[1a] [1a.1]༄༅། །འདུལ་བ་ཆ་བཞུགས་སོ། ། [1b] [1b.1]༄༅༅། །འདུལ་བ་རྣམ་པར་འབྱེད་པ། བམ་པོ་ཉི་ཤུ་གཉིས་པ། དེའི་ཚེ་ན་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་བསིལ་ཡབ་ཐོགས་ཏེ་ [1b.2]བཅོམ་ལྡན་འདས་ལ་བསིལ་ཡབ་ཀྱིས་གཡོབ་ཅིང་འདུག་གོ། །དེ་ནས་བཅོམ་ལྡན་འདས་ཀྱིས་ལྷས་བྱིན་སོང་ནས་རིང་པོ་མ་ལོན་པར་ཐུགས་སུ་ཆུད་ནས་ཚེ་དང་ལྡན་པ་ཀུན་དགའ་བོ་ [1b.3]ལ་བཀའ་སྩལ་པ། ཀུན་དགའ་བོ་སོང་ལ་འོད་མའི་ཚལ་ཀ་ལན་ད་ཀའི་གནས་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་སྡུས་ཤིག །ཚེ་ [1b.4]དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། འོད་མའི་ཚལ་ཀ་ལན་ད་ཀའི་གནས་ན་དགེ་སློང་ཇི་སྙེད་ཉེ་བར་རྟེན་ཅིང་གནས་ [1b.5]པ་དེ་དག་ཐམས་ཅད་དཔོང་སའི་ཁང་པར་བསྡུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་ [2a] [2a.1]འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་འོད་མའི་ཚལ་ཀ་ལན་ད་ཀའི་གནས་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་ [2a.2]དཔོང་སའི་ཁང་པར་མཆིས་ཤིང་མཐུན་པར་གྱུར་ན་བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་དཔོང་སའི་ཁང་པ་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ [2a.3]ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྔ་པོ་འདི་དག་ནི་འཇིག་རྟེན་ན་ཡོད་ཅིང་སྲིད་པའི་སྟོན་པ་དག་ཡིན་ཏེ། ལྔ་གང་ཞེ་ན། འདི་ན་སྟོན་པ་གཅིག་ནི་ཚུལ་ཁྲིམས་ཡོངས་སུ་ [2a.4]མ་དག་བཞིན་དུ་བདག་གི་ཚུལ་ཁྲིམས་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས་སྟོན་པ་ཤེས་ལྡན་འདི་ནི་ཚུལ་ཁྲིམས་ཡོངས་སུ་མ་དག་བཞིན་དུ་བདག་གི་ [2a.5]ཚུལ་ཁྲིམས་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་ཤེས་མོད་ཀྱི། བདག་ཅག་གིས་གལ་ཏེ་སྟོན་པ་འདི་གཞན་ལ་བརྗོད་པར་གྱུར་ན། དེས་འདི་ཡིད་མི་དགའ་བར་འགྱུར་བས་བདག་ཅག་ལ་གང་གིས་འདི་ཡིད་མི་དགའ་ [2a.6]བར་གྱུར་པ་དེས་སྟོན་པ་ལ་ཀུན་དུ་སྤྱད་པས་ཅི་བྱ་སྟེ། སྟོན་པ་ཤེས་ལྡན་འདི་རང་ཉིད་ཀྱིས་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ་ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་སེམས་ [2b] [2b.1]པར་བྱེད་དོ་སྙམ་པས་ཉན་ཐོས་རྣམས་ཀྱང་དེ་ལ་ཚུལ་ཁྲིམས་ཀྱི་སྒོ་ནས་རྗེས་སུ་བསྲུང་བ་བྱ་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ལས་ཚུལ་ཁྲིམས་རྗེས་སུ་སྲུང་བར་རེ་བར་བྱེད་དེ། འདི་ནི་འཇིག་རྟེན་ན་ཡོད་ཅིང་སྲིད་པའི་སྟོན་པ་དང་པོ་ཡིན་ནོ། །གཞན་ཡང་འདི་ན་སྟོན་པ་ [2b.2]གཅིག་ནི་འཚོ་བ་ཡོངས་སུ་མ་དག་བཞིན་དུ་བདག་གི་འཚོ་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས་སྟོན་པ་ཤེས་ལྡན་འདི་ནི་འཚོ་བ་ཡོངས་སུ་མ་དག་བཞིན་དུ་བདག་གི་འཚོ་བ་ཡོངས་སུ་དག་ཅིང་ [2b.3]ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གལ་ཏེ་གཞན་ལ་བརྗོད་པར་གྱུར་ན་དེས་འདི་ཡིད་མི་དགའ་བར་འགྱུར་བས་བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་དུ་སྤྱད་པས་ཅི་བྱ་སྟེ། སྟོན་པ་ཤེས་ [2b.4]ལྡན་འདི་རང་ཉིད་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་སེམས་པར་བྱེད་དོ་སྙམ་པས་ཉན་ཐོས་རྣམས་ཀྱང་དེ་ལ་འཚོ་བའི་སྒོ་ནས་རྗེས་སུ་བསྲུང་བ་བྱ་བར་ [2b.5]སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ལས་འཚོ་བ་རྗེས་སུ་སྲུང་བ་རེ་བར་བྱེད་དེ། འདི་ནི་འཇིག་རྟེན་ན་ཡོད་ཅིང་སྲིད་པའི་སྟོན་པ་གཉིས་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་ཤེས་པ་དང་མཐོང་བ་ཡོངས་སུ་མ་དག་བཞིན་དུ་བདག་གི་ཤེས་པ་དང་མཐོང་བ་ [2b.6]ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས་སྟོན་པ་ཤེས་ལྡན་འདི་ནི་ཤེས་པ་དང་མཐོང་བ་ཡོངས་སུ་མ་དག་བཞིན་དུ་བདག་གི་ཤེས་པ་དང་མཐོང་བ་ཡོངས་སུ་དག་ཅིང་ཀུན་ནས་ཉོན་མོངས་ [2b.7]པ་མེད་དོ་ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གཞན་ལ་བརྗོད་པར་གྱུར་ན་དེས་འདི་ཡིད་མི་དགའ་བར་འགྱུར་བས། བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་དུ་སྤྱད་པས་ཅི་བྱ་སྟེ། སྟོན་པ་ཤེས་ལྡན་འདི་རང་ཉིད་ [3a] [3a.1]ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་སེམས་པར་བྱེད་དོ་སྙམ་པས་ཉན་ཐོས་རྣམས་ཀྱང་དེ་ལ་ཤེས་པ་དང་མཐོང་བའི་སྒོ་ནས་ [3a.2]རྗེས་སུ་བསྲུང་བ་བྱ་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ལས་ཤེས་པ་དང་མཐོང་བ་རྗེས་སུ་སྲུང་བ་རེ་བར་བྱེད་དེ། འདི་ནི་འཇིག་རྟེན་ན་ཡོད་ཅིང་སྲིད་པའི་སྟོན་པ་གསུམ་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་བརྡ་སྤྲོད་པ་ཕུན་སུམ་ཚོགས་པ་མ་ཡིན་བཞིན་ [3a.3]དུ་བདག་ནི་བརྡ་སྤྲོད་པ་ཕུན་སུམ་ཚོགས་ཤིང་། ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས་སྟོན་པ་ཤེས་ལྡན་འདི་ནི་བརྡ་སྤྲོད་པ་ཕུན་སུམ་ཚོགས་པ་མ་ཡིན་བཞིན་དུ་བདག་ནི་བརྡ་སྤྲོད་པ་ཕུན་སུམ་ [3a.4]ཚོགས་ཤིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གཞན་ལ་བརྗོད་པར་གྱུར་ན་དེས་འདི་ཡིད་མི་དགའ་བར་འགྱུར་བས་བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་དུ་སྤྱད་པས་ཅི་བྱ་སྟེ། [3a.5]སྟོན་པ་ཤེས་ལྡན་འདི་རང་ཉིད་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་སེམས་པར་བྱེད་དོ་སྙམ་པས་ཉན་ཐོས་རྣམས་ཀྱང་དེ་ལ་བརྡ་སྤྲོད་པ་ [3a.6]ཕུན་སུམ་ཚོགས་པའི་སྒོ་ནས་རྗེས་སུ་བསྲུང་བ་བྱ་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ལས་བརྡ་སྤྲོད་པ་ཕུན་སུམ་ཚོགས་པ་རྗེས་སུ་སྲུང་བ་རེ་བར་བྱེད་དེ། འདི་ནི་འཇིག་རྟེན་ན་ཡོད་ཅིང་སྲིད་པའི་སྟོན་པ་བཞི་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་ [3a.7]ཆོས་འདུལ་བ་ཉེས་པར་བཤད་པ་དང་ལྡན་བཞིན་དུ་བདག་ནི་ཆོས་འདུལ་བ་ལེགས་པར་གསུངས་པ་དང་ལྡན་ཞིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས་སྟོན་པ་ཤེས་ལྡན་འདི་ནི་ཆོས་འདུལ་བ་ཉེས་ [3b] [3b.1]པར་བཤད་པ་དང་ལྡན་བཞིན་དུ་བདག་ནི་ཆོས་འདུལ་བ་ལེགས་པར་གསུངས་པ་དང་ལྡན་ཞིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གཞན་ལ་བརྗོད་པར་གྱུར་ན། དེས་འདི་ཡིད་མི་དགའ་བར་འགྱུར་བས་བདག་ཅག་ལ་གང་ [3b.2]གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་དུ་སྤྱད་པས་ཅི་བྱ་སྟེ། སྟོན་པ་ཤེས་ལྡན་འདི་རང་ཉིད་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་ [3b.3]སེམས་པར་བྱེད་དོ་སྙམ་པས་ཉན་ཐོས་རྣམས་ཀྱང་དེ་ལ་ཆོས་འདུལ་བ་ལེགས་པར་གསུངས་པའི་སྒོ་ནས་རྗེས་སུ་བསྲུང་བ་བྱ་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ལས་ཆོས་འདུལ་བ་ལེགས་པར་བཤད་པ་རྗེས་སུ་སྲུང་བ་རེ་བར་བྱེད་དེ། འདི་ནི་འཇིག་རྟེན་ན་ཡོད་ [3b.4]ཅིང་སྲིད་པའི་སྟོན་པ་ལྔ་པ་ཡིན་ནོ། །དགེ་སློང་དག་ང་ནི་ཚུལ་ཁྲིམས་ཡོངས་སུ་དག་པ་ཁོ་ན་ཡིན་པས་ངའི་ཚུལ་ཁྲིམས་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་ཚུལ་ཁྲིམས་ཀྱི་སྒོ་ནས་རྗེས་སུ་བསྲུང་བ་བྱ་བར་ [3b.5]མི་སེམས་ཤིང་ང་ཡང་ཉན་ཐོས་རྣམས་ལས་ཚུལ་ཁྲིམས་རྗེས་སུ་སྲུང་བ་རེ་བར་མི་བྱེད་དོ། །དགེ་སློང་དག་ང་ནི་འཚོ་བ་ཡོངས་སུ་དག་པ་ཁོ་ན་ཡིན་པས་ངའི་འཚོ་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་འཚོ་བའི་སྒོ་ [3b.6]ནས་རྗེས་སུ་བསྲུང་བ་བྱ་བར་མི་སེམས་ཤིང་ང་ཡང་ཉན་ཐོས་རྣམས་ལས་འཚོ་བ་ཡོངས་སུ་སྲུང་བ་རེ་བར་མི་བྱེད་དོ། །དགེ་སློང་དག་ང་ནི་ཤེས་པ་དང་མཐོང་བ་ཡོངས་སུ་དག་པ་ཁོ་ན་ཡིན་པས་ངའི་ཤེས་པ་དང་མཐོང་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་ [3b.7]བར་བྱེད་དེ། ང་ལ་ཉན་ཐོས་རྣམས་ཤེས་པ་དང་མཐོང་བའི་སྒོ་ནས་རྗེས་སུ་བསྲུང་བ་བྱ་བར་མི་སེམས་ཤིང་ང་ཡང་ཉན་ཐོས་རྣམས་ལས་ཤེས་པ་དང་མཐོང་བ་རྗེས་སུ་སྲུང་བ་རེ་བར་མི་བྱེད་དོ། །དགེ་སློང་དག་ང་ནི་བརྡ་སྤྲོད་པ་ཕུན་སུམ་ཚོགས་པ་ཁོ་ན་ཡིན་པས་ངའི་བརྡ་སྤྲོད་པ་ཕུན་སུམ་ཚོགས་ [4a] [4a.1]ཤིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་བརྡ་སྤྲོད་པ་ཕུན་སུམ་ཚོགས་པའི་སྒོ་ནས་རྗེས་སུ་སྲུང་བ་བྱ་བར་མི་སེམས་ཤིང་། ང་ཡང་ཉན་ཐོས་རྣམས་ལས་བརྡ་སྤྲོད་པ་ཕུན་སུམ་ཚོགས་པ་རྗེས་སུ་སྲུང་བ་རེ་བར་མི་བྱེད་ [4a.2]དོ། །དགེ་སློང་དག་ང་ནི་ཆོས་འདུལ་བ་ལེགས་པར་གསུངས་པ་དང་ལྡན་པ་ཁོ་ན་ཡིན་པས་ངའི་ཆོས་འདུལ་བ་ལེགས་པར་གསུངས་པ་ཡིན་ཞིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་ཆོས་འདུལ་བ་ལེགས་པར་གསུངས་པའི་སྒོ་ནས་ [4a.3]རྗེས་སུ་བསྲུང་བ་བྱ་བར་མི་སེམས་ཤིང་། ང་ཡང་ཉན་ཐོས་རྣམས་ལས་ཆོས་འདུལ་བ་ལེགས་པར་བཤད་པ་རྗེས་སུ་སྲུང་བ་རེ་བར་མི་བྱེད་དོ། །དགེ་སློང་དག་ང་ནི་ཁྱེད་ལ་ཚར་བཅད་ཅིང་ཚར་བཅད་ཅིང་སྨྲ་བར་བྱེད་ཟིལ་གྱིས་མནན་ཅིང་ཟིལ་གྱིས་མནན་ཅིང་སྨྲ་བར་བྱེད་དེ། ཁྱེད་ལ་ [4a.4]དབྱིག་ཏུ་མི་འཛིན་ཅིང་རྫ་མཁན་གྱི་སྣོད་སོ་མ་བཏང་བ་དག་བཞིན་དུ་གང་སྙིང་པོ་ཡོད་པ་དེ་འཇོག་པར་བྱེད་ཀྱིས་ངའི་ཚིག་གི་ལམ་དག་ལ་བཟོད་པར་གྱིས་ཤིག །དེ་ནས་ལྷས་བྱིན་གྱིས་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་ལ་སྨྲས་པ། [4a.5]ཀོ་ཀ་ལི་ཀ །ཁན་ད་དྲ་བྱ། ཀ་ཊ་མོ་ར་ཀ་ཏི་ཥྱ། རྒྱ་མཚོས་བྱིན་དག་ཁྱེད་ཅག་ཚུར་ཤེག །དགེ་སྦྱོང་གཽ་ཏ་མ་འདུག་བཞིན་དུ་ཉན་ཐོས་ཀྱི་དགེ་འདུན་མཐུན་པ་དབྱེ་བར་བྱ་ཞིང་འཁོར་ལོ་ཡང་དབྱེ་བར་བྱ་སྟེ། དེས་ན་བདག་ཅག་ཤི་ཞིང་། དུས་ལ་བབ་པ་དག་ལ་དགེ་སྦྱོང་གཽ་ཏ་ [4a.6]མ་དེ་ཙམ་དུ་རྫུ་འཕྲུལ་ཆེ་བ། དེ་ཙམ་དུ་མཐུ་ཆེ་བ་འདུག་བཞིན་དུ་ལྷས་བྱིན་དང་། ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་གྱིས་ཉན་ཐོས་ཀྱི་དགེ་འདུན་མཐུན་པ་ཕྱེ་ཞིང་འཁོར་ལོ་ཡང་དབྱེ་བ་བྱས་སོ་ཞེས་ཕྱོགས་དང་ཕྱོགས་མཚམས་ [4a.7]རྣམས་སུ་སྙན་པའི་སྒྲའི་ཚོགས་རྒྱ་ཆེན་པོ་དགེ་བ་མངོན་པར་གྲགས་པར་འགྱུར་རོ། །ལྷས་བྱིན་བདག་ཅག་གིས་དེ་ལྟར་བྱར་མི་ནུས་ཏེ། དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱི་ཉན་ཐོས་མཐུ་ཆེ་བ། རྫུ་འཕྲུལ་ཆེ་བ། ལྷའི་མིག་དང་ལྡན་པ། གཞན་གྱི་སེམས་ [4b] [4b.1]ཤེས་པ་གང་དག་ཡོད་པ་དེ་དག་ནི་ཐག་རིང་པོ་ཡང་མཐོང་ལ་དྲུང་ན་འདུག་པས་ཀྱང་མི་མཐོང་ཞིང་དེ་དག་གི་སེམས་ཀྱིས་བདག་ཅག་གི་སེམས་ལ་ཁྱབ་པར་བྱ་སྟེ། ཡིད་ཀྱིས་ཀྱང་བདག་ཅག་རྣམ་པར་ཤེས་པར་བྱེད་པས་དེ་དག་གིས་བདག་ཅག་འཕགས་པ་ཉིད་ཀྱང་ཤེས་ [4b.2]པར་འགྱུར་བའི་ཕྱིར་རོ། །ཀོ་ཀ་ལི་ཀ་ཐབས་འགའ་ཞིག་ཡོད་དོ། །ལྷས་བྱིན་ཐབས་དེ་གང་ཡིན། ཚུར་ཤེག་དང་བདག་ཅག་དགེ་སློང་གནས་བརྟན་གནས་བརྟན་རྣམས་ཀྱི་དྲུང་དུ་དོང་སྟེ། གནས་བརྟན་དག་ཐུགས་ལས་ཆུང་ངུར་མཛོད་ཅིག་དང་བདག་ཅག་གིས་ [4b.3]གནས་བརྟན་རྣམས་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ་ཞེས་ཡོ་བྱད་ཐམས་ཅད་ཀྱིས་བསྟབ་པར་བྱའོ། །གཞོན་ནུ་རྣམས་ལ་ནི་ལྷུང་བཟེད་དང་ཆོས་གོས་དང་དྲ་བ་དང་ཕོར་བུ་དང་སྐ་རགས་དང་ལུང་དབོག་པ་དང་། བཀླག་པ་དང་ཁ་ཏོན་དང་། རྣལ་འབྱོར་དང་ཡིད་ལ་ [4b.4]བྱ་བས་བསྙེན་བཀུར་དང་སྟོངས་མོ་བྱའོ། །ལྷས་བྱིན་གལ་ཏེ་ཐབས་དེ་ལྟ་བུ་ཡོད་ན་དེ་ལྟར་བྱའོ། །དེ་ནས་ལྷས་བྱིན་གྱིས་དགེ་འདུན་མཐུན་པ་དབྱེ་བའི་ཕྱིར་བརྟུལ་བ་དང་། དགེ་སློང་གནས་བརྟན་གནས་བརྟན་རྣམས་ཀྱིས་འཕགས་མ་ཐག་ཏུ་ལྷས་བྱིན་གྱིས་དགེ་འདུན་ [4b.5]མཐུན་པ་དབྱེ་བའི་ཕྱིར་བརྟུལ་ཏོ། །ཞེས་རྣམ་པར་ཤེས་པར་གྱུར་ནས། དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང་། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷས་བྱིན་དང་གཞན་ཡང་དེ་ལྟ་བུ་གང་ [4b.6]ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་ཅེས་བསྒོ་བར་བྱ་སྟེ། ཚེ་དང་ལྡན་པ་ལྷས་བྱིན་ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག །དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཤིག །ཚེ་དང་ལྡན་པ་ལྷས་ [4b.7]བྱིན་ཁྱོད་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད་མཆོག་གཅིག་འདོན་པ་གཅིག་ཅིང་། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ [5a] [5a.1]ལྡན་པ་ལྷས་བྱིན་ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་འདི་ཐོང་ཤིག་ཅེས་བསྒོ་བར་བྱའོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ལྷས་བྱིན་ལ་ཚེ་དང་ལྡན་པ་ལྷས་བྱིན་ཁྱོད་དགེ་འདུན་མཐུན་པ་དབྱེ་ [5a.2]བའི་ཕྱིར་རྟུལ་བར་མ་བྱེད་ཅིག །དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཤིག །ཚེ་དང་ལྡན་པ་ལྷས་བྱིན་ཁྱོད་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད་མཆོག་གཅིག་འདོན་པ་ [5a.3]གཅིག་ཅིང་། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་ལྷས་བྱིན་ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་འདི་ཐོང་ཤིག་ཅེས་བཞམས་ཏེ་བསྒོའོ། །དགེ་ [5a.4]སློང་རྣམས་ཀྱིས་དེ་ལ་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ [5a.5]ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་ལྷས་བྱིན་དང་གཞན་ཡང་དེ་ལྟ་བུ་གང་ཡིན་པ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ [5a.6]ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལྷས་བྱིན་འདིས་དགེ་འདུན་མཐུན་པ་དབྱེ་བའི་སླད་དུ་བརྟུལ་ཏེ། དབྱེན་བགྱིད་པར་ [5a.7]འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་ནས། འདི་ལ་དགེ་སློང་མང་པོས་བཞམས་ཏེ་བསྒོ་ན་འདི་ལ་དགེ་སློང་མང་པོས་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་ [5b] [5b.1]སྙད་འདོགས་པར་བགྱིད་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་ལྷས་བྱིན་ལ་ཚེ་དང་ལྡན་པ་ལྷས་བྱིན་ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག །དབྱེན་བྱེད་པར་འགྱུར་བའི་རྩོད་ [5b.2]པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཤིག །ཚེ་དང་ལྡན་པ་ལྷས་བྱིན་ཁྱོད་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད་མཆོག་གཅིག་འདོན་པ་གཅིག་ཅིང་། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་ [5b.3]པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་ལྷས་བྱིན་ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་འདི་ཐོང་ཤིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི་གསོལ་བའོ། །ལས་ནི་འདི་ལྟར་ [5b.4]བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལྷས་བྱིན་འདིས་དགེ་འདུན་མཐུན་པ་དབྱེ་བའི་སླད་དུ་བརྟུལ་ཏེ་དབྱེན་བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་ནས། འདི་ལ་དགེ་སློང་མང་པོས་བཞམས་ཏེ་བསྒོ་ན་འདི་ [5b.5]ལ་དགེ་སློང་མང་པོས་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ནི་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་ལྷས་བྱིན་ལ་ཚེ་དང་ལྡན་པ་ལྷས་བྱིན་ཁྱོད་དགེ་འདུན་ [5b.6]མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག །དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཤིག །ཚེ་དང་ལྡན་པ་ལྷས་བྱིན་ཁྱོད་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད་མཆོག་གཅིག་ [5b.7]འདོན་པ་གཅིག་ཅིང་། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་ལྷས་བྱིན་ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་འདི་ཐོང་ཤིག་ཅེས་གསོལ་བ་དང་བཞིའི་ [6a] [6a.1]ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ [6a.2]ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ [6a.3]ཞེས་བཅོམ་ལྡན་འདས་ལས་མཉན་ནས་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་བཞིའི་ལས་ཀྱིས་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་ [6a.4]བྱེད་དོ། །དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བའི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དེ་དག་ཀྱང་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་ [6a.5]རུང་དགེ་སློང་འདི་ལ་ཅི་ཡང་མ་སྨྲ་ཤིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ་དགེ་སློང་འདི་ནི་ཤེས་བཞིན་དུ་སྨྲའི། མི་ [6a.6]ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཀོ་ [6a.7]ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དང་། གཞན་ཡང་དེ་ལྟ་བུ་གང་ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་བསྒོ་བར་བྱ་སྟེ། ཚེ་དང་ལྡན་པ་ཀོ་ཀ་ལི་ཀ །ཁན་ད་དྲ་བྱ། ཀ་ཊ་མོ་ར་ཀ་ཏི་ཥྱ། རྒྱ་མཚོས་བྱིན་ཁྱེད་ཤེས་ [6b] [6b.1]བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག །དགེ་སློང་རྣམས་ལ་འདི་སྐད་ཅེས་ཚེ་ [6b.2]དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་དགེ་སློང་འདི་ལ་ཅི་ཡང་མ་སྨྲ་ཤིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་ [6b.3]པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་མ་ཡིན། འདུལ་ [6b.4]བ་སྨྲ་བ་མ་ཡིན་གྱི། ཚེ་དང་ལྡན་པ་དག་དགེ་སློང་འདི་ནི་ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི་ཆོས་མ་ཡིན་པ་དང་འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་མི་ཤེས་བཞིན་དུ་ [6b.5]སྨྲའི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག་འདོད་ཅིང་བཟོད་པར་མ་བྱེད་ཅིག །ཚེ་དང་ལྡན་པ་དག་ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག་དགེ་འདུན་མཐུན་པ་ཉིད་དུ་འདོད་པར་གྱིས་ཤིག །ཚེ་དང་ [6b.6]ལྡན་པ་དག་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་ [6b.7]དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཤིག་ཅེས་བསྒོ་བར་བྱའོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བའི་རྗེས་སུ་ [7a] [7a.1]ཕྱོགས་པ་བཞི་པོ་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ལ་འདི་སྐད་ཅེས་ཚེ་དང་ལྡན་པ་དག་ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་འགྱུར་བའི་ [7a.2]རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག །དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་དགེ་སློང་འདི་ལ་ཅི་ཡང་མ་སྨྲ་ཤིག །དེ་ [7a.3]ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་། འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ [7a.4]ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་མ་ཡིན། འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག་དགེ་སློང་འདི་ནི་ཆོས་མ་ཡིན་པ་སྨྲ་བ། འདུལ་ [7a.5]བ་མ་ཡིན་པ་སྨྲ་བ། དགེ་སློང་འདི་ནི་ཆོས་མ་ཡིན་པ་དང་། འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་མི་ཤེས་བཞིན་དུ་སྨྲའི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་ [7a.6]བཟོད་པ་དེ་ལ་ཚེ་དང་ལྡན་པ་དག་འདོད་ཅིང་བཟོད་པར་མ་བྱེད་ཅིག །ཚེ་དང་ལྡན་པ་དག་ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག་དགེ་འདུན་མཐུན་པ་ཉིད་དུ་འདོད་པར་གྱིས་ཤིག །ཚེ་དང་ལྡན་པ་དག་དགེ་འདུན་དང་མཐུན་པར་གྱིས་ཤིག །དགེ་འདུན་ [7a.7]མཐུན་མི་ཕྱེད་ཀུན་དུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ [7b] [7b.1]ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཤིག་ཅེས་བསྒོའོ། །དགེ་སློང་རྣམས་ཀྱིས་དེ་དག་ལ་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་ [7b.2]དེ་དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་དང་། གཞན་ཡང་དེ་ལྟ་བུ་ [7b.3]གང་ཡིན་པ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་ [7b.4]སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་འདི་དག་དགེ་སློང་གང་དགེ་འདུན་མཐུན་པ་དབྱེ་བའི་སླད་དུ་རྟུལ་བར་བགྱིད་ཅིང་དབྱེན་ [7b.5]བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་པ་དེའི་གྲོགས་བགྱིད་ཅིང་མི་མཐུན་པར་སྨྲ་ནས། འདི་དག་ལ་དགེ་སློང་རྣམས་ཀྱིས་བཞམས་ཏེ་བསྒོ་ན་འདི་དག་ལ་དགེ་སློང་རྣམས་ཀྱིས་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ [7b.6]ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་ཀོ་ཀ་ལི་ཀ་དང་། ཁན་ད་དྲ་ [7b.7]བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ལ་ཚེ་དང་ལྡན་པ་དག་ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་ [8a] [8a.1]པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག །དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་དགེ་སློང་འདི་ལ་ཅི་ཡང་མ་སྨྲ་ཤིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ། འདུལ་བ་ [8a.2]སྨྲ་བ། དགེ་སློང་འདི་ནི་ཆོས་དང་། འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་ [8a.3]བཟོད་དོ་ཞེས་མ་ཟེར་ཅིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་མ་ཡིན། འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག་དགེ་སློང་འདི་ནི་ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི་ཆོས་མ་ཡིན་པ་དང་། འདུལ་ [8a.4]བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་མི་ཤེས་བཞིན་དུ་སྨྲའི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག་འདོད་ཅིང་བཟོད་པར་མ་བྱེད་ཅིག །ཚེ་ [8a.5]དང་ལྡན་པ་དག་ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག་དགེ་འདུན་མཐུན་པ་ཉིད་དུ་འདོད་པར་གྱིས་ཤིག །ཚེ་དང་ལྡན་པ་དག་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད། མཆོག་གཅིག་འདོན་པ་གཅིག་ཅིང་། [8a.6]ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཤིག་ཅེས་གསོལ་བ་དང་བཞིའི་ལས་ཀྱིས་ [8a.7]བསྒོ་བ་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་འདི་དག་དགེ་སློང་གང་དགེ་འདུན་མཐུན་པ་དབྱེ་བའི་སླད་དུ་རྟུལ་བར་ [8b] [8b.1]བགྱིད་ཅིང་དབྱེན་བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་པ་དེའི་གྲོགས་བགྱིད་ཅིང་མི་མཐུན་པར་སྨྲ་ནས་འདི་དག་ལ་དགེ་སློང་རྣམས་ཀྱིས་བཞམས་ཏེ་བསྒོ་ན། འདི་དག་ལ་དགེ་སློང་རྣམས་ཀྱིས་བཞམས་ཏེ་བསྒོ་ཡང་གཞི་དེ་ཉིད་ལ་ [8b.2]ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ལ། ཚེ་དང་ལྡན་ [8b.3]པ་དག་ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག་དགེ་སློང་རྣམས་ལ་འདི་སྐད་ [8b.4]ཅེས་ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་དགེ་སློང་འདི་ལ་ཅི་ཡང་མ་སྨྲ་ཤིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ [8b.5]ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་ [8b.6]མ་ཡིན། འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག་དགེ་སློང་འདི་ནི་ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི་ཆོས་མ་ཡིན་པ་དང་། འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། [8b.7]དགེ་སློང་འདི་ནི་མི་ཤེས་བཞིན་དུ་སྨྲའི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག་འདོད་ཅིང་བཟོད་པར་མ་བྱེད་ཅིག །ཚེ་དང་ལྡན་པ་དག་ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག་དགེ་འདུན་ [9a] [9a.1]མཐུན་པ་ཉིད་དུ་འདོད་པར་གྱིས་ཤིག །ཚེ་དང་ལྡན་པ་དག་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་ [9a.2]བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ཤིང་། མི་མཐུན་པར་སྨྲ་བ་འདི་ལྟ་བུ་འདི་ཐོང་ཤིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་ཀོ་ཀ་ [9a.3]ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་ [9a.4]དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར་ཅང་མི་གསུང་བས་ [9a.5]དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་ [9a.6]བཞིའི་ལས་ཀྱིས་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ [9a.7]ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང་འཁོར་ལོ་ཡང་འབྱེད་པར་ནུས་ཏེ། འདི་ལྟར་དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང་། [9b] [9b.1]ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་ཡོད་པའི་ཕྱིར་རོ། །ལྷས་བྱིན་གྱིས་དགེ་སྦྱོང་གཽ་ཏ་མས་དགེ་སློང་དག་ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང་འཁོར་ལོ་ཡང་འབྱེད་པར་ནུས་ཏེ། འདི་ལྟར་དེའི་གྲོགས་བྱེད་པའི་དགེ་ [9b.2]སློང་མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་ཡོད་པའི་ཕྱིར་རོ་ཞེས་བདག་ལ་ལུང་བསྟན་ཏོ་ཞེས་ཐོས་སོ། །ཐོས་ནས་ཀྱང་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ [9b.3]ཏི་ཥྱ་དང་། རྒྱ་མཚོས་བྱིན་རྣམས་ལ་སྨྲས་པ། ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་ཤེས་པར་གྱིས་ཤིག །དགེ་སྦྱོང་གཽ་ཏ་མས་ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང་འཁོར་ལོ་ཡང་འབྱེད་པར་ནུས་ཏེ། [9b.4]འདི་ལྟར་དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་ཡོད་པའི་ཕྱིར་རོ་ཞེས་ཁོ་བོ་ལ་ལུང་བསྟན་ཏོ། །དེ་དག་གིས་སྨྲས་པ། ལྷས་བྱིན་གལ་ཏེ་དེ་ལྟ་ [9b.5]ན་ལེགས་སོ། །དེས་རྒྱ་ཆེར་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བརྩམས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་ [9b.6]འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ལྷས་བྱིན་ལ་སྨྲས་པ། ལྷས་བྱིན་ཁྱོད་ཀྱིས་དགེ་འདུན་མཐུན་པ་དབྱེ་བའི་ཕྱིར་བརྟུལ་ཞིང་དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་ [9b.7]པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་བྱ་བ་ལ་སོགས་པས་རྣམ་པར་སྨད་པ་ [10a] [10a.1]སྔ་མ་བཞིན་ནོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་རྗེས་སུ་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ [10a.2]བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ [10a.3]ཏུ་བཟུང་སྟེ་འདུག་ན། དགེ་སློང་དེ་ལ་དགེ་སློང་རྣམས་ཀྱིས་འདི་སྐད་ཅེས་ཚེ་དང་ལྡན་པ་ཁྱེད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག །དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཤིག །ཚེ་དང་ལྡན་པ་དགེ་འདུན་དང་མཐུན་ [10a.4]པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་ཁྱེད་དགེ་འདུན་འབྱེད་ [10a.5]པར་བྱེད་པའི་གཞི་འདི་ལྟ་བུ་འདི་ཐོང་ཤིག་ཅེས་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་ [10a.6]པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དགེ་འདུན་ལྷག་མའོ། །ཡང་དགེ་སློང་གང་ཞེས་བྱ་བ་ནི་ལྷས་བྱིན་ནམ་གཞན་ཡང་དེ་ལྟ་བུ་གང་ཡིན་པའོ། །དགེ་ [10a.7]འདུན་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནོ། །མཐུན་པ་ཞེས་བྱ་བ་ནི་རོ་གཅིག་པའོ། །དབྱེ་བའི་ཕྱིར་ཞེས་བྱ་བ་ནི་གཉིས་སུ་བྱ་བའི་ཕྱིར་རོ། །རྟུལ་བར་བྱེད་ཅིང་ཞེས་བྱ་བ་ནི་རྩོལ་བར་བྱེད་ཅིང་ངོ་། །དབྱེན་བྱེད་པར་འགྱུར་བའི་རྩོད་པ་ཡང་དག་པར་ [10b] [10b.1]བླངས་ནས་རབ་ཏུ་བཟུང་སྟེ་འདུག་ན་ཞེས་བྱ་བ་ནི་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་ཡང་དག་པར་བླངས་ནས་རབ་ཏུ་བཟུང་སྟེ་འདུག་ནའོ། །དགེ་སློང་དེ་ལ་ཞེས་བྱ་བ་ནི་ལྷས་བྱིན་ལའོ། །དགེ་སློང་རྣམས་ཀྱིས་ཞེས་བྱ་བ་ནི་ [10b.2]ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི་བཞམས་ཏེ་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་ཞེས་བྱ་བ་ནི་བཞམས་ཏེ་བསྒོ་བ་ནའོ། །གལ་ཏེ་གཞི་དེ་གཏོང་ན་ཞེས་བྱ་བ་ནི་ལྟ་བ་དེ་ཡོངས་སུ་ [10b.3]གཏོང་ནའོ། །དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ། །གལ་ཏེ་མི་གཏོང་ན་ཞེས་བྱ་བ་ནི་ཡོངས་སུ་མི་གཏོང་ནའོ། །ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་བསྒོ་བ་ [10b.4]ཇི་སྐད་སྔར་བསྟན་པ་ལྟར་བསྒོ་བར་བྱ་སྟེ། ཡང་དག་པར་བསྒོ་བ་དེ་ནི་དེ་ཡིན། ཡང་དག་པར་བསྟན་པ་དེ་ནི་དེ་ཡིན་ནོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་དུ་ལྟུང་བ་དེ་དགེ་འདུན་ལ་རག་ལས་པ་ཡིན་ཏེ། དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ [10b.5]ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཅུང་ཟད་ཇི་ཙམ་དུ་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ཏེ་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ། ། [10b.6]གསོལ་བ་དང་བཞིའི་ལས་ཀྱིས་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གསོལ་བ་བྱས་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་དང་པོ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ [10b.7]ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གཉིས་པ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གསུམ་པ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ [11a] [11a.1]ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ། །རྫོགས་པར་བརྗོད་པ་ན་གལ་ཏེ་མཐུན་པ་དང་ཆོས་མ་ཡིན་པས་བསྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་ཆོས་ཀྱི་བསྒོ་བར་བྱེད་ན་ལྟུང་བ་མེད་དོ། །མཐུན་པ་དང་ཆོས་ལྟར་བཅོས་ [11a.2]པས་བསྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་ཆོས་མ་ཡིན་པ་ལྟར་བཅོས་པས་བསྒོ་བར་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་བསྒོ་བར་མི་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། [11a.3]འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་བསྒོ་བར་བྱེད་ན་རྫོགས་པར་བརྗོད་པ་ན་དགེ་འདུན་ལྷག་མར་འགྱུར་རོ། །དགེ་སློང་དེས་སྟན་དེ་ལ་འདུག་བཞིན་དུ་འདི་སྐད་ཅེས་ཚེ་དང་ལྡན་པ་དག་བདག་ལ་དགེ་འདུན་ལྷག་མའི་ལྟུང་བ་བྱུང་ངོ་ཞེས་བརྗོད་ [11a.4]པར་བྱ་སྟེ། གལ་ཏེ་དེ་སྐད་བརྗོད་ན་དེ་ལྟ་ན་ལེགས། གལ་ཏེ་མི་བརྗོད་ན་དེ་ཕྱིན་ཆད་ནས་དེ་ལ་འཆབ་པའི་ཉེས་པ་འབྱུང་བར་འགྱུར་རོ། །དེ་བས་ན་དགེ་སློང་གིས་ཇི་ཙམ་དུ་གཞི་དེས་མ་བཤགས་ཤིང་སོ་སོར་མ་བཤགས་པར་གསོལ་བ་དང་། གསོལ་བ་དང་ [11a.5]གཉིས་དང་། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་འདུན་གྱི་དབྱེན་བྱེད་པའི་དགེ་འདུན་ [11a.6]ལྷག་མ་སྟེ་བཅུ་པ་རྫོགས་{སྷོ,སོ}།། །།དེ་ནས་བཅོམ་ལྡན་འདས་ཀྱིས་གདན་དེ་ཉིད་ལ་བཞུགས་བཞིན་དུ་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་གཉིས་པ་བཅའ་བར་བཞེད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་འདུན་གྱིས་ [11a.7]བྱ་བ་ཅུང་ཞིག་ཡོད་ཀྱིས་རེ་ཞིག་སྟན་ལས་མ་ལྡང་ཤིག །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ [11b] [11b.1]ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་རྣམས་ལ་རྨས་པ། ཀོ་ཀ་ལི་ཀ །ཁན་ད་དྲ་བྱ། ཀ་ཊ་མོ་ར་ཀ་ཏི་ཥྱ། རྒྱ་མཚོས་བྱིན་ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་འགྱུར་བའི་རྩོད་པ་ཡང་དག་པར་ [11b.2]བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་ནས་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་དགེ་སློང་འདི་ལ་ཅི་ཡང་མ་སྨྲ་ཤིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་ [11b.3]འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་། འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ་དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་ [11b.4]དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་སྨྲས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སློང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་ [11b.5]མ་ཡིན་ནོ་ཞེས་བྱ་བ་ལ་སོགས་པས་རྣམ་པར་སྨད་པ་སྔ་མ་བཞིན་ནོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་རྗེས་སུ་གཟིགས་པས་འདུལ་བ་ [11b.6]ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་ [11b.7]གཅིག་གམ། གཉིས་སམ། མང་པོ་དག་ཡོད་ཅིང་། གལ་ཏེ་དེ་དག་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་དགེ་སློང་འདི་ལ་ཅི་ཡང་མ་སྨྲ་ཤིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་ [12a] [12a.1]སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ་དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ [12a.2]ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་ཟེར་ན་དགེ་སློང་དེ་དག་ལ་དགེ་སློང་རྣམས་ཀྱིས་འདི་སྐད་ཅེས་ཚེ་དང་ལྡན་པ་དག་ཁྱེད་ཅག་དེ་སྐད་ཅེས་དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་། འདུལ་བ་ཡང་དག་པར་ [12a.3]བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག ། [12a.4]དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་མ་ཡིན། འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག་དགེ་སློང་འདི་ནི་ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི་ཆོས་མ་ཡིན་པ་དང་། འདུལ་བ་མ་ཡིན་པ་ཡང་ [12a.5]དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་མི་ཤེས་བཞིན་དུ་སྨྲའི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག་འདོད་ཅིང་བཟོད་པར་མ་བྱེད་ཅིག །ཚེ་དང་ལྡན་པ་དག་ཁྱེད་དགེ་ [12a.6]འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག་དགེ་འདུན་མཐུན་པ་ཉིད་དུ་འདོད་པར་གྱིས་ཤིག །ཚེ་དང་ལྡན་པ་དག་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད་ཀུན་དུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་ [12a.7]འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཤིག་ཅེས་བསྒོ་བར་བྱའོ། །དགེ་སློང་དེ་དག་ལ་དགེ་སློང་རྣམས་ [12b] [12b.1]ཀྱིས་དེ་སྐད་བསྒོ་བ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན་ [12b.2]གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དགེ་འདུན་ལྷག་མའོ། །དགེ་སློང་དེའི་ཞེས་བྱ་བ་ནི་ལྷས་བྱིན་གྱིའོ། །གྲོགས་བྱེད་པའི་དགེ་སློང་ཞེས་བྱ་བ་ནི་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་གོ། །མི་མཐུན་པར་སྨྲ་ [12b.3]བ་ཉིད་ཀྱི་རྗེས་སུ་ཕྱོགས་པ་ཞེས་བྱ་བ་ནི་ལྟ་བ་དེ་དག་དང་། འདོད་པ་དེ་དག་དང་། བསམ་པ་དེ་དག་དང་ལྡན་པའོ། །གཅིག་གམ། གཉིས་སམ། མང་པོ་དག་ཡོད་ཅིང་ཞེས་བྱ་བ་ནི་གཉིས་ལས་ལྷག་པ་ནི་མང་བའོ། །གལ་ཏེ་དེ་དག་ཅེས་བྱ་བ་ནི་རྗེས་སུ་ཕྱོགས་པ་དེ་ [12b.4]དག་གོ། །དགེ་སློང་རྣམས་ལ་ཞེས་བྱ་བ་ནི་ཆོས་འདི་པ་རྣམས་ལའོ། །འདི་སྐད་ཅེས་ཞེས་བྱ་བ་ནི་འདི་སྐད་ཅེས་ཟེར་ནའོ། །དགེ་ཡང་རུང་ཞེས་བྱ་བ་ནི་དགེ་བ་ལ་སྦྱོར་བར་ཡང་མ་བྱེད་ཅིག་ཅེས་པའོ། །སྡིག་ཀྱང་རུང་ཞེས་བྱ་བ་ནི་སྡིག་པ་ལས་ཟློག་པར་ཡང་མ་བྱེད་ཅིག་ཅེས་ [12b.5]བྱ་བའོ། །དགེ་སློང་འདི་ལ་ཞེས་བྱ་བ་ནི་ལྷས་བྱིན་ལའོ། །ཅི་ཡང་མ་སྨྲ་ཤིག་ཅེས་བྱ་བ་ནི་ཅུང་ཟད་ཀྱང་མ་སྨྲ་ཤིག་པའོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་། འདུལ་བ་ཡང་དག་པར་བླངས་ [12b.6]ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ་ཞེས་བྱ་བ་ནི་ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་རྗེས་སུ་ཐ་སྙད་འདོགས་པར་བྱེད་པའོ། །དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། ཞེས་བྱ་ [12b.7]བ་ནི་དོན་རྟོགས་པ་ཡིན་གྱི། དོན་མ་རྟོགས་པ་མ་ཡིན་པའི་ཕྱིར་རོ། །དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །ཞེས་ཟེར་ན་ཞེས་བྱ་བ་ནི་དགེ་སློང་ལྷས་བྱིན་འདི་གཞི་གང་འདོད་པ་དེ་བདག་ཅག་ཀྱང་འདོད་དོ་ཞེས་ཟེར་ནའོ། ། [13a] [13a.1]དགེ་སློང་དེ་དག་ལ་ཞེས་བྱ་བ་ནི་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་ལའོ། །དགེ་སློང་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི་བཞམས་ཏེ་བསྒོ་བ་ཇི་ [13a.2]སྐད་སྔར་བསྟན་པ་ལྟར་བསྒོ་བར་བྱ་བའོ། །དགེ་སློང་དེ་དག་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་ཞེས་བྱ་བ་ནི་བཞམས་ཏེ་བསྒོ་བ་ནའོ། །གལ་ཏེ་གཞི་དེ་གཏོང་ན་ཞེས་བྱ་བ་ནི་ལྟ་བ་དེ་ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ། ། [13a.3]གལ་ཏེ་མི་གཏོང་ན་ཞེས་བྱ་བ་ནི་ཡོངས་སུ་མི་གཏོང་ནའོ། །ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་བ་སྟེ། ཡང་དག་པར་བསྒོ་ [13a.4]བ་དེ་ནི་དེ་ཡིན། ཡང་དག་པར་བསྟན་པ་དེ་ནི་དེ་ཡིན་ནོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་དུ་ལྟུང་བ་དེ་དགེ་འདུན་ལ་རག་ལས་པ་ཡིན་ཏེ། དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཅུང་ཟད་ཇི་ཙམ་ [13a.5]དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པ་སྨྲ་བའི་རྗེས་སུ་ཕྱོགས་པར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ [13a.6]ཏེ་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ། །གསོལ་བ་དང་བཞིའི་ལས་ཀྱིས་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གསོལ་བ་བྱས་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་དང་པོ་བརྗོད་ [13a.7]པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གཉིས་པ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་ཉེས་པ་སྦོམ་པོར་ [13b] [13b.1]འགྱུར་རོ། །ལས་བརྗོད་པ་གསུམ་པ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཉེས་པ་(སྦམ་,སྦོམ་)པོར་འགྱུར་རོ། །རྫོགས་པར་བརྗོད་པ་ན་གལ་ཏེ་མཐུན་པ་དང་། ཆོས་མ་ཡིན་པས་བསྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་ [13b.2]ཆོས་ཀྱིས་བསྒོ་བར་བྱེད་ན་ལྟུང་བ་མེད་དོ། །མཐུན་པ་དང་། ཆོས་ལྟར་བཅོས་པས་བསྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་། ཆོས་མ་ཡིན་པ་ལྟར་བཅོས་པས་བསྒོ་བར་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་ [13b.3]བསྟན་པ་ཇི་ལྟ་བ་དེ་ལྟར་བསྒོ་བར་མི་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་བསྒོ་བར་བྱེད་ན་རྫོགས་པར་བརྗོད་པ་ན་དགེ་འདུན་ལྷག་མར་འགྱུར་རོ། །དགེ་སློང་དེས་སྟན་དེ་ལ་འདུག་བཞིན་དུ་འདི་ [13b.4]སྐད་ཅེས་ཚེ་དང་ལྡན་པ་དག་བདག་ལ་དགེ་འདུན་ལྷག་མའི་ལྟུང་བ་བྱུང་ངོ་ཞེས་བརྗོད་པར་བྱ་སྟེ། གལ་ཏེ་དེ་སྐད་བརྗོད་ན་དེ་ལྟ་ན་ལེགས། གལ་ཏེ་མི་བརྗོད་ན་དེ་ཕྱིན་ཅད་ནས་དེ་ལ་འཆབ་པའི་ཉེས་པ་འབྱུང་བར་འགྱུར་རོ། །དེ་བས་ན་དགེ་སློང་གིས་ཇི་ཙམ་དུ་གཞི་དེས་མ་ [13b.5]བཤགས་ཤིང་སོ་སོར་མ་བཤགས་པར་གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ [13b.6]ཉེན་པ་ལ་ལྟུང་བ་མེད་དོ། །རྗེས་སུ་ཕྱོགས་པའི་དགེ་འདུན་ལྷག་མ་སྟེ་བཅུ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་རེ་ལྡེ་རི་ལ་དགེ་སློང་འགྲོ་ [13b.7]མགྱོགས་དང་། ནབ་སོ་གཉིས་དང་། དགེ་སློང་དམར་སེར་ཅན་ཁྱིམ་སུན་འབྱིན་པ། སྡིག་པའི་ཆོས་ཀུན་དུ་སྤྱོད་པ་དག་འཁོད་དོ། །དེ་དག་བུད་མེད་ཀྱི་ཡུལ་དང་ལྷན་ཅིག་ཐོ་འཚམ་པར་བྱེད། ཀུན་དུ་རྩེ་བར་བྱེད། ཀུན་ཏུ་ཅ་ཅོ་འདོན་པར་བྱེད། རྒོད་པ་དང་། [14a] [14a.1]དྲེགས་པ་དང་། ལུས་སྒྱུར་བར་བྱེད། སྟན་གཅིག་ལ་འདུག་པར་བྱེད། སྣོད་གཅིག་ཏུ་ཟ་བར་བྱེད། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་དག་འཐུང་བར་བྱེད། མེ་ཏོག་དག་འཐོག་པར་བྱེད། འཐོག་ཏུ་འཇུད་པར་བྱེད། [14a.2]ཕྲེང་བ་དག་རྒྱུད་པར་བྱེད། རྒྱུད་དུ་འཇུད་པར་བྱེད། མེ་ཏོག་རྣ་རྒྱན་དག་ཐོགས་པར་བྱེད། ཐོགས་སུ་འཇུད་པར་བྱེད། བྲོ་རྡུང་བར་བྱེད། བྲོ་རྡུང་དུ་འཇུད་པར་བྱེད། གླུ་ལེན་པར་བྱེད། གླུ་ལེན་དུ་འཇུད་པར་བྱེད། རོལ་མོའི་སྒྲ་འབྱིན་པར་བྱེད། རོལ་མོའི་སྒྲ་ [14a.3]འབྱིན་དུ་འཇུད་པར་བྱེད། བྲོ་མཁས་པ་དང་། གླུ་མཁས་པ་དང་། རོལ་མོའི་སྒྲ་འབྱིན་པ་མཁས་པ་ལ་ངོ་སོ་ལས་བྱུང་བ་སྦྱིན་པར་བྱེད། ཆོས་གོས་དག་བརྫེས་ཏེ་རྒྱུག་པར་བྱེད། མཆོང་བར་བྱེད། རབ་ཏུ་མཆོང་བར་བྱེད། བརླ་སྐོར་བར་བྱེད། ལག་པ་སྐོར་བར་ [14a.4]བྱེད། ཉ་ལྟར་སྐོར་བར་བྱེད། ཆུར་འཕྱོ་བ་འཕེན་པར་བྱེད། ཆུ་ལ་རྔ་མ་དུ་ཀ་ལྟར་རྡུང་བར་བྱེད། གླང་པོ་ཆེའི་སྐད་ཀྱི་སྒྲ་འབྱིན་པར་བྱེད། རྟའི་སྐད་ཀྱི་སྒྲ་འབྱིན་པར་བྱེད། ཁྱུ་མཆོག་གི་སྐད་ཀྱི་སྒྲ་འབྱིན་པར་བྱེད། རྨ་བྱའི་སྐད་ཀྱི་སྒྲ་འབྱིན་པར་བྱེད། ཁུ་ [14a.5]བྱུག་གི་སྐད་ཀྱི་སྒྲ་འབྱིན་པར་བྱེད། ཁས་རྫ་རྔའི་སྒྲ་འབྱིན་པར་བྱེད། ཁས་དུང་གི་སྒྲ་འབྱིན་པར་བྱེད། ཁས་རྔ་བོ་ཆེའི་སྒྲ་འབྱིན་པར་བྱེད། གླང་པོ་ཆེའི་ཐབ་མོ་ཡང་བྱེད། གླང་པོ་ཆེའི་ཐབ་མོ་བྱེད་དུ་འཇུད་པར་ཡང་བྱེད། རྟའི་ཐབ་མོ་དང་། ཁྱུ་མཆོག་གི་ཐབ་མོ་ [14a.6]དང་། མ་ཧེའི་ཐབ་མོ་དང་། རའི་ཐབ་མོ་དང་། ལུག་གི་ཐབ་མོ་དང་། བུད་མེད་ཀྱི་ཐབ་མོ་དང་། སྐྱེས་པའི་ཐབ་མོ་དང་། གཞོན་ནུའི་ཐབ་མོ་དང་། གཞོན་ནུ་མའི་ཐབ་མོ་དང་། བྱ་གག་གི་ཐབ་མོ་དང་། ཐི་བའི་ཐབ་མོ་དང་། ངུར་པའི་ཐབ་མོ་ཡང་བྱེད། བྱེད་ [14a.7]དུ་འཇུད་པར་ཡང་བྱེད་དེ། དེ་དག་དང་གཞན་ཡང་དགེ་སློང་གི་ལས་མ་ཡིན་པ་དག་བྱེད་ཅིང་བྱེད་དུ་འཇུད་དེ། དེ་དག་གི་སྤྱོད་ཚུལ་དང་། སྤྱོད་པ་དང་། ལོག་པར་སྒྲུབ་པ་དེས་རེ་ལྡེའི་རི་ལ་དགེ་སློང་མ་འོངས་པ་དག་ཀྱང་མི་འོང་ལ། འོངས་པ་དག་ཀྱང་མངོན་པར་མི་ [14b] [14b.1]དགའ་ཞིང་རེ་ལྡེའི་རིའི་གནས་སྤོང་བར་བྱེད་དོ། །རེ་ལྡེའི་རི་ལ་གནས་པའི་བྲམ་ཟེ་དང་། ཁྱིམ་བདག་དག་ཀྱང་ཡིད་མི་དགའ་ཞིང་ཞེ་བཅིལ་བར་གྱུར་ནས་དགེ་སློང་གཉུག་མར་གནས་པ་དག་ལ་ཡང་བསོད་སྙོམས་དབུལ་བ་དང་། བྱ་བར་སེམས་པ་དཀའ་ན། བློ་བུར་ [14b.2]དུ་ལྷགས་པ་རྣམས་ལ་ལྟ་སྨོས་ཀྱང་ཅི་དགོས་པར་གྱུར་ཏོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་ཀུན་དགའ་བོ་ཡུལ་ཀ་ཤི་ཀ་དག་ཏུ་ལྗོངས་རྒྱུ་ཞིང་འགྲོ་བ་ན་རེ་ལྡེ་རིར་ཕྱིན་ནས་རེ་ལྡེ་རིའི་ནགས་ན་འདུག་གོ། །དེ་ནས་ཚེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་ [14b.3]བགོས་ལྷུང་བཟེད་དང་ཆོས་གོས་ཐོགས་ཏེ་རེ་ལྡེ་རི་ལ་བསོད་སྙོམས་ལ་ཞུགས་པ་དང་། དེ་ཇི་ལྟར་ལྷུང་བཟེད་བཀྲུས་པ་ཁོ་ནས་རེ་ལྡེ་རི་ལ་བསོད་སྙོམས་ལ་ཞུགས་པ་དེ་ལྟར་ལྷུང་བཟེད་བཀྲུས་པ་ཁོ་ནས་ཐ་ན་སློང་མོ་གཅིག་སྦྱིན་པ་ཡང་མ་ཐོབ། ཕྱིར་གཏོང་བ་ཡང་ [14b.4]མ་ཐོབ་པར་ཕྱིར་བྱུང་ངོ་། །དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། སྔོན་ནི་རེ་ལྡེ་རི་འདི་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་ཀྱང་གང་བར་གྱུར་ལ། འདིར་སློང་མོ་བས་ཀྱང་ [14b.5]བསོད་སྙོམས་རྙེད་སླ་བར་གྱུར་ན། ད་ལྟར་ཡང་རེ་ལྡེ་རི་འདི་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་ཀྱང་གང་བ་ནི་ཡིན་ན། འོན་ཀྱང་བདག་ཇི་ལྟར་ལྷུང་བཟེད་བཀྲུས་པ་ཁོ་ནས་རེ་ལྡེ་རི་ལ་བསོད་སྙོམས་ [14b.6]ལ་ཞུགས་པ་དེ་ལྟར་ལྷུང་བཟེད་བཀྲུས་པ་ཁོ་ནས་ཐ་ན་སློང་མོ་གཅིག་སྦྱིན་པ་ཡང་མ་ཐོབ། ཕྱིར་གཏོང་བ་ཡང་མ་ཐོབ་པར་ཕྱིར་བྱུང་བ་ལས་ན་འདིར་བཅོམ་ལྡན་འདས་ཀྱི་ཉན་ཐོས་བྱིས་པ། བླུན་པ། མི་གསལ་བ། མི་མཁས་པ་འགའ་ཞིག་གིས་ཉོན་མོངས་པའི་ [14b.7]དབང་དུ་གྱུར་པས་སྤྱོད་ཡུལ་ལམ་སྤྱོད་ཡུལ་གྱི་གྲོང་ངམ་རིགས་ཀྱི་བུད་མེད་དམ། རིགས་ཀྱི་གཞོན་ནུ་མ་དག་ལ་ཀུན་དུ་སྨྲས་པའམ། ནོམ་པའམ། ཉུག་པ་བྱས་པར་མ་གྱུར་ཏམ་སྙམ་མོ། །དེའི་ཚེ་ན་རེ་ལྡེ་རི་པའི་བྲམ་ཟེ་དང་། ཁྱིམ་བདག་རྣམས་ཀྱི་ [15a] [15a.1]དཔོང་སའི་གནས་ན་བྲམ་ཟེ་དང་། ཁྱིམ་བདག་ལྔ་བརྒྱ་ཙམ་བྱ་བ་ཞིག་གི་ཕྱིར་འདུག་སྟེ་མཐུན་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་རེ་ལྡེ་རི་པའི་བྲམ་ཟེ་དང་། ཁྱིམ་བདག་རྣམས་ཀྱི་དཔོང་སའི་གནས་ག་ལ་བ་དེར་སོང་སྟེ་ཕྱིན་ནས་རེ་ལྡེ་རི་པའི་ [15a.2]བྲམ་ཟེ་དང་། ཁྱིམ་བདག་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་སྔོན་ནི་རེ་ལྡེ་རི་འདི་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་ཀྱང་གང་བར་གྱུར་ལ། འདིར་སློང་མོ་བས་ཀྱང་བསོད་སྙོམས་རྙེད་སླ་བར་གྱུར་ན། [15a.3]ད་ལྟར་ཡང་རེ་ལྡེ་རི་འདི་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བ་ནི་ཡིན་ན། འོན་ཀྱང་བདག་ཇི་ལྟར་ལྷུང་བཟེད་བཀྲུས་པ་ཁོ་ནས་རེ་ལྡེ་རི་ལ་བསོད་སྙོམས་ལ་ཞུགས་པ་དེ་ལྟར་ལྷུང་བཟེད་བཀྲུས་པ་ཁོ་ནས་ [15a.4]ཐ་ན་སློང་མོ་གཅིག་སྦྱིན་པ་ཡང་མ་ཐོབ། ཕྱིར་གཏོང་བ་ཡང་མ་ཐོབ་པར་ཕྱིར་བྱུང་བར་གྱུར་ཏོ། །དེ་སྐད་ཅེས་སྨྲས་པ་དང་། རེ་ལྡེ་རི་པའི་བྲམ་ཟེ་དང་། ཁྱིམ་བདག་དེ་དག་དབང་པོ་རྣམས་ཕྱིར་བླན་ཏེ་འཁོད་དོ། །དེའི་ཚེ་ན་དགེ་བསྙེན་ཆུ་རྒྱུན་ཅན་འཁོར་དེ་ཉིད་དུ་ [15a.5]འདུག་ཅིང་མཐུན་པར་གྱུར་ཏོ། །དེ་ནས་དགེ་བསྙེན་ཆུ་རྒྱུན་ཅན་གྱིས་ཚེ་དང་ལྡན་པ་ཀུན་དགའ་བོའི་ལག་པ་གཉིས་ནས་བཟུང་སྟེ་མཐའ་གཅིག་ཏུ་ཁྲིད་ནས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་མཁྱེན་པར་མཛོད་ཅིག །རེ་ལྡེ་རི་ [15a.6]འདི་ལ་དགེ་སློང་འགྲོ་མགྱོགས་དང་། ནབ་སོ་གཉིས་དང་། དགེ་སློང་དམར་སེར་ཅན་ཁྱིམ་སུན་འབྱིན་པ། སྡིག་པའི་ཆོས་ཀུན་དུ་སྤྱོད་པ་དག་མཆིས་ཏེ། དེ་དག་བུད་མེད་ཀྱི་ཡུལ་དང་ལྷན་ཅིག་ཐོ་འཚམ་པར་བགྱིད། ཀུན་དུ་རྩེ་བར་བགྱིད། ཀུན་དུ་ཅ་ཅོ་འདོན་ [15a.7]པར་བགྱིད། རྒོད་པ་དང་། དྲེགས་པ་དང་། ལུས་སྒྱུར་བར་བགྱིད། སྟན་གཅིག་ལ་མཆིས་པར་བགྱིད། སྣོད་གཅིག་ཏུ་འཚལ་བར་བགྱིད། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་དག་འཚལ་བར་བགྱིད། མེ་ཏོག་དག་འཐོག་པར་བགྱིད། [15b] [15b.1]འཐོག་ཏུ་སྩོལ་བར་བགྱིད། ཕྲེང་བ་དག་རྒྱུད་པར་བགྱིད། རྒྱུད་དུ་སྩལ་བར་བགྱིད། མེ་ཏོག་རྣ་རྒྱན་དག་ཐོགས་པར་བགྱིད། ཐོགས་སུ་སྩལ་བར་བགྱིད། བྲོ་རྡུང་བར་བགྱིད། བྲོ་རྡུང་དུ་སྩལ་བར་བགྱིད། མཆིད་མཆི་བར་བགྱིད། མཆིད་མཆིར་སྩོལ་བར་ [15b.2]བགྱིད། རོལ་མོའི་སྒྲ་འབྱིན་པར་བགྱིད། རོལ་མོའི་སྒྲ་འབྱིན་དུ་སྩལ་བར་བགྱིད། བྲོ་མཁས་པ་དང་། གླུ་མཁས་པ་དང་། རོལ་མོའི་སྒྲ་འབྱིན་མཁས་པ་ལ་ངོ་སོ་ལས་བྱུང་བ་སྩོལ་བར་བགྱིད། ཆོས་གོས་དག་བརྫེས་ཏེ་རྒྱུག་པར་བགྱིད། མཆོང་བར་བགྱིད། [15b.3]རབ་ཏུ་མཆོང་བར་བགྱིད། བརླ་སྐོར་བར་བགྱིད། ལག་པ་སྐོར་བར་བགྱིད། ཉ་ལྟར་སྐོར་བར་བགྱིད། ཆབ་ཏུ་འཕྱོ་བ་འཕེན་པར་བགྱིད། ཆབ་ལ་རྔ་མ་དུ་ཀ་ལྟར་རྡུང་བར་བགྱིད། ཆབ་ལ་རྔ་བོ་ཆེ་ལྟར་རྡུང་བར་བགྱིད། གླང་པོ་ཆེའི་སྐད་ཀྱི་སྒྲ་འབྱིན་པར་བགྱིད། རྟའི་སྐད་ཀྱི་ [15b.4]སྒྲ་འབྱིན་པར་བགྱིད། ཁྱུ་མཆོག་གི་སྐད་ཀྱི་སྒྲ་འབྱིན་པར་བགྱིད། རྨ་བྱའི་སྐད་ཀྱི་སྒྲ་འབྱིན་པར་བགྱིད། ཁུ་བྱུག་གི་སྐད་ཀྱི་སྒྲ་འབྱིན་པར་བགྱིད། ཁས་རྫ་རྔའི་སྒྲ་འབྱིན་པར་བགྱིད། ཁས་དུང་གི་སྒྲ་འབྱིན་པར་བགྱིད། ཁས་རྔ་བོ་ཆེའི་སྒྲ་འབྱིན་པར་བགྱིད། [15b.5]གླང་པོ་ཆེའི་ཐབ་མོ་ཡང་བགྱིད། གླང་པོ་ཆེའི་ཐབ་མོ་བགྱིད་དུ་སྩོལ་བར་ཡང་བགྱིད། རྟའི་ཐབ་མོ་དང་། ཁྱུ་མཆོག་གི་ཐབ་མོ་དང་། མ་ཧེའི་ཐབ་མོ་དང་། རའི་ཐབ་མོ་དང་། ལུག་གི་ཐབ་མོ་དང་། བུད་མེད་ཀྱི་ཐབ་མོ་དང་། སྐྱེས་པའི་ཐབ་མོ་དང་། གཞོན་ [15b.6]ནུའི་ཐབ་མོ་དང་། གཞོན་ནུ་མའི་ཐབ་མོ་དང་། བྱ་གག་གི་ཐབ་མོ་དང་། ཐི་བའི་ཐབ་མོ་དང་། ངུར་པའི་ཐབ་མོ་ཡང་བགྱིད། བགྱིད་དུ་སྩལ་བར་ཡང་བགྱིད་དེ། དེ་དག་དང་གཞན་ཡང་དགེ་སྦྱོང་གི་ལས་མ་ལགས་པ་དག་བགྱིད་ཅིང་བགྱིད་དུ་སྩལ་ཏོ། །དེ་དག་གི་ [15b.7]སྤྱོད་ཚུལ་དང་། སྤྱོད་པ་དང་། ལོག་པར་སྒྲུབ་པ་དེས་རེ་ལྡེ་རི་ལ་དགེ་སློང་མ་མཆིས་པ་དག་ཀྱང་མི་མཆིས་ལ། མཆིས་པ་དག་ཀྱང་མངོན་པར་མི་དགའ་ཞིང་རེ་ལྡེ་རིའི་གནས་སྤོང་བར་བགྱིད་དོ། །རེ་ལྡེ་རི་ལ་གནས་པའི་བྲམ་ཟེ་དང་། ཁྱིམ་བདག་དག་ཀྱང་ཡིད་མི་ [16a] [16a.1]དགའ་ཞིང་། ཞེ་བཅིལ་བར་གྱུར་ནས་དགེ་སློང་གཉུག་མར་གནས་པ་དག་ལ་ཡང་བསོད་སྙོམས་དབུལ་བ་དང་བགྱི་བར་སེམས་པ་དཀའ་ན། གློ་བུར་དུ་ལྷགས་པ་རྣམས་ལ་ལྟ་སྨོས་ཀྱང་ཅི་འཚལ་བར་གྱུར་གྱིས་བཙུན་པ་ཀུན་དགའ་བོ་གལ་ཏེ་ཁྱོད་མི་ [16a.2]དཀའ་ན་ཁྱོད་ཀྱིས་ཐུགས་བརྩེ་བའི་སླད་དུ་དོན་འདི་བཅོམ་ལྡན་འདས་ལ་རྒྱས་པར་གསོལ་ཅིག །ཚེ་དང་ལྡན་པ་ཀུན་དགའ་བོས་དགེ་བསྙེན་ཆུ་རྒྱུན་ཅན་ལ་ཅང་མི་སྨྲ་བས་དང་དུ་བླངས་སོ། །དེ་ནས་དགེ་བསྙེན་ཆུ་རྒྱུན་ཅན་གྱིས་ཚེ་དང་ལྡན་པ་ཀུན་དགའ་བོས་ཅང་མི་སྨྲ་བས་ [16a.3]དང་དུ་བླངས་པར་རིག་ནས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་བདག་གི་སྡུམ་པར་བསོད་སྙོམས་གཅིག་གསོལ་བར་ཅི་གནང་། ཚེ་དང་ལྡན་པ་ཀུན་དགའ་བོས་དགེ་བསྙེན་ཆུ་རྒྱུན་ཅན་ལ་ཅང་མི་སྨྲ་བས་དང་དུ་བླངས་སོ། །དེ་ནས་ [16a.4]དགེ་བསྙེན་ཆུ་རྒྱུན་ཅན་གྱིས་ཚེ་དང་ལྡན་པ་ཀུན་དགའ་བོས་ཅང་མི་སྨྲ་བས་དང་དུ་བླངས་པར་རིག་ནས་ཚེ་དང་ལྡན་པ་ཀུན་དགའ་བོ་བདེ་བར་འདུག་པ་ལ་རང་གི་ལག་ནས་བཅའ་བ་དང་བཟའ་བ་གཙང་ཞིང་བསོད་པས་ཚིམ་པར་བྱེད། སྟོབས་པར་བྱེད་ཅིང་། རང་གི་ལག་ [16a.5]ནས་བཅའ་བ་དང་བཟའ་བ་གཙང་ཞིང་བསོད་པ་རྣམ་གྲངས་དུ་མས་ཚིམ་པར་བྱས་ཤིང་བསྟབས་ནས་ཚེ་དང་ལྡན་པ་ཀུན་དགའ་བོས་ཟོས་ཤིང་ལག་པ་བསྙལ་ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་ཁྱེར་ཏེ། ཚེ་དང་ལྡན་པ་ཀུན་དགའ་བོའི་མདུན་དུ་ཆོས་ [16a.6]མཉན་པའི་ཕྱིར་འདུག་གོ། །དེ་ནས་ཚེ་དང་ལྡན་པ་ཀུན་དགའ་བོ་དགེ་བསྙེན་ཆུ་རྒྱུན་ཅན་ལ་ཆོས་དང་ལྡན་པའི་གཏམ་ཡང་དག་པར་སྟོན། ཡང་དག་པར་འཛིན་དུ་འཇུག །ཡང་དག་པར་གཟེངས་སྟོད། ཡང་དག་པར་རབ་ཏུ་དགའ་བར་བྱེད་ཅིང་ཆོས་དང་ལྡན་པའི་ [16a.7]གཏམ་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་ཉི་ཤུ་གསུམ་པ། དེ་ནས་ཚེ་ [16b] [16b.1]དང་ལྡན་པ་ཀུན་དགའ་བོས་ཇི་ལྟར་ཡོངས་སུ་སྤྱད་པའི་གནས་མལ་མཁོས་སུ་ཕབ་ནས་ལྷུང་བཟེད་དང་། ཆོས་གོས་ཐོགས་ཏེ་མཉན་ཡོད་ག་ལ་བ་དེར་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ཏོ། །དེ་ནས་ཚེ་དང་ལྡན་པ་ཀུན་དགའ་བོས་ལྷུང་བཟེད་ [16b.2]དང་། ཆོས་གོས་མཁོས་སུ་ཕབ་སྟེ་རྐང་པ་གཉིས་བཀྲུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་ [16b.3]དེ་ལ་དགེ་བསྙེན་ཆུ་རྒྱུན་ཅན་དང་ལྷན་ཅིག་སྐབས་སུ་གཏམ་བརྗོད་པ་ཇི་སྙེད་བྱུང་བར་གྱུར་པ་དེ་དག་ཐམས་ཅད་བཅོམ་ལྡན་འདས་ལ་རྒྱས་པར་གསོལ་ཏོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་ [16b.4]སྩལ་ཏོ། །ཀུན་དགའ་བོ་ཁྱོད་དགེ་སློང་གནས་བརྟན་གནས་བརྟན་རྣམས་དང་ལྷན་ཅིག་རེ་ལྡེའི་རི་ལ་སོང་ལ་དགེ་སློང་འགྲོ་མགྱོགས་དང་། ནབ་སོ་གཉིས་བསྐྲད་པའི་ལས་གྱིས་ཤིག །འདི་ལྟར་བྱ་སྟེ། ལམ་གྱི་བར་དུ་འདུག་ལ་དགེ་སློང་གླེང་བ་པོ་བསྐོ་བར་བྱ་སྟེ། [16b.5]དགེ་སློང་གླེང་བ་པོ་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་མི་བྱ་ཞིང་བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བ་དང་། གླེངས་པ་དང་མ་གླེངས་ [16b.6]པ་མི་ཤེས་པ་སྟེ། དགེ་སློང་གླེང་བ་པོ་ཆོས་ལྔ་པོ་དེ་དག་དང་ལྡན་པ་ནི་མ་བསྐོས་པ་ཡང་བསྐོ་བར་མི་བྱ་ཞིང་། བསྐོས་པ་ཡང་དབྱུང་བར་བྱའོ། །དགེ་སློང་གླེང་བ་པོ་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་བྱ་ཞིང་བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། [16b.7]འདུན་པས་མི་འགྲོ་བ་དང་། ཞེ་སྡང་གིས་མི་འགྲོ་བ་དང་། གཏི་མུག་གིས་མི་འགྲོ་བ་དང་། འཇིགས་པས་མི་འགྲོ་བ་དང་། གླེངས་པ་དང་མ་གླེངས་པ་ཤེས་པ་སྟེ། དགེ་སློང་གླེང་བ་པོ་ཆོས་ལྔ་པོ་དེ་དག་དང་ལྡན་པ་ནི་མ་བསྐོས་པ་ཡང་བསྐོ་བར་བྱ་ཞིང་བསྐོས་པ་ཡང་ [17a] [17a.1]དབྱུང་བར་མི་བྱའོ། །འདི་ལྟར་བསྐོ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་ཇེ་དང་པོ་སྤྲོ་བར་བྱ་སྟེ། ཚེ་དང་ [17a.2]ལྡན་པ་མིང་འདི་ཞེས་བྱ་བ་ཁྱོད་རེ་ལྡེ་རི་ལ་སོང་སྟེ། དགེ་སློང་འགྲོ་མགྱོགས་དང་། ནབ་སོ་ལ་དགེ་སྦྱོང་གི་ཆོས་མ་ཡིན་པ་རྣམ་པ་མང་པོས་གླེང་བར་སྤྲོའམ། གལ་ཏེ་སྤྲོ་ན་དེས་སྤྲོའོ་ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ [17a.3]ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་གླེང་བ་པོ་མིང་འདི་ཞེས་བགྱི་བ་འདི་རེ་ལྡེ་རི་ལ་མཆིས་ཏེ་དགེ་སློང་འགྲོ་མགྱོགས་དང་། ནབ་སོ་ལ་དགེ་སྦྱོང་གི་ཆོས་མ་ལགས་པ་རྣམ་པ་མང་པོས་གླེང་བར་སྤྲོ་ན། གལ་ཏེ་དགེ་འདུན་གྱི་དུས་ལ་ [17a.4]བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་གླེང་བ་པོ་མིང་འདི་ཞེས་བགྱི་བ་དགེ་སློང་འགྲོ་མགྱོགས་དང་། ནབ་སོ་ལ་གླེང་བར་བསྐོའོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་ [17a.5]རྣམས་གསན་དུ་གསོལ། དགེ་སློང་གླེང་བ་པོ་མིང་འདི་ཞེས་བགྱི་བ་འདི་རེ་ལྡེ་རི་ལ་མཆིས་ནས་དགེ་སློང་འགྲོ་མགྱོགས་དང་། ནབ་སོ་ལ་དགེ་སྦྱོང་གི་ཆོས་མ་ལགས་པ་རྣམ་པ་མང་པོས་གླེང་བར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་གླེང་བ་པོ་མིང་འདི་ཞེས་ [17a.6]བགྱི་བ་དགེ་སློང་འགྲོ་མགྱོགས་དང་། ནབ་སོ་ལ་གླེང་བར་བསྐོ་ན། ཚེ་དང་ལྡན་པ་གང་དགེ་སློང་གླེང་བ་པོ་མིང་འདི་ཞེས་བགྱི་བ་དགེ་སློང་འགྲོ་མགྱོགས་དང་། ནབ་སོ་ལ་གླེང་བར་བསྐོ་བར་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་ [17a.7]པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་གླེང་བ་པོ་མིང་འདི་ཞེས་བགྱི་བ་དགེ་སློང་འགྲོ་མགྱོགས་དང་། ནབ་སོ་ལ་གླེང་བར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་ [17b] [17b.1]སློང་དག་ངས་དགེ་སློང་གླེང་བ་པོའི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་གླེང་བ་པོས་སྲིན་བུ་ཅན་གྱི་རིལ་སོང་སྟེ་གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་ [17b.2]མཐུན་པར་གྱུར་པ་ན་དགེ་སློང་འགྲོ་མགྱོགས་དང་། ནབ་སོ་གཉིས་ལ་གླེང་བར་བྱའོ། །གལ་ཏེ་མཐུན་པ་མི་སྦྱིན་ན་མ་གུས་པ་དེ་ཉིད་ཀྱིས་གནས་ནས་བསྐྲད་པའི་ལས་བྱའོ། །གལ་ཏེ་མཐུན་པ་སྟེར་ན་སྐབས་འབྱེད་དུ་གཞུག་པར་བྱའོ། །གལ་ཏེ་སྐབས་མི་འབྱེད་ན་ [17b.3]མ་གུས་པ་དེ་ཉིད་ཀྱིས་བསྐྲད་པའི་ལས་བྱའོ། །གལ་ཏེ་སྐབས་འབྱེད་ན་གླེང་བར་བྱའོ། །གལ་ཏེ་ལྟུང་བ་མ་མཐོང་ངོ་ཞེས་ཟེར་ན་མ་གུས་པ་དེ་ཉིད་ཀྱིས་བསྐྲད་པའི་ལས་བྱའོ། །གལ་ཏེ་ལྟུང་བ་མཐོང་ངོ་ཞེས་ཟེར་ན་འདི་སྐད་ཅེས་དེ་ཁོ་ནའི་ཕྱིར་དགེ་འདུན་གྱིས་ཁྱེད་ [17b.4]གཉིས་ལ་བསྐྲད་པའི་ཕྲིན་ལས་མཛད་དོ་ཞེས་བརྗོད་པར་བྱའོ་དགེ་སློང་གླེང་བ་པོས་གླེང་བ་པོའི་ཆོས་ཇི་ལྟར་བཅས་པ་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ [17b.5]ལྡན་འདས་ལས་མཉན་ནས་དགེ་སློང་གནས་བརྟན་གནས་བརྟན་རྣམས་དང་ལྷན་ཅིག་རེ་ལྡེ་རི་ལ་སོང་སྟེ། ལམ་གྱི་བར་དུ་འདུག་ནས་དགེ་སློང་གླེང་བ་པོ་བསྐོས་སོ། །དེ་ན་དགེ་སློང་དམར་སེར་ཅན་གང་དག་དགེ་སློང་འགྲོ་མགྱོགས་དང་། ནབ་སོ་གཉིས་དང་མཚུངས་པར་ [17b.6]བྱེད་པ་དེ་དག་གིས་ཚེ་དང་ལྡན་པ་ཀུན་དགའ་བོ་དགེ་སློང་གནས་བརྟན་གནས་བརྟན་རྣམས་དང་ལྷན་ཅིག་འདིར་འོངས་ཏེ་ལམ་གྱི་བར་དུ་འདུག་ནས། དགེ་སློང་གླེང་བ་པོ་བསྐོས་ཏེ་དགེ་སློང་འགྲོ་མགྱོགས་དང་། ནབ་སོ་གཉིས་སྐྲོད་པའི་ལས་བྱེད་པར་འགྱུར་རོ་ཞེས་ཐོས་སོ། ། [17b.7]ཐོས་ནས་ཀྱང་དེ་དག་འདི་སྙམ་དུ་སེམས་ཏེ། ཚེ་དང་ལྡན་པ་འདི་གཉིས་ཀྱིས་ཀུན་དུ་སྤྱད་པ་དང་། སྨྲས་པ་དང་། བརྟུལ་བ་གང་ཡིན་པ་དག་ལས་བདག་ཅག་གིས་ཀུན་དུ་མ་སྤྱད་པ་དང་། མ་སྨྲས་པ་དང་། མ་བརྟུལ་བ་ཅི་ཡང་མེད་པས་དེའི་ཕྱིར་འདི་གཉིས་ལ་ [18a] [18a.1]སྐྲོད་པའི་ལས་བྱེད་ན་བདག་ཅག་ལ་ཡང་ཅིའི་ཕྱིར་མི་བྱེད་དེ། གང་གི་ཚེ་ཚེ་དང་ལྡན་པ་ཀུན་དགའ་བོ་དང་དགེ་སློང་གནས་བརྟན་གནས་བརྟན་རྣམས་འདིར་འོངས་ཏེ་དང་པོར་འགྲོ་མགྱོགས་དང་། ནབ་སོ་གཉིས་བསྐྲད་པའི་ལས་བྱས་ནས་དེའི་འོག་ཏུ་བདག་ཅག་ལ་ [18a.2]ཡང་སྐྲོད་པའི་ལས་བྱེད་པར་འགྱུར་བའི་གནས་ཡོད་པར་འགྱུར་བས་བདག་ཅག་གཏུར་བུའི་ཁུར་དྲགས་ཏེ་ཉན་རྣ་བ་བཞག་ཅིང་འཁོད་ནས། ཚེ་དང་ལྡན་པ་ཀུན་དགའ་བོ་དང་། དགེ་སློང་གནས་བརྟན་གནས་བརྟན་རྣམས་སྒོ་གཅིག་ནས་འཇུག་པར་འགྱུར་བ་ན། བདག་ [18a.3]ཅག་གཏུར་བུའི་ཁུར་དག་ཐོགས་ཏེ་སྒོ་གཅིག་ནས་འབྱུང་ཞིང་མཉན་ཡོད་དུ་འདོང་བར་བྱ་གོར་མ་ཆག་སྙམ་མོ། །དེ་ནས་དགེ་སློང་གླེང་བ་པོ་རེ་ལྡེ་རི་ལ་སོང་སྟེ་གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་ [18a.4]དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན་དགེ་སློང་འགྲོ་མགྱོགས་དང་། ནབ་སོ་གཉིས་ཀྱིས་མཐུན་པ་བྱིན་ཏེ་སྐབས་ཕྱེ་ནས་དགེ་སློང་གླེང་བ་པོས་གླེངས་པ་དང་། དེ་གཉིས་ཀྱིས་སྨྲས་པ། ཚེ་དང་ལྡན་པ་ལྟུང་བ་མཐོང་ངོ་། །གླེང་བ་པོས་སྨྲས་པ། [18a.5]དེ་ཁོ་ནའི་ཕྱིར་དགེ་འདུན་གྱིས་ཁྱེད་གཉིས་ལ་བསྐྲད་པའི་ཕྲིན་ལས་མཛད་དོ། །དེ་ནས་ཚེ་དང་ལྡན་པ་ཀུན་དགའ་བོ་དང་། དགེ་སློང་གནས་བརྟན་གནས་བརྟན་རྣམས་སྒོ་གཅིག་ནས་ཞུགས་པར་གྱུར་པ་ན། དགེ་སློང་དམར་སེར་ཅན་དག་གཏུར་བུའི་ཁུར་དག་ཐོགས་ [18a.6]ཏེ་སྒོ་གཅིག་ནས་བྱུང་ཞིང་མཉན་ཡོད་དུ་དོང་ནས་དེ་དག་གིས་ལྟུང་བ་བཤགས་པར་བྱ་བ་གང་དག་ཡིན་པ་དེ་དག་ཀྱང་བཤགས་ཤིང་། སེམས་ཀྱི་རྣམ་པར་རྟོག་པ་སྣ་ཚོགས་བསྡམ་པར་བྱ་བ་དག་ཀྱང་སེམས་ཀྱིས་བསྡམས་ཏེ། དགེ་སློང་རང་བཞིན་དུ་གནས་པ་ [18a.7]དག་དང་ལྷན་ཅིག་གནས་ཤིང་དགེ་འདུན་གྱི་བྱ་བ་ཡང་རྗེས་སུ་སྲུང་བར་བྱེད་དོ། །དེ་ནས་ཚེ་དང་ལྡན་པ་ཀུན་དགའ་བོ་དང་། དགེ་སློང་གནས་བརྟན་གནས་བརྟན་རྣམས་ཀྱིས་དགེ་སློང་འགྲོ་མགྱོགས་དང་། ནབ་སོ་གཉིས་ལ་བསྐྲད་པའི་ལས་བྱས་ནས་ [18b] [18b.1]མཉན་ཡོད་ག་ལ་བ་དེར་སོང་སྟེ། མཐར་གྱིས་རྒྱུ་ཞིང་འདོང་བ་ན་མཉན་ཡོད་དུ་ཕྱིན་ཏོ། །འགྲོ་མགྱོགས་དང་། ནབ་སོ་གཉིས་ཀྱིས་བསམས་པ། གང་ས་ལ་སྒྱེལ་བ་དེ་ནི་ས་ཉིད་ལས་བརྟེན་ཏེ་ལྡང་བ་ཡིན་པས་བདག་ཅག་གཉིས་ཀྱང་མཉན་ཡོད་ཉིད་དུ་སོང་སྟེ། [18b.2]བཅོམ་ལྡན་འདས་དང་དགེ་སློང་གི་དགེ་འདུན་ལ་བཟོད་པ་གསོལ་བར་བྱའོ་སྙམ་ནས་འགྲོ་མགྱོགས་ཀྱིས་སྨྲས་པ། ནབ་སོ་གང་ས་ལ་སྒྱེལ་བ་དེ་ནི་ས་ཉིད་ལས་བརྟེན་ཏེ་ལྡང་བ་ཡིན་པས་བདག་ཅག་གཉིས་ཀྱང་མཉན་ཡོད་ཉིད་དུ་སོང་སྟེ། བཅོམ་ལྡན་འདས་དང་ [18b.3]དགེ་སློང་གི་དགེ་འདུན་ལ་བཟོད་པ་གསོལ་བར་བྱས་འདོང་ངོ་། །ནབ་སོས་སྨྲས་པ། མ་ཉེས་ཀྱིས་ཚུར་ཤོག་བཟོད་པ་གསོལ་དུ་འདོང་ངོ་། །དེ་གཉིས་ཀྱིས་གྲོས་བྱས་ནས་དེ་ཉིད་ཀྱི་མཚན་མོ་འདས་པ་དང་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ [18b.4]ཐོགས་ཏེ་རེ་ལྡེ་རི་ལ་བསོད་སྙོམས་ལ་ཞུགས་ནས། རེ་ལྡེ་རི་ལ་བསོད་སྙོམས་བརྒྱུས་ཏེ་ཟས་ཀྱི་བྱ་བ་བྱས་ནས་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་སྤྱད་པའི་གནས་མལ་མཁོས་སུ་ཕབ་སྟེ་ལྷུང་བཟེད་དང་ཆོས་གོས་ཐོགས་ནས་མཉན་ཡོད་ག་ [18b.5]ལ་བ་དེར་རྒྱུ་ཞིང་དོང་སྟེ་མཐར་གྱིས་རྒྱུ་ཞིང་དོང་བ་ན་མཉན་ཡོད་དུ་ཕྱིན་ནས་དགེ་སློང་གནས་བརྟན་གནས་བརྟན་རྣམས་ཀྱིས་དེ་གཉིས་མཐོང་བ་དང་། དེ་དག་དེ་གཉིས་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད་དོ། །དགེ་སློང་དམར་སེར་ཅན་དག་ [18b.6]གིས་ཀྱང་དེ་གཉིས་མཐོང་བ་དང་། དེ་དག་ཀྱང་དེ་གཉིས་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད་དོ། །དེ་ནས་དགེ་སློང་འགྲོ་མགྱོགས་དང་། ནབ་སོ་གཉིས་ཀྱིས་དགེ་སློང་དམར་སེར་ཅན་དག་ལ་སྨྲས་པ། ཚེ་དང་ལྡན་པ་དག་དགེ་སློང་ [18b.7]གནས་བརྟན་གནས་བརྟན་དག་ཁོ་བོ་ཅག་གཉིས་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད་པ་ནི་རིགས་ན། ཁྱེད་ཅག་ཅིའི་ཕྱིར། ཁོ་བོ་ཅག་གཉིས་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད། ཁོ་བོ་ཅག་གཉིས་ཀྱིས་ཀུན་དུ་སྤྱད་པ་དང་། [19a] [19a.1]སྨྲས་པ་དང་། བརྟུལ་བ་གང་ཡིན་པ་དག་ལས་ཁྱེད་ཅག་གིས་ཀུན་དུ་མ་སྤྱད་པ་དང་། མ་སྨྲས་པ་དང་། མ་བརྟུལ་བ་ཅི་ཞིག་ཡོད། དེ་དག་གིས་སྨྲས་པ། ཚེ་དང་ལྡན་པ་གཉིས་དེ་ཡང་བདེན་མོད་ཀྱི། འོན་ཀྱང་ཁོ་བོ་ཅག་གིས་ལྟུང་བ་བཤགས་ [19a.2]པར་བྱ་བ་གང་དག་ཡིན་པ་དེ་དག་ཀྱང་བཤགས་ཤིང་སེམས་ཀྱི་རྣམ་པར་རྟོག་པ་སྣ་ཚོགས་བསྡམ་པར་བྱ་བ་དག་ཀྱང་སེམས་ཀྱིས་བསྡམས་ཏེ། ད་ལྟར་དགེ་སློང་རང་བཞིན་དུ་གནས་པ་དག་དང་ལྷན་ཅིག་གནས་ཤིང་དགེ་འདུན་གྱི་བྱ་བ་ཡང་རྗེས་སུ་སྲུང་བར་བྱེད་པས་ཁོ་ [19a.3]བོ་ཅག་ཕྱིན་ཅད་གནས་ངན་ལེན་ཀུན་དུ་སྤྱོད་པ་དག་དང་ལྷན་ཅིག་ལོངས་སྤྱོད་པར་མི་བྱེད་དོ། །དེ་གཉིས་ཀྱིས་ཚེ་དང་ལྡན་པ་དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། [19a.4]འདི་ལྟར་ལྟུང་བ་འདྲ་བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ་ཞེས་འཕྱ་བར་བརྩམས་པ་དང་། དགེ་སློང་རྣམས་ཀྱིས་དེ་གཉིས་ལ་སྨྲས་པ། ཚེ་དང་ལྡན་པ་གཉིས་ཁྱེད་ཅག་གཉིས་སུ་ལ་འདུན་པས་འགྲོ་བ་ཞེས་ཟེར། ཞེ་སྡང་ [19a.5]གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་ཟེར། ཚེ་དང་ལྡན་པ་དག་དགེ་སློང་ཚེ་དང་ལྡན་པ་ཀུན་དགའ་བོ་དང་། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས་བདག་ཅག་བསྐྲད་པའི་ལས་བྱས་པ་དག་ལའོ། །དགེ་སློང་དོན་ [19a.6]ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་ཚེ་དང་ལྡན་པ་ཀུན་དགའ་བོ་དང་། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས་བདག་ཅག་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་ཟེར། ཞེ་སྡང་གིས་འགྲོ་བ། གཏི་མུག་ [19a.7]གིས་འགྲོ་བ། འཇིགས་པས་འགྲོ་བ་ཞེས་ཟེར་ཞིང་། དགེ་སློང་རྣམས་ལ་ཡང་དེ་སྐད་ཅེས་ཚེ་དང་ལྡན་པ་དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་ [19b] [19b.1]བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ། །ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། [19b.2]དགེ་སློང་དག་ཁྱེད་ཀྱིས་དགེ་སློང་འགྲོ་མགྱོགས་དང་། ནབ་སོ་གཉིས་དང་། གཞན་ཡང་དེ་ལྟ་བུ་གང་ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་བསྒོ་བར་བྱ་སྟེ། ཚེ་དང་ལྡན་པ་འགྲོ་མགྱོགས་དང་། ནབ་སོ་གཉིས་ཁྱེད་དགེ་སློང་ཚེ་དང་ལྡན་པ་ཀུན་དགའ་ [19b.3]བོ་དང་། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས་ཁྱེད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་མ་ཟེར་ཅིག །ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མ་ཟེར་ཅིག །དགེ་ [19b.4]སློང་རྣམས་ལ་ཡང་འདི་སྐད་ཅེས་ཚེ་དང་ལྡན་པ་དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ [19b.5]ནི་སྐྲོད་པར་མི་བྱེད་དོ། །ཞེས་མ་ཟེར་ཅིག །དེ་ཅིའི་ཕྱིར་ཞེ་ན། དགེ་སློང་དེ་དག་ནི་འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི། འདི་ལྟར་ཚེ་དང་ལྡན་པ་དག་ཉིད་ཁྱིམ་སུན་ [19b.6]འབྱིན་པ། སྡིག་པའི་ཆོས་ཀུན་དུ་སྤྱོད་པ་དག་ཡིན་ཏེ། ཁྱེད་ཉིད་ཀྱིས་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་དུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག་འདུན་པས་འགྲོ་བ་ཞེས་ [19b.7]བྱ་བའི་ཚིག་གི་ལམ་དང་། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཤིག་ཅེས་བསྒོ་བར་བྱའོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་ [20a] [20a.1]མཉན་ནས་དགེ་སློང་འགྲོ་མགྱོགས་དང་། ནབ་སོ་གཉིས་ལ་ཚེ་དང་ལྡན་པ་འགྲོ་མགྱོགས་དང་། ནབ་སོ་གཉིས་ཁྱེད་དགེ་སློང་ཚེ་དང་ལྡན་པ་ཀུན་དགའ་བོ་དང་། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས་ཁྱེད་བསྐྲད་པའི་ལས་བྱས་པར་ [20a.2]ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་མ་ཟེར་ཅིག །ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མ་ཟེར་ཅིག །དགེ་སློང་རྣམས་ལ་ཡང་འདི་སྐད་ཅེས་ཚེ་དང་ལྡན་པ་དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་ [20a.3]སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ། །ཞེས་མ་ཟེར་ཅིག །དེ་ཅིའི་ཕྱིར་ཞེ་ན། དགེ་སློང་དེ་དག་ནི་འདུན་པས་ [20a.4]འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི། འདི་ལྟར་ཚེ་དང་ལྡན་པ་དག་ཉིད་ཁྱིམ་སུན་འབྱིན་པ་སྡིག་པའི་ཆོས་ཀུན་དུ་སྤྱོད་པ་དག་ཡིན་ཏེ། ཁྱེད་ཉིད་ཀྱིས་ཁྱིམ་དག་སུན་ཕྱུང་བར་མཐོང་ [20a.5]ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་དུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག་འདུན་པས་འགྲོ་བ་ཞེས་བྱ་བའི་ཚིག་གི་ལམ་དང་། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་ [20a.6]བྱ་བའི་ཚིག་གི་ལམ་འདི་ལྟ་བུ་འདི་ཐོང་ཤིག་ཅེས་བཞམས་ཏེ་བསྒོའོ། །དགེ་སློང་རྣམས་ཀྱིས་དེ་གཉིས་ལ་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་ [20a.7]བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འགྲོ་མགྱོགས་དང་། ནབ་སོ་གཉིས་དང་། གཞན་ཡང་དེ་ལྟ་བུ་གང་ཡིན་པ་ལ་གསོལ་བ་དང་བཞིའི་ [20b] [20b.1]ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ཏེ་ [20b.2]ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འགྲོ་མགྱོགས་དང་། ནབ་སོ་འདི་གཉིས་དགེ་སློང་ཚེ་དང་ལྡན་པ་ཀུན་དགའ་བོ་དང་། གནས་བརྟན་གནས་བརྟན་གང་དག་རེ་ལྡེ་རི་ལ་མཆིས་ནས་འདི་གཉིས་བསྐྲད་པའི་ལས་བགྱིད་པར་ [20b.3]འཚལ་བཞིན་དུ་དེ་དག་ལ་འདུན་པས་འགྲོ་བ་ཞེས་མཆི། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མཆི་ཞིང་། དགེ་སློང་རྣམས་ལ་ཡང་འདི་སྐད་ཅེས་ཚེ་དང་ལྡན་པ་དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་ [20b.4]སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ། །ཞེས་མཆི་ནས། འདི་གཉིས་ལ་དགེ་སློང་མང་པོས་བཞམས་ཏེ་ [20b.5]བསྒོ་ན། འདི་གཉིས་ལ་དགེ་སློང་མང་པོས་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་ [20b.6]འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་འགྲོ་མགྱོགས་དང་། ནབ་སོ་གཉིས་ལ་ཚེ་དང་ལྡན་པ་འགྲོ་མགྱོགས་དང་། ནབ་སོ་གཉིས་ཁྱེད་དགེ་སློང་ཚེ་དང་ལྡན་པ་ཀུན་དགའ་བོ་དང་། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ [20b.7]ནས་ཁྱེད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་མ་ཟེར་ཅིག །ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མ་ཟེར་ཅིག །དགེ་སློང་རྣམས་ལ་ཡང་འདི་སྐད་ཅེས་ཚེ་དང་ལྡན་པ་དག་འདི་ [21a] [21a.1]ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ་ཞེས་མ་ཟེར་ཅིག ། [21a.2]དེ་ཅིའི་ཕྱིར་ཞེ་ན། དགེ་སློང་དེ་དག་ནི་འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི། འདི་ལྟར་ཚེ་དང་ལྡན་པ་དག་ཉིད་ཁྱིམ་སུན་འབྱིན་པ་སྡིག་པའི་ཆོས་ཀུན་དུ་སྤྱོད་པ་དག་ཡིན་ [21a.3]ཏེ། ཁྱེད་ཉིད་ཀྱིས་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་དུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག་འདུན་པས་འགྲོ་བ་ཞེས་བྱ་བའི་ཚིག་གི་ལམ་དང་། ཞེ་སྡང་གིས་འགྲོ་བ། གཏི་མུག་གིས་འགྲོ་ [21a.4]བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཤིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འགྲོ་མགྱོགས་དང་། ནབ་ [21a.5]སོ་འདི་གཉིས་དགེ་སློང་ཚེ་དང་ལྡན་པ་ཀུན་དགའ་བོ་དང་། གནས་བརྟན་གནས་བརྟན་གང་དག་རེ་ལྡེ་རི་ལ་མཆིས་ནས་འདི་གཉིས་བསྐྲད་པའི་ལས་བགྱིས་པར་འཚལ་བཞིན་དུ། དེ་དག་ལ་འདུན་པས་འགྲོ་བ་ཞེས་མཆི། ཞེ་སྡང་གིས་འགྲོ་བ། གཏི་མུག་གིས་འགྲོ་བ། [21a.6]འཇིགས་པས་འགྲོ་བ་ཞེས་མཆི་ཞིང་། དགེ་སློང་རྣམས་ལ་ཡང་འདི་སྐད་ཅེས་ཚེ་དང་ལྡན་པ་དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་བ་ཁོ་ན་ལས་ [21a.7]དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ་ཞེས་མཆི་ནས། འདི་གཉིས་ལ་དགེ་སློང་མང་པོས་བཞམས་ཏེ་བསྒོ་ན་འདི་གཉིས་ལ་དགེ་སློང་མང་པོས་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་ [21b] [21b.1]གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་དགེ་སློང་འགྲོ་མགྱོགས་དང་། ནབ་སོ་གཉིས་ལ་ཚེ་དང་ལྡན་པ་འགྲོ་མགྱོགས་དང་། ནབ་སོ་གཉིས་ཁྱེད་དགེ་སློང་ཚེ་དང་ལྡན་པ་ཀུན་དགའ་བོ་དང་། གནས་བརྟན་གནས་བརྟན་ [21b.2]གང་དག་རེ་ལྡེ་རི་ལ་དོང་ནས་ཁྱེད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་མ་ཟེར་ཅིག །ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མ་ཟེར་ཅིག །དགེ་སློང་རྣམས་ལ་ཡང་འདི་སྐད་ཅེས་ཚེ་དང་ལྡན་ [21b.3]པ་དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ་ཞེས་མ་ཟེར་ཅིག །དེ་ཅིའི་ [21b.4]ཕྱིར་ཞེ་ན། དགེ་སློང་དེ་དག་ནི་འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི། འདི་ལྟར་ཚེ་དང་ལྡན་པ་དག་ཉིད་ཁྱིམ་སུན་འབྱིན་པ། སྡིག་པའི་ཆོས་ཀུན་དུ་སྤྱོད་པ་དག་ [21b.5]ཡིན་ཏེ། ཁྱེད་ཉིད་ཀྱིས་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་དུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག་འདུན་པས་འགྲོ་བ་ཞེས་བྱ་བའི་ཚིག་གི་ལམ་དང་། ཞེ་སྡང་གིས་འགྲོ་བ། [21b.6]གཏི་མུག་གིས་འགྲོ་བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཤིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་དགེ་སློང་འགྲོ་མགྱོགས་དང་། ནབ་སོ་གཉིས་ལ་གསོལ་བ་དང་བཞིའི་ལས་ཀྱིས་བསྒོ་ [21b.7]བ་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་འགྲོ་ [22a] [22a.1]མགྱོགས་དང་། ནབ་སོ་གཉིས་ལ་གསོལ་པ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་ [22a.2]འགྲོ་མགྱོགས་དང་། ནབ་སོ་གཉིས་ལ་གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་བཞིའི་ལས་ཀྱིས་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་ [22a.3]པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་ [22a.4]བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་རབ་ཏུ་མང་པོ་དག་གྲོང་ངམ། གྲོང་རྡལ་ཞིག་ན་ཉེ་བར་རྟེན་ [22a.5]ཅིང་གནས་པར་གྱུར་ལ་དེ་དག་ཀྱང་ཁྱིམ་སུན་འབྱིན་པ་སྡིག་པའི་ཆོས་ཀུན་དུ་སྤྱོད་པར་གྱུར་ཅིང་། དེ་དག་གིས་ཁྱིམ་དག་སུན་ཕྱུང་བར་མཐོང་ངམ། ཐོས་སམ། རབ་ཏུ་ཤེས་སམ། དེ་དག་སྡིག་པ་ཀུན་དུ་སྤྱོད་པར་མཐོང་ངམ། ཐོས་སམ། རབ་ཏུ་ཤེས་ [22a.6]ན་དགེ་སློང་དེ་དག་ལ་དགེ་སློང་རྣམས་ཀྱིས་འདི་སྐད་ཅེས་ཚེ་དང་ལྡན་པ་དག་ཁྱིམ་སུན་འབྱིན་པ་སྡིག་པའི་ཆོས་ཀུན་དུ་སྤྱོད་པ་དག་ཡིན་ཏེ། ཁྱེད་ཀྱིས་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་དུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ [22a.7]ཤེས་ཀྱིས། ཚེ་དང་ལྡན་པ་དག་ཁྱེད་འདི་ན་གནས་པས་ཆོག་གིས་གནས་འདི་ནས་དེངས་ཤིག་ཅེས་བསྒོ་བར་བྱའོ། །གལ་ཏེ་དེ་དག་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་ [22b] [22b.1]མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ་ཞེས་ཟེར་ན་དགེ་སློང་དེ་དག་ལ་དགེ་སློང་རྣམས་ཀྱིས་འདི་སྐད་ཅེས་ཚེ་དང་ལྡན་པ་དག་ཁྱེད་དེ་སྐད་ཅེས་ཚེ་དང་ལྡན་པ་ [22b.2]དག་འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར་ལྟུང་བ་འདྲ་བ་ཁོ་ན་ལས་དགེ་སློང་ཁ་ཅིག་ནི་སྐྲོད་པར་བྱེད། ཁ་ཅིག་ནི་སྐྲོད་པར་མི་བྱེད་དོ་ཞེས་མ་ཟེར་ཅིག ། [22b.3]དེ་ཅིའི་ཕྱིར་ཞེ་ན། དགེ་སློང་དེ་དག་ནི་འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི། འདི་ལྟར་ཚེ་དང་ལྡན་པ་དག་ཉིད་ཁྱིམ་སུན་འབྱིན་པ་སྡིག་པའི་ཆོས་ཀུན་དུ་སྤྱོད་པ་ [22b.4]དག་ཡིན་ཏེ། ཁྱེད་ཉིད་ཀྱིས་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་དུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག་འདུན་པས་འགྲོ་བ་ཞེས་བྱ་བའི་ཚིག་གི་ལམ་དང་། ཞེ་སྡང་གིས་འགྲོ་བ། [22b.5]གཏི་མུག་གིས་འགྲོ་བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཤིག་ཅེས་བསྒོ་བར་བྱའོ། །དགེ་སློང་དེ་དག་ལ་དགེ་སློང་རྣམས་ཀྱིས་དེ་སྐད་བསྒོ་བ་ན། གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏང་ [22b.6]བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དགེ་འདུན་ལྷག་ [22b.7]མའོ། །དགེ་སློང་ཞེས་བྱ་བ་ནི་འགྲོ་མགྱོགས་དང་། ནབ་སོ་དག་གམ། གཞན་ཡང་དེ་ལྟ་བུ་གང་ཡིན་པའོ། །རབ་ཏུ་མང་པོ་དག་ཅེས་བྱ་བ་ནི་གཉིས་ལས་ལྷག་པ་ནི་རབ་ཏུ་མང་པོ་དག་གོ། །གྲོང་ངམ། གྲོང་རྡལ་ཞིག་ན་ཞེས་བྱ་བ་ནི་རེ་ལྡེ་རི་ལའོ། ། [23a] [23a.1]དེ་དག་ཀྱང་ཁྱིམ་སུན་འབྱིན་པ་ཞེས་བྱ་བ་ལ། ཁྱིམ་ཞེས་བྱ་བ་ནི་བྲམ་ཟེ་དང་། ཁྱིམ་བདག་གི་ཁྱིམ་དག་གོ། །དེ་དག་ནི་རྒྱུ་གཉིས་ཀྱིས་སུན་འབྱིན་པར་བྱེད་དེ། འགྲོགས་པ་དང་ལོངས་སྤྱོད་པས་སོ། །ཇི་ལྟར་འགྲོགས་པས་ཞེ་ [23a.2]ན། བུད་མེད་ཀྱི་ཡུལ་དང་ལྷན་ཅིག་སྟན་གཅིག་ལ་འདུག་པར་བྱེད། སྣོད་གཅིག་ཏུ་ཟ་བར་བྱེད། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་དག་འཐུང་བར་བྱེད་པ་སྟེ། དེ་ལྟར་འགྲོགས་པས་སོ། །ཇི་ལྟར་ལོངས་སྤྱོད་པས་ཞེ་ན། ཟས་ [23a.3]ཀྱིས་དང་། སྐོམ་གྱིས་དང་། གོས་ཀྱིས་དང་། མེ་ཏོག་གིས་དང་། འབྲས་བུས་དང་། སོ་ཤིང་གིས་ཏེ། དེ་ལྟར་ལོངས་སྤྱོད་པས་སོ། །སྡིག་པའི་ཆོས་ཀུན་དུ་སྤྱོད་པར་གྱུར་ཅིང་ཞེས་བྱ་བ་ནི་གནས་ངན་ལེན་ཀུན་དུ་སྤྱོད་པར་གྱུར་ཅིང་ངོ་། །དེ་དག་ [23a.4]གིས་ཁྱིམ་དག་ཅེས་བྱ་བ་ནི་བྲམ་ཟེ་དང་། ཁྱིམ་བདག་གི་ཁྱིམ་དག་གོ། །མཐོང་ངམ་ཞེས་བྱ་བ་ནི་མིག་གི་རྣམ་པར་ཤེས་པས་སོ། །ཐོས་སམ་ཞེས་བྱ་བ་ནི་རྣ་བའི་རྣམ་པར་ཤེས་པས་སོ། །རབ་ཏུ་ཤེས་སམ་ཞེས་བྱ་བ་ནི་དེ་ལས་གཞན་པའི་རྣམ་པར་ཤེས་པའི་ [23a.5]ཚོགས་དག་གིས་སོ། །དེ་དག་སྡིག་པ་ཀུན་དུ་སྤྱོད་པར་ཞེས་བྱ་བ་ནི་གནས་ངན་ལེན་ཀུན་དུ་སྤྱོད་པར་རོ། །དགེ་སློང་དེ་དག་ལ་དགེ་སློང་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི་བཞམས་ཏེ་བསྒོ་བ་ཇི་སྐད་སྔར་བསྟན་ [23a.6]པ་ལྟར་བསྒོ་བར་བྱའོ། །དགེ་སློང་དེ་དག་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་ཞེས་བྱ་བ་ནི་བཞམས་ཏེ་བསྒོ་བ་ནའོ། །གལ་ཏེ་གཞི་དེ་གཏོང་ན་ཞེས་བྱ་བ་ནི་ལྟ་བ་དེ་ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ། །གལ་ཏེ་མི་གཏོང་ [23a.7]ན་ཞེས་བྱ་བ་ནི་ཡོངས་སུ་མི་གཏོང་ནའོ། །ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་བ་སྟེ། ཡང་དག་པར་བསྒོ་བ་དེ་ནི་དེ་ [23b] [23b.1]ཡིན། ཡང་དག་པར་བསྟན་པ་དེ་ནི་དེ་ཡིན་ནོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་དུ་ལྟུང་བ་དེ་དགེ་འདུན་ལ་རག་ལས་པ་ཡིན་ཏེ། དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཅུང་ཟད་ཇི་ཙམ་དུ་ [23b.2]དགེ་སློང་གང་དག་གིས་བདག་ཉིད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་ཟེར་ན་ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ [23b.3]ཏེ་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ། །གསོལ་བ་དང་བཞིའི་ལས་ཀྱིས་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གསོལ་བ་བྱས་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་ [23b.4]དང་པོ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གཉིས་པ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་ [23b.5]པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གསུམ་པ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ། །རྫོགས་པར་བརྗོད་པ་ན་གལ་ཏེ་མཐུན་པ་དང་ཆོས་མ་ཡིན་པས་བསྒོ་བར་བྱེད་ན་ [23b.6]ལྟུང་བ་མེད་དོ། །མི་མཐུན་པ་དང་ཆོས་ཀྱིས་བསྒོ་བར་བྱེད་ན་ལྟུང་བ་མེད་དོ། །མཐུན་པ་དང་ཆོས་ལྟར་བཅོས་པས་བསྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་ཆོས་མ་ཡིན་པ་ལྟར་བཅོས་པས་བསྒོ་བར་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། [23b.7]འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་བསྒོ་བར་མི་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་བསྒོ་བར་བྱེད་ན་རྫོགས་པར་བརྗོད་ན་དགེ་འདུན་ལྷག་མར་འགྱུར་རོ། ། [24a] [24a.1]དགེ་སློང་དེས་སྟན་དེ་ལ་འདུག་བཞིན་དུ་འདི་སྐད་ཅེས་ཚེ་དང་ལྡན་པ་བདག་ལ་དགེ་འདུན་ལྷག་མའི་ལྟུང་བ་བྱུང་ངོ་ཞེས་བརྗོད་པར་བྱ་སྟེ། གལ་ཏེ་དེ་སྐད་བརྗོད་ན་དེ་ལྟ་ན་ལེགས། གལ་ཏེ་མི་རྗོད་ན་དེ་ཕྱིན་ཅད་ནས་དེ་ལ་འཆབ་པའི་ཉེས་པ་འབྱུང་བར་ [24a.2]འགྱུར་རོ། །དེ་བས་ན་དགེ་སློང་གིས་ཇི་ཙམ་དུ་གཞི་དེས་མ་བཤགས་ཤིང་སོ་སོར་མ་བཤགས་པར་གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་ [24a.3]པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཁྱིམ་སུན་འབྱིན་པའི་དགེ་འདུན་ལྷག་མ་སྟེ་བཅུ་གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་ཀཽ་ཤཱམྦཱི་ན་གདངས་ཅན་གྱི་ཀུན་དགའ་ [24a.4]ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འདུན་པ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་ནས་དེ་ལ་དགེ་སློང་དོན་འདོད་པ། ཕན་པ་འདོད་པ། བདེ་བ་འདོད་པ། བདེ་བ་ལ་རེག་པར་འདོད་པ། གྲུབ་པ་དང་བདེ་བ་འདོད་པ་རྣམས་ཀྱིས་ཚེ་དང་ལྡན་པ་འདུན་ [24a.5]པ་ཁྱོད་ལྟུང་བ་བྱུང་བ་དེ་དག་ཆོས་བཞིན་དུ་ཕྱིར་གྱིས་ཤིག་ཅེས་གླེང་བར་བྱེད། དྲན་པར་བྱེད་པ་ན་དེས་སྨྲས་པ། སུ་ལ་ལྟུང་བ་དེ་ཕྱིར་བྱེད་པར་འགྱུར་རོ། །ཁྱོད་ལ་ལྟུང་བ་བྱུང་ན་སུ་ཞིག་ཕྱིར་བྱེད་པར་འགྱུར་སུ་འགྱོད་པར་འགྱུར་བའོ། །ཁྱོད་ལ་ལྟུང་བ་བྱུང་བ་ལ་སུ་ [24a.6]འགྱོད་པར་འགྱུར། དེ་ལ་དགེ་སློང་རྣམས་ཀྱིས་ཕྱིར་ཞིང་ཕྱིར་ཞིང་སྨྲས་པ་ན་དེར་མཐུན་ཞིང་སྨྲས་པ། ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་བདག་ལ་ཅི་ཡང་མ་སྨྲ་ཤིག །བདག་ཀྱང་དགེ་ཡང་རུང་སྡིག་ཀྱང་རུང་ཚེ་དང་ལྡན་པ་དག་ལ་ཅི་ཡང་མི་ [24a.7]སྨྲའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཤིག །ཁྱེད་ལ་ཡང་བདག་གིས་སྨྲས་པས་ཅི་ཞིག་བྱ། འདི་ལྟར་ཁྱེད་ཅག་ནི་རིགས་སྣ་ཚོགས་དང་། རུས་སྣ་ཚོགས་དང་། ཁྱིམ་སྣ་ཚོགས་ནས་རབ་ཏུ་བྱུང་བ་དག་ཡིན་ཏེ། འདི་ལྟ་སྟེ། དཔེར་ [24b] [24b.1]ན་ཤིང་ལྗོན་པ་དག་གི་ལོ་མ་སྣ་ཚོགས་རླུང་གིས་བླགས་པ་དག་གཅིག་ཏུ་ལྟུང་ཞིང་གཅིག་ཏུ་འདུག་པ་དེ་བཞིན་དུ་ཁྱེད་ཅག་ཀྱང་རིགས་སྣ་ཚོགས་དང་། རུས་སྣ་ཚོགས་དང་། ཁྱིམ་སྣ་ཚོགས་ནས་རབ་ཏུ་བྱུང་བ་དག་ཡིན་གྱི། ཁོ་བོའི་འཕགས་པས་ནི་བྱང་ཆུབ་ [24b.2]ཐུགས་སུ་ཆུད་པ་ཡིན་ནོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་རྣམས་ཀྱིས་གདོན་པར་གཏོགས་པའི་བསླབ་པའི་གཞི་རྣམས་དང་། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་ [24b.3]པར་སྨྲས་པ་ནི་བདག་ཉིད་བརྗོད་པར་བྱ་བ་མ་ཡིན་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ [24b.4]ཀྱིས་དགེ་སློང་འདུན་པ་དང་། གཞན་ཡང་དེ་ལྟ་བུ་གང་ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་ཅེས་བསྒོ་བར་བྱ་སྟེ། ཚེ་དང་ལྡན་པ་འདུན་པ་ཁྱོད་དགེ་སློང་རྣམས་ཀྱིས་གདོན་པར་གཏོགས་པའི་བསླབ་པའི་གཞི་རྣམས་དང་། བདེ་བར་གཤེགས་པའི་ [24b.5]མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན་བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་བ་ཁོ་ནར་གྱིས་ཤིག །དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང་ [24b.6]འདུལ་བ་དང་མཐུན་པར་སྨྲ་བ་ན་ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང་། འདུལ་བ་དང་མཐུན་པར་སྨྲོས་ཤིག །འདི་ལྟ་སྟེ། གཅིག་ལ་གཅིག་བརྗོད་པར་བྱ་བ་ཉིད་དུ་བྱེད་པ་དང་། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང་། [24b.7]གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་འགྱུར་གྱིས། ཚེ་དང་ལྡན་པ་འདུན་པ་ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ [25a] [25a.1]ལས་ཀྱི་མཐའ་འདི་ལྟ་བུ་འདི་ཐོང་ཤིག་ཅེས་བསྒོ་བར་བྱའོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཚེ་དང་ལྡན་པ་འདུན་པ་ལ་ཚེ་དང་ལྡན་པ་འདུན་པ་ཁྱོད་དགེ་སློང་རྣམས་ཀྱིས་གདོན་པར་ [25a.2]གཏོགས་པའི་བསླབ་པའི་གཞི་རྣམས་དང་། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་ [25a.3]བ་ཁོ་ནར་གྱིས་ཤིག །དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང་། འདུལ་བ་དང་མཐུན་པར་སྨྲ་བ་ན་ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང་། འདུལ་བ་དང་མཐུན་པར་སྨྲོས་ཤིག །འདི་ལྟ་སྟེ། གཅིག་ལ་གཅིག་བརྗོད་ [25a.4]པར་བྱ་བ་ཉིད་དུ་བྱེད་པ་དང་། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང་། གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་ [25a.5]འགྱུར་གྱིས། ཚེ་དང་ལྡན་པ་འདུན་པ་ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ལས་ཀྱི་མཐའ་འདི་ལྟ་བུ་འདི་ཐོང་ཤིག་ཅེས་བཞམས་ཏེ་བསྒོའོ། །དེ་ལ་དགེ་སློང་རྣམས་ཀྱིས་བཞམས་ཏེ་བསྒོ་བ་ན་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ [25a.6]ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འདུན་པ་དང་། གཞན་ཡང་དེ་ལྟ་ [25a.7]བུ་གང་ཡིན་པ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་ [25b] [25b.1]གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་འདི་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་ནས། འདི་ལ་དགེ་སློང་རྣམས་ཀྱིས་གདོན་པར་གཏོགས་པའི་བསླབ་པའི་གཞི་རྣམས་དང་། བདེ་ [25b.2]བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན། ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་བདག་ལ་ཅི་ཡང་མ་སྨྲ་ཤིག །བདག་ཀྱང་དགེ་ཡང་རུང་སྡིག་ཀྱང་རུང་ཚེ་དང་ལྡན་པ་དག་ [25b.3]ལ་ཅི་ཡང་མི་སྨྲའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཤིག །ཁྱེད་ལ་ཡང་བདག་གིས་སྨྲས་པས་ཅི་ཞིག་བྱ་ཞེས་བདག་ཉིད་བརྗོད་པར་བགྱི་བ་མ་ལགས་པར་བགྱིད་ནས། འདི་ལ་དགེ་སློང་མང་པོས་བཞམས་ཏེ་བསྒོ་ན་འདི་ལ་དགེ་སློང་མང་ [25b.4]པོས་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་ [25b.5]དང་། དགེ་འདུན་གྱིས་དགེ་སློང་འདུན་པ་ལ་ཚེ་དང་ལྡན་པ་འདུན་པ་ཁྱོད་དགེ་སློང་རྣམས་ཀྱིས་གདོན་པར་གཏོགས་པའི་བསླབ་པའི་གཞི་རྣམས་དང་། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན་ [25b.6]བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་བ་ཁོ་ནར་གྱིས་ཤིག །དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང་། འདུལ་བ་དང་མཐུན་པར་སྨྲ་བ་ན། ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་ [25b.7]པ་དང་། འདུལ་བ་དང་མཐུན་པར་སྨྲོས་ཤིག །འདི་ལྟ་སྟེ། གཅིག་ལ་གཅིག་བརྗོད་པར་བྱ་བ་ཉིད་དུ་བྱེད་པ་དང་། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང་། གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས་བཅོམ་ལྡན་འདས་དེ་བཞིན་ [26a] [26a.1]གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་འགྱུར་གྱིས། ཚེ་དང་ལྡན་པ་འདུན་པ་ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ལས་ཀྱི་མཐའ་འདི་ལྟ་བུ་འདི་ཐོང་ཤིག་ཅེས་གསོལ་བ་དང་ [26a.2]བཞིའི་ལས་ཀྱིས་བསྒོ་བ་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་འདི་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་ནས་འདི་ལ་དགེ་སློང་རྣམས་ཀྱིས་གདོན་པར་གཏོགས་ [26a.3]པའི་བསླབ་པའི་གཞི་རྣམས་དང་། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན། ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་བདག་ལ་ཅི་ཡང་མ་སྨྲ་ཤིག །བདག་ཀྱང་ [26a.4]དགེ་ཡང་རུང་སྡིག་ཀྱང་རུང་ཚེ་དང་ལྡན་པ་དག་ལ་ཅི་ཡང་མི་སྨྲའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཤིག །ཁྱེད་ལ་ཡང་བདག་གིས་སྨྲས་པས་ཅི་ཞིག་བྱ་ཞེས་བདག་ཉིད་བརྗོད་པར་བགྱི་བ་མ་ལགས་པར་བགྱིད་ནས། འདི་ལ་དགེ་སློང་མང་པོས་ [26a.5]བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་དགེ་སློང་འདུན་པ་ལ་ཚེ་དང་ལྡན་པ་འདུན་པ་ཁྱོད་དགེ་སློང་རྣམས་ [26a.6]ཀྱིས་གདོན་པར་གཏོགས་པའི་བསླབ་པའི་གཞི་རྣམས་དང་། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན་བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་ [26a.7]བརྗོད་པར་བྱ་བ་ཁོ་ནར་གྱིས་ཤིག །དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང་། འདུལ་བ་དང་མཐུན་པར་སྨྲ་བ་ན། ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང་། འདུལ་བ་དང་མཐུན་པར་སྨྲོས་ཤིག །འདི་ལྟ་སྟེ། གཅིག་ [26b] [26b.1]ལ་གཅིག་བརྗོད་པར་བྱ་བ་ཉིད་དུ་བྱེད་པ་དང་། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང་། གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་ [26b.2]འདི་འཕེལ་བར་འགྱུར་གྱིས། ཚེ་དང་ལྡན་པ་འདུན་པ་ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ལས་ཀྱི་མཐའ་འདི་ལྟ་བུ་འདི་ཐོང་ཤིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་དགེ་སློང་འདུན་པ་ལ་གསོལ་བ་དང་ [26b.3]བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས་དགེ་འདུན་ [26b.4]གྱིས་དགེ་སློང་འདུན་པ་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་འདུན་པ་ལ་ [26b.5]གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་བཞིའི་ལས་ཀྱིས་བསྒོ་བ་ན་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་{བརྫུན་,རྫུན་}པའོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ [26b.6]ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ [26b.7]ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་འདུན་པ་ལ་རྨས་པ། འདུན་པ་ཁྱོད་དགེ་སློང་རྣམས་ཀྱིས་གདོན་པར་གཏོགས་པའི་བསླབ་པའི་གཞི་རྣམས་དང་། བདེ་བར་ [27a] [27a.1]གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན་བདག་ཉིད་བརྗོད་པ་བྱ་བ་མ་ཡིན་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ [27a.2]ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། [27a.3]དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འདི་ [27a.4]ན་དགེ་སློང་འགའ་ཞིག་བཀའ་བློ་མི་བདེ་བའི་རང་བཞིན་ཅན་དུ་གྱུར་ལ། དེ་ལ་དགེ་སློང་རྣམས་ཀྱིས་གདོན་པར་གཏོགས་པའི་བསླབ་པའི་གཞི་རྣམས་དང་། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་ [27a.5]མཐུན་པར་སྨྲས་པ་ན་ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་བདག་ལ་ཅི་ཡང་མ་སྨྲ་ཤིག །བདག་ཀྱང་དགེ་ཡང་རུང་སྡིག་ཀྱང་རུང་ཚེ་དང་ལྡན་པ་དག་ལ་ཅི་ཡང་མི་སྨྲའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཤིག །ཁྱེད་ལ་ཡང་ [27a.6]བདག་གིས་སྨྲས་པས་ཅི་ཞིག་བྱ་ཞེས་བདག་ཉིད་བརྗོད་པར་བྱ་བ་མ་ཡིན་པར་བྱེད་ན། དགེ་སློང་དེ་ལ་དགེ་སློང་རྣམས་ཀྱིས་འདི་སྐད་ཅེས་ཚེ་དང་ལྡན་པ་ཁྱོད་དགེ་སློང་རྣམས་ཀྱིས་གདོན་པར་གཏོགས་པའི་བསླབ་པའི་གཞི་རྣམས་དང་། བདེ་བར་གཤེགས་པའི་མདོར་ [27a.7]གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་བ་ཁོ་ནར་གྱིས་ཤིག །དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་ [27b] [27b.1]དང་། འདུལ་བ་དང་མཐུན་པར་སྨྲ་བ་ན་ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང་། འདུལ་བ་དང་མཐུན་པར་སྨྲོས་ཤིག །འདི་ལྟ་སྟེ། གཅིག་ལ་གཅིག་བརྗོད་པར་བྱ་བ་ཉིད་དུ་བྱེད་པ་དང་། གཅིག་ལ་གཅིག་འདོམས་ཤིང་རྗེས་སུ་སྟོན་པ་ [27b.2]དང་། གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་འགྱུར་གྱིས། ཚེ་དང་ལྡན་པ་ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ [27b.3]ལས་ཀྱི་མཐའ་འདི་ལྟ་བུ་འདི་ཐོང་ཤིག །ཅེས་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་ [27b.4]བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དགེ་འདུན་ལྷག་མའོ། །འདི་ན་དགེ་སློང་འགའ་ཞིག་ཅེས་བྱ་བ་ནི་འདུན་པའམ་ [27b.5]གཞན་ཡང་དེ་ལྟ་བུ་གང་ཡིན་པའོ། །བཀའ་བློ་མི་བདེ་བའི་རང་བཞིན་ཅན་དུ་གྱུར་ལ་ཞེས་བྱ་བ་ལ། བཀའ་བློ་མི་བདེ་བ་ཞེས་བྱ་བ་ནི་ཚིག་གི་ལམ་རྗེས་སུ་མཐུན་པ། རྗེས་སུ་མཉན་པར་བྱ་བ། ཚུལ་དང་མཐུན་པ། དྲང་པོར་འཇུག་པ། འགྲུས་སྐྱོང་གི་ཡན་ [27b.6]ལག་གི་ཚོགས་དག་ཀུན་དུ་འགོག་པ་དང་། མི་འཛིན་པ་དང་། མི་བྱ་བ་དང་། མི་བྱེད་པ་དང་། མི་མཐུན་པར་འཛིན་པའོ། །དེ་ལ་ཞེས་བྱ་བ་ནི་འདུན་པ་ལའོ། །དགེ་སློང་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །གདོན་པར་གཏོགས་ [27b.7]པའི་བསླབ་པའི་གཞི་རྣམས་ཞེས་བྱ་བ་ལ། གདོན་པ་ཞེས་བྱ་བ་ནི་ཕམ་པར་འགྱུར་བའི་ཆོས་བཞི་དང་། དགེ་འདུན་ལྷག་མའི་ཆོས་བཅུ་གསུམ་དང་། མ་ངེས་པའི་ཆོས་གཉིས་དང་། སྤང་བའི་ལྟུང་བྱེད་ཀྱི་ཆོས་སུམ་བཅུ་དང་། ལྟུང་བྱེད་ཀྱི་ཆོས་དགུ་བཅུ་དང་། [28a] [28a.1]སོ་སོར་བཤགས་པར་བྱ་བའི་ཆོས་བཞི་དང་། བསླབ་པའི་ཆོས་མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་དག་གོ། །བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཞེས་བྱ་བ་ལ། བདེ་བར་གཤེགས་པ་ཞེས་བྱ་བ་ནི་སྟོན་ [28a.2]པའོ། །མདོ་ཞེས་བྱ་བ་ནི་དེས་ཉེ་བར་སྦྱར་བའི་མདོའམ། ཡང་ན་མདོ་ཡང་དག་པར་སྦྱོར་བའོ། །ཆོས་དང་མཐུན་པ་ཞེས་བྱ་བ་ནི་མདོ་སྡེ་དང་། མ་མོ་དང་ངོ་། །འདུལ་བ་དང་མཐུན་པ་ཞེས་བྱ་བ་ནི་འདུལ་བ་ཉིད་དང་ངོ་། །སྨྲས་པ་ན་ཞེས་བྱ་བ་ནི་བཟློག་པ་ན་སྟེ། [28a.3]ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་བསྒོ་བ་ནའོ། །ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་བ་དག་ལ་ཅི་ཡང་མ་སྨྲ་ཤིག་ཅེས་བྱ་བ་ནི་དགེ་བ་ལ་སྦྱོར་བར་ཡང་མ་བྱེད་ལ་སྡིག་པ་ལས་ཟློག་པར་ཡང་མ་བྱེད་ཅིག་ [28a.4]ཅེས་པའོ། །བདག་ཀྱང་དགེ་ཡང་རུང་སྡིག་ཀྱང་རུང་ཚེ་དང་ལྡན་པ་དག་ལ་ཅི་ཡང་མི་སྨྲའོ་ཞེས་བྱ་བ་ནི་དགེ་བ་ལ་སྦྱོར་བར་ཡང་མི་བྱེད་ལ་སྡིག་པ་ལས་ཟློག་པར་ཡང་མི་བྱེད་དོ། །ཞེས་པའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཤིག །ཁྱེད་ [28a.5]ལ་ཡང་བདག་གིས་སྨྲས་པས་ཅི་ཞིག་བྱ་ཞེས་བྱ་བ་ནི་རྒྱ་ཆེར་བདག་ཉིད་བརྗོད་པར་བྱ་བ་མ་ཡིན་པ་ཉིད་དུ་འཇོག་པར་བྱེད་པའོ། །བདག་ཉིད་བརྗོད་པར་བྱ་བ་མ་ཡིན་པར་བྱེད་ན་ཞེས་བྱ་བ་ནི་བདག་ཉིད་བརྗོད་པར་བྱ་བ་མ་ཡིན་པ་ཉིད་དུ་འཇོག་པར་བྱེད་ནའོ། །དགེ་སློང་ [28a.6]དེ་ལ་ཞེས་བྱ་བ་ནི་འདུན་པ་ལའོ། །དགེ་སློང་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི་བཞམས་ཏེ་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་བའོ། །དགེ་སློང་དེ་ལ་དགེ་སློང་རྣམས་ཀྱིས་འདི་སྐད་བསྒོ་བ་ཞེས་བྱ་བ་ནི་ [28a.7]བཞམས་ཏེ་བསྒོ་བས་བཟློག་པ་ནའོ། །གལ་ཏེ་གཞི་དེ་ཞེས་བྱ་བ་ནི་བཀའ་བློ་མི་བདེ་བ་ཉིད་དོ། །གཏོང་ན་ཞེས་བྱ་བ་ནི་ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ། །གལ་ཏེ་མི་གཏོང་ན་ཞེས་བྱ་བ་ནི་ཡོངས་སུ་མི་གཏོང་ནའོ། །ལན་ [28b] [28b.1]གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་སྟེ། ཡང་དག་པར་བསྒོ་བ་དེ་ནི་དེ་ཡིན་ནོ། །ཡང་དག་པར་བསྟན་པ་དེ་ནི་དེ་ཡིན་ནོ། །དགེ་འདུན་ [28b.2]ལྷག་མའོ་ཞེས་བྱ་བ་ནི་སྔ་མ་བཞིན་དུ་ལྟུང་བ་དེ་དགེ་འདུན་ལ་རག་ལས་པ་ཡིན་ཏེ། དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཅུང་ཟད་ཇི་ཙམ་དུ་དགེ་སློང་རྣམས་ཀྱིས་གདོན་པར་གཏོགས་པའི་བསླབ་པའི་གཞི་རྣམས་ [28b.3]དང་། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་། འདུལ་བ་དང་མཐུན་པར་སྨྲས་པ་ན་བདག་ཉིད་བརྗོད་པར་བྱ་བ་མ་ཡིན་པར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ཏེ་བསྒོ་བ་ན་གཞི་དེ་གཏོང་ན་དེ་ལྟ་ན་ [28b.4]ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ། །གསོལ་བ་དང་བཞིའི་ལས་ཀྱིས་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གསོལ་བ་བྱས་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་དང་པོ་བརྗོད་པ་ན་མ་རྫོགས་ [28b.5]པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གཉིས་པ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། ། [28b.6]ལས་བརྗོད་པ་གསུམ་པ་བརྗོད་པ་ན་མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཉེས་པ་སྦོམ་པོར་འགྱུར་རོ། །རྫོགས་པར་བརྗོད་པ་ན་གལ་ཏེ་མཐུན་པ་དང་ཆོས་མ་ཡིན་པས་བསྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་ཆོས་ཀྱིས་ [28b.7]བསྒོ་བར་བྱེད་ན་ལྟུང་བ་མེད་དོ། །མཐུན་པ་དང་ཆོས་ལྟར་བཅོས་པས་བསྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་། ཆོས་མ་ཡིན་པ་ལྟར་བཅོས་པས་བསྒོ་བར་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ [29a] [29a.1]ལྟ་བ་དེ་ལྟར་བསྒོ་བར་མི་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་བསྒོ་བར་བྱེད་ན་རྫོགས་པར་བརྗོད་པ་ན་དགེ་འདུན་ལྷག་མར་འགྱུར་རོ། །དགེ་སློང་དེས་སྟན་དེ་ལ་འདུག་བཞིན་ [29a.2]དུ་འདི་སྐད་ཅེས་ཚེ་དང་ལྡན་པ་དག་བདག་ལ་དགེ་འདུན་ལྷག་མའི་ལྟུང་བ་བྱུང་ངོ་ཞེས་བརྗོད་པར་བྱ་སྟེ། གལ་ཏེ་དེ་སྐད་བརྗོད་ན་དེ་ལྟ་ན་ལེགས། གལ་ཏེ་མི་བརྗོད་ན་དེ་ཕྱིན་ཅད་ནས་དེ་ལ་འཆབ་པའི་ཉེས་པ་འབྱུང་བར་འགྱུར་རོ། །དེ་བས་ན་དགེ་སློང་གིས་ཇི་ཙམ་དུ་གཞི་ [29a.3]དེ་མ་བཤགས་ཤིང་སོ་སོར་མ་བཤགས་པར་གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་ [29a.4]བ་དག་གིས་ཉེན་པ་ལ་ལྟུང་བ་མེད་དོ།། །།འདུལ་བ་རྣམ་པར་འབྱེད་པ། བམ་པོ་ཉི་ཤུ་བཞི་པ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་འདུན་པ་འདི་ཚངས་ [29a.5]པ་མཚུངས་པར་སྤྱོད་པ་དེས་པ་དེས་པ་རྣམས་ཀྱི་མདུན་དུ་བཅོམ་ལྡན་འདས་ཉེ་དུ་ལགས་པར་སྟོན་ཅིང་བདག་ཉིད་སྨྲ་བ་དང་རྣམ་པར་སྨྲ་བར་བགྱིད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་དུ་མ་ཟད་དེ། འདི་ལྟར་འདས་པའི་ [29a.6]དུས་ན་ཡང་འདིས་བྲམ་ཟེ་དང་། ཁྱིམ་བདག་དེས་པ་དེས་པ་རྣམས་ཀྱི་མདུན་དུ་ང་ཉེ་དུ་ཡིན་པར་བསྟན་ཅིང་བདག་ཉིད་སྨྲ་བ་དང་རྣམ་པར་སྨྲ་བར་བྱས་པ་དེ་ཉོན་ཅིག །དགེ་སློང་དག་སྔོན་བྱུང་བ་འདས་པའི་དུས་ན་རྡོ་འཇོག་ན་བྲམ་ཟེ་ཟླ་གྲགས་ཞེས་བྱ་བ་ཞིག་འདུག་པ་དེས་རིགས་ [29a.7]མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་བུ་བཙས་ནས་དེའི་མིང་ཉི་ཟླ་ཞེས་བྱ་བར་བཏགས་ཏེ་དེ་བསྲིངས་བསྐྱེད་ནས་ཆེན་པོར་གྱུར་ [29b] [29b.1]ཏོ། །ཇི་ཙམ་དུས་གཞན་ཞིག་ན་བྲམ་ཟེ་ཟླ་གྲགས་ན་བར་གྱུར་ནས། དེ་ཆུང་མ་དང་བུས་ཡལ་བར་བོར་ཞིང་ན་བ་མ་སོས་ནས་དེ་ལ་བུ་མོ་མངག་གཞུག་མ་ཞིག་ཡོད་པ་དེས་བསམས་པ། བྲམ་ཟེ་ཟླ་གྲགས་ཀྱིས་ཁྲུས་གཞལ་བ་བརྒྱ་དག་གིས་ལོངས་སྤྱོད་དག་བསྒྲུབས་ཏེ་འདི་ན་ [29b.2]བར་གྱུར་ན་ཆུང་མ་དང་བུས་ཡལ་བར་བོར་ཞིང་ན་བ་མ་སོས་པས་བདག་གིས་རྗེ་བོ་ཡལ་བར་དོར་བ་ནི་བདག་ལ་ཚུལ་དང་མཐུན་པ་མ་ཡིན་ནོ་སྙམ་ནས་དེ་དགེ་བའི་བསམ་པ་དང་རྗེ་བོ་ལ་སྙིང་ཉེ་བས་སྨན་པའི་གན་དུ་སོང་སྟེ་སྨྲས་པ། བཞིན་{བཟངས་,བཟང་}ཁྱོད་ཀྱིས་བྲམ་ཟེ་ཟླ་གྲགས་ [29b.3]ཞེས་བྱ་བ་དེ་ཤེས་སམ། ཤེས་ཏེ་དེ་ཅི་ཉེས། དེ་ན་བར་གྱུར་ནས་ཆུང་མ་དང་བུས་ཡལ་བར་བོར་ནས་ན་བ་མ་སོས་ཀྱིས་དེའི་སྨན་སྟོན་ཅིག །སྨན་པས་སྨྲས་པ། བུ་མོ་གལ་ཏེ་དེ་ཆུང་མ་དང་བུས་ཡལ་བར་བོར་ན་གཡོག་སུས་བྱེད། བཞིན་{བཟངས་,བཟང་}སྨན་སྟོན་ཅིག་དང་ [29b.4]བདག་གིས་གཡོག་བྱའོ། །སྨན་པ་དེས་དེ་ལ་ནད་ཅི་ལས་གྱུར་པ་དྲིས་ནས་སྨན་བསྟན་ཏོ། །དེ་ནས་བུ་མོ་དེས་བྲམ་ཟེ་ཟླ་གྲགས་ཀྱི་གཡོག་བྱས་ནས་དེས་ནད་དེ་ལས་སོས་སོ། །བྲམ་ཟེ་ཟླ་གྲགས་ཀྱིས་བསམས་པ། བདག་ནད་དེ་ལྟ་བུས་བཏབ་ན་ཆུང་མ་དང་བུས་ཡལ་ [29b.5]བར་བོར་ནས་སྲོག་དག་དང་ཅུང་ཟད་མ་བྲལ་བ་གང་ཡིན་པ་དེ་ནི་བུ་མོ་འདིའི་མཐུ་ཡིན་པས་བདག་གིས་འདི་ལ་ངལ་བ་འབྲས་བུ་དང་བཅས་པ་བསྐྱེད་པར་བྱའོ་སྙམ་དུ་རིག་ནས་བུ་མོ་དེ་བོས་ཏེ་སྨྲས་པ། བུ་མོ་ཁོ་བོ་ནད་དེ་ལྟ་བུས་བཏབ་ན་ཆུང་མ་དང་བུས་ཡལ་བར་བོར་ནས་ཁྱོད་ཀྱི་ [29b.6]མཐུས་སྲོག་དག་དང་མ་བྲལ་བར་ཁོ་བོས་ཤེས་ཀྱིས་ཁྱོད་ལ་དམ་པ་ཅི་ཞིག་སྦྱིན་པར་བྱ་བ་དེ་སྨྲོས་ཤིག །ཇོ་བོ་གལ་ཏེ་ཁྱོད་བདག་ལ་དགྱེས་ན་བདག་ཁྱོད་དང་ལྷན་ཅིག་མཇལ་བར་འཚལ་ལོ། །བུ་མོ་ཁྱོད་ལ་ཁོ་བོ་དང་ལྷན་ཅིག་ཕྲད་པས་ཅི་བྱ། ཁོ་བོས་ཁྱོད་ཀཱར་ཥཱ་པ་ཎ་ལྔ་ [29b.7]བརྒྱ་སྦྱིན་ཞིང་བྲན་མོ་ལས་གཏང་ངོ་། །ཇོ་བོ་བདག་ཤིན་ཏུ་རིང་དུ་མཆིས་སུ་ལགས་ཀྱང་བྲན་མོ་ཉིད་ལགས་ཀྱིས། གལ་ཏེ་ཁྱོད་བདག་ལ་དགྱེས་ན་བདག་ཁྱོད་དང་ལྷན་ཅིག་མཇལ་བར་འཚལ་ལོ། །དེས་དེ་གདོན་མི་ཟ་བར་དངན་དུས་བྱེད་པར་རིག་ནས་སྨྲས་པ། བུ་མོ་ [30a] [30a.1]གང་གི་ཚེ་ཁྱོད་དུས་ལ་བབ་ཅིང་ཟླ་མཚན་དང་ལྡན་པར་གྱུར་པ་དེའི་ཚེ་ཁྱོད་ཁོ་བོའི་གན་དུ་ཤོག་ཤིག །བུ་མོ་དེ་དེའི་ཚིག་གིས་སྙིང་དགའ་བར་གྱུར་ནས། ཟླ་མཚན་འཛག་པའི་ཉི་མ་བགྲང་ཞིང་འདུག་འདུག་ནས་གང་གི་ཚེ་ཟླ་མཚན་དང་ལྡན་པར་གྱུར་པ་དེའི་ཚེ་ [30a.2]བྲམ་ཟེ་དེའི་གན་དུ་སོང་བ་དང་། དེས་དེ་དང་ལྷན་ཅིག་དགའ་མགུར་སྤྱད་ནས་དེ་ལ་སེམས་ཅན་ཞུགས་པར་གྱུར་ཏོ། །དེའི་ཆུང་མ་བྲམ་ཟེ་མོས་བྲམ་ཟེ་འདི་བུ་མོ་འདི་དང་ལྷན་ཅིག་དགའ་མགུར་སྤྱད་དོ་སྙམ་དུ་རིག་ནས་དེ་ཕྲག་དོག་གི་ཀུན་ནས་དཀྲིས་པ་ཀུན་དུ་སྤྱོད་པས་མི་བཟོད་པ་ [30a.3]སྐྱེས་ནས་བུ་མོ་དེ་ལ་རྟག་ཏུ་ཁུ་ཚུར་དང་ཐལ་ལྕག་གིས་རྡེག་ཅིང་ཟས་ངན་པ་དང་། གོས་ངན་པ་སྲེལ་དུ་འཇུད་དོ། །བུ་མོ་དེས་བསམས་པ་བདག་གི་མངལ་དུ་ཞུགས་པའི་སེམས་ཅན་སྐལ་ཆད་འདི་སུ་ཞིག་ཡིན་ན་འདི་མངལ་དུ་ཞུགས་པའི་དུས་ཚུན་ཅད་ནས་བདག་རྟག་ཏུ་ [30a.4]ཁུ་ཚུར་དང་ཐལ་ལྕག་དག་གིས་རྡེག་ཅིང་ཟས་ངན་པ་དང་། གོས་ངན་པ་སྲེལ་དུ་བཅུག་གོ་སྙམ་ནས་དེ་བདག་ཉིད་མྱ་ངན་བྱེད་ཅིང་འདུག་གོ། །ཇི་ཙམ་ན་ཟླ་བ་དགུ་ཚང་ནས་བཙས་པ་ལས་ཁྱེའུ་ཞིག་བྱུང་ནས་དེས་བསམས་པ། སེམས་ཅན་སྐལ་ཆད་འདི་བདག་གི་མངལ་ [30a.5]དུ་ཞུགས་ནས་བདག་གིས་དེ་འདྲ་བའི་གནས་སྐབས་ཐོབ་པར་གྱུར་པས་གལ་ཏེ་འདི་སྐྱེས་པར་གྱུར་ན་བདག་ཐམས་ཅད་ཀྱི་ཐམས་ཅད་དུ་མེད་པར་འགྱུར་རོ་སྙམ་དུ་རིག་ནས་དེ་ཆོལ་ཟངས་སུ་བཞག་སྟེ་དོར་བར་བརྩམས་པ་དང་། དེའི་ཚེ་བྲམ་ཟེ་དེས་མཐོང་ནས་སྨྲས་པ། བུ་ [30a.6]མོ་དེ་ཅི་ཡིན། དེས་སྨྲས་པ། ཅང་མ་ལགས་སོ། །དེས་ཆོལ་ཟངས་དེ་བལྟས་པ་དང་། ཇི་ཙམ་ན་ཁྱེའུ་ཞིག་མཐོང་ནས་དེས་སྨྲས་པ། བུ་མོ་ཅིའི་ཕྱིར་འདི་འདོར་བར་བྱེད། ཇོ་བོ་གང་ཚུན་ཆད་ནས་སེམས་ཅན་སྐལ་ཆད་འདི་བདག་གི་མངལ་དུ་ཞུགས་པར་གྱུར་པ་དེ་ [30a.7]ཚུན་ཆད་ནས་བདག་བྲམ་ཟེ་མོ་འདིས་རྟག་ཏུ་ཁུ་ཚུར་དང་ཐལ་ལྕག་དག་གིས་རྡེག་ཅིང་། འཚལ་མ་ངན་པ་དང་རད་པ་ངན་པ་སྲེལ་དུ་སྩལ་བས་གལ་ཏེ་འདི་སྐྱེས་པར་གྱུར་ན་བདག་ཐམས་ཅད་ཀྱི་ཐམས་ཅད་དུ་མ་མཆིས་པར་འགྱུར་བའི་སླད་དུའོ། །དེས་སྨྲས་པ། བུ་མོ་དེ་ནི་ [30b] [30b.1]དེས་མ་ཉེས་ཀྱི་ཁོ་བོས་ཉེས་ཀྱིས་འདི་སྐྱེད་ཅིག་དང་འདི་ལ་ཁོ་བོས་དུས་ཤེས་པར་བྱའོ། །དེས་དེ་བསྙོད་པར་བརྩམས་པ་དང་། བྲམ་ཟེས་ཀྱང་བྲམ་ཟེ་མོ་ལ་སྨྲས་པ། གང་གི་ཚེ་ཁོ་བོ་དེ་ལྟར་ན་བར་གྱུར་པ་ན་ཁྱོད་དང་བུས་ཡལ་བར་བོར་བ་དེའི་ཚེ་ན་བུ་མོ་འདིས་སྨན་དང་གཡོག་ [30b.2]གིས་ལེགས་པར་གསོས་པར་ཁོ་བོས་ཤེས་ཀྱིས། དེའི་ཕྱིར་གལ་ཏེ་འདི་ལ་མཁོ་བ་སྟོབས་པར་བྱེད་ན་དེ་ལྟ་ན་ལེགས། གལ་ཏེ་མི་བྱེད་ན་ཁོ་བོས་འདི་ཁྱིམ་བདག་མོར་གཞག་ཅིང་ཁྱོད་འདིའི་བྲན་མོར་བསྐོའོ། །བྲམ་ཟེ་མོ་དེ་སྐྲག་སྟེ་བསམས་པ། བྲམ་ཟེ་འདི་གཏུམ་པས་ [30b.3]གལ་ཏེ་དེ་ལྟར་མ་བྱས་ན་དེ་ལྟ་བྱེད་པར་འགྱུར་བའི་གནས་ཡོད་དོ་སྙམ་དུ་རིག་ནས་དེས་སྨྲས་པ། བྲམ་ཟེ་ཁྱོད་ཀྱིས་བུ་མོ་མངག་གཞུག་མ་ལ་དགའ་མགུར་སྤྱད་པ་དང་། ཁྱེའུ་འདི་ཁྱོད་ཀྱི་སྲས་ལགས་པར་ཡང་བདག་གིས་མ་འཚལ་ཏེ་ད་སླན་ཅད་ཅུང་ཟད་ཀྱང་ཐོ་འཚམ་ [30b.4]པར་མི་བྱེད་དོ། །ཁྱེའུ་དེ་ཆོལ་ཟངས་སུ་བཅུག་པས་དེའི་མིང་ཆོལ་ཟངས་པ་ཞེས་བྱ་བར་ཆགས་སོ། །བྲམ་ཟེ་དེ་ཆོལ་ཟངས་པ་ལ་འདིའི་མས་བདག་གི་གཡོག་བྱས་ཤིང་འདི་ཡང་བདག་ལས་བྱུང་བ་ཡིན་ནོ་སྙམ་པས་ཤིན་ཏུ་བྱམས་པ་དང་ལྡན་པར་གྱུར་ཏེ། དེ་དེ་དང་ལྷན་ [30b.5]ཅིག་གཅིག་ཏུ་ཟ་ཞིང་གང་དུ་མགྲོན་དུ་བོས་པར་འགྲོ་བ་དེར་ཡང་དེ་དང་ལྷན་ཅིག་འགྲོའོ། །ཇི་ཙམ་དུས་གཞན་ཞིག་ན་བྲམ་ཟེ་དེ་ཡང་ན་བར་གྱུར་ནས་དེ་རྩ་བ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས་བུའི་སྨན་དག་གིས་གསོ་བར་བྱེད་དེ། གསོ་ [30b.6]བར་བྱེད་པ་ན་ནད་ན་བ་ཁོ་ནར་གྱུར་ནས་གང་གི་ཚེ་དེ་འཆི་བ་ལ་ཐུག་པའི་ཚོར་བ་བྱུང་ཞིང་རིང་པོ་མི་ཐོགས་པར་དུས་བྱེད་པར་འགྱུར་བ་དེའི་ཚེ་ན་དེས་བུ་ཐུ་བོ་ཉི་ཟླ་བཀུག་སྟེ་སྨྲས་པ། བུ་ཁོ་བོ་འདས་ནས་ཁྱོད་ནི་མྱ་ངན་བྱ་བ་མ་ཡིན་གྱི། ཁྱོད་ཀྱི་ནུ་བོ་ཆོལ་ཟངས་པ་འདི་མྱ་ངན་བྱ་ [30b.7]བར་འགྱུར་བས་ཁྱོད་ཀྱིས་འདི་ལ་མཁོ་བ་བསྟབས་པར་བྱའོ་ཞེས་སྨྲས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དེ་ [31a] [31a.1]དུས་ཀྱི་ཆོས་དང་ལྡན་པར་གྱུར་ནས་དེ་ཉི་ཟླ་དང་། ཆོལ་ཟངས་པ་དང་། སྙིང་དུ་སྡུག་ཅིང་འབྲེལ་བའི་རྩ་ལག་གཞན་དག་གིས་དུར་ཁྲོད་དུ་ཁྱེར་ཏེ་བསྲེགས་ནས་དེའི་འོག་ཏུ་མྱ་ངན་བསང་བ་བྱས་ཏེ་འཁོད་དོ། །ཇི་ཙམ་དུས་གཞན་ཞིག་ན་ཉི་ཟླས་ཟན་གྱི་ [31a.2]དུས་སུ་ཆོལ་ཟངས་པ་ཚུར་ཤོག་འདིར་ཟན་ཟོ་ཞིག་ཅེས་བོས་པ་དང་། དེ་ལ་མས་སྨྲས་པ། བུ་ཁྱོད་བྲན་མོའི་བུ་དང་ཇི་ལྟར་ལྷན་ཅིག་ཟན་ཟ་བར་བྱེད། མ་བདག་གིས་དུས་ཐམས་ཅད་དུ་ནུ་བོ་འདི་དང་ལྷན་ཅིག་ཟོས་ཤིང་འཐུངས་ན་ད་ཇི་ལྟར་བྲན་མོའི་བུ་ཞེས་བྱ། མས་ [31a.3]སྨྲས་པ། བུ་ཁྱོད་ཀྱི་ཕ་གཏུམ་པར་གྱུར་པས་དེ་ལ་ཅུང་ཟད་སྨྲ་བར་སུས་ནུས་འདི་ནི་བྲན་མོའི་བུ་ཁོ་ན་ཡིན་ནོ། །ཆོལ་ཟངས་པས་ཐོས་ནས་དེ་མའི་གན་དུ་སོང་སྟེ་སྨྲས་པ། མ་བདག་བྲན་མོའི་བུ་ཡིན་པ་བདེན་ནམ། བུ་འཇིག་རྟེན་ནི་རང་གི་ལས་ཀྱི་འབྲས་བུ་ལ་སྤྱོད་ [31a.4]པ་ཡིན་པས་སུ་ཞིག་སུའི་བྲན་ཡིན། བུ་ཡུལ་གཞན་དུ་སོང་ལ་ཐོས་པ་འཛིན་ཅིང་འདུག་ཤིག །དེ་ཡུལ་གཞན་དུ་སོང་ནས་དེ་ཡུལ་གཞན་དུ་རང་གི་མིང་ཆོལ་ཟངས་པ་ཞེས་བྱ་བ་བཏང་སྟེ། ཟླ་བ་ཞི་བ་ཞེས་བྱ་བར་བསྒྲགས་ནས་ཇི་ཙམ་ན་མཐར་གྱིས་མཉན་ཡོད་ [31a.5]དུ་ཕྱིན་ནས། དེ་ན་བྲམ་ཟེ་མདུན་ན་འདོན་ཞིག་འདུག་ནས། དེ་གཅིག་ནས་གཅིག་ཏུ་དེའི་གན་དུ་སོང་སྟེ་ཆ་ལུགས་དུལ་བ་དང་སྤྱོད་ལམ་ཞི་བས་གུས་པར་སྨྲ་བ་བྱས་ཏེ་མཐའ་གཅིག་ཏུ་འདུག་གོ། །དེ་ནས་བྲམ་ཟེ་དེས་འོངས་པ་ལེགས་སོ་ཞེས་བྱ་བའི་ཚིག་ཀུན་དུ་ [31a.6]བརྗོད་པས་རབ་ཏུ་དགའ་བར་བྱས་ཏེ་དྲིས་པ། ཀྱེ་བྲམ་ཟེའི་ཁྱེའུ་ཁྱོད་ག་ལས་འོངས། རྡོ་འཇོག་ནས་མཆིས་སོ། །ཁྱོད་ཀྱིས་རྡོ་འཇོག་ན་འཁོད་པའི་སྐྱེ་བོའི་ཚོགས་དག་ཤེས་སམ་འཚལ་ཏོ། །དེ་ན་བྲམ་ཟེ་ཟླ་གྲགས་དེའི་གཏམ་ཅི་གྲག །བྲམ་ཟེའི་ཁྱེའུ་དེས་ [31a.7]ངུ་བར་བརྩམས་པ་དང་། དེས་སྨྲས་པ། བྲམ་ཟེའི་ཁྱེའུ་ཅིའི་ཕྱིར་ངུ་། དེ་བདག་གི་ཕ་ལགས་སོ། །འོ་ན་ཅིའི་ཕྱིར་ངུ་། དེ་གུམ་མོ། །བྲམ་ཟེའི་ཁྱེའུ་སྐྱེས་པས་ནི་གདོན་མི་ཟ་བར་འཆི་བར་བྱ་དགོས་ཀྱིས་ཁོ་བོ་ཁྱོད་ཀྱི་ཕའི་ཆུང་པོ་གྲོགས་ཡིན་གྱིས་བག་ཕོབ་ [31b] [31b.1]ཤིག་དང་ཐམས་ཅད་བྱའོ། །དེས་སྨྲས་པ། མཁན་པོ་རེ་ཞིག་བགྱི་བ་གཞན་བཏང་སྟེ། ཇེ་རིག་བྱེད་བཀླག་པར་བགྱིའོ། །བུ་མ་ཉེས་ཏེ། བྲམ་ཟེ་རང་གི་རིགས་སྒྲོགས་པས་བྱ་བ་ནི་དེ་ཡིན་ནོ། །དེས་དེའི་དྲུང་དུ་རིག་བྱེད་བཀླག་པར་བརྩམས་པ་དང་། དེ་བློ་རྣོ་ [31b.2]བ་དང་། བརྟན་པ་དང་། བརྩོན་འགྲུས་བརྩམས་པ་ཡིན་པས་དེས་དུས་ཅུང་ཞིག་གིས་རིག་བྱེད་བཞི་པོ་དག་བཀླགས་སོ། །བྲམ་ཟེ་དེ་མངོན་པར་དགའ་ནས་དེས་དེའི་བུ་མོ་རྒྱན་ཐམས་ཅད་ཀྱིས་བརྒྱན་ཏེ་དེའི་ཆུང་མར་བྱིན་ཞིང་བདག་དབང་བའི་ནོར་མང་པོ་དག་ཀྱང་བྱིན་ནོ། ། [31b.3]དེ་བྲམ་ཟེ་མདུན་ན་འདོན་གྱི་དམག་པར་གྱུར་ཅིང་རིག་བྱེད་བཞི་དང་ལྡན་པ་ཞེས་འཇིག་རྟེན་ཐམས་ཅད་ལ་རྣམ་པར་གྲགས་ཤིང་། སྦྱིན་པ་དང་། མཆོད་པ་དང་། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་པར་གྱུར་ཏོ། །ཇི་ཙམ་དུས་གཞན་ཞིག་ན་ [31b.4]རྡོ་འཇོག་ན་གནས་པའི་སྐྱེ་བོའི་ཚོགས་དག་ཟོང་ཐོགས་ཏེ་མཉན་ཡོད་དུ་ལྷགས་ནས། དེ་དག་གིས་ཆོལ་ཟངས་པ་ཇི་ལྟར་བྲམ་ཟེ་མདུན་ན་འདོན་གྱི་དམག་པར་གྱུར་ཅིང་། རིག་བྱེད་བཞི་དང་ལྡན་པ། སྦྱིན་པ་དང་། མཆོད་པ་དང་། བསྙེན་བཀུར་དག་གིས་ཁྱིམ་ [31b.5]གྱི་འབྱོར་པ་ཉེ་བར་བསགས་པར་གྱུར་པ་ཐོས་སོ། །ཐོས་ནས་ཀྱང་གྲོས་བྱ་བར་བརྩམས་པ། བདག་ཅག་འདོང་ཞིང་དེ་མངོན་སུམ་དུ་བྱས་ཏེ་རྡོ་འཇོག་ན་ཉི་ཟླ་བདེ་བའི་གཏམ་བྱའོ་སྙམ་ནས་དེ་དག་དེའི་གན་དུ་སོང་སྟེ། དེ་དག་གིས་དེ་ངོ་ཤེས་ནས་ཅང་མ་སྨྲས་ [31b.6]པར་དེ་ནས་ཟོང་བསྒྱུར་ཏེ་རིན་བླངས་ནས་རྡོ་འཇོག་ཏུ་དོང་ངོ་། །དེ་དག་གིས་ལམ་གྱི་ངལ་བ་བསོ་སྟེ་ཉི་ཟླ་ལ་སྨྲས་པ། མཉན་ཡོད་ན་ཁྱོད་ཀྱི་ནུ་བོ་ཆོལ་ཟངས་པ་བྲམ་ཟེ་མདུན་ན་འདོན་གྱི་དམག་པར་གྱུར་ཅིང་། རིག་བྱེད་བཞི་དང་ལྡན་པར་འཇིག་རྟེན་ཐམས་ཅད་ལ་རྣམ་པར་ [31b.7]གྲགས་ཏེ། སྦྱིན་པ་དང་། མཆོད་པ་དང་། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་པར་གྱུར་ཏོ། །དེ་ཡིད་དགའ་བ་སྐྱེས་ནས་མ་ལ་སྨྲས་པ། མ་ཆོལ་ཟངས་པ་དེ་མཉན་ཡོད་ན་བྲམ་ཟེ་མདུན་ན་འདོན་གྱི་དམག་པར་གྱུར་ཅིང་། རིག་བྱེད་བཞི་ [32a] [32a.1]དང་ལྡན་པར་འཇིག་རྟེན་ཐམས་ཅད་ལ་གྲགས་ཏེ། སྦྱིན་པ་དང་། མཆོད་པ་དང་། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་ཞེས་གྲག་གོ། །མས་སྨྲས་པ། བུ་དེ་ལྟར་ག་ལ་འགྱུར་ཏེ། བྲན་མོའི་བུ་དེ་ལ་སུ་ཞིག་སྦྱིན་པ་དང་། [32a.2]མཆོད་པ་དང་། བསྙེན་བཀུར་དག་གིས་བསྙེན་བཀུར་བྱེད་པར་འོས་ན་དེ་ལ་བསྙེན་བཀུར་བྱེད་པར་འགྱུར། དེ་ནས་དེ་ཅང་མི་སྨྲ་བར་འདུག་གོ། །ཇི་ཙམ་དུས་གཞན་ཞིག་ན་ཉི་ཟླ་ལོངས་སྤྱོད་སྲབས་པར་གྱུར་ནས་མས་དེ་ལ་སྨྲས་པ། བུ་ནུ་བོ་དེའི་གན་དུ་སོང་ཤིག་དང་ [32a.3]གལ་ཏེ་ན་དེ་ཁྱོད་ལ་ལོངས་སྤྱོད་དག་གིས་བགོ་བཤའ་བྱེད་པར་འགྱུར་རོ། །དེས་སྨྲས་པ། མ་དེའི་ཚེ་ན་དེ་བྲན་མོའི་བུ་ཡིན་ན་ད་ཇི་ལྟར་ནུ་བོར་འགྱུར། མས་སྨྲས་པ། བུ་གལ་ཏེ་དེ་ལྟ་ན་ཡང་སོང་ལ་དེ་ལས་བླང་བ་མ་ཟློག་ཤིག །དེ་མས་ནན་གྱིས་མནན་པ་ན་དོན་ [32a.4]མཐུན་བཙལ་ཏེ་མཉན་ཡོད་དུ་སོང་ངོ་། །ཆོལ་ཟངས་པས་ཇི་ལྟར་བདག་གི་ཕུ་བོ་ཉི་ཟླ་དེ་དོན་མཐུན་དང་ལྷན་ཅིག་འདིར་འོངས་ཏེ་ཕྱོགས་ག་གེ་མོ་ཞིག་ན་འདུག་གོ་ཞེས་ཐོས་སོ། །ཐོས་ནས་ཀྱང་བསུ་ནས་དེས་དེ་ལ་འོངས་པ་ལེགས་སོ་ཞེས་བྱ་བའི་ཚིག་གིས་ཀུན་དུ་སྤྱད་ནས་ [32a.5]སྨྲས་པ། བདག་གིས་འདིར་ཟླ་བ་ཞི་བ་ཞེས་བྱ་བའི་མིང་བཏགས་ཀྱིས། བདག་ལ་ཁྱོད་ཆོལ་ཟངས་པ་ཞེས་མ་འབོད་ཅིག །ཉི་ཟླས་སྨྲས་པ། ཁྱོད་ཟླ་བ་ཞི་བ་ཡིན་ན་སུ་ཞིག་གཞན་དུ་འབོད་པར་འགྱུར་དེས་ཉི་ཟླ་ཁྱིམ་དུ་ཁྲིད་དེ་བཀུར་སྟི་ཆེན་པོས་མཁོས་སུ་ཕབ་ནས་ [32a.6]ཟན་བྱིན་ཏེ། བྲམ་ཟེ་མོ་ལ་སྨྲས་པ། ཁྱོད་ཤེས་པར་གྱིས་ཤིག །འདི་ནི་ཁོ་བོའི་ཕོ་བོ་ཉི་ཟླ་ཞེས་བྱ་བ་ཡིན་གྱིས་ཁྱོད་ཀྱིས་འདི་ལ་མཁོ་བ་ཐམས་ཅད་བསྟབ་པར་བྱ་ཞིང་ཚིག་མི་གཅག་པ་དང་། རྟག་ཏུ་གུས་པ་དང་བཅས་པར་གྱིས་ཤིག །དེས་ཀྱང་ཁས་ [32a.7]བླངས་སོ། །ཉི་ཟླ་ནི་དེས་ཤིང་འགྲོགས་ན་བདེ་བ་ཡིན་ལ། ཆོལ་ཟངས་པ་ནི་གཏུམ་ཞིང་གཟུ་ལུམས་དང་། དྲག་ཤུལ་ཅན་ཡིན་པས་དེ་ཆུང་མ་དེ་ལ་ཉེས་པ་ཅུང་ཟད་ཙམ་གྱིས་ཀྱང་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །བྲམ་ཟེ་མོ་དེས་ཉི་ཟླ་ལ་སྨྲས་པ། ཇོ་ [32b] [32b.1]བོ་ཁྱེད་གཉིས་ནུ་མ་གཅིག་ལ་གསོལ་གསོལ་བའི་མཆེད་ལགས་ན་གང་གི་སླད་དུ་ཁྱོད་ནི་དེས་ཤིང་འགྲོགས་ན་བདེ་བ་ལགས་ལ། ཁྱོད་ཀྱི་གཅུང་པོ་འདི་ནི་གཏུམ་ཞིང་གཟུ་ལུམས་དང་། དྲག་ཤུལ་ཅན་ལགས་པ་འདི་ལ་རྒྱུ་ཅི་མཆིས། ཉི་ཟླས་སྨྲས་པ། སྲུ་འདིས་ཁྱིམ་གྱི་རིག་ [32b.2]པ་མ་བཀླགས་སོ། །ཇོ་བོ་བདག་ལ་ཁྱིམ་གྱི་རིག་པ་དེ་སྩོལ་ཅིག །ཉི་ཟླས་ཚིགས་སུ་བཅད་པ་སྨྲས་པ། རིག་པ་སུ་ལའང་སྦྱིན་བྱ་མིན། །རིག་དང་བཅས་ཏེ་འཆི་བར་བྱ། །རིག་པ་རིག་དང་གུས་པ་དང་། །ནོར་གྱིས་སྦྱིན་པར་བྱ་བ་ཡིན། །བྲམ་ཟེ་མོས་སྨྲས་པ། ཇོ་ [32b.3]བོ་ནོར་ཇི་ཙམ་གྱིས་སྩོལ་བར་མཛད། སྲུ་ཀཱར་ཥཱ་པ་ཎ་ལྔ་བརྒྱས་སོ། །དེས་ཀཱར་ཥཱ་པ་ཎ་ལྔ་བརྒྱ་ཐོགས་ཏེ་དེའི་རྐང་པ་གཉིས་ལ་གཏུགས་ནས་སྨྲས་པ། ཇོ་བོ་ཁྱིམ་གྱི་རིག་པ་དེ་སྩོལ་ཅིག །ཉི་ཟླས་སྨྲས་པ། སྲུ་ཇེ་ཁོ་བོ་རྫོངས་ཤིག་དང་ནམ་འགྲོ་བའི་ཚེ་སྦྱིན་ནོ། །བྲམ་ [32b.4]ཟེ་མོ་དེ་ཁྱིམ་ཐབ་ཀྱི་གན་དུ་སོང་སྟེ་སྨྲས་པ། རྗེའི་སྲས་ཁྱོད་ཀྱི་གཅེན་འདི་ཁྱིམ་གྱི་བྱ་བ་སེམས་པས་མི་དགའ་བར་འགྱུར་གྱིས་འདི་སླར་ཐོང་ཤིག །དེས་སྨྲས་པ། བཟང་མོ་གལ་ཏེ་དེ་ལྟ་ན་ཁྱོད་ཀྱིས་ཇེ་འདིའི་ལམ་རྒྱགས་སྟ་གོན་གྱིས་ཤིག་དང་། ཁོ་བོས་དོན་མཐུན་བཙལ་ [32b.5]བར་བྱའོ། །དེས་རྡོ་འཇོག་ཏུ་འགྲོ་བའི་དོན་མཐུན་བཙལ་བར་བརྩམས་ནས། བྲམ་ཟེ་མོ་དེས་དེའི་ལམ་རྒྱགས་སྟ་གོན་བྱས་ནས། ཀཱར་ཥཱ་པ་ཎ་ལྔ་བརྒྱ་ཐོགས་ཏེ་ཉི་ཟླའི་རྐང་པ་གཉིས་ལ་གཏུགས་ནས་སྨྲས་པ། ཇོ་བོ་ཁྱོད་བརྫང་བའི་དུས་འདི་ལགས་ཀྱིས་ཁྱིམ་གྱི་རིག་པ་ [32b.6]སྩོལ་ཅིག །ཉི་ཟླས་སྨྲས་པ། སྲུ་གང་གི་ཚེ་ཟླ་བ་ཞི་བ་ཁྱོད་ལ་རྡེག་པར་བྱེད་པ་དེའི་ཚེ་ཁྱོད་ཀྱིས་རིག་པ་འདི་བཀླག་པར་བྱའོ། །སྐྱེ་བོ་མང་པོ་གཞན་དག་དང་། །གཞན་གྱི་ཁྱིམ་དུའང་ཤེས་གྱུར་ཅིང་། །གྲོང་སྲུང་རིགས་ཀྱིས་ཤེས་གྱུར་གྱིས། །ཁ་རོག་འདུག་ [32b.7]ཤིག་ཆོལ་ཟངས་པ། །གལ་ཏེ་སྨྲས་པ་འདི་དོན་ཅི་ཞེས་ཟེར་ན་དེ་ལ་གལ་ཏེ་རྡེག་པར་བྱེད་ན་དོན་ཡང་བཤད་པར་བྱའོ་ཞེས་བརྗོད་པར་བྱའོ། །སྲུ་གསང་སྔགས་ཀྱི་ཚིག་དོན་དང་ལྡན་པ་འདི་དག་ནི་བརྗོད་པ་ཙམ་ཁོ་ནས་འབྲས་བུ་དང་བཅས་པར་འགྱུར་བ་ཡིན་གྱིས་ཕྱིས་འགྱོད་ [33a] [33a.1]པར་མི་འགྱུར་བར་ལེགས་པར་ཟུང་ཤིག །བྲམ་ཟེ་མོ་དེས་ཡི་གེ་དེ་དག་ལེགས་པར་བཟུང་ནས་ཟླ་བ་ཞི་བས་ཀྱང་རྡོ་འཇོག་ཏུ་འགྲོ་བའི་དོན་མཐུན་བཙལ་ནས་ཉི་ཟླ་ལ་ཀཱར་ཥཱ་པ་ཎ་དག་གིས་བགོ་བཤའ་བྱས་ཏེ་ལམ་རྒྱགས་བྱིན་ནས་དེ་སྐྱེལ་དུ་སོང་ངོ་། །བུ་མོ་དེས་ [33a.2]བསམས་པ། ཅི་གསང་སྔགས་ཀྱི་ཚིག་འདི་དག་བདེན་ནམ་{བརྫུན་,རྫུན་}པ་སད་པར་བྱའོ་སྙམ་ནས། དེས་ཟླ་བ་ཞི་བས་ཉི་ཟླ་བསྐྱལ་ཏེ་ཕྱིར་ལོག་པའི་ཚེ་བཟའ་བ་དང་། བཏུང་བ་དང་། ཁྲུས་བྱ་བ་ཅི་ཡང་སྟ་གོན་མ་བྱས་སོ། །དེ་ནས་ཟླ་བ་ཞི་བས་སྨྲས་པ། བཟང་མོ་ཆུ་ཁྱེར་ཏེ་ [33a.3]ཤོག །ཁྲུས་བྱའོ། །ཆུང་མས་སྨྲས་པ། རྗེའི་སྲས་ཆབ་སྟ་གོན་མ་བགྱིས་སོ། །བཟང་མོ་གལ་ཏེ་དེ་ལྟ་ན་ཟས་ཁྱེར་ཏེ་ཤོག་བཟའོ། །རྗེའི་སྲས་དེ་ཡང་སྟ་གོན་མ་བགྱིས་སོ། །དེ་ཁྲོས་ཏེ་སྨྲས་པ། ངའི་ཕུ་བོ་འདུག་པ་དེའི་ཚེ་ན་ངས་རེ་ཞིག་ཁྱོད་བཏང་སྙོམས་སུ་བཞག་ [33a.4]པར་ཟད་ཀྱི། ཁྱོད་ཀྱི་རང་བཞིན་ནི་མ་བརྡེགས་ཀྱི་བར་དུ་བྱེད་དུ་མི་བཏུབ་པ་ཡིན་ནོ་ཞེས་དེས་བསྣུན་པ་གཟས་ཏེ་བརྡེག་པར་བརྩམས་པ་དང་། ཆུང་མས་སྨྲས་པ། རྗེའི་སྲས་རེ་ཞིག་གཞེས་ཤིག་དང་ཁྱིམ་གྱི་རིག་པ་ཇེ་གསན་པར་བགྱིའོ། །དེས་སྨྲས་པ། ཐོས་པར་གྱིས་ཤིག ། [33a.5]ཆུང་མས་སྐྱེ་བོ་མང་པོ་གཞན་དག་དང་། །གཞན་གྱི་ཁྱིམ་དུའང་ཤེས་གྱུར་ཅིང་། །གྲོང་སྲུང་རིགས་ཀྱིས་ཤེས་གྱུར་གྱིས། །ཁ་རོག་འདུག་ཤིག་ཆོལ་ཟངས་པ། །ཞེས་སྨྲས་པ་དང་། དེས་སྨྲས་པ། བཟང་མོས་སྨྲས་པ་དེའི་དོན་ཅི་ཡིན། ཆུང་མས་སྨྲས་པ། གལ་ཏེ་ [33a.6]རྡེག་པར་མཛད་ན་དོན་ཡང་ཁྱོད་ལ་བརྗོད་པར་བགྱིའོ། །དེ་{རི་དགས་,རི་དྭགས་}གནད་དུ་ཕོག་པ་ལྟར་ཟུག་རྔུས་ཟུག་སུ་སྨྲས་པ། མི་རྡེག་གིས་ཐོང་ལ་དོན་མ་སྨྲ་ཤིག་ཅེས་ཟེར་རོ། །དགེ་སློང་དག་དེའི་ཚེ་དེའི་དུས་ན་བྲམ་ཟེ་ཟླ་གྲགས་ཞེས་བྱ་བ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ན་ [33a.7]ཆོལ་ཟངས་པ་ཞེས་བྱ་བ་གང་ཡིན་པ་དེ་ནི་འདུན་པ་འདི་ཡིན་ནོ། །དགེ་སློང་དག་དེའི་ཚེ་ཡང་འདིས་བྲམ་ཟེ་དང་། ཁྱིམ་བདག་དེས་པ་དག་གི་མདུན་དུ་ང་ཉེ་དུར་བརྗོད་ཅིང་བདག་ཉིད་སྨྲ་བ་དང་། རྣམ་པར་སྨྲ་བ་བྱས་སོ། །ད་ལྟར་ཡང་འདིས་ཚངས་པ་མཚུངས་པར་སྤྱོད་པ་དེས་པ་དེས་པ་ [33b] [33b.1]རྣམས་ཀྱི་མདུན་དུ་ང་ཉེ་དུར་བརྗོད་ཅིང་བདག་ཉིད་སྨྲ་བ་དང་། རྣམ་པར་སྨྲ་བར་བྱེད་དོ། །དགེ་སློང་དག་དེ་ལྟ་བས་ན་ང་ལ་ཉེ་དུར་བརྗོད་པ་རྣམས་ཀྱིས་ཚངས་པ་མཚུངས་པར་སྤྱོད་པ་གནས་བརྟན་རྣམས་དང་། བར་མ་རྣམས་དང་། གསར་བུ་རྣམས་ལ་ཡང་གུས་པ་དང་བཅས་པ་དང་། རྗེ་ [33b.2]ས་དང་བཅས་པ་དང་། འཇིགས་པ་དང་བཅས་པའི་དབང་དུ་འགྱུར་བ་དག་གིས་གནས་པར་བྱའོ། །བཀའ་བློ་མི་བདེ་བའི་དགེ་འདུན་ལྷག་མ་སྟེ། བཅུ་གསུམ་པ་རྫོགས་{སྷོ,སོ}།། །།ཚེ་དང་ལྡན་པ་དག་བདག་གི་དགེ་འདུན་ལྷག་མའི་ཆོས་བཅུ་གསུམ་པོ་དག་བཏོན་ [33b.3]ཟིན་ནོ། །དེ་དག་ལས་དགུ་ནི་ལྟུང་བ་དང་པོ་དག་ཉིད་ཀྱིས་སོ། །བཞི་ནི་ལན་གསུམ་གྱི་བར་གྱིས་སོ། །དགེ་སློང་གིས་དེ་དག་ལས་ལྟུང་བ་གང་ཡང་རུང་བ་ཞིག་བྱས་ལ་ཇི་སྲིད་དུ་ཤེས་བཞིན་དུ་འཆབ་པར་བྱེད་པ་དེ་སྲིད་དུ་དེས་མི་འདོད་བཞིན་དུ་སྤོ་བ་བྱའོ། །དགེ་སློང་གིས་མི་ [33b.4]འདོད་བཞིན་དུ་སྤོ་བ་བྱས་ནས་འོག་ཏུ་ཞག་དྲུག་གི་བར་དུ་དགེ་འདུན་མགུ་བར་བྱ་བ་སྤྱད་པར་བྱའོ། །དགེ་སློང་གིས་མགུ་བར་བྱ་བ་སྤྱད་ནས་དབྱུང་བ་ལ་ཐོགས་ཏེ་ཆོས་དང་མཐུན་པར་བྱས་ལ་དགེ་སློང་གི་དགེ་འདུན་གྱི་སེམས་མགུ་བར་བྱས་ན། གང་ན་དགེ་སློང་ཉི་ཤུའི་ཚོགས་ཀྱི་དགེ་ [33b.5]འདུན་ཡོད་པ་དེར་དགེ་སློང་དེ་དབྱུང་བར་བྱའོ། །གལ་ཏེ་དགེ་སློང་ཉི་ཤུར་གཅིག་གིས་མ་ཚང་བའི་ཚོགས་ཀྱི་དགེ་འདུན་གྱིས་དགེ་སློང་དེ་འབྱིན་པར་བྱེད་ན་དགེ་སློང་དེ་ཡང་མ་ཕྱིན་ལ། དགེ་སློང་དེ་དག་ཀྱང་སྨད་པར་བྱ་བ་ཡིན་ཏེ། དེ་ལ་དེ་ནི་ཆོ་ག་ཡིན་ནོ། །དགེ་འདུན་ལྷག་ [33b.6]མ་རྣམས་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ [33b.7]ཞུགས་ནས་མཐར་གྱིས་མཉན་ཡོད་དུ་བསོད་སྙོམས་ལ་རྒྱུ་བ་ན། ཁྱིམ་བདག་གི་ཆུང་མ་སྦེད་མའི་ཁྱིམ་ག་ལ་བ་དེར་སོང་ངོ་། །ཁྱིམ་བདག་གི་ཆུང་མ་སྦེད་མས་ཚེ་དང་ལྡན་པ་འཆར་ཀ་ཐག་རིང་པོ་ཁོ་ན་ནས་མཐོང་སྟེ། མཐོང་ནས་ཀྱང་ཚེ་དང་ལྡན་པ་འཆར་ཀའི་ཕྱིར་སྟན་ [34a] [34a.1]ཤོམ་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །བཙུན་པ་འཆར་ཀ་ཚུར་སྤྱོན། བཙུན་པ་འཆར་ཀ་བྱོན་པ་ལེགས་སོ། །བཙུན་པ་འཆར་ཀ་གདན་བཤམས་པ་ཉིད་ལ་བཞུགས་ཤིག །ཚེ་དང་ལྡན་པ་འཆར་ཀ་སྟན་བཤམས་པ་དེ་ལ་འདུག་གོ། །དེ་ནས་ [34a.2]ཁྱིམ་བདག་གི་ཆུང་མ་སྦེད་མས། ཚེ་དང་ལྡན་པ་འཆར་ཀའི་རྐང་པ་གཉིས་ལ་མགོ་བོས་ཕྱག་འཚལ་ཏེ་པུས་མོ་གཉིས་ལ་པུས་མོ་གཉིས་གཏད་དེ་ཆོས་ཉན་པའི་ཕྱིར་འདུག་གོ། །ཚེ་དང་ལྡན་པ་འཆར་ཀས་དེ་ལ་ཆོས་སྙན་པ་སྙན་པ་དག་བསྟན་པར་བརྩམས་སོ། །དེའི་ཚེ་ན་རི་ [34a.3]དགས་འཛིན་གྱི་མ་ས་ག་ཁྱིམ་དེའི་ཉེན་ཀོར་ན་འགྲོ་བས་{རི་དགས་,རི་དྭགས་}འཛིན་གྱི་མ་ས་གས་ཁྱིམ་བདག་གི་ཆུང་མ་སྦེད་མའི་ཁྱིམ་ན། ཚེ་དང་ལྡན་པ་འཆར་ཀའི་སྐད་ཀྱི་གདངས་གྲགས་པ་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། ཀྱེ་མ་འཕགས་པ་འཆར་ཀ་སྐད་ཀྱི་ [34a.4]གདངས་ཀྱིས་ཁྱིམ་བདག་གི་ཆུང་མ་སྦེད་མ་ལ་སྦྲང་བུ་སྦྲང་རྩི་འབྱིན་པ་དང་འདྲ་བར་ཆོས་སྙན་པ་སྙན་པ་དག་སྟོན་པར་བྱེད་ཀྱིས་བདག་ཀྱང་གཞན་ལ་བརྩམས་པའི་ཆོས་མཉན་པའི་ཕྱིར་འགྲོའོ་སྙམ་མོ། །དེ་ནས་{རི་དགས་,རི་དྭགས་}འཛིན་གྱི་མ་ས་ག་ཁྱིམ་བདག་གི་ཆུང་མ་སྦེད་མའི་ཁྱིམ་ [34a.5]ག་ལ་བ་དེར་སོང་བ་དང་། {རི་དགས་,རི་དྭགས་}འཛིན་གྱི་མ་ས་གས་ཁྱིམ་བདག་གི་ཆུང་མ་སྦེད་མ་ཚེ་དང་ལྡན་པ་འཆར་ཀའི་པུས་མོ་གཉིས་ལ་པུས་མོ་གཉིས་གཏད་དེ་ཆོས་མཉན་པའི་ཕྱིར་འདུག་པ་མཐོང་ངོ་། །མཐོང་ནས་ཀྱང་དེ་འདི་སྙམ་དུ་སེམས་ཏེ། གལ་ཏེ་ཁྱིམ་བདག་གམ། ཁྱིམ་ [34a.6]བདག་གི་ཆུང་མའམ། ཁྱིམ་བདག་གི་བུ་མ་དད་པ་འགའ་ཞིག་གིས་འདི་མཐོང་བར་གྱུར་ན། འཕགས་པ་འཆར་ཀ་འདིས་ཁྱིམ་བདག་གི་ཆུང་མ་སྦེད་མ་དང་ལྷན་ཅིག་དབེན་པ་སྐྱབས་ཡོད་པར་དགེ་སྦྱོང་གི་ཚུལ་མ་ཡིན་པ་སྡིག་པའི་ལས་ཅུང་ཞིག་བྱས་སམ་བྱེད་པར་སེམས་སོ་ [34a.7]སྙམ་དུ་གདོན་མི་ཟ་བར་མཐར་ཐུག་པར་འགྲོ་བར་འགྱུར་བས་དེའི་ཕྱིར་འདི་ནི་བདག་གི་བྱ་བ་ཡིན་ནོ་སྙམ་ནས། དེ་ནས་{རི་དགས་,རི་དྭགས་}འཛིན་གྱི་མ་ས་ག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ [34b] [34b.1]ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་{རི་དགས་,རི་དྭགས་}འཛིན་གྱི་མ་ས་གས་འདི་སྐད་ཅེས་གསོལ་ཏོ། །བཙུན་པ་བདག་གིས་ཁྱིམ་བདག་གི་མཆིས་བྲང་སྦེད་མའི་སྡུམ་པ་ན། ཚེ་དང་ལྡན་པ་འཆར་ཀའི་སྐད་ཀྱི་གདངས་གྲགས་པ་ཐོས་ཏེ། ཐོས་ནས་བདག་འདི་ [34b.2]སྙམ་བགྱིད་དེ། ཀྱེ་མ་འཕགས་པ་འཆར་ཀ་ཁྱིམ་བདག་གི་མཆིས་བྲང་སྦེད་མ་ལ་སྦྲང་བུ་སྦྲང་རྩི་འབྱིན་པ་དང་འདྲ་བར་ཆོས་སྙན་པ་སྙན་པ་དག་སྟོན་པར་བགྱིད་ཀྱིས། བདག་ཀྱང་གཞན་ལ་བརྩམས་པའི་ཆོས་མཉན་པའི་སླད་དུ་མཆིའོ་སྙམ་ནས། བདག་ཁྱིམ་བདག་གི་མཆིས་ [34b.3]བྲང་སྦེད་མའི་སྡུམ་པ་ག་ལ་བ་དེར་མཆིས་པ་དང་། བདག་གིས་ཁྱིམ་བདག་གི་མཆིས་བྲང་སྦེད་མ་ཚེ་དང་ལྡན་པ་འཆར་ཀའི་པུས་མོ་གཉིས་ལ་པུས་མོ་གཉིས་གཏད་དེ་མཆིས་པ་མཐོང་ངོ་། །མཐོང་ནས་ཀྱང་བདག་འདི་སྙམ་བགྱིད་དེ། གལ་ཏེ་ད་ཁྱིམ་བདག་གམ། ཁྱིམ་བདག་ [34b.4]གི་མཆིས་བྲང་ངམ། ཁྱིམ་བདག་གི་བུ་མ་དད་པ་འགའ་ཞིག་གིས་འདི་མཐོང་བར་གྱུར་ན། འཕགས་པ་འཆར་ཀ་འདིས་ཁྱིམ་བདག་གི་མཆིས་བྲང་སྦེད་མ་དང་ལྷན་ཅིག་དབེན་པ་སྐྱབས་མཆིས་པར་དགེ་སྦྱོང་གི་ཚུལ་མ་ལགས་པ་སྡིག་པའི་ལས་ཅུང་ཞིག་བགྱིས་སམ་བགྱིད་པར་ [34b.5]སེམས་སོ་སྙམ་དུ་གདོན་མི་འཚལ་བར་མཐར་ཐུག་པར་མཆི་བར་འགྱུར་བས་དེའི་སླད་དུ་འདི་ནི་བདག་གི་བགྱི་བ་ལགས་སོ་སྙམ་བགྱིད་ན། བཙུན་པ་དེའི་སླད་དུ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ། གང་གིས་འཕགས་པ་དག་བུད་མེད་ཀྱི་ཡུལ་དང་ལྷན་ཅིག་གཅིག་ [34b.6]པུ་གཅིག་དང་དབེན་པ་སྐྱབས་མཆིས་པ་ན་སྟན་ལ་མཆིས་པར་མི་འགྱུར་བར་འཕགས་པ་རྣམས་ལ་དྲན་པ་བགྱི་བ་ཅུང་ཞིག་བཅའ་བ་མཛད་ན་ལེགས་སོ་ལེགས་སོ། །བཅོམ་ལྡན་འདས་ཀྱིས་{རི་དགས་,རི་དྭགས་}འཛིན་གྱི་མ་ས་ག་ཅང་མི་གསུང་བས་གནང་ངོ་། །དེ་ནས་{རི་དགས་,རི་དྭགས་}འཛིན་ [34b.7]གྱི་མ་ས་གས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་སོང་ངོ་། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་དང་། སྐབས་འདི་ལ་དགེ་སློང་གི་དགེ་ [35a] [35a.1]འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། [35a.2]འཆར་ཀ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ [35a.3]ནོ་ཞེས་བྱ་བ་ལ་སོགས་པས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་ [35a.4]པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འདོད་པ་བྱར་རུང་བར་སྟན་ལ་འདུག་ [35a.5]པར་བྱེད་ཅིང་། དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཆོས་གསུམ་པོ་ཕམ་པར་འགྱུར་བའམ། དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་སྨྲས་པར་གྱུར་ལ་དགེ་སློང་གིས་འདུག་པར་ཁས་བླངས་ན་ཆོས་གསུམ་པོ་ཕམ་པར་འགྱུར་བའམ། [35a.6]དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་བྱེད་དུ་གཞུག་ཅིང་། དགེ་སློང་དེ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གང་དང་གང་གིས་སྨྲས་པར་གྱུར་པའི་ཆོས་དེ་དང་དེས་དགེ་སློང་དེ་བྱེད་དུ་གཞུག་སྟེ་དེ་ནི་མ་ངེས་པའི་ཆོས་སོ། །ཡང་དགེ་སློང་ [35a.7]གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །བུད་མེད་ཀྱི་ཡུལ་དང་ཞེས་བྱ་བ་ནི་བུད་མེད་དམ་གཞོན་ནུ་མ་མི་ཚངས་པར་སྤྱད་པ་ལས་བྱུང་བའི་ཆོས་སྟེན་ནུས་པ་དང་ངོ་། །ལྷན་ཅིག་ཅེས་བྱ་བ་ནི་དེ་དང་ལྷན་ཅིག་གོ། །གཅིག་པུ་གཅིག་དང་ཞེས་བྱ་བ་ནི་དེ་དེ་དང་ངོ་། ། [35b] [35b.1]དབེན་པ་ཞེས་བྱ་བ་ནི་གང་ན་བུད་མེད་དང་སྐྱེས་པ་དང་མ་ནིང་གཞན་འགའ་ཡང་མེད་པའོ། །སྐྱབས་ཡོད་པ་ན་ཞེས་བྱ་བ་ནི་ལྔས་བསྐྱབས་པ་སྟེ། རྩིག་པས་བསྐྱབས་པ་དང་། རིབ་མས་བསྐྱབས་པ་དང་། ཡོལ་བས་བསྐྱབས་པ་དང་། ཐིབས་པོས་བསྐྱབས་པ་དང་། མཚན་ [35b.2]མོས་བསྐྱབས་པ་ནའོ། །འདོད་པ་བྱར་རུང་བར་ཞེས་བྱ་བ་ནི་མི་ཚངས་པར་སྤྱོད་པ་བྱར་རུང་བར་རོ། །སྟན་ལ་ཞེས་བྱ་བ་ནི་གཞི་ལའོ། །འདུག་པར་བྱེད་ཅིང་ཞེས་བྱ་བ་ནི་འདོམ་གང་གི་ནང་དུ་རྐུབ་ཚོས་འཇོག་པར་བྱེད་ཅིང་ངོ་། །དེ་ལ་གལ་ཏེ་དགེ་བསྙེན་མ་ཡིད་ཆེས་ [35b.3]པའི་ཚིག་དང་ལྡན་པས་ཞེས་བྱ་བ་ལ་ཡིད་ཆེས་པ་ཞེས་བྱ་བ་ནི་སངས་རྒྱས་ལ་མངོན་པར་དད་པ་དང་། ཆོས་དང་དགེ་འདུན་ལ་མངོན་པར་དད་པ་དང་། སངས་རྒྱས་ལ་སྐྱབས་སུ་སོང་བ་དང་། ཆོས་དང་དགེ་འདུན་ལ་སྐྱབས་སུ་སོང་བ་དང་། སངས་རྒྱས་ལ་གཅིག་ཏུ་ [35b.4]གྱུར་པ་དང་། ཆོས་དང་དགེ་འདུན་ལ་གཅིག་ཏུ་གྱུར་པ་དང་། སངས་རྒྱས་ལ་ནེམ་ནུར་མེད་ཅིང་ཐེ་ཚོམ་མེད་པ་དང་། ཆོས་དང་དགེ་འདུན་དང་། སྡུག་བསྔལ་དང་། ཀུན་འབྱུང་དང་། འགོག་པ་དང་། ལམ་ལ་ནེམ་ནུར་མེད་ཅིང་ཐེ་ཚོམ་མེད་པ་དང་། བདེན་པ་མཐོང་བ་དང་། [35b.5]འབྲས་བུ་ཐོབ་པ་དང་། མངོན་པར་རྟོགས་པ་དང་ལྡན་པ་དང་། གང་གི་རང་གི་སྲོག་གི་ཕྱིར་ཡང་ཤེས་བཞིན་དུ་{བརྫུན་,རྫུན་}གྱི་ཚིག་སྨྲ་བར་མི་ནུས་པའོ། །ཆོས་གསུམ་པོ་ཞེས་བྱ་བ་ལ། གསུམ་པོ་ཞེས་བྱ་བ་ནི་གྲངས་བསྟན་པའོ། །ཕམ་པར་འགྱུར་བའམ། དགེ་འདུན་ [35b.6]ལྷག་མའམ། ལྟུང་བྱེད་ལས་ཆོས་གང་ཡང་རུང་བས་ཞེས་བྱ་བ་ལ། ཕམ་པར་འགྱུར་བ་ཞེས་བྱ་བ་ནི་བཞི་པོ་དག་ལས་གང་ཡང་རུང་བས་སོ། །དགེ་འདུན་ལྷག་མ་ཞེས་བྱ་བ་ནི་བཅུ་གསུམ་པོ་དག་ལས་གང་ཡང་རུང་བས་སོ། །ལྟུང་བྱེད་ཅེས་བྱ་བ་ནི་དགུ་བཅུ་པོ་དག་ལས་གང་ [35b.7]ཡང་རུང་བས་སོ། །འདི་ལྟར་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ནི་ལྟུང་བ་ལ་མི་མཁས་པ་དང་། ལྟུང་བའི་གླེང་གཞི་ལ་མི་མཁས་པ་དང་། ལྟུང་བ་ཀུན་ནས་སློང་བ་ལ་མི་མཁས་པ་ཡིན་པས། འདི་ལྟར་དེས་དགེ་སློང་མིའི་ཆོས་བླ་མ་སྨྲ་བའམ། བུད་མེད་ཀྱི་ [36a] [36a.1]ཡུལ་དང་ལྷན་ཅིག་སྟན་གཅིག་ལ་ལུས་ཀྱིས་རེག་པར་བྱེད་པའམ། སྣོད་གཅིག་ཏུ་ཟ་བར་བྱེད་པའམ། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་འཐུང་བའམ། ས་རྐོ་བའམ། རྩྭ་སྔོན་པོ་གཅོད་པའམ། དུས་མ་ཡིན་པར་ཟ་ [36a.2]བའམ། གཞན་ཡང་རང་བཞིན་དང་བཅས་པའི་ཁ་ན་མ་ཐོ་བ་དང་བཅས་པའི་ལས་གང་བྱེད་པར་མཐོང་བ་དེ་དག་ལས་གང་ཁས་བླངས་པ་དེ་བྱེད་དུ་གཞུག་པའོ། །བྱེད་དུ་གཞུག་ཅེས་བྱ་བ་ནི་འཆགས་སུ་གཞུག་པའོ། །དེ་ནི་མ་ངེས་པའི་ཆོས་སོ་ཞེས་བྱ་བ་ནི་དེ་ནི་རྣམ་པར་མ་བཞག་ [36a.3]པའི་ཆོས་ཡིན་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཁས་ལེན་ཅིང་འགྲེང་བ་ཡང་མི་ལེན་འདུག་པ་ཡང་མི་ལེན་ཉལ་བ་ཡང་མི་ལེན་ན། གང་ཁས་ལེན་པ་དེ་བྱེད་དུ་གཞུག་གོ། །དགེ་སློང་གིས་དགེ་ [36a.4]བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་དང་། འགྲེང་བ་ཁས་ལེན་ཅིང་འདུག་པ་ཡང་མི་ལེན། ཉལ་བ་ཡང་མི་ལེན་ན་གང་ཁས་ལེན་པ་དེ་བྱེད་དུ་གཞུག་གོ། །དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་དང་། འགྲེང་བ་ [36a.5]དང་། འདུག་པས་ཁས་ལེན་ཅིང་ཉལ་བ་མི་ལེན་ན་གང་ཁས་ལེན་པ་དེ་བྱེད་དུ་གཞུག་གོ། །དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་དང་། འགྲེང་བ་དང་། འདུག་པ་དང་། ཉལ་བ་ཁས་ལེན་ན་ཐམས་ཅད་བྱེད་དུ་གཞུག་གོ། །གལ་ [36a.6]ཏེ་དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཡང་ཁས་མི་ལེན་ཅིང་འགྲེང་བ་ཡང་མི་ལེན་འདུག་པ་ཡང་མི་ལེན། ཉལ་བ་ཡང་མི་ལེན་ན་དེ་ལ་ཆད་པའི་ལས་འོས་པ་ཡིན་པས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ [36a.7]ཉིད་ཚོལ་དུ་གཞུག་པ་སྦྱིན་པར་བྱའོ། །འདི་ལྟར་སྦྱིན་པར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་འདུན་ཐམས་ཅད་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ [36b] [36b.1]ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འཆར་ཀ་འདི་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཡང་མཆིད་ཀྱིས་མི་འཚལ། འགྲེང་བ་ཡང་མི་འཚལ། འདུག་པ་ཡང་མི་འཚལ། ཉལ་བ་ཡང་མི་འཚལ་ན། [36b.2]གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། [36b.3]དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འཆར་ཀ་འདི་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཡང་མཆིད་ཀྱིས་མི་འཚལ། འགྲེང་བ་ཡང་མི་འཚལ། འདུག་པ་ཡང་མི་འཚལ། ཉལ་བ་ཡང་མི་འཚལ་ཏེ། དེའི་སླད་དུ་ [36b.4]དགེ་འདུན་གྱིས་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩོལ་ན། ཚེ་དང་ལྡན་པ་གང་དག་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩལ་ [36b.5]བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་ [36b.6]པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་སྩལ་ལགས་ཏེ་འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག་ངས་དགེ་སློང་དེའི་ངོ་བོ་ཉིད་ཚོལ་དུ་གཞུག་པ་བྱིན་པའི་ཀུན་ཏུ་སྤྱོད་པའི་ཆོས་དག་བཙའ་བར་བྱ་སྟེ། དགེ་སློང་དེའི་ངོ་བོ་ཉིད་ཚོལ་དུ་གཞུག་ [36b.7]པ་བྱིན་པས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ། གནས་སྦྱིན་པར་མི་བྱ། དགེ་ཚུལ་ཉེ་བར་གཞག་པར་མི་བྱའོ། །དེས་དགེ་སློང་ལ་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། ཆོ་ག་ཉམས་པ་དང་། འཚོ་བ་ཉམས་པས་གླེང་བར་མི་བྱ། དྲན་ [37a] [37a.1]པར་མི་བྱའོ། །དགེ་སློང་མ་ལ་སྟོན་པར་བསྐོ་བར་མི་བྱའོ། །སྔར་བསྐོས་ན་ཡང་དེས་དགེ་སློང་མ་ལ་བསྟན་པར་མི་བྱའོ། །དེས་གདམས་ངག་གཞག་པར་མི་བྱ། གསོ་སྦྱོང་གཞག་པར་མི་བྱ། དགག་དབྱེ་གཞག་པར་མི་བྱའོ། །དེས་གསོལ་བ་མི་བྱ་གསོལ་ [37a.2]བ་དང་གཉིས་དང་། གསོལ་བ་དང་བཞིའི་ལས་མི་བྱའོ། །དེས་དགེ་འདུན་གྱི་ནང་དུ་གང་ཟག་འདུལ་བ་འཛིན་པ་གཞན་དག་ཡོད་ན་སོ་སོར་ཐར་པའི་མདོ་གདོན་པར་མི་བྱའོ། །དགེ་སློང་དེའི་ངོ་བོ་ཉིད་ཚོལ་དུ་གཞུག་པ་བྱིན་པས་ཀུན་ཏུ་སྤྱད་པར་བྱ་བའི་ཆོས་ཇི་ལྟར་བཅས་པ་ཡང་དག་ [37a.3]པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །མ་ངེས་པའི་ཆོས་དང་པོ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེ་ནས་དགེ་སློང་ཤི་རི་ཀ་སྔ་དྲོ་ཤམ་ཐབས་བགོས་ལྷུང་ [37a.4]བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་ནས། མཐར་གྱིས་རྒྱལ་པོའི་ཁབ་ཏུ་བསོད་སྙོམས་རྒྱུ་བ་ན་ཁྱིམ་བདག་གི་ཆུང་མ་གསོ་སྦྱོང་འཕགས་ཀྱི་ཁྱིམ་ག་ལ་བ་དེར་སོང་ངོ་། །ཁྱིམ་བདག་གི་ཆུང་མ་གསོ་སྦྱོང་འཕགས་ཀྱིས་དགེ་སློང་ཤི་རི་ཀ་ཐག་རིང་པོ་ཁོ་ན་ནས་ [37a.5]མཐོང་སྟེ། མཐོང་ནས་ཀྱང་དགེ་སློང་ཤི་རི་ཀའི་ཕྱིར་སྟན་ཤོམ་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །བཙུན་པ་ཤི་རི་ཀ་ཚུར་སྤྱོན། བཙུན་པ་ཤི་རི་ཀ་བྱོན་པ་ལེགས་སོ། །བཙུན་པ་ཤི་རི་ཀ་གདན་བཤམས་པ་ཉིད་ལ་བཞུགས་ཤིག །དགེ་སློང་ཤི་རི་ཀ་སྟན་བཤམས་པ་ [37a.6]དེ་ལ་འདུག་གོ། །དེ་ནས་ཁྱིམ་བདག་གི་ཆུང་མ་གསོ་སྦྱོང་འཕགས་ཀྱིས། དགེ་སློང་ཤི་རི་ཀའི་རྐང་པ་གཉིས་ལ་མགོ་བོས་ཕྱག་འཚལ་ཏེ། པུས་མོ་གཉིས་ལ་པུས་མོ་གཉིས་མ་རེག་པར་ཆོས་མཉན་པའི་ཕྱིར་འདུག་གོ། །དགེ་སློང་ཤི་རི་ཀས་དེ་ལ་ཆོས་སྙན་པ་སྙན་པ་ [37a.7]དག་བསྟན་པར་བརྩམས་སོ། །དེའི་ཚེ་ན་དགེ་བསྙེན་མ་ལེགས་སྐྱེས་དེའི་ཉེན་ཀོར་ན་འགྲོ་བས་དགེ་བསྙེན་མ་ལེགས་སྐྱེས་ཀྱིས་ཁྱིམ་བདག་གི་ཆུང་མ་གསོ་སྦྱོང་འཕགས་ཀྱི་ཁྱིམ་ན་དགེ་སློང་ཤི་རི་ཀའི་སྐད་ཀྱི་གདངས་གྲགས་པ་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ [37b] [37b.1]ཏེ། ཀྱེ་མ་འཕགས་པ་ཤི་རི་ཀའི་སྐད་ཀྱི་གདངས་ཀྱིས་ཁྱིམ་བདག་གི་ཆུང་མ་གསོ་སྦྱོང་འཕགས་ལ་སྦྲང་བུ་སྦྲང་རྩི་འབྱིན་པ་དང་འདྲ་བར་ཆོས་སྙན་པ་སྙན་པ་དག་སྟོན་པར་བྱེད་ཀྱིས། བདག་ཀྱང་གཞན་ལ་བརྩམས་པའི་ཆོས་མཉན་པའི་ཕྱིར་འགྲོའོ་སྙམ་མོ། །དེ་ནས་དགེ་བསྙེན་ [37b.2]མ་ལེགས་སྐྱེས་ཁྱིམ་བདག་གི་ཆུང་མ་གསོ་སྦྱོང་འཕགས་ཀྱི་ཁྱིམ་ག་ལ་བ་དེར་སོང་བ་དང་། དགེ་བསྙེན་མ་ལེགས་སྐྱེས་ཀྱིས་ཁྱིམ་བདག་གི་ཆུང་མ་གསོ་སྦྱོང་འཕགས་དགེ་སློང་ཤི་རི་ཀའི་པུས་མོ་གཉིས་ལ་པུས་མོ་གཉིས་མ་རེག་པར་ཆོས་མཉན་པའི་ཕྱིར་འདུག་པ་མཐོང་ངོ་། །མཐོང་ནས་ [37b.3]ཀྱང་དེ་འདི་སྙམ་དུ་སེམས་ཏེ། གལ་ཏེ་ཁྱིམ་བདག་གམ། ཁྱིམ་བདག་གི་ཆུང་མའམ། ཁྱིམ་བདག་གི་བུ་མ་དད་པ་འགའ་ཞིག་གིས་འདི་མཐོང་བར་གྱུར་ན་འཕགས་པ་ཤི་རི་ཀ་འདིས་ཁྱིམ་བདག་གི་ཆུང་མ་གསོ་སྦྱོང་འཕགས་དང་ལྷན་ཅིག་དབེན་པ་སྐྱབས་ཡོད་པར་དགེ་སྦྱོང་གི་ཚུལ་ [37b.4]མ་ཡིན་པ་སྡིག་པའི་ལས་ཅུང་ཞིག་བྱས་སམ། བྱེད་པར་སེམས་སོ་སྙམ་དུ་གདོན་མི་ཟ་བར་མཐར་ཐུག་པར་འགྲོ་བར་འགྱུར་བས་དེའི་ཕྱིར་འདི་ནི་བདག་གིས་བྱ་བ་ཡིན་ནོ་སྙམ་ནས། དེ་ནས་དགེ་བསྙེན་མ་ལེགས་སྐྱེས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ [37b.5]ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་དགེ་བསྙེན་མ་ལེགས་སྐྱེས་ཀྱིས་འདི་སྐད་ཅེས་གསོལ་ཏོ། །བཙུན་པ་བདག་གིས་ཁྱིམ་བདག་གི་མཆིས་བྲང་གསོ་སྦྱོང་འཕགས་ཀྱི་སྡུམ་ [37b.6]པ་ན་འཕགས་པ་ཤི་རི་ཀའི་སྐད་ཀྱི་གདངས་གྲགས་པ་ཐོས་ཏེ། ཐོས་ནས་ཀྱང་བདག་འདི་སྙམ་བགྱིད་དེ། ཀྱེ་མ་འཕགས་པ་ཤི་རི་ཀ་ཁྱིམ་བདག་གི་མཆིས་བྲང་གསོ་སྦྱོང་འཕགས་ལ་སྦྲང་བུ་སྦྲང་རྩི་འབྱིན་པ་དང་འདྲ་བར་ཆོས་སྙན་པ་སྙན་པ་དག་སྟོན་པར་བགྱིད་ཀྱིས། བདག་ [37b.7]ཀྱང་གཞན་ལ་བརྩམས་པའི་ཆོས་མཉན་པའི་སླད་དུ་མཆིའོ་སྙམ་ནས་བདག་ཁྱིམ་བདག་གི་མཆིས་བྲང་གསོ་སྦྱོང་འཕགས་ཀྱི་སྡུམ་པ་ག་ལ་བ་དེར་མཆིས་པ་དང་། བདག་གིས་ཁྱིམ་བདག་གི་མཆིས་བྲང་གསོ་སྦྱོང་འཕགས་དགེ་སློང་ཤི་རི་ཀའི་པུས་མོ་གཉིས་ལ་པུས་མོ་གཉིས་མ་རེག་ [38a] [38a.1]པར་མཆིས་པ་མཐོང་ངོ་། །མཐོང་ནས་ཀྱང་བདག་འདི་སྙམ་བགྱིད་དེ། གལ་ཏེ་ཁྱིམ་བདག་གམ། ཁྱིམ་བདག་གི་མཆིས་བྲང་ངམ། ཁྱིམ་བདག་གི་བུ་མ་དད་པ་འགའ་ཞིག་གིས་འདི་མཐོང་བར་གྱུར་ན་འཕགས་པ་ཤ་རི་ཀ་འདིས་ཁྱིམ་བདག་གི་མཆིས་བྲང་གསོ་སྦྱོང་ [38a.2]འཕགས་དང་ལྷན་ཅིག་དབེན་པ་སྐྱབས་མཆིས་པར་དགེ་སྦྱོང་གི་ཚུལ་མ་ལགས་པ་སྡིག་པའི་ལས་ཅུང་ཞིག་བགྱིས་སམ། བགྱིད་པར་སེམས་སོ་སྙམ་དུ་གདོན་མི་འཚལ་བར་མཐར་ཐུག་པར་མཆིས་པར་འགྱུར་བས་དེའི་སླད་དུ་འདི་ནི་བདག་གི་བགྱི་བ་ལགས་སོ་སྙམ་བགྱིད་ན། བཙུན་ [38a.3]པ་དེའི་སླད་དུ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་མཆིས་པ་ན་སྟན་ལ་མཆིས་པར་མི་འགྱུར་བར་འཕགས་པ་རྣམས་ལ་དྲན་པར་བགྱི་བ་ཅུང་ཞིག་བཅའ་བ་མཛད་ན་ལེགས་ལགས་སོ། ། [38a.4]བཅོམ་ལྡན་འདས་ཀྱིས་དགེ་བསྙེན་མ་ལེགས་སྐྱེས་ལ་ཅང་མི་གསུང་བས་གནང་ངོ་། །དེ་ནས་དགེ་བསྙེན་མ་ལེགས་སྐྱེས་ཀྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་ [38a.5]སོང་ངོ་། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་ [38a.6]སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་ཤི་རི་ཀ་ལ་རྨས་པ། ཤི་རི་ཀ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་ [38a.7]པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་བྱ་བ་ལ་སོགས་པས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་ [38b] [38b.1]བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུད་མེད་ཀྱི་ཡུལ་ [38b.2]དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འདོད་པ་བྱར་མི་རུང་བར་སྟན་ལ་འདུག་པར་བྱེད་ཅིང་དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གཉིས་པོ་དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་སྨྲས་པར་གྱུར་ལ། དགེ་ [38b.3]སློང་གིས་འདུག་པར་ཁས་བླངས་ན་ཆོས་གཉིས་པོ་དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་བྱེད་དུ་གཞུག་ཅིང་དགེ་སློང་དེ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གང་དང་གང་གིས་སྨྲས་པར་གྱུར་པའི་ཆོས་དེ་དང་དེས་དགེ་སློང་དེ་བྱེད་དུ་གཞུག་སྟེ་དེ་ [38b.4]ཡང་མ་ངེས་པའི་ཆོས་སོ། །ཡང་དགེ་སློང་གང་ཞེས་བྱ་བ་ནི་ཤི་རི་ཀའམ་གཞན་ཡང་དེ་ལྟ་བུ་གང་ཡིན་པའོ། །བུད་མེད་ཀྱི་ཡུལ་དང་ཞེས་བྱ་བ་ནི་བུད་མེད་དང་གཞོན་ནུ་མ་མི་ཚངས་པར་སྤྱོད་པ་སྤྲོད་པ་ལས་བྱུང་བའི་ཆོས་སྟེན་ནུས་པ་དང་ངོ་། །ལྷན་ཅིག་ཅེས་བྱ་བ་ནི་དེ་དང་ལྷན་ཅིག་ [38b.5]གོ། །གཅིག་པུ་གཅིག་དང་ཞེས་བྱ་བ་ནི་དེ་དེ་དང་ངོ་། །དབེན་པ་ཞེས་བྱ་བ་ནི་གང་ན་བུད་མེད་དང་། སྐྱེས་པ་དང་། མ་ནིང་གཞན་འགའ་ཡང་མེད་པའོ། །སྐྱབས་ཡོད་པ་ན་ཞེས་བྱ་བ་ནི་ལྔས་བསྐྱབས་པ་སྟེ། རྩིག་པས་བསྐྱབས་པ་དང་། རིབ་མས་བསྐྱབས་པ་དང་། [38b.6]ཡོལ་བས་བསྐྱབས་པ་དང་། ཐིབས་པོས་བསྐྱབས་པ་དང་། མཚན་མོས་བསྐྱབས་པ་ནའོ། །འདོད་པ་བྱར་མི་རུང་བར་ཞེས་བྱ་བ་ནི་མི་ཚངས་པར་སྤྱོད་པ་བྱར་མི་རུང་བར་རོ། །སྟན་ལ་ཞེས་བྱ་བ་ནི་ཁྲི་དང་ཁྲིའུ་ལའོ། །འདུག་པར་བྱེད་ཅིང་ཞེས་བྱ་བ་ནི་འདོམ་གང་གི་ནང་ [38b.7]མ་ཡིན་པར་རྐུབ་ཚོས་འཇོག་པར་བྱེད་ཅིང་ངོ་། །དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཞེས་བྱ་བ་ལ། ཡིད་ཆེས་པས་ཞེས་བྱ་བ་ནི་སངས་རྒྱས་ལ་མངོན་པར་དད་པ་དང་། ཆོས་དང་དགེ་འདུན་ལ་མངོན་པར་དད་པ་དང་། སངས་རྒྱས་ལ་སྐྱབས་སུ་ [39a] [39a.1]སོང་བ་དང་། ཆོས་དང་དགེ་འདུན་ལ་སྐྱབས་སུ་སོང་བ་དང་། སངས་རྒྱས་ལ་གཅིག་ཏུ་གྱུར་པ་དང་། ཆོས་དང་དགེ་འདུན་ལ་གཅིག་ཏུ་གྱུར་པ་དང་། སངས་རྒྱས་ལ་ནེམ་ནུར་མེད་ཅིང་ཐེ་ཚོམ་མེད་པ་དང་། ཆོས་དང་། དགེ་འདུན་དང་། སྡུག་བསྔལ་བ་ [39a.2]དང་། ཀུན་འབྱུང་བ་དང་། འགོག་པ་དང་། ལམ་ལ་ནེམ་ནུར་མེད་ཅིང་ཐེ་ཚོམ་མེད་པ་དང་། བདེན་པ་མཐོང་བ་དང་། འབྲས་བུ་ཐོབ་པ་དང་། མངོན་པར་རྟོགས་པ་དང་ལྡན་པ་དང་། གང་གིས་རང་གི་སྲོག་གི་ཕྱིར་ཡང་ཤེས་བཞིན་དུ་{བརྫུན་,རྫུན་}གྱི་ཚིག་སྨྲ་བར་མི་ནུས་པའོ། །ཆོས་ [39a.3]གཉིས་པོ་ཞེས་བྱ་བ་ལ་གཉིས་པོ་ཞེས་བྱ་བ་ནི་གྲངས་བསྟན་པའོ། །དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་ཞེས་བྱ་བ་ལ། དགེ་འདུན་ལྷག་མ་ཞེས་བྱ་བ་ནི་བཅུ་གསུམ་པོ་དག་ལས་གང་ཡང་རུང་བས་སོ། །ལྟུང་བྱེད་ཅེས་བྱ་བ་ནི་དགུ་བཅུ་པོ་དག་ལས་གང་ [39a.4]ཡང་རུང་བས་སོ། །འདི་ལྟར་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ནི་ལྟུང་བ་ལ་མི་མཁས་པ་དང་། ལྟུང་བའི་གླེང་གཞི་ལ་མི་མཁས་པ་དང་། ལྟུང་བ་ཀུན་ནས་སློང་བ་ལ་མི་མཁས་པ་ཡིན་པས་འདི་ལྟར་དེས་དགེ་སློང་མིའི་ཆོས་བླ་མ་སྨྲ་བའམ། བུད་མེད་ཀྱི་ཡུལ་དང་ལྷན་ [39a.5]ཅིག་སྟན་གཅིག་ལ། ལུས་ཀྱིས་རེག་པར་བྱེད་པའམ། སྣོད་གཅིག་ཏུ་ཟ་བར་བྱེད་པའམ། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་འཐུང་བའམ། ས་རྐོ་བའམ། རྩྭ་སྔོན་པོ་གཅོད་པའམ། དུས་མ་ཡིན་པར་ཟ་བ་དང་། གཞན་ཡང་རང་བཞིན་དང་བཅས་ [39a.6]པའི་ཁ་ན་མ་ཐོ་བ་དང་བཅས་པའི་ལས་གང་བྱེད་པར་མཐོང་བ་དེ་དག་ལས་གང་ཁས་བླངས་པ་དེ་བྱེད་དུ་གཞུག་པའོ། །བྱེད་དུ་གཞུག་ཅེས་བྱ་བ་ནི་འཆགས་སུ་གཞུག་པའོ། །དེ་ཡང་མ་ངེས་པའི་ཆོས་སོ་ཞེས་བྱ་བ་ནི་དེ་ཡང་རྣམ་པར་མ་བཞག་པའི་ཆོས་ཡིན་པའོ། །ལྟུང་བ་ [39a.7]རྣམ་པར་བཞག་པ་དང་། དེའི་ངོ་བོ་ཉིད་ཚོལ་དུ་གཞུག་པའི་སྦྱིན་པ་དང་། དེའི་ངོ་བོ་ཉིད་ཚོལ་དུ་གཞུག་པ་བྱིན་པའི་ཀུན་ཏུ་སྤྱོད་པའི་ཆོས་དག་ནི་སྔ་མ་བཞིན་དུ་ཤེས་པར་བྱའོ། །མ་ངེས་པའི་ཆོས་གཉིས་རྫོགས་{སྷོ,སོ}།། །།སྡོམ་ལ། འཆང་བ་འབྲལ་བ་འཇོག་པ་དང་། །འཁྲུར་འཇུག་ [39b] [39b.1]པ་དང་ལེན་པ་དང་། །སློང་དང་སྟོད་གཡོགས་སྨད་གཡོགས་བཅས། །རིན་ཐང་སོ་སོར་བསྐུར་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་ཆོས་གོས་མང་བ་ཉིད་འདི་ལྟ་ [39b.2]བུ་འདི་བྱུང་སྟེ། ཆོས་གོས་གཞན་གྱིས་ནི་གཙུག་ལག་ཁང་དུ་ཆག་ཆག་འདེབས་པར་བྱེད། གཞན་གྱིས་ནི་ལེགས་པར་ཉུག་པར་བྱེད། གཞན་གྱིས་ནི་ལྕི་བ་སར་པའི་བྱུག་པས་སྐུད་པར་བྱེད། གཞན་གྱིས་ནི་ལག་པ་དང་རྐང་པ་དག་འཁྲུ་བར་བྱེད། གཞན་གྱིས་ནི་སོ་ཤིང་འདོར་ [39b.3]བར་བྱེད། གཞན་གྱིས་ནི་གྲོང་དུ་བསོད་སྙོམས་ལ་རྒྱུ་བར་བྱེད། གཞན་གྱིས་ནི་ཟས་ཀྱི་གྲལ་དུ་བཀད་པར་བྱེད། གཞན་གྱིས་ནི་མཁན་པོ་དང་སློབ་དཔོན་དག་ལ་བལྟར་འགྲོ་བར་བྱེད། གཞན་གྱིས་ནི་སྟོན་པའི་གདམས་ངག་ཉམས་སུ་མྱོང་བར་བྱེད། གཞན་གྱིས་ནི་ཉིན་ [39b.4]མོ་ཆོས་མཉན་པ་ཉམས་སུ་མྱོང་བར་བྱེད། གཞན་གྱིས་ནི་མཚན་མོ་ཆོས་མཉན་པ་ཉམས་སུ་མྱོང་བར་བྱེད་དེ། དེ་དག་གྱོན་པ་དང་འབུད་པར་བྱེད་པ་ན་བྱ་བ་མང་བ་དང་། བྱེད་པ་མང་བར་གྱུར་ཅིང་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་ [39b.5]དང་། ནང་གི་སེམས་ཀྱི་ཞི་གནས་གཏོང་བར་བྱེད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་རྣམས་ལ་ཆོས་གོས་མང་བ་ཉིད་འདི་ལྟ་བུ་འདི་བྱུང་སྟེ། ཆོས་གོས་གཞན་གྱིས་ནི་གཙུག་ལག་ཁང་ཆག་ཆག་འདེབས་པར་བྱེད། གཞན་གྱིས་ནི་ལེགས་པར་ཉུག་པར་བྱེད། གཞན་ [39b.6]གྱིས་ནི་ལྕི་བ་སར་པའི་བྱུག་པས་སྐུད་པར་བྱེད། གཞན་གྱིས་ནི་ལག་པ་དང་རྐང་པ་དག་འཁྲུ་བར་བྱེད། གཞན་གྱིས་ནི་སོ་ཤིང་འདོར་བར་བྱེད། གཞན་གྱིས་ནི་གྲོང་དུ་བསོད་སྙོམས་ལ་རྒྱུ་བར་བྱེད། གཞན་གྱིས་ནི་ཟས་ཀྱི་གྲལ་དུ་བཀད་པར་བྱེད། གཞན་གྱིས་ནི་མཁན་པོ་དང་ [39b.7]སློབ་དཔོན་དག་ལ་བལྟར་འགྲོ་བར་བྱེད། གཞན་གྱིས་ནི་སྟོན་པའི་གདམས་ངག་ཉམས་སུ་མྱོང་བར་བྱེད། གཞན་གྱིས་ནི་ཉིན་མོ་ཆོས་མཉན་པ་ཉམས་སུ་མྱོང་བར་བྱེད། གཞན་གྱིས་ནི་མཚན་མོ་ཆོས་མཉན་པ་ཉམས་སུ་མྱོང་བར་བྱེད་དེ། དེ་དག་བྱོན་པ་དང་འབུད་པར་བྱེད་པ་ན་བྱ་བ་ [40a] [40a.1]མང་བ་དང་། བྱེད་པ་མང་བར་གྱུར་ཅིང་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་ [40a.2]དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །དེ་བཞིན་གཤེགས་པ་ནི་དོན་གྱི་དབང་གཉིས་གཟིགས་པ་ན་དགེ་སློང་གི་དགེ་འདུན་སྡུད་པར་ [40a.3]མཛད་དེ། འདི་ལྟ་སྟེ་ངའི་ཉན་ཐོས་རྣམས་ཀྱིས་ཀུན་ཤེས་པ་ཉིད་དུ་བྱ་བའི་ཕྱིར་དང་། ངས་འདུལ་བ་ལ་བསླབ་པའི་གཞི་ལེགས་པར་བཅས་པར་འགྱུར་བའོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་ [40a.4]མི་རྨེད་པ། དུས་སུ་རྨེད་པ། དུས་ལས་ཡོལ་བར་མི་རྨེད་པ། དོན་དང་ལྡན་པ་རྨེད་པ། དོན་དང་མི་ལྡན་པ་མི་རྨེད་པས་སངས་རྒྱས་བཅོམ་ལྡན་འདས་རྣམས་ནི་དོན་དང་མི་ལྡན་པ་རྨེད་པ་ལ་ཆུ་ལོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ [40a.5]ནི་དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས་སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་ཁྱེད་ལ་ཆོས་གོས་མང་བ་ཉིད་འདི་ལྟ་བུ་འདི་བྱུང་སྟེ། ཆོས་གོས་གཞན་གྱིས་ནི་གཙུག་ལག་ཁང་དུ་ཆག་ཆག་འདེབས་པར་བྱེད། གཞན་ [40a.6]གྱིས་ནི་ལེགས་པར་ཉུག་པར་བྱེད། གཞན་གྱིས་ནི་ལྕི་བ་སར་པའི་བྱུག་པས་སྐུད་པར་བྱེད། གཞན་གྱིས་ནི་ལག་པ་དང་རྐང་པ་དག་འཁྲུ་བར་བྱེད། གཞན་གྱིས་ནི་སོ་ཤིང་འདོར་བར་བྱེད། གཞན་གྱིས་ནི་གྲོང་དུ་བསོད་སྙོམས་ལ་རྒྱུ་བར་བྱེད། གཞན་གྱིས་ནི་ཟས་ཀྱི་གྲལ་དུ་ [40a.7]བཀད་པར་བྱེད། གཞན་གྱིས་ནི་མཁན་པོ་དང་སློབ་དཔོན་དག་ལ་བལྟར་འགྲོ་བར་བྱེད། གཞན་གྱིས་ནི་སྟོན་པའི་གདམས་ངག་ཉམས་སུ་མྱོང་བར་བྱེད། གཞན་གྱིས་ནི་ཉིན་མོ་ཆོས་མཉན་པ་ཉམས་སུ་མྱོང་བར་བྱེད། གཞན་གྱིས་ནི་མཚན་མོ་ཆོས་མཉན་པ་ཉམས་སུ་མྱོང་བར་ [40b] [40b.1]བྱེད་དེ། ཁྱེད་ཅག་གྱོན་པ་དང་འབུད་པར་བྱེད་པ་ན་བྱ་བ་མང་བ་དང་། བྱེད་པ་མང་བར་གྱུར་ཅིང་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་པ་བདེན་ནམ། བཙུན་པ་མད་དོ། ། [40b.2]སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་དང་། དགང་དཀའ་བ་དང་། འདོད་པ་ཆེ་བ་དང་། ཆོག་མི་ཤེས་པ་རྣམ་པར་སྨད་དོ། །དེ་ནས་བཅོམ་ལྡན་འདས་ཀྱིས་གསོ་སླ་བ་དང་། དགང་སླ་བ་དང་། འདོད་པ་ཆུང་བ་དང་། ཆོག་ཤེས་པ་དང་། ཕྲེང་བ་དང་། [40b.3]ཡོ་བྱད་བསྙུངས་པ་དང་། སྦྱངས་པའི་ཡོན་ཏན་དང་། མཛེས་པ་དང་། ཚོད་ཤེས་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ [40b.4]བཅའ་བར་བྱ་སྟེ། འདི་ལྟ་སྟེ། དགེ་འདུན་བསྡུ་བའི་ཕྱིར་དང་། དགེ་འདུན་ལེགས་པར་བྱ་བའི་ཕྱིར་དང་། དགེ་འདུན་བདེ་བར་གནས་པར་བྱ་བའི་ཕྱིར་དང་། གནོང་མི་བཀུར་བའི་གང་ཟག་རྣམས་ཚར་གཅད་པའི་ཕྱིར་དང་། ངོ་ཚ་ཤེས་པ་རྣམས་བདེ་བར་གནས་པར་བྱ་ [40b.5]བའི་ཕྱིར་དང་། མངོན་པར་མ་དད་པ་རྣམས་མངོན་པར་དད་པར་བྱ་བའི་ཕྱིར་དང་། མངོན་པར་དད་པ་རྣམས་ཕྱིར་ཞིང་དབྱུང་བར་བྱ་བའི་ཕྱིར་དང་། ཚེ་འདིའི་ཟག་པ་རྣམས་བསྡམས་པར་བྱ་བའི་ཕྱིར་དང་། ཚེ་རབས་ཕྱི་མའི་རྣམས་བཟློག་པའི་ཕྱིར་དང་། ངའི་ཚངས་པར་ [40b.6]སྤྱོད་པ་སྐྱེ་བོ་མང་པོ་ལ་ཕན་པ་ཡངས་པར་གྱུར་པ་ལྷ་དང་མི་རྣམས་ཀྱི་བར་དག་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་འགྱུར་བའོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ [40b.7]ན་ཆོས་གོས་གསུམ་བཅང་བར་བྱའོ། །དེ་ལས་ལྷག་པར་འཆང་ན་སྤང་བའི་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ [41a] [41a.1]ན་བཞུགས་སོ། །དེའི་ཚེ་ན་ཚེ་དང་ལྡན་པ་འོད་སྲུང་ཆེན་པོ་རྒྱལ་པོའི་ཁབ་ན་དགོན་པའི་སྤྱིལ་བུ་ན་འདུག་སྟེ། གང་གི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་དགེ་འདུན་ལ་གཏད་པའི་ཚེ་ཁྱིམ་བདག་གཅིག་གིས་ཡུན་རིང་པོ་ནས་སྨོན་པ། ཀྱེ་མ་ [41a.2]བདག་གིས་གནས་བརྟན་འོད་སྲུང་ཆེན་པོ་ལྷ་དང་མིས་མཆོད་པ་བཤོས་གསོལ་ཏེ། རས་ཡུག་ཆེན་ཞིག་བསྐོན་ན་ཅི་མ་རུང་སྙམ་ན་དེའི་འདོད་པ་ཡོངས་སུ་རྫོགས་པར་མ་གྱུར་ནས། དེ་ནས་ཁྱིམ་བདག་དེ་རས་ཡུག་ཆེན་ཐོགས་ནས་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་ཚེ་ [41a.3]དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་ཁྱོད་ཀྱིས་ད་ལྟར་གནས་བརྟན་འོད་སྲུང་ཆེན་པོ་ག་ལ་བཞུགས་ཅི་གསན། ཁྱིམ་བདག་དགོན་པའི་སྤྱིལ་བུ་ན་འདུག་ཅེས་ཐོས་ [41a.4]སོ། །ཇི་ཙམ་ན་བྱོན་པར་འགྱུར། འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེའོ། །བཙུན་པ་ཀུན་དགའ་བོ་མཁྱེན་པར་མཛོད་ཅིག །འདི་ན་བདག་ཡུན་རིང་པོ་ནས་སྨོན་པ། ཀྱེ་མ་བདག་གིས་གནས་བརྟན་འོད་སྲུང་ཆེན་པོ་ལྷ་དང་མིས་མཆོད་པ་བཤོས་གསོལ་ཏེ། རས་ཡུག་ཆེན་ [41a.5]ཞིག་བསྐོན་ན་ཅི་མ་རུང་སྙམ་ན། བདག་གིས་རས་ཡུག་ཆེན་དེ་ཡང་འཚལ་ཏེ་མཆིས་ན། བཙུན་པ་ཀུན་དགའ་བོ་མཁྱེན་པར་མཛོད་ཅིག །བདག་ཅག་ཁྱིམ་པ་དག་ནི་བགྱི་བ་མང་བ་དང་། བགྱིད་པ་མང་བ་ལགས་ཀྱི། ཀྱེ་མ་བཙུན་པ་ཀུན་དགའ་བོས་བདག་ལ་ཐུགས་བརྩེ་བའི་ [41a.6]སླད་དུ་གནས་བརྟན་འོད་སྲུང་ཆེན་པོ་ལྷ་དང་མིས་མཆོད་པ་ལ་རས་ཡུག་ཆེན་འདི་བསྐོན་དུ་གསོལ། དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། གལ་ཏེ་བདག་གིས་ཁྱིམ་བདག་ལས་རས་ཡུག་ཆེན་བླངས་ན་ནི་བསླབ་པའི་གཞི་རལ་བར་ཡང་འགྱུར། གལ་ཏེ་མ་བླངས་ [41a.7]ན་ནི་ཁྱིམ་བདག་གི་བསོད་ནམས་ཀྱི་བར་ཆད་དང་། གནས་བརྟན་འོད་སྲུང་ཆེན་པོའི་རྙེད་པའི་བར་ཆད་དུ་ཡང་འགྱུར་ན་བདག་གིས་བླངས་པར་གྱུར་ན་དུས་ཡིན་པའི་ཕྱིར་བཅོམ་ལྡན་འདས་ཀྱིས་གནང་བར་འགྱུར་བ་གང་ཡིན་པ་དེའི་གནས་ཀྱང་ཡོད་པར་འགྱུར་གྲང་སྙམ་ནས། དེ་ནས་ཚེ་ [41b] [41b.1]དང་ལྡན་པ་ཀུན་དགའ་བོས་ཁྱིམ་བདག་ལས་རས་ཡུག་ཆེན་བླངས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་སྐབས་དེ་བཅོམ་ [41b.2]ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ལེགས་སོ་ལེགས་སོ། །ངས་གནང་བ་གང་ཡིན་པ་དེ་ཁྱོད་ཀྱིས་ཤེས་ཏེ། དེ་ལྟ་བས་ན་དགེ་སློང་གིས་ཞག་བཅུའི་བར་དུ་གོས་ལྷག་པ་རུང་བར་མ་བྱས་པ་བཅང་ [41b.3]བར་རྗེས་སུ་གནང་ངོ་། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་རྣམས་དང་། བསླབ་པ་ལ་གུས་པ་རྣམས་དང་། བསླབ་པ་ལ་ཡོ་བྱད་བསྙུངས་པ་རྣམས་དང་། སྦྱངས་པའི་ཡོན་ཏན་རྣམས་དང་། མཛེས་པ་རྣམས་དང་། ཚོད་ཤེས་པ་རྣམས་ཀྱི་བསྔགས་པ་བརྗོད་ནས་ [41b.4]དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ན་ཞག་བཅུའི་བར་དུ་གོས་ལྷག་པ་ [41b.5]རུང་བར་མ་བྱས་པ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི་ཆོས་འདི་པའོ། །ཆོས་གོས་ཟིན་པས་སྲ་བརྐྱང་ཕྱུང་ན་ཞེས་བྱ་བ་ལ། ཆོས་གོས་ཟིན་ལ་སྲ་བརྐྱང་མ་་ཕྱུང་བ་ཡང་ཡོད། སྲ་བརྐྱང་ཕྱུང་ལ་ཆོས་གོས་མ་ཟིན་པ་ཡང་ [41b.6]ཡོད། ཆོས་གོས་ཟིན་ཅིང་སྲ་བརྐྱང་ཕྱུང་བ་ཡང་ཡོད། ཆོས་གོས་མ་ཟིན་ཅིང་སྲ་བརྐྱང་མ་་ཕྱུང་བ་ཡང་ཡོད་དོ། །དེ་ལ་རེ་ཞིག་ཇི་ཙམ་གྱིས་ན་ཆོས་གོས་ཟིན་ལ་སྲ་བརྐྱང་མ་་ཕྱུང་བ་ཡིན་ཞེ་ན། འདི་ལྟ་སྟེ། དགེ་སློང་གིས་ཆོས་གོས་དག་བཀྲུ་བ་དང་། དྲ་བ་དང་། དྲུབ་པ་དང་། [41b.7]ཁ་བསྒྱུར་ཟིན་ལ་དགེ་འདུན་གྱིས་སྲ་བརྐྱང་མ་་ཕྱུང་བ་ཡིན་ཏེ། དེ་ཙམ་གྱིས་ན་ཆོས་གོས་ཟིན་ལ་སྲ་བརྐྱང་མ་་ཕྱུང་བ་ཡིན་ནོ། །ཇི་ཙམ་གྱིས་ན་སྲ་བརྐྱང་ཕྱུང་ལ་ཆོས་གོས་མ་ཟིན་པ་ཡིན་ཞེ་ན། འདི་ལྟ་སྟེ། དགེ་སློང་གིས་ཆོས་གོས་དག་བཀྲུ་བ་དང་། དྲ་བ་དང་། དྲུབ་པ་དང་། ཁ་ [42a] [42a.1]བསྒྱུར་མ་ཟིན་ལ་དགེ་འདུན་གྱིས་སྲ་བརྐྱང་ཕྱུང་བ་ཡིན་ཏེ། དེ་ཙམ་གྱིས་ན་སྲ་བརྐྱང་ཕྱུང་ལ་ཆོས་གོས་མ་ཟིན་པ་ཡིན་ནོ། །ཇི་ཙམ་གྱིས་ན་ཆོས་གོས་ཟིན་ཅིང་སྲ་བརྐྱང་ཕྱུང་བ་ཡིན་ཞེ་ན། འདི་ལྟ་སྟེ། དགེ་སློང་གིས་ཆོས་གོས་དག་བཀྲུ་བ་དང་། དྲ་བ་དང་། དྲུབ་པ་དང་། [42a.2]ཁ་བསྒྱུར་ཟིན་ཅིང་དགེ་འདུན་གྱིས་ཀྱང་སྲ་བརྐྱང་ཕྱུང་བ་ཡིན་ཏེ། དེ་ཙམ་གྱིས་ན་སྲ་བརྐྱང་ཕྱུང་ཞིང་ཆོས་གོས་ཟིན་པ་ཡིན་ནོ། །ཇི་ཙམ་གྱིས་ན་ཆོས་གོས་མ་ཟིན་ཅིང་སྲ་བརྐྱང་མ་་ཕྱུང་བ་ཡིན་ཞེ་ན། རྣམ་པ་དེ་དག་མ་གཏོགས་པའོ། །ཞག་བཅུའི་བར་དུ་ཞེས་བྱ་བ་ནི་མཚན་མོ་བཅུའི་ [42a.3]མཐར་རོ། །གོས་ལྷག་པ་ཞེས་བྱ་བ་ནི་བྱིན་གྱིས་བརླབ་པར་བྱ་བ་ལས་ལྷག་པའོ། །རུང་བར་མ་བྱས་པ་ཞེས་བྱ་བ་ནི་བརྟག་པ་མ་བྱས་པའོ། །བཅང་བར་བྱའོ་ཞེས་བྱ་བ་ནི་བདག་གིར་བྱ་བའོ། །དེ་ལས་འདས་པར་འཆང་ན་ཞེས་བྱ་བ་ནི་དེ་ལས་ཐལ་བར་འཆང་ནའོ། །སྤང་བའི་ལྟུང་བྱེད་དོ་ [42a.4]ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ།། །།འདུལ་བ་རྣམ་པར་འབྱེད་པ། བམ་པོ་ཉི་ཤུ་ལྔ་པ། དེ་ལ་ལྟུང་བར་ཇི་ལྟར་འགྱུར་ཞེ་ན། འདི་ལྟ་སྟེ། དགེ་སློང་གིས་ཚེས་ལ་གོས་རྙེད་ན་དགེ་ [42a.5]སློང་དེས་གོས་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་ [42a.6]གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་གོས་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཅད་ཀྱིས་གོས་རྙེད་ན་དགེ་སློང་དེས་གོས་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་ [42a.7]བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་གོས་ཤིག་ [42b] [42b.1]རྙེད་ཅིང་དེས་ཚེས་གཉིས་ལ་ཡང་གཞན་ཞིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་བྱིན་གྱིས་བརླབ་པར་བྱ་ཞིང་ཕྱི་མ་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་བྱིན་གྱིས་བརླབས་པར་བྱ་ཞིང་སྔ་མ་གཏང་བར་བྱ་བའམ། རུང་ [42b.2]བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་གཉིས་ལ་མ་རྙེད་ཀྱང་ཚེས་གསུམ་ [42b.3]དང་ཚེས་བཅུ་ཚུན་ཅད་ཀྱིས་གོས་ཤིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་བྱིན་གྱིས་བརླབ་པར་བྱ་ཞིང་ཕྱི་མ་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་བྱིན་གྱིས་བརླབ་པར་བྱ་ཞིང་སྔ་མ་གཏང་བར་བྱ་བའམ། རུང་བར་བྱ་ [42b.4]བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་གོས་གཉིས་རྙེད་ན་དགེ་སློང་དེས་གོས་དེ་ [42b.5]གཉིས་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ [42b.6]ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་གོས་གཉིས་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཅད་ཀྱིས་གོས་གཉིས་རྙེད་ན་དགེ་སློང་དེས་གོས་དེ་གཉིས་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ་ [42b.7]རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་གོས་གཉིས་ཤིག་རྙེད་ [43a] [43a.1]ཅིང་དེས་ཚེས་གཉིས་ལ་ཡང་གོས་གཞན་གཉིས་ཤིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་གཉིས་བྱིན་གྱིས་བརླབ་པར་བྱ་ཞིང་ཕྱི་མ་གཉིས་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་གཉིས་བྱིན་གྱིས་བརླབ་པར་ [43a.2]བྱ་ཞིང་སྔ་མ་གཉིས་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་ [43a.3]གཉིས་ལ་མ་རྙེད་ཀྱང་ཚེས་གསུམ་དང་ཚེས་བཅུ་ཚུན་ཅད་ཀྱིས་གོས་གཉིས་ཤིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་གཉིས་བྱིན་གྱིས་བརླབ་པར་བྱ་ཞིང་ཕྱི་མ་གཉིས་གཏོང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་གཉིས་བྱིན་གྱིས་ [43a.4]བརླབ་པར་བྱ་ཞིང་སྔ་མ་གཉིས་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་ [43a.5]རོ། །དགེ་སློང་གིས་ཚེས་ལ་གོས་མང་པོ་རྙེད་ན་དགེ་སློང་དེས་གོས་དེ་དག་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་ [43a.6]མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་གོས་མང་པོ་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཅད་ཀྱིས་གོས་མང་པོ་རྙེད་ན་དགེ་སློང་དེས་གོས་དེ་དག་ [43a.7]ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ [43b] [43b.1]ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་གོས་མང་པོ་དག་ཅིག་རྙེད་ཅིང་དེས་ཚེས་གཉིས་ལ་ཡང་གཞན་མང་པོ་དག་ཅིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་དག་བྱིན་གྱིས་བརླབ་པར་བྱ་ཞིང་ཕྱི་མ་དག་གཏང་བར་བྱ་བའམ། རུང་བར་བྱ་བའམ། [43b.2]གཞན་ལ་སྦྱིན་པར་བྱའོ། །ཡང་ན་ཕྱི་མ་དག་བྱིན་གྱིས་བརླབ་པར་བྱ་ཞིང་སྔ་མ་དག་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་ [43b.3]བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་གཉིས་ལ་མ་རྙེད་ཀྱང་ཚེས་གསུམ་དང་ཚེས་བཅུ་ཚུན་ཅད་ཀྱིས་གོས་མང་པོ་དག་ཅིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་དག་གཏང་བར་བྱ་བའམ། རུང་བར་བྱ་བའམ། གཞན་ལ་ [43b.4]སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ལྟུང་ [43b.5]བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་ [43b.6]གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་ [43b.7]གིས་ཇི་སྲིད་དུ་སྤང་བའི་དངོས་པོ་དེ་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་གཞན་ཉེ་བར་འཇོག་པར་བྱེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། ། [44a] [44a.1]ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཆང་བའི་སྤང་བ་སྟེ་དང་པོ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ [44a.2]ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་ཆོས་གོས་མང་བ་ཉིད་འདི་ལྟ་བུ་འདི་བྱུང་སྟེ། དགེ་སློང་དབྱར་གནས་པར་ཁས་བླངས་པ་གང་ཡང་རུང་བས་ཆོས་གོས་རྙེད་ནས་དེས་དེ་བཀྲུས་ཤིང་དྲས་ཏེ་དྲུབས་ནས་ཁ་བསྒྱུར་ཏེ་གཏུར་བུའི་བམ་པོ་བསྒྲེས་ནས་དགེ་སློང་གནས་པ་དང་། གཉུག་ [44a.3]མར་གནས་པ་རྣམས་ལ་རྗེས་སུ་གཏད་དེ། དགེ་སློང་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་ཞིང་དེ་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་བ་ན་མ་སྦས་པ་དང་སྦེད་དུ་མ་བཅུག་པར་གྱུར་ཏོ། །དགེ་སློང་གནས་ [44a.4]པ་དང་གཉུག་མར་གནས་པ་དག་ཀྱང་ཆོས་གོས་དེ་དག་སྐེམས་པ་དང་། བསང་བ་དང་། འདིང་བ་དང་། སྤྲུག་པ་དང་། བརྟུལ་བ་དང་། སྦེད་པ་དག་བྱེད་པས་བྱ་བ་མང་བ་དང་། བྱེད་པ་མང་བར་གྱུར་ཅིང་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། [44a.5]ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་རྣམས་ལ་ཆོས་གོས་མང་བ་ཉིད་འདི་ལྟ་བུ་འདི་བྱུང་སྟེ། དགེ་སློང་དབྱར་གནས་པར་ཁས་བླངས་པ་གང་ཡང་རུང་བས་ཆོས་གོས་རྙེད་ནས་དེས་དེ་བཀྲུས་ཤིང་དྲས་ཏེ་དྲུབས་ [44a.6]ནས་ཁ་བསྒྱུར་ཏེ་གཏུར་བུའི་བམ་པོ་བསྒྲེས་ནས་དགེ་སློང་གནས་པ་དང་། གཉུག་མར་གནས་པ་རྣམས་ལ་རྗེས་སུ་གཏད་དེ། དགེ་སློང་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་ཞིང་དེ་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ [44a.7]ལྗོངས་རྒྱུར་འདོང་པ་ན་མ་སྦས་པ་དང་སྦེད་དུ་མ་བཅུག་པར་གྱུར། དགེ་སློང་གནས་པ་དང་གཉུག་མར་གནས་པ་དག་ཀྱང་ཆོས་གོས་དེ་དག་སྐེམས་པ་དང་། བསང་བ་དང་། འདིང་བ་དང་། སྤྲུག་པ་དང་། བརྟུལ་བ་དང་། སྦེད་པ་དག་བྱེད་པས་བྱ་བ་མང་བ་དང་། བྱེད་པ་མང་ [44b] [44b.1]བར་གྱུར་ཅིང་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ [44b.2]ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་ [44b.3]སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་མང་པོ་དག་ལ་རྨས་པ། དགེ་སློང་དག་ཁྱེད་ལ་ཆོས་གོས་མང་བ་ཉིད་འདི་ལྟ་བུ་བྱུང་སྟེ། དགེ་སློང་དབྱར་གནས་པར་ཁས་བླངས་པ་གང་ཡང་རུང་བས་ཆོས་གོས་རྙེད་ནས་དེས་དེ་བཀྲུས་ཤིང་དྲས་ [44b.4]ཏེ་དྲུབས་ནས་ཁ་བསྒྱུར་ཏེ་གཏུར་བུའི་བམ་པོ་བསྒྲེས་ནས་དགེ་སློང་གནས་པ་དང་། གཉུག་མར་གནས་པ་རྣམས་ལ་རྗེས་སུ་གཏད་དེ། དགེ་སློང་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་ཞིང་ཁྱེད་ཅག་ཆོས་གོས་སྟོད་གཡོགས་སྨད་ [44b.5]གཡོགས་དང་བཅས་པས་ལྗོངས་རྒྱུར་འདོང་བ་ན་མ་སྦས་པ་དང་། སྦེད་དུ་མ་བཅུག་པར་གྱུར་ལ། དགེ་སློང་གནས་པ་དང་གཉུག་མར་གནས་པ་དག་ཀྱང་ཆོས་གོས་དེ་དག་སྐེམས་པ་དང་། གསང་བ་དང་། འདིང་བ་དང་། སྤྲུག་པ་དང་། བརྟུལ་བ་དང་། སྦེད་པ་དག་བྱེད་ [44b.6]པས་བྱ་བ་མང་བ་དང་། བྱེད་པ་མང་བར་གྱུར་ཅིང་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་ [44b.7]དང་། དགང་དཀའ་བ་དང་། འདོད་པ་ཆེ་བ་དང་། ཆོག་མི་ཤེས་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་གསོ་སླ་བ་དང་། དགང་སླ་བ་དང་། འདོད་པ་ཆུང་བ་དང་། ཆོག་ཤེས་པ་དང་། ཕྲི་བ་དང་། ཡོ་བྱད་བསྙུངས་པ་དང་། སྦྱངས་ [45a] [45a.1]པའི་ཡོན་ཏན་དང་། མཛེས་པ་ཉིད་དང་། ཚོད་ཤེས་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་རྗེས་སུ་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ [45a.2]བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བར་བྱ་སྟེ། དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ན་གལ་ཏེ་ནུབ་གཅིག་ཀྱང་ཆོས་གོས་གསུམ་ལས་ཆོས་གོས་གང་ཡང་རུང་བ་དང་མཚམས་ཀྱི་ཕྱི་རོལ་ [45a.3]དུ་བྲལ་བར་བྱེད་ན་སྤང་བའི་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་ [45a.4]འོད་སྲུང་ཆེན་པོ་རྒྱལ་པོའི་ཁབ་ན་སྡེ་ཅན་མའི་ཕུག་ན་གསོ་སྦྱོང་གཅིག་པའི་གནས་ཀྱི་སྡོམ་པས་དགེ་འདུན་དང་མཐུན་པར་འདུག་གོ། །དགེ་སློང་རབ་ཏུ་མང་པོ་དག་དེ་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་གསོ་སྦྱོང་གི་གནས་སུ་འདུག་ཅིང་མཐུན་པར་གྱུར་ནས་གཙོ་ཆེར་ཚེ་དང་ལྡན་པ་འོད་སྲུང་ཆེན་ [45a.5]པོ་འོང་བ་ལ་སྡོད་དོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་གསོ་སྦྱོང་གི་གནས་སུ་འཕགས་པ་ན་ཆུ་ཀླུང་དབྱར་བཟང་ལྡན་རྒལ་བ་དང་ཆུ་རླབས་ཆེན་པོ་བྱུང་བ་དེས་དེའི་སྣམ་སྦྱར་གཤེར་བར་གྱུར་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་སྣམ་སྦྱར་དེ་འཚིར་བ་དང་། འདིང་བ་དང་། [45a.6]སྐེམས་པ་ན་ཡུན་རིང་དུ་ཐོགས་པར་གྱུར་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་སྣམ་སྦྱར་དེ་བཙིར་ཅིང་བཏིང་སྟེ་བསྐམས་ནས་གསོ་སྦྱོང་གི་གནས་ག་ལ་བ་དེར་སོང་སྟེ་ཕྱིན་ནས་དགེ་སློང་གི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ། །དེ་ནས་དགེ་སློང་རབ་ཏུ་མང་པོ་དག་ [45a.7]གིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་འོད་སྲུང་ཆེན་པོ་མཁྱེན་པར་མཛོད་ཅིག །འདི་ན་བདག་ཅག་དགེ་སློང་རབ་ཏུ་མང་པོ་དག་གསོ་སྦྱོང་གི་གནས་སུ་འདུག་ཅིང་མཐུན་པར་གྱུར་ནས་གཙོ་ཆེར་ཚེ་དང་ལྡན་པ་འོད་སྲུང་ཆེན་པོ་ལ་སྡོད་ཅིང་འཁོད་ན། འོན་ [45b] [45b.1]ཀྱང་ཚེ་དང་ལྡན་པ་འོད་སྲུང་ཆེན་པོ་འཕྱིས་པར་གྱུར་ཏོ། །ཚེ་དང་ལྡན་པ་དག་འདི་ན་བདག་གསོ་སྦྱོང་གི་གནས་སུ་འཕགས་པ་ན་ཆུ་ཀླུང་དབྱར་བཟང་ལྡན་རྒལ་བ་དང་ཆུ་རླབས་ཆེན་པོ་བྱུང་བ་དེས་བདག་གི་སྣམ་སྦྱར་གཤེར་བར་གྱུར་ནས། བདག་སྣམ་སྦྱར་འཚིར་བ་དང་། འདིང་བ་ [45b.2]དང་། སྐེམས་པ་ན་ཡུན་རིང་ཞིག་ཐོགས་པར་གྱུར་ཏོ། །ཚེ་དང་ལྡན་པ་དག་ད་ལྟར་བདག་དགེ་སློང་འོད་སྲུང་ཆེན་པོ་རྒན་པོ་རྒས་པ་དགོག་ཏུ་གྱུར་པ་ལགས་ལ་བདག་གི་སྣམ་སྦྱར་ནི་ལྕི་བས་ཡོངས་སུ་སྐྱོང་བར་རྔོ་མི་ཐོག་ན། བདག་གིས་ཇི་ལྟར་བགྱི་ཞེས་ཟེར་བའི་སྐབས་དེ་ [45b.3]དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འོད་སྲུང་ཆེན་པོ་རྒན་པོ་རྒས་པ་དགོག་ཏུ་གྱུར་པ་དང་། གཞན་ཡང་དེ་ལྟ་བུ་གང་ཡིན་པ་ལ་སྣམ་སྦྱར་དང་འབྲལ་བར་མི་འགྱུར་བའི་ [45b.4]གནང་བ་བྱིན་ཅིག །འདི་ལྟར་སྦྱིན་པར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དཀྱིལ་འཁོར་བར་དགེ་སློང་བཞིའི་ཚོགས་ལས་མི་ཉུང་བའི་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་ [45b.5]དགེ་སློང་འོད་སྲུང་གིས་བླ་གོས་ཕྲག་པ་གཅིག་ཏུ་བྱས་ཏེ་རྒན་རིམས་བཞིན་དུ་ཕྱག་འཚལ་ནས་རྒན་པའི་མཐའ་ལོགས་སུ་ཙོག་པུར་འདུག་སྟེ་ཐལ་མོ་སྦྱར་ནས་དགེ་འདུན་ལ་སྣམ་སྦྱར་ཉེ་བར་བསྟན་ཏེ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། [45b.6]བདག་དགེ་སློང་འོད་སྲུང་རྒན་པོ་རྒས་པ་དགོག་ཏུ་གྱུར་པ་ལགས་ལ་བདག་གི་སྣམ་སྦྱར་ནི་ལྕི་བས་ཡོངས་སུ་སྐྱོང་བར་རྔོ་མི་ཐོག་ནས། བདག་དགེ་སློང་འོད་སྲུང་རྒན་པོ་རྒས་པ་དགོག་ཏུ་གྱུར་པ་དགེ་འདུན་ལས་སྣམ་སྦྱར་དང་འབྲལ་བར་མི་འགྱུར་བའི་གནང་བ་གསོལ་ན། ཐུགས་ [45b.7]བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་དགེ་སློང་འོད་སྲུང་རྒན་པོ་རྒས་པ་དགོག་ཏུ་གྱུར་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དེའི་འོག་ཏུ་དགེ་སློང་གཅིག་ [46a] [46a.1]གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འོད་སྲུང་འདི་རྒན་པོ་རྒས་པ་དགོག་ཏུ་གྱུར་པ་ལགས་ལ་འདིའི་སྣམ་སྦྱར་ནི་ལྕི་བས་ཡོངས་སུ་སྐྱོང་བར་རྔོ་མི་ཐོག་ནས། དགེ་སློང་འོད་སྲུང་རྒན་པོ་རྒས་པ་དགོག་ཏུ་གྱུར་ [46a.2]པ་འདི་དགེ་འདུན་ལས་སྣམ་སྦྱར་དང་འབྲལ་བར་མི་འགྱུར་བའི་གནང་བ་གསོལ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་འོད་སྲུང་རྒན་པོ་རྒས་པ་དགོག་ཏུ་གྱུར་པ་ལ་སྣམ་སྦྱར་དང་འབྲལ་བར་མི་འགྱུར་ [46a.3]བའི་གནང་བ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འོད་སྲུང་འདི་རྒན་པོ་རྒས་པ་དགོག་ཏུ་གྱུར་པ་ལགས་ལ་འདིའི་སྣམ་སྦྱར་ནི་ལྕི་བས་ཡོངས་སུ་སྐྱོང་བར་རྔོ་མི་ཐོག་ནས། དགེ་སློང་འོད་སྲུང་རྒན་ [46a.4]པོ་རྒས་པ་དགོག་ཏུ་གྱུར་པ་འདི་དགེ་འདུན་ལས་སྣམ་སྦྱར་དང་འབྲལ་བར་མི་འགྱུར་བའི་གནང་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་འོད་སྲུང་རྒན་པོ་རྒས་པ་དགོག་ཏུ་གྱུར་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩོལ་ན། ཚེ་དང་ལྡན་པ་གང་དག་དགེ་སློང་ [46a.5]འོད་སྲུང་རྒན་པོ་རྒས་པ་དགོག་ཏུ་གྱུར་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་འོད་སྲུང་རྒན་པོ་རྒས་པ་དགོག་ཏུ་ [46a.6]གྱུར་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་དགེ་སློང་གང་ཡང་རུང་བ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་བྱིན་པར་གྱུར་ན་དེས་ཆོས་གོས་སྟོད་གཡོགས་སྨད་གཡོགས་ [46a.7]དང་བཅས་པས་ལྗོངས་རྒྱུར་འགྲོ་བར་བྱ་སྟེ། འདི་ལ་འགྱོད་པར་མི་བྱའོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་འཁོར་དེ་ཉིད་དུ་འདུག་ཅིང་མཐུན་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་ད་ལྟར་བདག་དགེ་སློང་ཤཱ་རིའི་བུ་རླུང་ནད་ [46b] [46b.1]ཅན་ལགས་ལ། བདག་གི་སྣམ་སྦྱར་ནི་ལྕི་བས་ཡོངས་སུ་སྐྱོང་བར་རྔོ་མི་ཐོག་ན་བདག་གིས་ཇི་ལྟར་བགྱི་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་ཤཱ་རིའི་ [46b.2]བུ་རླུང་ནད་ཅན་དང་གཞན་ཡང་དེ་ལྟ་བུ་གང་ཡིན་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་བྱིན་ཅིག །འདི་ལྟར་སྦྱིན་པར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དཀྱིལ་འཁོར་བར་དགེ་སློང་ [46b.3]བཞིའི་ཚོགས་ལས་མི་ཉུང་བའི་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་ཤཱ་རིའི་བུས་བླ་གོས་ཕྲག་པ་གཅིག་ཏུ་བྱས་ཏེ་རྒན་རིམས་བཞིན་དུ་ཕྱག་འཚལ་ནས་རྒན་པའི་མཐའ་ལོགས་སུ་ཙོག་པུར་འདུག་སྟེ་ཐལ་མོ་སྦྱར་ནས་དགེ་འདུན་ལ་སྣམ་སྦྱར་ཉེ་བར་ [46b.4]བསྟན་ཏེ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་ཤཱ་རིའི་བུ་རླུང་ནད་ཅན་ལགས་ལ་བདག་གི་སྣམ་སྦྱར་ནི་ལྕི་བས་ཡོངས་སུ་སྐྱོང་བར་རྔོ་མི་ཐོག་ནས། བདག་དགེ་སློང་ཤཱ་རིའི་བུ་རླུང་ནད་ཅན་དགེ་འདུན་ལས་སྣམ་ [46b.5]སྦྱར་དང་འབྲལ་བར་མི་འགྱུར་བའི་གནང་བ་གསོལ་ན་ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དེའི་ [46b.6]འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ཤཱ་རིའི་བུ་འདི་རླུང་ནད་ཅན་ལགས་ལ་འདིའི་སྣམ་སྦྱར་ནི་ལྕི་བས་ཡོངས་སུ་སྐྱོང་བར་རྔོ་མི་ཐོག་ནས། དགེ་སློང་ཤཱ་རིའི་བུ་རླུང་ནད་ཅན་འདི་དགེ་འདུན་ལས་ [46b.7]སྣམ་སྦྱར་དང་འབྲལ་བར་མི་འགྱུར་བའི་གནང་བ་གསོལ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩོལ་ཏོ། །འདི་ནི་གསོལ་ [47a] [47a.1]བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ཤཱ་རིའི་བུ་འདི་རླུང་ནད་ཅན་ལགས་ལ་འདིའི་སྣམ་སྦྱར་ནི་ལྕི་བས་ཡོངས་སུ་སྐྱོང་བར་རྔོ་མི་ཐོག་ནས། དགེ་སློང་ཤཱ་རིའི་བུ་རླུང་ནད་ཅན་འདི་དགེ་འདུན་ལས་སྣམ་སྦྱར་དང་ [47a.2]འབྲལ་བར་མི་འགྱུར་བའི་གནང་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩོལ་ན། ཚེ་དང་ལྡན་པ་གང་དག་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་ [47a.3]བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་ལགས་ཏེ། འདི་ལྟར་ཅང་མི་ [47a.4]གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་དགེ་སློང་གང་ཡང་རུང་བ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་བྱིན་པར་གྱུར་ན། དེས་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འགྲོ་བར་བྱ་སྟེ། འདི་ལ་འགྱོད་པར་མི་ [47a.5]བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་རྣམས་ཀྱི་བསྔགས་པ་བརྗོད་ཅིང་བསླབ་པ་ལ་གུས་པ་རྣམས་དང་། བསླབ་པ་ལ་ཡོ་བྱད་བསྙུངས་པ་རྣམས་དང་། ཕྲི་བ་རྣམས་དང་། སྦྱངས་པའི་ཡོན་ཏན་རྣམས་དང་། མཛེས་པ་རྣམས་དང་། ཚོད་ [47a.6]ཤེས་པ་རྣམས་ཀྱི་ཡོན་ཏན་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ཆོས་གོས་ཟིན་པས་ [47a.7]སྲ་བརྐྱང་ཕྱུང་ན་གལ་ཏེ་ནུབ་གཅིག་ཀྱང་ཆོས་གོས་གསུམ་ལས་ཆོས་གོས་གང་ཡང་རུང་བ་དང་མཚམས་ཀྱི་ཕྱི་རོལ་དུ་འབྲལ་བར་བྱེད་ན་དགེ་འདུན་གྱིས་གནང་བ་མ་གཏོགས་ཏེ་སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི་ཆོས་འདི་པའོ། །ཆོས་གོས་ཟིན་པས་སྲ་བརྐྱང་ཕྱུང་ན་ [47b] [47b.1]ཞེས་བྱ་བ་ནི་ཆོས་གོས་ཟིན་ལ་སྲ་བརྐྱང་མ་་ཕྱུང་བ་ཡང་ཡོད། ཆོས་གོས་མ་ཟིན་ལ་སྲ་བརྐྱང་ཕྱུང་བ་ཡང་ཡོད། ཆོས་གོས་ཟིན་ཅིང་སྲ་བརྐྱང་ཕྱུང་བ་ཡང་ཡོད། ཆོས་གོས་མ་ཟིན་ཅིང་སྲ་བརྐྱང་མ་་ཕྱུང་བ་ཡང་ཡོད་དེ། སྔ་མ་བཞིན་དུ་མུ་བཞིར་རྒྱས་པར་སྦྱར་རོ། །གལ་ཏེ་ནུབ་གཅིག་ [47b.2]ཀྱང་ཞེས་བྱ་བ་ནི་ནུབ་གཅིག་གི་མཐར་ཡང་ངོ་། །ཆོས་གོས་གསུམ་ལས་ཆོས་གོས་གང་ཡང་རུང་བ་དང་ཞེས་བྱ་བ་ནི་སྣམ་སྦྱར་དང་བླ་གོས་དང་མཐང་གོས་ལས་གང་ཡང་རུང་བ་དང་ངོ་། །མཚམས་ཀྱི་ཕྱི་རོལ་དུ་འབྲལ་བར་བྱེད་ན་ཞེས་བྱ་བ་ནི་གཞན་དུ་སྐྱ་རེངས་འཆར་བར་བྱེད་ནའོ། ། [47b.3]དགེ་འདུན་གྱིས་གནང་བ་མ་གཏོགས་ཏེ་ཞེས་བྱ་བ་ནི་དགེ་འདུན་གྱིས་གནང་བ་བཞག་སྟེའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ [47b.4]ན།། །།བར་སྡོམ་ལ། ཁྱིམ་གཅིག་པ་དང་ཁྱིམ་གཉིས་དང་། །ཁྱིམ་གྱི་ཚོགས་དང་ལྡན་པ་དང་། །རྩིག་པ་རིབ་མ་འོབས་བསྐོར་དང་། །རྣམ་བཞིར་བྱ་བ་གྲོང་དང་ཁྱིམ། །སྟེན་འགྲོ་མུ་སྟེགས་ཚོང་རྡལ་དང་། །ཚོང་ཁང་སྒྲ་ཁང་གཡུལ་དང་ནི། །གཡུལ་ཚོམས་གྲུ་ [47b.5]དང་ཤིང་རྟ་དང་། །ཤིང་ལྗོན་ཀུན་དགའི་ར་བ་ཡིན། །ལམ་དུ་འགྲོ་སྡོད་འདུག་ཉལ་དང་། །ཐད་ཀར་ཡང་ནི་དེ་བཞིན་ཏེ། །མཚམས་གཞན་ཉལ་བ་ཐ་མ་ཡི། །སྡེ་ཚན་ཡང་དག་བསྡུས་པ་ཡིན། །ཁྱིམ་གཅིག་དང་ལྡན་པའི་གྲོང་དང་། ཁྱིམ་གཉིས་དང་ལྡན་པའི་གྲོང་ [47b.6]དང་། ཁྱིམ་གྱི་ཚོགས་དང་ལྡན་པའི་གྲོང་དང་། རྩིག་པས་བསྐོར་བའི་གྲོང་དང་། རིབ་མས་བསྐོར་བའི་གྲོང་དང་། འོབས་ཀྱིས་བསྐོར་བའི་གྲོང་དང་རྣམ་པ་བཞིར་བྱ་བ་གྲོང་ཉེན་ཀོར་གཅིག་པ་དང་། གྲོང་ཉེན་ཀོར་ཐ་དད་པ་དང་། གྲོང་རབ་ཏུ་མང་པོ་ཉེན་ཀོར་གཅིག་པ་ [47b.7]དང་། གྲོང་རབ་ཏུ་མང་པོ་ཉེན་ཀོར་ཐ་དད་པ་དང་། ཁྱིམ་ཉེན་ཀོར་གཅིག་པ་དང་། ཁྱིམ་ཉེན་ཀོར་ཐ་དད་པ་དང་། ཁྱིམ་རབ་ཏུ་མང་པོ་ཉེན་ཀོར་གཅིག་པ་དང་། ཁྱིམ་རབ་ཏུ་མང་པོ་ཉེན་ཀོར་ཐ་དད་པ་དང་། སྟེན་འགྲོའི་ཁྱིམ་ཉེན་ཀོར་གཅིག་པ་དང་། སྟེན་འགྲོའི་ཁྱིམ་ཉེན་ [48a] [48a.1]ཀོར་ཐ་དད་པ་དང་། སྟེན་འགྲོའི་ཁྱིམ་རབ་ཏུ་མང་པོ་ཉེན་ཀོར་གཅིག་པ་དང་། སྟེན་འགྲོའི་ཁྱིམ་རབ་ཏུ་མང་པོ་ཉེན་ཀོར་ཐ་དད་པ་དང་། མུ་སྟེགས་ཅན་གྱི་ཁྱིམ་ཉེན་ཀོར་གཅིག་པ་དང་། མུ་སྟེགས་ཅན་གྱི་ཁྱིམ་ཉེན་ཀོར་ཐ་དད་པ་དང་། མུ་སྟེགས་ཅན་གྱི་ [48a.2]ཁྱིམ་རབ་ཏུ་མང་པོ་ཉེན་ཀོར་གཅིག་པ་དང་། མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེན་ཀོར་ཐ་དད་པ་དང་། ཚོང་རྡལ་ཉེན་ཀོར་གཅིག་པ་དང་། ཚོང་རྡལ་ཉེན་ཀོར་ཐ་དད་པ་དང་། ཚོང་རྡལ་རབ་ཏུ་མང་པོ་ཉེན་ཀོར་གཅིག་པ་དང་། ཚོང་རྡལ་རབ་ཏུ་མང་པོ་ཉེན་ཀོར་ཐ་དད་པ་ [48a.3]དང་། ཚོང་ཁང་ཉེན་ཀོར་གཅིག་པ་དང་། ཚོང་ཁང་ཉེན་ཀོར་ཐ་དད་པ་དང་། ཚོང་ཁང་རབ་ཏུ་མང་པོ་ཉེན་ཀོར་གཅིག་པ་དང་། ཚོང་ཁང་རབ་ཏུ་མང་པོ་ཉེན་ཀོར་ཐ་དད་པ་དང་། སྒྲ་ཁང་ཉེན་ཀོར་གཅིག་པ་དང་། སྒྲ་ཁང་ཉེན་ཀོར་ཐ་དད་པ་དང་། སྒྲ་ཁང་རབ་ཏུ་མང་པོ་ཉེན་ཀོར་ [48a.4]གཅིག་པ་དང་། སྒྲ་ཁང་རབ་ཏུ་མང་པོ་ཉེན་ཀོར་ཐ་དད་པ་དང་། གཡུལ་ཉེན་ཀོར་གཅིག་པ་དང་། གཡུལ་ཉེན་ཀོར་ཐ་དད་པ་དང་། གཡུལ་རབ་ཏུ་མང་པོ་ཉེན་ཀོར་གཅིག་པ་དང་། གཡུལ་རབ་ཏུ་མང་པོ་ཉེན་ཀོར་ཐ་དད་པ་དང་། གཡུལ་གྱི་ཚོམས་ཉེན་ཀོར་གཅིག་པ་ [48a.5]དང་། གཡུལ་གྱི་ཚོམས་ཉེན་ཀོར་ཐ་དད་པ་དང་། གཡུལ་གྱི་ཚོམས་རབ་ཏུ་མང་པོ་ཉེན་ཀོར་གཅིག་པ་དང་། གཡུལ་གྱི་ཚོམས་རབ་ཏུ་མང་པོ་ཉེན་ཀོར་ཐ་དད་པ་དང་། གྲུ་ཉེན་ཀོར་གཅིག་པ་དང་། གྲུ་ཉེན་ཀོར་ཐ་དད་པ་དང་། གྲུ་རབ་ཏུ་མང་པོ་ཉེན་ཀོར་གཅིག་ [48a.6]པ་དང་། གྲུ་རབ་ཏུ་མང་པོ་ཉེན་ཀོར་ཐ་དད་པ་དང་། ཤིང་རྟ་ཉེན་ཀོར་གཅིག་པ་དང་། ཤིང་རྟ་ཉེན་ཀོར་ཐ་དད་པ་དང་། ཤིང་རྟ་རབ་ཏུ་མང་པོ་ཉེན་ཀོར་གཅིག་པ་དང་། ཤིང་རྟ་རབ་ཏུ་མང་པོ་ཉེན་ཀོར་ཐ་དད་པ་དང་། ཤིང་ལྗོན་པ་ཉེན་ཀོར་གཅིག་པ་དང་། ཤིང་ལྗོན་ [48a.7]པ་ཉེན་ཀོར་ཐ་དད་པ་དང་། ཤིང་ལྗོན་པ་རབ་ཏུ་མང་པོ་ཉེན་ཀོར་གཅིག་པ་དང་། ཤིང་ལྗོན་པ་རབ་ཏུ་མང་པོ་ཉེན་ཀོར་ཐ་དད་པ་དང་། ཀུན་དགའི་ར་བ་ཉེན་ཀོར་གཅིག་པ་དང་། ཀུན་དགའི་ར་བ་ཉེན་ཀོར་ཐ་དད་པ་དང་། ཀུན་དགའི་ར་བ་རབ་ཏུ་མང་པོ་ཉེན་ཀོར་གཅིག་པ་ [48b] [48b.1]དང་། ཀུན་དགའི་ར་བ་རབ་ཏུ་མང་པོ་ཉེན་ཀོར་ཐ་དད་པ་དང་། ལམ་དུ་འགྲོ་བ་ལ་སོགས་པ་དང་། ཐད་ཀར་འགྲོ་བ་ལ་སོགས་པ་དང་། མཚམས་གཞན་དག་གི་གནས་ཐུན་མོང་དང་ཐུན་མོང་མ་ཡིན་པའི་བྱེ་བྲག་གིས་དགེ་སློང་ཆོས་གོས་དང་མི་འབྲལ་བ་དང་འབྲལ་བའི་ལྟུང་བ་ [48b.2]རྣམ་པར་བཞག་པའི་བྱེ་བྲག་རྒྱ་ཆེར་སྟོན་ཏོ། །དེ་ལ་ཁྱིམ་གཅིག་དང་ལྡན་པའི་གྲོང་གང་ཞེ་ན། འདི་ལྟ་སྟེ། རི་ཁྲོད་པ་རྣམས་དང་། བོད་རྣམས་དང་། ཀླ་ཀློ་རྣམས་ཀྱི་གྲོང་ངོ་། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་ [48b.3]རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ [48b.4]ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཁྱིམ་གཉིས་དང་ལྡན་པའི་གྲོང་གང་ཞེ་ན། འདི་ [48b.5]ལྟ་སྟེ། ཁྱིམ་གཅིག་དང་ལྡན་པའི་གྲོང་ཇི་ལྟ་བ་བཞིན་དུ། ཁྱིམ་གཉིས་དང་ལྡན་པའི་གྲོང་ཡང་དེ་བཞིན་ནོ། །ཁྱིམ་གྱི་ཚོགས་དང་ལྡན་པའི་གྲོང་གང་ཞེ་ན། འདི་ལྟ་སྟེ། གྲོང་སྒོ་སྣ་ཚོགས་ནས་ཀུན་ནས་གནས་པ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་ [48b.6]དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །རྩིག་པས་བསྐོར་བའི་གྲོང་གང་ཞེ་ན། འདི་ལྟ་སྟེ་གྲོང་རྩིག་པས་བསྐོར་བ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་བ་ལང་དྲུག་དང་ལྡན་པའི་ཤིང་རྟ་སྨྱིག་མ་ [48b.7]ཅན་གྱིས་ཁྱབ་ཅིང་འདུག་པ་དང་། བྱ་གག་སྤར་ནས་འདུག་པའི་བར་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ [49a] [49a.1]ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །རིབ་མས་བསྐོར་བའི་གྲོང་གང་ཞེ་ན། འདི་ལྟ་སྟེ། གྲོང་རིབ་མས་བསྐོར་བ་གང་ཡིན་པའོ། །དེའི་ཉེན་ཀོར་གང་ [49a.2]ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་ར་ལུག་བཏོན་པ་དག་གི་རྨིག་པས་བསླང་བའི་རྡུལ་འབབ་པ་དང་། མི་རང་བཞིན་གྱིས་ངོ་ཚ་དང་ལྡན་པ་བཤང་སར་འགྲོ་བའི་བར་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ [49a.3]ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །འོབས་ཀྱིས་བསྐོར་ [49a.4]བའི་གྲོང་གང་ཞེ་ན། འདི་ལྟ་སྟེ་གྲོང་འོབས་ཀྱིས་བསྐོར་བ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་སྐས་གདང་བུ་བཅུ་གཉིས་པས་ཁྱབ་ཅིང་འདུག་པ་དང་། ཕྱག་དར་བོར་བའི་བོང་བ་རགས་པ་འདྲིལ་བའི་བར་དེ་ནི་དེའི་ཉེན་ཀོར་ཡིན་ [49a.5]ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་ [49a.6]བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གྲོང་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། གྲོང་གང་ན་སྐྱེད་མོས་ཚལ་ལམ་འདུན་སའམ། ལྷའི་གནས་གཅིག་ཡོད་པ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ལྷའི་ [49a.7]གནས་སོ། །དགེ་སློང་གིས་གྲོང་དུ་ཆོས་གོས་དག་བཞག་སྟེ་ལྷའི་གནས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ལྷའི་གནས་སུ་ཆོས་གོས་དག་བཞག་སྟེ་གྲོང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །གྲོང་ངམ་ལྷའི་གནས་སུ་ཆོས་གོས་དག་བཞག་སྟེ་ [49b] [49b.1]གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གྲོང་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ། གྲོང་གང་ན་སྐྱེད་མོས་ཚལ་ལམ། འདུན་སའམ། ལྷའི་གནས་རབ་ཏུ་མང་པོ་དག་ཡོད་པ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ [49b.2]ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །གྲོང་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། གྲོང་གང་དག་ན་སྐྱེད་མོས་ཚལ་ལམ། འདུན་སའམ། ལྷའི་གནས་གཅིག་ཡོད་པ་གང་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ [49b.3]ཞིག་ཐུན་མོང་ཡིན་ཞེ་ན། ལྷའི་གནས་སོ། །དགེ་སློང་གིས་གྲོང་དུ་ཆོས་གོས་དག་བཞག་སྟེ་ལྷའི་གནས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ལྷའི་གནས་སུ་ཆོས་གོས་དག་བཞག་སྟེ་གྲོང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །གྲོང་ངམ་ལྷའི་གནས་ [49b.4]སུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གྲོང་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ། གྲོང་གང་དག་ན་སྐྱེད་མོས་ཚལ་ལམ། འདུན་སའམ། ལྷའི་གནས་རབ་ཏུ་མང་པོ་དག་ཡོད་པ་གང་ཡིན་པའོ། ། [49b.5]དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཁྱིམ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་ཕྱེ་བ་དག་གི་ཁྱིམ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ [49b.6]ཅད་དང་། ཕྱི་རོལ་འདོམ་གང་ངམ། གང་དུ་དེ་དག་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་ [49b.7]དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། ། [50a] [50a.1]ཁྱིམ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཁྱིམ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། སྒོའོ། །དགེ་སློང་གིས་ནང་དུ་ཆོས་གོས་དག་བཞག་སྟེ་སྒོར་སྐྱ་ [50a.2]རེངས་འཆར་བར་བྱེད་ན་ལྟུང་བ་མེད་དོ། །སྒོར་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་སྒོར་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཁྱིམ་རབ་ཏུ་མང་པོ་ཉེན་ཀོར་གཅིག་པ་ [50a.3]གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་ཁྱིམ་རབ་ཏུ་མང་པོ་དག་གང་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་ [50a.4]པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་ [50a.5]བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཁྱིམ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། [50a.6]སྤུན་སྒོ་བྱེ་བ་དག་ནི་ཁྱིམ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །སྟེན་འགྲོའི་ཁྱིམ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་ [50a.7]དག་གི་སྟེན་འགྲོའི་ཁྱིམ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་གི་གླིང་བུ་འཇོག་པར་བྱེད་པ་དང་། རྔ་པ་ཊ་ཧ་དང་། པི་བང་དང་། རྫ་རྔ་ཁ་གཅིག་པ་དང་། ཁར་རྔ་དང་། སུ་གྷོ་ཥ་ཀ་འཇོག་པར་བྱེད་པ་དང་། [50b] [50b.1]མོང་ཕང་དང་ཕང་ལོ་འཇོག་པར་བྱེད་པ་དང་། གང་དུ་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་ [50b.2]གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་ [50b.3]འགྱུར་རོ། །སྟེན་འགྲོའི་ཁྱིམ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་སྟེན་འགྲོའི་ཁྱིམ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། རྒྱལ་མཚན་གྱི་ཤིང་ངོ་། །དགེ་ [50b.4]སློང་གིས་ནང་དུ་ཆོས་གོས་དག་བཞག་སྟེ་རྒྱལ་མཚན་གྱི་ཤིང་ལ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །རྒྱལ་མཚན་གྱི་ཤིང་ལ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་རྒྱལ་མཚན་གྱི་ཤིང་ལ་ཆོས་གོས་དག་བཞག་སྟེ་ [50b.5]གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །སྟེན་འགྲོའི་ཁྱིམ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་སྟེན་འགྲོའི་ཁྱིམ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ [50b.6]ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་གི་གླིང་བུ་འཇོག་པར་བྱེད་པ་དང་། རྔ་པ་ཊ་ཧ་དང་། པི་བང་དང་། རྫ་རྔ་ཁ་གཅིག་པ་དང་། ཁར་རྔ་དང་། སུ་གྷོ་ཥ་ཀ་འཇོག་པར་བྱེད་པ་དང་། མོང་ཕང་དང་། ཕང་ལོ་འཇོག་པར་བྱེད་པ་དང་། [50b.7]གང་དུ་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་ [51a] [51a.1]འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །སྟེན་འགྲོའི་ [51a.2]ཁྱིམ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་སྟེན་འགྲོའི་ཁྱིམ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །མུ་སྟེགས་ཅན་གྱི་ཁྱིམ་ཉེན་ཀོར་ [51a.3]གཅིག་པ་གང་ཞེ་ན། འདི་ལྟ་སྟེ་མུ་སྟེགས་ཅན་གྱི་ཁྱིམ་ལྟ་བ་གཅིག་པ་དང་། བཟོད་པ་གཅིག་པ་དང་། འདོད་པ་གཅིག་པ་དང་། བསམ་པ་གཅིག་པ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་ལྕི་བ་དག་གདིང་བ་བྱེད་པ་དང་། ཡམ་སྲེག་ [51a.4]ཤིང་དག་འཇོག་པར་བྱེད་པ་དང་། གཡང་གཞི་དག་དང་། ཤིང་ཤུན་དག་དང་། དབྱིག་གུ་དག་དང་། རིལ་བ་དག་དང་། བླུགས་གཟར་དག་དང་། དགང་གཟར་དག་འཇོག་པར་བྱེད་པ་དང་། མེ་སྦར་བར་བྱེད་པ་དང་། ཡམ་སྲེག་ཤིང་དག་སྲེག་པར་བྱེད་པ་དང་། གང་ [51a.5]དུ་དེ་དག་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་ [51a.6]བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །མུ་སྟེགས་ཅན་གྱི་ཁྱིམ་ཉེན་ཀོར་ཐ་དད་པ་གང་ [51a.7]ཞེ་ན། འདི་ལྟ་སྟེ་མུ་སྟེགས་ཅན་གྱི་ཁྱིམ་ལྟ་བ་ཐ་དད་པ་དང་། བཟོད་པ་ཐ་དད་པ་དང་། འདོད་པ་ཐ་དད་པ་དང་། བསམ་པ་ཐ་དད་པ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ལྷའི་གནས་སོ། །དགེ་སློང་གིས་མུ་ [51b] [51b.1]སྟེགས་ཅན་གྱི་ཁྱིམ་དུ་ཆོས་གོས་དག་བཞག་སྟེ་ལྷའི་གནས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ལྷའི་གནས་སུ་ཆོས་གོས་དག་བཞག་སྟེ་མུ་སྟེགས་ཅན་གྱི་ཁྱིམ་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །མུ་སྟེགས་ཅན་གྱི་ཁྱིམ་མམ་ལྷའི་གནས་སུ་ [51b.2]ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མུ་སྟེགས་ཅན་གྱི་ཁྱིམ་རབ་ཏུ་མང་པོ་ལྟ་བ་གཅིག་པ་དང་། བཟོད་པ་གཅིག་པ་དང་། འདོད་པ་ [51b.3]གཅིག་པ་དང་། བསམ་པ་གཅིག་པ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་ལྕི་བ་དག་འདིང་བར་བྱེད་པ་དང་། ཡམ་སྲེག་ཤིང་དག་འཇོག་པར་བྱེད་པ་དང་། གཡང་གཞི་དག་དང་། [51b.4]ཤིང་ཤུན་དག་དང་། དབྱིག་གུ་དག་དང་། རིལ་བ་དག་དང་། བླུགས་གཟར་དག་དང་། དགང་གཟར་དག་འཇོག་པར་བྱེད་པ་དང་། མེ་སྦར་བར་བྱེད་པ་དང་། ཡམ་སྲེག་ཤིང་སྲེག་པར་བྱེད་པ་དང་། གང་དུ་དེ་དག་རྡུང་བར་བྱེད་པ་དང་། རྔོ་བར་བྱེད་པ་དང་། [51b.5]འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་ [51b.6]དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། [51b.7]འདི་ལྟ་སྟེ་མུ་སྟེགས་ཅན་གྱི་ཁྱིམ་རབ་ཏུ་མང་པོ་ལྟ་བ་ཐ་དད་པ་དང་། བཟོད་པ་ཐ་དད་པ་དང་། འདོད་པ་ཐ་དད་པ་དང་། བསམ་པ་ཐ་དད་པ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། ། [52a] [52a.1]ཚོང་རྡལ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོམ་བྱེ་བ་དག་གི་ཚོང་རྡལ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང་། ཉོ་བར་བྱེད་ [52a.2]པ་དང་། འཚོང་བར་བྱེད་པ་དང་། བགྲང་བར་བྱེད་པ་དང་། འཇལ་བར་བྱེད་པ་དང་། འཇོག་པར་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་ [52a.3]བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཚོང་རྡལ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་ [52a.4]དག་གི་ཚོང་རྡལ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། གཞག་སྟེགས་སོ། །དགེ་སློང་གིས་ནང་དུ་ཆོས་གོས་དག་བཞག་སྟེ་གཞག་སྟེགས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །གཞག་སྟེགས་སུ་ཆོས་གོས་ [52a.5]དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་གཞག་སྟེགས་སུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཚོང་རྡལ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གི་ [52a.6]གིའམ། སྤུན་སྒོ་མ་བྱེ་བ་དག་གི་ཚོང་རྡལ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང་། ཉོ་བར་བྱེད་པ་དང་། འཚོང་བར་བྱེད་པ་དང་། བགྲང་བར་བྱེད་པ་ [52a.7]དང་། འཇལ་བར་བྱེད་པ་དང་། འཇོག་པར་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་ [52b] [52b.1]དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཚོང་རྡལ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཚོང་རྡལ་རབ་ཏུ་མང་པོ་གང་དག་ཡིན་ [52b.2]པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཚོང་ཁང་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་ཚོང་ཁང་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ [52b.3]ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང་། གྲོ་དག་དང་། ནས་དག་དང་། མོན་སྲན་གྲེའུ་དག་དང་། སཱ་ལུ་དག་དང་། འབྲས་དག་དང་། ཏིལ་དག་དང་། འབྲས་ཐུག་པོ་ཆེ་དག་དང་། བུ་རམ་དག་དང་། མར་དག་དང་། རས་བལ་དག་ [52b.4]དང་། སྐུད་པ་དག་དང་། གོས་དག་འཇོག་པར་བྱེད་པ་དང་། འབྲུ་སྤུང་བར་བྱེད་པ་དང་། བྲེའུ་ཆུང་དང་། གླེ་བ་འཇོག་པར་བྱེད་པ་དང་། འཇལ་བར་བྱེད་པ་དང་། རླུང་ཡོར་འཛུགས་པར་བྱེད་པ་དང་། ཉོ་བར་བྱེད་པ་དང་། འཚོང་བར་བྱེད་པ་དང་། བགྲང་བར་བྱེད་པ་དང་། [52b.5]འཇལ་བར་བྱེད་པ་དང་། འཇོག་པར་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ [52b.6]ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཚོང་ཁང་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཚོང་ཁང་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ [52b.7]ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། འདུག་སྟེགས་སོ། །དགེ་སློང་གིས་ནང་དུ་ཆོས་གོས་དག་བཞག་སྟེ་འདུག་སྟེགས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །འདུག་སྟེགས་སུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། ། [53a] [53a.1]ནང་ངམ་འདུག་སྟེགས་སུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཚོང་ཁང་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་ཚོང་ཁང་རབ་ཏུ་མང་པོ་ [53a.2]གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང་། གྲོ་དག་དང་། ནས་དག་དང་། མོན་སྲན་གྲེའུ་དག་དང་། སཱ་ལུ་དག་དང་། འབྲས་དག་དང་། ཏིལ་དག་དང་། འབྲས་ཐུག་པོ་ [53a.3]ཆེ་དག་དང་། བུ་རམ་དག་དང་། མར་དག་དང་། རས་བལ་དག་དང་། སྐུད་པ་དག་དང་། གོས་དག་འཇོག་པར་བྱེད་པ་དང་། འབྲུ་སྤུང་བར་བྱེད་པ་དང་། བྲེའུ་ཆུང་དང་། གླེ་བ་འཇོག་པར་བྱེད་པ་དང་། འཇལ་བར་བྱེད་པ་དང་། རླུང་ཡོར་འཛུགས་པར་བྱེད་པ་དང་། [53a.4]ཉོ་བར་བྱེད་པ་དང་། འཚོང་བར་བྱེད་པ་དང་། བགྲང་བར་བྱེད་པ་དང་། འཇལ་བར་བྱེད་པ་དང་། འཇོག་པར་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་ [53a.5]དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཚོང་ཁང་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། [53a.6]སྤུན་སྒོ་བྱེ་བ་དག་གི་ཚོང་ཁང་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །སྒྲ་ཁང་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་སྒྲ་ཁང་ [53a.7]གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་གླང་དག་འདོགས་པར་བྱེད་པ་དང་། རྩྭ་དག་འཇོག་པར་བྱེད་པ་དང་། མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་བར་བྱེད་པ་དང་། གང་དུ་རྡུང་བར་བྱེད་ [53b] [53b.1]པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། ། [53b.2]ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །སྒྲ་ཁང་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། [53b.3]སྤུན་སྒོ་བྱེ་བ་དག་གི་སྒྲ་ཁང་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན་ཡ་གད་དོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཡ་གད་ལ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཡ་གད་ལ་ཆོས་གོས་དག་བཞག་སྟེ། [53b.4]སྒྲ་ཁང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །སྒྲ་ཁང་ངམ་ཡ་གད་ལ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །སྒྲ་ཁང་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་ [53b.5]དག་གི་སྒྲ་ཁང་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་གླང་དག་འདོགས་པར་བྱེད་པ་དང་། རྩྭ་དག་འཇོག་པར་བྱེད་པ་དང་། མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་བར་ [53b.6]བྱེད་པ་དང་། གང་དུ་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་ [53b.7]སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །སྒྲ་ཁང་རབ་ཏུ་མང་པོ་ཉེན་ [54a] [54a.1]ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་སྒྲ་ཁང་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །གཡུལ་ཉེན་ཀོར་གཅིག་པ་ [54a.2]གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་གཡུལ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་འབྲུ་རྡུང་བར་བྱེད་པ་དང་། འཕྱར་བར་བྱེད་པ་དང་། འཁྲབ་པར་བྱེད་པ་དང་། སྤུང་བར་བྱེད་ [54a.3]པ་དང་། བྲེའུ་ཆུང་དང་། གླེ་བ་འཇོག་པར་བྱེད་པ་དང་། འཇལ་བར་བྱེད་པ་དང་། རླུང་ཡོར་འཛུགས་པར་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་ [54a.4]སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གཡུལ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་ [54a.5]གི་གཡུལ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། གཡུལ་གྱི་དཀྱིལ་ལོ། །དགེ་སློང་གིས་གཡུལ་གྱི་དཀྱིལ་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་ [54a.6]བཞག་སྟེ་གཡུལ་གྱི་དཀྱིལ་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །གཡུལ་གྱི་དཀྱིལ་དུའམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གཡུལ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་ [54a.7]གཅིག་གིའམ། སྤུན་སྒོ་མ་བྱེ་བ་དག་གི་གཡུལ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་འབྲུ་རྡུང་བར་བྱེད་པ་དང་། འཕྱར་བར་བྱེད་པ་དང་། འཁྲབ་པར་བྱེད་པ་དང་། སྤུང་བར་བྱེད་པ་དང་། བྲེའུ་ [54b] [54b.1]ཆུང་དང་། གླེ་བ་འཇོག་པར་བྱེད་པ་དང་། འཇལ་བར་བྱེད་པ་དང་། རླུང་ཡོར་འཛུགས་པར་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་ [54b.2]སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གཡུལ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ [54b.3]གཡུལ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ།། །།འདུལ་བ་རྣམ་པར་འབྱེད་པ། བམ་པོ་ཉི་ཤུ་དྲུག་པ། གཡུལ་གྱི་ཚོམས་ཉེན་ཀོར་གཅིག་པ་གང་ཞེ་ [54b.4]ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་གཡུལ་གྱི་ཚོམས་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་གླང་དག་འདོགས་པར་བྱེད་པ་དང་། རྩྭ་དག་འཇོག་པར་བྱེད་པ་དང་། མུན་ཛ་དག་རྡུང་ [54b.5]བར་བྱེད་པ་དང་། ཐག་པ་དག་འཁལ་བར་བྱེད་པ་དང་། ལྕི་བ་དག་འདོར་བར་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་ [54b.6]འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གཡུལ་གྱི་ཚོམས་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གཡུལ་གྱི་ [54b.7]ཚོམས་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། སྒོའོ། །དགེ་སློང་གིས་ནང་དུ་ཆོས་གོས་དག་བཞག་སྟེ་སྒོར་སྐྱ་རེངས་འཆར་བར་བྱེད་ན་ལྟུང་བ་མེད་དོ། །སྒོར་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ [55a] [55a.1]བྱེད་ན་ཡང་ལྟུང་བ་མེད་དོ། །ནང་ངམ་སྒོར་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གཡུལ་གྱི་ཚོམས་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་ [55a.2]དག་གི་གཡུལ་གྱི་ཚོམས་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ་གང་དུ་དེ་དག་གླང་དག་འདོགས་པར་བྱེད་པ་དང་། རྩྭ་དག་འཇོག་པར་བྱེད་པ་དང་། མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་ [55a.3]བར་བྱེད་པ་དང་། ལྕི་བ་དག་འདོར་བར་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། ། [55a.4]ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གཡུལ་གྱི་ཚོམས་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གཡུལ་གྱི་ཚོམས་རབ་ཏུ་མང་པོ་གང་དག་ [55a.5]ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །གྲུ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་གྲུ་གང་ཡིན་པའོ། །དེའི་ཉེན་ཀོར་གང་ཞེ་ན། འགྲོ་བའི་ནི་ནང་ [55a.6]ཐམས་ཅད་དང་། ཕྱི་རོལ་འདོམ་གང་ངམ། འདུག་པའི་ནི་ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་པ་དང་། གྲུ་རྟོད་པར་བྱེད་པ་དང་། གདོས་པ་དག་འཇོག་པར་བྱེད་པ་དང་། གྲུ་སྐྱ་དག་འཇོག་པར་བྱེད་པ་དང་། མུན་ཛ་དག་རྡུང་ [55a.7]བར་བྱེད་པ་དང་། ཐག་པ་དག་འཁལ་བར་བྱེད་པ་དང་། གང་དུ་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ [55b] [55b.1]ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ [55b.2]ལྟུང་བྱེད་དུ་འགྱུར་རོ། །གྲུ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གྲུ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། གྲུ་གདོང་ངོ་། །དགེ་སློང་གིས་ནང་དུ་ཆོས་གོས་ [55b.3]དག་བཞག་སྟེ་གྲུ་གདོང་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །གྲུ་གདོང་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་གྲུ་གདོང་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་ [55b.4]དུ་འགྱུར་རོ། །གྲུ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་གྲུ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། འགྲོ་བའི་ནི་ནང་ཐམས་ཅད་དང་ཕྱི་རོལ་འདོམ་གང་ངོ་། །འདུག་པའི་ནི་ནང་ཐམས་ [55b.5]ཅད་དང་ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་པ་དང་། གྲུ་རྟོད་པར་བྱེད་པ་དང་། གདོས་པ་དག་འཇོག་པར་བྱེད་པ་དང་། གྲུ་སྐྱ་དག་འཇོག་པར་བྱེད་པ་དང་། མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་བར་བྱེད་པ་དང་། གང་དུ་རྡུང་ [55b.6]བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་ [55b.7]བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །གྲུ་རབ་ཏུ་མང་པོ་ཉེན་ཀོར་ཐ་དད་པ་ [56a] [56a.1]གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གྲུ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཤིང་རྟ་ཉེན་ཀོར་གཅིག་པ་གང་ [56a.2]ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་ཤིང་རྟ་གང་ཡིན་པའོ། །དེའི་ཉེན་ཀོར་གང་ཞེ་ན། འགྲོ་བའི་ནི་ནང་ཐམས་ཅད་དང་། ཕྱི་རོལ་འདོམ་གང་ངོ་། །འདུག་པའི་ནི་ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་ [56a.3]པ་དང་། གླང་དག་འདོགས་པར་བྱེད་པ་དང་། རྩྭ་དག་འཇོག་པར་བྱེད་པ་དང་། མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་བར་བྱེད་པ་དང་། གང་དུ་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་ [56a.4]དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། ། [56a.5]ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་རྟ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཤིང་རྟ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ [56a.6]ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཁ་ལོ་པའི་གནས་སོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཁ་ལོ་པའི་གནས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཁ་ལོ་པའི་གནས་སུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་ [56a.7]མེད་དོ། །ནང་ངམ་ཁ་ལོ་པའི་གནས་སུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་རྟ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མི་གཅིག་གིའམ། སྤུན་སྒོ་མ་བྱེ་བ་དག་གི་ཤིང་རྟ་རབ་ཏུ་མང་པོ་གང་ [56b] [56b.1]དག་ཡིན་པའོ། །དེ་དག་གི་ཉེན་ཀོར་གང་ཞེ་ན། འགྲོ་བའི་ནི་ནང་ཐམས་ཅད་དང་ཕྱི་རོལ་འདོམ་གང་ངམ། འདུག་པའི་ནི་ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་པ་དང་། གླང་དག་འདོགས་པར་བྱེད་པ་དང་། རྩྭ་དག་འཇོག་པར་ [56b.2]བྱེད་པ་དང་། མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་བར་བྱེད་པ་དང་། གང་དུ་རྡུང་བར་བྱེད་པ་དང་། རྔོ་བར་བྱེད་པ་དང་། འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེ་དག་ [56b.3]གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་ [56b.4]དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་རྟ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ་མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཤིང་རྟ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། ། [56b.5]ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཤིང་ལྗོན་པ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་ཤིང་ལྗོན་པ་ཡལ་གའི་ཚོགས་འབྲེལ་པ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་ལོ་མ་ལྷགས་པ་ [56b.6]རླུང་གིས་མ་བདས་པ་དག་འབབ་པ་དང་། ཆར་ཆད་པའི་ཐིགས་པ་སྦོམ་པོ་དག་འབབ་པ་དང་། གང་དུ་གུང་ཚིགས་ཀྱི་ཚེ་ཤིང་ལྗོན་པའི་གྲིབ་མས་ཁྱབ་ཅིང་འདུག་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་ [56b.7]བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་ལྗོན་པ་ཉེན་ཀོར་ཐ་དད་པ་གང་ [57a] [57a.1]ཞེ་ན། འདི་ལྟ་སྟེ་ཤིང་ལྗོན་པ་ཡལ་གའི་ཚོགས་མ་འབྲེལ་པ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན་རྩ་བའོ། །དགེ་སློང་གིས་རྩ་བར་ཆོས་གོས་དག་བཞག་སྟེ་ཡལ་གར་སྐྱ་རེངས་འཆར་བར་བྱེད་ན་ [57a.2]ལྟུང་བ་མེད་དོ། །ཡལ་གར་ཆོས་གོས་དག་བཞག་སྟེ་རྩ་བར་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །རྩ་བའམ་ཡལ་གར་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་ལྗོན་པ་རབ་ཏུ་མང་པོ་ཉེན་ཀོར་གཅིག་པ་ [57a.3]གང་ཞེ་ན། འདི་ལྟ་སྟེ་ཤིང་ལྗོན་པ་རབ་ཏུ་མང་པོ་ཡལ་གའི་ཚོགས་འབྲེལ་པ་གང་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་ལོ་མ་ལྷགས་པ་རླུང་གིས་མ་བདས་པ་དག་འབབ་པ་དང་། ཆར་ཆད་པའི་ཐིགས་པ་ [57a.4]སྦོམ་པོ་དག་འབབ་པ་དང་། གང་དུ་གུང་ཚིགས་ཀྱི་ཚེ་ཤིང་ལྗོན་པའི་གྲིབ་མས་ཁྱབ་ཅིང་འདུག་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ [57a.5]ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་ལྗོན་པ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ། ཤིང་ལྗོན་པ་རབ་ཏུ་མང་པོ་ཡལ་ [57a.6]གའི་ཚོགས་མ་འབྲེལ་པ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཀུན་དགའི་ར་བ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཀུན་དགའི་ [57a.7]ར་བ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་མེ་ཏོག་དག་ཐུ་བར་བྱེད་པ་དང་། སྐོན་པ་དག་འཇོག་པར་བྱེད་པ་དང་། ཕྲེང་བ་དག་རྒྱུད་པར་བྱེད་པ་དང་། འཇལ་བར་བྱེད་པ་དང་། ཉོ་བར་བྱེད་པ་དང་། [57b] [57b.1]འཚོང་བར་བྱེད་པ་དང་། བྲེའུ་ཆུང་དང་། ཕུལ་འཇོག་པར་བྱེད་པ་དེ་ནི་དེའི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་ [57b.2]བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཀུན་དགའི་ར་བའི་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཀུན་དགའི་ར་བ་གང་ཡིན་པའོ། ། [57b.3]དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཁྲོན་པའོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཁྲོན་པར་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཁྲོན་པར་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་ [57b.4]བ་མེད་དོ། །ནང་ངམ་ཁྲོན་པར་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཀུན་དགའི་ར་བ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཀུན་དགའི་ར་བ་རབ་ཏུ་མང་པོ་ [57b.5]གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་མེ་ཏོག་དག་ཐུ་བར་བྱེད་པ་དང་། སྐོན་པ་དག་འཇོག་པར་བྱེད་པ་དང་། ཕྲེང་བ་དག་རྒྱུད་པར་བྱེད་པ་དང་། འཇལ་བར་བྱེད་པ་དང་། ཉོ་བར་བྱེད་པ་ [57b.6]དང་། འཚོང་བར་བྱེད་པ་དང་། བྲེའུ་ཆུང་དང་། ཕུལ་འཇོག་པར་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་ [57b.7]བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཀུན་དགའི་ར་བ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ [58a] [58a.1]ཀུན་དགའི་ར་བ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དགེ་སློང་ [58a.2]གིས་ཆོས་གོས་དག་དགེ་སློང་ལ་གཏད་དེ་འགྲོ་ན་ལམ་དུ་མཆི་ན། བཙུན་པ་དེའི་ཉེན་ཀོར་གང་ལགས། ཉེ་བ་འཁོར་ངས་བྲམ་ཟེ་གྲོ་ཞིན་སྐྱེས་ལ་ཨ་མྲའི་སྡོང་པོ་ཤིན་ཏུ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཡལ་ག་ཕུན་སུམ་ཚོགས་པ། འདོམ་བདུན་ [58a.3]གྱིས་བར་དུ་ཆོད་པའི་ཨ་མྲའི་སྡོང་པོ་བདུན་པོ་གང་དག་ཡིན་པ་དེ་དག་ལ་འདོམ་བཞི་བཅུ་རྩ་དགུ་ཡོད་པར་བསྟན་པ་དེ་ནི་དགེ་སློང་ལམ་དུ་ཞུགས་པའི་ཆོས་གོས་དག་གི་ཉེན་ཀོར་ཡིན་ནོ། །འགྲེང་བ་དང་། འདུག་པ་དང་། ཉལ་བའི་ཉེན་ཀོར་ནི་འདོམ་གང་ཁོ་ར་ཁོར་ཡུག་གོ། །ཐད་ [58a.4]ཀར་འགྲོ་བའི་ཉེན་ཀོར་ཡང་འདོམ་གང་ཁོ་ར་ཁོར་ཡུག་གོ། །ཐད་ཀར་འགྲེང་བ་དང་། འདུག་པ་དང་ཉལ་བའི་ཉེན་ཀོར་ཡང་འདོམ་གང་ཁོ་ར་ཁོར་ཡུག་གོ། །བཙུན་པ་དགེ་སློང་མཚམས་གཞན་དུ་མཆིས་ནས། ཉལ་བར་བགྱིད་ན་དེའི་ཆོས་གོས་དག་གི་ཉེན་ཀོར་གང་ལགས། [58a.5]ཉེ་བ་འཁོར་ཇི་ཙམ་དུ་ཆོས་གོས་ཀྱི་གྲྭ་ལུས་དང་མ་འབྲལ་བ་ཚུན་ཅད་དོ། །དགེ་སློང་གིས་ཆོས་གོས་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་ཆོས་གོས་སྤང་བར་གྱུར་ན། དེ་ [58a.6]སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་ཆོས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། ། [58a.7]དགེ་སློང་གིས་ཆོས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་སྲིད་དུ་སྤང་བའི་དངོས་པོ་དེས་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། [58b] [58b.1]དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་གཞན་ཉེ་བར་འཇོག་པར་བྱེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། ། [58b.2]འབྲལ་བའི་སྤང་བ་སྟེ་གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་གོས་མང་བ་ཉིད་འདི་ལྟ་བུ་འདི་བྱུང་སྟེ། དགེ་སློང་གང་ཡང་ [58b.3]རུང་བས་གོས་སྔོན་པོ་ཞིག་རྙེད་ན་དེས་དེ་བྱེད་དུ་མི་འཇུད་པར་དེ་གང་གི་ཚེ་འདི་དང་འདྲ་བ་རྙེད་པར་གྱུར་པ་དེའི་ཚེ་གོས་བྱེད་དུ་གཞུག་གོ་སྙམ་དུ་རེ་བས་དེ་འཇོག་པར་བྱེད་ཅིང་། སྔོན་པོ་ཇི་ལྟ་བ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཡང་དེ་བཞིན་ནོ། །དགེ་སློང་ [58b.4]དོན་ཉུང་ངུ་དག་ཅིའི་ཕྱིར་དགེ་སློང་རྣམས་གོས་མང་བ་ཉིད་འདི་ལྟ་བུ་འདི་བྱུང་སྟེ། དགེ་སློང་གང་ཡང་རུང་བས་གོས་སྔོན་པོ་ཞིག་རྙེད་ན་དེས་དེ་བྱེད་དུ་མི་འཇུད་པར་དེ་གང་གི་ཚེ་འདི་དང་འདྲ་བ་རྙེད་པར་གྱུར་པ་དེའི་ཚེ་གོས་བྱེད་དུ་གཞུག་གོ་སྙམ་དུ་རེ་བས་དེ་འཇོག་པར་བྱེད་ཅིང་སྔོན་པོ་ཇི་ལྟ་ [58b.5]བ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཡང་དེ་བཞིན་ནོ། །ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་ [58b.6]གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་ [58b.7]རབ་ཏུ་མང་པོ་དག་ལ་རྨས་པ། དགེ་སློང་དག་ཁྱེད་ལ་གོས་མང་བ་ཉིད་འདི་ལྟ་བུ་འདི་བྱུང་སྟེ། དགེ་སློང་གང་ཡང་རུང་བས་གོས་སྔོན་པོ་ཞིག་རྙེད་ན་དེས་དེ་བྱེད་དུ་མི་འཇུད་པར་དེ་གང་གི་ཚེ་འདི་འདྲ་བ་རྙེད་པར་གྱུར་པ་དེའི་ཚེ་གོས་བྱེད་དུ་འཇུག་གོ་སྙམ་དུ་རེ་བས་དེ་འཇོག་པར་བྱེད་ [59a] [59a.1]ཅིང་། སྔོན་པོ་ཇི་ལྟ་བ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཡང་དེ་བཞིན་དུ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང་། ཆོག་མི་ཤེས་པ་དང་། གསོ་དཀའ་བ་དང་། དགང་དཀའ་བ་ [59a.2]རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བའི་བསྔགས་པ་བརྗོད་ཅིང་། ཆོག་ཤེས་པ་དང་། གསོ་སླ་བ་དང་། དགང་སླ་བ་དང་། ཕྲི་བ་དང་། ཡོ་བྱད་བསྙུངས་པ་དང་། སྦྱངས་པའི་ཡོན་ཏན་རྣམས་དང་། མཛེས་པ་ཉིད་དང་། དྲོད་རིག་ [59a.3]པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་ [59a.4]འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ན་དུས་མ་ཡིན་པའི་གོས་ཤིག་རྙེད་ལ་འདོད་ན་དགེ་སློང་དེས་གོས་དེ་བླང་བར་བྱའོ། །བླངས་ནས་གལ་ཏེ་ལངས་ན་མྱུར་བ་ཁོ་ནར་གོས་སུ་བྱ་སྟེ་བཅང་བར་བྱའོ། །གལ་ཏེ་མི་ [59a.5]ལངས་ལ་ཁ་མ་ལངས་པ་ཁ་སྐོང་བའི་གོས་ལ་རེ་བ་ཡོད་ན་དགེ་སློང་དེས་གོས་དེ་ཟླ་བ་གཅིག་གི་མཐར་གཞག་པར་བྱའོ། །དེ་ལས་འདས་པར་འཇོག་ན་སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི་ཆོས་འདི་པའོ། །ཆོས་གོས་ཟིན་པས་སྲ་བརྐྱང་ཕྱུང་ན་ཞེས་བྱ་བ་ནི་ཆོས་གོས་ཟིན་ལ་ [59a.6]སྲ་བརྐྱང་མ་་ཕྱུང་བ་ཡང་ཡོད། ཆོས་གོས་མ་ཟིན་ལ་སྲ་བརྐྱང་ཕྱུང་བ་ཡང་ཡོད། ཆོས་གོས་ཟིན་ཅིང་སྲ་བརྐྱང་ཕྱུང་བ་ཡང་ཡོད། ཆོས་གོས་མ་ཟིན་ཅིང་སྲ་བརྐྱང་མ་་ཕྱུང་བ་ཡང་ཡོད་དེ། མུ་བཞིར་བཅད་པ་སྔ་མ་བཞིན་ནོ། །དུས་མ་ཡིན་པའི་གོས་ཤིག་ཅེས་བྱ་བ་ལ་དགེ་སློང་གིས་ [59a.7]གོས་ཀྱི་དུས་ནི་གང་ཡིན། དུས་མ་ཡིན་པ་ནི་གང་ཡིན་ཞེ་ན། སྲ་བརྐྱང་བཏིང་བའི་གནས་ན་ནི་སྟོན་ཟླ་འབྲིང་པོ་ཉ་ནས་དཔྱིད་ཟླ་ར་བ་ཉའི་བར་གྱི་ཟླ་བ་དེ་དག་ནི་གོས་ཀྱི་དུས་ཡིན་ལ། དེ་ཕན་ཅད་ནི་དུས་མ་ཡིན་ནོ། །སྲ་བརྐྱང་མ་་བཏིང་བའི་གནས་ན་ནི་ཐམས་ཅད་དུས་མ་ཡིན་ནོ། །རྙེད་ [59b] [59b.1]ལ་ཞེས་བྱ་བ་ནི་གཞན་ལས་སོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །དགེ་སློང་དེས་གོས་དེ་བླང་བར་བྱའོ་ཞེས་བྱ་བ་ནི་བདག་གིར་བྱའོ། །གལ་ཏེ་ལངས་ན་ཞེས་བྱ་བ་ནི་གལ་ཏེ་ཆོག་ནའོ། །མྱུར་བ་ཁོ་ནར་གོས་སུ་བྱས་ཏེ་བཅང་བར་བྱའོ་ཞེས་བྱ་བ་ནི་མི་བསྒྱང་ [59b.2]བ་ཁོ་ནར་བྱིན་གྱིས་བརླབ་ཏུ་རུང་བར་བྱས་ཏེའོ། །ཁམ་ལངས་པ་ཁ་སྐོང་བའོ་ཞེས་བྱ་བ་ནི་སྣམ་སྦྱར་རམ། བླ་གོས་སམ། མཐང་གོས་ཁ་མ་ལངས་པ་ཁ་སྐོང་བའི་འོ། །གོས་ལ་རེ་བ་ཡོད་ན་ཞེས་བྱ་བ་ནི་དགེ་སློང་ལ་མས་བདག་ལ་གོས་སྦྱིན་པའི་རེ་བའམ། ཕའམ། ཕུ་ནུའམ། [59b.3]སྲིང་མོའམ། སློབ་དཔོན་ནམ། མཁན་པོས་བདག་ལ་གོས་སྦྱིན་པའི་རེ་བའམ། ལོ་ལྔའི་དུས་སྟོན་གྱི་ཚེའམ། ལོ་དྲུག་གི་དུས་སྟོན་གྱི་ཚེའམ། གཙུག་ཕུད་འདྲེག་པའི་དུས་སྟོན་གྱི་ཚེའམ། གནས་ཁང་གི་དུས་སྟོན་གྱི་ཚེའམ། དུས་སྟོན་ཆེན་པོའི་ཚེ་རྙེད་དུ་རེ་བ་ཡོད་ནའོ། ། [59b.4]དགེ་སློང་དེས་གོས་དེ་ཟླ་བ་གཅིག་གི་མཐར་གཞག་པར་བྱའོ་ཞེས་བྱ་བ་ནི་ཟླ་བ་གཅིག་གི་མཐའ་ཚུན་ཆད་དུའོ། །དེ་ལས་འདས་པར་འཇོག་ན་ཞེས་བྱ་བ་ནི་དེ་ལས་ཐལ་བར་རོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། [59b.5]དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན།། །།བར་སྡོམ་ལ། དོགས་བཅས་དོགས་པ་མེད་པ་དང་། །ཉམས་གྱུར་གྲུབ་པར་མ་གྱུར་དང་། །རྒྱུན་ཆད་གོས་ལྔ་གོས་གཉིས་དང་། །སྦྱར་བ་དང་ནི་ཚད་རྣམས་སོ། །དགེ་སློང་ [59b.6]གིས་ཚེས་ལ་གོས་སྔོན་པོ་ཞིག་རྙེད་ནས་དེས་དེ་བྱེད་དུ་མི་འཇུད་པར་དེ་གང་གི་ཚེ་འདི་དང་འདྲ་བ་རྙེད་པར་གྱུར་པ་དེའི་ཚེ་གོས་བྱེད་དུ་གཞུག་གོ་སྙམ་དུ་རེ་བས་དེ་འཇོག་པར་བྱེད་ཅིང་དེས་ཚེས་དེ་ཉིད་ལ་གོས་སྔོན་པོ་དོགས་པ་དང་བཅས་པ་གཞན་ཞིག་རྙེད་པར་གྱུར་ན། དགེ་སློང་དེས་ [59b.7]གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་ [60a] [60a.1]གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་བཅུ་ཚུན་ཅད་ཀྱིས་གོས་སྔོན་པོ་ཞིག་རྙེད་ན། དགེ་སློང་དེས་གོས་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། [60a.2]གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །གོས་དེ་བཅུ་ལ་ [60a.3]མ་རྙེད་ཀྱང་ཉི་མ་བཅུ་དགུ་ཚུན་ཅད་ཀྱིས་རྙེད་ན། དགེ་སློང་དེས་གོས་དེ་ཉི་མ་ཉི་ཤུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་ [60a.4]བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་ཉི་ཤུ་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཉི་མ་ཉི་ཤུ་པ་ལ་མ་རྙེད་ཀྱང་ཉི་མ་ཉི་ཤུ་རྩ་དགུ་ཚུན་ཅད་ཀྱིས་རྙེད་ན་དགེ་སློང་དེས་གོས་དེ་ཟླ་བ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་ [60a.5]བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་སུམ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་རྙེད་པ་ཇི་ [60a.6]ལྟ་བ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཡང་དེ་བཞིན་ནོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས་དེས་དེ་བྱེད་དུ་མི་འཇུད་པར་དེ་གང་གི་ཚེ་འདི་དང་འདྲ་བ་རྙེད་པར་གྱུར་པ་དེའི་ཚེ་གོས་བྱེད་དུ་གཞུག་གོ་སྙམ་དུ་རེ་བ་མེད་པས་དེ་འཇོག་པར་བྱེད་ [60a.7]ཅིང་དེས་ཚེས་དེ་ཉིད་ལ་གོས་སྔོན་པོ་དོགས་པ་མེད་པ་གཞན་ཞིག་རྙེད་པར་གྱུར་ན། དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་ [60b] [60b.1]བར་མི་བྱེད་པས། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཚེས་བཅུ་ཚུན་ཅད་དམ། ཉི་མ་བཅུ་དགུ་ཚུན་ཅད་དམ། ཉི་མ་ཉི་ཤུ་རྩ་དགུ་ཚུན་ཅད་ [60b.2]ཀྱིས་གོས་སྔོན་པོ་ཞིག་རྙེད་ན། དགེ་སློང་དེས་གོས་དེ་ཟླ་བ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་ [60b.3]སྦྱིན་པར་མི་བྱེད་ན་ཉི་མ་སུམ་བཅུ་གཅིག་གི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་རྙེད་པ་ཇི་ལྟ་བ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཡང་དེ་བཞིན་ནོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས་དེས་དེ་བྱེད་དུ་མི་ [60b.4]འཇུད་པར་དེ་གོས་ལ་རེ་བ་ཡོད་པ་དེ་འཇོག་པར་བྱེད་ཅིང་དེའི་གོས་ལ་རེ་བ་གང་ཡིན་པ་དེ་ཉམས་པར་གྱུར། འགྱངས་པར་གྱུར། ཉམ་ཆུང་བར་གྱུར་ཅིང་། དེས་ཚེས་དེ་ཉིད་ལ་གོས་སྔོན་པོ་གཞན་ཞིག་རྙེད་པར་གྱུར་ན། དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་ [60b.5]བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་ [60b.6]རོ། །ཚེས་ལ་མ་རྙེད་ཀྱང་ཚེས་གཉིས་སམ། ཚེས་བཅུ་ཚུན་ཅད་དམ། ཚེས་བཅུ་ལ་མ་རྙེད་ཀྱང་ཉི་མ་ཉི་ཤུ་རྩ་དགུ་ཚུན་ཅད་ཀྱི་གོས་སྔོན་པོ་ཞིག་རྙེད་ན་དགེ་སློང་དེས་གོས་དེ་ཟླ་བ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ [60b.7]ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་སུམ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་རྙེད་པ་ཇི་ལྟ་བ་བཞིན་དུ་སེར་པོ་དང་། [61a] [61a.1]དམར་པོ་དང་། སྟུག་པོ་དང་། སྲབ་མོ་ཡང་དེ་བཞིན་ནོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས་དེས་དེ་བྱེད་དུ་མི་འཇུག་པར་དེ་རེ་བས་དེ་འཇོག་པར་བྱེད་ཅིང་དེའི་གོས་ལ་རེ་བ་གང་ཡིན་པ་དེ་གྲུབ་པར་མ་གྱུར། རྒྱུན་ཆད་པར་མ་གྱུར་པར་དེས་ཚེས་ [61a.2]དེ་ཉིད་ལ་གོས་སྔོན་པོ་གཞན་ཞིག་རྙེད་པར་གྱུར་ན། དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་ [61a.3]མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཉི་མ་ཉི་ཤུ་རྩ་དགུ་ཚུན་ཆད་ཀྱིས་རྙེད་ན་དགེ་སློང་དེས་གོས་དེ་ཟླ་བ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་ [61a.4]བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་སུམ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་རྙེད་ [61a.5]པ་ཇི་ལྟ་བ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཡང་དེ་བཞིན་ནོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས་དེས་དེ་བྱེད་དུ་མི་འཇུད་པར་དེ་རེ་བས་དེ་འཇོག་པར་བྱེད་ཅིང་དེའི་གོས་ལ་རེ་བ་གང་ཡིན་པ་དེ་ཐམས་ཅད་ཀྱི་ཐམས་ཅད་དུ་རྒྱུན་ཆད་པར་གྱུར་ [61a.6]ན་དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། [61a.7]ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཉི་མ་ཉི་ཤུ་རྩ་དགུ་ཚུན་ཆད་ཀྱིས་རྙེད་ནས་དེས་དེ་བྱེད་དུ་མི་འཇུད་པར་དེ་རེ་བས་དེ་འཇོག་པར་བྱེད་ཅིང་དེའི་གོས་ལ་རེ་བ་གང་ཡིན་པ་དེ་ཐམས་ཅད་ཀྱི་ཐམས་ཅད་དུ་ [61b] [61b.1]རྒྱུན་ཆད་པར་གྱུར་ན་དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་ [61b.2]པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་ཇི་ལྟ་བ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཡང་དེ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ [61b.3]གོས་དག་དུ་མཆིས། ཉེ་བ་འཁོར་ལྔ་སྟེ། གོས་བདག་པོ་ཡོད་པ་དང་། གོས་བདག་པོ་མེད་པ་དང་། གོས་བོར་བླངས་དང་། གོས་དུར་ཁྲོད་པ་དང་། གོས་ཕྱག་དར་ཁྲོད་པ་ཉིད་ནི་ལྔ་པའོ། །དེ་ལ་གོས་བདག་པོ་ཡོད་པ་གང་ཞེ་ན། གང་ལ་བདག་པོ་སྐྱེས་པའམ། བུད་ [61b.4]མེད་དམ། མ་ནིང་ཡོད་པ་དེ་ནི་གོས་བདག་པོ་ཡོད་པ་ཞེས་བྱའོ། །གོས་བདག་པོ་མེད་པ་གང་ཞེ་ན། གང་ལ་བདག་པོ་སྐྱེས་པའམ། བུད་མེད་དམ། མ་ནིང་མེད་པ་དེ་ནི་གོས་བདག་པོ་མེད་པ་ཞེས་བྱའོ། །གོས་བོར་བླངས་གང་ཞེ་ན། འདི་ལྟ་སྟེ། ཉེ་དུ་དག་གིས་ [61b.5]ཉེ་དུ་ཉམས་པ་དང་། ཤི་བ་དང་། དུས་ལ་བབ་པར་རིག་ནས་དེའི་རྒྱབ་ནས་གོས་ཀྱིས་བཀབ་སྟེ་དུར་ཁྲོད་དུ་ཁྱེར་ནས་དེ་དག་གིས་གོས་དེ་ཡང་ཕྱིར་ཁྱེར་ཏེ་འོངས་ནས་དགེ་འདུན་ལ་འབུལ་བ་དེ་ནི་གོས་བོར་བླངས་ཞེས་བྱའོ། །གོས་དུར་ཁྲོད་པ་གང་ཞེ་ན། ཡོངས་སུ་ [61b.6]འཛིན་པ་མེད་པའི་དུར་ཁྲོད་ནས་བླངས་པ་གང་ཡིན་པ་དེ་ནི་གོས་དུར་ཁྲོད་པ་ཞེས་བྱའོ། །གོས་ཕྱག་དར་ཁྲོད་པ་གང་ཞེ་ན། ཕྱག་དར་ཁྲོད་པ་རྣམ་པ་ལྔ་སྟེ། ལམ་པོ་ཆེའི་གོས་དང་། དགོན་པར་བོར་བ་དང་། ཆུ་འགྲམ་པ་དང་། སྲིལ་ཟན་དང་། རལ་རུལ་ཉིད་ནི་ [61b.7]ལྔ་པ་ཡིན་ཏེ། རལ་རུལ་ཞེས་བྱ་བ་ནི་ཧ་ཅང་ཟེགས་པ་གང་ཡིན་པའོ། །གཞན་ཡང་ཕྱག་དར་ཁྲོད་པ་རྣམ་པ་ལྔ་སྟེ། མེས་ཚིག་པ་དང་། ཆུས་ཁྱེར་བ་དང་། བྱི་བས་ཟོས་པ་དང་། བེའུས་ཟོས་པ་དང་། མ་མའི་གོས་ཉིད་ནི་ལྔ་པ་ཡིན་ནོ། །གཞན་ཡང་གོས་གཉིས་ཏེ་ [62a] [62a.1]སར་པ་དང་དུས་ཚིགས་སུ་སྤྱད་པའོ། །གོས་སར་པ་གང་ཞེ་ན། ཐ་ག་པས་གསར་དུ་བཏགས་པ་དུས་ཚིགས་གསུམ་པོ་དག་ལས་དུས་ཚིགས་གང་ཡང་རུང་བའི་དུས་ཚིགས་སུ་མ་སྤྱད་པ་གང་ཡིན་པ་དེ་ནི་གོས་སར་པ་ཞེས་བྱའོ། །གོས་དུས་ཚིགས་ [62a.2]སུ་སྤྱད་པ་གང་ཞེ་ན། དུས་ཚིགས་གསུམ་པོ་དག་ལས་དུས་ཚིགས་གང་ཡང་རུང་བའི་དུས་ཚིགས་སུ་སྤྱད་པ་གང་ཡིན་པ་སྟེ། དུས་ཚིགས་ཞེས་བྱ་བ་ནི་ཟླ་བ་བཞི་སྟེ། དེ་ནི་གོས་དུས་ཚིགས་སུ་སྤྱད་པ་ཞེས་བྱའོ། །དགེ་སློང་གིས་གོས་སར་པ་རྙེད་ན་གལ་ཏེ་དགེ་སློང་ [62a.3]དེས་བཅག་པ་དང་། གདིང་བ་དང་། དྲ་བ་དང་། བཙེམ་པ་དང་། ཁ་བསྒྱུར་བར་ནུས་ན་དགེ་སློང་དེས་གོས་དེ་ལས་སྣམ་སྦྱར་ནི་ཉི་རིམ་དུ་བྱ། གདིང་བ་ཡང་ཉི་རིམ་དུ་བྱ། བླ་གོས་ནི་ཅིག་རྐྱང་དུ་བྱ། མཐང་གོས་ཀྱང་ཅིག་རྐྱང་དུ་བྱའོ། །དགེ་སློང་གིས་སྣམ་སྦྱར་ཉི་ [62a.4]རིམ་ལ་རིམ་པ་གསུམ་པ་གློན་པར་བྱེད་ན་དེ་གློན་པར་བྱེད་པ་ན་ཉེས་བྱས་སུ་འགྱུར་ལ། ཞག་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྣམ་སྦྱར་ཉི་རིམ་ལས་གཞན་དུ་གླན་ནོ་སྙམ་པས་རིམ་པ་འབོགས་པར་བྱེད་ན་དེ་འབོགས་པ་ན་ཉེས་བྱས་སུ་འགྱུར་ལ། [62a.5]ཉི་མ་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྣམ་སྦྱར་ཉི་རིམ་ལས་བཀྲུས་ཤིང་ཁ་བསྒྱུར་ཏེ་འདི་ཉིད་ལ་གླན་ནོ་སྙམ་པས་རིམ་པ་འབོགས་པར་བྱེད་ན་དེ་འབོགས་པ་ན་ལྟུང་བ་མེད་ལ། ཉི་མ་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །སྣམ་སྦྱར་ལ་ཇི་ལྟ་ [62a.6]བ་བཞིན་དུ་གདིང་བ་ལ་ཡང་དེ་བཞིན་ནོ། །དགེ་སློང་གིས་བླ་གོས་ཅིག་བརྐྱང་ལ་རིམ་པ་གློན་པར་བྱེད་ན་དེ་གློན་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །བླ་གོས་ལ་ཇི་ལྟ་བ་བཞིན་དུ་མཐང་གོས་ལ་ཡང་དེ་བཞིན་ནོ། །དགེ་སློང་གིས་ [62a.7]གོས་དུས་ཚིགས་སུ་སྤྱད་པ་ཞིག་རྙེད་ལ་གལ་ཏེ་དགེ་སློང་དེས་བཅག་པ་དང་། གདིང་བ་དང་། དྲ་བ་དང་། བཙེམ་པ་དང་། ཁ་བསྒྱུར་བར་ནུས་ན་དགེ་སློང་དེས་གོས་དེ་ལས་སྣམ་སྦྱར་ནི་བཞི་རིམ་དུ་བྱ། གདིང་བ་ཡང་བཞི་རིམ་དུ་བྱ། བླ་གོས་ནི་ཉི་རིམ་དུ་བྱ། མཐང་ [62b] [62b.1]གོས་ཀྱང་ཉི་རིམ་དུ་བྱའོ། །དགེ་སློང་གིས་སྣམ་སྦྱར་བཞི་རིམ་ལ་རིམ་པ་ལྔ་པ་གློན་པར་བྱེད་ན་དེ་གློན་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྣམ་སྦྱར་བཞི་རིམ་ལས་གཞན་དུ་གླན་ནོ་སྙམ་པས་རིམ་པ་འབོགས་པར་ [62b.2]བྱེད་ན་དེ་འབོགས་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྣམ་སྦྱར་བཞི་རིམ་ལས་བཀྲུས་ཤིང་ཁ་བསྒྱུར་ཏེ་འདི་ཉིད་དུ་གླན་པར་བྱའོ་སྙམ་པས་རིམ་པ་འབོགས་པར་བྱེད་ན་དེ་འབོགས་པ་ན་ལྟུང་བ་མེད་ལ། ཉི་མ་ [62b.3]བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །སྣམ་སྦྱར་ལ་ཇི་ལྟ་བ་དེ་བཞིན་དུ་གདིང་བ་ལ་ཡང་དེ་བཞིན་དུ་བརྗོད་པར་བྱའོ། །དགེ་སློང་གིས་བླ་གོས་ཉི་རིམ་ལ་རིམ་པ་གསུམ་པ་གློན་པར་བྱེད་ན་དེ་གློན་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན་སྤང་བའི་ལྟུང་བྱེད་དུ་འགྱུར་ [62b.4]རོ། །དགེ་སློང་གིས་བླ་གོས་ཉི་རིམ་ལས་གཞན་དུ་གླན་ནོ་སྙམ་པས་རིམ་པ་འབོགས་པར་བྱེད་ན་དེ་འབོགས་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་བླ་གོས་ཉི་རིམ་ལས་འདི་ཉིད་བཀྲུས་ཤིང་ཁ་བསྒྱུར་ཏེ་འདི་ཉིད་དུ་གླན་ནོ་སྙམ་ [62b.5]པས་རིམ་པ་འབོགས་པར་བྱེད་ན་དེ་འབོགས་པ་ན་ལྟུང་བ་མེད་ལ། ཉི་མ་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །བླ་གོས་ལ་ཇི་ལྟ་བ་བཞིན་དུ་མཐང་གོས་ལ་ཡང་དེ་བཞིན་ནོ། །ཕྱག་དར་ཁྲོད་ལ་ནི་ཇི་ཙམ་འདོད་པ་གླན་པར་བྱའོ། །སངས་རྒྱས་བཅོམ་ལྡན་འདས་ [62b.6]ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་སྣམ་སྦྱར་དག་གི་སྣམ་ཕྲན་དུ་ལགས། ཉེ་བ་འཁོར་དགུ་སྟེ། སྣམ་ཕྲན་དགུ་པ་དང་། སྣམ་ཕྲན་བཅུ་གཅིག་པ་དང་། སྣམ་ཕྲན་བཅུ་གསུམ་པ་དང་། སྣམ་ཕྲན་{བཅྭ་,བཅོ་}ལྔ་པ་དང་། སྣམ་ཕྲན་བཅུ་བདུན་པ་དང་། སྣམ་ [62b.7]ཕྲན་བཅུ་དགུ་པ་དང་། སྣམ་ཕྲན་ཉི་ཤུ་གཅིག་པ་དང་། སྣམ་ཕྲན་ཉི་ཤུ་གསུམ་པ་དང་། སྣམ་ཕྲན་ཉི་ཤུ་ལྔ་པའོ། །ཉེ་བ་འཁོར་དེ་ལ་སྣམ་ཕྲན་དགུ་པ་ནི་གསུམ་སྦྱར་གསུམ་མོ། །སྣམ་ཕྲན་བཅུ་གཅིག་པ་ནི་གསུམ་སྦྱར་གསུམ་དང་སྣམ་ཕྲན་གཉིས་སོ། །སྣམ་ཕྲན་ [63a] [63a.1]བཅུ་གསུམ་པ་ནི་གསུམ་སྦྱར་བཞི་དང་སྣམ་ཕྲན་གཅིག་གོ། །སྣམ་ཕྲན་{བཅྭ་,བཅོ་}ལྔ་པ་ནི་གསུམ་སྦྱར་ལྔའོ། །སྣམ་ཕྲན་བཅུ་བདུན་པ་ནི་གསུམ་སྦྱར་ལྔ་དང་སྣམ་ཕྲན་གཉིས་སོ། །སྣམ་ཕྲན་བཅུ་དགུ་པ་ནི་གསུམ་སྦྱར་དྲུག་དང་སྣམ་ཕྲན་གཅིག་གོ། །སྣམ་ཕྲན་ཉི་ [63a.2]ཤུ་གཅིག་པ་ནི་གསུམ་སྦྱར་བདུན་ནོ། །སྣམ་ཕྲན་ཉི་ཤུ་གསུམ་པ་ནི་གསུམ་སྦྱར་བདུན་དང་སྣམ་ཕྲན་གཉིས་སོ། །སྣམ་ཕྲན་ཉི་ཤུ་ལྔ་པ་ནི་གསུམ་སྦྱར་བརྒྱད་དང་སྣམ་ཕྲན་གཅིག་གོ། །ཉེ་བ་འཁོར་དེ་ལ་སྣམ་སྦྱར་སྣམ་ཕྲན་དགུ་པ་གང་ཡིན་པ་དང་། སྣམ་ཕྲན་བཅུ་གཅིག་པ་ [63a.3]གང་ཡིན་པ་དང་། སྣམ་ཕྲན་བཅུ་གསུམ་པ་གང་ཡིན་པ་དེ་གསུམ་ནི་གླེགས་བུ་ཕྱེད་དང་གསུམ་པར་བྱས་ཏེ་བཅང་བར་བྱའོ། །སྣམ་སྦྱར་སྣམ་ཕྲན་{བཅྭ་,བཅོ་}ལྔ་པ་གང་ཡིན་པ་དང་། སྣམ་ཕྲན་བཅུ་བདུན་པ་གང་ཡིན་པ་དང་། སྣམ་ཕྲན་བཅུ་དགུ་པ་གང་ཡིན་པ་དེ་གསུམ་ནི་གླེགས་བུ་ [63a.4]ཕྱེད་དང་བཞི་པར་བྱས་ཏེ་བཅང་བར་བྱའོ། །སྣམ་སྦྱར་སྣམ་ཕྲན་ཉི་ཤུ་གཅིག་པ་གང་ཡིན་པ་དང་། སྣམ་ཕྲན་ཉི་ཤུ་གསུམ་པ་གང་ཡིན་པ་དང་། སྣམ་ཕྲན་ཉི་ཤུ་ལྔ་པ་གང་ཡིན་པ་དེ་གསུམ་ནི་གླེགས་བུ་ཕྱེད་དང་ལྔ་པར་བྱས་ཏེ་བཅང་བར་བྱའོ། །ཉེ་བ་འཁོར་དེ་ཡན་ཅད་ནི་ཚེམ་ [63a.5]བྲུའོ། །བཙུན་པ་སྣམ་སྦྱར་གྱི་ཚད་ཇི་ཙམ་ལགས། ཉེ་བ་འཁོར་གསུམ་སྟེ། སྣམ་སྦྱར་ཆེན་པོ་དང་། འབྲིང་དང་། ཆུང་ངུར་རིག་པར་བྱའོ། །དེ་ལ་ཆེན་པོ་ནི་ཁྲུ་གསུམ་དང་ལྔའོ། །ཆུང་ངུ་ནི་ཁྲུ་ཕྱེད་དང་གསུམ་དང་ཕྱེད་དང་ལྔའོ། །འབྲིང་གི་ནི་དེ་གཉིས་ཀྱི་བར་མའོ། ། [63a.6]སྣམ་སྦྱར་ཇི་ལྟ་བ་བཞིན་དུ་བླ་གོས་དང་། མཐང་གོས་ཀྱང་དེ་བཞིན་ནོ། །གཞན་ཡང་མཐང་གོས་རྣམ་པ་གཉིས་ཏེ། ཁྲུ་དོ་དང་ལྔ་པ་དང་། ཁྲུ་དོ་དང་བཞི་པའོ། །མཐང་གོས་ཐ་མ་ནི་འཁོར་གསུམ་ཁེབས་པ་གང་ཡིན་པའོ། །སྤང་བ་རྣམས་ཀྱི་གོས་ཐ་མ་ནི་ཁྲུ་གང་ཁོ་ར་ [63a.7]ཁོར་ཡུག་གོ། །དགེ་སློང་གི་གོས་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ [63b] [63b.1]ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་ [63b.2]བྱས་ལ་ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་ཇི་ཙམ་དུ་དགེ་སློང་གི་སྤང་བའི་དངོས་པོ་དེ་ཉིད་ཀྱིས་མ་བཤགས་ཤིང་། སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། [63b.3]དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་གཞན་ཉེ་བར་འཇོག་པར་བྱེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཇོག་པའི་སྤང་བ་སྟེ་གསུམ་པ་རྫོགས་ [63b.4]{སྷོ,སོ}།། །།གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པས་གཟིགས་པ་ལྔ་པོ་རིགས་དང་། ཡུལ་དང་། དུས་དང་། རུས་དང་། བུད་མེད་ལ་གཟིགས་པ་དག་གིས་འཇིག་རྟེན་ལ་གཟིགས་ནས་གླང་པོ་ཆེར་སྣང་བར་ [63b.5]བསྒྱུར་ཏེ་ཡུམ་གྱི་ལྷུམས་སུ་ཞུགས་པ་དེའི་ཚེ་ན་ས་ཆེན་པོ་ཤིན་ཏུ་གཡོས་པར་གྱུར་ཅིང་འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་གནག་མུན་པར་བྱེད་པས་གནག་པར་ [63b.6]གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན་སྣང་བ་རྒྱ་ཆེན་པོས་ཁྱབ་པར་གྱུར་ནས། སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་པ་ཡང་མི་མཐོང་བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་སེམས་ཅན་གཞན་ [63b.7]ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་ཤེས་པར་གྱུར་ཏོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་ཟླ་བ་བཅུ་འདས་ནས་ཡུམ་གྱི་ལྷུམས་ནས་བལྟམ་པ་དེའི་ཚེ་ཡང་ས་ཆེན་པོ་ཤིན་ཏུ་གཡོས་པར་གྱུར་ཅིང་འཇིག་ [64a] [64a.1]རྟེན་གྱི་འཇིག་རྟེན་གྱི་བར་གང་ན་ཉི་མ་དང་། ཟླ་བ་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་གནག་མུན་པར་བྱེད་པས་གནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན་སྣང་བ་ཆེན་པོས་ཁྱབ་པར་གྱུར་ནས་ [64a.2]སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་པ་ཡང་མི་མཐོང་བ་དེ་དག་གིས་ཀྱང་། འོད་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་ཤེས་པར་གྱུར་ [64a.3]ཏོ། །གང་གི་ཉིན་མོ་བཅོམ་ལྡན་འདས་བྱང་ཆུབ་སེམས་དཔའ་བལྟམས་པར་གྱུར་པ་དེའི་ཉིན་མོ་རྒྱལ་པོ་ཆེན་པོ་བཞི་དག་གི་བུ་ཡང་བཙས་པར་གྱུར་ཏེ། མཉན་ཡོད་ན་རྒྱལ་པོ་ཆེན་པོ་རྩིབས་ཀྱིས་འཕུར་ཚངས་སྦྱིན་གྱི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་ [64a.4]པ་ན་འཇིག་རྟེན་གསལ་བ་གསལ་བ་ལྟར་སྣང་བས་གཞོན་ནུ་འདིའི་མིང་གསལ་རྒྱལ་དུ་གདགས་སོ་སྙམ་ནས་བུ་དེའི་མིང་གསལ་རྒྱལ་ཞེས་བྱ་བར་བཏགས་སོ། །རྒྱལ་པོའི་ཁབ་ན་རྒྱལ་པོ་ཆེན་པོ་པད་མ་ཆེན་པོའི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་ [64a.5]འཇིག་རྟེན་ཉི་མའི་གཟུགས་ཤར་བ་ལྟར་སྣང་ཞིང་འདི་བཙུན་མོ་གཟུགས་ཅན་གྱི་བུ་ཡིན་པས་གཞོན་ནུ་འདིའི་མིང་གཟུགས་ཅན་སྙིང་པོར་གདགས་སོ་སྙམ་ནས་བུ་དེའི་མིང་གཟུགས་ཅན་སྙིང་པོ་ཞེས་བྱ་བར་བཏགས་སོ། །ཀཽ་ཤཱམྦཱི་ན་རྒྱལ་པོ་ཆེན་པོ་དམག་བརྒྱ་པའི་བུ་བཙས་ [64a.6]ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་ཉི་མ་ཤར་བ་ལྟར་སྣང་བར་གྱུར་པས་གཞོན་ནུ་འདིའི་མིང་ཤར་པར་གདགས་སོ་སྙམ་ནས་བུ་དེའི་མིང་ཤར་བ་ཞེས་བྱ་བར་བཏགས་སོ། །འཕགས་རྒྱལ་ན་རྒྱལ་པོ་ཆེན་པོ་མུ་ཁྱུད་མཐའ་ཡས་ཀྱི་བུ་བཙས་ [64a.7]ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་རབ་ཏུ་སྣང་བས་སྣང་བར་གྱུར་པས་གཞོན་ནུ་འདིའི་མིང་རབ་སྣང་ཞེས་བྱ་བར་གདགས་སོ་སྙམ་ནས་བུ་དེའི་མིང་རབ་སྣང་ཞེས་བྱ་བར་བཏགས་སོ། །རྒྱལ་པོ་རེ་རེས་བསམས་པ། ཡང་བདག་གི་བུའི་མཐུ་ཡིན་ནོ། ། [64b] [64b.1]བདག་གི་བུའི་མཐུ་ཡིན་ནོ་སྙམ་མོད་ཀྱི། དེ་ནི་དེ་ལྟ་མ་ཡིན་ཏེ། འདི་ལྟར་དེ་དག་ཐམས་ཅད་ནི་བྱང་ཆུབ་སེམས་དཔའི་མཐུ་ཡིན་པའི་ཕྱིར་རོ། །གང་གི་ཉིན་མོ་བཅོམ་ལྡན་འདས་བྱང་ཆུབ་སེམས་དཔའ་བལྟམས་པ་དེ་ཉིད་ཀྱི་ཉིན་མོ་ཤཱཀྱ་གཞོན་ནུ་བཟང་ལྡན་ལ་སོགས་པ་ [64b.2]ལྔ་བརྒྱ་ཡང་བཙས་སོ། །བསྙེན་བཀུར་བ་འདུན་བྱེད་ལ་སོགས་པ་ལྔ་བརྒྱ་ཡང་བཙས་སོ། །རྟ་རྒོད་མ་ལྔ་བརྒྱ་ལས་རྟེའུ་བསྔགས་ལྡན་ལ་སོགས་པ་ལྔ་བརྒྱ་ཡང་འབྲངས་སོ། །ལྷ་རྣམས་ཀྱིས་ཀྱང་གཏེར་ལྔ་བརྒྱ་ཉེ་བར་བསྟན་ཏོ། །བཅོམ་ལྡན་འདས་བྱང་ཆུབ་སེམས་དཔའ་ [64b.3]དེ་བྲམ་ཟེ་ལྟས་པ་དང་མཚན་མཁན་དག་གིས་ལུང་བསྟན་པ། གལ་ཏེ་གཞོན་ནུ་ཕོ་བྲང་གི་ནང་ན་བཞུགས་པར་གྱུར་ན་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་ཀྱི་རྒྱལ་པོ་ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་ [64b.4]བདུན་པོ་དེ་དག་ནི་འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། དམག་དཔོན་རིན་པོ་ཆེ་ཉིད་ནི་བདུན་པ་ཡིན་ནོ། །འདི་ལ་བུ་ [64b.5]དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པ་གནོད་པར་སྔོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ [64b.6]ལ་ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་ [64b.7]རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ་ཞེས་ལུང་བསྟན་ཏོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་འཇིག་རྟེན་དུ་བྱུང་བ་དེའི་ཚེ་ན་ཐམས་ཅད་དུ་གངས་ཀྱི་ངོས་དང་ཉེ་བ་ཆུ་ཀླུང་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་ [65a] [65a.1]བསྟི་གནས་དང་། ཧ་ཅང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེ་ལྟས་པ་དང་། མཚན་མཁན་དག་གིས་གལ་ཏེ་གཞོན་ནུ་དེ་ཕོ་བྲང་གི་ནང་ན་བཞུགས་པར་གྱུར་ན་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་ཀྱི་རྒྱལ་པོ་ཆོས་ [65a.2]དང་ལྡན་པ་རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་པོ་དེ་དག་ནི་འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ [65a.3]ཆེ་དང་། དམག་དཔོན་རིན་པོ་ཆེ་ཉིད་ནི་བདུན་པ་ཡིན་ནོ། །འདི་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པ་གནོད་པར་སྔོ་བ་ [65a.4]མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ་ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་ [65a.5]བྱུང་ན་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ་ཞེས་ལུང་བསྟན་ཏོ་ཞེས་སྒྲ་བསྒྲགས་པར་གྱུར་ཏོ། །ཉི་འོག་གི་ཁམས་ཀྱི་རྒྱལ་པོ་དག་གིས་ཀྱང་གངས་རིའི་ངོས་དང་ཉེ་བ་ཆུ་ཀླུང་ [65a.6]སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་། ཧ་ཅང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེ་ལྟས་པ་དང་། མཚན་མཁན་དག་གིས་གལ་ཏེ་གཞོན་ནུ་དེ་ཕོ་བྲང་གི་ནང་ན་བཞུགས་པར་གྱུར་ན་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྒྱལ་ [65a.7]བ། ཆོས་ཀྱི་རྒྱལ་པོ་ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་པོ་དེ་དག་ནི་འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་ [65b] [65b.1]པོ་ཆེ་དང་། ཁྱིམ་བདག་རིན་པོ་ཆེ་དང་། དམག་དཔོན་རིན་པོ་ཆེ་ཉིད་ནི་བདུན་པ་ཡིན་ནོ། །འདི་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་ [65b.2]པའི་ས་ཆེན་པོ་མ་ལུས་པ་གནོད་པར་སྔོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ་ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ [65b.3]ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ། །ཞེས་ལུང་བསྟན་ཏོ་ཞེས་ཐོས་སོ། །ཐོས་ནས་ཀྱང་ཉི་འོག་གི་ཁམས་ཀྱི་ [65b.4]རྒྱལ་པོ་དེ་དག་འདི་སྙམ་དུ་སེམས་ཏེ། ད་གཞོན་ནུ་བསྟེན་ན་དུས་སུ་འབྲས་བུ་སྟེར་བར་འགྱུར་བས་གང་བསྟེན་ན་གཞོན་ནུ་བསྟེན་པར་འགྱུར་སྙམ་མོ། །དེ་དག་གིས་བསམས་པ། རྒྱལ་པོ་ཟས་གཙང་བསྟེན་པར་བྱ་སྟེ། དེ་བསྟེན་ན་གཞོན་ནུ་བསྟེན་པར་འགྱུར་རོ་སྙམ་ [65b.5]ནས། དེ་དག་གིས་རྒྱལ་པོ་ཟས་གཙང་བསྟེན་པར་བརྩམས་ཏེ། དུས་དང་མཐུན་པའི་དུས་སུ་འདུད་པས་ཕོ་ཉ་དང་། དཀོར་སྒྲོམ་དག་སྐུར་བར་བྱེད་དོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བདག་གི་བུ་བཙས་པ་ན་དོན་ཐམས་ཅད་དང་ལས་ཀྱི་མཐའ་ཐམས་ [65b.6]ཅད་གྲུབ་པས་དེའི་ཕྱིར་གཞོན་ནུ་འདིའི་མིང་དོན་ཐམས་ཅད་གྲུབ་པ་ཞེས་བྱ་བར་གདགས་སོ་སྙམ་ནས་དེའི་མིང་དོན་ཐམས་ཅད་གྲུབ་པ་ཞེས་བྱ་བར་བཏགས་སོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་ཆེན་པོར་འཁྲུངས་ཤིང་དེས་རྒན་པོ་དང་། ནད་པ་དང་། ཤི་ [65b.7]བ་གཟིགས་ནས་ཐུགས་ཕྱུང་སྟེ་ནགས་ཀྱི་ནང་དུ་གཤེགས་པ་དེའི་ཚེ་ན་རྒྱལ་པོ་ཟས་གཙང་དང་། ཤཱཀྱ་ལེགས་པར་རབ་རྟོགས་ཀྱིས་བཀའ་མཆིད་གསོལ་བའི་མི་ཉིས་བརྒྱ་ལྔ་བཅུ་ཉིས་བརྒྱ་ལྔ་བཅུ་བཀྱེ་སྟེ། དེ་དག་གིས་ཉི་མ་རེ་རེ་ཞིང་དེང་ནི་གཞོན་ནུ་ཏིལ་འབྲུ་གཅིག་གམ། [66a] [66a.1]འབྲས་ཐུག་པོ་ཆེ་འབྲུ་གཅིག་གམ། མོན་སྲན་སྡེའུ་འབྲུ་གཅིག་གམ། མོན་སྲན་གྲེའུ་འབྲུ་གཅིག་གམ། རྒྱ་ཤུག་གི་འབྲུ་གཅིག་གམ། རྒྱ་སྲན་འབྲུ་གཅིག་གིས་འཚོ་བར་མཛད་དོ་ཞེས་བཅོམ་ལྡན་འདས་བྱང་ཆུབ་སེམས་དཔའི་བཀའ་མཆིད་ཁྱེར་ཏེ་འོང་ [66a.2]ངོ་། །ཉི་འོག་གི་ཁམས་ཀྱི་རྒྱལ་པོ་དག་གིས་དེ་ལྟར་གཞོན་ནུ་དོན་ཐམས་ཅད་གྲུབ་པ་རྒན་པོ་དང་། ནད་པ་དང་། ཤི་བ་གཟིགས་ནས་ཐུགས་བྱུང་སྟེ་རབ་ཏུ་བྱུང་ངོ་ཞེས་ཐོས་ནས་དེ་དག་འདི་སྙམ་དུ་སེམས་ཏེ། གང་གི་ཕྱིར་བདག་ཅག་རྒྱལ་པོ་ཟས་གཙང་ལ་སྟེན་པར་བྱེད་པའི་གཞོན་ [66a.3]ནུ་དེ་རབ་ཏུ་བྱུང་ངོ་སྙམ་ནས། དེ་དག་ལས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་མ་གཏོགས་པ་གཞན་ཐམས་ཅད་ཀྱིས་འདུད་པ་དང་། ཕོ་ཉ་དང་དཀོར་སྒྲོམ་འབུལ་བ་རྒྱུན་བཅད་པར་གྱུར་ཏོ། །དེའི་ཚེ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་བློན་པོའི་མཆོག་སྦེད་པ་ཞེས་བྱ་ [66a.4]བ་ཞིག་ཡོད་ལ། རྒྱལ་པོ་ཟས་གཙང་ལ་ནི་མདུན་ན་འདོན་གྱི་བུ་འཆར་ཀ་ཞེས་བྱ་བ་ཡོད་དེ། གང་གི་ཚེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་རྒྱལ་པོ་ཟས་གཙང་གི་གན་དུ་ཕོ་ཉ་གཏོང་བར་བྱེད་པ་དེའི་ཚེ་ན་བློན་པོའི་མཆོག་སྦེད་པ་གཏོང་བར་བྱེད་དེ། དེས་རྒྱལ་པོའི་བྱ་བ་དག་ [66a.5]དང་། རྒྱལ་པོའི་བྱེད་པ་དག་བྱས་ནས་འཆར་ཀའི་ཁྱིམ་དུ་འཇུག་པར་བྱེད་དོ། །གང་གི་ཚེ་རྒྱལ་པོ་ཟས་གཙང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་ཕོ་ཉ་གཏོང་བར་བྱེད་པ་དེའི་ཚེ་ན་ནི་མདུན་ན་འདོན་གྱི་བུ་འཆར་ཀ་གཏོང་བར་བྱེད་དེ། དེས་ཀྱང་རྒྱལ་པོའི་བྱ་བ་དག་ [66a.6]དང་། རྒྱལ་པོའི་བྱེད་པ་དག་བྱས་ནས་བློན་པོའི་མཆོག་སྦེད་པའི་ཁྱིམ་དུ་འཇུག་པར་བྱེད་དོ། །སྦེད་པ་ལ་ཆུང་མ་སྦེད་མ་ཞེས་བྱ་བ་གཟུགས་བཟང་བ། བལྟ་ན་སྡུག་པ། མཛེས་པ། སྐྱེས་བུ་དགའ་བ་ཞིག་ཡོད་དེ། འཆར་ཀ་སྦེད་མ་དང་ལྷན་ཅིག་ཁ་དུམ་པར་གྱུར་ཏོ། ། [66a.7]སྦེད་པས་ཇི་ལྟར་འཆར་ཀ་སྦེད་མ་དང་ལྷན་ཅིག་ཁ་དུམ་པར་གྱུར་པར་ཤེས་ནས་དེས་བསམས་པ། འདི་གསད་པར་བྱའོ་སྙམ་མོ། །ཡང་བསམས་པ། གལ་ཏེ་འདི་བསད་པར་གྱུར་ན་ཡུལ་འཁོར་གཉིས་འཁྲུག་པ་ཆེན་པོར་འགྱུར་བས་བདག་གིས་བུད་མེད་ཀྱི་ལུས་ཀྱི་ [66b] [66b.1]ཕྱིར་ཅིའི་ཕྱིར་བྲམ་ཟེ་གསད་པར་བྱ་སྙམ་ནས་དེ་བཏང་སྙོམས་སུ་བཞག་གོ། །དེ་ནས་འཆར་ཀ་འདི་སྙམ་དུ་སེམས་ཏེ། བདག་སྦེད་པས་འཕྲིགས་སོ་སྙམ་དུ་རིག་ནས་སྐྲག་སྟེ་ཁྱིམ་ནས་བྱུང་ཞིང་གཞན་ན་འདུག་པ་དང་། སྦེད་པས་སྨྲས་པ། འཆར་ཀ་ཁྱོད་ཅིའི་ཕྱིར་རང་ [66b.2]གི་ཁྱིམ་སྤངས་ཏེ་གཞན་ན་འདུག་ཚུར་ཤོག །འདི་ཁྱོད་རང་གི་ཁྱིམ་ཡིན་གྱིས་ཅི་བདེར་འདུག་ཤིག །དེ་ནས་འཆར་ཀ་འདི་སྙམ་དུ་སེམས་ཏེ། དོན་གྱིས་ན་འདིས་བདག་ལ་རྗེས་སུ་གནང་ངོ་སྙམ་དུ་རིག་ནས་དེ་ཉིད་ན་འདུག་གོ།། །།འདུལ་བ་རྣམ་པར་ [66b.3]འབྱེད་པ། བམ་པོ་ཉི་ཤུ་བདུན་པ། དེ་ནས་དུས་གཞན་ཞིག་ན་བློན་པོའི་མཆོག་སྦེད་པ་དུས་ལ་བབ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་དེ་ལ་བུ་མེད་པའི་ཕྱིར་ནོར་ཐམས་ཅད་རང་གི་མཛོད་དང་བང་བར་བཅུག་གོ། །སྦེད་མས་འཆར་ཀ་ལ་གང་གི་ཚེ་ [66b.4]བདག་གི་ཁྱིམ་ཐབ་གསོན་ཞིང་འདུག་སྟེ་འཚོ་ཞིང་སྡོད་པ་དེའི་ཚེ་ན་ཁྱོད་རྟག་པ་ཁོ་ནར་བྱོན་ནད་དེའི་དུས་ལ་བབ་སྟེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཀྱང་བུ་མ་མཆིས་པའི་སླད་དུ་ནོར་ཐམས་ཅད་རང་གི་མཛོད་དང་བང་བར་སྩལ་ན། ད་ཁྱོད་ཀྱིས་བཀའ་མཆིད་ཙམ་ [66b.5]ཡང་མི་སྤྲིང་ངམ་ཞེས་ཡི་གེ་སྤྲིང་ངོ་། །དེ་ནས་འཆར་ཀ་སྤྲིང་ཡིག་གི་དོན་ཐོས་ནས་འདི་སྙམ་དུ་སེམས་ཏེ། གལ་ཏེ་བདག་དེར་སོང་བར་གྱུར་ན་གཞི་དེ་ལས་འཆར་ཀ་བུད་མེད་ལ་ཆགས་པ་བུད་མེད་ཀྱི་ཕྱིར་དེར་སོང་ངོ་ཞེས་གཞན་དག་ཁ་ཟེར་བར་འགྱུར་གྱིས་བདག་གིས་ [66b.6]ཐབས་ཀྱི་རྣམ་པ་ཞིག་བྱའོ་སྙམ་ནས་དེས་ལན་གཉིས་སམ་གསུམ་དུ་རྒྱལ་པོའི་བྱ་བ་དག་དང་། རྒྱལ་པོའི་བྱེད་པ་དག་བྱས་ནས་རྒྱལ་པོ་ཟས་གཙང་ག་ལ་བ་དེར་སོང་སྟེ་ཕྱིན་ནས་རྒྱལ་པོ་ཟས་གཙང་ལ་འདི་སྐད་ཅེས་སྨྲས་སོ། །ལྷ་གང་གི་ཚེ་གཞོན་ནུ་དོན་ཐམས་ཅད་གྲུབ་ [66b.7]པ་བལྟམས་པ་དེའི་ཚེ་ན་ཉི་འོག་གི་ཁམས་ཀྱི་རྒྱལ་པོ་ཐམས་ཅད་འདུད་ཅིང་ཐམས་ཅད་ཀྱིས་ཕོ་ཉ་དང་། དཀོར་སྒྲོམ་དག་གསོལ་ནས། གང་གི་ཚེ་གཞོན་ནུ་དོན་ཐམས་ཅད་གྲུབ་པ་རྒན་པོ་དང་། ནད་པ་དང་། གུམ་པ་གཟིགས་ནས་ཐུགས་བྱུང་སྟེ་ནགས་སུ་གཤེགས་པ་ [67a] [67a.1]དེའི་ཚེ་ན་ཉི་འོག་གི་ཁམས་ཀྱི་རྒྱལ་པོ་དེ་དག་ལས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་མ་གཏོགས་པ་གཞན་ཐམས་ཅད་ཀྱིས་ཕོ་ཉ་དང་། དཀོར་སྒྲོམ་འབུལ་བ་རྒྱུན་བཀུམ་ནས་ལྷས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཕོ་ཉ་དང་། དཀོར་ [67a.2]སྒྲོམ་དག་བཀའ་སྩལ་ཅིང་བསྐུར་ནས་དེ་ལྟ་དེ་ལྟར་རྐྱེན་པར་གྱུར་པ་ལས་ད་ཡལ་བར་བོར་ན་སླད་ཀྱིས་གནོད་པ་ཆེན་པོར་འགྱུར་བ་དེ་སྐོལ་དང་མཚམས་འབྲེལ་པར་མཆིས་པས་དེ་དང་ལྷན་ཅིག་རྐྱེན་པར་མཛད་པའི་རིགས་སོ། །འཆར་ཀ་གལ་ཏེ་དེ་ལྟ་ན་ཁྱོད་ཉིད་ཕོ་ཉར་སོང་ [67a.3]ཤིག །ལྷ་བཀའ་བཞིན་འཚལ་ཞེས་དེ་ནས་འཆར་ཀས་དཀོར་སྒྲོམ་དག་ཁྱེར་ཏེ་མཉན་ཡོད་ག་ལ་བ་དེར་འཕགས་ནས་མཐར་གྱིས་མཉན་ཡོད་དུ་ཕྱིན་ཏོ། །དེ་ནས་འཆར་ཀ་འདི་སྙམ་དུ་སེམས་ཏེ། སྟེན་པ་ལ་བསྟེན་པར་མི་བྱ་བར་བསྟེན་པ་ལ་བསྟེན་པ་བསྟེན་པར་བྱ་བ་ཡིན་ [67a.4]པས་ཇེ་དང་པོར་བློན་པོ་རྣམས་བལྟ་བར་བྱ་ཞིང་དེའི་འོག་ཏུ་རྒྱལ་པོ་བལྟ་སྟེ། སྦེད་མའི་ཕྱིར་རྒྱལ་པོ་ལ་གསོལ་བ་བྱའོ་སྙམ་ནས། དེས་བློན་པོ་རྣམས་ལ་བལྟ་བར་བརྩམས་ཏེ་སྨྲས་པ། ཤེས་ལྡན་དག་ཁྱེད་ཀྱིས་ཁོ་བོ་ཇི་ལྟར་སྦེད་མ་དང་ལྷན་ཅིག་བཤེས་པ་དེ་མི་ཤེས་སམ། [67a.5]དེ་ཁྱིམ་ཐབ་དུས་ལ་བབ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བུ་མེད་པའི་ཕྱིར་དེའི་ནོར་ཐམས་ཅད་རང་གི་མཛོད་དང་། བང་བར་བཅུག་པས་དེའི་ཕྱིར་ཁོ་བོ་རྒྱལ་པོ་ལ་གསོལ་བ་བྱེད་ཀྱིས་ཁྱེད་ཀྱིས་གྲོགས་གྱིས་ཤིག །དེ་དག་གིས་དེ་བཞིན་དུ་ཁས་བླངས་ [67a.6]སོ། །དེ་ནས་འཆར་ཀ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་ནས། ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་རྒྱལ་བ་དང་། ཚེ་སྤེལ་བ་བྱས་ཏེ་མཐའ་གཅིག་ཏུ་འདུག་ནས་ལན་གཉིས་ལན་གསུམ་དུ་རྒྱལ་པོའི་བྱ་བ་དག་དང་། རྒྱལ་པོའི་བྱེད་ [67a.7]པ་དག་བྱས་ཏེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ་བདག་གི་གནས་སྩོལ་ཅིག །འཆར་ཀ་ཁྱོད་སྔོན་གང་དུ་ཞུགས། ལྷ་བློན་པོའི་མཆོག་སྦེད་པའི་སྡུམ་པར་མཆིས་སོ། །འཆར་ཀ་སོང་ལ་དེ་ཉིད་དུ་ཞུགས་ཤིག །ལྷ་བློན་པོའི་ [67b] [67b.1]མཆོག་སྦེད་པ་དུས་ལ་བབ་པོ། །གལ་ཏེ་དེ་དུས་ལ་བབ་ན་ཅི་དེའི་ཁྱིམ་ཡང་དུས་ལ་བབ་བམ། ལྷ་དེའི་སྡུམ་པ་ནི་དུས་ལ་མ་བབ་མོད་ཀྱི་འོན་ཀྱང་དེ་ན་སྟན་ཙམ་ཡང་མ་མཆིས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ཁྱེད་ཀྱིས་འཆར་ཀའི་གནས་བྱིན་ [67b.2]ཅིག །འཆར་ཀའི་ཕྱིར་བྱུང་བ་དང་། བློན་པོ་རྣམས་ཀྱིས་སྨྲས་པ། ལྷ་ཅི་ལགས་འཆར་ཀ་ལ་གནས་མ་མཆིས་སྙམ་མམ། འདི་ལྟར་འཆར་ཀ་སྦེད་མ་དང་ལྷན་ཅིག་མཆིད་མཇལ་བས་དོན་གྱིས་ན་འཆར་ཀས་སྦེད་མའི་སླད་དུ་ལྷ་ལ་གསོལ་བ་ལགས་ཀྱིས། ལྷ་འཆར་ [67b.3]ཀ་ནི་བྲམ་ཟེ་མདུན་ན་འདོན་གྱི་བུ་ལགས་པས་བྲམ་ཟེ་ནི་མི་འདོད་བཞིན་དུ་གཟུང་བར་བགྱི་བ་ལགས་ཏེ། འདི་ལེགས་པར་བཟུང་ན་རྒྱལ་པོ་ཟས་གཙང་ལེགས་པར་བཟུང་བར་འགྱུར་རོ། །དེ་ནས་རྒྱལ་པོས་འཆར་ཀ་བོས་ཏེ་སྨྲས་པ། འཆར་ཀ་ངས་ཁྱོད་ཇི་ལྟར་སྦེད་མ་ [67b.4]དང་ལྷན་ཅིག་བཤེས་པར་སྔར་མ་ཤེས་ཀྱིས་ད་སོང་ལ་སྦེད་མ་དང་། དེའི་ཁྱིམ་དང་། ནོར་ཐམས་ཅད་ཁྱོད་ཁྱེར་ཅིག །ལྷ་བཀའ་སྩལ་པ་བཞིན་འཚལ་ལོ་ཞེས་སྨྲས་ནས། འཆར་ཀ་སྦེད་མའི་ཁྱིམ་ག་ལ་བ་དེར་སོང་བ་དང་། སྦེད་མས་འཆར་ཀ་འོངས་སོ་ཞེས་ཐོས་ [67b.5]ནས་སྒོ་ཁང་དུ་འདུག་སྟེ་ངུ་བར་བརྩམས་སོ། །འཆར་ཀས་མཐོང་ནས་སྨྲས་པ། སྦེད་མ་ཁྱོད་ཅིའི་ཕྱིར་ངུ་། དེས་སྨྲས་པ། བདག་འཚལ་བའི་ཁྱིམ་ཐབ་དུས་ལ་བབ་ན་ཅི་ཁྱོད་ཀྱིས་ཀྱང་ཡོངས་སུ་བཏང་ངམ། དེ་ནས་འཆར་ཀ་འདི་སྙམ་དུ་སེམས་ཏེ། གལ་ཏེ་ [67b.6]བདག་གིས་མཐུན་པར་སྨྲས་ན་འདི་ཤིན་ཏུ་ངུ་བར་འགྱུར་བས་བདག་གིས་འདི་ཚར་གཅད་པར་བྱའོ་སྙམ་དུ་རིག་ནས་འཆར་ཀས་སྦེད་མ་ལ་སྨྲས་པ། སྦེད་མ་བྱང་ཆུབ་སེམས་དཔའ་དཀའ་བ་བྱེད་པ་གང་གིས་བཙུན་མོ་གྲགས་འཛིན་དང་། ས་འཚོ་མ་དང་། {རི་དགས་,རི་དྭགས་}སྐྱེས་ [67b.7]ལ་སོགས་པ་བུད་མེད་དྲུག་ཁྲི་སྤངས་ཏེ་རབ་ཏུ་བྱུང་བ་དེ་དག་གི་རྐང་པའི་རྡུལ་ཙམ་དུ་ཡང་ཁྱོད་ཀྱིས་མི་ཕོད་དོ། །དེ་ནས་དེ་ཅང་མི་སྨྲ་བར་འདུག་པ་དང་། འཆར་ཀས་སྨྲས་པ། ཁོ་བོས་ཁྱོད་མ་བཏང་བས་ཁྱོད་ཉིད་ཀྱི་ཕྱིར་འདིར་འོངས་པ་ཡིན་ནོ། །ཁོ་བོས་རྒྱལ་པོ་ལས་ [68a] [68a.1]ཁྱོད་དང་ཁྱིམ་དང་། ནོར་ཐམས་ཅད་ཐོབ་ན་ཅི་ཁྱོད་འདི་ཉིད་དུ་འདུག་གམ། སེར་སྐྱའི་གནས་སུ་འགྲོ། །དེས་བསམས་པ། གལ་ཏེ་སེར་སྐྱའི་གནས་སུ་སོང་ནས་བྲམ་ཟེ་མོ་ལས་སྲོག་ཀྱང་མི་ཐོབ་བོ་སྙམ་དུ་རིག་ནས་འདི་ཉིད་དུ་མཆིས་སོ་ཞེས་སྨྲས་ཏེ་དེ་དེ་ཉིད་དུ་ [68a.2]འདུག་གོ། །དེའི་ཚེ་ན་འཆར་ཀ་ལ་ཁྱིམ་གཉིས་ཡོད་དེ། གཅིག་ནི་མཉན་ཡོད་ནའོ། །གཅིག་ནི་སེར་སྐྱའི་གནས་ནའོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔས་ལོ་དྲུག་ཏུ་དཀའ་བ་སྤྱད་དེ་དཀའ་བ་བྱེད་པ་ཅི་ཡང་མེད་པར་རིག་ནས། ཅི་བདེར་དབུགས་རྔུབ་པར་ [68a.3]མཛད་ཅི་བདེར་དབུགས་འབྱིན་པར་མཛད་ཅིང་། འབྲས་ཆན་དང་། ཟན་དྲོན་ལ་སོགས་པ་ཞལ་ཟས་རྒྱ་ཆེན་པོ་དག་ཀྱང་གསོལ་བར་མཛད། ཞུན་མར་དང་། འབྲུ་མར་དག་གིས་སྐུ་དག་ཀྱང་སྐུད་པར་མཛད། ཆུ་དྲོན་པོས་ཀྱང་སྐུ་བསིལ་བར་མཛད་ཅིང་། གྲོང་སྡེ་འདོང་དུ་ [68a.4]གཤེགས་ནས་གྲོང་པའི་བུ་མོ་དགའ་མོ་དང་། དགའ་སྟོབས་མ་གཉིས་ལས་ལན་བཅུ་དྲུག་བཟླས་པའི་འོ་མ་སྦྲང་རྩི་དང་བསྲེས་པ་གསོལ་ཏེ། ཀླུའི་རྒྱལ་པོ་ནག་པོས་མངོན་པར་བསྟོད་པ་ན་རྩྭ་བཀྲ་ཤིས་འཚོང་པ་ལས་རྩྭ་གསེར་གྱི་མདོག་ལྟ་བུ་དག་བཞེས་ནས། བྱང་ཆུབ་ [68a.5]ཀྱི་གཞི་ག་ལ་བ་དེར་གཤེགས་ཏེ་བྱོན་ནས། ཉིད་ཀྱིས་རྩྭ་མ་འཁྲུགས་པའི་གདན་བཤམས་ནས་སྐྱིལ་མོ་ཀྲུང་བཅས་ཏེ་སྐུ་དྲང་པོར་བསྲང་ནས་དྲན་པ་ཕྱོགས་པར་བཞག་སྟེ་བཞུགས་ནས་ཐུགས་བསྐྱེད་ཅིང་གསུང་བརྗོད་པ། ཇི་སྲིད་ཟག་མེད་མ་ཐོབ་པར། །དེ་སྲིད་སྐྱིལ་ [68a.6]ཀྲུང་གཞིག་མི་བྱ། །དེ་ཡིས་ཇི་སྲིད་ཟག་མེད་པ། །མ་བརྙེས་སྐྱིལ་ཀྲུང་འཇིག་མི་མཛད། །གང་གི་ཚེ་བཅོམ་ལྡན་འདས་ཀྱིས་མཚན་མོའི་གུང་ཐུན་ལ་བདུད་འབྱུང་པོ་དུང་ཕྱུར་ཕྲག་གསུམ་དང་། བྱེ་བ་ཕྲག་དྲུག་གི་འཁོར་དང་ལྡན་པ་བྱམས་པའི་སྟོབས་ཀྱིས་མངོན་ [68a.7]པར་བཏུལ་ཏེ་བླ་ན་མེད་པའི་མཁྱེན་པ་ཐུགས་སུ་ཆུད་ནས་ཚངས་པས་གསོལ་ཏེ། བཱ་རཱ་ཎ་སཱིར་གཤེགས་ནས་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་ཆོས་དང་ལྡན་པའི་ཆོས་ཀྱི་འཁོར་ལོ་བསྐོར་བ་དེའི་ཚེ་ལྔ་པ་དང་། ཉེ་ལྔ་དག་དང་། གྲོང་བའི་ཁྱེའུ་མཐོ་བ་མཐོ་བ་ [68b] [68b.1]ལྔ་བཅུ་བཏུལ་ཏོ། །ཀར་པ་སིའི་ཚལ་གསེབ་ཏུ་གཤེགས་ནས་བཟང་སྡེའི་ཚོགས་དྲུག་བཅུ་བདེན་པ་དག་ལ་བཀོད་དོ། །གྲོང་སྡེ་འདོང་དུ་གཤེགས་ནས་གྲོང་པའི་བུ་མོ་དགའ་མོ་དང་། དགའ་སྟོབས་མ་གཉིས་བདེན་པ་དག་ལ་བཀོད་དོ། །སྟེང་རྒྱས་སུ་གཤེགས་ནས་ [68b.2]རལ་པ་ཅན་སྟོང་རབ་ཏུ་ཕྱུང་ཞིང་རྫོགས་པར་བསྙེན་པར་མཛད་དོ། །ག་ཡཱ་མགོའི་མཆོད་རྟེན་དུ་གཤེགས་ནས་དགེ་སློང་སྟོང་པོ་དེ་དག་ཆོ་འཕྲུལ་གསུམ་གྱིས་གདམས་པ་མཛད་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཐུག་པ་གྲུབ་པ་དང་བདེ་བ་བླ་ན་མེད་པའི་མྱ་ [68b.3]ངན་ལས་འདས་པ་ལ་བཀོད་དོ། །ཤར་པའི་ཚལ་གསེབ་ཏུ་གཤེགས་ནས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལྷ་བརྒྱད་ཁྲི་དང་། མ་ག་དྷཱར་བྱུང་བའི་བྲམ་ཟེ་དང་། ཁྱིམ་བདག་འབུམ་ཕྲག་དུ་མ་དང་ལྷན་ཅིག་བདེན་པ་དག་ལ་བཞག་གོ། །རྒྱལ་ [68b.4]པོའི་ཁབ་ཏུ་གཤེགས་ནས་འོད་མའི་ཚལ་བཞེས་ཏེ་ཤཱ་རིའི་བུ་དང་། མཽད་གལ་གྱི་བུ་འཁོར་ཉིས་བརྒྱ་ལྔ་བཅུ་དང་ལྡན་པ་རབ་ཏུ་ཕྱུང་ཞིང་རྫོགས་པར་བསྙེན་པར་མཛད་དོ། །མཉན་ཡོད་དུ་གཤེགས་ནས་རྒྱལ་བྱེད་ཀྱི་ཚལ་བཞེས་ཏེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ [68b.5]གཞོན་ནུའི་དཔེའི་མདོས་བཏུལ་ནས། དེ་ནས་སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་རྒྱལ་པོ་ཟས་གཙང་གི་གན་དུ་ཕོ་ཉ་བཏང་སྟེ། ལྷ་ [68b.6]དགྱེས་པ་སྐྱེད་ཅིག །ཁྱོད་ཀྱི་སྲས་ཀྱིས་བདུད་རྩི་ཐུགས་སུ་ཆུད་དེ། བདུད་རྩིས་འགྲོ་བ་ཚིམ་པར་མཛད་ཅིང་། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ་ཞེས་སྤྲིང་ངོ་། །རྒྱལ་པོ་ཟས་གཙང་གིས་ཐོས་ནས་བཅོམ་ལྡན་ [68b.7]འདས་ཀྱི་སྤྱན་སྔར་ཕོ་ཉ་བཏང་སྟེ། གཞོན་ནུ་བདག་གིས་རིང་དུ་མ་མཐོང་སྟེ། བདག་གཞོན་ནུ་མཐོང་བས་ཡོངས་སུ་སྐོམ་མོ་ཞེས་གསོལ་པ་དང་། ཕོ་ཉ་དེ་དེ་ཉིད་དུ་རབ་ཏུ་ཕྱུང་ངོ་། །ཕོ་ཉ་གཉིས་པ་བཏང་བ་དང་དེ་ཡང་དེ་ཉིད་དུ་རབ་ཏུ་ཕྱུང་ངོ་། །བཅོམ་ལྡན་འདས་ཀྱིས་ [69a] [69a.1]ཆོས་འདུལ་བ་ནི་ལེགས་པར་གསུངས་པ་ཡིན་པའི་ཕྱིར་གང་དང་གང་ཕོ་ཉར་བཏང་བ་དེ་དང་དེ་དེ་ཉིད་དུ་རབ་ཏུ་བྱུང་ངོ་། །དེ་ནས་དུས་གཞན་ཞིག་ན་རྒྱལ་པོ་ཟས་གཙང་གིས་དེ་ཐོས་ནས་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་པ། འཆར་ཀས་མཐོང་ [69a.2]ནས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་དེ་ཐུགས་ཁོང་དུ་ཆུད་ཅིང་བཞུགས། འཆར་ཀ་གང་གི་ཚེ་གཞོན་ནུ་དོན་ཐམས་ཅད་གྲུབ་པ་དཀའ་བ་དག་སྤྱོད་པའི་ཚེ་ངས་གཏམ་རྨེད་པའི་མི་དག་བཏང་ན་དེ་དག་ཉི་མ་རེ་རེ་ཞིང་གཏམ་ཁྱེར་ཏེ་འོངས་ནས་གཞོན་ནུ་དོན་ཐམས་ཅད་ [69a.3]གྲུབ་པ་གནས་པ་འདིས་གནས་སོ་ཞེས་གཏམ་སྙོད་པར་བྱེད་ན། ད་གཞོན་ནུ་དོན་ཐམས་ཅད་གྲུབ་པས་བདུད་རྩི་ཐུགས་སུ་ཆུད་དེ་བདུད་རྩིས་འགྲོ་བ་ཚིམ་པར་མཛད་ཅིང་། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཞེས་ཐོས་ནས་ངས་ [69a.4]གཏམ་རྨེད་པའི་མི་དག་བཏང་ན། འགས་ཀྱང་གཞོན་ནུ་དོན་ཐམས་ཅད་གྲུབ་པའི་གཏམ་ཁྱེར་ཏེ་མི་འོང་བར་གང་དང་གང་ཕོ་ཉར་བཏང་བ་དེ་དང་དེ་དེ་ཉིད་དུ་འདུག་པར་གྱུར་ན་ང་ཇི་ལྟར་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་མི་འདུག་ཏུ་རུང་། འཆར་ཀས་སྨྲས་ [69a.5]པ། ལྷ་བདག་ལ་བཀའ་སྩལ་དུ་གསོལ། ཁྱོད་ཀྱང་དེར་འདུག་པར་འགྱུར་རོ། །ལྷ་བདག་གིས་ལྷའི་སྤྱན་སྔར་བཀའ་མཆིད་འཚལ་ཏེ་མཆིའོ། །རྒྱལ་པོ་ཟས་གཙང་གིས་རང་ཉིད་ཀྱིས་ཕྲིན་ཡིག་འདི་སྐད་ཅེས། མ་རུམ་བཞུགས་པ་ཚུན་ཆད་ནས། །བདག་ [69a.6]གིས་ལེགས་པར་ཁྱོད་བསྲུངས་ཏེ། །ཉོན་མོངས་གདུགས་ཀྱིས་རབ་གདུངས་པས། །རྒྱལ་བའི་ལྗོན་ཤིང་སྡོད་ཅིང་མཆིས། །སློབ་མའི་ཡལ་ག་རྩ་ལག་གིས། །ད་ལྟར་ཁྱོད་ནི་རྒྱས་གྱུར་པས། །གཞན་དག་བདེ་བས་དགའ་མཛད་ན། །བདག་ནི་སྡུག་བསྔལ་སྟེན་ [69a.7]པར་གྱུར། །གང་ཚེ་དང་པོ་ཁྱོད་འཁྲུངས་ཚེ། །ཤིན་ཏུ་དོན་ཆེན་མཛད་ནས་ནི། །ཉེ་དུ་རྗེས་སུ་གཟུང་མཛད་ཅེས། །དེ་ཚེ་ཁྱོད་ཀྱིས་ཐུགས་དམ་བཅས། །དེ་སླད་གོ་འཕང་ཞི་བརྙེས་ཁྱོད། །བདག་དང་ཉེ་དུའི་ཚོགས་རྣམས་ལ། །རྗེས་སུ་ཐུགས་བརྩེ་ཉེར་བཟུང་སྟེ། ། [69b] [69b.1]བྱོན་པའི་བློ་གྲོས་མཛད་དུ་གསོལ། །ཞེས་བྲིས་སོ། །དེ་ནས་འཆར་ཀ་ཕྲིན་ཡིག་དེ་བླངས་ཏེ་མཉན་ཡོད་དུ་འཕགས་ནས་དེ་མཐར་གྱིས་མཉན་ཡོད་དུ་ཕྱིན་ནས་ཇི་ཙམ་ན་འཆར་ཀས་བཅོམ་ལྡན་འདས་ལ་ཕྲིན་ཡིག་ཕུལ་བ་དང་། བཅོམ་ལྡན་འདས་ཉིད་ཀྱིས་ཕྲིན་ཡིག་ [69b.2]བཀླག་པ་མཛད་ནས། འཆར་ཀས་གསོལ་པ། བཅོམ་ལྡན་འདས་སེར་སྐྱའི་གནས་སུ་གཤེགས་སམ། འཆར་ཀ་འོང་ངོ་། །འཆར་ཀས་སྔོན་གྱི་གཅུགས་པ་དེ་ཉིད་ཀྱིས་འདི་སྐད་ཅེས་གསོལ་ཏོ། །གལ་ཏེ་བཅོམ་ལྡན་འདས་མི་གཤེགས་ན་བདག་གིས་མཐུས་བཀྲི་ [69b.3]བར་བགྱིའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་བཀའ་སྩལ་པ། གང་ལ་ཁྲིད་བྱེད་སྲེད་པ་ཡི། །དྲ་བཀྲམ་གང་ནའང་ཡོད་མིན་པ། །སྤྱོད་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་ལ་ཁྲིད་བྱེད་སྲེད་པ་ཡི། ། [69b.4]དྲ་བཀྲམ་གང་ནའང་ཡོད་མིན་པ། །རྩལ་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་རྒྱལ་མི་ཉམས་གང་ལ་ནི། །འཇིག་རྟེན་མ་རྒྱལ་ཡོང་མེད་པ། །སྤྱོད་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་ [69b.5]རྒྱལ་མི་ཉམས་གང་ལ་ནི། །འཇིག་རྟེན་མ་རྒྱལ་ཡོང་མེད་པ། །རྩལ་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །འཆར་ཀས་གསོལ་པ། བཅོམ་ལྡན་འདས་བདག་རྒྱལ་པོ་ཟས་གཙང་ལ་བརྗོད་དུ་མཆིའོ། །བཅོམ་ལྡན་འདས་ཀྱིས་བཀའ་སྩལ་ [69b.6]པ། འཆར་ཀ་རྒྱལ་བའི་ཕོ་ཉ་དག་ནི་དེ་ལྟ་བུ་མ་ཡིན་ནོ། །བཅོམ་ལྡན་འདས་འོ་ན་རྒྱལ་བའི་ཕོ་ཉ་དག་ཇི་ལྟ་བུ་ལགས། སྐྲ་བྲེགས་ཤིང་གོས་ངུར་སྨྲིག་གོན་པ་རབ་ཏུ་བྱུང་བ་དག་ཡིན་ནོ། །བཅོམ་ལྡན་འདས་བདག་གིས་རྒྱལ་པོ་ཟས་གཙང་ལ་སླར་མཆིས་པར་མཆིད་ [69b.7]ཀྱིས་འཚལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། རབ་ཏུ་བྱུང་སྟེ་སོང་ཤིག །འདི་ལྟར་བཅོམ་ལྡན་འདས་བྱང་ཆུབ་སེམས་དཔར་གྱུར་པས་སྔོན་ཚེ་རབས་རྗེས་པ་དེ་དང་དེ་དག་ཏུ་ཡབ་དང་། ཡུམ་དང་། མཁན་པོ་དང་། སློབ་དཔོན་དང་། བླ་མ་དང་། བླ་ [70a] [70a.1]མའི་གནས་ལྟ་བུ་དག་གི་ཆོས་དང་ལྡན་པའི་ཚིག་འགའ་ཡང་མ་བཅག་པས་བཀའ་སྩལ་མ་ཐག་ཏུ་འཆར་ཀས་གསོལ་པ། བཅོམ་ལྡན་འདས་བདག་རབ་ཏུ་འབྱུང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་ [70a.2]བུ་འཆར་ཀ་རབ་ཏུ་ཕྱུང་ཤིག་དང་། དེ་ནི་འདི་ལ་ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་རོ། །ཚེ་དང་ལྡན་པ་ཤཱ་རིའི་བུས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འཆར་ཀ་རབ་ཏུ་ཕྱུང་བསྙེན་པར་རྫོགས་པར་བྱས་ཏེ། དེ་ལ་ [70a.3]འདི་ནི་ཁྱོད་ཀྱི་བྱ་བ་ཡིན་ནོ། །འདི་ནི་ཁྱོད་ཀྱིས་བྱ་བ་མ་ཡིན་ནོ། །འཆར་ཀ་ཁྱོད་ཀྱིས་དེང་ཕྱིན་ཅད་བུད་མེད་ཀྱི་ཡུལ་དང་ལྷན་ཅིག་ཁྱིམ་གཅིག་ཏུ་ཉལ་བར་མི་བྱའོ་ཞེས་བྱ་བ་ལ་སོགས་པ་ཀུན་ཏུ་སྤྱད་པའི་ཆོས་ཐམས་ཅད་བརྗོད་དོ། །འཆར་ཀས་མཁན་པོ་བཀའ་བཞིན་འཚལ་ཞེས་ [70a.4]ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སོང་ནས། བཅོམ་ལྡན་འདས་ག་ལ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེར་སྐྱའི་ [70a.5]གནས་སུ་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། འཆར་ཀ་ཁྱོད་ཀྱིས་ཚམ་ཚོམ་མེད་པར་རྒྱལ་པོའི་ཕོ་བྲང་དུ་འཇུག་པར་མི་བྱ་བར་སྒོར་འགྲེང་སྟེ་ཤཱཀྱའི་དགེ་སློང་འོངས་སོ་ཞེས་བརྗོད་པར་བྱའོ། །གལ་ཏེ་ཤཱཀྱའི་དགེ་སློང་གཞན་དག་ཀྱང་ཡོད་དམ་ཞེས་འདྲི་ [70a.6]ན་ཤཱཀྱའི་དགེ་སློང་གཞན་དག་ཀྱང་ཡོད་དོ་ཞེས་བརྗོད་པར་བྱའོ། །གལ་ཏེ་ཞུགས་ཤིག་ཅེས་ཟེར་ན་འཇུག་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་ཆ་ལུགས་འདི་འདྲ་བ་ཉིད་ཡིན་ནམ་ཞེས་འདྲི་ན། ཆ་ལུགས་འདི་འདྲ་བ་ཉིད་ཡིན་ནོ་ཞེས་བརྗོད་པར་བྱའོ། ། [70a.7]ཁྱོད་ཀྱིས་རྒྱལ་པོའི་ཕོ་བྲང་དུ་གནས་པར་མི་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་རྒྱལ་པོའི་ཕོ་བྲང་དུ་གནས་འཆའ་བར་མི་བྱེད་དམ་ཞེས་འདྲི་ན། གནས་འཆའ་བར་མི་བྱེད་དོ་ཞེས་བརྗོད་པར་བྱའོ། །གལ་ཏེ་གང་དུ་གནས་འཆའ་བར་བྱེད་ཅེས་འདྲི་ན། དགོན་ [70b] [70b.1]པའམ། གཙུག་ལག་ཁང་དུའོ་ཞེས་བརྗོད་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་འོང་ངམ་ཞེས་འདྲི་ན་འོང་ངོ་ཞེས་བརྗོད་པར་བྱའོ། །གལ་ཏེ་ཡུན་ཇི་ཙམ་ན་འོང་ཞེས་འདྲི་ན་ཞག་བདུན་འདས་ནས་སོ་ཞེས་བརྗོད་པར་བྱའོ། །ཚེ་དང་ལྡན་པ་འཆར་ཀས་བཅོམ་ལྡན་ [70b.2]འདས་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །འཆར་ཀ་འོང་བའི་ཚེ་མཉན་ཡོད་དུ་ཉི་མ་མང་པོ་དག་གིས་ཕྱིན་ན་ཕྱིར་འགྲོ་བའི་ཚེ་འདི་ལྟ་ [70b.3]སྟེ། སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་། ལྷ་རྣམས་ཀྱི་ལྷའི་མཐུས་ཉི་མ་གཅིག་གིས་སེར་སྐྱའི་གནས་སུ་ཕྱིན་ཏོ། །དེ་ནས་ཚེ་དང་ལྡན་པ་འཆར་ཀ་རྒྱལ་པོ་ཟས་གཙང་གི་ཕོ་བྲང་ག་ལ་བ་དེར་སོང་སྟེ་ཕྱིན་ནས་མི་སྒོ་བ་བོས་ཏེ་སྨྲས་པ། ཀྱེ་ནང་རྗེ་ཁྱོད་སོང་ལ་རྒྱལ་པོ་ལ་ [70b.4]ཤཱཀྱའི་དགེ་སློང་འོངས་སོ་ཞེས་སྦྲོན་ཅིག །དེས་སྨྲས་པ། ཤཱཀྱའི་དགེ་སློང་གཞན་དག་ཀྱང་མཆིས་སམ། འཆར་ཀས་སྨྲས་པ། ཤཱཀྱའི་དགེ་སློང་གཞན་དག་ཀྱང་ཡོད་དོ། །སྒོ་བས་རྒྱལ་པོ་ལ་སྦྲན་པ་དང་། རྒྱལ་པོས་སྨྲས་པ། ཤཱཀྱ་འཇུག་ཏུ་ཆུག་ཤིག །སུ་ཞིག་ [70b.5]ཤཱཀྱ་ཟློག་པར་བྱེད། དེ་ནས་ཚེ་དང་ལྡན་པ་འཆར་ཀ་སྒོ་བས་ངོ་ཤེས་ནས་རྒྱལ་པོ་ཟས་གཙང་ག་ལ་བ་དེར་སོང་སྟེ་ཕྱིན་ནས་རྒྱལ་པོ་ཟས་གཙང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་ཁྱོད་ལ་བཅོམ་ལྡན་འདས་ཨ་རོག་གྱ་ཞེས་གསུང་ངོ་། །རྒྱལ་པོ་ཟས་གཙང་གིས་ [70b.6]འཆར་ཀ་སྐད་ལས་ངོ་ཤེས་ནས་སྨྲས་པ། ཁྱོད་འཆར་ཀ་ཡིན་ནམ། ལྷ་བདག་སྐྱེ་བོས་དེ་ལྟར་འཚལ་ཏོ། །རྒྱལ་པོས་སྨྲས་པ། གཞོན་ནུ་དོན་ཐམས་ཅད་གྲུབ་པ་ཡང་ཆ་ལུགས་འདི་འདྲ་བ་ཉིད་ཡིན་ནམ། ལྷ་ཆ་ལུགས་འདི་འདྲ་བ་ཉིད་ལགས་སོ། །རྒྱལ་པོ་སེང་གེའི་ [70b.7]ཁྲི་ལས་བརྒྱལ་ཏེ་ས་ལ་ལྷུང་ནས་ཆུས་དབང་བསྐུར་བས་སྲོག་ཕྱིར་འོངས་ནས་དྲིས་པ། གཞོན་ནུ་དོན་ཐམས་ཅད་གྲུབ་པ་འོང་ངམ། ལྷ་མཆིའོ། །ཡུན་ཇི་ཙམ་ན་འོང་། དགུང་བདུན་འདས་ནས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་དེང་ལ་རྒྱལ་ [71a] [71a.1]པོའི་ཕོ་བྲང་དང་། བཙུན་མོའི་འཁོར་དག་བྱི་དོར་གྱིས་ཤིག །ལྷ་གཞོན་ནུ་དོན་ཐམས་ཅད་གྲུབ་པ་དེ་རྒྱལ་པོའི་ཕོ་བྲང་ངམ། བཙུན་མོའི་འཁོར་གྱི་ནང་དུ་གནས་འཆའ་བར་མི་བགྱིད་དོ། །འོ་ན་གང་དུ་གནས་འཆའ་བར་བྱེད། དགོན་པའམ། གཙུག་ལག་ཁང་ [71a.2]དུའོ། །གཙུག་ལག་ཁང་ཅི་འདྲ་བར། འཆར་ཀས་མཉན་ཡོད་ན་གཙུག་ལག་ཁང་ཅི་འདྲ་བ་དག་མཐོང་བ་དེ་འདྲ་བ་བརྗོད་དོ། །དེའི་ཚེ་ན་རྒྱལ་པོ་ཟས་གཙང་ལ་སྐྱེད་མོས་ཚལ་སྐྱེ་ཡོད་དང་། ནྱ་གྲོ་དྷའི་ཀུན་དགའ་ར་བ་དང་། ཚངས་པའི་གནས་ལ་སོགས་པ་སྐྱེད་མོས་ [71a.3]ཚལ་ལྔ་བརྒྱ་ཡོད་པས་རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ཁྱེད་དེང་ལ། སྐྱེད་མོས་ཚལ་གསུམ་པོ་སྐྱེ་ཡོད་དང་། ནྱ་གྲོ་དྷའི་ཀུན་དགའ་ར་བ་དང་། ཚངས་པའི་གནས་དག་ཏུ་སྐྱེད་མོས་ཚལ་རེ་རེར་ཡང་རྒྱལ་བྱེད་ཀྱི་ཚལ་འདྲ་བའི་གཙུག་ལག་ཁང་ཁང་ [71a.4]ཆེན་བཅུ་དྲུག་དང་། ཁང་པའི་གཞི་དྲུག་བཅུ་ཡོད་པ་དག་མྱུར་དུ་བྱེད་དུ་ཆུག་ལ། གྲོང་ཁྱེར་སེར་སྐྱའི་གནས་ཐམས་ཅད་ཀྱང་རྡོ་བ་དང་། གསེག་མ་དང་། གྱོ་མོ་མེད་པར་གནས་པར་གྱིས་ཤིག །རྒྱལ་པོ་རྣམས་ནི་ཚིག་གིས་འགྲུབ་པ་ཡིན་ལ། ལྷ་རྣམས་ནི་སེམས་ཀྱིས་ [71a.5]འགྲུབ་པ་ཡིན། རྣལ་འབྱོར་པ་རྣམས་ནི་སེམས་བསྐྱེད་པ་ཙམ་གྱིས་ཐམས་ཅད་འགྲུབ་པ་ཡིན་པས་བློན་པོ་རྣམས་ཀྱིས་ལྷ་བཀའ་བཞིན་འཚལ་ཞེས་རྒྱལ་པོ་ཟས་གཙང་ལས་མཉན་ནས་སྐྱེད་མོས་ཚལ་གསུམ་པོ་སྐྱེ་ཡོད་དང་། ནྱ་གྲོ་དྷའི་ཀུན་དགའ་ར་བ་དང་། ཚངས་པའི་ [71a.6]གནས་དག་ཏུ་སྐྱེད་མོས་ཚལ་རེ་རེར་ཡང་རྒྱལ་བྱེད་ཀྱི་ཚལ་འདྲ་བའི་གཙུག་ལག་ཁང་ཁང་ཆེན་བཅུ་དྲུག་དང་། ཁང་པའི་གཞི་དྲུག་བཅུ་ཡོད་པ་དག་བྱེད་དུ་བཅུག་ཅིང་གྲོང་ཁྱེར་སེར་སྐྱའི་གནས་ཐམས་ཅད་ཀྱང་རྡོ་བ་དང་། གསེག་མ་དང་། གྱོ་མོ་མེད་པར་གནས་པར་བྱས་སོ། །སངས་རྒྱས་ [71a.7]བཅོམ་ལྡན་འདས་གསོན་ཞིང་བཞུགས་ཏེ་འཚོ་ཞིང་གཞེས་པ་རྣམས་ལ་ཆོས་ཉིད་ཀྱིས་གདོན་མི་ཟ་བར་བགྱི་བ་བཅུ་མངའ་སྟེ། སངས་རྒྱས་བཅོམ་ལྡན་འདས་ཀྱིས་ཇི་སྲིད་དུ་སངས་རྒྱས་སུ་ལུང་མ་བསྟན་པ་དང་། ཇི་སྲིད་དུ་སེམས་ཅན་གཞན་གྱིས་བླ་ན་མེད་པའི་བྱང་ཆུབ་ཏུ་ཕྱིར་ [71b] [71b.1]མི་ལྡོག་པའི་སེམས་མ་བསྐྱེད་པ་དང་། སངས་རྒྱས་ཀྱིས་གདུལ་བར་བྱ་བ་ཐམས་ཅད་མ་བཏུལ་བ་དང་། ཇི་སྲིད་དུ་སྐུ་ཚེའི་ཆ་ལྔ་པ་མ་ལུས་པ་དང་། ཇི་སྲིད་དུ་མཚམས་བཅད་པ་མ་མཛད་པ་དང་། ཇི་སྲིད་དུ་ཉན་ཐོས་ཟུང་གཅིག་མཆོག་ཏུ་མ་བསྟན་པ་དང་། ཇི་ [71b.2]སྲིད་དུ་གྲོང་ཁྱེར་ཀུན་འོད་དུ་ལྷ་ལས་བབས་པ་མ་བསྟན་པ་དང་། ཇི་སྲིད་དུ་མཉན་ཡོད་དུ་ཆོ་འཕྲུལ་ཆེན་པོ་རྣམ་པར་མ་བསྟན་པ་དང་། ཇི་སྲིད་དུ་མཚོ་ཆེན་པོ་མ་དྲོས་པར་ཉན་ཐོས་རྣམས་དང་ཐབས་ཅིག་སྔོན་གྱི་ལས་ཀྱི་རྒྱུ་བ་ལུང་མ་བསྟན་པ་དང་། ཇི་སྲིད་དུ་ཡབ་ཡུམ་གཉིས་ [71b.3]བདེན་པ་དག་ལ་མ་བཀོད་པ་དེ་སྲིད་དུ་ཡོངས་སུ་མྱ་ངན་ལས་མི་འདའ་བ་ཡིན་ནོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། རྒྱལ་པོ་ཆེན་པོ་ཟས་གཙང་དང་། ཤཱཀྱ་འབུམ་ཕྲག་དུ་མ་དག་གདུལ་བའི་དུས་ཉེ་བར་གནས་པར་གྱུར་ཅིང་། འདི་ལྟ་སྟེ། ཡབ་ [71b.4]ཡུམ་གཉིས་བདེན་པ་དག་ལ་གཞག་པ་དེ་ནི་དེ་བཞིན་གཤེགས་པས་གདོན་མི་ཟ་བར་མཛད་པ་ཡིན་ནོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ཁྱོད་སོང་ལ་དགེ་སློང་རྣམས་ལ་དེ་བཞིན་ [71b.5]གཤེགས་པ་སེར་སྐྱའི་གནས་སུ་གཤེགས་ཀྱིས། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་སེར་སྐྱའི་གནས་སུ་འགྲོ་བ་དང་། ཡབ་དང་སྲས་མཇལ་བ་ལྟ་བར་སྤྲོ་བ་དེས་ཆོས་གོས་དག་ལོང་ཤིག་ཅེས་བསྒོ་ཤིག །ཚེ་དང་ལྡན་པ་མཽད་གལ་གྱི་བུ་ཆེན་པོས་ [71b.6]བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དགེ་སློང་རྣམས་ལ་ཚེ་དང་ལྡན་པ་དག་བཅོམ་ལྡན་འདས་སེར་སྐྱའི་གནས་སུ་གཤེགས་ཀྱིས་ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་སེར་སྐྱའི་གནས་སུ་འགྲོ་བ་དང་། ཡབ་དང་སྲས་མཇལ་ [71b.7]བ་ལྟ་བར་སྤྲོ་བ་དེས་ཆོས་གོས་དག་ལོང་ཤིག་ཅེས་བསྒོའོ། །དགེ་སློང་དག་གིས་ཚེ་དང་ལྡན་པ་དེ་བཞིན་བགྱིའོ་ཞེས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལས་མཉན་ཏོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་ [72a] [72a.1]བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་ [72a.2]པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ [72a.3]ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་པའི་ཚོགས་ཀྱིས་ཡོངས་སུ་ [72a.4]བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་ [72a.5]བ། འཁོར་ལོས་སྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་ [72a.6]སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། ནོར་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་ཟངས་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ [72a.7]ལྟར་སུམ་བཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཤིན་ཏུ་དུལ་བ། སྤྱོད་ལམ་དང་། སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ [72b] [72b.1]ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་བཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་ [72b.2]རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང་། མི་འཇིགས་པ་བཞི་དང་། མ་འདྲེས་པའི་དྲན་པ་ཉེ་བར་གཞག་པ་གསུམ་དང་། ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ་པ། ཉག་གཅིག་དཔའ་བ། གཉིས་པ་མེད་པ། [72b.3]གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། རིག་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་པར་བསླབས་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་ [72b.4]གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་ [72b.5]རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་ [72b.6]སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་བསྒྱུར་བ་ལས་ཁྱད་པར་དུ་འཕགས་པ། འཁོར་ཉན་ཐོས་ཆེན་པོ་ཚེ་དང་ལྡན་པ་ལྟེང་རྒྱས་འོད་སྲུང་དང་། ག་ཡ་འོད་སྲུང་དང་། ཆུ་ཀླུང་འོད་སྲུང་ལ་སོགས་པ་སྔོན་གྱི་རལ་པ་ [72b.7]ཅན་སྟོང་དང་། ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་ལ་སོགས་པ་དགེ་སློང་གི་དགེ་འདུན་མང་པོས་མདུན་དུ་བདར་ཏེ་སེར་སྐྱའི་གནས་ག་ལ་བ་དེར་རྒྱུ་ཞིང་གཤེགས་སོ། །དེའི་ཚེ་ན་རྒྱལ་པོ་ཟས་གཙང་གིས་ཉི་མ་བདུན་པ་ལ་གྲོང་ཁྱེར་སེར་སྐྱའི་གནས་ [73a] [73a.1]ཐམས་ཅད་རྡོ་བ་དང་། གསེག་མ་དང་། གྱོ་མོ་མེད་པར་བཞག་ཅིང་བདུག་པ་དང་། ཕྱེ་མ་འཁྲིགས་པ་དང་། མེ་ཏོག་སྣ་ཚོགས་བཀྲམ་པ་དང་། རྒྱལ་མཚན་དང་། བ་དན་བསྒྲེང་བ་ལ་སོགས་པ་མཆོད་པའི་ཡོ་བྱད་རྒྱ་ཆེན་པོ་དག་བཤམས་ [73a.2]ཤིང་། ནྱ་གྲོ་དྷའི་ཀུན་དགའ་ར་བར་ས་ཕྱོགས་གོ་སྐབས་ཡངས་པར་གདན་ཐབས་ཟླ་གམ་ལྟ་བུར་བཤམས་ཏེ། ནྱ་གྲོ་དྷའི་ཀུན་དགའ་ར་བ་ནས་གྲོང་ཁྱེར་སེར་སྐྱའི་གནས་ཀྱི་བར་གྱི་ལམ་ཐམས་ཅད་མཛེས་ཤིང་རྡོ་བ་དང་། གསེག་མ་དང་། གྱོ་མོ་མེད་པར་བཞག་ [73a.3]སྟེ། སྤོས་ཆུའི་ཆག་ཆག་བཏབ་ཅིང་བར་བར་དུ་དར་གྱི་ཆུན་པོ་མང་པོ་དབྱངས་ཤིང་། མེ་ཏོག་གི་ཚོམས་དག་ཀྱང་བཤམས། བདུག་སྤོས་དྲི་ཞིམ་པོའི་དུ་བ་འཁྲིགས་པ་དང་། མེ་ཏོག་སྣ་ཚོགས་བཀྲམ་པ་དང་། རྒྱལ་མཚན་དང་། བ་དན་བསྒྲེང་བ་དག་རྣམ་པར་ [73a.4]བཞག་གོ། །རྒྱལ་པོ་ཟས་གཙང་ཉིད་ཀྱིས་རྒྱལ་པོའི་འབྱོར་པ་ཆེན་པོ་དང་། རྒྱལ་པོའི་མཐུ་ཆེན་པོས་ནྱ་གྲོ་དྷའི་ཀུན་དགའ་ར་བ་ན་འདི་ལྟ་སྟེ། བཅོམ་ལྡན་འདས་ལ་སྡོད་ཅིང་འདུག་གོ། །དེ་ནས་བཅོམ་ལྡན་འདས་མཐར་གྱིས་རྒྱུ་ཞིང་གཤེགས་པ་ན་ཆུ་རླུང་རོ་ཧ་ [73a.5]ཀའི་འགྲམ་དུ་གཤེགས་སོ། །དེ་ན་དགེ་སློང་ཁ་ཅིག་ནི་ལག་པ་དང་རྐང་པ་དག་འཁྲུ་བར་བྱེད། ཁ་ཅིག་ནི་སོ་ཤིང་འདོར་བར་བྱེད། ཁ་ཅིག་ནི་ཆུ་འཚག་པར་བྱེད། ཁ་ཅིག་ནི་ཁྲུས་བྱེད་དོ། །གྲོང་ཁྱེར་སེར་སྐྱའི་གནས་ན་འཁོད་པའི་ཤཱཀྱ་རྣམས་ཀྱིས་གཞོན་ནུ་དོན་ [73a.6]ཐམས་ཅད་གྲུབ་པ་འོངས་ཤིང་། རྒྱལ་པོ་ཟས་གཙང་གིས་ནྱ་གྲོ་དྷའི་ཀུན་དགའ་ར་བར་ས་ཕྱོགས་གོ་སྐབས་ཡངས་པར་གནས་མལ་བཤམས་ཞེས་ཐོས་སོ། །ཐོས་ནས་ཀྱང་ཤཱཀྱ་འབུམ་ཕྲག་དུ་མ་དག་ནྱ་གྲོ་དྷཱའི་ཀུན་དགའ་ར་བར་འདུས་པར་གྱུར་ཅིང་། དེ་ན་ཁ་ཅིག་ [73a.7]ནི་སྔོན་གྱི་དགེ་བའི་རྩ་བ་དག་གིས་བསྐུལ་ཞིང་ལྷགས་སོ། །ཁ་ཅིག་ནི་ཡ་མཚན་སྐྱེས་ཏེ་ཇེ་དང་པོར་ཡབ་ཀྱིས་སྲས་ཀྱི་ཞབས་ལ་ཕྱག་འཚལ་བར་མཛད་དམ། འོན་ཏེ་སྲས་ཀྱིས་ཡབ་ཀྱི་ཞབས་ལ་ཕྱག་འཚལ་བར་མཛད་པ་བལྟའོ་སྙམ་པས་ལྷགས་སོ། །དེ་ [73b] [73b.1]ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་དེ་བཞིན་གཤེགས་པ་ཞབས་ཀྱིས་སེར་སྐྱའི་གནས་སུ་གཤེགས་ན་ཤཱཀྱ་ང་རྒྱལ་ཅན་དག་གཞོན་ནུ་དོན་ཐམས་ཅད་གྲུབ་པས་ཆེན་པོ་མ་རྙེད་དེ། འདི་ལྟར་འདི་སྔོན་བྱང་ཆུབ་སེམས་དཔར་གྱུར་པ་ན་གྲོང་ཁྱེར་ [73b.2]སེར་སྐྱའི་གནས་ནས་ལྷ་འབུམ་ཕྲག་དུ་མས་བསུ་སྟེ་སྟེང་གི་ནམ་མཁའ་ལས་བྱུང་སྟེ་སོང་ན། ད་འདིས་བླ་ན་མེད་པའི་ཡེ་ཤེས་རྟོགས་ཀྱང་རྐང་པས་འོངས་སོ་ཞེས་མ་དད་པ་སྐྱེ་བར་འགྱུར་བས་བདག་རྫུ་འཕྲུལ་གྱིས་སེར་སྐྱའི་གནས་སུ་འཇུག་པར་བྱའོ་སྙམ་དུ་དགོངས་ཤིང་ [73b.3]རིག་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ནི་རྐང་པ་དག་གིས་ཆུ་ཀླུང་རོ་ཧ་ཀ་རྒོལ་ཅིག །དེ་བཞིན་གཤེགས་པ་ནི་རྫུ་འཕྲུལ་གྱིས་གཤེགས་སོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ [73b.4]ནས། རྐང་པ་དག་གིས་ཆུ་ཀླུང་རོ་ཧ་ཀ་རྒལ་ཏེ་ནྱ་གྲོ་དྷའི་ཀུན་དགའ་ར་བ་ག་ལ་བ་དེར་དོང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་སོང་ནས་རིང་པོ་མ་ལོན་པར་ཐུགས་སུ་ཆུད་ནས་ཏིང་ངེ་འཛིན་འདི་ལྟ་བུ་ལ་སྙོམས་པར་ཞུགས་ཏེ། ཇི་ལྟར་ཐུགས་མཉམ་ [73b.5]པར་བཞག་ན་རྫུ་འཕྲུལ་གྱིས་ཆུ་ཀླུང་རོ་ཧ་ཀའི་ཕ་རོལ་གྱི་འགྲམ་ནས་མི་སྣང་བར་གྱུར་ཅིང་སྟེང་གི་ནམ་མཁའ་ལ་ངང་པའི་རྒྱལ་པོ་འདབ་མ་བརྐྱང་པ་ལྟར་མངོན་པར་འཕགས་ནས། སེར་སྐྱའི་གནས་ཀྱི་སྟེང་ནས་ནྱ་གྲོ་དྷའི་ཀུན་དགའ་ར་བ་ག་ལ་བ་དེར་གཤེགས་ཏེ་བྱོན་ནས་ [73b.6]ནྱ་གྲོ་དྷའི་ཀུན་དགའ་ར་བའི་སྟེང་གི་ནམ་མཁའ་ལ་སྐྱིལ་མོ་ཀྲུང་བཅས་ཏེ་བཞུགས་སོ། །དེ་ན་བཅོམ་ལྡན་འདས་ཤར་ཕྱོགས་ལོགས་སུ་སྤྱོད་ལམ་བཞི་པོ་འདི་ལྟ་སྟེ། འཆག་པ་དང་། བཞེངས་པ་དང་། བཞུགས་པ་དང་། མནལ་བ་དག་མཛད་དོ། །མེའི་ [73b.7]ཁམས་ལ་ཡང་སྙོམས་པར་འཇུག་པ་མཛད་དེ། སངས་རྒྱས་བཅོམ་ལྡན་འདས་མེའི་ཁམས་ལ་སྙོམས་པར་ཞུགས་པའི་སྐུ་ལས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དག་དང་། སེར་པོ་དག་དང་། དམར་པོ་དག་དང་། དཀར་པོ་དག་དང་། བཙོད་ཀ་དག་དང་། [74a] [74a.1]ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་ངོ་། །ཆོ་འཕྲུལ་ཟུང་དག་ཀྱང་རྣམ་པར་སྟོན་པ་མཛད་དེ། སྐུའི་སྨད་ནས་མེ་འབར་ཞིང་སྐུའི་སྟོད་ནས་ཆུ་གྲང་མོའི་རྒྱུན་འབབ་པར་མཛད་དོ། །སྐུའི་སྟོད་ནས་མེ་འབར་ཞིང་སྐུའི་སྨད་ནས་ཆུ་གྲང་མོའི་རྒྱུན་འབབ་པར་ [74a.2]མཛད་དོ། །ཤར་ཕྱོགས་སུ་ཇི་ལྟ་བ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་སུ་ཡང་དེ་བཞིན་དུ་མཛད་དོ། །དེ་ལྟར་ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བཞི་སྟོན་པར་མཛད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་དེ་ [74a.3]བཞིན་གཤེགས་པས་རྒྱལ་པོ་ཟས་གཙང་གི་རྐང་པ་གཉིས་ལ་གཏུགས་པར་གྱུར་ན་ནི་དེའི་སྤྱི་བོ་ཚལ་པ་བདུན་དུ་འགས་པར་འགྱུར་ལ། གལ་ཏེ་རྒྱལ་པོ་ཟས་གཙང་གིས་དེ་བཞིན་གཤེགས་པའི་ཞབས་གཉིས་ལ་གཏུགས་པར་གྱུར་ན་ནི་ཤཱཀྱ་ང་རྒྱལ་ཅན་དག་ཅིའི་ཕྱིར་ཡབ་ [74a.4]ཏུ་གྱུར་པས་སྲས་ཀྱི་རྐང་པ་གཉིས་ལ་གཏུགས་པར་བྱེད་ཅེས་མ་དད་པ་སྐྱེ་བར་འགྱུར་བས་བདག་གིས་ཅི་ནས་ཀྱང་རྒྱལ་པོ་ཟས་གཙང་གིས་ལུས་མ་བཏུད་བཞིན་དུ་དེ་བཞིན་གཤེགས་པའི་ཞབས་གཉིས་ལ་ཕྱག་འཚལ་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱའོ་ [74a.5]སྙམ་དུ་དགོངས་ཤིང་རིག་ནས་ཏ་ལ་བདུན་སྲིད་ཙམ་གྱི་སྟེང་གི་ནམ་མཁའ་ལ་གཞེས་ཤིང་། ཏ་ལ་དྲུག་དང་། ལྔ་དང་། བཞི་དང་། གསུམ་དང་། གཉིས་དང་། གཅིག་སྲིད་ཙམ་ན་བཞུགས་སོ། །དེ་ནས་སྐྱེས་བུ་བདུན་སྲིད་ཙམ་ན་གཞེས་ཤིང་སྐྱེས་བུ་དྲུག་དང་། ལྔ་ [74a.6]དང་། བཞི་དང་། གསུམ་དང་། གཉིས་དང་། གཅིག་སྲིད་ཙམ་ན་གཞེས་སོ། །དེ་ནས་རྒྱལ་པོ་ཟས་གཙང་གིས་མ་བཏུད་བཞིན་དུ་དེ་བཞིན་གཤེགས་པའི་ཞབས་གཉིས་ལ་མགོ་བོས་ཕྱག་འཚལ་ནས་ཤཱཀྱ་རྣམས་ལ་གོ་བར་བྱ་བའི་ཕྱིར་དེའི་ཚེ་ཚིགས་སུ་བཅད་པ་སྨྲས་པ། [74a.7]གང་ཚེ་ཁྱོད་བལྟམས་དོག་ས་རབ་གཡོས་དང་། འཛམ་བུའི་གྲིབ་མས་ཁྱོད་སྐུ་མ་བཏང་དང་། །འདི་དང་ལན་གསུམ་ཀུན་གཟིགས་མཁྱེན་ལྡན་པ། །སངས་རྒྱས་ཁྱོད་ཀྱི་ཞབས་ལ་བདག་ཕྱག་འཚལ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་མཛད་ [74b] [74b.1]པ་དེ་སླར་བསྡུ་བ་མཛད་ནས་ནྱ་གྲོ་དྷའི་ཀུན་དགའ་ར་བར་གཤེགས་ཏེ། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ཟས་གཙང་དང་། བྲེ་བོ་ཟས་དང་། ཟས་དཀར་དང་། བདུད་རྩི་ཟས་དང་། ཤཱཀྱ་འབུམ་ཕྲག་དུ་མ་དག་ [74b.2]གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །ཤཱཀྱ་ཁ་ཅིག་ནི་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་མཐའ་གཅིག་ཏུ་འཁོད་དོ། །ཤཱཀྱ་ཁ་ཅིག་ནི་ཐག་རིང་པོ་ཁོ་ན་ནས་བཅོམ་ལྡན་འདས་མཐོང་ནས་ཅང་མི་ [74b.3]སྨྲ་བར་མཐའ་གཅིག་ཏུ་འཁོད་དོ། །དེ་ནས་རྒྱལ་པོ་ཟས་གཙང་གིས་བཅོམ་ལྡན་འདས་ལ་ཚིགས་སུ་བཅད་པའི་སྐད་ཀྱིས་ཞུ་བ་ཞུས་པ། དཔའ་བོ་བཅིབས་པ་གླང་པོ་དང་། །ཆིབས་དང་ཤིང་རྟས་ཁབ་གཤེགས་ན། །ཚེར་བཅས་དོག་སའི་གཞི་དག་ལ། །ཇི་ལྟར་ [74b.4]ཞབས་ཀྱིས་གཤེགས་པ་མཛད། །བཅོམ་ལྡན་འདས་ཀྱིས་བཀའ་སྩལ་པ། བདག་ནི་རྫུ་འཕྲུལ་རྐང་པ་དང་། །ཡང་དག་སྩོལ་བའི་བཞོན་པ་ཡིས། །ཉོན་མོངས་ཚེར་མས་མ་སྨས་པར། །ས་གཞི་ཀུན་ཏུ་རྣམ་པར་རྒྱུ། །རྒྱལ་པོས་གསོལ་པ། དཔའ་བོ་སྔན་ [74b.5]ཆད་ཀ་ཤི་ཀའི། །ན་བཟའ་གསོལ་བས་རྣམ་མཛེས་ན། །ངུར་སྨྲིག་ན་བཟའ་རྩུབ་པོ་དག །ཇི་ལྟར་ཁྱོད་སྐུས་བཟོད་པར་མཛད། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་བདག་ནི་ཁྲེལ་འཛེམ་པའི། །སྣམ་སྦྱར་གོས་གྱོན་མཛེས་པ་ཡིན། །གང་གིས་ [74b.6]ཐུབ་པའི་གོས་གྱོན་པ། །ཞི་བའི་ནགས་ན་མཛེས་པར་འགྱུར། །རྒྱལ་པོས་གསོལ་པ། བརྟན་པ་སྔན་ཆད་གསེར་སྣོད་ནས། །ཞལ་ཟས་རོ་མང་ལྡན་གསོལ་ནས། །ད་ལྟར་བསོད་སྙོམས་ངན་པ་དག །ཇི་ལྟར་ཁྱོད་ཀྱི་མགུར་དུ་བྱོན། །བཅོམ་ལྡན་འདས་ཀྱིས་བཀའ་ [74b.7]སྩལ་པ། ཆོས་ལྡན་དགའ་བ་དག་གི་ཟས། །ངེས་འབྱུང་ལྡན་ཞིང་མཉམ་བཞག་ཡིན། །ཟས་སྲེད་སྤངས་ཀྱང་འཇིག་རྟེན་ཀུན། །རྗེས་སུ་གཟུང་ཕྱིར་བདག་སྤྱོད་བྱེད། །རྒྱལ་པོས་གསོལ་པ། བློ་བཟང་ཁྱོད་སྔོན་ཡང་ཐོག་གི། །གཞལ་མེད་ཁང་སྟེང་དུས་མཐུན་ [75a] [75a.1]བཞུགས། །ཉག་གཅིག་ནགས་ན་ཁྱོད་བཞུགས་ན། །ཇི་ལྟར་བསྙེངས་དང་བྲལ་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། གཽ་ཏམ་འཇིགས་ཀུན་རྩ་དང་སྲིད། །དེ་དག་བག་ཉལ་བཅས་སྤངས་པས། །མྱ་ངན་འཇིགས་བྲལ་ནགས་ [75a.2]གནས་ཏེ། །དེ་ན་བདག་འཇིགས་ཅི་ཡང་མེད། །རྒྱལ་པོས་གསོལ་པ། ཐུབ་དབང་ཁྱོད་སྔོན་རབ་དགྱེས་པའི། །ཁབ་ན་རྟག་ཏུ་ཁྲུས་མཆོག་མཛད། །ནགས་ན་ཉག་གཅིག་ཁྱོད་བཞུགས་ན། །དེ་ན་འབྱོར་ཁྲུས་སུ་དག་བགྱིད། །བཅོམ་ལྡན་འདས་ཀྱིས་བཀའ་སྩལ་ [75a.3]པ། གཽ་ཏམ་ཆོས་རྫིང་བསོད་ནམས་འགྲམ། །རྙོག་མེད་དམ་པས་བསྔགས་པ་སྟེ། །མི་ལུས་མི་གཤེར་དེར་བཀྲུས་པ། །རིག་བྱེད་ཡོན་ཏན་ཕ་རོལ་འགྲོ། །རྒྱལ་པོས་གསོལ་པ། དཔའ་བོ་རང་གི་ཕོ་བྲང་ན། །གསེར་དངུལ་བུམ་པས་ཁྲུས་མཛད་ན། །ཆབ་ [75a.4]ཚན་རྙོག་དང་བཅས་པ་ཡིས། །ཇི་ལྟར་ཁྱོད་ཀྱི་སྐུ་ཁྲུས་མཛད། །བཅོམ་ལྡན་འདས་ཀྱིས་བཀའ་སྩལ་པ། གཽ་ཏམ་དང་ཀླུང་ཚུལ་ཁྲིམས་འགྲམ། །དང་བ་བསིལ་བ་མཁས་པས་བསྔགས། །མི་ལུས་མི་གཤེར་དེར་བཀྲུས་པ། །རིག་བྱེད་ཡོན་ཏན་ཕ་རོལ་འགྲོ། །རྒྱལ་ [75a.5]པོ་ཟས་གཙང་གིས་གསོལ་པ། ཟིལ་གནོན་གང་ནས་སྐྱེ་འགྱུར་ཞིང་། །འཇིགས་སྐྲག་གང་ནས་འབྱུང་བར་འགྱུར། །ཡིད་འབྱུང་གང་ནས་སྐྱེ་བར་འགྱུར། །ཞུས་པ་དེ་ནི་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། ཟིལ་གནོན་གང་ནས་སྐྱེ་འགྱུར་ [75a.6]ཞིང་། །འཇིགས་སྐྲག་གང་ནས་འབྱུང་འགྱུར་དང་། །ཡིད་འབྱུང་གང་ནས་སྐྱེ་འགྱུར་བ། །གསོན་ཅིག་བདག་གིས་ཁྱོད་ལ་བཤད། །རྒ་དང་ན་དང་འཆི་འགྱུར་བ། །གལ་ཏེ་དེ་གསུམ་ཡོད་མིན་ན། །བདག་ཀྱང་ཤིན་ཏུ་ཡིད་འོང་བའི། །ཡུལ་རྣམས་ལ་ནི་དགའ་བར་ [75a.7]འགྱུར། །རྒྱལ་པོས་གསོལ་པ། ཤཱཀྱའི་རིགས་རྣམས་དགའ་མཛད་པ། །དཔའ་བོ་འཇིག་རྟེན་ཆོས་བརྒྱད་ཀྱིས། །ཁྱོད་ལ་གོས་པ་མི་མངའ་བ། །ལེགས་པར་འཁྲུངས་པ་ལེགས་པ་ལགས། །དེ་ནས་རབ་དགའ་དང་རྒྱས་པས། །དྲང་སྲོང་དགེ་འདུན་བསྐོར་བྱས་ [75b] [75b.1]ཏེ། །ཐུབ་དབང་ཞབས་ལ་མགོས་གཏུགས་ནས། །བདེ་གཤེགས་ཀུན་ནས་རྟོག་ཅིང་སྡོད། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བདག་གི་བུས་ཡོན་ཏན་གྱི་ཚོགས་འདི་ལྟ་བུ་རྟོགས་པ་ནི་བདག་གིས་རྙེད་པ་ལེགས་པར་རྙེད་དོ་སྙམ་མོ། །དེ་ནས་བཅོམ་ [75b.2]ལྡན་འདས་ཀྱིས་སྐྱེ་བོ་ཕལ་པོ་ཆེའི་ཚོགས་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས། འདི་ལྟར་རྒྱལ་པོ་ཟས་གཙང་དང་། ལྷས་སྦྱིན་སྡིག་པ་འདོད་པ་ང་རྒྱལ་ལས་ཀྱང་ང་རྒྱལ་ཅན་མ་གཏོགས་པ་ཟས་དཀར་ལ་ [75b.3]སོགས་པ་ཤཱཀྱ་བདུན་ཁྲི་བདུན་སྟོང་གིས་བདེན་པ་དག་མཐོང་བར་གྱུར་པ་དེ་ལྟར་ཆོས་བསྟན་པ་མཛད་དོ། །དེ་ནས་སྲོག་ཆགས་སྟོང་ཕྲག་མང་པོ་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་བུ། ཁ་ [75b.4]ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་རྣམ་པར་ [75b.5]གཞག་པར་མཛད་དོ། །རྒྱལ་པོ་ཟས་གཙང་ནི་བདག་གི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་ནོ་སྙམ་དུ་ཧ་ཅང་དགའ་བས་བདེན་པ་མ་མཐོང་ངོ་། །ལྷས་བྱིན་ནི་སྡིག་པ་འདོད་པ་དང་། ང་རྒྱལ་ལས་ཀྱང་ང་རྒྱལ་གྱིས་བདེན་པ་མ་མཐོང་ངོ་། །ལྷས་བྱིན་ [75b.6]བདེན་པ་མ་མཐོང་ཞིང་ཁྲོ་བས་ཟིལ་གྱིས་ནོན་པས་སྨྲས་པ། གལ་ཏེ་བདག་གིས་ཀྱང་འདི་ལྟར་རྗེས་སུ་འཇུག་པར་བྱེད་པའི་སྒྱུ་མ་ཤེས་པར་གྱུར་ན། བདག་གིས་ཀྱང་འཇིག་རྟེན་ཐམས་ཅད་རྗེས་སུ་འཇུག་པར་བྱ་བ་ལ་རག་གོ། །ཤཱཀྱ་གཅུགས་པར་གྱུར་པ་དགའ་བ་སྟོན་པ་དག་གིས་ [75b.7]དེ་ལ་སྨྲས་པ། ལྷས་བྱིན་ཐོང་ཤིག་བཅོམ་ལྡན་འདས་ནི་རྫུ་འཕྲུལ་ཆེ་བ། མཐུ་ཆེ་བ་ཡིན་གྱིས་དེ་སྐད་མ་ཟེར་ཅིག །དེ་ནས་དེ་ཅང་མི་སྨྲ་བར་འདུག་གོ། །ཉི་མ་གཉིས་པ་ལ་སྐྱེད་མོས་ཚལ་སྐྱེ་ཡོད་དུས་ཕྱོགས་གོ་སྐབས་ཡངས་པར་གདན་ཐབས་ཟླ་གམ་ལྟ་བུ་བཤམས་པ་ [76a] [76a.1]བྱས་ནས། དེར་ཡང་བཅོམ་ལྡན་འདས་ཀྱིས་སྐྱེ་བོ་ཕལ་པོ་ཆེའི་ཚོགས་དེའི་བསམ་པ་དང་བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས་འདི་ལྟར་རྒྱལ་པོ་ཟས་གཙང་དང་། ལྷས་བྱིན་སྡིག་པ་འདོད་པ་ང་རྒྱལ་ལས་ཀྱང་ང་རྒྱལ་ཅན་མ་གཏོགས་ [76a.2]པ། བྲེ་བོ་ཟས་ལ་སོགས་པ་ཤཱཀྱ་བདུན་ཁྲི་དྲུག་སྟོང་གིས་བདེན་པ་དག་མཐོང་བར་གྱུར་པ་དེ་ལྟར་ཆོས་བསྟན་པ་མཛད་དོ། །དེ་ན་སྲོག་ཆགས་སྟོང་ཕྲག་མང་པོ་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་བུ། [76a.3]ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་རྣམ་པར་གཞག་ [76a.4]པར་མཛད་དོ། །རྒྱལ་པོ་ཟས་གཙང་ནི་བདག་གི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་ནོ་སྙམ་དུ་ཧ་ཅང་དགའ་བས་བདེན་པ་མ་མཐོང་ངོ་། །ལྷས་བྱིན་ནི་སྡིག་པ་འདོད་པ་དང་། ང་རྒྱལ་ལས་ཀྱང་ང་རྒྱལ་གྱིས་བདེན་པ་མ་མཐོང་ངོ་། །ལྷས་བྱིན་བདེན་པ་མ་ [76a.5]མཐོང་ཞིང་ཁྲོ་བའི་ཟིལ་གྱིས་ནོན་པས་སྨྲས་པ། གལ་ཏེ་བདག་གིས་ཀྱང་འདི་ལྟར་རྗེས་སུ་འཇུག་པར་བྱེད་པའི་སྒྱུ་མ་ཤེས་པར་གྱུར་ན། བདག་གིས་ཀྱང་འཇིག་རྟེན་ཐམས་ཅད་རྗེས་སུ་འཇུག་པར་བྱ་བ་ལ་རག་གོ། །ཤཱཀྱ་གཅུགས་པར་གྱུར་པ་དགའ་བ་སྟོན་པ་དག་གིས་དེ་ [76a.6]ལ་སྨྲས་པ། ལྷས་བྱིན་ཐོང་ཤིག །བཅོམ་ལྡན་འདས་ནི་རྫུ་འཕྲུལ་ཆེ་བ། མཐུ་ཆེ་བ་ཡིན་གྱིས་དེ་སྐད་མ་ཟེར་ཅིག །དེ་ནས་དེ་ཅང་མི་སྨྲ་བར་འདུག་གོ། །ཉི་མ་གསུམ་པ་ལ་སྐྱེད་མོས་ཚལ་ཚངས་པའི་གནས་སུ་ས་ཕྱོགས་གོ་སྐབས་ཡངས་པར་གདན་ཐབས་ཟླ་གམ་ལྟ་ [76a.7]བུ་བཤམས་པ་བྱས་ནས། དེར་ཡང་བཅོམ་ལྡན་འདས་ཀྱིས་སྐྱེ་བོ་ཕལ་པོ་ཆེའི་ཚོགས་དེའི་བསམ་པ་དང་། བག་ལ་ཉལ་དང་། ཁམས་དང་རང་བཞིན་ཐུགས་སུ་ཆུད་ནས་འདི་ལྟར་རྒྱལ་པོ་ཟས་གཙང་དང་། ལྷས་བྱིན་སྡིག་པ་འདོད་པ་ང་རྒྱལ་ལས་ཀྱང་ང་རྒྱལ་ཅན་མ་ [76b] [76b.1]གཏོགས་པ་བདུད་རྩི་ཟས་ལ་སོགས་པ་ཤཱཀྱ་བདུན་ཁྲི་ལྔ་སྟོང་གིས་བདེན་པ་དག་མཐོང་བར་གྱུར་པ་དེ་ལྟར་ཆོས་བསྟན་པ་མཛད་དོ། །དེ་ན་སྲོག་ཆགས་སྟོང་ཕྲག་མང་པོ་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་ [76b.2]བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ་འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་རྣམ་པར་ [76b.3]གཞག་པར་མཛད་དོ། །རྒྱལ་པོ་ཟས་གཙང་ནི་བདག་གི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་ནོ་སྙམ་དུ་ཧ་ཅང་དགའ་བས་བདེན་པ་མ་མཐོང་ངོ་། །ལྷས་བྱིན་ནི་སྡིག་པ་འདོད་པ་དང་། ང་རྒྱལ་ལས་ཀྱང་ང་རྒྱལ་གྱིས་བདེན་པ་མ་མཐོང་ངོ་། །དེ་ནས་བཅོམ་ [76b.4]ལྡན་འདས་འདི་སྙམ་དུ་དགོངས་ཏེ། ཅིའི་ཕྱིར་རྒྱལ་པོ་ཟས་གཙང་བདེན་པ་མཐོང་བར་མི་བྱེད་སྙམ་དུ་དགོངས་ན། རྒྱུ་གཉིས་ཀྱིས་བདེན་པ་མི་མཐོང་སྟེ། སེམས་ཧ་ཅང་མཐོ་བ་དང་། ཧ་ཅང་ཞུམ་པས་སོ། །དེ་ལྟར་རྒྱལ་པོ་ཟས་གཙང་གི་སེམས་གཞོན་ནུ་དོན་ཐམས་ཅད་ [76b.5]གྲུབ་པ་སྔོན་ཅད་ལྷ་དང་མིས་མཆོད་པར་གྱུར་ན། ད་ནི་མིས་མཆོད་ཅིང་ལྷས་མཆོད་པར་མ་གྱུར་ཏོ་སྙམ་དུ་ཧ་ཅང་ཞུམ་པར་གྱུར་པར་ཐུགས་སུ་ཆུད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་གིས་རྒྱལ་པོ་ཟས་གཙང་གདུལ་བའི་ཕྱིར་ལྷའི་འཁོར་འབའ་ཞིག་ [76b.6]ལ་ཆོས་བསྟན་པར་བྱའོ་སྙམ་དུ་དགོངས་ཤིང་རིག་ནས་འཇིག་རྟེན་པའི་ཐུགས་བསྐྱེད་པ་མཛད་དོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི་གལ་ཏེ་འཇིག་རྟེན་པའི་ཐུགས་བསྐྱེད་པར་མཛད་ན་ནི་ཐ་ན་སྲོག་ཆགས་གྲོག་སྦུར་གྱིས་ཀྱང་བཅོམ་ལྡན་འདས་ཀྱི་ཐུགས་སེམས་ [76b.7]ཀྱིས་ཤེས་ལ། ཇི་སྟེ་འཇིག་རྟེན་ལས་འདས་པའི་ཐུགས་བསྐྱེད་པར་མཛད་ན་ནི་རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་མི་ཤེས་ན་ཉན་ཐོས་ལ་སོགས་པས་ལྟ་སྨོས་ཀྱང་ཅི་དགོས། དེ་ནས་ཚངས་པ་དང་། བརྒྱ་བྱིན་ལ་སོགས་པ་ལྷ་རྣམས་ [77a] [77a.1]འདི་སྙམ་དུ་སེམས་ཏེ། ཅིའི་སླད་དུ་བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་སྙམ་པ་དང་། བཅོམ་ལྡན་འདས་རྒྱལ་པོ་ཟས་གཙང་གདུལ་བའི་སླད་དུ་ལྷའི་འཁོར་འབའ་ཞིག་ལ་ཆོས་སྟོན་པ་བཞེད་པར་མཐོང་ངོ་། །དེ་ནས་འདོད་པ་ན་སྤྱོད་པ་ [77a.2]དང་། གཟུགས་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་ནས། འདི་ལྟ་སྟེ། དཔེར་ན་སྐྱེས་བུའི་ལག་པ་བསྐུམས་པ་ལས་རྐྱོང་བར་བྱེད་པའམ། བརྐྱང་བ་ལས་སྐུམ་པར་བྱེད་པ་དེ་བཞིན་དུ། འདོད་པ་ན་སྤྱོད་པ་དང་། གཟུགས་ན་སྤྱོད་ [77a.3]པའི་ལྷ་རྣམས་ལྷའི་འཇིག་རྟེན་ནས་མི་སྣང་བར་གྱུར་ཏེ་སྐྱེད་མོས་ཚལ་ཚངས་པའི་གནས་སུ་བཅོམ་ལྡན་འདས་ཀྱི་སྤྱན་སྔར་ལྷགས་སོ། །བཅོམ་ལྡན་འདས་ཀྱིས་ཀྱང་རྫུ་འཕྲུལ་གྱིས་རིན་པོ་ཆེ་སྣ་བཞི་ལས་བྱས་པའི་ཁང་{བཟངས་,བཟང་}སྒོ་བཞི་པ་སྤྲུལ་པ་མཛད་དེ། སྒོ་བཞི་པོ་དག་ཏུ་ [77a.4]འཇིག་རྟེན་སྐྱོང་བ་བཞི་པོ་དག་སྒོ་སྲུངས་སུ་རྣམ་པར་གཞག་པར་མཛད་དོ། །དེ་ནས་གཟུགས་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་གཡས་ཕྱོགས་སུ་ཉེ་བར་བརྟེན་ཏེ་ [77a.5]འཁོད་དོ། །འདོད་པ་ན་སྤྱོད་པའི་ལྷ་རྣམས་ཀྱིས་ཀྱང་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་གཡོན་ཕྱོགས་སུ་ཉེ་བར་བརྟེན་ཏེ་འཁོད་དོ། །རྒྱལ་པོ་ཟས་གཙང་གི་ཀུན་དུ་སྤྱོད་པ་ནི་ཉིན་མོ་ལན་ [77a.6]གསུམ་བཅོམ་ལྡན་འདས་ལ་བལྟ་བ་དང་། བསྙེན་བཀུར་བྱ་བའི་ཕྱིར་འགྲོའོ། །དེ་ནས་རྒྱལ་པོ་ཟས་གཙང་ནང་པར་སྔར་ལངས་ཏེ་ཁང་{བཟངས་ཀྱི་,བཟང་གི་}ཤར་སྒོ་ག་ལ་བ་དེར་སོང་བ་དང་། ཡུལ་འཁོར་སྲུང་གིས་སྨྲས་པ། རྒྱལ་པོ་ཆེན་པོ་མ་འཇུག་པར་སྡོད་ཅིག །ཅིའི་ [77a.7]ཕྱིར་བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པས་འདིར་མི་ཙམ་གྱིས་ཚོད་ཀྱིས་མི་ཆུད་དོ། །བཞིན་{བཟངས་,བཟང་}ཁྱོད་སུ་ཞིག་ཡིན། རྒྱལ་པོ་ཆེན་པོ་ཁོ་བོ་ནི་རྒྱལ་པོ་ཆེན་པོ་ཡུལ་འཁོར་སྲུང་ཡིན་ནོ། །དེ་ནས་རྒྱལ་པོ་ཟས་གཙང་ཁང་{བཟངས་ཀྱི་,བཟང་གི་} [77b] [77b.1]ལྷོ་སྒོ་ག་ལ་བ་དེར་སོང་བ་དང་། འཕགས་སྐྱེས་པོས་སྨྲས་པ། རྒྱལ་པོ་ཆེན་པོ་མ་འཇུག་པར་སྡོད་ཅིག །ཅིའི་ཕྱིར། བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པས་འདིར་མི་ཙམ་གྱིས་ཚོད་ཀྱིས་མི་ཆུད་དོ། །བཞིན་{བཟངས་,བཟང་}ཁྱོད་སུ་ཞིག་ཡིན། རྒྱལ་ [77b.2]པོ་ཆེན་པོ་ཁོ་བོ་ནི་རྒྱལ་པོ་ཆེན་པོ་འཕགས་སྐྱེས་པོ་ཡིན་ནོ། །དེ་ནས་རྒྱལ་པོ་ཟས་གཙང་ཁང་{བཟངས་ཀྱི་,བཟང་གི་}ནུབ་སྒོ་ག་ལ་བ་དེར་སོང་བ་དང་། མིག་མི་བཟང་གིས་སྨྲས་པ། རྒྱལ་པོ་ཆེན་པོ་མ་འཇུག་པར་སྡོད་ཅིག །ཅིའི་ཕྱིར། བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་ [77b.3]སྟོན་པར་མཛད་པས་འདིར་མི་ཙམ་གྱིས་ཚོད་ཀྱིས་མི་ཆུད་དོ། །བཞིན་{བཟངས་,བཟང་}ཁྱོད་སུ་ཞིག་ཡིན། རྒྱལ་པོ་ཆེན་པོ་ཁོ་བོ་ནི་རྒྱལ་པོ་ཆེན་པོ་མིག་མི་བཟང་ཡིན་ནོ། །དེ་ནས་རྒྱལ་པོ་ཟས་གཙང་ཁང་{བཟངས་ཀྱི་,བཟང་གི་}བྱང་སྒོ་ག་ལ་བ་དེར་སོང་བ་དང་། རྣམ་ཐོས་ཀྱི་བུས་སྨྲས་པ། རྒྱལ་ [77b.4]པོ་ཆེན་པོ་མ་འཇུག་པར་སྡོད་ཅིག །ཅིའི་ཕྱིར། བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པས་འདིར་མི་ཙམ་གྱིས་ཚོད་ཀྱིས་མི་ཆུད་དོ། །བཞིན་{བཟངས་,བཟང་}ཁྱོད་སུ་ཞིག་ཡིན། རྒྱལ་པོ་ཆེན་པོ་ཁོ་བོ་ནི་རྒྱལ་པོ་ཆེན་པོ་རྣམ་ཐོས་ཀྱི་བུ་ཡིན་ནོ། །དེ་ [77b.5]ནས་རྒྱལ་པོ་ཟས་གཙང་ཀྱེ་མ་བདག་གིས་བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པ་མཐོང་ན་ཅི་མ་རུང་སྙམ་དུ་འདོད་པ་སྐྱེས་སོ། །བཅོམ་ལྡན་འདས་ཀྱིས་རྒྱལ་པོ་ཟས་གཙང་གི་སེམས་ཐུགས་ཀྱིས་མཁྱེན་ནས་ཁང་{བཟངས་,བཟང་}ཤེལ་གྱི་རང་བཞིན་དུ་སྤྲུལ་པ་ [77b.6]མཛད་པ་དང་། འདི་ལྟར་རྒྱལ་པོ་ཟས་གཙང་གིས་བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པ་མེ་ལོང་གི་གཟུགས་ཀྱི་ནང་ན་འདུག་པ་ལྟར་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། སུ་ལ་ཡང་འདི་ལྟ་སྟེ། ད་ལྟར་བདག་གི་དོན་ཐམས་ཅད་ [77b.7]གྲུབ་པ་ལྟ་བུའི་བུ་མེད་དོ་སྙམ་མོ། །དེ་ནས་རྒྱལ་པོ་ཟས་གཙང་གི་སེམས་ཀྱི་རྒྱུད་ཧ་ཅང་མཐོ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་མཛད་པ་དེ་སླར་བསྡུ་བ་མཛད་ནས་རྒྱལ་པོ་ཟས་གཙང་ལ་ཆོས་བསྟན་པར་བརྩམ་པ་མཛད་དོ། །དེ་ནས་ [78a] [78a.1]བཅོམ་ལྡན་འདས་འདི་སྙམ་དུ་དགོངས་ཏེ། ཅིའི་ཕྱིར་རྒྱལ་པོ་ཟས་གཙང་བདེན་པ་མཐོང་བར་མི་བྱེད་སྙམ་དུ་དགོངས་པ་དང་། ད་ལྟར་རྒྱལ་པོ་ཟས་གཙང་སུ་ལ་ཡང་འདི་ལྟ་སྟེ། ད་ལྟར་བདག་གི་དོན་ཐམས་ཅད་གྲུབ་པ་ལྟ་བུའི་བུ་མེད་དོ་སྙམ་དུ་ཧ་ཅང་དགའ་ [78a.2]བས་སེམས་ཀྱི་རྒྱུད་ཧ་ཅང་མཐོ་བར་གྱུར་པར་ཐུགས་སུ་ཆུད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ཁྱོད་ཀྱིས་རྒྱལ་པོ་ཟས་གཙང་ལ་སོམས་ཤིག །ཚེ་དང་ལྡན་པ་མཽད་གལ་གྱི་བུ་ཆེན་པོས་བཙུན་པ་བཀའ་ [78a.3]བཞིན་འཚལ་ཞེས་བཅོམ་ལྡན་འདས་ལས་མཉན་ནས་རྒྱལ་པོ་ཟས་གཙང་ག་ལ་བ་དེར་སོང་ངོ་། །རྒྱལ་པོ་ཟས་གཙང་གིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་འདི་སྐད་ཅེས་སྨྲས་སོ། །བཙུན་པ་མཽད་གལ་གྱི་བུ་ཚུར་གཤེགས། [78a.4]བཙུན་པ་མཽད་གལ་གྱི་བུ་བྱོན་པ་ལེགས་སོ། །བཙུན་པ་མཽད་གལ་གྱི་བུ་གདན་བཤམས་པ་ཉིད་ལ་བཞུགས་ཤིག །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་བཅོམ་ལྡན་འདས་ཀྱིས་སྐབས་དབྱེ་བ་མཛད་པས་ཏིང་ངེ་འཛིན་འདི་ལྟ་བུ་ལ་སྙོམས་པར་ཞུགས་ཏེ། ཇི་ལྟར་ [78a.5]སེམས་མཉམ་པར་བཞག་ན་རང་གི་སྟན་ལས་མི་སྣང་བར་གྱུར་ཅིང་ཤར་ཕྱོགས་ཀྱི་སྟེང་གི་ནམ་མཁའ་ལ་མངོན་པར་འཕགས་ཏེ། སྤྱོད་ལམ་བཞི་པོ་འདི་ལྟ་སྟེ། འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དག་བྱེད་དོ། །མེའི་ཁམས་ལ་ཡང་སྙོམས་པར་འཇུག་སྟེ། [78a.6]ཚེ་དང་ལྡན་པ་མཽད་གལ་གྱི་བུ་ཆེན་པོ་མེའི་ཁམས་ལ་སྙོམས་པར་ཞུགས་པའི་ལུས་ལས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དག་དང་། སེར་པོ་དག་དང་། དམར་པོ་དག་དང་། དཀར་པོ་དག་དང་། བཙོད་ཀ་དག་དང་། ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་ངོ་། །ཆོ་འཕྲུལ་ [78a.7]ཟུང་དག་ཀྱང་རྣམ་པར་སྟོན་ཏེ། ལུས་ཀྱི་སྨད་ནས་མེ་འབར་ཞིང་ལུས་ཀྱི་སྟོད་ནས་ཆུ་གྲང་མོའི་རྒྱུན་འབབ་པར་བྱེད་དོ། །ལུས་ཀྱི་སྟོད་ནས་མེ་འབར་ཞིང་ལུས་ཀྱི་སྨད་ནས་ཆུ་གྲང་མོའི་རྒྱུན་འབབ་པར་བྱེད་དོ། །ཤར་ཕྱོགས་སུ་ཇི་ལྟ་བ་བཞིན་དུ་ལྷོ་དང་ནུབ་དང་། བྱང་ཕྱོགས་སུའང་ [78b] [78b.1]དེ་བཞིན་ཏེ། ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བཞི་བསྟན་ནས་རྫུ་འཕྲུལ་མངོན་པར་འདུ་བྱ་བ་དེ་ཕྱིར་བསྡུས་ཏེ་སྟན་བཤམས་པ་ཉིད་ལ་འདུག་གོ། །དེ་ནས་རྒྱལ་པོ་ཟས་གཙང་གིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་ [78b.2]མཽད་གལ་གྱི་བུ་ཆེན་པོ་བཅོམ་ལྡན་འདས་ཀྱི་ཉན་ཐོས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། གཞན་དག་ཀྱང་མཆིས་སམ། དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་དེའི་ཚེ་ཚིགས་སུ་བཅད་པ་སྨྲས་པ། ཐུབ་པའི་ཉན་ཐོས་མཐུ་ཆེ་བ། །གསུམ་རིག་སེམས་ཀྱི་ [78b.3]རྣམ་གྲངས་ཤེས། །ཟག་པ་ཟད་པར་གྱུར་པ་དང་། །དགྲ་རྣམས་བཅོམ་པ་མང་དུ་ཡོད། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བཅོམ་ལྡན་འདས་ཉག་གཅིག་རྫུ་འཕྲུལ་ཆེ་བ། མཐུ་ཆེ་བར་མ་ཟད་ཀྱི། འདི་ལྟར་ཉན་ཐོས་རྣམས་ལ་ཡང་རྫུ་འཕྲུལ་ཆེ་བ་མཐུ་ [78b.4]ཆེ་བ་དག་ཡོད་དོ་སྙམ་ནས། དེ་ན་རྒྱལ་པོ་ཟས་གཙང་གི་སེམས་ཀྱི་རྒྱུད་སྙོམས་པར་གྱུར་ཏོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་རྒྱལ་པོ་ཟས་གཙང་ཁྲིད་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་ [78b.5]འཚལ་ཏེ་མཐའ་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཟས་གཙང་གི་སེམས་ཐུགས་ཀྱིས་མཁྱེན་ཅིང་། བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས། འདི་ལྟར་རྒྱལ་པོ་ཟས་གཙང་གིས་སྟན་དེ་ཉིད་ལ་འདུག་ [78b.6]བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་མཛད་དོ། །དེས་བདེན་པ་མཐོང་ནས་གསོལ་པ། བཙུན་པ་བདག་གིས་དགེ་བའི་བཤེས་གཉེན་བཅོམ་ལྡན་འདས་ལ་ [78b.7]བརྟེན་ནས། བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་ [79a] [79a.1]གིས་ཀྱང་མ་བགྱིས། བྱམས་པ་དང་། མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ [79a.2]ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་དང་མི་རྣམས་ཀྱི་ནང་དུ་ནི་བཞག །འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ [79a.3]ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ནི་མངོན་པར་ཞུགས་པ་ལགས་སོ། །བཙུན་པ་བདག་ནི་མངོན་པར་ཞུགས་པ་ལགས་ཏེ། བཙུན་པ་བདག་བཅོམ་ལྡན་འདས་དང་། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆིས། [79a.4]བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །ཚིགས་སུ་བཅད་པ་ཡང་གསོལ་པ། བུ་ཕོ་བཟང་པོས་ཕ་ལ་ནི། །ལན་དུ་ཕན་གདགས་གང་བགྱི་བ། །དེ་ནི་ཁྱོད་ཀྱིས་བདག་ལ་བགྱིས། ། [79a.5]སེམས་ནི་མཐོ་རིས་གཞོལ་བར་གྱུར། །བུ་ཕོ་བཟང་པོས་ཕ་ལ་ནི། །ལན་དུ་ཕན་གདགས་གང་བགྱི་བ། །དེ་ནི་ཁྱོད་ཀྱིས་བདག་ལ་བགྱིས། །སེམས་ནི་ཐར་ལ་གཞོལ་བར་གྱུར། །ངན་སོང་དག་ལས་ལེགས་ཕྱུང་ཞིང་། །ཁྱོད་ཀྱིས་མཐོ་རིས་ཐར་པ་ལ། །རབ་ཏུ་འབད་ [79a.6]པས་བདག་བཞག་སྟེ། །ཁྱོད་ཀྱིས་དཀའ་བ་ལེགས་པར་མཛད། །ཚོང་པས་ཁེ་སྤོགས་རྙེད་པ་ལྟར། །མཐོ་རིས་རྙེད་པ་བདག་གིས་རྙེད། །དགེ་བའི་བཤེས་གཉེན་རྣམས་ལ་ནི། །ཉེ་བར་རྟེན་པ་བཟང་བ་ལགས། །དེ་ནས་རྒྱལ་པོ་ཟས་གཙང་གིས་བདེན་པ་མཐོང་ནས་ [79a.7]ཟས་དཀར་ལ་སྨྲས་པ། གཞོན་ནུ་ཁྱོད་ཀྱིས་རྒྱལ་སྲིད་བྱེད་དུ་ཆུག་ཤིག །ང་ནི་རྒྱལ་པོའི་དྲང་སྲོང་གིས་ཚངས་པར་སྤྱད་པ་སྤྱོད་དོ། །ལྷ་ཅིའི་སླད་དུ་རྒྱལ་སྲིད་བགྱིད་དུ་མི་སྩོལ། ངས་བདེན་པ་དག་མཐོང་ངོ་། །ལྷས་ནམ་གཟིགས། དེང་ཉིད་དོ། །ལྷས་དེང་ཉིད་གཟིགས་ [79b] [79b.1]ཀྱི་བདག་གིས་གང་གི་གདུགས་ལ་བཅོམ་ལྡན་འདས་འདིར་གཤེགས་པ་དེ་ཉིད་ཀྱི་གདུགས་ལ་བདེན་པ་དག་མཐོང་ལགས་སོ། །དེ་ནས་རྒྱལ་པོ་ཟས་གཙང་གིས་བྲེ་བོ་ཟས་དང་བདུད་རྩི་ཟས་ལ་སྨྲས་པ། གཞོན་ནུ་གཉིས་ཁྱེད་ཀྱིས་རྒྱལ་སྲིད་བྱེད་དུ་ཆུག་ཤིག །ང་ནི་ [79b.2]རྒྱལ་པོའི་དྲང་སྲོང་གིས་ཚངས་པར་སྤྱད་པ་སྤྱོད་དོ། །ཅིའི་སླད་དུ་རྒྱལ་སྲིད་བགྱིད་དུ་མི་སྩོལ། ངས་བདེན་པ་མཐོང་ངོ་། །ལྷས་ནམ་གཟིགས། དེང་ཉིད་དོ། །ལྷས་དེང་ཉིད་གཟིགས་ཀྱི་བདག་ཅག་གིས་ཆེས་སྔར་མཐོང་ལགས་སོ། །རྒྱལ་པོས་སྨྲས་པ། གཞོན་ནུ་ [79b.3]རྣམས་ཀྱི་བུ་ཐུ་བོ་གང་ཡིན། གཞོན་ནུ་བཟང་ལྡན་ལགས་སོ། །རྒྱལ་པོ་ཟས་གཙང་གིས་གཞོན་ནུ་བཟང་ལྡན་ཤཱཀྱའི་རྒྱལ་པོར་དབང་བསྐུར་རོ། །དེའི་ཚེ་ན་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ། ཉིན་གཅིག་མི་ཆད་པར་རྒྱལ་པོའི་ཕོ་བྲང་དུ་གདུགས་ [79b.4]ཚོད་གསོལ་བ་དང་། རྒྱལ་པོ་ཟས་གཙང་གིས་རལ་པ་ཅན་ལས་རབ་ཏུ་བྱུང་བ་དཀའ་ཐུབ་ཀྱིས་ལུས་མི་སྡུག་པར་སྣང་བ་དག་མཐོང་ངོ་། །མཐོང་ནས་ཀྱང་དེ་འདི་སྙམ་དུ་སེམས་ཏེ། བདག་ཉིད་ཆེན་པོ་འདི་དག་སེམས་ནི་བཟང་བ་ཡིན་ན་ལུས་མི་བཟང་སྟེ། དཀའ་ཐུབ་ [79b.5]དྲག་པོ་དག་གིས་ལུས་མི་སྡུག་པར་སྣང་བ་དག་ཡིན་ནོ། །བཅོམ་ལྡན་འདས་ཀྱི་འཁོར་ནི་བཅོམ་ལྡན་འདས་ཉིད་ཅི་འདྲ་བར་འཁོར་ཡང་དེ་འདྲ་བ་ཉིད་དུ་གྱུར་ན་དེ་ལྟ་ན་བཅོམ་ལྡན་འདས་མཛེས་པར་འགྱུར་རོ་སྙམ་མོ། །དེ་ནས་རྒྱལ་པོ་ཟས་གཙང་གིས་ཤཱཀྱ་རྣམས་བསྡུས་ཏེ་ [79b.6]སྨྲས་པ། ཤེས་ལྡན་དག་གལ་ཏེ་གཞོན་ནུ་དོན་ཐམས་ཅད་གྲུབ་པ་རབ་ཏུ་མ་བྱུང་བར་གྱུར་ན་ཅིར་འགྱུར། ལྷ་འཁོར་ལོས་སྒྱུར་བའི་རྒྱལ་པོར་འགྱུར་རོ། །ཁྱེད་ཀྱི་བུ་དག་ཅིར་འགྱུར། ལྷ་ཞབས་འབྲིང་བར་འགྱུར་རོ། །འོ་ན་ད་གཞོན་ནུ་དོན་ཐམས་ཅད་གྲུབ་པས་བདུད་རྩི་ཐུགས་ [79b.7]སུ་ཆུད་དེ། བདུད་རྩིས་འགྲོ་བ་ཚིམ་པར་མཛད་ན་ཁྱེད་ཀྱི་བུ་དག་ཅིའི་ཕྱིར་ཞབས་འབྲིང་མི་བྱེད། ལྷ་ཅི་ལགས་དེ་དག་རབ་ཏུ་དབྱུང་ངམ། རབ་ཏུ་ཕྱུང་ཤིག །ལྷ་ཤཱཀྱའི་རིགས་རྒྱུན་ཆད་པར་འགྱུར་རོ། །རྒྱལ་པོས་སྨྲས་པ། ཁྱིམ་རེ་རེ་ནས་རེ་རེ་རབ་ཏུ་ཕྱུང་ཤིག །ལྷས་བཀའ་ [80a] [80a.1]སྩལ་པ་བཞིན་འཚལ་ལོ། །རྒྱལ་པོ་ཟས་གཙང་གིས་ཤཱཀྱ་གཞོན་ནུ་རྣམས་ཀྱིས་ཁྱིམ་རེ་རེ་ནས་རེ་རེ་རབ་ཏུ་དབྱུང་བར་བྱའོ་ཞེས་དྲིལ་བསྒྲགས་པ་བྱས་སོ། །གང་གི་ཚེ་རྒྱལ་པོ་ཟས་གཙང་གིས་དྲིལ་བསྒྲགས་པ་དེའི་ཚེ་ན་བཟང་ལྡན་དང་མ་འགགས་ [80a.2]པ་དང་། ནམ་གྲུ་ལ་སོགས་པ་ཤཱཀྱའི་གཞོན་ནུ་ལྔ་བརྒྱ་རབ་ཏུ་བྱུང་ངོ་། །གང་གི་ཚེ་བཅོམ་ལྡན་འདས་ཀྱིས་ཤཱཀྱ་གཞོན་ནུ་ལྔ་བརྒྱ་རབ་ཏུ་ཕྱུང་བ་དེའི་ཚེ་ན་བཅོམ་ལྡན་འདས་ཀྱིས་འདི་ལྟ་སྟེ། རིགས་མཐོན་པོ་ལས་རབ་ཏུ་བྱུང་བ་ནི་རྙེད་པའི་ཕྱིར་དང་ཉེ་བ་ཡིན་ནོ། །ཞེས་ [80a.3]གསུངས་པས་དེ་དག་ལས་རྙེད་པ་དང་བཀུར་སྟི་ཆེན་པོ་བྱུང་བར་གྱུར་ཏོ། །བཅོམ་ལྡན་འདས་ཀྱིས་དགོངས་པ། རིགས་ཀྱི་བུ་འདི་དག་གཞན་གྱི་ཕྱིར་ཁོ་ནར་རབ་ཏུ་བྱུང་བ་ཡིན་ན། གཞན་ཁོ་ན་ལ་ཆགས་སོ་སྙམ་དུ་དགོངས་ནས། དེ་ནས་བཅོམ་ལྡན་འདས་དེ་དག་ལས་ [80a.4]རྙེད་པ་དང་བཀུར་སྟི་བྱུང་བ་གཅད་པར་བཞེད་ནས་སེར་སྐྱའི་གནས་སུ་ཅི་དགྱེས་པར་བཞུགས་ནས་མཉན་ཡོད་ག་ལ་བ་དེར་གཤེགས་ཏེ། མཐར་གྱིས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ནས། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་ [80a.5]བ་ན་བཞུགས་སོ།། །།འདུལ་བ་རྣམ་པར་འབྱེད་པ། བམ་པོ་ཉི་ཤུ་བརྒྱད་པ། དེ་ནས་ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། མཐར་གྱིས་མཉན་ཡོད་ན་ [80a.6]བསོད་སྙོམས་ལ་རྒྱུ་བ་ན། ཁྱིམ་བདག་གི་ཆུང་མ་སྦེད་མའི་ཁྱིམ་ག་ལ་བ་དེར་སོང་ངོ་། །ཁྱིམ་བདག་གི་ཆུང་མ་སྦེད་མས་ཚེ་དང་ལྡན་པ་འཆར་ཀ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་བྲང་བརྡུངས་ཏེ་སྨྲས་པ། འཆར་ཀ་ཅིའི་སླད་དུ་ཁྱོད་ཀྱིས་བདག་སྤངས་ [80a.7]ཏེ་རབ་ཏུ་བྱུང་། འཆར་ཀས་སྨྲས་པ། བྱང་ཆུབ་སེམས་དཔས་བཙུན་མོ་གྲགས་འཛིན་མ་དང་། ས་འཚོ་མ་དང་། {རི་དགས་,རི་དྭགས་}སྐྱེས་ལ་སོགས་པ་བུད་མེད་དྲུག་ཁྲི་སྤངས་ཏེ་རབ་ཏུ་བྱུང་བ་ནི་ཤིན་ཏུ་དཀའ་བ་ཡིན་གྱི་རྡུལ་གྱི་རྫབ་འདྲ་བ་ཁྱོད་ལ་མི་བྲ་བ་ཅི་ཡོད། འཆར་ཀ་བདག་ [80b] [80b.1]ཀྱང་རབ་ཏུ་འབྱུང་ངོ་། །དེ་ལྟར་གྱིས་ཤིག །ཁྱིམ་གྱི་བྱ་བ་ལེགས་པར་བསྡུ་བར་བགྱིའོ། །འཆར་ཀ་དེ་དེར་དུས་དང་མཐུན་པའི་དུས་སུ་འོང་ཞིང་སྨྲས་པ། སྦེད་མ་རབ་ཏུ་མི་འབྱུང་ངམ། སྦེད་མས་སྨྲས་པ། ད་དུང་ཁྱིམ་གྱི་བྱ་བ་ལེགས་པར་མ་བསྡུས་སོ། །སྦེད་མ་དུས་ [80b.2]དེ་ཙམ་གྱིས་ཀོ་ས་ལར་བྱུང་བའི་ཁྱིམ་གྱི་བྱ་བ་ཡང་ལེགས་པར་བསྡུས་པར་འགྱུར་རོ། །འཆར་ཀ་དེང་ལེགས་པར་བསྡུས་ཏེ་སང་རབ་ཏུ་འབྱུང་ངོ་། །འཆར་ཀ་འདི་སྙམ་དུ་སྔོན་ཡང་བདག་ལྷུང་བཟེད་ནག་པོ་ཅན་རྣམས་ཀྱིས་ཟིལ་གྱིས་མནན་པར་གྱུར་པས་གལ་ཏེ་བདག་ [80b.3]གིས་དགེ་སློང་མ་རབ་ཏུ་ཕྱུང་བར་གྱུར་ན་དྲུག་སྡེ་དག་གིས་དགེ་སློང་མ་རབ་ཏུ་ཕྱུང་ངོ་ཞེས་རྒྱ་ཆེར་ཟིལ་གྱིས་གནོན་པར་འགྱུར་རོ་སྙམ་དུ་འགྱོད་པ་སྐྱེས་ནས། དེ་ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ག་ལ་བ་དེར་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་རྒྱལ་པོའི་ཁབ་ [80b.4]ཏུ་ཕྱིན་ནས་དེ་རྒྱལ་པོའི་ཁབ་ཏུ་དབྱར་གནས་པར་ཁས་བླངས་ཏེ་འདུག་གོ། །སྦེད་མ་ཡང་ཕྱི་དེ་ཉིན་པར་ཁྱིམ་གྱི་བྱ་བ་ལེགས་པར་བསྡུས་ཏེ་རྒྱལ་བྱེད་ཀྱི་ཚལ་དུ་འོངས་ནས་དེ་དགེ་སློང་རྣམས་ཀྱི་གན་དུ་སོང་སྟེ་དྲིས་པ། འཕགས་པ་དག་དེ་གར་མཆིས། དེ་སུ་ཡིན། འཕགས་ [80b.5]པ་འཆར་ཀའོ། །དེ་རྒྱལ་པོའི་ཁབ་ཏུ་སོང་ངོ་། །སྦེད་མས་ངུ་བར་བརྩམས་པ་དང་། དགེ་སློང་རྣམས་ཀྱིས་སྨྲས་པ། སྦེད་མ་ཅིའི་ཕྱིར་ངུ་། འཕགས་པ་འཆར་ཀའི་མཆིད་ནས་ཁྱིམ་གྱི་བྱ་བ་ལེགས་པར་བསྡུས་ལ་མཆི་ཤིག་དང་། བདག་གིས་རབ་ཏུ་དབྱུང་ངོ་ཞེས་ [80b.6]མཆི་ནས་བདག་གིས་ཁྱིམ་གྱི་བྱ་བ་ལེགས་པར་བསྡུས་ཏེ་མཆིས་ན་དེ་རྒྱལ་པོའི་ཁབ་ཏུ་མཆིས་པས་ད་ནི་བདག་ཁྱིམ་ན་གནས་པ་ཡང་མ་ལགས་ལ། རབ་ཏུ་བྱུང་བ་ཡང་མ་ལགས་སོ། །དགེ་སློང་རྣམས་ཀྱིས་དེ་ལ་སྨྲས་པ། སྦེད་མ་འཆར་ཀ་སྤུ་གྲིའི་ཕྱིར་རྒྱལ་པོའི་ཁབ་ [80b.7]ཏུ་སོང་བས་སྤུ་གྲི་སར་པས་ཁྱོད་ཀྱི་སྐྲ་འདྲེག་པར་འགྱུར་རོ། །དགེ་སློང་མ་གསོ་སྦྱོང་འབུལ་བ་དག་རྒྱལ་བྱེད་ཀྱི་ཚལ་དུ་ལྷགས་ནས་དེ་དག་གིས་སྦེད་མ་ངུ་བ་མཐོང་ནས་སྨྲས་པ། སྦེད་མ་ཅིའི་ཕྱིར་ངུ་། འཕགས་པ་འཆར་ཀའི་མཆིད་ནས་ཁྱིམ་གྱི་བྱ་བ་ལེགས་པར་ [81a] [81a.1]བསྡུས་ལ་མཆི་ཤིག་དང་། བདག་གིས་རབ་ཏུ་དབྱུང་ངོ་ཞེས་མཆི་ནས་བདག་གིས་ཁྱིམ་གྱི་བྱ་བ་ལེགས་པར་བསྡུས་ཏེ་མཆིས་ན། དེ་རྒྱལ་པོའི་ཁབ་ཏུ་མཆིས་པས་ད་ནི་བདག་ཁྱིམ་ན་གནས་པ་ཡང་མ་ལགས་ལ་རབ་ཏུ་བྱུང་བ་ཡང་མ་ལགས་སོ། །གཡེངས་ [81a.2]མ་དགེ་སློང་དག་སུ་ཞིག་དགེ་སློང་མ་རབ་ཏུ་འབྱིན་པར་བྱེད། འདི་ལྟར་དགེ་སློང་མ་རྣམས་ཀྱིས་དགེ་སློང་མ་རབ་ཏུ་འབྱིན་པར་བྱེད་ཀྱིས་ཚུར་ཤོག །འཕགས་མ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཁྱོད་རབ་ཏུ་འབྱིན་པར་འགྱུར་རོ། །དེ་དག་གིས་དེ་སྐྱེ་དགུའི་བདག་མོ་ཆེན་ [81a.3]མོ་གཽ་ཏ་མཱིའི་གན་དུ་ཁྲིད་ནས་སྨྲས་པ། འཕགས་མ་ཁྱིམ་བདག་གི་མཆིས་འབྲང་སྦེད་མ་འདི་རབ་ཏུ་འབྱུང་བར་འཚལ་ལོ། །སྐྱེ་དགུའི་བདག་མོ་ཆེན་མོ་གཽ་ཏ་མཱིས་དེ་རབ་ཏུ་ཕྱུང་རྫོགས་པར་བསྙེན་པར་བྱས་སོ། །འཆར་ཀ་འདི་སྙམ་དུ་བདག་གིས་ལྷུང་བཟེད་ནག་པོ་ཅན་རྣམས་ [81a.4]རྗེས་སུ་སྲུང་བས་ཁྱིམ་བདག་གི་ཆུང་མ་སྦེད་མ་རབ་ཏུ་མ་ཕྱུང་བས་རྒྱ་ཅང་དང་། ལྕག་པོད་དང་། ཤུར་བུ་དང་། ཤུར་བུ་ཕྲེའུ་དག་གི་བར་ཆད་ཀྱང་བྱས་ལ། དེ་ཡང་ལྷུང་བཟེད་ནག་པོ་ཅན་འགའ་ཞིག་གིས་རབ་ཏུ་ཕྱུང་བར་གྱུར་ན་དེ་དང་ཕྲད་དུ་ཡང་མི་སྟེར་རོ་སྙམ་དུ་འགྱོད་པ་སྐྱེས་ [81a.5]ནས་དེ་མི་དགའ་བཞིན་དུ་དབྱར་གནས་པར་ཁས་བླངས་སོ། །མཉན་ཡོད་ན་རྒན་ཞུགས་ཤིག་མི་དགའ་བཞིན་དུ་དབྱར་གནས་པར་ཁས་བླངས་པ་དེས་ལྷུང་བཟེད་དང་ཆོས་གོས་མཆན་ཁུང་དུ་བཅུག་སྟེ་དགག་དབྱེ་བྱས་པ་ན་དགག་དབྱེ་ལེགས་པར་བྱས་སོ། །དགག་དབྱེ་ཤིན་ [81a.6]ཏུ་བྱས་སོ་ཞེས་དེ་རྒྱལ་པོའི་ཁབ་ག་ལ་བ་དེར་སོང་སྟེ། མཐར་གྱིས་རྒྱུ་ཞིང་འགྲོ་བ་ན་རྒྱལ་པོའི་ཁབ་ཏུ་ཕྱིན་པ་དང་། ཚེ་དང་ལྡན་པ་འཆར་ཀ་གཙུག་ལག་ཁང་གི་སྒོ་ན་ལམ་ལ་རྣམ་པར་ལྟ་ཞིང་འདུག་པ་དེས་ཐག་རིང་པོ་ཁོ་ན་ནས་རྒན་ཞུགས་མགོ་སྤྲ་བའི་མེ་ཏོག་ལྟར་སྐྱ་བ། [81a.7]སྨིན་མ་འཕྱང་བ་ཞིག་འོང་བ་དེ་མཐོང་ནས་འཆར་ཀས་བསམས་པ། དགེ་སློང་འོང་བ་འདི་གནས་བརྟན་གང་ཡིན་པ་སུའོ་སྙམ་ནས། དེས་སྨྲས་པ། གནས་བརྟན་བྱོན་པ་ལེགས་སོ། །བྱོན་པ་ལེགས་སོ་ཕྱག་འཚལ་ལོ། །དེས་སྨྲས་པ། སློབ་དཔོན་ཕྱག་འཚལ་ལོ། ། [81b] [81b.1]འཆར་ཀས་འདི་ནི་རྒན་ཞུགས་ཤིག་སྟེ། སློབ་དཔོན་ཡང་མི་ཤེས། མཁན་པོ་ཡང་མི་ཤེས་པ་ཞིག་གོ་སྙམ་དུ་ཤེས་ནས་འཆར་ཀས་དེ་གཙུག་ལག་ཁང་དུ་འཇུག་ཏུ་བཅུག་སྟེ་སྨྲས་པ། རྒན་ཞུགས་ཁྱོད་ག་ལས་འོངས། དེས་སྨྲས་པ། མཉན་ཡོད་ནས་སོ། །འཆར་ [81b.2]ཀས་བསམས་པ། གལ་ཏེ་དང་པོ་ཁོ་ནར་སྦེད་མའི་གཏམ་དྲིས་ན་འཕྱ་བར་འགྱུར་བས་འདི་ལྟར་སྔ་ཕྱིར་བྱས་ཏེ་དྲི་བར་བྱའོ་སྙམ་ནས་སྨྲས་པ། ཚེ་དང་ལྡན་པ་ཇི་ལྟ་བཅོམ་ལྡན་འདས་གནོད་པ་ཆུང་བ་དང་། ཉམ་ང་བ་ཆུང་བ་དང་། བདེ་བ་དང་། སྙུན་མི་མངའ་བ་དང་། [81b.3]སྟོབས་དང་ལྡན་པར་མཉན་ཡོད་དུ་དབྱར་གནས་པར་ཞལ་གྱིས་བཞེས་སམ། བཙུན་པ་འཆར་ཀ་དེ་བཞིན་ཏེ། བཅོམ་ལྡན་འདས་གནོད་པ་ཆུང་བ་དང་། ཉམ་ང་བ་ཆུང་བ་དང་། བདེ་བ་དང་། སྙུན་མི་མངའ་བ་དང་། སྟོབས་དང་ལྡན་པར་མཉན་ཡོད་དུ་དབྱར་གནས་ [81b.4]པར་ཞལ་གྱིས་བཞེས་སོ། །ཚེ་དང་ལྡན་པ་ཇི་ལྟ་དགེ་སློང་གི་དགེ་འདུན་དང་། དགེ་སློང་མའི་དགེ་འདུན་དང་། དགེ་བསྙེན་གྱི་འཁོར་དང་། དགེ་བསྙེན་མའི་འཁོར་གནོད་པ་ཆུང་བ་དང་། ཉམ་ང་བ་ཆུང་བ་དང་། བདེ་བ་དང་། ནད་མེད་པ་དང་། སྟོབས་དང་ལྡན་པར་ [81b.5]མཉན་ཡོད་ན་གནས་སམ། སྟོན་པ་ལ་ལྟ་བར་འདོད་དམ། དམ་པའི་ཆོས་ཉན་པར་འདོད་དམ། བཙུན་པ་འཆར་ཀ་དེ་བཞིན་ཏེ། དགེ་སློང་གི་དགེ་འདུན་དང་། དགེ་སློང་མའི་དགེ་འདུན་དང་། དགེ་བསྙེན་གྱི་འཁོར་དང་། དགེ་བསྙེན་མའི་འཁོར་གནོད་པ་ཆུང་བ་དང་། [81b.6]ཉམ་ང་བ་ཆུང་བ་དང་། བདེ་བ་དང་། ནད་མེད་པ་དང་། སྟོབས་དང་ལྡན་པར་མཉན་ཡོད་ན་གནས་ཤིང་། སྟོན་པ་ལ་བལྟ་བར་འདོད་པ་དང་། དམ་པའི་ཆོས་ཉན་པར་འདོད་དོ། །ཚེ་དང་ལྡན་པ་ཇི་ལྟ་གནས་བརྟན་ཀུན་ཤེས་ཀཽ་ཎྜི་ནྱ་དང་། གནས་བརྟན་འོད་སྲུང་ཆེན་ [81b.7]པོ་དང་། གནས་བརྟན་ཤཱ་རིའི་བུ་དང་། གནས་བརྟན་མཽད་གལ་གྱི་བུ་ཆེན་པོ་དང་། གཞན་ཡང་དགེ་སློང་གནས་བརྟན་གནས་བརྟན་དག་གནོད་པ་ཆུང་བ་དང་། ཉམ་ང་བ་ཆུང་བ་དང་། བདེ་བ་དང་། ནད་མེད་པ་དང་། སྟོབས་དང་ལྡན་པར་མཉན་ཡོད་ན་གནས་ [82a] [82a.1]སམ། བཙུན་པ་འཆར་ཀ་དེ་བཞིན་ཏེ། གནོད་པ་ཆུང་བ་དང་། ཉམ་ང་བ་ཆུང་བ་དང་། བདེ་བ་དང་། ནད་མེད་པ་དང་། སྟོབས་དང་ལྡན་པར་མཉན་ཡོད་ན་གནས་སོ། །ཚེ་དང་ལྡན་པ་ཇི་ལྟ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང་། བླ་མཁྱེན་དྲང་ [82a.2]སྲོང་བྱིན་དང་། རྙིང་པ་དང་། ཁྱིམ་བདག་གི་ཆུང་མ་{རི་དགས་,རི་དྭགས་}འཛིན་གྱི་མ་ས་ག་དང་། ལེགས་སྐྱེས་དག་ཤེས་སམ། བཙུན་པ་འཆར་ཀ་དེ་བཞིན་ཏེ་ཤེས་སོ། །ཚེ་དང་ལྡན་པ་འོ་ན་ཁྱོད་ཀྱིས་ཁྱིམ་བདག་གི་ཆུང་མ་སྦེད་མ་ཤེས་སམ། བཙུན་པ་འཆར་ཀ་ཤེས་ཏེ་དེ་ནི་ [82a.3]བཙུན་པ་འཆར་ཀའི་སྔོན་གྱི་ཆུང་མ་ཡིན་ནོ། །རྒན་ཞུགས་གཏམ་ཤེས་སོ། །དེ་ད་དུང་ཡང་ཁྱོད་ཀྱི་ཁྱིམ་བདག་གི་ཆུང་མ་ཡིན་སྙམ་མམ། དེ་ནི་རབ་ཏུ་བྱུང་ངོ་། །སུས་རབ་ཏུ་ཕྱུང་། སྐྱེ་དགུའི་བདག་མོ་ཆེན་མོ་གཽ་ཏ་མཱིས་སོ། །འཆར་ཀས་བསམས་པ། ད་དུང་ [82a.4]སྤྱོད་ཡུལ་ལྷག་མ་དང་བཅས་པ་ཡིན་ནོ་སྙམ་ནས་སྨྲས་པ། རྒན་ཞུགས་ཚུར་ཤོག །རྐང་པ་དག་ཁྲུས་ཤིག་ཅེས་དེས་དེ་ལ་རྐང་པ་བསྐུ་བ་དང་། ལག་པ་བསྐུ་བ་མང་པོ་བྱིན་ནས་དེས་དེའི་ལྷུང་བཟེད་དང་ཆོས་གོས་ཡ་གད་བཙུགས་ཏེ་ཟུང་མཐོན་པོ་ལ་བཞག་ནས་སྨྲས་པ། [82a.5]རྒན་ཞུགས་གཙུག་ལག་ཁང་འདི་ནི་ཟས་དང་བཅས་པ། རྙེད་པ་དང་བཅས་པ་ཡིན་གྱིས་གཙུག་ལག་ཁང་འདིར་མངོན་པར་དགའ་བར་གྱིས་ཤིག །དེས་སྨྲས་པ། བཙུན་པ་འཆར་ཀ་བདག་ནི་མཆོད་རྟེན་ལ་ཕྱག་འཚལ་དུ་འོངས་ཏེ་འགྲོ་བ་ཡིན་པས་བདག་གནས་འདི་མི་ [82a.6]འདོད་དོ། །འཆར་ཀས་དེའི་མདུན་དུ་སྒོ་ལྕགས་དང་ལྡེ་མིག་ཀྱོག་པོ་དག་བཞག་སྟེ་འདི་སྐད་ཅེས་ཚེ་དང་ལྡན་པ་བཅོམ་ལྡན་འདས་ཀྱིས་དགེ་སློང་གིས་གཙུག་ལག་ཁང་གནས་པ་དང་བཅས་པར་བྱའི་མི་གནས་པར་མི་བྱའོ་ཞེས་བཀའ་སྩལ་ཏོ་ཞེས་སྨྲས་ནས་མིག་ལམ་དུ་མི་སྣང་ [82a.7]བར་སོང་སྟེ། དེ་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ནས་འཆར་ཀས་རང་གི་གཙུག་ལག་ཁང་ཆག་ཆག་བཏབ། ལེགས་པར་བྱུགས། ལྕི་བ་སར་པའི་བྱུག་པས་བྱུགས་ཏེ་སྒོ་བཅད་ནས་ཁྲིའི་སྟེང་ན་ཕྱི་གན་དུ་ཉལ་ཞིང་སྐད་ཀྱི་གདངས་ཀྱིས་ཁ་ཏོན་བྱེད་ཅིང་འདུག་གོ། ། [82b] [82b.1]དགེ་སློང་མ་འདུན་པ་འབུལ་བ་དག་ལྷགས་ནས་དེ་དག་གིས་དེའི་སྐད་ཀྱི་གདངས་ཐོས་ནས་དེ་དག་གིས་དེ་ལ་ཕྱག་འཚལ་ཏེ་སྨྲས་པ། འཕགས་པ་འཆར་ཀ་ཁྱོད་གར་བཞུད་བཞུད། འཆར་ཀས་སྨྲས་པ། རྒྱལ་པོའི་ཁབ་ཏུའོ། །དེ་དག་དབྱར་ཁང་དུ་དོང་ནས་སྦེད་མ་ལ་སྨྲས་པ། སྦེད་ [82b.2]མ་དགའ་བ་སྐྱེད་ཅིག །ཁྱོད་ཀྱི་སློབ་དཔོན་འོངས་སོ། །ཁོ་མོའི་སློབ་དཔོན་གང་། འཆར་ཀའོ། །དེ་ཇི་ལྟར་ཁོ་མོའི་སློབ་དཔོན། ཅི་ཁོ་མོས་དེའི་གན་ནས་བཀླགས་སམ། གཡེངས་མ་ཁྱོད་ཀྱིས་མི་ཤེས་ཀྱིས་དགེ་སློང་མ་རྣམས་ནི་དགེ་སློང་ལ་རག་མང་དུ་ལས་ཀྱིས་ཁྱོད་སོང་ [82b.3]ལ་ལྟོས་ཤིག །སྦེད་མས་ནས་ཀྱི་ངར་ཕྱེ་དང་ཁྲུས་ཀྱི་ཆལ་དང་། འབྲུ་མར་ཐོགས་ཏེ་འཆར་ཀའི་གཙུག་ལག་ཁང་དུ་སོང་ནས་སྦེད་མས་འཆར་ཀའི་གཙུག་ལག་ཁང་གི་སྒོ་བརྡུངས་པ་དང་། འཆར་ཀས་སྨྲས་པ། དེ་སུ་ཡིན། སྦེད་མས་སྨྲས་པ། བདག་སྦེད་མའོ། །ཁྱིམ་ [82b.4]བདག་གི་ཆུང་མ་སྦེད་མ་འོངས་པ་ལེགས་སོ། །བདག་ད་དུང་ཡང་ཁྱོད་ཀྱི་ཁྱིམ་བདག་གི་ཆུང་མ་ལགས་སམ། འོ་ན་ཅི་ཡིན། བདག་རབ་ཏུ་བྱུང་ངོ་། །ཁྱོད་སུས་རབ་ཏུ་ཕྱུང་། འཕགས་མ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་སོ། །ཁོ་བོ་རེ་ཞིག་བྱ་བ་དེ་ལྟ་བུ་ཞིག་བྱུང་ནས་ [82b.5]དེའི་ཕྱིར་ཁོ་བོ་རྒྱལ་པོའི་ཁབ་ཏུ་སོང་ན་ཁྱོད་ལ་བརྟད་པ་ཅི་བྱུང་ན་དེའི་ཕྱིར་ཁྱོད་རབ་ཏུ་བྱུང་། ཁྱོད་ཀྱི་ཞལ་ནས་ཁྱིམ་གྱི་བྱ་བ་ལེགས་པར་བསྡུས་ལ་ཤོག་ཤིག་དང་། ཁོ་བོས་ཁྱོད་རབ་ཏུ་དབྱུང་ངོ་ཞེས་གསུངས་ནས། བདག་གིས་ཁྱིམ་གྱི་བྱ་བ་ལེགས་པར་བསྡུས་ཏེ་མཆིས་ན་ [82b.6]ཁྱོད་རྒྱལ་པོའི་ཁབ་ཏུ་བཞུད་དེ། གལ་ཏེ་བདག་འཕགས་མས་རབ་ཏུ་མ་ཕྱུང་དུ་ལགས་ན་བདག་ཁྱིམ་ན་གནས་པ་ཡང་མ་ལགས་ལ་རབ་ཏུ་བྱུང་བ་ཡང་མ་ལགས་པར་འགྱུར་རོ། །འཆར་ཀས་སྨྲས་པ། སྦེད་མས་ཅི་ཁོ་བོ་བདག་ཉིད་ཀྱི་ལག་ངར་ལ་སོས་འདེབས་པར་ [82b.7]བྱེད་དམ། སྐྱེ་དགུའི་བདག་མོ་ཆེན་མོ་གཽ་ཏ་མཱིས་རབ་ཏུ་ཕྱུང་ཡང་རུང་། ཁོ་བོས་རབ་ཏུ་ཕྱུང་ཡང་རུང་སྟེ་ལེགས་ཀྱིས་ནང་དུ་ཞུགས་ཤིག་དང་ཆོས་བསྟན་པར་བྱའོ། །སྦེད་མས་འཆར་ཀའི་རྐང་པ་གཉིས་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འདུག་གོ། །དེས་དེ་ [83a] [83a.1]ལ་ཆོས་བསྟན་པར་བརྩམས་ཏེ། དེས་དེ་ལ་ཇི་ཙམ་པ་དེ་ཙམ་དུ་ཆོས་བསྟན་ནས་སྔོན་གྱི་བགད་པ་དང་། དགའ་བར་བྱས་པ་དང་། རྩེས་པ་དང་། དགའ་མགུར་སྤྱད་པ་དྲན་པར་བྱ་བར་བརྩམས་ཏེ། སྦེད་མ་བདག་ཅག་གཉིས་ཀྱིས་སྐྱེད་མོས་ཚལ་དང་། [83a.2]འདུན་ས་དང་། ལྷའི་གནས་ག་གེ་མོ་ཞིག་ཏུ་ཟས་འདི་དང་འདི་ལྟ་བུ་ཟོས་པ་དང་། བཅའ་བ་འདི་དང་འདི་ལྟ་བུ་འཆོས་པ་དང་། བཏུང་བ་འདི་དང་འདི་ལྟ་བུ་འཐུངས་པ་གང་ཡིན་པ་དེ་དྲན་ནམ་ཞེས་སྨྲས་པ་དང་འཆར་ཀ་ཀུན་དུ་ཆགས་པར་གྱུར་ཏོ། །ཇི་ལྟ་ཇི་ལྟར་ [83a.3]ཆགས་པར་གྱུར་པ་དེ་ལྟ་དེ་ལྟར་དྲལ་ཏོ། །བུད་མེད་ཀྱི་ཡུལ་མཁས་པའི་རང་བཞིན་ཅན་ལ་ལ་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་གྱུར་པ་ཤེས་ཤིང་ཆགས་པ་དང་བྲལ་བ་ཤེས་པ་དང་། དུས་ཤེས་ཤིང་ཟླ་མཚན་ཤེས་པ་དང་། [83a.4]མངལ་ན་གནས་པ་ཞུགས་པ་ཤེས་པ་དང་། གང་ལས་མངལ་ན་གནས་པ་ཞུགས་པ་དེ་ཤེས་པ་དང་། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན་དཀུ་གཡས་པར་བརྟེན་ཅིང་འདུག་ལ། གལ་ཏེ་བུ་མོ་ཡིན་ན་དཀུ་གཡོན་པར་བརྟེན་ཅིང་འདུག་པའོ། །སྦེད་ [83a.5]མ་དེས་འཆར་ཀ་དེ་ཆགས་སོ་སྙམ་དུ་ཤེས་ནས་སྦེད་མས་སྨྲས་པ། སླད་རོལ་དུ་མཆིས་ཏེ་སླར་མཆིའོ། །འཆར་ཀས་བསམས་པ། འདི་བཤང་བ་བྱེད་འདོད་དམ། གཅི་བ་བྱེད་འདོད་གོར་མ་ཆག་སྙམ་ནས་དེས་སྨྲས་པ། སོང་ཤིག །སྦེད་མ་ཕྱིར་བྱུང་ནས་ཤིང་ [83a.6]དཔུང་བཅད་བརྫེས་ཏེ་རྒྱུག་པར་བརྩམས་པ་དང་། འཆར་ཀ་དེ་སྒྲ་ལ་མཁས་པ་ཡིན་པས་དེས་དེའི་སྒྲ་ཐོས་ནས་དེས་དེའི་ཕྱི་བཞིན་དུ་བྱུང་སྟེ། དགེ་སྦྱོང་མ་མགོ་རེག་མོ་གར་འབྲོས་ཞེས་དེ་དེའི་ཕྱི་བཞིན་རྒྱུག་པར་བརྩམས་པ་དང་། དེ་ལ་བརླའི་རེག་པས་ཁུ་བ་བྱུང་ནས་དེ་ཀུན་ [83a.7]ནས་དཀྲིས་པ་དང་བྲལ་ཏེ་གླང་པོ་ཆེ་ཆགས་པ་དང་བྲལ་བ་བཞིན་དུ་གཞི་དེ་དག་ཉིད་ན་འདུག་གོ། །སྦེད་མས་དེ་ཀུན་ནས་དཀྲིས་པ་དང་བྲལ་ཞིང་ཕྱིར་ལོག་པ་མཐོང་ནས་འདི་ཀུན་ནས་དཀྲིས་པ་དང་བྲལ་ལོ་སྙམ་དུ་རིག་ནས་དྲུང་དུ་སོང་སྟེ་ཚེ་དང་ལྡན་པ་འཆར་ཀ་ལ་འདི་སྐད་ཅེས་ [83b] [83b.1]སྨྲས་སོ། །འཕགས་པ་གལ་ཏེ་བདག་གིས་དང་དུ་བླངས་པར་གྱུར་ན་བདག་ཀྱང་དགེ་སློང་མར་མི་རུང་བ་ཉིད་དུ་འགྱུར་ལ། ཁྱོད་ཀྱང་དགེ་སློང་དུ་མི་རུང་བ་ཉིད་དུ་འགྱུར་རོ། །སྲིང་མོ་བཅོམ་ལྡན་འདས་ཀྱིས་ཀྱང་བདག་ཉིད་སྲུང་ན་གཞན་སྲུང་བར་བྱེད་ལ། གཞན་སྲུང་ན་ [83b.2]བདག་ཉིད་སྲུང་བར་བྱེད་དོ་ཞེས་ལེགས་པར་གསུངས་སོ། །ཇི་ལྟར་བདག་ཉིད་སྲུང་ན་གཞན་སྲུང་བར་བྱེད་ཅེ་ན། སྟེན་པར་བྱེད་པ་དང་། གོམས་པར་བྱེད་པ་དང་། ལན་མང་དུ་བྱེད་པ་དང་། རྗེས་སུ་སྲུང་བར་བྱེད་པ་དང་། རེག་པར་བྱེད་པ་དང་། མངོན་སུམ་དུ་བྱེད་ [83b.3]པ་སྟེ། དེ་ལྟར་བདག་ཉིད་སྲུང་ན་གཞན་སྲུང་བར་བྱེད་དོ། །ཇི་ལྟར་གཞན་སྲུང་ན་བདག་ཉིད་སྲུང་བར་བྱེད་ཅེ་ན། ཐོ་མི་འཚམས་པ་དང་། མི་གཤེ་བ་དང་། མི་འཚེ་བ་དང་། རྗེས་སུ་བརྩེ་བ་དང་། རྗེས་སུ་སྙིང་བརྩེ་བ་དང་། བྱམས་པའི་སེམས་ཀྱིས་ཏེ། དེ་ལྟར་ [83b.4]གཞན་སྲུང་ན་བདག་ཉིད་སྲུང་བར་བྱེད་དོ། །འཕགས་པ་ཤམ་ཐབས་འདི་ཚུར་སྩོལ་བཀྲུ་བར་བགྱིའོ། །འཆར་ཀས་ཤམ་ཐབས་དེ་སྦེད་མ་ལ་བྱིན་ནོ། །སྦེད་མས་ཁུ་བ་དེ་མཐོང་ནས་འགྱོད་པ་སྐྱེས་ཏེ། བདག་གི་ལུས་ཀྱི་ཕྱོགས་བཙུན་པ་འཆར་ཀས་སྔོན་མ་མཐོང་བའམ་ [83b.5]སྔོན་མ་མནམས་པའམ། སྔོན་མ་བྱུགས་པ་ཅི་ཞིག་ཡོད་ན་བདག་གིས་དང་དུ་མ་བླངས་པ་ནི་མ་ལེགས་པ་ཞིག་བྱས་སོ་སྙམ་དུ་འགྱོད་པ་སྐྱེས་སོ། །སྦེད་མ་དེ་ལྟར་རྣམ་པར་རྟོག་པ་ན་དེ་ཀུན་དུ་ཆགས་ཤིང་དྲལ་བར་གྱུར་པའི་སེམས་ཀྱིས་ཁུ་བ་དེ་རང་གི་མངལ་གྱི་སྒོར་ [83b.6]བླུགས་སོ། །སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པས་དེ་ལ་སེམས་ཅན་ཞུགས་པར་གྱུར་ཏོ། །དེ་དགེ་སློང་མ་རྣམས་ཀྱིས་མཐོང་ནས་སྨྲས་པ། སྦེད་མ་ཁོ་མོ་ཅག་གོ་ཁྱོད་ཆོས་བཟང་པོའི་ཆོས་ཀྱིས་འཕགས་པ་འཆར་ཀའི་གན་དུ་ [83b.7]འགྲོ་བར་སེམས་ཀྱི་ཁོ་མོ་ཅག་གིས་དེས་ཁྱོད་གནས་སྐབས་འདི་ལྟ་བུར་བྱས་པར་མི་སེམས་སོ། །སྦེད་མས་སྨྲས་པ། ཕུ་ནུ་མོ་དག་དགེ་སློང་དེ་ནི་ཚུལ་ཁྲིམས་དང་ལྡན་པ་ཡིན་ཏེ། གང་ཚུན་ཆད་རབ་ཏུ་བྱུང་ནས་དེས་ཁོ་མོ་ལ་སྔན་ཆད་ལན་འགའ་ཡང་ལག་གིས་ཀྱང་ [84a] [84a.1]མ་བྱུགས་སོ། །དེ་དག་གིས་སྨྲས་པ། མ་བྱུགས་ན་ཡང་དེས་ཁྱོད་གནས་སྐབས་འདི་འདྲ་བར་བྱས་ན། གལ་ཏེ་བྱུགས་ན་དེས་ཁྱོད་གནས་སྐབས་ཇི་ལྟ་བུར་བྱས་པར་འགྱུར་ཞེས་ཟེར་བའི་སྐབས་དེ་དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་ [84a.2]དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་དེ་ནི་ཕམ་པར་མ་གྱུར་གྱིས་འདི་ལྟར་ཕྱོགས་དབེན་པར་བཞག་སྟེ་བསོད་སྙོམས་ཀྱིས་བྲེལ་བ་མེད་པ་གྱིས་ཤིག་དང་། བུ་གཞོན་ནུ་ [84a.3]འོད་སྲུང་ཞེས་བྱ་བ་བཙའ་བར་འགྱུར་ཞིང་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་ཏེ་འདི་ལྟ་སྟེ། དགེ་སློང་གཞོན་ནུ་འོད་སྲུང་དེ་ནི་ངའི་གཏམ་སྣ་ཚོགས་དང་། གཏམ་སྙན་པ་དང་། སྤོབས་པ་དགེ་ [84a.4]བ་ཅན་རྣམས་ཀྱི་མཆོག་ཏུ་འགྱུར་རོ། །བཅོམ་ལྡན་འདས་ཀྱིས་དགོངས་པ། དགེ་སློང་རྣམས་ཀྱི་ཉེས་དམིགས་བྱུང་བ་གང་ཡིན་པ་དེ་ནི་དགེ་སློང་མ་ཉེ་དུ་མ་ཡིན་པ་ལ་གོས་རྙིང་པ་འཁྲུར་འཇུད་པ་ལས་གྱུར་པ་ཡིན་ནོ་སྙམ་དུ་དགོངས་ནས། དེ་ནས་བཅོམ་ལྡན་འདས་ [84a.5]ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ [84a.6]གོས་རྙིང་པ་འཁྲུར་འཇུད་དམ། འཚེད་དུ་འཇུད་དམ། འཆག་ཏུ་འཇུད་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི་ཆོས་འདི་པའོ། །ཉེ་དུ་མ་ཡིན་པ་ལ་ཞེས་བྱ་བ་ནི་ཕྱི་མོ་དང་། [84a.7]མེས་པོ་དང་། ཕྲུགས་ལས་བརྟེན་པའི་བདུན་པ་ཚུན་ཆད་ནི་ཉེ་དུ་ཡིན་ལ་དེ་ཕན་ཅད་ནི་ཉེ་དུ་མ་ཡིན་ནོ། །གོས་ཞེས་བྱ་བ་ནི་བདུན་པོ་བལ་གོས་དང་། ཤ་ནའི་གོས་དང་། ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། ཀོ་ཏམ་པའི་གོས་དང་། [84b] [84b.1]ཉི་འོག་གི་གོས་དག་ལས་གང་ཡང་རུང་བའོ། །རྙིང་པ་ཞེས་བྱ་བ་ནི་དུས་ཚིགས་གསུམ་པོ་དག་ལས་དུས་ཚིགས་གང་ཡང་རུང་བར་སྤྱད་པ་གང་ཡིན་པའོ། །འཁྲུར་འཇུད་དམ་ཞེས་བྱ་བ་ནི་ཐན་ཆུར་སྙུག་པ་བྱེད་དུ་འཇུད་ནའོ། །འཚེད་དུ་འཇུད་དམ་ཞེས་བྱ་བ་ནི་ཐ་ན་ཚོན་དུ་ [84b.2]སྙུག་པ་བྱེད་དུ་འཇུད་ནའོ། །འཆག་ཏུ་འཇུད་དམ་ཞེས་བྱ་བ་ནི་ཐ་ན་ཐལ་མོས་རྡེབས་པར་བྱེད་དུ་འཇུད་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ་དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་ [84b.3]འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་པས་གོས་རྙིང་པ་འཁྲུར་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཚེད་དུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཆག་ཏུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཁྲུར་འཇུད་པ་དང་ [84b.4]འཚེད་དུ་འཇུད་དམ། འཁྲུར་འཇུད་པ་དང་འཆག་ཏུ་འཇུད་དམ། འཚེད་དུ་འཇུད་པ་དང་འཁྲུར་འཇུད་དམ། འཚེད་དུ་འཇུད་པ་དང་འཆག་ཏུ་འཇུད་དམ། འཆག་ཏུ་འཇུད་པ་དང་འཁྲུར་འཇུད་དམ། འཆག་ཏུ་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཚེད་ [84b.5]དུ་འཇུད་པ་དང་། འཆག་ཏུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཡིད་གཉིས་ཟ་བས་གོས་རྙིང་པ་འཁྲུར་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཚེད་དུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཆག་ཏུ་འཇུད་ན་ [84b.6]སྤང་བའི་ལྟུང་བྱེད་དུ་འགྱུར་རོ། །འཁྲུར་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཆག་ཏུ་འཇུད་དམ། འཚེད་དུ་འཇུད་པ་དང་འཁྲུར་འཇུད་དམ། འཚེད་དུ་འཇུད་པ་དང་འཆག་ཏུ་འཇུད་དམ། འཆག་ཏུ་འཇུད་པ་དང་འཁྲུར་འཇུད་དམ། འཆག་ཏུ་འཇུད་པ་དང་ [84b.7]འཚེད་དུ་འཇུད་དམ། འཁྲུར་འཇུད་པ་དང་འཚེད་དུ་འཇུད་པ་དང་། འཆག་ཏུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཉེ་དུ་མ་ཡིན་པར་འདུ་ཤེས་པས་གོས་རྙིང་པ་འཁྲུར་འཇུད་ན་ཉེས་བྱས་སུ་འགྱུར་རོ། །འཚེད་དུ་འཇུད་ན་ཉེས་བྱས་སུ་ [85a] [85a.1]འགྱུར་རོ། །འཆག་ཏུ་འཇུད་ན་ཡང་ཉེས་བྱས་སུ་འགྱུར་རོ། །འཁྲུར་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཆག་ཏུ་འཇུད་དམ། འཚེད་དུ་འཇུད་པ་དང་འཁྲུར་འཇུད་དམ། འཚེད་དུ་འཇུད་པ་དང་འཆག་ཏུ་འཇུད་དམ། འཆག་ཏུ་འཇུད་ [85a.2]པ་དང་འཁྲུར་འཇུད་དམ། འཆག་ཏུ་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཚེད་དུ་འཇུད་པ་དང་། འཆག་ཏུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཡིད་གཉིས་ཟ་བས་གོས་རྙིང་པ་འཁྲུར་འཇུད་ན་ཉེས་བྱས་སུ་འགྱུར་རོ། །འཚེད་ [85a.3]དུ་འཇུད་ན་ཉེས་བྱས་སུ་འགྱུར་རོ། །འཆག་ཏུ་འཇུད་ན་ཉེས་བྱས་སུ་འགྱུར་རོ། །འཁྲུར་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཆག་ཏུ་འཇུད་དམ། འཚེད་དུ་འཇུད་པ་དང་འཁྲུར་འཇུད་དམ། འཚེད་དུ་འཇུད་པ་དང་འཆག་ཏུ་འཇུད་དམ། འཆག་ཏུ་ [85a.4]འཇུད་པ་དང་འཁྲུར་འཇུད་དམ། འཆག་ཏུ་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཚེད་དུ་འཇུད་པ་དང་། འཆག་ཏུ་འཇུད་ན་ཉེས་བྱས་སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་ [85a.5]མེད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་དག་འདི་ལྟ་སྟེ། རིགས་མཐོན་པོ་ལས་རབ་ཏུ་བྱུང་བ་འདི་ནི་རྙེད་པ་རྣམས་ཀྱི་ཕྱེད་དང་ཉེ་བ་ཡིན་ནོ། །ཞེས་ [85a.6]བཀའ་སྩལ་པས་དེ་ན་ཡང་ཤཱཀྱའི་ཁྱིམ་ནས་རབ་ཏུ་བྱུང་བ་དེ་དག་ལ་རྙེད་པ་དང་བཀུར་སྟི་ཆེན་པོ་བྱུང་ནས་དེ་དག་ཤིན་ཏུ་གོས་ཀྱིས་ཆབ་ལ་སྦྱོར་བའི་རྗེས་སུ་བརྩོན་པར་གནས་ཤིང་། ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་དག་ [85a.7]ཀྱང་འཆང་བར་བྱེད་པས་བཅོམ་ལྡན་འདས་ཀྱིས་དེ་དག་ལ་དུས་དང་དུས་སུ་ཆོས་བསྟན་ཀྱང་དེ་དག་གིས་བདེན་པ་དག་མ་མཐོང་ངོ་། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཅིའི་ཕྱིར་ཤཱཀྱ་རབ་ཏུ་བྱུང་བ་དག་བདེན་པ་དག་མཐོང་བར་མི་བྱེད་སྙམ་དུ་དགོངས་ནས་དེ་དག་ [85b] [85b.1]ཤིན་ཏུ་གོས་ཀྱིས་ཆབ་ལ་སྦྱོར་བའི་རྗེས་སུ་བརྩོན་པར་གནས་ཤིང་དེ་དག་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་དག་འཆང་བའི་ཕྱིར་ཏེ། གལ་ཏེ་ངས་ཤཱཀྱ་རབ་ཏུ་བྱུང་བ་རྣམས་ལ་སྨད་ན་དབྲལ་དཀའ་བར་འགྱུར་རོ་སྙམ་དུ་དགོངས་ [85b.2]ནས། སངས་རྒྱས་བཅོམ་ལྡན་འདས་རྣམས་ནི་གདུལ་བ་ལ་མཁས་པ་བླ་ན་མེད་པ་ཡིན་པས་དེ་ན་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ད་ཟླ་བ་གསུམ་པོ་འདི་ལ་ནང་དུ་ཡང་དག་འཇོག་བཞེད་ཀྱིས། ངའི་སྤྱན་སྔར་དགེ་སློང་བསོད་ [85b.3]སྙོམས་སྟོབས་པ་གཅིག་དང་། འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་དགེ་སློང་གང་གིས་ཀྱང་ཉེ་བར་འོང་བར་མི་བྱའོ། །དགེ་སློང་གི་དགེ་འདུན་གྱིས་ཀྱང་ཚེ་དང་ལྡན་པ་དག་དབྱར་གྱི་ནང་དག་ཏུ་དགེ་སློང་བསོད་སྙོམས་སྟོབས་པ་གཅིག་དང་། འདི་ཉིད་ཀྱི་གསོ་ [85b.4]སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་བདག་ཅག་ལས་གང་གིས་ཀྱང་བཅོམ་ལྡན་འདས་ལ་ལྟར་འགྲོ་བར་མི་བྱ་སྟེ། དབྱར་གྱི་ནང་དག་ཏུ་དགེ་སློང་བསོད་སྙོམས་སྟོབས་པ་གཅིག་དང་། འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་བདག་ཅག་ལས་གང་བཅོམ་ [85b.5]ལྡན་འདས་ལ་ལྟར་འགྲོ་བ་དེ་བདག་ཅག་གིས་ལྟུང་བྱེད་ཀྱི་ལྟུང་བ་བྱེད་དུ་གཞུག་གོ་ཞེས་ཁྲིམས་སུ་བྱ་བ་བཅས་སོ། །བཅོམ་ལྡན་འདས་ཟླ་བ་གསུམ་ནང་དུ་ཡང་དག་འཇོག་ལ་ཞུགས་པ་ན་དགེ་སློང་བསོད་སྙོམས་སྟོབས་པ་གཅིག་དང་། དེ་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ [85b.6]ཚེ་མ་གཏོགས་པར་དེར་དགེ་སློང་འགའ་ཡང་མི་འགྲོའོ། །དེའི་ཚེ་ན་ཚེ་དང་ལྡན་པ་ཉེ་སྡེ་ཟླ་བ་ཤོལ་མ་བོར་བས་དབྱར་ལྗོངས་སུ་གནས་པར་ཁས་བླངས་ལ། བཅོམ་ལྡན་འདས་ནི་ཟླ་བ་ཤོལ་བོར་བས་དབྱར་ལྗོངས་སུ་གནས་པར་ཞལ་གྱིས་བཞེས་སོ། །དེ་ནས་ཚེ་དང་ལྡན་པ་ [85b.7]ཉེ་སྡེ་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་མཛེས་པ་འཁོར་མཛེས་པ་དང་ལྡན་པས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་ག་ལ་བ་དེར་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ཏོ། ། [86a] [86a.1]དེ་ནས་ཚེ་དང་ལྡན་པ་ཉེ་སྡེ་ལྷུང་བཟེད་དང་ཆོས་གོས་མཁོས་སུ་ཕབ་སྟེ་རྐང་པ་གཉིས་བཀྲུས་ནས་བཅོམ་ལྡན་འདས་ཀྱི་གཙུག་ལག་ཁང་ག་ལ་བ་དེར་སོང་བ་དང་། དགེ་སློང་དྲུག་སྡེ་དག་གིས་ཚེ་དང་ལྡན་པ་ཉེ་སྡེ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་ [86a.2]འདི་སྐད་ཅེས་ཚེ་དང་ལྡན་པ་དག་ད་ལྟར་ཁོན་ན་དོན་ཉུང་ངུས་དགེ་འདུན་གྱི་ཁྲིམས་སུ་བྱ་བ་འདྲལ་བར་འགྱུར་རོ། །ཞེས་སྨྲས་སོ། །གཞན་དག་གིས་སྨྲས་པ། དེས་དེ་ལྟུང་བྱེད་ཀྱི་ལྟུང་བ་བྱེད་དུ་གཞུག་གོ། །གཞན་དག་གིས་སྨྲས་པ། ད་ལྟར་སྦྱོར་བ་ལ་འཇུག་གིས་གང་གི་ [86a.3]ཚེ་དྲལ་བར་གྱུར་པ་དེའི་ཚེ་ན་དེས་དེ་བྱེད་དུ་གཞུག་གོ། །དེ་ནས་ཚེ་དང་ལྡན་པ་ཉེ་སྡེས་བཅོམ་ལྡན་འདས་ཀྱི་གཙུག་ལག་ཁང་དུ་དལ་བུས་ཁད་ཀྱིས་སྒོ་གཏན་བརྡུངས་པ་དང་། བཅོམ་ལྡན་འདས་ཀྱིས་དེ་ལ་ཆབ་སྒོ་དབྱེ་བ་མཛད་དོ། །དེ་ནས་ཚེ་དང་ལྡན་པ་ཉེ་སྡེས་བཅོམ་ལྡན་འདས་ཀྱི་ [86a.4]ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི་དགེ་སློང་གློ་བུར་དུ་འོངས་པ་ལ་དགེ་སློང་ཁྱོད་ད་ལྟ་ག་ལས་འོངས། གང་དུ་དབྱར་གནས་པར་ཁས་བླངས་ཞེས་བྱ་བའི་སོ་སོར་ཀུན་དགའ་བར་མཛད་པ་ [86a.5]འདིས་སོ་སོར་ཀུན་དགའ་བར་མཛད་པ་ཡིན་པས་བཅོམ་ལྡན་འདས་ཀྱིས་ཚེ་དང་ལྡན་པ་ཉེ་སྡེ་ལ་ཉེ་སྡེ་ཁྱོད་ད་ལྟར་ག་ལས་འོངས། གང་དུ་དབྱར་གནས་པར་ཁས་བླངས་ཞེས་སོ་སོར་ཀུན་དགའ་བར་མཛད་པ་དང་། ཚེ་དང་ལྡན་པ་ཉེ་སྡེས་གསོལ་པ། བཙུན་པ་བདག་ད་ལྟར་ [86a.6]ལྗོངས་ནས་མཆིས་སོ། །བདག་ལྗོངས་སུ་དབྱར་གནས་པར་མཆིད་ཀྱིས་འཚལ་ཏོ། །ཉེ་སྡེ་ལྗོངས་སུ་དགེ་སློང་རྣམས་ཀྱིས་དགག་དབྱེ་བྱས་སམ། བཙུན་པ་བགྱིས་སོ། །ཉེ་སྡེ་གང་གིས་ཁྱོད་མཛེས་པ་འཁོར་མཛེས་པ་དང་ལྡན་པར་གྱུར་པའི་རྒྱུ་ནི་གང་ཡིན། རྐྱེན་ནི་ [86a.7]གང་ཡིན། བཙུན་པ་འདི་ན་གལ་ཏེ་བདག་གི་གཡར་སྔར་རབ་ཏུ་འབྱུང་བ་ལ་ལྟོས་པ་ཞིག་མཆིས་ན། བདག་དེ་ལ་འདི་སྐད་ཅེས་བཞིན་{བཟངས་,བཟང་}ཁྱོད་ཚུར་མཆི། དགོན་པ་པ་འཚོལ་ཅིག་ཅེས་མཆི་ཞིང་དགོན་པ་པ་ཉིད་ཀྱི་བསྔགས་པ་ཡང་རྗོད་པར་བགྱིད། བསོད་སྙོམས་ [86b] [86b.1]པ་དང་། ཆོས་གོས་གསུམ་པ་དང་། ཕྱག་དར་ཁྲོད་པ་དང་། ཤིང་དྲུང་པ་འཚོལ་ཅིག་ཅེས་མཆི་ཞིང་ཤིང་དྲུང་པ་ཉིད་ཀྱི་བསྔགས་པ་ཡང་བརྗོད་པར་བགྱིད་དོ། །གལ་ཏེ་དེ་ལྟར་བགྱིའོ་ཞེས་མཆི་ན། དེ་རབ་ཏུ་འབྱིན་པར་བགྱིད་དོ། །གལ་ཏེ་རྫོགས་པར་བསྙེན་པར་འཚལ་བ་ [86b.2]དང་། གནས་ལ་ཞུགས་པ་དང་། བཀླག་པ་ལ་ཞུགས་པ་དང་། མཆིད་དོན་ལ་ཞུགས་པ་དང་། ཡིད་ལ་བགྱི་བ་ལ་ཞུགས་པ་ཞེས་མཆིས་ན། བདག་དེ་ལ་ཡང་འདི་སྐད་ཅེས་བཞིན་{བཟངས་,བཟང་}ཁྱོད་ཚུར་མཆི། དགོན་པ་པ་འཚོལ་ཅིག་ཅེས་མཆི་ཞིང་དགོན་པ་པ་ཉིད་ཀྱི་ [86b.3]བསྔགས་པ་ཡང་རྗོད་པར་བགྱིད། བསོད་སྙོམས་པ་དང་། ཆོས་གོས་གསུམ་པ་དང་། ཕྱག་དར་ཁྲོད་པ་དང་། ཤིང་དྲུང་པ་འཚོལ་ཅིག་ཅེས་མཆི་ཞིང་ཤིང་དྲུང་པ་ཉིད་ཀྱི་བསྔགས་པ་ཡང་རྗོད་པར་བགྱིད་དོ། །གལ་ཏེ་དེ་ལྟར་བགྱིའོ་ཞེས་མཆི་ན་དེ་ལ་ཡིད་ལ་བགྱི་ [86b.4]བ་སྩོལ་བར་བགྱིད་དེ། བཙུན་པ་གང་གིས་བདག་མཛེས་པ་འཁོར་མཛེས་པ་དང་ལྡན་པར་གྱུར་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཉེ་སྡེ་ཁྱོད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་ [86b.5]ཀྱི་དོན་དང་། ཕན་པ་དང་། བདེ་བའི་ཕྱིར་ཞུགས་པ་ལེགས་སོ་ལེགས་སོ། །ཉེ་སྡེ་གང་ལ་ལ་ཞིག་སྦྱངས་པའི་ཡོན་ཏན་དེ་དག་གི་བསྔགས་བརྗོད་པར་མི་བྱེད་པ་དེ་ནི། ངའི་བསྔགས་བརྗོད་པར་མི་བྱེད་པ་ཡིན་ནོ། །གང་ལ་ལ་སྦྱངས་པའི་ཡོན་ཏན་དེ་དག་གི་བསྔགས་ [86b.6]བརྗོད་པར་བྱེད་པ་དེ་ནི་ངའི་བསྔགས་པ་རྗོད་པར་བྱེད་པ་ཡིན་ནོ། །དེ་ཅིའི་ཕྱིར་ཞེ་ན། ངས་སྦྱངས་པའི་ཡོན་ཏན་དེ་དག་ཡུན་རིང་པོ་ནས་བསྟོད་པ་དང་། བཀུར་བ་དང་། བསྔགས་པ་དང་རབ་ཏུ་བསྔགས་པའི་ཕྱིར་རོ། །ཉེ་སྡེ་ཁྱོད་དགེ་འདུན་གྱི་ཁྲིམས་སུ་བྱ་བ་མི་སྲུང་ངམ། [86b.7]བཙུན་པ་བདག་གིས་དགེ་འདུན་གྱི་ཁྲིམས་ནི་གང་ལགས། ཁྲིམས་སུ་བགྱི་བ་ནི་གང་ལགས་མ་འཚལ་ཏོ། །ཉེ་སྡེ་འདི་ན་ངས་དགེ་སློང་རྣམས་ལ་འདི་སྐད་ཅེས་དགེ་སློང་དག་ང་ཟླ་བ་གསུམ་པོ་འདི་ལ་ནང་དུ་ཡང་དག་འཇོག་བཞེད་ཀྱིས། ངའི་སྤྱན་སྔར་དགེ་སློང་བསོད་ [87a] [87a.1]སྙོམས་སྟོབས་པ་གཅིག་དང་། འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་དགེ་སློང་གང་གིས་ཀྱང་འོང་བར་མི་བྱའོ་ཞེས་བཀའ་སྩལ་པ་དང་། དགེ་སློང་གི་དགེ་འདུན་གྱིས་ཀྱང་ཚེ་དང་ལྡན་པ་དག་དབྱར་གྱི་ནང་དག་ཏུ་དགེ་སློང་བསོད་སྙོམས་ [87a.2]སྟོབས་པ་གཅིག་དང་། འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་བདག་ཅག་ལས་གང་གིས་ཀྱང་བཅོམ་ལྡན་འདས་ལ་ལྟར་འགྲོ་བར་མི་བྱ་སྟེ། དབྱར་གྱི་ནང་དག་ཏུ་དགེ་སློང་བསོད་སྙོམས་སྟོབས་པ་གཅིག་དང་། འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་ [87a.3]བདག་ཅག་ལས་གང་བཅོམ་ལྡན་འདས་ལ་ལྟར་འགྲོ་བ་དེ་བདག་ཅག་གིས་ལྟུང་བྱེད་ཀྱི་ལྟུང་བ་བྱེད་དུ་གཞུག་གོ་ཞེས་ཁྲིམས་སུ་བྱ་བ་བཅས་སོ། །བཙུན་པ་བདག་ནི་གློ་བུར་དུ་མཆིས་པ་ལགས་ཏེ། དོན་དེ་ནི་དགེ་སློང་གཉུག་མར་གནས་པ་རྣམས་ཀྱིས་བསྲུང་བར་བགྱི་ [87a.4]བ་ལགས་སོ། །ཉེ་སྡེ་དགེ་སློང་གློ་བུར་དུ་འོངས་པ་དང་། གཉུག་མར་གནས་པས་ཀྱང་དགེ་འདུན་གྱི་ཁྲིམས་སུ་བྱ་བ་བསྲུང་བར་བྱ་བ་ཁོ་ན་ཡིན་ནོ། །ཉེ་སྡེ་འདི་ལྟར་ངས་དགེ་སློང་གློ་བུར་དུ་ལྷགས་པ་རྣམས་ཀྱི་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་ [87a.5]གློ་བུར་དུ་འོངས་པས་གཙུག་ལག་ཁང་དུ་ཞུགས་ནས་དགེ་སློང་དག་ལ་གནས་འདི་ན་ཁྲིམས་སུ་བྱ་བ་ཇི་ལྟ་བུ་ཡོད་ཅེས་དྲི་བར་བྱའོ། །གལ་ཏེ་འདྲི་ན་དེ་ལྟ་ན་ལེགས། གལ་ཏེ་མི་འདྲི་ན་འགལ་ཚབས་ཅན་དུ་འགྱུར་རོ། །ཉེ་སྡེ་དེ་ལྟ་མོད་ཀྱི་ངས་དགེ་སློང་དགོན་པ་པ་ལ་ [87a.6]དགོན་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་དགོན་པ་པ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་ལྟར་འགྲོ་བའི་དུས་མ་ཡིན་པ་མེད་དོ། །དགེ་སློང་བསོད་སྙོམས་པ་དང་། རྙེད་པས་ཆོག་པའི་བསོད་སྙོམས་པ་དང་། ཟས་ཕྱིས་མི་ལེན་པ་ [87a.7]དང་། སྟན་གཅིག་པ་དང་། ཆོས་གོས་གསུམ་པ་དང་། ཕྱིང་བ་པ་དང་། ཕྱག་དར་ཁྲོད་པ་དང་། ཤིང་དྲུང་པ་དང་། དུར་ཁྲོད་པ་དང་། ཅོག་པུ་པ་དང་། བླ་གབ་མེད་པ་དང་། གཞི་ཇི་བཞིན་པ་ལ་གཞི་ཇི་བཞིན་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་ [87b] [87b.1]གཞི་ཇི་བཞིན་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་འགྲོ་བའི་དུས་མ་ཡིན་པ་མེད་དོ། །དེ་ནས་ཚེ་དང་ལྡན་པ་ཉེ་སྡེས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་པ་དང་རྗེས་སུ་ཡི་རང་བར་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་ [87b.2]མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་དྲུག་སྡེ་དག་ཚེ་དང་ལྡན་པ་ཉེ་སྡེ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཉེ་སྡེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉེ་སྡེ་ཇེ་སྐབས་ཕྱེ་ཤིག །ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །ཁྱོད་ལ་ [87b.3]ལྟུང་བ་བྱུང་བ་དེ་ཆོས་བཞིན་དུ་སླར་གྱིས་ཤིག །ལྟུང་བ་མ་མཐོང་ངོ་། །ཁྱོད་ཀྱིས་དགེ་འདུན་གྱི་ཁྲིམས་སུ་བྱ་བ་མ་དྲལ་ཏམ། དགེ་འདུན་གྱི་ཁྲིམས་སུ་བྱ་བ་ཇི་ལྟ་བུ་ཡིན། དྲུག་སྡེ་དག་གིས་སྐབས་དེ་རྒྱས་པར་བརྗོད་པ་དང་། ཚེ་དང་ལྡན་པ་ཉེ་སྡེས་དྲུག་སྡེ་དག་ལ་འདི་ [87b.4]སྐད་ཅེས་སྨྲས་སོ། །ཚེ་དང་ལྡན་པ་དག་བཅོམ་ལྡན་འདས་ཀྱིས་ཉེ་སྡེ་དེ་ལྟ་མོད་ཀྱི་ངས་དགེ་སློང་དགོན་པ་པ་ལ་དགོན་པ་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་དགོན་པ་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་ལྟར་འགྲོ་བའི་དུས་མ་ཡིན་པ་མེད་དོ། ། [87b.5]དགེ་སློང་བསོད་སྙོམས་པ་དང་། རྙེད་པས་ཆོག་པའི་བསོད་སྙོམས་པ་དང་། ཟས་ཕྱིས་མི་ལེན་པ་དང་། སྟན་གཅིག་པ་དང་། ཆོས་གོས་གསུམ་པ་དང་། ཕྱིང་བ་པ་དང་། ཕྱག་དར་ཁྲོད་པ་དང་། ཤིང་དྲུང་པ་དང་། དུར་ཁྲོད་པ་དང་། ཅོག་པུ་པ་དང་། བླ་གབ་ [87b.6]མེད་པ་དང་། གཞི་ཇི་བཞིན་པ་ལ་གཞི་ཇི་བཞིན་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་གཞི་ཇི་བཞིན་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་འགྲོ་བའི་དུས་མ་ཡིན་པ་མེད་དོ་ཞེས་གསུངས་སོ། །དེ་ནས་ཤཱཀྱ་རབ་ཏུ་བྱུང་བ་དེ་དག་འདི་སྙམ་དུ་ [87b.7]སེམས་ཏེ། དེ་ལྟར་བཅོམ་ལྡན་འདས་ཀྱིས་འདོད་པ་ཆེ་བ་རྣམ་པར་སྨད་ཅིང་། འདོད་པ་ཆུང་བ་ལ་བསྟོད་པ་ནི་དོན་གྱིས་ན་བཅོམ་ལྡན་འདས་ཀྱིས་བདག་ཅག་སྨད་པ་མཛད་པ་ཡིན་གྱིས་བདག་ཅག་གིས་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་ [88a] [88a.1]རགས་ལྷག་པ་དག་ཚེ་དང་ལྡན་པ་ཀུན་དགའ་བོ་ལ་བཏང་སྟེ་རྒྱུད་དག་པས་བཅོམ་ལྡན་འདས་ག་ལ་བ་དེར་འདོང་ངོ་སྙམ་མོ། །དེ་ནས་དགེ་སློང་དེ་དག་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་དག་ཁྱེར་ཏེ་ཚེ་དང་ལྡན་པ་ཀུན་དགའ་ [88a.2]བོ་ག་ལ་བ་དེར་དོང་ནས་ཕྱིན་པ་དང་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཐུགས་བརྩེ་བའི་སླད་དུ་བདག་ཅག་ལས་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་འདི་དག་བཞེས་ཤིག །ཚེ་ [88a.3]དང་ལྡན་པ་དག་དེའི་ཕྱིར་བདག་གིས་བཅོམ་ལྡན་འདས་ལ་ཞུས་དེའི་བར་དུ་སྡོད་ཅིག །དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་ [88a.4]གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་སྐབས་དེ་བཅོམ་ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དེའི་ཕྱིར་ལོང་ལ་བླངས་ནས་ཀྱང་གཙུག་ལག་ཁང་ཆེན་པོ་ཞིག་ཏུ་ [88a.5]སྤུངས་ཏེ་ཞོག་ལ་དགེ་སློང་གང་དེས་བྲེལ་བའི་དགེ་སློང་དེ་ལ་དེ་སྦྱིན་པར་བྱའོ། །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཤཱཀྱ་རབ་ཏུ་བྱུང་བ་རྣམས་ལས་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་ [88a.6]བུ་དང་། སྐ་རགས་ལྷག་པ་དག་བླངས་ནས་གཙུག་ལག་ཁང་ཆེན་པོ་ཞིག་ཏུ་སྤུངས་ཏེ་བཞག་གོ། །དེ་ནས་ཤཱཀྱ་རབ་ཏུ་བྱུང་བ་དེ་དག་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་དག་ནད་ཇི་ལྟ་བ་དང་། འབྲས་ཇི་ལྟ་བ་དང་། [88a.7]ཟུག་རྔུ་ཇི་ལྟ་བ་བཞིན་དུ་སྤངས་ནས་ཆོས་གོས་གསུམ་པ་ལྷུར་ལེན་ཅིང་རྒྱུད་དག་པ་དང་། ཡོ་བྱད་བསྙུངས་པའི་ཚུལ་དག་གིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། ། [88b] [88b.1]བཅོམ་ལྡན་འདས་ཀྱིས་ཤཱཀྱ་རབ་ཏུ་བྱུང་བ་དེ་དག་གི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས་འདི་ལྟར་ཤཱཀྱ་གཞོན་ནུ་ལྔ་བརྒྱ་པོ་དེ་དག་གིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་ [88b.2]རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་མཛད་དོ། །དེ་དག་གིས་བདེན་པ་མཐོང་ནས་གསོལ་པ། བཙུན་པ་བདག་ཅག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་བཅོམ་ལྡན་འདས་ཀྱིས་བདག་ཅག་ལ་གང་ [88b.3]མཛད་པ་འདི་ལྟ་བུ་ནི་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་གིས་ཀྱང་མ་བགྱིས། བྱམས་པ་དང་། མཛའ་ [88b.4]བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དག་ནས་ [88b.5]ནི་རྐང་པ་ཕྱུང་། ལྷ་དང་། མི་རྣམས་ཀྱི་ནང་དུ་ནི་བཞག །འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་སོ། ། [88b.6]དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཇི་ཙམ་དུ་བཅོམ་ལྡན་འདས་ཀྱིས་ཤཱཀྱ་གཞོན་ནུ་ལྔ་བརྒྱ་པོ་དག་ཚེ་དང་ལྡན་པ་ཉེ་སྡེ་ལ་བརྟེན་ཏེ་འདོད་པ་ཆེ་བ་དང་ཕྲལ་ཞིང་འདོད་པ་ཆུང་བ་ཉིད་ལ་བཀོད་དེ་ [88b.7]ཤིན་ཏུ་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་བཞག་པ་མཛད་པ་ནི་ངོ་མཚར་ཏོ། །དགེ་སློང་དག་ད་ལྟར་ང་འདོད་ཆགས་དང་བྲལ་བ། སྲེད་པ་མེད་པ། ལེན་པ་མེད་པ། ཐམས་ཅད་མཁྱེན་པ་མཁྱེན་པ་དང་ཤེས་བྱ་ཐམས་ཅད་ལ་མངའ་བརྙེས་ [89a] [89a.1]པས་ཤཱཀྱ་གཞོན་ནུ་ལྔ་བརྒྱ་པོ་དག་རིགས་ཀྱི་བུ་ཉེ་སྡེ་ལ་བརྟེན་ཏེ་འདོད་པ་ཆེ་བ་དང་ཕྲལ་ཞིང་འདོད་པ་ཆུང་བ་ཉིད་ལ་བཀོད་དེ་ཤིན་ཏུ་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་གཞག་པ་མཛད་པ་ངོ་མཚར་ཅི་ཆེ། འདི་ལྟར་འདས་པའི་དུས་ན་ང་འདོད་ [89a.2]ཆགས་དང་བཅས་པ། ཞེ་སྡང་དང་བཅས་པ། གཏི་མུག་དང་བཅས་པ། སྲེད་པ་དང་བཅས་པ། ལེན་པ་དང་བཅས་པ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། [89a.3]འཁྲུག་པ་དག་ལས་རྣམ་པར་མ་གྲོལ་བས་ཀྱང་ཤཱཀྱ་གཞོན་ནུ་ལྔ་བརྒྱ་པོ་འདི་དག་རིགས་ཀྱི་བུ་ཉེ་སྡེ་ལ་བརྟེན་ཏེ་འདོད་པ་ཆེ་བ་དང་། ཕྲལ་ཞིང་འདོད་པ་ཆུང་བ་ཉིད་ལ་བཀོད་དེ་མངོན་པར་ཤེས་པ་ལྔ་པོ་དག་ལ་གཞག་པར་མཛད་པ་དེ་ཉོན་ཅིག །དགེ་སློང་དག་སྔོན་བྱུང་བ་ [89a.4]འདས་པའི་དུས་ན་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་ཚངས་བྱིན་ཞེས་བྱ་བས་རྒྱལ་སྲིད་འབྱོར་པ། རྒྱས་པ། བདེ་བ་ལོ་ལེགས་པ། སྐྱེ་བོ་དང་། མི་མང་པོས་གང་བ། ཐབ་མོ་དང་། འཐབ་པ་དང་། རྩོད་པ་དང་། འགྱེད་པ་དང་། འཁྲུག་ལོང་དང་། ནང་འཁྲུག་ [89a.5]དང་། ཆོམ་རྐུན་དང་། མུ་གེ་དང་། ནད་རབ་ཏུ་ཞི་བ་བྱེད་དུ་བཅུག་སྟེ། དེས་བུ་གཅིག་པ་སྙིང་དུ་སྡུག་པ་དང་འདྲ་བར་རྒྱལ་སྲིད་སྐྱོང་དུ་བཅུག་གོ། །རྒྱལ་པོ་ཚངས་བྱིན་ལ་བཙུན་མོ་ཚངས་ལྡན་ཞེས་བྱ་བ་དང་། རྫིང་བུ་ཚངས་ལྡན་ཞེས་བྱ་བ་ཡོད་དེ། རྒྱལ་པོ་ཚངས་ [89a.6]བྱིན་དེ་ལ་བུ་མེད་ནས་དེས་བུ་འདོད་པས་ཞི་བ་དང་། ཆུ་ལྷ་དང་། ལུས་ངན་དང་། བརྒྱ་བྱིན་དང་། ཚངས་པ་དང་། གཞན་ཡང་ལྷའི་བྱེ་བྲག་འདི་ལྟ་སྟེ། ཀུན་དགའ་ར་བའི་ལྷ་དག་དང་། ཚལ་གྱི་ལྷ་དག་དང་། བཞི་མདོའི་ལྷ་དག་དང་། སུམ་མདོའི་ལྷ་དག་ [89a.7]དང་། གཏོར་མ་ལེན་པའི་ལྷ་དག་དང་། ལྷན་ཅིག་སྐྱེས་པའི་ལྷ་དག་དང་། ཆོས་མཐུན་པ་དག་དང་། རྟག་ཏུ་རྗེས་སུ་འབྲང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན་གང་གསོལ་བ་འདེབས་པའི་རྒྱུ་ལས་བུ་དག་དང་བུ་མོ་དག་སྐྱེའོ་ཞེས་བྱ་ [89b] [89b.1]བའི་གཏམ་དེ་ལྟ་བུ་ཡོད་དེ། དེ་ནི་དེ་ལྟ་མ་ཡིན་ཏེ། གལ་ཏེ་དེ་ལྟར་འགྱུར་དུ་ཟིན་ན། རེ་རེ་ལ་ཡང་འདི་ལྟ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འདི་ལྟར་གནས་གསུམ་པོ་དག་མངོན་དུ་གྱུར་པ་ལས་མའི་མངལ་དུ་མངལ་ [89b.2]ན་གནས་པ་འཇུག་པར་འགྱུར་ཏེ། གསུམ་པོ་དེ་དག་གང་ཞེ་ན། ཕ་མ་གཉིས་ཆགས་པར་གྱུར་ཅིང་ཕྲད་པ་དང་། མ་དུས་ལ་བབ་ཅིང་ཟླ་མཚན་དང་ལྡན་པ་དང་། དྲི་ཟ་ཉེ་བར་གནས་ཤིང་འཇུག་འདོད་པ་སྟེ། གནས་གསུམ་པོ་དེ་དག་མངོན་དུ་གྱུར་པ་ལས་བུ་དང་བུ་མོ་ [89b.3]སྐྱེ་བར་འགྱུར་རོ། །དེ་དེ་ལྟར་གསོལ་བ་འདེབས་པ་ལྷུར་ལེན་པ་ལ་ཞུགས་པ་ན་སེམས་ཅན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་པ། ཡི་དམ་བརྟན་པ་ཞིག་སེམས་ཅན་དམྱལ་བ་ནས་ཤི་འཕོས་ནས་བཙུན་མོ་ཚངས་ལྡན་གྱི་མངལ་དུ་ [89b.4]ཞུགས་སོ། །བུད་མེད་ཀྱི་ཡུལ་མཁས་པའི་རང་བཞིན་ཅན་ལ་ལ་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་གྱུར་བཤེས་ཤིང་ཆགས་པ་དང་བྲལ་བ་ཤེས་པ་དང་། དུས་ཤེས་ཤིང་ཟླ་མཚན་ཤེས་པ་དང་། མངལ་ན་གནས་བཞུགས་ [89b.5]པ་ཤེས་པ་དང་། གང་ལས་མངལ་ན་གནས་པ་ཞུགས་པ་དེ་ཤེས་པ་དང་། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན་དཀུ་གཡས་པར་རྟེན་ཅིང་འདུག་ལ། གལ་ཏེ་བུ་མོ་ཡིན་ན་དཀུ་གཡོན་པར་རྟེན་ཅིང་འདུག་པའོ། །དེ་ཡིད་དགའ་ཞིང་ [89b.6]ཡིད་དགའ་ནས་རྒྱལ་པོ་ཚངས་བྱིན་ལ་སྨྲས་པ། ལྷ་དགྱེས་པ་བསྐྱེད་དུ་གསོལ། བདག་ལ་སེམས་ཅན་ཞུགས་པར་གྱུར་པ་ནི་འདི་ལྟར་བདག་གི་དཀུ་གཡས་པར་རྟེན་ཅིང་མཆིས་པས་ངེས་པར་ཁྱེའུར་འགྱུར་རོ། །རྒྱལ་པོ་ཚངས་བྱིན་ཡང་ཡིད་དགའ་ཞིང་ཡིད་དགའ་ [89b.7]ནས་འདི་སྐད་ཅེས་ཀྱེ་མ་ཁོ་བོ་ཡུན་རིང་པོ་ནས་མངོན་པར་འདོད་པའི་བུའི་ངོ་མཐོང་བ་དང་། ཁོ་བོ་དང་མཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང་། ཁོ་བོའི་བྱ་བ་དག་བྱེད་པ་དང་། གསོས་པས་ཕྱིར་གསོ་བ་དང་། བགོ་སྐལ་ལ་སྤྱོད་པ་དང་། ཁོ་བོའི་རིགས་རྒྱུད་ [90a] [90a.1]ཡུན་རིང་དུ་གནས་པར་འགྱུར་བ་དང་། བདག་ཅག་ཤི་ཞིང་དུས་ལས་འདས་པ་དག་ལ་ཉུང་ངུའམ་མང་པོ་ཡང་རུང་བའི་སྦྱིན་པ་དག་སྦྱིན་ཞིང་བསོད་ནམས་དག་བྱས་ནས། འདི་དེ་གཉིས་གང་དུ་སྐྱེས་པ་དེར་འགྲོ་ཞིང་རྗེས་སུ་འགྲོ་བར་གྱུར་ཅིག་ཅེས་ [90a.2]མིང་གིས་ཡོན་བཤད་པ་བྱེད་པར་གྱུར་ཅིག་ཅེས་ཆེད་དུ་བརྗོད་པ་ཆེད་དུ་བརྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས་འདི་ལྟ་སྟེ་མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར་སྟེང་གི་ཁང་{བཟངས་ཀྱི་,བཟང་གི་}གཞིར་གཏོགས་པ་ན་གྲང་བ་ན་གྲང་བའི་ཡོ་བྱད་དག་དང་། [90a.3]དྲོ་བ་ན་དྲོ་བའི་ཡོ་བྱད་དག་དང་། སྨན་པས་བཅས་པའི་ཁ་ཟས་ཧ་ཅང་མི་ཁ་བ་དང་། ཧ་ཅང་མི་སྐྱུར་བ་དང་། ཧ་ཅང་ལན་ཚྭ་མི་ཆེ་བ་དང་། ཧ་ཅང་མི་མངར་བ་དང་། ཧ་ཅང་མི་ཚ་བ་དང་། ཧ་ཅང་མི་བསྐ་བ་དང་། ཁ་བ་དང་། སྐྱུར་བ་དང་། ལན་ཚྭ་དང་། [90a.4]མངར་བ་དང་། ཚ་བ་དང་། བསྐ་བ་རྣམ་པར་སྤངས་པའི་ཟས་དག་དང་། དོ་ཤལ་དང་། སེ་མོ་དོ་དང་། རྒྱན་གྱིས་བཀླུབས་པའི་ལུས་ལྷའི་བུ་མོ་དགའ་བའི་ཚལ་ན་རྣམ་པར་སྤྱོད་པ་ལྟ་བུ་དང་། ཁྲི་ནས་ཁྲིར་དང་། ཁྲིའུ་ནས་ཁྲིའུར་དང་། ཤོད་ཀྱི་ས་གཞིར་ [90a.5]མི་འབབ་པ་དང་། དེས་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་གནོད་པ་མེད་པ་ཉིད་དུ་རིམ་གྲོ་བྱེད་དུ་འཛུད་དོ། །དེ་ནས་དུས་གཞན་ཞིག་ན་བཙུན་མོ་ཚངས་ལྡན་ལ་འདོད་པ་འདི་ལྟ་བུ་འདི་སྐྱེས་ཏེ། ཀྱེ་མ་ལྷས་གྲོང་ཁྱེར་གྱི་ཤར་སྒོར་སྦྱིན་པ་དག་བྱིན་པར་ [90a.6]གྱུར་ཅིང་། བསོད་ནམས་དག་བྱེད་པར་གྱུར་ཅིག །ལྷོ་སྒོ་དང་། ནུབ་སྒོ་དང་། བྱང་སྒོ་དང་། དབུས་ཀྱི་བཞི་མདོར་ཀྱང་སྦྱིན་པ་དག་སྦྱིན། བསོད་ནམས་དག་བྱེད་ཅིང་བཙོན་ཐམས་ཅད་ཐར་བར་བྱེད་པར་གྱུར་ཅིག་སྙམ་མོ། །དེ་ནས་རྒྱལ་པོ་ཚངས་བྱིན་གྱིས་ [90a.7]བཙུན་མོ་ཚངས་ལྡན་ལ་འདོད་པ་དེ་ལྟ་བུ་དེ་སྐྱེས་པར་ཐོས་ནས་གྲོང་ཁྱེར་གྱི་ཤར་སྒོར་སྦྱིན་པ་དག་སྦྱིན་ཞིང་བསོད་ནམས་དག་བྱེད་དོ། །དེ་བཞིན་དུ་ལྷོ་སྒོ་དང་། ནུབ་སྒོ་དང་། བྱང་སྒོ་དང་། དབུས་ཀྱི་བཞིར་མདོར་ཡང་སྦྱིན་པ་དག་སྦྱིན། བསོད་ནམས་དག་ [90b] [90b.1]བྱེད་ཅིང་། བཙོན་ཐམས་ཅད་ཐར་བར་བྱས་སོ། །ཡང་བཙུན་མོ་ཚངས་ལྡན་ལ་འདོད་པ་འདི་ལྟ་བུ་འདི་སྐྱེས་ཏེ་ཀྱེ་མ་བདག་ལྷ་དང་ལྷན་ཅིག་སྐྱེད་མོས་ཚལ་དང་། དཀའ་ཐུབ་ཀྱི་ནགས་སུ་རྩེ་བ་དང་། དགའ་བ་དང་། དགའ་མགུར་སྤྱོད་པར་གྱུར་ཅིག་སྙམ་མོ། ། [90b.2]དེ་ནས་རྒྱལ་པོ་ཚངས་བྱིན་གྱི་བཙུན་མོ་ཚངས་ལྡན་ལ་འདོད་པ་རྣམ་པ་དེ་ལྟ་བུ་དེ་སྐྱེས་པར་ཐོས་ནས། བཙུན་མོ་ཚངས་ལྡན་དང་ལྷན་ཅིག་སྐྱེད་མོས་ཚལ་དང་། དཀའ་ཐུབ་ཀྱི་ནགས་སུ་ཞུགས་ཏེ། རྩེ་བ་དང་། དགའ་བ་དང་། དགའ་མགུར་སྤྱོད་པ་དག་བྱས་ [90b.3]སོ། །ཡང་བཙུན་མོ་ཚངས་ལྡན་ལ་འདོད་པའི་རྣམ་པ་འདི་ལྟ་བུ་འདི་སྐྱེས་ཏེ། ཀྱེ་མ་བདག་ལྷ་དང་ཐབས་ཅིག་ཆུར་འཇུག་པའི་གྲུར་ཞུགས་ཏེ། རྫིང་བུ་ཚངས་ལྡན་དུ་རྩེ་བ་དང་། དགའ་བ་དང་། དགའ་མགུར་སྤྱོད་པར་གྱུར་ཅིག་སྙམ་མོ། །དེ་ནས་རྒྱལ་ [90b.4]པོ་ཚངས་བྱིན་གྱིས་བཙུན་མོ་ཚངས་ལྡན་ལ་འདོད་པའི་རྣམ་པ་དེ་ལྟ་བུ་དེ་བྱུང་བར་ཐོས་ནས། བཙུན་མོ་ཚངས་ལྡན་དང་ལྷན་ཅིག་ཆུར་འཇུག་པའི་གྲུ་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ཏ་དང་། པད་མ་དཀར་པོས་བཀང་བར་ཞུགས་ཏེ་རྫིང་བུ་ཚངས་ [90b.5]ལྡན་དུ་རྩེ་བ་དང་། དགའ་བ་དང་། དགའ་མགུར་སྤྱོད་པ་བྱས་སོ། །དེ་གྲུ་དེ་ཉིད་དུ་བཙས་པ་ལས་ཁྱེའུ་ཚེ་རབས་དྲན་པ། གཟུགས་བཟང་བ། བལྟ་ན་སྡུག་པ། མཛེས་པ། གསལ་བ། གསེར་གྱི་མདོག་འདྲ་བ། མགོ་གདུགས་ལྟ་བུ་དང་ལྡན་པ། [90b.6]ལག་པ་རིང་བ། འཕྲལ་བའི་དབྱེས་ཆེ་བ། སྨིན་མ་འཇར་བ་སྣའི་གཟངས་མཐོ་བ་ཞིག་བྱུང་ངོ་། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་ [90b.7]པར་བྱེད་དོ། །དེ་དག་འདི་སྙམ་དུ་སེམས་ཏེ། གང་གི་ཕྱིར་ཁྱེའུ་འདི་ཆུའི་ནང་དུ་བཙས་པ་དེའི་ཕྱིར་ཁྱེའུའི་མིང་ཆུ་སྐྱེས་ཞེས་བྱའོ་ཞེས་དེའི་མིང་ཆུ་སྐྱེས་ཞེས་བྱ་བར་བཏགས་སོ། །གཞོན་ནུ་ཆུ་སྐྱེས་མ་མ་བརྒྱད་པོ་པང་ན་འཚོ་བའི་མ་མ་གཉིས་དང་། ནུ་མ་སྣུན་ [91a] [91a.1]པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང་། ཞོ་དང་ཞུན་མར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་ [91a.2]དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །དེ་ནས་གཞོན་ནུ་ཆུ་སྐྱེས་འདི་སྙམ་དུ་སེམས་ཏེ། བདག་གང་ནས་ཤི་འཕོས་ཏེ་འདིར་སྐྱེས་སྙམ་ན། སེམས་ཅན་དམྱལ་བ་དག་ནས་ཤི་འཕོས་ཏེ་འདིར་སྐྱེས་ [91a.3]པར་ཤེས་སོ། །ལས་ཅི་བྱས་ན་དེས་སེམས་ཅན་དམྱལ་བ་རྣམས་སུ་སྐྱེས་སྙམ་ན། ལོ་དྲུག་བཅུར་རྒྱལ་ཚབ་ཀྱི་རྒྱལ་སྲིད་དུ་བཅུག་པས་དེ་དག་ཏུ་སྐྱེས་པར་ཤེས་སོ། །ད་ལྟར་གང་དུ་སྐྱེས་སྙམ་ན་མི་རྣམས་ཀྱི་ནང་དུ་རྒྱལ་པོའི་རིགས་སུ་སྐྱེས་པར་ཤེས་ནས། དེ་ [91a.4]འདི་སྙམ་དུ་སེམས་ཏེ། བདག་ཡང་རྒྱལ་སྲིད་བྱེད་དུ་བཅུག་ན་ཡང་སེམས་ཅན་དམྱལ་བ་རྣམས་སུ་འགྲོ་བར་འགྱུར་ན་མ་ལེགས་ཀྱིས། བདག་གིས་སྒྱུ་ཐབས་ཅུང་ཞིག་བྱའོ་སྙམ་ནས། དེས་བདག་ཉིད་འཕྱེ་བོ་ཉིད་དུ་བསྟན་ཏེ་འདུག་གོ། །གང་གི་ཉིན་མོ་གཞོན་ [91a.5]ནུ་ཆུ་སྐྱེས་བཙས་པ་དེ་ཉིད་ཀྱི་ཉིན་མོ་བློན་པོ་ལྔ་བརྒྱ་དག་གི་བུ་དག་ཀྱང་བཙས་ཏེ་དེ་དག་ཀྱང་རང་རང་གི་རིགས་དང་མཐུན་པའི་མིང་དག་བཏགས་པར་གྱུར་ཏོ། །བློན་པོ་དེ་དག་གིས་ཀུན་དུ་སྤྱོད་པ་ནི་ཉི་མ་རེ་རེ་ཞིང་རྒྱལ་པོ་ཚངས་བྱིན་དང་། གཞོན་ནུ་ཆུ་སྐྱེས་ལྟར་འོང་ངོ་། ། [91a.6]དེ་ནས་དུས་གཞན་ཞིག་ན་གཞོན་ནུ་ལྔ་བརྒྱ་པོ་དེ་དག་མཆོངས་པ་དང་། དཀྱུས་མོ་བྱེད་ནུས་པར་གྱུར་ཏོ། །དེ་ནས་རྒྱལ་པོ་ཚངས་བྱིན་འདི་སྙམ་དུ་སེམས་ཏེ། གལ་ཏེ་ངའི་བུ་གཞོན་ནུ་ཆུ་སྐྱེས་ཀྱང་འཕྱེ་བོར་མ་གྱུར་དུ་ཟིན་ན། དེ་ཡང་དེ་ཙམ་མཆོངས་པ་དང་། [91a.7]དཀྱུས་མོ་བྱེད་ནུས་པར་འགྱུར་གྱིས། འདི་ལྟར་བདག་གི་དེ་འཕྱེ་བོ་ཡིན་ཡང་བླས་རྒྱལ་སྲིད་ཀྱི་དབང་ཕྱུག་ལ་གཞག་པར་བྱའོ་སྙམ་མོ། །དེ་ནས་གཞོན་ནུ་ཆུ་སྐྱེས་ཀྱིས་དེ་ཐོས་ནས་འདི་སྙམ་དུ་སེམས་ཏེ། རྒྱལ་པོ་འདི་ནི་གཅུགས་མེད་པར་གནོད་པ་བྱེད་པ་ཡིན་གྱིས་ [91b] [91b.1]བདག་གིས་ལྐུགས་པ་ཉིད་དུ་བསྟན་ཏེ་འདུག་པར་བྱའོ་སྙམ་ནས། དེས་ཆེད་དུ་བསམས་ཏེ་ལྐུགས་པ་ཉིད་དུ་བསྟན་ཏེ་འདུག་གོ། །དེ་ནས་དུས་གཞན་ཞིག་ན་གཞོན་ནུ་ལྔ་བརྒྱ་པོ་དེ་དག་སྨྲ་ནུས་པར་གྱུར་ཏོ། །དེ་ནས་རྒྱལ་པོ་ཚངས་བྱིན་འདི་སྙམ་དུ་སེམས་ཏེ། གལ་ [91b.2]ཏེ་བདག་གི་གཞོན་ནུ་ཆུ་སྐྱེས་ཀྱང་ལྐུགས་པར་མ་གྱུར་དུ་ཟིན་ན་དེ་ཡང་དེ་ཙམ་སྨྲ་ནུས་པར་འགྱུར་རོ་སྙམ་མོ། །དེའི་ཚེ་ན་གཞོན་ནུ་ཆུ་སྐྱེས་ཀྱི་མིང་གཞོན་ནུ་ཆུ་སྐྱེས་གཞོན་ནུ་ཆུ་སྐྱེས་ཞེས་བྱ་བ་གང་ཡིན་པ་དེ་ནུབ་པར་གྱུར་ཅིང་། གཞོན་ནུ་ལྐུགས་འཕྱེ་གཞོན་ནུ་ལྐུགས་འཕྱེ་ཞེས་ [91b.3]བྱ་བའི་མིང་ཆགས་པར་གྱུར་ཏོ། །དེ་ནས་དུས་གཞན་ཞིག་ན་རྒྱལ་པོ་ཚངས་བྱིན་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་ནས། བློན་པོ་རྣམས་ཀྱིས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་དེ་ཐུགས་ཁོང་དུ་ཆུད་ཅིང་བཞུགས། རྒྱལ་པོས་སྨྲས་པ། [91b.4]འདི་ལྟར་ངའི་རྒྱལ་སྲིད་ཀྱི་དབང་ཕྱུག་འདི་འདྲ་བ་ལ་བུ་ཡང་མེད་བུ་མོ་ཡང་མེད་པས་ང་འདས་ནས་གདུང་ཆད་པར་ཡང་འགྱུར་ལ། བུ་གཅིག་བདོག་པ་དེ་ཡང་ལྐུགས་འཕྱེར་གྱུར་ན། ང་ཇི་ལྟར་སེམས་ཁོང་དུ་ཆུད་ཅིང་མི་འདུག་ཏུ་རུང་། བློན་པོ་རྣམས་ཀྱིས་སྨན་པ་གཉེར་ [91b.5]ཏེ་སྨན་པ་ལ་རྨས་ནས་སྨྲས་པ། ལྷ་གཞོན་ནུ་འདིའི་དབང་པོ་གསལ་བར་གདའ་སྟེ། འདི་ལ་བྲོ་ནད་ཀྱིས་རྣམ་པ་ནི་ཅུང་ཟད་ཀྱང་མ་མཆིས་པས་བསྡིགས་པར་བགྱི་བའི་རིགས་སོ། །རྒྱལ་པོ་ཚངས་བྱིན་གྱིས་གཤེད་མ་དག་བཀུག་ནས་གསང་སྟེ་བསྒོ་བ། ངས་གཞོན་ནུ་ [91b.6]ལྐུགས་འཕྱེ་འདི་སྐྱེ་བོ་ཕལ་པོ་ཆེའི་མངོན་སུམ་དུ་ཡོངས་སུ་གཏང་བར་བྱས། ཁྱེད་ཀྱིས་གསད་པར་མི་བྱའོ། །ལྷ་བཀའ་བཞིན་འཚལ། རྒྱལ་པོ་ཚངས་བྱིན་གྱིས་འཁོར་གྱི་ནང་དུ་སོང་སྟེ་གཤེད་མ་རྣམས་ལ་བསྒོ་བ། ངས་གཞོན་ནུ་འདི་ཡོངས་སུ་བཏང་གིས་ཁྱོད་ [91b.7]ཀྱིས་འོར་ཅིག །ལྷ་བཀའ་བཞིན་འཚལ་ཞེས་དེ་ནས་གཤེད་མའི་མི་དེ་དག་གིས་རྒྱལ་པོ་ཚངས་བྱིན་ལས་མཉན་ནས་གཞོན་ནུ་ལྐུགས་འཕྱེ་ཤིང་རྟར་བཅུག་སྟེ། གྲོང་ཁྱེར་བཱ་རཱ་ཎ་སཱིའི་ནང་ནས་ཕྱིར་ཁྲིད་དེ། དེ་ནས་གཞོན་ནུ་ལྐུགས་འཕྱེས་གྲོང་ཁྱེར་བཱ་རཱ་ཎ་སཱིའི་ [92a] [92a.1]འབྱོར་པ་དང་རྒྱས་པ་མཐོང་ནས་འདི་སྐད་ཅེས་སྨྲས་སོ། །ཅི་བཱ་རཱ་ཎ་སཱི་འདི་སྟོང་པ་ཡིན་ནམ། འོན་ཏེ་གནས་པ་ཡིན། གཤེད་མའི་མི་རྣམས་ཀྱི་གཞོན་ནུ་ལྐུགས་འཕྱེ་རྒྱལ་པོ་ལ་ཕུལ་ནས་ལྷ་གཞོན་ནུ་ལྐུགས་འཕྱེས་ཚིག་འདི་ལྟ་བུ་བརྗོད་དོ་ཞེས་ [92a.2]སྨྲས་སོ། །དེ་ནས་རྒྱལ་པོ་ཚངས་བྱིན་གྱིས་གཞོན་ནུ་ལྐུགས་འཕྱེ་པང་དུ་བཞག་སྟེ་འདི་སྐད་ཅེས་སྨྲས་སོ། །གཞོན་ནུ་གང་གསད་པར་བྱ། གང་གསོད་དུ་གཞུག་པར་བྱ། གང་སྲོག་དང་དབྲལ་བར་བྱ། གང་ལ་ཅི་ཞིག་སྦྱིན་པར་བྱ། དེ་སྐད་སྨྲས་ཀྱང་གཞོན་ནུ་ལྐུགས་འཕྱེ་ཅང་མི་སྨྲའོ། །རྒྱལ་པོ་ཚངས་ [92a.3]བྱིན་གྱིས་ཡང་གཤེད་མ་རྣམས་ལ་སྨྲས་པ། ངས་གཞོན་ནུ་འདི་ཡོངས་སུ་བཏང་གིས་ཁྱེད་ཀྱིས་འོར་ཅིག །གཤེད་མའི་མི་རྣམས་ཀྱིས་ལྷ་བཀའ་བཞིན་འཚལ་ཞེས་ཡང་གཞོན་ནུ་ལྐུགས་འཕྱེ་ཤིང་རྟར་བཅུག་སྟེ། གྲོང་ཁྱེར་བཱ་རཱ་ཎ་སཱིའི་ནང་ནས་ཕྱིར་ཁྲིད་པ་དང་། གཞོན་ [92a.4]ནུ་ལྐུགས་འཕྱེས་མིའི་རོ་མི་བཞིས་ཁྱེར་བ་ཞིག་མཐོང་ནས་སྨྲས་པ། ཅི་རོ་འདི་ཤི་བ་ཉིད་ཀྱི་རོ་ཡིན་ནམ། འོན་ཏེ་གསོན་པོའི་རོ་ཡིན། ཡང་གཤེད་མའི་མི་རྣམས་ཀྱིས་གཞོན་ནུ་ལྐུགས་འཕྱེ་རྒྱལ་པོ་ལ་ཕུལ་ནས་ལྷ་གཞོན་ནུ་ཚིག་འདི་ལྟ་བུ་འདི་བརྗོད་དོ་ཞེས་སྨྲས་སོ། །རྒྱལ་ [92a.5]པོ་ཚངས་བྱིན་གྱིས་ཡང་གཞོན་ནུ་ལྐུགས་འཕྱེ་པང་དུ་བཞག་སྟེ་འདི་སྐད་ཅེས་སྨྲས་སོ། །གཞོན་ནུ་གང་གསད་པར་བྱ། གང་གསོད་དུ་གཞུག་པར་བྱ། གང་སྲོག་དང་དབྲལ་བར་བྱ། གང་ལ་ཅི་ཞིག་སྦྱིན་པར་བྱ། དེ་སྐད་སྨྲས་ཀྱང་གཞོན་ནུ་ལྐུགས་འཕྱེ་ཅང་མི་སྨྲའོ། ། [92a.6]ཡང་རྒྱལ་པོ་ཚངས་བྱིན་གྱིས་གཤེད་མ་རྣམས་ལ་སྨྲས་པ། ངས་གཞོན་ནུ་ཡོངས་སུ་བཏང་གིས་ཁྱེད་ཀྱིས་འོར་ཅིག །གཤེད་མའི་མི་རྣམས་ཀྱིས་ལྷ་བཀའ་བཞིན་འཚལ་ཞེས་ཡང་གཞོན་ནུ་ལྐུགས་འཕྱེ་ཤིང་རྟར་བཅུག་སྟེ། གྲོང་ཁྱེར་བཱ་རཱ་ཎ་སཱིའི་ནང་ནས་ཕྱིར་ཁྲིད་པ་དང་། [92a.7]གཞོན་ནུ་ལྐུགས་འཕྱེས་འབྲུའི་ཕུང་པོ་ཆེན་པོ་ཞིག་མཐོང་ནས་སྨྲས་པ། གལ་ཏེ་འབྲུའི་ཕུང་པོ་འདི་དང་པོ་ཉིད་ནས་དྲུང་མ་ཟོས་ན་ཆེན་པོར་འགྱུར་རོ། །གཤེད་མའི་མི་རྣམས་ཀྱིས་ཡང་གཞོན་ནུ་ལྐུགས་འཕྱེ་རྒྱལ་པོ་ལ་ཕུལ་ནས། ལྷ་གཞོན་ནུ་ཚིག་འདི་ལྟ་བུ་འདི་བརྗོད་ [92b] [92b.1]དོ་ཞེས་སྨྲས་སོ། །རྒྱལ་པོ་ཚངས་བྱིན་གྱིས་ཡང་གཞོན་ནུ་ལྐུགས་འཕྱེ་པང་དུ་བཞག་སྟེ་འདི་སྐད་ཅེས་སྨྲས་སོ། །གཞོན་ནུ་གང་གསད་པར་བྱ། གང་གསོད་དུ་གཞུག་པར་བྱ། གང་སྲོག་དང་དབྲལ་བར་བྱ། གང་ལ་ཅི་ཞིག་སྦྱིན་པར་བྱ། དེ་སྐད་སྨྲས་ཀྱང་གཞོན་ [92b.2]ནུ་ལྐུགས་འཕྱེ་ཅང་མི་སྨྲའོ། །རྒྱལ་པོ་ཚངས་བྱིན་གྱིས་ཡང་གཤེད་མ་རྣམས་ལ་སྨྲས་པ། ངས་གཞོན་ནུ་ཡོངས་སུ་བཏང་གིས་ཤེས་ལྡན་དག་སོང་ལ་གཞོན་ནུ་ནགས་ཁྲོད་དུ་མྱུར་དུ་ས་ཐམས་སུ་ཆུག་ཤིག །ལྷ་བཀའ་བཞིན་འཚལ་ཞེས་གཤེད་མའི་མི་རྣམས་ཀྱིས་ [92b.3]ཡང་གཞོན་ནུ་ལྐུགས་འཕྱེ་ཤིང་རྟར་བཅུག་སྟེ་ནགས་ཁྲོད་ག་ལ་བ་དེར་སོང་ནས་ཕྱིན་པ་དང་། དོང་བརྐོ་བར་བརྩམས་སོ། །དེ་ནས་ལྐུགས་འཕྱེས་དེའི་ཚེ་ཚིགས་སུ་བཅད་པ་སྨྲས་པ། ཁ་ལོ་སྒྱུར་བ་ཅི་ཕྱིར་ཁྱོད། །བརྟད་དང་བཅས་པས་དོང་བརྐོ་བྱེད། །ཅི་ཕྱིར་ [92b.4]ཁྱེད་ཅག་དོང་བརྐོ་བ། །དྲིས་པ་ང་ལ་མྱུར་དུ་སྨྲོས། །ཁ་ལོ་སྒྱུར་བས་སྨྲས་པ། རྒྱལ་པོའི་སྲས་བུ་མི་སྨྲ་བ། །ལྐུགས་འཕྱེ་བཙས་ནས་དེ་ཡིས་ནི། །མྱུར་བར་འདི་ནི་ནགས་ཁྲོད་དུ། །དོང་དུ་ཆུག་ཅེས་བཀའ་སྩལ་ཏོ། །དེ་ནས་གཞོན་ནུ་ལྐུགས་འཕྱེ་འདི་སྙམ་ [92b.5]དུ་སེམས་ཏེ། འདི་དག་ནི་དྲག་ཤུལ་ཅན། ལག་པ་དམར་བ། སྣུན་པ་དང་། རབ་ཏུ་སྣུན་པ་ལ་ཞུགས་པ། གཞན་གྱི་སྲོག་གཅོད་པ། གཞན་གྱི་སྲོག་གཅོད་པས་འཚོ་བར་བྱེད་པ་དག་ཡིན་པས། གལ་ཏེ་ན་འདི་དག་གིས་བདག་གསད་པར་འགྱུར་དུ་འོང་ངོ་སྙམ་ [92b.6]དུ་རིག་ནས་དེ་སྐྲག་སྟེ་གཤེད་མ་རྣམས་ལ་སྨྲས་པ། གལ་ཏེ་ལྷས་བདག་ལ་དམ་པ་ཅིག་སྩོལ་ན། བདག་རྐང་པས་གྲོང་ཁྱེར་དུ་འཇུག་ཅིང་ཚིག་ཀྱང་སྨྲའོ། །གཤེད་མ་པ་རྣམས་ཀྱིས་རྒྱལ་པོའི་གན་དུ་སོང་སྟེ་རྒྱས་པར་བརྗོད་པ་དང་། རྒྱལ་པོས་སྨྲས་པ། གཞོན་ནུ་ [92b.7]གལ་ཏེ་རྒྱལ་སྲིད་འདོད་ན་ངས་དེ་ཡང་གཞོན་ནུ་ལ་སྦྱིན་ནོ། །དེ་ནས་རྒྱལ་པོ་ཚངས་བྱིན་གྱིས་ཡིད་དགའ་ཞིང་ཡིད་དགའ་ནས་བློན་པོ་རྣམས་ལ་སྨྲས་པ། ཤེས་ལྡན་དག་དེང་ལ་གྲོང་ཁྱེར་ཐམས་ཅད་མྱུར་དུ་རྡོ་བ་དང་། གསེག་མ་དང་། གྱོ་མོ་མེད་པར་ཞོག་ལ། བདུག་ [93a] [93a.1]སྤོས་དང་། ཕྱེ་མ་འཁྲིགས་པ་དང་། རྒྱལ་མཚན་དང་། བ་དན་བསྒྲེང་བ་དང་། མེ་ཏོག་སྣ་ཚོགས་བཀྲམ་པ་གྱིས་ཤིག །རྒྱལ་པོ་རྣམས་ནི་ཚིག་གིས་འགྲུབ་ལ། ལྷ་རྣམས་ནི་སེམས་ཀྱིས་འགྲུབ། རྣལ་འབྱོར་པ་རྣམས་ནི་སེམས་བསྐྱེད་པ་ཙམ་ [93a.2]གྱིས་ཐམས་ཅད་འགྲུབ་པས་བློན་པོ་རྣམས་ཀྱིས་ལྷ་བཀའ་བཞིན་འཚལ་ཞེས་རྒྱལ་པོ་ལས་མཉན་ནས། གྲོང་ཁྱེར་ཐམས་ཅད་རྡོ་བ་དང་། གྱོ་མོ་དང་། གསེག་མ་མེད་པར་བཞག་ཅིང་། བདུག་སྤོས་དང་། ཕྱེ་མ་འཁྲིགས་པ་དང་། རྒྱལ་མཚན་དང་། བ་དན་བསྒྲེང་ [93a.3]བ་དང་། མེ་ཏོག་སྣ་ཚོགས་བཀྲམ་པ་བྱས་སོ། །ལྗོངས་ཀྱི་མི་འབུམ་ཕྲག་དུ་མ་དག་ཀྱང་གཞོན་ནུ་ལྐུགས་འཕྱེ་རྐང་པས་གྲོང་ཁྱེར་དུ་འཇུག་ཅིང་ཚིག་ཀྱང་སྨྲ་བར་འགྱུར་རོ། །ཞེས་ཡ་མཚན་སྐྱེས་ནས་འདུས་པར་གྱུར་ཏོ།། །།འདུལ་བ་རྣམ་པར་འབྱེད་པ། བམ་ [93a.4]པོ་ཉི་ཤུ་དགུ་པ། དེ་ནས་གཞོན་ནུ་ལྐུགས་འཕྱེ་རྐང་པས་གྲོང་ཁྱེར་དུ་ཞུགས་ནས་རྒྱལ་པོ་ཚངས་བྱིན་ག་ལ་བ་དེར་སོང་སྟེ་ཕྱིན་ནས། རྒྱལ་པོ་ཚངས་བྱིན་གྱི་རྐང་པ་གཉིས་ལ་གཏུགས་ཏེ། དེའི་ཚེ་ཚིགས་སུ་བཅད་པ་སྨྲས་པ། བདག་ལྐུགས་མ་ལགས་འཕྱེ་མ་ [93a.5]ལགས། །གླེན་པ་མ་ལགས་བློ་མེད་མིན། །གསལ་བར་བགྱིད་པའི་ཚིག་རྣམས་ཀྱིས། །སྨྲ་བ་བདག་ལགས་མི་དབང་པོ། །བདག་ལྐུགས་མ་ལགས་འཕྱེ་མ་ལགས། །གླེན་པ་མ་ལགས་བློ་མེད་མིན། །དབང་པོ་ཚང་བ་གསལ་བ་དང་། །ལྡན་པ་བདག་ལགས་ [93a.6]མི་དབང་པོ། །རྒྱལ་པོས་སྨྲས་པ། བུ་ཁྱེད་ཅིའི་ཕྱིར་ཚིག་སྨྲ་བར་མི་བྱེད་ཅིང་རྐང་པས་འགྲོ་བར་མི་བྱེད། ལྷ་དེའི་སླད་དུ་གསོན་ཅིག །བདག་གིས་སྔོན་གྱི་ཚེ་རབས་སུ། །དགུང་ལོ་དྲུག་བཅུར་བདག་གིས་ནི། །མི་རྣམས་ནང་དུ་རྒྱལ་ཚབ་ཀྱི། །རྒྱལ་སྲིད་རིགས་ [93a.7]མཐུན་བགྱིད་སྩལ་བས། །དགུང་ལོ་སྟོང་ཕྲག་དྲུག་བཅུ་རུ། །སེམས་ཅན་དམྱལ་བར་རབ་ཏུ་བསྲེགས། །སེམས་དམྱལ་སྡུག་བསྔལ་མི་བཟད་པ། །དྲག་པོ་འཇིགས་རུང་དྲན་གྱུར་ནས། །རྒྱལ་སྲིད་མངོན་པར་མི་འཚལ་ཞིང་། །སླན་ཅད་སེམས་དམྱལ་མཆི་མི་ [93b] [93b.1]བགྱི། །ཡབ་ཀྱིས་བདག་ནི་རབ་འབྱུང་བར། །རྗེས་སུ་གནང་བ་མཛད་དུ་གསོལ། །རྒྱལ་པོས་སྨྲས་པ། བུ་དྲང་སྲོང་དག་གང་གི་ཕྱིར་དཀའ་ཐུབ་ཀྱིས་གདུང་བ་དང་། སྦྱིན་སྲེག་དང་། མཆོད་སྦྱིན་བྱེད་པ་ནི་རྒྱལ་སྲིད་ཀྱི་ཕྱིར་ཡིན་ན། ཁྱོད་ཅིའི་ཕྱིར་ལག་མཐིལ་ན་ [93b.2]འདུག་པ་སྤངས་ཏེ་རབ་ཏུ་འབྱུང་བར་བྱེད། དེ་ནས་གཞོན་ནུ་ལྐུགས་འཕྱེས་དེའི་ཚེ་ཚིགས་སུ་བཅད་པ་སྨྲས་པ། ཁོན་གཅུགས་འཐབ་རྩོད་བགྱིད་པ་ཡིས། །འདོད་ལ་སྤྱོད་པ་བདག་མི་འཚལ། །ཁོན་གཅུགས་འཐབ་རྩོད་འཇིགས་བགྱིད་པའི། །ཚངས་སྤྱོད་བདག་གིས་སྤྱད་ [93b.3]པར་བགྱི། །ཀིམ་པའི་འབྲས་བུ་འདྲ་བ་ཡི། །འདོད་པ་སྤྱོད་པར་བདག་མི་འཚལ། །འབྲས་བུ་བདུད་རྩིའི་རོ་བདའ་བའི། །ཚངས་སྤྱོད་བདག་གིས་སྤྱད་པར་བགྱི། །རྒྱལ་པོས་སྨྲས་པ། བདེ་བ་གང་དང་གང་དག་ཉམས་སུ་མྱོང་བར་འགྱུར་བ་དེ་དག་ཐམས་ཅད་ནི་རྒྱལ་པོ་ [93b.4]ཉིད་ཡིན་ན། ཁྱོད་ཅིའི་ཕྱིར་རྒྱལ་སྲིད་སྤངས་ཏེ་རབ་ཏུ་འབྱུང་བར་བྱེད། དེ་ནས་གཞོན་ནུ་ལྐུགས་འཕྱེས་དེའི་ཚེ་ཚིགས་སུ་བཅད་པ་སྨྲས་པ། གང་ལས་སྡུག་བསྔལ་སྐྱེ་འགྱུར་བའི། །བདེ་བ་དེ་ལ་བདེར་མི་སེམས། །གང་ལས་བདེ་བ་སྐྱེ་འགྱུར་བའི། །སྡུག་བསྔལ་དེ་ལ་བདེ་ [93b.5]བར་སེམས། །ཡབ་ཀྱིས་བདག་ནི་དཀའ་ཐུབ་ཀྱི། །ནགས་སུ་མཆི་བ་གནང་བར་མཛོད། །རྒྱལ་པོས་སྨྲས་པ། བུ་འདི་ནི་ཡང་ཏོག་གི་སྟེང་བདུག་སྤོས་དང་། ཕྱེ་མ་འཁྲིགས་པར་མེ་ཏོག་སྣ་ཚོགས་བཀྲམ་ཞིང་གནས་མལ་འཇམ་པོ་ལེགས་པར་བཤམས་པ་དག་ཏུ་ [93b.6]གང་ནས་ཀྱང་འཇིགས་པ་མེད་པར་ཉལ་བར་བྱ་ཞིང་། སིལ་སྙན་གྱི་སྒྲ་སྙན་པ་དག་གིས་སད་པར་བྱ་བ་དང་། གོས་འཇམ་པོ་བགོ་བར་བྱ་བ་དང་། ཞིམ་པོ་བཟའ་བར་བྱ་བ་དང་། ཞིམ་པོ་བཏུང་བར་བྱ་བ་ཡིན་ན་དགོན་པར་རབ་ཏུ་བྱུང་བས་རྟག་ཏུ་ཤིང་དྲུང་དུ་རྩྭ་བཏིང་ [93b.7]བའམ། ལོ་མ་བཏིང་བ་ལ་བྲེད་ངས་ཀྱིས་འཇིགས་པ་དང་བཅས་པའི་སེམས་ཀྱིས་{རི་དགས་,རི་དྭགས་}གདུག་པ་དག་དང་ལྷན་ཅིག་ཉལ་བར་བྱ་བ་དང་། ཝའི་སྐད་ཀྱིས་སད་པར་བྱ་བ་དང་། གཡང་གཞི་དང་ཤིང་ཤུན་བགོ་བར་བྱ་བ་དང་། རྩ་བ་དང་འབྲས་བུ་དག་བཟའ་བར་ [94a] [94a.1]བྱ་བ་དང་། ཆུ་དྲོན་པོ་རྙོག་པ་ཅན་དག་བཏུང་བར་བྱ་དགོས་ན། ཅིའི་ཕྱིར་ཁྱོད་རྒྱལ་སྲིད་སྤངས་ཏེ་རབ་ཏུ་འབྱུང་བར་བྱེད། དེ་ནས་གཞོན་ནུ་ལྐུགས་འཕྱེས་དེའི་ཚེ་ཚིགས་སུ་བཅད་པ་སྨྲས་པ། ནགས་ན་ཤིང་ཤུན་རྩྭ་གྱོན་ཞིང་། །རྩ་བ་འབྲས་བུ་འཆའ་བ་ [94a.2]དང་། །{རི་དགས་,རི་དྭགས་}གདུག་པ་རྣམས་དང་ནི། །ལྷན་ཅིག་གནས་པ་མཆོག་ལགས་ཀྱི། །འཇིག་རྟེན་ཕ་རོལ་འཇིགས་བགྱིད་པའི། །མཁས་པས་རྒྱལ་སྲིད་སླད་དུ་ནི། །གསོད་དང་འཆིང་དང་བརྡེག་པ་དག །བགྱིད་པ་དེ་ལྟ་མ་ལགས་ཀྱིས། །ཡབ་ཀྱིས་བདག་ནི་ [94a.3]དཀའ་ཐུབ་ཀྱི། །ནགས་སུ་མཆི་བ་གནང་བར་མཛོད། །རྒྱལ་པོས་སྨྲས་པ། བུ་ཇེ་ཁོ་བོའི་ཐེ་ཚོམ་གསུམ་པོ་འདི་དག་ཆོད་ཅིག་དང་། དེའི་འོག་ཏུ་ཁྱོད་རབ་ཏུ་འབྱུང་བ་མི་དཀའོ། །ཁྱོད་ཀྱིས་གྲོང་ཁྱེར་བཱ་རཱ་ཎ་སཱིའི་འབྱོར་པ་དང་རྒྱས་པ་མཐོང་ནས་འདི་སྐད་ཅེས་བཱ་རཱ་ཎ་སཱི་ [94a.4]འདི་སྟོང་པ་ཡིན་ནམ། འོན་ཏེ་གནས་པ་ཡིན་ཞེས་སྨྲས་པ་དེ་ཁྱོད་ཀྱིས་ཅི་ལས་བསམས་ཏེ་སྨྲས། ལྷ་དེའི་སླད་དུ་གསོན་ཅིག །ལྷས་བདག་རྒྱུ་མ་མཆིས་པར་ཁུམ་ཤིག་ཅེས་བཀའ་སྩལ་ན། འགའ་ཡང་ཅིའི་སླད་དུ་གཞོན་ནུ་འདི་དགུམ་པར་བགྱི་ཞེས་ཆོས་དང་ལྡན་པའི་ [94a.5]ཚིག་མི་སྨྲས་པས་བདག་གིས་དེ་ལས་བསམས་ཏེ་སྨྲས་སོ། །བུ་མ་ཉེས་སོ། །ཁྱོད་ཀྱིས་མིའི་རོ་མི་བཞིས་ཁྱེར་བ་ཞིག་མཐོང་ནས་འདི་སྐད་ཅེས་ཅི་རོ་འདི་ཤི་བ་ཉིད་ཀྱི་རོ་ཡིན་ནམ། འོན་ཏེ་གསོན་པོའི་རོ་ཡིན་ཞེས་སྨྲས་པ། དེ་ཁྱོད་ཀྱིས་ཅི་ལས་བསམས་ཏེ་སྨྲས། ལྷ་དེའི་ [94a.6]སླད་དུ་གསོན་ཅིག །གང་ནོངས་པ་བགྱིད་པའི་ལས་བགྱིས་པའི་རོ་དེ་ནི་གུམ་པ་ཉིད་ཀྱི་རོ་ལགས་ལ། གང་ལེགས་པ་བགྱིད་པའི་ལས་བགྱིས་པའི་རོ་དེ་ནི་གསོན་པོའི་རོ་ལགས་པས་བདག་གིས་དེ་ལས་བསམས་ཏེ་སྨྲས་སོ། །བུ་མ་ཉེས་སོ། །ཁྱོད་ཀྱིས་འབྲུའི་ཕུང་པོ་ཆེན་ [94a.7]པོ་ཞིག་མཐོང་བ་ན། འདི་སྐད་ཅེས་གལ་ཏེ་འབྲུའི་ཕུང་པོ་འདི་དང་པོ་ཉིད་ནས་དྲུང་མ་ཟོས་ན་ཆེན་པོར་འགྱུར་རོ་ཞེས་སྨྲས་པ་དེ་ཁྱོད་ཀྱིས་ཅི་ལས་བསམས་ཏེ་སྨྲས། ལྷ་དེའི་སླད་དུ་གསོན་ཅིག །ལྷ་ཞིང་པ་གང་དག་འབྲུ་སྐྱིན་པོ་བགྱིས་ཏེ་འཚལ་ནས། ལས་བགྱིད་པ་དེ་དག་ནི་ [94b] [94b.1]འབྲུ་སྨིན་པ་ན་འབྲུའི་ཕུང་པོ་ཆེན་པོ་བུ་ལོན་པ་དག་ལ་འབུལ་བར་བགྱིས་པས་དེ་དག་གིས་ནི་དང་པོ་ཉིད་ནས་དྲུང་འཚལ་བ་ལགས་སོ། །དེ་བཞིན་དུ་དགེ་བ་བཅུའི་ལས་ཀྱི་ལམ་དག་གིས་མི་ཉིད་རྙེད་པ་ན། གལ་ཏེ་དེ་རྙེད་ནས་དགེ་བའི་ལས་ཀྱི་ལམ་སོགས་པར་མི་བགྱིད་པ་དེའི་ [94b.2]སྔོན་གྱི་དགེ་བའི་རྩ་བ་དེ་ཡང་རྒྱུན་ཆད་པར་འགྱུར་ཞིང་། དགེ་བའི་རྩ་བ་རྒྱུན་ཆད་ན་བདེ་འགྲོ་ལས་ཡོངས་སུ་ཉམས་ཤིང་ངན་འགྲོ་ལ་རྟེན་པར་འགྱུར་བས་བདག་གིས་དེ་ལས་བསམས་ཏེ་སྨྲས་སོ། །དེ་ནས་རྒྱལ་པོས་བུའི་ཚིག་དེ་ཐོས་ནས། མཆི་མས་བརྣངས་པས་བུ་ [94b.3]བླངས་ཏེ་ཚིག་སྨྲས་པ། བརྟུལ་ཞུགས་དེས་འཆང་རང་གི་ཆོས་སྤྱོད་ཅིག །བདག་ཀྱང་ཁྱོད་ཀྱི་སློབ་མར་ཁས་ལེན་ནོ། །དེ་ནས་རྒྱལ་པོ་ཚངས་བྱིན་གྱིས་བློན་པོ་རྣམས་ལ་སྨྲས་པ། ཤེས་ལྡན་དག་གལ་ཏེ་གཞོན་ནུ་ལྐུགས་འཕྱེ་རབ་ཏུ་མ་བྱུང་ན་ཅིར་འགྱུར། ལྷ་རྒྱལ་ [94b.4]པོར་འགྱུར་རོ། །ཁྱོད་ཀྱི་བུ་དག་ཅིར་འགྱུར། ལྷ་ཞབས་འབྲིང་བར་འགྱུར་རོ། །འོ་ན་ད་དེ་རབ་ཏུ་འབྱུང་ན་ཁྱེད་ཀྱི་བུ་དེ་དག་ཅིའི་ཕྱིར་རབ་ཏུ་མི་འབྱུང་། ལྷ་བཀའ་སྩལ་པ་བཞིན་འཚལ་ལོ། །དེའི་ཚེ་ན་གྲོང་ཁྱེར་བཱ་རཱ་ཎ་སཱི་དང་ཧ་ཅང་མི་རིང་བ་ན་བསྟི་གནས་ཤིག་ཡོད་པ་ [94b.5]དེ་ན་དྲང་སྲོང་བྱམས་པའི་བདག་ཉིད་ཅན། སྙིང་རྗེ་དང་ལྡན་པ། བརྩེ་བ་དང་ལྡན་པ། སེམས་ཅན་ལ་བྱམས་པ་ཞིག་འདུག་ནས་གཞོན་ནུ་ལྐུགས་འཕྱེ་འཁོར་ལྔ་བརྒྱ་དང་ལྡན་པ་འབྱོར་པ་ཆེན་པོས་དྲང་སྲོང་དེའི་དྲུང་དུ་རབ་ཏུ་བྱུང་ངོ་། །དྲང་སྲོང་དེས་ལྐུགས་འཕྱེ་ལ་གདམས་ [94b.6]ངག་བྱིན་ནས་ལྐུགས་འཕྱེས་བརྩལ་བ་དང་། འབད་པ་དང་། བསྒྲིམ་པ་བྱས་ནས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དེ་ནས་དུས་གཞན་ཞིག་ན་དྲང་སྲོང་དེ་དུས་ཀྱི་ཆོས་དང་ལྡན་པར་གྱུར་ནས་གཞོན་ནུ་ལྐུགས་འཕྱེས་དྲང་སྲོང་དེའི་ལུས་སྤོས་ཀྱི་ཤིང་སྣ་ཚོགས་ [94b.7]ཀྱི་ཕུང་པོར་བཅེར་ཏེ་བསྲེགས་ནས་མཆོད་པ་དང་བསྙེན་བཀུར་ཆེན་པོ་བྱས་སོ། །གཞོན་ནུ་ལྐུགས་འཕྱེས་བྲམ་ཟེའི་ཁྱེའུ་ལྔ་བརྒྱ་པོ་དེ་དག་ཡོངས་སུ་བསྐྱང་བར་བརྩམས་ནས། དེའི་མིང་གཞོན་ནུ་ལྐུགས་འཕྱེ་ཞེས་བྱ་བ་གང་ཡིན་པ་དེ་ནུབ་པར་གྱུར་ཅིང་། སྟོན་པ་ལྐུགས་ [95a] [95a.1]འཕྱེ་སྟོན་པ་ལྐུགས་འཕྱེ་ཞེས་བྱ་བའི་མིང་ཆགས་པར་གྱུར་ཏོ། །དེ་ནས་དུས་གཞན་ཞིག་ན་སྟོན་པ་ལྐུགས་འཕྱེ་འདི་སྙམ་དུ་སེམས་ཏེ། ཅིའི་ཕྱིར་བྲམ་ཟེའི་ཁྱེའུ་ལྔ་བརྒྱ་པོ་འདི་དག་མངོན་པར་ཤེས་པ་ལྔ་མངོན་སུམ་དུ་མི་བྱེད་སྙམ་ནས་དེ་འདི་སྙམ་དུ་སེམས་ [95a.2]ཏེ། འདི་དག་གཡང་གཞི་དང་། ཤིང་ཤུན་དང་། དབྱུག་གུ་དང་། རིལ་བ་དང་། བླུགས་གཟར་དང་། དགང་གཟར་ལྷག་པ་འཆང་ཞིང་། ཤིན་ཏུ་ལོ་མ་དང་། ཁྲེ་རྒོད་དང་། ཨུཏྤ་ལའི་རྩ་བ་ལ་སྦྱོར་བའི་རྗེས་སུ་བརྩོན་པར་གནས་པའི་ཕྱིར་རོ་སྙམ་མོ། །དེ་ནས་ [95a.3]སྟོན་པ་ལྐུགས་འཕྱེ་འདི་སྙམ་དུ་སེམས་ཏེ། གལ་ཏེ་བདག་གིས་བྲམ་ཟེའི་ཁྱེའུ་འདི་དག་སྨད་ན་དབྲལ་དཀའ་བར་འགྱུར་རོ་སྙམ་ནས། བྱང་ཆུབ་སེམས་དཔའ་རྣམས་ནི་གདུལ་བ་ལ་མཁས་པ་བླ་ན་མེད་པ་ཡིན་པས་དེ་ནས་སྟོན་པ་ལྐུགས་འཕྱེས་བྲམ་ཟེའི་ཁྱེའུ་རྣམས་ལ་ [95a.4]སྨྲས་པ། བྲམ་ཟེའི་ཁྱེའུ། དགུང་ཟླ་བ་གསུམ་པོ་འདི་ལ་ནང་དུ་ཡང་དག་འཇོག་འདོད་ཀྱིས་ངའི་གན་དུ་བྲམ་ཟེའི་ཁྱེའུ་རྩ་བ་དང་། འབྲས་བུ་སྟོབས་པ་གཅིག་དང་འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་གང་གིས་ཀྱང་ཉེ་བར་འོང་བར་མི་བྱའོ། །བྲམ་ཟེའི་ཁྱེའུ་ [95a.5]རྣམས་ཀྱིས་ཀྱང་དབྱར་གྱི་ནང་དག་ཏུ་བྲམ་ཟེའི་ཁྱེའུ་རྩ་བ་དང་། འབྲས་བུ་སྟོབས་པ་གཅིག་དང་། འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་བདག་ཅག་ལས་བྲམ་ཟེའི་ཁྱེའུ་གང་གིས་ཀྱང་མཁན་པོ་ལ་ལྟར་འགྲོ་བར་མི་བྱའོ། །དབྱར་གྱི་ནང་དག་ཏུ་བྲམ་ཟེའི་ཁྱེའུ་ [95a.6]རྩ་བ་དང་། འབྲས་བུ་སྟོབས་པ་གཅིག་དང་འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་བདག་ཅག་ལས་བྲམ་ཟེའི་ཁྱེའུ་གང་མཁན་པོ་ལ་ལྟར་འགྲོ་བ་དེ་བདག་ཅག་གིས་ལྟུང་བྱེད་ཀྱི་ལྟུང་བ་བྱེད་དུ་གཞུག་གོ་ཞེས་ཁྲིམས་སུ་བྱ་བ་བཅས་སོ། །སྟོན་པ་ལྐུགས་འཕྱེས་ [95a.7]ཟླ་བ་གསུམ་ནང་དུ་ཡང་དག་འཇོག་ལ་ཞུགས་པ་ན། དེའི་གན་དུ་བྲམ་ཟེའི་ཁྱེའུ་རྩ་བ་དང་། འབྲས་བུ་སྟོབས་པ་གཅིག་དང་། དེ་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པའི་ཚེ་མ་གཏོགས་པར་བྲམ་ཟེའི་ཁྱེའུ་གང་ཡང་ཉེ་བར་མི་འགྲོའོ། །སྟོན་པ་ལྐུགས་འཕྱེས་ཐག་རིང་པོ་ཁོ་ན་ [95b] [95b.1]ནས་{རི་དགས་,རི་དྭགས་}མཐོང་ངོ་། །མཐོང་ནས་ཀྱང་འདི་སྐད་ཅེས་སྨྲས་སོ། །{རི་དགས་,རི་དྭགས་}ཚུར་ཤོག །{རི་དགས་,རི་དྭགས་}ཁྱོད་འོངས་པ་ལེགས་སོ། །ཁྱོད་དང་ཁོ་བོ་མཚུངས་ཏེ། ཁྱོད་ཀྱང་ལྟོ་ཁེངས་པའི་ཟས་ཀྱིས་ཆོག་ཤེས་པ་དང་། ཀུན་ཏུ་ཆོག་ཤེས་པ་ཡིན་ལ། ཁོ་བོ་ཡང་ལྟོ་ཁེངས་པའི་བསོད་ [95b.2]སྙོམས་ཀྱིས་ཆོག་ཤེས་པ་དང་། ཀུན་ཏུ་ཆོག་ཤེས་པ་ཡིན་ནོ། །འདི་ན་ཁ་ཅིག་ཤིན་ཏུ་ལོ་མ་དང་། ཁྲེ་རྒོད་དང་། ཨུཏྤལའི་རྩ་བ་ལ་སྦྱོར་བའི་རྗེས་སུ་བརྩོན་པར་གནས་པ་དག་ནི་མ་ཡིན་ནོ། །དེ་ནས་བྲམ་ཟེའི་ཁྱེའུ་དེ་དག་འདི་སྙམ་དུ་སེམས་ཏེ། གོར་མ་ཆག་པར་མཁན་པོའི་ [95b.3]བརྟུལ་ཞུགས་རྫོགས་པར་གྱུར་ཏེ། འདི་ལྟར་མཁན་པོ་{རི་དགས་,རི་དྭགས་}དང་ལྷན་ཅིག་ཕེབས་པར་སྨྲ་བར་བྱེད་དོ་སྙམ་དུ་རིག་ནས་སྟོན་པ་ལྐུགས་འཕྱེ་ག་ལ་བ་དེར་དོང་སྟེ་ཕྱིན་ནས། སྟོན་པ་ལྐུགས་འཕྱེའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འཁོད་དོ། །དེ་ནས་སྟོན་པ་ [95b.4]ལྐུགས་འཕྱེ་ཅང་མི་སྨྲ་བར་འདུག་གོ། །དེ་ནས་བྲམ་ཟེའི་ཁྱེའུ་དེ་དག་འདི་སྙམ་དུ་སེམས་ཏེ། མཁན་པོ་དུད་འགྲོ་རྣམས་དང་ལྷན་ཅིག་ཕེབས་པར་སྨྲ་བར་བྱེད་ཀྱི། མི་རྣམས་དང་མི་བྱེད་གོར་མ་ཆག་སྙམ་ནས་སྟན་ལས་ལངས་ཏེ་དོང་ངོ་། །དེ་ནས་{རི་དགས་,རི་དྭགས་}ཀྱི་བརྟུལ་ཞུགས་ [95b.5]ཅན་ཞིག་སྟོན་པ་ལྐུགས་འཕྱེ་ག་ལ་བ་དེར་དོང་བ་དང་། སྟོན་པ་ལྐུགས་འཕྱེས་{རི་དགས་,རི་དྭགས་}ཀྱི་བརྟུལ་ཞུགས་ཅན་དེ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་འདི་སྐད་ཅེས་སྨྲས་སོ། །{རི་དགས་,རི་དྭགས་}ཀྱི་བརྟུལ་ཞུགས་ཅན་ཚུར་ཤོག །{རི་དགས་,རི་དྭགས་}ཀྱི་བརྟུལ་ཞུགས་ཅན་ཁྱོད་ [95b.6]འོངས་པ་ལེགས་སོ། །ཁྱོད་དང་ཁོ་བོ་མཚུངས་ཏེ། ཁྱོད་ཀྱང་གཡང་གཞི་གཅིག་འཆང་ལ། ཁོ་བོ་ཡང་གཡང་གཞི་གཅིག་འཆང་ངོ་། །ཁྱོད་ཀྱང་ཤིང་ཤུན་གཅིག་དང་། དབྱུག་གུ་གཅིག་དང་། རིལ་བ་གཅིག་དང་། བླུགས་གཟར་དང་། དགང་གཟར་གཅིག་འཆང་ [95b.7]ལ། ཁོ་བོ་ཡང་ཤིང་ཤུན་གཅིག་དང་། དབྱུག་གུ་གཅིག་དང་། རིལ་བ་གཅིག་དང་། བླུགས་གཟར་དང་། དགང་གཟར་གཅིག་འཆང་ངོ་། །ཁྱོད་ཀྱང་ལྟོ་ཁེངས་པའི་བསོད་སྙོམས་ཀྱིས་ཆོག་ཤེས་པ་དང་། ཀུན་དུ་ཆོག་ཤེས་པ་ཡིན་ལ། ཁོ་བོ་ཡང་ལྟོ་ཁེངས་ [96a] [96a.1]པའི་བསོད་སྙོམས་ཀྱིས་ཆོག་ཤེས་པ་དང་། ཀུན་དུ་ཆོག་ཤེས་པ་ཡིན་ནོ། །འདི་ན་ཁ་ཅིག་གཡང་གཞི་དང་། ཤིང་ཤུན་དང་། དབྱུག་གུ་དང་། རིལ་བ་དང་། བླུགས་གཟར་དང་། དགང་གཟར་ལྷག་པར་འཆང་བ་དག་ནི་མ་ཡིན་ནོ། །དེ་ནས་ [96a.2]བྲམ་ཟེའི་ཁྱེའུ་དེ་དག་འདི་སྙམ་དུ་སེམས་ཏེ། འདི་ལྟར་མཁན་པོས་འདོད་པ་ཆེ་བ་སྨད་ཅིང་། འདོད་པ་ཆུང་བ་ཉིད་བསྟོད་པ་ནི་དོན་གྱིས་ན་མཁན་པོས་བདག་ཅག་སྨད་པ་ཡིན་གྱིས། བདག་ཅག་གིས་གཡང་གཞི་དང་། ཤིང་ཤུན་དང་། དབྱུག་གུ་དང་། རིལ་བ་ [96a.3]དང་། བླུགས་གཟར་དང་། དགང་གཟར་ལྷག་པ་དག་ཆུ་ཀླུང་ཟློག་བྱེད་ཀྱི་ནང་དུ་བོར་ཏེ། མཁན་པོ་ག་ལ་བ་དེར་འདོང་ངོ་སྙམ་ནས། དེ་དག་གི་གཡང་གཞི་དང་། ཤིང་ཤུན་དང་། དབྱུག་གུ་དང་། རིལ་བ་དང་། བླུགས་གཟར་དང་། དགང་གཟར་ལྷག་པ་དག་ཆུ་ཀླུང་ [96a.4]ཟློག་བྱེད་དུ་བོར་ནས་རྒྱུད་དག་པ་དང་། ཡོ་བྱད་བསྙུངས་པའི་ཚུལ་དག་གིས་སྟོན་པ་ལྐུགས་འཕྱེ་ག་ལ་བ་དེར་དོང་སྟེ་ཕྱིན་ནས། སྟོན་པ་ལྐུགས་འཕྱེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །དེ་ནས་སྟོན་པ་ལྐུགས་འཕྱེས་བྲམ་ཟེའི་ཁྱེའུ་དེ་དག་ [96a.5]གི་བསམ་པ་དང་། བག་ལ་ཉལ་དང་། ཁམས་དང་རང་བཞིན་ཁོང་དུ་ཆུད་ནས། འདི་ལྟར་བྲམ་ཟེའི་ཁྱེའུ་ལྔ་བརྒྱ་པོ་དེ་དག་གིས་མངོན་པར་ཤེས་པ་ལྔ་མངོན་སུམ་དུ་བྱས་པར་གྱུར་པ་དེ་ལྟར་ཆོས་བསྟན་པ་བྱས་སོ། །དགེ་སློང་དག་དེའི་ཚེ་དེའི་དུས་ན་སྟོན་པ་ལྐུགས་འཕྱེ་ [96a.6]གང་ཡིན་པ་དེ་ནི་ང་བྱང་ཆུབ་སེམས་དཔའི་སྤྱོད་པ་ལ་འཇུག་པ་ཡིན་ནོ། །དེའི་ཚེ་དེའི་དུས་ན་བྲམ་ཟེའི་ཁྱེའུ་ལྔ་བརྒྱ་པོ་གང་དག་ཡིན་པ་དེ་དག་ནི་ཤཱཀྱ་གཞོན་ནུ་ལྔ་བརྒྱ་པོ་འདི་དག་ཡིན་ནོ། །དེའི་ཚེ་དེའི་དུས་ན་{རི་དགས་,རི་དྭགས་}ཀྱི་བརྟུལ་ཞུགས་ཅན་གང་ཡིན་པ་དེ་ནི་དགེ་སློང་ཉེ་སྡེ་ཡིན་ [96a.7]ཏེ། དེའི་ཚེ་ཡང་ངས་ཤཱཀྱ་གཞོན་ནུ་ལྔ་བརྒྱ་པོ་འདི་དག་རིགས་ཀྱི་བུ་ཉེ་སྡེ་ལ་བརྟེན་ནས་འདོད་པ་ཆེ་བ་དང་ཕྲལ་ཞིང་འདོད་པ་ཆུང་བ་ཉིད་ལ་བཀོད་དེ། མངོན་པར་ཤེས་པ་ལྔ་པོ་དག་ལ་གཞག་པར་བྱས་ལ་ད་ལྟར་ཡང་ངས་ཤཱཀྱ་གཞོན་ནུ་ལྔ་བརྒྱ་པོ་འདི་དག་རིགས་ཀྱི་བུ་ཉེ་ [96b] [96b.1]སྡེ་ལ་བརྟེན་ནས་འདོད་པ་ཆེ་བ་དང་ཕྲལ་ཞིང་འདོད་པ་ཆུང་བ་ཉིད་ལ་བཀོད་དེ། ཤིན་ཏུ་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་གཞག་པ་མཛད་དོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ [96b.2]ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང་། འདྲེན་མ་སྤངས་ནས་ལས་གཅིག་ཏུ་དཀར་བ་དག་ལ་ [96b.3]བརྩལ་བར་བྱ་སྟེ། དགེ་སློང་དག་དེ་ལྟར་ཁྱོད་ཀྱིས་བསླབ་པར་བྱའོ། །འཁྲུར་འཇུག་པའི་སྤང་བ་སྟེ་བཞི་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་ [96b.4]གི་ཚེ་བཅོམ་ལྡན་འདས་ཀྱིས་དགེ་སློང་མ་རྣམས་ཀྱིས་དགོན་པར་གནས་པ་མ་བཀག་པ་དེའི་ཚེ་ན་དགེ་སློང་མ་རྣམས་ཀྱང་དགོན་པའི་གནས་སུ་དོང་སྟེ། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་བདེ་བ་དག་ཉམས་སུ་མྱོང་ [96b.5]བར་བྱེད་དོ། །དེ་ནས་དགེ་སློང་མ་ཨུཏྤ་ལའི་མདོག་འཁོར་ལྔ་བརྒྱ་དང་ནགས་མུན་པ་ཅན་ག་ལ་བ་དེར་སོང་སྟེ་ཕྱིན་ནས་ཤིང་ལྗོན་པའི་དྲུང་ཞིག་ཏུ་བརྟེན་ཏེ་སྐྱིལ་མོ་ཀྲུང་ཕྱེད་ཀྱིས་འདུག་ནས་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་ [96b.6]འཇུག་པའི་བདེ་བ་དག་ཉམས་སུ་མྱོང་བར་བྱེད་དོ། །དགེ་སློང་མ་དེ་དག་ཕྱེ་མ་རེད་མཉན་ཡོད་དུ་འཇུག་འདོད་ནས་སྨྲས་པ། འཕགས་མ་ཨུཏྤ་ལའི་མདོག་བསླང་བར་བྱའོ། །ཁ་ཅིག་གིས་སྨྲས་པ། འཕགས་མ་ཨུཏྤ་ལའི་མདོག་ནི་མཐུ་ཆེ་བ་རྫུ་འཕྲུལ་ཆེ་བ་ཡིན་ [96b.7]པས་དང་པོ་ཁོ་ནར་དབྱར་ཁང་དུ་འགྲོ་བར་འགྱུར་བའི་གནས་ཀྱང་ཡོད་དོ་ཞེས་ཟེར་ནས་དེ་དག་གིས་དེ་མ་བསླང་བ་ཁོ་ནར་དོང་ངོ་། །ཨུཏྤ་ལའི་མདོག་ཀྱང་ཕྱེ་མ་རེད་ལངས་ནས་དགེ་སློང་མ་དེ་དག་ཐམས་ཅད་དོང་བར་མཐོང་བ་དང་། དེས་བསམས་པ། ཅི་ད་འགྲོའམ། འོན་ [97a] [97a.1]ཏེ་འདི་ཉིད་དུ་འདུག་སྙམ་ནས་དེ་དེ་ཉིད་དུ་འགོག་པ་ལ་སྙོམས་པར་ཞུགས་སོ། །གཡོན་ཅན་ལྔ་བརྒྱ་ཙམ་གྱིས་ལས་དག་བྱས་ནས་ནགས་མུན་པ་ཅན་དུ་ལྷགས་ཏེ། དེ་དག་གིས་སྨྲས་པ། བདག་ཅག་ལས་ཉིས་བརྒྱ་ལྔ་བཅུས་ནི་སྐལ་བ་ [97a.2]དག་བགོ་བར་བྱའོ། །ཉིས་བརྒྱ་ལྔ་བཅུས་ནི་ནགས་བྱུལ་བར་བྱའོ་ཞེས་དེ་དག་ལས་ཉིས་བརྒྱ་ལྔ་བཅུས་ནི་སྐལ་བ་དག་བགོ་བར་བརྩམས། ཉིས་བརྒྱ་ལྔ་བཅུས་ནི་ནགས་བྱུལ་བར་བརྩམས་པ་དང་། དེ་དག་གིས་ཨུཏྤ་ལའི་མདོག་འདུག་པ་མཐོང་ངོ་། །དེ་ [97a.3]ན་ཁ་ཅིག་ན་རེ་ཤེས་ལྡན་དག་འདི་ནི་ཐོ་ཡོར་ཞིག་ཡིན་ནོ་ཞེས་ཟེར། ཁ་ཅིག་ན་རེ་འདི་ནི་མི་ཞིག་ཡིན་ནོ་ཞེས་ཟེར། ཁ་ཅིག་ན་རེ་འདི་ནི་དགེ་སློང་ཞིག་ཡིན་ནོ་ཞེས་ཟེར་རོ། །དེ་ན་དགེ་སློང་གི་རྒྱུས་ཤེས་པ་ཞིག་འདུག་པ་དེས་སྨྲས་པ། འདི་ནི་དགེ་སློང་མ་ཞིག་ [97a.4]ཡིན་གྱི་དགེ་སློང་ནི་མ་ཡིན་ནོ། །ཇི་ལྟར་ཤེས། དགེ་སློང་དག་ནི་སྐྱིལ་མོ་ཀྲུང་གིས་འདུག་ལ། དགེ་སློང་མ་རྣམས་ནི་སྐྱིལ་མོ་ཀྲུང་ཕྱེད་ཀྱིས་འདུག་གོ། །དེ་དག་ངོ་མཚར་སྐྱེས་ནས་ཤེས་ལྡན་དག་འདི་ལྟ་བུའི་ནགས་འཇིགས་སུ་རུང་བའི་ནང་ན་དགེ་སློང་མ་གཅིག་ [97a.5]པུ་མཚན་མོ་གནས་པར་ཁས་བླངས་པ་ལྟོས་ཞེས་ཟེར་རོ། །དེ་དག་དམག་དཔོན་གྱི་གན་དུ་སོང་བ་དང་། དམག་དཔོན་གྱིས་དེ་དག་ལ་དྲིས་པ། ཤེས་ལྡན་དག་ཁྱེད་ཀྱི་ནགས་མུན་པ་ཅན་འདི་ན་ངོ་མཚར་ཅུང་ཟད་མཐོང་བ་ཡོད་དམ་མཆིས་ཏེ། འདི་ལྟ་བུའི་ནགས་ [97a.6]འཇིགས་སུ་རུང་བའི་ནང་ན། དགེ་སློང་མ་གཅིག་པུ་མཚན་མོ་གནས་པར་ཁས་བླངས་པ་མཆིས་སོ། །དེ་བལྟས་འདོང་ངོ་ཞེས་དེ་དག་དེའི་དྲུང་དུ་དོང་བ་དང་། དམག་དཔོན་གྱིས་དགེ་སློང་མ་ཨུཏྤ་ལའི་མདོག་གཟུགས་བཟང་བ། བལྟ་ན་སྡུག་པ། མཛེས་པ་མཐོང་ [97a.7]ངོ་། །མཐོང་ནས་ཀྱང་མངོན་པར་དད་པར་གྱུར་ནས་དེ་མངོན་པར་དད་པ་སྐྱེས་པས་སྨྲས་པ། ཀྱེ་མ་དགེ་སློང་མ་འདི་ནི་གཉིག་ནས་བཟང་བ་ཡིན་ཏེ། མཚན་མོ་ཟླ་ཉི་མོ་ལྟར་འདུག་པ་གང་ཡིན་པ་དང་། གཟུགས་བཟང་བ། བལྟ་ན་སྡུག་པ། མཛེས་པ་གང་ཡིན་པས་སོ་ [97b] [97b.1]ཞེས་དེ་བསླང་བར་བརྩམས་པ་དང་། དེ་དག་གིས་སྨྲས་པ། ཅིའི་ཕྱིར་འདི་སློང་བར་བྱེད། ཟས་སྦྱིན་པར་བྱའོ། །དགེ་སློང་གི་རྒྱུས་ཤེས་པ་གཅིག་གིས་སྨྲས་པ། འདི་ནི་དུས་མ་ཡིན་པར་མི་ཟའོ། །དམག་དཔོན་གྱིས་སྨྲས་པ། ཅིའི་ཕྱིར། དེས་སྨྲས་ [97b.2]པ། འདི་ནི་དུས་མ་ཡིན་པའི་ཟས་སྤངས་པ་ཡིན་ནོ། །དམག་དཔོན་གྱིས་སྨྲས་པ། ཀྱེ་མ་དགེ་སློང་མ་འདི་ནི་གཉིས་ཀ་ནས་བཟང་བ་ཡིན་ཏེ། གཟུགས་བཟང་བ། བལྟ་ན་སྡུག་པ། མཛེས་པ་གང་ཡིན་པ་དང་། དུས་མ་ཡིན་པའི་ཟས་སྤངས་པ་གང་ [97b.3]ཡིན་པས་སོ། །ཡང་སྨྲས་པ། འདི་ལ་ཆང་བླུད་པར་བྱའོ། །དགེ་སློང་གི་རྒྱུས་ཤེས་པ་དེས་སྨྲས་པ། འདི་ནི་མྱོས་པར་འགྱུར་བའི་བཏུང་བ་སྤངས་པ་ཡིན་ནོ། །དམག་དཔོན་གྱིས་སྨྲས་པ། ཀྱེ་མ་དགེ་སློང་མ་འདི་ནི་གཉིག་ནས་བཟང་བ་ཡིན་ཏེ། གཟུགས་ [97b.4]བཟང་བ། བལྟ་ན་སྡུག་པ། མཛེས་པ་གང་ཡིན་པ་དང་། མྱོས་པར་འགྱུར་བའི་བཏུང་བ་སྤངས་པ་གང་ཡིན་པས་སོ། །ཡང་སྨྲས་པ། ཁོ་བོས་ཡོན་གནས་ཀྱི་ཞིང་འདི་ལྟ་བུ་ལ་བསོད་སྙོམས་ཀྱིས་བསྒྲུབ་པར་མ་ནུས་སོ་ཞེས་དེས་རས་ཡུག་ཆེན་པོ་ལ་འོས་པ་ [97b.5]གཅིག་དང་། བསོད་སྙོམས་ཀྱི་ཕུད་ཅིག་ཕུལ་ནས་ཤིང་ལྗོན་པའི་ཡལ་ག་ལ་བཏགས་ཏེ་བཞག་ནས་སྨྲས་པ། འཕགས་མ་འདི་ལྟར་ཁྱོད་ལ་མི་མཁྱེན་པ་དང་། མི་གཟིགས་པ་དང་། མི་རིག་པ་དང་། རྣམ་པར་མི་མཁྱེན་པ་ཅི་ཡང་མི་མངའ་བས་བདག་གིས་ [97b.6]ཁྱོད་ལ་བསོད་སྙོམས་དང་ན་བཟའ་འདི་འབུལ་ལོ་ཞེས་སྨྲས་ཏེ་སོང་ངོ་། །ཨུཏྤ་ལའི་མདོག་ནང་པར་སྔར་ལངས་པས་སྐྱེ་བོ་ཕལ་པོ་ཆེའི་རྗེས་ཤུལ་མཐོང་ནས་དེས་བསམས་པ་དང་། གཡོན་ཅན་ལྔ་བརྒྱ་ཉེ་བར་འོངས་པར་མཐོང་ནས་མི་མཛེས་པ་འགའ་ཞིག་རིག་པར་མ་ [97b.7]བྱས་སམ་སྙམ་ན་འགའ་ཡང་མ་བྱས་པར་མཐོང་ངོ་། །ཤིང་ལྗོན་པའི་ཡལ་ག་ལ་རས་ཡུག་ཆེན་དང་། བསོད་སྙོམས་བཏགས་ཏེ་བཞག་པ་མཐོང་ནས་དེས་བསམས་པ། འདི་ནི་དད་པར་གྱུར་པ་རྣམས་ཀྱིས་དད་པའི་དབང་དུ་བྱས་པ་ཡིན་ནོ་སྙམ་ནས་དེས་བསམས་པ། [98a] [98a.1]གལ་ཏེ་བྱིན་ལེན་སྟོབས་པ་ལ་བསྡད་ན་བྱའམ། སྤྲེའུས་ཆུད་གཟན་པར་འགྱུར་བས་བདག་ནི་དགེ་འདུན་ལ་བསོད་སྙོམས་ཀྱི་ཕུད་འབུལ་བ་ཡིན་ལ་འདི་ལྟར་དགེ་སློང་རྣམས་ལ་མི་རུང་བ་གང་ཡིན་པ་དེ་ནི་དགེ་སློང་མ་རྣམས་ལ་རུང་བ་ཡིན་ལ། དགེ་ [98a.2]སློང་མ་རྣམས་ལ་མི་རུང་བ་གང་ཡིན་པ་དེ་ནི་དགེ་སློང་རྣམས་ལ་རུང་བ་ཡིན་པས་བདག་རང་ཉིད་ཀྱིས་འདི་ཁྱེར་ཏེ། དགེ་འདུན་ལ་བསོད་སྙོམས་ཀྱི་ཕུད་འབུལ་དུ་འགྲོའོ་སྙམ་ནས་དེས་དེ་ཁྱེར་ཏེ་རྒྱལ་བྱེད་ཀྱི་ཚལ་དུ་སོང་ངོ་། །དྲུག་སྡེ་རྣམས་ཀྱི་ཀུན་དུ་སྤྱོད་པ་ནི་དྲུག་སྡེ་ལས་ [98a.3]གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས་ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས་ཨུཏྤ་ལའི་མདོག་མཐོང་ནས་སྨྲས་པ། སྲིང་མོ་ཅིའི་ཕྱིར་ནང་པར་སྔར་མཉན་ཡོད་ཀྱི་སྒོ་དག་ཕྱེ་སྟེ་འོངས། དེས་སྨྲས་པ། བདག་མཉན་ཡོད་དུ་ [98a.4]མ་མཆིས་ཀྱི། བདག་མདང་སུམ་ནགས་མུན་པ་ཅན་དུ་མཆིས་པར་ཁས་བླངས་སོ། །ཉེ་{དགའས་,དགས་}སྨྲས་པ། ཉེ་དགའ་ནི་ཉིན་མོ་ཉིད་ནགས་མུན་པ་ཅན་དུ་ཞུགས་ན་ཡང་སྤུ་དག་གྱེན་དུ་འགྲེང་བར་འགྱུར་རོ། །སྲིང་མོ་ཁྱེར་བ་འདི་ཅི་ཡིན། དེས་སྨྲས་པ། ཆོམ་རྐུན་པ་ [98a.5]ལྔ་བརྒྱ་ཙམ་དེར་མཆིས་ནས་དེ་དག་དད་པར་གྱུར་པས་བདག་ལ་དད་པའི་དབང་དུ་བགྱིས་པ་སྩལ་ཏོ། །སྲིང་མོ་ཁྱོད་ནི་ཆོམ་རྐུན་པས་ཀྱང་དད་པར་བྱ་བ་ཡིན་གྱི། གལ་ཏེ་ཉེ་དགའ་དེ་དག་གིས་མཐོང་དུ་ཟིན་ན་ལྕག་རྒོད་མང་པོས་བརྡབས་ཏེ་ཁུར་ཙ་བར་ཁྲིད་པར་འགྱུར་རོ། །འདི་ [98a.6]ལྟར་གང་ལ་རས་ཡུག་ཆེན་འདི་ལྟ་བུ་ཡོད་པ་དེ་ནི་གོས་སར་པ་ལས་སྣམ་སྦྱར་ཉི་རིམ་བྱས་ཏེ་སེམས་ལས་ཆུང་ངུས་དགེ་བའི་ཕྱོགས་ལ་ཏྲོན་བྱེད་པར་འགྱུར་རོ། །འཕགས་པ་ཁྱོད་རས་ཡུག་ཆེན་འདི་བཞེད་དམ། ལྷའི་གནས་ཀྱི་ལྷག་མ་བཞིན་དུའོ། །འཕགས་པ་བདག་ [98a.7]གིས་དགེ་འདུན་ལ་བསོད་སྙོམས་ཀྱི་ཕུད་ཕུལ་ཏེ་སླར་མཆིས་པའི་བར་དུ་གཞེས་ཤིག་དང་། དེའི་འོག་ཏུ་ཁྱོད་ལ་རས་ཡུག་ཆེན་གསོལ་ལོ། །ཉེ་{དགའས་,དགས་}བསམས་པ། ལྷུང་བཟེད་ནག་པོ་ཅན་འགའ་ཞིག་གིས་འདི་ལ་བསླངས་པ་དང་དེ་ལ་བྱིན་པར་འགྱུར་རོ་སྙམ་ནས། [98b] [98b.1]སྲིང་མོ་བདག་གིས་བསོད་སྙོམས་ཀྱི་ཕུད་ལེན་པ་དག་ཁྲིད་དེ་འོང་གིས་དེའི་བར་དུ་འདི་ཉིད་དུ་སྡོད་ཅིག །ཉེ་དགའ་རྒྱལ་བྱེད་ཀྱི་ཚལ་དུ་ཞུགས་པ་དང་། དེས་དགེ་སློང་བསོད་སྙོམས་ཀྱི་ཕུད་ལེན་པ་དག་སྙིང་ལས་ཆུང་ངུར་འཁོད་པ་མཐོང་ནས་དེས་སྨྲས་པ། ཚེ་དང་ལྡན་པ་དག་ [98b.2]སྦྱིན་བདག་དག་ནི་ཁུར་གྱིས་ངལ་ཞིང་སྡོད་ལ། ཁྱེད་ཅག་ནི་འདི་ན་སྙིང་ལས་ཆུང་ངུར་འཁོད་ན་ཚུར་ཤོག་བསོད་སྙོམས་ཀྱི་ཕུད་ལོང་ཤིག །དེ་དག་གིས་གཞོང་བུ་ཐོགས་ཏེ་དོང་བ་དང་། ཨུཏྤ་ལའི་མདོག་གིས་དེ་དག་ལ་བསོད་སྙོམས་ཀྱི་ཕུད་ཕུལ་ནས་རས་ཡུག་ཆེན་སྤྲུགས་ [98b.3]ནས་ཉེ་དགའ་ལ་ཕུལ་ལོ། །ཉེ་{དགའས་,དགས་}ཁྱོད་སྦྱིན་པ་འདིས་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་དང་། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་ཅེས་སྨྲས་སོ། །ཨུཏྤ་ལའི་མདོག་གིས་བསམས་པ། ང་ [98b.4]དབྱར་ཁང་དུ་སོང་སྟེ་ཅི་རུང་། བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འགྲོ་བར་བྱའོ་སྙམ་ནས། དེ་ནས་ཨུཏྤ་ལའི་མདོག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། ། [98b.5]དེའི་ཚེ་ན་ཨུཏྤ་ལའི་མདོག་གིས་ཆོས་གོས་ལྔ་ངན་ཅིང་སྣམ་སྦྱར་ཡང་རྙིངས་པར་གྱུར་ནས། དེ་ན་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་མ་རྣམས་ཀྱིས་དབྱར་གྱི་གོས་ཀྱི་རྙེད་པ་མ་གྲུབ་བམ། བཙུན་པ་གྲུབ་ [98b.6]བོ། །འོ་ན་ཅིའི་ཕྱིར་དགེ་སློང་མ་ཨུཏྤ་ལའི་མདོག་གི་ཆོས་གོས་ལྔ་ངན་ཅིང་སྣམ་སྦྱར་ཡང་རྙིངས་པར་གྱུར། བཙུན་པ་སྲིང་མོ་འདི་ནི་དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ལགས་ཏེ། འདིས་སངས་རྒྱས་སམ། ཆོས་སམ། དགེ་འདུན་ནམ། དགེ་ [98b.7]སློང་ཡིད་དུ་འཐད་པ་དག་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མ་མཆིས་ཏེ། འདིས་དེང་ཡང་རས་ཡུག་ཆེན་རྙེད་ནས་དེ་ཡང་འདིས་བཙུན་པ་ཉེ་དགའ་ལ་སྩོལ་ཏོ། །ཀུན་དགའ་བོ་དགེ་སློང་དག་དགེ་སློང་མ་ཉེ་དུ་མ་ཡིན་པ་ལ་གོས་ལྷག་པ་ལེན་ཏམ། བཙུན་ [99a] [99a.1]པ་ལེན་ཏོ། །ཀུན་དགའ་བོ་དགེ་སློང་དག་དགེ་སློང་མ་ཉེ་དུ་མ་ཡིན་པ་ལ་འདི་སྙམ་དུ་འདིའི་ཆོས་གོས་ལྔ་ཚང་ངམ། འོན་ཏེ་མ་ཚང་སྙམ་དུ་མི་སེམས་པར་འདི་ལྟར་ཐོབ་བོ་ཅོག་ལེན་པར་བྱེད་ཀྱི། ཉེ་དུ་ལ་ནི་བྱིན་ཡང་ལེན་པར་མི་བྱེད་དོ། །དེ་ནས་བཅོམ་ [99a.2]ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་མ་ཨུཏྤ་ལའི་མདོག་ལ་གཙུག་ལག་ཁང་ཆེན་པོ་ནས་ཆོས་གོས་ལྔ་བྱིན་ཅིག །ཚེ་དང་ལྡན་པ་ཀུན་དགའ་བོས་དགེ་སློང་མ་ཨུཏྤ་ལའི་མདོག་ལ་གཙུག་ལག་ཁང་ཆེན་པོ་ནས་ཆོས་ [99a.3]གོས་ལྔ་བྱིན་ནོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་ [99a.4]བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལས་གོས་ལེན་ན་སྤང་བའི་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་ [99a.5]མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་བདག་གི་ཁྱིམ་ནོར་དུ་མ་དང་ལྡན་ [99a.6]ན་བདག་གིས་འཇིག་རྟེན་ཕ་རོལ་གྱི་ལམ་རྒྱགས་ཅུང་ཟད་ཀྱང་མ་ཁྱེར་རོ་སྙམ་ནས་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་པ་ཆུང་མས་མཐོང་ནས་སྨྲས་པ། རྗེའི་སྲས་ཁྱོད་ཅིའི་སླད་དུ་ཕྱག་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་བཞུགས། བཟང་ [99a.7]མོ་ཁོ་བོའི་ཁྱིམ་ནོར་དུ་མ་དང་ལྡན་ན་བདག་གིས་འཇིག་རྟེན་ཕ་རོལ་གྱི་ལམ་རྒྱགས་ཅུང་ཟད་ཀྱང་མ་ཁྱེར་ཏེ། གལ་ཏེ་བདག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་གསོལ་ཏེ་རེ་རེ་ལ་རས་བཅོས་བུ་སར་པ་ཕྲུགས་རེ་བསྐོན་ན་དེས་བདག་གི་འཇིག་རྟེན་ཕ་རོལ་ [99b] [99b.1]གྱི་ལམ་རྒྱགས་ཁྱེར་བར་འགྱུར་རོ། །ཆུང་མས་སྨྲས་པ། རྗེའི་སྲས་དེ་བཞིན་མཛོད་ཅིག །དེ་ནས་ཁྱིམ་བདག་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་ [99b.2]གཅིག་ཏུ་འདུག་ནས་བཅོམ་ལྡན་འདས་ཀྱིས་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་ [99b.3]དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་། །དེ་ནས་ཁྱིམ་བདག་དེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་བྱས་ [99b.4]ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་གསོལ་བར་ཅི་གནང་། བཅོམ་ལྡན་འདས་ཀྱིས་ [99b.5]ཁྱིམ་བདག་དེ་ལ་ཅང་མི་གསུང་བས་གནང་ངོ་། །དེ་ནས་ཁྱིམ་བདག་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱིས་བཀའ་སྩལ་བ་ལ་མངོན་པར་དགའ་བ་དང་རྗེས་སུ་ཡི་རང་བར་བྱས་ཏེ། བཅོམ་ལྡན་འདས་ཀྱི་ཞབས་ [99b.6]གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་ཁྱིམ་བདག་དེས་དེ་ཉིད་ཀྱི་མཚན་མོ་བཅའ་བ་དང་བཟའ་བ་གཙང་ཞིང་བསོད་པ་ལེགས་པར་སྦྱར་ནས་ནང་པར་སྔར་ལངས་ཏེ་གདན་བཤམས་ནས་ཆུ་ར་བཞག་སྟེ། བཅོམ་ལྡན་ [99b.7]འདས་ལ་སྤྱན་འདྲེན་གྱིས། བཙུན་པ་གདུགས་ཚོད་སྦྱར་བའི་དུས་ལགས་ན། ད་བཅོམ་ལྡན་འདས་ཀྱིས་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་གདུགས་ཚོད་ལ་སྤྱན་དྲངས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ [100a] [100a.1]ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ཏེ། ཁྱིམ་བདག་དེའི་བཀད་ས་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་ [100a.2]སོ། །དེ་ནས་ཁྱིམ་བདག་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། རང་གི་ལག་གིས་བཅའ་བ་དང་བཟའ་བ་གཙང་ཞིང་བསོད་པས་ཚིམ་པར་བྱེད། སྟོབས་པར་བྱེད་དོ། །རྣམ་གྲངས་དུ་མས་བཅའ་བ་དང་བཟའ་བ་གཙང་ཞིང་ [100a.3]བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས། སངས་རྒྱས་ལ་སོགས་པ་དགེ་སློང་གི་དགེ་འདུན་རེ་རེ་ལ་རས་བཅོས་བུ་སར་པ་ཕྲུགས་རེ་རེ་གསོལ་ཏོ། །དེ་ནས་ཁྱིམ་བདག་དེས་སྟན་དམའ་བ་ཞིག་བླངས་ནས་བཅོམ་ལྡན་འདས་ཀྱི་སྤྱན་སྔར་ཆོས་མཉན་ [100a.4]པའི་ཕྱིར་འདུག་གོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་ [100a.5]གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་ཁྱིམ་བདག་དེས་བཅོམ་ལྡན་འདས་ཀྱི་སླད་ [100a.6]བཞིན་ཕ་ཟད་ཙམ་དུ་སོང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔ་ནས་ཕྱིར་ལོག་སྟེ་རང་གི་ཁྱིམ་ག་ལ་བ་དེར་སོང་ནས་ཕྱིན་པ་དང་། སྟེང་གི་ཁང་{བཟངས་,བཟང་} [100a.7]ཀྱི་གཞིར་གཏོགས་པ་ན་གཏོང་བ་རྗེས་སུ་དྲན་པར་སྒོམ་པ་ན་ཆུང་མ་ལ་སྨྲས་པ། བཟང་མོ་བདག་ཅག་གིས་འཇིག་རྟེན་ཕ་རོལ་གྱི་ལམ་རྒྱགས་མང་དུ་ཁྱེར་གྱིས་མཆོག་ཏུ་དགའ་བ་དང་། རྗེས་སུ་ཡི་རང་བར་གྱིས་ཤིག །ཆུང་མས་སྨྲས་པ། རྗེའི་སྲས་ཀྱིས་ནི་འཇིག་རྟེན་ཕ་ [100b] [100b.1]རོལ་གྱི་ལམ་རྒྱགས་བསྣམས་ན། བདག་གིས་མ་འཚལ་ཏོ། །བཟང་མོ་བདག་ཅག་གཉིས་ཀྱི་ལོངས་སྤྱོད་དག་ཐུན་མོང་མ་ཡིན་ནམ། རྗེའི་སྲས་འདི་ལྟར་སྐོལ་ཅག་གི་ལོངས་སྤྱོད་དག་ཐུན་མོང་ལགས་མོད་ཀྱི་འོན་ཀྱང་བདག་གིས་ཀྱང་སྐྱེ་དགུའི་བདག་མོ་ཆེན་མོ་གཽ་ཏ་མཱི་ [100b.2]ལ་སོགས་པ་དགེ་སློང་མའི་དགེ་འདུན་བཤོས་གསོལ་ཏེ། ཆེན་པོ་ལ་འོས་པའི་གོས་དག་ཕུལ་ན་དེ་ལྟ་ན་བདག་གིས་ཅང་འཇིག་རྟེན་ཕ་རོལ་གྱི་ལམ་རྒྱགས་འཚལ་བར་འགྱུར་རོ། །ཁྱིམ་བདག་གིས་སྨྲས་པ། བཟང་མོ་ཅི་སྔར་སྦྱིན་པ་བྱིན་པས་ཕྱིས་སྦྱིན་པར་བྱར་མེད་དམ། དེ་བཞིན་ [100b.3]གྱིས་ཤིག །དེ་ནས་ཁྱིམ་བདག་གི་ཆུང་མ་དེ་སྐྱེ་དགུའི་བདག་མོ་ཆེན་མོ་གཽ་ཏ་མཱི་ག་ལ་བ་དེར་སོང་སྟེ་ཕྱིན་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱིའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་སྐྱེ་དགུའི་བདག་མོ་ཆེན་མོ་གཽ་ཏ་ [100b.4]མཱིས་ཁྱིམ་བདག་གི་ཆུང་མ་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུད་པར་བྱེད། ཡང་དག་པར་གཟེངས་སྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དེ། རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ [100b.5]ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་ཅང་མི་སྨྲའོ། །དེ་ནས་ཁྱིམ་བདག་གི་ཆུང་མ་དེ་སྟན་ལས་ལངས་ཏེ་སྐྱེ་དགུའི་བདག་མོ་ཆེན་མོ་གཽ་ཏ་མཱི་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ [100b.6]ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་འདི་སྐད་ཅེས་སྨྲས་སོ། །འཕགས་མ་སང་བདག་གི་སྡུམ་པར་དགེ་སློང་མའི་དགེ་འདུན་དང་ཐབས་ཅིག་གདུགས་ཚོད་གསོལ་བར་ཅི་གནང་། སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཁྱིམ་བདག་གི་ཆུང་མ་དེ་ལ་ཅང་མི་སྨྲ་བས་དང་དུ་ [100b.7]བླངས་སོ། །དེ་ནས་ཁྱིམ་བདག་གི་ཆུང་མ་དེས་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཅང་མི་སྨྲ་བས་དང་དུ་བླངས་པར་རིག་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱིས་སྨྲས་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ། སྐྱེ་དགུའི་བདག་མོ་ཆེན་མོ་གཽ་ཏ་མཱིའི་རྐང་པ་ [101a] [101a.1]གཉིས་ལ་མགོ་བོས་ཕྱག་འཚལ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱིའི་དྲུང་ནས་སོང་ངོ་། །དེ་ནས་ཁྱིམ་བདག་གི་ཆུང་མ་དེས་དེ་ཉིད་ཀྱི་མཚན་མོ་བཅའ་བ་དང་བཟའ་བ་གཙང་ཞིང་བསོད་པ་ལེགས་པར་སྦྱར་ནས་ནང་པར་སྔར་ལངས་ཏེ་སྟན་བཤམས་ནས་ཆུར་བཞག་ [101a.2]སྟེ་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་སྤྱན་འདྲེན་གྱིས་འཕགས་མ་གདུགས་ཚོད་སྦྱར་བའི་དུས་ལགས་ན། ད་འཕགས་མས་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་དྲོ་ལ་བོས་སོ། །དེ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་སྔ་དྲོ་ཤམ་ཐབས་བགོས། ལྷུང་བཟེད་ [101a.3]དང་ཆོས་གོས་ཐོགས་ཏེ་དགེ་སློང་མའི་ཚོགས་ཀྱིས་ཡོངས་སུ་བསྐོར་ཅིང་། དགེ་སློང་མའི་དགེ་འདུན་གྱིས་མདུན་དུ་བདར་ཏེ་ཁྱིམ་བདག་གི་ཆུང་མ་དེའི་བཀད་ས་ག་ལ་བ་དེར་སོང་སྟེ་ཕྱིན་ནས་དགེ་སློང་མའི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ། །དེ་ནས་ཁྱིམ་བདག་ [101a.4]གི་ཆུང་མ་དེས་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་སོགས་པ་དགེ་སློང་མའི་དགེ་འདུན་བདེ་བར་འདུག་པར་རིག་ནས། རང་གི་ལག་ནས་བཅའ་བ་དང་བཟའ་བ་གཙང་ཞིང་བསོད་པས་ཚིམ་པར་བྱེད། སྟོབས་པར་བྱེད་དོ། །རྣམ་གྲངས་དུ་མས་བཅའ་བ་དང་བཟའ་བ་གཙང་ཞིང་ [101a.5]བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས། དེས་ཆེན་པོ་ལ་འོས་པའི་གོས་དག་གི་སྤྲོག་མ་ཕྱེ་ནས་ཆེན་པོ་ལ་འོས་པའི་གོས་དག་ཐོགས་ཏེ་རྒན་པའི་མཐའ་ལོགས་སུ་འདུག་གོ། །དེ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་འདི་སྙམ་དུ་སེམས་ཏེ། བཅོམ་ལྡན་ [101a.6]འདས་ཀྱིས་དགེ་སློང་མ་རྣམས་ལ་ཆེན་པོ་ལ་འོས་པའི་གོས་དག་དགག་པ་མཛད་པས་གལ་ཏེ་རེ་ཞིག་བླངས་པར་གྱུར་ན་ནི་བསླབ་པའི་གཞི་འཁྲུགས་པར་ཡང་འགྱུར། གལ་ཏེ་མ་བླངས་ན་ནི་ཁྱིམ་བདག་གི་ཆུང་མའི་བསོད་ནམས་ཀྱི་བར་ཆད་དང་། དགེ་སློང་མའི་དགེ་འདུན་གྱི་ [101a.7]རྙེད་པའི་བར་ཆད་དུ་འགྱུར་རོ་སྙམ་མོ། །དགེ་སློང་མ་རྣམས་ཀྱིས་བསམས་པ། ཀྱེ་མ་འཕགས་མ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཆེན་པོ་ལ་འོས་པའི་གོས་དག་བླངས་པར་གྱུར་ཅིག །བདག་ཅག་གིས་བླངས་པར་གྱུར་ན་བཅོམ་ལྡན་འདས་ཀྱིས་ཀྱང་དུས་ལགས་པའི་སླད་ [101b] [101b.1]དུ་གནང་བར་འགྱུར་རོ་སྙམ་མོ། །དེ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཆེན་པོ་ལ་འོས་པའི་གོས་དག་བླངས་ནས། ཁྱིམ་བདག་གི་ཆུང་མ་ལ་ཡོན་བཤད་པ་བྱས་ཏེ་སྟན་ལས་ལངས་ཏེ་སོང་སྟེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ [101b.2]ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱིས་སྐབས་དེ་བཅོམ་ལྡན་འདས་ལ་རྒྱས་པར་གསོལ་ཏོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་སྐྱེ་དགུའི་བདག་མོ་ཆེན་མོ་གཽ་ཏ་ [101b.3]མཱི་ལ་འདི་སྐད་ཅེས་བཀའ་སྩལ་ཏོ། །གཽ་ཏ་མཱི་ངས་གནང་བ་གང་ཡིན་པ་དེ་ཁྱོད་ཀྱིས་ཤེས་པ་ལེགས་སོ་ལེགས་སོ། །དེ་ལྟ་བས་ན་ངས་དགེ་སློང་མ་རྣམས་ཀྱིས་ཆེན་པོ་ལ་འོས་པའི་གོས་དག་བླངས་ནས་དགེ་སློང་རྣམས་དང་ལྷན་ཅིག་བརྗེ་བར་བྱ་བ་རྗེས་སུ་གནང་ངོ་། །དེ་ནས་ [101b.4]དགེ་སློང་མ་བཅུ་གཉིས་སྡེ་དག་གིས་གོས་དེ་དག་ཁྱེར་ཏེ་དྲུག་སྡེ་དག་གི་གན་དུ་དོང་ནས་སྨྲས་པ། འཕགས་པ་དག་བཅོམ་ལྡན་འདས་ཀྱིས་དགེ་སློང་མ་རྣམས་ལ་ཆེན་པོ་ལ་འོས་པའི་གོས་དག་དགག་པ་མཛད་དེ། བདག་ཅག་གིས་ཆེན་པོ་ལ་འོས་པའི་གོས་རྙེད་པ་འདི་དག་ཁྱེད་བཞེས་ [101b.5]ལ་བདག་ཅག་ལ་ངན་པ་དག་སྩོལ་ཅིག །དྲུག་སྡེ་དག་གིས་སྨྲས་པ། སྲིང་མོ་དག་བདག་ཅག་ལ་དགེ་སློང་མའི་རས་མ་དག་དགོས་པ་མེད་དེ། དེའི་ཚེ་ཡང་བདག་ཅག་བྱིས་པ་རྨོངས་པ་མི་གསལ་བ། མི་མཁས་པ་དག་ལ་ཁུར་དག་བསླང་བར་གྱུར་གྱིས་བདག་ཅག་མི་ལེན་ཏོ། ། [101b.6]དགེ་སློང་མ་གཞན་དག་དགེ་སློང་གནས་བརྟན་གནས་བརྟན་རྣམས་ཀྱི་དྲུང་དུ་དོང་སྟེ་སྨྲས་པ། འཕགས་པ་དག་བཅོམ་ལྡན་འདས་ཀྱིས་དགེ་སློང་མ་རྣམས་ལ་ཆེན་པོ་ལ་འོས་པའི་གོས་དག་དགག་པ་མཛད་དེ། བདག་ཅག་གིས་ཆེན་པོ་ལ་འོས་པའི་གོས་རྙེད་པ་འདི་དག་ཁྱེད་བཞེས་ [101b.7]ལ། བདག་ཅག་ལ་ངན་པ་དམན་པ་དག་སྩོལ་ཅིག །སྲིང་མོ་དག་བཅོམ་ལྡན་འདས་ལ་ཞུའོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་བརྗེས་པ་མ་གཏོགས་ཏེ། དེ་ལ་བརྗེ་བ་ [102a] [102a.1]ནི་འདི་ཡིན་ཏེ། དེ་ཙམ་གྱིས་སམ། ཇི་ཙམ་གྱིས་དགེ་སློང་མ་དགའ་བར་འགྱུར་བས་བརྗེ་བར་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པའི་བསྔགས་པ་བརྗོད་དེ། བསླབ་པ་ལ་གུས་པ་དང་། བསླབ་པ་ལ་ཡོ་བྱད་བསྙུངས་པ་དང་། སྦྱངས་ [102a.2]པའི་ཡོན་ཏན་དང་། ཕྲི་བ་དང་། དྲོད་རིག་པའི་བསྔགས་པ་བརྗོད་དོ། །དགེ་སློང་རྣམས་ལ་ཡང་དེ་དང་མཐུན་པ་དང་། དེ་དང་འཚམ་པ་དང་། དེའི་ཤས་ཆེ་བ་དང་། དེ་དང་ལྡན་པའི་ཆོས་དང་མཐུན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་ [102a.3]དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལས་གོས་ལེན་ན་བརྗེས་པ་མ་གཏོགས་ཏེ་སྤང་བའི་ལྟུང་བྱེད་དོ། །ཡང་དགེ་སློང་གང་ [102a.4]ཞེས་བྱ་བ་ནི་ཉེ་དགའ་འམ་གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི་ཆོས་འདི་པའོ། །ཉེ་དུ་མ་ཡིན་པ་ལས་ཞེས་བྱ་བ་ནི་ཕྱི་མོ་དང་། མེས་པོ་དང་། ཕྲུགས་ཀྱི་བདུན་པ་ཚུན་ཆད་ཉེ་དུ་ཡིན་ལ་དེ་ཕན་ཅད་ནི་ཉེ་དུ་མ་ཡིན་ནོ། །གོས་ཞེས་བྱ་བ་ནི་གོས་བདུན་པོ་ [102a.5]བལ་གོས་དང་། ཤ་ནའི་གོས་དང་། ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། ཀོ་ཏམ་པའི་གོས་དང་། ཉི་འོག་གི་གོས་ལས་གང་ཡང་རུང་བའོ། །ལེན་ན་ཞེས་བྱ་བ་ནི་བདག་གིར་བྱེད་ནའོ། །བརྗེས་པ་མ་གཏོགས་ཏེ་ཞེས་བྱ་བ་ནི་བརྗེས་ [102a.6]པ་བཞག་སྟེའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཉེ་དུ་མ་ཡིན་པའི་འདུ་ཤེས་ཀྱིས་ [102a.7]གོས་ལེན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཡིད་གཉིས་ཟ་བས་གོས་ལེན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཉེ་དུ་མ་ཡིན་པའི་འདུ་ཤེས་ཀྱིས་གོས་ལེན་ན་ཉེས་བྱས་སུ་འགྱུར་རོ། །དགེ་སློང་གིས་ [102b] [102b.1]དགེ་སློང་མ་ཉེ་དུ་ལ་ཡིད་གཉིས་ཟ་བས་གོས་ལེན་ན་ཉེས་བྱས་སུ་འགྱུར་རོ། །དགེ་འདུན་ལ་གོས་འབུལ་བ་དང་། ལེགས་པར་སྨྲ་བ་ལ་ལྟུང་བ་མེད་དོ། །རྫོགས་པར་བསྙེན་པ་བྱེད་པ་དང་བོར་རླག་བྱུང་བ་ལ་ལྟུང་བ་མེད་དོ། །རིན་གྱིས་ལེན་པ་དང་། བརྗེས་པ་ལ་ལྟུང་བ་མེད་དོ། །དགེ་ [102b.2]སློང་མ་གྲགས་པ་བསོད་ནམས་ཆེ་བ་ཡིན་ལ། དེས་དགེ་སློང་གི་མདུན་དུ་བཞག་ནས་འདི་སྐད་ཅེས་འཕགས་པ་བདག་ལ་རྫས་འདི་ལྟ་བུ་དག་མཆིས་ཀྱིས། འཕགས་པས་བདག་ལ་ཐུགས་བརྩེ་བའི་སླད་དུ་བཞེས་ཤིག་ཅེས་བརྗོད་དེ་མི་ལྟོས་པར་སོང་བ་ལ་ལྟུང་བ་མེད་དོ། །ལས་དང་པོ་པ་ [102b.3]དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལེན་པའི་སྤང་བ་སྟེ་ལྔ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ [102b.4]ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེས་ཆུང་མ་ལ་སྨྲས་པ། བཟང་མོ་ཁོ་བོ་ཟོང་ཐོགས་ཏེ་ཡུལ་གཞན་དུ་འགྲོའོ། །རྗེའི་སྲས་རེ་ཞིག་གཞོན་པའི་གནས་ [102b.5]སྐབས་སུ་རོལ་པ་དང་། དགྱེས་པ་དང་། དགྱེས་མགུར་སྤྱོད་པ་མཛོད་ལ། བགྲེས་པའི་གནས་སྐབས་སུ་ནོར་སྒྲུབ་པར་མཛོད་ཅིག །བཟང་མོ་ཇི་ཙམ་དུ་གཞོན་པའི་འབྱུང་བ་ཆེན་པོ་དག་ནི་གྲང་བ་དང་། དྲོ་བ་བཟོད་པ་ཡིན་པས་ཇེ་ནོར་བསྒྲུབ་པར་བྱ་ཞིང་། རྒས་པའི་གནས་སྐབས་སུ་ [102b.6]བདེ་བ་སྤྱད་ཅིང་འདུག་པར་བྱའོ། །ཆུང་མས་བསམས་པ། བདག་གིས་བསྐུལ་བར་བྱ་བ་གང་ཡིན་པ་དེ་རང་ཉིད་བྱེད་དོ་སྙམ་ནས་སྨྲས་པ། རྗེའི་སྲས་དེ་ལྟར་མཛོད་ཅིག །ཁྱིམ་བདག་དེས་ཆུང་མ་དེ་ལ་ཁ་ཟས་ཙམ་བྱིན་ནས་ཟོང་ཁྱེར་ཏེ་ཡུལ་གཞན་དུ་སོང་ངོ་། །དེའི་ཆུང་ [102b.7]མ་དེས་བསམས་པ། བདག་གི་ཁྱིམ་ཐབ་གྲང་བ་ན་གྲང་བས་སྦྲེབས་བཞིན་པ་དང་། ཚ་བ་ན་ཚ་བས་གདུངས་བཞིན་པ་དང་། བཀྲེས་པ་དང་། སྐོམ་པས་གནོད་བཞིན་པ་དང་། ཤ་སྦྲང་དང་། སྦྲང་བུ་དང་། རླུང་དང་། ཉི་མ་དང་། སྡིག་སྦྲུལ་གྱི་རེག་པ་དག་གིས་ཉེན་ [103a] [103a.1]བཞིན་དུ་ལོངས་སྤྱོད་དག་མངོན་པར་བསྒྲུབ་པའི་ཕྱིར་སྤྲོ་བར་བྱེད། འབད་པར་བྱེད། རྩོལ་བར་བྱེད་པ་གང་ཡིན་པ་དེ་དག་ཐམས་ཅད་བདག་གི་ཕྱིར་བྱའོ་སྙམ་པ་ཡིན་པས་བདག་ལས་མེད་པར་འདུག་པ་ནི་བདག་གི་ཚུལ་དང་མཐུན་པ་མ་ཡིན་ནོ་སྙམ་ནས། དེས་ཚོང་ [103a.2]དུས་སུ་སོང་སྟེ་རས་བལ་བཟང་པོ་བླངས་ནས་དོག་པ་བཟང་པོ་བཀལ་ཏེ། ཐ་ག་པ་མཁས་པ་ལ་རས་ཟུང་བཟང་པོ་འཐག་ཏུ་བཅུག་ནས། དེས་རས་དེ་སྤོས་སྣ་ཚོགས་ཀྱིས་བསྒོས་ཏེ་གོས་ཀྱི་ཟ་མ་ཏོག་ཏུ་བཅུག་སྟེ་བཞག་གོ། །ཁྱིམ་བདག་དེས་ཀྱང་དོན་ལེགས་པར་གྲུབ་ནས་ཁེ་ [103a.3]སྤོགས་རྙེད་དེ་ལེགས་པར་འོངས་ནས་ཆུང་མ་དེས་ཁྱིམ་བདག་དེ་ཁྲུས་བྱས་ནས་དེ་ལ་རས་ཟུང་དེ་ཕུལ་ལོ། །ཁྱིམ་བདག་དེས་བསམས་པ། བདག་གིས་འདི་ལ་ཁ་ཟས་ཙམ་བཞག་པ་གང་ཡིན་པ་དེ་དག་ཐམས་ཅད་ཀྱིས་ཀྱང་རས་ཟུང་འདི་མི་རྙེད་དོ་སྙམ་དུ་རིག་ནས་ཆུང་མ་ལ་སྨྲས་པ། [103a.4]བཟང་མོ་རས་ཟུང་འདི་ག་ལས་རྙེད། རྗེའི་སྲས་ཇེ་གསོལ་ཅིག །ཁྱིམ་བདག་དེས་དེ་གྱོན་ནས་ཡང་སྨྲས་པ། བཟང་མོ་རས་ཟུང་འདི་ག་ལས་རྙེད། རྗེའི་སྲས་ཇེ་བཤོས་མནོབས་ཤིག །དེས་ཟན་ཟོས་ནས་ཡང་དྲིས་པ། བཟང་མོ་རས་ཟུང་འདི་ག་ལས་རྙེད། དེས་སྐབས་ [103a.5]དེ་རྒྱས་པར་བརྗོད་པ་དང་། ཁྱིམ་བདག་གིས་སྨྲས་པ། བཟང་མོ་ལེགས་སོ། །ཁོ་བོ་ནི་སྒྲུབ་པ་ཡིན་ལ། ཁྱོད་ཀྱང་འདི་ལྟར་སྦེད་པ་ཡིན་ན། བདག་ཅག་གི་ལོངས་སྤྱོད་དག་རིང་པོ་མི་ཐོགས་པ་ཁོ་ནར་འཕེལ་ཞིང་རྒྱས་པ་དང་། ཡངས་པར་འགྱུར་རོ། །ཆུང་མས་སྨྲས་པ། [103a.6]རྗེའི་སྲས་འདི་ནི་བདག་གིས་དཀའ་བས་བསྒྲུབས་པ་ལགས་ཀྱིས། ཁྱོད་ཀྱིས་སུ་ལ་ཡང་མ་སྩོལ་ཅིག །ཁྱིམ་བདག་དེ་དད་པ་དང་ལྡན་པ། བཟང་བ། དགེ་བའི་བསམ་པ་ཅན་ཡིན་པས་དེ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་རྒྱལ་བྱེད་ཀྱི་ཚལ་དུ་བྱུང་སྟེ་འགྲོ་བ་ན་མི་སྒོ་བས་ [103a.7]མཐོང་ནས་དེས་བསམས་པ། ཁྱིམ་བདག་འདི་རས་ཟུང་འདི་ལྟ་བུ་གྱོན་པ་ལས་ན་འདིས་ནི་རྙེད་པ་མང་པོ་རྙེད་པ་ཡིན་ནོ་སྙམ་མོ། །དྲུག་སྡེ་དག་གི་ཀུན་དུ་སྤྱོད་པ་ནི་དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས་ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་ [103b] [103b.1]ཅིང་འདུག་པ་དེས་ཁྱིམ་བདག་དེ་མཐོང་ནས་བསམས་པ། ཁྱིམ་བདག་འདི་རས་ཟུང་འདི་ལྟ་བུ་གྱོན་པ་ལས་ན་འདིས་ནི་རྙེད་པ་མང་པོ་རྙེད་པ་ཡིན་གྱིས། གལ་ཏེ་བདག་གིས་འདི་མ་ཕྲོགས་ན་ཉེ་དགའ་ཞེས་བྱ་བའི་མིང་མི་གཟུང་ངོ་སྙམ་ནས་དེས་དེ་ལ་སྨྲས་པ། ཁྱིམ་བདག་འོངས་པ་ [103b.2]ལེགས་སོ། །འོངས་པ་ལེགས་སོ། །ཁྱོད་ཡུན་རིང་མོ་རིང་མོ་ནས་ཟླ་བ་བཞིན་དུ་ག་ལས་འཁོར་འཁོར། འཕགས་པ་བདག་ཟོང་ཐོགས་ཏེ་ཡུལ་གཞན་དུ་མཆིས་པར་གྱུར་ཏོ། །ཁྱིམ་བདག་ཁྱོད་ཀྱིས་རྙེད་པ་མང་པོ་གྲུབ་བམ། འཕགས་པ་ཅུང་ཟད་ཙམ་མོ། །ཁྱིམ་བདག་མཚེའུ་ [103b.3]ནི་རྙོག་མ་ཅན་ནམ། དད་པའི་རྒྱུ་མཐུན་པས་རིག་པར་བྱ་སྟེ། ཁྱོད་རས་ཟུང་འདི་ལྟ་བུ་གྱོན་པ་ལས་ན་ཁྱོད་ཀྱིས་རྙེད་པ་མང་པོ་གྲུབ་པར་མངོན་གྱིས་ཚུར་ཤོག །ཆོས་བསྟན་པར་བྱའོ། །དྲུག་སྡེ་དག་གི་ཀུན་ཏུ་སྤྱོད་པ་ནི་གལ་ཏེ་ཚུལ་ཁྲིམས་ཀྱི་གཏམ་དག་བྱེད་ན་ཉན་པ་པོ་དག་བདག་ [103b.4]ཅག་ལྷ་རྣམས་སུ་སྐྱེས་སོ་སྙམ་དུ་སེམས་ལ། གལ་ཏེ་སྦྱིན་པའི་གཏམ་བྱེད་ན་ཉན་པ་པོ་དག་རང་གི་ཤ་གང་ཡིན་པ་དེ་ཡང་བཅད་ཅིང་བཅད་ཅིང་སྦྱིན་པར་བྱའོ་སྙམ་དུ་སེམས་སོ། །གལ་ཏེ་ངན་སོང་གི་གཏམ་དག་བྱེད་ན་ཉན་པ་པོ་དག་བདག་ཅག་ངན་སོང་རྣམས་སུ་སྐྱེས་སོ་སྙམ་དུ་ [103b.5]སེམས་པར་འགྱུར་བ་ཡིན་ནོ། །ཁྱིམ་བདག་དེས་ཉེ་དགའི་རྐང་པ་གཉིས་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འདུག་པ་དང་། ཉེ་{དགའས་,དགས་}དེ་ལ་ཆོས་བསྟན་པར་བརྩམས་ནས། དེས་དེ་ལ་ཅི་ནས་ཀྱང་དེའི་སེམས་དད་པར་འགྱུར་བ་དེ་ལྟར་ཆོས་ཀྱི་གཏམ་བྱས་སོ། །དེ་དད་ [103b.6]པར་གྱུར་ནས་སྨྲས་པ། བདག་གིས་འཕགས་པ་ལ་ལེགས་པར་གསུངས་པའི་ན་བཟའ་ཕྲུགས་གཅིག་འབུལ་ལོ། །བཞིན་{བཟངས་,བཟང་}ཨ་རོག་གྱ། སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་དང་། ལྷ་རྣམས་ཀྱི་གོས་ [103b.7]དག་ཐོབ་པར་གྱུར་ཅིག །བཞིན་{བཟངས་,བཟང་}བཅོམ་ལྡན་འདས་ཀྱིས་ཀྱང་འདི་སྐད་ཅེས། སང་དག་འཆི་ཡང་སུ་ཤེས་ཀྱིས། །དེ་རིང་ཉིད་དུ་བརྟུལ་ཏེ་བྱ། །འཆི་བདག་སྡེ་ཆེན་དེ་དང་ནི། །ཁྱེད་ཅག་བཤེས་པ་མ་ཡིན་ནོ། །ཞེས་གསུངས་ཀྱིས། བཞིན་{བཟངས་,བཟང་}ཁྱོད་ཀྱིས་རས་ཟུང་ [104a] [104a.1]བཟང་པོ་གྱོན་པ་འདི་ཉིད་ཁོ་བོ་ལ་བྱིན་ཅིག་དང་། ཁོ་བོས་འདི་ལས་སྣམ་སྦྱར་ཉི་རིམ་བྱས་ཏེ་སེམས་ལས་ཆུང་དུས་དགེ་བའི་ཕྱོགས་ལ་བདེ་བར་ཏྲོན་བྱའོ། །འཕགས་པ་ཁྱོད་འདི་བཞེད་དམ། ལྷའི་གནས་ཀྱི་ལྷག་མ་ཇི་ལྟ་བ་བཞིན་དུའོ། །འཕགས་པ་ [104a.2]བདག་ཁྱོད་ལ་མི་འབུལ་བ་ནི་མ་ལགས་ན། འདི་ལྟར་འདི་ནི་མཆིས་བྲང་གིས་བདག་ལ་སྩལ་པ་ལགས་སོ། །ཁྱིམ་བདག་ཁོ་བོས་ཁྱོད་གཞན་ལ་དད་པར་བྱས་ན་ཁྱོད་ཀོ་བུད་མེད་ཁོ་ནའི་དབང་ཡིན་ནམ། ཞེས་ཉེ་{དགའས་,དགས་}དངན་དུས་ཀྱི་ཕྱེད་ཀྱིས་དེའི་བླ་གོས་བླངས་ནས་དེ་ལག་པ་ [104a.3]གཉིས་འདྲིལ་བར་བྱེད། བཞིན་སྒྱུར་བར་བྱེད་དོ། །ཁྱིམ་བདག་གིས་དེ་ལ་སྨྲས་པ། འཕགས་པ་འདི་ཅིའི་ཐ་ཚིག་ཁྱིམ་བདག་འདི་ནི་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་བྱ་བའི་གཞི་ནི་ཡོད་ན་ཡོངས་སུ་ལོངས་སྤྱོད་པ་ལས་བྱུང་བའི་བསོད་ནམས་བྱ་བའི་གཞི་ནི་ [104a.4]མེད་དེ། ནམ་ཞིག་ན་འདི་དང་འདྲ་བ་རྙེད་ན་འདི་ལས་ཆོས་གོས་བྱེད་པར་འགྱུར་བས་འདི་ཆོས་གོས་ཀྱི་གདང་ཁོ་ན་ལ་ཟད་པར་འགྱུར་རོ། །འཕགས་པ་ཅི་བདག་སྒྲེན་མོར་མཆི་བར་བགྱིའམ། ཁྱིམ་བདག་ཁྱོད་ལ་གོས་གྱོན་པས་ཅི་ཞིག་བྱ། ཚུལ་ཁྲིམས་དང་། རིགས་ [104a.5]དང་། སྤྱོད་པ་གྱོན་པས་ཆོག་མོད། གཅེར་བུ་ལ་ངོ་ཚ་ཤེས་པ་དང་། ཁྲེལ་ཡོད་པ་ཉམས་པ་དེ་དག་ནི་སྒྲེན་མོར་འགྲོ་ན་མི་སྡུག་པ་ཡིན་གྱི་ཁྱོད་ལྟ་བུ་ངོ་ཚ་ཤེས་པ་དང་། ཁྲེལ་ཡོད་པ་དང་ལྡན་པ་ལ་སྒྲེན་མོར་འགྲོ་བ་མི་སྡུག་པ་ཅི་ཡོད། ཁྱིམ་བདག་ཁྱོད་དོར་ཐུང་མི་གྱོན་ [104a.6]ནམ། འཕགས་པ་འཚལ་ལོ། །ཁྱིམ་བདག་ཁྱིམ་བདག་རྣམས་ཀྱི་ཀུན་དུ་སྤྱོད་པ་ནི་དོར་ཐུང་གྱོན་ཏེ་ཤིང་ཚལ་ཐོགས་ནས། བ་ལང་གི་ཕྱི་བཞིན་འགྲོ་བ་ཡིན་པས་ཁྱོད་ཀྱང་ཤིང་ཚལ་ཐོགས་ལ། བ་ལང་གི་ཕྱི་བཞིན་སོང་ཤིག་དང་། སྐྱེ་བོ་དག་གིས་བ་ལང་སུར་འགྲོ་ [104a.7]བ་ཕྱིར་བྱུང་བ་ཞིག་ཡིན་པར་ཤེས་པར་འགྱུར་རོ། །ཞེས་ཉེ་{དགའས་,དགས་}དངན་དུས་ཀྱི་ཕྱེད་ཀྱིས་དེའི་སྨད་གཡོགས་ཀྱང་བླངས་སོ། །ཁྱིམ་བདག་དེ་ཤིང་ཚལ་པ་ཐོགས་ཏེ་བ་ལང་གི་ཕྱི་བཞིན་ཞུགས་པ་དང་། མི་སྒོ་བས་མཐོང་ནས་སྨྲས་པ། ཁྱིམ་བདག་ཁོ་བོས་ད་ཅི་ཁོ་ན་ཁྱོད་ཆེན་ [104b] [104b.1]པོ་ལ་འོས་པའི་རས་ཟུང་གྱོན་པར་མཐོང་ན། ཅི་དེ་དག་ཆོམ་རྐུན་པ་དག་གིས་བཅོམ་མམ། བཞིན་{བཟངས་,བཟང་}ཁོ་བོ་ཆོམ་རྐུན་པ་དག་གིས་ནི་མ་བཅོམ་མོད་ཀྱི། འདི་ལྟར་བཙུན་པ་ཉེ་{དགའས་,དགས་}ཁའི་ཆོས་ཀྱིས་བཅོམ་མོ། །ཁྱིམ་བདག་མགོན་མེད་ཟས་སྦྱིན་གྱི་ཀུན་དུ་སྤྱོད་པ་ནི་ནང་པར་ནང་ [104b.2]པར་སྔར་ལངས་ཏེ་འཁོར་ལྔ་བརྒྱ་དང་ལྷན་ཅིག་བཅོམ་ལྡན་འདས་དང་། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་དུ་འགྲོ་བ་ཡིན་པས་ཁྱིམ་བདག་མགོན་མེད་ཟས་སྦྱིན་ནང་པར་སྔར་ལངས་ཏེ་འཁོར་ལྔ་བརྒྱ་དང་ལྷན་ཅིག་མཉན་ཡོད་ནས་བྱུང་སྟེ་འགྲོ་བ་མི་སྒོ་བས་ [104b.3]མཐོང་ནས་དེས་སྨྲས་པ། ཁྱིམ་བདག་ཁྱོད་ཀྱིས་དོན་མཐུན་མང་དུ་ཁྲིད་དེ་འོངས་ཀྱིས་ཅི་ནས་ཀྱང་མི་ཆོམས་པར་བག་གྱིས་ཤིག །ཀྱེ་ནང་རྗེ་རྒྱལ་བྱེད་ཀྱི་ཚལ་དང་ལམ་གྱི་བར་ན་ཆོམ་རྐུན་པ་དག་འཁོད་དམ་ཅི། ལམ་གྱི་བར་ན་མ་ཡིན་གྱི་རྒྱལ་བྱེད་ཀྱི་ཚལ་ཉིད་ན་འཁོད་དོ། །ཀྱེ་ནང་རྗེ་ཁྱོད་ [104b.4]ནི་བལ་གྱི་རིགས་ནག་པོ་དང་འདྲ་སྟེ། སྒོ་འདི་ནས་བཅོམ་ལྡན་འདས་དང་། དགེ་སློང་གནས་བརྟན་གནས་བརྟན་དག་གཤེགས་པ་གང་གིས་ཀྱང་ཁྱོད་དཀར་པོར་མཛད་མ་སྤྱོད་དོ། །བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་ཞབས་ཀྱི་རྡུལ་ནི་བདག་གིས་ [104b.5]མགོས་བླང་བ་ཡིན་ན། ཁར་ཙང་གི་ཉིན་མོ་ཁྱིམ་བདག་ཅིག་ཆེན་པོ་ལ་འོས་པའི་རས་ཟུང་གྱོན་ཏེ་བྱུང་བ་དེའི་རས་དེ་ཉེ་{དགའས་,དགས་}ཁའི་ཆོས་ཀྱིས་ཕྲོགས་ནས་ཁྱིམ་བདག་དེ་སྨོད་ཅིང་དོར་ཐུང་གིས་ཞུགས་པར་གྱུར་ཏོ། །དེ་ནས་ཁྱིམ་བདག་མགོན་མེད་ཟས་སྦྱིན་འདི་སྙམ་དུ་སེམས་ཏེ། [104b.6]དེ་ནི་བདག་གི་བྱ་བ་ཡིན་ནོ་སྙམ་ནས་རྒྱལ་བྱེད་ཀྱི་ཚལ་དུ་སོང་བ་དང་། ཉེ་{དགའས་,དགས་}མཐོང་ནས་སྨྲས་པ། ཁྱིམ་བདག་ཨ་རོག་གྱ། ཁྱིམ་བདག་གིས་སྨྲས་པ། ཨ་རོག་མི་གྱ་ཡང་རུང་ངོ་། །ཁྱིམ་བདག་ཁྱོད་ཁོ་བོ་ལ་སྔན་ཆད་དུ་བ་འཐུལ་ན་ད་ཅི་མེ་ཁོ་ནར་འབར་རོ། །ཁོ་བོ་ [104b.7]མེར་མི་འབར་དུ་ཇི་ལྟར་རུང་། གཞན་དག་རབ་ཏུ་བྱུང་བ་ནི་འདོད་པ་སྤངས་པའི་ཕྱིར་ཡིན་ན་བཙུན་པ་ཉེ་དགའ་ནི་འདོད་པ་མངོན་པར་སྤེལ་བའི་ཕྱིར་ཁོ་ནར་ཡིན་ནོ། །ཁོ་བོས་ཅི་བྱས། ཁྱོད་ཀྱིས་ཁྱིམ་བདག་ཅིག་རྒྱལ་བྱེད་ཀྱི་ཚལ་ལྟར་འོངས་པ་དེའི་རས་ཟུང་དངན་དུས་ཀྱིས་ཕྲོགས་ [105a] [105a.1]ནས་ཁྱིམ་བདག་དེ་སྨོད་པར་མི་བྱེད་དམ། ཉེ་{དགའས་,དགས་}སྨྲས་པ། དེ་ནི་འཇིག་རྟེན་ན་ལྷ་ནི་སྦྱིན་པར་བྱེད་ལ་{ཡི་དགས་,ཡི་དྭགས་}ནི་ཟློག་པར་བྱེད་དོ་ཞེས་ཟེར་བ་ཡིན་ནོ། །ཅི་དེས་ཁྱོད་ལ་རིལ་བ་བྷྲྀང་གར་ཐོགས་ཏེ་ཕུལ་ལམ། ཁྱིམ་བདག་གལ་ཏེ་མི་བཟོད་ན་བསླབ་པའི་གཞི་ [105a.2]འཆར་ཆུག་ཤིག །ཅི་ཁོ་བོས་དེ་ཡལ་བར་བོར་དུ་རེའམ། དེ་ནས་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་ [105a.3]འདས་ལ་ཁྱིམ་བདག་མགོན་མེད་ཟས་སྦྱིན་གྱིས་འདི་སྐད་ཅེས་གསོལ་ཏོ། །བཙུན་པ་འཕགས་པ་འདི་དག་ཁྱིམ་བདག་གམ་ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལས་གོས་སློང་བར་བགྱིད་ན། ཀྱེ་མ་བཅོམ་ལྡན་འདས་ཀྱིས་གང་གིས་འཕགས་པ་དག་ཁྱིམ་བདག་གམ། [105a.4]ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལས་གོས་སློང་བར་མི་འགྱུར་བར་འཕགས་པ་རྣམས་ལ་དྲན་པར་བགྱི་བ་ཅུང་ཞིག་བཅའ་བར་མཛད་པའི་རིགས་སོ། །བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཅང་མི་གསུང་བས་གནང་ངོ་། །དེ་ནས་ཁྱིམ་བདག་མགོན་མེད་ [105a.5]ཟས་སྦྱིན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། [105a.6]སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་ [105a.7]དགའ་ཁྱོད་ཀྱིས་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པ་ལས་གོས་བསླངས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་ [105b] [105b.1]པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་ [105b.2]བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་སྟེ་གོས་སློང་ན་སྤང་བའི་ལྟུང་བྱེད་ [105b.3]དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ།། །།འདུལ་བ་རྣམ་པར་འབྱེད་པ། བམ་པོ་སུམ་བཅུ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་ [105b.4]བཞུགས་སོ། །གྲོང་ཕྲེང་བ་ཅན་པའི་དགེ་སློང་བཞི་བཅུ་དོན་མཐུན་པ་དང་ལྷན་ཅིག་ལྗོངས་རྒྱུ་ཞིང་འདོང་བ་ན་ཆོམ་རྐུན་པ་དག་གིས་བཅོམ་ནས་དེ་དག་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཡང་དགེ་སློང་གང་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་ [105b.5]སྟེ་གོས་སློང་ན་སྤང་བའི་ལྟུང་བྱེད་དོ། །ཞེས་བསླབ་པའི་གཞི་བཅའ་བར་མཛད་པས་འདི་ན་བདག་ཅག་ལ་ཉེ་དུ་འགའ་ཡང་མེད་ཀྱིས་བདག་ཅག་མཉན་ཡོད་དུ་སོང་ན་དེར་བདག་ཅག་ལ་ཚངས་པ་མཚུངས་པར་སྤྱོད་པ་རྣམས་ཀྱིས་གོས་དག་གིས་བགོ་བཤའ་བྱེད་པར་འགྱུར་རོ་སྙམ་ནས། [105b.6]དེ་དག་གིས་སྨྲས་པ། ཅི་བདག་ཅག་སྒྲེན་མོར་འདོང་བར་བྱའམ། མཚན་མོ་འགེབས་པས་འདོང་བར་བྱ་ཞིང་ཉིན་མོ་ཚང་ཚིང་གི་ནང་དུ་ཞུགས་ཏེ་འཁོད་ལ་མཚན་མོ་ལམ་དུ་འཇུག་པར་བྱའོ་ཞེས་དེ་དག་མཚན་མོ་འགེབས་པས་རྒྱལ་བྱེད་ཀྱི་ཚལ་དུ་དོང་བ་དང་། དགེ་སློང་ནམ་གྱི་ཆ་སྟོད་ [105b.7]དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པ་དག་གིས་དེ་དག་མཐོང་ནས་སྨྲས་པ། གཅེར་བུ་སྒྲེ་བྱི་དག་འདི་ཁྱེད་ཀྱི་འདུག་གནས་ཀྱང་མ་ཡིན། གཙུག་ལག་ཁང་ཡང་མ་ཡིན་ན་ཁྱེད་ག་ལས་འོངས། ཚེ་དང་ལྡན་པ་དག་བདག་ཅག་ནི་གཅེར་བུ་པ་མ་ཡིན་ནོ། །འོ་ན་ [106a] [106a.1]ཁྱེད་ཅག་སུ་ཡིན་དགེ་སློང་དག་གོ་དགེ་སློང་འདི་ལྟ་བུ་ཡོད་དམ། གང་དག་ཆོམ་རྐུན་པ་དག་གིས་བཅོམ་པ་དག་ཅི་འདྲ་བ་ཡིན་ཁྱེད་ཅག་མིང་ཅི་གྲོང་ཕྲེང་བ་ཅན་དེའི་དགེ་སློང་བཞི་བཅུའོ། །ཚེ་དང་ལྡན་པ་དག་འོངས་པ་ལེགས་སོ་འོངས་པ་ལེགས་སོ་ཞེས་དེ་ [106a.2]དག་གིས་དེ་དག་ལ་ལ་ལས་ནི་སྣམ་སྦྱར་བྱིན་ལ་ལས་ནི་བླ་གོས་བྱིན་ལ་ལས་ནི་མཐང་གོས་བྱིན། ལ་ལས་ནི་རྔུལ་གཟན་བྱིན་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དུས་མ་གཏོགས་ཏེ། [106a.3]དེ་ལ་དུས་ནི་འདི་ཡིན་ཏེ། དགེ་སློང་གོས་ཕྲོགས་སམ། གོས་རླག་གམ། གོས་ཚིག་གམ། གོས་རླུང་གིས་ཁྱེར་རམ། གོས་ཆུས་ཁྱེར་ན་དེ་ལ་དེ་ནི་དུས་ཡིན་ནོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང་། བསླབ་པ་ལ་གུས་པ་དང་། བསླབ་པ་ལ་ཡོ་བྱད་ [106a.4]བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་ཡང་དེ་དང་མཐུན་པ་དང་། དེའི་ཤས་ཆེ་བ་དང་དེ་དང་ལྡན་པའི་ཆོས་དང་མཐུན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་ [106a.5]བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་སྟེ་གོས་སློང་ན་དུས་མ་གཏོགས་ཏེ་སྤང་བའི་ལྟུང་བྱེད་དོ། །དེ་ལ་དུས་ནི་འདི་ཡིན་ཏེ། དགེ་ [106a.6]སློང་གོས་ཕྲོགས་སམ། གོས་རླག་གམ། གོས་ཚིག་གམ། གོས་རླུང་གིས་ཁྱེར་རམ། གོས་ཆུས་ཁྱེར་ན་དེ་ལ་དེ་ནི་དུས་ཡིན་ནོ། །ཡང་དགེ་སློང་གང་ཞེས་བྱ་བ་ནི་ཉེ་དགའ་འམ་གཞན་ཡང་དེ་ལྟ་བུ་གང་ཡིན་པའོ། །ཁྱིམ་བདག་གམ་ཞེས་བྱ་བ་ནི་སྐྱེས་པའོ། །ཁྱིམ་བདག་ [106a.7]གི་ཆུང་མ་ཞེས་བྱ་བ་ནི་བུད་མེད་དོ། །ཉེ་དུ་མ་ཡིན་པའི་ཞེས་བྱ་བ་ནི་ཕྱི་མོ་དང་། མེས་པོ་དང་། ཕྲུགས་ཀྱི་བདུན་པ་ཚུན་ཆད་ནི་ཉེ་དུ་ཡིན་ལ། དེ་ཕན་ཅད་ནི་ཉེ་དུ་མ་ཡིན་ནོ། །གན་དུ་སོང་སྟེ་ཞེས་བྱ་བ་ནི་དྲུང་དུ་སོང་སྟེའོ། །གོས་ཞེས་བྱ་བ་ནི་བདུན་པོ་བལ་གོས་དང་། ཤ་ནའི་ [106b] [106b.1]གོས་དང་། ཟར་མའི་གོས་དང་། རས་བལ་གྱི་གོས་དང་། དུ་གུ་ལའི་གོས་དང་། ཀོ་ཏམ་པའི་གོས་དང་། ཉི་འོག་གི་གོས་ལས་གང་ཡང་རུང་བའོ། །སློང་ན་ཞེས་བྱ་བ་ནི་སློང་མོ་བྱེད་ནའོ། །དུས་མ་གཏོགས་ཏེ་ཞེས་བྱ་བ་ནི་དུས་བཞག་སྟེའོ། །སྤང་བའི་ལྟུང་བྱེད་དོ་ཞེས་ [106b.2]བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱའོ། །དེ་ལ་དུས་ནི་འདི་ཡིན་ཏེ། དགེ་སློང་གོས་ཕྲོགས་སམ། ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་ཆོམ་རྐུན་པ་དག་གམ། གཡོན་ཅན་དག་གིས་ཕྲོགས་པར་གྱུར་པའོ། །གོས་རླག་གམ་ཞེས་ [106b.3]བྱ་བ་ནི་འདི་ལྟ་སྟེ། དགེ་སློང་གི་གོས་དག་རླག་པར་གྱུར་པའམ། འཁྱམས་པར་གྱུར་པའོ། །གོས་ཚིག་གམ་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་མེས་ཚིག་པར་གྱུར་པའོ། །གོས་རླུང་གིས་ཁྱེར་རམ་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་རླུང་གིས་ཁྱེར་ [106b.4]བར་གྱུར་པའོ། །གོས་ཆུས་ཁྱེར་ན་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་ཆུས་ཁྱེར་བར་གྱུར་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། རིན་ཐང་དང་། ཁ་དོག་དང་། ཁྲུ་ཚད་ལས་ཏེ། ཇི་ལྟར་རིན་ཐང་ལས་ཞེ་ན། དགེ་སློང་གི་གོས་ཀཱར་ཥཱ་པ་ཎ་ལྔ་རི་བ་སློང་ [106b.5]བར་བྱེད་ཅིང་། དེས་ཀཱར་ཥཱ་པ་ཎ་ལྔ་རི་བའི་གོས་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །ཀཱར་ཥཱ་པ་ཎ་ལྔ་རི་བ་ཇི་ལྟ་བ་དེ་བཞིན་དུ་ཀཱར་ཥཱ་པ་ཎ་བཅུ་རི་བ་དང་། ཀཱར་ཥཱ་པ་ཎ་{བཅྭ་,བཅོ་}ལྔ་རི་བ་དང་། ཀཱར་ཥཱ་པ་ཎ་ཉི་ཤུ་རི་བ་དང་། ཀཱར་ཥཱ་པ་ཎ་ལྔ་ [106b.6]བཅུ་རི་བའི་བར་གྱི་གོས་སློང་བར་བྱེད་ཅིང་། དེས་ཀཱར་ཥཱ་པ་ཎ་ལྔ་བཅུ་རི་བའི་གོས་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཀཱར་ཥཱ་པ་ཎ་ལྔ་རི་བའི་གོས་སློང་བར་བྱེད་ཅིང་ལྷག་པ་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། [106b.7]ལྷག་པ་ཐོབ་ན་ལྟུང་བ་མེད་དོ། །ཀཱར་ཥཱ་པ་ཎ་ལྔ་རི་བ་ཇི་ལྟ་བ་དེ་བཞིན་དུ་ཀཱར་ཥཱ་པ་ཎ་བཅུ་རི་བ་དང་། ཀཱར་ཥཱ་པ་ཎ་{བཅྭ་,བཅོ་}ལྔ་རི་བ་དང་། ཀཱར་ཥཱ་པ་ཎ་ཉི་ཤུ་རི་བ་དང་། ཀཱར་ཥཱ་པ་ཎ་ལྔ་བཅུའི་བར་རི་བའི་གོས་སློང་ཞིང་ལྷག་པ་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། ལྷག་ [107a] [107a.1]པ་ཐོབ་ན་ལྟུང་བ་མེད་དོ། །དེ་ལྟར་རིན་ཐང་ལས་སོ། །ཇི་ལྟར་ཁ་དོག་ལས་ཞེ་ན། དགེ་སློང་གིས་གོས་སྔོན་པོ་སློང་བར་བྱེད་ཅིང་དེས་གོས་སྔོན་པོ་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔོན་པོ་ཇི་ལྟ་བ་དེ་ [107a.2]བཞིན་དུ་སེར་པོ་དང་། དམར་པོ་དང་། གོས་སྟུག་པོ་དང་། སྲབ་མོ་སློང་བར་བྱེད་ཅིང་། དེས་སྲབ་མོ་ཐོབ་ན་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གོས་སྔོན་པོ་སློང་བར་བྱེད་པ་ན་སེར་པོ་ཐོབ་ན། སྔོན་པོ་སློང་བ་དེ་ལ་ཉེས་བྱས་སུ་ [107a.3]འགྱུར་ལ། སེར་པོ་ཐོབ་པ་ལ་ལྟུང་བ་མེད་དོ། །སྔོན་པོ་སློང་བ་ལ་ཇི་ལྟ་བ་དེ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་སློང་བ་ན་སྟུག་པོ་ཐོབ་ན། སྲབ་མོ་སློང་བ་དེ་ལ་ཉེས་བྱས་སུ་འགྱུར་ལ། གོང་མ་ཐོབ་པ་ལ་ལྟུང་བ་མེད་དེ། དེ་ལྟར་ཁ་དོག་ལས་ [107a.4]སོ། །ཇི་ལྟར་ཁྲུ་ཚད་ལས་ཞེ་ན། དགེ་སློང་གིས་གོས་ཁྲུ་ལྔ་པ་སློང་བར་བྱེད་ཅིང་། དེས་གོས་ཁྲུ་ལྔ་པ་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང་། ཁྲུ་{བཅྭ་,བཅོ་}ལྔ་པ་དང་། ཁྲུ་ [107a.5]ཉི་ཤུ་པ་དང་། ཁྲུ་ལྔ་བཅུ་པའི་བར་གྱི་གོས་སློང་བར་བྱེད་ཅིང་། གོས་ཁྲུ་ལྔ་བཅུ་པ་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གོས་ཁྲུ་ལྔ་པ་སློང་བ་ན་ལྷག་པ་ཐོབ་ན། ཁྲུ་ལྔ་པ་སློང་བ་དེ་ལ་ཉེས་བྱས་སུ་ [107a.6]འགྱུར་ལ། ལྷག་པ་ཐོབ་པ་ལ་ལྟུང་བ་མེད་དོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང་། ཁྲུ་{བཅྭ་,བཅོ་}ལྔ་པ་དང་། ཁྲུ་ཉི་ཤུ་པ་དང་། ཁྲུ་ལྔ་བཅུ་པའི་བར་གྱི་གོས་སློང་བར་བྱེད་ཅིང་། དེས་གོས་ཁྲུ་ལྔ་བཅུ་པ་སློང་བར་བྱེད་པ་ན་ལྷག་པ་ཐོབ་ན་གོས་ཁྲུ་ལྔ་བཅུ་པ་སློང་བར་བྱེད་པ་ [107a.7]དེ་ལ་ཉེས་བྱས་སུ་འགྱུར་ལ། ལྷག་པ་ཐོབ་པ་ལ་ལྟུང་བ་མེད་དེ། དེ་ལྟར་ཁྲུ་ཚད་ལས་སོ། །རས་མ་སློང་བ་ན་ཁ་ཚར་ཐོབ་པ་དང་། ཁ་ཚར་སློང་བ་ན་རས་མ་ཐོབ་པ་དང་། རས་མ་སློང་བ་ན་རས་ཡུག་ཆེན་དང་། རས་ཡུག་ཕྲན་ཐོབ་པ་ལ་ལྟུང་བ་མེད་དོ། །ལས་དང་པོ་པ་ [107b] [107b.1]དང་། སྨྱོས་པ་དང་། སེམས་འཁྲུགས་པ་དང་། ཚོར་བདག་གིས་ཉེན་པ་ལ་ལྟུང་བ་མེད་དོ། །སློང་བའི་སྤང་བ་སྟེ་དྲུག་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། [107b.2]ཉེ་དགའ་ལ་བློ་སྐྱེས་པ། འདི་དག་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་བསྡམས་པས་ཕྱིན་ཅད་གང་ནས་ཀྱང་བཅའ་བའི་རིན་ཙམ་ཡང་བསླང་བར་མི་ནུས་ན། འདི་ལྟར་བཅོམ་ལྡན་འདས་ཀྱིས་གྲོང་ཕྲེང་བ་ཅན་པའི་དགེ་སློང་བཞི་བཅུ་ལ་ [107b.3]བརྟེན་ནས་བསླབ་པའི་གཞི་བག་ཡངས་སུ་མཛད་པ་ཡོད་པས་བདག་གིས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་སྔོན་དུ་བཏང་སྟེ་རྙེད་པ་བསྒྲུབ་པར་བྱའོ་སྙམ་ནས། དེ་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་ག་ལ་བ་དེར་སོང་བ་དང་། ཇི་ཙམ་ན་གྲོང་ཕྲེང་བ་ཅན་པའི་ [107b.4]དགེ་སློང་བཞི་བཅུ་པོ་དག་རྙད་རྙིད་དག་འཚེམ་ཞིང་འཁོད་པ་མཐོང་ནས། དེས་དེ་དག་ལ་སྨྲས་པ། ཚེ་དང་ལྡན་པ་དག་བདག་གིས་གཞན་ཐོས་ལ་གཞན་མཐོང་སྟེ། བདག་ཀོ་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་བསམ་གཏན་དང་། རྣམ་པར་ཐར་པ་དང་། ཏིང་ངེ་ [107b.5]འཛིན་དང་། སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་བྱེད་ཅིང་འདུག་པར་སེམས་ཀྱི། བདག་ཚེ་དང་ལྡན་པ་དག་འདི་ལྟར་རྙང་རྙིང་དག་འཚེམ་ཞིང་འཁོད་པར་ནི་མི་སེམས་སོ། །གནས་བརྟན་བདག་ཅག་ཆོམ་རྐུན་པ་དག་གིས་བཅོམ་མོ། །ཀྱེ་མ་མ་ལེགས་སོ། ། [107b.6]མ་ལེགས་སོ། །གནས་བརྟན་སུའི་མྱ་ངན་བྱེད། ཅི་ཁོ་བོ་ཅག་གི་འམ། མ་ཡིན་ཏེ་གང་དག་གིས་ཁྱེད་ཅག་བཅོམ་པའི་མ་བྱིན་པར་ལེན་པ་དེ་དག་སྒྲེན་མོ་ཁོ་ནར་སྐྱེ་བར་འགྱུར་ཞིང་། སྒྲེན་མོ་ཁོ་ནར་དུས་བྱེད་པར་འགྱུར་བས་དེ་དག་གི་མྱ་ངན་བྱེད་དོ། །ཚེ་དང་ལྡན་པ་དག་ཁྱེད་ཅིའི་ [107b.7]ཕྱིར་གོས་དག་མི་སློང་། གནས་བརྟན་སུ་ཞིག་སངས་རྒྱས་དང་། ཆོས་དང་། དགེ་འདུན་སྤངས་ཏེ་ཁོ་བོ་ཅག་ལ་སྦྱིན་པ་དང་བྱ་བར་སེམས་པར་འགྱུར། ཚེ་དང་ལྡན་པ་དག་ཁྱེད་ཅག་བཅོམ་ལྡན་འདས་ཀྱིས་མདོ་སྡེའི་མཐའ་དེ་དང་དེ་དག་ཏུ་ངེས་པར་བསྟོད་པ་དང་། བཀུར་བ་དང་། [108a] [108a.1]བསྔགས་པ་དང་། རབ་ཏུ་བསྔགས་པ་དག་མ་ཡིན་ནམ། གནས་བརྟན་ཁོ་བོ་ཅག་གིས་སུ་ལ་བསླང་བ་ཡང་མི་ཤེས་སོ། །ཚེ་དང་ལྡན་པ་དག་དགེ་སློང་རབ་ཏུ་ཤེས་པ་གང་གིས་ཁྱེད་ཅག་གིས་གོས་དག་སློང་བར་འགྱུར་བ་འགའ་ཞིག་ལ་ཅིའི་ཕྱིར་མི་བཅོལ། གནས་ [108a.2]བརྟན་དགེ་སློང་རབ་ཏུ་ཤེས་པ་སུ་ཞིག་བདག་ཉིད་ཀྱི་དགེ་བའི་ཕྱོགས་ཡོངས་སུ་ཉམས་པར་བྱས་ཏེ། ཁོ་བོ་ཅག་གི་དོན་དུ་གོས་དག་སློང་བར་འགྱུར། ཚེ་དང་ལྡན་པ་དག་རེ་ཞིག་ཁོ་བོ་བདག་ཉིད་དང་བཅུ་པ་ལ་ཡང་ཐབས་ཡོད་ལ། གཞན་ཡང་ཁོ་བོ་ཅག་མི་དྲུག་རེ་རེ་ཡང་བདག་ཉིད་དང་ [108a.3]བཅུ་པ་ཡིན་པས་ཁོ་བོ་ཅག་མི་དྲུག་བཅུ་ལ་ཡང་ཐབས་ཡོད་དོ། །གཞན་ཡང་གལ་ཏེ་ཁྱེད་ཅག་ལ་མི་གནོད་ན་ཁོ་བོ་ཅག་ཀྱང་གཞོན་ནུ་དག་གི་དོན་དུ་རས་ཡུག་ཕྲན་དང་། རས་ཡུག་ཆེན་སློང་བར་བྱེད་དོ། །གནས་བརྟན་དེ་ལ་ཁོ་བོ་ཅག་ལ་གནོད་པ་ཅི་ཡོད། རེ་ཞིག་རེ་རེས་ཀྱང་ [108a.4]ཆོས་གོས་གསུམ་གསུམ་སློང་ལ་རག་གོ། །ཚེ་དང་ལྡན་པ་དག་ཁོ་བོ་ཅག་གིས་བསོད་སྙོམས་ལ་རྒྱུ་བ་དང་། གོས་དག་བསླང་བ་གཉིས་ཀ་མི་ནུས་ཀྱིས། འདི་ལྟར་གང་གི་ཚེ་ཕྱི་རོལ་དུ་ཟས་ལ་བོས་པ་དེའི་ཚེ་བསླང་བར་བྱའོ་ཞེས་ཉེ་དགའ་དེ་གཙུག་ལག་ཁང་གི་ཕྱི་རོལ་དུ་རྐང་པ་བཀྲུས་ནས་གཙུག་ལག་ཁང་གི་ནང་དུ་ [108a.5]ཞུགས་ཏེ་འདུག་ནས་དེས་བསམས་པ། ཐབས་ཅི་ཞིག་བྱས་ན་དེས་མཉན་ཡོད་ཐམས་ཅད་ཆུབ་པར་འགྱུར་སྙམ་ནས་དེས་ཡང་བསམས་པ། ཇེ་དང་པོ་ཁོ་ནར་དབུལ་པོའི་སྲང་དུ་འགྲོ་བར་བྱ་ཞིང་དེའི་འོག་ཏུ་ཕྱུག་པོའི་སྲང་དུ་འགྲོ་བར་བྱ། དེའི་འོག་ཏུ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ [108a.6]ཕོ་བྲང་དང་བཙུན་མོ་རྒྱལ་རིགས་དབྱར་ཚུལ་མའི་ཁྱིམ་དང་། བཙུན་མོ་ཕྲེང་ལྡན་མའི་ཁྱིམ་དང་། ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དང་། བླ་མཁྱེན་དྲང་སྲོང་བྱིན་དང་། རྙིང་པ་གཉིས་ཀྱི་ཁྱིམ་དང་། དགེ་བསྙེན་མ་{རི་དགས་,རི་དྭགས་}འཛིན་གྱི་མས་གའི་ཁྱིམ་དང་། དགེ་བསྙེན་མ་ [108a.7]ཁྱིམ་བདག་གི་ཆུང་མ་ལེགས་སྐྱེས་ཀྱི་ཁྱིམ་དག་ཏུ་འགྲོ་བར་བྱའོ་སྙམ་མོ། །དེའི་ཚེ་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་ཉེ་{དགའས་,དགས་}གཞོན་ནུ་རྣམས་ལ་སྨྲས་པ། ཚེ་དང་ལྡན་པ་དག་གལ་ཏེ་ [108b] [108b.1]ཁྱེད་ཅག་ལ་ལས་སུ་བསྒོ་བ་དག་འོང་བར་གྱུར་ན། ཁྱེད་ཅག་གིས་མི་གནོད་པར་འདི་སྐད་ཅེས་བདག་ཅག་ལ་མཁན་པོ་དང་། སློབ་དཔོན་དག་གི་བྱ་བ་ཅུང་ཞིག་ཡོད་དོ་ཞེས་བརྗོད་པར་བྱའོ། །ཉེ་{དགའས་,དགས་}ཕྱི་དེ་ཉིན་པར་གཞོན་ནུ་ཞིག་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་ [108b.2]གི་གན་དུ་བཏང་སྟེ་ཆོས་གོས་དག་བསླང་གིས་ཚུར་ཤེག་ཤིག་ཅེས་སྤྲིང་ངོ་། །གཞོན་ནུ་དེ་དེར་སོང་བ་དང་། ཇི་ཙམ་ན་དེ་དག་སྙོམས་པར་ཞུགས་པ་མཐོང་ནས་དེས་བསམས་པ། སྙིང་རྗེ་མེད་པའི་སྙིང་དང་ལྡན་པ་འཇིག་རྟེན་ཕ་རོལ་བཏང་བ་སུ་ཞིག་འདི་དག་ཏིང་ངེ་འཛིན་ལས་སློང་བར་ [108b.3]འགྱུར་སྙམ་ནས་དེ་ཉེ་དགའི་གན་དུ་སོང་སྟེ་སྨྲས་པ། སློབ་དཔོན་དེ་དག་སྙོམས་པར་ཞུགས་ཤིང་མཆིས་པས་སུས་ཀྱང་དེ་དག་ཏིང་ངེ་འཛིན་དེ་ལས་སློང་བར་མི་ནུས་སོ། །ཉེ་{དགའས་,དགས་}སྨྲས་པ། བཀྲེན་པ་ཁྱོད་བརྩོན་འགྲུས་འདི་ལྟ་བུས་ཟག་པ་ཟད་པ་མངོན་སུམ་དུ་བྱེད་པར་ [108b.4]འགྱུར་རམ། ཉེ་དགའ་རང་ཉིད་འགྲོའོ་ཞེས་དེ་སོང་ནས་དཔོང་སའི་ཁང་པར་སྒོ་གླེགས་ལ་རྟིང་བས་བརྡབས་པ་དང་། དཔོང་སའི་ཁང་པ་ཐམས་ཅད་འགུལ་ནས་དེ་དག་ཏིང་ངེ་འཛིན་དེ་ལས་ལངས་ནས་སྨྲས་པ། ཚེ་དང་ལྡན་པ་དགེ་སློང་བཞི་བཅུ་པོ་དག་ཆོས་གོས་གསུམ་ [108b.5]བསླང་བར་བྱ་ན། ཁྱེད་ཅག་སྙིང་ལས་ཆུང་ངུར་འཁོད་དམ། ཚུར་ཤེག་འདོང་ངོ་། །གནས་བརྟན་ཇེ་སོ་ཤིང་བོར་ནས་འདོང་ངོ་། །ཚུར་ཤེག་ལམ་ཀ་ཉིད་དུ་འོར་ཅིག །དེ་དག་འཕགས་པ་དང་ཉེ་{དགའས་,དགས་}སྨྲས་པ། ཚེ་དང་ལྡན་པ་དག་ཁོ་བོ་ཅག་དྲུག་སྡེ་དག་ནི་བྱ་རོག་དཀར་པོ་དང་ [108b.6]འདྲ་བས་ཁོ་བོ་ཅག་གིས་རྒན་རིམས་བཞིན་དུ་འཁོད་པར་མི་བྱ་བར་བར་བར་དུ་རྒན་པ་དག་གིས་འཁོད་པར་བྱའོ། །དེ་དག་དབུལ་པོའི་སྲང་དུ་དོང་ནས་དངར་ཁ་བྱས་ཏེ་བསྡད་པ་དང་། དེ་དག་གིས་དེ་དག་མཐོང་ནས་ཉམ་ང་བར་གྱུར་ཏེ་སྨྲས་པ། འཕགས་པ་དག་ཉེས་དམིགས་ [108b.7]འགའ་ཞིག་མ་བྱུང་ངམ། བཞིན་{བཟངས་,བཟང་}དག་ཉེས་དམིགས་བྱུང་ངོ་། །ཅི་ནོངས་ཁྱོད་ཀྱིས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་གང་དག་བཅོམ་ལྡན་འདས་ཀྱིས་མདོ་སྡེའི་མཐའ་དེ་དང་དེ་དག་ཏུ་བསྟོད་པ། བཀུར་བ། བསྔགས་པ། རབ་ཏུ་བསྔགས་པ་དེ་དག་ཐོས་སམ། [109a] [109a.1]ཐོས་སོ། །དེ་དག་ཆོམ་རྐུན་པ་དག་གིས་བཅོམ་མོ། །དེ་དག་གིས་སྨྲས་པ། ཤེས་ལྡན་དག་མདའ་གཞུ་ལོང་ཤིག །ཕུབ་དང་། དབྱུག་པ་དག་ལོང་ཤིག །ཆོམ་རྐུན་པ་དག་འཛིན་དུ་འདོང་ངོ་། །དྲུག་སྡེ་དག་གིས་སྨྲས་པ། དེ་དག་བཅོམ་ནས་ཡུན་ [109a.2]རིང་དུ་ལོན་ཞིང་ཡུལ་འཁོར་གཞན་དུ་བཅོམ་པར་གྱུར་ཏོ། །འོན་ཇི་ལྟར་བགྱི། དེ་དག་ལ་གོས་དག་བྱིན་ཅིག །དེ་དག་གིས་དེ་དག་ལ་གོས་སར་པ་དང་རྙིང་པ་དག་བྱིན་ནོ། །དེ་དག་གིས་གོས་དེ་དག་ཁུར་དུ་དྲགས་ཏེ་གཞོན་ནུ་དག་ལ་གཏད་ནས་སྨྲས་པ། དེང་ལ་འདི་དག་ [109a.3]གཙུག་ལག་ཁང་དུ་སྐྱོལ་ཅིག །གཞོན་ནུ་དག་གིས་དེ་དག་ཁྱེར་ཏེ་གཙུག་ལག་ཁང་དུ་དོང་བ་དང་། དེ་དག་ཕྱུག་པོའི་སྲང་དུ་དོང་ནས། དངར་ཁ་བྱས་ཏེ་བསྡད་པ་དང་། དེ་དག་ཉམ་ང་བར་གྱུར་ཏེ་སྨྲས་པ། འཕགས་པ་དག་ཉེས་དམིགས་འགའ་ཞིག་མ་བྱུང་ངམ། ཉེས་དམིགས་ [109a.4]བྱུང་ངོ་། །ཅི་ནོངས། ཁྱེད་ཀྱིས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་གང་དག་བཅོམ་ལྡན་འདས་ཀྱིས་མདོ་སྡེའི་མཐའ་དེ་དང་དེ་དག་ཏུ་བསྟོད་པ། བཀུར་བ། བསྔགས་པ། རབ་ཏུ་བསྔགས་པ། དེ་དག་ཐོས་སམ། ཐོས་སོ། །དེ་དག་ཆོམ་རྐུན་པ་དག་གིས་བཅོམ་མོ། ། [109a.5]དེ་དག་གིས་སྨྲས་པ། ཤེས་ལྡན་དག་མདའ་གཞུ་ལོང་ཤིག །ཕུབ་དང་། དབྱུག་པ་དག་ལོང་ཤིག །ཆོམ་རྐུན་པ་དག་འཛིན་དུ་འདོང་ངོ་། །དྲུག་སྡེ་དག་གིས་སྨྲས་པ། དེ་དག་བཅོམ་ནས་ཡུན་རིང་དུ་ལོན་ཅིང་ཡུལ་འཁོར་གཞན་དུ་བཅོམ་པར་གྱུར་ཏོ། །འོ་ན་ཇི་ལྟར་བགྱི། [109a.6]དེ་དག་ལ་གོས་དག་བྱིན་ཅིག །དེ་དག་གིས་དེ་དག་ལ་ཆེན་པོ་ལ་འོས་པའི་གོས་དག་བྱིན་ཏོ། །དྲུག་སྡེ་དག་གིས་གོས་དེ་དག་ཁུར་དུ་དྲགས་ཏེ་གཞོན་ནུ་དག་ལ་གཏད་ནས་སྨྲས་པ། དེང་ལ་འདི་དག་གཙུག་ལག་ཁང་དུ་སྐྱོལ་ཅིག །དེ་དག་གིས་གོས་དེ་དག་ཁྱེར་ཏེ་གཙུག་ལག་ཁང་དུ་ [109a.7]དོང་བ་དང་། དེ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཕོ་བྲང་དུ་དོང་ནས་དངར་ཁ་བྱས་ཏེ་བསྡད་པ་དང་། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་དེ་དག་མཐོང་ནས། ཉམ་ང་བར་གྱུར་ཏེ་སྨྲས་པ། འཕགས་པ་དག་ཉེས་དམིགས་འགའ་ཞིག་མ་བྱུང་ངམ། ལྷ་ [109b] [109b.1]ཉེས་དམིགས་བྱུང་ངོ་། །ཅི་ནོངས། ལྷས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་གང་དག་བཅོམ་ལྡན་འདས་ཀྱིས་མདོ་སྡེའི་མཐའ་དེ་དང་དེ་དག་ཏུ་བསྟོད་པ། བཀུར་བ། བསྔགས་པ། རབ་ཏུ་བསྔགས་པ་དེ་དག་གསན་ཏམ། ཐོས་སོ། །དེ་དག་ཆོམ་རྐུན་པ་དག་གིས་ [109b.2]བཅོམ་མོ། །རྒྱལ་པོས་དམག་དཔོན་འཕགས་སྐྱེས་པོ་ལ་བསྒོ་བ། སོང་ལ་མྱུར་དུ་ཆོམ་རྐུན་པ་དག་དང་། རྐུན་རྫས་དག་ཁུག་ཤིག །དྲུག་སྡེ་དག་གིས་སྨྲས་པ། ལྷ་དེ་དག་ནི་བཅོམ་ནས་ཡུན་རིང་དུ་ལོན་ཅིང་ཡུལ་འཁོར་གཞན་དུ་བཅོམ་པར་གྱུར་ཏོ། །འོ་ན་ཇི་ལྟར་བྱ། ལྷ་དེ་དག་ [109b.3]ལ་གོས་དག་སྩོལ་ཅིག །རྒྱལ་པོས་དགེ་སློང་རེ་རེ་ལ་ཡོ་བྱད་བཅུ་གསུམ་བཅུ་གསུམ་བྱིན་ནོ། །དྲུག་སྡེ་དག་གིས་གོས་དེ་དག་ཁུར་དུ་དྲགས་ཏེ་གཞོན་ནུ་རྣམས་ལ་གཏད་ནས་སྨྲས་པ། དེང་ལ་འདི་དག་གཙུག་ལག་ཁང་དུ་སྐྱོལ་ཅིག །དེ་དག་གིས་གོས་དེ་དག་ཁྱེར་ཏེ་གཙུག་ལག་ [109b.4]ཁང་དུ་དོང་བ་དང་། གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་གིས་སྨྲས་པ། གནས་བརྟན་དག་ད་ཆོག་གིས་ཐོང་ཤིག །དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་ཧ་ཅང་བརྟབས་མ་ངས་ཤིག །ཁྱེད་ལ་ཁོ་བོ་ཅག་གིས་དང་པོ་ཉིད་ནས་ཚེ་དང་ལྡན་པ་དག་གལ་ཏེ་ [109b.5]ཁྱེད་ལ་མི་གནོད་ན་ཁོ་བོ་ཅག་ཀྱང་གཞོན་ནུ་དག་གི་དོན་དུ་རས་ཡུག་ཕྲན་དང་། རས་ཡུག་ཆེན་དག་སློང་ངོ་ཞེས་མ་སྨྲས་སམ། དེ་དག་དགེ་སློང་དབང་ཆེ་བར་གྲགས་པས་བསྒོ་བས་ཅང་མི་སྨྲ་བར་འཁོད་དོ། །དེ་དག་བཙུན་མོ་རྒྱལ་རིགས་དབྱར་ཚུལ་མའི་ཁྱིམ་དང་། བཙུན་ [109b.6]མོ་ཕྲེང་ལྡན་མའི་ཁྱིམ་དང་། ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དང་། བླ་མཁྱེན་དྲང་སྲོང་བྱིན་དང་། རྙིང་པ་གཉིས་ཀྱི་ཁྱིམ་དང་། དགེ་བསྙེན་མ་{རི་དགས་,རི་དྭགས་}འཛིན་གྱི་མ་ས་གའི་ཁྱིམ་དང་། དགེ་བསྙེན་མ་ཁྱིམ་བདག་གི་ཆུང་མ་ལེགས་སྐྱེས་ཀྱི་ཁྱིམ་དུ་མཐར་གྱིས་དོང་ [109b.7]སྟེ་སྔར་བསྟན་པ་སྐད་བརྗོད་པ་དང་། དེ་དག་གིས་ཀྱང་དགེ་སློང་རེ་རེ་ལ་ཡོ་བྱད་བཅུ་གསུམ་བཅུ་གསུམ་བྱིན་ནོ། །དེ་ནས་དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་གལ་ཏེ་དགེ་སློང་བརྒྱ་གྲལ་དུ་མ་བཀོད་ན་གྲལ་སྟོངས་པར་འགྱུར་གྱིས་དེང་ལ་གྲལ་དུ་བཀོད་ཅིག །མ་ [110a] [110a.1]ཉེས་ཏེ་བདག་ཅག་ཀྱང་བསོད་སྙོམས་བླངས་ཏེ་འོང་ངོ་། །དྲུག་སྡེ་དག་གིས་གཙུག་ལག་ཁང་དུ་དོང་སྟེ་རྙང་རྙིང་དག་ལས་བཞི་བཅུ་ཕུང་པོར་བྱས་ཏེ་བཞག་གོ། །དགེ་སློང་བཞི་བཅུ་པོ་དག་ཟས་ཀྱི་བྱ་བ་བྱས་ཏེ་འོངས་པ་དང་། དྲུག་སྡེ་དག་གིས་ལྷན་ཅིག་གནས་ [110a.2]པ་དང་། ཉེ་གནས་དག་ལ་སྨྲས་པ། ཚེ་དང་ལྡན་པ་དག་ཚུར་ཤེག་དོན་ཉུང་ངུ་དག་བོས་ཤིག །དེ་དག་གིས་དེ་དག་བོས་པ་དང་། དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་ཅི་ཁོ་བོ་ཅག་ཁྱེད་ཀྱི་གོས་སྲུང་བ་ཡིན་ནམ། རང་གི་གོས་དག་ལོང་ཤིག །དགེ་སློང་བཞི་ [110a.3]བཅུ་པོ་དག་གིས་ཕན་ཚུན་གདོང་དུ་བལྟ་བར་བརྩམས་པ་དང་། དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་ཅིའི་ཕྱིར་ཕན་ཚུན་གདོང་དུ་ལྟ། གནས་བརྟན་དག་ཐམས་ཅད་རྙང་རྙིང་ཤ་སྟག་ཡིན་ནོ། །ཚེ་དང་ལྡན་པ་དག་འདི་དག་མདུད་པ་འོར་ཅིག་དང་སྣམ་སྦྱར་ཡིན་ནོ། །འདི་དག་ནི་དྲུབས་ [110a.4]ཤིག་དང་བླ་གོས་ཡིན་ནོ། །འདི་དག་ནི་དྲུབས་ཤིག་དང་མཐང་གོས་ཡིན་ནོ། །འདི་དག་ནི་དྲུབས་ཤིག་དང་རྔུལ་གཟན་ཡིན་ནོ། །གལ་ཏེ་མི་དགའ་ན་འདོང་དང་ཡང་བསླང་བར་བྱའོ། །ཀྱེ་མའོ་གནས་བརྟན་དག་འདི་དག་ཉིད་ཀྱང་མ་བསླངས་ཀྱང་རུང་ངོ་། །དེ་དག་གིས་རྙང་རྙིང་དེ་དག་ཁྱེར་ཏེ་དགོན་པར་དོང་ནས་ [110a.5]འཚེམ་ཞིང་འཁོད་དོ། །ཐམས་ཅད་དུ་སྒྲ་གྲགས་པ། གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་རེ་རེས་ཀྱང་ཡོ་བྱད་བཅུ་གསུམ་བདུན་བདུན་རྙེད་དོ་ཞེས་གྲགས་སོ། །དེ་དག་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་དག་བདག་ཅག་གིས་གཞན་ཐོས་ལ་ [110a.6]གཞན་མཐོང་སྟེ། བདག་ཅག་གིས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་རེ་རེས་ཀྱང་ཡོ་བྱད་བཅུ་གསུམ་བདུན་བདུན་རྙེད་དོ་ཞེས་ཐོས་ན། ཚེ་དང་ལྡན་པ་དག་ཀོ་རྙང་རྙིང་དག་འཚེམ་ཞིང་འཁོད་དོ། །དེ་དག་གིས་སྨྲས་པ། ཁྱེད་ཅག་གིས་ལྟ་ཁོ་བོ་ཅག་རང་རང་ཕྲག་པ་དག་ [110a.7]གིས་ཀྱང་ཁྱེར་ཞེས་ཀྱང་ཐོས་སོ་ཞེས་ཟེར་བའི་སྐབས་དེ་དགེ་སློང་རྣམས་ལ་བརྗོད་ནས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། ། [110b] [110b.1]སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་ལ་རྨས་པ། དགེ་སློང་དག་ཁྱེད་ལེན་པའི་དྲོད་མི་ཤེས་པ་བདེན་ནམ། [110b.2]བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང་། མི་སྦྱོར་བ་དང་། མ་བརྟགས་པར་སྤྱོད་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་བརྩོན་པ་དང་། སྦྱོར་བ་དང་། བརྟགས་ཏེ་སྤྱོད་པའི་བསྔགས་པ་བརྗོད་ནས། དགེ་སློང་ [110b.3]རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ [110b.4]ལྟར་གདོན་པར་བྱ་སྟེ། དགེ་སློང་གོས་ཕྲོགས་སམ། གོས་རླག་གམ། གོས་ཚིག་གམ། གོས་རླུང་གིས་ཁྱེར་རམ། གོས་ཆུས་ཁྱེར་ན་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་ལ་གོས་བསླང་བར་བྱའོ། །གལ་ཏེ་དེ་ལ་བྲམ་ཟེའམ། [110b.5]ཁྱིམ་བདག་དད་པ་ཅན་ཞིག་གིས་དུས་ཀྱིས་གོས་མང་པོ་སྟོབས་པར་འདོད་ན་དགེ་སློང་དེས་དེ་ལས་གོས་སྟོད་གཡོགས་སྨད་གཡོགས་དང་བཅས་པའི་མཐར་ཐུག་པར་བླང་བར་བྱའོ། །དེ་ལས་ལྷག་པར་ལེན་ན་སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི་ཆོས་འདི་པའོ། །གོས་ [110b.6]ཕྲོགས་སམ་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་ཆོམ་རྐུན་པ་དག་གམ། གཡོན་ཅན་དག་གིས་ཕྲོགས་པར་གྱུར་པའོ། །གོས་རླག་གམ་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་རླག་གམ་འཁྱམས་པར་གྱུར་པའོ། །གོས་ཚིག་གམ་ཞེས་བྱ་བ་ནི་འདི་ལྟ་སྟེ། [110b.7]དགེ་སློང་གི་གོས་དག་མེས་ཚིག་པར་གྱུར་པའོ། །གོས་རླུང་གིས་ཁྱེར་རམ་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་རླུང་གིས་ཁྱེར་བར་གྱུར་པའོ། །གོས་ཆུས་ཁྱེར་ན་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་ཆུས་ཁྱེར་བར་གྱུར་པའོ། །ཁྱིམ་བདག་ཅེས་བྱ་ [111a] [111a.1]བ་ནི་སྐྱེས་པའོ། །ཁྱིམ་བདག་གི་ཆུང་མ་ཞེས་བྱ་བ་ནི་བུད་མེད་དོ། །ཉེ་དུ་མ་ཡིན་པ་ཞེས་བྱ་བ་ནི་ཕྱི་མོ་དང་། མེས་པོ་དང་། ཕྲུགས་ཀྱི་བདུན་པ་ཚུན་ཆད་ཉེ་དུ་ཡིན་ལ། དེ་ཕན་ཆད་ནི་ཉེ་དུ་མ་ཡིན་ནོ། །གན་དུ་སོང་ལ་ཞེས་བྱ་བ་ནི་གན་དུ་སོང་སྟེའོ། །གོས་ [111a.2]ཞེས་བྱ་བ་ནི་བདུན་པོ་བལ་གོས་དང་། ཤ་ནའི་གོས་དང་། ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། ཀོ་ཏམ་པའི་གོས་དང་། ཉི་འོག་གི་གོས་ལས་གང་ཡང་རུང་བའོ། །བསླང་བར་བྱའོ་ཞེས་བྱ་བ་ནི་སློང་མོ་བྱ་བའོ། །འདོད་ན་ཞེས་བྱ་ [111a.3]བ་ནི་གལ་ཏེ་དོན་དུ་གཉེར་ནའོ། །གོས་སྟོད་གཡོགས་སྨད་གཡོགས་དང་བཅས་པའི་མཐར་ཐུག་པ་བླང་བར་བྱའོ་ཞེས་བྱ་བ་ནི་སྟོད་གཡོགས་སྨད་གཡོགས་དང་བཅས་པ་ནི་གཉིས་ཏེ། དགེ་སློང་གི་སྟོད་གཡོགས་སྨད་གཡོགས་དང་བཅས་པ་དང་། ཁྱིམ་པའི་སྟོད་གཡོགས་སྨད་ [111a.4]གཡོགས་དང་བཅས་པའོ། །དགེ་སློང་གི་སྟོད་གཡོགས་སྨད་གཡོགས་དང་བཅས་པ་ནི་སར་པ་ལས་སྣམ་སྦྱར་ཉི་རིམ་དང་། རས་ཡུག་ཕྲན་ཁྲུ་ལྔ་པ་དང་དོ་པའོ། །ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ནི་རས་ཡུག་ཆེན་ཁྲུ་བཅུ་གཉིས་པ་དང་། རས་ [111a.5]ཡུག་ཕྲན་ཁྲུ་བདུན་པ་དང་དོ་པའོ། །དེ་ལས་ལྷག་པ་ལེན་ན་ཞེས་བྱ་བ་ནི་དེ་ལས་གོང་མའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ [111a.6]ཞེ་ན། དགེ་སློང་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་སློང་བས་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ཐོབ་པ་ན་ལྷག་པ་སློང་ན་དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་དགེ་སློང་གི་སྟོད་ [111a.7]གཡོགས་སྨད་གཡོགས་དང་བཅས་པ་སློང་བས་དགེ་སློང་གི་སྟོད་གཡོགས་སྨད་གཡོགས་དང་བཅས་པ་ཐོབ་པ་ན། ལྷག་པ་སློང་ན་དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་ཁྱིམ་པའི་སྟོད་གཡོགས་སྨད་གཡོགས་དང་ [111b] [111b.1]བཅས་པ་སློང་བས་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ཐོབ་པ་ན། གལ་ཏེ་ཆུང་ན་ཡང་བསླང་བར་མི་བྱ་ལ། ལྷག་ན་ཡང་སྦྱིན་པར་མི་བྱའོ། །དགེ་སློང་དགེ་སློང་གི་སྟོད་གཡོགས་སྨད་གཡོགས་དང་བཅས་པ་སློང་བས་དགེ་སློང་གི་སྟོད་གཡོགས་སྨད་གཡོགས་ [111b.2]དང་བཅས་པ་ཐོབ་པ་ན། གལ་ཏེ་ཆུང་ན་བསླང་བར་བྱ་ལ། ལྷག་ན་ཡང་སྦྱིན་པར་བྱའོ། །དེ་ལྟར་ན་དགེ་སློང་གིས་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ལས་ལྷག་པ་སློང་བ་དང་། དགེ་སློང་གི་སྟོད་གཡོགས་སྨད་གཡོགས་དང་བཅས་པ་ལས་ལྷག་པར་སྦྱིན་ [111b.3]པར་མི་བྱེད་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གོས་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་ [111b.4]བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་ [111b.5]སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན་དེ་ལ་ནི་ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་ཙམ་དུ་སྤང་བའི་དངོས་པོ་དེ་ཉིད་ཀྱིས་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། [111b.6]དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་ཉེ་བར་འཇོག་པར་བྱེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། ། [111b.7]སློང་བར་རིགས་པའི་སྤང་བ་སྟེ་བདུན་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་ [112a] [112a.1]དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཁྱིམ་བདག་དེ་གཞན་གྱི་ཆུང་མ་ལ་ཆགས་པར་གྱུར་ནས་དེ་ལ་ཆུང་མས་རྗེའི་སྲས་དེ་ལྟར་མ་མཛད་ཅིག་ཅེས་ཕྱིར་བཟློག་ན་ཇི་ཙམ་དུ་དེ་ཕྱིར་བཟློག་ཀྱང་ཕྱིར་མ་ལོག་པ་དེ་ཙམ་དུ་དེའི་ [112a.2]ཆུང་མ་དེ་ཡང་སྐྱེས་པ་གཞན་དག་དང་ལྷན་ཅིག་འཁྲུལ་པ་རྩོམ་པར་བྱེད་དོ། །ཁྱིམ་བདག་དེ་ཡང་བུད་མེད་གཞན་དག་ལ་སྦྱིན་པར་བྱེད་ལ། ཆུང་མ་དེ་ཡང་སྐྱེས་པ་གཞན་དག་ལ་སྦྱིན་པར་བྱེད་པས་དེ་ལྟར་ཁྱིམ་དེ་གཉིས་ཀ་ནས་རྒུད་པར་གྱུར་ནས་དེ་གཉིས་ལ་བུ་མོ་མངག་གཞུག་མ་ [112a.3]ཞིག་ཡོད་ནས་ཁྱིམ་བདག་དེས་བུ་མོ་དེ་ལ་འདིས་ཁྱིམ་རྒུད་པར་བྱས་སོ་ཞེས་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །བུ་མོ་དེས་སྨྲས་པ། བདག་གིས་ཁྱིམ་རྒུད་པར་གྱུར་པ་འདི་ཅི་ལས་གྱུར་པ་འཚལ་མོད་ཀྱི། འོན་ཀྱང་བདག་གིས་ཇི་ལྟར་རྗེ་དག་ལ་བསྔགས་པ་མ་ [112a.4]ལགས་པ་བརྗོད་པར་བགྱིར་རུང་། ཉེ་{དགའས་,དགས་}དེ་ཚོར་ནས་ཁྱིམ་བདག་དེ་དང་ཁྱིམ་བདག་གི་ཆུང་མ་དེའི་གན་དུ་སོང་སྟེ། ཅི་ནས་ཀྱང་དེ་གཉིས་སྐྱབས་སུ་འགྲོ་བ་དང་བསླབ་པའི་གཞི་དག་ལ་གནས་པར་འགྱུར་བ་དེ་ལྟ་དེ་ལྟར་ཚུལ་ཁྲིམས་ཀྱི་བསྔགས་པ་བརྗོད་ཅིང་ཚུལ་ཁྲིམས་ [112a.5]འཆལ་པའི་བསྔགས་པ་མ་ཡིན་པ་བརྗོད་ནས། དེས་དེ་གཉིས་སྐྱབས་སུ་འགྲོ་བ་དང་བསླབ་པའི་གཞི་དག་ལ་གནས་པར་བྱས་སོ། །ཁྱིམ་བདག་དེ་གཏུམ་པ། བརྟུན་ངས་པ། དྲག་ཤུལ་ཆེ་བ་ཡིན་པས་ཡང་བུ་མོ་དེ་ལ་བརྡེག་པར་བརྩམས་པ་དང་། ཆུང་མས་དེ་ལ་སྨྲས་པ། [112a.6]རྗེའི་སྲས་གང་གི་ཚེ་བདག་ཅག་ལས་དང་ལས་ཀྱི་རྣམ་པར་སྨིན་པ་མི་མཁྱེན་པ་དེའི་ཚེ་གོ་རྡེག་པར་མཛད་མོད། ད་བདག་ཅག་དགེ་བའི་བཤེས་གཉེན་འཕགས་པ་ཉེ་དགའ་ལ་བརྟེན་ནས་ལས་དང་ལས་ཀྱི་རྣམ་པར་སྨིན་པ་མཁྱེན་པས་འདི་ལྟར་འཇིག་རྟེན་ནི་རང་གི་ལས་ཀྱི་འབྲས་ [112a.7]བུ་ལ་སྤྱོད་པ་ལགས་པས་སུ་ཞིག་སུའི་བྲན་ལགས། བུ་མོ་འདི་ལ་རྡེག་པར་མ་མཛད་ཅིག །བཟང་མོ་ཁྱོད་ཟེར་བ་མ་ཉེས་སོ། །བུ་མོ་ཚུར་ཤོག །ཁྲུས་གྱིས་ལ་ཤོག་ཤིག །བུ་མོ་དེ་ཁྲུས་བྱས་ཏེ་འོངས་པ་དང་དེས་དེ་ལ་གོས་ཕྲུགས་གཅིག་བསྐོན་ནས་སྨྲས་པ། བུ་མོ་ [112b] [112b.1]དགའ་ཞིང་ལས་བྱོས་ཤིག །བུ་མོ་དེས་བསམས་པ། ཁྱིམ་བདག་ཁྱོ་ཤུག་འདི་སྔོན་གཏུམ་པ། བརྟུན་ངས་པ། དྲག་ཤུལ་ཆེ་བ་ཡིན་ཏེ། ཡང་དང་ཡང་དུ་བདག་ལ་ཁུ་ཚུར་དང་། ཐལ་ལྕག་དག་གིས་རྡེག་པར་བྱེད་ཅིང་། ཟས་དང་གོས་ངན་པ་དག་སྦྱིན་པར་བྱེད་ [112b.2]ན། ད་འདི་བདག་གི་ཕ་མ་དང་འདྲ་བར་གྱུར་ཏོ་སྙམ་ནས། ཡང་བསམས་པ། གང་ཚུན་ཆད་ནས་འཕགས་པ་ཉེ་དགའ་ཁྱིམ་དུ་འཇུག་པར་བརྩམས་པ་དེ་ཚུན་ཆད་ནས་ཁྱིམ་བདག་འདི་ཕ་མ་དང་འདྲ་བར་གྱུར་པས་བདག་གིས་འཕགས་པ་ཉེ་དགའ་ལ་ཅི་ཞིག་གི་དགའ་བར་བྱ་སྙམ་ [112b.3]ནས། དེས་བསམས་པ། གལ་ཏེ་བདག་གིས་འདི་ལ་ཅུང་ཞིག་བརྐུས་ཏེ་དབུལ་དུ་ནི་ཁྱིམ་བདག་འདིས་བདག་བརྡེག་བཙོག་མང་པོ་བྱས་ཏེ་སྔོན་གྱི་གནས་སུ་བཞག་པར་འགྱུར་རོ་སྙམ་ནས་དེ་སྡོད་ཅིང་འདུག་གོ། །ཁྱིམ་བདག་གི་ཆུང་མ་དེས་ཁྱིམ་བདག་དེ་ལ་སྨྲས་པ། རྗེའི་ [112b.4]སྲས་མཁྱེན་པར་མཛོད་ཅིག །འཕགས་པ་ཉེ་དགའ་ནི་བདག་ཅག་གི་དགེ་བའི་བཤེས་གཉེན་ལགས་ཏེ། འཕགས་པ་ཉེ་{དགའས་,དགས་}བདག་ཅག་ལས་དྲི་མ་ཅན་དང་ཕྲལ་ནས་སྐྱབས་སུ་འགྲོ་བ་དང་བསླབ་པའི་གཞི་དག་ལ་བཀོད་དེ། ཡང་དང་ཡང་དུ་བདག་ཅག་ལ་ཆོས་ [112b.5]ཀྱིས་སྡུད་པར་བྱེད་པས་བདག་ཅག་གིས་ཀྱང་དེ་ལ་ཟང་ཟིང་ཅུང་ཟད་ཀྱིས་བསྡུ་བར་བགྱིའོ། །བཟང་མོ་དེ་བཞིན་བྱའོ། །ཅི་ཞིག་བགྱི། དེ་ལ་རས་ཡུག་ཆེན་ཅིག་དབུལ་བར་བྱའོ། །བུ་མོ་དེས་དེ་ཐོས་ནས་བསམས་པ། བདག་གིས་འཕགས་པ་ཉེ་དགའ་ལ་དགའ་བ་ [112b.6]དེ་སྦྲན་པར་བྱའོ་སྙམ་མོ། །ཉེ་དགའ་ཡང་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ཏེ་མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་པ་དང་། བུ་མོ་དེས་ཁྱིམ་ལེགས་པར་བྱུགས་ཤིང་ཕྱག་དར་བོར་ནས་དེས་ཉེ་ [112b.7]དགའ་མཐོང་བ་དང་རྐང་པ་གཉིས་ལ་ཕྱག་འཚལ་ཏེ་སྨྲས་པ། བདག་གིས་འཕགས་པ་ཉེ་དགའ་ལ་དགྱེས་པ་སྦྲན་པར་བགྱིའོ། །ཁྱིམ་བདག་འདི་ཁྱོད་ལ་རས་ཡུག་ཆེན་འབུལ་བར་འགྱུར་རོ། །ཉེ་{དགའས་,དགས་}བསམས་པ། སའི་སྟེང་ན་འདོད་པའི་བདག་ཉིད་ཅན་གང་ཇི་སྙེད་ [113a] [113a.1]པ་དེ་དག་དང་བདག་མཉམ་པར་དེང་བུ་མོ་འདིས་ཀྱང་འཕྲིགས་སོ་སྙམ་ནས་དེས་གཤེ་སྟེ་སྨྲས་པ། བུ་མོ་གལ་ཏེ་བདེན་པར་གྱུར་ན་ནི་ངས་ཁྱོད་ལ་གཤེ་བ་དག་ལ་ཆུགས་མ་བྱའོ། །ཇི་སྟེ་{བརྫུན་,རྫུན་}པར་གྱུར་ན་ནི་བརྡེག་བཙོག་མང་པོ་བྱེད་དུ་བཅུག་སྟེ་སྔོན་གྱི་ [113a.2]གནས་ཇི་ལྟ་བར་གཞག་པར་བྱའོ། །འཕགས་པ་སྤྱོ་བ་མང་དུ་མཛད་ན་བཞུད་ཅིག་དང་ཁྱོད་ཉིད་ཀྱིས་མཁྱེན་པར་འགྱུར་རོ། །དེ་བཞུད་ནས་སྟན་བཤམས་པ་ཉིད་ལ་འདུག་པ་དང་། ཁྱིམ་བདག་དེ་ཆུང་མ་དང་བཅས་པས་རྐང་པ་ལ་ཕྱག་འཚལ་ཏེ་སྟན་ཆེས་དམའ་བ་བླངས་ [113a.3]ནས་ཆོས་མཉན་པའི་ཕྱིར་མདུན་དུ་འདུག་གོ། །ཉེ་{དགའས་,དགས་}སྨྲས་པ། ཁྱིམ་བདག་ཁོ་བོ་ལ་བསྐོན་པར་བྱ་བའི་རས་ཡུག་ཆེན་གང་ཡིན་པ་དེ་བལྟའོ། །དེ་གཉིས་ཀྱིས་ཕན་ཚུན་གདོང་དུ་བལྟ་བར་བརྩམས་ཏེ་འདི་སྐད་ཅེས་སྨྲས་སོ། །འཕགས་པ་བདག་ཅག་གིས་གསང་སྟེ་སྨྲས་པ་ [113a.4]དེ་འཕགས་པ་ལ་སུས་བགྱིས། ཅི་འཕགས་པས་གཞན་གྱི་སེམས་ཀྱང་མཁྱེན་ནམ། ཉེ་{དགའས་,དགས་}སྨྲས་པ། ཁོ་བོ་ལྷུང་བཟེད་དུ་ཟོས་ཤིང་སོ་ལྷགས་པ་དང་། སྐྲ་དཀར་པོར་གྱུར་པ་ཡིན་ན་ཁོ་བོ་ལ་དེ་ཙམ་ཡང་མི་སྲིད་དམ། ཁྱིམ་བདག་དེས་རས་ཡུག་ཆེན་དེ་ [113a.5]བླངས་ཏེ་ཉེ་དགའ་ལ་ཕུལ་བ་དང་། ཉེ་{དགའས་,དགས་}རས་ཡུག་ཆེན་དེ་མཐོང་ནས་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་དོ། །ཁྱིམ་བདག་གིས་སྨྲས་པ། འཕགས་པ་ཅིའི་སླད་དུ་ཕྱག་གཉིས་འདྲིལ་བར་མཛད། ཞལ་སྒྱུར་བར་མཛད། ཉེ་{དགའས་,དགས་}སྨྲས་ [113a.6]པ། ཁྱིམ་བདག་འདི་ནི་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི་ཡོད་ན་ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི་མེད་དེ། རས་ཡུག་ཆེན་འདི་ནི་མཆིལ་ལྷམ་ཕྱི་བའམ། སྐར་ཁུང་གླན་པར་རུང་སྟེ། འདི་ནི་ཆོས་གོས་ཀྱི་གདོང་ལ་ཡོངས་སུ་ [113a.7]ཟད་པ་དང་མཐར་ཐུག་པར་འགྱུར་རོ། །འོ་ན་ཇི་ལྟར་བགྱི། རས་ཡུག་ཆེན་བཟང་པོ་གཞན་བྱིན་ཅིག །རས་ཡུག་ཆེན་གཞན་མ་མཆིས་སོ། །ཚོང་དུས་ནས་ཉོས་ཏེ་བྱིན་ཅིག་རིན་མ་མཆིས་སོ། །དུས་ཐོབ་ལ་བྱིན་ཅིག །ཁྱིམ་བདག་དེས་ཆུང་མའི་གདོང་དུ་བལྟ་བར་བརྩམས་ [113b] [113b.1]པ་དང་། ཆུང་མས་སྨྲས་པ། རྗེའི་སྲས་བདག་ཅག་ལ་འཕགས་པ་ཉེ་{དགའས་,དགས་}ཕན་བཏགས་ཀྱིས་རས་ཡུག་ཆེན་འཇོལ་ལ་དེ་ལ་ཕུལ་ཅིག །ཁྱིམ་བདག་དེ་ཉེ་དགའ་དང་ལྷན་ཅིག་སྲང་དུ་སོང་ནས། ཚོང་ཁང་དུ་ཕྱིན་པ་དང་། ཉེ་{དགའས་,དགས་}བསམས་པ། ཚོང་པ་འདི་ང་རྒྱལ་བསྐྱེད་ [113b.2]པར་བྱ་སྟེ། དེས་ན་རས་ཡུག་ཆེན་བཟང་པོ་སྟེར་བར་འགྱུར་རོ་སྙམ་ནས་ཉེ་{དགའས་,དགས་}ཁྱིམ་བདག་ལ་སྨྲས་པ། ཁྱིམ་བདག་ཚོང་པ་འདི་ནི་གཅམ་བུ་ཞིག་ཡིན་པས་འདི་ལ་རས་ཡུག་ཆེན་བཟང་པོ་མེད་ཀྱིས་གཞན་དུ་འདོང་ངོ་། །ཚོང་པ་དེས་དེ་ཐོས་ནས་དེས་ཆེན་པོ་ལ་འོས་པའི་ [113b.3]རས་ཡུག་ཆེན་བསྟན་ཏེ་སྨྲས་པ། འཕགས་པ་རས་ཡུག་ཆེན་ལ་གཟིགས། རས་ཡུག་ཆེན་འདི་ནི་བཟང་ན་འདི་རིན་ཇི་ཙམ་འདི་དང་འདི་ཙམ་མོ། །ཁྱིམ་བདག་འདི་འཇལ་ལོ། །ཁྱིམ་བདག་འཇལ་ལམ་འཇལ་ལོ། །དུས་ཇི་ཙམ་ན། དུས་འདི་ཙམ་ནའོ། །ཚོང་པ་ [113b.4]དེས་ཁྱིམ་བདག་དེ་ལ་རས་ཡུག་ཆེན་དེ་བྱིན་ནས་ཁྱིམ་བདག་དེས་ཉེ་དགའ་ལ་ཕུལ་བ་དང་། ཉེ་{དགའས་,དགས་}ཁྱིམ་བདག་ཨ་རོག་གྱ་ཞེས་སྨྲས་ནས། ཁྱོད་སྦྱིན་པ་འདིས་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་ཐོབ་པ་དང་། ལྷ་ [113b.5]དང་མི་རྣམས་ཀྱི་གོས་དག་ཐོབ་པར་གྱུར་ཅིག་ཅེས་སྨྲས་ཏེ་སོང་ངོ་། །ཁྱིམ་བདག་དེ་ལོངས་སྤྱོད་སྲབས་ནས། དེས་རིན་དེ་དུས་དེ་ཙམ་གྱིས་འབུལ་བར་མ་ནུས་ནས། ཚོང་པ་དེས་ཁྱིམ་བདག་དེ་ཉི་མ་ལ་བཏགས་པ་དང་དེ་ཆུང་པོ་གྲོགས་དག་གིས་མཐོང་ནས་སྨྲས་པ། ཅི་ཁྱོད་ [113b.6]ཞུན་མར་འཐུངས་སམ། འོན་ཏེ་རིམས་ཀྱིས་བཏབ། བུ་ལོན་པས་བཟུང་སྟེ་འདུག་གོ། །ཁྱོད་ཀྱི་ཕས་ཀྱང་བུ་ལོན་པ་ཡོད་པར་མ་བྱས། མེས་པོ་དག་གིས་ཀྱང་མ་བྱས་ན་བུ་ལོན་པ་ག་ལས་བྱུང་། དེས་སྨྲས་པ། གང་དག་ཤཱཀྱའི་བུའི་དགེ་སྦྱོང་དག་ལ་དད་པར་བྱེད་པ་དེ་ [113b.7]དག་འདི་ལྟར་འགྱུར་ཏེ། འདི་ལྟར་གང་བྱིན་པ་དེ་མི་ལེན་པར་ལྷག་པར་སློང་བར་བྱེད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་ [114a] [114a.1]བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ་ཁྱོད་ [114a.2]གང་བྱིན་པས་མི་མགུ་ཞིང་ལྷག་པ་སློང་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་ [114a.3]མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ [114a.4]ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གི་ཕྱིར་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པས་གོས་ཀྱི་རིན་དག་སྤགས་ནས་བདག་གི་གོས་ཀྱི་རིན་འདི་དག་གིས་གོས་འདི་དང་འདི་ལྟ་བུ་ཞིག་ཉོས་ལ་ [114a.5]དགེ་སློང་མིང་འདི་ཞེས་བྱ་བ་འོངས་པ་དང་དེ་ལ་གོས་རུང་བ་དུས་སུ་བསྐོན་ནོ་སྙམ་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་རྣམ་པར་རྟོག་པ་འགའ་ཞིག་བྱུང་སྟེ། བཟང་པོ་འདོད་པའི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པ་དེའི་གན་དུ་ [114a.6]སོང་ནས་འདི་སྐད་ཅེས་ཚེ་དང་ལྡན་པས་བདག་གི་ཕྱིར་གོས་ཀྱི་རིན་གང་དག་སྤགས་པའི་གོས་ཀྱི་རིན་དེ་དག་གིས་ཚེ་དང་ལྡན་པ་གོས་འདི་དང་འདི་ལྟ་བུ་ཞིག་ཉོས་ལ་བདག་ལ་གོས་རུང་བ་དུས་སུ་ལེགས་པར་བསྐོན་ཅིག་ཅེས་སྨྲས་ཏེ་གོས་དྲུབ་ན་སྤང་བའི་ལྟུང་བྱེད་དོ། །དགེ་སློང་ [114a.7]གི་ཕྱིར་ཞེས་བྱ་བ་ནི་ཤཱཀྱའི་བུ་ཉེ་དགའའམ། གཞན་ཡང་དེ་ལྟ་བུ་གང་ཡིན་པའོ། །ཁྱིམ་བདག་གམ་ཞེས་བྱ་བ་ནི་སྐྱེས་པའོ། །ཁྱིམ་བདག་གི་ཆུང་མ་ཞེས་བྱ་བ་ནི་བུད་མེད་དོ། །ཉེ་དུ་མ་ཡིན་པས་ཞེས་བྱ་བ་ནི་ཕྱི་མོ་དང་། མེས་པོ་དང་། ཕྲུགས་ཀྱི་བདུན་པ་ཚུན་ཆད་ནི་ [114b] [114b.1]ཉེ་དུ་ཡིན་ལ། དེ་ཕན་ཆད་ནི་ཉེ་དུ་མ་ཡིན་ནོ། །གོས་ཀྱི་རིན་དག་ཅེས་བྱ་བ་ནི་གསེར་རམ་དངུལ་ལོ། །གོས་འདི་དང་འདི་ལྟ་བུ་ཞིག་ཅེས་བྱ་བ་ནི་བདུན་པོ་བལ་གོས་དང་། ཤ་ནའི་གོས་དང་། ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། [114b.2]ཀོ་ཏམ་པའི་གོས་དང་། ཉི་འོག་གི་གོས་ལས་གང་ཡང་རུང་བའོ། །ཉོས་ལ་ཞེས་བྱ་བ་ནི་ཉོས་ཏེའོ། །དགེ་སློང་མིང་འདི་ཞེས་བྱ་བ་འོངས་དང་ཞེས་བྱ་བ་ནི་ཤཱཀྱའི་བུ་ཉེ་དགའོ། །དེ་ལ་གོས་རུང་བ་དུས་སུ་བསྐོན་ནོ་སྙམ་པ་ལས་ཞེས་བྱ་བ་ནི་ལོངས་སྤྱད་པར་བཟོད་པའོ། །དེ་ [114b.3]ནི་གལ་ཏེ་དགེ་སློང་དེ་ལ་སྔར་མ་བསྟབས་པར་ཞེས་བྱ་བ་ནི་སྔར་མགྲོན་དུ་མ་བོས་པར་རོ། །རྣམ་པར་རྟོག་པ་འགའ་ཞིག་བྱུང་སྟེ་ཞེས་བྱ་བ་ནི་བསྙེན་བཀུར་བྱེད་པ་ཞིག་བྱུང་སྟེའོ། །བཟང་པོ་འདོད་པའི་ཕྱིར་ཞེས་བྱ་བ་ནི་རབ་དང་མཆོག་གི་ཕྱིར་རོ། །ཁྱིམ་བདག་གམ་ཁྱིམ་བདག་གི་ [114b.4]ཆུང་མ་ཉེ་དུ་མ་ཡིན་པ་དེའི་གན་དུ་སོང་ནས་ཞེས་བྱ་བ་ནི་དྲུང་དུ་སོང་ནས་སོ། །གོས་དྲུབ་ན་ཞེས་བྱ་བ་ནི་གོས་ཐོབ་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། ། [114b.5]དེ་ལ་ལྟུང་བར་ཇི་ལྟར་འགྱུར་ཞེ་ན། རིན་ཐང་དང་། ཁ་དོག་དང་། ཁྲུ་ཚད་ལས་ཏེ། ཇི་ལྟར་རིན་ཐང་ལས་ཞེ་ན། དགེ་སློང་གིས་ཀཱར་ཥཱ་པ་ཎ་ལྔ་རི་བའི་གོས་ཐོབ་པ་ན་དེ་དེ་ལས་ལྷག་པར་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་ [114b.6]བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །ཀཱར་ཥཱ་པ་ཎ་ལྔ་རི་བ་ཇི་ལྟ་བ་བཞིན་དུ་ཀཱར་ཥཱ་པ་ཎ་བཅུ་རི་བ་དང་། ཀཱར་ཥཱ་པ་ཎ་ཉི་ཤུ་རི་བ་དང་། ཀཱར་ཥཱ་པ་ཎ་ལྔ་བཅུ་རི་བའི་བར་གྱི་གོས་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་ [114b.7]འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དེ་དེ་ལྟར་རིན་ཐང་ལས་སོ། །ཇི་ལྟར་ཁ་དོག་ལས་ཞེ་ན། དགེ་སློང་གིས་གོས་སྔོན་པོ་ཐོབ་པ་ན། དེ་དེ་ལས་ལྷག་པར་སློང་ན། ལྷག་པ་སློང་བ་དེ་ལ་ཉེས་སུ་འགྱུར་ལ། ཐོབ་ན་སྤང་བའི་ལྟུང་ [115a] [115a.1]བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །སྔོན་པོ་ཇི་ལྟ་བ་དེ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཐོབ་ན་དེ་དེ་ལས་ལྷག་པ་སློང་བ་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་ [115a.2]འགྱུར་རོ། །སྔ་མ་ལ་ནི་ལྟུང་བ་མེད་དེ། དེ་ལྟར་ཁ་དོག་ལས་སོ། །ཇི་ལྟར་ཁྲུ་ཚད་ལས་ཞེ་ན། དགེ་སློང་གིས་གོས་ཁྲུ་ལྔ་པ་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ [115a.3]ནི་ལྟུང་བ་མེད་དོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང་། ཁྲུ་ཉི་ཤུ་པ་དང་། ཁྲུ་ལྔ་བཅུ་པའི་བར་གྱི་གོས་ཐོབ་ན་དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་ཏེ། དེ་ལྟར་ཁྲུ་ཚད་ལས་སོ། །དགེ་ [115a.4]སློང་གི་གོས་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་ [115a.5]དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ [115a.6]ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གི་གོས་སྤང་བར་གྱུར་ན་ཇི་སྲིད་དུ་དངོས་པོ་དེ་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་ [115a.7]གི་འཚོ་བའི་ཡོ་བྱད་གང་ཡང་རུང་བ་ཉེ་བར་འཇོག་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ཁ་ཚར་སློང་བ་ན་ལྷན་པ་ཐོབ་པ་དང་། ལྷན་པ་སློང་བ་ན་རས་ཡུག་ཕྲན་ནམ་རས་ཡུག་ཆེན་ཐོབ་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་ [115b] [115b.1]འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྤགས་པ་ལས་ལྷག་པ་སློང་བའི་སྤང་བ་སྟེ་བརྒྱད་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ [115b.2]ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཁྱིམ་བདག་དེ་གཞན་གྱི་ཆུང་མ་ལ་ཆགས་པར་གྱུར་ནས་དེ་ལ་ཆུང་མས་རྗེའི་སྲས་དེ་ལྟར་མ་མཛད་ཅིག་ཅེས་ [115b.3]ཕྱིར་བཟློག་ན། ཇི་ཙམ་དུ་དེ་ཕྱིར་བཟློག་ཀྱང་ཕྱིར་མ་ལོག་པ་དེ་ཙམ་དུ་དེའི་ཆུང་མ་དེ་ཡང་སྐྱེས་པ་གཞན་དག་དང་ལྷན་ཅིག་འཁྲུལ་པ་རྩོམ་པར་བྱེད་དོ། །ཁྱིམ་བདག་དེ་ཡང་བུད་མེད་གཞན་དག་ལ་སྦྱིན་པར་བྱེད་ལ། ཆུང་མ་དེ་ཡང་སྐྱེས་པ་གཞན་དག་ལ་སྦྱིན་པར་བྱེད་པས་ [115b.4]དེ་ལྟར་ཁྱིམ་དེ་གཉིས་ཀ་ནས་རྒུད་པར་གྱུར་ནས། དེ་གཉིས་ལ་བུ་མོ་མངག་གཞུག་མ་ཞིག་ཡོད་ནས་ཁྱིམ་བདག་དེས་བུ་མོ་དེ་ལ་འདིས་ཁྱིམ་རྒུད་པར་བྱས་སོ་ཞེས་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །བུ་མོས་སྨྲས་པ། བདག་གིས་ཁྱིམ་རྒུད་པར་གྱུར་པ་འདི་ [115b.5]ཅི་ལས་གྱུར་པ་འཚལ་མོད་ཀྱི། འོན་ཀྱང་བདག་གིས་ཇི་ལྟར་རྗེ་དག་ལ་བསྔགས་པ་མ་ལགས་པ་བརྗོད་པར་བགྱིར་རུང་། ཉེ་{དགའས་,དགས་}དེ་ཚོར་ནས་ཁྱིམ་བདག་དང་། ཁྱིམ་བདག་གི་ཆུང་མ་དེའི་གན་དུ་སོང་སྟེ། ཅི་ནས་ཀྱང་དེ་གཉིས་སྐྱབས་སུ་འགྲོ་བ་དང་། བསླབ་པའི་ [115b.6]གཞི་དག་ལ་གནས་པར་འགྱུར་བ་དེ་ལྟ་དེ་ལྟར་ཚུལ་ཁྲིམས་ཀྱི་བསྔགས་པ་བརྗོད་ཅིང་། ཚུལ་ཁྲིམས་འཆལ་པའི་བསྔགས་པ་མ་ཡིན་པ་བརྗོད་ནས། དེས་དེ་གཉིས་སྐྱབས་སུ་འགྲོ་བ་དང་། བསླབ་པའི་གཞི་དག་ལ་གནས་པར་བྱས་སོ། །ཁྱིམ་བདག་དེ་གཏུམ་པ། [115b.7]བརྟུན་ངས་པ། དྲག་ཤུལ་ཆེ་བ་ཡིན་པས་ཡང་བུ་མོ་དེ་ལ་བརྡེག་པར་བརྩམས་པ་དང་། ཆུང་མས་དེ་ལ་སྨྲས་པ། རྗེའི་སྲས་གང་གི་ཚེ་བདག་ཅག་ལས་དང་ལས་ཀྱི་རྣམ་པར་སྨིན་པ་མི་མཁྱེན་པ་དེའི་ཚེ་གོ་རྡེག་པར་མཛད་མོད། ད་བདག་ཅག་དགེ་བའི་བཤེས་གཉེན་འཕགས་པ་ [116a] [116a.1]ཉེ་དགའ་ལ་བརྟེན་ནས་ལས་དང་ལས་ཀྱི་རྣམ་པར་སྨིན་པ་མཁྱེན་པས་འདི་ལྟར་འཇིག་རྟེན་ནི་རང་གི་ལས་ཀྱི་འབྲས་བུ་ལ་སྤྱོད་པ་ལགས་པས་སུ་ཞིག་སུའི་བྲན་ལགས། བྲན་མོ་འདི་ལ་རྡེག་པར་མ་མཛད་ཅིག །བཟང་མོ་ཁྱོད་ཟེར་བ་མ་ཉེས་སོ། །བུ་མོ་ཚུར་ [116a.2]ཤོག་ཁྲུས་གྱིས་ལ་ཤོག་ཤིག །བུ་མོ་དེས་ཁྲུས་བྱས་ཏེ་འོངས་པ་དང་། དེས་དེ་ལ་གོས་ཕྲུགས་གཅིག་བསྐོན་ནས་སྨྲས་པ། བུ་མོ་དགའ་ཞིང་ལས་བྱོས་ཤིག །བུ་མོ་དེས་བསམས་པ། ཁྱིམ་བདག་ཁྱོ་ཤུག་འདི་སྔོན་གཏུམ་པ། བརྟུན་ངས་པ། དྲག་ཤུལ་ཅན་ [116a.3]ཡིན་ཏེ། ཡང་དང་ཡང་དུ་བདག་ལ་ཁུ་ཚུར་དང་། ཐལ་ལྕག་དག་གིས་རྡེག་པར་བྱེད་ཅིང་ཟས་དང་གོས་ངན་པ་དག་སྦྱིན་པར་བྱེད་ན། ད་འདི་བདག་གི་ཕ་མ་དང་འདྲ་བར་གྱུར་ཏོ་སྙམ་ནས་ཡང་བསམས་པ། གང་ཚུན་ཆད་ནས་འཕགས་པ་ཉེ་དགའ་ཁྱིམ་འདིར་འཇུག་པར་ [116a.4]བརྩམས་པ་དེ་ཚུན་ཆད་ནས་ཁྱིམ་བདག་འདི་ཕ་མ་དང་འདྲ་བར་གྱུར་པས། བདག་གིས་འཕགས་པ་ཉེ་དགའ་ལ་ཅི་ཞིག་གིས་དགའ་བར་བྱ་སྙམ་ནས་དེས་བསམས་པ། གལ་ཏེ་བདག་གིས་འདི་ལས་ཅུང་ཞིག་བརྐུས་ཏེ་དབུལ་དུ་ནི་ཁྱིམ་བདག་འདིས་བརྡེག་བཙོག་མང་པོ་ [116a.5]བྱས་ཏེ་སྔོན་གྱི་གནས་སུ་བཞག་པར་འགྱུར་རོ་སྙམ་ནས་དེ་སྡོད་ཅིང་འདུག་གོ། །ཁྱིམ་བདག་གི་ཆུང་མ་དེས་ཁྱིམ་བདག་དེ་ལ་སྨྲས་པ། རྗེའི་སྲས་མཁྱེན་པར་མཛོད་ཅིག །འཕགས་པ་ཉེ་དགའ་ནི་བདག་ཅག་གི་དགེ་བའི་བཤེས་གཉེན་ལགས་ཏེ། འཕགས་པ་ཉེ་ [116a.6]{དགའས་,དགས་}བདག་ཅག་ལས་དྲི་མ་ཅན་དང་ཕྲལ་ནས་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཀོད་དེ། ཡང་དང་ཡང་དུ་བདག་ཅག་ལ་ཆོས་ཀྱིས་སྡུད་པར་བྱེད་པས་བདག་ཅག་གིས་ཀྱང་དེ་ལ་ཟང་ཟིང་ཅུང་ཟད་ཀྱིས་བསྡུ་བར་བགྱིའོ། །བཟང་མོ་དེ་བཞིན་བྱའོ། །ཅི་ཞིག་ [116a.7]བགྱི། དེ་ལ་བདག་ཅག་སོ་སོ་ནས་རས་ཡུག་ཆེན་དབུལ་བར་བྱའོ། །བུ་མོ་དེས་དེ་ཐོས་ནས་བསམས་པ། བདག་གིས་འཕགས་པ་ཉེ་དགའ་ལ་དགའ་བ་དེ་སྦྲན་པར་བྱའོ་སྙམ་མོ། །ཉེ་དགའ་ཡང་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་ [116b] [116b.1]བསོད་སྙོམས་ལ་ཞུགས་ཏེ་མཐར་གྱིས་བསོད་སྙོམས་རྒྱུ་བ་ན་ཁྱིམ་དེར་ཞུགས་པ་དང་། བུ་མོ་དེས་ཁྱིམ་དག་ལེགས་པར་བྱུགས་ཤིང་ཕྱག་དར་བོར་ནས་དེས་ཉེ་དགའ་མཐོང་བ་དང་རྐང་པ་གཉིས་ལ་ཕྱག་འཚལ་ཏེ་སྨྲས་པ། བདག་གིས་འཕགས་པ་ཉེ་དགའ་ལ་དགྱེས་པ་སྦྲན་པར་ [116b.2]བགྱིའོ། །ཁྱིམ་བདག་དང་ཁྱིམ་བདག་གི་ཆུང་མ་འདི་ཁྱོད་ལ་སོ་སོ་ནས་རས་ཡུག་ཆེན་འབུལ་བར་འགྱུར་རོ། །ཉེ་{དགའས་,དགས་}བསམས་པ། སའི་སྟེང་ན་འདོད་པའི་བདག་ཉིད་ཅན་གང་ཇི་སྙེད་པ་དེ་དག་དང་བདག་མཉམ་པར་དེང་བུ་མོ་འདིས་ཀྱང་འཕྲིགས་སོ་སྙམ་ནས་དེས་གཤེ་སྟེ་ [116b.3]སྨྲས་པ། བུ་མོ་གལ་ཏེ་བདེན་པར་གྱུར་ན་ནི་དེས་ཁྱོད་ལ་གཤེ་བ་དག་ལ་ཆུགས་མ་བྱའོ། །ཇི་སྟེ་{བརྫུན་,རྫུན་}པར་གྱུར་ན་ནི་བརྡེག་བཙོག་མང་པོ་བྱེད་དུ་བཅུག་སྟེ་སྔོན་གྱི་གནས་ཇི་ལྟ་བར་གཞག་པར་བྱའོ། །འཕགས་པ་སྤྱོ་བ་མང་དུ་མཛད་ན་བཞུད་ཅིག་དང་ཁྱོད་ཉིད་ཀྱིས་མཁྱེན་པར་ [116b.4]འགྱུར་རོ། །དེ་ཞུགས་ནས་སྟན་བཤམས་པ་ཉིད་ལ་འདུག་པ་དང་ཁྱིམ་བདག་དེ་ཆུང་མ་དང་བཅས་པས་རྐང་པ་ལ་ཕྱག་འཚལ་ཏེ་སྟན་ཆེས་དམའ་བ་བླངས་ནས་ཆོས་མཉན་པའི་ཕྱིར་མདུན་དུ་འདུག་གོ། །ཉེ་{དགའས་,དགས་}སྨྲས་པ། ཁྱིམ་བདག་ཁོ་བོ་ལ་སོ་སོ་ནས་རས་ཡུག་ཆེན་སྦྱིན་ [116b.5]པར་བྱས་པ་དེ་བལྟའོ། །དེ་གཉིས་ཀྱིས་ཕན་ཚུན་གདོང་དུ་བལྟ་བར་བརྩམས་ཏེ་འདི་སྐད་ཅེས་ཀྱང་སྨྲས་སོ། །འཕགས་པ་བདག་ཅག་གིས་གསང་སྟེ་སྨྲས་པ་དེ་འཕགས་པ་ལ་སུས་བགྱིས། ཅི་འཕགས་པས་གཞན་གྱི་སེམས་ཀྱང་མཁྱེན་ནམ། ཉེ་{དགའས་,དགས་}སྨྲས་ [116b.6]པ། ཁོ་བོ་ལྷུང་བཟེད་དུ་ཟོས་ཤིང་སོ་ལྷགས་པ་དང་། སྐྲ་དཀར་པོར་གྱུར་པ་ཡིན་ན་ཁོ་བོ་ལ་དེ་ཙམ་ཡང་མི་སྲིད་དམ། ཁྱིམ་བདག་དང་ཆུང་མས་སོ་སོ་ནས་རས་ཡུག་ཆེན་བླངས་ཏེ་ཉེ་དགའ་ལ་ཕུལ་བ་དང་། ཉེ་{དགའས་,དགས་}རས་ཡུག་ཆེན་དེ་དག་མཐོང་ནས་ལག་པ་གཉིས་འདྲིལ་ [116b.7]བར་བྱེད། བཞིན་སྒྱུར་བར་བྱེད་དོ། །ཁྱིམ་བདག་གིས་སྨྲས་པ། འཕགས་པ་ཅིའི་སླད་དུ་ཕྱག་གཉིས་འདྲིལ་བར་མཛད། ཞལ་སྒྱུར་བར་མཛད། ཉེ་{དགའས་,དགས་}སྨྲས་པ། ཁྱིམ་བདག་འདི་དག་ནི་ཁྱེད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི་ཡོད་ན་ཡོངས་སུ་ [117a] [117a.1]ལོངས་སྤྱད་པ་ལས་བྱུང་བའི་བསོད་ནམས་ནི་མེད་དེ་རས་ཡུག་ཆེན་འདི་དག་ནི་མཆིལ་ལྷམ་ཕྱི་བའམ། སྐར་ཁུང་གླན་པར་རུང་སྟེ། འདི་དག་ནི་ཆོས་གོས་ཀྱི་གདང་ལ་ཡོངས་སུ་ཟད་པ་དང་མཐར་ཐུག་པར་འགྱུར་རོ། །འོ་ན་ཇི་ལྟར་བགྱི། རས་ཡུག་ཆེན་བཟང་ [117a.2]པོ་གཞན་དག་བྱིན་ཅིག །རས་ཡུག་ཆེན་དག་མ་མཆིས་སོ། །ཚོང་དུས་ནས་ཉོས་ཏེ་བྱིན་ཅིག །རིན་དག་མ་མཆིས་སོ། །དུས་ཐོབ་ལ་བྱིན་ཅིག །ཁྱིམ་བདག་དེས་ཆུང་མའི་གདོང་དུ་བལྟ་བར་བརྩམས་པ་དང་། ཆུང་མས་སྨྲས་པ། རྗེའི་སྲས་བདག་ཅག་ལ་འཕགས་པ་ [117a.3]ཉེ་{དགའས་,དགས་}ཕན་བཏགས་ཀྱིས་རས་ཡུག་ཆེན་དག་འཇོལ་ལ་དེ་ལ་ཕུལ་ཅིག །ཁྱིམ་བདག་དེ་ཉེ་དགའ་དང་ལྷན་ཅིག་སྲང་དུ་སོང་ནས་ཚོང་ཁང་དུ་ཕྱིན་པ་དང་། ཉེ་{དགའས་,དགས་}བསམས་པ། ཚོང་པ་འདི་ང་རྒྱལ་བསྐྱེད་པར་བྱ་སྟེ། དེས་ན་རས་ཡུག་ཆེན་བཟང་པོ་སྟེར་བར་འགྱུར་ [117a.4]རོ་སྙམ་ནས་ཉེ་{དགའས་,དགས་}ཁྱིམ་བདག་ལ་སྨྲས་པ། ཁྱིམ་བདག་ཚོང་པ་འདི་ནི་གཅམ་བུ་ཞིག་ཡིན་པས་འདི་ལ་རས་ཡུག་ཆེན་བཟང་པོ་མེད་ཀྱིས་གཞན་དུ་འདོང་ངོ་། །ཚོང་པ་དེས་དེ་ཐོས་ནས་དེས་ཆེན་པོ་ལ་འོས་པའི་རས་ཡུག་ཆེན་བསྟན་ཏེ་སྨྲས་པ། འཕགས་པ་རས་ཡུག་ [117a.5]ཆེན་ལ་གཟིགས། རས་ཡུག་ཆེན་འདི་ནི་བཟང་ན་འདིའི་རིན་ཇི་ཙམ། འདི་དང་འདི་ཙམ་མོ། །ཁྱིམ་བདག་འདི་འཇལ་ལོ། །ཁྱིམ་བདག་འཇལ་ལམ། འཇལ་ལོ། །དུས་ཇི་ཙམ་ན་དུས་འདི་ཙམ་ནའོ། །ཚོང་པ་དེས་ཁྱིམ་བདག་དེ་ལ་རས་ཡུག་ཆེན་དེ་བྱིན་ནས་ཁྱིམ་ [117a.6]བདག་དེས་ཉེ་དགའ་ལ་ཕུལ་བ་དང་། ཉེ་{དགའས་,དགས་}ཁྱིམ་བདག་ཨ་རོག་གྱ་ཞེས་སྨྲས་ནས། ཁྱོད་སྦྱིན་པ་འདིས་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་ཐོབ་པ་དང་། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་ [117a.7]ཅེས་སྨྲས་ཏེ་སོང་ངོ་། །ཁྱིམ་བདག་དེ་ལོངས་སྤྱོད་སྲབས་ནས་དེས་རིན་དེ་དུས་དེ་ཙམ་གྱིས་འབུལ་བར་མ་ནུས་ནས་ཚོང་པ་དེས་ཁྱིམ་བདག་དེ་ཉི་མ་ལ་བཏགས་པ་དང་། དེ་ཆུང་པོ་གྲོགས་དག་གིས་མཐོང་ནས་སྨྲས་པ། ཅི་ཁྱོད་ཞུན་མར་འཐུངས་སམ། འོན་ཏེ་རིམས་ཀྱིས་ [117b] [117b.1]བཏབ། བུ་ལོན་པས་བཟུང་སྟེ་འདུག་གོ། །ཁྱོད་ཀྱི་ཕས་ཀྱང་བུ་ལོན་དག་ཡོད་པར་མ་བྱས། མེས་པོ་དག་གིས་ཀྱང་མ་བྱས་ན་བུ་ལོན་པ་ག་ལས་བྱུང་དེས་སྨྲས་པ། གང་དག་ཤཱཀྱའི་བུའི་དགེ་སྦྱོང་དག་ལ་དད་པར་བྱེད་པ་དེ་དག་འདི་ལྟར་འགྱུར་ཏེ། འདི་ལྟར་གང་བྱིན་པ་དེ་ [117b.2]མི་ལེན་པར་ལྷག་པ་སློང་བར་བྱེད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ [117b.3]ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ་ཁྱོད་གང་བྱིན་པས་མི་མགུ་ཞིང་ལྷག་པ་སློང་བ་བདེན་ནམ། བཙུན་ [117b.4]པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་ [117b.5]དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་ [117b.6]པའི་གཞི་འདི་ལྟར་གདོན་པར་བྱ་སྟེ། དགེ་སློང་གི་ཕྱིར་ཁྱིམ་བདག་དང་། ཁྱིམ་བདག་གི་ཆུང་མ་ཉེ་དུ་མ་ཡིན་པས་གོས་ཀྱི་རིན་སོ་སོ་བ་དག་སྤགས་ནས་བདག་ཅག་གཉིས་ཀྱིས་གོས་ཀྱི་རིན་སོ་སོ་བ་འདི་དག་གིས་གོས་འདི་དང་འདི་ལྟ་བུ་སོ་སོ་བ་དག་ཉོས་ལ་དགེ་སློང་མིང་འདི་ཞེས་བྱ་ [117b.7]བ་འོངས་དང་བདག་ཅག་གཉིས་ཀྱིས་སོ་སོ་ནས་དེ་ལ་གོས་རུང་བ་དུས་སུ་བསྐོན་ནོ་སྙམ་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་རྣམ་པར་རྟོག་པ་འགའ་ཞིག་བྱུང་སྟེ། བཟང་པོ་འདོད་པའི་ཕྱིར་ཁྱིམ་བདག་དང་ཁྱིམ་བདག་གི་ཆུང་མ་ཉེ་དུ་མ་ཡིན་པ་དེ་དག་གི་ [118a] [118a.1]གན་དུ་སོང་ནས་འདི་སྐད་ཅེས་ཚེ་དང་ལྡན་པ་དག་གིས་བདག་གི་ཕྱིར་གོས་ཀྱི་རིན་སོ་སོ་བ་གང་དག་སྤགས་པའི་གོས་ཀྱི་རིན་སོ་སོ་བ་དེ་དག་གིས་ཚེ་དང་ལྡན་པ་དག་གོས་འདི་དང་འདི་ལྟ་བུ་སོ་སོ་བ་དག་ཉོས་ལ་གཉི་ག་འདུས་ཏེ་བདག་ལ་གོས་རུང་བ་ཅིག་དུས་ [118a.2]སུ་ལེགས་པར་སྐོན་ཅིག་ཅེས་སྨྲས་ཏེ་གོས་དྲུབ་ན་སྤང་བའི་ལྟུང་བྱེད་དོ། །དགེ་སློང་གི་ཕྱིར་ཞེས་བྱ་བ་ནི་ཤཱཀྱའི་བུ་ཉེ་དགའ་འམ། གཞན་ཡང་དེ་ལྟ་བུ་གང་ཡིན་པའོ། །ཁྱིམ་བདག་ཅེས་བྱ་བ་ནི་སྐྱེས་པའོ། །ཁྱིམ་བདག་གི་ཆུང་མ་ཞེས་བྱ་བ་ནི་བུད་མེད་དོ། །ཉེ་དུ་མ་ [118a.3]ཡིན་པས་ཞེས་བྱ་བ་ནི་ཕྱི་མོ་དང་། མེས་པོ་དང་། ཕྲུགས་ཀྱི་བདུན་པ་ཚུན་ཆད་ནི་ཉེ་དུ་ཡིན་ལ་དེ་ཕན་ཆད་ནི་ཉེ་དུ་མ་ཡིན་ནོ། །གོས་ཀྱི་རིན་ཅེས་བྱ་བ་ནི་གསེར་རམ། དངུལ་ལོ། །གོས་འདི་དང་འདི་ལྟ་བུ་ཞིག་ཅེས་བྱ་བ་ནི་བདུན་པོ་བལ་གོས་དང་། ཤ་ནའི་གོས་དང་། [118a.4]ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། ཀོ་ཏམ་པའི་གོས་དང་། ཉི་འོག་གི་གོས་ལས་གང་ཡང་རུང་བའོ། །ཉོས་ལ་ཞེས་བྱ་བ་ནི་ཉོས་ཏེའོ། །དགེ་སློང་མིང་འདི་ཞེས་བྱ་བ་འོངས་དང་ཞེས་བྱ་བ་ནི་ཤཱཀྱའི་བུ་ཉེ་དགའོ། །དེ་ལ་གོས་ [118a.5]རུང་བ་དུས་སུ་བསྐོན་ནོ་སྙམ་པ་ལས་ཞེས་བྱ་བ་ནི་ལོངས་སྤྱད་པར་བཟོད་པའོ། །དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་ཞེས་བྱ་བ་ནི་སྔར་མགྲོན་དུ་མ་བོས་པར་རོ། །རྣམ་པར་རྟོག་པ་འགའ་ཞིག་བྱུང་སྟེ་ཞེས་བྱ་ནི་བསྙེན་བཀུར་བྱེད་པ་ཞིག་བྱུང་སྟེའོ། །བཟང་ [118a.6]པོ་འདོད་པའི་ཕྱིར་ཞེས་བྱ་བ་ནི་རབ་དང་མཆོག་གི་ཕྱིར་རོ། །ཁྱིམ་བདག་དང་ཁྱིམ་བདག་གི་ཆུང་མ་ཉེ་དུ་མ་ཡིན་པ་དེ་དག་གི་གན་དུ་སོང་ནས་ཞེས་བྱ་བ་ནི་དྲུང་དུ་སོང་ནས་སོ། །གཉི་ག་འདུས་ཏེ་ཞེས་བྱ་བ་ནི་གཉི་ག་ཚོགས་ཏེའོ། །གོས་དྲུབ་ན་ཞེས་བྱ་བ་ནི་གོས་ཐོབ་ནའོ། ། [118a.7]སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། རིན་ཐང་དང་། ཁ་དོག་དང་། ཁྲུ་ཚད་ལས་ཏེ་ཇི་ལྟར་རིན་ཐང་ལས་ཞེ་ན། དགེ་སློང་ [118b] [118b.1]གིས་ཀཱར་ཥཱ་པ་ཎ་ལྔ་རི་བའི་གོས་ཐོབ་པ་ན་དེ་དེ་ལས་ལྷག་པ་སློང་ན་ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །ཀཱར་ཥཱ་པ་ཎ་ལྔ་རི་བ་ཇི་ལྟ་བ་དེ་བཞིན་དུ་ཀཱར་ཥཱ་པ་ཎ་བཅུ་རི་བ་དང་། ཀཱར་ཥཱ་པ་ཎ་ཉི་ཤུ་རི་ [118b.2]བ་དང་། ཀཱར་ཥཱ་པ་ཎ་ལྔ་བཅུ་རི་བའི་བར་གྱི་གོས་ཐོབ་པ་ན་དེ་དེ་ལས་ལྷག་པ་སློང་ན་ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །དེ་ལྟར་རིན་ཐང་ལས་སོ། །ཇི་ལྟར་ཁ་དོག་ལས་ཞེ་ན། དགེ་སློང་གིས་ [118b.3]གོས་སྔོན་པོ་ཐོབ་པ་ན་དེ་དེ་ལས་ལྷག་པ་སློང་ན་ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །གོས་སྔོན་པོ་ལ་ཇི་ལྟ་བ་དེ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ཐོབ་པ་ན་དེ་དེ་ལས་ [118b.4]ལྷག་པ་སློང་ན་ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །དེ་ལྟར་ཁ་དོག་ལས་སོ། །ཇི་ལྟར་ཁྲུ་ཚད་ལས་ཞེ་ན། དགེ་སློང་གི་གོས་ཁྲུ་ལྔ་པ་ཐོབ་པ་ན་དེ་དེ་ལས་ལྷག་པ་སློང་ན་ལྷག་པ་སློང་བ་དེ་ལ་ཉེས་ [118b.5]བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང་། ཁྲུ་ཉི་ཤུ་པ་དང་། ཁྲུ་ལྔ་བཅུ་པའི་བར་གྱི་གོས་ཐོབ་ན་དེ་དེ་ལས་ལྷག་པ་སློང་ན་ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ [118b.6]ན་སྤང་བའི་ལྟུང་བྱེད་དུ་འགྱུར་ཏེ། དེ་ལྟར་ཁྲུ་ཚད་ལས་སོ། །དགེ་སློང་གི་གོས་དག་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། [118b.7]དེ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་ [119a] [119a.1]སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གི་གོས་སྤང་བར་གྱུར་ན་ཇི་སྲིད་དུ་དངོས་པོ་དེ་མ་བཤགས་ཤིང་སོ་སོར་མ་བཤགས་ [119a.2]པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུ་དང་། སྐ་རགས་སམ། དགེ་སློང་གི་འཚོ་བའི་ཡོ་བྱད་གང་ཡང་རུང་བ་ཉེ་བར་འཇོག་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ཁ་ཚེར་སློང་བ་ན་ལྷན་པ་ཐོབ་པ་དང་། ལྷན་པ་སློང་བ་ན་རས་ཡུག་ཕྲན་ནམ། [119a.3]རས་ཡུག་ཆེན་ཐོབ་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་ཚོར་བ་དག་གིས་ཉེན་པ་ལ་ལྟུང་བ་མེད་དོ། །སོ་སོ་ནས་སྤགས་པ་ལས་ལྷག་པ་སློང་བའི་སྤང་བ་སྟེ་དགུ་པ་རྫོགས་{སྷོ,སོ}།། །།འདུལ་བ་རྣམ་པར་འབྱེད་པ། བམ་ [119a.4]པོ་སུམ་བཅུ་རྩ་གཅིག་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །ཉེ་དགའ་ལ་བློ་སྐྱེས་པ་འདི་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་བསྡམ་པ་བྱས་པས་ཕྱིན་ཅད་རས་ཡུག་ [119a.5]ཕྲན་སྒྲེ་བོ་ཡང་སུ་ལས་ཀྱང་བསླང་བར་མི་ནུས་ཀྱིས་འདི་ལྟར་བདག་དང་ལྷན་ཅིག་ཡི་གེའི་གྲྭ་ན་ཡིག་འབྲུའི་ཡི་གེ་དག་སློབ་སློབ་པ་བྲམ་ཟེ་དབྱར་ཚུལ་ཡོད་ཀྱིས་དེའི་གན་དུ་སོང་སྟེ་བལྟས་ན་དེ་ལས་ཅུང་ཟད་འཐོབ་ཀྱང་སྲིད་དོ་སྙམ་ནས་དེ་དེའི་ཁྱིམ་དུ་སོང་བ་དང་། སྒོ་བས་འཕགས་པ་ [119a.6]མ་བཞུད་ཅིག་ཅེས་བགགས་སོ། །ཉེ་{དགའས་,དགས་}སྨྲས་པ། བཞིན་{བཟངས་,བཟང་}བཅོམ་ལྡན་འདས་ཀྱིས་བདག་ཅག་གི་སྤྱོད་ཡུལ་མ་ཡིན་པ་ནི་རྣམ་པ་ལྔ་གསུངས་ཏེ། རོལ་མོ་མཁན་གྱི་ཁྱིམ་དང་། འཇུད་མཐུན་མའི་ཁྱིམ་དང་། ཆང་པའི་ཁྱིམ་དང་། རྒྱལ་པོའི་ཕོ་བྲང་དང་། [119a.7]གདོལ་པའི་ཁྱིམ་ཡིན་ན། ཅི་འདི་རོལ་མོ་མཁན་གྱི་ཁྱིམ་མམ། འཇུད་མཐུན་མའི་ཁྱིམ་མམ། ཆང་པའི་ཁྱིམ་མམ། རྒྱལ་པོའི་ཕོ་བྲང་ངམ། གདོལ་པའི་གནས་ཡིན་ནམ། འཕགས་པ་ཁྱོད་སྤྱོ་བ་མང་དུ་མཛད་དེ། འདི་ནི་རོལ་མོ་མཁན་གྱི་ཁྱིམ་ཡང་མ་ལགས། [119b] [119b.1]འཇུད་མཐུན་མའི་ཁྱིམ་ཡང་མ་ལགས། ཆང་པའི་ཁྱིམ་ཡང་མ་ལགས། རྒྱལ་པོའི་ཕོ་བྲང་ཡང་མ་ལགས། གདོལ་པའི་གནས་ཀྱང་མ་ལགས་ཏེ། འདི་ལྟར་འདི་ནི་བྲམ་ཟེ་དབྱར་ཚུལ་གྱི་སྡུམ་པ་ལགས་སོ། །ཀྭའི་ནང་རྗེ་སོང་ལ་བྲམ་ཟེ་དབྱར་ཚུལ་ལ་ཉེ་དགའ་ཤེས་ལྡན་ [119b.2]ལྟ་བར་འདོད་ཅིང་སྒོ་ན་སྡོད་དོ་ཞེས་གྱིས་ཤིག །སྒོ་བས་སྨྲས་པ། ཁྱོད་རྒྱལ་པོ་གཟུགས་ཅན་སྙིང་པོའི་སྙིང་ཚོམས་མཆིས་པ་ལགས་སྙམ་མམ། བཀྲེན་པ་གལ་ཏེ་སྦྲོན་ན་ནི་སྦྲོན་ཅིག །མི་སྦྲོན་ན་ཁྱོད་ལ་མཚམས་ཆེན་པོ་བཅད་པ་སྦྱིན་པར་བྱའོ། །སྒོ་བས་བསམས་ [119b.3]པ། འདི་ནི་འདི་ལྟར་འཇིགས་པ་མེད་པ་དང་། བག་ཚ་བ་མེད་པར་ཚིག་གཏོང་བ་ལས་ན་མ་སྦྲན་ན་གནོད་པ་བྱེད་ཀྱིས་སོང་ལ་སྦྲན་ནོ་སྙམ་ནས་དེ་དེར་སོང་སྟེ་སྨྲས་པ། ཇོ་བོ་བཙུན་པ་ཉེ་དགའ་ཇོ་བོ་ལྟ་བར་འཚལ་ཞིང་ཆབ་སྒོ་ན་སྡོད་དོ། །དབྱར་ཚུལ་གྱིས་སྨྲས་པ། བཙུན་པ་ [119b.4]ཉེ་དགའ་ལ་སུ་འགོག །བཙུན་པ་ཉེ་དགའ་འཇུག་ཏུ་ཆུག་ཤིག །ཉེ་དགའ་ཞུགས་པ་དང་། དབྱར་ཚུལ་གྱིས་སྨྲས་པ། བཙུན་པ་ཉེ་དགའ་བྱོན་པ་ལེགས་སོ། །བྱོན་པ་ལེགས་སོ། །བཙུན་པ་ཉེ་དགའ་གདན་བཤམས་པ་ཉིད་ལ་བཞུགས་ཤིག །ཉེ་དགའ་དེའི་ [119b.5]མདུན་དུ་འདུག་སྟེ་དེར་སྒྲ་མཐོན་པོ་དང་སྒྲ་ཡིད་དུ་འོང་བ་དང་། སྒྲ་ཟབ་མོས་སྦྱིན་པའི་བསྔགས་པ་བརྗོད་པར་བརྩམས་སོ། །གང་གི་ཚེ་ཉེ་དགའ་ཡིད་དགའ་ཞིང་ཡིད་དགའ་ནས་སྦྱིན་པའི་བསྔགས་པ་རྗོད་པར་བྱེད་པ་དེའི་ཚེ་ན་བྲམ་ཟེ་དང་། ཁྱིམ་བདག་དད་པ་ཅན་དག་འདི་སྙམ་དུ་ཀྱེ་མ་ [119b.6]རང་གི་ཤ་དག་ཀྱང་བཅད་ཅིང་བཅད་ཅིང་སྦྱིན་པར་བྱའོ་སྙམ་དུ་སེམས་པས་བྲམ་ཟེ་དབྱར་ཚུལ་གྱིས་སྨྲས་པ། བཙུན་པ་ཉེ་དགའ་དབྱར་གནས་པ་ལ་ཀཱར་ཥཱ་པ་ཎ་དྲུག་བཅུ་འབུལ་ལོ། །ཨ་རོག་གྱ་སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་ [119b.7]འབྱོར་གྱི་ཚོགས་དང་། དོན་གྱི་མཆོག་ཐོབ་པ་དང་ལྷ་དང་མི་རྣམས་ཀྱི་ལོངས་སྤྱོད་ཀྱང་ཐོབ་པར་གྱུར་ཅིག་ཅེས་སྨྲས་ཏེ་སོང་ངོ་། །མཉན་ཡོད་ནས་དགེ་སློང་གཉིས་ཤིག་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་རྒྱལ་པོའི་ཁབ་ཏུ་འོངས་སོ། །བཅོམ་ལྡན་འདས་ཀྱིས་ཀྱང་ [120a] [120a.1]ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་སོང་ལ་དགེ་སློང་རྣམས་ལ་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱིས་ཁྱོད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ [120a.2]ཆོས་གོས་ཀྱི་ལས་གྱིས་ཤིག་ཅེས་བསྒོ་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དགེ་སློང་རྣམས་ལ་ཚེ་དང་ལྡན་པ་དག་བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱིས་ཁྱོད་ཅག་ལས་གང་དེ་བཞིན་ [120a.3]གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག །དགེ་སློང་རྣམས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོ་ལ་མཉན་ཏོ། །མཉན་ཡོད་ནས་འོངས་པའི་དགེ་སློང་དེ་གཉིས་ཀྱིས་ [120a.4]དེ་ཐོས་ནས་བདག་ཅག་ཀྱང་མཉན་ཡོད་དུ་འགྲོ་དགོས་སོ་སྙམ་ནས་མི་དགའ་བར་གྱུར་ཏོ། །ཉེ་{དགའས་,དགས་}ཐོས་ནས་ཉམ་ང་བར་གྱུར་ཏེ། བདག་ལ་བརྒྱ་ལ་བརྒྱ་ལམ་ན་རྙེད་པ་བྱུང་བ་དེའི་བར་ཆད་བྱུང་ངོ་སྙམ་ནས། དེ་བྲམ་ཟེ་དབྱར་ཚུལ་གྱི་གན་དུ་སོང་སྟེ་སྒྲ་དམའ་བ་དང་། སྒྲ་ཡིད་དུ་མི་འོང་ [120a.5]བ་དང་། སྒྲ་ཞུམ་པས་སྦྱིན་པའི་བསྔགས་པ་བརྗོད་པར་བརྩམས་པ་དང་། དབྱར་ཚུལ་གྱིས་སྨྲས་པ། བཙུན་པ་ཉེ་དགའ་ཁྱོད་སྔོན་སྒྲ་མཐོན་པོ་དང་། སྒྲ་ཡིད་དུ་འོང་བ་དང་། སྒྲ་ཟབ་མོས་སྦྱིན་པའི་བསྔགས་པ་བརྗོད་པར་མཛད་ན། ཁྱོད་ད་ལྟར་སྒྲ་དམའ་བ་དང་། [120a.6]སྒྲ་ཡིད་དུ་མི་འོང་བ་དང་། སྒྲ་མི་ཟབ་པས་སྦྱིན་པའི་བསྔགས་པ་བརྗོད་པར་མཛད་པ་འདི་ལ་རྒྱུ་ཅི་མཆིས། ཆུང་པོ་གྲོགས་བདག་ཅག་བརྒྱ་ལ་བརྒྱ་ལམ་ན་ཕྲད་པ་འབྱུང་ན་དེ་ཡང་ཡུན་མི་རིང་བ་ཁོ་ནས་འབྲལ་བར་འགྱུར་བའི་ཕྱིར་རོ། །མ་ག་དྷཱ་པ་ཟུར་གྱིས་གོ། །ཀོ་ས་ [120a.7]ལ་པ་བརྗོད་ནས་ཤེས། །པན་ཙ་ལ་པ་ཡིག་ཕྱེད་ཀྱིས། །ནུབ་མི་མ་སྨྲས་མི་ཤེས་སོ། །ཞེས་བྱ་བ་ཡིན་པས་དབྱར་ཚུལ་གྱིས་བསམས་པ། འདི་ནི་ཤཱཀྱའི་རིགས་རྒྱ་ཆེན་པོ་དེ་སྙེད་སྤངས་ཏེ་རབ་ཏུ་བྱུང་བ་ཡིན་པས་འདི་བདག་དང་འབྲལ་བ་ལ་མྱ་ངན་མི་བྱེད་ཀྱི་ཀཱར་ཥཱ་པ་ཎ་ [120b] [120b.1]དྲུག་བཅུ་འཆོར་བའི་མྱ་ངན་བྱེད་དོ་སྙམ་ནས་སྨྲས་པ། བཙུན་པ་ཉེ་དགའ་གང་དང་གང་དུ་གནས་པར་བདག་གིས་ཀཱར་ཥཱ་པ་ཎ་དྲུག་བཅུ་བསྐུར་བར་བགྱིའོ། །ཨ་རོག་གྱ་དེ་ལྟ་ན་ཕན་ཕུན་མེད་པ་དང་། ཀུན་ནས་ཉོན་མོངས་པ་མེད་པའི་སྦྱིན་པ་དག་སྦྱིན་ཞིང་བསོད་ནམས་དག་ [120b.2]བྱེད་པ་ཡིན་ནོ་ཞེས་སྨྲས་ནས་སྟན་ལས་ལངས་ཏེ་སོང་ངོ་། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ [120b.3]ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ [120b.4]ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་ [120b.5]བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་པའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་ [120b.6]དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་སྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་ [120b.7]སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། ནོར་སྦྱིན་ལྟར་གནོད་སྦྱིན་ [121a] [121a.1]གྱི་ཚོགས་ཀྱིས་ཡོངས་སུ་བསྐོར་བ། ཐགས་ཟངས་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་བཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་ [121a.2]པོ་རྣམས་ཀྱིས་ཤིན་ཏུ་དུལ་བ། སྤྱོད་ལམ་དང་། སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་ [121a.3]བཟང་པོ་བརྒྱད་བཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང་། མི་འཇིགས་པ་བཞི་དང་། མ་འདྲེས་པའི་དྲན་པ་ཉེ་བར་གཞག་པ་གསུམ་ [121a.4]དང་། ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ་པ། ཉག་གཅིག་དཔའ་བ། གཉིས་པ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། རིག་པ་གསུམ་གསལ་བར་མཛད་པ། བསླབ་པ་ [121a.5]གསུམ་ལ་ལེགས་པར་བསླབས་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། མི་འཇིགས་ [121a.6]པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ [121a.7]ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་སྒྱུར་བ་ལས་ཁྱད་པར་འཕགས་པ། ཀུན་ཤེས་ཀཽཎྜི་ནྱ་ [121b] [121b.1]དང་། རླངས་པ་དང་། མིང་ཆེན་དང་། མ་འགགས་པ་དང་། ཤཱ་རིའི་བུ་དང་། མཽད་གལ་གྱི་བུ་དང་། འོད་སྲུང་དང་། ཀུན་དགའ་བོ་དང་། ནམ་གྲུ་ལ་སོགས་པ་ཉན་ཐོས་ཆེན་པོ་དག་དང་། གཞན་ཡང་དགེ་སློང་གི་དགེ་འདུན་མང་པོས་ཡོངས་སུ་བསྐོར་ཅིང་མདུན་ [121b.2]དུ་བདར་ནས་ཀོ་ས་ལ་དག་ཏུ་ལྗོངས་རྒྱུར་གཤེགས་ཏེ་མཉན་ཡོད་དུ་བྱོན་ནས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་པའི་ཚོང་པ་དག་ཟོང་ཐོགས་ཏེ་རྒྱལ་པོའི་ཁབ་ཏུ་དོང་བ་དག་གལ་ཏེ་དོན་མཐུན་མང་ན་དེ་ལ་རྒྱལ་ [121b.3]པོའམ། བྲམ་ཟེ་དབྱར་ཚུལ་ཤོ་གམ་གཅོད་པར་བྱེད་པས་བྲམ་ཟེ་དབྱར་ཚུལ་གྱིས་ཤོ་གམ་པ་དག་ལ་སྨྲས་པ། གང་གི་ཚེ་མཉན་ཡོད་པའི་ཚོང་པ་དག་མཉན་ཡོད་དུ་ཕྱིར་འགྲོ་བ་དེའི་ཚེ་ན་ཁོ་བོ་ལ་སྦྲོན་ཅིག །ཤོ་གམ་པ་དག་གིས་ཚོང་པ་དག་ལ་བསྒོ་ནས་དེ་དག་གིས་ཟོང་ [121b.4]བསྒྱུར་ཏེ་རིན་བླངས་ནས་བྲམ་ཟེ་དབྱར་ཚུལ་གྱི་གན་དུ་དོང་སྟེ་བདག་ཅག་མཉན་ཡོད་དུ་མཆི་ན་བགྱི་བ་ཅི་མཆིས་ཞེས་སྨྲས་པ་དང་། བྲམ་ཟེ་དབྱར་ཚུལ་གྱིས་ཚོང་པ་གཅིག་ལ་ཀཱར་ཥཱ་པ་ཎ་དྲུག་བཅུ་གཏད་དེ་ཁྱོད་ཀྱིས་འདི་བཙུན་པ་ཉེ་དགའི་གན་དུ་ཁྱེར་ལ་ཕུལ་ཅིག་ཅེས་བསྒོའོ། ། [121b.5]ཚོང་པ་དེས་བསམས་པ། གང་བྲམ་ཟེ་དབྱར་ཚུལ་གྱིས་དད་པར་བྱ་བའི་དགེ་སློང་དེ་ནི་གདོན་མི་ཟ་བར་གྲགས་པ་ཡིན་པས་བདག་གིས་ཀྱང་དེ་ལ་དགའ་བ་ཅུང་ཟད་བྱས། གོས་དག་བསྐོན་ནོ་སྙམ་ནས་དེ་འོད་མའི་ཚལ་དུ་སོང་སྟེ་དགེ་སློང་གི་གན་དུ་ཕྱིན་ནས་དྲིས་པ། འཕགས་པ་ [121b.6]དགེ་སློང་གི་ཚུལ་དང་མཐུན་པའི་གོས་དག་ཇི་ལྟར་ལགས། བཞིན་{བཟངས་,བཟང་}ཅི་དགེ་འདུན་ལ་རས་ཡུག་ཆེན་གྱི་སྦྱིན་པ་བྱེད་དམ། འཕགས་པ་དགེ་འདུན་ལ་རས་ཡུག་ཆེན་གྱི་སྦྱིན་པ་མི་བགྱིད་དེ། འདི་ལྟར་བྲམ་ཟེ་དབྱར་ཚུལ་གྱིས་བཙུན་པ་ཉེ་དགའ་ལ་ཀཱར་ཥཱ་པ་ཎ་དྲུག་བཅུ་ [121b.7]བསྐུར་བ་དག་དེའི་གོས་དག་ཏུ་བསྒྱུར་ཏེ་མཆིའོ། །དགེ་སློང་དེས་སྨྲས་པ། བཞིན་{བཟངས་,བཟང་}གོས་དག་ཀྱང་ལེན་ཅིང་ཁྱོད་ཀཱར་ཥཱ་པ་ཎ་དྲུག་བཅུ་ཡང་འབུལ་དུ་འཇུད་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །ཚོང་པ་དེས་བསམས་པ། འདི་ནི་གོར་མ་ཆག་པར་ [122a] [122a.1]དེ་དང་ཁོ་ན་ཡོད་པ་ཡིན་ནོ་སྙམ་ནས་དེ་དགེ་སློང་གཞན་ཞིག་གི་གན་དུ་སོང་སྟེ་དྲིས་པ། འཕགས་པ་དགེ་སློང་གི་ཚུལ་དང་མཐུན་པའི་གོས་དག་ཇི་ལྟ་བུ་ལགས། བཞིན་{བཟངས་,བཟང་}ཅི་དགེ་འདུན་ལ་རས་ཡུག་ཆེན་གྱི་སྦྱིན་པ་བྱེད་དམ། འཕགས་པ་དགེ་འདུན་ལ་རས་ཡུག་ [122a.2]ཆེན་གྱི་སྦྱིན་པ་མི་བགྱིད་དེ་འདི་ལྟར་བྲམ་ཟེ་དབྱར་ཚུལ་གྱིས་བཙུན་པ་ཉེ་དགའ་ལ་ཀཱར་ཥཱ་པ་ཎ་དྲུག་བཅུ་བསྐུར་བ་དག་དེའི་གོས་དག་ཏུ་བསྒྱུར་ཏེ་མཆིའོ། །དགེ་སློང་དེས་སྨྲས་པ། གལ་ཏེ་རྒྱས་མ་བཏབ་པར་ཁྱེར་ན་ཁྱོད་ཡུལ་གྱི་ཁེ་སྤོགས་འབུལ་དུ་འཇུད་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་ [122a.3]རོ། །ཚོང་པ་དེས་བསམས་པ། འདི་དང་དེ་གཉིས་མཐུན་ནོ་སྙམ་ནས་དེ་བྲམ་ཟེ་དབྱར་ཚུལ་གྱི་གན་དུ་སོང་སྟེ་སྨྲས་པ། དབྱར་ཚུལ་ཀཱར་ཥཱ་པ་ཎ་འདི་དག་རྒྱས་ཐོབ་ཤིག །བཞིན་{བཟངས་,བཟང་}ཡིད་ཆེས་ཀྱིས་ཁྱོད་ཉིད་ཀྱིས་ཁྱེར་ཅིག །དབྱར་ཚུལ་བདག་ལ་ཐུགས་ཆེས་མོད་ཀྱིས་འོན་ཀྱང་ [122a.4]བདག་གིས་ལེགས་པར་བགྱི་བ་བགྱིའོ། །དབྱར་ཚུལ་གྱིས་རྒྱས་བཏབ་ནས་དེས་དེ་དག་ཁྱེར་ཏེ་མཉན་ཡོད་དུ་སོང་ནས་དེ་རྒྱལ་བྱེད་ཀྱི་ཚལ་དུ་སོང་སྟེ་དགེ་སློང་རྣམས་ལ་དྲིས་པ། འཕགས་པ་དག་འཕགས་པ་ཉེ་དགའི་གཙུག་ལག་ཁང་གང་ལགས། དེ་དག་གིས་དེའི་གཙུག་ལག་ཁང་ [122a.5]འདི་ཡིན་ནོ་ཞེས་བསྟན་ནས་དེ་དེར་སོང་བ་དང་ཉེ་དགའ་མི་སྣང་ནས་དེས་དགེ་སློང་ཞིག་ལ་དྲིས་པ། འཕགས་པ་བཙུན་པ་ཉེ་དགའ་གར་བཞུད། དེས་སྨྲས་པ། ཉིན་མོ་སྤྱོད་པའི་ཕྱིར་རོ། །ཚོང་པ་དེས་སྨྲས་པ། བྲམ་ཟེ་དབྱར་ཚུལ་གྱིས་དེ་ལ་ཀཱར་ཥཱ་པ་ཎ་དྲུག་བཅུ་བསྐུར་བ་འདི་ [122a.6]དག་ཞོག་ལ་དེ་མཆིས་ན་སྩོལ་ཅིག །བཞིན་{བཟངས་,བཟང་}ཁྱོད་ཀྱིས་སྒྲོན་མ་རབ་ཏུ་འབར་བ་མགོ་བོས་འཛིན་པ་འགའ་མཐོང་ངམ། དེས་བསམས་པ། འདི་ནི་གདོན་མི་ཟ་བར་དེ་དང་ཁོ་ན་ཡོད་པ་ཡིན་ནོ་སྙམ་ནས་དེས་དགེ་སློང་གཞན་ཞིག་གི་གན་དུ་སོང་སྟེ་སྨྲས་པ། འཕགས་པ་ [122a.7]བྲམ་ཟེ་དབྱར་ཚུལ་གྱིས་བཙུན་པ་ཉེ་དགའ་ལ་ཀཱར་ཥཱ་པ་ཎ་དྲུག་བཅུ་བསྐུར་བ་འདི་དག་ཞོག་ལ་དེ་མཆིས་ན་སྩོལ་ཅིག །བཞིན་{བཟངས་,བཟང་}གལ་ཏེ་ཁྱོད་ཀྱིས་རྒྱས་མ་བཏབ་པར་འོངས་ན་ཁྱོད་ཡུལ་གྱི་ཁེ་སྦོགས་འཇལ་དུ་འཇུད་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །དེས་ [122b] [122b.1]བསམས་པ། འདི་དང་དེ་གཉིས་སུ་མཐུན་གྱིས་ཁྱིམ་དུ་སོང་ལ་དེ་ཉིད་དུ་དེ་འོངས་པ་ལ་བདེ་བར་ཚིག་གི་ལན་གདབ་བོ་སྙམ་ནས་སྨྲས་པ། འཕགས་པ་བཙུན་པ་ཉེ་དགའ་ལ་ཁྱིམ་བདག་གི་མཆིད་ནས་འདི་སྐད་ཅེས་བདག་གི་སྡུམ་པ་ནི་ཕྱོགས་ག་གེ་མོ་ཞིག་ན་མཆིས་ཀྱིས་གལ་ཏེ་ [122b.2]ཀཱར་ཥཱ་པ་ཎ་བཞེད་ན་གཤེགས་སུ་གསོལ་ཞེས་གསུངས་ཤིག་ཅེས་སྨྲས་ཏེ་སོང་ངོ་། །ཉེ་དགའ་ཡང་གཙུག་ལག་ཁང་དུ་འོངས་ནས་དགེ་སློང་རྣམས་ཀྱིས་སྨྲས་པ། བཙུན་པ་ཉེ་དགའ་བཅོམ་ལྡན་འདས་ཀྱིས་ཚུལ་ཁྲིམས་དང་ལྡན་པའི་སེམས་ཀྱི་སྨོན་པ་འགྲུབ་སྟེ། དེ་ཡང་ [122b.3]ཚུལ་ཁྲིམས་རྣམ་པར་དག་པའི་ཕྱིར་རོ་ཞེས་བྱ་བ་དེ་ལེགས་པར་གསུངས་པ་ཡིན་ཏེ། ཁྱོད་དེང་ཁོ་ན་ཉིན་མོ་སྤྱོད་དུ་སོང་བས་དེང་ཉིད་དུ་ཀཱར་ཥཱ་པ་ཎ་དྲུག་བཅུ་གྲུབ་བོ། །གང་གིས་བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་རེ་རེ་ལ་ཀཱར་ཥཱ་པ་ཎ་དྲུག་བཅུ་དྲུག་བཅུ་བྱིན་པའི་སྦྱིན་ [122b.4]བདག་དེ་ལྟ་བུ་དེ་གང་ཡིན། བཙུན་པ་ཉེ་དགའ་དགེ་འདུན་ཐམས་ཅད་ལ་མ་ཡིན་གྱི་ཁྱོད་གཅིག་པུ་ལའོ། །གང་གིས་ཉེ་དགའ་ལ་ཀཱར་ཥཱ་པ་ཎ་དྲུག་བཅུ་བྱིན་པའི་སྦྱིན་བདག་དེ་ལྟ་བུ་དེ་གང་ཡིན། བྲམ་ཟེ་དབྱར་ཚུལ་གྱིས་བསྐུར་རོ། །དེ་ནི་ཕྱི་རོལ་གྱི་རྙེད་པ་ཁོ་ན་ཡིན་ན་རྒྱ་མ་བྱིད་ [122b.5]དམ། མ་ཞུའམ། སྒྱུ་མ་ཞུགས་སམ། སུས་བརྟགས། མ་བརྟགས་པ་ཁོ་ནར་བླངས་སམ། སུས་བླངས། ཁོ་བོ་ནི་དགྲ་བོ་ཤ་སྟག་གི་ནང་ན་འདུག་གོ། །དེ་ལ་དགེ་སློང་གཞན་དེས་སྨྲས་པ། བཙུན་པ་ཉེ་དགའ་ཡི་ཆད་དུ་ཅི་ཡོད། ཁྱིམ་བདག་དེ་ན་རེ་བདག་ [122b.6]གི་སྡུམ་པ་ནི་ཕྱོགས་ག་གེ་མོ་ཞིག་ན་མཆིས་ཀྱིས་གལ་ཏེ་ཀཱར་ཥཱ་པ་ཎ་བཞེད་ན་གཤེགས་སུ་གསོལ་ཞེས་ཟེར་རོ། །ཉེ་{དགའས་,དགས་}སྣམ་སྦྱར་བླངས་ཏེ་གོམ་པ་བསྐྱེད་དེ་སོང་བ་དང་། ཁྱིམ་བདག་དེས་དེ་ཐག་རིང་པོ་ཁོ་ན་ནས་འོང་བ་མཐོང་ནས། དེས་བསམས་པ། དགེ་སྦྱོང་ [122b.7]ཧྲལ་པོ་གོམ་པ་འདི་ལྟ་བུས་འོང་པ་འདི་ནི་བཙུན་པ་ཉེ་དགའ་ཡིན་གོར་མ་ཆག་སྙམ་ནས། དེས་ཐག་རིང་པོ་ཁོ་ན་ནས་དེ་ལ་སྨྲས་པ། ཁྱོད་བཙུན་པ་ཉེ་དགའ་མ་ལགས་སམ། ཁོ་བོ་ཡིན་ནོ། །བྲམ་ཟེ་དབྱར་ཚུལ་གྱིས་ཁྱོད་ལ་ཀཱར་ཥཱ་པ་ཎ་དྲུག་བཅུ་བསྐུར་བ་འདི་ལགས་ [123a] [123a.1]ཀྱིས་བཞེས་ཤིག །ཨ་རོག་གྱ་སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་ཐོབ་པ་དང་། ལྷ་དང་མི་རྣམས་ཀྱི་ལོངས་སྤྱོད་ཀྱང་ཐོབ་པར་གྱུར་ཅིག །འཕགས་པ་ཅིའི་སླད་དུ་བདག་གི་མིང་ [123a.2]གིས་ཡོན་བཤད་པ་མཛད། བྲམ་ཟེ་དབྱར་ཚུལ་གྱི་མིང་གིས་ཡོན་བཤད་པ་མཛོད་ཅིག །བཀྲེན་པ་འདི་ལ་དགོས་པ་ཅི་ཡོད། འདི་ལྟར་ཁྱོད་ཀྱིས་ཀྱང་མང་དུ་བྱས་ཏེ་ཁྱོད་ཀྱིས་ཁྱེར་ཏེ་འོངས་པའི་ཕྱིར་རོ། །གང་གིས་འདི་ཁྱེར་ཏེ་སྲང་དུ་འགྲོ་བའི་ཁྱེའུ་ཞིག་རེ་ཞིག་རྙོས་ཤིག ། [123a.3]འཕགས་པ་བདག་ལ་ཁྱེའུ་མ་མཆིས་སོ། །བཀྲེན་པ་རྒྱལ་པོའི་ཁབ་ནས་ཐག་རིང་པོ་འདི་སྲིད་དུ་ཁྱེར་ཏེ་འོངས་ན་སྲང་དུ་སྐྱེལ་མི་ནུས་སམ། དེས་ཁྱེའུ་ལ་སྨྲས་པ། ཀཱར་ཥཱ་པ་ཎ་ཁྱེར་ཏེ་འཕགས་པའི་ཕྱི་བཞིན་སོང་ལ་ཕྱི་རོལ་དུ་མ་འབྱུང་ཤིག །འདིས་ཁྱོད་ལ་བཅའ་བའི་རིན་སྦྱིན་ [123a.4]དུ་མ་གཞུག་ཤིག །ཁྱེའུ་དེས་ཀཱར་ཥཱ་པ་ཎ་ཁྱེར་ཏེ་དེའི་ཕྱི་བཞིན་སྲང་དུ་སོང་ནས་ཚོང་རྡལ་དང་པོར་ཕྱིན་པ་དང་། དེས་སྨྲས་པ། འཕགས་པ་ཀཱར་ཥཱ་པ་ཎ་འདི་དག་འདིར་འཇོག་ཏུ་སྩོལ་ཅིག །ཉེ་{དགའས་,དགས་}ཁྱེའུ་ཁྱོད་ཤིན་ཏུ་ལེགས་པར་བསླབས་སོ། །ཞེས་དེས་སྤོས་འཚོང་ [123a.5]གི་ཁྱེའུ་ཞིག་ལ་སྨྲས་པ། བཞིན་{བཟངས་,བཟང་}ཀཱར་ཥཱ་པ་ཎ་འདི་དག་རེ་ཞིག་ཞོག་ཤིག །འཕགས་པ་བདག་ནི་བླ་མ་ལ་རག་ལས་པ་ལགས་སོ། །ཁྱོད་ནམ་ཡང་རང་ལ་རག་ལས་པར་མ་གྱུར་ཅིག །དེས་སྤོས་འཚོང་གི་ཁྱེའུ་གཞན་ཞིག་གི་གན་དུ་སོང་སྟེ་སྨྲས་པ། བཞིན་ [123a.6]{བཟངས་,བཟང་}ཀཱར་ཥཱ་པ་ཎ་འདི་དག་རེ་ཞིག་ཞོག་ཤིག །འཕགས་པ་བདག་གི་བླ་མ་སླད་རོལ་དུ་མཆིས་སོ། །ནམ་ཡང་འཇུག་པར་མ་གྱུར་ཅིག །དེ་སྤོས་འཚོང་གི་ཁྱེའུ་དད་པ་གསར་དང་ལྡན་པ་ཞིག་ཡོད་པ་དེའི་གན་དུ་སོང་སྟེ་སྨྲས་པ། བཞིན་{བཟངས་,བཟང་}ཀཱར་ཥཱ་པ་ཎ་འདི་དག་རེ་ཞིག་ [123a.7]ཞོག་ཤིག །འཕགས་པ་བདག་མ་ལ་རག་ལས་པ་ལགས་སོ། །ཁོ་བོས་ཀོ་ཁྱོད་དད་པ་དང་ལྡན་པར་ཤེས་ཀྱི་ཁོ་བོས་ཁྱོད་ཇི་ལྟར་རྟུག་པ་ལ་དད་པར་ནི་མི་ཤེས་སོ། །གལ་ཏེ་ཁྱོད་ཀྱིས་དད་པ་མ་ཐོབ་ཏུ་ཟིན་ན་ཁྱོད་ཀྱིས་ཤིང་ཚལ་བླངས་ཏེ་དགེ་སློང་སྐྲོད་པར་ཡང་འགྱུར་རོ། །དེ་ [123b] [123b.1]སྐྱེངས་ནས་སྨྲས་པ། འཕགས་པ་གཞག་ཏུ་གསོལ། ཉེ་{དགའས་,དགས་}ཀཱར་ཥཱ་པ་ཎ་དེ་དག་དེར་བཞག་སྟེ་ཁྱིམ་བདག་གི་ཁྱེའུ་དེ་ཕྱིར་བཏང་སྟེ་སོང་ངོ་། །ཚོང་པའི་ཚོགས་ཀྱིས་ཀྱང་བདག་ཅག་ལས་གང་ཉི་མ་ཤར་ན་འོང་བ་དེ་བདག་ཅག་གིས་ཀཱར་ཥཱ་པ་ཎ་དྲུག་བཅུ་འཇལ་དུ་གཞུག་གོ་ [123b.2]ཞེས་ཁྲིམས་སུ་བྱ་བ་བཅས་ནས་སྤོས་འཚོང་གི་ཁྱེའུ་དེ་ལ་མས་སྨྲས་པ། བུ་ཅི་ནས་ཀྱང་བདག་ཉིད་ཀཱར་ཥཱ་པ་ཎ་དྲུག་བཅུ་འཇལ་དུ་མི་གཞུག་པ་དེ་ལྟར་གྱིས་ཤིག །ཉེ་དགའ་མཚན་མོ་འགྱོད་པ་སྐྱེས་ཏེ་སྤོས་འཚོང་གི་ཁྱེའུ་དེ་དད་པ་གསར་དང་ལྡན་པ་ཡིན་པས། ཀཱར་ཥཱ་པ་ཎ་དེ་ [123b.3]དག་བསྙོན་པར་འགྱུར་བའི་གནས་གང་ཡིན་པ་དེ་ལྟ་བུ་ཡོད་པར་འགྱུར་རོ་སྙམ་ནས་དེ་ནང་པར་སྔར་ལངས་ཏེ་ཁྱེའུ་ཞིག་ཁྲིད་ནས་དེ་ཚོང་རྡལ་དུ་སོང་བ་དང་། སྤོས་འཚོང་གི་ཁྱེའུ་དེ་ཚོང་རྡལ་འབྱེད་ཅིང་འདུག་པ་དེས་མཐོང་ནས་སྨྲས་པ། བཞིན་{བཟངས་,བཟང་}ཀཱར་ཥཱ་པ་ཎ་དེ་དག་བྱིན་ཅིག ། [123b.4]འཕགས་པ་ཚོང་པའི་ཚོགས་ཀྱིས་བདག་ཅག་ལས་གང་གདུགས་ཤར་ན་མཆི་བ་དེ་ཀཱར་ཥཱ་པ་ཎ་དྲུག་བཅུ་འཇལ་དུ་སྩལ་བའི་ཁྲིམས་སུ་བགྱི་བ་བཅས་པས་བདག་ཅག་ཚོང་པའི་ཚོགས་ཀྱི་ནང་དུ་མཆིས་ཏེ། སླར་མཆིས་ཀྱི་བར་དུ་ཡུད་ཙམ་ཞིག་བཞེས་སུ་གསོལ། བཀྲེན་པ་ [123b.5]སུ་ཞིག་ཁྱོད་ཀྱི་ལྟོ་གོལ་བ་ཡིན་སྙམ་སུ་ཞིག་སྒྱིད་པ་གཉིས་སྐྲངས་སྐྲངས་སུ་སྡོད་པར་འགྱུར། གལ་ཏེ་མ་བྱིན་པར་འགྲོ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཀཱར་ཥཱ་པ་ཎ་དྲུག་བཅུ་འཇལ་དུ་གཞུག་པའི་གྱོད་ལ་བསྒྲིན་པར་བྱའོ། །སྤོས་འཚོང་གི་ཁྱེའུ་དེ་ཁྲོས་ནས་ཀཱར་ཥཱ་པ་ཎའི་ཐུམ་ [123b.6]བུ་དེ་འཕངས་པ་དང་། དེའི་རྒྱ་གོགས་སོ། །ཉེ་{དགའས་,དགས་}སྨྲས་པ། རྒྱ་མ་བྱིད་དམ། མ་ཞུའམ། སྒྱུ་མ་ཞུགས་སམ་བལྟའོ། །ཅི་ཁོ་བོ་ཁྱོད་ཀྱིས་བརྟགས་ཏེ་གཏད་དམ། གལ་ཏེ་ཁྱོད་ཀྱིས་བརྟགས་ཏེ་མ་བླངས་ན་ཅིའི་ཕྱིར་རྒྱ་གཅོག་པར་བྱེད། ཉེ་{དགའས་,དགས་}སྤོས་ [123b.7]འཚོང་གི་ཁྱེའུ་དེ་དེ་སྲིད་དུ་བསྒོར་གྱི་བར་དུ་ཚོང་པའི་ཚོགས་ཀྱིས་དེའི་ཁྱིམ་ནས་ཀཱར་ཥཱ་པ་ཎ་དྲུག་བཅུའི་གཏའ་བཅད་ནས། དེ་ལ་མས་སྨྲས་པ། བུ་ཁྱོད་ཀྱིས་ལས་ཅི་བྱས་ན་དེས་ཁྱོད་ཀྱིས་བདག་ཉིད་ཀཱར་ཥཱ་པ་ཎ་དྲུག་བཅུའི་གྱོད་ལ་བསྒྲིན་པར་གྱུར། ཁྱེའུས་སྨྲས་པ། གང་ [124a] [124a.1]དག་ཤཱཀྱའི་སྲས་ཀྱི་དགེ་སྦྱོང་རྣམས་ལ་མངོན་པར་དད་པར་བྱེད་པ་དེ་དག་འདི་ལྟར་འགྱུར་ཏེ། དད་པའི་མྱུ་གུ་སྐྱེས་མ་ཐག་པ་ཉིད་ཉམས་པར་བྱས་སོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་ [124a.2]འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། ། [124a.3]སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཉེ་དགའ་ལ་རྨས་པ། ཉེ་དགའ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ [124a.4]ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་ [124a.5]གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གི་ཕྱིར་རྒྱལ་པོའམ། བློན་པོ་ཆེན་པོའམ། བྲམ་ [124a.6]ཟེའམ། ཁྱིམ་བདག་གམ། གྲོང་རྡལ་གྱི་མིའམ། ཡུལ་གྱི་མིའམ། ནོར་ཅན་ནམ། ཚོང་དཔོན་ནམ། དེད་དཔོན་གྱིས་ཕོ་ཉའི་ལག་ཏུ་གོས་ཀྱི་རིན་དག་བསྐུར་བར་གྱུར་ལ། དེ་ནས་ཕོ་ཉ་དེ་གོས་ཀྱི་རིན་དེ་དག་ཁྱེར་ནས་དགེ་སློང་དེ་ག་ལ་བ་དེར་སོང་སྟེ་ཕྱིན་ནས། དགེ་ [124a.7]སློང་དེ་ལ་འདི་སྐད་ཅེས་འཕགས་པ་མཁྱེན་པར་མཛོད་ཅིག །ཁྱོད་ལ་རྒྱལ་པོའམ། བློན་པོ་ཆེན་པོའམ། བྲམ་ཟེའམ། ཁྱིམ་བདག་གམ། གྲོང་རྡལ་གྱི་མིའམ། ཡུལ་གྱི་མིའམ། ནོར་ཅན་ནམ། ཚོང་དཔོན་ནམ། དེད་དཔོན་ཆེ་གེ་མོས་གོས་ཀྱི་རིན་འདི་དག་བསྐུར་གྱིས། [124b] [124b.1]འཕགས་པས་ཐུགས་བརྩེ་བའི་སླད་དུ་འདི་དག་བཞེས་ཤིག་ཅེས་ཟེར་ན་དགེ་སློང་དེས། ཕོ་ཉ་དེ་ལ་འདི་སྐད་ཅེས་ཚེ་དང་ལྡན་པ་ཕོ་ཉ་དགེ་སློང་དག་ནི་གོས་ཀྱི་རིན་དག་ལེན་དུ་མི་རུང་སྟེ། བདག་ཅག་གོས་རུང་བ་དུས་སུ་རྙེད་ན་ནི་ལེན་ཏོ་ཞེས་བརྗོད་པར་བྱའོ། །གལ་ཏེ་ཕོ་ཉ་དེས་དགེ་སློང་ [124b.2]དེ་ལ་འདི་སྐད་ཅེས་འཕགས་པ་རྣམས་ཀྱི་ཞལ་ཏ་བགྱིད་པ། འཕགས་པ་རྣམས་ཀྱི་ཞལ་ཏ་ཉམས་སུ་ལེན་པ་གང་ལགས་པ། འགའ་མཆིས་སམ་ཞེས་ཟེར་ན་དགེ་སློང་གོས་འདོད་པས་ཕོ་ཉ་འདི་ནི་དགེ་སློང་རྣམས་ཀྱི་ཞལ་ཏ་བྱེད་པ་སྟེ། འདི་ནི་དགེ་སློང་རྣམས་ཀྱི་ཞལ་ཏ་ཉམས་ [124b.3]སུ་ལེན་པའོ་ཞེས་ཀུན་དགའི་ར་བ་བའམ། དགེ་བསྙེན་ཞལ་ཏ་བྱེད་པ་བསྟན་པར་བྱའོ། །དེ་ནས་ཕོ་ཉ་དེས་གོས་ཀྱི་རིན་དེ་དག་ཁྱེར་ནས་ཞལ་ཏ་བྱེད་པ་ག་ལ་བ་དེར་འགྲོ་བར་བྱ་ཞིང་ཕྱིན་ནས་ཞལ་ཏ་བྱེད་པ་དེ་ལ་འདི་སྐད་ཅེས་ཚེ་དང་ལྡན་པ་ཞལ་ཏ་བྱེད་པ་ཤེས་པར་གྱིས་ཤིག ། [124b.4]ཁྱོད་ཀྱི་གོས་ཀྱི་རིན་འདི་དག་གིས་གོས་འདི་དང་འདི་ལྟ་བུ་ཞིག་ཉོས་ལ་དགེ་སློང་མིང་འདི་ཞེས་བྱ་བ་འོངས་དང་དེ་ལ་གོས་རུང་བ་དུས་སུ་སྐོན་ཅིག་ཅེས་བརྗོད་པར་བྱའོ། །དེ་ནས་ཕོ་ཉ་དེས་ཞལ་ཏ་བྱེད་པ་དེ་ལ་ཤིན་ཏུ་ལེགས་པར་ཡང་དག་པར་བསྒོ་ཞིང་ཡང་དག་པར་བསྟན་ནས། དགེ་སློང་ [124b.5]དེ་ག་ལ་བ་དེར་འགྲོ་བར་བྱ་ཞིང་ཕྱིན་ནས། དགེ་སློང་དེ་ལ་འདི་སྐད་ཅེས་འཕགས་པས་ཞལ་ཏ་བགྱིད་པ་བསྟན་པ་གང་ལགས་པ་དེ་ལ་བདག་གིས་ཡང་དག་པར་བསྟན་ལགས་ཀྱིས་དེའི་གན་དུ་བཞུད་ཅིག་དང་། དེས་ཁྱོད་ལ་གོས་རུང་བ་དུས་སུ་སྐོན་པར་འགྱུར་རོ་ཞེས་བརྗོད་པར་བྱའོ། ། [124b.6]དགེ་སློང་གོས་འདོད་པས་ཞལ་ཏ་བྱེད་པའི་གན་དུ་སོང་ལ་ཚེ་དང་ལྡན་པ་ཞལ་ཏ་བྱེད་པ་བདག་གོས་འདོད་དོ། །ཚེ་དང་ལྡན་པ་ཞལ་ཏ་བྱེད་པ་བདག་གོས་འདོད་དོ་ཞེས་ལན་གཉིས་ལན་གསུམ་དུ་བསྐུལ་བར་བྱ། དྲན་པར་བྱའོ། །ལན་གཉིས་ལན་གསུམ་དུ་བསྐུལ་ཞིང་དྲན་པར་ [124b.7]བྱས་པ་ན་གལ་ཏེ་གོས་དེ་གྲུབ་ན་དེ་ལྟ་ན་ལེགས། གལ་ཏེ་མ་གྲུབ་ན་ལན་བཞི་ལན་ལྔ་ལན་དྲུག་གི་བར་དུ་ཕྱོགས་སུ་ཅང་མི་སྨྲ་བར་བསྡད་པར་བྱའོ། །ལན་བཞི་ལན་ལྔ་ལན་དྲུག་གི་བར་དུ་ཕྱོགས་སུ་ཅང་མི་སྨྲ་བར་བསྡད་པ་ན། གལ་ཏེ་གོས་དེ་གྲུབ་ན་དེ་ལྟ་ན་ལེགས། གལ་ཏེ་ [125a] [125a.1]མ་གྲུབ་ན་དེའི་འོག་ཏུ་གོས་བསྒྲུབ་པའི་ཕྱིར་བརྩལ་ཏེ། གོས་གྲུབ་པ་ན་སྤང་བའི་ལྟུང་བྱེད་དོ། །གལ་ཏེ་མ་གྲུབ་ན་ཕྱོགས་གང་ནས་གོས་ཀྱི་རིན་དེ་དག་འོངས་པ་དེར་བདག་འགྲོ་བར་བྱའོ། །ཡང་ཡིད་བརྟན་པའི་ཕོ་ཉས་ཚེ་དང་ལྡན་པ་དག་གིས་དགེ་སློང་ [125a.2]ཆེ་གེ་མོའི་ཕྱིར་གོས་ཀྱི་རིན་གང་དག་བསྐུར་བ་དེ་དག་ནི་དགེ་སློང་དེའི་དོན་ཅི་ཡང་མ་གྲུབ་ཀྱིས། ཤེས་པར་གྱིས་ཤིག་ཚེ་དང་ལྡན་པ་དག་གིས་རང་གི་ནོར་ཆུད་མ་གཟན་ཅིག་ཅེས་སྤྲིང་བར་བྱ་སྟེ། དེ་ལ་དེ་ནི་ཆོ་ག་ཡིན་ནོ། །དགེ་སློང་གི་ཕྱིར་ཞེས་བྱ་བ་ནི། ཤཱཀྱའི་བུ་ཉེ་ [125a.3]དགའ་འམ། གཞན་ཡང་དེ་ལྟ་བུ་གང་ཡིན་པའི་ཕྱིར་རོ། །རྒྱལ་པོའམ་ཞེས་བྱ་བ་ནི་འདི་ལྟ་སྟེ། བུད་མེད་རྒྱལ་སྲིད་ལ་དབང་བསྐུར་བས་དབང་བསྐུར་བར་གྱུར་ན་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ལ། རྒྱལ་རིགས་དང་། བྲམ་ཟེ་དང་། རྗེའུ་རིགས་ [125a.4]དང་། དམངས་རིགས་དག་རྒྱལ་སྲིད་ལ་དབང་བསྐུར་བས་དབང་བསྐུར་བར་གྱུར་ན་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ནོ། །བློན་པོ་ཆེན་པོའམ་ཞེས་བྱ་བ་ནི་རྒྱལ་པོ་ལས་གཞན་པ་བློན་པོ་དང་། རྩིས་མཁན་དང་། སྣ་ཆེན་པོ་ལ་གཏོགས་པ་རྒྱལ་སྲིད་ [125a.5]བྱེད་པ་གསང་ཚིག་མཐུན་པས་འཚོ་བ་གང་དག་རྒྱལ་པོ་ལ་བརྟེན་ནས་འཚོ་བར་བྱེད་པ་དག་གོ། །བྲམ་ཟེའམ་ཞེས་བྱ་བ་ནི་བྲམ་ཟེ་གཙང་སྦྲ་ཅན་ནོ། །ཁྱིམ་བདག་གམ་ཞེས་བྱ་བ་ནི་ཕྱུག་པའོ། །གྲོང་རྡལ་གྱི་མིའམ་ཞེས་བྱ་བ་ནི་གྲོང་ཁྱེར་གྱི་མིའོ། །ཡུལ་གྱི་མིའམ་ཞེས་ [125a.6]བྱ་བ་ནི་ཡུལ་མིའོ། །ནོར་ཅན་ནམ་ཞེས་བྱ་བ་ནི་ནོར་བྱེད་པས་ཕྱུག་པའོ། །ཚོང་དཔོན་ནམ་ཞེས་བྱ་བ་ནི་ཅོད་པན་བཅིངས་པའོ། །དེད་དཔོན་གྱིས་ཞེས་བྱ་བ་ནི་གང་གིས་ལན་གཉིས་སམ་གསུམ་དོན་མཐུན་འདས་པར་གྱུར་པས་སོ། །ཕོ་ཉའི་ལག་ཏུ་ཞེས་བྱ་བ་ནི་སྐྱེས་པ་ [125a.7]དང་། བུད་མེད་དང་། མ་ནིང་གིའོ། །གོས་ཀྱི་རིན་དག་ཅེས་བྱ་བ་ནི་གསེར་རམ་དངུལ་དག་གོ། །ཟེར་ན་ཞེས་བྱ་བ་ནི་སྨྲ་ནའོ། །གོས་རུང་བ་ཞེས་བྱ་བ་ནི་སྤྱད་བཟོད་པའོ། །དགེ་སློང་གོས་འདོད་པས་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །ཀུན་དགའི་ར་བ་པ་ [125b] [125b.1]ཞེས་བྱ་བ་ནི་རུང་བ་བྱེད་པའོ། །དགེ་བསྙེན་ཞེས་བྱ་བ་ནི་གསུམ་ལ་སྐྱབས་སུ་སོང་བ་བསླབ་པའི་གཞི་ལྔ་བླངས་པའོ། །ཕྱོགས་སུ་ཞེས་བྱ་བ་ནི་ཕྱོགས་བཞི་པོ་དག་ཏུ་སྟེ། ཕྱོགས་བཞི་པོ་དག་གང་ཞེ་ན། འབོད་གནས་དང་། ཁྱིམ་གནས་དང་། ལས་ཀྱི་མཐའ་དང་། [125b.2]ལས་ཀྱི་གནས་དག་གོ། །འབོད་གནས་ནི་རྫ་མཁན་གྱི་གནས་དང་། འདྲེག་མཁན་གྱི་གནས་དང་། ཁྱིམ་གནས་ནི་ཁྱིམ་མམ་ཆུའི་གནས་སོ། །ལས་ཀྱི་མཐའ་ནི་བུ་རམ་ཤིང་གི་ལས་ཀྱི་མཐའ་དང་། སཱ་ལུའི་ལས་ཀྱི་མཐའ་དང་། ལན་ཚྭའི་ལས་ཀྱི་མཐའ་དག་གོ། ། [125b.3]ལས་ཀྱི་གནས་ནི་ཚོང་ཁང་དང་ཚོང་རྡལ་ལོ། །ཅང་མི་སྨྲ་བར་བསྡད་པར་བྱའོ། །ཞེས་བྱ་བ་ནི་བསྐུལ་བའི་སྒོ་དྲུག་པོ་དག་གིས་ཏེ། བསྐུལ་བའི་སྒོ་དྲུག་པོ་དག་གང་ཞེ་ན། ཁྱོད་འོངས་སམ་ཞེས་ཟེར་བ་ལ་དེའི་ཕྱིར་རོ་ཞེས་བྱ་བ་དང་། འོངས་པ་ལེགས་སོ་ཞེས་ཟེར་བ་ལ་ [125b.4]དེའི་ཕྱིར་རོ་ཞེས་བྱ་བ་དང་། སྟན་འདི་ལ་འདུག་ཤིག་ཅེས་ཟེར་བ་ལ་དེའི་ཕྱིར་རོ་ཞེས་བྱ་བ་དང་། རྐང་པ་ཁྲུས་ཤིག་ཅེས་ཟེར་བ་ལ་དེའི་ཕྱིར་རོ་ཞེས་བྱ་བ་དང་། བཅའ་བ་དང་བཟའ་བ་ཟོ་ཤིག་ཅེས་ཟེར་བ་ལ་དེའི་ཕྱིར་རོ་ཞེས་བྱ་བ་དང་། བཏུང་བ་འཐུངས་ཤིག་ཅེས་ཟེར་བ་ལ་ [125b.5]དེའི་ཕྱིར་རོ་ཞེས་བྱ་བའོ། །བསྐུལ་བའི་སྒོ་དྲུག་པོ་དེ་དག་ཧ་ཅང་མྱུར་བ་དང་། ཐོགས་པ་མེད་པར་བརྗོད་ཅིང་དེ་ལ་གཞན་གྱི་ཚིག་གི་སྐབས་མེད་པར་བྱེད་ན་བསྐུལ་བའི་སྒོ་དྲུག་པོ་དག་ཡོངས་སུ་མ་རྫོགས་པར་བརྗོད་པར་བྱའོ། །བསྐུལ་བའི་སྒོ་དྲུག་པོ་དེ་དག་ཧ་ཅང་མི་མྱུར་ [125b.6]བ་དང་། ཐོགས་པ་དང་བཅས་པར་རྗོད་པར་བྱེད་ཅིང་དེ་ལ་གཞན་གྱི་ཚིག་གི་སྐབས་ཡོད་པར་བྱེད་ན། བསྐུལ་བའི་སྒོ་དྲུག་པོ་དག་ཡོངས་སུ་རྫོགས་པར་བརྗོད་པར་བྱའོ། །དེའི་འོག་ཏུ་ཞེས་བྱ་བ་ནི་དེའི་འོག་རོལ་དུའོ། །གོས་གྲུབ་ན་ཞེས་བྱ་བ་ནི་ཐོབ་ནའོ། །སྤང་བའི་ [125b.7]ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་སྟེ་དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །གལ་ཏེ་མ་གྲུབ་ན་ཕྱོགས་གང་ནས་གོས་ཀྱི་རིན་དེ་དག་འོངས་པ་དེར་བདག་འགྲོ་བར་བྱའོ། །ཞེས་བྱ་བ་ནི་བདག་ཉིད་འགྲོ་བར་བྱའོ། །ཡང་ [126a] [126a.1]ན་ཡིད་བསྟན་པའི་ཕོ་ཉ་ལས་ཞེས་བྱ་བ་ནི་ལྷན་ཅིག་གནས་པའམ་ཉེ་གནས་ལས་སོ། །དེ་ལ་དེ་ནི་ཆོ་ག་ཡིན་ནོ་ཞེས་བྱ་བ་ནི་དེ་ལ་དེ་ནི་རྗེས་སུ་མཐུན་པའི་ཆོས་ཡིན་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གལ་ཏེ་ཞལ་ཏ་བྱེད་པ་དེ་དགེ་སློང་དེའི་ [126a.2]གན་དུ་འོངས་ནས་འདི་སྐད་ཅེས་འཕགས་པ་གོས་འདི་དག་བཞེས་ཤིག་ཅེས་ཟེར་ན་དགེ་སློང་དེས་ཞལ་ཏ་བྱེད་པ་དེ་ལ་འདི་སྐད་ཅེས་བདག་གིས་འདི་དག་སྤངས་ཟིན་གྱིས་སོང་ལ་དེ་ཉིད་ལ་བྱིན་ཅིག་ཅེས་བརྗོད་པར་བྱའོ། །གལ་ཏེ་ཞལ་ཏ་བྱེད་པ་དེ་དགེ་སློང་དེ་ལ་འདི་སྐད་ཅེས་ [126a.3]འཕགས་པ་བདག་གིས་དེའི་སེམས་བསྡུ་བ་རྗེས་སུ་བསྒྲུབ་ཀྱིས་བཞེས་ཤིག་ཅེས་ཟེར་ན་བླང་བར་བྱའོ། །དགེ་སློང་གིས་{གོ་རིམས་,གོ་རིམ་}དེ་ལྟ་བུ་མ་བྱས་པར་གང་ཅུང་ཟད་ལེན་ན་ཐམས་ཅད་དུ་ཉེས་བྱས་སུ་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང་མི་མ་ཡིན་པའི་ཕོ་ཉ་དང་། མི་མ་ཡིན་པས་ [126a.4]རུང་བར་བྱེད་ན་ཉེས་བྱས་སུ་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང་མི་མ་ཡིན་པའི་ཕོ་ཉ་དང་། མིས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང་མིའི་ཕོ་ཉ་དང་། མི་མ་ཡིན་པས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང་མི་མ་ཡིན་པའི་ཕོ་ཉ་དང་། [126a.5]མི་མ་ཡིན་པས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང་མིའི་ཕོ་ཉ་དང་། མི་མ་ཡིན་པས་རུང་བར་བྱེད་ན་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང་མི་མ་ཡིན་པའི་ཕོ་ཉ་དང་། མིས་རུང་བར་བྱེད་ན་ཉེས་བྱས་སུ་འགྱུར་རོ། །མི་མ་ཡིན་ [126a.6]པས་སྦྱིན་པར་བྱེད་ཅིང་། མིའི་ཕོ་ཉ་དང་། མིས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང་མིའི་ཕོ་ཉ་དང་། མིས་རུང་བར་བྱེད་ན་ནི་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ [126a.7]ལྟུང་བ་མ་བཤགས་པར་གོས་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གོས་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་ [126b] [126b.1]སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གོས་གཞན་ཞིག་རྙེད་ན་དེ་ལ་ལྟུང་ [126b.2]བ་མེད་དོ། །དེ་བཞིན་དུ་དགེ་སློང་གིས་ཇི་སྲིད་དུ་གཞི་དེས་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་ཉེ་བར་འཇོག་ན་དེ་ཡང་སྤང་བར་འགྱུར་རོ། །ལས་དང་པོ་ [126b.3]པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསྐུར་བའི་སྤང་བ་སྟེ་བཅུ་པ་རྫོགས་{སྷོ,སོ}།། །།སྡོམ་ལ། སྲིན་བལ་འབའ་ཞིག་ཆ་གཉིས་དང་། །དྲུག་དང་མཐོ་གང་ལམ་དང་ནི། །འཁྲུ་བ་དང་ནི་ [126b.4]གསེར་དངུལ་དང་། །མངོན་མཚན་ཅན་དང་ཉོ་འཚོང་ངོ་། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དག་སྲིན་བལ་གྱི་སྟན་སར་པ་བྱེད་པ་དང་། བྱེད་དུ་འཇུད་དེ། དགེ་ [126b.5]སློང་དག་སྲིན་བལ་གྱི་སྟན་སར་པ་བྱེད་པ་དང་། བྱེད་དུ་འཇུད་པ་ན་སྲིན་བལ་དཀོན་ཞིང་རིན་ཆེ་བས་བྱ་བ་མང་བ་དང་། བྱེད་པ་མང་བར་གྱུར་ཅིང་། ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་ཀྱང་ [126b.6]གཏོང་བར་བྱེད། སྲིན་བལ་འདོད་པ་དང་། སྲིན་བལ་གྱི་དོན་ཉིད་དུ་འོངས་པ་དག་བྲམ་ཟེ་དང་། ཁྱིམ་བདག་རྣམས་ལ་ཡང་དང་ཡང་དུ་རིག་པར་བྱེད་ནས། གཞན་མུ་སྟེགས་ཅན་དག་ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་སྲོག་གཅོད་པར་བྱེད་པ་དག་སྟེ། སྲོག་ [126b.7]གཅོད་པ་ལས་མ་ལོག་མ་སྤངས་སོ་སོར་མ་སྤངས་པས་དེས་ན་སྲིན་བལ་གྱི་སྟན་སར་པ་བྱེད་པ་དང་། བྱེད་དུ་འཇུད་དེ། དེ་དག་སྲིན་བལ་གྱི་སྟན་སར་པ་བྱེད་པ་དང་། བྱེད་དུ་འཇུད་པས་སྲིན་བལ་འབྱུང་བའི་སྲིན་བུ་སྲོག་ཆགས་མང་པོའི་ཚོགས་བསྒྲུབ་ཤིང་སྲོག་གཅོད་པར་ [127a] [127a.1]བྱེད་དེ། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ [127a.2]ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། ། [127a.3]སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་ཁྱོད་སྲིན་བལ་གྱི་སྟན་སར་པ་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང་། ཆོག་མི་ཤེས་པ་དང་། གསོ་དཀའ་བ་དང་། དགང་དཀའ་ [127a.4]བ་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང་། ཆོག་ཤེས་པ་དང་། གསོ་སླ་བ་དང་། དགང་སླ་བ་དང་། ཕྲེང་བ་དང་། ཡོ་བྱད་བསྙུངས་པ་དང་། སྦྱངས་པའི་ཡོན་ཏན་དང་། མཛེས་པ་དང་། དྲོད་རིག་པ་ཉིད་ཀྱི་བསྔགས་པ་ [127a.5]བརྗོད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་ [127a.6]བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་སྲིན་བལ་གྱི་སྟན་སར་པ་བྱེད་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །སྲིན་བལ་གྱི་སྟན་ཞེས་བྱ་བ་ནི་སྟན་གཉིས་ཏེ། ནང་ཚངས་ཅན་དང་། རླིངས་པ་སྟེ། དོན་ [127a.7]འདིར་ནི་གཉིས་ཀ་ཡིན་པར་དགོངས་སོ། །སར་པ་ཞེས་བྱ་བ་ནི་སར་པ་གཉིས་ཏེ། གསར་པས་སར་པ་དང་། རྙེད་པས་སར་པ་སྟེ། དོན་འདིར་ནི་གསར་པས་སར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི་བདག་ཉིད་ཀྱིས་སམ་གཞན་བྱེད་དུ་འཇུད་ནའོ། །སྤང་བའི་ [127b] [127b.1]ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། ཆུན་པོ་དང་། འདའ་བ་དང་། ཕུང་པོ་ལས་ཏེ། དགེ་སློང་གིས་སྲིན་བལ་དག་གི་ཆུན་པོ་ [127b.2]འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྲིན་བལ་དག་གི་འདའ་བར་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ [127b.3]ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྲིན་བལ་དག་གི་ཕུང་པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་ [127b.4]བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྲིན་བལ་དག་གི་ཆུན་པོ་དང་འདའ་བ་དང་། ཆུན་པོ་དང་། ཕུང་པོ་དང་། འདའ་བ་དང་། ཆུན་པོ་དང་། འདའ་བ་དང་། ཕུང་པོ་དང་། ཕུང་པོ་དང་། ཆུན་པོ་དང་། ཕུང་པོ་དང་། འདའ་བ་དང་། ཆུན་པོ་ [127b.5]དང་། འདའ་བ་དང་། ཕུང་པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །བྱས་ཟིན་པ་རྙེད་པ་དང་། བྱས་ཟིན་པ་ལ་ཡོངས་སུ་ལོངས་སྤྱོད་པ་དང་། [127b.6]རྙིང་པ་མངོན་པར་འདུ་བྱེད་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྲིལ་བལ་གྱི་སྤང་བ་སྟེ་བཅུ་གཅིག་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་ [127b.7]མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དག་ལུག་བལ་ནག་པོ་འབའ་ཞིག་གི་སྟན་སར་པ་བྱེད་པ་དང་། བྱེད་དུ་འཇུད་དེ། དགེ་སློང་དག་ལུག་བལ་ནག་པོ་འབའ་ཞིག་གི་སྟན་སར་པ་བྱེད་པ་དང་། བྱེད་ [128a] [128a.1]དུ་འཇུད་པ་ན་ལུག་བལ་ནག་པོ་འབའ་ཞིག་དཀོན་ཞིང་རིན་ཆེ་བས་བྱ་བ་མང་བ་དང་། བྱེད་པ་མང་བར་གྱུར་ཅིང་། ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་ཀྱང་གཏོང་ [128a.2]བར་བྱེད། ལུག་བལ་ནག་པོ་འབའ་ཞིག་འདོད་པ་དང་། ལུག་བལ་ནག་པོ་འབའ་ཞིག་གི་དོན་ཉིད་དུ་འོངས་པ་དག་བྲམ་ཟེ་དང་། ཁྱིམ་བདག་རྣམས་ལ་ཡང་དང་ཡང་དུ་རིག་པར་བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར། དགེ་སློང་དག་ལུག་གི་བལ་ནག་པོ་འབའ་ [128a.3]ཞིག་གི་སྟན་སར་པ་བྱེད་པ་དང་། བྱེད་དུ་འཇུད་དེ། དགེ་སློང་དག་ལུག་བལ་ནག་པོ་འབའ་ཞིག་གི་སྟན་སར་པ་བྱེད་པ་དང་། བྱེད་དུ་འཇུད་པ་ན་ལུག་བལ་ནག་པོ་འབའ་ཞིག་དཀོན་ཞིང་རིན་ཆེ་བས་བྱ་བ་མང་བ་དང་། བྱེད་པ་མང་བར་གྱུར་ཅིང་། ལུང་མནོད་པ་དང་། བཀླག་ [128a.4]པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད། ལུག་བལ་ནག་པོ་འབའ་ཞིག་འདོད་པ་དང་། ལུག་བལ་ནག་པོ་འབའ་ཞིག་གི་དོན་ཉིད་དུ་འོངས་པ་དག་བྲམ་ཟེ་དང་། ཁྱིམ་བདག་རྣམས་ལ་ཡང་དང་ [128a.5]ཡང་དུ་རིག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་ [128a.6]བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་ཁྱེད་ལུག་བལ་ [128a.7]ནག་པོ་འབའ་ཞིག་གི་སྟན་སར་པ་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང་། ཆོག་མི་ཤེས་པ་དང་། གསོ་དཀའ་བ་དང་། དགང་དཀའ་བ་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ [128b] [128b.1]ཆུང་བ་དང་། ཆོག་ཤེས་པ་དང་། གསོ་སླ་བ་དང་། དགང་སླ་བ་དང་། ཕྲི་བ་དང་། ཡོ་བྱད་བསྙུངས་པ་དང་། སྦྱངས་པའི་ཡོན་ཏན་དང་། མཛེས་པ་དང་། དྲོད་རིག་པ་ཉིད་ཀྱི་བསྔགས་པ་བརྗོད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ [128b.2]ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ལུག་བལ་ནག་ [128b.3]པོ་འབའ་ཞིག་གི་སྟན་སར་པ་བྱེད་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །ལུག་བལ་ཞེས་བྱ་བ་ནི་ལུག་གི་བལ་ལོ། །ནག་པོ་འབའ་ཞིག་གི་ཞེས་བྱ་བ་ནི་ནག་པོ་བཞི་སྟེ། རང་བཞིན་གྱིས་གནག་པ་དང་། སྔོ་བས་གནག་པ་དང་། འདམ་ཁ་ [128b.4]དང་། ཁམ་པའོ། །སྟན་ཞེས་བྱ་ནི་སྟན་གཉིས་ཏེ། ནང་ཚངས་ཅན་དང་། རླིངས་པ་སྟེ། དོན་འདིར་ནི་རླིངས་པ་ཡིན་པར་དགོངས་སོ། །སར་པ་ཞེས་བྱ་བ་ནི་སར་པ་གཉིས་ཏེ། གསར་པས་སར་པ་དང་། རྙེད་པས་སར་པ་སྟེ། དོན་འདིར་ནི་གསར་པས་སར་པ་ [128b.5]ཡིན་པར་དགོངས་སོ། །བྱེད་ན་ཞེས་བྱ་བ་ནི་བདག་ཉིད་ཀྱིས་སམ། གཞན་བྱེད་དུ་འཇུད་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་ [128b.6]འགྱུར་ཞེ་ན། ཆུན་པོ་དང་། འདའ་བ་དང་། ཕུང་པོ་ལས་ཏེ། དགེ་སློང་གིས་ལུག་བལ་ནག་པོ་འབའ་ཞིག་དག་གི་ཆུན་པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན་སྤང་བའི་ལྟུང་བྱེད་ [128b.7]དུ་འགྱུར་རོ། །དགེ་སློང་གིས་ལུག་བལ་ནག་པོ་འབའ་ཞིག་དག་གི་འདའ་བ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ལུག་བལ་ནག་ [129a] [129a.1]པོ་འབའ་ཞིག་དག་གི་ཕུང་པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ལུག་བལ་ནག་པོ་འབའ་ཞིག་དག་གི་ [129a.2]ཆུན་པོ་དང་། འདའ་བ་དང་། ཆུན་པོ་དང་། ཕུང་པོ་དང་། འདའ་བ་དང་། ཆུན་པོ་དང་། འདའ་བ་དང་། ཕུང་པོ་དང་། ཕུང་པོ་དང་། ཆུན་པོ་དང་། ཕུང་པོ་དང་། འདའ་བ་དང་། ཆུན་པོ་དང་། འདའ་བ་དང་། ཕུང་པོ་འབྱེད་པར་བྱེད། འཇིག་པར་བྱེད་ [129a.3]རྨེལ་བར་བྱེད་ཅིང་ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །བྱས་ཟིན་པ་རྙེད་པ་དང་། བྱས་ཟིན་པ་ལ་ཡོངས་སུ་ལོངས་སྤྱོད་པ་དང་། རྙེད་པ་མངོན་པར་འདུ་བྱེད་པ་ལ་ལྟུང་བ་མེད་དོ། །ལས་དང་པོ་པ་ [129a.4]དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བལ་ནག་པོ་འབའ་ཞིག་གི་སྤང་བ་སྟེ་བཅུ་གཉིས་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ [129a.5]ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་ལུག་གི་བལ་ནག་པོ་འབའ་ཞིག་གི་སྟན་སར་པ་མི་བྱའོ་ཞེས་གསུངས་པས། དེ་དག་བལ་དཀར་པོ་དང་། མཁོབ་བལ་ཅུང་ཞིག་བཅུག་ནས་ལུག་གི་བལ་ནག་པོ་འབའ་ཞིག་གི་སྟན་སར་པ་བྱེད་པ་དང་། [129a.6]བྱེད་དུ་འཇུད་དེ། དེས་ཀྱང་དེ་དག་བྱ་བ་མང་བ་དང་། བྱེད་པ་མང་བར་གྱུར་ཅིང་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད་དོ། །དེ་འདོད་པ་དང་། དེའི་དོན་ཉིད་དུ་འོངས་ [129a.7]པ་དག་བྲམ་ཟེ་དང་། ཁྱིམ་བདག་རྣམས་ལ་ཡང་དང་ཡང་དུ་རིག་པར་བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་བལ་དཀར་པོ་དང་། མཁོབ་བལ་ཅུང་ཞིག་བཅུག་ནས་ལུག་གི་བལ་ནག་པོ་འབའ་ཞིག་གི་སྟན་སར་པ་བྱེད་པ་དང་། བྱེད་དུ་འཇུད་དེ། དེས་ [129b] [129b.1]ཀྱང་བྱ་བ་མང་བ་དང་། བྱེད་པ་མང་བར་གྱུར་ཅིང་། ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད། དེ་འདོད་པ་དང་། དེའི་དོན་ཉིད་དུ་འོངས་པ་དག་བྲམ་ཟེ་དང་། ཁྱིམ་བདག་ [129b.2]རྣམས་ལ་ཡང་དང་ཡང་དུ་རིག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་ [129b.3]དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། [129b.4]དགེ་སློང་དག་ཁྱེད་ཅག་ངས་དགེ་སློང་གིས་ལུག་གི་བལ་ནག་པོ་འབའ་ཞིག་གི་སྟན་སར་པ་མི་བྱའོ། །ཞེས་གསུངས་པས་བལ་དཀར་པོ་དང་། མཁོབ་བལ་ཅུང་ཞིག་བཅུག་ནས་ལུག་གི་བལ་ནག་པོ་འབའ་ཞིག་གི་སྟན་སར་པ་བྱེད་པ་དང་། བྱེད་དུ་འཇུད་པ་བདེན་ནམ། [129b.5]བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང་། ཆོག་མི་ཤེས་པ་དང་། གསོ་དཀའ་བ་དང་། དགང་དཀའ་བ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས། འདོད་པ་ཆུང་བ་དང་། ཆོག་ཤེས་པ་དང་། གསོ་སླ་བ་ [129b.6]དང་། དགང་སླ་བ་དང་། ཕྲེང་བ་དང་། ཡོ་བྱད་བསྙུངས་པ་དང་། སྦྱངས་པའི་ཡོན་ཏན་དང་། མཛེས་པ་དང་། དྲོད་རིག་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་ [129b.7]བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་སྟན་སར་པ་བྱེད་ན་ཆ་གཉིས་ནི་ལུག་བལ་ནག་པོ་འབའ་ཞིག་ལས་གཞུག་ [130a] [130a.1]པར་བྱ། གསུམ་པ་ནི་དཀར་པོ་ལས། བཞི་པ་ནི་མཁོབ་བལ་ལས་གཞུག་པར་བྱའོ། །གལ་ཏེ་དགེ་སློང་གིས་ཆ་གཉིས་ལུག་བལ་ནག་པོ་འབའ་ཞིག་ལས་མ་བཅུག་གམ། གསུམ་པ་ནི་དཀར་པོ་ལས། བཞི་པ་ནི་མཁོབ་བལ་ལས་མ་བཅུག་པར་སྟན་སར་པ་ [130a.2]བྱེད་ན་སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི་ཆོས་འདི་པས་སོ། །སྟན་ཞེས་བྱ་བ་ནི་སྟན་གཉིས་ཏེ། ནང་ཚངས་ཅན་དང་། རླིངས་པ་སྟེ། དོན་འདིར་ནི་རླིངས་པ་ཡིན་པར་དགོངས་སོ། །སར་པ་ཞེས་བྱ་བ་ནི་སར་པ་གཉིས་ཏེ། གསར་པས་སར་པ་དང་། རྙེད་ [130a.3]པས་སར་པ་སྟེ། དོན་འདིར་ནི་གསར་པས་སར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི་བདག་ཉིད་ཀྱིས་སམ། གཞན་བྱེད་དུ་འཇུད་ནའོ། །ཆ་གཉིས་ནི་ལུག་བལ་ནག་པོ་འབའ་ཞིག་ལས་གཞུག་པར་བྱ་ཞེས་བྱ་བ་ལ། ལུག་བལ་ཞེས་བྱ་བ་ནི་ལུག་གི་བལ་ལོ། ། [130a.4]ནག་པོ་འབའ་ཞིག་ཅེས་བྱ་བ་ནི་ནག་པོ་བཞི་སྟེ། རང་བཞིན་གྱིས་གནག་པ་དང་། སྔོ་བས་གནག་པ་དང་། འདམ་ཁ་དང་། ཁམ་པའོ། །གསུམ་པ་ནི་དཀར་པོ་ལས་ཞེས་བྱ་བ་ལས་དཀར་པོ་ཞེས་བྱ་བ་ནི་གློའི་བལ་དང་། རྒྱབ་ཀྱི་བལ་དང་། གཉའ་བའི་བལ་ལོ། །བཞི་ [130a.5]པ་ནི་མཁོབ་བལ་ལས་གཞུག་པར་བྱའོ་ཞེས་བྱ་བ་ལ། མཁོབ་བལ་ཞེས་བྱ་བ་ནི་རྐང་པའི་བལ་དང་། མགོའི་བལ་དང་། ལྟོའི་བལ་ལོ། །མ་བཅུག་ཅེས་བྱ་བ་ནི་མ་བསྲེས་པར་རོ། །སྤང་བའི་ལྟུང་བྱེད་དོ། །ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་ [130a.6]པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་སྟན་སྲང་བཅུ་པ་བྱེད་ན་དེ་ལུག་བལ་ནག་པོ་འབའ་ཞིག་ལས་སྲང་ལྔ་དང་། དཀར་པོ་ལས་སྲང་ཕྱེད་དང་གསུམ་དང་། མཁོབ་བལ་ལས་སྲང་ཕྱེད་དང་གསུམ་ [130a.7]གཞུག་པར་བྱའོ། །གལ་ཏེ་དགེ་སློང་གིས་ཆ་གཉིས་ལུག་བལ་ནག་པོ་འབའ་ཞིག་ལས་མ་བཅུག་གམ། གསུམ་པ་དཀར་པོ་ལས། བཞི་པ་མཁོབ་བལ་ལས་མ་བཅུག་པར་སྟན་སར་པ་བྱེད་ན་སྟན་ཟིན་ན་སྤང་བའི་ལྟུང་བྱེད་དུ་འགྱུར་རོ། །སྲང་བཅུ་པ་ཇི་ལྟ་བ་དེ་བཞིན་དུ་ [130b] [130b.1]དགེ་སློང་གིས་སྟན་སྲང་ཉི་ཤུ་པ་དང་། སྲང་སུམ་བཅུ་པ་དང་། སྲང་བཞི་བཅུ་པ་དང་། སྲང་ལྔ་བཅུ་པ་བྱེད་ན་དེས་ལུག་བལ་ནག་པོ་འབའ་ཞིག་ལས་སྲང་ཉི་ཤུ་རྩ་ལྔ་དང་། དཀར་པོ་ལས་སྲང་ཕྱེད་དང་བཅུ་གསུམ་དང་། མཁོབ་བལ་ལས་སྲང་ཕྱེད་དང་བཅུ་གསུམ་ [130b.2]གཞུག་པར་བྱའོ། །གལ་ཏེ་དགེ་སློང་གིས་ཆ་གཉིས་ལུག་བལ་ནག་པོ་འབའ་ཞིག་ལས་མ་བཅུག་གམ། གསུམ་པ་དཀར་པོ་ལས་བཞི་པ་མཁོབ་བལ་ལས་མ་བཅུག་པར་སྟན་སར་པ་བྱེད་ན། སྟན་ཟིན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དཀར་པོ་ [130b.3]དང་། མཁོབ་བལ་ལས་སྲང་གཅིག་གམ། སྲང་ཕྱེད་ཕྲི་སྟེ། ལུག་བལ་ནག་པོ་འབའ་ཞིག་ལས་སྟན་སར་པ་བྱེད་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །ནག་པོ་འབའ་ཞིག་མོད་པ་དང་། རིན་མཉམ་པ་དང་། དཀར་པོ་དང་། མཁོབ་བལ་དཀོན་པ་དང་། [130b.4]རིན་ཆེ་བར་གྱུར་ན་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཆ་གཉིས་བསྲེས་པའི་སྤང་བ་སྟེ་བཅུ་གསུམ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་ [130b.5]རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་སྟན་མང་བ་ཉིད་འདི་ལྟ་བུ་འདི་བྱུང་བར་གྱུར་ཏེ། དེ་དག་སྟན་འདི་ནི་ཧ་ཅང་{རིངས་སོ,རིང་ངོ་}། །འདི་ནི་ཧ་ཅང་ཐུངས་སོ་ཞེས་དེ་བོར་ནས་གཞན་བྱེད་དུ་འཇུད་དོ། །སྟན་འདི་ནི་ཧ་ཅང་དོག་ [130b.6]གོ། །འདི་ནི་ཧ་ཅང་ཡངས་སོ། །འདི་ནི་ཐམས་ཅད་ཀྱི་ཐམས་ཅད་དུ་བུག་རྡོལ་དང་། ཤ་ཟད་པ་དང་། བཅོས་དཀའ་བ་ཉིད་ཡིན་ནོ་ཞེས་དེ་བོར་ནས་གཞན་བྱེད་དུ་འཇུད་པས། དགེ་སློང་དེ་དག་སྟན་བྱས་ཤིང་བྱས་ཤིང་འདོར་བ་ན་བྱ་བ་མང་བ་དང་། བྱེད་པ་མང་བར་གྱུར་ཅིང་། [130b.7]ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར། དགེ་སློང་རྣམས་ལ་སྟན་མང་བ་ཉིད་འདི་ལྟ་བུ་འདི་བྱུང་བར་གྱུར་ཏེ། འདི་དག་སྟན་འདི་ནི་ཧ་ཅང་ [131a] [131a.1]{རིངས་སོ,རིང་ངོ་}། །འདི་ནི་ཧ་ཅང་ཐུངས་སོ། །ཞེས་དེ་བོར་ནས་གཞན་བྱེད་དུ་འཇུད། སྟན་འདི་ནི་ཧ་ཅང་དོག་གོ། །འདི་ནི་ཧ་ཅང་ཡངས་སོ། །འདི་ནི་ཐམས་ཅད་ཀྱི་ཐམས་ཅད་དུ་བུག་རྡོལ་དང་། ཤ་ཟད་པ་དང་། བཅོས་དཀའ་བ་ཉིད་ཡིན་ནོ། ། [131a.2]ཞེས་དེ་བོར་ནས་གཞན་བྱེད་དུ་འཇུད་པས། དགེ་སློང་འདི་དག་སྟན་བྱས་ཤིང་སྟན་བྱས་ཤིང་འདོར་བ་ན་བྱ་བ་མང་བ་དང་། བྱེད་པ་མང་བར་གྱུར་ཅིང་། ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་ [131a.3]གཏོང་བར་བྱེད་ཅེས་སྨོད་པར་བྱེད། ཁ་ཟེར་བར་བྱེད། ཕྱར་ཀ་གཏོང་བར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་ [131a.4]དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་ཁྱེད་ལ་སྟན་མང་བ་ཉིད་ [131a.5]འདི་ལྟ་བུ་འདི་བྱུང་བར་གྱུར་ཏེ། ཁྱེད་ཅག་སྟན་འདི་ནི་ཧ་ཅང་{རིངས་སོ,རིང་ངོ་}། །འདི་ནི་ཧ་ཅང་ཐུངས་སོ་ཞེས་དེ་བོར་ནས་གཞན་བྱེད་དུ་འཇུད། སྟན་འདི་ནི་ཧ་ཅང་དོག་གོ། །འདི་ནི་ཧ་ཅང་ཡངས་སོ། །འདི་ནི་ཐམས་ཅད་ཀྱི་ཐམས་ཅད་དུ་བུག་རྡོལ་དང་། ཤ་ཟད་པ་དང་། [131a.6]བཅོས་དཀའ་བ་དག་ཉིད་ཡིན་ནོ། །ཞེས་དེ་བོར་ནས་གཞན་བྱེད་དུ་འཇུད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང་། ཆོག་མི་ཤེས་པ་དང་། གསོ་དཀའ་བ་དང་། དགང་དཀའ་བ་རྣམ་པར་སྨད་པར་མཛད་དོ། ། [131a.7]དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང་། ཆོག་ཤེས་པ་དང་། གསོ་སླ་བ་དང་། དགང་སླ་བ་དང་། ཕྲི་བ་དང་། ཡོ་བྱད་བསྙུངས་པ་དང་། སྦྱངས་པའི་ཡོན་ཏན་དང་། མཛེས་པ་དང་། དྲོད་རིག་པ་ཉིད་ཀྱི་བསྔགས་པ་བརྗོད་ནས། དགེ་སློང་ [131b] [131b.1]རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ [131b.2]ལྟར་གདོན་པར་བྱ་སྟེ། དགེ་སློང་གིས་སྟན་སར་པ་བྱེད་ན་མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་སྟན་རྙིང་པ་དེ་སྤངས་ཀྱང་རུང་། མ་སྤངས་ཀྱང་རུང་སྟན་སར་པ་གཞན་བྱེད་ན་སྤང་བའི་ལྟུང་བྱེད་དོ་ཞེས་བཅོམ་ལྡན་འདས་ [131b.3]ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་འབྲོག་གནས་ན་འབྲོག་གི་ནགས་ན་བཞུགས་སོ། །འབྲོག་གནས་གྲང་ཞིང་རླུང་ཆེ་བས་དགེ་སློང་ལག་གི་བླ་དག་ལོ་དྲུག་ཏུ་སྟན་གྱིས་མི་ཐུབ་པ་དེ་དག་གྲང་བ་དག་གིས་ [131b.4]ལས་སར་པ་དག་རྒྱུན་བཅད་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་མི་རྨེད་པ། དུས་སུ་རྨེད་པ། དུས་ལས་ཡོལ་བར་མི་རྨེད་པ། དོན་དང་ལྡན་པར་རྨེད་པ། དོན་དང་ [131b.5]མི་ལྡན་པར་མི་རྨེད་པས། སངས་རྒྱས་བཅོམ་ལྡན་འདས་རྣམས་ནི་དོན་དང་མི་ལྡན་པར་རྨེད་པ་ལ་ཆུ་ལོན་གྱིས་ཟློག་པ་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ནི་དོན་དང་ལྡན་པར་རྨེད་པ་ལ་དུས་མཁྱེན་པ་ཡིན་པས། སངས་རྒྱས་བཅོམ་ལྡན་ [131b.6]འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་དགེ་སློང་ལག་གི་བླ་དག་གིས་ལས་སར་པ་དག་རྒྱུན་བཅད་པར་གྱུར། བཙུན་པ་བཅོམ་ལྡན་འདས་ཀྱིས་འདི་ལྟར་དགེ་སློང་གིས་སྟན་སར་པ་བྱེད་ན་མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ [131b.7]ཏེ་དགེ་སློང་གིས་ལོ་དྲུག་ཚུན་ཆད་དུ་སྟན་རྙིང་པ་དེ་སྤངས་ཀྱང་རུང་། མ་སྤངས་ཀྱང་རུང་། སྟན་སར་པ་གཞན་བྱེད་ན་སྤང་བའི་ལྟུང་བྱེད་དོ། །ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་པས། དགེ་སློང་ལག་གི་བླ་དག་དགུང་ལོ་དྲུག་གི་བར་དུ་ [132a] [132a.1]སྟན་གྱིས་མི་ཐུབ་པ་དེ་དག་གྲང་བ་དག་གིས་ལས་སར་པ་དག་རྒྱུན་བཀུམ་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དགེ་སློང་ལག་གི་བླ་གང་ལ་ལོ་དྲུག་ཏུ་སྟན་གྱིས་མི་ཐུབ་པའི་དགེ་སློང་དེས་དགེ་འདུན་ལས་ལོ་དྲུག་ཚུན་ཆད་ [132a.2]དུ་སྟན་གྱི་གནང་བ་གསོལ་བར་བྱའོ། །འདི་ལྟར་གསོལ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ། དགེ་སློང་ལག་གི་བླ་དེས་བླ་ [132a.3]གོས་ཕྲག་པ་གཅིག་ཏུ་བྱས་ཏེ། རྒན་རིམས་ཀྱིས་ཕྱག་འཚལ་ནས། རྒན་པའི་མཐའ་ལོགས་སུ་ཙོག་པུར་འདུག་སྟེ། ཐལ་མོ་སྦྱར་ནས་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་ལག་གི་བླ་མིང་འདི་ཞེས་བགྱི་བ་ལོ་ [132a.4]དྲུག་ཏུ་སྟན་མི་བགྱིད་པ་ལས། བདག་དགེ་སློང་ལག་གི་བླ་མིང་འདི་ཞེས་བགྱི་བ་དགེ་འདུན་ལས་ལོ་དྲུག་ཚུན་ཆད་དུ་སྟན་གནང་བ་གསོལ་ན་ཐུགས་བརྩེ་བ་ཅན། དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་དགེ་སློང་ལག་གི་བླ་མིང་འདི་ཞེས་བགྱི་བ་ལ་ལོ་ [132a.5]དྲུག་ཚུན་ཆད་དུ་སྟན་གནང་བ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས་ཏེ་གསོལ་བར་བྱའོ། །དགེ་སློང་དེ་དག་གིས་དགེ་སློང་ལག་གི་བླ་དེ་ལ་དད་པའམ། ཡིད་ཆེས་པས་འགྲོ་བར་མི་བྱ་བར་དགེ་འདུན་ཐམས་ཅད་དེར་འདོང་བར་བྱ་བའམ། དགེ་འདུན་ [132a.6]གྱིས་བསྐོས་པའི་དགེ་སློང་དག་བཏང་བར་བྱ་ཞིང་དེ་དག་སྟན་དེ་རང་གི་མིག་སྔར་བབ་པར་བྱ་བའམ། ཡང་ན་སྟན་དེ་དགེ་འདུན་གྱི་དབུས་སུ་དབྱུང་བར་བྱ་སྟེ། གལ་ཏེ་སྟན་དེ་ཧ་ཅང་རིང་བ་ཡིན་ན་དེ་དག་གིས་བཅད་པར་བྱའོ། །གལ་ཏེ་ཧ་ཅང་ཐུང་བ་ཡིན་ན་བལ་སྦྱིན་པར་ [132a.7]བྱའོ། །གལ་ཏེ་ཧ་ཅང་ཡངས་པ་ཡིན་ན་དེ་དག་གིས་བཅད་པར་བྱའོ། །གལ་ཏེ་ཧ་ཅང་དོག་པ་ཡིན་ན་བལ་སྦྱིན་པར་བྱའོ། །གལ་ཏེ་རལ་བ་དང་རྡོལ་བ་ཡིན་ན་བལ་སྦྱིན་པར་བྱའོ། །གལ་ཏེ་ཐམས་ཅད་ཀྱིས་ཐམས་ཅད་དུ་བུག་རྡོལ་བ་དང་། ཤ་ཟད་པ་དང་། [132b] [132b.1]བཅོས་དཀའ་བ་ཉིད་ཡིན་ན་དེའི་འོག་ཏུ་དགེ་སློང་གཅིག་གིས་གསོལ་བ་བྱ་སྟེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལག་གི་བླ་མིང་འདི་ཞེས་བགྱི་བ་འདི་ལོ་དྲུག་ཏུ་སྟན་མི་བགྱིད་པ་ལས་དགེ་སློང་ལག་གི་བླ་མིང་འདི་ཞེས་བགྱི་བ་འདི་དགེ་འདུན་ལས་ལོ་ [132b.2]དྲུག་ཚུན་ཆད་དུ་སྟན་གནང་བར་གསོལ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ལོ་དྲུག་ཚུན་ཆད་དུ་སྟན་གནང་བ་སྩོལ་ཏོ། །འདི་ནི་གསོལ་བའོ། །ལས་ནི་ [132b.3]འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལག་གི་བླ་མིང་འདི་ཞེས་བགྱི་བ་འདི་ལོ་དྲུག་ཏུ་སྟན་མི་བགྱིད་པ་ལས་དགེ་སློང་ལག་གི་བླ་མིང་འདི་ཞེས་བགྱི་བ་འདི་དགེ་འདུན་ལས་ལོ་དྲུག་ཚུན་ཆད་དུ་སྟན་གནང་བར་གསོལ་ཏེ། དེའི་སླད་དུ་དགེ་ [132b.4]འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ལོ་དྲུག་ཚུན་ཆད་དུ་སྟན་གནང་བ་སྩོལ་ན། ཚེ་དང་ལྡན་པ་གང་དག་དགེ་སློང་ལག་གི་བླ་མིང་འདི་ཞེས་བགྱི་བ་འདི་ལ་ལོ་དྲུག་ཚུན་ཆད་དུ་སྟན་གནང་བར་སྩལ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་ [132b.5]བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ལོ་དྲུག་ཚུན་ཆད་དུ་སྟན་གནང་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་དགེ་སློང་ལག་ [132b.6]གི་བླ་གང་ལ་ལོ་དྲུག་ཚུན་ཆད་དུ་སྟན་གནང་བ་བྱིན་པ་དེས་ལོ་དྲུག་ཚུན་ཆད་དུ་སྟན་བྱེད་དུ་གཞུག་སྟེ་འདི་ལ་འགྱོད་པར་མི་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང་། བསླབ་པ་ལ་གུས་པ་དང་། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་དེ། [132b.7]དགེ་སློང་རྣམས་ལ་ཡང་དེ་དང་མཐུན་པ་དང་། དེའི་ཤས་ཆེ་བ་དང་། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ནོ། །ངའི་ཉན་ཐོས་རྣམས་ [133a] [133a.1]ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་སྟན་སར་པ་བྱེད་ན་མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་སྟན་རྙིང་པ་དེ་སྤངས་ཀྱང་རུང་། མ་སྤངས་ཀྱང་རུང་། སྟན་སར་པ་གཞན་ [133a.2]བྱེད་ན་དགེ་འདུན་གྱིས་གནང་བ་མ་གཏོགས་ཏེ་སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི་ཆོས་འདི་པས་སོ། །སྟན་ཞེས་བྱ་བ་ནི་སྟན་གཉིས་ཏེ། ནང་ཚངས་ཅན་དང་། རླིངས་པ་སྟེ། དོན་འདིར་ནི་རླིངས་པ་ཡིན་པར་དགོངས་སོ། །སར་པ་ཞེས་བྱ་བ་ནི་སར་པ་ [133a.3]གཉིས་ཏེ། གསར་པས་སར་པ་དང་། རྙེད་པས་སར་པ་སྟེ། དོན་འདིར་ནི་གསར་པས་སར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི་བདག་ཉིད་ཀྱིས་སམ། གཞན་བྱེད་དུ་འཇུད་ནའོ། །མི་འདོད་བཞིན་དུ་ལོ་དྲུག་ཏུ་བཅང་བར་བྱའོ་ཞེས་བྱ་བ་ནི་ལོ་དྲུག་གི་ [133a.4]མཐའ་ཚུན་ཆད་དུ་བཅང་བར་བྱ་བའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་ཞེས་བྱ་བ་ནི་དེའི་མཐའ་ཚུན་ཆད་དོ། །སྟན་རྙིང་པ་ཞེས་བྱ་བ་ནི་སྟན་གང་ཡོད་པ་དེའོ། །སྤངས་ཀྱང་རུང་། མ་སྤངས་ཀྱང་རུང་སྟན་སར་པ་གཞན་བྱེད་ན་ཞེས་བྱ་བ་ནི་གཉིས་པའོ། །དགེ་ [133a.5]འདུན་གྱིས་གནང་བ་མ་གཏོགས་སོ་ཞེས་བྱ་བ་ནི་དགེ་འདུན་གྱིས་གནང་བ་བཞག་སྟེའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ [133a.6]ཞེ་ན།། །།བར་སྡོམ་ལ། གཉིས་བརྩམས་ཕྱི་མ་ཟིན་པ་དང་། །གཉིས་བརྩམས་སྔ་མ་ཟིན་པ་དང་། །གཉིས་ཟིན་ནས་ནི་གཅིག་སྤོང་དང་། །གཉིས་ཀ་བརྩམས་ཏེ་གཏོང་བ་དང་། །ལོ་དྲུག་པ་ལ་ཉེས་མེད་པ། །དེ་ནི་སྟན་གྱི་བསྡུ་བ་ཡིན། །དགེ་སློང་ [133a.7]གིས་ལོ་གང་ལ་སྟན་རྩོམ་པར་བྱེད་པའི་ལོ་དེ་ཉིད་ལ་སྟན་གཉིས་པ་རྩོམ་པར་བྱེད་ན་གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན་ཡང་ཉེས་བྱས་སུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །ལོ་དེ་ཉིད་ལ་སྟན་གཉིས་པ་མི་རྩོམ་ཡང་ལོ་གཉིས་པ་དང་། གསུམ་ [133b] [133b.1]པ་དང་། བཞི་པ་དང་། ལོ་ལྔ་པ་ལ་སྟན་གཉིས་པ་རྩོམ་པར་བྱེད་ན་གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན་ཡང་ཉེས་བྱས་སུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །དགེ་སློང་གིས་ལོ་གང་ལ་སྟན་རྩོམ་པར་བྱེད་པའི་ལོ་དེ་ཉིད་ལ་སྟན་གཉིས་པ་བརྩམས་ [133b.2]ནས་སྔ་མ་ཟིན་པར་བྱེད་ན་གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །ལོ་དེ་ཉིད་ལ་སྟན་གཉིས་པ་བརྩམས་ནས་ཟིན་པར་མི་བྱེད་ཀྱང་ལོ་གཉིས་པ་དང་། གསུམ་པ་དང་། བཞི་པ་དང་། ལྔ་པ་ལ་སྟན་གཉིས་པ་བརྩམས་ནས་ [133b.3]སྔ་མ་ཟིན་པར་བྱེད་ན་དེ་རྩོམ་པ་ལ་ཉེས་བྱས་སུ་འགྱུར་ལ། བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ལོ་གང་ལ་སྟན་བྱས་པའི་ལོ་དེ་ཉིད་ལ་སྟན་གཉིས་པ་ཡང་བྱས་ནས་དེས་སྔ་མ་ཤོས་བྱིན་གྱིས་བརླབས་ཏེ་ཕྱི་མ་ཤོས་གཏོང་བར་བྱེད་དམ། ཕྱི་མ་ཤོས་བཞག་སྟེ་སྔ་མ་ [133b.4]ཤོས་གཏོང་བར་བྱེད་ན་གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །ལོ་དེ་ཉིད་ལ་སྟན་གཉིས་པ་མ་བྱས་ཀྱང་ལོ་གཉིས་པ་དང་། གསུམ་པ་དང་། བཞི་པ་དང་། ལྔ་པ་ལ་སྟན་གཉིས་པ་བྱས་ནས་དེས་སྔ་མ་ [133b.5]ཤོས་བཞག་སྟེ་ཕྱི་མ་ཤོས་གཏོང་བར་བྱེད་དམ། ཕྱི་མ་ཤོས་བཞག་སྟེ་སྔ་མ་ཤོས་གཏོང་བར་བྱེད་ན་གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན་སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི་ལྟུང་བ་མེད་དོ། །དགེ་སློང་གིས་ལོ་གང་ལ་སྟན་རྩོམ་པའི་དེ་ཉིད་ལ་སྟན་ [133b.6]གཉིས་པ་ཡང་བརྩམས་ནས་དེ་མ་ཟིན་པར་གཏོང་བར་བྱེད་དམ། ལོ་གཉིས་པ་དང་། གསུམ་པ་དང་། བཞི་པ་དང་། ལྔ་པ་ལ་བརྩམས་ནས་དེ་མ་ཟིན་པར་གཏོང་བར་བྱེད་ན་དེ་རྩོམ་པར་བྱེད་པ་ལ་ཉེས་བྱས་ལྔར་འགྱུར་ལ། སྔ་མ་ལ་ནི་ལྟུང་བ་མེད་དོ། །དགེ་སློང་གིས་ལོ་གང་ [133b.7]ལ་སྟན་བྱེད་པའི་ལོ་དེ་ཉིད་ལ་སྟན་གཉིས་པ་མི་བྱེད་ཅིང་ལོ་གཉིས་པ་ལ་ཡང་མི་བྱེད། གསུམ་པ་ལ་ཡང་མི་བྱེད། བཞི་པ་ལ་ཡང་མི་བྱེད། ལྔ་པ་ལ་ཡང་མི་བྱེད་པར་ལོ་དྲུག་པ་ལ་བྱེད་ན་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། [134a] [134a.1]ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལོ་དྲུག་ཏུ་བཅང་བའི་སྤང་བ་སྟེ་བཅུ་བཞི་པ་རྫོགས་{སྷོ,སོ}།། །།འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་གཉིས་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་ [134a.2]མེད་ཟས་སྦྱིན་གྱི་ཀུན་དགའ་བ་ར་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་བླ་ན་མེད་པའི་མཁྱེན་པ་ཐུགས་སུ་ཆུད་པ་དེའི་ཚེ་ན་ཐམས་ཅད་དུ་ཡུལ་དབུས་སུ་སངས་རྒྱས་འཇིག་རྟེན་དུ་བྱུང་ཞེས་གྲག་གོ་ཞེས་སྒྲ་གྲགས་སོ། །བྱང་ལམ་ན་ཚོང་པ་དག་གིས་ཡུལ་དབུས་སུ་ [134a.3]སངས་རྒྱས་འཇིག་རྟེན་དུ་བྱུང་སྟེ། གང་དག་དེ་ལ་མཆོད་པ་དག་བྱེད་པ་དེ་དག་གི་མཆོད་པ་བྱས་པ་དེ་དག་ནི་ཤིན་ཏུ་འབྲས་བུ་ཆེ་བ་དང་། ཕན་ཡོན་ཆེ་བ་དང་། གསལ་བ་ཆེ་བ་དང་། རྒྱ་ཆེན་པོར་འགྱུར་རོ་ཞེས་ཐོས་སོ། །ཐོས་ནས་ཀྱང་དེ་དག་འདི་སྙམ་དུ་སེམས་ཏེ། བདག་ [134a.4]ཅག་ཟོང་དག་ཐོགས་ཏེ་མཉན་ཡོད་དུ་འདོང་ཞིང་དེར་བདག་ཅག་གིས་ཁེ་སྤོགས་ཀྱང་བསྒྲུབ་པར་བྱ། བཅོམ་ལྡན་འདས་ལ་ཡང་བསྙེན་བཀུར་བྱའོ་སྙམ་དུ་རིག་ནས་ཚོང་པ་ལྔ་བརྒྱ་བྱང་ལམ་ནས་ཟོང་དག་ཐོགས་ཏེ་ཡུལ་དབུས་སུ་འཕགས་སོ། །དེ་དག་མཐར་གྱིས་མཉན་ཡོད་དུ་ཕྱིན་ནས་ [134a.5]དེ་དག་གིས་ཟོང་མཁོས་སུ་ཕབ་སྟེ། ཁྱིམ་བདག་མགོན་མེད་ཟས་སྦྱིན་ག་ལ་བ་དེར་དོང་ནས་ཕྱིན་པ་དང་། ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་བདག་ཅག་སངས་རྒྱས་བཅོམ་ལྡན་འདས་བལྟ་བར་འདོད་དོ། །ཤེས་ལྡན་དག་དེ་བཞིན་ [134a.6]གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་རྒྱས་པ་རྣམས་ནི་བལྟ་བར་བྱ་བ་རིན་པོ་ཆེ་ཁོ་ན་ཡིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་འདི་ལྟ་སྟེ། དཔེར་ན་ཨུ་དུམ་བཱ་རའི་མེ་ཏོག་ལྟར་བལྟམས་པ་དང་། འབྱུང་ [134a.7]བ་དཀོན་པ་ཡིན་ནོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཚོང་པ་ལྔ་བརྒྱ་པོ་དེ་དག་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ [134b] [134b.1]ལྡན་འདས་ཚོང་པ་དེ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་ [134b.2]པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་། །དེ་ནས་ཚོང་པ་དེ་དག་གིས་བཅོམ་ལྡན་འདས་ལ་བསྙེན་བཀུར་བྱས་ནས། དགེ་སློང་གནས་བརྟན་གནས་བརྟན་རྣམས་ཀྱི་གཙུག་ལག་ [134b.3]ཁང་བལྟ་བར་བརྩམས་པ་དང་། ཚོང་པ་དེ་དག་གིས་དགེ་སློང་གནས་བརྟན་གནས་བརྟན་རྣམས་ཀྱི་མལ་དག་ན་གདིང་བ་དབུས་རྡོལ་བ་དག་མཐོང་ངོ་། །མཐོང་ནས་ཀྱང་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་ཅིའི་ཕྱིར་དགེ་སློང་གནས་བརྟན་གནས་ [134b.4]བརྟན་འདི་དག་གི་གདིང་བ་དག་དབུས་རྡོལ་བར་གྱུར། ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། བདག་ཉིད་ཆེན་པོ་འདི་དག་ནི་ཕལ་ཆེར་མཚན་མོ་སྐྱིལ་མོ་ཀྲུང་གིས་འདའ་བར་བྱེད་དོ། །དེ་དག་སེམས་མངོན་པར་དད་པར་གྱུར་ནས་དད་པ་སྐྱེས་པ་དེ་དག་གིས་དགེ་སློང་རྣམས་ [134b.5]ལ་རས་ཡུག་ཆེན་ལྔ་བརྒྱ་ཕུལ་ལོ། །དགེ་སློང་རྣམས་ཀྱིས་གདིང་བ་རྙིང་པ་དེ་དག་ཁང་པ་ཆེན་པོའི་གཙུག་ལག་ཁང་བླ་གབ་མེད་པ་ཞིག་ཏུ་བཞག་གོ། །དེའི་ཚེ་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང་། [134b.6]དགེ་སློང་གི་དགེ་འདུན་ནི་ཞུགས་སོ། །བཅོམ་ལྡན་འདས་ནི་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབས་སོ། །སངས་རྒྱས་བཅོམ་ལྡན་འདས་རྣམས་ནི་རྒྱུ་ལྔས་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་སྒྲུབ་པ་མཛད་དེ། ལྔ་གང་ཞེ་ན། [134b.7]ནང་དུ་ཡང་དག་འཇོག་པར་བཞེད་པ་དང་། ལྷ་རྣམས་ལ་ཆོས་སྟོན་པར་བཞེད་པ་དང་། ནད་པ་ལ་བལྟ་བར་བཞེད་པ་དང་། གནས་མལ་ལ་རྟོག་པར་བཞེད་པ་དང་། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པའོ། །དོན་འདིར་ནི་བཅོམ་ལྡན་ [135a] [135a.1]འདས་གནས་མལ་ལ་རྟོག་པར་བཞེད་པ་དང་། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པས། རྫས་ལས་བྱུང་བ་ནི་བཞུགས་ཤིང་བསོད་སྙོམས་མངོན་པར་སྒྲུབ་པ་མཛད་དོ། །དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་ [135a.2]སོང་ནས་རིང་པོ་མ་ལོན་པར་ཐུགས་སུ་ཆུད་ནས་ལྡེ་མིག་བསྣམས་ཏེ་ཀུན་དགའི་ར་བ་ནས། ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་ས་དང་། གོལ་བར་གཤེགས་ཤིང་མཐར་གྱིས་གཤེགས་པ་ན་ཁང་ [135a.3]པ་ཆེན་པོའི་གཙུག་ལག་ཁང་ག་ལ་བ་དེར་གཤེགས་སོ། །དེའི་ཚེ་ན་ཁང་པ་ཆེན་པོའི་གཙུག་ལག་ཁང་དེ་ན་གདིང་བ་རྙིང་པ་རྡོལ་བ་དང་རལ་བས་རྡུལ་གྱི་ཕྱེ་མ་དང་འདྲེས་པ་རབ་ཏུ་མང་པོ་དག་ས་ལ་བཀྲམ་ཞིང་འདུག་གོ། །བཅོམ་ལྡན་འདས་ཀྱིས་གདིང་བ་རྙིང་པ་རྡོལ་བ་དང་། རལ་ [135a.4]བ་ས་རྡུལ་གྱི་ཕྱེ་མ་དང་འདྲེས་པ་རབ་ཏུ་མང་པོ་དག་ས་ལ་བཀྲམ་ཞིང་འདུག་པ་དག་གཟིགས་སོ། །གཟིགས་ནས་ཀྱང་ཨེ་མ་ཞེས་གསུང་ཞིང་སྨད་ནས་འདི་སྙམ་དུ་དགོངས་ཏེ། བྲམ་ཟེ་དང་ཁྱིམ་བདག་དད་པ་ཅན་དག་གིས་པགས་པ་དང་། ཤ་དང་། ཁྲག་དག་བཙིར་ཅིང་བཙིར་ [135a.5]ཅིང་སྦྱིན་པ་དག་སྦྱིན། བསོད་ནམས་དག་བྱེད་པ་གང་ཡིན་པ་དེ་ལ་དགེ་སློང་དག་དྲོད་མི་ཤེས་པ་དང་། སོ་སོར་མི་རྟོག་པར་ཡོངས་སུ་ལོངས་སྤྱོད་པར་བྱེད་དོ་སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་གདིང་བ་རྙིང་པ་དེ་དག་ལེགས་པར་བརྟུལ་ཅིང་སྤྲུགས་ནས་ [135a.6]བཏིང་ཞིང་བསྐམས་ཏེ་རྩིག་པ་ལ་མི་རེག་པར་མཛད་ནས། གཙུག་ལག་ཁང་གི་སླད་རོལ་དུ་ཞབས་གཉིས་བསིལ་ཏེ་ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་དགེ་སློང་བསོད་སྙོམས་སྒྲུབ་པས། བསོད་སྙོམས་བླངས་ནས། བཅོམ་ལྡན་ [135a.7]འདས་ག་ལ་བ་དེར་སོང་ངོ་། །སངས་རྒྱས་བཅོམ་ལྡན་འདས་རྣམས་ནི་ཆོས་ཉིད་ཀྱི་བསོད་སྙོམས་སྒྲུབ་པའི་དགེ་སློང་ལ་དགེ་སློང་ལས་ཇི་ལྟར་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་འདིས་སོ་སོར་ཀུན་དགའ་བར་ [135b] [135b.1]མཛད་པ་ཡིན་པས། བཅོམ་ལྡན་འདས་ཀྱིས་དགེ་སློང་བསོད་སྙོམས་སྒྲུབ་པ་ལ། དགེ་སློང་ཇི་ལྟར་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་དང་། དེས་གསོལ་པ། བཙུན་པ་ཏེ་བོར་ཟས་བསོད་ཅིང་དགེ་སློང་གི་དགེ་འདུན་ [135b.2]ཚིམ་པར་བགྱིས་སོ། །དེ་ནས་བཅོམ་ལྡན་འདས་ཞལ་ཟས་ཀྱི་བྱ་བ་མཛད་ནས། གཙུག་ལག་ཁང་གི་སླད་རོལ་དུ་ཞབས་གཉིས་བསིལ་ཏེ་ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་བཅོམ་ལྡན་འདས་ཕྱི་དྲོ་ནང་དུ་ཡང་དག་འཇོག་ལས་བཞེངས་ [135b.3]ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ན་ངས་དགེ་སློང་གི་དགེ་འདུན་སོང་ནས་རིང་པོ་མ་ལོན་པར་ཤེས་ནས་ལྡེ་མིག་ཁྱེར་ཏེ། ཀུན་དགའི་ [135b.4]ར་བ་ནས་ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་སར་དང་། གོལ་བར་སོང་ཞིང་མཐར་གྱིས་འགྲོ་བ་ན་ཁང་པ་ཆེན་པོའི་གཙུག་ལག་ཁང་ཞིག་ག་ལ་བ་དེར་ཕྱིན་ནས་ངས་ཁང་པ་ཆེན་པོའི་གཙུག་ [135b.5]ལག་ཁང་དེ་ན་གདིང་བ་རྙིང་པ་རྡོལ་བ་དང་རལ་བ་ས་རྡུལ་གྱི་ཕྱེ་མ་དང་འདྲེས་པ་རབ་ཏུ་མང་པོ་དག་ས་ལ་བཀྲམ་ཞིང་འདུག་པ་མཐོང་ངོ་། །མཐོང་ནས་ཀྱང་ཨེ་མ་ཞེས་བྱས་ཏེ་སྨད་ནས་འདི་སྙམ་དུ་བྲམ་ཟེ་དང་། ཁྱིམ་བདག་དད་པ་ཅན་དག་གིས་པགས་པ་དང་། ཤ་དང་། ཁྲག་ [135b.6]དག་བཙིར་ཅིང་བཙིར་ཅིང་སྦྱིན་པ་དག་སྦྱིན། བསོད་ནམས་དག་བྱེད་པ་གང་ཡིན་པ་དེ་ལ་དགེ་སློང་དག་དྲོད་མི་ཤེས་པ་དང་། སོ་སོར་མི་རྟོག་པར་ཡོངས་སུ་ལོངས་སྤྱོད་པར་བྱེད་དོ་སྙམ་དུ་དགོངས་ཀྱིས། དགེ་སློང་དག་ཁྱེད་ཀྱིས་དད་པས་སྦྱིན་པར་བྱ་བ་ལ། དྲོད་རན་པར་ཡོངས་ [135b.7]སུ་ལོངས་སྤྱད་པ་དང་། སྤང་ཞིང་ཡོངས་སུ་ལོངས་སྤྱད་པ་དང་། དུས་སུ་ཡོངས་སུ་ལོངས་སྤྱད་པ་དང་། བརྟག་ཅིང་ཡོངས་སུ་ལོངས་སྤྱད་པ་དང་། ཁད་ཀྱིས་ཡོངས་སུ་ལོངས་སྤྱད་ན་ལེགས་སོ།། །།བར་སྡོམ་ལ། དྲོད་རན་པ་དང་སྤང་བ་དང་། །དེ་ [136a] [136a.1]བཞིན་དུས་དང་བརྟག་པ་དང་། །ཁད་ཀྱིས་ཡོངས་སུ་སྤྱད་པ་ཡིན། །དེ་ནས་བཅོམ་ལྡན་འདས་ཀྱིས་དྲོད་རན་པ་དང་། སྤང་བ་དང་། དུས་དང་། བརྟག་པ་དང་། ཁད་ཀྱིས་ཡོངས་སུ་ལོངས་སྤྱད་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་ [136a.2]སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་ [136a.3]སྟེ། དགེ་སློང་གིས་གདིང་བ་སར་པ་བྱེད་ན་སར་པ་བྱ་ཁ་དོག་མི་སྡུག་པར་བྱ་བའི་ཕྱིར་གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་གླན་པར་བྱའོ། །གལ་ཏེ་དགེ་སློང་གིས་སར་པ་ཁ་དོག་མི་སྡུག་པར་བྱ་བའི་ཕྱིར་གདིང་བ་རྙིང་པ་བདེ་བར་གཤེགས་པའི་མཐོ་གང་ [136a.4]འཁོར་བས་མ་གླན་པར་གདིང་བ་སར་པ་སྤྱོད་ན་སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི་ཆོས་འདི་པས་སོ། །གདིང་བ་ཞེས་བྱ་བ་ནི་སོ་སོར་གདིང་བའོ། །སར་པ་ཞེས་བྱ་བ་ནི་སར་པ་གཉིས་ཏེ། གསར་པས་སར་པ་དང་། རྙེད་པས་སར་པ་སྟེ། དོན་འདིར་ [136a.5]ནི་གསར་པས་སར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི་བདག་ཉིད་ཀྱིས་སམ། གཞན་བྱེད་དུ་འཇུག་ནའོ། །སར་པ་ཁ་དོག་མི་སྡུག་པར་བྱ་བའི་ཕྱིར་ཞེས་བྱ་བ་ནི་སར་པ་སྲ་བར་བྱ་བའི་ཕྱིར་རོ། །གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་ [136a.6]གླན་པར་བྱའོ་ཞེས་བྱ་བ་ནི་གལ་ཏེ་དེ་ལ་གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བ་གཞན་ཡོད་ནའོ། །བདེ་བར་གཤེགས་པ་ཞེས་བྱ་བ་ནི་སྟོན་པའོ། །བདེ་བར་གཤེགས་པའི་མཐོ་གང་ལ་ནི་ཚད་དང་ལྡན་པའི་ཁྲུའི་ཁྲུ་ཕྱེད་དང་དོ་ཡོད་དོ། །འཁོར་བས་ [136a.7]ཞེས་བྱ་བ་ནི་ཀུན་ནས་མཐོ་རེ་ཡོད་པས་སོ། །གླན་པར་བྱའོ་ཞེས་བྱ་བ་ནི་སྦྱར་བར་བྱ་བའོ། །མ་གླན་པར་ཞེས་བྱ་བ་ནི་མ་སྦྱར་བར་རོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་ [136b] [136b.1]སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་མ་གླན་པར་ཇི་ཙམ་ཅུང་ཟད་དུ་གདིང་བ་སར་པ་སྤྱོད་པར་བྱེད་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །གདིང་བ་རྙིང་པ་ཐམས་ཅད་ཀྱི་ཐམས་ཅད་དུ་ཤ་ཟད་ [136b.2]པ་དང་། བུག་རྡོལ་དུ་གྱུར་པ་དང་། བཅོས་སུ་མི་རུང་བ་ཡིན་ན་ལྟུང་བ་མེད་དོ། །དེ་ཙམ་མེད་ན་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མཐོ་གང་གི་སྤང་བ་སྟེ་{བཅྭ་,བཅོ་}ལྔ་པ་རྫོགས་ [136b.3]{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ལྷུང་བཟེད་ནག་པོ་ཅན་འདི་དག་ནི་རྐང་པ་སྤྲེའུའི་ཞག་གིས་བསྐུས་ཏེ་འགྲོ་ན་ཡང་འགྲོ་ [136b.4]བར་ཆས་པའི་རྙེད་པ་སྒྲུབ་པར་བྱེད། འོང་ན་ཡང་བློ་བུར་དུ་འོངས་པའི་རྙེད་པ་སྒྲུབ་པར་བྱེད་ཅིང་སྐྱེ་བོ་མང་པོ་དགའ་བ་དང་། ཡིད་དུ་འོང་བར་ཡང་འགྱུར་རོ། །ཡུ་བུ་ཅག་ནི་ཁྲོན་པའི་རུས་སྦལ་དང་འདྲ་བར་གར་ཡང་མི་འདོང་། གང་ནས་ཀྱང་མི་འོང་བས་རྙེད་པ་འཐོབ་པ་དང་། [136b.5]སྐྱེ་བོ་མང་པོ་དགའ་བ་དང་། ཡིད་དུ་འོང་བར་ག་ལ་འགྱུར་གྱིས་ཡུ་བུ་ཅག་ཀྱང་འདོང་ངོ་། །གང་དུ་འདོང་། གང་དུ་དོན་མཐུན་འགྲུབ་པར་རོ། །དེ་དག་གིས་བསམས་པ། གལ་ཏེ་ཐམས་ཅད་དོང་བར་འགྱུར་ན་བདག་ཅག་གི་ཉེ་བར་སྤྱོད་པའི་ཁྱིམ་གང་དག་ཡིན་པ་དེ་དག་ཀྱང་ [136b.6]ལྷུང་བཟེད་ནག་པོ་ཅན་དག་གིས་རྗེས་སུ་འཇུག་པར་བྱེད་པར་འགྱུར་གྱིས། བདག་ཅག་གིས་གཅིག་བཞག་སྟེ་འདོང་བར་བྱ་ན་སུ་བཞག་པར་བྱ། བཙུན་པ་འཆར་ཀའོ། །བཙུན་པ་འཆར་ཀ་ཁྱོད་འདི་ཉིད་དུ་འདུག་ཤིག །ཁོ་བོ་ཅག་འདོང་བར་བྱའོ། །དེ་བཞིན་གྱིས་ཤིག་ཅེས་ [136b.7]འཆར་ཀ་དེ་ཉིད་དུ་འདུག་གོ། །ལྔ་པོ་དག་གིས་དོན་མཐུན་བཙལ་བར་བརྩམས་པ་དང་། དེ་དག་གིས་བལ་ཡུལ་དུ་འགྲོ་བའི་དོན་མཐུན་མཐོང་ནས། དེའི་དྲུང་དུ་སོང་སྟེ་སྨྲས་པ། བཞིན་{བཟངས་,བཟང་}དག་ཁྱེད་གང་དུ་འཕགས། འཕགས་པ་དག་བལ་ཡུལ་དུའོ། །བཞིན་ [137a] [137a.1]{བཟངས་,བཟང་}དག་ཁོ་བོ་ཅག་ཀྱང་ཁྱེད་དང་ལྷན་ཅིག་འདོང་ངོ་། །འཕགས་པ་དག་བལ་ཡུལ་ནི་རྔ་མོའི་རྒྱབ་འདྲ་བ་ལགས་པས། ཁྱེད་ཅག་དེར་དགྱེས་པར་མི་འགྱུར་རོ། །བཞིན་{བཟངས་,བཟང་}དག་གལ་ཏེ་དེ་ལྟ་བུ་ཡིན་དུ་ཟིན་ཀྱང་། ཡུལ་མཐོང་བར་འགྱུར་བས་ [137a.2]འདོང་བར་བྱའོ། །འཕགས་པ་དག་གལ་ཏེ་དེ་ལྟ་ན་ཚུར་སྤྱོན་བཞུད་དོ། །དྲུག་སྡེ་དག་དོན་མཐུན་དེ་དག་དང་ལྷན་ཅིག་བལ་ཡུལ་དུ་འཕགས་ནས་མཐར་གྱིས་བལ་ཡུལ་དུ་ཕྱིན་པ་དང་། ཉི་མ་གང་ཁོ་ན་ལ་བལ་ཡུལ་དུ་ཕྱིན་པའི་ཉི་མ་དེ་ཉིད་ལ་མངོན་པར་མི་དགའ་བར་གྱུར་ནས་དེ་ [137a.3]དག་ནང་པར་སྔར་ལངས་ཏེ་ལམ་སྲང་དུ་དོང་བ་དང་། ཚོང་པ་དག་གིས་དྲུག་སྡེ་དག་མཐོང་ནས་དེ་དག་གི་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་དག་བལ་ཡུལ་ཅི་འདྲ། ཁྱེད་ཅག་མངོན་པར་མི་དགྱེས་པར་མ་གྱུར་ཏམ། བཞིན་{བཟངས་,བཟང་}དག་ཉི་མ་གང་ཁོ་ན་ལ་བལ་ཡུལ་ [137a.4]དུ་ཕྱིན་པའི་ཉི་མ་དེ་ཉིད་ལ་མངོན་པར་མི་དགའ་བར་གྱུར་ཏོ། །འཕགས་པ་དག་བདག་ཅག་གིས་ཁྱེད་ལ་དང་པོ་ཁོ་ན་ནས་བལ་ཡུལ་ནི་རྔ་མོའི་རྒྱབ་འདྲ་བ་ལགས་པས། ཁྱེད་ཅག་དེར་དགྱེས་པར་མི་འགྱུར་རོ་ཞེས་མ་བགྱིས་སམ། བཞིན་{བཟངས་,བཟང་}དག་ཅི་དེ་ལྟ་ན་འགྲོའམ་འདོང་ [137a.5]ངོ་། །འཕགས་པ་དག་བདག་ཅག་གིས་ཟོང་མ་བསྒྱུར་དེ་དེ་ལྟ་ལགས་མོད་ཀྱི་འོན་ཀྱང་བདག་ཅག་དང་བཤེས་པའི་ཚོང་པ་གཞན་དག་མཆིས་པ་དེ་དག་གིས་ཟོང་བསྒྱུར་བས་དེ་དག་ལ་གཏད་པར་བགྱིས་དེ་དག་དང་ཐབས་ཅིག་བཞུད་ཅིག །དྲུག་སྡེ་དག་གིས་སྨྲས་པ། དེ་མ་ནོངས་ [137a.6]ཀྱིས་དེ་བཞིན་བགྱིའོ། །བལ་ཡུལ་ན་བལ་དང་ལྡོང་རོས་གཉིས་མོད་པས་དོན་མཐུན་དེ་དག་གིས་བལ་གྱིས་ཤིང་རྟ་བཀང་སྟེ་ཆས་པ་དང་། དྲུག་སྡེ་དག་ཀྱང་དོན་མཐུན་དེ་དང་ལྷན་ཅིག་འཕགས་སོ། །དྲུག་སྡེ་དག་གི་ཀུན་དུ་སྤྱོད་པ་ནི་རྡུལ་གྱིས་འཇིགས་པས་ཡང་ན་ནི་དོན་ [137a.7]མཐུན་གྱི་མདུན་དུ་འགྲོ། ཡང་ན་ནི་ཕྱི་བཞིན་འབྲང་ཞིང་འགྲོ་བས་དེ་དག་དོན་མཐུན་གྱི་ཕྱི་བཞིན་འགྲོ་བར་བརྩམས་པ་དང་། ཇི་ཙམ་ན་ཚོང་པ་དེ་དག་གི་ཤིང་རྟའི་སྲོག་ཤིང་ཆག་ནས་ཚོང་པ་དེ་དག་གིས་བསམས་པ། གལ་ཏེ་ཤིང་རྟའི་སྲོག་ཤིང་བཅོས་ན་སྒྲས་ཆོམ་རྐུན་པ་དག་ [137b] [137b.1]འོང་བར་འགྱུར་ཞིང་དེ་དག་གིས་དང་པོར་བདག་ཅག་བསད་པར་འགྱུར་ལ་དེའི་འོག་ཏུ་ནོར་ཡང་ཕྲོགས་པར་འགྱུར་གྱིས། བདག་ཅག་གིས་གཅེས་པ་དག་ཁྱེར་ཏེ་འདོང་ངོ་སྙམ་ནས་ཡིད་མི་དགའ་ཞིང་འཁོད་པ་དང་། དྲུག་སྡེ་དག་ལྷགས་ནས་དེ་དག་གིས་སྨྲས་པ། ཤེས་ལྡན་དག་ཅིའི་ [137b.2]ཕྱིར་ཡིད་མི་དགའ་ཞིང་འཁོད། འཕགས་པ་དག་ཤིང་རྟའི་སྲོག་ཤིང་ཆག་སྟེ་གལ་ཏེ་ཤིང་རྟའི་སྲོག་ཤིང་བཅོས་ན་སྒྲས་ཆོམ་རྐུན་པ་དག་མཆིས་པར་འགྱུར་ཞིང་དེ་དག་གིས་དང་པོར་བདག་ཅག་བཀུམ་པར་འགྱུར་ལ། དེའི་འོག་ཏུ་ནོར་ཡང་ཕྲོགས་པར་འགྱུར་བས་བདག་ཅག་གིས་ [137b.3]གཅེས་པ་དག་འཚལ་དེ་མཆིའོ་སྙམ་ནས་ཡིད་མི་དགའ་ཞིང་མཆིས་སོ། །བཞིན་{བཟངས་,བཟང་}དག་ཁྱོད་ཀྱིས་བལ་དག་ཡོངས་སུ་བཏང་ངམ། ཡོངས་སུ་བཏང་ངོ་། །གལ་ཏེ་ཁྱེད་ཅག་ལ་མི་གནོད་ན་ཞྭ་དང་། ལྷམ་སྒྲོག་གུ་ཅན་དང་། སྟོད་ཀོར་ནང་ཚངས་ཅན་དང་། རྒྱ་ [137b.4]ཅང་དང་། ལྕག་པོད་དང་། ཤུར་བུ་ཕྲེའུ་ལ་སོགས་པའི་དོན་དུ་ཅུང་ཞིག་བསྐུར་རོ། །འཕགས་པ་དག་བདག་ཅག་ལ་འདིས་ཅི་བགྱི། ཐམས་ཅད་སྣོམས་ཤིག །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ཕྱག་དར་ཁྲོད་པ་རྙེད་དོ་ཞེས་དེ་དག་གིས་ལྔ་ཅར་གྱི་ལྷུང་ [137b.5]བཟེད་དང་ཆོས་གོས་དག་གཅིག་གིས་བསྐུར་ནས། མི་བཞིས་དེ་ཉིད་ལས་ཐག་པ་བཀལ་དེ་ཁུར་བོ་ཆེ་བ་བཞི་དྲགས་ནས། དེ་དག་གིས་དེ་ཁུར་ཏེ་དོང་ངོ་། །དེ་དག་གིས་ཁུར་དེ་དག་ཁྱེར་ཏེ་འཕགས་པ་དང་། ཚོང་པ་དེ་དག་གིས་དྲུག་སྡེ་དག་བལ་གྱི་ཁུར་བླངས་ཏེ་ཕྱི་བཞིན་ [137b.6]འོངས་པ་མཐོང་ནས་སྨྲས་པ། འཕགས་པ་དག་བདག་ཅག་གིས་གླ་མི་དག་ཁྲིད་དེ་མཆིའོ་སྙམ་དུ་བསམས་ནས། ཁྱེད་ཅག་གིས་བལ་འདི་ཐམས་ཅད་བསྣམས་དེ་བྱོན་གྱིས་འཕགས་པ་དག་ལ་གླ་གསོལ་ལོ། །བཀྲེན་པ་དག་ཁོ་བོ་ཅག་ཁྱོད་ཀྱི་གླ་མི་དག་ཡིན་ནམ། [137b.7]འཕགས་པ་དག་མད་ཀྱང་བཞད་གད་བགྱིའོ། །དོན་མཐུན་དེའི་ནང་ན་མུ་སྟེགས་ཅན་དག་ཅིག་འདོང་བ་དེ་དག་གིས་སྨྲས་པ། ཀྱེ་མ་དྲུག་སྡེ་དག་ཁྱེད་ཅག་གང་དུ་ཁུར་འཇིག་པར་འགྱུར། གང་དུ་རྙེད་པ་འགྲུབ་པར་འགྱུར། ཁྱོད་ཀྱི་མའི་ལྟོ་དྲལ་ཏེ་དེར་ཁུར་འཇིག་པར་འགྱུར་ [138a] [138a.1]ཞིང་དེར་རྙེད་པ་འགྲུབ་པར་འགྱུར་རོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་གལ་ཏེ་དོན་མཐུན་དང་ལྷན་ཅིག་འདོང་ན་ཐོ་འཚམ་པ་མང་དུ་འབྱུང་གིས་དོན་མཐུན་གྱི་མདུན་དུ་འདོང་ངོ་ཞེས་དེ་དག་དོན་མཐུན་གྱི་མདུན་དུ་འཕགས་ཏེ་དོང་བ་དང་། རི་བྲགས་ཤིག་ [138a.2]ན་ཆོམ་རྐུན་པ་གཅད་པའི་ཕྱིར་ཡང་རྒོད་ཀྱི་མི་མང་པོ་བཀོད་ཅིང་འཁོད་པ་དེ་དག་གིས་དེ་དག་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་ཉམ་ང་བར་གྱུར་ནས་དེ་དག་གིས་སྨྲས་པ། ཤེས་ལྡན་དག་གླང་པོ་ཆེ་དང་བཅས་པའི་དམག་བྱུང་ངོ་ཞེས་རི་བྲགས་པ་དེ་དག་ཐམས་ཅད་སྐྲག་ [138a.3]ནས་ནགས་ཁྲོད་དུ་བྱེར་རོ། །དེ་དག་གི་ནང་ནས་ཁ་ཅིག་གིས་སྨྲས་པ། འདི་དག་ནི་གླང་པོ་ཆེ་དང་བཅས་པའི་དམག་མ་ཡིན་གྱི་འདི་ལྟར་རྔ་མོ་དག་ཅིག་འོང་བ་ཡིན་ནོ། །ཁ་ཅིག་གིས་སྨྲས་པ། འདི་དག་ནི་རྔ་མོ་མ་ཡིན་གྱི་འདི་ལྟར་གླང་དག་ཅིག་ཡིན་ནོ། །ཁ་ཅིག་ [138a.4]གིས་སྨྲས་པ། འདི་དག་ནི་གླང་མ་ཡིན་གྱི་འདི་དག་ནི་ཁུར་ཐོགས་པ་དག་ཅིག་ཡིན་ནོ། །དེ་དག་ཐག་ཉེ་བར་གྱུར་པ་དང་། ཡང་རྒོད་དེ་དག་གིས་སྨྲས་པ། འཕགས་པ་དག་ཁྱེད་ཅག་འདི་ལྟ་བུའི་ཁུར་དག་ཐོགས་པས་དེའི་ཕྱིར་རི་བྲགས་པ་ཐམས་ཅད་སྐྲག་སྟེ་ནགས་ [138a.5]ཁྲོད་དུ་བྱེར་རོ། །བཀྲེན་པ་དག་གལ་ཏེ་ཆོམ་རྐུན་པ་དག་གིས་ཁྱེད་ཅག་དེ་དག་བྲེད་ངས་པར་ཤེས་པར་གྱུར་ན་ཉིན་མོའི་ཉི་མ་ཁོ་ན་ལ་ཡང་བཅིངས་ཏེ་ནགས་ཁྲོད་དུ་ཁྲིད་པར་འགྱུར་རོ། །དགའ་བོ་ཉེ་དགའ་གལ་ཏེ་ལམ་དུ་འདོང་ན་ཐོ་འཚམ་པ་མང་དུ་འབྱུང་གིས་ལམ་གོལ་བར་ [138a.6]འདོང་ངོ་། །ཞེས་དེ་དག་ལམ་གོལ་བར་ཞུགས་ཏེ་དོང་བ་དང་། ཤོ་གམ་པ་དག་གིས་ཚོང་པ་ཤོ་གམ་འདྲལ་བ་བསྒུགས་པའི་ཕྱིར་འགེ་གུ་པའི་མི་མང་པོ་དག་བཀོད་ཅིང་འཁོད་པ་དེ་དག་གིས་དེ་དག་མཐོང་ནས་སྨྲས་པ། ཨེ་མའོ་ཚོང་པ་ཤོ་གམ་འདྲལ་བ་དག་ཅིའི་ཕྱིར་ [138a.7]ཤོ་གམ་དྲལ་ཏེ་འདོང་། བཀྲེན་པ་དག་ཁོ་བོ་ཅག་ཁྱེད་ཀྱི་ཚོང་པ་ཤོ་གམ་འདྲལ་བ་དག་ཡིན་ནམ། ཁྱེད་ཅག་སུ་ཡིན། འཕགས་པ་དྲུག་སྡེ་དག་ཡིན་ནོ། །བཞུད་ཅིག་དེ་དག་གིས་སྨྲས་པ། དགའ་བོ་ཉེ་དགའ་གལ་ཏེ་རྒྱལ་བྱེད་ཀྱི་ཚལ་གྱི་སྒོ་ནས་ཞུགས་ན་ [138b] [138b.1]ལྷུང་བཟེད་ནག་པོ་ཅན་དག་ལས་ཐོ་འཚམ་པ་མང་དུ་འབྱུང་གིས་སྒེའུ་ཆུང་ནས་འཇུག་པར་བྱའོ་ཞེས་དེ་དག་སྒེའུ་ཆུང་ནས་ཞུགས་པ་དང་། རྒན་ཞུགས་ཞིག་གིས་མཐོང་ནས་དེས་སྨྲས་པ། ཨེ་མའོ་ཁུར་ཙ་བ་དག་ཅིའི་ཕྱིར་གྲོང་དྲལ་ཏེ་འཇུག་པར་བྱེད། རྒན་ཞུགས་ཁོ་བོ་ཅག་ [138b.2]ཁྱོད་ཀྱི་ཁུར་ཙ་བ་དག་ཡིན་ནམ། དེས་སྨྲས་པ་ཁྱེད་སུ་ཡིན། ཚེ་དང་ལྡན་པ་དྲུག་སྡེ་དག་ཡིན་ནོ། །ཚེ་དང་ལྡན་པ་དག་བྱོན་པ་ལེགས་སོ་བྱོན་པ་ལེགས་སོ། །དེ་དག་ནང་དུ་ཞུགས་ནས་དེ་དག་གི་བལ་གྱི་ཁུར་དེ་དག་བཤིག་པ་དང་། རི་རབ་ཀྱི་རྣམ་པ་འདྲ་བའི་ཕུང་པོ་ཆེན་ [138b.3]པོར་རྣམ་པར་གནས་སོ། །དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་ཁྱེད་ཅག་ཁུར་འདི་ལྟ་བུ་དག་ཐོགས་ནས་ཁྱེད་ལ་ཐོ་འཚམ་པ་དག་མི་འབྱུང་ངམ། ཚེ་དང་ལྡན་པ་དག་ཁྱེད་ཅི་ཁོ་བོ་ཅག་གིས་བཟའ་བ་ཁོ་ནའི་ཕྱིར་ཁ་མངོན་པར་བསྒྲུབས་སམ། གང་ [138b.4]ཁོ་བོ་ཅག་ལ་ཐོ་འཚམ་པར་བྱེད་པ་དེ་ལ་ཁོ་བོ་ཅག་གིས་ཀྱང་ཉིས་གྱུར་སྦྱིན་པར་བྱའོ། །དགེ་སློང་དག་དོན་ཉུང་བ་དག་ཅིའི་ཕྱིར། དགེ་སློང་དག་ཡན་ལག་གང་གིས་ངོ་ཚ་བར་བྱ་བའི་ཡན་ལག་དེ་ཉིད་ཀྱིས་ཁེངས་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ [138b.5]ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་ [138b.6]བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་ [138b.7]མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་ [139a] [139a.1]གྲངས་དུ་མས་རྣམ་པར་སྨད་པ་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་ [139a.2]བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ལམ་དུ་ཞུགས་པས་ལུག་བལ་དག་རྙེད་ལ་འདོད་ན་དགེ་སློང་དེས་བླང་བར་བྱའོ། །བླངས་ནས་ཁྱེར་བ་མེད་ན་དཔག་ཚད་གསུམ་གྱི་མཐའི་བར་དུ་བདག་ཉིད་ཀྱིས་བཀུར་ [139a.3]བར་བྱའོ། །དེ་ལས་འདས་པར་ཁྱེར་ན་སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི་དྲུག་སྡེ་དག་གམ། གཞན་ཡང་དེ་ལྟ་བུ་གང་ཡིན་པའོ། །ལམ་དུ་ཞུགས་པས་ཞེས་བྱ་བ་ནི། དགོན་པའི་ལམ་དུ་ཞུགས་པས་སོ། །ལུག་བལ་དག་ཅེས་བྱ་བ་ནི་ལུག་གི་བལ་ [139a.4]དག་གོ། །རྙེད་པ་ཞེས་བྱ་བ་ནི་གཞན་ལས་སོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །དགེ་སློང་དེས་བླང་བར་བྱའོ་ཞེས་བྱ་བ་ནི་མནོད་པར་བྱ་བའོ། །བླངས་ནས་ཁྱེར་བ་མེད་ན་ཞེས་བྱ་བ་ནི་རུང་བ་བྱེད་པ་མེད་ནའོ། །དཔག་ཚད་གསུམ་གྱི་མཐའི་བར་དུ་ཞེས་བྱ་བ་ནི་ [139a.5]དཔག་ཚད་གསུམ་གྱི་མཐར་ཐུག་པའི་བར་ཚུན་ཆད་དུའོ། །བདག་ཉིད་ཀྱིས་བཀུར་བར་བྱའོ། །ཞེས་བྱ་བ་ནི་བདག་རང་གིས་བཀུར་བར་བྱ་བའོ། །དེ་ལས་འདས་པར་ཁྱེར་ན་ཞེས་བྱ་བ་ནི་དེ་ལས་ཐལ་བར་ཁྱེར་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ [139a.6]ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ལུག་བལ་དག་རྙེད་ལ་ཁྱེར་བ་མེད་ན་བདག་ཉིད་ཀྱིས་དཔག་ཚད་གསུམ་གྱི་མཐའ་ལས་འདས་པར་ཁྱེར་ན་རྒྱང་གྲགས་ཕྱེད་ [139a.7]དུ་ཕྱིན་ན་ཉེས་བྱས་སུ་འགྱུར་ལ། རྒྱང་གྲགས་ཀྱི་མཐར་ཕྱིན་ན་སྤང་བའི་ལྟུང་བྱེད་དུ་འགྱུར་རོ། །ཁྱེར་བ་ཡོད་བཞིན་དུ་བདག་ཉིད་ཀྱིས་ཁྱེར་ན་རྩོམ་པའི་དུས་ཁོ་ན་ན་ཉེས་བྱས་སུ་འགྱུར་ལ། རྒྱང་གྲགས་ཕྱེད་དུ་ཕྱིན་ན་ཉེས་བྱས་སུ་གཞན་གཅིག་ཏུ་འགྱུར། རྒྱང་གྲགས་ [139b] [139b.1]ཀྱི་མཐར་ཕྱིན་ན་སྤང་བའི་ལྟུང་བྱེད་དུ་འགྱུར་རོ། །རྡུལ་ཕྲ་རབ་དྲུག་ལ་རྡུལ་ཕྲ་མོ་གཅིག་གོ། །རྡུལ་ཕྲ་མོ་དྲུག་ལ་ཆུ་རྡུལ་གཅིག་གོ། །ཆུ་རྡུལ་དྲུག་ལ་ལྕག་རྡུལ་གཅིག་གོ། །ལྕག་རྡུལ་དྲུག་ལ་རི་བོང་གི་རྡུལ་གཅིག་གོ། །རི་བོང་རྡུལ་དྲུག་ལ་ལུག་རྡུལ་གཅིག་གོ། །ལུག་ [139b.2]རྡུལ་དྲུག་ལ་གླང་རྡུལ་གཅིག་གོ། །གླང་རྡུལ་དྲུག་ལ་ཉི་ཟེར་གྱི་རྡུལ་གཅིག་གོ། །ཉི་ཟེར་གྱི་རྡུལ་དྲུག་ལ་སྲོ་མ་གཅིག་གོ། །སྲོ་མ་དྲུག་ལ་ཤིག་གཅིག་གོ། །ཤིག་དྲུག་ལ་ནས་གཅིག་གོ། །ནས་དྲུག་ལ་སོར་གཅིག་གོ། །སོར་བཞི་དྲུག་ལ་ཁྲུ་གང་ངོ་། །ཁྲུ་ཕྱེད་དང་ [139b.3]བཞི་ལ་མིའི་སྲིད་དོ། །ཁྲུ་བཞི་ལ་གཞུའོ། །གཞུ་ལྔ་བརྒྱ་ལ་རྒྱང་གྲགས་གཅིག་གོ། །རྒྱང་གྲགས་བརྒྱད་ལ་དཔག་ཚད་གཅིག་གོ། །དེ་ལ་དགེ་སློང་དགོན་པ་པ་ལམ་དུ་ཞུགས་པས་ལུག་བལ་དག་རྙེད་ལ། དེ་བླངས་ཏེ་ཁྱེར་བ་མེད་ན་རྒྱང་གྲགས་ཀྱིས་ཆོད་པའི་གྲོང་བདུན་པོ་ [139b.4]དག་གི་གྲོང་ཕྱེད་དུ་ནི་ཉེས་བྱས་སུ་འགྱུར་ལ། གྲོང་གི་མཐར་ནི་སྤང་བའི་ལྟུང་བྱེད་དུ་འགྱུར་རོ། །གྲོང་ནས་དགོན་པའི་ལམ་དུ་འཇུག་ན་རྒྱང་གྲགས་ཕྱེད་ཕྱེད་དུ་ཉེས་བྱས་སུ་འགྱུར་ལ། རྒྱང་གྲགས་རེ་རེར་སྤང་བའི་ལྟུང་བྱེད་དུ་འགྱུར་རོ། །ཞྭ་དང་། ལྷམ་སྒྲོག་གུ་ཅན་དང་། [139b.5]སྟོད་ཀོར་ནང་ཚངས་ཅན་དང་། རྒྱ་ཅང་དང་། ལྕག་པོད་དང་། ཤུར་བུ་ཕྲེའུ་ལ་སོགས་པའི་དོན་དུ་དེ་ཙམ་དག་ཁྱེར་བ་ལ་ནི་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བལ་ཐོགས་ [139b.6]པའི་སྤང་བ་སྟེ་བཅུ་དྲུག་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་བ་ལ་བགོ་བར་བྱའོ། །ཆ་དུར་བྱ་དེ་དག་གིས་ [139b.7]སྨྲས་པ། བདག་ཅག་གིས་བཙུན་པ་འཆར་ཀ་འདི་ཉིད་ན་འདུག་འདུག་པ་ལ་ཅིའི་ཕྱིར་སྐལ་བ་སྦྱིན། ཆ་ལྔར་བྱའོ། །འཆར་ཀས་ཐོས་ནས་དེས་སྨྲས་པ། ཚེ་དང་ལྡན་པ་དག་ཁྱེད་ཀྱིས་དེར་རྙེད་པ་གང་གྲུབ་པ་དེ་ཡང་ཁྱེད་ཀྱིས་གྱིས་ཤིག །ཁོ་བོ་འདི་ཉིད་ན་འདུག་འདུག་ [140a] [140a.1]པས་རྙེད་པ་གང་གྲུབ་པ་དེ་ཡང་ཁོ་བོ་ཉིད་ཀྱིར་བྱའོ། །ཉེ་{དགའས་,དགས་}བསམས་པ་འདི་འདི་ན་འདུག་འདུག་པས་རྙེད་པ་མང་པོ་གྲུབ་གོར་མ་ཆག་སྙམ་ནས་དེས་སྨྲས་པ། ཚེ་དང་ལྡན་པ་དག་བདག་ཅག་དུས་ཐམས་ཅད་དུ་དྲུག་སྡེ་ཡིན་ན་ད་ཅིའི་ཕྱིར་ལྔ་སྡེར་འགྱུར་ [140a.2]བར་བྱ། ཆ་དྲུག་ཁོ་ནར་བྱའོ་སུ་དགོད་དུ་གཞུག །བཙུན་པ་འཆར་ཀ་མ་དུབ་པ་ཡིན་གྱིས་དེ་འགོད་དུ་གཞུག་གོ། །འཆར་ཀས་ཆ་དྲུག་ཏུ་བྱས་ཏེ་བདག་ཉིད་ཀྱི་སྐལ་བ་རང་གི་གནས་ཁང་དུ་བཅུག་སྟེ་བཞག་གོ། །དེ་དག་གིས་སྨྲས་པ། བཙུན་པ་འཆར་ཀ་ཁྱོད་ཀྱིས་རྙེད་ [140a.3]པ་གང་གྲུབ་པ་དེ་ཁྱེར་ཤོག་བགོའོ། །འཆར་ཀས་སྨྲས་པ། ཁོ་བོས་དེའི་བར་དུ་ཀ་ཀ་ཎི་གཅིག་ཙམ་ཡང་མ་རྙེད་དོ། །ཁྱོད་ཀྱིས་ཁོ་བོ་ཅག་བསླུས་སོ། །འཆར་ཀས་བསམས་པ། བདག་གིས་བལ་ཉུང་ངུ་མ་ཞིག་རྙེད་པ་འདི་སུ་རྨེལ་དུ་གཞུག །གལ་ཏེ་ཁྱིམ་པ་དག་ [140a.4]ལ་བཅོལ་ན་ནི་དེ་དག་བསླབ་པ་ཡང་དག་པར་མ་བླངས་པ་ཡིན་པས་ཐམས་ཅད་བརྐུས་པར་འགྱུར་རོ། །གལ་ཏེ་བཅུ་གཉིས་སྡེ་དག་ལ་བཅོལ་ན་ནི་བཅའ་བའི་རིན་དུ་འཇོག་པར་འགྱུར་རོ། །ཆོས་བྱིན་ལ་བཅོལ་ཡང་ཆོས་བྱིན་ནི་མདོ་སྡེའི་མཐའ་པ་ཡིན་ལ། འཁོར་ཡང་མདོ་ [140a.5]སྡེའི་མཐའ་པ་དང་ལྡན་པ་ཡིན་པས་མདོ་སྡེའི་ཚིག་དག་སེམས་པ་ན་དུས་འགྱངས་པར་འགྱུར་རོ། །གཽ་ཏ་མཱི་སྐེམ་མོ་ལ་བཅོལ་དུ་ཡང་གཽ་ཏ་མཱི་སྐེམ་མོ་ནི་འདུལ་བ་འཛིན་པ་ཡིན་ལ། དེའི་འཁོར་ཡང་འདུལ་བ་འཛིན་པ་དང་ལྡན་པ་ཡིན་པས་དེ་འདི་ནི་ལྟུང་བ་ཡིན་ནོ། །འདི་ནི་ལྟུང་ [140a.6]བ་མ་ཡིན་ནོ་ཞེས་སེམས་པ་ན་དུས་འགྱངས་པར་འགྱུར་རོ། །སྐྱེ་དགུའི་བདག་མོ་ཆེན་མོ་གཽ་ཏ་མཱི་ནི་སྤོང་བ་མ་ཡིན་ལ། འཁོར་ཡང་སྤོང་བ་པ་དང་ལྡན་པས་དེས་སེམས་རྩེ་གཅིག་ཏུ་འཇོག་པ་ལ་བལ་རྨེལ་བ་མི་གནོད་ཀྱིས་བདག་གིས་དེ་ལ་བལ་རྨེལ་དུ་བཅོལ་ལོ་སྙམ་ནས། [140a.7]དེ་དེ་སྙམ་སེམས་ཞིང་འདུག་པ་ན་སྐྱེ་དགུའི་བདག་མོ་ཆེན་མོ་གཽ་ཏ་མཱིས་བཅོམ་ལྡན་འདས་ག་ལ་བ་དེར་འོངས་པ་དེ་ཚེ་དང་ལྡན་པ་འཆར་ཀས་ཐག་རིང་པོ་ཁོ་ན་ནས་མཐོང་ནས་སྨྲས་པ། གཽ་ཏ་མཱིས་བཅོམ་ལྡན་འདས་ཀྱིས་ཚུལ་ཁྲིམས་དང་ལྡན་པའི་སེམས་ཀྱི་སྨོན་པ་འགྲུབ་སྟེ། [140b] [140b.1]དེ་ཡང་ཚུལ་ཁྲིམས་རྣམ་པར་དག་པའི་ཕྱིར་རོ་ཞེས་བཀའ་སྩལ་པ་དེ་ལེགས་པར་གསུངས་པ་ཡིན་ཏེ། ད་གཟོད་ཁོ་ན་བདག་ཀྱེ་མ་སྐྱེ་དགུའི་བདག་མོ་ཆེན་མོ་གཽ་ཏ་མཱི་འོངས་ན་ཅི་མ་རུང་སྙམ་པའི་བློ་སྐྱེས་ན་ཁྱོད་ཀྱང་འདིར་འོངས་སོ། །བདག་གིས་བལ་ཉུང་ཞིག་རྙེད་པ་དེ་ཁྱེད་ཀྱིས་རྨེལ་དུ་ཆུག་སྟེ་ [140b.2]བྱིན་ཅིག །འཕགས་པ་བདག་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་སླར་མཆིས་ནས་དགེ་སློང་མ་གཉིས་བཏང་གིས་དེ་གཉིས་ལ་བསྐུར་བར་སྩོལ་ཅིག །འཆར་ཀས་བལ་དེ་དག་གཟར་ཐག་གིས་བམ་པོ་གཉིས་སུ་དམ་དུ་རབ་ཏུ་བཅིངས་ཏེ་སྒོ་གླེགས་ཀྱི་ཕག་ཏུ་བཞག་གོ། །དེ་ [140b.3]ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། དབྱར་ཁང་དུ་སོན་ནས་དེས་དེའི་གན་དུ་དགེ་སློང་མ་གཉིས་བཏང་སྟེ། འཕགས་པ་འཆར་ཀའི་གན་དུ་དེང་ལ་བལ་དེ་བསྐུར་དུ་སྩོལ་ཞེས་གྱིས་ཤིག་ཅེས་བསྒོའོ། །དེ་གཉིས་དོང་སྟེ་སྨྲས་པ། འཕགས་པ་ [140b.4]གཽ་ཏ་མཱིའི་མཆིད་ནས་བལ་དེ་བསྐུར་དུ་གསོལ་ཞེས་མཆིའོ། །འཆར་ཀས་དེ་གཉིས་ལ་སྨྲས་པ། སྒོ་གླེགས་ཀྱི་ཕག་ན་བམ་པོ་གཉིས་འདུག་པ་དེ་གཉིས་ཁྱེར་ལ་དེང་ཤིག །དེ་གཉིས་གནས་ཁང་དུ་ཞུགས་ཏེ་འདེགས་པར་བརྩམས་པ་དང་། བསྒུལ་བ་ཙམ་དུ་ཡང་མ་ནུས་ནས་ [140b.5]དེ་གཉིས་ཀྱིས་སྨྲས་པ། འཕགས་པ་ཅི་འདིར་རང་ཐག་གི་གོར་མ་དག་སྩལ་ཏམ། གཞོན་ནུ་མ་གཉིས་ཅི་ཁྱེད་གཉིས་གཞོན་ནུ་མ་གཏའ་གམ་པ་ཡིན་ནམ། ཞེས་དེས་ཐེའུ་ཆུང་གིས་བཏེག་སྟེ་གཅིག་ནི་གཅིག་གི་མགོར་བསྐུར། གཅིག་ནི་གཅིག་གི་རྐེད་དུ་བསྐུར་རོ། །དེ་ [140b.6]གཉིས་མགོ་ཆག་ལ་ཐུག་གོ། །རྐེད་པ་ཆག་ལ་ཐུག་གོ་ཞེས་ཟེར་ཞིང་དབྱར་ཁང་དུ་དོང་ནས་ཁུར་ས་ལ་བཞག་སྟེ་ཁྲི་སྟེང་དུ་སྒྱེལ་ཅིང་འདུག་གོ། །དགེ་སློང་མ་རྣམས་ཀྱིས་དེ་གཉིས་ལ་སྨྲས་པ། ཁྱེད་གཉིས་གཞོན་ནུ་མ་གཏའ་གམ་པ་ཡིན་ནམ། དེ་གཉིས་ཀྱིས་སྨྲས་པ། ཁྱེད་ [140b.7]ཅག་ལས་སྟོབས་དང་ལྡན་པ་གང་ཡིན་པ་དེས་ཇེ་འདི་ཐེག་ཤིག །དེ་དག་གིས་དེ་འདེགས་པར་བརྩམས་པ་དང་། བསྒུལ་བ་ཙམ་དུ་ཡང་མ་ནུས་ནས་དེ་དག་གིས་སྨྲས་པ། འཕགས་མ་གཉིས་ཅི་འདིར་རང་ཐག་གི་རྡོ་དག་བཅུག་གམ་ཞེས་དེ་དག་གིས་བམ་པོ་དེ་གཉིས་བཤིག་ [141a] [141a.1]པ་དང་ཇི་ཙམ་ན་ཕུང་པོ་ཆེན་པོར་རྣམ་པར་གནས་པར་གྱུར་ཏོ། །དགེ་སློང་མ་རྣམས་ཀྱིས་རྟ་གད་ཀྱིས་བཏབ་སྟེ་སྨྲས་པ། འཕགས་པ་འཆར་ཀ་ན་རེ་བལ་ཅུང་ཞིག་ཟེར་ན་གལ་ཏེ་མང་བར་གྱུར་ན་ཇི་ལྟ་བུར་འགྱུར། སྐྱེ་དགུའི་བདག་མོ་ཆེན་མོ་གཽ་ཏ་མཱིས་སྨྲས་པ། [141a.2]ནུ་མོ་དག་མགོ་བྲེགས་ཤིང་མཆན་ཁུང་རལ་བུ་ཅན་དག་ཡིན་ན་གོད་དུ་ཅི་ཡོད། འཕགས་པ་འཆར་ཀའི་མཆིད་ནས་བལ་ཉུང་ཞིག་ཅེས་མཆི་ན་གལ་ཏེ་མང་བར་གྱུར་ན་ཇི་ལྟ་བུར་འགྱུར། སྐྱེ་དགུའི་བདག་མོ་ཆེན་མོ་གཽ་ཏ་མཱིས་སྨྲས་པ། ནུ་མོ་དག་དེ་དག་ནི་གནས་ངན་ལེན་ཀུན་ [141a.3]ཏུ་སྤྱོད་པ་དག་ཡིན་པས་དེ་དག་གིས་བཅོམ་ལྡན་འདས་ཀྱི་བསྟན་པ་ལ་འདྲུམས་པ་ལྟུང་བས་ལྟུང་བར་བྱེད་དོ། །ནུ་མོ་དག་བཅོམ་ལྡན་འདས་ཀྱིས་འདི་གཉིས་ནི་སྐྱེས་བུ་དམ་པ་ཡིན་ཏེ། ཁུར་མ་བླངས་པ་མི་ལེན་པ་གང་ཡིན་པ་དང་། ཁུར་བླངས་པ་མཐར་ཕྱིན་པར་བྱེད་པ་གང་ [141a.4]ཡིན་པའོ་ཞེས་གསུངས་པས། འདི་ནི་ཁུར་བླངས་པ་ཡིན་པས་མཐར་ཕྱིན་པར་བྱ་དགོས་ཀྱིས། ཁྱེད་ཅག་ལས་གང་གིས་ཇི་ཙམ་རྨེལ་བར་སྤྲོ་བ་དེ་ཙམ་རྨེལ་ལ་དེའི་གེན་དུ་ཁྱེར་ཏེ་བྱིན་ཅིག །དེ་དག་ཡུན་རིང་དུ་ཐོགས་པ་དང་འཆར་ཀས་བསམས་པ། དེ་དག་གིས་བལ་དེ་ [141a.5]བཅའ་བའི་རིན་དུ་བཞག་གོར་མ་ཆག །བདག་གིས་མ་ལེགས་པ་ཞིག་བྱས་ཏེ་བདག་གིས་བལ་དེ་ནི་ཆར་པས་འཇིགས་པས་གང་ལ་ཁར་བཞག་པ་དང་འདྲ་བར་གྱུར་ཏོ་སྙམ་མོ། །དགེ་སློང་མ་གཉིས་ཀྱིས་བལ་ཁལ་ཅིག་རྨེལ་ཏེ་ཁྱེར་ཏེ་འོངས་ནས་སྨྲས་པ། འཕགས་པ་ [141a.6]འཆར་ཀ་བལ་དག་འཚལ་ཏེ་མཆིས་ན་གང་དུ་གཞག་པར་བགྱི། འཆར་ཀས་བསམས་པ། ད་དུང་སྤྱོད་ཡུལ་ལྷག་མ་དང་བཅས་པ་ཡིན་ནོ་སྙམ་ནས་སྨྲས་པ། གནས་ཁང་དུ་ཆུག་སྟེ་ཞོག་ཤིག །དེ་གཉིས་ཀྱིས་བཞག་སྟེ་སོང་བ་དང་། གཞན་དག་གིས་ཀྱང་ཁྱེར་ཏེ་འོངས་ [141a.7]སོ། །ཇི་ཙམ་ན་ཐམས་ཅད་ཀྱིས་ཀྱང་ཁྱེར་ཏེ་འོངས་སོ། །དེ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་མཐའ་གཅིག་ཏུ་འདུག་གོ། །དེའི་ཚེ་ན་སྐྱེ་དགུའི་བདག་མོ་ཆེན་མོ་གཽ་ཏ་ [141b] [141b.1]མཱིའི་ལག་པ་གཉིས་འདི་ལྟ་སྟེ། དཔེར་ན་བཙོ་བླག་མཁན་གྱི་ལག་པ་དམར་བ་ལྟར་དམར་བ་དང་ཤིན་ཏུ་དམར་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་འདི་སྐད་ཅེས་བཀའ་སྩལ་ཏོ། །གཽ་ཏ་མཱི་ཅིའི་ཕྱིར་ཁྱོད་ཀྱི་ལག་པ་གཉིས་འདི་ལྟ་ [141b.2]སྟེ། དཔེར་ན་བཙོ་བླག་མཁན་གྱི་ལག་པ་དམར་བ་ལྟར་དམར་བ་དང་ཤིན་ཏུ་དམར་བར་གྱུར། བཅོམ་ལྡན་འདས་འདི་ན་བགྱི་བ་གཞན་ལགས་ན་གཞན་བགྱིད་དོ། །ཇི་ལྟར་གྱུར། འཕགས་པ་འཆར་ཀས་བདག་བལ་རྨེལ་དུ་སྩལ་ཏོ། །དེ་ནས་བཅོམ་ལྡན་འདས་ཀྱིས་ཚེ་ [141b.3]དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་དག་དགེ་སློང་མ་ཉེ་དུ་མ་ཡིན་པ་ལ་ལུག་བལ་དག་རྨེལ་དུ་འཇུད་དམ། བཙུན་པ་རྨེལ་དུ་སྩོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་ [141b.4]གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ [141b.5]ཀ་ཁྱོད་དགེ་སློང་མ་ཉེ་དུ་མ་ཡིན་པ་ལ་ལུག་བལ་དག་རྨེལ་དུ་འཇུད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་ [141b.6]མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་ [141b.7]བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ལུག་བལ་འཁྲུར་འཇུད་དམ། འཚེད་དུ་འཇུད་དམ། རྨེལ་དུ་འཇུད་ན་སྤང་བའི་ [142a] [142a.1]ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི་ཆོས་འདི་པའོ། །ཉེ་དུ་མ་ཡིན་པ་ལ་ཞེས་བྱ་བ་ནི་ཕྱི་མོ་དང་མེས་པོ་དང་། ཕྲུགས་ཀྱི་བདུན་པ་ཚུན་ཆད་ནི་ཉེ་དུ་ཡིན་ལ། [142a.2]དེ་ཕན་ཆད་ནི་ཉེ་དུ་མ་ཡིན་ནོ། །ལུག་བལ་ཞེས་བྱ་བ་ནི་ལུག་གི་བལ་ལོ། །འཁྲུར་འཇུད་དམ་ཞེས་བྱ་བ་ནི་ཐ་ན་ཆུར་སྙུག་པ་བྱེད་དུ་འཇུད་ནའོ། །འཚེད་དུ་འཇུད་དམ་ཞེས་བྱ་བ་ནི་ཐ་ན་ཚོན་དུ་སྙུག་པ་བྱེད་དུ་འཇུད་ནའོ། །རྨེལ་དུ་འཇུད་ན་ཞེས་བྱ་བ་ནི་ཐ་ན་འདའ་བ་བྱེད་དུ་འཇུད་ [142a.3]ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་ [142a.4]པས་ལུག་བལ་དག་འཁྲུར་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཚེད་དུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །རྨེལ་དུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཁྲུར་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་རྨེལ་དུ་འཇུད་དམ། འཚེད་ [142a.5]དུ་འཇུད་པ་དང་འཁྲུར་འཇུད་དམ། འཚེད་དུ་འཇུད་པ་དང་རྨེལ་དུ་འཇུད་དམ། རྨེལ་དུ་འཇུད་པ་དང་འཁྲུར་འཇུད་དམ། རྨེལ་དུ་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཚེད་དུ་འཇུད་པ་དང་། རྨེལ་དུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་ [142a.6]གིས་དགེ་སློང་མ་ཉེ་དུ་མ་ཡིན་པ་ལ་ཡིད་གཉིས་ཟ་བས་ལུག་བལ་དག་འཁྲུར་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཚེད་དུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །རྨེལ་དུ་འཇུད་ན་སྤང་བའི་ལྟུང་བྱེད་དུ་འགྱུར་རོ། །འཁྲུར་འཇུད་པ་དང་འཚེད་དུ་འཇུད་དམ། འཁྲུར་ [142a.7]འཇུད་པ་དང་རྨེལ་དུ་འཇུད་དམ། འཚེད་དུ་འཇུད་པ་དང་འཁྲུར་འཇུད་དམ། འཚེད་དུ་འཇུད་པ་དང་རྨེལ་དུ་འཇུད་དམ། རྨེལ་དུ་འཇུད་པ་དང་འཁྲུར་འཇུད་དམ། རྨེལ་དུ་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཚེད་དུ་འཇུད་པ་དང་། རྨེལ་དུ་འཇུད་ན་སྤང་ [142b] [142b.1]བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཉེ་དུ་མ་ཡིན་པར་འདུ་ཤེས་པས་ལུག་བལ་དག་འཁྲུར་འཇུད་ན་ཉེས་བྱས་སུ་འགྱུར་རོ། །འཚེད་དུ་འཇུད་ན་ཉེས་བྱས་སུ་འགྱུར་རོ། །རྨེལ་དུ་འཇུད་ན་ཉེས་བྱས་སུ་འགྱུར་རོ། །འཁྲུར་འཇུད་པ་དང་འཚེད་དུ་འཇུད་ [142b.2]དམ། འཁྲུར་འཇུད་པ་དང་རྨེལ་དུ་འཇུད་དམ། འཚེད་དུ་འཇུད་པ་དང་འཁྲུར་འཇུད་དམ། འཚེད་དུ་འཇུད་པ་དང་རྨེལ་དུ་འཇུད་དམ། རྨེལ་དུ་འཇུད་པ་དང་འཁྲུར་འཇུད་དམ། རྨེལ་དུ་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཚེད་དུ་འཇུད་པ་དང་། [142b.3]རྨེལ་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཡིད་གཉིས་ཟ་བས་ལུག་བལ་དག་འཁྲུར་འཇུད་ན་ཉེས་བྱས་སུ་འགྱུར་རོ། །འཚེད་དུ་འཇུད་ན་ཉེས་བྱས་སུ་འགྱུར་རོ། །རྨེལ་དུ་འཇུད་ན་ཉེས་བྱས་སུ་འགྱུར་རོ། །འཁྲུར་འཇུད་པ་དང་ [142b.4]འཚེད་དུ་འཇུད་དམ། འཁྲུར་འཇུད་པ་དང་རྨེལ་དུ་འཇུད་དམ། འཚེད་དུ་འཇུད་པ་དང་འཁྲུར་འཇུད་དམ། འཚེད་དུ་འཇུད་པ་དང་རྨེལ་དུ་འཇུད་དམ། རྨེལ་དུ་འཇུད་པ་དང་འཁྲུར་འཇུད་དམ། རྨེལ་དུ་འཇུད་པ་དང་འཚེད་དུ་འཇུད་དམ། འཁྲུར་འཇུད་པ་དང་འཚེད་དུ་འཇུད་ [142b.5]པ་དང་། རྨེལ་དུ་འཇུད་ན་ཉེས་བྱས་སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བལ་རྨེལ་དུ་འཇུད་པའི་སྤང་བ་སྟེ་བཅུ་བདུན་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་ [142b.6]རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེ་ནས་གྲོང་དཔོན་གཙུག་ན་ནོར་བུ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ [142b.7]ནས་བཅོམ་ལྡན་འདས་ལ་གྲོང་དཔོན་གཙུག་ན་ནོར་བུས་འདི་སྐད་ཅེས་གསོལ་ཏོ། །བཙུན་པ་སྔོན་གྱི་གདུགས་རྣམས་ཀྱིས་ཆེས་སྔ་བ་ཞིག་ན་རྒྱལ་པོའི་ཕོ་བྲང་ན་རྒྱལ་པོ་དང་བློན་པོའི་འཁོར་མཆིས་ཤིང་མཐུན་པར་གྱུར་པ་རྣམས་ལ་བར་སྐབས་ཀྱི་བཀའ་མཆིད་ཀུན་ཏུ་བརྗོད་པ་འདི་ལྟ་ [143a] [143a.1]བུ་འདི་བྱུང་བར་གྱུར་ཏེ། ཤེས་ལྡན་དག་ཅི་དགེ་སློང་རྣམས་ལ་མངོན་མཚན་ཅན་རུང་ངམ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དམ། འོན་ཏེ་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་ [143a.2]བདག་གིར་མི་བགྱིད་ཅེས་མཆི་ནས། དེ་ན་ཁ་ཅིག་ནི་འདི་སྐད་ཅེས་དགེ་སློང་རྣམས་ལ་མངོན་མཚན་ཅན་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དོ་ཞེས་མཆི། ཁ་ཅིག་ནི་འདི་སྐད་ཅེས་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་ [143a.3]དགེ་སྦྱོང་རྣམས་གསེར་བདག་གིར་མི་བགྱིད་དོ་ཞེས་མཆི་ན། བཙུན་པ་དེ་ལ་གང་དག་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དོ་ཞེས་མཆིས་ན། བཙུན་པ་ཇི་ལྟར་གང་དག་དེ་སྐད་མཆི་བ་དེ་དག་དེ་ [143a.4]ལྟར་བརྡ་སྤྲོད་པར་བགྱིད་པ་ན། བཅོམ་ལྡན་འདས་ལ་སྐུར་པ་འདེབས་པར་མི་བགྱིད་ཅིང་ཧ་ཅང་ཐལ་བར་ཡང་མི་བགྱིད་པ་དང་། དེ་དག་བཅོམ་ལྡན་འདས་ཀྱིས་གསུངས་པའི་རྗེས་སུ་སྨྲ་བ་དང་། ཆོས་སྨྲ་བ་དང་། ཆོས་ཀྱི་རྗེས་སུ་མཐུན་པའི་ཆོས་བརྡ་སྤྲོད་པར་ [143a.5]བགྱིད་པ་དང་། གསུངས་པའི་རྗེས་སུ་སྨྲ་བ་དེ་དག་ལ་གཞན་ལས་ཆོས་དང་མཐུན་པས་སྨད་པའི་གནས་ལྟ་བུའི་ཆོས་འགའ་ཡང་མི་མཆི་བ་ལགས་སམ། གྲོང་དཔོན་གང་དག་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་རུང་ཞིང་ཤཱཀྱའི་སྲས་ཀྱི་དགེ་སྦྱོང་ [143a.6]རྣམས་གསེར་བདག་གིར་བྱེད་དོ་ཞེས་ཟེར་བ་དེ་དག་དེ་ལྟར་བརྡ་སྤྲོད་པར་བྱེད་པ་ནང་ལ་སྐུར་པ་འདེབས་པར་བྱེད་ཅིང་ཧ་ཅང་ཐལ་བར་བྱེད་པ་དང་། དེ་དག་ངས་སྨྲས་པའི་རྗེས་སུ་སྨྲ་བ་མ་ཡིན་པ་དང་། ཆོས་སྨྲ་བ་མ་ཡིན་པ་དང་། ཆོས་ཀྱི་རྗེས་སུ་མཐུན་པའི་ཆོས་བརྡ་སྤྲོད་པར་ [143a.7]བྱེད་པ་མ་ཡིན་པ་དང་། སྨྲས་པའི་རྗེས་སུ་སྨྲ་བ་མ་ཡིན་པ་དེ་དག་ལ་གཞན་ལས་ཆོས་དང་མཐུན་པས་སྨད་པའི་གནས་ལྟ་བུའི་ཆོས་ཤིན་ཏུ་འོང་བ་ཡིན་ནོ། །དེ་ཅིའི་ཕྱིར་ཞེ་ན། གྲོང་དཔོན་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་ [143b] [143b.1]གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི་དགེ་སྦྱོང་གི་ཆོས་མ་ཡིན་ཞིང་དེ་ནི་ཤཱཀྱའི་སྲས་ཀྱི་ཆོས་མ་ཡིན་པའི་ཕྱིར་རོ། །གྲོང་དཔོན་ངས་ཁྱོད་ལ་དོན་དེ་ཉིད་ཀྱི་ཕྱིར་ལན་གཉིས་ལན་གསུམ་གྱི་བར་དུ་བརྗོད་པར་བྱ་སྟེ། དགེ་སློང་ [143b.2]རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི་དགེ་སྦྱོང་གི་ཆོས་མ་ཡིན་ཞིང་དེ་ནི་ཤཱཀྱའི་སྲས་ཀྱི་ཆོས་མ་ཡིན་ནོ། །བཙུན་པ་གང་གི་སླད་དུ་བཅོམ་ལྡན་འདས་ [143b.3]ཀྱིས་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བགྱིད་པ་དེ་ནི་དགེ་སྦྱོང་གི་ཆོས་མ་ལགས་ཤིང་དེ་ནི་ཤཱཀྱའི་སྲས་ཀྱི་ཆོས་མ་ལགས་ [143b.4]སོ་ཞེས་བཀའ་སྩལ་ཏེ། ཇི་ཙམ་དུ་བཅོམ་ལྡན་འདས་ཀྱིས་ལེགས་པར་གསུངས་པ་ནི་ངོ་མཚར་ཏོ། །བཙུན་པ་གང་གི་སླད་དུ་བཅོམ་ལྡན་འདས་ཀྱིས་དེ་སྐད་ཅེས་གྲོང་དཔོན་ངས་ཁྱོད་ལ་དོན་དེ་ཉིད་ཀྱི་ཕྱིར་ལན་གཉིས་ལན་གསུམ་གྱི་བར་དུ་བརྗོད་པར་བྱ་སྟེ། དགེ་སློང་ [143b.5]རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བགྱིད་པ་དེ་ནི་དགེ་སྦྱོང་གི་ཆོས་མ་ལགས་ཤིང་དེ་ནི་ཤཱཀྱའི་སྲས་ཀྱི་ཆོས་མ་ལགས་སོ་ཞེས་བཀའ་སྩལ་པའི་ [143b.6]བཅོམ་ལྡན་འདས་ཀྱི་བཀའ་དེ་ནི་རྒྱ་ཆེར་བཟང་བ་ལགས་སོ། །བཙུན་པ་བདག་ཀྱང་འདི་སྙམ་བགྱིད་དེ། དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་ [143b.7]གིར་བགྱིད་པ་དེ་ནི་འདོད་པའི་ཡོན་ཏན་ལྔ་པོ་དག་ཀྱང་རུང་བ་ཁོ་ན་ལགས་སོ། །གྲོང་དཔོན་དེ་དེ་བཞིན་ནོ། །དེ་དེ་བཞིན་ཏེ། དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ [144a] [144a.1]ཞིང་གསེར་བདག་གིར་བྱེད་པ་དེ་ནི་དགེ་སྦྱོང་གི་ཆོས་མ་ཡིན་ཞིང་དེ་ནི་ཤཱཀྱའི་སྲས་ཀྱི་ཆོས་མ་ཡིན་ནོ། །དེ་ནས་གྲོང་དཔོན་གཙུག་ན་ནོར་བུས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ནས། བཅོམ་ལྡན་འདས་ཀྱི་ [144a.2]ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེའི་ཚེ་ན་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་འདུག་པར་གྱུར་ཅིང་བསིལ་ཡབ་ཐོགས་ཏེ་བཅོམ་ལྡན་འདས་ལ་གཡོབ་ཅིང་འདུག་གོ། །དེ་ནས་བཅོམ་ལྡན་ [144a.3]འདས་ཀྱིས་གྲོང་དཔོན་གཙུག་ན་ནོར་བུ་སོང་ནས་རིང་པོར་མ་ལོན་པར་ཐུགས་སུ་ཆུད་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་འོད་མའི་ཚལ་ཀ་ལན་ད་ཀའི་གནས་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་ [144a.4]པར་བསྡུས་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འོད་མའི་ཚལ་ཀ་ལན་ད་ཀའི་གནས་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་བསྡུས་ཏེ། བཅོམ་ལྡན་ [144a.5]འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་འོད་མའི་ཚལ་ཀ་ལན་ད་ཀའི་གནས་ [144a.6]ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་མཆིས་ཤིང་མཐུན་པར་གྱུར་ན་བཅོམ་ལྡན་འདས་ཀྱིས་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་བཅོམ་ལྡན་འདས་དཔོང་སའི་ཁང་པ་ག་ལ་བ་དེར་གཤེགས་ཏེ་བྱོན་ནས་དགེ་སློང་ [144a.7]གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ད་ཅིའི་གྲོང་དཔོན་གཙུག་ན་ནོར་བུ་ང་ག་ལ་བ་དེར་འོངས་ཏེ་ཕྱིན་ནས་ངའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ [144b] [144b.1]ཏུ་འདུག་གོ། །མཐའ་གཅིག་ཏུ་འདུག་ནས་ང་ལ་གྲོང་དཔོན་གཙུག་ན་ནོར་བུ་འདི་སྐད་ཅེས་བཙུན་པ་སྔོན་གྱི་གདུགས་རྣམས་ཀྱི་ཆེས་སྔ་བ་ཞིག་ན་རྒྱལ་པོའི་ཕོ་བྲང་ན་རྒྱལ་པོ་དང་བློན་པོའི་འཁོར་མཆིས་ཤིང་མཐུན་པར་གྱུར་པ་རྣམས་ལ་བར་སྐབས་ཀྱི་བཀའ་མཆིད་ཀུན་ཏུ་རྗོད་པ་ [144b.2]འདི་ལྟ་བུ་འདི་བྱུང་བར་གྱུར་ཏེ། ཤེས་ལྡན་དག་ཅི་དགེ་སློང་རྣམས་ལ་མངོན་མཚན་ཅན་རུང་ངམ་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དམ། འོན་ཏེ་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་ [144b.3]མི་བགྱིད་ཅེས་མཆི་ནས། དེ་ན་ཁ་ཅིག་ནི་འདི་སྐད་ཅེས་དགེ་སློང་རྣམས་ལ་མངོན་མཚན་ཅན་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དོ་ཞེས་མཆི། ཁ་ཅིག་ནི་འདི་སྐད་ཅེས་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་ [144b.4]གསེར་བདག་གིར་མི་བགྱིད་དོ་ཞེས་མཆི་ན། བཙུན་པ་དེ་ལ་གང་དག་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དོ་ཞེས་མཆི་ན། བཙུན་པ་ཇི་ལྟར་གང་དག་དེ་སྐད་མཆི་བ་དེ་དག་དེ་ལྟར་བརྡ་སྤྲོད་པར་ [144b.5]བགྱིད་པ་ན་བཅོམ་ལྡན་འདས་ལ་སྐུར་པ་འདེབས་པར་མི་བགྱིད་ཅིང་ཧ་ཅང་ཐལ་བར་ཡང་མི་བགྱིད་པ་དང་། དེ་དག་བཅོམ་ལྡན་འདས་ཀྱིས་གསུངས་པའི་རྗེས་སུ་སྨྲ་བ་དང་། ཆོས་སྨྲ་བ་དང་། ཆོས་ཀྱི་རྗེས་སུ་མཐུན་པའི་ཆོས་བརྡ་སྤྲོད་པར་བགྱིད་པ་དང་། གསུངས་ [144b.6]པའི་རྗེས་སུ་སྨྲ་བ་པ་དེ་དག་ལ་གཞན་ལས་ཆོས་དང་མཐུན་པས་སྨད་པའི་གནས་ལྟ་བུའི་ཆོས་འགའ་ཡང་མི་མཆི་བ་ལགས་སམ་ཞེས་ཟེར་ནས། ངས་དེ་ལ་འདི་སྐད་ཅེས་གྲོང་དཔོན་གང་དག་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་རུང་ཞིང་ཤཱཀྱའི་སྲས་ཀྱི་དགེ་སྦྱོང་ [144b.7]རྣམས་གསེར་བདག་གིར་བྱེད་དོ་ཞེས་ཟེར་བ་དེ་དག་དེ་ལྟར་བརྡ་སྤྲོད་པར་བྱེད་པ་ན་ང་ལ་སྐུར་པ་འདེབས་པར་བྱེད་ཅིང་ཧ་ཅང་ཐལ་བར་བྱེད་པ་དང་། དེ་དག་ངས་སྨྲས་པའི་རྗེས་སུ་སྨྲ་བ་མ་ཡིན་པ་དང་། ཆོས་སྨྲ་བ་མ་ཡིན་པ་དང་། ཆོས་ཀྱི་རྗེས་སུ་མཐུན་པའི་ཆོས་བརྡ་སྤྲོད་པར་ [145a] [145a.1]བྱེད་པ་མ་ཡིན་པ་དང་། སྨྲས་པའི་རྗེས་སུ་སྨྲ་བ་མ་ཡིན་པ་དེ་དག་ལ་གཞན་ལས་ཆོས་དང་མཐུན་པས་སྨད་པའི་གནས་ལྟ་བུའི་ཆོས་ཤིན་ཏུ་འོང་བ་ཡིན་ནོ། །དེ་ཅིའི་ཕྱིར་ཞེ་ན། གྲོང་དཔོན་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་ [145a.2]དགེ་སྦྱོང་རྣམས་གསེར་བདག་གིར་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི་དགེ་སྦྱོང་གི་ཆོས་མ་ཡིན་ཞིང་དེ་ནི་ཤཱཀྱའི་སྲས་ཀྱི་ཆོས་མ་ཡིན་པའི་ཕྱིར་རོ། །གྲོང་དཔོན་ངས་ཁྱོད་ལ་དོན་དེ་ཉིད་ཀྱི་ཕྱིར་ལན་གཉིས་ལན་གསུམ་གྱི་བར་དུ་ [145a.3]བརྗོད་པར་བྱ་སྟེ། དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི་དགེ་སྦྱོང་གི་ཆོས་མ་ཡིན་ཞིང་དེ་ནི་ཤཱཀྱའི་སྲས་ཀྱི་ཆོས་མ་ཡིན་ནོ་ [145a.4]ཞེས་སྨྲས་པ་དང་། དེང་ལ་འདི་སྐད་ཅེས་བཙུན་པ་གང་གི་སླད་དུ་བཅོམ་ལྡན་འདས་ཀྱིས་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་ [145a.5]བདག་གིར་བགྱིད་པ་དེ་ནི་དགེ་སྦྱོང་གི་ཆོས་མ་ལགས་ཤིང་དེ་ནི་ཤཱཀྱའི་སྲས་ཀྱི་ཆོས་མ་ལགས་སོ་ཞེས་བཀའ་སྩལ་ཏེ། ཇི་ཙམ་དུ་བཅོམ་ལྡན་འདས་ཀྱིས་ལེགས་པར་གསུངས་པ་ནི་ངོ་མཚར་ཏོ། །བཙུན་པ་གང་གིས་སླད་དུ་བཅོམ་ལྡན་འདས་ཀྱིས་དེ་སྐད་ཅེས་གྲོང་ [145a.6]དཔོན་ངས་ཁྱོད་ལ་དོན་དེ་ཉིད་ཀྱི་ཕྱིར་ལན་གཉིས་ལན་གསུམ་གྱི་བར་དུ་བརྗོད་པར་བྱ་སྟེ། དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བགྱིད་ [145a.7]པ་དེ་ནི་དགེ་སྦྱོང་གི་ཆོས་མ་ལགས་ཤིང་དེ་ནི་ཤཱཀྱའི་སྲས་ཀྱི་ཆོས་མ་ལགས་སོ། །ཞེས་བཀའ་སྩལ་པའི་བཅོམ་ལྡན་འདས་ཀྱི་བཀའ་དེ་ནི་རྒྱ་ཆེར་བཟང་བ་ལགས་སོ། །བཙུན་པ་བདག་ཀྱང་འདི་སྙམ་བགྱིད་དེ། དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་ [145b] [145b.1]སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བགྱིད་པ་དེ་ལ་ནི་འདོད་པའི་ཡོན་ཏན་ལྔ་པོ་དག་ཀྱང་རུང་བ་ཁོ་ན་ལགས་སོ་ཞེས་ཟེར་རོ། །ངས་དེ་ལ་འདི་སྐད་ཅེས་གྲོང་དཔོན་དེ་དེ་བཞིན་ནོ། །དེ་དེ་བཞིན་ [145b.2]ཏེ། དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དོ། །གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི་དགེ་སྦྱོང་གི་ཆོས་མ་ཡིན་ཞིང་དེ་ནི་ཤཱཀྱའི་སྲས་ཀྱི་ཆོས་མ་ཡིན་ནོ་ཞེས་སྨྲས་སོ། ། [145b.3]དེ་ནས་གྲོང་དཔོན་གཙུག་ན་ནོར་བུ་དེས་ངས་སྨྲས་པ་ལ་མངོན་པར་དགའ་བ་དང་། རྗེས་སུ་ཡི་རང་བ་བྱས་ནས་ངའི་རྐང་པ་གཉིས་ལ་མགོ་བོས་ཕྱག་འཚལ་ཏེ་ངའི་དྲུང་ནས་སོང་ངོ་། །དགེ་སློང་དག་དེ་ལྟར་གྲོང་དཔོན་གཙུག་ན་ནོར་བུ་དེས་རྒྱལ་པོ་དང་བཅས་པའི་འཁོར་གྱི་ [145b.4]མདུན་དུ་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ལ་ནི་འདོད་པའི་ཡོན་ཏན་ལྔ་པོ་དག་ཀྱང་གདོན་མི་ཟ་བར་རུང་བ་ཡིན་ནོ་ཞེས་ཆ་ [145b.5]གཅིག་བཟུང་སྟེ། ཁྱུ་མཆོག་གི་ཚིག་རྒྱ་ཆེན་པོ་སྨྲས་ཤིང་འཁོར་གྱི་ནང་དུ་ཡང་དག་པར་སེང་གེའི་སྒྲ་བསྒྲགས་སོ། །དགེ་སློང་དག་ངས་ཀྱང་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། [145b.6]གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི་དགེ་སྦྱོང་གི་ཆོས་མ་ཡིན་ཞིང་དེ་ནི་ཤཱཀྱའི་སྲས་ཀྱི་ཆོས་མ་ཡིན་ནོ་ཞེས་སྨྲས་སོ། །དགེ་སློང་དག་དེ་ལྟ་བས་ན་ཁྱེད་ཀྱིས་ད་དེང་ཕྱིན་ཅད་ཤིང་འདོད་པ་དག་གིས་ཤིང་ཡོངས་སུ་བཙལ་བར་བྱ། རྩྭ་ [145b.7]འདོད་པ་དག་གིས་ནི་རྩྭ། ཤིང་རྟའི་ལས་འདོད་པ་དག་གིས་ནི་ཤིང་རྟའི་ལས། མི་བླས་འདོད་པ་དག་གིས་ནི་མི་བླས་ཡོངས་སུ་བཙལ་བར་བྱ་ཞེས་སྨྲ་བའི་འདི་སྐད་ཅེས་རྣམ་གྲངས་གང་གིས་ཀྱང་གསེར་བདག་གིར་བྱ་བ་ནི་མི་སྨྲའོ། །འདི་ནི་རེ་ཞིག་བྱུང་བ་ཡིན་ [146a] [146a.1]གྱི་སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། [146a.2]དེའི་ཚེ་ན་དགེ་སློང་དྲུག་སྡེ་དག་རང་གི་ལག་གིས་གསེར་དང་དངུལ་ལེན་པར་བྱེད། ལེན་དུ་འཇུད་པར་བྱེད། ཕུང་པོ་གཅིག་ཏུ་བྱེད། ཕུང་པོ་གཉིས་སུ་བྱེད། ཁྲི་དང་ཁྲིའུ་དང་། ཁྲིའུ་ཆུང་ངུ་དག་ཏུ་འཇོག་པར་བྱེད་ནས། གཞན་མུ་སྟེགས་ཅན་དག་ཤེས་ལྡན་ [146a.3]དག་ཤཱཀྱའི་བུའི་དགེ་སྦྱོང་དག་ནི་མ་ལོག་མ་སྤངས་སོ་སོར་མ་སྤངས་པ་ཡིན་ཏེ། འདི་ལྟར་རང་གི་ལག་གིས་གསེར་དང་དངུལ་ལེན་པར་བྱེད། ལེན་དུ་འཇུད་པར་བྱེད། ཕུང་པོ་གཅིག་ཏུ་བྱེད། ཕུང་པོ་གཉིས་སུ་བྱེད། ཁྲི་དང་ཁྲིའུ་དང་། ཁྲིའུ་ཆུང་ངུ་དག་ཏུ་འཇོག་ [146a.4]པར་བྱེད་དོ། །བྲམ་ཟེ་དང་ཁྱིམ་བདག་དག་ཀྱང་རང་གི་ལག་གིས་གསེར་དང་དངུལ་ལེན་པར་བྱེད། ལེན་དུ་འཇུད་པར་བྱེད། ཕུང་པོ་གཅིག་ཏུ་བྱེད། ཕུང་པོ་གཉིས་སུ་བྱེད། ཁྲི་དང་ཁྲིའུ་དང་། ཁྲིའུ་ཆུང་ངུ་དག་འཇོག་པར་བྱེད་ན་ཤེས་ལྡན་དག་ཤཱཀྱའི་བུའི་ [146a.5]དགེ་སྦྱོང་རྣམས་དང་བྲམ་ཟེ་དང་། ཁྱིམ་བདག་རྣམས་ཀྱི་འདི་ལ་བྱེ་བྲག་ནི་ཅི་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ཞེས་སྨོད་པར་བྱེད། ཕྱར་ཀ་གཏོང་བར་ [146a.6]བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། ། [146a.7]སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ཁྱེད་རང་གི་ལག་གིས་གསེར་དང་དངུལ་ལེན་པ་དང་། ལེན་དུ་ [146b] [146b.1]འཇུད་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་དང་། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། ། [146b.2]དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་ [146b.3]བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་རང་གི་ལག་གིས་གསེར་དང་དངུལ་ལེན་ཏམ། ལེན་དུ་འཇུད་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྟེ་དག་གམ་གཞན་ཡང་ [146b.4]དེ་ལྟ་བུ་གང་ཡིན་པའོ། །རང་གི་ལག་གིས་ཞེས་བྱ་བ་ནི་རང་གི་ལག་པས་སོ། །གསེར་དང་དངུལ་ཞེས་བྱ་བ་ནི་དབྱིག་དང་གསེར་རོ། །ལེན་ཏམ་ཞེས་བྱ་བ་ནི་བདག་ཉིད་ཀྱིས་སོ། །ལེན་དུ་འཇུག་ན་ཞེས་བྱ་བ་ནི་གཞན་ནོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་ [146b.5]སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གཞི་{བཅྭ་,བཅོ་}བརྒྱད་ཀྱིས་ཏེ། འདི་ལོང་ཤིག །འདི་ནས་ལོང་ཤིག །འདི་ཙམ་ལོང་ཤིག་ཅེས་བྱ་བ་དང་། འདི་ཁྱེར་ཤོག ། [146b.6]འདི་ནས་ཁྱེར་ཤོག །འདི་ཙམ་ཁྱེར་ཤོག་ཅེས་བྱ་བ་དང་། འདི་ཞོག་ཤིག །འདིར་ཞོག་ཤིག །འདི་ཙམ་ཞོག་ཤིག་ཅེས་བྱ་བ་དང་། དེ་ལོང་ཤིག་དེ་ནས་ལོང་ཤིག །དེ་ཙམ་ལོང་ཤིག་ཅེས་བྱ་བ་དང་། དེ་ཁྱེར་ཤོག །དེ་ནས་ཁྱེར་ཤོག །དེ་ཙམ་ཁྱེར་ཤོག་ཅེས་བྱ་བ་ [146b.7]དང་། དེ་ཞོག་ཤིག །དེར་ཞོག་ཤིག །དེ་ཙམ་ཞོག་ཤིག་ཅེས་བྱ་བས་སོ། །དེ་ལ་འདི་ལོང་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་འདི་ལོང་ཤིག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན་སྤང་བའི་ [147a] [147a.1]ལྟུང་བྱེད་དུ་འགྱུར་རོ། །འདི་ནས་ལོང་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་ཟངས་པོ་ཆེ་ནས་སམ། ཟངས་ནས་སམ། རྫ་བོ་ནས་སམ། སྒྲོམ་ནས་སམ། ཀོ་ལྤགས་ནས་སམ། ཟ་མ་ཏོག་ནས་ལོང་ཤིག་ཅེས་བསྒོ་བར་བྱེད་པ་ [147a.2]སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན་སྤང་བའི་ལྟུང་བྱེད་དུ་འགྱུར་རོ། །འདི་ཙམ་ལོང་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ་འབུམ་ལོང་ཤིག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་ [147a.3]འགྱུར་ལ། བླངས་པ་ན་སྤང་བའི་ལྟུང་བྱེད་དུ་འགྱུར་རོ། །འདི་ཁྱེར་ཤོག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་འདི་ཁྱེར་ཤོག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། ཁྱེར་བ་ན་སྤང་བའི་ལྟུང་བྱེད་དུ་འགྱུར་ [147a.4]རོ། །འདི་ནས་ཁྱེར་ཤོག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་ཟངས་པོ་ཆེ་ནས་སམ། ཟངས་ནས་སམ། རྫ་བོ་ནས་སམ། སྒྲོམ་ནས་སམ། ཀོ་ལྤགས་ནས་སམ། ཟ་མ་ཏོག་ནས་ཁྱེར་ཤོག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་ [147a.5]འགྱུར་ལ། བླངས་པ་ན་སྤང་བའི་ལྟུང་བྱེད་དུ་འགྱུར་རོ། །འདི་ཙམ་ཁྱེར་ཤོག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ། འབུམ་ཁྱེར་ཤོག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། ཁྱེར་བ་ན་སྤང་བའི་ལྟུང་བྱེད་དུ་ [147a.6]འགྱུར་རོ། །འདི་ཞོག་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་འདི་ཞོག་ཤིག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན་སྤང་བའི་ལྟུང་བྱེད་དུ་འགྱུར་རོ། །འདིར་ཞོག་ཤིག་ཅེས་བྱ་བ་ནི་འཐོབ་ [147a.7]པར་འགྱུར་བའི་ཕྱོགས་སུ་ཟངས་པོ་ཆེར་རམ། ཟངས་སུའམ། རྫ་ཕོར་རམ། སྒྲོམ་དུའམ། ཀོ་ལྤགས་སུའམ། ཟ་མ་ཏོག་ཏུ་ཞོག་ཤིག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན་སྤང་བའི་ལྟུང་བྱེད་དུ་འགྱུར་རོ། །འདི་ཙམ་ [147b] [147b.1]ཞོག་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ། འབུམ་ཞོག་ཤིག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན་སྤང་བའི་ལྟུང་བྱེད་དུ་འགྱུར་རོ། །དེ་ལོང་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་ [147b.2]དབྱིག་གམ། གསེར་དེ་ལོང་ཤིག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན་སྤང་བའི་ལྟུང་བྱེད་དུ་འགྱུར་རོ། །དེ་ནས་ལོང་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་ཟངས་པོ་ཆེ་ནས་སམ། ཟངས་ནས་སམ། རྫ་བོ་ནས་ [147b.3]སམ། སྒྲོམ་ནས་སམ། ཀོ་ལྤགས་ནས་སམ། ཟ་མ་ཏོག་ནས་ལོང་ཤིག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན་སྤང་བའི་ལྟུང་བྱེད་དུ་འགྱུར་རོ། །དེ་ཙམ་ལོང་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ [147b.4]ངམ། འབུམ་ལོང་ཤིག་ཅེས་བསྒོ་བར་བྱེད་པ་སྟེ་དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན་སྤང་བའི་ལྟུང་བྱེད་དུ་འགྱུར་རོ། །དེ་ཁྱེར་ཤོག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་དེ་ཁྱེར་ཤོག་ཅེས་བསྒོ་བར་བྱེད་པ་སྟེ་དེ་བསྒོ་བར་བྱེད་ [147b.5]པ་ལ་ཉེས་བྱས་སུ་འགྱུར་ལ། ཁྱེར་བ་ན་སྤང་བའི་ལྟུང་བྱེད་དུ་འགྱུར་རོ། །དེ་ནས་ཁྱེར་ཤོག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་ཟངས་པོ་ཆེ་ནས་སམ། ཟངས་ནས་སམ། རྫ་བོ་ནས་སམ། སྒྲོམ་ནས་སམ། ཀོ་ལྤགས་ནས་སམ། ཟ་མ་ཏོག་ནས་ཁྱེར་ཤོག་ཅེས་ [147b.6]བསྒོ་བར་བྱེད་པ་སྟེ་དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན་སྤང་བའི་ལྟུང་བྱེད་དུ་འགྱུར་རོ། །དེ་ཙམ་ཁྱེར་ཤོག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་བརྒྱ་འམ། སྟོང་ངམ། འབུམ་ཁྱེར་ཤོག་ཅེས་བསྒོ་བར་བྱེད་པ་སྟེ་དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། [147b.7]ཁྱེར་བ་ན་སྤང་བའི་ལྟུང་བྱེད་དུ་འགྱུར་རོ། །དེ་ཞོག་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་དེ་ཞོག་ཤིག་ཅེས་བསྒོ་བར་བྱེད་པ་སྟེ་དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན་སྤང་བའི་ལྟུང་བྱེད་དུ་འགྱུར་རོ། །དེར་ཞོག་ཤིག་ཅེས་བྱ་བ་ནི་འཐོབ་ [148a] [148a.1]པར་འགྱུར་བའི་ཕྱོགས་སུ་ཟངས་པོ་ཆེར་རམ། ཟངས་སུའམ། རྫ་ཕོར་རམ། སྒྲོམ་དུའམ། ཀོ་ལྤགས་སུའམ། ཟ་མ་ཏོག་ཏུ་ཞོག་ཤིག་ཅེས་བསྒོ་བར་བྱེད་པ་སྟེ། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན་སྤང་བའི་ལྟུང་བྱེད་དུ་ [148a.2]འགྱུར་རོ། །དེ་ཙམ་ཞོག་ཤིག་ཅེས་བྱ་བ་ནི་འཐོབ་པར་འགྱུར་བའི་ཕྱོགས་སུ་བརྒྱ་འམ། སྟོང་ངམ། འབུམ་ཞོག་ཤིག་ཅེས་བསྒོ་བར་བྱེད་པ་སྟེ་དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན་སྤང་བའི་ལྟུང་བྱེད་དུ་འགྱུར་རོ། །འདི་ལོང་ཤིག །འདི་ [148a.3]ནས་ལོང་ཤིག་འདི་ཙམ་ལོང་ཤིག་ཅེས་བྱ་བ་དང་། འདི་ཁྱེར་ཤོག་འདི་ནས་ཁྱེར་ཤོག །འདི་ཙམ་ཁྱེར་ཤོག་ཅེས་བྱ་བ་དང་། འདི་ཞོག་ཤིག་འདིར་ཞོག་ཤིག །འདི་ཙམ་ཞོག་ཤིག་ཅེས་བྱ་བ་དང་། དེ་ལོང་ཤིག་དེ་ནས་ལོང་ཤིག །དེ་ཙམ་ལོང་ཤིག་ཅེས་བྱ་བ་དང་། [148a.4]དེ་ཁྱེར་ཤོག་དེ་ནས་ཁྱེར་ཤོག །དེ་ཙམ་ཁྱེར་ཤོག་ཅེས་བྱ་བ་དང་། དེ་ཞོག་ཤིག་དེར་ཞོག་ཤིག །དེ་ཙམ་ཞོག་ཤིག་ཅེས་བྱ་བ་དེ་དག་འཐོབ་པར་འགྱུར་བ་མ་ཡིན་པའི་ཕྱོགས་སུ་བསྒོ་བར་བྱེད་ན། དེ་བསྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་དང་ཁྱེར་བ་དང་། [148a.5]བཞག་པ་ན་ཡང་ཉེས་བྱས་སུ་འགྱུར་རོ། །དགེ་སློང་གིས་དབྱིག་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །གསེར་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །དབྱིག་དང་གསེར་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དབྱིག་གམ། གསེར་བརྡུངས་ [148a.6]པ་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །དབྱིག་དང་གསེར་མངོན་མཚན་ཅན་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །དངུལ་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །ནོར་བུ་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །མུ་ཏིག་ལ་རེག་ན་སྤང་བའི་ལྟུང་བྱེད་དུ་འགྱུར་རོ། ། [148a.7]བཻ་ཌཱུརྱ་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །ནོར་བུ་དང་མུ་ཏིག་དང་བཻ་ཌཱུརྱ་ལ་རེག་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཡུལ་གྱི་ཐ་སྙད་ཅན་གྱི་དབྱིག་དང་། གསེར་ལ་རེག་ན་ཉེས་བྱས་སུ་འགྱུར་རོ། །ར་གན་དང་ཟངས་མ་དང་། ལྕགས་དང་རྣོ་ལྕགས་དང་རོ་ཉེ་དང་ [148b] [148b.1]ཞ་ཉེ་དང་། ཁྲོ་ཆུ་ལ་རེག་པ་ལ་ལྟུང་བ་མེད་དོ་ཞེས་དེ་ལྟར་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ།། །།འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་གསུམ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ [148b.2]ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཙམ་པ་ན་ཁྱིམ་བདག་དད་པ་དང་ལྡན་པ། དགེ་བའི་བསམ་པ་ཅན། བཟང་པོ་སྦྱིན་པ་ཞིག་འདུག་པ་དེས་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱི་ཕྱིར་གཙུག་ལག་ཁང་རྟ་བབས་མཐོན་པོ་དང་། [148b.3]སྐར་ཁུང་དང་སྐར་ཁུང་དྲ་བ་ཅན་དང་། ལན་ཀན་གྱིས་བརྒྱན་པ། སྙིང་དང་མིག་འཕྲོག་པ་མཐོ་རིས་ཀྱི་ཐེམ་སྐས་སུ་གྱུར་པ་ཞིག་བྱེད་དུ་བཅུག་ནས། དེར་དགེ་སློང་མང་པོ་དག་དབྱར་གནས་པར་ཁས་བླངས་ཏེ། དེ་དག་གིས་དགག་དབྱེ་བྱས་ནས་སྨྲས་པ། ཁྱིམ་བདག་བདག་ཅག་ [148b.4]མཉན་ཡོད་དུ་སྟོན་པ་དང་། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་དུ་འགྲོས་བདག་ཅག་ལ་གོས་དག་བྱིན་ཅིག །ཁྱིམ་བདག་དེས་སྨྲས་པ། འཕགས་པ་དག་འདི་ན་གོས་བཟང་པོ་དག་མ་མཆིས་ཏེ། དོན་མཐུན་དག་མཆི་ཞེས་གྲག་གིས་ [148b.5]དོན་མཐུན་དག་མཆིས་ཀྱི་བར་དུ་རེ་ཞིག་གཞེས་ཤིག་དང་། དེ་ནས་གོས་བཟང་པོ་དག་འཇལ་ཏེ་གསོལ་ལོ། །དེ་དག་གིས་སྨྲས་པ། ཁྱིམ་བདག་གལ་ཏེ་གོས་བཟང་པོ་དག་མེད་ན་གོས་ངན་པ་དག་བྱིན་ཅིག །འཕགས་པ་དག་བདག་ནི་བཟང་པོ་སྦྱིན་པ་ལགས་ན། ཇི་ [148b.6]ལྟར་བདག་གིས་ངན་པ་དག་གསོལ་བར་བགྱི། གལ་ཏེ་ཁྱེད་ཅག་{རིངས་,རིང་}ན་གོས་ཀྱི་རིན་ཀཱར་ཥཱ་པ་ཎ་དག་སྣོམས་ལ་བཞུད་ཅིག །ཁྱིམ་བདག་བཅོམ་ལྡན་འདས་ཀྱིས་ཀཱར་ཥཱ་པ་ཎ་དག་བཀག་པས་བདག་ཅག་མི་ལེན་ཏོ། །འཕགས་པ་དག་འདི་ལྟར་བདག་ལ་མ་བྱིན་པ་ནི་མི་མངའི། [148b.7]གོས་ངན་པ་དག་སྦྱིན་དུ་ནི་མི་རུང་ངོ་། །དགེ་སློང་དེ་དག་གིས་ཀཱར་ཥཱ་པ་ཎ་དག་མ་བླངས་པར་གོས་ངན་པ་དག་ཁོ་ནས་དོང་སྟེ། མཐར་གྱིས་མཉན་ཡོད་དུ་ཕྱིན་པ་དང་། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་ཁྱེད་ཅག་གིས་དབྱར་གནས་པའི་གོས་ཀྱི་རྙེད་པ་མ་རྙེད་དམ། [149a] [149a.1]ཅི་ནས་གང་གི་ཕྱིར་ཁྱེད་ཅག་གོས་དག་ངན་པར་གྱུར་མ་རྙེད་དོ། །ཁྱེད་ཅག་གང་དུ་དབྱར་གནས་པར་ཁས་བླངས་ཙམ་པར་རོ། །ཁྱིམ་བདག་གང་ལ་བརྟེན། ཆེ་གེ་མོ་ཞིག་ལའོ། །ཁྱིམ་བདག་དེ་བཟང་པོ་སྦྱིན་པ་ཞེས་གྲག་གོ་དེའི་ཕྱིར་མ་རྙེད་དོ། །ཅིའི་ཕྱིར་དེ་དག་གིས་ [149a.2]སྐབས་དེ་རྒྱས་པར་བརྗོད་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མ་བྲམ་ཟེ་དང་ཁྱིམ་བདག་དད་པ་ཅན་དག་ཀྱང་གོས་ཀྱི་རིན་དག་སྦྱིན་པར་བྱེད་ལ། ངའི་ཉན་ཐོས་རྣམས་ཀྱང་གོས་ཀྱི་རིན་དག་འདོད་ཀྱིས་ [149a.3]ངས་ཉན་ཐོས་རྣམས་ལ་རུང་བར་བྱ་བར་ཆུང་ཞིག་གནང་བར་བྱའོ་སྙམ་དུ་དགོངས་ནས། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་ཞིང་བླངས་ནས་ཀྱང་སྦྱིན་བདག་དེ་ཉིད་ལ་ཡིད་བརྟེན་ཏེ་བཅང་བར་བྱའོ། །གཞན་ཡང་དགེ་སློང་གིས་ཞལ་ཏ་བྱེད་པ་སྤྲོ་བར་བྱའོ། །དགེ་སློང་ [149a.4]དག་གིས་ཞལ་ཏ་བྱེད་པ་གང་སྤྲོ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་ར་བ་པའམ། དགེ་བསྙེན་སྤྲོ་བར་བྱ་སྟེ། ཀུན་དགའ་ར་བ་པ་ཞེས་བྱ་བ་ནི་རུང་བ་བྱེད་པའོ། །དགེ་བསྙེན་ཞེས་བྱ་བ་ནི་གསུམ་ལ་སྐྱབས་སུ་སོང་བ་བསླབ་པའི་གཞི་ལྔ་བཟུང་ [149a.5]བའོ། །དགེ་སློང་དག་ཡུལ་གཞན་དུ་འདོང་བ་ན་དེ་དག་འདི་ན་བདག་ཅག་ལ་སྦྱིན་བདག་འགའ་ཡང་མེད་དོ་ཞེས་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྦྱིན་བདག་དེ་ཉིད་ཇི་སྲིད་དུ་སོན་པ་དང་། འདུག་པ་དང་། འཚོ་བ་དང་། སྡོད་པའི་བར་དུ་ཤིན་ཏུ་རིང་ [149a.6]དུ་སོང་ཡང་ཉམས་པ་མེད་དོ། །དགེ་སློང་རྣམས་ཀྱིས་ཆོས་གོས་ཀྱི་རིན་དག་རྙེད་ལ་སྦྱིན་བདག་མེད་ནས་དེ་དག་འགྱོད་པ་སྐྱེས་ཏེ། མི་ལེན་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་ཞིང་ [149a.7]བླངས་ནས་ཀྱང་དགེ་སློང་གི་མདུན་དུ་འགྲེང་སྟེ་འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བས་དངོས་པོ་རུང་བ་མ་ལགས་པ་འདི་རྙེད་དེ། བདག་དགེ་སློང་མིང་འདི་ཞེས་བགྱི་བས་དངོས་པོ་རུང་བ་མ་ལགས་པ་འདི་བྱིན་གྱིས་ [149b] [149b.1]བརླབ་བོ། །དངོས་པོ་རུང་བ་མ་ལགས་པ་འདིས་དངོས་པོ་རུང་བ་བསྒྲུབ་པར་བགྱིའོ། །དེ་བཞིན་དུ་ལན་གཉིས་ལན་གསུམ་དུ་བརྗོད་པར་བྱ་སྟེ། འདི་ལ་འགྱོད་པར་མི་བྱའོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་མཐའ་འཁོབ་དག་ཏུ་གཙུག་ལག་ཁང་དག་བྱེད་དུ་བཅུག་ནས་དེ་ན་དུས་དང་ [149b.2]དུས་སུ་སྐྲག་པ་དག་བྱུང་ནས་དགེ་སློང་དག་གིས་གཙུག་ལག་ཁང་སྟོང་པར་བོར་ཏེ་བྱེར་རོ་མ་བྱིན་པར་ལེན་པ་དག་གིས་གཙུག་ལག་ཁང་སྟོང་པར་རིག་ནས་གཙུག་ལག་ཁང་བཅོམ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་བྱེའམ། མཆོད་རྟེན་གྱི་དབྱིག་དང་གསེར་ [149b.3]སྦས་ཏེ་འགྲོ་བར་བྱའོ། །བཅོམ་ལྡན་འདས་ཀྱིས་སྦ་བར་བྱའོ་ཞེས་བཀའ་སྩལ་པ་དང་། དེ་དག་གིས་གང་གིས་སྦ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་ར་བ་པའམ། དགེ་བསྙེན་གྱིས་སྦ་བར་བྱའོ། །གང་དག་སྦེད་པར་བྱེད་པ་དེ་དག་ཉིད་རྐུ་བར་བྱེད་ [149b.4]ནས་བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་དད་པ་ཅན་གྱིས་སྦ་བར་བྱའོ། །དགེ་བསྙེན་དད་པ་ཅན་མེད་ན་དགེ་ཚུལ་གྱིས་སྦ་བར་བྱའོ། །དགེ་ཚུལ་མེད་ན་དགེ་སློང་དག་གིས་རང་གིས་སྦ་བར་བྱའོ། །དེ་ལ་དོང་བརྐོ་བར་བྱ་བ་ཡོད་ནས་གང་གིས་བརྐོ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་ [149b.5]བཀའ་སྩལ་པ། ཀུན་དགའ་ར་བ་པའམ། དགེ་བསྙེན་གྱིས་བརྐོ་བར་བྱའོ། །དེ་ཉིད་རྐུ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་དད་པ་ཅན་གྱིས་བརྐོ་བར་བྱའོ། །དགེ་བསྙེན་དད་པ་ཅན་མེད་ན་དགེ་ཚུལ་གྱིས་བརྐོ་བར་བྱའོ། །དགེ་ཚུལ་མེད་ན་དགེ་སློང་དག་གིས་རང་གིས་བརྐོ་བར་ [149b.6]བྱའོ། །འཇིགས་པ་དང་བྲལ་ན་རྣམ་པ་དེ་ལྟ་བུ་ཉིད་ཀྱིས་ཕྱུང་སྟེ་དགེ་འདུན་ལ་དབུལ་བར་བྱའོ། །དགེ་སློང་དག་ངས་ཕོངས་པའི་དུས་དག་ཏུ་གནང་བ་གང་ཡིན་པ་དེ་བདེ་བའི་གནས་སྐབས་དག་ཏུ་སྤྱད་པར་མི་བྱ་སྟེ། སྤྱོད་ན་འགལ་ཚབས་ཅན་དུ་འགྱུར་རོ། །ལས་དང་པོ་པ་དང་། སྨྱོས་པ་དང་། [149b.7]སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གསེར་དངུལ་ལ་རེག་པའི་སྤང་བ་སྟེ་{བཅྭ་,བཅོ་}བརྒྱད་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་ [150a] [150a.1]འདས་འཇིག་རྟེན་དུ་བྱུང་བ་དེའི་ཚེ་ན་ཐམས་ཅད་དུ་ཡུལ་དབུས་སུ་སངས་རྒྱས་བཅོམ་ལྡན་འདས་བྱུང་ངོ་ཞེས་སྒྲ་གྲགས་ཏེ། དེའི་ཉན་ཐོས་རྣམས་འབར་བ་དང་། གསལ་བ་དང་། ཆར་འབབ་པ་དང་། གློག་འབྱིན་པའི་ཆོ་འཕྲུལ་དག་བྱེད་པས་གང་དག་དེ་ལ་མཆོད་ [150a.2]པ་དག་བྱེད་པ་དེ་དག་ནི་ཤིན་ཏུ་འབྲས་བུ་ཆེ་བ་དང་། ཕན་ཡོན་ཆེ་བ་དང་། གསལ་བ་ཆེ་བ་དང་། རྒྱས་པ་ཆེ་བར་འགྱུར་རོ་ཞེས་བྱང་ལམ་པའི་ཚོང་པ་དག་གིས་ཐོས་ནས་དེ་དག་གིས་སྨྲས་པ། ཤེས་ལྡན་དག་ཡུལ་དབུས་སུ་འདོང་ངོ་། །དེར་ཁེ་སྤོགས་མང་པོ་ཡང་བསྒྲུབ་ [150a.3]པར་བྱ། སངས་རྒྱས་དང་། ཆོས་དང་དགེ་འདུན་དག་ལ་མཆོད་པ་བྱའོ་ཞེས་བྱང་ལམ་པའི་ཚོང་པ་དེ་དག་ཟོང་ཐོགས་ཏེ། ཡུལ་དབུས་སུ་འཕགས་ནས་མཐར་གྱིས་མཉན་ཡོད་དུ་ཕྱིན་ཏོ། །མཉན་ཡོད་ན་ཤེས་པ་ཅན་རྩིས་མཁས་པ་ཞིག་འདུག་པ་དེས་བྱང་ལམ་ནས་ཚོང་པ་ [150a.4]དོན་མཐུན་འོངས་ཞེས་ཐོས་ནས་དེས་བསམས་པ། སོང་སྟེ་ཇེ་བལྟས་ན་དེར་ཅུང་ཟད་འཐོབ་པོ་སྙམ་ནས། དེས་ཅུང་ཟད་དམིགས་པས་ཀྱང་ཤེས། ཅུང་ཟད་རྟོག་གེས་ཀྱང་ཤེས་ནས་དེ་སོང་སྟེ། དེད་དཔོན་ལ་མིང་དང་རུས་ནས་བརྗོད་ཅིང་མིང་འདི་ཞེས་བྱ་བ་འོངས་པ་ལེགས་ [150a.5]སོ་འོངས་པ་ལེགས་སོ། །ཁྱོད་ཀྱི་མ་ནི་མིང་འདི་ཞེས་བྱ། ཁྱོད་ཀྱི་ཕ་ནི་མིང་འདི་ཞེས་བྱ། ཁྱོད་ཀྱི་རྫས་ནི་འདི་སྙེད་ཅིག་འོངས་སོ། །ཉི་མ་ག་གེ་མོ་ཞིག་ལ་ནི་ཁལ་འཇིག་པར་འགྱུར་རོ། །ཁེ་སྤོགས་ནི་འདི་སྙེད་ཅིག་འགྲུབ་པར་འགྱུར་རོ་ཞེས་སྨྲས་པ་དང་དེད་དཔོན་དེས་ [150a.6]བསམས་པ། བཅོམ་ལྡན་འདས་ཀྱི་ཉན་ཐོས་གང་དག་འབར་བ་དང་། གསལ་བ་དང་། ཆར་འབབ་པ་དང་། གློག་འབྱིན་པའི་ཆོ་འཕྲུལ་དག་བྱེད་ཅེས་གྲག་པ་དེ་དག་ལས་འགའ་ཞིག་འདི་ཡིན་གོར་མ་ཆག་སྙམ་ནས་དེས་དེ་ལ་དད་པས་བྱང་ལམ་གྱི་ནགས་ཀྱི་འབྲས་བུས་སློང་ [150a.7]ཕོར་བཀང་སྟེ་བྱིན་ནས་ལ་བ་སྲིན་བུའི་མདོག་ལྟ་བུ་ཅིག་ཀྱང་བསྐོན་ནོ། །ཤེས་པ་ཅན་དེས་བླངས་ཤིང་གྱོན་ཏེ་ཚངས་པ་མཚུངས་པར་སྤྱོད་པ་རྣམས་ཀྱི་གན་དུ་སོང་བ་དང་། དེ་དག་གིས་དེ་མཐོང་ནས་སྨྲས་པ། ཤེས་པ་ཅན་ཁྱོད་ཀྱིས་མགོ་བཟློག་སྟེ་ཉལ་བ་གང་ཞིག་ལས་ཐོབ་དེས་ [150b] [150b.1]སྨྲས་པ། བྱང་ལམ་ནས་ཚོང་པ་དོན་མཐུན་འོངས་ནས་དེར་ཁོ་བོས་དེད་དཔོན་ལ་མིང་དང་རུས་ནས་བརྗོད་ནས་དེས་ཁོ་བོ་ལ་དད་པས་དད་པའི་དབང་དུ་བྱས་པ་སྦྱིན་ནོ། །དེ་དག་གིས་སྨྲས་པ། ཤེས་པ་ཅན་བདག་ཅག་ལ་ཤཱཀྱའི་བུའི་དགེ་སྦྱོང་དེ་དག་རྟག་ཏུ་ཁྱེད་ལ་ཐག་པ་དག་དང་ཕྲེང་རྒྱུད་དག་ [150b.2]དང་། འབྲུ་མར་མཁན་དག་ལས་གཞན་པ་མི་གཙོ་བོ་འགའ་ཡང་མངོན་པར་དད་པར་མི་བྱེད་དོ་ཞེས་ཐོ་འཚམ་པར་བྱེད་ཀྱིས། ཁྱོད་ལ་བ་འདི་གྱོན་ཏེ་སོང་ལ་ཤཱཀྱའི་བུའི་དགེ་སྦྱོང་དེ་དག་གི་སྙིང་དག་གས་པར་གྱིས་ཤིག་དེ་ལྟར་བྱའོ་ཞེས་སྨྲས་ཏེ། དེ་ནས་ཤེས་པ་ཅན་དེ་ལ་བ་དེ་གྱོན་ནས་རྒྱལ་བྱེད་ [150b.3]ཀྱི་ཚལ་དུ་སོང་ངོ་། །དྲུག་སྡེ་དག་གིས་ཀུན་ཏུ་སྤྱོད་པ་ནི་འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་པས་དྲུག་སྡེ་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་ [150b.4]སྟོང་པར་མི་འཇོག་པས་ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས་ཤེས་པ་ཅན་དེ་ཐག་རིང་པོ་ཁོ་ན་ནས་མཐོང་ངོ་། །དེ་ནས་ཉེ་{དགའས་,དགས་}བསམས་པ། གཅེར་བུ་པ་ངན་པ་འདི་ལ་བ་བཟང་པོ་ཞིག་གྱོན་ཏེ་འོངས་ཀྱིས་གལ་ཏེ་བདག་གིས་དེ་མ་ཕྲོགས་ན་ཉེ་དགའ་ཞེས་བྱ་བའི་ [150b.5]མིང་མི་གཟུང་ངོ་སྙམ་ནས། དེས་དེ་ལ་སྨྲས་པ། ཤེས་པ་ཅན་ཁྱོད་གཅེར་བུ་པ་ཡིན་ལ་ལ་བ་འདི་ལྟ་བུ་གྱོན་ན་ཕྱིར་བབས་སམ་ཅི་ཁོ་བོ་ཕྱིར་མ་བབས་ཏེ། འདི་ལྟར་བྱང་ལམ་ནས་ཚོང་པ་དོན་མཐུན་འོངས་ནས་དེར་ཁོ་བོས་དེད་དཔོན་ལ་མིང་དང་རུས་ནས་བརྗོད་ནས་དེས་ཁོ་བོ་ལ་དད་པས་དད་ [150b.6]པའི་དབང་དུ་བྱས་པ་བྱིན་ནོ། །མ་ལེགས་སོ་མ་ལེགས་སོ། །ཁྱེད་ཀྱིས་རྒས་པའི་གནས་སྐབས་སུ་ཚུལ་ཁྲིམས་འཆལ་པ་ཀུན་ཏུ་སྤྱད་དོ། །ཚུར་ཤོག་འདུག་ཤིག་དང་ཆོས་བསྟན་པར་བྱའོ། །ཤེས་པ་ཅན་དེ་ཉེ་དགའི་མདུན་དུ་འདུག་པ་དང་། ཉེ་དགའ་ཡིད་དགའ་ཞིང་ཡིད་དགའ་ [150b.7]ནས་དེ་ལ་སྦྱིན་པའི་བསྔགས་པ་བརྗོད་པར་བརྩམས་སོ། །དྲུག་སྡེ་དག་གི་ཀུན་ཏུ་སྤྱོད་པ་ནི་གལ་ཏེ་ཚུལ་ཁྲིམས་ཀྱི་གཏམ་དག་བྱེད་ན་ཉན་པ་པོ་དག་བདག་ཅག་ལྷ་རྣམས་སུ་སྐྱེས་སོ་སྙམ་དུ་སེམས་ལ། གལ་ཏེ་སྦྱིན་པའི་གཏམ་དག་བྱེད་ན་ཉན་པ་པོ་དག་རང་གི་ཤ་གང་ཡིན་ [151a] [151a.1]པ་དེ་ཡང་བཅད་ཅིང་བཅད་ཅིང་སྦྱིན་པར་བྱའོ་སྙམ་དུ་སེམས་སོ། །གལ་ཏེ་ངན་སོང་གི་གཏམ་དག་བྱེད་ན་ཉན་པ་པོ་དག་བདག་ཅག་ངན་སོང་རྣམས་སུ་སྐྱེས་སོ་སྙམ་དུ་སེམས་པར་འགྱུར་བ་ཡིན་པས། ཉེ་{དགའས་,དགས་}ཤེས་པ་ཅན་དེ་ལ་སྨྲས་པ། ཤེས་ [151a.2]པ་ཅན་ཁྱོད་ཀྱི་སྟོན་པ་ནི་ངན་པ་ལ་མོས་པ་ཡིན་ཏེ། གལ་ཏེ་དེ་བཟང་པོ་འདོད་པར་གྱུར་ན་དེས་ཁྱེད་ཅག་ལ་གོས་འབུམ་རི་བ་དང་། ཟས་རོ་བརྒྱ་དང་ལྡན་པ་དང་། ཁང་པ་བརྩེགས་པ་མིག་ལྔ་བརྒྱ་པ་ཡང་གནང་བར་འགྱུར་བ་ཞིག་མ་གནང་ངོ་། །ཁོ་བོ་ཅག་གི་ [151a.3]སྟོན་པ་ནི་བཟང་པོ་ལ་མོས་པ་ཡིན་པས། དེས་ཁོ་བོ་ཅག་ལ་གོས་འབུམ་རི་བ་དང་། ཟས་རོ་བརྒྱ་དང་ལྡན་པ་དང་། ཁང་པ་བརྩེགས་པ་མིག་ལྔ་བརྒྱ་པ་ཡང་གནང་ངོ་། །གལ་ཏེ་ཁྱོད་ལ་བ་འདི་ལྟ་བུ་གྱོན་ཏེ་སློང་མོ་ལ་འགྲོ་བར་གྱུར་ན་བྲམ་ཟེ་དང་ཁྱིམ་བདག་དད་ [151a.4]པ་ཅན་དག་གིས་ཤེས་པ་ཅན་འདིས་ཚུལ་ཁྲིམས་འཆལ་པ་ཀུན་ཏུ་སྤྱད་དོ་སྙམ་དུ་ཤེས་པས་ཁྱེད་ཀྱིས་སློང་མོ་ཡང་མི་རྙེད་པར་གྱུར་གྱིས། ཁྱོད་ཀྱི་ལ་བ་འདི་ཁོ་བོ་ལ་བྱིན་ཅིག་དང་། ཁོ་བོས་ཁྱོད་ལ་ལ་བ་གཞན་ཞིག་སྦྱིན་ནོ། །ཁོ་བོ་ལ་བ་འདི་གྱོན་ཏེ་བསོད་སྙོམས་ [151a.5]ལ་འཇུག་པ་ན། བྲམ་ཟེ་དང་ཁྱིམ་བདག་དད་པ་ཅན་དག་གིས་ཁོ་བོ་མཐོང་ནས་བཙུན་པ་ཉེ་{དགའས་,དགས་}ལ་བ་འདི་ལྟ་བུ་ག་ལས་རྙེད་ཅེས་ཟེར་ན། ཁོ་བོས་དེ་དག་ལ་འདི་སྐད་ཅེས་ཤེས་པ་ཅན་ཆེ་གེ་མོ་ཞིག་གིས་བྱིན་ནོ་ཞེས་བརྗོད་པར་བྱ་སྟེ། དེས་ན་དེ་དག་གིས་ཤེས་ [151a.6]པ་ཅན་དད་པ་དང་ལྡན་པར་གྱུར་ཏོ་སྙམ་དུ་ཤེས་པར་འགྱུར་ཞིང་། དེ་དག་གིས་ཁྱོད་སློང་མོ་ལ་ཞུགས་པ་ལ་ཆང་དང་ནུར་རྩིའི་སློང་ཕོར་བཀང་སྟེ་སྦྱིན་པར་འགྱུར་རོ། །དེས་སྨྲས་པ། བཙུན་པ་ཉེ་དགའ་བཞེས་ཤིག །ཉེ་{དགའས་,དགས་}སྨྲས་པ། ཤེས་པ་ཅན་ཁྱོད་ཀྱི་ [151a.7]ཚངས་པ་མཚུངས་པར་སྤྱོད་པ་དག་ནི་ཚུལ་ཁྲིམས་འཆལ་པ་ཡིན་པས། ཁྱོད་དེ་དག་གི་ཚིག་ཐོས་ནས་ཡང་ཕྱིར་འཕྲོག་ཏུ་འོང་བར་གྱུར་པ་དེ་ལྟ་བུའི་གནས་ཡོད་དོ། །བཙུན་པ་ཉེ་དགའ་ཅི་ཁོ་བོའི་ལ་བ་འདི་ཚངས་པ་མཚུངས་པར་སྤྱོད་པ་དེ་དག་དབང་བ་ཡིན་ནམ། ལ་ [151b] [151b.1]བ་འདི་ནི་ཁོ་བོ་ཉིད་དབང་བ་ཡིན་གྱིས་བཞེས་ཤིག་དང་། སླར་འཕྲོག་ཏུ་མི་མཆིས་སོ། །ཉེ་{དགའས་,དགས་}ལ་བ་དེ་བླངས་ནས་ལ་བ་རྩུབ་པོ་གཞན་ཞིག་དེ་ལ་བྱིན་ནས་ཤེས་པ་ཅན་དེ་ལ་བ་རྩུབ་པོ་དེ་གྱོན་ནས་ཚངས་པ་མཚུངས་པར་སྤྱོད་པ་རྣམས་ཀྱི་གན་དུ་ཕྱིར་སོང་བ་དང་། དེ་དག་གིས་ [151b.2]དེ་མཐོང་ནས་སྨྲས་པ། ཤེས་པ་ཅན་ཁྱོད་ཀྱིས་ཡང་མགོ་བསྒྱུར་དེ་ཉལ་བ་གང་ཞིག་ལས་ཐོབ། དེས་སྨྲས་པ། འདི་ནི་གློ་གཞན་ནས་གྲུབ་པ་ཡིན་ནོ། །ཇི་ལྟར་གྱུར། ཁོ་བོས་ལ་བ་དེ་བཙུན་པ་ཉེ་དགའ་ལ་བྱིན་ནས་དེས་ཀྱང་ཁོ་བོ་ལ་ལ་བ་འདི་བྱིན་ནོ། །དེ་དག་གིས་ [151b.3]སྤྱོས་ཏེ་སྨྲས་པ། ཤེས་པ་ཅན་ཤཱཀྱའི་བུའི་དགེ་སྦྱོང་རྣམས་ནི་ཡུ་བུ་ཅག་གསོན་པས་ཀྱང་མི་དགའ་བ་ཡིན་ནོ། །དྲུག་སྡེ་དག་ཇི་ལྟ་བར་གཞན་དེ་ལྟ་མ་ཡིན་ལ། ཉེ་དགའ་ཇི་ལྟ་བར་དྲུག་སྡེ་གཞན་དེ་ལྟ་མ་ཡིན་ནོ། །གལ་ཏེ་ཁྱོད་ཀྱིས་དགེ་སློང་གནས་བརྟན་གཞན་འགའ་ཞིག་ [151b.4]ལ་བྱིན་པར་གྱུར་ན་ཁོ་བོ་ཅག་ཀྱང་རྗེས་སུ་ཡི་རང་བར་བྱེད་ན་ཁྱོད་ཀྱིས་ཉེ་དགའ་ལ་བྱིན་ཏེ། དེ་ནི་བདག་ཅག་ལས་ཟོང་གིས་ཀྱང་ཁྲག་གི་ཕྱིས་བུ་ལེན་པར་འདོད་པ་ཡིན་གྱིས། གལ་ཏེ་ལ་བ་ཁྱེར་ཏེ་འོང་ན་དེ་ལྟ་ན་ལེགས། གལ་ཏེ་ཁྱེར་ཏེ་མི་འོང་ན་ཁོ་བོ་ཅག་གིས་ཁྱོད་ཚངས་པ་མཚུངས་ [151b.5]པར་སྤྱོད་པའི་ནང་ནས་གནས་ནས་དབྱུང་བར་བྱ་ཞིང་། ཚུལ་ཤིང་ཡང་དབྱུང་བར་བྱ། སྤང་ལེབ་ཁྲིའུ་ཡང་བསྒྱུར་བར་བྱ། སློང་ཕོར་ཡང་ཁས་དབུབ་པར་བྱ། ཁར་བ་ཡང་དོར་བར་བྱའོ། །དེ་སྐྲག་ནས་ཉེ་དགའ་ག་ལ་བ་དེར་སོང་བ་དང་ཉེ་{དགའས་,དགས་}ཐག་རིང་པོ་ཁོ་ན་ནས་དེ་འོང་བ་མཐོང་ནས་ [151b.6]དེས་བསམས་པ། ཤེས་པ་ཅན་འགྲོས་འདི་ལྟ་བུས་འོང་བ་འདི་ནི་བདག་གི་ལ་བ་འཕྲོག་པར་བྱེད་པ་ཡིན་ནོ་སྙམ་ནས་དེ་གཙུག་ལག་ཁང་གི་ནང་དུ་ཞུགས་ནས་སྒོ་བཅད་དེ་འདུག་གོ། །ཤེས་པ་ཅན་དེས་སྒོ་བརྡུང་བར་བརྩམས་ཏེ་བཙུན་པ་ཉེ་དགའ་བཙུན་པ་ཉེ་དགའ་ཞེས་བོས་པ་དང་ཉེ་དགའ་ཅང་མི་སྨྲ་ [151b.7]བར་འདུག་གོ། །དགེ་སློང་རྣམས་ཀྱིས་དེ་ལ་སྨྲས་པ། ཤེས་པ་ཅན་ཁྱོད་ལ་བཙུན་པ་ཉེ་{དགའས་,དགས་}ཅི་བྱ། དེས་སྨྲས་པ། དེས་ཁོ་བོའི་ལ་བ་ཞིག་ཁྱེར་རོ། །ཤེས་པ་ཅན་གལ་ཏེ་ཁྱོད་ལ་བ་འདོད་ན་སོང་ལ་བཅོམ་ལྡན་འདས་ལ་སྐྱབས་སུ་སྒྲུབས་ཤིག །དེ་བཅོམ་ལྡན་འདས་ག་ལ་ [152a] [152a.1]བ་དེར་སོང་བ་དང་། བཅོམ་ལྡན་འདས་ཀྱིས་ཤེས་པ་ཅན་དེ་ཐག་རིང་པོ་ཁོ་ན་ནས་འོང་བ་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཤེས་པ་ཅན་ཐག་རིང་པོ་ཁོ་ན་ནས་འོང་བ་ལ་ལྟོས་ཤིག །བཙུན་པ་བཀའ་ [152a.2]བཞིན་འཚལ། འདི་ནི་ལ་བའི་ཕྱིར་འོངས་ཏེ། གལ་ཏེ་ལ་བ་ཐོབ་ན་དེ་ལྟ་ན་ལེགས་གལ་ཏེ་མ་ཐོབ་ན་ཁྲག་ཚབ་སྐྱུགས་ཏེ་དུས་བྱེད་པར་འགྱུར་རོ། །དེ་ནས་ཤེས་པ་ཅན་དེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཙུན་པ་ཉེ་{དགའས་,དགས་}བདག་ [152a.3]གི་ལ་བ་འཚལ་བ་དེ་བཅོམ་ལྡན་འདས་ཀྱིས་བདག་ལ་སླར་སྩལ་དུ་གསོལ་ཅིག །གལ་ཏེ་བཅོམ་ལྡན་འདས་ཀྱིས་བདག་ལ་ལ་བ་སླར་སྩལ་དུ་མ་སྩལ་ན། འདི་ལྟར་བདག་ཚངས་པ་མཚུངས་པར་སྤྱོད་པའི་ནང་ནས་གནས་ནས་ཕྱུང་བར་འགྱུར་ཞིང་ཚུལ་ཤིང་ཡང་ཕྱུང་བར་ [152a.4]གྱུར། སྤང་ལེབ་ཁྲིའུ་ཡང་བསྒྱུར་བར་འགྱུར། སློང་ཕོར་ཡང་ཁས་ཕུབ་པར་འགྱུར། ཁར་བ་ཡང་བོར་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་ཉེ་དགའི་གན་དུ་སོང་སྟེ། ཤེས་པ་ཅན་གྱི་ [152a.5]ལ་བ་ཕྱིར་བྱིན་ཅིག །གལ་ཏེ་མི་བྱིན་ན་ཤེས་པ་ཅན་འདི་ཁྲག་ཚ་བ་སྐྱུགས་ཏེ་དུས་བྱེད་པར་འགྱུར་བའི་གནས་དེ་ལྟ་བུ་ཡོད་དོ་ཞེས་གྱིས་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཉེ་དགའ་ག་ལ་བ་དེར་སོང་ [152a.6]བ་དང་། ཉེ་{དགའས་,དགས་}ཚེ་དང་ལྡན་པ་ཀུན་དགའ་བོ་ཐག་རིང་པོ་ཁོ་ན་ནས་འོང་བ་མཐོང་ནས་དེས་བསམས་པ། ཤེས་པ་ཅན་གྱི་ཕོ་ཉ་འདི་ལྟ་བུ་ཁྲིད་དེ་འོངས་པས་འདིས་ཁོ་བོའི་ལ་བ་ཕྲོགས་པར་འགྱུར་རོ་སྙམ་མོ། །དེ་ནས་ཚེ་དང་ལྡན་པ་ཀུན་དགའ་བོས་ཉེ་དགའ་ལ་འདི་སྐད་ཅེས་སྨྲས་ [152a.7]སོ། །བཅོམ་ལྡན་འདས་ཀྱིས་བཀའ་སྩལ་པ། ཤེས་པ་ཅན་གྱི་ལ་བ་ཕྱིར་བྱིན་ཅིག །གལ་ཏེ་འདིའི་ལ་བ་ཕྱིར་མྱུར་བར་མ་བྱིན་ན་ཤེས་པ་ཅན་འདི་ཁྲག་ཚ་བ་སྐྱུགས་ཏེ་དུས་བྱེད་པར་འགྱུར་བའི་གནས་དེ་ལྟ་བུ་ཡོད་པར་འགྱུར་རོ་ཞེས་བྱུང་ངོ་། །ཉེ་{དགའས་,དགས་}སྨྲས་པ། བཙུན་པ་ཀུན་ [152b] [152b.1]དགའ་བོ་སྟོན་པའི་བཀའ་མཉན་པར་ཟད་ཀྱི། གཞན་དུ་ན་སྒྲེ་བྱི་གཅེར་བུ་འདི་ཁྲག་ཚ་བ་སྐྱུགས་ཏེ་དུས་བྱེད་པར་འགྱུར་བ་བས་གལ་ཏེ་ཤེས་པ་ཅན་ཤ་སྟག་གིས་འཛམ་བུའི་གླིང་འདི་ལྟ་སྟེ། དཔེར་ན་བུ་རམ་ཤིང་གི་ཚལ་ལམ། འདམ་བུའི་ཚལ་ལམ། འོད་མའི་ཚལ་བཞིན་དུ་གང་ [152b.2]བར་གྱུར་ལ་དེ་དག་ཐམས་ཅད་ཁྲག་ཚ་བ་སྐྱུགས་ཏེ་ཁ་དག་ཅིང་དུས་བྱེད་པར་གྱུར་ཀྱང་ཉེ་དགའི་སྤུའི་རྩེ་མོ་ཙམ་ཡང་མི་གཡོ་སྟེ། འོན་ཀྱང་བཞུད་ཅིག་དང་སྦྱིན་ནོ། །ཚེ་དང་ལྡན་པ་ཀུན་དགའ་བོ་སོང་བ་དང་ཉེ་{དགའས་,དགས་}སྨྲས་པ། ཀྭའི་གཅེར་བུ་པ་ཉོན་ཅིག་ཁྱོད་ཀྱིས་སྟོན་པ་{བརྫུན་,རྫུན་}མ་དེས་ [152b.3]{བརྫུན་,རྫུན་}དུ་སྨྲ་བས་འཇིག་རྟེན་བསླུས་ནས་སེམས་ཅན་དམྱལ་བ་རྣམས་སུ་སྐྱེས་ཏེ། དེའི་ལྕེ་ལ་ཐོང་གཤོལ་ལྔ་བརྒྱས་རྨེད་པར་བྱེད་ན། ཁྱེད་ཀྱང་དེ་བས་ཀྱང་{བརྫུན་,རྫུན་}མ་ཆེན་པོ་ཡིན་པས་ཁྱེད་ཀྱི་ལྕེ་ལ་ཡང་ཐོང་གཤོལ་སྟོང་གིས་རྨོ་བར་འགྱུར་རོ། །གཞན་ཡང་ཁོ་བོའི་ལ་བ་ཁྱོད་ཀྱིས་ [152b.4]སྤྱོད་ན། ཅི་ཁོ་བོས་ཀྱང་ཁྱོད་ཀྱི་ལ་བ་སྤྱད་སྙམ་མམ། བཙུན་པ་ཉེ་དགའ་མ་ལགས་སོ། །ཉེ་{དགའས་,དགས་}དེའི་ལ་བ་དེས་མདོམས་ཀྱི་ཕྱོགས་ཐམས་ཅད་ཕྱིས་ནས་བཞི་ལྟབ་ཏུ་བལྟབ་སྟེ། ལག་པ་གཡོན་པའི་སྟེང་དུ་བཞག་ནས་ལག་པ་གཡས་པས་ཐལ་ལྕག་གིས་བསྣུན་པ་དང་རིམ་པ་ [152b.5]ཐམས་ཅད་རྡོལ་བར་གྱུར་ནས་སྨྲས་པ། ཤེས་པ་ཅན་ལག་པ་གཉིས་རྐྱོང་ཤིག །དེས་ལག་པ་གཉིས་བརྐྱང་བ་དང་། ཉེ་{དགའས་,དགས་}གང་གིས་དེ་ཁས་བུབ་ཏུ་འགྱེལ་བར་འགྱུར་བ་དེ་ལྟ་བུའི་ཤུགས་ཀྱིས་ལ་བ་ལག་ཏུ་བྱིན་པ་དང་། དེ་ཁས་བུབ་ཏུ་འགྱེལ་ནས་ཉེ་{དགའས་,དགས་}རྡོག་པས་བསྣུན་ [152b.6]ཏེ་སྨྲས་པ། གཅེར་བུ་པ་སྒྲེ་བྱི་གཙུག་ལག་ཁང་སླ་ཙས་མ་གཏལ་བར་སོང་ཤིག །བཙུན་པ་ཉེ་དགའ་གལ་ཏེ་མ་གུམ་ན་མཆི་སྟེ། སླན་ཆད་རྒྱལ་བྱེད་ཀྱི་ཚལ་དུ་མི་མཆིའོ། །དེ་ནི་རེ་ཞིག་བྱུང་བ་ཡིན་གྱི། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་ [152b.7]བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་མངོན་མཚན་ཅན་གྱིས་སྤྱོད་པ་རྣམ་པ་སྣ་ཚོགས་བྱེད་དེ། ཀུན་ཏུ་སྦྱོར་བར་བྱེད། རབ་ཏུ་སྦྱོར་བར་ [153a] [153a.1]བྱེད། བུན་འགྱེད་པར་བྱེད། སྐྱེད་འགྱེད་པར་བྱེད། བྱས་པའི་ཕྱིར་བྱས་པ་དང་། བྱས་པའི་ཕྱིར་མ་བྱས་པ་དང་། མ་བྱས་པའི་ཕྱིར་བྱས་པ་དང་། མ་བྱས་པའི་ཕྱིར་མ་བྱས་པ་གཏོང་བར་བྱེད་དོ། །ཇི་ལྟར་ཀུན་དུ་སྦྱོར་བར་བྱེད་ཅེ་ན། ཀུན་དུ་རྩོམ་པར་བྱེད། ཡུལ་ཚོལ་བར་ [153a.2]བྱེད། ཤིང་རྟ་སོགས་པར་བྱེད། ཡུལ་དུ་འགྲོ་བའི་རྫས་ཤོམ་པར་བྱེད། ལེའུ་པ་དང་། གྲོ་བ་དང་། སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་དེ། དེ་ལྟར་ཀུན་དུ་སྦྱོར་བར་བྱེད་དོ། །ཇི་ལྟར་རབ་ཏུ་སྦྱོར་བར་བྱེད་ཅེ་ན། བརྒྱད་ཤས་དང་། བཅུ་ཤས་དང་། [153a.3]བཅུ་གཉིས་ཤས་ཀྱི་ཕྱིར་དབང་པོ་དང་། གྲོ་བ་དང་། སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་དེ། དེ་ལྟར་རབ་ཏུ་སྦྱོར་བར་བྱེད་དོ། །ཇི་ལྟར་བུན་འགྱེད་པར་བྱེད་ཅེ་ན། ནས་དང་འབྲུ་རྙིང་པ་གསེར་ཕྱེ་དང་ཉེ་སྡེའི་ཕྱིར་གཏོང་བ་དང་། གཞལ་བའི་སྣོད་དང་། བྲེའུ་ [153a.4]ཆུང་དང་། ཕུལ་དང་གྲོ་བ་དང་། སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་དེ། དེ་ལྟར་བུན་འགྱེད་པར་བྱེད་དོ། །ཇི་ལྟར་སྐྱེད་འགྱེད་པར་བྱེད་ཅེ་ན། དུང་གི་ཚོགས་ཀྱི་ཕྱིར་ནོར་བུའི་ཚོགས་གཏོང་བར་བྱེད་པ་དང་། ནོར་བུའི་ཚོགས་ཀྱི་ཕྱིར་མུ་ཏིག་གི་ཚོགས་གཏོང་བར་བྱེད་ [153a.5]པ་དང་། མུ་ཏིག་གི་ཚོགས་ཀྱི་ཕྱིར་བཻ་ཌཱུརྱའི་ཚོགས་གཏོང་བར་བྱེད་ཅིང་། དཔང་པོ་དང་། གྲོ་བ་དང་། སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་དེ། དེ་ལྟར་སྐྱེད་འགྱེད་པར་བྱེད་དོ། །ཇི་ལྟར་བྱས་པའི་ཕྱིར་བྱས་པ་གཏོང་བར་བྱེད་ཅེ་ན། གསེར་མངོན་མཚན་ཅན་གྱི་ [153a.6]ཕྱིར་མངོན་མཚན་ཅན་གཏོང་བར་བྱེད་དེ། དེ་ལྟར་བྱས་པའི་ཕྱིར་བྱས་པ་གཏོང་བར་བྱེད་དོ། །ཇི་ལྟར་བྱས་པའི་ཕྱིར་མ་བྱས་པ་གཏོང་བར་བྱེད་ཅེ་ན། གསེར་མངོན་མཚན་ཅན་གྱི་ཕྱིར་མངོན་མཚན་ཅན་མེད་པ་གཏོང་བར་བྱེད་དེ། དེ་ལྟར་བྱས་པའི་ཕྱིར་མ་བྱས་པ་གཏོང་བར་བྱེད་དོ། །ཇི་ [153a.7]ལྟར་མ་བྱས་པའི་ཕྱིར་བྱས་པ་གཏོང་བར་བྱེད་ཅེ་ན། གསེར་མངོན་མཚན་ཅན་མ་ཡིན་པའི་ཕྱིར་མངོན་མཚན་ཅན་གཏོང་བར་བྱེད་དེ། དེ་ལྟར་མ་བྱས་པའི་ཕྱིར་བྱས་པ་གཏོང་བར་བྱེད་དོ། །ཇི་ལྟར་མ་བྱས་པའི་ཕྱིར་མ་བྱས་པ་གཏོང་བར་བྱེད་ཅེ་ན། གསེར་མངོན་མཚན་ཅན་ [153b] [153b.1]མ་ཡིན་པའི་ཕྱིར་མངོན་མཚན་ཅན་མ་ཡིན་པར་གཏོང་བར་བྱེད་དེ། དེ་ལྟར་མ་བྱས་པའི་ཕྱིར་མ་བྱས་པ་གཏོང་བར་བྱེད་དོ། །གཞན་མུ་སྟེགས་ཅན་དག་ཤེས་ལྡན་དག་ཤཱཀྱའི་བུའི་དགེ་སྦྱོང་རྣམས་ནི་མ་ལོག་མ་སྤངས་སོ་སོར་མ་སྤངས་པ་ཡིན་ཏེ། འདི་ལྟར་མངོན་མཚན་ཅན་ [153b.2]གྱིས་སྤྱོད་པ་རྣམ་པ་སྣ་ཚོགས་བྱེད་དེ། ཀུན་དུ་སྦྱོར་བར་བྱེད། རབ་ཏུ་སྦྱོར་བར་བྱེད། བུན་འགྱེད་པར་བྱེད། སྐྱེད་འགྱེད་པར་བྱེད། བྱས་པའི་ཕྱིར་བྱས་པ་དང་། བྱས་པའི་ཕྱིར་མ་བྱས་པ་དང་མ་བྱས་པའི་ཕྱིར་བྱས་པ་དང་མ་བྱས་པའི་ཕྱིར་མ་བྱས་པ་གཏོང་བར་བྱེད་དོ། །བྲམ་ཟེ་ [153b.3]དང་། ཁྱིམ་བདག་རྣམས་ཀྱང་མངོན་མཚན་ཅན་གྱིས་སྤྱོད་པ་རྣམ་པ་སྣ་ཚོགས་བྱེད་དེ། ཀུན་དུ་སྦྱོར་བར་བྱེད། རབ་ཏུ་སྦྱོར་བར་བྱེད། བུན་འགྱེད་པར་བྱེད། སྐྱེད་འགྱེད་པར་བྱེད། བྱས་པའི་ཕྱིར་བྱས་པ་དང་། བྱས་པའི་ཕྱིར་མ་བྱས་པ་དང་མ་བྱས་པའི་ཕྱིར་བྱས་པ་དང་། [153b.4]མ་བྱས་པའི་ཕྱིར་མ་བྱས་པ་གཏོང་བར་བྱེད་ན་ཤེས་ལྡན་དག་ཤཱཀྱའི་བུའི་དགེ་སྦྱོང་རྣམས་དང་བྲམ་ཟེ་དང་། ཁྱིམ་བདག་རྣམས་ལ་བྱེ་བྲག་ནི་ཅི་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ [153b.5]ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་ [153b.6]མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ཁྱེད་མངོན་མཚན་ཅན་གྱིས་སྤྱོད་པ་རྣམ་པ་སྣ་ཚོགས་བྱེད་པ་བདེན་ [153b.7]ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ [154a] [154a.1]ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ [154a.2]ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མངོན་མཚན་ཅན་གྱིས་སྤྱོད་པ་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེ་དག་གམ། གཞན་ཡང་དེ་ལྟ་བུ་གང་ཡིན་པའོ། །མངོན་མཚན་ [154a.3]ཅན་གྱིས་སྤྱོད་པ་རྣམ་པ་སྣ་ཚོགས་ཞེས་བྱ་བ་ནི་རྣམ་པ་དུ་མའོ། །བྱེད་ན་ཞེས་བྱ་བ་ནི་ཀུན་དུ་སྦྱོར་བར་བྱེད་པ་དང་། རབ་ཏུ་སྦྱོར་བར་བྱེད་པ་དང་། བུན་འགྱེད་པར་བྱེད་པ་དང་། སྐྱེད་འགྱེད་པར་བྱེད་པ་ལྷག་པར་སྤྱོད་པར་བྱེད་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་ [154a.4]དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་རྙེད་པ་འདོད་པས་ཡུལ་གྱི་ཐ་སྙད་ཀྱི་ཟོང་ཀུན་དུ་སྦྱོར་བར་བྱེད་ཅིང་། དེ་དེ་ལ་ཤིང་རྟ་དང་གླང་དང་གླ་ [154a.5]མི་དང་། དཔང་པོ་དང་། གྲོ་བ་དང་། སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་དེ། ཤོ་གམ་དང་ལ་གཅན་དང་གྲུ་བཙས་སྦྱིན་པར་བྱེད་ན་ཇི་སྲིད་དུ་རྙེད་པ་དག་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། རྙེད་པ་བདག་གིར་བྱེད་པ་ན་སྤང་བའི་ [154a.6]ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་དབྱིག་གམ། གསེར་རབ་ཏུ་སྦྱོར་བར་བྱེད་ཅིང་། དེ་དེ་ལ་དཔང་པོ་དང་། གྲོ་བ་དང་སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་ན་ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། [154a.7]རྙེད་པ་དག་བདག་གིར་བྱེད་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་ནས་དང་། འབྲུའི་བུན་འགྱེད་པར་བྱེད་ཅིང་། དེ་དེ་ལ་གཞལ་བླུགས་དང་། བྲེའུ་ཆུང་དང་། ཕུལ་དང་། དཔང་པོ་དང་། གྲོ་བ་དང་། སྣག་ཚ་དང་། སྨྱུ་གུ་དང་། [154b] [154b.1]ཡི་གེ་པ་ཚོལ་བར་བྱེད་ན་ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། རྙེད་པ་བདག་གིར་བྱེད་པ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་དུང་གི་ཚོགས་ཀྱི་ཕྱིར་ནོར་བུའི་ཚོགས་གཏོང་བར་བྱེད་པ་དང་། ནོར་བུའི་ཚོགས་ཀྱི་ [154b.2]ཕྱིར་མུ་ཏིག་གི་ཚོགས་གཏོང་བར་བྱེད་པ་དང་། མུ་ཏིག་གི་ཚོགས་ཀྱི་ཕྱིར་བཻ་ཌཱུརྱའི་ཚོགས་གཏོང་བར་བྱེད་ཅིང་། དེ་དེ་ལ་དཔང་པོ་དང་། གྲོ་བ་དང་། སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་ན། ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་ [154b.3]འགྱུར་ལ། རྙེད་པ་བདག་གིར་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་དེ་ལྟར་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་མཛད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་ [154b.4]{བཟངས་,བཟང་}ན་བཞུགས་སོ། །དེའི་ཚེ་ན་ཡངས་པ་ཅན་པའི་ལིཙྪ་བཱི་དག་གིས་ཁང་པ་དག་དྲུག་རྩེག་དང་བདུན་རྩེག་ཏུ་བྱེད་དོ། །ཡངས་པ་ཅན་གྱི་ལིཙྪ་བཱི་རྣམས་ཀྱི་ཁང་པ་ཇི་ལྟ་བ་དེ་བཞིན་དུ་གཙུག་ལག་ཁང་དག་ཀྱང་དྲུག་རྩེག་དང་བདུན་རྩེག་ཏུ་བྱེད་པས་དེ་དག་མཐོ་ཆེས་པས་བརྩིགས་ཤིང་ [154b.5]བརྩིགས་ཤིང་རྡིབ་ནས་སྦྱིན་བདག་དག་གིས་བསམས་པ། བདག་ཅག་གསོན་ཞིང་འདུག་སྟེ། འཚོ་ཞིང་སྡོད་པ་རྣམས་ཀྱི་གཙུག་ལག་ཁང་དག་ཀྱང་འདི་ལྟར་འཇིག་ན་ཤི་བ་རྣམས་ཀྱི་ཇི་ལྟར་འགྱུར། བདག་ཅག་གིས་མཁར་ལེན་གྱི་རྒྱུར་དགེ་འདུན་ལ་མི་ཟད་པ་དབུལ་བར་བྱའོ་ [154b.6]སྙམ་ནས་དེ་དག་མི་ཟད་པ་ཐོགས་ཏེ་དགེ་སློང་རྣམས་ཀྱི་གན་དུ་དོང་ནས་ཕྱིན་པ་དང་། དགེ་སློང་རྣམས་ལ་འདི་སྐད་ཅེས་སྨྲས་སོ། །འཕགས་པ་དག་མཁར་ལེན་གྱི་སླད་དུ་མི་ཟད་པ་འདི་དག་བཞེས་ཤིག །དགེ་སློང་རྣམས་ཀྱིས་སྨྲས་པ། བཞིན་{བཟངས་,བཟང་}དག་བཅོམ་ལྡན་འདས་ [154b.7]ཀྱིས་བསླབ་པའི་གཞི་བཅའ་བར་མཛད་པས་བདག་ཅག་མི་ལེན་ཏོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་མཁར་ལེན་གྱི་རྒྱུ་མི་ཟད་པར་བླང་བར་བྱའོ། །གཞན་ཡང་ [155a] [155a.1]དགེ་སློང་གི་དགེ་འདུན་གྱི་གཙུག་ལག་ཁང་ནི་སུམ་རྩེག་ཏུ་བྱའོ་དགེ་སློང་མའི་དགེ་འདུན་གྱི་དབྱར་ཁང་ནི་ཉིས་རྩེག་ཏུ་བྱའོ། །དགེ་སློང་རྣམས་ཀྱིས་བཅོམ་ལྡན་འདས་ལས་མཉན་ནས་མི་ཟད་པ་བླངས་ནས་དགེ་འདུན་གྱི་མཛོད་དུ་བཅུག་སྟེ་བཞག་གོ། །སྦྱིན་བདག་ [155a.2]དག་འོངས་ཏེ་སྨྲས་པ། འཕགས་པ་དག་ཅིའི་སླད་དུ་གཙུག་ལག་ཁང་གི་མཁར་ལེན་མི་བགྱིད་ཀཱར་ཥཱ་པ་ཎ་དག་མེད་དོ། །འོ་ན་བདག་ཅག་གིས་ཁྱེད་ལ་མི་ཟད་པ་དག་མ་ཕུལ་ལམ། དགེ་སློང་རྣམས་ཀྱིས་སྨྲས་པ། ཅི་ཁོ་བོ་ཅག་གིས་མི་ཟད་པ་དག་ཟོས་སྙམའམ། དགེ་འདུན་ [155a.3]གྱི་མཛོད་ན་འདུག་གོ། །འཕགས་པ་དག་དེ་ལྟ་ན་མི་ཟད་པར་མི་འགྱུར་གྱི་འདི་ལྟར་ཟད་པར་འགྱུར་ཏེ་ཅི་བདག་ཅག་གི་སྡུམ་པ་ན་གནས་མ་མཆིས་སྙམའམ། ཅིའི་སླད་དུ་རབ་ཏུ་སྦྱོར་བར་མི་མཛད། དགེ་སློང་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་བསླབ་པའི་གཞི་བཅའ་བ་ [155a.4]མཛད་པས་བདག་ཅག་རབ་ཏུ་སྦྱོར་བར་མི་བྱེད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་མཁར་ལེན་གྱི་རྒྱུ་མི་ཟད་པ་རབ་ཏུ་སྦྱོར་བར་བྱའོ། །དེ་བཞིན་དུ་བྲམ་ཟེ་དང་། ཁྱིམ་བདག་ [155a.5]དད་པ་ཅན་དག་སངས་རྒྱས་དང་། ཆོས་དང་། དགེ་འདུན་གྱི་ཕྱིར་མི་ཟད་པ་འབུལ་ནས། བཅོམ་ལྡན་འདས་ཀྱིས་བཀའ་སྩལ་པ། སངས་རྒྱས་དང་། ཆོས་དང་། དགེ་འདུན་གྱི་ཕྱིར་མི་ཟད་པ་རབ་ཏུ་སྦྱོར་བར་བྱ་ཞིང་དེ་ལས་སྐྱེད་གང་གྲུབ་པ་དེས་སངས་རྒྱས་དང་། ཆོས་དང་། [155a.6]དགེ་འདུན་ལ་མཆོད་པར་བྱའོ། །དེ་དག་གིས་དེ་དག་ཉིད་ལ་བྱིན་ནས་དེ་དག་ལ་འདས་པ་ན་རྩོད་པར་བྱེད་ཅིང་། འཕགས་པ་དག་ཅིའི་ཕྱིར་བདག་ཉིད་ཀྱི་ནོར་ལས་རྩོད་པ་བྱུང་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ [155a.7]ཀྱིས་བཀའ་སྩལ་པ། དེ་དག་ལ་སྦྱིན་པར་མི་བྱའོ། །དེ་དག་གིས་ཕྱུག་པོ་དག་ལ་བྱིན་ནས། དེ་དག་ལ་འདས་པ་ན་མཐུ་དང་ལྡན་པ་ལ་རྟེན་ཅིང་མི་སྟེར་བ་དང་། བླའི་གྲྭའི་མཐུས་མི་སྟེར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་ལ་སྦྱིན་པར་མི་བྱའོ། །དེ་དག་ [155b] [155b.1]གིས་དབུལ་པོ་རྣམས་ལ་བྱིན་ནས་དེ་དག་གིས་ཀྱང་འཇལ་མི་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། གཏའ་ཉི་རིར་བླངས་ཏེ་དཔང་པོ་དང་བཅས་པའི་དམ་རྒྱའི་གླེགས་བུ་བྲིས་ཏེ་སྦྱིན་པར་བྱའོ། །གླེགས་བུ་དེ་ལ་ཡང་ལོ་དང་། ཟླ་བ་དང་། ཉི་མ་དང་། དགེ་འདུན་ [155b.2]གྱི་གནས་བརྟན་དང་། དགེ་སྐོས་དང་། ལེན་པ་པོ་དང་། རྫས་དང་། སྐྱེད་རྣམས་ཀྱི་མིང་བྲི་བར་བྱའོ། །གང་ལ་སྦྱིན་པར་བྱ་བ་དགེ་བསྙེན་དད་པ་ཅན་བསླབ་པའི་གཞི་ལྔ་བཟུང་བ་ལ་ཡང་གཏའ་ཉི་རི་ཁོ་ནས་སྦྱིན་པར་བྱའོ། །ལས་དང་པོ་པ་དང་། སྨྱོས་པ་དང་། [155b.3]སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མངོན་མཚན་ཅན་གྱིས་སྤྱོད་པའི་སྤང་བ་སྟེ་བཅུ་དགུ་པ་རྫོགས་ས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། [155b.4]དེའི་ཚེ་ན་དགེ་སློང་དྲུག་སྡེ་དག་ཉོ་འཚོང་རྣམ་པ་སྣ་ཚོགས་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། འཚོང་བར་བྱེད་དོ། །ཇི་ལྟར་ལེན་པར་བྱེད་ཅེ་ན། གང་གི་ཚེ་ལྗོངས་སུ་ལོ་ལེགས་ཤིང་གྲོང་ཁྱེར་དུ་ལོ་ཉེས་པ་དེའི་ཚེ་ན་ལྗོངས་ནས་གྲོང་ཁྱེར་དུ་ལེན་པར་བྱེད་ [155b.5]དེ། དེ་ལྟར་ལེན་པར་བྱེད་དོ། །ཇི་ལྟར་གཏོང་བར་བྱེད་ཅེ་ན། གང་གི་ཚེ་གྲོང་ཁྱེར་དུ་ལོ་ལེགས་ཤིང་ལྗོངས་སུ་ལོ་ཉེས་པ་དེའི་ཚེ་ན་གྲོང་ཁྱེར་ནས་ལྗོངས་སུ་གཏོང་བར་བྱེད་དེ། དེ་ལྟར་གཏོང་བར་བྱེད་དོ། །ཇི་ལྟར་ཉོ་བར་བྱེད་ཅེ་ན། གང་གི་ཚེ་རིན་ཆུང་བ་དེའི་ཚེ་ན་ཉོ་བར་བྱེད་ [155b.6]དེ། དེ་ལྟར་ཉོ་བར་བྱེད་དོ། །ཇི་ལྟར་འཚོང་བར་བྱེད་ཅེ་ན། གང་གི་ཚེ་རིན་ཆེ་བ་དེའི་ཚེ་ན་འཚོང་བར་བྱེད་དེ། དེ་ལྟར་འཚོང་བར་བྱེད་དོ། །གཞན་མུ་སྟེགས་ཅན་དག་ཤེས་ལྡན་དག་ཤཱཀྱའི་བུའི་དགེ་སྦྱོང་རྣམས་ནི་མ་ལོག་མ་སྤངས་སོ་སོར་མ་སྤངས་པ་ཡིན་ཏེ། འདི་ལྟར་ཉོ་ [155b.7]འཚོང་རྣམ་པ་སྣ་ཚོགས་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། འཚོང་བར་བྱེད་ཅིང་བྲམ་ཟེ་དང་། ཁྱིམ་བདག་རྣམས་ཀྱང་ཉོ་འཚོང་རྣམ་པ་སྣ་ཚོགས་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། འཚོང་བར་བྱེད་ན་ཤཱཀྱའི་བུའི་དགེ་སྦྱོང་རྣམས་ [156a] [156a.1]དང་། བྲམ་ཟེ་དང་། ཁྱིམ་བདག་འདི་དག་ལ་བྱེ་བྲག་ནི་ཅི་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་ [156a.2]སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ [156a.3]ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཉོ་འཚོང་རྣམ་པ་སྣ་ཚོགས་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། འཚོང་ [156a.4]བར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། ། [156a.5]དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་ [156a.6]བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཉོ་འཚོང་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེ་དག་གམ། གཞན་ཡང་དེ་ལྟ་བུ་གང་ཡིན་པའོ། །ཉོ་འཚོང་ [156a.7]རྣམ་པ་སྣ་ཚོགས་ཞེས་བྱ་བ་ནི་རྣམ་པ་མང་པོའོ། །བྱེད་ན་ཞེས་བྱ་བ་ནི་ལེན་པར་བྱེད་པ་དང་། གཏོང་བར་བྱེད་པ་དང་། ཉོ་བར་བྱེད་པ་དང་། འཚོང་བར་བྱེད་པ་དག་ལྷག་པར་སྤྱོད་པར་བྱེད་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་ [156b] [156b.1]བཤགས་པར་བྱ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་རྙེད་པ་འདོད་པས་ཉོ་བར་བྱེད། འཚོང་བར་བྱེད་ན་ཉོ་བར་བྱེད་པ་ལ་ཉེས་བྱས་སུ་འགྱུར་ལ། འཚོང་བ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ [156b.2]རྙེད་པ་འདོད་པས་ཉོ་བར་བྱེད་ཅིང་རྙེད་པ་མི་འདོད་པས་འཚོང་བར་བྱེད་ན། ཉོ་བར་བྱེད་པ་ལ་ཉེས་བྱས་སུ་འགྱུར་ལ། འཚོང་བར་བྱེད་པ་ལ་ལྟུང་བ་མེད་དོ། །དགེ་སློང་གིས་རྙེད་པ་མི་འདོད་པས་ཉོ་བར་བྱེད་ཅིང་རྙེད་པ་འདོད་པས་འཚོང་བར་བྱེད་ན་ཉོ་བར་བྱེད་པ་ལ་ལྟུང་བ་མེད་ལ། འཚོང་བར་ [156b.3]བྱེད་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་མི་འདོད་པས་ཉོ་བར་བྱེད་ཅིང་རྙེད་པ་མི་འདོད་པས་འཚོང་བར་བྱེད་ན་གཉིས་ཀ་ལ་ལྟུང་བ་མེད་དོ། །ཡུལ་གཞན་གྱི་སྦྱོར་བས་སྔ་མའི་རྒྱུད་སྦྱོང་བར་བྱེད་པ་ལ་ལྟུང་བ་མེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ [156b.4]ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་{བཟངས་,བཟང་}ན་བཞུགས་སོ། །དེའི་ཚེ་ན་བྱང་ལམ་པའི་ཚོང་པ་ལམ་གྱི་བགྲོད་པར་ཞུགས་པ་དག་གིས་གཙུག་ལག་ཁང་རྟ་བབས་མཐོན་ [156b.5]པོ་དང་ལྡན་པ། སྐར་ཁུང་དང་། སྐར་ཁུང་དྲ་བ་ཅན་དང་། ལན་ཀན་གྱིས་བརྒྱན་པ། མིག་དང་སྙིང་འཕྲོག་པ་མཐོ་རིས་ཀྱི་ཐེམ་སྐས་སུ་གྱུར་པ་དག་མཐོང་ནས་དེ་དག་དད་པར་གྱུར་ཏེ། དེ་དག་གཙུག་ལག་ཁང་དུ་དོང་ནས་དགེ་སློང་རྣམས་ལ་འདི་སྐད་ཅེས་སྨྲས་སོ། །འཕགས་ [156b.6]པ་དག་བདག་ཅག་གིས་དགེ་འདུན་ལ་མཆོད་སྟོན་བགྱིའོ། །དགེ་སློང་རྣམས་ཀྱིས་སྨྲས་པ། མཆོད་སྟོན་གྱི་ཡོ་བྱད་དག་ཁྱེར་ཏེ་ཤེག་ཤིག །དེ་དག་གིས་སྨྲས་པ། བདག་ཅག་བློ་བུར་དུ་ལྷགས་པ་དག་ལགས་ཏེ། འདི་ལྟར་བདག་ཅག་རིན་འབུལ་གྱིས་ཁྱེད་ཀྱིས་འབྲས་ [156b.7]དག་སྩོལ་ཅིག །བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མཛད་པས་བདག་ཅག་འབྲས་དག་མི་འཚོང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་མི་བྱ་བར་འདི་ལྟར་གང་ [157a] [157a.1]དག་དགེ་འདུན་གྱི་ཕྱིར་མཆོད་སྟོན་བྱེད་པ་དེ་ལ་རིན་གྱིས་འབྲས་སྦྱིན་པར་བྱའོ། །དགེ་སློང་དག་རི་བ་ཁོ་ན་སྦྱིན་ནས་བཅོམ་ལྡན་འདས་ཀྱིས་བཀའ་སྩལ་པ། གང་གཙུག་ལག་ཁང་དེ་ཉིད་དུ་མཆོད་སྟོན་བྱེད་པ་དེ་ལ་འཐེབ་དང་བཅས་པ་སྦྱིན་པར་བྱའོ། །བཅོམ་ལྡན་ [157a.2]འདས་ཀྱིས་རིན་གྱིས་འབྲས་སྦྱིན་པར་བྱའོ་ཞེས་བཅའ་བ་མཛད་པས་མང་པོ་དག་མཆོད་སྟོན་བྱེད་ནས་ཐམས་ཅད་ལ་བྱིན་ན་འབྲས་དག་སྤྱད་པས་སྤྱི་བུངས་ཆད་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ [157a.3]མི་བྱ་བར་འདི་ལྟར་རིན་དེས་འབྲས་གཞན་དག་ཉོ་བར་བྱའོ། །འབྲས་རྙིང་པ་དག་ཀྱང་སོ་སོར་བརྟགས་ནས་གལ་ཏེ་སྲོག་ཆགས་མེད་ན་དུས་སུ་བཙོངས་ཏེ་འབྲས་སར་པས་བང་བ་དག་དགང་བར་བྱའོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་ [157a.4]དག་གིས་ཉེན་པ་ལ་ལྟུང་བ་མེད་དོ། །ཉོ་འཚོང་བྱེད་པའི་སྤང་བ་སྟེ་ཉི་ཤུ་པ་རྫོགས་ས་{སྷོ,སོ}།། །།སྡོམ་ལ། ལྷུང་བཟེད་གཉིས་དང་ཐ་ག་གཉིས། །བྱིན་འཕྲོག་སྟོན་ཟླ་ཐ་{ཆུངས་,ཆུང་}དང་། །དགོན་པ་པ་དང་རས་ཆེན་དང་། །བསྔོས་པ་དང་ནི་གསོག་འཇོག་གོ། ། [157a.5]སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ཉེ་དགའ་འདི་སྙམ་དུ་སེམས་ཏེ། འདི་དག་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་ཁྱབ་པར་བྱས་ [157a.6]པས་ཕྱིན་ཅད་གང་ནས་ཀྱང་རྙེད་པ་བསླང་བར་མི་ནུས་སོ་སྙམ་ནས་དེ་དེ་སྙམ་སེམས་པ་ན་དགའ་འདུན་དྲུག་བཅུ་སྐྱེད་མོས་ཚལ་དུ་དོང་བ་དེ་དག་ཉེ་{དགའས་,དགས་}མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། གལ་ཏེ་འདི་དག་ལས་རྙེད་པ་མ་གྲུབ་ན་ཉེ་དགའ་ཞེས་བྱ་བའི་མིང་གཟུང་ [157a.7]བར་མི་བྱའོ་སྙམ་མོ། །དྲུག་སྡེ་དག་གི་ཀུན་དུ་སྤྱོད་པ་ནི་གལ་ཏེ་སྦྱིན་པའི་གཏམ་དག་བྱེད་ན་ཉན་པ་པོ་དག་བདག་ཅག་གིས་རང་གི་ཤ་དག་བཅད་ཅིང་བཅད་ཅིང་སྦྱིན་པར་བྱའོ་སྙམ་དུ་སེམས་ལ། གལ་ཏེ་ཚུལ་ཁྲིམས་ཀྱི་གཏམ་དག་བྱེད་ན་ཉན་པ་པོ་དག་བདག་ཅག་ལྷ་རྣམས་ཀྱི་ [157b] [157b.1]ནང་དུ་སྐྱེས་སོ་སྙམ་དུ་སེམས་སོ། །གལ་ཏེ་ངན་སོང་གི་གཏམ་དག་བྱེད་ན་ཉན་པ་པོ་དག་བདག་ཅག་ངན་སོང་རྣམས་སུ་སྐྱེས་སོ་སྙམ་དུ་སེམས་པ་ཡིན་པས་དེས་ལྷུང་བཟེད་གསལ་བ། ཟླུམ་པ་ལོངས་སྤྱད་པར་བཟོད་པ་མཆན་ཁུང་གིས་ཁྱེར་ཏེ་དགའ་འདུན་དེ་དག་ག་ལ་བ་དེར་ [157b.2]སོང་སྟེ་ཕྱིན་ནས་དགའ་འདུན་པ་གཅིག་ལ་ཅི་ནས་ཀྱང་དེའི་སེམས་མངོན་པར་དད་པར་འགྱུར་བ་དེ་ལྟར་སྦྱིན་པའི་གཏམ་བྱས་ནས་དེ་སེམས་དད་པར་གྱུར་ཏེ་སྨྲས་པ། འཕགས་པ་ཅིའི་སླད་དུ་བྱོན། ཉེ་{དགའས་,དགས་}སྨྲས་པ། བཞིན་{བཟངས་,བཟང་}བདག་ལ་ལྷུང་བཟེད་དགོས་སོ། ། [157b.3]འཕགས་པ་བདག་ལ་ལྷུང་བཟེད་མ་མཆིས་ཏེ་གལ་ཏེ་རིན་གྱིས་རྙེད་ན་བདག་གིས་མཇལ་ཏེ་གསོལ་ལོ། །ཉེ་{དགའས་,དགས་}ལྷུང་བཟེད་མཆན་ཁུང་ནས་ཕྱུང་སྟེ་དེ་ལ་བསྟན་ནས་སྨྲས་པ། བཞིན་{བཟངས་,བཟང་}ལྷུང་བཟེད་འདི་ཡང་རིན་གྱིས་རྙེད་པ་ཡིན་ནོ། །འཕགས་པ་འདིའི་རིན་ཇི་ཙམ། [157b.4]ཀཱར་ཥཱ་པ་ཎ་དྲུག་བཅུའོ། །བདག་གིས་འདིའི་རིན་ཀཱར་ཥཱ་པ་ཎ་དྲུག་བཅུ་འབུལ་ལོ། །བཞིན་{བཟངས་,བཟང་}ཨ་རོག་གྱ་དེ་དག་ཁྱོད་ཀྱིར་གྱུར་ཅིག །སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་འཐོབ་པ་དང་། [157b.5]ལྷ་དང་མི་རྣམས་ཀྱི་ནང་དུ་སྣོད་དུ་འགྱུར་བར་གྱུར་ཅིག །དེ་བཞིན་དུ་དེ་དེས་དགའ་འདུན་དྲུག་བཅུ་པོ་དག་རེ་རེ་ཡང་ཀཱར་ཥཱ་པ་ཎ་དྲུག་བཅུ་དྲུག་བཅུ་སྦྱོར་དུ་བཅུག་སྟེ་སྦྱོར་དུ་བཅུག་ནས་སོང་ངོ་། །དགའ་འདུན་དེ་དག་ཐམས་ཅད་གཅིག་ཏུ་འདུས་པར་གྱུར་ནས་དེ་ན་དགའ་འདུན་གཅིག་ [157b.6]གིས་སྨྲས་པ། ཤེས་ལྡན་དག་ཁོ་བོས་བཙུན་པ་ཉེ་དགའ་ཤཱཀྱའི་རིགས་ལས་རབ་ཏུ་བྱུང་བ་ཆོས་སྒྲོག་པ་རིག་པ་དང་གྲོལ་བའི་སྤོབས་པ་དང་ལྡན་པ་ལ་ལྷུང་བཟེད་ཀྱི་རིན་དུ་ཀཱར་ཥཱ་པ་ཎ་དྲུག་བཅུ་ཕུལ་གྱིས་རྗེས་སུ་ཡི་རང་བར་གྱིས་ཤིག །གཞན་ཞིག་གིས་སྨྲས་པ། ཁོ་བོས་ཀྱང་ཕུལ་ [157b.7]ལོ། །ཡང་གཞན་ཞིག་གིས་སྨྲས་པ། ཁོ་བོས་ཀྱང་ཕུལ་ལོ། །དེ་བཞིན་དུ་ཐམས་ཅད་ཀྱིས་ཁོ་བོས་ཀྱང་ཕུལ་ལོ། །ཁོ་བོས་ཀྱང་ཕུལ་ལོ་ཞེས་སྨྲས་ནས་དེ་དག་ཕན་ཚུན་བལྟ་བར་བརྩམས་ཏེ། ཤེས་ལྡན་དག་དགེ་སློང་གཅིག་ལ་ལྷུང་བཟེད་དུ་དགོས་ཞེས་དེ་དག་གིས་དགེ་ [158a] [158a.1]སློང་ཞིག་ལ་དྲིས་པ། འཕགས་པ་དགེ་སློང་གཅིག་ལ་ལྷུང་བཟེད་དུ་འཚལ། དེས་སྨྲས་པ། བཞིན་{བཟངས་,བཟང་}དག་གཅིག་ཁོ་ན་དགོས་སོ། །དེ་དག་གིས་ཤཱཀྱའི་སྲས་ཀྱི་དགེ་སྦྱོང་རྣམས་ནི་རྙེད་པ་འདོད་པས་ཟིལ་གྱིས་གནོན་པ་དག་ཡིན་ནོ་ཞེས་ [158a.2]སྨད་པར་བརྩམས་སོ། །དེ་ནི་རེ་ཞིག་བྱུང་བ་ཡིན་གྱི་སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ [158a.3]སོ། །དེའི་ཚེ་ན་དགེ་སློང་དྲུག་སྡེ་དག་ལྷུང་བཟེད་རྙེད་དོ་ཅོག་གསོག་པར་བྱེད་ཅིང་བདག་ཉིད་ཀྱང་སྤྱོད་པར་མི་བྱེད། དགེ་སློང་གཞན་དག་ལ་ཡང་སྦྱིན་པར་མི་བྱེད་ནས་དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ལྷུང་བཟེད་རྙེད་དོ་ཅོག་གསོག་པར་བྱེད་ཅིང་བདག་ཉིད་ཀྱང་སྤྱོད་པར་ [158a.4]མི་བྱེད། དགེ་སློང་གཞན་དག་ལ་ཡང་སྦྱིན་པར་མི་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ [158a.5]ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། [158a.6]དགེ་སློང་དག་ཁྱེད་ལྷུང་བཟེད་རྙེད་དོ་ཅོག་སོགས་པར་བྱེད་ཅིང་བདག་ཉིད་ཀྱང་སྤྱོད་པར་མི་བྱེད། དགེ་སློང་གཞན་དག་ལ་ཡང་སྦྱིན་པར་མི་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་དང་མཐུན་པ་མ་ཡིན་པ། རྗེས་སུ་མཐུན་པ་མ་ཡིན་ [158a.7]པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་ [158b] [158b.1]པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་ལྷུང་བཟེད་ལྷག་པ་ཞག་བཅུའི་བར་དུ་བཅང་བར་བྱའོ། །དེ་ལས་ [158b.2]འདས་པར་འཆང་ན་སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི་ཆོས་འདི་པས་སོ། །ལྷུང་བཟེད་ལྷག་པ་ཞེས་བྱ་བ་ནི་བྱིན་གྱིས་བརླབ་པར་བྱ་བ་ལས་ལྷག་པའོ། །ཞག་བཅུའི་བར་དུ་ཞེས་བྱ་བ་ནི་ཉིན་མཚན་བཅུའི་མཐའི་བར་དུའོ། །བཅང་བར་བྱའོ་ཞེས་བྱ་བ་ནི་བདག་གིར་བྱའོ། ། [158b.3]དེ་ལས་འདས་པར་འཆང་ན་ཞེས་བྱ་བ་ནི་དེ་ལས་ཐལ་བར་འཆང་བའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན་འདི་ལྟ་སྟེ། དགེ་སློང་ [158b.4]གིས་ཚེས་ལ་ལྷུང་བཟེད་རྙེད་ན་དགེ་སློང་དེས་ལྷུང་བཟེད་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་ [158b.5]རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་ལྷུང་བཟེད་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་ལྷུང་བཟེད་རྙེད་ན་དགེ་སློང་དེས་ལྷུང་བཟེད་ [158b.6]དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་ [158b.7]སྐྱ་རེངས་ཤར་བ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་ཅིག་རྙེད་ཅིང་དེས་ཚེས་གཉིས་ལ་ཡང་གཞན་ཞིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་བྱིན་གྱིས་བརླབ་པར་བྱ་ཞིང་ཕྱི་མ་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ [159a] [159a.1]ལ་སྦྱིན་པར་བྱའོ། །ཡང་ན་ཕྱི་མ་བྱིན་གྱིས་བརླབ་པར་བྱ་ཞིང་སྔ་མ་གཏང་བར་བྱ་བའམ། རྣམ་པར་བརྟག་པར་བྱ་བའམ་གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ་གཏོང་བར་མི་བྱེད་དམ་རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ [159a.2]ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། ཚེས་དང་། ཚེས་གཉིས་ལ་མ་རྙེད་ཀྱང་ཚེས་གསུམ་དང་ཚེས་བཅུ་ཚུན་ཆད་ཀྱི་ལྷུང་བཟེད་ཅིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་བྱིན་གྱིས་བརླབ་པར་བྱ་ཞིང་ཕྱི་མ་གཏང་བར་བྱ་བའམ། རྣམ་པར་ [159a.3]བརྟག་པར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་བྱིན་གྱིས་བརླབ་པར་བྱ་ཞིང་སྔ་མ་གཏང་བར་བྱ་བའམ། རྣམ་པར་བརྟག་པར་བྱ་བའམ་གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ་གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། [159a.4]གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་གཉིས་རྙེད་ན་དགེ་སློང་དེས་ལྷུང་བཟེད་དེ་གཉིས་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་ [159a.5]བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་ལྷུང་བཟེད་གཉིས་ [159a.6]མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་ལྷུང་བཟེད་གཉིས་རྙེད་ན་དགེ་སློང་དེས་ལྷུང་བཟེད་དེ་གཉིས་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། [159a.7]གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ་གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་གཉིས་ཤིག་རྙེད་ཅིང་ [159b] [159b.1]དེས་ཚེས་གཉིས་ལ་ལྷུང་བཟེད་གཞན་གཉིས་ཤིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་གཉིས་བྱིན་གྱིས་བརླབ་པར་བྱ་ཞིང་ཕྱི་མ་གཉིས་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་གཉིས་བྱིན་གྱིས་བརླབ་པར་བྱ་ཞིང་ [159b.2]སྔ་མ་གཉིས་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་ [159b.3]འགྱུར་རོ། །ཚེས་དང་། ཚེས་གཉིས་ལ་མ་རྙེད་ཀྱང་ཚེས་གསུམ་དང་། ཚེས་བཅུ་ཚུན་ཆད་ཀྱིས་ལྷུང་བཟེད་གཉིས་ཤིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་གཉིས་བྱིན་གྱིས་བརླབ་པར་བྱ་ཞིང་ཕྱི་མ་གཉིས་གཏང་བར་བྱ་བ་འམ། རྣམ་པར་བརྟག་པར་བྱ་བའམ། [159b.4]གཞན་ལ་སྦྱིན་པར་བྱའོ། །ཡང་ན་ཕྱི་མ་གཉིས་བྱིན་གྱིས་བརླབ་པར་བྱ་ཞིང་སྔ་མ་གཉིས་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་ [159b.5]སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་མང་པོ་རྙེད་ན་དགེ་སློང་དེས་ལྷུང་བཟེད་དེ་དག་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་ [159b.6]བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་ཏོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་ལྷུང་བཟེད་མང་པོ་མ་རྙེད་ཀྱང་ཚེས་གཉིས་སམ། [159b.7]ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་ལྷུང་བཟེད་མང་པོ་རྙེད་ན་དགེ་སློང་དེས་ལྷུང་བཟེད་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་ [160a] [160a.1]མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་མང་པོ་དག་ཅིག་རྙེད་ཅིང་དེས་ཚེས་གཉིས་ལ་ཡང་ [160a.2]གཞན་མང་པོ་དག་ཅིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་དག་བྱིན་གྱིས་བརླབ་པར་བྱ་ཞིང་ཕྱི་མ་དག་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་དག་བྱིན་གྱིས་བརླབ་པར་བྱ་ཞིང་སྔ་མ་དག་གཏང་བར་བྱ་ [160a.3]བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། ། [160a.4]ཚེས་དང་། ཚེས་གཉིས་ལ་མ་རྙེད་ཀྱང་ཚེས་གསུམ་དང་། ཚེས་བཅུ་ཚུན་ཆད་ཀྱིས་ལྷུང་བཟེད་མང་པོ་དག་ཅིག་རྙེད་ན་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་དག་བྱིན་གྱིས་བརླབ་པར་བྱ་ཞིང་ཕྱི་མ་དག་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་ [160a.5]སྦྱིན་པར་བྱའོ། །ཡང་ན་ཕྱི་མ་དག་བྱིན་གྱིས་བརླབ་པར་བྱ་ཞིང་སྔ་མ་དག་གཏང་བར་བྱ་བ་འམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་ [160a.6]སྦྱིན་པར་མི་བྱེད་ན་ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ [160a.7]ལྷུང་བཟེད་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ལྷུང་བཟེད་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་ [160b] [160b.1]རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ལྷུང་བཟེད་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ། ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་སྲིད་དུ་སྤང་བའི་དངོས་པོ་དེ་མ་བཤགས་ཤིང་སོ་སོར་མ་ [160b.2]བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་གཞན་ཉེ་བར་འཇོག་པར་བྱེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལྷུང་བཟེད་ཆུང་ངུ་དང་། ལྷུང་བཟེད་སྐྱ་བ་དང་། [160b.3]ལྷུང་བཟེད་ཆེ་བ་དང་། ལྷུང་བཟེད་མ་ཚོས་པ་འཆང་བ་ལ་ལྟུང་བ་མེད་དོ། །རབ་ཏུ་འབྱུང་བ་ལ་ལྟོས་པའི་དོན་དུ་ལྷུང་བཟེད་འཆང་བ་ལ་ཐམས་ཅད་དུ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་ [160b.4]དོ། །ལྷུང་བཟེད་འཆང་བའི་སྤང་བ་སྟེ་ཉི་ཤུ་གཅིག་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་སྤོས་འཚོང་གི་ཁྱེའུ་ཞིག་འདུག་པ་དེས་ལྷུང་ [160b.5]བཟེད་ཤིན་དུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ཞིག་རྙེད་དོ། །བསོད་སྙོམས་པ་ཞིག་ཀྱང་སྔ་དྲོ་ཤམ་ཐབས་བགོས་ལྷུང་བཟེད་དང་། ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེས་བསོད་སྙོམས་བརྒྱུས་ཏེ་སྲང་དུ་ཕྱིན་པ་ [160b.6]དང་། སྤོས་འཚོང་གི་ཁྱེའུ་དེས་དེ་མཐོང་ནས་སྨྲས་པ། འཕགས་པ་བདག་གིས་ལྷུང་བཟེད་ཤིན་དུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ཞིག་རྙེད་ཀྱིས་གལ་ཏེ་བཞེད་ན་སྣོམས་ཤིག་བཞིན་{བཟངས་,བཟང་}བདག་ལ་ལྷུང་བཟེད་ཡོད་དོ། །འཕགས་པ་གལ་ཏེ་ [160b.7]དགེ་སློང་གཞན་འགའ་ཞིག་ལྷུང་བཟེད་འཚལ་བ་མཆིས་ན་དེ་གཏང་དུ་གསོལ། གཏང་བར་བྱའོ། །དེ་ནས་བསོད་སྙོམས་པ་དེས་མཉན་ཡོད་དུ་བསོད་སྙོམས་ལ་བརྒྱུས་ནས་རྒྱལ་བྱེད་ཀྱི་ཚལ་དུ་སོང་སྟེ། དེས་ཟན་ཟོས་ནས་ལྷུང་བཟེད་འཁྲུ་བ་ན་དགེ་སློང་རྣམས་ལ་སྨྲས་པ། ཚེ་དང་ [161a] [161a.1]ལྡན་པ་དག་སྲང་ག་གེ་མོ་ཞིག་ན་སྤོས་འཚོང་གི་ཁྱེའུ་ཞིག་འདུག་པ་དེས་ལྷུང་བཟེད་ཤིན་དུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ཞིག་རྙེད་ཀྱིས་ཁྱེད་ཅག་ལས་གང་ལྷུང་བཟེད་འདོད་པ་དེ་སོང་ཤིག །དེ་དང་ཧ་ཅང་ཐག་མི་རིང་བ་ན་ཉེ་དགའ་ [161a.2]འདུག་པ་དེས་ཐོས་ནས་དེས་བསམས་པ། དེ་ལྷུང་བཟེད་ནག་པོ་ཅན་འགའ་ཞིག་གིས་ཐོས་ནས་རབ་ཏུ་རྒྱུག་པར་གྱུར་ན་མི་རུང་གིས་སྨད་པར་བྱའོ་སྙམ་ནས་དེས་དེ་ལ་སྨྲས་པ། ཚེ་དང་ལྡན་པ་ཁྱོད་དད་པས་བྱིན་པ་ཟོས་ནས་ལྷུང་བཟེད་ཀྱི་གཏམ་དང་། ཆོས་གོས་ཀྱི་གཏམ་ལས་ [161a.3]གཞན་པའི་གཏམ་འགའ་ཡང་མེད་མོད། དེས་བསམས་པ། འཇིག་རྟེན་ན་འདོད་པའི་བདག་ཉིད་ཅན་གང་ཇི་སྙེད་པ་དེ་དག་དང་ཉེ་དགའ་མཚུངས་པ་ཡིན་ན་འདིས་ཀྱང་རེ་ཞིག་བདག་སྨད་པར་གྱུར་ན་གལ་ཏེ་དགེ་སློང་གནས་བརྟན་གཞན་འགའ་ཞིག་གིས་ཐོས་པར་གྱུར་ན་དེས་རྒྱ་ཆེར་སྨད་ [161a.4]པར་འགྱུར་རོ་སྙམ་ནས་དེ་ཅང་མི་སྨྲ་བར་འདུག་གོ། །ཉེ་{དགའས་,དགས་}དེ་བཀར་ཏེ་སྨྲས་པ། ཚེ་དང་ལྡན་པ་ཁྱོད་ཀྱི་མཁན་པོ་དང་ཁོ་བོ་བཤེས་པས་དེའི་ཕྱིར་ཁོ་བོས་ཁྱོད་སྨད་ཀྱིས་མ་གཤེ་ཤིག །གནས་བརྟན་གལ་ཏེ་བདག་ཡང་སྨྲ་བར་གྱུར་ན་ཁྱོད་ཀྱིས་བདག་ལ་ཡང་སྨད་པར་མཛོད་ [161a.5]ཅིག །ཚེ་དང་ལྡན་པ་ཁོ་བོ་ཡང་ཉེ་བར་མ་ཞི་བ་ཙམ་དུ་ཟད་ཀྱི་ཅི་ལྷུང་བཟེད་དེ་ལྷུང་བཟེད་མ་ཡིན་ནམ། གནས་བརྟན་སྔ་མ་ཉིད་ཀྱང་སྨྲ་བར་མི་བགྱི་བ་ལགས་ཀྱིས་འཚལ་ཏོ། །ཚེ་དང་ལྡན་པ་དེ་ལྟ་མོད་ཀྱི་འོན་ཀྱང་རེ་ཞིག་སྨྲོས་ཤིག །གནས་བརྟན་སྲང་ཆེ་གེ་མོ་ཞིག་ན་སྤོས་འཚོང་ [161a.6]གི་ཁྱེའུ་ཞིག་མཆིས་པ་དེས་ལྷུང་བཟེད་ཤིན་ཏུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ཞིག་རྙེད་ནས་དེའི་མཆིད་ནས་གལ་ཏེ་དགེ་སློང་ལྷུང་བཟེད་འཚལ་བ་འགའ་ཞིག་མཆིས་ན་དེ་གཏང་དུ་གསོལ་ཞེས་མཆིའོ། །དེ་ནི་དེ་ཙམ་དུ་ཟད་དེ། དེ་ཡང་ཉེ་བར་མ་ [161a.7]ཞི་བ་ཙམ་ཁོ་ནར་ཟད་དོ། །དེ་ནས་ཉེ་དགའ་སྣམ་སྦྱར་གྱོན་ཏེ་འགྲོས་བསྐྱེད་ནས་ཕྱ་རར་སོང་བ་དང་། སྤོས་འཚོང་གི་ཁྱེའུ་དེས་དེ་འགྲོས་བསྐྱེད་དེ་འོང་བ་ཐག་རིང་པོ་ཁོ་ན་ནས་མཐོང་ནས་དེས་བསམས་པ། དགེ་སྦྱོང་ཧྲལ་པོ་འགྲོས་འདི་ལྟ་བུས་འོང་བ་འདིས་བདག་གི་ལྷུང་ [161b] [161b.1]བཟེད་འདི་ཕྲོགས་པར་འགྱུར་དུ་འོང་ངོ་སྙམ་ནས་དེས་ལྷུང་བཟེད་དེ་བླངས་ཏེ་འཇོང་ཚེའི་འོག་ཏུ་བཅུག་སྟེ་བཞག་པ་དང་ཉེ་{དགའས་,དགས་}དེ་སྦེད་པའི་ཚེ་མཐོང་ནས་དེས་སྨྲས་པ། བཞིན་{བཟངས་,བཟང་}ཅི་ལྷུང་བཟེད་འདི་ནལ་གྱི་བུ་ཡིན་ནམ་ཅི་ན་དེ་ཕྱིར་སྦེད་པར་བྱེད་ཅེས་དེས་ལག་པ་བརྐྱང་སྟེ་ལྷུང་ [161b.2]བཟེད་བླངས་ནས་སྨྲས་པ། བཞིན་{བཟངས་,བཟང་}ཨ་རོག་གྱ་སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་ཐོབ་པ་དང་། ལྷ་དང་མི་རྣམས་ཀྱི་ནང་ན་སྣོད་དུ་འགྱུར་བར་གྱུར་ཅིག །འཕགས་པ་བདག་ཅག་ཚོང་པ་ [161b.3]དག་ནི་ཁེ་སྤོགས་འཚལ་བས་འཚོ་བ་ལགས་པས་འདི་རིན་མ་མཆིས་པར་མི་དབུལ་ཏེ་འདི་ལྟར་རིན་གྱི་ཕྱིར་འབུལ་ལོ། །བཞིན་{བཟངས་,བཟང་}ཅི་ཁྱོད་དྲང་སྲོང་གི་སྣོད་འཚོང་བར་བྱེད་དམ། ཚིགས་སུ་བཅད་པ་ཡང་སྨྲས་པ། གལ་ཏེ་སྐྱེས་བུ་ས་སྣོད་ཀྱིས། །གསེར་གྱི་སྣོད་ནི་ [161b.4]ཐོབ་གྱུར་ན། །དེ་ཡིས་མྱ་ངན་ཅི་ཕྱིར་བྱ། །བསླུས་པ་མེད་པར་ཁོ་བོས་མཐོང་། །འཕགས་པ་ཁྱོད་མང་དུ་གསུང་མོད་ཀྱི་འོན་ཀྱང་རིན་མ་མཆིས་པར་མི་འབུལ་ལོ། །ཉེ་{དགའས་,དགས་}སྨྲས་པ། ཁྱོད་ཀྱི་ལྷུང་བཟེད་ལ་ལྷག་པར་ཆགས་པ་འདིས་{ཡི་དགས་,ཡི་དྭགས་}ལྐོག་ལྦ་ཅན་ [161b.5]དག་གི་ནང་དུ་སྐྱེ་བར་བྱ་དགོས་སོ་ཞེས་དེ་དེ་སྐད་སྤྱོ་བར་བྱེད་པ་ན་ཁྱིམ་བདག་ཅིག་ཕྱོགས་དེར་འོངས་ནས་དེས་སྨྲས་པ། འཕགས་པ་ཕྱག་འཚལ་ལོ། །བཙུན་པ་ཉེ་དགའ་ཕྱག་འཚལ་ལོ། །ཉེ་{དགའས་,དགས་}སྨྲས་པ། བཞིན་{བཟངས་,བཟང་}ཁྱོད་ཀྱི་ཕྱག་སྐམ་པོ་འདིས་ཅི་བྱ། [161b.6]འཕགས་པ་བདག་ལ་བཙུན་པ་ཉེ་{དགའས་,དགས་}བཀའ་སྩལ་པ་གང་ཞིག་བདག་གིས་མ་བསྒྲུབས། ལྷུང་བཟེད་འདི་ཉོས་ཏེ་བྱིན་ཅིག །ཁྱིམ་བདག་དེས་སྤོས་འཚོང་གི་ཁྱེའུ་དེ་ལ་སྨྲས་པ། བཞིན་{བཟངས་,བཟང་}ལྷུང་བཟེད་འདི་རིན་ཅི་ཙམ། འདི་དང་འདི་ཙམ་མོ། །ཁོ་བོས་ཁྱོད་ [161b.7]ལ་སྦྱིན་ནོ། །སྤོས་འཚོང་གི་ཁྱེའུ་དེས་ལྷུང་བཟེད་དེ་ཁྱིམ་བདག་དེ་ལ་བྱིན་ནས་ཁྱིམ་བདག་དེས་ཀྱང་ཉེ་དགའ་ལ་ཕུལ་ལོ། །ཉེ་{དགའས་,དགས་}སྨྲས་པ། ཨ་རོག་གྱ་སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་ [162a] [162a.1]མཆོག་ཐོབ་པ་དང་། ལྷ་དང་མི་རྣམས་ཀྱི་ནང་ན་སྣོད་དུ་འགྱུར་བར་གྱུར་ཅིག །ཁྱིམ་བདག་དེ་སོང་བ་དང་། ཉེ་{དགའས་,དགས་}སྤོས་འཚོང་གི་ཁྱེའུ་དེ་ལ་སྨྲས་པ། བཀྲེན་པ་ཁྱོད་ཀྱིས་ཉེ་{དགའས་,དགས་}ལྷུང་བཟེད་ཀྱི་རིན་སྤྱོད་དུ་འཇུད་མི་ནུས་སྙམ་དུ་ཤེས་སམ། ཁྱོད་ཀྱི་ལྷུང་ [162a.2]བཟེད་ལ་ལྷག་པར་ཆགས་པ་འདིས་{ཡི་དགས་,ཡི་དྭགས་}ལྦ་བ་ཅན་དག་གི་ནང་དུ་སྐྱེ་བར་བྱ་དགོས་སོ། །འཕགས་པ་ཅི་ཞིག་སྦྱོར་མཆིས། ཁྱོད་ཀྱིས་ཀྱང་ལྷུང་བཟེད་ཐོབ་ལ། བདག་གིས་ཀྱང་རིན་ཐོབ་ཀྱིས་བཞུད་ཅིག །ཉེ་དགའ་ཡང་ལྷུང་བཟེད་ཁྱེར་ཏེ་གཙུག་ལག་ཁང་དུ་སོང་ནས་དེས་ལྷུང་ [162a.3]བཟེད་དེ་དགེ་སློང་རྣམས་ལ་བསྟན་ཏེ་སྨྲས་པ། ཚེ་དང་ལྡན་པ་དག་ལྟོས་ཤིག །ཁོ་བོའི་ལྷུང་བཟེད་ཅི་འདྲ། གཞོན་ནུ་ཞིག་གིས་སྨྲས་པ། གནས་བརྟན་ཅི་ཁྱོད་ལ་ལྷུང་བཟེད་གཞན་མ་མཆིས་སམ། ཡོད་དོ། །འོ་ན་གནས་བརྟན་གྱིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་ [162a.4]གཞན་བཙལ་དུ་རུང་ངམ། དགྲ་བོ་རྣམས་ཀྱི་གྲེ་བར་རྐང་པས་མནན་ནས་སོ། །གནས་བརྟན་ལ་དགྲ་བོ་དག་ཀྱང་མཆིས་སམ། གང་གི་ཕྱིར་ཁྱོད་ཁོ་བོའི་ལྷུང་བཟེད་གཉིས་པ་ཡང་མི་བཟོད་པས་ཇེ་ཁྱོད་ཁོ་བོའི་དགྲ་བོ་ཐུ་བོ་ཡིན་ནོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ [162a.5]ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་ཚོལ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། [162a.6]སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ་ [162a.7]ཁྱོད་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་ཚོལ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ [162b] [162b.1]ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་གིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་བཙལ་བར་མི་བྱའོ།། །།འདུལ་བ་ [162b.2]རྣམ་པར་འབྱེད་པ། བམ་པོ་སུམ་བཅུ་རྩ་བཞི་པ། བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་བཙལ་བར་མི་བྱའོ་ཞེས་བཀའ་སྩལ་ནས་བསོད་སྙོམས་པ་ཞིག་གི་ལྷུང་བཟེད་ཅུང་ཞིག་རྡོལ་ནས་དེས་དེ་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ [162b.3]པ་དང་དེས་ཕྱེ་དག་རྙེད་ནས་དེས་དེ་དག་ལྷུང་བཟེད་ཀྱི་སྣོད་ཀྱིས་མནོས་སོ། །འབྲས་ཅན་གཤེར་བ་རྙེད་ནས་དེས་དེ་དག་ལྷུང་བཟེད་ཀྱིས་མནོས་པ་དང་དེ་ནས་ཟགས་པས་ཕྱེ་དག་གཤེར་བར་གྱུར་ཏེ་དེ་དག་གིས་ལྷུང་བཟེད་ཀྱི་སྣོད་མ་རུང་བར་གྱུར་ནས་དེ་སྦྲང་བུ་དག་གིས་ཡོངས་སུ་བསྐོར་བར་གྱུར་པ་དང་། [162b.4]དེ་ལ་ཁྱེའུ་དང་། བུ་མོ་དག་གིས་སྨྲས་པ། འཕགས་པས་ནོར་ཅན་དང་། ཚོང་དཔོན་དང་། དེད་དཔོན་དག་བཞིན་དུ་འཁོར་མང་པོར་འགྱུར་བའི་ལས་བྱས་པས་སྦྲང་བུ་དག་གིས་ཡོངས་སུ་བསྐོར་ཅིང་བཞུད་དོ། །ཁྱིམ་བདག་མགོན་མེད་ཟས་སྦྱིན་གྱིས་དེ་མཐོང་ནས་སྨྲས་པ། བྱིས་པ་ [162b.5]དག་ཅིའི་ཕྱིར་འཕགས་པ་ལ་མཐོ་འཚམ་པར་བྱེད། ཁྱིམ་བདག་འཕགས་པ་ལ་ཐོ་བཙམ་དུ་ཅི་མཆིས། འཕགས་པས་ནོར་ཅན་དང་། ཚོང་དཔོན་དང་། དེད་དཔོན་དག་བཞིན་དུ་འཁོར་མང་པོར་འགྱུར་བའི་ལས་བགྱིས་པས་སྦྲང་བུ་དག་གིས་ཡོངས་སུ་བསྐོར་ཅིང་བཞུད་དོ། །ཁྱིམ་ [162b.6]བདག་མགོན་མེད་ཟས་སྦྱིན་གྱིས་དགེ་སློང་དེ་ལ་སྨྲས་པ། འཕགས་པ་བཅོམ་ལྡན་འདས་ཀྱིས་བསྟན་པ་ཀུན་དུ་མཛེས་པ་ལ་ཁྱོད་ཅི་ཅལ་ཅོལ་བྱེད། ཁྱིམ་བདག་འདི་ལ་ཅལ་ཅོལ་དུ་གྱུར་པ་ཅི་ཡོད། ཁྱོད་ཀྱིས་ཁོ་བོ་རོལ་མོ་མཁན་གྱི་ཁྱིམ་དང་། འཇུད་མཐུན་མའི་ཁྱིམ་དང་། ཆང་པའི་ཁྱིམ་དང་། [162b.7]རྒྱལ་པོའི་ཕོ་བྲང་དང་། གདོལ་པའི་ཁྱིམ་དུ་ཞུགས་པར་མཐོང་ངམ། འཕགས་པ་འོ་ན་ཅིའི་ཕྱིར་ཁྱོད་བྱིས་པ་དག་གིས་བསྐོར་ཏེ་འཕྱ་བར་བྱེད། ཁྱིམ་བདག་ཁོ་བོའི་ལྷུང་བཟེད་འདི་ཟག་གོ། །འོ་ན་ཅིའི་ཕྱིར་ལྷུང་བཟེད་གཞན་མི་ཚོལ། བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ཡོད་ [163a] [163a.1]ཅིང་བདོག་བཞིན་དུ་ལྷུང་བཟེད་གཞན་བཙལ་བར་མི་བྱའོ་ཞེས་གསུངས་སོ། །འཕགས་པ་ཁྱོད་ཀྱི་ལྷུང་བཟེད་འདི་འདྲ་བ་ཡོད་ཅིང་བདོག་པ་ཡིན་ནམ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་ [163a.2]པ། གང་གི་ལྷུང་བཟེད་རྡོལ་བ་དེས་གླན་པར་བྱའོ། །བཅོམ་ལྡན་འདས་ཀྱིས་གང་གི་ལྷུང་བཟེད་རྡོལ་བ་དེས་གླན་པར་བྱའོ། །ཞེས་བཅའ་བ་མཛད་ནས། དགེ་སློང་དག་ལྷན་པ་སྙི་བ་ལྔ་པོ་བུ་རམ་དང་། རྒྱ་སྐྱེགས་ཀྱི་ཚིགས་མ་དང་། སྤྲ་ཚིལ་དང་། རོ་ཉེ་དང་། ཚོན་མོ་སྟེང་དག་གིས་ [163a.3]གློན་པར་བྱེད་ནས། དེ་དག་ཚ་བ་དང་ཕྲད་ནས་ཡང་ཟགས་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལྷན་པ་སྙི་བ་ལྔ་པོ་དེ་དག་སྤངས་ཏེ་ལྷན་པ་སྲ་བ་ལྔ་པོ་གཞན་དག་གིས་གླན་པར་བྱའོ། །དགེ་སློང་ [163a.4]དག་གིས་ལྷན་པ་སྲ་བ་ལྔ་པོ་དག་ཅི་འདྲ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ལྷན་{རིངས་,རིང་}དང་། ཐམ་ཕྲན་དང་། ལྷན་པ་དང་། ཆུ་སྲིན་གྱི་སོ་ལྟ་བུ་དང་། ཕྱེ་མས་སོ། །དགེ་སློང་རྣམས་ཀྱིས་ཕྱེ་མ་དུ་ཡོད་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱེ་མ་ [163a.5]གཉིས་ཏེ། ལྕགས་ཀྱི་ཕྱེ་མ་དང་། རྡོའི་ཕྱེ་མའོ། །ལྕགས་ཀྱི་ལྷུང་བཟེད་ལ་ནི་ལྕགས་ཀྱི་ཕྱེ་མས་གླན་པར་བྱའོ། །སའི་ལྷུང་བཟེད་ལ་ནི་རྡོའི་ཕྱེ་མས་གླན་པར་བྱའོ། །དེ་དག་ཆུར་ཕྱེ་མ་བདར་ཏེ་གློན་པར་བྱེད་ནས་དེ་དེ་བཞིན་དུ་འགོགས་ནས་བཅོམ་ལྡན་འདས་ཀྱིས་བཀའ་སྩལ་པ། [163a.6]འབྲུ་མར་དུ་བདར་བས་གླན་པར་བྱའོ། །དེ་དག་ཧ་ཅང་དྲག་ཏུ་སྲེག་པས་དེ་འགོགས་པ་དང་། ཧ་ཅང་ཆུང་ངུར་སྲོས་པས་མི་འཆགས་ནས་བཅོམ་ལྡན་འདས་ཀྱིས་བཀའ་སྩལ་པ། ཅི་རན་ཙམ་དུ་བསྲོ་བར་བྱའོ། །ཧ་ཅང་རྩུབ་པོར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། བདར་བར་བྱའོ། ། [163a.7]དེ་དག་ཆུས་བླུགས་ཏེ་བདར་བར་བྱེད་པས་དེ་ཡང་འགོགས་ནས་བཅོམ་ལྡན་འདས་ཀྱིས་བཀའ་སྩལ་པ། འབྲུ་མར་བླུགས་ཏེ་བདར་བར་བྱའོ། །ས་ལས་བྱས་པའི་ལྷུང་བཟེད་དག་རྡོལ་ནས་བཅོམ་ལྡན་འདས་ཀྱིས་བཀའ་སྩལ་པ། བུ་རམ་དང་། འཇིམ་པས་གླན་ནས་དེ་དག་བསྲོ་བར་བྱའོ། །བཅོམ་ལྡན་ [163b] [163b.1]འདས་ཀྱིས་དེ་ལྟར་ལྷན་པ་ལྔ་པོ་དག་གིས་གླན་པར་བྱའོ། །ཞེས་བཅའ་བར་མཛད་ནས། དགེ་སློང་བསོད་སྙོམས་པ་ཞིག་གིས་ས་ལས་བྱས་པའི་ལྷུང་བཟེད་ལག་པ་ནས་ཤོར་ཏེ་གྱོ་དུམ་ལྔར་གྱུར་ནས། དེས་དེ་དག་བུ་གུ་ཕུག་སྟེ་གྱོ་དུམ་དག་སྐུད་པས་བརྒྱུས་ནས་བསོད་སྙོམས་ལ་རྒྱུ་བར་བྱེད་དོ། །བཅོམ་ལྡན་ [163b.2]འདས་ཀྱིས་ལྷུང་བཟེད་ལ་ཟས་མེད་པར་བྱའོ་ཞེས་བཀའ་སྩལ་ནས་དེས་དེ་རུང་བར་བྱེད་པ་ན་བཤིག་ཅིང་རྒྱུད་པར་བྱེད་པས་སྔ་དྲོ་ཐམས་ཅད་ཟད་པར་གྱུར་ནས་དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཅི་ཁྱོད་ཀྱི་དགེ་བའི་ཕྱོགས་འདི་ལྟ་སྟེ། བཅིངས་པ་འགྲོལ་བ་འདི་ཁོ་ན་ཡིན་ནམ། དེས་ [163b.3]སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྷུང་བཟེད་ཆག་པ་ལ་ལྷན་པ་སྲ་བ་ལྔ་པོ་དག་གིས་གླན་པར་བྱའོ། །ཞེས་བཅའ་བར་མཛད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་བསླབ་པ་འདོད་པ་དང་། བསླབ་ [163b.4]པ་ལ་གུས་པ་དང་། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་རྗེས་སུ་མཐུན་པ་དང་། དེའི་ཤས་ཆེ་བ་དང་། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་ [163b.5]བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ལྷུང་བཟེད་ལྷན་པ་ལྔ་མེད་པ། སྤྱད་ [163b.6]བཟོད་པ་ཡོད་བཞིན་དུ་བཟང་པོ་འདོད་པའི་ཕྱིར་ལྷུང་བཟེད་སར་པ་གཞན་ཚོལ་ཞིང་ལྷུང་བཟེད་གྲུབ་ན་སྤང་བའི་ལྟུང་བྱེད་དོ། །དགེ་སློང་དེས་ལྷུང་བཟེད་དེ་དགེ་སློང་གི་འཁོར་ལ་དབུལ་བར་བྱའོ། །དགེ་སློང་གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ་དགེ་སློང་དེ་ལ་ [163b.7]དགེ་སློང་ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ། གཞན་ལ་སྦྱིན་པར་མི་བྱ་བར་ཆག་པའི་མཐར་ཐུག་པའི་བར་དུ་ཁད་ཀྱིས་དལ་བུ་དལ་བུས་སྤྱད་པར་བྱའོ་ཞེས་སྦྱིན་པར་བྱ་སྟེ། དེ་ལ་དེ་ནི་ཆོ་ག་ཡིན་ནོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །ལྷུང་བཟེད་ [164a] [164a.1]ལྷན་པ་ལྔ་མེད་པ་ཞེས་བྱ་བ་ནི་ལྷུང་བཟེད་ལྷན་པ་ལྔར་མ་ཚང་བའོ། །སྤྱད་བཟོད་པ་ཡོད་བཞིན་དུ་ཞེས་བྱ་བ་ནི་ཡོངས་སུ་ལོངས་སྤྱད་པར་བཟོད་པ་ཡོད་བཞིན་དུའོ། །བཟང་པོ་འདོད་པའི་ཕྱིར་ཞེས་བྱ་བ་ནི་མཆོག་འདོད་པའི་ཕྱིར་རམ། ཡང་དང་ཡང་འདོད་པའི་ཕྱིར་རོ། །ལྷུང་ [164a.2]བཟེད་སར་པ་ཞེས་བྱ་བ་ནི་སར་པ་གཉིས་ཏེ་གསར་པས་སར་པ་དང་། རྙེད་པས་སར་པ་སྟེ། དོན་འདིར་ནི་གཉིས་ཀ་ཡིན་པར་དགོངས་སོ། །གཞན་ཞེས་བྱ་བ་ནི་གཉིས་པའོ། །ཚོལ་ཞིང་ཞེས་བྱ་བ་ནི་ཚོལ་བར་བྱེད་ཅིང་ངོ་། །ལྷུང་བཟེད་གྲུབ་ན་ཞེས་བྱ་བ་ནི་ལྷུང་བཟེད་ཐོབ་ནའོ། །སྤང་ [164a.3]བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དགེ་སློང་དེས་ཞེས་བྱ་བ་ནི་དགེ་སློང་གང་ཡིན་པ་དེས་སོ། །ལྷུང་བཟེད་དེ་ཞེས་བྱ་བ་ནི་ལྷུང་བཟེད་འབྲེལ་པ་མེད་པ་དེའོ། །དགེ་སློང་གི་འཁོར་ [164a.4]ལ་དབུལ་བར་བྱའོ་ཞེས་བྱ་བ་ནི་དེ་ན་དགེ་སློང་གང་དག་འཁོད་པ་ལའོ། །དགེ་སློང་གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ་དགེ་སློང་དེ་ལ་དགེ་སློང་ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ། གཞན་ལ་སྦྱིན་པར་མི་བྱ་བར་ཆག་ [164a.5]པའི་མཐར་ཐུག་གི་བར་དུ་ཁད་ཀྱིས་དལ་བུ་དལ་བུས་སྤྱད་པར་བྱའོ་ཞེས་སྦྱིན་པར་བྱ་སྟེ་ཞེས་བྱ་བ་ལ། དགེ་སློང་གི་དགེ་འདུན་གྱིས་ཀྱང་ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་བསྐོ་བར་བྱ་སྟེ། ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་ཆོས་ལྔ་དང་ལྡན་པ་ནི་མ་ [164a.6]བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བ་དང་། ལྷུང་བཟེད་འབྲེལ་པ་མེད་པ་བྲིམས་པ་དང་མ་བྲིམས་པ་མི་ཤེས་པའོ། །ལྷུང་བཟེད་འབྲེལ་ [164a.7]པ་མེད་པ་འབྲིམ་པའི་དགེ་སློང་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང་། ཞེ་སྡང་གིས་མི་འགྲོ་བ་དང་། གཏི་མུག་གིས་མི་འགྲོ་བ་དང་། འཇིགས་པས་མི་འགྲོ་བ་དང་། ལྷུང་བཟེད་འབྲེལ་པ་ [164b] [164b.1]མེད་པ་བྲིམས་པ་དང་མ་བྲིམས་པ་ཤེས་པའོ། །འདི་ལྟར་བསྐོ་བར་བྱ་སྟེ། ཇེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་པར་སྤྲོའམ། གལ་ཏེ་སྤྲོ་ན་དེས་སྤྲོའོ་ཞེས་བརྗོད་པར་བྱའོ། །དེའི་འོག་ཏུ་དེས་གནས་མལ་ [164b.2]བཤམ་པ་བྱས་ཏེ། གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་སྟེ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། །དགེ་ [164b.3]སློང་མིང་འདི་ཞེས་བགྱི་བ་འདི་དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་ [164b.4]པར་བསྐོའོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་པར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་ལྷུང་ [164b.5]བཟེད་འབྲེལ་པ་མེད་པ་འབྲིམ་པར་བསྐོ་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་དགེ་ [164b.6]འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་པར་སྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་གི་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། ལྷུང་བཟེད་ [164b.7]འབྲེལ་པ་མེད་པ་འབྲིམ་པའི་དགེ་སློང་གིས་ཚོགས་པའི་དུས་སུ་དགེ་འདུན་ལ་ཚེ་དང་ལྡན་པ་དག་བདག་སང་དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་པར་འགྱུར་གྱིས། ཁྱེད་ཅག་ནང་པར་གཎྜཱི་བརྡུངས་པ་ན་རང་རང་གི་ལྷུང་བཟེད་དག་ཐོགས་ལ་དགེ་འདུན་གྱི་ནང་དུ་གཤེགས་པར་མཛོད་ [165a] [165a.1]ཅིག་ཅེས་བསྒོ་བར་བྱའོ། །དེ་ནས་ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་གིས་ཕྱི་དེ་ཉིན་པར་གནས་མལ་བཤམ་པ་བྱས་ཏེ། གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་བར་བྱའོ། །དགེ་སློང་རྣམས་ཀྱིས་ཀྱང་རང་རང་གི་ [165a.2]ལྷུང་བཟེད་དག་བྱིན་གྱིས་བརླབས་པ་ཕྱུང་ཞིང་ཐོགས་ཏེ་དགེ་འདུན་གྱི་ནང་དུ་འཇུག་པར་བྱའོ། །དེ་ནས་ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་གིས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་ལྷུང་བཟེད་འབྲེལ་པ་མེད་པ་ཐོགས་ཏེ་རྒན་པའི་མཐའ་ལོགས་སུ་ཕྱག་འཚལ་ [165a.3]ནས་དགེ་འདུན་གྱི་གནས་བརྟན་གྱི་མདུན་དུ་འདུག་སྟེ། གནས་བརྟན་ལྷུང་བཟེད་འདི་ནི་ཤིན་ཏུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ལགས་ཀྱིས་གལ་ཏེ་བཞེད་ན་སྣོམས་ཤིག་ཅེས་ཡོན་ཏན་ཇི་ལྟ་བ་བཞིན་དུ་ལྷུང་བཟེད་འབྲེལ་པ་མེད་པའི་བསྔགས་པ་བརྗོད་དེ་དབུལ་ [165a.4]བར་བྱའོ། །དགེ་འདུན་གྱི་གནས་བརྟན་གྱིས་ཀྱང་གལ་ཏེ་འདོད་ན་བླང་བར་བྱའོ། །གལ་ཏེ་དགེ་འདུན་གྱི་གནས་བརྟན་གྱིས་ལྷུང་བཟེད་དེ་བླངས་ན་དགེ་འདུན་གྱི་གནས་བརྟན་གྱི་ལྷུང་བཟེད་གང་ཡིན་པ་དེ་གནས་བརྟན་གཉིས་པ་ལ་དབུལ་བར་བྱའོ། །གནས་བརྟན་གཉིས་པའི་ལྷུང་བཟེད་གང་ཡིན་ [165a.5]པ་དེ་གནས་བརྟན་གསུམ་པ་ལ་དབུལ་བར་བྱའོ། །དེ་བཞིན་དུ་དགེ་འདུན་གྱི་གསར་བུ་གཉིས་པའི་ལྷུང་བཟེད་གང་ཡིན་པ་དེ་དགེ་འདུན་གྱི་སར་བུ་ལ་དབུལ་བའི་བར་དུ་བྱའོ། །གལ་ཏེ་དགེ་འདུན་གྱི་གནས་བརྟན་གྱིས་མ་བླངས་ན་གནས་བརྟན་གཉིས་པ་ལ་དབུལ་བར་བྱའོ། །གལ་ཏེ་གནས་བརྟན་གཉིས་ [165a.6]པས་མ་བླངས་ན་གནས་བརྟན་གསུམ་པ་ལ་དབུལ་བར་བྱའོ། །གལ་ཏེ་གནས་བརྟན་གསུམ་པས་མ་བླངས་ན་དགེ་འདུན་གྱི་གནས་བརྟན་སློང་བར་བྱེད་ན་བརྗོད་པ་དང་པོ་ལ་སྦྱིན་པར་མི་བྱ་ཞིང་བརྗོད་པ་གཉིས་པ་ལ་ཡང་སྦྱིན་པར་མི་བྱའོ། །བརྗོད་པ་གསུམ་པ་ལ་སྦྱིན་པར་བྱ་སྟེ། དགེ་འདུན་གྱི་གནས་ [165a.7]བརྟན་གྱི་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པར་བྱའོ། །དེ་བཞིན་དུ་དགེ་འདུན་གྱི་གསར་བུ་གསུམ་པས་མ་བླངས་ན་གསར་བུ་གཉིས་པ་ལ་དབུལ་བར་བྱའོ། །གལ་ཏེ་གསར་བུ་གཉིས་པས་མ་བླངས་ན་གསར་བུ་ལ་དབུལ་བར་བྱའོ། །གལ་ཏེ་དགེ་འདུན་གྱི་གསར་བུས་ [165b] [165b.1]བླངས་པ་ན་གསར་བུ་གསུམ་པ་སློང་བར་བྱེད་ན་བརྗོད་པ་དང་པོ་ལ་སྦྱིན་པར་མི་བྱ་ཞིང་། བརྗོད་པ་གཉིས་པ་ལ་ཡང་སྦྱིན་པར་མི་བྱའོ། །བརྗོད་པ་གསུམ་པ་ལ་སྦྱིན་པར་བྱ་སྟེ། དགེ་འདུན་གྱི་གསར་བུ་གསུམ་པས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པའི་བར་དུ་བྱའོ། །དགེ་སློང་ [165b.2]གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ་དགེ་སློང་དེ་ལ་དགེ་སློང་ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ། གཞན་ལ་སྦྱིན་པར་མི་བྱ་བར་ཆག་པའི་མཐར་ཐུག་གི་བར་དུ་ཁད་ཀྱིས་དལ་བུ་དལ་བུས་སྤྱད་པར་བྱའོ་ཞེས་སྦྱིན་པར་བྱའོ། །ལྷུང་བཟེད་འབྲེལ་ [165b.3]པ་མེད་པ་འབྲིམ་པའི་དགེ་སློང་གིས་ཀུན་ཏུ་སྤྱད་པར་བྱ་བའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །ངས་ལྷུང་བཟེད་འབྲེལ་པ་མེད་པ་འཆང་བའི་དགེ་སློང་གི་ཀུན་ཏུ་སྤྱད་པར་བྱ་བའི་ཆོས་དག་བཅའ་བར་བྱ་སྟེ་ལྷུང་བཟེད་འབྲེལ་པ་མེད་པ་ [165b.4]འཆང་བའི་དགེ་སློང་གིས་ལྷུང་བཟེད་ཀྱི་སྣོད་གཉིས་ཉེ་བར་གཞག་པར་བྱ་ཞིང་དེ་ལ་བཟང་པོ་གང་ཡིན་པ་དེར་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང་། ཅིག་ཤོས་སུ་ལྷུང་བཟེད་བྱིན་གྱིས་བརླབས་པ་གཞུག་པར་བྱའོ། །དེས་ལྷུང་བཟེད་གཉི་ག་ཐོགས་ཏེ་བསོད་སྙོམས་ལ་འཇུག་པར་བྱ་ཞིང་ [165b.5]གལ་ཏེ་འབྲས་ཆན་སྐམ་པོ་རྙེད་ན་ལྷུང་བཟེད་འབྲེལ་པ་མེད་པས་བླང་བར་བྱའོ། །གལ་ཏེ་འབྲས་ཆན་གཤེར་བ་རྙེད་ན་ལྷུང་བཟེད་བྱིན་གྱིས་བརླབས་པས་བླང་བར་བྱའོ། །གཙུག་ལག་ཁང་དུ་འོངས་ནས་དཀྱིལ་འཁོར་བྱས་ཏེ་ལྷུང་བཟེད་འབྲེལ་པ་མེད་པ་མདུན་དུ་བཞག་ནས་ལྷུང་བཟེད་བྱིན་གྱིས་བརླབས་ [165b.6]པར་བཟའ་བར་བྱའོ། །ཟོས་ཟིན་ནས་བྱི་དོར་དང་། ཁ་ཟས་འབགས་པའི་དྲིལ་ཕྱི་བྱ་བ་ཡང་དང་པོར་ལྷུང་བཟེད་འབྲེལ་པ་མེད་པ་ལ་བྱ་ཞིང་། དེའི་འོག་ཏུ་ལྷུང་བཟེད་བྱིན་གྱིས་བརླབས་པ་ལ་བྱའོ། །བཀྲུ་བ་དང་། བསྐམ་པ་དང་། ལྕི་བས་བྲུད་པ་ལ་ཡང་དེ་བཞིན་དུ་བྱའོ། །གལ་ཏེ་ལྷུང་བཟེད་ [165b.7]ཀྱི་ངོས་ཁུང་གཉིས་ཡོད་ན་བཟང་པོ་གང་ཡིན་པ་དེར་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང་། ཅིག་ཤོས་སུ་ལྷུང་བཟེད་བྱིན་གྱིས་བརླབས་པ་གཞུག་པར་བྱའོ། །གལ་ཏེ་ངོས་ཁུང་གཅིག་ཡོད་ལ་གལ་ཏེ་ཤོད་བཟང་ན་ཤོད་དུ་ལྷུང་བཟེད་འབྲེལ་པ་མེད་པ་གཞག་པར་བྱ་ཞིང་། ངོས་ཁུང་དུ་ [166a] [166a.1]ལྷུང་བཟེད་བྱིན་གྱིས་བརླབས་པ་གཞུག་པར་བྱའོ། །གལ་ཏེ་ངོས་ཁུང་བཟང་ན་ངོས་ཁུང་དུ་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང་། ཤོད་དུ་ལྷུང་བཟེད་བྱིན་གྱིས་བརླབས་པ་གཞག་པར་བྱའོ། །ལྷུང་བཟེད་ཀྱི་ལས་བྱེད་པ་ན་གལ་ཏེ་རྫ་བོ་གཉིས་ཡོད་ན་རྫ་བོ་བཟང་ [166a.2]པོ་གང་ཡིན་པ་དེར་ལྷུང་བཟེད་འབྲེལ་པ་མེད་པ་བསྲེག་པར་བྱ་ཞིང་། ཅིག་ཤོས་སུ་ལྷུང་བཟེད་བྱིན་གྱིས་བརླབས་པ་བསྲེག་པར་བྱའོ། །གལ་ཏེ་རྫ་བོ་གཅིག་ཡོད་ན་གལ་ཏེ་འོག་མ་ལེགས་པར་ཚོས་པར་འགྱུར་ན་འོག་ཏུ་ལྷུང་བཟེད་འབྲེལ་པ་མེད་པ་གཞག་པར་བྱ་ཞིང་། སྟེང་དུ་ལྷུང་བཟེད་བྱིན་ [166a.3]གྱིས་བརླབས་པ་གཞག་པར་བྱའོ། །གལ་ཏེ་སྟེང་དུ་བཞག་པ་ལེགས་པར་ཚོས་པར་འགྱུར་ན་སྟེང་དུ་ལྷུང་བཟེད་འབྲེལ་པ་མེད་པ་གཞག་པར་བྱ་ཞིང་། འོག་ཏུ་ལྷུང་བཟེད་བྱིན་གྱིས་བརླབས་པ་གཞག་པར་བྱའོ། །ལམ་དུ་འགྲོ་བ་ན་ལྷུང་བཟེད་ཀྱི་སྣོད་གཉིས་བསྐུར་བར་བྱ་སྟེ། དེ་ལ་བཟང་པོ་གང་ [166a.4]ཡིན་པ་དེར་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང་། ཅིག་ཤོས་སུ་ལྷུང་བཟེད་བྱིན་གྱིས་བརླབས་པ་གཞུག་པར་བྱའོ། །གལ་ཏེ་ཁུར་ཚ་བ་འགའ་ཞིག་ཡོད་ན་དེ་ལ་ལྷུང་བཟེད་འབྲེལ་པ་མེད་པ་བསྐུར་བར་བྱ་ཞིང་། བདག་ཉིད་ཀྱིས་ལྷུང་བཟེད་བྱིན་གྱིས་བརླབས་པ་བསྐུར་བར་བྱའོ། ། [166a.5]གལ་ཏེ་ཁུར་ཚ་བ་འགའ་ཡང་མེད་ན་ཕྲག་པ་གཡོན་པས་ལྷུང་བཟེད་འབྲེལ་པ་མེད་པ་བསྐུར་བར་བྱ་ཞིང་། ཕྲག་པ་གཡས་པས་ལྷུང་བཟེད་བྱིན་གྱིས་བརླབས་པ་བསྐུར་བར་བྱའོ། །འདི་ནི་རེ་ཞིག་ཆད་པའི་ལས་ཡིན་ཏེ་ཚུལ་ཁྲིམས་ཡང་དག་པར་རྗེས་སུ་སྲུང་བས་ཇི་སྲིད་འཚོའི་བར་དུ་སྤྱད་པར་བྱའོ། ། [166a.6]ལྷུང་བཟེད་འབྲེལ་པ་མེད་པ་འཆང་བའི་དགེ་སློང་གིས་ཀུན་དུ་སྤྱད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དེ་ལ་དེ་ནི་ཆོ་ག་ཡིན་ནོ་ཞེས་བྱ་བ་ནི་དེ་ལ་དེ་ནི་རྗེས་སུ་མཐུན་པའི་ཆོས་ཡིན་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། [166a.7]དགེ་སློང་གི་ལྷུང་བཟེད་ཆག་ཀྱང་ལྷན་པ་གཅིག་གིས་གླན་པར་འོས་ཤིང་མ་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་ [166b] [166b.1]བཟེད་ཆག་ཀྱང་ལྷན་པ་གཉིས་ཀྱིས་གླན་པར་འོས་ཤིང་མ་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ [166b.2]ལྷན་པ་གསུམ་གྱིས་གླན་པར་འོས་ཤིང་མ་གླན་ལ་སྤྱད་བཟོད་པ་ཡིན་ན། དེ་ལ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་བཞིས་ [166b.3]གླན་པར་འོས་ཤིང་མ་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་གཅིག་གིས་གླན་ [166b.4]པར་འོས་ཤིང་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་གཉིས་ཀྱིས་གླན་པར་འོས་ [166b.5]ཤིང་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་གསུམ་གྱིས་གླན་པར་འོས་ཤིང་གླན་ལ་ [166b.6]སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་བཞིས་གླན་པར་འོས་ཤིང་གླན་ལ་སྤྱད་བཟོད་པ་ཡིན་ [166b.7]ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཅིང་ལྷན་པ་ལྔས་གླན་པར་འོས་པ་ཡིན་ན་དེ་དེས་{གླན་ཀ,ཀླན་ཀ}ྱང་རུང་། མ་{གླན་ཀ,ཀླན་ཀ}ྱང་རུང་། [167a] [167a.1]སྤྱད་བཟོད་ཀྱང་རུང་། སྤྱད་མི་བཟོད་ཀྱང་རུང་། ལྷུང་བཟེད་སར་པ་གཞན་ཚོལ་བར་བྱེད་ན་དེ་ཚོལ་བ་ལ་ཡང་ལྟུང་བ་མེད་ལ། ཐོབ་ན་ཡང་ལྟུང་བ་མེད་དོ། །རིན་གྱིས་ལེན་པ་དང་། བརྗེ་བས་ལེན་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་ [167a.2]འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལྷུང་བཟེད་ཚོལ་བའི་སྤང་བ་སྟེ་ཉི་ཤུ་གཉིས་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། [167a.3]ཉེ་{དགའས་,དགས་}བསམས་པ། འདི་དག་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་བསྡམས་པས་ཕྱིན་ཆད་རས་ཡུག་ཕྲན་སྦོམ་པོ་གཅིག་གི་རིན་ཡང་གང་ལས་ཀྱང་བསླང་བར་མི་ནུས་ཀྱིས། སོང་སྟེ་བལྟས་ལ་གལ་ཏེ་ལ་ལ་ལས་བསླང་བར་ནུས་ཀྱང་ [167a.4]སྲིད་དོ་སྙམ་ནས་དེ་སྔ་དྲོ་ཤམ་ཐབས་བགོས་ལྷུང་བཟེད་དང་། ཆོས་གོས་ཐོགས་ཏེ་མཉན་ཡོད་དུ་ཤར་སྒོ་ནས་བསོད་སྙོམས་ལ་ཞུགས་པ་དང་། སྐྱེད་མོས་ཚལ་ཞིག་ན་ཡུགས་ས་མོ་ལྔ་བརྒྱ་ཙམ་དོག་པ་འཁལ་ཞིང་འཁོད་པ་དེ་དག་དེས་མཐོང་ནས་བསམས་པ། འདི་དག་ནི་ [167a.5]ལས་བདག་གིར་བྱ་བ་དང་ལྡན་པ་དག་གཅིག་སྟེ། ཉིན་མཚན་དུ་ཐོང་གཤོལ་དཀར་པོ་སྤྱོད་ཀྱང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་སྒྱུར་དཔྱ་འཇལ་བར་མི་བྱེད་པ་དག་ཡིན་ནོ་སྙམ་ནས་དེས་དེ་དག་ལ་སྨྲས་པ། སྲིང་མོ་དག་ཨ་རོག་གྱ། ཨ་རོག་གྱ། དེ་དག་ཅང་མི་སྨྲ་བར་ [167a.6]འཁོད་པ་དང་དེས་དེ་དག་ལ་སྨྲས་པ། སྲིང་མོ་དག་སྐྱེ་བོ་མང་པོ་མི་འདོད་པ་དང་། སྐྱེ་བོ་མང་པོ་མི་དགའ་བ་དང་། སྐྱེ་བོ་མང་པོ་ལ་མི་སྡུག་པ་དང་། སྐྱེ་བོ་མང་པོའི་ཡིད་དུ་མི་འོང་བ་འཇིག་རྟེན་ཐམས་ཅད་དང་ཐུན་མོང་བ་འདི་ལྟ་སྟེ། འཆི་བ་ཞེས་བྱ་བའི་ཆོས་དེ་འོང་བར་འགྱུར་ [167a.7]བས་ཁྱེད་ཅག་དེའི་ཚེ་ཚིག་སྨྲར་ནི་དང་པོ་ཉིད་ནས་མི་ནུས་པར་འགྱུར་རོ། །དེ་ན་གཞོན་ནུ་མ་བསོད་ནམས་འདོད་པ་ཅིག་འདུག་པ་དེས་སྟན་ལས་ལངས་ཏེ་ཉེ་དགའི་སྟན་བཏིང་བ་དང་། ཉེ་དགའ་དེ་ལ་འདུག་ནས་དེས་ཉེ་དགའི་རྐང་པ་ལ་ཕྱག་འཚལ་ཏེ་མདུན་དུ་འདུག་གོ། །ཉེ་{དགའས་,དགས་}དེ་ [167b] [167b.1]དག་ལ་སྨྲས་པ། སྲིང་མོ་དག་ཁྱེད་ཅག་ལ་དགེ་བའི་ཆོས་ཡང་དག་པར་བླངས་ཏེ་འཇུག་པར་བྱ་བ་ཅུང་ཟད་ཡོད་དམ། འཕགས་པ་ཅི་ཡང་མ་མཆིས་སོ། །སྲིང་མོ་དག་མ་ལེགས་སོ། །བུ་མོ་འདིས་ནི་རེ་ཞིག་དགེ་བའི་ཆོས་གཉིས་བྱས་ཤིང་བསགས་ཏེ། འདིས་ཁོ་བོ་ལ་སེམས་ [167b.2]མངོན་པར་དད་པར་བྱས་པ་གང་ཡིན་པ་དེས་ནི་འདིས་ཕྱུག་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། །འདིས་ཁོ་བོ་ལ་མངོན་དུ་ལྡང་བ་བྱས་ཤིང་སྟན་བཏིང་བ་དང་། ཕྱག་བྱས་པ་གང་ཡིན་པ་དེས་ནི་འདིས་རིགས་མཐོན་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། ། [167b.3]གལ་ཏེ་ཅུང་ཟད་སྦྱིན་པར་བྱེད་ན་དེ་ནི་འདིའི་ལོངས་སྤྱོད་ཆེན་པོར་འགྱུར་བ་ཡིན་ནོ། །སྲིང་མོ་དག་ཁྱེད་ཅག་གི་འཚོ་ཚིས་དག་ག་ལས་འབྱུང་། འཕགས་པ་སྒྱུར་བ་འདི་ཉིད་ལས་སོ། །གོས་དག་ག་ལས་འབྱུང་། སྒྱུར་བ་འདི་ཉིད་ལས་སོ། །ཁྱེད་ཅག་གིས་འཇིག་རྟེན་ཕ་རོལ་ [167b.4]ཏུ་འགྲོ་བའི་ལམ་རྒྱགས་ཅུང་ཟད་ཁྱེར་བ་ཡོད་དམ། འཕགས་པ་དེ་ནི་ཐམས་ཅད་ཀྱི་ཐམས་ཅད་དུ་མ་མཆིས་སོ་སྲིང་མོ་དག་མ་ལེགས་སོ་མ་ལེགས་སོ། །འཕགས་པ་སུ་ལ་ཐུགས་ངན་མཛད། ཁྱེད་ཅག་ལ་སྟེ། ཁྱེད་ཅག་འཇིག་རྟེན་ཕ་རོལ་ནས་ཀྱང་བཅོམ་ཞིང་འདིར་འོངས་ [167b.5]ལ། འདི་ནས་བཅོམ་བཞིན་དུ་འཇིག་རྟེན་ཕ་རོལ་ཏུ་འགྲོ་བར་བྱེད་དོ། །འཕགས་པ་གང་གིས་བདག་ཅག་གིས་འཇིག་རྟེན་ཕ་རོལ་ཏུ་མཆི་བའི་ཤུལ་རྒྱགས་ཅུང་ཟད་བསྐུར་བའི་ཐབས་ཅི་མཆིས། སྲིང་མོ་དག་གལ་ཏེ་ཁྱེད་ཀྱིས་དགེ་སྦྱོང་ཤཱཀྱའི་རིགས་ལས་རབ་ཏུ་བྱུང་ [167b.6]བ་སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིགས་པ་དང་། གྲོལ་བའི་སྤོབས་པ་དང་ལྡན་པ་གང་ཡིན་པ་དེ་ལ་རས་ཡུག་ཆེན་བསྐོན་ན་དེས་ཁྱེད་ཅག་གིས་འཇིག་རྟེན་ཕ་རོལ་ཏུ་འགྲོ་བའི་ལམ་རྒྱགས་མང་པོ་ཁྱེར་བར་འགྱུར་རོ། །འཕགས་པ་བདག་ཅག་གིས་དགེ་སློང་ [167b.7]དེ་ལྟ་བུ་ག་ལས་རྙེད། སྲིང་མོ་དག་ཁྱེད་ཀྱིས་ཁོ་བོ་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིགས་པ་དང་གྲོལ་བའི་སྤོབས་པ་དང་ལྡན་པ་ཡིན་པར་མི་ཤེས་སམ། འཕགས་པ་བདག་ཅག་ལ་རས་ཡུག་ཆེན་གྱི་འབྱོར་པ་ག་ལས་མཆིས། སྲིང་ [168a] [168a.1]མོ་དག་ཁྱེད་ཀྱིས། བསོད་ནམས་ཆུང་ཡང་བརྙས་མི་བྱ། །དེ་ནི་བདག་ལ་མི་འོང་མིན། །ཆུ་ཡི་ཐིགས་པ་འཛག་པ་ཡིས། །སྣོད་ཆེན་གང་བར་འགྱུར་བ་བཞིན། །བརྟན་པ་རྣམས་ཀྱིས་བསོད་ནམས་ནི། །ཅུང་ཟད་ཅུང་ཟད་བསགས་ན་རྫོགས། །ཞེས་བྱ་བ་དེ་མི་ཤེས་སམ། ཁྱེད་ཀྱིས་ [168a.2]རེ་ཞིག་དོག་པ་སྲང་གཅིག་སྦྱིན་ནུས་སམ། རྔོ་ཐོག་གོ། །གཞན་ཞིག་གིས་སྨྲས་པ། བདག་གིས་ཀྱང་སྲང་བྱེད་དབུལ་ལོ། །གཞན་ཞིག་གིས་ཀྱང་སྨྲས་པ། བདག་གིས་ཀྱང་སྲང་གི་བཞི་ཆ་ཅིག་དབུལ་ལོ། །དེ་བཞིན་དུ་ཐམས་ཅད་ཀྱིས་ཀྱང་ཤས་ཤས་ཀྱིས་དབུལ་བར་ [168a.3]ཁས་བླངས་སོ། །ཉེ་{དགའས་,དགས་}སྨྲས་པ། སྲིང་མོ་དག་དོག་པ་ཕྲ་མོ་དག་བྱིན་ཅིག །འཕགས་པ་བདག་ཅག་ཐམས་ཅད་ནི་སྦོམ་པོ་འཁལ་བ་དག་ལགས་སོ། །བདག་ཅག་གི་ནང་ན་བདེ་གནས་མ་ཞིག་ནི་ཕྲ་མོར་འཁལ་ལོ། །སྲིང་མོ་དག་དེ་ཇེ་བོས་ཤིག །དེ་དག་གིས་དེ་ [168a.4]བོས་པ་དང་། ཉེ་{དགའས་,དགས་}དེ་ལ་སྨྲས་པ། བུ་མོ་ཇེ་དོག་པ་ཕྲར་ཁོལ་ཅིག །དེས་ཕྲར་བཀལ་བ་དང་། ཉེ་{དགའས་,དགས་}སྨྲས་པ། བུ་མོ་དེ་བས་ཀྱང་ཕྲར་ཁོལ་ཅིག །དེས་དེ་བས་ཀྱང་ཕྲར་བཀལ་བ་དང་། ཉེ་{དགའས་,དགས་}ཡང་དང་ཡང་དུ་བུ་མོ་དེ་བས་ཀྱང་ཕྲར་ཁོལ་ཅིག་ཅེས་སྨྲས་ [168a.5]པ་དང་། དེས་སྨྲས་པ། འཕགས་པ་འདི་ལས་ཕྲ་བར་ནི་རྔོ་མི་ཐོག་གོ། །ཉེ་{དགའས་,དགས་}དེ་དག་ལ་སྨྲས་པ། སྲིང་མོ་དག་ཁྱེད་ཅག་ཐམས་ཅད་ཀྱིས་དོག་པ་འདི་འདྲ་བ་ཤ་སྟག་བྱིན་ཅིག །འཕགས་པ་བདག་ཅག་གིས་དོག་པ་འདི་འདྲ་བ་འཁལ་དུ་རྔོ་མི་ཐོག་གོ། །བུ་མོ་ [168a.6]འདིས་ཀྱང་མི་ནུས་སམ་ཅི། ཁྱེད་ཅག་གིས་འདིའི་དོན་དུ་འཁོལ་ལ་འདི་ཁྱེད་ཅག་གི་དོན་དུ་འཁལ་དུ་ཆུག་ཤིག །འཕགས་པ་གལ་ཏེ་བཏུབ་ནའོ། ཉེ་{དགའས་,དགས་}དེ་ལ་སྨྲས་པ། བུ་མོ་གྱིས་ཤིག་དང་ཁྱོད་ལ་བསོད་ནམས་སུ་འགྱུར་རོ། །འཕགས་པ་དོག་པ་འདི་ནི་ཕྲ་བདར་ཆེ་བ་ལགས་ [168a.7]པས་ཡུན་རིང་མོས་བཀལ་འཚལ་གྱིས་ཧ་ཅང་ངོས་དྲག་ཏུ་མ་མཛད་པར་དུས་འདི་ཙམ་ན་སྤྱོན་ཅིག །ཉེ་{དགའས་,དགས་}དེ་ལ་ཨ་རོག་གྱ་ཞེས་སྨྲས་ནས་སྟན་ལས་ལངས་ཏེ་སོང་ངོ་། །བདེ་གནས་མ་དེས་དུས་དེ་སྲིད་ཀྱིས་དོག་པ་བཀལ་ནས་དེ་གཞན་དག་གི་གན་དུ་སོང་སྟེ་ཐམས་ཅད་འདུས་ནས་དོག་པ་ [168b] [168b.1]དེ་ཉེ་དགའ་ལ་ཕུལ་ལོ། །ཉེ་{དགའས་,དགས་}དེ་དག་ལ་ཨ་རོག་གྱ་སྦྱིན་པ་འདིས་ཁྱེད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་ཐོབ་པ་དང་། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་ཅེས་སྨྲས་ཏེ་སོང་ངོ་། །དེ་ནས་ཉེ་{དགའས་,དགས་} [168b.2]དོག་པ་དེ་ཁྱེར་ཏེ་གཙུག་ལག་ཁང་དུ་སོང་ནས། དེས་དགེ་སློང་རྣམས་ལ་དོག་པ་དེ་བསྟན་ཏེ་སྨྲས་པ། ཚེ་དང་ལྡན་པ་དག་ཁོ་བོའི་དོག་པ་ཅི་འདྲ་ལྟོས། གནས་བརྟན་དོག་པ་བཟང་ངོ་། །གནས་བརྟན་གྱིས་གང་རས་ཡུག་ཆེན་འཐག་པར་འགྱུར་བའི་ཐ་ག་པ་འགའ་བཙལ་བ་མཆིས་ [168b.3]སམ། ཚེ་དང་ལྡན་པ་དག་ཅི་ཁྱེད་ཀྱིས་ཉེ་དགའ་ཟིལ་གྱིས་གནོན་ཏམ། གལ་ཏེ་ཉེ་དགའ་རབ་ཏུ་མ་བྱུང་དུ་ཟིན་ན་ཉེ་དགའ་རང་ཉིད་འཐག་པར་འགྱུར་རོ། །གནས་བརྟན་བདག་ཅག་གིས་གནས་བརྟན་གལ་ཟིལ་གྱིས་གནོན། འདི་ལྟར་ར་བ་ག་གེ་མོའི་དྲུང་ན་ཐ་ག་པ་སྤྱི་ཅེར་ཁྱོ་ཤུག་མཆིས་ཏེ། [168b.4]གལ་ཏེ་དེས་དོག་པ་འདི་རྙེད་དུ་ལགས་ན་ཆེན་པོ་ལ་འོས་པའི་རས་ཡུག་ཆེན་འགྲུབ་པར་འགྱུར་རོ། །བུ་དག་ཨ་རོག་གྱ་དོན་གྱིས་ན་ཁྱེད་ཀྱིས་ཁོ་བོའི་རས་ཡུག་ཆེན་འཐག་ཏུ་བཅུག་གོ་ཞེས་དེས་དོག་པ་དེ་ཁྱེར་ཏེ་ཐ་ག་པ་དེའི་ཁྱིམ་དུ་སོང་བ་དང་། དེས་ཐ་ག་པ་དེ་ཐག་རིང་པོ་ཁོ་ན་ནས་མཐོང་ [168b.5]ནས་ཚིགས་སུ་བཅད་པ་སྨྲས་པ། མཁས་པ་རིང་ནས་རབ་སྣང་བ། །གངས་དང་ལྡན་པའི་རི་བོ་བཞིན། །མི་མཁས་རབ་ཏུ་མི་སྣང་བ། །མུན་པའི་ནང་དུ་མདའ་འཕངས་བཞིན། །བཞིན་{བཟངས་,བཟང་}ཁྱོད་ཀྱི་གྲགས་པས་མཉན་ཡོད་ཐམས་ཅད་གང་བར་གྱུར་པ་ནི་ཁྱོད་ཀྱིས་ [168b.6]རྙེད་པ་ལེགས་པར་རྙེད་པ་ཡིན་ནོ། །དོག་པ་འདི་ཅི་འདྲ་ཇེ་ལྟོས་ཤིག །འཕགས་པ་དོག་པ་བཟང་ངོ་། །དོག་པ་ནི་འདི་ལགས་ལ་ཐག་པ་ནི་བདག་ལགས་ན་ཆེན་པོ་ལ་འོས་པའི་རས་ཡུག་ཆེན་དུ་འགྱུར་རོ། །བཞིན་{བཟངས་,བཟང་}ཐོགས་ཤིག །འཕགས་པ་བདག་ལ་ [168b.7]ཐགས་གླ་སུས་སྩོལ་བར་འགྱུར། བཞིན་{བཟངས་,བཟང་}ཁྱོད་རྟག་པ་ཉིད་དུ་ཐགས་གླས་མི་ངོམས་སམ། འཇིག་རྟེན་ཕ་རོལ་དུ་འགྲོ་བའི་ལམ་རྒྱགས་ཀྱང་བསྐུར་བར་གྱིས་ཤིག །དེ་ལ་ཆུང་མས་སྨྲས་པ། རྗེའི་སྲས་འདིས་ཐག་རིང་པོ་ཁོ་ན་ནས་བདག་ཅག་གཉིས་ཀྱི་བསྔགས་པ་ [169a] [169a.1]བརྗོད་ཀྱིས་འདིའི་རས་ཡུག་ཆེན་ཐོགས་ཤིག །འཕགས་པ་དོག་པ་འདི་ཕྲ་བདར་ཆེ་བ་ལགས་ཀྱིས་ཡུན་འདི་ཙམ་ན་སྤྱོན་ཅིག །ཉེ་{དགའས་,དགས་}ཨ་རོག་གྱ་ཞེས་སྨྲས་ཏེ་སོང་ངོ་། །ཐ་ག་པ་དེས་རས་ཡུག་ཆེན་དེ་དུས་དེ་ཙམ་གྱིས་བཏགས་སོ། །ཉེ་{དགའས་,དགས་} [169a.2]ཡང་དུས་དེ་ཙམ་གྱིས་དེར་སོང་བ་དང་ཐ་ག་པ་དེས་དེ་ལ་རས་ཡུག་ཆེན་དེ་ཕུལ་ལོ། །ཉེ་{དགའས་,དགས་}དེ་ཁྱེར་ཏེ་གཙུག་ལག་ཁང་དུ་སོང་ནས་དེས་དགེ་སློང་རྣམས་ལ་རས་ཡུག་ཆེན་དེ་བསྟན་ཏེ་སྨྲས་པ། ཚེ་དང་ལྡན་པ་དག་ཁོ་བོའི་རས་ཡུག་ཆེན་ཅི་འདྲ་ལྟོས། གནས་བརྟན་ [169a.3]རས་ཡུག་ཆེན་བཟང་ངོ་། །འདི་ལྟར་གང་ལ་འདི་ལྟ་བུ་གཉིས་པ་ཡང་མཆིས་པ་དེ་ནི་སར་པ་ལས་སྣམ་སྦྱར་ཉི་རིམ་དུ་བགྱིས་ཏེ་དགེ་བའི་ཕྱོགས་ལ་སྙིང་ལས་ཆུང་ངུས་ཏྲོན་བགྱིད་པར་འགྱུར་རོ། །ཚེ་དང་ལྡན་པ་དག་ཅི་ཁྱོད་ཀྱི་སྙིང་ལམ་ན་ཉེ་{དགའས་,དགས་}རས་ཡུག་ཆེན་འདི་འདྲ་བ་ [169a.4]གཉིས་སྦྱོར་དུ་འཇུད་མི་ནུས་སྙམ་མམ། ཇི་ལྟར་སྦྱོར་དུ་འཇུད་པ་ལྟོས་ཤིག །དེ་ནས་ཉེ་དགའ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་ནུབ་སྒོ་ནས་བསོད་སྙོམས་ལ་ཞུགས་པ་དང་། སྐྱེད་མོས་ཚལ་ཞིག་ན་ཡུགས་ས་མོ་ལྔ་བརྒྱ་ཙམ་དོག་པ་ [169a.5]འཁལ་ཞིང་འཁོད་པ་དེ་དག་དེས་མཐོང་ནས་བསམས་པ། འདི་དག་ནི་ལས་བདག་གིར་བྱ་བ་དང་ལྡན་པ་དག་ཅིག་སྟེ། ཉིན་མཚན་དུ་ཐོང་གཤོལ་དཀར་པོ་སྤྱོད་ཀྱང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་སྒྱུར་དཔྱ་འཇལ་བར་མི་བྱེད་པ་དག་ཡིན་ནོ་སྙམ་ནས་དེས་དེ་དག་ [169a.6]ལ་སྨྲས་པ། སྲིང་མོ་དག་ཨ་རོག་གྱ་ཨ་རོག་གྱ། དེ་དག་ཅང་མི་སྨྲ་བར་འཁོད་པ་དང་དེས་དེ་དག་ལ་སྨྲས་པ། སྲིང་མོ་དག་སྐྱེ་བོ་མང་པོ་མི་འདོད་པ་དང་སྐྱེ་བོ་མང་པོ་མི་དགའ་བ་དང་། སྐྱེ་བོ་མང་པོ་ལ་མི་སྡུག་པ་དང་། སྐྱེ་བོ་མང་པོའི་ཡིད་དུ་མི་འོང་བ་འཇིག་རྟེན་ཐམས་ཅད་ [169a.7]དང་ཐུན་མོང་པ་འདི་ལྟ་སྟེ། འཆི་བ་ཞེས་བྱ་བའི་ཆོས་དེ་འོང་བར་འགྱུར་བས་ཁྱེད་ཅག་དེའི་ཚེ་ཚིག་སྨྲར་ནི་དང་པོ་ཉིད་ནས་མི་ནུས་པར་འགྱུར་རོ། །དེ་ན་གཞོན་ནུ་མ་བསོད་ནམས་འདོད་པ་ཅིག་འདུག་པ་དེས་སྟན་ལས་ལངས་ཏེ་ཉེ་དགའི་སྟན་བཏིང་བ་དང་ཉེ་དགའ་དེ་ལ་འདུག་ནས་ [169b] [169b.1]དེས་ཉེ་དགའི་རྐང་པ་ལ་ཕྱག་འཚལ་ཏེ་མདུན་དུ་འདུག་གོ། །ཉེ་{དགའས་,དགས་}དེ་དག་ལ་སྨྲས་པ། སྲིང་མོ་དག་ཁྱེད་ཅག་ལ་དགེ་བའི་ཆོས་ཡང་དག་པར་བླངས་ཏེ་འཇུག་པར་བྱ་བ་ཅུང་ཟད་ཡོད་དམ། འཕགས་པ་ཅི་ཡང་མ་མཆིས་སོ། །སྲིང་མོ་དག་མ་ལེགས་སོ། །བུ་མོ་འདིས་ནི་རེ་ཞིག་ [169b.2]དགེ་བའི་ཆོས་གཉིས་བྱས་ཤིང་བསགས་ཏེ། འདིས་ཁོ་བོ་ལ་སེམས་མངོན་པར་དད་པར་བྱས་པ་གང་ཡིན་པ་དེས་ནི་འདིས་ཕྱུག་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། །འདིས་ཁོ་བོ་ལ་མངོན་དུ་ལྡང་བ་བྱས་ཤིང་སྟན་བཏིང་བ་དང་ཕྱག་བྱས་པ་གང་ཡིན་པ་དེས་ནི་འདིས་ [169b.3]རིགས་མཐོན་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། །གལ་ཏེ་ཅུང་ཟད་སྦྱིན་པར་བྱེད་ན་དེ་ནི་འདིའི་ལོངས་སྤྱོད་ཆེན་པོར་འགྱུར་བ་ཡིན་ནོ། །སྲིང་མོ་དག་ཁྱེད་ཅག་གི་འཚོ་ཚིས་དག་ག་ལས་འབྱུང་འཕགས་པ་སྒྱུར་བ་འདི་ཉིད་ལས་སོ། །གོས་དག་ག་ལས་འབྱུང་། སྒྱུར་ [169b.4]བ་འདི་ཉིད་ལས་སོ། །ཁྱེད་ཅག་གིས་འཇིག་རྟེན་ཕ་རོལ་དུ་འགྲོ་བའི་ལམ་རྒྱགས་ཅུང་ཟད་ཁྱེར་བ་ཡོད་དམ། འཕགས་པ་དེ་ནི་ཐམས་ཅད་ཀྱི་ཐམས་ཅད་དུ་མ་མཆིས་སོ། །སྲིང་མོ་དག་མ་ལེགས་སོ་མ་ལེགས་སོ། །འཕགས་པ་སུ་ལ་ཐུགས་ངན་མཛད། ཁྱེད་ཅག་ལ་སྟེ། [169b.5]ཁྱེད་ཅག་འཇིག་རྟེན་ཕ་རོལ་ནས་ཀྱང་བཅོམ་ཞིང་འདིར་འོངས་ལ། འདི་ནས་ཀྱང་བཅོམ་བཞིན་དུ་འཇིག་རྟེན་ཕ་རོལ་དུ་འགྲོ་བར་བྱེད་དོ། །འཕགས་པ་གང་གིས་བདག་ཅག་གིས་འཇིག་རྟེན་ཕ་རོལ་དུ་མཆི་བའི་ཤུལ་རྒྱགས་ཅུང་ཟད་བསྐུར་བའི་ཐབས་ཅི་མཆིས། སྲིང་མོ་དག་ [169b.6]གལ་ཏེ་ཁྱེད་ཀྱིས་དགེ་སློང་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ་ཆོས་སྒྲོགས་པ། རིགས་པ་དང་གྲོལ་བའི་སྤོབས་པ་དང་ལྡན་པ་གང་ཡིན་པ་དེ་ལ་རས་ཡུག་ཆེན་བསྐོན་ན་དེས་ཁྱེད་ཅག་གིས་འཇིག་རྟེན་ཕ་རོལ་དུ་འགྲོ་བའི་ལམ་རྒྱགས་མང་པོ་ཁྱེར་བར་འགྱུར་ [169b.7]རོ། །འཕགས་པ་བདག་ཅག་གིས་དགེ་སློང་དེ་ལྟ་བུ་ག་ལས་རྙེད། སྲིང་མོ་དག་ཁྱེད་ཀྱིས་ཁོ་བོ་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིགས་པ་དང་གྲོལ་བའི་སྤོབས་པ་དང་ལྡན་པ་ཡིན་པར་མི་ཤེས་སམ། འཕགས་པ་བདག་ཅག་ལ་ [170a] [170a.1]རས་ཡུག་ཆེན་གྱི་འབྱོར་པ་ག་ལས་མཆིས། སྲིང་མོ་དག་ཁྱེད་ཀྱིས། བསོད་ནམས་ཆུང་ཡང་བརྙས་མི་བྱ། །དེ་ནི་བདག་ལ་མི་འོང་མིན། །ཆུ་ཡི་ཐིགས་པ་འཛག་པ་ཡིས། །སྣོད་ཆེན་གང་བར་འགྱུར་བ་བཞིན། །བརྟན་པ་རྣམས་ཀྱིས་བསོད་ [170a.2]ནམས་ནི། །ཅུང་ཟད་ཅུང་ཟད་བསགས་ན་རྫོགས། །ཞེས་བྱ་བ་དེ་མི་ཤེས་སམ། ཁྱེད་ཀྱིས་རེ་ཞིག་དོག་པ་སྲང་གཅིག་སྦྱིན་ནུས་སམ། རྔོརྡོ་ཐོག་གོ། །གཞན་ཞིག་གིས་སྨྲས་པ། བདག་གིས་ཀྱང་སྲང་ཕྱེད་དབུལ་ལོ། །གཞན་ཞིག་གིས་ཀྱང་སྨྲས་པ། བདག་གིས་ [170a.3]ཀྱང་སྲང་གི་བཞི་ཆ་ཅིག་དབུལ་ལོ། །དེ་བཞིན་དུ་ཐམས་ཅད་ཀྱིས་ཀྱང་ཤས་ཤས་ཀྱིས་དབུལ་བར་ཁས་བླངས་སོ། །ཉེ་{དགའས་,དགས་}སྨྲས་པ། སྲིང་མོ་དག་དོག་པ་ཕྲ་མོ་དག་བྱིན་ཅིག །འཕགས་པ་བདག་ཅག་ཐམས་ཅད་ནི་སྦོམ་པོ་འཁལ་བདག་ལགས་སོ། །བདག་ཅག་ [170a.4]གི་ནང་ན་བདེ་གནས་མ་ཞིག་ནི་ཕྲ་མོར་འཁལ་ལོ། །སྲིང་མོ་དག་དེ་ཇེ་བོས་ཤིག །དེ་དག་གིས་དེ་བོས་པ་དང་ཉེ་{དགའས་,དགས་}དེ་ལ་སྨྲས་པ། བུ་མོ་ཇེ་དོག་པ་ཕྲར་འཁོལ་ཅིག །དེས་ཕྲར་བཀལ་བ་དང་ཉེ་{དགའས་,དགས་}སྨྲས་པ། བུ་མོ་དེ་བས་ཀྱང་ཕྲར་འཁོལ་ཅིག །དེས་དེ་བས་ཀྱང་ [170a.5]ཕྲར་བཀལ་བ་དང་། ཉེ་{དགའས་,དགས་}ཡང་དང་ཡང་དུ་བུ་མོ་དེ་བས་ཀྱང་ཕྲར་འཁོལ་ཅིག་ཅེས་སྨྲས་པ་དང་། དེས་སྨྲས་པ། འཕགས་པ་འདི་ལས་ཕྲ་བར་ནི་རྔོ་མི་ཐོག་གོ། །ཉེ་{དགའས་,དགས་}དེ་དག་ལ་སྨྲས་པ། སྲིང་མོ་དག་ཁྱེད་ཅག་ཐམས་ཅད་ཀྱིས་དོག་པ་འདི་འདྲ་བ་ཤ་སྟག་བྱིན་ཅིག ། [170a.6]འཕགས་པ་བདག་ཅག་གིས་དོག་པ་འདི་འདྲ་བ་འཁལ་དུ་རྔོ་མི་ཐོག་གོ། །བུ་མོ་འདིས་ཀྱང་མི་ནུས་སམ་ཅི་ཁྱེད་ཅག་གིས་འདིའི་དོན་དུ་འཁོལ་ལ། འདི་ཁྱེད་ཅག་གི་དོན་དུ་འཁལ་དུ་ཆུག་ཤིག །འཕགས་པ་གལ་ཏེ་བཏུབ་ནའོ། །ཉེ་{དགའས་,དགས་}དེ་ལ་སྨྲས་པ། བུ་མོ་གྱིས་ཤིག་ [170a.7]དང་ཁྱོད་ལ་བསོད་ནམས་སུ་འགྱུར་རོ། །འཕགས་པ་དོག་པ་འདི་ནི་ཕྲ་བདར་ཆེ་བ་ལགས་པས་ཡུན་རིང་མོས་བཀལ་འཚལ་གྱིས་ཧ་ཅང་ངོས་དྲག་པར་མ་མཛད་པར་དུས་འདི་ཙམ་ན་སྤྱོན་ཅིག །ཉེ་{དགའས་,དགས་}དེ་ལ་ཨ་རོག་གྱ་ཞེས་སྨྲས་ནས་སྟན་ལས་ལངས་ཏེ་སོང་ངོ་། །བདེ་གནས་ [170b] [170b.1]མ་དེས་དུས་དེ་སྲིད་ཀྱིས་དོག་པ་བཀལ་ནས་དེ་གཞན་དག་གི་གན་དུ་སོང་སྟེ་ཐམས་ཅད་འདུས་ནས་དོག་པ་དེ་ཉེ་དགའ་ལ་ཕུལ་ལོ། །ཉེ་{དགའས་,དགས་}དེ་དག་ལ་ཨ་རོག་གྱ། སྦྱིན་པ་འདིས་ཁྱེད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་ [170b.2]གྱི་མཆོག་ཐོབ་པ་དང་། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་ཅེས་སྨྲས་ཏེ་སོང་ངོ་། །དེ་ནས་ཉེ་{དགའས་,དགས་}དོག་པ་དེ་ཁྱེར་ཏེ་གཙུག་ལག་ཁང་དུ་སོང་ནས་དེས་དགེ་སློང་རྣམས་ལ་དོག་པ་དེ་བསྟན་ཏེ་སྨྲས་པ། ཚེ་དང་ལྡན་པ་དག་ཁོ་བོའི་དོག་པ་འདི་ཅི་འདྲ་ལྟོས། [170b.3]གནས་བརྟན་དོག་པ་བཟང་ངོ་། །གནས་བརྟན་གྱིས་གང་རས་ཡུག་ཆེན་འཐག་པར་འགྱུར་བའི་ཐ་ག་པ་འགའ་བཙལ་བ་མཆིས་སམ། ཚེ་དང་ལྡན་པ་དག་ཅི་ཁྱེད་ཀྱིས་ཉེ་དགའ་ཟིལ་གྱིས་གནོན་ཏམ། གལ་ཏེ་ཉེ་དགའ་རབ་ཏུ་མ་བྱུང་དུ་ཟིན་ན་ཉེ་དགའ་རང་ཉིད་འཐག་པར་འགྱུར་ [170b.4]རོ། །གནས་བརྟན་བདག་ཅག་གིས་གནས་བརྟན་གལ་ཟིལ་གྱིས་གནོན། འདི་ལྟར་ར་བ་ག་གེ་མོའི་དྲུང་ན་ཐ་ག་པ་སྤྱི་ཅེར་ཁྱོ་ཤུག་མཆིས་ཏེ། གལ་ཏེ་དེས་དོག་པ་འདི་རྙེད་དུ་ལགས་ན་ཆེན་པོ་ལ་འོས་པའི་རས་ཡུག་ཆེན་འགྲུབ་པར་འགྱུར་རོ། །བུ་དག་ཨ་རོག་གྱ་དེ་དོན་གྱིས་ན་ [170b.5]ཁྱེད་ཀྱིས་ཁོ་བོའི་རས་ཡུག་ཆེན་འཐག་ཏུ་བཅུག་གོ་ཞེས་དེས་དོག་པ་དེ་ཁྱེར་ཏེ་ཐ་ག་པ་དེའི་ཁྱིམ་དུ་སོང་བ་དང་། དེས་ཐ་ག་པ་དེ་ཐག་རིང་པོ་ཁོ་ན་ནས་མཐོང་ནས་ཚིགས་སུ་བཅད་པ་སྨྲས་པ། མཁས་པ་རིང་ནས་རབ་སྣང་བ། །གངས་དང་ལྡན་པའི་རི་བོ་བཞིན། །མི་མཁས་ [170b.6]རབ་ཏུ་མི་སྣང་བ། །མུན་པའི་ནང་དུ་མདའ་འཕངས་བཞིན། །བཞིན་{བཟངས་,བཟང་}ཁྱོད་ཀྱི་གྲགས་པས་མཉན་ཡོད་ཐམས་ཅད་གང་བར་གྱུར་པ་ནི་ཁྱེད་ཀྱིས་རྙེད་པ་ལེགས་པར་རྙེད་པ་ཡིན་ནོ། །དོག་པ་འདི་ཅི་འདྲ་ཇེ་ལྟོས་ཤིག །འཕགས་པ་དོག་པ་བཟང་ངོ་། །དོག་པ་ནི་འདི་ [170b.7]ལགས་ལ་ཐ་ག་པ་ནི་བདག་ལགས་ན་ཆེན་པོ་ལ་འོས་པའི་རས་ཡུག་ཆེན་དུ་འགྱུར་རོ། །བཞིན་{བཟངས་,བཟང་}འདི་ཡང་ཐོགས་ཤིག །འཕགས་པ་བདག་ལ་ཐགས་གླ་སུས་སྩལ་བར་འགྱུར། བཞིན་{བཟངས་,བཟང་}ཁྱོད་རྟག་པ་ཉིད་དུ་ཐགས་གླས་མི་ངོམས་སམ། འཇིག་རྟེན་ཕ་རོལ་ [171a] [171a.1]དུ་འགྲོ་བའི་ལམ་རྒྱགས་ཀྱང་བསྐུར་བར་གྱིས་ཤིག །འཕགས་པ་རས་ཡུག་ཆེན་སྔ་མ་དེ་འཐག་པ་ན་བདག་གིས་བུ་ལོན་གང་དག་བླངས་པ་དེ་དག་ཀྱང་ད་དུང་མ་འཁོར་རོ། །དེས་ཆུང་མའི་གདོང་དུ་བལྟ་བར་བརྩམས་པ་དང་། ཆུང་མས་སྨྲས་པ། [171a.2]འཕགས་པ་གལ་ཏེ་འདི་འཚལ་ཡང་བདག་ནི་མི་འཚལ་ལོ། །ཉེ་{དགའས་,དགས་}སྤྱོས་ཏེ་སྨྲས་པ། ཀྭའི་ཐ་ག་པ་སྤྱི་ཅེར་ཉོན་ཅིག །ཁོ་བོས་གལ་ཏེ་ཁྱོད་རས་ཡུག་ཆེན་འདི་འཐག་ཏུ་མ་བཅུག་ན་སྤྱི་ཅེར་གྱི་མགོ་འདིས་མནའ་འདོར་རོ། །ཐ་ག་པ་དེས་ཀྱང་སྤྱོས་ཏེ་སྨྲས་པ། ཀྭའི་དགེ་སྦྱོང་ [171a.3]མགོ་རེག་ཉོན་ཅིག །ཁོ་བོ་གལ་ཏེ་ཁྱོད་ཀྱི་རས་ཡུག་ཆེན་འཐག་ན་མགོ་རེག་གི་མགོ་འདིས་མནའ་འདོར་རོ། །ཉེ་{དགའས་,དགས་}སྤྱོས་ཏེ་སོང་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཕོ་བྲང་གི་ཡིད་བརྟེན་པ་ཆེ་བ་ཞེས་བྱ་བ་ཉེ་དགའི་མཛའ་བོ་ཞིག་ཡོད་དེ། ཉེ་དགའ་དེའི་ [171a.4]སྡུམ་པར་སོང་སྟེ། གཡོག་འཁོར་དག་ལ་སྨྲས་པ། ཀྱེ་ནང་རྗེ་དག་ཆེ་བ་གར་སོང་། དེ་དག་གིས་སྨྲས་པ། འཕགས་པ་སྲང་དུ་མཆིས་སོ། །ཉེ་དགའ་དེ་འོང་བའི་སྲང་དུ་སོང་བ་དང་། ཆེ་བ་ཆང་འཚོང་བའི་ཚོང་རྡལ་ཞིག་ཏུ་ཞུགས་སོ། །ཉེ་དགའ་ཚོང་རྡལ་དེའི་སྒོར་བསྡད་ [171a.5]དེ་ཆེ་བ་ལ་ཉེ་དགའ་སྒོ་ན་སྡོད་ཀྱིས་ཕྱིར་བྱུང་ཤིག་ཅེས་ཕྲིན་སྤྲིང་བ་དང་། ཆེ་བ་ཕྱིར་བྱུང་ནས་སྨྲས་པ། བཙུན་པ་ཉེ་དགའ་ཕྱག་འཚལ་ལོ། །ཕྱག་འཚལ་ལོ། །ཉེ་{དགའས་,དགས་}སྨྲས་པ། ཆེ་བ་ཁོ་བོས་ཀོ་ཁྱོད་རྒྱལ་པོའི་བྱ་བ་དང་། རྒྱལ་པོའི་བྱེད་པ་དག་ལ་བརྩོན་པར་གྱུར་ [171a.6]སྙམ་དུ་བསམས་ཀྱིས། ཁོ་བོས་ཁྱོད་འདི་ལྟར་ཆང་འཚོང་བའི་ཁྱིམ་ནས་ཆང་འཚོང་བའི་ཁྱིམ་དུ་འཕྱན་པར་ནི་མ་བསམས་སོ། །འཕགས་པ་བདག་རྒྱལ་པོའི་དགོས་པས་འདིར་ཞུགས་སོ། །བཙུན་པ་ཉེ་དགའ་བྱོན་པའི་དགོས་པ་ཅི་མཆིས། ཆེ་བ་དོག་པ་ཅུང་ཞིག་རྙེད་ [171a.7]པ་འདིས་རེ་ཞིག་རས་ཡུག་ཆེན་འཐག་ཏུ་ཆུག་ཤིག །བདག་གིས་བཙུན་པ་ཉེ་དགའ་ལ་རས་ཡུག་ཆེན་ཉིད་དབུལ་ལོ། །དེ་ཡང་བསྐུར་ན་ཅི་དད་པས་སྦྱིན་པར་བྱ་བ་འདི་དོར་བར་བྱའམ། ཆེ་བས་མི་ཞིག་ལ་བསྒོ་བ། ཀྱེ་ནང་རྗེ་ཐ་ག་པའི་སྣ་བོའི་གན་དུ་སོང་ལ་འཕགས་ [171b] [171b.1]པ་ཉེ་དགའི་རས་ཡུག་ཆེན་འདི་ཐོགས་ལ་ཕུལ་ཅིག་ཅེས་གྱིས་ཤིག །ཉེ་{དགའས་,དགས་}སྨྲས་པ། འདི་ཐ་ག་པའི་སྣ་བོ་འཐག་ཏུ་མ་གཞུག་པར་འདི་ལྟར་ར་བ་ག་གེ་མོ་ཞིག་གི་དྲུང་ན་ཐ་ག་པ་སྤྱི་ཅེར་ཁྱོ་ཤུག་འདུག་པ་དེས་འདི་བཏག་པར་བྱའོ། །ཆེ་བས་མི་དེ་ལ་སྨྲས་པ། ཀྱེ་ནང་ [171b.2]རྗེ་ཐ་ག་པ་སྤྱི་ཅེར་དེའི་གན་དུ་སོང་ལ་འདི་སྐད་ཅེས་ཆེ་བ་ན་རེ་འདི་ཐོགས་ལ་བྱིན་ཅིག་ཅེས་ཟེར་རོ་ཞེས་གྱིས་ཤིག །མི་དེས་དོག་པ་དེ་ཁྱེར་ཏེ་ཐ་ག་པ་སྤྱི་ཅེར་གྱི་གན་དུ་སོང་སྟེ་སྨྲས་པ། ཀྱེ་སྤྱི་ཅེར་ཆེ་བའི་ཞལ་ནས་འདི་ཐོགས་ལ་བྱིན་ཅིག་ཅེས་གསུང་ངོ་། །སྤྱི་ཅེར་གྱིས་དོག་པ་ [171b.3]དེ་ངོ་ཤེས་ནས་དེས་སྨྲས་པ། བདག་གིས་རེས་འཁོར་རོ། །མི་དེ་སོང་སྟེ་ཆེ་བ་ལ་སྨྲས་པ། ཐ་ག་པ་སྤྱི་ཅེར་གྱི་མཆིད་ནས་བདག་གི་རེས་འཁོར་རོ་ཞེས་མཆིའོ། །ཆེ་བས་སྨྲས་པ། ཀྱེ་ནང་རྗེ་སྤྱི་ཅེར་གྱི་གན་དུ་སོང་ལ་འདི་སྐད་ཅེས་རེས་གཞན་བྱེད་དུ་མི་གཞུག་གོ་ཞེས་ [171b.4]གྱིས་ཤིག །མི་དེ་སོང་སྟེ་སྨྲས་པ། ཀྱེ་སྤྱི་ཅེར་ཆེ་བའི་ཞལ་ནས་རེས་གཞན་བྱེད་དུ་མི་གཞུག་གོ་ཞེས་གསུང་ངོ་། །སྤྱི་ཅེར་གྱིས་སྨྲས་པ། ཀྱེ་ནང་རྗེ་ཆེ་བ་མཉན་ཡོད་དུ་དབང་བྱེད་ན་ཁོ་བོ་མཉན་ཡོད་དུ་མི་གནས་པར་ཟད་མོད། ཁོ་བོ་སྐལ་བ་མ་ཡིན་པའི་ལས་མི་བྱེད་དོ། ། [171b.5]མི་དེ་ཆེ་བའི་གན་དུ་སོང་སྟེ་སྨྲས་པ། སྤྱི་ཅེར་གྱི་མཆིད་ནས་ཆེ་བ་མཉན་ཡོད་དུ་དབང་བྱེད་ན་ཁོ་བོ་མཉན་ཡོད་དུ་མི་གནས་པར་ཟད་མོད། ཁོ་བོ་སྐལ་བ་མ་ཡིན་པའི་ལས་མི་བྱེད་དོ་ཞེས་མཆིའོ། །ཆེ་བས་སྨྲས་པ། ཀྱེ་ནང་རྗེ་ཐ་ག་པའི་སྣ་བོའི་གན་དུ་སོང་ལ་དོག་པ་འདི་ [171b.6]ལས་རས་ཡུག་ཆེན་ཐོགས་ཤིག་ཅེས་བགྱི་ཤིག །ཉེ་{དགའས་,དགས་}སྨྲས་པ། འདི་ཐ་ག་པའི་སྣ་བོས་བཏག་པར་མི་བྱ་བར་འདི་ལྟར་ཐ་ག་པ་སྤྱི་ཅེར་གྱིས་བཏག་པར་བྱའོ། །ཆེ་བས་མི་དེ་ལ་སྨྲས་པ། ཀྱེ་ནང་རྗེ་ཐ་ག་པ་སྤྱི་ཅེར་གྱི་གན་དུ་སོང་ལ། ཆེ་བ་ན་རེ་སྐོམ་ཟོང་སྦྱིན་གྱིས་ [171b.7]རས་ཡུག་ཆེན་ཐོགས་ཤིག་ཅེས་ཟེར་རོ་ཞེས་གྱིས་ཤིག །དེ་འཕགས་པ་ཉེ་{དགའས་,དགས་}དེ་ལ་སྨྲས་པ། བཀྲེན་པ་ཁྱོད་སུ་ཞིག་གིས་རྒྱལ་པོའི་མིར་བཞག །ཁྱོད་ལྕག་རྒོད་མང་པོས་བརྡབས་ཏེ་ས་དང་ཤིང་དག་སྐྱེད་དུ་གཞུག་པར་བྱ་བ་ཡིན་ནོ། །ཐ་ག་པ་སྤྱི་ཅེར་གྱི་གན་དུ་ [172a] [172a.1]སོང་སྟེ་འདི་སྐད་ཅེས་ཆེ་བའི་ཞལ་ནས་རས་ཡུག་ཆེན་ཐོགས་ཤིག་ཅེས་བྱུང་ངོ་། །ཞེས་ཟེར་མི་ནུས་སམ། གལ་ཏེ་མི་འཐག་གོ་ཞེས་ཟེར་ན་ཐོར་ཏོ་དག་ནས་བཟུང་སྟེ་ཁུག་ལ་ཁུ་ཚུར་གྱིས་གཏོགས་ཤིག་གལ་ཏེ་ངུ་ན་ཐགས་མི་མཐུན་པར་དྲིལ་ཅིག །གལ་ཏེ་ [172a.2]དེའི་ཆུང་མ་ངུ་ན་ལན་བུ་ནས་བཟུང་སྟེ་དྲང་བར་བྱ་ཞིང་། ཁྱེད་གཉིས་ཀྱིས་ཆེ་བའི་མཆིད་བཅག་པས་ཁྱེད་གཉིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཀཱར་ཥཱ་པ་ཎ་ལྔ་བརྒྱ་གཞལ་དགོས་པའི་གྱོད་ལ་བསྒྲིན་ནོ་ཞེས་བརྗོད་པར་བྱའོ། །དེ་ལྟ་ན་ཁོ་བོའི་རས་ཡུག་ཆེན་ཡང་འགྲུབ་ [172a.3]པར་འགྱུར་ལ་ཁྱོད་ཀྱིས་ཀྱང་གསུག་མང་པོ་འཐོབ་པར་འགྱུར་རོ། །དེ་སོང་སྟེ་སྨྲས་པ། ཆེ་བའི་ཞལ་ནས་སྐོམ་ཟོང་སྦྱིན་གྱིས་རས་ཡུག་ཆེན་ཐོགས་ཤིག་ཅེས་བྱུང་ངོ་། །སྤྱི་ཅེར་གྱིས་སྨྲས་པ། ཁོ་བོ་སྐལ་བ་མ་ཡིན་པ་འཐག་མི་ནུས་སོ། །དེས་དེའི་ཐོར་ཏོ་དག་ནས་བཟུང་ [172a.4]སྟེ་བཀུག་ནས་ཁུ་ཚུར་གྱིས་བཏགས་སོ། །དེས་ངུ་བར་བརྩམས་པ་དང་། དེས་དེའི་ཐགས་མི་མཐུན་པར་དྲིལ་བར་བརྩམས་སོ། །དེའི་ཆུང་མས་ངུ་བར་བརྩམས་པ་དང་། དེས་དེའི་ལན་བུ་ནས་བཟུང་སྟེ་དྲང་བར་བརྩམས་ཤིང་ཁྱེད་གཉིས་ཀྱིས་ཆེ་བའི་མཆིད་བཅག་པས་ [172a.5]ཁྱེད་གཉིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཀཱར་ཥཱ་པ་ཎ་ལྔ་བརྒྱ་གཞལ་དགོས་པའི་གྱོད་ལ་བསྒྲིན་པར་བྱས་ཚུར་ཤོག །རྒྱལ་པོའི་ཕོ་བྲང་དུ་འདོང་ངོ་ཞེས་དེས་དེ་གཉིས་ཁྲིད་དེ་འཕགས་པ་དང་། ཆུང་མས་སྤྱི་ཅེར་ལ་སྨྲས་པ། རྗེའི་སྲས་གལ་ཏེ་བདག་ཅག་གཉིས་ [172a.6]བཙོན་རར་བཅུག་པར་གྱུར་ན་བདག་ཅག་གཉིས་ལ་ཐར་བར་བྱེད་པ་འགའ་ཡང་མེད་པས་བཙོན་རར་གནོད་པ་དག་གིས་འཆི་བར་བྱ་དགོས་ཀྱིས་རས་ཡུག་ཆེན་འདི་ཐོགས་ཤིག །སྤྱི་ཅེར་གྱིས་སྨྲས་པ། ཀྱེ་ནང་པོ་བདག་ཅག་རྒྱལ་པོའི་ཕོ་བྲང་དུ་མ་བཀྲི་བར་དོག་པ་ཞོག་ལ་བཞུད་ [172a.7]ཅིག་དང་བདག་གིས་རས་ཡུག་ཆེན་ཡང་བཏག་ཅིང་ཁྱོད་ལ་ཡང་གསུག་མང་པོ་དབུལ་ལོ། །དེས་དོག་པ་བཞག་སྟེ་སོང་བ་དང་སྤྱི་ཅེར་གྱིས་ཆུང་མ་ལ་སྨྲས་པ། བཟང་མོ་རས་ཡུག་ཆེན་འདི་གང་གིས་དོག་པར་ཡང་མི་རུང་ལ་རས་ཡུག་ཆེན་དུའང་མི་རུང་བར་འགྱུར་བ་དེ་ལྟར་ [172b] [172b.1]བཏག་པར་བྱའོ། །ཆུང་མས་སྨྲས་པ། རྗེའི་སྲས་དེ་དགེ་སྦྱོང་ཧྲལ་པོ་དེ་ལྟ་བུ་ཡིན་པས་བདག་ཅག་གིས་རས་ཡུག་ཆེན་དེ་ལྟ་བུར་བྱས་ན་དེས་བཏང་རེ་སྐན། དེས་རས་ཡུག་ཆེན་དེ་བཏགས་ནས་དེ་རས་ཡུག་ཆེན་དེ་ཐགས་ལས་འགྲོལ་ཞིང་འདུག་པ་ན་ཉེ་དགའ་ཡང་འོངས་ [172b.2]ནས་ཉེ་{དགའས་,དགས་}རས་ཡུག་ཆེན་དེ་བླངས་པ་དང་། སྤྱི་ཅེར་གྱིས་སྨྲས་པ། འཕགས་པ་བདག་ལ་སྐོམ་ཟོང་སྩོལ་ཅིག །བཀྲེན་པ་ཁོ་བོ་ཁྱོད་ཀྱི་སྐོམ་ཟོང་དབུལ་བ་ཡིན་ནམ། དུག་ཅིའི་ཕྱིར་མི་བརྒྱུད། ནུར་རྩི་ཅིའི་ཕྱིར་མི་བརྒྱུད། དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་ [172b.3]གི་ཚུལ་ནི་ཚིག་གོ། །བྲམ་ཟེའི་ཚུལ་ནི་ཚིག་སྟེ། འདི་ལྟར་ཁའི་ཆོས་ཅུང་ཟད་ཀྱིས་ཀྱང་འཐག་ཏུ་བཅུག་གོ། །རྒྱལ་པོའི་ཕོ་བྲང་གི་མཐུ་ཅུང་ཟད་ཀྱིས་ཀྱང་འཐག་ཏུ་བཅུག་གོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་ [172b.4]བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་ [172b.5]པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་ [172b.6]པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་ [172b.7]བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་རང་གིས་བསླངས་པའི་དོག་པས་ཐ་ [173a] [173a.1]ག་པ་ཉེ་དུ་མ་ཡིན་པ་ལས་གོས་འཐག་ཏུ་འཇུད་ན་གོས་གྲུབ་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའ་འམ། གཞན་ཡང་དེ་ལྟ་བུ་གང་ཡིན་པའོ། །རང་གིས་བསླངས་པའི་དོག་པས་ཞེས་བྱ་བ་ནི་འདུན་པས་ལ་ལ་ལས་སྲང་ [173a.2]གཅིག །ལ་ལ་ལས་སྲང་ཕྱེད། ལ་ལ་ལས་ཞོ་གཉིས། ལ་ལ་ལས་ཞོ་གཅིག་བསླངས་པའི་དོག་པས་སོ། །ཐ་ག་པ་ཞེས་བྱ་བ་ནི་ཐགས་མཁན་ནོ། །ཉེ་དུ་མ་ཡིན་པ་ལ་ཞེས་བྱ་བ་ནི་ཕྱི་མོ་དང་། མེས་པོ་དང་། ཕྲུགས་ལས་བརྟེན་པའི་བདུན་པ་ཚུན་ཆད་ནི་ཉེ་དུ་ཡིན་ལ། དེ་ [173a.3]ཕན་ཆད་ནི་ཉེ་དུ་མ་ཡིན་ནོ། །གོས་འཐག་ཏུ་འཇུད་ན་ཞེས་བྱ་བ་ནི་བདུན་པོ་བལ་གོས་དང་། ཤ་ནའི་གོས་དང་། ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། ཀོ་ཏམ་པའི་གོས་དང་། ཉི་འོག་གི་གོས་ལ་བ་གང་ཡང་རུང་བའོ། །གོས་གྲུབ་ན་ [173a.4]ཞེས་བྱ་བ་ནི་གོས་ཐོབ་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པ་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ་ཐ་ [173a.5]ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུད་ན་དེ་སློང་བ་ལ་ཉེས་བྱས་སུ་འགྱུར་ལ། ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུད་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ་ཐ་ག་པ་ཉེ་དུ་ལ་གོས་འཐག་ཏུ་འཇུད་ན་དེ་སློང་བ་ལ་ཉེས་ [173a.6]བྱས་སུ་འགྱུར་ལ། ཐ་ག་པ་ཉེ་དུ་ལ་འཐག་ཏུ་འཇུད་པ་ལ་ལྟུང་བ་མེད་དོ། །དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ་བདག་ཉིད་ཀྱིས་འཐག་པར་བྱེད་ན། དེ་སློང་བ་ལ་ཉེས་བྱས་སུ་འགྱུར་ལ་བདག་ཉིད་ཀྱིས་འཐག་པ་ལ་ཡང་ཉེས་བྱས་ཉིད་དུ་འགྱུར་རོ། ། [173a.7]དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ་ཐ་ག་པ་ཉེ་དུ་དང་ཉེ་དུ་མ་ཡིན་པ་ལ་གོས་འཐག་ཏུ་འཇུད་ན་དེ་སློང་བ་ལ་ཉེས་བྱས་སུ་འགྱུར་ལ། ཐ་ག་པ་ཉེ་དུ་ལ་འཐག་ཏུ་འཇུད་པ་ལ་ལྟུང་བ་མེད་དོ། །ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུད་པ་ལ་སྤང་བའི་ལྟུང་ [173b] [173b.1]བྱེད་དུ་འགྱུར་རོ། །དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ་བདག་ཉིད་དང་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུད་ན་དེ་སློང་བ་ལ་ཉེས་བྱས་སུ་འགྱུར་ལ། བདག་ཉིད་ཀྱིས་འཐག་པ་ལ་ཡང་ཉེས་བྱས་ཉིད་དུ་འགྱུར་རོ། །ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུད་པ་ལ་ [173b.2]སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ་བདག་ཉིད་དང་ཐ་ག་པ་ཉེ་དུ་ལ་གོས་འཐག་ཏུ་འཇུད་ན་དེ་སློང་བ་ལ་ཉེས་བྱས་སུ་འགྱུར་ལ། བདག་ཉིད་ཀྱིས་འཐག་པ་ལ་ཡང་ཉེས་བྱས་ཉིད་དུ་འགྱུར་རོ། །ཐ་ག་པ་ཉེ་དུ་ལ་འཐག་ཏུ་འཇུད་ [173b.3]པ་ལ་ལྟུང་བ་མེད་དོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུད་ན་དེ་སློང་བ་ལ་ལྟུང་བ་མེད་ལ། ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུད་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་ [173b.4]ཐ་ག་པ་ཉེ་དུ་ལ་གོས་འཐག་ཏུ་འཇུད་ན་དེ་སློང་བ་ལ་ལྟུང་བ་མེད་ལ། ཐ་ག་པ་ཉེ་དུ་ལ་གོས་འཐག་ཏུ་འཇུད་པ་ལ་ཡང་ལྟུང་བ་མེད་དོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་བདག་ཉིད་ཀྱིས་འཐག་པར་བྱེད་ན་དེ་སློང་བ་ལ་ལྟུང་བ་མེད་ལ་བདག་ཉིད་ཀྱིས་འཐག་པ་ལ་ཉེས་བྱས་ [173b.5]ཉིད་དུ་འགྱུར་རོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུད་ན་དེ་སློང་བ་ལ་ལྟུང་བ་མེད་ལ། ཐ་ག་པ་ཉེ་དུ་ལ་གོས་འཐག་ཏུ་འཇུད་པ་ལ་ཡང་ལྟུང་བ་མེད་དོ། །ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུད་པ་ལ་སྤང་བའི་ལྟུང་ [173b.6]བྱེད་དུ་འགྱུར་རོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་བདག་ཉིད་དང་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུད་ན་དེ་སློང་བ་ལ་ལྟུང་བ་མེད་ལ། བདག་ཉིད་ཀྱིས་འཐག་པ་ལ་ཉེས་བྱས་ཉིད་དུ་འགྱུར་རོ། །ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུད་པ་ལ་སྤང་བའི་ལྟུང་ [173b.7]བྱེད་དུ་འགྱུར་རོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་བདག་ཉིད་དང་ཐ་ག་པ་ཉེ་དུ་ལ་གོས་འཐག་ཏུ་འཇུད་ན་དེ་སློང་བ་ལ་ལྟུང་བ་མེད་ལ། བདག་ཉིད་ཀྱིས་འཐག་པ་ལ་ཉེས་བྱས་ཉིད་དུ་འགྱུར་རོ། །ཐ་ག་པ་ཉེ་དུ་ལ་གོས་འཐག་ཏུ་འཇུད་པ་ལ་ལྟུང་བ་མེད་དོ། །གླ་རྔན་གྱིས་ [174a] [174a.1]འཐག་ཏུ་འཇུད་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཐག་ཏུ་འཇུད་པའི་སྤང་བ་སྟེ་ཉི་ཤུ་གསུམ་པ་རྫོགས་{སྷོ,སོ}།། །།སངས་རྒྱས་ [174a.2]བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད་དགའ་མགུར་སྤྱོད་པར་བྱེད་དོ། ། [174a.3]ཁྱིམ་བདག་དེ་དུས་གཞན་ཞིག་ན་གཞན་གྱི་ཆུང་མ་ལ་ཆགས་པར་གྱུར་ནས་དེ་ལ་ཆུང་མས་རྗེའི་སྲས་དེ་ལྟ་མ་མཛད་ཅིག་ཅེས་ཕྱིར་ཟློག་ན། ཇི་ཙམ་དུ་དེ་ཕྱིར་བཟློག་ཀྱང་མ་ལོག་པ་དེ་ཙམ་དུ་དེའི་ཆུང་མ་དེ་ཡང་སྐྱེས་པ་གཞན་དག་དང་ལྷན་ཅིག་འཁྲུལ་པ་རྩོམ་པར་བྱེད་དོ། །ཁྱིམ་ [174a.4]བདག་དེ་ཡང་བུད་མེད་གཞན་དག་ལ་སྦྱིན་པར་བྱེད་ལ། ཆུང་མ་དེ་ཡང་སྐྱེས་པ་གཞན་དག་ལ་སྦྱིན་པར་བྱེད་པས་དེ་ལྟར་ཁྱིམ་དེ་གཉིས་ཀ་རྒུད་པར་གྱུར་ནས་དེ་གཉིས་ལ་བུ་མོ་མངག་གཞུག་མ་ཞིག་ཡོད་ནས་ཁྱིམ་བདག་དེས་བུ་མོ་དེ་ལ་འདིས་ཁྱིམ་རྒུད་པར་བྱས་སོ་ཞེས་ [174a.5]ཁུ་ཚུར་དང་། ཐལ་ལྕག་དག་གིས་རྡེག་པར་བྱེད་དོ། །བུ་མོ་དེས་སྨྲས་པ། བདག་གིས་ཁྱིམ་རྒུད་པར་གྱུར་པ་འདི་ཅི་ལས་གྱུར་པ་འཚལ་མོད་ཀྱི་འོན་ཀྱང་བདག་གིས་ཇི་ལྟར་རྗེ་དག་ལ་བསྔགས་པ་མ་ལགས་པ་བརྗོད་པར་བགྱིར་རུང་། ཉེ་{དགའས་,དགས་}དེ་ཚོར་ནས་ཁྱིམ་ [174a.6]བདག་དེ་དང་ཁྱིམ་བདག་གི་ཆུང་མ་དེའི་གན་དུ་སོང་སྟེ་ཅི་ནས་ཀྱང་དེ་གཉིས་སྐྱབས་སུ་འགྲོ་བ་དང་། བསླབ་པའི་གཞི་དག་ལ་གནས་པར་འགྱུར་བ་དེ་ལྟ་དེ་ལྟར་ཚུལ་ཁྲིམས་ཀྱི་བསྔགས་པ་བརྗོད་ཅིང་། ཚུལ་ཁྲིམས་འཆལ་པའི་བསྔགས་པ་མ་ཡིན་པ་བརྗོད་ནས་དེས་ [174a.7]དེ་གཉིས་སྐྱབས་སུ་འགྲོ་བ་དང་། བསླབ་པའི་གཞི་དག་ལ་གནས་པར་བྱས་སོ། །ཁྱིམ་བདག་དེ་གཏུམ་པ། བརྟུན་ངས་པ། དྲག་ཤུལ་ཆེ་བ་ཡིན་པས་ཡང་བུ་མོ་དེ་ལ་བརྡེག་པར་བརྩམས་པ་དང་། ཆུང་མས་དེ་ལ་སྨྲས་པ། རྗེའི་སྲས་གང་གི་ཚེ་ [174b] [174b.1]བདག་ཅག་ལས་དང་ལས་ཀྱི་རྣམ་པར་སྨིན་པ་མི་མཁྱེན་པ་དེའི་ཚེ་གོ་རྡེག་པར་མཛད་མོད། ད་བདག་ཅག་དགེ་བའི་བཤེས་གཉེན་འཕགས་པ་ཉེ་དགའ་ལ་བརྟེན་ནས་ལས་དང་ལས་ཀྱི་རྣམ་པར་སྨིན་པ་མཁྱེན་པས་འདི་ལྟར་འཇིག་རྟེན་ནི་རང་གི་ལས་ཀྱི་འབྲས་བུ་ལ་སྤྱོད་པ་ལགས་ [174b.2]པས་སུ་ཞིག་སུའི་བྲན་ལགས། བུ་མོ་འདི་ལ་རྡེག་པར་མ་མཛད་ཅིག །བཟང་མོ་ཁྱོད་ཟེར་བ་མཉེས་སོ། །བུ་མོ་ཚུར་ཤོག །ཁྲུས་གྱིས་ལ་ཤོག་ཤིག །བུ་མོ་དེ་ཁྲུས་བྱས་ཏེ་འོངས་པ་དང་། དེས་དེ་ལ་གོས་ཕྲུགས་གཅིག་བསྐོན་ནས་སྨྲས་པ། བུ་མོ་དགའ་ཞིང་ལས་ [174b.3]བྱོས་ཤིག །བུ་མོ་དེས་བསམས་པ། ཁྱིམ་བདག་ཁྱོ་ཤུག་འདི་སྔོན་གཏུམ་པ། བརྟུན་ངས་པ། དྲག་ཤུལ་ཆེ་བ་ཡིན་ཏེ། ཡང་དང་ཡང་དུ་བདག་ལ་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་ཅིང་ཟས་དང་གོས་ངན་པ་དག་སྦྱིན་པར་བྱེད་ན། ད་འདི་བདག་གི་ཕ་མ་དང་ [174b.4]འདྲ་བར་གྱུར་ཏོ་སྙམ་ནས། ཡང་བསམས་པ། གང་ཚུན་ཅད་ནས་འཕགས་པ་ཉེ་དགའ་ཁྱིམ་འདིར་འཇུག་པར་བརྩམས་པ་དེ་ཚུན་ཆད་ནས་ཁྱིམ་བདག་འདི་ཕ་མ་དང་འདྲ་བར་གྱུར་པས་བདག་གིས་འཕགས་པ་ཉེ་དགའ་ལ་ཅི་ཞིག་གིས་དགའ་བར་བྱ་སྙམ་ནས་དེས་བསམས་པ། གལ་ [174b.5]ཏེ་བདག་གིས་འདི་ལས་ཆུང་ཞིག་བརྐུས་ཏེ་དབུལ་དུ་ནི་ཁྱིམ་བདག་འདིས་བདག་བརྡེག་བཙོག་མང་པོ་བྱས་ཏེ་སྔོན་གྱི་གནས་སུ་བཞག་པར་འགྱུར་རོ་སྙམ་ནས་དེ་སྡོད་ཅིང་འདུག་གོ། །ཁྱིམ་བདག་གི་ཆུང་མ་དེས་ཁྱིམ་བདག་དེ་ལ་སྨྲས་པ། རྗེའི་སྲས་མཁྱེན་པར་མཛོད་ཅིག །འཕགས་པ་ [174b.6]ཉེ་དགའ་ནི་བདག་ཅག་གི་དགེ་བའི་བཤེས་གཉེན་ལགས་ཏེ། འཕགས་པ་ཉེ་{དགའས་,དགས་}བདག་ཅག་ལས་དྲི་མ་ཅན་དང་ཕྲལ་ནས་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཀོད་དེ། ཡང་དང་ཡང་དུ་བདག་ཅག་ལ་ཆོས་ཀྱིས་སྡུད་པར་བྱེད་པས་བདག་ཅག་གིས་ཀྱང་དེ་ [174b.7]ལ་ཟང་ཟིང་ཅུང་ཟད་ཀྱིས་བསྡུ་བར་བགྱིའོ། །བཟང་མོ་དེ་བཞིན་བྱའོ། །རྗེའི་སྲས་བདག་གིས་དོག་པ་འཇམ་པོ་བཀལ་ཏེ། དོག་པ་དེ་ལས་ཐ་ག་པ་ཆེ་གེ་མོ་ཞིག་ལ་རས་ཡུག་ཆེན་འཐག་ཏུ་སྩལ་ཅིང་སླད་ཀྱིས་རས་ཡུག་ཆེན་བསྐོན་པར་བགྱིའོ། །ཁྱིམ་བདག་དེས་དོག་པ་དེ་ཐ་ག་ [175a] [175a.1]པ་ལ་བྱིན་ནས་སྨྲས་པ། བཞིན་{བཟངས་,བཟང་}ཁྱོད་ཀྱིས་དོག་པ་འདི་ལས་རས་ཡུག་ཆེན་ཐོགས་ཤིག་དང་འཕགས་པ་ཉེ་དགའ་ལ་དབུལ་བར་བའོ། །དེ་ལྟར་བྱའོ། །བུ་མོ་དེས་དེ་ཐོས་ནས་བསམས་པ། བདག་གིས་འཕགས་པ་ཉེ་དགའ་ལ་དགའ་བ་དེ་སྦྲན་ [175a.2]པར་བྱའོ་སྙམ་མོ། །ཉེ་དགའ་ཡང་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་པ་དང་། བུ་མོ་དེས་ཁྱིམ་ལེགས་པར་བྱུགས་ཤིང་ཕྱག་དར་བོར་ནས། [175a.3]དེས་ཉེ་དགའ་མཐོང་བ་དང་རྐང་པ་གཉིས་ལ་ཕྱག་འཚལ་ཏེ་སྨྲས་པ། བདག་གིས་འཕགས་པ་ཉེ་དགའ་ལ་དགྱེས་པ་སྦྲན་པར་བགྱིའོ། །ཉེ་{དགའས་,དགས་}སྨྲས་པ། བུ་མོ་ཁྱོད་ཀྱིས་ཁོ་བོ་ལ་དགའ་བ་ཅི་ཞིག་སྦྲན་པར་བྱ། ཁྱིམ་བདག་འདི་ཁྱོད་ལ་རས་ཡུག་ཆེན་འབུལ་བར་འགྱུར་རོ། །ཉེ་ [175a.4]{དགའས་,དགས་}བསམས་པ། སའི་སྟེང་ན་འདོད་པའི་བདག་ཉིད་ཅན་གང་ཇི་སྙེད་ཡོད་པ་དེ་དག་དང་བདག་མཉམ་པར་དེང་བུ་མོ་འདིས་ཀྱང་འཕྲིགས་སོ་སྙམ་དུ་རིག་ནས་བུ་མོ་དེ་ལ་འདི་སྐད་ཅེས་སྨྲས་སོ། །བུ་མོ་ཅི་ཁོ་བོ་ལ་ཐོ་འཚམ་པར་བྱེད་དམ། བུ་མོས་སྨྲས་པ། བདག་ཅིའི་ [175a.5]སླད་དུ་འཕགས་པ་ལ་ཐོ་འཚམ་པར་བགྱིད། ཉེ་{དགའས་,དགས་}སྨྲས་པ། བུ་མོ་གལ་ཏེ་བདེན་པར་གྱུར་ན་ནི་ངས་ཁྱོད་ལ་གཤེ་བ་དག་ལ་ཆུགས་མ་བྱའོ། །ཇི་སྟེ་{བརྫུན་,རྫུན་}པར་གྱུར་ན་ནི་བརྡེག་བཙོག་མང་པོ་བྱེད་དུ་བཅུག་སྟེ་སྔོན་གྱི་གནས་ཇི་ལྟ་བར་གཞག་པར་བྱའོ། །འཕགས་པ་གལ་ཏེ་ [175a.6]བདག་ལ་ཐུགས་མི་ཆེས་ན་ཕྱོགས་ག་གེ་མོ་ཞིག་ན་ཐ་ག་པ་མཆིས་པ་དེར་བཞུད་ཅིག་དང་ཁྱོད་ཉིད་ཀྱིས་མཁྱེན་པར་འགྱུར་རོ། །དེ་དེར་སོང་སྟེ་ཐ་ག་པ་ལ་སྨྲས་པ། བཞིན་{བཟངས་,བཟང་}རས་ཡུག་ཆེན་འཐག་པ་འདི་སུའི་ཡིན། འཕགས་པ་བཙུན་པ་ཉེ་དགའི་ལགས་སོ། །ཁྱོད་ [175a.7]ཀྱིས་ཉེ་དགའ་ཤེས་སམ། མ་འཚལ་ཏོ། །དེ་ནི་ཁོ་བོ་ཡིན་ནོ། །བཞིན་{བཟངས་,བཟང་}སྲིད་དུ་འདི་ཙམ་གྱིས་སྲིངས་ཤིག །འཕགས་པ་དོག་པ་སུས་སྩོལ་བར་འགྱུར། ཁྱིམ་བདག་དེ་ཉིད་ཀྱིས་སྦྱིན་པར་འགྱུར་རོ། །ཁོ་བོས་ཀྱང་ཁྱོད་ལ་ཅུང་ཞིག་ཉེ་བར་བསྒྲུབ་པར་ [175b] [175b.1]བྱའོ། །ཉེ་དགའ་ཕྱི་དེ་ཉིན་པར་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེ་མཐར་གྱིས་བསོད་སྙོམས་ལ་རྒྱུ་བ་ན། བཙུན་མོ་ཕྲེང་ལྡན་མའི་ཁྱིམ་དུ་ཞུགས་ནས། དེས་དེའི་སྟན་བཏིང་བ་དང་། དེ་དེ་ལ་འདུག་ [175b.2]ནས་བཙུན་མོ་ཕྲེང་ལྡན་མས་ཉེ་དགའི་རྐང་པ་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འདུག་གོ། །དེས་དེ་ལ་ཆོས་བསྟན་ནས་དེས་སྨྲས་པ། འཕགས་པ་ཅི་ལགས། དེང་སྤྱན་དྲངས་སམ། བསོད་སྙོམས་མཛད། བསོད་སྙོམས་བགྱིད་དོ། །དེས་བསམས་ [175b.3]པ་སུ་ཞིག་བདག་པས་བསོད་སྙོམས་ཆེས་བཟང་བ་འབུལ་བར་འགྱུར་སྙམ་ནས་དེས་དེ་ལ་ཧྭགས་ཀྱི་ལ་ཐུ་དག་གིས་ལྷུང་བཟེད་བཀང་སྟེ་ཕུལ་ལོ། །ཉེ་{དགའས་,དགས་}དེ་དག་བླངས་ཏེ་ཐ་ག་པ་དེའི་གན་དུ་སོང་ནས་དེས་དེ་ལ་སྨྲས་པ། བཞིན་{བཟངས་,བཟང་}ཇེ་ལག་པ་གཉིས་ཟེད་ཅིག ། [175b.4]དེས་ལག་པ་གཉིས་བཟེད་པ་དང་། དེས་དེ་ལ་ལ་ཐུ་གཅིག་བྱིན་ནས་སྨྲས་པ། བཞིན་{བཟངས་,བཟང་}ཇེ་ཟོ་ཤིག །དེས་དེ་ཟོས་པ་དང་། དེས་དེ་ལ་སྨྲས་པ། བཞིན་{བཟངས་,བཟང་}ལ་ཐུའི་རོ་ཅི་འདྲ། འཕགས་པ་བདའོ། །ཁྱོད་ཀྱིས་སྔོན་ལན་འགའ་ལ་ཐུ་འདི་འདྲ་བ་ [175b.5]ཟོས་སམ། འཕགས་པ་ལན་འགའ་ཡང་མ་འཚལ་ཏོ། །ཐུ་བ་ཟེད་ཅིག །དེས་ཐུ་བ་བཟེད་པ་དང་། དེས་དེའི་ཐུ་བར་ལ་ཐུ་ཐམས་ཅད་བླུགས་ཏེ་སྨྲས་པ། བཞིན་{བཟངས་,བཟང་}ཁོ་བོའི་རས་ཡུག་ཆེན་འདི་ལེགས་པར་ཐོགས་ཤིག །ཁོ་བོས་ཁྱོད་ལ་ཕྱིས་ཀྱང་ལ་ཐུ་{ཆུང་ཟད་,ཅུང་ཟད་}ཉེ་ [175b.6]བར་བསྒྲུབ་པར་བྱས་ཞེང་དུ་འདི་ཙམ་གྱིས་སྐྱེད་ཅིག །འཕགས་པ་དོག་པ་བས་པར་གྱུར་ན་སུས་སྩོལ་བར་འགྱུར། ཁྱིམ་བདག་དེ་ཉིད་ཀྱིས་སྦྱིན་པར་འགྱུར་རོ། །དེས་རས་ཡུག་ཆེན་དེ་འཐག་པ་ན་དོག་པ་ཟད་ནས་དེ་ཁྱིམ་བདག་དེའི་གན་དུ་སོང་བ་དང་། ཇི་ཙམ་ན་ཁྱིམ་ [175b.7]བདག་གི་ཆུང་མ་ནི་མེད། ཁྱིམ་བདག་ནི་འདུག་ནས་ཐ་ག་པ་དེས་ཁྱིམ་བདག་དེ་ལ་སྨྲས་པ། ཁྱིམ་བདག་རས་ཡུག་ཆེན་དེ་བཏག་པའི་དོག་པ་ཟད་ཀྱིས་དོག་པ་བྱིན་ཅིག་ཁྱིམ་བདག་དེས་བྱིན་ཏེ་བཏང་ངོ་། །ཡང་འཐག་པ་ན་དོག་པ་ཟད་པ་ནས་དེ་ཡང་ཁྱིམ་བདག་དེའི་ [176a] [176a.1]གན་དུ་སོང་བ་དང་། ཇི་ཙམ་ན་ཁྱིམ་བདག་ནི་མེད་ཁྱིམ་བདག་གི་ཆུང་མ་ནི་འདུག་ནས་ཐ་ག་པ་དེས་ཁྱིམ་བདག་གི་ཆུང་མ་དེ་ལ་སྨྲས་པ། སྲུ་རས་ཡུག་ཆེན་དེ་བཏག་པའི་དོག་པ་ཟད་ཀྱིས་དོག་པ་བྱིན་ཅིག །དེས་བྱིན་ཏེ་བཏང་ངོ་། །ཡང་འཐག་པ་ན་དོག་ [176a.2]པ་ཟད་ནས་དེ་ཁྱིམ་བདག་དེའི་ཁྱིམ་དུ་སོང་བ་དང་། ཅི་ཙམ་ན་ཁྱིམ་བདག་དང་ཁྱིམ་བདག་གི་ཆུང་མ་གཉི་ག་འདུག་ནས་ཐ་ག་པ་དེས་ཁྱིམ་བདག་དེ་ལ་སྨྲས་པ། ཁྱིམ་བདག་ཡང་རས་ཡུག་ཆེན་དེ་བཏག་པའི་དོག་པ་ཟད་ཀྱིས་ཡང་དོག་པ་བྱིན་ཅིག །ཁྱིམ་བདག་གི་ཆུང་ [176a.3]མས་སྨྲས་པ། ཀྱེ་ཐ་ག་པ་ཅི་རས་ཡུག་ཆེན་དེ་བསྐྱེད་དམ། ཁྱིམ་བདག་གིས་ཆུང་མ་ལ་སྨྲས་པ། བཟང་མོ་ཅི་ཁྱོད་ཀྱིས་ཀྱང་འདི་ལ་དོག་པ་བྱིན་ནམ། སྩལ་ཏོ། །ཁྱིམ་བདག་གིས་སྨྲས་པ། ཀྱེ་ཐ་ག་པ་ཅི་རས་ཡུག་ཆེན་དེ་བསྐྱེད་དམ། ཐ་ག་པས་སྨྲས་པ། ཁྱིམ་ [176a.4]བདག་ཅི་དེང་བསྐྱེད་པར་བརྩམས་སྙམ་མམ། ཉི་མ་གང་ཁོ་ན་ལ་བཙུན་པ་ཉེ་དགའ་མཆིས་ནས་འདི་སྐད་ཅེས་སྲིད་དུ་འདི་ཙམ་གྱིས་སྲིངས་ཤིག །ཞེང་དུ་འདི་ཙམ་གྱིས་སྐྱེད་ཅིག་ཅེས་མཆི་བའི་ཉི་མ་དེ་ཁོ་ན་ལ་བསྐྱེད་པར་བརྩམས་སོ། །ཁྱིམ་བདག་གི་ཆུང་མས་བསམས་ [176a.5]པ། རས་ཡུག་ཆེན་དེ་ཅི་འདྲ་ཇི་ལྟར་འགྲོ་འོ་སྙམ་ནས་དེ་དེར་སོང་བ་དང་། ཇི་ཙམ་ན་ཆེན་པོ་ལ་འོས་པའི་རས་ཡུག་ཆེན་མཐོང་ངོ་། །དེ་མཐོང་ནས་དེའི་མིག་ཁྲག་གིས་གང་སྟེ་སྨྲས་པ། ཁོ་མོས་རས་ཡུག་ཆེན་འདི་འཕགས་པ་ཉེ་དགའ་ལ་མི་བྱིན་ནོ། །ཁོ་མོས་དེའི་དོན་དུ་ [176a.6]རས་ཡུག་ཆེན་གཞན་ཞིག་འཐག་ཏུ་གཞུག་གོ་ཞེས་ཟེར་ཏེ་སོང་ངོ་། །ཉེ་དགའ་དུས་དང་དུས་སུ་དེར་འོངས་ནས་སྨྲས་པ། ཀྱེ་ཐ་ག་པ་རུང་ངམ། འཕགས་པ་བདག་གི་ནི་རུང་ན་ཁྱོད་ཀྱི་ནི་མི་རུང་ངོ་། །ཀྱེ་ཐ་ག་པ་ཇི་ལྟར་གྱུར། དེས་སྨྲས་པ། ཁྱིམ་བདག་གི་ཆུང་ [176a.7]མ་མཆིས་པར་གྱུར་ཏེ་དེས་རས་ཡུག་ཆེན་མཐོང་ནས་དེའི་མིག་ཁྲག་གིས་གང་སྟེ། ཁོ་མོས་འཕགས་པ་ཉེ་དགའ་ལ་རས་ཡུག་ཆེན་འདི་མི་སྦྱིན་ནོ། །ཁོ་མོས་དེའི་དོན་དུ་རས་ཡུག་ཆེན་གཞན་འཐག་ཏུ་གཞུག་གོ་ཞེས་མཆི་སྟེ་མཆིས་སོ། །ཀྱེ་ཐ་ག་པ་ཁྱོད་ལ་ཁོ་བོས་ཅུང་ཞིག་ [176b] [176b.1]བྱས་པ་ཡོད་པ་ཤེས་སམ། དེས་སྨྲས་པ་ཅིའི་སླད་དུ་མ་འཚལ། བདག་ད་དུང་ཡང་ཁྱོད་ཀྱི་ལ་ཐུ་དག་འཚལ་ཞིང་མཆིས་སོ། །ཀྱེ་ཐ་ག་པ་གང་གི་ཚེ་ཁོ་བོ་ཁྱིམ་དེར་འོངས་པར་གྱུར་པ་དེའི་ཚེ་ན་ཁྱོད་ཀྱིས་རས་ཡུག་ཆེན་འདི་ཁྱེར་ཤོག་ཤིག །འཕགས་པ་ཇེ་བཞུད་ཅིག་དང་ [176b.2]བདག་གིས་ཀྱང་ཁ་ཚར་བཀལ་ཏེ་མཆིའོ། །ཉེ་དགའ་དེའི་ཁྱིམ་དུ་སོང་སྟེ་སྒོའི་ཐད་ཀར་འདུག་པ་དང་། ཁྱིམ་བདག་གི་ཆུང་མ་དེས་རྐང་པ་ལ་ཕྱག་འཚལ་ཏེ་ཁ་སྒོར་ལྟ་ཞིང་མདུན་དུ་འདུག་གོ། །ཐ་ག་པ་དེས་ཀྱང་རས་ཡུག་ཆེན་དེའི་ཁ་ཚར་དྲིལ་ནས་དེ་ཁྱེར་ཏེ་དེར་སོང་བ་ [176b.3]དང་། ཁྱིམ་བདག་གི་ཆུང་མ་དེས་དེ་ཐག་རིང་པོ་ཁོ་ན་ནས་མཐོང་ནས་དེས་ལག་བརྡས་མ་འོང་ཤིག་ཅེས་བྱས་པ་དང་། ཐ་ག་པ་དེས་ཕྱོགས་བཞིར་རྣམ་པར་བལྟས་ནས་ལྟོས་བཟུང་བས་མགོ་སྨད་དེ་ནང་དུ་ཞུགས་ནས་དེས་རས་ཡུག་ཆེན་དེ་ཁྱིམ་བདག་གི་ཆུང་མ་དེའི་ [176b.4]པང་དུ་བཞག་པ་དང་། ཉེ་{དགའས་,དགས་}ཚམ་ཚོམ་མེད་པར་བླངས་ཏེ་སྨྲས་པ། ཨ་རོག་གྱ་སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་འཐོབ་པ་དང་། ལྷ་དང་མི་རྣམས་ཀྱི་གོས་ཐོབ་པར་གྱུར་ཅིག ། [176b.5]ཁྱིམ་བདག་གི་ཆུང་མས་སྨྲས་པ། འཕགས་པ་ཁྱིམ་བདག་གིས་རང་གི་སུག་པ་ནས་དབུལ་གྱིས་སླར་སྩོལ་ཅིག །ཉེ་{དགའས་,དགས་}སྨྲས་པ། ཁོ་བོས་འདི་ཇེ་རུང་བར་བྱས། དེའི་འོག་ཏུ་ཁྱིམ་བདག་དྲང་སྲོང་གི་རྒྱལ་མཚན་སྐོན་དུ་གཞུག་གོ། །ཁྱིམ་བདག་གི་ཆུང་མས་ [176b.6]སྨྲས་པ། འཕགས་པ་བཅོམ་ལྡན་འདས་ཀྱིས་ཁ་དོག་དཀར་པོ་བསྔགས་སོ། །ཉེ་{དགའས་,དགས་}སྨྲས་པ། དྲང་སྲོང་གི་རྒྱལ་མཚན་སྐོན་དུ་ཆུག་ཤིག་ཅེས་སྨྲས་ནས་ལངས་ཏེ་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་ལྔ་པ། ཐ་ག་ [176b.7]པས་སྨྲས་པ། ཁྱིམ་བདག་གི་བཙུན་མོ་བདག་ལ་གླ་བྱིན་ཅིག །དེས་སྨྲས་པ། ཁོ་མོའི་རས་ཡུག་ཆེན་གཅིག་ཀྱང་འཕྲོག་ཏུ་བཅུག་ནས་གླ་གཞན་ཡང་དེད་དམ། སོང་ལ་ཁྱོད་ཀྱིས་གང་ལ་རས་ཡུག་ཆེན་བྱིན་པ་དེ་ཉིད་ལ་གླ་དོས་ཤིག །དེ་ཉེ་དགའི་གན་དུ་སོང་སྟེ་ [177a] [177a.1]སྨྲས་པ། འཕགས་པ་བདག་ལ་གླ་སྩོལ་ཅིག །སོང་ལ་ཁྱིམ་བདག་གི་ཆུང་མ་དེ་ཉིད་ལ་དོས་ཤིག །འཕགས་པ་ཁྱིམ་བདག་གི་མཆིས་བྲང་དེ་མཆིད་འབོ་ཞིང་འདི་སྐད་ཅེས་ཁྱོད་ཀྱིས་གང་ལ་རས་ཡུག་ཆེན་བྱིན་པ་དེ་ཉིད་ལ་གླ་དོས་ཤིག་ཅེས་མཆིའོ། ། [177a.2]ཉེ་{དགའས་,དགས་}སྨྲས་པ། སོང་ཤིག་དང་བྱིན་པར་འགྱུར་རོ། །ཐ་ག་པ་དེ་ཡང་དེའི་གན་དུ་སོང་སྟེ་སྨྲས་པ། ཁྱིམ་བདག་གི་བཙུན་མོ་བདག་ལ་གླ་བྱིན་ཅིག །དེས་སྨྲས་པ། ཀྭའི་ཁྱོ་ག་ཁྱོད་འདུག་མི་ཕོད་དམ། གལ་ཏེ་འདུག་ན་ནི་འདུག་ཤིག །མི་འདུག་ན་ཁོ་མོས་ [177a.3]ཁྱོད་ཀྱི་མགྲིན་པར་ཆོལ་ཟངས་བཏགས་ཏེ་མཉན་ཡོད་ཐམས་ཅད་དུ་བསྐོར་བར་བྱའོ། །ཐ་ག་པ་དེ་ཡང་ཉེ་དགའི་ཐད་དུ་སོང་སྟེ་སྨྲས་པ། འཕགས་པ་ཁྱིམ་བདག་གི་མཆིས་བྲང་དེས་བདག་སྤྱོས་ཏེ། ཀྭའི་ཁྱོ་ག་ཁྱོད་འདུག་མི་ཕོད་དམ། གལ་ཏེ་འདུག་ན་ནི་འདུག་ཤིག ། [177a.4]མི་འདུག་ན་ཁོ་མོས་ཁྱོད་ཀྱི་མགྲིན་པར་ཆོལ་ཟངས་བཏགས་ཏེ་མཉན་ཡོད་ཐམས་ཅད་དུ་བསྐོར་བར་བྱའོ་ཞེས་མཆི་ཡིས་འཕགས་པས་བདག་ལ་གླ་སྩོལ་ཅིག །ཉེ་{དགའས་,དགས་}སྨྲས་པ། ཀྱེ་ནང་རྗེ་གལ་ཏེ་གང་གིས་ཁོ་བོའི་རས་ཡུག་ཆེན་འཐག་ཏུ་བཅུག་པ་དེའི་གླ་ཁོ་བོ་ [177a.5]འཇལ་བར་གྱུར་ན་ཁོ་བོའི་ལྷུང་བཟེད་དང་ཆོས་གོས་ཀྱང་མེད་པར་འགྱུར་རོ། །གཞན་ཡང་ཚུར་ཤོག་རྩིས་བྱས་ཁྱོད་ཀྱིས་ཁོ་བོ་ལས་བག་ཕྱེའི་རིན་དང་། ཞུན་མར་དང་། ཧྭགས་ལ་སོགས་པ་ཇི་ཙམ་ཁྱེར་བ་དག་ཁོད་ཅིག་ཅེས་རྩིས་བྱས་པ་དང་། ཇི་ཙམ་ན་ཆེས་ལྷག་ [177a.6]པར་ཁྱེར་བར་གྱུར་ནས། ཉེ་{དགའས་,དགས་}ཐ་ག་པ་དེ་ཡུད་ཙམ་ཞིག་ཉི་ཚན་ལ་བཏགས་ཏེ་བཏང་ངོ་། །ཐ་ག་པ་དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ། །བྲམ་ཟེའི་ཚུལ་ནི་ཚིག་སྟེ། དེ་ལྟར་ལྷག་པ་ཁོ་ན་བྱའོ་ཞེས་ཟེར་ལ་འབྲི་བ་ཁོ་ནར་བྱེད་དོ་ཞེས་ [177a.7]སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་ [177b] [177b.1]དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ་ཁྱོད་ཀྱིས་མི་མཛེས་པ་དེ་ལྟ་བུ་ [177b.2]དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། ། [177b.3]དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་ [177b.4]མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གི་ཕྱིར་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པས་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་བཅུག་པ་ལས་དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་ [177b.5]རྣམ་པར་རྟོག་པ་འགའ་ཞིག་བྱུང་ནས་ཐ་ག་པ་ཉེ་དུ་མ་ཡིན་པའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཐ་ག་པ་ཤེས་པར་གྱིས་ཤིག །གོས་འདི་ཁོ་བོའི་ཕྱིར་འཐག་གིས་ཚེ་དང་ལྡན་པ་ཐ་ག་པ་གོས་འདི་ཞེང་ཆེ་བ་དང་། ཁྲུན་རིང་བ་དང་། ཐར་གྱིས་ཞག་པ་དང་། [177b.6]ཐགས་རན་བཟང་བར་ལེགས་པར་གྱིས་ཤིག །ཚེ་དང་ལྡན་པ་ཐ་ག་པ་འདི་ལྟར་ཁོ་བོས་གླ་རྔན་འདི་ལྟ་སྟེ། བཟའ་བའམ། བཅའ་བ་ཙམ་མམ་བཟའ་རྒྱུ་ཅུང་ཟད་སྦྱིན་ནོ་ཞེས་སྨྲས་ནས། དེ་ལ་གལ་ཏེ་དགེ་སློང་དེས་གོས་བསྒྲུབ་པའི་ཕྱིར་གླ་རྔན་འདི་ལྟ་སྟེ། བཟའ་ [177b.7]བའམ། བཅའ་བ་ཙམ་མམ། བཟའ་རྒྱུ་ཅུང་ཟད་ཅིག་སྦྱིན་ཞིང་གོས་གྲུབ་ན་སྤང་བའི་ལྟུང་བྱེད་དོ། །དགེ་སློང་གི་ཕྱིར་ཞེས་བྱ་བ་ནི་ཤཱཀྱའི་བུ་ཉེ་དགའ་འམ་གཞན་ཡང་དེ་ལྟ་བུ་གང་ཡིན་པའོ། །ཁྱིམ་བདག་ཅེས་བྱ་བ་ནི་སྐྱེས་པའོ། །ཁྱིམ་བདག་གི་ཆུང་མ་ [178a] [178a.1]ཞེས་བྱ་བ་ནི་བུད་མེད་དོ། །ཉེ་དུ་མ་ཡིན་པ་ཞེས་བྱ་བ་ནི་ཕྱི་མོ་དང་། མེས་པོ་དང་། ཕྲུགས་ཀྱི་བདུན་པ་ཚུན་ཆད་ནི་ཉེ་དུ་ཡིན་ལ། དེ་ཕན་ཆད་ནི་ཉེ་དུ་མ་ཡིན་ནོ། །ཐ་ག་པ་ཞེས་བྱ་བ་ནི་ཐ་གས་མཁན་ནོ། །ཉེ་དུ་མ་ཡིན་པ་ལ་ཞེས་བྱ་བ་ནི་ཕྱི་མོ་དང་། [178a.2]མེས་པོ་དང་། ཕྲུགས་ཀྱི་བདུན་པ་ཚུན་ཆད་ནི་ཉེ་དུ་ཡིན་ལ། དེ་ཕན་ཆད་ནི་ཉེ་དུ་མ་ཡིན་ནོ། །གོས་འཐག་ཏུ་བཅུག་པ་ལས་ཞེས་བྱ་བ་ནི་བདུན་པོ་བལ་གོས་དང་། ཤ་ནའི་གོས་དང་། ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། ཀོ་ཏམ་ [178a.3]པའི་གོས་དང་། ཉི་འོག་གི་གོས་དག་ལས་གང་ཡང་རུང་བའོ། །དེ་ན་གལ་ཏེ་དགེ་སློང་དེ་ལ་ཞེས་བྱ་བ་ནི་ཤཱཀྱའི་བུ་ཉེ་དགའ་ལའོ། །སྔར་མ་བསྟབས་པར་ཞེས་བྱ་བ་ནི་སྔར་མགྲོན་དུ་མ་བོས་པར་རོ། །རྣམ་པར་རྟོག་པ་འགའ་ཞིག་བྱུང་ནས་ཞེས་བྱ་བ་ནི་བསྙེན་བཀུར་ [178a.4]བྱེད་པ་འགའ་ཞིག་བྱུང་ནས་སོ། །ཐ་ག་པ་ཉེ་དུ་མ་ཡིན་པའི་གན་དུ་སོང་སྟེ་ཞེས་བྱ་བ་ནི་དྲུང་དུ་སོང་སྟེའོ། །འདི་སྐད་ཅེས་ཚེ་དང་ལྡན་པ་ཐ་ག་པ་ཤེས་པར་གྱིས་ཤིག །གོས་འདི་ཁོ་བོའི་ཕྱིར་འཐག་གིས་ཞེས་བྱ་བ་ནི་བདག་ཉིད་ཉེ་བར་སྟོན་པར་བྱེད་པའོ། །ཞེང་ཆེ་བ་ [178a.5]ཞེས་བྱ་བ་ནི་རྒྱར་ཆེ་བའོ། །ཁྲུན་རིང་བ་ཞེས་བྱ་བ་ནི་ཆུར་རིང་བའོ། །ཐར་གྱིས་ཞག་པ་ཞེས་བྱ་བ་ནི་འཇུར་མདུད་མེད་པའོ། །ཐགས་རན་བཟང་བར་ཞེས་བྱ་བ་ནི་བྱེར་ཟུག་སྙོམས་པ་དང་། ཤས་བཟང་བ་དང་། སད་སེད་མེད་པར་རོ། །བཟའ་བའམ་ཞེས་བྱ་བ་ནི་ [178a.6]བཟའ་བ་ལྔ་པོ་དག་གོ། །བཅའ་བ་ཙམ་མམ་ཞེས་བྱ་བ་ནི་བཅའ་བ་ལྔ་པོ་དག་གོ། །བཟའ་རྒྱུ་ཞེས་བྱ་བ་ནི་བཟའ་བའི་རྒྱུའོ། །དེ་ལ་གལ་ཏེ་དགེ་སློང་དེས་ཞེས་བྱ་བ་ནི་ཤཱཀྱའི་བུ་ཉེ་{དགའས་,དགས་}སོ། །གོས་བསྒྲུབ་པའི་ཕྱིར་ཞེས་བྱ་བ་ནི་གོས་ཐོབ་པར་བྱ་བའི་ཕྱིར་རོ། །གོས་གྲུབ་ [178a.7]ན་ཞེས་བྱ་བ་ནི་གོས་ཐོབ་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་གོ་ས་བསྒྲུབ་པའི་ཕྱིར་ཁྲི་ [178b] [178b.1]ལས་ལྡང་བར་བྱེད། གོས་དག་དང་། ཤམ་ཐབས་གོན་པར་བྱེད། ལག་པ་དང་། ལྷུང་བཟེད་འཁྲུ་བར་བྱེད། བསོད་སྙོམས་ལ་འཇུག་པར་བྱེད། བཅའ་བ་ལྔ་དང་བཟའ་བ་ལྔ་དག་སློང་བར་བྱེད། ཐ་ག་པ་ལ་སྦྱིན་པར་བྱེད་ཅིང་ཇི་སྲིད་དུ་གོས་ཐོབ་པར་མི་བྱེད་ཀྱི་བར་དུ་ [178b.2]ཉེས་བྱས་སུ་འགྱུར་རོ། །གོས་ཐོབ་ན་སྤང་བའི་ལྟུང་བྱེད་དུ་འགྱུར་རོ། །གལ་ཏེ་ཕྱོགས་ག་གེ་མོ་ཞིག་ཏུ་གོས་འཐག་ཏུ་བཅུག་གིས་དེ་ཁྱོད་ཀྱིས་བལྟ་བར་བྱའོ་ཞེས་སྔར་བསྟབས་པར་གྱུར་ན་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་ [178b.3]དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཐག་པ་སྐྱེད་པའི་སྤང་བ་སྟེ་ཉི་ཤུ་བཞི་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགའ་བོ་ལ་ [178b.4]ལྷན་ཅིག་གནས་པ་ཆོས་ཞེས་བྱ་བ་ངོ་ཚ་ཤེས་པ་འགྱོད་པ་དང་ལྡན་པ་བསྡམས་པ། བསླབ་པ་འདོད་པ་ཞིག་ཡོད་པ་དེས་ཇི་སྲིད་དུ་དེ་གནས་ངན་ལེན་ཀུན་ཏུ་སྤྱོད་པར་མི་ཤེས་པ་དེ་སྲིད་དུ་དེ་དང་ལྷན་ཅིག་གནས་སོ། །གང་གི་ཚེ་དེས་དེ་གནས་ངན་ལེན་ཀུན་ཏུ་སྤྱོད་པར་ཤེས་པ་ [178b.5]དེའི་ཚེ་ན་དེ་རང་བཞིན་དུ་གནས་པའི་དགེ་སློང་རྣམས་དང་ལྷན་ཅིག་གནས་པར་བརྩམས་ཏེ། བཅོམ་ལྡན་འདས་ཀྱི་བཀའ་ལུང་གིས་དུས་གསུམ་དུ་རྐང་པ་ལ་ཕྱག་འཚལ་དུ་འགྲོ་བ་འབའ་ཞིག་བྱེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ [178b.6]ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱིས་ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ [178b.7]ཅེས་བསྒོ་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱིས་ཁྱེད་ཅག་ལས་གང་བཅོམ་ལྡན་འདས་ [179a] [179a.1]དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག །དགའ་བོས་ཐོས་ཏེ། ཐོས་ནས་ཀྱང་ཉེ་དགའ་ལ་སྨྲས་པ། ཚེ་དང་ལྡན་པ་ཉེ་དགའ་ཤེས་པར་གྱིས་ཤིག །ཚེ་དང་ལྡན་པ་ཀུན་དགའ་བོས་དགེ་སློང་རྣམས་ [179a.2]ལ་ཚེ་དང་ལྡན་པ་དག་ཤེས་པར་གྱིས་ཤིག །བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱིས། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་ན། གལ་ཏེ་ [179a.3]བདག་ཅག་འདི་ཉིད་དུ་འདུག་ན་ནི་སྒོ་འཕར་བརྒྱ་དག་འདས་ཏེ་ཅི་ནས་ཀྱང་ལྟོ་དགང་བ་བསྒྲུབ་པར་བྱ་དགོས་སོ། །ཇི་སྟེ་བཅོམ་ལྡན་འདས་དང་ཐབས་ཅིག་འགྲོ་ན་ནི་བཅོམ་ལྡན་འདས་ཀྱིས་སངས་རྒྱས་གཤེགས་པ་ལ་ཕན་ཡོན་{བཅྭ་,བཅོ་}བརྒྱད་ཡོད་པར་གསུངས་པས་སྲོག་ཆགས་བརྒྱ་ [179a.4]སྟོང་ཕྲག་དུ་མ་དག་ཀྱང་བཅོམ་ལྡན་འདས་དང་ཐབས་ཅིག་འགྲོ་བར་འགྱུར་བས། གལ་ཏེ་བཅོམ་ལྡན་འདས་དང་ཐབས་ཅིག་འགྲོ་ན་རེ་ཞིག་ཆུ་ཡང་རྙོག་པ་ཅན་དག་བཏུང་དགོས་པར་འགྱུར་ལ། ཤིང་ལྗོན་པའི་དྲུང་དུ་ཡང་གོ་ཐོབ་པར་མི་འགྱུར་གྱིས་བདག་ཅག་དགེ་སློང་ [179a.5]རབ་ཏུ་བཤེས་པ་འགའ་ཞིག་ཁྲིད་དེ། སངས་རྒྱས་དང་། ཆོས་དང་། དགེ་འདུན་གྱི་བསྔགས་པ་བརྗོད་ཅིང་མདུན་དུ་དོང་ན་དེ་ལྟ་ན་བདག་ཅག་བདེ་བར་རྒྱུ་བར་འགྱུར་ཞིང་རྙེད་པ་མང་པོ་ཡང་འགྲུབ་པར་འགྱུར་རོ། །ཉེ་{དགའས་,དགས་}སྨྲས་པ། སློབ་དཔོན་རེ་ཞིག་གསེར་ [179a.6]གྱི་སྣོད་སྤངས་ཏེ་སའི་སྣོད་ཀྱིས་བསོད་སྙོམས་རྒྱུ་བར་བྱེད་དམ། ཁྱོད་ཀྱི་ལྷན་ཅིག་གནས་པ་ཆོས་ལྟ་བུ་ངོ་ཚ་ཤེས་པ། འགྱོད་པ་དང་ལྡན་པ། བསྡམས་པ། བསླབ་པ་འདོད་པ་སུ་ལ་ཡོད། དེས་ཁོ་བོ་མཐོང་བར་ཡང་མི་འདོད་དོ། །སློབ་དཔོན་བཅོམ་ [179a.7]ལྡན་འདས་ཀྱིས་བསྡུ་བའི་དངོས་པོ་བཞི་པོ་སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པ་གང་དག་བཀའ་སྩལ་པ་དེ་དག་ལས་སློབ་དཔོན་གྱིས་འགའ་ཞིག་ཡང་དག་པར་བླངས་ཏེ་འཇུད་པར་བྱས་པ་ཡོད་དམ། དེ་ནི་ཐམས་ཅད་ཀྱི་ཐམས་ [179b] [179b.1]ཅད་དུ་མེད་དོ། །དེའི་ཕྱིར་ཁྱོད་ཀྱི་གནས་སྐབས་དེ་ལྟ་བུ་དེར་གྱུར་ཏོ། །ཚེ་དང་ལྡན་པ་ཆོས་ཀྱི་སྣམ་སྦྱར་རྙིངས་ནས་དེས་རས་ཡུག་ཆེན་ཞིག་རྙེད་ནས་བསམས་པ། བདག་སོང་ལ་མཁན་པོ་ལ་ཞུས་ཏེ་སྣམ་སྦྱར་བཙེམ་པར་བྱའོ་སྙམ་ནས། དེས་དེ་ཁྱེར་ཏེ་དགའ་ [179b.2]བོའི་གན་དུ་འཕགས་པ་དང་། དེ་འགྲོ་བ་ན་བསོད་སྙོམས་པ་ཞིག་གིས་མཐོང་ནས་དེས་སྨྲས་པ། ཚེ་དང་ལྡན་པ་ཆོས་གར་འགྲོ། དེས་སྨྲས་པ། ཁོ་བོའི་སྣམ་སྦྱར་རྙིངས་ཏེ་ཁོ་བོའི་རས་ཡུག་ཆེན་འདི་རྙེད་པས་བདག་སོང་སྟེ་མཁན་པོ་ལ་ཞུས་ལ་སྣམ་སྦྱར་བཙེམ་ [179b.3]པར་བྱའོ། །བསོད་སྙོམས་པས་སྨྲས་པ། གལ་ཏེ་ཁྱོད་སྣམ་སྦྱར་སར་པ་གཞན་འཚེམ་ན་སྣམ་སྦྱར་རྙིང་པ་འདི་ཁོ་བོ་ལ་བྱིན་ཅིག །དེ་བཞིན་བྱའོ། །དེ་དགའ་བོའི་གན་དུ་སོང་སྟེ་སྨྲས་པ། མཁན་པོ་བདག་གི་སྣམ་སྦྱར་རྙིངས་ཏེ་བདག་གིས་རས་ཡུག་ཆེན་ [179b.4]འདི་རྙེད་པས་སྣམ་སྦྱར་བཙེམ་པར་ཞུའོ། །ཉེ་{དགའས་,དགས་}སྨྲས་པ་སློབ་དཔོན་འདི་ནི་དེའི་དུས་ལགས་སོ། །དགའ་བོས་སྨྲས་པ། ཚེ་དང་ལྡན་པ་ཆོས་ཁོ་བོ་ཉིད་ལ་སྣམ་སྦྱར་ཞིག་ཡོད་པ་དེ་ཁོ་བོས་ཁྱོད་ལ་སྦྱིན་ནོ། །མཁན་པོ་མི་འཚལ་ཏེ་བདག་གིས་རས་ཡུག་ [179b.5]ཆེན་འདི་ལས་སྣམ་སྦྱར་དྲུབས་ཏེ་བཅང་བར་བགྱིའོ། །ཉེ་{དགའས་,དགས་}སྨྲས་པ། ཚེ་དང་ལྡན་པ་ཆོས་ཁོ་བོས་ཀོ་གཞན་ཐོས་ལ་གཞན་མཐོང་སྟེ། ཁོ་བོས་ཁྱོད་ངོ་ཚ་ཤེས་པ། འགྱོད་པ་དང་ལྡན་པ། བསྡམས་པ། བསླབ་པ་འདོད་པ་ཡིན་པར་ཤེས་ཀྱི། ཁོ་བོས་ [179b.6]ཁྱོད་འདི་ལྟར་མཁན་པོའི་ཆོས་དང་ལྡན་པའི་ཚིག་གཅོག་པར་མི་ཤེས་སོ། །ཅི་ཁྱོད་མཁན་པོ་དང་མི་མཐུན་པའི་དོན་ཡང་དག་པར་ལེན་པར་བྱེད་དམ། དེ་དགེ་སློང་དབང་ཆེན་པོས་སྨད་པས་ཅང་མི་སྨྲ་བར་འདུག་པ་དང་། དགའ་བོས་ཀྱང་དེ་ལ་སྣམ་སྦྱར་བྱིན་ནོ། ། [179b.7]དེས་དེ་བླངས་ནས་སྨྲས་པ། མཁན་པོ་ཁྱོད་རས་ཡུག་ཆེན་འདི་བཞེས་ཤིག །ཚེ་དང་ལྡན་པ་ཆོས་ཅི་ཁོ་བོས་ཁྱོད་ལ་བརྗེ་བའི་ཕྱིར་སྣམ་སྦྱར་བྱིན་ནས་རས་ཡུག་ཆེན་ཡང་ཁྱོད་ཉིད་ཁྱེར་ཅིག །དེས་བསམས་པ། བདག་ལ་ཡོ་བྱད་དོན་མེད་པ་འདིས་ཅི་བྱ། བདག་ [180a] [180a.1]གིས་རས་ཡུག་ཆེན་འདི་དགེ་འདུན་ལ་དབུལ་བར་བྱ་ཞིང་སྣམ་སྦྱར་རྙིང་པ་འདི་ཡང་བསོད་སྙོམས་པ་དེ་ལ་སྦྱིན་པ་མཁན་པོ་ལ་ཞུའོ་སྙམ་ནས་སྨྲས་པ། མཁན་པོ་བདག་གིས་རས་ཡུག་ཆེན་འདི་དགེ་འདུན་ལ་དབུལ་བར་བགྱི་ཞིང་སྣམ་སྦྱར་རྙིང་པ་འདི་ [180a.2]ཡང་བསོད་སྙོམས་པ་ཞིག་གིས་བསླངས་པས་དེ་ལ་སྩལ་བར་བགྱི་བ་མཁན་པོ་ལ་ཞུའོ། །དེ་བཞིན་གྱིས་ཤིག །དེས་རས་ཡུག་ཆེན་དེ་དགེ་འདུན་ལ་ཕུལ་ཞིང་སྣམ་སྦྱར་རྙིང་པ་དེ་ཡང་བསོད་སྙོམས་པ་དེ་ལ་བྱིན་ནོ། །ཕྱི་དེ་ཉིན་པར་དེ་སྣམ་སྦྱར་དེ་གྱོན་ཏེ་མཁན་པོའི་ [180a.3]རྐང་པ་ལ་ཕྱག་འཚལ་དུ་འོངས་པ་དང་། དགའ་བོས་སྨྲས་པ། ཚེ་དང་ལྡན་པ་ཆོས་ཤེས་པར་གྱིས་ཤིག །ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་ཚེ་དང་ལྡན་པ་དག་ཤེས་པར་གྱིས་ཤིག །བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ [180a.4]ཀྱིས། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་ན། གལ་ཏེ་བདག་ཅག་འདི་ཉིད་དུ་འདུག་ན་ནི་སྒོ་འཕར་བརྒྱ་དག་འདས་ཏེ་ཅི་ནས་ཀྱང་ལྟོ་གང་བ་བསྒྲུབ་པར་བྱ་ [180a.5]དགོས་སོ། །ཇི་སྟེ་བཅོམ་ལྡན་འདས་དང་ཐབས་ཅིག་འགྲོ་ན་ནི་བཅོམ་ལྡན་འདས་ཀྱིས་སངས་རྒྱས་གཤེགས་པ་ལ་ཕན་ཡོན་{བཅྭ་,བཅོ་}བརྒྱད་ཡོད་པར་གསུངས་པས་སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་བཅོམ་ལྡན་འདས་དང་ཐབས་ཅིག་འགྲོ་བར་འགྱུར་བས་གལ་ [180a.6]ཏེ་བཅོམ་ལྡན་འདས་དང་ཐབས་ཅིག་འགྲོ་བ་ན་རེ་ཞིག་ཆུ་ཡང་རྙོག་པ་ཅན་དག་བཏུང་དགོས་པར་འགྱུར་ལ། ཤིང་ལྗོན་པའི་དྲུང་དུ་ཡང་གོ་ཐོབ་པར་མི་འགྱུར་གྱིས། བདག་ཅག་སངས་རྒྱས་དང་། ཆོས་དང་། དགེ་འདུན་གྱི་བསྔགས་པ་བརྗོད་ཅིང་མདུན་དུ་དོང་ན་དེ་ [180a.7]ལྟ་ན་བདག་ཅག་བདེ་བར་རྒྱུ་བར་འགྱུར་ཞིང་། རྙེད་པ་མང་པོ་ཡང་འགྲུབ་པར་འགྱུར་རོ། །མཁན་པོ་བཅོམ་ལྡན་འདས་ཀྱིས་སངས་རྒྱས་གཤེགས་པ་ལ་ཕན་ཡོན་{བཅྭ་,བཅོ་}བརྒྱད་མཆིས་པར་བཀའ་སྩལ་པ་གང་དག་ལགས་པ་དེ་དག་མཁན་པོ་ལ་ཉེས་དམིགས་ཁོ་ནར་གྱུར་ཏེ་ [180b] [180b.1]བདག་ནི་རེ་ཞིག་བཅོམ་ལྡན་འདས་ཉིད་དང་ཐབས་ཅིག་མཆིའོ། །དགའ་བོས་སྨྲས་པ། ཁོ་བོ་དང་ལྷན་ཅིག་འདོང་ངོ་། །དེས་སྨྲས་པ། བཅོམ་ལྡན་འདས་ཉིད་དང་ལྷན་ཅིག་མཆིའོ། །དགའ་བོས་སྤྱོས་ཏེ་སྨྲས་པ། ངན་པ་ཅི་ཁོ་བོས་ཁྱོད་ལ་ཆོས་ལ་ཆོས་ཉིད་ [180b.2]བཟང་པོས་སྣམ་སྦྱར་བྱིན་སྙམ་མམ། ཁྱོད་ཁོ་བོ་དང་ལྷན་ཅིག་འགྲོ་བའི་ཕྱིར་བྱིན་པ་ཡིན་ན་གལ་ཏེ་ཁོ་བོ་དང་ལྷན་ཅིག་མི་འགྲོ་ན་སྣམ་སྦྱར་འོན་ཅིག་ཁྱོད་ལ་མི་སྦྱིན་ནོ། །ཚེ་དང་ལྡན་པ་ཆོས་ཀྱིས་བསམས་པ། བདག་ལ་ཆོས་གོས་ཕྲོགས་པ་ནི་བླའི་བདག་གནས་ངན་ལེན་ [180b.3]ཀུན་ཏུ་སྤྱོད་པ་དག་དང་ལྷན་ཅིག་ལྗོངས་རྒྱུར་འགྲོ་བ་ནི་མི་རུང་ངོ་སྙམ་ནས་དེས་དེ་ལ་སྣམ་སྦྱར་ཕྱིར་བྱིན་ནོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་ [180b.4]དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ [180b.5]ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ [180b.6]ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་པའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་ [180b.7]སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་སྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་ [181a] [181a.1]སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ [181a.2]ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། ནོར་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་བསྐོར་བ། ཐགས་ཟངས་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་བཅུ་རྩ་ [181a.3]གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཀྱིས་ཤིན་ཏུ་དུལ་བ། སྤྱོད་ལམ་དང་། སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ [181a.4]ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་བཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་ [181a.5]པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང་། མི་འཇིགས་པ་བཞི་དང་མ་འདྲེས་པའི་དྲན་པ་ཉེ་བར་གཞག་པ་གསུམ་དང་། ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ་པ། ཉག་གཅིག་དཔའ་བ། [181a.6]གཉིས་པ་མེད་པ། གཉིས་སུ་མི་གསུང་བ། ཞི་གནས་དང་། ལྷག་མཐོང་གིས་བཞུགས་པ་རིག་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་པར་བསླབས་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་རྒལ་བ། རྫུ་ [181a.7]འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ [181b] [181b.1]ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། [181b.2]སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་སྒྱུར་བ་ལས་ཁྱད་པར་དུ་འཕགས་པ། འཁོར་ཉན་ཐོས་ཆེན་པོ་ཚེ་དང་ལྡན་པ་ལྟེང་རྒྱས་འོད་སྲུང་དང་། ག་ཡ་འོད་སྲུང་དང་། ཆུ་ཀླུང་འོད་སྲུང་ལ་སོགས་པ་ [181b.3]སྔོན་གྱི་རལ་པ་ཅན་སྟོང་དང་། ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་ལ་སོགས་པ་དགེ་སློང་གི་དགེ་འདུན་མང་པོས་མདུན་དུ་བདར་ཏེ་ཀོ་ས་ལ་དག་ཏུ་ལྗོངས་རྒྱུར་གཤེགས་སོ། །སངས་རྒྱས་བཅོམ་ལྡན་འདས་ལྗོངས་རྒྱུར་གཤེགས་པ་རྣམས་ནི་ཆོས་ [181b.4]ཉིད་ཀྱིས་ན་སྐུ་ཐམས་ཅད་ཀྱིས་གཡས་ཕྱོགས་སུ་གླང་པོ་ཆེའི་ལྟ་སྟངས་ཀྱིས་ལ་ལས་ལེགས་པར་མ་བགོས་པ་དང་། ལེགས་པར་མ་བཅངས་པར་མ་གྱུར་ཏམ་སྙམ་དུ་རྣམ་པར་གཟིགས་པར་མཛད་པས་བཅོམ་ལྡན་འདས་ཀྱིས་སྐུ་ཐམས་ཅད་ཀྱིས་གཡས་ཕྱོགས་སུ་གླང་པོ་ [181b.5]ཆེའི་ལྟ་སྟངས་ཀྱིས་རྣམ་པར་གཟིགས་པ་ན་ཚེ་དང་ལྡན་པ་ཆོས་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འགྲོ་བ་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་དབྱར་གནས་པ་རྣམས་ཀྱི་ཆོས་ [181b.6]གོས་ཀྱི་རྙེད་པ་མ་གྲུབ་བམ། བཅོམ་ལྡན་འདས་གྲུབ་བོ། །འོ་ན་ཅིའི་ཕྱིར་དགེ་སློང་ཆོས་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འགྲོ། །དེས་སྐབས་དེ་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་ [181b.7]སྩལ་པ། ཀུན་དགའ་བོ་དགེ་སློང་དག་དགེ་སློང་ལ་གོས་བྱིན་ནས་འཕྲོག་པར་བྱེད་དམ། བཙུན་པ་འཕྲོག་པར་བགྱིད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ [182a] [182a.1]ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགའ་བོ་ལ་རྨས་པ། དགའ་བོ་ཁྱོད་ཀྱིས་དགེ་ [182a.2]སློང་ལ་གོས་བྱིན་ནས་ཡང་ཕྱིར་ཕྲོགས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རུང་བ་མ་ཡིན་པ། རྗེས་སུ་མཐུན་པ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་ [182a.3]པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་ [182a.4]སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་འཕྲོག་གམ་འཕྲོག་ཏུ་འཇུད་ [182a.5]ཅིང་། དེ་ལ་འདི་སྐད་ཅེས་དགེ་སློང་ཁྱོད་ལ་གོས་མི་སྦྱིན་གྱིས་ཕྱིར་བྱིན་ཅིག་ཅེས་ཟེར་ན་དགེ་སློང་དེས་ལྷག་མ་ཡོད་པ་ཕྱིར་སྦྱིན་པར་བྱ་ཞིང་བཏང་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་དགའ་བོའམ། གཞན་ཡང་དེ་ལྟ་བུ་གང་ཡིན་པའོ། ། [182a.6]དགེ་སློང་ལ་ཞེས་བྱ་བ་ནི་ཆོས་འདི་པའོ། །གོས་ཞེས་བྱ་བ་ནི་བདུན་པོ་བལ་གོས་དང་། ཤ་ནའི་གོས་དང་། ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། ཀོ་ཏམ་པའི་གོས་དང་། ཉི་འོག་གི་གོས་ལས་གང་ཡང་རུང་བའོ། །བྱིན་ནས་ [182a.7]ཞེས་བྱ་བ་ནི་ཕྱིར་སྦྱིན་མི་དགོས་པར་རོ་དེའི་འོག་ཏུ་ཞེས་བྱ་བ་ནི་དུས་གཞན་ནའོ། །ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ཞེས་བྱ་བ་ནི་ཁྲོ་བ་མ་སངས་པར་རོ། །འཕྲོག་གམ་ཞེས་བྱ་བ་ནི་བདག་ཉིད་ཀྱིས་སོ། །འཕྲོག་ཏུ་འཇུད་ཅིང་ཞེས་བྱ་བ་ནི་གཞན་ནོ། ། [182b] [182b.1]དགེ་སློང་དེས་ཞེས་བྱ་བ་ནི་དགེ་སློང་གང་ཡིན་པ་དེས་སོ། །ལྷག་མ་ཡོད་པ་ཞེས་བྱ་བ་ནི་དེའི་ལྷག་མ་གང་ཡོད་པའོ། །ཕྱིར་སྦྱིན་པར་བྱ་ཞིང་ཞེས་བྱ་བ་ནི་གཏང་བར་བྱ་ཞིང་ངོ་། །བཏང་ན་ཞེས་བྱ་བ་ནི་ལུས་དང་བྲལ་བར་བྱས་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་ [182b.2]དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། ལུས་གཡོ་བར་བྱེད་པ་དང་། ཚིག་རྗོད་པར་བྱེད་པ་དང་། དེ་གཉིས་ཀ་དང་ལྡན་པ་དང་། གཞན་དག་གིས་སོ། ། [182b.3]དེ་ལ་ཇི་ལྟར་ལུས་གཡོ་བར་བྱེད་པས་ཞེ་ན། དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ལུས་ཀྱིས་རྟུལ་བར་བྱེད་ཅིང་འདྲེན་པར་བྱེད་ཁྲིད་པར་བྱེད་ལ། ཚིག་གིས་དགེ་སློང་ཁྱོད་ལ་གོས་མི་སྦྱིན་གྱིས་ཕྱིར་བྱིན་ [182b.4]ཅིག་ཅེས་ནི་མི་ཟེར་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། གོས་ཀྱི་གྲྭ་ལུས་ལ་བྲལ་བར་བྱེད་ན་སྤང་བའི་ལྟུང་བྱེད་དུ་འགྱུར་ཏེ། དེ་ལྟར་ལུས་གཡོ་བར་བྱེད་པས་སོ། །ཇི་ལྟར་ཚིག་རྗོད་པར་བྱེད་པས་ཞེ་ན། དགེ་སློང་གིས་དགེ་ [182b.5]སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ཁྱོད་ལ་གོས་མི་སྦྱིན་གྱིས་ཕྱིར་བྱིན་ཅིག་ཅེས་ཚིག་རྗོད་པར་བྱེད་ལ་ལུས་ཀྱིས་རྟུལ་བར་མི་བྱེད་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། གོས་ཀྱི་ [182b.6]གྲྭ་ལུས་ལས་བྲལ་བར་བྱེད་ན་སྤང་བའི་ལྟུང་བྱེད་དུ་འགྱུར་ཏེ། དེ་ལྟར་ཚིག་རྗོད་པར་བྱེད་པས་སོ། །ཇི་ལྟར་དེ་གཉིས་ཀ་དང་ལྡན་པས་ཞེ་ན་དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ལུས་ཀྱིས་ཀྱང་རྟུལ་བར་བྱེད་ཅིང་ཚིག་གིས་ [182b.7]ཀྱང་དགེ་སློང་ཁྱོད་ལ་གོས་མི་སྦྱིན་གྱིས་ཕྱིར་བྱིན་ཅིག་ཅེས་ཟེར་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། གོས་ཀྱི་གྲྭ་ལུས་ལས་བྲལ་བར་བྱེད་ན་སྤང་བའི་ལྟུང་བྱེད་དུ་འགྱུར་ཏེ། དེ་ལྟར་གཉིས་ཀ་དང་ལྡན་པས་སོ། །ཇི་ལྟར་གཞན་ [183a] [183a.1]དག་གིས་ཞེ་ན་དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་འཕྲོག་ཏུ་འཇུད་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་གཉིས་ཀ་ལ་ཉེས་བྱས་རེ་རེར་འགྱུར་ལ། གོས་ཀྱི་གྲྭ་ལུས་ལས་ [183a.2]བྲལ་བར་བྱེད་ན་གཉི་ག་ལ་སྤང་བའི་ལྟུང་བྱེད་རེ་རེར་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་མ་འཕྲོག་ཏུ་འཇུད་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་གཉིས་ཀ་ལ་ཉེས་བྱས་རེ་རེར་ [183a.3]འགྱུར་ལ། གོས་ཀྱི་གྲྭ་ལུས་ལས་བྲལ་བར་བྱེད་ན་དགེ་སློང་མ་ལ་ཉེས་བྱས་ཉིད་དུ་འགྱུར་ལ། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློབ་མ་འཕྲོག་ཏུ་འཇུད་ན་ཇི་ [183a.4]སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་གཉིས་ཀ་ལ་ཉེས་བྱས་རེ་རེར་འགྱུར་ལ་གོས་ཀྱི་གྲྭ་ལུས་ལས་བྲལ་བར་བྱེད་ན་དགེ་སློབ་མ་ལ་ཉེས་བྱས་ཉིད་དུ་འགྱུར་ལ། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ [183a.5]ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་ཚུལ་འཕྲོག་ཏུ་འཇུད་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་གཉིས་ཀ་ལ་ཉེས་བྱས་རེ་རེར་འགྱུར་རོ། །གོས་ཀྱི་གྲྭ་ལུས་ལས་བྲལ་བར་བྱེད་ན་དགེ་ཚུལ་ལ་ཉེས་བྱས་ཉིད་དུ་འགྱུར་ལ། དགེ་སློང་ལ་སྤང་ [183a.6]བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་ཚུལ་མ་འཕྲོག་ཏུ་འཇུད་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་གཉིས་ཀ་ལ་ཉེས་བྱས་རེ་རེར་འགྱུར་ལ། གོས་ཀྱི་གྲྭ་ལུས་ལས་ [183a.7]བྲལ་བར་བྱེད་ན་དགེ་ཚུལ་མ་ལ་ཉེས་བྱས་ཉིད་དུ་འགྱུར་ལ། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ཁྱིམ་པ་འཕྲོག་ཏུ་འཇུད་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་ [183b] [183b.1]བྱེད་པ་དེ་སྲིད་དུ་ཁྱིམ་པ་ལ་བསོད་ནམས་མ་ཡིན་པ་མང་པོ་སྐྱེ་བར་འགྱུར་ཞིང་། དགེ་སློང་ལ་ཉེས་བྱས་སུ་འགྱུར་ལ། གོས་ཀྱི་གྲྭ་ལུས་ལས་བྲལ་བར་བྱེད་ན་ཁྱིམ་པ་ལ་བསོད་ནམས་མ་ཡིན་པ་ཆེས་མང་དུ་སྐྱེ་བར་འགྱུར་ཞིང་། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་ [183b.2]གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ཁྱིམ་པ་མོ་འཕྲོག་ཏུ་འཇུད་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་ཁྱིམ་པ་མོ་ལ་བསོད་ནམས་མ་ཡིན་པ་མང་དུ་སྐྱེ་བར་འགྱུར་ཞིང་། དགེ་སློང་ལ་ཉེས་བྱས་སུ་འགྱུར་ [183b.3]ལ། གོས་ཀྱི་གྲྭ་ལུས་ལས་བྲལ་བར་བྱེད་ན་ཁྱིམ་པ་མོ་ལ་བསོད་ནམས་མ་ཡིན་པ་ཆེས་མང་དུ་སྐྱེ་བར་འགྱུར་ཞིང་། དགེ་སློང་ལ་སྤང་བའི་ལྟུང་བྱེད་དུ་འགྱུར་ཏེ། དེ་ལྟར་གཞན་དག་གིས་སོ། །དོན་གཞན་དང་འདུལ་བའི་ཡོ་བྱད་ཀྱིས་ནི་ལྟུང་བ་མེད་དོ། །ཇི་ལྟར་དོན་གཞན་གྱིས་ [183b.4]ཞེ་ན། འདི་ལྟ་སྟེ། སློབ་དཔོན་དང་། མཁན་པོའི་ལྷན་ཅིག་གནས་པ་དང་། ཉེ་གནས་དག་འཇིགས་པ་དང་བཅས་པའི་ཕྱོགས་སུ་དུས་མ་ཡིན་པ་དང་། ཆུ་ཀླུང་གི་ཁའམ། ཡུར་པོ་ཆེའི་ཁར་འགྲོ་བ་དེ་དག་ལ་སློབ་དཔོན་དང་། མཁན་པོས་ཆོམ་རྐུན་པ་དང་། གཡོན་ [183b.5]ཅན་དག་གིས་གོས་དག་ཕྲོགས་པར་གྱུར་ན་མི་རུང་ངོ་སྙམ་པས་འཕྲོག་གམ། འཕྲོག་ཏུ་འཇུད་པ་སྟེ། དེ་ལྟར་དོན་གཞན་གྱིས་སོ། །ཇི་ལྟར་འདུལ་བའི་ཡོ་བྱད་ཀྱིས་ཞེ་ན། འདི་ལྟ་སྟེ། དགེ་སློང་རྣམས་ཀྱི་ལྷན་ཅིག་གནས་པ་དང་། ཉེ་གནས་དག་སྡིག་པའི་གྲོགས་པོ་དང་། [183b.6]སྡིག་པའི་ཟླ་བོ་དང་། སྡིག་པའི་སྟེན་གྲོགས་དག་དང་ལྷན་ཅིག་སྡིག་པ་སྟེན་ཅིང་ལམ་དུ་འགྲོ་བར་གྱུར་ན་དེ་དག་ལ་མཁན་པོ་དང་། སློབ་དཔོན་གྱིས་འདི་དག་སྡིག་པའི་གྲོགས་པོ་དང་། སྡིག་པའི་ཟླ་བོ་དང་། སྡིག་པའི་སྟེན་གྲོགས་ལ་སྟེན་པར་གྱུར་ན་མི་རུང་ངོ་སྙམ་པས་ [183b.7]གོས་དག་འཕྲོག་གམ་འཕྲོག་ཏུ་འཇུད་པ་སྟེ། དེ་ལྟར་འདུལ་བའི་ཡོ་བྱད་ཀྱིས་སོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཕྲོག་པའི་སྤང་བ་སྟེ་ཉི་ཤུ་ལྔ་པ་རྫོགས་{སྷོ,སོ}།། །། [184a] [184a.1]སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲག་ཞིག་ན་ཁྱིམ་བདག་དད་པ་དང་ལྡན་པ་བཟང་བ་དགེ་བའི་བསམ་པ་ཅན་ཞིག་འདུག་པ་དེས་དགོན་པར་དགེ་འདུན་གྱི་གཙུག་ [184a.2]ལག་ཁང་རྟ་བབས་མཐོན་པོ་དང་ལྡན་པ་མཐོངས་ཁུང་དང་། སྐར་ཁུང་དྲ་བ་ཅན་དང་། ལན་ཀན་གྱིས་བརྒྱན་པ། སྙིང་དང་མིག་འཕྲོག་པར་བྱེད་པ། མཐོ་རིས་ཀྱི་ཐེམ་སྐས་སུ་གྱུར་པ། ཁྲི་དང་། ཁྲིའུ་དང་། ཡོ་བྱད་ཕུན་སུམ་ཚོགས་པ་ཞིག་བྱེད་དུ་བཅུག་སྟེ། དེ་ན་དགེ་ [184a.3]སློང་དྲུག་བཅུ་གནས་པ་དེ་དག་ལ་ཁྱིམ་བདག་དེས་ཆོས་གོས་དང་། བསོད་སྙོམས་ལ་སོགས་པ་མཁོ་བ་སྟོབས་པར་བྱེད་དོ། །དེ་ནས་དུས་གཞན་ཞིག་ན་ཁྱིམ་བདག་དེ་དུས་ཀྱི་ཆོས་དང་ལྡན་པར་གྱུར་ནས་ཁྱིམ་བདག་དེ་ལ་བུ་ཞིག་ཡོད་པ་དེའི་གན་དུ་དགེ་སློང་དེ་དག་དོང་སྟེ་སྨྲས་པ། [184a.4]བཞིན་{བཟངས་,བཟང་}ཁྱོད་ཀྱི་ཕས་དགེ་སློང་དྲུག་བཅུ་ལ་ཆོས་གོས་དང་། བསོད་སྙོམས་ལ་སོགས་པས་མཁོ་བ་བསྟབས་པ་བྱས་པར་གྱུར་ན་ཁྱོད་ཀྱིས་ཀྱང་ཁོ་བོ་ཅག་དགེ་སློང་དྲུག་བཅུ་ལ་ཆོས་གོས་དང་། བསོད་སྙོམས་ལ་སོགས་པས་མཁོ་བ་སྟོབས་པར་བྱེད་ནུས་སམ། དེས་སྨྲས་པ། [184a.5]འཕགས་པ་དག་ལ་ལ་ནི་བརྒྱ་ལ་བསྙེན་བཀུར་བྱེད། ལ་ལ་ནི་སྟོང་ལ། ལ་ལ་ནི་འབུམ་ལ་བསྙེན་བཀུར་བྱེད་པ་ཡང་ཡོད། ལ་ལས་ནི་བདག་ཉིད་ཀྱང་གསོ་བར་དཀའ་བས་བདག་གིས་རྔོ་མི་ཐོག་གོ། །དེ་ནས་དགེ་སློང་དེ་དག་གཙུག་ལག་ཁང་དེ་ནས་དོང་ངོ་། །རྒན་ཞུགས་རི་ [184a.6]བྲག་དེ་ཉིད་ནས་རབ་ཏུ་བྱུང་བ་གཉིས་ཞིག་བསོད་སྙོམས་བརྒྱུས་ནས་གཙུག་ལག་ཁང་དེ་ཉིད་ན་འཁོད་དོ། །བྱང་ལམ་ནས་དོན་མཐུན་དག་ལྷགས་ནས་དེ་དག་གིས་གཙུག་ལག་ཁང་དེ་ཐག་རིང་པོ་ཁོ་ན་ནས་མཐོང་ནས་དེ་དག་དེར་དོང་སྟེ་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ [184a.7]ཕྱག་འཚལ་ནས་གཙུག་ལག་ཁང་དུ་ཞུགས་པ་དང་། ཇི་ཙམ་ན་གཙུག་ལག་ཁང་སྟོང་པར་འདུག་ནས་དེ་དག་གིས་བསམས་པ། དགེ་སློང་དག་ནང་དུ་ཡང་དག་འཇོག་ལ་ཞུགས་སམ། ཡང་ན་ཉིན་མོ་སྤྱོད་དུ་དོང་གོར་མ་ཆག་སྙམ་ནས་དེ་དག་དེ་ན་ཡོངས་སུ་བསྐོར་བ་ན་རྒན་ཞུགས་ [184b] [184b.1]དེ་གཉིས་མཐོང་ནས་དེ་དག་གིས་དེ་གཉིས་ལ་སྨྲས་པ། འཕགས་པ་གཉིས་དགེ་སློང་དག་གར་དོང་། དེ་གཉིས་ཀྱིས་སྨྲས་པ། བཞིན་{བཟངས་,བཟང་}དག་འདི་ན་དགེ་སློང་དག་མི་འཁོད་དོ་ཇིའི་སླད་དུ། ཁྱིམ་བདག་གང་གིས་གཙུག་ལག་ཁང་འདི་བྱེད་དུ་བཅུག་པ་དེས་དགེ་ [184b.2]སློང་དྲུག་བཅུ་ལ་ཆོས་གོས་དང་། བསོད་སྙོམས་ལ་སོགས་པས་མཁོ་བ་བསྟབས་པར་བྱས་པར་གྱུར་ཏེ་དུས་ཀྱི་ཆོས་དང་ལྡན་པར་གྱུར་ནས་དགེ་སློང་རྣམས་ཀྱིས་དེ་ལ་བུ་ཞིག་ཡོད་པ་དེའི་གན་དུ་སོང་སྟེ་བཞིན་{བཟངས་,བཟང་}ཁྱོད་ཀྱི་ཕས་དགེ་སློང་དྲུག་བཅུ་ལ་ཆོས་གོས་དང་། བསོད་སྙོམས་ [184b.3]ལ་སོགས་པ་མཁོ་བ་བསྟབས་པར་བྱས་པར་གྱུར་ན་ཁྱོད་ཀྱིས་ཀྱང་ཁོ་བོ་ཅག་དགེ་སློང་དྲུག་བཅུ་ལ་ཆོས་གོས་དང་། བསོད་སྙོམས་ལ་སོགས་པས་མཁོ་བ་སྟོབས་པར་བྱེད་ནུས་སམ་ཞེས་སྨྲས་ན། དེ་ན་རེ་འཕགས་པ་དག་ལ་ལ་ནི་བརྒྱ་ལ་བསྙེན་བཀུར་བྱེད། ལ་ལ་ནི་སྟོང་ལ། [184b.4]ལ་ལ་ནི་འབུམ་ལ་བསྙེན་བཀུར་བྱེད་པ་ཡང་ཡོད། ལ་ལས་ནི་བདག་ཉིད་གསོ་བར་དཀའ་བས་བདག་གིས་རྔོ་མི་ཐོག་གོ་ཞེས་ཟེར་ནས་དགེ་སློང་དེ་དག་དོང་ངོ་། །ཁོ་བོ་ཅག་གཉིས་ནི་བསོད་སྙོམས་བརྒྱུས་ནས་གཙུག་ལག་ཁང་འདི་ཉིད་ན་འཁོད་དོ། །དེད་དཔོན་གྱིས་སྨྲས་པ། [184b.5]ཤེས་ལྡན་དག་བདག་ཅག་ཡུན་རིང་པོ་ནས་སྨོན་པ། ཀྱེ་མ་བདག་ཅག་གིས་དགེ་འདུན་གྱི་གཙུག་ལག་ཁང་བྱེད་དུ་གཞུག་ཅིང་གཙུག་ལག་ཁང་བྱེད་དུ་བཅུག་ནས་དགེ་སློང་རྣམས་ལ་མཁོ་བ་བསྟབས་པར་བྱའོ་སྙམ་ན། གཙུག་ལག་ཁང་འདི་ནི་བྱས་ཟིན་པ་ཡིན་པས་གཙུག་ལག་ [184b.6]ཁང་འདི་ཉིད་དུ་དགེ་སློང་རྣམས་ལ་མཁོ་བ་བསྟབས་པར་བྱའོ་ཞེས་དེས་རས་ཡུག་ཆེན་བཏིང་སྟེ། ཤེས་ལྡན་དག་ཁྱེད་ཅག་ལས་གང་གིས་ཇི་ཡོངས་སུ་བཏང་བ་དེ་འདིར་ཕུལ་ཅིག་ཅེས་སྨྲས་པ་དང་། དེ་དག་གིས་ཀྱང་ཇི་འབྱོར་པ་དེར་ཕུལ་ནས་དེར་རྙེད་པ་མང་པོ་འདུས་པར་ [184b.7]གྱུར་པ་དང་དེད་དཔོན་གྱིས་རྒན་ཞུགས་དེ་གཉིས་ལ་སྨྲས་པ། འཕགས་པ་གཉིས་འདི་ནི་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་ལགས་སོ། །འདི་ནི་བརྒྱད་སྟོན་དང་། བཅུ་བཞི་སྟོན་དང་། ཉ་སྟོན་གྱི་བསོད་སྙོམས་ལགས་སོ། །འདི་ནི་ན་བའི་རྐྱེན་དང་། [185a] [185a.1]སྨན་གྱི་ཡོ་བྱད་ལགས་སོ། །འདི་ནི་རྙེད་པ་ལགས་སོ། །འདི་ནི་ཆོས་གོས་ཀྱི་ཟོང་ལགས་ཀྱིས་དགེ་སློང་བཟང་པོ་དག་སྤྱན་དྲོངས་ཤིག །བདག་ཅག་དབྱར་འདས་ནས་འདིར་མཆིས་ཏེ་དགེ་སློང་བརྒྱ་ལ་མཁོ་བ་བསྟབས་པར་བགྱིའོ་ཞེས་སྨྲས་ཏེ་དོང་ [185a.2]ངོ་། །རྒན་ཞུགས་གཅིག་གིས་སྨྲས་པ། རྒན་ཞུགས་དགེ་འདུན་གྱི་རྙེད་པ་སུས་སྦ་བར་བྱ། ཅིག་ཤོས་ཀྱིས་སྨྲས་པ། གང་གཞོན་པས་སོ། །དེ་གཉིས་ལས་གང་གཞོན་པས་རྙེད་པ་དེ་སྦས་ནས་དེས་སྨྲས་པ། རྒན་ཞུགས་མཉན་ཡོད་ནས་དགེ་སློང་དག་ [185a.3]བོད་ན་དེར་གང་འགྲོ་བར་བྱ། རྒན་པས་སྨྲས་པ། གང་གཞོན་པ་འགྲོ་བར་བྱའོ། །གཞོན་པས་སྨྲས་པ། ཁོ་བོས་རྙེད་པ་སྦས་ཀྱིས་ཁྱོད་དེར་སོང་ཤིག །རྒན་པ་ཤོས་མཉན་ཡོད་དུ་དགེ་སློང་སྦྲོན་དུ་སོང་ངོ་། །དྲུག་སྡེ་དག་གི་ཀུན་ཏུ་སྤྱོད་པ་ནི་འདིར་བདག་ཅག་གིས་བྲམ་ [185a.4]ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་པས་དྲུག་སྡེ་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས་ཚེ་དང་ལྡན་པ་ཉེ་དགའ་ [185a.5]རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས་ཐག་རིང་པོ་ཁོ་ན་ནས་རྒན་ཞུགས་མགོ་སྤྲ་བའི་མེ་ཏོག་ལྟར་སྐྱ་བ་སྨིན་མ་འཕྱང་བ་ཞིག་འོང་བ་དེ་མཐོང་ནས་དེས་བསམས་པ། དགེ་སློང་གནས་བརྟན་ཞིག་འོང་བ་འདི་གང་ཡིན་བསུའོ་སྙམ་ནས་དེས་དེ་ལ་གནས་བརྟན་ [185a.6]བྱོན་པ་ལེགས་སོ། །བྱོན་པ་ལེགས་སོ། །ཕྱག་འཚལ་ལོ་ཞེས་སྨྲས་པ་དང་། དེ་ན་རེ་སློབ་དཔོན་ཕྱག་འཚལ་ལོ་ཞེས་ཟེར་ནས་ཉེ་{དགའས་,དགས་}བསམས་པ། ཀྱེ་མ་འདི་ནི་རྒན་ཞུགས་ཞིག་སྟེ་སློབ་དཔོན་ཡང་མི་ཤེས། མཁན་པོ་ཡང་མི་ཤེས་སོ་སྙམ་ནས་དེས་དེ་ལ་སྨྲས་ [185a.7]པ། རྒན་ཞུགས་ག་ལས་འོངས། རི་བྲག་གི་གཙུག་ལག་ཁང་ག་གེ་མོ་ཞིག་ནས་མཆིས་སོ། །རྒན་ཞུགས་ཅི་དེ་གཙུག་ལག་ཁང་ཡིན་ནམ། འོན་ཏེ་ཕོངས་པ་ཡིན་གཙུག་ལག་ཁང་ནི་ཅི་འདྲ། ཕོངས་པ་ནི་ཅི་འདྲ། གང་ན་ཡོ་བྱད་ཐམས་ཅད་དང་ལྡན་པ་ནི་གཙུག་ [185b] [185b.1]ལག་ཁང་ཡིན་ལ། གང་ན་ཡོ་བྱད་ཐམས་ཅད་དང་བྲལ་བ་ནི་ཕོངས་པ་ཡིན་ནོ། །དེ་སྔོན་ནི་ཕོངས་པར་གྱུར་ལ། ད་ནི་གཙུག་ལག་ཁང་དུ་གྱུར་ཏོ། །ཇི་ལྟར་གྱུར་བྱང་ལམ་ནས་དོན་མཐུན་དག་ལྷགས་ནས་དེ་དག་གིས་དེར་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་ [185b.2]དང་། བརྒྱད་སྟོན་དང་། བཅུ་བཞི་སྟོན་དང་། ཉ་སྟོན་དང་། ན་བའི་རྐྱེན་སྨན་གྱི་ཡོ་བྱད་དང་། རྙེད་པ་དང་། ཆོས་གོས་ཀྱི་ཟོང་དག་ཕུལ་ནས་འདི་སྐད་ཅེས་འཕགས་པ་དགེ་སློང་བཟང་པོ་དག་བོས་ཤིག །བདག་ཅག་ཀྱང་དབྱར་འདས་ནས་འདིར་མཆིས་ཏེ་དགེ་སློང་ [185b.3]བརྒྱ་ལ་མཁོ་བ་བསྟབས་པར་བགྱིའོ་ཞེས་མཆིའོ། །ཉེ་{དགའས་,དགས་}སྨྲས་པ། འོན་ཏང་ཁྱོད་དགེ་སློང་རྐུར་འོངས་མོད། ལགས་སོ། །རྒན་ཞུགས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང་། བཙུན་མོ་ཕྲེང་ལྡན་མ་དང་། རྒྱལ་རིགས་དབྱར་ཚུལ་མ་དང་། ཁྱིམ་ [185b.4]བདག་མགོན་མེད་ཟས་སྦྱིན་དང་། བླ་མཁྱེན་དྲང་སྲོང་བྱིན་དང་། རྙིང་པ་དང་། ཁྱིམ་བདག་གི་ཆུང་མ་{རི་དགས་,རི་དྭགས་}འཛིན་གྱི་མ་ས་ག་དང་། ལེགས་སྐྱེས་དང་། བྲམ་ཟེ་དང་། ཁྱིམ་བདག་དད་པ་ཅན་མང་པོ་གཞན་དག་གིས་ཀྱང་དགེ་སློང་རྣམས་ལ་ཡོ་བྱད་ཐམས་ཅད་ [185b.5]ཀྱིས་བསྙེན་བཀུར་བྱས་ཤིང་། དགེ་འདུན་གྱི་གནས་བརྟན་ཉི་མ་རེ་རེ་ཞིང་ཡོན་བཤད་པ་བྱེད་པ་ན་ཡང་གནས་འདིར་དགེ་སློང་གང་དག་མ་འོངས་པ་དེ་དག་ཀྱང་འོང་བར་འགྱུར་ཞིང་འོངས་པ་དག་ཀྱང་མངོན་པར་དགའ་བར་གྱུར་ཅིག་ཅེས་ཟེར་ལ། དེ་དག་ཀྱང་འདི་ལྟ་སྟེ། [185b.6]ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་བྲེལ་བ་མེད་ཅིང་བཅོམ་ལྡན་འདས་ཀྱང་མངོན་སུམ་དུ་ཆོས་སྟོན་པར་མཛད་པས་འདི་ན་ཆོས་ཀྱི་ལོངས་སྤྱོད་དང་། ཟང་ཟིང་གི་ལོངས་སྤྱོད་ཕུན་སུམ་ཚོགས་པ་ཡིན་ [185b.7]པས་གལ་ཏེ་དགེ་སློང་རྣམས་ཀྱིས་ཁྱོད་དགེ་སློང་རྐུར་འདིར་འོངས་པར་ཤེས་པར་གྱུར་ན་ཁྱོད་གནས་ནས་དབྱུང་བའི་ལས་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱིས། དགེ་སློང་གཞན་ལ་དེ་སྐད་མ་ཟེར་ཅིག །འདི་ལྟར་ཁོ་བོ་ཅག་མི་དྲུག་རེ་རེ་ལ་ [186a] [186a.1]ཡང་འཁོར་བཅུ་བཅུ་ཡོད་པས་ཁྱོད་ལ་སྙིང་བརྩེ་བའི་ཕྱིར་འོང་ངོ་། །སློབ་དཔོན་བདག་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཆིས་ཏེ་སླད་ཀྱིས་མཆིའོ། །ཉེ་{དགའས་,དགས་}བསམས་པ། ལྷུང་བཟེད་ནག་པོ་ཅན་འགའ་ཞིག་གིས་འདི་མཐོང་ཞིང་ [186a.2]དེ་ཐོས་ནས་དང་པོ་ཁོ་ནར་འགྲོ་བར་གྱུར་ན་མི་རུང་ངོ་སྙམ་ནས་སྨྲས་པ། རྒན་ཞུགས་ཁྱོད་ཀྱིས་ལྷ་ནི་ཡིད་ཀྱིས་བསྐོར་བ་ཡིན་གྱི་ལུས་ཀྱིས་བསྐོར་བ་མ་ཡིན་ནོ་ཞེས་བྱ་བ་མ་ཐོས་སམ། བཅོམ་ལྡན་འདས་ཀྱིས་ཀྱང་། ཆོས་རྣམས་ཡིད་ཀྱིས་འདྲེན་བྱེད་ཅིང་། །ཡིད་གཙོ་ཡིད་ [186a.3]ཀྱི་འགྲོས་ཅན་ཡིན། །ཞེས་གསུངས་ཀྱིས། འདི་ཉིད་ནས་བཅོམ་ལྡན་འདས་ཀྱི་ཞབས་ལ་ཕྱག་འཚོལ་ཅིག་ཅེས་དེས་དེའི་གཉའ་བ་ནས་བཟུང་སྟེ་རྒན་ཞུགས་སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ་ཞེས་གྱིས་ཤིག་ [186a.4]ཅེས་འདུད་དུ་བཅུག་གོ། །སློབ་དཔོན་སྐོམ་གྱིས་ཇི་སྐོམ་འཐུང་དུ་མཆིའོ། །འདི་ཉིད་དུ་སྡོད་ཅིག་དང་ཁོ་བོས་སྐོམ་གྱིས་ཕོར་བུ་བཀང་སྟེ་ཁྱེར་ཏེ་འོང་ངོ་ཞེས་དེས་སྐོམ་གྱིས་ཕོར་བུ་བཀང་སྟེ་བླུད་ནས་སྨྲས་པ། རྒན་ཞུགས་ད་སོང་ཤིག་ཅེས་དེས་དེ་ཐག་རིང་པོར་བསྐྱལ་ནས་ད་ཕྱིར་ [186a.5]མ་ལྡོག་ཅིག་ཅེས་བསྒོ་སྟེ་བདག་ཉིད་ཕྱིར་ལོག་གོ། །དྲུག་སྡེ་དག་གི་ཀུན་ཏུ་སྤྱོད་པ་ནི་གང་{ཆུང་ཟད་,ཅུང་ཟད་}ཅི་ཐོས་པ་དེ་ཕྱེ་མ་རེད་ཀྱི་དུས་ཀྱི་ཚེ་གཅིག་ཏུ་འདུས་ནས་ཕན་ཚུན་རྗོད་པར་བྱེད་པ་ཡིན་པས་ཉེ་དགའ་གཙུག་ལག་ཁང་དུ་སོང་སྟེ་དྲུག་སྡེ་རྣམས་ལ་སྨྲས་པ། ཚེ་དང་ལྡན་པ་ [186a.6]དག་བདག་ཅག་གིས་ཡུན་ཇི་སྲིད་ཀྱིས་བྲེལ་བ་སྤང་བར་བྱ། ཁྱོད་ཀྱིས་ཐོས་པ་ཆུང་ཞིག་ཡོད་དམ། ཡོད་དེ། རི་བྲག་གི་གཙུག་ལག་ཁང་ག་གེ་མོ་ཞིག་ཏུ་བྱང་ལམ་ནས་དོན་མཐུན་དག་ལྷགས་ནས་དེ་དག་གིས་དེར་དགེ་སློང་དྲུག་བཅུའི་དབྱར་ཟླ་བ་གསུམ་གྱི་བསོད་སྙོམས་ [186a.7]དང་། བརྒྱད་སྟོན་དང་། བཅུ་བཞི་སྟོན་དང་། ཉ་སྟོན་དང་། ན་བའི་རྐྱེན་དང་། སྨན་གྱི་ཡོ་བྱད་དག་རྙེད་པ་དང་ཆོས་གོས་ཀྱི་ཟོང་དག་ཕུལ་གྱིས་དེར་དོང་ངོ་། །ཅི་དེ་ཉིད་དུ་དབྱར་གནས་པར་བྱའམ། མི་བྱ་སྟེ། འདི་ལྟར་དབྱར་གྱི་ནང་ཉིད་དུ་དེ་དག་ཟོས་ཏེ་འདི་ཉིད་དུ་ [186b] [186b.1]འོངས་ལ་དབྱར་ཕྱི་མ་ཉེ་བར་སྒྲུབ་པའི་དུས་སུ་གནས་པར་ཁས་བླང་བར་བྱའོ། །དེ་དག་དེར་འོང་བ་དང་རྒན་ཞུགས་གཉིས་ཀྱིས་དེ་དག་ཐག་རིང་པོ་ཁོ་ན་ནས་འོང་བ་མཐོང་ནས། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ་ཞེས་དེ་གཉིས་ཀྱིས་དེ་དག་གི་ [186b.2]གནས་ཁང་དག་བསྐོས་ཤིང་གནས་མལ་དང་། ཁྲི་དང་། ཁྲིའུ་དང་། ཆུ་ར་དང་། ཕོར་བུ་དང་། ཆུ་ཚགས་དང་། ལྡེ་མིག་ཀྱོག་པོ་དག་ཕོག་གོ། །དེ་དག་གིས་བསམས་པ། བདག་ཅག་དོན་གང་གི་ཕྱིར་ལྷགས་པ་དེ་ཇེ་བརྟག་པར་བྱའོ་སྙམ་ནས་དེ་དག་གིས་སྨྲས་པ། [186b.3]རྒན་ཞུགས་གཉིས་འདིར་རྙེད་པ་ཅི་གྲུབ་པ་དག་ཇི་བལྟས་འོན་ཅིག །རྒན་ཞུགས་དེ་གཉིས་དྲང་པོའི་རང་བཞིན་ཅན་ཡིན་པས་དེ་གཉིས་ཀྱིས་འདི་ནི་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་སོ། །འདི་ནི་བརྒྱད་སྟོན་ནོ། །འདི་ནི་བཅུ་བཞི་སྟོན་ནོ། །འདི་ནི་ཉ་སྟོན་ [186b.4]ནོ། །འདི་ནི་ན་བའི་རྐྱེན་ཏོ། །འདི་ནི་སྨན་གྱི་ཡོ་བྱད་དོ། །འདི་ནི་འདིའི་རྙེད་པའོ། །འདི་ནི་ཆོས་གོས་ཀྱི་ཟོང་ངོ་ཞེས་རྙེད་པ་དེ་དག་ཐམས་ཅད་བསྟན་ནོ། །དེ་དག་གིས་སྨྲས་པ། ཚེ་དང་ལྡན་པ་དག་རྒན་ཞུགས་སེར་སྣ་ཅན་ཡིན་པས་ཟས་བསོད་པ་སྦྱིན་པར་མི་ནུས་ལ་འདི་ [186b.5]ལྟར་རྒན་ཞུགས་འདི་གཉིས་ཀྱིས་དགེ་འདུན་ལ་བསྙེན་བཀུར་བྱས་པས་ཡོངས་སུ་སྤང་བ་སྦྱིན་ནོ་ཞེས་དེ་དག་གིས་དེ་གཉིས་ལ་ཡོངས་སུ་སྤང་བ་སྦྱིན་ནས་དེ་གཉིས་ཀྱང་བདག་ཅག་གཉིས་ཀྱིས་ཡོངས་སུ་སྤང་བ་ཐོབ་བོ་ཞེས་དགའ་བར་གྱུར་ཏོ། །དེ་དག་གིས་སྨྲས་པ། ཚེ་དང་ [186b.6]ལྡན་པ་དག་དགེ་སློང་ལྟོ་མདུན་ཅན་འགའ་ཞིག་ལ་བཅོལ་ན་དེས་དགེ་འདུན་ལ་ཉི་མ་རེ་རེ་ཞིང་བཅའ་བ་རྣམ་པ་{བཅྭ་,བཅོ་}བརྒྱད་དང་། ཚོད་མ་སྣུམ་བག་ཅན་མང་པོ་སྣ་ཚོགས་དག་དང་། ལེགས་པར་སྦྱར་བའི་བཏུང་བ་ཡང་འབྲིམ་པར་འགྱུར་རོ་ཞེས་དེ་དག་གིས་དགེ་སློང་ལྟོ་མདུན་ཅན་ [186b.7]ཞིག་ལ་བཅོལ་བ་དང་། དེས་དེ་དག་ལ་ཉི་མ་རེ་རེ་ཞིང་བཅའ་བ་རྣམ་པ་{བཅྭ་,བཅོ་}བརྒྱད་དང་། ཚོད་མ་སྣུམ་བག་ཅན་མང་པོ་སྣ་ཚོགས་དག་དང་། ལེགས་པར་སྦྱར་བའི་བཏུང་བ་ཡང་འབྲིམ་པར་བྱེད་པས་དུས་ཅུང་ཟད་ཅིག་གིས་བསོད་སྙོམས་ཐམས་ཅད་སྤྱད་པ་དང་། དགེ་ [187a] [187a.1]བསྐོས་ཀྱིས་རྒན་པའི་མཐའ་ལོགས་སུ་འདུག་སྟེ་སྨྲས་པ། ཚེ་དང་ལྡན་པ་དག་དགེ་འདུན་གྱི་གདུགས་གཅིག་ཁོ་ནའི་སྤྱི་བུངས་ཞིག་མཆིས་སོ། །དེ་དག་གིས་སྨྲས་པ། ཚེ་དང་ལྡན་པ་དག་གང་དག་བསླབ་པ་ཡང་དག་པར་མ་བླངས་པ་དེ་དག་ནི་ [187a.2]བརྒྱད་སྟོན་དང་། བཅུ་བཞི་སྟོན་དང་། ཉ་སྟོན་བྱེད་ལ། བདག་ཅག་བསླབ་པ་ཡང་དག་པར་བླངས་པ་དག་དེ་མི་བྱེད་ཀྱིས་དེ་ཡང་བཟའོ་ཞེས་དེ་དག་གིས་དེ་ཡང་ཟོས་པ་དང་། དགེ་བསྐོས་ཀྱིས་ཡང་རྒན་པའི་མཐའ་ལོགས་སུ་འདུག་སྟེ་སྨྲས་པ། ཚེ་དང་ལྡན་པ་དག་ད་ནི་ [187a.3]དགེ་འདུན་གྱི་ན་བའི་རྐྱེན་དང་ཡོ་བྱད་དག་གཅིག་མཆིས་སོ། །དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་ཇི་སྲིད་དུ་ཉེ་བར་ལེན་པའི་ཕུང་པོ་ལྔ་འཚོ་བ་དེ་སྲིད་དུ་བདག་ཅག་རྟག་ཏུ་ནད་པ་ཡིན་པས་ན་བའི་སྨན་དེ་ཡང་བཟའོ་ཞེས་དེ་དག་གིས་དེ་ཡང་ཟོས་ནས་དེ་དག་གིས་སྨྲས་པ། [187a.4]ཚེ་དང་ལྡན་པ་དག་ཁུར་ཡ་གཅིག་ན་འདུག་པར་དཀའ་བ་ཡིན་གྱིས་གོས་ཀྱི་རྙེད་པ་འདི་ཡང་བགོས་ལ། ཁུར་དོ་མཉམ་པས་བདེ་བར་འདོང་བར་བྱའོ་ཞེས་དེ་དག་གིས་དེ་ཡང་བགོས་པ་དང་། དགེ་བསྐོས་ཀྱིས་ཡང་རྒན་པའི་མཐའ་ལོགས་སུ་འདུག་སྟེ་སྨྲས་པ། ད་ནི་དགེ་འདུན་ [187a.5]གྱི་གདུགས་གཅིག་ཁོ་ནའི་སྤྱི་བུ་ངས་ལས་མ་མཆིས་སོ། །དེ་དག་གིས་སྨྲས་པ། རྒན་ཞུགས་གཉིས་ཁྱེད་གཉིས་ན་རེ་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་ཡོད་དོ་ཞེས་ཟེར་ན་དབྱར་གྱི་ནང་དུ་ཟད་པར་གྱུར་ཏོ། །དེ་གཉིས་ཀྱིས་སྨྲས་པ། ཅི་དེ་དག་གིས་བཅའ་བ་ [187a.6]རྣམ་པ་{བཅྭ་,བཅོ་}བརྒྱད་དང་། ཚོད་མ་སྣུམ་བག་ཅན་མང་པོ་སྣ་ཚོགས་དག་དང་། ལེགས་པར་སྦྱར་བའི་བཏུང་བ་ཤ་སྟག་རིམས་ཤིག་ཅེས་སྨྲས་སམ། དེ་དག་གིས་སྨྲས་པ། རྒན་ཞུགས་གཉིས་གཉའ་བ་སྨད་དེ་སྤྱོད་སྤྱོད་ལ་ད་སྨོད་པར་བྱེད་ཀྱིས་ཚེ་དང་ལྡན་པ་དག་འདི་གཉིས་ [187a.7]གནས་ནས་དབྱུང་བའི་ལས་གྱིས་ཤིག །ཁ་ཅིག་གིས་སྨྲས་པ། རྒན་ཞུགས་གཉིས་མྱུར་དུ་བཟོད་པ་གསོལ་ཅིག །ཕྱིས་བཟོད་པ་གསོལ་ན་ལྟག་པའི་སྤུ་བྱི་བར་འགྱུར་རོ། །དེ་གཉིས་ཀྱིས་བཟོད་པ་གསོལ་བར་བརྩམས་པ་དང་། ཁ་ཅིག་གིས་སྨྲས་པ། ཚེ་དང་ལྡན་ [187b] [187b.1]པ་དག་རྒན་ཞུགས་འདི་གཉིས་དྲང་པོའི་རང་བཞིན་ཅན་ཡིན་གྱིས་འདི་གཉིས་ལ་བཟོད་པ་གྱིས་ཤིག །དེ་དག་གིས་སྨྲས་པ། རྒན་ཞུགས་གཉིས་བཟོད་པར་བྱའོ། །རི་བྲག་འདི་ནི་མ་དད་པ་མང་བས་འདིར་བསོད་སྙོམས་ཀྱང་མི་རྙེད་ཀྱིས་གལ་ཏེ་ལྷག་རོལ་ཅུང་ཟད་ [187b.2]ཡོད་ན་དེ་ཡང་བྱིན་ཅིག །འོན་ཏེ་མེད་ན་ནི་ཁོ་བོ་ཅག་འདོང་ངོ་། །ཚེ་དང་ལྡན་པ་དག་ཅི་ཡང་མེད་ཀྱིས་དེང་ཤིག །དེ་དག་དེ་ནས་དོང་སྟེ་མཉན་ཡོད་དུ་སོང་ནས་དེ་དག་དེར་ཕྱིན་པ་དང་དབྱར་ཕྱི་མར་གནས་པར་ཁས་བླངས་སོ། །དབྱར་འདས་པ་དང་དོན་མཐུན་དེ་དག་ཡང་ [187b.3]ལྷགས་ནས་དེ་དག་གིས་དེ་བཞིན་དུ་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ། གཙུག་ལག་ཁང་དུ་ཞུགས་པ་དང་། ཇི་ཙམ་ན་གཙུག་ལག་ཁང་སྟོང་པར་མཐོང་ནས་དེ་དག་གིས་བསམས་པ། དགེ་སློང་དག་ནང་དུ་ཡང་དག་འཇོག་ལ་ཞུགས་སམ། [187b.4]ཉིན་མོ་སྤྱོད་དུ་དོང་གོར་མ་ཆག་སྙམ་ནས། དེ་དག་དེ་ན་ཡོངས་སུ་བསྐོར་བ་ན་རྒན་ཞུགས་དེ་གཉིས་མཐོང་ནས་དེ་དག་གིས་སྨྲས་པ། འཕགས་པ་གཉིས་དགེ་སློང་དག་གར་དོང་། བཞིན་{བཟངས་,བཟང་}དག་འདི་ན་དགེ་སློང་དག་མི་འཁོད་དོ། །འཕགས་པ་གཉིས་བདག་ཅག་ [187b.5]གིས་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་མ་ཕུལ་ལམ། དེ་གཉིས་ཀྱིས་སྨྲས་པ། དགེ་སློང་དག་ལྷགས་པར་གྱུར་ནས་དེ་དག་གིས་དབྱར་གྱི་ནང་ཉིད་དུ་ཐམས་ཅད་ཟོས་ཏེ་དོང་ངོ་། །ཁྱེད་གཉིས་ཀྱིས་དགེ་སློང་གང་དག་ཁྲིད་དེ་འོངས། དྲུག་སྡེ་དག་གོ། ། [187b.6]འཕགས་པ་གཉིས་ཁྱེད་གཉིས་རྒྱ་མཚོ་ཆེན་པོར་དོང་ནས་ནོར་བུ་མཆིང་བུ་དག་ཁྱེར་ཏེ་འོངས་སོ། །དེ་ན་དགེ་སློང་གཞན་དག་མེད་དམ་ཅི་ན་དྲུག་སྡེ་དག་ཁྲིད་དེ་འོངས། དེ་དག་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ། །བྲམ་ཟེའི་ཚུལ་ནི་ཚིག་སྟེ། འདི་ལྟར་ [187b.7]བདག་ཅག་གི་དད་པའི་མྱུ་གུ་སྐྱེས་མ་ཐག་ཏུ་བཅོམ་མོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་ [188a] [188a.1]འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་ [188a.2]དྲུག་སྡེ་དག་ལ་རྨས་པ། དགེ་སློང་དག་ཁྱེད་ཀྱིས་དབྱར་གྱི་རྙེད་པ་དབྱར་གྱི་ནང་དུ་བགོས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་ [188a.3]པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ [188a.4]ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་འདི་ལྟར་གདོན་པར་བྱ་སྟེ། དེ་ལྟ་བས་ན་དགེ་སློང་རྣམས་ཀྱིས་དབྱར་གྱི་རྙེད་པ་དབྱར་གྱི་ནང་དུ་བགོ་བར་མི་བྱའོ། །དགེ་སློང་རྣམས་ཀྱིས་དབྱར་ [188a.5]གྱི་རྙེད་པ་དབྱར་གྱི་ནང་དུ་བགོ་བར་བྱེད་ན་འགལ་ཚབས་ཅན་དུ་འགྱུར་རོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་ [188a.6]དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མ་སྐྱེ་དགུའི་བདག་མོ་ཆེན་མོ་གཽ་ཏ་མཱི་དང་། ཆོས་བྱིན་གཉིས་ལས་སྐྱེ་དགུའི་བདག་མོ་ཆེན་མོ་གཽ་ཏ་མཱི་ནི་སྤོང་བ་མ་འཁོར་ཡང་སྤོང་བ་མ་དང་ལྡན་པ་ཡིན་ལ། ཆོས་བྱིན་ནི་མདོ་སྡེའི་མཐའ་པ་འཁོར་ཡང་མདོ་སྡེའི་མཐའ་པ་དང་ [188a.7]ལྡན་པ་ཡིན་ཏེ། དེ་གཉིས་དབྱར་ཁང་ཅིག་ཏུ་གནས་པར་ཁས་བླངས་ནས་གང་གི་ཚེ། སྐྱེ་དགུའི་བདག་མོ་ཆེན་མོ་གཽ་ཏ་མཱི་འཁོར་རྣམ་པར་ལངས་པར་གྱུར་པ་དེའི་ཚེ་ན་ཆོས་བྱིན་གྱིས་རང་གི་འཁོར་ལ་ནུ་མོ་དག་བཅོམ་ལྡན་འདས་ཀྱིས་དགེ་སློང་མ་རྣམས་ལ་རབ་ཏུ་འབྱུང་བ་དང་རྫོགས་ [188b] [188b.1]པར་བསྙེན་པ་དགེ་སློང་མའི་དངོས་པོ་རྗེས་སུ་གནང་བ་གང་ཡིན་པ་དེ་ཐམས་ཅད་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལས་བརྟེན་པ་ཡིན་ལ། བཅོམ་ལྡན་འདས་ཀྱིས་ཀྱང་གཞན་གྱི་སེམས་སྲུང་བའི་གང་ཟག་ནི་བསོད་ནམས་མང་དུ་སྐྱེད་པར་བྱེད་དོ། །ཞེས་གསུངས་ཀྱིས། ཁྱེད་ཅག་ [188b.2]ཀྱང་རེ་ཞིག་མི་རྟག་པ་ཉིད་ཡིད་ལ་བྱ་བ་སྒོམས་ཤིག་ཅེས་འདོམས་པར་བྱེད་ཅིང་། དེ་དག་ཀྱང་མི་རྟག་པ་ཉིད་ཡིད་ལ་བྱ་བ་སྒོམ་པར་རྩོམ་མོ། །གང་གི་ཚེ་ཆོས་བྱིན་གྱི་འཁོར་རྣམ་པར་ལངས་པར་གྱུར་པ་དེའི་ཚེ་ན་སྐྱེ་དགུའི་བདག་མོ་ཆེན་མོ་གཽ་ཏ་མཱི་ཡང་རང་གི་འཁོར་ལ་ནུ་མོ་དག་ [188b.3]བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱོད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་དེ་བླ་ན་མེད་པའི་མཁྱེན་པ་ཐུགས་སུ་ཆུད་པ་གང་ཡིན་པ་དེ་ཐམས་ཅད་སེམས་ཅན་ལ་ཕན་པའི་རྒྱུ་ཡིན་ལ། བཅོམ་ལྡན་ [188b.4]འདས་ཀྱིས་ཀྱང་གཞན་གྱི་སེམས་སྲུང་བའི་གང་ཟག་ནི་བསོད་ནམས་མང་པོ་སྐྱེད་པར་བྱེད་དོ་ཞེས་གསུངས་ཀྱིས། ཁྱེད་ཅག་ཀྱང་རེ་ཞིག་མི་རྟག་པ་ཉིད་དང་ལྡན་པའི་མདོ་སྡེའི་མཐའ་དག་ཁ་ཏོན་གྱིས་ཤིག་ཅེས་འདོམས་པར་བྱེད་ཅིང་། དེ་དག་ཀྱང་མི་རྟག་པ་ཉིད་དང་ལྡན་པའི་ [188b.5]མདོ་སྡེའི་མཐའ་དག་ཁ་ཏོན་དུ་བྱེད་པར་རྩོམ་མོ། །དགེ་སློང་མ་དག་དེ་ལྟར་ཕན་ཚུན་སེམས་རྗེས་སུ་སྲུང་བས་དགེ་བའི་ཆོས་རྣམས་ཀྱིས་མི་འཕེལ་ཏེ། ཆུ་མེད་པ་ནས་ཨུཏྤ་ལ་བཞིན་ནོ། །ཆོས་བྱིན་ལ་དགེ་བསྙེན་ས་ག་ཞེས་བྱ་བ་མངོན་པར་དད་པས་དེས་ཡོ་བྱད་ཐམས་ཅད་ [188b.6]ཀྱིས་དེ་མགྲོན་དུ་བོས་སོ། །དུས་གཞན་ཞིག་ན་དགེ་བསྙེན་ས་ག་ཆོས་བྱིན་གྱི་རྐང་པ་ལ་ཕྱག་འཚལ་དུ་འོངས་པ་དང་། ཆོས་བྱིན་གྱིས་དེ་ལ་སྨྲས་པ། བཞིན་{བཟངས་,བཟང་}དགེ་སློང་མ་རབ་ཏུ་མང་པོ་དག་དབྱར་ཁང་གཅིག་ཏུ་གནས་པར་ཁས་བླངས་པས་དེ་དག་ཕན་ཚུན་ [188b.7]སེམས་རྗེས་སུ་སྲུང་བས་དགེ་བའི་ཆོས་རྣམས་ཀྱིས་མི་འཕེལ་ཏེ་ཆུ་མེད་པ་ནས་ཨུཏྤ་ལ་བཞིན་དུ་གྱུར་ན་ཁྱོད་ཀྱིས་དགེ་སློང་མའི་དགེ་འདུན་གྱི་ཕྱིར་དབྱར་ཁང་བྱེད་དུ་འཇུད་ནུས་སམ། དེས་སྨྲས་པ། འཕགས་མ་བདག་ལ་ཀཱར་ཥཱ་པ་ཎ་དག་ནི་མཆིས་ནས་གཞི་རྒྱལ་པོ་དབང་ [189a] [189a.1]བས་ས་གཞིའི་སླད་དུ་རྒྱལ་པོ་ལ་གསོལ་བ་མཛོད་ཅིག་དང་དེར་བདག་གིས་དབྱར་ཁང་བགྱིད་དུ་སྩལ་ཏོ། །དགེ་སློང་མ་ཆོས་བྱིན་བཙུན་མོ་ཕྲེང་ལྡན་མའི་གན་དུ་སོང་བ་དང་། བཙུན་མོ་ཕྲེང་ལྡན་མས་སྨྲས་པ། འཕགས་མ་བྱོན་པ་ལེགས་སོ། །བྱོན་པ་ལེགས་ [189a.2]སོ། །འཕགས་མ་སྐུ་དོན་ཅི་ཞིག་གི་སླད་དུ་བྱོན། བདག་དགེ་སློང་མའི་དབྱར་ཁང་ཞིག་བགྱིད་དུ་སྩོལ་བར་འཚལ་ན། ས་གཞི་རྒྱལ་པོ་དབང་བས་ས་གཞིའི་སླད་དུ་རྒྱལ་པོ་ལ་གསོལ་བ་བགྱི་བར་འཚལ་ལོ། །འཕགས་མ་ཁྱོད་བཞུད་ཅིག་དང་། བདག་གིས་འཕགས་ [189a.3]མའི་སླད་དུ་ལྷ་ལ་གསོལ་བར་བགྱིའོ། །ཆོས་བྱིན་སོང་བ་དང་བཙུན་མོ་ཕྲེང་ལྡན་མ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་སོང་སྟེ་དེས་སྨྲས་པ། ལྷ་ཁྱོད་ཀྱི་ཕོ་བྲང་དུ་འཕགས་མ་ཆོས་བྱིན་བྱོན་པར་གྱུར་པ་ནི་ཁྱོད་ཀྱིས་རྙེད་པ་ལེགས་པར་རྙེད་དོ། །དེ་ཅིའི་སླད་དུ་བྱོན། དེ་དགེ་ [189a.4]སློང་མའི་དབྱར་ཁང་ཞིག་བགྱིད་དུ་སྩོལ་བར་བཞེད་ནས། དོག་ས་རྒྱལ་པོ་མངའ་བས་དོག་སའི་སླད་དུ་རྒྱལ་པོ་ལ་གསོལ་བ་བགྱིད་ཅེས་མཆིའོ། །རྒྱལ་པོས་སྨྲས་པ། གལ་ཏེ་འཕགས་མ་ཆོས་བྱིན་རེ་ཞིག་གནས་འདི་ཉིད་དུ་བཞེད་ན་ཡང་དེ་འདི་ཉིད་དུ་བཞུགས་ལ་རག་སྟེ། ངའི་ [189a.5]ཕོ་བྲང་གཞན་དུ་བྱེད་དུ་གཞུག་གོ། །གལ་ཏེ་མི་བཞེད་ན་གང་དུ་དགྱེས་པ་དེ་དབྱར་ཁང་བགྱིད་དུ་སྩོལ་ལ་རག་གོ། །བཙུན་མོ་ཕྲེང་ལྡན་མས་ཆོས་བྱིན་ལ་ལྷས་འཕགས་མ་ལ་དམ་པ་གསོལ་ཏེ། གལ་ཏེ་འཕགས་མ་ཆོས་བྱིན་གནས་འདི་ཉིད་དུ་བཞེད་ན་ཡང་དེ་འདི་ཉིད་དུ་བཞུགས་ [189a.6]ལ་རག་སྟེ་ངའི་ཕོ་བྲང་གཞན་དུ་བྱེད་དུ་གཞུག་གོ། །གལ་ཏེ་མི་བཞེད་ན་གང་དུ་དགྱེས་པ་དེར་དབྱར་ཁང་བགྱིད་དུ་སྩོལ་ལ་རག་ཅེས་བྱུང་ངོ་ཞེས་སྤྲིང་ངོ་། །ཆོས་སྦྱིན་གྱིས་དགེ་བསྙེན་ས་ག་ལ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བདག་ལ་དམ་པ་བྱིན་ཏེ། གལ་ཏེ་ [189a.7]འཕགས་མ་ཆོས་བྱིན་རེ་ཞིག་གནས་འདི་ཉིད་དུ་བཞུགས་ལ་རག་སྟེ་ངའི་ཕོ་བྲང་གཞན་དུ་བྱེད་དུ་གཞུག་གོ། །གལ་ཏེ་མི་བཞེད་ན་གང་དུ་དགྱེས་པ་དེར་དབྱར་ཁང་བགྱིད་དུ་སྩོལ་ལ་རག་ཅེས་བྱུང་ངོ་ཞེས་སྤྲིང་ངོ་། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་རལ་གྲིའི་མཐུ་ [189b] [189b.1]ཅན་དང་། རྒྱལ་རིགས་བཟང་པོ་པ་ཞེས་བྱ་བའི་ཁྲོམ་གཉིས་ཡོད་པ་ལས། རལ་གྲིའི་མཐུ་ཅན་གྱི་ཁྲོམ་དམག་གི་གནས་སུ་སོང་བ་དང་། དེ་དག་གི་ཆུང་མ་རྣམས་སྐྱེས་པ་གཞན་དག་དང་ལྷན་ཅིག་དགའ་མགུར་སྤྱོད་པར་བྱེད་པས་ཕྱོགས་དེ་གོ་སྐབས་དབེན་པར་གྱུར་ནས་ [189b.2]ཆོས་བྱིན་གྱིས་སྨྲས་པ། ཕྱོགས་འདིར་དབྱར་ཁང་བྱེད་དུ་ཆུག་ཤིག །དགེ་བསྙེན་ས་གས་ཕྱོགས་དེར་དབྱར་ཁང་བྱེད་དུ་བཅུག་ནས་དགེ་སློང་མ་རྣམས་ཀྱིས་དེར་གནས་པར་བརྩམས་སོ། །རལ་གྲིའི་མཐུ་ཅན་གྱི་ཁྲོམ་དེ་དམག་གི་གནས་ནས་ཕྱིར་འོངས་ཏེ། དེ་དག་གིས་ [189b.3]ཆུང་མ་དེ་དག་བཀུག་ཅིང་བཀུག་ཅིང་བརྡེག་པར་བརྩམས་པ་དང་། སྲང་དག་ན་དེ་དག་ངུ་བའི་སྒྲ་རྟའི་སྐད་དང་། གླང་པོ་ཆེའི་སྐད་ལྟ་བུའི་སྐད་མཐོན་པོ་དང་། སྐད་ཆེན་པོ་དག་བྱུང་ངོ་། །དགེ་སློང་མ་རྣམས་ཀྱིས་སྨྲས་པ། འཕགས་མ་བདག་ཅག་དགུང་ཆར་གྱིས་འཇིགས་ [189b.4]པས་དང་ལ་ཁའི་འོག་ཏུ་ཞུགས་སོ། །ཆོས་བྱིན་གྱིས་བསམས་པ། འདི་དག་ལས་ཁ་ཅིག་ལ་དགེ་བའི་རྩ་བ་ཡོད་དམ་སྙམ་དུ་བསམས་ན། ཡོད་པར་མཐོང་ངོ་། །སུ་ལ་རག་ལུས་སྙམ་དུ་བསམས་ན་བདག་ཉིད་ལ་རག་ལུས་པར་མཐོང་ནས་དེས་སྨྲས་པ། ནུ་མོ་དག་གདུལ་ [189b.5]བ་ལ་ལྟོས་པས་ཐམས་ཅད་བཟོད་པར་བྱའོ། །ཆོས་བྱིན་གྱིས་ཕྱོགས་གཅིག་ཏུ་གྱོ་མོ་སར་པ་བཞག་སྟེ་དགེ་སློང་མ་རྣམས་ལ་སྨྲས་པ། ནུ་མོ་དག་ཁྱེད་ཅག་གང་ལ་སྡེར་ལྷག་ཡོད་པ་དེ་ཐམས་ཅད་གྱོ་མོ་འདིར་ཆུག་ཤིག །དེ་དག་ལ་སྡེར་ལྷག་ཅི་ཡོད་པ་དེ་ཐམས་ཅད་ [189b.6]གྱོ་མོ་དེར་འཇུད་པར་བྱེད་དོ། །དེ་ན་བྱིས་པ་དག་དེར་འོང་བར་གྱུར་ནས་ཆོས་བྱིན་གྱིས་དེ་ནི་ཁྱེའུ་གང་དག་ཡིན་པ་དེ་དག་ལ་ནི་འབྲུ་མར་བྱིན་ནས་གཅིག་གིས་གཅིག་གི་མགོ་སྐུད་དུ་བཅུག་སྟེ་རང་གི་ལག་གིས་བཅའ་བ་དག་སྦྱིན་པར་བྱེད་དོ། །བུ་མོ་གང་དག་ཡིན་པ་དེ་དག་ལ་ནི་ [189b.7]བདག་ཉིད་ཀྱིས་འབྲུ་མར་གྱིས་མགོ་བསྐུས་ནས་རང་གི་ལག་གིས་བཅའ་བ་དག་སྦྱིན་པར་བྱེད་དོ། །བྱིས་པ་དེ་དག་གིས་དེ་དག་ཁྱེར་ཏེ་རང་རང་གི་ཁྱིམ་དག་ཏུ་དོང་བ་དང་དེ་དག་གི་མ་དག་གིས་དྲིས་པ། ཁྱེད་ཅག་ལ་འདི་དག་སུས་བྱིན། དེ་དག་གིས་སྨྲས་པ། འཕགས་མ་ [190a] [190a.1]ཆོས་བྱིན་གྱིས་སོ། །ཆུང་མ་དེ་དག་གིས་བསམས་པ། དོན་གྱིས་ན་འཕགས་མ་ཆོས་བྱིན་ནི་བདག་ཅག་ལ་མ་མའི་བྱ་བ་མཛད་དོ་སྙམ་དུ་རིག་ནས་དེ་ལ་མངོན་པར་དད་པར་གྱུར་ཏེ། དེ་དག་གིས་བསམས་པ། གང་གི་ཚེ་བདག་ཅག་གི་ཁྱིམ་ཐབ་དག་དམག་གི་ [190a.2]གནས་སུ་འདོང་བ་དེའི་ཚེ་ན་བདག་ཅག་གིས་ཁྱིམ་ཐབ་དག་བསྐྱལ་ནས་འཕགས་མ་ཆོས་བྱིན་ལ་བསྙེན་བཀུར་བྱའོ་སྙམ་མོ། །དུས་གཞན་ཞིག་ན་དེ་དག་གི་ཁྱིམ་ཐབ་དག་དམག་གི་གནས་སུ་འཕགས་པ་དང་། ཆོས་བྱིན་གྱིས་དེ་དག་འདུལ་བའི་དུས་ཤེས་ནས་གཙུག་ལག་ [190a.3]ཁང་ཆག་ཆག་བཏབ། ལེགས་པར་བྱུགས། ལྕི་བ་སར་པའི་བྱུག་པས་བསྐུས་ཏེ་འདག་རྫས་དང་། ཆུ་དང་། དྲི་དང་། བདུག་པ་དང་། མེ་ཏོག་དང་། པོག་པོར་བཞག་ནས་དགེ་སློང་མ་སྐད་སྙན་པ་དག་བསྐོས་ཏེ་བསྡད་པ་དང་། ཆུང་མ་དེ་དག་ཀྱང་ཁྱིམ་ཐབ་དག་ [190a.4]བསྐྱལ་ཏེ་ཆོས་བྱིན་གྱི་དྲུང་དུ་ལྷགས་ནས་ཆོས་བྱིན་གྱིས་དེ་དག་ལ་འདག་རྫས་དང་། ལག་པ་བསྙལ་བའི་ཆུ་དང་། དྲི་དང་། བདུག་པ་དང་། མེ་ཏོག་དང་། པོག་པོར་དག་བྱིན་ནས་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ་དགེ་སློང་མའི་དགེ་འདུན་གྱི་གོང་ [190a.5]དུ་སྟན་བཤམས་པ་ཉིད་ལ་འདུག་གོ། །དེ་དག་ཀྱང་དེའི་རྐང་པ་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འཁོད་དོ། །ཆོས་བྱིན་གྱིས་དེ་དག་གི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཁོང་དུ་ཆུད་ནས་ཇི་ནས་ཀྱང་དེ་དག་གིས་འཇིག་ཚོགས་ [190a.6]ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། འཕགས་མ་བདག་ཅག་གིས་དགེ་བའི་བཤེས་གཉེན་འཕགས་མ་ལ་བརྟེན་ནས་ [190a.7]འཕགས་མས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་གིས་ཀྱང་མ་བགྱིས། [190b] [190b.1]བྱམས་པ་དང་། མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་ [190b.2]{ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་དང་མི་རྣམས་ཀྱི་ནང་དུ་ནི་བཞག །འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། [190b.3]འཕགས་མ་བདག་ཅག་ནི་མངོན་པར་ཞུགས་པ་ལགས་སོ། །འཕགས་མ་བདག་ཅག་ནི་མངོན་པར་ཞུགས་པ་ལགས་ཏེ། འཕགས་མ་བདག་ཅག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིས། བདག་ཅག་དགེ་བསྙེན་མར་ [190b.4]གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་སྐྱབས་སུ་མཆིའོ། །དེ་དག་མངོན་པར་དད་པར་གྱུར་ནས་ཁྱིམ་ཁྱིམ་དུ་དོང་སྟེ་ཁྱིམ་ཆག་ཆག་བཏབ། ལེགས་པར་བྱུགས། ལྕི་བ་སར་པའི་བྱུག་པས་བསྐུས་ཏེ་སྤྱོད་ལམ་ཞི་བས་འཁོད་དོ་དེ་དག་གི་ [190b.5]ཁྱིམ་ཐབ་དག་དམག་གི་གནས་ནས་ཕྱིར་འོང་བ་ན་བསམས་པ། བདག་ཅག་གི་ཆུང་མ་གླང་པོ་ཆེ་འཚོ་བའམ། བ་ལང་རྫིའམ། སུ་ཞིག་དང་ལྷན་ཅིག་དགའ་མགུར་སྤྱོད་པར་བྱེད་ཅིང་འདུག་སྙམ་མོ། །དེ་དག་གིས་བདག་ཅག་གི་ཁྱིམ་ཐབ་དག་འོངས་ཞེས་ཐོས་སོ། ། [190b.6]ཐོས་ནས་ཀྱང་བཤེས་པ་དང་བཅས་པའི་ཚིག་གིས་རྗེའི་སྲས་དག་བྱོན་པ་ལེགས་སོ། །བྱོན་པ་ལེགས་སོ་ཞེས་བསུ་ནས་དེ་དག་རང་རང་གི་ཁྱིམ་དུ་དོང་བ་དང་། དེ་དག་རང་རང་གི་ཆུང་མ་དག་གིས་བསྐུ་མཉེ་དང་དྲིལ་ཕྱི་བྱས་ཏེ་ཁྲུས་བྱས་ནས་ལེགས་པར་བསྐུས་ཏེ་ཟས་ [190b.7]བྱིན་ནོ། །དེ་དག་གིས་བསམས་པ། འདི་དག་གི་སྤྱོད་ལམ་འདི་ལྟ་བུ་ནི་སྔོན་མ་བྱུང་ངོ་སྙམ་ནས་དེ་དག་ལ་དྲིས་པ། བཟང་མོ་དག་ཁྱེད་ཀྱི་སྤྱོད་ལམ་འདི་ལྟ་བུ་འདི་སྔོན་མ་བྱུང་བ་ཡིན་ན་ཇི་ལས་གྱུར། དེ་དག་གིས་སྨྲས་པ། རྗེའི་སྲས་དག་འཕགས་མ་ཆོས་བྱིན་ [191a] [191a.1]གྱིས་བདག་ཅག་ལ་ཇི་ནས་ཀྱང་བདག་ཅག་འཁོར་བ་ན་འཁོར་བ་རྣམས་ལ་སླན་ཆད་ཉོན་མོངས་པ་དེ་ལྟ་བུ་ཀུན་ཏུ་འབྱུང་བར་མི་འགྱུར་བ་དེ་ལྟར་ཆོས་བསྟན་པ་མཛད་དོ། །དེ་དག་གིས་བསམས་པ། འཕགས་མ་ཆོས་བྱིན་ནི་མ་དུལ་བ་འདུལ་བར་མཛད་པ་ [191a.2]ཡིན་ཏེ། དེས་འདི་དག་བཏུལ་བ་ལྟ་སྟེ། གང་གི་ཕྱིར་བདག་ཅག་གིས་འདི་དག་བསད་པ་དང་། བཅིང་བ་དང་། བརྡེག་པ་དང་། སྤྱོ་བས་གདུལ་བར་མ་ནུས་པ་དག་འཕགས་མ་ཆོས་བྱིན་གྱིས་ཆོས་བསྟན་པས་བཏུལ་བས་འཕགས་མ་ཆོས་བྱིན་གྱིས་བདག་ [191a.3]ཅག་ལ་ཕན་བཏགས་ཀྱིས། བདག་ཅག་གིས་ཀྱང་རྒྱལ་པོ་བལྟས་ཏེ་འཕགས་མ་ཆོས་བྱིན་ལ་བསྙེན་བཀུར་བྱའོ་སྙམ་མོ། །ཆོས་བྱིན་གྱིས་ཀྱང་དེ་དག་གདུལ་བའི་དུས་ཤེས་ནས་གཙུག་ལག་ཁང་ཆག་ཆག་བཏབ། ལེགས་པར་བྱུགས། ལྕི་བ་སར་པའི་བྱུག་ [191a.4]པས་བསྐུས་ཏེ་འདག་རྫས་དང་། ཆུ་དང་། དྲི་དང་། བདུག་པ་དང་། མེ་ཏོག་དང་། པོག་པོར་བཞག་ནས་དགེ་སློང་མ་སྐད་སྙན་པ་དག་བསྐོས་ཏེ་བསྡད་པ་དང་། དེ་དག་ཀྱང་རྒྱལ་པོ་བལྟས་ནས་ཆོས་བྱིན་གྱི་དྲུང་དུ་ལྷགས་པ་དང་། ཆོས་བྱིན་གྱིས་དེ་དག་ལ་འདག་ [191a.5]རྫས་དང་། ལག་པ་བསྙལ་བའི་ཆུ་དང་། དྲི་དང་། བདུག་པ་དང་། མེ་ཏོག་དང་། པོག་པོར་དག་བྱིན་ནས་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ་དགེ་སློང་མའི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ། །དེ་དག་ཀྱང་དེའི་རྐང་ [191a.6]པ་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འཁོད་དོ། །ཆོས་བྱིན་གྱིས་དེ་དག་གི་བསམ་པ་དང་། བག་ལ་ཉལ་དང་། ཁམས་དང་རང་བཞིན་ཁོང་དུ་ཆུད་ནས་ཅི་ནས་ཀྱང་དེ་དག་གིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་ [191a.7]དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། འཕགས་མ་བདག་ཅག་གིས་དགེ་བའི་བཤེས་གཉེན་འཕགས་མ་ལ་བརྟེན་ནས་འཕགས་མས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་ [191b] [191b.1]ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་གིས་ཀྱང་མ་བགྱིས། བྱམས་པ་དང་། མཛའ་བཤེས་དང་། རྩ་ལག་གི་ཚོགས་ [191b.2]ཀྱིས་ཀྱང་མ་བགྱིས་ཏེ། ཁྲག་དང་། མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་ [191b.3]དང་མི་རྣམས་ཀྱི་ནང་དུ་ནི་བཞག །འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། འཕགས་མ་བདག་ཅག་ནི་མངོན་པར་ཞུགས་པ་ལགས་ [191b.4]སོ། །འཕགས་མ་བདག་ཅག་ནི་མངོན་པར་ཞུགས་པ་ལགས་ཏེ། འཕགས་མ་བདག་ཅག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིས། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་ [191b.5]སྐྱབས་སུ་མཆིའོ། །དེ་དག་མངོན་པར་དད་པར་གྱུར་ནས་ཡང་སྨྲས་པ། འཕགས་མ་བདག་ཅག་གིས་ད་ནི་སྲོག་ཆགས་གྲོག་སྦུར་ལ་ཡང་བསམས་བཞིན་དུ་སྲོག་འགུམས་པའི་རྔོ་མི་ཐོག་ལ། བདག་ཅག་ནི་མཚོན་ཆས་འཚོ་བ་ལགས་ན་བདག་ཅག་གིས་ཇི་ལྟར་བསྒྲུབ་པར་ [191b.6]བགྱི། ཆོས་བྱིན་གྱིས་སྨྲས་པ། གཞུ་གཞུ་རྒྱུད་མེད་པ་དག་དང་། མདའ་མདེའུ་མེད་པ་དག་དང་། ཤིང་གི་རལ་གྲི་དག་ཐོགས་ཤིག །དེ་དག་གཞུ་གཞུ་རྒྱུད་མེད་པ་དག་དང་། མདའ་མདེའུ་མེད་པ་དག་དང་། ཤིང་གི་རལ་གྲི་དག་ཐོགས་སོ། །གང་གི་ཚེ་དེ་དག་གིས་ [191b.7]བདེན་པ་དག་མཐོང་བ་དེའི་ཚེ་ན་ཕྱིན་ཆད་བརྒྱན་པོས་རྩེ་བར་མི་བྱེད། ཆང་འཐུང་བར་མི་བྱེད། བུད་མེད་གཞན་དག་དང་ལྷན་ཅིག་དགའ་མགུར་སྤྱོད་པར་མི་བྱེད་པས་དེ་དག་ལོངས་སྤྱོད་དག་གིས་ཕྱུགས་པ་དང་ཉེ་བར་བསགས་པར་གྱུར་ཏོ། །དེ་དག་གི་གླང་པོ་ཆེ་དག་དང་། རྟ་ [192a] [192a.1]དག་ཀྱང་ཡོངས་སུ་མ་སྤྱད་པས་ཚོ་བ་དང་། པགས་པ་དང་། ཤ་དང་། ཁྲག་རྒྱས་པར་གྱུར་ཏོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲགས་པ་ཞིག་ལོག་ནས་དེར་དམག་རུ་གཅིག་བཏང་ན་བཅོམ་པ་དང་། རབ་ཏུ་བཅོམ་པ་དང་། སོ་སོར་བཅོམ་ [192a.2]པར་གྱུར་ཏེ་ཕྱིར་འོངས་སོ། །དེ་བཞིན་དུ་རུ་གཉིས་པ་བཏང་ན་དེ་ཡང་བཅོམ་པ་དང་། རབ་ཏུ་བཅོམ་པ་དང་། སོ་སོར་བཅོམ་པར་གྱུར་ཏེ་ཕྱིར་འོངས་ནས་བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་རི་བྲགས་པའི་དཔུང་ནི་སྐྱེས་ཤིང་ལྷའི་དཔུང་ནི་ཉམས་ཏེ་གལ་ཏེ་ལྷ་ཉིད་དེར་མ་ [192a.3]གཤེགས་ན་རི་བྲགས་པ་བསྒྲུབ་དཀའ་བར་འགྱུར་རོ། །རྒྱལ་པོས་དྲིལ་བསྒྲགས་པ་བྱས་ཏེ་ངའི་ཡུལ་ན་མཚོན་ཆས་འཚོ་བ་ཇི་སྙེད་འཁོད་པ་དེ་དག་ཐམས་ཅད་དེར་འགྲོ་བར་བྱའོ་ཞེས་བསྒོ་ནས། རྒྱལ་པོ་ཡང་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་ཆས་སོ། །ཀོ་ས་ལར་ [192a.4]བྱུང་བའི་རྒྱལ་པོ་གསལ་རྒྱལ་ལ་རལ་གྲིའི་མཐུ་ཅན་དང་། རྒྱལ་རིགས་བཟང་པོ་པ་བྱ་བའི་ཁྲོམ་གཉིས་ཡོད་པ་ལས་རལ་གྲིའི་མཐུ་ཅན་གྱི་ཁྲོམ་ནི་མདུན་དུ་འགྲོ་བའི་མི་ཡིན་ལ། རྒྱལ་རིགས་བཟང་པོའི་ཁྲོམ་ནི་ཕྱི་ནས་འོང་བའི་མི་ཡིན་པས་རྒྱལ་པོས་རལ་གྲིའི་མཐུ་ཅན་ [192a.5]གྱི་ཁྲོམ་མདུན་དུ་སོང་བའི་མི་དག་ཚོ་ཞིང་པགས་པ་དང་། ཤ་དང་། ཁྲག་རྒྱས་པ་དང་། དེ་དག་གི་གླང་པོ་ཆེ་དག་དང་། རྟ་དག་ཀྱང་ཚོ་ཞིང་པགས་པ་དང་། ཤ་དང་། ཁྲག་རྒྱས་པ་མཐོང་ངོ་། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་ཁྲོམ་འདི་གང་གི་ [192a.6]ཡིན། དེ་དག་གིས་སྨྲས་པ། ལྷའི་ཁྲོམ་རལ་གྲིའི་མཐུ་ཅན་ཞེས་བགྱི་བ་མདུན་དུ་མཆི་བ་ལགས་སོ། །རྒྱལ་པོས་རྒྱབ་ཏུ་བལྟས་པ་དང་ཇི་ཙམ་ན་རྒྱལ་རིགས་བཟང་པོ་པའི་ཁྲོམ་གྱི་མི་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པ་དང་། དེ་ [192a.7]དག་གི་གླང་པོ་ཆེ་དག་དང་། རྟ་དག་ཀྱང་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པ་མཐོང་ངོ་། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་འདི་གང་གི་ཁྲོམ་ཡིན། དེ་དག་གིས་སྨྲས་པ། ལྷའི་ཁྲོམ་རྒྱལ་རིགས་ [192b] [192b.1]བཟང་པོ་པ་ཞེས་བགྱི་བ་སླད་བཞིན་མཆི་བ་ལགས་སོ། །རྒྱལ་པོས་སྨྲས་པ། ཤེས་ལྡན་དག་ཅི་འདི་དག་དབང་ཐང་མཉམ་པར་མི་སྦྱིན་ནམ། དེ་དག་གིས་སྨྲས་པ། ལྷ་དབང་ཐང་མཉམ་པར་སྩོལ་ཏོ། །དེ་དག་བོས་ཤིག །དེ་དག་བོས་པ་དང་རྒྱལ་པོས་དེ་དག་ལ་སྨྲས་པ། [192b.2]ཤེས་ལྡན་དག་ཁྱེད་ཅག་དབང་ཐང་མཉམ་པར་མི་སྦྱིན་ནམ། ལྷ་མཉམ་པར་སྩོལ་ཏོ། །འོ་ན་ཅིའི་ཕྱིར་རལ་གྲིའི་མཐུ་ཅན་གྱི་ཁྲོམ་འདི་དག་ནི་འབྱོར་པ་དང་། པགས་པ་དང་། ཤ་དང་། ཁྲག་རྒྱས་པར་གྱུར་ལ། རྒྱལ་རིགས་བཟང་པོའི་ཁྲོམ་ཁྱེད་ནི་རྒུད་པ་དང་། ཉམ་ཆུང་བ་ [192b.3]དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར། ལྷ་གལ་ཏེ་བདག་ཅག་ཀྱང་གཞུ་གཞུ་རྒྱུད་མ་མཆིས་པ་དང་། མདའ་མདེའུ་མ་མཆིས་པ་དང་། ཞུགས་ཤིང་གི་རལ་གྲི་དག་ཐོགས་ཤིང་མཚོན་ཆ་དག་བཙོངས་ཤིང་བཙོངས་ཤིང་འཚལ་བར་འགྱུར་ན། བདག་ [192b.4]ཅག་ཀྱང་འབྱོར་པ་དང་། པགས་པ་དང་། ཤ་དང་། ཁྲག་རྒྱས་པར་འགྱུར་རོ། །གཞན་ཡང་འདི་དག་གི་གླང་པོ་ཆེ་དག་དང་། རྟ་དག་ནི་ཡོངས་སུ་མ་སྤྱད་ལ། བདག་ཅག་གི་རྟ་དང་། གླང་པོ་ཆེ་དག་ནི་ཡོངས་སུ་སྤྱད་དོ། །རྒྱལ་པོས་དེ་དག་ལ་སྨྲས་པ། ཤེས་ལྡན་ [192b.5]དག་ཁྱེད་དེ་ལྟར་གྱུར་པ་བདེན་ནམ། ལྷ་མད་དོ། །ཅི་ཁྱེད་ཅག་ད་དེར་ཁྲིད་ལ་རི་བྲགས་སུ་བསད་པར་འདོད་དམ། དེ་དག་གིས་སྨྲས་པ། ལྷ་ཅི་ལགས་མཚོན་ཆས་གཡུལ་སྤྲོད་དམ། མིས་གཡུལ་སྤྲོད། རྒྱལ་པོས་སྤྱོས་ཏེ་སྨྲས་པ། །གལ་ཏེ་མཚོན་ཆས་གཡུལ་མི་སྤྲོད་ [192b.6]ན་ཁྱེད་ཅག་ཉིད་དེང་ལ་རི་བྲགས་པ་དེ་ཕོབ་ཤིག་ཅེས་སྨྲས་ཏེ་རྒྱལ་པོ་དེ་ཉིད་ནས་ཕྱིར་ལོག་གོ། །རལ་གྲིའི་མཐུ་ཅན་གྱི་ཁྲོམ་དེ་དག་ཆོས་བྱིན་གྱི་གན་དུ་སོང་སྟེ་སྨྲས་པ། འཕགས་མ་བདག་ཅག་རྒྱལ་པོས་དམག་གི་གནས་སུ་བསྐོས་ན་བདག་ཅག་གིས་ཇི་ལྟར་བསྒྲུབ་པར་བགྱི། [192b.7]ཆོས་བྱིན་གྱིས་སྨྲས་པ། དེང་ཤིག་དང་། ཁྱེད་ཅག་དེར་དོང་བ་རྣམས་ལ་ཉེས་དམིགས་འགའ་ཡང་འབྱུང་བར་མི་འགྱུར་རོ། །འདི་ལྟར་གང་དང་གང་དུ་འབྲང་འདེབས་པ་དེ་དང་དེར་རྒྱུད་ཆགས་གསུམ་པ་ལྟོས་ཤིག །ཉི་མ་གང་ལ་རི་བྲགས་སྐོར་བར་བྱེད་པའི་ཉི་མ་དེ་ [193a] [193a.1]ལ་མཚན་ཐམས་ཅད་དུ་ཆོས་མཉན་པ་བྱིན་ལ་མི་མཇེད་ཀྱི་བདག་པོ་ཚངས་པ་དང་། ལྷའི་དབང་པོ་བརྒྱ་བྱིན་དང་། འཇིག་རྟེན་སྐྱོང་བ་བཞི་དང་། གནོད་སྦྱིན་གྱི་དམག་དཔོན་ཆེན་པོ་ཉི་ཤུ་རྩ་བརྒྱད་དང་། གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་ [193a.2]དང་། ཀླུའི་རྒྱལ་པོ་དགའ་བོ་དང་། ཉེ་དགའི་མིང་གིས་ཡོན་བཤད་པ་གྱིས་ཤིག །དེ་དག་གིས་འཕགས་མ་ཆོས་བྱིན་གྱིས་སྨྲས་པ་ལ་མངོན་པར་བསྟོད་པ་དང་། རྗེས་སུ་ཡི་རང་བ་བྱས་ཏེ། འཕགས་ནས་དེ་དག་གང་དང་གང་དུ་འབྲང་འདེབས་པ་དེ་དང་དེར་རྒྱུད་ཆགས་ [193a.3]གསུམ་པ་ཀློག་པར་བྱེད་ཅིང་། གང་གི་ཉིན་མོ་རི་བྲགས་སྐོར་བར་བྱེད་པ་དེའི་ཉིན་མོ་མཚན་ཐམས་ཅད་དུ་ཆོས་མཉན་པ་བྱིན་ནས་མི་མཇེད་ཀྱི་བདག་པོ་ཚངས་པ་དང་། ལྷའི་དབང་པོ་བརྒྱ་བྱིན་དང་། འཇིག་རྟེན་སྐྱོང་བ་བཞི་དང་། གནོད་སྦྱིན་གྱི་དམག་དཔོན་ཆེན་པོ་ཉི་ཤུ་རྩ་བརྒྱད་ [193a.4]དང་། གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་དང་། ཀླུའི་རྒྱལ་པོ་དགའ་བོ་དང་། ཉེ་དགའི་མིང་གིས་ཡོན་བཤད་པ་བྱས་པ་དང་། དེའི་ཚེ་ན་རྒྱལ་པོ་ཆེན་པོ་རྣམ་ཐོས་ཀྱི་བུ་གནོད་སྦྱིན་རྣམས་གནོད་སྦྱིན་འདུ་བར་འཕགས་པ་དང་། དེས་ཡོན་བཤད་པ་བྱེད་པ་དེ་ [193a.5]ཐོས་ནས་དེས་བསམས་པ། བདག་གི་མིང་གིས་ཡོན་བཤད་པ་བྱེད་པ་འདི་སུ་ཞིག་སྙམ་ནས་ཇི་ཙམ་ན་ཆོས་ཀྱི་སྤུན་དག་གནས་མ་ཡིན་པར་བསྐོས་པ་མཐོང་ངོ་། །མཐོང་ནས་ཀྱང་གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་ལ་སྨྲས་པ། ངའི་ཆོས་ཀྱི་སྤུན་འདི་དག་གནས་ [193a.6]མ་ཡིན་པར་བསྐོས་ཀྱིས་སོང་ལ་རི་བྲགས་དེ་ཕོབ་སྟེ་འདི་དག་ལ་བྱིན་ལ་སྲོག་ཆགས་འགའ་ལ་ཡང་མི་གནོད་པར་གྱིས་ཤིག །གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་གྱིས་རྒྱལ་པོ་ཆེན་པོ་རྣམ་ཐོས་ཀྱི་བུ་ལས་མཉན་ནས། རིའི་རྩེ་མོ་ལྟ་བུའི་གླང་པོ་ཆེ་དག་དང་། རྔ་མོ་ལྟ་ [193a.7]བུའི་རྟ་དག་དང་། གཞལ་མེད་ཁང་ལྟ་བུའི་ཤིང་རྟ་དག་དང་། གནོད་སྦྱིན་གདུག་པ་ལྟ་བུའི་མི་དག་མངོན་པར་སྤྲུལ་ནས་རི་བྲག་པ་དག་གིས་དེ་དག་ཐག་རིང་པོ་ཁོ་ན་ནས་འོང་བ་མཐོང་ངོ་། །དེ་དག་གིས་དེ་དག་མཐོང་ནས་སྐྲག་སྟེ་བསམས་པ། །ཡུལ་དང་སྲོག་ལ་གནོད་ [193b] [193b.1]གྱུར་ན། །སྐྱེས་བུས་ཀུན་ཏུ་སྲོག་བསྲུང་བྱ། །བློ་ཡིས་གཉིས་ཀ་དཔྱད་བྱས་ན། །ཡུལ་ནི་ཡང་རྙེད་སྲོག་རྣམས་མིན། །སྙམ་ནས་དེ་དག་གིས་རལ་གྲི་མགུལ་དུ་བཏགས་ཏེ་རི་བྲག་ནས་བྱུང་བ་དང་། དེ་དག་གིས་དེ་དག་བཟུང་ནས་སྒྱུ་དཔྱ་དང་བཅས་ཏེ་མཉན་ཡོད་དུ་ [193b.2]བདས་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་དོང་སྟེ་སྨྲས་པ། ལྷ་རི་བྲགས་པ་ནི་འདི་ལགས། སྒྱུ་དཔྱ་ནི་འདི་དག་ལགས་སོ། །རྒྱལ་པོ་དགའ་ནས་དེས་སྨྲས་པ། ཤེས་ལྡན་དག་སྒྱུ་དཔྱ་དག་ཁྱེད་ཅག་ཉིད་ཁྱེར་ཅིག །དེ་དག་གིས་བསམས་པ། བདག་ [193b.3]ཅག་གསོན་ཞིང་ལྷགས་པ་གང་ཡིན་པ་དེ་ཐམས་ཅད་འཕགས་མ་ཆོས་བྱིན་གྱི་མཐུ་ཡིན་པས་བདག་ཅག་དོང་ལ་སྒྱུ་དཔྱ་འདི་དག་འཕགས་མ་ཆོས་བྱིན་ལ་དབུལ་ལོ་སྙམ་ནས་དེ་དག་གིས་དེ་དག་ཁྱེར་ཏེ་ཆོས་བྱིན་གྱི་གན་དུ་དོང་ནས་སྨྲས་པ། འཕགས་མ་བདག་ཅག་གསོན་ [193b.4]ཞིང་ལྷགས་པ་དང་། བདག་ཅག་གི་དཔལ་དང་སྐལ་བ་བཟང་པོ་ཕུན་སུམ་ཚོགས་པ་གང་ལགས་པ་དེ་ཐམས་ཅད་འཕགས་མ་ཁོ་ནའི་མཐུ་ལགས་ཀྱིས། རྒྱལ་པོས་བདག་ཅག་ལ་སྒྱུ་དཔྱ་སྩལ་བ་འདི་དག་འཕགས་མས་ཐུགས་བརྩེ་བའི་སླད་དུ་བཞེས་སུ་གསོལ། [193b.5]དེས་སྨྲས་པ། བུ་དག་ལྷ་རྣམས་ཀྱི་ནང་དུ་ཡང་ལྷ་དབུལ་བ་ཡོད་ཀྱིས་སངས་རྒྱས་དང་། ཆོས་དང་། དགེ་འདུན་ལ་མཆོད་པ་གྱིས་ཤིག་དང་། དེས་ཁྱེད་ཅག་གི་ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་རོ། །དེ་དག་གིས་བཅོམ་ལྡན་འདས་ཉན་ཐོས་ཀྱི་ [193b.6]དགེ་འདུན་དང་བཅས་པ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་སྤྱན་དྲངས་ནས་དེ་དག་སྔ་དྲོ་ནི་སངས་རྒྱས་དང་། ཆོས་དང་། དགེ་འདུན་ལ་མཆོད་པ་དག་བྱེད། ཕྱི་དྲོ་ནི་ཆོས་ཉན་པར་བྱེད་དོ།། །།འདུལ་བ་རྣམ་པར་འབྱེད་པ། བམ་པོ་སུམ་ [193b.7]བཅུ་རྩ་དྲུག་པ། དུས་གཞན་ཞིག་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲགས་པ་གཞན་ཞིག་ལོག་ནས་རྒྱལ་པོས་རྒྱལ་རིགས་བཟང་པོ་པའི་ཁྲོམ་ལ་བསྒོ་བ། དེང་ལ་རི་བྲགས་པ་དེ་ཕོབ་ཤིག །དེ་དག་གིས་སྨྲས་པ། ལྷ་བདག་ཅག་ནི་རྒུད་པ་ལགས་ལ། [194a] [194a.1]རལ་གྲིའི་མཐུ་ཅན་གྱི་ཁྲོམ་ནི་འབྱོར་པ་ལགས་ན། འདིའི་ཚེ་དེ་དག་ལ་བཀའ་སྩལ་ཅིང་བདག་ཅག་རེས་གཞན་ལ་མཆི་བར་ཅི་གནང་། རྒྱལ་པོས་རལ་གྲིའི་མཐུ་ཅན་གྱི་ཁྲོམ་ལ་བསྒོ་བ། དེང་ལ་རི་བྲགས་པ་ཆེ་གེ་མོ་ཞིག་ཕོབ་ཤིག །དེ་དག་གིས་སྨྲས་ [194a.2]པ། ལྷ་བདག་ཅག་གིས་རེས་འཁོར་ལགས་སོ། །དེང་ཤིག་དང་རེས་གཞན་ལ་མི་བཏང་ངོ་། །དེ་དག་གིས་བསམས་པ། དེའི་ཚེ་ནི་བདག་ཅག་གིས་གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་གྱི་མཐུས་རི་བྲགས་པ་དེ་ཕབ་ཀྱི། ད་ནི་བདག་ཅག་གིས་དེ་ཉིད་དུ་འཆི་ [194a.3]བར་བྱ་དགོས་པར་འགྱུར་བས་འདི་ལྟར་བདག་ཅག་གིས་འཕགས་པ་དག་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་སྤྱན་དྲངས་པ་དེ་དག་ལ་ཆོས་གོས་དག་ཕུལ་ཏེ་འདོང་བར་བྱའོ་སྙམ་ནས། དེ་དག་ཆོས་གོས་དག་ཐོགས་ཏེ་གཙུག་ལག་ཁང་དུ་དོང་ནས་དགེ་སློང་རྣམས་ལ་སྨྲས་པ། [194a.4]འཕགས་པ་དག་བདག་ཅག་རྒྱལ་པོས་དམག་གི་གནས་སུ་བཏང་སྟེ། གལ་ཏེ་ན་བདག་ཅག་དེ་ཉིད་དུ་འགུམ་པར་འགྱུར་བ་གང་ལགས་པ་དེ་ལྟ་བུའི་གནས་ཀྱང་མཆི་བར་འགྱུར་བས་ཆོས་གོས་འདི་དག་བཞེས་སུ་གསོལ། དགེ་སློང་རྣམས་ཀྱིས་སྨྲས་པ། བཞིན་{བཟངས་,བཟང་}དག་ [194a.5]བཅོམ་ལྡན་འདས་ཀྱིས་དགེ་སློང་རྣམས་ཀྱིས་དབྱར་གྱི་རྙེད་པ་དབྱར་གྱི་ནང་དུ་བགོ་བར་མི་བྱའོ་ཞེས་བསླབ་པའི་གཞི་བཅའ་བ་མཛད་པས་བདག་ཅག་མི་ལེན་ཏོ། །དེ་དག་གིས་སྨྲས་པ། འཕགས་པ་དག་ཁྱེད་ཅག་གིས་བཞེས་ཏེ་ཞོག་ལ་དགག་དབྱེ་བགྱིས་ནས་བགོ་བར་མཛོད་ [194a.6]ཅིག་ཅེས་དེ་དག་གིས་དེ་དག་གི་གནས་ཁང་དུ་བཅུག་སྟེ་དོང་ངོ་། །དེ་དག་འཕགས་པ་དང་ཁྱིམ་བདག་མགོན་མེད་ཟས་སྦྱིན་གྱིས་མཐོང་ནས་སྨྲས་པ། ཤེས་ལྡན་དག་གར་འདོང་། ཁྱིམ་བདག་དམག་གི་གནས་གནས་སུ་མཆིའོ། །ཁྱེད་ཀྱིས་རེས་མ་འཁོར་རམ། ཁྱིམ་ [194a.7]བདག་རེས་འཁོར་རོ། །འོ་ན་ཅིའི་ཕྱིར་འདོང་། ལྷའི་ཞལ་ནས་དེང་ཤིག་དང་རེས་གཞན་དུ་མི་བཏང་ངོ་ཞེས་བྱུང་ངོ་། །ཁོ་བོས་ལྷ་ལ་ཞུས་དེའི་བར་དུ་ཡུད་ཙམ་ཞིག་སྡོད་ཅིག །དེ་རྒྱལ་པོའི་གན་དུ་སོང་སྟེ་སྨྲས་པ། ལྷས་རལ་གྲིའི་མཐུ་ཅན་གྱི་ཁྲོམ་གང་དུ་བཀའ་སྩལ། [194b] [194b.1]ཁྱིམ་བདག་རི་བྲགས་པ་ཆེ་གེ་མོ་ཞིག་ལོག་ནས་དེ་འབེབས་སུའོ། །ལྷ་དེ་དག་གིས་རེས་མ་འཁོར་རམ། ཁྱིམ་བདག་རེས་འཁོར་རོ། །འོ་ན་ཇིའི་སླད་དུ་བཀའ་སྩལ། རེས་གཞན་དུ་མི་བཏང་བར་བྱས་སོ། །ཅི་ལྷས་གཞུ་གཞུ་རྒྱུད་མ་མཆིས་པ་དང་། མདའ་མདེའུ་མ་ [194b.2]མཆིས་པ་དང་། ཞུགས་ཤིང་གི་རལ་གྲི་ཐོགས་པ་དེ་དག་གིས་རི་བྲགས་པ་དག་མི་ཕེབས་པར་མི་མཁྱེན་ཏམ། གཞན་ཡང་དེ་དག་ནི་སངས་རྒྱས་ཀྱི་སྲས་ཤ་སྟག་སྟེ། དེ་དག་གིས་སྲོག་ཆགས་གྲོག་སྦུར་ལ་ཡང་བསམས་བཞིན་དུ་སྲོག་འགུམས་པའི་རྔོ་མི་ཐོག་གོ། ། [194b.3]འདི་ལྟར་དེའི་ཚེ་ཡང་དེ་དག་གིས་གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་གྱི་མཐུས་རི་བྲགས་པ་དེ་ཕབ་བོ། །འདི་ལྟར་དེ་དག་དེར་མཆིས་སུ་ལགས་ན་ནོངས་དམིགས་འགའ་ཞིག་ཀྱང་འབྱུང་བར་འགྱུར་ཞིང་། དེས་ལྷ་ལ་ཡང་མ་ལེགས་པར་འགྱུར་གོར་མ་བཀུམ་མོ། ། [194b.4]ཁྱིམ་བདག་ཇི་དེ་དག་སངས་རྒྱས་ཀྱི་སྲས་ཤ་སྟག་ཡིན་ནམ། ལྷ་དེ་ལགས་ཏེ་དེ་དག་གིས་དགེ་བའི་བཤེས་གཉེན་འཕགས་མ་ཆོས་བྱིན་ལ་བརྟེན་ནས་ཐམས་ཅད་ཀྱིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་སོ། །ཀོ་ས་ལར་བྱུང་བའི་རྒྱལ་པོ་གསལ་ [194b.5]རྒྱལ་གྱིས་བློན་པོ་རྣམས་ལ་བསྒོ་བ། ཤེས་ལྡན་དག་དེང་ཕྱིན་ཆད་ཁྱེད་ཀྱིས་དམག་དཔོན་འཕགས་སྐྱེས་པོ་ལ་བསྒོ་བར་བྱའི། རལ་གྲིའི་མཐུ་ཅན་གྱི་ཁྲོམ་ལ་བསྒོ་བར་མི་བྱའོ། །དེ་ནས་རལ་གྲིའི་མཐུ་ཅན་གྱི་ཁྲོམ་དེ་དག་ཕྱིར་མཁོས་སུ་ཕབ་ནས་དགེ་སློང་རྣམས་ཀྱིས་དགག་དབྱེ་ [194b.6]བྱས་པའི་ཚེ་དགེ་སློང་དེ་དག་དེ་དག་གི་གན་དུ་དོང་སྟེ་སྨྲས་པ། བཞིན་{བཟངས་,བཟང་}དག་ཁོ་བོ་ཅག་དགག་དབྱེ་བྱས་ཀྱིས་ཆོས་གོས་དག་བྱིན་ཅིག །འཕགས་པ་དག་བདག་ཅག་གིས་ཆོས་གོས་དག་ཕུལ་ལགས་ཀྱིས་དེ་དག་བཞེས་ཤིག །དགེ་སློང་དེ་དག་དོང་སྟེ་གནས་ཁང་སྒོ་ཕྱེ་བ་དང་། [194b.7]ཕྱོགས་དེས་སྣུམ་ཞིང་མངར་བས་ཆོས་གོས་དེ་དག་སྲིལ་དག་གིས་རྨུགས་ཏེ་རྡུལ་དུ་བརླགས་ཏེ་འདུག་པར་སྣང་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གོས་སྦེད་པའི་དགེ་སློང་བསྐོ་ [195a] [195a.1]བར་བྱ་སྟེ། གོས་སྦེད་པའི་དགེ་སློང་ཆོས་ལྔ་དང་ལྡན་པ་ནི་མ་བསྐོས་པ་ནི་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་ [195a.2]འགྲོ་བ་དང་། གོས་ཀྱི་རྙེད་པ་སྦས་པ་དང་མ་སྦས་པ་མི་ཤེས་པའོ། །གོས་སྦེད་པའི་དགེ་སློང་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང་། ཞེ་སྡང་གིས་མི་འགྲོ་བ་དང་། [195a.3]གཏི་མུག་གིས་མི་འགྲོ་བ་དང་། འཇིགས་པས་མི་འགྲོ་བ་དང་། གོས་སྦས་པ་དང་མ་སྦས་པ་ཤེས་པའོ། །འདི་ལྟར་བསྐོ་བར་བྱ་སྟེ། ཇེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དབྱར་དགེ་འདུན་གྱི་རྙེད་པ་སྦེད་པར་སྤྲོའམ། གལ་ཏེ་སྤྲོ་ན་དེས་སྤྲོའོ་ཞེས་ [195a.4]བརྗོད་པར་བྱའོ་དེའི་འོག་ཏུ་གནས་མལ་བཤམ་པ་བྱས་ཏེ། གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་ [195a.5]རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་སྤྲོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དབྱར་ [195a.6]དགེ་འདུན་གྱི་གོས་ཀྱི་རྙེད་པ་སྦེད་པར་བསྐོ་བར་བགྱི་སྟེ། དགེ་སློང་མིང་འདི་ཞེས་བགྱི་བ་འདི་དབྱར་དགེ་འདུན་གྱི་གོས་ཀྱི་རྙེད་པ་སྦེད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ་དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་ [195a.7]དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་བསྐོ་སྟེ། དགེ་སློང་མིང་འདི་ཞེས་བགྱི་བ་འདི་དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་བསྐོ་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི་དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་བསྐོ་བར་བཟོད་པ་ [195b] [195b.1]དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་ [195b.2]བཞིན་དུ་འཛིན་ཏོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་རྣམས་དང་། བསླབ་པ་ལ་གུས་པ་རྣམས་དང་། བསླབ་པ་ལ་ཡོ་བྱད་བསྙུངས་པ་རྣམས་དང་། ཕྲི་བ་རྣམས་དང་། སྦྱངས་པའི་ཡོན་ཏན་རྣམས་དང་། མཛེས་པ་རྣམས་དང་། དྲོད་རིག་པ་ [195b.3]རྣམས་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་སྟོན་ཟླ་ཐ་{ཆུངས་,ཆུང་} [195b.4]ཉར་ཞག་བཅུས་མ་ཚང་བ་ཚུན་ཆད་དུ་བརྟད་པ་ལས་བྱུང་བའི་གོས་ཞིག་རྙེད་ལ་འདོད་ན་དགེ་སློང་དེས་གོས་དེ་བླང་བར་བྱའོ། །བླངས་ནས་གོས་སྦྱིན་པའི་དུས་ཀྱི་བར་དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་ [195b.5]བ་ནི་ཆོས་འདི་པས་སོ། །སྟོན་ཟླ་ཐ་{ཆུངས་,ཆུང་}ཉར་ཞག་བཅུས་མ་ཚང་བ་ཚུན་ཆད་དུ་ཞེས་བྱ་བ་ནི་ཞག་བཅུ་ན་དགག་དབྱེ་འབྱུང་བ་ཚུན་ཆད་དུའོ། །བརྟད་པ་ལས་བྱུང་བའི་གོས་ཤིག་ཅེས་བྱ་བ་ནི་བརྟད་པ་ལས་བྱུང་བའི་གོས་ལྔ་པོ་དག་སྟེ། ལྔ་གང་ཞེ་ན། ནད་པ་ལ་སྦྱིན་པ་ [195b.6]དང་། ནད་པའི་ཕྱིར་སྦྱིན་པ་དང་། འཆི་བ་ལ་སྦྱིན་པ་དང་། ཤི་བའི་ཕྱིར་སྦྱིན་པ་དང་། འགྲོ་བར་ཆས་པ་ལ་སྦྱིན་པའོ། །རྙེད་པ་ལ་ཞེས་བྱ་བ་ནི་གཞན་ལས་སོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །དགེ་སློང་དེས་ཞེས་བྱ་བ་ནི་དགེ་སློང་གང་ [195b.7]ཡིན་པ་དེས་སོ། །གོས་དེ་ཞེས་བྱ་བ་ནི་བདུན་པོ་བལ་གོས་དང་། ཤ་ནའི་གོས་དང་། ཟར་མའི་གོས་དང་། དུ་གུ་ལའི་གོས་དང་། རས་བལ་གྱི་གོས་དང་། ཀོ་ཏམ་པའི་གོས་དང་། ཉི་འོག་གི་གོས་ལས་གང་ཡང་རུང་བའོ། །བླང་བར་བྱའོ་ཞེས་བྱ་བ་ནི་ [196a] [196a.1]བདག་གིར་བྱ་བའོ། །བླངས་ནས་གོས་སྦྱིན་པའི་དུས་ཀྱི་བར་དུ་བཅང་བར་བྱའོ་ཞེས་བྱ་བ་ནི་སྦ་བར་བྱའོ། །དགེ་སློང་གི་གོས་སྦྱིན་པའི་དུས་ནི་གང་ཡིན། དུས་མ་ཡིན་པ་ནི་གང་ཡིན་ཞེ་ན། སྲ་བརྐྱང་མ་་བཏིང་བའི་གནས་ན་ནི་སྟོན་ཟླ་ཐ་{ཆུངས་,ཆུང་}ཉ་ [196a.2]ཚུན་ཆད་ནི་གོས་སྦྱིན་པའི་དུས་མ་ཡིན་ལ། ལྷག་མ་ནི་དུས་ཡིན་ནོ། །སྲ་བརྐྱང་བཏིང་བའི་གནས་ན་ནི་སྟོན་ཟླ་ཐ་{ཆུངས་,ཆུང་}ཉ་ཕན་ཆད་ནས་དཔྱིད་ཟླ་འབྲིང་པོ་ཉ་ཚུན་ཆད་ནི་དུས་མ་ཡིན་ལ། ལྷག་མ་ནི་དུས་ཡིན་ནོ། །དེ་ལས་འདས་པར་འཆང་ན་ཞེས་བྱ་བ་ནི་དེ་ལས་ཐལ་བར་འཆང་ [196a.3]ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་དབྱར་གྱི་རྙེད་པ་དབྱར་གྱི་ནང་དུ་བདག་གིར་བྱེད་ [196a.4]དམ། གོས་སྦྱིན་པའི་དུས་ལས་འདས་པར་འཆང་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །བརྟད་པ་ལས་བྱུང་བའི་གོས་ལྔ་པོ་དག་བདག་གིར་བྱེད་པ་དང་། སྦྱིན་བདག་གིས་རང་གི་ལག་ནས་སྦྱིན་པར་བྱེད་ན་ལྟུང་བ་མེད་དོ། །གོས་སྦེད་པའི་དགེ་སློང་ [196a.5]བསྐོས་པ་དང་། སྦྱིན་བདག་འོངས་ཏེ་འཕགས་པ་དག་བཞེས་ཤིག་དང་། གོས་འདི་བདག་མཆིས་ནས་རང་གི་སུག་པ་ཉིད་ནས་དབུལ་ལོ་ཞེས་ཟེར་བ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་ཚོར་བ་དག་གིས་ཉེན་པ་ [196a.6]ལ་ལྟུང་བ་མེད་དོ། །བརྟད་པ་ལས་བྱུང་བའི་སྤང་བ་སྟེ་ཉི་ཤུ་དྲུག་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ནས་ཧ་ཅང་མི་རིང་བ་ན་རི་ [196a.7]བྲགས་ཞིག་ཡོད་པ་དེ་ན་ཁྱིམ་བདག་ཕྱུག་པ་ནོར་མང་བ། ལོངས་སྤྱོད་ཆེ་བ་ཞིག་འདུག་སྟེ་དེ་ཡང་དད་པ་ཅན་བཟང་བ་དགེ་བའི་བསམ་པ་ཅན་ཡིན་པས་དེས་དགེ་འདུན་ལ་བསྔོས་ཏེ་གཙུག་ལག་ཁང་རྟ་བབས་མཐོན་པོ་དང་། སྐར་ཁུང་དང་། སྐར་ཁུང་དྲ་བ་ཅན་དང་། ལན་ [196b] [196b.1]ཀན་གྱིས་བརྒྱན་པ། སྙིང་དང་མིག་འཕྲོག་པ་མཐོ་རིས་ཀྱི་ཐེམ་སྐས་སུ་གྱུར་པ་ཞིག་བྱེད་དུ་བཅུག་གོ། །གཙུག་ལག་ཁང་དེར་དགེ་སློང་དྲུག་བཅུས་དབྱར་དགག་དབྱེ་དག་བྱས་ཏེ་དོང་ནས་ཁྱིམ་བདག་དེས་དེར་མ་བྱིན་པར་ལེན་པ་དག་གིས་ཁྲིའམ་ཁྲིའུ་དག་མ་བརྐུས་པར་ [196b.2]གྱིས་ཤིག་ཅེས་སྲུང་མའི་མི་བཞག་གོ། །ཇི་ཙམ་དུས་གཞན་ཞིག་ན་དགེ་སློང་གཞན་དྲུག་བཅུ་ལྗོངས་རྒྱུ་ཞིང་འགྲོ་བ་ན་རི་བྲགས་དེར་ཕྱིན་ནས། བསྟི་གནས་རྙེད་པར་བྱེད་པ་ན་མི་ཞིག་གིས་སྨྲས་པ། འཕགས་པ་དག་ཁྱེད་ཅག་ཅིའི་སླད་དུ་གཙུག་ལག་ཁང་དུ་མི་ [196b.3]གནས། བཞིན་{བཟངས་,བཟང་}གཙུག་ལག་ཁང་ག་ལ་ཡོད། འཕགས་པ་དག་དགོན་པ་འདི་ནའོ། །དགེ་སློང་དེ་དག་དེར་དོང་བ་དང་། སྲུང་མའི་མིས་མཐོང་ནས། དེས་འོངས་པ་ལེགས་སོ་ཞེས་བྱ་བའི་ཚིག་གིས་བསྙེན་བཀུར་བྱས་ཏེ་གནས་ཁང་དག་བསྐོས་ནས་ཁྲི་དང་ [196b.4]ཁྲིའུ་དང་སྟན་ནང་ཚངས་ཅན་དང་། ལ་བ་ལ་སོགས་པ་དག་ཕུལ་ཏེ། སྤྱངས་ཚགས་གཡར་ནས་སྨྲས་པ། འཕགས་པ་དག་རེ་ཞིག་ཆབ་བཙག་པར་མཛོད་ཅིག་དང་དེའི་བར་དུ་བདག་གིས་ཁྱིམ་བདག་ལ་བརྗོད་པར་བགྱིའོ་ཞེས་མི་དེ་ཁྱིམ་བདག་གི་དྲུང་དུ་སོང་སྟེ་སྨྲས་ [196b.5]པ། ཁྱིམ་བདག་དགྱེས་པ་སྐྱེད་ཅིག །ཁྱོད་ཀྱི་གཙུག་ལག་ཁང་དུ་དགེ་སློང་བློ་བུར་དུ་ལྷགས་པ་དྲུག་བཅུ་མཆིས་སོ། །ཁྱིམ་བདག་གུས་པར་སྒྲིམ་པ་དང་བཅས་པས་ནང་མི་དག་ལ་སྨྲས་པ། ཤེས་ལྡན་དག་ཁོ་བོའི་གཙུག་ལག་ཁང་དུ་དགེ་སློང་གི་དགེ་འདུན་བྱོན་པ་ [196b.6]དག་ལེགས་པར་སྦྱར་བའི་བཏུང་བས་ཚིམ་པར་བྱས། བུ་རམ་དང་། ཧྭགས་དང་། ལི་ཁ་ར་དང་། རྒུན་འབྲུམ་དང་། བལ་པོ་སེའུ་ལོང་ཤིག་ཅེས་ཁྱིམ་བདག་དེས་ལེགས་པར་སྦྱར་བའི་བཏུང་བ་སྦྱར་ནས་གཙུག་ལག་ཁང་དུ་སོང་བ་དང་། དགེ་སློང་དག་ཀྱང་ [196b.7]ཆུ་བཙགས་ཏེ་རང་རང་གི་སྤྱོད་ལམ་གྱིས་འཁོད་དོ། །ཁྱིམ་བདག་དེས་དགེ་སློང་དེ་དག་ཐག་རིང་པོ་ཁོ་ན་ནས་མཐོང་སྟེ། དེས་གཙུག་ལག་ཁང་དེ་མཚོ་པད་མས་གང་བ་བཞིན་དུ་མཐོང་ནས། རྒྱ་ཆེར་དད་པའི་ཤུགས་ཀྱིས་བསྒྱུར་བའི་རྒྱུད་ཀྱིས་ཚིགས་སུ་བཅད་ [197a] [197a.1]པ་སྨྲས་པ། གྲོང་ངམ་ཡང་ན་དགོན་པའང་རུང་། །གཤོང་ངམ་ཡང་ན་ཐང་ཡང་རུང་། །གང་ན་འོས་པ་གནས་པ་ཡི། །ས་གཞི་དེ་ན་དགའ་བྱེད་ཡིན། །དེ་ནས་ལེགས་པར་སྦྱར་བའི་བཏུང་བ་སྟ་གོན་བྱས་ཏེ། རང་གི་ལག་ནས་དགེ་སློང་ [197a.2]གི་དགེ་འདུན་དེ་དག་ཚིམ་པར་བྱས་ནས་རང་ཉིད་ཀྱིས་པོག་པོར་ཐོགས་ཏེ། དགེ་སློང་གི་དགེ་འདུན་དང་ལྷན་ཅིག་མཆོད་རྟེན་ལ་ཕྱག་འཚལ་ནས། གཙུག་ལག་ཁང་དུ་ཞུགས་ཏེ་རྒན་པའི་མཐའི་ལོགས་སུ་འདུག་གོ་དགེ་འདུན་གྱི་གནས་བརྟན་གྱིས་ཡོན་བཤད་ [197a.3]ནས་ཁྱིམ་བདག་དེས་རྐང་པ་གཉིས་ལ་ཕྱག་འཚལ་ཏེ། སང་བདག་གི་སྡུམ་པར་འཕགས་པའི་དགེ་འདུན་གྱིས་གདུགས་ཚོད་གསོལ་བར་ཅི་གནང་ཞེས་སྨྲས་པ་དགེ་སློང་རྣམས་ཀྱིས་ཀྱང་དང་དུ་བླངས་ནས། ཁྱིམ་བདག་དེ་རྐང་པ་གཉིས་ལ་ཕྱག་འཚལ་ཏེ་སོང་ [197a.4]ངོ་། །ཁྱིམ་བདག་དེས་ཕྱི་དེ་ཉིན་པར་ཟས་བསོད་པས་དགེ་སློང་དག་ཚིམ་པར་བྱས་ཤིང་དུས་མ་ཡིན་པར་ཡང་བཏུང་བ་བླུད་ནས་དགེ་སློང་རྣམས་ཀྱིས་ཀྱང་ཆོས་བསྟན་ཏོ། །ཕྱིས་ཀྱང་དེ་ཁོ་ན་བཞིན་དུ་དགེ་འདུན་གྱི་གནས་བརྟན་གྱིས་ཡོན་བཤད་པ་དང་། [197a.5]ཁྱིམ་བདག་དེ་རྒན་པའི་མཐའ་ལོགས་སུ་འདུག་སྟེ་སྨྲས་པ། འཕགས་པ་དག་བདག་གིས་གཙུག་ལག་ཁང་འདི་བདག་ཉིད་ཀྱི་སླད་དུ་ཡང་བགྱིད་དུ་མ་སྩལ། ཉེ་དུ་རྣམས་ཀྱི་སླད་དུ་ཡང་བགྱིད་དུ་མ་སྩལ་གྱི། འདི་ལྟར་འཕགས་པ་རྣམས་ཀྱི་སླད་དུ་སྩལ་པ་ལགས་ [197a.6]ཀྱིས། འདི་ཉིད་དུ་དབྱར་གནས་པར་ཞལ་གྱིས་བཞེས་ཤིག་དང་། བདག་གིས་འཕགས་པ་རྣམས་ལ་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ། །དགེ་སློང་རྣམས་ཀྱིས་སྨྲས་པ། ཁྱིམ་བདག་མཉན་ཡོད་ན་བཅོམ་ལྡན་འདས་ཆོས་ཀྱི་རྗེ་མངོན་སུམ་དུ་བཞུགས་ཤིང་། [197a.7]དུས་དང་དུས་སུ་དགེ་སློང་ཆེ་གེ་མོ་ཞིག་གིས་ནི་དགྲ་བཅོམ་པ་ཉིད་མངོན་སུམ་དུ་བྱས། ཆེ་གེ་མོ་ཞིག་གིས་ནི་མི་སྡུག་པའི་བར་གྲུབ་པོ་ཞེས་ཤེས་པ་བརྡ་སྤྲོད་པ་དག་ཀྱང་ཐོས་པར་འགྱུར། རྒྱལ་པོ་ཡང་བསྟན་པ་ལ་ཤིན་ཏུ་དད། བཙུན་མོ་ཕྲེང་ལྡན་མ་དང་། རྒྱལ་ [197b] [197b.1]རིགས་དབྱར་ཚུལ་མ་དང་། བླ་མཁྱེན་དྲང་སྲོང་བྱིན་དང་། རྙིང་པ་དང་། དགེ་བསྙེན་མ་ས་ག་དང་། {རི་དགས་,རི་དྭགས་}འཛིན་གྱི་མ་དང་། གཞན་ཡང་དད་པ་ཅན་མང་དུ་ཡོད་པས་དེར་ཟང་ཟིང་གི་ལོངས་སྤྱོད་དང་། ཆོས་ཀྱི་ལོངས་སྤྱོད་ཆེན་པོ་ཡང་འགྲུབ་པས་བདག་ཅག་དེ་ཉིད་དུ་འདོང་ [197b.2]ངོ་། །འཕགས་པ་དག་ཆོས་ཀྱི་ལོངས་སྤྱོད་ནི་འཕགས་པ་དག་ཉིད་ལ་རག་ལས་པ་ལགས་ཀྱི། ཟང་ཟིང་གི་ལོངས་སྤྱོད་ནི་བདག་ལ་རག་ལས་པ་ལགས་པས་དགྱེས་པ་བསྐྱེད་ཅིག་དང་ཅུང་ཟད་ཀྱང་ཉམས་པར་མི་འགྱུར་རོ། །དགེ་འདུན་གྱི་གནས་བརྟན་གྱིས་སྨྲས་པ། ཚེ་དང་ལྡན་ [197b.3]པ་དག་བཅོམ་ལྡན་འདས་ཀྱིས་དད་པ་ཅན་གྱི་དད་པ་སྤེལ་བར་བྱ་ཞིང་སྦྱིན་བདག་ལ་རྗེས་སུ་སྙིང་བརྩེ་བར་བྱའོ་ཞེས་གསུངས་པས། འདི་ཉིད་དུ་འཁོད་པར་བྱའོ་ཞེས་དེ་དག་དེར་འཁོད་ནས། བློ་བརྟན་པས་གཙུག་ལག་ཁང་དེའི་ཕྱི་ནང་བཅས་པར་སོ་སོར་བརྟག་པར་བརྩམས་ [197b.4]པ་དང་། གཙུག་ལག་ཁང་དེ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཤིན་ཏུ་དགའ་བར་མཐོང་ནས། དགེ་འདུན་གྱི་གནས་བརྟན་གྱིས་སྨྲས་པ། ཚེ་དང་ལྡན་པ་དག་གཙུག་ལག་ཁང་འདི་མེ་ཏོག་ཕུན་སུམ་ཚོགས་པ། འབྲས་བུ་ [197b.5]ཕུན་སུམ་ཚོགས་པ། ཤིན་ཏུ་དགའ་བ་ཡིན་པས་གལ་ཏེ་བདག་ཅག་གིས་འདིར་དབྱར་སྔ་མར་གནས་པར་ཁས་བླངས་ན་མེ་ཏོག་དང་འབྲས་བུ་ཐམས་ཅད་ཡོངས་སུ་ལོངས་སྤྱོད་པར་མི་འགྱུར་གྱིས། བདག་ཅག་གིས་ངེས་པར་དབྱར་ཕྱི་མར་གནས་པར་ཁས་བླང་བར་བྱའོ་ [197b.6]ཞེས་དེ་དག་གིས་དེར་དབྱར་ཕྱི་མར་གནས་པར་ཁས་བླངས་སོ། །ཁྱིམ་བདག་དེ་ལ་གཙུག་ལག་ཁང་དེ་གཅིག་པུ་འབའ་ཞིག་ཡོད་པས་དེ་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་དོ། །རི་བྲགས་དེ་ན་ཡང་གཙུག་ [197b.7]ལག་ཁང་གཞན་མེད་པས་རི་བྲགས་པ་དེ་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་པར་བྱེད་དོ། །རི་བྲགས་དེའི་ཉེན་ཀོར་ན་ཡང་གཙུག་ལག་ཁང་གཞན་མེད་པས་རི་བྲགས་ཀྱི་ཉེན་ཀོར་པ་དེ་དག་ཀྱང་སྦྱིན་པ་དང་བྱ་ [198a] [198a.1]བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་པས་དེར་དབྱར་གནས་པར་ཁས་བླངས་པའི་དགེ་སློང་རྣམས་ལ་རྙེད་པ་མང་པོ་བྱུང་ངོ་། །སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གི་ཀུན་ཏུ་སྤྱོད་པ་ནི་དགག་དབྱེ་བྱས་མ་ཐག་ཏུ་ [198a.2]འདུས་ཏེ་བདག་ཅག་གིས་ལས་ཅི་ཞིག་བྱས་ན་དེས་བརྩལ་མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་ཞེས་ཕན་ཚུན་གྲོས་བྱེད་དོ། །དེ་དག་འདི་སྙམ་དུ་སེམས་ཏེ། ཤཱཀྱའི་སྲས་ཀྱི་དགེ་སློང་འདི་དག་གཞོམ་པར་བྱའོ་སྙམ་མོ། །གཞན་དག་གིས་ [198a.3]སྨྲས་པ། དེ་དག་ནི་སྒོ་འཕར་བརྒྱ་སྙེད་བཟླ་བ་བྱས་ཀྱང་ལྟོ་ཁེངས་པ་འགྲུབ་པར་དཀའ་བས། དེ་དག་ལ་ཅི་ཡང་མེད་ན་བདག་ཅག་ཅིའི་ཕྱིར་ཡུན་དེ་སྲིད་དུ་བསྡད་པར་བྱ། དེ་ན་དགེ་སློང་གི་རྒྱུས་ཤེས་པ་ཅིག་འདུག་པས་སྨྲས་པ། ཁྱོད་ཅི་ཤེས་དེ་དག་ལ་མང་དུ་ཡོད་དོ། ། [198a.4]ཇི་ལྟར་རེ་ཞིག་གཙུག་ལག་ཁང་འདི་གང་གི་ཡིན་པའི་ཁྱིམ་བདག་དེ་ནི་དད་པ་ཅན་བཟང་བ། དགེ་བའི་བསམ་པ་ཅན་ཡིན་ལ། ཁྱིམ་བདག་དེ་ལ་ཡང་གཙུག་ལག་ཁང་དེ་གཅིག་པུ་འབའ་ཞིག་ཡོད་པས་དེ་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ [198a.5]ཁང་འདི་ཉིད་དུ་སྦྱིན་ཞིང་བྱེད་དོ། །རི་བྲགས་འདི་ན་ཡང་གཙུག་ལག་ཁང་གཞན་མེད་པས་རི་བྲགས་པ་འདི་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་དོ། །རི་བྲགས་འདིའི་ཉེ་འཁོར་ན་ཡང་གཙུག་ལག་ཁང་གཞན་ [198a.6]མེད་པས་རི་བྲགས་ཀྱི་ཉེ་འཁོར་བ་འདི་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་པས་འདིར་དབྱར་གནས་པར་ཁས་བླངས་པའི་དགེ་སློང་རྣམས་ལ་རྙེད་པ་མང་པོ་བྱུང་ངོ་། །གལ་ཏེ་ཡིད་མི་ཆེས་ན་སོང་ལ་ལྟོས་ [198a.7]ཤིག་དང་རང་ཉིད་ཀྱི་མངོན་སུམ་དུ་འགྱུར་རོ། །གལ་ཏེ་དེ་ལྟ་ན་ཁྱོད་ཉིད་ཇེ་སོང་ལ་མངོན་སུམ་དུ་གྱིས་ཤིག་དང་ཁོ་བོ་ཅག་ཕྱིས་འོང་ངོ་། །དེ་སྨྲས་པ། ལེགས་ཀྱིས་དེ་བཞིན་གྱིས་ཤིག་དང་། ཁོ་བོ་འགྲོའོ་ཞེས་དེ་གོས་ཚགས་བཅོས་ཏེ་འཕགས་ཤིང་། དེ་ནས་ཚིགས་ [198b] [198b.1]སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་འཚལ་ཏེ་གཙུག་ལག་ཁང་དེར་ཞུགས་སོ། །ཇི་ཙམ་ན་སྒོ་ཁང་ན་རྒན་ཞུགས་ཤིག་འདུག་ནས་གཡོན་ཅན་དེས་དེའི་རྐང་པ་ལ་ཕྱག་འཚལ་ཏེ་དྲི་བར་བརྩམས་པ། འཕགས་པ་གཙུག་ལག་ཁང་སྙིང་དང་མིག་འཕྲོག་པ། མཐོ་ [198b.2]རིས་ཀྱི་ཐེམ་སྐས་སུ་གྱུར་པ་འདི་སུའི་ལགས། བཞིན་{བཟངས་,བཟང་}ཁྱིམ་བདག་ཆེ་གེ་མོ་ཞིག་གི་ཡིན་ནོ། །འཕགས་པ་ཅི་འདི་གཙུག་ལག་ཁང་ལགས་སམ། འོན་ཏེ་ཕོངས་པ་ལགས། བཞིན་{བཟངས་,བཟང་}གཙུག་ལག་ཁང་ནི་ཇི་ལྟ་བུ་ཡིན། ཕོངས་པ་ནི་ཇི་ལྟ་བུ་ཡིན། འཕགས་ [198b.3]པ་གང་ན་ཡོ་བྱད་ཕུན་སུམ་ཚོགས་པ་ནི་གཙུག་ལག་ཁང་ལགས་སོ། །གང་ན་ཡོ་བྱད་མ་མཆིས་པ་ནི་ཕོངས་པ་ལགས་སོ། །བཞིན་{བཟངས་,བཟང་}འོ་ན་འདི་ནི་གཙུག་ལག་ཁང་ཡིན་གྱི་ཕོངས་པ་མ་ཡིན་ཏེ་འདི་ན་ཡོ་བྱད་ཕུན་སུམ་ཚོགས་པ་ཡོད་ཀྱི། འདི་ན་ཡོ་བྱད་མེད་པ་མ་ [198b.4]ཡིན་ནོ། །འཕགས་པ་ཟས་ཟ་བ་ནི་འགའ་ཡང་ས་རྡུལ་མི་ཟ་ལ། གོས་དག་གྱོན་པ་ནི་འགའ་ཡང་ཤིང་ཤུན་དག་མི་གྱོན་པས་ཁྱེད་ཅག་ལ་གོས་ཅུང་ཟད་མ་མཆིས་སམ། རྒན་ཞུགས་དེ་དྲང་པོའི་རང་བཞིན་ཅན་ཡིན་པས་དེས་གཡོན་ཅན་དེའི་ལག་ནས་བཟུང་སྟེ་གནས་ [198b.5]ཁང་དུ་བཅུག་ནས་སྨྲས་པ། བཞིན་{བཟངས་,བཟང་}གོས་ཀྱི་གདང་གོས་དག་གིས་ཕུར་ཤོག་ཅིང་འདུག་པ་ལ་ལྟོས། འཕགས་པ་ཅི་འདི་ཁྱོད་ཀྱི་ལགས་སམ། འོན་ཏེ་དགེ་འདུན་གྱི་ལགས། བཞིན་{བཟངས་,བཟང་}འདི་ཁོ་བོ་གང་ཟག་གི་ཡིན་ནོ། །འཕགས་པ་འོ་ན་ཁྱོད་ནི་གོར་ [198b.6]མ་བཀུམ་པར་དགེ་འདུན་གྱི་གནས་བརྟན་ནམ། ཆོས་སྒྲོག་པ་ཞིག་ལགས་སོ། །བཞིན་{བཟངས་,བཟང་}ཁོ་བོ་ནི་དགེ་འདུན་གྱི་གནས་བརྟན་ཡང་མ་ཡིན་ལ། ཆོས་སྒྲོག་པ་ཡང་མ་ཡིན་ཏེ། འདི་ལྟར་ཁོ་བོ་ནི་དགེ་འདུན་གྱི་གསར་བུ་དགེ་ཚུལ་ཞིག་ཡིན་ནོ། །འཕགས་པ་དེ་ནི་ [198b.7]མངལ་ན་འདི་ན་དགེ་འདུན་གྱི་གནས་མལ་ཅུང་ཟད་མ་མཆིས་སམ། བཞིན་{བཟངས་,བཟང་}མང་དུ་ཡོད་དེ་རེ་ཞིག་ཁོ་བོའི་བྱུག་རིས་སུ་ཡང་དངོས་པོ་བདུན་པོ་དག་འཐོབ་བོ། །འཕགས་པ་དེ་ཡང་མཇལ་གྱིས་འདི་ཞུའོ། །གཙུག་ལག་ཁང་འདི་ན་གང་ལ་ལ་འཚལ་མ་བགྱིད་པ་དེ་ [199a] [199a.1]ཇི་རྫ་མཁན་གྱི་སྣོད་དུ་འཚེད་དམ། འོན་ཏེ་ཟངས་མའི་སྣོད་དུ་འཚེད་བཞིན་{བཟངས་,བཟང་}ཁྱོད་ཀྱིས་གནས་ཁང་འདི་དག་མཐོང་ངམ། འཕགས་པ་མཐོང་ངོ་། །བཞིན་{བཟངས་,བཟང་}གནས་ཁང་འདི་དག་ཟངས་མའི་སྣོད་ཀྱིས་གང་ཞིང་འདུག་གོ། །གཡོན་ཅན་ [199a.2]དེས་བསམས་པ། ལེགས་པར་བྲིད་ཟིན་གྱིས་ད་ནི་འགྲོའོ་སྙམ་ནས་གཡོན་ཅན་དེས་སྨྲས་པ། འཕགས་པ་ཁྱོད་ཀྱི་དགེ་བའི་ཕྱོགས་ཡོངས་སུ་ཉམས་པ་ནི་བདག་གི་དོན་ཡོངས་སུ་ཉམས་པ་ལགས་པས་བདག་སླད་ཀྱིས་ཀྱང་མཆི་ཡིས་ད་ནི་མཆིའོ། །བཞིན་{བཟངས་,བཟང་}དེ་ [199a.3]བཞིན་གྱིས་ཤིག །གཡོན་ཅན་དེས་རྒན་ཞུགས་དེའི་རྐང་པ་ལ་ཕྱག་འཚལ་ཏེ་སོང་ནས་གཡོན་ཅན་དེ་ཆོམ་རྐུན་པ་དེ་དག་གི་དྲུང་དུ་སོང་སྟེ་སྨྲས་པ། པད་མའི་མིག་ཅན་དག་རྫས་ཐམས་ཅད་ཀྱིས་གང་བའི་གྲུ་བོ་ཆེ་སྐམ་ས་ན་འདུག་གིས་ཕྲོགས་ཤིག །ཕྲོགས་ [199a.4]ཤིག །དེ་ན་གཅིག་གིས་སྨྲས་པ། དེ་ན་འཁོད་པའི་རབ་ཏུ་བྱུང་བ་དྲུག་བཅུ་པོ་དག་ནི་འཕོང་གི་སློབ་དཔོན་ཤ་སྟག་ཡིན་ཞེས་གྲགས་པས་དེ་བཞིན་དུ་གཞོམ་པར་མི་ནུས་ཀྱིས། གང་གི་ཚེ་དེ་དག་མཚན་མོ་ཆོས་ཉན་པ་དེའི་ཚེ་གཞོམ་མོ། །གཞན་དག་གིས་སྨྲས་པ། [199a.5]ཉི་མ་གང་ལ་དེ་དག་གི་ཆོས་ཉན་པ་འབྱུང་བར་འགྱུར། དེས་སྨྲས་པ། ཚེས་བརྒྱད་དང་། བཅུ་བཞི་ལ་འབྱུང་སྟེ། དེ་ལ་ཚེས་བརྒྱད་ནི་ཐལ་ཟིན་པས་ཚེས་བཅུ་བཞི་ལ་འབྱུང་བར་འགྱུར་རོ། །དེ་དག་སོར་མོ་དག་གིས་ཉི་མ་བགྲང་ཞིང་འཁོད་འཁོད་ནས། ཇི་ཙམ་ན་ཚེས་བཅུ་ [199a.6]བཞི་ལ་བབ་སྟེ། དགེ་འདུན་གྱི་གནས་བརྟན་གྱིས་སོ་སོར་ཐར་པའི་མདོ་བཏོན་ཏེ། དགེ་འདུན་གྱིས་གསོ་སྦྱོང་བྱས་ནས་ཆོས་སྒྲོག་པ་སེང་གེའི་ཁྲི་ལ་འཛེགས་ཏེ་འདི་སྐད་ཅེས། མི་མཆོག་གདུལ་བའི་ཁ་ལོ་སྒྱུར་མཛད་པ། །ཀུན་སྦྱོར་འཆིང་བ་གཅོད་པ་དེ་བཞིན་གཤེགས། ། [199a.7]དབང་པོ་ཞི་ཞིང་ཉེར་ཞི་ཞི་ལ་མཁས། །མཉན་ཡོད་ཞུགས་པས་བཀའ་བཞིན་བྱེད་ལ་གསུངས། །ཞེས་སྨྲ་བར་བརྩམས་པ་དང་། གཡོན་ཅན་དེ་དག་གིས་སྒོ་བརྡུངས་སོ། །དགེ་སློང་དག་གིས་ཚོར་ནས་སྨྲས་པ། ཤེས་ལྡན་དག་ཁྱེད་ཅག་སུ་ཡིན། འཕགས་པ་དག་ [199b] [199b.1]བདག་ཅག་རིགས་ཀྱི་བུ་དག་གོ། །དགེ་སློང་རྣམས་ཀྱིས་བསམས་པ། རི་བྲགས་ནས་སྐྱེ་བོའི་ཚོགས་དག་ཆོས་ཉན་དུ་ལྷགས་གོར་མ་ཆག་གིས་སྒོ་དབྱེའོ་སྙམ་ནས། དེ་དག་གིས་སྒོ་ཕྱེ་བ་དང་དེ་དག་ཞུགས་སོ། །ཇི་ཙམ་ན་གཞོམ་པར་བརྩམས་པ་དང་། དགེ་སློང་ [199b.2]རྣམས་ཀྱིས་སྨྲས་པ། ཤེས་ལྡན་དག་ཁྱེད་ཅག་ན་རེ་བདག་ཅག་རིགས་ཀྱི་བུ་དག་གོ་ཞེས་ཟེར་ན། ད་ངེད་ཅག་འཇོམས་པར་བྱེད་དམ། དེ་དག་གིས་སྨྲས་པ། འཕགས་པ་དག་བདག་ཅག་ལ་མིང་གཉིས་མཆིས་ཏེ། སླད་རོལ་དུ་ནི་རིགས་ཀྱི་བུ་དག་ཅེས་བགྱི་ལ། [199b.3]ནང་དུ་ནི་ཆོམ་རྐུན་པ་དག་ཅེས་བགྱིའོ། །ཁྱེད་ཅག་གི་མིང་འདོགས་པར་བྱེད་པ་ནི་ཉམས་སོ། །གཡོན་ཅན་དེ་དག་གིས་དགེ་སློང་དེ་དག་བཅོམ་སྟེ་དོང་ནས་དགེ་སློང་བཅོམ་པ་དེ་དག་གིས་གྲོས་བྱས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྷག་མ་དང་བཅས་ [199b.4]པར་གཞོམ་པར་བྱའོ་ཞེས་གསུངས་པས། རེ་ཞིག་ཁྱིམ་བདག་འདི་ཕྱོགས་བཞིའི་དགེ་སློང་གི་དགེ་འདུན་ལ་སྦྱིན་དུ་བཅུག་སྟེ་ཡང་ཅི་བྱ། བདག་ཅག་ལ་སྦྱིན་དུ་བཅུག་སྟེ་ཡང་ཅི་བྱ། བདག་ཅག་མཉན་ཡོད་ཉིད་དུ་དོང་ན་དེར་བདག་ཅག་ལ་ཚངས་པ་མཚུངས་པར་སྤྱོད་ [199b.5]པ་དག་གིས་ཆོས་གོས་དག་གིས་མི་ཕོངས་པར་བྱེད་པར་འགྱུར་རོ་ཞེས་གྲོས་བྱས་སོ། །ཇི་ལྟར་འདོང་བར་བྱ། མཚན་མོ་འགེབས་པས་འདོང་ཞིང་ཉིན་མོ་ཐིབས་པོར་ཞུགས་ཏེ་འགྲོ་བར་བྱའོ་ཞེས་དེ་དག་གིས་ཁྱིམ་བདག་ལ་ཡང་མ་བལྟས་པར་དོང་ངོ་། །ཇི་ཙམ་ [199b.6]ན་མཐར་གྱིས་མཉན་ཡོད་དུ་ཕྱིན་པ་དང་དགེ་སློང་དག་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་གནས་པ་དེ་དག་གིས་དགེ་སློང་དེ་དག་སྒྲེན་མོར་སྒོའི་གམ་ཡོ་ན་རྒྱུ་བ་མཐོང་ནས་སྨྲས་པ། གཅེར་བུ་སྒྲེ་བྱི་དག་ཁྱེད་ཅག་འདིར་ཅི་འདོད་འདི་ཁྱེད་ [199b.7]ཀྱི་གཙུག་ལག་ཁང་ཡང་མ་ཡིན་ལ། འདུག་གནས་ཀྱང་མ་ཡིན་ནོ། །དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་གཅེར་བུ་དག་མ་ཡིན་ནོ། །འོ་ན་ཁྱེད་སུ་ཡིན། དགེ་སློང་དག་གོ། །འདི་ལྟ་བུ་དག་དགེ་སློང་ཡིན་ནམ། གང་དག་ཆོམ་རྐུན་པ་དག་ [200a] [200a.1]གིས་བཅོམ་པ་དེ་དག་ཇི་ལྟ་བུ་ཡིན། ཁྱེད་ཅག་མིང་ཅི། སངས་རྒྱས་འཚོའོ། །ཆོས་འཚོའོ། །དགེ་འདུན་འཚོའོ། །ཚེ་དང་ལྡན་པ་དག་འོངས་པ་ལེགས་སོ་འོངས་པ་ལེགས་སོ་ཞེས་དེ་དག་གིས་སྒོ་ཕྱེ་ནས་དགེ་སློང་དེ་དག་འཇུག་ཏུ་བཅུག་སྟེ། [200a.2]དེ་དག་ལ་ལ་ལས་ནི་ཆོས་གོས་བྱིན། ལ་ལས་ནི་ཤམ་ཐབས་བྱིན། ལ་ལས་ནི་རྔུལ་ཟན་བྱིན། ལ་ལས་ནི་ལྷུང་བཟེད་བྱིན། ལ་ལས་ནི་ཆུ་ཚགས་བྱིན་ཏེ། བགོ་བཤའ་ཇི་ལྟ་བ་བཞིན་དུ་ཐམས་ཅད་དུ་ཐམས་ཅད་བགོ་བཤའ་བྱས་པའི་སྐབས་དེ་དགེ་སློང་རྣམས་ཀྱིས་བཅོམ་ [200a.3]ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགོན་པ་པས་ཆོས་གོས་གསུམ་ལས་ཆོས་གོས་གང་ཡང་རུང་བ་ཁྱིམ་གཞན་དུ་གཞག་པར་བྱའོ། །བཅོམ་ལྡན་འདས་ཀྱིས་ཆོས་གོས་གསུམ་ལས་ཆོས་གོས་ [200a.4]གང་ཡང་རུང་བ་ཁྱིམ་གཞན་དུ་གཞག་པར་བྱའོ་ཞེས་བཀའ་སྩལ་ནས། དེ་དག་དེ་ཉིད་དུ་དོང་སྟེ་ཉལ་བར་བྱེད་པ་དང་། བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། འཕགས་པ་དག་ཁྱེད་ཅག་ཅིའི་སླད་དུ་འདིར་གཟིམས་པར་མཛད། ཁོ་བོ་ཅག་གིས་ཆོས་གོས་དག་ [200a.5]འདིར་གཞག་གོ། །འཕགས་པ་དག་ཅི་ཁྱོད་ཀྱི་ཆོས་གོས་དག་རྐུ་བར་བགྱིད་དམ། གལ་ཏེ་ཐུགས་མི་ཆེས་ན་སྣོམས་ཏེ་བཞུད་ཅིག་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེར་ཉལ་ [200a.6]བར་མི་བྱའོ། །དེ་དག་ཕྱིར་དོང་སྟེ་སྐྱ་རེངས་འཆར་བར་བྱེད་པ་དང་། བུད་མེད་ཀྱི་ཡུལ་སྒྲེན་མོར་ཉལ་བ་དེ་དག་གིས་སྨྲས་པ། འཕགས་པ་དག་ཁྱེད་ཅག་ཅིའི་སླད་དུ་མཚན་མོ་ཉིད་ལ་འདིར་བྱོན། ཁོ་བོ་ཅག་གིས་འདིར་ཆོས་གོས་དག་བཞག་གོ། །འཕགས་པ་ [200a.7]དག་ཅི་ཁྱེད་ཅག་གི་ཆོས་གོས་དག་རྐུ་བར་བགྱིད་དམ། གལ་ཏེ་ཐུགས་མི་ཆེས་ན་སྣོམས་ཏེ་བཞུད་ཅིག་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེར་སྐྱ་རེངས་འཆར་བར་མི་བྱའོ། ། [200b] [200b.1]དེ་དག་ཕྱིས་དེར་དོང་སྟེ་བང་རིམ་དུ་སྐྱ་རེངས་འཆར་བར་བྱེད་པ་དང་། དེ་དག་ཆོམ་རྐུན་པ་དག་དང་། གཡོན་ཅན་དག་དང་། སེང་གེ་དག་དང་། སྟག་དང་། གུང་དག་གི་དབང་དུ་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་ [200b.2]འདས་ཀྱིས་བཀའ་སྩལ་པ། གཙུག་ལག་ཁང་དུ་སྐྱ་རེངས་འཆར་བར་བྱའོ། །དགེ་སློང་རྣམས་ལ་དགེ་འདུན་གྱི་དང་། མཆོད་རྟེན་གྱི་དང་། གང་ཟག་གི་བྱ་བའི་ཕྱིར་མཚམས་ཀྱི་ཕྱི་རོལ་དུ་འགྲོ་དགོས་པར་གྱུར་པ་དེ་དག་བདག་ཅག་གིས་ཁྱིམ་གཞན་དུ་ཆོས་གོས་དག་ [200b.3]གཞག་གོ་ཞེས་དེར་མི་འགྲོ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དགོན་པ་པས་ཞག་དྲུག་གི་མཐའ་ཚུན་ཆད་དུ་ཆོས་གོས་དེ་དང་མཚམས་ཀྱི་ཕྱི་རོལ་དུ་འབྲལ་བར་བྱའོ། །དགེ་སློང་ [200b.4]དྲུག་སྡེ་དག་བསམས་བཞིན་དུ་ཞག་བདུན་དུ་འབྲལ་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་ [200b.5]བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་སྟེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ངས་དགེ་སློང་དགོན་ [200b.6]པ་པས་ཞག་དྲུག་གི་མཐའ་ཚུན་ཆད་དུ་ཆོས་གོས་དེ་དང་མཚམས་ཀྱི་ཕྱི་རོལ་དུ་འབྲལ་བར་བྱའོ་ཞེས་གསུངས་ན། ཁྱེད་ཅག་བསམས་བཞིན་དུ་ཞག་བདུན་དུ་མཚམས་ཀྱི་ཕྱི་རོལ་དུ་འབྲལ་བར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་ [200b.7]སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་ [201a] [201a.1]བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ [201a.2]ལྟར་གདོན་པར་བྱ་སྟེ། དགེ་སློང་རབ་ཏུ་མང་པོ་དག་གནས་མལ་དགོན་པ་དོགས་པ་དང་བཅས་པར་གྲགས་པ། འཇིགས་པ་དང་བཅས་པར་གྲགས་པ་འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དག་ཏུ་དབྱར་ཕྱི་མར་གྱུར་ལ། དགེ་སློང་དགོན་པ་པས་འདོད་ན་ཆོས་ [201a.3]གོས་གསུམ་ལས་ཆོས་གོས་གང་ཡང་རུང་བ་ཁྱིམ་གཞན་དུ་གཞག་པར་བྱའོ། །དགེ་སློང་དགོན་པ་པ་ལ་མཚམས་ཀྱི་ཕྱི་རོལ་དུ་འགྲོ་དགོས་པ་དེ་ལྟ་བུའི་རྐྱེན་ཞིག་བྱུང་ན་དགེ་སློང་དགོན་པ་པ་དེས་ཞག་དྲུག་གི་མཐའ་ཚུན་ཆད་དུ་ཆོས་གོས་དེ་དང་མཚམས་ཀྱི་ཕྱི་རོལ་དུ་འབྲལ་བར་ [201a.4]བྱའོ། །དེ་ལས་འདས་པར་འབྲལ་ན་སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི་ཆོས་འདི་པའོ། །རབ་ཏུ་མང་པོ་དག་ཅེས་བྱ་བ་ནི་གཉིས་ཡན་ཆད་རབ་ཏུ་མང་པོ་དག་ཡིན་ནོ། །གནས་མལ་ཞེས་བྱ་བ་ནི་གཙུག་ལག་ཁང་ངོ་། །དགོན་པ་ཞེས་བྱ་བ་ནི་རྡུལ་ཕྲ་རབ་ [201a.5]དྲུག་ལ་རྡུལ་ཕྲ་མོ་གཅིག་གོ། །རྡུལ་ཕྲ་མོ་དྲུག་ལ་ཆུ་རྡུལ་གཅིག་གོ། །ཆུ་རྡུལ་དྲུག་ལ་ལྕགས་རྡུལ་གཅིག་གོ། །ལྕགས་རྡུལ་དྲུག་ལ་རི་བོང་རྡུལ་གཅིག་གོ། །རི་བོང་རྡུལ་དྲུག་ལ་ལུག་རྡུལ་གཅིག་གོ། །ལུག་རྡུལ་དྲུག་ལ་གླང་རྡུལ་གཅིག་གོ། །གླང་རྡུལ་དྲུག་ [201a.6]ལ་ཉི་ཟེར་གྱི་རྡུལ་གཅིག་གོ། །ཉི་ཟེར་གྱི་རྡུལ་དྲུག་ལ་སྲོ་མ་གཅིག་གོ། །སྲོ་མ་དྲུག་ལ་ཤིག་གཅིག་གོ། །ཤིག་དྲུག་ལ་ནས་གཅིག་གོ། །ནས་དྲུག་ལ་སོར་གཅིག་གོ། །སོར་བཞི་དྲུག་ལ་ཁྲུ་གང་ངོ་། །ཁྲུ་ཕྱེད་དང་བཞི་ལ་མིའི་སྲིད་དོ། །ཁྲུ་བཞི་ལ་གཞུའོ། ། [201a.7]གཞུ་ལྔ་བརྒྱ་ལ་རྒྱང་གྲགས་ཏེ་དེ་ཕན་ཅད་དགོན་པའོ། །དོགས་པ་དང་བཅས་པར་གྲགས་པ་ཞེས་བྱ་བ་ནི་ཆོམ་རྐུན་པ་དང་། གཡོན་ཅན་གྱིས་འཇིགས་པར་གྲགས་པའོ། །འཇིགས་པ་དང་བཅས་པར་གྲགས་པ་ཞེས་བྱ་བ་ནི་སེང་གེ་དང་། སྟག་དང་། གུང་གིས་ [201b] [201b.1]འཇིགས་པར་གྲགས་པའོ། །འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དག་ཏུ་ཞེས་བྱ་བ་ནི་ཤ་སྦྲང་དང་། སྦྲང་བུ་མཆུ་{རིངས་,རིང་}དང་། རླུང་དང་། ཉི་མ་དང་། སྡིག་སྦྲུལ་གྱི་འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དག་ [201b.2]ཏུའོ། །དབྱར་ཕྱི་མར་གྱུར་ལ་ཞེས་བྱ་བ་ནི་དབྱར་ཕྱི་མར་གནས་པར་ཁས་བླངས་པར་གྱུར་ལའོ། །དགེ་སློང་དགོན་པ་པས་ཞེས་བྱ་བ་ནི་དགེ་སློང་གང་ཡིན་པ་དེས་སོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །ཆོས་གོས་གསུམ་ལས་ཆོས་གོས་གང་ཡང་ [201b.3]རུང་བ་ཞེས་བྱ་བ་ནི་སྣམ་སྦྱར་དང་། བླ་གོས་དང་། མཐང་གོས་ལས་གང་འདོད་པའོ། །ཁྱིམ་གཞན་དུ་ཞེས་བྱ་བ་ནི་གང་ན་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་དག་ཡོད་པར་རོ། །གཞག་པར་བྱའོ་ཞེས་བྱ་བ་ནི་གཏམས་པར་བྱ་བའོ། ། [201b.4]དགེ་སློང་དགོན་པ་པ་ལ་མཚམས་ཀྱི་ཕྱི་རོལ་དུ་འགྲོ་དགོས་པ་དེ་ལྟ་བུའི་རྐྱེན་ཞིག་བྱུང་ན་ཞེས་བྱ་བ་ནི་དགེ་འདུན་གྱིའམ། མཆོད་རྟེན་གྱིའམ། གང་ཟག་གི་བྱ་བའི་ཕྱིར་མཚམས་ཀྱི་ཕྱི་རོལ་དུ་འགྲོ་དགོས་པ་དེ་ལྟ་བུའི་རྐྱེན་ཞིག་བྱུང་ནའོ། །དགེ་སློང་དགོན་པ་པ་དེས་ཞེས་ [201b.5]བྱ་བ་ནི་དགེ་སློང་གང་ཡིན་པ་དེས་སོ། །ཞག་དྲུག་གི་མཐའ་ཚུན་ཅད་དུ་ཞེས་བྱ་བ་ནི་ཉིན་མཚན་དྲུག་གི་མཐའ་ཚུན་ཅད་དུའོ། །ཆོས་གོས་དེ་དང་མཚམས་ཀྱི་ཕྱི་རོལ་དུ་འབྲལ་བར་བྱའོ་ཞེས་བྱ་བ་ནི་ཆོས་གོས་བཞག་པ་གང་ཡིན་པ་དེ་དང་ངོ་། །དེ་ལས་འདས་པར་འབྲལ་ན་ [201b.6]ཞེས་བྱ་བ་ནི་དེ་ལས་ལྷག་པར་སྐྱ་རེངས་འཆར་བར་བྱེད་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། འདི་ལྟར་དགེ་སློང་ [201b.7]དགོན་པ་པས་ཆོས་གོས་གསུམ་ལས་ཆོས་གོས་གང་ཡང་རུང་བ་དང་མཚམས་ཀྱི་ཕྱི་རོལ་དུ་བྲལ་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །འདིའམ་དེར་བར་ཆད་བརྒྱད་པོ་འདི་ལྟ་སྟེ། རྒྱལ་པོའི་འཇིགས་པ་དང་། ཆོམ་རྐུན་པའི་འཇིགས་པ་དང་། མེའི་འཇིགས་ [202a] [202a.1]པ་དང་། ཆུའི་འཇིགས་པ་དང་། སེང་གེའི་འཇིགས་པ་དང་། སྟག་གི་འཇིགས་པ་དང་། མིའི་འཇིགས་པ་དང་། མི་མ་ཡིན་པའི་འཇིགས་པ་ལས་གང་ཡང་རུང་བ་ཉེ་བར་གནས་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། [202a.2]སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཞག་བདུན་གྱིས་འབྲལ་བའི་སྤང་བ་སྟེ་ཉི་ཤུ་བདུན་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་ [202a.3]བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་དབྱར་གྱི་གོས་རས་ཆེན་བཅང་བར་བྱའོ་ཞེས་བཀའ་སྩལ་ནས། དེ་ན་དགེ་སློང་གང་དག་སྔ་མས་དབྱར་གནས་པ་ཁས་ལེན་པ་དེ་དག་ནི་རང་གི་དུས་ཡིན་ནོ། །ཞེས་ཚོལ་བར་བྱེད་ཅིང་བདག་ཅག་གིས་ཅིའི་ཕྱིར་མི་བཅང་ [202a.4]ཞེས་འཆང་བར་བྱེད་དོ། །ཕྱི་མས་དབྱར་གནས་པར་ཁས་ལེན་པ་དེ་དག་ཀྱང་རང་གི་དུས་ཡིན་ནོ། །ཞེས་འཆང་བར་བྱེད་ཅིང་བདག་ཅག་གིས་ཅིའི་ཕྱིར་མི་བཙལ་ཞེས་ཚོལ་བར་བྱེད་དེ། དེ་དག་ཧ་ཅང་མྱུར་བར་ཚོལ་བ་དང་། ཧ་ཅང་ཡུན་རིང་དུ་འཆང་བར་བྱེད་པས་བྱ་བ་མང་བ་དང་། [202a.5]བྱེད་པ་མང་བར་གྱུར་ཏེ། ལུང་མནོད་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་ནས། དགེ་སློང་དོན་ཉུང་ངུ་དག་བཅོམ་ལྡན་འདས་ཀྱིས་དགེ་སློང་གིས་དབྱར་གྱི་གོས་རས་ཆེན་བཅང་བར་བྱའོ་ཞེས་གསུངས་ན་ [202a.6]ཅིའི་ཕྱིར་དེ་དག་ཧ་ཅང་མྱུར་དུ་ཚོལ་བར་བྱེད་ཅིང་ཧ་ཅང་ཡུན་རིང་དུ་འཆང་བར་བྱེད་པས་བྱ་བ་དང་བྱེད་པ་མང་བར་གྱུར་ཏེ། ལུང་མནོད་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་ཅེས་སྨོད་པར་བྱེད། ཕྱར་ [202a.7]ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་ [202b] [202b.1]བཞིན་ནོ། །སངས་རྒྱས་བཅོམ་ལྡན་འདས་རྣམས་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་ཁྱེད་ངས་དགེ་སློང་གིས་དབྱར་གྱི་གོས་རས་ཆེན་བཅང་ [202b.2]བར་བྱའོ་ཞེས་གསུངས་ན། ཁྱེད་ཅག་ཧ་ཅང་མྱུར་དུ་ཚོལ་བ་དང་། ཧ་ཅང་ཡུན་རིང་དུ་འཆང་བར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་དང་། དགང་དཀའ་བ་དང་། འདོད་པ་ཆེ་བ་དང་། ཆོག་མི་ཤེས་པ་རྣམ་པར་ [202b.3]སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་གསོ་སླ་བ་དང་། དགང་སླ་བ་དང་། འདོད་པ་ཆུང་བ་དང་། ཆོག་ཤེས་པ་དང་། ཕྲི་བ་དང་། སྦྱངས་པའི་ཡོན་ཏན་དང་། མཛེས་པ་དང་། དྲོད་རིག་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། [202b.4]དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་ [202b.5]སོ་ག་རྣམས་ཀྱི་ཟླ་བ་གཅིག་ལུས་ན་དབྱར་གྱི་གོས་རས་ཆེན་བཙལ་བར་བྱའོ། །དབྱར་ཟད་ནས་འོག་ཏུ་ཟླ་བ་ཕྱེད་ཀྱི་བར་དུ་བཅང་བར་བྱའོ། །གལ་ཏེ་དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་པའི་སྔོན་རོལ་དུ་དབྱར་གྱི་གོས་རས་ཆེན་ཚོལ་བར་བྱེད་དམ། དབྱར་ཟད་ [202b.6]ནས་འོག་ཏུ་ཟླ་བ་ཕྱེད་ལས་འདས་པར་འཆང་ན་སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི་ཆོས་འདི་པས་སོ། །སོ་ཀ་རྣམས་ཀྱི་ཟླ་བ་གཅིག་ལུས་ན་ཞེས་བྱ་བ་ནི་ཟླ་བ་གཅིག་ན་དབྱར་ཉེ་བར་སྒྲུབ་པ་འབྱུང་བར་འགྱུར་བ་ནའོ། །དབྱར་གྱི་གོས་རས་ཆེན་ཞེས་བྱ་ [202b.7]བ་ནི་ཆར་པ་བབ་པའི་གོས་སོ། །བཙལ་བར་བྱའོ་ཞེས་བྱ་བ་ནི་གཞན་ལས་སོ། །དབྱར་ཟད་ནས་འོག་ཏུ་ཟླ་བ་ཕྱེད་ཀྱི་བར་དུ་བཅང་བར་བྱའོ་ཞེས་བྱ་བ་ནི་དགག་དབྱེ་བྱས་ནས་ཟླ་བ་ཕྱེད་ཀྱི་བར་དུའོ། །གལ་ཏེ་དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་པའི་སྔོན་ [203a] [203a.1]རོལ་དུ་དབྱར་གྱི་གོས་རས་ཆེན་ཚོལ་བར་བྱེད་དམ་ཞེས་བྱ་བ་ནི་དེའི་མདུན་རོལ་དུའོ། །དབྱར་ཟད་ནས་འོག་ཏུ་ཟླ་བ་ཕྱེད་ལས་འདས་པར་འཆང་ན་ཞེས་བྱ་བ་ནི་དེ་ལས་འདས་པར་རོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་ [203a.2]བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། སྔ་མ་དང་། ཕྱི་མ་ལས་ཏེ། དེ་ལ་གང་དག་དབྱར་སྔ་མར་གནས་པར་ཁས་ལེན་པ་དེ་དག་ལ་ནི་ཧ་ཅང་ཡང་ཡུན་རིང་དུ་འཆང་ན་སྤང་བའི་ལྟུང་ [203a.3]བྱེད་དུ་འགྱུར་རོ། །གང་དག་དབྱར་ཕྱི་མར་གནས་པར་ཁས་ལེན་པ་དེ་དག་ལ་ཧ་ཅང་མྱུར་དུ་ཚོལ་ན་སྤང་བའི་ལྟུང་བྱེད་དུ་འགྱུར་རོ། །དེ་ལྟར་ན་དགེ་སློང་གིས་ཇི་ཙམ་དུ་ཧ་ཅང་མྱུར་དུ་ཚོལ་བར་བྱེད་པ་དང་། ཧ་ཅང་ཡུན་རིང་དུ་འཆང་བར་བྱེད་ན་ཐམས་ཅད་དུ་སྤང་བའི་ལྟུང་ [203a.4]བྱེད་དུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དབྱར་གྱི་རས་ཆེན་གྱི་སྤང་བ་སྟེ་ཉི་ཤུ་བརྒྱད་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་ཤཱཀྱ་རྣམས་ཀྱི་ནང་ [203a.5]ན་ཤཱཀྱ་རྣམས་ཀྱི་གྲོང་རྡལ་ཝ་ཚོངས་ཅན་ཞེས་བྱ་བ་ན་བཞུགས་སོ། །དེའི་ཚེ་ན་ཁྱིམ་བདག་ཅིག་གིས་རང་གི་དད་པ་དང་། རང་གི་གཅུགས་པ་དང་། རང་གི་དང་བས་གཙུག་ལག་ཁང་བྱེད་དུ་བཅུག་ནས་ཚེ་དང་ལྡན་པ་སྒྲ་ཅན་ཟིན་ལ་གང་ཟག་གིར་ཕུལ་ལོ། ། [203a.6]དེ་ནས་ཚེ་དང་ལྡན་པ་སྒྲ་ཅན་ཟིན་གཙུག་ལག་ཁང་དེར་ཇི་ཙམ་པ་དེ་ཙམ་འདུག་ནས་ལྷུང་བཟེད་དང་ཆོས་གོས་ཐོགས་ཏེ་ལྗོངས་རྒྱུར་སོང་ངོ་། །ཁྱིམ་བདག་དེས་འཕགས་པ་སྒྲ་ཅན་ཟིན་གཙུག་ལག་ཁང་དེར་ཇི་ཙམ་པ་དེ་ཙམ་འདུག་ནས་ལྷུང་བཟེད་དར་ཆོས་གོས་ཐོགས་ཏེ་ [203a.7]ལྗོངས་རྒྱུར་སོང་ཞེས་ཐོས་སོ་ཐོས་ནས་ཀྱང་ཁྱིམ་བདག་དེས་གཙུག་ལག་ཁང་དེ་དགེ་འདུན་ལ་ཕུལ་ལོ། །དེ་ནས་ཚེ་དང་ལྡན་པ་སྒྲ་ཅན་ཟིན་ཅི་དགར་ལྗོངས་སུ་འདུག་ནས་ཤཱཀྱ་རྣམས་ཀྱི་གྲོང་རྡལ་ཝ་ཚོངས་ཅན་ག་ལ་བ་དེར་རྒྱུ་ཞིང་སོང་བ་ན་མཐར་གྱིས་རྒྱུ་ཞིང་འགྲོ་བའི་ཚེ་ [203b] [203b.1]ཝ་ཚོངས་ཅན་དུ་ཕྱིན་ནས་ཚེ་དང་ལྡན་པ་སྒྲ་ཅན་ཟིན་གྱིས་ཁྱིམ་བདག་དེས་གཙུག་ལག་ཁང་དེ་དགེ་འདུན་ལ་ཕུལ་ལོ་ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་ [203b.2]གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་སྒྲ་ཅན་ཟིན་གྱིས་འདི་སྐད་ཅེས་གསོལ་ཏོ། །བཙུན་པ་འདི་ན་ཁྱིམ་བདག་ཅིག་གིས་རང་གི་དད་པ་དང་རང་གི་གཅུགས་པ་དང་། རང་གི་དང་བས་གཙུག་ལག་ཁང་བགྱིད་དུ་སྩལ་ནས་ [203b.3]བདག་ལ་གང་ཟག་གིར་སྩལ་ཏེ། བདག་གཙུག་ལག་ཁང་དེར་ཅི་ཙམ་པ་དེ་ཙམ་མཆིས་ནས་ལྷུང་བཟེད་དང་། ཆོས་གོས་འཚལ་ཏེ་ལྗོངས་རྒྱུར་མཆིས་པ་དང་ཁྱིམ་བདག་དེས་འཕགས་པ་སྒྲ་ཅན་ཟིན་གཙུག་ལག་ཁང་དེར་ཅི་ཙམ་པ་དེ་ཙམ་མཆིས་ནས་ལྷུང་བཟེད་དང་། [203b.4]ཆོས་གོས་འཚལ་ཏེ། ལྗོངས་རྒྱུར་མཆིས་ཞེས་ཐོས་ཏེ་ཐོས་ནས་ཀྱང་ཁྱིམ་བདག་དེས་གཙུག་ལག་ཁང་དེ་དགེ་འདུན་ལ་ཕུལ་ན། བཙུན་པ་དེ་ལ་བདག་གིས་ད་ཇི་ལྟར་བགྱི། སྒྲ་ཅན་ཟིན་ཚུར་ཤོག །ཁྱོད་ཁྱིམ་བདག་དེ་ག་ལ་བ་དེར་སོང་ལ་ཕྱིན་ནས་ཁྱིམ་བདག་དེ་ལ་འདི་ [203b.5]སྐད་ཅེས་ཁྱིམ་བདག་ཁྱོད་ཁོ་བོའི་ལུས་སམ། ངག་ལ་ཅུང་ཟད་སྨོད་པར་མི་བྱེད་དམ་ཞེས་སྨྲོས་ཤིག །ཚེ་དང་ལྡན་པ་སྒྲ་ཅན་ཟིན་གྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཁྱིམ་བདག་དེ་ག་ལ་བ་དེར་སོང་སྟེ་ཕྱིན་ནས་ཁྱིམ་བདག་དེ་ལ་འདི་ [203b.6]སྐད་ཅེས་སྨྲས་སོ། །ཁྱིམ་བདག་ཁྱོད་ཁོ་བོའི་ལུས་སམ། ངག་ལ་ཅུང་ཟད་སྨོད་པར་མི་བྱེད་དམ། འཕགས་པ་སྒྲ་ཅན་ཟིན་བདག་ཁྱོད་ཀྱི་སྐུའམ། གསུང་ལ་ཅུང་ཟད་ཀྱང་སྨོད་པར་མི་བགྱིད་དོ། །དེ་ནས་ཚེ་དང་ལྡན་པ་སྒྲ་ཅན་ཟིན་བཅོམ་ལྡན་འདས་ག་ལ་བ་དེར་སོང་ [203b.7]སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་སྒྲ་ཅན་ཟིན་གྱིས་འདི་སྐད་ཅེས་གསོལ་ཏོ། །བཙུན་པ་འདི་ན་བདག་ཁྱིམ་བདག་ག་ལ་བ་དེར་མཆིས་ [204a] [204a.1]ཏེ་ཕྱིན་ནས་ཁྱིམ་བདག་དེ་ལ་འདི་སྐད་ཅེས་ཁྱིམ་བདག་ཁྱོད་ཁོ་བོའི་ལུས་སམ། ངག་ལ་ཅུང་ཟད་སྨོད་པར་མི་བྱེད་དམ་ཞེས་བགྱིས་ན། དེ་འདི་སྐད་ཅེས་འཕགས་པ་སྒྲ་ཅན་ཟིན་བདག་ཁྱོད་ཀྱི་སྐུའམ། གསུང་ལ་སྨོད་པ་ཅུང་ཟད་ཀྱང་མ་མཆིས་སོ་ཞེས་ [204a.2]མཆིའོ། །དེའི་ཚེ་ན་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་འདུག་པར་གྱུར་ཅིང་བསིལ་ཡབ་ཐོགས་ཏེ་བཅོམ་ལྡན་འདས་ལ་གཡོབ་ཅིང་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ [204a.3]སོང་ལ་དགེ་སློང་ཇི་སྙེད་ཝ་ཚོངས་ཅན་ཉེ་བར་རྟེན་ཅིང་འཁོད་པ་དེ་དག་ཐམས་ཅད་དཔོང་སའི་ཁང་པར་བསྡུས་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ། ཞེས་བཅོམ་ལྡན་འདས་ལས་མཉན་ནས་དགེ་སློང་ཇི་སྙེད་ཝ་ཚོངས་ཅན་ཉེ་བར་རྟེན་ཅིང་འཁོད་ [204a.4]པ་དེ་དག་ཐམས་ཅད་དཔོང་སའི་ཁང་པར་བསྡུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་ [204a.5]སྐད་ཅེས་གསོལ་ཏོ། །བཙུན་པ་དགེ་སློང་ཇི་སྙེད་ཝ་ཚོངས་ཅན་ཉེ་བར་རྟེན་ཅིང་མཆིས་པ་དེ་དག་ཐམས་ཅད་དཔོང་སའི་ཁང་པར་མཆིས་ཤིང་མཐུན་པར་གྱུར་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་བཅོམ་ལྡན་འདས་དཔོང་ [204a.6]སའི་ཁང་པ་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གང་གིས་གང་ཟག་གཅིག་ལ་སྦྱིན་པ་བྱིན་ནས་གཞན་གཅིག་ [204a.7]ལ་སྦྱིན་པར་བྱེད་པ་ནི་ཆོས་དང་ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་བྱེད་པ་ཡང་ཆོས་དང་ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ [204b] [204b.1]ལེན་པ་མ་ཡིན་ལ་ལོངས་སྤྱད་དུ་རུང་བ་མ་ཡིན་ནོ། །དགེ་སློང་དག་གང་གིས་གཉིས་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་བྱེད་པ་ནི་ཆོས་དང་ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །གཞན་གཉིས་སམ་ [204b.2]རབ་ཏུ་མང་པོའམ། དགེ་འདུན་ལ་སྦྱིན་པར་བྱེད་པ་ཡང་ཆོས་དང་ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ལེན་པ་མ་ཡིན་ལ་ལོངས་སྤྱད་དུ་རུང་བ་མ་ཡིན་ནོ། །དགེ་སློང་དག་གང་གིས་རབ་ཏུ་མང་པོ་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་བྱེད་པ་ནི་ཆོས་དང་ [204b.3]ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ལེན་པ་མ་ཡིན་ལ་ལོངས་སྤྱད་དུ་རུང་བ་མ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་བྱེད་པ་ཡང་ཆོས་དང་ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་ [204b.4]དུ་རུང་བ་མ་ཡིན་ནོ། །དགེ་སློང་དག་གང་གིས་དགེ་འདུན་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་བྱེད་པ་ནི་ཆོས་དང་ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །གཞན་གཉིས་སམ། རབ་ཏུ་མང་པོའམ། [204b.5]དགེ་འདུན་ལ་སྦྱིན་པར་བྱེད་པ་ཡང་ཆོས་དང་ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །དགེ་སློང་དག་གང་གིས་དགེ་འདུན་བྱེ་ཞིང་གཉིས་སུ་གྱུར་ཏེ་ཕྱོགས་དང་གཞན་གྱི་ཕྱོགས་སུ་རྣམ་པར་གནས་པ་ན་ཕྱོགས་གཅིག་ [204b.6]ལ་སྦྱིན་པ་བྱིན་ནས། ཕྱོགས་གཉིས་པ་ལ་སྦྱིན་པར་བྱེད་པ་ནི་ཆོས་དང་ལྡན་པའི་སྦྱིན་པ་མ་ཡིན་ཞིང་ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །དགེ་སློང་དག་གང་གིས་གང་ཟག་གཅིག་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་མི་བྱེད་པ་ [204b.7]ནི་ཆོས་དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་མི་བྱེད་པ་ཡང་ཆོས་དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། [205a] [205a.1]ལོངས་སྤྱད་དུ་རུང་བ་ཡིན་ནོ། །དགེ་སློང་དག་གང་གིས་གཉིས་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་མི་བྱེད་པ་ནི་ཆོས་དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །གཞན་གཉིས་སམ། [205a.2]རབ་ཏུ་མང་པོའམ། དགེ་འདུན་ལ་སྦྱིན་པར་མི་བྱེད་པ་ཡང་ཆོས་དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །དགེ་སློང་དག་གང་གིས་རབ་ཏུ་མང་པོ་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་མི་བྱེད་པ་ནི་ཆོས་ [205a.3]དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་མི་བྱེད་པ་ཡང་ཆོས་དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། ལོངས་ [205a.4]སྤྱད་དུ་རུང་བ་ཡིན་ནོ། །དགེ་སློང་དག་གང་གིས་དགེ་འདུན་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་མི་བྱེད་པ་ནི་ཆོས་དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །གཞན་གཉིས་སམ། རབ་ཏུ་མང་པོའམ། [205a.5]དགེ་འདུན་ལ་སྦྱིན་པར་མི་བྱེད་པ་ཡང་ཆོས་དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །དགེ་སློང་དག་གང་གིས་དགེ་འདུན་བྱེ་ཞིང་གཉིས་སུ་གྱུར་ལ་ཕྱོགས་དག་གཞན་གྱི་ཕྱོགས་སུ་རྣམ་པར་གནས་པ་ན་ཕྱོགས་ [205a.6]གཅིག་ལ་སྦྱིན་པ་བྱིན་ནས། ཕྱོགས་གཉིས་པ་ལ་སྦྱིན་པར་མི་བྱེད་པ་ནི་ཆོས་དང་ལྡན་པའི་སྦྱིན་པ་ཡིན་ཞིང་ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །དགེ་སློང་དག་དེ་ལྟ་བས་ན་སྔ་མ་ནི་སྦྱིན་པ་ཡིན་ལ། ཕྱི་མ་ནི་མ་ཡིན་ནོ། །རྒྱལ་པོ་ནི་ [205a.7]ས་གཞི་ལ་དབང་ལ། བདག་པོ་ནི་གནས་མལ་ལ་དབང་། དགེ་སློང་ནི་ལྷུང་བཟེད་དང་ཆོས་གོས་ལ་དབང་ངོ་། །སྦྱིན་པ་པོ་དང་སྦྱིན་བདག་གིས་རང་གི་སྦྱིན་པར་བྱ་བའི་ཆོས་མངོན་པར་འདུ་བྱ་བར་ནི་རུང་གི་རང་གིས་གཞན་ལ་སྦྱིན་དུ་ནི་མི་རུང་ངོ་། །དགེ་སློང་དག་དགེ་སློང་སྒྲ་ [205b] [205b.1]ཅན་ཟིན་ལ་གཙུག་ལག་ཁང་དེ་ཕྱིར་བྱིན་ཅིག །དགེ་སློང་དེ་དག་གིས་ཚེ་དང་ལྡན་པ་སྒྲ་ཅན་ཟིན་ལ་གཙུག་ལག་ཁང་དེ་ཕྱིར་བྱིན་ནོ། །འདི་ནི་རེ་ཞིག་བྱུང་བ་ཡིན་གྱི་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། ། [205b.2]སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བསོད་སྙོམས་པ་ཞིག་གིས་ཁྱིམ་བདག་ཅིག་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཞག་ནས་དུས་གཞན་ཞིག་ན་བསོད་སྙོམས་པ་དེས་ [205b.3]ཁྱིམ་བདག་དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་དག་གི་བསྔགས་པ་བརྗོད་པ་དང་། ཁྱིམ་བདག་དེས་སྨྲས་པ། འཕགས་པ་བདག་གིས་ཀྱང་རེ་ཞིག་རྫས་ལས་བྱུང་བའི་བསོད་ནམས་བགྱི་བའི་གཞི་ཅུང་ཞིག་བགྱིའོ། །དེ་བཞིན་གྱིས་ཤིག །ཅི་ཞིག་ [205b.4]བགྱི། སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་ཅིག །དེ་བཞིན་བགྱིའོ། །ན་བཟའ་དབུལ་བ་ཡང་ཅུང་ཟད་ཡོད་དམ། འཕགས་པ་བདག་ནི་ལོངས་སྤྱོད་སྲབ་པ་ལགས་མོད་ཀྱི་རས་ཟུང་གཅིག་དབུལ་ལོ། །འཕགས་པ་ཁྱོད་ཀྱིས་སང་བདག་ [205b.5]གི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲང་དུ་གསོལ། བསོད་སྙོམས་པ་དེས་ཚོགས་པའི་དུས་སུ་ཁྱིམ་བདག་དེའི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང་། [205b.6]དགེ་སློང་རྣམས་ཀྱིས་སྨྲས་པ། བསོད་སྙོམས་པ་ཁྱོད་ཁྱིམ་དད་པར་བྱེད་པར་གྱུར་ཏོ། །བསོད་སྙོམས་པ་ཅི་ཁྱིམ་བདག་གིས་ཡོན་དང་བཅས་པའི་མཆོད་སྟོན་གསོལ་ལམ། འོན་ཏེ་ཡོན་མེད་པའི་མཆོད་སྟོན་གསོལ། ཚེ་དང་ལྡན་པ་དག་ཡོན་དང་བཅས་པ་སྟེ། འོན་ཀྱང་ [205b.7]ཁྱིམ་བདག་དེ་ལོངས་སྤྱོད་སྲབ་པ་ལགས་པས་འདི་ལྟར་རས་ཟུང་གཅིག་འབུལ་ལོ། །ཉེ་{དགའས་,དགས་}ཐོས་ནས་དེས་བསམས་པ། གང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རས་ཟུང་གཅིག་འབུལ་བ་དེ་ནི་ཆེན་པོ་ལ་འོས་པ་ཞིག་འབྱུང་གོར་མ་ཆག་གིས་ [206a] [206a.1]གལ་ཏེ་བདག་གིས་རས་ཟུང་དེ་མ་ཕྲོགས་ན་ཉེ་དགའ་ཞེས་བྱ་བའི་མིང་མི་གཟུང་ངོ་སྙན་ནས་ཉེ་དགའ་དེའི་ཕྱི་དེ་ཉིན་པར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཁྱིམ་བདག་དེའི་ཁྱིམ་དུ་སོང་བ་དང་། ཇི་ཙམ་ན་དེས་ཁྱིམ་བདག་དེ་མཆོད་ [206a.2]སྟོན་སྦྱོར་བ་མཐོང་ནས། དེས་ཁྱིམ་བདག་དེ་ལ་དྲིས་པ། ཁྱིམ་བདག་ཅི་བྱེད། འཕགས་པ་མཆོད་སྟོན་སྦྱོར་རོ། །ཁྱིམ་བདག་བཅོམ་ལྡན་འདས་ཀྱིས་སེམས་ཅན་གང་དག་སྔ་དྲོའི་དུས་ཀྱི་ཚེ་ལུས་ཀྱིས་ལེགས་པར་སྤྱད་ཅིང་སྤྱོད། ངག་དང་ཡིད་ཀྱིས་ལེགས་པར་སྤྱད་ཅིང་ [206a.3]སྤྱོད་པའི་སེམས་ཅན་དེ་དག་ལ་དུས་དེ་ན་སྔ་དྲོ་བཟང་པོར་ཉེ་བར་གནས་པར་འགྱུར་ལ། སེམས་ཅན་གང་དག་གུང་ཚིགས་ཀྱི་དུས་ཀྱི་ཚེ་དང་། ཕྱེ་མ་རེད་ཀྱི་དུས་ཀྱི་ཚེ་ལུས་ཀྱིས་ལེགས་པར་སྤྱད་ཅིང་སྤྱོད། ངག་དང་ཡིད་ཀྱིས་ལེགས་པར་སྤྱད་ཅིང་སྤྱོད་པའི་སེམས་ཅན་དེ་དག་ལ་ [206a.4]དུས་དེ་ན་གུང་ཚིགས་བཟང་པོ་དང་ཕྱེ་མ་རེད་བཟང་པོར་ཉེ་བར་གནས་པར་འགྱུར་རོ་ཞེས་བཀའ་སྩལ་པ་དེ་ནི་ལེགས་པར་གསུངས་པ་ཡིན་ནོ། །ཁྱིམ་བདག་གོས་སྦྱིན་པ་ཡང་ཅུང་ཟད་ཡོད་དམ། འཕགས་པ་བདག་ནི་ལོངས་སྤྱོད་སྲབ་པ་ལགས་ཏེ་འོན་ཀྱང་རས་ཟུང་གཅིག་འབུལ་ [206a.5]ལོ། །ཁྱིམ་བདག་རས་ཟུང་དེ་ཅི་འདྲ་བལྟའོ། །དེས་བསྟན་པ་དང་ཅི་ཙམ་ན་བཟང་བར་མཐོང་ནས་ཉེ་{དགའས་,དགས་}སྨྲས་པ། ཁྱིམ་བདག་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི་ཡོད་ན་ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི་ལན་འགའ་ཡང་མེད་ [206a.6]དོ། །བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་ལ་རས་ཟུང་སྟོང་ཉིས་བརྒྱ་ལྔ་བཅུས་འགྲུབ་པས་འདིས་ནི་རེ་ཞིག་ཆོས་གོས་ཀྱི་གདང་ཁོ་ན་ལ་ཡོངས་སུ་ཟད་པར་བྱ་དགོས་པར་འགྱུར་རོ། །བཅོམ་ལྡན་འདས་ཀྱིས་ཀྱང་ཟས་ཀྱི་རྙེད་པ་བྱུང་ན་ནི་པུ་ལ་སའི་འདབ་མས་ཀྱང་ [206a.7]བགོ་བར་བྱ་ལ། གོས་ཀྱི་རྙེད་པ་བྱུང་ན་ནི་མར་མེའི་སྙིང་པོར་རུང་བས་ཀྱང་བགོ་བར་བྱའོ་ཞེས་གསུངས་ན། གལ་ཏེ་འགེད་པར་མི་བྱེད་ན་ཁྱོད་ཀྱི་འདི་ཡང་ལོངས་སྤྱོད་པར་མི་འགྱུར་རོ། །དེས་སྨྲས་པ། འཕགས་པ་གང་གིས་བདག་ལ་ཡོངས་སུ་བཏང་བ་ལས་བྱུང་བའི་བསོད་ [206b] [206b.1]ནམས་ཀྱང་མཆིས་ལ། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ཀྱང་མཆིས་པར་འགྱུར་བའི་ཐབས་ཅི་མཆིས། ཁྱིམ་བདག་གལ་ཏེ་ཁྱོད་ཀྱིས་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་ [206b.2]སྤོབས་པ་ཅན་གང་ཡིན་པ་དེ་ལ་རས་ཟུང་འདི་བསྐོན་ན་དེ་ལྟ་ན་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་དང་། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་སུ་ཡང་འགྱུར་རོ། །དེས་སྨྲས་པ། འཕགས་པ་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་ [206b.3]གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་སུ་མཆིས། ཁྱིམ་བདག་ཁོ་བོ་ཉིད་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་ཡིན་ནོ། །ཁྱིམ་བདག་དེས་ཉེ་ [206b.4]དགའ་ལ་འཕགས་པ་ཁྱོད་རས་ཟུང་འདི་བཞེས་ཤིག་ཅེས་སྦྱིན་པར་བརྩམས་པ་དང་། ཉེ་{དགའས་,དགས་}སྨྲས་པ། ཁྱིམ་བདག་ཁྱོད་སྦྱིན་པ་སྦྱིན་ཡང་མི་ཤེས་སམ། གང་གི་ཚེ་སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ་ན་ཁྱོད་ཀྱིས་རྒན་པའི་མཐའ་ [206b.5]ལོགས་སུ་རྗེས་སུ་ཡི་རང་བ་བྱེད་དུ་ཆུག་ལ་ཁོ་བོ་ལ་བྱིན་ཅིག །འཕགས་པ་དེ་བཞིན་བགྱིའོ་ཞེས་ཁྱིམ་བདག་དེས་དེ་ལས་མཉན་ནས་ཁྱིམ་བདག་དེས་དེའི་འོག་ཏུ་སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་ནས་རས་ཟུང་དེ་རྒན་པའི་མཐའ་ལོགས་ [206b.6]སུ་ཡི་རང་བར་མཛོད་ཅིག །རྗེས་སུ་ཡི་རང་བར་མཛོད་ཅིག་ཅེས་རྗེས་སུ་ཡི་རང་བར་བྱེད་དུ་བཅུག་ནས་ཉེ་དགའ་ལ་བྱིན་ནོ། །དགེ་སློང་རྣམས་ཀྱིས་དགེ་སྐོས་ལ་སྨྲས་པ། ཉེ་དགའ་ལས་རས་ཟུང་དེ་ལོང་ཤིག །དགེ་སྐོས་ཀྱིས་ཉེ་དགའ་ལ་སྨྲས་པ། རས་ཟུང་དེ་འོན་ [206b.7]ཅིག །ཅི་གཙུག་ལག་ཁང་དུ་ཁྱེར་ཏེ་སྦྱིན་ནམ། དགེ་སྐོས་ཀྱིས་སྨྲས་པ། མ་ཡིན་ཏེ། འདི་ནི་དགེ་འདུན་ལ་ཕུལ་བ་ཡིན་ནོ། །ཉེ་{དགའས་,དགས་}སྨྲས་པ། ཁྱོད་ཅིའི་ཕྱིར་རང་གི་ལྷུང་བཟེད་དང་། ཆོས་གོས་དགེ་འདུན་ལ་དབུལ་བར་མི་བྱེད། འདི་ནི་ཁོ་བོ་ལ་བྱིན་པ་ [207a] [207a.1]ཡིན་ནོ། །དེ་ནས་བཅོམ་ལྡན་འདས་ཀྱིས་ཡོན་བཤད་པ་མཛད་ནས་གདན་ལས་བཞེངས་ཏེ་གཤེགས་པ་དང་བསོད་སྙོམས་པ་དེ་སྐྱེངས་ནས་དེ་ཉིད་དུ་འདུག་གོ། །དེ་ནས་བསོད་སྙོམས་པ་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་བཞུད་ [207a.2]ནས་རིང་པོ་མ་ལོན་པར་རིག་ནས་ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག་གིས་གཞན་དུ་འབྲུག་བསྒྲགས་ལ་གཞན་དུ་ཆར་ཕབ་བོ། །འཕགས་པ་ཇི་ལྟར་བགྱི། བཙུན་པ་ཉེ་དགའི་མཆིད་ནས་ཁྱིམ་བདག་ཁྱོད་ལ་ཡོངས་སུ་བཏང་བ་ལས་བྱུང་བའི་ [207a.3]བསོད་ནམས་ནི་ཡོད་ན་ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི་ལན་འགའ་ཡང་མེད་དེ། བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་ལ་རས་ཟུང་སྟོང་ཉིས་བརྒྱ་ལྔ་བཅུས་འགྲུབ་པས་འདི་ནི་རེ་ཞིག་ཆོས་གོས་ཀྱི་གདང་ཁོ་ན་ལ་ཡོངས་སུ་ཟད་པར་བྱ་ [207a.4]དགོས་པར་འགྱུར་རོ། །བཅོམ་ལྡན་འདས་ཀྱིས་ཀྱང་ཟས་ཀྱི་རྙེད་པ་བྱུང་ན་ནི་པུ་ལ་སའི་འདབ་མས་ཀྱང་བགོ་བར་བྱ་ལ། གོས་ཀྱི་རྙེད་པ་བྱུང་ན་ནི་མར་མེའི་སྙིང་པོར་རུང་བས་ཀྱང་བགོ་བར་བྱའོ་ཞེས་གསུངས་ན། གལ་ཏེ་བགེད་པར་མི་བྱེད་ན་ནི་ཁྱོད་ཀྱི་འདི་ཡང་ལོངས་སྤྱད་པར་ [207a.5]མི་འགྱུར་རོ་ཞེས་མཆི་ནས་བདག་གིས་དེ་ལ་འདི་སྐད་ཅེས་འཕགས་པ་གང་གིས་བདག་ལ་ཡོངས་སུ་བཏང་བ་ལས་བྱུང་བའི་བསོད་ནམས་ཀྱང་མཆིས་ལ། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ཀྱང་མཆིས་པར་འགྱུར་བའི་ཐབས་ཅི་མཆིས་ཞེས་བགྱིས་ན། བཙུན་ [207a.6]པ་ཉེ་དགའི་མཆིད་ནས་ཁྱིམ་བདག་གལ་ཏེ་ཁྱོད་ཀྱིས་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་གང་ཡིན་པ་དེ་ལ་རས་ཟུང་འདི་བསྐོན་ན་དེ་ལྟ་ན་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ [207a.7]དང་། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་སུ་ཡང་འགྱུར་རོ་ཞེས་མཆིའོ། །བདག་གིས་དེ་ལ་འདི་སྐད་ཅེས་འཕགས་པ་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་སུ་ [207b] [207b.1]མཆིས་ཞེས་བགྱིས་ན། བཙུན་པ་ཉེ་དགའ་བདག་ལ་འདི་སྐད་ཅེས་ཁྱིམ་བདག་ཁོ་བོ་ཉིད་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་ཡིན་ནོ་ཞེས་མཆི་ནས། བདག་གིས་བཙུན་པ་ཉེ་དགའ་ [207b.2]ལ་འཕགས་པ་ཁྱོད་རས་ཟུང་འདི་བཞེས་ཤིག་ཅེས་སྦྱིན་པར་བརྩམས་པ་དང་། བཙུན་པ་ཉེ་དགའི་མཆིད་ནས་ཁྱིམ་བདག་ཁྱོད་སྦྱིན་པ་སྦྱིན་ཡང་མི་ཤེས་སམ། གང་གི་ཚེ་སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ་ཁྱོད་ཀྱིས་རྒན་པའི་ [207b.3]མཐའ་ལོགས་སུ་རྗེས་སུ་ཡི་རང་བ་བྱེད་དུ་ཆུག་ལ་ཁོ་བོ་ལ་བྱིན་ཅིག་ཅེས་མཆི་ནས། བདག་གིས་དེ་ཁོ་ན་བཞིན་དུ་བགྱིས་པས་འདི་ལ་བདག་གིས་ནོངས་པ་ཅི་མཆིས། བསོད་སྙོམས་པ་དེ་གཙུག་ལག་ཁང་དུ་སོང་བ་དང་། དགེ་སློང་རྣམས་ཀྱིས་དེ་ལ་སྨྲས་པ། བསོད་ [207b.4]སྙོམས་པ་དང་རིས་མཐུན་པ་གང་ཡིན་པས་ཀྱང་ཁྱིམ་བདག་ཅིག་ཇི་ལྟར་དད་པས་བསྐྱེད་ན་དེས་ཀྱང་གཞན་དུ་འབྲུག་བསྒྲགས་ལ་གཞན་དུ་ཆར་ཕབ་བོ། །དེས་སྨྲས་པ། དེས་ཅི་ཉེས་འདི་ལྟར་དེར་གཅིག་ཅིག་གིས་སོང་སྟེ་འདི་སྐད་ཅེས་ཁྱིམ་བདག་འདི་ནི་ཁྱོད་ལ་ཡོངས་སུ་བཏང་ [207b.5]བ་ལས་བྱུང་བའི་བསོད་ནམས་ནི་ཡོད་ན། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི་ལན་འགའ་ཡང་མེད་དེ། བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་ལ་རས་ཟུང་སྟོང་ཉིས་བརྒྱ་ལྔ་བཅུས་འགྲུབ་པས་འདི་ནི་རེ་ཞིག་ཆོས་གོས་ཀྱི་གདང་ཁོ་ན་ལ་ཡོངས་སུ་ཟད་ [207b.6]པར་བྱ་དགོས་པར་འགྱུར་རོ། །བཅོམ་ལྡན་འདས་ཀྱིས་ཀྱང་ཟས་ཀྱི་རྙེད་པ་བྱུང་ན་ནི་པུ་ལ་སའི་འདབ་མས་ཀྱང་བགོ་བར་བྱ་ལ། གོས་ཀྱི་རྙེད་པ་བྱུང་ན་ནི་མར་མེའི་སྙིང་པོར་རུང་བས་ཀྱང་བགོ་བར་བྱའོ་ཞེས་གསུངས་ན་གལ་ཏེ་འགེད་པར་མི་བྱེད་ན་ནི་ཁྱོད་ཀྱི་འདི་ཡང་ལོངས་སྤྱད་པར་མི་ [207b.7]འགྱུར་རོ་ཞེས་ཟེར་ནས་འདི་སྐད་ཅེས་འཕགས་པ་གང་གིས་བདག་ལ་ཡོངས་སུ་བཏང་བ་ལས་བྱུང་བའི་བསོད་ནམས་ཀྱང་མཆིས་ལ། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ཀྱང་མཆིས་པར་འགྱུར་བའི་ཐབས་ཅི་མཆིས་ཞེས་བྱས་ན། དེ་ན་རེ་འདི་སྐད་ཅེས་གལ་ [208a] [208a.1]ཏེ་ཁྱོད་ཀྱིས་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་གང་ཡིན་པ་དེ་ལ་རས་ཟུང་འདི་བསྐོན་ན་དེ་ལྟ་ན་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་དང་ [208a.2]ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་སུ་ཡང་འགྱུར་རོ། །ཞེས་ཟེར་རོ། །དེས་འདི་སྐད་ཅེས་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་སུ་ཡོད་ཅེས་བྱས་ན་དེ་ན་རེ་ཁོ་བོ་ཉིད་ཤཱཀྱའི་ [208a.3]རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་ཡིན་ནོ་ཞེས་ཟེར་ནས། དེས་དེ་ལ་རས་ཟུང་དེ་སྦྱིན་པར་བརྩམས་པ་དང་། དེ་ན་རེ་ཁྱིམ་བདག་ཁྱོད་སྦྱིན་པ་སྦྱིན་ཡང་མི་ཤེས་སམ། གང་གི་ཚེ་སངས་རྒྱས་ [208a.4]ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ་ཁྱོད་ཀྱིས་རྒན་པའི་མཐའ་ལོགས་སུ་རྗེས་སུ་ཡི་རང་བར་བྱེད་དུ་ཆུག་ལ་ཁོ་བོ་ལ་བྱིན་ཅིག་ཅེས་ཟེར་ནས། དེས་དེ་ཁོ་ན་བཞིན་བྱས་པས་དེས་ཉེས་པ་ཅི་ཡོད། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་ [208a.5]དག་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྔོས་འཇུག་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་ [208a.6]གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་ [208a.7]དགའ་ལ་རྨས་པ། ཉེ་དགའ་ཁྱོད་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་བསྔོར་འཇུག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་ [208b] [208b.1]མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་ [208b.2]དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་ལ་བསྔོས་པའི་རྙེད་པ་ [208b.3]ཤེས་བཞིན་དུ་གང་ཟག་བདག་ལ་སྒྱུར་དུ་འཇུད་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའ་འམ་གཞན་ཡང་དེ་ལྟ་བུ་གང་ཡིན་པའོ། །དགེ་འདུན་ལ་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ལའོ། །བསྔོས་པའི་ཞེས་བྱ་ [208b.4]བ་ནི་གཟས་པའི་འོ། །རྙེད་པ་ཞེས་བྱ་བ་ནི་རྙེད་པ་གཉིས་ཏེ། གོས་ཀྱི་རྙེད་པ་དང་། ཟས་ཀྱི་རྙེད་པ་སྟེ། དོན་འདིར་ནི་གོས་ཀྱི་རྙེད་པ་ཡིན་པར་དགོངས་སོ། །ཤེས་བཞིན་དུ་ཞེས་བྱ་བ་ནི་བདག་ཉིད་ཀྱིས་དེ་ཤེས་པར་གྱུར་པའམ། གཞན་དག་གིས་བརྗོད་པས་སོ། ། [208b.5]གང་ཟག་བདག་ལ་སྒྱུར་དུ་འཇུད་ན་ཞེས་བྱ་བ་ནི་བདག་ཉིད་ལ་འབུལ་དུ་འཇུད་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ།། །། [208b.6]འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་བདུན་པ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་ [208b.7]རོ། །དགེ་སློང་གིས་གང་ཟག་གཉིས་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་གང་ཟག་བདག་ [209a] [209a.1]ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ [209a.2]སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་གང་ཟག་གཞན་གཅིག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་ [209a.3]གང་ཟག་གཞན་གཉིས་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་གང་ཟག་གཞན་རབ་ཏུ་མང་པོ་དག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་ [209a.4]སུ་འགྱུར་ལ། ཐོབ་ན་ཡང་ཉེས་བྱས་སུ་འགྱུར་རོ། །དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་དགེ་འདུན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཉིས་ལ་ [209a.5]བསྔོས་པའི་རྙེད་པ་གང་ཟག་གཞན་གཅིག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཉིས་ལ་བསྔོས་པའི་རྙེད་པ་གང་ཟག་གཞན་གཉིས་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་ [209a.6]བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཉིས་ལ་བསྔོས་པའི་རྙེད་པ་གང་ཟག་གཞན་རབ་ཏུ་མང་པོ་དག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་ [209a.7]གང་ཟག་གཉིས་ལ་བསྔོས་པའི་རྙེད་པ་དགེ་འདུན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་གང་ཟག་གཞན་གཅིག་ལ་སྒྱུར་དུ་འཇུད་ན་དེ་ [209b] [209b.1]སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་གང་ཟག་གཞན་གཉིས་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་ [209b.2]འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་གང་ཟག་གཞན་རབ་ཏུ་མང་པོ་དག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་ [209b.3]དག་ལ་བསྔོས་པའི་རྙེད་པ་དགེ་འདུན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་གང་ཟག་གཅིག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། [209b.4]ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་གང་ཟག་གཉིས་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་གང་ཟག་རབ་ [209b.5]ཏུ་མང་པོ་དག་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་དགེ་འདུན་གཞན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ [209b.6]ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་དགེ་སློང་མའི་དགེ་འདུན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་སློང་མའི་དགེ་འདུན་ལ་བསྔོས་པའི་རྙེད་པ་ [209b.7]དགེ་སློང་གི་དགེ་འདུན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གཉིས་ཀའི་དགེ་འདུན་ལ་བསྔོས་པའི་རྙེད་པ་དགེ་སློང་གི་དགེ་འདུན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། [210a] [210a.1]ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གཉིས་ཀའི་དགེ་འདུན་ལ་བསྔོས་པའི་རྙེད་པ་དགེ་སློང་མའི་དགེ་འདུན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ [210a.2]བྱེ་ཞིང་གཉིས་སུ་གྱུར་ཏེ། ཕྱོགས་དང་གཞན་གྱི་ཕྱོགས་སུ་རྣམ་པར་གནས་པ་ན་ཕྱོགས་གཅིག་ལ་བསྔོས་པའི་རྙེད་པའི་ཕྱོགས་གཉིས་པ་ལ་བསྔོར་འཇུད་ན་དེ་བསྔོར་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གནས་ཁང་གཅིག་ [210a.3]ལ་བསྔོས་པའི་རྙེད་པ་གནས་ཁང་གཞན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གནས་ཁང་ལ་བསྔོས་པའི་རྙེད་པ་ཁྱམས་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ [210a.4]ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་ཁྱམས་ལ་བསྔོས་པའི་རྙེད་པ་གནས་ཁང་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་ཀ་བ་གཞན་གཅིག་ལ་བསྔོས་པའི་རྙེད་པ་ཀ་བ་གཞན་གཉིས་པ་ལ་སྒྱུར་ [210a.5]དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་ཀ་བ་གཞན་གཅིག་ལ་བསྔོས་པའི་རྙེད་པ་སྒོ་ཁང་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་ [210a.6]གིས་སྒོ་ཁང་ལ་བསྔོས་པའི་རྙེད་པ་བང་རིམ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་བང་རིམ་ལ་བསྔོས་པའི་རྙེད་པ་སྒོ་ཁང་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ [210a.7]ཉེས་བྱས་ཉིད་དུ་འགྱུར་རོ། །དགེ་སློང་གིས་སངས་རྒྱས་ཀྱི་སྐུ་གཟུགས་གཅིག་ལ་བསྔོས་པའི་རྙེད་པ་སངས་རྒྱས་ཀྱི་སྐུ་གཟུགས་གཞན་གཉིས་པ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །གཡར་པོའི་ཆོས་ཀྱི་སྦྱིན་ [210b] [210b.1]པ་ལ་ནི་ལྟུང་བ་མེད་དོ། །དགེ་སློང་གིས་མཆོད་རྟེན་གཅིག་ལ་བསྔོས་པའི་རྙེད་པ་མཆོད་རྟེན་གཞན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་ [210b.2]གིས་མཆོད་རྟེན་གྱི་ཐེམ་སྐས་ཀྱི་གཞི་དང་པོ་ལ་བསྔོས་པའི་རྙེད་པ་ཐེམ་སྐས་ཀྱི་གཞི་གཉིས་པ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །ཐེམ་སྐས་ཀྱི་གཞི་ [210b.3]གཉིས་པ་དང་གསུམ་པ་དང་། བཞི་པ་དང་། ཐམས་ཅད་ཀྱི་སྟེང་མའི་བར་ལ་ཡང་དེ་བཞིན་ནོ། །དགེ་སློང་གིས་ཐེམ་སྐས་ཀྱི་གཞི་ཐམས་ཅད་ཀྱི་སྟེང་མ་ལ་བསྔོས་པའི་རྙེད་པ་མེ་ཏོག་ཁང་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ [210b.4]ཡང་ཉེས་བྱས་ཉིད་དུ་འགྱུར་རོ། །གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་གིས་མེ་ཏོག་ཁང་ལ་བསྔོས་པའི་རྙེད་པ་བ་གམ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ [210b.5]ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་གིས་བ་གམ་གཅིག་ལ་བསྔོས་པའི་རྙེད་པ་བ་གམ་གཉིས་པ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། ། [210b.6]བ་གམ་གཉིས་པ་དང་། གསུམ་པ་དང་། བཞི་པ་ལ་ཡང་དེ་བཞིན་ནོ། །དགེ་སློང་གིས་བ་གམ་བཞི་པ་ལ་བསྔོས་པའི་རྙེད་པ་མཆོད་རྟེན་གྱི་བུམ་པ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་ [210b.7]པོའི་ཆོས་ཀྱི་སྦྱིན་པ་ལ་ལྟུང་བ་མེད་དོ། །དགེ་སློང་གིས་མཆོད་རྟེན་གྱི་བུམ་པ་ལ་བསྔོས་པའི་རྙེད་པ་པུ་ཤུ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། ། [211a] [211a.1]དགེ་སློང་གིས་པུ་ཤུ་ལ་བསྔོས་པའི་རྙེད་པ་གདུགས་ཐ་མ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ལྟུང་བ་མེད་དོ། །གདུགས་གཉིས་པ་དང་། གསུམ་ [211a.2]པ་དང་། བཞི་པ་ནས་ཐམས་ཅད་ཀྱི་སྟེང་མའི་བར་ལ་ཡང་དེ་བཞིན་ནོ། །དགེ་སློང་གིས་གདུགས་ཐམས་ཅད་ཀྱི་སྟེང་མ་ལ་བསྔོས་པའི་རྙེད་པ་ཆར་ཁབ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ [211a.3]ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་གིས་ཆར་ཁབ་ལ་བསྔོས་པའི་རྙེད་པ་གདུགས་ཐམས་ཅད་ཀྱི་སྟེང་མ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། ། [211a.4]དང་འོག་དང་། གསུམ་པ་དང་། གདུགས་ཐ་མའི་བར་ལ་ཡང་དེ་བཞིན་ནོ། །དགེ་སློང་གིས་གདུགས་ཐ་མ་ལ་བསྔོས་པའི་རྙེད་པ་པུ་ཤུ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་ [211a.5]པ་ལ་ནི་ལྟུང་བ་མེད་དོ། །དགེ་སློང་གིས་པུ་ཤུ་ལ་བསྔོས་པའི་རྙེད་པ་མཆོད་རྟེན་གྱི་བུམ་པ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་གིས་མཆོད་ [211a.6]རྟེན་གྱི་བུམ་པ་ལ་བསྔོས་པའི་རྙེད་པ་བ་གམ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་གིས་བ་གམ་ལ་བསྔོས་པའི་རྙེད་པ་མེ་ཏོག་ཁང་ལ་སྒྱུར་དུ་འཇུད་ [211a.7]ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་གིས་མེ་ཏོག་ཁང་ལ་བསྔོས་པའི་རྙེད་པ་ཐེམ་སྐས་ཀྱི་གཞི་སྟེང་མ་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ [211b] [211b.1]ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །ཐེམ་སྐས་ཀྱི་གཞི་དང་། འོག་དང་གསུམ་པ་ནས་ཐམས་ཅད་ཀྱི་ཐ་མའི་བར་ལ་ཡང་དེ་བཞིན་ནོ། །དགེ་སློང་གིས་མུ་ལྟོ་བ་གཅིག་ལ་བསྔོས་པའི་རྙེད་པ་མུ་ལྟོ་བ་གཞན་ལ་ [211b.2]སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། བཙལ་ཏེ་མ་རྙེད་པ་ལ་ནི་ལྟུང་བ་མེད་དོ། །དགེ་སློང་གིས་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་གཅིག་ལ་བསྔོས་པའི་རྙེད་པ་དུད་འགྲོའི་སྐྱེ་གནས་སུ་སྐྱེས་ [211b.3]པའི་སྲོག་ཆགས་གཞན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། བཙལ་ཏེ་མ་རྙེད་པ་ལ་ནི་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ [211b.4]ལྟུང་བ་མེད་དོ། །བསྔོས་པ་ལས་བསྒྱུར་བའི་སྤང་བ་སྟེ། ཉི་ཤུ་དགུ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་པི་ལིན་དའི་བུའི་ལྷན་ཅིག་ [211b.5]གནས་པ་དང་། ཉེ་གནས་དགེ་སློང་དག་སྨན་གང་དག་དེ་ནས་ལག་ཉར་བླངས་པ་དང་། དེ་ལས་བྱིན་ལེན་བྱས་པ་དང་། ཟས་ཀྱི་ཕྱེ་མ་དང་འདྲེས་པ་དང་། ཕན་ཚུན་འདྲེས་པ་དང་། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་ [211b.6]དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟ་བར་བྱེད་ཅིང་དེ་དག་ལ་ཟ་བར་རྣམ་པར་དབྱེ་བ་ཡང་མི་མངོན་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་སྨན་གང་དག་དེ་ནས་ལག་ཉར་བླངས་པ་དང་། དེ་ལས་བྱིན་ལེན་བྱས་པ་དང་། ཟས་ཀྱི་ཕྱེ་མ་ [211b.7]དང་འདྲེས་པ་དང་། ཕན་ཚུན་འདྲེས་པ་དང་། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟ་བར་བྱེད་ཅིང་དེ་དག་ལ་བཟའ་བར་རྣམ་པར་དབྱེ་བ་ཡང་མི་མངོན་ཞེས་སྨོད་པར་བྱེད། [212a] [212a.1]ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ [212a.2]ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་པི་ལིན་དའི་བུའི་ལྷན་ཅིག་གནས་པ་དང་ཉེ་གནས་ [212a.3]དགེ་སློང་རྣམས་ལ་རྨས་པ། དགེ་སློང་དག་ཁྱེད་སྨན་གང་དག་དེ་ནས་ལག་ཉར་བླངས་པ་དང་། དེ་ལས་བྱིན་ལེན་བྱས་པ་དང་། ཟས་ཀྱི་ཕྱེ་མ་དང་འདྲེས་པ་དང་། ཕན་ཚུན་འདྲེས་པ་དང་། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་ [212a.4]པ་དེ་དག་དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟ་བར་བྱེད་ཅིང་དེ་དག་ལ་བཟའ་བར་རྣམ་པར་དབྱེ་བ་ཡང་མི་མངོན་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་དང་། དགང་དཀའ་བ་དང་། འདོད་པ་ཆེ་ [212a.5]བ་དང་། ཆོག་མི་ཤེས་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་གསོ་སླ་བ་དང་། དགང་སླ་བ་དང་། འདོད་པ་ཆུང་བ་དང་། ཆོག་ཤེས་པ་དང་། སྦྱངས་པའི་ཡོན་ཏན་རྣམས་དང་། མཛེས་པ་དང་། དྲོད་རིག་པའི་བསྔགས་ [212a.6]པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ [212a.7]ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བཅོམ་ལྡན་འདས་ཀྱིས་དགེ་སློང་ན་བ་རྣམས་ལ་ཕན་པ་སོ་སོར་བསྟེན་པར་བྱ་བའི་སྨན་གང་དག་བཀའ་སྩལ་པ། འདི་ལྟ་སྟེ་ཞུན་མར་དང་། འབྲུ་མར་དང་། སྦྲང་རྩི་དང་། བུ་རམ་གྱི་ [212b] [212b.1]དབུ་བ་དེ་དག་ལས་དགེ་སློང་ན་བས་འདོད་ན་རང་གིས་ཞག་བདུན་པར་བྱིན་གྱིས་བརླབས་ཏེ། གསོག་འཇོག་གི་ཡོངས་སུ་ལོངས་སྤྱོད་པས་ཡོངས་སུ་ལོངས་སྤྱད་པར་བྱའོ། །དེ་ལས་འདས་པར་ཡོངས་སུ་ལོངས་སྤྱོད་པར་བྱེད་ན་སྤང་བའི་ལྟུང་བྱེད་དོ། །བཅོམ་ལྡན་འདས་ [212b.2]ཀྱིས་ཞེས་བྱ་བ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སོ། །དགེ་སློང་ཞེས་བྱ་བ་ནི་ཆོས་འདི་པས་སོ། །ན་བ་རྣམས་ལ་ཞེས་བྱ་བ་ནི་ནད་པ་རྣམས་ལའོ། །ཕན་པ་ཞེས་བྱ་བ་ནི་རྗེས་སུ་མཐུན་པའོ། །སོ་སོར་བསྟེན་པར་བྱ་བའི་ [212b.3]ཞེས་བྱ་བ་ནི་རུང་བའིའོ། །སྨན་གང་དག་བཀའ་སྩལ་པ་ཞེས་བྱ་ནི་རབ་ཏུ་བསྟན་པའོ། །འདི་ལྟ་སྟེ་ཞུན་མར་ཞེས་བྱ་བ་ནི་མར་བཞུས་པའོ། །འབྲུ་མར་ཞེས་བྱ་བ་ནི་འབྲུའི་མར་ཉིད་དོ། །སྦྲང་རྩི་ཞེས་བྱ་བ་ནི་སྦྲང་བུའི་སྦྲང་རྩིའོ། །བུ་རམ་གྱི་དབུ་བ་ཞེས་བྱ་བ་ནི་བུ་ [212b.4]རམ་མོ། །དགེ་སློང་ཞེས་བྱ་བ་ནི་དགེ་སློང་གང་ཡིན་པ་དེའོ། །ན་བས་ཞེས་བྱ་བ་ནི་ནད་པས་སོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །རང་གིས་ཞེས་བྱ་བ་ནི་བདག་ཉིད་ཀྱིས་སོ། །ཞག་བདུན་པར་བྱིན་གྱིས་བརླབས་ཏེ་ཞེས་བྱ་བ་ནི་ཉིན་མཚན་བདུན་ [212b.5]པར་རོ། །གསོག་འཇོག་གི་ཡོངས་སུ་ལོངས་སྤྱོད་པས་ཡོངས་སུ་ལོངས་སྤྱོད་པར་བྱའོ། །ཞེས་བྱ་བ་ནི་རང་གིས་བླངས་ཏེ་བཟའ་བར་བྱའོ། །དེ་ལས་འདས་པར་ཡོངས་སུ་ལོངས་སྤྱོད་པར་བྱེད་ན་ཞེས་བྱ་བ་ནི་ཞག་བདུན་ལས་འདས་པར་རོ། །སྤང་བའི་ལྟུང་བྱེད་དོ་ཞེས་ [212b.6]བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཚེས་ལ་ན་བའི་སྨན་ཞིག་རྙེད་ན་དགེ་སློང་དེས་སྨན་དེ་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་ [212b.7]སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ནས་སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ [213a] [213a.1]ཚེས་གཉིས་སམ། ཚེས་གསུམ་མམ། ཚེས་བདུན་ཚུན་ཆད་ཀྱིས་ན་བའི་སྨན་ཞིག་རྙེད་ན་དགེ་སློང་དེས་སྨན་དེ་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་ [213a.2]སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ན་བའི་སྨན་ཞིག་རྙེད་ཅིང་། དེས་ཚེས་གཉིས་ལ་ཡང་སྨན་གཞན་ཞིག་རྙེད་ན་དགེ་སློང་ [213a.3]དེས་ཉི་མ་བདུན་པོ་དེ་ཉིད་ཀྱི་ནང་དུ་སྨན་སྔ་མ་ཤོས་ཡོངས་སུ་ལོངས་སྤྱད་པར་བྱ་ཞིང་། ཕྱི་མ་ཤོས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་ཤོས་ཡོངས་སུ་ལོངས་སྤྱད་པར་བྱ་ཞིང་སྔ་མ་ཤོས་གཏང་བར་བྱ་བའམ། གཞན་ལ་སྦྱིན་པར་ [213a.4]བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་གཅིག་དང་གཉིས་ལ་ཇི་ལྟ་བ་དེ་བཞིན་དུ་དེས་ཚེས་དྲུག་གི་བར་ལ་ན་བའི་སྨན་ཞིག་ [213a.5]རྙེད་ཅིང་། དེས་ཚེས་བདུན་གྱི་བར་ལ་ཡང་གཞན་ཞིག་རྙེད་ན་དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྔ་མ་ཤོས་ཡོངས་སུ་ལོངས་སྤྱད་པར་བྱ་ཞིང་། ཕྱི་མ་ཤོས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་ཤོས་ཡོངས་སུ་ལོངས་སྤྱད་པར་ [213a.6]བྱ་ཞིང་སྔ་མ་ཤོས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ [213a.7]ན་བའི་སྨན་གཉིས་ཞིག་རྙེད་ན་དགེ་སློང་དེས་སྨན་དེ་གཉིས་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་ [213b] [213b.1]པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་བདུན་ཚུན་ཆད་ཀྱིས་ན་བའི་སྨན་གཉིས་ཞིག་རྙེད་ན། དགེ་སློང་དེས་སྨན་དེ་གཉིས་ཉི་མ་བདུན་པོ་དེ་ཉིད་ཀྱི་ནང་དུ་ [213b.2]ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། ། [213b.3]དགེ་སློང་གིས་ཚེས་ལ་ན་བའི་སྨན་གཉིས་ཞིག་རྙེད་ཅིང་དེས་ཚེས་གཉིས་ལ་ཡང་གཞན་གཉིས་ཞིག་རྙེད་ན་དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྨན་སྔ་མ་གཉིས་ཡོངས་སུ་ལོངས་སྤྱད་པར་བྱ་ཞིང་། ཕྱི་མ་གཉིས་གཏང་བར་བྱ་བའམ། གཞན་ལ་སྦྱིན་པར་བྱའོ། ། [213b.4]ཡང་ན་ཕྱི་མ་གཉིས་ཡོངས་སུ་ལོངས་སྤྱད་པར་བྱ་ཞིང་སྔ་མ་གཉིས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་ [213b.5]བྱེད་དུ་འགྱུར་རོ། །ཚེས་གཅིག་དང་། གཉིས་ལ་ཇི་ལྟ་བ་དེ་བཞིན་དུ་དེས་ཚེས་དྲུག་གི་བར་ལ་ན་བའི་སྨན་གཉིས་ཞིག་རྙེད་ཅིང་དེས་ཚེས་བདུན་གྱི་བར་ལ་ཡང་གཉིས་ཞིག་རྙེད་ན། དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྔ་མ་གཉིས་ཡོངས་སུ་ལོངས་སྤྱོད་ [213b.6]པར་བྱ་ཞིང་ཕྱི་མ་གཉིས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་གཉིས་ཡོངས་སུ་ལོངས་སྤྱོད་པར་བྱ་ཞིང་སྔ་མ་གཉིས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་ [213b.7]དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ན་བའི་སྨན་རབ་ཏུ་མང་པོ་དག་ཅིག་རྙེད་ན་དགེ་སློང་དེས་སྨན་དེ་དག་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱོད་པར་བྱ་བའམ། གཏང་ [214a] [214a.1]བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་ [214a.2]གཉིས་སམ། ཚེས་གསུམ་མམ། ཚེས་བདུན་ཚུན་ཆད་ཀྱིས་ན་བའི་སྨན་རབ་ཏུ་མང་པོ་དག་ཅིག་རྙེད་ན་དགེ་སློང་དེས་སྨན་དེ་དག་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་ [214a.3]སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ན་བའི་སྨན་རབ་ཏུ་མང་པོ་དག་ཅིག་རྙེད་ཅིང་དེས་ཚེས་གཉིས་ལ་ཡང་གཞན་རབ་ཏུ་མང་ [214a.4]པོ་དག་ཅིག་རྙེད་ན་དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྨན་སྔ་མ་དག་ཡོངས་སུ་ལོངས་སྤྱད་པར་བྱ་ཞིང་། ཕྱི་མ་དག་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་དག་ཡོངས་སུ་ལོངས་སྤྱད་པར་བྱ་ཞིང་། སྔ་མ་དག་གཏང་བར་བྱ་བའམ། གཞན་ [214a.5]ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་གཅིག་དང་གཉིས་ལ་ཇི་ལྟ་བ་དེ་བཞིན་དུ་དེས་ཚེས་དྲུག་གི་བར་ལ་ན་བའི་ [214a.6]སྨན་རབ་ཏུ་མང་པོ་དག་ཅིག་རྙེད་ཅིང་དེ་ཚེས་བདུན་གྱི་བར་ལ་ཡང་གཞན་རབ་ཏུ་མང་པོ་དག་རྙེད་ན་དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྔ་མ་དག་ཡོངས་སུ་ལོངས་སྤྱད་པར་བྱ་ཞིང་། ཕྱི་མ་དག་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་དག་ [214a.7]ཡོངས་སུ་ལོངས་སྤྱད་པར་བྱ་ཞིང་། སྔ་མ་དག་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན་ཉི་མ་བརྒྱད་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། ། [214b] [214b.1]དེ་ལ་སྨན་གང་དག་དེ་ནས་ལག་ཉར་བླངས་པ་དང་། དེ་ལས་བྱིན་ལེན་བྱས་པ་དང་། ཟས་ཀྱི་ཕྱེ་མ་དང་འདྲེས་པ་དང་། ཕན་ཚུན་འདྲེས་པ་དང་། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་ནི་ཀུན་དགའི་ར་བའམ། དགེ་ཚུལ་དག་ [214b.2]ལ་སྤང་བར་བྱའོ། །དེ་ལ་སྨན་གང་དག་དེ་ནས་ལག་ཉར་མ་བླངས་པ་དང་། དེ་ལས་བྱིན་ལེན་མ་བྱས་པ་དང་། ཟས་ཀྱི་ཕྱེ་མ་དང་མ་འདྲེས་པ་དང་། ཕན་ཚུན་མ་འདྲེས་པ་དང་། རང་གི་རྒྱུད་ཀྱིས་མ་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་ནི་དགེ་སློང་ [214b.3]གིས་རང་གིས་ཞག་བདུན་པར་བྱིན་གྱིས་བརླབས་ཏེ་གསོག་འཇོག་གི་ཡོངས་སུ་ལོངས་སྤྱོད་པས་ཡོངས་སུ་ལོངས་སྤྱད་པར་བྱའོ། །འདི་ལྟར་བྱིན་གྱིས་བརླབ་པར་བྱ་སྟེ། ལག་པ་བསྙལ་ནས་སྨན་བྱིན་ལེན་བྱས་ཏེ་ཚངས་པ་མཚུངས་པར་སྤྱོད་པའི་མདུན་དུ་འདུག་ནས་ [214b.4]འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། །བདག་དགེ་སློང་མིང་འདི་ཞེས་བགྱི་བས་སྨན་རུང་བ་འདི་བདག་ཉིད་དང་ཚངས་པ་མཚུངས་པར་སྤྱོད་པ་རྣམས་ཀྱིར་བགྱི་བའི་སླད་དུ་ཞག་བདུན་པར་བྱིན་གྱིས་བརླབ་བོ། །དེ་བཞིན་དུ་ལན་གཉིས། ལན་ [214b.5]གསུམ་དུ་བཟླས་པར་བྱའོ། །ཇི་ཙམ་ཡོངས་སུ་ལོངས་སྤྱད་པ་ཡང་ཚངས་པ་མཚུངས་པར་སྤྱོད་པ་ལ་བརྗོད་པར་བྱ་སྟེ། དེང་དུ་བདག་གི་ཉི་མ་གཅིག་ཡོངས་སུ་ལོངས་སྤྱད་ལགས་ཏེ། ལྷག་མ་རྣམས་ཀྱང་ཡོངས་སུ་ལོངས་སྤྱད་པར་བགྱིའོ་ཞེས་དེ་བཞིན་དུ་ཉི་མ་བདུན་ [214b.6]གྱི་བར་དུ་བརྗོད་པར་བྱའོ། །གལ་ཏེ་ལྷག་མ་ཡོད་ན་དེ་ཀུན་དགའི་ར་བ་པའམ། དགེ་ཚུལ་དག་ལ་སྤང་བར་བྱའོ། །དགེ་སློང་གི་ན་བའི་སྨན་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་ [214b.7]བར་འགྱུར་རོ། །དགེ་སློང་གི་ན་བའི་སྨན་སྤང་བར་གྱུར་ན་དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ན་བའི་སྨན་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་མ་ [215a] [215a.1]བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ན་བའི་སྨན་སྤང་བར་གྱུར་ན་དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གིས་ [215a.2]ཇི་ཙམ་དུ་ན་བའི་སྨན་སྤང་བ་དེས་མ་སྤངས་ཤིང་སོ་སོར་མ་སྤངས་ལ་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བའི་བར་དག་ཉེ་བར་འཇོག་ [215a.3]པར་བྱེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གསོག་འཇོག་གི་སྤང་བ་སྟེ་སུམ་བཅུ་པ་རྫོགས་{སྷོ,སོ}། །སྤང་བའི་ལྟུང་བྱེད་རྣམས་རྫོགས་ [215a.4]{སྷོ,སོ}།། །།སྤྱི་སྡོམ་ལ། ཤེས་བཞིན་དང་ནི་ས་བོན་དང་། །མ་བསྐོས་པ་དང་ཡང་ཡང་དང་། །ཆུ་དང་ཁྱིམ་དང་བསམས་བཞིན་དང་། །འགྲོན་མང་རྐུན་མ་མཆོད་སྟོན་ནོ།། །།སྡོམ་ལ། {བརྫུན་,རྫུན་}སྐྱོན་དགེ་སློང་ཕྲ་མ་དང་། །སྐྱོ་སྔོགས་བྱེད་དང་ [215a.5]སྟོན་པ་དང་། །འདོན་དང་གནས་ངན་ལེན་དང་ཆོས། །བཤེས་ངོར་བྱེད་དང་ཁྱད་དུ་གསོད། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་སྒྲ་ཅན་ཟིན་རྒྱལ་པོའི་ཁབ་ན་ཆུ་དྲོན་གྱི་ཀུན་ [215a.6]དགའ་ར་བ་ན་འདུག་སྟེ། བྲམ་ཟེ་དང་ཁྱིམ་བདག་དད་པ་ཅན་དག་ཚེ་དང་ལྡན་པ་སྒྲ་ཅན་ཟིན་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་སྒྲ་ཅན་ཟིན་ལ་བཙུན་པ་སྒྲ་ཅན་ཟིན་བཅོམ་ལྡན་འདས་ག་ལ་བཞུགས་ཞེས་འདྲི་བ་ན། གལ་ཏེ་བཅོམ་ལྡན་འདས་འོད་མའི་ཚལ་ [215a.7]ན་བཞུགས་ན་ནི་དེ་ན་རེ་བྱ་རྒོད་ཕུང་པོ་ལ་བཞུགས་སོ་ཞེས་ཟེར། གལ་ཏེ་བཅོམ་ལྡན་འདས་བྱ་རྒོད་ཕུང་པོ་ལ་བཞུགས་ན་ནི་དེ་ན་རེ་འོད་མའི་ཚལ་ན་བཞུགས་སོ་ཞེས་ཟེར། གལ་ཏེ་བཅོམ་ལྡན་འདས་པིས་པ་ལའི་ཕུག་ན་བཞུགས་ན་ནི་དེ་ན་རེ་སྡེ་ཅན་མའི་ཕུག་ན་ [215b] [215b.1]བཞུགས་སོ་ཞེས་ཟེར། གལ་ཏེ་བཅོམ་ལྡན་འདས་སྡེ་ཅན་མའི་ཕུག་ན་བཞུགས་ན་ནི་པིས་པ་ལའི་ཕུག་ན་བཞུགས་སོ་ཞེས་ཟེར་ནས། དེ་དག་གིས་བཅོམ་ལྡན་འདས་བཙལ་ན་མ་རྙེད་ནས་དེ་དག་ལུས་ངལ་བ་དང་། ལུས་དུབ་པ་དང་། ལུས་རྒུད་པས་ཚེ་དང་ལྡན་པ་སྒྲ་ [215b.2]ཅན་ཟིན་ག་ལ་བ་དེར་དོང་བ་དང་། དེ་ན་ཚེ་དང་ལྡན་པ་སྒྲ་ཅན་ཟིན་གྱིས་དེ་དག་ལ་དྲིས་པ། ཤེས་ལྡན་དག་བཅོམ་ལྡན་འདས་མཐོང་ངམ། བཙུན་པ་སྒྲ་ཅན་ཟིན་མ་མཐོང་ངོ་། །དེ་དགོད་པ་དང་དེ་དག་གིས་སྨྲས་པ། བཙུན་པ་སྒྲ་ཅན་ཟིན་བསམས་བཞིན་དུ་ [215b.3]བདག་ཅག་ལ་མཐོ་འཚམས་པར་མི་མཛད་དམ། དེ་ཡིན་ནོ། །དེ་དག་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་ [215b.4]དང་ཆོས་གོས་བསྣམས་ཏེ་རྒྱལ་པོའི་ཁབ་ཏུ་བསོད་སྙོམས་ལ་གཤེགས་ནས་རྒྱལ་པོའི་ཁབ་ཏུ་བསོད་སྙོམས་བརྒྱུས་ཏེ་ཟས་ཀྱི་བྱ་བ་མཛད་ནས་ཕྱི་མའི་ཟས་ཀྱི་བསོད་སྙོམས་ལས་སླར་ལོག་པས་ཆུ་དྲོན་གྱི་ཀུན་དགའ་ར་བར་ཚེ་དང་ལྡན་པ་སྒྲ་ཅན་ཟིན་གྱི་གཙུག་ལག་ཁང་ [215b.5]ག་ལ་བ་དེར་གཤེགས་སོ། །ཚེ་དང་ལྡན་པ་སྒྲ་ཅན་ཟིན་གྱིས་ཐག་རིང་པོ་ཁོ་ན་ནས་བཅོམ་ལྡན་འདས་མཐོང་ངོ་། །མཐོང་ནས་ཀྱང་བཅོམ་ལྡན་འདས་ཀྱི་སླད་དུ་གདན་ཤོམ་པར་བྱེད། ཞབས་བསིལ་བའི་ཆབ་དང་ཞབས་རྟེན་མཐའ་གཅིག་ཏུ་འཇོག་པར་བྱེད་ཅིང་བསུ་ [215b.6]ནས། ཆོས་གོས་ལེན་པར་བྱེད་ཅིང་འདི་སྐད་ཅེས་བཅོམ་ལྡན་འདས་གཤེགས་སུ་གསོལ། བཅོམ་ལྡན་འདས་བྱོན་པ་ལེགས་སོ། །བཅོམ་ལྡན་འདས་གདན་བཤམ་པ་ཉིད་ལ་བཞུགས་སུ་གསོལ་ཞེས་ཀྱང་སྨྲས་སོ། །བཅོམ་ལྡན་འདས་གདན་བཤམས་པ་ཉིད་ལ་བཞུགས་ [215b.7]ནས། དེ་ནས་བཅོམ་ལྡན་འདས་ཀྱིས་ཉིད་ཀྱིས་ཞབས་གཉིས་བསིལ་ནས་ཆུ་སྣོད་དུ་ཆུའི་ལྷག་མ་ཉུང་ཞིག་བཞག་ནས་ཚེ་དང་ལྡན་པ་སྒྲ་ཅན་ཟིན་ལ་བཀའ་སྩལ་པ། སྒྲ་ཅན་ཟིན་ངས་ཆུ་སྣོད་ཏུ་ཆུའི་ལྷག་མ་ཉུང་ཞིག་བཞག་པ་ཁྱོད་ཀྱིས་མཐོང་ངམ། བཙུན་པ་མཐོང་ངོ་། ། [216a] [216a.1]སྒྲ་ཅན་ཟིན་དེ་བཞིན་དུ་ང་ནི་མི་གཏི་མུག་ཅན་གང་ལ་ལ་ཤེས་བཞིན་དུ་{བརྫུན་,རྫུན་}སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པ་དེའི་དགེ་སྦྱོང་གི་ཚུལ་ཆུང་བར་སྨྲའོ། །དེ་ནས་བཅོམ་ལྡན་འདས་ཀྱིས་ཆུའི་ལྷག་མ་ཉུང་ངུ་དེ་ས་ལ་ཕོ་ནས་ཚེ་དང་ལྡན་ [216a.2]པ་སྒྲ་ཅན་ཟིན་ལ་བཀའ་སྩལ་པ། སྒྲ་ཅན་ཟིན་ངས་ཆུའི་ལྷག་མ་ཉུང་ངུ་མ་ས་ལ་ཕོ་བ་ཁྱོད་ཀྱིས་མཐོང་ངམ། བཙུན་པ་མཐོང་ངོ་། །སྒྲ་ཅན་ཟིན་དེ་བཞིན་དུ་ང་ནི་མི་གཏི་མུག་ཅན་གང་ལ་ལ་ཤེས་བཞིན་དུ་{བརྫུན་,རྫུན་}སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་ [216a.3]པ་དེའི་དགེ་སློང་གི་ཚུལ་བོར་བར་སྨྲའོ། །དེ་ནས་བཅོམ་ལྡན་འདས་ཀྱིས་ཆུ་སྣོད་དེ་ས་ལ་བཟུར་ནས་ཚེ་དང་ལྡན་པ་སྒྲ་ཅན་ཟིན་ལ་བཀའ་སྩལ་པ། སྒྲ་ཅན་ཟིན་ངས་ཆུ་སྣོད་ས་ལ་བཟུར་བ་ཁྱོད་ཀྱིས་མཐོང་ངམ། བཙུན་པ་མཐོང་ངོ་། །སྒྲ་ཅན་ཟིན་དེ་བཞིན་དུ་ང་ནི་མི་ [216a.4]གཏི་མུག་ཅན་གང་ལ་ལས་ཤེས་བཞིན་དུ་{བརྫུན་,རྫུན་}སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པ་དེའི་དགེ་སྦྱོང་གི་ཚུལ་བཟུར་བར་སྨྲའོ། །དེ་ནས་བཅོམ་ལྡན་འདས་ཀྱིས་ཆུ་སྣོད་དེ་ས་ལ་ཁས་བུབ་ནས་ཚེ་དང་ལྡན་པ་སྒྲ་ཅན་ཟིན་ལ་བཀའ་སྩལ་པ། སྒྲ་ཅན་ཟིན་ [216a.5]ངས་ཆུ་སྣོད་ས་ལ་ཁས་ཕུབ་པ་ཁྱོད་ཀྱིས་མཐོང་ངམ། བཙུན་པ་མཐོང་ངོ་། །སྒྲ་ཅན་ཟིན་དེ་བཞིན་དུ་ང་ནི་མི་གཏི་མུག་ཅན་གང་ལ་ལ་ཤེས་བཞིན་དུ་{བརྫུན་,རྫུན་}སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པ་དེའི་དགེ་སྦྱོང་གི་ཚུལ་ཁས་ཕུབ་པར་སྨྲའོ། །སྒྲ་ [216a.6]ཅན་ཟིན་འདི་ལྟ་སྟེ། དཔེར་ན་རྒྱལ་པོའི་གླང་པོ་ཆེ་དྲེགས་པ་མ་ཏང་ཀ་ནས་བྱུང་བ་གཞོན་པ་ལོ་དྲུག་བཅུ་ལོན་པ། མཆེ་བ་ཤིང་རྟའི་མདའ་ཙམ་དང་ལྡན་པ། བྲང་དཀྱེལ་ཆེ་བ། གཡུལ་ངོར་སྤྱད་པ། གཡུལ་གྱི་ནང་དུ་སོན་པ། ལག་པ་གཉིས་དང་། རྐང་པ་ [216a.7]གཉིས་དང་། བརླ་གཉིས་དང་། རྐེད་པ་དང་། མཇུག་མ་དང་། གློ་གཉིས་དང་། རྒྱབ་དང་། ཟ་འགྲམ་གཉིས་དང་། མགྲིན་པ་དང་། རྣ་བ་གཉིས་དང་། མཆེ་བ་གཉིས་ཀྱིས་ལས་བྱེད་ཅིང་སྣས་ལས་མི་བྱེད་པ། ཕ་རོལ་གྱི་དཔུང་དང་། ཕ་རོལ་གྱི་ [216b] [216b.1]དམག་འཇོམས་པར་བྱེད་པ་ན་དེ་ན་རྒྱལ་པོའི་གླང་པོ་ཆེ་ཞོན་པ་འདི་སྙམ་དུ་འདི་ལྟར་རྒྱལ་པོའི་གླང་པོ་ཆེ་དྲེགས་པ་མ་ཏང་ཀ་ནས་བྱུང་བ་གཞོན་པ་ལོ་དྲུག་བཅུ་ལོན་པ། མཆེ་བ་ཤིང་རྟའི་མདའ་ཙམ་དང་ལྡན་པ། བྲང་དཀྱེལ་ཆེ་བ། གཡུལ་ངོར་སྤྱད་པ། གཡུལ་གྱི་ [216b.2]ནང་དུ་སོང་བ་ལག་པ་གཉིས་དང་། རྐང་པ་གཉིས་དང་། བརླ་གཉིས་དང་། རྐེད་པ་དང་། མཇུག་མ་དང་། གློ་གཉིས་དང་། རྒྱབ་དང་། ཟ་འགྲམ་གཉིས་དང་། མགྲིན་པ་དང་། རྣ་བ་གཉིས་དང་། མཆེ་བ་གཉིས་ཀྱིས་ལས་བྱེད་ཅིང་སྣས་ལས་མི་བྱེད་ [216b.3]པ། ཕ་རོལ་ཀྱི་དཔུང་དང་ཕ་རོལ་ཀྱི་དམག་འཇོམས་པར་བྱེད་པའི་རྒྱལ་པོའི་གླང་པོ་ཆེ་ནི་སྣ་སྲུང་བར་བྱེད་པས་རྒྱལ་པོའི་གླང་པོ་ཆེས་སྲོག་ཡོངས་སུ་མ་བཏང་ངོ་སྙམ་དུ་སེམས་སོ། །སྒྲ་ཅན་ཟིན་གང་གི་ཕྱིར་རྒྱལ་པོའི་གླང་པོ་ཆེ་དྲེགས་པ་མ་ཏང་ཀ་ནས་བྱུང་བ་ [216b.4]གཞོན་པ། ལོ་དྲུག་བཅུ་ལོན་པ། མཆེ་བ་ཤིང་རྟའི་མདའ་ཙམ་དང་ལྡན་པ། བྲང་དཀྱེལ་ཆེ་བ། གཡུལ་ངོར་སྤྱད་པ། གཡུལ་གྱི་ནང་དུ་སོན་པ། ལག་པ་གཉིས་དང་། རྐང་པ་གཉིས་དང་། བརླ་གཉིས་དང་། རྐེད་པ་དང་། མཇུག་མ་དང་། གློ་ [216b.5]གཉིས་དང་། རྒྱབ་དང་། ཟ་འགྲམ་གཉིས་དང་། མགྲིན་པ་དང་། རྣ་བ་གཉིས་དང་། མཆེ་བ་གཉིས་དང་། སྣས་ཀྱང་ལས་བྱེད་པ། ཕ་རོལ་གྱི་དཔུང་དང་། ཕ་རོལ་གྱི་དམག་འཇོམས་པར་བྱེད་པ་ན་དེ་ན་རྒྱལ་པོའི་གླང་པོ་ཆེ་ལ་ཞོན་པ་འདི་སྙམ་དུ་འདི་ལྟར་ [216b.6]རྒྱལ་པོའི་གླང་པོ་ཆེ་དྲེགས་པ་མ་ཏང་ཀ་ནས་བྱུང་བ་གཞོན་པ། ལོ་དྲུག་བཅུ་ལོན་པ། མཆེ་བ་ཤིང་རྟའི་མདའ་ཙམ་དང་ལྡན་པ། བྲང་དཀྱེལ་ཆེ་བ། གཡུལ་ངོར་སྤྱད་པ། གཡུལ་གྱི་ནང་དུ་སོན་པ། ལག་པ་གཉིས་དང་། རྐང་པ་གཉིས་དང་། བརླ་གཉིས་ [216b.7]དང་། རྐེད་པ་དང་། མཇུག་མ་དང་། གློ་གཉིས་དང་། རྒྱབ་དང་། ཟ་འགྲམ་གཉིས་དང་། མགྲིན་པ་དང་། རྣ་བ་གཉིས་དང་། མཆེ་བ་གཉིས་དང་། སྣས་ཀྱང་ལས་བྱེད་པ། ཕ་རོལ་གྱི་དཔུང་དང་། ཕ་རོལ་གྱི་དམག་འཇོམས་པར་བྱེད་ [217a] [217a.1]པའི་རྒྱལ་པོའི་གླང་པོ་ཆེ་ནི་སྣ་སྲུང་བར་མི་བྱེད་པས་རྒྱལ་པོའི་གླང་པོ་ཆེས་སྲོག་ཡོངས་སུ་བཏང་ངོ་སྙམ་དུ་སེམས་ཏེ། སྒྲ་ཅན་ཟིན་ང་ནི་དེའི་ཚེ་ན་རྒྱལ་པོའི་གླང་པོ་ཆེ་དེས་ལས་མི་བྱ་བ་ཇི་ཡང་མེད་པར་སྨྲའོ། །སྒྲ་ཅན་ཟིན་དེ་བཞིན་དུ་གང་ལ་ལས་ [217a.2]ཤེས་བཞིན་དུ་{བརྫུན་,རྫུན་}སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པར་གྱུར་ན་ང་ནི་མི་གཏི་མུག་ཅན་དེས་སྡིག་པའི་ལས་མི་བྱ་བ་ཅུང་ཟད་ཀྱང་མེད་པར་སྨྲའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་གཉིས་བཀའ་སྩལ་པ། ལུས་ [217a.3]ཅན་{བརྫུན་,རྫུན་}དུ་སྨྲ་བ་ཡིས། །ཆོས་གཅིག་ལས་ནི་འདས་གྱུར་ཅིང་། །འཇིག་རྟེན་ཕ་རོལ་བྲལ་བ་ཡིས། །འདི་ལ་སྡིག་པ་མི་བྱ་མེད། །ལྕགས་གོང་མེ་ལྕེ་འདྲ་བ་དག །ཟོས་པར་གྱུར་པ་མཆོག་ཡིན་གྱི། །ཚུལ་འཆལ་ཡང་དག་མི་སྡོམ་པས། །ཡུལ་ [217a.4]འཁོར་བསོད་སྙོམས་ཟ་བ་མིན། །སྒྲ་ཅན་ཟིན་ཇི་སྙམས་དུ་སེམས། མི་རྣམས་ཀྱི་མེ་ལོང་ཅིའི་ཕྱིར་འཆང་། བཙུན་པ་འདི་ལྟར་རང་གི་བཞིན་གྱི་གཟུགས་སོ་སོར་བརྟག་པའི་སླད་དུའོ། །སྒྲ་ཅན་ཟིན་དེ་བཞིན་དུ་ཁྱོད་ཀྱིས་ཀྱང་ལུས་ཀྱི་ལས་བྱ་བར་བསམས་པ་གང་ཡིན་ [217a.5]པའི་ལུས་ཀྱི་ལས་དེ་ལ་ཅི་བདག་གིས་ལུས་ཀྱིས་ལས་བྱ་བར་བསམས་པའི་ལུས་ཀྱི་ལས་གང་ཡིན་པ་དེ་བདག་དང་གཞན་ལ་གནོད་པར་འགྱུར་བ་མི་དགེ་བའི་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ལུས་ཀྱི་ལས་དེ་བདག་དང་གཞན་ལ་ [217a.6]ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱ་བར་བསམས་པ་གང་ཡིན་པའི་ལུས་ཀྱི་ལས་དེ། བདག་དང་ [217a.7]གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ལུས་ཀྱི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱ་བར་བསམས་ [217b] [217b.1]པ་གང་ཡིན་པའི་ལུས་ཀྱི་ལས་དེ། བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་པ་ཤེས་ན། སྒྲ་ཅན་ཟིན་ཁྱོད་ཀྱིས་ལུས་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་ཅན་ཟིན་ཁྱོད་ཀྱི་ལུས་ཀྱིས་ལས་བྱེད་པ་གང་ཡིན་པའི་ལུས་ཀྱི་ [217b.2]ལས་དེ་ལ་ཅི། བདག་གིས་ལུས་ཀྱི་ལས་བྱེད་པའི་ལུས་ཀྱི་ལས་གང་ཡིན་པ་དེ་བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ལུས་ཀྱི་ལས་དེ་བདག་དང་གཞན་ལ་ཕན་པར་འགྱུར་བ་དགེ་ [217b.3]བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱེད་པ་གང་ཡིན་པའི་ལུས་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་ [217b.4]བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ལུས་ཀྱི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱེད་པ་གང་ཡིན་པའི་ལུས་ཀྱི་ལས་དེ། བདག་ [217b.5]དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ལུས་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་ཅན་ཟིན་ཁྱོད་ཀྱིས་ལུས་ཀྱི་ལས་བྱས་པ་གང་ཡིན་པའི་ལུས་ཀྱི་ལས་དེ་ལ་ཅི། བདག་གིས་ [217b.6]ལུས་ཀྱི་ལས་བྱས་པ་འདས་པ་ཟད་པ་འགགས་པ་བྲལ་བ་རྣམ་པར་འགྱུར་བ་གང་ཡིན་པ་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ལུས་ཀྱི་ལས་དེ་བདག་དང་གཞན་ལ་ཕན་པར་ [217b.7]འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱས་པ་འདས་པ་ཟད་པ་འགགས་པ་བྲལ་བ་རྣམ་པར་གྱུར་པ་གང་ཡིན་པའི་ [218a] [218a.1]ལུས་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ལུས་ཀྱི་ལས་དེ་སྟོན་པ་དང་། ཚངས་པ་མཚུངས་པར་སྤྱོད་པ་མཁས་པ་ [218a.2]རྣམས་ཀྱི་མདུན་དུ་སོ་སོར་བཤགས་པར་བྱ་ཞིང་། ཕྱིན་ཆད་ཀྱང་བསྡམ་པ་བསྒྲུབ་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱས་པ་འདས་པ་ཟད་པ་འགགས་པ་བྲལ་བ་རྣམ་པར་གྱུར་པ་གང་ཡིན་པའི་ལུས་ [218a.3]ཀྱི་ལས་དེ། བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་དགའ་བ་དང་མཆོག་ཏུ་དགའ་བ་དེ་ཉིད་ཀྱིས་ཉིན་མཚན་དུ་རྗེས་སུ་བསླབ་ཅིང་། དྲན་པ་དང་ཤེས་བཞིན་གྱིས་མང་དུ་ [218a.4]གནས་པར་བྱའོ། །སྒྲ་ཅན་ཟིན་ཁྱོད་ཀྱིས་ངག་གི་ལས་བྱ་བར་བསམས་པ་གང་ཡིན་པའི་ངག་གི་ལས་དེ་ལ་ཅི། བདག་གིས་ངག་གིས་ལས་བྱ་བར་བསམས་པའི་ངག་གི་ལས་གང་ཡིན་པ་དེ། བདག་དང་གཞན་ལ་གནོད་པར་འགྱུར་བ་མི་དགེ་ [218a.5]བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ངག་གི་ལས་དེ་བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ [218a.6]ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱ་བར་བསམས་པ་གང་ཡིན་པའི་ངག་གི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ [218a.7]ཁྱོད་ཀྱིས་ངག་གི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱ་བར་བསམས་པ་གང་ཡིན་པའི་ངག་གི་ལས་དེ། བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་ [218b] [218b.1]བ་རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ངག་གི་ལས་དེ་རྗེས་སུ་བསྒྲུབ་པར་བྱའོ། །སྒྲ་ཅན་ཟིན་ཁྱོད་ཀྱིས་ངག་གི་ལས་བྱེད་པ་གང་ཡིན་པའི་ངག་གི་ལས་དེ་ལ་ཅི། བདག་གིས་ངག་གི་ལས་བྱེད་པའི་ངག་གི་ལས་གང་ [218b.2]ཡིན་པ་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ངག་གི་ལས་དེ་བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་ [218b.3]བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱེད་པ་གང་ཡིན་པའི་ངག་གི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་ [218b.4]པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ངག་གི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་དེ། བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་ [218b.5]རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ངག་གི་ལས་དེ་རྗེས་སུ་བསྒྲུབ་པར་བྱའོ། །སྒྲ་ཅན་ཟིན་ཁྱོད་ཀྱིས་ངག་གི་ལས་བྱས་པ་གང་ཡིན་པའི་ངག་གི་ལས་དེ་ལ་ཅི། བདག་གིས་ངག་གི་ལས་བྱས་པ་འདས་པ་ཟད་པ་འགགས་ [218b.6]པ་བྲལ་བ་རྣམ་པར་གྱུར་པ་གང་ཡིན་པ་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ངག་གི་ལས་དེ་བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་ [218b.7]པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་ཀྱིས་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱས་པ་འདས་པ་ཟད་པ་འགགས་པ་བྲལ་བ་རྣམ་པར་གྱུར་པ་གང་ཡིན་པའི་ངག་གི་ལས་དེ། བདག་དང་ [219a] [219a.1]གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ངག་གི་ལས་དེ་སྟོན་པ་དང་། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱི་མདུན་དུ་སོ་སོར་བཤགས་པར་ [219a.2]བྱ་ཞིང་། ཕྱིན་ཆད་ཀྱང་བསྡམ་པ་བསྒྲུབ་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱས་པ་འདས་པ་ཟད་པ་འགགས་པ་བྲལ་བ་རྣམ་པར་གྱུར་བ་གང་ཡིན་པའི་ངག་གི་ལས་དེ། བདག་དང་གཞན་ལ་ཕན་པར་ [219a.3]འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་དགའ་བ་དང་མཆོག་ཏུ་དགའ་བ་དེ་ཉིད་ཀྱིས་ཉིན་མཚན་དུ་རྗེས་སུ་བསླབ་ཅིང་། དྲན་པ་དང་ཤེས་བཞིན་གྱིས་མང་དུ་གནས་པར་བྱའོ། །སྒྲ་ཅན་ཟིན་ཡིད་ནི་འདས་ [219a.4]པའི་འདུ་བྱེད་རྣམས་ལས་བརྟེན་ཏེ་སྐྱེ་བས་ཁྱོད་ཀྱིས་ཡིད་ཀྱི་ལས་དེ་ལ་ཅི། བདག་གི་ཡིད་འདས་པའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་ [219a.5]པ་སྡུག་བསྔལ་བ་ཡིན་ནམ། འོན་ཏེ་ཡིད་ཀྱི་ལས་དེ་བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་ [219a.6]བདག་གི་ཡིད་འདས་པའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ [219a.7]ཡིད་ཀྱི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་འདས་པའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་ [219b] [219b.1]སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ཡིད་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་ཅན་ཟིན་ཡིད་ནི་མ་འོངས་པའི་འདུ་བྱེད་རྣམས་ལས་བརྟེན་ཏེ་སྐྱེ་བས་ཁྱོད་ཀྱིས་ཡིད་ཀྱི་ལས་དེ་ལ་ཅི། བདག་གི་ཡིད་མ་འོངས་པའི་འདུ་བྱེད་རྣམས་ལས་བརྟེན་ཏེ་ [219b.2]སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ཡིད་ཀྱི་ལས་དེ་བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་ [219b.3]བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་མ་འོངས་པའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་ [219b.4]བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བར་ཤེས་ན། སྒྲ་ཅན་ཟིན་ཁྱོད་ཀྱིས་ཡིད་ཀྱི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་མ་འོངས་པའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ [219b.5]ཡིད་ཀྱི་ལས་དེ། བདག་དང་གཞན་ལ་ཕན་པར་འགྱུར་བ་རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ཡིད་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་ཅན་ཟིན་ཡིད་ནི་ད་ལྟར་བྱུང་བའི་འདུ་བྱེད་རྣམས་ལས་བརྟེན་ཏེ་སྐྱེ་བས་ཁྱོད་ཀྱིས་ཡིད་ཀྱི་ [219b.6]ལས་དེ་ལ་ཇི། བདག་གི་ཡིད་ད་ལྟར་བྱུང་བའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ཡིད་ཀྱི་ལས་དེ་ [219b.7]བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་ད་ལྟར་བྱུང་བའི་འདུ་བྱེད་རྣམས་ལས་བརྟེན་ཏེ་སྐྱེས་པ་ [220a] [220a.1]གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བར་ཤེས་ན། སྒྲ་ཅན་ཟིན་ཁྱོད་ཀྱིས་ཡིད་ཀྱི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་ [220a.2]སོ་སོར་རྟོག་པ་ན། གལ་ཏེ་བདག་གི་ཡིད་ད་ལྟར་བྱུང་བའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ཡིད་ [220a.3]ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་ཅན་ཟིན་དགེ་སྦྱོང་ངམ་བྲམ་ཟེ་གང་དག་ད་ལྟར་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ལ་སོ་སོར་བརྟགས་ཤིང་། སོ་སོར་བརྟགས་ནས་ཡོངས་སུ་སྦྱངས་ཤིང་ཡོངས་སུ་སྦྱངས་ཏེ། མང་དུ་ [220a.4]གནས་པར་བྱེད་པ་དེ་དག་ཐམས་ཅད་ཀྱང་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ལ་དེ་ལྟར་སོ་སོར་བརྟགས་ཤིང་། སོ་སོར་བརྟགས་ནས་ཡོངས་སུ་སྦྱངས་ཤིང་ཡོངས་སུ་སྦྱངས་ཏེ། མང་དུ་གནས་པར་བྱེད་དོ། །དགེ་སྦྱོང་ངམ་ [220a.5]བྲམ་ཟེ་གང་དག་འདས་པའི་དུས་ན། ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ལ་སོ་སོར་བརྟགས་ཤིང་། སོ་སོར་བརྟགས་ནས་ཡོངས་སུ་སྦྱངས་ཤིང་ཡོངས་སུ་སྦྱངས་ཏེ། མང་དུ་གནས་པར་གྱུར་པ་དེ་དག་ཐམས་ཅད་ཀྱིས་ཀྱང་ [220a.6]ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ལ་དེ་ལྟར་སོ་སོར་བརྟགས་ཤིང་། སོ་སོར་བརྟགས་ནས་ཡོངས་སུ་སྦྱངས་ཤིང་ཡོངས་སུ་སྦྱངས་ཏེ། མང་དུ་གནས་པར་གྱུར་ཏོ། །དགེ་སྦྱོང་དང་། བྲམ་ཟེ་གང་དག་མ་འོངས་པའི་དུས་ན། [220a.7]ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ལ་སོ་སོར་བརྟགས་ཤིང་། སོ་སོར་བརྟགས་ནས་ཡོངས་སུ་སྦྱངས་ཤིང་ཡོངས་སུ་སྦྱངས་ཏེ། མང་དུ་གནས་པར་འགྱུར་བ་དེ་དག་ཐམས་ཅད་ཀྱང་ལུས་ཀྱི་ལས་དང་། ངག་གི་ལས་དང་། [220b] [220b.1]ཡིད་ཀྱི་ལས་ལ་དེ་ལྟར་སོ་སོར་བརྟགས་ཤིང་། སོ་སོར་བརྟགས་ནས་ཡོངས་སུ་སྦྱངས་ཤིང་ཡོངས་སུ་སྦྱངས་ཏེ། མང་དུ་གནས་པར་འགྱུར་རོ། །སྒྲ་ཅན་ཟིན་དེ་ལྟ་བས་ན་འདི་ལྟར་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་དེ་ལ་སོ་ [220b.2]སོར་བརྟགས་ཤིང་། སོ་སོར་བརྟགས་ནས་ཡོངས་སུ་སྦྱངས་ཤིང་ཡོངས་སུ་སྦྱངས་ཏེ། མང་དུ་གནས་པར་བྱའོ་ཞེས་བསླབ་པར་བྱ་སྟེ། སྒྲ་ཅན་ཟིན་ཁྱོད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་ [220b.3]གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །སངས་རྒྱས་བསྟན་པ་དྲན་བྱེད་ན། །ལུས་ཀྱི་ལས་དང་ངག་ལས་དང་། །ཡིད་ཀྱི་ལས་ལ་མང་དུ་ནི། །སོ་སོར་རྟོགས་ཤིག་སྒྲ་ཅན་ཟིན། །འདི་ [220b.4]ནི་དགེ་སྦྱོང་ལས་ཡིན་ཏེ། །འདི་ལ་སློབས་ཤིག་སྒྲ་ཅན་ཟིན། །འདི་ལ་ཁྱོད་ནི་སློབ་བྱེད་ན། །དགེ་བར་འགྱུར་ཞིང་སྡིག་མེད་ཡིན། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་སྒྲ་ཅན་ཟིན་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། [220b.5]ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ [220b.6]ཀྱི་བསླབ་པའི་གཞི་བཅའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་མཉན་ཡོད་ན་ཤཱཀྱའི་བུ་དགེ་སློང་ལག་བརྒྱུད་ཅེས་བྱ་བ་ཞིག་འདུག་པ་དེ་ཤིན་ཏུ་ [220b.7]སྨྲ་བ་དང་གཞན་གྱི་སྨྲ་བའི་རྗེས་སུ་བརྩོན་པར་གནས་སོ། །དེ་ན་ཤེད་བུ་གསང་ཚིག་འདོད་པ། གསང་ཚིག་པ་ཚོལ་བ་ཞིག་ཡུལ་དབུས་ནས་ལྷོ་ལམ་དུ་སོང་ངོ་། །དེ་ན་བྲམ་ཟེ་རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་དུ་སོན་པ། ཡུལ་ [221a] [221a.1]ཐ་དད་པ་ན་གནས་པའི་བྲམ་ཟེ་རྣམས་ཀྱི་སྟོན་པར་གྱུར་པ་ཞིག་འདུག་ནས། ཤེད་བུ་དེ་བྲམ་ཟེ་དེའི་དྲུང་དུ་སོང་སྟེ་ཕྱིན་ནས་ཞི་བ་དང་སྤྱོད་ལམ་ཞི་བས་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །དེ་ནས་བྲམ་ཟེ་དེས་ཤེད་བུ་ [221a.2]དེ་ལ་འོངས་པ་ལེགས་སོ་ཞེས་བྱ་བའི་ཚིག་གི་ཀུན་ཏུ་སྤྱོད་པས་སྨྲས་པ། ཀྱེ་ཤེད་བུ་ཁྱོད་ག་ལས་འོངས། ཅི་ཞིག་འདོད། ཤེད་བུས་སྨྲས་པ། བདག་ཡུལ་དབུས་ནས་མཆིས་ཏེ། མཁན་པོའི་ཞབས་ལ་སྲི་ཞུ་བགྱིད་པར་འཚལ་ལོ། །ཅི་ཞིག་ [221a.3]གི་ཕྱིར། རིག་བྱེད་བཀླག་པའི་སླད་དུའོ། །ཤེད་བུ་ལེགས་ཀྱིས་དེ་བཞིན་གྱིས་ཤིག །དེ་ནི་བྲམ་ཟེས་བྱ་བ་ཡིན་ནོ། །ཤེད་བུ་དེས་བྲམ་ཟེ་དེའི་དྲུང་དུ་རིག་བྱེད་བཀླག་པ་བྱ་བར་བརྩམས་སོ། །ཤེད་བུ་རྣམས་ཀྱི་ཀུན་ཏུ་སྤྱོད་པ་ནི་འདི་ [221a.4]ཡིན་ཏེ། གང་གི་ཚེ་མི་ཀློག་པར་གྱུར་པ་དེའི་ཚེ་ན་ལན་འགའ་ནི་ཆུ་ངོགས་སུ་ཉེ་རེག་བྱེད་དུ་དོང་ངོ་། །ལན་འགའ་ནི་གྲོང་ཁྱེར་བལྟར་འདོང་ངོ་། །ལན་འགའ་ནི་ཡམ་སྲེག་ཤིང་ཐུར་འདོང་ངོ་། །ཇི་ཙམ་དུས་གཞན་ཞིག་ན་དེ་དག་མི་ཀློག་པར་གྱུར་ནས་ [221a.5]དེའི་ཚེ་དེ་དག་ཡམ་སྲེག་ཤིང་ཐུར་དོང་བ་དང་། དེ་དག་ལ་ལམ་གྱི་བར་དུ་བར་སྐབས་ཀྱི་གཏམ་རྗོད་པ་འདི་ལྟ་བུ་འདི་བྱུང་སྟེ། ཀྱེ་ཀུད་སའི་རིགས་དག །བད་སའི་རིགས་དག །ཤན་དི་ལིའི་རིགས་དག །བྷ་ར་དྭ་ཛའི་རིགས་དག །ལྔ་ [221a.6]པའི་རིགས་དག །ཉེ་ལྔའི་རིགས་དག །ཇི་ཁྱེད་ཅག་ལས་གང་ནི་ཡུལ་ག་ལས་འོངས་པ་དྲི་བར་བྱའོ། །དེ་ན་ཤེད་བུ་གཅིག་གིས་སྨྲས་པ། ཁོ་བོ་ནི་ཡུལ་ཤར་ནས་སོ། །གཞན་དག་གིས་སྨྲས། ཁོ་བོ་ནི་ལྷོ་ལམ་ནས་སོ། །ཡང་ [221a.7]གཞན་ཞིག་གིས་སྨྲས་པ། ཁོ་བོ་ནི་ནུབ་ཀྱིས་ནས་སོ། །ཡང་གཞན་ཞིག་གིས་སྨྲས་པ། ཁོ་བོ་ནི་བྱང་ལམ་ནས་སོ། །ཤེད་བུ་དེས་སྨྲས་པ། ཁོ་བོ་ནི་ཡུལ་དབུས་ནས་སོ། །དེ་དག་གིས་སྨྲས་པ། ཤེས་ལྡན་དག་བདག་ཅག་ [221b] [221b.1]གིས་ཡུལ་ཐམས་ཅད་མཐོང་ཞིང་ཐོས་ན་ཡུལ་དབུས་ནི་མ་མཐོང་མ་ཐོས་སོ། །ཤར་ན་བློ་ཅན་གནས་པ་སྟེ། །ལྷོ་ལམ་ན་ནི་གཡོན་བྱེད་འདུག །ནུབ་ཀྱི་ཡུལ་ན་ཕྲ་མ་ཅན། །བྱང་ལམ་ན་ནི་ཚིག་རྩུབ་བོ། །ཞེས་ཚིགས་སུ་བཅད་པ་ཡང་སྨྲས་ [221b.2]སོ། །དེ་ནས་དྲིས་པ། ཤེད་བུ་ཡུལ་དབུས་ཅི་འདྲ། ཤེས་ལྡན་དག་ཡུལ་དབུས་ནི་ཡུལ་རྣམས་ཀྱི་མཆོག་ཡིན་ཏེ། སཱ་ལུ་དང་། བུ་རམ་ཤིང་གི་ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ། སློང་མོ་པ་བརྒྱས་ཁྱབ་པ། [221b.3]དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པ། དེ་ན་ཆུ་ཀླུང་གང་གཱ་ཁ་རྗེ་དང་བསོད་ནམས་དང་། བཀྲ་ཤིས་དང་། གཙང་བ་དང་། གཙང་མ་ཉིད་ཀྱི་གནས་སུ་གྲགས་པ། འགྲམ་གཉིས་ [221b.4]ནས་རླན་འཕྱོ་བ། དྲང་སྲོང་རྣམས་ཀྱི་བསྟི་གནས་ཞེས་བྱ་བ་ཆུ་དགུར་{བཅྭ་,བཅོ་}བརྒྱད་འབབ་པ་ཡོད་དེ། དེར་དྲང་སྲོང་རྣམས་ཀྱིས་དཀའ་ཐུབ་སྤྱད་ན་རང་གི་ལུས་ཉིད་ཀྱིས་མཐོ་རིས་སུ་འདོང་བ་ཡིན་ནོ། །ཀྱེ་ཤེད་བུ་དེ་ནི་མཇལ་གྱིས་གཞན་འདི་འདྲིའོ། ། [221b.5]ཡུལ་དབུས་ན་མཁས་པར་བགྲང་བ་དག་ཡོད་དམ། ཤེས་ལྡན་དག་ཁོ་བོས་དང་པོ་ཉིད་ནས་ཡུལ་དབུས་ནི་དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པའོ་ཞེས་མ་སྨྲས་སམ། ཤེད་བུ་ཁྱོད་ཀྱིས་དེ་ [221b.6]སྐད་སྨྲས་སོ། །ཤེད་བུ་ཡུལ་དབུས་ན་འདི་ལྟ་སྟེ། དཔེར་ན་བདག་ཅག་གི་མཁན་པོ་དང་འདྲ་བ་སྨྲ་བའི་ཁྱུ་མཆོག་དེ་ལྟ་བུ་དག་ཡོད་དམ། ཤེས་ལྡན་དག་ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་བལྟ་བར་ཡང་མི་ནུས་པ། [221b.7]སྙན་པར་སྨྲ་བ་སྨྲ་བའི་ཁྱུ་མཆོག་དེ་ལྟ་བུ་དག་ཡོད་དོ། །ཤེད་བུ་དེས་དེ་དག་ལ་དེ་ལྟ་དེ་ལྟར་ཡུལ་དབུས་ཀྱི་བསྔགས་པ་བརྗོད་པ་དང་། འདི་ལྟར་དེ་དག་ཐམས་ཅད་ཡུལ་དབུས་སུ་འདོང་འདོད་པར་གྱུར་ཏོ། །དེ་ནས་ཤེད་བུ་དེ་དག་གིས་ཡམ་སྲེག་ཤིང་དག་ [222a] [222a.1]བཙལ་ཏེ། ཡམ་སྲེག་ཤིང་གི་ཁུར་ཐོགས་ནས། བྲམ་ཟེ་དེའི་ཁྱིམ་ག་ལ་བ་དེར་དོང་སྟེ་ཕྱིན་ནས་ཡམ་སྲེག་ཤིང་གི་ཁུར་མཐའ་གཅིག་ཏུ་བཞག་སྟེ། བྲམ་ཟེ་དེ་ག་ལ་བ་དེར་དོང་ནས་ཕྱིན་པ་དང་། བྲམ་ཟེ་དེ་ལ་འདི་སྐད་ཅེས་སྨྲས་སོ། ། [222a.2]མཁན་པོ་མཁྱེན་པར་མཛོད་ཅིག །ཤེད་བུ་འདིས་ཅི་ནས་ཀྱང་བདག་ཅག་ཐམས་ཅད་ཡུལ་དབུས་སུ་མཆི་འཚལ་བར་གྱུར་པ་དེ་ལྟར་ཡུལ་དབུས་ཀྱི་བསྔགས་པ་བརྗོད་དོ། །བྲམ་ཟེ་དེས་སྨྲས་པ། བུ་དག་ཅི་ཇི་སྙེད་ཐོས་པ་དེ་སྙེད་བགྲོད་པར་བྱ་བ་ཡིན་ནམ། [222a.3]འདི་ལྟར་ཡུལ་དག་ནི་ཐོས་ན་དགའ་བར་འགྱུར་བ་ཡིན་པས་མཉན་པར་བྱའི། བགྲོད་པར་ནི་མི་བྱའོ། །མཁན་པོ་ཤེད་བུ་འདིའི་མཆིད་ནས། ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་བལྟ་བར་ཡང་མི་ནུས་པ། སྙན་པར་སྨྲ་བ་སྨྲ་ [222a.4]བའི་ཁྱུ་མཆོག་དེ་ལྟ་བུ་དག་མཆིས་སོ་ཞེས་མཆིའོ། །བུ་དག་ཅི་ཁོ་བོ་ན་རེ། སའི་སྟེང་ན་ཁོ་བོ་གཅིག་པུ་ཁོ་ན་ལས་སྨྲ་བ་གཞན་འགའ་ཡང་མེད་དོ་ཞེས་ཟེར་རམ། ས་ནི་རིན་པོ་ཆེ་མང་པོ་འཛིན་པ་ཡིན་པས་ས་གཞི་ནི་མཛེས་པ་དག་གིས་གང་བ་ཡིན་ནོ། ། [222a.5]མཁན་པོ་རེ་ཞིག་ཡུལ་དེ་ཡང་མཐོང་བར་འགྱུར་ཞིང་། ཆུ་ངོགས་སུ་ཉེ་རེག་ཀྱང་བགྱི། སྨྲ་བའི་ཁྱུ་མཆོག་དེ་དག་ལ་ཡང་བསྙེན་བཀུར་བགྱི། རྒོལ་བ་དག་ཀྱང་ཚར་གཅད་པར་བགྱི། རང་གི་གྲགས་པ་ཡང་བསྒྲག་པར་བགྱི། རྙེད་པ་ [222a.6]ཡང་བསྒྲུབ་པར་བགྱིས། བདག་ཅག་ཡུལ་དབུས་སུ་མཆིའོ། །བྲམ་ཟེ་དེ་སློབ་མ་ལ་རྗེས་སུ་ཆགས་པ་དང་བཅས་པ་དང་། འཁོར་ཉུང་བ་ཡིན་པས་དེས་ཤེད་བུ་དེ་དག་ལ་འདི་སྐད་ཅེས་སྨྲས་སོ། །བུ་དག་གལ་ཏེ་དེ་ལྟ་ན་གཡང་གཞི་དག་དང་། [222a.7]ཤིང་ཤུན་དག་དང་། དབྱུག་གུ་དག་དང་། བླུགས་གཟར་དག་དང་། དགང་གཟར་དག་དང་། རིལ་བ་དག་ལོང་ཤིག་དང་ཡུལ་དབུས་སུ་འདོང་ངོ་། །དེ་དག་གིས་དེ་དག་བླངས་ནས། བྲམ་ཟེ་དེ་ཤེད་བུ་དེ་དག་དང་ལྷན་ཅིག་ཡུལ་དབུས་སུ་ [222b] [222b.1]འཕགས་པ་དང་། དེས་རྒོལ་བ་ཁ་ཅིག་ནི་ཚར་བཅད་དེ་རྒོལ་བའི་ཤིང་རྟ་ལ་སྦྱོར་བར་བྱེད། ཁ་ཅིག་མགོར་ཐལ་བའི་བུམ་པ་དག་གིས་བསྣུན། ཁ་ཅིག་ནི་འཕོང་གི་དཔོང་སར་ཁྭ་བཞིན་དུ་ཐག་རིང་པོ་ནས་ཡོངས་སུ་སྤོང་བར་བྱེད། ཁ་ཅིག་ནི་གདུགས་ [222b.2]དང་། རྒྱལ་མཚན་དང་། བ་དན་དག་གིས་བསུ་བར་བྱེད། ཁ་ཅིག་ནི་སློབ་མ་ཉིད་དུ་ཁས་ལེན་པར་བྱེད་ཅིང་དེ་མཐར་གྱིས་གྲོང་དང་གྲོང་རྡལ་དང་། དབྱེ་ཚོངས་དང་། ཚོང་རྡལ་དག་ཏུ་རྒོལ་བ་འདུལ་ཞིང་མཉན་ཡོད་དུ་ཕྱིན་ཏོ།། །། [222b.3]འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་བརྒྱད་པ། མཉན་ཡོད་ན་བྲམ་ཟེ་འཁོར་ཤིན་ཏུ་མང་བ་ཞིག་གིས། ལྷོ་ལམ་ནས་བྲམ་ཟེ་རྒོལ་བ་ཞིག་འོངས་ཞེས་ཐོས་སོ། །ཐོས་ནས་ཀྱང་དེས་རང་གི་འཁོར་རྣམས་ལ་སྨྲས་པ། ཤེས་ལྡན་དག་ཤེས་ [222b.4]པར་གྱིས་ཤིག །ཁོ་བོས་ལྷོ་ལམ་ནས་བྲམ་ཟེ་རྒོལ་བ་ཞིག་མཉན་ཡོད་དུ་འོངས་ཞེས་ཐོས་ཀྱིས། དེ་གལ་ཏེ་རིག་པའི་གནས་ཆེ་གེ་མོ་ཞིག་ལ་གཏམ་འདྲེ་བར་བྱེད་ན། ཁྱོད་ཀྱིས་དེ་དང་ལྷན་ཅིག་གཏམ་འདྲེ་བར་བྱའོ། །རིག་པའི་གནས་ཆེ་གེ་མོ་ཞིག་ལ་ [222b.5]གཏམ་འདྲེ་བར་བྱེད་ན་ནི། ཁྱོད་ཀྱིས་དེ་དང་ལྷན་ཅིག་གཏམ་འདྲེ་བར་བྱའོ། །གལ་ཏེ་རེ་ཞིག་ཚར་གཅད་པར་ནུས་ན་དེ་ལྟ་ན་ལེགས། གལ་ཏེ་ཚར་གཅད་པར་མ་ནུས་ན་ཤཱཀྱའི་བུའི་དགེ་སྦྱོང་རྣམས་ཀྱི་ནང་དུ་གཏང་བར་བྱའོ། །གལ་ཏེ་རེ་ཞིག་ཤཱཀྱའི་བུའི་ [222b.6]དགེ་སྦྱོང་རྣམས་ཚར་ཆོད་ན། བྲམ་ཟེ་མཆོག་ཉིད་དུ་འགྱུར་ལ། གལ་ཏེ་ཤཱཀྱའི་བུའི་དགེ་སྦྱོང་རྣམས་ཀྱིས་ཚར་གཅད་པར་གྱུར་ན། དེ་ལྟ་ན་ཡང་ལྷོ་ལམ་ནས་རྒོལ་བ་ཞིག་འོངས་པ་དེ་མཉན་ཡོད་ནས་ཚར་བཅད་དོ་ཞེས་བདག་ཅག་ལ་ཕྱོགས་དང་ཕྱོགས་ [222b.7]མཚམས་རྣམས་སུ་སྙན་པའི་སྒྲའི་ཚོགས་རྒྱ་ཆེན་པོ་དགེ་བ་མངོན་པར་འབྱུང་བར་འགྱུར་རོ། །ལྷོ་ལམ་ནས་འོངས་པའི་བྲམ་ཟེ་དེ་ནང་པར་སྔར་ལངས་ཏེ་གོས་ཀྱིས་གློ་དཀྲིས་ནས་རྩྭའི་སྒྲོན་མ་ཐོགས་ཏེ་མཉན་ཡོད་དུ་ཞུགས་པ་དང་། མཉན་ཡོད་པའི་བྲམ་ཟེའི་ [223a] [223a.1]ཁྱེའུ་རྣམས་ཀྱིས་དེ་ལ་སྨྲས་པ། མཁན་པོ་ཅིའི་སླད་དུ་གོས་ཀྱིས་གློ་དཀྲིས་པར་གྱུར། ཁོ་བོས་ཐོས་པ་དེ་སྙེད་བཟུང་བ་གློ་རྡོལ་ཏེ་མི་འབྱུང་བར་བྱ་བའི་ཕྱིར་རོ། །གལ་ཏེ་དེ་ལྟ་ན་ཟངས་མའི་གླེགས་བུས་དཀྲིས་པར་བགྱི་བའི་རིགས་ [223a.2]སོ། །ཅིའི་སླད་དུ་རྩྭའི་སྒྲོན་མ་བསྣམས། ཅི་འཇིག་རྟེན་མི་ཤེས་པའི་མུན་པ་ཅན་གྱི་ནང་དུ་ཤེས་པའི་སྒྲོན་མས་འཇུག་པར་བྱའོ། །དེ་དེ་དག་དང་ལྷན་ཅིག་རིག་པའི་གནས་གང་དང་གང་ལ་གཏམ་འདྲེ་བར་བྱེད་པ་དེ་དང་དེ་ལ་དེས་དེ་དག་སྤོབས་པ་ [223a.3]མེད་པར་བྱེད་ཅིང་། གང་གི་ཚེ་ཐམས་ཅད་སྤོབས་པ་མེད་པར་བྱས་པ་དེའི་ཚེ་ན་དེ་དག་གིས་སྨྲས་པ། མཁན་པོ་ཅི་རང་གི་ཕྱོགས་འཇོམས་པ་ཁོ་ན་ལགས་སམ། དེས་སྨྲས་པ། ཅི་ཁོ་བོ་ལ་གཞན་གྱི་ཕྱོགས་འགའ་ཞིག་ཀྱང་ཡོད་དམ། དེ་དག་ [223a.4]གིས་སྨྲས་པ། མཆིས་ཏེ་ཤཱཀྱའི་བུའི་དགེ་སྦྱོང་བྱུང་ནས་དུས་རིང་པོ་མ་ལགས་པ་དག་ལགས་ཏེ། དེ་དག་ནི་ཤིན་ཏུ་རིགས་བཞི་པོ་དག་རྣམ་པར་དག་པར་འདོད་པ་དང་། སྟོན་པ་དང་། འདོགས་པ་དང་། རབ་ཏུ་འཇོམས་པར་བགྱིད་པ་ལགས་ཀྱིས། དེ་ [223a.5]དག་དང་རེ་ཞིག་ལྷན་ཅིག་གཏམ་འདྲེ་བར་མཛོད་ཅིག །དེ་དག་ག་ལ་འཁོད། མཉན་ཡོད་འདི་ཉིད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ནའོ། །དེ་དག་གི་སྨྲ་བའི་ཁྱུ་མཆོག་གང་ཡིན། དེ་དག་ཐམས་ཅད་ཀྱང་མཁས་པ། སྤྱོད་པ་ [223a.6]གསལ་བ་ཤ་སྟག་ལགས་མོད་ཀྱི། འོན་ཀྱང་དེ་དག་གི་སྨྲ་བའི་ཁྱུ་མཆོག་ནི། དགེ་སྦྱོང་ལག་བརྒྱུད་ཅེས་བགྱི་བ་ལགས་སོ། །དེ་ག་ལ་འདུག །མཉན་ཡོད་འདི་ཉིད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ནའོ། །དེ་དག་དེ་ལྟར་ [223a.7]གཏམ་འདྲེ་བར་བྱེད་པ་ན། ཤཱཀྱའི་བུ་ལག་བརྒྱུད་དེ་ཉིད་དུ་ཕྱིན་ནས། བྲམ་ཟེའི་ཁྱེའུ་དེ་དག་གིས་བྲམ་ཟེ་དེ་ལ་སྨྲས་པ། མཁན་པོ་རེ་ཞིག་ཤཱཀྱའི་བུའི་དགེ་སྦྱོང་གཞན་དག་ཞོག་ལ། ཤཱཀྱའི་བུ་ལག་བརྒྱུད་འདི་དང་ལྷན་ཅིག་གཏམ་འདྲེ་བར་མཛོད་ [223b] [223b.1]ཅིག །དེས་དེ་མཐོང་ནས་སྨྲས་པ། འདི་ལ་སློབ་དཔོན་གྱི་མཚན་ཡོད་པས་འདི་ནི་སྨྲ་བའི་ཁྱུ་མཆོག་ཡིན་ནོ་ཞེས་དེ་དེའི་གན་དུ་སོང་སྟེ་སྨྲས་པ། ཀྱེ་དགེ་སློང་བདག་གིས་བླ་མ་ལས་ཡི་གེ་ཅུང་ཟད་བླངས་པ་དག་ཅིག་ཡོད་དེ། བདག་ཁྱོད་དང་ལྷན་ཅིག་ཅུང་ [223b.2]ཟད་གཏམ་རྣམ་པར་གཏན་ལ་དབབ་པར་བྱེད་པར་འདོད་དོ། །བྲམ་ཟེ་མ་ཉེས་ཏེ། ཁོ་བོ་ལ་ཡང་གང་དུ་བདག་གི་རྒོལ་བའི་བསྟན་བཅོས་རྣོན་པོར་བྱ་སྙམ་པའི་བློ་སྐྱེས་ན། ཁྱོད་ཀྱང་འདིར་འོངས་ཀྱིས་དེ་བཞིན་བྱའོ། །ཉི་མ་གང་ལ་བྱ། སང་བྱའོ། ། [223b.3]ཕྱོགས་གང་དུ། སྐྱེད་མོས་ཚལ་ག་གེ་མོ་ཞིག་ཏུའོ། །དེ་བཞིན་བྱའོ་ཞེས་སྨྲས་ཏེ་སོང་ངོ་། །དེ་ནས་བྲམ་ཟེ་དེ་ཕྱོགས་དང་གཞན་གྱི་ཕྱོགས་སེམས་ཤིང་གལ་ཏེ་དེ་འདི་སྐད་ཅེས་ཟེར་ན། བདག་གིས་འདི་སྐད་ཅེས་བྱའོ་སྙམ་དུ་སེམས་པ་ན་མཚན་ཐམས་ [223b.4]ཅད་འདས་པར་གྱུར་ཏོ། །ཤཱཀྱའི་བུ་ལག་བརྒྱུད་ཀྱིས་བསམས་པ། གལ་ཏེ་བདག་གིས་རེ་ཞིག་བྲམ་ཟེ་ཚར་བཅད་ན་ནི། དེ་ལྟ་ན་ཡང་བདག་གིས་སྒོ་འཕར་བརྒྱ་དག་འདས་ཏེ། ཇི་ལྟར་ལྟོ་དགང་བ་བསྒྲུབ་པར་བྱ་དགོས་སོ། །གལ་ཏེ་བྲམ་ [223b.5]ཟེས་བདག་ཚར་བཅད་ན་ནི། དེ་ལྟ་ན་བདག་གི་གྲགས་པའི་ཕྲེང་བ་མེད་པར་འགྱུར་རོ་སྙམ་མོ། །བྲམ་ཟེ་ཡང་ནང་པར་སྔར་ལངས་ཏེ་སྐྱེད་མོས་ཚལ་དུ་སོང་ནས། དེས་དེར་དེ་ཡུན་རིང་དུ་བསྡད་དེ། དེ་མ་འོངས་པར་རིག་ནས་མཉན་ཡོད་དུ་ཞུགས་སོ། ། [223b.6]ཤཱཀྱའི་བུ་ལག་བརྒྱུད་ཀྱང་བརྩད་པའི་དུས་ཡོལ་ནས། མཉན་ཡོད་དུ་བསོད་སྙོམས་ལ་ཞུགས་པ་དང་། དེ་བྲམ་ཟེ་དེས་མཐོང་ནས་སྨྲས་པ། ཀྱེ་དགེ་སློང་ཁྱོད་སྐྱེད་མོས་ཚལ་དེར་མ་འོངས་སོ། །ལག་བརྒྱུད་ཀྱིས་སྨྲས་པ། ཁོ་བོ་སྐྱེད་མོས་ཚལ་ [223b.7]གང་དུ་བོས་ན་མ་འོངས། སང་སྐྱེད་མོས་ཚལ་ག་གེ་མོ་ཞིག་ཏུ་གཏམ་རྣམ་པར་གཏན་ལ་དབབ་པར་བྱའོ་ཞེས་སོ། །ལག་བརྒྱུད་ཀྱིས་སྨྲས་པ། བྲམ་ཟེ་ཁོ་བོས་ཡེ་བརྗེད་དོ། །བྲམ་ཟེས་བསམས་པ། བདག་ནི་མཚན་ཐོག་ཐག་ཏུ་ཕྱོགས་དང་། [224a] [224a.1]གཞན་གྱི་ཕྱོགས་སེམས་པས་ནམ་ནངས་པར་གྱུར་ན། དགེ་སློང་འདི་ན་རེ་ཁོ་བོས་ཡེ་བརྗེད་དོ་ཞེས་ཟེར་བ་ལས་ན། ཡང་ན་ནི་བློན་པོ་ཆེན་པོ་ཞིག་ཡིན་ནོ། །ཡང་ན་ནི་ཤེས་པས་མི་འཁྲུགས་པ་ཞིག་ཡིན་ནོ་སྙམ་ནས་དེས་སྨྲས་པ། ཀྱེ་ [224a.2]དགེ་སློང་སང་བྱའོ། །བྲམ་ཟེ་དེ་ལྟར་བྱའོ། །བྲམ་ཟེ་དེ་ཕྱི་དེ་ཉིན་པར་ཡང་ནང་པར་སྔར་ལངས་ཏེ་སྐྱེད་མོས་ཚལ་དེར་སོང་ནས། དེས་དེར་ཡུན་རིང་དུ་བསྡད་དེ། དེ་མ་འོངས་པར་རིག་ནས་ཡང་མཉན་ཡོད་དུ་ཞུགས་སོ། །ཤཱཀྱའི་བུ་ལག་བརྒྱུད་ཀྱང་ [224a.3]བརྩད་པའི་དུས་ཡོལ་ནས། མཉན་ཡོད་དུ་བསོད་སྙོམས་ལ་ཞུགས་པ་དང་། དེ་བྲམ་ཟེ་དེས་མཐོང་ནས་སྨྲས་པ། ཀྱེ་དགེ་སློང་ཁྱོད་སྐྱེད་མོས་ཚལ་དེར་མ་འོངས་སོ། །ལག་བརྒྱུད་ཀྱིས་སྨྲས་པ། བྲམ་ཟེ་ཅི་ཁོ་བོའི་བྱ་བ་དེ་ཁོ་ནར་ཟད་དམ། [224a.4]ཁོ་བོས་ཇེ་སྟོན་པ་ལ་བསྙེན་བཀུར་བྱ་དགོས་སོ། །ཐོས་པ་གཟུང་བར་བྱ་དགོས་སོ། །ཚོགས་ཀློག་ཏུ་གཞུག་དགོས་སོ། །བྲམ་ཟེ་དང་། ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ་དགོས་སོ། །བྲམ་ཟེས་སྨྲས་ [224a.5]པ། དགེ་སློང་ཁྱོད་ཆེད་དུ་བསམས་ཏེ་མཐོ་འཚམ་པ་མི་བྱེད་དམ། དེ་ཡིན་ནོ། །དེའི་ཚེ་ན་ཤཱཀྱའི་བུ་ལག་བརྒྱུད་ཡུལ་ཕྱོགས་བྱེད་ཅིང་བརྡ་དང་མཚན་མ་བྱེད་དོ། །དེས་ཡུལ་ཕྱོགས་བྱས་ཤིང་བརྡ་དང་མཚན་མ་བྱས་ནས་ཆེད་དུ་བསམས་ཏེ་མི་འགྲོ་ནས། [224a.6]གཞན་མུ་སྟེགས་ཅན་དག་ཤེས་ལྡན་དག །ཤཱཀྱའི་བུའི་དགེ་སྦྱོང་འདི་དག་ནི་{བརྫུན་,རྫུན་}སྨྲ་བ་{བརྫུན་,རྫུན་}སྨྲ་བ་ལས་མ་ལོག །མ་སྤངས་སོ་སོར་མ་སྤངས་པ་དག་ཡིན་ཏེ། ཡུལ་ཕྱོགས་བྱེད་ཅིང་བརྡ་དང་མཚན་མ་བྱེད་ལ། ཡུལ་ཕྱོགས་བྱས་ཤིང་ [224a.7]བརྡ་དང་མཚན་མ་བྱས་ནས། ཆེད་དུ་བསམས་ཏེ་འགྲོ་བར་མི་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་ [224b] [224b.1]བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་ [224b.2]མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཤཱཀྱའི་བུ་ལག་བརྒྱུད་ལ་རྨས་པ། ལག་བརྒྱུད་ཁྱོད་ཡུལ་ཕྱོགས་བྱེད་ཅིང་བརྡ་དང་མཚན་མ་བྱེད་ལ། ཡུལ་ཕྱོགས་བྱས་ཤིང་བརྡ་དང་མཚན་མ་བྱས་ནས། ཆེད་དུ་བསམས་ཏེ་མི་ [224b.3]འགྲོ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་ [224b.4]རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་ [224b.5]རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤེས་བཞིན་དུ་{བརྫུན་,རྫུན་}སྨྲ་ན་ལྟུང་བྱེད་དོ། །ཤེས་བཞིན་དུ་ཞེས་བྱ་བ་ནི་རྣམ་ [224b.6]པར་དཔྱད་ནས་སོ། །{བརྫུན་,རྫུན་}སྨྲ་ན་ཞེས་བྱ་བ་ལ་{བརྫུན་,རྫུན་}སྨྲ་བ་ནི་རྣམ་པ་དགུ་ཡང་ཡོད། རྣམ་པ་བརྒྱད་ཀྱང་ཡོད། རྣམ་པ་བདུན་ཡང་ཡོད། རྣམ་པ་དྲུག་ཀྱང་ཡོད། རྣམ་པ་ལྔ་ཡང་ཡོད། རྣམ་པ་བཞི་ཡང་ཡོད། རྣམ་ [224b.7]པ་གསུམ་ཡང་ཡོད། རྣམ་པ་གཉིས་ཀྱང་ཡོད་དོ། །དེ་ལ་{བརྫུན་,རྫུན་}དུ་སྨྲ་བ་རྣམ་པ་དགུ་གང་ཞེ་ན། གཞི་མེད་པར་ཕམ་པར་འགྱུར་བ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་ [225a] [225a.1]བྱས་ཀྱིས་གླེང་བ་དང་། གཞི་མེད་པར་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། ཆོ་ག་ཉམས་པ་དང་། འཚོ་བ་ཉམས་པས་གླེང་བའོ། །{བརྫུན་,རྫུན་}དུ་སྨྲ་བ་རྣམ་པ་བརྒྱད་གང་ཞེ་ན། གཞི་མེད་པར་ཕམ་ [225a.2]པར་འགྱུར་བ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་བྱས་ཀྱིས་གླེང་བ་དང་། གཞི་མེད་པར་མཐོང་བ་དང་། ཐོས་པ་དང་། དོགས་པས་གླེང་བའོ། །{བརྫུན་,རྫུན་}དུ་སྨྲ་བ་རྣམ་པ་ [225a.3]བདུན་གང་ཞེ་ན། གཞི་མེད་པར་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། ཆོ་ག་ཉམས་པ་དང་། འཚོ་བ་ཉམས་པས་གླེང་བ་དང་། གཞི་མེད་པར་མཐོང་བ་དང་། ཐོས་པ་དང་། དོགས་པས་གླེང་བའོ། །{བརྫུན་,རྫུན་}དུ་སྨྲ་ [225a.4]བ་རྣམ་པ་དྲུག་གང་ཞེ་ན། དགེ་སློང་{བརྫུན་,རྫུན་}དུ་སྨྲ་བར་འདོད་པ་ནི་འདི་སྙམ་དུ་{བརྫུན་,རྫུན་}སྨྲ་བར་བྱའོ་སྙམ་པ་དང་། {བརྫུན་,རྫུན་}སྨྲ་བ་ན་འདི་སྙམ་དུ་{བརྫུན་,རྫུན་}སྨྲའོ་སྙམ་པ་དང་། {བརྫུན་,རྫུན་}སྨྲས་པ་ན་འདི་སྙམ་དུ་{བརྫུན་,རྫུན་}སྨྲས་སོ་སྙམ་པ་དང་། དགེ་སློང་གཞི་མེད་པར་ [225a.5]མཐོང་བ་དང་། ཐོས་པ་དང་། དོག་པས་{བརྫུན་,རྫུན་}སྨྲ་བའོ། །{བརྫུན་,རྫུན་}དུ་སྨྲ་བ་རྣམ་པ་ལྔ་གང་ཞེ་ན། གཞི་མེད་པར་ཕམ་པར་འགྱུར་བ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་བྱས་ཀྱིས་གླེང་ [225a.6]བའོ། །{བརྫུན་,རྫུན་}དུ་སྨྲ་བ་རྣམ་པ་བཞི་གང་ཞེ་ན། གཞི་མེད་པར་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། ཆོ་ག་ཉམས་པ་དང་། འཚོ་བ་ཉམས་པས་གླེང་བའོ། །{བརྫུན་,རྫུན་}དུ་སྨྲ་བ་རྣམ་པ་གསུམ་གང་ཞེ་ན། གཞི་མེད་པར་མཐོང་བ་དང་། [225a.7]ཐོས་པ་དང་། དོགས་པས་གླེང་བའོ། །གཞན་ཡང་{བརྫུན་,རྫུན་}དུ་སྨྲ་བ་རྣམ་པ་གསུམ་གང་ཞེ་ན། {བརྫུན་,རྫུན་}སྨྲ་བར་འདོད་པ་ན་འདི་སྙམ་དུ་{བརྫུན་,རྫུན་}དུ་སྨྲ་བར་བྱའོ་སྙམ་པ་དང་། {བརྫུན་,རྫུན་}དུ་སྨྲ་བ་ན་འདི་སྙམ་དུ་{བརྫུན་,རྫུན་}དུ་སྨྲའོ་སྙམ་པ་དང་། {བརྫུན་,རྫུན་}དུ་སྨྲས་པ་ན་འདི་སྙམ་དུ་{བརྫུན་,རྫུན་}སྨྲས་སོ་སྙམ་ [225b] [225b.1]པའོ། །{བརྫུན་,རྫུན་}དུ་སྨྲ་བ་རྣམ་པ་གཉིས་གང་ཞེ་ན། {བརྫུན་,རྫུན་}དུ་སྨྲ་བ་ན་འདི་སྙམ་དུ་{བརྫུན་,རྫུན་}སྨྲའོ་སྙམ་པ་དང་། {བརྫུན་,རྫུན་}སྨྲས་པ་ན་འདི་སྙམ་དུ་{བརྫུན་,རྫུན་}སྨྲས་སོ་སྙམ་པའོ། །{བརྫུན་,རྫུན་}སྨྲ་བ་ལ་རྣམ་པ་གཅིག་པུ་འབའ་ཞིག་ནི་མེད་དོ། །{བརྫུན་,རྫུན་}དུ་སྨྲ་བ་ནི་ཕམ་པར་འགྱུར་བ་ཡང་ཡོད། {བརྫུན་,རྫུན་}དུ་སྨྲ་བ་ནི་དགེ་འདུན་ [225b.2]ལྷག་མར་འགྱུར་བ་ཡང་ཡོད། {བརྫུན་,རྫུན་}དུ་སྨྲ་བ་ནི་ཉེས་པ་སྦོམ་པོར་འགྱུར་བ་ཡང་ཡོད། ལྟུང་བྱེད་དུ་འགྱུར་བ་ཡང་ཡོད། ཉེས་བྱས་སུ་འགྱུར་བ་ཡང་ཡོད་དོ། །དེ་ལ་{བརྫུན་,རྫུན་}དུ་སྨྲ་བ་ཕམ་པར་འགྱུར་བ་གང་ཞེ་ན། འདི་ལྟ་སྟེ། དགེ་སློང་མེད་ལ་མེད་བཞིན་དུ་མིའི་ཆོས་བླ་མ་སྨྲ་བའོ། །{བརྫུན་,རྫུན་}དུ་ [225b.3]སྨྲ་བ་དགེ་འདུན་ལྷག་མར་འགྱུར་བ་གང་ཞེ་ན། འདི་ལྟ་སྟེ། དགེ་སློང་ཁྲོས་ཤིང་ཞེ་སྡང་བར་གྱུར་ནས་ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས་དགེ་སློང་དག་པ་ལྟུང་བ་མེད་པ་ལ་གཞི་མེད་པར་ཕམ་པར་འགྱུར་བའི་ཆོས་ཀྱིས་སྐུར་པ་འདེབས་པའོ། །{བརྫུན་,རྫུན་}དུ་སྨྲ་བ་ཉེས་ [225b.4]པ་སྦོམ་པོར་འགྱུར་བ་གང་ཞེ་ན། འདི་ལྟ་སྟེ། དགེ་སློང་དགེ་འདུན་གྱི་ནང་དུ་ཆེད་དུ་བསམས་ཏེ་ཆོས་མ་ཡིན་པ་ཆོས་སུ་སྟོན་པ་དང་། ཆོས་ཆོས་མ་ཡིན་པར་སྟོན་པ་དང་། འདུལ་བ་མ་ཡིན་པ་འདུལ་བར་སྟོན་པ་དང་། འདུལ་བ་འདུལ་བ་མ་ཡིན་པར་སྟོན་པའོ། །{བརྫུན་,རྫུན་}དུ་སྨྲ་བ་ཉེས་བྱས་ [225b.5]སུ་འགྱུར་བ་གང་ཞེ་ན། འདི་ལྟ་སྟེ། དགེ་སློང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་བསྟན་པ་འདོན་པ་ན་ཅི་འདི་ལ་ཁྱེད་ཡོངས་སུ་དག་གམ་ཞེས་དྲིས་པ་ན་ཡོངས་སུ་མ་དག་བཞིན་དུ་ཅང་མི་སྨྲ་བར་སྡོད་པའོ། །{བརྫུན་,རྫུན་}དུ་སྨྲ་བ་ལྟུང་བྱེད་དུ་འགྱུར་བ་གང་ཞེ་ན། འདི་ལྟ་སྟེ། {བརྫུན་,རྫུན་}དུ་སྨྲ་བ་ [225b.6]རྣམ་པ་བཞི་པོ་དེ་དག་མ་གཏོགས་པར་{བརྫུན་,རྫུན་}དུ་སྨྲ་བ་གཞན་གང་ཡིན་པ་དེ་དག་ཐམས་ཅད་ནི་ལྟུང་བྱེད་དུ་འགྱུར་བ་ཡིན་ནོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚེད་ [225b.7]པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། །བར་སྡོམ་ལ། མ་བརྗེད་པ་དང་ཡིད་གཉིས་དང་། །འདུ་ཤེས་པ་ནི་ཐ་མ་ [226a] [226a.1]ཡིན། དགེ་སློང་གིས་མ་མཐོང་བ་དང་། མ་ཐོས་པ་དང་། མ་རིག་པ་དང་། རྣམ་པར་མི་ཤེས་པ་ལ། དེས་འདུ་ཤེས་བསྒྱུར་ཞིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་ངོ་། །བདག་གིས་ཐོས་སོ། ། [226a.2]བདག་གིས་རིག་གོ། །བདག་གིས་རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ་དེ་ཡང་བརྗེད་པ་དང་། ཐོས་ཤིང་རིག་སྟེ་རྣམ་པར་ཤེས་ལ། དེ་ཡང་བརྗེད་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་ [226a.3]པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ཡང་མ་བརྗེད་དོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ་དེ་ཡང་མ་བརྗེད་དོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ་དེ་ལ་ཡིད་གཉིས་ཟ་བ་དང་། ཐོས་ཤིང་རིག་སྟེ་རྣམ་པར་ཤེས་ལ། [226a.4]དེ་ལ་ཡིད་གཉིས་ཟ་ནས། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ལ་ཡིད་གཉིས་མི་ཟའོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ། དེ་ལ་ཡིད་གཉིས་མི་ཟའོ་ཞེས་ཟེར་ན་སྨྲས་སོ་ [226a.5]ཅོག་ལྟུང་བྱེད་དུ་འགྱུར་རོ། །དེས་མཐོང་བ་ལ་མ་མཐོང་བར་འདུ་ཤེས་ཤིང་། ཐོས་པ་དང་། རིག་པ་དང་། རྣམ་པར་ཤེས་པ་ལ་རྣམ་པར་མ་ཤེས་པར་འདུ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་ [226a.6]མཐོང་ངོ་། །ཐོས་སོ། །རིག་གོ། །རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ཞིང་ཐོས་པ་དང་། རིག་པ་དང་། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ [226a.7]ཅེས་བདག་གིས་མཐོང་གི་མ་ཐོས། མ་རིག །རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་ཐོས་ཤིང་། མཐོང་བ་དང་། རིག་པ་དང་། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་ [226b] [226b.1]སྐད་ཅེས་བདག་གིས་ཐོས་ཀྱི། མ་མཐོང་། མ་རིག་རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་རིག་ཅིང་། མཐོང་བ་དང་། ཐོས་པ་དང་། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་ [226b.2]བསྒྱུར་ཏེ་འདི་སྐད་ཅེས་བདག་གིས་རིག་གི །མ་མཐོང་། མ་ཐོས། རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རྣམ་པར་མ་ཤེས་ཤིང་། མཐོང་བ་དང་། ཐོས་པ་དང་། རིག་ལ་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་ [226b.3]དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་རྣམ་པར་ཤེས་ཀྱི། མ་མཐོང་། མ་ཐོས། མ་རིག་གོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ་དེ་ཡང་བརྗེད་པ་དང་ཐོས་ཤིང་རིག་སྟེ་རྣམ་པར་ཤེས་ལ། དེ་ཡང་བརྗེད་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་ [226b.4]དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་མཐོང་ཏེ། དེ་ཡང་མ་བརྗེད་དོ། །མ་ཐོས། མ་རིག །རྣམ་པར་མ་ཤེས་ཏེ་དེ་ཡང་མ་བརྗེད་དོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ་དེ་ལ་ཡིད་གཉིས་ཟ་བ་དང་། ཐོས་ཤིང་རིག་སྟེ་རྣམ་པར་ [226b.5]ཤེས་ལ་དེ་ལ་ཡིད་གཉིས་ཟ་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་མཐོང་སྟེ་དེ་ལ་ཡིད་གཉིས་མི་ཟའོ། །བདག་གིས་མ་ཐོས། མ་རིག །རྣམ་པར་མ་ཤེས་ཏེ་དེ་ལ་ཡིད་གཉིས་མི་ཟའོ་ཞེས་ཟེར་ན་ [226b.6]སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ་མཐོང་བར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་མཐོང་གི་ཐོས་ཤིང་རིག་ལ་རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། ། [226b.7]དེས་ཐོས་ལ་ཐོས་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་ཐོས་ཀྱི། མཐོང་ཞིང་རིག་སྟེ་རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རིག་ལ་རིག་པར་འདུ་ཤེས་ནས་ [227a] [227a.1]དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་རིག་གི་མཐོང་ཞིང་ཐོས་ལ་རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རྣམ་པར་ཤེས་ལ་རྣམ་པར་ཤེས་པར་ [227a.2]འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ། འདི་སྐད་ཅེས་བདག་གིས་རྣམ་པར་མ་ཤེས་ཀྱི། མཐོང་ཞིང་ཐོས་ལ་རིག་གོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དགེ་སློང་གིས་མཐོང་བ་དང་། ཐོས་པ་དང་། རིག་ [227a.3]པ་དང་། རྣམ་པར་ཤེས་ལ་དེ་ལ་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་མཐོང་ངོ་། །བདག་གིས་མ་ཐོས་སོ། །བདག་གིས་མ་རིག་གོ། །བདག་གིས་རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་ [227a.4]འགྱུར་རོ། །དེས་མ་མཐོང་ལ་དེ་ཡང་མ་བརྗེད་པ་དང་མ་ཐོས་མ་རིག་རྣམ་པར་མ་ཤེས་ལ་དེ་ཡང་མ་བརྗེད་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ཡང་བརྗེད་དོ། །བདག་གིས་ཐོས་ཤིང་ [227a.5]རིག་ལ་རྣམ་པར་ཤེས་ཏེ་དེ་ཡང་བརྗེད་དོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ལ་དེ་ལ་ཡང་ཡིད་གཉིས་མི་ཟ་བ་དང་། མ་ཐོས་མ་རིག་རྣམ་པར་མ་ཤེས་ལ་དེ་ལ་ཡིད་གཉིས་མི་ཟ་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་ [227a.6]པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ལ་ཡིད་གཉིས་ཟའོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ་དེ་ལ་ཡིད་གཉིས་ཟའོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་བ་ལ་མཐོང་བར་འདུ་ཤེས་ཤིང་མ་ཐོས་པ་དང་། མ་རིག་པ་དང་། རྣམ་པར་མ་ཤེས་ [227a.7]པ་ལ་རྣམ་པར་ཤེས་པར་འདུ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་མཐོང་ངོ་། །མ་ཐོས་སོ། །མ་རིག་གོ། །རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་ [227b] [227b.1]མཐོང་ཞིང་མ་ཐོས་པ་དང་། མ་རིག་པ་དང་། རྣམ་པར་མ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་མཐོང་གི། ཐོས་ཞིང་རིག་ལ་རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་ [227b.2]བྱེད་དུ་འགྱུར་རོ། །དེས་ཐོས་ཤིང་མ་མཐོང་མ་རིག་རྣམ་པར་མ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་ཐོས་ཀྱི། མཐོང་ཞིང་རིག་ལ་རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ [227b.3]ལྟུང་བྱེད་དུ་འགྱུར་རོ། །དེས་རིག་ཅིང་མ་མཐོང་མ་ཐོས་རྣམ་པར་མ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མ་རིག་གི །མཐོང་ཞིང་ཐོས་ལ་རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་ [227b.4]བྱེད་དུ་འགྱུར་རོ། །དེས་རྣམ་པར་ཤེས་ཤིང་མ་མཐོང་མ་ཐོས་མ་རིག་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་རྣམ་པར་མ་ཤེས་ཀྱི། མཐོང་ཞིང་ཐོས་ལ་རིག་གོ་ཞེས་ཟེར་ན་སྨྲས་སོ་ཅོག་ལྟུང་ [227b.5]བྱེད་དུ་འགྱུར་རོ། །དེས་མ་མཐོང་བ་ན་ཡང་མ་བརྗེད་པ་དང་། མ་ཐོས་མ་རིག་རྣམ་པར་མ་ཤེས་ལ་དེ་ཡང་མ་བརྗེད་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ཡང་བརྗེད་དོ། །ཐོས་ཤིང་རིག་ལ་རྣམ་ [227b.6]པར་ཤེས་ཏེ་དེ་ཡང་བརྗེད་དོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེ་མ་མཐོང་བ་དེ་ལ་ཡིད་གཉིས་མི་ཟ་བ་དང་། མ་ཐོས་མ་རིག་རྣམ་པར་མ་ཤེས་ལ་དེ་ལ་ཡིད་གཉིས་མི་ཟ་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་ [227b.7]བདག་གིས་མཐོང་སྟེ་དེ་ལ་ཡིད་གཉིས་ཟའོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ་དེ་ལ་ཡིད་གཉིས་ཟའོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ལ་མ་མཐོང་བར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་ [228a] [228a.1]པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་གི །མ་ཐོས་མ་རིག་རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་ཐོས་ལ་མ་ཐོས་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་ [228a.2]དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་ཐོས་ཀྱི། མ་མཐོང་མ་རིག་རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་རིག་ལ་མ་རིག་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་ [228a.3]བསྒྱུར་ཏེ་འདི་སྐད་ཅེས་བདག་གིས་རིག་གི་མ་མཐོང་མ་ཐོས་རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རྣམ་པར་མ་ཤེས་ལ་རྣམ་པར་མ་ཤེས་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ [228a.4]ཏེ་འདི་སྐད་ཅེས་བདག་གིས་རྣམ་པར་ཤེས་ཀྱི། མ་མཐོང་མ་ཐོས་མ་རིག་གོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དགེ་སློང་ཇི་ཙམ་དུ་འདུ་ཤེས་བསྒྱུར་ཏེ་ཚིག་སྨྲ་བར་བྱེད་ན་ཐམས་ཅད་ལྟུང་བྱེད་དུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། [228a.5]ཚོར་བ་དག་གིས་ཉེན་པ་ལ་ལྟུང་བ་མེད་དོ། །{བརྫུན་,རྫུན་}དུ་སྨྲ་བའི་ལྟུང་བྱེད་དེ་དང་པོ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་དགེ་ [228a.6]སློང་རྣམས་ལ་འདི་ལྟ་སྟེ། ཞར་བ་དག །ཐེང་པོ་དག །སྨད་འཆལ་དག །ལག་སོར་རྡུམ་པོ་དག །སྒུར་པོ་དག །མིའུ་ཐུང་དག །ལྦ་བ་ཅན་དག །ལྐུགས་པ་དག །འོན་པ་དག །རྟེན་འཕྱེ་དག །རྐང་འབམ་དག །གྱོལ་པོ་དག །མཆུ་འཕྱངས་དག །མགོ་བོ་ཆེ་དག་ཅེས་ [228a.7]མིའི་སྐྱོན་ནས་སྨྲ་བས་ཀུན་དུ་སྤྱོད་པར་བྱེད་དོ། །མིའི་སྐྱོན་ནས་སྨྲ་བས་ཀུན་དུ་སྤྱོད་པ་ན་དགེ་སློང་དག་སྤ་གོང་བ་དང་། གཟེངས་དམས་པ་དང་། ཞུམ་པར་གྱུར་ནས་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་ཞིང་ [228b] [228b.1]སྡུག་བསྔལ་དང་། ཡིད་མི་བདེ་བ་མང་བར་གནས་སོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་རྣམས་ལ་འདི་ལྟ་སྟེ། ཞར་བ་དག །ཐེང་པོ་དག །སྨད་འཆལ་དག །ལག་སོར་རྡུམ་པོ་དག །སྒུར་པོ་དག །མིའུ་ཐུང་དག །ལྦ་བ་ཅན་དག །ལྐུགས་པ་དག །འོན་པ་དག ། [228b.2]རྟེན་འཕྱེ་དག །རྐང་འབམ་དག །གྱོལ་པོ་དག །མཆུ་འཕྱངས་དག །མགོ་བོ་ཆེ་དག་ཅེས་མིའི་སྐྱོན་ནས་སྨྲ་བས་ཀུན་ཏུ་སྤྱོད་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་ [228b.3]འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་ [228b.4]བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ཁྱེད་དགེ་སློང་རྣམས་ལ་འདི་ལྟ་སྟེ། ཞར་བ་དག །ཐེང་པོ་དག །སྨད་འཆལ་དག །ལག་སོར་རྡུམ་པོ་དག །སྒུར་པོ་དག །མིའུ་ཐུང་དག །ལྦ་བ་ཅན་དག །ལྐུགས་པ་དག །འོན་པ་དག ། [228b.5]རྟེན་འཕྱེ་དག །རྐང་འབམ་དག །གྱོལ་པོ་དག །མཆུ་འཕྱངས་དག །མགོ་བོ་ཆེ་དག་ཅེས་མིའི་སྐྱོན་ནས་སྨྲ་བས་ཀུན་ཏུ་སྤྱོད་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་ [228b.6]བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། [228b.7]དགའ་མགུར་སྤྱོད་པར་བྱེད་དོ། །དེ་ལ་བུ་མོ་ཞིག་བྱུང་ནས་དེ་བསྲིངས་བསྐྱེད་ནས་ཆེན་མོར་གྱུར་ཏོ། །ཁྱིམ་བདག་དེ་ཞིང་པ་ཡིན་པས་རང་ཉིད་ཞིང་རྨེད་པར་བྱེད་དོ། །ཁྱིམ་བདག་ཅིག་གི་བུ་ཕ་མ་དང་བྲལ་ནས་དགོན་པ་ནས་ཤིང་ཁུར་ཐོགས་ཏེ་དེའི་ཞིང་དང་ཉེ་བར་ཤིང་ལྗོན་པའི་དྲུང་དུ་ཁུར་ [229a] [229a.1]བཞག་སྟེ་ངལ་བསོ་ནས་དེས་སྨྲས་པ། ཞང་པོ་ཅིའི་ཕྱིར་ཁྱོད་རང་ཉིད་ཞིང་རྨོ་བར་བྱེད། ཁྱོད་ཀྱིས་གྲོང་དུ་གྲོང་གི་བྱ་བ་བྱ་བའི་རིགས་ན་ཁྱོད་དགོན་པར་དགོན་པའི་བྱ་བ་བྱེད་དམ། ཚ་བོ་ཁོ་བོ་ལ་བུ་ཡང་མེད། ཕུ་ནུ་ཡང་མེད་དོ། །ཞང་པོ་གཤོལ་འོན་ཅིག་དང་ཁོ་བོས་རྨོས་ [229a.2]ཁྱོད་རེ་ཞིག་ངལ་སོ་ཤིག་ཅེས་དེས་ཞིང་རྨོ་བར་བརྩམས་པ་དང་། ཁྱིམ་བདག་དེས་དེའི་ཟན་ཁྱེར་ཏེ་འོངས་ནས་སྨྲས་པ་ཚ་བོ་ཚུར་ཤོག་ཟན་ཟའོ། །དེ་གཉིས་ཀྱིས་ཟན་ཟོས་ནས་ཁྱིམ་བདག་གི་བུ་དེས་སྨྲས་པ། ཞང་པོ་ཁོ་བོས་ཁྱོད་ཀྱི་ཁྱིམ་མི་ཤེས་ཀྱིས་ཁྱོད་སོང་ཤིག་དང་། ཁོ་བོས་ཞིང་ [229a.3]རྨོས་དགོངས་ཀར་སུ་ཤིག །ཁྱིམ་བདག་དེ་སོང་བ་དང་། ཁྱིམ་བདག་གི་བུ་དེས་ཀྱང་ཡུད་ཙམ་ཞིག་ཞིང་རྨོས་ནས་ཞིང་ཚིགས་ཀྱི་ཕྱོགས་སུ་གླང་གཉིས་ཟར་བཅུག་སྟེ། དགོངས་ཀར་རྩྭ་ཁུར་གཅིག་ཐོགས་ནས་རི་བྲགས་དེར་འཇུག་པར་བརྩམས་པ་དང་། ཁྱིམ་བདག་དེས་ཀྱང་དེ་བསུ་ནས་ [229a.4]ཁྱིམ་བདག་དེས་དེ་ཁྱིམ་དུ་ཁྲིད་དོ། །ཁྱིམ་བདག་གི་བུ་དེས་གླང་བྲགས་སུ་སྩལ་ཏེ་གཅལ་བཀྲམ་ནས་དུ་བ་བཏུལ་ཏེ་གླང་གཉིས་ཀྱི་མདུན་དུ་རྩྭ་བཀྲམ་པ་དང་། ཁྱིམ་བདག་དེས་བསམས་པ། བདག་ཁྱིམ་བདག་གི་བུ་འདིས་བདེ་བར་བྱས་ཀྱིས་བདག་གིས་བུ་མོ་འདི་འདི་ལ་ཆུང་མར་སྦྱིན་ནོ་ [229a.5]སྙམ་ནས་དེས་དེ་ལ་སྨྲས་པ། ཚ་བོ་མངོན་པར་དགའ་བཞིན་དུ་ལས་གྱིས་ཤིག་དང་བུ་མོ་འདི་ཁྱོད་ལ་ཆུང་མར་སྦྱིན་ནོ། །དེས་དེར་ཁྱིམ་བརྩིག་པར་བརྩམས་པ་དང་། དེའི་གླང་ཞིང་ཟན་ཅིག་ཞིང་ལ་བྲོས་ནས་དེས་དེ་བཟློག་ཀྱང་མ་བཟློགས་ནས་དེས་དེ་ལ་སྤྱོས་ཏེ་ཤིང་ཚལ་ཞིག་འཕངས་ [229a.6]པ་དང་། དེས་དེའི་རྭ་ཆག་ནས་དེའི་མིང་རྭ་ཆག་ཅེས་བྱ་བར་བཏགས་སོ། །དུས་གཞན་ཞིག་ན་དེ་ཡང་ཞིང་ལ་བྲོས་ནས་དེས་དེ་བཟློག་ཀྱང་མ་བཟློགས་ནས་དེས་དེ་ལ་སྤྱོས་ཏེ་ཟོར་བ་འཕངས་པ་དང་དེས་དེའི་མཇུག་མ་ཆད་ནས་དེའི་མིང་མཇུག་རྡུམ་ཞེས་བྱ་བར་བཏགས་སོ། །དེ་ལྟར་དེའི་ [229a.7]མིང་རྭ་ཆག་དང་མཇུག་རྡུམ་ཞེས་བཏགས་ནས། དེ་ཕྱིན་ཆད་གླང་དེའི་མིང་ཆག་རྡུམ་ཞེས་བྱ་བར་བཏགས་སོ། །དུས་གཞན་ཞིག་ན་ཁྱིམ་བདག་གི་བུ་དེས་ཁྱིམ་བདག་དེ་ལ་སྨྲས་པ། ཞང་པོ་ཇི་ལྟར་ཁས་བླངས་པ་བཞིན་གྱིས་ཤིག །ཁྱིམ་བདག་དེས་ཆུང་མ་ལ་སྨྲས་པ། བཟང་མོ་ [229b] [229b.1]བག་རྫངས་སྟ་གོན་གྱིས་ཤིག །བུ་མོ་བག་མར་གཏང་བར་བྱའོ། །ཆུང་མས་སྨྲས་པ། རྗེའི་སྲས་བུ་མོ་འདི་སུ་ལ་ཡང་མ་སྩལ་ན་ཇི་ལྟར་བག་མར་གཏང་བར་བགྱི་དེས་སྨྲས་པ། ཁོ་བོས་འདི་གཞན་ལ་སྦྱིན་ནོ། །སུ་ལ་སྩལ། ཁྱིམ་བདག་གི་བུ་འདི་ལའོ། །ཆུང་མས་སྨྲས་པ། ཁོ་མོས་ [229b.2]ན་ལེ་ཞམ་དཀར་པོ་བཞིན་དུ་ཇི་ལྟར་བྱུང་གཏོལ་མེད་པ་གང་ཡིན་པ་འདི་ལ་བུ་མོ་སྦྱིན་རེ་སྐན། འདི་ལྟར་གང་དུ་ཁོ་མོ་བགོ་བར་བྱ་བ་དང་། བཟའ་བར་བྱ་བ་ཡོད་པ་དེར་ཁོ་མོས་བུ་མོ་སྦྱིན་པར་བྱའོ། །དེས་སྨྲས་པ། བཟང་མོ་ཁྱིམ་བདག་གི་བུ་འདིས་ཁོ་བོ་བདེ་བར་གྱུར་ཏེ། གལ་ཏེ་འདི་འགྲོ་ [229b.3]བར་གྱུར་ན་ཡང་ཁོ་བོས་ཞིང་རྨོ་དགོས་པར་འགྱུར་རོ། །ཆུང་མས་སྨྲས་པ། ཁོ་མོས་ལྟོ་གོལ་བ་འདི་ལ་བུ་མོ་སྦྱིན་པར་མི་ནུས་སོ། །ཁྱིམ་བདག་གིས་བསམས་པ། གལ་ཏེ་བདག་གིས་ཁྱེའུ་འདི་ལ་ཁོ་བོས་ཁྱོད་ལ་བུ་མོ་མི་སྦྱིན་ནོ་ཞེས་སྨྲས་ན་དེང་ཉིད་དུ་འདི་འགྲོ་བར་འགྱུར་ཞིང་བདག་ [229b.4]སྡུག་བསྔལ་བར་འགྱུར་རོ་སྙམ་ནས་དེ་ལ་སྒྱོང་བ་བྱས་སོ། །ཁྱིམ་བདག་གི་བུ་དེས་ཁྱིམ་བདག་དེ་ལ་ཡང་སྨྲས་པ། ཞང་པོ་ཇི་ལྟར་ཁས་བླངས་པ་བཞིན་གྱིས་ཤིག །དེས་སྨྲས་པ། ཚ་བོ་ཁོ་བོ་ཉེ་དུའི་འཁོར་རྒྱ་ཆེན་པོ་དག་ལ་ཟན་སྦྱར་དགོས་ཀྱིས་རེ་ཞིག་སཱ་ལུ་དག་སྒྲུབས་ཤིག །དེས་སཱ་ལུ་ [229b.5]དག་བསྒྲུབས་ནས་སྨྲས་པ། ཞང་པོ་བག་མ་རྫོངས་ཤིག །དེས་སྨྲས་པ། ཚ་བོ་དེ་ལ་བུ་རམ་དག་ཀྱང་དགོས་ཀྱིས་རེ་ཞིག་བུ་རམ་ཤིང་དག་སྒྲུབས་ཤིག །དེས་བུ་རམ་ཤིང་དག་བསྒྲུབས་ནས་སྨྲས་པ། ཞང་པོ་ད་བག་མ་རྫོངས་ཤིག །དེས་སྨྲས་པ། ཚ་བོ་དེ་ལ་ཁུར་ [229b.6]བ་དག་ཀྱང་དགོས་ཀྱིས་རེ་ཞིག་གྲོ་དག་སྒྲུབས་ཤིག །དེས་གྲོ་དག་ཀྱང་བསྒྲུབས་ནས་སྨྲས་པ། ཞང་པོ་ད་བག་མ་རྫོངས་ཤིག །ཁྱིམ་བདག་དེས་སྨྲས་པ། ཚ་བོ་སཱ་ལུ་སྔ་མ་དག་ཟད་ཀྱིས་དེ་ཡང་རེ་ཞིག་སཱ་ལུ་སྒྲུབས་ཤིག །ཁྱིམ་བདག་གི་བུ་དེས་བསམས་པ། དེ་གསུམ་ནི་རང་ [229b.7]བཞིན་གྱིས་དུས་གཅིག་ཏུ་བསྒྲུབ་པར་མི་ནུས་པས་འདི་སྒྱོང་བར་བྱེད་ཀྱིས་སྐྱེ་བོ་ཕལ་པོ་ཆེའི་ནང་དུ་སོང་སྟེ་ཁས་ལན་དུ་བཅུག་ལ་གལ་ཏེ་མི་སྟེར་ན་རྒྱལ་པོའི་ཕོ་བྲང་ནས་བདེ་བར་སྦྱིན་དུ་གཞུག་གོ་སྙམ་ནས་དེས་སྐྱེ་བོ་ཕལ་པོ་ཆེའི་ནང་དུ་དེ་ལ་སྨྲས་པ། ཞང་པོ་བག་མ་རྫོངས་ཤིག །ཁྱིམ་བདག་དེས་སྤྱོས་ཏེ་ [230a] [230a.1]སྨྲས་པ། ཤེས་ལྡན་དག་མི་འདི་ཁོ་བོའི་ལྟོ་གོལ་བ་ལྟོ་གླས་ལས་བྱེད་པ་ཡིན་ན་ཁོ་བོས་འདི་ལ་བུ་མོ་སྦྱིན་རེ་སྐན། ཁྱིམ་བདག་གི་བུ་དེས་བསམས་པ། བདག་གིས་ཀཱར་ཥཱ་པ་ཎ་དག་ཀྱང་མ་ཐོབ་ལ་བུ་མོ་ཡང་མ་ཐོབ་པས་འདི་ལ་གནོད་པ་ཅུང་ཞིག་བྱས་ཏེ་འགྲོའོ་སྙམ་ནས་དེས་ [230a.2]གླང་དེ་དག་ཉིན་པར་ཞིང་རྨོས་ནས་ལྕག་མང་པོས་གཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་སོང་ངོ་། །ཆོས་ཉིད་ཀྱིས་ན་འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་སྨྲ་ཤེས་པ་ཡིན་པས་གླང་དེ་དག་གིས་དེ་ལ་སྨྲས་པ། ཀྱེ་མི་ཁྱོད་ཁོ་བོ་ཅག་གི་ཕ་མ་འདྲ་ [230a.3]བར་འདུག་འདུག་སྟེ། རྟག་ཏུ་ཁོ་བོ་ཅག་ལེགས་པར་བདེ་བས་ཡོངས་སུ་སྐྱོང་བར་བྱེད་ན་ད་ཅིའི་ཕྱིར་ཉིན་པར་ཞིང་རྨོས་ནས་ལྕག་མང་པོས་གཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་འགྲོ། །ཅི་ཁོ་བོ་ཅག་གིས་ཁྱོད་ལ་ཉེས་པ་ཞིག་བྱས་སམ། ཁྱེད་ཅག་གིས་ཁོ་བོ་ལ་ཉེས་པ་ཅུང་ [230a.4]ཟད་ཀྱང་མ་བྱས་ཏེ། འདི་ལྟར་ཁྱེད་ཅག་གི་བདག་པོས་ཁོ་བོ་ལ་ཉེས་པ་བྱས་སོ། །དེས་ཅི་བྱས། ཁོ་བོ་ལ་བུ་མོ་སྦྱིན་པར་ཁས་བླངས་ནས་མ་སྟེར་རོ། །འོ་ན་རྒྱལ་པོའི་ཕོ་བྲང་དུ་ཅིའི་ཕྱིར་མི་འགྲོ། ཆེ་གཞི་དག་མེད་དོ། །སོང་ཤིག་དང་ཁོ་བོ་ཅག་གིས་ཆེ་གཞི་དབྱེའོ། །ཅི་མིའི་སྐད་དུ་སྨྲ་བར་ [230a.5]འགྱུར་རམ། མ་ཡིན་ཏེ། འདི་ལྟར་ཁྱོད་ཀྱིས་བདེན་པས་གསོལ་བར་བྱ་སྟེ། ཁོ་བོ་ཅག་ཞག་བདུན་གྱི་བར་དུ་བྲགས་སུ་བཏགས་སྟེ། རྩྭ་ཡང་སྦྱིན་པར་མི་བྱ། ཆུ་ཡང་བླུད་པར་མི་བྱ་བར་གཞག་པར་བྱ་ཞིང་ཉི་མ་བདུན་པ་ལ་རྩྭ་ཕུན་སུམ་ཚོགས་པ་དང་། ཆུ་ཕུན་སུམ་ཚོགས་པའི་ཕྱོགས་སུ་གཏང་བར་བྱ་ [230a.6]སྟེ། དེའི་ཚེ་ཁྱོད་ཀྱིས་རྒྱལ་པོའི་མདུན་དུ་གལ་ཏེ་བདག་བདེན་ན་གླང་འདི་དག་རྩྭ་ཡང་མི་ཟ་ཆུ་ཡང་མི་འཐུང་བར་གྱུར་ཅིག་ཅེས་བདེན་པའི་ཚིག་གིས་གསོལ་ཅིག་དང་། ཁོ་བོ་ཅག་ཇི་སྲིད་དུ་རྒྱལ་པོ་ཡིད་ཆེས་པར་མ་གྱུར་གྱི་བར་དུ་རྩྭ་ཡང་མི་ཟ་ཆུ་ཡང་མི་འཐུང་ངོ་། །ཁྱིམ་བདག་གི་བུ་དེས་རྒྱལ་པོའི་ཕོ་བྲང་དུ་སོང་ [230a.7]སྟེ་རྒྱལ་པོ་ལ་གསོལ་པ། ལྷ་ཁྱིམ་བདག་ཆེ་གེ་མོ་ཞིག་གིས་བདག་ལ་བུ་མོ་སྩལ་བར་མཆིད་ཀྱིས་འཚལ་ནས་མི་སྟེར་རོ། །རྒྱལ་པོས་སྨྲས་པ། ཁྱོད་ལ་ཆེ་གཞི་འགའ་ཡོད་དམ། ལྷ་མཆིས་སོ། །ཅི་མི་དག་གམ། མི་མ་ཡིན་པ་དག །མི་མ་ལགས་པ་གླང་དག་གོ། །ཅི་མིའི་སྐད་དུ་ [230b] [230b.1]སྨྲ་བར་འགྱུར་རམ། མ་ལགས་ཏེ་འདི་ལྟར་བདག་གིས་བདེན་པས་གསོལ་བར་བགྱི་སྟེ། བདག་གིས་དགུང་བདུན་གྱི་བར་དུ་གླང་དེ་དག་བྲགས་སུ་བཏགས་ཏེ་རན་ཡང་སྩལ་བར་མི་བགྱི། ཆབ་ཀྱང་སྩལ་བར་མི་བགྱི་བར་གཞག་པར་བགྱི་ཞིང་། གདུགས་བདུན་པ་ལ་ [230b.2]རན་ཕུན་སུམ་ཚོགས་པ་དང་། ཆབ་ཕུན་སུམ་ཚོགས་པའི་ཕྱོགས་སུ་གཏང་བར་བགྱི་སྟེ། དེའི་ཚེ་བདག་གིས་ལྷའི་སྤྱན་སྔར་གལ་ཏེ་བདག་མད་ན་གླང་འདི་དག་རན་ཡང་མི་འཚལ་ཆབ་ཀྱང་མི་འཚལ་བར་གྱུར་ཅིག་ཅེས་བདེན་པའི་ཚིག་གིས་གསོལ་ན་ཇི་སྲིད་དུ་ལྷ་ཐུགས་ཆེས་ [230b.3]པར་མ་གྱུར་གྱི་བར་དུ་དེ་དག་རན་ཡང་མི་འཚལ། ཆབ་ཀྱང་མི་འཚལ་བར་འགྱུར་རོ། །རྒྱལ་པོས་བློན་པོ་རྣམས་ལ་བསྒོ་བ་ཤེས་ལྡན་དག་དེ་ལྟར་གྱིས་ཤིག །དེ་དག་གིས་གླང་དེ་དག་བྲགས་སུ་བཏགས་ཏེ་བཞག་པ་དང་། ཆག་རྡུམ་གྱིས་སྨྲས་པ། ནུབ་ཕྱོགས་ནས་ཉི་མ་ཤར་རམ། [230b.4]ཅི་ན་གང་གིས་བདག་ཅག་གཏོང་བར་མི་བྱེད། གཞན་དག་གིས་སྨྲས་པ། མ་ཡིན་ཏེ། བདག་ཅག་གིས་ཁྱིམ་བདག་གི་བུ་དེ་ལ་འདི་ལྟར་ཁྱོད་ཀྱིས་བདེན་པས་གསོལ་བར་བྱ་སྟེ། ཁོ་བོ་ཅག་ཞག་བདུན་གྱི་བར་དུ་བྲགས་སུ་བཏགས་ཏེ་རྩྭ་ཡང་སྦྱིན་པར་མི་བྱ། ཆུ་ཡང་བླུད་པར་མི་བྱ་བར་ [230b.5]གཞག་པར་བྱ་ཞིང་། ཉི་མ་བདུན་པ་ལ་རྩྭ་ཕུན་སུམ་ཚོགས་པ་དང་། ཆུ་ཕུན་སུམ་ཚོགས་པའི་ཕྱོགས་སུ་གཏང་བར་བྱ་སྟེ། དེའི་ཚེ་ཁྱོད་ཀྱིས་རྒྱལ་པོའི་མདུན་དུ། གལ་ཏེ་བདག་བདེན་ན་གླང་འདི་དག་རྩྭ་ཡང་མི་ཟ། ཆུ་ཡང་མི་འཐུང་བར་གྱུར་ཅིག་ཅེས་བདེན་པའི་ཚིག་གིས་གསོལ་ཅིག་ [230b.6]དང་། ཁོ་བོ་ཅག་ཇི་སྲིད་དུ་རྒྱལ་པོ་ཡིད་ཆེས་པར་མ་གྱུར་གྱི་བར་དུ་རྩྭ་ཡང་མི་ཟ་ཆུ་ཡང་མི་འཐུང་ངོ་ཞེས་ཁས་བླངས་སོ། །ཆག་རྡུམ་གྱིས་སྨྲས་པ། ཁོ་བོ་ནི་གལ་ཏེ་བཏང་བར་གྱུར་ན་རྡོ་བ་ཡང་ཟན་རྩྭ་ལྟ་སྨོས་ཀྱང་ཅི་དགོས། དེ་དག་གིས་སྨྲས་པ། ཁྱིམ་བདག་གི་བུ་དེ་བདག་ཅག་ [230b.7]གི་ཕ་མ་དང་འདྲ་བར་འདུག་འདུག་གིས། དེ་ལྟར་མ་བྱེད་ཅིག །ཆག་རྡུམ་གྱིས་སྨྲས་པ། དེ་བདག་ཅག་གི་ཕ་མ་དང་འདྲ་བར་འདུག་འདུག་པ་ཡང་བདེན་མོད་ཀྱི་འོན་ཀྱང་དེ་ཁོ་བོ་ལ་ཆག་རྡུམ་ཞེས་འབོད་པས་ཁོ་བོ་ནི་དེ་ལྟར་མི་འདོད་དེ། འདི་ལྟར་ཁོ་བོ་ནི་དེའི་ལྟོ་འདྲལ་བར་ཡང་འདོད་དོ། ། [231a] [231a.1]ཁྱིམ་བདག་གི་བུ་དེ་དུས་དང་དུས་སུ་གླང་དེ་དག་གི་གན་དུ་སོང་སྟེ་དྲིས་པ། ཀྭའི་གླང་དག་ཇི་ལྟར་ཁྱོད་ཅག་རུང་ངམ། དེ་དག་གིས་སྨྲས་པ། ཁོ་བོ་ཅག་ནི་རུང་ན། ཁྱོད་ཀྱི་མི་རུང་ངོ་། །ཅི་ཉེས་ཆག་རྡུམ་འདི་ན་རེ་ཁོ་བོ་ནི་གལ་ཏེ་བཏང་བར་གྱུར་ན་རྡོ་བ་ཡང་ཟ་ [231a.2]ན་རྩྭ་ལྟ་སྨོས་ཀྱང་ཅི་དགོས་ཞེས་ཟེར་རོ། །འོ་ན་ཅི་ཁོ་བོ་འབྲོས་པར་བྱའམ། མ་འབྲོས་པར་འདི་ལྟར་ཆག་རྡུམ་འདིའི་སྣ་ཕུག་ཤིག་དང་། གལ་ཏེ་འདི་རྩྭ་ཟ་བར་འགྱུར་རམ། ཆུ་འཐུང་བར་འགྱུར་བ་ན་ཁོ་བོ་ཅག་གིས་རྭ་དག་གིས་འདིའི་སྣ་བླངས་ཏེ་ཁ་གྱེན་དུ་གཟུང་བར་བྱས། ཁྱོད་ [231a.3]ཀྱིས་ཀྱང་དེའི་ཚེ་འདི་དག་འཇིག་རྟེན་སྐྱོང་བ་ལྔ་པ་ཉི་མ་ཡང་ཆེ་བཞིར་ཡོད་ཅེས་ཉི་མ་སྟོན་པར་བྱེད་དོ་ཞེས་སྨྲ་བར་བྱའོ། །དེས་དེའི་སྣ་དབུག་པར་བརྩམས་པ་དང་། དེས་སྨྲས་པ། ཤེས་ལྡན་དག་འདི་ལྟར་ཁོ་བོ་ལ་མཐོ་འཚམ་པར་བྱེད་པ་ལ་ལྟོས་ཤིག །དེ་དག་གིས་སྨྲས་པ། འདི་ཁྱོད་ལ་ [231a.4]རྒྱན་འདོགས་པར་བྱེད་ཀྱིས་ཁ་རོག་ཤིག །དེ་ནས་ཉི་མ་བདུན་པ་ལ་རྒྱལ་པོ་བློན་པོ་རྣམས་དང་ཐབས་ཅིག་ཚོགས་པས་གླང་དེ་དག་རྩྭ་ཕུན་སུམ་ཚོགས་པ་དང་། ཆུ་ཕུན་སུམ་ཚོགས་པའི་ཕྱོགས་སུ་བཏང་བ་ན་ཆག་རྡུམ་དེས་རྩྭའི་ཁམ་བླང་བར་བརྩམས་པ་དང་། གླང་དེ་དག་གིས་རྭ་དག་གིས་ [231a.5]དེའི་སྣ་བླངས་ཏེ་ཉི་མ་ལ་ལྟ་ཞིང་འཛིན་ཏོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ཅིའི་ཕྱིར་གླང་འདི་དག་ཉི་མ་ལ་ལྟ་ཞིང་འཁོད། དེ་ན་བློན་པོ་གཅིག་གིས་སྨྲས་པ། ལྷ་འདི་དག་དོན་གྱིས་ན་ལྷ་ལ་གསོལ་བར་བགྱིད་དེ་བདག་ཅག་འབའ་ཞིག་ཆེ་བཞི་ལགས་ [231a.6]པར་མ་བས་ཀྱི་འཇིག་རྟེན་སྐྱོང་བ་ལྔ་པ་གདུགས་འདི་ཡང་ཆེ་བཞི་གཞན་ལགས་སོ་ཞེས་མཆིའོ། །རྒྱལ་པོ་ངོ་མཚར་སྐྱེས་ནས་བློན་པོ་རྣམས་ལ་བསྒོ་བ། ཤེས་ལྡན་དག་མི་མ་ཡིན་པ་དག་གིས་ཆེ་བཞི་ཕྱེས་ཁྱིམ་བདག་གི་བུ་འདི་ལ་དེའི་བུ་མོ་སྦྱིན་དུ་ཆུག་ཤིག །ཁྱིམ་བདག་གི་བུ་ [231a.7]དེས་ཁྱིམ་བདག་དེ་ཕམ་པར་བྱས་ནས་དེ་ལ་བུ་མོ་བྱིན་ནོ། །དགེ་སློང་དག་རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་མིས་སྐྱོན་ནས་སྨྲ་བས་ཀུན་དུ་སྤྱོད་པ་ན་གསོད་པར་སེམས་ན་མི་རྣམས་ལྟ་སྨོས་ཀྱང་ཅི་དགོས། དེ་ལྟ་བས་ན་དགེ་སློང་གིས་དགེ་སློང་ལ་མིའི་ [231b] [231b.1]སྐྱོན་ནས་སྨྲ་བས་ཀུན་ཏུ་སྤྱོད་པར་མི་བྱའོ། །དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་ཁྱིམ་བདག་ཤིང་རྟ་སྤྱོད་པ་ཞིག་འདུག་པ་དེ་ལ་བ་དགའ་བྱེད་དང་ས་རི་ཞེས་བྱ་བ་གཉིས་ཤིག་ཡོད་པ་དེ་གཉིས་ལས་དཔྱིད་ཀྱི་ཟླ་བ་ལ་བེའུ་ཁྲ་བོ་དང་། ཉེ་བཀྲ་གཉིས་ཤིག་འབྲངས་ [231b.2]སོ། །དེ་ནས་དགའ་བྱེད་ཀྱི་བེའུ་ནི་རུ་འདེལ་ཞིག་ཡིན་ལ། ས་རིའི་བེའུ་ནི་ཁུ་ཡུ་ཞིག་ཡིན་ནས་དེས་གཅིག་གི་མིང་ནི་དགའ་བྱེད་རུ་འདེལ་ཞེས་བྱ་བར་བཏགས། གཅིག་གི་མིང་ནི་ས་རི་ཁུ་ཡུ་ཞེས་བྱ་བར་བཏགས་ཏེ། དེ་གཉིས་དུས་གཞན་ན་གླང་ཆེན་པོ་གཉིས་སུ་གྱུར་ཏོ། ། [231b.3]དུས་གཞན་ཞིག་ན་ཤིང་རྟ་སྤྱོད་པ་དག་ཆང་གྲལ་འཚོགས་ཏེ་གཏམ་ཟེར་བ་ན་ཤེས་ལྡན་དག་བདག་ཅག་ལས་སུའི་གླང་དག་བཟང་ཞེས་སྨྲས་པ་དང་། དེ་ན་གཅིག་ན་རེ་ཁོ་བོའི་བཟང་ངོ་ཞེས་ཟེར་རོ། །ཡང་གཞན་ཞིག་ན་རེ་ཁོ་བོའི་བཟང་ངོ་ཞེས་ཟེར་རོ། །ཤིང་རྟ་སྤྱོད་པ་དེ་ན་རེ་ཁོ་བོའི་ [231b.4]བཟང་ངོ་ཞེས་ཟེར་རོ། །དེ་དག་གིས་སྨྲས་པ། ཇི་ལྟར་ཤེས། དེས་སྨྲས་པ། ལམ་དམའ་བ་ནས་ཤིང་རྟར་ཁལ་འདི་ཙམ་བཞག་སྟེ་ཀཱར་ཥཱ་པ་ཎ་ལྔ་བརྒྱ་སྐུགས་སུ་བཙུགས་ལ་གླང་གཉིས་བདའ་བར་བྱའོ། །དེ་དག་གིས་ལམ་དམའ་བ་ནས་ཤིང་རྟར་ཁལ་དེ་ཙམ་བཞག་སྟེ་ཀཱར་ཥཱ་ [231b.5]པ་ཎ་ལྔ་བརྒྱ་སྐུགས་སུ་བཙུགས་ནས་གླང་དེ་གཉིས་དེང་དུ་བཅུག་གོ། །ཤིང་རྟ་སྤྱོད་པ་དེས་དགའ་བྱེད་རུ་འདེལ་སོང་ཤིག །ས་རི་ཁུ་ཡུ་སོང་ཤིག་ཅེས་བདའ་བར་བརྩམས་པ་དང་། གླང་དེ་གཉིས་མི་འགུལ་བར་འཁོད་ནས་དེས་གླང་དེ་གཉིས་ལ་ལག་པས་བཙག་པར་བརྩམས་པ་དང་། [231b.6]ཤིང་རྟ་སྤྱོད་པ་གཞན་དག་གིས་སྨྲས་པ། ཁྱོད་ཕམ་གྱིས་བ་ལང་མ་གསོད་པར་གླང་འདི་གཉིས་ཐོང་ལ་སྐུགས་འཇོལ་ཅིག་ཅེས་དེ་དག་གིས་དེ་ཀཱར་ཥཱ་པ་ཎ་ལྔ་བརྒྱ་འཇལ་དུ་བཅུག་གོ། །ཤིང་རྟ་སྤྱོད་པ་དེས་གླང་དེ་གཉིས་ལ་སྤྱོས་ཏེ་ལྕག་མང་པོས་གཞུས་ནས་ཉི་མ་ལ་ཤིང་སྐམ་ལ་བཏགས་ [231b.7]ཏེ་གཞག་གོ། །ཆོས་ཉིད་ཀྱིས་ན་འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་མིའི་སྐད་སྨྲ་ཤེས་པས་དེ་གཉིས་ཀྱིས་སྨྲས་པ། ཁྱོད་བདག་ཅག་གི་ཕ་མ་དང་འདྲ་བར་འདུག་འདུག་ན་བདག་ཅག་གིས་ཁྱོད་ལ་ཉེས་པ་བྱས་སམ། ཅི་ན་ཁྱོད་ཀྱིས་ད་བདག་ [232a] [232a.1]ཅག་ལྕག་མང་པོས་གཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་འཇོག་པར་བྱེད་དེས་སྨས་པ། ཁྱོད་གཉིས་ཀྱིས་ནུས་བཞིན་དུ་སྒྱུ་བྱས་ཏེ་ཁོ་བོ་ཀཱར་ཥཱ་པ་ཎ་ལྔ་བརྒྱའི་སྐུགས་འཇལ་དུ་བཅུག་གོ། །དེ་གཉིས་ཀྱིས་སྨྲས་པ། ཁྱོད་རང་གི་ལྕེས་སྐུགས་འཇལ་དུ་བཅུག་གོ། ། [232a.2]ཇི་ལྟར་གྱུར། བདག་ཅག་གཉིས་ཀྱི་གཅིག་གི་མིང་ནི་དགའ་བྱེད་ཅེས་བྱ། གཅིག་གི་མིང་ནི་ས་རི་ཞེས་བྱ་ན། ཁྱོད་ཅིའི་ཕྱིར་ཁོ་བོ་ཅག་གཉིས་ལ་རུ་འདེལ་དང་། ཁུ་ཡུ་ཞེས་མིང་མི་སྙན་པར་རྗོད་པར་བྱེད། དེ་ལྟ་མོད་ཀྱི་ད་ལམ་ཆེས་དམའ་བ་ནས་ཤིང་རྟར་ཁལ་དེའི་ཉིས་གྱུར་ [232a.3]ཞོག་སྟེ་ཀཱར་ཥཱ་པ་ཎ་དེའི་ཉིས་གྱུར་སྐུགས་སུ་ཚུགས་ལ་ཁོ་བོ་ཅག་གཉིས་དོས་ཤིག །ཅི་ཁྱེད་གཉིས་ཡང་ཁོ་བོ་སྐུགས་འཇལ་དུ་གཞུག་པར་འདོད་དམ། བདག་ཅག་གཉིས་ལ་མིང་མི་སྙན་པར་མ་བརྗོད་ཅིག་དང་ཁྱོད་སྐུགས་ནོད་དུ་གཞུག་གོ། །དུས་གཞན་ཞིག་ན་ཤིང་རྟ་སྤྱོད་པ་དེ་ [232a.4]དག་ཡང་ཆང་གྲལ་དུ་ཚོགས་ཏེ་གཏམ་ཟེར་བ་ན་ཤེས་ལྡན་དག་བདག་ཅག་ལས་སུའི་གླང་དག་བཟང་ཞེས་སྨྲས་པ་དང་། དེ་ན་གཅིག་ན་རེ་ཁོ་བོའི་བཟང་ངོ་ཞེས་ཟེར་རོ། །ཡང་གཞན་ཞིག་ན་རེ་ཁོ་བོའི་བཟང་ངོ་ཞེས་ཟེར་རོ། །ཤིང་རྟ་སྤྱོད་པ་དེ་ན་རེ་ཡང་ཁོ་བོའི་བཟང་ངོ་ཞེས་ཟེར་རོ། །དེ་ [232a.5]དག་གིས་སྨྲས་པ། ཀྱེ་ནང་རྗེ་ཁྱོད་ཡང་བདག་ཉིད་སྐུགས་འཇལ་དུ་གཞུག་པར་འདོད་དམ། དེས་སྨྲས་པ། ཁྱེད་ཅག་ལ་ཅི་གནོད་ད་ལམ་ཆེས་དམའ་བ་ནས་ཤིང་རྟར་ཁལ་དེའི་ཉིས་གྱུར་བཞག་སྟེ། ཀཱར་ཥཱ་པ་ཎ་སྟོང་སྐུགས་སུ་བཙུགས་ལ་གླང་དག་བདའ་བར་བྱའོ། །དེ་དག་གིས་ལམ་ [232a.6]ཆེས་དམའ་བ་ནས་ཤིང་རྟར་ཁལ་དེའི་ཉིས་གྱུར་བཞག་སྟེ། ཀཱར་ཥཱ་པ་ཎ་སྟོང་སྐུགས་སུ་བཙུགས་ནས་གླང་དེ་གཉིས་དེད་དུ་བཅུག་གོ། །ཤིང་རྟ་སྤྱོད་པ་དེས་དགའ་བྱེད་སོང་ཤིག །ས་རི་སོང་ཤིག་ཅེས་བདའ་བར་བརྩམས་པ་དང་། དེ་གཉིས་ཀྱིས་ཁལ་དེ་མྱུར་བ་མྱུར་བ་ཁོ་ནར་ཐང་ལ་བསྐྱལ་ཏེ་ [232a.7]ཤིང་རྟ་སྤྱོད་པ་དེས་སྐུགས་ཀཱར་ཤཱ་པ་ཎ་སྟོང་ཐོབ་པ་དང་། ལྷས་ཚིགས་སུ་བཅད་པ་དག་སྨྲས་པ། གང་ཚེ་ཁལ་ནི་ཆེས་ལྕི་ཞིང་། །གང་ཚེ་ལམ་ཡང་ཆེས་དམའ་བ། །དེ་ཚེ་དེ་གཉིས་ཁལ་ཁྱེར་ཞིང་། །དེ་ཚེ་ཤིང་རྟ་འདྲེན་པར་བྱེད། །ཡིད་དུ་འོང་བ་བརྗོད་བྱས་ན། [232b] [232b.1]ཤིན་ཏུ་ལྕི་བའི་ཁལ་ཁྱེར་ཞིང་། །དེ་ཡང་རྙེད་དང་ལྡན་གྱུར་ལ། །དེ་གཉིས་ཀྱང་ནི་ཡིད་དགར་གྱུར། །དེ་བས་ཡིད་འོང་བརྗོད་བྱ་ཞིང་། །ཡིད་དུ་མི་འོང་ནམ་ཡང་མིན། །ཡིད་དུ་འོང་བརྗོད་བྱེད་ན། །དགེ་བར་འགྱུར་ཞིང་སྡིག་མེད་ཡིན། །དགེ་སློང་དག་རེ་ཞིག་དུད་འགྲོའི་ [232b.2]སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་མིས་སྐྱོན་ནས་སྨྲ་བས་ཀུན་དུ་སྤྱད་པ་ན་བྱམས་པའི་རྒྱུན་གཅོད་པར་བྱེད་ན་མི་རྣམས་ལྟ་སྨོས་ཀྱང་ཅི་དགོས། དེ་ལྟ་བས་ན་དགེ་སློང་གིས་དགེ་སློང་ལ་མིའི་སྐྱོན་ནས་སྨྲ་བས་ཀུན་དུ་སྤྱོད་པར་མི་བྱའོ། །དེ་ནས་བཅོམ་ལྡན་འདས་ཀྱིས་རྣམ་གྲངས་ [232b.3]དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་ [232b.4]བསླབ་པའི་གཞི་འདི་ལྟར་གདོན་པར་བྱ་སྟེ། མིའི་སྐྱོན་ནས་སྨྲ་ན་ལྟུང་བྱེད་དོ། །མིའི་སྐྱོན་ནས་སྨྲ་ན་ཞེས་བྱ་བ་ནི་མིའི་སྐྱོན་ནས་སྨྲ་བའི་བསམ་པས་ངག་དང་ཚིག་དང་། ཐ་སྙད་དང་སྐད་དང་བརྗོད་པ་དང་། ངེས་པའི་ཚིག་དང་ཚིག་གི་ལམ་དང་། ཚིག་གི་སྒྲ་དང་། ངག་གི་ལས་ [232b.5]དང་། ངག་གི་རྣམ་པར་རིག་བྱེད་སྨྲ་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་{ཡི་དགས་,ཡི་དྭགས་}ངན་སོང་དང་། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚེད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་ [232b.6]བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན།། །།བར་སྡོམ་ལ། རིགས་དང་བཟོ་དང་ལས་དང་ནི། །རྟགས་ནང་ལྟུང་བ་སྡེ་ལྔ་དང་། །ཉེ་བའི་ཉོན་མོངས་རྣམས་དང་ནི། །སྤྱོ་བར་བྱེད་པ་ཐ་མ་ཡིན། །དགེ་ [232b.7]སློང་གིས་མིའི་སྐྱོན་ནས་སྨྲ་བའི་བསམ་པས་བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲམ་ཟེ་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ [233a] [233a.1]ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྒྱལ་རིག་ལས་རབ་ཏུ་བྱུང་བ་ཡིན་ནོ་ [233a.2]ཞེས་སྨྲ་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ [233a.3]ལྡན་པ་ནི་རྗེའུ་རིགས་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། [233a.4]བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་དམངས་རིགས་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཐག་པ་ལས་རབ་ཏུ་བྱུང་བའི་གན་དུ་སོང་སྟེ་ [233a.5]འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཐ་ག་པ་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་ [233a.6]པས་ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཁབ་རིས་མཁན་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་ [233a.7]འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བཟང་མཁན་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ [233b] [233b.1]ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ལྕགས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ལྕགས་མགར་ལས་ [233b.2]རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། [233b.3]བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྡུངས་མགར་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཀོ་ལྤགས་མཁན་ལས་རབ་ཏུ་བྱུང་ [233b.4]བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཀོ་ལྤགས་མཁན་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་ [233b.5]སྐྱོན་ནས་སྨྲ་བའི་བསམ་པས་རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྫ་མཁན་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་ [233b.6]རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་འདྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་འདྲེག་མཁན་ལས་རབ་ཏུ་བྱུང་ [233b.7]བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ [234a] [234a.1]ག་ལ་ཡོད། ཚེ་དང་ལྡན་པ་ནི་ཤིང་མཁན་ལས་རབ་ཏུ་བྱུང་བ་ཡིན་ནོ་ཞེས་སྨྲ་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་སྨྱིག་མ་མཁན་ལས་རབ་ཏུ་བྱུང་བའི་གན་དུ་ [234a.2]སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་སྨྱིག་མ་མཁན་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་ [234a.3]གིས་མིའི་སྐྱོན་ནས་སྨྲ་བའི་བསམ་པས་བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲན་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ [234a.4]ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲམ་ཟེ་ལས་རབ་ཏུ་བྱུང་བ་ཡིན་གྱིས་ཚེ་དང་ [234a.5]ལྡན་པས་རང་གི་བཟོ་འདི་ལྟ་སྟེ། བྲམ་ཟེའི་སྤྱོད་ཚུལ་དང་། སྤྱོད་པ་དང་། གཙང་སྦྲ་དང་། ཀུན་ཏུ་སྤྱོད་པ་དང་། ཐལ་བ་བླང་བ་དང་། བྱ་མ་བུམ་བླང་བ་དང་། ས་བླང་བ་དང་ལག་སྟངས་དང་། ཐོར་ཚུགས་དང་། རབ་བསྔགས་བྱ་བ་དང་། ཀྱེ་ཞེས་བྱ་བ་དང་། ངེས་བརྗོད་ [234a.6]ཀྱི་རིག་བྱེད་དང་། མཆོད་སྦྱིན་གྱི་རིག་བྱེད་དང་། སྙན་ཚིག་གི་རིག་བྱེད་དང་། སྲིད་སྲུང་གི་རིག་བྱེད་དང་། མཆོད་སྦྱིན་བྱེད་པ་དང་། མཆོད་སྦྱིན་བྱེད་དུ་འཇུག་པ་དང་། ཀློག་པ་དང་། ཀློག་ཏུ་འཇུག་པ་དང་། སྦྱིན་པ་དང་། ལན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་ [234a.7]གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ [234b] [234b.1]རྒྱལ་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། གླང་པོ་ཆེའི་གཉར་བཞོན་པ་དང་། རྟ་ལ་བཞོན་པ་དང་། ཤིང་རྟའི་ཐབས་དང་། རལ་གྲིའི་ཐབས་དང་། འཕོང་དང་ཕྱིར་བསྣུར་བ་དང་། མདུན་དུ་བསྣུར་བ་དང་། ལྕགས་ཀྱུས་སྒྱུར་ཐབས་དང་། [234b.2]ཞགས་པ་གདབ་པ་དང་། མདའ་བོ་ཆེ་འཕེན་ཐབས་དང་། འཛིན་སྟངས་དང་གོམ་སྟངས་དང་། ཐོར་ཚུགས་དང་། གཅད་པ་དང་དྲལ་བ་དང་དབུག་པ་དང་། རྒྱང་ནས་ཕོག་པ་དང་། སྒྲ་གྲག་པར་ཕོག་པ་དང་། གནད་དུ་ཕོག་པ་དང་། མི་འཆོར་བར་ཕོག་པ་དང་། ཚབས་ [234b.3]ཆེ་བ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ [234b.4]ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྗེའུ་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པ་རང་གི་བཟོ་འདི་ལྟ་སྟེ། ཞིང་རྨོ་བ་དང་བ་ལང་བསྲུང་བ་དང་། ཚོང་བྱ་བ་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་ [234b.5]བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་དམངས་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ [234b.6]ལྡན་པས་རང་གི་བཟོ་འདི་ལྟ་སྟེ་ཟོར་བ་དང་། ཕྲག་གདང་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཐ་ག་པ་ལས་རབ་ཏུ་བྱུང་བའི་གན་དུ་སོང་སྟེ་འདི་ [234b.7]སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཐག་པ་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། དར་དག་དང་། རས་ཡུག་ཆེན་དག་དང་། བེའུ་རས་དག་དང་། དར་ལ་དག་དང་། དུ་གུ་ལ་དག་དང་། ཀོ་ཏམ་ [235a] [235a.1]པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ [235a.2]ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཁབ་རིས་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། བེའུ་རས་དང་རས་ཡུག་ཆེན་དང་། པར་ཐང་དང་། ཁབ་རིས་དང་། ཁྲེའུ་ཚེ་དང་གོར་བུ་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ [235a.3]ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བཟང་མཁན་ལས་ [235a.4]རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། ཞྭ་དང་ཞྭ་སྒྲེ་བོ་དང་། བྱིས་པའི་གོས་དག་དང་། ཤི་ང་དཔུང་བཅད་དག་དང་། དོར་མང་དག་དང་། དོར་ཐུང་དག་དང་། བཟང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ [235a.5]ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ལྕགས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ལྕགས་མགར་ལས་རབ་ཏུ་ [235a.6]བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ་ལྷུང་བཟེད་དང་ལྷུང་བཟེད་ཆུང་ངུ་དང་། ཁབ་དང་། གྲི་དག་དང་། སེན་གྲི་དག་དང་། ལྕགས་མགར་གྱི་བཟོ་གཞན་གང་ཡིན་པ་དེ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ [235a.7]ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྡུངས་མགར་ལས་རབ་ཏུ་བྱུང་བ་ཡིན་གྱིས། ཚེ་དང་ [235b] [235b.1]ལྡན་པས་རང་གི་བཟོ་འདི་ལྟ་སྟེ། ཁར་གཞོང་དག་དང་། གཞོང་བུ་དག་དང་། ཆ་ལང་དག་དང་། སྐོམ་ཕོར་དག་དང་། རིལ་བ་དག་དང་། རྡུངས་མགར་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ [235b.2]ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཀོ་ལྤགས་མཁན་ལས་རབ་ཏུ་བྱུང་བ་ཡིན་ [235b.3]གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། ལྷམ་སྒྲོག་གུ་ཅན་དག་དང་། ལྷམ་ཡུ་ཆད་དག་དང་། མཆིལ་ལྷམ་དག་དང་། སྒ་དག་དང་། དོང་པ་དག་དང་། ཀོ་ལྤགས་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་ [235b.4]གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྫ་མཁན་ལས་རབ་ཏུ་བྱུང་བ་ [235b.5]ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། རྫ་མ་དག་དང་། བུམ་པ་དག་དང་། རིལ་བ་དག་དང་། རྫེའུ་དག་དང་། ཁམ་ཕོར་དག་དང་། རྫ་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་ [235b.6]སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་འབྲེག་མཁན་ལས་རབ་ཏུ་བྱུང་བ་ཡིན་གྱིས། [235b.7]ཚེ་དང་ལྡན་པས་རང་གི་བཟོ་འདི་ལྟ་སྟེ། སྐྲ་འབྲེག་པ་དང་། སེན་མོ་འབྲེག་པ་དང་། ཁ་སྤུ་འབྲེག་པ་དང་། བྱིན་པ་བཅོས་པ་དང་། འབྲེག་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་ [236a] [236a.1]བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཤིང་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་ [236a.2]པས་རང་གི་བཟོ་འདི་ལྟ་སྟེ། ཁྲི་དག་དང་། ཁྲིའུ་དག་དང་། ཨན་དག་དང་། ཨན་ཁྲིའུ་དག་དང་། སྒོ་གླེགས་དག་དང་། ཤིང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། ། [236a.3]དགེ་སློང་གིས་མིའི་སྐྱོན་ནས་སྨྲ་བའི་བསམ་པས་སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་སྨྱིག་མ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། [236a.4]སྐོན་བུ་དག་དང་། སྤྲོག་མ་དག་དང་། གདུགས་དག་དང་། བསིལ་ཡབ་དག་དང་། དུད་གཟེབ་དག་དང་། སྨྱིག་མ་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་ [236a.5]གིས་མིའི་སྐྱོན་ནས་སྨྲ་བའི་བསམ་པས་བྲན་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་སྟེ། སྐུ་མཉེ་དང་། དྲིལ་ཕྱི་དང་། [236a.6]ཁྲུས་དང་། ཕོ་ཉར་འགྲོ་བ་དང་། མངག་པ་དང་། བྲན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་དགུ་པ། དགེ་སློང་ [236a.7]གིས་མིའི་སྐྱོན་ནས་སྨྲ་བའི་བསམ་པས་བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲམ་ཟེ་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་ལས་འདི་ལྟ་སྟེ། བྲམ་ཟེའི་སྤྱོད་ [236b] [236b.1]ཚུལ་དང་། སྤྱོད་པ་དང་གཙང་སྦྲ་དང་། ཀུན་ཏུ་སྤྱོད་པ་དང་། ཐལ་བ་བླང་བ་དང་། བྱམ་བུམ་བླང་བ་དང་། ས་བླང་པ་དང་། ལག་སྟངས་དང་། ཐོར་ཚུགས་དང་། རབ་བསྔགས་བྱ་བ་དང་། ཀྱེ་ཞེས་བྱ་བ་དང་། ངེས་བརྗོད་ཀྱི་རིག་བྱེད་དང་། མཆོད་སྦྱིན་གྱི་རིག་བྱེད་དང་། སྙན་ [236b.2]ཚིག་གི་རིག་བྱེད་དང་། སྲིད་སྲུང་གི་རིག་བྱེད་དང་། མཆོད་སྦྱིན་བྱེད་པ་དང་། མཆོད་སྦྱིན་བྱེད་དུ་འཇུད་པ་དང་། ཀློག་པ་དང་། ཀློག་ཏུ་འཇུད་པ་དང་། སྦྱིན་པ་དང་། ལེན་པ་དང་། བྲམ་ཟེའི་ལས་གཞན་གང་ཡིན་པ་དག་ཀྱང་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་ [236b.3]གྱུར་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྒྱལ་རིགས་ལས་རབ་ཏུ་བྱུང་ [236b.4]བ་ཡིན་གྱིས། ཚེ་དང་ལྡན་པས་རང་གི་ལས་འདི་ལྟ་སྟེ། གླང་པོ་ཆེའི་གཉར་བཞོན་པ་དང་། རྟ་ལ་བཞོན་པ་དང་། ཤིང་རྟའི་ཐབས་དང་། རལ་གྲིའི་ཐབས་དང་། འཕོང་དང་། ཕྱིར་བསྣུར་བ་དང་། མདུན་དུ་བསྣུར་བ་དང་། ལྕགས་ཀྱུས་སྒྱུར་ཐབས་དང་། ཞགས་པ་གདབ་པ་དང་། མདའ་བོ་ཆེ་འཕེན་ [236b.5]ཐབས་དང་། འཛིན་སྟངས་དང་། གོམ་སྟངས་དང་། ཐོར་ཚུགས་དང་། གཅད་པ་དང་། དྲལ་བ་དང་། དབུག་པ་དང་། རྒྱང་ནས་ཕོག་པ་དང་། སྒྲ་གྲག་པར་ཕོག་པ་དང་། གནད་དུ་ཕོག་པ་དང་། མི་འཆོར་བར་ཕོག་པ་དང་། ཚབས་ཆེ་བ་དང་། རྒྱལ་རིགས་ཀྱི་ལས་གཞན་གང་ཡིན་ [236b.6]པ་དག་ཀྱང་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ [236b.7]ག་ལ་ཡོད། ཚེ་དང་ལྡན་པ་ནི་རྗེའུ་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་ལས་འདི་ལྟ་སྟེ། ཞིང་རྨོ་བ་དང་། བ་ལང་བསྲུང་བ་དང་། ཚོང་བྱ་བ་དང་། རྗེའུ་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ [237a] [237a.1]ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་དམངས་རིགས་ལས་ [237a.2]རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་ལས་འདི་ལྟ་སྟེ། ཟོར་བ་དང་། ཕྲག་གདང་དང་དམངས་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ [237a.3]ནས་སྨྲ་བའི་བསམ་པས་ཐ་ག་པ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཐ་ག་པ་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། ཐགས་{བཟངས་,བཟང་}དང་། སོན་པ་དང་། དྲུ་བུ་ [237a.4]དང་། སྣས་ལ་སོགས་པས་རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་ [237a.5]པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཁབ་རིས་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ་རྒྱང་ཤིང་དང་། སྐུད་པ་དང་། ཚོན་དང་། ཕུར་པ་དང་། སོ་{མངས་ཀྱིས་,མང་གིས་}རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ [237a.6]ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ [237a.7]ནི་བཟང་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། ཁབ་དང་། སྐུད་པ་དང་། གྲི་དང་ཆན་པ་དང་། ལྕུག་མོས་རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ [237b] [237b.1]ནས་སྨྲ་བའི་བསམ་པས་ལྕགས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ལྕགས་མགར་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ་སྦུད་པ་དང་། སྦུད་རུ་དང་། [237b.2]ཏི་ཙ་དང་སྐམ་པ་དང་། ཐོ་བས་རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་ [237b.3]གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྡུངས་མགར་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་ནི་འདི་ལྟ་སྟེ། སྦུད་པ་དང་། སྦུད་རུ་དང་། ཏི་ཙ་དང་། སྐམ་པ་དང་། ཐོ་བས་རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་ [237b.4]དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཀོ་ལྤགས་མཁན་ལས་རབ་ཏུ་བྱུང་བ་ཡིན་གྱིས། ཚེ་ [237b.5]དང་ལྡན་པས་འདི་ལྟ་སྟེ། རྒྱུས་པ་དང་། རྒྱིའུ་དང་། འབྲེང་བུ་དང་། དྲ་གྲི་དང་། སྨྱུང་དང་སྨྱུང་བུས་རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྫ་མཁན་ལས་རབ་ཏུ་ [237b.6]བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྫ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ་འཁོར་ལོ་དང་། དབྱིག་གུ་དང་། ཐ་གུ་དང་། འཁོར་ལོའི་རྟེན་མ་དང་། གསལ་གྱིས་རང་གི་ [237b.7]ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། [238a] [238a.1]ཚེ་དང་ལྡན་པ་ནི་འབྲེག་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། སྤུ་གྲི་དང་། ཆན་པ་དང་། བདར་དང་། སྨང་ཙེར་དང་། སེན་གྲིས་རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། ། [238a.2]དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཤིང་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ་སྟེའུ་དང་། [238a.3]སྟ་རེ་དང་གཟོང་དང་། སོག་ལེ་དང་། ཐོ་བས་རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ [238a.4]ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་སྨྱིག་མ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། སྨྱིག་མ་དང་། གྲི་དང་། ཚོན་དང་། སྨྱུག་ཐོ་དང་། ལྷང་ཚེར་གྱིས་རང་གི་ལས་བྱའོ་ཞེས་སྨྲས་ན་ [238a.5]དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་ [238a.6]པ་ནི་བྲན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། བསྐུ་མཉེ་དང་དྲིལ་ཕྱི་དང་། ཁྲུས་དང་། ཕོ་ཉར་འགྲོ་བ་དང་། མངག་པས་རང་གི་ལས་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་ [238a.7]གིས་མིའི་སྐྱོན་ནས་སྨྲ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཐེང་པོ་དང་། སྨད་འཆལ་དང་། ཞར་བ་དང་། ལག་སོར་རྡུམ་པོ་དང་། སྒུར་པོ་དང་། མིའུ་ཐུང་ [238b] [238b.1]དང་། ལྦ་བ་ཅན་དང་། གླེན་པ་དང་། ལྐུགས་པ་དང་། གྲུམ་པོ་དང་། འོན་པ་དང་། རྟེན་འཕྱེ་དང་། རྐང་འབམ་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་ [238b.2]པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་མཛེ་ཅན་དང་། འབྲུམ་བུ་ཕྲ་མོ་ཅན་དང་། ངལ་སྐྱེན་པ་དང་། ཤུ་བ་ཅན་དང་། གཡན་པ་ཅན་དང་། ཁྱི་རྔོ་ཅན་དང་། གློག་པ་ཅན་དང་། རྐང་ཤུ་ [238b.3]ཅན་དང་། སྐྱིགས་བུ་ཅན་དང་། སྐྱུག་བྲོ་བ་དང་། ཁོང་སྐེམ་ཅན་དང་། རིམས་ཅན་དང་། རིམས་དྲག་པོ་ཅན་དང་། ལུད་པ་ཅན་དང་། དབུགས་མི་བདེ་བ་ཅན་དང་། སྐེམ་ནད་ཅན་དང་། བརྗེད་བྱེད་ཅན་དང་། བཀྲེས་ངབ་ཅན་དང་། སྐྱ་རྦབ་ཅན་དང་། ཚིལ་པོ་ཆེ་དང་། སྐྲན་ཅན་དང་། [238b.4]ཁྲག་ནད་ཅན་དང་། མཁྲིས་ནད་ཅན་དང་། མཚན་བར་རྡོལ་བ་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ [238b.5]ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཕམ་པར་འགྱུར་བ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་བྱས་ཀྱི་ལྟུང་བ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་ [238b.6]རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཁྲོ་བ་དང་། ཁོན་དུ་འཛིན་པ་དང་། འཆབ་པ་དང་། དངན་ [238b.7]དུས་ཅན་དང་། ཕྲག་དོག་ཅན་དང་། སེར་སྣ་ཅན་དང་། གཡོན་ཅན་དང་། སྒྱུ་ཅན་དང་། ངོ་ཚ་མེད་པ་དང་། ཁྲེལ་མེད་པ་དང་། སྡིག་པ་འདོད་པ་དང་། ལོག་པར་ལྟ་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། ། [239a] [239a.1]དགེ་སློང་གིས་མིའི་སྐྱོན་ནས་སྨྲ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རོ་ལྟ་བུ་ཡིན་ནོ་ཞེས་བྱ་བ་ལ་སོགས་པའི་སྤྱོ་བ་དག་གིས་སྤྱོ་བར་བྱེད་ན་དགེ་སློང་སྤ་གོང་ [239a.2]བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །གལ་ཏེ་མིང་དེ་ལྟ་བུ་མང་པོ་དག་ཡོད་པར་གྱུར་ན་དེ་ལ་ལན་གདབ་པར་སྨྲ་བ་སངས་རྒྱས་སྐྱོང་གང་ཡིན་ཞེས་ཟེར་བ་ལ་བྲམ་ཟེ་ལས་རབ་ཏུ་བྱུང་བ་གང་ཡིན་པ་དེའོ་ཞེས་བྱ་བ་ལ་སོགས་པ་སྔ་མ་ལྟ་བུ་དག་བརྗོད་པ་ལ་ [239a.3]ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མིའི་སྐྱོན་ནས་སྨྲ་བའི་ལྟུང་བྱེད་དེ་གཉིས་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་ [239a.4]སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་དགེ་སློང་རྣམས་ལ་ཕྲ་མས་ཀུན་དུ་སྤྱོད་པར་བྱེད་དེ། ཕྲ་མས་ཀུན་ཏུ་སྤྱོད་པ་ན་དགེ་སློང་དག་སྤ་གོང་བ་དང་། གཟེངས་དམས་པ་དང་། ཞུམ་པར་གྱུར་ནས་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་ [239a.5]འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད། འདི་ལྟར་དུས་ཡུན་རིང་པོ་ནས་ཉེ་བར་བསགས་པ་ཆོས་དང་ལྡན་པའི་གཅུགས་པའི་རྒྱུན་ཡང་གཅོད་པར་བྱེད་ནས་དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་རྣམས་ལ་ཕྲ་མས་ཀུན་དུ་སྤྱོད་པར་ [239a.6]བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་ [239a.7]སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ཁྱེད་དགེ་སློང་རྣམས་ལ་ཕྲ་མས་ [239b] [239b.1]ཀུན་དུ་སྤྱོད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དགེ་སློང་དག་སྔོན་ [239b.2]བྱུང་བ་འདས་པའི་དུས་ན་ནགས་ཚལ་ཞིག་ན་སེང་གེ་མོ་སྦྲུམ་མ་ཞིག་འདུག་སྟེ། དེ་ལ་སེང་གེ་མོ་རྣམས་ཀྱི་ཀུན་དུ་སྤྱོད་པ་ནི་གང་གི་ཚེ་འབྲང་བའི་དུས་ལ་བབ་པ་དེའི་ཚེ་ན་ཤའི་ཚོགས་བྱས་ཏེ་འབྲང་བར་བྱེད་པས་སེང་གེ་མོ་དེ་བ་ལང་གི་ཚོགས་ཆེན་པོ་ཞིག་གི་ཕྱི་བཞིན་དུ་རྗེས་སུ་སོང་བ་དང་། [239b.3]བ་འབྲངས་ནས་རིང་པོ་མ་ལོན་པ་བེའུ་རྗེས་སུ་སྐྱོང་བར་བྱེད་པ་ཞིག་ཁྱུའི་ཕྱི་བཞིན་འབྲང་ཞིང་འགྲོ་བ་དེ་སེང་གེ་མོ་དེས་བསད་ནས་ཤ་ཁྱེར་ཏེ། རང་གི་ཚང་དུ་སོང་ངོ་། །བེའུ་དེ་ཡང་མའི་ནུ་མ་འཐུང་འདོད་པས་དེའི་ཕྱི་བཞིན་ཕྱི་བཞིན་དུ་སོང་བ་དང་སེང་གེ་མོས་བསམ་པ། བེའུ་འདི་ཡང་ [239b.4]གསད་པར་བྱའོ་སྙམ་ནས་ཡང་བསམ་པ། གལ་ཏེ་བདག་གི་བུ་འབྲངས་པར་གྱུར་ན་འདི་དེའི་ཆུང་པོ་གྲོགས་སུ་འགྱུར་གྱིས་མི་གསད་དོ་སྙམ་མོ། །སེང་གེ་མོ་དེ་འབྲངས་ནས་དེ་ལས་ཕྲུག་གུ་ཕོ་ཞིག་བྱུང་བ་དང་། སེང་གེ་མོ་དེས་རང་གི་ཕྲུག་གུ་དང་། བེའུ་དེ་གཉིས་ཀ་ནུ་མ་བསྣུན་པར་ [239b.5]བརྩམས་ནས་ཇི་ཙམ་དུས་གཞན་ཞིག་ན་དེ་གཉིས་ཀ་ཆེན་པོར་གྱུར་ཏེ། དུས་གཞན་ཞིག་ན་སེང་གེ་མོ་དེ་ན་བར་གྱུར་ནས་དེ་འཆི་བའི་དུས་ཀྱི་ཚེ་སྨྲས་པ། བུ་གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱིས། [239b.6]ཁོ་མོ་འདས་པའི་འོག་ཏུ་ཁྱེད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་སྨྲས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་ [239b.7]དུས་ཀྱི་ཆོས་དང་ལྡན་པར་གྱུར་ཏོ། །སེང་གེ་དེ་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དམ་པ་དག་ཟ་ཞིང་ཁྲག་མང་པོ་དག་འཐུང་བས་ཆེན་པོར་གྱུར་ཏོ། །ཁྱུ་མཆོག་དེ་ཡང་སེང་གེས་བསྲུང་བའི་རྩྭ་བཟང་པོ་དག་ཟ་ཞིང་ཆུ་གཙང་མ་དག་འཐུང་བས་ཆེན་པོར་གྱུར་ཏོ། །{རི་དགས་,རི་དྭགས་} [240a] [240a.1]ཀྱི་རྒྱལ་པོ་སེང་གེ་དེ་ལ་ཝ་རྒན་པོ་རབ་ཏུ་བརྐམ་པ་ལྷག་མ་ཟ་བ་ཞིག་འཁོར་ཞིང་ཕྱི་བཞིན་ཕྱི་བཞིན་རྗེས་སུ་འབྲང་ནས་སེང་གེ་དེས་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དག་ཟོས་ཤིང་ཁྲག་དམ་པ་དག་འཐུངས་བག་ཚ་བ་མེད་པར་དེ་ན་འདུག་པས་ཕྱོགས་དེར་ [240a.2]གཅན་གཟན་ཕྲ་མོ་གཞན་དག་གིས་ཉེ་མི་ཕོད་པས་ཝ་རྒན་པོ་དེ་སེང་གེ་དེས་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དག་ཟོས་ཤིང་ཁྲག་དམ་པ་འཐུངས་པའི་ཤའི་ལྷག་མ་དང་ཁྲག་གི་ལྷག་མ་དག་ཟ་ཞིང་འཐུང་བས་པགས་པ་དང་། ཤ་དང་། ཁྲག་རྒྱས་པར་གྱུར་ཏོ། ། [240a.3]ཇི་ཙམ་དུས་གཞན་ཞིག་ན་སེང་གེ་དེ་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དག་ཟོས་ཤིང་ཁྲག་དམ་པ་དག་འཐུངས་ནས་མྱུར་བ་མྱུར་བ་ཁོ་ནར་ཚང་དུ་སོང་སྟེ་ཁྱུ་མཆོག་དེ་དང་ལྷན་ཅིག་རྩེ་ཞིང་འདུག་པར་བྱེད་ནས་ཤའི་ལྷག་མ་དེ་དག་ཀྱང་གཅན་གཟན་ཕྲ་མོ་གཞན་དག་གིས་ཟོས་ [240a.4]ནས་ཝ་རྒན་པོ་དེས་བསམས་པ། སེང་གེ་འདི་གང་དུ་འགྲོ་བ་ཇེ་བལྟ་བར་བྱའོ་སྙམ་ནས། དེ་དེའི་ཕྱི་བཞིན་ཕྱི་བཞིན་དུ་སོང་བ་དང་། ཇི་ཙམ་ན་ཁྱུ་མཆོག་དང་ལྷན་ཅིག་རྩེ་ཞིང་འདུག་པ་མཐོང་ནས་དེས་བསམས་པ། ཁྱུ་མཆོག་འདི་བདག་གི་ལྟོའི་དགྲར་གྱུར་པ་ཡིན་གྱིས། [240a.5]བདག་གིས་འདི་གཉིས་དབྱེ་བར་བྱའོ་སྙམ་ནས་ཝ་རྒན་པོ་དེ་ཁྱུ་མཆོག་དེའི་མདུན་དུ་རྣ་བ་ཕབ་སྟེ་འདུག་པ་དང་། ཁྱུ་མཆོག་གིས་སྨྲས་པ། ཞང་པོ་རླུང་ཚ་བ་དག་མི་ལྡང་ངམ། ཝས་སྨྲས་པ། ཚ་བོ་རླུང་རབ་ཏུ་འབར་བ་དག་ལྡང་ངོ་། །ཅི་ཉེས། སེང་གེ་འདི་ན་རེ་ཁོ་བོའི་ [240a.6]ཤ་ཚོགས་རྒྱུ་ཁྱུ་མཆོག་དེ་གར་སོང་། གང་གི་ཚེ་ཁོ་བོས་ཤ་གཞན་མ་རྙེད་པ་དེའི་ཚེ་ན་ཁོ་བོས་ཁྱུ་མཆོག་འདི་བཟའ་བར་བྱའོ་ཞེས་ཟེར་རོ། །ཁྱུ་མཆོག་གིས་སྨྲས་པ། ཞང་པོ་ཁོ་བོ་ཅག་གཉིས་ལ་མས་འཆི་ཀར་བུ་གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ [240a.7]ལ་ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱི་ཁོ་མོ་འདས་པའི་འོག་ཏུ་ཁྱེད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་ཁ་ཆེམས་བཞག་གིས་ཁྱོད་དེ་སྐད་མ་ཟེར་ཅིག །ཝས་སྨྲས་པ། ཚ་བོ་ཁྱོད་ད་ཁོ་བོ་ཕན་པར་འདོད་པའི་ཚིག་མི་ཉན་ན་ཆུད་ཟོས་པར་འོང་ [240b] [240b.1]ངོ་། །ཁྱུ་མཆོག་གིས་སྨྲས་པ། ཞང་པོ་{གོ་རིམས་,གོ་རིམ་}ཇི་ལྟར་འོང་བར་འགྱུར། ཝས་སྨྲས་པ། ཚ་བོ་སེང་གེ་འདི་ཚང་ནས་བྱུང་ནས་བྱ་སྨྱང་བྱེད་པར་འགྱུར་ལ། བྱ་སྨྱང་བྱས་ནས་གླལ་བར་འགྱུར་ཞིང་གླལ་ནས་ཕྱོགས་བཞིར་རྣམ་པར་ལྟ་བར་འགྱུར། ཕྱོགས་བཞིར་རྣམ་པར་ [240b.2]བལྟས་ནས་སེང་གེའི་སྐད་ཐང་གསུམ་ཕྱུང་སྟེ། ཁྱོད་ཀྱི་མདུན་དུ་འོང་བར་འགྱུར་བ་ན་ཁྱོད་ཀྱིས་བདག་འདིས་བསད་དོ་སྙམ་དུ་ཤེས་པར་གྱིས་ཤིག །ཝ་དེ་དེའི་འོག་ཏུ་སེང་གེའི་མདུན་དུ་རྣ་བ་ཕབ་སྟེ་འདུག་པ་དང་། སེང་གེས་སྨྲས་པ། ཞང་པོ་རླུང་ཚ་བ་དག་མི་ལྡང་ངམ། ཝས་ [240b.3]སྨྲས་པ། ཚ་བོ་རླུང་རབ་ཏུ་འབར་བ་དག་ལྡང་ངོ་། །ཅི་ཉེས། ཁྱུ་མཆོག་འདི་ན་རེ་ཁོ་བོའི་རྩའི་སེང་གེ་དེ་གར་སོང་། འདིའི་མས་ཁོ་བོའི་མ་བསད་ཀྱིས་འདིའི་ལྟོ་ངེས་པར་དྲལ་བར་བྱའོ་ཞེས་ཟེར་རོ། །སེང་གེས་སྨྲས་པ། ཞང་པོ་ཁོ་བོ་ཅག་གཉིས་ལ་མས་འཆི་ཀར་བུ་ [240b.4]གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱིས། ཁོ་མོ་འདས་པའི་འོག་ཏུ་ཁྱོད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་ཁ་ཆེམས་བཞག་གིས་ཁྱོད་དེ་སྐད་མ་ཟེར་ཅིག །ཝས་སྨྲས་པ། [240b.5]ཚ་བོ་ཁྱོད་ད་ཁོ་བོ་ཕན་པར་འདོད་པའི་ཚིག་མི་ཉན་ན་ཆུད་ཟོས་པར་འོང་ངོ་། །སེང་གེས་སྨྲས་པ། ཞང་པོ་{གོ་རིམས་,གོ་རིམ་}ཇི་ལྟར་འོང་བར་འགྱུར། ཝས་སྨྲས་པ། ཚ་བོ་ཁྱུ་མཆོག་འདི་ལྷས་ནས་བྱུང་ནས་བྱ་སྨྱང་བྱེད་པར་འགྱུར་ལ། བྱ་སྨྱང་བྱས་ནས་འབུ་སྒྲ་འབྱིན་པར་འགྱུར་ཞིང་ [240b.6]འབུ་སྒྲ་ཕྱུང་ནས་ཕུག་ཐྲིག་བྱེད་པར་འགྱུར། ཕུག་ཐྲིག་བྱས་ནས་རྔམ་པ་བྱས་ཏེ་ཁྱོད་ཀྱི་མདུན་དུ་འོང་བར་འགྱུར་ན། ཁྱོད་ཀྱིས་བདག་འདིས་བསད་དོ་སྙམ་དུ་ཤེས་པར་གྱིས་ཤིག །དེ་གཉིས་རང་བཞིན་གྱིས་རྟག་ཏུ་དེ་ལྟ་བྱེད་མོད་ཀྱི་ལན་འགའ་ཡང་ཕན་ཚུན་མཚན་མར་མ་ [240b.7]བཟུང་ངོ་། །དེ་ནས་དུས་གཞན་ཞིག་ན་{རི་དགས་,རི་དྭགས་}ཀྱི་རྒྱལ་པོ་སེང་གེ་དེ་ཚང་ནས་བྱུང་ནས་བྱ་སྨྱང་བྱས་ཏེ་གླལ་ནས་ཕྱོགས་བཞིར་རྣམ་པར་བལྟས་ཏེ་སེང་གེའི་སྐད་ཐང་གསུམ་ཕྱུང་ནས་ཁྱུ་མཆོག་གི་མདུན་དུ་སོང་ངོ་། །ཁྱུ་མཆོག་དེ་ཡང་ལྷས་ནས་བྱུང་ནས་བྱ་སྨྱང་བྱས་ཏེ་འབུ་སྒྲ་ [241a] [241a.1]ཕྱུང་ནས་ཕུག་ཐྲིག་བྱས་ཏེ་རྔམ་པ་བྱས་ནས་སེང་གེའི་མདུན་དུ་སོང་ངོ་། །དེ་གཉིས་རང་བཞིན་གྱིས་རྟག་ཏུ་དེ་ལྟ་བྱེད་མོད་ཀྱི་ལན་འགའ་ཡང་མཚན་མར་མ་བཟུང་སྟེ་གང་གི་ཚེ་རྒྱུད་ལ་དབྱེན་གྱི་ས་བོན་བཏབ་པ་དེའི་ཚེ་ན་མཚན་མར་བཟུང་བས། ཁྱུ་མཆོག་གིས་ [241a.2]ཀྱང་བདག་འདིས་བསད་དོ་སྙམ་དུ་བསམས་ལ། སེང་གེས་ཀྱང་བདག་འདིས་བསད་དོ་སྙམ་དུ་བསམས་ནས། སེང་གེས་ཁྱུ་མཆོག་གི་བྲང་ལ་སྡེར་མོས་བཏབ་པ་དང་། ཁྱུ་མཆོག་གིས་ཀྱང་རྭས་སེང་གེའི་ལྟོ་དྲལ་ནས་དེ་གཉིས་ཀ་དུས་ལ་བབ་པ་དང་། ལྷས་ཚིགས་སུ་ [241a.3]བཅད་པ་སྨྲས་པ། བཟང་པོ་དག་ལ་ལྟ་བའི་མིས། །སྐྱེ་བོ་ངན་པ་བསྟེན་མི་བྱ། །སེང་གེ་ཁྱུ་མཆོག་མཛའ་བ་ལ། །ཝ་ཡིས་ཐ་དད་ཕྱེ་ལ་ལྟོས། །དགེ་སློང་དག་རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་ཕྲ་མས་ཀུན་ཏུ་སྤྱོད་པ་ན་གསོད་པར་སེམས་ན་ [241a.4]མི་རྣམས་ལྟ་སྨོས་ཀྱང་ཅི་དགོས། དགེ་སློང་དག་དེ་ལྟ་བས་ན་དགེ་སློང་གིས་དགེ་སློང་ལ་ཕྲ་མས་ཀུན་དུ་སྤྱོད་པར་མི་བྱའོ། །དགེ་སློང་གིས་དགེ་སློང་ལ་ཕྲ་མས་ཀུན་དུ་སྤྱོད་པར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དག་སྔོན་བྱུང་བ་འདས་པའི་དུས་ན་ནགས་ཚལ་ [241a.5]ཞིག་ན་སེང་གེ་མོ་ཕྲུག་གུ་དང་བཅས་པ་ཞིག་དང་། སྟག་མོ་ཕྲུག་གུ་དང་བཅས་པ་ཞིག་འདུག་སྟེ། སེང་གེ་མོ་སྤྱོད་ཡུལ་དུ་སོང་བ་དང་། དེའི་ཕྲུག་གུ་དེ་འཁྱམ་པ་ན་སྟག་མོའི་གན་དུ་སོང་ནས་སྟག་མོས་དེ་མཐོང་ནས་བསམས་པ་འདི་གསད་པར་བྱའོ་སྙམ་ནས། ཡང་བསམས་ [241a.6]པ། འདི་བདག་གི་བུའི་ཆུང་པོ་གྲོགས་སུ་འགྱུར་གྱིས་མི་བསད་དོ་སྙམ་ནས་དེས་དེ་ནུ་མ་སྣུན་པར་བརྩམས་སོ། །སེང་གེ་མོ་དེས་ཀྱང་སྤྱོད་ཡུལ་བརྒྱུས་ཏེ་ཕྱིར་འོངས་པ་དང་། ཇི་ཙམ་ན་ཕྲུག་གུ་མི་སྣང་ནས་དེས་དེ་བཙལ་བར་བརྩམས་པ་དང་། དེས་ཕྲུག་གུ་སྟག་མོས་ [241a.7]བསྣུན་པར་མཐོང་ངོ་། །སྟག་མོ་དེས་ཀྱང་སེང་གེ་མོ་དེ་མཐོང་ནས་སྐྲག་སྟེ་འབྲོས་པར་བརྩམས་པ་དང་། སེང་གེ་མོ་དེས་སྟག་མོ་ལ་སྨྲས་པ། ནུ་མོ་མ་འབྲོས་ཤིག་དང་། ལྷན་ཅིག་འཁོད་པར་བྱ་སྟེ། འདི་ལྟར་ཁོ་མོ་སྤྱོད་ཡུལ་དུ་སོང་བ་ན་ཁྱོད་ཀྱིས་ཁོ་མོའི་ཕྲུག་གུ་ལ་ [241b] [241b.1]མཁོ་བ་བསྟབས་པས་གལ་ཏེ་ཁྱོད་སྤྱོད་ཡུལ་དུ་འགྲོ་བར་གྱུར་ན། ཁོ་མོས་ཀྱང་ཁྱོད་ཀྱི་ཕྲུག་གུ་ལ་མཁོ་བ་བསྟབས་པར་བྱའོ། །དེ་གཉིས་ལྷན་ཅིག་འཁོད་པར་བརྩམས་ནས་དེ་གཉིས་ཀྱིས་སེང་གེའི་ཕྲུག་གུའི་མིང་ནི་མཆེ་བཟང་ཞེས་བྱ་བར་བཏགས། སྟག་ཕྲུག་གི་མིང་ནི་ [241b.2]དཔུང་བཟང་ཞེས་བྱ་བར་བཏགས་ནས་དེ་གཉིས་དུས་གཞན་ཞིག་ན་ཆེན་པོར་གྱུར་ཏོ། །དུས་གཞན་ཞིག་ན་སེང་གེ་མོ་དང་། སྟག་མོ་གཉིས་ན་བར་གྱུར་ནས་དེ་གཉིས་འཆི་བའི་དུས་ཀྱི་ཚེ་བུ་གཉིས་ལ་སྨྲས་པ། བུ་གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ་ཕྲ་མ་ [241b.3]ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱིས། ཁོ་མོ་ཅག་གཉིས་འདས་པའི་འོག་ཏུ་ཁྱོད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་སྨྲས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་ [241b.4]འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་ཆོས་དང་ལྡན་པར་གྱུར་ཏོ། །སེང་གེས་ནི་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དག་ཟ་བར་བྱེད། ཁྲག་དམ་པ་དག་འཐུང་བར་བྱེད་ཅིང་། དེ་ཤ་དམ་པ་དག་ཟོས་ཤིང་ཁྲག་ [241b.5]དམ་པ་དག་འཐུངས་ནས་མྱུར་བ་མྱུར་བ་ཁོ་ནར་ཚང་དུ་འགྲོ་བར་བྱེད་དོ། །སྟག་གིས་སྤྱོད་ཡུལ་དུ་སོང་ནས་ཚེགས་ཆེན་པོས་{རི་དགས་,རི་དྭགས་}དག་བསད་དེ་ཤ་དང་ཁྲག་ཟོས་ཤིང་འཐུངས་ནས་ཡུན་རིང་པོས་ཕྱིར་འོང་ངོ་། །དུས་གཞན་ཞིག་ན་སྟག་གིས་ལྷག་རོལ་དག་སྦས་ནས་དེས་དེ་ཟོས་ [241b.6]ཏེ་མྱུར་དུ་ཕྱིར་འོངས་པ་དང་། སེང་གེས་སྟག་ལ་སྨྲས་པ། ཁྱོད་སྔོན་ཆད་ནི་ཡུན་རིང་ཞིག་གིས་ཕྱིར་འོངས་ན་དེང་མྱུར་དུ་ཕྱིར་འོངས་པ་འདི་ལ་རྒྱུ་ཅི་ཡོད། སྟག་གིས་སྨྲས་པ། ཁོ་བོས་ལྷག་རོལ་སྦས་པར་གྱུར་པ་དེ་ཟོས་ཏེ་ཕྱིར་འོངས་སོ། །སེང་གེས་སྨྲས་པ། ཁྱོད་ལྷག་ [241b.7]རོལ་སྦེད་དམ། སྟག་གིས་སྨྲས་པ་སྦེད་དོ། །སེང་གེས་སྨྲས་པ། ཁོ་བོ་ནི་{རི་དགས་,རི་དྭགས་}དམ་པ་དམ་པ་དག་བསད་ནས་ཤ་དམ་པ་དག་ཟོས་ཤིང་ཁྲག་དམ་པ་དག་འཐུངས་ནས་ལྟོས་པ་མེད་པར་འགྲོའོ། །སྟག་གིས་སྨྲས་པ། ཁྱོད་ནི་སྟོབས་དང་ལྡན་པ་ཡིན་གྱིས། ཁོ་བོས་ནི་ [242a] [242a.1]དེ་ལྟར་བྱེད་མི་ནུས་སོ། །སེང་གེས་སྨྲས་པ། བདག་ཅག་ལྷན་ཅིག་དོང་ངོ་། །དེ་གཉིས་ལྷན་ཅིག་འདོང་བར་བརྩམས་སོ། །{རི་དགས་,རི་དྭགས་}ཀྱི་རྒྱལ་པོ་སེང་གེ་དེ་ལ་ཝ་རྒན་པོ་རབ་ཏུ་གདུ་བ་ལྷག་མ་ཟ་བ་ཞིག་འཁོར་ཞིང་ཕྱི་བཞིན་དུ་འབྲང་བ་དེས་བསམས་པ། སྟག་ [242a.2]འདི་བདག་གི་ལྟོའི་དགྲར་གྱུར་པ་ཡིན་གྱིས་འདི་གཉིས་དབྱེ་བར་བྱའོ་སྙམ་ནས། དེ་ནས་ཝ་རྒན་པོ་དེ་སེང་གེའི་མདུན་དུ་རྣ་བ་ཕབ་སྟེ་འདུག་པ་དང་། སེང་གེས་སྨྲས་པ། ཞང་པོ་རླུང་ཚ་བ་དག་མི་ལྡང་ངམ། ཝས་སྨྲས་པ། ཚ་བོ་རླུང་རབ་ཏུ་འབར་བ་དག་ལྡང་ངོ་། །ཅི་ཉེས། [242a.3]སྟག་འདི་ན་རེ་ཁོ་བོའི་རྩའི་སེང་གེ་དེ་གར་སོང་། དེས་ཁོ་བོ་ལྷག་མ་ཟར་བཅུག་གིས་ཁོ་བོས་དེ་ངེས་པར་གསད་པར་བྱའོ་ཞེས་ཟེར་རོ། །སེང་གེས་སྨྲས་པ། ཞང་པོ་ཁོ་བོ་ཅག་གཉིས་ལ་མ་གཉིས་ཀྱིས་འཆི་ཀར་བུ་གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་ [242a.4]མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱིས། ཁོ་མོ་ཅག་གཉིས་འདས་པའི་འོག་ཏུ་ཁྱེད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་ཁ་ཆེམས་བཞག་གིས་ཁྱོད་དེ་སྐད་མ་ཟེར་ཅིག །ཝས་སྨྲས་པ། ཚ་བོ་ཁྱོད་ད་ཁོ་བོ་ཕན་པར་འདོད་པའི་ཚིག་མི་ཉན་ན་ [242a.5]ཆུད་ཟོས་པར་འོང་ངོ་། །སེང་གེས་སྨྲས་པ། ཞང་པོ་{གོ་རིམས་,གོ་རིམ་}ཇི་ལྟར་འོང་བར་འགྱུར། ཝས་སྨྲས་པ། ཚ་བོ་སྟག་འདི་ཚང་ནས་བྱུང་ནས་བྱ་སྨྱང་བྱེད་པར་འགྱུར་ལ། བྱ་སྨྱང་བྱས་ནས་གླལ་བར་འགྱུར་ཞིང་། གླལ་ནས་ཕྱོགས་བཞིར་རྣམ་པར་བལྟ་བར་འགྱུར། ཕྱོགས་ [242a.6]བཞིར་རྣམ་པར་བལྟས་ནས་སྟག་གི་སྐད་ཐང་གསུམ་ཕྱུང་སྟེ་ཁྱོད་ཀྱི་མདུན་དུ་འོང་བར་འགྱུར་བ་ན་ཁྱོད་ཀྱིས་བདག་འདིས་བསད་དོ་སྙམ་དུ་ཤེས་པར་གྱིས་ཤིག །དེའི་འོག་ཏུ་སྟག་གི་མདུན་དུ་རྣ་བ་ཕབ་སྟེ་འདུག་པ་དང་། སྟག་གིས་སྨྲས་པ། ཞང་པོ་རླུང་ཚ་བདག་མི་ལྡང་ངམ། [242a.7]ཝས་སྨྲས་པ། ཚ་བོ་རླུང་རབ་ཏུ་འབར་བ་དག་ལྡང་ངོ་། །ཅི་ཉེས། སེང་གེ་འདི་ན་རེ་ཁོ་བོའི་རྩའི་སྟག་དེ་གར་སོང་། དེ་ངེས་པར་གསད་པར་བྱའོ་ཞེས་ཟེར་རོ། །སྟག་གིས་སྨྲས་པ། ཞང་པོ་ཁོ་བོ་ཅག་གཉིས་ལ་མ་གཉིས་ཀྱིས་འཆི་ཀར་བུ་གཉིས་ཁྱེད་གཉིས་ནུ་མ་ [242b] [242b.1]གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱིས། ཁྱེད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་ཁ་ཆེམས་བཞག་གིས་ཁྱོད་དེ་སྐད་མ་ཟེར་ཅིག །ཝས་སྨྲས་པ། ཚ་བོ་ཁྱོད་ད་ཁོ་བོ་ཕན་པར་འདོད་པའི་ཚིག་མི་ [242b.2]ཉན་ན་ཆུད་ཟོས་པར་འོང་ངོ་། །ཞང་པོ་{གོ་རིམས་,གོ་རིམ་}ཇི་ལྟར་འོང་བར་འགྱུར། ཝས་སྨྲས་པ། ཚ་བོ་སེང་གེ་འདི་ཚང་ནས་བྱུང་ནས་བྱ་སྨྱང་བྱེད་པར་འགྱུར་ལ། བྱ་སྨྱང་བྱས་ནས་གླལ་བར་འགྱུར་ཞིང་། གླལ་ནས་ཕྱོགས་བཞིར་རྣམ་པར་ལྟ་བར་འགྱུར། ཕྱོགས་བཞིར་རྣམ་ [242b.3]པར་བལྟས་ནས་སེང་གེའི་སྐད་ཐང་གསུམ་ཕྱུང་སྟེ་ཁྱོད་ཀྱི་མདུན་དུ་འོང་བར་འགྱུར་བ་ན་ཁྱོད་ཀྱིས་བདག་འདིས་བསད་པར་འགྱུར་རོ་སྙམ་དུ་ཤེས་པར་བྱའོ། །དེ་གཉིས་རང་བཞིན་གྱིས་རྟག་ཏུ་དེ་ལྟར་བྱེད་མོད་ཀྱི། ལན་འགའ་ཡང་མཚན་མར་མ་བཟུང་ངོ་། །དུས་གཞན་ཞིག་ན་{རི་དགས་,རི་དྭགས་} [242b.4]ཀྱི་རྒྱལ་པོ་སེང་གེ་དེ་ཚང་ནས་བྱུང་ནས་བྱ་སྨྱང་བྱས་ཏེ་གླལ་ནས་ཕྱོགས་བཞིར་རྣམ་པར་བལྟས་ཏེ་སེང་གེའི་སྐད་ཐང་གསུམ་ཕྱུང་ནས་སྟག་གི་མདུན་དུ་སོང་ངོ་། །སྟག་གིས་ཀྱང་ཚང་ནས་བྱུང་ནས་བྱ་སྨྱང་བྱས་ཏེ་གླལ་ནས་ཕྱོགས་བཞིར་རྣམ་པར་བལྟས་ཏེ་སྟག་སྐད་ཐང་གསུམ་ཕྱུང་ [242b.5]ནས་སེང་གེའི་མདུན་དུ་སོང་ངོ་། །དེ་གཉིས་རྟག་ཏུ་དེ་ལྟ་བྱེད་མོད་ཀྱི། ལན་འགའ་ཡང་མཚན་མར་མ་བཟུང་སྟེ། གང་གི་ཚེ་རྒྱུད་ལ་དབྱེན་གྱི་ས་བོན་བཏབ་པ་དེའི་ཚེ་མཚན་མར་བཟུང་བས་སེང་གེས་ཀྱང་བདག་འདིས་བསད་དོ་སྙམ་དུ་བསམས་ལ། སྟག་གིས་ཀྱང་བདག་འདིས་བསད་དོ་ [242b.6]སྙམ་དུ་བསམས་སོ། །ཡང་སེང་གེས་བསམས་པ། བདག་ནི་སྟོབས་དང་ལྡན་པ་ཡིན་ལ་སྟག་ནི་དེ་ལྟ་མ་ཡིན་པས་འདིས་བདག་ལ་རྒོལ་མི་ནུས་ཀྱིས་ཇེ་བརྟག་པར་བྱའོ་སྙམ་ནས་དེས་ཚིགས་སུ་བཅད་པས་སྨྲས་པ། ཆུ་ཞིང་ཕུན་སུམ་ཚོགས་པ་དང་། །རྩལ་དང་ཤུགས་དང་ལྡན་ [242b.7]པ་ཡི། །མཆེ་བ་བཟང་ལ་རྒོལ་བྱེད་པ། །དཔུང་བཟང་དེ་ནི་རིགས་པ་མིན། །སྟག་གིས་ཀྱང་ཚིགས་སུ་བཅད་པ་སྨྲས་པ། ཆུ་ཞིང་ཕུན་སུམ་ཚོགས་པ་དང་། །རྩལ་དང་ཤུགས་དང་ལྡན་པ་ཡི། །དཔུང་བཟང་ལ་ནི་རྒོལ་བྱེད་པ། །མཆེ་བཟང་དེ་ནི་རིགས་པ་མིན། །སེང་གེས་སྨྲས་པ། ཁྱོད་ལ་ [243a] [243a.1]སུས་སྨྲས། སྟག་གིས་སྨྲས་པ། ཝ་འདིས་སོ། །སྟག་གིས་སྨྲས་པ། ཁྱོས་ལ་སུས་སྨྲས། སེང་གེས་སྨྲས་པ། ཝ་འདིས་སོ། །སེང་གེས་བསམས་པ། འདིས་བདག་ཅག་གཉིས་འབྱེད་པར་བྱེད་དོ་སྙམ་ནས་དེས་ཝ་དེ་ཐལ་ལྕག་གིས་བསྣུན་ཏེ་བསད་པ་ [243a.2]དང་། ལྷས་ཚིགས་སུ་བཅད་པ་སྨྲས་པ། གཞན་གྱི་ཚིག་གིས་མཛའ་བཤེས་མི་སྤང་ཞིང་། །གཞན་གྱིས་སྨྲས་པ་དག་ལ་བརྟག་པར་བྱ། །འབྱེད་པར་འདོད་པ་སྐབས་ཚོལ་བྱེད་པས་ན། །སྐྱེ་བོ་ཕྲ་མ་ཅན་ལ་ཡིད་མ་རྟོན། །ཝ་སྐྱེས་གྲོང་པ་{བརྫུན་,རྫུན་}དུ་སྨྲ་བྱེད་པ། །མཛའ་ [243a.3]བཤེས་འབྱེད་པར་བྱེད་པས་སྐྱེས་ཏོ་རེ། །ཕྲ་མ་སྨྲ་བ་དེ་ནི་བསད་གྱུར་ནས། །བདེ་བས་མཛའ་བཤེས་དགའ་བར་བྱེད་ལ་ལྟོས། དགེ་སློང་དག་རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་ཕྲ་མས་ཀུན་དུ་སྤྱོད་པ་ན་གསོད་པར་སེམས་ན་མི་རྣམས་ལ་ [243a.4]སྨོས་ཀྱང་ཅི་དགོས། དགེ་སློང་དག་དེ་ལྟ་བས་ན་དགེ་སློང་གིས་དགེ་སློང་ལ་ཕྲ་མས་ཀུན་དུ་སྤྱད་པར་མི་བྱའོ། །དགེ་སློང་གིས་དགེ་སློང་ལ་ཕྲ་མས་སྤྱོད་པར་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་ [243a.5]རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་ [243a.6]པར་བྱ་སྟེ། དགེ་སློང་ལ་ཕྲ་མ་བྱེད་ན་ལྟུང་བྱེད་དོ། །དགེ་སློང་ལ་ཕྲ་མ་བྱེད་ན་ཞེས་བྱ་བ་ནི་དགེ་སློང་ལ་ཕྲ་མ་བྱ་བའི་བསམ་པས་ངག་དང་། ཚིག་དང་ཐ་སྙད་དང་། སྐད་དང་། བརྗོད་པ་དང་། ངེས་པའི་ཚིག་དང་། ཚིག་གི་ལམ་དང་། ཚིག་གི་སྒྲ་དང་། ངག་གི་ལས་དང་། [243a.7]ངག་གི་རྣམ་པར་རིག་བྱེད་སྨྲས་པའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་ [243b] [243b.1]བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན།། །།བར་སྡོམ་ལ། རིགས་དང་བཟོ་དང་ལས་དང་ནི། །རྟགས་ནད་ལྟུང་བ་སྡེ་ལྔ་དང་། །ཉེ་བའི་ཉོན་མོངས་རྣམས་ [243b.2]དང་ནི། །སྤྱོ་བར་བྱེད་པ་ཐ་མ་ཡིན། །དགེ་སློང་གིས་ཕྲ་མ་བྱ་བའི་བསམ་པས་བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲམ་ཟེ་ལས་རབ་ཏུ་བྱུང་ [243b.3]བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན་མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྒྱལ་རིགས་ལས་རབ་ཏུ་བྱུང་བའི་ [243b.4]གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྒྱལ་རིགས་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་ [243b.5]བྱ་ཞེས་སྨྲས་ན་མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་ [243b.6]སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྗེའུ་རིགས་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་ [243b.7]དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ [244a] [244a.1]དམངས་རིགས་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ་དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ [244a.2]ཕྲ་མ་བྱ་བའི་བསམ་པས་ཐ་ག་པ་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཐག་པ་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ [244a.3]ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་ [244a.4]འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཁབ་རིས་མཁན་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ [244a.5]ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ [244a.6]ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བཟང་མཁན་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ་དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་ [244a.7]བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ལྕགས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ལྕགས་མགར་ལས་རབ་ཏུ་ [244b] [244b.1]བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྡུངས་མགར་ལས་ [244b.2]རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྡུངས་མགར་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་ [244b.3]འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་ [244b.4]སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཀོ་ལྤགས་མཁན་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ [244b.5]ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། [244b.6]ཚེ་དང་ལྡན་པ་ནི་རྫ་མཁན་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་ [244b.7]པས་འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་འབྲེག་མཁན་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ [245a] [245a.1]ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ [245a.2]ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཤིང་མཁན་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་ [245a.3]མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། [245a.4]བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་སྨྱིག་མ་མཁན་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་ [245a.5]གིས་ཕྲ་མ་བྱ་བའི་བསམ་པས་བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲན་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། [245a.6]མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་ [245a.7]པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲམ་ཟེ་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། བྲམ་ཟེའི་སྤྱོད་ཚུལ་དང་། སྤྱོད་པ་དང་། གཙང་སྦྲ་དང་། ཀུན་དུ་སྤྱོད་པ་དང་། ཐལ་ [245b] [245b.1]བ་བླང་བ་དང་། བྱ་མ་བུམ་པ་བླང་བ་དང་། ས་བླང་བ་དང་། ལག་སྟངས་དང་། ཐོར་ཚུགས་དང་། རབ་བསྔགས་བྱ་བ་དང་། ཀྱེ་ཞེས་བྱ་བ་དང་། ངེས་བརྗོད་ཀྱི་རིག་བྱེད་དང་། མཆོད་སྦྱིན་གྱི་རིག་བྱེད་དང་། སྙན་ཚིག་གི་རིག་བྱེད་དང་། སྲིད་སྲུང་གི་རིག་བྱེད་དང་། མཆོད་ [245b.2]སྦྱིན་བྱེད་པ་དང་། མཆོད་སྦྱིན་བྱེད་དུ་འཇུད་པ་དང་། ཀློག་པ་དང་། ཀློག་ཏུ་འཇུད་པ་དང་། སྦྱིན་པ་དང་། ལེན་པ་དག་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ཉེས་བྱས་ [245b.3]སུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ [245b.4]ཚུལ་ག་ལ་ཡོད། ཚེ་དང་ལྡན་པ་ནི་རྒྱལ་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ་གླང་པོ་ཆེའི་གཉར་བཞོན་པ་དང་། རྟ་བཞོན་པ་དང་། ཤིང་རྟའི་ཐབས་དང་། རལ་གྲིའི་ཐབས་དང་། འཕོང་དང་ཕྱིར་བསྣུར་བ་དང་། མདུན་དུ་བསྣུར་བ་དང་། [245b.5]ལྕགས་ཀྱུས་སྒྱུར་ཐབས་དང་། ཞགས་པ་གདབ་པ་དང་། མདའ་བོ་ཆེ་འཕེན་ཐབས་དང་། འཛིན་སྟངས་དང་། གོམ་སྟབས་དང་། ཐོར་ཚུགས་དང་། བཅད་པ་དང་། དྲལ་བ་དང་། དབུག་པ་དང་། རྒྱང་ནས་ཕོག་པ་དང་། སྒྲ་གྲག་པར་ཕོག་པ་དང་། གནད་དུ་ཕོག་པ་དང་། [245b.6]མི་འཆོར་བར་ཕོག་པ་དང་། ཚབས་ཆེ་བ་དག་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། ། [245b.7]དགེ་སློང་གིས་ཕྲ་མ་བྱ་བའི་བསམ་པས་རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྗེའུ་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ [246a] [246a.1]ལྡན་པས་རང་གི་བཟོ་འདི་ལྟ་སྟེ། ཞིང་རྨོ་བ་དང་། བ་ལང་བསྲུང་བ་དང་། ཚོང་བྱ་བ་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་ [246a.2]དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། [246a.3]ཚེ་དང་ལྡན་པ་ནི་དམངས་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། ཟོར་བ་དང་། ཕྲག་གདང་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་ [246a.4]པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཐག་པ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ [246a.5]ག་ལ་ཡོད། ཚེ་དང་ལྡན་པ་ནི་ཐ་ག་པ་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། དར་དག་དང་། རས་ཡུག་ཆེན་དག་དང་། བེའུ་རས་དག་དང་། དར་ལ་དག་དང་། དུ་གུ་ལ་དག་དང་། ཀོ་ཏམ་པ་དག་བསླབ་པར་བྱའོ་ཞེས་ཟེར་ཏེ། དགེ་ [246a.6]སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཁབ་རིས་མཁན་ལས་རབ་ཏུ་བྱུང་བའི་ [246a.7]གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཁབ་རིས་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། བེའུ་རས་ཡུག་ [246b] [246b.1]ཆེན་དང་། བར་ཐང་དང་། ཁབ་རིས་དང་། ཁྲེའུ་ཚེ་དང་། གོང་བུ་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ [246b.2]ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བཟང་མཁན་ [246b.3]ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། ཞྭ་དང་ཞྭ་སྒྲེ་བོ་དང་། བྱིས་པའི་གོས་དག་དང་། ཤི་ང་དཔུང་བཅད་དག་དང་། དོར་མང་དག་དང་། དོར་ཐུང་དག་དང་། བཟང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་ [246b.4]ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ལྕགས་མགར་ལས་ [246b.5]རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ལྕགས་མགར་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། ལྷུང་ [246b.6]བཟེད་དང་། ལྷུང་བཟེད་ཆུང་ངུ་དང་། ཁབ་དང་། གྲི་དག་དང་། སེན་གྲི་དག་དང་། ལྕགས་མགར་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་ [246b.7]སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་ [247a] [247a.1]གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྡུངས་མགར་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། ཁར་གཞོང་དག་དང་། གཞོང་བུ་དག་དང་། ཆ་ལང་དག་དང་། སྐོམ་ཕོར་དག་དང་། རིལ་ [247a.2]བ་དག་དང་། རྡུངས་མགར་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་ [247a.3]བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཀོ་ལྤགས་ [247a.4]མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། ལྷམ་སྒྲོག་གུ་ཅན་དག་དང་། ལྷམ་ཡུ་ཆད་དག་དང་། མཆིལ་ལྷམ་དག་དང་། སྒ་དག་དང་། དོང་པ་དག་དང་། ཀོ་ལྤགས་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ [247a.5]ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྫ་མཁན་ [247a.6]ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྫ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། རྫ་མ་ [247a.7]དག་དང་། བུམ་པ་དག་དང་། རིལ་བ་དག་དང་། རྫེའུ་དག་དང་། ཁམ་ཕོར་དག་དང་། རྫ་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་ [247b] [247b.1]སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་ [247b.2]སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་འབྲེག་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། སྐྲ་བྲེག་པ་དང་། སེན་མོ་བྲེག་པ་དང་། ཁ་སྤུ་བྲེག་པ་དང་། བྱིན་པ་བཅོས་པ་དང་། འབྲེག་མཁན་ [247b.3]གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་ [247b.4]གིས་ཕྲ་མ་བྱ་བའི་བསམ་པས་ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཤིང་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ [247b.5]ལྡན་པས་རང་གི་བཟོ་འདི་ལྟ་སྟེ། ཁྲི་དག་དང་། ཁྲིའུ་དག་དང་། ཨན་དག་དང་། ཨན་ཁྲིའུ་དག་དང་། སྒོ་གླེགས་དག་དང་། ཤིང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་ [247b.6]འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ [247b.7]ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་སྨྱིག་མ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། སྐོན་བུ་དག་དང་། སྤྲོག་མ་དག་དང་། གདུགས་དག་དང་། [248a] [248a.1]བསིལ་ཡབ་དག་དང་། དུང་གཟེབ་དག་དང་། སྨྱིག་མ་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ [248a.2]ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ [248a.3]ལ་ཡོད། ཚེ་དང་ལྡན་པ་ནི་བྲན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། བསྐུ་མཉེ་དང་། དྲིལ་ཕྱི་དང་། ཁྲུས་དང་། ཕོ་ཉར་འགྲོ་བ་དང་། མངག་པ་དང་། བྲན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་ཟེར་ཏེ། [248a.4]དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་བཞི་བཅུ་པ། དགེ་ [248a.5]སློང་གིས་ཕྲ་མ་བྱ་བའི་བསམ་པས་བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲམ་ཟེ་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་ [248a.6]གི་ལས་འདི་ལྟ་སྟེ། བྲམ་ཟེའི་སྤྱོད་ཚུལ་དང་། སྤྱོད་པ་དང་། གཙང་སྦྲ་དང་། ཀུན་དུ་སྤྱོད་པ་དང་། ཐལ་བ་བླང་བ་དང་། བྱ་མ་བུམ་བླང་བ་དང་། ལག་སྟངས་དང་། ཐོར་ཚུགས་དང་། རབ་བསྔགས་བྱ་བ་དང་། ཀྱེ་ཞེས་བྱ་དང་། ངེས་བརྗོད་ཀྱི་རིག་བྱེད་དང་། [248a.7]མཆོད་སྦྱིན་གྱི་རིག་བྱེད་དང་། སྙན་ཚིག་གི་རིག་བྱེད་དང་། སྲིད་སྲུང་གི་རིག་བྱེད་དང་། མཆོད་སྦྱིན་བྱེད་པ་དང་། མཆོད་སྦྱིན་བྱེད་དུ་འཇུད་པ་དང་། ཀློག་པ་དང་། ཀློག་ཏུ་འཇུག་པ་དང་། སྦྱིན་པ་དང་། ལེན་པ་དང་། བྲམ་ཟེའི་ལས་གཞན་གང་ཡིན་པ་ [248b] [248b.1]དག་ཀྱང་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་ [248b.2]པས་རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྒྱལ་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་ལས་ [248b.3]འདི་ལྟ་སྟེ། གླང་པོ་ཆེའི་གཉར་བཞོན་པ་དང་། རྟ་ལ་བཞོན་པ་དང་། ཤིང་རྟའི་ཐབས་དང་། རལ་གྲིའི་ཐབས་དང་། འཕོང་དང་། ཕྱིར་བསྣུར་བ་དག་དང་། མདུན་དུ་བསྣུར་བ་དང་། ལྕགས་ཀྱུས་སྒྱུར་ཐབས་དང་། ཞགས་པ་གདབ་པ་དང་། མདའ་བོ་ཆེ་ [248b.4]འཕེན་ཐབས་དང་། འཛིན་སྟངས་དང་། གོམ་སྟངས་དང་། ཐོར་ཚུགས་དང་། གཅད་པ་དང་། དྲལ་བ་དང་། དབུག་པ་དང་། རྒྱང་ནས་ཕོག་པ་དང་། སྒྲ་གྲག་པར་ཕོག་པ་དང་། གནད་དུ་ཕོག་པ་དང་། མི་འཆོར་བར་ཕོག་པ་དང་། ཚབས་ཆེ་བར་ཕོག་པ་དང་། [248b.5]རྒྱལ་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་ཕྲ་མོར་འགྱུར་ [248b.6]རོ། །དགེ་སློང་གིས་ཕྲ་མ་བྱ་བའི་བསམ་པས་རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྗེའུ་རིགས་ལས་ [248b.7]རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་ལས་འདི་ལྟ་སྟེ། ཞིང་རྨོ་བ་དང་། བ་ལང་བསྲུང་བ་དང་། ཚོང་བྱ་བ་དང་། རྗེའུ་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། [249a] [249a.1]རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་ [249a.2]པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་དམངས་རིགས་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་རང་གི་ལས་འདི་ལྟ་སྟེ། ཟོར་བ་དང་། ཕྲག་གདང་དང་། དམངས་རིགས་ཀྱི་ལས་ [249a.3]གཞན་གང་ཡིན་པ་དེ་དག་ཀྱང་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ [249a.4]ཕྲ་མ་བྱ་བའི་བསམ་པས་ཐག་པ་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཐ་ག་པ་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་ [249a.5]འདི་ལྟ་སྟེ། ཐགས་{བཟངས་,བཟང་}དང་། སོན་པ་དང་། དྲུ་བུ་དང་། སྣས་མ་ལ་སོགས་པས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་ [249a.6]དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། [249a.7]ཚེ་དང་ལྡན་པ་ནི་ཁབ་རིས་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། རྒྱང་ཤིང་དང་། སྐུད་པ་དང་། ཚོན་དང་། ཕུར་པ་དང་། སོ་{མངས་ཀྱིས་,མང་གིས་}རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། [249b] [249b.1]རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ [249b.2]ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བཟང་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། ཁབ་དང་། སྐུད་པ་དང་། གྲི་དང་། ཆན་པ་དང་། ལྕུབ་མོས་རང་གི་ལས་བྱའོ་ཞེས་ཟེར་ཏེ། [249b.3]དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ལྕགས་མགར་ལས་རབ་ཏུ་བྱུང་བའི་ [249b.4]གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ལྕགས་མགར་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། སྦུད་པ་དང་། སྦུད་རུ་དང་། ཏི་ཙ་ [249b.5]དང་། སྐམ་པ་དང་། ཐོ་བས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་ [249b.6]སློང་གིས་ཕྲ་མ་བྱ་བའི་བསམ་པས་རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྡུངས་མགར་ལས་རབ་ཏུ་བྱུང་བ་ཡིན་གྱིས། ཚེ་ [249b.7]དང་ལྡན་པས་འདི་ལྟ་སྟེ། སྦུད་པ་དང་། སྦུད་རུ་དང་། ཏི་ཙ་དང་། སྐམ་པ་དང་། ཐོ་བས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། [250a] [250a.1]རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ [250a.2]ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཀོ་ལྤགས་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། རྒྱུས་པ་དང་། རྒྱིའུ་དང་། འབྲེང་བུ་དང་། དྲ་གྲི་དང་། སྨྱུང་དང་། སྨྱུང་བུས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་ [250a.3]བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ [250a.4]ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྫ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། འཁོར་ལོ་དང་། དབྱིག་གུ་དང་། ཐ་གུ་དང་། འཁོར་ལོའི་རྟེན་མ་དང་། [250a.5]གསལ་གྱིས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་ [250a.6]བའི་བསམ་པས་འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་འབྲེག་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་ [250a.7]འདི་ལྟ་སྟེ། སྤུ་གྲི་དང་། ཆན་པ་དང་། བདར་དང་། སྨང་ཙེར་དང་། སེན་གྲིས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་ [250b] [250b.1]དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། [250b.2]ཚེ་དང་ལྡན་པ་ནི་ཤིང་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། སྟེའུ་དང་། སྟ་རེ་དང་། གཟོང་དང་། སོག་ལེ་དང་། ཐོ་བས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་ [250b.3]འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་སྨྱིག་མ་མཁན་ལས་རབ་ཏུ་བྱུང་བའི་གན་དུ་སྟོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ [250b.4]ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་སྨྱིག་མ་མཁན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ། སྨྱིག་མ་དང་། གྲི་དང་། ཚོན་དང་། སྨྱུག་ཐོ་དང་། ལྷང་ཚེར་གྱིས་རང་གི་ལས་ [250b.5]བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་བྲན་ [250b.6]ལས་རབ་ཏུ་བྱུང་བའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་བྲན་ལས་རབ་ཏུ་བྱུང་བ་ཡིན་གྱིས། ཚེ་དང་ལྡན་པས་འདི་ལྟ་སྟེ་བསྐུ་མཉེ་དང་། དྲིལ་ཕྱི་དང་། ཁྲུས་དང་། ཕོ་ཉར་འགྲོ་ [250b.7]བ་དང་། མངག་པས་རང་གི་ལས་བྱའོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་དགེ་ [251a] [251a.1]སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཐེང་པོ་དང་། སྨད་འཆལ་དང་། ཞར་བ་དང་། ལག་སོར་རྡུམ་པོ་དང་། སྒུར་པོ་དང་། མིའུ་ [251a.2]ཐུང་དང་། ལྦ་བ་ཅན་དང་། གླེན་པ་དང་། ལྐུགས་པ་དང་། གྲུམ་པོ་དང་། འོན་པ་དང་། རྟེན་འཕྱེ་དང་། རྐང་འབམ་ལས་རབ་ཏུ་བྱུང་བ་ཡིན་གྱིས་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་ [251a.3]བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ [251a.4]ལ་ཡོད། ཚེ་དང་ལྡན་པ་ནི་མཛེ་ཅན་དང་། འབྲུམ་བུ་ཕྲ་མོ་ཅན་དང་། ངལ་སྐྱེན་པ་དང་། ཤུ་བ་ཅན་དང་། གཡན་པ་ཅན་དང་། ཁྱི་རྔོ་ཅན་དང་། གློག་པ་ཅན་དང་། རྐང་ཤུ་ཅན་དང་། སྐྱིགས་བུ་ཅན་དང་། སྐྱུག་བྲོ་བ་དང་། ཁོང་སྐམ་ཅན་དང་། རིམས་ [251a.5]ཅན་དང་། རིམས་དྲག་པོ་ཅན་དང་། ལུད་པ་ཅན་དང་། དབུགས་མི་བདེ་བ་ཅན་དང་། སྐེམ་ནད་ཅན་དང་། བརྗེད་བྱེད་ཅན་དང་། བཀྲེས་ངབ་ཅན་དང་། སྐྱ་རྦབ་ཅན་དང་། ཚིལ་པོ་ཆེ་དང་། སྐྲན་ཅན་དང་། ཁྲག་ནད་ཅན་དང་། མཁྲིས་ནད་དང་། མཚན་བར་ [251a.6]རྡོལ་བ་ལས་རབ་ཏུ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་ [251a.7]བྱ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཕམ་པར་འགྱུར་བ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་ [251b] [251b.1]པར་བྱ་བ་དང་། ཉེས་བྱས་ཀྱི་ལྟུང་བ་བྱུང་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་ [251b.2]གིས་ཕྲ་མ་བྱ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཁྲོ་བ་དང་། ཁོན་དུ་འཛིན་པ་དང་། འཆབ་པ་དང་། དངན་དུས་ཅན་ [251b.3]དང་། ཕྲག་དོག་ཅན་དང་། སེར་སྣ་ཅན་དང་། གཡོན་ཅན་དང་། སྒྱུ་ཅན་དང་། ངོ་ཚ་མེད་པ་དང་། ཁྲེལ་མེད་པ་དང་། སྡིག་པ་འདོད་པ་དང་། ལོག་པར་ལྟ་བ་ཡིན་ནོ་ཞེས་ཟེར་ཏེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་ [251b.4]འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཁྱོད་ལ་དགེ་སློང་ན་རེ་ཚེ་དང་ལྡན་པ་ལ་དགེ་སྦྱོང་གི་ཚུལ་ [251b.5]ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རོ་ལྟ་བུ་ཡིན་ནོ་ཞེས་བྱ་བ་ལ་སོགས་པའི་སྤྱོ་བ་དག་གིས་སྤྱོ་བར་བྱེད་དེ། དགེ་སློང་གང་ཞེ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན་མིང་བརྗོད་པ་ལ་ལྟུང་བྱེད་དུ་འགྱུར་ལ། [251b.6]རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་ཇི་ཙམ་དུ་ཕྲ་མ་བྱ་བའི་བསམ་པས་དགེ་སློང་དག་དབྱེ་བའི་ཚིག་སྨྲ་ན་བདེན་ཡང་རུང་། {བརྫུན་,རྫུན་}ཡང་རུང་ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང་། སྨྱོས་པ་དང་། [251b.7]སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་ལ་ཕྲ་མ་བྱེད་པའི་ལྟུང་བྱེད་དེ་གསུམ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་ [252a] [252a.1]དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་རྩོད་པ་འདི་ནི་ཤད་ཀྱིས་མ་བྱང་བ་དང་། ལེགས་པར་ཤད་ཀྱིས་མ་བྱང་བ་ཡིན་གྱིས་ཡང་ཤད་ཀྱིས་བྱང་བར་བྱའོ། །རྩོད་ [252a.2]པ་འདི་ནི་ངེས་པར་མ་བརྟགས་པ་དང་། ལེགས་པར་ངེས་པར་མ་བརྟགས་པ་ཡིན་གྱིས་ཡང་ངེས་པར་བརྟག་པར་བྱའོ། །རྩོད་པ་འདི་ནི་ཉེ་བར་མ་ཞི་བ་དང་། ལེགས་པར་ཉེ་བར་མ་ཞི་བ་ཡིན་གྱིས་ཡང་ཉེ་བར་ཞི་བར་བྱའོ་ཞེས་ཡང་ལས་ཀྱིས་སྐྱོ་སྔོགས་བྱེད་དེ། དགེ་ [252a.3]སློང་དག་ཡང་དང་ཡང་དུ་རྩོད་པ་ཉེ་བར་ཞི་བར་བྱེད་པ་ན་བྱ་བ་མང་བ་དང་། བྱེད་པ་མང་བར་གྱུར་ནས་ལུང་མནོད་པ་དང་། བཀླག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱ་བ་དང་། ནང་གི་སེམས་ཀྱི་ཞི་གནས་གཏོང་བར་བྱེད་དོ། །དགེ་སློང་དོན་ཉུང་ངུ་དག་ [252a.4]ཅིའི་ཕྱིར་དགེ་སློང་དག་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་རྩོད་པ་འདི་ནི་ཤད་ཀྱིས་མ་བྱང་བ་དང་། ལེགས་པར་ཤད་ཀྱིས་མ་བྱང་བ་ཡིན་གྱིས་ཡང་ཤད་ཀྱིས་སྦྱང་བར་བྱའོ། །རྩོད་པ་འདི་ནི་ངེས་པར་མ་བརྟགས་པ་དང་། ལེགས་པར་ངེས་པར་ [252a.5]མ་བརྟགས་པ་ཡིན་གྱིས་ཡང་ངེས་པར་བརྟག་པར་བྱའོ། །རྩོད་པ་འདི་ནི་ཉེ་བར་མ་ཞི་བ་དང་། ལེགས་པར་ཉེ་བར་མ་ཞི་བ་ཡིན་གྱིས་ཡང་ཉེ་བར་ཞི་བར་བྱའོ་ཞེས་ཡང་ལས་ཀྱིས་སྐྱོ་སྔོགས་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་ [252a.6]པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་ [252a.7]འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ཁྱེད་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ [252b] [252b.1]ཀྱིས་སྐྱོ་སྔོགས་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་ [252b.2]མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་ [252b.3]པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དོ། །ཡང་དགེ་སློང་གང་ཞེས་ [252b.4]བྱ་བ་ནི་དྲུག་སྡེ་འམ། གཞན་ཡང་དེ་ལྟ་བུ་གང་ཡིན་པའོ། །དགེ་འདུན་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནོ། །མཐུན་པས་ཞེས་བྱ་བ་ནི་བློ་མཐུན་པས་སོ། །ཆོས་བཞིན་དུ་ཞེས་བྱ་བ་ནི་ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་ [252b.5]པའི་བསྟན་པ་ཇི་ལྟ་བ་བཞིན་དུའོ། །རྩོད་པ་ཞེས་བྱ་བ་ནི་རྩོད་པ་བཞི་པོ་འཐབ་པའི་ཕྱིར་རྩོད་པ་དང་། མི་གདམས་པའི་ཕྱིར་རྩོད་པ་དང་། ལྟུང་བའི་ཕྱིར་རྩོད་པ་དང་། བྱ་བའི་ཕྱིར་རྩོད་པའོ། །སྦྱངས་པ་ཞེས་བྱ་བ་ནི་ཉེ་བར་ཞི་བར་བྱས་པའོ། །ཤེས་བཞིན་དུ་ [252b.6]ཞེས་བྱ་བ་ནི་རང་ཉིད་ཀྱིས་དེ་ཡོངས་སུ་རིག་པའམ། གཞན་དག་གིས་བརྗོད་པས་སོ། །ཡང་ལས་ཀྱིས་སྐྱོ་སྔོགས་བྱེད་ན་ཞེས་བྱ་བ་ནི་ཡང་བྱེད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། [252b.7]ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། [253a] [253a.1]དགེ་སློང་གིས་འཐབ་པའི་ཕྱིར་རྩོད་པ་ལ་འཐབ་པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་ [253a.2]བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་འཐབ་པའི་ཕྱིར་ [253a.3]རྩོད་པ་ལ་མི་གདམས་པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་ [253a.4]བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་འཐབ་པའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་ [253a.5]འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་ [253a.6]བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་འཐབ་པའི་ཕྱིར་རྩོད་པ་ལ་བྱ་བའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ [253a.7]ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་ [253b] [253b.1]བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་མི་གདམས་པའི་ཕྱིར་རྩོད་པ་ལ་མི་གདམས་པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ [253b.2]ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་ [253b.3]བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་མི་གདམས་པའི་ཕྱིར་རྩོད་པ་ལ་འཐབ་པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ [253b.4]ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། ། [253b.5]ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་མི་གདམས་པའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ [253b.6]ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་ [253b.7]གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་མི་གདམས་པའི་ཕྱིར་རྩོད་པ་ལ་བྱ་བའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། ། [254a] [254a.1]ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་ [254a.2]གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ལྟུང་བའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། ། [254a.3]ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ [254a.4]ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ལྟུང་བའི་ཕྱིར་རྩོད་པ་ལ་འཐབ་པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་ [254a.5]གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ [254a.6]ཉེས་བྱས་སུ་འགྱུར་རོ། །དགེ་སློང་གིས་ལྟུང་བའི་ཕྱིར་རྩོད་པ་ལ་མི་གདམས་པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་ [254a.7]བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་ [254b] [254b.1]གིས་ལྟུང་བའི་ཕྱིར་རྩོད་པ་ལ་བྱ་བའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་ [254b.2]འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ [254b.3]ཕྱིར་རྩོད་པ་ལ་བྱ་བའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ [254b.4]ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ཕྱིར་རྩོད་པ་ལ་འཐབ་ [254b.5]པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ [254b.6]ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ཕྱིར་རྩོད་པ་ལ་མི་གདམས་པའི་ཕྱིར་རྩོད་པར་འདུ་ཤེས་ནས་ཤད་ [254b.7]ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ [255a] [255a.1]ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ [255a.2]ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་ [255a.3]སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དེ་དག་ནི་གང་ཟག་ལྔ་སྟེ། གཉུག་མར་གནས་པ་དང་། ལས་བྱེད་པ་དང་། འདུན་པ་འབུལ་བ་དང་། ལྟ་བ་སྨྲ་ [255a.4]བ་དང་། བློ་བུར་དུ་འོངས་པ་དག་གོ། །དེ་ལ་གང་ཟག་གཉུག་མར་གནས་པ་གང་ཞེ་ན། གང་གིས་རྩོད་པ་དེའི་ཐོག་མ་དང་། དབུས་དང་། ཐ་མ་དག་ཤེས་པའོ། །གང་ཟག་ལས་བྱེད་པ་གང་ཞེ་ན། གང་གིས་རྩོད་པ་དེ་ཉེ་བར་ཞི་བར་བྱ་བའི་ཕྱིར་ལས་ [255a.5]བྱས་པའོ། །གང་ཟག་འདུན་པ་འབུལ་བ་གང་ཞེ་ན། གང་གིས་ལས་དེ་བྱ་བའི་ཕྱིར་འདུན་པ་ཕུལ་བར་གྱུར་པའོ། །གང་ཟག་ལྟ་བ་སྨྲ་བ་གང་ཞེ་ན། གང་གིས་རྩོད་པ་དེ་ལ་རང་གི་ལྟ་བ་སྨྲས་པར་གྱུར་པའོ། །གང་ཟག་བློ་བུར་དུ་འོངས་པ་གང་ཞེ་ན། གང་ [255a.6]གིས་རྩོད་པ་དེའི་ཐོག་མ་དང་། དབུས་དང་། ཐ་མ་དག་མི་ཤེས་པའོ། །དེ་ལ་གང་ཟག་དང་པོ་གསུམ་པོ་གཉུག་མར་གནས་པ་དང་། ལས་བྱེད་པ་དང་། འདུན་པ་འབུལ་བའི་གང་ཟག་དེ་གསུམ་གྱིས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ [255a.7]ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །གང་ཟག་ཐ་མ་གཉིས་པོ་ལྟ་བ་སྨྲ་བ་དང་། བློ་བུར་དུ་འོངས་པའི་གང་ཟག་དེ་གཉིས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་ [255b] [255b.1]སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྐྱོ་སྔོགས་བྱེད་པའི་ལྟུང་བྱེད་དེ་བཞི་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་ [255b.2]བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་འཆར་ཀ་ཤ་མཚན་གྱི་རིག་པ་ཤེས་ཏེ། དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་འཇུག་གོ། །དེ་བྲམ་ཟེ་དང་། [255b.3]ཁྱིམ་བདག་གི་ཁྱིམ་དག་ཏུ་སོང་སྟེ་ཆོས་སྟོན་པར་བྱེད་ཅིང་ཆོས་བསྟན་ནས་མནའ་མ་ལ་དྲིས་པ། སྲུ་མོ་ཁྱོད་ཀྱི་སྒྱུག་མོ་ཅི་འདྲ། དེས་སྨྲས་པ། འཕགས་པ་རི་བོང་མ་མདས་ཕོག་པ་ཅི་འདྲ་བ་དེ་འདྲའོ། །འཆར་ཀས་སྨྲས་པ། སྲུ་མོ་ཅི་དེ་དེའི་ཉེས་པ་ཡིན་སྙམ་མམ། [255b.4]འདི་ལྟར་དེ་ལ་གཏུམ་པའི་མཚན་ནུ་མའི་བར་དང་། མདོམས་ཀྱི་བར་དང་། རྐེད་པའི་བར་དག་ན་ཤ་རྨན་དང་། མཛེར་བུ་དང་། སྨེ་བ་དང་། སྨེ་བ་དམར་པོ་དང་། སྤུ་འཁྱིལ་བ་དག་ཡོད་པས་དེ་ནི་དེའི་ཉེས་པ་ཡིན་ནོ། །དེའི་འོག་ཏུ་སྒྱུག་མོའི་གན་དུ་སོང་སྟེ་ [255b.5]དྲིས་པ། སྲུ་མོ་ཁྱོད་ཀྱི་མནའ་མ་ཅི་འདྲ། འཕགས་པ་དེའི་སྐྱོན་ནི་སེག་དར་གྱིས་བདར་འཚལ་ཏེ། ལེ་ལོ་ཅན་སྒྲུབ་མི་ཕོད་པ། གཏུམ་པ། གཤེ་བ། སྤྱོ་བར་བགྱིད་པ་ལགས་སོ། །སྲུ་མོ་ཅི་དེ་དེའི་ཉེས་པ་ཡིན་སྙམ་མམ། འདི་ལྟར་དེ་ལ་གཏུམ་པའི་ [255b.6]མཚན་ནུ་མའི་བར་དང་། མདོམས་ཀྱི་བར་དང་། རྐེད་པའི་བར་དག་ན་ཤ་རྨན་དང་། མཛེར་བུ་དང་། སྨེ་བ་དང་། སྨེ་བ་དམར་པོ་དང་། སྤུ་འཁྱིལ་བ་དག་ཡོད་པས་དེ་ནི་དེའི་ཉེས་པ་ཡིན་ནོ། །དེ་དུས་གཞན་ཞིག་ན་ཡང་ཤམ་ཐབས་བགོས། ལྷུང་བཟེད་དང་། [255b.7]ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་འཇུག་གོ། །དེ་བྲམ་ཟེ་དང་། ཁྱིམ་བདག་གི་ཁྱིམ་དག་ཏུ་སོང་སྟེ་ཆོས་སྟོན་པར་བྱེད་ཅིང་། ཆོས་སྟོན་པ་ན་སྒྱུག་མོ་ལ་དྲིས་པ། སྲུ་མོ་ཁྱོད་ཀྱི་མནའ་མ་ཅི་འདྲ། འཕགས་པ་བུ་མོའམ། ནུ་མོ་ཅི་འདྲ་བ་དེ་འདྲའོ། །སྲུ་མོ་ [256a] [256a.1]དེ་ནི་འདིའི་ཡོན་ཏན་མ་ཡིན་ཏེ། འདི་ལྟར་དེ་ལ་ངེས་པའི་མཚན་ནུ་མའི་བར་དང་། མདོམས་ཀྱི་བར་དང་། རྐེད་པའི་བར་དག་ན་འདི་ལྟ་སྟེ། དཔལ་བེའུ་དང་། བུམ་པ་གང་བ་དང་། བཀྲ་ཤིས་དང་། གཡུང་དྲུང་དག་ཡོད་པས་དེ་ནི་དེའི་ཡོན་ཏན་ཡིན་ [256a.2]ནོ། །དེའི་འོག་ཏུ་དེའི་མནའ་མའི་གན་དུ་སོང་སྟེ་དྲིས་པ། སྲུ་མོ་ཁྱོད་ཀྱི་སྒྱུག་མོ་ཅི་འདྲ། འཕགས་པ་མའམ། བུ་མོ་ཅི་འདྲ་བ་དེ་འདྲའོ། །སྲུ་མོ་དེ་ནི་དེའི་ཡོན་ཏན་མ་ཡིན་ཏེ། འདི་ལྟར་དེ་ལ་ངེས་པའི་མཚན་ནུ་མའི་བར་དང་། མདོམས་ཀྱི་བར་དང་། རྐེད་པའི་ [256a.3]བར་དག་ན་འདི་ལྟ་སྟེ། དཔལ་བེའུ་དང་། བུམ་པ་གང་བ་དང་། བཀྲ་ཤིས་དང་། གཡུང་དྲུང་དག་ཡོད་པས་དེ་ནི་དེའི་ཡོན་ཏན་ཡིན་ནོ། །དེ་ནས་དུས་གཞན་ཞིག་ན་བུད་མེད་དེ་དག་བསྐུ་མཉེ་དང་། དྲིལ་ཕྱི་དང་། ཁྲུས་བདག་གིར་བྱེད་པའི་ཚེ་གཅིག་ [256a.4]ལ་གཅིག་གསང་བའི་གནས་ཀྱི་མཚན་མ་རྟོག་པར་བྱེད་པ་ན། ཇི་ཙམ་ན་ཚེ་དང་ལྡན་པ་འཆར་ཀས་ཇི་སྐད་བསྟན་པ་དེ་ཁོ་ན་ལྟ་བུའི་མཚན་བཟང་པོ་དང་། མཚན་ངན་པ་དག་མཐོང་ངོ་། །དེ་དག་གང་གི་ཚེ་ཐབ་མོ་བྱུང་བ་དེའི་ཚེ་ན་གཅིག་ལ་གཅིག་གླེང་བར་བྱེད་དེ། [256a.5]ཁྱོད་ཀྱང་ཁོ་མོ་དང་ལྷན་ཅིག་སྨྲ་བར་བྱེད་དམ། ཁྱོད་སྐྱེས་པ་གཞན་དག་དང་ལྷན་ཅིག་འདི་དང་འདི་ལྟར་བྱེད་དོ། །སྡིག་པ་ཞིའོ། །འོ་ན་ཁྱོད་ཀྱི་མདོམས་ཀྱི་བར་དག་ན་མཚན་དང་། མཚན་ངན་པ་དག་ཡོད་པ་སྐྱེས་པ་གཞན་གྱིས་ཇི་ལྟར་ཤེས། གལ་ཏེ་དེ་ལྟ་ན་ཁོ་ [256a.6]མོ་ཡང་ཅིའི་ཕྱིར་མི་སྨྲ། ཁྱོད་ཀྱང་ཁོ་མོ་དང་ལྷན་ཅིག་སྨྲ་བར་བྱེད་དམ། ཁྱོད་སྐྱེས་པ་གཞན་དག་དང་ལྷན་ཅིག་འདི་དང་འདི་ལྟར་བྱེད་དོ། །སྡིག་པ་ཞིའོ། །འོ་ན་ཁྱོད་ཀྱི་མདོམས་ཀྱི་བར་དག་ན་མཚན་དང་། མཚན་ངན་པ་དག་ཡོད་པ་སྐྱེས་པ་གཞན་གྱིས་ཇི་ལྟར་ [256a.7]ཤེས། གང་གི་ཚེ་དེ་དག་གཅིག་ལ་གཅིག་བཟོད་པ་གསོལ་བ་དེའི་ཚེ་ན་གཅིག་གིས་གཅིག་ལ་དྲིས་པ། ཁྱོད་ལ་སུས་སྨྲས། འཕགས་པ་འཆར་ཀས་སོ། །ཁྱོད་ལ་ཡང་སུས་སྨྲས། འཕགས་པ་འཆར་ཀས་སོ། །དེ་དག་འཕགས་པ་འཆར་ཀས་ [256b] [256b.1]བསམས་བཞིན་དུ་བདག་ཅག་འཐབ་ཏུ་བཅུག་གོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དེ་དག་ཐེ་ཚོམ་སྐྱེས་ནས་དགེ་སློང་གནས་བརྟན་གནས་བརྟན་དག་བསོད་སྙོམས་ལ་ཞུགས་པ་ན་དེ་དག་གིས་དེ་དག་ལ་དྲིས་པ། འཕགས་ [256b.2]པ་དག་འཕགས་པ་འཆར་ཀ་དགེ་སློང་ཇི་ལྟ་བུ་ལགས། སྲིང་མོ་དག་དེ་ནི་མདུན་ན་འདོན་གྱི་བུ་ལས་རབ་ཏུ་བྱུང་བ་དགེ་སློང་ཚུལ་ཁྲིམས་དང་ལྡན་པ་ཡིན་ནོ། །འཕགས་པ་དག་གལ་ཏེ་དགེ་སློང་ཚུལ་ཁྲིམས་དང་ལྡན་པ་ལགས་ན་དེས་ཇི་ལྟར་བུད་མེད་ཀྱི་ཡུལ་གྱི་ [256b.3]གསང་བའི་ཕྱོགས་དག་ན་ཤ་རྨན་མཆིས་པ་དག་འཚལ། དེ་དག་གིས་སྨྲས་པ། སྲིང་མོ་དག་དེས་ཤ་མཚན་བརྟགས་པའི་རིག་པ་ཤེས་པས་དེའི་མཐུས་ཤེས་སོ། །འཕགས་པ་དག་ཅི་ཇི་ཙམ་འཚལ་བ་དེ་དག་ཐམས་ཅད་བསྟན་པར་བགྱིའམ་ཞེས་སྨོད་ [256b.4]པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གང་གི་ཕྱིར་ཉེས་དམིགས་ཅུང་ཟད་ཅི་བྱུང་བ་དེ་དག་ཐམས་ཅད་དགེ་སློང་དག་ [256b.5]བུད་མེད་ཀྱི་ཡུལ་ལ་ཆོས་སྟོན་པ་ལས་གྱུར་པ་ཡིན་གྱིས། དེའི་ཕྱིར་དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ་སྙམ་དུ་དགོངས་ནས་དེ་ལྟ་བས་ན་དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ་ཞེས་བཀའ་སྩལ་ཏོ། །བཅོམ་ལྡན་འདས་ [256b.6]ཀྱིས་དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ་ཞེས་བཀའ་སྩལ་ནས་དགེ་སློང་དག་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་ཆོས་བསྟན་དུ་གསོལ། སྲིང་མོ་དག་བཅོམ་ལྡན་འདས་ཀྱིས་མ་གནང་ [256b.7]ངོ་། །དེ་དག་གིས་སྨྲས་པ། གལ་ཏེ་ཁྱོད་ཆོས་མི་སྟོན་ན་བདག་ཅག་ཀྱང་བསོད་སྙོམས་མི་འབུལ་ལོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚིག་ལྔས་ཆོས་བསྟན་པར་བྱ་སྟེ། [257a] [257a.1]སྲིང་མོ་དག་འདི་ལྟར་གཟུགས་ནི་མི་རྟག་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མི་རྟག་པའོ་ཞེས་བྱ་བས་སོ། །དགེ་སློང་དག་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་དག་གིས་སྨྲས་པ། འཕགས་ [257a.2]པ་དག་ཆོས་བསྟན་དུ་གསོལ། དགེ་སློང་རྣམས་ཀྱིས་སྲིང་མོ་དག་འདི་ལྟར་གཟུགས་ནི་མི་རྟག་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མི་རྟག་པའོ་ཞེས་ཚིག་ལྔས་ཆོས་བསྟན་པ་དང་། དེ་དག་གིས་སྨྲས་པ། [257a.3]འཕགས་པ་དག་ཡང་ཆོས་བསྟན་དུ་གསོལ། སྲིང་མོ་དག་བཅོམ་ལྡན་འདས་ཀྱིས་རེ་ཞིག་དེ་ཙམ་ཞིག་རྗེས་སུ་གནང་ངོ་། །དེ་དག་གིས་སྨྲས་པ། འཕགས་པ་དག་ལེགས་ཀྱིས་བདག་ཅག་ཀྱང་བསོད་སྙོམས་ཅུང་ཞིག་འབུལ་ལོ་ཞེས་ཟེར་བའི་སྐབས་ [257a.4]དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚིག་དྲུག་གིས་ཆོས་བསྟན་པར་བྱ་སྟེ། སྲིང་མོ་དག་འདི་ལྟར་མིག་ནི་མི་རྟག་པའོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་མི་རྟག་ [257a.5]པའོ་ཞེས་བྱ་བས་སོ། །དགེ་སློང་དག་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་ཆོས་བསྟན་དུ་གསོལ། དགེ་སློང་རྣམས་ཀྱིས་སྲིང་མོ་དག་འདི་ལྟར་མིག་ནི་མི་རྟག་པའོ། །རྣ་བ་དང་། སྣ་དང་། ལྕེ་དང་། ལུས་ [257a.6]དང་། ཡིད་ནི་མི་རྟག་པའོ་ཞེས་ཚིག་དྲུག་གིས་ཆོས་བསྟན་པ་དང་། དེ་དག་གིས་སྨྲས་པ། འཕགས་པ་དག་ཡང་ཆོས་བསྟན་དུ་གསོལ། སྲིང་མོ་དག་བཅོམ་ལྡན་འདས་ཀྱིས་རེ་ཞིག་དེ་ཙམ་ཞིག་རྗེས་སུ་གནང་ངོ་། །དེ་དག་གིས་སྨྲས་པ། འཕགས་པ་ [257a.7]དག་ལེགས་ཀྱིས་བདག་ཅག་ཀྱང་བསོད་སྙོམས་ཆུང་ཞིག་འབུལ་ལོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྐྱེས་པ་བཞག་སྟེ་ཇི་ཙམ་འདོད་པར་ཆོས་བསྟན་པར་བྱའོ། །དགེ་ [257b] [257b.1]སློང་དག་བསོད་སྙོམས་ལ་ཞུགས་པ་དག་ན་བུད་མེད་ཀྱི་ཡུལ་དག་གིས་སྨྲས་པ། འཕགས་པ་ཆོས་བསྟན་དུ་གསོལ། དགེ་སློང་རྣམས་ཀྱིས་སྨྲས་པ། སྲིང་མོ་དག་སྐྱེས་པ་འགའ་ཞིག་ཁྲིད་དེ་ཤོག །འཕགས་པ་དག་སྐྱེས་པས་ཅི་བགྱི། སྲིང་མོ་དག་བཅོམ་ལྡན་ [257b.2]འདས་ཀྱིས་སྐྱེས་པ་བཞག་སྟེ། ཅི་ཙམ་འདོད་པར་ཆོས་བསྟན་པར་བྱའོ་ཞེས་བསླབ་པའི་གཞི་བཅའ་བར་མཛད་དོ། །འཕགས་པ་དག་ལེགས་ཏེ་བདག་ཅག་ཀྱང་ཤིན་ཏུ་སྦས་པ་དང་། ཤིན་ཏུ་བསྲུངས་པར་འགྱུར་ལ། འཕགས་པ་དག་ཀྱང་མི་བསྙེངས་པར་ཆོས་ [257b.3]སྟོན་པར་འགྱུར་རོ་ཞེས་དེ་དག་གིས་སྐྱེས་པ་ཁྲིད་དེ་འོངས་ནས་དགེ་སློང་དག་གིས་ཀྱང་ཅི་འདོད་པས་ཆོས་བསྟན་ཏེ་དོང་ངོ་། །དྲུག་སྡེ་དག་བསོད་སྙོམས་ལ་ཞུགས་ནས་དེ་དག་གིས་བུད་མེད་ཀྱི་ཡུལ་དག་ལ་སྨྲས་པ། སྲིང་མོ་དག་འཁོད་ཅིག་དང་ཆོས་བསྟན་ [257b.4]པར་བྱའོ། །དེ་དག་གིས་སྨྲས་པ། འཕགས་པ་དག་སྐྱེས་པ་འགའ་ཞིག་ཁྲིད་དེ་མཆིའི་བར་དུ་རེ་ཞིག་ཡུད་ཙམ་ཞིག་གཞེས་སུ་གསོལ་དྲུག་སྡེ་དག་གིས་སྨྲས་པ། ཁྱི་དང་། སྤྲེའུ་དང་། བེའུ་དང་། ཕྱི་རྒན་དུ་ཉལ་བ་དང་། གོག་པ་དང་། ཁྱེའུ་འདུག་པ་འདི་ [257b.5]ལས་གཞན་པའི་སྐྱེས་པ་ཅི་དགོས་ཞེས་དེ་དག་ལ་ཆོས་བསྟན་ནས་དོང་ངོ་། །དགེ་སློང་གནས་བརྟན་གནས་བརྟན་དག་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་ཆོས་བསྟན་དུ་གསོལ། སྲིང་མོ་དག་སྐྱེས་པ་འགའ་ཞིག་ཁྲིད་ [257b.6]དེ་ཤོག །དེ་དག་གིས་སྨྲས་པ། འཕགས་པ་དག་ཅི་ལགས་ཁྱི་དང་། སྤྲེའུ་དང་། བེའུ་དང་། ཕྱི་རྒན་དུ་ཉལ་བ་དང་། གོག་པ་དང་། ཁྱེའུ་འདི་དག་མ་མཆིས་སམ། སྲིང་མོ་དག་ཁོ་བོ་ཅག་སྐྱེས་པ་འདི་ལྟ་བུ་དང་ཆོས་མི་སྟོན་ཏེ། ཁྱེད་ཅག་ལ་སྐྱེས་པ་འདི་ལྟ་བུ་ [257b.7]དང་ཆོས་སྟོན་པར་བྱེད་པ་དེ་སུ་ཡིན། དེ་དག་གིས་སྨྲས་པ། འཕགས་པ་དྲུག་སྡེ་དག་གོ། །དེ་ཁོ་ནའི་ཕྱིར་དེ་དག་གི་གནས་སྐབས་དེ་འདྲའོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། [258a] [258a.1]རིག་པའི་སྐྱེས་པ་བཞག་སྟེ་ཅི་འདོད་པར་ཆོས་བསྟན་པར་བྱའོ། །བཅོམ་ལྡན་འདས་ཀྱིས་བུད་མེད་ཀྱི་ཡུལ་ལ་ཚིག་ལྔའམ་དྲུག་གིས་ཆོས་བསྟན་པར་བྱའོ་ཞེས་བཀའ་སྩལ་ནས། དྲུག་སྡེ་དག་ཚིག་ལྔས་ཆོས་སྟོན་པ་ན་བསམས་བཞིན་དུ་ [258a.2]ཚིག་དྲུག་པ་ལ་འཇུག་པར་བྱེད་ཅིང་། ཚིག་དྲུག་གིས་ཆོས་སྟོན་པ་ན་ཡང་བསམས་བཞིན་དུ་ཚིག་བདུན་པ་ལ་འཇུག་པར་བྱེད་ནས་དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ཚིག་ལྔའམ་དྲུག་གིས་ཆོས་བསྟན་པར་བྱའོ་ཞེས་ [258a.3]བཀའ་སྩལ་ན། ཁྱེད་ཅག་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང་། ཚིག་དྲུག་གིས་ཆོས་སྟོན་པ་ན་ཡང་བསམས་བཞིན་དུ་ཚིག་བདུན་པ་ལ་འཇུག་པར་བྱེད་དམ། དེ་དག་གིས་སྨྲས་པ། ཚེ་དང་ལྡན་པ་དག་གང་ལ་ཚིག་ལྔ་ [258a.4]པ་རུང་བ་དེ་ལ་ཚིག་དྲུག་པ་ཡང་རུང་ལ། གང་ལ་ཚིག་དྲུག་པ་རུང་བ་དེ་ལ་ཚིག་བདུན་པ་ཡང་རུང་སྟེ། ཚིག་དྲུག་པ་དང་། བདུན་པས་ཀུན་དོང་ཟོས་སམ། ཆང་འཐུངས་སམ། ཇི་ན་དམིགས་ཀྱིས་དགག་པར་བྱ། དགེ་སློང་དོན་ཉུང་ངུ་དག་བཅོམ་ལྡན་འདས་ [258a.5]ཀྱིས་བུད་མེད་ཀྱི་ཡུལ་ལ་ཚིག་ལྔའམ། དྲུག་གིས་ཆོས་བསྟན་པར་བྱའོ་ཞེས་བཀའ་སྩལ་ནས། ཅིའི་ཕྱིར་དགེ་སློང་དག་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང་། ཚིག་དྲུག་གིས་ཆོས་སྟོན་པ་ན་ཡང་བསམས་བཞིན་དུ་ཚིག་ [258a.6]བདུན་པ་ལ་འཇུག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་དང་། སྐབས་འདི་ལ་དགེ་སློང་གི་དགེ་འདུན་ [258a.7]བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ངས་ [258b] [258b.1]བུད་མེད་ཀྱི་ཡུལ་ལ་ཚིག་ལྔའམ། དྲུག་གིས་ཆོས་བསྟན་པར་བྱའོ་ཞེས་བསྟན་ན། ཁྱེད་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང་། ཚིག་དྲུག་གིས་ཆོས་སྟོན་པ་ན་ཡང་བསམས་བཞིན་དུ་ཚིག་བདུན་པ་ལ་འཇུག་པ་བདེན་ [258b.2]ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་ [258b.3]བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་ [258b.4]པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུད་མེད་ཀྱི་ཡུལ་ལ་ཚིག་ལྔའམ་དྲུག་ལས་ལྷག་པའི་ཆོས་སྟོན་ན། རིག་པའི་སྐྱེས་པ་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ [258b.5]ཞེས་བྱ་བ་ནི་དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །བུད་མེད་ཀྱི་ཡུལ་ལ་ཞེས་བྱ་བ་ནི་བུད་མེད་དམ། གཞོན་ནུ་མ་ལེགས་པར་སྨྲས་པ་དང་། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་དུ་ཤེས་པར་ནུས་པ་ལའོ། །ཚིག་ལྔའམ་དྲུག་ལས་ལྷག་པར་ [258b.6]ཞེས་བྱ་བ་ནི་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་ཐལ་བར་བྱེད་པ་དང་། ཚིག་དྲུག་གིས་ཆོས་སྟོན་པ་ན་ཡང་བསམས་བཞིན་དུ་ཚིག་བདུན་པ་ལ་ཐལ་བར་བྱེད་པའོ། །ཆོས་ཞེས་བྱ་བ་ནི་སངས་རྒྱས་ཀྱིས་གསུངས་པའམ། སངས་རྒྱས་ [258b.7]ཀྱི་ཉན་ཐོས་ཀྱིས་བཤད་པའོ། །སྟོན་ན་ཞེས་བྱ་བ་ནི་འཆད་ནའོ། །རིག་པའི་སྐྱེས་པ་མ་གཏོགས་ཏེ་ཞེས་བྱ་བ་ནི་རིག་པའི་སྐྱེས་པ་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། [259a] [259a.1]ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་ [259a.2]འགྱུར་ཞེ་ན། དགེ་སློང་སྟེང་གི་ཁང་ཐོག་ཏུ་བུད་མེད་ཀྱི་ཡུལ་ལ་ཆོས་སྟོན་པར་བྱེད་ན། དེས་ཚིག་ལྔའམ། དྲུག་གིས་ཆོས་བསྟན་པར་བྱ་སྟེ། དགེ་སློང་གིས་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་ཐལ་བར་བྱེད་ན་ལྟུང་བྱེད་དུ་འགྱུར་རོ། །ཚིག་དྲུག་ [259a.3]གིས་ཆོས་སྟོན་པ་ན་བསམས་བཞིན་དུ་ཚིག་བདུན་པ་ལ་ཐལ་བར་བྱེད་ན་ལྟུང་བྱེད་དུ་འགྱུར་རོ། །ཆོས་བསྟན་ནས་ཁང་ཐོག་བར་མར་ཞུགས་པ་ན་དེའི་ཕྱི་བཞིན་འོང་ཞིང་འཕགས་པ་ཆོས་བསྟན་དུ་གསོལ་ཞེས་ཟེར་ན་དེ་ལ་སྲིང་མོ་ཁྱོད་ལ་ཆོས་བསྟན་ཟིན་ཏོ་ཞེས་བྱས་ [259a.4]ནས། འཕགས་པ་འདིར་ཡང་ཆོས་བསྟན་དུ་གསོལ་ཞེས་ཟེར་ན་དེར་ཡང་ཚིག་ལྔའམ་དྲུག་གིས་ཆོས་བསྟན་པར་བྱ་སྟེ། དགེ་སློང་གིས་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་ཐལ་བར་བྱེད་ན་ལྟུང་བྱེད་དུ་འགྱུར་རོ། །ཚིག་དྲུག་གིས་ [259a.5]ཆོས་སྟོན་པ་ན་བསམས་བཞིན་དུ་ཚིག་བདུན་པ་ལ་ཐལ་བར་བྱེད་ན་ལྟུང་བྱེད་དུ་འགྱུར་རོ། །འོག་གཞིའི་ས་དང་། སྒོ་ཁང་དང་། བང་རིམ་གྱི་བར་དུ་ཡང་དེ་བཞིན་དུ་སྦྱར་རོ། །བུད་མེད་ཀྱི་ཡུལ་མཁས་པའི་རང་བཞིན་ཅན་གྱིས་གོང་ནས་གོང་དུ་དྲིས་པ་ [259a.6]གཏན་ལ་དབབ་པ་བྱས་པ་དང་། སློབ་གཉེར་གསོད་པ་དང་། ཁ་ཏོན་ཞུ་བ་དང་། དམིགས་ཀྱིས་འདྲི་བ་དང་། དུས་ཁྲིམས་དཔོག་པ་དང་། ཡོན་བཤད་པ་བྱེད་པ་ལ་ལྟུང་བ་མེད་དོ། །དགེ་སློང་གིས་ཇི་ཙམ་འདོད་པ་བཀག་པ་དང་། ལྡབ་ལྡིབ་ཅན་དང་། སྨྲ་བ་ [259a.7]མྱུར་བ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྟོན་པའི་ལྟུང་བྱེད་དེ་ལྔ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ [259b] [259b.1]ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་གང་ཟག་རྫོགས་པར་མ་བསྙེན་པ་དག་དང་ཚིག་གིས་ཆོས་འདོན་པར་བྱེད་དེ། དེས་ཀུན་དགའི་ར་བའི་མཐར་སྒྲ་མཐོན་པོ་དང་། སྒྲ་ཆེན་པོ་སྐྱེ་བོ་ཕལ་པོ་ཆེའི་ཚོགས་ཀྱི་སྒྲ་ལྟ་བུ་ [259b.2]འདི་ལྟ་སྟེ། དཔེར་ན་བྲམ་ཟེ་རྣམས་བྲམ་ཟེའི་གསང་ཚིག་འདོན་པ་ལྟ་བུ་དང་། རྩིས་མཁན་རྣམས་རྩིས་ཀྱི་གནས་ན་སྨྲ་བ་ལྟ་བུ་གྲགས་པར་གྱུར་ཏོ། །བཅོམ་ལྡན་འདས་ཀྱིས་ཀུན་དགའི་ར་བ་ན་མཐར་དེ་དག་གི་སྒྲ་མཐོན་པོ་དང་། སྒྲ་ཆེན་པོ་སྐྱེ་བོ་ཕལ་པོ་ཆེའི་ [259b.3]ཚོགས་ཀྱི་སྒྲ་ལྟ་བུ་དེ་གསན་ཏོ། །གསན་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཀུན་དགའི་ར་བའི་མཐའ་ན་སྒྲ་མཐོན་པོ་དང་། སྒྲ་ཆེན་པོ་སྐྱེ་བོ་ཕལ་པོ་ཆེའི་ཚོགས་ཀྱི་སྒྲ་ལྟ་བུ་འདི་ལྟ་སྟེ། དཔེར་ན་བྲམ་ཟེ་རྣམས་བྲམ་ཟེའི་གསང་ [259b.4]ཚིག་འདོན་པ་ལྟ་བུ་དང་། རྩིས་མཁན་རྣམས་རྩིས་ཀྱི་གནས་ན་སྨྲ་བ་ལྟ་བུ་འདི་ཅི་ཡིན། བཙུན་པ་དགེ་སློང་དྲུག་སྡེ་དག་གང་ཟག་རྫོགས་པར་མ་བསྙེན་པ་དག་དང་ཚིག་གིས་ཆོས་འདོན་པར་བགྱིད་དེ། དེས་ཀུན་དགའི་ར་བའི་མཐའ་སྒྲ་མཐོན་པོ་དང་། སྒྲ་ [259b.5]ཆེན་པོ་སྐྱེ་བོ་ཕལ་པོ་ཆེའི་ཚོགས་ཀྱི་སྒྲ་ལྟ་བུ་འདི་ལྟ་སྟེ། དཔེར་བགྱི་ན་བྲམ་ཟེ་རྣམས་བྲམ་ཟེའི་གསང་ཚིག་འདོན་པ་ལྟ་བུ་དང་། རྩིས་མཁན་རྣམས་རྩིས་ཀྱི་གནས་ན་སྨྲ་བ་ལྟ་བུ་འདི་གྲག་པར་གྱུར་ཏོ། །ཀུན་དགའ་བོ་དགེ་སློང་དག་གང་ཟག་རྫོགས་པར་མ་བསྙེན་པ་དང་ལྷན་ [259b.6]ཅིག་ཚིག་གིས་ཆོས་འདོན་པར་བྱེད་དམ། བཙུན་པ་བགྱིད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ [259b.7]རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ཁྱེད་གང་ཟག་རྫོགས་པར་མ་བསྙེན་པ་དང་ལྷན་ཅིག་ཚིག་གིས་ཆོས་འདོན་པར་ [260a] [260a.1]བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་ [260a.2]དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་ [260a.3]སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་གང་ཟག་རྫོགས་པར་མ་བསྙེན་པ་དང་ཚིག་གིས་ཆོས་འདོན་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ། གཞན་ [260a.4]ཡང་དེ་ལྟ་བུ་གང་ཡིན་པའོ། །གང་ཟག་རྫོགས་པར་མ་བསྙེན་པ་དང་ཞེས་བྱ་བ་ལ་རྫོགས་པར་བསྙེན་པ་ནི་གཉིས་ཏེ། དགེ་སློང་དང་དགེ་སློང་མའོ། །དེ་ལས་གཞན་པ་ནི་རྫོགས་པར་མ་བསྙེན་པའོ། །ཚིག་གིས་ཞེས་བྱ་བ་ནི་ཚིག་མཉམ་པ་དང་། ཚིག་སྔ་བ་ [260a.5]དང་། ཡི་གེ་མཉམ་པ་དང་། ཡི་གེ་སྔ་བས་སོ། །ཇི་ལྟར་ཚིག་མཉམ་པས་ཞེ་ན། སློབ་དཔོན་འདི་སྐད་ཅེས་སྡིག་པ་ཐམས་ཅད་མི་བྱ་སྟེ་ཞེས་འདོན་པ་ན་ཉེ་གནས་ཀྱང་དུས་གཅིག་ཏུ་སྡིག་པ་ཐམས་ཅད་མི་བྱ་སྟེ་ཞེས་འདོན་པ་སྟེ། འདི་ལྟར་ཚིག་མཉམ་པས་ [260a.6]སོ། །ཇི་ལྟར་ཚིག་སྔ་བས་ཞེ་ན། སློབ་དཔོན་གྱིས་རེ་ཞིག་སྡིག་པ་ཐམས་ཅད་མི་བྱ་སྟེ་ཞེས་མ་བཏོན་པར་ཉེ་གནས་དགེ་བ་ཕུན་སུམ་ཚོགས་པར་བྱ་ཞེས་འདོན་པ་སྟེ། དེ་ལྟར་ཚིག་སྔ་བས་སོ། །ཇི་ལྟར་ཡི་གེ་མཉམ་པས་ཞེ་ན། སློབ་དཔོན་ཨ་ཞེས་འདོན་ [260a.7]པ་ན་ཉེ་གནས་ཀྱང་དུས་གཅིག་ཏུ་ཨ་ཞེས་འདོན་པ་སྟེ། དེ་ལྟར་ཡི་གེ་མཉམ་པས་སོ། །ཇི་ལྟར་ཡི་གེ་སྔ་བས་ཞེ་ན། སློབ་དཔོན་གྱིས་རེ་ཞིག་ཨ་ཞེས་མ་བཏོན་པར་ཉེ་གནས་ཨ་ཞེས་འདོན་པ་སྟེ། དེ་ལྟར་ཡི་གེ་སྔ་བས་སོ། །ཆོས་ཞེས་བྱ་བ་ནི་ [260b] [260b.1]སངས་རྒྱས་ཀྱིས་གསུངས་པ་དང་། སངས་རྒྱས་ཀྱི་ཉན་ཐོས་ཀྱིས་བཤད་པའོ། །འདོན་པ་ཞེས་བྱ་བ་ནི་འཛིན་དུ་འཇུད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ [260b.2]ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། [260b.3]དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཚིག་མཉམ་པས་ཆོས་འདོན་ན་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཚིག་སྔ་བས་ཆོས་ [260b.4]འདོན་ན་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཚིག་མཉམ་པས་ཆོས་འདོན་ན་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་ [260b.5]མ་བསྙེན་པར་ཡིད་གཉིས་ཟ་བས་ཚིག་སྔ་བས་ཆོས་འདོན་ན་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཡི་གེ་མཉམ་པས་ཆོས་འདོན་ན་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་ [260b.6]རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཡི་གེ་སྔ་བས་ཆོས་འདོན་ན་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཡི་གེ་མཉམ་པས་ཆོས་འདོན་ན་ལྟུང་བྱེད་དུ་འགྱུར་རོ། ། [260b.7]དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཡི་གེ་སྔ་བས་ཆོས་འདོན་ན་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཚིག་མཉམ་པས་ཆོས་འདོན་ [261a] [261a.1]ན་ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཚིག་སྔ་བས་ཆོས་འདོན་ན་ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་ [261a.2]པར་ཡིད་གཉིས་ཟ་བས་ཚིག་མཉམ་པས་ཆོས་འདོན་ན་ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཚིག་སྔ་བས་ཆོས་འདོན་ན་ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་ [261a.3]པར་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཡི་གེ་མཉམ་པས་ཆོས་འདོན་ན་ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཡི་གེ་སྔ་བས་ཆོས་འདོན་ན་ཉེས་བྱས་སུ་འགྱུར་རོ། ། [261a.4]དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཡི་གེ་མཉམ་པས་ཆོས་འདོན་ན་ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཡི་གེ་སྔ་ [261a.5]བས་ཆོས་འདོན་ན་ཉེས་བྱས་སུ་འགྱུར་རོ། །ལྡབ་ལྡིབ་ཅན་དང་། སྨྲ་བ་མྱུར་བ་ལ་ལྟུང་བ་མེད་དོ། །ཁ་ཏོན་ཞུར་གཞུག་པ་དང་། ཡོངས་སུ་འདྲིར་འཇུག་པ་ལ་ལྟུང་བ་མེད་དོ། །རྗེས་སུ་བསྒྲགས་ཏེ་ལུང་དབོག་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་ [261a.6]པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འདོན་པའི་ལྟུང་བྱེད་དེ་དྲུག་པ་རྫོགས་{སྷོ,སོ}།། །།འདུལ་བ་རྣམ་པར་འབྱེད་པ། བམ་པོ་བཞི་བཅུ་རྩ་གཅིག་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་ [261a.7]བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །འདོད་ཆགས་དང་བྲལ་བ་མེད་པ་ཉོན་མོངས་པ་རྣམས་མ་སྤངས་པའི་ཕྱིར་དགེ་སློང་དག་དགེ་འདུན་ལྷག་མའི་ལྟུང་བ་འབྱིན་པར་བྱེད་པ་དང་། ཁ་ཅིག་ནི་ལམ་གོལ་བར་རྒས་པས་དེ་དག་གང་ [261b] [261b.1]གི་ཚེ་དགེ་སློང་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་མོ་འཛིན་པ་རྣམས་ལ་ཐོས་པ་དེའི་ཚེ་ན་དེ་དག་ལྟུང་བ་དེ་ཆོས་བཞིན་དུ་ཕྱིར་བྱེད་ཅིང་དེ་དག་ཡོངས་སུ་གནས་པ་དང་། མགུ་བར་བྱ་བ་སྤྱོད་པ་ན་དགེ་འདུན་ལ་ཆུ་འབྲིམ་པའི་ཚེ་བྲམ་ཟེ་དང་། ཁྱིམ་བདག་ [261b.2]དད་པ་ཅན་དག་གིས་སྨྲས་པ། གང་དག་རིན་པོ་ཆེ་རྟོགས་པ་དག་ཀྱང་དེ་ལས་ཉེ་བར་བརྟགས་ཤིང་རིན་པོ་ཆེ་དེ་དག་སྡུད་པར་བྱེད་དོ། །དགེ་སློང་གནས་བརྟན་གནས་བརྟན་བསོད་སྙོམས་པ་འདི་དག་ཀྱང་དགེ་འདུན་ལ་ཆུ་འབྲིམ་པའི་བསོད་སྙོམས་སོགས་པར་བྱེད་དོ། ། [261b.3]དྲུག་སྡེ་ལྟོ་མདུན་ཅན་འདི་དག་ནི་ཟ་ཞིང་འཁོད་པར་བྱེད་དོ། །དེ་དག་སྨོད་པར་བྱེད་པ་ན་དྲུག་སྡེ་དག་གིས་ཐོས་ནས་དེ་དག་གིས་སྨྲས་པ། ཤེས་ལྡན་དག་ཅི་འདི་དག་ཆོས་བཟང་པོའི་ཆོས་ཀྱིས་དགེ་འདུན་ལ་ཆུ་འབྲིམ་པར་བྱེད་སྙམ་མམ། འདི་ལྟར་འདི་དག་ནི་ཆད་པའི་ལས་ [261b.4]བྱེད་པ་ཡིན་ནོ། །དེ་དག་གིས་དྲིས་པ། འདི་དག་གིས་ཅི་བྱས། དྲུག་སྡེ་དག་གིས་ལག་པས་བྱ་བ་མ་ཡིན་པ་བྱས་ཏེ་འདི་ལྟ་འདི་ལྟར་བྱས་སོ་ཞེས་སྨྲས་པ་དང་། དེ་དག་དགེ་སློང་གནས་བརྟན་གནས་བརྟན་གང་དག་ཡིན་པ་དེ་དག་གི་གནས་སྐབས་ [261b.5]ཀྱང་རེ་ཞིག་འདི་འདྲ་ན་དགེ་སློང་བར་མ་དང་། གསར་བུ་གང་དག་ཡིན་པ་དེ་དག་གི་གནས་སྐབས་ཅི་འདྲ་བར་འགྱུར་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དགེ་སློང་ཡོངས་སུ་གནས་པ་བྱེད་པ་དེ་དག་ཕྱི་དྲོ་དབུ་སྐྲ་དང་སེན་ [261b.6]མོའི་མཆོད་རྟེན་དག་ལ་ལྕི་བ་འཇམ་པོའི་བྱུག་པས་ཉུག་པར་བྱེད་པ་ན་དྲུག་སྡེ་དག་གིས་དེ་དག་གི་ལྷན་ཅིག་གནས་པ་དང་། ཉེ་གནས་དག་ལ་དྲིས་པ། དགེ་ཚུལ་དག་ཁྱེད་ཀྱི་མཁན་པོ་དང་། སློབ་དཔོན་དག་གར་དོང་། དེ་དག་གིས་སྨྲས་པ། བསོད་ནམས་དག་ [261b.7]བྱེད་དེ། བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་དག་ལ་ལྕི་བ་འཇམ་པོའི་བྱུག་པས་ཉུག་པར་བྱེད་དོ། །ཁྱེད་ཅག་ཀྱང་དེ་ལྟ་བུའི་བསོད་ནམས་དག་གྱིས་ཤིག །ཅི་དེ་དག་ཆོས་བཟང་པོའི་ཆོས་ཀྱིས་དབུ་སྐྲ་དང་སེན་མོའི་མཆོད་རྟེན་དག་ལ་ལྕི་བ་འཇམ་ [262a] [262a.1]པོའི་བྱུག་པས་ཉུག་པར་བྱེད་སྙམ་མམ། འདི་ལྟར་དེ་དག་ནི་ཆད་པའི་ལས་བྱེད་པ་ཡིན་ནོ། །དེ་དག་གིས་དེ་དག་ལ་དྲིས་པ། དེ་དག་གིས་ཅི་བྱས། དྲུག་སྡེ་དག་གིས་ལག་པས་བྱ་བ་མ་ཡིན་པ་བྱས་ཏེ་འདི་ལྟ་འདི་ལྟར་བྱས་སོ་ཞེས་སྨྲས་སོ། ། [262a.2]གང་གི་ཚེ་དགེ་སློང་ཡོངས་སུ་གནས་པ་བྱེད་པ་དེ་དག་ལྟུང་བ་དེ་ལས་ལངས་པར་གྱུར་པ་དེའི་ཚེ་ན་དགེ་ཚུལ་དག་ལ་དགེ་ཚུལ་དག་འདི་དང་འདི་གྱིས་ཤིག་ཅེས་བསྒོ་བ་དང་། དགེ་ཚུལ་དེ་དག་གིས་སྨྲས་པ། ཁྱེད་རང་ཅིའི་ཕྱིར་མི་བྱེད། ཁོ་བོ་ཅག་གིས་བྱར་མི་རུང་ [262a.3]ངོ་། །དེ་དག་གིས་སྨྲས་པ། ཁྱེད་ཀྱིས་འདི་ལྟ་འདི་ལྟར་བྱར་རུང་ན་འདི་ཅིའི་ཕྱིར་བྱར་མི་རུང་། དེ་དག་གིས་སྨྲས་པ། དེ་ལྟ་བུ་ཡང་ཡོད་མོད་ཀྱི་འོན་ཀྱང་ཁོ་བོ་ཅག་གིས་ལྟུང་བ་དེ་ཆོས་བཞིན་དུ་ཕྱིར་བྱས་ཟིན་ཏོ། །ཁྱེད་ལ་སུས་སྨྲས། དྲུག་སྡེ་དག་གིས་ [262a.4]སོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་གང་ཟག་རྫོགས་པར་མ་བསྙེན་པ་ལ་གནས་ངན་ལེན་གྱི་ལྟུང་བ་རྗོད་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ [262a.5]པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་དག་ལ་འདི་སྐད་ཅེས་ལན་གདབ་པར་བྱ་སྟེ། གང་ལ་ཉེས་པ་མེད་པ་ཡིན། །སྐྱོན་མི་བྱེད་པའི་མི་གང་ཡིན། །སུ་ཞིག་ཀུན་དུ་རྨོངས་མི་འགྱུར། །སུ་ཞིག་རྟག་ཏུ་བརྟན་པར་གསུངས། །ཡང་དག་མཁྱེན་ [262a.6]པས་རྣམ་གྲོལ་བ། །རྫོགས་པའི་སངས་རྒྱས་རབ་མཁྱེན་པ། །དེ་ལ་ཉེས་པ་མེད་པ་ཡིན། །སྐྱོན་མི་བྱེད་པའི་མི་དེ་ཡིན། །དེ་ནི་ཀུན་དུ་རྨོངས་མི་འགྱུར། །དེ་ནི་རྟག་ཏུ་བརྟན་པར་གསུངས། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་ [262a.7]དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་ [262b] [262b.1]སྡེ་དག་ལ་རྨས་པ། དགེ་སློང་དག་ཁྱེད་གང་ཟག་རྫོགས་པར་མ་བསྙེན་པ་ལ་གནས་ངན་ལེན་གྱི་ལྟུང་བ་བརྗོད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་ [262b.2]པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་ [262b.3]པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟག་རྫོགས་པར་མ་བསྙེན་པ་ལ་ [262b.4]གནས་ངན་ལེན་གྱི་ལྟུང་བ་བརྗོད་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །མཉན་ཡོད་ན་དགེ་སློང་འཕྲལ་བ་དང་། དགེ་སློང་མ་གསལ་མ་ཞེས་བྱ་བ་ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་ [262b.5]པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁྱེད་ཀྱིས་དགེ་སློང་འཕྲལ་བ་དང་། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བྱེད་ [262b.6]པའི་དགེ་སློང་བསྐོ་བར་བྱ་སྟེ། ཁྱིམ་རྣམས་སུ་སོ་སོར་གོ་བར་བྱེད་པའི་དགེ་སློང་ཆོས་ལྔ་དང་མི་ལྡན་པ་ནི་མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་ [262b.7]འགྲོ་བ་དང་། འཇིགས་པས་འགྲོ་བ་དང་། གོ་བར་བྱས་པ་དང་མ་བྱས་པའི་ཁྱིམ་མི་ཤེས་པའོ། །ཁྱིམ་རྣམས་སུ་སོ་སོར་གོ་བར་བྱེད་པའི་དགེ་སློང་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་ [263a] [263a.1]མི་འགྲོ་བ་དང་། ཞེ་སྡང་གིས་མི་འགྲོ་བ་དང་། གཏི་མུག་གིས་མི་འགྲོ་བ་དང་། འཇིགས་པས་མི་འགྲོ་བ་དང་། གོ་བར་བྱ་བ་དང་། གོ་བར་མ་བྱས་པའི་ཁྱིམ་ཤེས་པའོ། །འདི་ལྟར་བསྐོ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་ [263a.2]བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན་ཇེ་དང་པོར་སྤྲོ་བར་བྱ་སྟེ། དགེ་སློང་མིང་འདི་ཞེས་བྱ་བ་ཁྱོད་དགེ་སློང་འཕྲལ་བ་དང་། དགེ་སློང་མ་གསལ་མ་ཁྱིམ་རྣམས་སུ་སོ་སོར་ [263a.3]གོ་བར་བྱེད་པར་སྤྲོའམ། གལ་ཏེ་སྤྲོ་ན་དེས་སྤྲོའོ་ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཕྲལ་བ་དང་། དགེ་སློང་མ་གསལ་མ་ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་ [263a.4]མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བགྱིད་དེ། དགེ་སློང་མིང་འདི་ཞེས་བགྱི་བ་འདི་དགེ་སློང་འཕྲལ་བ་དང་། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་པར་སྤྲོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་ [263a.5]གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་ཁྱིམ་རྣམས་སུ་སོ་སོར་གོ་བར་བགྱིད་པར་བསྐོ་སྟེ། དགེ་སློང་མིང་འདི་ཞེས་བགྱི་བ་འདི་དགེ་སློང་འཕྲལ་བ་དང་། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་དོ། །འདི་ [263a.6]ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཕྲལ་བ་དང་། དགེ་སློང་མ་གསལ་མ་ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བགྱིད་ནས་དགེ་སློང་ [263a.7]མིང་འདི་ཞེས་བགྱི་བ་འདི་དགེ་སློང་འཕྲལ་བ་དང་། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་པར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་ཁྱིམ་རྣམས་སུ་སོ་སོར་གོ་བར་བགྱིད་པར་བསྐོ་སྟེ། དགེ་སློང་མིང་འདི་ཞེས་བགྱི་བ་འདི་ [263b] [263b.1]དགེ་སློང་འཕྲལ་བ་དང་། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་ན་ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི་ཁྱིམ་རྣམས་སུ་སོ་སོར་གོ་བར་བགྱིད་པར་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ [263b.2]ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་ཁྱིམ་རྣམས་སུ་སོ་སོར་གོ་བར་བགྱིད་པར་བསྐོས་ལགས་ཏེ་འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག་ངས་དགེ་སློང་ཁྱིམ་རྣམས་སུ་སོ་སོར་ [263b.3]གོ་བར་བྱེད་པའི་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་ཁྱིམ་རྣམས་སུ་སོ་སོར་གོ་བར་བྱེད་པས་འདི་སྐད་ཅེས་བརྗོད་པར་བྱ་སྟེ། ཚེ་དང་ལྡན་པ་དག་ཁྱེད་ཉོན་ཅིག །ཁྱིམ་རྣམས་སུ་ཁྱིམ་སུན་པར་བྱེད་པ་དང་། གནས་རྣམས་སུ་གནས་སུན་པར་ [263b.4]བྱེད་པ་འདི་ལྟ་སྟེ། དཔེར་ན་འབྲས་སཱ་ལུའི་ཞིང་ཕུན་སུམ་ཚོགས་པ་ལ་སེར་བ་འཁོར་ལོ་མི་བཟད་པ་བབ་ན་འདི་ལྟར་འབྲས་སཱ་ལུ་དེ་ཉིད་ཤིན་ཏེ་མ་དང་། ཆུད་ཟ་བ་དང་། ཚུལ་མ་ཡིན་པས་མ་རུང་བར་འགྱུར་བ་དང་། བུ་རམ་ཤིང་གི་ཞིང་ཕུན་སུམ་ཚོགས་པ་ལ་ནད་ཀྱི་རིགས་དམར་པོ་ [263b.5]ཞེས་བྱ་བ་བྱུང་ན་འདི་ལྟར་བུ་རམ་ཤིང་དེ་ཉིད་ཤིན་ཏེ་མ་དང་། ཆུད་ཟ་བ་དང་། ཚུལ་མ་ཡིན་པས་མ་རུང་བར་འགྱུར་བ་ལྟ་བུ་དག་ཡོད་ཀྱིས། ཚེ་དང་ལྡན་པ་དག་ཁྱེད་ཅག་དགེ་སློང་འདི་དང་དགེ་སློང་མ་འདིས་བསྟན་པའི་ཚོད་མ་འཛིན་ཅིག །འདི་ལྟར་དགེ་སློང་ [263b.6]འདི་དང་། དགེ་སློང་མ་འདི་ནི་ཡོས་ཚིག་པ་བཞིན་དུ་ཆོས་འདུལ་བ་འདི་ལ་སྐྱེར་མི་རུང་བའི་ཆོས་ཅན་ཡིན་གྱིས། བཅོམ་ལྡན་འདས་དང་། གནས་བརྟན་ཀུན་ཤེས་ཀཽཎྜི་ནྱ་དང་། རླངས་པ་དང་། རྟ་ཐུལ་དང་། བཟང་ལྡན་དང་། གནས་བརྟན་གྲགས་པ་དང་། [263b.7]གང་པོ་དང་། དྲི་མེད་དང་། བ་ལང་བདག་དང་། ལག་{བཟངས་,བཟང་}དང་། ཤཱ་རིའི་བུ་དང་། མཽད་གལ་གྱི་བུ་ཆེན་པོ་དང་། གསུས་པོ་ཆེ་ཆེན་པོ་དང་། སྐུལ་བྱེད་ཆེན་པོ་དང་། ཀ་ཏྱའི་བུ་ཆེན་པོ་དང་། ལྟེང་རྒྱས་འོད་སྲུང་དང་། ཆུ་ཀླུང་འོད་སྲུང་དང་། ག་ཡཱ་ [264a] [264a.1]འོད་སྲུང་དང་། འགབ་མ་འོད་སྲུང་དང་། འོད་སྲུང་ཆེན་པོ་དང་། དགའ་བྱེད་དང་། ཀིམ་པི་ལ་དང་། ལེགས་སྐྱེས་དང་། ནམ་གྲུ་དང་། ས་རི་དང་། ཉེ་སྡེ་དང་། སོམ་ཉི་ནམ་གྲུ་དང་། ལམ་བརྟན་དང་། ལམ་ཕྲན་བརྟན་དང་། བརྟག་ [264a.2]པའི་ཤིང་རྟ་དང་། ཆེན་པོ་པ་དང་། གྲགས་སྦྱིན་དང་། དེ་དག་ལ་སོགས་པ་དགེ་སློང་གནས་བརྟན་གནས་བརྟན་རྣམས་ལ་ལྟོས་ཤིག་ཅེས་བརྗོད་པར་བྱའོ། །དགེ་སློང་ཁྱིམ་རྣམས་སུ་སོ་སོར་གོ་བར་བྱེད་པ་དེ་ཁྱིམ་རྣམས་སུ་སོ་སོར་གོ་བར་བྱེད་དུ་སོང་བ་དང་། དགེ་སློང་ [264a.3]འཕྲལ་བས་དགེ་འདུན་གྱིས་དགེ་སློང་མིང་འདི་ཞེས་བྱ་བ་དེ་ཁྱིམ་རྣམས་སུ་སོ་སོར་གོ་བར་བྱེད་པར་བསྐོས་སོ་ཞེས་ཐོས་ནས་དེ་དེའི་གན་དུ་སོང་སྟེ་སྨྲས་པ། ཁྱོད་ཁྱིམ་རྣམས་སུ་ཁོ་བོ་སུན་འབྱིན་དུ་འགྲོའམ། དགེ་འདུན་གྱི་ཆོས་དང་ལྡན་པའི་བཀའ་བསྒྲུབ་པར་བྱའོ། །ཁོ་ [264a.4]བོས་དེ་དང་དེ་བྱར་རུང་ན་ཁྱོད་ཀྱི་ལྟོ་དྲལ་ཏེ་རྒྱུ་མ་དག་གིས་རྒྱལ་བྱེད་ཀྱི་ཚལ་དཀྲི་བར་བྱ་བ་དང་། མགོ་ཡང་འབྲུ་མར་གྱི་སྣོད་བཞིན་དུ་རྒྱལ་བྱེད་ཀྱི་ཚལ་གྱི་སྒོར་དཔྱང་ལ་གདགས་པར་མི་རུང་བ་ཅི་ཡོད། དགེ་སློང་དེས་དགེ་སློང་རྣམས་ལ་འཕྲལ་བས་བདག་སྤྱོས་ཏེ། དེ་ན་རེ་ཁོ་བོས་ [264a.5]དེ་དང་དེ་བྱར་རུང་ན་ཁྱོད་ཀྱི་ལྟོ་དྲལ་ཏེ་རྒྱུ་མ་དག་གིས་རྒྱལ་བྱེད་ཀྱི་ཚལ་དཀྲི་བར་བྱ་བ་དང་། མགོ་ཡང་འབྲུ་མར་གྱི་སྣོད་བཞིན་དུ་རྒྱལ་བྱེད་ཀྱི་ཚལ་གྱི་སྒོར་དཔྱང་ལ་གདགས་པར་མི་རུང་བ་ཅི་ཡོད་ཅེས་ཟེར་གྱིས། བདག་དེ་ཁྱིམ་རྣམས་སུ་སོ་སོར་གོ་བར་བྱེད་པར་མི་སྤྲོ་ཞེས་ཟེར་ [264a.6]བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མི་གཏི་མུག་ཅན་དེས་གང་ཟག་ནི་གསོད་པར་ནུས་ཀྱི། དགེ་འདུན་ནི་མི་ནུས་པས་དེའི་ཕྱིར་དགེ་འདུན་གྱིས་ཁྱིམ་རྣམས་སུ་སོ་ [264a.7]སོར་གོ་བར་བྱའོ། །འདི་ལྟར་སོ་སོར་གོ་བར་བྱ་སྟེ། གསོལ་བ་འབའ་ཞིག་གི་ལས་བྱའོ། །དེ་ཡང་འདི་ལྟར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་ [264b] [264b.1]མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཕྲལ་བ་འདི་དང་། དགེ་སློང་མ་གསལ་མ་འདི་ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་ [264b.2]བགྱིད། དགེ་སློང་འཕྲལ་བ་དང་། དགེ་སློང་མ་གསལ་མ་ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བགྱིད་ཀྱང་། དགེ་སློང་འཕྲལ་བ་དང་། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་པར་སྤྲོ་བ་སུ་ཡང་ [264b.3]མ་མཆིས་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་འཕྲལ་བ་དང་། དགེ་སློང་མ་གསལ་མ་ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་ [264b.4]སུ་སྤྱོད་པར་བགྱིད་པར་གང་གིས་མཐོང་ཞིང་གང་དུ་མཐོང་བ་དེས་ཁྱིམ་དེར་ཁྱེད་དགེ་སློང་འདི་དང་། དགེ་སློང་མ་འདིས་བསྟན་པའི་ཚོད་མ་འཛིན་ཅིག །དགེ་སློང་འདི་དང་། དགེ་སློང་མ་འདི་ནི་ཡོས་ཚིག་པ་བཞིན་དུ་ཆོས་འདུལ་བ་འདི་ལ་སྐྱེར་མི་རུང་བའི་ཆོས་ཅན་ཡིན་ [264b.5]གྱིས། བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ལ་ལྟོས་ཤིག་ཅེས་སོ་སོར་གོ་བར་བགྱིད་དུ་སྩལ་ཏོ། །འདི་ནི་གསོལ་བའོ། །བཅོམ་ལྡན་འདས་ཀྱིས་སོ་སོར་རིག་པར་ཁྱིམ་དག་ཏུ་སོ་སོར་གོ་བར་བྱའོ་ཞེས་བཀའ་སྩལ་ན། དེ་དག་སོ་ [264b.6]སོར་རིག་པ་དང་། སོ་སོར་མ་རིག་པའི་ཁྱིམ་དག་ཏུ་སོ་སོར་གོ་བར་བྱེད་པ་ན། དེ་དག་བསོད་སྙོམས་ཀྱིས་ཕོངས་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སོ་སོར་རིག་པའི་ཁྱིམ་ [264b.7]དག་ཏུ་སོ་སོར་གོ་བར་བྱའི། སོ་སོར་མ་རིག་པའི་ཁྱིམ་དག་ཏུ་སོ་སོར་གོ་བར་མི་བྱ་སྟེ། དེ་ལྟ་བས་ན་དགེ་འདུན་གྱིས་གནང་བ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང་། བསླབ་པ་ལ་གུས་པ་དང་། བསླབ་པ་ལ་ཡོ་བྱད་ [265a] [265a.1]བསྙུངས་པའི་བསྔགས་པ་བརྗོད་ནས་དེ་དང་མཐུན་པ་དང་། དེའི་ཤས་ཆེ་བ་དང་། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་ [265a.2]གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་གང་ཟག་རྫོགས་པར་མ་བསྙེན་པ་ལ་གནས་ངན་ལེན་གྱི་ལྟུང་བ་བརྗོད་ན་དགེ་འདུན་གྱིས་གནང་བ་མ་གཏོགས་ཏེ་ལྟུང་བྱེད་དོ། །ཡང་དགེ་སློང་ [265a.3]གང་ཞེས་བྱ་བ་ནི་དྲུག་སྡེ་འམ། གཞན་ཡང་དེ་ལྟ་བུ་གང་ཡིན་པའོ། །གང་ཟག་རྫོགས་པར་མ་བསྙེན་པ་ལ་ཞེས་བྱ་བ་ལ་རྫོགས་པར་བསྙེན་པ་ནི་གཉིས་ཏེ། དགེ་སློང་དང་། དགེ་སློང་མའོ། །དེ་ལས་གཞན་པ་ནི་རྫོགས་པར་མ་བསྙེན་པའོ། །གནས་ངན་ལེན་ [265a.4]ཅེས་བྱ་བ་ལ་གནས་ངན་ལེན་ནི་གཉིས་ཏེ། ཕམ་པར་འགྱུར་བ་ཀུན་ནས་སློང་བ་དང་། དགེ་འདུན་ལྷག་མ་ཀུན་ནས་སློང་བའོ། །དེ་ཅིའི་ཕྱིར་དེ་དག་གནས་ངན་ལེན་ཅེས་བྱ་ཞེ་ན། ངོ་བོ་ཉིད་ལས་དང་། ཀུན་ནས་སློང་བ་ལས་སོ། །ལྟུང་བ་བརྗོད་ན་ཞེས་བྱ་བ་ནི་སྨྲ་ནའོ། །དགེ་འདུན་ [265a.5]གྱིས་གནང་བ་མ་གཏོགས་ཏེ་ཞེས་བྱ་བ་ནི་དགེ་འདུན་གྱིས་གནང་བ་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། ། [265a.6]གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་སོ་སོར་མ་རིག་པའི་ཁྱིམ་དག་ཏུ་སོ་སོར་མ་རིག་པར་འདུ་ཤེས་པས་དགེ་ [265a.7]སློང་སོ་སོར་གོ་བར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་སོ་སོར་མ་རིག་པའི་ཁྱིམ་དག་ཏུ་སོ་སོར་མ་རིག་པར་ཡིད་གཉིས་ཟ་བས་དགེ་སློང་སོ་སོར་གོ་བར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་སོ་སོར་རིག་པའི་ཁྱིམ་དག་ཏུ་སོ་སོར་མ་རིག་པར་འདུ་ཤེས་ [265b] [265b.1]པས་དགེ་སློང་སོ་སོར་གོ་བར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་སོ་སོར་རིག་པའི་ཁྱིམ་དག་ཏུ་སོ་སོར་མ་རིག་པར་ཡིད་གཉིས་ཟ་བས་དགེ་སློང་སོ་སོར་གོ་བར་བྱེད་ན་ཉེས་བྱས་སུ་འགྱུར་རོ། །དྲིལ་བསྒྲགས་པ་ལ་ནི་ལྟུང་བ་མེད་དོ། །ངོས་ལ་རི་མོར་བྲིས་ [265b.2]པ་ཕན་ཆད་ལ་ཡང་ལྟུང་བ་མེད་དོ། །ཇི་ལྟར་བདག་གིས་ཤེས་པ་དེ་བཞིན་དུ་འཇིག་རྟེན་ཐམས་ཅད་ཀྱིས་ཀྱང་ཤེས་སོ་སྙམ་ནའོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གནས་ངན་ལེན་བརྗོད་ [265b.3]པའི་ལྟུང་བྱེད་དེ་བདུན་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་{བཟངས་,བཟང་}ན་བཞུགས་སོ། །དེའི་ཚེ་ན་ཉ་པ་ལྔ་བརྒྱ་ཆུ་ཀླུང་ཡིད་འོང་ལྡན་ལ་རྟེན་ཅིང་འཁོད་དོ། །དེ་དག་ལ་རྒྱ་མོ་སྤྱོད་པ་དང་། [265b.4]སྤྱོད་པ་ཆེན་མོ་ཞེས་བྱ་བ་གཉིས་ཞིག་ཡོད་དོ། །དེ་དག་ལན་འགའ་ནི་རྒྱ་མོ་སྤྱོད་པ་འཇུག་པར་བྱེད་ལ། ལན་འགའ་ནི་སྤྱོད་པ་ཆེན་མོ་འཇུད་པར་བྱེད་དེ། གང་གི་ཚེ་ཉ་དག་ཉོ་བ་མེད་པ་དེའི་ཚེ་ནི་རྒྱ་མོ་སྤྱོད་པ་འཇུད་པར་བྱེད་ལ། གང་གི་ཚེ་ཉ་དག་ཉོ་བ་ཡོད་པ་དེའི་ཚེ་ནི་ [265b.5]སྤྱོད་པ་ཆེན་མོ་འཇུད་པར་བྱེད་དོ། །ཇི་ཙམ་དུས་གཞན་ཞིག་ན་ཡངས་པ་ཅན་དུ་དུས་སྟོན་བྱུང་ནས་དེ་དག་གིས་རྒྱ་མོ་གཉིས་ཀ་བཅུག་སྟེ། ཉིས་བརྒྱ་ལྔ་བཅུས་ནི་རྒྱ་མོ་སྤྱོད་པ་བཅུག་སྟེ། ཉིས་བརྒྱ་ལྔ་བཅུས་ནི་སྤྱོད་པ་ཆེན་མོ་བཅུག་གོ། །གང་དག་གིས་རྒྱ་མོ་ [265b.6]སྤྱོད་པ་བཅུག་པ་དེ་དག་གིས་ནི་ཉ་དང་། རུས་སྦལ་དང་། སྦལ་པ་དང་། ཆུ་སྲིན་བྱིས་པ་གསོད་པ་དང་། ཉ་ཁྱི་བ་ལ་སོགས་པ་མང་པོ་དག་འདི་ལྟ་སྟེ། དཔེར་ན་ཏིལ་དང་། འབྲས་ཐུག་པོ་ཆེ་དང་། རྒྱ་ཤུག་དང་། རྒྱ་སྲན་ལ་སོགས་པ་བཞིན་དུ་ཕུང་པོ་ཆེན་པོ་རྣམ་པར་ [265b.7]བཞག་གོ། །གང་དག་གིས་རྒྱ་མོ་སྤྱོད་པ་ཆེན་མོ་བཅུག་པ་དེ་དག་གིས་ནི་རྒྱ་མཚོ་ཆེན་པོ་ནས་ཆུ་ཀླུང་ཡིད་འོང་ལྡན་དུ་ཞུགས་པ་ཆུ་སྲིན་ཉའི་རིགས་བོང་ཚོད་ཆེན་པོ་ཉལ་བ་ཟིན་ནས་དེ་དག་གིས་དེ་དྲང་བར་བརྩམས་སོ། །དེ་དག་གིས་དྲངས་པ་ན་དེ་སད་ནས་ཉ་པ་ཉིས་ [266a] [266a.1]བརྒྱ་ལྔ་བཅུ་པོ་དེ་དག་དང་། རྒྱ་མོ་སྤྱོད་པ་ཆེན་མོ་ཁྱེར་ཏེ་རྒྱུན་ཕྱོགས་སུ་ཞུགས་སོ། །ཉ་པ་དེ་དག་གིས་ཉ་པ་ཉིས་བརྒྱ་ལྔ་བཅུ་པོ་གཞན་དག་ལ་ཤེས་ལྡན་དག་རྒྱ་མོ་སྤྱོད་པ་ཆེན་མོ་དང་། བདག་ཅག་ཁྱེར་གྱིས་རམ་མདའ་ལོག་ཤིག་ཅེས་བྱས་སོ། ། [266a.2]དེ་དག་གིས་ཐོས་ནས་ཉ་པ་ཉིས་བརྒྱ་ལྔ་བཅུ་པོ་དག་ཀྱང་ལྷགས་ཏེ་དེ་ཉིད་ལ་རུབ་པ་དང་། དེས་ཉ་པ་ལྔ་བརྒྱ་དང་རྒྱ་མོ་སྤྱོད་པ་ཆེན་མོ་ཁྱེར་ཏེ་རྒྱུན་ཕྱོགས་སུ་ཞུགས་ནས་གཟུང་བར་མ་ནུས་སོ། །སྐྱབས་མེད་པ་དེ་དག་གིས་ཀུན་དུ་ཤེས་ལྡན་དག་རྒྱ་མོ་སྤྱོད་པ་ཆེན་མོ་དང་། བདག་ [266a.3]ཅག་ཁྱེར་གྱིས་གྲོགས་གྱིས་ཤིག་ཅེས་རམ་མདའ་བ་བཟློག་པ་དང་། ལས་མ་མཐོང་བའི་མི་བ་ལང་རྫི་དག་དང་། ཕྱུགས་རྫི་དག་དང་། ཤིང་ཐུན་དག་དང་། རྩྭ་ཐུན་དག་དང་། ལམ་གྱིས་འཚོ་བ་དག་དང་། ལམ་གོལ་བས་འཚོ་བའི་མི་དག་དང་། གཞན་ཡང་ [266a.4]སྲོག་ཆགས་བརྒྱ་སྟོང་ཕྲག་དུ་མ་དག་ལོག་ནས་དེ་དག་གིས་ལུས་སྨས་པ་དང་། རྣམ་པར་སྨས་པ་དག་གིས་རྒྱ་མོ་རལ་བ་དང་། རབ་ཏུ་རལ་བས་ཆུ་སྲིན་དེ་ཆུ་ནས་སྐམ་ལ་ཕྱུང་ངོ་། །དེ་ལ་མགོ་{བཅྭ་,བཅོ་}བརྒྱད་དང་། མིག་སུམ་བཅུ་རྩ་དྲུག་ཡོད་དེ། དེའི་མགོ་ལ་ [266a.5]ལ་ནི་གླང་པོ་ཆེའི་མགོ་འདྲ། ལ་ལ་ནི་རྟའི་མགོ་འདྲ། ལ་ལ་རྔ་མོའི་མགོ་དང་། བོང་བུའི་མགོ་དང་། བ་ལང་གི་མགོ་དང་། སྤྲེའུའི་མགོ་དང་། སེང་གེའི་མགོ་དང་། སྟག་གི་མགོ་དང་། དོམ་གྱི་མགོ་དང་། དྲེད་མོའི་མགོ་དང་། གུང་གི་མགོ་དང་། བྱི་ལའི་ [266a.6]མགོ་དང་། རའི་མགོ་དང་། ལུག་གི་མགོ་དང་། {རི་དགས་,རི་དྭགས་}ཀྱི་མགོ་དང་། མ་ཧེའི་མགོ་དང་། ཕག་གི་མགོ་དང་། ཁྱིའི་མགོ་འདྲའོ། །ཀུན་དུ་ཆུ་ཀླུང་ཡིད་འོང་ལྡན་པའི་ཉ་པ་ལྔ་བརྒྱས་རྒྱ་མཚོ་ཆེན་པོ་ནས་ཆུ་ཀླུང་ཡིད་འོང་ལྡན་དུ་ཞུགས་པའི་ཆུ་སྲིན་ཉའི་ [266a.7]རིགས་བོང་ཚོད་ཆེན་པོ་ཞིག་རྒྱ་མོ་སྤྱོད་པ་ཆེན་མོས་ཟིན་ཏེ་ཆུ་ནས་སྐམ་ལ་ཕྱུང་ཞིང་དེ་ལ་མགོ་{བཅྭ་,བཅོ་}བརྒྱད་དང་། མིག་སུམ་བཅུ་སོ་དྲུག་ཡོད་དོ་ཞེས་སྒྲས་ཁྱབ་པར་གྱུར་ཏོ། །དེ་ཐོས་ནས་སྲོག་ཆགས་བརྒྱ་སྟོང་ཕྲག་དུ་མ་དག་ཆུ་ཀླུང་ཡིད་འོང་ལྡན་གྱི་འགྲམ་དུ་ལྷགས་ཏེ། [266b] [266b.1]ཁ་ཅིག་ནི་ལྟད་མོ་སྐྱེས་པར་གྱུར། ཁ་ཅིག་ནི་སྔོན་གྱི་དགེ་བའི་རྩ་བ་དག་གིས་བསྐུལ་བར་གྱུར་ཏོ། །རྫོགས་བྱེད་ལ་སོགས་པ་སྟོན་པ་དྲུག་པོ་ཡངས་པ་ཅན་ན་རྟེན་ཅིང་གནས་པ་དེ་དག་ཀྱང་ལྟད་མོ་སྐྱེས་ཏེ་དེར་ལྷགས་སོ། །སྐྱེ་བོའི་ཚོགས་ཆེན་པོ་ཡང་ཡ་ [266b.2]མཚན་སྐྱེས་ཏེ་མིག་ཚུགས་སུ་རྟོག་ཅིང་ཤེས་ལྡན་དག་འདིའི་མགོ་ལ་ལ་ནི་གླང་པོ་ཆེའི་མགོ་འདྲལ་དེ་ནས་རྟོག་པར་བྱེད། འདིའི་མགོ་ལ་ལ་ནི་ཁྱིའི་བར་གྱི་མགོ་འདྲ་ལ་དེ་ནས་རྟོག་པར་བྱེད་དོ་ཞེས་ཀྱང་ཟེར་རོ། །དེའི་སྐབས་སུ་སངས་རྒྱས་བཅོམ་ལྡན་འདས་རྣམས་ལ་ [266b.3]ནི་མི་མཁྱེན་པ་དང་། མ་གཟིགས་པ་དང་། མ་རིག་པ་དང་། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་བས་ཞེས་བྱ་བ་ནས། བཅོམ་ལྡན་འདས་ཀྱིས་ཉ་པ་ལྔ་བརྒྱ་པོ་དེ་དག་རབ་ཏུ་ཕྱུང་རྫོགས་པར་བསྙེན་པར་མཛད་པའི་བར་དུ་སྔར་ཕམ་པར་འགྱུར་བ་ [266b.4]བཞི་པའི་སྐབས་སུ་བསྟན་པ་བཞིན་དུ་རྒྱས་པར་སྦྱར་རོ། །དེ་ནས་དུས་གཞན་ཞིག་ན་ཆུ་ཀླུང་ཡིད་འོང་ལྡན་གྱི་འགྲམ་གྱི་དགེ་སློང་ལྔ་བརྒྱ་པོ་དེ་དག་གིས་གདོས་བུ་དང་། ཕོ་ལོང་གི་སྦྱོར་བས་སྤྲོ་བར་བྱེད། འབད་པར་བྱེད། རྩོལ་བར་བྱེད་པ་དག་གིས་གཅིག་ [266b.5]པུ་དབེན་པ་བག་ཡོད་པ་རྟུན་པ་དང་ལྡན་པ་བདག་ཉིད་བཏང་བར་གནས་པ་ན་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ། ཚངས་པར་སྤྱོད་པའི་མཐའ་ [266b.6]བླ་ན་མེད་པ་དེ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་། དགྲ་བཅོམ་པ་ཁམས་ [266b.7]གསུམ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང་རིག་པ་དང་། མངོན་པར་ཤེས་པ་དང་། སོ་སོ་ [267a] [267a.1]ཡང་དག་པར་རིག་པ་ཐོབ་པ། སྲིད་པ་དང་། འདོད་པའི་རྙེད་པ་དང་། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང་། རྗེད་པར་བྱ་བ་དང་། མངོན་དུ་སྨྲ་བར་བྱ་བར་གྱུར་ཏོ། །དེའི་ཚེ་ན་མུ་ [267a.2]གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང་བྱ་བར་སེམས་པ་དཀའ་ན་སློང་མོ་པ་དག་ལ་ལྟ་སྨོས་ཀྱང་ཅི་དགོས་པ་བྱུང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་ [267a.3]དག་ད་ལྟར་མུ་གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང་བྱ་བར་སེམས་པ་དཀའ་ན་སློང་མོ་པ་དག་ལྟ་ལ་སྨོས་ཀྱང་ཅི་དགོས་པ་བྱུང་གིས་དགེ་སློང་དག་ཁྱེད་ཅག་ཚུར་ཤེག་ལ་སྨོས་འདྲིན་ཇི་ལྟ་བ་དང་། [267a.4]ཕེབས་པར་སྨྲ་བ་ཇི་ལྟ་བ་དང་། འགྲོགས་བཤེས་ཇི་ལྟ་བས་ཡངས་པ་ཅན་གྱི་ཉེ་འཁོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་ལོང་ཤིག །ང་ཡང་འོད་མ་ཅན་གྱི་གྲོང་འདི་ཉིད་དུ་བསྙེན་བཀུར་བ་དགེ་སློང་ཀུན་དགའ་བོ་དང་དབྱར་གནས་པར་ཁས་ལེན་གྱིས། [267a.5]ཐམས་ཅད་ནི་བསོད་སྙོམས་ཀྱིས་ཉོན་མོངས་པར་གྱུར་ན་མི་རུང་ངོ་། །དགེ་སློང་དག་གིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་སྨོས་འདྲིན་ཇི་ལྟ་བ་དང་། ཕེབས་པར་སྨྲ་བ་ཇི་ལྟ་བ་དང་། འགྲོགས་བཤེས་ཇི་ལྟ་བས་ཡངས་པ་ [267a.6]ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་སོ། །བཅོམ་ལྡན་འདས་ཀྱང་འོད་མ་ཅན་གྱི་གྲོང་དེ་ཉིད་དུ་བསྙེན་བཀུར་བ་ཚེ་དང་ལྡན་པ་ཀུན་དགའ་བོ་དང་དབྱར་གནས་པར་ཞལ་གྱིས་བཞེས་སོ། །དེ་ནས་དགེ་སློང་ལྔ་བརྒྱ་པོ་དེ་དག་འདི་སྙམ་དུ་སེམས་ཏེ། བཅོམ་ལྡན་ [267a.7]འདས་ཀྱིས་འདི་སྐད་ཅེས་བཀའ་སྩལ་ན། འདི་ན་བདག་ཅག་ལ་ཉེ་དུ་འགའ་ཡང་མེད་དེ་ཉ་པའི་གྲོང་ན་བདག་ཅག་གི་ཉེ་དུ་དག་འཁོད་ཀྱིས་བདག་ཅག་ཉ་པའི་གྲོང་དུ་དོང་སྟེ་ཉེ་དུ་རྣམས་བལྟས་ནས་ཉ་པའི་གྲོང་གི་ཉེན་ཀོར་དུ་ལོ་མ་དང་། འདབ་མའི་སྤྱིལ་བུ་དག་བྱས་ཏེ་དབྱར་གནས་ [267b] [267b.1]པར་ཁས་བླང་བར་བྱ་གོར་མ་ཆག་སྙམ་མོ། །དེ་ནས་ཆུ་ཀླུང་ཡིད་འོང་ལྡན་གྱི་འགྲམ་གྱི་དགེ་སློང་ལྔ་བརྒྱ་པོ་དེ་དག་འདི་སྙམ་དུ་སེམས་ཏེ། བདག་ཅག་གིས་སྔོན་ནི་ཉ་པའི་གྲོང་དུ་དོང་སྟེ་ཉེ་དུ་རྣམས་ལ་གཅིག་གིས་གཅིག་གི་ཡང་དག་པ་མ་ཡིན་པའི་ཡོན་ཏན་ [267b.2]བསྒྲག་པ་བྱས་པས་ད་ནི་གཅིག་གིས་གཅིག་གི་ཡང་དག་པའི་ཡོན་ཏན་བསྒྲག་པར་བྱའོ་སྙམ་ནས་དགེ་སློང་ལྔ་བརྒྱ་པོ་དེ་དག་ཉ་པའི་གྲོང་དུ་དོང་སྟེ་ཉེ་དུ་དག་བལྟས་ནས་ཉ་པའི་གྲོང་གི་ཉེན་ཀོར་དུ་ལོ་མ་དང་། འདབ་མའི་སྤྱིལ་བུ་དག་བྱས་ཏེ་དབྱར་གནས་པར་ [267b.3]ཁས་བླངས་སོ། །དེ་དག་གི་ཉེ་དུ་དག་ཉེ་བར་འོངས་པར་གྱུར་ནས་དེ་དག་གིས་ཉེ་དུ་ཉེ་བར་འོངས་པ་དེ་དག་ལ་སྨྲས་པ། ཉེ་དུ་དག་ཁྱེད་ཅག་གང་དག་གི་གྲོང་ཚིགས་ན་དགེ་སློང་གི་དགེ་འདུན་ཡོན་གྱི་གནས་འདི་ལྟ་བུ་འདི་ལྟར་དབྱར་གནས་པར་ཁས་བླངས་པར་ [267b.4]གྱུར་པའི་ཉེ་དུ་དེ་དག་གིས་ནི་རྙེད་པ་ལེགས་པར་རྙེད་པ་ཡིན་ཏེ། དགེ་སློང་འདི་ནི་མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་བསྔལ་བ་ལ་བདག་མེད་པའི་འདུ་ཤེས་དང་། ཟས་ལ་མི་མཐུན་པའི་འདུ་ཤེས་དང་། འཇིག་ [267b.5]རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་། ཉེས་དམིགས་ཀྱི་འདུ་ཤེས་དང་། སྤོང་བའི་འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། འགོག་པའི་འདུ་ཤེས་དང་། འཆི་བའི་འདུ་ཤེས་དང་། མི་སྡུག་པའི་འདུ་ཤེས་དང་། རྣམ་པར་ [267b.6]སྔོས་པའི་འདུ་ཤེས་དང་། རྣམ་པར་རྣགས་པའི་འདུ་ཤེས་དང་། རྣམ་པར་བམ་པའི་འདུ་ཤེས་དང་། རྣམ་པར་འབུས་གཞིགས་པའི་འདུ་ཤེས་དང་། རྣམ་པར་ཟོས་པའི་འདུ་ཤེས་དང་། རྣམ་པར་དམར་བའི་འདུ་ཤེས་དང་། རྣམ་པར་འཐོར་བའི་འདུ་ཤེས་ [267b.7]དང་། རུས་གོང་གི་འདུ་ཤེས་དང་། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་པ་ཡིན་ནོ། །དགེ་སློང་འདི་ནི་བསམ་གཏན་དང་པོ་དང་། གཉིས་པ་དང་། གསུམ་པ་དང་། བཞི་པ་དང་། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ [268a] [268a.1]དང་། ནམ་མཁའ་མཐའ་ཡས་སྐྱེ་མཆེད་དང་། རྣམ་ཤེས་མཐའ་ཡས་སྐྱེ་མཆེད་དང་། ཅི་ཡང་མེད་པའི་སྐྱེ་མཆེད་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང་། རྒྱུན་དུ་ཞུགས་པའི་འབྲས་བུ་དང་། ལན་གཅིག་ཕྱིར་འོང་བའི་འབྲས་ [268a.2]བུ་དང་། ཕྱིར་མི་འོང་བའི་འབྲས་བུ་དང་། རྫུ་འཕྲུལ་གྱི་ཡུལ་དང་། ལྷའི་རྣ་བ་དང་། སེམས་ཡོངས་སུ་ཤེས་པ་དང་། སྔོན་གྱི་གནས་དང་། འཆི་འཕོ་དང་སྐྱེ་བ་དང་། ཟག་པ་ཟད་པ་ཐོབ་པ་ཡིན་ནོ། །དགེ་སློང་འདི་ནི་དགྲ་བཅོམ་པ་རྣམ་པར་ཐར་པ་བརྒྱད་ལ་ [268a.3]བསམ་གཏན་པ་ཡིན་ནོ། །དགེ་སློང་འདི་ནི་གཉིས་ཀའི་ཆ་ལས་རྣམ་པར་གྲོལ་བ་ཡིན་ནོ། །དེ་དག་གིས་སྨྲས་པ། འཕགས་པ་དག་ཁྱེད་ཀྱིས་ཡོན་ཏན་གྱི་ཚོགས་དེ་ལྟ་བུ་དག་ཐོབ་བམ། ཐོབ་བོ། །འཇིག་རྟེན་ནི་ཡོན་ཏན་ལ་དགའ་བ་ཡིན་པས་རེ་ཞིག་རང་གི་བུ་དག་ [268a.4]ལས་ཀྱང་ཕྲོགས་ཏེ་དེ་དག་ལ་བསོད་སྙོམས་སྦྱིན་པ་དང་བྱ་བར་སེམས་སོ། །སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ་འཚོ་ཞིང་གཞེས་པ་རྣམས་ལ་ཆོས་ཉིད་ཀྱིས་ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི་དབྱར་ཟླ་འབྲིང་པོའི་ཉ་ [268a.5]ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི་སྟོན་ཟླ་འབྲིང་པོའི་ཉ་ལའོ། །དེ་ལ་གང་དག་དབྱར་ཟླ་འབྲིང་པོའི་ཉ་ལ་དབྱར་ཉེ་བར་སྒྲུབ་པའི་ཚེ་གདམས་ངག་མནོས་ཏེ། གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་དག་ཏུ་ [268a.6]དབྱར་གནས་པར་ཁས་ལེན་པ་དེ་དག་ནི་སྟོན་ཟླ་འབྲིང་པོའི་ཟླ་བ་ཉ་ལ་ལྷགས་ནས་ཇི་ལྟར་ཐོབ་པ་ནི་རྗོད་པར་བྱེད། མ་ཐོབ་པ་ནི་ཐོབ་པར་བྱ་བའི་ཕྱིར་འོག་ཏུ་འདྲེ་བར་བྱེད་དོ། །དེ་ནས་དགེ་སློང་གང་དག་ཡངས་པ་ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་ [268a.7]ཁས་བླངས་པ་དེ་དག་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་། རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པས་ལྷུང་བཟེད་དང་། ཆོས་གོས་ཐོགས་ཏེ་འོད་མ་ [268b] [268b.1]ཅན་གྱི་གྲོང་ག་ལ་བ་དེར་རྒྱུ་ཞིང་འདོང་བ་ན། མཐར་གྱིས་རྒྱུ་ཞིང་འདོང་བའི་ཚེ་འོད་མ་ཅན་གྱི་གྲོང་དུ་ཕྱིན་པ་དང་། ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་ [268b.2]མཉེས་གཤིན་པས་བཤེས་པ་དང་བཅས་པ་ཉིད་ཀྱི་ཚིག་གིས་བསུ་ནས་ལྷུང་བཟེད་དང་། ཆོས་གོས་དང་། ཁར་བ་དང་། གཏུར་བུ་དང་། རིལ་བ་སྤྱི་བླུགས་དང་། འབྲུ་མར་སྣོད་དང་། ཞྭ་དང་། ལྷམ་ཡུ་ཆད་དང་། མཆིལ་ལྷམ་ལེན་པར་བྱེད་ཅིང་འདི་སྐད་ཅེས་ [268b.3]ཀྱང་སྨྲས་སོ། །ཚེ་དང་ལྡན་པ་དག་ཚུར་ཤེག །འོངས་པ་ལེགས་སོ། །ཚེ་དང་ལྡན་པ་དག་ཁྱེད་ཅག་གང་ནས་ད་ལྟར་འདིར་འོངས། ཁྱེད་ཅག་གང་དུ་དབྱར་གནས་པར་ཁས་བླངས། ཚེ་དང་ལྡན་པ་ཀུན་དགའ་བོ་བདག་ཅག་སྤོང་བྱེད་ཀྱི་གྲོང་ནས་འདིར་འོངས་ [268b.4]སོ། །བདག་ཅག་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་ཇི་ལྟར་སྤོང་བྱེད་ཀྱི་གྲོང་དུ་བདེ་བ་ལ་རེག་པར་དབྱར་གནས་པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་ངལ་བར་མ་གྱུར་ཏམ། ཚེ་དང་ལྡན་པ་ཀུན་དགའ་ [268b.5]བོ་བདག་ཅག་སྤོང་བྱེད་ཀྱི་གྲོང་དུ་ཏེ་པོར་བདེ་བ་ལ་རེག་པར་དབྱར་གནས་པར་ཁས་བླངས་མོད་ཀྱི། བདག་ཅག་བསོད་སྙོམས་ཀྱིས་ངལ་བར་གྱུར་ཏོ། །ཚེ་དང་ལྡན་པ་དག་དེ་ཁོ་ན་ལྟར་སྣང་སྟེ། འདི་ལྟར་བསོད་སྙོམས་ཀྱིས་བྲེལ་བས་རིད་པ་དང་། ཉམ་ཆུང་བ་དང་། རྐེ་ [268b.6]བ་དང་། སྐམ་པ་དང་། ལུས་མ་ཐོབ་པ་དང་། པགས་པ་དང་། ཤ་དང་། ཁྲག་བྲི་བར་གྱུར་ཏོ། །དགེ་སློང་གང་དག་ཉ་པའི་གྲོང་གི་ཉེན་ཀོར་དུ་དབྱར་གནས་པར་ཁས་བླངས་པ་དེ་དག་ཀྱང་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། [268b.7]ཆོས་གོས་ཟིན་པ་དང་ལྡན་ཞིང་། ཚོ་བ་དང་། པགས་པ་དང་། ཤ་དང་། ཁྲག་རྒྱས་པས་ལྷུང་བཟེད་དང་། ཆོས་གོས་ཐོགས་ཏེ་འོད་མ་ཅན་གྱི་གྲོང་ག་ལ་བ་དེར་རྒྱུ་ཞིང་འདོང་བ་ན་མཐར་གྱིས་རྒྱུ་ཞིང་འདོང་བའི་ཚེ་འོད་མ་ཅན་གྱི་གྲོང་དུ་ཕྱིན་པ་དང་། ཚེ་དང་ལྡན་པ་ [269a] [269a.1]ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་མཉེས་གཤིན་པས་བཤེས་པ་དང་བཅས་པ་ཉིད་ཀྱི་ཚིག་གིས་བསུ་ནས་ལྷུང་བཟེད་དང་། ཆོས་གོས་དང་། ཁར་བ་དང་། [269a.2]གཏུར་བུ་དང་། རིལ་བ་སྤྱི་བླུགས་དང་། འབྲུ་མར་སྣོད་དང་། ཞྭ་དང་། ལྷམ་ཡུ་ཆད་དང་། མཆིལ་ལྷམ་ལེན་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །ཚེ་དང་ལྡན་པ་དག་ཚུར་ཤེག་འོངས་པ་ལེགས་སོ། །ཚེ་དང་ལྡན་པ་དག་ཁྱེད་ཅག་གང་ནས་ད་ལྟར་འདིར་ [269a.3]འོངས། ཁྱེད་ཅག་གང་དུ་དབྱར་གནས་པར་ཁས་བླངས། ཚེ་དང་ལྡན་པ་ཀུན་དགའ་བོ་བདག་ཅག་ཉ་པའི་གྲོང་ནས་འདིར་འོངས་སོ། །བདག་ཅག་ཉ་པའི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་ཇི་ལྟར་ཉ་པའི་གྲོང་དུ་བདེ་བ་ལ་རེག་པར་དབྱར་གནས་ [269a.4]པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་ངལ་བར་མ་གྱུར་ཏམ། ཚེ་དང་ལྡན་པ་ཀུན་དགའ་བོ་བདག་ཅག་ཉ་པའི་གྲོང་དུ་ཏེ་པོར་བདེ་བ་ལ་རེག་པར་དབྱར་གནས་པར་ཁས་བླངས་ཏེ་བདག་ཅག་བསོད་སྙོམས་ཀྱིས་ཀྱང་ངལ་བར་མ་གྱུར་ཏོ། །ཚེ་དང་ལྡན་པ་དག་དེ་ཁོ་ [269a.5]ན་ལྟར་སྣང་སྟེ། འདི་ལྟར་བསོད་སྙོམས་ཀྱིས་བྲེལ་བ་མེད་པས་ཚོ་བ་དང་། པགས་པ་དང་། ཤ་དང་། ཁྲག་རྒྱས་པར་གྱུར་ཏོ། །ཚེ་དང་ལྡན་པ་དག་ད་ལྟར་མུ་གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་ [269a.6]པ་དང་བྱ་བར་སེམས་པ་དཀའ་ན་སློང་མོ་བ་ལྟ་སྨོས་ཀྱང་ཅི་དགོས་པ་བྱུང་ན། འདིར་ཚེ་དང་ལྡན་པ་ཁྱེད་ཅག་བསོད་སྙོམས་ཀྱིས་བྲེལ་བ་མེད་པར་གྱུར་པའི་རྒྱུ་ནི་གང་ཡིན། རྐྱེན་ནི་གང་ཡིན། ཚེ་དང་ལྡན་པ་ཀུན་དགའ་བོ་བདག་ཅག་གིས་ཉེ་དུ་རྣམས་ཀྱི་མདུན་དུ་གཅིག་ [269a.7]གིས་གཅིག་གི་ཡང་དག་པའི་ཡོན་ཏན་བསྒྲག་པ་བྱས་ཏེ། དགེ་སློང་འདི་ནི་མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་བསྔལ་བ་ལ་བདག་མེད་པའི་འདུ་ཤེས་དང་། ཟས་ལ་མི་མཐུན་པའི་འདུ་ཤེས་དང་། འཇིག་རྟེན་ཐམས་ཅད་ [269b] [269b.1]ལ་མངོན་པར་མི་དགའ་བའི་འདུ་ཤེས་དང་། ཉེས་དམིགས་ཀྱི་འདུ་ཤེས་དང་། སྤོང་བའི་འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། འགོག་པའི་འདུ་ཤེས་དང་། འཆི་བའི་འདུ་ཤེས་དང་། མི་སྡུག་པའི་འདུ་ཤེས་དང་། རྣམ་པར་སྔོས་པའི་ [269b.2]འདུ་ཤེས་དང་། རྣམ་པར་རྣགས་པའི་འདུ་ཤེས་དང་། རྣམ་པར་བམ་པའི་འདུ་ཤེས་དང་། རྣམ་པར་འབུས་གཞིགས་པའི་འདུ་ཤེས་དང་། རྣམ་པར་ཟོས་པའི་འདུ་ཤེས་དང་། རྣམ་པར་དམར་བའི་འདུ་ཤེས་དང་། རྣམ་པར་འཐོར་བའི་འདུ་ཤེས་དང་། རུས་གོང་ [269b.3]གི་འདུ་ཤེས་དང་། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་པ་ཡིན་ནོ། །དགེ་སློང་འདི་ནི་བསམ་གཏན་དང་པོ་དང་། གཉིས་པ་དང་། གསུམ་པ་དང་། བཞི་པ་དང་། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་དང་། ནམ་མཁའ་ [269b.4]མཐའ་ཡས་སྐྱེ་མཆེད་དང་། རྣམ་ཤེས་མཐའ་ཡས་སྐྱེ་མཆེད་དང་། ཅི་ཡང་མེད་པའི་སྐྱེ་མཆེད་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང་། རྒྱུན་དུ་ཞུགས་པའི་འབྲས་བུ་དང་། ལན་གཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་ [269b.5]དང་། རྫུ་འཕྲུལ་གྱི་ཡུལ་དང་། ལྷའི་རྣ་བ་དང་། སེམས་ཡོངས་སུ་ཤེས་པ་དང་། སྔོན་གྱི་གནས་དང་། འཆི་འཕོ་དང་། སྐྱེ་བ་དང་། ཟག་པ་ཟད་པ་ཐོབ་པ་ཡིན་ནོ། །དགེ་སློང་འདི་ནི་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་ཡིན་ནོ། །དགེ་ [269b.6]སློང་འདི་ནི་གཉིས་ཀའི་ཆ་ལས་རྣམ་པར་གྲོལ་བ་ཡིན་ནོ་ཞེས་གཅིག་གིས་གཅིག་གི་ཡང་དག་པའི་ཡོན་ཏན་བསྒྲག་པར་བྱས་སོ། །ཅི་ཡང་དག་པས་སམ། ཡང་དག་པ་མ་ཡིན་པས། ཡང་དག་པས་སོ། །ཚེ་དང་ལྡན་པ་དག་ཁྱེད་ཅག་གང་ཟག་རྫོགས་ [269b.7]པར་མ་བསྙེན་པ་ལ་མིའི་ཆོས་བླ་མ་བདེན་པ་བརྗོད་དུ་རུང་ངམ། རུང་ཡང་སྲིད། མི་རུང་ཡང་སྲིད་དེ། འདི་ལྟར་བདག་ཅག་གིས་ནི་སྨྲས་སོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་གང་ཟག་རྫོགས་པར་མ་བསྙེན་པ་ལ་མིའི་ཆོས་བླ་མ་བདེན་པ་བརྗོད་ཅེས་ [270a] [270a.1]སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་ [270a.2]མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཆུ་ཀླུང་ཡིད་འོང་ལྡན་གྱི་འགྲམ་ན་གནས་པའི་ [270a.3]དགེ་སློང་རྣམས་ལ་རྨས་པ། དགེ་སློང་དག་ཁྱེད་ཀྱིས་གང་ཟག་རྫོགས་པར་མ་བསྙེན་པ་ལ་མིའི་ཆོས་བླ་མ་བདེན་པ་སྨྲས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང་། མི་སྦྱོར་བ་དང་། མ་བརྟགས་པར་སྤྱོད་པ་རྣམ་ [270a.4]པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་བརྩོན་པ་དང་། སྦྱོར་བ་དང་། བརྟགས་ཏེ་སྤྱོད་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་ [270a.5]རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་གང་ཟག་རྫོགས་པར་མ་བསྙེན་པ་ལ་མིའི་ཆོས་བླ་མ་བདེན་པ་བརྗོད་ན་ལྟུང་བྱེད་ [270a.6]དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །གང་ཟག་རྫོགས་པར་མ་བསྙེན་པ་ལ་ཞེས་བྱ་བ་ལ་རྫོགས་པར་བསྙེན་པ་ནི་གཉིས་ཏེ། དགེ་སློང་དང་དགེ་སློང་མའོ། །དེ་ལས་གཞན་པ་ནི་རྫོགས་པར་མ་བསྙེན་པའོ། །མིའི་ཆོས་ཞེས་བྱ་བ་ནི་མི་ [270a.7]རྣམས་ཀྱི་ཆོས་མྱ་ངན་ལས་འདས་པ་སྟེ། དེ་མི་རྣམས་ཀྱིས་འཐོབ་ཀྱི་ཟ་མ་དང་། མ་ནིང་དང་། མཚན་གཉིས་པ་དག་གིས་ཀྱང་མི་འཐོབ་ན། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}རྣམས་ཀྱིས་ལྟ་སྨོས་ཀྱང་ཅི་དགོས་པའི་ཕྱིར་རོ། ། [270b] [270b.1]བླ་མ་ཞེས་བྱ་བ་ནི་འདོད་པའི་ཁམས་པས་གཟུགས་ཀྱི་ཁམས་བླ་མ་ཡིན་ལ། གཟུགས་ཀྱི་ཁམས་པས་གཟུགས་མེད་པའི་ཁམས་བླ་མ་ཡིན་པའོ། །ཡང་ན་མིའི་ཆོས་ཞེས་བྱ་བ་ནི་སྒྲིབ་པ་ལྔ་པོ་དག་གོ། །བླ་མ་ཞེས་བྱ་བ་ནི་དེ་དག་སྤངས་པ་གང་ཡིན་པའོ། །བདེན་ [270b.2]པ་ཞེས་བྱ་བ་ནི་དེའི་དངོས་པོ་བདེན་པ་ཁོ་ན་ཡིན་པའོ། །སྨྲ་ན་ཞེས་བྱ་བ་ནི་བརྗོད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་ [270b.3]བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན།། །།བར་སྡོམ་ལ། འདུ་ཤེས་མ་ [270b.4]བསྒྱུར་དགོན་པ་དང་། །ཁྱིམ་རྣམས་སུ་ནི་སྟན་བཀྲ་དང་། །རང་གི་མཚན་ཉིད་འཛིན་པ་དང་། །བདག་ཉིད་ཉེ་བར་སྟོན་པའོ། །དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་ [270b.5]སྐད་ཅེས་ལྷ་རྣམས་མཐོང་ངོ་ཞེས་ཟེར་ན་ལྟུང་བྱེད་དུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་མཐོང་ངོ་ཞེས་ཟེར་ན་ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་མཐོང་ངོ་ཞེས་ཟེར་ན་ [270b.6]ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་ལྷ་རྣམས་ཀྱི་སྒྲ་ཐོས་སོ་ཞེས་ཟེར་ན་ལྟུང་བྱེད་དུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ [270b.7]ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་གྱི་སྒྲ་ཐོས་སོ་ཞེས་ཟེར་ན་ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་ཀྱི་སྒྲ་ཐོས་སོ་ཞེས་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། [271a] [271a.1]བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་ལྷ་རྣམས་བལྟ་བའི་ཕྱིར་འགྲོའོ་ཞེས་ཟེར་ན་ལྟུང་བྱེད་དུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བལྟ་བའི་ཕྱིར་འགྲོའོ་ཞེས་ཟེར་ན་ [271a.2]ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འགྲོའོ་ཞེས་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་ [271a.3]སྐད་ཅེས་ལྷ་རྣམས་བདག་བལྟ་བའི་ཕྱིར་འོང་ངོ་ཞེས་ཟེར་ན་ལྟུང་བྱེད་དུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་ལུས་སྲུལ་པོ་རྣམས་ཀྱི་བར་དག་བདག་བལྟ་བའི་ཕྱིར་འོང་ངོ་ཞེས་ཟེར་ན་ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས་རྡུལ་ [271a.4]ཁྲོད་ཀྱི་ཤ་ཟ་རྣམས་ཀྱང་བདག་བལྟ་བའི་ཕྱིར་འོང་ངོ་ཞེས་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་ལྷ་རྣམས་དང་ལྷན་ཅིག་གཏམ་འདྲེ་ [271a.5]བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ལྟུང་བྱེད་དུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དང་ལྷན་ཅིག་གཏམ་འདྲེ་བར་ [271a.6]བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ [271a.7]ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་ལྷ་རྣམས་བདག་ [271b] [271b.1]དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ལྟུང་བྱེད་དུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་ཡང་ [271b.2]བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་ཀྱང་བདག་དང་ལྷན་ཅིག་གཏམ་འདྲེ་བར་བྱེད། [271b.3]ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་ [271b.4]བར་འདི་སྐད་ཅེས་ཐོབ་བཞིན་དུ་བདག་གིས་མི་རྟག་པའི་འདུ་ཤེས་ཐོབ་བོ་ཞེས་ཟེར་ན་ལྟུང་བྱེད་དུ་འགྱུར་རོ། །མི་རྟག་པ་ལ་སྡུག་བསྔལ་བའི་འདུ་ཤེས་ནས་སྔ་མ་བཞིན་དུ་སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཀྱི་བར་དུ་ཐོབ་བོ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་ [271b.5]སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་ཐོབ་བཞིན་དུ་བདག་གིས་བསམ་གཏན་དང་པོ་ཐོབ་བོ་ཞེས་ཟེར་ན་ལྟུང་བྱེད་དུ་འགྱུར་རོ། །དེ་བཞིན་དུ་གཉིས་པ་དང་། གསུམ་པ་དང་། བཞི་ [271b.6]པ་ནས་སྔ་མ་བཞིན་དུ་བདག་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་དང་། གཉིས་ཀའི་ཆ་ལས་རྣམ་པར་གྲོལ་བའོ་ཞེས་ཟེར་ན་ལྟུང་བྱེད་དུ་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་གྲོང་མེད་པའི་དགོན་པའི་གནས་ཤིག་ན་གནས་ཤིང་དེ་ན་དེ་ [271b.7]དག་ལ་མི་མ་ཡིན་པ་དག་གིས་འཚེ་བ་དང་། དེ་ན་དགེ་སློང་གང་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ། དགྲ་བཅོམ་པ་ཡིན་པ་དེ་ལ་དེ་ན་མི་མ་ཡིན་པ་དག་གིས་འཚེ་བར་མི་བྱེད་ནས་དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་ [272a] [272a.1]པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་བདག་ཀྱང་གྲོང་མེད་པའི་དགོན་པའི་གནས་དེ་ན་གནས་ཏེ། དེ་ན་བདག་ལ་མི་མ་ཡིན་པ་རྣམས་འཚེ་བར་མི་བྱེད་དོ་ཞེས་ཟེར་ན་ལྟུང་བྱེད་དུ་འགྱུར་རོ། །འདི་ལྟར་དགེ་སློང་རབ་ཏུ་མང་པོ་ [272a.2]དག་ཁྱིམ་རྣམས་སུ་མགྲོན་དུ་བོས་ཏེ་ཟ་བར་བྱེད་ཅིང་དེ་ན་དེ་དག་ལ་སྟན་ཁྲ་བོ་བཀྲ་བ་དག་བཤམས་ཤིང་དེ་ན་དགེ་སློང་གང་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཡིན་པ་དེ་ལ་དེ་ན་སྟན་ཁྲ་བོ་ཉེ་བར་བཀྲ་བ་དག་ཤོམ་པར་ [272a.3]བྱེད་ནས་དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་བདག་ཀྱང་ཁྱིམ་དེར་མགྲོན་དུ་བོས་ཤིང་ཟོས་ཏེ། དེ་ན་བདག་ལ་ཡང་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་དོ་ཞེས་ཟེར་ན། [272a.4]ལྟུང་བྱེད་དུ་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དགོན་པ་ན་གནས་པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས། འཇིག་རྟེན་པའི་ལམ་གྱིས། ཉོན་མོངས་པ་དག་རྣམ་པར་མནན་པས་འདོད་པ་ལ་འདོད་ཆགས་ [272a.5]དང་། གནོད་སེམས་དག་རྒྱུད་ལ་ཀུན་དུ་མི་འབྱུང་ནས་དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་བདག་ཀྱང་གྲོང་མེད་པའི་དགོན་པའི་གནས་དེ་ན་གནས་ཤིང་། བདག་གིས་ [272a.6]ཀྱང་དེ་ན་གནས་པ་ན་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས་འདོད་པ་ལ་འདོད་ཆགས་དང་། གནོད་སེམས་དག་བདག་གི་རྒྱུད་ལ་ཡང་ཀུན་དུ་མི་འབྱུང་ངོ་ཞེས་ཟེར་ [272a.7]ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་དགེ་སློང་གང་གིས་ལྷ་རྣམས་མཐོང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ [272b] [272b.1]ཟེར་ན་ཉེས་བྱས་སུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་མཐོང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཐ་ན་འདི་སྐད་ཅེས་དགེ་སློང་གང་གིས་རྡུལ་ཁྲོད་ཀྱི་ཤ་ཟ་ [272b.2]རྣམས་མཐོང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་ [272b.3]དགེ་སློང་གང་གིས་ལྷ་རྣམས་ཀྱི་སྒྲ་ཐོས་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་གྱི་སྒྲ་ཐོས་པ་དེ་ཡོད་དོ་ཞེས་ཟེར་ཞིང་ [272b.4]འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཐ་ན་འདི་སྐད་ཅེས་དགེ་སློང་གང་གིས་རྡུལ་ཁྲོད་ཀྱི་ཤ་ཟ་རྣམས་ཀྱི་སྒྲ་ཐོས་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ [272b.5]ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་དགེ་སློང་གང་ལྷ་རྣམས་བལྟ་བའི་ཕྱིར་འགྲོ་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ [272b.6]ཉེས་བྱས་སུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བལྟ་བའི་ཕྱིར་འགྲོ་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཐ་ན་འདི་སྐད་ཅེས་དགེ་སློང་རྡུལ་ཁྲོད་ [272b.7]ཀྱི་ཤ་ཟ་རྣམས་བལྟ་བའི་ཕྱིར་འགྲོ་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། [273a] [273a.1]ལྟ་བ་མ་བསྒྱུར་བར་འདི་སྐད་ཅེས་དགེ་སློང་གང་ལ་ལྷ་རྣམས་བལྟ་བའི་ཕྱིར་འོང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ [273a.2]ཀྱི་བར་དུ་བལྟ་བའི་ཕྱིར་འོང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཐ་ན་འདི་སྐད་ཅེས་དགེ་སློང་གང་ལ་རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འོང་བ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། ། [273a.3]དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་དགེ་སློང་གང་ལྷ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་ [273a.4]སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས། ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་ [273a.5]དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཐ་ན་འདི་སྐད་ཅེས་དགེ་སློང་གང་རྡུལ་ཁྲོད་ཀྱི་ [273a.6]ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་ [273a.7]བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་དགེ་སློང་གང་དང་ལྷན་ཅིག་ལྷ་རྣམས་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ [273b] [273b.1]ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཀླུ་རྣམས་དང་། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་ཡང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་ [273b.2]བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །ཐ་ན་འདི་སྐད་ཅེས་དགེ་སློང་གང་དང་ལྷན་ཅིག་རྡུལ་ཁྲོད་ཀྱི་ཤ་ཟ་རྣམས་གཏམ་འདྲེ་བར་ [273b.3]བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་ [273b.4]བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་དགེ་སློང་གང་གིས་མི་རྟག་པའི་འདུ་ཤེས་ཐོབ་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །མི་རྟག་པའི་འདུ་ [273b.5]ཤེས་ཇི་ལྟ་བ་དེ་བཞིན་དུ་གང་གིས་སྔ་མ་བཞིན་དུ་སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཀྱི་བར་དུ་ཐོབ་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་ [273b.6]པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་དགེ་སློང་གང་གིས་བསམ་གཏན་དང་པོ་ཐོབ་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །བསམ་གཏན་དང་པོ་ཇི་ལྟ་བ་ [273b.7]དེ་བཞིན་དུ་གང་གིས་སྔ་མ་བཞིན་དུ་གཉིས་པ་དང་། གསུམ་པ་དང་། བཞི་པ་ནས་དགེ་སློང་གང་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་དང་། གཉིས་ཀའི་ཆ་ལས་རྣམ་པར་གྲོལ་བའི་བར་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་ [274a] [274a.1]མི་ཟེར་ན་ཉེས་བྱས་སུ་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་གྲོང་མེད་པའི་དགོན་པའི་གནས་ཞིག་ན་གནས་ཤིང་དེ་ན་དེ་དག་ལ་མི་མ་ཡིན་པ་དག་གིས་འཚེ་བ་ན་དེ་དགེ་སློང་གང་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་ [274a.2]མི་འོང་བ་དང་། དགྲ་བཅོམ་པ་ཡིན་པ་དེ་ལ་དེ་ན་མི་མ་ཡིན་པ་དག་གིས་འཚེ་བར་མི་བྱེད་ནས། དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ [274a.3]ཅེས་དགེ་སློང་གང་གྲོང་མེད་པའི་དགོན་པའི་གནས་དེ་ན་གནས་པ་དེ་ལ་དེ་ན་མི་མ་ཡིན་པ་རྣམས་འཚེ་བར་མི་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་ཁྱིམ་རྣམས་སུ་མགྲོན་ [274a.4]དུ་བོས་ཏེ་ཟ་བར་བྱེད་ཅིང་དེ་ན་དེ་དག་ལ་སྟན་ཁྲ་བོ་ཉེ་བར་བཀྲ་བ་དག་བཤམས་ཤིང་། དེ་ན་དགེ་སློང་གང་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཡིན་པ་དེ་ལ་དེ་ན་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་ནས། [274a.5]དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ཅེས་དགེ་སློང་གང་ཁྱིམ་དེར་མགྲོན་དུ་བོས་ཤིང་ཟོས་ཏེ་དེ་ན་དེ་ལ་ཡང་སྟན་ཁྲ་བོ་ཉེ་བར་བཀྲ་བ་དག་ཤོམ་ [274a.6]པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་དགོན་པ་ན་གནས་པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ [274a.7]ཉོན་མོངས་པ་དག་རྣམ་པར་མནན་པས་འདོད་པ་ལ་འདོད་ཆགས་དང་། གནོད་སེམས་དག་རྒྱུད་ལ་ཀུན་དུ་མི་འབྱུང་ནས་དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་མ་བསྒྱུར་བར་འདི་སྐད་ [274b] [274b.1]ཅེས་དགེ་སློང་གིས་གྲོང་མེད་པའི་དགོན་པའི་གནས་དེ་ན་གནས་ཤིང་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས་འདོད་པ་ལ་འདོད་ཆགས་དང་། གནོད་སེམས་དག་ [274b.2]རྒྱུད་ལ་ཀུན་དུ་མི་འབྱུང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །མིའི་ཆོས་བླ་མ་བརྗོད་པའི་ལྟུང་བྱེད་དེ་བརྒྱད་པ་རྫོགས་{སྷོ,སོ}།། །།འདུལ་བ་རྣམ་པར་འབྱེད་པ། བམ་པོ་བཞི་བཅུ་རྩ་གཉིས་པ། སངས་ [274b.3]རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །གང་གི་ཚེ་ཚེ་དང་ལྡན་པ་གྱད་བུ་ནོར་གནས་མལ་འབོག་པ་དང་། ཟས་ལ་སྐོ་བར་བསྐོས་པ་དེའི་ཚེ་ན་དེ་དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཡིན་པས་ [274b.4]དགེ་འདུན་ལ་ཆོས་དང་ལྡན་པས་ཞལ་ཏ་བྱེད་པའི་ལས་ལ་བརྩོན་པ་ཡིན་ལ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མེད་དེ། དེས་དེ་ལྟར་ཕུལ་ཞིང་ཡོངས་ [274b.5]སུ་བཏང་བས་ཆོས་གོས་གསུམ་ངན་ཅིང་སྣམ་སྦྱར་ཡང་ཡོངས་སུ་རྙིངས་ནས་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་ཚེ་དང་ལྡན་པ་གྱད་བུ་ནོར་འདི་དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཡིན་པས་དགེ་འདུན་ལ་ཆོས་དང་ལྡན་པས་ཞལ་ཏ་བྱེད་པའི་ལས་ [274b.6]ལ་བརྩོན་པ་ཡིན་ལ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མེད་དེ། དེས་དེ་ལྟར་ཕུལ་ཞིང་ཡོངས་སུ་བཏང་བས་ཆོས་གོས་གསུམ་ངན་ཅིང་སྣམ་སྦྱར་ཡང་ [274b.7]ཡོངས་སུ་རྙིངས་ཀྱིས། གལ་ཏེ་དགེ་འདུན་གྱིས་རས་ཡུག་ཆེན་འགའ་ཞིག་རྙེད་ན་དེ་ཚེ་དང་ལྡན་པ་གྱད་བུ་ནོར་ལ་སྦྱིན་པར་བྱའོ་ཞེས་སྨྲས་ནས། དགེ་འདུན་གྱིས་ཀྱང་རས་ཡུག་ཆེན་རྙེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ [275a] [275a.1]ལྡན་འདས་ཀྱིས་བཀའ་སྩལ་པ། གསོལ་བ་བྱས་ཏེ་བྱིན་ན་མི་གཡོ་བར་འགྱུར་རོ། །འདི་ལྟར་བྱ་སྟེ། གནས་མལ་བཤམ་པ་བྱས་ནས་གཎྜཱི་དེ་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་ [275a.2]འདུག་ཅིང་མཐུན་པར་གྱུར་པ་ལ་དགེ་སློང་ཅིག་གིས་གསོལ་བ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་གྱད་བུ་ནོར་འདི་ནི་དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་དེ་དགེ་འདུན་ལ་ཡང་ཆོས་ཀྱིས་ཞལ་ཏ་བགྱིད་པའི་ལས་ [275a.3]ལ་བརྩོན་པ་ལགས་ལ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མ་མཆིས་ཏེ། དེས་དེ་ལྟར་ཕུལ་ཞིང་ཡོངས་སུ་བཏང་བས་ཆོས་གོས་གསུམ་ [275a.4]ངན་ཅིང་སྣམ་སྦྱར་ཡང་ཡོངས་སུ་རྙིངས་ལ་དགེ་འདུན་ལ་ནི་རས་ཡུག་ཆེན་འབྱོར་པར་མངའ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་དགེ་འདུན་གྱིས་ཚེ་དང་ལྡན་པ་གྱད་བུ་ནོར་ལ་རས་ཡུག་ཆེན་སྩོལ་ཏོ། ། [275a.5]འདི་ནི་གསོལ་བའོ། །ཕྱིས་དགེ་འདུན་གྱིས་དེ་ལ་རས་ཡུག་ཆེན་བྱིན་པ་དང་། དགེ་སློང་མཛའ་བོ་དང་། ས་ལས་སྐྱེས་གཉིས་ཚེ་དང་ལྡན་པ་གྱད་བུ་ནོར་དང་ཚེ་རབས་ཚེ་རབས་ནས་རྗེས་སུ་འབྲེལ་པའི་ཁོན་ཡོད་པས་དེ་གཉིས་དགེ་སློང་རྣམས་ཀྱི་མདུན་ན་ཚེ་དང་ལྡན་ [275a.6]པ་དག་འདི་ལྟར་དགེ་འདུན་གྱི་རྙེད་པ་རྙེད་དོ་ཅོག་གཅིག་གིས་གང་ཟག་ལ་ཡོངས་སུ་སྔོ་བར་བྱེད་ན། དགེ་འདུན་གྱིས་རྙེད་པ་འགྲུབ་པར་ག་ལ་འགྱུར་ཞེས་སྨོད་པར་བྱེད་ནས་དགེ་སློང་རྣམས་ཀྱིས་དེ་གཉིས་ལ་སྨྲས་པ། ཚེ་དང་ལྡན་པ་གཉིས་ཁྱེད་གཉིས་དེར་ [275a.7]མ་འདུས་སམ། འདུས་སོ། །འོ་ན་ཅིའི་ཕྱིར་སྨོད་པར་བྱེད། དེ་གཉིས་ཀྱིས་སྨྲས་པ། ཅི་ཁོ་བོ་ཅག་གཉིས་འདུར་ཡང་མི་གནང་ངམ། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་སྔར་ལེགས་པར་རུང་བར་བྱས་ནས། དེའི་འོག་ཏུ་འདི་སྐད་ཅེས་ [275b] [275b.1]ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པར་བསྔོས་པ་བདག་གི་གང་ཟག་ལ་བསྔོས་ཞེས་ཟེར་ཞིང་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་ [275b.2]གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་ [275b.3]མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་མཛའ་བོ་དང་། ས་ལས་སྐྱེས་གཉིས་ལ་རྨས་པ། དགེ་སློང་གཉིས་ཁྱེད་གཉིས་ཀྱིས་སྔར་ལེགས་པར་རུང་བར་བྱས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་ [275b.4]པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པར་བསྔོས་པ་བདག་གི་གང་ཟག་ལ་བསྔོས་སོ་ཞེས་སྨྲས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། [275b.5]རུང་བ་མ་ཡིན་པ། ཚུལ་དང་མཐུན་པ་མ་ཡིན་པ། དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་ [275b.6]དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་བཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་ [275b.7]སློང་གང་སྔར་ལེགས་པར་རུང་བར་བྱས་ནས། དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པར་བསྔོས་པ་བདག་གི་གང་ཟག་ལ་བསྔོས་སོ་ཞེས་ཟེར་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་ [276a] [276a.1]བ་ནི་མཛའ་བོ་དང་ས་ལས་སྐྱེས་སམ། གཞན་ཡང་དེ་ལྟ་བུ་གང་ཡིན་པའོ། །སྔར་ལེགས་པར་རུང་བར་བྱས་ནས་ཞེས་བྱ་བ་ནི་སྔར་དད་པ་ཕུལ་ནས་སོ། །དེའི་འོག་ཏུ་ཞེས་བྱ་བ་ནི་དུས་གཞན་ནའོ། །འདི་སྐད་ཅེས་ཞེས་བྱ་བ་ནི་འདི་ [276a.2]སྐད་ཅེས་ཟེར་ནའོ། །ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་ཞེས་བྱ་བ་ལ། དགེ་སློང་གི་བཤེས་པ་གང་ཞེ་ན། མཁན་པོའི་ནི་ལྷན་ཅིག་གནས་པའོ། །ལྷན་ཅིག་གནས་པའི་ནི་མཁན་པོའོ། །སློབ་དཔོན་གྱི་ནི་ཉེ་གནས་སོ། ། [276a.3]ཉེ་གནས་ཀྱི་ནི་སློབ་དཔོན་ནོ། །མཁན་པོ་གཅིག་པའི་ནི་མཁན་པོ་གཅིག་པའོ། །སློབ་དཔོན་གཅིག་པའི་ནི་སློབ་དཔོན་གཅིག་པའོ། །མཛའ་བོའི་ནི་མཛའ་བོའོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། ། [276a.4]རྙེད་པ་ཞེས་བྱ་བ་ལ་རྙེད་པ་ནི་གཉིས་ཏེ། གོས་ཀྱི་རྙེད་པ་དང་། ཟས་ཀྱི་རྙེད་པ་སྟེ། དོན་འདིར་ནི་གོས་ཀྱི་རྙེད་པ་ཡིན་པར་དགོངས་སོ། །བསྔོས་པ་ཞེས་བྱ་བ་ནི་དགེ་འདུན་གྱི་ནང་དུ་གྲུབ་པའོ། །བདག་གི་གང་ཟག་ལ་བསྔོས་སོ་ཞེས་བྱ་བ་ནི་བདག་གི་དོན་ [276a.5]དུའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ [276a.6]ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་ཅུང་ཟད་སྔར་མཐུན་ཞིང་རུང་བར་བྱས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་ [276a.7]དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པར་བསྔོས་པ་བདག་གི་གང་ཟག་ལ་བསྔོས་སོ་ཞེས་ཟེར་ན་ཐམས་ཅད་དུ་ལྟུང་བྱེད་དུ་འགྱུར་རོ། །བཤེས་ངོར་བྱས་ཏེ་དགེ་འདུན་གྱི་རྙེད་པར་བསྔོས་པ་བདག་གི་གང་ཟག་ལ་བསྔོས་པ་བདེན་ན་ལྟུང་བ་མེད་ [276b] [276b.1]དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྐུར་བ་འདེབས་པའི་ལྟུང་བྱེད་དེ་དགུ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ [276b.2]ཚལ་མགོན་མེད་ཟས་སྦྱིན་གྱི་ཀུན་དགའ་ར་ན་བཞུགས་སོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་གདོན་པར་བྱའོ་ཞེས་བཀའ་སྩལ་ནས། དགེ་སློང་རྣམས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་ [276b.3]པ་འདོན་པར་བྱེད་པ་ན། དྲུག་སྡེ་དག་ཕམ་པར་འགྱུར་བ་བཞི་པོ་དག་འདོན་པའི་ཚེ་ནི་ཅང་མི་སྨྲ་བར་འཁོད་དོ། །དགེ་འདུན་ལྷག་མ་བཅུ་གསུམ་འདོན་པའི་ཚེ་ན་འདི་སྐད་ཅེས་ཚེ་དང་ལྡན་པ་དག་གང་ལ་གཞི་ངེས་པ་དང་། གང་ཟག་ངེས་ [276b.4]པར་རབ་ཏུ་ཤེས་པ་ཡོད་བཞིན་དུ། བདག་ཅག་གིས་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་ [276b.5]འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར་རོ། །དེ་བཞིན་དུ་མ་ངེས་པ་གཉིས་དང་། སྤང་བའི་ལྟུང་བྱེད་ཀྱི་ཆོས་སུམ་བཅུ་དང་། ལྟུང་བྱེད་ཀྱི་ཆོས་དགུ་བཅུ་དང་། སོ་སོར་བཤགས་པར་བྱ་བའི་ [276b.6]ཆོས་བཞི་དང་། བསླབ་པའི་ཆོས་མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་དག་འདོན་པའི་ཚེ་ན་ཡང་འདི་སྐད་ཅེས་ཚེ་དང་ལྡན་པ་དག་གང་ལ་གཞི་ངེས་པ་དང་། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ་བདག་ཅག་གི་རྨ་སོས་པ་སོས་པ་ [276b.7]དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ [277a] [277a.1]ཞེས་ཟེར་ནས། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གི་ཕྱིར་ཁོ་བོ་ཅག་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པ་མ་ཡིན་གྱི། འདི་ལྟར་ཁོ་བོ་ཅག་ནི་སྟོན་པའི་བཀའ་ལུང་གིས་འདོན་ཏོ། །གལ་ཏེ་ཁྱེད་ཅག་ [277a.2]སྡུག་བསྔལ་བ་དང་། ཡིད་མི་བདེ་བ་སྐྱེ་ན་ཅིའི་ཕྱིར་ལྷག་པར་སྤྱོད་པར་བྱེད། དགེ་སློང་དོན་ཉུང་ངུ་དག་ཅིའི་ཕྱིར། དགེ་སློང་དག་ཕམ་པར་འགྱུར་བ་བཞི་པོ་དག་འདོན་པའི་ཚེ་ནི་ཅང་མི་སྨྲ་བར་འཁོད་ལ། དགེ་འདུན་ལྷག་མ་བཅུ་གསུམ་འདོན་པའི་ཚེ་ནི་འདི་སྐད་ [277a.3]ཅེས་ཚེ་དང་ལྡན་པ་དག་གང་ལ་གཞི་ངེས་པ་དང་། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ་བདག་ཅག་གི་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པར་འགྱུར་བ་བསླབ་ [277a.4]པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར། དེ་བཞིན་དུ་མ་ངེས་པ་གཉིས་དང་། སྤང་བའི་ལྟུང་བྱེད་ཀྱི་ཆོས་སུམ་བཅུ་དང་། ལྟུང་བྱེད་ཀྱི་ཆོས་དགུ་བཅུ་དང་། སོ་སོར་ [277a.5]བཤགས་པར་བྱ་བའི་ཆོས་བཞི་དང་། བསླབ་པའི་ཆོས་མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་དག་འདོན་པའི་ཚེ་ན་ཡང་འདི་སྐད་ཅེས་ཚེ་དང་ལྡན་པ་དག་གང་ལ་གཞི་ངེས་པ་དང་། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ་བདག་ཅག་གི་ [277a.6]རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ [277a.7]བཏོན་པ་དག་གིས་ཅི་བྱ་ཞེས་ཟེར་ཞིང་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་ [277b] [277b.1]གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ [277b.2]ལ་རྨས་པ། དགེ་སློང་དག་ཁྱེད་ཅག་ཕམ་པར་འགྱུར་བ་བཞི་པོ་དག་འདོན་པའི་ཚེ་ནི་ཅང་མི་སྨྲ་བར་འཁོད་ལ། དགེ་འདུན་ལྷག་མ་བཅུ་གསུམ་འདོན་པའི་ཚེ་ནི་འདི་སྐད་ཅེས་ཚེ་དང་ལྡན་པ་དག་གང་ལ་གཞི་ངེས་པ་དང་། གང་ཟག་ངེས་པ་རབ་ཏུ་ཤེས་ [277b.3]པ་ཡོད་བཞིན་དུ། བདག་ཅག་གི་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་ [277b.4]གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ། དེ་བཞིན་དུ་མ་ངེས་པ་གཉིས་དང་། སྤང་བའི་ལྟུང་བྱེད་ཀྱི་ཆོས་སུམ་བཅུ་དང་། ལྟུང་བྱེད་ཀྱི་ཆོས་དགུ་བཅུ་དང་། སོ་སོར་བཤགས་པར་བྱའི་ཆོས་བཞི་དང་། བསླབ་པའི་ [277b.5]ཆོས་མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་དག་འདོན་པའི་ཚེ་ཡང་འདི་སྐད་ཅེས་ཚེ་དང་ལྡན་པ་དག་གང་ལ་གཞི་ངེས་པ་དང་། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ་བདག་ཅག་གི་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་ [277b.6]གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་སྨྲས་པ་བདེན་ནམ། བཙུན་ [277b.7]པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་ [278a] [278a.1]རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་ [278a.2]པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པ་དང་། [278a.3]ཡིད་ལ་གཅགས་པ་དང་། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར་ཞིང་བསླབ་པ་ཁྱད་དུ་གསོད་ན་ལྟུང་བྱེད་དོ། །ཡང་དགེ་སློང་གང་ [278a.4]ཞེས་བྱ་བ་ནི་དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །ཟླ་བ་ཕྱེད་ཕྱེད་ཅིང་ཞེས་བྱ་བ་ནི་ཟླ་བ་ཕྱེད་ཕྱེད་ཅིང་ངོ་། །སོ་སོར་ཐར་པ་ཞེས་བྱ་བ་ནི་ཕམ་པར་འགྱུར་བའི་ཆོས་བཞི་དང་། དགེ་འདུན་ལྷག་མའི་ཆོས་བཅུ་གསུམ་དང་། མ་ངེས་པའི་ཚེས་གཉིས་ [278a.5]དང་། སྤང་བའི་ལྟུང་བྱེད་ཀྱི་ཆོས་སུམ་བཅུ་དང་། ལྟུང་བྱེད་ཀྱི་ཆོས་དགུ་བཅུ་དང་། སོ་སོར་བཤགས་པར་བྱ་བའི་ཆོས་བཞི་དང་། བསླབ་པའི་ཆོས་མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་དག་གོ། །མདོ་ཞེས་བྱ་བ་ནི་དེས་ཉེ་བར་སྦྱར་བའི་ [278a.6]མདོའམ། ཡང་ན་མདོ་ཡང་དག་པར་སྦྱར་བའོ། །གདོན་པ་འདོན་པ་ན་ཞེས་བྱ་བ་ནི་རབ་ཏུ་སྟོན་པ་ནའོ། །འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ [278a.7]ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར་ཞིང་བསླབ་པ་ཁྱད་དུ་གསོད་ན་ཞེས་བྱ་བ་ནི་བསླབ་པ་ཁྱད་དུ་གསོད་པའི་བསམ་པས་ངག་དང་། ཚིག་དང་། ཐ་སྙད་དང་། སྐད་དང་། བརྗོད་པ་དང་། ངེས་ [278b] [278b.1]པའི་ཚིག་དང་། ཚིག་གི་ལམ་དང་། ཚིག་གི་སྒྲ་དང་། ངག་གི་ལས་དང་། ངག་གི་རྣམ་པར་རིག་བྱེད་བརྗོད་པའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་ [278b.2]སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ [278b.3]ཞེ་ན། དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་ [278b.4]འདི་སྐད་ཅེས་ཚེ་དང་ལྡན་པ་དག་གང་དག་གིས་ནི་དགེ་སློང་རྣམས་ཡིད་ལ་གཅགས་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་ [278b.5]དགེ་སློང་རྣམས་ལ་གནོད་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་གདུང་བར་འགྱུར་བ་འདི་དག་བཏོན་པས་ཅི་བྱ་ [278b.6]ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་ཀུན་དུ་གདུང་བར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་ [278b.7]འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་ཡོངས་སུ་གདུང་བར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་ [279a] [279a.1]དག་གང་དག་གིས་དགེ་སློང་རྣམས་འགྱོད་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་མངོན་པར་མི་ [279a.2]དགའ་བར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་རྣམ་པར་འཁྱམ་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ [279a.3]ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་། དགེ་འདུན་ལྷག་མའི་ཆོས་བཅུ་གསུམ་དང་། མ་ངེས་པའི་ཆོས་གཉིས་དང་། སྤང་བའི་ལྟུང་བྱེད་ཀྱི་ཆོས་སུམ་བཅུ་དང་། ལྟུང་བྱེད་ཀྱི་ཆོས་དགུ་བཅུ་དང་། སོ་སོར་བཤགས་པར་བྱ་བའི་ཆོས་བཞི་དང་། བསླབ་པའི་ཆོས་ [279a.4]མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་པ་དང་། གདུང་བ་དང་། ཀུན་དུ་གདུང་བ་དང་། ཡོངས་སུ་གདུང་བ་དང་། འདོད་པ་ [279a.5]དང་། མངོན་པར་མི་དགའ་བ་དང་། རྣམ་པར་འཁྱམ་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་གཞི་དག་དང་། ཕྲན་ཚེགས་དག་དང་། གླེང་གཞི་དག་དང་། སིལ་བུ་དག་དང་། འདུལ་བ་ལྔ་པ་དག་དང་། འདུལ་ [279a.6]བ་དྲུག་པ་དང་། འདུལ་བའི་མ་མོ་དག་དང་། དེ་ལས་གཞན་པ་འདུལ་བ་དང་ལྡན་པའི་མདོ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པ་དང་། ཡིད་ལ་གཅགས་པ་དང་། གནོད་སེམས་དང་། གདུང་བ་དང་། ཀུན་ཏུ་གདུང་བ་དང་། [279a.7]ཡོངས་སུ་གདུང་བ་དང་། འདོད་པ་དང་། མངོན་པར་མི་དགའ་བ་དང་། རྣམ་པར་འཁྱམ་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ལྟུང་བྱེད་དུ་འགྱུར་རོ། །དགེ་སློང་དེ་ལས་གཞན་པའི་མདོ་སྡེ་དག་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་ [279b] [279b.1]འགྱོད་པ་དང་། ཡིད་ལ་གཅགས་པ་དང་། གནོད་པ་དང་། གདུང་བ་དང་། ཀུན་དུ་གདུང་བ་དང་། ཡོངས་སུ་གདུང་བ་དང་། འདོད་པ་དང་། མངོན་པར་མི་དགའ་བ་དང་། རྣམ་པར་འཁྱམ་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན་ཉེས་བྱས་སུ་འགྱུར་རོ། །ལས་ [279b.2]དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསླབ་པ་ཁྱད་དུ་གསོད་པའི་ལྟུང་བྱེད་དེ་བཅུ་པ་རྫོགས་{སྷོ,སོ}།། །།སྡོམ་ལ། ས་བོན་འཕྱ་བ་བསྒོ་བ་དང་། །ཁྲི་དང་གདིང་དང་སྐྲོད་པ་དང་། །ཕྱིས་གནོད་ [279b.3]འབྱུང་བ་འདེབས་པ་དང་། །རིམ་པ་གཉིས་སུ་རྩིག་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་སྔོན་ཤིང་མཁན་རྒན་ཞུགས་བྱིས་པ། རྨོངས་པ། མི་གསལ་བ་མི་ [279b.4]མཁས་པ་ཞིག་གིས་ཤིང་ལྗོན་པ་བཅད་ནས་དགེ་འདུན་གྱི་གཙུག་ལག་ཁང་བྱེད་དུ་བཅུག་གོ། །དེ་ནས་ཤིང་ལྗོན་པ་དེ་ལ་གནས་པའི་ལྷ་ཁ་དོག་ཤིན་ཏུ་འདས་པ་གང་ཡིན་པ་དེ་མཚན་མོ་ནམ་སྲོས་པ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ [279b.5]ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་པ་དང་། འདི་ལྟར་ལྷ་དེའི་ཁ་དོག་གི་མཐུས་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ལྷ་དེས་འདི་སྐད་ཅེས་གསོལ་ཏོ། །བཙུན་པ་ [279b.6]སྔོན་ཤིང་མཁན་རྒན་ཞུགས་བྱིས་པ། རྨོངས་པ། མི་གསལ་བ། མི་མཁས་པ་ཞིག་གིས་བདག་གི་གནས་པ་དང་། གླིང་དང་། སྐྱོབ་པ་དང་། སྐྱབས་དང་། དཔུང་གཉེན་དང་། གནས་མལ་དང་། གཞི་དང་། རྟེན་གྱི་ཞུགས་ཤིང་ལྗོན་པ་གང་ལགས་པ་དེ་བཀུམ་ནས་དགེ་འདུན་གྱི་ [279b.7]གཙུག་ལག་ཁང་བགྱིད་དུ་སྩལ་ཏེ། བཙུན་པ་དགུན་གྱི་དགུང་ནི་རིང་། དགུན་སྨད་ཀྱི་དུས་ཀྱི་ཚེ་ནི་ཚེས་བརྒྱད་ཀྱི་བར་ལ་འོད་མ་འགས་པའི་བསེར་མ་དག་ལྡང་ཞིང་བཙུན་པ་བདག་གི་བུ་དང་ཕྲུག་གུ་དག་ནི་ཆུང་ན་བདག་གིས་ཇི་ལྟར་བགྱི། དེ་ནས་བཅོམ་ལྡན་འདས་ཀྱིས་ལྷ་ཞིག་ [280a] [280a.1]ལ་བཀའ་སྩལ་པ། ལྷ་ཁྱོད་ཀྱི་གནས་སུ་ལྷ་འདིའི་གནས་བྱིན་ཅིག །ལྷ་དེས་འདི་ལྟ་སྟེ། སྟོན་པའི་བཀའ་ལུང་གིས་རང་གི་གནས་སུ་ལྷ་དེའི་གནས་བྱིན་ནོ། །དེ་ནས་བཅོམ་ལྡན་འདས་དེ་ཉིད་ཀྱི་མཚན་མོ་འདས་པ་དང་དགེ་སློང་གི་དགེ་འདུན་གྱི་གོང་དུ་གདན་ [280a.2]བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མདང་ལྷ་ཁ་དོག་ཤིན་ཏུ་འདས་པ་ཞིག་མཚན་མོ་ནམ་སྲོས་པ་དང་ང་ག་ལ་བ་དེར་འོངས་ཏེ་ཕྱིན་ནས། ངའི་ཞབས་གཉིས་ལ་མགོ་བོས་ཕྱག་འཚལ་ཏེ་ [280a.3]མཐའ་གཅིག་ཏུ་འདུག་པ་དང་། འདི་ལྟར་ལྷ་དེའི་ཁ་དོག་གི་མཐུས་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །མཐའ་གཅིག་ཏུ་འདུག་ནས་ང་ལ་ལྷ་དེ་འདི་སྐད་ཅེས་བཙུན་པ་སྔོན་ཤིང་མཁན་རྒན་ཞུགས་བྱིས་པ། རྨོངས་པ། མི་གསལ་བ། མི་ [280a.4]མཁས་པ་ཞིག་གིས་བདག་གི་གནས་དང་། གླིང་དང་། སྐྱོབ་པ་དང་། སྐྱབས་དང་། དཔུང་གཉེན་དང་། གནས་མལ་དང་། གཞི་དང་། རྟེན་གྱི་ཞུགས་ཤིང་ལྗོན་པ་གང་ལགས་པ་དེ་བཀུམ་ནས་དགེ་འདུན་གྱི་གཙུག་ལག་ཁང་བགྱིད་དུ་སྩལ་ཏེ། བཙུན་པ་དགུན་གྱི་དགུང་ [280a.5]ནི་རིང་། དགུན་སྨད་ཀྱི་དུས་ཀྱི་ཚེ་ནི་ཚེས་བརྒྱད་ཀྱི་བར་ལ་འོད་མ་འགས་པའི་བསེར་མ་དག་ལྡང་ཞིང་། བཙུན་པ་བདག་གི་བུ་དང་ཕྲུག་གུ་དག་ནི་ཆུང་ན་བདག་གིས་ཇི་ལྟར་བགྱི་ཞེས་ཟེར་བས་དགེ་སློང་དག་འདི་ལྟར་ལྷ་དག་དེ་སྐད་ཅེས། ཀྱེ་མ་ཤཱཀྱའི་བུའི་དགེ་སྦྱོང་རྣམས་ [280a.6]ནི་འདི་ལྟ་སྟེ། དགེ་བའི་ཆོས་རྣམས་ཀྱིས་ཡོངས་སུ་ཉམས་པར་འགྱུར་རོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པ་དེ་ནི་མི་མཛེས་ཤིང་ཚུལ་དང་མཐུན་པ་མ་ཡིན་ནོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཉེས་དམིགས་གང་ཅུང་ཟད་ཅི་བྱུང་བ་དེ་ནི་ [280a.7]དགེ་སློང་དག་ཤིང་ལྗོན་པ་གཅོད་པར་བྱེད་པ་ལས་གྱུར་པ་ཡིན་ནོ་སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་གིས་ཤིང་ལྗོན་པ་གཅད་པར་མི་བྱའོ། །གཅོད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་འབྲོག་གནས་ན་ [280b] [280b.1]འབྲོག་གི་ནགས་མཆོག་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་ཤིང་ལྗོན་པ་གཅད་པར་མི་བྱའོ་ཞེས་བཀའ་སྩལ་ནས། དགེ་སློང་ལག་གི་བླ་དག་གིས་ཤིང་མེད་པས་མཁར་ལན་དག་བཏང་བར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་ [280b.2]རྨེད་པར་མཛད་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་དགེ་སློང་ལག་གི་བླ་དག་གིས་མཁར་ལན་དག་བཏང་བར་གྱུར། བཙུན་པ་བཅོམ་ལྡན་འདས་ཀྱིས་དགེ་སློང་གིས་ཤིང་ལྗོན་པ་གཅད་པར་མི་བྱའོ་ཞེས་བཀའ་སྩལ་ [280b.3]ནས། དགེ་སློང་ལག་གི་བླ་དག་གིས་ཞུགས་ཤིང་མ་མཆིས་པས་མཁར་ལན་བཏང་བར་གྱུར་ཏོ། །ཀུན་དགའ་བོ་ངས་དགེ་སློང་ལག་གི་བླའི་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་ལག་གི་བླས་ཞག་བདུན་ནམ་བརྒྱད་ཀྱིས་ཤིང་ལྗོན་པ་གཅོད་པར་འགྱུར་བ་ན་ [280b.4]ཤིང་ལྗོན་པ་དེའི་དྲུང་དུ་དཀྱིལ་འཁོར་བྱ་ཞིང་། སྤོས་དང་། མེ་ཏོག་དང་། གཏོར་མ་ཡང་སྦྱིན་པར་བྱ། རྒྱུད་ཆགས་གསུམ་པ་ཡང་བཀླག་པར་བྱ། ཡོན་བཤད་པ་ཡང་བྱ་ཞིང་དགེ་བ་བཅུའི་ལས་ཀྱི་ལམ་དག་ཉེ་བར་གཞག་པར་ཡང་བྱ། མི་དགེ་བ་བཅུའི་ལས་ཀྱི་ལམ་དག་གི་བསྔགས་པ་ [280b.5]མ་ཡིན་པ་དག་ཀྱང་བརྗོད་པར་བྱ། འདི་སྐད་ཅེས་ཤིང་ལྗོན་པ་འདི་ལ་ལྷ་གང་གནས་པ་དེ་གནས་གཞན་ཚོལ་ཅིག །ཤིང་ལྗོན་པ་འདིས་མཆོད་རྟེན་གྱིའམ། ཆོས་ཀྱིའམ། དགེ་འདུན་གྱི་བྱ་བ་བྱེད་པར་འགྱུར་རོ་ཞེས་ཀྱང་བརྗོད་པར་བྱའོ། །དེའི་འོག་ཏུ་ཉི་མ་བདུན་ནམ་བརྒྱད་ [280b.6]ཀྱིས་ཤིང་ལྗོན་པ་དེ་གཅད་པར་བྱའོ། །གལ་ཏེ་འགྱུར་བ་སྟོན་ན་གཅད་པར་མི་བྱའོ། །འོན་ཏེ་མི་སྟོན་ན་གཅད་པར་བྱའོ། །དགེ་སློང་ལག་གི་བླས་ཀུན་དུ་སྤྱད་པའི་ཆོས་ཇི་ལྟར་བཅས་པ་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་ [280b.7]དུ་འགྱུར་རོ། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་ [281a] [281a.1]དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་རང་གི་ལག་གིས་ཤིང་ལྗོན་པ་གཅོད་ཅིང་གཅོད་དུ་འཇུད་པར་ཡང་བྱེད། རྩྭ་སྔོན་པོ་རྔ་ཞིང་རྔར་འཇུད་པར་ཡང་བྱེད། མེ་ཏོག་དག་འཐོག་ཅིང་འཐོག་ཏུ་འཇུད་པར་ཡང་ [281a.2]བྱེད་ནས་གཞན་མུ་སྟེགས་ཅན་དག་ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་རང་གི་ལག་གིས་ཤིང་ལྗོན་པ་གཅོད་ཅིང་གཅོད་དུ་འཇུད་པར་ཡང་བྱེད། རྩྭ་སྔོན་པོ་རྔ་ཞིང་རྔར་འཇུད་པར་ཡང་བྱེད། མེ་ཏོག་དག་འཐོག་ཅིང་འཐོག་ཏུ་འཇུད་པར་ཡང་ [281a.3]བྱེད་དེ། བྲམ་ཟེ་དང་། ཁྱིམ་བདག་འདི་དག་ཀྱང་རང་གི་ལག་གིས་ཤིང་ལྗོན་པ་གཅོད་ཅིང་གཅོད་དུ་འཇུད་པར་ཡང་བྱེད། རྩྭ་སྔོན་པོ་རྔ་ཞིང་རྔར་འཇུད་པར་ཡང་བྱེད། མེ་ཏོག་དག་འཐོག་ཅིང་འཐོག་ཏུ་འཇུད་པར་ཡང་བྱེད་པས་ཤེས་ལྡན་དག་ཤཱཀྱའི་བུའི་ [281a.4]དགེ་སྦྱོང་འདི་དག་དང་། བྲམ་ཟེ་དང་། ཁྱིམ་བདག་འདི་དག་ལ་བྱེ་བྲག་ནི་ཅི་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ཞེས་སྨོད་པར་བྱེད། ཕྱར་ཀ་གཏོང་ [281a.5]བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་ [281a.6]སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཅག་རང་ [281a.7]གི་ལག་གིས་ཤིང་ལྗོན་པ་གཅོད་ཅིང་གཅོད་དུ་འཇུད་པར་ཡང་བྱེད། རྩྭ་སྔོན་པོ་རྔ་ཞིང་རྔར་འཇུད་པར་ཡང་བྱེད། མེ་ཏོག་དག་འཐོག་ཅིང་འཐོག་ཏུ་འཇུད་པར་ཡང་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ [281b] [281b.1]ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་ [281b.2]སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་ [281b.3]གདོན་པར་བྱ་སྟེ། ས་བོན་གྱི་ཚོགས་དང་། འབྱུང་པོའི་གནས་འཇིག་གམ། འཇིག་ཏུ་འཇུད་ན་ལྟུང་བྱེད་དོ། །ས་བོན་གྱི་ཚོགས་ཞེས་བྱ་བ་ནི་ས་བོན་ལྔ་སྟེ། རྩ་བའི་ས་བོན་དང་། སྡོང་བུའི་ས་བོན་དང་། ཐོ་གུའི་ས་བོན་དང་། འགས་པའི་ས་བོན་དང་། ས་ [281b.4]བོན་གྱི་ས་བོན་ཉིད་ནི་ལྔ་པའོ། རྩ་བའི་ས་བོན་གང་ཞེ་ན། བླ་སྒང་དང་། ཤུ་དག་དང་། ཡུང་དང་། སྒེའུ་གཤེར་དང་། བོང་ང་དཀར་པོ་དང་། གཞན་ཡང་རྩ་བ་བཏབ་པ་ལས་རྩ་བ་ཉིད་སྐྱེ་བ་གང་ཡིན་པའོ། །སྡོང་བུའི་ས་བོན་གང་ཞེ་ན། ཤིང་ཀན་ཙ་ [281b.5]ན་དང་། ཀ་པི་ཏ་ལ་དང་། ཨ་ཤྭཏྠ་དང་། ཨུ་དུམ་བཱ་ར་དང་། ནྱ་གྲོ་དྷ་དང་། གཞན་ཡང་སྡོང་བུ་བཏབ་པ་ལས་སྡོང་བུ་ཉིད་སྐྱེ་བ་གང་ཡིན་པའོ། །ཐོ་གུའི་ས་བོན་གང་ཞེ་ན། བུ་རམ་ཤིང་དང་། འདམ་བུ་དང་། སྨིག་མ་དང་། རྒྱ་མཚོ་ནས་འབྱུང་བ་དང་། [281b.6]གཞན་ཡང་ཐོ་གུ་བཏབ་པ་ལས་ཐོ་གུ་ཉིད་སྐྱེ་བ་གང་ཡིན་པའོ། །འགས་པའི་ས་བོན་གང་ཞེ་ན། ཨརྫ་ཀ་དང་། སརྫ་ཀ་དང་། ཕ་ནི་ན་རྫ་ཀ་དང་། བྷུ་སྟྲིན་དང་། ཛམ་བྷ་རི་དང་། གཞན་ཡང་འགས་པ་བཏབ་པ་ལས་འགས་པ་ཉིད་སྐྱེ་བ་གང་ཡིན་པའོ། ། [281b.7]ས་བོན་གྱི་ས་བོན་གང་ཞེ་ན། སཱ་ལུ་དང་། ནས་དང་། གྲོ་དང་། མོན་སྲན་སྡེའུ་དང་། མོན་སྲེན་གྲེའུ་དང་། ཡུངས་ཀར་དང་། གཞན་ཡང་ས་བོན་བཏབ་པ་ལས་ས་བོན་ཉིད་སྐྱེ་བ་གང་ཡིན་པའོ། །འབྱུང་པོའི་གནས་ཞེས་བྱ་བ་ལ་འབྱུང་པོ་ཞེས་བྱ་བ་ནི་ [282a] [282a.1]གྲོག་སྦུར་དག་དང་། ཕྱེ་མ་ལེབ་དག་དང་། སྦྲང་བུ་དག་དང་། ཏིལ་དང་ཕུབ་མ་ཟ་བ་དག་དང་། སྦྲུལ་དག་དང་། སྡིག་པ་དག་དང་། སྦྲང་བུ་ཏྲེ་མ་པུ་ཀ་དག་དང་། ཏྲཻ་ལ་ཏ་ཀ་དག་གོ། །དེ་དག་གི་གནས་ཞེས་བྱ་བ་ནི་ཤིང་ལྗོན་ [282a.2]པ་ལ་སོགས་པའོ། །དེ་དག་འཇིག་གམ་འཇིག་ཏུ་འཇུད་ན་ཞེས་བྱ་བ་ནི་འབྱིན་པ་དང་། སྙོལ་བ་དང་། གཅོད་པ་དང་། འབིགས་པ་དང་། འཚེག་པ་དང་། འཚེག་ཏུ་འཇུག་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། ཡི་ [282a.3]དགས་ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ [282a.4]ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན།། །།བར་སྡོམ་ལ། །ས་བོན་ལྔ་དང་ཉམས་བྱེད་དང་། །ལྗོན་ཤིང་གཅོད་དང་རྩྭ་རྔ་དང་། །སྔོ་དང་འཆག་དང་རྩྭ་རྒྱུན་དང་། །ཉ་ལྕིབས་ཤ་མོ་རླམ་ཉིད་དོ། །དགེ་སློང་གིས་རྩ་བའི་ས་བོན་ལ་ [282a.5]རྩ་བའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་ནས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། [282a.6]གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། [282a.7]གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་ [282b] [282b.1]བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་ཐོ་གུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། [282b.2]གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་ [282b.3]འགས་པའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། [282b.4]གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ [282b.5]ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་ [282b.6]དུ་འཇུད་ན་ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་སྡོང་བུའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་ [282b.7]འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་སྡོང་བུའི་ས་བོན་ལ་རྩ་བའི་ [283a] [283a.1]ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་ [283a.2]དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་སྡོང་བུའི་ས་བོན་ལ་ཐོ་གུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ [283a.3]ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་ [283a.4]འཇུད་ན་ཉེས་བྱས་སུ་འགྱུར་རོ། །དགེ་སློང་གིས་སྡོང་བུའི་ས་བོན་ལ་འགས་པའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ [283a.5]ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་སྡོང་བུའི་ས་བོན་ལ་ས་བོན་གྱི་ས་ [283a.6]བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་ [283a.7]དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་ཐོ་གུའི་ས་བོན་ལ་ཐོ་གུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ [283b] [283b.1]ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་ [283b.2]དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་ཐོ་གུའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་ [283b.3]འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་ཐོ་གུའི་ས་བོན་ལ་སྡོང་ [283b.4]བུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་ [283b.5]འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་ཐོ་གུའི་ས་བོན་ལ་འགས་པའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ [283b.6]ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་ [283b.7]འཇུད་ན་ཉེས་བྱས་སུ་འགྱུར་རོ། །དགེ་སློང་གིས་ཐོ་གུའི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་ [284a] [284a.1]དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་འགས་པའི་ [284a.2]ས་བོན་ལ་འགས་པའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་ [284a.3]གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་འགས་པའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་ [284a.4]གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་ [284a.5]གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་འགས་པའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་ [284a.6]གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་ [284a.7]སློང་གིས་འགས་པའི་ས་བོན་ལ་ཐོ་གུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ [284b] [284b.1]ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་འགས་པའི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་ [284b.2]པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ [284b.3]ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་ས་བོན་གྱི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་ [284b.4]དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་ས་བོན་གྱི་ [284b.5]ས་བོན་ལ་རྩ་བའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་ [284b.6]གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་ས་བོན་གྱི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། [284b.7]གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་ [285a] [285a.1]བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་ས་བོན་གྱི་ས་བོན་ལ་ཐོ་གུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་ [285a.2]གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། ། [285a.3]དགེ་སློང་གིས་ས་བོན་གྱི་ས་བོན་ལ་འགས་པའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་ [285a.4]སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག །ས་བོན་རྣམ་པར་ཉམས་པར་གྱུར་ཅིག་ [285a.5]སྙམ་པས་ས་བོན་གྱི་རིགས་ལྔ་པོ་དག་མེར་འཇུད་པར་བྱེད་ཅིང་། ས་བོན་ཉམས་པ་དང་། ས་བོན་རྣམ་པར་ཉམས་པར་གྱུར་ན་དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་མ་གྱུར་ན་ཉེས་བྱས་ལྔར་ [285a.6]འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག །ས་བོན་རྣམ་པར་ཉམས་པར་གྱུར་ཅིག་སྙམ་པས་ས་བོན་གྱི་རིགས་ལྔ་པོ་དག་ཆུར་འཇུད་ཅིང་། ས་བོན་ཉམས་པ་དང་། ས་བོན་རྣམ་པར་ཉམས་པར་གྱུར་ན་དགེ་སློང་ལ་ལྟུང་བྱེད་ལྔར་ [285a.7]འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་མ་གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག །ས་བོན་རྣམ་པར་ཉམས་པར་གྱུར་ཅིག་སྙམ་པས་ས་བོན་གྱི་རིགས་ལྔ་པོ་དག་གཏུན་དུ་བླུགས་ཏེ་ [285b] [285b.1]གཏུན་བུས་བརྡུངས་ནས་ས་བོན་ཉམས་པ་དང་། ས་བོན་རྣམ་པར་ཉམས་པར་གྱུར་ན་དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་མ་གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་ [285b.2]གྱུར་ཅིག །ས་བོན་རྣམ་པར་ཉམས་པར་གྱུར་ཅིག་སྙམ་པས་ས་བོན་གྱི་རིགས་ལྔ་པོ་དག་ས་སྐམ་པོ་ལ་འཇོག་ཅིང་ས་བོན་ཉམས་པ་དང་། ས་བོན་རྣམ་པར་ཉམས་པར་གྱུར་ན་དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་ [285b.3]མ་གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག །ས་བོན་རྣམ་པར་ཉམས་པར་གྱུར་ཅིག་སྙམ་པས་ས་བོན་གྱི་རིགས་ལྔ་པོ་དག་ཚྭ་རྒོའམ། འགྱུར་བྱེད་དམ། ལྕི་བའམ། སས་འགེབས་པར་བྱེད་ཅིང་ས་བོན་ཉམས་པ་དང་། ས་བོན་རྣམ་ [285b.4]པར་ཉམས་པར་གྱུར་ན་དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་མ་གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག །ས་བོན་རྣམ་པར་ཉམས་པར་གྱུར་ཅིག་སྙམ་པས་ས་ [285b.5]བོན་གྱི་རིགས་ལྔ་པོ་དག་ལ་ཁུ་ཚན་ནམ། འབྲས་ཁུའམ། སྲན་ཚོད་ལྡུགས་པར་བྱེད་ཅིང་། ས་བོན་ཉམས་པ་དང་། ས་བོན་རྣམ་པར་ཉམས་པར་གྱུར་ན། དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང་། ས་བོན་རྣམ་པར་ཉམས་པར་མ་ [285b.6]གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་གཅིག་གཅོད་ན་ཉེས་བྱས་གཅིག་དང་། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་གཉིས་གཅོད་ན་ཉེས་བྱས་གཅིག་དང་ལྟུང་བྱེད་གཉིས་སུ་ [285b.7]འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་རབ་ཏུ་མང་པོ་གཅོད་ན་ཉེས་བྱས་གཅིག་དང་། ལྟུང་བྱེད་རབ་ཏུ་མང་པོར་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་ཤིང་ལྗོན་པ་གཅིག་གཅོད་ན་ཉེས་བྱས་གཉིས་དང་། ལྟུང་བྱེད་གཅིག་ཏུ་འགྱུར་རོ། ། [286a] [286a.1]དགེ་སློང་གིས་སྦྱོར་བ་གཉིས་ཀྱིས་ཤིང་ལྗོན་པ་གཉིས་གཅོད་ན་ཉེས་བྱས་གཉིས་དང་། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་ཤིང་ལྗོན་པ་རབ་ཏུ་མང་པོ་གཅོད་ན་ཉེས་བྱས་གཉིས་དང་། ལྟུང་བྱེད་རབ་ཏུ་མང་པོར་འགྱུར་རོ། །དགེ་ [286a.2]སློང་གིས་སྦྱོར་བ་རབ་ཏུ་མང་པོས་ཤིང་ལྗོན་པ་གཅིག་གཅོད་ན་ཉེས་བྱས་རབ་ཏུ་མང་པོ་དང་། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་ཤིང་ལྗོན་པ་གཉིས་གཅོད་ན་ཉེས་བྱས་རབ་ཏུ་མང་པོ་དང་། ལྟུང་བྱེད་གཉིས་སུ་འགྱུར་རོ། །དགེ་སློང་གིས་ [286a.3]སྦྱོར་བ་རབ་ཏུ་མང་པོས་ཤིང་ལྗོན་པ་རབ་ཏུ་མང་པོ་གཅོད་ན་ཉེས་བྱས་རབ་ཏུ་མང་པོ་དང་། ལྟུང་བྱེད་རབ་ཏུ་མང་པོར་འགྱུར་རོ། །དགེ་སློང་གིས་སྦྱོར་བ་གཅིག་གིས་རྩྭ་གཅིག་རྔ་ན་ཉེས་བྱས་གཅིག་དང་། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་གཅིག་གིས་རྩྭ་ [286a.4]གཉིས་རྔ་ན་ཉེས་བྱས་གཅིག་དང་། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་གཅིག་གིས་རྩྭ་རབ་ཏུ་མང་པོ་རྔ་ན་ཉེས་བྱས་གཅིག་དང་། ལྟུང་བྱེད་རབ་ཏུ་མང་པོར་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་རྩྭ་གཅིག་རྔ་ན་ཉེས་བྱས་གཉིས་དང་། [286a.5]ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་རྩྭ་གཉིས་རྔ་ན་ཉེས་བྱས་གཉིས་དང་། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་རྩྭ་རབ་ཏུ་མང་པོ་རྔ་ན་ཉེས་བྱས་གཉིས་དང་། ལྟུང་བྱེད་རབ་ཏུ་མང་པོར་འགྱུར་རོ། །དགེ་སློང་གིས་སྦྱོར་ [286a.6]བ་རབ་ཏུ་མང་པོས་རྩྭ་གཅིག་རྔ་ན་ཉེས་བྱས་རབ་ཏུ་མང་པོ་དང་། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་རྩྭ་གཉིས་རྔ་ན་ཉེས་བྱས་རབ་ཏུ་མང་པོ་དང་། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་རྩྭ་རབ་ཏུ་མང་པོ་རྔ་ན་ [286a.7]ཉེས་བྱས་རབ་ཏུ་མང་པོ་དང་། ལྟུང་བྱེད་རབ་ཏུ་མང་པོར་འགྱུར་རོ། །ཨུཏྤ་ལ་དང་། པད་མ་ལ་སོགས་པ་ལ་ཡང་དེ་བཞིན་དུ་རྒྱས་པར་སྦྱར་རོ། །དགེ་སློང་གིས་སྔོ་ཉམས་པར་གྱུར་ཅིག །སྔོ་རྣམ་པར་ཉམས་པར་གྱུར་ཅིག་སྙམ་པས་སྔོའི་ཕྱོགས་སུ་ཚྭ་རྒོའམ། འགྱུར་བྱེད་དམ། [286b] [286b.1]ལྕི་བའམ། སས་ཉུག་པར་བྱེད་ཅིང་། སྔོ་ཉམས་པ་དང་། རྣམ་པར་ཉམས་པར་གྱུར་ན་ལྟུང་བྱེད་དུ་འགྱུར་རོ། །སྔོ་ཉམས་པར་མ་གྱུར་ཅིང་རྣམ་པར་ཉམས་པར་མ་གྱུར་ན་ཉེས་བྱས་སུ་འགྱུར་རོ། །ཉུག་པའི་བསམ་པ་ལ་ནི་ལྟུང་བ་མེད་དོ། །དགེ་སློང་གིས་སྔོ་ཉམས་པར་གྱུར་ཅིག །སྔོ་རྣམ་པར་ཉམས་པར་ [286b.2]གྱུར་ཅིག་སྙམ་པས་སྔོའི་ཕྱོགས་སུ་ཁུ་ཚན་ནམ། འབྲས་ཁུའམ། སྲན་ཚོད་འཐོར་བར་བྱེད་ཅིང་། སྔོ་ཉམས་པ་དང་། རྣམ་པར་ཉམས་པར་གྱུར་ན་ལྟུང་བྱེད་དུ་འགྱུར་རོ། །སྔོ་ཉམས་པར་མ་གྱུར་ཅིང་རྣམ་པར་ཉམས་པར་མ་གྱུར་ན་ཉེས་བྱས་སུ་འགྱུར་རོ། །འདོར་བའི་བསམ་པ་ལ་ནི་ལྟུང་བ་མེད་དོ། ། [286b.3]དགེ་སློང་གིས་སྔོ་ཉམས་པར་གྱུར་ཅིག །སྔོ་རྣམ་པར་ཉམས་པར་གྱུར་ཅིག་སྙམ་པས་སྔོའི་ཕྱོགས་སུ་འཆག་པར་བྱེད་ཅིང་སྔོ་ཉམས་པ་དང་། རྣམ་པར་ཉམས་པར་གྱུར་ན་ལྟུང་བྱེད་དུ་འགྱུར་རོ། །སྔོ་ཉམས་པར་མ་གྱུར་ཅིང་སྔོ་རྣམ་པར་ཉམས་པར་མ་གྱུར་ན་ཉེས་བྱས་སུ་འགྱུར་རོ། །འཆག་པའི་བསམ་པ་ལ་ནི་ [286b.4]ལྟུང་བ་མེད་དོ། །དགེ་སློང་གིས་སྔོ་ཉམས་པར་གྱུར་ཅིག །སྔོ་རྣམ་པར་ཉམས་པར་གྱུར་ཅིག་སྙམ་པས་སྔོའི་ཕྱོགས་སུ་ཡལ་གའམ། སེག་གམ། རེ་ལྡེ་འདྲིན་པར་བྱེད་ཅིང་། སྔོ་ཉམས་པ་དང་། སྔོ་རྣམ་པར་ཉམས་པར་གྱུར་ན་ལྟུང་བྱེད་དུ་འགྱུར་རོ། །སྔོ་ཉམས་པར་མ་གྱུར་ཅིང་སྔོ་རྣམ་པར་ཉམས་པར་མ་གྱུར་ [286b.5]ན་ཉེས་བྱས་སུ་འགྱུར་རོ། །འདྲུད་པའི་བསམ་པ་ལ་ནི་ལྟུང་བ་མེད་དོ། །དགེ་སློང་གིས་ཤ་བལ་ཉམས་པར་གྱུར་ཅིག །ཤ་བལ་རྣམ་པར་ཉམས་པར་གྱུར་ཅིག་སྙམ་པས་ཤ་བལ་ཆགས་པའི་ཕྱོགས་སུ་འཆག་པར་བྱེད་ཅིང་། ཤ་བལ་ཉམས་པ་དང་། རྣམ་པར་ཉམས་པར་གྱུར་ན་ཉེས་བྱས་སུ་འགྱུར་རོ། ། [286b.6]ཤ་བལ་ཉམས་པར་མ་གྱུར་ཅིང་རྣམ་པར་ཉམས་པར་མ་གྱུར་ན་ཡང་ཉེས་བྱས་སུ་འགྱུར་རོ། །འཆག་པའི་བསམ་པ་ལ་ནི་ལྟུང་བ་མེད་དོ། །དགེ་སློང་གིས་ཤ་བལ་ཉམས་པར་གྱུར་ཅིག །ཤ་བལ་རྣམ་པར་ཉམས་པར་གྱུར་ཅིག་སྙམ་པས་ཤ་བལ་ཆགས་པའི་ཕྱོགས་སུ་ཁུ་ཚན་ནམ། འབྲས་ [286b.7]ཁུའམ། སྲན་ཚོད་འདོར་བར་བྱེད་ཅིང་ཤ་བལ་ཉམས་པ་དང་། ཤ་བལ་རྣམ་པར་ཉམས་པར་གྱུར་ན་ཉེས་བྱས་སུ་འགྱུར་རོ། །ཤ་བལ་ཉམས་པར་མ་གྱུར་ཅིང་རྣམ་པར་ཉམས་པར་མ་གྱུར་ན་ཉེས་བྱས་ཉིད་དུ་འགྱུར་རོ། །འདོར་བའི་བསམ་པ་ལ་ནི་ལྟུང་བ་མེད་དོ། །དགེ་སློང་གིས་ཤ་བལ་ཉམས་པར་གྱུར་ཅིག [287a] [287a.1]ཤ་བལ་རྣམ་པར་ཉམས་པར་གྱུར་ཅིག་སྙམ་པས་ཤ་བལ་ཆགས་པའི་ཕྱོགས་སུ་ཚྭ་རྒོའམ། འགྱུར་བྱེད་དམ། ལྕི་བའམ། སས་ཉུག་པར་བྱེད་ཅིང་ཤ་བལ་ཉམས་པ་དང་། ཤ་བལ་རྣམ་པར་ཉམས་པར་གྱུར་ན་ཉེས་བྱས་སུ་འགྱུར་རོ། །ཤ་བལ་ཉམས་པར་མ་གྱུར་ཅིང་རྣམ་པར་ཉམས་པར་མ་གྱུར་ན་ཡང་ཉེས་ [287a.2]བྱས་ཉིད་དུ་འགྱུར་རོ། །ཉུག་པའི་བསམ་པ་ལ་ནི་ལྟུང་བ་མེད་དོ། །དགེ་སློང་གིས་ཤིང་ལྗོན་པའི་རྩ་རྒྱུན་འབྱིན་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཤིང་ལྗོན་པའི་རྩ་བ་འབྱིན་པར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་ཤུན་པ་འཆུ་བར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ [287a.3]ཤིང་ལྗོན་པའི་བྲི་འཆུ་བར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཤིང་ལྗོན་པའི་སྙིང་པོ་འཆུ་བར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་ལོ་མ་རློན་པ་རློག་པར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་ལོ་མ་སེར་པོ་རློག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་ [287a.4]གིས་ཤིང་ལྗོན་པའི་མེ་ཏོག་ཁ་མ་བྱེ་བ་རློག་པར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་མེ་ཏོག་ཁ་བྱེ་བ་རློག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཤིང་ལྗོན་པའི་འབྲས་བུ་མ་སྨིན་པ་རློག་པར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་འབྲས་བུ་སྨིན་པ་རློག་པར་ [287a.5]བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཉ་ལྕིབས་འབྱིན་པར་བྱེད་ན་ཇི་སྲིད་དུ་ཆུ་ནས་སྐམ་ལ་འདོན་པར་མི་བྱེད་ཀྱི་བར་དུ་ཉེས་བྱས་སུ་འགྱུར་རོ། །ཆུ་ནས་སྐམ་ལ་འདོན་པར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་ཉ་ཚང་འདོན་པར་བྱེད་ན་ཇི་སྲིད་དུ་ཆུ་ནས་སྐམ་ལ་འདོན་པར་མི་བྱེད་ཀྱི་བར་དུ་ཉེས་བྱས་སུ་ [287a.6]འགྱུར་རོ། །ཆུ་ནས་སྐམ་ལ་འདོན་པར་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་ཤ་མོ་འཐོག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཕ་བ་གོལ་གོལ་འཐོག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་རྫ་མའམ། ཕྲུ་བའམ། རིལ་བའམ། གོས་སམ། གོས་ཀྱི་གདང་ལ་རླམ་ [287a.7]ཆགས་པ་བསྐྱོད་པར་བྱེད་ན་ཉེས་བྱས་སུ་འགྱུར་རོ། །རུང་བར་བྱས་ཏེ་སྤྱོད་པ་ལ་ནི་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ས་བོན་དང་སྐྱེ་བ་འཇིག་པའི་ལྟུང་བྱེད་དེ་བཅུ་གཅིག་པ་རྫོགས་{སྷོ,སོ}།། །།