### 0001 *Ϯⲙⲁⲣⲧⲩⲣⲓⲁ̃ ⲛ̃ⲧⲉ ⲡⲓⲁ̃ⲅⲓⲟⲥ ⲗⲟⲩⲕⲁⲥ ⲡⲓⲉⲩⲁⲅⲅⲉⲗⲓⲥⲧⲏⲥ ⲉⲑⲟⲩⲁⲃ ϧⲉⲛ ⲟⲩϩⲓⲣⲏⲛⲏ ⲛ̃ⲧⲉ ⲫ︦ϯ︦ ⲁ̃ⲙⲏⲛ Ⲛⲁϥⲙⲏⲛ ⲉ̃ⲡⲁⲩⲗⲟⲥ ⲛ̃ϫⲉ ⲗⲟⲩⲕⲁⲥ ⲉϥⲟⲓ ⲛⲁϥ ⲙ̃ⲙⲁ- ⲑⲏⲧⲏⲥ ⲟⲩⲟϩ ⲉⲛⲅⲣⲁⲙⲙⲁⲧⲉⲩⲥ ⲉϥⲥϧⲁⲓ ⲛ̃ⲛⲉϥⲡⲣⲁⲝⲓⲥ ⲧⲏⲣⲟⲩ ⲛⲉⲙ ϩⲱⲃ ⲛⲓⲃⲉⲛ ⲉⲑⲛⲁⲛⲉⲩ ⲉ̃ⲧⲉϥϩⲓⲱⲓϣ ⲙⲙⲱⲟⲩ ϧⲉⲛ ⲫⲣⲁⲛ ⲙ̃ⲡⲉⲛϭ︤ⲥ︥ ⲓⲏ︤ⲥ︥ ⲡⲭ︤ⲥ︥ ⲉⲧⲁⲩⲓ̃ ⲇⲉ ⲉ̃ⲣⲱⲙⲏ ϯⲃⲁⲕⲓ ⲁⲩϩⲱⲗⲉⲙ ⲛⲟⲩⲛⲓϣϯ ⲛ̃ⲉⲭⲙⲁⲗⲱⲥⲓⲁ̃ ⲛ̃ⲧⲟⲧϥ ⲙ̃ⲡⲥⲁⲧⲁ- ⲛⲁⲥ ⲉ̃ϧⲟⲩⲛ ⲉⲡⲥⲟⲩⲉⲛ ⲡⲉⲛϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲉⲧⲁϥⲉ̃ⲙⲓ ⲉ̃ⲛⲁⲓ ⲛ̃ϫⲉ ⲕⲉⲥⲁⲣⲟⲥ ⲛⲏⲣⲱⲛ ⲁϥϫⲱⲛⲧ ϧⲉⲛ ⲟⲩⲛⲓϣϯ ⲛ̃ⲗⲓⲃⲓ ⲉϧⲟⲩⲛ ⲉⲡⲁⲩⲗⲟⲥ ⲛⲉⲙ ⲗⲟⲩⲕⲁⲥ ⲟⲩⲟϩ ⲡⲁⲩⲗⲟⲥ ⲙⲉⲛ ⲁϥⲑⲣⲟⲩⲱ̃ⲗⲓ ⲛ̃ⲧⲉϥⲛⲁϩⲃⲓ ⲗⲟⲩⲕⲁⲥ ⲇⲉ ⲁϥⲫⲱⲧ ⲉⲃⲟⲗ- ϩⲁ ⲡϩⲟ ⲙ̃ⲡⲟⲩⲣⲟ ⲁϥϣⲱⲡⲓ ⲉϥϩⲓⲱⲓϣ ⲕⲁⲧⲁ ⲃⲁⲕⲓ ⲛⲓⲃⲉⲛ ⲛⲉⲙ ϯⲙⲓ ⲉⲧϧⲉⲛ ϯⲡⲁⲣⲁⲗⲓⲁ̃ ⲧⲏⲣⲥ ⲛ̃ⲧⲉ ⲣⲱⲙⲏ ⲙ̃ⲡⲓ- ⲉⲩⲁⲅⲅⲉⲗⲓⲟⲛ ⲛ̃ⲧⲉ ⲡⲉⲛϭ︦ⲥ︦ ⲓⲏ︦ⲥ︦ ⲡⲭ︦ⲥ︥︦ ⲉⲁϥⲧⲁϫⲣⲉ ⲫⲛⲁϩϯ ⲙ̃ⲡⲭ︦ⲥ︦ ϧⲉⲛ̃ ϯⲯⲩⲭⲏ ⲛ̃ϩⲁⲛⲙⲏϣ ϩⲁⲛⲛⲓϣϯ ⲇⲉ ⲙ̃ⲙⲏⲓⲛⲓ ⲛⲉⲙ ϩⲁⲛϣⲫⲏⲣⲓ *ⲛⲁϥⲓ̃ⲣⲓ ⲙ̃ⲙⲱⲟⲩ ϧⲉⲛ ⲛⲏ ⲉⲑϣⲱⲛⲓ ϩⲁⲛⲃⲉⲗⲗⲉⲩ ϣⲁϥⲑⲣⲟⲩⲛⲁⲩ̃ ⲙ̃ⲃⲟⲗ ϩⲁⲛϭⲁⲗⲉⲩ ϣⲁϥ- ⲑⲣⲟⲩⲙⲟϣⲓ ϩⲁⲛⲕⲁⲕⲥⲉϩⲧ ϣⲁϥⲧⲟⲩⲃⲱⲟⲩ ϩⲁⲛⲕⲟⲩⲣ ϣⲁϥⲑⲣⲟⲩⲥⲱⲧⲉⲙ ⲛⲉⲙ ϩⲁⲛⲕⲉⲙⲏϣ ⲛ̃ⲥⲙⲟⲧ ⲛ̃ϣⲱⲛⲓ ⲛ̃ⲟⲩⲑⲟ ⲛ̃ⲣⲏϯ ⲉ̃ⲁϥⲉⲣⲫⲁϧⲣⲓ ⲉⲣⲱⲟⲩ ϧⲉⲛ ⲫⲣⲁⲛ ⲙ̃ⲡⲉⲛϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲁⲩⲛⲁϩϯ ⲛϫⲉ ϩⲁⲛⲃⲁⲕⲓ ⲛⲉⲙ ϩⲁⲛⲧⲓⲙⲓ ⲉⲩⲟϣ ⲉ̃ⲡⲓⲣⲁⲛ ⲉⲑⲟⲩⲁⲃ ⲛ̃ⲧⲉ ⲡⲉⲛϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲉⲩⲛⲁⲩ ⲉ̃ⲛⲓⲙⲏⲓⲛⲓ ⲉⲧⲉϥⲓ̃ⲣⲓ ⲙ̃ⲙⲱⲟⲩ ⲛϫⲉ ⲡⲉϥⲃⲱⲕ ⲗⲟⲩⲕⲁⲥ ϩⲁⲛⲉⲕⲕⲗⲏⲥⲓⲁ̃ ⲛⲉⲙ ϩⲁⲛⲙⲟⲛⲏ ⲛⲁⲩⲕⲱⲧ ⲙ̃ⲙⲱⲟⲩ ⲕⲁⲧⲁ ⲙⲁ ⲛⲏ ⲇⲉ ⲧⲏⲣⲟⲩ ⲉⲧⲁⲩⲛⲁϩϯ ⲛⲁⲩⲣⲱⲟⲩⲧ ⲡⲉ ⲉϧⲟⲩⲛ ⲉ̃ⲡϣⲉⲙϣⲓ ⲙ̃ⲡⲉⲛϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲛⲉⲙ ϯⲥⲃⲱ ⲛ̃ⲧⲉ ⲡⲓⲁⲅⲓⲟⲥ ⲗⲟⲩⲕⲁⲥ ⲉⲧⲁⲩⲛⲁⲩ ⲇⲉ ⲛ̃ϫⲉ ⲛⲓⲟⲩⲏⲃ ⲛ̃ⲧⲉ ⲛⲓⲓ̃ⲇⲱⲗⲟⲛ ⲁ ⲡⲥⲁⲧⲁ- ⲛⲁⲥ ⲙⲁϩ ⲡⲟⲩϩⲏⲧ ⲁⲩⲉⲣ ⲟⲩⲥⲟϭⲛⲓ ⲛⲉⲙ ⲛⲓⲓ̃ⲟⲩⲇⲁⲓ ⲉⲧϧⲉⲛ ϯⲭⲱⲣⲁ ⲧⲏⲣⲥ ⲉ̃ⲧⲉⲙⲙⲁⲩ ⲉⲑⲣⲟⲩⲑⲱⲟⲩϯ ⲉϧⲟⲩⲛ ⲉ̃ⲡⲓ- ### 0002 ⲉⲣⲫⲉⲓ ⲉⲧϧⲉⲛ ⲧⲟⲩⲙⲏⲧⲣⲟⲡⲟⲗⲓⲥ ϣⲁ ⲥⲟⲩⲕ̃ ⲙ̃ⲡⲓⲁⲃⲟⲧ ⲑⲱⲟⲩⲧ Ⲁⲥϣⲱⲡⲓ ⲇⲉ ⲉⲧⲁ ⲟⲩⲙⲏϣ ⲉϥⲟϣ ⲛ̃ⲧⲉ ⲛⲓϩⲉⲗⲗⲏ- ⲛⲟⲥ ⲛⲉⲙ ⲛⲓⲓ̃ⲟⲩⲇⲁⲓ ⲑⲱⲟⲩϯ ⲉ̃ⲛⲟⲩⲉⲣⲏⲟⲩ ⲁⲩϣⲉ ⲛⲱⲟⲩ ⲉϧⲟⲩⲛ ⲉⲡⲓⲉⲣⲫⲉⲓ ⲉⲩⲥⲟⲡ ⲟⲩⲟϩ ⲁⲩϩⲉⲙⲥⲓ ⲁϥⲓ̃ ⲉⲑⲙⲏϯ ⲛ̃ϫⲉ ⲡⲓⲛⲓϣϯ ⲛ̃ⲟⲩⲏⲃ *ⲟⲩⲟϩ ⲡⲉϫⲁϥ ϫⲉ ⲛⲓⲣⲱⲙⲓ ⲛⲉⲛ- ⲥⲛⲏⲟⲩ ⲧⲉⲧⲉⲛⲉ̃ⲙⲓ ϫⲉ ⲁ̃ⲣⲉ ϯⲙⲉⲧⲣⲉϥⲉⲣⲡⲉⲑⲛⲁⲛⲉϥ ϣⲟⲡ ⲛⲁⲛ ϧⲉⲛ ⲧⲡⲣⲟⲛⲟⲓ̃ⲁ̃ ⲛ̃ⲛⲓⲛⲟⲩϯ ⲟⲩⲟϩ ⲁⲛⲟⲛ ϩⲱⲛ ⲡⲉⲧ- ⲥϣⲉ ⲉⲣⲟⲛ ⲡⲉ ⲉϫⲱⲕ ⲉⲃⲟⲗ ⲛ̃ⲑⲉⲣⲁⲡⲓⲁ ⲛⲓⲃⲉⲛ ⲛ̃ⲧⲱⲟⲩ ⲟⲩⲟϩ ⲛ̃ⲧⲉⲛϣⲧⲉⲙϯⲁ̃ⲥⲟ ⲉ̃ⲟⲩⲟⲛ ⲛⲓⲃⲉⲛ ⲉⲑⲛⲁⲉⲣⲉⲙⲡⲟⲇⲁⲍⲓⲛ ⲙ̃ⲡⲟⲩϣⲉⲙϣⲓ ⲟⲩⲟϩ ϩⲏⲡⲡⲉ ⲁⲛⲥⲱⲕ ⲉϫⲱⲛ ⲛ̃ⲟⲩⲛⲓϣϯ ⲛ̃ⲉⲅⲗⲏⲙⲁ¹ ϩⲓⲧⲉⲛ ⲛⲓⲛⲟⲩϯ ⲉⲑⲣⲟⲩϫⲱⲛⲧ ⲉ̃ⲣⲟⲛ ⲟⲩⲟϩ ⲛ̃ⲥⲉϥⲟⲧⲧⲉⲛ ⲉ̃ⲃⲟⲗ ϫⲉ ⲁⲛⲉⲣⲁ̃ⲛⲉⲭⲉⲥⲑⲉ ⲙ̃ⲡⲁⲓⲣⲱⲙⲓ ⲛ̃ⲙⲁ- ⲅⲟⲥ ϫⲉ ⲗⲟⲩⲕⲁⲥ ⲉⲑⲣⲉϥⲥⲱⲣⲉⲙ ⲙ̃ⲡⲓⲙⲏϣ ⲧⲏⲣϥ ⲛ̃ⲧⲉ ⲧⲉⲛⲭⲱⲣⲁ ⲉ̃ⲃⲟⲗ ϩⲁ ⲡϣⲉⲙϣⲓ ⲛ̃ⲛⲓⲛⲟⲩϯ ⲛ̃ⲣⲉϥϯ ⲙ̃ⲡⲱⲛϧ ⲉϧⲟⲩⲛ ⲉⲡϣⲉⲙϣⲓ ⲛ̃ⲟⲩⲣⲱⲙⲓ ϫⲉ ⲓⲏ︦ⲥ︦ ⲟⲩⲟϩ ⲡⲓⲉⲣⲫⲉⲓ ⲛ̃ⲧⲉ ⲡⲓⲛⲓϣϯ ⲛ̃ⲛⲓⲛⲟⲩϯ ⲡⲓⲁ̃ⲡⲟⲗⲗⲱⲛ ⲁⲩⲟⲡϥ ⲉ̃ϩⲗⲓ ⲁϥⲟ̃ϩⲓ ⲇⲉ ⲉⲣⲁⲧϥ ⲛ̃ϫⲉ ⲟⲩⲓ̃ⲟⲩⲇⲁⲓ ⲉⲡⲉϥⲣⲁⲛ ⲡⲉ ⲓⲥⲁⲁⲕ ⲉⲟⲩⲁⲣ- ⲭⲏⲥⲩⲛⲁⲅⲱⲅⲟⲥ ⲡⲉ ⲛ̃ⲧⲉ ⲛⲓⲓⲟⲩⲇⲁⲓ ⲉⲧϧⲉⲛ ϯⲭⲱⲣⲁ ⲉ̃ⲧⲉ- ⲙⲙⲁⲩ ⲟⲩⲟϩ ⲡⲉϫⲁϥ ϫⲉ ⲁⲥϣⲱⲡⲓ ⲙ̃ⲙⲟⲓ ⲉⲓⲟⲓ ⲛ̃ⲕⲟⲩϫⲓ ⲙ̃ⲡⲁϯⲓ̃ ⲉ̃ⲧⲁⲓⲭⲱⲣⲁ ⲛⲁⲓⲭⲏ ϧⲁⲣⲁⲧϥ ⲛ̃ⲟⲩⲛⲟⲙⲓⲕⲟⲥ ϧⲉⲛ ⲉⲗⲏ︦ⲙ︦ ⲉⲡⲉϥⲣⲁⲛ ⲡⲉ ⲅⲁⲙⲁⲗⲓⲏⲗ ⲛⲁϥⲟⲓ ⲇⲉ ⲛ̃ⲁⲣⲭⲏⲉⲣⲉⲩⲥ ⲉ̃ⲡⲓⲗⲁⲟⲥ ⲛ̃ϫⲉ ⲁⲛⲛⲁ ⲛⲉⲙ ⲕⲁⲓ̃ⲁ̃ⲫⲁ ⲁⲩⲁ̃ⲙⲟⲛⲓ ⲙ̃ⲫⲁⲓ ⲉⲧⲟⲩⲙⲟⲩϯ ⲉⲣⲟϥ ϫⲉ ⲓⲏ︦ⲥ︦ *ⲁⲩϯϩⲁⲡ ⲉⲣⲟϥ ⲁⲩⲁϣϥ ⲉⲟⲩ⳧ ⲁⲩϧⲟⲑⲃⲉϥ ⲁⲩⲭⲁϥ ϧⲉⲛ ⲟⲩⲙ̃ϩⲁⲩ ⲁϥⲧⲱⲛϥ ⲉⲃⲟⲗ ϧⲉⲛ ⲛⲏ ⲉⲑⲙⲱⲟⲩⲧ ⲙⲉⲛⲉⲛⲥⲁ ⲅ̅ ⲛⲉϩⲟⲟⲩ ⲫⲁⲓ ⲡⲉ ⲉ̃ⲧⲉ ⲡⲁⲓⲣⲱⲙⲓ ϫⲉ ⲗⲟⲩⲕⲁⲥ ϩⲓⲱⲓϣ ⲙ̃ⲙⲟϥ ⲛⲁⲛ² ⲁⲩⲉⲣ- ⲟⲩⲱ̃ ⲛϫⲉ ⲛⲓⲙⲏϣ ϧⲉⲛ ⲟⲩⲛⲓϣϯ ⲛ̃ϧⲣⲱⲟⲩ ⲉⲩⲉⲣϣⲫⲏⲣⲓ ϫⲉ ⲟⲩⲁϣ ⲛⲣⲏϯ ⲛ̃ⲑⲟϥ ⲡⲉ ϫⲉ ⲁϥⲧⲱⲛϥ ⲉ̃ⲃⲟⲗϧⲉⲛ ### 0003 ⲛⲏ ⲉⲑⲙⲱⲟⲩⲧ ⲁⲥϣⲱⲡⲓ ⲇⲉ ⲉⲧⲁⲩϫⲉ ⲫⲣⲁⲛ ⲛ̃ⲓ︦ⲏ︦ⲥ︦ ⲁⲩϩⲉⲓ ⲧⲏⲣⲟⲩ ⲛϫⲉ ⲛⲓⲓ̃ⲇⲱⲗⲟⲛ ⲁⲩϧⲟⲙϧⲉⲙ ⲙ̃ⲫⲣⲏϯ ⲛ̃ϩⲁⲛⲃⲉⲗϫ ⲉⲧⲁⲩⲛⲁⲩ ⲇⲉ ⲛ̃ϫⲉ ⲛⲓϣⲁⲙϣⲉ ⲓ̃ⲇⲱⲗⲟⲛ ⲉⲡⲧⲁⲕⲟ ⲛⲛⲟⲩⲛⲟⲩϯ ⲁⲩϫⲱⲛⲧ ϧⲉⲛ ⲟⲩⲗⲩⲃⲓ¹ ⲉϥⲟϣ ⲁⲩⲫⲱϧ ⲛ̃ⲛⲟⲩϩⲃⲱⲥ ⲁⲩⲥⲱⲗⲡ ⲉⲃⲟⲗ ⲛ̃ⲥⲁ ⲡⲓϥⲱⲓ ⲛ̃ⲧⲉ ⲧⲟⲩⲁⲫⲉ ⲁⲩϣⲉ ⲛⲱⲟⲩ ⲉ̃ⲣⲱⲙⲏ ⲡⲉϫⲱⲟⲩ ⲛ̃ⲡⲟⲩⲣⲟ² ϫⲉ ⲡⲟⲩⲣⲟ ⲟⲛϧ ϣⲁ ⲉⲛⲉϩ ⲁ̃ ⲟⲩⲣⲱⲙⲓ ⲓ̃ ⲉⲧⲉⲛⲭⲱⲣⲁ ⲁϥ- ⲥⲱⲣⲉⲙ ⲛ̃ⲛⲓⲙⲏϣ ϧⲉⲛ ⲫⲣⲁⲛ ⲙ̃ⲡⲓⲅⲁⲗⲓⲗⲉⲟⲥ ⲟⲩⲟϩ ⲛⲉⲛ- ⲕⲉⲛⲟⲩϯ ⲛⲏ ⲉⲧϯ ⲙ̃ⲡⲓϭⲣⲟ ⲛⲁⲕ ⲁϥϧⲉⲙϧⲱⲙⲟⲩ Ⲕⲉⲥⲁⲣ ⲛⲉⲣⲱⲛ ⲡⲉϫⲁϥ ⲛⲱⲟⲩ ϫⲉ ⲣⲱⲙⲓ ⲛⲓⲃⲉⲛ ⲉⲑ- ϩⲓⲱⲓϣ ⲙ̃ⲡⲁⲓⲣⲁⲛ ϧⲉⲛ ⲧⲁⲭⲱⲣⲁ ⲁⲓϧⲟⲑⲃⲟⲩ ϣⲁⲧⲉⲛ ⲟⲩⲁⲓ ϫⲉ ⲇⲟⲩⲕⲁⲥ ⲁϥⲫⲱⲧ ⲉ̃ⲃⲟⲗ ϧⲉⲛ ⲛⲁϫⲓϫ ⲁϥⲉⲣ- ⲟⲩⲱ̃ ⲛ̃ϫⲉ ⲡⲓⲙⲏϣ ϫⲉ ⲫⲁⲓ ⲣⲱ ⲡⲉ ⲡⲓⲣⲱⲙⲓ ⲉⲧⲥⲱⲣⲉⲙ ⲛ̃ⲧⲉⲛⲭⲱⲣⲁ ⲟⲩⲟϩ ϩⲏⲡⲡⲉ ⲉϥϧⲉⲛ ϯⲡⲟⲗⲓⲥ *ⲡⲣⲟⲕⲟⲛⲏⲥⲟⲛ ⲟⲩⲟϩ ϥϯⲥⲃⲱ ⲛ̃ⲛⲓⲙⲏϣ ⲉⲑⲣⲟⲩϩⲉⲛⲟⲩ ⲉⲃⲟⲗ ⲛ̃ⲛⲓⲛⲟⲩϯ ⲛ̃ⲣⲉϥϯ ⲙ̃ⲡⲱⲛϧ ⲟⲩⲟϩ ⲥⲭⲉⲇⲟⲛ ⲁⲣⲉϣⲧⲉⲙ ⲡⲉⲕⲕⲣⲁⲧⲟⲥ ⲉⲣⲃⲟⲏ̃ⲑⲓⲛ ⲧⲉⲛⲭⲱⲣⲁ ⲧⲏⲣⲥ ⲛⲁϣⲉ ϧⲉⲛ ⲧⲉϥⲡⲗⲁⲛⲏ ⲉⲧⲁϥⲥⲱⲧⲉⲙ ⲇⲉ ⲉ̃ⲛⲁⲓ ⲛ̃ϫⲉ ⲡⲟⲩⲣⲟ ⲁϥϫⲱⲛⲧ ⲁϥϧⲣⲁϫ- ⲣⲉϫ³ ⲛ̃ⲛⲉϥⲛⲁϫϩⲓ ⲧⲟⲧⲉ ⲁϥⲟⲩⲱⲣⲡ ⲛ̃ⲉⲕⲁⲧⲟⲛⲧⲁⲣⲭⲟⲥ ⲃ̅ ⲛⲉⲙ ⲡⲟⲩⲥ̃ ⲙ̃ⲙⲁⲧⲟⲓ ⲉⲑⲣⲟⲩⲉⲛϥ Ⲗⲟⲩⲕⲁⲥ ⲇⲉ ⲉ̃ⲧⲁϥⲥⲱⲧⲉⲙ ⲁϥⲑⲱⲟⲩϯ ⲙ̃ⲡⲓⲙⲏϣ ⲉⲧⲁⲩⲛⲁϩϯ ⲁϥϯⲥⲃⲱ ⲛⲱⲟⲩ ϧⲉⲛ ⲡⲥⲁϫⲓ ⲙ̃ⲫ︦ϯ︦ ⲉⲑⲣⲟⲩ ϣⲱⲡⲓ ⲉⲩⲧⲁϫⲣⲏⲟⲩⲧ ϧⲉⲛ ⲡⲓⲛⲁϩϯ ⲉ̃ⲡⲉⲛϭ︤ⲥ︥ ⲓⲏ︤ⲥ︥ ⲡⲭ︤ⲥ︥ ⲟⲩⲟϩ ⲛ̃ⲧⲉϣⲧⲉⲙ ϩⲗⲓ ⲫⲟⲣϫⲟⲩ ⲉ̃ⲣⲟϥ ⲓ̃ⲧⲉ ⲫⲙⲟⲩ ⲓ̃ⲧⲉ ⲡⲱⲛϧ ⲓ̃ⲧⲉ ⲡϩⲱⲗⲉⲙ ⲛ̃ⲛⲓϩⲩⲡⲁⲣⲭⲟⲛⲧⲁ ⲓ̃ⲧⲉ ⲑⲗⲯⲓⲥ ⲛⲓⲃⲉⲛ ⲁ̃ⲛⲟⲕ ⲅⲁⲣ ⲡⲉϫⲁϥ ϯⲛⲁϣⲉ ⲛⲏⲓ ⲕⲁⲧⲁ ⲫⲣⲏϯ ⲉⲧⲁⲩⲑⲁϣϥ ⲛⲏⲓ ⲉⲃⲟⲗϩⲓⲧⲉⲛ ⲫ︦ϯ︦ ⲛⲁⲓ ⲇⲉ ⲉⲧⲁϥϫⲟⲧⲟⲩ ⲁϥⲭⲁⲩ ⲉ̃ⲃⲟⲗ ⲉϥϫⲱ ⲙⲙⲟⲥ ϫⲉ ϯϩⲓⲣⲏⲛⲏ ⲛ̃ⲧⲉ ⲫ︦ϯ︦ ⲉⲥⲉϣⲱⲡⲓ ⲛⲉⲙⲱⲧⲉⲛ ⲥⲁⲧⲟⲧⲟⲩ ⲁⲩⲥⲱⲧⲉⲙ ϫⲉ ⲁⲩϧⲱⲛⲧ ### 0004 ⲉ̃ϯⲡⲟⲗⲓⲥ ⲛ̃ϫⲉ ⲛⲓⲙⲁⲧⲟⲓ ⲛ̃ⲧⲉ ⲡⲟⲩⲣⲟ ⲁⲩϫⲱⲣ ⲉⲃⲟⲗ ⲧⲏ- ⲣⲟⲩ ⲁⲩⲭⲁϥ ⲛ̃ⲧⲉⲛ ϯϩⲟϯ Ⲉⲧⲁϥⲥⲓⲛⲓ ⲇⲉ ⲛ̃ϫⲉ ⲡⲓⲁ̃ⲅⲓⲟⲥ ⲗⲟⲩⲕⲁⲥ ϩⲓϫⲉⲛ ⲫⲓⲟⲙ ⲁϥϫⲓⲙⲓ ⲛ̃ⲟⲩϧⲉⲗⲗⲟ ⲛ̃ⲣⲱⲙⲓ ⲉϥϩⲓⲱⲓⲙⲓ ⲉ̃ⲧⲁϩⲉ ⲧⲉⲃⲧ ⲡⲉϫⲁϥ ⲛⲁϥ *ϫⲉ ⲁⲓϭⲉⲣⲟⲕ ⲛ̃ⲑⲟⲕ ⲡⲓⲣⲱⲙⲓ ⲉⲧⲧⲁϩⲉ ⲧⲉⲃⲧ ⲁⲙⲟⲩ ϩⲁⲣⲟⲓ ⲛ̃ⲧⲁⲧⲁⲙⲟⲕ ⲉ̃ⲛⲏ ⲉⲧⲉⲥⲙ̃ⲡϣⲁ ⲛ̃ⲧⲉⲕⲁⲓⲧⲟⲩ ⲉⲧⲁϥϧⲱⲛⲧ ⲇⲉ ⲉⲣⲟϥ ⲟⲩⲟϩ ⲉⲧⲁϥⲛⲁⲩ ⲉ̃ⲡⲓϩⲙⲟⲧ ⲉⲧϧⲉⲛ ⲡⲉϥϩⲟ ⲁϥⲟⲩⲱϣⲧ ⲙ̃ⲙⲟϥ ⲡⲓⲉⲩⲁⲅⲅⲉⲗⲓⲥⲧⲏⲥ ⲉⲑⲟⲩⲁⲃ ⲇⲉ ⲡⲉϫⲁϥ ϫⲉ ϩⲏⲡⲡⲉ ⲓⲥ ⲡⲟⲩⲣⲟ ⲁϥⲟⲩⲱⲣⲡ ⲛ̃ϩⲁⲛⲙⲁ- ⲧⲟⲓ ⲛ̃ⲥⲱⲓ ⲟⲩⲟϩ ϯⲉ̃ⲙⲓ ϫⲉ ϥⲛⲁϯⲁ̃ⲡⲟⲫⲁⲥⲓⲥ ⲉ̃ⲣⲟⲓ ⲫⲁⲓ ⲅⲁⲣ ⲡⲉ ⲫⲟⲩⲱϣ ⲙ̃ⲫ︦ϯ︦ ϭⲓ ⲟⲩⲛ ⲛⲁⲕ ⲛ̃ⲛⲁⲓϫⲱⲙ ⲭⲁⲩ ϧⲉⲛ ⲟⲩⲙⲁ ⲉϥⲧⲟⲩⲃⲏⲟⲩⲧ ϧⲉⲛ ⲡⲉⲕⲏⲓ ⲟⲩⲟϩ ⲥⲉⲛⲁϭⲓ- ⲙⲱⲓⲧ ⲛⲁⲕ ⲉⲡⲓⲱⲛϧ ⲛⲉⲛⲉϩ ⲡⲓⲣⲱⲙⲓ ⲇⲉ ⲛⲁϥⲉ̃ⲙⲓ ⲉⲟⲩⲕⲟⲩϫⲓ ⲛ̃ⲱϣ ⲡⲉ ⲉⲧⲁϥϫⲓ ⲛⲛⲓϫⲱⲙ ⲁϥⲱϣ ⲛ̃ϧⲏⲧⲟⲩ ⲁϥϣⲱⲡⲓ ⲉϥϩⲓⲱⲓϣ ⲙ̃ⲡⲓⲥⲁϫⲓ ⲛ̃ⲧⲉ ⲫ︦ϯ︦ ϧⲉⲛ ⲙⲁⲓ ⲛⲓⲃⲉⲛ ⲫⲣⲁⲛ ⲇⲉ ⲙ̃ⲡⲓⲣⲱⲙⲓ ⲡⲉ ⲥⲓⲗⲁⲥ ⲕⲉⲅⲁⲣ ⲛ̃ⲧⲟϥ ϩⲱϥ ⲁϥ- ϣⲱⲡⲓ ⲛ̃ⲟⲩⲥⲱⲧⲡ ⲙ̃ⲫ︤ϯ︥ ϩⲟⲥ¹ ⲇⲉ ⲉϥⲥⲁϫⲓ ⲛⲉⲙⲁϥ ⲛϫⲉ ⲡⲓⲁ̃ⲅⲓⲟⲥ ⲗⲟⲩⲕⲁⲥ ⲁⲩⲓ̃ ⲛ̃ϫⲉ ⲡⲓⲕⲩⲛⲇⲏⲣⲓⲱⲛ² ⲃ̅ ⲛⲉⲙ ⲡⲟⲩⲥ̄ ⲙ̃ⲙⲁⲧⲟⲓ ⲉ̃ϧⲟⲩⲛ ⲉ̃ϯⲃⲁⲕⲓ ⲡⲣⲟⲕⲟⲛⲏⲥⲟⲥ ⲁⲩⲁⲙⲟⲛⲓ ⲙ̃ⲡⲓⲁⲅⲓⲟⲥ ⲗⲟⲩⲕⲁⲥ ⲁⲩ- ⲥⲟⲛϩϥ ⲁⲩⲟⲗϥ ⲙ̃ⲡⲟⲩⲣⲟ ⲛⲑⲟϥ ⲇⲉ ⲡⲓⲙⲁⲕⲁⲣⲓⲟⲥ ⲛⲁϥ- ⲥⲙⲟⲩ ⲉ̃ⲫ︦ϯ︦ ⲉϥϫⲱ ⲙ̃ⲙⲟⲥ ϫⲉ ϯϣⲉⲡϩⲙⲟⲧ ⲛ̃ⲧⲟⲧⲕ ⲡⲁϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲟⲩⲟϩ ϯⲥⲙⲟⲩ ⲉ̃ⲡⲉⲕⲣⲁⲛ ⲉⲑⲟⲩⲁⲃ ϫⲉ ⲁⲕⲁⲓⲧ ⲛ̃ϣⲫⲏⲣ ⲉⲛⲉⲕⲙ̃ⲕⲁⲩϩ ⲛ̃ⲣⲉϥ*ⲧⲁⲛϧⲟ ⲟⲩⲟϩ ⲁϥⲟ̃ϩⲓ ⲉⲣⲁⲧϥ- ⲉϥⲥⲟⲛϩ ⲙ̃ⲡⲉⲙⲑⲟ ⲙ̃ⲡⲟⲩⲣⲟ ⲟⲩⲟϩ ⲡⲉϫⲉ ⲡⲟⲩⲣⲟ ⲛⲁϥ ϧⲉⲛ ⲟⲩϫⲱⲛⲧ ϫⲉ ⲛ̃ⲑⲟⲕ ⲡⲉ ⲗⲟⲩⲕⲁⲥ ⲫⲏ ⲉⲧϣⲑⲟⲣⲧⲉⲣ ⲛ̃ϯⲣⲱⲙⲁⲛⲓⲁ ⲧⲏⲣⲥ ⲟⲩⲟϩ ⲛⲓⲛⲟⲩϯ ⲁⲕϣⲉⲣϣⲱⲣⲟⲩ ϩⲓ- ⲧⲉⲛ ⲛⲓⲙⲁⲅⲓⲁ ⲉⲧⲁⲕⲧⲥⲁⲃⲟ ⲉ̃ⲣⲱⲟⲩ ϩⲓⲧⲉⲛ ⲡⲁⲩⲗⲟⲥ ⲫⲁⲓ ⲁ̃ⲛⲟⲕ ⲉ̃ⲧⲁⲓⲧⲁⲕⲟϥ ⲕⲁⲧⲁ ⲡⲉϥⲙ̃ⲡϣⲁ ⲁϥⲉⲣⲟⲩⲱ̃ ⲛ̃ϫⲉ ### 0005 ⲡⲓⲁⲅⲓⲟⲥ ⲡⲉϫⲁϥ ϫⲉ ⲥⲥϧⲏⲟⲩⲧ ϫⲉ ⲱ̃ⲟⲩⲛⲓⲁⲧⲉⲛⲑⲏⲛⲟⲩ ⲉϣⲱⲡ ⲁⲩϣⲁⲛϣⲉϣⲑⲏⲛⲟⲩ ⲟⲩⲟϩ ⲛⲥⲉϫⲉ ⲡⲉⲧϩⲱⲟⲩ ⲛⲓⲃⲉⲛ ⲛ̃ⲥⲁⲑⲏⲛⲟⲩ¹ ⲛⲓϩⲃⲏⲟⲩⲓ̃ ⲅⲁⲣ ⲛ̃ⲧⲉ ⲡⲓⲥⲁϧ ⲡⲁⲩⲗⲟⲥ ⲥⲉⲥⲟⲩⲧⲱⲛ ⲉ̃ⲙⲁϣⲱ ⲟⲩⲟϩ ⲛⲏ ⲉⲧⲁϥⲧⲥⲁⲃⲟⲓ ⲉ̃ⲣⲱⲟⲩ ϩⲁⲛⲥⲁϫⲓ ⲛ̃ⲧⲉ ⲡⲱⲛϧ ⲛⲉ ⲙⲁⲅⲓⲁ̃ ⲅⲁⲣ ϯⲥⲱⲟⲩⲛ ⲛ̃ϩⲗⲓ ⲁⲛ ⲉⲃⲏⲗ ⲉⲡⲁϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲫⲁⲓ ⲉⲑⲛⲁⲧⲁⲕⲟⲕ ϧⲉⲛ ⲡⲓⲡ︦ⲛ︦ⲁ︦ ⲛ̃ⲧⲉ ⲧⲉϥⲟⲣⲅⲏ ⲉⲧⲁϥϫⲉ ⲫⲣⲁⲛ ⲛ̃ⲓⲏ︦ⲥ︦ ⲁⲩϩⲉⲓ ⲥⲁⲧⲟⲧⲟⲩ ⲛ̃ϫⲉ ⲛⲓϩⲓⲕⲱⲛ ⲉⲧⲫⲟⲧϩ ⲙ̃ⲡⲉⲙⲑⲟ ⲙ̃ⲡⲟⲩⲣⲟ ⲟⲩⲟϩ ⲁⲩ- ϧⲟⲙϧⲉⲙ ⲉⲧⲁⲩⲛⲁⲩ ⲇⲉ ⲛ̃ϫⲉ ⲡⲟⲩⲣⲟ ⲛⲉⲙ ⲡⲓⲙⲏϣ ⲉ̃ⲡϧⲟⲙϧⲉⲙ ⲛ̃ⲛⲟⲩⲛⲟⲩϯ ⲁⲩⲱϣ ⲉⲃⲟⲗ ⲉⲩϫⲱ ⲙ̃ⲙⲟⲥ ϫⲉ ϣⲱⲡ ⲉⲫⲁⲓ ⲉ̃ⲃⲟⲗ ϧⲉⲛ ⲧⲉⲛⲭⲱⲣⲁ ϫⲉ ⲛ̃ⲛⲉϥϣⲟⲣϣⲉⲣ ⲛ̃ⲛⲉⲛⲛⲟⲩϯ ⲧⲏⲣⲟⲩ Ⲧⲟⲧⲉ ⲛⲉⲣⲱⲛ ⲡⲟⲩⲣⲟ ⲁϥⲟⲩⲁϩⲥⲁϩⲛⲓ ⲉⲑⲣⲟⲩϭⲟⲗⲕϥ ⲉⲃⲟⲗ ⲛ̃ⲥⲉϩⲓⲟⲩⲓ̃ ⲉ̃ⲣⲟϥ ⲛ̃ϩⲁⲛⲙⲟⲩⲧ ⲙ̃ⲙⲁⲥⲓ *ϣⲁⲧⲉ ⲛⲉϥ- ⲥⲛⲱϥ ϩⲱⲣⲡ ⲙ̃ⲡⲕⲁϩⲓ ⲉϥϫⲱ ⲙ̃ⲙⲟⲥ ⲛⲁϥ ϫⲉ ϯⲛⲟⲩ ⲥⲉ- ⲛⲁϭⲓ ⲙ̃ⲡϣⲓϣ ⲛⲉⲙⲁⲕ ⲛ̃ϫⲉ ⲛⲓⲛⲟⲩϯ ⲉ̃ⲧⲁⲕϣⲉⲣϣⲱⲣⲟⲩ ⲟⲩⲟϩ ⲛ̃ⲑⲱⲟⲩ ⲡⲉ ⲉ̃ⲧⲁⲩⲓ̃ⲛⲓ ⲉ̃ϫⲱⲕ ⲛ̃ⲧⲁⲓⲇⲓⲙⲱⲣⲓⲁ̃ ⲁϥ- ⲉⲣⲟⲩⲱ̃ ⲛ̃ϫⲉ ⲡⲓⲁ̃ⲅⲓⲟⲥ ⲗⲟⲩⲕⲁⲥ ϫⲉ ⲱ̃ ⲛⲓⲁⲧϩⲏⲧ ⲟⲩⲟϩ ⲛ̃ⲁⲧⲕⲁϯ ⲟⲩⲟϩ ⲛⲁⲧⲛⲟⲩϯ ⲛ̃ⲟⲩⲣⲱⲟⲩ ⲓⲥϫⲉ ⲁⲓϣⲟⲣ- ϣⲉⲣ ⲛ̃ⲛⲉⲧⲉⲛⲛⲟⲩϯ ϧⲉⲛ ⲫⲣⲁⲛ ⲙ̃ⲡⲁϭ︤ⲥ︥ ⲓⲏ︤ⲥ︥ ⲡⲭ︤ⲥ︥ ⲟⲩⲟϩ ⲙ̃ⲡⲟⲩϣⲉⲣⲃⲟⲏ̃ⲑⲓⲛ ⲉ̃ⲣⲱⲟⲩ ⲙ̃ⲙⲓⲛ ⲙ̃ⲙⲱⲟⲩ ⲛ̃ⲁϣ ⲛ̃ⲣⲏϯ ⲥⲉⲛⲁϭⲓ ⲙ̃ⲡϣⲓϣ ⲛ̃ϩⲁⲛⲣⲱⲙⲓ ⲕⲉⲅⲁⲣ ⲕⲉⲣⲙⲉⲑⲣⲉ ϩⲱⲕ ϯⲛⲟⲩ ϫⲉ ⲙ̃ⲡⲟⲩϫⲟⲥ ⲛⲁⲕ ⲉⲡⲧⲏⲣϥ ϫⲉ ⲁ̃ⲛⲓⲟⲩⲓ̃ ⲛ̃ⲧⲁⲓⲇⲓⲙⲱⲣⲓⲁ̃ ⲉ̃ϫⲱⲓ ⲉⲑⲃⲉ ϫⲉ ϩⲁⲛⲉ̃ⲃⲟ ⲛⲉ ⲛ̃ⲃⲉⲗⲗⲉ ⲟⲩⲟϩ ⲛ̃ⲕⲟⲩⲣ ⲛⲏ ⲉ̃ⲧⲉ ⲙ̃ⲙⲟⲛ ⲡ̃ⲛⲁ ϧⲉⲛ ⲣⲱⲟⲩ ⲉⲧⲁϥⲥⲱⲧⲉⲙ ⲇⲉ ⲉ̃ⲛⲁⲓ ⲛ̃ϫⲉ ⲡⲟⲩⲣⲟ ⲁϥϫⲱⲛⲧ ϧⲉⲛ ⲟⲩⲗⲓⲃⲓ ⲟⲩⲟϩ ⲡⲉϫⲁϥ ϫⲉ ⲁⲕϯ- ϣⲱϣ ⲛⲁⲛ ⲉ̃ⲙⲁϣⲱ ⲕⲉⲅⲁⲣ ⲁⲕⲙⲟⲩϯ ⲉ̃ⲣⲟⲛ ϫⲉ ⲛⲓ- ⲁⲑⲛⲟⲩϯ ⲛ̃ⲁⲧⲕⲁϯ ⲟⲩⲟϩ ⲛⲓⲛⲟⲩϯ ⲉⲧϯ ⲙ̃ⲡⲱⲛϧ ⲛⲁⲛ ⲁⲕⲙⲟⲩϯ ⲉ̃ⲣⲱⲟⲩ ϫⲉ ⲛⲓⲕⲟⲩⲣ ⲛ̃ⲁⲧⲡ︦ⲛ︦ⲁ︦ ⲉⲑⲃⲉ ⲫⲁⲓ ϯⲉⲣ- ### 0006 ⲕⲉⲗⲉⲩⲓⲛ ⲉⲑⲣⲟⲩⲉⲣⲃⲁⲥⲁⲛⲓⲍⲓⲛ ⲙ̃ⲡⲉⲕⲥⲱⲙⲁ ϧⲉⲛ ⲟⲩⲛⲓϣϯ ⲛ̃ⲉⲙⲕⲁϩ ϣⲁⲧⲉⲕⲉⲣⲟ̃ⲙⲟⲗⲟⲅⲓⲛ ⲛ̃ⲛⲓⲛⲟⲩϯ ϫⲉ ϩⲁⲛⲣⲉϥϯ ⲙ̃ⲡⲱⲛϧ ⲛⲉ Ⲧⲟⲧⲉ ⲁⲩⲁϣϥ ⲉ̃ⲡⲓⲉⲣⲙⲏⲧⲁⲣⲓⲟⲛ ⲁⲩϩⲱⲕⲓ ⲙ̃ⲙⲟϥ ϣⲁⲧⲉ ⲛⲉϥⲕⲁⲥ ⲟⲩ*ⲱⲛϩ ⲉ̃ⲃⲟⲗ ⲟⲩⲟϩ ⲉⲧⲁⲩⲭⲁϥ ⲉ̃ⲡⲉ- ⲥⲏⲧ ⲛⲁⲣⲉ ⲡⲉϥⲥⲱⲙⲁ ⲟⲩⲟϫ ⲡⲉ ϩⲱⲥ ⲓⲥϫⲉⲕ ⲙ̃ⲡⲟⲩⲉⲣⲃⲁ- ⲥⲁⲛⲓⲍⲓⲛ ⲙ̃ⲙⲟϥ ⲉⲡⲧⲏⲣϥ ⲛⲉⲣⲱⲛ ⲡⲟⲩⲣⲟ ⲡⲉϫⲁϥ ϫⲉ ⲡⲁⲓⲣⲱⲙⲓ ⲟⲩⲥⲁϧ ⲙ̃ⲙⲁⲅⲟⲥ ⲡⲉ ⲉⲑⲃⲉ ⲫⲁⲓ ϯⲕⲉⲟⲩⲗⲏ ⲛ̃ⲧⲉ ⲛⲓϣⲁϣ ⲁϥⲑⲣⲉⲥⲉⲣⲁⲧⲟⲩⲱⲛϩ ϧⲉⲛ ⲡⲉϥⲥⲱⲙⲁ ⲡⲉϫⲁϥ ⲛ̃ϫⲉ ⲡⲓⲉⲩⲁⲅⲅⲉⲗⲓⲥⲧⲏⲥ ϫⲉ ϩⲏⲇⲏ ⲁⲓϫⲟⲥ ϫⲉ ϯⲥⲱⲟⲩⲛ ⲁⲛ ⲙ̃ⲙⲁⲅⲓⲁ̃ ⲉⲃⲏⲗ ⲉⲡⲁϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲫⲏ ⲉⲧϯϫⲟⲙ ⲛⲏⲓ ⲟⲩⲟϩ ⲉⲧⲧⲁⲗϭⲟ ⲙ̃ⲙⲟⲓ ⲧⲟⲧⲉ ⲡⲟⲩⲣⲟ ⲁϥⲟⲩⲁϩⲥⲁϩⲛⲓ ⲉϫⲱϫⲓ ⲙ̃ⲡⲉϥϭⲛⲁϩ ⲛ̃ⲟⲩⲓ̃ⲛⲁⲙ ⲉⲃⲟⲗ ⲉϥϫⲱ ⲙ̃ⲙⲟⲥ ϫⲉ ϯⲛⲁϫⲱϫⲓ ⲉⲃⲟⲗ ⲛ̃ϯϫⲓϫ ⲉⲧⲥϧⲁⲓ ⲛ̃ⲛⲓⲡⲗⲁⲛⲏ ⲟⲩⲟϩ ⲙⲁⲣⲓⲛⲁⲩ ϫⲉ ⲓⲏ︦ⲥ︦ ⲛⲁϣⲧⲁⲗϭⲟⲕ ⲥⲁⲧⲟⲧϥ ⲁϥⲥⲟⲩⲧⲱⲛ¹ ⲧⲉϥϫⲓϫ ⲉⲃⲟⲗ ⲁϥⲓ̃ ⲛϫⲉ ⲟⲩⲥⲕⲉⲡⲱⲗⲁⲧⲱⲣ² ⲁϥϯ ⲛⲟⲩ- ϣⲁϣ ⲛⲁϥ ϧⲉⲛ ⲡⲉϥϭⲛⲁϩ ⲁϥⲛⲉϩϥ ⲉ̃ⲃⲟⲗ ⲙ̃ⲙⲟϥ ⲡⲓⲁ̃- ⲅⲓⲟⲥ ⲇⲉ ⲗⲟⲩⲕⲁⲥ ⲡⲉϫⲁϥ ϫⲉ ⲉ̃ⲡⲓⲇⲏ ⲕϫⲱ ⲙⲙⲟⲥ ϫⲉ ⲡⲁⲛⲟⲩϯ ⲟⲩϩⲗⲓ ⲡⲉ ϯⲛⲁⲧⲁⲙⲟⲕ ⲉ̃ⲧⲉϥϫⲟⲙ ⲟⲩⲟϩ ⲉ̃ⲧⲁϥ- ⲧⲱⲃϩ ⲡⲉϫⲁϥ ϫⲉ ⲡⲁϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲫⲏ ⲉⲧⲁⲛⲭⲁ ϩⲱⲃ ⲛⲓⲃⲉⲛ ⲛ̃ⲥⲱⲛ ⲁⲛⲟⲩⲁϩⲧⲉⲛ ⲛ̃ⲥⲱϥ ϫⲉ ⲛⲑⲟⲕ ⲡⲉ ⲡⲥⲱⲧⲏⲣ ⲙ̃ⲯⲩⲭⲏ ⲛⲓⲃⲉⲛ ⲙⲡⲉⲣϯϩⲑⲏⲕ ⲉⲛⲓⲙⲉⲧⲁⲙⲉⲗⲉⲥ ⲉⲧⲁⲓⲁⲓⲧⲟⲩ ⲛⲏ ⲉ̃ϯⲉ̃ⲙⲓ ⲉⲣⲱⲟⲩ *ⲛⲉⲙ ⲛⲏ ⲉ̃ϯⲉ̃ⲙⲓ ⲉ̃ⲣⲱⲟⲩ ⲁⲛ ⲙ̃ⲡⲉⲣⲁⲓⲥ ⲉⲑⲃⲏⲧ ⲁⲗⲗⲁ ⲉⲑⲃⲉ ⲡⲉⲕⲣⲁⲛ ⲉⲑⲟⲩⲁⲃ ϩⲓⲛⲁ ⲛ̃ⲧⲟⲩϣⲧⲉⲙ- ϫⲟⲥ ⲛ̃ϫⲉ ⲛⲓⲉⲑⲛⲟⲥ ϫⲉ ⲁϥⲑⲱⲛ ⲡⲟⲩⲛⲟⲩϯ³ ⲛⲁⲓ ⲉⲧⲁϥ- ϫⲟⲧⲟⲩ ⲁϥⲥⲟⲩⲧⲱⲛ⁴ ⲧⲉϥϫⲓϫ ⲛ̃ϫⲁϭⲏ ⲉⲃⲟⲗ ⲁϥⲁ̃ⲙⲟⲛⲓ ⲙ̃ⲡⲉϥϭⲛⲁϩ ⲛⲟⲩⲓ̃ⲛⲁⲙ ⲉⲧⲁⲩϫⲟϫϥ ⲉ̃ⲃⲟⲗ ⲉϥⲭⲏ ⲉ̃ⲡⲉⲥⲏⲧ ⲁϥϩⲓⲧϥ ⲉ̃ⲡⲉϥⲙⲁ ⲥⲁⲧⲟⲧϥ ⲁϥⲉⲣ ⲡⲉϥⲣⲏϯ ⲛ̃ⲧⲉ ϣⲟⲣⲡ Ⲉⲧⲁϥⲛⲁⲩ ⲇⲉ ⲛ̃ϫⲉ ⲡⲟⲩⲣⲟ ⲡⲉϫⲁϥ ⲛⲁϩⲣⲉⲛ ϯⲥⲩ- ### 0007 ⲕⲗⲏⲧⲟⲥ¹ ϫⲉ ⲙ̃ⲡⲓϫⲟⲥ ⲛⲱⲧⲉⲛ ϫⲉ ⲟⲩⲛⲓϣϯ ⲙ̃ⲙⲁⲅⲟⲥ ⲡⲉ ⲡⲁⲓⲣⲱⲙⲓ ⲁϥⲉⲣⲟⲩⲱ̃ ⲛ̃ϫⲉ ⲡⲓⲁ̃ⲅⲓⲟⲥ ⲡⲉϫⲁϥ ϫⲉ ⲛ̃ⲛⲉⲥ- ϣⲱⲡⲓ ⲛⲏⲓ ⲛ̃ⲧⲁⲉⲣⲙⲁⲅⲟⲥ ⲁⲗⲗⲁ ϩⲓⲛⲁ ⲛ̃ⲧⲉⲕⲉ̃ⲙⲓ ⲉϯϫⲟⲙ ⲛ̃ⲧⲉ ⲡⲁϭ︦ⲥ︦ ⲓⲏ︦ⲥ︦ ⲟⲩⲟϩ ϫⲉ ⲛ̃ϯⲫⲏⲧ ⲁⲛ ⲛ̃ⲧⲟⲧϥ ⲙ̃ⲫⲙⲟⲩ ⲙ̃ⲡⲁⲓⲕⲟⲥⲙⲟⲥ ⲁϥⲁ̃ⲙⲟⲛⲓ ⲛ̃ⲧⲉϥϫⲓϫ ⲁϥⲭⲁⲥ ⲉ̃ⲡⲉⲥⲏⲧ ⲙⲡⲉⲥ- ⲣⲏϯ ⲟⲛ ⲉⲧⲁⲩⲛⲁⲩ ⲇⲉ ⲉ̃ⲛⲁⲓ ⲛ̃ϫⲉ ⲛⲓⲙⲏϣ ⲁⲩⲱϣ ⲉⲃⲟⲗ ⲉⲩϫⲱ ⲙⲙⲟⲥ ϫⲉ ⲟⲩⲁⲓ ⲡⲉ ⲫ︦ϯ︦ ⲙ̃ⲡⲓⲁ̃ⲅⲓⲟⲥ ⲗⲟⲩ- ⲕⲁⲥ ⲟⲩⲟϩ ⲁⲩⲛⲁϩϯ ⲉ̃ⲡⲭ︤ⲥ︥ ⲛ̃ϫⲉ ϩⲁⲛⲙⲏϣ ⲛ̃ⲣⲱⲙⲓ ⲛⲉⲙ ϩⲁⲛϩⲓⲟ̃ⲙⲓ ⲛⲉⲙ ⲡⲓⲉ̃ⲡⲁⲣⲭⲟⲥ ⲛ̃ⲧⲉ ⲣⲱⲙⲏ ⲛⲉⲙ ⲡⲉϥⲏⲓ ⲧⲏⲣϥ ⲡⲟⲩⲣⲟ ⲇⲉ ⲁϥⲟⲩⲁϩⲥⲁϩⲛⲓ ⲉⲑⲣⲟⲩⲟ̃ⲗⲟⲩ ⲥⲁⲃⲟⲗ ⲛ̃ϯⲡⲟⲗⲓⲥ ⲛ̃ⲥⲉϭⲉⲧϭⲱⲧⲟⲩ ⲛ̃ⲧⲥⲏϥⲓ ⲟⲩⲟϩ ⲡⲁⲓⲣⲏϯ ⲁⲩϫⲱⲕ ⲉⲃⲟⲗ ⲉⲩⲥⲟⲡ ⲛⲟⲩⲉ̃ϩⲟⲟⲩ ⲛ̃ⲟⲩⲱⲧ ⲛ̃ⲥⲟⲩⲕ̅ⲃ̅ ⲙ̃ⲡⲁⲟ̃ⲡⲓ ϧⲉⲛ ⲟⲩ- ϩⲓⲣⲏⲛⲏ ⲁ̃ⲙⲏⲛ *ⲉⲧⲁϥⲟⲩⲱϣ ⲇⲉ ⲛ̃ϫⲉ ⲡⲟⲩⲣⲟ ⲉ̃ⲓ̃ⲛⲓ ⲛ̃ϩⲁⲛⲕⲉⲃⲁⲥⲁⲛⲟⲥ ⲉϩⲣⲏⲓ ⲉϫⲉⲛ ⲡⲓⲁ̃ⲅⲓⲟⲥ ⲛ̃ⲉⲩⲁⲅⲅⲉⲗⲓⲥ- ⲧⲏⲥ ⲙ̃ⲡⲉ ⲛⲁϯⲥⲩⲛⲕⲗⲏⲧⲟⲥ ⲭⲁϥ ⲉⲩϫⲱ ⲙⲙⲟⲥ ϫⲉ ⲙⲟⲓ ⲛ̃ⲧⲉϥⲁ̃ⲡⲟⲫⲁⲥⲓⲥ ⲉ̃ⲣⲟϥ ⲙ̃ⲙⲟⲛ ϥⲛⲁⲥⲱⲣⲉⲙ ⲛ̃ϯⲡⲟⲗⲓⲥ ⲧⲏⲣⲥ ⲧⲟⲧⲉ ⲡⲟⲩⲣⲟ ⲁϥⲉⲣⲕⲉⲗⲉⲩⲓⲛ ⲉⲑⲣⲟⲩⲱ̃ⲗⲓ ⲛ̃ⲧⲉϥⲁ̃ⲫⲉ ⲟⲩⲟϩ ⲛ̃ⲥⲉϩⲓⲧϥ ⲉ̃ⲟⲩⲥⲟⲕ ⲉϥⲟⲓ ⲛ̃ⲫⲁϣⲓ ⲛ̃ϣⲱ ⲛ̃ⲥⲉϩⲓⲧϥ ⲉ̃ⲫⲓⲟⲙ Ⲛⲓⲕⲉⲛⲧⲏⲣⲓⲱⲛ ⲇⲉ ⲁⲩⲥⲟⲕϥ ⲉ̃ⲡⲓⲙⲁ ⲉ̃ⲓ̃ⲣⲓ ⲛⲁϥ ⲕⲁⲧⲁ ⲧⲕⲉⲗⲉⲩⲥⲓⲥ ⲙ̃ⲡⲟⲩⲣⲟ ⲉⲧⲁϥⲫⲱⲣϣ ⲇⲉ ⲛ̃ⲛⲉϥϫⲓϫ ⲉⲃⲟⲗ ⲛ̃ϫⲉ ⲡⲓⲁ̃ⲅⲓⲟⲥ ⲗⲟⲩⲕⲁⲥ ⲁϥⲧⲱⲃϩ ⲙ̃ⲡⲁⲓⲣⲏϯ ⲉϥϫⲱ ⲙⲙⲟⲥ ϫⲉ ⲡⲁϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲭⲱ ⲛⲏⲓ ⲉⲃⲟⲗ ⲛ̃ⲛⲁⲡⲁⲣⲁⲡⲧⲱⲙⲁ ⲧⲏⲣⲟⲩ ⲟⲩⲟϩ ⲟⲡⲧ ϩⲱ ⲛⲉⲙ ⲡⲁⲓⲱⲧ ⲡⲁⲩⲗⲟⲥ ⲉϩⲣⲏⲓ ϧⲉⲛ ⲧⲉⲕ- ⲙⲉⲧⲟⲩⲣⲟ ⲛⲁⲓ ⲉϥϫⲱ ⲙ̃ⲙⲱⲟⲩ ⲁϥⲙⲟϣⲓ ⲉ̃ϧⲟⲩⲛ ⲉⲣⲟϥ ⲛ̃ϫⲉ ⲡⲓⲇⲏⲙⲓⲟⲥ ⲉ̃ⲱ̃ⲗⲓ ⲛ̃ⲧⲉϥⲁ̃ⲫⲉ ⲉⲥⲟⲓ ⲛ̃ⲫⲁϣⲓ ⲛ̃ϫⲉ ϯⲉⲩⲭⲏ ⲥⲁⲧⲟⲧϥ ⲁϥⲟⲩⲱⲛ ⲛ̃ϫⲉ ⲫⲃⲁⲗ ⲛ̃ⲟⲩⲓ̃ⲛⲁⲙ ⲙ̃ⲡⲓ- ⲇⲏⲙⲓⲟⲥ ⲉ̃ⲡⲓⲇⲏ ⲛⲁϥⲟⲓ ⲛ̃ⲟⲩⲃⲁⲗ ⲛ̃ⲟⲩⲁⲧϥ ⲡⲉ ⲥⲁⲧⲟⲧϥ ⲁϥⲥⲁⲧ ϯⲥⲏϥⲓ ⲉ̃ⲃⲟⲗ ⲁϥⲟⲩⲱϣⲧ ⲙ̃ⲡⲓⲁ̃ⲡⲟⲥⲧⲟⲗⲟⲥ ⲉϥϫⲱ ⲙ̃ⲙⲟⲥ ϫⲉ ⲁⲓⲉⲣⲛⲟⲃⲓ ⲫⲣⲱⲙⲓ ⲙ̃ⲫ︦ϯ︦ ϯⲛⲁϩϯ ⲉ̃ⲡⲭ︦ⲥ︦ ϫⲉ ### 0008 ⲛ̃ⲑⲟϥ ⲡⲉ ⲫ︦ϯ︦ ϧⲉⲛ ⲟⲩⲙⲉⲑⲙⲏⲓ ⲧⲟⲧⲉ ⲛⲓⲕⲩⲛⲧⲏⲣⲓⲟⲛ ⲁⲩⲱ̃ⲗⲓ ⲛ̃*ⲑⲛⲁϩⲃⲓ ⲙ̃ⲡⲓⲇⲏⲙⲓⲟⲥ ⲛ̃ϣⲟⲣⲡ ⲙⲉⲛⲉⲛⲥⲱϥ ⲡⲓⲁ̃- ⲅⲓⲟⲥ ⲗⲟⲩⲕⲁⲥ ⲙ̃ⲡⲁⲓⲉ̃ϩⲟⲟⲩ ⲣⲱ ⲟⲛ ⲟⲩⲟϩ ⲡⲁⲓⲣⲏϯ ⲁⲩ- ϩⲓⲧϥ ⲉⲡⲓⲥⲟⲕ ⲁⲩⲥⲁⲧϥ ⲉ̃ⲫⲓⲟⲙ ⲉⲃⲟⲗ ⲟⲩⲛ ϩⲓⲧⲉⲛ ⲟⲩⲟⲓ- ⲕⲟⲛⲟⲙⲓⲁ̃ ⲛ̃ⲧⲉ ⲫ︦ϯ︦ ⲁ ⲛⲓϩⲱⲓⲙⲓ ⲥⲁⲧϥ ⲉⲡϣⲱⲓ ⲉⲟⲩⲛⲏⲥⲟⲥ ⲟⲩⲟϩ ⲉⲧⲁⲩϫⲉⲙϥ ⲛ̃ϫⲉ ϩⲁⲛⲣⲱⲙⲓ ⲛⲣⲉϥⲉⲣϩⲟϯ ⲁⲩⲁⲩ- ϫⲱⲗϥ¹ ⲛ̃ϩⲁⲛϩⲃⲱⲥ ⲁⲩⲭⲁϥ ⲛⲱⲟⲩ ⲛ̃ⲫⲓⲗⲁⲕⲧⲏⲣⲓⲟⲛ ⲉⲩϫⲱ ⲙ̃ⲙⲟⲥ ϫⲉ ⲡⲁⲛⲧⲱⲥ ⲡⲁⲓⲥⲱⲙⲁ ⲫⲁⲟⲩⲃⲱⲕ ⲛ̃ⲧⲉ ⲡⲭ︦ⲥ︦ ⲡⲉ ϩⲁⲛⲙⲏϣ ⲇⲉ ⲙ̃ⲙⲏⲓⲛⲓ ⲛⲉⲙ ϩⲁⲛϣⲫⲏⲣⲓ ⲁⲩ- ϣⲱⲡⲓ ⲉ̃ⲃⲟⲗϩⲓⲧⲉⲛ ⲡⲉϥⲥⲱⲙⲁ ⲉ̃ⲑⲟⲩⲁⲃ ϧⲉⲛ ⲛⲏ ⲉⲧ- ϣⲱⲛⲓ ⲛ̃ⲣⲏϯ ⲛⲓⲃⲉⲛ ϩⲱⲥⲇⲉ ⲛ̃ⲥⲉⲥⲟⲩⲱⲛϥ ϫⲉ ⲡⲓⲉⲩⲁⲅⲅⲉ- ⲗⲓⲥⲧⲏⲥ ⲗⲟⲩⲕⲁⲥ ⲡⲉ ϩⲓⲧⲉⲛ ⲛⲓⲡ︦ⲛ︦ⲁ︦ ⲛ̃ⲁⲕⲁⲑⲁⲣⲧⲟⲛ ⲉ̃ⲧⲉϥϩⲓⲟⲩⲓ̃ ⲙ̃ⲙⲱⲟⲩ ⲉ̃ⲃⲟⲗ ⲉⲧⲁϥϫⲱⲕ ⲇⲉ ⲉⲃⲟⲗ ⲛ̃ϫⲉ ⲡⲓⲁ̃ⲅⲓⲟⲥ ⲛ̃ⲉⲩⲁⲅⲅⲉⲗⲓⲥⲧⲏⲥ ⲟⲩⲟϩ ⲙ̃ⲙⲁⲣⲧⲩⲣⲟⲥ ⲗⲟⲩⲕⲁⲥ ⲛⲉⲙ ⲡⲓⲙⲏϣ ⲉⲑⲛⲉⲙⲁϥ ⲛ̃ⲥⲟⲩⲕ̅ⲃ̅ ⲙ̃ⲡⲁⲟ̃ⲡⲏ ϧⲉⲛ ⲑⲙⲉⲧ- ⲟⲩⲣⲟ ⲛ̃ⲛⲉⲣⲱⲛ ⲡⲉⲛϭ︦ⲥ︦ ⲓⲏ︦ⲥ︦ ⲡⲭ︦ⲥ︦ ⲉⲧⲟⲓ ⲛ̃ⲟⲩⲣⲟ ⲛ̃ⲥⲏⲟⲩ ⲛⲓⲃⲉⲛ ϫⲉ ⲫⲱϥ ⲡⲉ ⲡⲓⲱ̃ⲟⲩ ϣⲁ ⲉⲛ̃ⲉϩ² ⲛ̃ⲧⲉ ⲛⲓⲉ̃ⲛⲉϩ ⲧⲏⲣⲟⲩ ⲁ̃ⲙⲏⲛ