⲉⲡⲓⲥⲕⲟⲡⲟⲥ • ϫⲉ ϫⲓ ⲛ
ⲟⲩⲥⲁⲉⲓⲛ • ⲛ̄ⲧⲉ ⲧⲙⲛ︦ⲧ︦ⲣ︦ⲣ︦ⲟ ⲉ ϩⲟⲩⲛ ϣⲁ ⲣⲟϥ • ⲛϥ̄ⲧⲁⲗ‐
ϭⲟϥ ϣⲁⲛ ⲧⲁⲥϩⲁⲓ • ϣⲁ ⲡⲉϥⲉⲓⲱⲧ • ⲁⲩⲱ ⲥⲃ̄ⲧⲱⲧⲕ̄ ⲱ̄
ⲡⲁ ⲉⲓⲱⲧ • ⲛⲅ̄ ⲃⲱⲕ ⲉ ⲣⲁⲧϥ̄ ⲙ̄ ⲡⲣ︦ⲣ︦ⲟ • ⲛ̄ ⲙ̄ⲡⲉⲣⲥⲟⲥ •
ⲛⲅ̄ | ⲉⲓⲛⲉ ⲛⲁⲓ ⲛ̄ ⲕⲗⲁⲩϯⲟⲥ ⲡⲁ ϣⲏⲣⲉ • ϫⲉ ϯⲗⲩⲡⲏ
ⲉ ⲧⲃⲏⲏⲧϥ̄ • Ⲡⲉϫⲉ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲁϥ • ϫⲉ ⲕⲁⲧⲁ
ⲧⲉⲕⲕⲉⲗⲉⲩⲥⲓⲥ • ⲡⲉⲕϩⲙ̄ϩⲁⲗ ⲛⲁⲃⲱⲕ ϩⲛ̄ ⲟⲩϭⲉⲡⲏ • Ⲁⲩⲱ
ⲁ ⲡⲣ︦ⲣ︦ⲟ ⲧⲛ̄ⲛⲟⲟⲩ ⲛ̄ ϩⲙ̄ⲙⲁⲧⲟⲓ • ⲙⲛ̄ ϩⲛ̄ⲛⲟϭ ⲛ̄ⲧⲉ
ⲧⲙⲛ︦ⲧ︦ⲣ︦ⲣⲟ • ⲙⲛ̄ ⲟⲩⲙⲏⲏϣⲉ ⲛ̄ⲧⲁⲉⲓⲟ ⲉⲧ ⲟϣ • ⲙⲛ̄ ⲡϩⲁ‐
ⲅⲓⲟⲥ ⲑⲉⲟⲇⲱⲣⲟⲥ • ⲁⲩⲱ ⲁⲩⲕⲱ ⲙ̄ ⲡϣⲏⲣⲉ • ⲙ̄ ⲡⲣ︦ⲣ︦ⲟ
ⲛ̄ ⲙ̄ⲡⲉⲣⲥⲟⲥ ϩⲁ ⲧⲟⲟⲧ • ⲁⲛⲟⲕ ⲡⲉⲓ ⲉⲗⲁⲭⲓⲥⲧⲟⲥ ⲑⲉⲟ‐
ⲇⲱⲣⲟⲥ • ⲉⲓⲟ ⲙ̄ ⲡⲣⲉⲥⲃⲩⲧⲉⲣⲟⲥ • ⲉⲓϣⲟⲟⲡ ϩⲁ ⲑⲩⲡⲟ‐
ⲧⲁⲕⲏ • ⲙ̄ ⲡⲁ ⲉⲓⲱⲧ • ⲁⲡⲁ ⲕⲁⲓⲟⲥ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲉⲓⲟ ⲛⲁϥ ⲛ̄ ⲇⲓⲁⲧⲟⲭⲟⲥ • Ⲉⲓⲧⲁ ⲙⲛ︦ⲛ︦ⲥⲁ ⲛⲁⲓ | ⲁⲩⲧⲁⲁⲩ
ⲉ ⲧⲉϩⲓⲏ • ϫⲉ ⲉⲩⲛⲁⲃⲱⲕ ⲉ ⲧⲉⲩⲭⲱⲣⲁ ⲛ︦ⲛ︦ ⲙ̄ⲡⲉⲣⲥⲟⲥ •
ⲁⲩⲱ ⲁⲩϫⲟⲟⲩ • ⲛ̄ ϩⲛ̄ⲃⲁⲓϣⲓⲛⲉ ϩⲓⲑⲏ ⲙ̄ⲙⲟⲟⲩ • ϫⲉ ⲉⲩⲉ‐
ⲧⲁⲙⲉ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ ϫⲉ ⲛ̄ⲧⲁⲩⲉⲓ ⲉⲩⲉⲓⲣⲏⲛⲏ •
Ⲡⲣ︦ⲣ︦ⲟ ⲇⲉ ⲁϥⲕⲩⲣⲓⲍⲉ • ⲛ̄ ⲛⲁ ⲧⲡⲟⲗⲓⲥ ⲧⲏⲣⲟⲩ • ϫⲉ
ⲁⲙⲏⲓⲧⲛ̄ ⲉ ⲃⲟⲗ ϩⲏⲧϥ̄ • ⲙ̄ ⲡⲁ ϣⲏⲣⲉ • ⲙⲛ̄ ⲑⲉⲟⲇⲱ-
ⲣⲟⲥ ⲡⲁⲛⲁⲧⲟⲗⲁⲓⲟⲥ • ⲛ̄ⲧⲁϥⲉⲓ ⲛⲙ̄ⲙⲁϥ ⲛ̄ⲧⲛ̄ⲉⲓⲙⲉ • ϫⲉ
ⲟⲩⲁϣ ⲙ̄ ⲙⲓⲛⲉ ⲡⲉ • Ⲁⲩⲱ ⲁⲩⲥⲧⲉⲫⲁⲛⲟⲩ ⲙ̄ ⲡⲡⲁⲗⲗⲁ
ϯⲟⲛ ϩⲓⲑⲏ ⲙ̄ⲙⲟⲟⲩ • ⲁ ⲡⲙⲏⲏϣⲉ ⲛ̄ ⲧⲡⲟⲗⲓⲥ ⲉⲓ ⲉ ⲃⲟⲗ


### 0025

ϩⲁ ⲧⲉⲩϩⲏ • ϫⲉ ⲛⲉ ⲁ ⲡⲣⲁⲛ ⲙ̄ ⲡⲁⲛⲁⲧⲟⲗⲁⲓ|ⲟⲥ ⲉⲣ ⲥⲟⲉⲓⲧ •
ⲉⲓⲧⲁ ⲛ̄ ⲧⲉⲣ ⲟⲩⲉⲓ ⲉ ϩⲟⲩⲛ • ⲁ ⲧⲡⲟⲗⲓⲥ ⲧⲏⲣⲥ̄ • ⲛ̄ⲟⲉⲓⲛ
ϣⲁ ϩⲣⲁⲓ ⲉ ⲛⲉϩⲓⲟⲙⲉ • ⲁⲩⲃⲱⲕ ⲉ ϩⲣⲁⲓ ⲉ ⲛⲉϫⲉⲛⲉⲡⲱⲣ •
Ⲡⲁⲣⲭⲏⲉⲡⲓⲥⲕⲟⲡⲟⲥ ⲇⲉ ⲁⲩⲙⲏⲛⲉⲩⲉ ⲙ̄ⲙⲟϥ ⲙ̄ ⲡⲣ︦ⲣ︦ⲟ •
ⲡⲉϫⲉ ⲡⲣ︦ⲣ︦ⲟ ⲛⲁϥ • ϫⲉ ⲛ̄ⲧⲟⲕ ⲡⲉ ⲡⲛⲟⲩⲧⲉ ⲛ̄ ⲛⲉϩⲣⲱ‐
ⲙⲁⲓⲟⲥ • ⲉⲕⲫⲟⲣⲉⲓ ⲙ̄ ⲡⲉⲓ ⲥⲭⲏⲙⲁ ⲛ̄ ⲧⲉⲓ ⲙⲓⲛⲉ • Ⲡⲉϫⲉ
ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲁϥ • ϫⲉ ⲙ̄ⲙⲟⲛ ⲁⲛⲟⲕ ⲁⲛ ⲡⲉ
ⲡⲛⲟⲩⲧⲉ • ⲙⲉ ⲅⲉⲛⲟⲓⲧⲟ • ⲁⲗⲗⲁ ⲁⲛⲟⲕ ⲡⲉ ⲡⲉϥⲁⲣ‐
ⲭⲓⲉⲣⲉⲩⲥ • ⲉⲓϣⲗⲗ̄ ϩⲁ ⲛ̄ⲛⲟⲃⲉ ⲙ̄ ⲡⲗⲁⲟⲥ • ⲛ̄ⲧⲁ ⲡⲣ︦ⲣ︦ⲟ
ⲛ̄ ⲛⲉϩⲣⲱⲙⲁⲓⲟⲥ • ϫⲟⲟⲩⲧ ϣⲁ ⲣⲟⲕ • ⲉ ⲧⲣⲁ ϯ ⲛⲁⲕ ⲛ̄ |
ⲛⲉⲓ ⲇⲱⲣⲟⲛ ⲙⲛ̄ ⲡϣⲙ̄ⲛⲟⲩⲃⲉ • ⲙ̄ ⲡⲉⲕϣⲏⲣⲉ ϫⲉ ϥⲟⲛϩ̄ •
Ⲡⲉϫⲉ ⲡⲣ︦ⲣ︦ⲟ ⲛⲁϥ ϫⲉ ⲉ ⲧⲃⲉ ⲟⲩ ⲙ̄ⲡⲉ ⲕⲉⲓⲛⲉ ⲙ̄ⲙⲟϥ
ⲛⲁⲓ • Ⲡⲉϫⲉ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲁϥ • ϫⲉ ⲉϥϩⲛ̄ ⲧⲁⲛ‐
ϯⲟⲭⲓⲁ • ⲁⲗⲗⲁ ϣⲉ ⲡⲉⲕⲟⲩϫⲁⲓ • ⲱ̄ ⲡⲣ︤ⲣ︥ⲟ • ⲉⲓⲥ ⲡⲉⲕ‐
ϣⲏⲣⲉ ⲟⲛϩ̄ • ⲁⲩⲱ ⲁⲛⲟⲕ ⲡⲉⲧ ⲛⲁⲉⲛⲧϥ̄ ϣⲁ ⲣⲟⲕ • ⲉⲕ‐
ϣⲁⲛⲕⲱ ⲛ̄ ⲕⲗⲁⲩϯⲟⲥ ⲛⲁⲓ ⲉ ⲃⲟⲗ • Ⲡⲉϫⲉ ⲡⲣ︤ⲣ︥ⲟ ⲛⲁϥ
ϫⲉ ⲉϥⲧⲱⲛ • ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ⲧⲁⲛⲁⲩ ⲉ
ⲣⲟϥ • Ⲡⲉϫⲉ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲁϥ • ϫⲉ ϥ̄ϩⲓ ⲃⲟⲗ
ⲉ ⲡⲡⲁⲗⲗⲁϯⲟⲛ • ⲙⲛ̄ ⲛⲉⲥϩⲁⲓ ⲙ̄ ⲡⲣ︦ⲣ︦ⲟ • ⲙⲛ̄ ⲡⲛⲟϭ ⲙ̄
ⲡⲡⲁⲗ|ⲗⲁϯⲟⲛ • ⲁⲩⲱ ⲛ̄ⲧⲉⲩⲛⲟⲩ ⲁ ⲡⲣ︦ⲣ︦ⲟ ⲟⲩⲉϩⲥⲁϩⲛⲉ •
ⲉ ⲧⲣⲉ ⲩⲛⲧϥ̄ ⲛⲁϥ • Ⲡⲉϫⲉ ⲡⲣ︦ⲣ︦ⲟ ⲛⲁϥ ϫⲉ ⲛ̄ⲧⲟⲕ ⲡⲉ
ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ⲙⲁⲧⲁⲙⲟⲓ ⲧⲉⲛⲟⲩ • ϫⲉ
ⲟⲩⲧⲉ ⲧⲉⲕϭⲟⲙ • ⲛ̄ⲧⲁ ⲡⲉⲕⲣⲁⲛ • ⲉⲣ ⲥⲟⲉⲓⲧ ⲛ̄ ⲧⲉⲓ ϩⲉ
ⲧⲏⲣⲥ̄ • Ⲡⲉϫⲉ ⲡϩⲁⲅⲓⲟⲥ ⲛⲁϥ • ϫⲉ ⲧϭⲟⲙ • ⲙⲛ̄ ⲧⲙⲛ︦ⲧ︦-
ϫⲱⲱⲣⲉ • ⲙⲛ̄ ⲡⲡⲟⲗⲁⲓⲙⲟⲥ • ⲛⲁ ⲡϫⲟⲉⲓⲥ ⲛⲉ • ⲁⲩⲱ
ⲡⲉⲓ ⲣⲁⲛ • ⲉⲩⲙⲟⲩⲧⲉ ⲉ ⲣⲟⲓ ⲙ̄ⲙⲟϥ • ⲡⲁⲣⲭⲁⲅⲅⲉⲗⲟⲥ
ⲙⲓⲭⲁⲏⲗ • ⲁϥⲧⲁⲁϥ ⲉ ⲣⲟⲓ • Ⲡⲉϫⲉ ⲡⲣ︦ⲣ︦ⲟ ⲛⲁϥ ϫⲉ
ϯⲛⲁⲕⲁⲁⲕ ⲉ ⲃⲟⲗ • ⲁⲛ ⲙ̄ⲡⲉ ⲕⲉⲣ ⲟⲩⲙⲛ︤ⲧ︥ϫⲱⲱⲣⲉ • ϩⲛ̄
ⲧⲉⲓ ⲡⲟⲗⲓⲥ • ⲧⲁⲛⲁⲩ ⲉ ⲣⲟⲕ • Ⲡⲉϫⲉ ⲡⲡⲉⲧ ⲟⲩ|ⲁⲁⲃ ⲙ̄
ⲡⲣ︦ⲣ︦ⲟ • ϫⲉ ⲁⲓⲟⲩⲱ ⲉⲓϫⲟⲟⲥ ⲉ ⲣⲟⲕ • ϫⲉ ⲧϭⲟⲙ ⲙⲛ̄
ⲧⲙⲛ︦ⲧ︦ϫⲱⲱⲣⲉ • ⲧⲁ ⲡϫⲟⲉⲓⲥ ⲧⲉ • ⲁⲗⲗⲁ ϯϫⲱ ⲙ̄ⲙⲟⲥ
ⲛⲁⲕ • ϫⲉ ⲉⲛⲉⲓϣⲟⲟⲡ ⲡⲉ • ϩⲙ̄ ⲡⲡⲟⲗⲁⲓⲙⲟⲥ • ⲡⲉⲣⲉ
ⲡⲉⲕⲙⲏⲏϣⲉ • ⲛⲁⲉϣϥⲓ ⲁⲛ ⲛ̄ ⲧⲟⲟⲧⲛ̄ ⲕⲗⲁⲩⲇⲓⲟⲥ • ⲡⲗⲏⲛ
ⲕⲁⲁⲧ ⲧⲁⲛⲁⲩ ⲉ ⲕⲗⲁⲩϯⲟⲥ ⲧⲁϭⲙ̄ ⲡⲉϥϣⲓⲛⲉ ⲙ̄ⲡⲁ‐


### 0026

ⲧⲁⲉⲓⲣⲉ • ⲛ̄ ⲟⲩϭⲟⲙ • ⲛⲅ̄ ⲛⲁⲩ ⲉ ⲣⲟⲥ • Ⲁⲩⲱ ⲁ ⲡⲣ︦ⲣ︦ⲟ
ⲧⲣⲉ ⲩⲉⲓⲛⲉ ⲉ ⲃⲟⲗ • ⲙ̄ ⲡϩⲁⲅⲓⲟⲥ ⲕⲗⲁⲩϯⲟⲥ • ϩⲙ̄ ⲡⲕⲟⲓ‐
ⲧⲱⲛ ⲛ̄ ⲧⲣ︦ⲣ︦ⲱ • ⲁⲩⲧⲁϩⲟϥ ⲉ ⲣⲁⲧϥ̄ ⲉ ⲡϩⲁⲅⲓⲟⲥ ⲑⲉⲟ‐
ⲇⲱⲣⲟⲥ • ⲁⲩⲱ ⲛ̄ ⲧⲉⲣ ⲉϥⲛⲁⲩ ⲉ ⲣⲟϥ • ⲁϥⲁⲣⲭⲉⲓ ⲛ̄
ⲣⲓⲙⲉ ⲙⲛ̄ ⲡⲕⲉ ⲕⲗⲁⲩϯⲟⲥ • ϩⲓ ⲟⲩⲥⲟⲡ | ⲉⲛⲉⲩϯⲡⲉⲓ ⲉ
ⲡⲙⲁⲕϩ̄ ⲛ̄ ⲛⲉⲩⲉⲣⲏⲩ • ⲁⲩⲱ ⲁ ⲡⲣ︦ⲣ︦ⲟ ⲕⲁⲁⲩ • ⲛ̄ ⲟⲩϩⲃ̄‐
ⲇⲱⲙⲁⲥ ⲛ̄ϩⲟⲟⲩ • ⲉⲩϭⲓⲛⲉ ⲙ̄ ⲡϣⲓⲛⲉ ⲛ̄ ⲛⲉⲩⲉⲣⲏⲩ • Ⲛ̄
ⲧⲉⲣⲉ ⲧⲣ︦ⲣ︦ⲱ ⲇⲉ • ⲛⲁⲩ ⲉ ⲡⲉⲩⲡⲣⲟⲥⲟⲡⲟⲛ • ⲁⲥⲉⲡⲉⲓⲑⲩⲙⲉⲓ
ⲉ ⲣⲟⲟⲩ • ⲁⲥϫⲟⲟⲩ ⲛ̄ⲥⲁ ⲟⲩⲍⲟⲅⲣⲁⲫⲟⲥ • ⲁϥⲙⲉϩ ⲓⲁⲧϥ̄
ϩⲛ̄ ⲛⲉⲧ ⲟⲩⲁⲁⲃ • ⲙ̄ ⲡⲉⲥⲛⲁⲩ • ⲁⲩⲱ ⲁⲩⲥϩⲁⲓ ⲙ̄ ⲡⲉⲩ‐
ϩⲓⲥⲱⲛ • ⲉ ⲛⲉϫⲟ ⲙ̄ ⲡⲉⲥⲕⲟⲓⲧⲱⲛ • Ⲉⲓⲧⲁ ⲙⲛ︤ⲛ︥ⲥⲁ ⲛⲁⲓ •
ⲁ ⲁⲡⲁ ⲕⲗⲁⲩϯⲟⲥ • ϣⲓⲛⲉ ⲛ̄ⲥⲁ ⲡⲟⲩϫⲁⲓ • ⲛ̄ ⲛⲉϥⲣⲱⲙⲉ •
ⲛ̄ ⲧⲟⲟⲧϥ̄ ⲙ̄ ⲡϩⲁⲅⲓⲟⲥ ⲑⲉⲟⲇⲱⲣⲟⲥ • ⲁⲩⲱ ϫⲉ ⲁ ⲡⲣ︦ⲣ︦ⲟ
ⲉⲣ ⲗⲁⲁⲩ ⲛⲁⲕ ⲙ̄ ⲡⲉⲑⲟⲟⲩ • Ⲡⲉϫⲁϥ ⲛⲁϥ • ϫⲉ | ⲙ̄ⲡⲉ
ⲡⲁ ⲙⲉⲣⲓⲧ ⲛ̄ ⲥⲟⲛ • ⲁⲗⲗⲁ ⲉϥϣⲓⲛⲉ ⲛ̄ⲥⲁ ϩⲟⲧⲣⲉⲧ • ϩⲛ̄
ⲟⲩⲅⲁⲙⲙⲟⲥ ⲉⲧ ϫⲁϩⲙ̄ • ⲙⲛ̄ ⲧⲉϥϣⲉⲉⲣⲉ • Ⲡⲉϫⲉ ⲡϩⲁⲅⲓⲟⲥ
ⲑⲉⲟⲇⲱⲣⲟⲥ ⲛⲁϥ • ϫⲉ ⲛⲅ̄ ⲉⲣ ϩⲟⲧⲉ ⲁⲛ • ⲱ̄ ⲡⲁ ⲙⲉⲣⲓⲧ
ⲛ̄ ⲥⲟⲛ ⲕⲗⲁⲩϯⲟⲥ • ⲉⲓⲥ ⲙⲓⲭⲁⲏⲗ • ⲙⲛ̄ ⲅⲁⲃⲣⲓⲏⲗ • ⲟⲛ
ⲥⲟⲃⲉⲧ ⲉ ⲣⲟⲛ ⲙ̄ ⲡⲉⲥⲛⲁⲩ • ϯϫⲱ ⲅⲁⲣ ⲙ̄ⲙⲟⲥ ⲛⲁⲕ •
ⲱ̄ ⲡⲁ ⲥⲟⲛ • ϫⲉ ⲙⲉⲣⲉ ⲗⲁⲁⲩ ⲙ̄ ⲡⲉⲑⲟⲟⲩ ϣⲱⲡⲉ ⲙ̄ⲙⲟⲛ •
Ⲉⲓⲧⲁ ⲙⲛ︦ⲛ︦ⲥⲁ ⲟⲩⲉⲃⲟⲧ ⲛ̄ϩⲟⲟⲩ • ⲁ ⲡⲁⲣⲭⲏⲉⲡⲓⲥⲕⲟⲡⲟⲥ •
ϯ ⲙ̄ ⲡⲉϥⲟⲩⲟⲓ • ⲉ ⲡⲣ︤ⲣ︥ⲟ ⲉϥϫⲱ ⲙ̄ⲙⲟⲥ • ϫⲉ ⲡⲉⲛϫⲟⲉⲓⲥ |
ⲡⲣ︦ⲣ︦ⲟ • ⲁ ⲡϩⲱⲃ ⲣⲱϣⲉ • ⲉⲛϣⲟⲟⲡ ϩⲛ̄ ⲧⲉⲓ ⲭⲱⲣⲁ ⲧⲁⲓ •
ⲕⲁⲁⲛ | ⲉ ⲃⲟⲗ • ⲧⲛ̄ⲃⲱⲕ ⲉ ⲧⲛ̄ⲭⲱⲣⲁ • ⲧⲛ̄ϫⲟⲟⲩ ⲙ̄
ⲡⲉⲕϣⲏⲣⲉ ⲛⲁⲕ • Ⲡⲉϫⲉ ⲡⲣ︦ⲣ︦ⲟ ⲛⲁϥ • ϫⲉ ⲛ̄ ϯⲛⲁⲕⲁ
ⲑⲉⲟⲇⲱⲣⲟⲥ ⲉ ⲃⲟⲗ ⲁⲛ • ϣⲁⲛⲧ ⲉⲕϫⲟⲟⲩ ⲙ̄ ⲡⲁ ϣⲏⲣⲉ
ⲛⲁⲓ ⲉϥⲟⲩⲟϫ • Ⲁⲩⲱ ⲛ̄ ⲧⲉⲓ ϩⲉ ⲁ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲧⲁⲙⲉ ⲡϩⲁⲅⲓⲟⲥ ⲑⲉⲟⲇⲱⲣⲟⲥ • ⲉ ⲡϣⲁϫⲉ ⲙ̄ ⲡⲣ︦ⲣ︦ⲟ •
Ⲁⲥϣⲱⲡⲉ ⲇⲉ ⲙ̄ ⲡⲉϥⲣⲁⲥⲧⲉ • ⲁ ⲧⲣ︦ⲣ︦ⲱ ϯ ⲙ̄ ⲡⲉⲥⲟⲩⲟⲓ
ⲉ ⲡⲣ︦ⲣ︦ⲟ • ⲁⲥⲉⲧⲉⲓ ⲙ̄ⲙⲟϥ • ϫⲉ ⲉⲕⲉϯ ⲛ̄ⲧⲛ̄ϣⲉⲉⲣⲉ • ⲛ̄
ⲕⲗⲁⲩϯⲟⲥ ⲛ̄ ⲥϩⲓⲙⲉ • ϫⲉ ⲛⲉⲥⲙⲉ ⲙ̄ⲙⲟϥ ⲉ ⲡⲉϩⲟⲩⲟ •
Ⲡⲉϫⲉ ⲁⲡⲁ ⲕⲗⲁⲩⲇⲓⲟⲥ ⲛ̄ ⲧⲣ︤ⲣ︥ⲱ • ϫⲉ ⲁ ⲛⲁ ⲉⲓⲟⲧⲉ •
ⲙⲛ̄ ⲡⲁⲣⲭⲏⲉⲡⲓⲥⲕⲟⲡⲟⲥ • ⲟⲩⲱ ⲉⲩϩⲱ|ⲧⲣ̄ ⲙ̄ⲙⲟⲓ • ϩⲙ̄
ⲡⲅⲁⲙⲙⲟⲥ • ⲙ̄ⲡⲁⲧ ⲉⲓⲉⲓ ⲉ ⲡⲉⲓ ⲙⲁ • ⲙⲛ̄ϭⲟⲙ ⲙ̄ⲙⲟⲓ •


