[Titulus]
Nonis Mártii

[Martyrologium]

@:Thomae-Aquinatis

@:Perpetuae-Felicitatis

@:Eubuli

@:Theophili

@:Pauli

@:Gaudiosi

@:Pauli-2

@:Teresiae-Margaritae
(rubrica 1570 omittitur)

[Thomae-Aquinatis]
In monastério Fossæ Novæ, prope Tarracínam, in Campánia, sancti Thomæ Aquinátis, Confessóris et Ecclésiæ Doctóris, ex Ordine Prædicatórum, nobilitáte géneris, vitæ sanctitáte et Theológiæ sciéntia illustríssimi; quem Leo Papa Décimus tértius cæléstem Scholárum ómnium catholicárum Patrónum declarávit.

[Perpetuae-Felicitatis]
Carthágine natális sanctárum Perpétuæ et Felicitátis Mártyrum; e quibus Felícitas, cum esset prægnans (ut sanctus Augustínus ait), juxta leges exspectáta ut páreret, dum parturiébat, dolébat, objécta feris gaudébat. Passi quoque sunt cum eis Sátyrus, Saturnínus, Revocátus et Secúndulus; quorum últimus quiévit in cárcere, réliqui omnes a váriis béstiis sunt vexáti, ac demum gládiorum íctibus confécti, sub Sevéro Príncipe. Sanctárum vero Perpétuæ et Felicitátis festum prídie hujus diéi recólitur.

[Eubuli]
Cæsaréæ, in Palæstína, pássio sancti Eubúli, qui fuit sócius sancti Hadriáni, atque, bíduo post illum, laniátus a leónibus et gládio trucidátus, martýrii corónam, últimus ómnium in ea civitáte, accépit.

[Theophili]
Nicomedíæ sancti Theóphili Epíscopi, qui, ob cultum sanctárum Imáginum in exsílium pulsus, illic defúnctus est.

[Pauli]
Pelúsii, in Ægýpto, sancti Pauli Epíscopi, qui, eándem ob causam, exsul occúbuit.

[Pauli] (rubrica 1570)
Pelusii, in Aegypto, sancti Pauli Episcopi, qui, eamdem ob causam, exsul occubuit.

[Gaudiosi]
Bríxiæ sancti Gaudiósi, Epíscopi et Confessóris.

[Pauli-2]
In Thebáide sancti Pauli, cognoménto Símplicis.

[Teresiae-Margaritae]
Floréntiæ, in Etrúria, sanctæ Terésiæ Margarítæ Redi, Vírginis, Ordinis Carmelitárum Excalceatárum, vitæ puritáte ac simplicitáte admirábilis, quam Pius Papa Undécimus, sanctárum Vírginum albo adscrípsit.