### 0027

ⲉ ⲡⲱⲣϫ̄ ⲉ ⲣⲟϥ • ⲧⲁⲧⲁⲕⲉ ⲡⲛⲟⲙⲟⲥ ⲛ̄ ⲛⲁⲉⲓⲟⲧⲉ • Ⲉⲓⲧⲁ
ⲛ̄ ⲧⲉⲣⲉ ⲥⲛⲁⲩ ⲛ̄ϭⲓ ⲧⲣ︦ⲣ︦ⲱ • ϫⲉ ⲙ̄ⲡⲉ ⲥⲉϣⲡⲱⲱⲛⲉ ⲙ̄
ⲡⲉⲩⲗⲟⲅⲓⲥⲙⲟⲥ • ⲁⲥϭⲱⲛⲧ̄ ⲙ̄ⲙⲁⲧⲉ ⲉⲥϫⲱ ⲙ̄ⲙⲟⲥ • ϫⲉ
ⲉⲩⲧⲙⲉⲓⲛⲉ ⲛⲁⲓ ⲙ̄ ⲡⲁ ϣⲏⲣⲉ ⲛ̄ ϣⲟⲣⲡ̄ • ⲛ̄ ϯⲛⲁⲕⲁ
ⲧⲏⲩⲧⲛ̄ ⲉ ⲃⲟⲗ ⲁⲛ • Ⲉⲓⲧⲁ ⲙⲛ︦ⲛ︦ⲥⲁ ⲛⲁⲓ ⲉⲩϣⲟⲟⲡ ϩⲙ̄
ⲡⲉϣⲧⲉⲕⲟ • ⲉⲓⲥ ⲙⲓⲭⲁⲏⲗ • ⲙⲛ̄ ⲅⲁⲃⲣⲓⲏⲗ • ⲁⲩⲉⲓ ⲉ
ⲡⲉⲥⲏⲧ • ⲉ ⲃⲟⲗ ϩⲛ̄ ⲧⲡⲉ • ⲉⲩⲟ ⲙ̄ ⲡⲉⲥⲙⲟⲧ ⲛ̄ ϩⲙ̄ⲙⲁⲧⲟⲓ •
ⲉⲩⲱϣ ⲉ ⲃⲟⲗ • ⲉⲩϫⲱ ⲙ̄ⲙⲟⲥ • ϫⲉ ⲱ̄ ⲙ̄ⲡⲉⲣⲥⲟⲥ • ⲉⲧⲉ‐
ⲧⲛ̄ϩⲙⲟⲟⲥ | ⲧⲉⲧⲛ︦ⲣ︦ ⲟⲩ • ⲉⲓⲥ ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ •
ⲙⲛ̄ ⲕⲗⲁⲩⲇⲓⲟⲥ • ⲁⲩⲉⲓ ⲉ ϫⲱⲧⲛ̄ ⲉ ⲃⲉⲧ ⲧⲏⲩⲧⲛ̄ ⲉ ⲃⲟⲗ •
ⲥⲉⲛⲁⲙⲓϣⲉ ϩⲛ̄ ⲧⲉⲩⲥⲏⲃⲉ • ⲛ̄ⲥⲉⲣ̄ ϫⲟⲉⲓⲥ • ⲛ̄ϭⲓ ⲧⲉⲩϭⲓϫ •
Ⲁⲩⲱ ⲁ ⲡⲉϩⲣⲟⲟⲩ ⲛ̄ ⲛ̄ⲁⲅⲅⲉⲗⲟⲥ • ⲙⲉϩ ⲧⲡⲟⲗⲓⲥ ⲧⲏⲣⲥ̄ •
ⲁⲩⲛⲟϭ ⲛ̄ ϩⲟⲧⲉ ⲙⲛ̄ ⲟⲩϣⲧⲟⲣⲧⲣ̄ • ⲁⲙⲁϩⲧⲉ ⲙ̄ⲙⲟⲟⲩ •
ⲛ̄ⲁⲅⲅⲉⲗⲟⲥ ⲇⲉ • ⲁⲩⲟⲩⲱⲛ ⲛ̄ⲣⲟ ⲙ̄ ⲡⲉϣⲧⲉⲕⲟ • ⲁⲩⲛ̄ⲧⲟⲩ
ⲉ ⲃⲟⲗ • ⲁ ⲙⲓⲭⲁⲏⲗ ⲥⲟⲟⲩⲧⲛ̄ ⲛ̄ ⲧⲉϥⲥⲏⲃⲉ • ⲉ ⲡϩⲁⲅⲓⲟⲥ
ⲑⲉⲟⲇⲱⲣⲟⲥ • ⲁⲩⲱ ⲁ ⲅⲁⲃⲣⲓⲏⲗ • ⲥⲟⲟⲩⲧⲛ̄ ⲛ̄ ⲧⲉϥⲥⲏⲃⲉ
ⲛ̄ ⲕⲱϩⲧ̄ • ⲉ ⲕⲗⲁⲩϯⲟⲥ • ⲉ ⲧⲣⲉ ⲩⲙⲓϣⲉ ⲙⲛ̄ ⲙ̄ⲡⲉⲣⲥⲟⲥ •
Ⲁⲩⲱ ⲁ ⲡϩⲁⲅⲓⲟⲥ ⲑⲉⲟⲇⲱⲣⲟⲥ ⲱϣ | ⲉ ⲃⲟⲗ • ⲉϫⲛ̄
ⲙ̄ⲡⲉⲣⲥⲟⲥ • ⲉϥϫⲱ ⲙ̄ⲙⲟⲥ • ϫⲉ ⲁⲛⲟⲕ ⲡⲉ ⲑⲉⲟⲇⲱⲣⲟⲥ •
ⲡⲁⲛⲁⲧⲟⲗⲁⲓⲟⲥ • ⲛ̄ⲧⲁⲓⲉⲓ ⲉ ⲃⲉⲧ ⲧⲏⲩⲧⲛ̄ ⲉ ⲃⲟⲗ • ⲁⲛⲁⲅ‐
ⲅⲉⲗⲟⲥ ϩⲣⲁ • ⲙ̄ ⲡⲉⲩϩⲣⲟⲟⲩ ϫⲓⲛⲉ ϫⲱⲥ ⲛ̄ ⲧⲡⲟⲗⲓⲥ ϣⲁ
ϫⲱⲥ • ⲁⲩⲱ ⲁⲛϫⲱⲱⲣⲉ ⲉⲣ ϩⲟⲧⲉ • ⲁⲛⲇⲩⲛⲁⲧⲟⲥ ⲛⲉϫ
ⲛⲉⲩⲥⲏⲃⲉ ⲉ ⲃⲟⲗ • ⲁⲩⲡⲱⲧ ⲁⲛⲉⲗⲉⲩⲑⲉⲣⲟⲥ ⲉⲣ ϩⲟⲧⲉ • ⲁ
ⲛⲉⲧ ϫⲓ ⲉⲕⲓⲃⲉ • ⲉⲣ ϩⲟⲧⲉ ⲁⲩⲡⲱⲧ • Ⲛ̄ⲧⲉⲩⲛⲟⲩ ⲁⲩⲙⲓϣⲉ
ⲙⲛ̄ ⲙ̄ⲡⲉⲣⲥⲟⲥ • ϩⲛ̄ ⲧⲙⲏⲧⲉ ⲛ̄ ⲧⲉⲡⲗⲁϯⲁ • ⲁⲩⲙⲟⲩⲟⲩⲧ
ⲛ̄ϫⲟⲩⲧⲟⲩ ⲉⲛϣⲟ • ⲉ ⲃⲟⲗ ϩⲛ̄ ϩⲏⲧⲟⲩ • Ⲛⲉⲣⲉ ⲙ̄ⲡⲉⲣⲥⲟⲥ •
ⲱϣ ⲉ ⲃⲟⲗ • ϫⲉ ϩⲱ ⲉ ⲣⲟⲕ ⲱ̄ ⲑⲉⲟⲇⲱⲣⲟⲥ • ⲡⲁⲛⲁ|ⲧⲟ‐
ⲗⲁⲓⲟⲥ • ⲁⲕϥⲓ ⲅⲁⲣ ⲙ̄ ⲡⲙⲁ ⲧⲏⲣϥ̄ • ⲁⲩⲱ ⲁⲩⲕⲟⲧⲟⲩ ⲉ
ϩⲟⲩⲛ ⲉ ⲧⲡⲟⲗⲓⲥ • ⲁⲩⲧⲱⲣⲡ̄ ⲙ̄ ⲡⲣ︤ⲣ︥ⲟ ϩⲓϫⲙ̄ ⲡⲉϥⲑⲣⲟⲛⲟⲥ •
ⲁⲩⲉⲛⲧϥ̄ ⲡⲃⲟⲗ ⲉ ⲧⲡⲟⲗⲓⲥ • ⲙⲛ̄ ⲡⲁⲣⲭⲏⲉⲡⲓⲥⲕⲟⲡⲟⲥ •
Ⲡⲣ︦ⲣ︦ⲟ ⲇⲉ ⲁϥⲉⲣ ϣⲡⲏⲣⲉ • ⲙ̄ ⲡⲉⲛⲧ ⲁϥϣⲱⲡⲉ • ⲛⲉⲣⲉ
ⲡⲉϥⲙⲏⲏϣⲉ ⲧⲏⲣϥ̄ ⲥⲱⲟⲩϩ ⲉ ⲣⲟϥ • ⲙ̄ⲡⲉ ⲗⲁⲁⲩ ⲉϣϭⲙ̄‐
ϭⲟⲙ • ⲉ ⲁⲛϯⲗⲉⲅⲉ ⲛⲁϥ • ⲟⲩⲇⲉ ⲙ̄ⲡⲉ ⲛⲉϥⲇⲩⲛⲁⲧⲟⲥ •
ⲉϣϭⲙ̄ϭⲟⲙ ⲉ ⲙⲓϣⲉ ⲛⲙ̄ⲙⲁϥ • ⲉ ⲧⲃⲉ ⲛⲉϥⲙⲛ︤ⲧ︥ϫⲱⲱⲣⲉ •


### 0028

Ⲡⲉϫⲉ ⲡⲣ︦ⲣ︦ⲟ ⲙ̄ ⲡⲁⲣⲭⲏⲉⲡⲓⲥⲕⲟⲡⲟⲥ • ϫⲉ ⲙⲏ ⲙ̄ⲡ ⲉⲓϫⲟⲟⲥ
ⲛⲁⲕ • ϫⲉ ⲛ̄ⲧⲟⲕ ⲡⲉ ⲡⲛⲟⲩⲧⲉ ⲛ̄ ⲛⲉϩⲣⲱⲙⲁⲓⲟⲥ • | ⲛ̄ⲧⲁⲕϯ
ϭⲟⲙ • ⲙ̄ ⲡⲉⲓ ϣⲏⲣⲉ ϣⲙ̄ ⲥⲛⲁⲩ • ϣⲁⲛⲧ ⲟⲩϣⲱⲗ •
ⲛ︦ ⲧⲉⲓ ⲡⲟⲗⲓⲥ ⲧⲏⲣⲥ̄ • ⲁϫⲛ̄ ⲉⲣ ϩⲟⲧⲉ ϩⲏⲧϥ̄ ⲛ̄ ⲗⲁⲁⲩ •
ϣⲁⲛⲧⲉ ⲡⲉⲓ ⲛⲟϭ ⲙ̄ⲙⲏⲏϣⲉ ϣⲧⲟⲣⲧⲣ̄ • ⲛ̄ⲥⲉⲉⲣⲑⲉ ⲛ̄
ⲟⲩⲡⲟⲗⲓⲥ ⲉⲥϣⲏϥ • ⲉⲣⲉ ⲥⲉ ⲛ̄ ⲧⲃⲁ ⲙ̄ⲙⲏⲏϣⲉ • ϣⲟⲟⲡ
ⲛ̄ϩⲏⲧⲥ̄ • ⲙ̄ⲡ ⲟⲩⲉϣϭⲙ̄ϭⲟⲙ ⲉ ⲙⲓϣⲉ ⲛⲙ̄ⲙⲁϥ • ⲁⲗⲗⲁ
ⲁⲩⲡⲱⲧ ϩⲛ̄ ⲟⲩϭⲉⲡⲏ • Ⲡⲉϫⲉ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲁϥ •
ϫⲉ ⲁⲓⲟⲩⲱ ⲉⲓϫⲟⲟⲥ ⲛⲁⲕ • ⲛ̄ ⲕⲉ ⲥⲟⲡ • ϫⲉ ⲛ̄ ⲁⲛⲟⲕ ⲁⲛ
ⲡⲉ ⲡⲛⲟⲩⲧⲉ • ⲙⲉ ⲅⲉⲛⲟⲓⲧⲟ • ⲁⲗⲗⲁ ⲁⲛⲟⲕ ⲡⲉ ⲡⲉϥⲁⲣ‐
ⲭⲓⲉⲣⲉⲩⲥ • Ⲡⲉϫⲉ ⲡϩⲁⲅⲓⲟⲥ ⲑⲉⲟⲇⲱⲣⲟⲥ • ⲙ̄ ⲡⲣ̄|ⲣ̄ⲟ •
ϫⲉ ⲙⲏ ⲙ̄ⲡⲉ ⲕϫⲟⲟⲥ ⲉ ⲣⲟⲓ • ϫⲉ ⲉⲓⲟⲩⲱϣ • ⲉ ⲛⲁⲩ
ⲉⲩϭⲟⲙ • ⲉ ⲃⲟⲗ ϩⲓ ⲧⲟⲟⲧⲛ̄ • ⲙ̄ⲡⲁⲧ ⲉⲓⲕⲁ ⲧⲏⲩⲧⲛ̄ ⲉ ⲃⲟⲗ •
ⲉⲓⲥ ϩⲏⲏⲧⲉ ⲅⲁⲣ • ⲁⲕⲛⲁⲩ ⲉⲩⲕⲟⲩⲓ ϩⲛ̄ ⲧⲁ ϭⲟⲙ • ⲉⲣⲉ
ⲡⲁ ⲣ︦ⲣ︦ⲟ ϯ ⲙ̄ⲙⲟⲥ ⲛⲁⲓ • ⲁⲩⲱ ϣⲁ ⲉⲛⲉϩ• ⲙⲉⲣⲉ ⲧⲉϥϭⲟⲙ
ⲱϫⲛ̄ ϩⲛ̄ ⲛⲉϩⲣⲱⲙⲁⲓⲟⲥ • Ⲡⲉϫⲉ ⲡⲣ︦ⲣ︦ⲟ ⲙ̄ ⲡⲡⲉⲧ ⲟⲩⲁⲁⲃ
ⲑⲉⲟⲇⲱⲣⲟⲥ • ϫⲉ ⲛ̄ⲥⲁϥ ⲁⲛⲅ̄ ⲟⲩⲣ︦ⲣ︦ⲟ • ⲙ̄ⲡⲟⲟⲩ ⲇⲉ ϩⲱⲱϥ
ⲁⲛⲟⲕ ⲡⲉ ⲡⲉⲕϩⲙ̄ϩⲁⲗ • ⲁⲙⲟⲩ ϩⲙⲟⲟⲥ ⲛⲁⲕ ϩⲓϫⲙ̄ ⲡⲁ
ⲑⲣⲟⲛⲟⲥ • ⲧⲁϩⲏⲡⲉⲣⲉⲧⲉⲓ ⲛⲁⲕ ϩⲱⲥ ϩⲙ̄ϩⲁⲗ • Ⲡⲉϫⲉ
ⲡⲡⲉⲧ ⲟⲩⲁⲁⲃ ⲛⲁϥ • ϫⲉ ⲡⲉⲑⲣⲟⲛⲟⲥ ⲛ̄ⲧⲁ | ⲡⲁ ϫⲟⲉⲓⲥ
ⲉⲣⲏⲧ ⲙ̄ⲙⲟϥ ⲛⲁⲓ • ⲙⲛ̄ ⲡⲁ ⲥⲟⲛ ⲕⲗⲁⲩϯⲟⲥ • ⲧⲁⲓ ⲧⲉ
ⲧⲙⲛ︦ⲧ︦ⲉⲣⲟ • ⲉⲧ ⲛⲁⲙⲟⲩⲛ ⲉ ⲃⲟⲗ • ⲉⲩⲱⲛϩ̄ ϣⲁ ⲉⲛⲉϩ ϩⲙ̄
ⲙ̄ⲡⲏⲩⲉ • ⲛ̄ ⲛⲁ ⲡⲕⲁϩ ⲁⲛ ⲛⲉ • ⲁⲗⲗⲁ ⲛⲁ ⲧⲡⲉ ⲛⲉ •
ⲁⲩⲱ ⲧⲛ̄ⲛⲁⲙⲁⲧⲉ ⲙ̄ⲙⲟⲟⲩ • ⲙ̄ ⲡⲉⲥⲛⲁⲩ • ϩⲛ̄ ⲟⲩⲡⲟⲗⲓⲥ
ⲛ̄ ⲟⲩⲱⲧ • Ⲡⲗⲏⲛ ⲙ̄ⲡⲉⲣ ⲣ̄ ϩⲟⲧⲉ • ⲱ̄ ⲡⲣ︤ⲣ︥ⲟ • ⲙ̄ⲙⲟⲛ
ⲛⲉⲓ ϩⲁⲅⲓⲟⲥ ⲛⲉ ⲛ̄ⲧⲁⲩⲕⲱ • ⲙ̄ ⲡⲁⲣⲭⲏⲉⲡⲓⲥⲕⲟⲡⲟⲥ ⲉ
ⲃⲟⲗ • ⲁⲩⲉⲛⲧϥ̄ • ⲉ ⲡⲉⲓ ⲙⲁ • ⲛ̄ⲧⲟⲟⲩ ⲟⲛ ⲛⲉ ⲛ̄ⲧⲁⲩϫⲓⲧⲕ̄
ⲉ ⲡⲉⲕⲡⲁⲗⲗⲁϯⲟⲛ • ⲛ̄ ⲧⲉⲓ ϩⲉ • ⲁⲩⲱ ⲁⲩϫⲓⲧϥ̄ ⲉϫⲙ̄
ⲡⲉϥⲑⲣⲟⲛⲟⲥ • ⲛ̄ⲧⲉϥⲟⲉ ⲟⲛ̄ ⲟⲩⲛⲟϭ ⲛ̄ ϩⲟⲧⲉ • Ⲁⲛⲁⲅⲅⲉⲗⲟⲥ
ⲃⲱⲕ • ϩⲁϩⲧⲙ̄ ⲡⲉⲣⲡⲉ • ⲉⲧ ⲉⲣⲉ ⲛⲉⲟⲩⲏⲏⲃ | ⲛ̄ϩⲏⲧϥ̄ •
ⲁⲩⲱϣ ⲉ ⲃⲟⲗ ⲉⲩϫⲱ ⲙ̄ⲙⲟⲥ • ϫⲉ ⲁ ⲑⲉⲟⲇⲱⲣⲟⲥ ⲡⲁⲛⲁ‐
ⲧⲟⲗⲁⲓⲟⲥ • ⲉⲓ ⲉϫⲛ̄ ⲧⲏⲩⲧⲛ̄ ⲉ ⲃⲉⲧ ⲧⲏⲩⲧⲛ̄ ⲉ ⲃⲟⲗ • ⲁⲩⲱ
ⲁⲩϣⲟⲣϣⲣ̄ ⲙ̄ ⲡⲉⲣⲡⲉ ⲉ ⲡⲉⲥⲏⲧ ⲉ ϫⲱⲟⲩ • ⲁⲩⲱ ⲁⲩⲕⲱϩⲧ̄
ⲙⲟⲩϩ ⲛ̄ϩⲏⲧϥ̄ • Ⲁⲩⲱ ⲟⲛ ⲁ ⲕⲉ ⲛⲟϭ • ⲛ̄ϣⲡⲏⲣⲉ ϣⲱⲡⲉ


### 0029

ϩⲛ̄ ⲧⲉⲭⲱⲣⲁ • ⲛ︦ⲛ︦ ⲙ̄ⲡⲉⲣⲥⲟⲥ • ⲉⲁ ⲡⲁ ⲉⲓⲱⲧ ⲁⲡⲁ ⲕⲁⲓⲟⲥ •
ϫⲟⲟⲥ ⲉ ⲣⲟⲓ • ϫⲉ ⲁⲛⲁⲅⲅⲉⲗⲟⲥ ⲧⲣⲉ ⲡⲗⲓⲙⲏⲛ • ⲉⲧ ⲉⲣⲉ
ⲛⲉⲓ ϩⲁⲅⲓⲟⲥ ⲥⲏϩ ⲉ ⲣⲟϥ • ⲡⲉⲛⲧⲁ ⲧⲣ︦ⲣ︦ⲱ ⲕⲁⲗⲓⲟⲡⲓⲍⲉ
ⲙ̄ⲙⲟϥ • ⲛ̄ ϩⲟⲩⲛ ⲉ ⲡⲉⲥⲕⲟⲓⲧⲱⲛ • ⲁⲩϩⲱⲗ ⲉ ⲃⲟⲗ ⲉϫⲛ̄
ⲧⲡⲟⲗⲓⲥ ⲧⲏⲣⲥ̄ • ⲙ̄ ⲡⲉⲥⲙⲟⲧ ⲛ̄ ϩⲙ̄ⲙⲁⲧⲟⲓ • ⲛ̄ⲧⲉ ⲡⲡⲟⲗⲁⲓ‐
ⲙⲟⲥ • ⲉⲣⲉ | ⲛ̄ⲁⲅⲅⲉⲗⲟⲥ ⲱϣ ⲉ ⲃⲟⲗ • ϩⲓⲑⲏ ⲙ̄ⲙⲟⲟⲩ •
ⲉⲩϫⲱ ⲙ̄ⲙⲟⲥ • ϫⲉ ⲉⲓⲥ ⲑⲉⲟⲇⲱⲣⲟⲥ • ⲡⲁⲛⲁⲧⲟⲗⲁⲓⲟⲥ •
ⲁϥⲉⲓ ⲉϫⲱⲧⲛ̄ • ⲉ ⲃⲉⲧ ⲧⲏⲩⲧⲛ̄ ⲉ ⲃⲟⲗ • ⲁⲩⲱ ϣⲁ ϩⲣⲁⲓ
ⲉ ⲡⲟⲟⲩ ⲛ̄ϩⲟⲟⲩ • ⲡⲗⲓⲙⲏⲛ ⲛ̄ ⲛⲉⲓ ϩⲁⲅⲓⲟⲥ • ⲑⲉⲟⲇⲱⲣⲟⲥ •
ⲙⲛ̄ ⲕⲗⲁⲩϯⲟⲥ • ϩⲏⲗ ⲉ ⲃⲟⲗ ϩⲓϫⲛ̄ ⲧⲉⲭⲱⲣⲁ ⲧⲏⲣⲥ̄ ⲛ︦ⲛ︦
ⲙ̄ⲡⲉⲣⲥⲟⲥ • Ⲁⲩⲱ ⲉⲣϣⲁⲛ ⲟⲩⲡⲟⲗⲁⲓⲙⲟⲥ • ϣⲱⲡⲉ ϩⲛ̄
ⲧⲙⲏⲧⲉ • ⲛ︦ⲛ︦ ⲙ̄ⲡⲉⲣⲥⲟⲥ • ⲙⲛ̄ ⲛⲉϩⲣⲱⲙⲁⲓⲟⲥ • ⲛ̄ⲥⲉⲁⲣⲭⲉⲓ
ⲙ̄ ⲙⲓϣⲉ ⲙⲛ̄ ⲛⲉⲩⲉⲣⲏⲩ • Ⲛ̄ⲧⲉⲩⲛⲟⲩ ϣⲁⲣⲉ ⲡϩⲁⲅⲓⲟⲥ
ⲑⲉⲟⲇⲱⲣⲟⲥ • ϯ ⲛ̄ⲧⲉϥⲥⲙⲏ ϩⲛ̄ ⲛ̄|ⲧⲟϣ ⲛ̄ ⲛⲉϩⲣⲱⲙⲁⲓⲟⲥ •
ϫⲉ ⲁ ⲑⲉⲟⲇⲱⲣⲟⲥ • ⲡⲁⲛⲁⲧⲟⲗⲁⲓⲟⲥ • ⲙⲛ̄ ⲕⲗⲁⲩϯⲟⲥ •
ⲉⲓ ⲉϫⲱⲧⲛ̄ • ⲉ ⲃⲉⲧ ⲧⲏⲩⲧⲛ̄ ⲉ ⲃⲟⲗ • ⲁⲩⲱ ⲛ̄ⲧⲉⲩⲛⲟⲩ
ϣⲁⲣⲉ ⲛⲉϩⲧⲱⲱⲣ • ⲉⲧ ⲉⲣⲉ ⲛⲉⲩⲗⲓⲙⲏⲛ • ⲙ̄ ⲡⲉⲥⲛⲁⲩ
ⲧⲁⲗⲏⲩ ⲉ ⲣⲟⲟⲩ • ⲉⲩⲍⲱⲅⲣⲁⲫⲉⲓ ⲛ̄ ϩⲟⲩⲛ ⲉ ⲡⲕⲟⲓⲧⲱⲛ
ⲛ̄ ⲧⲣ︦ⲣ︦ⲱ︦ ϣⲁⲩϩⲙ̄ϩⲙ̄ • ⲛ̄ⲥⲉϩⲱⲗ ⲉ ⲃⲟⲗ • ⲛ̄ⲧⲉⲩⲛⲟⲩ
ϩⲛ̄ ⲧⲉⲭⲱⲣⲁ ⲛ︤ⲛ︥ ⲙ̄ⲡⲉⲣⲥⲟⲥ ⲧⲏⲣⲟⲩ • ⲉ ⲧⲃⲉ ⲡⲣⲁⲛ ⲙ̄
ⲡϩⲁⲅⲓⲟⲥ ⲑⲉⲟⲇⲱⲣⲟⲥ • ⲡⲁⲛⲁⲧⲟⲗⲁⲓⲟⲥ • ⲙⲛ̄ ⲕⲗⲁⲩϯⲟⲥ
ⲙ̄ⲡⲁⲧ ⲟⲩⲙⲓϣⲉ ⲉ ⲡⲧⲏⲣϥ̄ • Ⲉⲓⲧⲁ ⲙⲛ︦ⲛ︦ⲥⲁ ⲛⲁⲓ ⲁⲩⲕⲟⲧⲟⲩ •
ⲉ ⲧⲉⲩⲭⲱⲣⲁ ⲁⲛ|ϯⲟⲭⲓⲁ • ⲙⲛ̄ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲙⲛ̄ ⲛⲉ ⲛ̄ⲧⲁⲩⲃⲱⲕ ⲛⲙ̄ⲙⲁⲩ • ⲙ̄ⲡ ⲟⲩϫⲓ ⲗⲁⲁⲩ ⲛ̄ ϣⲱⲗ •
ⲛ̄ⲧⲉ ⲙ̄ⲡⲉⲣⲥⲟⲥ ⲛⲙ̄ⲙⲁⲩ • Ⲁⲩⲱ ⲛ̄ ⲧⲉⲣ ⲟⲩϩⲱⲛ ⲉ ϩⲟⲩⲛ •
ⲉ ⲧⲡⲟⲗⲓⲥ ⲛ̄ ⲧⲙⲛ︦ⲧ︦ⲣ︦ⲣⲟ • ⲁⲛⲃⲁⲓϣⲓⲛⲉ ⲉⲓ • ⲁⲩⲧⲁⲙⲉ
ⲡⲣ︦ⲣ︦ⲟ • ϫⲉ ⲁ ⲑⲉⲟⲇⲱⲣⲟⲥ ⲉⲓ • ⲙⲛ̄ ⲕⲗⲁⲩϯⲟⲥ ⲡⲉⲕϣⲏⲣⲉ •
ⲁⲩⲙⲏⲏϣⲉ ⲛ̄ⲗⲟⲩⲗⲁⲓ • ϣⲱⲡⲉ ⲙ̄ ⲡⲛⲁⲩ ⲉⲧ ⲙ̄ⲙⲁⲩ •
ⲁⲩⲥⲱⲟⲩϩ ⲧⲏⲣⲟⲩ ϫⲓⲛⲉ ⲡⲉⲩⲕⲟⲩⲓ • ϣⲁ ⲡⲉⲩⲛⲟϭ • ⲉⲩ‐
ϭⲱϣⲧ̄ ⲉ ⲃⲟⲗ ϩⲏⲧⲟⲩ • ⲛ̄ ⲛⲉⲓ ⲡⲉⲧ ⲟⲩⲁⲁⲃ • ⲁⲩⲱ
ⲁⲩⲥⲧⲉⲫⲁⲛⲟⲩ • ⲛ̄ ⲧⲡⲟⲗⲓⲥ ⲧⲏⲣⲥ̄ • Ⲁⲩⲱ ⲁ ⲧⲙⲁⲁⲩ •
ⲛ̄ ⲁⲡⲁ ⲕⲗⲁⲩϯ|ⲟⲥ • ⲙⲛ̄ ⲧⲉϥⲥⲱⲛⲉ • ⲁⲗⲉ ⲉⲛϩⲁⲣⲙⲁ
ⲛ︦ⲣ︦ⲣ︦ⲱⲟⲩ • ⲁⲩⲉⲓ ⲉ ⲃⲟⲗ • ⲉ ⲧⲱⲙⲛ︦ⲧ︦ ⲉ ⲣⲟⲟⲩ • ϩⲛ̄ ⲧⲉϩⲓⲏ •
ⲛ̄ⲑⲉ ⲛ̄ ⲓⲱⲥⲏⲫ ⲙ̄ⲡⲉⲓ ⲟⲩⲟⲉⲓϣ • ⲛ̄ⲧⲁϥⲃⲱⲕ ϩⲏⲧϥ̄ • ⲛ̄


### 0030

ⲓⲁⲕⲱⲃ ⲡⲉϥⲉⲓⲱⲧ • Ⲱ̄ ϫⲉ ⲉⲣⲉ ⲛⲓⲙ ⲛⲁⲉϣϫⲱ • ⲙ̄
ⲡⲣⲁϣⲉ • ⲙⲛ̄ ⲡⲗⲟⲩⲗⲁⲓ • ⲛ̄ⲧⲁϥϣⲱⲡⲉ ⲙ̄ ⲡⲛⲁⲩ ⲉⲧ
ⲙ̄ⲙⲁⲩ • ⲁⲩⲱ ⲁ ⲡⲁⲣⲭⲏⲉⲡⲓⲥⲕⲟⲡⲟⲥ ϫⲱ ⲉ ⲡⲣ︦ⲣ︦ⲟ • ⲙⲛ̄
ⲛⲁ ⲡⲡⲁⲗⲗⲁϯⲟⲛ • ⲛ̄ ⲛⲉⲙⲛ︦ⲧ︦ⲛⲟϭ ⲙ̄ ⲡⲛⲟⲩⲧⲉ • ⲙⲛ̄
ⲛ̄ϭⲟⲙ ⲛ̄ ⲛⲉⲓ ⲡⲉⲧ ⲟⲩⲁⲁⲃ • Ⲁⲡⲟⲕ ⲡⲉ ⲑⲉⲟⲇⲱⲣⲟⲥ • ⲡⲉⲓ
ⲉⲗⲁⲭⲓⲥⲧⲟⲥ • ⲉⲛⲉⲓⲇⲓⲁⲕⲟⲛⲉⲓ • ⲉ ⲡϣⲏⲣⲉ ⲙ̄ ⲡⲣ︦ⲣ︦ⲟ •
ⲛ︦ⲛ︦ ⲙ̄|ⲡⲉⲣⲥⲟⲥ • ϩⲙ̄ ⲡⲉⲡⲓⲥⲕⲟⲡⲓⲟⲛ • ⲙ̄ ⲡⲁ ⲉⲓⲱⲧ ⲁⲡⲁ
ⲕⲁⲓⲟⲥ • Ⲛ̄ ⲧⲉⲣⲉ ϥ̄ⲙⲟⲩ ⲇⲉ ⲁⲓⲃⲱⲕ ϣⲁ ⲡⲁ ⲉⲓⲱⲧ • ⲁⲓⲧⲁ‐
ⲙⲟϥ ϫⲉ ⲁ ⲡϣⲏⲣⲉ • ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ ⲙⲟⲩ •
ⲁⲩⲱ ⲛ̄ⲧⲉⲩⲛⲟⲩ • ⲁ ⲡⲣ︦ⲣ︦ⲟ ϫⲟⲟⲩ ⲁϥⲉⲓⲛⲉ ⲙ̄ⲙⲟϥ • ⲉ
ⲡⲡⲁⲗⲗⲁϯⲟⲛ • ⲉ ⲧⲙⲏⲧⲉ ⲛ̄ ⲛⲉⲛⲟϭ • ⲁⲩⲇⲟⲕⲓⲙⲁⲍⲉ
ⲙ̄ⲙⲟϥ ⲙ̄ⲡ ⲟⲩϩⲉ • ⲉ ⲗⲁⲁⲩ ⲙ̄ ⲡⲉⲑⲟⲟⲩ ⲛ̄ϩⲏⲧϥ̄ • ⲛ̄ⲥⲁ
ⲡⲙⲁⲉⲓⲛ ⲙ̄ ⲡⲥⲟⲧⲉ ⲙ̄ⲙⲁⲧⲉ • ⲛ̄ⲧⲁⲩⲧⲁⲁϥ ⲛⲁϩⲣⲙ̄
ⲡⲡⲟⲗⲁⲓⲙⲟⲥ • ⲁⲩⲱ ⲁ ⲡⲣ︦ⲣ︦ⲟ • ⲙⲛ̄ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲗⲩⲡⲏ ⲙ̄ⲙⲁⲧⲉ ⲉ ⲧⲃⲏⲏⲧϥ̄ • Ⲡⲣ︦ⲣ︦ⲟ ⲇⲉ ⲁϥⲟⲩⲉϩ|ⲥⲁϩⲛⲉ •
ⲙ̄ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁϥⲕⲱⲱⲥ ⲙ̄ⲙⲟϥ ϩⲛ̄ ⲟⲩⲧⲁⲉⲓⲟ •
ϩⲛ̄ ϩⲉⲛϩⲟⲓⲧⲉ ⲉⲧ ⲧⲁⲓⲏⲩ • ⲙⲛ̄ ϩⲛ̄ⲥϯ ⲛⲟⲩⲃⲉ • ⲁⲩⲕⲁⲁϥ
ϩⲛ̄ ⲟⲩⲧⲁⲓⲃⲉ • ⲁⲩϭⲁⲗⲱⲱϥⲉ ⲡⲁⲣⲭⲏⲉⲡⲓⲥⲕⲟⲡⲟⲥ •
ϣⲁⲛⲧ ⲟⲩⲥϩⲁⲓ ϣⲁ ⲡⲉϥⲉⲓⲱⲧ • Ⲙ̄ⲡⲁⲧⲉ ⲱⲥⲕ ⲇⲉ ϣⲱⲡⲉ •
ⲁϥⲙⲟⲩ ⲛ̄ϭⲓ ⲡⲉⲓⲱⲧ ⲛ̄ ⲁⲡⲁ ⲕⲗⲁⲩⲇⲓⲟⲥ • ⲁⲩⲱ ⲁⲩϣⲓⲛⲉ
ⲛ̄ⲥⲁ ⲕⲗⲁⲩⲇⲓⲟⲥ ⲉ ⲁⲁϥ ⲛ̄ ⲣ︦ⲣ︦ⲟ • ⲁ ⲧⲉϥⲙⲁⲁⲩ ϫⲓⲧϥ̄
ⲁⲥϩⲟⲡϥ̄ • Ⲛⲉⲩⲛ̄ ⲟⲩⲛⲟϭ ⲇⲉ ϩⲙ̄ ⲡⲡⲁⲗⲗⲁϯⲟⲛ • ⲉ
ⲡⲉϥⲣⲁⲛ ⲡⲉ ⲟⲩⲙⲉⲣⲓⲁⲛⲟⲥ • ⲁⲩⲱ ⲁⲩⲁⲙⲁϩⲧⲉ ⲙ̄ⲙⲟϥ •
ⲁⲩⲁⲁϥ ⲛ̄ ⲣ︦ⲣ︦ⲟ • ⲙ̄ⲡ ⲟⲩϯ ϩⲧⲏⲩ ⲉ ϩⲱⲃ ⲛ̄ ⲧⲉⲓ ⲙⲓⲛⲉ • |
ⲛ̄ⲕⲉ ⲥⲟⲡ • Ⲁⲥϣⲱⲡⲉ ⲇⲉ ⲙⲛ︦ⲛ︦ⲥⲁ ⲛⲁⲓ • ⲁ ⲡⲟⲩⲱ ⲧⲁϩⲉ
ⲛ̄ ⲣ︤ⲣ︥ⲱⲟⲩ ⲛ︤ⲛ︥ ⲙ̄ⲡⲉⲣⲥⲟⲥ • ϫⲉ ⲁ ⲡϣⲏⲣⲉ • ⲙ̄ ⲡⲣ︤ⲣ︥ⲟ ⲛ︤ⲛ︥
ⲙ̄ⲡⲉⲣⲥⲟⲥ • ⲉⲧ ϭⲁⲗⲱⲟⲩ ⲉ ⲡⲁⲣⲭⲏⲉⲡⲓⲥⲕⲟⲡⲟⲥ ⲙⲟⲩ •
ⲁⲩⲥⲉⲣ ⲡⲟⲗⲁⲓⲙⲟⲥ ⲉ ⲃⲟⲗ • ⲉ ⲟⲩⲙⲉⲣⲓⲁⲛⲟⲥ • ⲛ̄ⲑⲉ ⲛ̄
ϣⲟⲣⲡ̄ • ⲁⲩⲉⲣ ⲡⲱⲃϣ̄ ⲛ̄ ⲧⲣⲁϩⲧⲥ̄ • ⲛ̄ⲧⲁⲥϣⲱⲡⲉ ⲛⲁⲩ •
ϩⲓⲧⲛ̄ ⲧⲙⲛ︤ⲧ︥ϫⲱⲱⲣⲉ • ⲛ̄ ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ •
Ⲛ̄ ⲧⲉⲣ ⲟⲩⲧⲁⲙⲉ ⲟⲩⲙⲉⲣⲓⲁⲛⲟⲥ • ⲉ ⲡⲟⲩⲱ ⲙ̄ ⲡⲡⲟⲗⲁⲓ‐
ⲙⲟⲥ • ⲁϥϣⲧⲟⲣⲧⲣ̄ ⲙ̄ⲙⲁⲧⲉ • ⲡⲉϫⲁϥ ϫⲉ ⲟⲩⲟⲓ ⲛⲁⲓ • ϫⲉ
ⲁⲓϯ ⲛ̄ ⲛ̄ⲉⲭⲣⲏⲙⲁ • ⲛ̄ ⲧⲁ ⲙⲛ︤ⲧ︥ⲉϣⲱⲧ • ⲙⲛ̄ ⲡⲉⲧ ⲛ̄ⲧⲁϥ
ⲛ̄ ⲛⲁⲉⲓⲟⲧⲉ • ϣⲁⲛⲧ ⲓϫⲓⲧⲥ̄ • | ⲉⲓⲥ ϩⲏⲏⲧⲉ • ⲁⲛⲃⲁⲣ‐


### 0031

ⲃⲁⲣⲟⲥ ⲧⲱⲟⲩⲛ ⲉ ϫⲱⲓ • ⲉⲩⲟⲩⲱϣ ⲉ ⲙⲟⲩⲟⲩⲧ ⲙ̄ⲙⲟⲓ •
ⲁⲩⲱ ⲁ ⲑⲟⲧⲉ ⲙⲛ̄ ⲡⲉϣⲧⲟⲣⲧⲣ̄ • ⲁⲙⲁϩⲧⲉ ⲙ̄ⲙⲟϥ • ⲁϥ‐
ⲣⲓⲙⲉ ⲙ̄ⲙⲁⲧⲉ • Ⲁⲩⲱ ⲁϥⲙⲟⲩⲧⲉ ⲉⲛⲛⲟϭ ⲙ̄ ⲡⲡⲁⲗⲗⲁ‐
ϯⲟⲛ • ⲥⲟⲧⲉⲣⲓⲭⲟⲥ • ⲡⲉⲓⲱⲧ ⲛ̄ ⲁⲡⲁ ⲑⲉⲟⲇⲱⲣⲟⲥ • ⲙⲛ̄
ϩⲣⲱⲙⲁⲛⲟⲥ • ⲡⲉⲓⲱⲧ ⲛ̄ ⲁⲡⲁ ⲃⲓⲕⲧⲱⲣ • ⲙⲛ̄ ⲃⲁⲥⲓⲗⲓⲧⲏⲥ •
ⲡⲉⲓⲱⲧ ⲛ̄ ⲁⲡⲁ ⲥⲧⲉⲫⲁⲛⲟⲥ • ⲡⲉϫⲁϥ ⲛⲁⲩ • ϫⲉ ⲙⲁⲣⲉ
ⲕⲗⲁⲩϯⲟⲥ ⲉⲓ • ⲛϥ̄ϩⲙⲟⲟⲥ ⲉϫⲙ̄ ⲡⲉⲑⲣⲟⲛⲟⲥ • ⲉ ⲡⲙⲁ ⲙ̄
ⲡⲉϥⲉⲓⲱⲧ • ϫⲉ ⲛ̄ⲧⲁϭⲟⲙ ⲁⲛ ⲧⲉ ⲉⲙⲓϣⲉ ⲙⲛ̄ ⲛ̄ⲃⲁⲣ‐
ⲃⲁⲣⲟⲥ • Ⲡⲉϫⲉ ⲡϩⲁⲅⲓⲟⲥ ⲕⲗⲁⲩⲇⲓⲟⲥ ⲛⲁϥ • ϫⲉ ⲙ̄ⲡ
ⲉⲓϩ|ⲙⲟⲟⲥ • ⲉϫⲙ̄ ⲡⲉⲑⲣⲟⲛⲟⲥ • ⲛ̄ ⲧⲙⲛ︦ⲧ︦ⲣ︦ⲣ︦ⲟ ⲉⲛⲉϩ •
ⲁⲗⲗⲁ ⲙⲁⲣⲉ ⲡϩⲏⲧ ⲙ̄ ⲡⲣ︦ⲣ︦ⲟ ⲧⲁϫⲣⲟ • ⲛϥ̄ϩⲙⲟⲟⲥ ⲉϫⲙ̄
ⲡⲉⲑⲣⲟⲛⲟⲥ • ⲙ̄ⲙⲟⲛ ⲁⲛ ⲟⲛ • ⲛⲉⲕϩⲙ̄ϩⲁⲗ ⲛ̄ ⲛⲉϩⲟⲟⲩ
ⲧⲏⲣⲟⲩ • ⲙ̄ ⲡⲉⲕⲱⲛⲉϩ • ⲉⲕϣⲟⲟⲡ ϩⲛ̄ ⲧⲡⲓⲥⲧⲓⲥ • ⲛ̄ ⲛⲉ‐
ⲛⲉⲓⲟⲧⲉ • Ⲛ̄ⲛⲟϭ ⲇⲉ ⲙ̄ ⲡⲡⲁⲗⲗⲁϯⲟⲛ • ⲡⲉϫⲁⲩ ⲙ̄ ⲡⲣ︦ⲣ︦ⲟ •
ϫⲉ ⲛ̄ ϩⲟⲥⲟⲛ • ⲉⲣⲉ ⲕⲗⲁⲩϯⲟⲥ ⲙ̄ⲙⲁⲩ • ⲙⲛ̄ ⲑⲉⲟⲇⲱⲣⲟⲥ •
ⲙⲉⲛ ⲡⲉⲑⲟⲟⲩ ⲛⲁϣⲱⲡⲉ • ⲛ̄ⲧⲉⲕⲙⲛ︦ⲧ︦ⲣ︦ⲣ︦ⲟ • Ⲡⲉϫⲉ ⲡⲣ︦ⲣ︦ⲟ
ⲛⲁⲩ • ϫⲉ ⲉⲓⲉⲣ ϩⲟⲧⲉ • ϫⲉ ⲛ̄ⲧⲁⲓϥⲓ ⲛ̄ ⲧⲙⲛ︦ⲧ︦ⲣ︦ⲣⲟ • ⲙ̄
ⲡⲉϥⲉⲓⲱⲧ ⲛ̄ϥⲉⲣ ⲟⲩⲕⲣⲟϥ ⲉ ⲣⲟⲓ • ϩⲙ̄ ⲡⲡⲟⲗⲁⲓⲙⲟⲥ •
ⲛ̄ⲥⲉ ⲙⲟⲩⲟⲩⲧ ⲙ̄ⲙⲟⲓ • ⲁⲗ|ⲗⲁ ⲉϣⲱⲡⲉ ⲙⲉⲛ • ⲁⲣⲓⲕⲉ
ϩⲙ̄ ⲡⲉϥϩⲏⲧ • ⲉ ϩⲟⲩⲛ ⲉ ⲣⲟⲓ • ⲙⲁⲣⲟⲩ ⲱⲣⲕ̄ ⲛⲁⲓ ⲙ̄
ⲡⲉⲩⲁⲅⲅⲉⲗⲓⲟⲛ • ⲧⲁⲡⲓⲥⲧⲉⲩⲉ ⲛⲁⲩ • ⲁⲩⲱ ⲧⲁⲓ ⲧⲉ ⲑⲉ
ⲛ̄ⲧⲁⲩⲧⲉⲧ • ⲡϩⲏⲧ ⲙ̄ ⲡⲣ︤ⲣ︥ⲟ ⲁϥⲕⲁⲁⲩ ⲉ ⲃⲟⲗ • Ⲙ̄ ⲡⲉϥ‐
ⲣⲁⲥⲧⲉ ⲇⲉ ⲉϥϣⲧⲣ̄ⲧⲱⲣ ⲛ̄ϭⲓ ⲡⲣ︦ⲣ︦ⲟ • ⲁ ⲡⲇⲓⲁⲃⲟⲗⲟⲥ
ⲟⲩⲱⲛϩ̄ ⲛⲁϥ ⲉ ⲃⲟⲗ • ⲉϥϫⲱ ⲙ̄ⲙⲟⲥ • ϫⲉ ⲟⲩⲙⲉⲣⲓⲁⲛⲟⲥ
ⲡⲣ︦ⲣ︦ⲟ • ⲉⲕϩⲙⲟⲟⲥ ⲉⲕⲣ̄ ⲟⲩ • ⲉⲕⲡⲓⲥⲧⲉⲩⲉ ⲉ ⲡⲁⲛⲁϣ • ⲛ̄
ⲑⲉⲟⲇⲱⲣⲟⲥ ⲙⲛ̄ ⲕⲗⲁⲩϯⲟⲥ • ϫⲉ ⲙⲛ̄ ⲗⲟⲅⲟⲥ • ⲟⲩⲇⲉ
ⲁⲛⲁϣ • ⲟⲩⲇⲉ ⲥⲟⲛ • ⲟⲩⲇⲉ ϣⲃⲏⲣ ϩⲙ̄ ⲡⲡⲟⲗⲁⲓⲙⲟⲥ •
ⲉϣⲱⲡⲉ ⲕⲟⲩⲱϣ ⲉ ⲉⲣ ⲣ︦ⲣ︦ⲟ • ⲧⲱⲟⲩⲛ ⲛ̄ | ⲣⲁⲥⲧⲉ ϫⲟⲟⲩ ⲉ
ⲕⲏⲙⲉ • ⲉⲛⲥⲁ ϩⲛ̄ⲇⲓⲣⲟⲛ • ⲛⲁⲓ ⲛⲉ ⲛ̄ⲣⲱⲙⲉ ⲛ̄ϣⲁⲩⲙⲓϣⲉ
ⲉ ϫⲱⲕ • ϯϫⲱ ⲅⲁⲣ ⲙ̄ⲙⲟⲥ ⲛⲁⲕ • ⲱ̄ ⲡⲣ︦ⲣ︦ⲟ • ϫⲉ ϯⲥⲟⲟⲩⲛ
ⲉⲩϣⲏⲣⲉ ϣⲏⲙ • ϩⲙ̄ ⲡⲙⲁⲣⲏⲥ ⲛ̄ϣⲁⲩⲙⲟⲩⲧⲉ ⲉ ⲣⲟϥ •
ϫⲉ ⲁⲕⲣⲓⲡⲡⲓⲧⲁ • ⲉϥⲙⲟⲟⲛⲉ ⲛ̄ ϩⲛ̄ⲃⲁⲁⲙⲡⲉ • ϩⲛ̄ ⲧⲥⲱϣⲉ •
ⲉ ⲡⲁ ⲡⲧⲟϣ ⲙ̄ ⲡⲥⲟⲓ ⲡⲉ • ϫⲟⲟⲩ ⲛ̄ⲥⲱϥ ⲛⲅ̄ ⲉⲛⲧϥ̄ • ⲉ
ⲧⲉⲓ ⲡⲟⲗⲓⲥ • ⲡⲁⲓ ⲡⲉ ⲡⲣⲱⲙⲉ • ⲉⲧ ⲛⲁⲙⲓϣⲉ ⲙⲛ̄ ⲙ̄ⲡⲉⲣ‐


### 0032

ⲥⲟⲥ • ⲛ̄ⲧⲁϥϫⲉ ⲡⲁⲓ ⲇⲉ • ⲉ ⲧⲃⲉ ⲇⲓⲟⲕⲗⲏϯⲁⲛⲟⲥ •
ⲉϥϩⲙ̄ ⲡⲧⲟϣ ⲙ̄ ⲡⲥⲟⲓ • ⲉϥⲙⲟⲟⲛⲉ ⲛ̄ ⲛⲉⲃⲁⲁⲙⲡⲉ ⲙ̄ ⲡⲁ
ⲉⲓⲱⲧ • ⲛ̄ ⲁⲡⲁ ⲯⲟⲧⲉ • ⲉⲣⲉ ⲁⲡⲁ ⲯⲟⲧⲉ ϩⲱⲱϥ • ⲙⲟⲟⲛⲉ
ⲛ̄ ⲛⲉⲥⲟⲟⲩ | ⲙ̄ ⲡⲉϥⲉⲓⲱⲧ • ⲉⲩⲟ ⲛ̄ϣⲃⲏⲣ ⲉⲛⲉⲩⲉⲣⲏⲩ •
ⲉⲛⲉϥⲉⲓⲣⲉ ϩⲛ̄ ⲙⲛ︦ⲧ︦ⲛⲁ • ⲉϥϫⲱ ⲉϥϭⲟⲥϭⲥ̄ • ⲉⲣⲉ ⲡⲉⲯⲁⲗ‐
ⲧⲏⲣⲓⲟⲛ ⲛ̄ ⲧⲟⲟⲧϥ̄ • ⲛ̄ ⲁⲡⲁ ⲯⲟⲧⲉ ⲉϥⲙⲉⲗⲉⲧⲁ • ⲛ̄ ⲛⲉ‐
ⲯⲁⲗⲙⲟⲥ ⲙ̄ ⲡⲉϩⲟⲟⲩ ⲙⲛ̄ ⲧⲉⲩϣⲏ • Ⲛⲉⲣⲉ ⲡⲟⲣⲅⲁⲛⲟⲛ
ⲛ̄ ⲧⲟⲟⲧϥ̄ ⲛ̄ ⲁⲕⲣⲓⲡⲡⲓⲧⲁ • ⲉϥϣⲁⲛϫⲱ • ϣⲁⲣⲉ ⲛ̄ ⲃⲁⲁⲙⲡⲉ
ⲡⲱⲣϫ̄ ⲉ ⲃⲟⲗ • ⲉⲛⲉⲥⲟⲟⲩ ⲛ̄ ⲁⲡⲁ ⲯⲟⲧⲉ • ⲁⲩⲱ ⲛϥ̄ϫⲛⲟⲩ
ⲙ̄ⲙⲟⲥ ⲛⲁϥ • ϫⲉ ⲱϩⲉ ⲡⲧⲟϣ ⲡⲥⲟⲓ • ⲛ̄ⲧ ⲁϥϯⲟⲩⲱ ⲙ̄ⲙⲟⲕ
ⲉ ϩⲣⲁⲓ • ϫⲉ ⲕⲛⲁⲗⲟ ⲉⲕⲕⲉⲛⲥ̄ ⲧⲃ̄ⲛⲟⲟⲩⲉ • ⲛⲅ̄ ⲕⲉⲉⲛⲥ̄
ⲣⲱⲙⲉ • Ⲉⲓⲧⲁ ⲁϥϫⲟⲟⲩ ⲛ̄ ⲟⲩⲙⲁⲅⲓⲥⲧⲣⲓⲁⲛⲟⲥ • ϩⲓⲧⲙ̄
ⲡⲟⲩⲉϩⲥⲁϩⲛⲉ ⲛ̄ ⲟⲩⲙⲉ|ⲣⲓⲁⲛⲟⲥ ⲡⲣ︦ⲣ︦ⲟ • Ⲛ̄ ⲧⲉⲣⲉ ϥⲉⲓ
ⲇⲉ ⲉ ⲡⲧⲟϣ ⲡⲥⲟⲓ • ⲁϥϩⲉ ⲉ ⲁⲕⲣⲓⲡⲡⲓⲧⲁ • ⲙⲛ̄ ⲁⲡⲁ
ⲯⲟⲧⲉ • ⲉⲩⲙⲟⲟⲛⲉ ϩⲛ̄ ⲧⲥⲱϣⲉ • Ⲡⲉϫⲉ ⲁⲡⲁ ⲯⲟⲧⲉ ⲛ̄
ⲁⲕⲣⲓⲡⲡⲓⲧⲁ • ϫⲉ ⲉⲓⲥ ⲡⲉⲕⲉⲓⲱⲧ • ⲙⲟⲩⲧⲉ ⲉ ⲣⲟⲕ • ⲉ
ⲧⲣⲉϥⲁⲁⲕ ⲛ̄ ⲣ︦ⲣ︦ⲟ • Ⲁⲩⲱ ⲛ̄ ⲧⲉⲓ ϩⲉ • ⲁ ⲁⲕⲣⲓⲡⲡⲓⲧⲁ •
ⲧⲁⲗⲉ ⲉ ⲡⲉϩⲧⲟ • ⲙ̄ ⲡⲛⲟϭ ⲛ̄ ⲥⲧⲣⲁⲧⲩⲗⲁⲧⲏⲥ • ⲁϥϫⲱⲣⲙ̄
ⲉ ⲡⲉⲓ ⲥⲁ ⲙⲛ̄ ⲡⲁⲓ • ⲁϥϫⲓ ⲛ̄ⲧⲉϥⲥⲏⲃⲉ • ⲁϥϣⲟⲗⲥ̄ ⲁϥⲡⲱⲧ •
ⲉ ⲧⲙⲏⲧⲉ ⲛ̄ ⲛⲉⲥⲟⲟⲩ ⲛ̄ ⲁⲡⲁ ⲯⲟⲧⲉ • ⲁϥⲣⲱϩⲧ̄ ⲉ ⲃⲟⲗ ⲛ̄
ϩⲏⲧⲟⲩ • Ϩⲟⲓⲛⲉ ⲁⲩⲕⲟⲛⲥⲟⲩ ⲉ ⲡⲉⲩⲙⲁⲕϩ̄ • ⲟⲛ̄ⲕⲟⲟⲩⲉ
ⲁⲩⲥⲱⲗⲡ̄ ⲉ ⲃⲟⲗ ⲛ̄ ⲛⲉⲩϭⲓϫ • ⲙⲛ̄ ⲛⲉⲩⲟⲩ|ⲉⲣⲏⲧⲉ • ⲁⲡⲁ
ⲯⲟⲧⲉ ⲇⲉ • ⲛ̄ ⲧⲉⲣⲉ ϥⲛⲁⲩ ⲉ ⲧⲉϥⲙⲉⲧⲁⲕⲣⲓⲟⲥ • ⲡⲉϫⲁϥ
ⲛⲁϥ • ϫⲉ ϩⲱ ⲉ ⲣⲟⲕ • ⲉⲕⲡⲉϩⲧ̄ ⲥⲛⲟϥ ⲛ̄ ⲁⲧⲛⲟⲃⲉ ⲉ ⲃⲟⲗ •
ⲁ ⲡϩⲏⲧ ⲅⲁⲣ ⲙ̄ ⲡⲉⲕⲉⲓⲱⲧ • ⲟⲩⲱ ⲉϥⲙ̄ⲧⲟⲛ • ⲉ ϩⲣⲁⲓ ⲉ
ϫⲱⲕ • ϫⲉ ⲁϥϫⲡⲟⲕ • ⲛⲟⲩϫ ⲛ̄ⲧⲉⲕⲥⲏⲃⲉ ⲉ ⲡⲉⲥⲕⲟⲉⲓϩ •
ϫⲉ ⲙ̄ⲡⲁⲧⲉ ⲡⲉⲕⲟⲩⲟⲉⲓϣ ϣⲱⲡⲉ • ⲉ ⲧⲣⲉ ⲕⲡⲉϩⲧ̄ ⲥⲛⲟϥ
ⲉ ⲃⲟⲗ • ⲉϥⲧⲱⲛ ϭⲉ ⲡⲙⲟⲩ ⲙ̄ ⲡⲉⲕⲉⲓⲱⲧ • ⲉⲧⲉ ⲙ̄ⲡⲉ ϥⲉⲓ
ⲉ ϫⲱⲕ ϩⲱⲱⲕ • ⲙ̄ⲡⲁⲧⲉ ⲙⲟⲟⲩ ϣⲱⲡⲉ • Ⲉⲩⲧⲱⲛ ⲛⲉ‐
ⲙⲟⲟⲛⲉ • ⲛ̄ⲣⲉϥϩⲉⲧⲃ̄ ϣⲏⲣⲉ ⲕⲟⲩⲓ • ⲉⲧⲉ ⲙ̄ⲡ ⲟⲩⲙⲟⲩⲟⲩⲧ
ⲙ̄ⲙⲟⲕ • ⲉⲕϫⲓ ⲉⲣⲱⲧⲉ ϩⲛ̄ ⲧⲉⲕⲙⲁⲁⲩ :-Ⲛⲁⲓ | ⲇⲉ • ⲉⲣⲉ
ⲁⲡⲁ ⲯⲟⲧⲉ ϫⲱ ⲙ̄ⲙⲟⲟⲩ • ⲁ ⲡϣⲏⲣⲉ ⲙ̄ ⲡⲧⲁⲕⲟ • ϣⲱⲗ
ⲛ̄ ⲧⲉϥⲥⲏⲃⲉ • ⲁϥⲡⲱⲧ ⲛ̄ⲥⲱϥ • ⲉϥⲧⲁⲗⲏⲩ ⲉ ⲡⲉϩⲧⲟ • ⲉϥ‐
ⲟⲩⲱϣ ⲉ ⲙⲟⲩⲟⲩⲧ ⲙ̄ⲙⲟϥ • Ⲡⲉϫⲉ ⲁⲡⲁ ⲯⲟⲧⲉ ⲛⲁϥ •


### 0033

ϫⲉ ϩⲱ ⲉ ⲣⲟⲕ ⲙ̄ⲡⲁⲧⲉ ⲡⲁ ⲟⲩⲟⲉⲓϣ ϣⲱⲡⲉ • ⲉ ⲧⲣⲉ
ⲕⲙⲟⲩⲟⲩⲧ ⲙ̄ⲙⲟⲓ • Ⲁⲛⲁⲥⲧⲁⲥⲓⲟⲥ ⲇⲉ • ⲡⲙⲁⲅⲓⲥⲧⲣⲓⲁⲛⲟⲥ •
ⲁϥⲉⲣϣⲡⲏⲣⲉ ⲛ̄ ⲧⲉϥⲙⲛ︦ⲧ︦ⲧⲟⲗⲙⲏⲣⲟⲥ • ϫⲉ ⲛⲁⲙⲉ ϥⲉⲣ‐
ϣⲁⲩ ⲉ ⲡⲡⲟⲗⲁⲓⲙⲟⲥ • Ⲡⲉϫⲉ ⲁⲡⲁ ⲯⲟⲧⲉ ⲛⲁϥ • ϫⲉ
ϥⲉⲣϣⲁⲩ ⲉ ⲡⲡⲟⲗⲁⲓⲙⲟⲥ ⲙ̄ ⲡⲧⲁⲕⲟ • Ⲙⲛ︤ⲛ︥ⲥⲁ ⲛⲁⲓ
ⲁⲩⲧⲱⲣⲡ̄ ⲙ̄ ⲁⲥⲉⲃⲏⲥ ⲁⲕⲣⲓⲡⲡⲓⲧⲁ • ⲁⲩⲛ̄ⲧϥ̄ ⲉ ⲧⲡⲟⲗⲓⲥ •
ⲛ̄ ⲧⲙⲛ̄|ⲧ︦ⲣ︦︦ⲣ︦ⲟ • ⲛⲉϥ ϩⲛ̄ ϫⲟⲩⲱⲧⲉ ⲅⲁⲣ ⲛ̄ⲣⲟⲙⲡⲉ • ⲛ̄ ⲁϩⲉ
ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲁⲩⲱ ⲁⲩϯ ⲙ̄ ⲡⲉⲯⲩⲫⲟⲥ
ϩⲁ ⲣⲟϥ • ϩⲁⲧⲙ̄ ⲡⲣ︤ⲣ︥ⲟ • ϫⲉ ⲉϥⲉⲣϣⲁⲩ ⲉ ⲡⲡⲟⲗⲁⲓⲙⲟⲥ •
Ⲁⲩⲱ ⲁ ⲧⲛⲟϭ ⲛ̄ ϣⲉⲉⲣⲉ ⲛ ⲟⲩⲙⲉⲣⲓⲁⲛⲟⲥ • ⲉⲡⲉⲓⲑⲩⲙⲉⲓ
ⲉ ⲣⲟϥ • ⲉⲛⲉⲁϥⲕⲁⲁⲩ ϩⲙ̄ ⲡⲡⲟⲗⲩⲙⲟⲥ • ⲉϥⲟ ⲛ̄ ⲥⲧⲁϥ‐
ⲗⲓⲧⲏⲥ • ⲉϥϯ ϩⲣⲉ ⲛ̄ ⲛ̄ⲧⲃ̄ⲛⲟⲟⲩⲉ • ⲁⲩⲱ ⲛⲉⲥⲥⲕⲉⲡϯ
ⲙ̄ⲙⲟⲥ • ⲛⲙ̄ⲙⲁϥ ⲙ̄ⲙⲏⲛⲉ • ϩⲛ̄ ϩⲉⲛϩⲃⲏⲩⲉ ⲙ̄ ⲙⲛ︦ⲧ︦‐
ϣⲛⲁ • Ⲉⲓⲧⲁ ⲙⲛ︤ⲛ︥ⲥⲁ ⲛⲁⲓ • ⲁϥⲙⲟⲩ ⲛ̄ϭⲓ ⲟⲩⲙⲉⲣⲓⲁⲛⲟⲥ
ϩⲙ̄ ⲡⲡⲟⲗⲁⲓⲙⲟⲥ • ⲁ ⲧⲉϥϣⲉⲉⲣⲉ • ⲁⲙⲁϩⲧⲉ ⲉϫⲛ̄ ⲧⲙ‐
ⲛ︦ⲧ︦ⲣ︦ⲣ︦ⲟ • ⲛ̄ ϣⲟⲙⲧⲉ ⲛ̄ⲣⲟⲙⲡⲉ • ⲉⲣⲉ ⲁⲕⲣⲓⲡⲡⲓⲧⲁ | ϩⲏⲡ
ϩⲁ ⲧⲟⲟⲧⲥ̄ • Ⲙⲛ︤ⲛ︥ⲥⲱⲥ ⲁⲥϯ ⲛ̄ⲟⲩⲕⲓⲛⲇⲩⲛⲁⲣⲓⲟⲛ • ⲛ̄ ⲛⲟⲩⲃ •
ⲛ̄ ⲛⲉⲛⲟϭ ⲙ̄ ⲡⲡⲁⲗⲗⲁϯⲟⲛ • ⲙ̄ⲡⲁⲧ ⲟⲩⲥϩⲁⲓ ⲉ ϫⲱⲥ
ⲛⲙ̄ⲙⲁϥ • ⲁⲩⲱ ⲁⲩϯ ⲛ̄ ϩⲛ̄ⲛⲟϭ ⲛ̄ ⲧⲁⲉⲓⲟ ⲛⲁϥ • Ⲉⲓⲧⲁ
ⲁⲥⲑⲙ̄ⲥⲟϥ ⲉϫⲙ̄ ⲡⲉⲑⲣⲟⲛⲟⲥ • ⲛ̄ ⲟⲩⲙⲉⲣⲓⲁⲛⲟⲥ ⲡⲉⲥⲉⲓⲱⲧ •
ϫⲉ ⲁϥⲃⲟⲗ ⲉ ⲃⲟⲗ • ⲛ̄ ⲧⲉⲥⲡⲁⲣⲑⲉⲛⲓⲁ • Ⲙⲛ︤ⲛ︥ⲥⲁ ⲛⲁⲓ ⲇⲉ •
ⲁ ⲑⲉⲟⲇⲱⲣⲟⲥ • ⲡⲁⲛⲁⲧⲟⲗⲁⲓⲟⲥ • ⲉⲓ ϩⲙ̄ ⲡⲡⲟⲗⲁⲓⲙⲟⲥ •
ⲁⲩⲧⲁⲙⲟϥ • ϫⲉ ⲁ ⲇⲓⲟⲕⲗⲏϯⲁⲛⲟⲥ ⲉⲣ ⲣ︦ⲣ︦ⲟ • ⲡⲉϫⲁϥ
ϫⲉ ⲛⲓⲙ ⲡⲉ ⲇⲓⲟⲕⲗⲏϯⲁⲛⲟⲥ • ⲏ̄ ⲟⲩⲁϣ ⲙ̄ⲙⲓⲛⲉ ⲡⲉ •
ⲁⲩⲱ ⲁϥⲃⲱⲕ ⲉ ϩⲟⲩⲛ ϣⲁ ⲣⲟϥ ⲙⲛ̄ ⲕ|ⲗⲁⲩⲇⲓⲟⲥ • ⲡⲉϫⲁⲩ
ⲛⲁϥ • ϫⲉ ⲛⲓⲙ ⲡⲉ ⲛ̄ⲧⲁϥⲁⲁⲕ • ⲛ̄ ⲣ︦ⲣ︦ⲟ ⲉ ⲧⲉⲓ ⲡⲟⲗⲓⲥ •
ⲡⲉϫⲁϥ • ϫⲉ ⲛ̄ⲧⲱⲧⲛ̄ ⲡⲉ • ⲙⲛ̄ ⲛⲉⲧⲛ̄ⲉⲓⲟⲧⲉ ⲙ̄ⲙⲟⲛ • ⲁⲛⲅ̄
ⲟⲩⲣ︦ⲣ︦ⲟ ⲁⲛ • ⲟⲩⲇⲉ ⲙ̄ ⲡⲁ ⲣⲟⲟⲩϣ ⲁⲛ ⲡⲉ ϩⲁ ⲧⲙⲛ︦ⲧ︦ⲣ︦ⲣ︦ⲟ •
Ⲁⲩⲱ ⲛ̄ⲧⲉⲩⲛⲟⲩ • ⲁ ⲡϩⲁⲅⲓⲟⲥ ⲑⲉⲟⲇⲱⲣⲟⲥ ⲁⲙⲁϩⲧⲉ • ⲛ̄
ⲧⲉϥϭⲓϫ ⲁϥⲧⲟⲩⲛⲟⲥϥ̄ ⲉ ϩⲣⲁⲓ • ϩⲓϫⲙ̄ ⲡⲉⲑⲣⲟⲛⲟⲥ • ⲉ ⲃⲟⲗ
ϫⲉ ⲙ̄ⲡⲁⲧⲉ ϥϫⲣⲟ ⲕⲁⲗⲱⲥ • ⲁⲗⲗⲁ ⲛⲉϥⲉⲣ ϩⲟⲧⲉ • Ⲡⲉϫⲉ
ⲡϩⲁⲅⲓⲟⲥ ⲑⲉⲟⲇⲱⲣⲟⲥ ⲛⲁϥ • ϫⲉ ⲧⲱⲟⲩⲛ ⲉ ϩⲣⲁⲓ • ϫⲉ
ⲛ̄ⲧⲕ̄ ⲟⲩⲙⲁ ⲛ̄ ⲉⲣⲓⲣ ϩⲙ̄ ⲡⲉⲕⲕⲁϩ • ⲉ ⲧⲃⲉ ⲟⲩ • ⲉⲣⲉ ⲣⲙ̄
ⲛ̄ ⲕⲏⲙⲉ • ⲡⲁϩⲙⲟⲟⲥ • ϩⲓϫⲙ̄ ⲡⲉ|ⲑⲣⲟⲛⲟⲥ ⲛ̄ ⲛ︤ⲣ︦ⲣ︥ⲱⲟⲩ •


### 0034

ⲉⲣⲉ ⲡⲉϩⲣⲱⲙⲁⲓⲟⲥ ⲟⲛϩ̄ • ⲁⲩⲱ ⲁⲩⲑⲙ̄ⲥⲟ ⲛ̄ ⲕⲗⲁⲩⲇⲓⲟⲥ •
ϩⲓϫⲙ̄ ⲡⲉⲑⲣⲟⲛⲟⲥ • ⲁⲩⲛⲟϭ ⲛ̄ ⲁϣⲕⲁⲕ • ϣⲱⲡⲉ ϩⲙ̄
ⲡⲡⲁⲗⲗⲁϯⲟⲛ • ⲉⲩϫⲱ ⲙ̄ⲙⲟⲥ • ϫⲉ ⲁ ⲑⲉⲟⲇⲱⲣⲟⲥ •
ⲡⲁⲛⲁⲧⲟⲗⲁⲓⲟⲥ • ⲉⲣ ⲟⲩⲙⲛ︦ⲧ︦ϫⲱⲱⲣⲉ • ⲙ̄ⲡⲟⲟⲩ ϩⲙ̄ ⲡⲡⲁⲗ‐
ⲗⲁϯⲟⲛ • ⲙ̄ⲡⲉ ⲗⲁⲁⲩ ⲉϣⲁⲛϯⲗⲉⲅⲉ ⲛⲁϥ • ϩⲛ̄ ⲧⲁⲛϯⲟ‐
ⲭⲓⲁ ⲧⲏⲣⲥ̄ • Ⲡϩⲁⲅⲓⲟⲥ ⲇⲉ ⲁⲡⲁ ⲕⲗⲁⲩϯⲟⲥ • ⲙ̄ⲡⲉ ⲥⲉⲣ
ϩⲛⲁϥ • ⲉ ⲧⲣⲉ ϥϩⲙⲟⲟⲥ • ⲉϫⲙ̄ ⲡⲉⲑⲣⲟⲛⲟⲥ ⲛ̄ ⲛ︤ⲣ︦ⲣ︥ⲱⲟⲩ •
ϫⲉ ⲙ̄ⲡⲉ ϥⲣⲟⲟⲩϣ ⲁⲛ ⲡⲉ ϩⲁ ⲧⲙⲛ︤ⲧ︥ⲉⲣ︤ⲣ︥ⲟ • ⲁⲗⲗⲁ
ⲁϥⲧⲱⲟⲩⲛ • ϩⲛ̄ ⲟⲩϭⲉⲡⲏ • ⲉⲛⲉⲣⲉ ⲡⲙⲏⲡϣⲉ ⲧⲏⲣϥ̄ ⲱϣ |
ⲉ ⲃⲟⲗ • ϫⲉ ⲁⲝⲓⲟⲥ • ⲁⲝⲓⲟⲥ • ⲁⲝⲓⲟⲥ ⲕⲗⲁⲩⲇⲓⲟⲥ ⲁϥⲉⲣ
ⲣ︦ⲣ︦ⲟ • Ⲡⲁⲥⲉⲃⲏⲥ ⲇⲉ ⲇⲓⲟⲕⲗⲏϯⲁⲛⲟⲥ • ⲁϥⲉⲣ ϩⲟⲧⲉ • ⲁϥ‐
ⲃⲱⲕ ⲁϥϩⲟⲡϥ̄ ⲛ̄ ⲥⲁϣϥ ⲛ̄ϩⲟⲟⲩ • ϩⲁⲧⲛ̄ ⲧⲣ︦ⲣ︦ⲱ ⲙ̄ⲡ ⲟⲩϩⲉ
ⲉ ⲣⲟϥ • ⲁⲗⲗⲁ ⲛⲉⲣⲉ ⲡⲉⲑⲣⲟⲛⲟⲥ ⲕⲏ ⲉ ⲃⲟⲗ • Ⲁⲩⲱ
ⲁ ⲧⲡⲟⲣⲓⲏ ⲛ̄ ⲣ︦ⲣ︦ⲟ ⲉⲧ ⲙ̄ⲙⲁⲩ • ϭⲱϣⲧ̄ ⲉ ⲃⲟⲗ • ϩⲛ̄
ⲟⲩϣⲟⲩϣⲧ̄ • ϩⲙ̄ ⲡⲉⲥⲕⲟⲓⲧⲱⲛ • ⲡⲉϫⲁⲥ • ϫⲉ ⲛⲓⲙ ⲡⲉ
ⲡⲁⲛⲁⲧⲟⲗⲁⲓⲟⲥ • ϫⲉ ⲉϥⲉⲧⲟⲩⲛⲉⲥ ⲡⲣ︦ⲣ︦ⲟ • ⲉ ϩⲣⲁⲓ ⲉϫⲙ̄
ⲡⲉϥⲑⲣⲟⲛⲟⲥ • Ⲛⲓⲙ ⲡⲉ ⲟⲩⲙⲁⲧⲟⲓ ⲛ̄ⲧⲉ ⲡⲁ ⲉⲓⲱⲧ • ϫⲉ
ⲉϥⲉⲁⲛϯⲗⲉⲅⲉ ⲟⲩϥ ⲉ ⲧⲉϥϣⲉⲉⲣⲉ • Ⲛⲓⲙ ⲡⲉ ⲟⲩⲣⲉϥ‐
ⲙⲟⲟϣⲉ • ⲛ̄|ⲛⲉϥⲟⲩⲉⲣⲏⲧⲉ • ⲛϥ̄ⲁⲛϯⲗⲉⲅⲉ ⲛ̄ ⲟⲩϣⲉⲉⲣⲉ
ⲛ̄ ⲣ︦ⲣ︦ⲟ • Ⲡⲁ ⲡⲡⲟⲗⲁⲓⲙⲟⲥ ⲡⲉ ⲡⲁⲛⲁⲧⲟⲗⲁⲓⲟⲥ • ⲡⲁ ⲧⲙ‐
ⲛ︦ⲧ︦ⲣ︦ⲣ︦ⲟ ⲡⲉ • ⲇⲓⲟⲕⲗⲏϯⲁⲛⲟⲥ • ⲁⲗⲗⲁ ⲁⲛⲅ̄ ⲟⲩϩⲏⲣⲱⲇⲓⲁⲥ
ⲛ̄ ⲃⲣ︤ⲣⲉ • ⲉⲓ ⲉⲙⲡ ⲉⲓⲉⲣ ⲡⲁ ϩⲁⲡ ⲛⲙ̄ⲙⲁϥ • Ⲛ̄ ⲧⲉⲣⲉ
ⲡϩⲁⲅⲓⲟⲥ ⲑⲉⲟⲇⲱⲣⲟⲥ ⲥⲱⲧⲙ̄ ⲉ ⲛⲁⲓ • ⲁϥϣⲱⲗ ⲛ̄ ⲧⲉϥ‐
ⲥⲏⲃⲉ • ⲁϥϩⲓⲟⲩⲉ ϫⲓⲛⲉ • ⲡⲉⲑⲣⲟⲛⲟⲥ ⲙ̄ ⲡⲣ︦ⲣ︦ⲟ ϣⲁ ⲡⲣⲟ •
ⲙ̄ ⲡⲡⲁⲗⲗⲁϯⲟⲛ • ⲁϥⲙⲟⲩⲟⲩⲧ ⲙ̄ ⲙⲛ̄ⲧⲟⲩⲉ ⲛ̄ϣⲉ ⲛ̄
ⲥⲕⲉⲡⲧⲱⲣ • ϩⲓ ⲕⲟⲩⲃⲟⲩⲕⲗⲁⲣⲓⲟⲛ • ⲁⲩⲱ ⲙⲛ̄ⲧϣⲟⲙⲧⲉ
ⲛ̄ϣⲉ ⲙ̄ⲙⲁⲧⲟⲓ ϩⲓ ⲣⲉϥϫⲓⲙⲗⲁϩ • ⲉⲛⲉⲣⲉ ⲡⲕⲩⲣⲝ (sic) ⲱϣ
ⲉ ⲃⲟⲗ • ϫⲉ ⲡⲟⲗⲗⲁ | ⲧⲁⲁⲓⲧⲉⲓ ⲧⲟⲩⲃⲁⲥⲓⲗⲉⲩⲥ ⲁ ⲧⲙ‐
ⲛ︦ⲧ︦ⲣ︦ⲣ︦ⲟ • ⲉⲣⲧⲁ ⲕⲗⲁⲩⲧⲓⲟⲥ • ⲁⲩⲱ ⲁ ⲑⲉⲟⲇⲱⲣⲟⲥ ⲙⲓϣⲉ
ⲁϥϫⲣⲟ • Ⲛ̄ ⲧⲉⲣⲉ ⲧⲣ︤ⲣ︥ⲱ • ⲥⲱⲧⲙ̄ ⲉ ⲛⲁⲓ • ⲁⲥⲉⲣ ϩⲟⲧⲉ
ⲙ̄ⲙⲁⲧⲉ • ⲁⲥϫⲓ ⲙ̄ ⲡⲉⲕⲗⲟⲙ • ⲙ̄ ⲡⲉⲥⲉⲓⲱⲧ • ⲙⲛ̄ ⲧⲉϥ‐
ϭⲣⲏⲡⲉ • ⲙⲛ̄ ⲧⲉϥϩⲃ̄ⲥⲱ ⲛ̄ ⲣ︤ⲣ︥ⲟ • ⲁⲥⲭⲁⲗⲁ ⲙ̄ⲙⲟⲟⲩ •
ⲉ ⲡⲉⲥⲏⲧ ϩⲙ̄ ⲡⲗⲱⲃϣ ⲙ̄ ⲡⲡⲁⲗⲗⲁϯⲟⲛ • ⲉⲥⲱϣ ⲉ ⲃⲟⲗ
ⲉⲥϫⲱ ⲙ̄ⲙⲟⲥ • Ϫⲉ ⲑⲉⲟⲇⲱⲣⲟⲥ ⲡⲁⲛⲁⲧⲟⲗⲁⲓⲟⲥ • ϫⲓ


### 0035

ⲛ̄ⲛⲁⲓ ⲛⲁⲕ • ⲛⲅ̄ ⲉⲣ ⲣ︦ⲣ︦ⲟ • ϫⲉ ⲁⲕϥⲓ ⲅⲁⲣ ⲙ̄ ⲡⲙⲁ
ⲧⲏⲣϥ̄ • ϫⲉ ϫⲓⲛⲉ ⲡⲟⲟⲩ ⲉ ϩⲣⲁⲓ • ⲁⲛⲟⲕ ⲧⲉ ⲧⲉⲕϩⲙ̄ϩⲁⲗ •
ϯⲧⲉⲣⲕⲟ ⲙ̄ⲙⲟⲕ • ⲙ̄ ⲡⲟⲩϫⲁⲓ ⲛ̄ ⲕⲗⲁⲩϯⲟⲥ • ⲡⲉⲕϣ|ⲃⲏⲣ •
ⲙⲛ̄ ⲡⲟⲩϫⲁⲓ ⲛ̄ ⲓⲟⲩⲥⲧⲟⲥ • ⲡⲁ ⲥⲟⲛ ⲛ̄ ϣⲁⲕⲧⲁⲕⲟ ⲛ̄
ⲧⲙⲛ︦ⲧ︦ⲣ︦ⲣ︦ⲟ • ⲛ̄ ⲧⲁ ⲁⲫⲟⲣⲙⲏ • Ⲙⲛ︦ⲛ︦ⲥⲱⲥ ⲁϥϯ ⲕⲱϩⲧ̄ ⲉⲛ
ⲣⲟ ⲙ̄ ⲡⲡⲁⲗⲗⲁϯⲟⲛ • ϫⲉ ⲉϥⲉⲣⲱⲕϩ̄ ⲛ̄ ⲟⲩⲟⲛ ⲛⲓⲙ •
ⲛ̄ⲧⲁϥⲉⲣ ⲡⲁⲓ • ⲉ ⲧⲃⲉ ⲇⲓⲟⲕⲗⲏϯⲁⲛⲟⲥ • ϫⲉ ⲁⲩⲁⲁϥ
ⲛ︦ⲣ︦ⲣ︦ⲟ • ⲁⲩⲱ ⲙ̄ⲡⲉ ⲗⲁⲁⲩ • ⲉϣϭⲙ̄ϭⲟⲙ ⲉ ⲁⲛϯⲗⲉⲅⲉ
ⲛⲁϥ • Ⲥⲟⲧⲉⲣⲓⲭⲟⲥ ⲇⲉ ⲡⲉϥⲉⲓⲱⲧ ⲙⲛ̄ ⲃⲁⲥⲓⲗⲓⲧⲏⲥ • ⲙⲛ̄
ϩⲣⲱⲙⲁⲛⲟⲥ • ⲁⲩⲡⲁϩⲧⲟⲩ ⲙ̄ ⲡⲉϥ ⲙ̄ⲧⲟ ⲉ ⲃⲟⲗ • ⲉⲩϫⲱ
ⲙ̄ⲙⲟⲥ ϫⲉ ⲡⲉⲛ ϫⲟⲉⲓⲥ ⲑⲉⲟⲇⲱⲣⲟⲥ • ⲧⲱⲕ ⲧⲉ ⲧⲙⲛ︦ⲧ︦ⲣ︦ⲣ︦ⲟ •
ⲙ̄ⲙⲏⲛⲉ • ⲙⲁⲗⲓⲥⲧⲁ ⲙ̄ⲡⲟ|ⲟⲩ ⲛ̄ⲧⲁ ⲧⲉⲕϭⲟⲙ ⲟⲩⲱⲛϩ̄
ⲉ ⲃⲟⲗ • ⲁⲛⲟⲛ ⲅⲁⲣ ⲧⲏⲣⲛ̄ ⲛⲉ ⲛⲉⲕϩⲙ̄ϩⲁⲗ • ⲁⲝⲓⲟⲩ ⲛ̄
ⲧⲉⲕⲙⲉⲧϫⲱⲱⲣⲉ • ⲉ ⲧⲙ̄ ⲣⲱⲕϩ̄ ⲙ̄ ⲡⲡⲁⲗⲗⲁϯⲟⲛ • ⲉⲓⲉ
ⲙⲓϣⲉ ⲛ̄ ⲕⲉ ⲥⲟⲡ • ϫⲉ ⲁ ⲡϩⲱⲃ ⲣⲱϣⲉ • Ⲁⲩⲱ ⲛ̄ⲧⲉⲩⲛⲟⲩ
ⲁϥⲣⲓⲙⲉ • ⲉϥϫⲱ ⲙ̄ⲙⲟⲥ • ϫⲉ ⲱ̄ ⲡⲉ︦ⲓ︦ ⲛⲟϭ ⲛ̄ ϫⲓⲛϭⲟⲛⲥ̄ •
ⲛ̄ⲧⲁϥϣⲱⲡⲉ ⲙ̄ⲡⲟⲟⲩ • ϩⲛ̄ ⲧⲡⲟⲗⲓⲥ ⲛ̄ ⲧⲙⲛ︦ⲧ︦ⲣ︦ⲣ︦ⲟ • ϫⲉ
ⲉⲣⲉ ⲟⲩⲥϩⲓⲙⲉ • ⲛⲁⲉⲣ ⲟⲩ ⲙⲁⲛⲉⲃⲁⲁⲙⲡⲉ ⲛ̄ ⲣ︦ⲣ̄ⲟ • ⲉ
ϩⲣⲁⲓ ⲉ ϫⲱⲛ • ⲉⲣⲉ ⲡⲉⲓ ⲙⲏⲏϣⲉ ⲛ̄ ⲣⲉϥⲙⲓϣⲉ • ϣⲟⲟⲡ
ϩⲛ̄ ⲧⲁⲛϯⲟⲭⲓⲁ • Ⲉϣⲱⲡⲉ ⲟⲩⲛ ⲇⲓⲕⲁⲓⲟⲛ ϣⲟⲟⲡ ϩⲟⲗⲟⲥ •
ⲕⲗⲁⲩϯⲟⲥ ⲙⲛ̄ ⲓⲟⲩⲥⲧⲟⲥ ⲙ̄ⲡϣⲁ | ⲛ̄ ⲧⲙⲛ︦ⲧ︦ⲣ︦ⲣ︦ⲟ • Ⲟⲩⲛⲟϭ
ⲇⲉ ⲛ̄ϣⲡⲏⲣⲉ • ⲁⲥϣⲱⲡⲉ ϩⲛ̄ ⲧⲡⲟⲗⲓⲥ ⲁⲛϯⲟⲭⲓⲁ • ⲉ ⲧⲃⲉ
ⲡⲙⲏⲏϣⲉ • ⲛ̄ⲧⲁⲩⲙⲟⲟⲩⲧⲟⲩ ϩⲙ̄ ⲡⲡⲁⲗⲗⲁϯⲟⲛ • ⲛⲉⲣⲉ
ⲛⲉⲩⲉⲓⲟⲧⲉ ⲣⲓⲙⲉ ⲉ ⲣⲟⲟⲩ • Ϩⲟⲓⲛⲉ ϫⲉ ⲁ ⲡⲁⲛⲁⲧⲟⲗⲁⲓⲟⲥ
ⲙⲟⲩⲟⲩⲧ ⲙ̄ ⲡⲣ︦ⲣ︦ⲟ • ⲙⲛ̄ ⲧⲣ︦ⲣ︦ⲱ • Ϩⲛ̄ ⲕⲟⲟⲩⲉ • ϫⲉ
ⲁⲩϩⲁⲡ ⲛ̄ ⲇⲓⲕⲁⲓⲟⲥ • ϣⲱⲡⲉ ⲙ̄ⲡⲟⲟⲩ • Ϩⲟⲓⲛⲉ ϫⲉ ⲧⲁ
ⲛⲉϥⲉⲓⲟⲧⲉ ⲙⲛ̄ ⲛⲉϥⲥⲛⲏⲩ ⲧⲉ ⲧⲙⲛ︦ⲧ︦ⲣ︦ⲣ︦ⲟ • Ⲉⲓⲧⲁ ⲁⲩⲛⲟϭ
ⲛ̄ ϣⲧⲟⲣⲧⲣ̄ • ϣⲱⲡⲉ ⲙ̄ ⲡⲉϩⲟⲟⲩ ⲉⲧ ⲙ̄ⲙⲁⲩ • ⲁⲩⲱ ⲛ̄
ⲧⲉⲣⲉ ⲡⲙⲁ ⲉⲥⲉⲭⲁⲍⲉ • ⲛ̄ ⲟⲩⲕⲟⲩⲓ • ⲁ ⲧⲣ︦ⲣ︦ⲱ ⲉⲓ|ⲉ ⲃⲟⲗ •
ⲁⲥϣⲟⲣⲡ︤ⲥ︥ ⲉ ⲡⲏⲓ ⲛ̄ ⲁⲡⲁ ⲕⲗⲁⲩϯⲟⲥ • ϣⲁ ⲧⲉϥⲙⲁⲁⲩ •
ⲙⲛ̄ ⲧⲉϥⲥⲱⲛⲉ • ⲙⲛ̄ ⲧⲥⲱⲛⲉ ⲛ̄ ⲁⲡⲁ ⲑⲉⲟⲇⲱⲣⲟⲥ • ⲁⲩⲱ
ⲁⲥⲣⲓⲙⲉ ⲙ̄ ⲡⲉⲩ ⲙ̄ⲧⲟ ⲉ ⲃⲟⲗ • ϫⲉ ⲛⲉⲥⲥⲛⲏⲩ ⲛⲉ • ⲁⲩⲱ ⲁ
ⲧⲥⲱⲛⲉ ⲛ̄ ⲁⲡⲁ ⲕⲗⲁⲩϯⲟⲥ • ⲙⲛ̄ ⲧⲥⲱⲛⲉ ⲛ̄ ⲁⲡⲁ ⲑⲉⲟ‐
ⲇⲱⲣⲟⲥ • ⲉⲓ ⲉ ⲡⲡⲁⲗⲗⲁϯⲟⲛ • ϣⲁ ⲛⲉⲩⲥⲛⲏⲩ • ⲁⲩⲥⲡ̄‐


### 0036

ⲥⲱⲡⲟⲩ • ϣⲁⲛⲧ ⲟⲩϩⲙⲟⲟⲥ ⲛ ⲟⲩⲕⲟⲩⲓ • ⲁⲩⲱ ⲁⲩⲱϣⲙ̄
ⲙ̄ ⲡⲕⲱϩⲧ̄ • ⲉⲧ ⲙⲟⲩϩ ⲟⲛ̄ ⲛ̄ⲣⲟ ⲙ̄ ⲡⲡⲁⲗⲗⲁϯⲟⲛ • Ⲁⲩⲱ
ⲛ̄ⲧⲉⲩⲛⲟⲩ • ⲁ ⲙⲓⲭⲁⲏⲗ ⲉⲓ • ⲉ ⲡⲉⲥⲏⲧ ⲉ ⲃⲟⲗ ϩⲛ̄ ⲧⲡⲉ •
ⲁϥⲕⲱ ⲛ̄ⲧⲉϥϭⲓϫ • ⲛ̄ ⲟⲩⲛⲁⲙ • ⲉϫⲛ̄ ⲧⲙⲉⲥⲧ ϩⲏⲧ • ⲛ̄
ⲛⲉⲓ ϩⲁⲅⲓⲟⲥ • ⲁⲩⲱ ⲡⲉϫⲁϥ ⲙ̄ ⲡϩⲁⲅⲓⲟⲥ ⲑⲉⲟⲇⲱⲣⲟⲥ • |
ϫⲉ ⲛⲟⲩϫ ⲛ̄ⲧⲉⲕⲥⲏⲃⲉ • ⲉ ⲡⲉⲥⲕⲟⲉⲓϩ • ϫⲉ ⲛⲁϣⲉ ⲧⲣⲁϩⲧⲥ̄
ⲛ̄ⲧⲁⲥϣⲱⲡⲉ • Ⲛⲅ̄ ⲥⲟⲟⲩⲛ ⲁⲛ • ⲱ̄ ⲡϩⲁⲅⲓⲟⲥ ⲑⲉⲟⲇⲱⲣⲟⲥ •
ϫⲉ ⲉⲕϣⲁⲛⲙⲓϣⲉ • ⲙⲛ̄ϭⲟⲙ ⲛ̄ ⲗⲁⲁⲩ ⲉ ⲁϩⲉ ⲣⲁⲧϥ̄ •
ϩⲓⲑⲏ ⲛ̄ ⲧⲉⲕⲟⲣⲅⲏ • ϫⲉ ⲧϭⲟⲙ ⲙⲛ̄ ⲧⲙⲛ︤ⲧ︥ϫⲱⲱⲣⲉ • ⲁⲩ‐
ⲧⲁⲁⲩ ⲛⲁⲕ ⲉ ⲃⲟⲗ • ϩⲓⲧⲙ̄ ⲡϫⲟⲉⲓⲥ • Ⲡⲉϫⲉ ⲡϩⲁⲅⲓⲟⲥ
ⲑⲉⲟⲇⲱⲣⲟⲥ • ⲙ̄ ⲙⲓⲭⲁⲏⲗ • ϫⲉ ⲉⲓⲉ ⲛ̄ ⲟⲩϣⲡⲏⲣⲉ
ⲁⲛ ⲧⲉ ⲱ̄ • ⲡⲁ ϫⲟⲉⲓⲥ • ⲛ̄ⲧⲉ ⲟⲩⲙⲁⲛⲉⲃⲁⲁⲙⲡⲉ • ⲛ̄ ⲣⲙ̄
ⲛ̄ ⲕⲏⲙⲉ • ⲉⲣ ⲣ︦ⲣ︦ⲟ ⲉ ϫⲱⲛ • ϩⲓⲧⲛ̄ ⲧⲉⲅⲛⲱⲙⲏ ⲛ̄ ⲟⲩ‐
ⲥϩⲓⲙⲉ • ⲉⲣⲉ ϣⲏⲣⲉ ⲛ̄ ⲣ︤ⲣ︥ⲟ ϩⲙ̄ ⲡⲡⲁⲗⲗⲁϯⲟⲛ • Ⲡⲉϫⲉ
ⲙⲓⲭⲁⲏⲗ ⲛⲁϥ • ϫⲉ ⲑⲉⲟⲇⲱⲣⲟⲥ ⲡϫⲱⲱⲣⲉ ⲛ̄ ϩⲁⲣϣ
ϩⲏⲧ▨▨▨ⲡⲉ ⲡϫⲱⲱⲣⲉ • ⲉⲣⲉ ⲡⲛⲟⲩⲧⲉ ⲙⲉ ⲙ̄ⲙⲟϥ •
ⲁⲩⲱ ⲛ̄ⲧⲉⲩⲛⲟⲩ • ⲁ ⲡϩⲁⲅⲓⲟⲥ ⲑⲉⲟⲇⲱⲣⲟⲥ ⲡⲁϩⲧϥ̄ • ⲁϥ‐
ⲟⲩⲱϣⲧ̄ ⲙ̄ ⲡⲛⲟⲩⲧⲉ • ⲉϥϫⲱ ⲙ̄ⲙⲟⲥ • ϫⲉ ⲕⲱ ⲛⲁⲓ ⲉ
ⲃⲟⲗ • ⲡⲁ ϫⲟⲉⲓⲥ ⲙⲓⲭⲁⲏⲗ • Ⲡⲉϫⲉ ⲙⲓⲭⲁⲏⲗ ⲛⲁϥ •
ϫⲉ ⲛ̄ ⲟⲩϣⲡⲏⲣⲉ ⲁⲛ ⲧⲉ • ⲛ̄ⲧⲉ ⲇⲓⲟⲕⲗⲏϯⲁⲛⲟⲥ ⲉⲣ ⲣ︤ⲣ︥ⲟ •
ϫⲉ ⲁⲩϯ ⲛⲁϥ • ⲛ̄ ⲟⲩⲥⲟⲩⲥⲟⲩ • ⲉ ⲃⲟⲗ ϩⲓⲧⲙ̄ ⲡϫⲟⲉⲓⲥ •
ⲧⲉ ϣⲡⲏⲣⲉ ⲛ̄ⲧⲟϥ ⲧⲉ ⲧⲁⲓ • ⲉⲣⲉ ⲡⲓⲗⲁⲧⲟⲥ ⲙⲛ̄ ϩⲏⲣⲱⲇⲏⲥ •
ϩⲙⲟⲟⲥ • ⲉⲣⲉ ⲡϣⲏⲣⲉ ⲙ̄ ⲡⲛⲟⲩⲧⲉ • ⲁϩⲉ ⲣⲁⲧϥ̄ ⲉ ⲣⲟⲟⲩ •
ⲧⲁⲓ ϩⲱⲱϥ ⲧⲉ ⲑⲉ • ⲉⲧ ⲉⲣⲉ ⲇⲓⲟⲕⲗⲏϯⲁⲛⲟⲥ ⲛⲁⲉⲣ ⲣ︦ⲣ︦ⲟ
ⲉϫⲛ̄ ⲛⲉϩⲣⲱⲙⲁⲓⲟⲥ • Ⲡⲉϫⲉ ⲡϩⲁⲅⲓⲟⲥ ⲑⲉⲟⲇⲱⲣⲟⲥ • ⲙ̄
ⲙⲓⲭⲁ|ⲏⲗ • ϫⲉ ⲉϣⲱⲡⲉ ⲡⲟⲩⲉϩⲥⲁϩⲛⲉ ⲙ̄ ⲡϫⲟⲉⲓⲥ ⲡⲉ •
ⲉ ⲧⲣⲉ ⲇⲓⲟⲕⲗⲏϯⲁⲛⲟⲥ ⲉⲣ ⲣ︦ⲣ̄ⲟ • ⲟⲩ ⲉ ⲣⲟⲓ ⲁⲛⲟⲕ ⲡⲉ
ⲕⲱⲗⲩ ⲙ̄ ⲡⲉϥⲟⲩⲉϩⲥⲁϩⲛⲉ • Ⲁⲩⲱ ⲁ ⲙⲓⲭⲁⲏⲗ ϫⲱ ⲉ
ⲣⲟϥ • ⲛ̄ ϩⲛ̄ⲕⲉ ⲙⲩⲥⲧⲏⲣⲓⲟⲛ • ⲉⲩⲛⲁϣⲱⲡⲉ ⲛ̄ ⲇⲓⲟⲕⲗⲏ‐
ϯⲁⲛⲟⲥ • ⲁⲩⲱ ⲁϥϩⲟⲡϥ̄ ⲉ ⲣⲟϥ • ϩⲛ̄ ⲟⲩⲉⲓⲣⲏⲛⲏ ϩⲁⲙⲏⲛ •
Ϣⲱⲣⲡ̄ ⲇⲉ ⲛ̄ ⲧⲉⲣⲉ ϥϣⲱⲡⲉ • ⲁ ⲡϩⲁⲅⲓⲟⲥ ⲑⲉⲟⲇⲱⲣⲟⲥ •
ⲉⲓ ⲉ ⲡⲡⲁⲗⲗⲁϯⲟⲛ • ⲁϥⲱϣ ⲉ ⲃⲟⲗ ⲉϥϫⲱ ⲙ̄ⲙⲟⲥ • ϫⲉ
ⲡⲉⲧ ⲟⲩⲱϣ ⲉ ⲉⲣ ⲣ︤ⲣ︥ⲟ • ⲉⲓⲥ ⲡⲉⲑⲣⲟⲛⲟⲥ ⲕⲏ ⲉ ⲃⲟⲗ • ⲁⲩⲱ
ⲁ ⲑⲟⲧⲉ ⲙ̄ ⲡⲁⲛⲁⲧⲟⲗⲁⲓⲟⲥ • ⲙⲉϩ ⲧⲁⲛϯⲟⲭⲓⲁ ⲧⲏⲣⲥ̄ •


### 0037

ⲙ̄ⲡⲉ ⲗⲁⲁⲩ ⲉϣϭⲙ̄ϭⲟⲙ ⲉ ϩⲙⲟⲟⲥ | ⲉϫⲙ̄ ⲡⲉⲑⲣⲟⲛⲟⲥ •
ⲛ̄ ⲟⲩⲉⲃⲟⲧ ⲛ̄ϩⲟⲟⲩ • ϣⲁⲛⲧ ⲉϥϯ ⲗⲟⲅⲟⲥ ⲛⲁⲩ ⲉ ⲧⲙ̄ ⲙⲟⲩ‐
ⲟⲩⲧ ⲙ̄ⲙⲟⲟⲩ ⲛ̄ⲕⲉ ⲥⲟⲡ • Ⲧⲁⲥⲉⲃⲏⲥ ⲇⲉ ⲛ̄ ⲣ︦ⲣ︦ⲟ • ⲁⲥϯ ⲛ̄
ϩⲛ̄ⲛⲟϭ ⲛ̄ ϩⲟⲙⲛ︤ⲧ︥ • ⲛ︤ⲛ︥ ⲙ̄ⲙⲁⲧⲟⲓ ϣⲁⲛⲧ ⲟⲩϣⲓⲛⲉ ⲛ̄ⲥⲁ
ⲇⲓⲟⲕⲗⲏϯⲁⲛⲟⲥ • ⲁϥⲉⲣ ⲕⲉ ϩⲙⲉ ⲛ̄ϩⲟⲟⲩ • ⲉϥⲟ ⲛ̄ ⲥⲧⲁϥ‐
ⲗⲓⲧⲏⲥ ⲙ̄ ⲙⲁⲛⲉϩⲧⲟ • ⲙ̄ⲡⲁⲧⲉ ⲑⲟⲧⲉ ⲕⲁⲁϥ ⲉ ⲉⲣ ⲣ︦ⲣ︦ⲟ •
Ⲉⲓⲧⲁ ⲛ̄ ⲧⲉⲣⲉ ⲉϥⲉⲣ ⲣ︦ⲣ︦ⲟ ⲛ̄ϭⲓ ⲇⲓⲟⲕⲗⲏϯⲁⲛⲟⲥ ⲛϥ̄ϫⲣⲟ
ⲛ̄ ⲟⲩⲕⲟⲩⲓ • ⲁ ⲡϩⲁⲅⲓⲟⲥ ⲑⲉⲟⲇⲱⲣⲟⲥ ⲃⲱⲕ ⲉ ϭⲙ̄ ⲡⲉϥ‐
ϣⲓⲛⲉ ⲁⲩⲱ ⲁϥⲧⲱⲟⲩⲛ ϩⲁ ϫⲱϥ • ⲡⲉϫⲁϥ ⲛⲁϥ ϫⲉ ⲕⲓⲣⲉ
ⲑⲉⲟⲇⲱⲣⲟⲥ • ⲁⲙⲟⲩ ϩⲙⲟⲟⲥ ⲛⲁⲕ • ⲉϫⲙ̄ ⲡⲉⲑⲣⲟⲛⲟⲥ •
ⲛⲅ̄ ⲉⲣ ⲣ︦ⲣ︦ⲟ • | Ⲡⲉϫⲁϥ ⲡⲡⲉⲧ ⲟⲩⲁⲁⲃ ⲛⲁϥ • ϫⲉ ϩⲁⲣⲉϩ
ⲉ ⲧⲡⲓⲥⲧⲓⲥ • ⲁⲩⲱ ⲛⲅ̄ ⲉⲓⲣⲉ ⲙ̄ ⲡⲇⲓⲕⲁⲓⲟⲛ • ⲧⲁⲣⲉ ⲧⲉⲕ‐
ⲙⲉⲧⲣ︦ⲣ︦ⲟ ⲧⲁϫⲣⲟ • Ⲡⲁⲥⲉⲃⲏⲥ ⲇⲉ • ⲁϥϭⲙ̄ϭⲟⲙ ⲕⲟⲩⲓ ⲕⲟⲩⲓ •
ⲁⲩⲱ ⲁϥⲉⲣ ⲟⲩⲟⲉⲓϣ • ⲉϥϩⲁ ⲧⲁⲕⲟⲗⲟⲩⲑⲓⲁ ⲛ̄ ⲧⲉⲕⲕⲗⲏⲥⲓⲁ
ⲉϥⲥⲩⲛⲁⲅⲉ • Ⲡⲁ ⲉⲓⲱⲧ ⲇⲉ ⲁⲡⲁ ⲕⲁⲓⲟⲥ • ⲉⲛⲉϥⲃⲏⲕ ϣⲁ
ⲣⲟϥ • ⲙ̄ⲙⲏⲛⲉ ⲉϥϭⲓⲛⲉ ⲙ̄ ⲡⲉϥϣⲓⲛⲉ • ⲉϥⲡⲣⲟⲧⲣⲉⲡⲉ
ⲙ̄ⲙⲟϥ • ⲉ ϩⲟⲩⲛ ⲉ ⲡⲡⲉⲧ ⲛⲁⲛⲟⲩϥ • ⲁⲩⲱ ⲁϥϯ ⲙ̄
ⲡⲧⲱϣ ⲧⲏⲣϥ̄ ⲛ̄ ⲕⲏⲙⲉ • ⲉ ⲧⲟⲟⲧϥ̄ ⲙ̄ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲉ ⲧⲣⲉ ϥⲁⲣⲭⲉⲓ ⲉ ϫⲱϥ • Ⲁϥⲉⲣ ⲡⲙⲉⲉⲩⲉ ⲛ̄ ⲁⲡⲁ ⲯⲟⲧⲉ •
ϩⲙ̄ ⲡⲙⲁⲣⲏⲥ • ϫⲉ ⲡⲉϥϣⲃⲏⲣ ⲡⲉ ⲙ̄ⲡⲁⲧ ⲉϥⲉⲣ ⲣ︤ⲣ︥ⲟ •
ⲁⲩⲱ | ⲁϥⲧⲣⲉⲩ ⲁⲁϥ ⲛ̄ⲉⲡⲓⲥⲕⲟⲡⲟⲥ • ⲛⲉⲣⲉ ⲡⲣ︦ⲣ︦ⲟ ϣⲟⲟⲡ
ϩⲛ̄ ⲧⲡⲓⲥⲧⲓⲥ • ⲉϥϫⲱⲕ ⲉ ⲃⲟⲗ • ⲛ̄ ⲛⲉϩⲃⲏⲩⲉ ⲧⲏⲣⲟⲩ • ϫⲉ
ⲛⲉ ⲙ̄ⲡⲁⲧⲉ ⲡϫⲁϫⲉ ⲉⲑⲟⲟⲩ • ϫⲟ ⲙ̄ ⲡⲉϥⲛ̄ⲧⲏϭ • ϩⲣⲁⲓ
ⲛ̄ϩⲏⲧϥ̄ • ⲉⲓϣⲁϫⲉ ⲉ ⲡⲇⲓⲁⲃⲟⲗⲟⲥ • Ⲁⲩⲱ ⲉⲛⲉϥϯ ⲧⲱϣ
ⲉ ϫⲟⲟⲩ • ⲉ ⲑⲓ̄ⲗⲏ︦ⲙ︦ • ⲉ ϭⲱⲗⲡ̄ ⲉ ⲃⲟⲗ • ⲙ̄ ⲡⲉⲥ̄⳨ⲟ︦ⲥ︥︦•
ⲙ̄ ⲡⲉⲛϫⲟⲉⲓⲥ ⲓ︦ⲥ︦ ⲡⲉⲭ︦ⲥ︦ • ϩⲓⲧⲛ̄ ⲧⲉⲅⲛⲱⲙⲏ ⲙ̄ ⲡⲁ ⲉⲓⲱⲧ
ⲁⲡⲁ ⲕⲁⲓⲟⲥ • ⲁⲗⲗⲁ ⲙ̄ⲡⲉ ⲡϫⲁϫⲉ ⲉⲑⲟⲟⲩ • ⲁⲙⲉⲗⲉⲓ
ⲉ ⲣⲟϥ • ⲉ ⲧⲣⲉ ϥⲉⲣ ⲡⲁⲓ • ⲉϥⲥⲟⲟⲩⲛ ϫⲉ ⲉϥϣⲁⲛⲟⲩⲱⲛϩ̄
ⲉ ⲃⲟⲗ • ϣⲁϥϣⲟⲣϣⲣ̄ ⲛ̄ ⲛⲉϥϩⲓⲟⲟⲩⲉ ⲧⲏⲣⲟⲩ • Ⲉⲓⲧⲁ
ⲛⲉⲣⲉ ⲡⲁⲥⲉⲃⲏⲥ ⲛ̄ⲣⲟ ⲉⲣ ϩⲟⲧⲉ ⲛ̄ ⲑⲉⲟⲇⲱⲣⲟⲥ ⲡⲁⲛⲁⲧⲟ‐ |
ⲗⲁⲓⲟⲥ • ⲁⲩⲱ ⲁ ⲧⲣ︦ⲣ︦ⲱ • ϣⲁϫⲉ ⲛⲙ̄ⲙⲁϥ • ⲉⲥϫⲱ ⲙ̄ⲙⲟⲥ
ϫⲉ ϩⲣⲟϣ ⲛ̄ϩⲏⲧ • ⲛ̄ ⲟⲩⲕⲟⲩⲓ • ϣⲁⲛⲧⲉ ⲟⲩⲡⲟⲗⲁⲓⲙⲟⲥ
ϣⲱⲡⲉ • ϣⲁⲓϯ ϩⲁϩ ⲛ̄ⲭⲣⲏⲙⲁ ⲛ̄ ⲛ̄ⲇⲓⲣⲱⲛ • ϣⲁⲛⲧ
ⲟⲩⲙⲟⲩⲟⲩⲧ ⲙ̄ⲙⲟϥ • Ⲡⲉϫⲉ ⲡⲣ︤ⲣ︥ⲟ ⲛⲁⲥ • ϫⲉ ⲉⲓⲉⲣ ϩⲟⲧⲉ


### 0038

ⲛ̄ ϫⲟⲟⲩϥ • ⲉ ⲡⲡⲟⲗⲁⲓⲙⲟⲥ • ⲛ̄ⲥⲉⲧⲟⲩⲛⲉⲥ ⲡⲉ ⲙ̄ⲗⲁϩ ⲉ
ϫⲱⲓ • ⲛ̄ⲥⲉⲙⲟⲩⲟⲩⲧ ⲙ̄ⲙⲟⲓ • Ⲉⲛⲉϥⲧⲛ̄ⲛⲟⲟⲩ ⲛⲁϥ ⲛ̄ϩⲁⲟ
ⲛ̄ⲥⲟⲡ • ϫⲉ ⲕⲟⲩⲱϣ ⲉ ⲧⲣⲁ ϩⲙⲟⲟⲥ • ⲉϫⲙ̄ ⲡⲉⲑⲣⲟⲛⲟⲥ •
ϫⲉ ⲕⲟⲩⲱϣ • ⲉ ⲧⲣⲁ ⲁⲛⲁⲭⲱⲣⲉⲓ ⲛⲁⲓ ⲉ ⲡⲁ ⲕⲁϩ • Ⲁⲩⲱ
ϣⲁⲣⲉ ⲑⲉⲟⲇⲱⲣⲟⲥ ϫⲟⲟⲩ ⲛⲁϥ ϫⲉ ϩⲙⲟⲟⲥ ⲛⲁⲕ ϩⲓϫⲙ̄
ⲡⲉⲑⲣⲟⲛⲟⲥ • ϫⲉ ⲁ ⲧⲙⲛ︦ⲧ︦ⲣ︦ⲣ︦ⲟ ⲉⲣ ⲧⲱⲕ • ⲙ̄ⲡⲉⲣ ⲣ̄ | ϩⲟⲧⲉ
ⲱ̄ ⲡⲣ︦ⲣ︦ⲟ • ⲙⲟⲛⲟⲛ ⲛ̄ ϯⲛⲁⲉⲣ ⲗⲁⲁⲩ ⲙ̄ ⲡⲉⲑⲟⲟⲩ ⲛⲁⲕ
ⲁⲛ • ϣⲁ ⲉⲛⲉϩ • Ⲉⲛⲉⲣⲉ ⲡⲁⲣⲭⲏⲉⲡⲓⲥⲕⲟⲡⲟⲥ • ⲃⲏⲕ ϣⲁ
ⲣⲟϥ • ⲙⲛ̄ ⲡⲉⲧ ⲕⲱⲗⲩ ⲙ̄ⲙⲟϥ • Ϩⲣⲁⲓ ⲇⲉ ϩⲛ̄ ⲛⲉϩⲟⲟⲩ
ⲉⲧ ⲙ̄ⲙⲁⲩ • ⲁⲩⲛⲟϭ ⲙ̄ ⲡⲟⲗⲁⲓⲙⲟⲥ ⲧⲱⲟⲩⲛ • ⲉϫⲛ̄
ⲛⲉϩⲣⲱⲙⲁⲓⲟⲥ ϩⲓⲧⲛ̄ ⲙ̄ⲡⲉⲣⲥⲟⲥ • ⲁⲩⲱ ⲁ ⲡⲟⲩⲱ ⲧⲁϩⲉ
ⲡⲣ︦ⲣ︦ⲟ • ϫⲉ ⲁ ⲙ̄ⲡⲉⲣⲥⲟⲥ • ⲉⲓ ϣⲁ ⲙ̄ ⲙⲁ ⲛ̄ ⲣⲟⲉⲓⲥ •
ⲁⲩϣⲉⲗ ⲙⲁ ⲛⲓⲙ • Ⲡⲣ︦ⲣ︦ⲟ ⲇⲉ ⲁϥϣⲧⲟⲣⲧⲣ̄ ⲙ̄ⲙⲁⲧⲉ
ⲡⲉϫⲁϥ • ϫⲉ ⲟⲩ ⲡⲉ ⲡⲁ ϩⲱⲃ • ⲁⲛⲟⲕ ⲙⲛ̄ ⲧⲙⲛ︦ⲧ︦ⲣ︦ⲣ︦ⲟ •
ⲧⲁ ⲑⲉⲟⲇⲱⲣⲟⲥ ⲙⲛ̄ ⲕⲗⲁⲩϯⲟⲥ ⲧⲉ ⲧⲙⲛ︦ⲧ︦ⲣ︦ⲣ︦ⲟ • Ⲡⲉϫⲉ
ⲛⲉⲓ ϩⲁⲅⲓⲟⲥ ⲙ̄ ⲡⲣ︦ⲣ︦ⲟ • ϫⲉ ⲧⲱⲕ ⲧⲉ ⲧⲙⲛ︦ⲧ︦ⲣ︦ⲣ︦ⲟ • | ϫⲉ
ⲁⲩⲧⲁⲁⲥ ⲛⲁⲕ ⲉ ⲃⲟⲗ ϩⲛ̄ ⲧⲡⲉ • Ⲛ̄ ⲧⲉⲣⲉ ⲡⲣ︦ⲣ̄ⲟ ⲃⲱⲕ ⲉ
ϩⲟⲩⲛ ϣⲁ ⲧⲣ︤ⲣ︥ⲱ • ⲁⲥⲛⲁⲩ ⲉ ⲣⲟϥ • ⲉϥⲟⲩⲱⲗⲥ̄ ⲛ̄ϩⲏⲧ •
ⲁⲩⲱ ⲉϥϣⲧⲣ̄ⲧⲱⲣ • ⲡⲉϫⲁⲥ ⲛⲁϥ • ϫⲉ ⲉ ⲧⲃⲉ ⲟⲩ • ⲉⲕⲟ
ⲛ̄ ϭⲁⲃ ϩⲏⲧ • ⲛ̄ ⲧⲉⲓ ϩⲉ ⲧⲏⲣⲥ̄ • ⲉⲓⲟⲩⲱϣ ⲉ ⲧⲣⲉⲕⲉⲣⲏⲧ •
ⲛ̄ⲑⲉ ⲑⲉⲟⲇⲱⲣⲟⲥ ⲙⲛ̄ ⲕⲗⲁⲩϯⲟⲥ • ⲛ̄ ϩⲛ̄ⲛⲟϭ ⲛ̄ⲧⲁⲉⲓⲟ
ⲛⲅ̄ ϫⲟⲟⲩ ⲉ ⲡⲡⲟⲗⲁⲓⲙⲟⲥ • ⲛ̄ⲥⲉⲙⲟⲩⲟⲩⲧ ⲙ̄ⲙⲟⲟⲩ •
ⲧⲁⲣⲉⲕⲗⲟ ⲉⲕϣⲧⲣ̄ⲧⲱⲣ ⲉ ⲧⲃⲏⲏⲧⲟⲩ • Ⲛ̄ ⲧⲉⲣⲉ ⲡⲣ︦ⲣ︦ⲟ ⲇⲉ
ⲥⲱⲧⲙ̄ ⲉ ⲛⲁⲓ • ⲁϥϫⲟⲟⲥ ⲛ̄ⲥⲁ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁϥϯ
ⲛⲁϥ ⲛ̄ ϩⲛ̄ⲛⲟϭ ⲛ̄ⲭⲣⲏⲙⲁ • ⲉ ⲧⲣⲉ ϥⲧⲁⲁⲩ ⲛ̄ ⲑⲩⲥⲓⲁ
ⲙ̄ ⲡϫⲟⲉⲓⲥ • ⲉ ⲧⲃⲉ ⲡⲟⲩϫⲁⲓ ⲙ̄ ⲡⲡⲟⲗⲁⲓⲙⲟⲥ • ⲁⲩⲱ |
ⲁϥϫⲟⲟⲩ ⲛ̄ⲥⲁ ⲛⲉⲓ ϩⲁⲅⲓⲟⲥ • ⲉϥϫⲱ ⲙ̄ⲙⲟⲥ ⲛⲁⲩ • ϫⲉ
ⲟⲩ ⲡⲉ ⲡⲧⲱϣ ⲙ̄ ⲡⲉⲓ ⲡⲟⲗⲁⲓⲙⲟⲥ • ⲉⲧ ϩⲓ ϫⲱⲛ • Ⲡⲉϫⲁⲩ
ⲛⲁϥ ϫⲉ ⲡⲡⲟⲗⲁⲓⲙⲟⲥ ⲡⲁ ⲡϫⲟⲉⲓⲥ ⲡⲉ • ⲛ̄ⲧⲟϥ ⲡⲉⲧ ϥⲓ
ⲙ̄ⲙⲟϥ ϩⲓ ϫⲱⲛ • Ⲡⲉϫⲉ ⲡⲣ︤ⲣ︥ⲟ ⲛⲁⲩ ϫⲉ ⲙⲁⲣⲟⲩ ⲥⲟϥⲧⲉ
ⲛ̄ ϩⲛ̄ⲕⲁⲣⲟⲩⲭⲓⲟⲛ • ⲙⲛ̄ ϩⲛ̄ϩⲁⲣⲙⲁ • ⲁⲗⲉ ⲉ ⲣⲟⲟⲩ •
ⲙⲛ̄ ⲛⲉⲧ ⲛⲉⲣⲏⲩ • ϫⲓ ⲙ̄ ⲡⲉⲧⲛ̄ⲙⲏⲏϣⲉ ⲃⲱⲕ ⲉ ⲡⲡⲟ‐
ⲗⲁⲓⲙⲟⲥ • ϭⲱ ⲉⲕϯ ⲧⲱⲕ ⲛ̄ϩⲏⲧ ⲛⲁⲩ • ϩⲓ ⲡⲁϩⲟⲩ • ϣⲁⲛⲧ
ⲉⲕϫⲉⲉⲣⲉ ⲡⲡⲟⲗⲁⲓⲙⲟⲥ ⲉ ⲃⲟⲗ • Ⲡⲉϫⲉ ⲛⲉⲓ ϩⲁⲅⲓⲟⲥ ⲙ̄


### 0039

ⲡⲣ︦ⲣ︦ⲟ • ϫⲉ ⲟⲩⲇⲉ ϩⲁⲣⲙⲁ • ⲟⲩⲇⲉ ⲕⲁⲣⲟⲩⲭⲓⲟⲛ • |
ⲛ̄ⲧⲛ̄ⲛⲁⲁⲗⲉ ⲁⲛ ⲉ ⲣⲟⲟⲩ • ⲁⲩⲱ ⲧⲛ̄ⲛⲁⲃⲱⲕ ⲉ ⲡⲡⲟⲗⲁⲓ‐
ⲙⲟⲥ • Ⲡⲉϫⲉ ⲡⲣ︦ⲣ︦ⲟ ⲛⲁⲩ • ϫⲉ ⲃⲱⲕ ⲉ ⲡⲧⲁⲙⲓⲟⲛ ⲛ̄
ⲡⲉⲭⲣⲏⲙⲁ • ϥⲓ ⲙ̄ ⲡⲉⲧ ⲛⲁ ⲣⲱϣⲉ ⲉ ⲣⲟⲕ ⲙⲛ̄ ⲡⲉⲕ‐
ⲙⲏⲏϣⲉ • ϩⲙ̄ ⲡⲡⲟⲗⲁⲓⲙⲟⲥ • ϣⲁⲛⲧⲉ ⲧⲛ̄ⲕⲉⲧ ⲧⲏⲩⲧⲛ̄
ϩⲛ̄ ⲟⲩϫⲣⲟ • Ⲙⲛ︤ⲛ︥ⲥⲁ ⲛⲁⲓ ⲇⲉ • ⲁⲩⲃⲱⲕ ⲉ ⲡⲡⲟⲗⲁⲓⲙⲟⲥ •
ⲁⲩⲙⲓϣⲉ ⲙⲛ̄ ⲙ̄ⲡⲉⲣⲥⲟⲥ • ⲁⲩϫⲣⲟ ⲁⲩϭⲱⲡⲉ ⲙ̄ ⲡϣⲏⲣⲉ •
ⲙ̄ ⲡ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • ⲁⲩⲧⲁϩⲟϥ ⲉ ⲣⲁⲧϥ̄ ⲉ ⲡⲣ︦ⲣ︦ⲟ •
Ⲡⲉϫⲉ ⲑⲉⲟⲇⲱⲣⲟⲥ ⲛⲁϥ • ϫⲉ ⲉⲓⲥ ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ︦ⲛ︦
ⲙ̄ⲡⲉⲣⲥⲟⲥ • ⲁⲓⲉⲛⲧϥ̄ ⲙ̄ ⲡⲉⲕ ⲙ̄ⲧⲟ ⲉ ⲃⲟⲗ • ϩⲓⲧⲛ̄ | ⲧϭⲟⲙ
ⲙ̄ ⲡⲁ ⲣ︦ⲣ︦ⲟ ⲡⲉⲭ︦ⲥ︦ • ⲁⲗⲗⲁ ⲛⲥ̄ⲧⲟ ⲁⲛ • ⲉ ⲧⲣⲉ ⲛⲕⲱ ⲙ̄ ⲡⲁⲓ
ϩⲁϩⲧⲛ̄ ⲗⲁⲁⲩ ⲛ̄ⲣⲱⲙⲉ • ⲉⲓ ⲙⲏ ⲧⲉⲓ ⲡⲁⲣⲭⲏⲉⲡⲓⲥⲕⲟⲡⲟⲥ •
Ⲡⲉϫⲉ ⲡⲣ︦ⲣ︥︦ⲟ ⲛⲁⲩ • ϫⲉ ϩⲱⲃ ⲛⲓⲙ ⲉⲧⲉⲧⲛ̄ⲟⲩⲁϣⲟⲩ • ⲁⲣⲓ
ⲥⲟⲩ ϩⲛ̄ ⲧⲁ ⲙⲛ︦ⲧ︦ⲣ︦ⲣ︦ⲟ • ⲁⲩⲱ ⲙⲛ̄ ⲗⲁⲁⲩ ⲛⲁⲉϣⲕⲱⲗⲩ •
ⲙ̄ ⲡⲉⲧⲛ̄ⲟⲩⲉϩⲥⲁϩⲛⲉ • Ⲡⲉϫⲉ ⲡⲣ︦ⲣ︦ⲟ ⲙ̄ ⲡⲁⲣⲭⲏⲉⲡⲓⲥⲕⲟ‐
ⲡⲟⲥ • ϫⲉ ϫⲓ ⲙ̄ ⲡϣⲏⲣⲉ • ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • ⲛⲅ̄
ⲕⲁⲁϥ ϩⲁ ⲧⲟⲟⲧⲕ̄ • ⲁⲩⲱ ⲛ̄ ⲧⲉⲓ ϩⲉ ⲁϥⲧⲁⲁϥ ⲛⲁϥ • ⲉⲣⲉ
ⲛ̄ⲛⲟϭ ⲧⲏⲣⲟⲩ ⲥⲟⲟⲩϩ • ⲉⲩⲟ ⲙ̄ⲙⲛ̄ⲧⲣⲉ ⲉ ⲡⲉⲓ ϩⲱⲃ •
Ⲙⲛ︦ⲛ︦ⲥⲁ ⲛⲁⲓ ⲇⲉ ⲁ ⲡϩⲱⲃ ⲱⲥⲕ̄ • ⲉⲣⲉ ⲡϣⲏⲣⲉ ⲙ̄ | ⲡⲣ︦ⲣ︦ⲟ
ⲛ︦ⲛ︦ ⲙ̄ⲡⲉⲣⲥⲟⲥ • ϭⲁⲗⲱⲟⲩ ⲉ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁϥ‐
ⲥⲱⲧⲙ̄ ⲛ̄ϭⲓ ⲡⲉϥⲉⲓⲱⲧ • ϫⲉ ϥϭⲁⲗⲏⲩ ⲉ ⲣⲟϥ • ⲁϥϫⲟⲟⲩ
ⲛ̄ ϩⲛ̄ⲛⲟϭ ⲛ̄ⲧⲁⲉⲓⲟ ⲛⲁϥ • ⲁϥⲕⲱ ⲙ̄ ⲡⲉϥϣⲏⲣⲉ ⲉ ⲃⲟⲗ •
ⲁⲩⲱ ⲙ̄ⲡⲉ ⲗⲁⲁⲩ ⲉⲓⲙⲉ ⲉ ⲡⲉⲓ ϩⲱⲃ • Ⲡⲁⲣⲭⲏⲉⲡⲓⲥⲕⲟⲡⲟⲥ
ⲇⲉ • ⲁϥϫⲓ ⲛ̄ ⲛⲉⲭⲣⲏⲙⲁ • ⲁϥⲥⲟⲣⲟⲩ ⲛ̄ ⲛⲉϩⲏⲕⲉ ⲛ̄
ⲧⲡⲟⲗⲓⲥ • ⲙⲛ̄ ⲛⲉⲭⲏⲣⲁ • ⲙⲛ̄ ⲛ̄ⲟⲣⲫⲁⲛⲟⲥ • ⲙⲛ̄ ⲛⲉϥ‐
ⲑⲩⲥⲓⲁ ⲛ︦ⲛ︦ⲉⲕⲕⲗⲏⲥⲓⲁ ⲧⲏⲣⲟⲩ • Ⲡⲇⲓⲁⲃⲟⲗⲟⲥ ⲇⲉ ⲁϥⲟⲩ‐
ⲱⲛϩ̄ ⲉ ⲃⲟⲗ • ⲉ ⲡⲁⲥⲉⲃⲏⲥ • ⲇⲓⲟⲕⲗⲏϯⲁⲛⲟⲥ ⲉϥϫⲱ
ⲙ̄ⲙⲟⲥ ⲛⲁϥ ϫⲉ ⲉⲕϩⲙⲟⲟⲥ ⲉⲕⲣ̄ ⲟⲩ • ⲁ ⲡⲁⲣⲭⲏⲉⲡⲓⲥⲕⲟⲡⲟⲥ
ⲕⲱ ⲙ̄ ⲡ|ϣⲏⲣⲉ ⲙ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ ⲉ ⲃⲟⲗ • ⲁϫⲛ̄
ⲧⲉⲕⲕⲉⲗⲉⲩⲥⲓⲥ • ⲁϥϫⲓ ⲛ̄ⲧⲉϥϯⲙⲏ • ⲁϥⲧⲁⲁⲥ ⲛ̄ ⲛⲉϩⲏⲕⲉ
ⲛ̄ ⲧⲡⲟⲗⲓⲥ • ⲙ̄ⲡⲉ ϥϣⲉⲡ ϩⲣⲁⲕ ⲉ ⲡⲧⲏⲣϥ̄ • ⲉⲓⲥ ϣⲟⲙⲧⲉ
ⲅⲁⲣ ⲛ̄ⲣⲟⲙⲡⲉ • ϥϯ ⲁⲅⲁⲡⲏ ϩⲙ̄ ⲡⲉⲭⲣⲏⲙⲁ ⲛ̄ⲧⲁϥϫⲓⲧϥ̄ •
Ⲡⲣ︦ⲣ︦ⲟ ⲇⲉ ⲁϥⲙⲟⲩⲧⲉ • ⲉ ⲛⲉⲛⲟϭ ⲙ̄ ⲡⲡⲁⲗⲗⲁϯⲟⲛ •
ⲁϥⲧⲁⲙⲟⲟⲩ ⲉ ⲡⲙⲩⲥⲧⲏⲣⲓⲟⲛ ⲛ̄ⲧⲁ ⲡⲇⲓⲁⲃⲟⲗⲟⲥ ϫⲟⲟϥ •


### 0040

ⲉ ⲣⲟϥ ⲉ ⲧⲃⲉ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁⲩⲱ ⲛ̄ⲧⲉⲩⲛⲟⲩ
ⲁϥϫⲟⲟⲩ ⲛ̄ⲥⲱϥ ⲉϥϫⲱ ⲙ̄ⲙⲟⲥ • ϫⲉ ⲡⲁ ⲉⲓⲱⲧ • ⲟⲩ ⲡⲉ
ⲡϣⲓⲛⲉ ⲙ̄ ⲡϣⲏⲣⲉ ⲙ̄ ⲡⲣ︦ⲣ︦ⲟ • ⲛ̄ ⲙ̄ⲡⲉⲣⲥⲟⲥ ⲉⲧ ϭⲁⲗⲏⲩ
ⲉ ⲣⲟⲕ :-| Ⲡⲉϫⲁϥ ⲛⲁϥ • ϫⲉ ϥⲟⲛϩ ⲛ̄ϭⲓ ⲡϫⲟⲉⲓⲥ ⲡⲉⲓ︦ⲥ︦
ⲡⲉⲭ︦ⲥ︦ • ⲙⲛ̄ ⲡⲉⲕⲕⲣⲁⲧⲟⲥ ⲱ̄ ⲡⲣ︦ⲣ︦ⲟ • ϫⲉ ϫⲓⲛⲉ ⲡⲙⲉϩ
ⲥⲛⲁⲩ ⲛ̄ ⲉⲃⲟⲧ • ⲉϥϭⲁⲗⲏⲩ ⲉ ⲣⲟⲓ • ⲉⲣⲉ ⲟⲩⲥⲟⲧⲉ ⲛ̄ⲧⲉ
ⲡⲡⲟⲗⲁⲓⲙⲟⲥ • ϩⲙ̄ ⲡⲉϥⲥⲡⲓⲣ • ⲁϥⲙⲟⲩ ⲉⲕϩⲙ̄ ⲡⲡⲟⲗⲁⲓ‐
ⲙⲟⲥ • ⲱ̄ ⲡⲁ ϫⲟⲉⲓⲥ ⲡⲣ︦ⲣ︦ⲟ • ⲁⲓⲕⲱⲱⲥ ⲙ̄ⲙⲟϥ ⲕⲁⲗⲱⲥ
ⲁⲓⲕⲁⲁϥ ϩⲙ̄ ⲡⲉⲡⲓⲥⲕⲟⲡⲓⲟⲛ • Ⲁⲩⲱ ⲁ ⲡⲣ︦ⲣ︦ⲟ ⲧⲣⲉ ⲩⲛⲧⲉϥ
ⲙ̄ ⲡⲉϥ ⲙ̄ⲧⲟ ⲉ ⲃⲟⲗ • ⲉⲣⲉ ⲧⲡⲟⲣⲫⲩⲣⲁ ϭⲟⲟⲗⲉ ⲙ̄ⲙⲟϥ •
Ⲡⲉϫⲉ ⲡⲣ︦ⲣ︦ⲟ ⲛⲁϥ • ϫⲉ ⲕⲛⲁⲱⲣⲕ̄ ⲛⲁⲓ • ϫⲉ ⲡⲁⲓ ⲡⲉ ϩⲛ̄
ⲟⲩⲙⲉ • ⲁⲩⲱ ⲛ̄ⲧⲉⲩⲛⲟⲩ ⲁ ⲡⲁⲣⲭⲏⲉⲡⲓⲥⲕⲟⲡⲟⲥ • ⲱⲣⲕ̄
ⲙ̄ ⲡⲣ︦ⲣ︦ⲟ • ϫⲉ ⲛ̄ⲧⲟϥ ⲡⲉ ⲡⲁⲓ • | ϩⲛ̄ ⲟⲩⲙⲉ • ⲁⲩⲱ ⲙ̄ⲡⲉ
ⲗⲁⲁⲩ ⲉⲓⲙⲉ • ϫⲉ ⲛ̄ⲧⲁϥⲱⲣⲕ̄ ⲉ ⲧⲃⲉ ⲟⲩ • ⲁⲩⲱ ⲁ ⲡⲁⲣⲭⲏ‐
ⲉⲡⲓⲥⲕⲟⲡⲟⲥ • ⲉⲓ ⲉ ⲃⲟⲗ ϩⲓ ⲧⲟⲟⲧϥ̄ • ⲙ̄ ⲡⲣ︦ⲣ︦ⲟ • Ⲁⲩⲱ
ⲙ̄ⲡⲉ ⲡⲇⲓⲁⲃⲟⲗⲟⲥ • ϩⲱ ⲉ ⲣⲟϥ ϩⲛ̄ ⲧⲉϥⲙⲁⲓⲡⲁ • ⲉ ϩⲟⲩⲛ
ⲉ ⲡⲁⲣⲭⲏⲉⲡⲓⲥⲕⲟⲡⲟⲥ • ϣⲁ ⲡⲙⲉϩ ϣⲟⲙⲛ︦ⲧ︦ ⲙ̄ ⲡⲟⲗⲁⲓ‐
ⲙⲟⲥ • ⲛ̄ⲧⲁϥϣⲱⲡⲉ • ⲁⲩⲱ ⲁⲩⲁⲙⲁϩⲧⲉ ⲛ̄ ⲛⲓⲕⲟⲙⲏⲧⲏⲥ •
ⲡϣⲡⲣⲉ ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • ⲁⲩⲉⲛⲧϥ̄ ⲙ̄ ⲡⲙ̄ⲧⲟ
ⲉ ⲃⲟⲗ • ⲙ̄ ⲡⲁⲣⲓⲑⲙⲟⲥ ⲙ̄ⲙⲁⲧⲟⲓ • Ⲛ̄ ⲧⲉⲣⲉ ⲡϩⲁⲅⲓⲟⲥ
ⲑⲉⲟⲇⲱⲣⲟⲥ • ⲙⲛ̄ ⲡϩⲁⲅⲓⲟⲥ ⲕⲗⲁⲩϯⲟⲥ • ⲛⲁⲩ ⲉ ⲣⲟϥ •
ⲁⲩⲥⲟⲩⲱⲛϥ̄ • ϫⲉ ⲡϣⲏⲣⲉ ⲙ̄ ⲡⲣ︦ⲣ︥︦ⲟ ⲛ︦ⲛ︦ ⲙ̄ⲡⲉⲣ|ⲥⲟⲥ ⲡⲉ •
ⲁⲩⲱ ϫⲉ ⲛ̄ⲧⲁ ⲡⲁⲣⲭⲏⲉⲡⲓⲥⲕⲟⲡⲟⲥ ⲕⲁⲁϥ ⲉ ⲃⲟⲗ • ⲁⲩⲱ
ⲛ̄ⲧⲉⲩⲛⲟⲩ ⲁⲩⲣⲓⲙⲉ ⲉ ⲧⲃⲉ ⲡⲉ ⲛ̄ⲧⲁϥϣⲱⲡⲉ • ⲁⲩⲱ ⲁⲩ‐
ϩⲟⲡϥ̄ • ⲉ ⲧⲙ̄ ⲧⲁⲙⲟϥ • ⲉ ⲧⲃⲏⲏⲧϥ̄ • ⲉⲛⲉⲩⲟⲩⲱϣ ⲡⲉ •
ⲉ ⲕⲁⲁϥ ⲉ ⲃⲟⲗ • ⲉ ⲧⲃⲉ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁⲩⲱ ⲁ
ⲡϣⲁϫⲉ ⲥⲱⲣ ⲉ ⲃⲟⲗ • ϩⲙ̄ ⲡⲡⲟⲗⲁⲓⲙⲟⲥ • ϫⲉ ⲁⲩϭⲱⲡⲉ
ⲛ̄ ⲛⲓⲕⲟⲙⲏⲧⲏⲥ • ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • Ⲁⲩⲱ
ⲁ ⲡⲟⲩⲱ ⲧⲁϩⲉ ⲙ̄ⲙⲁⲁϫⲉ • ⲙ̄ ⲡⲣ︦ⲣ︦ⲟ • ⲁϥϫⲟⲟⲩ ⲛ̄ⲥⲁ
ⲡϩⲁⲅⲓⲟⲥ ⲑⲉⲟⲇⲱⲣⲟⲥ • ⲡⲉϫⲁϥ ⲛⲁϥ • ϫⲉ ⲕⲩⲣⲓ ⲥ̄ⲧⲣⲁ‐
ⲧⲩⲗⲁⲧⲏⲥ • ⲁⲩⲧⲁⲙⲟⲓ • ϫⲉ ⲁⲕϫⲣⲟ • ϩⲙ̄ ⲡⲡⲟⲗⲁⲓⲙⲟⲥ •
ⲁⲕϭⲱⲡⲉ ⲙ̄ ⲡϣⲏⲣⲉ ⲙ̄ ⲡⲣ︤ⲣ︥ⲟ • ⲛ̄|ⲛ̄ ⲙ̄ⲡⲉⲣⲥⲟⲥ • ⲗⲟⲓⲡⲟⲛ
ϫⲓ ⲛ̄ ⲧⲉϥϩⲣⲏϣⲉ ⲛ̄ ⲛⲟⲩⲃ ⲛⲁⲕ • ⲧⲁⲙⲟⲓ̈ ⲉ ⲣⲟϥ ϩⲱ
ⲧⲁⲉⲓⲙⲉ • ϫⲉ ⲟⲩⲙⲉ ⲡⲉ ⲡϩⲱⲃ ⲙ̄ⲙⲟⲛ • ⲁⲡⲁⲣⲭⲏⲉⲡⲓ‐


### 0041

ⲥⲕⲟⲡⲟⲥ ⲱⲣⲕ̄ ⲛⲁⲓ • ϫⲉ ⲁϥⲙⲟⲩ • Ⲡⲉϫⲉ ⲡⲡⲉⲧ ⲟⲩⲁⲁⲃ
ⲑⲉⲟⲇⲱⲣⲟⲥ ⲙ̄ ⲡⲣ︦ⲣ︦ⲟ • ϫⲉ ⲡⲉϥⲥⲟⲛ ⲡⲉ ⲛ̄ⲧⲁⲛⲁⲙⲁϩⲧⲉ
ⲙ̄ⲙⲟϥ • Ⲁⲩⲱ ⲛ̄ⲧⲉⲩⲛⲟⲩ ⲁ ⲡⲡⲉⲧ ⲟⲩⲁⲁⲃ • ⲕⲱ ⲛ̄ ⲛⲉⲓ‐
ⲕⲱⲙⲏⲧⲏⲥ • ⲕⲁ ϩⲏⲩ ⲛ̄ ⲧⲉϥϩⲃ̄ⲥⲱ ⲛ ⲣ︦ⲣ︦ⲟ ϫⲉ ⲛ̄ⲛⲉⲩ‐
ⲥⲟⲩⲱⲛϥ̄ • ⲁϥϯ ⲛ̄ ⲕⲉ ⲟⲩⲉⲓ ⲉ ϫⲱϥ • ⲉϥϫⲛⲟⲩ ⲙ̄ⲙⲟϥ •
ϫⲉ ⲙ̄ⲡⲉⲣ ⲧⲁⲙⲉ ⲡⲣ︤ⲣ︥ⲟ • ϫⲉ ⲛ̄ⲧⲟⲕ ⲡⲉ ⲛⲓⲕⲟⲙⲏⲧⲏⲥ •
ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • Ⲁⲩⲱ ⲁ ⲡⲣ︦ⲣ︦ⲟ ⲙⲟⲩⲧⲉ
ⲉ ⲡⲡⲉⲧ ⲟⲩⲁⲁⲃ • ⲑⲉⲟⲇⲱⲣⲟⲥ • ⲉϥ|ϫⲱ ⲙ̄ⲙⲟⲥ • ϫⲉ
ⲙⲁⲧⲁⲙⲟⲓ ⲉ ⲡⲧⲱϣ • ⲉ ⲡϣⲏⲣⲉ ⲙ̄ ⲡⲣ︦ⲣ︦ⲟ • ⲛ̄ⲧⲁⲕⲁ‐
ⲙⲁϩⲧⲉ ⲙ̄ⲙⲟϥ • ϩⲙ̄ ⲡⲡⲟⲗⲁⲓⲙⲟⲥ • Ⲡⲉϫⲉ ⲡⲡⲉⲧ ⲟⲩⲁⲁⲃ
ⲛⲁϥ • ϫⲉ ⲁ ⲛⲓⲕⲟⲙⲏⲧⲏⲥ ⲙⲟⲩ • ⲡⲉϥⲥⲟⲛ ⲡⲉ ⲡⲁⲓ •
ⲛ̄ⲧⲁⲛⲁⲙⲁϩⲧⲉ ⲙ̄ⲙⲟϥ • ⲙⲁⲣⲉⲛϣⲓⲛⲉ ⲛ̄ⲧⲟⲟⲧϥ̄ • ⲛ̄ⲥⲁ
ⲡⲉϥⲥⲟⲛ ⲙ̄ⲙⲟⲛ • ⲁ ⲡⲁⲣⲭⲏⲉⲡⲓⲥⲕⲟⲡⲟⲥ ⲥϩⲁⲓ • ϣⲁ
ⲡⲉϥⲉⲓⲱⲧ • ϫⲉ ⲁϥⲙⲟⲩ • Ⲛⲁⲓ ⲇⲉ ⲉϥⲥⲱⲧⲙ̄ ⲉ ⲣⲟⲟⲩ •
ⲛ̄ϭⲓ ⲡϣⲏⲣⲉ ⲙ̄ ⲡⲣ︦ⲣ︦ⲟ • ⲁϥⲉⲓⲣⲉ ⲕⲁⲧⲁ ⲑⲉ ⲛ̄ⲧⲁ ⲡⲡⲉⲧ
ⲟⲩⲁⲁⲃ • ϩⲱⲛ ⲉ ⲧⲟⲟⲧϥ̄ • Ⲡⲣ︦ⲣ︦ⲟ ⲇⲉ ⲛ̄ ⲧⲉⲣⲉ ϥⲉⲓ • ⲉ
ϩⲣⲁⲓ ⲉ ⲧⲡⲟⲗⲓⲥ ⲁⲛϯⲟⲭⲓⲁ • ⲙⲛ̄ ⲡⲉϥⲙⲏⲏϣⲉ • ⲙⲛ̄
ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • | ⲁ ⲡϩⲁⲅⲓⲟⲥ ⲑⲉⲟⲇⲱ‐
ⲣⲟⲥ • ⲙⲛ̄ ⲁⲡⲁ ⲕⲗⲁⲩϯⲟⲥ • ϣⲡ̄ⲧⲱⲣⲉ ⲙ̄ⲙⲟϥ ⲛ̄ ⲧⲟⲟⲧϥ̄
ⲙ̄ ⲡⲣ︦ⲣ︦ⲟ • ⲙ̄ⲡⲉ ⲉϥⲉϣⲕⲱⲗⲩ ⲙ̄ⲙⲟⲟⲩ • ϫⲉ ⲛ̄ⲛⲟϭ ⲛ̄
ⲧⲙⲛ︦ⲧ︦ⲣ︦ⲣ︦ⲟ • ⲛⲉ ⲁⲩϫⲓⲧϥ̄ ϣⲁ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁⲩⲱ
ⲛⲉⲩⲟⲩⲱϣ ⲡⲉ ⲉ ⲕⲁⲁϥ ⲉ ⲃⲟⲗ • Ⲛ̄ⲛⲟϭ ⲇⲉ ⲛ︦ⲛ︦ ⲙ̄ⲡⲉⲣⲥⲟⲥ •
ⲡⲁⲛⲓⲕⲏⲣⲟⲥ • ⲙⲛ̄ ⲗⲉⲟⲛϯⲟⲥ • ⲁⲩⲉⲓ ⲉ ⲧⲁⲛϯⲟⲭⲓⲁ • ⲉ
ⲣⲁⲧϥ̄ ⲛ̄ ⲑⲉⲟⲇⲱⲣⲟⲥ • ⲙⲛ̄ ⲕⲗⲁⲩϯⲟⲥ • ⲙⲛ̄ ⲡⲕⲉ ⲥⲉⲉⲡⲉ •
ⲁⲩⲉⲓⲛⲉ ⲙ̄ⲙⲁⲩ ⲛ̄ ϩⲛ̄ⲛⲟϭ ⲛ̄ⲧⲁⲉⲓⲟ • ⲛ̄ⲧⲉ ⲡⲉⲓⲱⲧ ⲛ̄ⲛⲓⲕⲟ‐
ⲙⲏⲧⲏⲥ • ϫⲉ ⲉⲩⲉⲕⲁⲁϥ ⲉ ⲃⲟⲗ • Ⲁⲩⲱ ⲁ ⲡⲇⲓⲁⲃⲟⲗⲟⲥ
ⲟⲩⲟⲛϩϥ̄ ⲉ ⲃⲟⲗ • ⲉ ⲡⲣ︦ⲣ︦ⲟ ⲇⲓⲟⲕⲗⲏϯⲁⲛⲟⲥ • ⲉϥϫⲱ
ⲙ̄ⲙⲟⲥ ⲛⲁϥ • ϫⲉ | ⲡⲁ ϣⲏⲣⲉ ⲇⲓⲟⲕⲗⲏϯⲁⲛⲟⲥ • ⲛ̄ⲧⲁⲓ‐
ϫⲡⲟⲕ ⲉ ⲡϫⲓⲛϫⲏ • ⲁⲓϯ ⲛⲁⲕ ⲛ̄ ⲧⲉⲓ ⲇⲱⲣⲁⲓⲁ • ⲙⲛ̄ ⲧⲉⲓ
ϭⲣⲏⲡⲉ ⲛ̄ ⲣ︤ⲣ︥ⲟ • ⲉ ⲡϫⲓⲛϫⲏ • Ⲁⲓϯ ⲥϩⲓⲙⲉ ⲛ̄ ⲣ︤ⲣ︥ⲟ ⲛⲁⲕ •
ⲛ̄ ⲁⲧ ϩⲙⲟⲧ • ⲁⲓϭⲟⲟⲗⲉⲕ ⲛ̄ ⲧⲡⲟⲣⲫⲩⲣⲁ • Ⲁⲓϯ ⲛⲧ̄ⲥⲏⲃⲉ
ⲛ̄ ⲣ︦ⲣ︦ⲟ ⲉ ⲧⲉⲕϭⲓϫ • ⲉ ⲡⲙⲁ ⲙ̄ ⲡϭⲉⲣⲱϥ ⲙ̄ⲙⲁ ⲛⲉⲃⲁⲁ‐
ⲙⲡⲉ • ⲛ̄ ⲁⲧ ϩⲙⲟⲧ • Ⲁⲓⲕⲁⲑⲓⲥⲧⲁ ⲙ̄ⲙⲟⲕ ϩⲓϫⲛ̄ ϩⲛ̄ϣⲟ
ⲛ̄ ϣⲟ ⲛ̄ⲗⲁⲟⲥ • ⲁⲓⲧⲣⲉ ⲧϣⲉⲉⲣⲉ ⲙ̄ ⲡⲣ︤ⲣ︥ⲟ ϯ ⲙ̄ ⲡⲉⲝⲟⲩⲣ •


### 0042

ⲙ̄ ⲡⲉⲥⲉⲓⲱⲧ ⲉ ⲡⲉⲕ ⲧⲏⲏⲃⲉ • ⲛⲁⲓ ⲇⲉ ⲧⲏⲣⲟⲩ ⲁⲓⲁⲁⲩ
ⲛⲙ̄ⲙⲁⲕ • ⲙ̄ⲡⲉ ⲕⲛⲟⲓ ⲉ ⲡⲁ ⲉⲟⲟⲩ • Ⲁϥⲟⲩⲱϣⲃ̄ ⲛ̄ϭⲓ
ⲇⲓⲟⲕⲗⲡϯⲁⲛⲟⲥ • ⲉϥϫⲱ ⲙ̄ⲙⲟⲥ • ϫⲉ ⲛ̄ⲧⲕ̄ ⲛⲓⲙ • ⲉⲕϫⲱ
ⲉ ⲣⲟⲓ ⲛ̄ ⲛⲁⲓ ⲛ̄ ⲧⲉⲓ ϩⲉ • ⲛ̄ⲧⲟⲕ ⲡⲉ ⲡⲁ|ⲛⲁⲧⲟⲗⲁⲓⲟⲥ •
ⲡϣⲟⲩϣⲟⲩ ⲛ̄ ⲧⲙⲛ︦ⲧ︦ⲣ︦ⲣ︦ⲟ • ⲏ̄ ⲛ̄ⲧⲟⲕ ⲡⲉ ⲕⲗⲁⲩϯⲟⲥ •
ⲡϩⲓⲥⲱⲛ ⲛ︦ⲛ︦ ⲣ︦ⲣ︦ⲟ • Ⲡⲉϫⲉ ⲡⲇⲓⲁⲃⲟⲗⲟⲥ ⲛⲁϥ • ϫⲉ ⲟⲛ
ⲃⲓⲁ ⲙ̄ⲡⲟⲟⲩ • ⲉⲩⲉⲃⲉⲧ ⲡⲉⲓ ⲣⲁⲛ • ⲥⲛⲁⲩ ⲉ ⲃⲟⲗ ϩⲙ̄
ⲡⲕⲟⲥⲙⲟⲥ ⲧⲏⲣϥ̄ • ϩⲛ̄ ⲛ̄ⲣⲱⲙⲉ ⲛ̄ⲛⲉⲓⲥⲱⲧⲙ̄ ⲉ ⲣⲟⲟⲩ ϣⲁ
ⲉⲛⲉϩ • ⲉⲕⲣ̄ ⲟⲩ ⲛ︦ⲛ︦ ⲛⲉⲓ ⲣⲉϥⲛⲟⲩϭⲥ̄ • ⲉ ⲣⲟⲓ ⲉⲕϫⲱ ⲉ
ⲣⲟⲓ • ⲛ̄ ⲛⲉⲩⲣⲁⲛ • Ⲡⲉϫⲉ ⲡⲣ︦ⲣ︦ⲟ ⲛⲁϥ • ϫⲉ ⲡϣⲟⲩϣⲟⲩ
ⲛ̄ ⲧⲙⲛ︦ⲧ︦ⲣ︦ⲣ︦ⲟ ⲡⲉ • ⲡⲁⲛⲁⲧⲟⲗⲁⲓⲟⲥ ⲙⲛ̄ ⲕⲗⲁⲩϯⲟⲥ • ⲉⲓϫⲓ
ϩⲁⲓⲃⲥ̄ ϩⲁ ⲣⲟⲟⲩ • ϫⲉ ⲧⲱⲟⲩ ⲧⲉ ⲧⲙⲛ︤ⲧ︥ⲉⲣⲣ̄ⲟ • ϩⲁ ⲛⲉⲩ‐
ⲉⲓⲟⲧⲉ • Ⲡⲉϫⲉ ⲡⲇⲓⲁⲃⲟⲗⲟⲥ ⲛⲁϥ • ϫⲉ ϣⲁ ⲡⲟⲟⲩ ⲕⲉⲣ
ϩⲟⲧⲉ ϩⲏⲧⲟⲩ • ⲛ̄ ⲛ̄ⲇⲩⲣⲁⲛⲛⲟⲥ ⲉⲧ ⲙ̄ⲙⲁⲩ • | Ⲡⲉϫⲉ
ⲡⲣ︦ⲣ︦ⲟ ⲛⲁϥ • ϫⲉ ϯⲥⲟⲟⲩⲛ • ϫⲉ ⲁ ⲧⲣ︦ⲣ︦ⲟ ⲁⲛϯⲗⲉⲅⲉ ⲛ̄
ⲑⲉⲟⲇⲱⲣⲟⲥ ⲛ̄ⲕⲉ ⲥⲟⲡ • ⲁϥⲧⲟⲩⲛⲟⲥⲧ̄ ϩⲓϫⲙ̄ ⲡⲉⲑⲣⲟⲛⲟⲥ •
ⲛ̄ ⲧⲙⲛ︦ⲧ︦ⲣ︦ⲣ︦ⲟ • ⲁϫⲛ̄ ⲉⲣ ϩⲟⲧⲉ ϩⲏⲧϥ̄ ⲛ̄ ⲗⲁⲁⲩ • Ⲡⲉϫⲉ
ⲡⲇⲓⲁⲃⲟⲗⲟⲥ ⲛⲁϥ • ϫⲉ ⲁ ⲛⲉϩⲟⲟⲩ ⲉⲧ ⲙ̄ⲙⲁⲩ • ⲟⲩⲉⲓⲛⲉ • ⲁ
ⲧⲉⲩϩⲟⲧⲉ ⲱϫⲛ̄ ϣⲁ ⲉⲛⲉϩ ⲛⲁϩⲣⲁⲕ • ⲥⲟⲩⲱⲛ ⲉⲧ ⲛⲁⲕϫ (sic)•
ⲁⲛⲟⲕ ⲡⲉ ⲡⲉⲕⲉⲓⲱⲧ ⲡⲇⲁⲓⲙⲱⲛⲓⲁⲥⲕⲟⲥ • ⲉ ⲧⲃⲉ ⲟⲩ ⲉⲕⲉⲣ
ϩⲟⲧⲉ ϩⲏⲧⲟⲩ ⲛ̄ ⲑⲉⲟⲇⲱⲣⲟⲥ • ⲙⲛ̄ ⲕⲗⲁⲩϯⲟⲥ • ⲉⲣⲉ
ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • ϭⲁⲗⲏⲩ ⲉ ⲡⲁⲣⲭⲏ‐
ⲉⲡⲓⲥⲕⲟⲡⲟⲥ • ⲉⲩⲟⲩⲱϣ ⲉ ⲕⲁⲁϥ ⲉ ⲃⲟⲗ • ⲛ̄ⲥⲉϫⲟⲟⲥ ⲉ
ⲣⲟⲛ • ϫⲉ ⲁϥⲙⲟⲩ • ⲙ̄ⲡ ⲟⲩϥⲓ ⲛ̄ ⲧⲉϥⲁ|ⲥⲟⲩ ⲉⲩⲥⲟⲟⲩⲛ •
ϫⲉ ⲕⲉⲣ ϩⲟⲧⲉ ϩⲏⲧⲟⲩ • Ⲙⲏ ⲙ̄ⲡⲉ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲕⲁⲁϥ ⲉ ⲃⲟⲗ • ⲛ̄ⲕⲉ ⲥⲟⲡ • ⲛϥ̄ⲉⲣ ϩⲁⲗ ⲙ̄ⲙⲟⲕ • ϫⲉ
ⲁϥⲙⲟⲩ • ⲁⲩⲱ ⲟⲛ ϫⲉ ⲡⲉϥⲥⲟⲛ ⲡⲉ ⲡⲁⲓ • ⲛ̄ⲧ ⲁⲛⲁⲙⲁϩⲧⲉ
ⲙ̄ⲙⲟϥ • ⲉⲓⲟⲩⲱϣ ⲉ ⲧⲣⲉ ⲕϯ ⲗⲟⲅⲟⲥ ⲛⲁⲓ • ϫⲉ ϣⲁⲓ‐
ⲧⲁϩⲉ ⲧⲉⲕⲙⲛ︦ⲧ︦ⲣ︦ⲣ︦ⲟ ⲉ ⲣⲁⲧⲥ̄ • ϣⲁⲕⲙⲟⲩⲟⲩⲧ ⲙ̄ⲙⲟⲟⲩ ⲙ̄
ⲡϣⲟⲙⲉⲧ • ⲡⲁⲛⲁⲧⲟⲗⲁⲓⲟⲥ • ⲙⲛ̄ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲙⲛ̄ ⲕⲗⲁⲩϯⲟⲥ • ⲛ̄ⲧⲉ ⲧⲙⲛ︦ⲧ︦ⲣ︦ⲣ︦ⲟ • ⲉⲣ ⲧⲱⲕ ⲙⲁⲩⲁⲁⲕ •
Ⲡⲉϫⲉ ⲡⲣ︦ⲣ︦ⲟ ⲛⲁϥ • ϫⲉ ⲉⲓϣⲁⲛⲙⲟⲩⲟⲩⲧ ⲙ̄ⲙⲟⲟⲩ • ⲉⲣⲉ
ⲛⲓⲙ ⲛⲁⲙⲓϣⲉ ⲉ ϫⲱⲓ • ϫⲉ ⲛ̄ⲛⲉ ⲛ̄ⲃⲁⲣⲃⲁⲣⲟⲥ ϥⲓ ⲛ̄
ⲧⲁⲙⲛ︤ⲧ︦ⲣ︦ⲣ︥ⲟ ⲛ̄ ⲧⲟⲟⲧ • | Ⲡⲉϫⲉ ⲡⲇⲓⲁⲃⲟⲗⲟⲥ ⲙ̄ ⲡⲣ︤ⲣ︥ⲟ •


### 0043

ϫⲉ ⲙ̄ⲡⲁⲧⲉ ⲕⲉⲓⲙⲉ • ϫⲉ ⲁⲛⲟⲕ ⲡⲉⲧ ⲙⲓϣⲉ ⲉ ϫⲱⲕ • ϣⲁ
ⲧⲉⲛⲟⲩ • ⲙ̄ ⲡⲁⲛⲁⲧⲟⲗⲁⲓⲟⲥ ⲁⲛ • ⲡⲉⲧ ϭⲱⲡⲉ ⲙ̄ ⲡϣⲏⲣⲉ •
ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • ⲁⲗⲗⲁ ⲁⲛⲟⲕ ⲡⲉ • ⲙⲛ̄ ⲙ̄‐
ⲙⲁⲧⲟⲓ ⲉⲧ ϩⲁ ⲣⲁⲧ • ⲁⲩⲱ ⲛⲁⲛⲟⲩⲧⲉ • ⲉⲧ ϯ ϭⲟⲙ ⲛⲁⲓ •
ϣⲁⲛⲧⲁ ⲁⲙⲁϩⲧⲉ ⲙ̄ⲙⲟϥ • Ⲡⲉϫⲉ ⲡⲣ︤ⲣ︥ⲟ ⲛⲁϥ ϫⲉ ⲛⲓⲙ
ⲛ̄ⲛⲟⲩⲧⲉ ⲡⲉⲧ ⲛ̄ⲛⲁϣⲙ̄ϣⲉ ⲛⲁϥ ⲛ̄ⲥⲁ ⲓ︦ⲥ︦ • ⲡⲉϫⲉ ⲡⲇⲓⲁ‐
ⲃⲟⲗⲟⲥ • ϫⲉ ⲟⲩⲇⲉ ⲛ̄ⲛⲉⲕϫⲱ • ⲙ̄ ⲡⲣⲁⲛ ⲙ̄ ⲡⲕⲉ ⲟⲩⲁ
ⲉⲧ ⲙ̄ⲙⲁⲩ • ⲉ ⲃⲟⲗ ϩⲛ̄ ⲣⲱⲕ ϣⲁ ⲉⲛⲉϩ • ⲉⲕⲕⲱ ⲛ̄ϩⲧⲏⲕ •
ⲉⲩⲛⲟⲩⲧⲉ ⲛ̄ⲧ ⲁⲛϩⲃⲣⲁⲓⲟⲥ ⲙⲟⲩⲟⲩⲧ ⲙ̄ⲙⲟϥ • ⲁⲗⲗⲁ
ⲟⲩⲱⲛ ⲛ̄ | ⲛⲉⲕⲃⲁⲗ • ⲛⲅ̄ ⲛⲁⲩ ⲉ ⲛⲁⲛⲟⲩⲧⲉ • ϫⲉ ⲟⲩⲛ̄
ⲟⲩⲏⲣ ϩⲛ̄ ⲧⲉⲩⲏⲡⲉ • ⲁⲩⲱ ⲡⲙⲏⲏϣⲉ ⲛ̄ ⲛⲁⲙⲁⲧⲟⲓ •
Ⲁⲩⲱ ⲛ̄ⲧⲉⲩⲛⲟⲩ ⲁϥⲧⲣⲉ ϩⲛ̄ⲁϣⲏ • ⲛ̄ⲇⲁⲓⲙⲱⲛⲓⲟⲛ • ⲉⲣ
ⲡⲉⲥⲙⲟⲧ ⲛ̄ ϩⲙ̄ⲙⲁⲧⲟⲓ • ⲁⲩⲥⲱⲟⲩϩ ⲉ ⲣⲟϥ • ⲉⲩⲥⲃ̄ⲧⲱⲧ
ⲉ ⲡⲡⲟⲗⲁⲓⲙⲟⲥ • ⲁⲩⲱ ⲟⲛ • ⲕⲉ ϣⲃⲉ ⲛ̄ⲇⲁⲓⲙⲱⲛⲓⲟⲛ
ⲁⲩⲉⲣ ⲡⲉⲥⲙⲟⲧ • ⲛ̄ ϩⲛ̄ⲛⲟⲩⲧⲉ ⲛ̄ⲛⲟⲩϫ • ⲁⲩⲟⲩⲟⲛϩⲟⲩ
ⲉ ⲃⲟⲗ • ⲉ ⲇⲓⲟⲕⲗⲏϯⲁⲛⲟⲥ • Ⲡⲉϫⲉ ⲡⲇⲓⲁⲃⲟⲗⲟⲥ ⲛⲁϥ •
ϫⲉ ⲧⲁⲣⲉⲕⲉⲓⲙⲉ ⲧⲉⲛⲟⲩ • ϫⲉ ⲁ ⲑⲟⲧⲉ ⲙ̄ ⲡⲁⲛⲁⲧⲟⲗⲁⲓⲟⲥ •
ⲙⲛ̄ ⲕⲗⲁⲩϯⲟⲥ ϣⲧⲣ̄ⲧⲱⲣⲕ̄ • Ⲁⲩⲱ ⲁ ⲡⲁⲣⲭⲏⲉⲡⲓⲥⲕⲟⲡⲟⲥ •
ⲕⲱ ⲙ̄ ⲡϣⲏⲣⲉ ⲙ̄ ⲡⲣ̄|ⲣ̄ⲟ ⲛ︦ⲛ︦ ⲙ̄ⲡⲉⲣⲥⲟⲥ ⲉ ⲃⲟⲗ • ⲁϥϫⲓ
ⲛ̄ ⲧⲉϥⲁⲥⲟⲩ • ⲁⲩⲡⲱϣ ⲙ̄ⲙⲟⲥ ⲉ ϫⲱⲟⲩ • ⲙ̄ ⲡϣⲟⲙⲛ︦ⲧ︦ ⲁϫⲛ̄
ⲧⲉⲕⲅⲛⲱⲙⲏ • ⲛⲥⲥⲙⲉⲗⲉⲓ (sic) ⲛⲁⲩ ⲁⲛ • ϫⲉ ⲛ̄ⲧⲕ̄ ⲟⲩⲣ︦ⲣ︦ⲟ •
ⲉ ⲁϥⲱⲣⲕ̄ ⲛⲁⲕ ⲛ̄ⲛⲟⲩϫ • ⲙ̄ ⲡϣⲟⲣⲡ̄ ⲛ̄ⲥⲟⲡ • ⲁⲩⲱ ⲁⲩϫⲓ
ϭⲟⲗ ⲉ ⲣⲟⲕ • ⲙ̄ ⲡⲉⲓ ⲕⲉ ⲥⲟⲡ • ⲧⲁⲣⲉⲕⲉⲓⲙⲉ • ϫⲉ ϩⲛ̄ⲙⲉ
ⲛⲉⲧ ⲉⲓϫⲱ ⲙ̄ⲙⲟⲟⲩ ⲛⲁⲕ • Ϣⲉ ⲡⲉⲕⲟⲩϫⲁⲓ • ⲱ̄ ⲇⲓⲟⲕⲗⲏ‐
ϯⲁⲛⲟⲥ • ϯⲛⲁⲧⲣⲉⲕⲛⲁⲩ ⲉ ⲡⲁⲛⲁⲧⲟⲗⲁⲓⲟⲥ • ⲙⲛ̄ ⲕⲗⲁⲩ‐
ϯⲟⲥ • ϩⲛ̄ ⲟⲩⲛⲟϭ ⲛ̄ ⲑⲃ̄ⲃⲓⲟ • ⲧⲁⲉⲓⲛⲉ ⲛ̄ ⲟⲩⲙⲟⲩ ⲉϥϩⲟⲟⲩ •
ⲛ̄ⲑⲉ ⲙ̄ ⲡⲁ ⲡⲉϥϫⲟⲉⲓⲥ ⲉ ϫⲱⲟⲩ • ϯⲟⲩ ⲛⲏⲃⲧ ⲛⲉ ⲛ̄ⲧⲁⲓ
ⲧⲣ[ⲉ]ⲩⲧⲟⲝⲟⲩ • ⲉ ⲛⲉϭⲓϫ ⲙ̄ ⲡⲉⲩϫⲟⲉⲓⲥ • ϩⲓ ⲡⲉⲥ|⳨ⲟ︦ⲥ︦
ⲉⲓⲥ ϣⲉ ⲧⲁⲓⲟⲩ • ⲙⲛ̄ ϣⲟⲙⲉⲧ ⲛ̄ⲓⲃⲧ • ⲁⲓⲥⲃ̄ⲧⲱⲧⲟⲩ ⲉ
ⲧⲣⲉⲩⲧⲁⲁⲩ • ⲉ ⲡⲥⲱⲙⲁ ⲙ̄ ⲡⲁⲛⲁⲧⲟⲗⲁⲓⲟⲥ • ϩⲙ̄ ⲡⲛⲟϭ
ⲛ̄ ϣⲟⲩⲉ • ⲉⲧ ϩⲙ̄ ⲡⲣⲟ ⲙ̄ ⲡⲡⲁⲗⲗⲁϯⲟⲛ • ⲧⲁⲣⲉ ⲧⲉϥ‐
ⲥⲱⲛⲉ ⲛⲁⲩ ⲉ ⲡⲉϥⲙⲟⲩ • Ⲁⲩⲱ ⲕⲗⲁⲩϯⲟⲥ ϩⲱⲱϥ •
ϯⲛⲁⲧⲣⲉⲩⲗⲟⲛⲭⲓⲍⲉ ⲙ̄ⲙⲟϥ ⲉ ⲡⲉϥⲥⲡⲓⲣ • ⲛ̄ⲑⲉ ⲙ̄ ⲉ▨
ⲡⲉϥϫⲟⲉⲓⲥ • ⲛ̄ⲧⲁⲓⲧⲣⲉⲩⲕⲟⲟⲛⲥϥ̄ ⲉ ⲡⲉϥⲥⲡⲓⲣ • ϩⲓ ⲡⲉⲥ⳨ⲟ︦ⲥ︥ •


### 0044

ⲛ̄ⲑⲉ ⲛ̄ⲧⲁⲓⲧⲣⲉⲩϩⲱⲧⲃ̄ ⲙ̄ ⲡⲉⲧⲣⲟⲥ • ⲙⲛ̄ ⲡⲁⲩⲗⲟⲥ ⲛⲉϥ‐
ⲁⲡⲟⲥⲧⲟⲗⲟⲥ • ϩⲛ̄ ⲧⲥⲏⲃⲉ • ϯⲛⲁⲧⲣⲉⲩⲙⲟⲩⲟⲩⲧ ⲛ̄ ⲛⲉⲓ
ⲕⲟⲟⲩⲉ • ⲛ̄ⲧⲉ ⲧⲙⲛ︦ⲧ︦ⲣ︦ⲣ︦ⲟ ⲉⲣ ⲧⲱⲕ | ⲱ̄ ⲇⲓⲟⲕⲗⲏϯⲁⲛⲟⲥ •
Ⲛⲁⲓ ⲇⲉ ⲛ̄ ⲧⲉⲣⲉ ⲡⲇⲓⲁⲃⲟⲗⲟⲥ ϫⲟⲟⲩ ⲙ̄ ⲡⲣ︦ⲣ︦ⲟ • ⲁϥϩⲟⲡϥ̄
ⲉ ⲣⲟϥ • ⲡⲁⲥⲉⲃⲏⲥ ⲇⲉ ⲛ̄ ⲣ︦ⲣ︦ⲟ • ⲁϥϣⲟⲣⲡ︦ϥ︦ ⲉ ⲡⲏⲓ • ϣⲁ
ⲧⲣ︦ⲣ︦ⲟ • ⲁϥⲧⲁⲙⲟⲥ ⲉ ϩⲱⲃ ⲛⲓⲙ ⲛ̄ⲧⲁⲩϫⲟⲟⲩ ⲉ ⲣⲟϥ •
Ⲧⲡⲟⲣⲛⲏ ⲇⲉ ⲛ̄ ⲣ︦ⲣ︦ⲱ ⲉⲧ ⲙ̄ⲙⲁⲩ • ⲁⲥⲣⲁϣⲉ ⲙ̄ⲙⲁⲧⲉ
ⲉϫⲙ̄ ⲡⲙⲟⲩ ⲛ̄ ⲛⲉⲓ ⲡⲉⲧ ⲟⲩⲁⲁⲃ • Ⲡⲉϫⲁⲥ ⲇⲉ ⲛⲁϥ • ϫⲉ
ⲧⲁⲣⲉⲕⲉⲓⲙⲉ ⲉ ⲧⲙⲉ • ϫⲉ ⲁⲩⲉⲓⲛⲉ • ⲙ̄ ⲡϣⲏⲣⲉ ⲙ̄ ⲡⲣ︦ⲣ︦ⲟ
ⲛ̄ ⲙ̄ⲡⲉⲣⲥⲟⲥ • ⲉ ⲡⲉⲓ ⲙⲁ • ⲁⲩⲕⲁⲁϥ ⲉ ⲃⲟⲗ • ⲁⲩⲱ
ϣⲁϫⲉ ⲛⲓⲙ • ⲛ̄ⲧ ⲁⲩϫⲟⲟⲩ ⲛⲁⲕ • ⲉ ⲧⲃⲏⲏⲧⲟⲩ • ϩⲛ̄ ⲙⲉ
ⲛⲉ • Ⲙⲛ︦ⲛ︦ⲥⲁ ⲛⲁⲓ ⲇⲉ • ⲁⲩⲉⲓⲛⲉ ⲙ̄ ⲡϣⲏⲣⲉ ⲙ̄ ⲡⲣ︦ⲣ︦ⲟ
ⲛ︦ⲛ︦ ⲙ̄|ⲡⲉⲣⲥⲟⲥ • ⲁⲩⲧⲁϩⲟϥ ⲉ ⲣⲁⲧϥ̄ • ⲉ ⲡⲣ︦ⲣ︦ⲟ • ⲁⲩⲱ
ⲁϥϩⲟⲙⲟⲗⲟⲅⲉⲓ ⲛⲁϥ • ϫⲉ ⲁⲛⲟⲕ ⲡⲉ ⲛ̄ⲧⲁⲩⲁⲙⲁϩⲧⲉ
ⲙ̄ⲙⲟⲓ • ⲙ̄ ⲡϣⲟⲣⲡ̄ ⲛ̄ⲥⲟⲡ ⲙⲛ̄ ⲡⲙⲉϩ ⲥⲡ̄ ⲥⲛⲁⲩ • Ⲁⲩⲱ
ⲡⲁⲛⲁϣ • ⲛ̄ⲧⲁ ⲡⲁⲣⲭⲏⲉⲡⲓⲥⲕⲟⲡⲟⲥ • ⲱⲣⲕ̄ ⲙ̄ⲙⲟϥ •
ϩⲓϫⲙ̄ ⲡϣⲏⲣⲉ ⲙ̄ ⲡⲣ︤ⲣ︥ⲟ ⲡⲁ ⲥⲟⲛ • ⲡⲉ ⲛ̄ⲧⲁϥⲙⲟⲩ ⲉϥ‐
ϭⲁⲗⲱⲟⲩ ⲉ ⲡⲁⲣⲭⲏⲉⲡⲓⲥⲕⲟⲡⲟⲥ • Ⲛⲁⲓ ⲇⲉ ⲛ̄ ⲧⲉⲣⲉ
ϥϫⲟⲟⲩ • ⲁ ⲡⲣ︤ⲣ︥ⲟ ⲣⲁϣⲉ ⲙ̄ⲙⲁⲧⲉ • ⲁϥϫⲟⲟⲩ ⲁϥⲉⲓⲛⲉ •
ⲙ̄ ⲡⲁⲣⲭⲏⲉⲡⲓⲥⲕⲟⲡⲟⲥ • ⲁϥⲱⲣⲕ̄ ⲛⲁϥ ⲟⲛ ⲛ̄ⲑⲉ ⲙ̄
ⲡϣⲟⲣⲡ̄ ⲛ̄ ⲥⲟⲡ • Ⲁⲩⲱ ⲛ̄ⲧⲉⲩⲛⲟⲩ • ⲁ ⲡⲣ︦ⲣ︦ⲟ ϭⲱⲛⲧ̄ ϩⲛ̄
ⲟⲩⲑⲩⲙⲟⲥ • ⲁϥⲃⲱⲕ ⲉ ϩⲟⲩⲛ ⲉ ⲛⲉⲕ|ⲕⲗⲏⲥⲓⲁ ⲧⲏⲣⲟⲩ • ⲛ̄
ⲧⲡⲟⲗⲓⲥ • ⲁϥⲃⲓ ⲛ̄ ⲛ̄ⲕⲟⲓⲙⲏⲗⲓⲟⲛ ⲛ̄ ⲛⲟⲩⲃ • ⲟⲓ ⲟⲁⲧ • ϩⲓ ⲱⲛⲉ
ⲙ̄ⲙⲉ • ⲁⲩⲱ ⲁϥϩⲉ ⲉ ⲉⲛⲕⲁ ⲛⲓⲙ • ϩⲙ̄ ⲡⲉⲡⲓⲥⲕⲟⲡⲓⲟⲛ • ⲙ̄
ⲡⲁⲣⲭⲏⲉⲡⲓⲥⲕⲟⲡⲟⲥ • ⲁⲩⲱ ⲁϥⲙⲟⲟⲩⲧϥ̄¹ Ⲉⲛⲉⲣⲉ ⲡϩⲁⲅⲓⲟⲥ
ⲑⲉⲟⲇⲱⲣⲟⲥ • ϩⲙ̄ ⲡⲡⲟⲗⲁⲓⲙⲟⲥ ⲙⲛ̄ ⲡⲉϥⲙⲏⲏϣⲉ • Ⲁⲩⲱ
ⲁ ⲧⲉϥⲥⲱⲡⲉ ⲥϩⲁⲓ ϣⲁ ⲣⲟϥ • ⲛ̄ⲛⲉ ⲛ̄ⲧⲁⲩϣⲱⲡⲉ ⲧⲏⲣⲟⲩ •
ϩⲙ̄ ⲡⲡⲁⲗⲗⲁϯⲟⲛ • Ⲁⲩⲱ ⲁ ⲡϩⲁⲅⲓⲟⲥ ⲑⲉⲟⲇⲱⲣⲟⲥ •
ⲗⲩⲡⲉⲓ ⲙ̄ⲙⲁⲧⲉ • ⲉ ⲧⲃⲉ ⲡⲉⲛⲧⲁϥϣⲱⲡⲉ ϩⲛ̄ ⲧⲡⲟⲗⲓⲥ •
Ⲙⲛ︦ⲛ︦ⲥⲁ ⲛⲁⲓ ⲇⲉ • ⲁ ⲧⲡⲟⲣⲓⲏ ⲛ̄ ⲣ︦ⲣ︦ⲟ • ϣⲁϫⲉ ⲙⲛ̄ ⲡⲣ︦ⲣ︦ⲟ •
ϫⲉ ⲉⲕϩ|ⲙ̄ⲟⲟⲥ • ⲉⲕⲣ̄ ⲟⲩ ⲧⲁⲭⲏ ⲧⲁⲭⲏ • ⲙⲟⲩⲟⲩⲧ ⲛ̄
ⲑⲉⲟⲇⲱⲣⲟⲥ • ⲙⲛ̄ ⲕⲗⲁⲩⲇⲓⲟⲥ ϩⲛ̄ ⲧⲁⲣⲭⲏ ⲙ̄ ⲡⲇⲓⲱⲅ‐


### 0045

ⲙⲟⲥ • Ⲡⲉϫⲉ ⲡⲣ︦ⲣ︦ⲟ ⲛ̄ ⲧⲣ︦ⲣ︦ⲱ • ϫⲉ ⲉⲛⲛⲁⲙⲟⲩⲟⲩⲧ ⲙ̄-
ⲙⲟⲟⲩ • ⲛ̄ ⲁϣ ⲛ̄ ϩⲉ • ⲉⲣⲉ ⲡⲉⲓ ⲙⲡⲏϣⲉ ⲧⲏⲣϥ̄ ⲛⲙ̄ⲙⲁⲩ •
ⲙⲏⲡⲟⲧⲉ ⲛ̄ⲥⲉⲧⲱⲟⲩⲛ • ⲉ ϫⲱⲓ ⲛ̄ⲥⲉϥⲓ ⲛ̄ ⲧⲁ ⲙⲛ︦ⲧ︦ⲣ︦ⲣ︦ⲟ ⲛ̄
ⲧⲟⲟⲧ • Ⲛ̄ⲧⲟⲥ ⲇⲉ ⲡⲉϫⲁⲥ ⲛⲁϥ • ϫⲉ ⲙ̄ⲡⲉⲣ ⲣ̄ ϩⲟⲧⲉ • ⲱ̄
ⲡⲣ︦ⲣ︦ⲟ ⲥϩⲁⲓ ϣⲁ ⲣⲟϥ • ϫⲉ ⲁⲙⲟⲩ ⲛⲁⲓ ⲧⲁⲭⲏ • ⲙⲁⲩⲁⲁⲕ
ϫⲉ ⲟⲩⲛ̄ⲧⲁⲓ ⲟⲩϣⲁϫⲉ • ⲙ̄ ⲙⲩⲥⲧⲏⲣⲓⲟⲛ • ⲉⲓⲛⲁϫⲟⲟϥ
ⲉ ⲣⲟⲕ • ⲉ ⲧⲃⲉ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • ⲉϥϣⲁⲛ|ⲉⲓ ϣⲁ ⲣⲟⲕ
ϫⲓⲧϥ̄ ⲉ ϩⲟⲩⲛ • ⲉ ⲡⲉⲕⲕⲟⲓⲧⲱⲛ • ϩⲱⲥ ⲇⲉ ϫⲉ ⲉⲕⲛⲁⲕⲟ‐
ⲗⲁⲅⲉⲓ ⲛⲙ̄ⲙⲁϥ • ⲥⲟϥⲧⲉ ⲛ̄ ϩⲛ̄ⲇⲩⲙⲓⲟⲥ • ⲛⲅ̄ ⲥⲟⲛϩ̄
ⲙ̄ⲙⲟϥ • ⲛⲅ̄ ⲙⲟⲩⲟⲩⲧ ⲙ̄ⲙⲟϥ • ϩⲛ̄ ⲟⲩϩⲱⲡ • Ⲡⲁⲥⲉⲃⲏⲥ
ⲇⲉ ⲛ̄ ⲣ︦ⲣ︦ⲟ ⲁϥⲡⲓⲑⲉ • ⲉϫⲛ̄ ⲛ̄ϣⲁϫⲉ ⲛ̄ ⲗⲟⲓⲙⲟⲥ ⲛ̄ ⲧⲣ︦ⲣ︦ⲱ •
ⲁϥⲥⲟϥⲧⲉ ⲙ̄ ⲙⲛ̄ⲧⲁⲥⲉ ⲛ̄ⲇⲩⲙⲓⲟⲥ ⲉ ⲣⲟϥ • ⲙⲛ̄ ⲛ̄ⲓⲃⲧ •
ⲁⲩⲱ ⲁϥⲥϩⲁⲓ ϣⲁ ⲣⲟϥ • ⲛ̄ ϩⲛ̄ϣⲁϫⲉ ⲛ̄ⲕⲟⲗⲁⲕⲓⲁ
ⲛ̄ⲕⲣⲟϥ • ⲁⲩⲱ ⲁ ⲡⲡⲉⲧ ⲟⲩⲁⲁⲃ ⲑⲉⲟⲇⲱⲣⲟⲥ ⲉⲓ ⲉ ⲡⲡⲁⲗ‐
ⲗⲁϯⲟⲛ • Ⲛ̄ ⲧⲉⲣⲉ ⲡⲣ︦ⲣ︦ⲟ ⲇⲉ ⲛⲁⲩ ⲉ ⲣⲟϥ • ⲁϥⲥⲱⲃⲉ ⲛ̄‐
ⲕⲣⲟϥ • ⲉ ϩⲟⲩⲛ ⲉ ⲣⲟϥ • ⲉϥϫⲱ ⲙ̄ⲙⲟⲥ • ϫⲉ ⲁ ⲙⲁ
ⲛⲓⲙ ⲙⲟⲩ ϩⲛ̄ ⲣⲁϣⲉ ϫⲉ • ⲁ ⲡⲛⲟϭ ⲛ̄ⲇⲩ|ⲛⲁⲧⲟⲥ • ⲉⲓ
ⲉ ⲡⲡⲁⲗⲗⲁϯⲟⲛ • Ⲕⲁⲗⲱⲥ ⲁⲕⲉⲓ • ⲱ̄ ⲕⲓⲣⲉ ⲑⲉⲟⲇⲱⲣⲟⲥ •
ⲡⲡⲟⲗⲩⲙⲁⲣⲭⲏⲥ ⲛ̄ ⲣⲉϥϫⲣⲟ • ⲁ ⲙⲟⲩ ⲃⲱⲕ ⲉⲙⲡⲉⲣⲥⲟⲥ •
ⲙⲛ̄ ⲡϣⲏⲣⲉ ⲙ̄ ⲡⲣ︦ⲣ︦ⲟ ⲛ︦ⲛ︦ ⲙ̄ⲡⲉⲣⲥⲟⲥ • ϫⲓ ⲛ̄ ⲛⲉⲓ ⲧⲁⲉⲓⲟ
ⲙ̄ ⲡⲉϥⲉⲓⲱⲧ • ⲙ̄ⲙⲟⲛ ⲕⲉ ⲙ̄ⲡϣⲁ ⲙ̄ⲙⲟⲟⲩ • ⲉ ϩⲟⲩⲛ ⲉ
ⲡⲁⲣⲭⲏⲉⲡⲓⲥⲕⲟⲡⲟⲥ • Ⲁⲩⲱ ⲁ ⲡⲡⲉⲧ ⲟⲩⲁⲁⲃ • ⲕⲱ ⲉ ϩⲣⲁⲓ
ⲛ̄ ⲧⲉϥⲥⲏⲃⲉ • ⲁϥⲃⲱⲕ ⲉ ϩⲟⲩⲛ ϣⲁ ⲡⲣ︦ⲣ︦ⲟ • ⲁⲩⲱ ⲁϥ‐
ⲧⲱⲟⲩⲛ ⲁϥⲁⲥⲡⲁⲍⲉ ⲙ̄ⲙⲟϥ • ⲁϥϫⲱⲣⲙ̄ ⲉ ⲡⲙⲛ̄ⲧⲁⲥⲉ
ⲛ̄ⲇⲩⲙⲓⲟⲥ • ⲁⲩⲥⲱⲛϩ̄ ⲙ̄ⲙⲟϥ • Ⲡⲉϫⲉ ⲡⲡⲉⲧ ⲟⲩⲁⲁⲃ
ⲛⲁϥ • ϫⲉ ⲙ̄ⲡⲟⲟⲩ • ⲁ ⲡⲉⲕⲣⲟϥ | ⲛ̄ ⲓⲟⲩⲇⲁⲥ • ⲙⲛ̄
ⲡⲉⲭ︦ⲥ︦ • ⲟⲩⲱⲛϩ̄ ⲉ ⲃⲟⲗ ⲛ̄ϩⲏⲧⲕ̄ • ⲱ̄ ⲡⲣ︦ⲣ︦ⲟ • ⲁⲗⲗⲁ
ⲕ̄ϩⲟⲟⲩ ⲉϩⲟⲩⲉ ⲓⲟⲩⲇⲁⲥ • Ⲛ̄ⲇⲩⲙⲓⲟⲥ ⲇⲉ • ⲁⲩⲧⲁϫⲣⲟϥ
ⲕⲁⲗⲱⲥ • ⲛ̄ⲑⲉ ⲙ̄ⲙⲟⲩⲟⲩⲧ ⲙ̄ⲙⲟϥ • ⲁⲩⲱ ⲁⲩⲥⲱⲕ
ⲙ̄ⲙⲟϥ • ϣⲁ ⲡⲉϣⲟⲩⲉ ⲉ ⲧⲣⲉⲩⲁϣⲧϥ̄ ⲉ ϩⲣⲁⲓ ⲉ ⲣⲟϥ •
ⲙ̄ⲡⲁⲧⲟⲩⲱⲛ ⲛ̄ ⲣⲟ ⲙ̄ ⲡⲡⲁⲗⲗⲁϯⲟⲛ • Ⲡⲉϫⲉ ⲡⲡⲉⲧ
ⲟⲩⲁⲁⲃ ⲛⲁⲩ • ϫⲉ ⲛⲁ ⲥⲛⲏⲩ • Ⲃⲱϣ ⲛⲁⲓ ⲛ̄ ⲟⲩⲕⲟⲩⲓ •
ⲧⲁϫⲱ ⲛ̄ ⲟⲩⲥⲟⲡ ⲉϣⲗⲏⲗ • ⲉ ⲡⲁ ⲣ︤ⲣ︥ⲟ • ⲡⲉⲩ︤︦ⲥ︥ • ⲙ̄ⲡⲁ‐
ⲧⲉⲧⲛ̄ⲙⲟⲩⲟⲩⲧ ⲙ̄ⲙⲟⲓ • ⲁⲩⲱ ⲙ̄ⲡⲉⲑⲟⲧⲉ • ⲕⲁⲁⲩ ⲉ


### 0046

ⲃⲟⲗϥ̄ ⲉ ⲃⲟⲗ ϫⲉ ⲛ̄ⲛⲉϥⲙⲟⲩⲟⲩⲧ ⲙ̄ⲙⲟⲟⲩ • Ⲁϥⲟⲩⲱϣⲃ̄
ⲛ̄ϭⲓ ⲡϩⲁⲅⲓⲟⲥ ⲑⲉⲟⲇⲱⲣⲟⲥ • ϫⲉ ⲛⲁ|ⲥⲛⲏⲩ • Ⲃⲱϣ ⲛⲁⲓ
ⲙ̄ⲙⲟⲛ ⲛ̄ ϯⲛⲁⲉⲣ • ⲡⲉⲑⲟⲟⲩ ⲁⲛ • ⲛ̄ ⲗⲁⲁⲩ ⲛ̄ⲕⲉ ⲥⲟⲡ •
Ⲙⲏ ⲙ̄ⲡ ⲉⲓⲉⲣ ⲟⲩⲙⲏⲏϣⲉ • ⲙ̄ ⲡⲉⲧ ⲛⲁⲛⲟⲩϥ ⲛⲙ̄ⲙⲏⲧⲛ̄ •
ϣⲉ ⲧϭⲟⲙ ⲙ̄ ⲡⲁ ⲣ︤ⲣ︥ⲟ ⲡⲉⲭ︤ⲥ︥ • ⲛ̄ ϯⲛⲁⲉⲣ ⲡⲉⲑⲟⲟⲩ
ⲛⲏⲧⲛ̄ ⲁⲛ • ⲁⲓⲟⲩⲱ ⲅⲁⲣ • ⲉⲓⲥⲱⲛϩ̄ ⲙ̄ⲙⲟⲓ ϩⲙ̄ ⲡⲁ ϩⲧⲟⲣ •
ⲙ̄ⲙⲓⲛ ⲉⲙⲙⲟⲓ • ⲉ ⲧⲃⲉ ⲡⲣⲁⲛ ⲙ̄ ⲡⲉⲭ︦ⲥ︦ • Ⲁⲩⲱ ⲛ̄
ⲧⲉⲣⲉ ϥⲛⲁⲩ • ϫⲉ ⲙ̄ⲡ ⲟⲩⲡⲓⲑⲉ ⲛ̄ ⲕⲁⲁϥ ⲉ ⲃⲟⲗ • ⲁϥⲥⲱⲕ
ⲙ̄ ⲡⲉϥϫⲛⲁϩ ⲥⲛⲁⲩ • ⲉ ϩⲣⲁⲓ ⲛ̄ ⲟⲩⲥⲟⲡ ⲛ̄ ⲟⲩⲱⲧ • ⲁϥ‐
ⲥⲱⲗⲡ̄ ⲛ︦ⲛ︦ ⲙ̄ⲙⲣ̄ⲣⲉ ⲉⲧ ⲙⲏⲣ ⲙ̄ⲙⲟϥ • ⲁϥⲧⲱϭⲛ̄ ⲙ̄
ⲡⲙⲛ︦ⲧ︦ⲁⲥⲉ ⲛ̄ ⲣⲱⲙⲉ • ⲉ ⲡⲁϩⲟⲩ • ⲁⲩϩⲉ ⲉ ϩⲣⲁⲓ ⲉϫⲙ̄
ⲡⲉⲩϩⲟ • ⲁⲩⲱ ⲁϥⲡⲁϩⲧϥ̄ • ⲁϥⲟⲩ|ⲱϣⲧ̄ ⲙ̄ ⲛⲟⲩⲧⲉ • ⲁϥ‐
ⲡⲱⲣϣ̄ ⲛ̄ ⲛⲉϥϭⲓϫ ⲉ ⲃⲟⲗ • ⲁϥϣⲗⲏⲗ ⲛ̄ ⲧⲉⲓ ϩⲉ • ⲉϥϫⲱ
ⲙ̄ⲙⲟⲥ • ϫⲉ ϯⲧⲱⲃϩ ⲙ̄ⲙⲟⲕ • ⲡⲁ ϫⲟⲉⲓⲥ ⲓ︦ⲥ︦ ⲡⲉⲭ︦ⲥ︦ •
ⲡⲉ ⲛ̄ⲧⲁϥⲡⲗⲁⲥⲥⲉ ⲙ̄ⲙⲟⲓ • ϫⲉ ⲛⲉⲓ ϩⲛ̄ ⲧⲕⲁⲗⲁϩⲏ ⲛ̄ ⲧⲁ
ⲙⲁⲁⲩ • ⲁ ⲡⲉϥⲁⲅⲅⲉⲗⲟⲥ ϯ ⲣⲁⲛ ⲉ ⲣⲟⲓ • ϫⲓⲛⲉ ⲧⲁ
ⲙⲉⲧⲕⲟⲩⲓ • ⲁⲩⲱ ⲁ ⲡⲉⲕⲛⲁ ⲧⲁϩⲟⲓ • ⲁⲕϯ ϭⲟⲙ ⲛⲁⲓ ϩⲙ̄
ⲡⲡⲟⲗⲁⲓⲙⲟⲥ • ⲛ̄ⲑⲉ ⲛ̄ⲓⲏⲥⲟⲩ ⲛⲁⲩⲏ • ⲉⲣⲉ ⲡⲉⲕⲁⲅⲅⲉⲗⲟⲥ
ⲙⲓϣⲉ ⲉ ϫⲱϥ • ⲁⲩⲱ ⲛ̄ⲑⲉ ⲛ̄ⲥⲉⲙⲉⲉⲓ ⲛ̄ⲧⲁϥⲡⲁⲧⲁⲥⲥⲉ ⲛ̄
ⲛ̄ⲁⲗⲗⲟⲫⲩⲗⲟⲥ • ⲁⲛⲟⲕ ⲇⲉ ϩⲱ • ⲛ̄ⲧⲁⲓⲡⲁⲧⲁⲥⲥⲉ ⲛ︦ⲛ︦ ⲙ̄‐
ⲡⲉⲣⲥⲟⲥ • ϩⲙ̄ ⲡⲉⲕⲣⲁⲛ ⲉⲧ ⲟⲩⲁⲁⲃ • ⲁ ⲛⲁ[ϫ]ⲁϫⲉ ϫⲓ
ϣⲓⲡⲉ ⲟⲉ ⲟⲁ ⲛⲁⲟⲩⲉⲣ[ⲏ]ⲧⲉ • ϯϣⲡ̄ | ϩⲙⲟⲧ ⲛ̄ ⲧⲟⲟⲧⲕ̄
ⲡⲁ ϫⲟⲉⲓⲥ • ϫⲉ ⲁⲕϥⲓ ⲙ̄ⲙⲁⲩ ⲛ︦ⲛ︦ ⲙ̄ⲙⲣ̄ⲣⲉ ⲉⲧ ⲙⲏⲣ
ⲙ̄ⲙⲟⲓ • ϣⲁⲛⲧ ⲉⲓϣⲗⲏⲗ ⲉ ϩⲣⲁⲓ ⲉ ⲣⲟⲕ • ϯ ϭⲟⲙ ⲛⲁⲓ
ⲡⲁ ϫⲟⲉⲓⲥ • ϣⲁⲛⲧⲉ ⲉⲓϣϭⲙ̄ϭⲟⲙ • ⲉϥⲓ ϩⲁ ⲃⲁⲍⲁⲛⲟⲥ •
ⲉⲧ ϭⲉⲉⲧ ⲉ ⲣⲟⲓ • ϫⲉ ⲁⲛⲅ̄ ⲟⲩⲥⲁⲣⲝ̄ ϩⲓ ⲥⲛⲟϥ • ⲛ̄ⲑⲉ ⲛ̄
ⲟⲩⲟⲛ ⲛⲓⲙ • Ⲙⲁⲣⲉ ⲡⲉⲕⲁⲅⲅⲉⲗⲟⲥ ⲛ̄ ϫⲱⲱⲣⲉ ⲁϩⲉ ⲣⲁⲧϥ̄
ⲛⲙ̄ⲙⲁⲓ • ϩⲛ̄ ⲧⲉⲓ ⲟⲩⲛⲟⲩ ⲧⲁⲓ • ϣⲁⲛⲧ ⲉⲓϫⲱⲕ ⲉ ⲃⲟⲗ •
ⲙ̄ ⲡⲁ ⲁⲅⲱⲛ • Ⲙⲡⲉⲣ ϩⲟⲩⲣⲱⲱⲧ ⲡⲁ ϫⲟⲉⲓⲥ • ⲉ ⲛⲉⲕ‐
ⲁⲅⲁⲑⲟⲛ • ⲟⲩⲇⲉ ⲙ̄ⲡⲉⲣ ϥⲓ ⲱⲡ ⲛⲙ̄ⲙⲁⲓ • ⲉ ⲧⲃⲉ ⲡⲉⲓ
ⲙⲏⲏϣⲉ ⲛ̄ ⲥⲛⲟϥ ⲛ̄ⲧ ⲁⲓⲡⲁϩⲧⲟⲩ ⲉ ⲃⲟⲗ • ϩⲙ̄ ⲡⲡⲟⲗⲁⲓ‐
ⲙⲟⲥ • ϫⲉ ⲛ̄ⲧⲟⲕ ⲁⲕⲧⲁϫⲣⲟⲓ ϩⲛ̄ | ⲧⲉⲕϭⲟⲙ ⲁⲓⲡⲁⲧⲁⲥⲥⲉ
ⲙ̄ⲙⲟⲟⲩ • ⲙ̄ⲡⲉⲣ ⲧⲣⲉ ⲧⲁ ⲥⲏⲃⲉ • ⲡⲱⲧ ⲉ ⲧⲟⲟⲧϥ̄ ⲛ̄ⲕⲉ
ⲟⲩⲁ • ⲡⲉⲟⲟⲩ ⲛⲁⲕ • ϣⲁ ⲉⲛⲉϩ ⲛ̄ ⲉⲛⲉϩ ϩⲁⲙⲏⲛ • Ⲛⲁⲓ ⲇⲉ


### 0047

ⲛ̄ ⲧⲉⲣⲉ ϥ̄ϫⲟⲟⲩ • ⲁϥⲙⲟⲩⲧⲉ ⲉⲛⲇⲩⲙⲓⲟⲥ • ⲉⲧ ⲕⲱⲧⲉ ⲉ
ⲣⲟϥ • ϫⲉ ⲙⲟⲩⲧⲉ ⲉ ⲛⲉⲙⲁⲧⲟⲓ • ⲛ̄ⲥⲉⲗⲟ ⲉⲩϣⲧⲣ̄ⲧⲱⲣ •
ⲁⲩⲱ ⲁ ⲡⲁ ⲟⲩⲟⲉⲓϣ ⲟⲩⲉⲓⲛⲉ • ⲙ̄[ⲡ]ⲉⲓⲉⲣ ⲗⲁⲁⲩ ⲛ̄ϩⲱⲃ •
ϫⲉ ⲁ ⲡⲁ ⲁϩⲉ ϫⲱⲕ ⲉ ⲃⲟⲗ • Ⲁⲩⲱ ⲛ̄ⲧⲉⲩⲛⲟⲩ ⲁϥⲉⲓⲛⲉ •
ⲛ̄ ⲛⲉϥϭⲓϫ ⲥⲁ ⲥⲡⲓⲣ ⲙ̄ⲙⲟϥ • ⲁϥϣⲁϣⲟⲩ ⲙⲛ̄ ⲡⲉϥ‐
ⲥⲱⲙⲁ • Ⲡⲉϫⲁϥ ⲛⲁⲩ ϫⲉ ⲥⲱⲛϩ̄ ⲙ̄ⲙⲟⲓ ϩⲓ ⲃⲟⲗ • ⲁⲓⲟⲩⲱ
ⲉⲓⲥⲱⲛϩ̄ ⲙ̄ⲙⲟⲓ ϩⲙ̄ ⲡⲉⲡⲛⲁ̄ • Ⲛ̄ⲧⲉⲩⲛⲟⲩ ⲁϥⲁⲗⲉ ⲉϫⲙ̄
ⲡⲉϣⲟⲩⲉ | ⲙ̄ⲁⲁⲩⲁϥ • ⲁϥⲟⲩⲱϣⲧ̄ ⲙ̄ ⲡⲛⲟⲩⲧⲉ • ⲁϥϣⲁϫⲉ
ⲙⲛ̄ ⲛ̄ⲇⲩⲙⲓⲟⲥ • ϫⲉ ⲁⲙⲏⲓⲧⲛ̄ ⲙⲛ̄ ⲛⲉⲧⲛ̄ⲉⲓⲃⲧ • ⲙⲛ̄
ⲛⲉⲧⲛ̄ϩⲁⲧⲏⲣ • ⲛ̄ⲧⲉⲧⲛ̄ϫⲱⲕ ⲉ ⲃⲟⲗ • ⲙ̄ ⲡⲉ ⲛ̄ⲧⲁⲩⲟⲩⲉϩ‐
ⲥⲁϩⲛⲉ ⲙ̄ⲙⲟϥ ⲛⲏⲧⲛ̄ • Ⲛ̄ⲁⲧⲛⲁ ⲇⲉ ⲉⲧ ⲙ̄ⲙⲁⲩ • ⲁⲩⲧⲟⲕⲥ̄
ⲙ̄ ⲙⲏⲧ ⲛ̄ⲓⲃⲧ ϩⲛ̄ ⲧⲉϥϭⲓϫ ⲛ̄ ⲟⲩⲛⲁⲙ • ⲁⲩⲱ ⲙⲏⲧ ϩⲛ̄
ⲧⲉϥϭⲓϫ ⲛ̄ ϩⲃⲟⲩⲣ • ⲁⲩⲱ ⲁⲩⲧⲟⲕⲥ̄ ⲙ̄ ⲡⲥⲉⲉⲡⲉ ϩⲙ̄ ⲡⲉϥ‐
ⲥⲱⲙⲁ ⲧⲏⲣϥ̄ • ϩⲱⲥ ⲇⲉ ⲛ̄ⲧⲉ ⲡⲉϥⲥⲛⲟϥ ⲧⲱϩ ⲙⲛ̄
ⲡⲙⲟⲟⲩ • ⲙ̄ ⲡⲉϣⲟⲩⲉ ⲛ̄ⲥⲉϩⲁⲧ ϩⲓϫⲙ̄ ⲡⲕⲁϩ •
Ⲁⲩⲱ ⲁ ⲡϩⲁⲅⲓⲟⲥ ⲑⲉⲟⲇⲱⲣⲟⲥ ϩⲱ ⲙ̄ⲙⲁⲧⲉ • [ⲁϥ]ⲃⲓ ⲛ̄
ⲛⲉϥⲃⲁ[ⲗ] • ⲉ ϩ|ⲣⲁⲓ ⲉ ⲧⲡⲉ • ϫⲉ ⲉϥⲛⲁⲉⲡⲉⲓⲕⲁⲗⲉⲓ ⲙ̄
ⲡϫⲟⲉⲓⲥ • ⲁϥⲛⲁⲩ ⲉ ⲡⲉⲭ︦ⲥ︦ ⲙⲛ̄ ⲛⲉϥⲁⲅⲅⲉⲗⲟⲥ • ⲉⲣⲉ
ⲙⲓⲭⲁⲏⲗ ⲥⲟⲗⲥⲗ̄ ⲙ̄ⲙⲟϥ • ⲉⲣⲉ ⲡⲉⲭ︦ⲥ︦ ⲉⲣⲏⲧ ⲛⲁϥ •
ⲛ̄ ϩⲁϩ ⲙ̄ⲙⲁ ⲛ̄ ϣⲱⲡⲉ ϩⲛ̄ ⲙ̄ⲡⲏⲩⲉ • Ⲛ︦ ⲧⲉⲣⲉ ⲡⲉⲭ︦ⲥ︦
ⲛⲁⲩ ⲉ ⲡⲉϩⲓⲥⲉ • ⲙ̄ ⲡⲡⲉⲧ ⲟⲩⲁⲁⲃ • ⲑⲉⲟⲇⲱⲣⲟⲥ • ⲡⲉϫⲁϥ
ⲇⲉ ⲛⲁϥ • ϫⲉ ⲕⲟⲩⲱϣ ⲉ ⲧⲣⲁ ϯ ⲙ̄ⲧⲟⲛ ⲛⲁⲕ • ϩⲛ̄
ⲛⲉⲕϩⲓⲥⲉ • ϫⲉ ⲕⲟⲩⲱϣ ⲉ ⲧⲣⲁ ⲃⲱⲗ ⲉ ⲃⲟⲗ • ⲛ̄ ⲛ̄ⲓⲃⲧ
ⲉⲧ ϩⲙ̄ ⲡⲉⲕⲥⲱⲙⲁ • ⲛ̄ⲑⲉ ⲛ̄ ⲟⲩⲙⲟⲟⲩ • Ⲡⲉϫⲉ ⲡⲡⲉⲧ
ⲟⲩⲁⲁⲃ ⲛⲁϥ • ϫⲉ ϯⲟⲩⲱϣ ⲉ ⲧⲣⲉ ⲕϯ ⲙ̄ⲧⲟⲛ ⲛⲁⲓ • ϫⲉ
ⲁⲓϩⲓⲥⲉ • ⲁⲩⲱ ⲛ̄ⲧⲉⲩⲛⲟⲩ • ⲁϥϯ ⲙ̄ ⲡⲉϥⲡⲛ︦ⲁ︦ • ⲉⲛϭⲓϫ
ⲙ̄ ⲡⲛⲟⲩⲧⲉ • ⲛ̄ ⲥⲟⲩ ⲙⲛ︦ⲧ︦ⲥⲛⲟⲟⲩⲥ | ⲙ̄ ⲡⲉⲃⲟⲧ ⲧⲱⲃⲉ ϩⲛ̄
ⲟⲩⲉⲓⲣⲏⲛⲏ ϩⲁⲙⲏⲛ • Ⲁⲩⲱ ⲁⲩⲛⲟϭ ⲛ̄ ϣⲧⲟⲣⲧⲣ̄ • ϣⲱⲡⲉ
ϩⲛ̄ ⲧⲡⲟⲗⲓⲥ ⲧⲏⲣⲥ̄ • ⲉ ⲧⲃⲉ ⲡⲁⲛⲁⲧⲟⲗⲁⲓⲟⲥ • ⲉϥⲁϣⲉ ⲉ
ⲡⲉϣⲟⲩⲉ • ϩⲟⲓⲛⲉ ϫⲉ ⲛⲁⲛⲟⲩ ⲡⲙⲟⲩ ⲙ̄ ⲡⲣ︦ⲣ︦ⲟ • ⲙⲛ̄
ⲧⲣ︦ⲣ︦ⲱ ⲡⲁⲣⲁ ⲡⲉⲛⲧ ⲁϥϣⲱⲡⲉ • Ⲁⲩⲱ ⲡϩⲁⲅⲓⲟⲥ ⲁⲡⲁ
ⲕⲗⲁⲩⲇⲓⲟⲥ • ⲉⲣ ⲟⲩⲛⲟϭ ⲛ̄ ⲣⲓⲙⲉ • ⲉ ⲣⲟϥ ⲉϥⲁϣⲉ ⲉ ⲡⲉ‐
ϣⲟⲩⲉ • Ⲙⲛ︦ⲛ︦ⲥⲁ ⲛⲁⲓ ⲁ ⲡϩⲁⲅⲓⲟⲥ ⲃⲓⲕⲧⲱⲣ • ⲡⲁⲣⲁⲕⲁⲗⲉⲓ
ⲙ̄ ⲡⲉϥⲉⲓⲱⲧ • ⲉ ⲧⲣⲉϥϫⲟⲟⲥ ⲙ̄ ⲡⲣ︤ⲣ︥ⲟ • ⲉ ⲧⲃⲉ ⲡⲥⲱⲙⲁ ⲛ̄


### 0048

ⲁⲡⲁ ⲑⲉⲟⲇⲱⲣⲟⲥ • Ⲁⲩⲱ ⲛ̄ⲧⲉⲩⲛⲟⲩ ⲁ ϩⲣⲱⲙⲁⲛⲟⲥ •
ⲁⲓⲧⲉⲓ ⲙ̄ ⲡⲣ︦ⲣ︦ⲟ • ⲁϥⲭⲁⲣⲓⲍⲉ ⲙ̄ ⲡⲉϥ|ⲥⲱⲙⲁ ⲛⲁϥ • Ⲁⲩⲱ
ⲁϥⲉⲓ ⲛ̄ϭⲓ ⲁⲡⲁ ⲃⲓⲕⲧⲱⲣ • ⲙⲛ̄ ⲧⲥⲱⲛⲉ ⲛ̄ ⲁⲡⲁ ⲑⲉⲟⲇⲱⲣⲟⲥ •
ⲙⲛ̄ ⲁⲡⲁ ⲕⲗⲁⲩⲇⲓⲟⲥ • ⲁⲩⲉⲓⲛⲉ ⲙ̄ ⲡⲉϥⲥⲱⲙⲁ • ⲉ ⲡⲉⲥⲏⲧ
ϩⲙ̄ ⲡⲉϣⲟⲩⲉ • ⲁⲩⲕⲁⲁϥ ϩⲙ̄ ⲡⲧⲁⲫⲟⲥ ⲛ̄ ⲛⲉϥⲉⲓⲟⲧⲉ •
Ⲉⲛⲉϥⲉⲓⲣⲉ ⲛ̄ ϩⲛ̄ⲛⲟϭ ⲛ̄ⲧⲁⲗϭⲟ • ϩⲛ̄ ⲛⲉⲧ ϣⲱⲛⲉ • ϫⲉ
ⲛⲉⲣⲉ ⲧⲉⲭⲁⲣⲓⲥ ⲛ̄ ⲓ︦ⲥ︦ ⲛⲙ̄ⲙⲁϥ • ϫⲉ ⲁϥϫⲓ ⲙ̄ ⲡⲉⲕⲗⲟⲙ
ⲙ̄ ⲡⲱⲛⲣ̄ ϩⲛ̄ ⲙ̄ⲡⲏⲩⲉ • Ⲙⲛ︦ⲛ︦[ⲥⲁ ⲡϫⲱ]ⲕ ⲇⲉ ⲉ ⲃ[ⲟⲗ] •
ⲙ̄ ⲡⲡⲉⲧ ⲟⲩⲁⲁⲃ • ⲁϥϩⲱⲗ ⲉ ⲡϫⲓⲥⲉ • ⲉϥⲉⲣϣⲁ ⲙⲛ̄ ⲛⲉⲧ
ⲟⲩⲁⲁⲃ ⲧⲏⲣⲟⲩ • ϯⲡⲁⲣⲁⲕⲁⲗⲉⲓ ⲙ̄ⲙⲟⲕ • ⲱ̄ ⲡϩⲁⲅⲓⲟⲥ
ⲑⲉⲟⲇⲱⲣⲟⲥ • ⲥⲟⲡⲥ̄ ⲙ̄ ⲡϫⲟⲉⲓⲥ ⲉ ϫⲱⲓ • ⲁⲛⲟⲕ ⲡⲉⲓ ⲉⲗⲁ‐|
ⲭⲓⲥⲧⲟⲥ ⲑⲉⲟⲇⲱⲣⲟⲥ • ⲛϥ̄ⲕⲱ ⲛⲁⲓ ⲉ ⲃⲟⲗ • ⲉ ⲧⲃⲉ ϫⲉ
ⲁⲓⲧⲟⲗⲟⲙⲁ ϩⲟⲗⲟⲥ • ⲁⲓϣⲁϫⲉ ⲉ ⲧⲃⲏⲏⲧⲕ̄ • ⲉ ⲃⲟⲗ ϫⲉ
ⲛ̄ⲧⲕ̄ ⲟⲩⲥⲧⲣⲁⲧⲩⲗⲁⲧⲏⲥ ϥ ϩⲓ ⲟⲩⲛⲁⲙ ⲙ̄ ⲡⲉⲥⲧⲣⲁⲧⲩ‐
ⲗⲁⲧⲏⲥ • ⲁⲩⲱ ⲡⲡⲟⲗⲩⲙⲁⲣⲭⲏⲥ ⲙⲓⲭⲁⲏⲗ • ⲡⲣⲉϥⲥⲟⲡⲥ̄
ⲉϥⲥⲟⲡⲥ̄ ⲙ̄ ⲡⲣ︦ⲣ︦ⲟ ⲡⲉⲭ︦ⲥ︦ • ⲉ ϫⲱⲛ ϩⲱⲱⲛ • ⲛϥ̄ⲕⲱ ⲛⲁⲛ
ⲉ ⲃⲟⲗ ⲛ̄ ⲛⲉⲛⲛⲟⲃⲉ • Ϩⲓⲧⲛ̄ ⲧⲉⲭⲁⲣⲓⲥ ⲙⲛ̄ ⲧⲙⲛ︦ⲧ︦ⲙⲁⲓ
ⲣⲱⲙⲉ • ⲙ̄ ⲡⲉⲛϫⲟⲉⲓⲥ ⲓ︦ⲥ︦ ⲡⲉⲭ︦ⲥ︦ • [Ⲡⲁⲓ ⲉ ⲃⲟⲗ] ϩⲓ ⲧⲟⲟⲧϥ̄
ⲡⲉⲟⲟⲩ▨ⲉⲓⲱⲧ ⲛⲙ̄ⲙⲁϥ ⲙⲛ̄ ⲡⲉⲡⲛ︤ⲁ︥ ⲉⲧ ⲟⲩⲁⲁⲃ • ⲛ̄
ⲣⲉϥⲧⲁⲛϩⲟ • ⲁⲩⲱ [ⲛ̄ ϩⲟⲙⲟ]ⲟⲩⲥⲓⲟⲥ ϣⲁ ⲉⲛⲉϩ ⲛ̄ⲉⲛⲉϩ
ϩⲁⲙⲏⲛ •