[1a] [1a.1]༄༅༅། །འདུལ་བ་ན་བཞུགས་སོ། ། [1b] [1b.1]{D7}༄༅༅། །རྒྱ་གར་སྐད་དུ། བི་ན་ཡ་ཨུད་ཏ་ར་གྲན་ཐ། བོད་སྐད་དུ། འདུལ་བ་གཞུང་བླ་མ། བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ། །སྡོམ་ལ། དུད་འགྲོ་ [1b.2]གསུམ་དང་ལམ་གསུམ་དང་། །བུད་མེད་གཤེགས་དང་བཅད་པ་དང་། །འཛིན་པ་དང་ནི་བལྟབ་པ་དང་། །སོ་དང་མ་རེག་ཕག་མོ་ཡིན། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་ [1b.3]བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ཉེ་བ་འཁོར་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་ [1b.4]བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཉེ་བ་འཁོར་གྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་ [1b.5]སློང་གང་དགེ་སློང་རྣམས་དང་ལྷན་ཅིག་བསླབ་པ་མཚུངས་པར་ཞུགས་པས་བསླབ་པ་མ་ཕུལ། བསླབ་པ་ཉམས་པར་མ་བྱས་པར་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན། ཐ་ན་དུད་ [2a] [2a.1]འགྲོའི་སྐྱེ་གནས་སུ་གཏོགས་པ་དང་། ལྷན་ཅིག་ཀྱང་རུང་སྟེ། དགེ་སློང་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་མིའི་བུད་མེད་གསང་སྔགས་དང་། སྨན་དག་གིས་དུད་འགྲོའི་ [2a.2]སྐྱེ་གནས་པར་བསྒྱུར་ཏེ། །དེ་དང་ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་གསང་སྔགས་དང་། སྨན་དག་གིས་བདག་ཉིད་དུད་འགྲོའི་སྐྱེ་གནས་པར་བསྒྱུར་ཏེ། མིའི་བུད་མེད་དང་ [2a.3]ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། གལ་ཏེ་འཁྲིག་པ་ལས་བྱུང་བ་དང་ལྡན་པ་བྱར་མི་རུང་བར་དགེ་སློང་དུ་འདུ་ཤེས་ཡོད་ལ། དེ་ལ་ཡང་བྱེད་ན་མཐར་འགྱུར་རོ། །གལ་ཏེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། ། [2a.4]བཙུན་པ་རེ་ཞིག་དགེ་སློང་གཉིས་ཤིག་གིས་མིའི་བུད་མེད་དང་། བདག་ཉིད་གསང་སྔགས་དང་། སྨན་དག་གིས་དུད་འགྲོའི་སྐྱེ་གནས་པར་བསྒྱུར་ཏེ་ལྷན་ཅིག་ཕན་ཚུན་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། གལ་ཏེ་འཁྲིག་པ་ལས་བྱུང་བ་ [2a.5]དང་ལྡན་པ་བྱར་མི་རུང་བར་དགེ་སློང་དུ་འདུ་ཤེས་ཡོད་ལ། དེ་ཡང་བྱེད་ན་ནི་མཐར་འགྱུར་རོ། །གལ་ཏེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་བཅུག་མ་ཐག་ [2a.6]ཏུ་མཐར་འགྱུར་རོ་ཞེས་གསུངས་པ་གང་ལགས་པ། ཇི་ཙམ་གྱིས་ན་ཁའི་ལམ་དུ་བཅུག་པ་ཞེས་བགྱི། ཉེ་བ་འཁོར་སོ་ལས་ནོར་བུ་འདའ་བར་བྱེད་པ་ཙམ་གྱིས་སོ། །ཇི་ཙམ་གྱིས་ན་བཤང་བའི་ལམ་དུ་བཅུག་པ་ཞེས་བགྱི། ཇི་ཙམ་དུ་བུ་གའི་སྦུབས་ལས་ནོར་བུ་འདའ་བར་བྱེད་པ་ [2b] [2b.1]ཙམ་གྱིས་སོ། །ཇི་ཙམ་གྱིས་ན་གཅི་བའི་ལམ་དུ་བཅུག་པ་ཞེས་བགྱི། པགས་པའི་རིམ་པ་ལས་ནོར་བུ་འདའ་བར་བྱེད་པ་ཙམ་གྱིས་སོ། །བཙུན་པ་བུད་མེད་ཕྱེད་ཚལ་དུ་གཤགས་པར་གྱུར་ལ། འདིའི་རྨའི་སྒོ་གསུམ་ཡང་ཉམས་པར་གྱུར་པ། དགེ་སློང་གིས་ཚལ་པ་དང་ཚལ་པ་སྦྱར་ནས་མི་ཚངས་ [2b.2]པར་སྤྱོད་པ་འཁྲིག་པ་ལས་བྱུང་བའི་ཆོས་སྤྱད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་བུད་མེད་རྐེད་པར་བཅད་པར་གྱུར་ལ། འདིའི་རྨའི་སྒོ་གསུམ་ལས་རྨའི་སྒོ་གང་ཡང་རུང་བ་ཞིག་མ་ཉམས་པར་གྱུར་པ་དེ་ལ་ཡང་དགེ་སློང་གིས་མི་ཚངས་པར་སྤྱོད་པ་འཁྲིག་པ་ལས་ [2b.3]བྱུང་བའི་ཆོས་བསྟེན་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་མགོ་བཅད་པ་དང་ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། གལ་ཏེ་བཤང་བའི་ལམ་མམ། གཅི་བའི་ལམ་དུ་བསྟེན་ན་མཐར་འགྱུར་རོ། །ཇི་ [2b.4]སྟེ་ཁའི་ལམ་མམ། སྦུབས་སམ། ཕྲག་པའི་གསབ་གསེབ་ཏུ་སོ་སོར་བསྟེན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་བཅོམ་ལྡན་འདས་ཀྱིས་མི་མ་ཡིན་པ་མོ་དང་ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་མཐར་འགྱུར་རོ་ཞེས་གསུངས་པ་གང་ལགས་པ་ [2b.5]མི་མ་ལགས་པ་མོ་ཇི་ལྟ་བུ་ཞིག་ལགས། ཡན་ལག་ཐམས་ཅད་ཀྱིས་ཀྱང་གཟུང་དུ་ཆོག་པ་གང་ཡིན་པ་སྟེ། དེ་བཞིན་དུ་དུད་འགྲོའི་སྐྱེ་གནས་སུ་གཏོགས་པ་རྣམས་ལ་ཡང་བརྗོད་པར་བྱའོ། །བཙུན་པ་རེ་ཞིག་དགེ་སློང་གིས་སོའི་ཕྱི་རོལ་མཆུའི་ནང་དུ་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ [2b.6]ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བཤང་བའི་ལམ་མམ། གཅི་བའི་ལམ་མམ། ཁའི་ལམ་གང་ཡང་རུང་བར་མ་རེག་པར་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཕག་མོའི་རོ་བསྲེགས་པ་སྤུ་མ་ [2b.7]མཆིས་པ་ལ་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་ཏེ། དེ་བཞིན་དུ་དུད་འགྲོའི་སྐྱེ་གནས་སུ་གཏོགས་པ་ཐམས་ཅད་ལ་ཡང་བརྗོད་པར་བྱའོ།། །།སྡོམ་ལ། གཞན་གྱི་ཡན་ལག་སྐྱེས་དང་ནི། །སྤྱིལ་ཁང་གཉིས་དང་མཚན་གཉིས་ [3a] [3a.1]དང་། །ཉམས་པ་གཉིས་དང་བར་ཆད་བཅས། །དྲུག་ཚན་དང་ནི་བཞི་ཚན་ནོ། །བཙུན་པ་རེ་ཞིག་དགེ་སློང་གིས་གཞན་གྱི་ཡན་ལག་སྐྱེས་སུ་འཛུད་ན་ཅིར་འགྱུར་ལགས། །ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གཅིག་བུ་སྤྱིལ་བུར་ཞུགས་པ་ལ་མི་ཚངས་པར་སྤྱོད་ [3a.2]པའི་རྐྱེན་གྱིས་མཐར་འགྱུར་བ་ལྟ་མཆིས་ལགས་སམ། ཉེ་བ་འཁོར་འགྱུར་བ་ཡོད་དེ། དཔེར་ན་ནར་བ་པོ་དང་། རྒྱབ་གཉེན་ལྟ་བུའོ། །བཙུན་པ་རེ་ཞིག་དགེ་སློང་སྦྲང་ཁང་དུ་ཞུགས་པ་དེའི་སླད་རོལ་ན་བུད་མེད་ཅིག་མཆིས་པར་གྱུར་པ་ལ། དེས་ནང་ནས་ལོག་པར་སྤྱད་ན་ཅིར་འགྱུར་ལགས། [3a.3]མཐར་འགྱུར་རོ། །བཙུན་པ་རེ་ཞིག་དགེ་སློང་མི་ཚངས་པར་སྤྱོད་པ་ལ་ཞུགས་པ་དེའི་མཚན་གྱུར་ཏེ། དགེ་སློང་མར་རེད་ནས་མི་ཚངས་པར་སྤྱོད་པ་བགྱིད་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་མ་མི་ཚངས་པར་སྤྱོད་པ་ལ་ཞུགས་པ་དེའི་མཚན་གྱུར་ཏེ། དགེ་སློང་དུ་རེད་ནས་མི་ཚངས་ [3a.4]པར་སྤྱོད་པ་བགྱིད་ན་ཅིར་འགྱུར་ལགས། མཐར་འགྱུར་རོ། །བཙུན་པ་བཅོམ་ལྡན་འདས་ཀྱིས་མིའི་བུད་མེད་གསོན་པོར་ཉམས་པ་ཞེས་གསུངས་པ་གང་ལགས། ཇི་ཙམ་གྱིས་ན་མིའི་བུད་མེད་གསོན་པོར་ཉམས་པ་ཞེས་བགྱི། ཉེ་བ་འཁོར་ཇི་ཙམ་དུ་ཅུང་ཟད་ཟིན་པའམ། ཟིན་པའམ། སྐྲངས་པའམ། [3a.5]རུལ་བའམ། མྱགས་པའམ། སྲོག་ཆགས་དག་གིས་ཟོས་པར་གྱུར་པ་དེ་ཙམ་གྱིས་ན་མིའི་བུད་མེད་གསོན་པོར་ཉམས་པར་ཞེས་བརྗོད་དོ། །ཇི་ཙམ་གྱིས་ན་མིའི་བུད་མེད་གསོན་པོར་མ་ཉམས་པ་ཞེས་བགྱི། ཉེ་བ་འཁོར་ཇི་ཙམ་དུ་ངོས་གཉིས་མཉམ་ཞིང་མཉམས་པ་སྟེ། དེ་བཞིན་དུ་ཤི་བ་དང་མི་མ་ཡིན་པ་ [3a.6]མོ་དང་། དུད་འགྲོའི་སྐྱེ་གནས་སུ་གཏོགས་པ་དང་། སྐྱེས་པ་དང་། མ་ནིང་དང་། མ་ནིང་མོ་རྣམས་ལ་ཡང་བརྗོད་པར་བྱའོ། །བཙུན་པ་བཅོམ་ལྡན་འདས་ཀྱིས་བར་ཆད་དང་བཅས་པར་བཅུག་ན་མཐར་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གོས་རྔམས་སྟུག་པོའམ། [3a.7]ཕྱིང་པས་དཀྲིས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་སེང་རས་སམ། དར་ལའམ། གོས་སྲབ་མོས་དཀྲིས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་ལམ་ལ་ལམ་དུ་འདུ་ཤེས་ཏེ་བཅུག་ན་ཅིར་འགྱུར་ལགས། མཐར་འགྱུར་ [3b] [3b.1]རོ། །ལམ་ལ་ལམ་མ་ལགས་པར་འདུ་ཤེས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །ལམ་ལ་ཐེ་ཚོམ་འཚལ་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །ལམ་མ་ལགས་པ་ལ་ལམ་མ་ལགས་པར་འདུ་ཤེས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ལམ་ [3b.2]མ་ལགས་པ་ལམ་དུ་འདུ་ཤེས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ལམ་མ་ལགས་པ་ལ་ཐེ་ཚོམ་འཚལ་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བར་ཆད་དང་བཅས་པ་ལ་བར་ཆད་དང་བཅས་པར་འདུ་ཤེས་ཏེ་བཅུག་ན་ཅིར་ [3b.3]འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་དང་བཅས་པ་ལ་བར་ཆད་མ་མཆིས་པར་འདུ་ཤེས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་མ་མཆིས་པ་ལ་བར་ཆད་དང་བཅས་པར་འདུ་ཤེས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །བར་ [3b.4]ཆད་མ་མཆིས་པ་ལ་བར་ཆད་མ་མཆིས་པར་འདུ་ཤེས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །བཙུན་པ་དགེ་སློང་གིས་མིའི་བུད་མེད་དང་ལྷན་ཅིག་མི་ཚངས་པར་སྤྱད་ན་མཐར་མི་འགྱུར་བ་ལྟ་མཆིས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ [3b.5]ཅན་དང་། མ་ནིང་དང་། དགེ་སློང་མ་སུན་ཕྱུང་བས་མི་ཚངས་པར་སྤྱད་ན་ཉེས་བྱས་སུ་འགྱུར་རོ། །ཇི་ལྟར་དགེ་སློང་ལ་མི་ཚངས་པར་སྤྱད་པའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་ [3b.6]མ་ལ་ནི་ཉེས་བྱས་སོ།། །།སྡོམ་ལ། བརྒྱད་བཅུའི་ཚོགས་དང་རྒྱན་རྡོ་དང་། །རིན་ཐང་མ་བརྩིས་མཚན་དང་ནི། །བསྙེན་པར་རྫོགས་པ་བདུན་ཚན་བྱས། །ཤོ་གམ་ལ་ནི་བཅུ་གཉིས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། །བཙུན་པ་བཅོམ་ [3b.7]ལྡན་འདས་ཀྱིས་ཡང་དགེ་སློང་གང་གཞན་དག་གི་གྲོང་ན་འདུག་པའམ། དགོན་པ་ན་འདུག་པ་མ་བྱིན་པ་རྐུ་བའི་གྲངས་སུ་གཏོགས་པ་བླངས་ན། ཇི་ཙམ་མ་བྱིན་པར་བླངས་པས་དེ་རྒྱལ་པོའམ། བློན་པོ་ཆེན་པོས་བཟུང་ནས། དེ་ལ་འདི་སྐད་ཅེས་ཨེ་མ་ཀྱེ་ཁྱོད་ནི་རྐུན་མའོ། །བྱིས་པའོ། །བླུན་ [4a] [4a.1]པོའོ། །རྐུན་པོའོ་ཞེས་ཟེར་ཞིང་གསོད་དམ། འཆིང་ངམ། སྤྱུགས་ཀྱང་རུང་སྟེ། དགེ་སློང་མ་བྱིན་པ་དེ་ལྟ་བུར་ལེན་པ་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་བརྒྱད་བཅུ་པའི་ཚོགས་གཉིས་ཀར་བདག་ཉིད་གཏོགས་ [4a.2]པར་བགྲངས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་བའི་ཉེས་བྱས་སུ་འགྱུར་རོ། །དེའི་སྐལ་པ་ཆོས་དང་མཐུན་པ་གང་ལས་ལགས། དང་པོ་ལས་སོ། །གལ་ཏེ་བླངས་ནས་བསྙོན་ན་ཅིར་འགྱུར་ལགས། ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བྱེད་དུ་འགྱུར་རོ། །གང་གི་ཚེ་གྲུབ་པ་དེའི་ཚེ་ནི་རིན་ཐང་ [4a.3]བརྩི་བར་བྱའོ། །བཙུན་པ་རེ་ཞིག་མི་རྣམས་ཀྱིས་རྒྱན་རྡོ་བཀོད་པར་གྱུར་ལ། དེ་ནས་དགེ་སློང་གིས་བརྐུ་སེམས་ཀྱིས་རྒྱན་རྡོ་རིན་ཆེན་པོ་ཞིག་རྔམས་ཆུང་ངུའི་གནས་ནས་གནས་གཞན་དུ་སྦེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་བརྐུ་སེམས་ཀྱིས་རྒྱན་རྡོ་རིན་ཆུང་ངུ་ཞིག་རྔམས་ཆེན་ [4a.4]པོའི་གནས་ནས་གཞན་དུ་སྦེད་ན་ཅིར་འགྱུར་ལགས། མཐར་འགྱུར་རོ། །བཙུན་པ་དགེ་སློང་གིས་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར་ལགས། མཐར་འགྱུར་རོ། །རིན་ཐང་མེད་པའི་དངོས་པོ་གང་ཞེ་ན་གང་ཞིག་རིན་ཆེ་ཆེས་པ་ཉིད་ཀྱིས་རིན་ཐང་གདབ་པར་མི་ནུས་པའོ། །གང་ [4a.5]ཞིག་ཆུང་ཆེས་པ་ཉིད་ཀྱིས་རིན་ཐང་གདབ་པའི་རིན་མི་ཆོག་པ་དེ་ཡང་རིན་ཐང་མེད་པ་ཡིན་ནོ། །དེ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་དངོས་པོ་ཞིག་རིན་མ་བརྩིས་པར་བརྐུས་ན་ཅིར་འགྱུར་ལགས། གལ་ཏེ་དངོས་པོ་ཡོངས་སུ་ཚང་ན་མཐར་འགྱུར་ [4a.6]རོ། །ཇི་སྟེ་མ་ཚང་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བརྐུ་བར་སྦྱོར་བ་བགྱིས་པ་ལས་དེའི་མཚན་གྱུར་ཏེ་དགེ་སློང་མར་རེད་ནས་བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་མས་བརྐུ་བར་སྦྱོར་བ་བགྱིས་པ་ལས་དེའི་མཚན་གྱུར་ཏེ། དགེ་སློང་དུ་རེད་ནས་ [4a.7]བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་བསྙེན་པར་མ་རྫོགས་པས་བརྐུ་བར་སྦྱོར་བ་བགྱིས་ལ། བསྙེན་པར་མ་རྫོགས་པར་བརྐུས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཀར་བརྐུས་ན་ཅིར་འགྱུར་ [4b] [4b.1]ལགས། ཉེས་བྱས་སོ། །བསྙེན་པར་མ་རྫོགས་པས་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཏེ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཀར་བརྐུས་ན་ཅིར་འགྱུར་ལགས། ཉེས་བྱས་སོ། །བསྙེན་ [4b.2]པར་རྫོགས་ཀར་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཏེ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཏེ་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཏེ་བརྐུས་ན་ཅིར་འགྱུར་ལགས། མཐར་འགྱུར་རོ། །བསྙེན་པར་རྫོགས་ཏེ་བརྐུ་བར་སྦྱོར་བ་བགྱིས་ [4b.3]ལ། །བསྙེན་པར་མ་རྫོགས་པར་བརྐུས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཤོ་གམ་ནམ་མཁའ་ལས་བཟླས་ན་ཅིར་འགྱུར་ལགས། དངོས་པོ་ཇི་ལྟ་བ་བཞིན་ནོ། །ཇི་སྟེ་རྫུ་འཕྲུལ་གྱིས་བཟླས་ན་ཉེས་པ་མེད་དོ། །བཙུན་པ་རེ་ཞིག་དགེ་སློང་གིས་ཤུལ་མ་ལགས་པ་ [4b.4]ནས་ཤོ་གམ་བཟླས་ན་ཅིར་འགྱུར་ལགས། གལ་ཏེ་དེ་རྣམས་ཀྱིས་ལས་འདས་ན་མཐར་འགྱུར་རོ། །ས་ལས་མ་འདས་ན་ནི་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཤོ་གམ་མ་བཅད་པའི་རྫས་ཀྱི་དངོས་པོ་གཡར་དུ་སྩལ་ཏེ་བཟླས་ན་ཅིར་འགྱུར་ལགས། མཐར་འགྱུར་རོ། ། [4b.5]ཚེམ་བུའི་གསེབ་ཏུ་སྩལ་ཏེ་བཟླས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་ཚོང་པ་རྣམས་ལ་འདི་སྐད་དུ་ཚུར་ཤོག་འདོང་ཞེས་སྨྲས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཚོང་པ་རྣམས་ལ་ཐབས་ཀྱིས་སྨྲས་ན་ཅིར་འགྱུར་ལགས། [4b.6]ཉེས་བྱས་སོ། །བཙུན་པ་རེ་ཞིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་སར་མ་ཕྱིན་པར་ཚོང་པས་དགེ་སློང་ལ་འདི་སྐད་ཅེས་འཕགས་པའི་ཤོ་གམ་གྱི་གནས་ནས་ཟློས་ལ་སྩོལ་ཅེས་བགྱིས་པ་ལས་དེ་དགེ་སློང་གིས་བཟླས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་ཚོང་པ་ [4b.7]རྣམས་ཀྱི་ཤོ་གམ་གྱི་རྫས་རྣམས་ལ་ཤོ་གམ་གྱི་གནས་སུ་མ་ཕྱིན་པར་ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ནས་ཟློས་ལ་སྩོལ་ཅིག །དེར་ཤོ་གམ་ཅི་མཆིས་པ་དེའི་ཕྱེད་ཁྱོད་ལ་འབུལ་ལོ་ཞེས་བགྱིས་པ་ལས། དེ་དགེ་སློང་གིས་བཟླས་ན་ཅིར་འགྱུར་ལགས། ཉེས་པ་སྦོམ་པོར་ [5a] [5a.1]འགྱུར་རོ། །བཙུན་པ་རེ་ཞིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་གནས་སུ་མ་ཕྱིན་པར་ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ལས་ཟློས་ལ་སྩོལ་ཅིག་དང་། དེར་ཤོ་གམ་ཅི་མཆིས་པ་ཁྱོད་ལ་འབུལ་ལོ་ཞེས་བགྱིས་པ་ལས་དེ་ [5a.2]དགེ་སློང་གིས་བཟླས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་ཚོང་པ་རྣམས་ཀྱི་ཤོ་གམ་གྱི་རྫས་ཤོ་གམ་གྱི་གནས་སུ་མ་ཕྱིན་པར་དགེ་སློང་གིས་ལམ་གཞན་ཞིག་བསྟན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་ཚོང་པ་རྣམས་ཀྱི་ཤོ་གམ་དུ་གཏོགས་ [5a.3]པའི་རྫས་ཤོ་གམ་གྱི་གནས་སུ་ཕྱིན་པ་ལས་ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ལ་ཟློས་ལ་སྩོལ་ཅིག་ཅེས་བགྱིས་པ་ལས་དེ་དག་དགེ་སློང་གིས་བཟླས་ན་ཅིར་འགྱུར་ལགས། ཤོ་གམ་གྱི་རིན་ཐང་བརྩི་བར་བྱའོ། །བཙུན་པ་རེ་ཞིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་ [5a.4]རྫས་ཤོ་གམ་གྱི་གནས་སུ་ཕྱིན་པ་ལས། ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ལས་ཟློས་ལ་སྩོལ་ཅིག་དང་། ཤོ་གམ་ཅི་མཆིས་པ་དེའི་ཕྱེད་ཁྱོད་ལ་འབུལ་ལོ་ཞེས་བགྱིས་པ་ལས་དེ་དགེ་སློང་གིས་བཟླས་ན་ཅིར་འགྱུར་ལགས། ཤོ་གམ་གྱི་རིན་ཐང་བརྩི་བར་བྱའོ། ། [5a.5]བཙུན་པ་རེ་ཞིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་གནས་སུ་ཕྱིན་པ་ལས་ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ལས་ཟློས་ལ་སྩོལ་ཅིག་དང་། ཤོ་གམ་ཅི་མཆིས་པ་རིལ་གྱིས་ཁྱོད་ལ་འབུལ་ལོ་ཞེས་བགྱིས་པ་ལས་དགེ་སློང་གིས་བཟླས་ན་ཅིར་འགྱུར་ལགས། [5a.6]ཤོ་གམ་གྱི་རིན་ཐང་བརྩི་བར་བྱའོ།། །།སྡོམ་ལ། ཆོས་གོས་གདང་ལ་བཞི་དག་དང་། །རྐུ་དང་ན་ན་ཀ་གསུམ་དང་། །སྦྱོར་བ་གསུམ་དང་ཡིད་གཉིས་དང་། །གླིང་རྣམས་གཞན་ཕྱིར་མི་མ་ཡིན། །བཙུན་པ་རེ་ཞིག་དགེ་སློང་གིས་བརྐུ་སེམས་ཀྱིས་ཆོས་གོས་ཀྱི་གདང་གི་ཡ་ཐོག་འགུམས་ཤིང་། རང་གི་ [5a.7]བའི་འདུ་ཤེས་ཀྱིས་མ་ཐོག་བཀུམ་ན་ཅིར་འགྱུར་ལགས། སྔ་མ་ལ་ཉེས་པ་སྦོམ་པོར་འགྱུར་རོ། །ཕྱི་མ་ལ་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་རང་གི་བའི་འདུ་ཤེས་ཀྱིས་ཆོས་གོས་ཀྱི་གདང་གི་ཡ་ཐོག་འགུམས་ཤིང་། བརྐུ་སེམས་ཀྱིས་མ་ཐོག་འགུམས་ན་ཅིར་འགྱུར་ལགས། ཕྱི་ [5b] [5b.1]མ་ལ་ཉེས་པ་སྦོམ་པོར་འགྱུར་རོ། །དང་པོ་ལ་ནི་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་ཆོས་གོས་ཀྱི་གདང་དང་བཅས་པ་བརྐུ་སེམས་ཀྱིས་རྐུ་བ་ན་ཆོས་གོས་ཀྱི་གདང་དེ་ལ་ཆོས་གོས་དག་གཟར་བཞིན་དུ་དེས་ཆོས་གོས་ཀྱི་གདང་བཅས་ཏེ་འཚལ་ན་ཅིར་འགྱུར་ལགས། ཆོས་གོས་ཀྱི་གདང་གི་རིན་ [5b.2]ཐང་བརྩི་བར་བྱའོ། །བཙུན་པ་རེ་ཞིག་ཆོས་གོས་ཀྱི་གདང་ལ་ཆོས་གོས་དག་གཟར་ཏེ་མཆིས་པ་ལས་དེ་དག་དགེ་སློང་བཞིའམ། དེ་བས་མང་བ་ཞིག་གིས་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་སོ་སོར་བགོས་པ་ལས་དེ་རེ་རེས་མ་ཤ་ཀ་ལྔ་ཐོབ་ན་ནི་མཐར་འགྱུར་རོ། །བཙུན་པ་ [5b.3]རྐུ་བ་ལ་དུ་ཞིག་མཆིས་ལགས། ཉེ་བ་འཁོར་དྲུག་ཡོད་དེ། མི་སྟེར་བར་རྐུ་བ་དང་། མཐུས་རྐུ་བ་དང་། ཕྱིར་སྦྱིན་པ་རྐུ་བ་དང་། གཏམས་པ་རྐུ་བ་དང་། ཡོངས་སུ་བརྟགས་པ་རྐུ་བ་དང་། ཆོས་རྐུ་བའོ། །བཙུན་པ་བཅོམ་ལྡན་འདས་ཀྱིས་རྐུ་བ་དྲུག་ཏུ་གསུངས་པ་གང་དག་ལགས་པ་འདི་དག་ལས་གང་ [5b.4]གིས་མཐར་འགྱུར་ལགས། ཉེ་བ་འཁོར་ཆོས་རྐུ་བ་མ་གཏོགས་པ་ལྷག་མ་རྣམས་ཀྱིས་མཐར་འགྱུར་རོ། །བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ། བཙུན་པ་གལ་ཏེ་དགེ་སློང་གིས་མ་ཤ་ཀ་གསུམ་བརྐུས་ན་མཐར་འགྱུར་བ་ལྟ་ [5b.5]མཆིས་ལགས་སམ། ཡོད་དེ་ཉེ་བ་འཁོར་གལ་ཏེ་མ་ཤ་ཀ་གསུམ་གྱིས་ཀཱར་ཥཱ་པ་ཎ་ཁུགས་པར་འགྱུར་ནའོ། །བཙུན་པ་གལ་ཏེ་དགེ་སློང་གིས་མ་ཤ་ཀ་ལྔ་བརྐུས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་མ་ཤ་ཀ་བཅུའམ་མ་ཤ་ཀ་བཅུ་ལས་ལྷག་པར་ཀཱར་ཥཱ་པ་ཎ་ཁུགས་ནའོ། ། [5b.6]བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་པས་མཐར་འགྱུར་རོ། །ཞེས་གསུངས་པ་གང་ལགས་པ། ན་ན་ཀ་ཇི་ལྟ་བུའི་མ་ཤ་ཀ་ལྔ་བརྐུས་ན་མཐར་འགྱུར་ལགས། མ་ཤ་ཀ་ཉི་ཤུས་ན་ན་ཀ་ཁུགས་པའིའོ། །མ་ཤ་ཀ་ཇི་ལྟ་བུ་ལགས། ཀ་ཀ་ནི་བཞི་ཁུགས་པས་སོ། ཀཱར་ཥཱ་པ་ཎ་ཇི་ལྟ་ [5b.7]བུ་ལགས། རྒྱལ་པོ་རྨ་བྱ་བས་བྱས་པའོ། །བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ་བཙུན་པ་གལ་ཏེ་དགེ་སློང་གིས་ཀཱར་ཥཱ་པ་ཎ་སྟོང་བརྐུས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་བོར་བར་འདུ་ཤེས་ཏེ་བརྐུས་ནའོ། ། [6a] [6a.1]བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ། གལ་ཏེ་བཙུན་པ་དགེ་སློང་གིས་མ་ཤ་ཀ་ལྔ་བརྐུས་ཀྱང་མཐར་མི་འགྱུར་བ་ལྟ་མཆིས་སམ། ཡོད་དེ་གལ་ཏེ་རེ་རེ་ནས་སམ། གཉིས་གཉིས་ནས་སམ། གསུམ་གསུམ་ནས་སམ། བཞི་བཞི་ [6a.2]ནས་རྐུའི་ནམ་ཡང་ལྔ་མ་ཡིན་ནའོ། །བཙུན་པ་རེ་ཞིག་དགེ་སློང་གིས་ཡོ་བྱད་ཆེན་པོ་ཞིག་བདག་གི་བའི་འདུ་ཤེས་ཀྱིས་བླངས་ལ་བརྐུ་སེམས་ཀྱིས་སྦེད་ན་ཅིར་འགྱུར་ལགས། མཐར་འགྱུར་རོ། །གལ་ཏེ་བཙུན་པ་བརྐུ་སེམས་ཀྱིས་བླངས་ན། བདག་གི་བའི་འདུ་ཤེས་ཀྱིས་སྦེད་ན་ཅིར་འགྱུར་ལགས། ཉེས་པ་སྦོམ་པོར་ [6a.3]འགྱུར་རོ། །བཙུན་པ་རེ་ཞིག་དགེ་སློང་གིས་ཅི་འདི་དེའི་ཡིན་ནམ། འདི་དེའི་མ་ཡིན། དེ་འདི་ཡིན་ནམ་དེ་འདི་མ་ཡིན་སྙམ་དུ་སོམ་ཉི་དང་། ཐེ་ཚོམ་འཚལ་བཞིན་དུ་དེ་ཡང་བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་ནུབ་ཀྱི་བ་ལང་སྤྱོད་ཀྱི་གླིང་དུ་མ་སྩོལ་བར་བརྐུས་ན་ཅིར་ [6a.4]འགྱུར་ལགས། གལ་ཏེ་དེ་དག་གི་ལྟར་བརྩིས་ཏེ་མ་ཤ་ཀ་ལྔ་བརྐུས་ན་མཐར་འགྱུར་རོ། །བཙུན་པ་ཤར་གྱི་ལུས་འཕགས་གླིང་དུ་མ་སྩལ་བར་བརྐུས་ན་ཅིར་འགྱུར་ལགས། གལ་ཏེ་དེ་དག་གི་ལྟར་བརྩིས་ཏེ་མ་ཤ་ཀ་ལྔ་བརྐུས་ན་མཐར་འགྱུར་རོ། །བཙུན་པ་བྱང་གི་སྒྲ་མི་སྙན་གྱི་གླིང་དུ་མ་སྩལ་བར་ [6a.5]བརྐུས་ན་ཅིར་འགྱུར་ལགས། ཉེ་བ་འཁོར་དེ་ན་ནི་མ་བྱིན་པར་ལེན་པ་མེད་དེ། གལ་ཏེ་བརྐུ་སེམས་བསྐྱེད་ན་ནི་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མ་སྨྲས་པར་གཞན་གྱི་དོན་དུ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ [6a.6]མིའི་མ་ལགས་པ་ལ་མིའི་ལགས་པར་འདུ་ཤེས་ཏེ། མ་སྩལ་བར་བརྐུས་ན་ཅིར་འགྱུར་ལགས། ཉེས་བྱས་སོ། །མིའི་མ་ལགས་པ་ལ་མིའི་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་ལ་མིའི་མ་ལགས་པར་འདུ་ཤེས་ཏེ་མ་སྩལ་ལགས་པར་བརྐུས་ན་ཅིར་ [6a.7]འགྱུར་ལགས། ཉེས་པ་སྦོམ་པོར་འགྱུར་རོ། །མིའི་ལ་མིའི་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། མཐར་འགྱུར་རོ།། །།སྡོམ་ལ། མཆོད་རྟེན་སྐུ་གདུང་གླེགས་བམ་དང་། །དགེ་འདུན་མང་སྔོས་བརྒྱུད་པ་དང་། །འདུ་ཤེས་གཉིས་དང་དེ་བཞིན་གནས། །མི་དབང་ཁྱིམ་ནི་ཐ་མ་ [6b] [6b.1]ཡིན། །བཙུན་པ་རེ་ཞིག་དགེ་སློང་གིས་མཆོད་རྟེན་དང་མཆོད་རྟེན་གྱི་གནས་ལས་རྒྱན་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་སྟོན་པའི་སྐུ་གདུང་དག་བརྐུས་ན་ཅིར་འགྱུར་ལགས། མཐར་འགྱུར་རོ། །ཇི་སྟེ་འདི་ནི་བདག་གི་སྟོན་པ་སྟེ་བདག་གིས་ཀྱང་འདི་ལ་ [6b.2]བཀུར་སྟི་བྱའོ་སྙམ་ནས་མཆོད་པའི་ཕྱིར་བརྐུས་ན་ཉེས་བྱས་སུ་འགྱུར་རོ། །བཙུན་པ་རེ་ཞིག་དགེ་སློང་གིས་གླེགས་བམ་བརྐུས་ན་ཅིར་འགྱུར་ལགས། གླེགས་བམ་གྱི་རིན་ཐང་བརྩི་བར་བྱའོ། །བཙུན་པ་རེ་ཞིག་དགེ་སློང་གིས་ཕྱོགས་བཞིའི་དགེ་འདུན་གྱི་མ་སྩལ་བར་བརྐུས་ན་ཅིར་འགྱུར་ལགས། །ཉེས་པ་སྦོམ་ [6b.3]པོར་འགྱུར་རོ། །བཙུན་པ་རེ་ཞིག་དགེ་སློང་གིས་གང་ཟག་མང་པོའི་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་རྒྱུད་རེ་རེ་ལས་མ་ཤ་ཀ་ལྔ་བྱུང་ན་མཐར་འགྱུར་རོ། །བཙུན་པ་རེ་ཞིག་དགེ་སློང་གིས་ཡོངས་སུ་བརྟགས་པ་མ་སྩལ་བར་བརྐུས་ན་ཅིར་འགྱུར་ལགས། [6b.4]ཉེས་བྱས་སོ། །བཙུན་པ་རེ་ཞིག་དགེ་སློང་གིས་མང་པོ་ཞིག་བརྒྱུད་དེ་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་སོ་སོར་བགོས་ན་ཇི་སྙེད་བདག་གིར་བྱས་པ་དེ་སྙེད་ཀྱི་རིན་ཐང་བརྩི་བར་བྱའོ། །བཙུན་པ་རེ་ཞིག་དགེ་སློང་གིས་གཞན་གྱིར་འདུ་ཤེས་ཏེ་མ་སྐུལ་ [6b.5]བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཡོངས་སུ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། མཐར་འགྱུར་རོ། །ཡོངས་སུ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ཏེ་མ་སྩལ་བར་ [6b.6]བརྐུས་ན་ཅིར་འགྱུར་ལགས། ལྟུང་བ་མེད་དོ། །ཡོངས་སུ་མ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ཡོངས་སུ་མ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། [6b.7]ཉེས་པ་མེད་དོ། །བཙུན་པ་བཅོམ་ལྡན་འདས་ཀྱིས་ཡོ་བྱད་ཆེན་པོ་ཞིག་གནས་ནས་བསྐྱོད་ན་མཐར་འགྱུར་རོ། །ཞེས་གསུངས་པ་གང་ལགས་པ། བཙུན་པ་དགེ་སློང་གིས་ཡོ་བྱད་ཆེན་པོ་ཞིག་གནས་ནས་བསྐྱོད་ཀྱང་། མཐར་མི་འགྱུར་བ་ལྟ་མཆིས་སམ། [7a] [7a.1]ཡོད་དེ་གནས་གང་དུ་བཞག་པར་གྱུར་པའི་གནས་དེ་ཉིད་དུ་གནས་ཏེ་བརྐུས་ནའོ། །བཙུན་པ་རེ་ཞིག་དགེ་སློང་གིས་རྙེད་པ་མི་དབང་བར་འདི་བདག་དབང་ངོ་ཞེས་དེ་སྐད་སྨྲས་ན་ཅིར་འགྱུར་ལགས། དེས་ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བྱེད་དོ། །གལ་ཏེ་བརྐུ་སེམས་ཉེ་བར་གནས་ [7a.2]པར་གྱུར་ན་ཉེས་པ་སྦོམ་པོར་འགྱུར་བའི་ཉེས་བྱས་སུ་འགྱུར་ཏེ་གྲུབ་ནས་ནི་རིན་ཐང་བརྩི་བར་བྱའོ། །བཙུན་པ་དགེ་སློང་གཅིག་པུ་ཞིག་ཁང་པར་ཞུགས་པ་ལ་མ་སྩལ་བར་ལེན་པའི་རྐྱེན་གྱིས་མཐར་འགྱུར་བ་ལྟ་མཆིས་ལགས་སམ། གལ་ཏེ་བརྐུ་བར་སྦྱོར་བ་བྱས་ནས་ཞུགས་སམ། ཞུགས་ནས་སྦྱོར་བ་ [7a.3]བྱེད་ནའོ། །བཙུན་པ་དགེ་སློང་གིས་ཡོ་བྱད་ཆེན་པོ་ཞིག་མ་སྩལ་བར་བླངས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་དང་། མ་ནིང་དང་དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། ། [7a.4]ཇི་ལྟར་དགེ་སློང་ལ་མ་བྱིན་པར་བླངས་པའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ།། །།སྡོམ་ལ། དུད་འགྲོ་གསུམ་དང་ལས་ [7a.5]སྲིད་དང་། །སྲེད་པ་མ་ལ་བཞི་ཚན་དང་། །མངལ་གཉིས་དང་ནི་གསོ་བ་དང་། །འདུ་ཤེས་ལ་ནི་བཞི་ཚན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མི་འམ། མིར་ཆགས་པ་ལ་བསམས་ [7a.6]བཞིན་དུ་རང་གི་ལག་དར་ཏེ་སྲོག་བཅད་དམ། དེ་ལ་མཚོན་འདེབས་སམ། དེ་ལ་མཚོན་ཐོགས་པ་གཉེར་ཏམ། དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་ཀྱང་རུང་སྟེ། དེ་ལ་འདི་སྐད་ཅེས་ཀྱེ་མི་ཁྱོད་འཚོ་བའི་སྡིག་པ་མི་གཙང་བ་ངན་པ་འདིས་ཅི་ཞིག་བྱ། [7a.7]ཀྱེ་མི་ཁྱོད་གསོན་པ་བས་ཤི་བླའོ་ཞེས་ཟེར་ཞིང་དེ་ལྟར་སེམས་ཀྱི་འདོད་པ་དང་། སེམས་ཀྱི་ཀུན་ཏུ་རྟོག་པ་དག་གིས་རྣམ་གྲངས་དུ་མས་དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་དེ། དེ་ཡང་རྩོམ་པ་དེ་ལྟ་བུས་དུས་བྱས་ན་དགེ་སློང་དེ་ཡང་ཕམ་པར་གྱུར་པ་ཡིན་གྱིས། གནས་ [7b] [7b.1]པར་མི་བྱའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གསང་སྔགས་དང་སྨན་དག་གིས་མི་དུད་འགྲོའི་སྐྱེ་གནས་པར་བསྒྱུར་ཏེ། མི་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་གསང་སྔགས་དང་སྨན་དག་གིས་བདག་ [7b.2]ཉིད་དུད་འགྲོའི་སྐྱེ་གནས་པར་བསྒྱུར་ཏེ། མི་སྲོག་དང་ཕྲལ་ན་ཅིར་འགྱུར་ལགས། གལ་ཏེ་མི་གསད་པར་བྱར་མི་རུང་བར་དགེ་སློང་དུ་འདུ་ཤེས་ཡོད་ལ། དེ་ཡང་བྱེད་ན་མཐར་འགྱུར་རོ། །གལ་ཏེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ [7b.3]ཕ་དང་མའི་སྲོག་དག་ཕྲལ་ཡང་མཐར་མི་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་མི་འགྱུར་བ་ལྟ་མཆིས་ལགས་སམ། ཡོད་དེ་གང་གི་ཕ་དང་མ་དུད་འགྲོའི་སྐྱེ་གནས་པར་གྱུར་པའོ། །བཙུན་པ་དགེ་སློང་གིས་ཕ་བཀུམ་ཡང་མཐར་མི་འགྱུར་ལ། མཚམས་ [7b.4]མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་མི་འགྱུར་བ་ལྟ་མཆིས་ལགས་སམ། ཡོད་དེ་ཟག་པ་དང་བཅས་པའི་ལས་ཀྱི་སྲིད་པ་བསད་ནའོ། །ཉེ་བ་འཁོར་ཟག་པ་དང་བཅས་པའི་ལས་ཀྱི་སྲིད་པ་ནི་མངོན་པར་སྒྲུབ་པའི་དོན་གྱིས་ཕ་ཞེས་བྱའོ། །བཙུན་པ་རེ་ཞིག་དགེ་སློང་གིས་ [7b.5]མ་བཀུམ་ཡང་མཐར་མི་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་སྲེད་པ་བསད་ནའོ། །ཉེ་བ་འཁོར་སྲེད་པ་ནི་སྐྱེད་པའི་དོན་གྱིས་མ་ཞེས་བྱའོ། །བཙུན་པ་རེ་ཞིག་དགེ་སློང་གིས་མ་དགུམ་པར་ [7b.6]འཚལ་ནས་བུད་མེད་གཞན་ཞིག་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་གཞན་ཞིག་དགུམ་པར་འཚལ་ནས་མ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མ་དགུམ་པར་སྦྱོར་བ་བགྱིས་ལ། [7b.7]བུད་མེད་གཞན་ཞིག་སྲོག་དང་ཕྲལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་གཞན་ཞིག་དགུམ་པར་སྦྱོར་བ་བགྱིས་ལ་མ་སྲོག་དང་ཕྲལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མིའི་ [8a] [8a.1]བུད་མེད་ཀྱི་མངལ་ན་དུད་འགྲོའི་སྐྱེ་གནས་པར་སྐྱེས་པ་བཀུམ་ན་ཅིར་འགྱུར་ལགས། ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་དུད་འགྲོའི་སྐྱེ་གནས་སུ་སྐྱེས་པ་མོའི་མངལ་དུ་མིའི་བུ་བཀུམ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་མ་ནི་སྐྱེད་པ་ [8a.2]ལགས་ལ། གཞན་ནི་གསོ་བར་བགྱིད་པ་ལགས་ན། གང་ཞིག་སྲོག་དང་ཕྲལ་ན་མཐར་ཡང་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་འགྱུར་ལགས། གང་གིས་བསྐྱེད་པའོ། །བཙུན་པ་རེ་ཞིག་དགེ་སློང་གིས་མི་ལ་མི་ལགས་པར་འདུ་ཤེས་པས་བཀུམ་ན་ཅིར་ [8a.3]འགྱུར་ལགས། མཐར་འགྱུར་རོ། །མི་ལ་མི་མ་ལགས་པར་འདུ་ཤེས་པས་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་པས་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་ [8a.4]བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ།། །།སྡོམ་ལ། ཡིད་གཉིས་དང་ནི་བདག་གཉིས་དང་། །དགྲ་བཅོམ་པ་ཡང་ཉིད་ལ་བཞི། །རྐུན་པོ་གཉིས་དང་འདུ་ཤེས་གཞན། །བདུན་ཚན་དང་ནི་ཁང་པའོ། །བཙུན་པ་རེ་ཞིག་དགེ་སློང་གིས་དེ་འདི་ཡིན་ [8a.5]ནམ་དེ་འདི་མ་ཡིན་སྙམ་དུ་སོམ་ཉི་དང་ཐེ་ཚོམ་འཚལ་བཞིན་དུ་དེ་ཡང་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་བདག་ཉིད་སྲོག་དང་ཕྲལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཕ་དང་མ་དགུམ་པར་སྦྱོར་ [8a.6]བ་བགྱིས་པ་ལས་བདག་ཉིད་བཀུམ་ན་ཅིར་འགྱུར་ལགས། གལ་ཏེ་ཕ་མ་སྔར་དུས་བྱས་ན་ཕམ་པར་འགྱུར་ཏེ་མཚམས་མེད་པའི་ཁ་ན་མ་ཐོ་བས་ཀྱང་རེག་པར་འགྱུར་རོ། །འོན་ཏེ་དེ་སྔར་དུས་བྱས་ན་ཉེས་པ་སྦོམ་པོར་འགྱུར་རོ། །མཚམས་མེད་པའི་ཁ་ན་མ་ཐོ་བས་རེག་པར་མི་འགྱུར་རོ། །བཙུན་ [8a.7]པ་རེ་ཞིག་དགེ་སློང་གིས་དགྲ་བཅོམ་པ་དགུམ་པར་འཚལ་ན་སོ་སོའི་སྐྱེ་བོ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གི་སོ་སོའི་སྐྱེ་བོ་དགུམ་པར་འཚལ་ན་དགྲ་བཅོམ་པ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་ཏེ། མཚམས་མེད་པའི་ [8b] [8b.1]ཁ་ན་མ་ཐོ་བས་རེག་པར་མི་འགྱུར་རོ། །བཙུན་པ་རེ་ཞིག་དགེ་སློང་གིས་དགྲ་བཅོམ་པ་དགུམ་པར་སྦྱོར་བ་བགྱིས་ལ། སློབ་པ་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་ཏེ། མཚམས་མེད་པ་དང་ཉེ་བའི་ཁ་ན་མ་ཐོ་བས་ཀྱང་རེག་པར་འགྱུར་རོ། །བཙུན་པ་རེ་ཞིག་དགེ་སློང་ [8b.2]གིས་སོ་སོའི་སྐྱེ་བོ་དགུམ་པར་སྦྱོར་བ་བགྱིས་ལ། དགྲ་བཅོམ་པ་ཞིག་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་ཏེ། མཚམས་མེད་པའི་ཁ་ན་མ་ཐོ་བས་ཀྱང་རེག་པར་འགྱུར་རོ། །བཙུན་པ་རེ་ཞིག་རྐུན་པོ་ཞིག་དགུམ་པར་ཁྲིད་པ་ལས་བྲོས་ཏེ། དེ་གྲོང་མིའམ། རྒྱལ་ [8b.3]པོའི་མི་དག་གིས་རྗེས་བཞིན་དུ་བསྙགས་པར་གྱུར་ལ། ཤུལ་གྱི་མདུན་རོལ་ནས་དགེ་སློང་ཞིག་མཆིས་པ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་སློང་དེ་ལ་ཡང་རྐུན་པོ་དགུམ་པའི་སེམས་ཉེ་བར་གནས་པར་གྱུར་ནས་དེ་ཡང་དེ་དག་ལ་ [8b.4]བསྟན་ཏེ་དེ་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་རྐུན་པོ་ཞིག་དགུམ་པར་ཁྲིད་པ་ལས་བྲོས་ཏེ། དེ་གྲོང་མིའམ་རྒྱལ་པོའི་མི་དག་གིས་རྗེས་བཞིན་དུ་བསྙགས་པར་གྱུར་ལ། ཤུལ་གྱི་མདུན་རོལ་ནས་དགེ་སློང་ཞིག་མཆིས་པ་དེ་ལ་དེ་དག་གིས་ཁྱོད་ [8b.5]ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་སློང་ལ་ཡང་རྐུན་པོ་དགུམ་པའི་སེམས་ཉེ་བར་གནས་པར་མ་གྱུར་པར་དེ་དག་ལ་བསྟན་ཏེ་དེ་སྲོག་དང་ཕྲལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་མི་གཉིས་ལས་གཞན་དགུམ་པར་བགྱིས་པ་ལས་གཞན་བཀུམ་ན་ [8b.6]ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་བསྙེན་པར་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཀར་བཀུམ་ [8b.7]ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཀར་བཀུམ་ན་ཅིར་འགྱུར་ལགས། [9a] [9a.1]ཉེས་བྱས་སོ། །བསྙེན་པར་རྫོགས་ཀར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཏེ་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་ [9a.2]ལགས། མཐར་འགྱུར་རོ། །བསྙེན་པར་རྫོགས་ཏེ་དགུམ་པར་སྦྱོར་བ་བགྱིས་ལ། བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གཅིག་པུ་ཁང་པའི་ནང་དུ་ཞུགས་པ་ལ་སྲོག་དང་ཕྲལ་བའི་རྐྱེན་གྱིས་མཐར་འགྱུར་བ་ལྟ་མཆིས་ལགས་སམ། [9a.3]ཡོད་དེ་ཉེ་བ་འཁོར་འདི་ལྟར་དགེ་སློང་གིས་གསད་པར་སྦྱོར་བ་བྱས་ལ་ཁང་པའི་ནང་དུ་ཞུགས་སམ། ཁང་པའི་ནང་དུ་ཞུགས་ནས་གསད་པར་སྦྱོར་བ་བྱེད་ནའོ། །བཙུན་པ་དགེ་སློང་གིས་མི་ལ་མི་ལགས་པར་འདུ་ཤེས་ཏེ་བཀུམ་སེམས་ཀྱིས་སྲོག་དང་ཕྲལ་ཡང་མཐར་མི་འགྱུར་བ་ལྟ་ [9a.4]མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་ལ་སྲོག་དང་ཕྲལ་བའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང་། [9a.5]དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ།། །།སྡོམ་ལ། སངས་རྒྱས་སྟོན་པ་རྣམ་པར་གཟིགས། །མི་སློབ་སློབ་དང་ཅི་ཡང་དང་། །ཉམས་དང་གྲོལ་དང་འཇིགས་པ་དང་། །སྐྱེ་དང་ཐོབ་ [9a.6]དང་འདྲ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་པར་མིའི་ཆོས་བླ་མ་མཐའ་དང་། འཕགས་པ་དང་། ཁྱད་པར་ཐོབ་པ་དང་། ཤེས་པ་དང་། མཐོང་བ་དང་། [9a.7]རེག་པར་གནས་པ་མེད་ཅིང་མི་བདོག་བཞིན་དུ་འདི་ཤེས་སོ། །འདི་མཐོང་ངོ་ཞེས་དེ་ལྟ་བུར་ཁས་འཆེས་པ་ལས་དེ་ལྟུང་བ་བྱུང་བ་རྣམ་པར་དག་པར་འདོད་ནས། དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང་འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ [9b] [9b.1]ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་{བརྫུན་,རྫུན་}དུ་སྨྲས་སོ་ཞེས་ཟེར་ན་མངོན་པའི་ང་རྒྱལ་མ་གཏོགས་ཏེ། དགེ་སློང་དེ་ཡང་ཕས་ཕམ་པར་འགྱུར་བ་ཡིན་གྱིས་གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་འདི་སྐད་ཅེས་ [9b.2]བདག་ནི་སངས་རྒྱས་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་སྡིག་པ་མི་དགེ་བའི་ཆོས་རྣམས་ཁོང་དུ་ཆུད་པ་ཉིད་དམ། བརྡ་སྤྲོད་པ་ཉིད་ལས་བསམས་ནས་ལུང་སྟོན་ན་ཉེས་པ་སྦོམ་པོར་འགྱུར་རོ། །འོན་ཏེ་མེད་པ་སངས་རྒྱས་བྱེད་པའི་ཆོས་རྣམས་སུ་ལུང་སྟོན་ན་མཐར་འགྱུར་ [9b.3]རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ནི་སྟོན་པ་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྐད་དུ་གདམས་ངག་སྟོན་པ་དང་། རྗེས་སུ་སྟོན་པ་དང་། ཆོས་སྟོན་པའོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །འོན་ཏེ་སྟོན་པའི་ཆོས་རྣམས་སུ་ [9b.4]ལུང་སྟོན་ན་མཐར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ནི་བཅོམ་ལྡན་འདས་རྣམ་པར་གཟིགས་དང་། གཙུག་ཏོར་ཅན་དང་། འཁོར་བ་འཇིག་དང་། ཐམས་ཅད་སྐྱོབ་དང་། གསེར་ཐུབ་དང་། འོད་སྲུང་གི་ཉན་ཐོས་སོ་ཞེས་མཆི་ན་ཅིར་འགྱུར་ལགས། [9b.5]གལ་ཏེ་སྔོན་གྱི་གནས་སུ་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་དེ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་སྐྱབས་སུ་སོང་ངོ་། །དེ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་སྐྱབས་སུ་སོང་ངོ་སྙམ་དུ་བསམས་ནས་སྨྲས་ན་ཉེས་ [9b.6]པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ནི་མི་སློབ་པའོ་ཞེས་མཆི་ན་ཅིར་འགྱུར་ལགས། གལ་ཏེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་བདག་ནི་བཟོ་ཅི་ཡང་མི་སློབ་བོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་ [9b.7]རོ། །བཙུན་པ་རེ་ཞིག་དགེ་སློང་གིས་འདི་སྐད་ཅེས་བདག་ནི་སློབ་པའོ་ཞེས་མཆི་ན་ཅིར་འགྱུར་ལགས། གལ་ཏེ་སློབ་པར་སྤྱོད་པར་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་ཀུན་ཏུ་སྤྱོད་པ་ལ་སློབ་བོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་ [10a] [10a.1]རེ་ཞིག་དགེ་སློང་འདི་སྐད་ཅེས་བདག་ལ་ནི་ཅི་ཡང་བ་མེད་དོ་ཞེས་མཆི་ན་ཅིར་འགྱུར་ལགས། གལ་ཏེ་ཅི་ཡང་བ་སྤངས་སོ་ཞེས་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་བདག་ལ་ནི་ལྷུང་བཟེད་དང་། ཆོས་གོས་དང་། དགེ་སྦྱོང་གི་འཚོ་བའི་ཡོ་བྱད་ [10a.2]གང་ཡང་རུང་བ་ཞིག་མེད་དོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ཉིད་ནི་ཉམས་པའོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྙམ་དུ་བདག་ནི་དགེ་སྦྱོང་གི་ཚུལ་གྱི་འབྲས་བུ་དག་ལས་སོ་ཞེས་ཟེར་ན་མཐར་འགྱུར་ [10a.3]རོ། །འོན་ཏེ་ལུང་ལས་ཉམས་པ་ལས་བསམས་ཏེ་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་འདི་སྐད་ཅེས་བདག་ནི་གྲོལ་བའོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྐད་ཅེས་བདག་ནི་ཀུན་ཏུ་སྦྱོར་བ་དང་། འཆིང་བ་དང་། བག་ལ་ཉལ་བ་དང་། [10a.4]ཉེ་བའི་ཉོན་མོངས་པ་དང་། ཀུན་ནས་དཀྲིས་པ་རྣམས་ལས་གྲོལ་ལོ་ཞེས་ཟེར་ན་མཐར་འགྱུར་རོ། །འོན་ཏེ་འདི་སྙམ་དུ་ཀུན་ཏུ་སྦྱོར་བ་དང་། འཆིང་བ་དང་། བག་ལ་ཉལ་བ་དང་། ཉེ་བའི་ཉོན་མོངས་པ་དང་། ཀུན་ནས་དཀྲིས་པ་གང་དག་ཟད་པ་དང་། འགག་པ་དང་། [10a.5]བྲལ་བ་དང་། རྣམ་པར་གྱུར་པ་དེ་དག་ལས་བདག་གྲོལ་ལོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ལ་འཇིགས་པ་མེད་དོ་ཞེས་མཆི་ན་ཅིར་འགྱུར་ལགས། གལ་ཏེ་འཇིགས་པ་སྤངས་པར་ལུང་སྟོན་ན་མཐར་ [10a.6]འགྱུར་རོ། །འོན་ཏེ་འཇིག་རྟེན་པ་ལས་བསམས་ནས་བདག་ནི་ཅི་ལ་ཡང་མི་འཇིགས་སོ་ཞེས་ཟེར་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་འདི་ནི་བདག་གི་སྐྱེ་བའི་ཐ་མ་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་ཟད་པར་འདུ་ཤེས་པར་ [10a.7]ལུང་སྟོན་ན་མཐར་འགྱུར་རོ། །འོན་ཏེ་གང་གི་སྐྱེ་བའི་ཐ་མ་འདི་ཡིན་པའི་སྐྱེ་བ་དེ་ནི་ཟད་པ། འགག་པ། བྲལ་བ་རྣམ་པར་གྱུར་པ་ཡིན་ནོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་གིས་ཐོབ་བོ་ཞེས་མཆི་ན་ཅིར་འགྱུར་ [10b] [10b.1]ལགས། གལ་ཏེ་འདི་སྐད་ཅེས་དགེ་སྦྱོང་གི་ཚུལ་གྱི་འབྲས་བུ་དག་གོ་ཞེས་ཟེར་ན་མཐར་འགྱུར་རོ། །འོན་ཏེ་འཇིག་རྟེན་པའི་དངོས་པོ་ཡིན་པར་ལུང་སྟོན་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་ཀྱེ་མ་ཁྱོད་ཁོ་བོ་ཅི་འདྲ་བ་དེ་འདྲ་བར་གྱུར་ཀྱང་ཅི་མ་རུང་། དེ་ལྟར་ [10b.2]ན་ཡུ་བུ་རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པར་གྱུར་ན། ཁོ་བོ་ནི་རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཡང་མ་ཡིན་ནོ་ཞེས་མཆི་ན་ཅིར་འགྱུར་ལགས། ཉེས་པ་སྦོམ་པོར་ [10b.3]འགྱུར་རོ།། །།སྡོམ་ལ། མ་སྨིན་ཐོབ་དང་བདག་འདྲི་དང་། །སྤངས་པ་དང་ནི་འབྲས་བུ་གཉིས། །འདུ་ཤེས་བཞི་དང་ཐོབ་བྱ་དང་། །འཇིག་རྟེན་པའི་ཚུལ་ཐ་མའོ། །བཙུན་པ་རེ་ཞིག་དགེ་སློང་ཞིག་ལ་ཚེ་དང་ལྡན་པ་ཅི་ཟག་པ་ཟད་པ་ཡིན་ནམ་ཞེས་དྲིས་ལ། དེས་ [10b.4]ཀྱང་ཤིང་ཐོག་མ་སྨིན་པ་དག་བཅངས་པར་གྱུར་ཏེ། དེས་འདི་སྐད་ཅེས་ཡིན་ནོ་ཞེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ནི་རྒྱུན་དུ་ཞུགས་པའི་འབྲས་བུ་དང་། ལན་གཅིག་ཕྱིར་འོང་བའི་འབྲས་བུ་དང་། ཕྱིར་ [10b.5]མི་འོང་བའི་འབྲས་བུ་དང་། མཆོག་གི་འབྲས་བུ་ཐོབ་བོ་ཞེས་མཆི་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་བདག་ཉིད་ཀྱིས་དྲིས་ལ། འདི་སྐད་ཅེས་ང་དགྲ་བཅོམ་པ་ཡིན་ནོ་ཞེས་ཟེར་བ་འདི་དྲིས་ཞེས་མཆི་ན་ཅིར་འགྱུར་ལགས། ཉེས་པ་སྦོམ་པོར་ [10b.6]འགྱུར་རོ། །བཙུན་པ་རེ་ཞིག་དགེ་སློང་ལ་ཁྱིམ་བདག་ཅིག་གིས་ཁྱོད་ཀྱིས་འབྲས་བུ་ཐོབ་བམ་ཞེས་དྲིས་པ་དང་། དེས་ཀྱང་ལོ་མ་དང་། མེ་ཏོག་དང་། འབྲས་བུ་མ་སྨིན་པ་དག་བཅངས་པར་གྱུར་ཏེ། དེས་འདི་སྐད་ཅེས་ཡིན་ཞེས་བགྱི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་ [10b.7]རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་ཉིད་ཡོངས་སུ་ཉམས་པའོ་ཞེས་མཆི་ན་ཅིར་འགྱུར་ལགས། གལ་ཏེ་ཐོབ་པ་ལས་ཡོངས་སུ་ཉམས་པར་ལུང་སྟོན་ན་མཐར་འགྱུར་རོ། །འོན་ཏེ་མ་ཐོབ་པ་ལས་ཡོངས་སུ་ཉམས་པར་ལུང་སྟོན་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ [11a] [11a.1]ཞིག་དགེ་སློང་གིས་རྒྱུན་དུ་ཞུགས་པའི་འབྲས་བུར་ལུང་བསྟན་ཏོ་སྙམ་པ་ལས་ལན་གཅིག་ཕྱིར་འོང་བའི་འབྲས་བུར་ལུང་སྟོན་པར་བགྱིད། ལན་གཅིག་ཕྱིར་འོང་བའི་འབྲས་བུར་ལུང་བསྟན་ཏོ་སྙམ་པ་ལས་ཕྱིར་མི་འོང་བའི་འབྲས་བུར་ལུང་སྟོན་པར་བགྱིད། ཕྱིར་མི་འོང་བའི་འབྲས་བུར་ལུང་ [11a.2]བསྟན་ཏོ་སྙམ་པ་ལས་དགྲ་བཅོམ་པའི་འབྲས་བུར་ལུང་བསྟན་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་རྒྱུ་རི་ཞེས་བྱ་བ་ལ་རྒྱུན་དུ་ཞུགས་པའི་འབྲས་བུའོ། །བྱ་སྐྱིབས་ཀྱི་ངོས་ལ་ལན་གཅིག་ཕྱིར་འོང་བའི་འབྲས་བུའོ། །བྱ་རྒོད་ [11a.3]ཀྱི་ཕུང་པོ་ལ་ཕྱིར་མི་འོང་བའི་འབྲས་བུའོ། །འོད་མའི་ཚལ་དུ་མཆོག་གི་འབྲས་བུ་དགྲ་བཅོམ་པའོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྙམ་དུ་དེར་བདག་ལ་བསྟན་པ་བཏོན། ཁ་ཏོན་བྱས་ཏེ། བདག་གིས་སྙོམ་ལས་མ་བྱས་སོ་སྙམ་དུ་བསམས་ནས་སྨྲས་ན་ཉེས་པ་སྦོམ་ [11a.4]པོར་འགྱུར་རོ། །འོན་ཏེ་དགེ་སྦྱོང་གི་འབྲས་བུ་རྣམས་སུ་ལུང་སྟོན་ན་མཐར་འགྱུར་རོ། །བཙུན་པ་རེ་ཞིག་དགེ་སློང་གིས་མི་མ་ལགས་པ་མི་མ་ལགས་པར་འདུ་ཤེས་ཏེ་མིའི་ཆོས་བླ་མར་འགྱུར་བར་ལུང་སྟོན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་ [11a.5]འདུ་ཤེས་ཏེ་མིའི་ཆོས་བླ་མར་གྱུར་པར་ལུང་སྟོན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་ལ་མི་མ་ལགས་པར་འདུ་ཤེས་ཏེ་མིའི་ཆོས་བླ་མར་གྱུར་པ་ལུང་སྟོན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་ལ་མིར་འདུ་ཤེས་ཏེ་མིའི་ཆོས་བླ་མར་གྱུར་པ་ལུང་ [11a.6]སྟོན་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་ཉན་ཐོས་ཀྱི་ས་ཐོབ་པར་བྱ་བ་གང་ཡིན་པ་དེ་བདག་གིས་ཐོབ་བོ་ཞེས་མཆི་ན་ཅིར་འགྱུར་ལགས། གལ་ཏེ་བྱང་ཆུབ་པར་བྱ་བ་ལས་བསམས་ཏེ་སྨྲས་ན་ཉེས་པ་སྦོམ་པོར་འགྱུར་རོ། །འོན་ [11a.7]ཏེ་ཉན་ཐོས་ཀྱི་ཆོས་རྣམས་སུ་ལུང་སྟོན་ན་མཐར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་བདག་དེ་རིང་འཇིག་རྟེན་པའི་བསམ་གཏན་ལ་སྙོམ་པར་མ་ཞུགས་ཏེ། དགོངས་ཀར་ཡང་མ་ཞུགས། དེ་ཕན་ཆད་ཀྱང་མ་ཞུགས་སོ་ཞེས་མཆི་ན་ཅིར་འགྱུར་ལགས། ཉེས་ [11b] [11b.1]པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་འདི་སྐད་ཅེས་ཚུར་འབྲས་བུ་དག་ལུང་བསྟན་ཏོ་ཞེས་མཆི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ།། །།འདུལ་བ་གཞུང་བླ་མ། བམ་པོ་གཉིས་པ། སྡོམ་ལ། ཕོ་ཉ་ཡི་གེ་ལག་བརྡ་དང་། གཞན་ [11b.2]ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བས་ཉེན་འོན་གླེན་པའོ། །བཙུན་པ་རེ་ཞིག་དགེ་སློང་གིས་ཕོ་ཉ་ལས་མིའི་ཆོས་བླ་མར་གྱུར་པ་བརྗོད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་ཡི་གེ་དང་གཞན་ལ་སྙད་འདོགས་ [11b.3]པ་དང་། བརྒྱུད་པ་མིའི་ཆོས་བླ་མར་གྱུར་པ་བརྗོད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་སྨྱོན་པའི་དྲུང་དུ་མིའི་ཆོས་བླ་མར་གྱུར་པ་བརྗོད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་འཁྲུགས་པ་ [11b.4]དང་། །ཚོར་བས་ཉེན་པ་དང་། འོན་པ་དང་། གླེན་པ་ལ་མིའི་ཆོས་བླ་མར་གྱུར་པ་བརྗོད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ།། །།སྡོམ་ལ། གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་མ་ཡིན་ཉིད། །སྐད་དང་ལུས་དང་དབེན་སྔགས་ [11b.5]དང་། །གཞན་ལས་གཞན་གྱི་ཐ་མའོ། །བཙུན་པ་རེ་ཞིག་དགེ་སློང་གིས་གཉིད་ཀྱིས་ལོག་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་ར་རོ་བ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་ན་གནས་ [11b.6]པའི་དྲུང་དུ་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ལ། ཡུལ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་ [11b.7]འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ལ། མཐའ་འཁོབ་པས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པས་ [12a] [12a.1]མཐའ་འཁོབ་པའི་སྐད་དུ་དབུས་པའི་དྲུང་དུ་མིའི་ཆོས་བླ་མར་གྱུར་པ་སྨྲས་པ་ལ། ཡུལ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབུས་པས་དབུས་པའི་སྐད་དུ་མཐའ་འཁོབ་པའི་དྲུང་དུ་མིའི་ཆོས་བླ་ [12a.2]མར་གྱུར་པ་སྨྲས་ལ་མཐའ་འཁོབ་པས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་ [12a.3]པ་རེ་ཞིག་དགེ་སློང་གིས་དབེན་པར་དབེན་པའི་འདུ་ཤེས་ཀྱིས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབེན་པར་མི་དབེན་པའི་འདུ་ཤེས་ཀྱིས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་ [12a.4]པར་དབེན་པའི་འདུ་ཤེས་ཀྱིས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པར་མི་དབེན་པའི་འདུ་ཤེས་ཀྱིས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་གིས་གསང་སྔགས་སམ་ [12a.5]སྨན་དག་གིས་བདག་ཉིད་མི་གདའ་བར་བགྱིས་ནས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་གཞན་ལས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་ [12a.6]དགེ་སློང་གིས་གཞན་དག་གི་སླད་དུ་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མིའི་ཆོས་བླ་མར་གྱུར་པ་སྨྲས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་ [12a.7]དང་། དང་པོ་མི་མཐུན་པ་ཅན་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་གིས་{བརྫུན་,རྫུན་}དུ་སྨྲས་པའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་དང་། [12b] [12b.1]དགེ་ཚུལ་མ་ལ་ནི་ཉེས་བྱས་སོ། །ཉེ་བ་འཁོར་གྱིས་ཞུས་པ། ཁ་ཆེ་བ་ལས་ཕམ་པ་སྦྱར་བ་རྫོགས་སོ།། །།སྡོམ་ལ། མ་ལོག་སྦུབས་དང་དེ་བཞིན་གཡོས། །རྩོལ་བ་མེད་པ་དག་དང་མཚན། །གཞན་གྱི་དག་དང་བཅས་པ་འདིར། །ཚོགས་སུ་ཡང་དག་བཤད་ [12b.2]པ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཆེད་དུ་བསམས་ནས་ཁུ་བ་ཕྱུང་ན་རྨི་ལམ་གྱི་མ་གཏོགས་ཏེ། དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གཉིད་མ་ [12b.3]ལོག་པའི་གནས་སྐབས་སུ་བརྩམས་ཏེ་གཉིད་ལོག་ནས་ཁུ་བ་ཕྱུང་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་གཉིད་ལོག་པའི་ཚེ་བརྩམས་ཏེ་སད་ནས་ཁུ་བ་ཕྱུང་ན་ཅིར་འགྱུར་ལགས། གལ་ཏེ་རྩོལ་ན་ཉེས་པ་སྦོམ་པོར་འགྱུར་རོ། །འོན་ཏེ་མི་རྩོལ་ན་ལྟུང་བ་མེད་ [12b.4]དོ། །བཙུན་པ་རེ་ཞིག་བཅོམ་ལྡན་འདས་ཀྱིས་ཁུ་བ་སྦུབས་སུ་ཕྱིན་པ་ཕྱུང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་གང་ལགས་པ། ཇི་ཙམ་གྱིས་ན་སྦུབས་སུ་ཕྱིན་པ་ལགས། གནས་ནས་འཕགས་མ་ཐག་ཏུ་སྦུབས་སུ་ཕྱིན་པར་འགྱུར་རོ། །བཙུན་པ་བཅོམ་ལྡན་འདས་ཀྱིས་བསྐྱོད་ [12b.5]དེ་བཏང་བ་ལས་ཁུ་བ་ཕྱུང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་གང་ལགས་པ། ཇི་ཙམ་གྱིས་ན་བསྐྱོད་དེ་བཏང་བ་ལགས། མཇུག་ཐོགས་སུ་གནས་ནས་འཕགས་པ་ལས་བཏང་བ་ཡིན་ནོ། །བཙུན་པ་མ་རྩལ་བར་ཁུ་བ་ཕྱུང་ན་ཅིར་འགྱུར་ལགས། གལ་ཏེ་བདག་གིར་མི་ [12b.6]བྱེད་ན་ལྟུང་བ་མེད་དོ། །འོན་ཏེ་བདག་གིར་བྱེད་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་ཁུ་བ་འབྱིན་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་ཁུ་བ་འབྱིན་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་ [12b.7]འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་གིས་གཞན་གྱི་ཟག་བྱེད་ནས་ཁུ་བ་འབྱིན་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཆེད་དུ་བསམས་ཏེ་ཁུ་བ་ཕྱུང་ན་དགེ་འདུན་ལྷག་མར་མི་འགྱུར་བ་ལྟ་ [13a] [13a.1]མཆིས་ལགས་སམ་ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་ཁུ་བ་འབྱིན་པ་དགེ་འདུན་ལྷག་མར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་དགེ་ [13a.2]འདུན་ལྷག་མར་འགྱུར་རོ། །དགེ་སློང་མ་ལ་ནི་གཞི་ཇི་ལྟ་བ་བཞིན་ནོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ།། །།སྡོམ་ལ། ལུས་དང་ཡིད་གཉིས་སོ་དང་ནི། །རྨ་སྤུ་དེ་བཞིན་སེན་མོ་དང་། །བཞི་པ་གཉིས་སུ་བྱས་ན་ནི། །ཚོགས་སུ་ཡང་ [13a.3]དག་བཤད་པ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་དང་ལྷན་ཅིག་ལུས་ཀྱིས་རེག་པར་བྱེད་ཅིང་ལག་པ་ནས་བཟུང་ངམ། དཔུང་པ་ནས་བཟུང་ངམ། [13a.4]ལན་བུ་ནས་བཟུང་ངམ། ཡན་ལག་དང་ཉིང་ལག་གང་ཡང་རུང་བ་ལ་ནོམ་པ་དང་། ཉུག་པ་བདག་གིས་བྱེད་ན་དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་བུད་མེད་ལུས་ཀྱི་དབང་པོ་ཉམས་པར་གྱུར་ལ། དགེ་སློང་གིས་དེ་དང་ལྷན་ཅིག་ལུས་ཀྱིས་རེག་པར་ [13a.5]བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་ལུས་ཀྱི་དབང་པོ་ཉམས་པར་གྱུར་པ་དེས་བུད་མེད་དང་ལྷན་ཅིག་ལུས་ཀྱིས་རེག་པར་བྱེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དེ་གཉིས་ཀའི་ལུས་ཀྱི་དབང་པོ་ཉམས་པར་གྱུར་ [13a.6]ལ་དེ་དག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་དེ་འདི་ཡིན་ནམ། དེ་འདི་མ་ཡིན་སྙམ་དུ་སོམ་ཉི་དང་ཐེ་ཚོམ་འཚལ་བཞིན་དུ་དེ་ཡང་དེ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་གྱི་ལྷག་མར་འགྱུར་ [13a.7]རོ། །བཙུན་པ་རེ་ཞིག་དགེ་སློང་འདི་བུད་མེད་ཡིན་ནམ། འོན་ཏེ་བུད་མེད་མ་ཡིན་སྙམ་དུ་སོམ་ཉི་དང་ཐེ་ཚོམ་འཚལ་བཞིན་དུ་དེ་ཡང་དེ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས་དངོས་པོ་ཇི་ལྟ་བ་བཞིན་ནོ། །བཙུན་པ་རེ་ཞིག་སོས་རེག་པར་བགྱིད་ན་ཅིར་འགྱུར་ལགས། ཉེས་ [13b] [13b.1]པ་སྦོམ་པོར་འགྱུར་རོ། །བཙུན་པ་རེ་ཞིག་སོ་དག་ལ་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་རྨས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་རྨ་དག་ལ་རེག་པར་བགྱིད་ན་ཅིར་འགྱུར་ལགས། ཉེས་པ་ [13b.2]སྦོམ་པོར་འགྱུར་རོ། །བཙུན་པ་རེ་ཞིག་སྤུས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་སྤུ་དག་ལ་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་སེན་མོས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་ [13b.3]འགྱུར་རོ། །བཙུན་པ་རེ་ཞིག་སེན་མོ་དག་ལ་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མིའི་བུད་མེད་ལ་མིར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །མིའི་ལ་མི་མ་ལགས་པར་འདུ་ [13b.4]ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་མ་ལགས་པར་མིར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་མ་ལགས་པ་ལ་མིའི་མ་ལགས་པར་འདུ་ཤེས་པས་ལུས་ཀྱིས་རེག་ [13b.5]པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བར་ཆད་དང་བཅས་པ་ལ་བར་ཆད་དང་བཅས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་དང་བཅས་པ་ལ་བར་ [13b.6]ཆད་མ་མཆིས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་མ་མཆིས་པར་བར་ཆད་དང་བཅས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་མ་མཆིས་ [13b.7]པ་ལ་བར་ཆད་མ་མཆིས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ།། །།སྡོམ་ལ། འདུ་ཤེས་གཞན་རོ་རུས་པ་དང་། །མཚན་དང་སྐྱེས་པ་མཉེན་པ་དང་། །འཇམ་དྲོ་མ་ནིང་སྨྱོན་པ་དང་། །སྙོམས་འཇུག་ [14a] [14a.1]གཉིད་ལོག་འགྲོ་བ་མིན། །བཙུན་པ་རེ་ཞིག་བུད་མེད་གཞན་ཞིག་དང་ལྷན་ཅིག་ཆགས་པ་སྐྱེས་པ་གཞན་ཞིག་དང་ལྷན་ཅིག་ལུས་ཀྱིས་རེག་པར་བྱེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་བུད་མེད་ཀྱི་རོ་དང་ལྷན་ཅིག་ཏུ་ལུས་ཀྱིས་རེག་པར་བགྱིད་ [14a.2]ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་ཤ་མ་མཆིས་པ་རུས་པའི་རུས་གོང་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་བུད་མེད་དང་ལྷན་ཅིག་ལུས་ཀྱིས་རེག་པར་བགྱིད་པ་ལས་དེའི་མཚན་གྱུར་ཏེ། [14a.3]དགེ་སློང་མར་རེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་མ་ཞིག་སྐྱེས་པ་དང་ལྷན་ཅིག་ཏུ་ལུས་ཀྱིས་རེག་པར་བགྱིད་པ་ལས་དེའི་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་ [14a.4]སྐྱེས་པ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་གཉེན་ནམ་སྙམ་པའི་བསམས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །འཇམ་པའི་བསམ་པ་དང་དྲོ་བའི་ [14a.5]བསམ་པས་ཀྱང་དེ་དང་འདྲའོ། །བཙུན་པ་རེ་ཞིག་དགེ་སློང་མ་ནིང་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མ་ནིང་མོ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་ [14a.6]སློང་སྨྱོན་པ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་རྣམ་པར་འཁྲུགས་པ་དང་། ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་བུད་མེད་ [14a.7]སྙོམས་པར་ཞུགས་པ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་བུད་མེད་གཉིད་ཀྱིས་ལོག་པ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་ [14b] [14b.1]རེ་ཞིག་དགེ་སློང་འགྲོ་བ་གཞན་པའི་བུད་མེད་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་ལུས་ཀྱིས་རེག་པར་བགྱིད་ཀྱང་། དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་ [14b.2]དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །ཇི་ལྟར་དགེ་སློང་གིས་ལུས་ཀྱིས་ཀུན་ཏུ་རེག་པར་བྱས་པ་ལས་དགེ་འདུན་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་གྱི་ལྷག་མར་འགྱུར་རོ། །དགེ་སློང་ [14b.3]མ་སྐྱེས་པ་དང་ལྷན་ཅིག་ལུས་ཀྱིས་ཀུན་དུ་རེག་པར་བྱེད་པ་ལ་ནི་ཕམ་པར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སུ་འགྱུར་རོ།། །།སྡོམ་ལ། སྐད་དང་ལུས་དང་དབེན་སྔགས་དང་། །གཞན་ལས་གཞན་ཕྱིར་སྤྲུལ་པ་དང་། །ཕོ་ཉ་ཡི་གེ་ལག་བརྡ་ [14b.4]དང་། །གཞན་ལ་སྙད་འདོགས་བརྒྱུད་པ་དང་། །བགོ་བཤའ་མ་ནིང་སྐྱེས་པ་དང་། །མ་ནིང་མོ་མཛེས་སྡིག་ཅན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་ [14b.5]མེད་ཀྱི་ཡུལ་ལ་གནས་ངན་ལེན་གྱི་ཚིག་སྡིག་པ་ཅན་ཚོགས་པར་མི་དབྱུང་བ་འཁྲིག་པ་དང་ལྡན་པ་ཇི་ལྟར་སྐྱེས་བུས་ན་ཆུང་ལ་བྱ་བ་བཞིན་དུ་ཡང་སྨྲས་ན་དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དབུས་པའི་དགེ་སློང་ཞིག་གིས་དབུས་པའི་བུད་མེད་ལ་མཐའ་ [14b.6]འཁོབ་པའི་སྐད་དུ་གནས་ངན་ལེན་གྱི་ཚིག་སྨྲས་ལ། དབུས་པའི་བུད་མེད་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པ་ཞིག་མཐའ་འཁོབ་པའི་བུད་མེད་ལ་དབུས་པའི་སྐད་ཀྱིས་གནས་ངན་ལེན་གྱི་ཚིག་སྨྲས་ལ། [14b.7]མཐའ་འཁོབ་པའི་བུད་མེད་ཀྱིས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པ་ཞིག་གིས་དབུས་པའི་བུད་མེད་ལ་མཐའ་འཁོབ་པའི་སྐད་དུ་གནས་ངན་ལེན་གྱི་ཚིག་སྨྲས་ལ། དབུས་པའི་བུད་མེད་ཀྱིས་ཀྱང་མཐའ་འཁོབ་ [15a] [15a.1]པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབུས་པ་ཞིག་གིས་མཐའ་འཁོབ་པའི་བུད་མེད་ལ་དབུས་པའི་སྐད་དུ་གནས་ངན་ལེན་གྱི་ཚིག་སྨྲས་ལ། མཐའ་འཁོབ་པའི་བུད་མེད་ཀྱིས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ [15a.2]ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་ལ་ལུས་ཀྱི་རྣམ་པར་རིག་བྱེད་ཀྱིས་གནས་ངན་ལེན་གྱི་ཚིག་སྟོན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་བུད་མེད་ལ་གནས་ངན་ལེན་ [15a.3]གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབེན་པ་ལས་མི་དབེན་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པ་ལས་དབེན་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། [15a.4]ཉེས་པ་སྦོམ་པོར་འགྱུར་རོ། །མི་དབེན་པ་ལས་མི་དབེན་པར་འདུ་ཤེས་པས་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་གིས་སྨན་ནམ་གསང་སྔགས་ཀྱིས་བདག་ཉིད་མི་གདའ་བར་བགྱིས་ཏེ་བུད་མེད་ལ་ [15a.5]གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་གཞན་ཞིག་ལས་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་གཞན་དག་ [15a.6]གི་སླད་དུ་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་སྤྲུལ་པ་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་ཕོ་ཉ་ལས་བུད་མེད་ཀྱི་ [15a.7]གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་ཡི་གེ་དང་ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་དེ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་ལ་བགོ་ [15b] [15b.1]བཤའ་གྱིས་ཤིག་ཅེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མ་ནིང་ལ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྐྱེས་པ་ལ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མ་ནིང་མོ་ལ་སྨྲས་ན་ཅིར་འགྱུར་ [15b.2]ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་ལ་འདི་སྐད་དུ་མཛེས་སོ་ཞེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་ལ་འདི་སྐད་ཅེས་སྡིག་པ་ཅན་ནོ་ཞེས་བགྱིས་ན་ཅིར་འགྱུར་ལགས། ཉེས་པ་སྦོམ་ [15b.3]པོར་འགྱུར་རོ།། །།སྡོམ་ལ། སྨྱོན་པ་དང་ནི་སེམས་འཁྲུགས་སམ། །ཚོར་བ་འོན་མ་གླེན་མ་དང་། །གཉིད་ལོག་ར་རོ་རབ་མྱོས་དང་། །དགེ་སློང་མ་དང་སྙོམས་པར་ཞུགས། །བཙུན་པ་རེ་ཞིག་དགེ་སློང་གིས་བུད་མེད་སྨྱོན་པ་ཞིག་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། [15b.4]ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་མ་དང་། གླེན་མ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་ [15b.5]རོ། །བཙུན་པ་རེ་ཞིག་དགེ་སློང་བུད་མེད་ལ་གནས་ངན་ལེན་གྱི་ཚིག་སྨྲ་བ་ལས་དེའི་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་མ་ཞིག་སྐྱེས་པ་ལ་གནས་ངན་ལེན་གྱི་ཚིག་སྨྲ་བ་ལས་དེའི་མཚན་གྱུར་ཏེ་དགེ་སློང་དུ་རེད་ [15b.6]ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ཀྱི་ཡུལ་ལ་གནས་ངན་ལེན་གྱི་ཚིག་སྨྲས་ན་དགེ་འདུན་ལྷག་མར་འགྱུར་རོ། །ཞེས་གསུངས་པ་གང་ལགས་པ། བཙུན་པ་དགེ་སློང་གིས་བུད་མེད་ཀྱི་ཡུལ་ལ་གནས་ངན་ [15b.7]ལེན་གྱི་ཚིག་སྨྲས་ཀྱང་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་གཞན་གྱི་ཕྱིར་སྨྲས་ན་ཅིར་འགྱུར་ཞེ་ན། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་སྙོམས་པར་ཞུགས་པ་ཞིག་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ [16a] [16a.1]ལགས། ཉེས་པ་སྦོམ་པོར་འགྱུར་རོ།། །།སྡོམ་ལ། བཞི་པ་གཉིས་དང་འདུ་ཤེས་གཞན། །གནས་ངན་ལེན་ལ་གང་བསྒྲགས་པ། །བསྙེན་བཀུར་ལ་ཡང་དེ་བཞིན་དུ། །རྒྱས་པར་རབ་ཏུ་བཤད་པར་བྱ། །བཙུན་པ་རེ་ཞིག་དགེ་སློང་གིས་མིའི་བུད་མེད་ལ་མི་མ་ [16a.2]ལགས་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་མོ་ལ་མིར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་བུད་མེད་ལ་མིར་འདུ་ཤེས་པས་གནས་ངན་ [16a.3]ལེན་གྱི་ཚིག་སྨྲས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་ལ་བུད་མེད་དུ་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བུད་མེད་ལ་སྐྱེས་པར་འདུ་ཤེས་པས་གནས་ [16a.4]ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྐྱེས་པ་ལ་བུད་མེད་དུ་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྐྱེས་པ་ལ་སྐྱེས་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ [16a.5]ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་གཞན་དུ་འདུ་ཤེས་པས་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བུད་མེད་ཀྱི་ཡུལ་ལ་གནས་ངན་ལེན་གྱི་ཚིག་སྨྲས་ [16a.6]ཀྱང་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །ཇི་ལྟར་དགེ་སློང་ལ་གནས་ངན་ལེན་གྱི་ཚིག་སྨྲ་བའི་དགེ་ [16a.7]འདུན་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་ལྷག་མར་འགྱུར་རོ། །དགེ་སློང་མ་ལ་ནི་ཉེས་པ་སྦོམ་པོར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་ [16b] [16b.1]འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་གྱི་མདུན་དུ་སུ་བསྙེན་བཀུར་རྣམས་ཀྱི་ནང་ན་ནི་འདི་ལྟ་སྟེ། ང་ལྟ་བུའི་དགེ་སློང་ཚུལ་ཁྲིམས་དང་ལྡན་པ། དགེ་བའི་ཆོས་ཅན་ཚངས་པར་སྤྱོད་པ་ལ་ [16b.2]འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱེད་པ་འདི་ནི་མཆོག་ཡིན་ནོ་ཞེས་བདག་ཉིད་ཀྱི་བསྙེན་བཀུར་བསྔགས་པ་བརྗོད་ན། དགེ་འདུན་ལྷག་མའོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་ཇི་ལྟར་གནས་ངན་ལེན་སྨྲས་པ་ལས་བཤད་པ་དེ་བཞིན་ [16b.3]དུ་བསྙེན་བཀུར་བསྔགས་པ་ཡང་བརྗོད་པར་བྱའོ། །ཁྱད་པར་ནི་འདི་ཡིན་ཏེ། དགེ་སློང་མས་བསྙེན་བཀུར་བསྔགས་པ་ལ་ནི་ཉེས་བྱས་སུ་བརྗོད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ།། །།སྡོམ་ལ། ཆོས་གཉིས་དང་ནི་བཞི་ཚན་དྲུག །དབང་ [16b.4]བ་དང་ནི་ཉོ་བ་གཉིས། །སྤོ་བ་དང་ནི་བཞི་ཚན་གཉིས། །བརྒྱད་པ་དག་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ཆོས་གང་འདས་པ་ཡང་མ་ལགས། མ་འོངས་པ་ཡང་མ་ལགས། ད་ལྟར་བྱུང་བ་ཡང་མ་ལགས། འགྲོ་ [16b.5]བ་དང་ཕྱིར་འོང་བ་ཡང་མ་མཆིས་ལ། ལས་ཀྱི་མཐའི་མཇུག་གི་མཐར་ཕྱིན་པའི་ཆོས་དེ་གང་ལགས། ཉེ་བ་འཁོར་མྱ་ངན་ལས་འདས་པའོ། །བཙུན་པ་ཆོས་གང་དང་འགྲོ་བ་དང་། ཕྱིར་འོང་བ་མཆིས་ལ། ལས་ཀྱི་མཐའ་མཇུག་གི་མཐར་ཕྱིན་པའི་ཆོས་དེ་གང་ལགས། ཉེ་བ་ [16b.6]འཁོར་སྨྱན་བྱེད་པའོ། །དེ་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ལ་སྐྱེས་པའི་ཚིག་ཀྱང་རུང་། སྐྱེས་པ་ལ་བུད་མེད་ཀྱི་ཚིག་གིས་ཀྱང་རུང་། ཆུང་མ་ཉིད་དམ། མཛའ་ན་མོ་ཉིད་དུ་ [16b.7]སྨྱན་བྱེད་ན་ཐ་ན་དེའི་སྐད་ཅིག་ལ་ཡང་རུང་སྟེ། དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་སྨྱོན་པ་ལས་ཕྲིན་བླངས་ནས་སྨྱོན་པ་ལ་སྐྱེལ་ཅིང་། སྨྱོན་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་ [17a] [17a.1]རོ། །སྨྱོན་པ་ལས་ཕྲིན་བླངས་ནས་སྨྱོན་པ་ལ་སྐྱེལ་ཅིང་། རང་བཞིན་དུ་གནས་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྨྱོན་པ་ལས་ཕྲིན་བླངས་ནས་རང་བཞིན་དུ་གནས་པ་ལ་སྐྱེལ་ཅིང་། སྨྱོན་པ་ལས་ཕྱིར་སྐྱེལ་བར་བགྱིད་ན་ཅིར་འགྱུར་ [17a.2]ལགས། ཉེས་པ་སྦོམ་པོར་འགྱུར་རོ། །སྨྱོན་པ་ལས་ཕྲིན་བླངས་ནས་རང་བཞིན་དུ་གནས་པ་ལ་སྐྱེལ་ཅིང་རང་བཞིན་དུ་གནས་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་རང་བཞིན་དུ་གནས་པ་ལས་ཕྲིན་བླངས་ནས་རང་བཞིན་ [17a.3]དུ་གནས་པ་ལ་སྐྱེལ་ཅིང་རང་བཞིན་དུ་གནས་པ་ལ་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །རང་བཞིན་དུ་གནས་པ་ལས་ཕྲིན་བླངས་ནས་རང་བཞིན་དུ་གནས་པ་ལ་སྐྱེལ་ཅིང་། སྨྱོན་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་ [17a.4]སྦོམ་པོར་འགྱུར་རོ། །རང་བཞིན་དུ་གནས་པ་ལས་ཕྲིན་བླངས་ནས་སྨྱོན་པ་ལ་སྐྱེལ་ཅིང་། རང་བཞིན་དུ་གནས་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །རང་བཞིན་དུ་གནས་པ་ལས་ཕྲིན་བླངས་ནས་སྨྱོན་པ་ལ་སྐྱེལ་ཅིང་། སྨྱོན་པ་ལ་ [17a.5]སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྨྱོན་པ་ལ་བཞི་ཚན་གཉིས་པོ་ཇི་ལྟ་བ་དེ་བཞིན་དུ་སེམས་འཁྲུགས་པ་ལ་ཡང་བཞི་ཚན་གཉིས། ཚོར་བས་ཉམ་ཐག་པ་ལ་ཡང་བཞི་ཚན་གཉིས་སུ་བྱའོ། །བཙུན་པ་དབང་བ་དང་མི་དབང་བའི་ཁྱིམ་བདག་ [17a.6]གཉིས་ལ། རེ་ཞིག་དགེ་སློང་གིས་དབང་བ་ལས་ཕྲིན་བླངས་ནས་དབང་བ་ལ་སྐྱེལ་ཅིང་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དབང་བ་ལས་ཕྲིན་བླངས་ནས་དབང་བ་ལ་སྐྱེལ་ཅིང་། མི་དབང་བ་ལ་ཕྱིར་སྐྱེལ་བར་བགྱིད་ན་ [17a.7]ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབང་བ་ལས་ཕྲིན་བླངས་ནས་མི་དབང་བ་ལ་སྐྱེལ་ཅིང་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབང་བ་ལས་ཕྲིན་བླངས་ནས་མི་དབང་བ་ལ་སྐྱེལ་ཅིང་། མི་དབང་བ་ལ་ཕྱིར་སྐྱེལ་བར་ [17b] [17b.1]བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མི་དབང་བ་ལས་ཕྲིན་བླངས་ནས་མི་དབང་བ་ལ་སྐྱེལ་ཅིང་། མི་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སུ་འགྱུར་རོ། །མི་དབང་བ་ལས་ཕྲིན་བླངས་ནས་ [17b.2]མི་དབང་བ་ལ་སྐྱེལ་ཅིང་། དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབང་བ་ལས་ཕྲིན་བླངས་ནས་དབང་བ་ལ་སྐྱེལ་ཅིང་། མི་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབང་ [17b.3]བ་ལས་ཕྲིན་བླངས་ནས་དབང་བ་ལ་སྐྱེལ་ཅིང་། དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཁྱིམ་བདག་ཅིག་ལ་འདི་སྐད་ཅེས་བུད་མེད་ཉོས་ཤིག་ཅེས་བགྱིས་ན་ཅིར་འགྱུར་ལགས། ཉེས་པ་སྦོམ་ [17b.4]པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཁྱིམ་བདག་ཅིག་ལ་འདི་སྐད་ཅེས་བུད་མེད་ཆེ་གེ་མོ་ཞེས་བྱ་བ་ཉོས་ཤིག་ཅེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་བསྙེན་པར་མ་རྫོགས་པར་སྨྱན་བགྱི་བར་སྦྱོར་བ་བགྱིས་ལ་ [17b.5]བསྙེན་པར་མ་རྫོགས་པར་སྐྱེལ་ཅིང་། བསྙེན་པར་མ་རྫོགས་པར་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྨྱན་བགྱིད་པར་སྦྱོར་བ་བགྱིས་ལ་བསྙེན་པར་མ་རྫོགས་པར་སྐྱེལ་ཅིང་། བསྙེན་པར་རྫོགས་ཀར་ཕྱིར་ [17b.6]སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྨྱན་བགྱིད་པར་སྦྱོར་བ་བགྱིས་ལ་བསྙེན་པར་མ་རྫོགས་པར་སྐྱེལ་ཅིང་། བསྙེན་པར་རྫོགས་ཏེ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་སྨྱན་ [17b.7]བགྱིད་པར་སྦྱོར་བ་བགྱིས་ལ་བསྙེན་པར་རྫོགས་ཀར་སྐྱེལ་ཅིང་། བསྙེན་པར་རྫོགས་ནས་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སུ་འགྱུར་རོ། །བསྙེན་པར་རྫོགས་ཀར་སྨྱན་བགྱི་བར་སྦྱོར་བ་བགྱིས་ལ་བསྙེན་པར་རྫོགས་ཀར་སྐྱེལ་ཅིང་། བསྙེན་པར་རྫོགས་ནས་ [18a] [18a.1]ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ནས་སྨྱན་བགྱི་བར་སྦྱོར་བ་བགྱིས་ལ། བསྙེན་པར་རྫོགས་ནས་སྐྱེལ་ཅིང་། བསྙེན་པར་རྫོགས་ནས་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་ [18a.2]མར་འགྱུར་རོ། །བསྙེན་པར་རྫོགས་ཏེ་སྨྱན་བགྱིས་ལ་བསྙེན་པར་རྫོགས་ཏེ་སྐྱེལ་ཅིང་བསྙེན་པར་མ་རྫོགས་པར་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སུ་འགྱུར་རོ། །བཙུན་པ་གང་ཟག་དེ་ཉིད་སྤོ་བ་ཡང་ལགས། དེ་ཉིད་སྤོ་བ་བགྱིས་པ་ཡང་ལགས། དེ་ཉིད་མགུ་བར་ [18a.3]བགྱི་བར་སྤྱོད་པ་ཡང་ལགས། དེ་ཉིད་མགུ་བར་བགྱིད་པ་སྤྱད་པ་ཡང་ལགས་པ་ལྟ་མཆིས་ལགས་སམ། ཡོད་དེ་འདི་ལྟར་མགུ་བར་བྱ་བ་སྤྱད་པའི་གང་ཟག་ལ་དགེ་འདུན་ལྷག་མའི་ལྟུང་བ་མ་བཅབས་པ་བྱུང་བ་དེ་དགེ་འདུན་གྱི་དྲུང་དུ་སོང་ནས་མགུ་བར་བྱ་བ་གསོལ་བ་ལས། དགེ་འདུན་ [18a.4]གྱིས་དེ་ལ་མགུ་བར་བྱ་བ་བྱིན་ནས། དེས་མགུ་བར་བྱ་བ་ཕལ་ཆེར་སྤྱད་པ་ལས་དགེ་འདུན་ལྷག་མའི་ལྟུང་བ་གཉིས་པོ་གཅིག་ནི་ཞག་གཅིག་བཅབས། གཉིས་པ་ནི་ཞག་གཉིས་བཅབས་པ་བྱུང་ནས་དེ་དགེ་འདུན་གྱི་དྲུང་དུ་སོང་སྟེ་སྤོ་བ་གསོལ་བ་ལས་དགེ་འདུན་གྱིས་དེ་ལ་སྤོ་བ་ [18a.5]བྱིན་ན་དེ་ལྟུང་བ་གཅིག་ནི་བྱས་པ་ཡིན་ནོ། །གཉིས་པས་ནི་སྤོ་བ་ཡིན་ནོ། །གསུམ་པས་ནི་མགུ་བར་བྱ་བ་སྤྱོད་པ་ཡིན་ནོ། །བཞི་པས་ནི་མགུ་བར་བྱ་བ་སྤྱད་པ་ཡིན་ནོ། །བཙུན་པ་རེ་ཞིག་མོ་ཡང་མི་ལགས། ཕོ་ཡང་མི་ལགས་ལ། དགེ་སློང་གིས་དེ་གཉིས་ཀྱི་སྨྱན་བགྱིས་ [18a.6]ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །མོ་ནི་མི་མ་ལགས། ཕོ་ནི་མི་མ་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མོ་ནི་མི་མ་ལགས། ཕོ་ནི་མི་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་ [18a.7]འགྱུར་ལགས། ཉེས་པ་སྦོམ་པོར་འགྱུར་རོ། །མོ་ཡང་མི་མ་ལགས། ཕོ་ཡང་མི་མ་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་མི་དག་ལ་མིར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས། [18b] [18b.1]དགེ་འདུན་ལྷག་མར་འགྱུར་རོ། །མི་དག་ལ་མི་མ་ལགས་པར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་དག་ལ་མིར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་དག་ [18b.2]ལ། མི་མ་ལགས་པར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བརྒྱུད་དེ་སྨྱན་བགྱིས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ།། །།སྡོམ་ལ། གཞོན་ནུ་མ་དང་བུ་མེད་མངལ། །ཟ་མ་ [18b.3]མ་ནིང་མ་ནིང་མོ། །དགེ་འདུན་ཐམས་ཅད་བརྟུལ་ཞུགས་གནས། །མཚན་གཉིས་དང་ནི་འདྲི་བའོ། །བཙུན་པ་རེ་ཞིག་དགེ་སློང་གིས་གཞོན་ནུ་མ་ལ་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་བུ་མ་མཆིས་པའི་ཁྱིམ་བདག་རྣམས་ཀྱི་སྨྱན་ [18b.4]བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་མངལ་ན་གནས་པ་རྣམས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་ཟ་མའི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མ་ནིང་མོ་ [18b.5]རྣམས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་དགེ་འདུན་ཐམས་ཅད་འདུས་པའི་དྲུང་དུ་ཁྱིམ་བདག་གཅིག་ཕྱིན་ནས་འདི་སྐད་ཅེས་འཕགས་པ་དག་བདག་གི་ཚིག་གིས་ཁྱིམ་བདག་ཆེ་གེ་མོ་ཞིག་ལ་འདི་སྐད་ཅེས་བདག་གི་བུ་ལ། བུ་མོའམ། [18b.6]སྲིང་མོའམ། ཚ་མོའམ། ཡང་ཚ་མོ་སྩོལ་ཅིག་ཅེས་གསུང་སྤྱོད་དམ་ཞེས་བགྱིས་པ་ལས། གལ་ཏེ་དགེ་འདུན་ཀུན་གྱིས་ཕྲིན་བླངས་ནས་སྐྱེལ་ཅིང་ཕྱིར་སྐྱེལ་བར་བགྱིད་ན་དགེ་འདུན་ཐམས་ཅད་ལ་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །འོན་ཏེ་དགེ་འདུན་ [18b.7]ཐམས་ཅད་ཀྱི་ཕྲིན་གྱིས་དགེ་སློང་གཅིག་གིས་སྐྱེལ་ཅིང་ཕྱིར་སྐྱེལ་བར་བགྱིད་ན་དགེ་འདུན་ཐམས་ཅད་ལ་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །འོན་ཏེ་དགེ་སློང་གཅིག་གིས་རང་གི་ཚིག་གིས་སྐྱེལ་ཅིང་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་ [19a] [19a.1]པོར་འགྱུར་རོ། །དགེ་སློང་མ་དང་། བརྟུལ་ཞུགས་ལ་གནས་པར་ཚངས་པར་སྤྱོད་པ་གཞན་དག་གི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཕྲིན་ལེན་པ་ལས་བླངས་མ་ཐག་ཏུ་དེའི་མཚན་གྱུར་ཏེ། དགེ་སློང་མར་རེད་ནས་ [19a.2]སྐྱེལ་ཅིང་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་མ་ཞིག་ཕྲིན་ལེན་པ་ལས་བླངས་མ་ཐག་ཏུ་དེའི་མཚན་གྱུར་ཏེ། དགེ་སློང་དུ་རེད་ནས་སྐྱེལ་ཅིང་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་ [19a.3]པ་རེ་ཞིག་དགེ་སློང་ཕྲིན་ལེན་པ་ལས་བུད་མེད་དེ་ལ་ནི་ཕོ་མཚན་སྐྱེས། སྐྱེས་པ་ལ་ནི་བུད་མེད་ཀྱི་མོ་མཚན་དོད་པར་གྱུར་ནས་མཚན་འཕོས་བཞིན་དུ་སྐྱེལ་ཅིང་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་སྐྱེས་པས་བུད་མེད་དང་ལྷན་ཅིག་བརྡ་བགྱིས་པར་གྱུར་ལ། [19a.4]སྐྱེས་པ་དེས་དགེ་སློང་ཞིག་ལ་འདི་སྐད་ཅེས་འཕགས་པས་བུད་མེད་ལྟ་གཟིགས་སམ་ཞེས་བགྱིས་པ་དང་། དགེ་སློང་དེས་འདི་སྐད་ཅེས་དེ་ར་བའི་དྲུང་དུ་འདུག་གོ་ཞེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་སྨྱན་བགྱིས་ཀྱང་དགེ་ [19a.5]འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །ཇི་ལྟར་དགེ་སློང་སྨྱན་བྱས་པ་ལ་དགེ་འདུན་ལྷག་མར་གྱུར་ [19a.6]པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་དགེ་འདུན་ལྷག་མར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ།། །།སྡོམ་ལ། གཞི་གསུམ་དང་ནི་ཚད་མ་དང་། །བདག་དང་གཞན་དང་མ་གཡོགས་པ། ། [19a.7]བབས་དང་བདུན་ཚན་ཉིད་དང་ནི། །མཚན་ནི་ཐ་མར་གྱུར་པ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་བསླངས་པ་བདག་པོ་མེད་པ། བདག་གི་ཕྱིར་ཁང་པ་ཞིག་རྩིག་ཏུ་བཅུག་ན། དགེ་སློང་ [19b] [19b.1]དེས་ཁང་པ་ཚད་བཞིན་དུ་རྩིགས་ཤིག །དེ་ལ་ཁང་པའི་ཚད་ནི་འདི་ཡིན་ཏེ། ནང་གི་སྲིད་དུ་བདེ་བར་གཤེགས་པའི་མཐོ་བཅུ་གཉིས་ཞེང་དུ་མཐོ་བདུན་ནོ། །གཞི་བལྟ་བའི་ཕྱིར་དགེ་སློང་དེས་དགེ་སློང་དག་བཀྲི་བར་བྱའོ། །ཁྲིད་པའི་དགེ་སློང་དག་གིས་ཀྱང་གཞི་རུང་བ་དང་། རྩོད་པ་མེད་པ་དང་། [19b.2]བརྩམ་དུ་རུང་བར་བལྟ་བར་བྱའོ། །གལ་ཏེ་དགེ་སློང་གིས་གཞི་མི་རུང་བའམ། རྩོད་པ་དང་བཅས་པའམ། བརྩམ་དུ་མི་རུང་བར་བདག་གིས་བསླངས་པ་བདག་པོ་མེད་པ་བདག་གི་ཕྱིར་ཁང་པ་རྩིག་ཏུ་འཇུག་གམ། གཞི་བལྟ་བའི་ཕྱིར་དགེ་སློང་དག་ཀྱང་མི་ཁྲིད་དམ། དགེ་སློང་ཁྲིད་པ་ [19b.3]དག་ལ་ཡང་གཞི་མི་སྟོན་ཏམ། ཚད་ལས་འདས་ན་དགེ་འདུན་ལྷག་མར་འགྱུར་རོ། །ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གཞི་མ་སྣད་པར་ཁང་པ་རྩིག་ཏུ་སྩོལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གཞི་བསླངས་ནས་ཁང་པ་རྩིག་ཏུ་སྩོལ་ན་ཅིར་ [19b.4]འགྱུར་ལགས། ཉེས་བྱས་སོ། །ཁང་པ་གནང་བ་སྩོལ་ནས་ཁང་པ་མ་བརྩིགས་ན་ཅིར་འགྱུར་ལགས། ཉེས་བྱས་སོ། །བདག་གིས་བརྩམས་ཏེ་འཕྲོ་བོར་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གཞན་གྱིས་འཕྲོ་བོར་བ་ལགས་པར་བགྱིད་ན་ཅིར་འགྱུར་ལགས། [19b.5]ཉེས་པ་སྦོམ་པོར་འགྱུར་རོ། །མ་གཡོགས་པ་རྩིག་ཏུ་སྩལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསམས་ནས་བབས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་བདག་ཉིད་སྲོག་དང་ཕྲལ་བའམ། ཁྱིམ་པ་ཉིད་དུ་གཡར་གྱིས་འཆི་བ་དང་། [19b.6]དགེ་སྦྱོང་གི་ཆེད་ཉིད་དང་། ཟ་མ་ཉིད་དང་། མ་ནིང་ཉིད་དང་། དགེ་སློང་མ་སུན་ཕྱུང་བ་ཉིད་དང་། མ་གསོད་པ་ཉིད་དང་། ཕ་གསོད་པ་ཉིད་དང་། དགྲ་བཅོམ་པ་གསོད་པ་ཉིད་དང་། དགེ་འདུན་གྱི་དབྱེན་བྱེད་པ་ཉིད་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ [19b.7]འབྱིན་པ་དང་། མུ་སྟེགས་ཅན་ཉིད་དང་། མུ་སྟེགས་ཅན་དུ་ཞུགས་པ་ཉིད་དང་། རྐུ་ཐབས་སུ་གནས་པ་ཉིད་དང་། གནས་པར་མི་བྱ་བ་ཉིད་དང་། དང་པོ་མི་མཐུན་པ་ཅན་ཉིད་དང་། ཐ་དད་དུ་གནས་པ་ཉིད་དང་། ཁས་ལེན་པ་ཉིད་དང་། བསླབ་པ་སྩལ་བ་ཉིད་དུ་གཡར་ [20a] [20a.1]གྱིས་འཆེ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ།། །།འདུལ་བ་གཞུང་བླ་མ། བམ་པོ་གསུམ་པ། བསྙེན་པར་ [20a.2]མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ [20a.3]ཀར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ནས་སྦྱོར་བ་ [20a.4]བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཁང་པ་ [20a.5]ཞིག་རྩིག་པར་རྩོམ་པ་ལས་དེའི་མཚན་གྱུར་ཏེ། དགེ་སློང་མར་རེད་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་ཞིག་ཁང་པ་རྩིག་པར་རྩོམ་པ་ལས་དེའི་མཚན་གྱུར་ཏེ། དགེ་སློང་དུ་རེད་ནས་ལགས་པར་བགྱིད་ན་ཅིར་འགྱུར་ལགས། [20a.6]ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ཁང་པ་བརྩིགས་ཀྱང་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། མ་ནིང་དང་། དགེ་སློང་མ་སུན་ཕྱུང་ [20a.7]བ་ལ་ནི་ཉེས་བྱས་སུ་འགྱུར་རོ། །བསླབ་པ་སྩལ་བས་རྩིག་ཏུ་སྩལ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དགེ་སློང་མ་ཞིག་གིས་རྩིག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་ [20b] [20b.1]སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་བདག་པོ་ཡོད་པ། དགེ་འདུན་གྱི་ཆེད་དུ་གཙུག་ལག་ཁང་ཆེན་པོ་ཞིག་རྩིག་ཏུ་འཇུག་ན་གཞི་བལྟ་བའི་ཕྱིར་དགེ་སློང་དེས་དགེ་སློང་དག་བཀྲི་བར་བྱའོ། །ཁྲིད་ [20b.2]པའི་དགེ་སློང་དག་གིས་ཀྱང་གཞི་རུང་བ་དང་། རྩོད་པ་མེད་པ་དང་། བརྩམ་དུ་རུང་བར་བལྟ་བར་བྱའོ། །གལ་ཏེ་དགེ་སློང་གིས་གཞི་མི་རུང་བའམ། རྩོད་པ་དང་བཅས་པའམ། བརྩམ་དུ་མི་རུང་བར་བདག་པོ་ཡོད་པ་དགེ་འདུན་གྱི་ཕྱིར་གཙུག་ལག་ཁང་ཆེན་པོ་རྩིག་ཏུ་འཇུག་ [20b.3]གམ། གཞི་བལྟ་བའི་ཕྱིར་དགེ་སློང་དག་ཀྱང་མི་ཁྲིད་དམ། དགེ་སློང་ཁྲིད་པ་དག་ལ་ཡང་གཞི་མི་སྟོན་ན་དགེ་འདུན་ལྷག་མའོ་ཞེས་གསུངས་པ་གང་ལགས་པ་ཞེས་བྱ་བ་སྟེ། ཚད་ལས་འདས་པ་དང་། བསླངས་པ་ཉིད་མ་གཏོགས་པ་གཞུང་ལྷག་མ་ནི་ཁང་པའི་དགེ་འདུན་ལྷག་མ་ལ་བཤད་པ་ [20b.4]ཇི་ལྟ་བར་གཙུག་ལག་ཁང་ཆེན་པོ་ལ་ཡང་དེ་བཞིན་དུ་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་ཏུ་མྱོས། །སྙོམས་ཞུགས་འགྲོ་ [20b.5]དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཁྲོས་ཤིང་ཞེ་སྡང་བས་མ་མགུ་སྟེ། ཅི་ནས་ཀྱང་འདི་ཚངས་པར་སྤྱོད་པ་དང་བྲལ་ལོ་སྙམ་ནས་དགེ་སློང་དག་ལྟུང་བ་མེད་པ་ལ་གཞི་མེད་པར་ཕམ་ [20b.6]པར་འགྱུར་བའི་ཆོས་ཀྱིས་སྐུར་པ་བཏབ་པ་ལས་དེ་དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང་རྩོད་པ་དེ་ཡང་གཞི་མེད་པ་ཡིན་ལ། དགེ་སློང་དེ་ཡང་ཞེ་སྡང་གིས་སྨྲས་སོ་ཞེ་ན། དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་དགེ་སློང་ལ་གཞི་མ་ [20b.7]མཆིས་པར་ཕོ་ཉ་ལས་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་ [21a] [21a.1]པ་རེ་ཞིག་དགེ་སློང་གིས་དགེ་སློང་སྨྱོན་པ་ཞིག་ལ་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་པ་དང་། གླེན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་ [21a.2]དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་འདི་ལས་ཕྱི་རོལ་པ་གཞན་མུ་ [21a.3]སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་ཏུ་རྒྱུ་རྣམས་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། སྐད་དང་ལུས་དང་དབེན་སྔགས་དང་། །གཞན་གྱིས་གཞན་ཕྱིར་སྐུར་པ་བཏབ། ། [21a.4]ཁྱིམ་པ་དག་ལ་སོགས་པ་དང་། །མཚན་རྣམས་དང་ནི་བཞི་ཚན་ནོ། །བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་ཀྱི་དགེ་སློང་ཞིག་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་པ་ལ། ཡུལ་དབུས་པའི་དགེ་སློང་གིས་ཀྱང་མཐའ་འཁོབ་པའི་ [21a.5]སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པའི་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ལ། མཐའ་འཁོབ་པའི་དགེ་སློང་གིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ [21a.6]ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ལ། ཡུལ་དབུས་པའི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་ [21a.7]པོར་འགྱུར་རོ། །དབུས་པས་དབུས་པའི་སྐད་དུ་མཐའ་འཁོབ་པའི་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ལ། མཐའ་འཁོབ་པའི་དགེ་སློང་གིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ [21b] [21b.1]ཞིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་ [21b.2]སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབེན་པ་ལ་མི་དབེན་པར་འདུ་ཤེས་པས་གཞི་མ་མཆིས་པ་ལ་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པ་ལ་དབེན་པར་འདུ་ཤེས་པས་གཞི་མ་མཆིས་པར་ཕམ་ [21b.3]པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པ་ལ་མི་དབེན་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་གིས་སྨན་ནམ་ [21b.4]གསང་སྔགས་ཀྱིས་བདག་ཉིད་མི་གདའ་བར་བགྱི་སྟེ། དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་གཞན་ལས་དགེ་སློང་ཞིག་ལ་གཞི་མ་མཆིས་པར་ཕམ་པར་གྱུར་པའི་ཆོས་ [21b.5]ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་དགེ་སློང་གཞན་རྣམས་ཀྱི་སླད་དུ། གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་ [21b.6]ཁྱིམ་པ་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་གསོད་པ་དང་། ཕ་གསོད་པ་དང་། དགྲ་བཅོམ་པ་གསོད་པ་དང་། མུ་སྟེགས་ཅན་དང་། མུ་སྟེགས་ [21b.7]ཅན་དུ་ཞུགས་པ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་དགེ་སློང་ཐ་ [22a] [22a.1]མ་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། གནས་པར་མི་བྱ་བ་དང་། ཐ་དད་དུ་གནས་ [22a.2]པ་དང་། ཁས་བླངས་པ་དང་། བསླབ་པ་སྩལ་བའི་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་ཞིག་གིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་འདེབས་པ་ལས་ [22a.3]དེའི་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་མ་ཞིག་གིས་དགེ་སློང་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་འདེབས་པ་ལས་དེའི་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། དགེ་ [22a.4]འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་ [22a.5]རྫོགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་ [22a.6]པ་སྦོམ་པོར་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་གཞིས་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་མིའི་དགེ་སློང་ལ་མིར་འདུ་ཤེས་པས་གཞི་མ་ [22a.7]མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །མི་ལ་མི་མ་ལགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་ [22b] [22b.1]པས་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ།། །།སྡོམ་ལ། དང་ [22b.2]པོ་མཐའ་དང་མཚམས་མེད་པ། །ལྷག་མ་དང་ནི་གཅིག་ལ་གཅིག །བྲིས་པ་དང་ནི་བག་ཙམ་ཉིད། །རྒྱ་ཆེར་བྱ་བ་ཉིད་ཡིན་ནོ། །བཙུན་པ་རེ་ཞིག་དགེ་སློང་བདག་ཉིད་ངས་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ཏོ་ཞེས་ཁས་ལེན་པ་དེ་ལ། དགེ་སློང་ཞིག་གིས་གཞི་ [22b.3]མ་མཆིས་པར་རྐུ་བའམ། གསོད་པ་དང་། བླ་མར་གྱུར་པའི་ཆོས་སྨྲས་པས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་བདག་ཉིད་ངས་ཡོ་བྱད་ཆེན་པོ་བརྐུས་སོ་ཞེས་ཁས་ལེན་པ་དེ་ལ་དགེ་སློང་ཞིག་གིས་གཞི་མ་མཆིས་པར་གསོད་ [22b.4]པའམ། བླ་མར་གྱུར་པའི་ཆོས་སྨྲ་བའམ། མི་ཚངས་པར་སྤྱོད་པས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་བདག་ཉིད་ངས་མི་སྲོག་དང་ཕྲལ་ལོ་ཞེས་ཁས་ལེན་པ་དེ་ལ། དགེ་སློང་ཞིག་གིས་གཞི་མ་མཆིས་པར་བླ་མར་གྱུར་པའི་ [22b.5]ཆོས་སྨྲ་བའམ། མི་ཚངས་པར་སྤྱོད་པའམ། རྐུ་བས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཞིག་དགེ་སློང་བདག་ཉིད་ངས་མིའི་ཆོས་བླ་མར་གྱུར་པ་སྨྲས་སོ་ཞེས་ཁས་ལེན་པ་དེ་ལ་དགེ་སློང་ཞིག་གིས་གཞི་མ་མཆིས་པར་མི་ཚངས་པར་ [22b.6]སྤྱོད་པའམ། རྐུ་བའམ། སྲོག་གཅོད་པས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་ [22b.7]འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་དགེ་སློང་ལ་གཞི་མ་མཆིས་པར་མཚམས་མེད་པས་སྐུར་པ་བཏབ་ན་ཅིར་འགྱུར་ལགས། གལ་ཏེ་མ་དང་། ཕ་དང་། དགྲ་བཅོམ་པ་གསོད་པས་སྐུར་པ་བཏབ་ན། དགེ་འདུན་ལྷག་མར་འགྱུར་རོ། ། [23a] [23a.1]འོན་ཏེ་གཞི་མེད་པར་དགེ་འདུན་གྱི་དབྱེན་བྱེད་པ་དང་། ངན་སེམས་ཀྱིས་ཁྲག་འབྱིན་པས་སྐུར་པ་བཏབ་ན་ཉེས་བྱས་སོ། །དེ་ཅིའི་ཕྱིར་ཞེ་ན། ཉེ་བ་འཁོར་གང་གིས་ཕ་དང་། མ་དང་། དགྲ་བཅོམ་པ་གསོད་པས་སྐུར་པ་བཏབ་པ་དེས་ནི་ཕམ་པའི་ཆོས་ཀྱིས་ [23a.2]སྐུར་པ་བཏབ་པ་ཡིན་ནོ། །གང་གིས་དགེ་འདུན་གྱི་དབྱེན་བྱེད་པ་དང་། ངན་སེམས་ཀྱིས་ཁྲག་འབྱིན་པས་སྐུར་པ་བཏབ་པ་དེས་ནི་ཉེས་པ་སྦོམ་པོར་སྐུར་པ་བཏབ་པ་ཡིན་ཏེ། ཉེས་པ་སྦོམ་པོས་ནི་དགེ་སློང་མ་ཡིན་པར་མི་འགྱུར་གྱི། དེ་ནི་བཤགས་པར་འོས་པ་ཡིན་ནོ། །བཙུན་ [23a.3]པ་རེ་ཞིག་དགེ་སློང་གིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན། དགེ་འདུན་ལྷག་མར་འགྱུར་ན། གལ་ཏེ་གཞི་མ་མཆིས་པར་དགེ་འདུན་ལྷག་མའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ལྟུང་བྱེད་དུ་འགྱུར་རོ། །གཞི་མ་མཆིས་པར་ [23a.4]སོ་སོར་བཤགས་པར་བགྱི་བ་དང་། ཉེས་བྱས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་གཞི་མ་མཆིས་པར་ཉེས་པ་སྦོམ་པོས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ [23a.5]ལ་གཞི་མེད་པར་ཕམ་པའི་ཆོས་ཀྱིས་སྐུར་པ་བཏབ་ན་དགེ་འདུན་ལྷག་མར་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། [23a.6]ཉེས་པ་སྦོམ་པོར་འགྱུར་རོ། །དགེ་སློབ་མས་དགེ་སློང་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དགེ་སློང་མས་དགེ་སློང་ལ་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་ [23a.7]འགྱུར་རོ། །དགེ་སློབ་མས་དགེ་སློང་མ་དང་། དགེ་ཚུལ་དང་། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དགེ་སློང་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ [23b] [23b.1]ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །དགེ་ཚུལ་གྱིས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ [23b.2]ལགས། ཉེས་བྱས་སོ། །དགེ་ཚུལ་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བདག་ཉིད་ཀྱིས་བྲིས་ [23b.3]ནས་འདི་སྐད་ཅེས་ཡི་གེ་འདི་ལས་ནི་འདི་སྐད་དུ་ཁྱོད་ལ་མི་ཚངས་པར་སྤྱོད་པའི་ཕམ་པ་བྱུང་ངོ་ཞེས་ཟེར་རོ་ཞེས་མཆི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ཀྱང་དགེ་འདུན་ [23b.4]ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། མ་ནིང་དང་། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། [23b.5]བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཁྲོས་ཤིང་ཞེ་སྡང་བར་གྱུར་ནས། ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས། དགེ་སློང་དག་ལ་ལྟུང་བ་མེད་པ་ལ་གཞན་གྱི་ཆ་དང་མཐུན་པ་མ་ཡིན་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ [23b.6]པ་ལས། དེ་དུས་གཞན་ཞིག་ན་དྲིས་ཀྱང་རུང་། མ་དྲིས་ཀྱང་རུང་། རྩོད་པ་དེ་ཡང་གཞན་གྱི་ཆ་དང་མཐུན་པ་མ་ཡིན་ལ། རྩོད་པ་དེ་ཡང་གཞན་གྱི་ཆ་དང་མཐུན་པ་མ་ཡིན་པས། བག་ཙམ་ལས་བསམས་པ་ཙམ་གྱིས་ཆོས་འགའ་ཞིག་བླངས་པར་གྱུར་ལ། དགེ་སློང་ཡང་ཞེ་སྡང་ [23b.7]ལ་གནས་པས་ཞེ་སྡང་གིས་སྨྲས་སོ་ཞེ་ན། དགེ་འདུན་ལྷག་མའོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་གཞི་མེད་པ་ཇི་ལྟ་བ་དེ་བཞིན་དུ་བག་ཙམ་ལ་རྒྱ་ཆེར་བརྗོད་པར་བྱའོ།། །།སྡོམ་ལ། བཤེས་པ་དང་ནི་གསོལ་བ་དང་། །གླེན་པ་ [24a] [24a.1]དང་ནི་དྲན་པ་གཉིས། །བཞི་པ་འདུག་དང་མ་བསྐོས་དང་། །འདུན་པས་གཅིག་དང་ནམ་མཁའ་ལ། །འདུག་པ་རྒྱས་པ་ཉིད་དུ་བྱ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་། དགེ་ [24a.2]འདུན་མཐུན་པ་དེ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་གྱུར་པའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་ན། དགེ་སློང་དེ་ལ་དགེ་སློང་རྣམས་ཀྱིས་འདི་སྐད་ཅེས་ཚེ་དང་ལྡན་པ་ཁྱོད་དགེ་སློང་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག །དབྱེན་བྱེད་པར་འགྱུར་བའི་རྩོད་པ་ཡང་དག་ [24a.3]པར་བླངས་ནས་རབ་ཏུ་བཟུང་སྟེ་མ་འདུག་ཤིག །ཚེ་དང་ལྡན་པ་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད། ཀུན་ཏུ་དགའ། མི་རྩོད་མཆོག་གཅིག །འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ་སྟོན་པའི་བསྟན་པ་གསལ་བར་བྱེད་པ་བདེ་བ་དང་རེག་ [24a.4]པར་གནས་པར་འགྱུར་གྱིས་ཚེ་དང་ལྡན་པ་ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་ཐོང་ཤིག་ཅེས་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏང་བར་བྱ་བའི་ཕྱིར་ལན་གཉིས་ལན་གསུམ་ [24a.5]དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། །ཡང་དག་པར་བསྟན་པ་ན། གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་ [24a.6]སློང་གིས་བཤེས་པའི་ཚིག་གིས་མ་བསྒོ་བར་གསོལ་བ་དང་། བཞིའི་ལས་ཀྱིས་བསྒོ་བར་བགྱིད་ན། བསྒོ་བ་ཞེས་བགྱིའམ་འོན་ཏེ་མ་བསྒོ་བ་ཞེས་བགྱི་ལགས། བཀའ་སྩལ་པ། མ་བསྒོ་བ་ཞེས་བྱའོ། །བསྒོ་བ་འཆགས་ལགས་སམ། ཉེ་བ་འཁོར་མི་འཆགས་ཏེ། དགེ་འདུན་ལ་ [24a.7]ཡང་དེས་འགལ་ཚབས་ཅན་དུ་འགྱུར་རོ། །བཙུན་པ་བཤེས་པའི་ཚིག་གིས་བསྒོ་ནས་གསོལ་བ་དང་། བཞིའི་ལས་ཀྱིས་བསྒོ་ན་བསྒོ་བ་ཞེས་བགྱིའམ། འོན་ཏེ་མ་བསྒོ་བ་ཞེས་བགྱི་ལགས། བཀའ་སྩལ་པ། བསྒོ་བ་ཞེས་བྱའོ། །བསྒོ་བ་འཆགས་ལགས་སམ། །ཉེ་བ་འཁོར་ [24b] [24b.1]འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །བཙུན་པ་བསྐྲད་པའི་ལས་མ་བགྱིས་པར་བཤེས་པའི་བསྒོ་བར་བགྱིད་ན་བསྒོ་བ་ཞེས་བགྱིའམ། འོན་ཏེ་མ་བསྒོ་བ་ཞེས་བགྱི་ལགས། བཀའ་སྩལ་པ། བསྒོ་བ་ཞེས་མི་བྱའོ། །བསྒོ་བ་འཆགས་ལགས་སམ། ཉེ་བ་ [24b.2]འཁོར་མི་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་འགྱུར་རོ། །བཙུན་པ་བསྐྲད་པའི་ལས་བགྱིས་ཏེ། བཤེས་པའི་ཚིག་གིས་བསྒོ་བར་བགྱིད་ན་བསྒོ་བ་ཞེས་བགྱིའམ། འོན་ཏེ་མ་བསྒོ་བ་ཞེས་བགྱི་ལགས། བཀའ་སྩལ་པ། བསྒོ་བ་ཞེས་བྱའོ། །བསྒོ་བ་འཆགས་ལགས་ [24b.3]སམ། ཉེ་བ་འཁོར་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །བཙུན་པ་བསྐྲད་པའི་ལས་མ་བགྱིས་པར་དགེ་འདུན་ལ་འདུན་པས་འགྲོའོ་ཞེས་མཆི་ཞིང་ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བའོ་ཞེས་མཆི་ན་ཅིར་འགྱུར་ལགས། ཉེས་ [24b.4]བྱས་སོ། །བསྒོ་བར་བགྱི་འམ། འོན་ཏེ་བསྒོ་བར་མི་བགྱི་ལགས། བཀའ་སྩལ་པ། བསྒོ་བར་མི་བྱའོ། །བསྒོ་བ་འཆགས་ལགས་སམ། ཉེ་བ་འཁོར་མི་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་འགྱུར་རོ། །བསྐྲད་པའི་ལས་བགྱིས་ནས། དགེ་འདུན་ལ་འདུན་པས་འགྲོ་བའོ་ཞེས་ [24b.5]མཚོ་ཞིང་ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བའོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བསྒོ་བར་བགྱིའམ། འོན་ཏེ་བསྒོ་བར་མི་བགྱིད་ལགས། བཀའ་སྩལ་པ། བསྒོ་བར་བྱའོ། །བསྒོ་བ་འཆགས་ལགས་སམ། ཉེ་བ་ [24b.6]འཁོར་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །བཙུན་པ་རེ་ཞིག་མ་གླེངས་དྲན་པར་མ་བགྱིས་པར་བདག་ཉིད་བཀའ་བློ་མི་བདེ་བ་ལ་གནས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྒོ་བར་བགྱིའམ། འོན་ཏེ་བསྒོ་བར་མི་བགྱི་ལགས། [24b.7]བཀའ་སྩལ་པ། བསྒོ་བར་མི་བྱའོ། །བསྒོ་བ་འཆགས་ལགས་སམ། ཉེ་བ་འཁོར་མི་འཆགས་སོ། །བཙུན་པ་རེ་ཞིག་གླེངས་ཤིང་དྲན་པར་བགྱིས་པ་ལས་བདག་ཉིད་བཀའ་བློ་མི་བདེ་བ་ལ་གནས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྒོ་བར་བགྱིའམ། འོན་ཏེ་ [25a] [25a.1]བསྒོ་བར་མི་བགྱི་ལགས། བཀའ་སྩལ་པ། བསྒོ་བར་བྱའོ། །བསྒོ་བ་འཆགས་ལགས་སམ། ཉེ་བ་འཁོར་འཆགས་སོ། །མཚམས་ཀྱི་ནང་ན་མཆིས་པ་དག་གིས་མཚམས་ཀྱི་སླད་རོལ་ན་མཆིས་པ་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བ་འཁོར་མ་ [25a.2]ཡིན་ནོ། །མཚམས་ཀྱི་སླད་རོལ་ན་མཆིས་པ་དག་གིས་མཚམས་ཀྱི་ནང་ན་མཆིས་པ་དག་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བ་འཁོར་མ་ཡིན་ནོ། །བཙུན་པ་རེ་ཞིག་དགེ་སློང་ལས་བགྱིད་པ་མཚམས་ཀྱི་ནང་ན་མཆིས་པས་མཚམས་ཀྱི་སླད་རོལ་ན་མཆིས་པ་དག་ལ་བསྒོ་ན་བསྒོ་ [25a.3]བ་ཞེས་བགྱི་ལགས་སམ། ཉེ་བ་འཁོར་མ་ཡིན་ནོ། །བཙུན་པ་རེ་ཞིག་དགེ་སློང་ལས་བགྱིད་པ་མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པ་དག་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བ་འཁོར་མ་ཡིན་ནོ། །བཙུན་པ་རེ་ཞིག་དགེ་སློང་ལས་བགྱིད་པས་མཚམས་ [25a.4]མནན་ཅིང་། མཚམས་ནོན་པར་བགྱིས་ཏེ། མཚམས་སུ་མཆིས་ནས་བསྒོ་ན་བསྒོ་ཞེས་བགྱིའམ། མ་བསྒོ་ཞེས་བགྱི་ལགས། ཉེ་བ་འཁོར་བསྒོ་བ་ཞེས་བྱའོ། །བསྒོ་བ་འཆགས་ལགས་སམ། ཉེ་བ་འཁོར་འཆགས་སོ། །བཙུན་པ་དགེ་སློང་ལས་བགྱིད་པར་མ་བསྐོས་པ་ [25a.5]ཞིག་གིས་མཚམས་ཀྱི་ནང་ན་མཆིས་པའི་གང་ཟག་བཞི་བསྐྲད་ན། བསྐྲད་པ་ཞེས་བགྱི་ལགས་སམ། ཉེ་བ་འཁོར་མ་ཡིན་ནོ། །བཙུན་པ་རེ་ཞིག་དགེ་སློང་ལས་བགྱིད་པར་བསྐོས་པས་མཚམས་ཀྱི་ནང་ན་མཆིས་པའི་གང་ཟག་བཞི་ཞིག་བསྐྲད་ན། བསྐྲད་པ་ཞེས་བགྱི་ལགས་སམ། [25a.6]གལ་ཏེ་དེས་རེ་རེ་དང་། གཉིས་གཉིས་དང་། གསུམ་གསུམ་ནས་བསྐྲད་ཀྱི་བཞིར་མ་ཡིན་ན་བསྐྲད་པ་ཞེས་བྱའོ། །བཙུན་པ་དགེ་སློང་ལས་བགྱིད་པས་མཚམས་ཀྱི་ནང་ཕྱོགས་བཞི་ན་མཚུངས་པར་གནས་པའི་དགེ་སློང་བཞི་ཞིག་ལ་བསྒོ་ན་བསྒོ་བར་ཡང་ཆུད་ལ་ལྟུང་བ་གང་དུ་ [25a.7]ཡང་མི་འགྱུར་ཞིང་། དེས་དགེ་འདུན་མི་མཐུན་པར་ཡང་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་གལ་ཏེ་ཕན་ཚུན་འདུན་པ་བྱིན་པས་རེ་རེ་དང་། གཉིས་གཉིས་དང་། གསུམ་གསུམ་ལ་བསྒོའི་བཞི་བཞི་ལ་མ་ཡིན་ན་ཡོད་དོ། །དེ་ཅིའི་ཕྱིར་ཞེ་ན། ཚོགས་ཀྱིས་ཚོགས་ཀྱི་ལས་ [25b] [25b.1]དག་བྱར་མི་རུང་བས་སོ། །ལས་བགྱིད་པ་ཕྱོགས་གཅིག་ན་མཆིས་པས་གནས་བཞིའི་ལས་ཐམས་ཅད་བགྱིར་རུང་ལགས་སམ། ཉེ་བ་འཁོར་འདི་ལྟར་དགེ་སློང་ལས་བྱེད་པས་གནས་བཞི་ཅར་གྱི་མཚམས་ཀྱི་མདོ། ཁྲིའམ་ཁྲིའུའམ། རེ་ལྡེའམ། རེ་ལྗོང་{རིངས་ཀྱིས་,རིང་གིས་}མནན་ཏེ་ [25b.2]འདུག་པར་གྱུར་ལ། གནས་དེ་དག་ན་ཡང་ལས་འདི་ལྟ་བུ་འདི་ལྟ་སྟེ། བཞིའི་ཚོགས་ཀྱིས་བྱ་བའི་ལས་དང་། ལྔའི་ཚོགས་ཀྱིས་བྱ་བའི་ལས་དང་། བཅུའི་ཚོགས་ཀྱིས་བྱ་བའི་ལས་དང་། ཉི་ཤུའི་ཚོགས་ཀྱིས་བྱ་བའི་ལས་ཉེ་བར་གནས་པར་གྱུར་ན་རུང་ངོ་། །དེ་ཅིའི་ཕྱིར་ [25b.3]ཞེ་ན། དེ་དག་ཁ་ཅིག་ནི་ལས་བྱེད་པ་ཡིན་ལ། ཁ་ཅིག་གི་ནི་ཚོགས་སྐྱོང་བ་ཡིན་ནོ། །ས་ལ་མཆིས་པས་ནམ་མཁའ་ལ་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བ་འཁོར་མ་ཡིན་ནོ། །བཙུན་པ་རེ་ཞིག་ལས་བགྱིད་པ་ནམ་མཁའ་ལ་མཆིས་ལ། ས་ལ་མཆིས་ [25b.4]པ་རྣམས་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བ་འཁོར་མ་ཡིན་ནོ། །ཇི་ལྟར་དགེ་སློང་ལ་དགེ་འདུན་ལྷག་མར་འགྱུར་བ་ཇི་ལྟ་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་དགེ་འདུན་ལྷག་མར་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ [25b.5]ལ་ནི་ཉེས་བྱས་སོ། །སྔར་ལྟུང་བ་བྱུང་བ་ལ་སོགས་པ་ལ་ཡང་ཉེས་བྱས་ཁོ་ན་སྟེ། སྔ་མ་བཞིན་ནོ། །དེ་ལྟར་ན་གཞུང་འདི་ནི་དགེ་འདུན་ལྷག་མ་གསུམ་ལ་ཡང་ཅི་རིགས་པར་བརྗོད་པར་བྱ་བ་ཡིན་ནོ། ཉེ་བ་འཁོར་གྱིས་ཞུས་པ་ཁ་ཆེ་བ་ལས། དགེ་འདུན་ལྷག་མ་རྫོགས་སོ།། །། [25b.6]སྡོམ་ལ། མཐའ་དང་ལམ་དང་རྒྱལ་རིགས་དང་། །ཕུང་པོ་དེ་བཞིན་ལྷག་མ་དང་། །ཁ་དང་ཤ་ཀ་ར་དང་ཧྭགས། །བུ་རམ་མར་སར་མ་ངེས་གཉིས། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་ [25b.7]མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་། དབེན་པ་སྐྱབས་ཡོད་པ་ན། འདོད་པ་བྱར་རུང་བར་སྟན་ལ་འདུག་པར་བྱེད་ཅིང་། དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གསུམ་པོ་ཕམ་པར་འགྱུར་བའམ། དགེ་འདུན་ལྷག་མའམ། ལྟུང་བྱེད་ [26a] [26a.1]ལས་གང་ཡང་རུང་བས་སྨྲས་པར་གྱུར་ལ། དགེ་སློང་གིས་འདུག་པས་ཁས་བླངས་ན་ཆོས་གསུམ་པོ་ཕམ་པར་འགྱུར་བའམ། དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་བྱེད་དུ་གཞུག་ཅིང་། དགེ་སློང་དེ་ལ་དགེ་བསྙེན་མ་ཡིད་ཆེས་པའི་ཚིག་དང་ [26a.2]ལྡན་པས་ཆོས་གང་དང་གང་གིས་སྨྲས་པར་གྱུར་པའི་ཆོས་དེ་དང་དེས་དགེ་སློང་དེ་བྱེད་དུ་བཅུག་སྟེ། དེ་ནི་མ་ངེས་པའི་ཆོས་སོ། །ཡང་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་། དབེན་པ་སྐྱབས་ཡོད་པ་ན། འདོད་པ་བྱར་མི་རུང་བར་སྟན་ལ་འདུག་པར་བྱེད་ཅིང་། དེ་ [26a.3]ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གཉིས་པོ་དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་སྨྲས་པར་གྱུར་ལ། དགེ་སློང་གིས་འདུག་པར་ཁས་བླངས་ན། ཆོས་གཉིས་པོ་དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བར་ [26a.4]བྱེད་དུ་གཞུག་ཅིང་དགེ་སློང་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གང་དང་གང་གིས་སྨྲས་པར་གྱུར་པའི་ཆོས་དེ་དང་དེས་དགེ་སློང་དེ་བྱེད་དུ་བཅུག་སྟེ། དེ་ཡང་མ་ངེས་པའི་ཆོས་སོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་བསྙེན་མ་ཡིད་ཆེས་པའི་ཚིག་དང་ [26a.5]ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་མཐའ་དང་པོ་འབྱིན་པར་བགྱིད་པ་མཐོང་ངོ་ཞེས་མཆི་ན། དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་ [26a.6]དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉིས་ཀ་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་དུ་ཚོལ་དུ་གཞུག་ [26a.7]གོ། །འོན་ཏེ་དེ་འདི་སྐད་ཅེས་འདི་མཐའ་དང་པོ་ནི་མ་བྱུང་གི་འོན་ཀྱང་བདག་གིས་མཐའ་གཉིས་པ་དང་། གསུམ་པ་དང་། བཞི་པ་བྱུང་བ་མཐོང་ངོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །དང་པོ་ཇི་ལྟར་མཐའ་གཉིས་པ་དང་། གསུམ་པ་དང་། བཞི་པ་རྣམས་ལ་ཡང་ [26b] [26b.1]དེ་བཞིན་དུ་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་གིས་ཁའི་ལམ་དུ་ཉམས་པར་བགྱིས་པ་མཐོང་ངོ་ཞེས་མཆི་ན། དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་ [26b.2]གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ [26b.3]ཚིག་གིས་བྱེད་དུ་བཅུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་འདིས་ཁའི་ལམ་དུ་ནི་ཉམས་པར་མ་བྱས་ཏེ། འོན་ཀྱང་བཤང་བའི་ལམ་དང་། གཅི་བའི་ལམ་དུ་ཉམས་པར་བྱས་སོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །ཁའི་ལམ་དུ་ཇི་ལྟ་བར་བཤང་ [26b.4]བའི་ལམ་དང་། གཅི་བའི་ལམ་དུ་དེ་བཞིན་དུ་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས། བཙུན་པ་དག་དགེ་སློང་ཞིག་རྒྱལ་རིགས་མ་ཞིག་དང་ལྷན་ཅིག་ཏུ་ཉམས་པར་བགྱིད་པ་བདག་གིས་ [26b.5]མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་དུ་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་དེ་འདི་སྐད་ཅེས་ཡོད་དོ་ཞེས་ཟེར་ན། [26b.6]གཉི་ག་ལ་དྲི་བར་བྱ་སྟེ། །གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་དུ་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་འདིས་རྒྱལ་རིགས་དང་ལྷན་ཅིག་ཏུ་ཉམས་པར་ནི་མ་བྱས་ན། འོན་ཀྱང་བྲམ་ཟེ་མོ་དང་ལྷན་ཅིག་ཏུ་ [26b.7]ཉམས་པར་གྱུར་ཏོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །རྒྱལ་རིགས་མོ་དང་ཇི་ལྟ་བར་བྲམ་ཟེ་མོའི་རིགས་དང་། རྗེའུ་རིགས་མོ་དང་། དམངས་རིགས་མོ་དང་། དཀར་མོ་དང་། སྔོན་མོ་དང་། སྔོ་བསངས་མོ་དང་། རིང་མོ་དང་། ཐུང་ངུ་མ་དང་། སྡུག་གུ་མ་དང་། [27a] [27a.1]སྐྱེམ་མོ་དང་། ཚོན་མོ་དང་། ལུས་རན་པ་དང་། འགྲོ་བ་དང་། འདུག་པ་དང་། འགྲེང་བ་དང་། འགྱེལ་བ་དང་། ཡང་རྒྱས་པར་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ [27a.2]ཅེས་བཙུན་པ་དག་བདག་གིས་དགེ་སློང་ཞིག་མཐའ་དང་པོའི་ཕུང་པོ་འབྱིན་པར་བགྱིད་པ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་ཆེ་ཞེ་ཟླ་ [27a.3]འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན། གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་ཏུ་བྱེད་དུ་གཞུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་འདི་མཐའ་དང་པོའི་ [27a.4]ཕུང་པོ་ནི་མ་བྱུང་གི་འོན་ཀྱང་ལྟུང་བའི་ཕུང་པོ་གཉིས་པ་དང་། གསུམ་པ་དང་། བཞི་པ་དང་། ལྔ་པ་བྱུང་ངོ་ཞེས་བྱ་བ་རྒྱས་པར་བརྗོད་དོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་ [27a.5]གིས་དགེ་སློང་ཞིག་དགེ་འདུན་ལྷག་མ་དང་པོ་འབྱིན་པར་བགྱིད་པ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ [27a.6]ཏེ་འདི་སྐད་ཅེས་ཡོད་དོ་ཞེས་ཟེར་ན། གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་དགེ་འདུན་ལྷག་མ་དང་པོ་ནི་མ་བྱུང་གི་འོན་ཀྱང་དགེ་འདུན་ལྷག་མ་ [27a.7]གཉིས་པ་དང་། གསུམ་པ་དང་། བཞི་པ་ནས། བཅུ་གསུམ་པའི་བར་བྱུང་ངོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །དང་པོ་ལ་ཇི་ལྟ་བར་དགེ་འདུན་ལྷག་མ་གཉིས་པ་དང་། གསུམ་པ་ནས་བཅུ་གསུམ་པའི་བར་ལ་ཡང་དེ་བཞིན་དུ་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ [27b] [27b.1]ཆེས་པའི་ཚིག་དང་ལྡན་པས་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་གིས་ཁར་ཉམས་པར་བགྱིད་པ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ [27b.2]ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན། གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་རང་བཞིན་ཚོལ་དུ་ [27b.3]གཞུག་གོ། །འོན་ཏེ་འདི་སྐད་ཅེས་ཁར་ནི་ཉམས་པར་མ་བྱས་ཀྱི་འོན་ཀྱང་འདིས་སོའི་ཕྱི་རོལ་མཆུའི་ནང་དུ་ཁུ་བ་ཕྱུང་ངོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས་བཙུན་པ་དག་བདག་གིས་དགེ་ [27b.4]སློང་ཞིག་གིས་གཅི་བའི་ལམ་དུ་ཉམས་པར་བགྱི་བ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་ [27b.5]བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི། ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་གཅི་བའི་ལམ་དུ་ནི་ཉམས་པར་མ་བྱས་ [27b.6]ཀྱི་འོན་ཀྱང་འདིས་བརླ་ཕྲག་ཏུ་ཁུ་བ་ཕྱུང་ངོ་ཞེས་ཟེར་ན་དེ་དགེ་སློང་ལ་རྨེད་དུ་གཞུག་གོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་གིས་བཤང་བའི་ལམ་དུ་ཉམས་པར་བགྱིས་པ་ [27b.7]མཐོང་ངོ་ཞེས་མཆི་ན། དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་ [28a] [28a.1]གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་འདི་སྐད་ཅེས་བཤང་བའི་ལམ་དུ་ནི་ཉམས་པར་མ་བྱས་ཀྱི་འོན་ཀྱང་འདིས་རྐུབ་ཙོས་ཀྱི་ཕྲག་ཏུ་ཁུ་བ་ཕྱུང་ངོ་ [28a.2]ཞེས་ཟེར་ན། དགེ་སློང་ལ་རྨེད་དུ་གཞུག་གོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་དུས་མ་ཡིན་པར་སྐྱོ་མ་འཐུང་བ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་ [28a.3]དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱའོ། །གལ་ཏེ་མཐུན་ན་དགེ་བསྙེན་ [28a.4]མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་དུས་མ་ཡིན་པར་སྐྱོ་མ་ནི་མ་འཐུངས་ཀྱི་འོན་ཀྱང་འདིས་ཤ་ཁ་རའི་ཆུ་འཐུངས་སོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །བཙུན་པ་དགེ་ [28a.5]བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་བུ་རམ་ཆང་འཐུང་བ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། ། [28a.6]དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་དུས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ [28a.7]ཉིད་ཚོལ་དུ་གཞུག་གོ། །འོན་ཏེ་འདི་སྐད་ཅེས་དུས་མ་ཡིན་པར་བུ་རམ་གྱི་ཆང་མ་འཐུངས་མོད་ཀྱི། འོན་ཀྱང་འདིས་ཧྭགས་ཀྱི་ཆུ་འཐུངས་སོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ།། །།འདུལ་བ་གཞུང་བླ་མ། བམ་པོ་བཞི་པ། བཙུན་པ་དགེ་བསྙེན་མ་ཡིད་ཆེས་པའི་ [28b] [28b.1]ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་དུས་མ་ཡིན་པར་ཤ་ཟ་བ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ [28b.2]ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་ [28b.3]དེ་འདི་སྐད་ཅེས་དུས་མ་ཡིན་པར་ཤ་ནི་མ་ཟོས་ཀྱི། འོན་ཀྱང་འདིས་བུ་རམ་ཞིག་ཟོས་སོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ [28b.4]ཞིག་དུས་མ་ལགས་པར་ཁ་ཟས་ཟ་བ་མཐོང་ངོ་ཞེས་མཆི་ན། དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཞིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ [28b.5]ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་མཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་འདི་སྐད་ཅེས་དུས་མ་ཡིན་པའི་ཟས་ནི་མ་ཟོས་ཀྱི། འོན་ཀྱང་འདིས་མར་ [28b.6]ཟོས་སོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །དེ་ལྟ་བུའི་དངོས་པོ་མ་ངེས་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་བདེན་པ་མཐོང་བ་སྨྲ་བ་གང་དག་ཡིན་པ་དེ་དག་ལ་དགེ་སློང་རྨེད་དུ་གཞུག་གོ། །ཉེ་བ་འཁོར་གྱིས་ཞུས་པ་ཁ་ཆེ་བ་ལས་མ་ངེས་པ་དང་ལྡན་པ་ [28b.7]རྫོགས་སོ།། །།སྡོམ་ལ། དེ་ཉིད་སྟོར་དང་ཚིག་པ་དང་། །སེམས་འཁྲུགས་བྱིན་གྱིས་མ་བརླབས་དང་། །རུང་བ་དང་ནི་དུས་ལས་འདས། །མཚན་དང་གཞི་དང་བཏིང་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ [29a] [29a.1]བཅོམ་ལྡན་འདས་ཀྱིས་དགེ་སློང་ཆོས་གོས་ཟིན་པས་ཆོས་གོས་སྲ་བརྐྱང་ཕྱུང་ནས་ཞག་བཅུའི་བར་དུ་གོས་ལྷག་པ་རུང་བར་མ་བྱས་པ་བཅང་བར་བྱའོ། །དེ་ལས་འདས་པར་བཅངས་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་ཆོས་གོས་དེ་ཉིད་དགུང་ [29a.2]བཅུ་འདས་པ་ཡང་ལགས་ལ་དེ་ཉིད་དགུང་གཅིག་བྲལ་བ་ཡང་ལགས་པ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་གིས་ཞག་བཅུ་འདས་པའི་ཆོས་གོས་བྱིན་གྱིས་བརླབས་ནས། ཆོས་གོས་མེད་པར་མཚམས་ཀྱི་ཕྱི་རོལ་དུ་སྐྱ་རེངས་འཆར་བར་བྱེད་ན། ཆོས་གོས་ [29a.3]འདི་ནི་ཞག་བཅུ་འདས་པ་ཡང་ཡིན་ལ། ཞག་གཅིག་བྲལ་བ་ཡང་ཡིན་ནོ། །བཙུན་པ་རེ་ཞིག་དགེ་སློང་གི་སྤང་བའི་ཆོས་གོས་ཉམས་པར་གྱུར་ན། ལྟུང་བ་བཤགས་པར་བགྱིའམ། ཉེ་བ་འཁོར་འབའ་ཞིག་པའི་བཤགས་པར་བྱའོ། །གལ་ཏེ་ལྟུང་བ་བཤགས་ལགས་ [29a.4]ནས་སླར་རྙེད་ན་སྤང་བར་བགྱིའམ། ཉེ་བ་འཁོར་མ་ཡིན་ནོ། །བཙུན་པ་རེ་ཞིག་དགེ་སློང་གི་སྤང་བའི་ཆོས་གོས་མེས་ཚིག་གམ་ཟོས་པར་གྱུར་ན་དུམ་བུའམ། དེ་དག་སྤང་བར་བགྱི་ལགས་སམ། ཉེ་བ་འཁོར་མ་ཡིན་ནོ། །འབའ་ཞིག་པའི་ལྟུང་བ་བཤགས་པར་བྱའོ། །འོན་ [29a.5]ཏེ་ཀུན་ནས་ཁྲུ་གང་བ་ཞིག་ཡིན་ན་སྤང་བར་བྱའོ། །བཙུན་པ་རེ་ཞིག་དགེ་སློང་གིས་ཆོས་གོས་རྙེད་ནས་དགུང་ལྔ་ལོན་པ་དང་། སེམས་འཁྲུགས་པར་གྱུར་ན་གང་ནས་བཟུང་སྟེ། དེའི་དགུང་བཅུ་བགྲང་བར་བགྱི་ལགས། གང་ནས་བཟུང་སྟེ་རང་གི་སེམས་ཕྱིར་རྙེད་པ་ནས་སོ། ། [29a.6]བཙུན་པ་དགེ་སློང་གིས་ཆོས་གོས་བརྒྱད་དམ་དགུ་ཞིག་བྱིན་གྱིས་མ་བརླབས། རུང་བར་མ་བགྱིས་པར་ནམ་འཚོའི་བར་དུ་བཅངས་ན་ནོངས་པར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ་འདི་ལྟར་དགེ་སློང་གིས་ཉི་མ་རེ་རེ་ཞིང་ཆོས་གོས་ལས་ཕྱུང་སྟེ། གཞན་བྱིན་གྱིས་རློབ་ནའོ། ། [29a.7]བཙུན་པ་བཅོམ་ལྡན་འདས་ཀྱིས་ཞག་བཅུ་ལས་འདས་པའི་ཆོས་གོས་སྤང་བའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ཆོས་གོས་ལྷག་པ་དགུང་བཅུ་ལས་འདས་པར་བཅངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ [29b] [29b.1]ལྟར་གོས་ཀྱི་སྤུན་རུང་བར་གྱུར་ལ། རྒྱུ་མི་རུང་བར་གྱུར་པ་དང་། རྒྱུ་རུང་བར་གྱུར་ལ། སྤུན་མི་རུང་བར་གྱུར་པ་དང་། གཉི་ག་མི་རུང་བར་གྱུར་ཏེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། ར་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་ [29b.2]སྟེ། དེ་ལྟ་བུའི་ཆོས་གོས་ཅན་ནི་ཞག་བཅུ་ལས་ལྷག་པར་བཅངས་ན་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཞག་བཅུའི་བར་དུ་ཆོས་གོས་ལྷག་པ་བཅང་བར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ནམ་འཚོའི་བར་དུ་ཆོས་ [29b.3]གོས་ལྷག་མར་བཅངས་ཀྱང་ནོངས་པར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། ཞག་བཅུ་ཚུན་ཆད་དུ་དུས་ལས་འདས་པར་གྱུར་ནའོ། །བཙུན་པ་ཆོས་གོས་དེ་ཉིད་བཅངས་ན་ལྟུང་བར་ཡང་མི་འགྱུར་ལ། ཆོས་གོས་དེ་ཉིད་བཅངས་ན་ལྟུང་བར་ཡང་འགྱུར་བ་ལྟ་མཆིས་ [29b.4]ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་དེ་ཆོས་གོས་རིན་ཆེན་པོ་འཆང་ན་ལྟུང་བ་མེད་ལ། མཚན་གྱུར་ཏེ་དགེ་སློང་མར་རེད་དེ་འཆང་ན་ལྟུང་བར་འགྱུར་རོ། །བཙུན་པ་རེ་ཞིག་དགེ་སློང་གིས་ཆོས་གོས་རྙེད་ནས་དགུང་བཅུ་ལགས་པ་དང་། དེའི་མཚན་གྱུར་ཏེ་དགེ་སློང་མར་རེད་ [29b.5]ནས་དགུང་བཅུ་འདས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ཆོས་གོས་ཤིག་རྙེད་ནས་དགུང་བཅུ་ལགས་པ་དང་། མཚན་གྱུར་ཏེ་དགེ་སློང་དུ་རེད་ནས་དགུང་བཅུ་འདས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་ [29b.6]པ་རེ་ཞིག་དགེ་སློང་གིས་དགུང་བཅུ་ལ་དགུང་བཅུར་འདུ་ཤེས་ཏེ་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགུང་བཅུ་ལ་དགུང་བཅུ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགུང་བཅུ་མ་ལགས་པ་ལ་དགུང་ [29b.7]བཅུར་འདུ་ཤེས་ན་ཅིར་འགྱུར་ལགས། ཉེས་བྱས་སུ་འགྱུར་རོ། །དགུང་བཅུ་མ་ལགས་པ་ལ་དགུང་བཅུ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་སྲ་བརྐྱང་བཏིང་བའི་གནས་སུ་ཆོས་གོས་ཤིག་རྙེད་ལ། ཆོས་གོས་དེ་ [30a] [30a.1]ཡང་སྤང་བར་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་གི་ཆོས་གོས་སྤང་བ་ཡིན་ལ། དགེ་སློང་དེས་ཀྱང་ཆོས་གོས་དེ་མ་སྤངས། བྲལ་བར་མ་བྱས། ཉེས་པ་མ་བཤགས་པར་གྱུར་པའི་སྐབས་སུ་དགེ་འདུན་གྱིས་སྲ་བརྐྱང་བཏིང་བར་ [30a.2]གྱུར་ལ། སྲ་བརྐྱང་བཏིང་ནས་དགེ་སློང་དེས་ཆོས་གོས་གཞན་ཞིག་རྙེད་ནའོ། །བཙུན་པ་རེ་ཞིག་བསླབ་པ་སྩལ་བས་དགུང་བཅུ་ལས་ལྷག་པར་ཆོས་གོས་ལྷག་པ་བཅངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་དགུང་བཅུ་ [30a.3]ལས་ལྷག་པར་ཆོས་གོས་ལྷག་པ་བཅངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མས་དགུང་བཅུ་ལས་འདས་པར་ཆོས་གོས་ལྷག་པ་བཅངས་ན་ཅིར་འགྱུར་ལགས། ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ནི་ཉེས་ [30a.4]བྱས་ཏེ། སྔ་མ་བཞིན་ནོ།། །།སྡོམ་ལ། དགེ་འདུན་གྱི་དང་ས་དང་མཚམས། །མནན་པ་དང་ནི་མ་གནང་དང་། །མཚམས་མ་བཅད་དང་མ་གཡོགས་དང་། །བཞི་ཚན་དང་ནི་དེ་བཞིན་མཚན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ [30a.5]བཅོམ་ལྡན་འདས་ཀྱིས་དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ན་གལ་ཏེ་ནུབ་གཅིག་ཀྱང་ཆོས་གོས་གསུམ་ལས་ཆོས་གོས་གང་ཡང་རུང་བ་དང་། མཚམས་ཀྱི་ཕྱི་རོལ་དུ་འབྲལ་བར་བྱེད་ན། དགེ་འདུན་གྱིས་གནང་བ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ [30a.6]ལགས་པ། བཙུན་པ་དགེ་འདུན་གྱི་ཆོས་གོས་བྱིན་གྱིས་བརླབ་པར་གནང་ལགས་སམ། ཉེ་བ་འཁོར་མི་གནང་ངོ་། །བཙུན་པ་དེ་ལྟ་བུའི་རྐྱེན་ཞིག་མཆིས་ན་གནང་ལགས་སམ། ཉེ་བ་འཁོར་གནང་ངོ་། །བཙུན་པ་རེ་ཞིག་དགེ་སློང་གིས་དགེ་འདུན་གྱི་ཆོས་གོས་བྱིན་གྱིས་བརླབས་ [30a.7]ཏེ། ཆོས་གོས་མ་མཆིས་པར་མཚམས་ཀྱི་སླད་རོལ་དུ་བྲལ་བར་བགྱིད་ན། ཆོས་གོས་དང་བྲལ་བ་ཞེས་བགྱིའམ། ཆོས་གོས་དང་མ་བྲལ་བ་ཞེས་བགྱི་ལགས། བཀའ་སྩལ་བ། ཆོས་གོས་དང་བྲལ་བ་ཞེས་བྱའོ། །ཆོས་གོས་དེ་སྤང་བར་བགྱི་ལགས་སམ། ཉེ་བ་འཁོར་མ་ [30b] [30b.1]ཡིན་ནོ། །འབའ་ཞིག་པའི་ལྟུང་བྱེད་བཤགས་པར་བྱའོ། བཙུན་པ་དགེ་སློང་གིས་ཆོས་གོས་ས་ལ་བཞག་སྟེ། ནམ་མཁའ་ལ་སྐྱ་རེངས་འཆར་བར་བགྱིད་དམ། ཆོས་གོས་ནམ་མཁའ་ལ་བཞག་སྟེ། ས་ལ་སྐྱ་རེངས་འཆར་བར་བགྱིད་ན་ཆོས་གོས་དང་བྲལ་བ་ཞེས་བགྱིའམ། ཆོས་ [30b.2]གོས་དང་མ་བྲལ་བ་ཞེས་བགྱི་ལགས། བཀའ་སྩལ་པ། ཆོས་གོས་དང་བྲལ་བ་ཞེས་བྱའོ། །བཙུན་པ་རེ་ཞིག་དགེ་སློང་གིས་ཆོས་གོས་མཚམས་ཀྱི་ནང་དུ་བཞག་སྟེ། མཚམས་ཀྱི་སླད་རོལ་དུ་སྐྱ་རེངས་འཆར་བར་བགྱིད་དམ། ཆོས་གོས་མཚམས་ཀྱི་སླད་རོལ་དུ་བཞག་སྟེ། [30b.3]མཚམས་ཀྱི་ནང་དུ་སྐྱ་རེངས་འཆར་བར་བགྱིད་ན་ཆོས་གོས་དང་བྲལ་བ་ཞེས་བགྱི་འམ། ཆོས་གོས་དང་མ་བྲལ་བ་ཞེས་བགྱི་ལགས། བཀའ་སྩལ་པ། ཆོས་གོས་དང་བྲལ་བ་ཞེས་བྱའོ། །བཙུན་པ་རེ་ཞིག་དགེ་སློང་གིས་མཚམས་མནན་ཏམ། མཚམས་བཟུང་ངམ། མཚམས་ [30b.4]སུ་འགྲེང་ངམ་མཆིས་ཏེ། མཚམས་ཀྱི་བར་དུ་ཆོས་གོས་བཞག་ནས་སྐྱ་རེངས་འཆར་བར་བགྱི་ན་ཆོས་གོས་དང་བྲལ་བ་ཞེས་བགྱིའམ། ཆོས་གོས་དང་མ་བྲལ་བ་ཞེས་བགྱི་ལགས། བཀའ་སྩལ་བ། ཆོས་གོས་དང་མ་བྲལ་བ་ཞེས་བྱའོ། །བཙུན་པ་དགེ་སློང་ཡང་མཚམས་ཀྱི་ནང་ [30b.5]ན་མཆིས་ལ། ཆོས་གོས་ཀྱང་མཚམས་ཀྱི་ནང་ན་མཆིས་པ་ལས། ཆོས་གོས་དེ་དང་བྲལ་བར་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། མཚམས་བཅད་པར་བྱས་པ་ཆོས་གོས་དང་མི་འབྲལ་བའི་སྡོམ་པ་མ་བྱིན་ནའོ། །བཙུན་པ་རེ་ཞིག་མཚམས་མ་བཅད་པའི་ [30b.6]གནས་སུ་གང་ཚུན་ཆད་དགེ་སློང་ཆོས་གོས་དང་བྲལ་བ་ཞེས་བགྱི། ཉེ་བ་འཁོར་ཇི་ཙམ་གཙུག་ལག་ཁང་གི་ཉེན་ཀོར་ཆབ་ཀུང་སའམ། སྒོ་ཁྱམས་སམ། ཁང་ཕྲན་ནམ། ཀུན་དགའ་ར་བའམ། དགེ་སློང་གིས་ཀུན་ཏུ་སྤྱད་པའམ། ར་བའམ། འགྲེང་རིབ་བམ། འོབས་ཡོད་པའོ། ། [30b.7]བཙུན་པ་དགེ་སློང་ཡང་གནས་གཅིག་ལ་སྟེང་གཡོགས་ཀྱང་གཅིག་པ་ཞིག་ན་མཆིས་ལ། དེ་ཉིད་ན་ཆོས་གོས་ཀྱང་མཆིས་ན་ཆོས་གོས་དེ་དང་བྲལ་བར་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་གནས་ཏེ་མུ་སྟེགས་ཅན་སྣ་ཚོགས་དང་། དགེ་སྦྱོང་དང་། བྲམ་ཟེ་དང་། [31a] [31a.1]སྤྱོད་པ་པ་དང་། ཀུན་ཏུ་རྒྱུ་རྣམས་སམ། སྤུན་ནོར་བགོས་པ་རྣམས་ཀྱི་ཡིན་ནའོ། །བཙུན་པ་རེ་ཞིག་དགེ་སློང་གིས་མཚམས་ཀྱི་སླད་རོལ་ལ། མཚམས་ཀྱི་སླད་རོལ་དུ་འདུ་ཤེས་པ་ལས་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་ [31a.2]རོ། །མཚམས་ཀྱི་ནང་ལ་མཚམས་ཀྱི་སླད་རོལ་དུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མཚམས་ཀྱི་སླད་རོལ་ན་མཚམས་ཀྱི་ནང་དུ་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། ། [31a.3]བཙུན་པ་རེ་ཞིག་དགེ་སློང་གིས་མཚམས་ཀྱི་ནང་དུ་ཆོས་གོས་བཞག་སྟེ། མཚམས་ཀྱི་སླད་རོལ་དུ་སྐྱ་རེངས་འཆར་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་ཞིག་གིས་མཚམས་ཀྱི་སླད་རོལ་དུ་སྐྱ་ [31a.4]རེངས་འཆར་བར་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་དགེ་སློང་གིས་གང་གི་མདུན་དུ་ཆོས་གོས་བྱིན་གྱིས་བརླབ་པར་བགྱི། ཉེ་བ་འཁོར་དགེ་སློང་གིས་ནི་དགེ་སློང་གི་མདུན་དུ་ཆོས་གོས་བྱིན་གྱིས་བརླབ་ [31a.5]པར་བྱའོ། །བཙུན་པ་དགེ་སློང་མས་གང་གི་མདུན་དུ་ཆོས་གོས་བྱིན་གྱིས་བརླབ་པར་བགྱི། ཉེ་བ་འཁོར་དགེ་སློང་མས་ནི་དགེ་སློང་མའི་མདུན་དུ་ཆོས་གོས་བྱིན་གྱིས་བརླབ་པར་བྱ་སྟེ། དབྱུང་བ་དང་རུང་བར་བྱ་བ་ཡང་དེ་བཞིན་དུ་བྱའོ། །བཙུན་པ་རེ་ཞིག་བསླབ་པ་སྩལ་པ་ཆོས་གོས་མ་ [31a.6]མཆིས་པར་མཚམས་ཀྱི་སླད་རོལ་དུ་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་ཏེ། དེ་བཞིན་དུ་དགེ་སློང་མ་ལ་ནི་ཆོས་གོས་ལྔས་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ལ་ནི་ཉེས་པ་མེད་དོ། ། [31a.7]སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ།། །།སྡོམ་ལ། སེམས་འཁྲུགས་པ་དང་དུས་ལས་འདས། །དེ་བཞིན་རུང་བ་ཉིད་དང་ནི། །མི་རུང་བ་དང་གདིང་བ་དང་། །ཚད་དང་བཞི་ཚན་དག་དང་མཚན། །སངས་རྒྱས་བཅོམ་ལྡན་འདས་ལ་ཚེ་ [31b] [31b.1]དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཆོས་གོས་ཟིན་པས། ཆོས་གོས་སྲ་བརྐྱང་ཕྱུང་ནས་དུས་མ་ཡིན་པའི་གོས་རྙེད་ལ། འདོད་ན་དགེ་སློང་དེས་ཆོས་གོས་དེ་བླང་བར་བྱའོ། །བླངས་ནས་གལ་ཏེ་ལངས་ན་མྱུར་བ་ཁོ་ནར་ཆོས་གོས་སུ་བྱས་ཏེ་བཅང་ [31b.2]བར་བྱའོ། །གལ་ཏེ་མི་ལངས་ལ་ཁ་མ་ལངས་པ་ཁ་སྐོང་བའི་ཆོས་གོས་ལ་རེ་བ་ཡོད་ན་ཡང་དགེ་སློང་དེས་ཆོས་གོས་དེ་ཟླ་བ་གཅིག་གི་བར་དུ་གཞག་པར་བྱའོ། །དེ་ལས་འདས་པར་འཇོག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གོས་ [31b.3]ཤིག་རྙེད་མ་ཐག་ཏུ་སེམས་འཁྲུགས་པར་གྱུར་ན། གང་ནས་བཟུང་སྟེ་དེའི་ཟླ་བ་བགྲང་བར་བགྱི། གང་ནས་བཟུང་སྟེ་རང་གི་སེམས་ཕྱིར་རྙེད་པ་ནས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཟླ་བ་གཅིག་གི་བར་དུ་ཆོས་གོས་གཞག་པར་བྱའོ་ཞེས་གསུངས་པ་གང་ལགས་པ། [31b.4]བཙུན་པ་དགེ་སློང་གིས་ནམ་འཚོའི་བར་དུ་ཆོས་གོས་བཞག་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། ཟླ་བ་གཅིག་ཚུན་ཆད་དུ་དུས་བྱས་ནའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཆོས་གོས་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་ [31b.5]གང་ལགས་པ། ཆོས་གོས་དེ་ཇི་ལྟ་བུ་ཞིག་ལགས། བདུན་པོ་དག་ལས་བརྟགས་པ་གང་ཡང་རུང་བ་ངས་རྗེས་སུ་གནང་ཞིང་མ་བཀག་པ་གང་ཡིན་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཆོས་གོས་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་གང་ལགས་པ། [31b.6]བཙུན་པ་དགེ་སློང་དགུང་ཟླ་གཅིག་ལས་ལྷག་པར་བཞག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། དེ་འདི་ལྟར་ཆོས་གོས་ཀྱི་སྤུན་རུང་བར་གྱུར་ལ། རྒྱུ་མི་རུང་བར་གྱུར་པ་དང་། སྤུན་མི་རུང་བར་གྱུར་ལ། རྒྱུ་རུང་བར་གྱུར་པ་དང་། གཉི་ག་ [31b.7]མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། ཐགས་སུ་མ་བཏགས་པ་སྟེ། དེ་ལྟ་བུའི་ཆོས་གོས་ནི་ཟླ་བ་གཅིག་ལས་ལྷག་པར་བཞག་ཀྱང་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་ [32a] [32a.1]འདས་ཀྱིས་དགེ་སློང་གིས་ཆོས་གོས་དེ་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགུང་ཟླ་དྲུག་ཏུ་ཆོས་གོས་བཞག་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། ཆོས་གོས་དེ་ [32a.2]རྙེད་ནས་ཞག་སུམ་བཅུ་ལོན་པ་དང་། དགེ་འདུན་གྱིས་སྲ་བརྐྱང་བཏིང་བར་གྱུར་ནའོ། །བཙུན་པ་བཅོམ་ལྡན་འདས་ཀྱིས་ཆོས་གོས་གསུམ་དུ་མ་ཚང་ན་ཟླ་བ་གཅིག་གི་བར་དུ་གཞག་གོ་ཞེས་གསུངས་པ་གང་ལགས་པ། བཙུན་པ་དགེ་སློང་ཆོས་གོས་གསུམ་པར་གྱུར་པ་དེས་ཆོས་ [32a.3]གོས་མི་ལངས་པ་ཞིག་རྙེད་ན་དེས་ཀྱང་དགུང་ཟླ་གཅིག་གི་བར་དུ་གཞག་པར་བགྱི་ལགས་སམ། ཉེ་བ་འཁོར་མ་ཡིན་ནོ། །དེ་ཅིའི་ཕྱིར་ཞེ་ན། ཉེ་བ་འཁོར་ཆོས་གོས་གསུམ་ཚང་ན་ཆོས་གོས་གཞན་རྙེད་པ་གང་ཡིན་པ་ནི་ལངས་ཀྱང་རུང་། མི་ལངས་ཀྱང་རུང་སྟེ་ཐམས་ཅད་ནི་ཞག་བཅུ་པ་ [32a.4]ཡིན་ནོ། །ཆོས་གོས་གསུམ་དུ་མ་ཚང་བ་ལས་གལ་ཏེ་ཆོས་གོས་སུ་ལངས་པ་ཞིག་རྙེད་ན་དེ་ཡང་ཞག་བཅུ་པ་ཡིན་ནོ། །འོན་ཏེ་མ་ལངས་པ་ཞིག་རྙེད་ན་ཟླ་བ་གཅིག་གི་བར་དུ་གཞག་པར་བྱའོ། །དེ་ལས་འདས་པར་བཞག་ན་སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་ [32a.5]དགུང་ཟླ་གཅིག་ལ་དགུང་ཟླ་གཅིག་ཏུ་འདུ་ཤེས་པས་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགུང་ཟླ་གཅིག་ལ་དགུང་ཟླ་གཅིག་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགུང་ཟླ་གཅིག་མ་ལགས་པ་ལ་དགུང་ [32a.6]ཟླ་གཅིག་ཏུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགུང་ཟླ་གཅིག་མ་ལགས་པ་ལ་དགུང་ཟླ་གཅིག་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་ཆོས་གོས་རྙེད་ནས་དགུང་ཟླ་གཅིག་ལགས་པ་ལས་མཚན་གྱུར་ཏེ། [32a.7]དགེ་སློང་མར་རེད་ནས་དགུང་ཟླ་གཅིག་ལས་འདའ་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ཆོས་གོས་རྙེད་ནས་དགུང་ཟླ་གཅིག་ལགས་པ་ལས་མཚན་གྱུར་ཏེ། དགེ་སློང་དུ་རེད་ནས་ཟླ་བ་གཅིག་ལས་འདའ་བར་བགྱིད་ན་ཅིར་ [32b] [32b.1]འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་བསླབ་པ་སྩལ་བས་ཆོས་གོས་དགུང་ཟླ་གཅིག་པས་རིང་དུ་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ཆོས་གོས་དགུང་ཟླ་གཅིག་པས་རིང་དུ་ [32b.2]བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མས་ཆོས་གོས་དགུང་ཟླ་གཅིག་གི་བར་དུ་བཞག་ན་ཅིར་འགྱུར་ལགས། ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ [32b.3]ནོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་མ་དང་ནི་སེམས་འཁྲུགས་དང་། །ཚོར་བ་འོན་མ་གླེན་མ་དང་། །ཁྱིམ་པ་མོ་ལ་སོགས་པ་སྟེ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་ [32b.4]དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ཆོས་གོས་རྙིང་པ་འཁྲུར་འཇུག་གམ། འཚེད་དུ་འཇུག་གམ། འཆག་ཏུ་འཇུག་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་ [32b.5]སློང་གིས་དགེ་སློང་མ་ཉེ་དུ་མ་ལགས་པ་ལ་ཕོ་ཉ་ལས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་དེ་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། [32b.6]ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་སྨྱོན་མ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་མ་ཉེ་དུ་མ་ལགས་པ། སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་མ་དང་། [32b.7]གླེན་མ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་པ་མོ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་མ་ཐ་དད་དུ་གནས་པ་དང་། དགེ་སློང་མ་ཁས་ [33a] [33a.1]ལེན་པ་དང་། མ་ནིང་མོ་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། དང་པོ་ [33a.2]མི་མཐུན་པ་ཅན་དང་། །སྔར་ལྟུང་བ་བྱུང་བ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ [33a.3]འབྱིན་པ་དང་། བསླབ་པ་སྩལ་བའི་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ།། །།སྡོམ་ལ། བསྒྲུབ་པར་བྱ་དང་བཀྲུས་པ་དང་། །དགེ་འདུན་གྱི་དང་མཚན་གཉིས་དང་། །མི་རུང་བ་དང་སྤངས་པ་ [33a.4]དང་། །གཞན་གྱི་དང་ནི་གྱོན་པ་དང་། །བཞི་ཚན་དག་ཏུ་བྱས་པ་དང་། །དགེ་སློང་མ་ནི་ཐ་མ་ཡིན། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་བསྒྲུབ་པར་བགྱི་བ་ཞིག་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་ [33a.5]དུ་མ་ལགས་པ་ལ་ཆོས་གོས་རྙིང་པ་བཀྲུས་པ་ཞིག་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་དགེ་འདུན་གྱི་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། གལ་ཏེ་གང་ཟག་གིས་ཡོངས་སུ་སྤྱད་པས་ [33a.6]ཡོངས་སུ་སྤྱད་དེ། དྲི་མ་ཅན་དུ་གྱུར་པ་ཞིག་ན་ཉེས་བྱས་སུ་འགྱུར་རོ། །འོན་ཏེ་གནས་མལ་གྱི་དངོས་པོ་ཞིག་འཁྲུར་བཅུག་ན་ནི་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩལ་བ་ལས་མཚན་གྱུར་ཏེ་དགེ་སློང་མར་རེད་ན་ཅིར་ [33a.7]འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་ཉེ་དུ་མ་ལགས་པའི་དགེ་སློང་ལ་ཆོས་གོས་རྙིང་པ་འཁྲུར་སྩལ་བ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཉེ་དུ་མ་ལགས་པའི་དགེ་སློང་མ་ལ་ཆོས་གོས་རྙིང་པ་ [33b] [33b.1]འཁྲུར་སྩལ་བ་ལས། དགེ་སློང་མ་དེའི་མཚན་གྱུར་ཏེ་དགེ་སློང་དུ་རེད་ནས་བཀྲུས་ན་ཅིར་འགྱུར་ལགས། ཉེས་བྱས་ཏེ། དེ་བཞིན་དུ་དགེ་སློང་མ་ལ་ཡང་སྦྱར་བར་བྱའོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩལ་ཀྱང་སྤང་བའི་ལྟུང་བྱེད་དུ་ [33b.2]མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་པ་ལ། རྒྱུ་མི་རུང་བར་གྱུར་པ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་ [33b.3]བལ་དང་། ར་བལ་དང་འདྲེས་པ་དང་། མ་བཏགས་པའོ། །དེ་ལྟ་བུའི་ཆོས་གོས་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཆོས་གོས་རྙིང་པ་སྤང་བ་ཞིག་དགེ་སློང་མ་ཉེ་དུ་མ་ལགས་པ་ལ་འཁྲུར་སྩོལ་ན་ཅིར་འགྱུར་ལགས། གལ་ [33b.4]ཏེ་མ་སྤངས་པ་ཞིག་འཁྲུར་འཇུག་ན་སྤང་བའི་ལྟུང་བྱེད་དུ་འགྱུར་རོ། །འོན་ཏེ་སྤངས་པ་ཞིག་འཁྲུར་འཇུག་ན་ཉེས་བྱས་སུ་འགྱུར་རོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་གཞན་གྱི་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་ [33b.5]པ་རེ་ཞིག་དགེ་སློང་གིས་གོས་རུང་བ་དང་། གྲོང་དུ་འཇུག་པ་སྤང་བ་འབྱུང་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་ཁྱིམ་དུ་ཞུགས་པའི་ཆོས་གོས་བཤང་བའམ། གཅི་བའམ། འདམ་རྫབ་བམ། ལྗན་ལྗིན་ནམ། མི་གཙང་བ་གཞན་གྱིས་སྦགས་པར་ [33b.6]གྱུར་ནའོ། །དེས་དེ་དགེ་སློང་མ་ཉེ་དུ་མ་ལགས་པ་ལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་མ་རྫོགས་པར་འཁྲུར་སྩོལ་བའི་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། ། [33b.7]བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་ [34a] [34a.1]རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་ [34a.2]སྦྱོར་བ་བགྱིས་ལ། བསྙེན་པར་རྫོགས་ཏེ་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་མ་རྫོགས་པ་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ [34a.3]དགེ་སློང་མ་ཉེ་དུ་མ་ལགས་པ་བསྙེན་པར་རྫོགས་པ་ལ། བསྙེན་པར་རྫོགས་པར་འདུ་ཤེས་པས་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་ [34a.4]འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་རྫོགས་པ་ལ། བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། ། [34a.5]བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ། ཉེ་དུ་མ་ལགས་པར་འདུ་ཤེས་པས་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ཉེ་དུ་མ་ལགས་པ་ལ། ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། ། [34a.6]ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་གིས་དགེ་སློང་མ་ཉེ་དུ་ལགས་པ་ལ་ཉེ་དུ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ཆོས་གོས་རྙིང་པ་འཁྲུར་ [34a.7]འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། དགེ་སློབ་མ་དང་། དགེ་ཚུལ་མ་དང་། ཁྱིམ་པ་མོ་དང་། གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་རྣམས་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་ [34b] [34b.1]སོ། །དེ་བཞིན་དུ་འགྲོ་བ་གཞན་དུ་གནས་པ་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་དང་། དགེ་ཚུལ་དང་། གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་དང་། འགྲོ་བ་གཞན་དུ་གནས་པ་རྣམས་ལ་ [34b.2]འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །ཁྱིམ་པ་དང་། ཁྱིམ་པ་མོ་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ཉེས་བྱས་སོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ། སྔ་མ་བཞིན་ནོ། ། [34b.3]དེ་བཞིན་དུ་འཚེད་པ་དང་། འཆག་པ་ལ་ཡང་རྒྱས་པར་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་མ་དང་ནི་སེམས་འཁྲུགས་དང་། །ཚོར་བ་འོན་མ་གླེན་མ་དང་། །གཉིད་ལོག་ར་རོ་རབ་མྱོས་དང་། ། [34b.4]སྙོམས་འཇུག་དེ་བཞིན་འགྲོ་བ་དང་། ཁས་ལེན་འདོད་པ་ལ་སོགས་པ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལས་ཆོས་གོས་ལེན་ན་ [34b.5]བརྗེས་པ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ཕོ་ཉ་ལས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཡི་ [34b.6]གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་ཉེ་དུ་མ་ལགས་པའི་དགེ་སློང་མ་དེ་ལ་ཆོས་གོས་ལེན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་སྨྱོན་མ་ལ་གོས་སློང་ན་ཅིར་འགྱུར་ལགས། ཉེས་ [34b.7]བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་མ་དང་། འོན་མ་དང་། གཉིད་ལོག་པ་དང་། ཕྱག་ལས་ཁམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་ [35a] [35a.1]གཞན་དུ་གནས་པ་དང་། ཐ་དད་དུ་གནས་པ་དང་། ཁས་ལེན་པ་དང་། མ་ནིང་མོ་དང་། དགེ་སློང་མ་སུན་ཕྱུང་བ་ནས། རྒྱས་པར་དང་པོ་མི་མཐུན་པ་ཅན་གྱི་བར་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། [35a.2]ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་དགེ་འདུན་གྱི་དབྱེན་བགྱིད་པ་དང་། དགེ་སློང་མ་ཉེ་དུ་མ་ལགས་པ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། བསླབ་པ་སྩལ་བ་ལ་ཆོས་གོས་སློང་ན་ཅིར་འགྱུར་ལགས། ཉེས་ [35a.3]བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ།། །།སྡོམ་ལ། མི་རུང་བ་དང་བཞི་ཚན་ནི། །གཉིས་དང་དེ་བཞིན་མཚན་དང་ནི། །དགེ་སློང་དང་ནི་དགེ་སློང་མ། །ཚོགས་སུ་ཡང་དག་བཤད་པ་ཡིན། །བཙུན་པ་རེ་ཞིག་དགེ་སློང་གིས་དགེ་སློང་ [35a.4]མ་ཉེ་དུ་མ་ལགས་པ་ལས་ཆོས་གོས་བླངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། སྤུན་མི་རུང་བར་གྱུར་ལ། རྒྱུ་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་ [35a.5]རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པའོ། །དེ་ལྟ་བུའི་ཆོས་གོས་ཤིག་བླངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་ [35a.6]བ་མེད་དོ། །དགེ་སློང་མ་ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགེ་སློང་མ་ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་ [35a.7]དགེ་སློང་གིས་དགེ་སློང་མ་ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་ཆོས་གོས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། [35b] [35b.1]ཉེས་བྱས་སོ། །ཉེ་དུ་མ་ལགས་པ་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསྙེན་པར་ [35b.2]མ་རྫོགས་པས་དགེ་སློང་མ་ཉེ་དུ་མ་ལགས་པ་ལ་ཆོས་གོས་བླངས་ནས་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བླངས་ལ་ [35b.3]བསྙེན་པར་རྫོགས་ཏེ་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། ། [35b.4]བསྙེན་པར་རྫོགས་ནས་བསླངས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་པས་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་ཉེ་དུ་མ་ལགས་པ་ [35b.5]ལས་ཆོས་གོས་ལེན་པ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་དགེ་སློང་མ་ཉེ་དུ་མ་ལགས་པ་ལས་ཆོས་གོས་ལེན་པ་ལས་དགེ་སློང་མ་དེ་མཚན་གྱུར་ཏེ། དགེ་སློང་དུ་རེད་ནས་བླངས་ན་ཅིར་འགྱུར་ལགས། ཉེས་བྱས་ [35b.6]སོ། །བཙུན་པ་རེ་ཞིག་དགེ་སློང་མ་ཉེ་དུ་མ་ལགས་པའི་དགེ་སློང་ལས་ཆོས་གོས་ལེན་པ་ལས་དགེ་སློང་དེ་མཚན་གྱུར་ཏེ། དགེ་སློང་མར་རེད་པ་ལས་བླངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་ཉེ་དུ་མ་ལགས་པའི་དགེ་སློང་ལས་ཆོས་གོས་ལེན་པ་ལས་དགེ་ [35b.7]སློང་དེའི་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བས་དགེ་སློང་མ་ཉེ་དུ་མ་ལགས་པ་ལས་ཆོས་གོས་ལེན་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་ [36a] [36a.1]གང་དགེ་སློང་མ་ཉེ་དུ་མ་ཡིན་པ་ལས་ཆོས་གོས་ལེན་ན་བརྗེས་པ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། དགེ་སློབ་མ་དང་། དགེ་ཚུལ་མ་ལས་ལེན་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་དང་། དགེ་ཚུལ་ལས་ [36a.2]ལེན་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློབ་མ་དང་། དགེ་ཚུལ་མ་ལས་བླངས་ན་ཅིར་འགྱུར་ལགས། ཉེས་བྱས་སོ། །དགེ་ཚུལ་གྱིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་ལས་ཆོས་གོས་ལེན་ན་ཅིར་འགྱུར་ལགས། ཉེས་བྱས་སོ། །སྔར་ [36a.3]ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་ [36a.4]འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་སྟེ་ཆོས་གོས་སློང་ན་དུས་མ་གཏོགས་ཏེ་སྤང་བའི་ལྟུང་བྱེད་ [36a.5]དོ། །དེ་ལ་དུས་ནི་འདི་ཡིན་ཏེ། དགེ་སློང་ཆོས་གོས་ཕྲོགས་སམ། ཆོས་གོས་ཉམས་སམ། ཆོས་གོས་ཚིག་གམ། ཆོས་གོས་ཁྱེར་རམ། ཆོས་གོས་རྙེད་ན། དེ་ལ་དེ་ནི་དུས་ཡིན་ནོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་ཁྱིམ་བདག་གམ། ཁྱིམ་ [36a.6]བདག་གི་མཆིས་འབྲང་ཉེ་དུ་མ་ལགས་པ་ལས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་ [36a.7]བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་འབྲང་སྨྱོན་མ་ལས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་ [36b] [36b.1]དུ་མ་ལགས་པ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་པ་དང་གླེན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལས་ཆོས་གོས་སློང་ན་ཅིར་འགྱུར་ལགས། [36b.2]ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་ཉེ་དུ་མ་ལགས་པ་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ [36b.3]ལགས། ཉེས་བྱས་ཁོ་ནའོ།། །།སྡོམ་ལ། མི་རུང་བ་དང་བཞི་ཚན་ནི། །གཉིས་དང་དེ་བཞིན་མཚན་དང་ནི། །ཟ་མ་མ་ནིང་ཉིད་དེ་བཞིན། །མ་ནིང་མོ་དང་དགེ་སློང་མ། །བཙུན་པ་རེ་ཞིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་ཆོས་ [36b.4]གོས་བླངས་ཏེ་ཐོབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ [36b.5]ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་ཆོས་གོས་ཤིག་སློང་ན་སློང་བ་དེ་ལ་ཉེས་བྱས་སོ། །ཆོས་གོས་ཐོབ་ན་ཡང་ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་ [36b.6]འབྲང་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ [36b.7]ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་མིའི་ཁྱིམ་བདག་གམ། ཁྱིམ་བདག་གི་མཆིས་འབྲང་ལ་མིར་འདུ་ཤེས་ [37a] [37a.1]པས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ [37a.2]ཁོ་ནའོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བསྙེན་པར་མ་རྫོགས་པར་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་ [37a.3]བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། ། [37a.4]བསྙེན་པར་རྫོགས་ཀར་བླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་བླངས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བླངས་ལ་བསྙེན་པར་མ་རྫོགས་ [37a.5]པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་གོས་སློང་བ་ལས་མཚན་གྱུར་ཏེ། དགེ་སློང་མར་རེད་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་ [37a.6]རེ་ཞིག་དགེ་སློང་མ་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་ཆོས་གོས་སློང་བ་ལས་མཚན་གྱུར་ཏེ། དགེ་སློང་དུ་རེད་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་ཉེ་དུ་མ་ལགས་པའི་ཁྱིམ་བདག་ལ་ཆོས་ [37a.7]གོས་སློང་བ་ལས་ཁྱིམ་བདག་དེའི་མཚན་གྱུར་ཏེ་བུད་མེད་དུ་རེད་པ་ལས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལས་ཆོས་གོས་སློང་བ་ལ་ཁྱིམ་བདག་གི་མཆིས་འབྲང་དེའི་མཚན་གྱུར་ཏེ། [37b] [37b.1]སྐྱེས་པར་རེད་པ་ལས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་མ་ལ་ཡང་བརྗོད་དོ།། །།འདུལ་བ་གཞུང་བླ་མ། བམ་པོ་ལྔ་པ། བཙུན་པ་རེ་ཞིག་དགེ་སློང་གིས་ཟ་མ་ཉིད་དུ་མ་ལགས་པ་ལས་ཆོས་གོས་སློང་ན་ཅིར་འགྱུར་ལགས། [37b.2]ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་མ་ནིང་དང་། མ་ནིང་མོ་ནས། དགེ་སློང་དང་། དགེ་ཚུལ་གྱི་བར་ལ་བླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་ [37b.3]རེ་ཞིག་དགེ་སློང་མས་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལས་བླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ལ་ཇི་ལྟ་བར་བསླབ་པ་བྱིན་པ་ལ་ཡང་དེ་དང་འདྲའོ། ། [37b.4]དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་རྒྱས་པར་བརྗོད་དོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཆོས་གོས་ཕྲོགས་སམ། ཆོས་ [37b.5]གོས་ཉམས་སམ། ཆོས་གོས་ཚིག་གམ། ཆོས་གོས་རེད་དམ། ཆོས་གོས་ཁྱེར་ན་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་ལ་ཆོས་གོས་བླང་བར་བྱའོ། །གལ་ཏེ་དེ་ལ་བྲམ་ཟེའམ། ཁྱིམ་བདག་དད་པ་ཞིག་གིས་དུས་ཀྱིས་གོས་མང་པོ་སྟོབས་ལ་འདོད་ན་ [37b.6]དགེ་སློང་དེས་དེ་ལ་གོས་སྟོད་གཡོགས་དང་སྨད་གཡོགས་དང་བཅས་པའི་མཐར་ཐུག་པ་བླང་བར་བྱའོ། །དེ་ལས་ལྷག་པར་ལེན་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། སྔ་མ་སློང་བའི་སྤང་བའི་ལྟུང་བྱེད་ཇི་ལྟ་བར་སྟོད་གཡོགས་སྨད་གཡོགས་དང་བཅས་པ་ལ་ཡང་དེ་དང་འདྲའོ། །ཐ་ [37b.7]དད་དུ་བྱ་བ་ཅི་ཡོད་ཅེ་ན། སྟོད་གཡོགས་དང་སྨད་གཡོགས་དང་བཅས་པ་ནི་གཉིས་ཏེ། ཁྱིམ་པའི་སྟོད་གཡོགས་དང་སྨད་གཡོགས་དང་བཅས་པ་དང་། དགེ་སློང་གི་སྟོད་གཡོགས་དང་སྨད་གཡོགས་དང་བཅས་པའོ། །དགེ་སློང་གིས་ཁྱིམ་པའི་སྟོད་གཡོགས་དང་སྨད་གཡོགས་དང་ [38a] [38a.1]བཅས་པ་བླངས་ཏེ། ཁྱིམ་པའི་སྟོད་གཡོགས་དང་སྨད་གཡོགས་དང་བཅས་པ་ཐོབ་པ་ལས་ལྷག་པར་སློང་ན། ལྷག་པར་སློང་བ་དེ་ལ་ཉེས་བྱས་སོ། །ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་གི་སྟོད་གཡོགས་དང་སྨད་གཡོགས་དང་བཅས་པ་བླངས་ཏེ། དགེ་ [38a.2]སློང་གིས་སྟོད་གཡོགས་དང་སྨད་གཡོགས་ཐོབ་པ་ལས་ལྷག་པར་སློང་ན་ལྷག་པར་སློང་བ་དེ་ལ་ཉེས་བྱས་སོ། །ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཁྱིམ་པའི་སྟོད་གཡོགས་དང་སྨད་གཡོགས་དང་བཅས་པ་བླངས་ཏེ། ཁྱིམ་པའི་སྟོད་གཡོགས་དང་སྨད་གཡོགས་དང་བཅས་ [38a.3]པ་ཐོབ་པས་གལ་ཏེ་མ་ལངས་པར་གྱུར་ན་ཡང་མ་སློངས་ཤིག །ལྷག་པར་གྱུར་ན་ཡང་མ་སྦྱིན་ཅིག །དགེ་སློང་གིས་ཁྱིམ་པའི་སྟོད་གཡོགས་དང་སྨད་གཡོགས་དང་བཅས་པ་ལས་ལྷག་པར་བླངས་ན་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་གི་སྟོད་གཡོགས་དང་སྨད་གཡོགས་དང་བཅས་ [38a.4]པ་བླངས་ཏེ། དགེ་སློང་གི་སྟོད་གཡོགས་དང་སྨད་གཡོགས་དང་བཅས་པ་ཐོབ་པས་གལ་ཏེ་མ་ཆོག་པར་གྱུར་ན་ཡང་བསླང་བར་བྱའོ། །ལྷག་པར་གྱུར་ན་ཡང་སྦྱིན་ནོ། །དགེ་སློང་གིས་སྟོད་གཡོགས་དང་སྨད་གཡོགས་དང་བཅས་པ་ལས་ལྷག་པ་མ་བྱིན་ན་ཉེས་བྱས་སུ་འགྱུར་རོ། ། [38a.5]གཞུང་ལྷག་མ་ནི་བསླབ་པའི་གཞི་སྔ་མ་ལ་ཇི་ལྟར་བསླབ་པའི་གཞི་འདི་ལ་ཡང་དེ་བཞིན་དུ་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་ [38a.6]རོ་རབ་མྱོས་དང་། །སྙོམས་ཞུགས་འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པས་ཆོས་གོས་ཀྱི་རིན་དག་ [38a.7]སྤགས་ནས། བདག་གི་ཆོས་གོས་ཀྱི་རིན་འདི་དག་གིས་ཆོས་གོས་འདི་དང་འདི་ལྟ་བུ་ཞིག་ཉོས་ལ་དགེ་སློང་མིང་འདི་ཞེས་བགྱི་བ་འོངས་པ་དང་དེ་ལ་ཆོས་གོས་རུང་བ་དུས་སུ་བསྐོན་ནོ་སྙམ་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པས་རྣམ་པར་རྟོག་པ་འགའ་ཞིག་རིག་སྟེ་བཟང་ [38b] [38b.1]པོ་འདོད་པའི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པ་དེའི་གན་དུ་སོང་ནས་འདི་སྐད་ཅེས་ཚེ་དང་ལྡན་པས་བདག་གི་ཕྱིར་ཆོས་གོས་ཀྱི་རིན་གང་དག་སྤགས་པའི་ཆོས་གོས་ཀྱི་རིན་དེ་དག་གིས་ཚེ་དང་ལྡན་པ་དེ་དག་གིས་ཆོས་གོས་ཐག་པ་འདི་དང་འདི་ལྟ་བུ་ཞིག་ཉོས་ལ་བདག་ལ་ [38b.2]ཆོས་གོས་རུང་བ་དུས་སུ་སྐོན་ཅིག་ཅེས་སྨྲས་ཏེ། ཆོས་གོས་གྲུབ་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་ཕོ་ཉ་ལས་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་རྣམ་པར་རྟོག་པ་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། ། [38b.3]ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ། [38b.4]སྨྱོན་པ་ལ་རྣམ་པར་རྟོག་པ་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་པ་དང་། གླེན་པ་དང་། གཉིད་ཀྱིས་ལོག་པ་དང་། [38b.5]ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་རྣམས་རྣམ་པར་རྟོག་པ་རེག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་ [38b.6]གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ།། །།སྡོམ་ལ། མི་རུང་བ་དང་བཞི་ཚན་གཉིས། །དེ་བཞིན་དུ་ནི་མཚན་ཡང་དང་། །ཟ་མ་མ་ནིང་མོ་ཉིད་དང་། །མ་ནིང་དང་ནི་དགེ་སློང་ཉིད། །བཙུན་པ་རེ་ཞིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་འབྲང་ [38b.7]ཉེ་དུ་མ་ལགས་པ་ལ། རྣམ་པར་རྟོག་པ་རིག་ནས། ཆོས་གོས་བསླངས་ནས་ཐོབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་ [39a] [39a.1]མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པའོ། །དེ་ལྟ་བུའི་ཆོས་གོས་ཀྱི་ཕྱིར་རྣམ་པར་རྟོག་པ་རིག་ནས། ཆོས་གོས་བསླངས་ཏེ་ཐོབ་ན་ཅིར་འགྱུར་ལགས། ཉེས་ [39a.2]བྱས་སོ། བཙུན་པ་རེ་ཞིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་པས་རྣམ་པར་རྟོག་པར་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་ [39a.3]དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་མས་ [39a.4]ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་མིར་འདུ་ཤེས་པས་རྣམ་པར་རྟོག་པར་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ [39a.5]ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། བཙུན་པ་རེ་ཞིག་བསྙེན་པར་མ་རྫོགས་པར་རྣམ་པར་ [39a.6]རྟོག་པར་རིག་ནས་བསླངས་ལ། བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པར་རྣམ་པར་རྟོག་པར་རིག་ནས་བསླངས་ལ། བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སུ་འགྱུར་རོ། །བསྙེན་པར་མ་ [39a.7]རྫོགས་པར་རྣམ་པར་རྟོག་པར་རིག་ནས་བསླངས་ལ། བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་རྣམ་པར་རྟོག་པར་རིག་ནས་བསླངས་ལ། བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་ [39b] [39b.1]པར་རྫོགས་ཀར་རྣམ་པར་རྟོག་པར་རིག་ནས་བསླངས་ལ། བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཏེ་རྣམ་པར་རྟོག་པར་རིག་ནས་བསླངས་ལ། བསྙེན་པར་རྫོགས་ཏེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་ [39b.2]པར་རྫོགས་ཏེ་རྣམ་པར་རྟོག་པར་རིག་ནས་བསླངས་ལ། བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་རྣམ་པར་རྟོག་པར་རིག་ནས་དགེ་སློང་ལས་མཚན་གྱུར་ཏེ་དགེ་ [39b.3]སློང་མར་རེད་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་ཁྱིམ་བདག་གམ་ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་རྣམ་པར་རྟོག་པར་རིག་ནས་སློང་བ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། སྤང་ [39b.4]བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་ཁྱིམ་བདག་གམ་ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ། རྣམ་པར་རྟོག་པར་རིག་ནས་སློང་བ་ལ་ཁྱིམ་བདག་དེའི་མཚན་གྱུར་ཏེ་བུད་མེད་དུ་རེད་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ། [39b.5]བཙུན་པ་རེ་ཞིག་དགེ་སློང་ཁྱིམ་བདག་གམ་ཁྱིམ་བདག་གི་མཆིས་འབྲང་ཉེ་དུ་མ་ལགས་པ་ལ་རྣམ་པར་རྟོག་པར་རིག་ནས་སློང་བ་ལས་ཁྱིམ་བདག་གི་མཆིས་འབྲང་དེའི་མཚན་གྱུར་ཏེ་སྐྱེས་པར་རེད་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་ [39b.6]དགེ་སློང་མ་ལ་ཡང་སྦྱར་བར་བྱའོ། །བཙུན་པ་རེ་ཞིག་དགེ་སློང་ཁྱིམ་བདག་ཟ་མ་ལ་རྣམ་པར་རྟོག་པར་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་དང་། མ་ནིང་མོ་ལ་ཡང་ཉེས་ [39b.7]བྱས་སོ། །བཙུན་པ་རེ་ཞིག་དགེ་སློང་གིས་ཆོས་གོས་མ་གཏོགས་པ་དེ་ལས་གཞན་པའི་ཡོ་བྱད་རྣམས་ཀྱི་ཕྱིར་རྣམ་པར་རྟོག་པར་རིག་ནས་བླངས་ན་ཅིར་འགྱུར་ལགས། ཉེས་བྱས་སོ། །ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་དགེ་སློང་ [40a] [40a.1]གི་སླད་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མའི་སླད་དུ་རྣམ་པར་རྟོག་པར་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཇི་ལྟར་ [40a.2]དགེ་སློང་གིས་རྣམ་པར་རྟོག་པར་རིག་ནས་བསླངས་པ་ལ་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ [40a.3]ཏེ་རྒྱས་པར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པས་གོས་ཀྱི་རིན་སོ་སོ་བདག་སྤགས་ནས། བདག་ [40a.4]ཅག་གཉིས་ཀྱིས་གོས་ཀྱི་རིན་སོ་སོ་བ་འདི་དག་གིས་ཆོས་གོས་འདི་དང་འདི་ལྟ་བུ་སོ་སོ་བ་ཉོས་ལ་དགེ་སློང་མིང་འདི་ཞེས་བྱ་བ་འོངས་པ་དང་བདག་ཅག་གཉིས་ཀྱིས་སོ་སོ་ནས་དེ་ལ་ཆོས་གོས་རུང་བ་དུས་སུ་བསྐོན་ནོ་སྙམ་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་ [40a.5]རྣམ་པར་རྟོག་པ་འགའ་ཞིག་རིག་སྟེ། བཟང་པོ་འདོད་པའི་ཕྱིར་ཁྱིམ་བདག་དང་། ཁྱིམ་བདག་གི་ཆུང་མ་ཉེ་དུ་མ་ཡིན་པ་དེ་དག་དྲུང་དུ་སོང་ནས་འདི་སྐད་ཅེས་ཚེ་དང་ལྡན་པ་དག་གིས་བདག་གི་ཕྱིར་ཆོས་གོས་ཀྱི་རིན་སོ་སོར་གང་དག་སྤགས་པའི་ཆོས་གོས་ཀྱི་རིན་སོ་སོ་བ་དེ་དག་གིས་ཚེ་དང་ [40a.6]ལྡན་པ་དག་ཆོས་གོས་འདི་དང་འདི་ལྟ་བུ་སོ་སོ་བ་ཉོས་ལ་གཉིས་ཀ་འདུས་ཏེ། བདག་ལ་ཆོས་གོས་རུང་བ་གཅིག་དུས་སུ་ལེགས་པར་བསྐོན་ཅེས་སྨྲས་ཏེ། ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་ཞེས་བྱ་བ་སྟེ། གཞུང་ལྷག་མ་ནི་བསླབ་ [40a.7]པའི་གནས་འདས་མ་ཐག་པ་ལ་ཇི་ལྟ་བ་དེ་བཞིན་དུ་བསླབ་པའི་གནས་འདི་ལ་ཡང་རྒྱས་པར་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། ། [40b] [40b.1]གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གི་ཕྱིར་རྒྱལ་པོའམ། བློན་པོ་ཆེན་པོའམ། བྲམ་ཟེའམ། ཁྱིམ་ [40b.2]བདག་གམ། གྲོང་རྡལ་གྱི་མིའམ། ཡུལ་མིའམ། ནོར་ཅན་ནམ། དེད་དཔོན་གྱིས་ཕོ་ཉའི་ལག་ཏུ་ཆོས་གོས་ཀྱི་རིན་དག་བསྐུར་བར་གྱུར་ལ། དེ་ནས་ཕོ་ཉ་དེ་ཆོས་གོས་ཀྱི་རིན་དག་ཁྱེར་ནས་དགེ་སློང་དེ་ག་ལ་བ་དེར་སོང་སྟེ་ཕྱིན་ནས། དགེ་སློང་དེ་ལ་འདི་སྐད་ཅེས་ [40b.3]ཡང་འཕགས་པ་མཁྱེན་པར་མཛོད་ཅིག །འདི་ལྟ་སྟེ་ཡང་ཁྱོད་ལ་རྒྱལ་པོའམ། བློན་པོ་ཆེན་པོའམ། བྲམ་ཟེའམ། ཁྱིམ་བདག་གམ། གྲོང་རྡལ་གྱི་མིའམ། ཡུལ་མིའམ། ནོར་ཅན་ནམ། ཚོང་དཔོན་ནམ། དེད་དཔོན་ཆེ་གེ་མོས་ཆོས་གོས་ཀྱི་རིན་འདི་དག་བསྐུར་ [40b.4]གྱིས་འཕགས་པ་ཐུགས་བརྩེ་བའི་སླད་དུ་འདི་དག་བཞེས་ཞེས་ཟེར་ན། དགེ་སློང་དེས་ཕོ་ཉ་དེ་ལ་འདི་སྐད་ཅེས་ཚེ་དང་ལྡན་པ་ཕོ་ཉ་དགེ་སློང་དག་ནི་ཆོས་གོས་ཀྱི་རིན་དག་ལེན་དུ་མི་རུང་སྟེ། བདག་ཅག་ཆོས་གོས་རུང་བ་དུས་སུ་རྙེད་ན་ནི་ལེན་ཏོ་ཞེས་བརྗོད་པར་བྱའོ། །གལ་ཏེ་ཕོ་ཉ་དེ་ལ་འདི་སྐད་ [40b.5]ཅེས་འཕགས་པ་རྣམས་ཀྱི་ཞལ་ཏ་བགྱིད་པ་འཕགས་པ་རྣམས་ཀྱི་ཞལ་ཏ་ཉམས་སུ་ལེན་པ་གང་ལགས་པ་འགའ་མཆིས་སམ་ཞེས་ཟེར་ན། དགེ་སློང་ཆོས་གོས་འདོད་པས་ཕོ་ཉ་འདི་ནི་དགེ་སློང་རྣམས་ཀྱི་ཞལ་ཏ་བྱེད་པ་སྟེ། འདི་ནི་དགེ་སློང་རྣམས་ཀྱི་ཞལ་ཏ་ཉམས་སུ་ལེན་པའོ་ཞེས་ཀུན་ [40b.6]དགའ་ར་བའམ། དགེ་བསྙེན་ཞལ་ཏ་བྱེད་པ་བསྟན་པར་བྱའོ། །དེ་ནས་ཕོ་ཉ་དེས་ཆོས་གོས་ཀྱི་རིན་དེ་དག་ཁྱེར་ནས་ཞལ་ཏ་བྱེད་པ་ག་ལ་བ་དེར་འགྲོ་ཞིང་ཕྱིན་ནས་ཞལ་ཏ་བྱེད་པ་ལ་འདི་སྐད་ཅེས་ཚེ་དང་ལྡན་པ་ཞལ་ཏ་བྱེད་པ་ཤེས་པར་གྱིས་ཤིག །ཁྱོད་ཀྱི་ཆོས་གོས་ཀྱི་རིན་འདི་དག་གིས་ [40b.7]ཆོས་གོས་འདི་དང་འདི་ལྟ་བུ་ཞིག་ཉོས་ལ། དགེ་སློང་མིང་འདི་ཞེས་བྱ་བ་འོངས་པ་དང་། དེ་ལ་ཆོས་གོས་རུང་བ་དུས་སུ་སྐོན་ཅིག་ཅེས་བརྗོད་ནས། དེ་ནས་ཕོ་ཉ་དེས་ཞལ་ཏ་བྱེད་པ་དེ་ལ་ལེགས་པར་ཤིན་ཏུ་ཡང་དག་པར་བསྒོ་ཞིང་ཡང་དག་པར་བསྟན་ནས། དགེ་སློང་ [41a] [41a.1]དེ་ག་ལ་བ་དེར་འགྲོ་ཞིང་ཕྱིན་ནས། དགེ་སློང་དེ་ལ་འདི་སྐད་ཅེས་འཕགས་པས་ཞལ་ཏ་བགྱིད་པ་གང་ལགས་པ་དེ་ལ་བདག་གིས་ཡང་དག་པར་བསྟན་ལགས་ཀྱིས་དེའི་གན་དུ་བཞུད་ཅིག་དང་། དེས་ཁྱེད་ལ་ཆོས་གོས་རུང་བ་དུས་སུ་བསྐོན་པར་འགྱུར་རོ་ཞེས་ཟེར་ན། དགེ་ [41a.2]སློང་ཆོས་གོས་འདོད་པས་ཞལ་ཏ་བྱེད་པའི་གན་དུ་སོང་ལ། ཚེ་དང་ལྡན་པ་ཞལ་ཏ་བྱེད་པ་བདག་ཆོས་གོས་འདོད་དོ། །ཚེ་དང་ལྡན་པ་ཞལ་ཏ་བྱེད་པ་བདག་ཆོས་གོས་འདོད་དོ་ཞེས་ལན་གཉིས་ལན་གསུམ་དུ་བསྐུལ་བར་བྱ། དྲན་པར་བྱའོ། །ལན་གཉིས་ལན་གསུམ་དུ་བསྐུལ་ [41a.3]ཞིང་དྲན་པར་བྱས་པ་ན། གལ་ཏེ་ཆོས་གོས་དེ་གྲུབ་ན་དེ་ལྟ་ན་ལེགས། གལ་ཏེ་མ་གྲུབ་ན་ལན་བཞི་ལན་ལྔ་ལན་དྲུག་གི་བར་དུ་ཕྱོགས་སུ་ཅང་མི་སྨྲ་བར་བསྡད་པར་བྱའོ། །ལན་བཞི་ལན་ལྔ་ལན་དྲུག་གི་བར་དུ་ཕྱོགས་སུ་ཅང་མི་སྨྲ་བར་བསྡད་པ་ན་གལ་ཏེ་ཆོས་གོས་དེ་གྲུབ་ན་དེ་ལྟ་ [41a.4]ན་ལེགས། གལ་ཏེ་མ་གྲུབ་ན་དེའི་འོག་ཏུ་ཆོས་གོས་གྲུབ་པའི་ཕྱིར་བརྩལ་ཏེ། ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ། །གལ་ཏེ་མ་གྲུབ་ན་ཕྱོགས་གང་ནས་ཆོས་གོས་ཀྱི་རིན་འོངས་པ་དེར་བདག་འགྲོ་བར་བྱའོ། །ཡང་ན་ཡིད་བརྟེན་པའི་ཕོ་ཉ་ལས་ཚེ་དང་ལྡན་པ་དག་ [41a.5]གིས་དགེ་སློང་ཆེ་གེ་མོ་ཞིག་གི་ཕྱིར་ཆོས་གོས་ཀྱི་རིན་དག་ཕོ་ཉའི་ལག་ཏུ་བསྐུར་བ་དེ་དག་ནི་དགེ་སློང་དེའི་དོན་ཅིར་ཡང་མ་གྲུབ་ཀྱིས་ཤེས་པར་གྱིས་ཤིག །ཚེ་དང་ལྡན་པ་དག་གིས་རང་གི་ནོར་ཆུད་མ་གཟན་ཅིག་ཅེས་སྤྲིང་བར་བྱ་སྟེ། དེ་ལ་དེ་ནི་ཆོ་ག་ཡིན་ནོ་ཞེས་གསུངས་པ་གང་ལགས་པ་ [41a.6]བཙུན་པ་རེ་ཞིག་དགེ་སློང་ཆོས་གོས་བསྒྲུབ་པའི་སླད་དུ་ཕོ་ཉ་ལས་ཞལ་ཏ་བགྱིད་པ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཆོས་གོས་བསྒྲུབ་པའི་སླད་དུ་ཡི་གེ་དང་། ལག་བརྡ་དང་། གཞན་ལ་ [41a.7]སྙད་འདོགས་པ་དང་། བརྒྱུད་པས་ཞལ་ཏ་བགྱིད་པ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་སྨྱོན་པ་ལ་ལན་བཞི་ལན་ལྔ་ལན་དྲུག་ [41b] [41b.1]གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཞལ་ཏ་བགྱིད་པ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་ [41b.2]གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་གཉིད་ཀྱིས་ལོག་པ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཆོས་ [41b.3]གོས་བསྒྲུབ་པའི་སླད་དུ་ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་དང་། འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་ཏུ་རྒྱུ་རྣམས་ལ་ལན་བཞི་ལན་ [41b.4]ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། མི་རུང་བ་དང་བཞི་ཚན་དང་། །དེ་བཞིན་དུ་ནི་མཚན་དང་ཡང་། །ཟ་མ་མ་ནིང་ཉིད་དང་ནི། །མ་ནིང་མོ་ནི་ཐ་མ་ཡིན། །བཙུན་པ་རེ་ཞིག་དགེ་སློང་གིས་ཆོས་ [41b.5]གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། སྤུན་མི་རུང་བ་ལ། རྒྱུ་རུང་བ་ [41b.6]དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པའོ། །དེ་ལྟ་བུའི་ཆོས་གོས་ཀྱི་ཕྱིར་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་གྲུབ་ན་ཅིར་འགྱུར་ [41b.7]ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་མི་ལ་མིར་འདུ་ཤེས་པས་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། མི་ལ་མི་མ་ [42a] [42a.1]ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། བཙུན་པ་རེ་ཞིག་བསྙེན་པར་ [42a.2]མ་རྫོགས་པར་སློང་བར་བགྱིད་ཅིང་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སློང་བར་བགྱིད་ཅིང་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སློང་བར་བགྱིད་ཅིང་ [42a.3]བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སློང་བར་བགྱིད་ཅིང་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སློང་བར་བགྱིད་ཅིང་བསྙེན་པར་རྫོགས་ནས་གྲུབ་ན་ཅིར་ [42a.4]འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སློང་བར་བགྱིད་ཅིང་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སློང་བར་བགྱིད་ཅིང་། བསྙེན་པར་མ་རྫོགས་པར་གྲུབ་ན་ཅིར་འགྱུར་ [42a.5]ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་ལན་བཞི་ལན་ [42a.6]ལྔ་ལན་དྲུག་གི་འོག་ཏུ་སློང་བར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་ཆོས་གོས་བསྒྲུབ་པའི་སླད་དུ་ཞལ་ཏ་པ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་པ་ལས་ [42a.7]ཞལ་ཏ་པ་དེའི་མཚན་གྱུར་ཏེ་བུད་མེད་དུ་རེད་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་ཆོས་གོས་བསྒྲུབ་པའི་སླད་དུ་ཞལ་ཏ་བགྱིས་པའི་མོད་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་པ་ཞལ་ཏ་བགྱིད་པ་མོའི་མཚན་ [42b] [42b.1]གྱུར་ཏེ་སྐྱེས་པར་རེད་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་མ་ལ་ཡང་སྦྱར་བར་བྱའོ། །བཙུན་པ་རེ་ཞིག་དགེ་སློང་གིས་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་ཟ་མ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ [42b.2]ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་དང་མ་ནིང་མོ་ལ་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་དགེ་སློང་གི་དོན་དང་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ཀྱི་དོན་དུ་ཆོས་ [42b.3]གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཆོས་གོས་ལ་མ་གཏོགས་པ་དེ་ལས་གཞན་པའི་ཡོ་བྱད་རྣམས་ཀྱི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་ [42b.4]སློང་བར་བགྱིད་ན་ཅིར་འགྱུར་ལགས། ཉེས་བྱས་སོ། །ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་བསླབ་པ་སྩལ་བས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། སྤང་བའི་ [42b.5]ལྟུང་བྱེད་དུ་འགྱུར་རོ། །དགེ་སློང་མས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་ [42b.6]བ་བྱུང་བ་ལ་སོགས་པ་ལ་ནི་ཉེས་བྱས་སུ་བརྗོད་དོ།། །།སྡོམ་ལ། གཞན་གྱིས་གཞན་གྱི་འཕྲོ་དང་ནི། །ཁྱིམ་པ་ཉིད་དང་མུ་སྟེགས་འགྲོ། །མི་རུང་བ་དང་མཚན་དང་ནི། །བཞི་ཚན་བདེ་གཤེགས་བདུན་ཚན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་ [42b.7]པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྲིན་བལ་གྱི་སྟན་སར་པ་བྱེད་པ་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གཞན་ལ་སྲིན་བལ་གྱི་སྟན་སར་པ་བགྱིད་དུ་སྩལ་ན་ [43a] [43a.1]ཅིར་འགྱུར་ལགས། ཉེས་བྱས་སོ། །གཞན་དག་གི་སླད་དུ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། བཙུན་པ་རེ་ཞིག་དགེ་སློང་གིས་གཞན་གྱིས་སྲིན་བལ་གྱི་སྟན་བགྱིས་པའི་འཕྲོ་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །མདུན་དུ་ [43a.2]ཁྱིམ་པ་ལ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། བསླབ་པ་སྩལ་པ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་ [43a.3]དང་། གནས་པར་མི་བྱ་བ་ནས། ཁས་ལེན་པའི་བར་ལ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་རྣམས་ [43a.4]ལ་སྲིན་བལ་གྱི་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་འགྲོ་བ་གཞན་དུ་གནས་པ་རྣམས་ལ་སྲིན་བལ་གྱི་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་ [43a.5]སློང་གིས་སྲིན་བལ་གྱི་སྟན་སར་པ་བགྱིས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་སྟན་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་ནའོ། །མི་ [43a.6]རུང་བ་ལ་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་འདྲེས་པ་རྣམས་ལས་བགྱིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བལ་ལམ། ཤ་ནའམ། རས་བལ་ལམ། གསོ་བལ་དང་འདྲེས་པ་རྣམས་ལས་བགྱིད་དུ་ [43a.7]སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྲིན་བལ་དུལ་མའམ། ཁ་ཆེ་དར་དང་འདྲེས་པ་ལས་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །མ་བཏགས་པ་ལས་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་ [43b] [43b.1]པ་རེ་ཞིག་དགེ་སློང་སྲིན་བལ་གྱི་སྟན་སར་པ་བགྱིད་དུ་སྩོལ་བ་ལས་མཚན་གྱུར་ཏེ་དགེ་སློང་མར་རེད་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་སྲིན་བལ་གྱི་སྟན་སར་པ་བགྱིད་དུ་སྩོལ་བ་ལས་མཚན་གྱུར་ཏེ། དགེ་སློང་དུ་ [43b.2]རེད་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་སྲིན་བལ་གྱི་སྟན་སར་པ་ལ་སྲིན་བལ་དུ་འདུ་ཤེས་པས་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །སྲིན་བལ་ལ་སྲིན་བལ་མ་ལགས་པར་ [43b.3]འདུ་ཤེས་པས་བགྱིད་དུ་སྩལ་ན་ཅིར་འགྱུར་ལགས། ལྟུང་བ་མེད་དོ། སྲིན་བལ་མ་ལགས་པ་ལ་སྲིན་བལ་དུ་འདུ་ཤེས་པས་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །སྲིན་བལ་མ་ལགས་པ་ལ་སྲིན་བལ་མ་ལགས་པར་འདུ་ཤེས་པས་བགྱིད་དུ་སྩལ་ན་ཅིར་འགྱུར་ [43b.4]ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་བདེ་བར་གཤེགས་པའི་ཆོས་གོས་ཀྱི་ཚད་ཀྱི་སྟན་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་སྟན་གྱི་ཚད་ནི་ཇི་ཙམ་ལགས། ཉེ་བ་འཁོར་སྟན་ལ་ནི་ཚད་གསུམ་སྟེ། ཆེན་པོ་དང་། འབྲིང་ [43b.5]དང་། ཆུང་ངུའོ། །དེ་ལ་ཆེན་པོའི་ཚད་ནི་ཁྲུ་ཕྱེད་དང་ལྔའོ། །ཆུང་ངུའི་ཚད་ནི་ཕྱེད་དང་གསུམ་པའོ། །དེའི་བར་མ་ནི་འབྲིང་པོའོ། །བཙུན་པ་རེ་ཞིག་བསྙེན་པར་མ་རྫོགས་པར་སྟན་བགྱི་བར་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། [43b.6]ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། [43b.7]ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་ [44a] [44a.1]བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ [44a.2]ལགས། ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པའོ། །བཙུན་པ་རེ་ཞིག་དགེ་སློང་གིས་ཕོ་ཉ་ལས་སྲིན་བལ་གྱི་སྟན་སར་པ་བགྱིད་དུ་སྩོལ་ན་ཅིར་འགྱུར་ [44a.3]ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་པ་དང་གླེན་པ་ལ་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གིས་སྲིན་བལ་ [44a.4]གྱི་སྟན་བྱེད་དུ་བཅུག་ན་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་ [44a.5]འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལུག་བལ་ནག་པོ་འབའ་ཞིག་གི་སྟན་སར་པ་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་སྲིན་བལ་གྱི་སྤང་བའི་ལྟུང་བྱེད་ལ་ [44a.6]ཇི་ལྟ་བར་བལ་ནག་པོ་འབའ་ཞིག་པའི་ལྟུང་བྱེད་ལ་ཡང་དེ་ཁོ་ན་བཞིན་དུ་རྒྱས་པར་བརྗོད་དོ། །དེ་ལ་ཐ་དད་དུ་བྱ་བ་ཅི་ཞིག་ཡོད་ཅེ་ན། བཞི་ཚན་ལ་ལུག་བལ་ནག་པོ་འབའ་ཞིག་ལ་ནག་པོ་འབའ་ཞིག་པར་འདུ་ཤེས་པས་སྟན་སར་པ་བགྱིད་དུ་སྩོལ་ན་ཞེས་བཞི་ཚན་དུ་བྱའོ། །སངས་ [44a.7]རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་སྟན་སར་པ་བྱེད་པས་ཆ་གཉིས་ནི་ལུག་བལ་ནག་པོ་འབའ་ཞིག་ལས་གཞུག་པར་བྱ། གསུམ་པ་ནི་དཀར་པོ་ལས། བཞི་པ་ནི་འཁོབ་བལ་ལས་གཞུག་པར་བྱའོ། ། [44b] [44b.1]གལ་ཏེ་དགེ་སློང་གི་ཆ་གཉིས་ལུག་བལ་ནག་པོ་འབའ་ཞིག་ལས་མ་བཅུག་གམ། གསུམ་པ་དཀར་པོ་ལས་བཞི་པ་འཁོབ་བལ་ལས་མ་བཅུག་པར་སྟན་སར་པ་བྱེད་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་སྲིན་བལ་གྱི་སྤང་བ་ལ་ཇི་ [44b.2]ལྟ་བར་ཆ་གཉིས་ཀྱི་སྤང་བ་ལ་ཡང་བརྗོད་པར་བྱའོ། །དེ་ལ་ཐ་དད་དུ་བྱ་བ་ཅི་ཡོད་ཅེ་ན། དགེ་སློང་གིས་ལུག་བལ་དཀར་པོ་དང་། འཁོབ་བལ་ཉུང་བ་ལ་ཡང་ཉུང་བར་འདུ་ཤེས། ལུག་བལ་ནག་པོ་འབའ་ཞིག་མང་བ་ལ་ཡང་མང་བར་འདུ་ཤེས་པས་སྟན་སར་པ་བགྱིད་དུ་སྩོལ་ [44b.3]ན་ཞེས་བཞི་ཚན་དུ་བརྗོད་པར་བྱའོ། །གཉི་གར་ཡང་དགེ་སློང་མ་ལ་ནི་ཉེས་བྱས་སུ་བརྗོད་པར་བྱའོ།། །།སྡོམ་ལ། གཞན་ལས་གཞན་གྱི་འཕྲོ་དང་ནི། །ཁྱིམ་པ་མུ་སྟེགས་ཅན་འགྲོ་དང་། མི་རུང་བ་དང་མཚན་དང་ནི། །བཞི་ཚན་བདེ་གཤེགས་བདུན་ཚན་ནོ། ། [44b.4]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་སྟན་སར་པ་བྱེད་པས་མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་སྟན་རྙིང་པ་དེ་སྤངས་ཀྱང་རུང་། མ་སྤངས་ཀྱང་རུང་། [44b.5]སྟན་སར་པ་གཞན་བྱེད་ན། དགེ་འདུན་གྱིས་གནང་བ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གཞན་ལས་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །གཞན་གྱི་སླད་དུ་སྟན་སར་ [44b.6]པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་གཞན་གྱི་སྟན་འཕྲོ་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །མདུན་དུ་ཁྱིམ་པ་ལ་སྟན་སར་པ་བགྱིད་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་ [44b.7]དུ་དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་དང་། བསླབ་པ་སྩལ་བ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བྱ་བ་ནས་ཁས་ལེན་པའི་བར་ལ་སྟན་སར་པ་བགྱིད་དུ་སྩོལ་ན་ [45a] [45a.1]ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་ལ་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ། [45a.2]བཙུན་པ་རེ་ཞིག་དགེ་སློང་གིས་འགྲོ་བ་གཞན་དུ་གནས་པ་ལ་སྟན་སར་པ་བགྱིད་དུ་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལོ་དྲུག་ཚུན་ཆད་དུ་སྟན་སར་པ་བགྱིད་དུ་སྩལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ་ [45a.3]འདི་ལྟར་སྟན་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་ལས་བགྱིད་དུ་སྩལ་ན་ཅིར་འགྱུར་ [45a.4]ལགས། ཉེས་བྱས་སོ། །བཙུན་པ་རེ་ཞིག་དགེ་སློང་དགུང་ལོ་དྲུག་ཚུན་ཆད་དུ་སྟན་སར་པ་བགྱིད་དུ་སྩོལ་བ་ལས་མཚན་གྱུར་ཏེ་དགེ་སློང་མར་རེད་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་དགུང་ལོ་དྲུག་ཚུན་ཆད་དུ་སྟན་སར་པ་ [45a.5]བགྱིད་དུ་སྩོལ་བས་མཚན་གྱུར་ཏེ་དགེ་སློང་དུ་རེད་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་དགུང་ལོ་དྲུག་ལོན་པ་ལ་ལོན་པར་འདུ་ཤེས་པས་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ལྟུང་བ་མེད་དོ། །ལོན་པ་ [45a.6]ལ་མ་ལོན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མ་ལོན་པ་ལ་ལོན་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མ་ལོན་པ་ལ་མ་ལོན་པར་འདུ་ཤེས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་དགུང་ལོ་ [45a.7]དྲུག་ཚུན་ཆད་དུ་བདེ་བར་གཤེགས་པའི་ཆོས་གོས་ཀྱི་ཚད་ཀྱི་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་བསྙེན་པར་མ་རྫོགས་པར་དགུང་ལོ་དྲུག་ཚུན་ཆད་དུ་སྟན་སར་པ་བགྱིད་པར་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་ [45b] [45b.1]བགྱིས་ན་ཅིར་འགྱུར་ལགས། ཉེས་བྱས་སོ། །ཞེས་བཅུ་ཚན་རྒྱས་པར་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པའོ། །བཙུན་པ་རེ་ཞིག་དགེ་སློང་གིས་དགུང་ [45b.2]ལོ་དྲུག་ཚུན་ཆད་དུ་ཕོ་ཉ་ལས་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཕོ་ཉ་དང་། ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་ [45b.3]པ་དང་། འོན་པ་ལ་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གིས་ལོ་དྲུག་ཚུན་ཆད་སྟན་སར་པ་བྱས་ན་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ལ་ནི་ཉེས་བྱས་སོ། དགེ་ [45b.4]སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་བརྗོད་པར་བྱའོ།། །།སྡོམ་ལ། གཞན་ལས་གཞན་གྱི་འཕྲོ་དང་ནི། །ཁྱིམ་པ་མུ་སྟེགས་འགྲོ་བ་དང་། །མི་རུང་བ་དང་མཚན་དང་ནི། །དེ་བཞིན་བཞི་ཚན་བདུན་ཚན་ནོ། ། [45b.5]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་གདིང་བ་སར་པ་བྱེད་པས་སར་པ་ཁ་དོག་མི་སྡུག་པར་བྱ་བའི་ཕྱིར་གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་གླན་པར་བྱའོ། །གལ་ཏེ་དགེ་ [45b.6]སློང་གིས་སར་པ་ཁ་དོག་མི་སྡུག་པར་བྱ་བའི་ཕྱིར་གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་མ་གླན་པར་གདིང་བ་སར་པ་སྤྱོད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་བདེ་བར་གཤེགས་པའི་མཐོ་སོར་ [45b.7]གཅིག་གམ། སོར་ཕྱེད་ཀྱིས་མི་འཚལ་བར་གཞན་ཞིག་ལས་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། ཉེས་བྱས་སོ། །གཞན་གྱི་སླད་དུ་གདིང་བ་སར་པ་བགྱིད་ན་ཅིར་འགྱུར་ལགས། ཉེས་བྱས་སོ། །གཞན་གྱི་འཕྲོ་ལགས་པར་བགྱིས་ཏེ་སྤྱོད་ན་ཅིར་ [46a] [46a.1]འགྱུར་ལགས། ཉེས་བྱས་སོ། །མདུན་དུ་ཁྱིམ་པ་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། བསླབ་པ་སྩལ་བ་དང་། དང་པོ་ [46a.2]མི་མཐུན་པ་ཅན་དང་། སྔར་ལྟུང་བ་བྱུང་བ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བྱ་བ་ནས། ཁས་ལེན་པའི་བར་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ [46a.3]ཞིག་དགེ་སློང་གིས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་ལ་གདིང་བ་སར་པ་བགྱིད་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འགྲོ་བ་གཞན་དུ་གནས་པ་རྣམས་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ [46a.4]ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་ཅིང་སྤྱོད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ [46a.5]གདིང་བ་སར་པ་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། སྤུན་མི་རུང་བར་གྱུར་ལ། རྒྱུ་རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པ་སྟེ་དེ་ལྟ་བུའི་གདིང་བ་ [46a.6]སར་པ་བྱེད་དུ་འཇུག་ཅིང་སྤྱོད་ན་ཉེས་བྱས་སུ་འགྱུར་རོ།། །།འདུལ་བ་གཞུང་བླ་མ། བམ་པོ་དྲུག་པ། བཙུན་པ་རེ་ཞིག་དགེ་སློང་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་བ་ལས་མཚན་གྱུར་ཏེ་དགེ་སློང་མར་ [46a.7]རེད་ནས་སྤྱོད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་བ་ལས་མཚན་གྱུར་ཏེ་དགེ་སློང་དུ་རེད་ནས་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་ [46b] [46b.1]དུ་འགྱུར་རོ། །བཙུན་པ་རེ་ཞིག་དགེ་སློང་གིས་བདེ་བར་གཤེགས་པའི་མཐོ་གང་དུ་མི་འཚལ་བ་ལ་མི་འཚལ་བར་འདུ་ཤེས་པས་གླན་ཏེ་གདིང་བ་སར་པ་སྤྱད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་འཚལ་བ་ལ་ལྷག་པར་འདུ་ཤེས་པས་གླན་ཏེ་སྤྱད་ན་ཅིར་འགྱུར་ལགས། [46b.2]ལྟུང་བ་མེད་དོ། །ལྷག་པར་འཚལ་བ་ལ་མི་འཚལ་བར་འདུ་ཤེས་པས་གླན་ཏེ་སྤྱད་ན་ཅིར་འགྱུར་ལགས། ཉེས་བྱས་སོ། །ལྷག་པ་ལ་ལྷག་པར་འདུ་ཤེས་པས་གླན་ཏེ་སྤྱད་ན་ཅིར་འགྱུར་ལགས། ལྟུང་བ་མེད་དོ། བཙུན་པ་རེ་ཞིག་བསྙེན་པར་མ་རྫོགས་པར་བདེ་བར་གཤེགས་པའི་ [46b.3]མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩལ་བའི་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་ [46b.4]ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་ལགས་པར་བགྱིད་ན་ཅིར་ [46b.5]འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། སྤང་བའི་ [46b.6]ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་ [46b.7]བ་འོན་པ་གླེན་པའོ། །བཙུན་པ་རེ་ཞིག་དགེ་སློང་གིས་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ལས་མི་འཚལ་བར་ཕོ་ཉ་ལས་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་ [47a] [47a.1]འདོགས་པ་དང་། བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གདིང་བ་སར་པ་བྱེད་དུ་འཇུག་ [47a.2]ཅིང་སྤྱོད་ན་སྤང་བའི་ལྟུང་བྱེད་དུ་འགྱུར་བ་ལྟར་བསླབ་པ་བྱིན་པ་ལ་ཡང་དེ་དང་འདྲའོ། །དགེ་སློང་མ་ནི་བྱེད་དུ་འཇུག་ཅིང་སྤྱོད་ན་ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། ནམ་མཁའ་ [47a.3]རྫུ་འཕྲུལ་སྤྲུལ་པ་དང་། །དེ་བཞིན་སྔགས་རྣམས་གཞན་གསུམ་དང་། །མི་རུང་གཉིས་ཚན་མཚན་དང་ནི། །བཞི་ཚན་པ་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ལམ་དུ་ཞུགས་པས་ [47a.4]ལུག་བལ་དག་རྙེད་ལ་འདོད་ན་དགེ་སློང་དེས་བླང་བར་བྱའོ། །བླངས་ནས་ཁྱེར་བ་མེད་ན་དཔག་ཚད་གསུམ་གྱི་མཐའི་བར་དུ་བདག་ཉིད་ཀྱིས་བཀུར་བར་བྱའོ། །དེ་ལས་འདས་པར་ཁྱེར་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་བཅོམ་ལྡན་འདས་ [47a.5]རེ་ཞིག་དགེ་སློང་གིས་དཔག་ཚད་གསུམ་ལས་འདས་པར་ནམ་མཁའ་ལས་ལུག་བལ་འཚལ་ན་ཅིར་འགྱུར་ལགས། རྫུ་འཕྲུལ་གྱིས་ཁྱེར་ན་ལྟུང་བ་མེད་དོ། །འོན་ཏེ་རྣམ་པ་གཞན་གྱིས་ཁྱེར་ན་ཉེས་བྱས་སུ་འགྱུར་རོ། །རུང་བ་བགྱིད་པ་སྤྲུལ་པས་དཔག་ཚད་གསུམ་ལས་འདས་པར་ [47a.6]འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་གསང་སྔགས་སམ། སྨན་གྱིས་བདག་ཉིད་མི་གདའ་བར་བགྱིས་ཏེ་དཔག་ཚད་གསུམ་ལས་འདས་པར་ལུག་བལ་འཚལ་ན་ཅིར་འགྱུར་ལགས། ཉེས་བྱས་སོ། །གཞན་གྱི་སླད་དུ་དཔག་ཚད་ [47a.7]གསུམ་ལས་འདས་པར་ལུག་བལ་འཚལ་ན་ཅིར་འགྱུར་ལགས། ཉེས་བྱས་སོ། །གཞན་ལས་དཔག་ཚད་གསུམ་ལས་འདས་པར་ལུག་བལ་བསྐུར་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དཔག་ཚད་གསུམ་ལས་འདས་པར་ལུག་བལ་ [47b] [47b.1]འཚལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་ལམ་དུ་ཞུགས་པ་ཞིག་གིས་ལུག་བལ་དག་རྙེད་ནས་དེས་དེ་དག་དཔག་ཚད་གསུམ་གྱི་བར་དུ་བདག་ཉིད་ཀྱིས་ཁྱེར་ཁྱེར་བ་ལས། དེས་ཡང་ལུག་བལ་གཞན་ཞིག་རྙེད་ནས་ [47b.2]དེས་སྔ་མ་བོར་ཏེ་ཕྱི་མ་ཁྱེར་ནས་འགྲོ་ནའོ། །བཙུན་པ་རེ་ཞིག་དགེ་སློང་གིས་ལུག་བལ་མ་གཏོགས་པ་དེ་ལས་གཞན་མི་རུང་བ་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དཔག་ཚད་གསུམ་ལས་འདས་པར་འཚལ་ན་ཅིར་འགྱུར་ལགས། ཉེས་བྱས་ [47b.3]སོ། །བཙུན་པ་རེ་ཞིག་དགེ་སློང་གིས་ལུག་བལ་དཔག་ཚད་གསུམ་ལས་འདས་པར་འཚལ་བ་ལས་མཚན་གྱུར་ཏེ་དགེ་སློང་མར་རེད་ནས་མཚམས་ལས་འདས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་ལུག་བལ་དཔག་ཚད་གསུམ་ལས་འདས་པར་འཚལ་བ་ལས་ [47b.4]མཚན་གྱུར་ཏེ་དགེ་སློང་དུ་རེད་ནས་མཚམས་ལས་འདས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་ལུག་བལ་དཔག་ཚད་གསུམ་ལས་འདས་པ་ན་རྒྱང་གྲགས་ལ་རྒྱང་གྲགས་སུ་འདུ་ཤེས་པས་འཚལ་ན་ཅིར་འགྱུར་ལགས། །སྤང་བའི་ལྟུང་བྱེད་དུ་འགྱུར་རོ། ། [47b.5]རྒྱང་གྲགས་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །རྒྱང་གྲགས་མ་ལགས་པ་ལ་རྒྱང་གྲགས་སུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །རྒྱང་གྲགས་མ་ལགས་པ་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་ [47b.6]བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པའོ། །བཙུན་པ་རེ་ཞིག་དགེ་སློང་གིས་ལུག་བལ་དཔག་ཚད་གསུམ་ལས་འདས་པར་ཕོ་ཉ་ལ་བཀུར་ན་ཅིར་འགྱུར་ [47b.7]ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་ལ་དཔག་ཚད་གསུམ་ལས་འདས་པར་ལུག་བལ་ [48a] [48a.1]བཀུར་ན་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གིས་ལུག་བལ་དཔག་ཚད་གསུམ་ལས་འདས་པར་ཁྱེར་ན་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་དང་། དགེ་སློབ་མ་དང་། [48a.2]དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བའོ། །ཁྱིམ་པ་དག་ལ་ [48a.3]སོགས་པ་སྟེ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ལུག་བལ་འཁྲུར་འཇུག་གམ། འཚེད་དུ་འཇུག་གམ། རྨེལ་དུ་ [48a.4]འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་ [48a.5]སྙད་འདོགས་པ་དང་། བརྒྱུད་པས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་སྨྱོན་མ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་ [48a.6]དུ་དགེ་སློང་མ་ཉེ་དུ་མ་ལགས་པ་སེམས་གཡེངས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་པ་མོ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ [48a.7]ལགས། ཉེས་བྱས་སོ། །དེ་བཞིན་དུ་དགེ་སློང་མ་ཁས་ལེན་པ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་ [48b] [48b.1]སུ་གནས་པ་དང་། གནས་པར་མི་བྱ་བ་དང་། དང་པོ་མི་མཐུན་པ་ཅན་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་དགེ་འདུན་གྱི་དབྱེན་བགྱིས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། [48b.2]ཐ་དད་དུ་གནས་པ་དང་། བསླབ་པ་སྩལ་བ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་བསླབ་པ་སྩལ་བས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་ [48b.3]རོ།། །།སྡོམ་ལ། བསྒྲུབ་བྱ་ཤས་ཙམ་བཀྲུས་པ་དང་། །དགེ་འདུན་གྱི་དང་མཚན་གཉིས་དང་། མི་རུང་བ་དང་སྤངས་པ་དང་། །དེ་བཞིན་དུ་ནི་གཉེན་ཉིད་དང་། །བཞི་ཚན་དག་ཏུ་བྱས་པ་དང་། །དགེ་སློང་མ་ནི་ཐ་མ་ཡིན། །བཙུན་པ་རེ་ཞིག་དགེ་སློང་གིས་ [48b.4]དགེ་སློང་མ་ཉེ་དུ་མ་ལགས་པ་ལ་ལུག་བལ་བསྒྲུབ་པར་བགྱི་བ་ཞིག་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་དུ་མ་ལགས་པ་ལ་ལུག་བལ་ཤས་ཙམ་བཀྲུས་པ་ཞིག་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ [48b.5]དགེ་འདུན་གྱི་ལུག་བལ་འཁྲུར་སྩོལ་ན་ཅིར་འགྱུར་ལགས། གལ་ཏེ་གང་ཟག་གིར་ཡོངས་སུ་སྤྱད་པས་ཡོངས་སུ་སྤྱད་དེ་དྲི་མ་ཅན་དུ་བྱས་པ་ཞིག་ན་ཉེས་བྱས་སུ་འགྱུར་རོ། །འོན་ཏེ་གནས་མལ་གྱི་དངོས་པོ་ཞིག་འཁྲུར་བཅུག་ན་ནི་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་དགེ་ [48b.6]སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩལ་བ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་བ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ [48b.7]ལགས། ཉེས་བྱས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ལུག་བལ་ [49a] [49a.1]འཁྲུར་སྩལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། མི་རུང་བ་དང་འདྲེས་པ་འཁྲུར་འཇུག་པ་སྟེ། མི་རུང་བ་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་ཞིག་འཁྲུར་བཅུག་ན་ཉེས་ [49a.2]བྱས་སུ་འགྱུར་རོ། །བཙུན་པ་རེ་ཞིག་དགེ་སློང་གིས་སྤང་བའི་ལུག་བལ་འཁྲུར་སྩལ་ན་ཅིར་འགྱུར་ལགས། གལ་ཏེ་མ་སྤངས་པ་ཞིག་ཡིན་ན་སྤང་བའི་ལྟུང་བྱེད་དུ་འགྱུར་རོ། །འོན་ཏེ་སྤངས་པ་ཞིག་ཡིན་ན་ནི་ཉེས་བྱས་སོ། །བཙུན་པ་རེ་ཞིག་དགེ་སློང་གིས་གཞན་གྱི་ལུག་བལ་ཞིག་ [49a.3]འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསྙེན་པར་མ་རྫོགས་པར་ལུག་བལ་འཁྲུར་སྩལ་བའི་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་ [49a.4]བསྙེན་པར་རྫོགས་ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་ [49a.5]རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་རྫོགས་ [49a.6]ནས་ལགས་པར་བགྱིས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཉེ་དུ་མ་ [49a.7]ལགས་པར་འདུ་ཤེས་པས་ལུག་བལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་ལ་ཉེ་དུར་འདུ་ [49b] [49b.1]ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་དགེ་སློང་མ་བསྙེན་པར་རྫོགས་པར་འདུ་ཤེས་པས་ལུག་བལ་དེ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་བསྙེན་པར་རྫོགས་པ་ལ་བསྙེན་པར་མ་རྫོགས་པར་ [49b.2]འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་གིས་ཉེ་དུ་ [49b.3]མ་ལགས་ལ་དགེ་སློབ་མ་དང་། དགེ་ཚུལ་དང་། ཁྱིམ་པ་མོ་དང་། གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་དང་། འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། ། [49b.4]དགེ་སློང་མས་དགེ་སློང་དང་། དགེ་ཚུལ་དང་། འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་དང་། འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །ཁྱིམ་པ་ [49b.5]དང་། ཁྱིམ་པ་མོ་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ། དེ་བཞིན་དུ་འཚེད་པ་དང་། རྨེལ་བ་ཡང་བརྗོད་པར་བྱའོ།། །།སྡོམ་ལ། [49b.6]ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ [49b.7]རང་གི་ལག་གིས་གསེར་དང་དངུལ་ལེན་ནམ། ལེན་དུ་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་ [50a] [50a.1]བརྡ་དང་། གཞན་ལ་སྙད་འདོགས་པ་དང་། བརྒྱུད་པས་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྨྱོན་པ་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་ [50a.2]འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། འགྲོ་བ་གཞན་དུ་གནས་པ་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། ལྐོག་དང་མཚན་དང་མ་ཤ་དང་། །བཞི་ཚན་བདུན་ཚན་དབེན་པའོ། །ཁྱིམ་ [50a.3]པ་ལ་སོགས་ལུས་དང་སྐད། །ལེན་དང་གཞག་གི་དགེ་སློང་མ། །བཙུན་པ་དགེ་སློང་གིས་གསེར་དངུལ་བླངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། ལྐོག་གི་ཕྱོགས་ནས་ལེན་དུ་འཇུག་གམ། ཡོ་བྱད་གཞན་དུ་འདུ་ཤེས་ནའོ། ། [50a.4]བཙུན་པ་རེ་ཞིག་དགེ་སློང་གསེར་དང་དངུལ་ལེན་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་གསེར་དང་དངུལ་ལེན་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་ [50a.5]བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གསེར་གྱི་མ་ཤ་འམ་དངུལ་གྱི་མ་ཤ་ལེན་ཏམ། ལེན་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །གལ་ཏེ་ཁར་བའི་མ་ཤ་འམ་ཟངས་ཀྱི་མ་ཤ་ལེན་ཏམ། ལེན་དུ་སྩལ་ན་ཅིར་འགྱུར་ལགས། [50a.6]ཉེས་བྱས་སོ། །བཙུན་པ་རེ་ཞིག་དགེ་སློང་གིས་གསེར་དང་དངུལ་ལ་གསེར་དང་དངུལ་དུ་འདུ་ཤེས་ཏེ་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །གསེར་དང་དངུལ་ལ་གསེར་དང་དངུལ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། ། [50a.7]གསེར་དང་དངུལ་མ་ལགས་པ་ལ་གསེར་དང་དངུལ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །གསེར་དང་དངུལ་མ་ལགས་པ་ལ་གསེར་དང་དངུལ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་བསྙེན་པར་མ་ [50b] [50b.1]རྫོགས་པར་གསེར་དང་དངུལ་ལེན་པའི་སྦྱོར་བ་བགྱིས་ལ་བསྙེན་པར་མ་རྫོགས་པར་བླངས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་བླངས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་ [50b.2]སྦྱོར་བ་བགྱིས་ལ་བསྙེན་པར་རྫོགས་ནས་བླངས་ན་ཅིར་འགྱུར་ལགས། ཉེས་བྱས་སོ། བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་བླངས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་བླངས་ན་ [50b.3]ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་བླངས་ན་ཅིར་འགྱུར་ལགས། [50b.4]ཉེས་བྱས་སོ། །བཙུན་པ་རེ་ཞིག་དགེ་སློང་གིས་དབེན་པར་འདུ་ཤེས་པས་གསེར་དངུལ་བླང་བར་བསྐོ་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་ན་ཅིར་འགྱུར་ལགས། [50b.5]ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་གསེར་དང་དངུལ་མངོན་སུམ་དུ་ཁྱིམ་པ་ལེན་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་ཟ་མ་ [50b.6]དང་མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། དགེ་འདུན་གྱི་དབྱེན་བགྱིས་པའམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པའམ། མུ་སྟེགས་ཅན་དང་། མུ་སྟེགས་ཅན་ [50b.7]དུ་ཞུགས་པ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བགྱིད་པ་དང་། ཁས་ལེན་པ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་དང་། བསླབ་པ་སྩལ་བ་གསེར་དང་དངུལ་མངོན་སུམ་དུ་ལེན་དུ་སྩལ་ན་ཅིར་འགྱུར་ལགས། [51a] [51a.1]སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དབུས་པའི་དགེ་སློང་གིས་མཐའ་འཁོབ་ཀྱི་སྐད་དུ་དབུས་པ་ལ་གསེར་དང་ [51a.2]དངུལ་ལེན་དུ་སྩལ་ལ། དབུས་པས་ཀྱང་མཐའ་འཁོབ་ཀྱི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པ་ལ་གསེར་དང་དངུལ་ལེན་དུ་སྩལ་ན། མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ [51a.3]ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པ་ལ་གསེར་དང་དངུལ་ལེན་དུ་སྩལ་ན། དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་འཁོབ་པ་ [51a.4]ལས་གསེར་དང་དངུལ་ལེན་དུ་སྩལ་ལ། མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་རང་གི་ལག་གིས་གསེར་དང་དངུལ་ལེན་ཏམ། ལེན་དུ་སྩལ་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་ [51a.5]སམ། ཉེ་བ་འཁོར་ཡོད་དེ། འདི་ལྟར་གསེར་དང་དངུལ་ལེན་པ་ན་རང་གིར་བྱེད་པའི་སེམས་མི་བསྐྱེད་ཅིང་མི་རུང་བའི་དངོས་པོ་གཞན་ཞིག་རང་གིར་བྱའོ། །དེས་ཚིག་ཏུ་ཡང་སྨྲ་ནའོ། །བཙུན་པ་རེ་ཞིག་དགེ་སློང་གཞན་གྱི་སླད་དུ་གསེར་དང་དངུལ་ལེན་ཏམ། ལེན་དུ་སྩལ་ [51a.6]ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་གསེར་དང་དངུལ་ལེན་ཏམ། ལེན་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་བསླབ་པ་སྩལ་བས་རང་གི་ལག་གིས་གསེར་དང་དངུལ་ལེན་ཏམ། ལེན་དུ་སྩལ་ [51a.7]ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློབ་མས་རང་གི་ལག་གིས་གསེར་དང་དངུལ་ལེན་ཏམ། ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །དགེ་ཚུལ་དང་། དགེ་ཚུལ་མ་ལ་ནི་ལྟུང་བ་མེད་དོ། །སྔར་ལྟུང་བ་བྱུང་བ་ [51b] [51b.1]ལ་སོགས་པ་ལ་ནི་ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། [51b.2]བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས། བཙུན་པ་རེ་ཞིག་དགེ་སློང་གིས་ཕོ་ཉ་ལས་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་ [51b.3]བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་གྱི་སླད་དུ་དང་། གཞན་ལ་སྙད་འདོགས་པ་དང་། བརྒྱུད་པ་ལ་ཡང་བརྗོད་པར་བྱའོ། །བཙུན་པ་རེ་ཞིག་དགེ་སློང་གིས་སྨྱོན་པ་དང་ལྷན་ཅིག་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་ [51b.4]བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་པ་དང་། གླེན་པ་དང་། འགྲོ་བ་གཞན་དུ་གནས་པ་རྣམས་དང་ལྷན་ཅིག་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་བྱས་སོ།། །། [51b.5]སྡོམ་ལ། མཚན་དང་བཞི་ཚན་ཁོ་ན་དང་། །བདུན་ཚན་དང་ནི་གཞན་ཕྱིར་དང་། །བསླབ་དང་ཉེ་དུ་འདྲ་བ་དང་། །དགེ་སློང་མ་ནི་ཐ་མ་ཡིན། །བཙུན་པ་རེ་ཞིག་དགེ་སློང་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་པ་ལས་མཚན་གྱུར་ཏེ། དགེ་སློང་ [51b.6]མར་རེད་ནས་རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ནས་རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ། [51b.7]བཙུན་པ་རེ་ཞིག་དགེ་སློང་གིས་མི་ལ་མིར་འདུ་ཤེས་པས་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ [52a] [52a.1]ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསྙེན་པར་མ་རྫོགས་པར་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་སྦྱོར་བ་བགྱིས་ལ་བསྙེན་པར་མ་རྫོགས་པར་ [52a.2]ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་ [52a.3]འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། ། [52a.4]བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བཙུན་ [52a.5]པ་རེ་ཞིག་དགེ་སློང་གིས་གཞན་གྱི་སླད་དུ་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བ་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ། [52a.6]བཙུན་པ་ཉེ་དུ་དང་ལྷན་ཅིག་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིས་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། [52a.7]འདྲ་བས་འདྲ་བ་བརྗེས་ན་ལྟུང་བ་མེད་དོ། །བཙུན་པ་རེ་ཞིག་དགེ་སློང་མ་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་ [52b] [52b.1]པ་ལ་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཉོ་ཚོང་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་ [52b.2]མངོན་མཚན་ཅན་གྱི་སྤྱོད་པ་ལ་བཤད་པ་ཇི་ལྟ་བ་དེ་བཞིན་དུ་ཉོ་ཚོང་འདི་ལ་ཡང་རྒྱས་པར་བརྗོད་པར་བྱའོ།། །།སྡོམ་ལ། དེ་ཉིད་ཉམས་དང་ཡུལ་གཞན་དང་། །མུ་སྟེགས་སོ་བཏང་མིན་དཀར་དང་། །སྨྱོན་པ་མཚན་དང་ཕོ་ཉ་དང་། །ཡོད་དམ་འཚོ་བ་དགེ་སློང་མ། །སངས་ [52b.3]རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ལྷག་པ་ཞག་བཅུའི་བར་དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་ [52b.4]ལྷུང་བཟེད་དེ་ཉིད་བཅངས་ན་ལྟུང་བར་ཡང་འགྱུར་ལ་དེ་ཉིད་བཅངས་ན་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་ལྷུང་བཟེད་ཆེན་པོ་འཆང་བ་ལས་མཚན་གྱུར་ཏེ་དགེ་སློང་མར་རེད་ནས་བཅངས་ན་ཉེས་བྱས་སུ་འགྱུར་རོ། །བཙུན་པ་རེ་ [52b.5]ཞིག་དགེ་སློང་གིས་སྤངས་པའི་ལྷུང་བཟེད་ཉམས་ན་ལྟུང་བ་བཤགས་པར་བགྱི་ལགས་སམ། ཉེ་བ་འཁོར་བཤགས་པར་བྱའོ། །ལྟུང་བ་བཤགས་ནས་སླར་རྙེད་ན་སྤང་བར་བགྱི་འམ། ཉེ་བ་འཁོར་མ་ཡིན་ནོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ལྷུང་ [52b.6]བཟེད་ལྷག་པ་ཞག་བཅུའི་བར་དུ་བཅང་བར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ལྷུང་བཟེད་ལྷག་པ་དགུང་བཅུའི་བར་བས་ཐལ་བར་བཅངས་ལ། འདི་ལས་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་ [52b.7]སློང་གིས་ཡུལ་གཞན་ནས་དགེ་སློང་ཞིག་ལ་དགེ་སློང་གི་ལག་ཏུ་ལྷུང་བཟེད་གཅིག་བསྐུར་ན། དེས་ལྷུང་བཟེད་དེ་ཡུན་ཤིན་ཏུ་རིང་པོར་བཅངས་ཀྱང་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་མུ་སྟེགས་ཅན་གྱི་སྣོད་བཅངས་ན་ཅིར་འགྱུར་ལགས། [53a] [53a.1]ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལྷུང་བཟེད་སོ་མ་བཏང་བ་ལྷག་པར་བཅངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལྷུང་བཟེད་སྐྱ་བོ་ཞིག་བཅངས་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་ [53a.2]ལྷུང་བཟེད་རྙེད་མ་ཐག་ཏུ་སེམས་འཁྲུགས་པར་གྱུར་ན། གང་ནས་བཟུང་སྟེ་དགུང་བཅུར་བགྲང་བར་བགྱི། གང་ནས་རང་གི་སེམས་སོར་ཆུད་པ་ནས་སོ། །བཙུན་པ་དགེ་སློང་གིས་ལྷུང་བཟེད་ལྷག་པ་དགུང་བཅུ་ལས་འདས་པར་བཅངས་ཀྱང་སྤང་བའི་ལྟུང་བྱེད་དུ་མི་འགྱུར་བ་མཆིས་ [53a.3]ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་གིས་ལྷུང་བཟེད་རྙེད་ནས་ཞག་བཅུ་ལོན་པ་དང་མཚན་གྱུར་ཏེ་དགེ་སློང་མར་རེད་ནས་འཆང་ནའོ། །བཙུན་པ་དགེ་སློང་མས་ལྷུང་བཟེད་ལྷག་པ་དགུང་གཅིག་ལས་ལྷག་པར་བཅངས་ཀྱང་ལྟུང་བར་མི་འགྱུར་བ་ལྟ་མཆིས་ལགས་ [53a.4]སམ། ཉེ་བ་འཁོར་ཡོད་དེ། འདི་ལྟར་དགེ་སློང་མས་ལྷུང་བཟེད་རྙེད་མ་ཐག་ཏུ་མཚན་གྱུར་ཏེ་དགེ་སློང་དུ་རེད་ནས་འཆང་ནའོ། །བཙུན་པ་དགེ་སློང་གིས་ཡུན་ཤིན་ཏུ་རིང་མོ་ཞིག་ཏུ་ལྷུང་བཟེད་ལྷག་པ་བཅངས་ན་འདི་ལ་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། [53a.5]འདི་ལྟར་དགེ་སློང་གིས་དགེ་སློང་ཞིག་ལ་ལྷུང་བཟེད་ཀྱི་ཕྱིར་དགེ་སློང་མང་ལགས་ན། དེས་ལྷུང་བཟེད་དེ་བླངས་ཏེ་ཡུན་ཤིན་ཏུ་རིང་མོ་ཞིག་ཏུ་བཅངས་ཀྱང་ལྟུང་བ་མེད་དོ། །བཙུན་པ་དགེ་སློང་ལ་ལྷུང་བཟེད་གཅིག་ཅིག་བདོག་ཅིང་མཆིས་ལ་དེ་ཉིད་ཀྱང་སྤང་བར་འགྱུར་བ་ལྟ་ [53a.6]མཆིས་ལགས་སམ། ཉེ་བ་འཁོར་ཡོད་དེ། བྱིན་གྱིས་མ་བརླབས་པར་བཅངས་ནའོ། །བཙུན་པ་དགེ་སློང་གིས་ནམ་འཚོའི་བར་དུ་ལྷུང་བཟེད་ལྷག་པ་བཅངས་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་དེ་ཞག་བཅུ་ཚུན་ཆད་ [53a.7]དུ་དུས་ལས་འདས་ནའོ། །བཙུན་པ་རེ་ཞིག་བསླབ་པ་སྩལ་བ་ལྷུང་བཟེད་ལྷག་པ་དགུང་བཅུ་ལས་འདས་པར་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ནི་ལྷུང་བཟེད་ལྷག་པ་ཞག་གཅིག་ལས་འདས་པར་འཆང་ན་སྤང་བའི་ལྟུང་བྱེད་དུ་འགྱུར་རོ། ། [53b] [53b.1]དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་ [53b.2]འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལྷུང་བཟེད་ལྷན་པ་ལྔ་མེད་པ་སྤྱད་བཟོད་པ་ཡོད་བཞིན་དུ་བཟང་པོ་འདོད་པའི་ཕྱིར་ལྷུང་བཟེད་སར་པ་གཞན་ཚོལ་ཞིང་ལྷུང་བཟེད་ [53b.3]གྲུབ་ནས་སྤང་བའི་ལྟུང་བྱེད་དེ། དགེ་སློང་དེས་ལྷུང་བཟེད་དེ་དགེ་སློང་གི་འཁོར་ལ་དབུལ་བར་བྱ་ཞིང་དགེ་སློང་གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ་དགེ་སློང་དེ་ལ་ཕྱིས་དགེ་སློང་ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ་གཞན་ལ་སྦྱིན་པར་ [53b.4]མི་བྱ་བར་ཆག་པའི་མཐར་ཐུག་གི་བར་དུ་ཁད་ཀྱིས་དལ་བུས་དལ་བུས་སྤྱོད་པར་བྱའོ་ཞེས་སྦྱིན་པར་བྱ་སྟེ། དེ་ལ་དེ་ནི་ཆོ་ག་ཡིན་ནོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་ལྷུང་བཟེད་གཉིས་པ་བཙལ་ན་ཅིར་འགྱུར་ལགས། ཉེས་བྱས་སོ། །ལྷུང་ [53b.5]བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཕོ་ཉ་ལས་ཇི་ལྟར་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་ལྷུང་བཟེད་གཉིས་པ་བཙལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། ། [53b.6]བཙུན་པ་རེ་ཞིག་དགེ་སློང་གིས་སྨྱོན་པ་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། འགྲོ་ [53b.7]བ་གཞན་དུ་གནས་པ་རྣམས་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ།། །།སྡོམ་ལ། མུ་སྟེགས་ཅན་དང་ཟ་མ་ཉིད། །དེ་བཞིན་དུ་ནི་མཚན་དང་ཡང་། །ཐུན་མོང་དང་ནི་ [54a] [54a.1]བཞི་ཚན་ཉིད། །ཡོ་བྱད་རྣམས་དང་དགེ་སློང་མ། །བཙུན་པ་རེ་ཞིག་དགེ་སློང་གིས་འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་ཏུ་རྒྱུ་བ་རྣམས་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ [54a.2]ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་མུ་སྟེགས་ཅན་གྱི་སྣོད་བསླངས་ན་ཅིར་འགྱུར་ལགས། ཉེས་བྱས་སོ། །སྣོད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ།། །། [54a.3]འདུལ་བ་གཞུང་བླ་མ། བམ་པོ་བདུན་པ། བཙུན་པ་རེ་ཞིག་དགེ་སློང་གིས་ཟ་མ་ལས་ལྷུང་བཟེད་གཉིས་པ་བཙལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་མ་ནིང་དང་། མ་ནིང་མོ་དང་། མཚན་ [54a.4]གཉིས་པ་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་བསླངས་པ་ལས་མཚན་གྱུར་ [54a.5]ཏེ་དགེ་སློང་མར་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་བསླངས་པ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། [54a.6]སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་ལྷུང་བཟེད་སྤྱད་བཟོད་པ་མཆིས་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་འབྲང་ལས་ལྷུང་བཟེད་གཉིས་པ་བཙལ་བ་ལས་དེ་གཉི་ག་མཚན་གྱུར་ཏེ། མཚན་གྱུར་ནས་ཐོབ་ན་ཅིར་འགྱུར་ལགས། སྤང་ [54a.7]བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ལྷུང་བཟེད་སྤྱད་བཟོད་པ་མཆིས་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པས་ལྷུང་བཟེད་གཉིས་པ་བཙལ་བ་ལས་དེ་གཉི་གའི་མཚན་གྱུར་ཏེ། མཚན་གྱུར་ནས་ཐོབ་ན་ཅིར་འགྱུར་ལགས། [54b] [54b.1]སྤང་བའི་ལྟུང་བྱེད་དུ་འགྱུར་རོ། །བསྙེན་པར་མ་རྫོགས་པར་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་ [54b.2]པར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ [54b.3]ལགས། ཉེས་བྱས་སོ། །བསྙེན་པར་རྫོགས་ནས་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་ [54b.4]རེ་ཞིག་དགེ་སློང་གཉིས་ཀྱིས་ལྷུང་བཟེད་གཅིག་བསླངས་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་མི་ལ་མིར་འདུ་ཤེས་པས་ལྷུང་བཟེད་གཉིས་པ་བསླངས་ན་ཅིར་འགྱུར་ལགས། [54b.5]ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །མི་མ་ལགས་པ་ལ་མིར་འདུ་ཤེས་ན་ [54b.6]ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་ [54b.7]དགེ་སློང་གིས་དགེ་སློང་གི་ཡོ་བྱད་དག་གམ། རིམ་གྱིས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་བསླབ་པ་སྩལ་བས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་ [55a] [55a.1]སོ། །ལྷུང་བཟེད་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། སྤང་བའི་ [55a.2]ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ཀྱིས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །སྔར་ལྟུང་བ་བྱུང་བ་ལ་ [55a.3]སོགས་པ་ལ་ཉེས་བྱས་སུ་འགྱུར་ཏེ། སྔ་མ་བཞིན་ནོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་གཡེངས་དང་། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་ [55a.4]པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རང་གིས་བསླངས་པའི་དོག་པས་ཐ་ག་པ་ཉེ་དུ་མ་ཡིན་པ་ལ་ཆོས་གོས་འཐག་ཏུ་འཇུག་ན་ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་ [55a.5]སློང་གིས་ཕོ་ཉ་ལས་ཐག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པ་དང་། གཞན་གྱི་སླད་དུ་ཐག་པ་ཉེ་དུ་མ་ [55a.6]ལགས་པ་ལ་ཆོས་གོས་འཐག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཐ་ག་པ་སྨྱོན་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཐ་ག་པ་སེམས་གཡེངས་པ་དང་། ཚོར་བས་ [55a.7]ཉམ་ཐག་པ་དང་། འོན་པ་དང་། གླེན་པ་དང་། འགྲོ་བ་གཞན་དུ་གནས་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། མ་ནིང་ཟ་མ་ཉིད་དང་ནི། །དེ་བཞིན་ཐུན་མོང་མཚན་དང་ནི། །མི་རུང་བ་ [55b] [55b.1]དང་བདུན་ཚན་ཉིད། །བཞི་ཚན་སློབ་དང་དགེ་སློང་མ། །བཙུན་པ་རེ་ཞིག་དགེ་སློང་གིས་ཐ་ག་པ་མ་ནིང་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཐ་ག་པ་ཟ་མ་དང་། མ་ནིང་དང་། མཚན་གཉིས་པ་ [55b.2]ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཐུན་མོང་གི་ཆོས་གོས་ཤིག་ཐ་ག་པ་ཉེ་དུ་མ་ལགས་པ་ལ་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་ [55b.3]པ་རེ་ཞིག་དགེ་སློང་གིས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་བ་ལས་མཚན་གྱུར་ཏེ་དགེ་སློང་མར་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་བ་ [55b.4]ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་དགེ་སློང་གིས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། [55b.5]ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་ཐ་ག་པ་ཉེ་དུ་ [55b.6]མ་ཡིན་པ་ལ་འཐག་ཏུ་བཅུག་ནས་ཆོས་གོས་གྲུབ་ན་ཉེས་བྱས་སུ་འགྱུར་རོ། །བཙུན་པ་རེ་ཞིག་བསྙེན་པར་མ་རྫོགས་པར་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་བའི་སྦྱོར་བ་བགྱིས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་ [55b.7]མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ [56a] [56a.1]ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། སྤང་ [56a.2]བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཐ་ག་པ་མི་མ་ལགས་པ་ལ་མི་མ་ལགས་པར་འདུ་ཤེས་པས་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ [56a.3]ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་ལ་མིར་འདུ་ཤེས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ། [56a.4]བཙུན་པ་རེ་ཞིག་དགེ་སློང་གིས་ཐ་ག་པ་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་པས་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་ [56a.5]དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་ལ་ཉེ་དུ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་བསླབ་པ་སྩལ་བས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་ [56a.6]འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མས་ཐ་ [56a.7]ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ [56b] [56b.1]ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་ཕྱིར་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པས་ཐ་ག་པ་ཉེ་དུ་མ་ཡིན་པ་ལ་ཆོས་གོས་འཐག་ཏུ་བཅུག་པ་ལས་དེ་ལ་གལ་ཏེ་དགེ་སློང་དེ་ལ་སྔར་མ་བསྟབས་པར་རྣམ་པར་རྟོག་པ་འགའ་ཞིག་རིག་ནས་ཐ་ག་པ་ཉེ་ [56b.2]དུ་མ་ཡིན་པའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཐ་ག་པ་ཤེས་པར་གྱིས་ཤིག །ཆོས་གོས་འདི་ཁོ་བོའི་ཕྱིར་འཐག་གིས་ཚེ་དང་ལྡན་པ་ཐ་ག་པ་ཆོས་གོས་འདི་བཟང་པོ་ཞེང་ཆེ་བ་དང་། ཁྲུན་རིང་བ་དང་། ཐར་གྱིས་ཞག་པ་དང་། ཐག་རན་བཟང་བར་ལེགས་པར་ [56b.3]གྱིས་ཤིག །ཚེ་དང་ལྡན་པ་ཐ་ག་པ་འདི་ལྟར་ཁོ་བོས་གླ་རྔན་འདི་ལྟ་སྟེ། བཟའ་བ་དང་། བཅའ་བ་དང་། བཟའ་རྒྱུ་ཅུང་ཟད་ཅིག་སྦྱིན་ནོ་ཞེས་སྨྲས་ནས། དེ་ལ་གལ་ཏེ་དགེ་སློང་དེས་ཆོས་གོས་བསྒྲུབ་པའི་ཕྱིར་གླ་རྔན་འདི་ལྟ་སྟེ། བཟའ་བ་དང་། བཅའ་བ་དང་། བཟའ་རྒྱུ་ [56b.4]ཅུང་ཟད་ཅིག་སྦྱིན་ཞིང་གྲུབ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་སྟེ། གཞུང་ལྷག་མ་ནི་འཐག་ཏུ་འཇུག་པའི་སྤང་བ་ལ་ཇི་སྐད་དུ་བཤད་པ་དེ་བཞིན་དུ་ལྷག་པ་འཐག་ཏུ་འཇུག་པའི་སྤང་བ་འདི་ལ་བརྗོད་པར་བྱའོ། །ཐ་དད་དུ་བྱ་བ་ཅི་ཡོད་ཅེ་ན། བཙུན་པ་རེ་ཞིག་དགེ་ [56b.5]སློང་གིས་རྣམ་པར་རྟོག་པ་རིག་ནས་ཕོ་ཉ་ལས་བསླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ་ཞེས་བྱ་བ་ལ་སོགས་པ་བརྗོད་པར་བྱའོ། །བཙུན་པ་རེ་ཞིག་དགེ་སློང་གིས་རྣམ་པར་རྟོག་པ་རིག་ནས་ཐ་ག་པ་ཉེ་དུ་མ་ལགས་པ་མི་ལ་ [56b.6]མིར་འདུ་ཤེས་པས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། ། [56b.7]མི་མ་ལགས་པ་ལ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །གྲུབ་ན་སྔ་མ་བཞིན་ནོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །གྲུབ་ན་སྔ་མ་བཞིན་ནོ། །བཙུན་པ་རེ་ཞིག་དགེ་སློང་གིས་རྣམ་པར་རྟོག་པར་རིག་ནས་ཐ་ག་པ་ཉེ་དུ་མ་ [57a] [57a.1]ལགས་པ་ལ་ཉེ་དུ་མ་ལགས་པར་འདུ་ཤེས་པས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། ། [57a.2]ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་བསླབ་པ་སྩལ་བས་རྣམ་པར་རྟོག་པར་རིག་ནས་ཐ་ག་པ་ཉེ་དུ་མ་ལགས་པ་ལ་སློང་ན་ཅིར་འགྱུར་ལགས། ཉེས་བྱས་སོ། ། [57a.3]ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་རྣམ་པར་རྟོག་པར་རིག་ནས་ཐ་ག་པ་ཉེ་དུ་མ་ལགས་པ་ལ་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ། [57a.4]དགེ་སློབ་མ་དང་། དགེ་ཚུལ་དང་། དགེ་ཚུལ་མས་རྣམ་པར་རྟོག་པར་རིག་ནས་ཐ་ག་པ་ཉེ་དུ་མ་ལགས་པ་ལ་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་ [57a.5]མ་བཞིན་ནོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་གཡེངས་དང་། །ཚོར་བ་འོན་པ་གླེན་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ [57a.6]ལྡན་འདས་ཀྱིས་ཡང་དགེ་སློང་གང་དགེ་སློང་ལ་ཆོས་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡི་མ་རངས་ནས། འཕྲོག་གམ། འཕྲོག་ཏུ་འཇུག་ཅིང་། དེ་ལ་འདི་སྐད་ཅེས་དགེ་སློང་ཁྱོད་ལ་ཆོས་གོས་མི་སྦྱིན་གྱིས་ཕྱིར་བྱིན་ཅིག་ཅེས་ཟེར་ན་དགེ་སློང་ [57a.7]དེས་ཆོས་གོས་དེ་ལྷག་མ་ཡོད་ན་ཕྱིར་སྦྱིན་པར་བྱ་ཞིང་བཏང་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཆོས་གོས་བྱིན་པ་ཕོ་ཉ་ལས་འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་མ་ཆོས་གོས་ [57b] [57b.1]སྩལ་ནས་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པ་དང་། གཞན་གྱི་སླད་དུ་འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་སྨྱོན་པ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་ [57b.2]འགྱུར་ལགས། ཉེས་བྱས་སོ། །དེ་བཞིན་དུ་སེམས་གཡེངས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་ལ་ཆོས་གོས་སྩལ་ནས། འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་འདི་ལས་ཕྱི་ [57b.3]རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་རྣམས་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་འགྲོ་བ་གཞན་དུ་གནས་པ་ལ་ཆོས་གོས་སྩལ་ [57b.4]ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། ཁྱིམ་པ་དག་ལ་སོགས་པ་དང་། །དེ་བཞིན་ཐུན་མོང་མཚན་དང་ནི། །མ་ཆོད་པ་དང་མི་རུང་ཉིད། །བཞི་ཚན་པ་ནི་ཐ་མ་ཡིན། །བཙུན་པ་རེ་ཞིག་དགེ་སློང་གིས་ [57b.5]ཁྱིམ་པ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཁས་བླངས་པ་དང་། དགེ་སློང་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་ [57b.6]འགུམས་པ་དང་། མུ་སྟེགས་ཅན་དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་ [57b.7]སློང་གིས་དགེ་འདུན་གྱི་དབྱེན་བགྱིས་པའི་དགེ་སློང་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་ [58a] [58a.1]སྩལ་བ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ཆོས་གོས་སྩལ་ནས་ [58a.2]འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་ལ་ཆོས་གོས་སྩལ་ནས་ཁྱིམ་པ་འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་ [58a.3]སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། དགེ་འདུན་གྱི་དབྱེན་བགྱིས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། མུ་སྟེགས་ཅན་དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་ [58a.4]སུ་གནས་པ་དང་། ཐ་དད་དུ་གནས་པ་དང་། གནས་པར་མི་བགྱི་བ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་དང་། ཁས་བླངས་པ་དང་། བསླབ་པ་སྩལ་བ་དང་། དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་ [58a.5]མ་འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གཉིས་ཀྱིས་དགེ་སློང་ལ་ཆོས་གོས་ཐུན་མོང་བ་ཞིག་སྩལ་ཏེ། དེ་ནས་སླད་ཀྱིས་གཅིག་གིས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ [58a.6]ཞིག་དགེ་སློང་གིས་དགེ་སློང་ལ་ཆོས་གོས་སྩལ་ནས་འཕྲོག་པ་ལས་མཚན་གྱུར་ཏེ་དགེ་སློང་མར་རེད་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་མ་ལ་ཆོས་གོས་སྩལ་ནས་འཕྲོག་པ་ལས་མཚན་གྱུར་ཏེ་དགེ་སློང་དུ་རེད་ནས་གྲུབ་ན་ཅིར་འགྱུར་ [58a.7]ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་ལ་ཆོས་གོས་ཁྲུ་གང་བས་ཆུང་བ་ཞིག་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་ལ་ཆོས་གོས་སྩལ་ནས་འཕྲོག་ཀྱང་སྤང་བའི་ [58b] [58b.1]ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། སྤུན་མི་རུང་བར་གྱུར་ལ། རྒྱུ་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་} [58b.2]ཀྱི་བལ་དང་། ར་བལ་དང་འདྲེས་པ་དང་། མ་བཏགས་པའོ། །དེ་ལྟ་བུའི་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ཆོས་གོས་ [58b.3]སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་ [58b.4]རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། ། [58b.5]བཙུན་པ་རེ་ཞིག་བསྙེན་པར་མ་རྫོགས་པར་འཕྲོག་པའི་སྦྱོར་བ་བགྱིས་ལ་བསྙེན་པར་མ་རྫོགས་པར་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་འཕྲོག་པའི་སྦྱོར་བ་བགྱིས་ལ་བསྙེན་པར་རྫོགས་ཀར་འཕྲོག་ན་ཅིར་འགྱུར་ལགས། ཉེས་བྱས་སོ། ། [58b.6]བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཏེ་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་འཕྲོག་པའི་སྦྱོར་བ་བགྱིས་ལ་བསྙེན་པར་རྫོགས་ཀར་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་འཕྲོག་ [58b.7]པའི་སྦྱོར་བ་བགྱིས་ལ་བསྙེན་པར་རྫོགས་ནས་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་འཕྲོག་པའི་སྦྱོར་བ་བགྱིས་ལ་བསྙེན་པར་རྫོགས་ནས་འཕྲོག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་འཕྲོག་པའི་ [59a] [59a.1]སྦྱོར་བ་བགྱིས་ལ་བསྙེན་པར་མ་རྫོགས་པར་འཕྲོག་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བ་ལ་དགེ་སློང་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ [59a.2]ཞིག་དགེ་སློང་གིས་དགེ་སློང་མ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་མ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་ [59a.3]འགྱུར་རོ། །དགེ་སློང་མས་དགེ་སློང་དང་། དགེ་ཚུལ་དང་། དགེ་སློབ་མ་དང་། དགེ་ཚུལ་མ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་ [59a.4]བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ།། །།སྡོམ་ལ། སེམས་གཡེངས་པ་དང་དུས་ལས་འདས། །དེ་བཞིན་མཚན་དང་ཐུན་མོང་དང་། །མི་རུང་བཞི་ཚན་དུས་མ་ཡིན། །དགེ་སློང་མ་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ [59a.5]ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་སྟོན་ཟླ་འབྲིང་པོ་ཉར་ཞག་བཅུས་མ་ཚང་བ་ཚུན་ཆད་དུ་བརྟད་པ་ལས་བྱུང་བའི་ཆོས་གོས་ཤིག་རྙེད་ལ་འདོད་ན་དགེ་སློང་དེས་ཆོས་གོས་དེ་བླང་བར་བྱའོ། །བླངས་ན་ཆོས་གོས་སྦྱིན་པའི་དུས་ཀྱི་ཚེའི་བར་ [59a.6]དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་བའི་དུས་ཀྱི་ཚེ་ལས་འདས་པར་བཞག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ [59a.7]ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་གིས་ཆོས་གོས་རྙེད་མ་ཐག་ཏུ་སེམས་གཡེངས་པར་གྱུར་ནའོ། །བཙུན་པ་དགེ་སློང་གིས་ཇི་སྲིད་འཚོའི་བར་དུ་བརྟད་པ་ལས་བྱུང་བའི་ཆོས་གོས་བཅངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་ [59b] [59b.1]འཁོར་ཡོད་དེ། ཆོས་གོས་སྦྱིན་པའི་དུས་ཀྱི་ནང་རོལ་དུ་དུས་བྱས་ནའོ། །བཙུན་པ་རེ་ཞིག་དགེ་སློང་གིས་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་བའི་དུས་ཀྱི་བར་ལས་འདའ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། ། [59b.2]བཙུན་པ་རེ་ཞིག་དགེ་སློང་མ་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་བའི་དུས་ཀྱི་བར་ལས་འདའ་བར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བརྟད་པ་ལས་བྱུང་བའི་ཆོས་གོས་ཐུན་མོང་བ་ཞིག་ [59b.3]ཆོས་གོས་སྩལ་བའི་དུས་ལས་འདས་པར་བཞག་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་བརྟད་པ་ལས་བྱུང་བའི་ཆོས་གོས་སྩལ་བའི་དུས་ཀྱི་བར་ལས་འདས་པར་བཞག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། [59b.4]འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པ་སྟེ། དེ་ [59b.5]ལྟ་བུའི་ཆོས་གོས་ཤིག་ཆོས་གོས་སྦྱིན་པའི་དུས་ལས་འདས་པར་བཞག་ན་ཉེས་བྱས་སུ་འགྱུར་རོ། །བཙུན་པ་རེ་ཞིག་དགེ་སློང་གིས་ཆོས་གོས་སྩལ་བའི་དུས་ལས་འདས་པ་ལ་འདས་པར་འདུ་ཤེས་པས་ཆོས་གོས་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ། [59b.6]འདས་པ་ལ་མ་འདས་པར་འདུ་ཤེས་པས་བཞག་ན་ཅིར་འགྱུར་ལགས། ལྟུང་བ་མེད་དོ། །མ་འདས་པ་ལ་འདས་པར་འདུ་ཤེས་པས་བཞག་ན་ཅིར་འགྱུར་ལགས། ཉེས་བྱས་སོ། །མ་འདས་པ་ལ་མ་འདས་པར་འདུ་ཤེས་པས་བཞག་ན་ཅིར་འགྱུར་ལགས། ལྟུང་བ་ [59b.7]མེད་དོ། །བཙུན་པ་དགག་དབྱེ་མ་བགྱིས་པར་རྒྱལ་པོས་ཤོལ་བོར་ན་དགེ་སློང་གིས་བརྟད་པའི་ཆོས་གོས་ཇི་ལྟར་བསྒྲུབ་པར་བགྱི། ཉེ་བ་འཁོར་ཇི་ལྟར་གནས་པར་དམ་བཅས་པ་བཞིན་ནོ། །བརྟད་པ་ལས་བྱུང་བའི་ཆོས་གོས་དགུང་བཅུ་འདས་པ་ཞེས་བགྱིའམ། དགུང་ [60a] [60a.1]བཅུ་འདས་པ་ཞེས་མི་བགྱི་བཀའ་སྩལ་པ། ཞག་བཅུ་འདས་པ་ཞེས་མི་བྱའོ། །བཙུན་པ་བརྟད་པ་ལས་བྱུང་བའི་ཆོས་གོས་དུས་མ་ལགས་པའི་ཆོས་གོས་སུ་བགྱིར་རུང་ལགས་སམ། ཉེ་བ་འཁོར་མི་རུང་ངོ་། །བཙུན་པ་བཅོམ་ལྡན་འདས་ཀྱིས་བརྟད་པ་ལས་བྱུང་བའི་ཆོས་ [60a.2]གོས་སྦྱིན་པའི་དུས་ཀྱི་བར་དུ་ཆོངས་ཤིག་ཅེས་གསུངས་པ་གང་ལགས། བཙུན་པ་ཆོས་གོས་སྩལ་བའི་དུས་གང་ལགས། ཉེ་བ་འཁོར་དུས་ནི་དགག་དབྱེ་སྟེ། དགག་དབྱེ་མ་བྱས་པས་ནི་ཐམས་ཅད་དུ་དུས་མ་ཡིན་པ་ཁོ་ནའོ། །བཙུན་པ་རེ་ཞིག་བསླབ་པ་སྩལ་བས་བརྟད་པ་ [60a.3]ལས་བྱུང་བའི་ཆོས་གོས་ཤིག་ཆོས་གོས་སྩལ་བའི་བར་ལས་འདས་པར་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་བའི་དུས་ལས་འདས་པར་བཞག་ན་ཅིར་འགྱུར་ལགས། སྤང་བའི་ [60a.4]ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ།། །།སྡོམ་ལ། མི་རུང་བ་དང་བཞི་ཚན་ཉིད། །དེ་བཞིན་དུ་ནི་བར་ཆད་དང་། །སྡོམ་པ་དགེ་འདུན་ནམ་ [60a.5]མཁའ་དང་། །དེ་བཞིན་མཚན་དང་དགེ་སློང་མ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་རབ་ཏུ་མང་པོ་གནས་མལ་དགོན་པ་དོགས་པ་དང་བཅས་པར་གྲགས་པ། འཇིགས་པ་དང་བཅས་ [60a.6]པར་གྲགས་པ། འཇིགས་པ་ཐ་དད་པར་འཇིགས་སུ་རུང་བ་དང་བཅས་པར་གྲགས་པ་དག་ཏུ་དབྱར་ཕྱི་མར་གྱུར་ལ། དགེ་སློང་དགོན་པ་པས་འདོད་ན་ཆོས་གོས་གསུམ་ལས་ཆོས་གོས་གང་ཡང་རུང་བ་ཁྱིམ་གྱི་ནང་དུ་གཞག་པར་བྱ་སྟེ། དགེ་སློང་དགོན་པ་པ་ལ་ཆོས་གོས་དེ་དང་ [60a.7]མཚམས་ཀྱི་ཕྱི་རོལ་དུ་འབྲལ་དགོས་པ་དེ་ལྟ་བུའི་རྐྱེན་ཞིག་བྱུང་ན་དགེ་སློང་དགོན་པ་པ་དེས་ཞག་དྲུག་གི་མཐའ་ཚུན་ཆད་དུ་ཆོས་གོས་དང་མཚམས་ཀྱི་ཕྱི་རོལ་དུ་འབྲལ་བར་བྱའོ། །དེ་ལས་འདས་པར་འབྲལ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་ [60b] [60b.1]པ་དགེ་སློང་དགུང་དྲུག་ལས་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་ [60b.2]རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པ་སྟེ། དེ་ལྟ་བུའི་ཆོས་གོས་དང་ཞག་དྲུག་འདས་པར་མཚམས་ཀྱི་ཕྱི་རོལ་དུ་འབྲལ་བར་བྱེད་ན་ [60b.3]ཉེས་བྱས་སུ་འགྱུར་རོ། །བཙུན་པ་རེ་ཞིག་དགུང་དྲུག་འདས་པ་ལས་འདས་པར་འདུ་ཤེས་པས་ཆོས་གོས་དང་མཚམས་ཀྱི་སླད་རོལ་དུ་འབྲལ་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འདས་པ་ལ་མ་འདས་པར་འདུ་ཤེས་པས་འབྲལ་བར་ [60b.4]བགྱིད་ན་ཅིར་འགྱུར་ལགས། ལྟུང་བ་མེད་དོ། །མ་འདས་པ་ལ་འདས་པར་འདུ་ཤེས་པས་འབྲལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །མ་འདས་པ་ལ་མ་འདས་པར་འདུ་ཤེས་པས་འབྲལ་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་ [60b.5]དགེ་སློང་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་དེ་འོང་ན་བར་ཆད་བརྒྱད་ལས་བར་ཆད་གང་ཡང་རུང་བ་ཞིག་ཉེ་བར་གནས་པར་གྱུར་ནའོ། ། [60b.6]བཙུན་པ་དགེ་སློང་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་དེས་ཆོས་གོས་དང་མི་འབྲལ་བའི་སྡོམ་པ་ཐོབ་པར་གྱུར་ནའོ། བཙུན་ [60b.7]པ་རེ་ཞིག་དགེ་སློང་གིས་དགེ་འདུན་གྱི་ཆོས་གོས་ཤིག་བྱིན་གྱིས་བརླབས་ཏེ་བཞག་ནས་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ན་བྲལ་ཞེས་བགྱི་འམ་མ་བྲལ་བ་ཞེས་བགྱི། ཉེ་བ་འཁོར་བྲལ་བ་ཞེས་བྱའོ། །ཆོས་གོས་དེ་སྤང་ [61a] [61a.1]བར་བགྱིའམ། ཉེ་བ་འཁོར་མ་ཡིན་ཏེ། ལྟུང་བྱེད་འབའ་ཞིག་པའི་བཤགས་པར་བྱའོ། །བཙུན་པ་རེ་ཞིག་དགེ་སློང་གིས་ཁྱིམ་གྱི་ནང་དུ་ཆོས་གོས་བཞག་ནས་དེ་ནམ་མཁའ་ལ་མཆིས་ཏེ་དགུང་དྲུག་ལས་འདས་པར་བགྱིད་ན་ཅིར་འགྱུར་ལགས། སྤང་བའི་ [61a.2]ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་ཁྱིམ་གྱི་ནང་དུ་ཆོས་གོས་བཞག་སྟེ། དེ་དགུང་དྲུག་ལས་འདས་པར་ཆོས་གོས་དེ་དང་བྲལ་བར་གྱུར་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་ཁྱིམ་གྱི་ནང་ [61a.3]དུ་ཆོས་གོས་བཞག་སྟེ། དེ་དགུང་དྲུག་ལས་འདས་པར་ཆོས་གོས་དེ་དང་བྲལ་བར་བགྱིད་པ་ན་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་བསླབ་པ་སྩལ་བས་དགུང་དྲུག་ལས་འདས་པར་ཆོས་གོས་དེ་དང་བྲལ་བར་ [61a.4]བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་འབྲལ་བར་བྱེད་ན་ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ནི་ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། ཕོ་ཉ་ [61a.5]ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་གཡེངས་དང་། །ཚོར་བ་འོན་པ་གླེན་པའོ། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་ [61a.6]གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་པ་ན་དབྱར་གྱི་གོས་རས་ཆེན་བཙལ་བར་བྱའོ། །དབྱར་གྱི་ཟླ་བ་དག་ཟླ་ཕྱེད་ལུས་པར་བྱ་སྟེ། བཅང་བར་བྱའོ། །གལ་ཏེ་དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་པ་དེའི་ [61a.7]སྔོན་རོལ་དུ་དབྱར་གྱི་གོས་རས་ཆེན་ཚོལ་བར་བྱེད་དམ། དབྱར་གྱི་ཟླ་བ་དག་ཟླ་ཕྱེད་ལུས་པར་བྱས་པའི་འོག་ཏུ་འཆང་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ།། །།འདུལ་བ་གཞུང་བླ་མ། བམ་པོ་བརྒྱད་པ། བཙུན་པ་རེ་ཞིག་དགེ་ [61b] [61b.1]སློང་གིས་དབྱར་གྱི་གོས་རས་ཆེན་ཕོ་ཉ་ལས་ཤིན་ཏུ་རིང་བ་བཙལ་ཏེ་ཆོས་གོས་ཐོབ་ན་ཅིར་འགྱུར་ལགས། ཉེས་བྱས་སོ། །ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཕོ་ཉ་ལས་ཇི་ལྟ་བར་ཡི་གེ་དང་། ལག་བརྡ་དང་། གཞན་ [61b.2]ལ་སྙད་འདོགས་པ་དང་། བརྒྱུད་པས་ཀྱང་དེ་དང་འདྲའོ། །ཇི་ཙམ་དུ་དགེ་སློང་ཅུང་ཟད་ཤིན་ཏུ་རིངས་པར་ཚོལ་ཞིང་ཤིན་ཏུ་ཡུན་རིང་དུ་འཆང་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་སྨྱོན་པ་ལས་དབྱར་གྱི་གོས་རས་ཆེན་ཤིན་ཏུ་ [61b.3]རིངས་པར་བཙལ་ཏེ་གོས་ཐོབ་ན་ཅིར་འགྱུར་ལགས། ཉེས་བྱས་སོ། །ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །སྨྱོན་པ་ལ་ཇི་ལྟ་བར་དེ་བཞིན་དུ་སེམས་གཡེངས་པ་དང་། ཚོར་བས་ཉམ་ཐག་པ་དང་། གླེན་པ་དང་། [61b.4]འོན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་དང་། འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་ [61b.5]ལས་ཤིན་ཏུ་རིངས་པར་བཙལ་ཏེ་གོས་ཐོབ་ན་ཅིར་འགྱུར་ལགས། ཉེས་བྱས་སོ། །ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ།། །།སྡོམ་ལ། མི་རུང་བ་དང་མཚན་ཉིད་དང་། །དེ་བཞིན་ཐུན་མོང་ཉིད་དང་ནི། །མ་ལངས་པ་དང་ [61b.6]སེང་རས་དང་། །བཞི་ཚན་ཇི་ལྟར་དགེ་སློང་ངོ་། །བཙུན་པ་རེ་ཞིག་དགེ་སློང་གིས་དབྱར་གྱི་གོས་རས་ཆེན་ཤིན་ཏུ་རིངས་པར་བཙལ་ལ། ཤིན་ཏུ་ཡུན་རིང་དུ་འཆང་ཡང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་གོས་དེའི་སྤུན་རུང་ [61b.7]བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པ་དེ་ལྟ་བུའི་དབྱར་གྱི་གོས་རས་ཆེན་ཤིན་ཏུ་ [62a] [62a.1]རིངས་པར་བཙལ་ཏེ་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དབྱར་གྱི་གོས་རས་ཆེན་ཤིན་ཏུ་རིངས་པར་འཚལ་ཏེ་ཤིན་ཏུ་ཡུན་རིང་དུ་འཆང་བ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། [62a.2]ཉེས་བྱས་སོ། །བཙུན་པ་བཅོམ་ལྡན་འདས་དབྱར་གྱི་གོས་རས་ཆེན་ཤིན་ཏུ་རིངས་པར་བཙལ་ཏེ་ཤིན་ཏུ་ཡུན་རིང་དུ་འཆང་བ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་དབྱར་གྱི་གོས་རས་ཆེན་ [62a.3]ཐུན་མོང་བ་ཞིག་ཤིན་ཏུ་རིངས་པར་བཙལ་ནས་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསྙེན་པར་མ་རྫོགས་པར་དབྱར་གྱི་གོས་རས་ཆེན་བསླངས་ལ་བསྙེན་པར་མ་རྫོགས་པར་གྲུབ་སྟེ་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་ [62a.4]བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་སྟེ་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་གྲུབ་སྟེ་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་ [62a.5]བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་གྲུབ་ནས་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་གྲུབ་སྟེ་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་ [62a.6]སོ། །བསྙེན་པར་རྫོགས་ནས་བསླངས་ལ་བསྙེན་པར་རྫོགས་ནས་གྲུབ་སྟེ་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བསླངས་ལ་བསྙེན་པར་མ་རྫོགས་པར་གྲུབ་ནས་ཤིན་ཏུ་ཡུན་རིང་དུ་འཆང་ན་ཅིར་འགྱུར་ [62a.7]ལགས། ཉེས་བྱས་སོ། །བཙུན་པ་རེ་ཞིག་དབྱར་གྱི་གོས་རས་ཆེན་མ་འཚལ་བ་ཞིག་ཤིན་ཏུ་རིངས་པར་བཙལ་ནས་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དབྱར་གྱི་གོས་རས་ཆེན་སེང་རས་ཤིག་ཤིན་ཏུ་རིངས་པར་བཙལ་ནས་ཤིན་ [62b] [62b.1]ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མི་ལས་མིར་འདུ་ཤེས་པས་དབྱར་གྱི་གོས་རས་ཆེན་ཞིག་ཤིན་ཏུ་རིངས་པར་བཙལ་ནས་གོས་ཐོབ་སྟེ་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ། [62b.2]མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ [62b.3]དགག་དབྱེའི་འོག་ཟླ་བ་ཕྱེད་ལས་འདས་པར་འདུ་ཤེས་པས་དབྱར་གྱི་གོས་རས་ཆེན་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འདས་པ་ལ་མ་འདས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མ་འདས་པ་ལ་འདས་པར་འདུ་ཤེས་ན་ [62b.4]ཅིར་འགྱུར་ལགས། ཉེས་བྱས་སོ། །མ་འདས་པ་ལ་མ་འདས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དབྱར་གནས་པར་ཁས་བླངས་པ་དང་རྒྱལ་པོས་ཤོལ་བོར་ན་དགེ་སློང་དེ་དག་གིས་ཇི་ལྟར་དགག་དབྱེ་བགྱི། ཉེ་བ་འཁོར་ཇི་ལྟར་ [62b.5]གནས་པར་ཁས་བླངས་པ་བཞིན་ནོ། །དབྱར་གྱི་གོས་རས་ཆེན་ཇི་ལྟར་བཅང་བར་བགྱི། ཇི་ལྟར་དགག་དབྱེ་བྱས་པ་བཞིན་ནོ། །བཙུན་པ་རེ་ཞིག་བསླབ་པ་སྩལ་བས་དབྱར་གྱི་གོས་རས་ཆེན་ཤིན་ཏུ་རིངས་པར་བཙལ་ནས་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། སྤང་ [62b.6]བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་དབྱར་གྱི་གོས་རས་ཆེན་ཤིན་ཏུ་རིངས་པར་བཙལ་ནས་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །ཞག་བཅུ་ལས་འདས་པར་འཆང་ན་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ [62b.7]ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པས་དབྱར་གྱི་གོས་རས་ཆེན་ཤིན་ཏུ་རིངས་པར་བཙལ་ནས་ཤིན་ཏུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སུ་འགྱུར་རོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་ [63a] [63a.1]བརྒྱུད་པ་དང་། །སྨྱོན་པ་དང་ནི་སེམས་གཡེངས་དང་། །ཚོར་བ་འོན་པ་གླེན་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་ལ་བསྔོས་པའི་རྙེད་པ་ཤེས་ [63a.2]བཞིན་དུ་གང་ཟག་བདག་ལ་སྒྱུར་དུ་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་ཕོ་ཉ་ལས་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་ [63a.3]འགྱུར་ལགས། ཉེས་བྱས་ཁོ་ནའོ། །ཕོ་ཉ་ལས་ཇི་ལྟ་བར་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་ཀྱང་དེ་དང་འདྲའོ། །བཙུན་པ་རེ་ཞིག་དགེ་སློང་གིས་དགེ་འདུན་སྨྱོན་པ་ལས་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་ [63a.4]སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །སྨྱོན་པ་ལས་ཇི་ལྟ་བ་དེ་བཞིན་དུ་སེམས་གཡེངས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་ལ་ཅིར་འགྱུར་ལགས། ཉེས་བྱས་སོ།། །། [63a.5]སྡོམ་ལ། མི་ཆོག་པ་དང་མི་རུང་དང་། །ཕ་མ་བཞི་ཚན་མཚན་དང་ནི། །ཁྱིམ་པ་དག་ལ་སོགས་པ་དང་། །འགྲོ་དང་སློབ་པ་དགེ་སློང་མ། །བཙུན་པ་རེ་ཞིག་དགེ་སློང་གིས་དགེ་འདུན་ལ་བསྔོས་པའི་ཆོས་གོས་ཁྲུ་གང་དུ་མི་ཚང་བ་ཞིག་གང་ཟག་བདག་ལ་སྒྱུར་དུ་སྩལ་ན་ཅིར་ [63a.6]འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །འོན་ཏེ་དེ་ཀུན་ནས་ཁྲུ་གང་བའམ། ལྷག་པ་ཞིག་ཡིན་ན་སྤང་བའི་ལྟུང་བྱེད་དུ་འགྱུར་རོ། །བཙུན་པ་དགེ་སློང་གིས་དགེ་འདུན་ལ་བསྔོས་པའི་རྙེད་པ་འཚལ་བཞིན་དུ་གང་ཟག་ [63a.7]བདག་ལ་སྩལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང་། [63b] [63b.1]བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དེ་ལྟ་བུའི་ཆོས་གོས་ཤིག་གང་ཟག་བདག་ལ་སྒྱུར་དུ་སྩལ་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་ [63b.2]ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ཕ་དང་མ་དག་ལ་ཆོས་གོས་བསླངས་ན་སྤང་བའི་ལྟུང་བྱེད་དུ་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཕ་དང་ [63b.3]མ་དག་གིས་ཆོས་གོས་དགེ་འདུན་ལ་བསྔོས་པར་གྱུར་ལ་དེ་དགེ་སློང་གིས་ཤེས་བཞིན་དུ་གང་ཟག་བདག་ལ་སྒྱུར་དུ་བཅུག་སྟེ་ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་བསྙེན་པར་མ་རྫོགས་པར་དགེ་སློང་གིས་དགེ་འདུན་གྱི་རྙེད་པ་བསླངས་ལ་བསྙེན་པར་མ་ [63b.4]རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། ། [63b.5]བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་བསླངས་ལ་བསྙེན་པར་རྫོགས་ནས་གྲུབ་ན་ [63b.6]ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་ལ་བསྔོས་པའི་རྙེད་པ་ལ་བསྔོས་པར་འདུ་ཤེས་པས་གང་ཟག་བདག་ལ་ [63b.7]སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྔོས་པ་ལ་མ་བསྔོས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མ་བསྔོས་པ་ལ་བསྔོས་པར་འདུ་ཤེས་ན་ཅིར་འགྱུར་ལགས། ཉེས་ [64a] [64a.1]བྱས་སོ། །མ་བསྔོས་པ་ལ་མ་བསྡོས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་སྩོལ་བ་ལས་མཚན་གྱུར་ཏེ་དགེ་སློང་མར་རེད་ནས་ཐོབ་ན་ཅིར་ [64a.2]འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་སྩོལ་བ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་པ་ [64a.3]ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་བཀུམ་པ་དང་། ཕ་བཀུམ་པ་དང་། དགྲ་ [64a.4]བཅོམ་པ་བཀུམ་པ་དང་། དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། མུ་སྟེགས་ཅན་དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བགྱི་བ་ [64a.5]དང་། ཁས་བླངས་པ་དང་། སྔར་ལྟུང་བ་བྱུང་བ་དང་། དང་པོ་མི་མཐུན་པ་ཅན་དང་། བསླབ་པ་སྩལ་བ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ [64a.6]ཞིག་དགེ་སློང་གིས་འགྲོ་བ་གཞན་དུ་གནས་པ་རྣམས་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་བསླབ་པ་སྩལ་བས་དགེ་འདུན་ལ་བསྔོས་པའི་རྙེད་པ་འཚལ་ [64a.7]བཞིན་དུ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་དགེ་འདུན་མ་ལ་བསྔོས་པའི་རྙེད་པ་འཚལ་བཞིན་དུ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ [64b] [64b.1]ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་དགེ་སློང་གཉིས་སམ། མང་པོ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་ [64b.2]འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་དགེ་སློང་མའི་དགེ་འདུན་ནམ་གཉི་གའི་དགེ་འདུན་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ [64b.3]ཞིག་དགེ་སློང་གིས་དགེ་སློང་མ་ལ་བསྔོས་པའི་རྙེད་པའམ། དགེ་སློབ་མའམ། དགེ་ཚུལ་དང་། དགེ་ཚུལ་མ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་དགེ་ [64b.4]སློང་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་དགེ་སློབ་མ་ [64b.5]དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ།། །།སྡོམ་ལ། མི་རུང་བ་དང་བཞི་ཚན་དང་། །ཉམས་དང་དེ་བཞིན་ཇི་སྲིད་འཚོའི། །མཚན་དང་དེ་ཉིད་སྨྱོན་པ་དང་། །བྱིན་གྱིས་མ་བརླབས་ [64b.6]བྱིན་གྱིས་བརླབས། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ན་བ་རྣམས་ལ་ཕན་པ་སོ་སོར་བསྟེན་པར་བྱ་བའི་སྨན་གང་དག་སྩལ་བ། འདི་ལྟ་སྟེ། ཞུན་མར་དང་། འབྲུ་མར་དང་། སྦྲང་རྩི་དང་། [64b.7]བུ་རམ་གྱི་དབུ་བ་དེ་དག་ལས་དགེ་སློང་ན་བས་འདོད་ན་རང་གིས་ཞག་བདུན་བར་བྱིན་གྱིས་བརླབས་ཏེ། སོགས་འཇོག་གི་ཡོངས་སུ་ལོངས་སྤྱོད་པས་ཡོངས་སུ་ལོངས་སྤྱོད་པར་བྱའོ། །དེ་ལས་འདས་པར་ཡོངས་སུ་ལོངས་སྤྱོད་པར་བྱེད་ན་སྤང་བའི་ལྟུང་བྱེད་དོ་ཞེས་གསུངས་པ་གང་ [65a] [65a.1]ལགས་པ། བཙུན་པ་སྨན་དགུང་བདུན་ལས་འདས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། སྨན་མི་རུང་བ་དང་འདྲེས་པ་གང་དགེ་སློང་རྣམས་ཀྱིས་སྤྱད་དུ་མི་རུང་བར་གྱུར་པའོ། །བཙུན་པ་རེ་ཞིག་དགེ་སློང་གིས་སྨན་དེ་ [65a.2]རྙེད་ནས་དགུང་བདུན་ལ་དགུང་བདུན་ལགས་པར་འདུ་ཤེས་པས་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགུང་བདུན་ལ་དགུང་བདུན་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགུང་བདུན་མ་ལགས་པ་ལ་དགུང་ [65a.3]བདུན་དུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགུང་བདུན་མ་ལགས་པ་ལ་དགུང་བདུན་མ་ལགས་པར་འདུ་ཤེས་པས་སྐྱ་རེངས་འཆར་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་སྨན་སྤང་བ་ཞིག་ཉམས་པར་གྱུར་ན་ལྟུང་བ་བཤགས་པར་ [65a.4]བགྱི་ལགས་སམ། ཉེ་བ་འཁོར་བཤགས་པར་བྱའོ། །ལྟུང་བ་བཤགས་ནས་སླར་སྙེད་ན་སྤང་བར་བགྱིད་ལགས་སམ། ཉེ་བ་འཁོར་མ་ཡིན་ནོ། །བཙུན་པ་དགེ་སློང་གིས་དགུང་བདུན་པའི་སྨན་ཇི་སྲིད་འཚོའི་བར་དུ་བཅངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། [65a.5]ཉེ་བ་འཁོར་ཡོད་དེ། ཞག་བདུན་ཚུན་ཆད་དུ་དུས་བྱས་ནའོ། །བཙུན་པ་རེ་ཞིག་དགེ་སློང་གིས་དགུང་བདུན་པའི་སྨན་ཞིག་རྙེད་ནས་དགུང་བདུན་ལས་འདས་པར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་ [65a.6]དགེ་སློང་མས་དགུང་བདུན་པའི་སྨན་ཞིག་རྙེད་ནས་དགུང་བདུན་ལས་འདས་པར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་སྨན་དེ་ཉིད་སྤང་བ་ཡང་ལགས་ལ་དེ་ཉིད་སོགས་འཇོག་བགྱིས་པ་ཡང་ལགས་པ་ལྟ་མཆིས་ [65a.7]ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་གིས་ཞག་བདུན་ལས་འདས་པའི་སྨན་བྱིན་ལེན་བྱས་ནས་དུས་ལས་འདའ་བར་བྱེད་ནའོ། །བཙུན་པ་རེ་ཞིག་དགེ་སློང་གིས་དགུང་བདུན་པའི་སྨན་ཞིག་རྙེད་ནས་སེམས་གཡེངས་པར་གྱུར་ན་གང་ནས་བཟུང་སྟེ་དགུང་བདུན་པ་ [65b] [65b.1]བགྲང་བགྱི་ལགས། གང་གི་ཚེ་རང་གི་སེམས་སོར་ཆུད་པ་ནས་སོ། །བཙུན་པ་དུས་སུ་རུང་བ་དང་། ཐུན་ཚོད་དུ་རུང་བ་དང་། དགུང་བདུན་པ་དང་། ཇི་སྲིད་འཚོའི་བར་དུ་བཅངས་པའི་སྨན་གང་དག་ལགས་པ་དེ་དག་བྱིན་ལེན་བགྱིས་ལ་བྱིན་གྱིས་མ་བརླབས་པར་བདག་གིར་ [65b.2]བགྱིད་ཅིང་སོགས་འཇོག་གི་ཡོངས་སུ་ལོངས་སྤྱད་པར་རུང་ལགས་སམ། ཉེ་བ་འཁོར་མི་རུང་ངོ་། །བཙུན་པ་དུས་སུ་རུང་བ་དང་། ཐུན་ཚོད་དུ་རུང་བ་དང་། དགུང་བདུན་པ་དང་། ཇི་སྲིད་འཚོའི་བར་དུ་བཅངས་པའི་སྨན་གང་ལགས་པ་དེ་དག་བྱིན་གྱིས་བརླབས་ནས་སོགས་འཇོག་ [65b.3]གི་ཡོངས་སུ་ལོངས་སྤྱད་པས་ཡོངས་སུ་ལོངས་སྤྱོད་དུ་རུང་བ་ལགས་སམ། ཉེ་བ་འཁོར་རུང་ངོ་། བཙུན་པ་རེ་ཞིག་དགེ་སློང་གིས་སྤང་བའི་སྨན་བྱིན་གྱིས་རློབ་ན་ཅིར་འགྱུར་ལགས། ཉེས་བྱས་སོ། །བཙུན་པ་དུས་སུ་རུང་བ་དང་། ཐུན་ཚོད་དུ་རུང་བ་དང་། དགུང་བདུན་པ་དང་། ཇི་ [65b.4]སྲིད་འཚོའི་བར་དུ་བཅངས་པའི་སྨན་གང་ལགས་པ་དེ་དག་བྱིན་ལེན་བགྱིས་ཏེ་བྱིན་གྱིས་བརླབས་ལ། བྱིན་གྱིས་བརླབས་པ་ལས་འདས་པར་སོགས་འཇོག་གི་ཡོངས་སུ་སྤྱད་དུ་རུང་ལགས་སམ། ཉེ་བ་འཁོར་མི་རུང་ངོ་། །དུས་སུ་རུང་བ་ཡང་དུས་སུ་ཡོངས་སུ་ལོངས་སྤྱད་པར་ [65b.5]བྱ་བའི་དུས་ལས་འདས་ནས་ཡོངས་སུ་ལོངས་སྤྱད་པར་མི་བྱའོ། །ཐུན་ཚོད་དུ་རུང་བ་ཡང་ཐུན་ཚོད་དུ་ཡོངས་སུ་ལོངས་སྤྱད་པར་བྱའི་ཐུན་ཚོད་ལས་འདས་ནས་ཡོངས་སུ་ལོངས་སྤྱད་པར་མི་བྱའོ། །ཞག་བདུན་པ་ཡང་ཞག་བདུན་པར་ཡོངས་སུ་ལོངས་སྤྱད་པར་བྱའི་ཞག་བདུན་ [65b.6]ལས་འདས་ནས་ཡོངས་སུ་སྤྱད་པར་མི་བྱའོ། །ཇི་སྲིད་འཚོའི་བར་དུ་བཅང་བ་ནི་ཇི་སྲིད་འཚོའི་བར་དུ་ཡོངས་སུ་སྤྱད་པར་བྱའོ། །གལ་ཏེ་ཡོངས་སུ་སྤྱད་ན་ཅིར་འགྱུར་ལགས། སོགས་འཇོག་བྱས་པ་ཡོངས་སུ་སྤྱད་པས་ལྟུང་བྱེད་དུ་འགྱུར་རོ། །བཙུན་པ་གལ་ཏེ་བྱིན་གྱིས་ [65b.7]རློབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བས་དགུང་བདུན་པའི་སྨན་དགུང་བདུན་ལས་འདས་ནས་ཡོངས་སུ་སྤྱད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་དགུང་བདུན་པའི་སྨན་དགུང་ [66a] [66a.1]བདུན་ལས་འདས་ནས་ཡོངས་སུ་སྤྱད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་ལ་ནི་ཉེས་བྱས་སོ། །དགེ་ཚུལ་དང་། དགེ་ཚུལ་མ་ལ་ནི་ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། ། [66a.2]ཉེ་བ་འཁོར་གྱིས་ཞུས་པ་ཁ་ཆེ་བ་ལས་སྤང་བའི་ལྟུང་བྱེད་རྣམས་རྫོགས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་གཡེངས་དང་། །ཚོར་བ་འོན་པ་གླེན་པའོ། །གཉིད་ལོག་ར་རོ་རབ་མྱོས་དང་། ། [66a.3]སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཤེས་བཞིན་དུ་{བརྫུན་,རྫུན་}དུ་སྨྲ་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་ཕོ་ཉ་ལས་{བརྫུན་,རྫུན་}དུ་སྨྲ་ན་ཅིར་ [66a.4]འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་སྨྱོན་པ་ལ་རྫུན་སྨྲ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་ [66a.5]གཡེངས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་{བརྫུན་,རྫུན་}དུ་སྨྲ་ན་ཅིར་འགྱུར་ལགས། ཉེས་བྱས་སོ།། །། [66a.6]སྡོམ་ལ། དབེན་པ་སྐད་དང་བཞི་ཚན་དང་། །མུ་སྟེགས་ཅན་དང་མི་སྨྲ་ཉིད། །མཚན་དང་ལུས་ཀྱི་རྣམ་རིག་དང་། །བསླབ་པ་བྱིན་དང་དགེ་སློང་མ། །བཙུན་པ་རེ་ཞིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་{བརྫུན་,རྫུན་}སྨྲ་ན་ཅིར་འགྱུར་ལགས། ཉེས་བྱས་སོ། ། [66a.7]དབེན་པ་ལ་མི་དབེན་པར་འདུ་ཤེས་པས་{བརྫུན་,རྫུན་}སྨྲ་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་{བརྫུན་,རྫུན་}སྨྲ་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་{བརྫུན་,རྫུན་}སྨྲ་ན་ཅིར་འགྱུར་ལགས། ལྟུང་བྱེད་དོ། ། [66b] [66b.1]བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་པ་ལ་{བརྫུན་,རྫུན་}སྨྲས་ལ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པ་ཞིག་ལ་{བརྫུན་,རྫུན་}སྨྲས་ལ་མཐའ་འཁོབ་པས་ [66b.2]ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པ་ཞིག་ལ་{བརྫུན་,རྫུན་}སྨྲས་ལ་དབུས་པས་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་ [66b.3]འཁོབ་པ་ཞིག་ལ་{བརྫུན་,རྫུན་}སྨྲས་ལ་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མི་ལ་མིར་འདུ་ཤེས་པས་{བརྫུན་,རྫུན་}སྨྲ་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་པས་ [66b.4]{བརྫུན་,རྫུན་}སྨྲ་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་པས་{བརྫུན་,རྫུན་}སྨྲ་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་{བརྫུན་,རྫུན་}སྨྲ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ [66b.5]དགེ་སློང་ལ་ཁྱོད་སུ་ཞེས་དྲིས་པ་དང་། དེས་འདི་སྐད་ཅེས་མུ་སྟེགས་ཅན་ནོ་ཞེས་སྨྲ་ན་བསླབ་པ་ཕུལ་བ་ཞེས་བརྗོད་པར་བགྱིའམ། ཉེ་བ་འཁོར་མ་ཡིན་ནོ། །ཅིར་འགྱུར་ལགས། ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་དགེ་སློང་ལ་ཁྱོད་ [66b.6]ཅི་མུ་སྟེགས་ཅན་ཡིན་ནམ་ཞེས་དྲིས་པ་ལས་གལ་ཏེ་མི་སྨྲ་བས་ཁས་ལེན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་{བརྫུན་,རྫུན་}སྨྲ་བ་ལས་སྨྲ་བའི་ཚེ་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མ་ [66b.7]{བརྫུན་,རྫུན་}སྨྲ་བ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་དགེ་སློང་ལ་ཁྱོད་ཀྱིས་ཅིག་གེ་མོ་ཞིག་མཐོང་ངམ་ཞེས་དྲིས་པ་ལས་དེས་མ་མཐོང་བར་ལུས་ཀྱི་རྣམ་པར་རིག་བྱེད་ཀྱིས་མཐོང་བར་སྟོན་ན་ཅིར་འགྱུར་ལགས། ཉེས་ [67a] [67a.1]བྱས་སོ། །བཙུན་པ་རེ་ཞིག་བསླབ་པ་སྩལ་བ་{བརྫུན་,རྫུན་}སྨྲ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མ་{བརྫུན་,རྫུན་}སྨྲ་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་ [67a.2]བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་གཡེངས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ། །སངས་ [67a.3]རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་མིའི་སྐྱོན་ནས་སྨྲ་ན་ལྟུང་བྱེད་དོ་ཞེས་གསུངས་པ་གང་ལགས་པས་བཙུན་པ་རེ་ཞིག་དགེ་སློང་ཕོ་ཉ་ལས་དགེ་སློང་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། ། [67a.4]ཕོ་ཉ་ལས་ཇི་ལྟ་བ་དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་སྨྱོན་པ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་ [67a.5]བཞིན་དུ་སེམས་གཡེངས་པ་དང་། ཚོར་བས་ཉམ་ཐག་པའམ། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ [67a.6]འགྲོ་བ་གཞན་དུ་གནས་པའི་རབ་ཏུ་བྱུང་བ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། སྐད་དང་ལུས་དང་དབེན་པ་དང་། །མཚན་རྣམས་དང་ནི་བཞི་ཚན་དང་། །ཁྱིམ་པ་དག་ལ་སོགས་པ་དང་། །བསླབ་པ་བྱིན་དང་དགེ་ [67a.7]སློང་མ། །བཙུན་པ་རེ་ཞིག་དགེ་སློང་དབུས་པས་མཐའ་འཁོབ་པའི་སྐད་དུ་དབུས་པའི་སྐྱོན་ནས་སྨྲ་བར་བགྱིད་ལ་དབུས་པའི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་ [67b] [67b.1]པའི་དགེ་སློང་ལ་མིའི་སྐྱོན་ནས་སྨྲ་བར་བགྱིད་ལ་མཐའ་འཁོབ་པའི་དགེ་སློང་གིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་དགེ་སློང་ལ་མིའི་སྐྱོན་ནས་སྨྲ་བར་བགྱིད་ལ་དབུས་པའི་དགེ་ [67b.2]སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་འཁོབ་པའི་དགེ་སློང་ལ་མིའི་སྐྱོན་ནས་སྨྲ་བར་བགྱིད་ལ་མཐའ་འཁོབ་པའི་དགེ་སློང་གིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། [67b.3]ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དབེན་པས་དབེན་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ [67b.4]ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་ [67b.5]དབེན་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། བཙུན་པ་རེ་ཞིག་དགེ་སློང་གིས་དགེ་སློང་ལ་མིའི་སྐྱོན་ནས་སྨྲ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ [67b.6]མ་དགེ་སློང་མ་ལ་མིའི་སྐྱོན་ནས་སྨྲ་བར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བསྙེན་པར་རྫོགས་ལ་བསྙེན་པར་རྫོགས་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བྱེད་ [67b.7]དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ [68a] [68a.1]ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མི་ལ་མིར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་ [68a.2]མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་པའི་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མ་ [68a.3]ནིང་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། མཚན་གཉིས་པ་དང་། ཁས་བླངས་པ་དང་། དགེ་སློང་མ་སུན་ཕྱུང་བ་དང་། མ་བཀུམ་པ་དང་། ཕ་བཀུམ་པ་དང་། དགྲ་བཅོམ་པ་བཀུམ་པ་དང་། མུ་སྟེགས་ཅན་དང་། [68a.4]མུ་སྟེགས་ཅན་དུ་ཞུགས་པ་དང་། རྐུ་ཐབས་སུ་གནས་པ་དང་། གནས་པར་མི་བགྱི་བ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་དགེ་འདུན་གྱི་དབྱེན་བགྱིད་ [68a.5]པ་དང་། དགེ་སློང་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་སྩལ་བ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་བསླབ་པ་སྩལ་བས་དགེ་སློང་ལ་མིའི་སྐྱོན་ནས་སྨྲ་བར་བགྱིད་ན་ [68a.6]ཅིར་འགྱུར་ལགས། ལྟུང་བ་མེད་དོ། བཙུན་པ་རེ་ཞིག་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་མ་ལ་མིའི་སྐྱོན་ནས་སྨྲ་བར་བགྱིད་ [68a.7]ན་ཅིར་འགྱུར་ལགས། ལྟུང་བྱེད་དོ། །དགེ་སློང་མས་དགེ་སློང་དང་། དགེ་ཚུལ་དང་། དགེ་སློབ་མ་དང་། དགེ་ཚུལ་མ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ [68b] [68b.1]ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ལ་ཕྲ་མ་བྱེད་ན་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་མིའི་སྐྱོན་ནས་ [68b.2]སྨྲ་བ་ལས་ཇི་སྐད་བཤད་པ་དེ་བཞིན་དུ་ཕྲ་མ་ལ་ཡང་རྒྱས་པར་བརྗོད་པར་བྱའོ།། །།འདུལ་བ་གཞུང་བླ་མ། བམ་པོ་དགུ་པ། སྡོམ་ལ། སྐད་དང་ལུས་དང་དབེན་པ་ཉིད། །མཚན་དག་དང་ནི་བཞི་ཚན་དང་། །ཁྱིམ་པ་དག་ལ་སོགས་པ་དང་། །བསླབ་ [68b.3]པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་དང་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱི་སྐྱོ་སྔོགས་བྱེད་དོ་ཞེས་གསུངས་པ་གང་ལགས་པ། [68b.4]བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་ཀྱི་དགེ་སློང་རྣམས་ཀྱི་རྩོད་པ་དགེ་འདུན་མཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་པ་ལ་དབུས་པའི་དགེ་སློང་རྣམས་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་ [68b.5]འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པའི་དགེ་སློང་རྣམས་ཀྱི་རྩོད་པ་དགེ་འདུན་མཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ལ་མཐའ་འཁོབ་པའི་དགེ་སློང་རྣམས་ཀྱིས་ཀྱང་དབུས་པའི་སྐད་དེ་མ་ [68b.6]འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་དགེ་སློང་རྣམས་ཀྱི་རྩོད་པ་དགེ་འདུན་མཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ལ་དབུས་པའི་དགེ་སློང་རྣམས་ཀྱིས་མཐའ་འཁོབ་ [68b.7]པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་འཁོབ་པའི་དགེ་སློང་རྣམས་ཀྱི་རྩོད་པ་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ལ་མཐའ་འཁོབ་པའི་དགེ་སློང་རྣམས་ཀྱིས་ཀྱང་ [69a] [69a.1]དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་ [69a.2]བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་དབེན་པ་ལ་དབེན་པར་འདུ་ཤེས་པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། [69a.3]ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་ [69a.4]དུ་ཡང་ལས་ཀྱི་སྐྱོ་སྔོགས་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ [69a.5]ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་རྩོད་པ་ཆོས་བཞིན་དུ་སྦྱངས་པ་ལ་ཆོས་བཞིན་དུ་སྦྱངས་པར་འདུ་ཤེས་པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་བྱེད་དོ། །ཆོས་བཞིན་དུ་སྦྱངས་པ་ལ་ཆོས་བཞིན་དུ་མ་སྦྱངས་པར་འདུ་ཤེས་ [69a.6]པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །ཆོས་བཞིན་དུ་མ་སྦྱངས་པ་ལ་ཆོས་བཞིན་དུ་སྦྱངས་པར་འདུ་ཤེས་པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །ཆོས་བཞིན་དུ་མ་སྦྱངས་པ་ལ་ཆོས་བཞིན་དུ་མ་སྦྱངས་པར་ [69a.7]འདུ་ཤེས་པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བསྙེན་པར་རྫོགས་པ་རྣམས་ལ་བསྙེན་པར་རྫོགས་པར་འདུ་ཤེས་པས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་ [69b] [69b.1]སྔོགས་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་རྣམས་ལ་བསྙེན་པར་མ་རྫོགས་པར་འདུ་ཤེས་པས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ [69b.2]རྣམས་ལ་བསྙེན་པར་རྫོགས་པར་འདུ་ཤེས་པས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་རྣམས་ལ་བསྙེན་པར་མ་རྫོགས་པར་འདུ་ཤེས་པས་དགེ་འདུན་ [69b.3]མཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་པ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། [69b.4]ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་ཟ་མ་དང་། མ་ནིང་དང་། མཚན་གཉིས་པ་དང་། ཁས་བླངས་པ་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་ [69b.5]དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་སུ་གནས་པ་དང་། གནས་པར་མི་བགྱི་བ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། [69b.6]ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་སྩལ་བ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་ [69b.7]བགྱིད་ན་ཅིར་འགྱུར་ལགས། ལྟུང་བྱེད་དོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བའོ། །བཙུན་པ་རེ་ཞིག་དགེ་སློང་གིས་རྩོད་པ་ཆོས་བཞིན་དུ་སྦྱངས་པར་ [70a] [70a.1]འཚལ་བཞིན་དུ་ཕོ་ཉ་ལས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་ [70a.2]སྨྱོན་པ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་རྣམས་དང་། གླེན་པ་རྣམས་དང་། འོན་པ་རྣམས་དང་། འགྲོ་བ་གཞན་ [70a.3]དུ་གནས་པའི་རབ་ཏུ་བྱུང་བ་རྣམས་ཀྱི་རྩོད་པ་ཆོས་བཞིན་དུ་སྦྱངས་པ་ལ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་རྣམས་ཀྱི་རྩོད་པ་དགེ་འདུན་མཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ [70a.4]ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་རྣམས་དང་། དགེ་ཚུལ་མ་རྣམས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་མ་རྣམས་ཀྱི་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་ [70a.5]བྱེད་དོ། །དགེ་སློང་རྣམས་དང་། དགེ་ཚུལ་རྣམས་དང་། དགེ་སློབ་མ་རྣམས་དང་། དགེ་ཚུལ་མ་རྣམས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བས་གང་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ [70a.6]འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་ [70a.7]བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་ [70b] [70b.1]པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་ན་རིག་པའི་སྐྱེས་པ་མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ [70b.2]ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ [70b.3]ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བུད་མེད་སྨྱོན་མ་ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་བུད་མེད་སེམས་འཁྲུགས་པ་དང་། ཚོར་བས་ [70b.4]ཉམ་ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་སྟོན་ [70b.5]པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་རིག་པའི་སྐྱེས་པ་སྨྱོན་པ་དང་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་རིག་པའི་སྐྱེས་པ་སེམས་འཁྲུགས་པ་དང་། ཚོར་ [70b.6]བས་ཉམ་ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། མཐའ་འཁོབ་པ་དང་། འགྲོ་བ་གཞན་དུ་གནས་པ་དང་། བུད་མེད་ལ་ཚིག་ལྔའམ་དྲུག་ལས་ [70b.7]ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། སྐད་དང་རུང་དང་ལུས་དང་དབེན། །དེ་བཞིན་ཟ་མ་མ་ནིང་དང་། །མཚན་དང་བཞི་ཚན་ཁོ་ན་དང་། །བསླབ་པ་བྱིན་དང་དགེ་སློང་མ། །བཙུན་པ་རེ་ཞིག་དབུས་ཀྱི་དགེ་སློང་གིས་ [71a] [71a.1]རིག་པའི་སྐྱེས་པ་མ་མཆིས་པར་མཐའ་འཁོབ་པའི་སྐད་དུ་དབུས་པའི་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ལ་དབུས་པའི་བུད་མེད་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་ [71a.2]པས་དབུས་པའི་སྐད་དུ་མཐའ་འཁོབ་པའི་བུད་མེད་ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ལ་མཐའ་འཁོབ་པའི་བུད་མེད་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་ [71a.3]སྐད་དུ་དབུས་པའི་བུད་མེད་ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ལ་དབུས་པའི་བུད་མེད་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་འཁོབ་པའི་བུད་མེད་ [71a.4]ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ལ་མཐའ་འཁོབ་པའི་བུད་མེད་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དབུས་པའི་དགེ་སློང་གིས་མཐའ་འཁོབ་པའི་སྐད་དུ་རུང་བ་བགྱིས་ [71a.5]པ་དབུས་པ་དང་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པ་ན་རུང་བར་བགྱིད་པ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་རུང་བར་བགྱིད་པ་མཐའ་འཁོབ་པ་དང་ཆོས་སྟོན་པར་བགྱིད་ [71a.6]ལ་རུང་བ་བགྱིད་པ་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་རུང་བར་བགྱིད་པ་དབུས་པ་དང་ཆོས་སྟོན་པར་བགྱིད་ལ་རུང་བ་བགྱིད་པ་དབུས་པས་ཀྱང་མཐའ་འཁོབ་པའི་སྐད་དེ་ [71a.7]མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་རུང་བར་བགྱིད་པ་མཐའ་འཁོབ་པ་དང་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ལ་རུང་བ་བགྱིད་པ་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ [71b] [71b.1]ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་བུད་མེད་ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དབེན་པ་ [71b.2]ལ་དབེན་པར་འདུ་ཤེས་པས་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དབེན་པ་ལ་མི་དབེན་པར་འདུ་ཤེས་པས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ [71b.3]ན་ཅིར་འགྱུར་ལགས། ལྟུང་བ་མེད་དོ། །མི་དབེན་པ་ལ་དབེན་པར་འདུ་ཤེས་པས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་པས་བུད་མེད་ལ་ཚིག་ལྔའམ་དྲུག་ལས་ [71b.4]ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་རུང་བ་བགྱིད་པ་ཟ་མ་དང་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་རུང་བ་བགྱིད་པ་མ་ནིང་དང་། [71b.5]མཚན་གཉིས་པ་དང་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་རིག་པའི་སྐྱེས་པ་མ་མཆིས་པར་མ་ནིང་མོ་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། [71b.6]ཉེས་བྱས་སོ། །བཙུན་པ་རེ་ཞིག་དགེ་སློང་གིས་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་མས་རིག་པའི་སྐྱེས་པ་མ་ [71b.7]མཆིས་པར་སྐྱེས་པ་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་རིག་པའི་སྐྱེས་པ་མ་མཆིས་པར་བུད་མེད་ལ་བུད་མེད་དུ་འདུ་ཤེས་པས་ཚིག་ལྔའམ་དྲུག་ལས་ [72a] [72a.1]ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བུད་མེད་ལ་བུད་མེད་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བུད་མེད་མ་ལགས་པ་ལ་བུད་མེད་དུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བུད་མེད་མ་ [72a.2]ལགས་པ་ལ་བུད་མེད་མ་ལགས་པར་འདུ་ཤེས་པས་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་རིག་པའི་སྐྱེས་པ་མ་མཆིས་པར་མིའི་བུད་མེད་ལ་མིར་འདུ་ཤེས་པས་ཚིག་ལྔའམ་དྲུག་ལས་ [72a.3]ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ [72a.4]ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་རུང་བ་བགྱིད་པ་མི་ལ་མིར་འདུ་ཤེས་པས་རིག་པའི་སྐྱེས་པ་དང་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །མི་ལ་མི་མ་ལགས་པར་འདུ་ཤེས་ [72a.5]པས་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་པས་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་ [72a.6]སོ། །བཙུན་པ་རེ་ཞིག་བསླབ་པ་སྩལ་བས་རིག་པའི་སྐྱེས་པ་མ་མཆིས་པར་བུད་མེད་ཀྱི་ཡུལ་ལ་ཚིག་ལྔའམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་དགེ་སློང་མ་ཟླ་མ་མཆིས་པར་སྐྱེས་པ་ལ་ཚིག་ལྔའམ་ [72a.7]དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ།། །།སྡོམ་ལ། །སྨྱོན་པ་དང་ནི་སེམས་ [72b] [72b.1]འཁྲུགས་དང་། །ཚོར་བ་འོན་པ་འགྲོ་བ་དང་། །བསླབ་བྱིན་ལ་སོགས་སྐད་དང་ནི། །མཚན་རྣམས་དང་ནི་དགེ་སློང་མ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་བསྙེན་པར་ [72b.2]མ་རྫོགས་པ་དང་མགྲིན་གཅིག་ཏུ་ཆོས་འདོན་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གང་ཟག་བསྙེན་པར་མ་རྫོགས་པ་སྨྱོན་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་ [72b.3]འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། འགྲོ་བ་གཞན་དུ་གནས་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བསླབ་པ་སྩལ་བ་དང་མགྲིན་གཅིག་ཏུ་ [72b.4]ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །གང་ཟག་བསྙེན་པར་མ་རྫོགས་པ་ཟ་མ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་དང་། མཚན་གཉིས་པ་དང་། མ་ནིང་མོ་དང་མགྲིན་གཅིག་ཏུ་ཆོས་ [72b.5]འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་དུ་ཞུགས་པ་དང་། རྐུ་ཐབས་སུ་གནས་པ་དང་། གནས་ [72b.6]པར་མི་བགྱི་བ་དང་། སྔར་ལྟུང་བ་བྱུང་བ་དང་། དང་པོ་མི་མཐུན་པ་ཅན་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། བཙུན་པ་རེ་ཞིག་དགེ་སློང་གིས་དགེ་སློང་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ [72b.7]ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། ཁས་བླངས་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དབུས་པའི་དགེ་སློང་གིས་མཐའ་འཁོབ་པའི་སྐད་དུ་དབུས་པའི་གང་ཟག་དང་མགྲིན་གཅིག་ཏུ་ཆོས་འདོན་ [73a] [73a.1]པར་བགྱིད་ལ་གང་ཟག་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་གང་ཟག་མཐའ་འཁོབ་པ་དང་མགྲིན་གཅིག་ཏུ་ཆོས་འདོན་པར་བགྱིད་ལ། གང་ཟག་མཐའ་འཁོབ་པས་ཀྱང་ [73a.2]དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་གང་ཟག་དབུས་པ་དང་མགྲིན་གཅིག་ཏུ་ཆོས་འདོན་པར་བགྱིད་ལ། གང་ཟག་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། ། [73a.3]དབུས་པས་དབུས་པའི་སྐད་དུ་གང་ཟག་མཐའ་འཁོབ་པ་དང་མགྲིན་གཅིག་ཏུ་ཆོས་འདོན་པར་བགྱིད་ལ། གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་གང་ཟག་བསྙེན་པར་མ་རྫོགས་པ་དང་ [73a.4]མགྲིན་གཅིག་ཏུ་ཆོས་འདོན་པར་བགྱིད་པ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་པར་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ [73a.5]ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་པར་བགྱིད་པ་ལས་བསྙེན་པར་མ་རྫོགས་པ་དེའི་མཚན་གྱུར་ཏེ་མཚན་ཡོངས་སུ་འགྱུར་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་ [73a.6]གང་ཟག་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ [73a.7]པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མི་ལ་མིར་འདུ་ཤེས་པས་མགྲིན་གཅིག་ཏུ་ཆོས་འདོན་པར་ [73b] [73b.1]བགྱིད་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་དང་མགྲིན་གཅིག་ཏུ་ [73b.2]ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ [73b.3]ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་མ་དང་དགེ་སློང་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་ [73b.4]སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་བརྗོད་པར་བྱའོ། །བཙུན་པ་རེ་ཞིག་བསླབ་པ་སྩལ་བས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་ [73b.5]བྱེད་དོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་ [73b.6]འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་ན་དགེ་འདུན་གྱིས་གནང་བ་མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་ [73b.7]དགེ་སློང་གིས་གང་ཟག་བསྙེན་པར་མ་རྫོགས་པ་ལ་ཕོ་ཉ་ལས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་ [74a] [74a.1]པ་རེ་ཞིག་དགེ་སློང་གིས་སྨྱོན་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་ [74a.2]ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། སྐད་དང་ལུས་དང་དབེན་པ་ཉིད། །དེ་བཞིན་བཞི་མཚན་མཚན་དང་ [74a.3]ནི། །དེ་བཞིན་བསྐོས་དང་བདག་ཉིད་དང་། །དེ་བཞིན་ཟ་མ་དགེ་སློང་མ། །བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་གང་ཟག་དབུས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ལ། གང་ཟག་དབུས་པས་ཀྱང་མཐའ་འཁོབ་པའི་སྐད་དེ་ [74a.4]མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་གང་ཟག་མཐའ་འཁོབ་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ལ་གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་ [74a.5]པས་མཐའ་འཁོབ་པའི་སྐད་དུ་གང་ཟག་དབུས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ལ། གང་ཟག་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་གང་ཟག་མཐའ་འཁོབ་པ་ལ་གནས་ངན་ [74a.6]ལེན་གྱི་ལྟུང་བ་བརྗོད་པར་བགྱིད་ལ། གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་ [74a.7]བྱས་སོ། །བཙུན་པ་རེ་ཞིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་དབེན་པ་ལ་མི་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། [74b] [74b.1]ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ [74b.2]ཞིག་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་ [74b.3]འགྱུར་ལགས། ལྟུང་བ་མེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་གནས་ངན་ལེན་གྱི་ལྟུང་ [74b.4]བ་བརྗོད་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་མི་ལ་མིར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་ [74b.5]པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་ [74b.6]འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་གང་ཟག་བསྙེན་པར་མ་ [74b.7]རྫོགས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་ན་དགེ་འདུན་གྱིས་གནང་བ་ [75a] [75a.1]མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགེ་འདུན་གྱིས་བསྐོས་ཀྱང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་ན་ལྟུང་བྱེད་དུ་འགྱུར་བ་ལྟ་མཆིས་ལགས་སམ། ཉེ་བ་འཁོར་གང་ཟག་ནི་བཞི་པོ་འདི་ [75a.2]དག་ཡིན་ནོ། །བཞི་གང་ཞེ་ན། གང་ལ་ལྟུང་བའི་མཐའ་ཡང་བསྒོ་བར་བྱ་ལ་ཁྱིམ་གྱི་མཐའ་ཡང་བསྒོ་བར་བྱ་བའི་གང་ཟག་ཀྱང་ཡོད། གང་ལ་ལྟུང་བའི་མཐའ་བསྒོ་བར་བྱའི་ཁྱིམ་གྱི་མཐའ་མ་ཡིན་པའི་གང་ཟག་ཀྱང་ཡོད། གང་ལ་ཁྱིམ་གྱི་མཐའ་བསྒོ་བར་བྱའི་ལྟུང་བའི་མཐའ་མ་ཡིན་ [75a.3]པའི་གང་ཟག་ཀྱང་ཡོད། གང་ལ་ལྟུང་བའི་མཐའ་ཡང་བསྒོ་བར་མི་བྱའི། ཁྱིམ་གྱི་མཐའ་ཡང་བསྒོ་བར་མི་བྱ་བའི་གང་ཟག་ཀྱང་ཡོད་དོ། །གང་ལ་ལྟུང་བའི་མཐའ་ཡང་བསྒོ་བར་བྱ་ལ། ཁྱིམ་གྱི་མཐའ་ཡང་གླེང་བར་བྱ་ཞེ་ན། གང་ཞིག་ལྟུང་བ་རྔམས་མི་ཆེ་བ་དག་གིས་ཁྱིམ་ཚད་ [75a.4]ཡོད་པ་དག་སུན་འབྱིན་པའོ། གང་ཟག་གང་ལ་ལྟུང་བའི་མཐའ་ཡང་བསྒོ་བར་བྱའི། ཁྱིམ་གྱི་མཐའ་མ་ཡིན་ཞེ་ན། གང་གིས་ལྟུང་བ་རྔམས་མི་ཆེ་བ་དག་གིས་ཁྱིམ་ཚད་མེད་པ་སུ་དག་སུན་འབྱིན་པའོ། །གང་ཟག་གང་ལ་ཁྱིམ་གྱི་མཐའ་བསྒོ་བར་བྱའི་ལྟུང་བའི་མཐའ་མ་ཡིན་ [75a.5]ཞེ་ན། གང་གིས་ལྟུང་བ་རྔམས་པོ་ཆེ་དག་གིས་ཁྱིམ་ཚད་ཡོད་པ་དག་སུན་འབྱིན་པའོ། །གང་ཟག་གང་ལ་ལྟུང་བའི་མཐའ་ཡང་བསྒོ་བར་མི་བྱའི། ཁྱིམ་གྱི་མཐའ་ཡང་མ་ཡིན་ཞེ་ན། གང་ཞིག་ཉེས་པ་རྔམས་པོ་ཆེ་དག་གིས་ཁྱིམ་ཚད་མེད་པ་སུན་འབྱིན་པའོ། །དེ་ལ་གང་ [75a.6]ཟག་གང་ལ་ལྟུང་བའི་མཐའ་ཡང་བསྒོ་བར་བྱ་ལ། ཁྱིམ་གྱི་མཐའ་བསྒོ་བར་བྱ་བ་དེས་ནི་ལྟུང་བ་དེ་ཙམ་ཁོ་ན་ཞིག་ཤེས་པའི་ཁྱིམ་དེ་ཙམ་ཁོ་ན་དག་ཏུ་བརྗོད་པར་བྱའོ། །དེ་ལས་ལྷག་པར་བརྗོད་ན་ལྟུང་བྱེད་དུ་འགྱུར་རོ། །གང་ཟག་གང་ལ་ལྟུང་བའི་མཐའ་བསྒོ་བར་བྱའི། ཁྱིམ་ [75a.7]གྱི་མཐའ་མ་ཡིན་པ་དེས་ནི་ལྟུང་བ་དེ་ཙམ་ཁོ་ན་ཞིག་ཤེས་པའི་ཁྱིམ་ཐམས་ཅད་དུ་བརྗོད་པར་བྱའོ། །དེ་ལས་ལྷག་པར་བརྗོད་ན་ལྟུང་བྱེད་དུ་འགྱུར་རོ། །གང་ཟག་གང་ལ་ཁྱིམ་གྱི་མཐའ་བསྒོ་བར་བྱའི། ལྟུང་བའི་མཐའ་མ་ཡིན་པ་དེས་ནི་ལྟུང་བ་ཐམས་ཅད་ཀྱི་ཁྱིམ་དེ་ཙམ་ཁོ་ [75b] [75b.1]ན་དག་ཏུ་བརྗོད་པར་བྱའོ། །དེ་ལས་ལྷག་པར་བརྗོད་ན་ལྟུང་བྱེད་དུ་འགྱུར་རོ། །གང་ཟག་གང་ལ་ལྟུང་བའི་མཐའ་བསྒོ་བར་མི་བྱའི། ཁྱིམ་གྱི་མཐའ་ཡང་མ་ཡིན་པ་དེས་ནི་ལྟུང་བ་ཐམས་ཅད་ཤེས་པའི་ཁྱིམ་ཐམས་ཅད་དུ་བརྗོད་པར་བྱ་སྟེ། རྗོད་པར་བྱེད་པ་ལ་ལྟུང་བ་མེད་དོ། ། [75b.2]བཙུན་པ་རེ་ཞིག་དགེ་སློང་གིས་བསྙེན་པར་མ་རྫོགས་པའི་གང་ཟག་ལ་བདག་ཉིད་ཀྱི་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་ཟ་མའི་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་ [75b.3]རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་ནས་དང་པོ་མི་མཐུན་པ་ཅན་གྱི་བར་གྱི་གནས་ངན་ལེན་གྱི་ལྟུང་བ་བསྙེན་པར་མ་རྫོགས་པར་གང་ཟག་ལ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། བཙུན་པ་ [75b.4]རེ་ཞིག་དགེ་སློང་གིས་དགེ་འདུན་གྱི་དབྱེན་བགྱིས་པའི་དགེ་སློང་གིས་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་ [75b.5]དུ་གནས་པའི་དགེ་སློང་གིས་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་དགེ་སློང་མའི་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་ [75b.6]འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བསླབ་པ་སྩལ་བའི་དགེ་སློང་གིས་གནས་ངན་ལེན་གྱི་ལྟུང་བ་བརྗོད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་མས་དགེ་སློང་མའི་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་ [75b.7]པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་བསླབ་པ་སྩལ་བས་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། [76a] [76a.1]སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་བསྙེན་པར་མ་རྫོགས་པ་ལ་མིའི་ [76a.2]ཆོས་བླ་མར་གྱུར་པ་སྨྲ་ན་བདེན་ན་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། མིའི་ཆོས་བླ་མར་གྱུར་པ་བདེན་པ་སྨྲ་བ་ལྷག་མ་ནི་སངས་རྒྱས་དང་སྟོན་པ་ཞེས་བྱ་བ་མ་གཏོགས་པ་ཕམ་པ་བསྟན་པས་རྣམ་པར་དབྱེ་བར་བྱའོ།། །།འདུལ་བ་གཞུང་བླ་མ། [76a.3]བམ་པོ་བཅུ་པ། སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་ [76a.4]བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྔར་ལེགས་པར་རུང་བར་བྱས་ནས་དེའི་འོག་ཏུ་འདི་སྐད་ཅེས། ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་ [76a.5]བསྔོས་སོ་ཞེས་ཟེར་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་སྔར་ལེགས་པར་རུང་བར་བགྱིས་ནས། དེའི་འོག་ཏུ་ཕོ་ཉ་ལས་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་ [76a.6]སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་སྨྱོན་པ་རྣམས་ལ་འདི་ [76a.7]སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་རྣམས་དང་། ཚོར་བས་ཉམ་ཐག་པ་རྣམས་དང་། གླེན་པ་རྣམས་དང་། འོན་པ་རྣམས་དང་། [76b] [76b.1]གཉིད་ཀྱིས་ལོག་པ་རྣམས་དང་། ཕྱག་ལས་ཁོམ་པ་རྣམས་དང་། རབ་ཏུ་མྱོས་པ་རྣམས་དང་། སྙོམས་པར་ཞུགས་པ་རྣམས་དང་། འགྲོ་བ་གཞན་དུ་གནས་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་ [76b.2]སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་སྨྱོན་པ་རྣམས་ཀྱི་རྙེད་པ་ལ་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ [76b.3]ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་གཡེངས་པ་རྣམས་དང་། འགྲོ་བ་གཞན་དུ་གནས་པ་རྣམས་ཀྱི་རྙེད་པ་ལ་ཡང་རྒྱ་ཆེར་བརྗོད་པར་བྱའོ།། །།སྡོམ་ལ། སྐད་དང་ལུས་དང་དབེན་པ་དང་། །དགེ་སློང་མཚན་དང་བཞི་ཚན་དང་། ཁྱིམ་མི་རུང་དང་ [76b.4]མི་ཆོག་དང་། །རྙེད་པ་ཕྱིས་དང་དགེ་སློང་དེ། །བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་སྔར་ལེགས་པར་བགྱིས་ནས་དེའི་འོག་ཏུ་དབུས་ཀྱི་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ [76b.5]ཟག་ལ་བསྔོས་སོ་ཞེས་མཆི་ལ་དབུས་ཀྱི་དགེ་སློང་རྣམས་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་སྔར་ལེགས་པར་རུང་བར་བགྱིས་ནས། དེའི་འོག་ཏུ་དགེ་སློང་མཐའ་འཁོབ་པ་རྣམས་ [76b.6]ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ལ། དགེ་སློང་མཐའ་འཁོབ་པ་རྣམས་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་ [76b.7]སྐད་དུ་སྔར་ལེགས་པ་རུང་བར་བགྱིས་ནས་དེའི་འོག་ཏུ་དབུས་ཀྱི་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ལ་དགེ་སློང་དབུས་པ་རྣམས་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ [77a] [77a.1]ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་སྔར་ལེགས་པར་རུང་བ་བགྱིས་ནས་དེའི་འོག་ཏུ་དགེ་སློང་མཐའ་འཁོབ་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ལ་དགེ་ [77a.2]སློང་མཐའ་འཁོབ་པ་རྣམས་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་ལུས་ཀྱི་རྣམ་པར་རིག་བྱེད་ཀྱིས་འདི་སྐད་དུ་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་ [77a.3]གྱི་རྙེད་པ་གང་ཟག་ལ་བསྔོས་སོ་ཞེས་བགྱི་བར་སྟོན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་དབེན་པ་ལ་དབེན་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་ [77a.4]འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྔར་ལེགས་པར་རུང་བར་བགྱིས་ནས་དབེན་པ་ལ་མི་དབེན་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་ [77a.5]འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། [77a.6]ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་དགེ་སློང་མའི་དགེ་འདུན་གྱི་ [77a.7]རྙེད་པ་ལ་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་འཕགས་མ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་གིས་དགེ་འདུན་གྱི་རྙེད་པ་ [77b] [77b.1]ལས་སྔར་ལེགས་པར་བགྱིས་ནས་དེའི་འོག་ཏུ་འདི་སྐད་ཅེས་འཕགས་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ [77b.2]ཏེ། དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་བ་ལས་དེའི་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ [77b.3]བ་ལས་དེའི་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བསྙེན་པར་རྫོགས་པ་རྣམས་ལ་བསྙེན་པར་རྫོགས་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ [77b.4]ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་རྣམས་ལ་བསྙེན་པར་མ་རྫོགས་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། [77b.5]ཉེས་བྱས་སོ། །བསྙེན་པར་མ་རྫོགས་པ་རྣམས་ལ་བསྙེན་པར་རྫོགས་པར་འདུ་ཤེས་པས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་རྣམས་ལ་བསྙེན་པར་མ་ [77b.6]རྫོགས་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་ཁྱིམ་པ་རྣམས་ལ་འདི་ [77b.7]སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་རྣམས་དང་། ཟ་མ་རྣམས་དང་། མ་ནིང་རྣམས་དང་། མཚན་གཉིས་པ་རྣམས་དང་། མ་ [78a] [78a.1]འགུམས་པ་རྣམས་དང་། ཕ་འགུམས་པ་རྣམས་དང་། དགྲ་བཅོམ་པ་འགུམས་པ་རྣམས་དང་། དགེ་སློང་མ་སུན་ཕྱུང་བ་རྣམས་དང་། མུ་སྟེགས་ཅན་རྣམས་དང་། མུ་སྟེགས་ཅན་དུ་ཞུགས་པ་རྣམས་དང་། རྐུ་ཐབས་སུ་གནས་པ་རྣམས་དང་། སྔར་ལྟུང་བ་ [78a.2]བྱུང་བ་རྣམས་དང་། དང་པོ་མི་མཐུན་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་ [78a.3]དགེ་སློང་དགེ་འདུན་གྱི་དབྱེན་བགྱིད་པ་རྣམས་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་རྣམས་དང་། ཐ་དད་དུ་གནས་པ་རྣམས་དང་། བསླབ་པ་སྩལ་བ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་ [78a.4]བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་ཁྱིམ་པ་རྣམས་ཀྱི་རྙེད་པ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ [78a.5]ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་རྣམས་དང་། དང་པོ་མི་མཐུན་པ་ཅན་རྣམས་ཀྱི་རྙེད་པ་ལ་ཡང་རྒྱ་ཆེར་བརྗོད་པར་བྱའོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་དབྱེན་བགྱིད་པ་རྣམས་ཀྱི་རྙེད་པ་ལ་འདི་སྐད་ཅེས་ཚེ་དང་ [78a.6]ལྡན་པ་དག་གིས་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། དེ་བཞིན་དུ་དགེ་སློང་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་རྣམས་དང་། ཐ་དད་དུ་གནས་པ་རྣམས་ཀྱི་རྙེད་པ་ལ་འདི་སྐད་ཅེས་ཚེ་དང་ལྡན་པ་ [78a.7]དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བཙུན་པ་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་ [78b] [78b.1]གང་ཟག་ལ་བསྔོས་སོ་ཞེས་མཆི་ཡང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང་། [78b.2]བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པའོ། །དེ་ལྟ་བུའི་ཆོས་གོས་ཀྱི་སླད་དུ་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་ [78b.3]སོ། །བཙུན་པ་རེ་ཞིག་དགེ་འདུན་གྱི་ཆོས་གོས་ཁྲུ་གང་བ་མ་འཚལ་བ་ཞིག་རྙེད་པར་གྱུར་ཏེ། དེ་ལ་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་ [78b.4]འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཆོས་གོས་རྙེད་པ་མ་གཏོགས་པ་དེ་ལས་གཞན་པའི་རྙེད་པ་རྣམས་ཀྱི་སླད་དུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། [78b.5]ཉེས་བྱས་སོ། །བཙུན་པ་རེ་ཞིག་དགེ་འདུན་གྱིས་དགེ་སློང་དེའི་མངོན་སུམ་དུ་མ་བབ་པར་ཆོས་གོས་སྩོལ་བར་གྱུར་པ་ལས། དེའི་འོག་ཏུ་མཆིས་ནས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་ [78b.6]འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བཙུན་ [78b.7]པ་རེ་ཞིག་དགེ་སློང་མས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་ [79a] [79a.1]མ་དང་། སྔར་ལྟུང་བ་བྱུང་བ་ལ་སོགས་པས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། ཕོ་ཉ་ [79a.2]ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་སྤྲུལ་དང་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་ [79a.3]པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟླ་བ་ཕྱེད་ཕྱེད་ཅིང་སོ་སོ་ཐར་པའི་མདོ་འདོན་པ་འདོན་པ་ན་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པ་དང་། མི་དགའ་བ་དང་། གནོད་པ་དང་། རྣམ་པར་འཚེ་བ་དང་ཡིད་ལ་གཅགས་པར་འགྱུར་བ་ [79a.4]བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་འདོན་པ་འདོན་པ་དག་གིས་ཅི་བྱ་ཞེས་དེ་སྐད་ཟེར་ཞིང་བསླབ་པ་ཁྱད་དུ་གསོད་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་བསླབ་པ་ཁྱད་དུ་ [79a.5]གསོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྨྱོན་པ་ལ་བསླབ་པ་ཁྱད་དུ་གསོད་པར་བགྱིད་ན་ཅིར་འགྱུར་ [79a.6]ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དྲུང་ [79a.7]དུ་བསླབ་པ་ཁྱད་དུ་གསོད་པར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། སྐད་དང་ལུས་དང་དབེན་པ་ཉིད། །དེ་བཞིན་དུ་ནི་མཚན་ཉིད་དང་། །ཁྱིམ་པ་དག་ལ་སོགས་པ་དང་། དགེ་སློང་མ་དང་བསླབ་པ་བྱིན། །བཙུན་པ་རེ་ཞིག་དབུས་ཀྱི་དགེ་སློང་ [79b] [79b.1]གིས་མཐའ་འཁོབ་པའི་སྐད་དུ་དབུས་པའི་དགེ་སློང་ལ་བསླབ་པ་ཁྱད་དུ་གསོད་པར་བགྱིད་ལ་དགེ་སློང་དབུས་པས་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་བསླབ་པ་ཁྱད་དུ་འགུམས་ [79b.2]པར་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་དབུས་པ་ལ་བསླབ་པ་ཁྱད་དུ་འགུམས་པར་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་ [79b.3]འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་བསླབ་པ་ཁྱད་དུ་འགུམས་པར་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ [79b.4]གིས་ལུས་ཀྱི་རྣམ་པར་རིག་བྱེད་ཀྱིས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་ [79b.5]མི་དབེན་པར་འདུ་ཤེས་པས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་བསླབ་ [79b.6]པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་བསླབ་པ་ཁྱད་དུ་འགུམས་པར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་བསླབ་པ་ཁྱད་དུ་འགུམས་པ་ལས་མཚན་གྱུར་ཏེ་དགེ་ [79b.7]སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་པའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་ [80a] [80a.1]པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་ཞུགས་པ་དང་། རྐུ་ཐབས་སུ་གནས་པ་དང་། སྔར་ལྟུང་བ་བྱུང་བ་དང་། དང་པོ་མི་མཐུན་པ་ཅན་གྱི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། [80a.2]ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་སྩལ་བའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། ། [80a.3]བཙུན་པ་རེ་ཞིག་དགེ་སློང་གིས་སྤྲུལ་པའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་ [80a.4]བྱས་སོ། །དགེ་སློང་མས་དགེ་སློང་མའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། ། [80a.5]བཙུན་པ་རེ་ཞིག་བསླབ་པ་སྩལ་བས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ནི་ཉེས་བྱས་སོ།། །།སྡོམ་ལ། རྫུ་འཕྲུལ་ལུས་དང་དབེན་པ་སྐད། །རྡོ་ལྕིབས་ [80a.6]རྩ་བ་འདམ་སྔོ་དང་། །མེ་ཏོག་ཉ་ལྕིབས་གནས་དང་ཚད། །ཤ་མོ་མེ་ཏོག་ལོ་མ་དང་། །འབྲས་བུ་ཤུན་པ་གཉིས་པ་དང་། །མཚན་དང་བཞི་ཚན་ལེགས་པ་དང་། །ཚིག་གུ་བདུན་ཚན་འབྲས་བུའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་ [80a.7]པ་བཅོམ་ལྡན་འདས་ཀྱིས་ས་བོན་གྱི་ཚོགས་དང་འབྱུང་པོའི་གནས་འཇིག་གམ་འཇིག་ཏུ་འཇུག་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་རྫུ་འཕྲུལ་གྱིས་ཤིང་བཀུམ་པར་མོས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་ [80b] [80b.1]དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་ཤིང་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་ཤིང་འགུམས་ཤིག་ཅེས་བགྱིད་ན་ཅིར་འགྱུར་ལགས། ཉེས་བྱས་ཁོ་ན་སྟེ། བཞི་ཚན་རྒྱ་ཆེར་ [80b.2]བརྗོད་པར་བྱའོ། །བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་པ་ལ་ཤིང་འགུམས་སུ་སྩལ་ལ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་ཏེ། དེ་བཞིན་དུ་བཞི་ཚན་རྒྱ་ཆེར་བརྗོད་པར་བྱའོ། །བཙུན་པ་རེ་ཞིག་ [80b.3]དགེ་སློང་གིས་རྡོའི་དྲེག་པ་བཀོགས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ས་བོན་རྩ་བ་མ་ཟུག་པ་ཕྱུང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་འདམ་སྔོ་བ་དང་། འདམ་སྐྱ་བ་བཀོགས་ན་ཅིར་འགྱུར་ལགས། ཉེས་ [80b.4]བྱས་སོ། །བཙུན་པ་རེ་ཞིག་དགེ་སློང་གིས་འདམ་རྫབ་ནས་ཉ་ལྕིབས་ཕྱུང་སྟེ་ཐང་ལ་བོར་ན་ཅིར་འགྱུར་ལགས། ལྟུང་བྱེད་དོ། །ཆུ་རྩ་ཡང་དེ་དང་འདྲའོ། །བཙུན་པ་རེ་ཞིག་དགེ་སློང་གིས་སྲོག་ཆགས་རྣམས་ཀྱི་གནས་འབྱིན་ཏམ། སྲེག་གམ་མ་རུང་བར་བགྱིད་ན་ཅིར་འགྱུར་ [80b.5]ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་བྱ་རྣམས་ཀྱི་ཚང་འཇིག་གམ། འབྱིན་ཏམ། མ་རུང་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཕ་བ་ལྒོ་ལྒོ་འམ། ཤ་མོ་འབྱིན་པར་བགྱིད་ན་ཅིར་འགྱུར་ལགས། [80b.6]ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཤིང་ལས་ཤུན་པ་རྙིས་པ་འཆུ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མེ་ཏོག་དང་འབྲས་བུ་དང་། ལོ་མ་རྙིས་པ་བླགས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་ [80b.7]དགེ་སློང་གིས་ཤིང་འགུམས་པར་བགྱིད་པ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མ་ཤིང་འགུམས་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་ [81a] [81a.1]གིས་ས་བོན་ལ་ས་བོན་དུ་འདུ་ཤེས་པས་མ་རུང་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །ས་བོན་ལ་ས་བོན་མ་ལགས་པར་འདུ་ཤེས་པས་མ་རུང་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །ས་བོན་མ་ལགས་པ་ལ་ས་བོན་དུ་འདུ་ཤེས་པས་མ་རུང་བར་ [81a.2]བགྱིད་ན་ཅིར་འགྱུར་ལགས། ཉེས་བྱས་སོ། །ས་བོན་མ་ལགས་པ་ལ་ས་བོན་མ་ལགས་པར་འདུ་ཤེས་པས་མ་རུང་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཞིག་བསྙེན་པར་མ་རྫོགས་པར་རན་དགུམ་པར་སྦྱོར་བ་བགྱིས་ལ་བསྙེན་པར་མ་རྫོགས་པར་བཀུམ་ [81a.3]ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་ [81a.4]པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ [81a.5]ནས་བཀུམ་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་འདི་སྐད་ཅེས་གལ་ཏེ་ཤིང་འདི་བཅད་ན་ལེགས་ཏེ་མ་ཉེས་སོ་ཞེས་བགྱིས་པ་ལས་ [81a.6]དེས་ཀྱང་བཀུམ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཚིག་གུ་མ་བཅོམ་པར་རིལ་མིད་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་རུང་བར་མ་བགྱིས་པའི་འབྲས་བུ་དག་ཡོངས་སུ་ལོངས་སྤྱད་ཀྱང་ལྟུང་བར་ [81a.7]མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། ས་བོན་དུ་མ་རེད་པ་དག་ལ་ས་བོན་གྱི་ཆོས་མ་ཡིན་ནོ་སྙམ་ནས་ཡོངས་སུ་ལོངས་སྤྱོད་ནའོ། །བཙུན་པ་དགེ་སློང་གིས་ས་བོན་གྱི་རིགས་ལྔ་མེས་རུང་བ་བགྱིས་ཏེ་འཚལ་ཀྱང་ལྟུང་བར་འགྱུར་བ་ལྟ་མཆིས་ལགས་སམ། [81b] [81b.1]ཉེ་བ་འཁོར་ཡོད་དེ། འདི་ལྟར་ས་བོན་གྱི་རིགས་ལྔ་རུང་བར་བྱས་ལ་ས་ལ་འདུག་གམ། སྣོད་ན་འདུག་གམ། གདང་ལ་འདུག་ཀྱང་རུང་སྟེ། མྱུ་གུ་སྐྱེས་པར་གྱུར་ནའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་ [81b.2]པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བ་དང་། །ཁྱིམ་པ་དག་ལ་སོགས་པ་དང་། །བསླབ་པ་བྱིན་དང་དགེ་སློང་མ། །བཙུན་པ་རེ་ཞིག་དགེ་སློང་གིས་ཕོ་ཉ་ལས་ཤིང་འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། [81b.3]ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་འགུམས་སུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྨྱོན་པ་ལ་ཤིང་འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། [81b.4]ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། འགྲོ་བ་གཞན་དུ་གནས་པ་ལ་ཤིང་འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མངོན་སུམ་དུ་ཁྱིམ་པ་ཤིང་འགུམས་སུ་སྩོལ་ན་ཅིར་འགྱུར་ལགས། ལྟུང་བྱེད་དོ། ། [81b.5]དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། མུ་སྟེགས་ཅན་དང་། མུ་ [81b.6]སྟེགས་ཅན་ཞུགས་པ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བགྱི་བ་དང་། སྔར་ལྟུང་བ་བྱུང་བ་དང་། དང་པོ་མི་མཐུན་པ་ཅན་དང་། ཁས་བླངས་པ་དང་། བསླབ་པ་སྩལ་བ་མངོན་སུམ་དུ་ཤིང་འགུམས་སུ་སྩོལ་ན་ཅིར་འགྱུར་ལགས། [81b.7]ལྟུང་བྱེད་དོ། །བཙུན་པ་རེ་ཞིག་བསླབ་པ་སྩལ་བ་རན་སྔོན་པོ་འགུམས་སམ། འགུམས་སུ་སྩོལ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་རན་སྔོན་པོ་འགུམས་སམ། འགུམས་སུ་སྩོལ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་ [82a] [82a.1]དགེ་སློབ་མས་རན་སྔོན་པོ་འགུམས་སམ། འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །སྔར་ལྟུང་བ་བྱུང་བ་ལ་སོགས་པ་ནི་ཉེས་བྱས་ཏེ་སྔ་མ་བཞིན་ནོ། །དགེ་ཚུལ་དང་དགེ་ཚུལ་མ་ལ་ནི་ལྟུང་བ་མེད་དོ།། །།སྡོམ་ལ། སྐད་དང་ལུས་དང་དབེན་ [82a.2]པ་ཉིད། །མཚན་དག་དང་ནི་བཞི་ཚན་དང་། །ཁྱིམ་པ་དག་ལ་སོགས་པ་དང་། །བསྐོས་པ་དང་ནི་མ་བསྐོས་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་འཕྱའམ་གཞོགས་འཕྱས་བྱེད་ན་ལྟུང་ [82a.3]བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དབུས་ཀྱི་དགེ་སློང་གྲངས་སུ་སྩལ་བས་མཐའ་འཁོབ་པའི་སྐད་དུ་དགེ་སློང་དབུས་པ་ལ་འཕྱའམ་གཞོགས་འཕྱས་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་ [82a.4]འཁོབ་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་འཕྱའམ་གཞོགས་འཕྱས་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་དབུས་པ་ལ་འཕྱའམ་ [82a.5]གཞོགས་འཕྱས་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་འཕྱའམ་གཞོགས་འཕྱས་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་ [82a.6]འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གྲངས་སུ་སྩལ་བས་ལུས་ཀྱི་རྣམ་པར་རིག་བྱེད་ཀྱིས་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གྲངས་སུ་སྩལ་བ་དབེན་པ་ལ་མི་དབེན་པར་ [82a.7]འདུ་ཤེས་པས་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་དབེན་པར་འདུ་ཤེས་པས་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་འཕྱའམ་གཞོགས་ [82b] [82b.1]འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གྲངས་སུ་སྩལ་བ་འཕྱའམ་གཞོགས་འཕྱས་བགྱིད་པ་ལས་མཚན་གྱུར་ཏེ། དགེ་ [82b.2]སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་གྲངས་སུ་སྩལ་བ་འཕྱའམ་གཞོགས་འཕྱས་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གྲངས་སུ་སྩལ་བས་བསྙེན་པར་རྫོགས་པ་ [82b.3]ལ་བསྙེན་པར་རྫོགས་པར་འདུ་ཤེས་པས་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ [82b.4]ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གྲངས་སུ་སྩལ་བས་ཁྱིམ་པ་ལ་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་ [82b.5]སོ། །བཙུན་པ་རེ་ཞིག་དགེ་སློང་གྲངས་སུ་སྩལ་བས་དགེ་སློང་ཁས་བླངས་པ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་ [82b.6]ཞུགས་པ་དང་། རྐུ་ཐབས་སུ་གནས་པ་དང་། སྔར་ལྟུང་བ་བྱུང་བ་དང་། དང་པོ་མི་མཐུན་པ་ཅན་ལ་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གྲངས་སུ་སྩལ་བས་དགེ་སློང་དགེ་འདུན་གྱི་དབྱེན་བགྱིད་པ་ [82b.7]དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་སྩལ་བ་ལ་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གྲངས་སུ་སྩལ་བས་དགེ་འདུན་གྱི་སྐོ་བཤམ་བགྱིད་པ་ [83a] [83a.1]བསྐོས་པ་དང་། མ་བསྐོས་པ་མ་གཏོགས་པ་ལས་གཞན་པ་དག་ལ་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་ [83a.2]འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ།། །།འདུལ་བ་གཞུང་བླ་མ། བམ་པོ་བཅུ་གཅིག་པ་སྟེ་ཐ་མ། བཙུན་པ་རེ་ཞིག་དགེ་སློང་གྲངས་སུ་སྩལ་བས་ཕོ་ཉ་ལས་འཕྱའམ་ [83a.3]གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གྲངས་སུ་སྩལ་བས་དགེ་སློང་སྨྱོན་པ་ལ་འཕྱའམ་ [83a.4]གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་ [83a.5]པ་དང་། འགྲོ་བ་གཞན་དུ་གནས་པའི་དགེ་སློང་ལ་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་འཕྱའམ་གཞོགས་འཕྱས་བགྱིད་ན་ཅིར་ [83a.6]འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་གྲངས་སུ་སྩལ་བས་དགེ་སློང་མ་ལ་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་འཕྱའམ་གཞོགས་འཕྱས་བགྱིད་ [83a.7]ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བ་གྲངས་སུ་སྩལ་བ་འཕྱའམ་གཞོགས་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་འཕྱའམ་གཞོགས་འཕྱས་ [83b] [83b.1]བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། ལྟུང་དང་དེ་བཞིན་ལུས་དང་ནི། །སྐད་དང་མི་སྨྲ་མཚན་དང་ནི། །ཁྱིམ་པ་དག་ལ་སོགས་པ་དང་། །བཞི་ཚན་པོ་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ [83b.2]བཅོམ་ལྡན་འདས་ཀྱིས་བསྒོ་བ་རྣ་ལ་གཟོན་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ནོངས་པ་མ་གཏོགས་པ་དེ་ལས་གཞན་པའི་རྒྱུ་དག་གིས་གླེང་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་ལུས་ཀྱི་ [83b.3]རྣམ་པར་རིག་བྱེད་ཀྱིས་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་ཀྱི་དགེ་སློང་ལ་བསྒོ་བ་རྣ་ལ་གཟོན་པར་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ [83b.4]ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་བསྒོ་བ་རྣ་ལ་གཟོན་པར་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་ [83b.5]སྐད་དུ་དགེ་སློང་དབུས་པ་ལ་བསྒོ་བ་རྣ་ལ་གཟོན་པར་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་བསྒོ་བ་རྣ་ལ་གཟོན་པར་བགྱིད་ལ་དགེ་སློང་མཐའ་ [83b.6]འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་མི་སྨྲ་བས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་གི་བསྒོ་བ་རྣ་ལ་གཟོན་པར་ [83b.7]བགྱིད་པ་ན་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་མའི་བསྒོ་བ་རྣ་ལ་གཟོན་པར་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ [84a] [84a.1]གིས་ཁྱིམ་པའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་ [84a.2]བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་ཞུགས་པ་དང་། རྐུ་ཐབས་སུ་གནས་པ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་ [84a.3]རེ་ཞིག་དགེ་སློང་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་སྩལ་བའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་ [84a.4]དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། [84a.5]ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ [84a.6]ལགས། ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བའོ། །བཙུན་པ་རེ་ཞིག་དགེ་སློང་གིས་ཕོ་ཉ་ལས་དགེ་སློང་གི་བསྒོ་བ་རྣ་ལ་གཟོན་པར་ [84a.7]བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། བརྒྱུད་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་གཞན་ལ་སྙད་འདོགས་པས། དགེ་སློང་གི་བསྒོ་བ་རྣ་ལ་ [84b] [84b.1]གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་དགེ་སློང་སྨྱོན་པའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། [84b.2]འོན་པ་དང་། འགྲོ་བ་གཞན་དུ་གནས་པའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ [84b.3]ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་མའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། [84b.4]ཉེས་བྱས་སོ། །བཙུན་པ་རེ་ཞིག་དགེ་སློང་གིས་བསླབ་པ་སྩལ་བས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ [84b.5]ལགས། ཉེས་བྱས་སོ།། །།སྡོམ་ལ། མི་རུང་བ་དང་གང་ཟག་དང་། །མ་ཆོག་པ་དང་ལྷག་པ་ཉིད། །མཚན་དང་བཞི་ཚན་ཁོ་ན་དང་། །ལུས་དང་སྐད་དང་དེ་བཞིན་དབེན། །ཁྱིམ་པ་དག་ལ་སོགས་པ་ཡི། །བར་ཆད་འགྱུར་བ་ཐ་མ་ཡིན། །སངས་རྒྱས་བཅོམ་ [84b.6]ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་ཁྲིའམ་ཁྲིའུའམ། སྟན་ནང་ཚངས་ཅན་ནམ། ལ་བའམ། སྔས་སམ། གོར་བུ་བླ་གབ་མེད་པར་བཏིང་ངམ། འདིང་དུ་བཅུག་ནས་མ་སྦས་ [84b.7]སམ། སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་དེ་ནས་སོང་ནས། དེ་འདྲ་བ་མ་གཏོགས་ཏེ་ལྟུང་བྱེད་དོ། །ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་ [85a] [85a.1]སྩལ་ནས་མ་སྦས་སམ། སྡུད་དུ་མ་སྩལ་ཏམ། མ་བཅོལ་བར་དེ་ན་མཆིས་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་གནས་མལ་དེའི་སྤུན་རུང་བར་གྱུར་ལ། རྒྱུ་མི་རུང་བ་དང་། སྤུན་མི་རུང་བར་གྱུར་ [85a.2]ལ། རྒྱུ་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་བལ་དང་། ར་བལ་དང་འདྲེས་པ་དང་། མ་བཏགས་པ་དེ་ལྟ་བུའི་གནས་མལ་བཏིང་ངམ། འདིང་དུ་བཅུག་ནས་མ་སྦས་སམ། སྡུད་དུ་མ་བཅུག་ [85a.3]གམ། མ་བཅོལ་བར་དེ་ནས་སོང་ན་ཉེས་བྱས་སུ་འགྱུར་རོ། །བཙུན་པ་རེ་ཞིག་དགེ་སློང་གིས་གང་ཟག་གི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། མ་བཅོལ་བར་དེ་ནས་མཆིས་ན་ཅིར་འགྱུར་ལགས། ཉེས་བྱས་ [85a.4]སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་ཁྲིའམ། ཁྲིའུ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། མ་བཅོལ་བར་དེ་ནས་མཆིས་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། བདེ་ [85a.5]བར་གཤེགས་པའི་སོར་བརྒྱད་དུ་མཆོག་གམ་ལྷག་ནའོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་འཁོད་པ་ལ་མ་བཅོལ་བར་དེ་ནས་མཆིས་པ་ལས་མཚན་ [85a.6]གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། མ་བཅོལ་བར་མཆིས་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ [85a.7]ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་འཁོད་པ་ལ་མ་བཅོལ་བར་མཚམས་(གྱི་,ཀྱི་)སླད་རོལ་ལ་མཚམས་ཀྱི་སླད་རོལ་དུ་འདུ་ཤེས་པས་མཆིས་ན་ཅིར་ [85b] [85b.1]འགྱུར་ལགས། ལྟུང་བྱེད་དོ། །མཚམས་ཀྱི་སླད་རོལ་ལ་མཚམས་ཀྱི་ནང་དུ་འདུ་ཤེས་པས་མཆིས་ན་ཅིར་འགྱུར་ལགས། ཉེས་བྱས་སོ། །མཚམས་ཀྱི་ནང་ལ་མཚམས་ཀྱི་སླད་རོལ་དུ་འདུ་ཤེས་པས་མཆིས་ན་ཅིར་འགྱུར་ལགས། ཉེས་བྱས་སོ། མཚམས་ཀྱི་ [85b.2]ནང་ལ་མཚམས་ཀྱི་ནང་དུ་འདུ་ཤེས་པས་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་བར་ལུས་ཀྱི་རྣམ་པར་རིག་བྱེད་ཀྱིས་དགེ་སློང་འཁོད་པ་ལ་ [85b.3]བཅོལ་ནས་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དབུས་པའི་དགེ་སློང་གིས་མཐའ་འཁོབ་པའི་སྐད་དུ་དབུས་ཀྱི་དགེ་སློང་ལ་དགེ་འདུན་གྱི་གནས་མལ་བཅོལ་ཏེ་མཆིས་ལ། དབུས་ཀྱི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་ [85b.4]འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་དགེ་འདུན་གྱི་གནས་མལ་བཅོལ་ཏེ་མཆིས་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་ [85b.5]འཁོབ་པའི་སྐད་དུ་དབུས་ཀྱི་དགེ་སློང་ལ་དགེ་འདུན་གྱི་གནས་མལ་བཅོལ་ཏེ་མཆིས་ལ། དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་དགེ་འདུན་གྱི་གནས་ [85b.6]མལ་བཅོལ་ཏེ་མཆིས་ལ། དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་བར་དབེན་པ་ལ་དབེན་པར་ [85b.7]འདུ་ཤེས་པས་བཅོལ་ཏེ་མཆིས་ན་ཅིར་འགྱུར་ལགས། ལྟུང་བྱེད་དོ། །དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། ལྟུང་བྱེད་དོ། །མི་དབེན་པ་ལ་དབེན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་མཆིས་ན་ཅིར་འགྱུར་ལགས། ལྟུང་ [86a] [86a.1]བ་མེད་དོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ་ཁྱིམ་པ་ལ་མ་བཅོལ་བར་མཆིས་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་དང་། ཟ་མ་དང་། མ་ནིང་དང་། [86a.2]དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་ཞུགས་པ་དང་། རྐུ་ཐབས་སུ་གནས་པ་དང་། གནས་པར་མི་བགྱི་བ་དང་། སྔར་ལྟུང་བ་བྱུང་བ་དང་། དང་པོ་མི་མཐུན་པ་ཅན་ལ་མ་བཅོལ་བར་ [86a.3]མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་སྩལ་བ་ལ་མ་བཅོལ་བར་མཆིས་ན་ཅིར་འགྱུར་ལགས། ལྟུང་བྱེད་དོ། ། [86a.4]བཙུན་པ་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་འཁོད་པ་ལ་མ་བཅོལ་བར་ཉེ་འཁོར་འདོར་བར་བགྱིད་ཀྱང་ལྟུང་བར་མི་འགྱུར་བར་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་གནས་ [86a.5]མལ་དེ་ཡལ་བར་མ་དོར་ན་སོང་བའམ། གཙུག་ལག་ཁང་དེར་བར་ཆད་བརྒྱད་ལས་གང་ཡང་རུང་བའི་བར་ཆད་གཅིག་བྱུང་བར་གྱུར་ནའོ།། །།སྡོམ་ལ། སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་ [86a.6]འགྲོ་བ་ཐ་མའོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་སྨྱོན་པ་ལ་མ་བཅོལ་བར་མཆིས་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་སེམས་འཁྲུགས་པ་དང་། ཚོར་བས་ཉམ་ [86a.7]ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་མ་བཅོལ་བར་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་མ་ལ་བཅོལ་ཏེ་མཆིས་ [86b] [86b.1]ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང་། དགེ་ཚུལ་མ་ལ་བཅོལ་ཏེ་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་མ་འཁོད་པ་ལ་མ་ [86b.2]བཅོལ་བར་མཆིས་ན་ཅིར་འགྱུར་ལགས། ལྟུང་བྱེད་དོ། །བཙུན་པ་དགེ་སློང་གིས་དགེ་སློང་དང་། དགེ་སློབ་མ་དང་། དགེ་ཚུལ་མ་ལ་མ་བཅོལ་བར་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་ [86b.3]མ་སྦས་སམ། སྡུད་དུ་མ་སྩལ་ཏམ། དགེ་སློང་འཁོད་པ་ལ་མ་བཅོལ་བར་མཆིས་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལས་ནི་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ [86b.4]ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་གཙུག་ལག་ཁང་དུ་རྩྭའི་གདིང་བ་བཏིང་ངམ། ལོ་མའི་གདིང་བ་བཏིང་ངམ། གདིང་དུ་བཅུག་ནས་མ་བསྡུས་སམ་སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་དེ་ནས་སོང་ན་དེ་འདྲ་བའི་རྐྱེན་མ་གཏོགས་ཏེ་ [86b.5]ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་མི་རུང་བ་དང་། བདེ་བར་གཤེགས་པའི་སོར་བརྒྱད་དུ་མཆོག་པ་དང་། ལྷག་པ་མ་གཏོགས་པ་གནས་མལ་ཇི་ལྟ་བ་དེ་བཞིན་དུ་གདིང་བ་ལ་རྒྱས་པར་བརྗོད་པར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་ [86b.6]སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཁྲོས་ [86b.7]འཁྲུགས་རྔམ་པར་གྱུར་ཏེ། ཡིད་མ་རངས་ནས་དགེ་འདུན་གྱི་གཙུག་ལག་ཁང་ནས་དགེ་སློང་སྐྲོད་དམ་སྐྲོད་དུ་འཇུག་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་ཁྲོས་ཏེ་ཕོ་ཉ་ལས་དགེ་སློང་སྐྲོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་ [87a] [87a.1]བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པས་སྐྲོད་དམ། སྐྲོད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཁྲོས་ནས་དགེ་སློང་སྨྱོན་པ་སྐྲོད་དམ། སྐྲོད་དུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ [87a.2]ཐག་པ་དང་། གླེན་པ་དང་། འོན་པ་དང་། གཉིད་ལོག་པ་དང་། ཕྱག་ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་སྐྲོད་དམ། སྐྲོད་དུ་སྩལ་བར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། མཚན་དང་བཞི་ཚན་ཉིད་དང་ནི། དེ་བཞིན་བདུན་ཚན་ཉིད་དང་ནི། ཁྱིམ་པ་ [87a.3]དག་ལ་སོགས་པ་དང་། དགེ་འདུན་གྱི་ནི་ཐ་མ་ཡིན། །བཙུན་པ་རེ་ཞིག་དགེ་སློང་ཁྲོས་ཏེ་དགེ་འདུན་གྱི་གཙུག་ལག་ཁང་ནས་དགེ་སློང་སྐྲོད་དམ། སྐྲོད་དུ་སྩོལ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མ་ཁྲོས་ནས་དབྱར་ཁང་ནས་དགེ་སློང་མ་སྐྲོད་ [87a.4]དམ། སྐྲོད་དུ་སྩོལ་བར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྲོས་ཏེ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་ [87a.5]མ་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་སྐྲོད་ [87a.6]དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསྙེན་པར་མ་རྫོགས་པ་ཁྲོས་ཏེ་དགེ་སློང་བསྐྲད་པར་སྦྱོར་བ་བགྱིས་ལ་བསྙེན་པར་མ་རྫོགས་པར་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་བསྐྲད་ན་ཅིར་ [87a.7]འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་ [87b] [87b.1]རྫོགས་ནས་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་བསྐྲད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་བསྐྲད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཁྲོས་ནས་ཁྱིམ་པ་སྐྲོད་དམ། [87b.2]སྐྲོད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་སློང་ཁས་བླངས་པ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་བཅོམ་པ་འགུམས་པ་དང་། མུ་སྟེགས་ཅན་དང་། མུ་སྟེགས་ཅན་ཞུགས་པ་དང་། རྐུ་ཐབས་སུ་གནས་པ་དང་། སྔར་ [87b.3]ལྟུང་བ་བྱུང་བ་དང་། དང་པོ་མི་མཐུན་པ་ཅན་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་ཁྲོས་ནས་དགེ་སློང་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་སྩལ་བ་རྣམས་སྐྲོད་དམ་ [87b.4]སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་ཁྲོས་ནས་དགེ་སློང་ཞིག་མངོན་སུམ་དུ་ཁྱིམ་པས་སྐྲོད་དམ། སྐྲོད་དུ་སྩལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མ་འགུམས་པ་དང་། ཕ་འགུམས་པ་དང་། དགྲ་ [87b.5]བཅོམ་པ་འགུམས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། མུ་སྟེགས་ཅན་དང་། མུ་སྟེགས་ཅན་ཞུགས་པ་དང་། རྐུ་ཐབས་སུ་གནས་པ་དང་། ཐ་དད་དུ་གནས་པ་དང་། གནས་པར་མི་བགྱི་བ་དང་། དང་པོ་མི་མཐུན་པ་ཅན་དང་། སྔར་ལྟུང་བ་བྱུང་བ་དང་། ཁས་བླངས་པ་དང་། བསླབ་པ་སྩལ་བ་དང་། [87b.6]དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མས་སྐྲོད་དམ། སྐྲོད་དུ་སྩོལ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་ཁྲོས་ནས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་ [87b.7]རེ་ཞིག་དགེ་སློང་མ་ཞིག་ཁྲོས་ནས་དགེ་སློང་མ་དབྱར་ཁང་ནས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མ་ཞིག་ཁྲོས་ནས་དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ [88a] [88a.1]ཞིག་བསླབ་པ་སྩལ་བ་ཁྲོས་ནས་དགེ་སློང་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། [88a.2]སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པ་དང་། །གཉིད་ལོག་ར་རོ་རབ་མྱོས་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་ [88a.3]འདུན་གྱི་གཙུག་ལག་ཁང་ན་དགེ་སློང་དག་སྔ་ན་འཁོད་པ་རྣམས་ལ་ཤེས་བཞིན་དུ་ཕྱིས་འོངས་ནས་སུ་ལ་གནོད་པ་དེ་འགྲོ་བར་གྱུར་པ་དེ་ཉིད་རྐྱེན་དུ་བྱས་ཏེ་ཕྱིས་གནོན་བྱས་ནས་སྟན་ལ་ཉལ་ལམ་འདུག་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ [88a.4]དགེ་སློང་སྨྱོན་པ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་ལས་ཁོམ་པ་དང་། [88a.5]རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། གང་ཟག་དང་ནི་དགེ་འདུན་དང་། །དེ་བཞིན་མཚན་ [88a.6]དང་བཞི་ཚན་དང་། །ཁྱིམ་པ་དག་ལ་སོགས་པ་དང་། །མི་རུང་བསླབ་བྱིན་དགེ་སློང་མ། །བཙུན་པ་རེ་ཞིག་དགེ་སློང་གིས་གང་ཟག་གི་གཙུག་ལག་ཁང་དུ་དགེ་སློང་དག་སྔ་ན་མཆིས་པར་འཚལ་བཞིན་དུ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ [88a.7]ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པར་དེ་ལས་གཞན་པའི་གནས་དག་ཏུ་སྔ་ན་མཆིས་པའི་དགེ་སློང་རྣམས་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་ [88b] [88b.1]འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གཙུག་ལག་ཁང་དུ་སྔ་ན་མཆིས་པའི་དགེ་སློང་རྣམས་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་པ་ན་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་ [88b.2]བྱས་སོ། བཙུན་པ་རེ་ཞིག་དགེ་སློང་མས་སྔ་ན་མཆིས་པའི་དགེ་སློང་མ་རྣམས་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་པ་ན་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ [88b.3]དགེ་སློང་བསྙེན་པར་རྫོགས་པ་དག་ལ་བསྙེན་པར་རྫོགས་པར་འདུ་ཤེས་པས་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་དག་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་ [88b.4]སོ། །བསྙེན་པར་མ་རྫོགས་པ་དག་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་དག་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཁྱིམ་པ་ལ་ཕྱིས་གནོན་བགྱིས་ [88b.5]ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་དང་། ཟ་མ་དང་། མ་ནིང་དང་། སྔར་ལྟུང་བ་བྱུང་བ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་ [88b.6]སོ། །བཙུན་པ་རེ་ཞིག་དགེ་སློང་གིས་དགེ་སློང་དགེ་འདུན་གྱི་དབྱེན་བགྱིད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་། ཐ་དད་དུ་གནས་པ་དང་། བསླབ་པ་སྩལ་བ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། [88b.7]ལྟུང་བྱེད་དོ། །བཙུན་པ་རེ་ཞིག་དགེ་སློང་དགེ་འདུན་གྱི་གཙུག་ལག་ཁང་དུ་དགེ་སློང་དག་སྔ་ན་མཆིས་པ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ་གནས་མལ་མི་རུང་བར་གྱུར་ན་སྟེ། [89a] [89a.1]དགེ་སློང་རྣམས་ཀྱི་ལས་ཡོངས་སུ་སྤྱད་པར་མི་རུང་བ་གང་ཡིན་པའོ། །བཙུན་པ་རེ་ཞིག་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་ [89a.2]འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་བསླབ་པ་སྩལ་བས་དགེ་ [89a.3]འདུན་གྱི་གཙུག་ལག་ཁང་དུ་དགེ་སློང་དག་སྔ་ན་མཆིས་པར་འཚལ་བཞིན་དུ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་དབྱར་ཁང་དུ་དགེ་སློང་མ་དག་སྔ་ན་མཆིས་པར་འཚལ་བཞིན་དུ་ [89a.4]ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ།། །།སྡོམ་ལ། གང་ཟག་དང་ནི་དགེ་འདུན་དང་། ། [89a.5]དེ་བཞིན་མཚན་དང་བཞི་ཚན་དང་། །མི་རུང་བར་ཡང་བྱས་པ་དང་། །སྟེང་གཡོགས་གྱུར་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་གཙུག་ལག་ཁང་གི་སྟེང་ [89a.6]གི་ནམ་མཁའ་ལ་ཐོག་བོར་བར་ཁྲིའམ། ཁྲིའུ་རྩ་བ་འབྱུང་བར་ཤེས་བཞིན་དུ་ལྕིད་ཀྱིས་ཕབ་སྟེ་འདུག་གམ། ཉལ་བར་བྱེད་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་གང་ཟག་གི་གཙུག་ལག་ཁང་གི་སྟེང་གི་ནམ་མཁའ་ལ་ཐོག་བོར་བར་ཁྲིའམ། [89a.7]ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པ་དེ་ལས་གཞན་པའི་གནས་དག་ཏུ་སྟེང་གི་ནམ་མཁའ་ལ་ཐོག་བོར་བར་ཁྲིའམ། [89b] [89b.1]ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྟེང་གི་ནམ་མཁའ་ལ་ཐོག་བོར་བར་ཁྲིའམ། ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་ [89b.2]བར་བགྱིད་པ་ན་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་མས་སྟེང་གི་ནམ་མཁའ་ལ་ཐོག་བོར་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་པ་ན་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་ [89b.3]བྱས་སོ། །བཙུན་པ་རེ་ཞིག་དགེ་སློང་གིས་སྟེང་གི་ནམ་མཁའ་ལ་ཐོག་བོར་བར་འདུ་ཤེས་པས་ཁྲིའམ། ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། ནམ་མཁའ་ལ་ནམ་མཁའ་མ་ལགས་པར་འདུ་ [89b.4]ཤེས་ན་ཅིར་འགྱུར་ལགས། ལྟུང་བ་མེད་དོ། །ནམ་མཁའ་མ་ལགས་པ་ལ་ནམ་མཁར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ནམ་མཁའ་མ་ལགས་པ་ལ་ནམ་མཁའ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་དགེ་སློང་གིས་ [89b.5]སྟེང་གི་ནམ་མཁའ་ལ་ཐོག་བོར་བར་ཁྲིའམ། ཁྲིའུ་རྩ་བ་འབྱུང་བར་འཚལ་བཞིན་དུ་མཆིས་སམ། ཉལ་བར་བགྱིད་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། གནས་མལ་མི་རུང་བར་གྱུར་ན་སྟེ། དགེ་སློང་དག་གིས་ཡོངས་སུ་ [89b.6]སྤྱད་པར་མི་རུང་བ་གང་ཡིན་པའོ། །བཙུན་པ་དགེ་སློང་གིས་ཁྲིའམ། ཁྲིའུ་རྩ་བ་འབྱུང་བར་འཚལ་བཞིན་དུ་མཆིས་སམ། ཉལ་བར་བགྱིད་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་གཙུག་ལག་ཁང་གི་སྟེང་སྤང་ལེབ་ [89b.7]ཆེན་པོས་གཡོགས་པའམ། སྤང་ལེབ་ཆུང་ངུས་གཡོགས་པའམ། འབུར་ཅན་གྱིས་གཡོགས་པའམ། ཤིང་ལེབ་ཀྱིས་གཡོགས་པའམ། གུར་ཁང་ངམ། ས་གཞི་འོག་མར་འདུག་གམ་ཉལ་བར་བྱེད་ནའོ། །བཙུན་པ་རེ་ཞིག་བསླབ་པ་སྩལ་བས་ [90a] [90a.1]སྟེང་གི་ནམ་མཁའ་ལ་ཐོག་བོར་བར་ཁྲིའམ། ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་སྟེང་གི་ནམ་མཁའ་ལ་ཐོག་བོར་བར་ [90a.2]ཁྲིའམ། ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པས་ལྕིད་ཀྱིས་ཕབ་སྟེ་མཆིས་སམ། [90a.3]ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཤེས་བཞིན་དུ་སྲོག་ཆགས་དང་བཅས་པའི་ཆུས་རྩྭ་དང་། ལྕི་བ་དང་། ས་ལ་འདེབས་ [90a.4]སམ། འདེབས་སུ་འཇུག་ན་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། སྲོག་ཆགས་དང་བཅས་པའི་ཆུས་རྩྭ་འམ། འཇི་བ་འམ། ས་ལ་འདེབས་པ་དང་། འདེབས་སུ་འཇུག་པ་ལྷག་མ་ནི་རྣམ་པར་འབྱེད་པ་ལས་ལྟུང་བ་བསྟན་པ་ལྟར་ [90a.5]རྣམ་པར་དབྱེ་བར་བྱའོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། [90a.6]བཙུན་པ་བཅོམ་ལྡན་འདས་ཀྱིས་དགེ་སློང་གིས་གཙུག་ལག་ཁང་ཆེན་པོ་ཞིག་རྩིག་ཏུ་འཇུག་ན་སྒོའི་སྦུབས་དང་། གཏན་པ་དང་། སྣང་བའི་གནས་ཇི་ཙམ་པའི་འདུ་ཤེས་ཀྱིས་ས་བརྟག་པ་ནས་བཟུང་སྟེ། ཕ་གུའི་རིམ་པ་འཇི་བ་དང་བཅས་པ་གཉིས་སམ་གསུམ་བརྩིག་ [90a.7]པར་བྱའོ། །དེ་ལས་ལྷག་པར་རྩིག་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཞིག་དགེ་སློང་གིས་ཕོ་ཉ་ལས་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་ཏུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་ [90b] [90b.1]སྙད་འདོགས་པ་དང་། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་སྨྱོན་པ་ལ་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་ཏུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་ [90b.2]བས་ཉམ་ཐག་པ་དང་། གླེན་པ་དང་། འོན་པ་དང་། འགྲོ་བ་གཞན་དུ་གནས་པ་ལ་དེ་ལས་ལྷག་པར་རྩིག་ཏུ་སྩོལ་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། ཆེན་པོ་གང་ཟག་རྡོ་བ་དང་། །དེ་བཞིན་གཞན་གྱིས་བརྩམས་པ་དང་། །མཚན་དང་ [90b.3]བཞི་ཚན་ཉིད་དང་ནི། །བསླབ་པ་བྱིན་དང་དགེ་སློང་མ། །བཙུན་པ་རེ་ཞིག་དགེ་སློང་གིས་གཙུག་ལག་ཁང་ཆེན་པོ་མ་གཏོགས་པ་དེ་ལས་གཞན་པའི་དགེ་འདུན་གྱི་དངོས་པོ་ཞིག་རྩིག་ཏུ་སྩོལ་ཅིང་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་ན་ཅིར་འགྱུར་ལགས། [90b.4]ལྟུང་བྱེད་ཁོ་ནའོ། །བཙུན་པ་རེ་ཞིག་དགེ་སློང་གིས་གང་ཟག་གི་གཙུག་ལག་ཁང་རྩིག་ཅིང་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་ཏུ་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་དགེ་འདུན་གྱི་གཙུག་ལག་ཁང་རྩིག་པར་ [90b.5]བགྱིད་ན་ཕ་གུའི་རིམ་པ་གཉིས་སམ་གསུམ་ལས་ལྷག་པར་བརྩིགས་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་གཙུག་ལག་ཁང་རྡོ་འབའ་ཞིག་གམ། སོ་ཕག་གམ། ཐམས་ཅད་ཤིང་ལས་རྩིག་གམ། རྩྭ་དག་གིས་ [90b.6]འགེབས་སམ། སྤང་ལེབ་དང་ཤིང་ལེབ་དག་གིས་འགེབས་སམ། སྦྱིན་བདག་གིས་འདི་སྐད་ཅེས་ཟིན་པ་བལྟའོ། །མཐར་ཟིན་པ་བལྟའོ་ཞེས་ཟེར་ནའོ། །བཙུན་པ་རེ་ཞིག་དགེ་སློང་གིས་གཞན་གྱིས་ཕ་གུའི་རིམ་པ་གཉིས་སམ་གསུམ་ལས་ལྷག་པར་བརྩམས་ [90b.7]པ་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཕ་གུའི་རིམ་པ་གཉིས་སམ་གསུམ་ལས་ལྷག་པར་བརྩམས་ཏེ་ལགས་པར་མ་བགྱིས་ན་ཅིར་འགྱུར་ལགས། ཉེས་བྱས་སོ། །སེམས་འཁྲུགས་པར་གྱུར་པའམ་ཤི་ན་ [91a] [91a.1]ཡང་དེ་དང་འདྲའོ། །བཙུན་པ་རེ་ཞིག་དགེ་སློང་གིས་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་པར་བགྱིད་པ་ན་མཚན་གྱུར་ཏེ་དགེ་སློང་མར་རེད་ནས་ལགས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཞིག་དགེ་སློང་མས་ [91a.2]ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་པར་བགྱིད་པ་ན་མཚན་གྱུར་ཏེ་དགེ་སློང་དུ་རེད་ནས་ལགས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །ལུང་ཞུ་བ་ཆུང་ངུ་ཞེས་བྱ་བ། བམ་པོ་བཅུ་གཉིས་པ་རྫོགས་སོ།། །།འདུལ་བ་ [91a.3]གཞུང་དམ་པའམ་བླ་མའི་སྟོད་ལྟུང་བྱེད་འབའ་ཞིག་པའི་བཅུ་ཚན་གཉིས་པ་རིམ་པ་གཉིས་སུ་རྩིག་པ་ཡན་ཆད་ཀྱི་ཞུས་ལན་ཡོད་པའི་ཞུ་བ་མ་རྫོགས་པ་བམ་པོ་བཅུ་གཉིས་པ་འདི་དང་། གཞུང་དམ་པ་སྟོད་ན་ཞུ་བ་རྫོགས་པ་ཞེས་གྲགས་པ་རྣམ་འབྱེད་ཀྱི་ལྟུང་བ་སྡེ་ཚན་དང་པོ་བཞི་ [91a.4]དང་། གཞི་བཅུ་བདུན་གྱི་ཞུ་བ་རྫོགས་པ་དང་། འདུལ་བྱེད་ལ་སོགས་པ་སྡེ་ཚན་བཅུ་གཅིག་གིས་བསྡུས་པ་བམ་པོ་ལྔ་བཅུ་རྩ་གསུམ་པ་གཉིས་ཀ་ལོ་ཙྪ་བ་བན་དེ་ཀླུའི་རྒྱལ་མཚན་ལ་སོགས་པའི་དུས་སུ་འགྱུར་མོད་ཀྱི། ཞུ་བ་མ་རྫོགས་པའི་དཔེ་དེ་བོད་དུ་མ་དར་ཞིང་སྔོན་གྱི་ [91a.5]དུས་སུ་ཞུ་བ་རྫོགས་པའི་ཡི་གེ་མ་དག་པ་ལ་བརྟེན་ནས། ལག་ལེན་ལ་འཁྲུལ་བ་མང་པོ་བྱུང་བ་ལས། ཕྱིས་ལ་སྟོད་ཀྱི་འོལ་རྒོད་ཀྱི་གཙུག་ལག་ཁང་དུ་གནས་བརྟན་དར་མ་སེང་གེས་ལུང་སྡེ་བཞི་དགེ་སློང་མའི་རྣམ་འབྱེད་དང་བཅས་པ་བཞེངས་པའི་དུས་སུ་དགེ་བའི་བཤེས་གཉེན་ཞིང་ [91a.6]མོ་ཆེ་བ་བྱང་ཆུབ་སེང་གེས་དབུས་གཙང་གི་གཙུག་ལག་ཁང་རྣམས་སུ་ཞུ་བ་མ་རྫོགས་པ་ཚོལ་དུ་བཏང་བ་ལས་སླད་ཀྱིས་བསམ་ཡས་མཆིམས་ཕུ་ནས་དགས་ཆུང་བ་དང་། དགེ་སློང་ཚུལ་ཁྲིམས་ཡོན་ཏན་གྱིས་རྙེད་པ། ཤཱཀྱའི་དགེ་སློང་འདུལ་བ་འཛིན་པ་ཆེན་པོ་དབང་ཕྱུག་ [91a.7]ཚུལ་ཁྲིམས་ཀྱི་སྙན་དུ་བརྡས་ནས་བཞེངས་སུ་བཏང་བས་དཔེ་ཕྱི་ལ་ཤིན་ཏུ་དོག་པར་བྱུང་བ་ལ་དཔེ་ཡོན་མང་པོ་ཕུལ་ནས་བཞེངས་ཏེ། ལག་ལེན་མི་མཐུན་པ་ཐམས་ཅད་ཀྱི་སྒྲོ་འདོགས་དེར་ཆོད་དོ། །དེ་ལྟར་དཀའ་བ་མང་པོས་བསྒྲུབས་པས་སྔོན་དཔེ་ལ་ཤིན་ཏུ་དོག་མོད་ཀྱི། སླད་ [91b] [91b.1]ཀྱིས་དར་ཞིང་རྒྱས་པར་མཛད་དེ་འགྲོ་བ་ཡོངས་ལ་ཕན་བཏགས་སོ། །འདིར་ཁ་ཅིག་མ་རྫོགས་པ་ནི་གཞུང་བླ་མ་ཡིན་ལ། རྫོགས་པ་ནི་གཞུང་དམ་པ་ཡིན་ནོ་ཞེས་ཟེར་བ་ནི་མི་རིགས་ཏེ། ཨུཏ་ཏ་ར་ཞེས་པ་བླ་མ་དང་། དམ་པ་གཉིས་ཀར་འགྱུར་བའི་ཕྱིར་རོ། །དེ་ལྟར་ [91b.2]ཞུ་བ་མ་རྫོགས་པ་དང་། རྫོགས་པ་གཉིས་བཞུགས་ཀྱང་མ་རྫོགས་པ་འདི་རྒྱ་དཔེའི་གཞུང་ཡང་ཤིན་ཏུ་དག་ཅིང་། སློབ་དཔོན་དགེ་ལེགས་བཤེས་གཉེན་གྱི་འགྲེལ་བའང་ད་ལྟ་མ་རྫོགས་པའི་འགྲེལ་པར་བྱུང་བས་དེ་གཉིས་མི་མཐུན་པ་བྱུང་ན་ཞུ་བ་མ་རྫོགས་པ་ལ་བརྟེན་ [91b.3]པར་བྱའོ། །དེ་ལྟར་ཞུ་བ་གཉིས་ལ་དག་མ་དག་འབྱུང་བའི་རྒྱུ་མཚན་ནི་ལུང་ཞུ་བའི་འགྲེལ་པ་ལས། སྟོན་པ་འདས་པའི་གསུང་རབ་ལ་བྲམ་ཟེ་རྒྱལ་པོ་རྒྱལ་བཤེས་ཞེས་བྱ་བ་བསྟན་པ་ལ་སྡང་བ་ཞིག་བྱུང་བར་གྱུར་ནས། དེས་བསྟན་པ་ལ་གནོད་པ་མང་པོ་བྱས་པར་གྱུར་ཏེ། [91b.4]མཆོད་རྟེན་དག་ཀྱང་བཤིག །དགེ་འདུན་གྱི་ཀུན་དགའ་ར་བ་དག་ཀྱང་བསྲེགས། དགེ་སློང་རྣམས་ཀྱང་བསད། སངས་རྒྱས་ཀྱི་བཀའི་གླེགས་བམ་རྣམས་ཀྱང་ཕུང་པོར་བཅེར་ནས་བསྲེགས་སོ། །དེ་ནས་རིམ་གྱིས་དགེ་སློང་རྣམས་ཀྱིས་ཡུལ་དང་གནས་སྣ་ཚོགས་ [91b.5]དག་ནས་སྡེ་སྣོད་གསུམ་གྱི་གླེགས་བམ་ཐམས་ཅད་བསྡུས་ནས་བཅོམ་བརླག་ཏུ་ཡང་དག་པར་བསྡུ་བ་བྱས་ཏེ། གཞུང་བླ་མའི་གླེགས་བམ་ནི་མ་རྙེད་དོ། །དེ་དག་གིས་འདི་ལྟར་ཁ་ཆེ་བའི་ཡུལ་ན་དགེ་སློང་ཞིག་གཞུང་བླ་མ་འདོན་ཏོ་ཞེས་ཐོས་ནས། དེ་དག་དེའི་ཕྱིར་ཁ་ཆེའི་ཡུལ་དུ་དོང་ [91b.6]སྟེ། དེའི་དྲུང་དུ་ཕྱིན་ནས་སྨྲས་པ། ཁོ་བོ་ཅག་གིས་ཁྱོད་གཞུང་བླ་མ་འདོན་ཏོ་ཞེས་ཐོས་པ་གང་ཡིན་པ་དེ་ཇེ་ཁ་ཏོན་གྱིས་ཤིག །དེས་སྨྲས་པ། ཅུང་ཟད་ཅིག་ནི་དྲན། ཅུང་ཟད་ཅིག་ནི་མི་དྲན་ནོ། །དེ་ནས་དེ་དག་གིས་ཇི་ལྟ་བུ་ཞིག་དྲན་པ་དེ་ཁོ་ན་བཞིན་དུ་སྨྲོས་ཤིག་ཅེས་སྨྲས་པ་དང་། དེས་དེ་ [91b.7]ཁོ་ན་བཞིན་དུ་ཁ་ཏོན་བྱས་སོ། །དགེ་སློང་རྣམས་ཀྱིས་ཀྱང་རེ་ཞིག་གཞུང་བསྡུ་བར་བྱ་སྟེ། ཕྱིས་ཚིག་དང་ཚིག་གི་དོན་རྣམ་པར་དཔྱད་པའི་སྒོ་ནས་སྦྱར་བར་བྱའོ་སྙམ་དུ་བསམས་ནས་བྲིས་པ་ལས་ཕྱིས་འཕྲལ་གྱི་བྱ་བས་རྣམ་པར་གཡེངས་ནས་དུས་རིང་མོ་ཞིག་གི་བར་དུ་ཇི་ལྟ་བ་བཞིན་དུ་མ་སྦྱར་རོ། །དགེ་ [92a] [92a.1]སློང་གཞན་དག་ཀྱང་ཡུལ་གཞན་དག་ན་གཞན་དུ་འདོན་པར་གྱུར་ཏོ་དེ་ཉིད་ཀྱི་ཕྱིར་ཡང་དག་པར་བསྡུས་པའི་གཞི་བོ་ཉམས་པས་གཞུང་བླ་མ་འདི་ལ་འདོན་པ་ཡང་རྣམ་པ་དུ་མ་ལ་དོན་ཀྱང་རྣམ་པ་དུ་མ་སྟེ། དེའི་ཕྱིར་བཙུན་པ་ཡོན་ཏན་འོད་ཀྱིས་འདུལ་བའི་བཤད་པ་ལས་ཡང་དང་ཡང་དུ་ཞུས་ [92a.2]པ་ལ་ལ་ལས་འདི་སྐད་དུ་འབྱུང་ངོ་ཞེས་བཤད་དོ། །དེ་བས་ན་འཕགས་པ་ཉེ་བ་འཁོར་གྱིས་ཞུས་པ་ཁ་ཆེ་བ་ཞེས་བྱ་སྟེ་ཞེས་འབྱུང་བས་ཞུ་བ་རྫོགས་པ་དང་བཅས་པའི་གཞུང་བླ་མ་ནི་ཡང་དག་པར་བསྡུས་པའི་གཞི་བོ་ཉམས་པས་མ་དག་ཅིང་ཞུ་བ་མ་རྫོགས་པ་ནི་ཡུལ་དབུས་ཀྱི་དགེ་སློང་འགའ་ཞིག་གི་བློ་ [92a.3]ལ་སྣང་བའམ། མེས་མ་ཚིག་པར་ཕྱིས་ཐལ་བའི་གསེབ་ནས་རྙེད་པར་གྲགས་པས་དང་པོའི་གཞུང་མ་ཉམས་པ་ཉིད་ཡིན་པས་ཤིན་ཏུ་དག་གོ། །དེའི་ཕྱིར་དེ་ལྟ་བུའི་དག་ཅིང་དཀའ་བ་མང་པོས་བསྒྲུབས་པ་འཕགས་པ་གནས་བརྟན་ཆེན་པོ་རྣམས་དང་། གཞན་ཡང་མཁས་པ་རྣམས་ཀྱིས་ཡུལ་དབུས་ [92a.4]ཀྱི་གྲོང་ཁྱེར་ཆེན་པོ་བཅོམ་བརླག་ཏུ་བསྡུས་པའི་ལུང་ཞུ་བ་མ་རྫོགས་པ་འདི་གངས་ཅན་གྱི་རྒྱུད་ཀྱི་གནས་བརྟན་ཆེན་པོ་སྡོམ་བརྩོན་མཁས་པ་རྣམས་ཀྱི་གཙུག་གི་ནོར་བུར་གྱུར་ཅིང་། འདུལ་བ་དང་། མདོ་སྡེ་དང་། སྡེ་སྣོད་ཀྱི་མ་མོ་འཛིན་པ་ཤེས་བྱའི་ནམ་མཁའ་ལ་མཁྱེན་པའི་དཀྱིལ་འཁོར་རྒྱས་ [92a.5]ཤིང་སྙན་གྲགས་ཀྱི་འོད་ཟེར་གྱིས་ཕྱོགས་མ་ལུས་པ་ཁྱབ་པ་མཆིམས་ཐམས་ཅད་མཁྱེན་པས་ལ་སྟོད་འོལ་རྒོད་ཀྱི་གཙུག་ལག་ཁང་ནས་དཔེ་ཕྱི་གདན་དྲངས་ནས། བསྟན་པའི་འབྱུང་གནས་དཔལ་སྣར་ཐང་གི་གཙུག་ལག་ཁང་དུ་བཞེངས་སོ། །དེ་ཉིད་ལ་དཔེ་ཕྱི་བྱས་ནས་ཤཱཀྱའི་དགེ་སློང་འཇམ་པའི་ [92a.6]དབྱངས་ཀྱིས་དཔལ་སྣར་ཐང་གི་གཙུག་ལག་ཁང་དུ་བཞེངས་ཤིང་། དེ་ཡང་འདིར་གཞུང་བླ་མའི་སྟོད་ཞུ་བ་མ་རྫོགས་པ་འདི་ཁ་ཆེ་བའི་དགེ་སློང་ལས་རྙེད་པའི་གཞུང་དམ་པའི་ཞུ་བ་རྫོགས་པའི་དབུ་ཉིད་དུ་བཞེངས་སོ། །དེ་ཉིད་ཕྱི་མོར་སྤྱན་དྲངས་ནས་རྒྱལ་བའི་བསྟན་པ་དར་ཞིང་སེམས་ཅན་ལ་ཕན་བདེ་འབྱུང་ [92a.7]བར་བྱ་བའི་ཕྱིར། དཔལ་ལྡན་རྒྱལ་བའི་སྡེས་བསྟན་པའི་གཙོ་བོ་བཞུགས་པའི་ཤར་ཕྱོགས་མཁས་གྲུབ་དམ་པ་རྣམས་ཀྱི་བསྟི་གནས། དཔལ་གུང་ཐང་གི་གཙུག་ལག་ཁང་དུ་ལེགས་པར་བཞེངས་སོ།། །། [92b] [92b.1]{D7a}༄༅༅། །རྒྱ་གར་སྐད་དུ། བི་ན་ཡ་ཨུད་ཏ་ར་གྲན་ཐ། བོད་སྐད་དུ། འདུལ་བ་གཞུང་དམ་པ། བཀྲ་ཤིས་ཐམས་ཅད་མཁྱེན་པ་ལ་ཕྱག་འཚལ་ལོ། བམ་པོ་དང་པོ། མདོར་ན། བྱོལ་སོང་གསུམ་དང་ལམ་གསུམ་དང་། །གཤེགས་དང་བཅད་དང་རྣམ་པ་ [92b.2]གཉིས། །འཛིན་པ་དང་ཡང་བལྟབ་པ་དང་། །སོ་དང་མ་རེག་ཕག་མོ་བཞིན། །དེ་ནས་སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་གིས་མིའི་བུད་མེད་སྨན་ཏམ། སྔགས་ཀྱིས་བྱོལ་སོང་གི་སྐྱེ་གནས་སུ་སྐྱེས་པར་བསྒྱུར་ཏེ་མི་ཚངས་པར་ [92b.3]སྤྱོད་པ་བགྱིད་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་གིས་སྔགས་སམ། སྨན་གྱིས་བདག་ཉིད་བྱོལ་སོང་གི་སྐྱེ་གནས་སུ་སྐྱེས་པར་བསྒྱུར་ཏེ་མིའི་བུད་མེད་དང་ལྷན་ཅིག་ཏུ་མི་ཚངས་པར་སྤྱོད་པར་བགྱིད་ན་ཅིར་འགྱུར། དེ་སྟེ་དགེ་སློང་དུ་འདུ་ཤེས་ཡོད་ན་འཁྲིག་པར་སྦྱོར་ [92b.4]བ་བྱ་བ་ཡིན་པས་མཐར་འགྱུར་རོ། །དེ་སྟེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་སྔགས་སམ། སྨན་གྱིས་བདག་དང་མིའི་བུད་མེད་གཉིས་བྱོལ་སོང་གི་སྐྱེ་གནས་སུ་སྐྱེས་པར་བསྒྱུར་ཏེ་གཅིག་ལ་གཅིག་མི་ཚངས་པར་སྤྱོད་པ་བགྱིད་ན་ཅིར་ [92b.5]འགྱུར། དེ་སྟེ་དགེ་སློང་དུ་འདུ་ཤེས་ཡོད་ན་འཁྲིག་པར་སྦྱོར་བར་བྱ་བ་ཡིན་པས་མཐར་འགྱུར་རོ། །དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་བཅུག་མ་ཐག་ [92b.6]ཏུ་མཐར་འགྱུར་རོ་ཞེས་གསུངས་ན། ཇི་ཙམ་གྱིས་ན་ཁར་བཅུག་པ་ཞེས་བགྱི། ཨུ་པཱ་ལི་སོ་ལས་དཀྲེ་འདས་ནའོ། །ཇི་ཙམ་གྱིས་ན་བཤང་བའི་ལམ་དུ་བཅུག་པ་ཞེས་བགྱི། རྐུབ་ཁར་དཀྲེ་འདས་ནའོ། །ཇི་ཙམ་གྱིས་ན་གཅི་བའི་ལམ་དུ་བཅུག་པ་ཞེས་བགྱི། ཁ་ཤུན་ལས་ [92b.7]དཀྲེ་འདས་ནའོ། །བཙུན་པ་བུད་མེད་ཕྱེད་དུ་གཤེགས་པར་གྱུར་པ་ལ་སྒོ་གསུམ་གྱི་བུ་གུ་ཡང་ཉམས་པར་གྱུར་པ་དེ་དགེ་སློང་གིས་ཕྱེད་ཚལ་གྱིས་ཕྱེད་ཚལ་སྦྱར་ཏེ་མི་ཚངས་པར་སྤྱོད་པ་བགྱིད་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བུད་མེད་རྐེད་དུ་བཅད་པར་ [93a] [93a.1]གྱུར་པ་ཞིག་སྒོ་གསུམ་གྱི་བུ་གུ་ལས་སྒོའི་བུ་གུ་གང་ཡང་རུང་སྟེ་མ་ཉམས་པར་གྱུར་པ་དེར་མི་ཚངས་པར་སྤྱོད་པ་བགྱིད་ན་ཅིར་འགྱུར། མཐར་འགྱུར་རོ། །བཙུན་པ་མགོ་བཅད་པའི་བུད་མེད་ལ་མི་ཚངས་པར་སྤྱོད་ན་ཅིར་འགྱུར། དེ་སྟེ་བཤང་བའི་ལམ་མམ། གཅི་བའི་ [93a.2]ལམ་དུ་བྱེད་ན་མཐར་འགྱུར་རོ། །འོན་ཏེ་ཁའི་ལམ་མམ། སྦུ་བུའམ། སྒྲོག་རུས་ཀྱི་བུ་གུར་བྱེད་ན་ཉེས་པ་སྦོམ་པོར་འགྱུར་རོ། །བཅོམ་ལྡན་འདས་ཀྱིས་མི་མ་ཡིན་པའི་བུད་མེད་དང་ལྷན་ཅིག་ཏུ་མི་ཚངས་པར་སྤྱོད་པ་འཁྲིག་པའི་ཆོས་བྱེད་ན་མཐར་འགྱུར་རོ་ཞེས་གསུངས་པ་མི་མ་ལགས་ [93a.3]པ་ཇི་ལྟ་བུ། ཡན་ལག་ཐམས་ཅད་དང་མཉམ་པར་གྱུར་པའོ། །དེ་བཞིན་དུ་བྱོལ་སོང་དུ་གྱུར་པ་རྣམས་ལ་ཡང་ཤེས་པར་བྱའོ། །བཙུན་པ་བལྟབ་སྟེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་སོའི་ཕྱི་རོལ་མཆུའི་ནང་དུ་མི་ཚངས་པར་སྤྱོད་པ་བགྱིད་ན་ཅིར་ [93a.4]འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བཤང་བའི་ལམ་མམ། གཅི་བའི་འམ། ཁའི་ལམ་རྣམས་སུ་མ་རེག་པར་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཕག་མོའི་རོ་བསྲེགས་པ་སྤུ་མེད་པ་ལ་མི་ཚངས་པར་སྤྱོད་པ་ [93a.5]བགྱིད་ན་ཅིར་འགྱུར། ཉེས་པ་སྦོམ་པོར་འགྱུར་ཏེ། །བྱོལ་སོང་གི་སྐྱེ་གནས་ཐམས་ཅད་ལ་ཡང་འདི་བཞིན་དུ་བརྗོད་པར་བྱའོ།། །།མདོར་ན། གཞན་གྱི་ཡན་ལག་སྐྱེས་པ་དང་། །སྤྱིལ་བུ་གཉིས་ཀྱང་དེ་བཞིན་ཏེ། །ཉམས་པ་གཉིས་དང་དཀྲིས་པ་དང་། །བཞི་པ་གཉིས་ [93a.6]དང་བདུན་པའོ། །བཙུན་པ་དགེ་སློང་གིས་གཞན་གྱི་མོ་མཚན་དུ་གཞན་གྱི་ཕོ་མཚན་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་ཞིག་དགེ་སློང་གཅིག་པུ་མི་ཚངས་པར་སྤྱོད་པའི་སླད་དུ་སྤྱིལ་བུར་ཞུགས་ན་མཐར་འགྱུར་བ་མཆིས་སམ། ཨུ་པཱ་ལི་ཇི་ [93a.7]ལྟར་མཚན་{རིངས་སམ,རིང་ངམ}། རྒྱབ་མཉེན་ལྟ་བུའོ། །བཙུན་པ་དགེ་སློང་སྦྲང་སྐྱབས་ཀྱི་སྐྱིལ་བུར་ཞུགས་པ་ལས་བུད་མེད་དེ་ཕྱི་ན་འདུག་པ་ལ་དེ་ན་འདུག་བཞིན་དཀྲིས་ནས་ལོག་པར་སྤྱད་ན་ཅིར་འགྱུར། མཐར་འགྱུར་རོ། །བཙུན་པ་བཅོམ་ལྡན་འདས་ཀྱིས་གསོན་པོར་ཉམས་པའོ་ཞེས་ [93b] [93b.1]གསུངས་ན། ཇི་ཙམ་གྱིས་ན་གསོན་པོར་ཉམས་པ་ཞེས་བགྱི། ཇི་ལྟར་རྨ་བྱུང་ངམ། རུལ་པའམ། ཞིགས་པའམ། སྲོག་ཆགས་ཀྱིས་ཟོས་པར་གྱུར་པ་དེ་ཙམ་གྱིས་ན་དེ་དག་གསོན་པོར་ཉམས་པ་ཞེས་བྱའོ། །ཇི་ཙམ་གྱིས་ན་གསོན་པོར་མ་ཉམས་པ་ཞེས་བགྱི། [93b.2]ཇི་ལྟར་དེའི་མུ་གཉི་ག་མཉམ་པར་གྱུར་པ་ནི་མ་ཉམས་པ་སྟེ། ཤི་བ་ལ་ཡང་དེ་བཞིན་དུ་བརྗོད་པར་བྱའོ། །དེ་བཞིན་དུ་མི་མ་ཡིན་པ་དང་། བྱོལ་སོང་གི་སྐྱེ་གནས་སུ་སྐྱེས་པར་གྱུར་པ་དང་། སྐྱེས་པ་དང་། མ་ནིང་དང་། མ་ནིང་ཕོ་རྣམས་ལ་ཡང་དེ་བཞིན་དུ་བརྗོད་པར་བྱའོ། ། [93b.3]དཀྲིས་ཏེ་བཅུག་ན་མཐར་མི་འགྱུར་རོ། །ཞེས་བཙུན་པ་བཅོམ་ལྡན་འདས་ཀྱིས་གསུངས་ན། དགེ་སློང་དག་གིས་ཕྱིང་བུའམ་གྲོ་ག་སྟུག་པོ་ཞིག་གིས་དཀྲིས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་སྟེ་སེང་རས་སམ། དར་ལའམ། གོས་སྲབ་མོ་རྣམས་ [93b.4]ཀྱིས་དཀྲིས་ཏེ་བཅུག་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་གིས་ལམ་ལ་ལམ་དུ་འདུ་ཤེས་ཏེ་བཅུག་ན་ཅིར་འགྱུར། མཐར་འགྱུར་རོ། །ལམ་ལ་ལམ་མ་ལགས་པར་འདུ་ཤེས་ཏེ་བཅུག་ན་ཅིར་འགྱུར། མཐར་འགྱུར་རོ། །ལམ་མ་ལགས་པ་ལ་ལམ་མ་ [93b.5]ལགས་པར་འདུ་ཤེས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །ལམ་མ་ལགས་པ་ལ་ལམ་དུ་འདུ་ཤེས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློང་གིས་དཀྲིས་པ་ལ་དཀྲིས་པར་འདུ་ཤེས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་ [93b.6]འགྱུར་རོ། །དཀྲིས་པ་ལ་མ་དཀྲིས་པར་འདུ་ཤེས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མ་དཀྲིས་པ་ལ་དཀྲིས་པར་འདུ་ཤེས་ཏེ་བཅུག་ན་ཅིར་འགྱུར། སྦོམ་པོར་འགྱུར་རོ། །མ་དཀྲིས་པ་ལ་མ་དཀྲིས་པར་འདུ་ཤེས་ཏེ་བཅུག་ན་ཅིར་འགྱུར། མཐར་ [93b.7]འགྱུར་རོ། །བཙུན་པ་བསྙེན་པར་མ་རྫོགས་པ་ན་མི་ཚངས་པར་སྤྱད་པར་བཤམས་ནས་བསྙེན་པར་མ་རྫོགས་པར་བཅུག་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ནས་བསྙེན་པར་རྫོགས་ཀར་བཅུག་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་ [94a] [94a.1]པར་བཤམས་ནས་བསྙེན་པར་རྫོགས་ཏེ་བཅུག་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཀར་བཅུག་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པར་བཤམས་ནས་བསྙེན་པར་རྫོགས་ཏེ་བཅུག་ [94a.2]ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་བཤམས་ལ་བསྙེན་པར་རྫོགས་ནས་བཅུག་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་བཤམས་ཏེ་བསྙེན་པར་མ་རྫོགས་པར་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །ཇི་ལྟར་ [94a.3]དགེ་སློང་གིས་མི་ཚངས་པར་སྤྱད་པའི་རྒྱུ་རྐྱེན་གྱིས་མཐར་གྱུར་པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་ནི་ཉེས་བྱས་སོ།། །།མདོར་ན། བརྒྱད་བཅུའི་སྡེ་དང་མཚན་མ་ [94a.4]དང་། །མི་མཉམ་རིན་ཐང་འོན་ཏེ་མཚན། །བསྙེན་པར་རྫོགས་པ་བདུན་པ་བྱས། །ཤོ་གམ་བཅུ་གཅིག་དེ་བཞིན་ནོ། །བཙུན་པ་དགེ་སློང་གིས་བརྒྱད་བཅུའི་སྡེ་གཉིས་ཀར་བདག་ཉིད་གཏོགས་པར་བགྲང་དུ་བཅུག་ན་ཅིར་འགྱུར། ཉེས་བྱས་སོ། །དེ་ལ་ཆོས་དང་ལྡན་ [94a.5]པའི་སྐལ་བ་གང་ལགས། དང་པོའོ། །དེ་སྟེ་བླངས་ནས་བཅབས་ན་ཤེས་བཞིན་དུ་{བརྫུན་,རྫུན་}དུ་སྨྲས་པས་ལྟུང་བའོ། །ནམ་གྲུབ་པར་གྱུར་པ་ན་རིན་ཐང་བརྩི་བར་བྱའོ། །བཙུན་པ་མི་རྣམས་ཀྱི་མཚན་མ་བཙུགས་ཏེ་བཞག་པ་དེ་ལས་དགེ་སློང་གིས་རིན་ཆེ་བའི་མཚན་མ་རིན་ཆུང་ [94a.6]བའི་གནས་སུ་བསྐྱོད་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་སྟེ་རིན་ཆུང་བའི་མཚན་མ་རིན་ཆེན་པོའི་གནས་སུ་བསྐྱོད་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་གིས་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར། མཐར་འགྱུར་རོ། ། [94a.7]རིན་ཐང་མེད་པའི་དངོས་པོ་གང་ཞེ་ན། རིན་ཆེ་བར་གྱུར་པས་དེ་ལ་རིན་ཐང་གཅད་དུ་མི་ཆོད་པའོ། །དེ་སྟེ་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། རིན་ཐང་མེད་པའི་དངོས་པོ་གང་ཞེ་ན། གང་ཆུང་བར་གྱུར་པས་རིན་གཅད་ [94b] [94b.1]དུ་མི་ནུས་པའོ། །བཙུན་པ་དགེ་སློང་གིས་གཞལ་དུ་མི་རུང་བའི་དངོས་པོ་ཞིག་བརྐུས་ན་ཅིར་འགྱུར། མཐར་འགྱུར་རོ། །དེ་སྟེ་གཞལ་དུ་རུང་བའི་དངོས་པོ་ཞིག་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བརྐུ་བའི་ཕྱིར་བཤམས་པ་ [94b.2]ལས་མཚན་འཕོས་ཏེ་དགེ་སློང་མར་གྱུར་ནས་བརྐུས་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་མས་བརྐུ་བར་བཤམས་པ་ལས་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། མཐར་འགྱུར་རོ། །བཙུན་པ་བསྙེན་པར་མ་རྫོགས་པར་བརྐུ་བར་བཤམས་ནས་ [94b.3]བསྙེན་པར་མ་རྫོགས་པར་བརྐུས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྐུ་བར་བཤམས་ནས་བསྙེན་པར་རྫོགས་ཀར་བརྐུས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྐུ་བར་བཤམས་ཏེ། བསྙེན་པར་རྫོགས་ནས་བརྐུས་ན་ཅིར་ [94b.4]འགྱུར། མཐར་འགྱུར་རོ། །བསྙེན་པར་རྫོགས་ཀར་བརྐུ་བར་བཤམས་ནས་བསྙེན་པར་རྫོགས་ཀར་བརྐུས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བརྐུ་བའི་སླད་དུ་བཤམས་ནས་བསྙེན་པར་རྫོགས་ཏེ་བརྐུས་ན་ཅིར་འགྱུར། མཐར་འགྱུར་རོ། །བཙུན་ [94b.5]པ་དགེ་སློང་གིས་བསྙེན་པར་རྫོགས་ཏེ་བརྐུ་བར་བཤམས་ལ་བསྙེན་པར་རྫོགས་ནས་བརྐུས་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་བརྐུ་བར་བཤམས་ཏེ་བསྙེན་པར་མ་རྫོགས་པར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་ [94b.6]དགེ་སློང་གིས་ནམ་མཁའ་ལ་ཤོ་གམ་བཟླས་ན་ཅིར་འགྱུར། དངོས་པོ་ཇི་ལྟ་བ་བཞིན་ནོ། འོན་ཏེ་རྫུ་འཕྲུལ་གྱིས་བཟླས་ན་ཉེས་པ་མེད་དོ། །བཙུན་པ་དགེ་སློང་གིས་ལམ་མ་ལགས་པ་ནས་ཤོ་གམ་བཟླས་ན་ཅིར་འགྱུར། དེ་སྟེ་དེའི་ས་ལས་འདས་ན་ཉེས་པ་སྦོམ་པོར་ [94b.7]འགྱུར་རོ། །བཙུན་པ་དགེ་སློང་གིས་ཚོང་པ་རྣམས་འགྲོའོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་འདི་ལྟར་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ [95a] [95a.1]ལས་སྒྲོལ་ཏེ་སྩོལ་ཅིག་ཅེས་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཉེས་བྱས་སོ། །བཙུན་པ་འདི་ལྟར་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ [95a.2]ལས་སྒྲོལ་ཏེ་སྩོལ་ཅིག །དེའི་ཤོ་གམ་ཅི་མཆིས་པའི་ཕྱེད་ནི་ཁྱེད་སྣོམས་ཤིག་ཅེས་དེ་སྐད་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་ [95a.3]རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ལས་སྒྲོལ་ཏེ་སྩོལ་ཅིག །དེ་ལ་ཤོ་གམ་ཅི་མཆིས་པ་ཁྱོད་ཉིད་སྣོམས་ཤིག་ཅེས་དེ་སྐད་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་ཚོང་པ་རྣམས་ཀྱིས་ཤོ་གམ་དུ་གཏོགས་ [95a.4]པའི་རྫས་ཤོ་གམ་གྱི་སར་མ་ཕྱིན་པར་དགེ་སློང་གིས་ལམ་གཞན་དུ་བསྟན་ན་ཅིར་འགྱུར། ཉེས་བྱས་སོ། །བཙུན་པ་འདི་ལྟར་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ [95a.5]ལས་སྒྲོལ་ཏེ་སྩོལ་ཅིག་ཅེས་དེ་སྐད་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཉེས་བྱས་སོ། །བཙུན་པ་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་ཕྱིན་ནས་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ལས་སྒྲོལ་ཏེ་ [95a.6]སྩོལ་ཅིག་དང་། འདིར་ཤོ་གམ་ཅི་སྙེད་པའི་ཕྱེད་ཁྱོད་སྣོམས་ཤིག་ཅེས་དེ་སྐད་སྨྲས་པ་ལས་དགེ་སློང་གིས་དེ་བཟླས་ན་ཅིར་འགྱུར། ཤོ་གམ་གྱི་རིན་ཐང་བརྩི་བར་བྱའོ། །བཙུན་པ་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་ཕྱིན་ནས་ [95a.7]ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ལས་སྒྲོལ་ཏེ་སྩོལ་ཅིག་དང་། འདིར་ཤོ་གམ་ཇི་སྙེད་པ་དེ་ཐམས་ཅད་ཁྱེད་སྣོམས་ཤིག་ཅེས་དེ་སྐད་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཤོ་གམ་གྱི་རིན་ཐང་བརྩི་བར་བྱའོ།། །།མདོར་ན། [95b] [95b.1]ཆོས་གོས་གདང་ཤིང་བཞི་པ་དང་། །བརྐུ་བ་པ་ན་གསུམ་པ་དང་། །སྦྱོར་བ་གསུམ་དང་ཐེ་ཚོམ་དང་། །གླིང་དང་གཞན་ཕྱིར་མི་མ་ཡིན། །བཙུན་པ་དགེ་སློང་གིས་དང་པོར་རྐུ་སེམས་ཀྱིས་ཆོས་གོས་ཀྱི་གདང་ཤིང་གི་ཐོག་མ་བཅད་དེ་ཕྱི་མ་ལ་བདག་གིར་འདུ་ཤེས་ [95b.2]ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དང་པོར་ཆོས་གོས་ཀྱི་གདང་ཤིང་གཅོད་པའི་ཚེ་བདག་གིར་འདུ་ཤེས་ལ་ཕྱིས་རྐུ་བར་འདུ་ཤེས་ན་ཅིར་འགྱུར། རིན་ཐང་བརྩི་བར་བྱའོ། །བཙུན་པ་དགེ་སློང་གིས་ཆོས་གོས་ཀྱི་གདང་ [95b.3]ཤིང་བརྐུ་སེམས་ཀྱིས་བརྐུས་པ་ལས་ཆོས་གོས་ཀྱི་གདང་ཤིང་དེ་ལ་ཆོས་གོས་བཀལ་ཅིང་མཆིས་པ་དང་ཆོས་གོས་དང་བཅས་ཏེ་བརྐུས་ན་ཅིར་འགྱུར། ཆོས་གོས་ཀྱི་གདང་ཤིང་གི་རིན་ཐང་བརྩི་བར་བྱའོ། །བཙུན་པ་ཆོས་གོས་ཀྱི་གདང་ཤིང་ལ་ཆོས་གོས་ [95b.4]བཀལ་ཏེ་བཞག་པ་དེ་དགེ་སློང་བཞིའམ་དེ་བས་མང་བས་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །འོན་ཏེ་སོ་སོར་བགོས་པ་ལས་རེ་རེ་ལ་ཡང་མ་ཤ་ལྔ་ཐོབ་ན་མཐར་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་ [95b.5]པ་རྐུ་བ་ལ་རྣམ་པ་དུ། ཨུ་པཱ་ལི་དྲུག་སྟེ། སྒྱུས་རྐུ་བ་དང་། མཐུས་རྐུ་བ་དང་། བསྐྱིས་པ་ལས་བརྣོགས་ཏེ་རྐུ་བ་དང་། བཏམས་པ་ལས་བརྣོགས་ཏེ་རྐུ་བ་དང་། སྐྱོང་ཞིང་རྐུ་བ་དང་། ཆོས་རྐུ་བའོ། །བཙུན་པ་བཅོམ་ལྡན་འདས་ཀྱིས་བརྐུ་བ་རྣམ་པ་དྲུག་གསུངས་ [95b.6]ན། བརྐུ་བ་གང་གིས་མཐར་འགྱུར། ཆོས་རྐུ་བ་མ་གཏོགས་པའི་ལྷག་མ་རྣམས་ཀྱིས་མཐར་འགྱུར་རོ། །བཙུན་པ་བཅོམ་ལྡན་འདས་ཀྱིས་མ་ཤ་ལྔ་བརྐུས་ན་མཐར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་མ་ཤ་གསུམ་བརྐུས་པས་མཐར་འགྱུར་བ་ [95b.7]མཆིས་སམ། ཨུ་པཱ་ལི་ཡོད་དེ། མ་ཤ་གསུམ་གྱིས་བཞི་ཆ་གཅིག་ཏུ་གྱུར་པའོ། །བཙུན་པ་དགེ་སློང་གིས་མ་ཤ་ལྔ་བརྐུས་ཀྱང་མཐར་མི་འགྱུར་བ་མཆིས་སམ། ཡོད་དེ། མ་ཤ་ལྔ་ལས་ལྷག་པས་བཞི་ཆ་གཅིག་ཏུ་གྱུར་པའོ། །བཙུན་པ་བཅོམ་ལྡན་འདས་ཀྱིས་ [96a] [96a.1]མ་ཤ་ལྔ་བརྐུས་ཀྱང་མཐར་མི་འགྱུར་རོ་ཞེས་གསུངས་ན། ན་ན་ཀ་ཇི་ལྟ་བུའི་མ་ཤ་ལྔ་བརྐུས་ན་མཐར་འགྱུར། ན་ན་ཀ་མ་ཤ་ཉི་ཤུ་པའོ། །མ་ཤ་ཀ་ཇི་ལྟ་བུ། ཀ་ཀ་ནི་བཞི་པའོ། །ཀཱཪྵཱ་པ་ཎ་ཇི་ལྟ་བུ། རྒྱན་ཐམས་ཅད་ཀྱིས་བྱས་པའོ། །བཙུན་ [96a.2]པ་བཅོམ་ལྡན་འདས་ཀྱིས་མ་ཤ་ལྔ་བརྐུས་ཀྱང་མཐར་མི་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཀཱཪྵཱ་པ་ཎ་སྟོང་བརྐུས་ཀྱང་མཐར་མི་འགྱུར་བ་མཆིས་སམ། ཡོད་དེ། བོར་བར་འདུ་ཤེས་ནས་བླངས་པའོ། །བཙུན་པ་བཅོམ་ལྡན་འདས་ཀྱིས་མ་ཤ་ལྔ་ [96a.3]བརྐུས་པས་མཐར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་མ་ཤ་ལྔ་བརྐུས་ཀྱང་མཐར་མི་འགྱུར་བ་མཆིས་སམ། ཡོད་དེ། འདི་ལྟར་རེ་རེའམ། གཉིས་གཉིས་སམ། གསུམ་གསུམ་མམ། བཞི་བཞི་བརྐུས་ཀྱི་ནམ་ཡང་ལྔར་མ་ཚང་ནའོ། ། [96a.4]བཙུན་པ་དགེ་སློང་གིས་ཡོ་བྱད་ཆེན་པོ་བདག་གིར་འདུ་ཤེས་པས་བླངས་ལ་བརྐུ་སེམས་ཀྱིས་སྦས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དེ་སྟེ་བརྐུ་སེམས་ཀྱིས་བླངས་ལ་བདག་གིར་འདུ་ཤེས་པས་སྦས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། [96a.5]བཙུན་པ་དགེ་སློང་གིས་ཅི་འདི་དེའི་འམ་ཞེས་ཐེ་ཚོམ་དང་ཡིད་གཉིས་ཀྱིས་དེ་བརྐུས་སམ་དེ་འདི་ཡིན་ནམ་དེ་འདིའི་མ་ཡིན་ཞེས་དེ་ཡང་བརྐུས་ན་ཅིར་འགྱུར། དངོས་པོ་ཇི་ལྟ་བ་བཞིན་ནོ། །བཙུན་པ་དགེ་སློང་གིས་ནུབ་ཀྱི་བ་གླང་སྤྱོད་ཀྱི་གླིང་དུ་མ་སྩལ་བར་བརྐུས་ན་ཅིར་འགྱུར། [96a.6]དེ་སྟེ་དེ་དག་གི་གྲངས་ལྟར་མ་ཤ་ཀ་ལྔ་བརྐུས་ན་མཐར་འགྱུར་རོ། །བཙུན་པ་ཤར་གྱི་ལུས་འཕགས་གླིང་དུ་མ་སྩལ་བར་བརྐུས་ན་ཅིར་འགྱུར། དེ་སྟེ་དེ་དག་གི་གྲངས་ལྟར་མ་ཤ་ཀ་ལྔ་བརྐུས་ན་མཐར་འགྱུར་རོ། །བཙུན་པ་བྱང་གི་སྒྲ་མི་སྙན་གྱི་གླིང་དུ་མ་སྩལ་བར་བརྐུས་ན་ཅིར་འགྱུར། [96a.7]ཨུ་པཱ་ལི་དེ་ན་མ་བྱིན་པར་ལེན་པ་མེད་དེ། དེ་སྟེ་རྐུ་སེམས་བསྐྱེད་ན་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་གཞན་གྱི་སླད་དུ་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་སྟེ་དེའི་ཡིན་ནོ་སྙམ་དུ་སེམས་ན་ཉེས་པ་མེད་དོ། །བཙུན་པ་དགེ་སློང་ [96b] [96b.1]གིས་མི་མ་ལགས་པ་ལ་མི་མ་ལགས་པར་འདུ་ཤེས་ནས་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་པ་སྦོམ་པོར་འགྱུར་རོ། །མི་ལ་མི་མ་ཡིན་པར་འདུ་ཤེས་ན་ཉེས་པ་སྦོམ་པོར་འགྱུར་རོ། །མི་ལ་མིར་ [96b.2]འདུ་ཤེས་ན་མཐར་འགྱུར་རོ།། །།མདོར་ན། མཆོད་རྟེན་རིང་བསྲེལ་གླེགས་བམ་དང་། །དགེ་འདུན་བསྔོས་དང་གཅིག་དང་གཅིག །འདུ་ཤེས་གཉིས་དང་དེ་ལྟར་གནས། །མ་རྙེད་ཁྱིམ་ནི་ཐ་མའོ། །བཙུན་པ་དགེ་སློང་གིས་མཆོད་རྟེན་དང་མཆོད་རྟེན་གྱི་ཉེན་ [96b.3]འཁོར་གྱི་རྒྱན་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློང་གིས་རིང་བསྲེལ་བརྐུས་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་གིས་གླེགས་བམ་བརྐུས་ན་ཅིར་འགྱུར། གླེགས་བམ་གྱི་རིན་ཐང་བརྩི་བར་བྱའོ། །བཙུན་པ་དགེ་སློང་ [96b.4]གིས་ཕྱོགས་བཞིའི་དགེ་འདུན་གྱི་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་གང་ཟག་མང་པོ་རྣམས་ཀྱི་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་ཏེ། དེ་ལས་སོ་སོའི་སྐལ་བ་ལ་མ་ཤ་ཀ་ལྔ་བྱུང་བ་བརྐུས་ [96b.5]ན་མཐར་འགྱུར་རོ། །བཙུན་པ་དགེ་སློང་གིས་བསྔོས་པ་ལས་མ་སྩལ་བར་བརྐུས་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་མང་པོས་གཅིག་ནས་གཅིག་ཏུ་བརྒྱུད་དེ་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །འོན་ཏེ་སོ་སོར་བསྒོ་ནས་ [96b.6]ཇི་སྙེད་ཀྱིས་བདག་གིར་བྱས་པ་དེ་སྙེད་ལ་རིན་ཐང་བརྩི་བར་བྱའོ། །བཙུན་པ་དགེ་སློང་གིས་གཞན་གྱི་ལགས་པར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཡོངས་སུ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་ [96b.7]བར་བརྐུས་ན་ཅིར་འགྱུར། མཐར་འགྱུར་རོ། །ཡོངས་སུ་མ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །ཡོངས་སུ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ཏེ་མ་སྩལ་བར་བླངས་ན་ཅིར་འགྱུར། ཉེས་པ་སྦོམ་ [97a] [97a.1]པོར་འགྱུར་རོ། །ཡོངས་སུ་མ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ན་ཉེས་པ་མེད་དོ། །བཙུན་པ་བཅོམ་ལྡན་འདས་ཀྱིས་ཡོ་བྱད་ཆེན་པོ་མ་བྱིན་པར་བརྐུས་ན་མཐར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཡོ་བྱད་ཆེན་པོ་མ་སྩལ་བར་བརྐུས་ [97a.2]ན་མཐར་མི་འགྱུར་བ་མཆིས་སམ། ཡོད་དེ། གནས་གང་དུ་བཞག་པར་གྱུར་པའི་གནས་དེ་ཉིད་ནས་བརྐུས་པའོ། །བཙུན་པ་དགེ་སློང་གིས་རྙེད་པ་མི་དབང་བར་དེ་བདག་ཉིད་དབང་ངོ་ཞེས་དེ་སྐད་མཆི་ན་ཅིར་འགྱུར། དེ་ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བའོ། །དེ་སྟེ་སེམས་ [97a.3]ཉེ་བར་བཞག་པ་ཡིན་ན་ནི་ཉེས་པ་སྦོམ་པོར་འགྱུར་རོ། །མངོན་དུ་གྲུབ་ན་རིན་ཐང་བརྩི་བར་བྱའོ། །བཙུན་པ་དགེ་སློང་གཅིག་པུ་ཁྱིམ་དུ་ཞུགས་པ་ལས་མ་སྩལ་བར་བླངས་པའི་སླད་དུ་མཐར་འགྱུར་བ་མཆིས་སམ། ཨུ་པཱ་ལི་ཡོད་དེ་ཇི་ལྟར་དགེ་སློང་གིས་མ་བྱིན་པར་བླངས་པའི་རྐྱེན་ [97a.4]གྱིས་བརྐུ་བའི་ཕྱིར་བཤམས་ནས་ནང་དུ་ཞུགས་སམ་ནང་དུ་ཞུགས་ཏེ་བཤམས་ན་མཐར་འགྱུར་རོ། །དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སོ།། །།མདོར་ན། [97a.5]བྱོལ་སོང་གསུམ་དང་ལས་སྲིད་དང་། །སྲིད་པ་མ་དང་བཞི་པ་དང་། །མངལ་གཉིས་དང་ནི་གསོ་བ་དང་། །འདུ་ཤེས་དང་ནི་བཞི་པའོ། །བཙུན་པ་དགེ་སློང་གིས་སྔགས་སམ་སྨན་གྱིས་མི་བྱོལ་སོང་གི་སྐྱེ་གནས་སུ་བསྒྱུར་ཏེ་འཚོ་བ་དང་ཕྲལ་ན་ཅིར་འགྱུར། མཐར་འགྱུར་ [97a.6]རོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་ཉིད་བྱོལ་སོང་གི་སྐྱེ་གནས་སུ་བསྒྱུར་ཏེ་མིའི་འཚོ་བ་དང་ཕྲལ་ན་ཅིར་འགྱུར། དེ་སྟེ་དགེ་སློང་དུ་འདུ་ཤེས་ཡོད་ན་མི་ཆགས་པར་བྱ་བ་ལ་དེས་བྱེད་པས་ན་མཐར་འགྱུར་རོ། །དགེ་སློང་དུ་འདུ་ཤེས་མེད་ན་ཉེས་པ་སྦོམ་ [97a.7]པོར་འགྱུར་རོ། །བཙུན་པ་དགེ་སློང་གིས་ཕ་དང་མ་འཚོ་བ་དང་ཕྲལ་ན་མཐར་ཡང་མི་འགྱུར་ལ་མཚམས་མེད་པའི་ཁ་ན་མ་ཐོ་བར་ཡང་མི་འགྱུར་བ་མཆིས་སམ། ཡོད་དེ། གང་གི་ཕ་མ་བྱོལ་སོང་གི་སྐྱེ་གནས་སུ་གྱུར་པའོ། །བཙུན་པ་དགེ་སློང་གིས་ཕ་བཀུམ་ཡང་མཐར་ཡང་ [97b] [97b.1]མི་འགྱུར་ལ་མཚམས་མེད་པའི་ཁ་ན་མ་ཐོ་བར་ཡང་མི་འགྱུར་བ་མཆིས་སམ། ཨུ་པཱ་ལི་ལས་ཀྱི་སྲིད་པ་ནི་མངོན་པར་སྐྱེད་པའི་ཕྱིར་ཕ་ཞེས་བྱ་བས་ན་དེ་སྟེ་ཟག་པ་དང་བཅས་པའི་ལས་ཀྱི་སྲིད་པ་བསད་པར་གྱུར་པའོ། །དགེ་སློང་གིས་མ་བཀུམ་ན་མཐར་ཡང་མི་འགྱུར་ལ་མཚམས་ [97b.2]མེད་པའི་ཁ་ན་མ་ཐོ་བར་ཡང་མི་འགྱུར་བ་མཆིས་སམ། ཨུ་པཱ་ལི་སྲེད་པ་ནི་སྐྱེད་པའི་ཕྱིར་མ་ཞེས་བྱ་བས་ན་སྲེད་པ་བསད་པར་གྱུར་པའོ། །བཙུན་པ་དགེ་སློང་གིས་མ་བཀུམ་པར་འཚལ་བ་ལས་བུད་མེད་གཞན་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་ [97b.3]པ་དགེ་སློང་གིས་བུད་མེད་གཞན་དགུམ་པར་འཚལ་བ་ལས་མ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་མ་བཀུམ་པར་བཤམས་པ་ལས་བུད་མེད་གཞན་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་ [97b.4]གིས་བུད་མེད་གཞན་དགུམ་པར་བཤམས་པ་ལས་མའི་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་མིའི་བུད་མེད་ཀྱི་མངལ་དུ་བྱོལ་སོང་གི་སྐྱེ་གནས་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ [97b.5]བྱོལ་སོང་མོའི་མངལ་དུ་མི་བཀུམ་ན་ཅིར་འགྱུར། དེ་སྟེ་མངལ་ན་མིར་འདུ་ཤེས་ན་ནི་མཐར་འགྱུར་རོ། །དེ་ལྟ་མ་ཡིན་ན་ལྟུང་བའོ། །བཙུན་པ་མ་ནི་སྐྱེད་པ་ལགས་ལ། གཞན་ནི་གསོ་བ་ལགས་ན། དེ་གཉིས་གང་འཚོ་བ་དང་ཕྲལ་ན་མཐར་ཡང་འགྱུར་ལ་མཚམས་ [97b.6]མེད་པའི་ཁ་ན་མ་ཐོ་བར་ཡང་འགྱུར། གང་གིས་བསྐྱེད་པའོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་བཀུམ་ན་ཅིར་འགྱུར། མཐར་འགྱུར་རོ། །མི་ལ་མི་མ་ལགས་པར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་ [97b.7]ལ་མིར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ།། །།མདོར་ན། ཐེ་ཚོམ་རྣམ་པ་གཉིས་པ་དང་། །བདག་དང་དགྲ་བཅོམ་གཉིས་དེ་བཞིན། ། [98a] [98a.1]རྐུན་པོ་གཉིས་དང་གཞན་འདུ་ཤེས། །བདུན་པ་དང་ཡང་ཐ་མའོ། །བཙུན་པ་དགེ་སློང་གིས་དེ་འདི་ཡིན་ནམ་དེ་འདི་མ་ཡིན་ཞེས་ཡིད་གཉིས་དང་ཐེ་ཚོམ་འཚལ་བཞིན་དུ་དེ་ཡང་འཚོ་བ་དང་ཕྲལ་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་ [98a.2]གིས་བདག་ཉིད་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཕ་དང་མ་དགུམ་པར་བཤམས་ནས་བདག་ཉིད་བཀུམ་ན་ཅིར་འགྱུར། དེ་སྟེ་ཕ་མ་སྔར་དུ་དུས་བྱས་ན་མཐར་ཡང་འགྱུར་ལ་མཚམས་མེད་པའི་ཁ་ན་མ་ཐོ་བར་ཡང་འགྱུར་རོ། ། [98a.3]འོན་ཏེ་བདག་ཉིད་སྔར་དུས་བྱས་ན་ཉེས་པ་སྦོམ་པོར་འགྱུར་ཏེ། མཚམས་མེད་པའི་ཁ་ན་མ་ཐོ་བར་ཡང་མི་འགྱུར་རོ། །བཙུན་པ་དགེ་སློང་གིས་དགྲ་བཅོམ་པ་དགུམ་པར་འཚལ་བ་ལས་སོ་སོའི་སྐྱེ་བོ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་ [98a.4]པ་དགེ་སློང་གིས་སོ་སོའི་སྐྱེ་བོ་ཞིག་དགུམ་པར་འཚལ་བ་ལས་དགྲ་བཅོམ་པ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དགྲ་བཅོམ་པ་དགུམ་པར་བཤམས་ནས་སོ་སོའི་སྐྱེ་བོ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། [98a.5]བཙུན་པ་དགེ་སློང་གིས་སོ་སོའི་སྐྱེ་བོ་ཞིག་དགུམ་པར་བཤམས་པ་ལས་དགྲ་བཅོམ་པ་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་རྐུན་པོ་ཞིག་དགུམ་པར་བཀྲི་བ་ལས་བྲོས་ཏེ་དེ་ལ་གྲོང་གི་སྙེགས་མའམ་རྒྱལ་པོའི་སྙེགས་མ་ཡང་རུང་ཕྱི་ [98a.6]བཞིན་དུ་བསྙེགས་པ་དང་། དགེ་སློང་ཞིག་ཤུལ་གྱི་མདུན་ནས་མཆི་བ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་སློང་དེས་རྐུན་པོ་དེ་ལ་གསོད་སེམས་ཉེ་བར་གནས་པར་གྱུར་ནས་དེས་དེ་དག་ལ་བསྟན་ན་ཅིར་འགྱུར། མཐར་འགྱུར་རོ། ། [98a.7]བཙུན་པ་རྐུན་པོ་ཞིག་དགུམ་པར་བཀྲི་བ་ལས་བྲོས་ཏེ་དེ་ལས་གྲོང་གི་སྙེགས་མ་འམ་རྒྱལ་པོའི་སྙེགས་མ་ཡང་རུང་ཕྱི་བཞིན་དུ་བསྙེགས་པ་དང་། དགེ་སློང་ཞིག་ཀྱང་ཤུལ་གྱི་མདུན་ནས་མཆིས་པ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་ [98b] [98b.1]སློང་དེས་རྐུན་པོ་དེ་ལ་ཡང་གསོད་སེམས་ཉེ་བར་གནས་པར་གྱུར་ཏེ། དེས་དེ་དག་མ་བསྟན་ནས་དེ་དག་གིས་འཚོ་བ་དང་ཕྲལ་ན་ཅིར་འགྱུར། ཉེས་བྱས་སོ། །བཙུན་པ་གཉིས་ལྷན་ཅིག་མཆིས་པ་ལ་གཞན་དགུམ་མོ་སྙམ་པ་ལས་གཞན་བཀུམ་ན་ཅིར་འགྱུར། ཉེས་པ་སྦོམ་ [98b.2]པོར་འགྱུར་རོ། །བསྙེན་པར་མ་རྫོགས་པར་དགུམ་པར་བཤམས་ཏེ་བསྙེན་པར་མ་རྫོགས་པར་བཀུམ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་དགུམ་པར་བཤམས་པ་ལས་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་བྱས་སོ། །བསྙེན་པར་ [98b.3]མ་རྫོགས་པར་དགུམ་པར་བཤམས་པ་ལས་བསྙེན་པར་རྫོགས་ཏེ་བཀུམ་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ཀར་དགུམ་པར་བཤམས་ཏེ་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་དགུམ་པར་བཤམས་ [98b.4]ཏེ་བསྙེན་པར་རྫོགས་ནས་བཀུམ་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་དགུམ་པར་བཤམས་པ་ལས་བསྙེན་པར་རྫོགས་ནས་བཀུམ་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་དགུམ་པར་བཤམས་པ་ལས་བསྙེན་པར་མ་ [98b.5]རྫོགས་པར་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གཅིག་པུ་འཚོ་བ་དང་དབྲལ་བའི་སླད་དུ་ཁྱིམ་དུ་ཞུགས་ན་མཐར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེས་བསད་པར་བཤམས་ནས་ནང་དུ་ཞུགས་པའོ། ། [98b.6]ཇི་ལྟར་དགེ་སློང་གིས་འཚོ་བ་དང་ཕྲལ་བའི་རྐྱེན་གྱིས་མཐར་གྱུར་པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ།། །།མདོར་ན། དག་དང་སྟོན་པ་རྣམ་ [98b.7]པར་གཟིགས། །མི་སློབ་སློབ་དཔོན་ཉོན་མོངས་དང་། །ཉམས་དང་གྲོལ་དང་འཇིགས་པ་དང་། །སྐྱེ་དང་རྙེད་དང་འདི་འདྲའོ། །བཙུན་པ་དགེ་སློང་གིས་འདི་སྐད་དུ་བདག་ནི་དག་པའོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་ [99a] [99a.1]སྐད་དུ་བདག་ནི་སྟོན་པའོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ནི་རྣམ་པར་གཟིགས་དང་། སྤྱི་ཐོར་དང་། བསོད་སྐྱབས་དང་། ལོག་པར་དད་སེལ་དང་། གསེར་ཐུབ་དང་། འོད་སྲུང་ [99a.2]རྣམས་ཀྱི་ཉན་ཐོས་པའོ་ཞེས་མཆི་ན་ཅིར་འགྱུར། དེ་སྟེ་སྔོན་གྱི་གནས་སུ་ལུང་སྟོན་ན་ནི་མཐར་འགྱུར་རོ། །འོན་ཏེ་དེས་འདི་སྐད་དུ་གང་གི་ཚེ་ཤཱཀྱ་ཐུབ་པ་ལ་སྐྱབས་སུ་སོང་བ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་སྐྱབས་སུ་སོང་ངོ་ཞེས་སྨྲས་ན་ཉེས་ [99a.3]པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ནི་མི་སློབ་པའོ་ཞེས་མཆི་ན་ཅིར་འགྱུར། དེ་སྟེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། །འོན་ཏེ་དེ་འདི་སྐད་དུ་བདག་བཟོ་གང་ཡང་མི་སློབ་བོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་ [99a.4]དགེ་སློང་གིས་འདི་སྐད་དུ་བདག་ནི་སློབ་པའོ་ཞེས་མཆི་ན་ཅིར་འགྱུར། དེ་སྟེ་སློབ་པའི་སྤྱོད་པར་ལུང་སྟོན་ན་མཐར་འགྱུར་རོ། །འོན་ཏེ་དེ་འདི་སྐད་དུ་ཚངས་པར་སྤྱོད་པ་ལ་སློབ་བོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ལ་ཉོན་ [99a.5]མོངས་པ་མེད་དོ་ཞེས་མཆི་ན་ཅིར་འགྱུར། དེ་སྟེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། འོན་ཏེ་འདི་སྐད་དུ་བདག་ལ་ལྷུང་བཟེད་དམ་ཆོས་གོས་སམ་དགེ་སློང་གི་འཚོ་བའི་ཡོ་བྱད་གང་ཡང་རུང་བ་རྣམས་མེད་དོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་ [99a.6]པ་དགེ་སློང་གིས་འདི་སྐད་དུ་བདག་ནི་ཉམས་པའོ་ཞེས་མཆི་ན་ཅིར་འགྱུར། དེ་སྟེ་འདི་སྐད་དུ་དགེ་སྦྱོང་གི་འབྲས་བུ་ལས་ཉམས་པའོ་ཞེས་སྨྲས་ན་མཐར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ནི་གྲོལ་བའོ་ཞེས་མཆི་ན་ཅིར་འགྱུར། དེ་སྟེ་འདི་སྐད་ [99a.7]དུ་བདག་ནི་སྦྱོར་བ་དང་། བཅིངས་པ་དང་། བག་ལ་ཉལ་བ་དང་། ཉེ་བའི་ཉོན་མོངས་པ་དང་། ཀུན་ནས་དཀྲིས་ཏེ་འདས་པ་ལས་གྲོལ་ལོ་ཞེས་སྨྲས་ན་མཐར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་ལ་འཇིགས་པ་མེད་དོ་ཞེས་མཆི་ན་ཅིར་འགྱུར། [99b] [99b.1]དེ་སྟེ་འཇིགས་པ་སྤངས་པར་ལུང་སྟོན་ན་མཐར་འགྱུར་རོ། །དེ་སྟེ་འཇིགས་པས་ཅུང་ཟད་ཀྱང་མི་འཇིགས་སོ་ཞེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་འདི་ནི་བདག་གི་སྐྱེ་བ་ཐ་མའོ་ཞེས་མཆི་ན་ཅིར་འགྱུར། དེ་སྟེ་སྐྱེ་བ་ [99b.2]ཟད་པར་ལུང་སྟོན་ན་མཐར་འགྱུར་རོ། །འོན་ཏེ་དེ་འདི་སྐད་དུ་སྐྱེ་བ་ཟད་འགགས་བྲལ་རྣམ་པར་བྲལ་བ་སྟེ་དེ་ལྟར་འདི་ནི་སྐྱེ་བའི་ཐ་མའོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་བདག་གིས་རབ་ཏུ་ཐོབ་བོ་ཞེས་མཆི་ན་ཅིར་འགྱུར། [99b.3]དེ་སྟེ་དགེ་སློང་གི་འབྲས་བུ་ཐོབ་བོ་ཞེས་སྨྲས་ན་མཐར་འགྱུར་རོ། །འོན་ཏེ་འཇིག་རྟེན་གྱི་དངོས་པོར་ལུང་བསྟན་ན་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་ཨེ་མའོ་བདག་ཅི་འདྲ་བ་དེ་འདྲ་བར་ཁྱོད་གྱུར་པ་ངོ་མཚར་ཆེའོ་ཞེས་མཆི་ན་ཅིར་འགྱུར། ཉེས་ [99b.4]པ་སྦོམ་པོར་འགྱུར་རོ།། །།མདོར་ན། མ་སྨིན་བཟོད་དང་རང་འདྲི་དང་། །སྤངས་དང་འབྲས་བུ་གཉིས་པ་དང་། །འདུ་ཤེས་བཞི་དང་ཐོབ་བྱ་དང་། །འཇིག་རྟེན་གྱི་ནི་ཐ་མའོ། །བཙུན་པ་དགེ་སློང་ཞིག་ལ་ཚེ་དང་ལྡན་པ་ཁྱོད་ཟག་པ་ཟད་པའི་འབྲས་ [99b.5]བུ་ཡོད་དམ་ཞེས་དྲིས་པ་དང་། དེས་ཀྱང་ཞིབ་ཏུ་ཤིང་ཐོག་མ་སྨིན་པ་ཞིག་བཅངས་པར་གྱུར་ནས་དེ་འདི་སྐད་དུ་མ་སྨིན་ཏོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་རྒྱུན་དུ་ཞུགས་པའི་འབྲས་བུ་དང་། ལན་ཅིག་ [99b.6]ཕྱིར་འོང་བ་དང་། ཕྱིར་མི་འོང་བ་དང་། མཆོག་གི་འབྲས་བུ་བདག་གིས་ཐོབ་བོ་ཞེས་མཆི་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་གིས་བདག་ཉིད་ཀྱིས་བྲིས་ལ་འདི་སྐད་དུ་བདག་དགྲ་བཅོམ་པའོ་ཞེས་འདི་སུས་བྲིས་ཞེས་མཆི་ན་ཅིར་འགྱུར། [99b.7]ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་ལ་ཁྱིམ་བདག་ཅིག་གིས་ཁྱོད་ཀྱིས་འབྲས་བུ་ཐོབ་བོ་ཞེས་དྲིས་པ་དང་། དེས་ཀྱང་མེ་ཏོག་དང་འབྲས་བུ་སྨིན་པ་རྣམས་བཅངས་ནས་དེ་འདི་སྐད་དུ་མ་སྨིན་ནོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། [100a] [100a.1]བཙུན་པ་དགེ་སློང་གིས་འདི་སྐད་དུ་བདག་ནི་ཉམས་སོ་ཞེས་མཆི་ན་ཅིར་འགྱུར། དེ་སྟེ་ཐོབ་པ་ལས་ཉམས་པར་ལུང་སྟོན་ན་མཐར་འགྱུར་ཏེ། བཙུན་པ་དགེ་སློང་གིས་བདག་ནི་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་ [100a.2]པ་རྣམས་མ་ཡིན་ནོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འགྲོ་བ་ཞེས་བྱ་བའི་རི་ལ་རྒྱུན་དུ་ཞུགས་པའི་འབྲས་བུ་ཐོབ་བོ། རི་དགུ་པོ་ཞེས་བྱ་བའི་ངོས་ལ་ལན་ཅིག་ཕྱིར་འོང་བའི་འབྲས་བུ། བྱ་རྒོད་སྤུངས་པ་ཞེས་བྱ་བ་ལ་ཕྱིར་མི་འོང་བའི་འབྲས་བུ། འོད་ [100a.3]མའི་ཚལ་དུ་མཆོག་གི་འབྲས་བུ་ཐོབ་བོ་ཞེས་མཆི་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་གིས་མི་ལ་མི་མ་ལགས་པར་འདུ་ཤེས་ཏེ་མི་ལས་བླ་མར་གྱུར་པའི་ཆོས་ཤིག་ལུང་སྟོན་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་པ་ [100a.4]སྦོམ་པོར་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་པ་སྦོམ་པོར་འགྱུར་རོ། །མི་ལ་མིར་འདུ་ཤེས་ན་མཐར་འགྱུར་རོ། །བཙུན་པ་དགེ་སློང་གིས་འདི་སྐད་དུ་ཉན་ཐོས་ཀྱིས་ཐོབ་པར་བྱ་བ་གང་ཡིན་པ་དེ་བདག་གིས་ཐོབ་བོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་ [100a.5]འགྱུར་རོ། །བཙུན་པ་དགེ་སློང་གིས་འདི་སྐད་དུ་དེང་བདག་གིས་འཇིག་རྟེན་པའི་བསམ་གཏན་ལ་སྙོམས་པར་མ་ཞུགས་ཏེ། སྲོད་ལ་ནི་མ་ཡིན། དེ་ཕན་ཅད་མ་ཡིན་ནོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་སྐད་དུ་ལུང་བསྟན་གྱིས་ཚུར་ [100a.6]ཤོག་ཅེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་གང་དང་སེམས་འཁྲུགས་པ། །ན་བ་འོན་པ་གླེན་པའོ། །བཙུན་པ་དགེ་སློང་གིས་ཕོ་ཉ་ལས་མི་ལས་བླ་མར་ [100a.7]གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ལ་བསྒོ་བ་དང་། གཅིག་དང་གཅིག་ཏུ་བརྒྱུད་ན་ཐམས་ཅད་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་སྨྱོན་པ་ཞིག་ལ་མི་ལས་བླ་མར་གྱུར་པའི་ [100b] [100b.1]ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གླེན་པ་ཐམས་ཅད་ལ་ཉེས་པ་སྦོམ་པོར་འགྱུར་རོ།། །།མདོར་ན། གཉིད་ལོག་ར་རོ་མྱོས་པ་དང་། །སྙོམས་ཞུགས་འགྲོ་བ་དེ་བཞིན་ [100b.2]ཏེ། །སྐད་དང་ལུས་དང་དབེན་པ་སྔགས། །གཞན་གྱིས་གཞན་ལ་ཐ་མའོ། །བཙུན་པ་དགེ་སློང་གིས་གཉིད་ཀྱིས་ལོག་པ་ཞིག་གི་དྲུང་དུ་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་བཞིན་དུ་ར་རོ་བ་དང་། མྱོས་པ་དང་། འགྲོ་བ་གཞན་དུ་ [100b.3]གྱུར་པ་རྣམས་ཀྱི་དྲུང་དུ་སྨྲས་པ་ཐམས་ཅད་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འཕགས་པས་འཕགས་པའི་སྐད་དུ་དགེ་སློང་ཞིག་ལ་མི་ལས་བླ་མར་གྱུར་པའི་ཆོས་སྨྲས་ན་དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། [100b.4]འཕགས་པ་ཞིག་གིས་མཐའ་འཁོབ་པའི་སྐད་དུ་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མཐའ་འཁོབ་པ་ཞིག་གིས་མཐའ་འཁོབ་པའི་སྐད་དུ་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་ [100b.5]སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མཐའ་འཁོབ་པ་ཞིག་གིས་འཕགས་པའི་སྐད་དུ་མི་ལས་བླ་མར་གྱུར་པའི་ཆོས་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་ [100b.6]སློང་གིས་ལུས་ཀྱི་དམིགས་པས་མི་ལས་བླ་མར་གྱུར་པའི་ཆོས་སྟོན་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་ [100b.7]གིས་སྔགས་སམ་སྨན་གྱིས་བདག་ཉིད་མི་སྣང་བར་བགྱིས་ཏེ་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་གཞན་ལས་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་ [101a] [101a.1]སློང་གིས་གཞན་ཞིག་གི་སླད་དུ་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་བྱས་སོ། །ཇི་ལྟར་དགེ་སློང་གིས་སྨྲས་པའི་རྐྱེན་གྱིས་མཐར་གྱུར་པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་རྣམས་ཀྱི་ཡང་མཐར་འགྱུར། དགེ་སློབ་མ་དང་། [101a.2]དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། །ཨུ་པཱ་ལིས་ཞུས་པའི་ནང་ནས་ཕས་ཕམ་པ་དང་ལྡན་པ་རྫོགས་སོ།། །།མདོར་ན། མ་ལོག་སྦུ་བུ་དེ་བཞིན་གཡོས། །མི་རྩོལ་མེད་པ་རྣམས་དང་མཚན། །གཞན་དང་བདུན་ནི་དེ་བཞིན་ཏེ། །སྡེར་བཅས་བསྡུས་ [101a.3]པར་གྱུར་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་གཉིད་ཀྱིས་མ་ལོག་པར་བརྩལ་ནས་ལོག་སྟེ་ཁུ་བ་ཕྱུང་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་གཉིད་ཀྱིས་ལོག་པའི་ཚེ་བརྩལ་ན་མ་ལོག་པའི་ཚེ་ཁུ་བ་བྱུང་ན་ཅིར་ [101a.4]འགྱུར། དེ་སྟེ་བརྩལ་ན་ཉེས་པ་སྦོམ་པོར་འགྱུར་རོ། །མ་བརྩལ་ན་ཉེས་པ་མེད་དོ། །བཙུན་པས་ནི་སྦུ་བུར་འོངས་པའི་ཁུ་བ་ཕྱུང་ན་ཉེས་པ་སྦོམ་པོའོ་ཞེས་གསུངས་ན། ཇི་ཙམ་གྱིས་ན་སྦུ་བུར་མཆིས་པ་ལགས། གནས་ནས་འཕགས་མ་ཐག་ཏུ་སྦུ་བུར་བཀག་པའོ། །བཙུན་ [101a.5]པ་བཅོམ་ལྡན་འདས་ཀྱིས་གཡོས་པ་ལས་བཀག་པའོ་ཞེས་གསུངས་ན། ཇི་ཙམ་གྱིས་གཡོས་པ་ལས་བཀག་པ་ལགས། གནས་ནས་གཡོས་མ་ཐག་ཏུ་བཀག་པའོ། །བཙུན་པ་མ་བརྩལ་བར་ཁུ་བ་བྱུང་ན་ཅིར་འགྱུར། དེ་སྟེ་དགའ་བར་མ་ཚོར་ན་ཉེས་པ་མེད་དོ། །བཙུན་པ་ [101a.6]དགེ་སློང་གིས་ཁུ་བ་འབྱིན་པ་ལས་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། དགེ་འདུན་གྱི་ལྷག་མ་ལས་བྱུང་བའི་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་མ་ཞིག་ཁུ་བ་འབྱིན་པ་ལས་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བ་ལས་བྱུང་བའི་ཉེས་བྱས་སོ། ། [101a.7]བཙུན་པ་དགེ་སློང་གིས་གཞན་གྱི་ཕོ་མཚན་ལས་ཁུ་བ་ཕྱུང་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་བསྙེན་པར་མ་རྫོགས་པར་བརྩལ་ནས་བསྙེན་པར་མ་རྫོགས་པར་ཕྱུང་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩལ་ནས་བསྙེན་པར་རྫོགས་ཀར་ [101b] [101b.1]ཕྱུང་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩལ་ནས་བསྙེན་པར་རྫོགས་ནས་ཕྱུང་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ཀར་བརྩལ་ནས་བསྙེན་པར་རྫོགས་ཀར་ཕྱུང་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་ [101b.2]བརྩལ་ནས་བསྙེན་པར་རྫོགས་པ་དང་ཕྱུང་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ཏེ་བརྩལ་ནས་བསྙེན་པར་རྫོགས་ནས་ཕྱུང་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ནས་བརྩམས་ཏེ་བསྙེན་པར་མ་རྫོགས་པར་ཕྱུང་ན་ཅིར་འགྱུར། [101b.3]ཉེས་པ་སྦོམ་པོར་འགྱུར་རོ། །ཇི་ལྟར་དགེ་སློང་ཁུ་བ་འབྱུང་བའི་རྐྱེན་གྱིས་དགེ་འདུན་གྱི་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་གྱི་ལྷག་མའོ། །དགེ་སློང་མ་ལ་ནི་ཇི་ལྟར་དངོས་པོ་བཞིན་ནོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ [101b.4]རྣམས་ལ་ནི་ཉེས་བྱས་སོ།། །།མདོར་ན། ལུས་དང་ཐེ་ཚོམ་སོ་དང་ནི། །རྨ་སྤུ་སེན་མོ་དེ་བཞིན་ཏེ། །བཞི་པ་གཉིས་དང་བདུན་པ་རྣམས། །སྡེ་དག་ཏུ་ཡང་བསྡུས་པའོ། །བཙུན་པ་བུད་མེད་ཀྱི་དབང་པོ་ཉམས་པ་དེ་དང་ལྷན་ཅིག་ཏུ་དགེ་སློང་གིས་ལུས་ཀྱིས་ཀུན་ཏུ་ [101b.5]རེག་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་ལུས་ཀྱི་དབང་པོ་ཉམས་པར་གྱུར་པ་ཞིག་གིས་བུད་མེད་དང་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་གཉིས་ཀའི་ལུས་ཀྱི་དབང་པོ་ [101b.6]ཉམས་པར་གྱུར་པ་དེ་གཉིས་གཅིག་ལ་གཅིག་ཀུན་ཏུ་རེག་པར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདི་བུད་མེད་ལ་བུད་མེད་མ་ལགས་ཞེས་ཐེ་ཚོམ་དང་ཡིད་གཉིས་དང་དོགས་པ་སྐྱེས་བཞིན་དུ་དེ་དང་དེ་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིས་ན་ [101b.7]ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་སོས་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་སོ་ལ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་རྨས་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་སྤུས་རེག་ན་ཅིར་ [102a] [102a.1]འགྱུར། ཉེས་པ་སྦོམ་པོར་འགྱུར་རོ། །བཙུན་པ་སྤུ་ལ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་སེན་མོ་ལ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་སེན་མོས་རེག་ན་ཅིར་འགྱུར། ཉེས་པ་སྦོམ་པོར་འགྱུར་ [102a.2]རོ། །བཙུན་པ་དགེ་སློང་གིས་མིའི་བུད་མེད་ལ་མིར་འདུ་ཤེས་ཏེ་རེག་ན་ཅིར་འགྱུར། དགེ་འདུན་གྱི་ལྷག་མའོ། །མི་ལ་མི་མ་ཡིན་པར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་ [102a.3]འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་གཡོགས་པ་ལ་གཡོགས་པར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །གཡོགས་པ་ལ་མ་གཡོགས་པར་འདུ་ [102a.4]ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མ་གཡོགས་པ་ལ་གཡོགས་པར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མ་གཡོགས་པ་ལ་མ་གཡོགས་པར་འདུ་ཤེས་ཏེ་རེག་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་ [102a.5]པ་བསྙེན་པར་མ་རྫོགས་པར་ལུས་ཀྱིས་ཀུན་ཏུ་རེག་པར་བཤམས་ནས་བསྙེན་པར་མ་རྫོགས་པར་རེག་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་རེག་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་ [102a.6]བཤམས་ལ་བསྙེན་པར་རྫོགས་པ་དང་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་རེག་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ནས་རེག་ན་ཅིར་འགྱུར། [102a.7]ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ནས་བཤམས་ལ་བསྙེན་པར་རྫོགས་པ་ན་རེག་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ནས་བཤམས་ལ་བསྙེན་པར་མ་རྫོགས་པར་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ།། །།མདོར་ [102b] [102b.1]ན། གཞན་དུ་འདུ་ཤེས་རོ་རུས་པ། །མཚན་དང་སྐྱེས་པ་མཉེན་པ་དང་། །མ་ནིང་ཕ་དང་མ་ནིང་མ། །སྙོམས་ཞུགས་ཉལ་དང་འགྲོ་བའོ། །བཙུན་པ་དགེ་སློང་གིས་བུད་མེད་གཞན་ཞིག་ལ་ཆགས་པ་ལས་གཞན་དང་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིད་ན་ཅིར་ [102b.2]འགྱུར། ཉེས་པ་སྦོམ་པོར་འགྱུར་རོ། །བཙུན་པ་བུད་མེད་ཀྱི་རོ་དང་ལྷན་ཅིག་ཏུ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བུད་མེད་ཀྱི་ཀེང་རུས་ཤ་མེད་པ་ལ་རེག་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་ [102b.3]ལུས་ཀྱིས་ཀུན་ཏུ་རེག་པར་བགྱིད་པ་ལས་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་མ་སྐྱེས་པ་དང་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིད་པ་ལས་མཚན་འཕོས་ཏེ། དགེ་སློང་ཕར་གྱུར་ན་ཅིར་འགྱུར། ཉེས་པ་སྦོམ་ [102b.4]པོར་འགྱུར་རོ། །བཙུན་པ་དགེ་སློང་གིས་སྐྱེས་པ་དང་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིད་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འཇམ་མམ་སྙམ་དུ་བསམས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མཉེན་ནམ་དྲོའམ་སྙམ་དུ་བསམས་པའང་ [102b.5]དེ་བཞིན་ནོ། །བཙུན་པ་དགེ་སློང་གིས་མ་ནིང་ཕ་དང་ལྷན་ཅིག་ཏུ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མ་ནིང་མ་དང་ལྷན་ཅིག་ཏུ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་སྙོམས་པར་ཞུགས་པ་མོ་དང་ལྷན་ཅིག་ཏུ་རེག་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་ [102b.6]སློང་གིས་བུད་མེད་ཉལ་བ་དང་ལྷན་ཅིག་ཏུ་རེག་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་གིས་འགྲོ་བ་གཞན་དུ་གནས་པ་མོ་དང་ལྷན་ཅིག་ཏུ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །ཇི་ལྟར་དགེ་སློང་གིས་ལུས་ཀྱིས་ཀུན་ཏུ་རེག་པར་བྱས་པ་ལས་དགེ་ [102b.7]འདུན་གྱི་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་གྱི་ལྷག་མར་འགྱུར་རོ། །དགེ་སློང་མ་རྣམས་ལ་ནི་ཕས་ཕམ་པར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། སྐད་དང་ལུས་དང་ [103a] [103a.1]དབེན་སྔགས་དང་། །གཞན་ལས་གཞན་ཕྱིར་སྤྲུལ་པ་དང་། །ཕྲིན་པ་སྤྲིང་ཡིག་ལག་བརྡ་དང་། །གཞན་ཞིག་ཟེར་དང་བདུན་པ་སྟེ། །བགོ་བ་མ་ནིང་སྐྱེས་པ་དང་། །མ་ནིང་བཟང་པོ་སྡིག་ཅན་ནོ། །བཙུན་པ་དགེ་སློང་འཕགས་པ་ཞིག་གིས་འཕགས་ [103a.2]པའི་སྐད་དུ་བུད་མེད་ལ་གནས་ངན་ལེན་གྱི་ཚིག་སྨྲས་པ་ལས་བུད་མེད་དེས་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །འཕགས་པས་མཐའ་འཁོབ་པའི་སྐད་སྨྲས་པ་དང་། བུད་མེད་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ [103a.3]པ་སྦོམ་པོར་འགྱུར་རོ། །མཐའ་འཁོབ་པས་མཐའ་འཁོབ་པའི་སྐད་དུ་སྨྲས་པ་དང་བུད་མེད་དེས་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མཐའ་འཁོབ་པས་འཕགས་པའི་སྐད་དུ་བུད་མེད་ལ་གནས་ངན་ལེན་གྱི་སྐད་སྨྲས་པ་དང་བུད་མེད་ [103a.4]དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ལུས་ཀྱིས་དམིགས་པས་གནས་ངན་ལེན་པའི་ཚིག་བུད་མེད་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དབེན་པ་ལ་དབེན་པར་འདུ་ [103a.5]ཤེས་ཏེ་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་ཉིད་མི་སྣང་བར་བགྱིས་ཏེ་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་ [103a.6]པ་དགེ་སློང་གིས་བུད་མེད་ལ་གཞན་ཞིག་སྨྲར་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བུད་མེད་ལ་གཞན་གྱི་སླད་དུ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་སྤྲུལ་པའི་བུད་མེད་ལ་ [103a.7]གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བུད་མེད་ལ་ཕྲིན་པ་སྨྲར་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ [103b] [103b.1]ཏུ་བརྒྱུད་པ་ཐམས་ཅད་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་བསྙེན་པར་མ་རྫོགས་པས་གནས་ངན་ལེན་གྱི་ཚིག་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ནས་བསྙེན་པར་རྫོགས་ཀར་ [103b.2]སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ནས་བསྙེན་པར་རྫོགས་ཏེ་སྨྲས་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་ [103b.3]རྫོགས་ཀར་བཤམས་ནས་བསྙེན་པར་རྫོགས་ཏེ་སྨྲས་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ནས་བཤམས་ཏེ་བསྙེན་པར་རྫོགས་པར་སྨྲས་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ཏེ་བཤམས་ནས་བསྙེན་པར་མ་རྫོགས་པ་ན་ [103b.4]སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བུད་མེད་ལ་འདི་སྐད་དུ་ཆེ་ཞེ་མཉམ་པར་བགོས་ཤིག་ཅེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་མ་ནིང་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་ [103b.5]རོ། །སྐྱེས་པ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མ་ནིང་མོ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་བུད་མེད་ལ་འདི་སྐད་དུ་བཟང་ངོ་ཞེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ [103b.6]བུད་མེད་ལ་འདི་སྐད་དུ་སྡིག་ཅན་ནོ་ཞེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ།། །།མདོར་ན། སྨྱོན་མ་དང་ཡང་སེམས་འཁྲུགས་མ། །ན་བ་འོན་མ་གླེན་མ་དང་། གཉིད་ལོག་ར་རོ་མྱོས་མ་དང་། །དགེ་སློང་མ་དང་སྙོམས་ཞུགས་མའོ། །སངས་ [103b.7]རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་གིས་བུད་མེད་སྨྱོན་མ་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་ཏེ། སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་མ་དང་། གླེན་མ་དང་། [104a] [104a.1]གཉིད་ལོག་པ་དང་། ར་རོ་བ་དང་། མྱོས་མ་རྣམས་ལ་ཡང་དེ་བཞིན་ནོ། །བཙུན་པ་དགེ་སློང་གིས་བུད་མེད་ལ་གནས་ངན་ལེན་གྱི་ཚིག་སྨྲས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློང་མས་སྐྱེས་པ་ལ་ [104a.2]གནས་ངན་ལེན་གྱི་ཚིག་སྨྲས་པ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་བུད་མེད་ལ་གནས་ངན་ལེན་གྱི་ཚིག་སྨྲས་ན་དགེ་འདུན་གྱི་ལྷག་མའོ་ཞེས་གསུངས་ན། དགེ་སློང་གིས་ [104a.3]བུད་མེད་ལ་གནས་ངན་ལེན་གྱི་ཚིག་ཏུ་སྨྲས་པ་ལ་དགེ་འདུན་གྱི་ལྷག་མར་མི་འགྱུར་བ་མཆིས་སམ། ཡོད་དེ། དེ་སྟེ་གཞན་གྱི་ཕྱིར་ནའོ། །བཙུན་པ་དགེ་སློང་གིས་སྐྱེས་པ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློབ་མ་དང་། དགེ་ཚུལ་མ་ [104a.4]རྣམས་ལ་སྨྲས་ན་ཅིར་འགྱུར། དགེ་འདུན་གྱི་ལྷག་མའོ། །དགེ་སློང་གིས་དགེ་ཚུལ་ཕ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློང་མས་སྐྱེས་པ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློབ་མས་སྐྱེས་པ་དང་། དགེ་སློང་དང་། དགེ་ [104a.5]ཚུལ་ཕ་ལ་སྨྲས་ན་ཉེས་བྱས་སུ་འགྱུར་རོ། །དགེ་ཚུལ་མས་སྐྱེས་པ་དང་། དགེ་སློང་དང་། དགེ་ཚུལ་ཕ་ལ་སྨྲས་ན་ཉེས་བྱས་སུ་འགྱུར་རོ། །དགེ་ཚུལ་ཕས་བུད་མེད་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་སློང་དང་། དགེ་ཚུལ་ཕ་ [104a.6]རྣམས་ལ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྙོམས་པར་ཞུགས་པའི་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ།། །།མདོར་ན། བཞི་པ་གཉིས་དང་འདུ་ཤེས་གཞན། །གནས་ངན་ལེན་ [104a.7]དུ་དེ་དག་བརྗོད། །ཀུན་སྤྱོད་པ་ཡང་དེ་བཞིན་ཏེ། །རྒྱས་པར་བསྒྲགས་པར་བྱའོ། །བཙུན་པ་དགེ་སློང་གིས་མི་མ་ལགས་པའི་བུད་མེད་ལ་མི་མ་ལགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར། [104b] [104b.1]ཉེས་པ་སྦོམ་པོར་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་ལ་མིར་འདུ་ཤེས་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་གིས་མིའི་བུད་མེད་ལ་བུད་མེད་དུ་འདུ་ཤེས་ཏེ་སྨྲས་ན་ཅིར་འགྱུར། དགེ་ [104b.2]འདུན་གྱི་ལྷག་མའོ། །བུད་མེད་ལ་སྐྱེས་པར་འདུ་ཤེས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །སྐྱེས་པ་ལ་བུད་མེད་དུ་འདུ་ཤེས་ནའང་ཉེས་པ་སྦོམ་པོར་འགྱུར་རོ། །སྐྱེས་པ་ལ་སྐྱེས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་ [104b.3]སློང་གིས་གཞན་དུ་འདུ་ཤེས་པ་ལས་བུད་མེད་གཅིག་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་འདུན་གྱི་ལྷག་མ་གསུམ་པ་དང་བཞི་པ་རྫོགས་ཏེ་ཇི་ལྟར་གནས་ངན་ལེན་པ་དེ་བཞིན་དུ་ཀུན་ཏུ་སྤྱོད་པ་ལའང་བྱའོ།། །།འདུལ་ [104b.4]བ་གཞུང་དམ་པ། བམ་པོ་གཉིས་པ། མདོར་ན། ཆོས་གཉིས་བཞི་པ་རྣམ་པ་དྲུག །དབང་པོ་ཉོ་བར་བྱ་བ་གཉིས། །བདུན་པ་དང་ཡང་ཆད་པ་དང་། །བཞི་པ་གཉིས་དང་གཅིག་ནས་གཅིག །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། [104b.5]བཙུན་པ་ཆོས་གང་འདས་པ་ཡང་མ་ལགས། མ་འོངས་པ་ཡང་མ་ལགས། ད་ལྟར་བྱུང་བ་ཡང་མ་ལགས་ལ། ལས་ཀུན་རྫོགས་པའི་མཐར་ཐུག་པའི་ཆོས་དེ་གང་ལགས། ཨུ་པཱ་ལི་མྱ་ངན་ལས་འདས་པའོ། །བཙུན་པ་ཆོས་གང་སོང་ཞིང་འོངས་ལ་ལས་ཀུན་ [104b.6]རྫོགས་པའི་མཐར་ཐུག་པ་དེ་གང་ལགས། ཨུ་པཱ་ལི་སྨྱན་བྱེད་པའོ། །དེ་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་གིས་སྨྱོན་པ་ཞིག་ལས་ཕྲིན་བླངས་ཏེ་སྨྱོན་པ་ལ་བསྐྱལ་ལ་སྨྱོན་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་ [104b.7]རོ། །སྨྱོན་པ་ཞིག་ལས་ཕྲིན་བླངས་ཏེ། སྨྱོན་པ་ལ་བསྐྱལ་ལ་སླར་ལན་རང་བཞིན་དུ་གནས་པ་ཞིག་ལ་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །སྨྱོན་པ་ལས་ཕྲིན་བླངས་ཏེ་རང་བཞིན་དུ་གནས་པ་ལ་བསྐྱལ་ལ་སྨྱོན་པ་ལ་སླར་ལན་སྩལ་ན་ཅིར་འགྱུར། [105a] [105a.1]ཉེས་པ་སྦོམ་པོར་འགྱུར་རོ། །སྨྱོན་པ་ལས་ཕྲིན་བླངས་ཏེ་རང་བཞིན་དུ་གནས་པ་ལ་བསྐྱལ་ལ་རང་བཞིན་དུ་གནས་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་རང་བཞིན་དུ་གནས་པ་ལས་ཕྲིན་བླངས་ཏེ་ [105a.2]རང་བཞིན་དུ་གནས་པ་ལ་བསྐྱལ་ལ་རང་བཞིན་དུ་གནས་པ་ལ་སླར་ལན་སྩལ་ན་ཅིར་འགྱུར། དགེ་འདུན་གྱི་ལྷག་མར་འགྱུར་རོ། །རང་བཞིན་དུ་གནས་པ་ལས་ཕྲིན་བླངས་ཏེ་རང་བཞིན་དུ་གནས་པ་ལ་བསྐྱལ་ལ་སྨྱོན་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། [105a.3]རང་བཞིན་དུ་གནས་པ་ལས་ཕྲིན་བླངས་ཏེ་སྨྱོན་པ་ལ་བསྐྱལ་ལ་རང་བཞིན་དུ་གནས་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །རང་བཞིན་དུ་གནས་པ་ལས་ཕྲིན་བླངས་ཏེ་སྨྱོན་པ་ལ་བསྐྱལ་ལ་སྨྱོན་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་ [105a.4]འགྱུར་རོ། །ཇི་ལྟར་སྨྱོན་པ་ལ་བཞི་བརྒྱུད་གཉིས་པ་དེ་བཞིན་དུ་སེམས་འཁྲུགས་པ་ལའང་བཞི་བརྒྱུད་གཉིས་ཏེ་ནད་ཀྱིས་གཟིར་བ་དང་། དབང་བ་དང་མི་དབང་བ་རྣམས་ལ་ཡང་བཞི་བརྒྱུད་གཉིས་པར་བྱའོ། །བཙུན་པ་དགེ་སློང་གིས་དབང་བ་ལས་ཕྲིན་བླངས་ཏེ་དབང་བ་ལ་ [105a.5]བསྐྱལ་ལ་དབང་བ་ལ་ལན་སླར་སྩལ་ན་ཅིར་འགྱུར། དགེ་འདུན་གྱི་ལྷག་མའོ། །དབང་བ་ལས་ཕྲིན་བླངས་ཏེ་དབང་བ་ལ་བསྐྱལ་ལ་མི་དབང་བ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དབང་བ་ལས་ཕྲིན་བླངས་ཏེ་མི་དབང་བ་ལ་བསྐྱལ་ལ་དབང་བ་ལ་ལན་ [105a.6]སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དབང་བ་ལས་ཕྲིན་བླངས་ཏེ་མི་དབང་བ་ལ་བསྐྱལ་ལ་མི་དབང་བ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་མི་དབང་བ་ལས་ཕྲིན་བླངས་ཏེ་མི་དབང་བ་ལ་བསྐྱལ་ལ་མི་དབང་བ་ལ་ལན་སླར་སྩལ་ན་ [105a.7]ཅིར་འགྱུར། ཉེས་པ་སྦོམ་པོར་འགྱུར་རོ། །མི་དབང་བ་ལས་ཕྲིན་བླངས་ཏེ་མི་དབང་བ་ལ་བསྐྱལ་ལ་དབང་བ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་དབང་བ་ལས་ཕྲིན་བླངས་ཏེ་དབང་བ་ལ་བསྐྱལ་ལ་དབང་བ་ལ་ལན་སླར་བསྐྱལ་ན་ཅིར་འགྱུར། [105b] [105b.1]ཉེས་པ་སྦོམ་པོར་འགྱུར་རོ། །མི་དབང་བ་ལས་ཕྲིན་བླངས་ཏེ་དབང་བ་ལ་བསྐྱལ་ལ་མི་དབང་བ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཁྱིམ་བདག་ཅིག་ལ་འདི་སྐད་དུ་བུད་མེད་ཉོས་ལ་ཤོག་ཅེས་སྨྲས་ན་ཅིར་འགྱུར། ཉེས་ [105b.2]བྱས་སོ། །བཙུན་པ་དགེ་སློང་གིས་ཁྱིམ་བདག་ཅིག་ལ་འདི་སྐད་དུ་བུད་མེད་འདི་ཞེས་བྱ་བ་ཉོས་ཤིག་ཅེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བསྙེན་པར་མ་རྫོགས་པར་ཕྲིན་བླངས་ཏེ་བསྙེན་པར་མ་རྫོགས་པར་བསྐྱལ་ལ་བསྙེན་པར་རྫོགས་པར་སླར་ལན་ [105b.3]བསྐྱལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་ཕྲིན་བླངས་ཏེ་བསྙེན་པར་མ་རྫོགས་པར་བསྐྱལ་ལ་བསྙེན་པར་རྫོགས་ཀར་སླར་ལན་བསྐྱལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་ཕྲིན་བླངས་ཏེ་བསྙེན་པར་རྫོགས་ཀར་བསྐྱལ་ལ་བསྙེན་ [105b.4]པར་རྫོགས་ཏེ་ལན་སླར་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ཀར་ཕྲིན་བླངས་ཏེ་བསྙེན་པར་རྫོགས་ཀར་བསྐྱལ་ལ་བསྙེན་པར་རྫོགས་ཀར་སླར་ལན་བསྐྱལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་ཕྲིན་བླངས་ཏེ་བསྙེན་པར་ [105b.5]རྫོགས་ཀར་བསྐྱལ་ལ་བསྙེན་པར་རྫོགས་ཏེ་སླར་ལན་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་མ་རྫོགས་པས་ཕྲིན་བླངས་ཏེ་བསྙེན་པར་རྫོགས་ཀར་བསྐྱལ་ལ་བསྙེན་པར་རྫོགས་ཏེ་སླར་ལན་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་ [105b.6]རྫོགས་པས་ཕྲིན་བླངས་ཏེ་བསྙེན་པར་རྫོགས་པས་བསྐྱལ་ལ་བསྙེན་པར་མ་རྫོགས་པ་ན་སླར་ལན་བསྐྱལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་གང་ཟག་དེ་ཉིད་ཆད་པ་བཅད་པ་ལགས་ལ་དེ་ཉིད་ཀྱིས་ཆད་པ་ཡང་བགྱིས་ཤིང་དེ་ཉིད་ཡིད་མགུ་བར་སྤྱོད་པ་ཡང་ [105b.7]ལགས་ལ། དེ་ཉིད་ཀྱིས་མགུ་བར་བགྱི་བ་སྤྱད་ལགས་པར་འགྱུར་བ་མཆིས་སམ། ཡོད་དེ། དེའི་ནི་འདི་ལྟར་མགུ་བར་སྤྱད་པ་སྤྱད་ཟིན་པའི་གང་ཟག་དེ་ལ་དགེ་འདུན་གྱི་ལྷག་མའི་ཉེས་པ་ཞིག་བྱུང་ནས་མ་བཅབས་པར་དགེ་འདུན་གྱི་དྲུང་དུ་སོང་ནས་ཡིད་མགུ་བར་བྱ་བ་གསོལ་ [106a] [106a.1]པ་དང་། དེས་དགེ་འདུན་གྱི་ཡིད་མགུ་བར་བྱ་བ་བྱིན་ཏེ་དེས་ཡང་མགུ་བར་བྱ་བ་སྤྱད་ཟིན་པ་དང་། དགེ་འདུན་གྱི་ལྷག་མའི་ཉེས་པ་གཉིས་བྱུང་སྟེ་ཉེས་པ་གཅིག་ནི་ཞག་གཅིག་བཅབས། ཉེས་པ་གཅིག་ནི་ཞག་གཉིས་བཅབས་ནས་དེས་དགེ་འདུན་ལ་ཆད་ [106a.2]པ་གསོལ་བ་དང་། དེས་དགེ་འདུན་གྱིས་ཀྱང་ཆད་པ་བྱིན་ཏེ་དེས་ཞག་གཅིག་ཆད་པ་བྱས་པས་ཉེས་པ་གཅིག་གི་ཆད་པ་ནི་བྲལ། གཉིས་པའི་ཆད་པ་ནི་བྱེད། གསུམ་པ་ནི་ཡིད་མགུ་བར་སྤྱོད་པ། བཞི་པ་ནི་ཡིད་མགུ་བར་སྤྱད་ཟིན་པའོ། །བཙུན་པ་མིའི་བུད་མེད་དང་ [106a.3]མིའི་སྐྱེས་པ་དེ་གཉིས་ཀྱི་སྨྱན་བགྱིས་ན་ཅིར་འགྱུར། དགེ་འདུན་གྱི་ལྷག་མའོ། །མིའི་བུད་མེད་དང་མི་མ་ལགས་པའི་སྐྱེས་པ་དེ་གཉིས་ཀྱིས་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པའི་བུད་མེད་དང་། མིའི་སྐྱེས་པ་དེ་གཉིས་ [106a.4]ཀྱི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པའི་བུད་མེད་དང་། མི་མ་ལགས་པའི་སྐྱེས་པ་དེ་གཉིས་ཀྱི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་མི་ལ་མིར་འདུ་ཤེས་ཏེ་སྨྱན་བགྱིས་ན་ཅིར་འགྱུར། དགེ་འདུན་གྱི་ལྷག་ [106a.5]མའོ། །མི་ལ་མི་མ་ལགས་པར་འདུ་ཤེས་ཏེ་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་ཏེ་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་གཅིག་ནས་གཅིག་ཏུ་བརྒྱུད་དེ་སྨྱན་བགྱིས་ [106a.6]ན་ཅིར་འགྱུར། དགེ་འདུན་གྱི་ལྷག་མའོ།། །།མདོར་ན། གཞོན་ནུ་མ་དང་བུད་མེད་མངལ། །ཟ་མ་མ་ནིང་མ་ནིང་མོ། །དགེ་འདུན་ཐམས་ཅད་བརྟུལ་ཞུགས་ནས། །མཚན་གཉིས་དང་ནི་འདྲ་བའོ། །བཙུན་པ་གཞོན་ནུ་མའི་སྨྱན་བགྱིས་ན་ཅིར་འགྱུར། ཉེས་པ་ [106a.7]སྦོམ་པོར་འགྱུར་རོ། །བཙུན་པ་ཁྱིམ་བདག་གི་བུ་མ་མཆིས་པར་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་མངལ་ན་གནས་པའི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་ཟ་མའི་སྨྱན་བགྱིས་ན་ཅིར་འགྱུར། ཉེས་པ་སྦོམ་ [106b] [106b.1]པོར་འགྱུར་རོ། །མ་ནིང་དང་མ་ནིང་མོའི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་འདུན་ཐམས་ཅད་ཚོགས་པ་དང་། ཁྱིམ་བདག་ཅིག་མཆིས་ནས་འདི་སྐད་དུ་འཕགས་པ་རྣམས་བདག་གི་ཚིག་གིས་ཁྱིམ་བདག་འདི་ཞེས་བགྱི་བ་ལ་སྲིང་ [106b.2]མོའམ། ཚ་མོའམ། ཡང་ཚ་མོ་བྱིན་ཅིག་ཅེས་གསུང་སྤྱོད་དམ་ཞེས་སྨྲས་པ་དང་། གལ་ཏེ་དགེ་འདུན་ཐམས་ཅད་ཀྱིས་ཕྲིན་བླངས་ཏེ་ལན་སླར་བསྐྱལ་ན་དགེ་འདུན་ཐམས་ཅད་ལ་ཅིར་འགྱུར། དགེ་འདུན་གྱི་ལྷག་མའོ། །དེ་སྟེ་དགེ་འདུན་ཐམས་ཅད་བགྲོས་ནས་དགེ་ [106b.3]སློང་གཅིག་གིས་བསྐྱལ་ཏེ་ལན་སླར་བསྐྱལ་ན་དགེ་འདུན་ཐམས་ཅད་ལ་ཅིར་འགྱུར། དགེ་འདུན་གྱི་ལྷག་མའོ། །འོན་ཏེ་དགེ་སློང་ཅིག་གིས་རང་གི་བློས་བསྐྱལ་ཏེ་ལན་བྱིན་ན་ཡང་དགེ་འདུན་གྱི་ལྷག་མར་འགྱུར་རོ། །དགེ་སློང་མ་དང་བརྟུལ་ཞུགས་ལ་གནས་པ་ཚངས་ [106b.4]པར་སྤྱོད་པ་གཞན་གྱི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། བཙུན་པ་དགེ་སློང་གིས་ཕྲིན་བླངས་པ་དང་། དེ་བླངས་མ་ཐག་ཏུ་མཚན་འཕོས་ཏེ་དགེ་སློང་མར་གྱུར་ནས་བསྐྱལ་ཏེ་ལན་སླར་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་ [106b.5]དགེ་སློང་མས་ཕྲིན་བླངས་ནས་བསྐྱལ་ཏེ་ལན་སླར་བསྐྱལ་བ་དང་། དེའི་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་གིས་ཕྲིན་བླངས་ནས་བསྐྱལ་བ་དང་། དེའི་མཚན་འཕོས་བཞིན་དུ་ལན་སླར་བསྐྱལ་ན་ཅིར་འགྱུར། [106b.6]ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཕྲིན་བླངས་པ་དང་། སྐྱེས་པ་དེའི་མཚན་འཕོས་ནས་མཚན་འཕོས་བཞིན་དུ་བསྐྱལ་ཏེ་ལན་སླར་བསྐྱལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཕྲིན་བླངས་པ་དང་། བུད་མེད་ལ་ནི་སྐྱེས་ [106b.7]པའི་མཚན་སྐྱེས་པ་ལ་བུད་མེད་ཀྱི་མཚན་འཕོས་པ་ལ་འཕོས་བཞིན་དུ་བསྐྱལ་ནས་ལན་སླར་བསྐྱལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་སྐྱེས་པས་བུད་མེད་དང་ལྷན་ཅིག་དུས་བརྡ་ [107a] [107a.1]བགྱིས་པར་གྱུར་པ་ལས་སྐྱེས་པས་དགེ་སློང་ཞིག་ལ་འདི་སྐད་དུ་འཕགས་པ་བུད་མེད་གཅིག་གཟིགས་སམ་ཞེས་སྨྲས་པ་དང་། དགེ་སློང་གིས་འཚལ་བཞིན་དུ་འདི་སྐད་རྩིག་པ་འདིའི་དྲུང་ན་འདུག་གོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། [107a.2]དེ་སྟེ་དེས་འདི་སྐད་དུ་འཕགས་པ་བཞུད་ལ་བུད་མེད་དེ་ཚུར་ཤོག་ཅེས་གསུངས་ཤིག་ཅེས་སྨྲས་པ་དང་། དགེ་སློང་དེ་སོང་སྟེ་དེ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །ཇི་ལྟར་དགེ་སློང་གིས་སྨྱན་བྱས་པས་དགེ་འདུན་གྱི་ལྷག་མར་འགྱུར་བ་དེ་བཞིན་དུ་ [107a.3]བསླབ་པ་བྱིན་པ་དང་། དགེ་སློང་མ་ལ་ཡང་དགེ་འདུན་གྱི་ལྷག་མར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ནི་ཉེས་བྱས་སུ་འགྱུར་རོ།། །།མདོར་ན། མ་གནང་བ་དང་ཚད་བྱ་དང་། །བདག་དང་གཞན་དང་ [107a.4]མ་གཡོགས་པ། །ཕྱིར་བབས་བདུན་བརྒྱུད་དེ་བཞིན་ཏེ། །མཚན་ནི་ཐ་མར་གྱུར་པའོ། །བཙུན་པ་དགེ་སློང་གིས་དངོས་པོ་མ་གནང་བར་ཁང་པ་བརྩིགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དངོས་པོ་གསོལ་ནས་ཁང་པ་མ་བརྩིགས་ན་ཅིར་འགྱུར། ཉེས་བྱས་སོ། ། [107a.5]ཁང་པ་བརྩིགས་པར་གནང་ནས་ཚད་ལས་འདས་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བདག་གིས་བརྩམས་ནས་མ་ལགས་པར་བོར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་གཞན་གྱིས་མ་ལགས་པ་ལགས་པར་བགྱིས་ན་ཅིར་འགྱུར། [107a.6]ཉེས་པ་སྦོམ་པོར་འགྱུར་རོ། །སྟེང་མ་གཡོགས་པ་ཞིག་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བརྩམས་ནས་སླར་བབས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་བཞིན་དུ་བདག་ཉིད་ཀྱི་འཚོ་བ་དང་བྲལ་བ་དང་། དགེ་ཚུལ་ཕར་ཁས་ལེན་ [107a.7]པ་ཐམས་ཅད་ཉེས་པ་སྦོམ་པོར་འགྱུར་རོ། །དེ་བཞིན་དུ་མ་ནིང་ལ་སོགས་པ་རྒྱས་པར་ནི་ཇི་ལྟར་བསླབ་པ་ཕུལ་བ་བཞིན་ནོ། །བསྙེན་པར་མ་རྫོགས་པར་བརྩམས་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩམས་ [107b] [107b.1]ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩམས་ནས་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་བརྩམས་ནས་བསྙེན་པར་རྫོགས་ཀར་ལགས་ན་ཅིར་འགྱུར། [107b.2]ཉེས་བྱས་སོ། །བསྙེན་པར་རྫོགས་པ་ན་བརྩམས་ནས་བསྙེན་པར་རྫོགས་པ་ན་ལགས་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་པ་ན་བརྩམས་ནས་བསྙེན་པར་མ་རྫོགས་པ་ན་ལགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་ [107b.3]སློང་གིས་ཁང་པ་བརྩིག་པར་བརྩམས་པ་དང་། དེའི་མཚན་འཕོས་ཏེ་དགེ་སློང་མར་གྱུར་ནས་ལགས་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་མས་ཁང་པ་བརྩིག་པར་བརྩམས་པ་དང་། མཚན་འཕོས་ནས་དགེ་སློང་ཕར་གྱུར་ཏེ་ལགས་ [107b.4]པར་བགྱིས་ན་ཅིར་འགྱུར། ཉེས་བྱས་སོ། །བསླབ་པ་སྩལ་བས་བགྱིས་ན་ཅིར་འགྱུར། དགེ་འདུན་གྱི་ལྷག་མའོ། །དགེ་སློང་མས་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་ལ་ནི་ཉེས་བྱས་ [107b.5]སོ། །གཙུག་ལག་ཁང་ཆེན་པོ་ཡང་དེ་བཞིན་དུ་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། ། [107b.6]སྙོམས་ཞུགས་འགྲོ་བ་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་འཁོན་ཏེ་འཁོན་མ་བཏང་བས་དགེ་སློང་གཙང་མ་ཉེས་པ་མེད་པ་ལ་བྱ་བ་མེད་པར་ཕས་ཕམ་པའི་ཆོས་ [107b.7]ཀྱིས་སྐུར་ན་དགེ་འདུན་གྱི་ལྷག་མའོ་ཞེས་གསུངས་ན། དགེ་སློང་གིས་བྱ་བ་མ་མཆིས་པར་ཕས་ཕམ་པའི་ཆོས་ཀྱིས་སྐུར་ཀྱང་དགེ་འདུན་གྱི་ལྷག་མར་མི་འགྱུར་བ་མཆིས་སམ། ཡོད་དེ། དགེ་སློང་གིས་ཕྲིན་གྱིས་སྐུར་ན་ཉེས་པ་སྦོམ་པོར་འགྱུར་རོ། །དེ་བཞིན་དུ་སྤྲིང་ཡིག་ [108a] [108a.1]དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་སྐུར་ན་ཐམས་ཅད་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་ལ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་ [108a.2]འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལའང་སྐུར་ན་ཐམས་ཅད་ཉེས་པ་སྦོམ་པོར་འགྱུར་རོ། ། [108a.3]བཙུན་པ་དགེ་སློང་གིས་འདི་ལས་ཕྱི་རོལ་གྱི་མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། ཀུན་ཏུ་སྤྱོད་པ་པ་དང་། ཀུན་ཏུ་རྒྱུ་བ་རྣམས་ལ་སྐུར་ན་ཅིར་འགྱུར། ཉེས་བྱས་སོ།། །།མདོར་ན། སྐད་དང་ལུས་དང་དབེན་པ་དང་། །སྔགས་དང་གཞན་གྱིས་ [108a.4]གཞན་ལ་བདུན། །ཁྱིམ་པ་ལ་ནི་སོགས་པ་དང་། །མཚན་ཀྱང་རྣམ་པ་བཞི་བརྒྱུད་འགྱུར། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་སྐུར་པ་དང་། དགེ་སློང་དེས་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། [108a.5]འཕགས་པས་མཐའ་འཁོབ་པའི་སྐད་དུ་སྐུར་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མཐའ་འཁོབ་པས་མཐའ་འཁོབ་པའི་སྐད་དུ་སྐུར་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་ [108a.6]འགྱུར། ཉེས་པ་སྦོམ་པོར་འགྱུར་རོ། །མཐའ་འཁོབ་པས་འཕགས་པའི་སྐད་དུ་སྐུར་པ་དང་། དགེ་སློང་དེས་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དགེ་སློང་ལ་ལུས་མི་དམིགས་པས་སྐུར་ན་ཅིར་འགྱུར། [108a.7]ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དབེན་པ་ལ་དབེན་པར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་ཉིད་མི་སྣང་བར་བསྒྱུར་ཏེ་དགེ་སློང་ལ་སྐུར་ན་ཅིར་འགྱུར། ཉེས་པ་སྦོམ་ [108b] [108b.1]པོར་འགྱུར་རོ། །བཙུན་པ་དགེ་སློང་གིས་དགེ་སློང་ལ་གཞན་ཞིག་སྐུར་པ་འདེབས་སུ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དགེ་སློང་ལ་གཞན་གྱི་སླད་དུ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་བསྙེན་པར་ [108b.2]མ་རྫོགས་པར་སྐུར་པ་གདབ་པར་བཤམས་ནས་བསྙེན་པར་མ་རྫོགས་པར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ནས་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ནས་བསྙེན་པར་ [108b.3]རྫོགས་ཏེ་གྲུབ་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཏེ་གྲུབ་ན་ཅིར་འགྱུར། དགེ་འདུན་གྱི་ལྷག་མའོ། ། [108b.4]བསྙེན་པར་རྫོགས་པ་ན་བཤམས་ཏེ་བསྙེན་པར་རྫོགས་པ་ན་གྲུབ་ན་ཅིར་འགྱུར། དགེ་འདུན་གྱི་ལྷག་མའོ། །བསྙེན་པར་རྫོགས་པ་ནས་བཤམས་ཏེ་བསྙེན་པར་མ་རྫོགས་པ་ན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཁྱིམ་པ་ལ་ [108b.5]སྐུར་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་ [108b.6]གནས་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ལ་སྐུར་ན་ཐམས་ཅད་དུ་ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དགེ་སློང་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །དེ་བཞིན་དུ་དགེ་འདུན་ཕྱེ་བ་དང་། མི་གནས་པ་དང་། རྗེས་སུ་ [108b.7]ཕྱོགས་པ་དང་། བསླབ་པ་བྱིན་པའི་དགེ་སློང་རྣམས་ལ་སྐུར་ན་ཐམས་ཅད་དགེ་འདུན་གྱི་ལྷག་མར་གྱུར་ཏོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་གིས་དགེ་ [109a] [109a.1]སློང་ལ་སྐུར་པ་དང་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་མས་དགེ་སློང་མ་ལ་སྐུར་པ་དང་། མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་ [109a.2]སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །དགེ་སློང་གིས་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བསྙེན་པར་མ་ [109a.3]རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་སྐུར་ན་ཅིར་ [109a.4]འགྱུར། དགེ་འདུན་གྱི་ལྷག་མའོ། །མི་ལ་མི་མ་ལགས་པར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་ [109a.5]ཏེ་སྐུར་ན་ཅིར་འགྱུར། །ཉེས་པ་སྦོམ་པོར་འགྱུར་རོ།། །།མདོར་ན། མཐའ་དང་འོན་ཏེ་མཚམས་མེད་པ། །གསད་པར་མི་བྱ་གཅིག་ལ་གཅིག །བྲིས་དང་ཆས་སྐུར་དེ་བཞིན་ཏེ། །རྒྱས་པར་བྱེད་དང་དེ་བཞིན་ནོ། །བཙུན་པ་དགེ་སློང་ཞིག་བདག་ཉིད་འདི་སྐད་ [109a.6]དུ་བདག་གིས་མི་ཚངས་པར་སྤྱོད་པ་འཁྲིག་པའི་ཆོས་བགྱིས་སོ་ཞེས་མཆི་བའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་རྐུ་བ་དང་། གསོད་པ་དང་། {བརྫུན་,རྫུན་}རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མར་འགྱུར་རོ། །བཙུན་པ་དགེ་སློང་ཞིག་བདག་ཉིད་འདི་ [109a.7]སྐད་བདག་གིས་ཡོ་བྱད་ཆེན་པོ་ཞིག་བརྐུས་སོ་ཞེས་མཆི་བའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་གསོད་པ་དང་། {བརྫུན་,རྫུན་}དང་། མི་ཚངས་པར་སྤྱོད་པ་རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་ཞིག་བདག་ཉིད་འདི་སྐད་དུ་ [109b] [109b.1]བདག་གིས་མི་ཞིག་འཚོ་བ་དང་ཕྲལ་ལོ་ཞེས་མཆི་བའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་{བརྫུན་,རྫུན་}དང་། མི་ཚངས་པར་སྤྱོད་པ་དང་། རྐུ་བ་རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་ཞིག་བདག་ཉིད་འདི་སྐད་དུ་བདག་གིས་མི་ལས་ [109b.2]བླ་མར་གྱུར་པའི་ཆོས་སྨྲས་སོ་ཞེས་མཆིས་པའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་མི་ཚངས་པར་སྤྱོད་པ་དང་། རྐུ་བ་དང་། གསོད་པ་རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་རྩ་བ་ [109b.3]མེད་པར་ཕས་ཕམ་པའི་ཆོས་ཀྱིས་སྐུར་ན་དགེ་འདུན་གྱི་ལྷག་མར་འགྱུར་རོ་ཞེས་གསུངས་ན་བཙུན་པ་དགེ་སློང་གིས་དགེ་སློང་ལ་རྩ་བ་མ་མཆིས་པར་མཚམས་མེད་པས་སྐུར་ན་ཅིར་འགྱུར། དེ་སྟེ་ཕ་དང་མ་དང་། དགྲ་བཅོམ་པ་བསད་པ་རྣམས་ཀྱིས་སྐུར་ན་དགེ་འདུན་ [109b.4]གྱི་ལྷག་མར་འགྱུར་རོ། །གང་ལ་རྩ་བ་མེད་པར་དགེ་འདུན་གྱི་དབྱེན་དང་། ངན་སེམས་ཀྱིས་ཁྲག་ཕྱུང་བས་སྐུར་ན་ཉེས་བྱས་སུ་འགྱུར་རོ། །དེ་ཅིའི་ཕྱིར་ཞེ་ན། ཨུ་པཱ་ལི་ཕ་དང་། མ་དང་། དགྲ་བཅོམ་པ་བསད་པས་སྐུར་པ་གང་ཡིན་པ་དེ་ནི་ཕས་ཕམ་པས་སྐུར་ [109b.5]པའོ། །དགེ་འདུན་གྱི་དབྱེན་དང་། ངན་སེམས་ཀྱིས་ཁྲག་ཕྱུང་བས་སྐུར་པ་གང་ཡིན་པ་དེ་ནི་ཉེས་པ་སྦོམ་པོས་སྐུར་པ་སྟེ། ཉེས་པ་སྦོམ་པོས་ནི་དགེ་སློང་མ་ཡིན་པར་མི་འགྱུར་གྱི་དེ་ནི་བཤགས་པར་འོས་སོ། །དགེ་སློང་གིས་དགེ་སློང་ལ་རྩ་བ་མེད་པར་ཕས་ཕམ་པའི་ཆོས་ཀྱིས་ [109b.6]སྐུར་ན་དགེ་འདུན་གྱི་ལྷག་མར་འགྱུར་རོ། །རྩ་བ་མེད་པར་དགེ་འདུན་གྱི་ལྷག་མས་སྐུར་ན་ལྟུང་བར་འགྱུར་རོ། །རྩ་བ་མེད་པར་ལྟུང་བ་དང་། སོ་སོར་མཐོལ་བ་རྣམས་དང་། ཉེས་བྱས་རྣམས་ཀྱིས་སྐུར་ན་ཉེས་བྱས་སུ་འགྱུར་རོ། །དེ་བཞིན་དུ་རྩ་བ་མེད་པར་ཉེས་པ་སྦོམ་པོས་སྐུར་ན་ཡང་ཉེས་བྱས་ [109b.7]སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་སྐུར་ན་དགེ་འདུན་གྱི་ལྷག་མར་འགྱུར་རོ་ཞེས་གསུངས་ན་དགེ་སློང་གིས་དགེ་སློབ་མ་དང་། དགེ་ཚུལ་ཕ་ [110a] [110a.1]དང་། དགེ་ཚུལ་མ་རྣམས་ལ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་སློང་མས་དགེ་སློང་མ་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །དགེ་སློང་མས་དགེ་སློང་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །དགེ་ཚུལ་ [110a.2]ཕས་དགེ་སློབ་མ་དང་། དགེ་ཚུལ་མ་ལ་སྐུར་ན་ཉེས་བྱས་སུ་འགྱུར་རོ། །དགེ་སློབ་མས་དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་སྐུར་ན་ཉེས་བྱས་སུ་འགྱུར་རོ། །དགེ་ཚུལ་གྱིས་དགེ་སློང་དང་། དགེ་སློང་མ་དང་། དགེ་སློབ་མ་ [110a.3]དང་། དགེ་ཚུལ་མ་རྣམས་ལ་སྐུར་ན་ཉེས་བྱས་སུ་འགྱུར་རོ། །དགེ་ཚུལ་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་རྣམས་ལ་སྐུར་ན་ཉེས་བྱས་སུ་འགྱུར་རོ། །བཙུན་པ་དགེ་སློང་བདག་ཉིད་ཀྱིས་བྲིས་ལ་འདི་སྐད་དུ་ཡི་གེ་འདི་ནི་འདི་སྐད་ཟེར་ཏེ། [110a.4]ཁྱོད་ནི་མི་ཚངས་པར་སྤྱད་པའི་ཕས་ཕམ་པ་བྱུང་ངོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །ཇི་ལྟར་རྩ་བ་མེད་པ་དེ་བཞིན་དུ་ཆས་སྐུར་ནའང་དེ་བཞིན་དུ་རྒྱས་པར་བརྗོད་པར་བྱའོ།། །།མདོར་ན། བསྡུམ་པའི་གསོལ་བ་བཏང་སྙོམས་དང་། །གླེང་བ་ [110a.5]དྲན་པར་བྱ་བ་དང་། །བཞི་པ་འདུག་དང་རྟག་པར་དང་། །དད་དང་གཅིག་པུ་ནམ་མཁའ་དང་། །ཁྱེར་བ་རྒྱས་པ་དེ་བཞིན་བྱ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་བསྡུམ་པར་མ་བསྒོ་བར་གསོལ་བ་དང་བཞིའི་ལས་ [110a.6]ཀྱིས་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་བ་འཆགས་སམ་མི་འཆགས། ཨུ་པཱ་ལི་མི་འཆགས་ཏེ། དགེ་འདུན་ལ་ཡང་འདས་པ་དང་བཅས་པར་འགྱུར་རོ། །བཙུན་པ་བསྡུམ་པར་བསྒོ་བས་གསོལ་བ་དང་བཞིའི་ལས་ཀྱིས་བསྒོ་བ་ན་བསྒོ་བ་ཞེས་ [110a.7]བགྱི་འམ། མ་བསྒོ་བ་ཞེས་བགྱི། བསྒོ་བ་འཆགས་སམ་མི་འཆགས། ཨུ་པཱ་ལི་འཆགས་ཏེ་དགེ་འདུན་ལ་ཡང་འདས་པ་དང་བཅས་པར་མི་འགྱུར་རོ། །བཙུན་པ་བསྐྲད་པའི་ལས་མ་བགྱིས་པར་བསྡུམ་པར་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་ [110b] [110b.1]བ་འཆགས་སམ། མི་འཆགས། ཨུ་པཱ་ལི་མི་འཆགས་ཏེ། དགེ་འདུན་ལ་ཡང་འདས་པ་དང་བཅས་པར་འགྱུར་རོ། །བཙུན་པ་བསྐྲད་པའི་ལས་བགྱིས་ལ་བསྡུམ་པར་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་བ་འཆགས་སམ་མི་འཆགས་ [110b.2]ཨུ་པཱ་ལི་འཆགས་ཏེ། དགེ་འདུན་ལ་འང་འདས་པ་དང་བཅས་པར་མི་འགྱུར་རོ། །བཙུན་པ་བསྐྲད་པའི་ལས་མ་བགྱིས་པར་གསོལ་བ་དང་བཞིའི་ལས་ཀྱིས་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་བ་འཆགས་སམ་མི་འཆགས། ཨུ་པཱ་ལི་མི་ [110b.3]འཆགས་ཏེ། དགེ་འདུན་ལ་ཡང་འདས་པ་དང་བཅས་པར་འགྱུར་རོ། །བཙུན་པ་བསྐྲད་པའི་ལས་བགྱིས་ནས་གསོལ་བ་དང་བཞིའི་ལས་ཀྱིས་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་བ་འཆགས་སམ། མི་འཆགས། ཨུ་པཱ་ལི་འཆགས་ཏེ་ [110b.4]དགེ་འདུན་ལ་ཡང་འདས་པ་དང་བཅས་པར་མི་འགྱུར་རོ། །བཙུན་པ་མ་གླེངས་ཤིང་དྲན་པར་མ་བགྱིས་ལ་བདག་ཉིད་ཚིག་བཀའ་བློ་མི་བདེ་བ་ལ་གནས་ན་བསྒོ་བར་བགྱིའམ། ཨུ་པཱ་ལི་མ་ཡིན་ནོ། །བསྒོ་བ་འཆགས་སམ། ཨུ་པཱ་ལི་མི་འཆགས་སོ། །བཙུན་པ་ [110b.5]གླེངས་ཤིང་དྲན་པར་བགྱིས་ལ་བདག་ཉིད་ཚིག་བཀའ་བློ་མི་བདེ་བ་ལ་གནས་ན་ཅིར་འགྱུར། ཉེས་བྱས་སོ། །བསྒོ་བར་བགྱིའམ། ཨུ་པཱ་ལི་བསྒོ་བ་ཞེས་བྱའོ། །བསྒོ་བ་འཆགས་སམ། ཨུ་པཱ་ལི་འཆགས་སོ། །བཙུན་པ་གླེངས་ཤིང་དྲན་པར་བགྱིས་ལ་བདག་ [110b.6]ཉིད་ཚིག་བཀའ་བློ་མི་བདེ་བ་ལ་གནས་ན་ཅིར་འགྱུར། ཉེས་བྱས་སོ། །བསྒོ་བར་བགྱིའམ། ཨུ་པཱ་ལི་བསྒོ་བ་ཞེས་བྱའོ། །བསྒོ་བ་འཆགས་སམ། ཨུ་པཱ་ལི་འཆགས་སོ། །བཙུན་པ་མཚམས་ཀྱི་ནང་ན་མཆིས་པས་མཚམས་ཀྱི་སླད་རོལ་ན་མཆིས་པ་རྣམས་ [110b.7]ལ་བསྒོ་ན་བསྒོ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ལས་བགྱིད་པ་མཚམས་ཀྱི་ནང་ན་མཆིས་པས་མཚམས་ཀྱི་ [111a] [111a.1]སླད་རོལ་ན་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱི་འམ། ཨུ་པཱ་ལི་མ་ཡིན་ནོ། །བཙུན་པ་ལས་བགྱིད་པ་མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། [111a.2]བཙུན་པ་ལས་བགྱིས་པས་མཚམས་མནན། མཚམས་བཟུང་། མཚམས་སུ་འགྲེང་ངམ། འདུག་སྟེ་བསྒོ་ན་བསྒོ་བ་ཞེས་བགྱིའམ། བསྒོ་བ་འཆགས་སམ། ཨུ་པཱ་ལི་བསྒོ་བ་ཞེས་བྱ་སྟེ། བསྒོ་བ་འཆགས་སོ། །བཙུན་པ་དགེ་སློང་ལས་བགྱིད་པ་ [111a.3]མ་བསྒོས་པས་མཚམས་ཀྱི་ནང་ནས་གང་ཟག་བཞི་ཞིག་སྤངས་ན་སྤངས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་ལས་བགྱིད་པར་བསྐོས་པས་མཚམས་ཀྱི་ནང་ནས་གང་ཟག་བཞི་ཞིག་སྤངས་ན་སྤངས་པ་ཞེས་བགྱིའམ། འོན་ཏེ་རེ་རེ་ནས་སམ། [111a.4]གཉིས་གཉིས་ནས་སམ། གསུམ་གསུམ་ནས་སྤངས་ན་སྤངས་པ་ཞེས་བྱའོ། །བཙུན་པ་མཚམས་གཅིག་པའི་ཕྱོགས་བཞི་ན་མཚུངས་པར་གནས་པའི་དགེ་སློང་དག་གིས་དགེ་སློང་བཞི་ལ་བསྒོ་ན་བསྒོ་བ་ཞེས་ཀྱང་བགྱི་ལ་ནོངས་པ་ཅུང་ཟད་དུ་ཡང་མི་འགྱུར་ཞིང་ [111a.5]དེས་དགེ་འདུན་མི་མཐུན་པར་ཡང་མི་འགྱུར་བ་ཡང་མཆིས་སམ། ཨུ་པཱ་ལི་ཡོད་དེ། གཅིག་ལ་གཅིག་དད་པ་བྱིན་ལ་དེ་སྟེ་རེ་རེ་འམ། གཉིས་གཉིས་སམ། གསུམ་གསུམ་ལ་བསྒོ་སྟེ། བཞིར་མ་ཚང་ནའོ། །དེ་ཅིའི་ཕྱིར་ཞེ་ན། མང་པོས་མང་པོ་ལ་ [111a.6]ལས་བྱར་མི་རུང་ངོ་། །བཙུན་པ་ལས་བགྱིད་པ་ཕྱོགས་གཅིག་ཏུ་མཆིས་པ་གནས་བཞིའི་ལས་ཐམས་ཅད་བགྱི་བར་རུང་ངམ། ཨུ་པཱ་ལི་རུང་སྟེ། ཇི་ལྟར་དེ་ཡང་དགེ་སློང་ལས་བྱེད་པ་དེས་གནས་བཞི་ཆར་གྱི་མཚམས་ཀྱི་མདོར་ཁྲིའམ། ཁྲིའུའམ། སྨྱུག་མའམ། [111a.7]རེ་ལྡེ་ལ་མནན་ཏེ་འདུག་པར་གྱུར་ལ་གནས་དེ་དག་ཏུ་འདི་ལྟ་སྟེ། བཞི་སྡེས་བྱ་བའི་ལས་སམ། ལྔ་སྡེས་བྱ་བའི་ལས་སམ། བཅུ་སྡེས་བྱ་བའི་ལས་སམ། ཉི་ཤུ་སྡེས་བྱ་བའི་ལས་ཀྱང་རུང་སྟེ། ལས་འདི་ལྟ་བུ་དག་ཉེ་བར་བྱུང་བར་གྱུར་པ་སྟེ། དེ་ཅིའི་ཕྱིར་ཞེ་ན། དེ་ [111b] [111b.1]ནི་དེ་དག་གི་ལས་བྱེད་པའོ། །དེ་ནི་དེ་དག་གི་གྲངས་སུ་སྐོང་བའོ། །ས་ལ་མཆིས་པས་ནམ་མཁའ་ལ་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱི་འམ། ཨུ་པཱ་ལི་མ་ཡིན་ནོ། །བཙུན་པ་ལས་བགྱིད་པ་ནམ་མཁའ་ལ་མཆིས་ལ་ས་ལ་མཆིས་པ་རྣམས་ལ་བསྒོ་ན་བསྒོ་བ་ [111b.2]ཞེས་བགྱི་འམ། ཨུ་པཱ་ལི་མ་ཡིན་ནོ། །དགེ་འདུན་གྱི་ལྷག་མ་བཞི་པོ་ལུས་པ་ལ་ཡང་དེ་བཞིན་དུ་བརྗོད་པར་བྱའོ། །དགེ་སློང་ལ་ཇི་ལྟ་བ་བཞིན་དུ་བསླབ་པ་བྱིན་པ་དང་། དགེ་སློང་མ་རྣམས་ལ་ཡང་དགེ་འདུན་གྱི་ལྷག་མར་འགྱུར་རོ། །དགེ་སློབ་མ་དང་། དགེ་ཚུལ་ཕ་ [111b.3]དང་། དགེ་ཚུལ་མ་རྣམས་ལ་ཉེས་བྱས་སོ། །ཨུ་པཱ་ལིས་ཞུས་པའི་ནང་ནས་དགེ་འདུན་གྱི་ལྷག་མ་རྫོགས་སོ།། །།མདོར་ན། ཐ་མ་ལམ་དང་རྒྱལ་རིགས་དང་། །ཕུང་པོ་ལྷག་མ་དེ་བཞིན་ཏེ། །ཁ་དང་ཤ་ཀ་ར་དང་ཧྭགས། །བུ་རམ་མར་དང་མི་ [111b.4]མངོན་པའོ། །བཙུན་པ་དགེ་བསྙེན་མ་དད་པ་ཞིག་དགེ་སློང་དེའི་དྲུང་དུ་མཆིས་ནས་འདི་སྐད་དུ་བཙུན་པ་བདག་གིས་དགེ་སློང་ཞིག་ལ་ཐ་མ་དང་པོ་བགྱིད་པ་མཐོང་ངོ་ཞེས་མཆི་ན་དགེ་བསྙེན་མ་དད་པའི་ཚིག་བཞིན་བགྱི་འམ་མི་བགྱི་མི་བྱའོ། །དེ་དེའི་ངོ་བོ་ཚོལ་དུ་སྩལ་ [111b.5]ཏམ། མི་སྩལ། མི་གཞུག་སྟེ་དེ་ན་ཟླ་ལྟ་ཡོད་དམ་ཞེས་དེ་ལ་དྲི་བར་བྱའོ། །དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་པ་ལ་དེ་སྟེ་མཐུན་ན་དགེ་བསྙེན་མ་དད་པའི་ཚིག་བཞིན་དུ་གྱིས་ཤིག །དེ་དེའི་ངོ་བོ་ཚོལ་དུ་ཡང་ཆུག་ཤིག །འོན་ཏེ་དེས་འདི་སྐད་སྨྲ་སྟེ། ཐ་མ་དང་ [111b.6]པོའི་ཉེས་པ་ནི་མ་བྱུང་གི་བདག་གིས་གཉིས་པའམ། གསུམ་པའམ། བཞི་པའང་རུང་། ཉེས་པ་བྱུང་བ་ནི་མཐོང་ངོ་ཞེས་སྨྲས་ན་དགེ་སློང་དམ་འཆར་ཆུག་ཤིག །ཇི་ལྟར་དང་པོ་པ་དེ་བཞིན་དུ་གཉིས་པ་དང་། གསུམ་པ་དང་། བཞི་པའི་ཐ་མ་རྣམས་ལ་ཡང་དེ་ལྟར་བྱའོ། ། [111b.7]བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་ཞིག་གིས་ཁའི་སྒོར་མ་རུང་བར་བགྱིས་པ་བདག་གིས་མཐོང་ངོ་ཞེས་མཆི་ན་དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། །དེ་དེའི་ངོ་བོ་ཚོལ་དུ་སྩལ་ཏམ། [112a] [112a.1]མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ལ་དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ཤིག །དེ་སྟེ་མཐུན་ན་དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཡང་ཆུག་ཤིག །འོན་ཏེ་དེས་འདི་སྐད་དུ་འདིས་ཁའི་སྒོར་ནི་མ་རུང་ [112a.2]བར་མ་གྱུར་མོད་ཀྱི་བཤང་བའི་སྒོར་མ་རུང་ངོ་ཞེས་ཟེར་ན་དགེ་སློང་དེ་དམ་འཆར་ཆུག་ཤིག །ཁའི་སྒོ་ཇི་ལྟ་བ་དེ་བཞིན་དུ་གཅི་བའི་སྒོ་དང་། བཤང་བའི་སྒོར་ཡང་དེ་བཞིན་དུ་བྱའོ། །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། [112a.3]བཙུན་པ་དགེ་སློང་ཞིག་རྒྱལ་རིགས་མ་ཞིག་དང་ལྷན་ཅིག་ཏུ་མ་རུང་བར་གྱུར་པ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། །དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་དེ་ན་ཇི་ཟླ་ལྟ་ཡོད་དམ་ཞེས་དྲིས་ཤིག ། [112a.4]དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ལ་དེ་སྟེ་མཐུན་ན་དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་གཞུག་གོ། །འོན་ཏེ་དེས་འདི་སྐད་དུ་འདི་རྒྱལ་རིགས་མ་དང་ལྷན་ཅིག་ཏུ་མ་རུང་བར་ནི་མ་གྱུར་གྱི་འདི་ནི་བྲམ་ཟེ་མོ་དང་། མ་རུང་བར་གྱུར་ཏོ་ཞེས་ [112a.5]ཟེར་ན་དགེ་སློང་དམ་འཆར་ཆུག་ཤིག །རྒྱལ་རིགས་མ་ལ་ཇི་ལྟ་བ་དེ་བཞིན་དུ་བྲམ་ཟེ་མོ་དང་། རྗེའུ་རིགས་མོ་དང་། དཀར་མོ་དང་། སྔོན་མོ་དང་། སེར་སྐྱ་མོ་དང་། རིང་མོ་དང་། ཐུང་ངུ་མ་དང་། ཤིན་ཏུ་ལེགས་པ་མོ་དང་། རིད་དེ་མ་དང་། ཚོན་མོ་དང་། [112a.6]ལུས་མཉམ་པ་དང་། འགྲོ་བ་དང་། འདུག་པ་དང་། འགྲེང་བ་དང་། འཕྲེས་པ་རྣམས་ལ་ཡང་རྒྱས་པར་བྱའོ། །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་ཞིག་གིས་ལྟུང་བའི་ཕུང་པོ་དང་། ཉེས་ [112a.7]པ་བྱུང་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་བགྱིའམ། མི་བྱའོ། །དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་དེ་ན་ཇི་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ལ་དེ་སྟེ་མཐུན་པར་ཟེར་ན་ [112b] [112b.1]དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཡང་ཆུག་ཤིག །འོན་ཏེ་དེས་འདི་སྐད་དུ་འདིས་ལྟུང་བའི་ཕུང་པོ་དང་པོ་ནི་མ་བྱུང་གི་གཉིས་པ་དང་། གསུམ་པ་དང་། བཞི་པ་དང་། ལྔ་པའི་ཕུང་པོ་རྣམས་ནི་བྱུང་ངོ་ཞེས་ཟེར་ན་དེ་བཞིན་དུ་ལྔ་པའི་བར་དུ་སྨྲོས་ཤིག [112b.2]བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་ཞིག་གིས་དགེ་འདུན་གྱི་ལྷག་མ་དང་པོ་བྱུང་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། །དེ་དེའི་ངོ་བོ་ཚོལ་དུ་སྩལ་ [112b.3]ཏམ། མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ལ་དེ་སྟེ་མཐུན་པར་སྨྲས་ན་ནི་དགེ་བསྙེན་མ་དད་པའི་ཚིག་བཞིན་དུ་བྱོས་ཤིག །དེ་དེའི་ངོ་བོ་ཚོལ་དུ་ཆུག་ཤིག །འོན་ཏེ་དེས་འདི་སྐད་དུ་དགེ་འདུན་གྱི་ལྷག་མ་དང་ [112b.4]པོ་ནི་མ་བྱུང་གི །གཉིས་པ་དང་། གསུམ་པ་དང་། བཞི་པ་ནས་དགེ་འདུན་གྱི་ལྷག་མ་བཅུ་གསུམ་གྱི་བར་དུ་བྱུང་ངོ་ཞེས་ཟེར་ན་དགེ་སློང་དམ་འཆར་ཆུག་ཤིག །དང་པོ་ལ་ཇི་ལྟ་བ་བཞིན་གཉིས་པ་དང་། གསུམ་པ་ནས་དགེ་འདུན་གྱི་ལྷག་མ་བཅུ་གསུམ་གྱི་བར་དུ་ཡང་ [112b.5]དེ་བཞིན་ནོ། །དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་དུ་བཙུན་པ་དགེ་སློང་ཞིག་གིས་ཁར་ཁུ་བ་ཕྱུང་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱི་འམ། མི་བྱའོ། །དེའི་ངོ་བོ་ཚོལ་དུ་སྩལ་ཏམ། [112b.6]མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན་དེ་གཉི་ག་ལ་ཡང་དྲིས་ལ་དེ་སྟེ་མཐུན་པར་སྨྲ་ན་དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེའི་ངོ་བོ་ཚོལ་དུ་ཡང་གཞུག་གོ། །འོན་ཏེ་དེས་འདི་སྐད་དུ་ཁར་ནི་མ་རུང་བར་ནི་མ་གྱུར་གྱི་སོའི་ཕྱི་ [112b.7]རོལ་མཆུར་ཁུ་བ་ཕྱུང་ངོ་ཞེས་ཟེར་ན། དགེ་སློང་དམ་འཆར་ཆུག་ཤིག །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་དུ་དགེ་སློང་ཞིག་གཅི་བའི་ལམ་དུ་ཁུ་བ་ཕྱུང་བར་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ [113a] [113a.1]ཚིག་བཞིན་དུ་བགྱིའམ། མི་བྱའོ། །དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན། དེ་གཉི་ག་ལ་ཡང་དྲིས་ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། [113a.2]དེ་དེའི་ངོ་བོ་ཚོལ་དུ་ཡང་གཞུག་གོ། །འདི་ཡིས་གཅི་བའི་ལམ་དུ་ནི་མ་རུང་བར་མ་བྱས་ཀྱི་བརླའི་ནང་དུ་ཁུ་བ་བླུགས་སོ་ཞེས་ཟེར་ན། དགེ་སློང་དམ་འཆར་ཆུག་ཤིག །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། དགེ་སློང་ཞིག་ [113a.3]གིས་བཤང་བའི་ལམ་དུ་ཁུ་བ་ཕྱུང་བར་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱི་འམ། མི་བྱའོ། །དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན་དེ་གཉི་ག་ལ་ཡང་དྲིས་ [113a.4]ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཡང་གཞུག་གོ། །འོན་ཏེ་དེ་འདི་སྐད་དུ་བཤང་བའི་ལམ་དུ་ནི་མ་རུང་བར་མ་གྱུར་གྱི་འདིས་སྣའི་ནང་དུ་ཁུ་བ་ཕྱུང་ངོ་ཞེས་ཟེར་ན། དགེ་སློང་དམ་འཆར་ཆུག་ཤིག །བཙུན་པ་དགེ་ [113a.5]སློང་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་དུ་བཙུན་པ་བདག་གིས་དགེ་སློང་ཞིག་དུས་མ་ཡིན་པར་སྐྱོ་མ་འཐུང་བ་མཐོང་ངོ་ཞེས་མཆི་ན། དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ [113a.6]ཟེར་ན་གཉི་ག་ལ་ཡང་དྲིས་ལ་དེ་སྟེ་མཐུན་པར་སྨྲས་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཆུག་ཤིག །འོན་ཏེ་དེས་འདི་སྐད་དུ་འདིས་དུས་མ་ཡིན་པར་སྐྱོ་མ་ནི་མ་འཐུངས་ཀྱི་ཤ་ཁ་རའི་ཆུ་ཞིག་ནི་འདིས་འཐུངས་སོ་ཞེས་ཟེར་ན། དགེ་སློང་དམ་ [113a.7]འཆར་ཆུག་ཤིག །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་གིས་བུ་རམ་ཆང་ཞིག་འཐུངས་པ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། །དེའི་ངོ་བོ་ [113b] [113b.1]ཚོལ་དུ་སྩལ་ཏམ། མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན་དེ་གཉི་ག་ལ་དྲིས་ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེའི་ངོ་བོ་ཚོལ་དུ་ཆུག་ཤིག །འོན་ཏེ་དེས་འདི་སྐད་དུ་འདིས་བུ་ [113b.2]རམ་ཆང་ནི་མ་འཐུངས་ཀྱི་འདིས་ཧྭགས་ཀྱི་ཆུ་ཞིག་འཐུངས་སོ་ཞེས་ཟེར་ན། དགེ་སློང་དམ་འཆར་ཆུག་ཤིག །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ་བཙུན་པ་དུས་མ་ལགས་པར་ཤ་ཟ་བ་བདག་གིས་མཐོང་ངོ་ཞེས་མཆི་ན། དགེ་ [113b.3]བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། །དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན་གཉི་ག་ལ་འང་དྲིས་ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། [113b.4]དེའི་ངོ་བོ་ཚོལ་དུ་ཆུག་ཤིག །འོན་ཏེ་དེས་འདི་སྐད་དུ་འདིས་དུས་མ་ཡིན་པར་ཤ་ནི་མ་ཟོས་ཀྱི། འདིས་བུ་རམ་ཞིག་ཟོས་སོ་ཞེས་ཟེར་ན། དགེ་སློང་དམ་འཆར་ཆུག་ཤིག །བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ་བཙུན་པ་དགེ་ [113b.5]སློང་ཞིག་གིས་དུས་མ་ལགས་པར་ཁ་ཟས་ཟ་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། །དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །དེ་སྟེ་ཡོད་དོ་ཞེས་ཟེར་ན་དེ་གཉི་ [113b.6]ག་ལའང་དྲིས་ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཆུག་ཤིག །འོན་ཏེ་དེས་འདི་སྐད་དུ་འདིས་དུས་མ་ཡིན་པར་ཁ་ཟས་ནི་མ་ཟོས་ཀྱི་འདིས་མར་ཞིག་ཟོས་སོ་ཞེས་ཟེར་ན་དགེ་སློང་དམ་འཆར་ཆུག་ཤིག །དགེ་བསྙེན་ [113b.7]མ་དད་པའི་བདེན་པ་མཐོང་བས་མི་མངོན་པའི་དངོས་པོ་གང་སྨྲས་ཀྱང་རུང་སྟེ། དགེ་སློང་དམ་འཆར་ཆུག་ཤིག །མི་མངོན་པ་རྫོགས་{སྷོ,སོ}།། །།འདུལ་བ་གཞུང་དམ་པ། བམ་པོ་གསུམ་པ། མདོར་ན། དེ་ཉིད་སྟོར་དང་ཚིག་པ་དང་། །སེམས་འཁྲུགས་ [114a] [114a.1]བྱིན་གྱིས་མ་བརླབས་པ། །མི་རུང་བ་དང་དུས་ལས་འདས། །མཚན་དང་བཞི་བརྒྱུད་གསུམ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགུང་བཅུ་ལས་འདས་པའི་གོས་ཀྱང་དེ་ཉིད་ལགས་ལ་དེ་ཉིད་དགུང་ [114a.2]གཅིག་གིས་བྲལ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟ་ཡང་དགེ་སློང་དེས་གོས་ཀྱི་རྒྱུན་མ་ཆད་པར་ཞག་བཅུ་པོའི་ཐ་མ་ལ་གོས་ཤིག་རྙེད་དེ་དེས་གོས་དེ་བྱིན་གྱིས་བརླབས་ནས། མཚམས་ཀྱི་ཕྱི་རོལ་དུ་གོས་དེ་མེད་པར་སྐྱ་རེངས་ཤར་ན་གོས་དེ་ནི་ཞག་ [114a.3]བཅུ་འདས་ཤིང་ནུབ་གཅིག་བྲལ་བའོ། །བཙུན་པ་དགེ་སློང་གིས་སྤང་བའི་གོས་སྟོར་བར་གྱུར་ན་ནོངས་པ་བཤགས་པར་བགྱིའམ། ཨུ་པཱ་ལི་བཤགས་པར་བྱའོ། །ནོངས་པ་བཤགས་ནས་རྙེད་པ་སྤང་ངམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་གིས་སྤང་ [114a.4]བའི་གོས་མེས་ཚིག་གམ། ཟོས་པར་གྱུར་ན་དུམ་བུ་དེ་ཡང་སྤང་བར་བགྱིའམ། ཨུ་པཱ་ལི་མ་ཡིན་ཏེ། ཉེས་པ་འབའ་ཞིག་བཤགས་པར་བྱའོ། །འོན་ཏེ་ཁྲུ་གང་གྲུ་བཞི་ཡན་ཆད་ལུས་པར་གྱུར་ན་སྤང་བར་བྱའོ། །བཙུན་པ་དགེ་སློང་གིས་གོས་རྙེད་མ་ཐག་ཏུ་སེམས་ [114a.5]འཁྲུགས་པར་གྱུར་ན་གང་ནས་བཟུང་སྟེ། དེའི་དགུང་བཅུར་བགྲང་བར་བགྱི། ནམ་རང་གི་སེམས་ཕྱིར་རྙེད་པ་ནས་གཟུང་ངོ་། །བཙུན་པ་དགེ་སློང་གིས་གོས་བརྒྱད་དམ་དགུ་ཞིག་བྱིན་གྱིས་མ་བརླབས་མ་བསྔོས་པར་ནམ་འཚོའི་བར་དུ་བཅངས་ན་ནོངས་པར་མི་འགྱུར་ [114a.6]བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གིས་ཉི་མ་རེ་རེ་ཞིང་གོས་ལས་སླར་ཕྱུང་སྟེ་གཞན་ལ་བྱིན་གྱིས་རློབ་པའོ། །བཙུན་པ་བཅོམ་ལྡན་འདས་ཀྱིས་དགུང་བཅུ་འདས་ན་གོས་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གོས་ [114a.7]དགུང་བཅུ་ལས་ལྷག་པར་བཅངས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་ཀྱི་རྒྱུ་རུང་བར་གྱུར་ལ་སྤུན་མི་རུང་བར་གྱུར་པ་དང་། རྒྱུ་མ་རུང་བར་གྱུར་ལ་སྤུན་རུང་བར་གྱུར་པ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་ [114b] [114b.1]བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཞག་བཅུ་ལས་ལྷག་པར་བཅངས་ན་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་ཞིག་གིས་ཞག་བཅུའི་བར་དུ་ [114b.2]གོས་ལྷག་པ་བཅང་བར་བྱའོ་ཞེས་གསུངས་ན། བཙུན་པ་དགེ་སློང་གིས་ནམ་འཚོའི་བར་དུ་གོས་ལྷག་པར་བཅངས་ན་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དོ། །ཞག་བཅུ་ཚུན་ཆད་དུ་དུས་འདས་པར་གྱུར་ནའོ། །བཙུན་པ་བཅངས་ན་ནོངས་པར་མི་འགྱུར་ [114b.3]བའི་གོས་ཀྱང་དེ་ཉིད་ལགས་ལ། བཅངས་ན་ནོངས་པར་འགྱུར་བའི་གོས་ཀྱང་དེ་ཉིད་ལགས་པ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེས་རིན་ཆེ་བའི་གོས་ཤིག་བཅངས་པ་ལས་མཚན་འཕོས་ནས་དགེ་སློང་མར་གྱུར་ཏེ་བཅངས་ན་ཉེས་པར་འགྱུར་རོ། །བཙུན་ [114b.4]པ་དགེ་སློང་གིས་གོས་རྙེད་ནས་དགུང་བཅུ་འདས་པ་དང་མཚན་འཕོས་ཏེ་དགེ་སློང་མར་གྱུར་ནས་དགུང་བཅུ་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་སློང་མས་གོས་རྙེད་ནས་དགུང་བཅུ་འདས་པ་དང་མཚན་འཕོས་ནས་དགེ་སློང་ཕར་གྱུར་ཏེ། [114b.5]དགུང་བཅུ་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་སློང་གིས་དགུང་བཅུ་ལ་དགུང་བཅུར་འདུ་ཤེས་ཏེ་སྐྱ་རེངས་ཤར་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགུང་བཅུ་མ་ལགས་པར་འདུ་ཤེས་ན་ཅིར་འགྱུར། ཉེས་པ་མེད་ [114b.6]དོ། །དགུང་བཅུ་མ་ལགས་པ་ལ་དགུང་བཅུར་འདུ་ཤེས་ན་ཅིར་འགྱུར། ཉེས་བྱས་སོ། །ཞག་བཅུ་མ་ལོན་པ་ལ་ཞག་བཅུ་མ་ལོན་པར་འདུ་ཤེས་ན་ལྟུང་བ་མེད་དོ། །བཙུན་པ་གཏན་པ་གདིང་བའི་གནས་སུ་དགེ་སློང་གིས་གོས་ཤིག་རྙེད་ན། གོས་དེ་སྤང་བར་འགྱུར་ [114b.7]བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེའི་གོས་སྤང་བར་གྱུར་ནས་དགེ་སློང་དེས་གོས་དེ་མ་སྤངས། བྲལ་བར་མ་བྱས། ཉེས་པ་མ་མཐོལ་བའི་བར་དུ་དགེ་འདུན་གྱིས་གཏན་པ་གདིང་བ་དང་། དགེ་སློང་དེས་གོས་རྙེད་ན་སྤང་བར་འགྱུར་རོ། །བཙུན་པ་ [115a] [115a.1]བསླབ་པ་སྩལ་བ་རྣམས་ཀྱིས་དགུང་བཅུ་པས་ལྷག་པར་གོས་ལྷག་པ་བཅངས་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་སློང་མས་དགུང་བཅུ་ལས་འདས་པར་གོས་ལྷག་པ་བཅངས་ན་ཅིར་འགྱུར། སྤང་བའི་ལྟུང་བར་འགྱུར་རོ། །དགེ་སློབ་ [115a.2]མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་གོས་ཞག་བཅུ་ལས་འདས་པར་གོས་ལྷག་པ་བཅངས་ན་ཉེས་བྱས་སུ་འགྱུར་རོ།། །།མདོར་ན། དགེ་འདུན་གྱི་དང་ས་དང་མཚམས། །མནན་དང་བསྐོར་བར་མ་བྱས་དང་། །མཚམས་མ་བཅད་དང་མ་གཡོགས་དང་། ། [115a.3]བཞི་རྒྱུད་མཚན་ཡང་དེ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་འདུན་གྱི་ཆོས་གོས་བྱིན་གྱིས་བརླབས་པར་གནང་ངམ། ཨུ་པཱ་ལི་མི་གནང་ངོ་། །བཙུན་པ་དེ་འདྲ་བའི་རྐྱེན་བྱུང་ན་གནང་ངམ། ཨུ་པཱ་ལི་གནང་ངོ་། ། [115a.4]བཙུན་པ་དགེ་སློང་གིས་དགེ་འདུན་གྱི་ཆོས་གོས་བྱིན་གྱིས་བརླབས་ཏེ། ཆོས་གོས་མ་མཆིས་པར་མཚམས་ཀྱི་སླད་རོལ་དུ་བྲལ་བར་བགྱིས་ན་ཆོས་གོས་དང་བྲལ་བ་ཞེས་བགྱིའམ། བྲལ་བ་ཞེས་བྱའོ། །ཆོས་གོས་དེ་སྤང་བར་བགྱིའམ། ཨུ་པཱ་ལི་མ་ཡིན་ནོ། །ནོངས་ [115a.5]པ་མཐོལ་བར་བགྱི་འམ། མཐོལ་བར་བྱའོ། །བཙུན་པ་དགེ་སློང་གིས་ཆོས་གོས་ས་ལ་བཞག་སྟེ་ནམ་མཁའ་ལ་སྐྱ་རེངས་ཤར་རམ། ཆོས་གོས་ནམ་མཁའ་ལ་བཞག་སྟེ་ས་ལ་སྐྱ་རེངས་ཤར་ན་ཆོས་གོས་དང་བྲལ་བའམ་མ་བྲལ་བ་ཞེས་བགྱི། བྲལ་བ་ཞེས་བྱའོ། ། [115a.6]བཙུན་པ་དགེ་སློང་གིས་ཆོས་གོས་མཚམས་ཀྱི་ནང་དུ་བཞག་སྟེ་མཚམས་ཀྱི་སླད་རོལ་དུ་སྐྱ་རེངས་ཤར་རམ། མཚམས་ཀྱི་སླད་རོལ་དུ་ཆོས་གོས་བཞག་ལ་མཚམས་ཀྱི་ནང་དུ་སྐྱ་རེངས་ཤར་ན་ཆོས་གོས་དང་བྲལ་བ་ཞེས་བགྱིའམ། བྲལ་བ་ཞེས་བྱའོ། །བཙུན་པ་ [115a.7]དགེ་སློང་གིས་མཚམས་མནན་ནས་མཚམས་སུ་བཟུང་མཚམས་སུ་འགྲེང་ངམ་འདུག་ལ་མཚམས་ཀྱི་བར་དུ་ཆོས་གོས་བཞག་སྟེ་སྐྱ་རེངས་ཤར་ན་ཆོས་གོས་དང་བྲལ་བ་ཞེས་བགྱིའམ། བྲལ་བ་ཞེས་བྱའོ། །བཙུན་པ་དགེ་སློང་མཚམས་ཀྱི་ནང་དུ་མཆིས་ལ་ཆོས་གོས་ཀྱང་ [115b] [115b.1]མཚམས་ཀྱི་ནང་དུ་བཞག་པ་ལས་ཆོས་གོས་དེ་དང་འབྲལ་བར་འགྱུར་བ་མཆིས་སམ། ཨུ་པཱ་ལི་ཡོད་དོ། ཆོས་གོས་ཀྱི་སྡོམ་པ་མ་བསྒོས་པའོ། །བཙུན་པ་མཚམས་མ་བཅད་པའི་གནས་སུ་ཇི་ཙམ་གྱིས་ན་དགེ་སློང་ཆོས་གོས་དང་བྲལ་བ་ཞེས་བགྱི། ཨུ་པཱ་ལི་ཇི་ཙམ་ [115b.2]གཙུག་ལག་ཁང་གི་ཉེན་ཀོར་ཏམ། ཁང་པའམ། སྒོ་འཁྱམས་སམ། བསྐོར་བའི་ཁང་པའམ། དགེ་སློང་གིས་ཀུན་ཏུ་སྤྱད་པའི་ཀུན་དགའ་ར་བའམ། ཕྱི་ར་འམ། ཤིང་ཐགས་སམ། འོབས་རྣམས་ཤེས་པར་བྱའོ། །བཙུན་པ་དགེ་སློང་གིས་གནས་ [115b.3]གཅིག་ལ་ཐོག་ཀྱང་གཅིག་པར་གནས་ལ་དེ་ཉིད་དུ་ཆོས་གོས་ཀྱང་བཞག་ན་དེ་ཆོས་གོས་ཀྱང་འབྲལ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གནས་དེར་མུ་སྟེགས་ཅན་སྣ་ཚོགས་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་ཏུ་སྤྱོད་པས་རྒྱུ་ [115b.4]བ་རྣམས་གནས་པ་དང་། སྤུན་སོ་སོར་བགོས་པ་རྣམས་སུའོ། །བཙུན་པ་དགེ་སློང་གིས་མཚམས་ཀྱི་སླད་རོལ་ལ་མཚམས་ཀྱི་སླད་རོལ་དུ་འདུ་ཤེས་ན་ཅིར་འགྱུར། སྤང་བའི་ལྟུང་བར་འགྱུར་རོ། །མཚམས་ཀྱི་ནང་ལ་མཚམས་ཀྱི་སླད་རོལ་དུ་འདུ་ཤེས་ན་ཅིར་ [115b.5]འགྱུར། ཉེས་བྱས་སོ། །མཚམས་ཀྱི་སླད་རོལ་ལ་མཚམས་ཀྱི་ནང་དུ་འདུ་ཤེས་ན་ཅིར་འགྱུར། ཉེས་པ་མེད་དོ། །མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་མཚམས་ཀྱི་ནང་དུ་ཆོས་གོས་ [115b.6]བཞག་སྟེ་མཚམས་ཀྱི་སླད་རོལ་དུ་སྐྱ་རེངས་ཤར་བ་དང་། མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་སློང་མས་མཚམས་ཀྱི་ནང་དུ་ཆོས་གོས་བཞག་ལ་མཚམས་ཀྱི་སླད་རོལ་དུ་སྐྱ་རེངས་ཤར་བ་དང་མཚན་འཕོས་ཏེ་དགེ་ [115b.7]སློང་དུ་གྱུར་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་སློང་གིས་སུའི་མདུན་དུ་ཆོས་གོས་བྱིན་གྱིས་བརླབ་པར་བགྱི། ཨུ་པཱ་ལི་དགེ་སློང་གིས་དགེ་སློང་དང་། དགེ་ཚུལ་ཕའི་མདུན་དུ་ཆོས་གོས་བྱིན་གྱིས་བརླབ་པར་བྱའོ། །དགེ་ཚུལ་ཕས་ནི་དགེ་སློང་ [116a] [116a.1]དང་། དགེ་ཚུལ་ཕའི་མདུན་དུ་ཆོས་གོས་བྱིན་གྱིས་བརླབ་པར་བྱའོ། །དགེ་སློང་མས་ནི་དགེ་སློབ་མ་དང་། དགེ་ཚུལ་མའི་མདུན་དུ་ཆོས་གོས་བྱིན་གྱིས་བརླབ་པར་བྱའོ། །དགེ་སློབ་མས་ནི་དགེ་སློང་མ་དང་། དགེ་སློབ་མ་དང་། དགེ་ཚུལ་མ་རྣམས་ཀྱི་ [116a.2]མདུན་དུ་ཆོས་གོས་བྱིན་གྱིས་བརླབ་པར་བྱའོ། །དགེ་ཚུལ་མས་ནི་དགེ་སློང་མ་དང་། དགེ་སློབ་མ་དང་། དགེ་ཚུལ་མ་རྣམས་ཀྱི་མདུན་དུ་ཆོས་གོས་བྱིན་གྱིས་བརླབ་པར་བྱ་སྟེ། སླར་དབྱུང་བ་དང་བསྔོ་བ་ཡང་དེ་བཞིན་དུ་བྱའོ། །བཙུན་པ་བསླབ་པ་སྩལ་བས་ཆོས་གོས་མ་ [116a.3]མཆིས་པར་མཚམས་ཀྱི་སླད་རོལ་དུ་སྐྱ་རེངས་ཤར་ན་ཅིར་འགྱུར། སྤང་བའི་ལྟུང་བར་འགྱུར་རོ། །དེ་བཞིན་དུ་དགེ་སློང་མ་ལ་ཡང་སྤང་བའི་ལྟུང་བ་རྒྱས་པར་བརྗོད་དོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ།། །།མདོར་ན། སེམས་ [116a.4]འཁྲུགས་པ་དང་དུས་ལས་འདས། །རུང་བ་དག་ཀྱང་དེ་བཞིན་ཏེ། །མི་རུང་བ་དང་གདིང་བ་ཡང་། །དེ་བཞིན་རྫོགས་པ་བཞི་དང་མཚན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་རིང་ན་ཡང་ཟླ་བ་ [116a.5]གཅིག་ཏུ་གོས་ཞོག་ཤིག་ཅེས་གསུངས་ན། བཙུན་པ་དགེ་སློང་གིས་གོས་རྙེད་མ་ཐག་ཏུ་སེམས་འཁྲུགས་པར་གྱུར་ན། གང་ནས་བཟུང་སྟེ་དེའི་ཟླ་བ་བགྲང་བར་བགྱི། ནམ་རང་གི་སེམས་ཕྱིར་རྙེད་པ་ཚུན་ཆད་དོ། །བཙུན་པ་བཅོམ་ལྡན་འདས་ཀྱིས་ནི་དགེ་སློང་གིས་ [116a.6]རིང་ན་ཟླ་བ་གཅིག་ཏུ་གོས་ཆོངས་ཤིག་ཅེས་གསུངས་ན། བཙུན་པ་དགེ་སློང་གིས་ནམ་འཚོའི་བར་དུ་གོས་བཞག་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟླ་བ་གཅིག་ཚུན་ཆད་དུས་བྱས་ནའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ [116a.7]རིང་ན་ཡང་ཟླ་བ་གཅིག་ཏུ་གོས་ཞོག་ཤིག་ཅེས་གསུངས་ན། གོས་ཇི་ལྟ་བུ་ལགས། རུང་བ་བདུན་པོ་ལས་གང་ཡང་རུང་སྟེ། བཅོམ་ལྡན་འདས་ཀྱིས་ཀྱང་མ་བཀག་སྟེ་གནང་བའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་རིང་ན་ཡང་ཟླ་བ་གཅིག་ཏུ་གོས་ [116b] [116b.1]ཞོག་ཤིག་ཅེས་གསུངས་ན། དགེ་སློང་གིས་ཟླ་བ་གཅིག་ལས་ལྷག་པར་བཞག་པའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེ་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་ [116b.2]བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ནི་ཟླ་བ་གཅིག་ལས་ལྷག་པར་བཞག་ཀྱང་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་རིང་ན་ཡང་དགེ་སློང་གིས་ [116b.3]གོས་ཟླ་བ་གཅིག་ཞོག་ཤིག་ཅེས་གསུངས་ན། བཙུན་པ་དགེ་སློང་གིས་ཟླ་བ་དྲུག་ཏུ་གོས་བཞག་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གོས་རྙེད་ནས་ཞག་སུམ་བཅུ་ལོན་པ་དང་དགེ་འདུན་གྱི་གཏན་པ་གདིང་བར་གྱུར་པའོ། །བཙུན་པ་བཅོམ་ [116b.4]ལྡན་འདས་ཀྱིས་ཆོས་གོས་གསུམ་དུ་མ་ལངས་པ་ཟླ་བ་གཅིག་ཏུ་ཞོག་ཤིག་ཅེས་གསུངས་ན། བཙུན་པ་དགེ་སློང་གང་ཆོས་གོས་གསུམ་ལངས་པར་ཡང་གྱུར་ལ་དེས་ཆོས་གོས་གསུམ་དུ་མ་ལངས་པ་ཞིག་རྙེད་ན། དེ་ཡང་རིང་ན་ཟླ་བ་གཅིག་ཏུ་བཞག་པར་བགྱིའམ། ཨུ་ [116b.5]པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། ཆོས་གོས་གསུམ་ཚང་ན་གང་གོས་གཞན་རྙེད་པ་དག་ལངས་ཀྱང་རུང་། མ་ལངས་ཀྱང་རུང་སྟེ། དེ་ཐམས་ཅད་ཀྱང་རིང་ན་ཡང་ཞག་བཅུར་ཞོག་ཤིག །ཆོས་གོས་གསུམ་མ་ལངས་པ་ཞིག་ལ་གལ་ཏེ་ཆོས་གོས་སུ་ལངས་པ་ [116b.6]རྙེད་ན་དེའང་རིང་ན་ཞག་བཅུར་ཞོག་ཤིག །འོན་ཏེ་མ་ལངས་པ་ཞིག་རྙེད་ན་རིང་བའང་ཟླ་བ་གཅིག་ཏུ་གཞག་པར་བྱའོ། །དེ་ལས་འདས་པར་བཞག་ན་སྤང་བའི་ལྟུང་བར་འགྱུར་རོ། །བཙུན་པ་དགེ་སློང་གིས་ཟླ་བ་གཅིག་ལ་ཟླ་བ་གཅིག་ཏུ་འདུ་ཤེས་ཏེ་སྐྱ་རེངས་ཤར་ན་ [116b.7]ཅིར་འགྱུར། སྤང་བའི་ལྟུང་བར་འགྱུར་རོ། །ཟླ་བ་གཅིག་ལ་ཟླ་བ་གཅིག་མ་ལགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། །ཟླ་བ་གཅིག་མ་ཡིན་པ་ལ་ཟླ་བ་གཅིག་ཏུ་འདུ་ཤེས་ན་ཉེས་བྱས་སུ་འགྱུར་རོ། །ཟླ་བ་གཅིག་མ་ལོན་པ་ལ་ཟླ་བ་གཅིག་ [117a] [117a.1]མ་ལོན་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་གོས་རྙེད་ནས་ཟླ་བ་གཅིག་ཏུ་བཞག་པ་ན་མཚན་འཕོས་ཏེ་དགེ་སློང་མར་གྱུར་ནས་ཟླ་བ་གཅིག་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་སློང་མས་ཆོས་གོས་རྙེད་ན་ [117a.2]ཟླ་བ་གཅིག་ཏུ་བཞག་པ་ན་མཚན་འཕོས་ཏེ་དགེ་སློང་དུ་གྱུར་ནས་ཟླ་བ་གཅིག་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་བསླབ་པ་སྩལ་བས་རིང་ན་ཟླ་བ་གཅིག་ཏུ་གོས་བཞག་པ་ལས་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་ [117a.3]སློང་མས་རིང་ན་ཟླ་བ་གཅིག་ཏུ་གོས་བཞག་པ་ལས་འདས་ན་ཅིར་འགྱུར། ཉེས་བྱས་སུ་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་རིང་ན་ཟླ་བ་གཅིག་འདས་པར་གོས་བཅངས་ན་ཅིར་འགྱུར། ཉེས་བྱས་སོ།། །།མདོར་ན། [117a.4]ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །ཁྱིམ་པ་དག་ལ་སོགས་པ་སྟེ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་ [117a.5]པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་གཉེན་མ་ལགས་པའི་དགེ་སློང་མ་ལ་གོས་རྙིང་པ་འཁྲུར་སྩལ་ན། སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་ཕྲིན་ [117a.6]གྱིས་གོས་འཁྲུར་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་སྨྱོན་མ་ལ་འཁྲུར་སྩལ་ [117a.7]ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་མ་དང་། ལྐུགས་མ་དང་། འོན་མ་རྣམས་ལ་འཁྲུར་བཅུག་ན་ཐམས་ཅད་ཀྱང་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་མ་ནིང་མ་ལ་འཁྲུར་སྩལ་ན་ཅིར་འགྱུར། [117b] [117b.1]ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་ [117b.2]དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ལ་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་མ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འཁྲུར་སྩལ་ན་ཅིར་འགྱུར། [117b.3]སྤང་བའི་ལྟུང་བར་འགྱུར་རོ།། །།མདོར་ན། ཐུན་མོང་བཀྲུས་དང་དགེ་འདུན་དང་། །མཚན་གཉིས་དང་ནི་མི་རུང་དང་། །སྤངས་དང་གཞན་དང་གྱོན་པ་དང་། །བདུན་པ་བཞི་པ་དེ་བཞིན་ཏེ། །དགེ་སློང་མ་དང་ཐ་མའོ། །བཙུན་པ་དགེ་སློང་གིས་གོས་ཐུན་མོང་ [117b.4]བ་འཁྲུར་སྩལ་ན་ཅིར་འགྱུར། ཉེས་བྱས་སོ། །བཀྲུས་པ་འཁྲུར་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་གོས་འཁྲུར་སྩལ་ན་ཅིར་འགྱུར། ཉེས་བྱས་སོ། །དེ་སྟེ་གང་ཟག་གིས་སྤྱད་པར་འགྱུར་བ་ཞིག་ཡོངས་སུ་སྤྱད་དེ་དྲི་མ་ཅན་ཡང་ [117b.5]ཉེས་བྱས་སུ་འགྱུར་རོ། །འོན་ཏེ་མལ་སྟན་གྱི་དངོས་པོ་འཁྲུར་བཅུག་ན་ཉེས་པ་མེད་དོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་རྙིང་པ་འཁྲུར་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་ལ་ [117b.6]གཉེན་མ་ལགས་པའི་དགེ་སློང་གིས་གོས་འཁྲུར་སྩལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་གོས་འཁྲུར་སྩལ་བ་ན་དགེ་སློང་མ་མཚན་འཕོས་ཏེ་དགེ་སློང་དུ་གྱུར་ནས་བཀྲུས་ན་ [117b.7]ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་ལ་ཡང་བྱའོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་རྙིང་པ་འཁྲུར་སྩལ་ན་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེ་ཡང་རྒྱུ་རུང་བར་གྱུར་ལ་ [118a] [118a.1]སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བར་གྱུར་པ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། རའི་བལ་དང་། བ་ལང་གི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་ [118a.2]བུའི་གོས་རྣམས་འཁྲུར་བཅུག་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གོས་སྤངས་པ་ཞིག་འཁྲུར་སྩལ་ན་ཅིར་འགྱུར། ཉེས་བྱས་སོ། །དེ་སྟེ་སྤངས་པ་མ་ཡིན་པ་ཞིག་འཁྲུར་བཅུག་ན་སྤང་བའི་ལྟུང་བར་འགྱུར་རོ། །འོན་ཏེ་སྤངས་པ་ཞིག་འཁྲུར་བཅུག་ན་ཉེས་ [118a.3]བྱས་སུ་འགྱུར་རོ། །བཙུན་པ་དགེ་སློང་གིས་གཞན་གྱི་གོས་འཁྲུར་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གོས་རུང་བ་དང་གྲོང་དུ་ཞུགས་པ་ལས་གོས་དེ་ལུས་ལས་མ་བྲལ་བཞིན་དུ་སྤང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ [118a.4]ཡང་དགེ་སློང་དེས་ཁྱིམ་གྱི་ནང་ཞུགས་པ་དང་། གོས་ལ་བཤང་བ་དང་། གཅི་བའམ། གཞན་ཡང་མི་གཙང་བས་རེག་པར་གྱུར་པ་དང་། དེས་གཉེན་མ་ཡིན་པའི་དགེ་སློང་མ་ལ་འཁྲུར་བཅུག་ན་སྤང་བའི་ལྟུང་བར་འགྱུར་རོ། །བསྙེན་པར་མ་རྫོགས་པར་འཁྲུར་བཅུག་ [118a.5]ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་འཁྲུར་སྩལ་ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་འཁྲུར་སྩལ་ནས་བསྙེན་པར་རྫོགས་ནས་ལགས་ན་ཅིར་འགྱུར། [118a.6]ཉེས་བྱས་སོ། །བསྙེན་པར་མ་རྫོགས་པར་འཁྲུར་སྩལ་ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པར་འཁྲུར་སྩལ་ནས་བསྙེན་པར་རྫོགས་པ་དང་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པས་འཁྲུར་ [118a.7]སྩལ་ནས་བསྙེན་པར་རྫོགས་ནས་ལགས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པས་འཁྲུར་སྩལ་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ [118b] [118b.1]ཤེས་ཏེ་གོས་རྙིང་པ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་ [118b.2]མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གཉེན་མ་ལགས་པར་འདུ་ཤེས་ཏེ་གོས་རྙིང་པ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །གཉེན་མ་ཡིན་པ་ལ་གཉེན་ [118b.3]ཡིན་པར་འདུ་ཤེས་ན་ཉེས་པ་མེད་དོ། །གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་རྙིང་པ་འཁྲུར་སྩལ་ན་ཅིར་འགྱུར། སྤང་ [118b.4]བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། ཁྱིམ་པ་མོ་དང་། མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་འཁྲུར་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་འགྲོ་བ་གཞན་དུ་གནས་པ་ལ་ [118b.5]འཁྲུར་བཅུག་ནའང་ཉེས་བྱས་སུ་འགྱུར་རོ། །དགེ་སློང་མས་དགེ་སློང་དང་། དགེ་ཚུལ་དང་། མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་དང་། འགྲོ་བ་གཞན་དང་གཞན་དུ་གནས་པ་ལ་འཁྲུར་སྩལ་ན་ཅིར་འགྱུར། [118b.6]ཉེས་བྱས་སུ་འགྱུར་རོ། །ཁྱིམ་པ་དང་ཁྱིམ་པ་མོ་ལ་འཁྲུར་སྩལ་ན་ཅིར་འགྱུར། ཉེས་བྱས་སུ་འགྱུར་རོ། །དགེ་སློབ་མ་དང་། དགེ་ཚུལ་མ་ལ་ཉེས་བྱས་སོ། །བཙོ་བ་དང་། བརྡུང་བ་རྣམས་ལ་ཡང་དེ་བཞིན་དུ་རྒྱས་པར་བྱའོ།། །།མདོར་ན། སྨྱོན་པར་ [118b.7]གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །མ་ནིང་མ་ལ་སོགས་པ་དང་། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་གཉེན་ [119a] [119a.1]མ་ལགས་པའི་དགེ་སློང་མ་ལས་གོས་བསླངས་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་མ་སྨྱོན་མ་ལས་གོས་ཤིག་བསླངས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་ [119a.2]དང་། ལྐུགས་པ་དང་། གླེན་པ་དང་། འོན་པ་དང་། མ་ནིང་མོ་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་ [119a.3]སོང་བ་དང་། རྐུན་གནས་དང་། སྔར་ཉེས་པ་བྱུང་བ་དང་། སྔར་འཁྲུགས་པ་མོ་རྣམས་ལས་གོས་བསླངས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་དགེ་འདུན་གྱི་དབྱེན་བགྱིད་པ་དང་། སོ་སོར་གནས་པ་དང་། ཉེ་ [119a.4]བར་ཕྱོགས་པ་དང་། བསླབ་པ་སྩལ་བ་རྣམས་ལས་གོས་ཤིག་བསླངས་ན་ཅིར་འགྱུར། སྤང་བའི་ལྟུང་བར་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་མར་གྱུར་དང་སེམས་འཁྲུགས་དང་། ། [119a.5]ན་བ་འོན་མ་གླེན་མ་དང་། །གཉིད་ལོག་ར་རོ་མྱོས་མ་དང་། །སྙོམས་ཞུགས་འགྲོ་བ་མ་ནིང་མའོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་ཕྲིན་གྱིས་གོས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། [119a.6]ལག་བརྡ་དང་། གཅིག་ནས་གཅིག་ཏུ་བརྒྱུད་པ་རྣམས་ནི་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་སྨྱོན་མ་ལ་གོས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་སྨྱོན་མ་ལ་སོགས་ [119a.7]པ་ལས་གོས་བསླངས་ཏེ་གོས་ཐོབ་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་དགེ་འདུན་གྱི་དབྱེན་བགྱིས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལས་གོས་བསླངས་ཏེ་གོས་ [119b] [119b.1]ཐོབ་ན་ཅིར་འགྱུར། སྤང་བའི་ལྟུང་བར་འགྱུར་རོ།། །།མདོར་ན། མི་རུང་བ་དང་བཞི་པ་གཉིས། །བདུན་པ་དང་ཡང་མཚན་དེ་བཞིན། །དགེ་སློང་དགེ་སློང་མ་དེ་བཞིན། །སྡེར་འགྱུར་བ་ནི་བསྡུས་པའོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་ [119b.2]གོས་བསླངས་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེ་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་བ་ལང་གི་བལ་དང་། རྔ་མོའི་བལ་དང་། རའི་བལ་ [119b.3]དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པའི་གོས་དེ་འདྲ་བ་ཞིག་བསླངས་ན་ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་གཉེན་མ་ལགས་པར་འདུ་ཤེས་ཏེ་གོས་བསླངས་ན་ཅིར་འགྱུར། སྤང་བའི་ལྟུང་བར་འགྱུར་ [119b.4]རོ། །གཉེན་མ་ཡིན་པ་ལ་གཉེན་མ་ཡིན་པར་འདུ་ཤེས་ན་ཉེས་པ་མེད་དོ། །གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་བསྙེན་པར་རྫོགས་པའི་དགེ་སློང་མ་ལ་བསྙེན་པར་མ་རྫོགས་ [119b.5]པར་འདུ་ཤེས་ཏེ། བསླངས་ན་ཅིར་འགྱུར། སྤང་བའི་ལྟུང་བར་འགྱུར་རོ། །བསྙེན་པར་རྫོགས་མ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་མ་རྫོགས་མ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་མ་རྫོགས་པ་ལ་ [119b.6]བསྙེན་པར་མ་རྫོགས་མར་འདུ་ཤེས་ན་ཉེས་བྱས་སོ། །བཙུན་པ་བསྙེན་པར་མ་རྫོགས་པས་གཉེན་མ་ལགས་པའི་དགེ་སློང་མ་ལ་གོས་བསླངས་ནས་བསྙེན་པར་མ་རྫོགས་པར་བསླངས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པས་བསླངས་ནས་བསྙེན་ [119b.7]པར་རྫོགས་ཀར་བསླངས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ནས་བསྙེན་པར་རྫོགས་ཏེ་བསླངས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཀར་བསླངས་ན་ཅིར་འགྱུར། ཉེས་བྱས་སོ། ། [120a] [120a.1]བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཏེ་བསླངས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཏེ་བསླངས་ནས་བསྙེན་པར་རྫོགས་ཏེ་བསླངས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་ཏེ་བསླངས་ནས་བསྙེན་པར་ [120a.2]མ་རྫོགས་པར་བསླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་གོས་ལེན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་གཉེན་མ་ལགས་པའི་དགེ་སློང་ཕ་ལས་གོས་ [120a.3]ལེན་པ་ན་མཚན་འཕོས་ཏེ་དགེ་སློང་ཕར་གྱུར་ནས་བསླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་གཉེན་མ་ལགས་པའི་དགེ་སློང་ཕ་ལས་གོས་ལེན་པ་ན་དགེ་སློང་མ་དེ་ཡང་མཚན་འཕོས་ཏེ་དགེ་སློང་ཕ་ལས་བསླངས་ན་ཅིར་འགྱུར། ཉེས་བྱས་སོ། །བཙུན་ [120a.4]པ་དགེ་སློང་མས་གཉེན་མ་ལགས་པའི་དགེ་སློང་ལས་གོས་ལེན་པ་ན་དགེ་སློང་དེ་ཡང་མཚན་འཕོས་ཏེ་དགེ་སློང་མ་ལས་བསླངས་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་ལས་བསླངས་ན་ཅིར་འགྱུར། ཉེས་བྱས་སོ། །དགེ་སློང་མས་དགེ་ [120a.5]སློང་དང་། དགེ་ཚུལ་ཕ་ལས་བསླངས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློབ་མ་དང་། དགེ་ཚུལ་མ་ལས་བསླངས་ནའང་ཉེས་བྱས་སུ་འགྱུར་རོ། །དགེ་ཚུལ་ཕས་དགེ་སློང་མ་དང་། དགེ་ཚུལ་མ་དང་། དགེ་སློབ་མ་ལས་བསླངས་ན་ཡང་ཉེས་ [120a.6]བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་པ་དང་ར་རོ་བ། །མྱོས་པ་འགྲོ་བ་ཕྱི་རོལ་པའོ། །བཙུན་པ་ [120a.7]བཅོམ་ལྡན་འདས་ཀྱིས་ཡང་དགེ་སློང་གང་གིས་གཉེན་མ་ལགས་པའི་ཁྱིམ་བདག་གམ་ཁྱིམ་བདག་གིས་མཆིས་འབྲང་ལས་གོས་བསླངས་ན་སྤང་བར་འགྱུར་རོ་ཞེས་གསུངས་ན། དགེ་སློང་གིས་ཁྱིམ་བདག་གམ་ཁྱིམ་བདག་གི་མཆིས་འབྲང་ལ་གོས་བསླངས་ཀྱང་སྤང་བའི་ལྟུང་ [120b] [120b.1]བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་ཕྲིན་གྱིས་བསླངས་ན་ཉེས་བྱས་སུ་འགྱུར་ཏེ། ཐོབ་ན་ཡང་ཉེས་བྱས་སུ་ཟད་དོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་ [120b.2]བྱས་སུ་འགྱུར་རོ། །བཙུན་པ་དགེ་སློང་གིས་ཁྱིམ་བདག་སྨྱོན་པ་ལས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གླེན་པ་དང་། ལྐུགས་པ་དང་། གཉིད་ལོག་པ་དང་། [120b.3]ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པ་རྣམས་ལ་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །འདི་ལས་ཕྱི་རོལ་གྱི་མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལས་བསླངས་ཏེ་གོས་ཐོབ་ [120b.4]ན་ཅིར་འགྱུར། ཉེས་བྱས་སོ།། །།མདོར་ན། མི་རུང་བཞི་པ་གཉིས་པ་དང་། །བདུན་པ་མཚན་ཀྱང་དེ་བཞིན་ཏེ། །ཉུང་རུམ་དེ་བཞིན་མ་ནིང་མོ། །མ་ནིང་དགེ་སློང་དེ་བཞིན་ནོ། །བཙུན་པ་དགེ་སློང་གིས་གཉེན་མ་ལགས་པའི་ཁྱིམ་བདག་གི་མཆིས་འབྲང་ [120b.5]ལ་གོས་བསླངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། རའི་བལ་དང་། བ་ [120b.6]ལང་གི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་འདྲ་བའི་གོས་ཤིག་བསླངས་ཏེ་གོས་རྙེད་ན་ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པ་ལ་གཉེན་མ་ལགས་པར་འདུ་ཤེས་ནས་གོས་བསླངས་ཏེ་གོས་ཐོབ་ [120b.7]ན་ཅིར་འགྱུར། སྤང་བའི་ལྟུང་བར་འགྱུར་རོ། །གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། །གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་ [121a] [121a.1]མི་ལ་མིར་འདུ་ཤེས་ཏེ་གོས་བསླངས་པ་ལས་གོས་ཐོབ་ན་ཅིར་འགྱུར། སྤང་བར་འགྱུར་རོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཡང་ཉེས་བྱས་སུ་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ [121a.2]ཤེས་ན་ཡང་ཉེས་བྱས་སུ་འགྱུར་རོ། །བསྙེན་པར་མ་རྫོགས་པར་བསླངས་ཏེ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་ [121a.3]པར་བསླངས་ནས་བསྙེན་པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ཏེ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ཏེ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་ [121a.4]བྱས་སོ། །བསྙེན་པར་རྫོགས་ཏེ་བསླངས་ནས་བསྙེན་པར་རྫོགས་ཏེ་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་ནས་བསླངས་ཏེ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་ [121a.5]པའི་ཁྱིམ་བདག་གམ། ཁྱིམ་བདག་གི་མཆིས་འབྲང་ལས་གོས་བསླངས་པ་ན་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་གཉེན་མ་ལགས་པའི་ཁྱིམ་བདག་གམ། ཁྱིམ་བདག་གི་མཆིས་ [121a.6]འབྲང་ལས་གོས་བསླངས་པ་ན་མཚན་འཕོས་ནས་དགེ་སློང་ཕར་གྱུར་ཏེ་ཐོབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་ཁྱིམ་བདག་ལ་གོས་བསླངས་པ་ལས་ཁྱིམ་བདག་དེ་ཡང་མཚན་འཕོས་ཏེ་བུད་མེད་ལས་བསླངས་ན་ཅིར་འགྱུར། སྤང་བར་འགྱུར་ [121a.7]རོ། །བཙུན་པ་དགེ་སློང་གིས་ཁྱིམ་བདག་གི་མཆིས་འབྲང་ལ་བསླངས་པ་ན་ཁྱིམ་བདག་གི་མཆིས་འབྲང་དེ་ཡང་མཚན་འཕོས་ཏེ་སྐྱེས་པ་ལས་བསླངས་ན་ཅིར་འགྱུར། སྤང་བར་འགྱུར་རོ། །དེ་བཞིན་དུ་དགེ་སློང་མ་ལ་ཡང་བརྗོད་པར་བྱའོ། །བཙུན་པ་དགེ་སློང་གིས་ [121b] [121b.1]ཉུང་རུམ་ལས་གོས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་དང་། མ་ནིང་མོ་ཐམས་ཅད་ལ་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་གཉེན་མ་ལགས་པའི་ཁྱིམ་བདག་གམ། ཁྱིམ་བདག་གི་ [121b.2]མཆིས་འབྲང་ལས་གོས་བསླངས་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་མ་ལ་བསླངས་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་སློང་དང་། དགེ་ཚུལ་མ་རྣམས་ལ་ [121b.3]བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་ཁྱིམ་བདག་གམ། ཁྱིམ་བདག་གི་མཆིས་འབྲང་ལ་བསླངས་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། །དགེ་སློང་མས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་ [121b.4]དང་། དགེ་ཚུལ་ཕ་རྣམས་ལ་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློབ་མ་དང་། དགེ་ཚུལ་ཕ་རྣམས་ལའང་ཉེས་བྱས་ཏེ་རྒྱས་པར་བརྗོད་པར་བྱའོ། །བསླངས་པ་ལ་ཇི་ལྟ་བ་བཞིན་དུ་སྟོད་གཡོགས་དང་། མཐང་གོས་ལ་ཐ་དད་ཅི་ [121b.5]ཡོད་ཅེ་ན། སྟོད་གཡོགས་དང་མཐང་གོས་ལ་གཉིས་ཏེ། དགེ་སློང་གི་སྟོད་གཡོགས་དང་། མཐང་གོས་དང་། ཁྱིམ་པའི་སྟོད་གཡོགས་དང་། མཐང་གོས་སོ། །དགེ་སློང་གིས་ཁྱིམ་པའི་སྟོད་གཡོགས་དང་། །མཐང་གོས་ཐོབ་ནས་ཁྱིམ་པའི་མཐང་གོས་ [121b.6]དང་། སྟོད་གཡོགས་བསླངས་པ་ལས་དེ་སྟེ་མཆོག་པར་གྱུར་ན་མ་སློངས་ཤིག །འོན་ཏེ་ལྷག་ནའང་མ་སྦྱིན་ཞིག །དགེ་སློང་གིས་ཁྱིམ་བདག་གི་སྟོད་གཡོགས་དང་། མཐང་གོས་མ་ཆོག་གམ། ལྷག་ནས་བསླངས་ན་དེ་ནི་ཉེས་བྱས་སུ་འགྱུར་རོ། །ཐོབ་ན་སྤང་བའི་ [121b.7]ལྟུང་བའོ། །དགེ་སློང་གིས་དགེ་སློང་གི་སྟོད་གཡོགས་དང་། མཐང་གོས་ཐོབ་ནས་སྟོད་གཡོགས་དང་མཐང་གོས་བསླངས་པ་ལས་དེ་སྟེ་མ་ཆོག་པར་གྱུར་ན་བསླང་བར་བྱའོ། །འོན་ཏེ་ལྷག་པར་གྱུར་ན་ཕྱིར་སྦྱིན་པར་བྱའོ། །དགེ་སློང་གིས་མཐང་གོས་དང་། སྟོད་ [122a] [122a.1]གཡོགས་ལྷག་པ་ཕྱིར་མ་བྱིན་ནམ་ལྷག་པར་བསླངས་ན་དེས་བསླངས་པ་ནི་ཉེས་བྱས་སོ། །ཐོབ་ན་སྤང་བའི་ལྟུང་བའོ། །དེ་ལ་ཁྱིམ་བདག་གི་མཐང་གོས་དང་། སྟོད་གཡོགས་མཆོག་པའམ། ལྷག་པར་བསླངས་སམ། དགེ་སློང་གིས་མཐང་གོས་དང་། སྟོད་གཡོགས་ [122a.2]ལྷག་པ་ཕྱིར་མ་བྱིན་ནམ། ལྷག་པར་བསླངས་ན་སྤང་བར་འགྱུར་རོ། །ལྷག་མ་རྣམས་ནི་ཇི་ལྟར་བསླབ་པའི་གནས་ཀྱི་གཞུང་སྔ་མའི་རིམ་པ་དེ་བཞིན་དུ་བསླབ་པའི་གནས་འདི་ལ་ཡང་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ [122a.3]ནས་གཅིག །སྨྱོན་པ་སེམས་འཁྲུགས་ནད་པ་དང་། །གཉིད་ལོག་ར་རོ་མྱོས་པ་དང་། །སྙོམས་ཞུགས་འགྲོ་བ་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ལ་གཉེན་མ་ལགས་ [122a.4]པའི་ཁྱིམ་བདག་གམ། ཁྱིམ་བདག་གི་མཆིས་འབྲང་གིས་གོས་ཀྱི་རིན་ཞིག་བཞག་པར་གྱུར་པ་དང་། དེ་ལ་སྔར་མ་སྩལ་བར་དགེ་སློང་དེས་གོས་སྒྲུབ་པའི་ཕྱིར་རྟོག་པ་ཅུང་ཟད་ཅིག་སྐྱེས་ནས་མངོན་པར་གྲུབ་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་ [122a.5]དགེ་སློང་གིས་རྣམ་པར་རྟོག་པ་བསྐྱེད་ནས་ཕྲིན་གྱིས་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ [122a.6]ལ་རྣམ་པར་རྟོག་པ་ལ་བསྐྱེད་ནས་གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འདི་ [122a.7]ལས་ཕྱི་རོལ་མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་རྟོག་པ་སྐྱེས་ཏེ་གོས་ཐོབ་ན་ཅིར་འགྱུར། ཉེས་བྱས་སོ།། །།མདོར་ན། མི་རུང་བ་དང་བཞི་པ་གཉིས། །བདུན་པ་དང་ནི་མཚན་དེ་བཞིན། །ཉུང་རུམ་མ་ནིང་ [122b] [122b.1]དེ་བཞིན་ཏེ། །མ་ནིང་དགེ་སློང་དེ་བཞིན་ནོ། །བཙུན་པ་ཁྱིམ་བདག་གམ་ཁྱིམ་བདག་གི་མཆིས་འབྲང་ལ་རྟོག་པ་སྐྱེས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དོ། །ཇི་ལྟར་ཡང་གོས་དེའི་རྒྱུ་རུང་བར་གྱུར་ལ་སྤུན་མི་རུང་བར་གྱུར་པ་དང་། རྒྱུ་མི་རུང་བར་གྱུར་ལ་སྤུན་ [122b.2]རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། རའི་བལ་དང་། བ་ལང་གི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཀྱི་ཕྱིར་རྟོག་པ་སྐྱེས་ཏེ་གོས་ཐོབ་ན་ཉེས་བྱས་སོ། །བཙུན་པ་དགེ་སློང་གིས་གཉེན་ [122b.3]མ་ལགས་པ་ལ་གཉེན་མ་ལགས་པར་འདུ་ཤེས་ཏེ་རྟོག་པ་སྐྱེས་ནས་གོས་ཐོབ་ན་ཅིར་འགྱུར། སྤང་བར་འགྱུར་རོ། །གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། །གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སོ། །གཉེན་ལ་གཉེན་དུ་འདུ་ཤེས་ན་ཉེས་ [122b.4]པ་མེད་དོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་རྟོག་པ་སྐྱེས་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་ [122b.5]པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པར་རྟོག་པ་སྐྱེས་ཏེ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་རྟོག་པ་བསྐྱེད་ནས་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་ [122b.6]སོ། །བསྙེན་པར་མ་རྫོགས་པ་ན་རྟོག་པ་བསྐྱེད་ནས་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྣམ་པར་རྟོག་པ་བསྐྱེད་ནས་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ནས་རྣམ་པར་རྟོག་པ་བསྐྱེད་ [122b.7]ནས་བསྙེན་པར་རྫོགས་ནས་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་ནས་རྣམ་པར་རྟོག་པ་བསྐྱེད་ནས་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་ཁྱིམ་བདག་གམ། ཁྱིམ་བདག་གི་མཆིས་ [123a] [123a.1]འབྲང་ལ་རྣམ་པར་རྟོག་པ་བསྐྱེད་པ་ན་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་ཁྱིམ་བདག་གམ། ཁྱིམ་བདག་གི་མཆིས་འབྲང་ལ་རྣམ་པར་རྟོག་པ་བསྐྱེད་པ་ན་མཚན་འཕོས་ཏེ་དགེ་སློང་དུ་གྱུར་ནས་ཐོབ་ན་ཅིར་ [123a.2]འགྱུར། སྤང་བར་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པའི་ཁྱིམ་བདག་ལ་རྣམ་པར་རྟོག་པ་བསྐྱེད་པ་ན་ཁྱིམ་བདག་དེ་ཡང་མཚན་འཕོས་ཏེ་བུད་མེད་དུ་གྱུར་པ་ལས་བླངས་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པའི་ཁྱིམ་བདག་ [123a.3]གི་མཆིས་འབྲང་ལ་རྣམ་པར་རྟོག་པ་བསྐྱེད་པ་ན་ཁྱིམ་བདག་གི་མཆིས་འབྲང་དེ་ཡང་མཚན་འཕོས་ཏེ་སྐྱེས་པར་གྱུར་པ་ལས་བླངས་ན་ཅིར་འགྱུར། སྤང་བར་འགྱུར་རོ། །དགེ་སློང་མ་ལ་ཡང་དེ་བཞིན་དུ་སྦྱར་བར་བྱའོ། །བཙུན་པ་དགེ་སློང་གིས་ཉུང་རུམ་ལ་རྣམ་པར་རྟོག་པ་བསྐྱེད་ནས་ [123a.4]གོས་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་དང་། མ་ནིང་མ་ལ་ཡང་ཉེས་བྱས་སོ། །བཙུན་པ་དགེ་སློང་གིས་གོས་མ་གཏོགས་པར་ཡོ་བྱད་གཞན་གྱི་ཕྱིར་རྣམ་པར་རྟོག་པ་བསྐྱེད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་དང་། དགེ་སློང་མ་དང་། [123a.5]དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་སླད་དུ་རྣམ་པར་རྟོག་པ་བསྐྱེད་ན་ཅིར་འགྱུར། ཉེས་བྱས་སོ། །ཇི་ལྟར་དགེ་སློང་གིས་རྣམ་པར་རྟོག་པ་བསྐྱེད་ན་སྤང་བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་སྤང་བའི་ལྟུང་བར་འགྱུར་ [123a.6]རོ། །དགེ་ཚུལ་ཕ་དང་། དགེ་སློབ་མ་དང་། དགེ་ཚུལ་མ་རྣམས་ལ་ཉེས་བྱས་སུ་རྒྱས་པར་བྱའོ། །ཇི་ལྟར་བསླབ་པའི་གནས་ཀྱི་གཞུང་འདི་བཞིན་དུ་བསླབ་པའི་གནས་གཉིས་པ་ཡང་རྒྱས་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་ [123a.7]གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ལན་བཞི་ལན་ལྔ་ལན་དྲུག་ཏུ་ [123b] [123b.1]བསླངས་པའི་འོག་ཏུ་མ་སྨྲ་བར་གནས་སུ་འདུག་ཤིག །དེ་སྟེ་དགེ་སློང་དེས་གོས་མངོན་དུ་གྲུབ་ན་ནི་ལེགས་སོ། །དེ་སྟེ་མངོན་དུ་མ་གྲུབ་ན་དེ་ལས་ལྷག་པར་སྩལ་ཏེ་གོས་དེ་མངོན་དུ་འགྲུབ་པའི་ཕྱིར་དེ་ལས་ལྷག་པར་སྩལ་ནས་གོས་མངོན་དུ་གྲུབ་ན་སྤང་བའི་ལྟུང་བར་འགྱུར་རོ་ཞེས་གསུངས་ན། [123b.2]བཙུན་པ་དགེ་སློང་གིས་ལན་བཞི་ལན་ལྔ་ལན་དྲུག་ཕན་ཆད་ལས་འདས་པར་གོས་བསྒྲུབ་པའི་སླད་དུ་སྩལ་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་ཕྲིན་གྱིས་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་འགྲུབ་པའི་ཕྱིར་ [123b.3]བླངས་ཏེ་གོས་མངོན་དུ་གྲུབ་ན་ཉེས་བྱས་སུ་འགྱུར་རོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་ [123b.4]བསྒྲུབ་པའི་ཕྱིར་བསླངས་ཏེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་རྣམས་ཐམས་ཅད་ལ་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གཉིད་ལོག་པ་ལན་ [123b.5]བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་བསྒྲུབ་པའི་ཕྱིར་བསླངས་ནས་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་དང་། འདི་ལས་ཕྱིའི་མུ་སྟེགས་ཅན་ [123b.6]གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་བསྒྲུབ་པའི་ཕྱིར་བསླངས་ཏེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ།། །།མདོར་ན། མི་རུང་བ་དང་བཞི་པ་དང་། །བདུན་པ་མཚན་ཀྱང་དེ་ [123b.7]བཞིན་ཏེ། །ཉུང་རུམ་དང་ནི་མ་ནིང་མ། །མ་ནིང་ཐ་མར་གྱུར་པའོ། །བཙུན་པ་དགེ་སློང་གིས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་བསླངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེ་རྒྱུ་རུང་བར་ [124a] [124a.1]གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བར་གྱུར་པ་དང་། གཉིས་ཀ་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཀྱི་ཕྱིར་ལན་ [124a.2]བཞི་ལན་ལྔ་ལན་དྲུག་ལས་ལྷག་པར་བསླངས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ལྷག་པར་བསླངས་ན་ཅིར་འགྱུར། སྤང་བར་འགྱུར་རོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སོ། །མི་མ་ཡིན་པ་ལ་མིར་འདུ་ཤེས་ན་ཉེས་ [124a.3]བྱས་སོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་བསྙེན་པར་མ་རྫོགས་པར་བསླངས་ཏེ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ཀར་ཐོབ་ན་ཅིར་ [124a.4]འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཏེ་ཐོབ་ན་ [124a.5]ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བསླངས་ནས་བསྙེན་པར་རྫོགས་པ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བསླངས་ནས་བསྙེན་པར་མ་རྫོགས་པ་ན་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལན་བཞི་ལན་ལྔ་ལན་དྲུག་ཏུ་ [124a.6]བསླངས་པ་ལས་དེའི་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་ལྷག་པར་བསླངས་པ་དང་། དེའི་མཚན་འཕོས་ཏེ་དགེ་སློང་དུ་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་ཁྱིམ་ [124a.7]བདག་ལ་ལྷག་པར་བསླངས་པ་དང་། ཁྱིམ་བདག་དེ་ཡང་མཚན་འཕོས་ཏེ་བུད་མེད་དུ་གྱུར་པ་ལས་བསླངས་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་ཁྱིམ་བདག་གི་མཆིས་འབྲང་ལ་ལྷག་པར་བསླངས་པ་དང་། ཁྱིམ་བདག་གི་མཆིས་འབྲང་དེ་ཡང་ [124b] [124b.1]མཚན་འཕོས་ཏེ་སྐྱེས་པ་ལས་བསླངས་ན་ཅིར་འགྱུར། སྤང་བར་འགྱུར་རོ། །དགེ་སློང་མ་ལ་ཡང་དེ་བཞིན་དུ་སྦྱར་བར་བྱའོ། །བཙུན་པ་དགེ་སློང་གིས་གོས་བསྒྲུབ་པའི་སླད་དུ་ཉུང་རུམ་ལ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་བསྒྲུབ་པའི་ཕྱིར་བསླངས་ཏེ་ [124b.2]གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་དང་། མ་ནིང་མ་ཐམས་ཅད་ལ་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱི་སླད་དུ་ལྷག་པར་བསླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་ [124b.3]སློང་གིས་དེ་ལས་གཞན་པའི་ཡོ་བྱད་རྣམས་ཀྱི་སླད་དུ་ལྷག་པར་བསླངས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་ལན་དྲུག་ཏུ་བསླངས་པ་ལས་ལྷག་པར་བསླངས་ན་ཅིར་འགྱུར། སྤང་བར་འགྱུར་རོ། །དགེ་སློང་མས་བསླངས་ན་ཅིར་འགྱུར། སྤང་བར་འགྱུར་རོ། །དགེ་སློབ་ [124b.4]མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་དང་འོན་པ་གླེན་པའོ། །བཙུན་པ་དགེ་སློང་གིས་ཕྲིན་གྱིས་སྲིན་བལ་གྱི་ [124b.5]གདིང་བ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། ལྐུགས་པ་དང་། དམུས་ལོང་དང་། གླེན་པ་རྣམས་ཏེ་ [124b.6]ཐམས་ཅད་ཀྱང་ཉེས་བྱས་སོ། །ཇི་ལྟར་དགེ་སློང་གིས་སྲིན་བལ་ལས་གདིང་བ་བྱེད་དུ་བཅུག་ན་སྤང་བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བར་འགྱུར་རོ། །དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་ [124b.7]བྱས་སོ། །ཇི་ལྟར་བསླབ་པའི་གནས་ཀྱི་ལེའུ་འདིར་ཇི་ལྟ་བ་བཞིན་དུ་བལ་རང་བཞིན་གྱིས་གནག་པ་ལ་ཡང་རྒྱས་པར་རོ། །དེ་ལ་ཐ་དད་དུ་བྱ་བ་གང་ཞེ་ན། བཞི་སྟེ། རང་བཞིན་གྱིས་གནག་པ་ལ་རང་བཞིན་གྱིས་གནག་པར་འདུ་ཤེས་པ་དག་ནི་བཞིར་བྱའོ། ། [125a] [125a.1]དེ་བཞིན་དུ་བསླབ་པའི་གནས་གཉིས་པོར་ཡང་ཐམས་ཅད་སྨྲ་བར་བྱའོ། །དེ་ལ་ཐ་དད་དུ་བྱ་བ་གང་ཞེ་ན། དགེ་སློང་གིས་བལ་དཀར་པོ་དང་ངན་པ་ཉུང་བར་འདུ་ཤེས་ཏེ་བསྲེས་པ་ནི་བཞིར་བྱའོ།། །།མདོར་ན། གཞན་གྱིས་གཞན་གྱི་མ་ཟིན་དང་། ། [125a.2]བླངས་དང་མུ་སྟེགས་འགྲོ་བ་གཞན། །མི་རུང་མཚན་དང་བཞི་པ་དང་། །བདེ་བར་གཤེགས་ཀྱི་བདུན་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་ལོ་དྲུག་ཚུན་ཆད་དུ་གདིང་བ་བགྱིད་དུ་སྩལ་ [125a.3]ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གཞན་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །གཞན་གྱི་སླད་དུ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་གྱིས་མ་ལགས་པ་ལགས་པར་བགྱིས་ན་ཅིར་འགྱུར། [125a.4]ཉེས་བྱས་སོ། །ཁྱིམ་པ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་ཚུལ་ཕ་དང་། བསླབ་པ་བྱིན་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་རྣམས་ལ་བྱེད་དུ་བཅུག་ན་ཐམས་ཅད་ [125a.5]ཉེས་བྱས་སུ་འགྱུར་རོ། །བཙུན་པ་དགེ་སློང་གིས་འདི་ལས་སླད་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འགྲོ་བ་གཞན་དུ་གནས་པ་རྣམས་བགྱིད་དུ་སྩལ་ན་ [125a.6]ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལོ་དྲུག་ཚུན་ཆད་དུ་གདིང་བ་བགྱིས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གདིང་བ་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་ [125a.7]བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་འདྲེས་པར་བྱས་པ་དང་། ཐགས་སུ་མ་བཏགས་པ་རྣམས་ནི་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ལོ་དྲུག་ཚུན་ཆད་དུ་གདིང་བ་བགྱིད་པ་ལས་མཚན་འཕོས་ནས་དགེ་སློང་མར་གྱུར་ཏེ་ལགས་ན་ཅིར་ [125b] [125b.1]འགྱུར། ཉེས་བྱས་སོ། །བཙུན་པ་དགེ་སློང་མས་ལོ་དྲུག་ཚུན་ཆད་དུ་གདིང་བ་བགྱིད་པ་ལས་མཚན་འཕོས་ཏེ་དགེ་སློང་དུ་གྱུར་ནས་ལགས་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་ལོ་དྲུག་ལས་འདས་པ་ལ་འདས་པར་འདུ་ཤེས་ཏེ་གདིང་བ་བགྱིད་དུ་སྩལ་ན་ཅིར་འགྱུར། [125b.2]ཉེས་པ་མེད་དོ། །འདས་པ་ལ་མ་འདས་པར་འདུ་ཤེས་ཏེ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །མ་འདས་པ་ལ་འདས་པར་འདུ་ཤེས་ན་ཉེས་པ་མེད་དོ། །མ་འདས་པ་ལ་མ་འདས་པར་འདུ་ཤེས་ཏེ་བྱེད་དུ་བཅུག་ན་སྤང་བར་འགྱུར་རོ། །བཙུན་པ་དགེ་སློང་གིས་ལོ་དྲུག་ཚུན་ཆད་དུ་བདེ་བར་ [125b.3]གཤེགས་པའི་ཆོས་གོས་ཀྱི་ཚད་དུ་གདིང་བ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པས་ལོ་དྲུག་ཚུན་ཆད་དུ་བརྩམས་ཏེ་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བདུན་བརྒྱུད་དུ་ཡང་རྒྱས་པར་བྱའོ།། །།མདོར་ན། ཕྲིན་པ་སྤྲིང་ [125b.4]ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ནད་པ་འོན་པ་གླེན་པའོ། །བཙུན་པ་དགེ་སློང་གིས་ལོ་དྲུག་ཚུན་ཆད་དུ་ཕྲིན་པ་ལས་གདིང་བ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། [125b.5]གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཐམས་ཅད་ལ་ཡང་ཉེས་བྱས་སུ་འགྱུར་རོ། །ཇི་ལྟར་དགེ་སློང་གིས་ལོ་དྲུག་ཚུན་ཆད་དུ་གདིང་བ་བྱེད་དུ་བཅུག་ན་སྤང་ [125b.6]བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བར་འགྱུར་རོ། །དགེ་སློང་མ་ལ་ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཡང་ཉེས་བྱས་སུ་འགྱུར་རོ།། །།མདོར་ན། གཞན་གྱིས་གཞན་གྱི་མ་ཟིན་དང་། །ཁྱིམ་པ་མུ་སྟེགས་འགྲོ་ [125b.7]བ་དང་། །མི་རུང་བ་དང་དེ་བཞིན་མཚན། །བཞི་པ་བདུན་པ་དེ་ལྟར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་གདིང་བ་སར་པ་ཁ་དོག་ངན་པར་བགྱི་བའི་སླད་དུ་གཡོགས་མ་རྙིང་པ་ལས་བདེ་བར་ [126a] [126a.1]གཤེགས་པའི་མཐོ་གང་གིས་མ་གླན་པར་གཡོགས་མ་བགྱིས་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་ལས་སོར་གཅིག་གམ་སོར་ཕྱེད་ཕྲི་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་ [126a.2]སློང་གིས་གཞན་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །གཞན་གྱི་སླད་དུ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །གཞན་གྱིས་མ་ལགས་པ་ལགས་པར་བགྱིད་ན་ཅིར་འགྱུར། ཉེས་བྱས་སོ། །ཁྱིམ་པ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བསླབ་པ་བྱིན་པ་དང་། སྔར་ [126a.3]འཁྲུགས་པ་དང་། སྔོན་ཉེས་པ་བྱུང་བ་དང་། རྐུན་གནས་རྣམས་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་འདི་ལས་སླད་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་བགྱིད་དུ་སྩལ་ན་ཅིར་འགྱུར། ཉེས་ [126a.4]བྱས་སོ། །འགྲོ་བ་གཞན་དུ་གནས་པ་ཞིག་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་ལས་སོར་གཅིག་གམ། སོར་ཕྱེད་ཕྲི་ནས་གཡོགས་མ་བགྱིས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་ [126a.5]གཡོགས་མ་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་འདི་འདྲ་བ་ཞིག་ལས་གཡོགས་མ་ཞིག་བྱས་ [126a.6]ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་ལ་སོར་གཅིག་གམ། སོར་ཕྱེད་ཕྲི་སྟེ་གཡོགས་མ་བགྱིད་པ་ལས་མཚན་འཕོས་ཏེ་དགེ་སློང་མར་གྱུར་ནས་ལགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་བདེ་བར་གཤེགས་པའི་མཐོ་གང་ [126a.7]ལས་སོར་གཅིག་གམ། སོར་ཕྱེད་ཕྲི་སྟེ་གཡོགས་མ་བགྱིད་པ་ལས་མཚན་འཕོས་ཏེ་དགེ་སློང་དུ་གྱུར་པས་ལགས་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་བས་ཆུང་བ་ལ་ཆུང་བར་འདུ་ཤེས་ཏེ་གླན་ནས་གཡོགས་མ་བགྱིད་དུ་སྩལ་ན་ [126b] [126b.1]ཅིར་འགྱུར། སྤང་བའི་ལྟུང་བར་འགྱུར་རོ། །ཆུང་བ་ལ་ཆེ་བར་འདུ་ཤེས་ཏེ་བགྱིད་དུ་སྩལ་ན་ཅིར་འགྱུར། ཉེས་པ་མེད་དོ། །ཆེ་བ་ལ་ཆུང་བར་འདུ་ཤེས་ཏེ་གླན་ནས་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །ཆེ་བ་ལ་ཆེ་བར་འདུ་ཤེས་ཏེ་གླན་ནས་བྱེད་དུ་བཅུག་ན་ཅིར་འགྱུར། ཉེས་པ་མེད་དོ། ། [126b.2]བཙུན་པ་བསྙེན་པར་མ་རྫོགས་པས་བདེ་བར་གཤེགས་པའི་མཐོ་གང་ལས་སོར་གཅིག་གམ། སོར་ཕྱེད་ཕྲི་སྟེ་གཡོགས་མ་གཞན་བརྩམས་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩམས་ཏེ་བསྙེན་པར་རྫོགས་ཀར་ [126b.3]ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩམས་ཏེ་བསྙེན་པར་རྫོགས་ནས་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བརྩམས་ཏེ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བརྩམས་ཏེ་བསྙེན་ [126b.4]པར་རྫོགས་ནས་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཏེ་བརྩམས་ནས་བསྙེན་པར་རྫོགས་ནས་ལགས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ན་བརྩམས་ཏེ་བསྙེན་པར་མ་རྫོགས་ནས་ལགས་ན་ཅིར་འགྱུར། ཉེས་བྱས་སོ།། །།མདོར་ན། [126b.5]ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པའོ། །བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་ལས་སོར་གཅིག་གམ། སོར་ཕྱེད་ཕྲི་ནས་ཕྲིན་གྱིས་གཡོགས་མ་བགྱིད་དུ་ [126b.6]སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ལ་བྱེད་དུ་བཅུག་ན་ཐམས་ཅད་ [126b.7]ཉེས་བྱས་སུ་འགྱུར་རོ། །ཇི་ལྟར་དགེ་སློང་གིས་གཡོགས་མ་བྱེད་དུ་བཅུག་པ་ལས་སྤང་བར་འགྱུར་བ་དེ་བཞིན་དུ་བསླབ་པ་བྱིན་པས་བྱེད་དུ་བཅུག་ན་ཡང་སྤང་བར་འགྱུར་རོ། །དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ།། །། [127a] [127a.1]མདོར་ན། ནམ་མཁའ་རྫུ་འཕྲུལ་སྤྲུལ་པ་དང་། །སྔགས་དང་གཞན་གསུམ་དེ་བཞིན་ཏེ། །མི་རུང་བ་དང་མཚན་གཉིས་པ། །བཞི་པ་བདུན་བརྒྱུད་དེ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ [127a.2]གིས་དཔག་ཚད་གསུམ་ལས་འདས་པར་ལུག་གི་བལ་འཚལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དཔག་ཚད་གསུམ་ལས་འདས་པར་ནམ་མཁའ་ལས་ལུག་གི་བལ་འཚལ་ན་ཅིར་འགྱུར། ཉེས་བྱས་སོ། །རྫུ་འཕྲུལ་གྱིས་འཚལ་ན་ཅིར་འགྱུར། ཉེས་ [127a.3]བྱས་སོ། །རུང་བར་བྱེད་པ་སྤྲུལ་པས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བགྱིས་ཏེ་འཚལ་ན་ཅིར་འགྱུར། ཉེས་བྱས་སོ། །གཞན་གྱི་དོན་དུ་འཚལ་ན་ཅིར་འགྱུར། ཉེས་བྱས་སོ། །གཞན་ལ་བསྐུར་ན་ཅིར་ [127a.4]འགྱུར། ཉེས་བྱས་སོ། །བཙུན་པ་དགེ་སློང་གིས་དཔག་ཚད་གསུམ་ལས་འདས་པར་ལུག་གི་བལ་འཚལ་ཀྱང་སྤང་བར་མི་འགྱུར་བར་མཆིས་སམ། ཨུ་པཱ་ལི་ཡོད་དེ། དགེ་སློང་ལམ་དུ་ཞུགས་པ་ཞིག་གིས་ལུག་གི་བལ་ཞིག་རྙེད་ནས་དེ་དེས་དཔག་ཚད་གསུམ་གྱི་བར་དུ་རང་ [127a.5]གིས་ཁྱེར་བ་དང་། དེས་ལུག་གི་བལ་གཞན་ཞིག་རྙེད་ནས་དེས་སྔ་མ་བོར་ཏེ་ཕྱི་མ་ཁྱེར་ནས་སོང་སྟེ། དེ་ལྟར་ན་ཉེས་པ་མེད་དོ། །བཙུན་པ་དགེ་སློང་གིས་ལུག་གི་བལ་མ་གཏོགས་པར་དེ་ལས་གཞན་པ་མི་རུང་བའི་བལ་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་ [127a.6]རྣམས་དང་། འདྲེས་པ་མི་རུང་བ་ཞིག་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་པར་འཚལ་བ་དང་མཚན་འཕོས་ཏེ་དགེ་སློང་མར་གྱུར་ནས་མཚམས་ལས་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་ [127a.7]ལུག་གི་བལ་དཔག་ཚད་གསུམ་ལས་འདས་པར་འཚལ་བ་དང་མཚན་འཕོས་ཏེ་དགེ་སློང་ཕར་གྱུར་ནས་མཚམས་ལས་འདས་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་པར་རྒྱང་གྲགས་ལ་རྒྱང་གྲགས་སུ་འདུ་ཤེས་ཏེ་འཚལ་ན་ [127b] [127b.1]ཅིར་འགྱུར། སྤང་བར་འགྱུར་རོ། །རྒྱང་གྲགས་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། །རྒྱང་གྲགས་མ་ལགས་པ་ལ་རྒྱང་གྲགས་སུ་འདུ་ཤེས་ན་ཅིར་འགྱུར། ཉེས་བྱས་སོ། །རྒྱང་གྲགས་མ་ལགས་པ་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར། ཉེས་ [127b.2]བྱས་སོ། །བཙུན་པ་བསྙེན་པར་མ་རྫོགས་པ་ཞིག་གིས་ལུག་གི་བལ་ཞིག་འཚལ་ཏེ་མཆིས་ནས་བསྙེན་པར་མ་རྫོགས་པར་མཚམས་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་འཚལ་ནས་བསྙེན་པར་རྫོགས་ཀར་མཚམས་ལས་འདས་ན་ཅིར་འགྱུར། ཉེས་བྱས་སོ། ། [127b.3]བསྙེན་པར་མ་རྫོགས་པར་འཚལ་ནས་བསྙེན་པར་རྫོགས་ཏེ་མཚམས་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཚལ་ཏེ་བསྙེན་པར་རྫོགས་ཀར་མཚམས་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཚལ་ཏེ་བསྙེན་པར་རྫོགས་ནས་ [127b.4]མཚམས་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཏེ་འཚལ་ནས་བསྙེན་པར་རྫོགས་ནས་མཚམས་ལས་འདས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་ཏེ་འཚལ་ན་བསྙེན་པར་མ་རྫོགས་པར་མཚམས་ལས་འདས་ན་ཅིར་འགྱུར། ཉེས་བྱས་སོ།། །།མདོར་ན། [127b.5]ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པའོ། །བཙུན་པ་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་པར་ཕྲིན་པ་ལ་བསྐུར་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་ [127b.6]དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། དམུས་ལོང་རྣམས་ལ་བསྐུར་ན་ཐམས་ཅད་ཉེས་བྱས་སུ་འགྱུར་ [127b.7]རོ། །ཇི་ལྟར་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་ན་སྤང་བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བར་འགྱུར་རོ། །དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སུ་འགྱུར་རོ།། །། [128a] [128a.1]འདུལ་བ་གཞུང་དམ་པ། བམ་པོ་བཞི་པ། མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་དང་ནི་འགྲོ་བ་རྣམས། །ཁྱིམ་བདག་དག་ལ་སོགས་པ་སྟེ། །བསླབ་པ་བྱིན་པ་ཐ་མའོ། ། [128a.2]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་གཉེན་མ་ལགས་པའི་དགེ་སློང་མ་ལ་ལུག་གི་བལ་འཁྲུར་སྩལ་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ལུག་གི་བལ་འཁྲུར་ [128a.3]སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་སྨྱོན་མ་ལ་ལུག་གི་བལ་འཁྲུར་སྩལ་ན་ཅིར་འགྱུར། ཉེས་བྱས་སོ། ། [128a.4]དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་རྣམས་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཁྱིམ་པ་མོ་འཁྲུར་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་མ་དང་། དགེ་སློང་མ་སུན་ཕྱུང་བ་དང་། [128a.5]ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་བ་རྣམས་དང་། རྐུན་གནས་དང་། སྔར་འཁྲུགས་པ་རྣམས་ལ་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་ [128a.6]དགེ་འདུན་གྱི་དབྱེན་བགྱིད་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །བསླབ་པ་སྩལ་བ་ཞིག་གིས་གཉེན་མ་ལགས་པའི་དགེ་སློང་མ་ལ་དེ་བཞིན་དུ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ།། །། [128a.7]མདོར་ན། ཐུན་མོང་དག་དང་བཀྲུས་པ་དང་། །དེ་བཞིན་དགེ་འདུན་མཚན་གཉིས་དང་། །མི་རུང་བ་དང་སྤང་བ་དང་། །མི་ཤེས་པ་ཡང་དེ་བཞིན་ཏེ། །བདུན་པ་དང་ནི་བཞི་པ་དང་། །དགེ་སློང་མ་ནི་ཐ་མའོ། །བཙུན་པ་དགེ་སློང་གིས་ལུག་གི་བལ་ཐུན་མོང་བ་ཞིག་འཁྲུར་སྩལ་ན་ཅིར་འགྱུར། ཉེས་ [128b] [128b.1]བྱས་སོ། །བཀྲུས་པ་ཞིག་འཁྲུར་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་ལུག་གི་བལ་ཞིག་འཁྲུར་སྩལ་ན་ཅིར་འགྱུར། ཉེས་བྱས་སོ། །དེ་སྟེ་གང་ཟག་གིས་ཡོངས་སུ་སྤྱད་པ་ཞིག་ཡིན་ཏེ་ཡོངས་སུ་སྤྱད་ན་དྲི་མ་ཅན་དུ་གྱུར་ན་ནི་ཉེས་བྱས་སོ། །འོན་ཏེ་མལ་སྟན་ [128b.2]གྱི་དངོས་པོ་ཞིག་འཁྲུར་བཅུག་ན་ནི་ཉེས་པ་མེད་དོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་ལ་ལུག་གི་བལ་ཞིག་འཁྲུར་སྩལ་བ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་གཉེན་མ་ལགས་པའི་དགེ་སློང་མ་ལ་ལུག་གི་བལ་ཞིག་ [128b.3]འཁྲུར་སྩལ་བ་དང་། མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་གཉེན་མ་ལགས་པའི་དགེ་སློང་མ་ལ་ལུག་གི་བལ་འཁྲུར་སྩལ་ན་ཡང་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གཉེན་མ་ལགས་ [128b.4]པའི་དགེ་སློང་མ་ལ་ལུག་གི་བལ་འཁྲུར་སྩལ་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བ་དང་འདྲེས་པ་འཁྲུར་བཅུག་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་ཏེ། དེ་དག་དང་འདྲེས་པ་ཞིག་འཁྲུར་བཅུག་ [128b.5]ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྤང་བའི་ལུག་གི་བལ་འཁྲུར་སྩལ་ན་ཅིར་འགྱུར། དེ་སྟེ་མ་སྤངས་པར་གྱུར་ན་ནི་སྤང་བའི་ལྟུང་བར་འགྱུར་རོ། །འོན་ཏེ་སྤངས་པར་གྱུར་པ་ཞིག་ན་ནི་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གཞན་གྱི་ལུག་གི་བལ་ཞིག་འཁྲུར་སྩལ་ན་ [128b.6]ཅིར་འགྱུར། །ཉེས་བྱས་སོ། །བཙུན་པ་བསྙེན་པར་མ་རྫོགས་པར་ལུག་གི་བལ་ཞིག་འཁྲུར་སྩལ་ལ་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་འཁྲུར་སྩལ་ན་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་ [128b.7]པར་འཁྲུར་སྩལ་ལ་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཁྲུར་སྩལ་ལ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཁྲུར་སྩལ་ལ་བསྙེན་པར་རྫོགས་ནས་ལགས་ན་ཅིར་འགྱུར། ཉེས་བྱས་སོ། །བསྙེན་ [129a] [129a.1]པར་རྫོགས་ནས་འཁྲུར་སྩལ་ལ་བསྙེན་པར་རྫོགས་ནས་ལགས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ན་འཁྲུར་སྩལ་ལ་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པ་ལ་གཉེན་མ་ལགས་ [129a.2]པར་འདུ་ཤེས་ཏེ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། །གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སོ། །གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་བསྙེན་པར་ [129a.3]རྫོགས་མ་ལ་བསྙེན་པར་རྫོགས་མར་འདུ་ཤེས་ཏེ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་མ་ལ་བསྙེན་པར་མ་རྫོགས་མར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་མ་ལ་བསྙེན་པར་རྫོགས་མར་འདུ་ཤེས་ན་ཉེས་བྱས་སུ་འགྱུར་རོ། །དགེ་ [129a.4]སློང་གིས་གཉེན་མ་ལགས་པའི་དགེ་སློང་མ་ལ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། ཁྱིམ་པ་མོ་དང་། མུ་སྟེགས་ཅན་དགེ་སྦྱོང་གཞན་སྤྱོད་པ་པ་དང་། ཀུན་དུ་རྒྱུ་བ་དང་། དེ་བཞིན་དུ་འགྲོ་བ་གཞན་དུ་གནས་པ་རྣམས་ལ་འཁྲུར་ [129a.5]བཅུག་ན་ཐམས་ཅད་ཉེས་བྱས་སུ་འགྱུར་རོ། །དགེ་སློང་མས་དགེ་སློང་དང་། དགེ་ཚུལ་ཕ་དང་། འདི་ལས་ཕྱིའི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་དང་། དེ་བཞིན་དུ་འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར། ཉེས་བྱས་སོ། ། [129a.6]ཁྱིམ་བདག་དང་ཁྱིམ་བདག་མོ་ལ་ཡང་ཉེས་བྱས་སོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་ཏེ། །བཙོ་བ་དང་། རྨེལ་བའང་དེ་བཞིན་དུ་ཤེས་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག ། [129a.7]སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བདག་གི་ལག་གིས་གསེར་རམ་དངུལ་བླངས་སམ། ལེན་དུ་སྩལ་ན་སྤང་བའི་ལྟུང་བར་འགྱུར་རོ། ། [129b] [129b.1]ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལ་གསེར་དང་དངུལ་ལེན་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ལེན་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ [129b.2]གསེར་རམ་དངུལ་སྨྱོན་པ་ཞིག་ལེན་དུ་སྩལ་ན་ཅིར་འགྱུར་ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། དིག་པ་དང་། ལྐུགས་པ་དང་། འོན་པ་རྣམས་ལེན་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལས་གསེར་རམ་ [129b.3]དངུལ་བླངས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པ་རྣམས་ལ་གསེར་རམ་དངུལ་བླངས་སམ། ལེན་དུ་བཅུག་ན་ཐམས་ཅད་ཉེས་བྱས་ [129b.4]སུ་འགྱུར་རོ།། །།མདོར་ན། མི་ཉེ་མཚན་དང་མ་ཤ་དང་། །བཞི་པ་དང་ནི་བདུན་པ་དང་། །བརྒྱད་དང་ཁྱིམ་པ་ལ་སོགས་པ། །ཁྱིམ་པ་གཞན་དང་དགེ་སློང་མ། །བཙུན་པ་དགེ་སློང་གིས་གསེར་དང་དངུལ་བླངས་སམ། ལེན་དུ་སྩལ་ན་ཡང་སྤང་བའི་ལྟུང་བར་མི་འགྱུར་བ་མཆིས་སམ། [129b.5]ཨུ་པཱ་ལི་ཡོད་དེ་གནས་མི་ཉེ་བ་ནས་བླངས་པ་དང་ཡོ་བྱད་གཞན་དུ་འདུ་ཤེས་པའོ། །བཙུན་པ་དགེ་སློང་གིས་གསེར་དང་དངུལ་ལེན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་གསེར་དང་དངུལ་ལེན་པ་ན་མཚན་འཕོས་ཏེ་དགེ་སློང་ [129b.6]ཕར་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་གསེར་གྱི་མ་ཤའམ་དངུལ་གྱི་མ་ཤ་བླངས་ན་ཅིར་འགྱུར། སྤང་བར་འགྱུར་རོ། །དེ་སྟེ་ལྕགས་ཀྱི་མ་ཤའམ། ཟངས་ཀྱི་མ་ཤ་བླངས་སམ། ལེན་དུ་བཅུག་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ [129b.7]གསེར་ལ་གསེར་དུ་འདུ་ཤེས་ཏེ་བླངས་ན་ཅིར་འགྱུར། སྤང་བར་འགྱུར་རོ། །གསེར་ལ་གསེར་མ་ཡིན་པར་འདུ་ཤེས་ན་ཉེས་པ་མེད་དོ། །གསེར་མ་ལགས་པ་ལ་གསེར་དུ་འདུ་ཤེས་ན་ཅིར་འགྱུར། ཉེས་བྱས་སོ། །གསེར་མ་ཡིན་པ་ལ་གསེར་མ་ཡིན་པར་འདུ་ཤེས་ན་ཉེས་པ་མེད་དོ། ། [130a] [130a.1]བཙུན་པ་བསྙེན་པར་མ་རྫོགས་པར་གསེར་དང་དངུལ་ཞིག་བླངས་ནས་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བླངས་ནས་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བླངས་ལ་བསྙེན་ [130a.2]པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཏེ་བླངས་ལ་བསྙེན་པར་རྫོགས་ [130a.3]ནས་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ན་བླངས་ལ་བསྙེན་པར་མ་རྫོགས་པ་ན་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གསེར་དང་དངུལ་མངོན་སུམ་དུ་ཁྱིམ་པ་ལེན་དུ་སྩལ་ན་ཅིར་འགྱུར། །སྤང་བའི་ལྟུང་བར་འགྱུར་རོ། །དེ་བཞིན་དུ་ཟ་ [130a.4]མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་ [130a.5]གནས་པ་དང་། ཉེ་བར་ཕྱོགས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། བསླབ་པ་བྱིན་པ་རྣམས་ཀྱིས་མངོན་སུམ་དུ་བླངས་སམ་ལེན་དུ་བཅུག་ན་ཐམས་ཅད་སྤང་བའི་ལྟུང་བར་འགྱུར་རོ། །བཙུན་པ་དགེ་སློང་བདག་གི་ལག་གིས་གསེར་དང་དངུལ་བླངས་སམ་ལེན་དུ་ [130a.6]སྩལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་དགེ་སློང་གིས་གསེར་དང་དངུལ་བླངས་ཀྱང་བདག་གིར་བྱ་བའི་སེམས་མ་སྐྱེད་པ་སྟེ། དེའི་ཕྱིར་མི་རུང་བས་རུང་བའི་དངོས་པོ་གཞན་བླང་ངོ་། །སྙམ་ནས་བླངས་པའོ། །བཙུན་པ་དགེ་སློང་ [130a.7]གིས་གཞན་གྱི་སླད་དུ་གསེར་དང་དངུལ་བླངས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་གསེར་དང་དངུལ་བླངས་སམ་ལེན་དུ་སྩལ་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་སློང་མས་གསེར་དང་དངུལ་བདག་གི་ལག་གིས་བླངས་སམ་ལེན་དུ་ [130b] [130b.1]སྩལ་ན་ཅིར་འགྱུར། སྤང་བའི་ལྟུང་བར་འགྱུར་རོ། །བཙུན་པ་དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་དག་གིས་གསེར་དང་དངུལ་བདག་གི་ལག་གིས་བླངས་སམ་ལེན་དུ་སྩལ་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་ [130b.2]བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཅོམ་ལྡན་འདས་ཀྱིས་ཡང་དགེ་སློང་གང་ནོར་རྣམ་པ་སྣ་ཚོགས་ཀྱིས་སྤོགས་བགྱིད་ན་སྤང་བའི་ལྟུང་བར་འགྱུར་རོ་ཞེས་གསུངས་ [130b.3]ན། བཙུན་པ་དགེ་སློང་གིས་ཕྲིན་པ་ལས་ནོར་རྣམ་པ་སྣ་ཚོགས་ཀྱིས་སྤོགས་བགྱིད་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་གྱི་ཕྱིར་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པའོ། །བཙུན་པ་དགེ་སློང་གིས་སྨྱོན་པ་དང་ལྷན་ཅིག་ཏུ་ནོར་ [130b.4]རྣམ་པ་སྣ་ཚོགས་ཀྱིས་སྤོགས་བགྱིད་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་དང་། དེ་བཞིན་དུ་འགྲོ་བ་གཞན་དུ་གནས་པ་དང་ལྷན་ཅིག་ཏུ་ནོར་རྣམ་པ་སྣ་ཚོགས་ཀྱིས་སྤོགས་བྱས་ན་ཅིར་འགྱུར། [130b.5]ཐམས་ཅད་ཉེས་བྱས་སུ་འགྱུར་རོ།། །།མདོར་ན། མཚན་དང་བཞི་པ་བདུན་དེ་ལྟར། །དེ་བཞིན་དུ་ཡང་སློབ་པ་དང་། །འདྲ་བ་དང་ནི་གཉེན་པ་དང་། །དགེ་སློང་མ་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་དགེ་སློང་གིས་ནོར་རྣམ་པ་སྣ་ [130b.6]ཚོགས་ཀྱིས་སྤོགས་བགྱིད་པ་ན་མཚན་འཕོས་ཏེ་དགེ་སློང་མར་གྱུར་པ་དང་རྙེད་པ་མངོན་པར་གྲུབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་ནོར་རྣམ་པ་སྣ་ཚོགས་ཀྱིས་སྤོགས་བགྱིད་པ་ལས་མཚན་འཕོས་ཏེ་དགེ་སློང་དུ་གྱུར་ནས་རྙེད་པ་གྲུབ་ན་ཅིར་འགྱུར། སྤང་བར་ [130b.7]འགྱུར་རོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ནོར་རྣམ་པ་སྣ་ཚོགས་ཀྱིས་སྤོགས་བགྱིད་ན་ཅིར་འགྱུར། སྤང་བར་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་ [131a] [131a.1]པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པར་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ནས་བསྙེན་པར་མ་རྫོགས་པར་རྙེད་པ་མངོན་པར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ [131a.2]ལ་བསྙེན་པར་རྫོགས་ཀར་མངོན་པར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཏེ་མངོན་པར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་མངོན་པར་གྲུབ་ན་ཅིར་འགྱུར། ཉེས་ [131a.3]བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་མངོན་པར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་མངོན་པར་གྲུབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པར་བཤམས་ལ་བསྙེན་ [131a.4]པར་མ་རྫོགས་པར་མངོན་པར་གྲུབ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ན་ཅིར་འགྱུར། སྤང་བར་འགྱུར་རོ། །བཙུན་པ་གཉེན་དང་ལྷན་ཅིག་ཏུ་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ན་ཅིར་འགྱུར། ཉེས་བྱས་ [131a.5]སོ། །བཙུན་པ་དགེ་སློང་གིས་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདྲ་བས་འདྲ་བ་རྗེས་ནས་ཉེས་པ་མེད་དོ། །བཙུན་པ་དགེ་སློང་མས་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ན་ཅིར་འགྱུར། སྤང་བར་འགྱུར་ [131a.6]རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ། །བསླབ་པའི་གནས་འདིར་ཇི་ལྟ་བ་དེ་ལྟར་ཉོ་བ་དང་། བཙོང་བ་ཡང་རྒྱས་པར་བྱའོ།། །།མདོར་ན། དེ་ཉིད་དང་ནི་སྟོར་བ་དང་། །ཡུལ་གཞན་མུ་སྟེགས་ཅན་རྣམས་དང་། །མ་བསྲེགས་ [131a.7]པ་དང་དཀར་པོ་དང་། །སྨྱོན་པ་མཚན་དང་ཕྲིན་པ་དང་། །ཡོད་དང་འཚོ་བ་དགེ་སློང་མ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་ལྷུང་བཟེད་དེ་ཉིད་བཅངས་ན་ནོངས་པར་གྱུར་པ་དང་། དེ་ཉིད་བཅངས་པས་ནོངས་པར་མི་འགྱུར་བ་མཆིས་སམ། [131b] [131b.1]ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་གིས་ལྷུང་བཟེད་ཆེན་པོ་ཞིག་བཅངས་པ་ན་མཚན་འཕོས་ཏེ་དགེ་སློང་མར་གྱུར་ནས་བཅངས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྤང་བའི་ལྷུང་བཟེད་སྟོར་བར་གྱུར་ན་ལྟུང་བ་བཤགས་པར་བགྱིའམ། ཨུ་པཱ་ལི་བཤགས་པར་བྱའོ། ། [131b.2]ནོངས་པ་བཤགས་ནས་སླར་རྙེད་ན་སྤང་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པ་ [131b.3]བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གིས་ཡུལ་གཞན་དུ་དགེ་སློང་ལ་ལྷུང་བཟེད་ཅིག་བསྐུར་བར་བྱས་ནས། དེས་ལྷུང་བཟེད་དེ་ཤིན་ཏུ་ཡུན་རིང་པོར་བཅངས་ཀྱང་ཉེས་པ་མེད་དོ། །བཙུན་པ་དགེ་སློང་གིས་མུ་སྟེགས་ཅན་གྱི་ལྷུང་བཟེད་ [131b.4]བཅངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་མ་སྲེགས་པའམ། ལྷུང་བཟེད་ཆུང་ངུའམ། ལྷུང་བཟེད་ཆེན་པོ་བཅངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་དཀར་པོ་བཅངས་ན་ཅིར་འགྱུར། ཉེས་བྱས་སོ། །དགེ་སློང་ [131b.5]གིས་ལྷུང་བཟེད་རྙེད་མ་ཐག་ཏུ་སྨྱོས་པར་གྱུར་ན་གང་ནས་བཟུང་སྟེ་དགུང་བཅུར་བགྲང་བར་བགྱི། གང་གི་ཚེ་རང་གི་སེམས་སླར་རྙེད་པ་དེ་ནས་བཟུང་ངོ་། །བཙུན་པ་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པར་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ [131b.6]ཡོད་དེ། ཇི་ལྟར་ཡང་དགེ་སློང་གིས་ལྷུང་བཟེད་རྙེད་ནས་ཞག་བཅུ་ལོན་པ་དང་། མཚན་འཕོས་ཏེ་དགེ་སློང་མར་གྱུར་ན་ཉེས་པ་མེད་དོ། །བཙུན་པ་དགེ་སློང་མས་དགུང་བཅུ་ལས་འདས་པར་ལྷུང་བཟེད་ལྷག་པར་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་ [131b.7]དགེ་སློང་མ་དེ་ལྷུང་བཟེད་རྙེད་མ་ཐག་ཏུ་མཚན་འཕོས་ཏེ་དགེ་སློང་དུ་གྱུར་ན་ཉེས་པ་མེད་དོ། །བཙུན་པ་དགེ་སློང་གིས་ཤིན་ཏུ་རིང་བར་ལྷུང་བཟེད་ལྷག་པ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་གིས་དགེ་སློང་ལ་ལྷུང་བཟེད་ཀྱི་ཕྱིར་ཕྲིན་པ་བཏང་ [132a] [132a.1]བ་དེས་ལྷུང་བཟེད་བླངས་ཏེ་ཤིན་ཏུ་རིང་བར་བཅངས་ཀྱང་ཉེས་པ་མེད་དོ། །བཙུན་པ་དགེ་སློང་གིས་ལྷུང་བཟེད་གཅིག་མཆིས་ལ་མཆིས་བཞིན་དུ་ལྷུང་བཟེད་གཅིག་པོ་དེ་སྤང་བར་འགྱུར་བ་མཆིས་སམ་ཨུ་པཱ་ལི་ཡོད་དེ། བྱིན་གྱིས་མ་བརླབས་པར་བཅངས་པའོ། །བཙུན་པ་དགེ་ [132a.2]སློང་གིས་ནམ་འཚོའི་བར་དུ་ལྷུང་བཟེད་ལྷག་པ་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེ་ཞག་བཅུ་མ་ལོན་པར་དུས་བྱས་པའོ། །བཙུན་པ་བསླབ་པ་སྩལ་བས་དགུང་བཅུ་ལས་འདས་པར་ལྷུང་བཟེད་ལྷག་པ་བཅངས་ན་ཅིར་འགྱུར། སྤང་བར་ [132a.3]འགྱུར་རོ། །དགེ་སློང་མས་ཞག་བཅུ་ལས་འདས་པར་ལྷུང་བཟེད་ལྷག་པ་བཅངས་ན་སྤང་བའི་ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་ [132a.4]དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ནད་པ་འོན་པ་འགྲོ་བའོ། །དེ་ནས་སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལྷན་པ་ལྔ་ལས་ཉུང་བའི་ལྷུང་བཟེད་སྤྱད་དུ་ཡོད་བཞིན་དུ་ལྷུང་ [132a.5]བཟེད་གཞན་བཙལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར། ཉེས་བྱས་སོ། །ཕྲིན་པ་ལས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་ [132a.6]བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལས་ལྷུང་བཟེད་གཉིས་པ་བཙལ་ན་ཅིར་འགྱུར། ལྷུང་བཟེད་རྙེད་ན་ཉེས་བྱས་སུ་འགྱུར་རོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། དིག་པ་དང་། ལྐུགས་པ་དང་། འོན་པ་དང་། [132a.7]འགྲོ་བ་གཞན་དུ་གནས་པ་རྣམས་ལས་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མུ་སྟེགས་ཅན་དང་ཟ་མ་མཚན། །རྣམ་པ་བདུན་ཡང་དེ་བཞིན་ཏེ། །ཐུན་མོང་བ་དང་བཞི་པ་དང་། །ཡོ་བྱད་རྣམས་དང་དགེ་སློང་མ། །བཙུན་ [132b] [132b.1]པ་དགེ་སློང་གིས་འདི་ལས་གཞན་ཕྱིའི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་ལྷུང་བཟེད་གཉིས་པ་བསླངས་ནས་ལྷུང་བཟེད་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མུ་སྟེགས་ཅན་གྱི་སྣོད་གཅིག་བཙལ་ཏེ་རྙེད་ན་ཅིར་ [132b.2]འགྱུར། ཉེས་བྱས་སོ། །བཙུན་པ་དགེ་སློང་གིས་ཟ་མ་ལ་ལྷུང་བཟེད་གཉིས་པ་བཙལ་ཏེ་ལྷུང་བཟེད་ཐོབ་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་ཕ་དང་། མ་ནིང་མ་དང་། མཚན་གཉིས་པ་རྣམས་ལས་བཙལ་ཏེ་ལྷུང་བཟེད་ཐོབ་ན་ཉེས་བྱས་སུ་འགྱུར་རོ། །བཙུན་པ་ [132b.3]དགེ་སློང་གིས་ལྷུང་བཟེད་སྤྱད་པ་མཆིས་བཞིན་དུ་ལྷུང་བཟེད་གཞན་བླངས་པ་དང་དེའི་མཚན་འཕོས་ཏེ་དགེ་སློང་མ་འགྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་ལྷུང་བཟེད་མཆིས་བཞིན་དུ་གཉིས་པ་བཙལ་བ་ལས་མཚན་འཕོས་ཏེ་དགེ་སློང་དུ་གྱུར་ནས་ [132b.4]རྙེད་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་ལྷུང་བཟེད་མཆིས་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་འབྲང་ལས་ལྷུང་བཟེད་གཉིས་པ་ཚོལ་བ་ན་དེ་གཉིས་མཚན་འཕོས་ཏེ་མཚན་འཕོས་ནས་རྙེད་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་ [132b.5]སློང་མས་ཁྱིམ་བདག་གམ་ཁྱིམ་བདག་གི་མཆིས་འབྲང་ལས་ལྷུང་བཟེད་གཉིས་པ་སློང་བ་ན་དེ་གཉིས་མཚན་འཕོས་ཏེ་མཚན་འཕོས་ནས་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་མ་རྫོགས་པར་བསླངས་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། [132b.6]བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་ [132b.7]བྱས་སོ། །བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ནས་བསླངས་ཏེ་བསྙེན་པར་རྫོགས་པ་ནས་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་ནས་བསླངས་ཏེ་བསྙེན་པར་མ་རྫོགས་པ་ན་ཐོབ་ན་ཅིར་ [133a] [133a.1]འགྱུར། །ཉེས་བྱས་སོ། །དགེ་སློང་གཉིས་ཀྱིས་ལྷུང་བཟེད་གཅིག་བསླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ལྷུང་བཟེད་བསླངས་ནས་ལྷུང་བཟེད་ཐོབ་ན་ཅིར་འགྱུར། སྤང་བར་འགྱུར་རོ། །མི་ལ་མི་མ་ལགས་པར་འདུ་ [133a.2]ཤེས་ཏེ་བསླངས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ཏེ་བསླངས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བསླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རང་གིས་ཡོ་སྤྱད་དམ་རིན་གྱིས་ལྷུང་བཟེད་ [133a.3]གཉིས་པ་བཙལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་བཙལ་བས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་ [133a.4]བཟེད་རྙེད་ན་ཅིར་འགྱུར། སྤང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་ [133a.5]བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་ཐ་ག་པ་ལ་གོས་འཐག་ཏུ་བཅུག་ན་ [133a.6]སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་འཐག་ཏུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། གཞན་གྱི་ཕྱིར་འཐག་ཏུ་བཅུག་ན་ཐམས་ཅད་ཉེས་བྱས་སུ་ [133a.7]འགྱུར་རོ། །བཙུན་པ་དགེ་སློང་གིས་ཐ་ག་པ་སྨྱོན་པ་ཞིག་ལ་གོས་འཐག་ཏུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མི་མ་ཡིན་པའི་འགྲོ་བའི་གནས་པ་ཐ་ག་པ་ [133b] [133b.1]རྣམས་ལ་གོས་འཐག་ཏུ་བཅུག་ན་ཐམས་ཅད་ཉེས་བྱས་སོ།། །།མདོར་ན། མ་ནིང་དག་དང་ཟ་མ་དང་། །ཐུན་མོང་མཚན་ཀྱང་དེ་བཞིན་ཏེ། །དེ་ལྟར་མི་རུང་བདུན་པ་དང་། །བཞི་པ་སློབ་དང་དགེ་སློང་མ། །བཙུན་པ་དགེ་སློང་གིས་ཐ་ག་པ་མ་ནིང་ཞིག་ལ་གོས་འཐག་ཏུ་ [133b.2]སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་མོ་དང་། མཚན་གཉིས་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཐུན་མོང་གི་གོས་ཤིག་འཐག་ཏུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཐ་ག་པ་གཉེན་མ་ལགས་ [133b.3]པ་ལ་གོས་ཤིག་འཐག་ཏུ་སྩལ་བ་དང་དེའི་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་ངམ། དགེ་སློང་མས་ཐ་ག་པ་གཉེན་མ་ལགས་པ་ལ་གོས་ཤིག་འཐག་ཏུ་སྩལ་བ་དང་། མཚན་འཕོས་ཏེ་མཚན་འཕོས་ནས་བླངས་ན་ཅིར་ [133b.4]འགྱུར། སྤང་བར་འགྱུར་རོ། །བཙུན་པ་དགེ་སློང་གིས་ཐ་ག་པ་གཉེན་མ་ལགས་པ་ལ་གོས་འཐག་ཏུ་སྩལ་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་ཀྱི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་ཡང་མི་རུང་ [133b.5]བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་རྣམས་འཐག་ཏུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་བསྙེན་པར་མ་རྫོགས་པར་འཐག་ཏུ་སྩལ་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར། [133b.6]ཉེས་བྱས་སོ། །བསྙེན་པར་མ་རྫོགས་པར་འཐག་ཏུ་སྩལ་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་འཐག་ཏུ་སྩལ་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཐག་ཏུ་སྩལ་ལ་བསྙེན་པར་ [133b.7]རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཐག་ཏུ་སྩལ་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པས་འཐག་ཏུ་སྩལ་ལ་བསྙེན་པར་རྫོགས་པས་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་ [134a] [134a.1]རྫོགས་པས་འཐག་ཏུ་སྩལ་ལ་བསྙེན་པར་མ་རྫོགས་པས་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མི་མ་ལགས་པ་ལ་མི་མ་ལགས་པར་འདུ་ཤེས་ཏེ་འཐག་ཏུ་སྩལ་ན་ཅིར་འགྱུར། ཉེས་བྱས་སོ། །མི་ལ་མི་མ་ཡིན་པར་འདུ་ཤེས་ན་ཉེས་ [134a.2]བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་ལ་མིར་འདུ་ཤེས་ཏེ་འཐག་ཏུ་སྩལ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པ་ལ་གཉེན་མ་ལགས་པར་འདུ་ཤེས་ཏེ་འཐག་ཏུ་སྩལ་ན་ཅིར་འགྱུར། སྤང་ [134a.3]བར་འགྱུར་རོ། །གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། །གཉེན་ལ་གཉེན་མ་ཡིན་པར་འདུ་ཤེས་ཏེ་འཐག་ཏུ་བཅུག་ན་ཉེས་བྱས་སུ་འགྱུར་རོ། །གཉེན་ལ་གཉེན་དུ་འདུ་ཤེས་ཏེ་འཐག་ཏུ་བཅུག་ན་ཉེས་པ་མེད་དོ། །བཙུན་པ་བསླབ་པ་སྩལ་བས་ཐ་ག་པ་གཉེན་ [134a.4]མ་ལགས་པ་ལ་གོས་ཤིག་འཐག་ཏུ་སྩལ་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། །དགེ་སློང་ལ་ཇི་ལྟ་བ་དེ་བཞིན་དུ་དགེ་སློང་མ་ལ་ཡང་སྔ་མ་བཞིན་ཏེ། ཇི་ལྟར་བསླབ་པའི་གནས་སྔ་མ་བཞིན་པ་ནས། བསྙེན་པར་རྫོགས་ཀར་རྙེད་ན་ཅིར་འགྱུར། ཉེས་བྱས་སོ། ། [134a.5]ཞེས་བྱ་བའི་བར་དུའོ། །བསྙེན་པར་མ་རྫོགས་པར་རྣམ་པར་རྟོག་པ་བསྐྱེད་ནས་བསྙེན་པར་མ་རྫོགས་པར་རྙེད་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པས་རྣམ་པར་རྟོག་པ་བསྐྱེད་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་ [134a.6]རྫོགས་པས་རྣམ་པར་རྟོག་པ་བསྐྱེད་ལ། བསྙེན་པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྣམ་པར་རྟོག་པ་བསྐྱེད་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྣམ་པར་རྟོག་པ་བསྐྱེད་ལ་ [134a.7]བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པས་རྣམ་པར་རྟོག་པ་བསྐྱེད་ལ་བསྙེན་པར་རྫོགས་པས་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པས་རྣམ་པར་རྟོག་པ་བསྐྱེད་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར། [134b] [134b.1]ཉེས་བྱས་སོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་རྣམ་པར་རྟོག་པ་བསྐྱེད་ནས་གོས་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་ [134b.2]མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པའི་ཐ་ག་པ་ལ་གཉེན་མ་ལགས་པར་འདུ་ཤེས་ཏེ་རྣམ་པར་རྟོག་པ་བསྐྱེད་ནས་གོས་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། །གཉེན་མ་ལགས་པ་ལ་གཉེན་ལགས་པར་འདུ་ཤེས་ [134b.3]ན་ཅིར་འགྱུར། ཉེས་པ་མེད་དོ། །གཉེན་ལ་གཉེན་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། །བསླབ་པ་སྩལ་བས་རྣམ་པར་རྟོག་པ་བསྐྱེད་ནས་གོས་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་ [134b.4]སློང་མས་རྣམ་པར་རྟོག་པ་བསྐྱེད་དེ་གོས་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། །དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་རྣམ་པར་རྟོག་པ་བསྐྱེད་དེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། ། [134b.5]གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་དགེ་སློང་ལ་གོས་ཤིག་སྩལ་ནས་ཕྲོགས་ [134b.6]སམ་འཕྲོག་ཏུ་སྩལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ཕྲོགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། གཞན་གྱི་ཕྱིར་ཕྲོགས་ན་ཐམས་ [134b.7]ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་སྨྱོན་པ་ལ་གོས་ཤིག་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ལ་གོས་བྱིན་པ་ལས་སླར་ [135a] [135a.1]ཕྲོགས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་འདི་ལས་སླད་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་གོས་སྩལ་བ་ལས་སླར་ཕྲོགས་ན་ཅིར་འགྱུར། ཐམས་ཅད་ཉེས་བྱས་སོ། ། [135a.2]བཙུན་པ་འགྲོ་བ་གཞན་དུ་གནས་པ་ཞིག་ལ་གོས་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ།། །།མདོར་ན། ཁྱིམ་པ་དག་ལ་སོགས་པ་དང་། །ཐུན་མོང་མཚན་ཡང་དེ་བཞིན་ཏེ། །མ་ཆོག་མི་རུང་དེ་བཞིན་ཏེ། །བཞི་པ་བདུན་པ་དེ་ལྟར་རོ། །བཙུན་པ་དགེ་སློང་ [135a.3]གིས་ཁྱིམ་པ་ལ་གོས་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་ [135a.4]བ་དང་། རྐུན་གནས་དང་། སྔར་འཁྲུགས་པ་དང་། སྔོན་ཉེས་པ་བྱུང་བ་རྣམས་ལ་གོས་ཤིག་བྱིན་པ་ལས་སླར་ཕྲོགས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཟ་མ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པའི་དགེ་སློང་རྣམས་ [135a.5]ལ་གོས་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། །དགེ་འདུན་གྱི་དབྱེན་བགྱིས་པ་དང་། དེ་ལ་ཉེ་བར་ཕྱོགས་པ་དང་། བསླབ་པ་བྱིན་པ་རྣམས་ལ་གོས་ཤིག་བྱིན་པ་ལས་ཁྱིམ་པ་འཕྲོག་ཏུ་བཅུག་ན་ཐམས་ཅད་ཀྱང་སྤང་བའི་ལྟུང་བར་འགྱུར་རོ། །བཙུན་པ་དགེ་ [135a.6]སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་གོས་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ཞིག་ལ་གོས་སྩལ་ནས་ཁྱིམ་པ་ཞིག་འཕྲོག་ཏུ་སྩལ་ན་ཅིར་འགྱུར། སྤང་བའི་ལྟུང་བར་ [135a.7]འགྱུར་རོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་ [135b] [135b.1]བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་བྱིན་པ་དང་། དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་འཕྲོག་ཏུ་ [135b.2]བཅུག་ན་ཐམས་ཅད་སྤང་བའི་ལྟུང་བར་འགྱུར་རོ། །བཙུན་པ་དགེ་སློང་གཉིས་ཀྱི་གོས་ཐུན་མོང་བ་ཞིག་སྩལ་ལ་དེ་ནས་ཕྱིས་གཅིག་གིས་ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གོས་ཤིག་སྩལ་ཏེ་སླར་ཕྲོགས་པ་ན་དེའི་མཚན་འཕོས་ཏེ་དགེ་སློང་མར་གྱུར་ [135b.3]ནས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མ་ལ་གོས་ཤིག་སྩལ་ཏེ་སླར་ཕྲོགས་ན་མཚན་འཕོས་ཏེ་དགེ་སློང་དུ་གྱུར་ནས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གོས་ཁྲུ་གང་ལས་ཆུང་བ་ཞིག་སྩལ་བ་ལས་ [135b.4]ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གོས་སྩལ་ནས་སླར་ཕྲོགས་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ [135b.5]ཀ་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། དེ་དག་དང་འདྲ་བར་ཐགས་སུ་མ་བཏགས་པའི་གོས་ཤིག་སྩལ་ཏེ་ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་ [135b.6]རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་གོས་སྩལ་བ་ལས་སླར་ཕྲོགས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་ [135b.7]པར་འདུ་ཤེས་ཏེ་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གོས་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པར་དབྲོག་པར་བཤམས་ནས་བསྙེན་པར་མ་ [136a] [136a.1]རྫོགས་པར་ཕྲོགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་དབྲོག་པར་བཤམས་ནས་བསྙེན་པར་རྫོགས་ཀར་མངོན་དུ་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་དབྲོག་པར་བཤམས་ནས་བསྙེན་པར་རྫོགས་ཏེ་མངོན་དུ་གྲུབ་ [136a.2]ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་དབྲོག་པར་བཤམས་ནས་བསྙེན་པར་རྫོགས་ཀར་མངོན་དུ་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་དབྲོག་པར་བཤམས་ནས་བསྙེན་པར་རྫོགས་ཏེ་མངོན་དུ་གྲུབ་ན་ཅིར་འགྱུར། ཉེས་བྱས་སོ། །བསྙེན་ [136a.3]པར་རྫོགས་ནས་དབྲོག་པར་བཤམས་ནས་བསྙེན་པར་རྫོགས་ཏེ་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ན་དབྲོག་པར་བཤམས་ནས་བསྙེན་པར་མ་རྫོགས་པར་མངོན་པར་གྲུབ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་ [136a.4]ལ་གོས་སྩལ་ནས་སླར་ཕྲོགས་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་དགེ་སློང་མ་ལ་གོས་ཤིག་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་ལ་གོས་ཤིག་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ། ། [136a.5]བཙུན་པ་དགེ་སློང་མས་དགེ་སློང་མ་ལ་གོས་ཤིག་སྩལ་བ་ལས་སླར་ཕྲོགས་ན་ཅིར་འགྱུར། སྤང་བར་འགྱུར་རོ། །དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་གོས་ཤིག་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། ། [136a.6]དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་རྒྱས་པར་སྦྱར་རོ།། །།མདོར་ན། སེམས་འཁྲུགས་པ་དང་དུས་འདས་པ། །མཚན་དང་ཐུན་མོང་དེ་བཞིན་ཏེ། །མི་རུང་བཞི་པ་དེ་ལྟ་བུར། །བདུན་པ་དུས་དང་དགེ་སློང་མའོ། །སངས་རྒྱས་ [136a.7]བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་བཅོམ་ལྡན་འདས་ཀྱིས་དགེ་སློང་གིས་བརྟད་པའི་གོས་ནམ་གོས་འབུལ་བའི་དུས་ཀྱི་བར་དུ་ཞོག་ཤིག །དེ་ལས་འདས་པར་བཞག་ན་སྤང་བར་འགྱུར་རོ་ཞེས་གསུངས་ན། བཙུན་པ་འདས་པར་བཞག་ཀྱང་སྤང་བར་མི་ [136b] [136b.1]འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེ་གོས་རྙེད་མ་ཐག་ཏུ་སེམས་འཁྲུགས་པར་གྱུར་པའོ། །བཙུན་པ་དགེ་སློང་གིས་ནམ་འཚོའི་བར་དུ་བརྟད་པའི་གོས་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ནམ་གོས་འབུལ་བའི་དུས་ཚུན་ [136b.2]ཆད་དུས་བྱས་པའོ། །བཙུན་པ་དགེ་སློང་གིས་བརྟད་པའི་གོས་ནམ་གོས་འབུལ་བའི་དུས་ལས་འདས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་བརྟད་པའི་གོས་ཤིག་ནམ་གོས་འབུལ་བའི་དུས་ལས་འདས་པ་ན་ [136b.3]མཚན་འཕོས་ཏེ། དགེ་སློང་དུ་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་བརྟད་པའི་གོས་ཐུན་མོང་བ་ཞིག་ནམ་གོས་འབུལ་བའི་དུས་འདས་པར་བཞག་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བརྟད་པའི་གོས་ཤིག་ནམ་གོས་འབུལ་བའི་ [136b.4]དུས་ལས་འདས་པར་བཞག་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་ [136b.5]བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པའོ། །དེ་ལྟ་བུའི་གོས་ཐགས་སུ་མ་བཏགས་པ་ཞིག་གོས་འབུལ་བའི་དུས་ལས་འདས་པར་བཞག་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གོས་འབུལ་བའི་དུས་ལས་འདས་པ་ལ་འདས་པར་འདུ་ཤེས་ཏེ་གོས་བཞག་ན་ [136b.6]ཅིར་འགྱུར། སྤང་བར་འགྱུར་རོ། །འདས་པ་ལ་མ་འདས་པར་འདུ་ཤེས་ཏེ་བཞག་ན་ཅིར་འགྱུར། ཉེས་པ་མེད་དོ། །མ་འདས་པ་ལ་འདས་པར་འདུ་ཤེས་ཏེ་བཞག་ན་ཉེས་བྱས་སུ་འགྱུར་རོ། །མ་འདས་པ་ལ་མ་འདས་པར་འདུ་ཤེས་ཏེ་བཞག་ན་ཉེས་པ་མེད་དོ། །བཙུན་པ་ [136b.7]བསྙེན་པར་མ་རྫོགས་པར་བཞག་སྟེ་བསྙེན་པར་མ་རྫོགས་པར་དུས་ལས་ཡོལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཞག་སྟེ་བསྙེན་པར་རྫོགས་ཀར་དུས་ལས་ཡོལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཞག་སྟེ་བསྙེན་ [137a] [137a.1]པར་རྫོགས་ནས་དུས་ལས་ཡོལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཞག་སྟེ་བསྙེན་པར་རྫོགས་ཀར་དུས་ལས་ཡོལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཞག་སྟེ་བསྙེན་པར་རྫོགས་ནས་དུས་ལས་ཡོལ་ན་ཅིར་ [137a.2]འགྱུར། ཉེས་བྱས་སོ། །བསྙེན་པར་རྫོགས་ནས་བཞག་སྟེ་བསྙེན་པར་རྫོགས་ནས་དུས་ལས་ཡོལ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པས་བཞག་ནས་བསྙེན་པར་མ་རྫོགས་པར་དུས་ལས་ཡོལ་ན་ཅིར་འགྱུར། ཉེས་བྱས་སོ། །བཙུན་པ་ཚུལ་ནས་ [137a.3]མ་བྱུང་བར་རྒྱལ་པོས་ཤོལ་བོར་ན་དགེ་སློང་གིས་བརྟད་པའི་གོས་ཇི་ལྟར་བསྒྲུབ་པར་བགྱི། ཇི་ལྟར་ཚུལ་དུ་ཞུགས་པ་བཞིན་ནོ། །བརྟད་པའི་གོས་ཞག་བཅུ་ལས་འདས་པ་ཞེས་བགྱིའམ། ཞག་བཅུ་ལས་མ་འདས་པ་ཞེས་བགྱི། ཞག་བཅུ་ལས་འདས་པ་ཞེས་བྱའོ། །བཙུན་ [137a.4]པ་བརྟད་པའི་གོས་དུས་མ་ལགས་པའི་གོས་སུ་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་བཅོམ་ལྡན་འདས་ཀྱིས་བརྟད་པའི་གོས་ནམ་གོས་འབུལ་བའི་དུས་ཀྱི་བར་དུ་ཆོངས་ཤིག་ཅེས་གསུངས་ན། བཙུན་པ་གོས་འབུལ་བའི་དུས་ནམ་ལགས། ཨུ་པཱ་ལི་ཚུལ་ནས་བྱུང་བ་ [137a.5]སྟེ། ཚུལ་ནས་མ་བྱུང་གི་བར་དུ་ནི་ཐམས་ཅད་དུས་མ་ཡིན་ནོ། །བཙུན་པ་བསླབ་པ་སྩལ་བས་གོས་འབུལ་བའི་དུས་ལས་འདས་པར་གོས་བཞག་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་བརྟད་པའི་གོས་འབུལ་བའི་དུས་ལས་འདས་པར་བཞག་ན་ཅིར་འགྱུར། [137a.6]སྤང་བར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ནི་ཉེས་བྱས་ཏེ་རྒྱས་པར་བརྗོད་པར་བྱའོ།། །།མདོར་ན། མི་རུང་བ་དང་བཞི་པ་དང་། །བར་ཆད་བདུན་པ་དེ་བཞིན་ཏེ། །སྡོམ་པ་དང་ནི་དགེ་འདུན་གྱི། །ནམ་མཁའ་མཚན་དང་ [137a.7]དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་རིང་ན་ཡང་ཞག་དྲུག་ཏུ་དགེ་སློང་དེས་གོས་དང་བྲལ་བར་འདུག་ཤིག་དེ་ལས་རིང་དུ་བྲལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ [137b] [137b.1]ཞག་དྲུག་ལས་འདས་པར་གོས་དེ་དང་བྲལ་ཡང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་ [137b.2]དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པའོ། །དེ་དང་འདྲ་བར་ཐགས་སུ་མ་བཏགས་པའི་གོས་ཞག་དྲུག་ལས་འདས་པར་བྲལ་ན་ཉེས་བྱས་སུ་འགྱུར་རོ། །བཙུན་པ་དགེ་སློང་ཞིག་ཞག་དྲུག་ལས་འདས་པ་ལ་འདས་པར་འདུ་ཤེས་ཏེ་གོས་དེ་དང་བྲལ་ན་ཅིར་འགྱུར། སྤང་ [137b.3]བར་འགྱུར་རོ། །འདས་པ་ལ་མ་འདས་པར་འདུ་ཤེས་ཏེ་བྲལ་ན་ཉེས་པ་མེད་དོ། །མ་འདས་པ་ལ་འདས་པར་འདུ་ཤེས་ཏེ་བྲལ་ན་ཉེས་བྱས་སུ་འགྱུར་རོ། །མ་འདས་པ་ལ་མ་འདས་པར་འདུ་ཤེས་ཏེ་བྲལ་ན་ཉེས་པ་མེད་དོ། །བཙུན་པ་དགེ་སློང་གིས་ཞག་དྲུག་ལས་འདས་པར་གོས་དེ་ [137b.4]དང་བྲལ་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་དེ་འོང་བ་ན་དེ་ལ་བར་ཆད་བརྒྱད་ལས་གང་ཡང་རུང་བ་བར་ཆད་ཅིག་བྱུང་བར་གྱུར་པའོ། །བཙུན་པ་བསྙེན་པར་མ་རྫོགས་པར་བཞག་ལ་བསྙེན་པར་མ་རྫོགས་པར་བྲལ་ན་ཅིར་འགྱུར། [137b.5]ཉེས་བྱས་སོ། །བསྙེན་པར་མ་རྫོགས་པར་བཞག་ལ་བསྙེན་པར་རྫོགས་ཀར་བྲལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཞག་ལ་བསྙེན་པར་རྫོགས་ཏེ་བྲལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཞག་ལ་བསྙེན་པར་རྫོགས་ཀར་བྲལ་ན་ [137b.6]ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཞག་ལ་བསྙེན་པར་རྫོགས་ཏེ་བྲལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པས་བཞག་ལ་བསྙེན་པར་རྫོགས་ནས་བྲལ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་ཏེ་བཞག་ལ་བསྙེན་པར་ [137b.7]མ་རྫོགས་པར་བྲལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཞག་དྲུག་ལས་འདས་པར་གོས་དེ་དང་བྲལ་ཡང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་དེས་གོས་དང་མི་འབྲལ་བའི་སྡོམ་པ་ཐོབ་པར་གྱུར་པའོ། །བཙུན་པ་དགེ་ [138a] [138a.1]སློང་གིས་དགེ་འདུན་གྱི་གོས་ཤིག་བྱིན་གྱིས་བརླབས་ཏེ་བཞག་ནས་ཞག་དྲུག་ལས་འདས་པར་བྲལ་ན་བྲལ་བ་ཞེས་བགྱིའམ། མ་བྲལ་བ་ཞེས་བགྱི། ཨུ་པཱ་ལི་བྲལ་བ་ཞེས་བྱའོ། །སྤང་བར་བགྱིའམ། ཨུ་པཱ་ལི་མ་ཡིན་ཏེ། ལྟུང་བ་གཅིག་པུ་བཤགས་པར་ [138a.2]བྱའོ། །བཙུན་པ་དགེ་སློང་གིས་ཁྱིམ་གྱི་ནང་དུ་གོས་བཞག་པར་གྱུར་ལ་དེ་ནམ་མཁའ་ལ་མཆིས་ནས་ཞག་དྲུག་ལས་འདས་པར་བགྱིས་ནས་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་ཁྱིམ་གྱི་ནང་དུ་གོས་བཞག་པར་གྱུར་ལ་གོས་དེ་ཞག་དྲུག་ལས་འདས་པར་ [138a.3]བྲལ་བ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་ཁྱིམ་གྱི་ནང་དུ་གོས་བཞག་པར་གྱུར་ལ་གོས་དེ་དང་ཞག་དྲུག་ལས་འདས་པས་བྲལ་བ་ན་དེའི་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་ [138a.4]བསླབ་པ་སྩལ་བས་ཞག་དྲུག་ལས་འདས་པས་བྲལ་ན་ཅིར་འགྱུར། སྤང་བར་འགྱུར་རོ། །དགེ་སློང་མས་བྲལ་ན་ནི་ཉེས་བྱས་སོ། །དགེ་སློབ་མ་དང་། དགེ་ཚུལ་མ་ལའང་ཉེས་བྱས་སོ། །བཙུན་པ་དགེ་ཚུལ་ཕས་ཞག་དྲུག་ལས་འདས་པར་བྲལ་ན་ཅིར་འགྱུར། །ཉེས་བྱས་ [138a.5]སོ།། །།འདུལ་བ་གཞུང་དམ་པ། བམ་པོ་ལྔ་པ། མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་ར་རོ་མྱོས་པ་ [138a.6]དང་། །སྙོམས་ཞུགས་མུ་སྟེགས་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དབྱར་གྱི་རས་ཆེན་ཤིན་ཏུ་མྱུར་དུ་ཚོལ་ལམ་ཤིན་ཏུ་རིང་དུ་བཅངས་ན་སྤང་བར་འགྱུར་རོ་ཞེས་གསུངས་ན། [138a.7]བཙུན་པ་དགེ་སློང་གིས་དབྱར་གྱི་རས་ཆེན་ཕྲིན་པ་ལས་མྱུར་དུ་བཙལ་ཏེ་རས་རྙེད་ན་ཅིར་འགྱུར། ཉེས་བྱས་སོ། །ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །ཕྲིན་པས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་ [138b] [138b.1]གཅིག་ཏུ་བརྒྱུད་པ་རྣམས་སོ། །བཙུན་པ་དགེ་སློང་གིས་སྨྱོན་པ་ལས་དབྱར་གྱི་རས་ཆེན་མྱུར་དུ་བཙལ་ཏེ་རས་རྙེད་ན་ཅིར་འགྱུར། ཉེས་བྱས་སོ། །ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །སྨྱོན་པ་ལས་ཇི་ལྟ་བ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་ [138b.2]དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འདི་ལས་ཕྱི་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལས་བཙལ་བ་དང་། དེ་བཞིན་ [138b.3]དུ་འགྲོ་བ་གཞན་དུ་གནས་པ་ལས་ཤིན་ཏུ་མྱུར་བར་བཙལ་ཏེ་རྙེད་ན་ཉེས་བྱས་སོ། །ཤིན་ཏུ་རིང་བར་བཅངས་ན་ཡང་ཉེས་བྱས་སུ་འགྱུར་རོ།། །།མདོར་ན། མི་རུང་བ་དང་དེ་བཞིན་མཚན། །ཐུན་མོང་བདུན་པ་དེ་བཞིན་ཏེ། །མཆོག་པ་དང་སེང་རས་དང་། །བཞི་པ་དང་ཡང་དགེ་ [138b.4]སློང་མའོ། །བཙུན་པ་དགེ་སློང་གིས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ལ་ཤིན་ཏུ་རིང་བར་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བ་སྟེ། [138b.5]མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དེ་ལྟ་བུ་ལས་ཐགས་སུ་མ་བཏགས་པའི་དབྱར་གྱི་རས་ཆེན་ཞིག་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དབྱར་ [138b.6]གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་པ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་ཞིག་གིས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་པ་ན་མཚན་འཕོས་ཏེ་དགེ་སློང་དུ་གྱུར་ [138b.7]ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་དབྱར་གྱི་རས་ཆེན་ཐུན་མོང་བ་ཞིག་ཤིན་ཏུ་མྱུར་བར་བཙལ་ཏམ། ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པར་དབྱར་གྱི་རས་ཆེན་བསླངས་ནས་བསྙེན་པར་མ་རྫོགས་ [139a] [139a.1]པར་ཐོབ་སྟེ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ཀར་ཐོབ་ནས་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ནས་ཐོབ་ [139a.2]ནས་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་ཐོབ་སྟེ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་ཐོབ་སྟེ་ཤིན་ཏུ་རིང་བར་བཅངས་ན་ [139a.3]ཅིར་འགྱུར། ཉེས་བྱས་སོ། །བསྙེན་པར་རྫོགས་ནས་བསླངས་ལ་བསྙེན་པར་རྫོགས་ནས་ཐོབ་སྟེ་ཤིན་ཏུ་རིང་བར་བཅངས་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ན་བསླངས་ལ་བསྙེན་པར་མ་རྫོགས་པར་ཐོབ་སྟེ་ཤིན་ཏུ་རིང་བར་བཅངས་ན་ཅིར་འགྱུར། ཉེས་ [139a.4]བྱས་སོ། །བཙུན་པ་དབྱར་གྱི་རས་ཆེན་དུ་མ་འཚལ་བ་ཞིག་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །བཙུན་པ་སེང་རས་ཀྱི་དབྱར་གྱི་རས་ཆེན་ཞིག་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། [139a.5]བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་དེ་ལས་དབྱར་གྱི་རས་ཆེན་ཞིག་ཤིན་ཏུ་མྱུར་བར་བཙལ་ནས་རས་ཆེན་རྙེད་ན་ཅིར་འགྱུར། སྤང་བར་འགྱུར་རོ། །རིང་དུ་བཅངས་ན་ཡང་དེ་བཞིན་ནོ། །མི་ལ་མི་མ་ཡིན་པར་འདུ་ཤེས་ཏེ་དེ་ལས་ཐོབ་ན་ཉེས་བྱས་སུ་འགྱུར་རོ། །མི་མ་ཡིན་ [139a.6]པ་ལ་མིར་འདུ་ཤེས་ཏེ་དེ་ལས་ཐོབ་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ཏེ་དེ་ལས་ཐོབ་ན་ཉེས་བྱས་སུ་འགྱུར་རོ། །བཙུན་པ་དགེ་སློང་དབྱར་གྱི་རས་ཆེན་ཚུལ་ནས་འབྱུང་བ་ལས་ཟླ་བ་ཕྱེད་འདས་པ་ལ་འདས་པར་འདུ་ཤེས་ཏེ་བཅངས་ན་ཅིར་འགྱུར། [139a.7]སྤང་བར་འགྱུར་རོ། །འདས་པ་ལ་མ་འདས་པར་འདུ་ཤེས་ན་ཉེས་པ་མེད་དོ། །མ་འདས་པ་ལ་འདས་པར་འདུ་ཤེས་ན་ཉེས་བྱས་སུ་འགྱུར་རོ། །མ་འདས་པ་ལ་མ་འདས་པར་འདུ་ཤེས་ན་ཉེས་པ་མེད་དོ། །བཙུན་པ་དབྱར་ཚུལ་དུ་ཞུགས་པ་དང་རྒྱལ་པོས་ཤོལ་བོར་ན་དགེ་སློང་ [139b] [139b.1]དེ་དག་གིས་ཇི་ལྟར་དབྱར་ཚུལ་དུ་ཞུགས་ནས་འབྱུང་བར་བགྱི། ཇི་ལྟར་ཚུལ་དུ་ཞུགས་པ་བཞིན་ནོ། །དབྱར་གྱི་རས་ཆེན་ཇི་ལྟར་བཅང་བར་བགྱི། ཇི་ལྟར་ཚུལ་ནས་བྱུང་བ་བཞིན་ནོ། །བཙུན་པ་བསླབ་པ་སྩལ་བས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཅིར་ [139b.2]འགྱུར། སྤང་བར་འགྱུར་རོ། །བཙུན་པ་དགེ་ཚུལ་ཕས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དབྱར་གྱི་རས་ཆེན་བཙལ་ན་ཅིར་འགྱུར། ཉེས་བྱས་སོ། །ཞག་བཅུ་ལས་འདས་པར་ [139b.3]བཅངས་ན་སྤང་བར་འགྱུར་རོ། །དགེ་སློང་མ་དང་། དགེ་ཚུལ་མས་དབྱར་གྱི་རས་ཆེན་བཙལ་ཏམ་ཞག་བཅུ་ལས་འདས་པར་བཅངས་ན་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་ [139b.4]སེམས་འཁྲུགས་དང་། །ན་བ་འོན་པ་གླེན་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་རྙེད་པ་དགེ་འདུན་ལ་བསྔོས་པར་འཚལ་བཞིན་དུ་བདག་ཉིད་ལ་བསྔོས་ན་སྤང་བར་འགྱུར་རོ་ཞེས་གསུངས་ན། [139b.5]བཙུན་པ་དགེ་སློང་གིས་རྙེད་པ་དགེ་འདུན་ལ་བསྔོས་པར་འཚལ་བཞིན་དུ་ཕྲིན་པ་ལས་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། །ཕྲིན་པས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་གཅིག་ནས་གཅིག་ཏུ་ [139b.6]བརྒྱུད་པ་རྣམས་སོ། །བཙུན་པ་དགེ་སློང་སྨྱོན་པ་ཞིག་གིས་རྙེད་པ་དགེ་འདུན་ལ་བསྔོས་པར་འཚལ་བཞིན་དུ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། །སྨྱོན་པས་ཇི་ལྟ་བ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། [139b.7]གླེན་པ་དང་། ལྐུགས་པ་དང་། འོན་པ་རྣམས་ཀྱིས་ཀྱང་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མ་ཆོག་པ་དང་མི་རུང་རིགས། །བདུན་པ་དག་དང་བཞི་པ་མཚན། །ཁྱིམ་པ་དག་ལ་སོགས་པ་དང་། །འགྲོ་བ་སློབ་དང་དགེ་སློང་མའོ། །བཙུན་པ་ [140a] [140a.1]དགེ་སློང་གིས་དགེ་འདུན་ལ་བསྔོས་པའི་གོས་ཁྲུ་གང་བས་ཆུང་བ་ཞིག་བདག་ཉིད་ལ་བསྔོས་ཏེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། །འོན་ཏེ་ཁྲུ་གང་གྲུ་བཞི་པར་གྱུར་པའམ། དེ་བས་ཆེ་བ་ནི་སྤང་བར་འགྱུར་རོ། །བཙུན་པ་དགེ་སློང་གིས་དགེ་འདུན་ལ་ [140a.2]རྙེད་པ་བསྔོས་པར་འཚལ་བཞིན་དུ་བདག་ཉིད་ལ་བསྔོས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བར་གྱུར་པ་སྟེ། གཉིས་ཀ་མི་རུང་བ་ནི་རྔ་མོའི་ [140a.3]བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཤིག་བདག་ཉིད་ལ་བསྔོས་ཏེ་མངོན་དུ་གྲུབ་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཕ་དང་མ་ལ་གོས་བླངས་ན་སྤང་བར་ [140a.4]འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་ཕ་དང་མ་གཉིས་ཀྱིས་དགེ་འདུན་ལ་བསྔོས་པར་ཤེས་བཞིན་དུ་བདག་ཉིད་ལ་བསྔོས་ན་སྤང་བར་འགྱུར་རོ། །བཙུན་པ་བསྙེན་པར་མ་རྫོགས་པར་བསླངས་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། [140a.5]བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་ [140a.6]འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་པ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བསླངས་ལ་བསྙེན་པར་རྫོགས་པ་ན་ཐོབ་ན་ཅིར་འགྱུར། སྤང་བར་འགྱུར་རོ། །བསྙེན་པར་རྫོགས་པ་ན་བསླངས་ལ་བསྙེན་ [140a.7]པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་ལ་རྙེད་པ་བསྔོས་པར་འཚལ་བཞིན་དུ་བསྔོས་པར་འདུ་ཤེས་ཏེ་བདག་ཉིད་ལ་བསྔོས་ན་ཅིར་འགྱུར། སྤང་བར་འགྱུར་རོ། །བསྔོས་པ་ལ་མ་བསྔོས་པར་འདུ་ཤེས་ན་ཉེས་པ་མེད་དོ། ། [140b] [140b.1]མ་བསྔོས་པ་ལ་བསྔོས་པར་འདུ་ཤེས་ན་ཉེས་བྱས་སོ། །མ་བསྔོས་པ་ལ་མ་བསྔོས་པར་འདུ་ཤེས་ཏེ་ཐོབ་ན་ཉེས་པ་མེད་དོ། །བཙུན་པ་དགེ་སློང་གིས་རྙེད་པ་དགེ་འདུན་ལ་བསྔོས་པར་འཚལ་བཞིན་དུ་བདག་ཉིད་ལ་བསྔོས་པ་དང་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། [140b.2]སྤང་བར་འགྱུར་རོ། །བཙུན་པ་དགེ་སློང་མས་རྙེད་པ་དགེ་འདུན་ལས་བསྔོས་པར་འཚལ་བཞིན་དུ་བདག་ཉིད་ལ་བསྔོས་པ་དང་མཚན་འཕོས་ཏེ་དགེ་སློང་དུ་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་རྙེད་པ་ཁྱིམ་པ་ལ་བསྔོས་པ་བདག་ཉིད་ལ་བསྔོས་ [140b.3]ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དགེ་འདུན་ཕྱེ་བ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། [140b.4]མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་དང་། ཉེ་བར་ཕྱོགས་པ་དང་། སྔོན་ཉེས་པ་བྱུང་བ་དང་། སྔོན་འཁྲུགས་པ་དང་། བསླབ་པ་སྩལ་བ་རྣམས་ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་ [140b.5]མངོན་དུ་གྲུབ་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་འགྲོ་བ་གཞན་དུ་གནས་པ་རྣམས་ལ་རྙེད་པ་བསྔོས་པ་བདག་ཉིད་ལས་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་རྙེད་པ་དགེ་འདུན་ལ་བསྔོས་ [140b.6]པར་འཚལ་བཞིན་དུ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་ཞིག་གིས་དགེ་སློང་གཉིས་སམ་མང་པོ་རྣམས་ལ་རྙེད་པ་བསྔོས་པ་ལས་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་ [140b.7]སོ། །དགེ་སློང་གིས་དགེ་འདུན་ནམ། དགེ་སློང་མའི་དགེ་འདུན་ནམ། དགེ་འདུན་གཉིས་ཀ་ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་གིས་དགེ་སློང་མ་ལ་རྙེད་པ་བསྔོས་པ་དང་། དགེ་སློབ་ [141a] [141a.1]མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློབ་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ [141a.2]ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཡང་ཉེས་བྱས་སུ་རྒྱས་པར་བརྗོད་པར་བྱའོ།། །།མདོར་ན། མི་རུང་བ་དང་བཞི་པ་དག །སྟོར་བ་ཚོལ་ [141a.3]བ་མཚན་དེ་བཞིན། །དེ་ཉིད་དང་ནི་བདུན་པ་འབྱུང་། །བྱིན་གྱིས་མ་བརླབས་བྱིན་གྱིས་བརླབས། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་སྨན་ཞག་བདུན་ལས་འདས་ན་སྤང་བའོ་ཞེས་གསུངས་ན། བཙུན་ [141a.4]པ་སྨན་ཞག་བདུན་ལས་འདས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྨན་མི་རུང་བར་གྱུར་པ་སྟེ། མི་རུང་བ་ནི་མི་རུང་བ་དང་འདྲེས་པ་དང་། གང་དགེ་སློང་རྣམས་ཀྱིས་སྤྱད་དུ་མི་རུང་བའོ། །བཙུན་པ་དགེ་སློང་གིས་སྨན་རྙེད་ནས་ཞག་བདུན་ལོན་ལ་ཞག་ [141a.5]བདུན་ལོན་པར་ཡང་འདུ་ཤེས་ཏེ་སྐྱ་རེངས་ཤར་ན་ཅིར་འགྱུར། སྤང་བར་འགྱུར་རོ། །ཞག་བདུན་ལོན་པ་ལ་ཞག་བདུན་མ་ལོན་པར་འདུ་ཤེས་ན་ཉེས་པ་མེད་དོ། །ཞག་བདུན་མ་ལོན་པ་ལ་ཞག་བདུན་དུ་འདུ་ཤེས་ན་ཉེས་བྱས་སོ། །ཞག་བདུན་མ་ལོན་པ་ལ་ཞག་བདུན་ [141a.6]མ་ལོན་པར་འདུ་ཤེས་ཏེ་སྐྱ་རེངས་ཤར་ན་ཉེས་པ་མེད་དོ། །བཙུན་པ་དགེ་སློང་གིས་སྨན་སྤང་བ་ཞིག་སྟོར་ན་ལྟུང་བ་བཤགས་པར་བགྱིའམ། མི་བཤགས་པར་བགྱི། ཨུ་པཱ་ལི་བཤགས་པར་བྱའོ། །ལྟུང་བ་བཤགས་ནས་སླར་རྙེད་ན་སྤང་བར་བགྱིའམ། ཨུ་པཱ་ལི་ [141a.7]མི་བྱའོ། །བཙུན་པ་དགེ་སློང་གིས་ནམ་འཚོའི་བར་དུ་སྨན་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཞག་བདུན་མ་ལོན་པར་དུས་བྱས་པའོ། །བཙུན་པ་དགེ་སློང་གིས་སྨན་རྙེད་ནས་ཞག་བདུན་ལོན་པ་དང་། ཞག་བདུན་ལས་འདས་པ་ན་མཚན་ [141b] [141b.1]འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་ཞག་བདུན་ལོན་པ་དང་སྨན་རྙེད་ནས་ཞག་བདུན་ལས་འདས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་སྨན་དེ་ཉིད་སྤང་བར་འགྱུར་ལ་དེ་ཉིད་སྤངས་ [141b.2]པར་འགྱུར་བ་ཡང་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གི་སྨན་དེ་ཞག་བདུན་ལས་འདས་ལ་དུས་ཀྱང་ཡོལ་བའོ། །བཙུན་པ་བསྙེན་པར་མ་རྫོགས་པར་རྙེད་ལ་བསྙེན་པར་མ་རྫོགས་པར་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་ [141b.3]པར་རྙེད་ལ་བསྙེན་པར་རྫོགས་ཀར་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་རྙེད་ལ་བསྙེན་པར་རྫོགས་ནས་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ཀར་ཞག་བདུན་ [141b.4]ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ནས་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་རྙེད་ལ་བསྙེན་པར་རྫོགས་པ་ན་ཞག་བདུན་འདས་ན་ཅིར་འགྱུར། སྤང་བར་འགྱུར་རོ། ། [141b.5]བསྙེན་པར་རྫོགས་པ་ན་རྙེད་ལ་བསྙེན་པར་མ་རྫོགས་པར་ཞག་བདུན་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྨན་རྙེད་པ་དང་ཞག་བདུན་ལོན་ནས་སེམས་འཁྲུགས་པར་གྱུར་ན་གང་ནས་བཟུང་སྟེ་ཞག་བདུན་དུ་བགྲང་བར་བགྱི། [141b.6]གང་གི་ཚེ་སེམས་སླར་རྙེད་པ་ནས་བཟུང་ངོ་། །བཙུན་པ་སྔ་དྲོ་དང་། སླད་དྲོ་དང་། ཞག་བདུན་དང་། ནམ་འཚོའི་བར་གྱི་སྨན་གང་ཡིན་པ་དེ་དག་བྱིན་ལེན་མ་བགྱིས་བྱིན་གྱིས་མ་བརླབས་པར་བདག་གིའོ་ཞེས་བདག་གིར་བྱས་ཏེ་ཀུན་ཏུ་སྤྱད་པར་སྤྱོད་དུ་གནང་ངམ། ཨུ་པཱ་ལི་མི་ [141b.7]གནང་ངོ་། །ཇི་ལྟར་ཡང་དེ་དགེ་སློང་གིས་སྨན་དེ་སྔ་དྲོའི་དུས་སུ་བྱིན་ལེན་བྱས་ན་ནི་སྔ་དྲོའི་དུས་སུ་ཡོངས་སུ་སྤྱད་པར་བྱའོ། །ཕྱི་དྲོའི་དུས་སུ་བྱིན་ལེན་བྱས་ན་ནི་ཕྱི་དྲོའི་དུས་སུ་ཡོངས་སུ་སྤྱད་པར་བྱའོ། །དེ་སྟེ་དུས་ལས་ཡོལ་ན་ཅིར་འགྱུར། སྤང་བར་འགྱུར་རོ། །བཙུན་ [142a] [142a.1]པ་དགེ་སློང་གིས་སྨན་སྤངས་པ་ཞིག་བཙལ་ལམ་བྱིན་གྱིས་རློབ་ན་ཅིར་འགྱུར། ཉེས་བྱས་སོ། །བཙུན་པ་སྔ་དྲོའི་དང་། ཕྱི་དྲོ་དང་། ཞག་བདུན་གྱི་དང་། ནམ་འཚོའི་བར་གྱི་སྨན་གང་ཡིན་པ་འདི་དག་བྱིན་ལེན་བགྱིས་ལ་བྱིན་གྱིས་བརླབས་ན་ [142a.2]འཚལ་དུ་གནང་ངམ། ཨུ་པཱ་ལི་གནང་སྟེ། སྔ་དྲོའི་ནི་སྔ་དྲོ་སྤྱད་པར་བྱ་སྟེ། དུས་ལས་ཡོལ་ན་སྤྱད་པར་མི་བྱའོ། །ཕྱི་དྲོའི་ཡང་ཕྱི་དྲོ་སྤྱད་པར་བྱ་སྟེ། ཕྱི་དྲོ་ལས་ཡོལ་ན་སྤྱད་པར་མི་བྱའོ། །ཞག་བདུན་པའི་ཡང་ཞག་བདུན་དུ་སྤྱད་པར་བྱ་སྟེ། ཞག་བདུན་ [142a.3]ལས་ཡོལ་ན་སྤྱད་པར་མི་བྱའོ། །ནམ་འཚོའི་བར་གྱི་ཡང་ནམ་འཚོའི་བར་དུ་སྤྱད་པར་བྱའོ། །དེ་སྟེ་སྤྱད་ན་ཅིར་འགྱུར། སྤངས་པ་སྤྱད་པའི་ཕྱིར་ལྟུང་བའོ། །བཙུན་པ་དེ་སྟེ་བྱིན་གྱིས་བརླབས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་ [142a.4]སྨན་ཞག་བདུན་ལས་འདས་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་སྨན་ཞག་བདུན་ལས་འདས་ན་ཅིར་འགྱུར། སྤང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སུ་རྒྱས་པར་བརྗོད་པར་ [142a.5]བྱའོ། །སྤང་བའི་ལྟུང་བ་རྫོགས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ནད་པ་འོན་པ་གླེན་པ་དང་། །གཉིད་ལོག་ར་རོ་མྱོས་པ་དང་། །སྙོམས་ཞུགས་ [142a.6]འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་འཚལ་བཞིན་དུ་{བརྫུན་,རྫུན་}སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་{བརྫུན་,རྫུན་}སྨྲས་ན་ཅིར་འགྱུར། ཉེས་བྱས་སོ། ། [142a.7]དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་རྣམས་སོ། །བཙུན་པ་དགེ་སློང་གིས་སྨྱོན་པ་ཞིག་ལ་{བརྫུན་,རྫུན་}སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་ [142b] [142b.1]དང་། ལྐུགས་པ་དང་། འོན་པ་དང་། གཉིད་ཀྱིས་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་{བརྫུན་,རྫུན་}སྨྲས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། དབེན་དང་སྐད་དང་བཞི་ [142b.2]པ་དང་། །མུ་སྟེགས་ཅན་དང་མི་སྨྲ་དང་། །མཚན་དང་བདུན་པ་དེ་བཞིན་ཏེ། །ལུས་དང་སློབ་དང་དགེ་སློང་མ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་{བརྫུན་,རྫུན་}དུ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་འཕགས་པས་ [142b.3]འཕགས་པའི་སྐད་དུ་མཐའ་འཁོབ་པ་ལ་{བརྫུན་,རྫུན་}སྨྲས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་འཕགས་པ་ཞིག་ལ་{བརྫུན་,རྫུན་}སྨྲས་པ་དང་། འཕགས་པ་དེས་ཀྱང་མཐའ་ [142b.4]འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་འཕགས་པ་ལ་{བརྫུན་,རྫུན་}སྨྲས་པ་དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་ [142b.5]པའི་སྐད་དུ་མཐའ་འཁོབ་པ་ལ་{བརྫུན་,རྫུན་}སྨྲས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་{བརྫུན་,རྫུན་}དུ་སྨྲས་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་འདུ་ [142b.6]ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་{བརྫུན་,རྫུན་}སྨྲ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་ཁྱོད་སུ་ཞེས་དྲིས་པ་དང་། དེས་ [142b.7]འདི་སྐད་དུ་མུ་སྟེགས་ཅན་ནོ། །ཞེས་སྨྲས་ན་བསླབ་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ་ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་ལ་ཅི་ཁྱོད་མུ་སྟེགས་ཅན་ཡིན་ནམ་ཞེས་དྲིས་ན། མི་སྨྲ་བས་ཁས་བླངས་ན་ཅིར་ [143a] [143a.1]འགྱུར། ཉེས་བྱས་སོ། །བཙུན་པ་དགེ་སློང་གིས་{བརྫུན་,རྫུན་}སྨྲ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་མས་{བརྫུན་,རྫུན་}དུ་སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། [143a.2]བཙུན་པ་བསྙེན་པར་མ་རྫོགས་པར་{བརྫུན་,རྫུན་}སྨྲ་བར་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ [143a.3]ནས་བསྙེན་པར་རྫོགས་ཏེ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་སྨྲས་ན་ཅིར་འགྱུར། ཉེས་བྱས་སོ། ། [143a.4]བསྙེན་པར་རྫོགས་ཏེ་བཤམས་ལ་བསྙེན་པར་རྫོགས་ཏེ་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་ཏེ་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་ཅི་ཁྱོད་ཀྱིས་འདི་ཞེས་བྱ་བ་མཐོང་ [143a.5]ངམ་ཞེས་དྲིས་པ་དང་། དེས་མ་མཐོང་བར་ལུས་ཀྱི་དམིགས་པས་མཐོང་ངོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་{བརྫུན་,རྫུན་}སྨྲས་ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་མས་{བརྫུན་,རྫུན་}སྨྲས་ན་ཅིར་འགྱུར། ལྟུང་བའོ། །དགེ་སློབ་ [143a.6]མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་པ་དང་ར་རོ་དང་། །མྱོས་པ་སྙོམས་ཞུགས་ [143a.7]ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་མིའི་སྐྱོན་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། །ཕྲིན་ [143b] [143b.1]གྱིས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་ [143b.2]དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་རྣམས་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཐམས་ཅད་ཉེས་བྱས་སོ། ། [143b.3]བཙུན་པ་དགེ་སློང་གིས་འགྲོ་བ་གཞན་དུ་གནས་པ་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ།། །།མདོར་ན། སྐད་དང་ལུས་དང་དེ་བཞིན་དབེན། །མཚན་དང་བཞི་པ་བདུན་པ་དང་། །ཁྱིམ་པ་དག་ལ་སོགས་པ་རྣམས། །བསླབ་པ་བྱིན་ [143b.4]དང་དགེ་སློང་མའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་མཐའ་འཁོབ་པ་ལ་མིའི་སྐྱོན་གྱི་ཚིག་སྨྲས་པ་དང་། མཐའ་འཁོབ་པ་དེས་འཕགས་པའི་སྐད་མ་འཚལ་ན་ཅིར་འགྱུར། །ཉེས་བྱས་སོ། །འཕགས་པས་མཐའ་འཁོབ་པའི་སྐད་ [143b.5]དུ་འཕགས་པ་ལ་མིའི་སྐྱོན་གྱི་ཚིག་སྨྲས་པ་དང་། འཕགས་པ་དེས་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་འཕགས་པ་ལ་མིའི་སྐྱོན་གྱི་ཚིག་སྨྲས་པ་དང་། འཕགས་པ་དེས་ཀྱང་མཐའ་ [143b.6]འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་མཐའ་འཁོབ་པ་ལ་མིའི་སྐྱོན་གྱི་ཚིག་སྨྲས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་ལུས་ [143b.7]ཀྱིས་དམིགས་པས་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དབེན་པ་ལ་མི་དབེན་པར་འདུ་ཤེས་ཏེ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་མིའི་སྐྱོན་གྱི་ཚིག་སྨྲ་བ་ན་མཚན་འཕོས་ཏེ་དགེ་ [144a] [144a.1]སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མ་ལ་མིའི་སྐྱོན་གྱི་ཚིག་སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་ [144a.2]པར་རྫོགས་པར་འདུ་ཤེས་ཏེ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ [144a.3]ན་ཅིར་འགྱུར། ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། །ཉེས་བྱས་སུ་འགྱུར་རོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། ། [144a.4]མི་ལ་མི་མ་ཡིན་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་བསྙེན་པར་མ་རྫོགས་པར་མིའི་ [144a.5]སྐྱོན་གྱི་ཚིག་སྨྲ་བར་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་ [144a.6]རྫོགས་ཏེ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་སྨྲས་ན་ཅིར་འགྱུར། ཉེས་བྱས་སོ། ། [144a.7]བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ཏེ་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ལ་མིའི་སྐྱོན་གྱི་ཚིག་ [144b] [144b.1]སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མ་ནིང་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། [144b.2]དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། ཟ་མ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་ [144b.3]རྣམས་ལ་མིའི་སྐྱོན་གྱི་ཚིག་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་རྣམས་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། །བཙུན་ [144b.4]པ་བསླབ་པ་སྩལ་བས་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་ [144b.5]རོ། །བཙུན་པ་དགེ་སློང་མས་དགེ་སློང་མ་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། །དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ལ་མིའི་སྐྱོན་གྱི་ཚིག་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། [144b.6]དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལའང་ཉེས་བྱས་སུ་རྒྱས་པར་བརྗོད་པར་བྱའོ། །ཇི་ལྟར་མིའི་སྐྱོན་སྨྲ་བ་དེ་བཞིན་དུ་ཕྲ་མ་སྨྲ་བ་ལ་ཡང་གཞུང་རྒྱས་པར་བྱའོ།། །།མདོར་ན། སྐད་དང་ལུས་དང་དབེན་པ་དང་། །མཚན་དང་བཞི་ [144b.7]དང་བདུན་པ་དང་། །ཁྱིམ་པ་དག་ལ་སོགས་པ་རྣམས། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་འདུས་པས་ཆོས་བཞིན་དུ་རྩོད་པ་ཞི་ [145a] [145a.1]བར་བགྱིས་པར་འཚལ་བཞིན་དུ་ཡང་ཕྱིས་ལས་ཀྱིས་བསྐྱོས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཆོས་བཞིན་གྱིས་རྩོད་པ་ཞི་བར་བགྱིས་པ་ལ་ལས་ཀྱིས་བསྐྱོས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ [145a.2]ཡང་དེ་ནི་སྔོན་ཉེས་པ་བྱུང་བ་དང་། སྔར་འཁྲུགས་པ་དང་། མི་གནས་པ་རྣམས་ཀྱིས་ཆོས་བཞིན་དུ་རྩོད་པ་ཞི་བར་བྱས་པ་ལ་ཕྱིས་ལས་ཀྱིས་བསྐྱོས་ན་ཉེས་བྱས་སུ་འགྱུར་རོ། །བཙུན་པ་ཆོས་བཞིན་དུ་རྩོད་པ་ཞི་བར་བགྱིས་པ་ལ་དགེ་སློང་འཕགས་པས་འཕགས་པའི་སྐད་ [145a.3]དུ་ཕྱིས་ཡང་ལས་ཀྱིས་བསྐྱོས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །ཆོས་བཞིན་དུ་ཞི་བར་གྱུར་པའི་འཕགས་པས་མཐའ་འཁོབ་པའི་སྐད་དུ་འཕགས་པ་ལ་ཕྱིས་ལས་ཀྱིས་བསྐྱོས་པ་དང་། འཕགས་པ་དེས་ཀྱང་ [145a.4]མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །ཆོས་བཞིན་དུ་རྩོད་པ་ཞི་བར་གྱུར་པའི་འཕགས་པ་ལ་མཐའ་འཁོབ་པས་མཐའ་འཁོབ་པའི་སྐད་དུ་ཕྱིས་ལས་ཀྱིས་བསྐྱོས་པ་དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། [145a.5]ཉེས་བྱས་སོ། །ཆོས་བཞིན་དུ་རྩོད་པ་ཞི་བར་གྱུར་པའི་མཐའ་འཁོབ་པ་ལ་མཐའ་འཁོབ་པས་འཕགས་པའི་སྐད་དུ་ཕྱིས་ལས་ཀྱིས་བསྐྱོས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆོས་བཞིན་ [145a.6]དུ་རྩོད་པ་ཞི་བར་གྱུར་ལ་ཕྱིས་ལས་ཀྱིས་དམིགས་པས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་རྩོད་པ་ཆོས་བཞིན་དུ་ཞི་བར་བགྱིས་པར་འཚལ་བཞིན་དུ་དབེན་པ་ལ་མི་དབེན་པར་འདུ་ཤེས་ཏེ་བསྐྱོས་ན་ཅིར་འགྱུར། ཉེས་བྱས་ [145a.7]སོ། །བཙུན་པ་དགེ་སློང་གིས་ཆོས་བཞིན་དུ་རྩོད་པ་ཞི་བར་གྱུར་པ་ལ་ཕྱིས་ལས་དེ་བསྐྱོ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་མས་ཆོས་བཞིན་དུ་རྩོད་པ་ཞི་བར་འགྱུར་བ་ལ་ཕྱིས་ལས་དེ་བསྐྱོ་བར་བགྱིད་པ་ [145b] [145b.1]ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་གིས་ཆོས་བཞིན་དུ་རྩོད་པ་ཞི་བར་གྱུར་པ་ལ་ཆོས་བཞིན་དུ་རྩོད་པར་འདུ་ཤེས་ཏེ་ཕྱིས་ལས་ཀྱིས་བསྐྱོས་ན་ཅིར་འགྱུར། ལྟུང་བར་འགྱུར་རོ། །ཆོས་བཞིན་དུ་རྩོད་པ་ [145b.2]ལ་ཆོས་བཞིན་མ་ལགས་པར་འདུ་ཤེས་ཏེ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །ཆོས་བཞིན་དུ་རྩོད་པ་མ་ལགས་པ་ལ་ཆོས་བཞིན་དུ་རྩོད་པར་འདུ་ཤེས་ཏེ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །ཆོས་བཞིན་དུ་རྩོད་པ་མ་ལགས་པ་ལ་ [145b.3]ཆོས་བཞིན་དུ་རྩོད་པ་མ་ལགས་པར་འདུ་ཤེས་ཏེ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ཆོས་བཞིན་དུ་རྩོད་པ་ཞི་བ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ལྟུང་ [145b.4]བར་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཆོས་བཞིན་དུ་རྩོད་པ་ཞི་བ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་རྩོད་པ་ཆོས་བཞིན་དུ་ཞི་བ་ལ་ཕྱིས་ [145b.5]ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཆོས་བཞིན་དུ་རྩོད་པ་ཞི་བ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པས་ཆོས་བཞིན་དུ་རྩོད་པ་ [145b.6]ཞི་བ་ལ་ཕྱིས་ལས་ཀྱིས་བསྐྱོས་པར་བཤམས་ནས་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་ [145b.7]བཤམས་ལ་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་ [146a] [146a.1]བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་ལགས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ལགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་ [146a.2]པའི་རྩོད་པ་ཆོས་བཞིན་དུ་གྱུར་པ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཟ་མ་དང་། མ་ནིང་དང་། མཚན་གཉིས་པ་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་ [146a.3]གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ཀྱི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ [146a.4]ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་དབྱེན་བྱས་པ་དང་། ཉེ་བར་སོང་བ་དང་། བསླབ་པ་བྱིན་པ་རྣམས་ཀྱི་རྩོད་པ་ཆོས་བཞིན་དུ་རྩོད་པ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ལྟུང་བའོ།། །།མདོར་ན། ཕྲིན་པ་སྤྲིང་ [146a.5]ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སེམས་འཁྲུགས་པ་དང་ན་བ་དང་། །འོན་པ་དག་དང་འགྲོ་བའོ། །བཙུན་པ་དགེ་སློང་གིས་དགེ་སློང་གི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ཕྲིན་གྱིས་བསྐྱོས་ན་ཅིར་འགྱུར། ཉེས་བྱས་སོ། །དེ་ [146a.6]བཞིན་དུ་སྤྲིང་ཡིག་དང་ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པའི་རྩོད་པ་ཆོས་བཞིན་དུ་ཞི་བར་གྱུར་པ་ལས་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། [146a.7]དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ཀྱི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་ [146b] [146b.1]པ་དགེ་སློང་གིས་དགེ་སློང་མའི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྐྱོས་ན་ཐམས་ཅད་ཉེས་བྱས་སུ་འགྱུར་རོ། །དགེ་སློང་མས་དགེ་སློང་ [146b.2]མའི་ལས་ཀྱིས་བསྐྱོས་ན་ལྟུང་བར་འགྱུར་རོ། །དགེ་སློང་མས་དགེ་ཚུལ་ཕ་དང་། དགེ་སློབ་མ་དང་། དགེ་ཚུལ་མ་རྣམས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ [146b.3]ཀྱིས་བསྐྱོས་ན་ཅིར་འགྱུར། ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སུ་རྒྱས་པར་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་ [146b.4]དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་ར་རོ་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་རིག་པའི་ [146b.5]སྐྱེས་པ་མེད་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རིག་པའི་སྐྱེས་པ་མ་མཆིས་པར་ཕྲིན་པ་ལས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། ། [146b.6]དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་རྣམས་སོ། །བཙུན་པ་དགེ་སློང་གིས་སྨྱོན་མ་ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། །དེ་བཞིན་དུ་ [146b.7]སེམས་འཁྲུགས་པ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། གཉིད་ཀྱིས་ལོག་པ་དང་། ར་རོ་བ་དང་། མྱོས་མ་དང་། སྙོམས་པར་ཞུགས་མ་དང་། འགྲོ་བ་གཞན་དུ་གནས་པ་རྣམས་ལ་བཤད་ན་ཐམས་ཅད་ཀྱང་ཉེས་བྱས་སུ་འགྱུར་རོ། ། [147a] [147a.1]བཙུན་པ་དགེ་སློང་གིས་རིག་པའི་སྐྱེས་པ་སྨྱོན་པ་ཞིག་དང་ཚིག་ལྔའམ་དྲུག་ལས་ལྷག་པར་བུད་མེད་ལ་ཆོས་བཤད་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། [147a.2]གཉིད་ལོག་པ་དང་། མྱོས་པ་དང་། སྙོམས་པར་ཞུགས་པ་དང་། དམུས་ལོང་དང་། མཐའ་འཁོབ་པ་དང་། འགྲོ་བ་གཞན་དུ་གནས་པའི་རིག་པའི་སྐྱེས་པ་ཞིག་དང་ཆོས་བཤད་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། ། [147a.3]དེ་ལྟར་ཟ་མ་མ་ནིང་མ། །མཚན་དང་བཞི་པ་དེ་བཞིན་དུ། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། བུད་མེད་དེས་ཀྱང་འཕགས་ [147a.4]པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། བུད་མེད་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། [147a.5]མཐའ་འཁོབ་པས་མཐའ་འཁོབ་པའི་སྐད་དུ་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། བུད་མེད་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་ [147a.6]རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། བུད་མེད་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་གཡོག་མཐའ་འཁོབ་པ་དང་ལྷན་ཅིག་ [147a.7]ཏུ་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་གཡོག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་འཕགས་པས་འཕགས་པའི་སྐད་དུ་གཡོག་མཐའ་འཁོབ་པ་དང་ལྷན་ཅིག་ཏུ་ཆོས་བཤད་ན་ཉེས་བྱས་སུ་འགྱུར་རོ། །མཐའ་ [147b] [147b.1]འཁོབ་པས་མཐའ་འཁོབ་པའི་སྐད་དུ་གཡོག་འཕགས་པ་དང་ལྷན་ཅིག་ཏུ་ཆོས་བཤད་ན་ཉེས་བྱས་སུ་འགྱུར་རོ། །མཐའ་འཁོབ་པས་འཕགས་པའི་སྐད་དུ་གཡོག་མཐའ་འཁོབ་པ་དང་ལྷན་ཅིག་ཏུ་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། [147b.2]གཡོག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་དབེན་ [147b.3]པར་འདུ་ཤེས་ཏེ་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཡོག་མ་ནིང་དང་ལྷན་ཅིག་ཏུ་བུད་མེད་ལ་ཆོས་བཤད་ན་ཅིར་འགྱུར། ཉེས་བྱས་སོ། །དེ་བཞིན་དུ་གཡོག་ཟ་མ་དང་མཚན་གཉིས་པ་དང་ [147b.4]ལྷན་ཅིག་ཏུ་བུད་མེད་ལ་ཆོས་བཤད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རིག་པའི་སྐྱེས་པ་མ་མཆིས་པར་མ་ནིང་མོ་ལ་ཆོས་བཤད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་འཆད་ [147b.5]པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་སྐྱེས་པ་ལ་ཆོས་འཆད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བུད་མེད་ལ་བུད་མེད་དུ་འདུ་ཤེས་ཏེ་ཚིག་ལྔའམ་དྲུག་ལས་ [147b.6]ལྷག་པར་ཆོས་བཤད་ན་ཅིར་འགྱུར། ལྟུང་བའོ། །བུད་མེད་ལ་བུད་མེད་མ་ཡིན་པར་འདུ་ཤེས་ན་ཉེས་པ་མེད་དོ། །བུད་མེད་མ་ཡིན་པ་ལ་བུད་མེད་དུ་འདུ་ཤེས་ན་ཉེས་བྱས་སོ། །བུད་མེད་མ་ཡིན་པ་ལ་བུད་མེད་མ་ཡིན་པར་འདུ་ཤེས་ཏེ་ཚིག་ལྔའམ་དྲུག་ལས་ལྷག་པར་ [147b.7]ཆོས་བཤད་ན་ཉེས་པ་མེད་དོ། །བཙུན་པ་དགེ་སློང་གིས་མིའི་བུད་མེད་ལ་མིའི་བུད་མེད་དུ་འདུ་ཤེས་ཏེ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་ [148a] [148a.1]འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སོ། །བཙུན་པ་དགེ་སློང་གིས་གཡོག་མི་ལ་མིར་འདུ་ཤེས་ཏེ་བུད་མེད་ལ་ཆོས་བཤད་ན་ཅིར་འགྱུར། ཉེས་པ་མེད་དོ། །མི་ལ་མི་མ་ལགས་པར་འདུ་ཤེས་ཏེ་ཆོས་བཤད་ན་ཅིར་འགྱུར། ཉེས་ [148a.2]བྱས་སོ། །མི་མ་ལགས་པ་ལ་མིར་འདུ་ཤེས་ཏེ་བཤད་ན་ཅིར་འགྱུར། ཉེས་པ་མེད་དོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བཤད་ན་ཅིར་འགྱུར། ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་ [148a.3]བཤད་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་སྐྱེས་པ་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་རྒྱས་པར་བརྗོད་པར་བྱའོ།། །།མདོར་ན། སྨྱོན་ [148a.4]པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བ་དང་། །ཁྱིམ་པ་དེ་བཞིན་ཚིག་རྣམས་དང་། །མཚན་ཀྱང་དེ་ལྟར་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བསྙེན་པར་མ་ [148a.5]རྫོགས་པའི་གང་ཟག་དང་ཚིག་མཉམ་དུ་ཆོས་བཀླགས་ན་ལྟུང་བར་འགྱུར་རོ་ཞེས་གསུངས་པ་ན། བཙུན་པ་དགེ་སློང་གིས་སྨྱོན་པ་དང་ཚིག་མཉམ་དུ་ཆོས་བཀླགས་ན་ཅིར་འགྱུར་ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་ [148a.6]དང་། འོན་པ་དང་། དེ་བཞིན་དུ་འགྲོ་བ་གཞན་དུ་གནས་པ་དག་དང་ཚིག་མཉམ་དུ་ཆོས་བཀླགས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཁྱིམ་པ་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། །ཟ་མ་དང་མ་ནིང་དང་ཚིག་མཉམ་ [148a.7]དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་མ་སུན་ཕྱུང་བ་དང་ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་མུ་སྟེགས་ཅན་དུ་སོང་བ་དང་། [148b] [148b.1]རྐུན་གནས་པ་དང་སོ་སོར་གནས་པ་དང་། སྔོན་ཉེས་པ་བྱུང་བ་དང་། སྔར་འཁྲུགས་པ་རྣམས་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་བསླབ་ [148b.2]པ་སྩལ་བ་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ཉེས་བྱས་སོ། །འཕགས་པས་འཕགས་པའི་སྐད་དུ་དགེ་སློང་དང་ཚིག་མཉམ་དུ་ཆོས་བཀླགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་ [148b.3]པས་མཐའ་འཁོབ་པའི་སྐད་དུ་དགེ་སློང་དང་ཚིག་མཉམ་དུ་ཆོས་བཀླགས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་དང་ཚིག་མཉམ་དུ་ཆོས་བཀླགས་པ་དང་། [148b.4]དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དགེ་སློང་དང་ཚིག་མཉམ་དུ་ཆོས་བཀླགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། [148b.5]བཙུན་པ་དགེ་སློང་གིས་བསྙེན་པར་མ་རྫོགས་པའི་གང་ཟག་དང་ཚིག་མཉམ་དུ་ཆོས་ཀློག་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བསྙེན་པར་མ་རྫོགས་པའི་གང་ཟག་དང་ཚིག་མཉམ་དུ་ཆོས་ཀློག་པ་ན་མཚན་འཕོས་ཏེ་ [148b.6]དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་ངམ་དགེ་སློང་མས་བསྙེན་པར་མ་རྫོགས་པའི་གང་ཟག་དང་ཚིག་མཉམ་དུ་ཆོས་ཀློག་པ་དང་བསྙེན་པར་མ་རྫོགས་པ་དེ་ཡང་མཚན་འཕོས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བསྙེན་པར་ [148b.7]མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཚིག་མཉམ་དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ [149a] [149a.1]ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བཀླགས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་བཀླགས་ན་ཅིར་འགྱུར། ལྟུང་བའོ། ། [149a.2]མི་ལ་མི་མ་ལགས་པར་འདུ་ཤེས་ཏེ་བཀླགས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་དགེ་ [149a.3]སློང་མ་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་ཚིག་མཉམ་དུ་ཆོས་བཀླགས་ན་ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་མས་བསྙེན་པར་མ་རྫོགས་པའི་གང་ཟག་དང་ཚིག་མཉམ་ [149a.4]དུ་བཀླགས་ན་ཅིར་འགྱུར། ལྟུང་བའོ། །དགེ་སློང་མ་དང་དགེ་སློང་ཚིག་མཉམ་དུ་ཆོས་ཀློག་ན་ཉེས་བྱས་སུ་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཀློག་ན་ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། [149a.5]དགེ་ཚུལ་ཕ་རྣམས་ལ་ཉེས་བྱས་སོ། །བཙུན་པ་བསླབ་པ་སྩལ་བས་བསྙེན་པར་མ་རྫོགས་པའི་གང་ཟག་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ།། །།འདུལ་བ་གཞུང་དམ་པ། བམ་པོ་དྲུག་པ། མདོར་ན། ཕྲིན་ [149a.6]པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །འོན་པ་གླེན་པ་གཉིད་ལོག་རྣམས། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་ [149a.7]དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་སྡོམ་པ་སྩལ་བ་མ་གཏོགས་པར་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ནོངས་པ་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ [149b] [149b.1]བསྙེན་པར་མ་རྫོགས་པའི་གང་ཟག་ལ་ཕྲིན་པ་ལས་གནས་ངན་ལེན་གྱི་ནོངས་པ་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་ [149b.2]རོ། །བཙུན་པ་དགེ་སློང་གིས་སྨྱོན་པ་ལ་གནས་ངན་ལེན་གྱི་ནོངས་པ་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། དིག་པ་དང་། འོན་པ་དང་། གཉིད་ལོག་པ་དང་། [149b.3]ར་རོ་བ་དང་། མྱོས་པ་སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་གནས་ངན་ལེན་གྱི་ནོངས་པ་སྨྲས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། ཚིག་དང་ལུས་དང་དབེན་དེ་ལྟར། །བཞི་པ་མཚན་ཀྱང་དེ་བཞིན་ཏེ། ། [149b.4]བསྐོས་དང་བདུན་པ་བདག་ཉིད་དང་། །ཁྱིམ་པ་དག་དང་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་འཕགས་པས་འཕགས་པའི་སྐད་དུ་མཐའ་འཁོབ་པ་ལ་གནས་ངན་ལེན་གྱི་ནོངས་པ་སྨྲས་ [149b.5]པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་འཕགས་པ་ལ་སྨྲས་པ་དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་ [149b.6]སོ། །མཐའ་འཁོབ་པས་མཐའ་འཁོབ་པའི་སྐད་དུ་འཕགས་པ་ལ་སྨྲས་པ་དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་མཐའ་འཁོབ་པ་ལ་སྨྲས་པ་དང་། མཐའ་ [149b.7]འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་གནས་ངན་ལེན་གྱི་ནོངས་པ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དབེན་པ་ལ་མི་དབེན་པར་འདུ་ཤེས་ཏེ་གནས་ངན་ལེན་གྱི་ཉེས་ [150a] [150a.1]པ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གནས་ངན་ལེན་གྱི་ནོངས་པ་སྨྲས་ན་ཅིར་འགྱུར། ལྟུང་བའོ། །བསྙེན་པར་མ་རྫོགས་པ་ལ་བསྙེན་པར་ [150a.2]རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྨྲས་ན་ཉེས་པ་མེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་ [150a.3]སོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་སྨྲས་ན་ཅིར་འགྱུར། ལྟུང་བར་འགྱུར་རོ། །མི་ལ་མི་མ་ལགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། ། [150a.4]མི་མ་ལགས་པ་ལ་མི་མ་ལགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་མ་རྫོགས་པ་ལ་གནས་ངན་ལེན་གྱི་ཉེས་པ་སྨྲ་བ་ན་འཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བར་འགྱུར་རོ། །བཙུན་ [150a.5]པ་དགེ་སློང་མས་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ཉེས་པ་ཞིག་སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བར་འགྱུར་རོ། །བཙུན་པ་གང་བཅོམ་ལྡན་འདས་ཀྱིས་ཡང་དགེ་སློང་གིས་དགེ་འདུན་གྱིས་སྩལ་བ་མ་ [150a.6]གཏོགས་པར་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ཉེས་པ་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་འདུན་གྱིས་མ་བསྐོས་པའི་དགེ་སློང་གིས་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ཉེས་པ་སྨྲས་ཀྱང་ནོངས་པར་མི་ [150a.7]འགྱུར་བ་མཆིས་སམ། ཨུ་པཱ་ལི་ཡོད་དེ། གང་ཟག་འདི་བཞིའོ། །འདི་ལྟ་སྟེ། གང་ཟག་གང་ཉེས་པའི་མཐར་བྱ་བ་དང་། རིགས་ཀྱི་མཐར་བྱ་བའི་སྦྱིན་པའང་ཡོད། གང་ཟག་གང་ཉེས་པའི་མཐར་བྱ་བ་དང་རིགས་ཀྱི་མཐར་བྱ་བ་མེད་པའི་སྦྱིན་པ་ཡང་ [150b] [150b.1]ཡོད། གང་ཟག་གང་རིགས་ཀྱི་མཐར་བྱ་བ་དང་ཉེས་པའི་མཐར་བྱ་བ་མེད་པའི་སྦྱིན་པའང་ཡོད། གང་ཟག་གང་ཉེས་པའི་མཐར་བྱ་བ་ཡང་མེད་རིགས་ཀྱི་མཐར་བྱ་བ་ཡང་མེད་པའི་སྦྱིན་པ་ཡང་ཡོད་དོ། །ཉེས་པའི་མཐར་བྱ་བ་དང་། རིགས་ཀྱི་མཐར་བྱ་བའི་ [150b.2]སྦྱིན་པ་གང་ཞེ་ན། ཉེས་པ་ཆུང་ངུ་གང་གིས་རིགས་མང་དུ་སུན་ཕྱུང་བའོ། །ཉེས་པའི་མཐར་བྱ་བ་དང་རིགས་ཀྱི་མཐར་བྱ་བ་མེད་པའི་སྦྱིན་པ་གང་ཞེ་ན། གང་གིས་ཉེས་པ་ཆུང་ངུས་རིགས་མང་དུ་སུན་པའོ། །རིགས་ཀྱི་མཐར་བྱ་བ་དང་ཉེས་པའི་མཐར་བྱ་བ་མེད་ [150b.3]པའི་སྦྱིན་པ་གང་ཞེ་ན། གང་གིས་ཉེས་པ་ཆེན་པོས་རིགས་ཉུང་ངུས་སུན་པའོ། །ཉེས་པའི་མཐར་བྱ་བ་ཡང་མེད་རིགས་ཀྱི་མཐར་བྱ་བ་མེད་པའི་སྦྱིན་པ་གང་ཞེ་ན། གང་གིས་ཉེས་པ་ཆེན་པོས་རིགས་མང་དུ་སུན་པའོ། །གང་ཟག་གང་ལ་ཉེས་པའི་མཐར་བྱ་བ་དང་། [150b.4]རིགས་ཀྱི་མཐར་བྱ་བ་སྦྱིན་པ་ནི་དེ་ལ་ཉེས་པ་ཇི་ཙམ་པ་དང་རིགས་ཇི་སྙེད་དུ་སོ་སོར་རིག་པ་དེ་དག་ལ་བསྒོ་བར་བྱའོ། །དེ་ལས་ལྷག་པར་བསྒོ་ན་ལྟུང་བར་འགྱུར་རོ། །གང་ཟག་གང་ལ་ཉེས་པའི་མཐར་བྱའི་རིགས་ཀྱི་མཐར་བྱ་བ་མེད་པ་སྦྱིན་པ་ནི་དེའི་ཉེས་པ་ཇི་ཙམ་པ་དང་། [150b.5]རིགས་ཇི་སྙེད་ཀྱིས་སོ་སོར་རིག་པ་ཐམས་ཅད་ལ་བསྒོ་བར་བྱའོ། །དེ་ལས་ལྷག་པར་བསྒོ་ན་ལྟུང་བར་འགྱུར་རོ། །གང་ཟག་གང་ལ་རིགས་ཀྱི་མཐར་བྱ་བའི་ཉེས་པའི་མཐར་བྱ་བ་མེད་པ་སྦྱིན་པ་ནི་དེ་ལ་ཉེས་པ་ཐམས་ཅད་བསྒོ་བར་བྱ་བའི་རིགས་ཀྱིས་སོ་སོ་ [150b.6]ནས་རིག་པ་དེ་དག་ཐམས་ཅད་ལ་ནི་བསྒོ་བར་མི་བྱའོ། །དེ་ལས་ལྷག་པར་བསྒོ་ན་ལྟུང་བར་འགྱུར་རོ། །གང་ཟག་གང་ལ་ལྟུང་བའི་མཐར་ཡང་བྱ་བ་མེད་ལ་རིགས་ཀྱི་མཐར་ཡང་བྱ་བ་མེད་པ་སྦྱིན་པ་ནི་དེའི་ཉེས་པ་ཐམས་ཅད་དང་རིགས་ཇི་སྙེད་ཀྱིས་སོ་སོར་ [150b.7]རིག་པ་དེ་དག་ཐམས་ཅད་ལ་བསྒོ་བར་བྱ་སྟེ། བསྒོ་ཡང་ལྟུང་བ་མེད་དོ། །བཙུན་པ་བསྙེན་པར་མ་རྫོགས་པས་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ནོངས་པ་སྨྲ་བར་བཤམས་ནས་བསྙེན་པར་མ་རྫོགས་པར་གྲུབ་ན་ཅིར་འགྱུར། [151a] [151a.1]ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། ། [151a.2]བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་ [151a.3]བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བདག་ཉིད་ཀྱི་གནས་ངན་ལེན་གྱི་ནོངས་པ་བསྙེན་པར་མ་ [151a.4]རྫོགས་པ་ལ་སྨྲས་ན་ཅིར་འགྱུར། ཉེས་བྱས་སོ། །དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་ཟ་མ་ལ་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་དང་། མ་ནིང་མོ་རྣམས་དང་། མཚན་གཉིས་པ་ལ་སྨྲས་ན་ཐམས་ [151a.5]ཅད་ཉེས་བྱས་སོ། །དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་དགེ་སློང་མ་སུན་ཕྱུང་བ་ལ་སྨྲས་ན་ཅིར་འགྱུར། ལྟུང་བའོ། །དེ་བཞིན་དུ་ཕ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་ [151a.6]སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ལ་སྨྲས་ན་ཐམས་ཅད་ལྟུང་བར་འགྱུར་ [151a.7]རོ། །དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་དགེ་འདུན་གྱི་དབྱེན་བྱས་པ་དང་། ཉེ་བར་ཕྱོགས་པ་དང་། བསླབ་པ་བྱིན་པ་རྣམས་ཀྱི་དགེ་སློང་དང་། དགེ་སློང་མ་རྣམས་ལ་སྨྲས་ན་ཐམས་ཅད་ཉེས་བྱས་སུ་འགྱུར་རོ། །དགེ་སློབ་ [151b] [151b.1]མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་སྨྲས་ན་ཐམས་ཅད་ལྟུང་བར་འགྱུར་རོ། །དགེ་སློང་མས་དགེ་སློང་མའི་གནས་ངན་ལེན་གྱི་ནོངས་པ་བསྙེན་པར་མ་རྫོགས་པ་ལ་སྨྲས་ན་ཅིར་འགྱུར། ལྟུང་བའོ། །དགེ་སློང་གིས་དགེ་སློང་མ་ [151b.2]ལ་སྨྲས་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་སྨྲས་ན་ཐམས་ཅད་ལྟུང་བར་འགྱུར་རོ། །བཙུན་པ་བསླབ་པ་སྩལ་བས་གནས་ངན་ལེན་གྱི་ནོངས་པ་བསྙེན་པར་མ་རྫོགས་པ་ལ་སྨྲས་ན་ [151b.3]ཅིར་འགྱུར། ལྟུང་བའོ། །དེ་བཞིན་དུ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཡང་ཐམས་ཅད་ཉེས་བྱས་སུ་རྒྱས་པར་བརྗོད་པར་བྱའོ། །སངས་རྒྱས་སྟོན་པའོ་ཞེས་བྱ་བ་མ་གཏོགས་པ་མི་ལས་བླ་མར་གྱུར་པའི་ཆོས་ཡང་དག་ [151b.4]པར་སྨྲས་ན་ཕས་ཕམ་པ་བཤད་པ་ལས་རིམ་པར་དབྱེའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་ར་རོ་མྱོས་ [151b.5]པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྔར་ཡིད་མཐུན་པར་བགྱིས་པ་ལས་ཕྱིས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་ [151b.6]པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་མཆི་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་སྐད་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་ [151b.7]བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ [152a] [152a.1]ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། དིག་པ་དང་། འོན་པ་དང་། གཉིད་ལོག་པ་དང་། མྱོས་པ་དང་། སྙོམས་པར་ཞུགས་ [152a.2]པ་དང་། འགྲོ་བ་གཞན་དུ་གནས་པ་རྣམས་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །མཚན་དང་ [152a.3]བཞི་པ་བདུན་པ་དང་། །ཁྱིམ་པ་མི་རུང་ཆུང་ངུ་དང་། །རྙེད་པ་ཐ་མ་དགེ་སློང་མའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་ [152a.4]སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་པ་ [152a.5]དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་པ་ [152a.6]དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་པ་ [152a.7]དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་གོ་བར་བགྱིས་ན་ཅིར་ [152b] [152b.1]འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ཞིག་ [152b.2]འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲ་བ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་འདི་སྐད་དུ་སྨྲ་བ་ན་དེའི་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། [152b.3]ལྟུང་བའོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ནས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ལྟུང་བའོ། །བསྙེན་པར་ [152b.4]རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་ [152b.5]བསྙེན་པར་མ་རྫོགས་པར་འདུ་ཤེས་ཏེ་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པས་ཡིད་མཐུན་པར་གྱུར་ལ་བསྙེན་པར་མ་རྫོགས་པས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་ [152b.6]བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པས་ཡིད་མཐུན་པར་གྱུར་ལ། བསྙེན་པར་རྫོགས་ཀར་འདི་སྐད་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་ཡིད་མཐུན་པར་གྱུར་ལ་བསྙེན་པར་རྫོགས་ [152b.7]ནས་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་ཡིད་མཐུན་པར་གྱུར་ལ་བསྙེན་པར་རྫོགས་ཀར་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པར་ཡིད་མཐུན་པར་གྱུར་ལ་བསྙེན་པར་རྫོགས་ནས་དེ་བཞིན་ [153a] [153a.1]དུ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པས་ཡིད་མཐུན་པར་གྱུར་ལ་བསྙེན་པར་རྫོགས་ནས་དེ་སྐད་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པས་ཡིད་མཐུན་པར་གྱུར་ལ་བསྙེན་པར་མ་རྫོགས་པས་འདི་ [153a.2]སྐད་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། མཚན་ [153a.3]གཉིས་པ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དགེ་སློང་མ་སུན་ཕྱུང་བ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་ [153a.4]སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་འདི་སྐད་དུ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་ [153a.5]གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེའི་ [153a.6]རྒྱུ་རུང་ལ་སྤུན་མི་རུང་བ་དང་། སྤུན་རུང་ལ་རྒྱུ་མི་རུང་བར་གྱུར་པ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དང་། གོས་ཀྱི་རྒྱུ་དེ་ལྟ་བུ་དག་གི་ [153a.7]ཕྱིར་འདི་སྐད་སྨྲས་ན་ཉེས་བྱས་སུ་འགྱུར་རོ། །བཙུན་པ་དགེ་འདུན་གྱི་གོས་ཁྲུ་གང་དུ་མ་འཚལ་བ་ཞིག་རྙེད་པར་གྱུར་ཏེ། དེ་ཡང་དགེ་སློང་གིས་མཐུན་པར་བགྱིས་པའི་འོག་ཏུ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ [153b] [153b.1]ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གོས་ཀྱི་རྙེད་པ་མ་གཏོགས་པར་དེ་ལས་གཞན་པའི་རྙེད་པ་རྣམས་ཀྱི་ཕྱིར་འདི་སྐད་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་འདུན་གྱིས་དགེ་སློང་དེའི་མངོན་དུ་མ་བབ་པར་གོས་སྩལ་བར་གྱུར་ [153b.2]པ་ལས་དེའི་འོག་ཏུ་མཆིས་ནས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་འདི་སྐད་དུ་སྨྲས་ན་ཅིར་འགྱུར། ལྟུང་བའོ། །དགེ་སློང་མས་འདི་སྐད་དུ་ [153b.3]སྨྲས་ན་ཡང་ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་ [153b.4]བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་ར་རོ་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་ [153b.5]པ་བཅོམ་ལྡན་འདས་ཀྱིས་བསླབ་པ་སྩལ་བ་ལ་འཕྱ་ན་ལྟུང་བའོ་ཞེས་གསུངས་ན། བཙུན་པ་དགེ་སློང་གིས་ཕྲིན་པས་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ [153b.6]ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་ [153b.7]པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །དེ་བཞིན་མཚན་དང་བཞི་པ་དང་། །ཁྱིམ་པ་ལ་སོགས་སྤྲུལ་པ་དང་། །བསླབ་པ་དང་ [154a] [154a.1]ཡང་དགེ་སློང་མའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་གི་དྲུང་དུ་བསླབ་པ་ལ་དཔྱས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་ [154a.2]སློང་གི་དྲུང་དུ་བསླབ་པ་ལ་དཔྱས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་གི་དྲུང་དུ་བསླབ་པ་ལ་དཔྱས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་ [154a.3]འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དགེ་སློང་གི་དྲུང་དུ་བསླབ་པ་ལ་དཔྱས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་བསླབ་པ་ [154a.4]ལ་དཔྱས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པ་ལ་འཕྱ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། [154a.5]བཙུན་པ་དགེ་སློང་མས་བསླབ་པ་ལ་འཕྱ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་དེའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ལྟུང་བའོ། །བསྙེན་པར་རྫོགས་ [154a.6]པ་ལ་བསྙེན་པར་མ་རྫོགས་པར་འདུ་ཤེས་ཏེ་དེའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་དེའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་ [154a.7]པར་མ་རྫོགས་པར་འདུ་ཤེས་ཏེ་དེའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་པ་ [154b] [154b.1]བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ཀྱི་དྲུང་དུ་བསླབ་པ་ [154b.2]ལ་དཔྱས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཅིར་འགྱུར་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ [154b.3]སྤྲུལ་པའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །དགེ་སློང་མས་དགེ་སློང་མའི་ [154b.4]དྲུང་དུ་བསླབ་པ་ལ་དཔྱས་ན་ཅིར་འགྱུར། ལྟུང་བའོ། །དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་བསླབ་པ་ལ་དཔྱས་ན་ཅིར་ [154b.5]འགྱུར། ལྟུང་བའོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སུ་འགྱུར་རོ།། །།མདོར་ན། རྫུ་འཕྲུལ་ལུས་དང་རྡོ་དྲེག་དང་། །རྩ་བ་མེ་ཏོག་ཉ་ལྕིབས་དང་། །གནས་ཚང་ཤ་མོ་རྙིང་པ་དང་། །མེ་ཏོག་འབྲས་བུ་ཤུན་པ་དང་། ། [154b.6]མཚན་དང་བཞི་པ་བདུན་པ་དང་། །ཐ་མར་གྱུར་པ་འབྲས་བུའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ས་བོན་གྱི་གྲོང་དང་། སྲོག་ཆགས་ཀྱི་གྲོང་བཤིག་གམ་འཇིག་ཏུ་སྩལ་ན་ལྟུང་བའོ་ཞེས་གསུངས་ན་ [154b.7]བཙུན་པ་དགེ་སློང་གིས་རྫུ་འཕྲུལ་གྱིས་ཤིང་བཀུམ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་ཤིང་བཀུམ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རྡོའི་དྲེག་པ་བཀོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ [155a] [155a.1]རྩ་བ་མ་ཟུག་པའི་ས་བོན་གྱི་དངོས་པོ་ཕྱུང་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཡའ་ཅན་དང་། རླམ་ཅན་བཀྲུས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདམ་རྫབ་ནས་ཉ་ལྕིབས་ཕྱུང་སྟེ་ཐང་ལ་བོར་ན་ཅིར་འགྱུར། ཉེས་བྱས་ [155a.2]སོ། །བཙུན་པ་དགེ་སློང་གིས་སྲོག་ཆགས་ཀྱི་གནས་བཤིག་ན་ཅིར་འགྱུར། ཉེས་བྱས་སོ། །བསྲེགས་སམ་མ་རུང་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བྱའི་ཚང་དྲལ་ཏམ་ཕྱུང་ངམ་བཤིག་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ [155a.3]འཛིམ་མམ་ཤ་མོ་བཏོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཤིང་རྒན་གྱི་ཤུན་པ་བཤུས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མེ་ཏོག་དང་། འབྲས་བུ་དང་། ལོ་མ་རྙིང་པ་བཏོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་ [155a.4]སློང་གིས་ཤིང་འགུམ་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཤིང་འགུམ་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ས་བོན་ལ་ས་བོན་དུ་འདུ་ཤེས་ཏེ་ཆུད་གསན་ན་ཅིར་ [155a.5]འགྱུར། ལྟུང་བའོ། །ས་བོན་ལ་ས་བོན་མ་ལགས་པར་འདུ་ཤེས་ཏེ་ཆུད་གསན་ན་ཅིར་འགྱུར། ཉེས་བྱས་སོ། །ས་བོན་མ་ཡིན་པ་ལ་ས་བོན་དུ་འདུ་ཤེས་ན་ཉེས་བྱས་སུ་འགྱུར་རོ། །ས་བོན་མ་ཡིན་པ་ལ་ས་བོན་མ་ཡིན་པར་འདུ་ཤེས་ཏེ་བཤིག་ན་ཉེས་པ་མེད་དོ། །བཙུན་པ་ [155a.6]བསྙེན་པར་མ་རྫོགས་པས་རན་དགུམ་པར་བཤམས་ལ་བསྙེན་པར་མ་རྫོགས་པར་བཀུམ་ན་ཅིར་འགྱུར། ཉེས་པ་མེད་དོ། །བསྙེན་པར་མ་རྫོགས་པས་བཤམས་ལ་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་པ་མེད་དོ། །བསྙེན་པར་མ་རྫོགས་པར་བཤམས་ལ་ [155a.7]བསྙེན་པར་རྫོགས་ཏེ་བཀུམ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་པ་མེད་དོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་བཀུམ་ན་ཅིར་འགྱུར། ཉེས་བྱས་སོ། །བསྙེན་པར་ [155b] [155b.1]རྫོགས་ཏེ་བཤམས་ལ་བསྙེན་པར་རྫོགས་ཏེ་བཀུམ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་བཀུམ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རུང་བར་མ་བགྱིས་པའི་འབྲས་བུ་འཚལ་ཀྱང་ནོངས་པར་མི་འགྱུར་བ་ [155b.2]མཆིས་སམ། ཨུ་པཱ་ལི་ཡོད་དེ། མངོན་པར་མ་སྨིན་པའི་ས་བོན་ནི་ས་བོན་གྱི་དངོས་པོ་མ་ཡིན་ནོ་སྙམ་དུ་བསམས་ནས་ཟོས་པའོ། །བཙུན་པ་དགེ་སློང་གིས་ས་བོན་གྱི་རིགས་ལྔ་ལ་མེས་རུང་བར་བགྱིས་ཏེ་འཚལ་ཀྱང་ལྟུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ས་བོན་ [155b.3]གྱི་རིགས་ལྔ་ལ་རུང་བར་བྱས་ཀྱང་སའི་ནང་དུ་གཞག་གམ། སྣོད་ཀྱི་ནང་དུ་གཞག་གམ། གདང་ཤིང་ལ་བཀལ་ཀྱང་རུང་སྟེ་མྱུ་གུ་སྐྱེས་པར་གྱུར་པའོ། །དེ་ཆུད་གསན་ན་ཅིར་འགྱུར། ལྟུང་བྱེད་དུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་ [155b.4]གཅིག་ནས་གཅིག །སྨྱོན་པ་སེམས་འཁྲུགས་ནད་པ་དང་། །འོན་པ་དང་ནི་འགྲོ་བ་དང་། །ཁྱིམ་པ་དག་ལ་སོགས་པ་རྣམས། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་ཕྲིན་གྱིས་ཤིང་བཀུམ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། [155b.5]ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ཞིག་ཤིང་འགུམས་སུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། [155b.6]ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ཤིང་གཅོད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་མངོན་སུམ་དུ་ཁྱིམ་པ་ཤིང་འགུམས་སུ་སྩལ་ན་ཅིར་འགྱུར། ལྟུང་བའོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ [155b.7]ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། [156a] [156a.1]སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་བྱིན་པ་རྣམས་མངོན་སུམ་དུ་ཤིང་གཅོད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་རན་སྔོན་པོ་བཀུམ་མམ་འགུམས་སུ་སྩལ་ན་ཅིར་འགྱུར། [156a.2]ལྟུང་བའོ། །བཙུན་པ་དགེ་སློང་མས་རན་སྔོན་པོ་འགུམ་མམ་འགུམས་སུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་རན་སྔོན་པོ་བཀུམ་མམ་འགུམས་སུ་སྩལ་ན་ཅིར་འགྱུར། ཉེས་བྱས་སོ། །དགེ་ཚུལ་ཕ་དང་དགེ་ཚུལ་མ་རྣམས་ལ་ཉེས་པ་མེད་དོ།། །། [156a.3]མདོར་ན། སྐད་དང་ལུས་དང་དབེན་པ་དང་། །མཚན་དང་བཞི་པ་བདུན་པ་དང་། །ཁྱིམ་པ་དག་ལ་སོགས་པ་རྣམས། །བསྐོས་པ་དག་དང་མ་བསྐོས་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ནོངས་པ་ངོར་བརྗོད་ [156a.4]ཅིང་དཔྱས་འདོགས་ན་ལྟུང་བར་འགྱུར་རོ་ཞེས་གསུངས་ན། དགེ་སློང་གིས་ནོངས་པ་ངོར་བརྗོད་ཅིང་དཔྱས་བཏགས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་མི་མ་ཡིན་པ་ལས་རབ་ཏུ་བྱུང་ཞིང་བསྙེན་པར་རྫོགས་པ་ལ་ནོངས་པ་ངོར་བརྗོད་ན་ [156a.5]ཉེས་བྱས་སུ་འགྱུར་རོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་སློང་ [156a.6]ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་། དགེ་སློང་དེས་ཀྱང་མཐའ་ [156a.7]འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དགེ་སློང་ཞིག་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ [156b] [156b.1]ཀྱི་དམིགས་པས་ནོངས་པ་ངོར་བརྗོད་ཅིང་དཔྱས་བཏགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་ནོངས་པ་ངོར་བརྗོད་ཅིང་དཔྱས་བཏགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ཞིག་ནོངས་པ་ངོར་བརྗོད་ [156b.2]ཅིང་དཔྱས་འདོགས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་ནོངས་པ་ངོར་བརྗོད་ཅིང་དཔྱས་འདོགས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་ [156b.3]པ་ལ་བསྙེན་པར་རྫོགས་པར་འདུ་ཤེས་ཏེ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་ [156b.4]སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་བསྙེན་པར་མ་རྫོགས་པ་ཞིག་དགེ་འདུན་གྱིས་ནོངས་པ་ངོར་བརྗོད་ཅིང་དཔྱས་འདོགས་པར་བགྲངས་པར་གྱུར་ལ་བསྙེན་པར་མ་རྫོགས་པར་ནོངས་པ་ངོར་ [156b.5]བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བགྲངས་ལ་བསྙེན་པར་རྫོགས་ཀར་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བགྲངས་ལ་བསྙེན་པར་རྫོགས་ཏེ་ནོངས་ [156b.6]པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བགྲངས་ལ་བསྙེན་པར་རྫོགས་ཀར་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བགྲངས་ལ་བསྙེན་པར་རྫོགས་ཏེ་ནོངས་པ་ [156b.7]ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཏེ་བགྲངས་ལ་བསྙེན་པར་རྫོགས་ནས་ནོངས་པ་ངོར་བརྗོད་ཅིང་དཔྱས་འདོགས་ན་ལྟུང་བའོ། །བསྙེན་པར་རྫོགས་ནས་བགྲངས་ལ་བསྙེན་པར་མ་རྫོགས་པ་ན་ནོངས་པ་ངོར་བརྗོད་ཅིང་དཔྱས་ [157a] [157a.1]འདོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཟ་མ་དང་མ་ནིང་དང་དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་ [157a.2]པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་ཉེས་པ་ངོར་ [157a.3]བརྗོད་ཅིང་དཔྱས་འདོགས་ན་ཅིར་འགྱུར་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་ཉེ་བར་ཕྱོགས་པ་དང་བསླབ་པ་སྩལ་བའི་དགེ་སློང་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར་ཐམས་ཅད་ལྟུང་བར་ [157a.4]འགྱུར་རོ། །བཙུན་པ་དགེ་སློང་གིས་བསྐོས་སམ་མ་བསྐོས་ཀྱང་རུང་སྟེ། དགེ་འདུན་གྱི་ཞལ་ཏ་བྱེད་པ་མ་གཏོགས་པར་དེ་ལས་གཞན་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་ [157a.5]བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །བཙུན་པ་དགེ་སློང་གིས་ཕྲིན་པ་ལས་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། [157a.6]དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་ [157a.7]དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་ཉེས་པ་ངོར་བརྗོད་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་ [157b] [157b.1]སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་དང་། དགེ་ཚུལ་ཕ་དང་། དགེ་ཚུལ་མ་དང་། དགེ་སློབ་མ་ལ་ནོངས་པ་ངོར་བརྗོད་ [157b.2]ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ལྟུང་བའོ། །དགེ་སློབ་མ་དང་དགེ་ཚུལ་མ་དང་དགེ་ཚུལ་ཕ་རྣམས་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་ [157b.3]སོ།། །།མདོར་ན། ཉེས་པ་དག་ཀྱང་དེ་བཞིན་ཏེ། །ལུས་དང་ཚིག་དང་མི་སྨྲ་མཚན། །ཁྱིམ་པ་དག་ལ་སོགས་པ་རྣམས། །བཞི་པ་ཐ་མར་གྱུར་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་བསྒོ་བཞིན་ [157b.4]དུ་མི་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ནོངས་པ་མ་གཏོགས་པར་དེ་ལས་གཞན་པ་དག་བསྒོ་བ་བཞིན་དུ་མི་བགྱིད་ན་ཅིར་འགྱུར་ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་བསྒོ་བ་བཞིན་མ་བགྱིས་ན་ཅིར་འགྱུར། [157b.5]ཉེས་བྱས་སོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་བསྒོ་བ་བཞིན་མ་བགྱིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་བསྒོ་བ་བཞིན་མ་བགྱིས་པ་དང་། དགེ་ [157b.6]སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་གིས་བསྒོ་བ་བཞིན་མ་བགྱིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་ [157b.7]འཕགས་པའི་སྐད་དུ་དགེ་སློང་གིས་བསྒོ་བ་བཞིན་མ་བགྱིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་མི་སྨྲ་བས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [158a] [158a.1]གིས་དགེ་སློང་གི་བསྒོ་བ་བཞིན་མ་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མའི་བསྒོ་བ་བཞིན་མ་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་ [158a.2]དགེ་སློང་གིས་ཁྱིམ་པས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྲག་ཕྱུང་བ་དང་། མུ་སྟེགས་ [158a.3]ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་། སྔོན་ཉེས་པ་བྱུང་བ་རྣམས་ཀྱི་བསྒོ་བ་བཞིན་མ་བགྱིས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་ [158a.4]བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱི་བསྒོ་བ་བཞིན་མ་བགྱིས་ན་ཅིར་འགྱུར་ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྒོ་བ་བཞིན་མ་བགྱིས་ན་ཅིར་འགྱུར། [158a.5]ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། [158a.6]བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་ [158a.7]བ་འོན་པ་གླེན་པའོ། །བཙུན་པ་དགེ་སློང་གིས་ཕྲིན་གྱིས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་གཅིག་ནས་གཅིག་ཏུ་བརྒྱུད་དེ་བསྒོ་བ་བཞིན་མ་བགྱིས་ན་ཐམས་ཅད་ཉེས་བྱས་སུ་འགྱུར་ [158b] [158b.1]རོ། །བཙུན་པ་དགེ་སློང་གིས་དགེ་སློང་སྨྱོན་པས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ཀྱིས་བསྒོ་བ་ [158b.2]བཞིན་མ་བགྱིས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་བསྒོ་བ་བཞིན་མ་བགྱིས་ན་ཅིར་འགྱུར། [158b.3]ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ།། །།མདོར་ན། མི་རུང་བ་དང་གང་ཟག་དང་། །མ་ཆོག་ལྷག་དང་བདུན་པ་དང་། །མཚན་དང་བཞི་པ་དེ་བཞིན་དུ། །ལུས་དང་སྐད་དང་ [158b.4]དབེན་དེ་བཞིན། །ཁྱིམ་པ་དག་ལ་སོགས་པ་རྣམས། །བར་དུ་གཅོད་པ་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་མལ་སྟན་བླ་གབ་མེད་པར་བཏིང་ངམ། [158b.5]འདིང་ངམ། འདིང་དུ་སྩལ་བར་འཚལ་བཞིན་དུ་མ་བརྟུལ་ཏེ་རྟུལ་དུ་མ་སྩལ་ཏམ། དགེ་སློང་ལ་ཡང་མ་གཏད་པར་གཞན་དུ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་མ་གཏད་པར་གཞན་དུ་མཆིས་ཀྱང་ལྟུང་བར་ [158b.6]མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་མལ་སྟན་དེ་རྒྱུ་རུང་ལ་སྤུན་མི་རུང་བ་དང་། སྤུན་རུང་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་འདྲེས་པ་དང་། ཐགས་ [158b.7]སུ་མ་བཏགས་པ་དེ་ལྟ་བུའི་མལ་སྟན་ཞིག་བཏིང་ངམ་འདིངས་སུ་བཙུག་པ་ལས་མ་གཏད་པར་སོང་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གང་ཟག་གི་མལ་སྟན་བཏིང་ངམ་གདིང་དུ་བཅུག་པ་ལས་མ་གཏད་པར་མཆིས་ན་ཅིར་འགྱུར། ཉེས་བྱས་སོ། ། [159a] [159a.1]བཙུན་པ་དགེ་སློང་གིས་དགེ་འདུན་གྱི་ཁྲི་དང་ཁྲིའུ་བཀྲམ་པ་ལས་མ་གཏད་པར་གཞན་དུ་མཆིས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ་རྐང་པའི་ཚད་བདེ་བར་གཤེགས་པའི་སོར་བརྒྱད་ལས་ལྷག་གམ་མ་ཆོག་ན་ཉེས་བྱས་སུ་ [159a.2]འགྱུར་རོ། །བཙུན་པ་བསྙེན་པར་མ་རྫོགས་པས་མལ་སྟན་བཏིང་བ་ལ་བསྙེན་པར་མ་རྫོགས་པར་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཏིང་ལ་བསྙེན་པར་རྫོགས་ཀར་ཉེ་འཁོར་ལས་འདས་ན་ཅིར་འགྱུར། ཉེས་ [159a.3]བྱས་སོ། །བསྙེན་པར་མ་རྫོགས་པར་བཏིང་ལ་བསྙེན་པར་རྫོགས་པ་ན་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཏིང་ལ་བསྙེན་པར་རྫོགས་ཀར་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ [159a.4]ཀར་བཏིང་ལ་བསྙེན་པར་རྫོགས་ཏེ་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཏིང་ལ་བསྙེན་པར་རྫོགས་ཏེ་ཉེ་འཁོར་ལས་འདས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཏིང་ལ་བསྙེན་པར་མ་རྫོགས་པར་ [159a.5]ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་ནས་མ་བརྟུལ་ཅིང་དགེ་སློང་མཆིས་པ་ལའང་མ་གཏད་པར། གཞན་དུ་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། [159a.6]བཙུན་པ་དགེ་སློང་མས་དགེ་འདུན་གྱི་མལ་སྟན་བཏིང་བ་མ་བརྟུལ་ཅིང་དགེ་སློང་མ་མཆིས་པ་ལ་ཡང་མ་གཏད་པར། གཞན་དུ་མཆིས་པ་དང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་ལས་ [159a.7]མ་བརྟུལ་ཅིང་དགེ་སློང་མཆིས་པ་ལ་ཡང་མ་གཏད་པར། མཚམས་ཀྱི་སླད་རོལ་ལ་མཚམས་ཀྱི་སླད་རོལ་དུ་འདུ་ཤེས་ཏེ་གཞན་དུ་མཆིས་ན་ཅིར་འགྱུར། ལྟུང་བའོ། །མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་ན་ཉེས་པ་མེད་དོ། ། [159b] [159b.1]མཚམས་ཀྱི་ནང་ལ་མཚམས་ཀྱི་ཕྱི་རོལ་དུ་འདུ་ཤེས་ན་ཉེས་བྱས་སོ། །མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་འཕགས་པས་འཕགས་པའི་སྐད་ཀྱིས། དགེ་སློང་ལ་དགེ་འདུན་གྱི་མལ་སྟན་གཏད་དེ། [159b.2]གཞན་དུ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་སློང་ལ་དགེ་འདུན་གྱི་མལ་སྟན་གཏད་དེ། གཞན་དུ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་ [159b.3]མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ལ་གཏད་དེ། གཞན་དུ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དགེ་སློང་ལ་ [159b.4]གཏད་དེ། གཞན་དུ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་ལུས་ཀྱི་དམིགས་པས་དགེ་སློང་མཆིས་པ་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། ། [159b.5]བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་དབེན་པ་ལ་མི་དབེན་པར་འདུ་ཤེས་ནས་གཏད་དེ། གཞན་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་དགེ་སློང་མཆིས་པ་ལ་ནི་མ་གཏད་ཀྱིས་ཁྱིམ་པ་ལ་གཏད་དེ། [159b.6]གཞན་དུ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་ [159b.7]དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་གཏད་དེ། གཞན་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་ [160a] [160a.1]འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་ལ་བརྟུལ་ཅིང་དགེ་སློང་མཆིས་བཞིན་དུ་མ་གཏད་པར་ཉེ་འཁོར་འདས་ཀྱང་ནོངས་པར་མི་ [160a.2]འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་དེས་ཀྱང་མལ་སྟན་དེ་ཡལ་བར་མ་བོར་བར་སོང་བ་དང་གཙུག་ལག་ཁང་དེར་བར་ཆད་བརྒྱད་ལས་གང་ཡང་རུང་བའི་བར་ཆད་གཅིག་བྱུང་བར་གྱུར་པའོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་པ་གླེན་ [160a.3]པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་མ་བརྟུལ་བར་དགེ་སློང་སྨྱོན་པ་ཞིག་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་ [160a.4]གཟིར་བ་དང་། །གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པ་རྣམས་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་ལ་གཏད་དེ་གཞན་དུ་མཆིས་ན་ཅིར་འགྱུར། [160a.5]ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་ [160a.6]པ་སྩལ་བས་དགེ་འདུན་གྱི་མལ་སྟན་བཏིང་བ་དགེ་སློང་མཆིས་བཞིན་དུ་མ་གཏད་པར་གཞན་དུ་མཆིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། །མལ་སྟན་ལ་ཇི་ལྟ་བ་དེ་བཞིན་དུ་གདིང་བ་ལ་ཡང་རྒྱས་པར་བརྗོད་པར་བྱའོ། །ཚད་ [160a.7]བདེ་བར་གཤེགས་པའི་སོར་བརྒྱད་ལས་ཆུང་ངམ་ལྷག་པ་ནི་མི་རུང་བས་ན་མ་གཏོགས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ [160b] [160b.1]ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གང་གིས་འཚལ་བཞིན་དུ་དགེ་འདུན་གྱི་གཙུག་ལག་ཁང་ནས་དགེ་སློང་ཞིག་བསྐྲད་དམ་སྐྲོད་དུ་སྩལ་ན་ལྟུང་བར་འགྱུར་རོ་ཞེས་གསུངས་ན། [160b.2]བཙུན་པ་དགེ་སློང་གིས་འཚལ་བཞིན་དུ་དགེ་འདུན་གྱི་གཙུག་ལག་ཁང་ནས་དགེ་སློང་ཞིག་ཕྲིན་གྱིས་བསྐྲད་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་ [160b.3]པ་དགེ་སློང་གིས་དགེ་སློང་སྨྱོན་པ་ཞིག་བསྐྲད་དམ་སྐྲོད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་ [160b.4]པ་དང་། འགྲོ་བ་གཞན་དུ་གནས་པ་རྣམས་བསྐྲད་དམ་སྐྲོད་དུ་སྩལ་ན་ཉེས་བྱས་སོ།། །།འདུལ་བ་གཞུང་དམ་པ། བམ་པོ་བདུན་པ། མདོར་ན། མཚན་དང་བཞི་པ་བདུན་པ་དང་། །དེ་བཞིན་ཁྱིམ་པ་ལ་སོགས་རྣམས། །དགེ་འདུན་ཐ་མར་གྱུར་པའོ། །བཙུན་པ་ [160b.5]དགེ་སློང་གིས་དགེ་འདུན་གྱི་གཙུག་ལག་ཁང་ནས་དགེ་སློང་ཞིག་བསྐྲད་དམ་སྐྲོད་དུ་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་འདུན་གྱི་གཙུག་ལག་ཁང་ནས་དགེ་སློང་མ་བསྐྲད་དམ་སྐྲོད་དུ་སྩལ་བ་ན་མཚན་འཕོས་ཏེ་དགེ་ [160b.6]སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྐྲད་དམ་སྐྲོད་དུ་སྩལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་ [160b.7]རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་བསྙེན་པར་མ་རྫོགས་པ་ན་དགེ་སློང་ཞིག་བསྐྲད་པར་བཤམས་ནས་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། [161a] [161a.1]ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་བསྐྲད་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཏེ་བསྐྲད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་ [161a.2]རྫོགས་ཀར་བསྐྲད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་བསྐྲད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ནས་བཤམས་ལ་བསྙེན་པར་རྫོགས་པ་ན་བསྐྲད་ན་ཅིར་འགྱུར། ལྟུང་བའོ། །བསྙེན་པར་རྫོགས་ནས་བཤམས་ལ་ [161a.3]བསྙེན་པར་མ་རྫོགས་པ་ན་བསྐྲད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ཞིག་བསྐྲད་དམ་སྐྲོད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་པ་བསད་པ་དང་། དེ་ [161a.4]བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་བསྐྲད་དམ་སྐྲོད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་ [161a.5]དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་བསྐྲད་དམ་སྐྲོད་དུ་སྩལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་ཞིག་མངོན་སུམ་དུ་ཁྱིམ་པ་ཞིག་སྐྲོད་དུ་སྩལ་ན་ཅིར་འགྱུར། ལྟུང་བའོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ [161a.6]ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་ [161a.7]པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་སྩལ་བ་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕས་སྐྲོད་དུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་ཞིག་གིས་དགེ་སློང་མ་བསྐྲད་དམ་སྐྲོད་དུ་སྩལ་ན་ཅིར་འགྱུར། ལྟུང་བའོ། །བཙུན་པ་ [161b] [161b.1]དགེ་སློང་མས་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་བསྐྲད་དམ་སྐྲོད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་མ་ཞིག་བསྐྲད་དམ་སྐྲོད་དུ་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ [161b.2]རྣམས་ལ་ཉེས་བྱས་སོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ [161b.3]གིས་སྔ་ན་མཆིས་པའི་དགེ་སློང་ལ་སླད་ཀྱིས་མཆིས་ཏེ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ལྟུང་བའོ་ཞེས་གསུངས་ན། བཙུན་པ་དགེ་སློང་གིས་དགེ་སློང་སྨྱོན་པ་ཞིག་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །དེ་བཞིན་དུ་ [161b.4]སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། [161b.5]ཉེས་བྱས་སོ།། །།མདོར་ན། གང་ཟག་གི་དང་དགེ་འདུན་གྱི། །དེ་བཞིན་མཚན་དང་བཞི་པ་དང་། །ཁྱིམ་པ་དག་ལ་སོགས་པ་རྣམས། །མི་རུང་བ་ནི་ཐ་མར་གྱུར། བཙུན་པ་དགེ་སློང་གིས་གང་ཟག་གི་གཙུག་ལག་ཁང་ན་སྔ་ན་མཆིས་པའི་དགེ་སློང་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་ [161b.6]སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པར་དེ་ལས་གཞན་པའི་གནས་ན་སྔ་ན་མཆིས་པའི་དགེ་སློང་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [161b.7]རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བསྙེན་ [162a] [162a.1]པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་ [162a.2]བགྱིད་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ཁྱིམ་པ་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། སྔར་ཉེས་པ་བྱུང་བ་རྣམས་ལ་ཤིན་ཏུ་གནོད་པ་བགྱིད་ཅིང་མཆིས་སམ་ཉལ་བར་བྱེད་ན་ [162a.3]ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་ཤིན་ཏུ་གནོད་པ་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་ [162a.4]འདུན་གྱི་གཙུག་ལག་ཁང་ན་སྔ་ན་མཆིས་པའི་དགེ་སློང་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བའི་མལ་སྟན་ཡིན་ཏེ། གང་དགེ་སློང་རྣམས་ཀྱིས་སྤྱད་དུ་མི་རུང་བའོ། །བཙུན་པ་དགེ་སློང་གིས་ [162a.5]དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཤིན་ཏུ་གནོད་ [162a.6]པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་སྔ་ན་མཆིས་པའི་དགེ་སློང་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ [162a.7]ནི་ཉེས་བྱས་སོ།། །།མདོར་ན། གང་ཟག་གི་དང་དགེ་འདུན་གྱི། །དེ་བཞིན་མཚན་དང་བཞི་པ་དང་། །མི་རུང་བ་དང་དེ་བཞིན་བདུན། །ནམ་མཁའི་གཡོགས་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་ [162b] [162b.1]སློང་གི་དགེ་འདུན་གྱི་གཙུག་ལག་ཁང་གི་སྟེང་དུ་ཁང་བུ་བརྩེགས་པའི་ནང་དུ་ཁྲི་འམ་ཁྲིའུ་ཡང་རུང་རྐང་པ་གཟེར་བུ་མ་མཆིས་པར་འཚལ་བཞིན་དུ་མཆིས་སམ་ཉལ་བར་བགྱིད་ན་ལྟུང་བའོ་ཞེས་གསུང་ན། བཙུན་པ་དགེ་སློང་གིས་གང་ཟག་གི་གཙུག་ལག་ཁང་གི་སྟེང་དུ་ཁང་བུ་བརྩེགས་པའི་ [162b.2]ནང་དུ་ཁྲིའམ་ཁྲིའུ་ཡང་རུང་རྐང་པ་གཟེར་བུ་མ་མཆིས་པ་ལ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པར་དེ་ལས་གཞན་པའི་གནས་ཀྱི་སྟེང་དུ་ཁང་བུ་བརྩེགས་པའི་ནང་དུ་གཟེར་བུ་མ་མཆིས་པའི་ཁྲིའམ་ [162b.3]ཁྲིའུའི་སྟེང་དུ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྟེང་གི་ཡང་ཐོག་གི་ཁང་བུར་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་སྟེང་ [162b.4]གི་ཡང་ཐོག་གི་ཁང་བུ་ལ་ཡང་ཐོག་ཏུ་འདུ་ཤེས་ཏེ་གཟེར་བུ་མ་མཆིས་པའི་ཁྲིའམ་ཁྲིའུའི་སྟེང་དུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། །ཡང་ཐོག་ལ་ཡང་ཐོག་མ་ཡིན་པར་འདུ་ཤེས་ན་ཉེས་པ་མེད་དོ། །ཡང་ཐོག་མ་ཡིན་པ་ལ་ཡང་ཐོག་ཡིན་པར་འདུ་ [162b.5]ཤེས་ན་ཉེས་བྱས་སུ་འགྱུར་རོ། །ཡང་ཐོག་མ་ཡིན་པ་ལ་ཡང་ཐོག་མ་ཡིན་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་སྟེང་གི་ཡང་ཐོག་གི་ཁང་བུར་ཁྲིའམ་ཁྲིའུ་རྐང་པ་གཟེར་བུ་མ་མཆིས་པའི་སྟེང་དུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ཀྱང་ལྟུང་བར་མི་འགྱུར་བ་མཆིས་ [162b.6]སམ། ཨུ་པཱ་ལི་ཡོད་དེ། མལ་སྟན་མི་རུང་བར་གྱུར་པ་གང་ལ་དགེ་སློང་རྣམས་ཀྱིས་སྤྱད་པར་མི་རུང་བའོ། །བཙུན་པ་བསྙེན་པར་མ་རྫོགས་པར་བཤམས་ལ་བསྙེན་པར་མ་རྫོགས་པར་མཆིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་ [162b.7]མཆིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་པ་ན་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ཤིན་ཏུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ [163a] [163a.1]ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ [163a.2]ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྲིའམ་ཁྲིའུ་རྐང་པ་གཟེར་བུ་མ་མཆིས་པ་ལ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ཀྱང་ [163a.3]ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་གཙུག་ལག་ཁང་གི་སྟེང་སྤང་ལེབ་ཀྱིས་གཡོགས་པ་དང་། ས་གང་དུ་གྱུར་པ་ཡང་རུང་སྟེ་སྟེང་དུ་འདུག་གམ་ཉལ་བར་བྱེད་ན་ཉེས་པ་མེད་དོ། །བཙུན་པ་བསླབ་པ་སྩལ་བས་སྟེང་གི་ཡང་ཐོག་གི་ཁང་བུའི་ཁྲིའམ་ཁྲིའུ་རྐང་པ་ [163a.4]གཟེར་བུ་མ་མཆིས་པ་ལ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། །དགེ་སློང་མས་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལྗིད་ཀྱིས་ཕབ་སྟེ་མཆིས་སམ། [163a.5]ཉལ་བར་བགྱིད་ན་ཅིར་འགྱུར། ཉེས་བྱས་སོ། །སྲོག་ཆགས་དང་བཅས་པའི་ཆུས་རྩྭ་དང་ས་དང་བ་ལང་གི་ལྕི་བ་ལ་བཏབ་ན་ལྟུང་བའོ་ཞེས་གསུངས་པ་ཡང་བསྟན་པ་བཞིན་རྒྱས་པར་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་ [163a.6]གཅིག །སྨྱོན་པ་སེམས་འཁྲུགས་ན་བ་དང་། །འོན་པ་དང་ནི་འགྲོ་བ་རྣམས། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་གཙུག་ལག་ཁང་ཆེན་པོ་ཞིག་རྩིག་ན་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་ [163a.7]གྱི་བར་དུ་རྩིགས་ཤིག་དེ་ལས་ལྷག་པར་བརྩིགས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་ [163b] [163b.1]བརྒྱུད་པ་ཐམས་ཅད་ཉེས་བྱས་སོ། །བཙུན་པ་དགེ་སློང་སྨྱོན་པས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་ [163b.2]གནས་པ་རྣམས་རྩིག་ཏུ་སྩལ་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ།། །།མདོར་ན། ཆེན་པོ་གང་ཟག་རྡོ་བ་དང་། །གཞན་གྱིས་བརྩམས་པའང་དེ་བཞིན་ཏེ། །མཚན་དང་བཞི་པ་དེ་བཞིན་དུ། བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་གཙུག་ལག་ཁང་ཆེན་པོ་ [163b.3]མ་གཏོགས་པར་དེ་ལས་གཞན་པ་དགེ་འདུན་གྱི་དངོས་པོ་ཞིག་རྩིག་སྟེ་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གང་ཟག་གི་གཙུག་ལག་ཁང་ཞིག་རྩིག་པ་ལྷག་པར་བརྩིགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་ [163b.4]འདུན་གྱི་གཙུག་ལག་ཁང་རྩིག་པའི་ཚེ་ན་རིམ་པ་གཉིས་སམ་གསུམ་ལས་ལྷག་པར་བརྩིགས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་གཙུག་ལག་ཁང་དེ་རྡོ་བ་འབའ་ཞིག་གིས་བརྩིགས་སམ་སྦྱིན་བདག་གིས་འདི་སྐད་དུ་སྦྱིན་པ་ཟིན་ན་ལྟའོ་ཞེས་སྨྲས་ན་ཉེས་པ་ [163b.5]མེད་དོ། །བཙུན་པ་དགེ་སློང་གིས་གཞན་གྱིས་རིམ་པ་གཉིས་སམ་གསུམ་བརྩིགས་སམ་གཞན་གྱིས་བརྩིགས་པ་ལས་ལགས་པར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཇིམ་པ་དང་ཕ་གུ་སྤེལ་ཏེ་རིམ་པ་གཉིས་སམ་གསུམ་ལས་ལྷག་པར་བརྩིགས་ཏེ་གཞན་གྱིས་ [163b.6]ལགས་པར་མ་བགྱིས་ན་ཅིར་འགྱུར། ཉེས་བྱས་སོ། །སེམས་འཁྲུགས་པར་གྱུར་པའམ་དུས་བྱས་པ་ཡང་དེ་བཞིན་ནོ། །བཙུན་པ་དགེ་སློང་གིས་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་ལས་ལྷག་པར་རྩིག་པ་ན་མཚན་འཕོས་ཏེ་དགེ་སློང་མར་གྱུར་ནས་ལགས་པར་བགྱིས་ན་ཅིར་ [163b.7]འགྱུར། ལྟུང་བའོ། །བཙུན་པ་དགེ་སློང་མས་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་ལས་ལྷག་པར་རྩིག་པ་ན་མཚན་འཕོས་ཏེ་དགེ་སློང་ཕར་གྱུར་ནས་ལགས་པར་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་ལས་ [164a] [164a.1]ལྷག་པ་ལ། ལྷག་པར་འདུ་ཤེས་ཏེ་བརྩིགས་ན་ཅིར་འགྱུར། ལྟུང་བའོ། །ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། །མ་ལྷག་པ་ལ་ལྷག་པར་འདུ་ཤེས་ན། ཉེས་བྱས་སོ། །མ་ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། །བཙུན་པ་བསླབ་པ་སྩལ་ [164a.2]བས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། ཕྲིན་ [164a.3]པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ [164a.4]ལྡན་འདས་ཀྱིས་ཡང་དགེ་སློང་གང་དགེ་འདུན་གྱིས་མ་བསྐོས་པར་དགེ་སློང་མ་ལ་སྟོན་ན་ལྟུང་བའོ་ཞེས་གསུངས་ན། བཙུན་པ་དགེ་སློང་དགེ་འདུན་གྱིས་མ་བསྐོས་པར་ཕྲིན་གྱིས་དགེ་སློང་མ་ལ་སྟོན་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་ [164a.5]གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གི་དགེ་འདུན་གྱིས་མ་བསྐོས་པར་དགེ་སློང་མ་སྨྱོན་མ་ཞིག་ལ་བསྟན་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་ [164a.6]དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་བསྟན་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། ཚིག་དང་ལུས་དང་དབེན་པ་དང་། །མཚན་དང་བཞི་པ་ལྔ་པ་དང་། །བཏང་བ་དང་ནི་ཉེ་བར་སོང་། །སློབ་ [164a.7]པ་གཞན་དང་ལན་གཉིས་བསྐོས། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་ [164b] [164b.1]མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་ [164b.2]དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས། དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ [164b.3]ཤེས་ཏེ་བསྟན་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་ལ་སྟོན་པ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་ལ་སྟོན་པ་ན་དགེ་སློང་མ་དེའི་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་ [164b.4]བྱས་སོ། །བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ [164b.5]ཉེས་བྱས་སུ་འགྱུར་རོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྟན་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་སློང་མ་མ་ནིང་དང་། རྐུན་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་བསྟན་ན་ཅིར་ [164b.6]འགྱུར། ཐམས་ཅད་ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིད་མ་དང་། ཉེ་བར་ཕྱོགས་མ་དང་། བསླབ་པ་སྩལ་བ་རྣམས་ལ་བསྟན་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་མ་རྣམས་ལ་བསྟན་ན་ཐམས་ཅད་ཉེས་བྱས་སུ་འགྱུར་ [164b.7]རོ། །བཙུན་པ་དགེ་སློང་མ་ལ་སྟོན་པར་བགྱིད་པ་དེས་བར་དུ་བཏང་བར་གྱུར་ན་ལན་གཉིས་སུ་བསྐོ་འཚལ་ལམ། ཨུ་པཱ་ལི་མི་དགོས་ཏེ། སྔར་སྡོམ་པ་བྱིན་པ་ཉིད་ཀྱིས་སྟོན་ཅིག །བཙུན་པ་རྗེས་སུ་མ་ཕྱོགས་པའི་དགེ་སློང་གིས་རྗེས་སུ་ཕྱོགས་པའི་དགེ་སློང་མ་ལ་བསྟན་ན་ཅིར་འགྱུར། [165a] [165a.1]ཉེས་བྱས་སོ། །བཙུན་པ་རྗེས་སུ་ཕྱོགས་པའི་དགེ་སློང་གིས་རྗེས་སུ་མ་ཕྱོགས་པའི་དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བ་ཞིག་སྔར་དགེ་སློང་མ་ལ་སྟོན་པར་བསྐོས་པ་ལས་དེ་ནི་ནོངས་པ་ཚངས་ན་ལན་གཉིས་བསྐོ་འཚལ་ལམ། ཨུ་ [165a.2]པཱ་ལི་མི་དགོས་ཏེ། སྔར་སྡོམ་པ་བྱིན་པ་ཉིད་ཀྱིས་སྟོན་ཅིག །བཙུན་པ་དགེ་སློང་མ་ལ་སྟོན་པའི་དགེ་སློང་གནས་གཞན་དུ་བསྐོས་པ་ལས་གནས་གཞན་དུ་མཆིས་ནས་སྟོན་ན་སྔར་སྡོམ་པ་དེ་ཉིད་ཀྱིས་དགེ་སློང་མ་ལ་བསྟན་པར་བགྱིའམ། བསྟན་པར་མི་བགྱི། ཨུ་པཱ་ལི་བསྟན་པར་བྱའོ། ། [165a.3]བཙུན་པ་དགེ་སློང་མ་ལ་སྟོན་པ་ན་སེམས་འཁྲུགས་པར་གྱུར་ནས་རང་གི་སེམས་སླར་རྙེད་ན་ལན་གཉིས་སུ་བསྐོ་འཚལ་ལམ། ཨུ་པཱ་ལི་མི་དགོས་སོ། །ཆོས་ལྔ་དང་ལྡན་པ་དགེ་སློང་མ་ལ་སྟོན་པར་བསྐོས་ན་བསྐོས་པ་ཞེས་བགྱིའམ། མ་བསྐོས་པ་ཞེས་བགྱི། ཨུ་པཱ་ལི་བསྐོས་པ་ཞེས་བྱ་ [165a.4]སྟེ་དགེ་འདུན་ཡང་འདས་པ་དང་བཅས་པར་མི་འགྱུར་རོ། །བཙུན་པ་དགེ་སློང་དགེ་འདུན་གྱིས་དགེ་སློང་མ་ལ་སྟོན་པར་བསྐོས་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ཆོས་ལྔ་དང་མི་ལྡན་པར་གྱུར་པའོ། །བཙུན་པ་དགེ་སློང་དགེ་སློང་མ་ལ་སྟོན་པར་དགེ་འདུན་ [165a.5]གྱིས་མ་བསྐོས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དགྲ་བཅོམ་པས་བསྟན་པའོ། །བཙུན་པ་བསླབ་པ་སྩལ་བ་ཞིག་དགེ་སློང་མ་ལ་སྟོན་པར་དགེ་འདུན་གྱིས་མ་བསྐོས་ན་ཅིར་འགྱུར། ལྟུང་བའོ། །བཙུན་པ་དགེ་ཚུལ་ཕ་ཞིག་དགེ་སློང་མ་ལ་སྟོན་ན་ཅིར་འགྱུར་ཉེས་བྱས་ [165a.6]སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་ [165a.7]པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་འདུན་གྱི་གདུགས་བས་ཀྱི་བར་དུ་དགེ་སློང་མ་ལ་སྟོན་པར་བསྐོས་པ་དང་། དེ་ལས་འདས་པར་སྟོན་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་གདུགས་བས་པ་ལས་འདས་པར་ [165b] [165b.1]བསྟན་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་སྨྱོན་མ་ཞིག་ལ་གདུགས་བས་པའི་དུས་ལས་འདས་པར་བསྟན་ན་ཅིར་འགྱུར། [165b.2]ཉེས་བྱས་སོ། །དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། དམུས་ལོང་མ་དང་། གཉིད་ལོག་མ་དང་། ར་རོ་བ་དང་། མྱོས་མ་དང་། སྙོམས་པར་ཞུགས་མ་དང་། འགྲོ་བ་གཞན་དུ་གནས་པ་རྣམས་ལ་བསྟན་ན་ཐམས་ [165b.3]ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །མཚན་དང་བཞི་པ་དེ་བཞིན་ཏེ། །མ་ནིང་མ་དང་བར་ཆད་དང་། །དབྱར་ནི་ཐ་མར་གྱུར་པའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་གདུགས་བས་པའི་དུས་ལས་འདས་པར་དགེ་སློང་མ་ལ་བསྟན་ [165b.4]པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པ་ཞིག་གིས་མཐའ་འཁོབ་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་ [165b.5]མཐའ་འཁོབ་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་གདུགས་བས་པའི་དུས་ལས་འདས་པར་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་འཕགས་ [165b.6]པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱིས་དམིགས་པས་གདུགས་བས་པའི་དུས་ལས་འདས་པར་དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་གདུགས་བས་པའི་དུས་ལས་ [165b.7]འདས་པར་དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གདུགས་བས་པའི་དུས་ལས་འདས་པར་དགེ་སློང་མ་ལ་སྟོན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གདུགས་བས་པའི་དུས་ལས་འདས་ [166a] [166a.1]པར་དགེ་སློང་མ་ལ་བསྟན་པ་ལས་དགེ་སློང་མ་དེ་ཡང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གདུགས་བས་པའི་དུས་ལས་འདས་པར་དགེ་སློང་མ་ལ་ [166a.2]བསྟན་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་གདུགས་ [166a.3]བས་པའི་དུས་ལས་འདས་པར་དགེ་སློང་མ་ལ་བསྟན་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་གདུགས་བས་པ་ལ་གདུགས་བས་པར་འདུ་ཤེས་ཏེ་དགེ་སློང་མ་ལ་བསྟན་ན་ཅིར་འགྱུར། ལྟུང་བའོ། །ཉི་མ་ནུབ་པ་ལ་ཉི་མ་ནུབ་པར་འདུ་ཤེས་ཏེ་བསྟན་ན་ཉེས་པ་མེད་དོ། །ཉི་མ་མ་ནུབ་པ་ལ་ [166a.4]ནུབ་པར་འདུ་ཤེས་ཏེ་བསྟན་ན་ཉེས་བྱས་སོ། །ཉི་མ་མ་ནུབ་པ་ལ་མ་ནུབ་པར་འདུ་ཤེས་ཏེ་བསྟན་ན་ཉེས་པ་མེད་དོ། །བཙུན་པ་དགེ་སློང་གིས་དགེ་སློང་མ་མ་ནིང་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་བསྟན་ན་ [166a.5]ཅིར་འགྱུར། ཐམས་ཅད་ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་གདུགས་བས་པའི་དུས་ལས་འདས་པར་བསྟན་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་གདུགས་བས་པའི་དུས་ [166a.6]ལས་འདས་པར་དགེ་སློང་མ་ལ་བསྟན་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་སློང་མ་དག་འོང་བ་ལས་བར་དུ་བར་ཆད་བརྒྱད་ལས་གང་ཡང་རུང་བ་ཞིག་བྱུང་བར་གྱུར་ན་ཉེས་པ་མེད་དོ། །བཙུན་པ་དགེ་སློང་གིས་གདུགས་བས་པའི་དུས་ལས་འདས་པར་དགེ་སློང་མ་ [166a.7]ལ་བསྟན་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་སློང་མའི་གནས་སུ་སོང་སྟེ་སྟོན་ན་ཉེས་པ་མེད་དོ།། །།མདོར་ན། སྐད་དང་ལུས་དང་དབེན་པ་དང་། །མཚན་དང་བཞི་པ་དེ་བཞིན་དུ། །བདུན་པ་མ་ནིང་དེ་བཞིན་ཏེ། །བསླབ་པ་སྩལ་དང་དགེ་སློང་མའོ། ། [166b] [166b.1]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་ལ་འདི་སྐད་དུ་ཟས་ཅུང་ཟད་ཙམ་གྱི་ཕྱིར་ཚེ་དང་ལྡན་པ་དགེ་སློང་མ་ལ་སྟོན་ཏོ་ཞེས་མཆི་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་འཕགས་ [166b.2]པས་འཕགས་པའི་སྐད་དུ་དགེ་སློང་ལ་འདི་སྐད་དུ་ཟས་ཅུང་ཟད་ཙམ་གྱི་ཕྱིར་ཚེ་དང་ལྡན་པ་ཁྱོད་དགེ་སློང་མ་ལ་སྟོན་ཏོ་ཞེས་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་སློང་ལ་དེ་ [166b.3]སྐད་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ལ་དེ་སྐད་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་ [166b.4]འཁོབ་པས་འཕགས་པའི་སྐད་དུ་དགེ་སློང་ལ་འདི་ལྟར་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་ལུས་ཀྱི་དམིགས་པས་འདི་ [166b.5]ལྟར་ཚེ་དང་ལྡན་པ་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་གོ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ནས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ཉེས་ [166b.6]བྱས་སོ། །བཙུན་པ་དགེ་སློང་གིས་དགེ་སློང་ལ་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་ཆོས་སྟོན་ཏོ་ཞེས་སྨྲ་བ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་ལ་འདི་སྐད་དུ་འཕགས་པ་ཁྱོད་ཀྱིས་ཟས་ཅུང་ [166b.7]ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲ་བ་ན་དགེ་སློང་མ་དེ་ཡང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ནས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་ [167a] [167a.1]སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་ [167a.2]པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་བསྙེན་པར་མ་རྫོགས་པས་མཐོང་ནས་བསྙེན་པར་མ་རྫོགས་པས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་མཐོང་ལ་བསྙེན་པར་ [167a.3]རྫོགས་ཀར་དེ་སྐད་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་མཐོང་ལ་བསྙེན་པར་རྫོགས་ཏེ་དེ་སྐད་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་མཐོང་ལ་བསྙེན་པར་རྫོགས་ཀར་དེ་སྐད་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་མཐོང་ [167a.4]ལ་བསྙེན་པར་རྫོགས་ནས་དེ་སྐད་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་མཐོང་ལ་བསྙེན་པར་རྫོགས་པ་ན་དེ་སྐད་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་མཐོང་ལ་བསྙེན་པར་མ་རྫོགས་པ་ན་དེ་སྐད་སྨྲས་ན་ཅིར་འགྱུར། ཉེས་བྱས་སོ། །དགེ་སློང་གིས་ཟ་ [167a.5]མ་དང་། དགེ་སློང་མ་སུན་ཕྱུང་བ་ནས། སྔར་འཁྲུགས་པའི་བར་དུ་དེ་དག་ལ་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་ [167a.6]སྩལ་བ་རྣམས་ལ་དེ་སྐད་སྨྲས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བསླབ་པ་སྩལ་བས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློབ་མ་དང་། དགེ་ཚུལ་མ་དང་། དགེ་ [167a.7]ཚུལ་ཕ་རྣམས་ལ་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ [167b] [167b.1]ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། བཙུན་པ་དགེ་སློང་གིས་དགེ་སློང་ལ་ཕྲིན་གྱིས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་ཞིག་གི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་ [167b.2]བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་ [167b.3]ཐམས་ཅད་ཉེས་བྱས་སུ་འགྱུར་རོ།། །།མདོར་ན། མི་རུང་བ་དང་བདུན་པ་དང་། །དེ་བཞིན་མཚན་དང་བཞི་པ་དང་། །གཞན་གྱིས་བརྩམས་དང་མ་ཟིན་དང་། །ཆེ་བ་མ་ཆོག་ལྷག་དེ་བཞིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ [167b.4]ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་དགེ་སློང་མའི་གོས་བགྱིས་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མའི་གོས་བགྱིས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་འདི་ལྟར་ [167b.5]རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བར་གྱུར་པ་དང་གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། {རི་དགས་,རི་དྭགས་}ཀྱི་བལ་དང་། རའི་བལ་དང་འདྲེས་པ་དང་། ཐགས་སུ་མ་བཏགས་པ་དང་། གོས་དེ་འདྲ་བ་ཞིག་ [167b.6]བགྱིད་དུ་སྩལ་ན་ཉེས་བྱས་སོ། །བཙུན་པ་བསྙེན་པར་མ་རྫོགས་པས་གཉེན་མ་ལགས་པའི་དགེ་སློང་མའི་གོས་བགྱི་བར་བརྩམས་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བརྩམས་ལ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་ [167b.7]བྱས་སོ། །བསྙེན་པར་མ་རྫོགས་པ་ན་བརྩམས་ལ་བསྙེན་པར་རྫོགས་པ་ན་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ཏེ་ལགས་ན་ཅིར་ [168a] [168a.1]འགྱུར། ཉེས་བྱས་སོ། །བསྙེན་པར་རྫོགས་པ་ན་བརྩམས་ལ་བསྙེན་པར་རྫོགས་པ་ན་ལགས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བརྩམས་ལ་བསྙེན་པར་མ་རྫོགས་པ་ན་ལགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་ [168a.2]མ་ལགས་པའི་དགེ་སློང་མའི་གོས་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་གཉེན་མ་ལགས་པའི་དགེ་སློང་གི་གོས་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ [168a.3]གཉེན་མ་ལགས་པའི་དགེ་སློང་མའི་གོས་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གཉེན་མ་ལགས་པར་འདུ་ཤེས་ཏེ་གོས་བགྱིད་ན་ཅིར་འགྱུར། ལྟུང་བའོ། །གཉེན་མ་ལགས་ [168a.4]པ་ལ་གཉེན་ལགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་གཉེན་ལ་གཉེན་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །གཉེན་ལ་གཉེན་དུ་འདུ་ཤེས་ཏེ་གོས་བགྱིད་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་གཉེན་ [168a.5]མ་ལགས་པའི་དགེ་སློང་མ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་གོས་བགྱིད་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ [168a.6]ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མའི་གོས་གཞན་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ [168a.7]ལགས་པའི་དགེ་སློང་མའི་གོས་གཞན་གྱིས་བརྩམས་པ་ལགས་པར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མའི་གོས་བགྱིད་པ་ལས་མ་ལགས་པར་བོར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་ [168b] [168b.1]པའི་དགེ་སློང་མའི་གོས་ཚད་ལས་ཆུང་བ་ཞིག་བགྱིས་ནས་བྱིན་གྱིས་བརླབ་ཏུ་མི་རུང་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མའི་གོས་ཚད་ལས་ལྷག་པར་བགྱིས་ན་བྱིན་གྱིས་བརླབ་ཏུ་མི་རུང་ན་ཅིར་འགྱུར། ཉེས་བྱས་སོ།། །།འདུལ་ [168b.2]བ་གཞུང་དམ་པ། བམ་པོ་བརྒྱད་པ། མདོར་ན། སྨྱོན་མ་སེམས་འཁྲུགས་ན་བ་དང་། །འོན་མ་དང་ནི་གླེན་མ་དང་། །མ་ནིང་འགྲོ་བ་དེ་བཞིན་ཏེ། །བསླབ་པ་སྩལ་དང་དགེ་སློང་མའོ། །བཙུན་པ་དགེ་སློང་གིས་དགེ་སློང་མ་སྨྱོན་མའི་གོས་བགྱིད་ན་ཅིར་འགྱུར། ཉེས་བྱས་སོ། །དེ་བཞིན་ [168b.3]དུ་དགེ་སློང་མ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། དམུས་ལོང་མ་དང་། མ་ནིང་མ་དང་། རྐུན་གནས་མ་དང་། མི་གནས་མ་དང་། སོ་སོར་གནས་མ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། [168b.4]འགྲོ་བ་གཞན་དུ་གནས་པ་རྣམས་ཀྱི་གོས་བྱས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་མས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱི་གོས་བགྱིས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་ [168b.5]གིས་དགེ་སློབ་མ་དང་། དགེ་ཚུལ་མའི་གོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་གཉེན་མ་ལགས་པའི་དགེ་སློང་དང་དགེ་ཚུལ་ཕ་རྣམས་ཀྱི་གོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་གཉེན་མ་ལགས་པའི་དགེ་སློང་མའི་ [168b.6]གོས་བགྱིས་ན་ཅིར་འགྱུར་ལྟུང་བའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་ [168b.7]རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་དགེ་སློང་མ་ལ་གོས་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་ཕྲིན་གྱིས་གོས་སྩལ་ན་ [169a] [169a.1]ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་རྣམས་དང་། དེ་བཞིན་དུ་དགེ་སློང་མ་སྨྱོན་མ་ལ་གོས་བྱིན་པ་དང་། སེམས་འཁྲུགས་མ་དང་། ནད་ཀྱིས་གཟིར་མ་དང་། ལྐུགས་མ་ [169a.2]དང་། འོན་མ་དང་། གཉིད་ལོག་མ་དང་། ར་རོ་མ་དང་། མྱོས་མ་དང་། སྙོམས་པར་ཞུགས་མ་དང་། དེ་བཞིན་དུ་འགྲོ་བ་གཞན་དུ་གནས་མ་རྣམས་ལ་གོས་བྱིན་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མི་རུང་བ་དང་བཞི་པ་དང་། །དེ་བཞིན་མཚན་དང་མ་ཆོག་ལྷག །དེ་ལྟར་ [169a.3]བདུན་པ་རིན་ཆེ་བ། །ཐུན་མོང་བ་དང་མ་ནིང་ངོ་། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་སྩལ་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ [169a.4]ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་འདྲེས་པ་དང་། ཐགས་སུ་མ་བཏགས་པའོ། །གོས་དེ་འདྲ་བ་ཞིག་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་བསྙེན་པར་རྫོགས་པ་ལ་བསྙེན་ [169a.5]པར་རྫོགས་པར་འདུ་ཤེས་ཏེ་གོས་སྩལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་ [169a.6]པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གཉེན་མ་ལགས་པར་འདུ་ཤེས་ཏེ་སྩལ་ན་ཅིར་འགྱུར། ལྟུང་བའོ། །གཉེན་མ་ལགས་པ་ལ་གཉེན་དུ་འདུ་ཤེས་ན་ཅིར་འགྱུར། ཉེས་པ་མེད་དོ། ། [169a.7]གཉེན་ལགས་པ་ལ་གཉེན་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །གཉེན་ལ་གཉེན་དུ་འདུ་ཤེས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་ [169b] [169b.1]བྱས་སོ། །བཙུན་པ་དགེ་སློང་མས་གཉེན་མ་ལགས་པའི་དགེ་སློང་ལ་གོས་སྩལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་སྩལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཁྲུ་གང་ [169b.2]ལས་ཆུང་བར་གྱུར་པའི་གོས་དང་། བདེ་བར་གཤེགས་པའི་ཆོས་གོས་ཀྱི་ཚད་དུ་གྱུར་པའོ། །བཙུན་པ་བསྙེན་པར་མ་རྫོགས་པ་ན་བསྔོས་ལ་བསྙེན་པར་མ་རྫོགས་པ་ན་སྩལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་བསྔོས་ལ་བསྙེན་པར་རྫོགས་ཀར་སྩལ་ན་ཅིར་འགྱུར། [169b.3]ཉེས་བྱས་སོ། །བསྙེན་པར་མ་རྫོགས་པ་ན་བསྔོས་ལ་བསྙེན་པར་རྫོགས་ཏེ་སྩལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསྡོས་ལ་བསྙེན་པར་རྫོགས་ཀར་སྩལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསྔོས་ལ་བསྙེན་པར་རྫོགས་ཏེ་སྩལ་ན་ཅིར་འགྱུར། ཉེས་ [169b.4]བྱས་སོ། །བསྙེན་པར་རྫོགས་པ་ན་བསྔོས་ལ་བསྙེན་པར་རྫོགས་པ་ན་སྩལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བསྔོས་ལ་བསྙེན་པར་མ་རྫོགས་པར་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་རིན་པོ་ཆེ་ཞིག་སྩལ་ན་ [169b.5]ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་སྩལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། རིན་དུ་བཙོངས་ལ་རིན་གྱིས་ཉོས་པའོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་ཐུན་མོང་བ་སྩལ་ [169b.6]ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ཞིག་ལ་གོས་སྩལ་ན་ཅིར་འགྱུར། གལ་ཏེ་དགེ་སྦྱོང་གི་གོས་བྱིན་ན་ཉེས་བྱས་སུ་འགྱུར་རོ། །འོན་ཏེ་ཁྱིམ་པའི་གོས་བྱིན་ན་ཉེས་པ་མེད་དོ། །བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་ལ་གོས་སྩལ་ན་ཅིར་ [169b.7]འགྱུར། ཉེས་བྱས་སོ། །དེ་བཞིན་དུ་མ་ནིང་དང་། རྐུན་གནས་མ་དང་། མི་གནས་མ་དང་། སོ་སོར་གནས་མ་དང་། སྔོན་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་གོས་བྱིན་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་དབྱེན་མ་དང་། ཉེ་བར་ [170a] [170a.1]ཕྱོགས་མ་དང་། བསླབ་པ་སྩལ་བ་མོ་རྣམས་ལ་གོས་སྩལ་ན་ཅིར་འགྱུར། ཐམས་ཅད་ལྟུང་བའོ། །བཙུན་པ་དགེ་སློང་མས་ཁྱིམ་པ་ལ་གོས་སྩལ་ན་ཅིར་འགྱུར། གལ་ཏེ་དགེ་སྦྱོང་གི་གོས་བྱིན་ན་ལྟུང་བར་འགྱུར་རོ། །འོན་ཏེ་ཁྱིམ་པའི་གོས་བྱིན་ན་ཉེས་པ་མེད་དོ། ། [170a.2]བཙུན་པ་དགེ་སློང་མས་དགེ་སློང་དང་། དགེ་ཚུལ་ཕ་ལ་གོས་སྩལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་གཉེན་མ་ལགས་པའི་དགེ་སློང་མ་ལ་གོས་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་ལ་ཉེས་བྱས་སོ།། །།མདོར་ན། སྔགས་ [170a.3]དང་བཞི་པ་རྫུ་འཕྲུལ་དང་། །མཚན་དང་དུས་དང་བདུན་པ་དང་། །ལམ་མ་ཡིན་དང་ཁྱིམ་ལ་སོགས། །སྐད་དང་ལུས་དང་དབེན་དེ་བཞིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མའི་འདྲོན་པ་ [170a.4]མང་པོ་དང་ལྷན་ཅིག་ཏུ་འཐམས་ཏེ་ཤུལ་དུ་ཞུགས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་འཐམས་ནས་སྔགས་སམ། སྨན་གྱིས་བདག་མི་སྣང་བར་བགྱིས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་མ་ལ་བསྙེན་པར་རྫོགས་པར་ [170a.5]འདུ་ཤེས་ཏེ་འཐམས་ནས་མཆིས་ན་ཅིར་འགྱུར། ལྟུང་བའོ། །བསྙེན་པར་རྫོགས་མ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་མ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་མ་ལ་བསྙེན་པར་མ་ [170a.6]རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་དང་འཐམས་ནས་ལྷན་ཅིག་ཏུ་རྫུ་འཕྲུལ་གྱིས་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མའི་འདྲོན་པ་མང་པོ་དང་འཐམས་ནས་ལྷན་ཅིག་ཏུ་འགྲོགས་ཏེ་མཆིས་པ་ན་མཚན་འཕོས་ [170a.7]ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་དགེ་སློང་ཕའི་འདྲོན་པ་མང་པོ་དང་འཐམས་ནས་ལྷན་ཅིག་ཏུ་ཤུལ་དུ་ཞུགས་ཏེ་མཆིས་པ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དང་འཐམས་ནས་ཤུལ་ [170b] [170b.1]དུ་ཞུགས་ཏེ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་ལམ་དུ་བར་ཆད་བརྒྱད་པོ་ལས་གང་ཡང་རུང་སྟེ། བར་ཆད་གཅིག་བྱུང་བར་གྱུར་པའོ། །བཙུན་པ་བསྙེན་པར་མ་རྫོགས་པར་འཐམས་ལ་བསྙེན་པར་མ་རྫོགས་པར་མཆིས་ན་ཅིར་འགྱུར། [170b.2]ཉེས་བྱས་སོ། །བསྙེན་པར་མ་རྫོགས་པར་འཐམས་ལ་བསྙེན་པར་རྫོགས་ཏེ་མཆིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་འཐམས་ལ་བསྙེན་པར་རྫོགས་ཀར་མཆིས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཐམས་ལ་བསྙེན་པར་རྫོགས་ཀར་མཆིས་ན་ཅིར་ [170b.3]འགྱུར། ཉེས་བྱས་སོ། །བསྙེན་པར་རྫོགས་ཀར་འཐམས་ལ་བསྙེན་པར་རྫོགས་ཏེ་མཆིས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་འཐམས་ལ་བསྙེན་པར་རྫོགས་པ་ན་མཆིས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་འཐམས་ལ་བསྙེན་པར་མ་རྫོགས་པ་ན་མཆིས་ན་ཅིར་ [170b.4]འགྱུར། ཉེས་བྱས་སོ། །བཙུན་པ་དགེ་སློང་གིས་འཐམས་ནས་ཤུལ་མ་ལགས་པར་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་མོ་ནས། སྔར་འཁྲུགས་པའི་བར་དུ་ལྷན་ཅིག་འཐམས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་ [170b.5]གྱི་དབྱེན་བགྱིས་མ་དང་། བསླབ་པ་སྩལ་བ་དང་འཐམས་ནས་ལྷན་ཅིག་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་མ་དང་ལྷན་ཅིག་འཐམས་པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། [170b.6]འཕགས་པས་མཐའ་འཁོབ་པའི་སྐད་དུ་འཐམས་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་འཐམས་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ [170b.7]བྱས་སོ། །མཐའ་འཁོབ་པས་འཕགས་པའི་སྐད་དུ་འཐམས་པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དང་ལྷན་ཅིག་ཏུ་ལུས་ཀྱི་དམིགས་པས་འཐམས་ཏེ་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། [171a] [171a.1]བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འཐམས་ན་ཅིར་འགྱུར་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། ། [171a.2]ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །བཙུན་པ་དགེ་སློང་གིས་དགེ་སློང་མ་དང་ལྷན་ཅིག་ཏུ་ཕྲིན་གྱིས་འཐམས་ནས་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་ [171a.3]བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་སྨྱོན་མ་དང་འཐམས་ནས་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། དམུས་ལོང་མ་དང་། གཉིད་ [171a.4]ལོག་མ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འགྲོ་བ་གཞན་དུ་གནས་མ་རྣམས་དང་འཐམས་ནས་ལྷན་ཅིག་ལམ་དུ་ཞུགས་ཏེ་དོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་དགེ་སློང་མ་དང་འཐམས་ནས་ལྷན་ཅིག་ཤུལ་དུ་ཞུགས་ [171a.5]ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་དང་འཐམས་ནས་ལྷན་ཅིག་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་དང་། དགེ་ཚུལ་ཕ་དང་། ཁྱིམ་པ་རྣམས་དང་འཐམས་ནས་ལྷན་ཅིག་ཏུ་མཆིས་ན་ཅིར་འགྱུར། [171a.6]ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་དང་འཐམས་ནས་མཆིས་ན་ཅིར་འགྱུར། ཉེས་བྱས་སོ། །ཇི་ལྟར་ལམ་དུ་ཞུགས་པ་དེ་བཞིན་དུ་གྲུ་རྒལ་བ་ལ་ཡང་ཤེས་པར་བྱ་སྟེ། རྫུ་འཕྲུལ་དང་། ལམ་ལས་གཞན་དུ་འགྲོ་བ་མ་གཏོགས་པར་ལྷག་མ་རྣམས་ནི་དེ་བཞིན་དུ་རྒྱས་པར་བརྗོད་པར་ [171a.7]བྱའོ།། །།མདོར་ན། སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །གཉིད་ལོག་ར་རོ་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ [171b] [171b.1]བུད་མེད་དང་ལྷན་ཅིག་གཉིས་སུ་དབེན་པ་སྐྱབས་མཆིས་པ་ན་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་ཞིག་སྨྱོན་མ་དང་ལྷན་ཅིག་ཏུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་ [171b.2]དང་། གླེན་མ་དང་། ལྐུགས་མ་དང་། འོན་མ་དང་། དམུས་ལོང་མ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འགྲོ་བ་གཞན་དུ་གནས་པ་རྣམས་དང་ལྷན་ཅིག་ཏུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ཉེས་བྱས་ [171b.3]སོ།། །།མདོར་ན། གཞོན་ནུ་མ་དང་ནམ་མཁའ་དང་། །སྔགས་དང་མཚན་དང་བཞི་པ་དང་། །མ་ནིང་དབེན་པ་དེ་བཞིན་ཏེ། །བསླབ་པ་སྩལ་བ་དགེ་སློང་མའོ། །བཙུན་པ་དགེ་སློང་ཞིག་གཞོན་ནུ་མ་དང་ལྷན་ཅིག་ཏུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ཉེས་བྱས་སོ། །བཙུན་པ་བུད་ [171b.4]མེད་དོགས་ལ་མཆིས་ལ་དགེ་སློང་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་དང་སྨན་གྱིས་བདག་ཉིད་མི་སྣང་བར་གྱུར་ཏེ་མཆིས་པར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་དབེན་པ་སྐྱབས་ [171b.5]མཆིས་པར་མཆིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་སྐྱེས་པ་དང་ལྷན་ཅིག་གཉིས་པུ་དབེན་པ་སྐྱབས་མཆིས་པ་ན་མཆིས་པ་དང་། མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་མིའི་བུད་མེད་ [171b.6]ལ་མིར་འདུ་ཤེས་ཏེ་གཉིས་པུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། [171b.7]བཙུན་པ་དགེ་སློང་མ་ནིང་མ་དང་ལྷན་ཅིག་གཉིས་པུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ཉེས་བྱས་སོ། །མཚན་གཉིས་པ་ཡང་དེ་བཞིན་ནོ། །བཙུན་པ་དགེ་སློང་གིས་མ་ནིང་དང་ལྷན་ཅིག་ཏུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ཉེས་བྱས་སོ། །བཙུན་པ་ [172a] [172a.1]དགེ་སློང་གིས་དགེ་སློང་མ་སུན་ཕྱུང་བ་དང་ལྷན་ཅིག་དབེན་པ་སྐྱབས་མཆིས་པར་མཆིས་ན་ཅིར་འགྱུར། ལྟུང་བའོ། །དེ་བཞིན་དུ་ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། [172a.2]མུ་སྟེགས་ཅན་དུ་སོང་བ་མོ་རྣམས་དང་ལྷན་ཅིག་ཏུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་མ་དང་ལྷན་ཅིག་ཏུ་གཉིས་པུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ལྟུང་བའོ། །དེ་བཞིན་དུ་དགེ་སློབ་མ་དང་། [172a.3]དགེ་ཚུལ་མ་དང་། རྐུན་གནས་དང་། སོ་སོར་གནས་མ་དང་། མི་གནས་མ་དང་། དགེ་འདུན་གྱི་དབྱེན་མ་དང་། སྔར་ཉེས་པ་བྱུང་བ་དང་། བསླབ་པ་སྩལ་བ་མོ་དང་གཉིས་པུ་ལྷན་ཅིག་དབེན་པ་སྐྱབས་ཡོད་པ་ན་འདུག་ན་ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་མ་སྐྱེས་པ་ [172a.4]དང་གཉིས་པུ་ལྷན་ཅིག་ཏུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ལྟུང་བའོ། །དགེ་སློང་དང་ལྷན་ཅིག་ཏུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ལྟུང་བའོ། །དགེ་ཚུལ་ཕ་དང་ལྷན་ཅིག་ཏུ་གཉིས་པུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ལྟུང་བའོ། ། [172a.5]བཙུན་པ་བསླབ་པ་སྩལ་བ་བུད་མེད་དང་ལྷན་ཅིག་གཉིས་པུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་བུད་མེད་དང་གཉིས་པུ་ལྷན་ཅིག་མི་དབེན་པ་ལ་དབེན་པར་འདུ་ཤེས་ཏེ་སྐྱབས་མཆིས་པར་མཆིས་ན་ཅིར་འགྱུར། ཉེས་བྱས་སོ། །དགེ་ [172a.6]སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། །ཇི་ལྟར་བུད་མེད་དང་ལྷན་ཅིག་འདུག་པར་བྱེད་པ་དེ་བཞིན་དུ་དགེ་སློང་མ་དང་ལྷན་ཅིག་འདུག་པ་ལ་ཡང་རྒྱས་པར་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་ [172a.7]གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་ [172b] [172b.1]མ་རྣམས་ཀྱིས་སྦྱོར་དུ་སྩལ་བའི་ཟས་ཟོས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་མས་ཕྲིན་གྱིས་སྦྱོར་དུ་སྩལ་བའི་ཟས་འཚལ་བཞིན་དུ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། [172b.2]གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་སྨྱོན་མས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་ [172b.3]དང་། འོན་མ་དང་། འགྲོ་བ་གཞན་དུ་གནས་པ་རྣམས་ཀྱིས་སྦྱོར་དུ་བཅུག་པའི་ཟས་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཁྱིམ་བདག་གམ་ཁྱིམ་བདག་གི་ཆུང་མ་སྨྱོན་མས་སྦྱོར་དུ་སྩལ་བའི་ཟས་དགེ་སློང་དེས་འཚལ་བཞིན་དུ་འཚལ་ན་ཅིར་འགྱུར། [172b.4]ཉེས་བྱས་སོ། །དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་མོ་རྣམས་ཀྱིས་སྦྱོར་དུ་བཅུག་པ་དགེ་སློང་དེས་ [172b.5]ཤེས་བཞིན་དུ་ཟོས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། གཞན་གྱི་ཕྱིར་དང་དེ་བཞིན་ལུས། །མཚན་དང་བཞི་པ་བདུན་པ་དང་། །ཚུལ་ཁྲིམས་གཞན་དང་དགེ་སློང་དང་། །ཁྱིམ་པ་སློབ་པ་ཐ་མའོ། །བཙུན་པ་དགེ་སློང་མས་གཞན་གྱི་སླད་དུ་སྦྱོར་དུ་སྩལ་བ་དེས་ཀྱང་ [172b.6]དེ་ལྟར་འདུ་ཤེས་ཏེ་གཞན་ལ་སྩལ་བ་དང་། དགེ་སློང་དེས་ཀྱང་འཚལ་བཞིན་དུ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་ལུས་ཀྱི་དམིགས་པས་ཟས་སྦྱོར་དུ་སྩལ་བ་དང་། དགེ་སློང་དེས་འཚལ་བཞིན་དུ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་ [172b.7]སློང་གིས་དགེ་སློང་མས་སྦྱོར་དུ་སྩལ་བའི་ཟས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་གིས་སྦྱོར་དུ་སྩལ་བའི་ཟས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [173a] [173a.1]གིས་དགེ་སློང་མས་སྦྱོར་དུ་སྩལ་བའི་ཟས་ལ་སྦྱོར་དུ་སྩལ་བར་འདུ་ཤེས་ན་ཅིར་འགྱུར། ལྟུང་བའོ། །སྦྱོར་དུ་བཅུག་པ་ལ་སྦྱོར་དུ་མ་བཅུག་པར་འདུ་ཤེས་ཏེ་ཟོས་ན་ཉེས་པ་མེད་དོ། །སྦྱོར་དུ་མ་བཅུག་པ་ལ་སྦྱོར་དུ་བཅུག་པར་འདུ་ཤེས་ཏེ་ཟོས་ན་ཉེས་བྱས་སོ། །སྦྱོར་དུ་མ་ [173a.2]བཅུག་པ་ལ་སྦྱོར་དུ་མ་བཅུག་པར་འདུ་ཤེས་ཏེ་ཟོས་ན་ཉེས་པ་མེད་དོ། །བཙུན་པ་དགེ་སློང་གིས་དགེ་སློང་མ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྦྱོར་དུ་སྩལ་བ་འཚལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ [173a.3]ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་སྦྱོར་དུ་སྩལ་ལ་བསྙེན་པར་མ་རྫོགས་ [173a.4]པར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་སྦྱོར་དུ་སྩལ་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་སྦྱོར་དུ་སྩལ་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་སྦྱོར་ [173a.5]དུ་སྩལ་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པར་སྦྱོར་དུ་སྩལ་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་སྦྱོར་དུ་སྩལ་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། །བསྙེན་ [173a.6]པར་རྫོགས་པ་ན་སྦྱོར་དུ་སྩལ་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཚུལ་ཁྲིམས་དང་ཐོས་པ་དང་ལྡན་པའི་སླད་དུ་སྦྱོར་དུ་སྩལ་བ་མ་གཏོགས་པར་ཡོན་ཏན་གཞན་གྱི་སླད་དུ་སྩལ་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་ [173a.7]སློང་གིས་ཟས་མ་གཏོགས་པ་དེ་ལས་གཞན་པའི་རྩ་བ་དང་འབྲས་བུ་ལ་སོགས་པ་སྦྱོར་དུ་སྩལ་བ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ཞིག་སྦྱོར་དུ་སྩལ་བ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་ཚུལ་ཕ་དང་། ཟ་མ་དང་། མ་ནིང་ [173b] [173b.1]དང་། དགེ་སློང་མ་སུན་ཕྱུང་བ་ནས་རྒྱས་པར་བསླབ་པ་སྩལ་བ་རྣམས་ཀྱིས་སྦྱོར་དུ་བཅུག་པའི་ཟས་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློབ་མས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་ཚུལ་མ་དང་། མ་ [173b.2]ནིང་མ་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། [173b.3]སྔར་འཁྲུགས་པ་དང་། ཁྱིམ་པ་མོ་རྣམས་ཀྱིས་སྦྱོར་དུ་བཅུག་པ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་མ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་སྦྱོར་དུ་སྩལ་བ་འཚལ་ན་ཅིར་འགྱུར། ཐམས་ཅད་ [173b.4]ལྟུང་བར་འགྱུར་རོ། །བཙུན་པ་དགེ་སློང་མས་དགེ་སློང་གིས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་ཚུལ་མ་དང་། དགེ་སློབ་མ་དང་། དགེ་ཚུལ་ཕ་དང་། ཁྱིམ་པ་མོ་དང་། མ་ནིང་མོ་དང་། བསླབ་པ་སྩལ་བ་རྣམས་ཀྱིས་སྦྱོར་དུ་སྩལ་བའི་ཟས་ [173b.5]ཟོས་ན་ཐམས་ཅད་ཉེས་བྱས་སུ་འགྱུར་བར་རྒྱས་པར་སྦྱར་རོ། །བཙུན་པ་བསླབ་པ་སྩལ་བས་དགེ་སློང་མས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ཉེས་བྱས་ [173b.6]སོ།། །།མདོར་ན། ཟས་དང་གཙེས་ཀྱང་དེ་བཞིན་ཏེ། །མཉམ་པ་གཉིས་དང་མི་རུང་བ། །སྤུན་གྱི་ལྷག་མ་འཚལ་རྣམས་དང་། །བཞི་པ་བདུན་པ་གཉིས་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དུས་ལ་ [173b.7]བབ་པ་མ་གཏོགས་པར་ཡང་ཡང་འཚལ་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་གིས་ཁ་གཉིས་སུ་མགྲོན་དུ་བོས་པ་བདག་གིར་བགྱིས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ཡང་སྔར་བཟའ་བ་དང་བཅའ་བ་དང་། བཏུང་བ་དང་། [174a] [174a.1]བཞིབ་པ་དང་། བལྡག་པ་ལ་སོགས་པ་ལ་མགྲོན་དུ་བོས་ལ་ཕྱིས་ཟས་ལ་མགྲོན་དུ་བོས་པའོ། །བཙུན་པ་དགེ་སློང་ལ་གཙེ་བར་སེམས་ཤིང་མགྲོན་དུ་བོས་པར་དགེ་སློང་དེས་འཚལ་ནས་སླད་ཀྱིས་མགྲོན་དུ་བོས་པ་ལ་ཁས་བླངས་ཏེ་འཚལ་ན་ཅིར་འགྱུར། ཉེས་པ་ [174a.2]མེད་དོ། །བཙུན་པ་དགེ་སློང་གིས་ལན་གཉིས་ལན་གསུམ་དུ་མགྲོན་དུ་བོས་ཏེ་འཚལ་ན་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་གིས་གོས་མེད་པར་མགྲོན་དུ་བོས་ཏེ་ཟོས་པའི་འོག་ཏུ་གོས་དང་བཅས་པ་དང་ཁ་གཉིས་སུ་མགྲོན་དུ་བོས་པར་གྱུར་ [174a.3]པའོ། །བཙུན་པ་དགེ་སློང་གིས་གོས་དང་བཅས་པ་གཉིས་སུ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གོས་མི་རུང་བའོ། །དེ་ཡང་དགེ་སློང་གིས་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མི་རུང་བའི་ཟས་ལ་མགྲོན་དུ་བོས་པ་ [174a.4]དང་། དེའི་འོག་ཏུ་རུང་བའི་ཟས་བཙལ་ཏེ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་ནང་པར་ཟས་ལ་མགྲོན་དུ་བོས་ལ་དེའི་འོག་ཏུ་ཡང་བོས་པའི་ཟས་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་གོས་མ་མཆིས་པའི་ཟས་སླད་མ་འཚལ་ན་ [174a.5]མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་གོས་མ་མཆིས་པའི་མགྲོན་དུ་བོས་པའི་སླད་མ་འཚལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གོས་མ་མཆིས་པ་ལ་གོས་མ་མཆིས་པར་ [174a.6]འདུ་ཤེས་ཏེ་མགྲོན་དུ་བོས་པ་སླད་མ་འཚལ་ན་ཅིར་འགྱུར། ལྟུང་བའོ། །གོས་མེད་པ་ལ་གོས་དང་བཅས་པར་འདུ་ཤེས་ཏེ་ཟོས་ན་ཉེས་པ་མེད་དོ། །གོས་དང་བཅས་པ་ལ་གོས་མེད་པར་འདུ་ཤེས་ཏེ་ཟོས་ན་ཉེས་བྱས་སུ་འགྱུར་རོ། །གོས་དང་བཅས་པ་ལ་གོས་དང་བཅས་པར་འདུ་ [174a.7]ཤེས་ཏེ་ཟོས་ན་ཉེས་པ་མེད་དོ། །བཙུན་པ་བསྙེན་པར་མ་རྫོགས་པ་ན་གོས་མ་མཆིས་པར་མགྲོན་དུ་བོས་པ་སླད་མར་ཁས་བླངས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་ཁས་བླངས་ལ་བསྙེན་པར་རྫོགས་ཀར་འཚལ་ན་ཅིར་ [174b] [174b.1]འགྱུར། ཉེས་བྱས་སོ། །བསྙེན་པར་མ་རྫོགས་པ་ན་ཁས་བླངས་ལ་བསྙེན་པར་རྫོགས་ཏེ་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་ཁས་བླངས་ལ་བསྙེན་པར་རྫོགས་ཏེ་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་ཁས་བླངས་ལ། [174b.2]བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་ཁས་བླངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་ཁས་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བཙུན་ [174b.3]པ་དགེ་སློང་གིས་གནས་གཅིག་ཏུ་མཆིས་ཏེ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་ཁྱིམ་བདག་གཉིས་ཀྱིས་ལྷན་ཅིག་ཟས་ལ་མགྲོན་དུ་བོས་པའོ། །བཙུན་པ་བསླབ་པ་སྩལ་བས་ཟས་ཡང་ཡང་འཚལ་ན་ཅིར་འགྱུར་ལྟུང་བའོ།། །།མདོར་ན། [174b.4]སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །མ་ནིང་འགྲོ་བ་དེ་བཞིན་ཏེ། །དགེ་སློང་མ་ནི་ཐ་མའོ། །བཙུན་པ་དགེ་སློང་གིས་སྨྱོན་པ་ཞིག་གིས་གོས་མ་མཆིས་པའི་མགྲོན་དུ་བོས་པ་སླད་མར་ཁས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། [174b.5]སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མ་ནིང་དང་། མ་ནིང་མ་དང་། འདི་ལས་ཕྱི་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་ཡང་དེ་བཞིན་ནོ། །དེ་བཞིན་དུ་དགེ་སློང་ [174b.6]དང་། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་དང་། འགྲོ་བ་གཞན་དུ་གནས་པ་རྣམས་ཀྱིས་ཀྱང་། གོས་མེད་པར་མགྲོན་དུ་བོས་པ་ཕྱི་མ་བཙལ་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་མས་ཟས་ཡང་ཡང་ [174b.7]འཚལ་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་རྣམས་ཀྱིས་འཚལ་ན་ཅིར་འགྱུར་ཉེས་བྱས་སོ།། །།མདོར་ན། སྔགས་དང་བཞི་པ་ནམ་མཁའ་དང་། །མཚན་དང་ཟས་ཀྱང་དེ་བཞིན་ཏེ། །བདུན་པ་གཉིས་པ་གཞན་དག་དང་། །གཞན་དུ་ [175a] [175a.1]གྱུར་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་བྲོ་མ་འཚལ་བར་མུ་སྟེགས་ཅན་གྱི་གནས་སུ་དགོངས་ན་ཟན་ལན་གཅིག་ཟོ་ཞིག་དེ་ལས་ལྷག་པར་ཟོས་ན་ལྟུང་བར་འགྱུར་རོ་ཞེས་ [175a.2]གསུངས་ན། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བགྱིས་ཏེ་ཟན་ལན་གཉིས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མུ་སྟེགས་ཅན་གྱི་གནས་ལ་མུ་སྟེགས་ཅན་གྱི་གནས་སུ་འདུ་ཤེས་ཏེ་ཟན་ལན་གཉིས་འཚལ་ན་ཅིར་འགྱུར། [175a.3]ལྟུང་བའོ། །མུ་སྟེགས་ཅན་གྱི་གནས་ལ་མུ་སྟེགས་ཅན་གྱི་གནས་མ་ཡིན་པར་འདུ་ཤེས་ན་ཉེས་པ་མེད་དོ། །མུ་སྟེགས་ཅན་གྱི་གནས་མ་ཡིན་པ་ལ་མུ་སྟེགས་ཅན་གྱི་གནས་སུ་འདུ་ཤེས་ན་ཉེས་བྱས་སུ་འགྱུར་རོ། །མུ་སྟེགས་ཅན་གྱི་གནས་མ་ཡིན་པ་ལ་མུ་སྟེགས་ཅན་གྱི་ [175a.4]གནས་མ་ཡིན་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་ནམ་མཁའ་ལ་གནས་ནས་ཟན་ལན་གཉིས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མུ་སྟེགས་ཅན་གྱི་གནས་སུ་ཟན་ལན་གཉིས་འཚལ་བ་ན་མཚན་འཕོས་ཏེ་དགེ་སློང་མར་ [175a.5]གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་མུ་སྟེགས་ཅན་གྱི་གནས་སུ་ཟན་ལན་གཉིས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ཟན་མ་གཏོགས་པར་དེ་ལས་གཞན་པའི་བཟའ་བ་དང་། བཅའ་བ་ [175a.6]དང་། བཏུང་བ་དང་། བལྡག་པ་རྣམས་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་མུ་སྟེགས་ཅན་གྱི་གནས་སུ་དགོངས་ལ་བསྙེན་པར་མ་རྫོགས་པས་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་གནས་ལ་བསྙེན་པར་རྫོགས་ [175a.7]ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་གནས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་གནས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་ [175b] [175b.1]གནས་ལ་བསྙེན་པར་རྫོགས་ཏེ་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་གནས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་གནས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། །བཙུན་ [175b.2]པ་དགེ་སློང་གིས་གཞན་ནས་ཟས་བླངས་ཏེ་མུ་སྟེགས་ཅན་གྱི་གནས་སུ་མཆིས་ནས་འཚལ་ན་ཅིར་འགྱུར་ཉེས་བྱས་སོ། །བཙུན་པ་དགེ་སློང་གིས་མུ་སྟེགས་ཅན་གྱི་གནས་ནས་ཟས་བླངས་ལ་གཞན་དུ་མཆིས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མུ་སྟེགས་ཅན་ [175b.3]གྱི་གནས་མ་གཏོགས་པར་དེ་ལས་གཞན་པའི་དགེ་སྦྱོང་དང་བྲམ་ཟེའི་གནས་སུ་འཚལ་ན་ཅིར་འགྱུར། ཉེས་བྱས་སོ།། །།མདོར་ན། སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བ་དང་། །ཟ་མ་མ་ནིང་དེ་བཞིན་ཏེ། །བསླབ་པ་བྱིན་དང་དགེ་སློབ་མའོ། ། [175b.4]བཙུན་པ་དགེ་སློང་གིས་སྨྱོན་པའི་གནས་སུ་ཟས་སླད་མ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། ཟ་མ་དང་། མ་ནིང་རྣམས་དང་། དེ་བཞིན་དུ་འགྲོ་བ་གཞན་ [175b.5]དུ་གནས་པ་རྣམས་ཀྱི་གནས་སུ་ཟས་ཕྱི་མ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་མུ་སྟེགས་ཅན་གྱི་གནས་སུ་དགོངས་ལ་ཟས་སླད་མ་འཚལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་འཚལ་ [175b.6]ན་ཅིར་འགྱུར། ཉེས་བྱས་སོ།། །།འདུལ་བ་གཞུང་དམ་པ། བམ་པོ་དགུ་པ། མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །སངས་རྒྱས་ [175b.7]བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་མང་པོ་གྲོང་དུ་འདོང་བ་དང་། དེ་དག་ལ་བྲམ་ཟེ་དང་ཁྱིམ་བདག་དག་གིས་སྐྱོ་མ་དང་མར་ཁུར་རྣམས་མང་དུ་བྱིན་པ་ལ་དགེ་སློང་དེ་དག་གིས་འདོད་ན་ལྷུང་བཟེད་གང་བ་ [176a] [176a.1]གཉིས་སམ་གསུམ་ལོང་ཤིག །དེ་ལས་ལྷག་པར་བླངས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་ [176a.2]གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བླངས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་ [176a.3]གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལས་ལྷུང་བཟེད་གང་བ་གསུམ་ལས་ལྷག་པར་བསླངས་ན་ཐམས་ཅད་དུ་ཉེས་བྱས་སུ་འགྱུར་རོ།། །།མདོར་ན། གཞན་གྱིས་གཞན་དང་འདི་ལས་ཕྱི། །ཟས་དང་ [176a.4]མི་རུང་བ་དག་དང་། །མཚན་དང་བཞི་པ་བདུན་པ་དང་། །མ་ནིང་དག་ཀྱང་དེ་བཞིན་ནོ། །བཙུན་པ་དགེ་སློང་གིས་ལྷུང་བཟེད་གང་བ་གསུམ་ལས་ལྷག་པར་གཞན་ལེན་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་ཞིག་གི་ཕྱིར་བླངས་ན་ཅིར་ [176a.5]འགྱུར། ཉེས་བྱས་སོ། །བཙུན་པ་དགེ་སློང་གིས་འདི་ལས་གཞན་ཕྱི་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་ཏུ་རྒྱུ་བ་རྣམས་ལས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཐམས་ཅད་ཉེས་བྱས་སོ། །བཙུན་པ་ [176a.6]དགེ་སློང་གིས་ལྷུང་བཟེད་གང་བ་གསུམ་ལས་ལྷག་པར་བླངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟས་མི་རུང་བ་བླངས་ན་ཉེས་བྱས་སོ། །བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཅའ་བ་དང་། བཏུང་བ་ [176a.7]དང་། བཞིབ་པ་རྣམས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་གང་བ་གསུམ་ལས་ལྷག་པར་ལེན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་ [176b] [176b.1]མས་ལྷུང་བཟེད་གང་བ་གསུམ་ལས་ལྷག་པར་ལེན་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་ [176b.2]འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དྲུག་ཕུལ་ཕྱེད་དང་ལྔ་ལས་ལྷག་པ་ལ་ལྷག་པར་འདུ་ཤེས་ཏེ་བླངས་ན་ཅིར་ [176b.3]འགྱུར། ལྟུང་བའོ། །ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། །མ་ལྷག་པ་ལ་ལྷག་པར་འདུ་ཤེས་ན་ཉེས་བྱས་སུ་འགྱུར་རོ། །མ་ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། །བཙུན་པ་བསྙེན་པར་མ་རྫོགས་པར་རྙེད་ལ་བསྙེན་པར་མ་རྫོགས་ [176b.4]པར་བླངས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་རྙེད་ལ་བསྙེན་པར་རྫོགས་ཀར་བླངས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་རྙེད་ལ་བསྙེན་པར་རྫོགས་པ་ན་བླངས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྙེད་ལ་བསྙེན་པར་ [176b.5]རྫོགས་ཀར་བླངས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ནས་བླངས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་རྙེད་ལ་བསྙེན་པར་རྫོགས་ནས་བླངས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་རྙེད་ལ་བསྙེན་ [176b.6]པར་མ་རྫོགས་པར་བླངས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་གང་བ་གསུམ་ལས་ལྷག་པར་བླངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཁྱིམ་དེ་ཉིད་དུ་འདུག་སྟེ་ཟ་བའོ། །བཙུན་པ་དགེ་སློང་གིས་ [176b.7]མ་ནིང་ལས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་རྣམས་ལས་བླངས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་ལྷུང་བཟེད་གང་བ་གསུམ་ལས་ལྷག་པར་བླངས་ [177a] [177a.1]ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བླངས་ན་ཅིར་འགྱུར། ཉེས་བྱས་སོ།། །།མདོར་ན། [177a.2]དུས་དང་མཚན་ནི་དེ་བཞིན་ཏེ། །བཟའ་བ་དང་ནི་བཞིབ་པ་དང་། །མི་རུང་བདུན་པ་དེ་བཞིན་ཏེ། །ཀུན་རྫོགས་མ་བྱས་བྱས་པའོ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་འཚལ་མ་འཚལ་ [177a.3]ལགས་ལ་ལྷག་མར་མ་བགྱིས་པར་བཟའ་བ་དང་བཅའ་བའི་རྣམས་འཆོས་སམ་འཚལ་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་གིས་ལྷག་མར་མ་བགྱིས་པའི་བཅའ་བ་དང་བཟའ་བ་ཞིག་འཆོས་སམ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་ [177a.4]དེ། ན་བའི་དུས་སུ་བྱིན་གྱིས་བརླབས་ཏེ་ཟོས་པའོ། །བཙུན་པ་དགེ་སློང་གིས་འཚལ་མ་འཚལ་ལགས་ནས་སྤངས་པ་ལས་དེས་ལྷག་མར་མ་བགྱིས་པར་བཅའ་བ་དང་། བཟའ་བ་ཞིག་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་ [177a.5]སློང་མས་འཚལ་མ་འཚལ་ལགས་ནས་སྤངས་པ་ལས་དེས་ལྷག་མར་མ་བགྱིས་པར་བཅའ་བ་དང་། བཟའ་བ་ཞིག་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ལྷག་མར་བགྱིད་པ་ན་མཚན་འཕོས་ན་ལྷག་མར་བགྱིས་པ་ཞེས་ [177a.6]བགྱིའམ། ལྷག་མར་མ་བྱས་པ་ཞེས་བྱའོ། །བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པ་བཟའ་བ་དང་། བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་བཟའ་བའི་ཟས་ཡིན་གྱི་སྨན་མ་ལགས་པ་དེ་དག་ལྷག་མར་མ་བགྱིས་པར་འཚལ་ན་ཅིར་ [177a.7]འགྱུར། ལྟུང་བའོ། །བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་སྤངས་ན་སྤངས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། ཨུ་པཱ་ལི་བཟའ་བ་ [177b] [177b.1]དང་། བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་ལ་སྤངས་པ་མེད་དོ། །བཙུན་པ་དགེ་སློང་གིས་སྤངས་པ་ལ་སྤངས་པར་འདུ་ཤེས་ཏེ་ལྷག་མར་མ་བགྱིས་པའི་བཟའ་བ་དང་། བཏུང་བ་རྣམས་འཚལ་ན་ཅིར་འགྱུར། ལྟུང་བའོ། །སྤངས་པ་ལ་ [177b.2]མ་སྤངས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །མ་སྤངས་པ་ལ་སྤངས་པར་འདུ་ཤེས་ཏེ་ཟོས་ན་ཉེས་བྱས་སུ་འགྱུར་རོ། །མ་སྤངས་པ་ལ་མ་སྤངས་པར་འདུ་ཤེས་ཏེ་ཟོས་ན་ཉེས་པ་མེད་དོ། །བཙུན་པ་དགེ་སློང་གིས་ལྷག་མར་མ་བགྱིས་པ་ལ་ལྷག་མར་མ་བགྱིས་པར་ [177b.3]འདུ་ཤེས་ཏེ་བཅའ་བ་དང་། བཟའ་བའི་རྣམས་འཚལ་ན་ཅིར་འགྱུར། ལྟུང་བའོ། །ལྷག་མར་མ་བྱས་པ་ལ་ལྷག་མར་འདུ་ཤེས་ཏེ་བཅའ་བ་དང་བཟའ་བའི་རྣམས་ཟོས་ན་ཉེས་པ་མེད་དོ། །ལྷག་མར་བྱས་པ་ལ་ལྷག་མར་མ་བྱས་པར་འདུ་ཤེས་ཏེ་ཟོས་ན་ཉེས་བྱས་སོ། །ལྷག་མར་ [177b.4]བྱས་པ་ལ་ལྷག་མར་བྱས་པར་འདུ་ཤེས་ཏེ་ཟོས་ན་ཉེས་པ་མེད་དོ། །བཙུན་པ་དགེ་སློང་གིས་མི་རུང་བའི་ཟས་འཚལ་ལ་སྤངས་ན་སྤངས་པ་ཞེས་བགྱི་འམ་མ་སྤངས་པ་ཞེས་བགྱི། ཨུ་པཱ་ལི་སྤངས་པ་ཞེས་བྱའོ། །བཙུན་པ་བསྙེན་པར་མ་རྫོགས་པ་ན་སྤངས་ལ་བསྙེན་པར་མ་རྫོགས་པ་ན་ [177b.5]ལྷག་མར་མ་བགྱིས་པ་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་སྤངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་སྤངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བསྙེན་ [177b.6]པར་རྫོགས་ཀར་སྤངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར་ཉེས་བྱས་སོ། །བསྙེན་པར་རྫོགས་ཀར་སྤངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་སྤངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། ། [177b.7]བསྙེན་པར་རྫོགས་པ་ན་སྤངས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཀུན་ཏུ་རྫོགས་པར་མ་བྲིམས་པར་སྤངས་ན་སྤངས་པ་ཞེས་བགྱིའམ། མ་སྤངས་པ་ཞེས་བགྱི། ཨུ་པཱ་ལི་མ་སྤངས་པ་ཞེས་བྱའོ། །དེ་ཅིའི་ཕྱིར་ཞེ་ན། ཨུ་པཱ་ [178a] [178a.1]ལི་ཀུན་དུ་རྫོགས་པར་མ་བྲིམས་པ་ལ་སྤངས་པ་མེད་དོ། །བཙུན་པ་རྣམ་པ་དུས་ན་ལྷག་པར་མ་བགྱིས་པ་ཞེས་བགྱི། ཨུ་པཱ་ལི་ལྔ་སྟེ། གཞན་ལ་མ་བླངས་པ་དང་། བཅའ་བ་དང་། བཟའ་བའི་རྣམས་མངོན་སུམ་དུ་མ་གྱུར་པ་དང་། བྱིན་ལེན་མ་བྱས་པ་ [178a.2]དང་། བསྙེན་པར་མ་རྫོགས་པ་དང་། རང་བཞིན་ལ་གནས་པ་མ་ཡིན་པ་ལས་ལྷག་མར་བྱས་པ་རྣམས་ནི་ལྷག་མར་མ་བྱས་པ་ཞེས་བརྗོད་པར་བྱའོ། །ཨུ་པཱ་ལི་རྣམ་པ་ལྔས་ན་ལྷག་མར་བྱས་པ་ཞེས་བྱ་སྟེ། གཞན་ལས་བླངས་པ་དང་། བཅའ་བ་དང་བཟའ་བའི་རྣམས་མངོན་ [178a.3]སུམ་དུ་གྱུར་པ་དང་། བྱིན་ལེན་བྱས་པ་དང་། བསྙེན་པར་རྫོགས་པ་དང་། རང་བཞིན་ལ་གནས་པ་ལས་ལྷག་མར་བྱས་པ་ནི་ལྷག་མར་བྱས་པ་ཞེས་བྱའོ། །བཙུན་པ་སུའི་མདུན་དུ་ལྷག་མར་བགྱི། ཨུ་པཱ་ལི་དགེ་སློང་གིས་ནི་དགེ་སློང་གི་མདུན་དུ་ལྷག་མར་བྱའི། དགེ་སློང་ [178a.4]མའི་མདུན་དུ་ནི་མ་ཡིན་ནོ། །དགེ་སློང་མས་ནི་དགེ་སློང་མ་ལའོ། །དགེ་ཚུལ་ཕས་ནི་དགེ་སློང་ཕ་ལའོ། །དགེ་སློབ་མས་ནི་དགེ་སློང་མ་དང་། དགེ་སློབ་མ་དང་། དགེ་ཚུལ་མའི་མདུན་དུ་ལྷག་མར་བྱའོ། །བཙུན་པ་དགེ་སློང་མའི་མདུན་དུ་ལྷག་མར་བགྱིའམ། ཨུ་པཱ་ལི་མ་ [178a.5]ཡིན་ནོ། །དེ་སྟེ་བཙུན་པ་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། འཚལ་བར་ཡང་བགྱིའམ་ཨུ་པཱ་ལི་མ་ཡིན་ནོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་ [178a.6]པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་མ་ནིང་ངོ་། །བཙུན་པ་དགེ་སློང་གིས་ཕྲིན་པ་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། [178a.7]གཅིག་ནས་གཅིག་ཏུ་བརྒྱུད་དེ་ལྷག་མར་བྱས་ནའང་ལྷག་མར་མ་བྱས་པ་ཞེས་བྱའོ། །བཙུན་པ་དགེ་སློང་གིས་སྨྱོན་པ་ཞིག་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ་ལྷག་མར་མ་བགྱིས་པ་ཞེས་བགྱི། ལྷག་མར་མ་བྱས་པ་ཞེས་བྱའོ། །དེ་བཞིན་དུ་ [178b] [178b.1]དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་དྲུང་དུ་ལྷག་མར་བགྱིས་ན་ལྷག་ [178b.2]མར་བགྱིས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་གིས་མ་ནིང་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་བསད་པ་དང་། དགྲ་བཅོམ་པ་བསད་པ་དང་། [178b.3]དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལས་ལྷག་མར་བགྱིས་ན་ལྷག་མར་བགྱིས་ [178b.4]པ་ཞེས་བགྱི་འམ། ཨུ་པཱ་ལི་དེ་ནི་མ་ཡིན་ནོ། །བཙུན་པ་དགེ་སློང་གིས་དགེ་སློང་ཟ་མ་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། ལྷག་མར་བྱས་པ་ཞེས་མི་བྱ་སྟེ། ལྷག་མར་བྱས་པ་ཉིད་ཤིན་ཏུ་འདས་པ་དང་བཅས་པའོ། །བཙུན་པ་དགེ་སློང་གིས་དགེ་ [178b.5]འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། ལྷག་མར་མ་བགྱིས་པ་ཞེས་བགྱི། ཨུ་པཱ་ལི་ལྷག་མར་བྱས་པ་ཞེས་ནི་བྱ་ན་ལྷག་མར་བྱེད་པ་ནི་ཤིན་ཏུ་འདས་པ་དང་བཅས་པར་ [178b.6]འགྱུར་རོ། །བཙུན་པ་བསླབ་པ་སྩལ་བས་ལྷག་མར་མ་བགྱིས་པའི་བཟའ་བ་དང་། བཅའ་བ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཟས་འཚལ་ཏེ་སྤངས་པའི་འོག་ཏུ་བཟའ་བ་དང་། བཅའ་བ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མ་ [178b.7]དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ལྷག་མར་མ་བགྱིས་པའི་བཟའ་བ་དང་། བཅའ་བ་འཚལ་ན་ཅིར་འགྱུར། ཉེས་བྱས་སོ།། །།མདོར་ན། སྐད་དང་ལུས་དང་དབེན་དེ་བཞིན། །ཟས་དང་མི་རུང་བ་དག་དང་། །མཚན་དང་བཞི་པ་དེ་བཞིན་ཏེ། ། [179a] [179a.1]དགེ་འདུན་དབྱེན་དང་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་གིས་འཚལ་མ་འཚལ་ལགས་ཏེ་སྤངས་པར་འཚལ་བཞིན་དུ་ལྷག་མར་མ་ [179a.2]བགྱིས་པའི་ཟས་དུས་ཀྱིས་སྟོབས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་ལྷག་མར་མ་བགྱིས་པའི་བཅའ་བ་དང་བཟའ་བ་བསྟབས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་ [179a.3]འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་བསྟབས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་བསྟབས་པ་དང་། དགེ་སློང་དེས་ཀྱང་ [179a.4]མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་བསྟབས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་དགེ་ [179a.5]སློང་ལ་ལྷག་མར་མ་བགྱིས་པའི་བཅའ་བ་དང་། བཟའ་བ་བསྟབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མི་དབེན་པ་ལ་དབེན་པར་འདུ་ཤེས་ཏེ་ལྷག་མར་མ་བགྱིས་པའི་བཅའ་དང་བཟའ་བའི་རྣམས་བསྟབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [179a.6]གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་དུས་ཀྱིས་སྟོབས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ཟས་འཚལ་ལགས་པར་འཚལ་བཞིན་དུ་མི་རུང་བ་གཞག་ [179a.7]པའི་བཅའ་བ་དང་བཟའ་བ་རྣམས་དུས་ཀྱིས་བསྟབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཟས་འཚལ་ལགས་པར་འཚལ་བཞིན་དུ་ལྷག་མར་མ་བགྱིས་པའི་བཅའ་བ་དང་། བཟའ་བ་རྣམས་དུས་ཀྱིས་སྟོབས་པ་ན་མཚན་འཕོས་ཏེ་དགེ་སློང་ [179b] [179b.1]མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མ་ཞིག་ཟས་འཚལ་ལགས་པར་འཚལ་བཞིན་དུ་ལྷག་མར་མ་བགྱིས་པའི་བཅའ་བ་དང་། བཟའ་བ་རྣམས་དུས་ཀྱིས་སྟོབས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་ [179b.2]བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་དུས་ཀྱིས་བསྟབས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྟབས་ན་ཅིར་འགྱུར། ཉེས་བྱས་སོ། །བསྙེན་པར་མ་ [179b.3]རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྟབས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྟབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ཞིག་ཟས་འཚལ་ལགས་པར་འཚལ་ [179b.4]བཞིན་དུ་སྤངས་པ་ལས་སྤངས་པར་འདུ་ཤེས་ཏེ་ཤིན་ཏུ་བསྟབས་ན་ཅིར་འགྱུར། ལྟུང་བའོ། །སྤངས་པ་ལ་མ་སྤངས་པར་འདུ་ཤེས་ཏེ་བསྟབས་ན་ཅིར་འགྱུར། ཉེས་པ་མེད་དོ། །མ་སྤངས་པ་ལ་སྤངས་པར་འདུ་ཤེས་ན་ཅིར་འགྱུར། ཉེས་བྱས་སོ། །མ་སྤངས་པ་ལ་མ་སྤངས་ [179b.5]པར་འདུ་ཤེས་ཏེ་བསྟབས་ན་ཉེས་པ་མེད་དོ། །བཙུན་པ་དགེ་སློང་གིས་ཟ་མ་དང་། མ་ནིང་ཟས་འཚལ་ལགས་ཏེ་སྤངས་པ་ལ་བཅའ་བ་དང་། བཟའ་བ་ཤིན་ཏུ་བསྟབས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་བསད་པ་དང་། [179b.6]དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་རྣམས་ལ་དུས་ཀྱིས་བསྟབས་ན་ཐམས་ [179b.7]ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་ཟས་འཚལ་ཏེ་སྤངས་པ་ལ་དུས་ཀྱིས་བསྟབས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་ [180a] [180a.1]སློང་མ་དང་། དགེ་སློབ་མ་དང་། དགེ་ཚུལ་ཕ་རྣམས་ཟས་འཚལ་ལགས་ཏེ་སྤངས་པར་འཚལ་བཞིན་དུ་དུས་ཀྱིས་བསྟབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་ལྷག་ [180a.2]མར་མ་བགྱིས་པས་ཤིན་ཏུ་བསྟབས་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལའང་ཉེས་བྱས་ཏེ་གཅིག་ལ་གཅིག་རྒྱས་པར་སྦྱར་བར་བྱའོ། །བཙུན་པ་བསླབ་པ་སྩལ་བས་དགེ་སློང་ཞིག་ཟས་འཚལ་ལགས་ཏེ་སྤངས་པ་ལ་ལྷག་ [180a.3]མར་མ་བགྱིས་པའི་བཟའ་བ་དང་། བཅའ་བ་དུས་ཀྱིས་བསྟབས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཟས་འཚལ་ཏེ་སྤངས་པར་འཚལ་བཞིན་དུ་བཟའ་བ་དང་། བཅའ་བ་རྣམ་པ་ལྔ་དུས་ཀྱིས་བསྟབས་ན་ཅིར་འགྱུར། ལྟུང་བའོ། །དགེ་སློབ་མ་དང་། [180a.4]དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ [180a.5]ཞུགས་འགྲོ་བ་ཐ་མའོ། །བཙུན་པ་དགེ་སློང་གིས་དགེ་སློང་ཞིག་ཟས་འཚལ་ཏེ་སྤངས་པར་འཚལ་བཞིན་དུ་ལྷག་མར་མ་བགྱིས་པའི་བཅའ་བ་དང་། བཟའ་བ་རྣམས་ཕྲིན་པ་ལས་དུས་ཀྱིས་བསྟབས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་ [180a.6]དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་མནར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་ [180a.7]དང་། འགྲོ་བ་གཞན་དུ་གནས་པའི་དགེ་སློང་ལ་ལྷག་མར་མ་བྱས་པའི་བཅའ་བ་དང་། བཟའ་བ་དུས་ཀྱིས་བསྟབས་ན་ཐམས་ཅད་དུ་ཉེས་བྱས་སུ་འགྱུར་རོ།། །།མདོར་ན། སྔགས་དང་ནམ་མཁའ་མཚམས་རྣམས་དང་། །མི་རུང་དུས་དང་བཟའ་བ་དང་། །དེ་ [180b] [180b.1]ཉིད་དང་ནི་གཞན་དུ་དང་། །མང་པོ་མཚན་དང་བཞི་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གང་དུས་ལ་བབ་པ་མ་གཏོགས་པར་མང་པོ་འདུས་ཤིང་ཟ་ན་ལྟུང་བར་འགྱུར་རོ་ཞེས་གསུངས་ན། [180b.2]བཙུན་པ་དགེ་སློང་གིས་སྔགས་དང་སྨན་གྱིས་བདག་མི་སྣང་བར་བགྱིས་ཏེ་མང་པོ་འདུས་པར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མཁའ་ལ་མཆིས་ཏེ་ཟས་དོག་ས་ལ་མཆིས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ [180b.3]དོག་ས་ལ་མཆིས་ཏེ་ཟས་ནམ་མཁའ་ལ་མཆིས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མཚམས་ཀྱི་སླད་རོལ་ན་མཆིས་ཏེ་ཟས་མཚམས་ཀྱི་ནང་ན་མཆིས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མཚམས་ཀྱི་ནང་ན་མཆིས་ཏེ་ [180b.4]ཟས་མཚམས་ཀྱི་སླད་རོལ་ན་མཆིས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཟས་མི་རུང་བ་མང་པོ་འདུས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མང་པོ་འདུས་ཏེ་ཟས་འཚལ་ཀྱང་ནོངས་པར་མི་འགྱུར་བ་མཆིས་ [180b.5]སམ། ཨུ་པཱ་ལི་ཡོད་དེ། དུས་དྲུག་ལས་གང་ཡང་རུང་བའི་དུས་ཤིག་བྱུང་བར་གྱུར་པའོ། །བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཏུང་བ་དང་། བཞིབ་པ་དང་། བལྡག་པའི་རྣམས་མང་པོ་འདུས་ཏེ་འཚལ་ན་ཅིར་འགྱུར། ཉེས་ [180b.6]བྱས་སོ། །བཙུན་པ་དགེ་སློང་གིས་མཚམས་ཀྱི་སླད་རོལ་ནས་གཞན་ཞིག་གིས་ཟས་བླངས་ཏེ་མཚམས་ཀྱི་ནང་དུ་མཆིས་ནས་མང་པོ་འདུས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མཚམས་ཀྱི་ནང་ནས་ཟས་ཤིག་བླངས་ཏེ་གཞན་དུ་མཆིས་ནས་མང་པོ་འདུས་ [180b.7]ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་མཚམས་གཅིག་ནས་གཅིག་པའི་དགེ་སློང་མང་པོ་ཞིག་སོ་སོར་འདུས་ཏེ་འཚལ་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་སྟེ་གནས་གསུམ་གསུམ་འདུས་ཏེ་ཟོས་ཀྱི་བཞིར་མ་ཚང་བའོ། །བཙུན་པ་ [181a] [181a.1]དགེ་སློང་གིས་མང་པོ་འདུས་ཏེ་ཟས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་མང་དུ་འདུས་ཏེ་ཟས་འཚལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ [181a.2]མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ཏེ་མང་པོ་འདུས་ཤིང་ཟས་འཚལ་ན་ཅིར་འགྱུར། ལྟུང་བའོ། །མཚམས་ཀྱི་ནང་ལ་མཚམས་ཀྱི་ཕྱི་རོལ་དུ་འདུ་ཤེས་ཏེ་ཟོས་ན་ཉེས་པ་མེད་དོ། །མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་ཏེ་ཟོས་ན་ཉེས་བྱས་སོ། །མཚམས་ [181a.3]ཀྱི་ཕྱི་རོལ་ལ་མཚམས་ཀྱི་ཕྱི་རོལ་དུ་འདུ་ཤེས་ཏེ་ཟོས་ན་ཉེས་པ་མེད་དོ།། །།མདོར་ན། སྨྱོན་པར་གྱུར་དང་སེམས་འཁྲུགས་དང་། །ནད་པ་འོན་པ་གླེན་པ་དང་། །མ་ནིང་འགྲོ་ཡང་དེ་བཞིན་ཏེ། །མང་པོ་འདུས་སྨད་དགེ་སློང་མའོ། །བཙུན་པ་དགེ་སློང་གིས་སྨྱོན་པས་ [181a.4]མང་པོའི་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ནས་ཟས་འཚལ་ན་ཅིར་འགྱུར། ཉེས་བྱས་སོ། །སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གླེན་པ་ཡང་དེ་བཞིན་ནོ། །བཙུན་པ་དགེ་སློང་གིས་ཟ་མ་དང་། མ་ནིང་གིས་མང་ [181a.5]པོའི་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ཤིང་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་ [181a.6]སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ཀྱིས་མང་པོའི་གྲངས་སུ་བསྐངས་ཏེ་མཚམས་ཀྱི་ནང་དུ་ལྷན་ཅིག་ཏུ་མང་པོ་འདུས་ཤིང་འཚལ་ན་ཅིར་ [181a.7]འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་མང་པོར་གྲངས་སུ་བསྐངས་ཏེ་ལྷན་ཅིག་མང་པོ་འདུས་ཤིང་འཚལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་ [181b] [181b.1]དགེ་སློང་གིས་འགྲོ་བ་གཞན་དུ་གནས་པའི་དགེ་སློང་གིས་མང་པོར་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ཤིང་ཟས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ [181b.2]ཕ་རྣམས་ཀྱིས་མང་པོའི་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ཤིང་ཟས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མང་པོ་འདུས་ཏེ་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ཡང་འདི་ལྟར་ [181b.3]གནས་དེ་ཉིད་དུ་ཟས་ནར་མར་གྱུར་ཏམ། ཟས་ཕན་ཚུན་དུ་བསྐུར་བར་གྱུར་པའོ། །བཙུན་པ་དགེ་སློང་གིས་དབེན་པ་ལ་མང་པོར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་མང་པོ་འདུས་ཤིང་ཟས་འཚལ་ན་ཅིར་འགྱུར། ལྟུང་བའོ། །བཙུན་ [181b.4]པ་དགེ་སློང་མས་མང་པོ་འདུས་ཤིང་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་མང་པོ་འདུས་ཤིང་འཚལ་ན་ཅིར་འགྱུར། ཉེས་བྱས་སོ།། །།མདོར་ན། ལྷ་ཟས་བཞི་པ་དེ་བཞིན་ཏེ། །གླིང་དང་ལྷ་དང་ [181b.5]མཚན་རྣམས་དང་། །ཁ་ཟས་མ་ཡིན་ཉེས་པ་དང་། །ངན་པ་དག་དང་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དུས་མ་ལགས་པར་བཅའ་བ་དང་བཟའ་བའི་རྣམས་འཆོས་ [181b.6]སམ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དུས་མ་ལགས་པར་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཟས་ཟོས་པའོ། །བཙུན་པ་ལྷའི་ཟས་ཀྱི་རང་བཞིན་ཇི་ལྟ་བུ། ཨུ་པཱ་ལི་མར་གྱི་རང་བཞིན་ལྟ་བུའོ། ། [181b.7]བཙུན་པ་དགེ་སློང་གིས་དུས་མ་ལགས་པ་ལ་དུས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། །དུས་མ་ལགས་པ་ལ་དུས་སུ་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །དུས་ལ་དུས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར་ཉེས་བྱས་སོ། [182a] [182a.1]དུས་ལ་དུས་སུ་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །ཟས་ལ་ཟས་སུ་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། །ཟས་ལ་ཟས་མ་ལགས་པར་འདུ་ཤེས་ཏེ་ཟོས་ན་ཉེས་པ་མེད་དོ། །ཟས་མ་ལགས་པ་ལ་ཟས་སུ་འདུ་ཤེས་ཏེ་འཚལ་ན་ཅིར་འགྱུར། [182a.2]ཉེས་བྱས་སོ། །ཟས་མ་ལགས་པ་ལ་ཟས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་དུས་མ་ལགས་པར་བཅའ་བ་དང་། བཟའ་བའི་རྣམས་འཆོས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གླིང་གསུམ་ [182a.3]དང་། ལྷའི་གནས་སུ་ཡང་འཛམ་བུའི་གླིང་གི་དུས་སུ་ཟོས་པའོ། །བཙུན་པ་དགེ་སློང་གིས་དུས་མ་ལགས་པར་བཅའ་བ་དང་བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དུས་མ་ལགས་པར་བཅའ་བ་ [182a.4]དང་བཟའ་བ་རྣམས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དུས་མ་ལགས་པར་བཅའ་བ་དང་། བཟའ་བའི་རྣམས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟས་དང་བཅས་པའི་བཅའ་བ་དང་ [182a.5]བཟའ་བའི་རྣམས་མ་གཏོགས་པར་གང་དེ་ལས་གཞན་པའི་བཟའ་བ་རྣམས་སྨན་དུ་བྱ་བའི་ཕྱིར་གྱི་ཟས་ཀྱི་ཕྱིར་མ་ཡིན་པའོ། །བཙུན་པ་དགེ་སློང་གིས་སྐད་ཅིག་སྤྱད་པས་ལྟུང་བས་ལྟུང་བ་བཞིར་འགྱུར་བ་མཆིས་སམ། ཨུ་པཱ་ལི་ཡོད་དེ། མ་བྱིན་པ། མི་རུང་བ། བཞག་པར་ [182a.6]གྱུར་པ། དུས་མ་ཡིན་པར་ཟ་བའོ། །བཙུན་པ་བཅོམ་ལྡན་འདས་ཀྱིས་ནད་པ་ལ་ཟས་ངན་པ་སྩོལ་ཅིག་ཅེས་གསུངས་པ་དེ་ནི་ཇི་ལྟ་བུ་ཐལ་བ་དང་། ས་དང་། ཚན་བུ་དང་། གཅིན་ནོ། །བཙུན་པ་འདི་ཐམས་ཅད་ཅི་དུས་མ་ལགས་པར་རུང་ངམ། ཚན་བུ་མ་གཏོགས་པར་ [182a.7]གཞན་ཐམས་ཅད་ནི་དུས་མ་ཡིན་པར་རུང་ངོ་། །བཙུན་པ་བསླབ་པ་སྩལ་བས་དུས་མ་ལགས་པར་བཅའ་བ་དང་བཟའ་བའི་རྣམས་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དུས་མ་ལགས་པར་བཅའ་བ་དང་། བཟའ་བའི་རྣམས་འཚལ་ན་ཅིར་འགྱུར། ལྟུང་ [182b] [182b.1]བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བཅའ་བ་དང་། བཟའ་བའི་རྣམས་འཚལ་ན་ཅིར་འགྱུར། ཉེས་བྱས་སོ།། །།མདོར་ན། སྨྱོན་པར་གྱུར་དང་སེམས་འཁྲུགས་དང་། །ན་བ་མ་ནིང་འགྲོ་བ་དང་། །མཚན་དང་བཞི་པ་བཟའ་བ་ [182b.2]དང་། །ལྷ་ཟས་གླིང་དང་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་བཞག་པའི་བཅའ་བ་དང་བཟའ་བ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་ [182b.3]གིས་སྨྱོན་པས་བགྱིས་པའི་བཅའ་བ་དང་བཟའ་བ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་ [182b.4]བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། དེ་བཞིན་དུ་འགྲོ་བ་གཞན་དུ་གནས་པའི་དགེ་སློང་རྣམས་ཀྱིས་བཞག་ [182b.5]པར་བྱས་པ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་བཞག་པར་བགྱིས་པ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བཞག་པའི་བཅའ་བ་ [182b.6]དང་བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བཞག་པའི་བཅའ་བ་དང་། བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བཞག་ [182b.7]པ་ལ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། །བཞག་པ་ལ་མ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །མ་བཞག་པ་ལ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །མ་བཞག་པ་ལ་མ་བཞག་པར་ [183a] [183a.1]འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་བཅའ་བ་དང་། བཟའ་བ་མ་གཏོགས་པར་དེ་ལས་གཞན་པའི་སྨན་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་དང་། ཐལ་བ་དང་། ལན་ཚྭ་དང་། རྒྱ་སྐྱེགས་དང་། [183a.2]བསྔལ་བ་ལ་སོགས་པ་བཞག་པར་གྱུར་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཟས་ངན་པ་བཞག་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བཞག་པའི་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། [183a.3]ལྷའི་ཟས་ཟོས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཤར་གྱི་ལུས་འཕགས་གླིང་དང་། ནུབ་ཀྱི་བ་ལང་སྤྱོད་དང་། བྱང་གི་སྒྲ་མི་སྙན་གྱི་གླིང་རྣམས་ཀྱི་བཞག་པ་འཚལ་ན་ཅིར་འགྱུར། ཨུ་པཱ་ལི་གལ་ཏེ་འཛམ་བུའི་གླིང་གི་དུས་སུ་དུས་ལས་འདས་པ་བཞག་པ་ [183a.4]ཀུན་དུ་སྤྱད་དེ་ཟོས་ན་ལྟུང་བར་འགྱུར་རོ། །འོན་ཏེ་དེ་དག་གི་དུས་སུ་དུས་ལས་འདས་ཏེ་ཟོས་ན་ཉེས་པ་མེད་དོ། །བཙུན་པ་དགེ་སློང་གིས་དགེ་སློང་མས་བཞག་པ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་མས་དགེ་སློང་གིས་བཞག་པ་འཚལ་ན་ཅིར་འགྱུར། ཉེས་ [183a.5]པ་མེད་དོ། །དགེ་སློང་དང་། དགེ་སློང་མས་བཞག་པ་དགེ་སློབ་མས་ཟོས་ན་ཉེས་པ་མེད་དོ། །བཙུན་པ་བསླབ་པ་སྩལ་བས་བཞག་པའི་བཅའ་བ་དང་བཟའ་བ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བཞག་པ་འཚལ་ན་ཅིར་འགྱུར། ལྟུང་བའོ། །བཙུན་པ་ [183a.6]དགེ་སློབ་མས་བཞག་པ་འཚལ་ན་ཅིར་འགྱུར། ཉེས་བྱས་སོ། །དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་བཞག་པ་ཟོས་ན་ཉེས་པ་མེད་དོ།། །།འདུལ་བ་གཞུང་དམ་པ། བམ་པོ་བཅུ་པ། མདོར་ན། སྨྱོན་པ་བྱིན་ལེན་བཅའ་བ་དང་། །མྱོས་པ་གཉིས་ [183a.7]དང་དོན་མེད་དང་། །མཚན་དང་བཞི་པ་གླིང་རྣམས་དང་། །སྤྲུལ་པ་མི་སྣང་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མ་སྩལ་བར་ཁར་བཅའ་བ་མིད་ན་ཆབ་དང་སོ་ཤིང་མ་གཏོགས་ [183b] [183b.1]ཏེ་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་ལས་བྱིན་ལེན་བགྱིས་ན་བྱིན་ལེན་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་གཏོང་བའི་འདུ་ཤེས་དང་ལྡན་ན་བྱིན་ལེན་བྱས་པ་ཞེས་བྱའོ། །གལ་ཏེ་གཏོང་བའི་འདུ་ཤེས་དང་མི་ལྡན་ན་བྱིན་ལེན་མ་བྱས་པ་ཞེས་བྱའོ། ། [183b.2]སེམས་འཁྲུགས་པ་དང་། ནད་ཀྱིས་གཟིར་བ་དང་། ར་རོ་བ་དང་། མྱོས་པ་ཡང་དེ་བཞིན་དུ་བརྗོད་པར་བྱའོ། །བཙུན་པ་དགེ་སློང་གིས་བཅའ་བ་དང་བཟའ་བ་བྱིན་ལེན་མ་བགྱིས་པར་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྨོད་པའི་སྐྱེ་བོ་མང་ [183b.3]པོ་རྣམས་ཀྱིས་བསམ་པ་ཡོངས་སུ་བཏང་ནས་བོར་བ་རུང་བར་བྱས་པ་ཟོས་པའོ། །བཙུན་པ་དགེ་སློང་གིས་བྱིན་ལེན་བགྱིས་པའི་བཅའ་བ་དང་བཟའ་བའི་རྣམས་འཚལ་ན་ནོངས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། གཞན་དུ་འདུ་ཤེས་ཏེ་བྱིན་ལེན་བྱས་ནས་ཟོས་པའོ། ། [183b.4]བཙུན་པ་དགེ་སློང་གིས་བཅའ་བ་དང་བཟའ་བ་མ་གཏོགས་པར་དེ་ལས་གཞན་པའི་སྨན་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་དང་། ཐལ་བ་དང་། ལན་ཚྭ་དང་། སྦྲང་རྩི་དང་། བསྔལ་བ་ལ་སོགས་པ་བྱིན་ལེན་མ་བགྱིས་པར་འཚལ་ན་ཅིར་འགྱུར། [183b.5]ལྟུང་བའོ། །བཙུན་པ་དགེ་སློང་གིས་ཟས་ངན་པ་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་དུ་མྱོས་པ་ཞིག་གིས་བཅའ་བ་དང་། བཟའ་བ་བླུགས་ན་བྱིན་ལེན་བྱས་པ་ཞེས་བགྱིའམ། ཨུ་པཱ་ལི་མི་རུང་གིས་བྱིན་ལེན་ཕྱིས་ [183b.6]གྱིས་ཤིག །བཙུན་པ་དགེ་སློང་གཉིས་སམ་མང་ཡང་རུང་སྟེ་སྦྱོར་བ་གཅིག་གིས་བྱིན་ལེན་བགྱིད་དུ་སྩལ་ན་བྱིན་ལེན་བགྱིས་པ་ཞེས་བགྱིའམ། ཨུ་པཱ་ལི་བྱིན་ལེན་བྱས་པ་ཞེས་བྱའོ། །བཙུན་པ་དགེ་སློང་གིས་འདོད་པར་མ་བསམས་པར་བྱིན་ལེན་བགྱིས་ན་བྱིན་ལེན་བགྱིས་པ་ཞེས་ [183b.7]བགྱིའམ། ཨུ་པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། དགེ་སློང་མི་འདོད་པ་ལ་བྱིན་ལེན་མེད་ཀྱིས་ཕྱིས་ཀྱང་བྱིན་ལེན་བྱོས་ཤིག །བཙུན་པ་དགེ་སློང་གིས་བཟའ་བ་དང་བཅའ་བ་བྱིན་ལེན་མ་བགྱིས་པར་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་ [184a] [184a.1]དགེ་སློང་མས་བཟའ་བ་དང་བཅའ་བ་བྱིན་ལེན་མ་བགྱིས་པར་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བཟའ་བ་དང་བཅའ་བ་བྱིན་ལེན་མ་བགྱིས་པ་ལ་བྱིན་ལེན་མ་བགྱིས་པར་འདུ་ཤེས་ཏེ་འཚལ་ན་ཅིར་འགྱུར། [184a.2]ལྟུང་བའོ། །བྱིན་ལེན་མ་བགྱིས་པ་ལ་བྱིན་ལེན་བགྱིས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །བྱིན་ལེན་བགྱིས་པ་ལ་བྱིན་ལེན་མ་བགྱིས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །བྱིན་ལེན་བགྱིས་པ་ལ་བྱིན་ལེན་བགྱིས་པར་འདུ་ཤེས་ཏེ་འཚལ་ན་ཅིར་ [184a.3]འགྱུར། ཉེས་པ་མེད་དོ། །བཙུན་པ་བྱང་གི་སྒྲ་མི་སྙན་གྱི་གླིང་དུ་བྱིན་ལེན་མ་བགྱིས་པར་འཚལ་བར་བགྱིའམ། མི་འཚལ་བར་བགྱི། ཨུ་པཱ་ལི་བཟའ་བར་བྱའོ། །བཙུན་པ་དེ་ལས་གཞན་པའི་གླིང་དུ་བྱིན་ལེན་མ་བགྱིས་པར་འཚལ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་ [184a.4]པ་དགེ་སློང་སྤྲུལ་པ་སེམས་ཅན་གྱི་གྲངས་སུ་མི་གཏོགས་པར་རུང་བར་བགྱིད་པས་བྱིན་ལེན་བགྱིས་ན་བྱིན་ལེན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ཏེ། ཕྱིས་བྱིན་ལེན་བྱའོ། །བཙུན་པ་དགེ་སློང་རུང་བར་བགྱིད་པ་མི་གདའ་བཞིན་དུ་བྱིན་ལེན་བགྱིད་དུ་སྩལ་ན་བྱིན་ལེན་བགྱིས་པ་ཞེས་ [184a.5]བགྱིའམ། བྱིན་ལེན་བྱས་པ་ཞེས་བྱ་མོད་ཀྱི་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་འགྲོ་བ་གཞན་དུ་གནས་པ་རྣམས་ལས་བྱིན་ལེན་བྱོས་ཤིག་ཅེས་གསུངས་ན། བཙུན་པ་ཇི་ལྟ་བུའི་འགྲོ་བ་གཞན་དུ་གནས་པ་རྣམས་ལས་བྱིན་ལེན་བགྱི། ཨུ་པཱ་ལི་གང་ལ་ [184a.6]འབུལ་བར་སྣང་ཞིང་ཡོངས་སུ་གཏོང་བའི་འདུ་ཤེས་དང་ཡང་ལྡན་ན་བྱིན་ལེན་བྱས་ལ་བཟའ་བར་བྱའོ། །བཙུན་པ་བསླབ་པ་སྩལ་བས་བྱིན་ལེན་མ་བགྱིས་པར་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བྱིན་ལེན་མ་བགྱིས་པར་འཚལ་ན་ཅིར་འགྱུར། ལྟུང་བའོ། །བཙུན་ [184a.7]པ་དགེ་སློབ་མས་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་ཚུལ་མ་དང་། དགེ་ཚུལ་ཕས་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་པ་མེད་དོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ [184b] [184b.1]ནས་གཅིག །སྨྱོན་པ་སེམས་འཁྲུགས་ནད་པ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བདག་ [184b.2]གི་སླད་དུ་བྲོ་མ་འཚལ་བར་རིགས་གཞན་ལས་བསོད་པའི་ཟས་ཤིག་བླངས་ཏེ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་བསོད་པའི་ཟས་ཕྲིན་གྱིས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ [184b.3]ཟེར་བ་དང་། གཅིག་ནས་གཅིག་ཏུ་བརྒྱུད་ཅིང་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལས་བསོད་པའི་ཟས་ཤིག་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། [184b.4]གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལས་བསོད་པའི་ཟས་ཤིག་བསླངས་ཏེ་ཟོས་ན་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་ [184b.5]དང་དབེན་པ་དང་། །གཞན་གྱི་ཕྱིར་དང་མི་རུང་དང་། །མཚན་དང་བཞི་པ་བསྙེན་པར་དང་། །བསོད་པ་བདུན་ལ་དེ་བཞིན་ཏེ། །ཁྱིམ་པ་དག་ལ་སོགས་པ་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་བསོད་པའི་ [184b.6]ཟས་བླངས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་བསོད་པའི་ཟས་བླངས་པ་དང་། ཁྱིམ་བདག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་ [184b.7]འཁོབ་པས་མཐའ་འཁོབ་པའི་སྐད་དུ་བསོད་པའི་ཟས་བསླངས་པ་དང་། ཁྱིམ་བདག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་བསོད་པའི་ཟས་བསླངས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ [185a] [185a.1]ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་བསོད་པའི་ཟས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་བསོད་པའི་ཟས་བསླངས་ནས་འཚལ་ན་ཅིར་འགྱུར། ཉེས་ [185a.2]བྱས་སོ། །བཙུན་པ་དགེ་སློང་གིས་གཞན་གྱི་སླད་དུ་བསོད་པའི་ཟས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཤ་དང་འོ་མ་མི་རུང་བ་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསོད་པའི་ཟས་བསླངས་ཏེ་འཚལ་བ་ན་མཚན་འཕོས་ [185a.3]ཏེ་དགེ་སློང་མར་གྱུར་ན་ཅིར་འགྱུར། སོ་སོར་བཤགས་པར་བྱའོ། །བཙུན་པ་དགེ་སློང་མས་བསོད་པའི་ཟས་བསླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་མི་ལ་མིར་འདུ་ཤེས་ནས་བསོད་པའི་ཟས་བསླངས་ཏེ་འཚལ་ན་ཅིར་འགྱུར། [185a.4]ལྟུང་བའོ། །མི་ལ་མི་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ནས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བསླངས་ནས་འཚལ་ན་ཅིར་འགྱུར། ཉེས་བྱས་སོ། ། [185a.5]བཙུན་པ་དགེ་སློང་གིས་བསོད་པ་ལ་བསོད་པར་འདུ་ཤེས་ཏེ་བསླངས་ནས་འཚལ་ན་ཅིར་འགྱུར། ལྟུང་བའོ། །བསོད་པ་ལ་མི་བསོད་པར་འདུ་ཤེས་ཏེ་བསླངས་ནས་འཚལ་ན་ཅིར་འགྱུར། ཉེས་བྱས་སོ། །མི་བསོད་པ་ལ་བསོད་པར་འདུ་ཤེས་ནས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། [185a.6]མི་བསོད་པ་ལ་མི་བསོད་པར་འདུ་ཤེས་ཏེ་བསླངས་ནས་འཚལ་ན་ཅིར་འགྱུར། ཉེས་བྱས་སོ། །བཙུན་པ་བྲོ་མ་འཚལ་བ་ན་བསླངས་ལ་བྲོ་མ་འཚལ་བ་ལ་འཚལ་ན་ཅིར་འགྱུར། ལྟུང་བའོ། །བྲོ་མ་འཚལ་བ་ན་བསླངས་ལ་བྲོ་འཚལ་བ་ན་འཚལ་ན་ཅིར་འགྱུར། ཉེས་བྱས་སོ། །བྲོ་འཚལ་ [185a.7]བ་ན་བསླངས་ལ་བྲོ་མ་འཚལ་བར་འཚལ་ན་ཅིར་འགྱུར། ཉེས་བྱས་སོ། །བྲོ་འཚལ་བ་ན་བསླངས་ལ་བྲོ་འཚལ་བ་ན་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་གཉེན་ལས་བསོད་པའི་ཟས་བསླངས་ཏེ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་ [185b] [185b.1]གིས་བསོད་པའི་ཟས་མ་གཏོགས་པར་དེ་ལས་གཞན་པ་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་བསོད་པའི་ཟས་བསླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། [185b.2]ཉེས་བྱས་སོ། །བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་འཚལ་ན་ [185b.3]ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བསླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བསླངས་ལ་བསྙེན་པར་མ་རྫོགས་ [185b.4]པ་ན་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་བསོད་པའི་ཟས་ཤིག་སློང་དུ་སྩལ་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་ [185b.5]པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་དང་། [185b.6]དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལས་བསླངས་ཏེ་འཚལ་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་བསོད་པའི་ཟས་བླངས་ཏེ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བསོད་ [185b.7]པའི་ཟས་བསླངས་ཏེ་འཚལ་ན་ཅིར་འགྱུར། བཤགས་པར་བྱའོ། །བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕས་བསོད་པའི་ཟས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །སྲོག་ཆགས་དང་བཅས་པའི་ཆུ་ལྟུང་བར་བཤད་པའི་ཡང་རྒྱས་པར་བརྗོད་པར་ [186a] [186a.1]བྱའོ།། །།མདོར་ན། དབེན་པ་དང་ནི་ནམ་མཁའ་སྔགས། །མཚན་དང་བཞི་པ་མ་ནིང་དང་། །མ་ནིང་མོ་དང་གཡོགས་པ་དང་། །གཞོན་ནུ་མ་དང་དགེ་སྦྱོང་ངོ་། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ [186a.2]ལྡན་འདས་ཀྱིས་ཡང་དགེ་སློང་གང་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དབེན་པ་ལ་དབེན་པར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་ [186a.3]འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནམ་མཁའ་ལ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་སྔགས་སམ། སྨན་གྱིས་བདག་མི་སྣང་བར་ [186a.4]བསྒྱུར་ཏེ་མཆིས་པར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ [186a.5]ནན་གྱིས་མཆིས་པར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་གྲོང་དུ་མི་ལ་མིར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་ [186a.6]སོ། །མི་མ་ལགས་པ་ལ་མིར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྨེན་ངན་ལ་སྨེན་ངན་དུ་འདུ་ཤེས་ན་ཅིར་འགྱུར། ལྟུང་ [186a.7]བའོ། །སྨེན་ངན་ལ་སྨེན་ངན་མ་ལགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། །སྨེན་ངན་མ་ལགས་པ་ལ་སྨེན་ངན་དུ་འདུ་ཤེས་ན་ཅིར་འགྱུར། ཉེས་བྱས་སོ། །སྨེན་ངན་མ་ལགས་པ་ལ་སྨེན་ངན་མ་ལགས་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་འཚལ་བཞིན་དུ་མ་ནིང་ [186b] [186b.1]གི་གྲོང་སྨེན་ངན་དང་བཅས་པར་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མ་ནིང་དང་ལྷན་ཅིག་ཏུ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྨེན་ངན་དང་བཅས་པའི་གྲོང་དུ་སྐྱབས་མཆིས་པར་ནན་གྱིས་མཆིས་ [186b.2]པར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་དག་གིས་གཞོན་ནུ་བག་མར་མཆིས་ལགས་པའི་དྲུང་དུ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ཐོས་པ་ཙམ་གྱི་ཉེ་འཁོར་དུ་སྤགས་ཏེ་ནན་གྱིས་ [186b.3]མཆིས་པར་བགྱིད་ན་ཅིར་འགྱུར། ཉེས་བྱས་སོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །བཙུན་པ་དགེ་སློང་གིས་སྨྱོན་པའི་གྲོང་དུ་ནན་གྱིས་མཆིས་པར་བགྱིད་ན་ཅིར་འགྱུར། [186b.4]ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་དང་ལྷན་ཅིག་ཏུ་ནན་གྱིས་འདུག་ན་ [186b.5]ཐམས་ཅད་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་ན་ཅིར་ [186b.6]འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་འདུག་པར་བགྱིད་པའི་ལེའུ་བཞིན་སྨེན་ངན་དང་བཅས་པར་གབ་སྟེ་འདུག་པ་ཡང་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ [186b.7]ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་ [187a] [187a.1]གང་གཅེར་བུ་པའམ། གཅེར་བུ་མའམ། ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་སྟེ། རང་གི་སུག་པ་ནས་བཅའ་བ་དང་བཟའ་བ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་གཅེར་བུ་པའམ། གཅེར་བུ་མའམ། [187a.2]ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་གང་ཡང་རུང་སྟེ། རང་གི་ལག་གིས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བྱིན་ན་ཐམས་ཅད་ཉེས་བྱས་སུ་འགྱུར་རོ། །བཙུན་ [187a.3]པ་དགེ་སློང་གིས་གཅེར་བུ་པ་ཡང་རུང་གཅེར་བུ་མ་ཡང་རུང་ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་བའི་སྨྱོན་པ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། [187a.4]ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་གཅེར་བུ་པ་དང་། གཅེར་བུ་མ་དང་། ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་བ་ལ་བཅའ་བ་དང་བཟའ་བ་བྱིན་ན་ཐམས་ [187a.5]ཅད་ཉེས་བྱས་སུ་འགྱུར་རོ།། །།མདོར་ན། མི་རུང་ཟས་དང་གཅེར་བུ་པ། །སྣོད་དང་མཚན་དང་བདུན་པ་དང་། །བཞི་པ་དག་དང་སྔགས་རྣམས་དང་། །གཞན་གྱིས་གཞན་གྱི་མ་ནིང་ངོ་། །བཙུན་པ་དགེ་སློང་གིས་གཅེར་བུ་པའམ་ཀུན་ཏུ་རྒྱུ་བ་པོ་ཡང་རུང་སྟེ་བཅའ་བ་དང་བཟའ་བ་ [187a.6]སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བཟའ་བ་མ་གཏོགས་པར་དེ་ལས་གཞན་པའི་བཟའ་བ་དང་བཏུང་བ་དང་། བཞིབ་པ་དང་། བལྡག་པ་ལ་སོགས་པ་ལ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་མ་ [187a.7]གཏོགས་པར་དེ་ལས་གཞན་པ་དགེ་སྦྱོང་དང་བྲམ་ཟེ་རྣམས་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ཡང་རུང་དེ་ལ་བཅའ་བ་དང་བཟའ་བ་སྩལ་ཀྱང་ནོངས་པར་མི་འགྱུར་བ་མཆིས་སམ། [187b] [187b.1]ཨུ་པཱ་ལི་ཡོད་དེ། སྣོད་ས་ལ་བཞག་ནས་བླུགས་ཏེ་བྱིན་པ་དང་། སྡིག་པར་ལྟ་བ་དེ་ལས་འབྲལ་བར་འདོད་པ་དང་གཉེན་ལ་བྱིན་པའོ། །བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩོལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། [187b.2]ལྟུང་བའོ། །བཙུན་པ་དགེ་སློང་མས་གཅེར་བུ་པའམ། ཀུན་ཏུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩོལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་བསྙེན་པར་མ་རྫོགས་པ་ན་གཅེར་བུ་པའམ་ཀུན་ཏུ་རྒྱུ་བ་ལ་བཅའ་བ་དང་བཟའ་བ་རང་གི་སུག་པ་ [187b.3]ནས་བསྔོས་ལ་བསྙེན་པར་མ་རྫོགས་པ་ན་སྩལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསྔོས་ལ་བསྙེན་པར་རྫོགས་ཀར་སྩལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསྔོས་ལ་བསྙེན་པར་རྫོགས་ཏེ་སྩལ་ན་ཅིར་འགྱུར། ཉེས་བྱས་སོ། །བསྙེན་ [187b.4]པར་རྫོགས་ཀར་བསྔོས་ལ་བསྙེན་པར་རྫོགས་ཀར་སྩལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསྔོས་ལ་བསྙེན་པར་རྫོགས་ཏེ་སྩལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པས་བསྔོས་ལ་བསྙེན་པར་རྫོགས་ནས་སྩལ་ན་ཅིར་འགྱུར། ལྟུང་བའོ། །བསྙེན་པར་ [187b.5]རྫོགས་པ་ན་བསྔོས་ལ་བསྙེན་པར་མ་རྫོགས་པ་ན་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་གཅེར་བུ་པའམ་ཀུན་དུ་རྒྱུ་བ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །མི་ [187b.6]མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་གཅེར་བུ་པའམ། ཀུན་ཏུ་རྒྱུ་བ་ལ་བཅའ་བ་དང་བཟའ་བ་སྩལ་ན་ཅིར་འགྱུར། [187b.7]ཉེས་བྱས་སོ། །བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ལ་བཅའ་བ་དང་བཟའ་བ་གཞན་ལས་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ལ་བཅའ་བ་དང་བཟའ་བ་གཞན་གྱི་སླད་དུ་སྩལ་ན་ཅིར་འགྱུར། ཉེས་བྱས་སོ། ། [188a] [188a.1]བཙུན་པ་དགེ་སློང་གིས་གཅེར་བུ་པའམ་ཀུན་ཏུ་རྒྱུ་བ་མ་ནིང་ལ་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཅེར་བུ་པའམ། ཀུན་དུ་རྒྱུ་བ་མོ་ཡང་རུང་མ་ནིང་མོ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། ། [188a.2]བཙུན་པ་བསླབ་པ་སྩལ་བས་གཅེར་བུ་པའམ་ཀུན་དུ་རྒྱུ་བ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་གཅེར་བུ་པའམ་ཀུན་དུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མ་དང་། དགེ་ཚུལ་མ་དང་། [188a.3]དགེ་ཚུལ་ཕ་རྣམས་ཀྱིས་གཅེར་བུ་པའམ་ཀུན་དུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་པ་འགྲོ་བ་མཚན་རྣམས་དང་། །ལྟ་བ་རྒྱལ་པོ་བདུན་པ་དང་། །བཞི་པ་དག་དང་མ་ནིང་ངོ་། ། [188a.4]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཡུལ་ཤོམ་པ་ལ་ལྟར་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་གཡུལ་ཤོམ་པ་ལ་ལྟར་མཆི་ན་ཅིར་འགྱུར། ཉེས་བྱས་སོ། །དེ་བཞིན་ [188a.5]དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་གཡུལ་ཤོམ་པ་ལྟར་མཆི་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འགྲོ་བ་གཞན་དུ་གནས་པའི་གཡུལ་ཤོམ་པ་ལྟར་མཆི་ན་ཅིར་འགྱུར། ཉེས་བྱས་སོ། །བཙུན་ [188a.6]པ་དགེ་སློང་གིས་གཡུལ་ཤོམ་པ་ལ་ལྟར་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་གཡུལ་ཤོམ་པ་ལ་ལྟར་མཆི་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་གཡུལ་ཤོམ་པ་ལ་ལྟ་བའི་ཚེ་ [188a.7]འཁོར་ཙམ་དུ་བསྐྱེད་དེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཡུལ་ཤོམ་པ་ལ་ལྟར་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་རྒྱལ་པོའི་ཕོ་ཉས་བཀུག་པའོ། །བཙུན་པ་བསྙེན་པར་མ་རྫོགས་པ་ན་ལུས་ [188b] [188b.1]ཀྱིས་མཆིས་ལ་བསྙེན་པར་མ་རྫོགས་པ་ན་བལྟས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་མཆིས་ལ་བསྙེན་པར་རྫོགས་ཀར་བལྟས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་མཆིས་ལ་བསྙེན་པར་རྫོགས་ནས་བལྟས་ན་ཅིར་འགྱུར། ཉེས་བྱས་སོ། ། [188b.2]བསྙེན་པར་རྫོགས་ཀར་མཆིས་ལ་བསྙེན་པར་རྫོགས་ཀར་བལྟས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་མཆིས་ལ་བསྙེན་པར་རྫོགས་ནས་བལྟས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་མཆིས་ལ་བསྙེན་པར་རྫོགས་པ་ན་བལྟས་ན་ཅིར་འགྱུར། ལྟུང་ [188b.3]བའོ། །བསྙེན་པར་རྫོགས་པ་ན་མཆིས་ལ་བསྙེན་པར་མ་རྫོགས་པ་ན་བལྟས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མིའི་གཡུལ་ལ་མིའི་གཡུལ་དུ་འདུ་ཤེས་ཏེ་ལྟར་མཆི་ན་ཅིར་འགྱུར། ལྟུང་བའོ། །མིའི་གཡུལ་ལ་མི་མ་ལགས་པའི་གཡུལ་དུ་འདུ་ཤེས་ [188b.4]ན་ཅིར་འགྱུར། ཉེས་བྱས་སོ། །མི་མ་ལགས་པའི་གཡུལ་ལ་མིའི་གཡུལ་དུ་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པའི་གཡུལ་ལ་མི་མ་ལགས་པའི་གཡུལ་དུ་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མ་ནིང་གི་གཡུལ་ཤོམ་ [188b.5]པ་ལ་ལྟར་མཆིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་གཡུལ་ཤོམ་པ་ལ་ལྟར་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་གཡུལ་ཤོམ་པ་ལ་ལྟར་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མ་དང་། དགེ་ཚུལ་མ་དང་། [188b.6]དགེ་ཚུལ་ཕ་རྣམས་གཡུལ་ཤོམ་པ་ལ་ལྟར་མཆི་ན་ཅིར་འགྱུར། ཉེས་བྱས་སོ། །བསླབ་པའི་གནས་ཀྱི་ལེའུ་འདི་བཞིན་དུ་གཡུལ་ཤོམ་པར་ལྟ་ན་ཞག་གཉིས་ལས་མི་འདའ་བ་ཡང་རྒྱས་པར་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་ [188b.7]དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ [189a] [189a.1]ཀྱིས་ཡང་དགེ་སློང་གང་གིས་དགེ་སློང་ལ་བརྡེགས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ཞིག་ཕྲིན་གྱིས་རྡེག་ཏུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། [189a.2]གཅིག་ནས་གཅིག་ཏུ་བརྒྱུད་དེ་རྡེག་ཏུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་ལ་བརྡེགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གཉིད་ལོག་པ་དང་། [189a.3]ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འགྲོ་བ་གཞན་དུ་གནས་པའི་དགེ་སློང་རྣམས་ལ་བརྡེགས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྔགས་དང་སྨན་དང་གཞན་གྱི་དང་། །གཞན་གྱིས་བཞི་པ་བདུན་པ་དང་། །ཁྱིམ་པ་དག་ལ་ [189a.4]སོགས་པ་རྣམས། །མཚན་དང་དེ་བཞིན་དགེ་སློང་མའོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགེ་སློང་ལ་བརྡེགས་ན་ཅིར་འགྱུར་ཉེས་བྱས་སོ། །བཙུན་པ་དགེ་སློང་ལ་བརྡེགས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ་རྩེད་ [189a.5]མོས་བསམས་ཏེ་བརྡེགས་སམ་གཟས་པར་སེམས་པའོ། །བཙུན་པ་དགེ་སློང་གིས་དགེ་སློང་ལ་གཞན་གྱི་ཕྱིར་བརྡེགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གཞན་རྡེག་ཏུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མི་ལ་ [189a.6]མིར་འདུ་ཤེས་ཏེ་བརྡེགས་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་ [189a.7]སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བརྡེགས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་ [189b] [189b.1]སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་བསྙེན་པར་མ་རྫོགས་པ་ན་བརྡེགས་པར་བཤམས་ལ་བསྙེན་པར་མ་རྫོགས་པ་ན་བརྡེགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ [189b.2]ཀར་བརྡེགས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ནས་བརྡེགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་བརྡེགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་ [189b.3]བཤམས་ལ་བསྙེན་པར་རྫོགས་ནས་བརྡེགས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་བརྡེགས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་བརྡེགས་ན་ཅིར་འགྱུར། ཉེས་བྱས་སོ། །བཙུན་ [189b.4]པ་དགེ་སློང་གིས་ཁྱིམ་པ་ལ་བརྡེགས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་ [189b.5]སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་བརྡེགས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་ [189b.6]བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་བརྡེགས་ན་ཅིར་འགྱུར་ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་ལ་བརྡེགས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མ་ [189b.7]ལ་བརྡེགས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་བརྡེགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་དང་། དགེ་སློབ་ [190a] [190a.1]མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་བརྡེགས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་ལ་བརྡེགས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མ་ལ་བརྡེགས་ན་ཅིར་འགྱུར། ལྟུང་ [190a.2]བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། །ཇི་ལྟར་བརྡེགས་པའི་ལེའུ་སྨྲས་པ་དེ་བཞིན་དུ་བརྡེགས་པར་གཟས་པ་ཡང་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག ། [190a.3]སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་གི་གནས་ངན་ [190a.4]ལེན་གྱི་ནོངས་པ་བཅབས་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་ཕྲིན་གྱིས་བཅབས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ [190a.5]གནས་ངན་ལེན་གྱི་ཉེས་པ་བཅབས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་སྨྱོན་པ་ལ་བཅབས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་ [190a.6]དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་དགེ་སློང་གིས་གནས་ངན་ལེན་གྱི་ཉེས་པ་བཅབས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པའི་ [190a.7]གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་ [190b] [190b.1]གཞན་དུ་གནས་པའི་དགེ་སློང་རྣམས་ཀྱིས་གནས་ངན་ལེན་གྱི་ཉེས་པ་བཅབས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །ཉེས་མཚན་བཞི་པ་བདུན་པ་དང་། །ཁྱིམ་པ་དག་ལ་སོགས་པ་རྣམས། །བཅབས་དང་དེ་ལྟར་དགེ་སློང་ [190b.2]མའོ། །བཙུན་པ་དགེ་སློང་གིས་དྲིས་ནས་འཕགས་པས་འཕགས་པའི་སྐད་དུ་དགེ་སློང་གིས་གནས་ངན་ལེན་གྱི་ནོངས་པ་བཅབས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་སློང་གི་གནས་ [190b.3]ངན་ལེན་གྱི་ནོངས་པ་བཅབས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་གི་གནས་ངན་ལེན་གྱི་ནོངས་པ་བཅབས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་ [190b.4]འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་གནས་ངན་ལེན་གྱི་ནོངས་པ་བཅབས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དྲིས་ནས་ལུས་ཀྱི་དམིགས་པས་དགེ་ [190b.5]སློང་གི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་བཅབས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་ཞིག་དེའི་རྒྱུས་འཚོ་བའི་བར་ཆད་དམ། [190b.6]དགེ་སྦྱོང་གི་བར་ཆད་དམ། ཚངས་པར་སྤྱོད་པའི་བར་ཆད་དུ་འགྱུར་བའོ། །བཙུན་པ་དགེ་སློང་གིས་དགེ་སློང་གི་ནོངས་པ་བཅབས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གནས་ངན་ལེན་གྱི་ཉེས་པ་མ་གཏོགས་པར་དེ་ལས་གཞན་པའི་ཉེས་པ་ཞིག་བཅབས་ [190b.7]པའོ། །བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་བཅབས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མའི་གནས་ངན་ལེན་གྱི་ནོངས་པ་བཅབས་པ་ན་མཚན་འཕོས་ཏེ་དགེ་སློང་དུ་གྱུར་ན་ [191a] [191a.1]ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་གི་གནས་ངན་ལེན་ལ་གནས་ངན་ལེན་དུ་འདུ་ཤེས་ཏེ་བཅབས་ན་ཅིར་འགྱུར། ལྟུང་བའོ། །གནས་ངན་ལེན་ལ་གནས་ངན་ལེན་མ་ལགས་པར་འདུ་ཤེས་ཏེ་བཅབས་ན་ཅིར་འགྱུར། ཉེས་བྱས་སོ། ། [191a.2]གནས་ངན་ལེན་མ་ལགས་པ་ལ་གནས་ངན་ལེན་མ་ལགས་པར་འདུ་ཤེས་ཏེ་བཅབས་ན་ཅིར་འགྱུར། ཉེས་པ་མེད་དོ། །གནས་ངན་ལེན་མ་ལགས་པ་ལ་གནས་ངན་ལེན་དུ་འདུ་ཤེས་ཏེ་བཅབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་ [191a.3]པར་རྫོགས་པར་འདུ་ཤེས་ཏེ་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་དགེ་སློང་གི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་ [191a.4]པར་འདུ་ཤེས་ཏེ་བཅབས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བཅབས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་རྫོགས་པ་ན་དགེ་སློང་གི་གནས་ངན་ལེན་གྱི་ནོངས་པ་མཐོང་ལ་བསྙེན་པར་མ་རྫོགས་པ་ན་བཅབས་ན་ཅིར་ [191a.5]འགྱུར། ཉེས་བྱས་སོ། །བསྙེན་པར་མ་རྫོགས་པ་ན་མཐོང་ལ་བསྙེན་པར་རྫོགས་ཀར་བཅབས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་མཐོང་ལ་བསྙེན་པར་རྫོགས་པ་ན་བཅབས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་མཐོང་ལ་བསྙེན་པར་རྫོགས་ [191a.6]ཀར་བཅབས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་མཐོང་ལ་བསྙེན་པར་རྫོགས་ནས་བཅབས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་མཐོང་ལ་བསྙེན་པར་རྫོགས་པ་ན་བཅབས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་མཐོང་ལ་བསྙེན་པར་ [191a.7]མ་རྫོགས་པ་ན་བཅབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པའི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་ [191b] [191b.1]བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ཀྱི་ [191b.2]གནས་ངན་ལེན་གྱི་ཉེས་པ་བཅབས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ [191b.3]དགེ་སློང་གི་གནས་ངན་ལེན་གྱི་ནོངས་པ་ཁྱིམ་པ་ལ་བཅབས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་ནས་སྔར་འཁྲུགས་པ་རྣམས་ཀྱི་བར་དུ་བཅབས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་དགེ་ [191b.4]འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་བཅབས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་ཁྱིམ་པ་ལ་སྨྲས་ན། བཅབས་པ་ཞེས་བགྱིའམ། ཨུ་པཱ་ལི་མ་ཡིན་ [191b.5]ནོ། །དེ་བཞིན་དུ་ཟ་མ་དང་། མ་ནིང་ནས་བསླབ་པ་སྩལ་བའི་བར་དུ་དེ་དག་ལ་སྨྲས་ན་བཅབས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་གིས་དགེ་སློང་མའི་གནས་ངན་ལེན་གྱི་ནོངས་པ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་ [191b.6]གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་གནས་ [191b.7]ངན་ལེན་གྱི་ནོངས་པ་བཅབས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མའི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་གནས་ངན་ལེན་གྱི་ནོངས་པ་བཅབས་ན་ཅིར་ [192a] [192a.1]འགྱུར། ཉེས་བྱས་སོ།། །།འདུལ་བ་གཞུང་དམ་པ། བམ་པོ་བཅུ་གཅིག་པ། མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་ [192a.2]མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་ལ་འདི་སྐད་དུ་ཟས་དང་འབྲལ་བར་འདོད་ནས་ཚེ་དང་ལྡན་པ་ཁྱོད་ནི་ཁོ་བོ་དང་ལྷན་ཅིག་ཏུ་གཏམ་ཟེར་རམ། [192a.3]འགྲོགས་ཀྱང་རུང་སྟེ་བདེ་བར་མི་འགྱུར་གྱིས་ཁྱོད་སོང་ཤིག་ཅེས་སྨྲས་ནས། དགེ་སློང་དེ་སྐད་ཅིག་ཙམ་ཡང་ཟས་དང་ཕྲལ་བར་འགྱུར་བ་དེ་འདྲ་བའི་རྐྱེན་ཅིག་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ཕ་ལ་ཕྲིན་གྱིས་ཟས་དང་ཕྲལ་ན་ཅིར་འགྱུར། ཉེས་བྱས་ [192a.4]སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ཟས་དང་ཕྲལ་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་ཞིག་ཟས་དང་ཕྲལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་ [192a.5]དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་དང་། གླེན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ཟས་དང་ཕྲལ་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། [192a.6]སྐད་དང་ལུས་དང་དབེན་པ་དང་། །གཞན་གྱིས་གཞན་གྱི་མཚན་དག་དང་། །ཁྱིམ་པ་དག་ལ་སོགས་པ་རྣམས། །བཞི་པ་བདུན་པ་བཟའ་བའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་ཟས་དང་ཕྲལ་བ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་ [192a.7]འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་ཟས་དང་ཕྲལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་ཟས་དང་ཕྲལ་བ་དང་། དགེ་སློང་དེས་ཀྱང་མཐའ་ [192b] [192b.1]འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་ཟས་དང་ཕྲལ་བ་དང་། དགེ་སློང་དེས་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་ལུས་ཀྱི་དམིགས་པས་ཟས་དང་ཕྲལ་ན་ [192b.2]ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གཞན་ལ་ཟས་དང་བྲལ་བར་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་གྱི་ [192b.3]སླད་དུ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་ཟས་དང་ཕྲལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མ་ཟས་དང་བྲལ་བར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། [192b.4]ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ [192b.5]ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ཟས་དང་ཕྲལ་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་ [192b.6]འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཟས་དང་ཕྲལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ཏེ་ཟས་ [192b.7]དང་ཕྲལ་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་ [193a] [193a.1]བསྙེན་པར་རྫོགས་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ཟས་ [193a.2]དང་ཕྲལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་མགྲོན་དུ་བོས་ལ་བསྙེན་པར་མ་རྫོགས་པ་ན་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། [193a.3]བསྙེན་པར་མ་རྫོགས་པ་ན་མགྲོན་དུ་བོས་ལ་བསྙེན་པར་རྫོགས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་མགྲོན་དུ་བོས་ལ་བསྙེན་པར་རྫོགས་ཀར་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་མགྲོན་དུ་བོས་ལ་བསྙེན་པར་རྫོགས་ [193a.4]ཀར་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་མགྲོན་དུ་བོས་ལ་བསྙེན་པར་རྫོགས་ནས་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་མགྲོན་དུ་བོས་ལ་བསྙེན་པར་རྫོགས་ཏེ་ཟས་དང་ཕྲལ་ན་ཅིར་འགྱུར། ལྟུང་བའོ། །བསྙེན་ [193a.5]པར་རྫོགས་པ་ན་མགྲོན་དུ་བོས་ལ་བསྙེན་པར་མ་རྫོགས་པ་ན་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ཟས་དང་ཕྲལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྨན་པས་ལུང་བསྒོ་སྟེ་ཟས་དང་ཕྲལ་བའོ། །བཙུན་ [193a.6]པ་དགེ་སློང་ཟས་དང་ཕྲལ་ཡང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟས་མ་གཏོགས་པར་དེ་ལས་གཞན་པའི་བཅའ་བ་དང་། བཟའ་བ་དང་། བཏུང་བ་དང་། བལྡག་པ་དང་། བཞིབ་པ་ལ་སོགས་པའི་ཟས་དང་ཕྲལ་ན་ཉེས་བྱས་སུ་འགྱུར་རོ། །བཙུན་ [193a.7]པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཟས་དང་ཕྲལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཟས་དང་ཕྲལ་ན་ཅིར་འགྱུར། [193b] [193b.1]ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་ཟས་དང་ཕྲལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མ་ཟས་དང་ཕྲལ་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་དགེ་སློང་དང་། དགེ་སློང་ [193b.2]མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཟས་དང་ཕྲལ་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། ། [193b.3]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བྲོ་མ་འཚལ་བར་བདག་གི་སླད་དུ་བདག་གིས་ཞུགས་བུས་སམ། འབུད་དུ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ཞུགས་ [193b.4]བུད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་མེ་འབུད་དུ་བཅུག་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །དེ་ [193b.5]བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་མེ་འབུད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །དེ་ལྟར་གཞན་ [193b.6]གྱིས་གཞན་གྱི་མཚན། །ཁྱིམ་པ་དག་ལ་སོགས་པའི་རྣམས། །བཞི་པ་བདུན་པ་དེ་བཞིན་ནོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་ཞུགས་འབུད་དུ་སྩལ་བ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་ [193b.7]པས་མཐའ་འཁོབ་པའི་སྐད་དུ་ཞུགས་འབུད་དུ་སྩལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་ཞུགས་འབུད་དུ་སྩལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་ [194a] [194a.1]མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་ཞུགས་འབུད་དུ་སྩལ་བ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་ཞུགས་འབུད་ [194a.2]དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་གཞན་ [194a.3]གྱི་སླད་དུ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཞུགས་འབུད་དུ་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཞུགས་འབུད་དུ་སྩལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། [194a.4]ལྟུང་བའོ། །བཙུན་པ་དགེ་སློང་གིས་ཁྱིམ་པ་མངོན་སུམ་དུ་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་ [194a.5]གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་མེ་འབུད་དུ་བཅུག་ན་ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་ [194a.6]དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཞུགས་འབུད་དུ་སྩལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་ [194a.7]འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་ [194b] [194b.1]པ་བསྙེན་པར་མ་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་ [194b.2]བཤམས་ལ་བསྙེན་པར་རྫོགས་པ་ན་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་པ་ན་ཞུགས་ [194b.3]འབུད་དུ་སྩལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་ [194b.4]པ་བསླབ་པ་སྩལ་བས་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ།། །།མདོར་ན། [194b.5]ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་ [194b.6]པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་ཆོས་དང་མཐུན་པར་བགྱི་བ་ལ་དད་པ་ཕུལ་བ་ལས་དེའི་འོག་ཏུ་འཁྱིག་པའི་ཆོས་བགྱིས་ཏེ། དགེ་སློང་ཁྱོད་ལ་དད་པ་མི་སྦྱིན་གྱིས་ཐོང་ཤིག་ཅེས་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་ [194b.7]གིས་དགེ་འདུན་གྱི་ཆོས་དང་མཐུན་པའི་བགྱི་བ་ལ་དད་པ་སྩལ་བ་ལས་དེའི་འོག་ཏུ་ཕྲིན་གྱིས་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་འཁྱིག་པའི་ཆོས་བྱས་ན་ཉེས་ [195a] [195a.1]བྱས་སོ། །བཙུན་པ་དགེ་སློང་གིས་དགེ་འདུན་གྱི་ཆོས་དང་ལྡན་པའི་བགྱི་བ་ལ་དད་པ་སྩལ་ནས་དེའི་འོག་ཏུ་སྨྱོན་པ་ལ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། [195a.2]གླེན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་འཁྱིག་པའི་ཆོས་བྱས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །དེ་ [195a.3]བཞིན་གཞན་གྱིས་གཞན་གྱི་མཚན། །ཁྱིམ་པ་དག་ལ་སོགས་པ་རྣམས། །བཞི་པ་བདུན་པ་དེ་བཞིན་ནོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་འཁྱིག་པའི་ཆོས་བགྱིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་ [195a.4]སོ། །འཕགས་པས་མཐའ་འཁོབ་པའི་སྐད་དུ་འཁྱིག་པའི་ཆོས་བགྱིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་འཁྱིག་པའི་ཆོས་བགྱིས་པ་དང་། དགེ་སློང་དེས་ཀྱང་མཐའ་ [195a.5]འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་འཁྱིག་པའི་ཆོས་བགྱིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་འཁྱིག་པའི་ཆོས་ [195a.6]བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་འཁྱིག་ཏུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་གྱི་སླད་དུ་ [195a.7]འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཁྱིག་པའི་ཆོས་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་འཁྱིག་པའི་ཆོས་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་ [195b] [195b.1]བྱས་སོ། །བཙུན་པ་དགེ་སློང་གིས་ཁྱིམ་པ་ལ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ [195b.2]ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་འཁྱིག་པའི་ཆོས་བྱས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་ [195b.3]གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འཁྱིག་པའི་ཆོས་བགྱིས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་ཆོས་དང་མཐུན་པའི་ལས་ལ་ཆོས་དང་མཐུན་པའི་ལས་སུ་འདུ་ཤེས་ཏེ་དད་པ་སྩལ་ནས་འཁྱིག་པའི་ཆོས་ [195b.4]བགྱིས་ན་ཅིར་འགྱུར། ལྟུང་བའོ། །ཆོས་དང་མཐུན་པའི་ལས་ལ་ཆོས་དང་མཐུན་པའི་ལས་མ་ལགས་པར་འདུ་ཤེས་ཏེ་འཁྱིག་པའི་ཆོས་བགྱིད་ན་ཅིར་འགྱུར། ཉེས་བྱས་སོ། །ཆོས་དང་མི་མཐུན་པའི་ལས་ལ་ཆོས་དང་མཐུན་པའི་ལས་སུ་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་ [195b.5]འགྱུར། ཉེས་བྱས་སོ། །ཆོས་དང་མི་མཐུན་པའི་ལས་ལ་ཆོས་དང་མི་མཐུན་པའི་ལས་སུ་འདུ་ཤེས་ནས་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། [195b.6]ལྟུང་བའོ། །བསྙེན་པར་རྫོགས་པ་ན་བསྙེན་པར་མ་རྫོགས་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསྙེན་པར་རྫོགས་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསྙེན་པར་ [195b.7]མ་རྫོགས་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་དད་པ་སྩལ་ན་བསྙེན་པར་མ་རྫོགས་པ་ན་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་དད་པ་སྩལ་ལ་བསྙེན་པར་རྫོགས་ཀར་འཁྱིག་པའི་ཆོས་བགྱིས་ [196a] [196a.1]ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་དད་པ་སྩལ་ལ་བསྙེན་པར་རྫོགས་པ་ན་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་དད་པ་སྩལ་ལ་བསྙེན་པར་རྫོགས་ཀར་འཁྱིག་པའི་ཆོས་བགྱིས་ན་ཅིར་འགྱུར། [196a.2]ཉེས་བྱས་སོ། །བསྙེན་པར་རྫོགས་ཀར་དད་པ་སྩལ་ལ་བསྙེན་པར་རྫོགས་ནས་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ནས་དད་པ་སྩལ་ལ་བསྙེན་པར་རྫོགས་པས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་དད་ [196a.3]པ་སྩལ་ལ་བསྙེན་པར་མ་རྫོགས་པ་ན་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་ཆོས་དང་ལྡན་པའི་བགྱི་བ་ལ་དད་པ་སྩལ་ནས། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་འཁྱིག་པའི་ [196a.4]ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་འདུན་གྱི་ཆོས་དང་མཐུན་པའི་བགྱི་བ་ལ་དད་པ་ [196a.5]སྩལ་ནས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་འདུན་གྱི་ཆོས་དང་མཐུན་པའི་བགྱི་བ་ལ་དད་པ་སྩལ་བ་ལས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། །དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ [196a.6]ཉེས་བྱས་སུ་འགྱུར་རོ།། །།མདོར་ན། སྨྱོན་པར་གྱུར་དང་སེམས་འཁྲུགས་པ། །ན་བ་འོན་པ་འགྲོ་བ་སྔགས། །ནམ་མཁའ་གཉིས་དང་བཞི་པ་མཚན། །དེ་བཞིན་སྤྲུལ་པ་མ་ནིང་དང་། །གཡོགས་པ་བསྐོར་བ་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་ [196a.7]པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཁྱིམ་གཅིག་གི་ནང་ན་ཉལ་བར་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་དང་ལྷན་ཅིག་ [196b] [196b.1]ཏུ་ནུབ་གཉིས་ཁྱིམ་གྱི་ནང་ན་ཉལ་ལ་ནུབ་གསུམ་པ་ལ་རང་བཞིན་དུ་གནས་པ་དང་ལྷན་ཅིག་ཉལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནུབ་གཉིས་སུ་རང་བཞིན་དུ་གནས་པ་དང་ཉལ་ལ་ནུབ་གསུམ་པ་ལ་སྨྱོན་པ་དང་ལྷན་ཅིག་ཏུ་ཉལ་ན་ཅིར་འགྱུར། ཉེས་བྱས་སོ། །དེ་བཞིན་དུ་ [196b.2]སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། ལྐུགས་པ་དང་། འགྲོ་བ་གཞན་དུ་གནས་པ་རྣམས་དང་ལྷན་ཅིག་ཉལ་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་བསྙེན་པར་མ་རྫོགས་པའི་གང་ [196b.3]ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཁང་པ་གཅིག་གི་ནང་ན་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ནམ་མཁའ་ལ་ཉལ་ན་ཅིར་འགྱུར། ཉེས་བྱས་སོ། །བཙུན་ [196b.4]པ་དགེ་སློང་གིས་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ཁང་པ་གཅིག་ཏུ་ཉལ་ལ་ནུབ་གསུམ་པར་བུད་མེད་དང་ལྷན་ཅིག་ཉལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ནུབ་གཉིས་ལས་ [196b.5]འདས་པར་ཉལ་བར་བགྱིད་ན་ཅིར་འགྱུར། ལྟུང་བའོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཉལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ལ་ [196b.6]བསྙེན་པར་རྫོགས་པར་འདུ་ཤེས་ཏེ་ཉལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ནུབ་གཉིས་ལས་འདས་པར་ཉལ་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ཏེ་ཉལ་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་ [196b.7]འདུ་ཤེས་ཏེ་ཉལ་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ཏེ་ཉལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་བསྙེན་པར་མ་རྫོགས་པའི་གང་ཟག་དང་ནུབ་གཉིས་ལས་འདས་པར་ལྷན་ཅིག་ཉལ་བ་ན་མཚན་འཕོས་ཏེ་དགེ་སློང་ [197a] [197a.1]མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཉལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་སྤྲུལ་པ་དང་ལྷན་ཅིག་ཏུ་ནུབ་ [197a.2]གཉིས་ལས་འདས་པར་ཁྱིམ་གཅིག་ན་ཉལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ཉལ་ལ་ནུབ་གསུམ་པ་ལ་མ་ནིང་དང་ལྷན་ཅིག་ཏུ་ཉལ་ན་ཅིར་འགྱུར། ལྟུང་བ་དང་། ཉེས་བྱས་སུ་འགྱུར་རོ། །བཙུན་པ་དགེ་ [197a.3]སློང་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཁང་པ་གཅིག་གི་ནང་ན་ཉལ་ཡང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དེ་ནི་དེའི་གནས་ཐམས་ཅད་མ་གཡོགས་པར་གྱུར་པའམ། ར་བས་བསྐོར་བའམ། ཕྱེད་བསྐོར་བའམ། ཐམས་ཅད་མ་བསྐོར་བར་ [197a.4]གྱུར་པའམ། མ་གཡོགས་པའམ། དེ་ཕྱེད་མ་གཡོགས་པ་དེ་ལྟ་བུའི་གནས་སུ་ཉལ་ན་ཉེས་མེད་དུ་འགྱུར་རོ། །བཙུན་པ་དགེ་སློང་གིས་རི་གྲོག་པོའམ། ཤིང་གི་ཕུག་གམ། ཤིང་སྟུག་པོར་བསྙེན་པར་མ་རྫོགས་པ་དང་ལྷན་ཅིག་ཏུ་ནུབ་གཉིས་ལས་འདས་པར་ཉལ་ན་ཅིར་འགྱུར། [197a.5]ཉེས་བྱས་སོ། །བཙུན་པ་བསླབ་པ་སྩལ་བས་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཉལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ཁྱིམ་གཅིག་གི་ནང་དུ་ནུབ་གཉིས་ལས་འདས་པར་ [197a.6]ཉལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། །དགེ་སློང་ཨ་རི་ཥྚས་ལན་གསུམ་དུ་ངག་བཅག་པས་དགེ་འདུན་གྱི་ལྷག་མར་བཤད་པ་དང་སྦྱར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་ [197a.7]དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་པ། །ན་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟག་དེ་ལྟར་སྨྲ་བས་ཆོས་ཀྱི་རྗེས་སུ་མ་བགྱིས། སྡིག་པ་ [197b] [197b.1]དེ་ལ་ལྟ་བར་གྱུར་པ་མ་སྤངས་པར་འཚལ་བཞིན་དུ་དེ་དང་ལྷན་ཅིག་སྨྲ་འམ། ཀུན་དུ་སྨྲ་འམ། ཟས་འཚལ་ལམ། དེ་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གང་ཟག་དེ་ལྟར་སྨྲ་བར་འཚལ་བཞིན་དུ་ཕྲིན་གྱིས་ [197b.2]སྨྲ་འམ་ཀུན་དུ་སྨྲ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་ཆོས་ཀྱི་རྗེས་སུ་མ་བགྱིས་པ་ཞིག་ལ་ [197b.3]སྨྲའམ། ཀུན་དུ་སྨྲ་འམ། ཟས་འཚལ་ལམ། ཁང་པ་གཅིག་ཏུ་ལྷན་ཅིག་ཉལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་དང་། གླེན་པ་དང་། འགྲོ་བ་གཞན་དུ་གནས་པའི་དགེ་སློང་ [197b.4]ཆོས་ཀྱི་རྗེས་སུ་མ་བྱས་པ་ལ་སྨྲའམ། ཀུན་དུ་སྨྲ་འམ། ཟའམ། ཁང་པ་གཅིག་ཏུ་ལྷན་ཅིག་ཉལ་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གང་ཟག་དེ་ལྟར་སྨྲ་བ་ཆོས་ཀྱི་རྗེས་སུ་མ་བགྱིས་པར་འཚལ་བཞིན་དུ་སྔགས་སམ་སྨན་གྱིས་བདག་མི་སྣང་བར་ [197b.5]བསྒྱུར་ཏེ། དེ་དང་ལྷན་ཅིག་སྨྲ་འམ། ཀུན་དུ་སྨྲ་འམ། ཟས་འཚལ་ལམ། དེ་དང་ལྷན་ཅིག་ཏུ་ཁྱིམ་གཅིག་གི་ནང་ན་ཉལ་ན་ཅིར་འགྱུར། ཉེས་བྱས་སོ།། །།མདོར་ན། སྔགས་དང་ནམ་མཁའ་སྐད་རྣམས་དང་། །ལུས་དང་དབེན་དང་ཟ་བ་དང་། །བདུན་པ་བཞི་པ་དེ་ [197b.6]ལྟར་ཏེ། །མཚན་དང་མ་ནིང་དེ་བཞིན་ནོ། །བཙུན་པ་དགེ་སློང་གིས་གང་ཟག་དེ་ལྟར་སྨྲ་ཞིང་ཆོས་ཀྱི་རྗེས་སུ་མ་བགྱིས་པར་འཚལ་བཞིན་དུ་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ། དེ་དང་ལྷན་ཅིག་སྨྲ་འམ། ཀུན་ཏུ་སྨྲའམ། ཟས་འཚལ་ཞིང་དེ་དང་ལྷན་ཅིག་ཁྱིམ་ [197b.7]གཅིག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གང་ཟག་དེ་ལྟར་སྨྲ་བར་འཚལ་བཞིན་དུ་དེ་དག་ལྷན་ཅིག་ནམ་མཁའ་ལ་མཆིས་ཏེ་ཉལ་ན་ཅིར་འགྱུར། ཉེས་བྱས་སོ། །བཙུན་པ་དེ་ལྟར་སྨྲ་བའི་གང་ཟག་ལ་དགེ་སློང་འཕགས་པས་ [198a] [198a.1]འཕགས་པའི་སྐད་དུ་སྨྲས་པ་དང་། གང་ཟག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་གང་ཟག་དེ་དེ་ལྟར་སྨྲ་ཞིང་ཆོས་ཀྱི་རྗེས་སུ་མ་བགྱིས་པ་ལ་སྨྲས་པ་དང་། གང་ཟག་དེས་ཀྱང་མཐའ་ [198a.2]འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དེ་ལྟར་སྨྲ་བའི་གང་ཟག་ལ་སྨྲས་པ་དང་། གང་ཟག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་ [198a.3]པའི་སྐད་དུ་དེ་ལྟར་སྨྲ་བའི་གང་ཟག་ལ་སྨྲས་པ་དང་། གང་ཟག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གང་ཟག་དེ་ལྟར་སྨྲ་བར་འཚལ་བཞིན་དུ་ལུས་ཀྱི་དམིགས་པས་གོ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་ [198a.4]པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་གང་ཟག་དེ་ལྟར་སྨྲ་བ་ལ་སྨྲས་སམ་ཉལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་དེ་ལྟར་སྨྲ་བའི་གང་ཟག་དང་ལྷན་ཅིག་ཟས་མ་གཏོགས་པར་དེ་ལས་གཞན་པའི་བཅའ་བ་དང་། བཏུང་བ་ [198a.5]དང་། བལྡག་པ་དང་། བཞིབ་པ་ལ་སོགས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་དེ་ལྟར་སྨྲ་བའི་གང་ཟག་ཏུ་འཚལ་ལ་བསྙེན་པར་མ་རྫོགས་པ་ན་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་འཚལ་ལ་བསྙེན་ [198a.6]པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་འཚལ་ལ་བསྙེན་པར་རྫོགས་པ་ན་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་འཚལ་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་ [198a.7]འཚལ་ལ་བསྙེན་པར་རྫོགས་པ་ན་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་འཚལ་ལ་བསྙེན་པར་རྫོགས་པ་ན་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་འཚལ་ལ་བསྙེན་པར་མ་རྫོགས་པ་ན་སྨྲས་ན་ཅིར་འགྱུར། ཉེས་བྱས་སོ། ། [198b] [198b.1]བཙུན་པ་དགེ་སློང་གིས་དེ་ལྟར་སྨྲ་བའི་གང་ཟག་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་ [198b.2]པར་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་དེ་ལྟར་སྨྲ་བའི་གང་ཟག་བཟོད་པར་མ་བགྱིས་པ་ལ་བཟོད་པར་མ་བགྱིས་ [198b.3]པར་འདུ་ཤེས་ཏེ་སྨྲས་ན་ཅིར་འགྱུར། ལྟུང་བའོ། །བཟོད་པར་མ་བགྱིས་པ་ལ་བཟོད་པར་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་མེད་དོ། །བཟོད་པར་བགྱིས་པ་ལ་བཟོད་པར་མ་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །བཟོད་པར་བགྱིས་པ་ལ་ [198b.4]བཟོད་པར་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་དེ་ལྟར་སྨྲ་བའི་གང་ཟག་ལ་སྨྲ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དེ་ལྟར་སྨྲ་བའི་དགེ་སློང་མ་ལ་འཚལ་བཞིན་དུ་ [198b.5]སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འཚལ་བཞིན་དུ་དེ་ལྟར་སྨྲ་བའི་གང་ཟག་མ་ནིང་ལ་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་ [198b.6]བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བའི་གང་ཟག་རྣམས་ [198b.7]ལ་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དེ་དེ་ལྟར་སྨྲ་བར་འཚལ་བཞིན་དུ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་གང་ཟག་ལ་སྨྲས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་ [199a] [199a.1]གིས་གཉིད་ཀྱིས་ལོག་པ་དང་། ར་རོ་བ་དང་། མྱོས་པའི་གང་ཟག་དེ་ལྟར་སྨྲ་ཞིང་། ཆོས་ཀྱི་རྗེས་སུ་མ་བགྱིས་པ་ལ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དེ་ལྟར་སྨྲ་བའི་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ [199a.2]ཚུལ་ཕ་རྣམས་ལ་སྨྲས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་གང་ཟག་དེ་ལྟར་སྨྲ་བའི་ཆོས་ཀྱི་རྗེས་སུ་མ་བགྱིས་པར་འཚལ་བཞིན་དུ་དེ་དང་ལྷན་ཅིག་སྨྲས་སམ། ཀུན་ཏུ་སྨྲས་སམ། ཟས་འཚལ་ཏམ། དེ་དང་ལྷན་ཅིག་ཉལ་ན་ཅིར་འགྱུར། ལྟུང་ [199a.3]བའོ། །བཙུན་པ་དགེ་སློང་མས་དེ་ལྟར་སྨྲ་བའི་དགེ་སློང་མར་འཚལ་བཞིན་དུ་སྨྲའམ། ཀུན་ཏུ་སྨྲའམ། དེ་དང་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ལྟུང་བར་འགྱུར་རོ། །བཙུན་པ་དགེ་སློང་མ་དང་། དགེ་ཚུལ་ཕ་དེ་ལྟར་སྨྲ་ཞིང་ཆོས་ཀྱི་རྗེས་སུ་མ་ [199a.4]བགྱིས་པ་ལ་སྨྲས་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། །ཇི་ལྟར་དེ་ལྟར་སྨྲ་བའི་གང་ཟག་དེ་བཞིན་དུ་དེ་ལྟར་དགེ་སྦྱོང་མ་རུང་བར་བྱས་པ་བསྟན་པ་ཡང་བརྗོད་པར་བྱའོ། །ཐ་དད་པ་ཅི་ཡོད་ཅེས་གསོལ་ [199a.5]པ་དང་། ལས་དང་ལོངས་སྤྱོད་མ་གཏོགས་པར་བསྙེན་བཀུར་དང་ཡིད་བཞོ་བ་ཡང་བཤད་པར་བྱའོ།། །།མདོར་ན། མི་རུང་བ་དང་མཚན་དག་དང་། །བཞི་པ་བདུན་པ་དེ་ལྟར་ཏེ། །མ་ཆོག་ཐམས་ཅད་རང་བཞིན་དང་། །ཚོན་དང་བསླབ་པ་དགེ་སློང་མའོ། །སངས་ [199a.6]རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་གོས་སར་པ་རྙེད་ན་ཁ་དོག་ངན་པར་བྱ་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་གྱིས་ཤིག །དགེ་སློང་གིས་ཁ་དོག་ངན་པར་བྱ་བ་གསུམ་ལས་ [199a.7]གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བར་གོས་བགོས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བའི་གོས་བགོས་ཀྱང་ནོངས་པ་ལྟུང་བར་མི་ [199b] [199b.1]འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བའི་གོས་སྤྱོད་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་སྟེ། དེ་ལྟ་བུའི་གོས་སྤྱད་ན་ཉེས་བྱས་སུ་འགྱུར་རོ། །བཙུན་ [199b.2]པ་དགེ་སློང་གིས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བར་གོས་སྤྱོད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །དགེ་སློང་མས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ [199b.3]ཁ་དོག་ངན་པར་མ་བསྒྱུར་བར་གོས་སྤྱོད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ཁ་དོག་ངན་པར་བསྒྱུར་བའི་གོས་ལ་ཁ་དོག་ངན་པར་བསྒྱུར་བ་མ་ལགས་པར་འདུ་ཤེས་ཏེ་སྤྱོད་ན་ཅིར་འགྱུར། ལྟུང་བའོ། །ཁ་དོག་ངན་པར་མ་ [199b.4]བསྒྱུར་བ་ལ་ཁ་དོག་ངན་པར་བསྒྱུར་བར་འདུ་ཤེས་ཏེ་སྤྱད་ན་ཉེས་པ་མེད་དོ། །ཁ་དོག་ངན་པར་བསྒྱུར་བ་ལ་ཁ་དོག་ངན་པར་མ་བསྒྱུར་བར་འདུ་ཤེས་ཏེ་སྤྱད་ན་ཅིར་འགྱུར། ཉེས་བྱས་སོ། །ཁ་དོག་ངན་པར་བསྒྱུར་བ་ལ་ཁ་དོག་ངན་པར་བསྒྱུར་བར་འདུ་ཤེས་ཏེ་སྤྱད་ན་ཅིར་འགྱུར། ཉེས་ [199b.5]པ་མེད་དོ། །བཙུན་པ་བསྙེན་པར་མ་རྫོགས་པ་ན་རྙེད་ལ་བསྙེན་པར་མ་རྫོགས་པ་ན་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་སྟེ། ཁ་དོག་ངན་པར་མ་བསྒྱུར་བར་སྤྱད་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་རྙེད་ལ་བསྙེན་པར་རྫོགས་ཀར་སྤྱད་ན་ [199b.6]ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་རྙེད་ལ་བསྙེན་པར་རྫོགས་ནས་སྤྱད་ན་ཅིར་འགྱུར། ལྟུང་བའོ། །བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ཀར་སྤྱད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ནས་ [199b.7]སྤྱད་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་རྙེད་ལ་བསྙེན་པར་རྫོགས་ནས་སྤྱད་ན་ཅིར་འགྱུར། ལྟུང་བའོ། །བསྙེན་པར་རྫོགས་པར་རྙེད་ལ་བསྙེན་པར་མ་རྫོགས་པར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གོས་ཁྲུ་གང་ལས་ཆུང་ [200a] [200a.1]བའམ། བདེ་བར་གཤེགས་པའི་ཆོས་གོས་ཀྱི་ཚད་ཅིག་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བར་སྤྱད་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ཁ་དོག་ངན་པར་བསྒྱུར་བ་གསུམ་ལས་གང་ཡང་ [200a.2]རུང་བ་གཅིག་གིས་ཁ་དོག་ངན་པར་བསྒྱུར་བའི་གོས་སྤྱད་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་འདི་ལྟར་དགེ་སློང་གིས་ཐམས་ཅད་སྔོན་པོའམ། སེར་པོའམ། ཐམས་ཅད་དམར་པོའི་གོས་སྤྱད་པའོ། །བཙུན་པ་དགེ་སློང་གིས་ཁ་དོག་ངན་པར་ [200a.3]བསྒྱུར་བ་རྣམ་པ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བར་སྤྱད་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་དེས་གོས་ཀྱི་རང་བཞིན་བགོས་པའོ། །བཙུན་པ་དགེ་སློང་གིས་གོས་ཁ་དོག་ངན་པར་བསྒྱུར་བ་གསུམ་ལས་ [200a.4]གང་ཡང་རུང་བ་གཅིག་གིས་ཁ་དོག་ངན་པར་བསྒྱུར་བའི་གོས་སྤྱད་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ཚོན་ཆེན་པོར་བཙོས་པའོ། །དེ་ལ་ཚོན་ཆེན་པོ་ནི་གུར་གུམ་དང་། ལེ་བརྒན་རྩི་དང་། རྒྱ་སྐྱེགས་དང་། བཙོད་དང་། རྨ་ཤིང་དང་། [200a.5]འདི་ལྟ་བུའི་ཚོན་གྱིས་བཙོས་པ་ཞིག་སྤྱད་ན་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བའི་གོས་སྤྱད་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཁ་དོག་ངན་པར་ [200a.6]བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བའི་གོས་སྤྱད་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་ [200a.7]བསྒྱུར་བར་སྤྱད་ན་ཅིར་འགྱུར། ཉེས་བྱས་སོ།། །།མདོར་ན། བུད་མེད་རིན་ཆེན་མཚན་དེ་བཞིན། །བཞི་པ་རེག་པ་ཡང་དེ་བཞིན། །གཞན་གྱིས་དང་ནི་བདུན་པ་མཚོན། །རོལ་མོ་དག་དང་སྤྲུལ་པ་ཡིད། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ [200b] [200b.1]ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རིན་པོ་ཆེའམ་རིན་པོ་ཆེར་གཏོགས་པ་རང་གི་སུག་པས་བཟུང་ངམ། འཛིན་དུ་སྩལ་ན་ར་བའི་ནང་ན་མཆིས་སམ། གནས་ཀྱི་ནང་ན་མཆིས་པ་མ་གཏོགས་ཏེ། ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་ [200b.2]གིས་རིན་པོ་ཆེའམ་རིན་པོ་ཆེར་གཏོགས་པ་རང་གི་སུག་པས་བཟུང་ཡང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། བུད་མེད་རིན་པོ་ཆེ་ལ་སོགས་པ་རིན་པོ་ཆེ་ལྔ་བཟུང་ན་ཇི་ལྟར་དངོས་པོ་བཞིན་དུ་ཉེས་པར་འགྱུར་རོ། །འོན་ཏེ་ནོར་བུ་རིན་པོ་ཆེ་དང་། འཁོར་ [200b.3]ལོ་རིན་པོ་ཆེ་བཟུང་ན་ལྟུང་བའོ། །བཙུན་པ་དགེ་སློང་གིས་རིན་པོ་ཆེ་འམ། རིན་པོ་ཆེར་གཏོགས་པ་ཞིག་འཛིན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་རིན་པོ་ཆེའམ་རིན་པོ་ཆེར་གཏོགས་པ་ཞིག་འཛིན་པ་ན་མཚན་འཕོས་ [200b.4]ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་རིན་པོ་ཆེ་ལ་རིན་པོ་ཆེར་འདུ་ཤེས་ཏེ་བཟུང་ན་ཅིར་འགྱུར། ལྟུང་བའོ། །རིན་པོ་ཆེ་ལ་རིན་པོ་ཆེ་མ་ལགས་པར་འདུ་ཤེས་ཏེ་བཟུང་ན་ཅིར་འགྱུར། ཉེས་པ་མེད་དོ། །རིན་པོ་ཆེ་མ་ལགས་པ་ལ་རིན་པོ་ [200b.5]ཆེར་འདུ་ཤེས་ཏེ་བཟུང་ན་ཅིར་འགྱུར། ཉེས་བྱས་སོ། །རིན་པོ་ཆེ་མ་ལགས་པ་ལ་རིན་པོ་ཆེ་མ་ལགས་པར་འདུ་ཤེས་ཏེ་བཟུང་ན་ཅིར་འགྱུར། ཉེས་པ་མེད་དོ། །དེ་བཞིན་དུ་རིན་པོ་ཆེར་གཏོགས་པར་འདུ་ཤེས་པ་ཡང་བཞིར་སྦྱར་རོ། །བཙུན་པ་དགེ་སློང་གིས་རིན་པོ་ཆེ་འམ། [200b.6]རིན་པོ་ཆེར་གཏོགས་པ་ལ་རེད་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་རིན་པོ་ཆེ་འམ་རིན་པོ་ཆེར་གཏོགས་པ་ལ་གཞན་འཛིན་དུ་སྩལ་ན་ཅིར་འགྱུར། ལྟུང་བའོ། །བཙུན་པ་བསྙེན་པར་མ་རྫོགས་པ་ན་རིན་པོ་ཆེའམ་རིན་པོ་ཆེར་གཏོགས་པ་ཞིག་གཟུང་བར་བཤམས་ལ་ [200b.7]བསྙེན་པར་མ་རྫོགས་པ་ན་བཟུང་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་བཟུང་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ནས་བཟུང་ན་ཅིར་འགྱུར། ཉེས་བྱས་སོ། ། [201a] [201a.1]བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་བཟུང་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ནས་བཟུང་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ [201a.2]པ་ན་བཟུང་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་བཟུང་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རིན་པོ་ཆེའམ་རིན་པོ་ཆེར་གཏོགས་པ་བཟུང་ཡང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ [201a.3]ཡོད་དེ། ལྷ་རྫས་ཀྱི་རིན་པོ་ཆེའམ། རིན་པོ་ཆེར་གཏོགས་པ་བཟུང་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་རིན་པོ་ཆེར་གཏོགས་པ་བཟུང་ཡང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཉམས་པ་བཟུང་བའོ། །བཙུན་པ་དགེ་སློང་ [201a.4]གིས་སྤྲུལ་པའི་རིན་པོ་ཆེའམ། རིན་པོ་ཆེར་གཏོགས་པ་བཟུང་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རིན་པོ་ཆེའམ། རིན་པོ་ཆེར་གཏོགས་པ་སྤྱད་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ་ལྷའི་གནས་སམ། ཀླུའི་གནས་ [201a.5]སམ། གནོད་སྦྱིན་གྱི་གནས་སམ། རྒྱལ་པོའི་ཕོ་བྲང་ངམ། རྒྱལ་པོའི་བློན་པོ་ཆེན་པོའི་ཁྱིམ་དེ་དག་ཏུ་སྟན་དང་སྣོད་གཞན་མེད་པར་གྱུར་པའོ། །བཙུན་པ་བསླབ་པ་སྩལ་བས་རིན་པོ་ཆེའམ། རིན་པོ་ཆེར་གཏོགས་པ་བཟུང་ན་ཅིར་འགྱུར། ལྟུང་བའོ། །བཙུན་ [201a.6]པ་དགེ་སློང་མས་རིན་པོ་ཆེ་འམ། རིན་པོ་ཆེར་གཏོགས་པ་བཟུང་ན་ཅིར་འགྱུར། ལྟུང་བའོ། །བཙུན་པ་དགེ་སློབ་མས་རིན་པོ་ཆེ་འམ། རིན་པོ་ཆེར་གཏོགས་པ་བཟུང་ན་ཅིར་འགྱུར། ཉེས་བྱས་སོ། །བཙུན་པ་དགེ་ཚུལ་མ་དང་དགེ་ཚུལ་ཕས་རིན་པོ་ཆེའམ། རིན་པོ་ཆེར་གཏོགས་པ་ [201a.7]བཟུང་ན་ཅིར་འགྱུར། ཉེས་པ་མེད་དོ།། །།འདུལ་བ་གཞུང་དམ་པ། བམ་པོ་བཅུ་གཉིས་པ། མདོར་ན། དུས་དང་བཞི་པ་དེ་ལྟར་ཏེ། །སྦྱོར་བ་དང་ནི་དེ་བཞིན་མཚན། །དེ་བཞིན་ཆུ་དང་ཆར་པ་དང་། །བསླབ་པ་བྱིན་དང་དགེ་སློང་མ། །སངས་རྒྱས་ [201b] [201b.1]བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཟླ་བ་ཕྱེད་ཅིང་ཁྲུས་བགྱིས་ན་དུས་ལ་བབ་པ་མ་གཏོགས་པར་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྟག་ཏུ་ཁྲུས་བགྱིས་ཀྱང་ནོངས་པར་མི་འགྱུར་བ་མཆིས་ [201b.2]སམ། ཨུ་པཱ་ལི་ཡོད་དེ། དུས་ལ་བབ་པ་བདུན་ལས་གང་ཡང་རུང་སྟེ། དུས་ལ་བབ་པ་ཞིག་ཏུ་ཁྲུས་བྱས་པའོ། །བཙུན་པ་དགེ་སློང་གིས་ཟླ་བ་ཕྱེད་མ་ལོན་པ་ལ་ཟླ་བ་ཕྱེད་མ་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ལྟུང་བའོ། །ཟླ་བ་ཕྱེད་མ་ལོན་པ་ལ་ཟླ་བ་ [201b.3]ཕྱེད་ལོན་པར་འདུ་ཤེས་ཏེ་ཁྲུས་བྱས་ན་ཉེས་པ་མེད་དོ། །ཟླ་བ་ཕྱེད་ལོན་པ་ལ་ཟླ་བ་ཕྱེད་མ་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། །ཟླ་བ་ཕྱེད་ལོན་པ་ལ་ཟླ་བ་ཕྱེད་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་ཆབ་ [201b.4]ལ་ཆབ་ཏུ་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ལྟུང་བའོ། །ཆབ་ལ་ཆབ་མ་ལགས་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། །ཆབ་མ་ལགས་པ་ལ་ཆབ་ཏུ་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། །ཆབ་མ་ལགས་པ་ལ་ཆབ་མ་ [201b.5]ལགས་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དུས་སུ་བྱིན་གྱིས་བརླབས་ཏེ་ཁྲུས་བགྱིས་ཀྱང་དེ་ལ་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ཁྲུས་བྱེད་པ་བཏང་ནས་བྱེའུ་ཟུལ་བྱེད་པའོ། །བཙུན་ [201b.6]པ་དགེ་སློང་གིས་ཟླ་བ་ཕྱེད་ཚུན་ཅད་དུ་དུས་སུ་བྱིན་གྱིས་མ་བརླབས་པར་ཁྲུས་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དུས་སུ་བྱིན་གྱིས་མ་བརླབས་པར་ཁྲུས་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། [201b.7]ལྟུང་བའོ། །བཙུན་པ་དགེ་སློང་གིས་ཆབ་མ་གཏོགས་པ་དེ་ལས་གཞན་པའི་དངོས་པོ་ཞིག་གིས་ཁྲུས་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རྟག་ཏུ་ཁྲུས་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཆུ་རྒལ་བར་བསམ་ [202a] [202a.1]པའམ། ཆར་པ་བབ་སྟེ་ཁྲུས་བྱས་པའོ། །བཙུན་པ་བསླབ་པ་སྩལ་བས་ཟླ་བ་ཕྱེད་ཚུན་ཅད་དུས་སུ་བྱིན་གྱིས་མ་བརླབས་པར་ཁྲུས་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཟླ་བ་ཕྱེད་ཚུན་ཅད་དུས་སུ་བྱིན་གྱིས་མ་བརླབས་པར་ཁྲུས་བགྱིས་ན་ [202a.2]ཅིར་འགྱུར། ལྟུང་བའོ། །བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བྱིན་གྱིས་མ་བརླབས་པར་ཟླ་བ་ཕྱེད་ཚུན་ཅད་ཁྲུས་བགྱིས་ན་ཅིར་འགྱུར། ཉེས་བྱས་སོ། །ཤེས་བཞིན་དུ་བྱོལ་སོང་དུ་གྱུར་པའི་སྲོག་ཆགས་འཚོ་བ་དང་ཕྲལ་བ་ནི་ཕས་ཕམ་པའི་ [202a.3]སྐབས་སུ་བཤད་པ་བཞིན་རྣམ་པར་དབྱེའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་ [202a.4]མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་དགེ་སློང་ལ་འཚལ་བཞིན་དུ་འགྱོད་པ་བསྐྱེད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ཞིག་ཕྲིན་གྱིས་འགྱོད་པ་ [202a.5]བསྐྱེད་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་འགྱོད་པ་བསྐྱེད་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། [202a.6]དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་འགྱོད་པ་བསྐྱེད་ན་ཐམས་ཅད་ཉེས་ [202a.7]བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་སྔགས། །མཚན་དང་བཞི་པ་བདུན་པ་དང་། །ཁྱིམ་པ་དག་ལ་སོགས་པ་རྣམས། །ལྷག་མ་གཞན་གྱིས་དགེ་སློང་མའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་འགྱོད་པ་བསྐྱེད་པ་དང་། [202b] [202b.1]དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་འཕགས་པས་མཐའ་འཁོབ་པའི་སྐད་དུ་འགྱོད་པ་བསྐྱེད་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་ [202b.2]མཐའ་འཁོབ་པའི་སྐད་དུ་འགྱོད་པ་བསྐྱེད་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་འགྱོད་པ་བསྐྱེད་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་ [202b.3]སོ། །བཙུན་པ་དགེ་སློང་གིས་དགེ་སློང་ལ་ལུས་ཀྱི་དམིགས་པས་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ། སྨན་གྱིས་བདག་ [202b.4]མི་སྣང་བར་བསྒྱུར་ཏེ་དགེ་སློང་ལ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་གི་འགྱོད་པ་བསྐྱེད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་འགྱོད་པ་བསྐྱེད་པ་ན་མཚན་འཕོས་ཏེ་དགེ་སློང་དུ་ [202b.5]གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་འགྱོད་པ་བསྐྱེད་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་འགྱོད་པ་བསྐྱེད་ན་ཅིར་འགྱུར། ཉེས་བྱས་སུ་ [202b.6]འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་འགྱོད་པ་བསྐྱེད་པར་བཤམས་ [202b.7]ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། །བསྙེན་ [203a] [203a.1]པར་རྫོགས་ཀར་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། [203a.2]ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ལ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། [203a.3]མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་ [203a.4]པ་རྣམས་ལ་འགྱོད་པ་བསྐྱེད་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འགྱོད་པ་བསྐྱེད་ན་ཅིར་འགྱུར། ཐམས་ཅད་ལྟུང་བའོ། །བཙུན་པ་དགེ་སློང་གིས་དགེ་སློང་ལ་ [203a.5]འགྱོད་པ་བསྐྱེད་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཉེས་པའི་ལྷག་མར་བཅས་པའི་ཉེས་པ་ཞིག་འགྱོད་པ་བསྐྱེད་པར་གྱུར་པའོ། །བཙུན་པ་དགེ་སློང་གིས་གཞན་དག་གི་སླད་དུ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [203a.6]གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་འདུན་ཕ་རྣམས་ལ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མ་འགྱོད་པ་བསྐྱེད་ན་ཅིར་འགྱུར། ལྟུང་བའོ། །དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ [203a.7]ཚུལ་ཕ་རྣམས་ལ་འགྱོད་པ་བསྐྱེད་ན་ཐམས་ཅད་ཉེས་བྱས་སུ་འགྱུར་རོ། །དེ་བཞིན་དུ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་གཅིག་ལ་གཅིག་འགྱོད་པ་བསྐྱེད་ན་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་དགེ་སློང་རྣམས་ལ་འགྱོད་པ་བསྐྱེད་ན་ཅིར་ [203b] [203b.1]འགྱུར། ལྟུང་བའོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ [203b.2]ལྡན་འདས་ཀྱིས་མཛུབ་མོས་ག་ག་ཚིལ་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་སྨྱོན་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ [203b.3]ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ལ་ག་ག་ཚིལ་བྱས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། ལུས་དང་སོ་དང་སེན་མོ་དང་། །སྤུ་དང་གཡོགས་མ་རྨ་དེ་བཞིན། །ཁྱིམ་པ་ [203b.4]དག་ལ་སོགས་པ་རྣམས། །མཚན་དང་བཞི་པ་བདུན་པའོ། །བཙུན་པ་དགེ་སློང་གིས་མཛུབ་མོས་ག་ག་ཚིལ་བགྱིས་པ་མ་གཏོགས་པར་དེ་ལས་གཞན་པ་ལུས་ཀྱི་ཕྱོགས་སུ་མགོ་བོའམ། ཕྲག་པའམ། གྲུ་མོའམ། པུས་མོའམ། རྟིང་པའམ། ཤིང་ངམ། རྡོ་འམ། བོང་བ་རྣམས་ [203b.5]ཀྱིས་ག་ག་ཚིལ་བགྱིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ལུས་ཀྱི་དབང་པོ་ཉམས་པས་ལུས་ཀྱི་དབང་པོ་མ་ཉམས་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ལུས་ཀྱི་དབང་པོ་མ་ཉམས་པས་ལུས་ཀྱི་ [203b.6]དབང་པོ་ཉམས་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སོས་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སོ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སེན་མོས་ག་ག་ [203b.7]ཚིལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྤུས་ག་ག་ཚིལ་བགྱིས་སམ། སྤུ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཡོགས་པ་དང་བཅས་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། [204a] [204a.1]བཙུན་པ་དགེ་སློང་གིས་རྨས་ག་ག་ཚིལ་བགྱིས་སམ། རྨ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་ [204a.2]དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ [204a.3]ཉེས་པ་བྱུང་བ་དང་། སྔར་འཁྲུགས་པ་རྣམས་ལ་ག་ག་ཚིལ་བྱས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་ལ་ག་ག་ཚིལ་བགྱིས་ན་ཅིར་འགྱུར། ཐམས་ཅད་ལྟུང་ [204a.4]བར་འགྱུར་རོ། །བཙུན་པ་དགེ་སློང་གིས་དགེ་སློང་མ་ལ་ག་ག་ཚིལ་བགྱིས་སམ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ག་ག་ཚིལ་བགྱིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་མས་དགེ་སློང་དང་། དགེ་ [204a.5]སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ག་ག་ཚིལ་བགྱིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་ལ་ག་ག་ཚིལ་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་ [204a.6]སློང་མས་དགེ་སློང་མ་ལ་ག་ག་ཚིལ་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ག་ག་ཚིལ་བགྱིས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་ [204a.7]བསྙེན་པར་མ་རྫོགས་པར་འདུ་ཤེས་ཏེ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ [204b] [204b.1]ཤེས་ཏེ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་མི་ལ་མིར་འདུ་ཤེས་པ་ཡང་བཞིར་སྦྱར་རོ། །བཙུན་པ་བསྙེན་པར་མ་རྫོགས་པ་ན་བསམས་ལ་བསྙེན་པར་མ་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་ [204b.2]པ་ན་བསམས་ལ་བསྙེན་པར་རྫོགས་ཀར་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསམས་ལ་བསྙེན་པར་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསམས་ལ་བསྙེན་པར་རྫོགས་ [204b.3]ཀར་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསམས་ལ་བསྙེན་པར་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །གང་བསྙེན་པར་རྫོགས་པ་ན་བསམས་ལ་བསྙེན་པར་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། [204b.4]ལྟུང་བའོ། །བསྙེན་པར་རྫོགས་པ་ན་བསམས་ལ་བསྙེན་པར་མ་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་ལ་ག་ག་ཚིལ་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མ་ལ་ག་ག་ཚིལ་ [204b.5]བགྱིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་ [204b.6]གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཆབ་ལ་དགའ་བར་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་ [204b.7]སློང་གིས་ཕྲིན་གྱིས་ཆབ་ལ་དགའ་བར་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ཆུ་ལ་དགའ་བར་བགྱིད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་ [205a] [205a.1]པ་དགེ་སློང་གིས་སྨྱོན་པ་ལ་ཆབ་ཀྱིས་དགའ་བར་བགྱིད་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། [205a.2]སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཆུ་ལ་དགའ་བར་བྱས་ན་ཐམས་ཅད་ཉེས་བྱས་སུ་འགྱུར་རོ། །ཇི་ལྟར་དགའ་བར་བྱེད་པ་དེ་བཞིན་དུ་རྩེ་བ་དང་། མོས་པ་ཡང་རྒྱས་པར་བརྗོད་པར་བྱའོ།། །།མདོར་ན། ཆུ་དང་གཉིས་དང་དེ་བཞིན་སྔགས། ། [205a.3]གཞན་གྱིས་གཞན་གྱི་མཚན་རྣམས་དང་། །དབེན་དང་བཞི་པ་མ་ནིང་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་ཆབ་མ་གཏོགས་པར་དེ་ལས་གཞན་པའི་དངོས་པོས་དགའ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆར་ [205a.4]འབབ་པའི་ཆུའི་ཐིགས་པའམ། ཁ་བའམ་ཟིལ་པའི་ཐིགས་པ་རྣམས་ཀྱིས་དགའ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགའ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [205a.5]གཞན་གྱིས་དགའ་བར་བགྱིད་དུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་གཞན་དག་གི་སླད་དུ་དགའ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆབ་ལ་དགའ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། [205a.6]ལྟུང་བའོ། །བཙུན་པ་དགེ་སློང་མས་ཆབ་ལ་དགའ་བར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་དགའ་བར་བགྱིད་ན་ཅིར་འགྱུར། ལྟུང་བའོ། །ཆུ་ལ་ཆུ་མ་ཡིན་པར་འདུ་ཤེས་ [205a.7]ན་ཉེས་བྱས་སུ་འགྱུར་རོ། །ཆབ་མ་ལགས་པ་ལ་ཆབ་མ་ལགས་པར་འདུ་ཤེས་ཏེ་དགའ་བར་བགྱིད་ན་ཅིར་འགྱུར། ཉེས་བྱས་སུ་འགྱུར་རོ། །དེ་བཞིན་དུ་མི་ལ་མིར་འདུ་ཤེས་པ་ཡང་བཞིར་སྦྱར་རོ། །བཙུན་པ་དགེ་སློང་གིས་མ་ནིང་ཞིག་དགའ་བར་བགྱིད་དུ་སྩལ་ན་ཅིར་འགྱུར། [205b] [205b.1]ཉེས་བྱས་སོ། །དེ་བཞིན་དུ་མ་ནིང་མ་དང་། མཚན་གཉིས་པ་ཞིག་དགའ་བར་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །ཇི་ལྟར་དགའ་བར་བྱེད་པ་དེ་བཞིན་དུ་རྩེ་བ་དང་། མོས་པ་དང་། དགོད་པ་དང་། རྒྱུག་པ་དང་། ལུས་ཀྱི་རྡེག་པ་རྣམས་སུ་ཡང་རྒྱས་པར་ [205b.2]བཤད་དོ། །བཙུན་པ་བསླབ་པ་སྩལ་བས་དགའ་བར་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཆབ་ཀྱིས་དགའ་བར་བགྱིད་དམ་དགའ་བར་བགྱིད་དུ་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། [205b.3]སྨྱོན་པ་སེམས་འཁྲུགས་ན་བ་དང་། །མ་ནིང་མ་དང་འགྲོ་བ་སྤྲུལ། །ནམ་མཁའ་དང་ནི་སྔགས་དང་མཚན། །བཞི་པ་དེ་བཞིན་མ་ནིང་ངོ་། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ [205b.4]དང་ཁྱིམ་གཅིག་ཏུ་ཉལ་བར་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་མ་དང་ལྷན་ཅིག་ཏུ་ཁྱིམ་གཅིག་ཏུ་ཉལ་ན་ཅིར་འགྱུར། ཉེས་བྱས་སུ་འགྱུར་རོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འགྲོ་བ་གཞན་དུ་གནས་ [205b.5]པ་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཉེས་བྱས་སོ། །བཙུན་པ་དགེ་སློང་གིས་བུད་མེད་སྤྲུལ་པ་དང་ལྷན་ཅིག་ཁྱིམ་གཅིག་ཏུ་ཉལ་ན་ཅིར་འགྱུར། ཉེས་བྱས་སུ་འགྱུར་རོ། །བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་ཁྱིམ་གཅིག་གི་ནང་དུ་ནམ་མཁའ་ལ་ཉལ་ [205b.6]བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་བུད་མེད་དང་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སུ་འགྱུར་རོ། །བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་ [205b.7]ཁྱིམ་གཅིག་ཏུ་ཉལ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་སྐྱེས་པ་དང་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [206a] [206a.1]གིས་བུད་མེད་ལ་བུད་མེད་དུ་འདུ་ཤེས་ཏེ་ཉལ་བར་བགྱིད་ན་ཅིར་འགྱུར། ལྟུང་བའོ། །བུད་མེད་ལ་བུད་མེད་མ་ཡིན་པར་འདུ་ཤེས་ན་ཉེས་པ་མེད་དོ། །བུད་མེད་མ་ཡིན་པ་ལ་བུད་མེད་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །བུད་མེད་མ་ཡིན་པ་ལ་ [206a.2]བུད་མེད་མ་ཡིན་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་མིའི་བུད་མེད་ལ་མིར་འདུ་ཤེས་ཏེ་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་ [206a.3]འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་མ་ནིང་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སོ།། །།མདོར་ན། རི་དང་སྟུག་པོའི་ཤིང་དང་ནི། ། [206a.4]བསྐོར་དང་གཡོགས་དང་ཆེན་པོ་དང་། །བཟུང་བ་དེ་བཞིན་ཉིན་པར་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་རིའི་གྲོག་པོའམ། ཤིང་སྟུག་པོའམ། ཤིང་ཕུག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། [206a.5]བཙུན་པ་དགེ་སློང་གིས་བུད་མེད་དང་ལྷན་ཅིག་ཐམས་ཅད་གཡོགས་པའམ། ཕྱེད་བསྐོར་བའམ། མ་བསྐོར་བར་ཉལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བུད་མེད་དང་ལྷན་ཅིག་རིས་བསྐོར་བའམ། མ་གཡོགས་པའམ། ཕྱེད་གཡོགས་པའམ། [206a.6]ཕྱེད་མ་གཡོགས་པར་ཉལ་བར་བགྱིད་ན་ཅིར་འགྱུར། ཉེས་བྱས་སོ། །བཙུན་པ་བཅོམ་ལྡན་འདས་ཀྱིས་བྱོལ་སོང་མོའི་སྐྱེ་གནས་དང་ལྷན་ཅིག་ཁྱིམ་གཅིག་ཏུ་ཉལ་ན་ཉེས་བྱས་སུ་འགྱུར་རོ། །ཞེས་གསུངས་ན། དེ་ཇི་ལྟ་བུ་ལགས། ཨུ་པཱ་ལི་བྱོལ་སོང་གི་སྐྱེ་གནས་སུ་ [206a.7]གྱུར་པ་ཆེན་མོའོ། །ཆེན་མོ་ཇི་ལྟ་བུ་ལགས། བཀའ་སྩལ་པ། བྱའི་ནང་ན་ཁྱིམ་བྱ་མོའམ། གཞན་ཡང་ཁྱིམ་བྱ་མོ་དང་འདྲ་བའོ། །རྐང་བཞི་པའི་ནང་ན་སྤྲེའུ་མོའམ། གཞན་ཡང་སྤྲེའུ་མོ་དང་འདྲ་བའོ། །བཙུན་པ་བཅོམ་ལྡན་འདས་ཀྱིས་མི་མ་ཡིན་པའི་བུད་མེད་ [206b] [206b.1]དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཉེས་བྱས་སུ་འགྱུར་རོ། །ཞེས་གསུངས་ན། མི་མ་ལགས་པ་ཇི་ལྟ་བུ་ལགས། ཡན་ལག་ཐམས་ཅད་ནས་བཟུང་ཞིང་བལྟར་ཡོད་པའོ། །བཙུན་པ་དགེ་སློང་གིས་བུད་མེད་དང་ལྷན་ཅིག་ཁྱིམ་གཅིག་གི་ནང་དུ་ཉིན་ [206b.2]པར་ཉལ་བར་བགྱིད་ན་ཅིར་འགྱུར། ཨུ་པཱ་ལི་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་རོ། །སྐྱ་རེངས་ཤར་ནས་ལྟུང་བྱེད་དུ་འགྱུར་རོ། །བཙུན་པ་བསླབ་པ་སྩལ་བ་བུད་མེད་དང་ལྷན་ཅིག་ཁྱིམ་གཅིག་གི་ནང་དུ་ཉལ་བར་བགྱིད་ན་ཅིར་འགྱུར། ལྟུང་བའོ། །བཙུན་ [206b.3]པ་དགེ་སློང་མས་སྐྱེས་པ་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག ། [206b.4]སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་ལ་བསྡིགས་ [206b.5]སམ་སྡིགས་སུ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་ཕྲིན་གྱིས་སྡིགས་སུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་སྡིགས་སུ་ [206b.6]བཅུག་ན་ཐམས་ཅད་ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་ [206b.7]དུ་གནས་པ་རྣམས་བསྡིགས་སམ་སྡིགས་སུ་བཅུག་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་སྔགས། །གཞན་གྱིས་གཞན་གྱི་བདུན་པ་དང་། །ཁྱིམ་པ་དག་ལ་སོགས་པ་རྣམས། །བཞི་པ་མཚན་ཀྱང་དེ་བཞིན་ནོ། ། [207a] [207a.1]བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་བསྡིགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་སློང་བསྡིགས་པ་དང་། དགེ་སློང་དེས་ [207a.2]ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །དགེ་སློང་མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་བསྡིགས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་ [207a.3]འཕགས་པའི་སྐད་དུ་དགེ་སློང་བསྡིགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་དགེ་སློང་བསྡིགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་ [207a.4]དབེན་པར་འདུ་ཤེས་ཏེ་དགེ་སློང་བསྡིགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགེ་སློང་བསྡིགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་སྡིགས་སུ་སྩལ་ན་ཅིར་འགྱུར། ཉེས་བྱས་ [207a.5]སོ། །བཙུན་པ་དགེ་སློང་གིས་དགེ་སློང་གཞན་གྱི་སླད་དུ་བསྡིགས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་དགེ་སློང་བསྡིགས་པར་བཤམས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་ [207a.6]བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་ [207a.7]སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ [207b] [207b.1]ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་བསྡིགས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། །དེ་བཞིན་གཤེགས་ [207b.2]པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་བསྡིགས་སམ་སྡིགས་སུ་བཅུག་ན་ཐམས་ཅད་ཉེས་བྱས་སུ་འགྱུར་ [207b.3]རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་མངོན་སུམ་དུ་བསྡིགས་སམ་སྡིགས་སུ་སྩལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་ལ་མངོན་སུམ་དུ་ [207b.4]ཁྱིམ་པ་སྡིགས་སུ་སྩལ་ན་ཅིར་འགྱུར། ལྟུང་བའོ། །དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་ [207b.5]དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་དང་། དགེ་སློང་མ་དང་། དགེ་སློབ་མ་དང་། [207b.6]དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྡིགས་ན་ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་བསྡིགས་སམ་སྡིགས་སུ་སྩལ་ན་ཅིར་འགྱུར། ཉེས་བྱས་སོ། ། [207b.7]བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་བསྡིགས་སམ་སྡིགས་སུ་སྩལ་ན་ཅིར་འགྱུར། ཐམས་ཅད་ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་ [208a] [208a.1]པར་འདུ་ཤེས་ཏེ་བསྡིགས་སམ་སྡིགས་སུ་སྩལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་ [208a.2]རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྡིགས་སམ་སྡིགས་སུ་སྩལ་ན་ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་བསྡིགས་སམ་སྡིགས་སུ་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་ [208a.3]པ་དགེ་སློང་མས་དགེ་སློང་མ་བསྡིགས་སམ་སྡིགས་སུ་སྩལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་ལ་བསྡིགས་སམ་སྡིགས་སུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མ་ལ་ [208a.4]བསྡིགས་སམ་སྡིགས་སུ་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་རྒྱས་པར་བརྗོད་པར་བྱའོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག ། [208a.5]སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གང་གིས་ [208a.6]དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་སྟེ། དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་སྟེ། དགེ་སྦྱོང་ [208a.7]གི་ཡོ་བྱད་ཅིག་ཕྲིན་གྱིས་སྦེད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་སྦེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པའི་ [208b] [208b.1]ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་ [208b.2]དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་བཅུག་ན་ཐམས་ཅད་ཉེས་བྱས་སུ་ [208b.3]འགྱུར་རོ།། །།མདོར་ན། མི་རུང་བ་དང་དེ་བཞིན་སྔགས། །ཆུང་དང་ཆེ་དང་གོས་རྣམས་དང་། །ཁྱིམ་པ་དག་ལ་སོགས་པ་རྣམས། །མཚན་དང་བཞི་པ་བདུན་པ་དང་། །གཞན་གྱིས་དགེ་འདུན་གཞན་གྱི་ཕྱིར། །བསླབ་པ་བྱིན་དང་དགེ་སློང་མའོ། །བཙུན་པ་དགེ་ [208b.4]སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་མི་རུང་བ་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགེ་སློང་གི་ལྷུང་བཟེད་དམ། [208b.5]གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ། སྨན་ནམ། རྫུ་འཕྲུལ་གྱིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་ [208b.6]གི་ཡོ་བྱད་སྦས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གོས་ཁྲུ་གང་ལས་ཆུང་བའམ། ལྷུང་བཟེད་ཆུང་བའམ། ཚད་ལས་ཆེ་བའི་ལྷུང་བཟེད་སྦེད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་དམ། གོས་སམ། [208b.7]གཞན་གང་ཡང་རུང་བ་དགེ་སློང་གི་ཡོ་བྱད་མ་གཏོགས་པར་དེ་ལས་གཞན་པ་ཁྱིམ་པ་དང་མཐུན་པའི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པའི་སྣོད་དམ། གོས་སམ། གཞན་གང་ཡང་རུང་སྟེ་ཡོ་བྱད་ [209a] [209a.1]སྦེད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། [209a.2]མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བའི་ལྷུང་བཟེད་དམ། གོས་སམ། གཞན་གང་ཡང་རུང་སྟེ་དགེ་སྦྱོང་གི་ཡོ་བྱད་སྦས་སམ་སྦེད་དུ་ [209a.3]བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་གི་ལྷུང་བཟེད་དམ། གོས་སྦས་སམ་སྦེད་དུ་སྩལ་ན་ཅིར་འགྱུར། ཐམས་ཅད་ལྟུང་བའོ། །བཙུན་ [209a.4]པ་དགེ་སློང་གིས་དགེ་སློང་མའམ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕའི་ལྷུང་བཟེད་དམ། གོས་སམ། གཞན་གང་ཡང་རུང་སྟེ་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་ [209a.5]ངམ། དགེ་སློབ་མ་དང་། དགེ་ཚུལ་མའམ། དགེ་ཚུལ་ཕའི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་དམ། གོས་སམ། གཞན་གང་ཡང་ [209a.6]རུང་དགེ་སློང་གི་ཡོ་བྱད་མངོན་སུམ་དུ་ཁྱིམ་པ་སྦེད་དུ་སྩལ་ན་ཅིར་འགྱུར། ལྟུང་བའོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ [209a.7]དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་བྱིན་པ་དང་། དགེ་སློང་ [209b] [209b.1]དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་མངོན་སུམ་དུ་སྦེད་དུ་བཅུག་ན་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་ [209b.2]སྦེད་དུ་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མའི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། [209b.3]ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྦས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་ [209b.4]པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྦས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་སྦ་བར་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། [209b.5]ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་ [209b.6]བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ལྟུང་བའོ། །བསྙེན་ [209b.7]པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་རྣམས་གཞན་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། [210a] [210a.1]བཙུན་པ་དགེ་སློང་གིས་དགེ་འདུན་གྱི་ཡོ་བྱད་སྦས་སམ། སྦེད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་འཚོ་བའི་ཡོ་བྱད་རྣམས་གཞན་གྱི་སླད་དུ་སྦས་ [210a.2]ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མའི་ལྷུང་བཟེད་དམ། གོས་སམ། [210a.3]གཞན་གང་ཡང་རུང་དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག ། [210a.4]སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་གོས་སྩལ་ལ་སླར་ [210a.5]མ་གཡར་བར་སྤྱད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་ཕྲིན་གྱིས་གོས་སྩལ་ལ་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ [210a.6]ནས་གོས་བྱིན་པ་ལས་ཕྱིར་མ་བརྙས་པར་སྤྱད་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་ [210a.7]དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་ལ་གོས་བྱིན་པ་ལས་ཕྱིས་མ་བརྙས་པར་སྤྱད་ན་ཐམས་ཅད་ཉེས་བྱས་སུ་འགྱུར་རོ།། །། [210b] [210b.1]མདོར་ན། མི་རུང་བ་དང་དེ་བཞིན་སྔགས། །ཆུང་དང་ཆེ་དང་གོས་རྣམས་དང་། །ཁྱིམ་པ་དག་ལ་སོགས་པ་རྣམས། །མཚན་དང་བཞི་པ་བདུན་པ་དང་། །གཞན་གྱི་རྒྱུ་དང་གཞན་ལ་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་དགེ་སློང་ལ་གོས་ [210b.2]སྩལ་ལ་སླར་མ་གཡར་བར་སྤྱད་ཀྱང་ནོངས་པ་ལྟུང་བར་མི་འགྱུར་བ་དེ་ལྟ་བུ་མཆིས་སམ། ཨུ་པཱ་ལི་ཡོད་དེ། གོས་མི་རུང་བར་གྱུར་པ་སྟེ། དེ་ལ་མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། {རི་དགས་,རི་དྭགས་}ཀྱི་བལ་དང་། རའི་བལ་དང་། འདྲེས་པ་དང་། ཐགས་སུ་མ་ [210b.3]བཏགས་པའོ། །དེ་འདྲ་བའི་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྔགས་སམ། སྨན་ཏམ། རྫུ་འཕྲུལ་གྱིས་སྤྲུལ་ཏེ་སྩལ་ནས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་ [210b.4]དགེ་སློང་གིས་གོས་ཁྲུ་གང་བས་ཆུང་བའམ། བདེ་བར་གཤེགས་པའི་གོས་ཀྱི་ཚད་ཅིག་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གོས་མ་གཏོགས་པར་དེ་ལས་གཞན་པ་དགེ་སྦྱོང་གི་ཡོ་བྱད་སྩལ་བ་ལས་སླར་མ་གཡར་བར་ [210b.5]སྤྱད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ཟ་མ་དང་། མ་ནིང་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་ [210b.6]བྱས་སོ། །དེ་བཞིན་དུ་ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་ [210b.7]བྱུང་བ་དང་། སྔར་འཁྲུགས་པ་རྣམས་ལ་གོས་བྱིན་ཏེ་ཕྱིར་མ་བརྙས་པར་སྤྱད་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་ལ་གོས་སྩལ་བ་ལས་སླར་མ་གཡར་བར་ [211a] [211a.1]སྤྱད་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དང་། [211a.2]དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་གོས་སྩལ་བ་ལས་སླར་མ་གཡར་བར་སྤྱད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གོས་སྩལ་བ་ལས་སླར་མ་གཡར་བར་སྤྱད་པ་ན་མཚན་འཕོས་ཏེ་ [211a.3]དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་མ་ལ་གོས་སྩལ་བ་ལས་སླར་མ་གཡར་བར་སྤྱད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ [211a.4]ནས་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བསྙེན་ [211a.5]པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གོས་སྩལ་བ་ལས་སླར་མ་བརྙས་པར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་གོས་སྩལ་ལ་བསྙེན་པར་མ་རྫོགས་པ་ན་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བསྙེན་ [211a.6]པར་མ་རྫོགས་པ་ན་སྩལ་ལ་བསྙེན་པར་རྫོགས་ཀར་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་སྩལ་ལ་བསྙེན་པར་རྫོགས་ནས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་གོས་སྩལ་ལ་བསྙེན་པར་ [211a.7]རྫོགས་ཀར་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་གོས་སྩལ་ལ་བསྙེན་པར་རྫོགས་ནས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་གོས་སྩལ་ལ་བསྙེན་པར་རྫོགས་པ་ན་སླར་མ་གཡར་བར་སྤྱད་ན་ཅིར་ [211b] [211b.1]འགྱུར། ལྟུང་བའོ། །བསྙེན་པར་རྫོགས་པ་ན་གོས་སྩལ་ལ་བསྙེན་པར་མ་རྫོགས་པ་ན་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་གཞན་ལས་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བཙུན་ [211b.2]པ་དགེ་སློང་གིས་དགེ་སློང་ལ་གོས་ཐུན་མོང་བ་ཞིག་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་ལ་གཞན་གྱི་སླད་དུ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་ [211b.3]དགེ་སློང་ལ་གོས་སྩལ་ཏེ་མ་གཡར་བར་སྤྱད་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཐམས་ཅད་ཉེས་བྱས་སུ་བརྗོད་པར་བྱའོ། །དགེ་འདུན་གྱི་ལྷག་མས་སྐུར་པས་ནི་ཕས་ཕམ་པ་ལ་སྐུར་པར་བཤད་པ་བཞིན་རྣམ་པར་ [211b.4]དབྱེའོ།། །།འདུལ་བ་གཞུང་དམ་པ། བམ་པོ་བཅུ་གསུམ་པ། མདོར་ན། སྨྱོན་པ་སེམས་འཁྲུགས་ན་བ་དང་། །སྔགས་དང་ནམ་མཁའ་དེ་བཞིན་ཏེ། །མཚན་དང་དེ་བཞིན་བཞི་པ་དང་། གཞོན་ནུ་དག་དང་མ་ནིང་མ། །སྤྲུལ་པ་མ་ནིང་དེ་བཞིན་ནོ། །སངས་ [211b.5]རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་གིས་སྨྱོན་མ་དང་ལྷན་ཅིག་ [211b.6]ཤུལ་དུ་ཞུགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། དེ་བཞིན་དུ་འགྲོ་བ་གཞན་དུ་གནས་མ་དང་ལྷན་ཅིག་ལམ་དུ་ཞུགས་ཏེ་འགྲོ་ན་ཉེས་བྱས་སུ་འགྱུར་རོ། ། [211b.7]བཙུན་པ་དགེ་སློང་གིས་སྐྱེས་པ་སྨྱོན་པ་དང་། བུད་མེད་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྐྱེས་པ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་ [212a] [212a.1]པ་རྣམས་དང་། །བུད་མེད་དང་ལྷན་ཅིག་ལམ་དུ་ཞུགས་ན་ཐམས་ཅད་ཉེས་བྱས་སུ་འགྱུར་རོ། །དགེ་སློང་གིས་བུད་མེད་དང་། མ་ནིང་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་ [212a.2]སྣང་བར་བསྒྱུར་ཏེ་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྐྱེས་པ་མ་མཆིས་པར་བུད་མེད་དང་ལྷན་ཅིག་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ [212a.3]སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་སྐྱེས་པ་དང་ལྷན་ཅིག་ཤུལ་དུ་ཞུགས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་ [212a.4]པ་དགེ་སློང་གིས་མིའི་བུད་མེད་ལ་མིར་འདུ་ཤེས་ཏེ་ཤུལ་དུ་ཞུགས་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་ [212a.5]པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མིའི་བུད་མེད་ལ་བུད་མེད་དུ་འདུ་ཤེས་ནས་ཤུལ་དུ་ཞུགས་ན་ཅིར་འགྱུར། ལྟུང་བའོ། །མིའི་བུད་མེད་ལ་སྐྱེས་པར་འདུ་ཤེས་ཏེ་ཤུལ་དུ་ཞུགས་ན་ཅིར་འགྱུར། ཉེས་པ་མེད་དོ། །སྐྱེས་པ་ལ་བུད་ [212a.6]མེད་དུ་འདུ་ཤེས་ཏེ་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། །སྐྱེས་པ་ལ་སྐྱེས་པར་འདུ་ཤེས་ཏེ་ཤུལ་དུ་ཞུགས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་སྐྱེས་པ་མེད་པར་གཞོན་ནུ་མ་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། །བཙུན་ [212a.7]པ་དགེ་སློང་གིས་མ་ནིང་མོ་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་མ་ནིང་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། [212b] [212b.1]ཉེས་བྱས་སོ། །བཙུན་པ་བསླབ་པ་སྩལ་བས་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་བུད་མེད་མ་མཆིས་པར་སྐྱེས་པ་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། དངོས་པོ་ཇི་ལྟ་བ་བཞིན་ནོ། །དགེ་ [212b.2]སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་བརྗོད་པར་བྱའོ།། །།མདོར་ན། སྨྱོན་པར་གྱུར་དང་སེམས་འཁྲུགས་པ། །ན་བ་འོན་པ་འགྲོ་བ་རྣམས། །ནམ་མཁའ་མཚན་དང་བཞི་པ་དང་། །སྤྲུལ་པ་དང་ནི་མ་ནིང་ལམ། །ལམ་མ་ཡིན་དང་དགེ་སློང་ [212b.3]མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྐུན་པོ་སྨྱོན་པ་ཞིག་དང་ [212b.4]ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་འདྲོན་པ་མང་པོ་རྐུ་བ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་དང་ལྷན་ཅིག་ལམ་དུ་ཞུགས་ [212b.5]ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་འདྲོན་པ་མང་པོ་དང་ལྷན་ཅིག་འགྲོགས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་ནམ་ [212b.6]མཁའ་ལས་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་ [212b.7]མཆི་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་ལ་འདྲོན་པ་མང་པོ་རྐུ་བར་འདུ་ཤེས་ཏེ་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། །འདྲོན་པ་མང་པོ་རྐུ་བ་ལ་རྐུ་བ་མ་ལགས་པར་ [213a] [213a.1]འདུ་ཤེས་ཏེ་མཆིས་ན་ཅིར་འགྱུར། ཉེས་པ་མེད་དོ། །འདྲོན་པ་མང་པོ་རྐུ་བ་མ་ལགས་པ་ལ་འདྲོན་པ་མང་པོ་རྐུ་བར་འདུ་ཤེས་ཏེ་མཆིས་ན་ཅིར་འགྱུར། ཉེས་བྱས་སོ། །འདྲོན་པ་མང་པོ་རྐུ་བ་མ་ལགས་པ་ལ་རྐུ་བ་མ་ལགས་པར་འདུ་ཤེས་ན་ཅིར་འགྱུར། [213a.2]ཉེས་པ་མེད་དོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། །མི་མ་ལགས་པ་ལ་མིར་འདུ་ཤེས་ན་ [213a.3]ཅིར་འགྱུར། ཉེས་བྱས་སུ་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་སྤྲུལ་པ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [213a.4]གིས་རྐུན་པོ་མ་ནིང་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། རྒྱང་གྲགས་གཅིག་ཚུན་ཆད་ཕྱིར་ [213a.5]ལྡོག་གམ་རྐུན་པོས་དགེ་སློང་བཟུང་སྟེ་ཁྲིད་དམ་འོན་ཏེ་དེ་དག་ཉིད་བསེལ་དུ་གྱུར་ཏམ། ལམ་སྟོར་ནས་ལམ་སྟོན་པའོ། །བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་མ་ལགས་པར་མཆིས་ན་ཅིར་འགྱུར། ལྟུང་བའོ། །བཙུན་པ་བསླབ་པ་སྩལ་བས་ [213a.6]འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ [213a.7]ལ་ཉེས་བྱས་སོ།། །།མདོར་ན། སྔར་འཁྲུགས་བསྙེན་པར་རྫོགས་དང་མཚན། །བཞི་པ་སྨྱོན་པ་སེམས་འཁྲུགས་དང་། །ན་བ་འོན་པ་འགྲོ་བ་དང་། །ཁྱིམ་པ་ལ་སོགས་ཁྱིམ་པ་མོ། །བསླབ་པ་བྱིན་དང་དགེ་སློང་མའོ། །སངས་རྒྱས་བཅོམ་ལྡན་འདས་ལ་ཚེ་ [213b] [213b.1]དང་ལྡན་པ་ཨུ་པཱ་ལིས་ཞུས་པ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལོ་ཉི་ཤུར་མ་ལོན་པའི་གང་ཟག་ཅིག་དགེ་སློང་གི་དངོས་པོར་བསྙེན་པར་རྫོགས་པར་བགྱིད་ན་ལྟུང་བར་འགྱུར་རོ། །ཞེས་གསུངས་ན། བཙུན་པ་དགེ་སློང་གིས་ལོ་ཉི་ཤུ་མ་ལགས་པར་ [213b.2]འདུ་ཤེས་ཏེ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱི་འམ། ཨུ་པཱ་ལི་འདི་བཞི་ནི་སྔར་འཁྲུགས་པ་སྟེ། ལོ་ཉི་ཤུ་ཡང་མ་ལོན་ལ་ལོ་ཉི་ཤུ་མ་ལོན་པར་ཡང་འདུ་ཤེས་ནས་དེ་ལ་དགེ་སློང་གིས་ལོ་ཉི་ཤུ་ལོན་ནམ་ཞེས་དྲིས་པ་དང་། དེས་འདི་སྐད་དུ་བདག་ནི་ [213b.3]ལོ་ཉི་ཤུ་མ་ལོན་པར་ཤེས་ཤིང་དྲན་ཏེ་ཐེ་ཚོམ་མེད་དོ་ཞེས་སྨྲས་པ་དང་། གང་ཟག་དེ་དགེ་སློང་གིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་དང་པོའོ། །ལོ་ཉི་ཤུ་མ་ལོན་པར་གྱུར་ལ་ལོ་ཉི་ཤུ་མ་ལོན་པར་འདུ་ཤེས་ནས་དགེ་སློང་གིས་ལོ་ཉི་ [213b.4]ཤུ་ལོན་ནམ་ཞེས་དྲིས་པ་དང་། དེས་འདི་སྐད་དུ་མི་ཤེས་སོ་མི་དྲན་ནོ། །ཞེས་སྨྲས་པའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་གཉིས་པའོ། །ལོ་ཉི་ཤུ་མ་ལོན་པར་གྱུར་ལ་ལོ་ཉི་ཤུ་མ་ལོན་པར་འདུ་ཤེས་ [213b.5]ནས་དགེ་སློང་གིས་ལོ་ཉི་ཤུ་ལོན་ནམ་ཞེས་དྲིས་པ་དང་། དེས་འདི་སྐད་དུ་བདག་ནི་ཐེ་ཚོམ་ཟའོ་ཞེས་སྨྲས་པ་དང་། གང་ཟག་དེ་དགེ་སློང་གིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་གསུམ་པའོ། །ལོ་ཉི་ཤུ་མ་ལོན་པར་གྱུར་ལ་ཉི་ཤུར་མ་ [213b.6]ལོན་པར་འདུ་ཤེས་ནས་དགེ་སློང་གིས་དྲིས་ཀྱང་ལན་མི་གློན་པའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་བཞི་པ་སྟེ། ཨུ་པཱ་ལི་སྔར་འཁྲུགས་པ་འདི་བཞི་མ་གཏོགས་པར་ལྷག་མ་རྣམས་ནི་བསྙེན་པར་ [213b.7]རྫོགས་པ་ཞེས་བྱའོ། །བཙུན་པ་དགེ་སློང་གིས་ལོ་ཉི་ཤུ་མ་ལགས་པའི་གང་ཟག་ཅིག་དགེ་སློང་གི་དངོས་པོར་བསྙེན་པར་རྫོགས་པར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ལོ་ཉི་ཤུ་མ་ལགས་པའམ་ལོ་ [214a] [214a.1]བཅུ་གཉིས་སུ་མ་ལགས་པ་ཞིག་དགེ་སློང་མའི་དངོས་པོར་བསྙེན་པར་རྫོགས་པར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ལོ་ཉི་ཤུ་མ་ལགས་པ་ལ་ལོ་ཉི་ཤུ་མ་ལགས་པར་འདུ་ཤེས་ཏེ་བསྙེན་པར་རྫོགས་ [214a.2]པར་བགྱིས་ན་ཅིར་འགྱུར། ལྟུང་བའོ། །ལོ་ཉི་ཤུ་མ་ལོན་པ་ལ་ལོ་ཉི་ཤུ་ལོན་པར་འདུ་ཤེས་ཏེ་བསྙེན་པར་རྫོགས་པར་བྱས་ན་ཉེས་པ་མེད་དོ། །ཉི་ཤུ་ལོན་པ་ལ་ལོ་ཉི་ཤུ་མ་ལོན་པར་འདུ་ཤེས་ཏེ་བསྙེན་པར་རྫོགས་པར་བྱས་ན་ཉེས་བྱས་སུ་འགྱུར་རོ། །ལོ་ཉི་ཤུ་ལོན་པ་ལ་ལོ་ཉི་ཤུ་ལོན་ [214a.3]པར་འདུ་ཤེས་ཏེ་བསྙེན་པར་རྫོགས་པར་བྱས་ན་ཉེས་པ་མེད་དོ། །བཙུན་པ་དགེ་སློང་གིས་སྨྱོན་པ་ཞིག་ལོ་ཉི་ཤུར་མ་ལགས་པར་འདུ་ཤེས་ཏེ་བསྙེན་པར་རྫོགས་པར་བགྱིད་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། [214a.4]ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལོ་ཉི་ཤུར་མ་ལོན་པར་འདུ་ཤེས་ཏེ་བསྙེན་པར་རྫོགས་པར་བྱས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཁྱིམ་པ་ལ་ལོ་ཉི་ཤུར་མ་ལགས་པར་འདུ་ཤེས་ཏེ་བསྙེན་པར་རྫོགས་པར་འདུ་ཤེས་བགྱིས་ན་ཅིར་ [214a.5]འགྱུར། ལྟུང་བའོ། །དགེ་ཚུལ་ཕའང་དེ་བཞིན་ནོ། །བཙུན་པ་དགེ་སློང་གིས་མ་ནིང་ལོ་ཉི་ཤུར་མ་ལགས་པར་འདུ་ཤེས་ཏེ་བསྙེན་པར་རྫོགས་པར་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་ [214a.6]གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ལོ་ཉི་ཤུར་མ་ལོན་པར་འདུ་ཤེས་ཏེ་བསྙེན་པར་རྫོགས་པར་བྱས་ [214a.7]ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་ལོ་ཉི་ཤུ་མ་ལགས་པར་འདུ་ཤེས་ཏེ་བསྙེན་པར་རྫོགས་པར་བགྱིས་ཀྱང་ནོངས་པ་ལྟུང་བར་ཡང་མི་འགྱུར་ལ་ལེགས་པར་བསྙེན་པར་རྫོགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། མི་ལ་སོང་བ་ནི་ལོ་ཉི་ཤུ་མ་ལོན་ཡང་ [214b] [214b.1]བསྙེན་པར་རྫོགས་པར་བྱོས་ཤིག །བཙུན་པ་བསླབ་པ་སྩལ་བས་ལོ་ཉི་ཤུར་མ་ལོན་པའི་གང་ཟག་བསྙེན་པར་རྫོགས་པར་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་གཞོན་ནུ་མ་ལོ་ཉི་ཤུར་མ་ལོན་པ་དང་། མི་ལ་སོང་བ་ལོ་བཅུ་གཉིས་སུ་མ་ལོན་པ་བསྙེན་པར་ [214b.2]རྫོགས་པར་བགྱིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་པ་མེད་དོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་ [214b.3]འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བདག་གི་སུག་པས་ས་བརྐོས་སམ་རྐོར་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ས་རྐོར་ [214b.4]སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ས་རྐོར་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ས་རྐོར་སྩལ་ན་ཅིར་འགྱུར། ཉེས་བྱས་སོ། ། [214b.5]དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ནི་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མཚན་དང་བཞི་པ་བདུན་དེ་བཞིན། །ཁྱིམ་པ་དག་ལ་སོགས་པ་དང་། ། [214b.6]སྐད་དང་ལུས་དང་མ་འཐས་པ། །ཕུར་པ་ས་ཞག་ཚིག་པའོ། །བཙུན་པ་དགེ་སློང་གིས་རང་གི་སུག་པས་ས་རྐོ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། །ལྟུང་བའོ། །བཙུན་པ་དགེ་སློང་མས་རང་གི་སུག་པས་ས་རྐོ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། [214b.7]བཙུན་པ་དགེ་སློང་གིས་ས་ལ་སར་འདུ་ཤེས་ཏེ་བརྐོས་སམ་རྐོར་སྩལ་ན་ཅིར་འགྱུར། །ལྟུང་བའོ། །ས་ལ་ས་མ་ཡིན་པར་འདུ་ཤེས་ན་ཉེས་པ་མེད་དོ། །ས་མ་ཡིན་པ་ལ་སར་འདུ་ཤེས་ཏེ་རྐོར་བཅུག་ན་ཉེས་བྱས་སོ། །ས་མ་ཡིན་པ་ལ་ས་མ་ཡིན་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་ [215a] [215a.1]སློང་གིས་གཞན་ས་རྐོར་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་གྱི་སླད་དུ་ས་བརྐོས་ན་ཅིར་འགྱུར། ལྟུང་བའོ། །བཙུན་པ་བསྙེན་པར་མ་རྫོགས་པ་ན་བརྐོ་བར་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་ [215a.2]བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་ [215a.3]རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། །བསྙེན་པར་རྫོགས་ [215a.4]པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མངོན་སུམ་དུ་ཁྱིམ་པ་ས་རྐོར་སྩལ་ན་ཅིར་འགྱུར། ལྟུང་བའོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་བསད་པ་ [215a.5]དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་དང་། [215a.6]སྔར་འཁྲུགས་པ་དང་། སྔར་ཉེས་པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་བྱིན་པ་དང་། དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་མངོན་སུམ་དུ་རྐོར་བཅུག་ན་ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་འཕགས་ [215a.7]པས་འཕགས་པའི་སྐད་དུ་ས་རྐོར་སྩལ་བ་དང་། གང་ཟག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་ས་རྐོར་སྩལ་བ་དང་། གང་ཟག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ [215b] [215b.1]བྱས་སོ། །བཙུན་པ་དགེ་སློང་མཐའ་འཁོབ་པས་མཐའ་འཁོབ་པའི་སྐད་དུ་ས་རྐོར་སྩལ་བ་དང་། གང་ཟག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་ས་རྐོར་སྩལ་བ་དང་། གང་ཟག་དེས་ [215b.2]ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་ས་རྐོར་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མ་འཐས་པའི་ས་རྐོར་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ས་ལ་ཕུར་པ་ [215b.3]བཏབ་ན་ཅིར་འགྱུར། ལྟུང་བའོ། །བཙུན་པ་དེ་སྟེ་ཕྱུང་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ས་ཞག་བཤུས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ས་ལ་བྲུད་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ས་ལ་བ་ལང་ [215b.4]གི་ལྕི་བའམ་གྱོ་རལ་ཆགས་པ་བརྐོས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ས་ཚིག་པ་བརྐོས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་བདག་གི་སུག་པས་ས་བརྐོས་སམ་རྐོར་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ [215b.5]བདག་གི་སུག་པས་ས་བརྐོས་སམ་རྐོར་སྩལ་ན་ཅིར་འགྱུར། །ལྟུང་བའོ། །དགེ་སློབ་མ་ལ་ཉེས་བྱས་སོ། །དགེ་ཚུལ་མ་དང་། དགེ་ཚུལ་ཕ་ལ་ཉེས་པ་མེད་དོ།། །།མདོར་ན། ཕྲིན་པ་སྤྲིན་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་ [215b.6]འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་ཟླ་བ་བཞིར་ནི་མགྲོན་དུ་བོས་ [215b.7]པ་བདག་གིར་བྱོས་ཤིག །དེ་ལས་ལྷག་པར་བདག་གིར་བགྱིས་ན་ལྟུང་བར་འགྱུར་ཞེས་གསུངས་ན། བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་བགྱིས་པ་དེ་ལས་འདས་པར་ཕྲིན་གྱིས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་ [216a] [216a.1]སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་བསླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་ཞིག་སྨྱོན་པས་མགྲོན་བགྱིས་པ་དང་དེ་ལས་འདས་པ་བསླངས་ཏེ་འཚལ་ན་ཅིར་འགྱུར། [216a.2]ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱིས་དུས་ཇི་ [216a.3]ཙམ་ཞིག་གིས་མགྲོན་བྱས་པ་དེ་ལས་འདས་པར་བསླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མི་རུང་བ་དང་མ་གཏོགས་དང་། །མཚན་དང་བཞི་པ་དེ་བཞིན་ཏེ། །བསྐོས་པ་དང་ཡང་བར་ཆད་དང་། །གཞན་གྱིས་གཞན་གྱི་བདུན་པའོ། །བཙུན་ [216a.4]པ་དགེ་སློང་གིས་དུས་ཇི་སྲིད་ཅིག་ཏུ་བཅའ་བ་དང་། བཟའ་བ་ཇི་ཙམ་གྱིས་མགྲོན་བགྱིས་པ་དེ་ལས་འདས་པར་བཅའ་བ་དང་བཟའ་བར་རུང་བ་བསླངས་ཏེ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་གྱིས་མགྲོན་བགྱིས་པ་དེ་ལས་འདས་ [216a.5]པར་བཅའ་བ་དང་། བཟའ་བ་མ་གཏོགས་པར་དེ་ལས་གཞན་པ་སྨན་རྣམས་སྨན་དུ་བགྱི་བར་འཚལ་ཏེ། ཟས་སུ་མ་ལགས་པ་དེ་དག་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་བགྱིས་པ་དེ་ལས་འདས་ [216a.6]པར་བསླངས་ཏེ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དུས་ཇི་སྲིད་དུ་ཇི་ཙམ་གྱིས་མགྲོན་བགྱིས་པ་དེ་ལས་འདས་པར་བསླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། [216a.7]བཙུན་པ་དགེ་སློང་གིས་མི་ལ་མིར་འདུ་ཤེས་ནས་བསླངས་ཏེ་འཚལ་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་ནས་ [216b] [216b.1]དེ་ལས་འདས་པར་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་དུ་བོས་པ་དེ་ཙམ་ཞིག་འཚལ་ཀྱང་ནོངས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གིས་བསླབ་པའི་ [216b.2]སྡོམ་པ་སྩལ་བའི་གྲོང་དུ་སྤྱན་དྲངས་ཏེ་ཐོས་པའོ། །བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་དུ་བོས་པ་དེ་ལས་འདས་པར་བསླངས་ཏེ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེ་ན་སྟེ་བྲོས་ནས་གཞན་དུ་འགྲོ་ [216b.3]བའི་ཕྱིར་བར་ཆད་བརྒྱད་གང་ཡང་རུང་སྟེ་བར་ཆད་གཅིག་བྱུང་བར་གྱུར་པའོ། །བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་གྱིས་མགྲོན་དུ་བོས་པ་དེ་ལས་འདས་པར་གཞན་གྱི་སླད་དུ་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དུས་ཇི་ཙམ་ཞིག་གིས་ [216b.4]མགྲོན་དུ་བོས་པ་དེ་ལས་འདས་པར་གཞན་སློང་དུ་སྩལ་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་བསླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་ [216b.5]ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་ [216b.6]རྫོགས་ཀར་བསླངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བསླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བསླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། [216b.7]ཉེས་བྱས་སོ། །བཙུན་པ་བསླབ་པ་སྩལ་བས་དེ་ལས་ལྷག་པར་བསླངས་ཏེ་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དེ་ལས་ལྷག་པར་བསླངས་ཏེ་འཚལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་དེ་ [217a] [217a.1]ལས་ལྷག་པར་བསླངས་ཏེ་འཚལ་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། ། [217a.2]སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་གིས་དགེ་སློང་ལ་ཚེ་དང་ལྡན་པ་ཁྱོད་ཀྱིས་བསླབ་པ་འདི་ལ་སློབས་ཤིག་ཅེས་བསྒོ་བ་དང་། དེས་དེ་དག་ལ་འདི་ [217a.3]སྐད་དུ་བདག་ནི་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་བསྒོ་བ་དང་ཕྲིན་གྱིས་འདི་སྐད་དུ་བདག་ནི་ཚེ་དང་ལྡན་པ་དག་གིས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ [217a.4]ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་ཞིག་ལ་དགེ་སློང་རྣམས་ཀྱིས་བསྒོ་བ་དང་། དགེ་སློང་སྨྱོན་པ་ཞིག་འདི་སྐད་ [217a.5]དུ་བདག་ནི་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་ [217a.6]པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ཀྱིས་འདི་སྐད་དུ་བདག་ནི་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །གཞན་གྱིས་ [217a.7]གཞན་གྱི་བདུན་པ་དང་། །ཁྱིམ་པ་དག་ལ་སོགས་པ་སྟེ། །མཚན་དང་བཞི་པ་བདུན་པའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་པ་དང་། དགེ་སློང་ [217b] [217b.1]དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། འཕགས་པས་མཐའ་འཁོབ་པའི་སྐད་དུ་དེ་སྐད་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དེ་སྐད་ [217b.2]སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དེ་སྐད་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ [217b.3]ལུས་ཀྱི་དམིགས་པས་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་གོ་བར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ནས་འདི་སྐད་དུ་བདག་ཚེ་དང་ལྡན་པའི་ཚིག་གིས་སློབས་ཤིག་པ་མི་སློབ་བོ་ཞེས་ [217b.4]སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་གཞན་སྨྲར་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་གྱི་སླད་དུ་འདི་སྐད་དུ་ཚེ་དང་ལྡན་པས་བསྒོ་བ་བཞིན་ [217b.5]བསླབ་པ་འདི་ལ་མི་སློབ་བོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་བསྒོ་ལ་བསྙེན་པར་མ་རྫོགས་པ་ན་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ། །ཞེས་སྨྲས་ན་ཅིར་འགྱུར། ཉེས་བྱས་ [217b.6]སོ། །བསྙེན་པར་མ་རྫོགས་པ་ན་བསྒོ་ལ་བསྙེན་པར་རྫོགས་ཀར་དེ་སྐད་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསྒོ་ལ་བསྙེན་པར་རྫོགས་པ་ན་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ཅིར་ [217b.7]འགྱུར། ཉེས་བྱས་སོ། །བསྙེན་པར་རྫོགས་ཀར་བསྒོ་ལ་བསྙེན་པར་རྫོགས་ཀར་དེ་སྐད་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བསྒོ་ལ་བསྙེན་པར་རྫོགས་པ་ན་དེ་སྐད་སྨྲས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་ [218a] [218a.1]བསྒོ་ལ་བསྙེན་པར་རྫོགས་པ་ན་དེ་སྐད་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བསྒོ་ལ་བསྙེན་པར་མ་རྫོགས་པ་ན་དེ་སྐད་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ཞིག་ལ་ཁྱིམ་པས་བསྒོ་བ་དང་། འདི་སྐད་དུ་བདག་ཚེ་དང་ལྡན་ [218a.2]པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ [218a.3]དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ཀྱིས་བསྒོ་ལ་དེ་སྐད་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་ལ་དགེ་ [218a.4]འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་རྣམས་ཀྱིས་བསྒོ་བ་དང་། དེ་སྐད་སྨྲས་ན་ཅིར་འགྱུར་ཐམས་ཅད་ཉེས་བྱས་སོ། །བཙུན་པ་དགེ་སློང་ལ་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ [218a.5]ཀྱིས་བསྒོ་བ་དང་། དེ་སྐད་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་ [218a.6]དེ་སྐད་སྨྲས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ། འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲ་ན་ཅིར་འགྱུར། ལྟུང་བའོ། །བསྙེན་ [218a.7]པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །ཇི་ལྟར་དགེ་སློང་གིས་ [218b] [218b.1]དེ་སྐད་སྨྲས་པས་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་ [218b.2]འགྲོ་བ་དང་། །མཚན་དང་བཞི་པ་དེ་བཞིན་ཏེ། །སྔགས་དང་གཞན་གྱིས་འདི་དག་བདུན། །ཁྱིམ་པ་དག་ལ་སོགས་པ་སྟེ། །ཉེ་བར་ཞི་དང་དགེ་སློང་མ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་ [218b.3]སློང་རྣམས་འཐབ་པར་གྱུར། མཚང་འདྲུ་བར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་སྨྱོན་པ་དག་འཐབ་པར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། ། [218b.4]དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ལ་ཅང་མི་ཟེར་བར་ཉན་ཅིང་འདུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་རྣམས་ [218b.5]འཐབ་པར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་ཅང་མི་མཆི་བར་ཉན་ཅིང་མཆིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་ [218b.6]པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། [218b.7]ཉེས་བྱས་སོ། །བཙུན་པ་དགེ་སློང་གིས་དགེ་སློང་རྣམས་ལ་འཐབ་པར་གྱུར་ཅིང་མཆིས་པ་ལ་གཞན་ཉན་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་རྣམས་འཐབ་པར་གྱུར་ཅིང་མཆིས་པ་ལ་གཞན་དག་གི་སླད་དུ་མཉན་ན་ཅིར་ [219a] [219a.1]འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པར་མཉན་པར་བཤམས་ལ་བསྙེན་པར་མ་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་མཉན་ན་ཅིར་འགྱུར། ཉེས་ [219a.2]བྱས་སོ། །བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ཉན་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བཤམས་ལ་བསྙེན་ [219a.3]པར་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་མཉན་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། །བཙུན་ [219a.4]པ་དགེ་སློང་གིས་ཁྱིམ་པ་རྣམས་འཐབ་པར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་ [219a.5]གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་ཅང་མི་ཟེར་བར་ཉན་ཅིང་འདུག་ན་ཐམས་ [219a.6]ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བའོ། །ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བར་འགྱུར་ [219a.7]རོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་རྣམས་འཐབ་མོར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་ [219b] [219b.1]མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་འདི་ལྟར་དགེ་སློང་དེས་ཞི་བར་བྱ་བར་བསམས་ནས་ཉན་པའོ། །བཙུན་པ་བསླབ་པ་སྩལ་བས་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཅང་མི་མཆི་ [219b.2]བར་ཉན་ཅིང་མཆིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ [219b.3]ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ [219b.4]ཀྱིས་ཡང་དགེ་སློང་གང་དགེ་འདུན་རྣམས་ཆོས་ངེས་པའི་གཏམ་སྨྲ་བ་ན་དགེ་སློང་མཆིས་བཞིན་འཚལ་བར་མ་བགྱིས་པར་ཅང་མི་སྨྲ་བར་སྟན་ལས་ལངས་ཏེ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་འདུན་ཆོས་ངེས་པའི་ [219b.5]གཏམ་སྨྲ་བ་ན་ཕྲིན་གྱིས་དད་པ་ཕུལ་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་དད་པས་བྱིན་ནས་སོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་ [219b.6]སློང་གིས་དགེ་འདུན་ཆོས་ངེས་པའི་གཏམ་སྨྲ་བའི་ཚེ་དགེ་སློང་སྨྱོན་པ་ལ་དད་པ་ཕུལ་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་དང་། གཉིད་ [219b.7]ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་དད་པ་བྱིན་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མ་ནིང་དག་ལ་སོགས་པ་དང་། །མཚན་དང་དེ་བཞིན་བཞི་པ་དང་། །དགེ་སྦྱོང་ [220a] [220a.1]དང་ནི་ནམ་མཁའ་སྔགས། །ལུས་དང་སྐད་དང་དགེ་སློང་མའོ། །བཙུན་པ་དགེ་སློང་གིས་མ་ནིང་ལ་དད་པ་སྩལ་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་མ་ནིང་མ་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་། དགྲ་བཅོམ་པ་བསད་པ་ [220a.2]དང་། །དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་བྱིན་ [220a.3]པ་རྣམས་ལ་དད་པ་བྱིན་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་དད་པ་མ་སྩལ་ཏེ་ཅང་མི་མཆི་བར་སྟན་ལས་ལངས་ཏེ་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་ [220a.4]མས་ཆོས་ངེས་པའི་གཏམ་སྨྲ་བའི་ཚེ་དད་པ་མ་སྩལ་བར་ཅང་མི་མཆི་བར་སྟན་ལས་ལངས་ཏེ་མཆི་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ཆོས་ཀྱི་ལས་ལ་ཆོས་ཀྱི་ལས་སུ་འདུ་ཤེས་ནས་དད་པ་མ་སྩལ་བར་མཆིས་ན་ཅིར་འགྱུར། [220a.5]ལྟུང་བའོ། །ཆོས་ཀྱི་ལས་ལ་ཆོས་ཀྱི་ལས་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །ཆོས་མ་ཡིན་པའི་ལས་ལ་ཆོས་ཀྱི་ལས་སུ་འདུ་ཤེས་ན་ཉེས་བྱས་སུ་འགྱུར་རོ། །ཆོས་མ་ལགས་པའི་ལས་ལ་ཆོས་མ་ལགས་པའི་ལས་སུ་འདུ་ཤེས་ཏེ་དད་པ་མ་སྩལ་བར་མཆིས་ན་ [220a.6]ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་ཅང་མི་མཆི་བར་སྟན་ལས་ལངས་ཏེ་མཆིས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཐོས་པའི་ཉེ་འཁོར་ཙམ་དུ་འདུག་ལ་སྨྲ་བ་ནི་ཐོས་ཀྱི་དོན་གོ་བར་ [220a.7]མ་གྱུར་པའོ། །བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་དད་པ་མ་སྩལ་བར་སྟེང་གི་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་ཆོས་ངེས་པར་སྨྲ་བ་ན་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་ [220b] [220b.1]མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་ལུས་ཀྱི་དམིགས་པས་དད་པ་སྩལ་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་འདུན་ཆོས་ངེས་པའི་གཏམ་སྨྲ་བའི་ཚེ་དགེ་སློང་འཕགས་པས་འཕགས་པའི་ [220b.2]སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ [220b.3]བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ [220b.4]འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་འདུན་ཆོས་ངེས་པའི་གཏམ་སྨྲ་བ་ན་ཅང་མི་མཆི་བར་སྟན་ལས་ལངས་ཏེ་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་འདུན་ཆོས་ངེས་པའི་གཏམ་སྨྲ་བ་ན་ཅང་ [220b.5]མི་མཆི་བར་སྟན་ལས་ལངས་ཏེ་མཆིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ [220b.6]ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་བསྒོ་བ་རྣ་ལ་གཟོན་ན་ལྟུང་བར་འགྱུར་རོ་ཞེས་གསུངས་ན། [220b.7]བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ན་ཕྲིན་གྱིས་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་སླར་བཟློག་སྟེ་མ་མཉན་ན་ཐམས་ཅད་ [221a] [221a.1]ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་ཞལ་ཏ་སྨྱོན་པས་བསྒོ་བ་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། [221a.2]འོན་པ་རྣམས་ཀྱིས་བསྒོ་བ་སླར་བཟློག་སྟེ་མ་མཉན་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་དང་། གཉིད་ལོག་ནས་མ་མཉན་ན་ཅིར་འགྱུར། ཉེས་བྱས་སོ། །དེ་བཞིན་དུ་ར་རོ་བ་དང་། མྱོས་པ་དང་། སྙོམས་པར་ [221a.3]ཞུགས་པ་རྣམས་ལས་མ་མཉན་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་འགྲོ་བ་གཞན་དུ་གནས་པའི་དགེ་འདུན་གྱི་ཞལ་ཏ་བས་བསྒོ་བ་ལས་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ།། །།འདུལ་བ་གཞུང་དམ་པ། [221a.4]བམ་པོ་བཅུ་བཞི་པ། མདོར་ན། སྐད་དང་ལུས་དང་དབེན་པ་སྔགས། །མཚན་དང་བཞི་པ་བདུན་པ་དང་། །བགྲངས་དང་བདུན་པ་མི་སྨྲ་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་འདུན་གྱི་ཞལ་ཏ་བས་བསྒོ་བ་ན་དགེ་སློང་འཕགས་པས་འཕགས་པའི་ [221a.5]སྐད་དུ་སླར་བཟློག་སྟེ་མ་མཉན་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་སླར་བཟློག་སྟེ་མ་མཉན་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། [221a.6]ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་སླར་བཟློག་སྟེ་མ་མཉན་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་སླར་བཟློག་སྟེ་མ་མཉན་པ་དང་། དགེ་སློང་ [221a.7]དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ན་ལུས་ཀྱི་དམིགས་པས་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ [221b] [221b.1]ན་དབེན་པ་ལ་མི་དབེན་པར་འདུ་ཤེས་ཏེ་སླར་བཟློག་ནས་མ་མཉན་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ན་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་སླར་བཟློག་ནས་མ་མཉན་ན་ཅིར་འགྱུར། ཉེས་བྱས་སོ། །བཙུན་པ་དགེ་ [221b.2]སློང་གིས་དགེ་འདུན་གྱི་བཀའ་སླར་བཟློག་སྟེ་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་འདུན་གྱི་བཀའ་སླར་བཟློག་སྟེ་མ་མཉན་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་འདུན་ [221b.3]གྱི་ཞལ་ཏ་བས་བསྒོ་བ་ན་ཆོས་ལ་ཆོས་སུ་འདུ་ཤེས་ཏེ་སླར་བཟློག་པ་ནས་མ་མཉན་ན་ཅིར་འགྱུར། ལྟུང་བའོ། །ཆོས་ལ་ཆོས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །ཆོས་མ་ལགས་པ་ལ་ཆོས་སུ་འདུ་ཤེས་ན་ཅིར་འགྱུར། ཉེས་བྱས་སོ། །ཆོས་མ་ལགས་པ་ལ་ [221b.4]ཆོས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །བཙུན་པ་དགེ་འདུན་གྱི་ཞལ་ཏ་བས་བསྒོ་བ་ན་སླར་བཟློག་སྟེ་མ་མཉན་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་འདུན་གྱིས་མ་གུས་པར་མ་བགྲངས་པ་ཡིན་ཏེ། དེ་ཡང་དགེ་འདུན་གྱི་བྱ་ [221b.5]བར་བཅས་པ་ལས་འདས་པས་ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་དགེ་འདུན་གྱིས་མ་གུས་པར་བགྲངས་པར་གྱུར་ལ། བསྙེན་པར་མ་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བགྲངས་ལ་བསྙེན་པར་ [221b.6]རྫོགས་ཀར་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བགྲངས་ལ་བསྙེན་པར་རྫོགས་པ་ན་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བགྲངས་ལ་བསྙེན་པར་རྫོགས་ཀར་སླར་བཟློག་སྟེ་མ་མཉན་ན་ཅིར་འགྱུར། [221b.7]ཉེས་བྱས་སོ། །བསྙེན་པར་རྫོགས་ཀར་བགྲངས་ལ་བསྙེན་པར་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བགྲངས་ལ་བསྙེན་པར་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བགྲངས་ལ་ [222a] [222a.1]བསྙེན་པར་མ་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་དགེ་འདུན་གྱི་ཞལ་ཏ་བས་བསྒོ་བ་ན་ཅང་མི་མཆི་བར་མ་མཉན་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་འདུན་གྱི་ཞལ་ཏ་བས་བསྒོ་ [222a.2]བ་ན་སླར་བཟློག་སྟེ་མ་མཉན་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་དགེ་འདུན་གྱི་ཞལ་ཏ་བས་བསྒོ་བ་ན་སླར་བཟློག་སྟེ་མ་མཉན་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། འབྲས་ [222a.3]གཉིས་དང་ནི་དེ་བཞིན་སྔགས། །ཕབས་དང་ཚྭ་དང་འཁུར་ཆང་དང་། །རྩ་བ་སྡོང་བུ་འབྲས་ཆན་དང་། །བདུན་པ་རྩ་མེད་བསྲེས་པ་དང་། །བསྒོས་དང་ལྷ་དང་བཞི་པ་མཚན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ [222a.4]ལྡན་འདས་ཀྱིས་ཡང་ཆང་དང་འབྲས་བུའི་ཆང་མྱོས་པར་འགྱུར་བ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་རྣམས་ཀྱིས་མྱོས་པར་འགྱུར་བ་འཚལ་ན་ཅིར་འགྱུར། ཉེས་བྱས་ [222a.5]སོ། །བཙུན་པ་དགེ་སློང་གིས་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་དངོས་པོ་གཞན་ཆང་གི་ནང་དུ་གཞག་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆང་ངམ་འབྲས་བུའི་ཆང་མྱོས་པར་འགྱུར་བ་བདག་གི་དྲུང་དུ་ [222a.6]སྔགས་སམ་སྨན་གྱིས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཕབས་འཚལ་ན་ཅིར་འགྱུར། ཉེས་བྱས་སོ། །བཙུན་པ་ཆང་ཚྭར་གྱུར་པ་འཚལ་བར་བགྱིའམ། ཨུ་པཱ་ལི་དེ་སྟེ། ཆང་གི་དངོས་པོ་མང་དུ་གྱུར་ལ་ཚྭའི་དངོས་པོ་ཉུང་ན་ [222a.7]མི་བཏུང་ངོ་། །འོན་ཏེ་ཚྭའི་དངོས་པོ་མང་བར་མངོན་ལ་ཆང་གི་དངོས་པོ་ཉུང་ན་འཐུང་ཤིག །ཨུ་པཱ་ལི་དེ་ཅིའི་ཕྱིར་ཞེ་ན། དེས་ནི་ཆང་གི་བྱ་བ་བྱེད་མི་ནུས་སོ། །བཙུན་པ་ཆང་ཚྭར་གྱུར་པ་དུས་མ་ལགས་པར་འཚལ་དུ་གནང་ངམ། ཨུ་པཱ་ལི་དེ་སྟེ་དང་བར་གྱུར་ལ་རྣམ་པར་ [222b] [222b.1]དང་ཞིང་མྱོས་པར་མི་འགྱུར་ན་ཆུས་བསླད་དེ་ཆུ་ཚགས་ཀྱིས་ཚོགས་ལ་འཐུང་ཤིག །བཙུན་པ་དགེ་སློང་གིས་ཆང་འཁུར་བ་ན་འཛིན་པ་ལས་འཚལ་ན་ཅིར་འགྱུར། ཉེས་བྱས་སོ། །བཙུན་པ་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་འདི་རྣམས་ཀྱི་ [222b.2]ཁུ་བ་དུས་མ་ལགས་པར་འཚལ་དུ་གནང་ངམ། ཨུ་པཱ་ལི་དེ་སྟེ་དང་ཞིང་རབ་ཏུ་གསལ་བར་གྱུར་ལ་ཆུ་ཚགས་ཀྱིས་བཙགས་ལ་ཆུས་སློད་དེ་འཐུང་ཤིག །དེ་སྟེ་རང་གི་དངོས་ལས་གྱུར་ནས་ཆང་གི་དངོས་པོར་གྱུར་ན་འཚལ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་ [222b.3]པ་དགེ་སློང་གིས་མྱོས་པར་འགྱུར་བའི་ཆང་མ་གཏོགས་པར་དེ་ལས་གཞན་པའི་ཆང་གི་དྲི་དང་། ཆང་གི་རོ་དང་། ཆང་གི་ཁ་དོག་དང་། ཆང་གི་བྲོ་རྣམས་འཚལ་ན་ཅིར་འགྱུར། ཉེས་བྱས་སོ། །ཁ་དོག་ཆང་འདྲ་བའི་ཚྭ་ནི་ཉེས་པ་མེད་དོ། །བཙུན་པ་དགེ་སློང་གིས་ [222b.4]ཆང་དང་འབྲས་ཆན་དུ་འདྲེས་པ་ལས་ཆང་བཙགས་ནས་འབྲས་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསྙེན་པར་མ་རྫོགས་པ་ན་བླངས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསླངས་ལ་བསྙེན་ [222b.5]པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། [222b.6]བསྙེན་པར་རྫོགས་ཀར་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བླངས་ལ་བསྙེན་པར་མ་རྫོགས་པ་ན་འཚལ་ན་ [222b.7]ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་རྒུན་ཆང་གི་དབུ་བ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆང་གི་ནང་དུ་སྩལ་བའི་དངོས་པོ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆང་གི་རླངས་པས་བདུགས་ [223a] [223a.1]པ་བྲོ་མ་འཚལ་བས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མྱོས་པར་འགྱུར་བའི་བཏུང་བ་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཆང་འཐུངས་ན་ཉེས་བྱས་སུ་འགྱུར་རོ། ། [223a.2]བཙུན་པ་དགེ་སློང་གིས་ཆང་ལ་ཆང་དུ་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། །ཆང་ལ་ཆང་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །ཆང་མ་ལགས་པ་ལ་ཆང་དུ་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །ཆང་མ་ལགས་པ་ [223a.3]ལ་ཆང་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་ཆང་དང་འབྲས་བུའི་ཆང་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་ཆང་དང་འབྲས་བུའི་ཆང་འཚལ་བ་ན་མཚན་འཕོས་ [223a.4]ཏེ་དགེ་སློང་ཕར་གྱུར་ན་ཅིར་འགྱུར། ལྟུང་བའོ། །བཙུན་པ་བསླབ་པ་སྩལ་བས་ཆང་དང་འབྲས་བུའི་ཆང་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཆང་དང་འབྲས་བུའི་ཆང་འཚལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། [223a.5]དགེ་ཚུལ་ཕ་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། ། [223a.6]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མཆིས་བཞིན་དུ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་ [223a.7]ཕྲིན་གྱིས་འཚལ་བར་བགྱིས་ཏེ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ཤེས་པར་བྱས་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་ [223b] [223b.1]སྨྱོན་པ་ཞིག་ལ་འཚལ་བར་བགྱིས་ཏེ་སླད་དྲོ་གྲོང་དུ་ཞུགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། སྙོམས་པར་ཞུགས་པ་དང་། [223b.2]འགྲོ་བ་གཞན་དུ་གནས་པའི་དགེ་སློང་རྣམས་ལ་ཤེས་པར་བྱས་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྔགས་དང་ནམ་མཁའ་སྐད་དང་ལུས། །དབེན་པ་དང་ནི་དགེ་སློང་མེད། །གཙུག་ལག་ཁང་དང་བསྐོར་བ་དང་། །མཚམས་དང་མཚན་དང་བཞི་པ་ [223b.3]དང་། །ཁྱིམ་པ་བར་ཆད་དགེ་འདུན་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་མཆིས་པའི་དགེ་སློང་མཆིས་བཞིན་དུ་འཚལ་བར་མ་བགྱིས་པར་མཆི་ན་ཅིར་འགྱུར། ཉེས་བྱས་སོ། །བཙུན་པ་དགེ་ [223b.4]སློང་གིས་མཆིས་པའི་དགེ་སློང་མཆིས་བཞིན་དུ་འཚལ་བར་མ་བགྱིས་པར་ནམ་མཁའ་ལས་སླད་དྲོ་གྲོང་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་འཚལ་བར་བགྱིས་ཏེ་མཆིས་པ་དང་། དགེ་སློང་དེས་ཀྱང་ [223b.5]འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་འཚལ་བར་བགྱིས་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་ [223b.6]སྐད་དུ་འཚལ་བར་བགྱིས་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་འཚལ་བར་བགྱིས་ཏེ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་ [223b.7]འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་དགེ་སློང་མཆིས་པ་ལ་འཚལ་བར་བགྱིས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ནས་འཚལ་བར་བགྱིས་ཏེ་གྲོང་དུ་མཆིས་ན་ཅིར་ [224a] [224a.1]འགྱུར། ཉེས་པ་མེད་དོ། །བཙུན་པ་དགེ་སློང་གིས་དགེ་སློང་མཆིས་པ་ལ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེ་ནི་དགེ་སློང་མེད་པའི་གནས་ན་འདུག་འདུག་ [224a.2]པའོ། །བཙུན་པ་གྲོང་གི་ནང་ན་གཙུག་ལག་ཁང་ཞིག་མཆིས་སམ་བསྐོར་བར་གྱུར་པ་དེ་ནས་འཚལ་བར་མ་བགྱིས་པར་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ནམ་མཁའ་ [224a.3]ལ་མཆིས་པ་ཞིག་ལ་འཚལ་བར་བགྱིས་ན་འཚལ་བར་བགྱིས་པ་ཞེས་བགྱིའམ། ཨུ་པཱ་ལི་ཤེས་པར་བྱས་པ་ཞེས་བྱའོ། །དེ་བཞིན་དུ་ས་ལ་གནས་པས་ནམ་མཁའ་ལ་གནས་པ་དང་། མཚམས་ཀྱི་ནང་ན་གནས་པས་མཚམས་ཀྱི་ཕྱི་རོལ་ན་གནས་པ་ལ་འཚལ་བར་བགྱིས་ན་ [224a.4]འཚལ་བར་བགྱིས་པ་ཞེས་བགྱིའམ། ཨུ་པཱ་ལི་ཤེས་པར་བྱས་པ་ཞེས་བྱའོ། །བཙུན་པ་དགེ་སློང་གིས་མཆིས་པའི་དགེ་སློང་ལ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་པ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་ [224a.5]སློང་མས་མཆིས་པའི་དགེ་སློང་མ་ལ་འཚལ་བར་མ་བགྱིས་པར་སླད་དྲོ་དབྱར་མོ་ཁང་ནས་གྲོང་དུ་མཆིས་པ་དང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་སླད་དྲོ་ལ་སླད་དྲོར་འདུ་ཤེས་ཏེ་དགེ་སློང་མཆིས་བཞིན་དུ་འཚལ་བར་མ་བགྱིས་ [224a.6]པར་གྲོང་དུ་མཆིས་ན་ཅིར་འགྱུར། ལྟུང་བའོ། །དུས་མ་ལགས་པ་ལ་དུས་སུ་འདུ་ཤེས་ཏེ་མཆིས་ན་ཅིར་འགྱུར། ཉེས་པ་མེད་དོ། །དུས་ལ་དུས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །དུས་ལ་དུས་སུ་འདུ་ཤེས་ན་ཅིར་འགྱུར། ཉེས་པ་མེད་དོ། ། [224a.7]བཙུན་པ་དགེ་སློང་གིས་ཁྱིམ་པ་ཞིག་ལ་འཚལ་བར་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་ [224b] [224b.1]བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། བསླབ་པ་བྱིན་པ་རྣམས་ལ་ཤེས་པར་བྱས་ཏེ་སོང་ན་ཐམས་ཅད་ཉེས་ [224b.2]བྱས་སུ་འགྱུར་རོ། །བཙུན་པ་དགེ་སློང་གིས་སླད་དྲོ་གྲོང་དུ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེ་གཙུག་ལག་ཁང་དུ་བར་ཆད་བརྒྱད་ལས་གང་ཡང་རུང་བའི་བར་ཆད་གཅིག་བྱུང་བར་གྱུར་པའོ། །བཙུན་པ་དགེ་འདུན་ [224b.3]ཐམས་ཅད་དམ། སློབ་དཔོན་ནམ། མཁན་པོའམ། གཞན་ཡང་རུང་སྟེ་ཚངས་པ་མཚུངས་པར་སྤྱོད་པ་མཁས་པ་དག་དུས་མ་ལགས་པར་དགེ་སློང་ལ་འཚལ་བར་མ་བགྱིས་པར་གྲོང་དུ་མཆིས་ན་དེ་དག་གིས་ཀྱང་འཚལ་བར་བགྱིའམ། ཨུ་པཱ་ལི་དེས་ཀྱང་ཤེས་པར་བྱོས་ཤིག ། [224b.4]བཙུན་པ་བསླབ་པ་སྩལ་བས་དགེ་སློང་མཆིས་བཞིན་དུ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་སློང་མ་མཆིས་པར་འཚལ་བཞིན་དུ་དབྱར་མོ་ཁང་ནས་གྲོང་དུ་མཆིས་ན་ཅིར་འགྱུར། ལྟུང་བའོ། །དགེ་སློབ་མ་དང་། [224b.5]དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ [224b.6]ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གྲོང་དུ་ཟས་ལ་མགྲོན་དུ་བོས་པ་དང་། ཟས་སྔ་མའམ་ཕྱི་མ་ཡང་རུང་སྟེ། དེས་ཁྱིམ་བདག་དེ་ལ་འཚལ་བར་མ་བགྱིས་པར་ [224b.7]གྲོང་གཞན་དུ་སོང་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཟས་ལ་མགྲོན་དུ་བོས་པ་དང་ཕྲིན་གྱིས་ཁྱིམ་བདག་འཚལ་བར་བགྱིས་ཏེ་གྲོང་གཞན་དུ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་ [225a] [225a.1]བ་དང་། གཅིག་ནས་གཅིག་ཏུ་བརྒྱུད་ནས་ཤེས་པར་བྱས་ཏེ་གྲོང་གཞན་དུ་སོང་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གྲོང་གཞན་དུ་ཟས་ལ་མགྲོན་དུ་བོས་པ་དང་། ཟས་སྔ་མའམ་ཕྱི་མ་ཡང་རུང་སྟེ། དེས་ཁྱིམ་བདག་སྨྱོན་པ་ཞིག་ [225a.2]ལ་འཚལ་བར་མ་བགྱིས་པར་གྲོང་གཞན་དུ་མཆིས་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་ [225a.3]གནས་པ་རྣམས་ལ་ཤེས་པར་མ་བྱས་པར་གྲོང་གཞན་དུ་སོང་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །སྔགས་དང་མཚན་དང་བཞི་པ་དང་། །ཟས་དང་མགྲོན་དུ་བོས་པ་གཉིས། །མ་ནིང་བསླབ་བྱིན་དགེ་སློང་མའོ། །བཙུན་པ་དགེ་སློང་འཕགས་ [225a.4]པས་འཕགས་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་མཐའ་འཁོབ་ [225a.5]པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་ཁྱིམ་བདག་ [225a.6]འཚལ་བར་བགྱིས་ཏེ་གྲོང་གཞན་དུ་མཆིས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་ཁྱིམ་བདག་འཚལ་བར་བགྱིས་ཏེ་གྲོང་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [225a.7]གིས་དབེན་པ་ལ་མི་དབེན་པར་འདུ་ཤེས་ནས་འཚལ་བར་བགྱིས་ཏེ་གྲོང་དུ་མཆིས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་འཚལ་བར་བགྱིས་ནས་གྲོང་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [225b] [225b.1]གིས་ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་པ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་པ་དང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་ [225b.2]དགེ་སློང་གིས་མི་ལ་མིར་འདུ་ཤེས་ཏེ་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་ [225b.3]སུ་འགྱུར་རོ། །བཙུན་པ་དགེ་སློང་གིས་ཟན་མ་གཏོགས་པར་དེ་ལས་གཞན་པའི་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་ལ་མགྲོན་དུ་བོས་པ་དང་། ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་ [225b.4]དགེ་སློང་གིས་ཁྱིམ་བདག་འཚལ་བར་མ་བགྱིས་པར་གྲོང་གཅིག་ཏུ་མཆིས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གྲོང་གཅིག་ཏུ་ཞུགས་ནས་གདུགས་ཚོད་ཡོལ་བར་བྱེད་པའོ། །བཙུན་པ་དགེ་སློང་ཞིག་ཟ་མའམ། མ་ནིང་ངམ། མཚན་ [225b.5]གཉིས་པས་མགྲོན་དུ་བོས་པ་དང་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་ཟས་ལ་གྲོང་དུ་མགྲོན་ལ་བོས་པ་དང་དེས་ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ལྟུང་བའོ། །བཙུན་པ་དགེ་ [225b.6]སློང་མས་ཟས་ལ་གྲོང་དུ་མགྲོན་ལ་བོས་པ་དང་དེས་ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ཉེས་བྱས་སོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ།། །།མདོར་ན། སྔགས་དང་ནམ་ [225b.7]མཁའ་དེ་བཞིན་ཏེ། །མཚན་དང་དེ་བཞིན་བཞི་པ་དང་། །གྲོང་དང་སྟོང་པ་བསྐོར་བ་དང་། །མ་བཞག་པ་དང་བཞག་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རྒྱལ་པོ་རྒྱལ་རིགས་ [226a] [226a.1]རྒྱལ་ཐབས་སྤྱི་བོ་ནས་བླུགས་པའི་ཁྱིམ་དུ་ནམ་མ་ལངས་ཤིང་སྐྱ་རེངས་མ་ཤར་བ་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ནམ། སྒོ་གཏན་གྱི་ཉེ་འཁོར་ལས་འདས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་ [226a.2]སློང་གིས་ནམ་མ་ལངས་ཤིང་སྐྱ་རེངས་མ་ཤར་བ་ལ་རིན་པོ་ཆེ་འམ་རིན་པོ་ཆེར་གཏོགས་པ་རྣམས་མ་བསྡུས་པར་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མ་ལངས་ཤིང་སྐྱ་ [226a.3]རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་ནམ་མཁའ་ལས་སྒོ་གཏན་ཉི་ཚེ་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་ [226a.4]བསྡུས་པར་སྒོ་གཏན་ཉི་ཚེ་འདའ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་སྒོ་གཏན་ཉི་ཚེ་འདའ་བར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་སྐྱ་ [226a.5]རེངས་མ་ཤར་བ་ལ་མ་ཤར་བར་འདུ་ཤེས་ཏེ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ཉི་ཚེ་འདས་ན་ཅིར་འགྱུར། ལྟུང་བའོ། །མ་ཤར་བ་ལ་ཤར་བར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། །ཤར་བ་ལ་མ་ཤར་བར་འདུ་ཤེས་ཏེ་ [226a.6]འདས་ན་ཉེས་བྱས་སོ། །ཤར་བ་ལ་ཤར་བར་འདུ་ཤེས་ཏེ་འདས་ན་ཉེས་པ་མེད་དོ། །བཙུན་པ་དགེ་སློང་གིས་རིན་པོ་ཆེའམ་རིན་པོ་ཆེར་གཏོགས་པ་རྣམས་མ་བསྡུས་པ་ལ་མ་བསྡུས་པར་འདུ་ཤེས་ཏེ་སྒོ་གཏན་ཉི་ཚེ་འདས་ན་ཅིར་འགྱུར། ལྟུང་བའོ། །མ་བསྡུས་པ་ལ་ [226a.7]བསྡུས་པར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། །བསྡུས་པ་ལ་མ་བསྡུས་པར་འདུ་ཤེས་ནས་འདས་ན་ཅིར་འགྱུར། ཉེས་བྱས་སོ། །བསྡུས་པ་ལ་བསྡུས་པར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་མི་ལ་ [226b] [226b.1]མིར་འདུ་ཤེས་ཏེ་སྒོ་གཏན་ཉི་ཚེ་འདས་ན་ཅིར་འགྱུར། ལྟུང་བའོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། [226b.2]ཉེས་བྱས་སུ་འགྱུར་རོ། །བཙུན་པ་དགེ་སློང་གིས་རྒྱལ་པོའི་ཁབ་མ་གཏོགས་པར་དེ་ལས་གཞན་པའི་གྲོང་དུ་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ་རིན་པོ་ཆེར་གཏོགས་པ་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་ [226b.3]སློང་གིས་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་ཉི་ཚེ་ལས་འདས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་རྒྱལ་པོའི་ཁབ་སྟོང་པར་སོང་བའོ། །བཙུན་པ་རྒྱལ་པོའི་ [226b.4]ཕོ་བྲང་ཐམས་ཅད་བསྐོར་བར་གྱུར་ལ་ཕྱེད་གཡོགས་པའམ། མ་གཡོགས་པ་ཡང་རུང་སྟེ། དེར་དགེ་སློང་དེས་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ལྟུང་བའོ། ། [226b.5]བཙུན་པ་དགེ་སློང་གིས་རྒྱལ་པོའི་ཁབ་ཐམས་ཅད་གཡོགས་པར་གྱུར་ལ་ཕྱེད་བསྐོར་བ་ཞིག་ཏུ་ནམ་མ་ནངས་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་ [226b.6]ནམ་ནངས་ཏེ་སྐྱ་རེངས་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་བསྡུས་ནས་སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་ནམ་མ་ནངས་སྐྱ་རེངས་མ་ཤར་བར་རིན་པོ་ཆེའམ། རིན་པོ་ཆེར་གཏོགས་པ་བསྡུས་ནས་ [226b.7]སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མ་ནངས་སྐྱ་རེངས་མ་ཤར་བར་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་ཉི་ཚེ་ལས་འདས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། [227a] [227a.1]མིའི་འགྲོ་བ་མ་གཏོགས་པར་དེ་ལས་འགྲོ་བ་གཞན་དུ་གནས་པ་རྣམས་ཀྱི་སྒོ་གཏན་གཅིག་པུ་ལས་འདས་ན་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་ནམ་མ་ནངས་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་ [227a.2]ཉི་ཚེ་ལས་འདས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ནམ་མ་ནངས་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ [227a.3]རྣམས་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་ [227a.4]བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་བཤད་པ་ཀློག་པའི་ཚེ་འདི་སྐད་དུ་ཚེ་དང་ལྡན་པ་བདག་གིས་ཇི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་ [227a.5]འཚལ་ཏོ་ཞེས་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་འདི་སྐད་དུ་ཚེ་དང་ལྡན་པ་བདག་གིས་ཇི་ལྟར་ཆོས་འདི་དག་མདོ་སྡེར་གཏོགས་ཤིང་། མདོ་སྡེར་འདུས་པར་ད་གདོད་འཚལ་ཏོ་ཞེས་མཆི་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ [227a.6]ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་དེ་སྐད་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་ལ་འདི་སྐད་དུ་ཚེ་དང་ལྡན་པ་བདག་གིས་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་ [227a.7]པར་ད་གདོད་འཚལ་ཏོ་ཞེས་མཆི་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ [227b] [227b.1]ལ་འདི་སྐད་དུ་ཚེ་དང་ལྡན་པ་བདག་གིས་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་མཆི་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། སྐད་དང་ལུས་དང་དབེན་པ་དང་། །སྔགས་དང་མཚན་དང་བཞི་པ་དང་། །ཁྱིམ་པ་དག་ལ་སོགས་ [227b.2]པ་རྣམས། །གཞན་གྱི་ཕྱིར་དང་དགེ་སློང་མའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲས་པ་དང་། དགེ་སློང་དེས་ཀྱང་འཕགས་ [227b.3]པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དེ་སྐད་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དེ་སྐད་སྨྲས་པ་དང་། དགེ་ [227b.4]སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲས་པ་དང་། དགེ་སློང་ [227b.5]དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པས་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་གོ་བར་བགྱིས་ན་ཅིར་འགྱུར། [227b.6]ཉེས་བྱས་སོ། །བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ [227b.7]གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ད་གདོད་འཚལ་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དེ་སྐད་སྨྲ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། [228a] [228a.1]བཙུན་པ་དགེ་སློང་མས་དེ་སྐད་སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་ [228a.2]གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲས་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་ [228a.3]པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་ཁྱིམ་པ་ལ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་བདག་གིས་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲ་ན་ཅིར་ [228a.4]འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་ [228a.5]སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ལ་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་ [228a.6]དང་། བསླབ་པ་སྩལ་བ་རྣམས་ལ་དེ་སྐད་དུ་སྨྲས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་འདི་སྐད་དུ་ཚེ་དང་ལྡན་པ་བདག་ནི་འདི་ལྟར་ཆོས་འདི་དག་ [228a.7]མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་མཆི་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། ། [228b] [228b.1]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རུས་པའམ། བ་སོའམ། རྭ་ལས་ཁབ་རལ་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་རུས་པའམ། བ་སོའམ། རྭ་ལས་ [228b.2]ཁབ་རལ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བྱེད་དུ་བཅུག་ན་ཉེས་བྱས་སོ། །དེ་བཞིན་དུ་སྨྱོན་པ་ལ་བྱེད་དུ་བཅུག་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་ [228b.3]པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། གཞན་དང་གཞན་ཕྱིར་མ་ཟིན་མཚན། །བཞི་པ་མི་རུང་བདུན་པ་དང་། །དེ་བཞིན་མ་གཏོགས་ཐ་མའོ། །བཙུན་པ་དགེ་སློང་གིས་རུས་པའམ། [228b.4]བ་སོའམ། རྭ་ལས་ཁབ་རལ་གཞན་གྱིས་བརྩམས་པ་ལགས་པར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་གྱི་སླད་དུ་ཁབ་རལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མ་ལགས་པར་བགྱིས་ཏེ་བོར་ན་ཅིར་འགྱུར། ཉེས་བྱས་སོ། ། [228b.5]བཙུན་པ་དགེ་སློང་གིས་རུས་པའམ། བ་སོའམ། རྭ་ལས་ཁབ་རལ་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་རུས་པའམ། བ་སོའམ། རྭ་ལས་ཁབ་རལ་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། [228b.6]ལྟུང་བའོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ཁབ་རལ་བགྱིད་དུ་སྩལ་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་ [228b.7]སུ་འགྱུར་རོ། །བཙུན་པ་དགེ་སློང་གིས་རུས་པའམ། བ་སོའམ། རྭ་ལས་ཁབ་རལ་བགྱིད་དུ་སྩལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བ་ལས་བྱས་པའོ། །བཙུན་པ་བསྙེན་པར་མ་རྫོགས་པ་ན་བརྩམས་ལ་བསྙེན་པར་ [229a] [229a.1]མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བརྩམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བརྩམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། [229a.2]བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བརྩམས་ནས་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བརྩམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། [229a.3]ཉེས་བྱས་སོ། །བཙུན་པ་དགེ་སློང་གིས་ཁབ་རལ་མ་གཏོགས་པར་དེ་ལས་གཞན་པའི་ཡོ་བྱད་རྣམས་རུས་པའམ། བ་སོའམ། རྭ་ལས་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་རུས་པའམ། བ་སོའམ། རྭ་ལས་ཁབ་ [229a.4]རལ་བགྱིད་དུ་སྩལ་ན་ཅིར་འགྱུར། ལྟུང་བའོ། །དགེ་སློང་མས་བྱེད་དུ་བཅུག་ན་ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བགྱིད་དུ་སྩལ་ན་ཅིར་འགྱུར། ཉེས་བྱས་སོ།། །།མདོར་ན། གཞན་གྱིས་གཞན་ཕྱིར་མ་ཟིན་ [229a.5]དང་། །མཚན་དང་དེ་བཞིན་བཞི་པ་དང་། །ཁྱིམ་པ་དག་ལ་སོགས་པ་རྣམས། །མི་རུང་བ་དང་བདུན་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་དགེ་འདུན་གྱི་ཁྲིའམ་ཁྲིའུ་ [229a.6]བགྱིད་ན་བུ་གར་གཞུག་པ་མ་གཏོགས་པར་རྐང་པ་བདེ་བར་གཤེགས་པའི་སོར་བརྒྱད་ལས་ལྷག་པར་བགྱིས་ནས་བཅང་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་བདེ་བར་གཤེགས་པའི་སོར་བརྒྱད་ལས་ལྷག་པར་གཞན་གྱིས་བརྩམས་པ་ [229a.7]ལགས་པར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་གྱི་སླད་དུ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །བཙུན་པ་མ་ལགས་པར་བགྱིས་ཏེ་བོར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྲིའམ་ཁྲིའུ་བདེ་བར་ [229b] [229b.1]གཤེགས་པའི་སོར་བརྒྱད་ལས་ལྷག་པར་བགྱིད་དུ་སྩོལ་བ་ལས་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་འདས་པར་བགྱིད་དུ་སྩལ་བ་ལས་མཚན་འཕོས་ [229b.2]ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པ་ལ་ལྷག་པར་འདུ་ཤེས་ཏེ་བགྱིད་དུ་སྩལ་ན་ཅིར་འགྱུར། ལྟུང་བའོ། །ལྷག་པ་ལ་མ་ལྷག་པར་འདུ་ཤེས་ [229b.3]ཏེ་བྱེད་དུ་བཅུག་ན་ཉེས་པ་མེད་དོ། །མ་ལྷག་པ་ལ་ལྷག་པར་འདུ་ཤེས་ཏེ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །མ་ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་སློང་གིས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ [229b.4]ཚད་ལས་ལྷག་པར་ཁྱིམ་པ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་ནས། རྒྱས་པར་བསླབ་པ་བྱིན་པའི་བར་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་ [229b.5]གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ལས་ལྷག་པར་བགྱིད་དུ་སྩལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བ་བྱེད་དུ་བཅུག་པའོ། །བཙུན་པ་བསྙེན་པར་མ་རྫོགས་པ་ན་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་ [229b.6]པའི་སོར་བརྒྱད་ཀྱི་ཚད་ལས་ལྷག་པར་བརྩམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བརྩམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བརྩམས་ལ་བསྙེན་པར་ [229b.7]རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ཉེས་བྱས་སོ། །བསྙེན་པར་ [230a] [230a.1]རྫོགས་པ་ན་བརྩམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། །བསྙེན་པར་རྫོགས་པ་ན་བརྩམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་ [230a.2]གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །བཙུན་པ་དགེ་སློང་གིས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པར་ཕྲིན་གྱིས་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ [230a.3]ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པར་སྨྱོན་པ་བགྱིད་དུ་སྩལ་ན་ [230a.4]ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་དགེ་འདུན་གྱི་ [230a.5]ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པར་བགྱིད་དུ་སྩལ་ན་ཅིར་འགྱུར། ལྟུང་བའོ། །དགེ་སློང་མས་བགྱིད་དུ་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བགྱིད་དུ་སྩལ་ན་ཅིར་འགྱུར། ཉེས་ [230a.6]བྱས་སོ། །ཇི་ལྟར་བསླབ་པའི་གནས་ཀྱི་ལེའུ་འདི་ཇི་ལྟ་བ་དེ་བཞིན་དུ་ལྷུང་བཟེད་དང་། གདིང་བ་དང་། གཡན་པ་དགབ་པ་དང་། གོས་དབྱར་གྱི་རས་ཆེན་དང་། བདེ་བར་གཤེགས་པའི་ཆོས་གོས་ཀྱང་དེ་བཞིན་དུ་བརྗོད་པར་བྱའོ། །འདུལ་བ་གཞུང་དམ་པ་ལས་ལྟུང་བ་རྣམས་ [230a.7]རྫོགས་སོ།། །།འདུལ་བ་གཞུང་དམ་པ། བམ་པོ་{བཅྭ་,བཅོ་}ལྔ་པ། མདོར་ན། སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བ་དང་། །མི་རུང་བ་དང་མཚན་དང་ནི། །བཞི་པ་བདུན་པ་དེ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་ [230b] [230b.1]པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་དགེ་སློང་མ་སྲང་ན་བསོད་སྙོམས་སྤྱོད་པ་ལས་བཅའ་བ་དང་བཟའ་བ་བླངས་ཏེ་འཚལ་ན་སོ་སོར་བཤགས་པ་ཞེས་གསུངས་ན། བཙུན་པ་དགེ་སློང་གིས་དགེ་སློང་མ་སྨྱོན་མ་སྲང་ན་ [230b.2]མཆིས་པ་ལས་བདག་གི་སུག་པས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལས་ [230b.3]བསོད་སྙོམས་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་སྲང་ན་མཆིས་པ་ལས་བདག་གི་སུག་པས་བསོད་སྙོམས་བླངས་ཏེ་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། [230b.4]མི་རུང་བའི་ཟས་ཟོས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་བསོད་སྙོམས་སྤྱོད་ཅིང་སྲང་ན་མཆིས་པ་ལ་བདག་གི་སུག་པས་བཅའ་བ་དང་བཟའ་བ་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། [230b.5]བཙུན་པ་དགེ་སློང་མས་གཉེན་མ་ལགས་པའི་དགེ་སློང་བསོད་སྙོམས་སྤྱོད་ཅིང་སྲང་ན་མཆིས་པ་དེ་ལས་བདག་གི་སུག་པས་བསོད་སྙོམས་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་ [230b.6]པ་ལ་བསྙེན་པར་རྫོགས་པར་འདུ་ཤེས་ཏེ་དེ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ [230b.7]ཤེས་ན་ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །དེ་བཞིན་དུ་མི་ལ་མིར་འདུ་ཤེས་པ་ལ་ཡང་བཞིར་བྱའོ། །བཙུན་པ་བསྙེན་པར་མ་རྫོགས་པ་ན་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། [231a] [231a.1]བསྙེན་པར་མ་རྫོགས་པ་ན་བླངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་བླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བླངས་ལ་བསྙེན་པར་རྫོགས་ [231a.2]ཀར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཏེ་འཚལ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་བླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བསྙེན་པར་ [231a.3]རྫོགས་པ་ན་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ།། །།མདོར་ན། ཟས་དང་སྔགས་དང་དེ་བཞིན་ཏེ། །གཞན་གྱིས་གཞན་གྱི་མ་ནིང་དང་། །མ་ནིང་མ་ལ་སོགས་པ་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་གིས་ཟས་ [231a.4]མ་གཏོགས་པ་དེ་ལས་གཞན་པའི་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་སྲང་དུ་ཞུགས་པ་ལས་བསོད་སྙོམས་གཞན་གྱི་སླད་ [231a.5]དུ་བླངས་ཏེ་བདག་ཉིད་ཀྱིས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་བསོད་སྙོམས་བླངས་ཏེ་འཚལ་ཀྱང་ནོངས་པ་སོ་སོར་བཤགས་པར་མི་བྱ་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེ་སྲང་ན་འདུག་ [231a.6]པར་གྱུར་ལ་དགེ་སློང་མ་དབྱར་མོ་ཁང་ངམ་གྲོང་ན་འདུག་པས་བྱིན་ན་ཉེས་བྱས་སུ་འགྱུར་རོ། །བཙུན་པ་དགེ་སློང་མས་དགེ་སློང་མ་ནིང་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་མ་ནིང་མོ་སྲང་དུ་མཆིས་ [231a.7]པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་ནས་རྒྱས་པར་སྔར་འཁྲུགས་པའི་བར་དུ་བསོད་སྙོམས་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ [231b] [231b.1]ཕྱོགས་པ་དང་། བསླབ་པ་སྩལ་བའི་དགེ་སློང་མ་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། [231b.2]བཙུན་པ་བསླབ་པ་སྩལ་བས་གཉེན་མ་ལགས་པའི་དགེ་སློང་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་མས་གཉེན་མ་ལགས་པའི་དགེ་སློང་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་ [231b.3]འགྱུར། སོ་སོར་བཤགས་པར་བྱ་བའོ། །དགེ་ཚུལ་ཕ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །ཇི་ལྟར་དགེ་སློང་གིས་སོ་སོར་བཤགས་པར་བྱ་བ་དེ་བཞིན་དུ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ།། །།མདོར་ན། [231b.4]ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་ [231b.5]པ་བཅོམ་ལྡན་འདས་ཀྱིས་ཡང་དགེ་སློང་དེ་དག་གིས་དགེ་སློང་མ་དེ་ལ་འདི་སྐད་ཅེས་སྲིང་མོ་དགེ་སློང་དག་ཟན་ཟོས་ཀྱི་བར་དུ་སྡོད་ཅིག་ཅེས་སྨྲོས་ཤིག །དགེ་སློང་འགའ་ཞིག་གིས་ཀྱང་དགེ་སློང་མ་དེ་ལ་དེ་སྐད་ཅེས་སྨྲ་བར་མ་སྤོབས་ན་སོ་སོར་བཤགས་པར་བྱའོ་ཞེས་གསུངས་ན། བཙུན་ [231b.6]པ་དགེ་སློང་གིས་ཕྲིན་གྱིས་བསྒོ་སྟེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བསྒོ་སྟེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་སྨྱོན་མ་ཤོམ་ཞིང་མཆིས་པ་ལས་དགེ་སློང་དེ་དག་ [231b.7]གིས་མ་བསྒོ་བར་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་དགེ་སློང་མ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལ་མ་བསྒོ་བར་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་ [232a] [232a.1]དགེ་སློང་མས་དགེ་སློང་དག་གི་སླད་དུ་ཤོམ་པ་ན་གཉིད་ཀྱིས་ལོག་པ་ལ་དགེ་སློང་དེ་དག་གིས་ལོག་བཞིན་དུ་བསྒོ་སྟེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་ར་རོ་བ་དང་། མྱོས་པ་དང་། སྙོམས་པར་ཞུགས་པ་རྣམས་ལ་བསྒོ་སྟེ་ཟོས་ན་ཐམས་ཅད་ཉེས་བྱས་སུ་འགྱུར་རོ།། །། [232a.2]མདོར་ན། སྐད་དང་ལུས་དང་དབེན་པ་དང་། །སྔགས་མཚན་དང་ནི་བཞི་པ་དང་། །མི་རུང་ཟས་དང་ཁྱིམ་པ་དང་། །བསླབ་པ་བྱིན་དང་དགེ་སློང་མའོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་མ་ལ་བསྒོ་བ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་ [232a.3]བྱས་སོ། །འཕགས་པས་མཐའ་འཁོབ་པའི་སྐད་དུ་བསྒོ་བ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་བསྒོ་བ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ [232a.4]བྱས་སོ། །མཐའ་འཁོབ་པས་འཕགས་པའི་སྐད་དུ་བསྒོ་སྟེ་འཚལ་བ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་ཀྱི་དམིགས་པ་བསྒོ་སྟེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་དག་གིས་ [232a.5]དགེ་སློང་མ་ཤོམ་པ་ལ་དབེན་པ་ལ་མི་དབེན་པར་འདུ་ཤེས་ཏེ་བསྒོས་ནས་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགེ་སློང་མ་ལ་མ་བསྒོ་བར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་ [232a.6]ཤོམ་པའི་ཚེ་མ་བསྒོ་བར་མཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་དགེ་སློང་གི་སླད་དུ་ཤོམ་པའི་ཚེ་མ་བསྒོ་བར་འཚལ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་བསྙེན་ [232a.7]པར་རྫོགས་མ་ལ་བསྙེན་པར་རྫོགས་མར་འདུ་ཤེས་ཏེ་མ་བསྒོ་བར་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བསྙེན་པར་རྫོགས་མ་ལ་བསྙེན་པར་མ་རྫོགས་པར་འདུ་ཤེས་ཏེ་མ་བསྒོ་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་མ་ལ་བསྙེན་པར་རྫོགས་མར་འདུ་ཤེས་ན་ཉེས་བྱས་སུ་ [232b] [232b.1]འགྱུར་རོ། །བསྙེན་པར་མ་རྫོགས་མ་ལ་བསྙེན་པར་མ་རྫོགས་མར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་མས་མི་རུང་བའི་ཟས་སྦྱོར་ཅིག་པར་ཤོམ་ཞིང་མཆིས་པ་ན་དེ་ལ་དགེ་སློང་དག་གིས་མ་བསྒོ་བར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་ཟན་མ་གཏོགས་པར་དེ་ [232b.2]ལས་གཞན་པའི་བཅའ་བ་དང་། བཏུང་བ་དང་། བཟའ་བ་དང་། བལྡག་པ་ལ་སོགས་པ་སྦྱོར་ཅིག་པར་ཤོམ་ཞིང་མཆིས་པ་ན། དེ་ལ་དགེ་སློང་དག་གིས་མ་བསྒོ་བར་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཁྱིམ་པ་མོ་ཞིག་ཤོམ་པའི་ཚེ་མ་བསྒོ་བར་འཚལ་ན་ཅིར་འགྱུར། ཉེས་ [232b.3]བྱས་སོ། །དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་དང་། སྔར་ [232b.4]ཉེས་པ་བྱུང་བ་དང་། སྔར་འཁྲུགས་པ་རྣམས་ཤོམ་པ་ན་མ་བསྒོ་བར་ཟས་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་མོ་དང་། ཉེ་བར་ཕྱོགས་པ་མོ་དང་། བསླབ་པ་སྩལ་བ་མོ་རྣམས་ཀྱིས་བསྒོ་བ་འཚལ་ན་ཅིར་འགྱུར། སོ་སོར་བཤགས་པར་ [232b.5]བྱ་བའོ། །བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མས་བསྒོ་བ་འཚལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་སློང་མས་བསྒོ་བའི་ཟས་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་མས་བསྒོ་བའི་ཟས་འཚལ་ན་ཅིར་ [232b.6]འགྱུར། སོ་སོར་བཤགས་པར་བྱ་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་དང་ནི་གླེན་པའོ། །སངས་རྒྱས་བཅོམ་ [232b.7]ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་འདུན་ལ་སློབ་པའི་གྲོང་དུ་གྱུར་པ་དེ་ལ་སློབ་པའི་སྡོམ་པ་སྩལ་བ་ལས་ཡང་དགེ་སློང་གང་གིས་སློབ་པའི་གྲོང་ལ་བསླབ་པའི་སྡོམ་པ་བཅས་པ་དེ་ལྟ་བུ་ལས་རང་གི་སུག་པས་བཅའ་བ་དང་། བཟའ་བ་བླངས་ཏེ་ [233a] [233a.1]འཚལ་ན་སོ་སོར་བཤགས་པར་བགྱི་བའོ་ཞེས་གསུངས་ན། བཙུན་པ་དགེ་སློང་གིས་བསླབ་པའི་སྡོམ་པ་སྩལ་བ་ལས་ཕྲིན་གྱིས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་ [233a.2]གཅིག་ཏུ་བརྒྱུད་ནས་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་སྨྱོན་པའི་གྲོང་ནས་བཟའ་བ་དང་བཅའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། [233a.3]ལྐུགས་པ་དང་། འོན་པ་དང་། མ་ནིང་དང་། མ་ནིང་མོ་དང་། འགྲོ་བ་གཞན་དུ་གནས་པ་རྣམས་ལས་བཅའ་བ་དང་བཟའ་བ་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། གཞན་གྱིས་གཞན་ཕྱིར་དེ་བཞིན་ཏེ། །སྔགས་དང་ཁ་ཟས་དང་མི་རུང་དང་། །མགྲོན་པོས་མཚན་ཀྱང་དེ་བཞིན་ [233a.4]ཏེ། །དེ་ལྟར་བཞི་པ་དགེ་སློང་མའོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་གཞན་གྱིས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་པའི་གྲོང་ནས་གཞན་གྱི་སླད་དུ་བཅའ་བ་དང་བཟའ་བ་བླངས་ཏེ་བདག་ [233a.5]ཉིད་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་ཟན་མ་གཏོགས་ [233a.6]པར་དེ་ལས་གཞན་པའི་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་མི་རུང་བའི་ཟས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པའི་ [233a.7]སྡོམ་པ་སྩལ་བའི་གྲོང་ནས་བདག་གི་སུག་པས་བཅའ་བ་དང་བཟའ་བ་བླངས་ཏེ་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་སྔར་གྲོང་དུ་མགྲོན་དུ་བོས་པར་གྱུར་ལ་དེའི་འོག་ཏུ་དགེ་འདུན་གྱིས་བསླབ་པའི་སྡོམ་པ་བྱིན་པར་གྱུར་པའོ། བཙུན་ [233b] [233b.1]པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་འཚལ་བ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་མས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་འཚལ་བ་ན་མཚན་འཕོས་ཏེ་ [233b.2]དགེ་སློང་དུ་གྱུར་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་སྩལ་བར་འདུ་ཤེས་ཏེ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །སྩལ་བ་ལ་མ་སྩལ་བར་འདུ་ཤེས་ཏེ་འཚལ་ [233b.3]ན་ཅིར་འགྱུར། ཉེས་བྱས་སོ། །མ་སྩལ་བ་ལ་སྩལ་བར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །མ་སྩལ་བ་ལ་མ་སྩལ་བར་འདུ་ཤེས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་མི་ལ་མིར་འདུ་ཤེས་ནས་བཅའ་བ་དང་། བཟའ་བ་ [233b.4]ཞིག་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། ། [233b.5]བཙུན་པ་བསླབ་པ་སྩལ་བས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་མས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་ [233b.6]བཤགས་པར་བྱ་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་འཚལ་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། ། [233b.7]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་འདུན་དགོན་པ་ལ་གནས་པར་གྱུར་པ་ན་དོགས་པ་དང་བཅས་པར་འཚལ། འཇིགས་པ་དང་བཅས་པར་འཚལ། འཇིགས་ཤིང་སྐྲག་པ་དང་བཅས་པར་འཚལ་བཞིན་དུ་ [234a] [234a.1]ཡང་དགེ་སློང་གིས་དེ་ལྟ་བུ་དགེ་འདུན་དགོན་པ་ལ་གནས་ཤིང་དོགས་པ་དང་བཅས་པར་འཚལ། འཇིགས་པ་དང་བཅས་པར་འཚལ། འཇིགས་ཤིང་སྐྲག་པ་དང་བཅས་པར་འཚལ་བཞིན་དུ་ཀུན་དགའ་ར་བའི་སླད་རོལ་ནས་བཅའ་བ་དང་། བཟའ་བ་བླངས་ཏེ། [234a.2]ཀུན་དགའ་ར་བའི་ནང་ན་བཅའ་བ་དང་བཟའ་བ་འཚལ་ན་སོ་སོར་བཤགས་པར་བགྱིའོ་ཞེས་གསུངས་ན། བཙུན་པ་དགེ་སློང་གིས་དེ་ལྟ་བུར་དགོན་པ་ལ་གནས་པ་ན་ཀུན་དགའ་ར་བའི་སླད་རོལ་ནས་བཅའ་བ་དང་བཟའ་བ་བླངས་ཏེ་ཀུན་དགའ་ར་བའི་ནང་ན་བཅའ་བ་དང་བཟའ་བ་ཕྲིན་གྱིས་བླངས་ཏེ་འཚལ་ [234a.3]ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དེ་ལྟ་བུར་དགོན་པ་ལ་གནས་པ་ན་ཀུན་དགའ་ར་བའི་སླད་རོལ་ནས་སྨྱོན་པ་ [234a.4]ཞིག་ལས་བཅའ་བ་དང་བཟའ་བ་རྣམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མ་ནིང་དང་། མ་ནིང་མོ་དང་། མཚན་གཉིས་པ་དང་། འགྲོ་བ་གཞན་དུ་གནས་པ་ [234a.5]རྣམས་ལ་ཀུན་དགའ་ར་བའི་སླད་རོལ་ནས་བཅའ་བ་དང་བཟའ་བ་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། གཞན་གྱིས་གཞན་ཕྱིར་དེ་བཞིན་ཏེ། །སྔགས་དང་ཟས་དང་མི་རུང་བ། །རབ་ཏུ་རྟོགས་དང་དེ་བཞིན་དུ། །རྐུན་པོ་མཚན་དང་བཞི་པའོ། །བཙུན་པ་དགེ་སློང་ [234a.6]གིས་དེ་ལྟ་བུར་དགོན་པ་ལ་གནས་པ་ན་ཀུན་དགའི་ནང་དུ་གཞན་གྱིས་བཅའ་བ་དང་བཟའ་བ་བླངས་ཏེ་བདག་ཉིད་ཀྱིས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དེ་ལྟ་བུར་དགོན་པ་ལ་གནས་པ་ན་གཞན་དག་གི་སླད་དུ་བཅའ་བ་དང་བཟའ་བ་བདག་ཉིད་ཀྱིས་བླངས་ཏེ་ཀུན་ [234a.7]དགའི་ནང་དུ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་དེ་ལྟ་བུར་དགོན་པ་ལ་གནས་པ་ན་སྔགས་དང་སྨན་གྱིས་བདག་ཉིད་མི་སྣང་བར་བསྒྱུར་ཏེ་ཀུན་དགའི་ནང་ན་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དེ་ལྟ་བུར་ [234b] [234b.1]དགོན་པ་ལ་གནས་པ་ན་ཟས་མ་གཏོགས་པའི་དེ་ལས་གཞན་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དེ་ལྟ་བུར་དགོན་པ་ན་གནས་པ་ན་ཀུན་དགའི་ནང་དུ་མི་རུང་བའི་ཟས་བླངས་ཏེ་འཚལ་ན་ཅིར་ [234b.2]འགྱུར། ཉེས་བྱས་སོ། །བཙུན་པ་དགེ་སློང་གིས་དེ་ལྟ་བུར་དགོན་པ་ན་གནས་པ་ན་ཀུན་དགའི་ནང་ན་བཅའ་བ་དང་བཟའ་བ་བླངས་ཏེ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། རབ་ཏུ་ཡང་དག་པར་རྟོགས་པའི་ནགས་སུ་ཟོས་ན་ཉེས་པ་མེད་དོ། །བཙུན་ [234b.3]པ་དགེ་སློང་གིས་དེ་ལྟ་བུར་དགོན་པ་ལ་གནས་པ་ན་ཡང་དག་པར་རྟོགས་པའི་ནགས་དང་ཀུན་དགའི་ནང་དུ་བཅའ་བ་དང་བཟའ་བ་བླངས་ཏེ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་རྐུན་པོའི་སྡེ་ཉེ་བར་གནས་བཞིན་དུ་ཟོས་ནའོ། ། [234b.4]བཙུན་པ་དགེ་སློང་གིས་ཀུན་དགའི་ནང་དུ་བཅའ་བ་དང་བཟའ་བ་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་མས་ཀུན་དགའི་ནང་དུ་བཟའ་བ་དང་བཅའ་བ་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་ [234b.5]གྱུར་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་གིས་རབ་ཏུ་ཡང་དག་པར་རྟོགས་པ་ལ་རབ་ཏུ་ཡང་དག་པར་རྟོགས་པར་འདུ་ཤེས་ཏེ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་པ་མེད་དོ། །རབ་ཏུ་ཡང་དག་པར་རྟོགས་པ་ལ་རབ་ཏུ་ཡང་ [234b.6]དག་པར་མ་རྟོགས་པར་འདུ་ཤེས་ན་ཉེས་བྱས་སུ་འགྱུར་རོ། །རབ་ཏུ་ཡང་དག་པར་མ་རྟོགས་པ་ལ་རབ་ཏུ་ཡང་དག་པར་རྟོགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །རབ་ཏུ་ཡང་དག་པར་མ་རྟོགས་པ་ལ་རབ་ཏུ་ཡང་དག་པར་མ་རྟོགས་པར་འདུ་ཤེས་ཏེ་འཚལ་ [234b.7]ན་ཅིར་འགྱུར། སོ་སོར་བཤགས་པར་བྱ་བའོ། །དེ་བཞིན་དུ་མི་ལ་མིར་འདུ་ཤེས་པ་ཡང་བརྗོད་པར་བྱའོ། །བཙུན་པ་བསླབ་པ་སྩལ་བས་རབ་ཏུ་ཡང་དག་པར་མ་རྟོགས་པའི་ནགས་སུ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། [235a] [235a.1]བཙུན་པ་དགེ་སློང་མས་རབ་ཏུ་ཡང་དག་པར་མ་གཏོགས་པའི་གནས་ཀྱི་ཀུན་དགའི་ནང་དུ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་ [235a.2]རོ། །འདུལ་བའི་གཞུང་དམ་པ་ལས་སོ་སོར་ཐར་པ་རྣམ་པར་འབྱེད་པའི་བསླབ་པ་རྫོགས་{སྷོ,སོ}།། །།མདོར་ན། དབྱིབས་དང་ཁ་དོག་བར་ཆད་དང་། །མཁན་པོ་གཉིས་དང་སུན་ཕྱུང་དང་། །གནས་དང་གང་ཟག་གླིང་རྣམས་དང་། །ས་དང་མཚམས་དང་བསྙེན་པར་ [235a.3]རྫོགས། །ལྔ་པ་དང་ནི་ལས་གསུམ་དང་། །ཁྱིམ་པ་མཐའ་འཁོབ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་སྐྱེས་པ་བུད་མེད་འདྲ་བ་རབ་ཏུ་དབྱུང་ཞིང་བསྙེན་པར་རྫོགས་པར་མ་བྱེད་ཅིག་ཅེས་གསུངས་ན། [235a.4]བཙུན་པ་སྐྱེས་པ་མདོག་བུད་མེད་འདྲ་བ། མཚན་མ་བུད་མེད་འདྲ་བ། སྐད་བུད་མེད་འདྲ་བ། དབྱིབས་བུད་མེད་འདྲ་བ་ཞིག་དགེ་སློང་གི་དངོས་པོར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་ [235a.5]པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་བུད་མེད་གཅིག་མདོག་སྐྱེས་པ་དང་འདྲ་བ། མཚན་མ་སྐྱེས་པ་དང་འདྲ་བ། སྐད་སྐྱེས་པ་དང་འདྲ་བ། དབྱིབས་སྐྱེས་པ་དང་འདྲ་བ་ཞིག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། [235a.6]ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་བར་ཆད་ཀྱི་ཆོས་དང་ལྡན་པ་ཞིག་བདག་བར་ཆད་ཀྱི་ཆོས་དང་ལྡན་ནོ་ཞེས་སྨྲ་བའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་ [235a.7]བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བར་ཆད་ཀྱི་ཆོས་རྣམས་དང་ལྡན་པ་ཞིག་བདག་ནི་བར་ཆད་ཀྱི་ཆོས་དང་མི་ལྡན་ནོ་ཞེས་སྨྲ་བའི་གང་ཟག་དེ་དགེ་སློང་རྣམས་ཀྱིས་ [235b] [235b.1]དགེ་སློང་གི་དངོས་པོར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། །བར་ཆད་ཀྱི་ཆོས་རྣམས་དང་མི་ལྡན་པ་ལ་བདག་ནི་ལྡན་ནོ་ཞེས་སྨྲ་བའི་ [235b.2]གང་ཟག་དེ་དགེ་སློང་དག་གིས་དགེ་སློང་གི་དངོས་པོར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བར་ཆད་ཀྱི་ཆོས་རྣམས་དང་མི་ལྡན་པ་བདག་མི་ལྡན་ནོ་ཞེས་ [235b.3]སྨྲ་བའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་ནི་བྱ་སྟེ། བསྙེན་པར་རྫོགས་པར་བྱེད་པ་ཡང་འདས་པ་དང་བཅས་པར་མི་འགྱུར་རོ། །བཙུན་པ་བསྙེན་ [235b.4]པར་རྫོགས་པར་བགྱིད་པས་བར་ཆད་ཀྱི་ཆོས་རྣམས་མ་དྲིས་པར་བསྙེན་པར་རྫོགས་པར་བགྱིད་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པར་འགྱུར་རོ། །བཙུན་པ་ལོ་ཉི་ཤུར་ [235b.5]མ་ལགས་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཤེས་པར་ནུས་པ་མ་གཏོགས་པར་ལྷག་མ་རྣམས་ནི་བསྙེན་པར་རྫོགས་པ་ཞེས་བྱའོ། །བཙུན་པ་ལྷུང་བཟེད་མ་མཆིས། ཆོས་གོས་མ་མཆིས་པར་བསྙེན་པར་རྫོགས་པར་བགྱིས་ན་ [235b.6]བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་ཕ་དང་མས་མ་གནང་བར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་ [235b.7]རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་ཕ་དང་མས་མ་གནང་བར་བསྙེན་པར་རྫོགས་པར་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེའི་ཕ་དང་མ་དུས་ལས་འདས་པར་གྱུར་ཏམ། བྱོལ་ [236a] [236a.1]སོང་དུ་གྱུར་ཏམ། ཇོ་བོས་གནང་བར་གྱུར་པའོ། །བཙུན་པ་བུ་སྐལ་ཞིག་ན་དེ་གང་ལ་གསོལ། གང་གི་བུ་ཡིན་པར་ཁས་བླངས་པའོ། །བཙུན་པ་བྲན་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་ [236a.2]པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་བརྐུས་པ་དང་། རྙེད་བརྩོན་དང་། རྒྱལ་པོ་ལ་གཅེས་པ་དང་། རྒྱལ་པོ་དང་འཁོན་པ་དང་། རྒྱལ་པོ་ལ་གནོད་པའི་ལས་བྱེད་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་ [236a.3]པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་ཟ་མ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་ [236a.4]པར་རྫོགས་པར་བྱེད་པ་ཡང་འདས་པ་དང་བཅས་པའོ། །བཙུན་པ་མ་ནིང་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་ [236a.5]དགེ་སློང་མ་སུན་ཕྱུང་བ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་སྟེ། གང་གིས་དགེ་སློང་མ་ལ་མི་ཚངས་པར་སྤྱད་པས་སུན་ཕྱུང་བར་གྱུར་པ་ [236a.6]འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་ཡང་མི་སྣང་བར་བྱོས་ཤིག །གང་གིས་དགེ་སློང་མ་ལུས་ལ་རེག་པ་ཙམ་གྱིས་སུན་ཕྱུང་བར་གྱུར་པ་ནི་བསྙེན་པར་རྫོགས་པ་ཞེས་བྱ་སྟེ། མ་བསྐྲད་ཅིག །བཙུན་པ་མ་བསད་པའི་གང་ [236a.7]ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་སྟེ། གང་གིས་གཞན་དུ་འདུ་ཤེས་ནས་མ་འཚོ་བ་དང་ཕྲལ་བར་གྱུར་ཏམ། གཞན་དུ་སྦྱོར་བ་ཡང་རུང་སྟེ། [236b] [236b.1]འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱེད་ཅིག །གང་གིས་ཤེས་བཞིན་དུ་མའི་འཚོ་བ་དང་ཕྲལ་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་མིག་ལམ་ན་སྣང་བར་མ་བྱེད་ཅིག །ཇི་ལྟར་ [236b.2]མ་བསད་པ་དེ་བཞིན་དུ་ཕ་བསད་པ་དང་། དགྲ་བཅོམ་པ་བསད་པ་ལ་ཡང་བརྗོད་པར་བྱའོ། །བཙུན་པ་དགེ་འདུན་གྱི་དབྱེན་བགྱིས་པའི་གང་ཟག་གིས་བསླབ་པ་ཕུལ་ཏེ་ཉམས་པར་བགྱིས་པ་དང་། དེས་སླར་ཡང་ལེགས་པར་གསུངས་པའི་ཆོས་འདུལ་བ་ལ་དད་དེ་ [236b.3]རབ་ཏུ་བྱུང་ནས་བསྙེན་པར་རྫོགས་ཏེ་དགེ་སློང་གི་དངོས་པོར་འཚལ་བ་དེ་དགེ་སློང་གིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་སྟེ། གང་གིས་ཆོས་ [236b.4]མ་ཡིན་པར་འདུ་ཤེས་པས་དགེ་འདུན་ཕྱེ་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་བྱོས་ཤིག །གང་གིས་ཆོས་སུ་འདུ་ཤེས་ཏེ་དགེ་འདུན་ཕྱེ་བར་གྱུར་པ་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་ [236b.5]གནས་ན་ཡང་མིག་ལམ་ན་མི་སྣང་བར་མ་བྱེད་ཅིག །བཙུན་པ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་ [236b.6]པར་མ་རྫོགས་པ་ཞེས་བྱའོ། །གང་གིས་དེ་བཞིན་གཤེགས་པ་ལ་ཤེས་བཞིན་དུ་ངན་སེམས་ཀྱིས་ཁྲག་ཕྱུང་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་ཡང་མི་སྣང་བར་བྱོས་ཤིག །གང་གིས་དེ་བཞིན་གཤེགས་པ་ལ་ཤེས་ [236b.7]བཞིན་མ་ཡིན་པར་ངན་སེམས་མེད་པས་ཁྲག་ཕྱུང་བར་གྱུར་ན་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱེད་ཅིག །བཙུན་པ་མུ་སྟེགས་ཅན་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་ཅིག་ནི་བསྙེན་ [237a] [237a.1]པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་སྟེ། གང་དེས་ལྟ་བ་མ་སྤངས་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་པ་ན་མིག་ལམ་ན་མི་སྣང་བར་བྱོས་ཤིག །དེ་སྟེ་དེས་ལྟ་བ་སྤངས་ན་བསྙེན་པར་རྫོགས་པ་ཞེས་བྱ་ [237a.2]སྟེ། ཉེ་བར་གནས་ན་མིག་ལམ་ན་མི་སྣང་བར་མ་བྱ་ཞིག །བཙུན་པ་མུ་སྟེགས་ཅན་དུ་སོང་བའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་ཞེས་བྱ་སྟེ། གང་ [237a.3]གིས་བསླབ་པ་མ་ཕུལ་བར་མུ་སྟེགས་ཅན་གྱི་རྒྱལ་མཚན་བཟུང་བར་གྱུར་ལ། དེའི་ལྟ་བ་ལ་ཡང་དགའ་བ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་ཡང་མི་སྣང་བར་བྱོས་ཤིག །གང་གིས་བསླབ་པ་ཕུལ་ལ་མུ་སྟེགས་ཀྱི་རྒྱལ་མཚན་ [237a.4]བཟུང་བར་གྱུར་ནས་ཀྱང་དེའི་ལྟ་བ་ལ་ཡང་མི་དགའ་བར་གྱུར་པ་དེ་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱ་ཞིག །བཙུན་པ་རྐུ་ཐབས་སུ་གནས་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་ [237a.5]ཅིག་ནི་བསྙེན་པར་མ་རྫོགས་པའོ། །ཁ་ཅིག་ནི་བསྙེན་པར་རྫོགས་པ་ཞེས་བྱ་སྟེ། གང་གིས་བརྐུ་སེམས་ཀྱིས་རང་གི་མཚན་མ་བླངས་ཏེ། ལན་གཉིས་ལན་གསུམ་དུ་གསོ་སྦྱོང་གི་ལས་ཉམས་སུ་མྱོང་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ནའང་ [237a.6]མིག་ལམ་ན་མི་སྣང་བར་བྱོས་ཤིག །གང་གིས་བརྐུ་སེམས་ཀྱིས་རབ་ཏུ་མ་བྱུང་ལ་གསོ་སྦྱོང་གི་ལས་ལན་གཅིག་མྱོང་ངམ་མ་མྱོང་བར་གྱུར་པ་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱ་ཞིག །བཙུན་པ་སོ་སོར་གནས་པའི་གང་ [237a.7]ཟག་བསླབ་པ་ཕུལ་ནས་ཁྱིམ་པའི་དངོས་པོར་མཆིས་པ་ལས་དེ་སླར་ལེགས་པར་གསུངས་པའི་ཆོས་འདུལ་བ་ལ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་ནི་བྱ་སྟེ། བསྙེན་པར་རྫོགས་པར་བྱེད་པ་ནི་འདས་ [237b] [237b.1]པ་དང་བཅས་པའོ། །བཙུན་པ་སྔར་ནོངས་པ་བྱུང་བ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ཡང་འདས་པ་དང་བཅས་པའོ། །བཙུན་པ་ཇི་ཙམ་གྱིས་ན་སྔར་ནོངས་ [237b.2]པ་བྱུང་བ་ཞེས་བགྱི། །ཨུ་པཱ་ལི་གང་གིས་སྔར་རབ་ཏུ་བྱུང་ལ་བསླབ་པ་མ་ཕུལ་བར་ཕས་ཕམ་པ་བཞི་ལས་གང་ཡང་རུང་བའི་ཕས་ཕམ་པ་བྱུང་བར་གྱུར་པ་དང་། དེས་བསླབ་པ་མ་ཕུལ་ནས་ཁྱིམ་པའི་དངོས་པོར་སོང་བ་ལས་དེས་སླར་ཡང་ལེགས་པར་གསུངས་པའི་ཆོས་འདུལ་ [237b.3]བ་ལ་རབ་ཏུ་བྱུང་བསྙེན་པར་རྫོགས་ནས་དགེ་སློང་གི་དངོས་པོར་འདོད་པ་འདི་ནི་སྔོན་ཉེས་པ་བྱུང་བའི་གང་ཟག་ཅེས་བྱའོ། །བཙུན་པ་བཅོམ་ལྡན་འདས་ཀྱིས་སྔོན་ནོངས་པ་བྱུང་བའི་གང་ཟག་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། བཙུན་པ་སྔོན་ནོངས་པ་བྱུང་ [237b.4]བའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དེས་དགེ་སློང་མ་ཐུན་མོང་མ་ཡིན་པའི་ཕས་ཕམ་པར་གྱུར་པ་དང་། དེས་བསླབ་པ་ཕུལ་ཏེ་ཁྱིམ་པའི་དངོས་པོར་སོང་ན་དེར་མཚན་འཕོས་ཏེ་སྐྱེས་པར་ [237b.5]གྱུར་ནས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ཏེ་དགེ་སློང་གི་དངོས་པོར་འདོད་པ་དང་། དགེ་སློང་གིས་བསྙེན་པར་རྫོགས་པར་བྱས་ན་འདི་ནི་བསྙེན་པར་རྫོགས་པ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་དགེ་སློང་མ་ལན་གཅིག་ [237b.6]སླར་བབས་པ་རབ་ཏུ་དབྱུང་ཞིང་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། དེ་སྟེ་བཙུན་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་ [237b.7]བྱེད་པ་ཡང་འདས་པ་དང་བཅས་པའོ། །བཙུན་པ་སྔར་འཁྲུགས་པའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཁ་ཅིག་ནི་བསྙེན་པར་རྫོགས་པ་ཞེས་བྱ། ཁ་ཅིག་ནི་བསྙེན་པར་མ་རྫོགས་པ་ཞེས་ [238a] [238a.1]བྱ་སྟེ། གང་གིས་ལོ་ཉི་ཤུར་མ་ལོན་པར་ཤེས་པ་དང་། དེས་ཆོས་དང་འདུལ་བ་འདི་ཡིན་ཞེས་ཁས་བླངས་པའི་གང་ཟག་དེ་དགེ་སློང་གིས་བསྙེན་པར་རྫོགས་པར་བྱས་ན་འདི་ནི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་དེ་ནི་འདས་ [238a.2]པ་དང་བཅས་པར་མི་འགྱུར་རོ། །བཙུན་པ་ཉེ་བར་ཕྱོགས་པས་བསླབ་པ་ཕུལ་ཏེ་ཁྱིམ་པའི་དངོས་པོར་མཆིས་ནས་ལེགས་པར་གསུངས་པའི་ཆོས་འདུལ་བ་ལ་བསྙེན་པར་རྫོགས་པར་བགྱིས་ན། བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་ [238a.3]པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་བསླབ་པ་སྩལ་བས་བསླབ་པ་ཕུལ་ཏེ་ཁྱིམ་པའི་དངོས་པོར་མཆིས་པ་ལས། དེ་སླར་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ཏེ་དགེ་སློང་ [238a.4]གི་དངོས་པོར་འཚལ་བ་དང་དེ་དགེ་སློང་གིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་བུ་ལོན་ཆགས་པ་བསྙེན་པར་རྫོགས་ [238a.5]པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་ནད་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་ [238a.6]རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་མཁན་པོ་མ་མཆིས་པར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་ [238a.7]བྱེད་པ་ནི་འདས་པ་དང་བཅས་པའོ། །བཙུན་པ་བསྙེན་པར་རྫོགས་ཀར་མཁན་པོ་སྤོང་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། །ཁ་ཅིག་ནི་བསྙེན་པར་མ་རྫོགས་པ་ཞེས་བྱ་སྟེ། གང་གིས་དགེ་སློང་ཉིད་ལ་མི་རིགས་ [238b] [238b.1]པའོ། །ངོ་ཚ་མེད་པའོ། །འཛེམ་པ་མེད་པའོ་ཞེས་སྨོད་ཅིང་མཁན་པོ་སྤོང་བ་འདི་ནི་བསྙེན་པར་མ་རྫོགས་པ་ཞེས་བྱའོ། །གང་གིས་མཁན་པོ་ལ་མི་རིགས་པའོ། །ངོ་ཚ་མེད་པའོ་ཞེས་སྨོད་ཀྱིས་དགེ་སྦྱོང་ཉིད་ལ་མ་ཡིན་པ་མཁན་པོ་སྤངས་པ་འདི་ནི་བསྙེན་པར་རྫོགས་ [238b.2]པ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་འཁོར་སུན་འབྱིན་པའི་གང་ཟག་རབ་ཏུ་དབྱུང་ཞིང་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། བཙུན་པ་དེས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་འཁོར་སུན་ [238b.3]འབྱིན་པ་བཞི་སྟེ། སྔར་འཁྲུགས་པ་མ་གཏོགས་པའི་ལྷག་མ་རྣམས་ནི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་ལས་བགྱིད་པ་ཕྱོགས་གཅིག་ཏུ་མཆིས་ལ་གནས་བཞིར་གང་ཟག་བཞི་བསྙེན་པར་ [238b.4]རྫོགས་པར་བགྱིད་དུ་གནང་ངམ། གནང་སྟེ། དེ་ཡང་འདི་ལྟར་ལས་བྱེད་པའི་དགེ་སློང་གནས་བཞི་ཆར་གྱི་མཚམས་སུ་ཤིང་ངམ། ཁར་བའམ། རེ་ལྡེ་རྣམས་ཀྱིས་མནན་ཏེ་རེ་རེ་ནས་སམ། གཉིས་གཉིས་ནས་སམ། གསུམ་གསུམ་ནས་བསྙེན་པར་རྫོགས་ [238b.5]པར་བྱ་སྟེ། བཞིར་མ་ཚང་ནའོ། །བཙུན་པ་ལས་གཅིག་གིས་གཉིས་སམ་གསུམ་བསྙེན་པར་རྫོགས་པར་གནང་ངམ། ཨུ་པཱ་ལི་གནང་ངོ་། །བཙུན་པ་ལས་བགྱིད་པའི་དགེ་སློང་ཕྱོགས་གཅིག་ཏུ་མཆིས་ན་གསོལ་བ་གཅིག་དང་ལས་གཅིག་གིས་གང་ཟག་བཞི་ [238b.6]བསྙེན་པར་རྫོགས་པར་བགྱིས་ན་ལས་ཀྱང་བགྱིས་ལ་དགེ་སློང་དེ་དག་ཀྱང་འདས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་ལས་བྱེད་པའི་དགེ་སློང་གིས་མཚམས་མནན་ཏེ། མཚམས་སུ་གནས་སམ། མཚམས་སུ་འགྲེང་ [238b.7]ངམ། མཚམས་སུ་འདུག་ནས། གཉིས་ནི་མཚམས་ཀྱི་ནང་དུ་བཞག་གཉིས་ནི་མཚམས་ཀྱི་ཕྱི་རོལ་དུ་བཞག་སྟེ་ལས་བྱེད་པའོ། །བཙུན་པ་ནུབ་ཀྱི་བ་ལང་སྤྱོད་པའམ། ཤར་གྱི་ལུས་འཕགས་ཀྱི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་ [239a] [239a.1]པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །བཙུན་པ་བྱང་གི་སྒྲ་མི་སྙན་གྱི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ [239a.2]བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ཡང་འདས་པ་དང་བཅས་པའོ། །བཙུན་པ་དོག་ས་ལ་མཆིས་པས་གྲངས་སུ་བསྐངས་ཏེ་ནམ་མཁའ་ལ་མཆིས་པ་བསྙེན་པར་རྫོགས་པར་གནང་ངམ། ཨུ་པཱ་ལི་མི་གནང་ངོ་། །བཙུན་པ་ནམ་མཁའ་ [239a.3]ལ་མཆིས་པས་གྲངས་སུ་བསྐངས་ཏེ་དོག་ས་ལ་མཆིས་པ་བསྙེན་པར་རྫོགས་པར་གནང་ངམ། ཨུ་པཱ་ལི་མི་གནང་ངོ་། །བཙུན་པ་དོག་ས་ལ་མཆིས་པའི་ལས་བགྱིད་པས་ནམ་མཁའ་ལ་མཆིས་པའི་ལས་བགྱིད་པར་གནང་ངམ། ཨུ་པཱ་ལི་མི་གནང་ངོ་། །བཙུན་པ་ནམ་ [239a.4]མཁའ་ལ་མཆིས་པའི་ལས་བགྱིད་པས་དོག་ས་ལ་མཆིས་པའི་ལས་བགྱིད་དུ་གནང་ངམ། ཨུ་པཱ་ལི་མི་གནང་ངོ་། །དེ་བཞིན་དུ་མཚམས་ཀྱི་ནང་ན་འདུག་པ་དང་། མཚམས་ཀྱི་ཕྱི་རོལ་ན་འདུག་པ་ཡང་བཞིར་བྱའོ།། །།འདུལ་བ་གཞུང་དམ་པ། བམ་ [239a.5]པོ་བཅུ་དྲུག་པ། བཙུན་པ་བཅོམ་ལྡན་འདས་ཀྱིས་ལྗོངས་མཐའ་འཁོབ་ཏུ་འདུལ་བ་འཛིན་པ་དང་ལྔས་བསྙེན་པར་རྫོགས་པར་བྱོས་ཤིག་ཅེས་གསུངས་ན། བཙུན་པ་བཅུར་ཡང་མཆིས་ལ། མཆིས་བཞིན་དུ་འདུལ་བ་འཛིན་པ་དང་བཞིས་བསྙེན་པར་རྫོགས་པར་བགྱིས་ [239a.6]ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་བཅོམ་ལྡན་འདས་ཀྱིས་ལྗོངས་ཀྱི་དབུས་སུ་འདུལ་བ་འཛིན་པ་དང་གྲངས་བཅུས་ལྷག་པ་ཡང་རུང་བས་ [239a.7]བསྙེན་པར་རྫོགས་པར་འགྱུར་རོ་ཞེས་གསུངས་ན། བཙུན་པ་གྲངས་ཉི་ཤུའམ་ལྷག་པར་ཀྱང་རུང་སྟེ། མཆིས་བཞིན་པ་ལས་གྲངས་ཉི་ཤུ་ལས་ཉུང་བས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཨུ་ [239b] [239b.1]པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་བཅོམ་ལྡན་འདས་ཀྱིས་རྣམ་པ་ལྔས་ནི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་འདོད་པའི་མིང་ནས་བརྗོད་ནས་ལས་མི་ཉམས་པར་བྱེད་ [239b.2]པའི་བར་དུའོ་ཞེས་གསུངས་ན། བཙུན་པ་ལས་བགྱིད་པས་བསྙེན་པར་རྫོགས་པར་བགྱིད་པ་ན་བསྙེན་པར་རྫོགས་པར་འཚལ་བའི་མིང་ནས་མ་བརྗོད་ལ། མཁན་པོའི་མིང་ནས་བརྗོད། དགེ་འདུན་གྱི་མིང་ནས་བརྗོད། གསོལ་བ་ཡང་བགྱིས། ལས་ཀྱང་མ་ཉམས་ [239b.3]ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། །བསྙེན་པར་རྫོགས་པར་འཚལ་བའི་མིང་ནས་བརྗོད། དགེ་འདུན་གྱི་མིང་ནས་བརྗོད་ལ། མཁན་པོའི་མིང་ནས་ [239b.4]མ་བརྗོད། གསོལ་བ་ཡང་བགྱིས། ལས་ཀྱང་མ་ཉམས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། །བསྙེན་པར་རྫོགས་པར་འཚལ་བའི་མིང་ནས་བརྗོད། [239b.5]མཁན་པོའི་མིང་ནས་བརྗོད་དེ། དགེ་འདུན་གྱི་མིང་ནས་མ་བརྗོད་ལ། གསོལ་བ་ནི་བགྱིས། ལས་ཀྱང་མ་ཉམས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་ [239b.6]པའོ། །བསྙེན་པར་རྫོགས་པར་འཚལ་བའི་མིང་ནས་བརྗོད། མཁན་པོའི་མིང་ནས་བརྗོད། དགེ་འདུན་གྱི་མིང་ནས་ཀྱང་བརྗོད། གསོལ་བ་ནི་མ་བགྱིས་ལ། ལས་ཀྱང་མ་ཉམས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། [239b.7]བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། །བསྙེན་པར་རྫོགས་པར་འཚལ་བའི་མིང་ནས་བརྗོད། མཁན་པོའི་མིང་ནས་བརྗོད། དགེ་འདུན་གྱི་མིང་ནས་བརྗོད། གསོལ་བ་ཡང་བགྱིས་ལ། ལས་ནི་ཉམས་ན་བསྙེན་པར་རྫོགས་པ་ཞེས་ [240a] [240a.1]བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། །བཙུན་པ་དགེ་ཚུལ་ཕ་དགེ་སློང་མའི་ལས་ཀྱིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ [240a.2]ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་དགེ་སློབ་མ་དགེ་སློང་གི་ལས་ཀྱིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་ [240a.3]པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་ལས་བགྱིད་པ་བསྙེན་པར་རྫོགས་པར་བགྱིད་པའི་ཚེ་དུས་ལས་འདས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་དེ་སྟེ་ལས་མང་དུ་བྱས་པར་གྱུར་ན་ནི་བསྙེན་པར་རྫོགས་པ་ཞེས་བྱའོ། །བཙུན་པ་བསྙེན་ [240a.4]པར་རྫོགས་ཀར་ངག་གཅོག་ཅིང་བདག་བསྙེན་པར་རྫོགས་པར་མ་བགྱི་ཤིག་ཅེས་སླར་སྨྲ་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་བསྙེན་པར་ [240a.5]རྫོགས་ཀར་ཁྱིམ་པ་ལགས་པར་འཚལ་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་མཐའ་འཁོབ་པ་འཕགས་པའི་སྐད་དུ་བསྙེན་ [240a.6]པར་རྫོགས་པར་བགྱིས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་བསྙེན་པར་རྫོགས་པ་ཞེས་བགྱིའམ། དེ་སྟེ་གསུང་རབ་འདི་དང་ལྡན་ཞིང་རབ་ཏུ་ལྡན་ལ་ཁས་ལེན་པའི་སེམས་ཡོད་ན་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ [240a.7]རྣམས་ནི་མི་བྱ་བ་མངོན་པར་སྤྱད་དེ་བསྙེན་པར་རྫོགས་པར་བྱས་པས་འདས་པ་དང་བཅས་པར་འགྱུར་རོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་པར་ཞུགས་དང་འགྲོ་བ་མཚན། ། [240b] [240b.1]བཙུན་པ་སྨྱོན་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་དེ་སྟེ་བསྙེན་པར་རྫོགས་པའི་འདུ་ཤེས་ཡོད་ལ་ལུས་སམ་ཚིག་གིས་དམིགས་པས་ཁས་བླངས་ན་བསྙེན་པར་རྫོགས་པ་ཞེས་བྱའོ། །ཇི་ལྟར་སྨྱོན་པ་བཞིན་དུ་སེམས་འཁྲུགས་པ་ [240b.2]དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱང་རྒྱས་པར་བརྗོད་པར་བྱའོ། །བཙུན་པ་གཉིད་ལོག་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་དེ་སྟེ་ལུས་དང་ཚིག་གིས་དམིགས་ལ་གསོལ་བ་ [240b.3]དང་ལས་བྱེད་པའི་ཚེ་གཉིད་ཀྱིས་ལོག་ཀྱང་བསྙེན་པར་རྫོགས་པ་ཞེས་བྱའོ། །ཇི་ལྟར་གཉིད་ཀྱིས་ལོག་པ་དེ་བཞིན་དུ་ར་རོ་བ་དང་། སྙོམས་པར་ཞུགས་པ་རྣམས་ལ་ཡང་བརྗོད་པར་བྱའོ། །བཙུན་པ་འགྲོ་བ་གཞན་དུ་གནས་པ་བསྙེན་པར་རྫོགས་པར་བགྱིས་ན་བསྙེན་པར་ [240b.4]རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་བསྙེན་པར་རྫོགས་ཀར་མཚན་འཕོས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་རྫོགས་པ་ཞེས་བྱ་སྟེ། [240b.5]དགེ་སློང་མའི་ནང་དུ་སྤོས་ཤིག། །།མདོར་ན། སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་གླེན་པ་དང་། །ཁྱིམ་པ་དག་ལ་སོགས་པ་རྣམས། །བསླབ་པ་བྱིན་དང་དེ་ལྟར་མཚན། །བཙུན་པ་ལས་བགྱིད་པའི་སྨྱོན་པས་བསྙེན་པར་རྫོགས་པར་བགྱིས་ན་ [240b.6]བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་གལ་ཏེ་ལས་བྱེད་པའི་དགེ་སློང་གིས་དགེ་འདུན་གྱི་འདུ་ཤེས་དང་ལྡན་ཞིང་གསོལ་བ་བྱས་ལ་ལས་ཀྱང་མ་ཉམས་ན་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །དེ་བཞིན་ [240b.7]དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་དང་། དེ་བཞིན་དུ་ར་རོ་བ་རྣམས་ལ་ཡང་བརྗོད་པར་བྱའོ། །བཙུན་པ་ལས་བགྱིད་པ་ཁྱིམ་པས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་ [241a] [241a.1]མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ [241a.2]དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པས་ལས་བགྱིད་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། [241a.3]བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། །བཙུན་པ་ལས་བགྱིད་པ་ཟ་མས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་ [241a.4]དང་བཅས་པའོ། །བཙུན་པ་ལས་བགྱིད་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་ [241a.5]རྫོགས་པར་བྱེད་པ་རྣམས་ནི་འདས་པ་དང་བཅས་པའོ། བཙུན་པ་ལས་བགྱིད་པ་འགྲོ་བ་གཞན་དུ་གནས་པས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་ [241a.6]དང་བཅས་པའོ། །བཙུན་པ་བསྙེན་པར་རྫོགས་པར་བགྱིད་པ་ན་ལས་བགྱིད་པའི་མཚན་འཕོས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ།། །།མདོར་ན། [241a.7]སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་པར་ཞུགས་དང་འགྲོ་བ་མཚན། །ཁྱིམ་པ་དག་ལ་སོགས་པ་རྣམས། །བསླབ་པ་བྱིན་པ་ཐ་མའོ། །བཙུན་པ་མཁན་པོ་སྨྱོན་པས་བསྙེན་པར་རྫོགས་པར་བགྱིས་ [241b] [241b.1]ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །དེ་བཞིན་དུ་མཁན་པོ་སེམས་འཁྲུགས་པ་དང་། ནད་ཀྱིས་གཟིར་བ་ནས། སྙོམས་པར་ཞུགས་པའི་བར་རྣམས་སོ། ། [241b.2]བཙུན་པ་མཁན་པོ་འགྲོ་བ་གཞན་དུ་གནས་པས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་དགེ་ཚུལ་ཕ་བསྙེན་པར་ [241b.3]རྫོགས་པར་བགྱིད་པ་ན་མཁན་པོའི་མཚན་འཕོས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །བཙུན་པ་མཁན་པོ་ཁྱིམ་པས་བསྙེན་པར་རྫོགས་པར་བགྱིས་ན་ [241b.4]བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །དེ་བཞིན་དུ་མཁན་པོ་ཟ་མ་དང་། མ་ནིང་ནས་རྒྱས་པར་བསླབ་པ་སྩལ་བའི་བར་དུ་དེ་རྣམས་ཀྱིས་བསྙེན་པར་རྫོགས་པར་བགྱིས་ན་ [241b.5]བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །འདུལ་བ་གཞུང་དམ་པ་ལས་བསྙེན་པར་རྫོགས་པའི་དངོས་པོ་རྫོགས་{སྷོ,སོ}།། །།མདོར་ན། ཕྱེད་ [241b.6]དང་གསུམ་དང་བསྐོར་བ་དང་། །བཞི་པ་དང་ནི་མཚམས་དང་མཚན། །ཞིག་དང་སྔ་མ་མཚམས་དང་ཤིང་། །དབྱུང་དང་མི་རུང་ཁྱིམ་པ་དང་། །དབྱུང་བ་ཐ་མ་སྨྲས་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ [241b.7]ཀྱིས་མཚམས་ཆེན་པོ་ཆོད་ཅིག་ཅེས་གསུངས་ན། བཙུན་པ་མཚམས་ཆེན་པོ་ཚད་ཇི་ཙམ། ཨུ་པཱ་ལི་དཔག་ཚད་ཕྱེད་དང་གསུམ་མོ། །དེ་ཚུན་ཆད་ནི་ཐམས་ཅད་ཀྱང་ཆུང་ངུ་སྟེ། དཀྱིལ་འཁོར་གང་དུ་གྲངས་བཞི་བཅུ་བསྐོར་བར་ཤོང་བའོ། །བཙུན་པ་དཔག་ཚད་ཕྱེད་ [242a] [242a.1]དང་གསུམ་ལས་འདས་པར་མཚམས་བཀུམ་ན་དེ་མཚམས་ཞེས་བགྱིའམ། ཨུ་པཱ་ལི་མ་ཡིན་ཏེ། དཔག་ཚད་ཕྱེད་དང་གསུམ་ནི་མཚམས་སོ། །དེ་ལས་འདས་པ་ནི་མཚམས་མ་ཡིན་ནོ། །དེ་སྟེ་མཚམས་བཅད་ན་ཡང་མ་བཅད་པ་ཞེས་ [242a.2]བྱའོ། །དགེ་སློང་རྣམས་ཀྱང་འདས་པ་དང་བཅས་པ་སྟེ། དེ་བཞིན་དུ་ཐམས་ཅད་ཤེས་པར་བྱའོ། །བཙུན་པ་འོག་གི་མཚམས་གང་ལགས། ཨུ་པཱ་ལི་ཆུ་ཡོད་པའི་བར་དུའོ། །བཙུན་པ་དཔག་ཚད་ཕྱེད་དང་གསུམ་ལས་འདས་པ་ན་ཆབ་མཆིས་ན་དེ་མཚམས་ [242a.3]ཞེས་བགྱིའམ། ཨུ་པཱ་ལི་མ་ཡིན་ཏེ། དཔག་ཚད་ཕྱེད་དང་གསུམ་ནི་མཚམས་སོ། །དེ་མན་ཆད་ནི་མཚམས་མ་ཡིན་ནོ། །བཙུན་པ་སྟེང་གི་ནམ་མཁའ་ལ་མཚམས་གང་ལགས། ཨུ་པཱ་ལི་ཇི་ཙམ་རྩིག་རྒལ་ལམ་ཤིང་གི་རྩེ་མོ་ཡོད་པའོ། །བཙུན་པ་དཔག་ཚད་ཕྱེད་ [242a.4]དང་གསུམ་ལས་འདས་པ་ན་རྩིག་རྒལ་ལམ་ཤིང་གི་རྩེ་མོ་མཆིས་ན་དེ་མཚམས་ཞེས་བགྱིའམ། ཨུ་པཱ་ལི་མ་ཡིན་ཏེ། དཔག་ཚད་ཕྱེད་དང་གསུམ་ནི་མཚམས་ཞེས་བྱའི། དེ་ཡན་ཆད་ནི་མཚམས་མ་ཡིན་ནོ། །བཙུན་པ་རིའི་རྩེ་མོའི་མཚམས་གང་ལགས། ཨུ་པཱ་ལི་ཆུ་མིག་ [242a.5]ཡོད་པའོ། །བཙུན་པ་དཔག་ཚད་ཕྱེད་དང་གསུམ་ལས་འདས་པ་ན་ཆབ་མིག་མཆིས་ན་དེ་མཚམས་ཞེས་བགྱིའམ། ཨུ་པཱ་ལི་མ་ཡིན་ཏེ། དཔག་ཚད་ཕྱེད་དང་གསུམ་ནི་མཚམས་སོ། །དེ་ཡན་ཆད་ནི་མཚམས་མ་ཡིན་ནོ། །བཙུན་པ་མཚམས་ལ་ཡང་མཚམས་ཀྱིས་ [242a.6]བསྐོར་བར་གནང་ངམ། ཨུ་པཱ་ལི་མི་གནང་སྟེ། རྒྱང་གྲགས་ཀྱི་མཚམས་དང་། རྩིག་པའི་མཚམས་དང་། ཆུས་བསྐོར་བའི་དཀྱིལ་འཁོར་ནི་མ་གཏོགས་སོ། །བཙུན་པ་ལས་བགྱིད་པ་འཕགས་པས་འཕགས་པའི་སྐད་དུ་མཚམས་བཀུམ་པ་དང་། དགེ་སློང་དེ་དག་ [242a.7]གིས་འཕགས་པའི་སྐད་མ་འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། །བཙུན་པ་འཕགས་པས་མཐའ་འཁོབ་པའི་སྐད་དུ་མཚམས་བཀུམ་པ་དང་། དགེ་སློང་དེ་དག་གིས་ [242b] [242b.1]མཐའ་འཁོབ་པའི་སྐད་མ་འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་བཅད་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། །བཙུན་པ་མཐའ་འཁོབ་པས་མཐའ་འཁོབ་པའི་སྐད་དུ་མཚམས་བཀུམ་པ་དང་། དགེ་སློང་དེ་དག་གིས་མཐའ་འཁོབ་ [242b.2]པའི་སྐད་མ་འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། །བཙུན་པ་མཐའ་འཁོབ་པས་འཕགས་པའི་སྐད་དུ་མཚམས་བཀུམ་པ་དང་། དགེ་སློང་དེ་དག་གིས་འཕགས་པའི་སྐད་མ་ [242b.3]འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། །བཙུན་པ་སྟེང་གི་ནམ་མཁའ་ལ་མཚམས་དགུམ་པར་རུང་ངམ། ཨུ་པཱ་ལི་མི་རུང་སྟེ། ཨུ་པཱ་ལི་དེ་ཅིའི་ཕྱིར་ཞེ་ན། མཚམས་བསྟན་ [242b.4]དུ་མེད་པའི་ཕྱིར་རོ། །བཙུན་པ་ཉི་མ་དང་ཟླ་བ་དང་སྐར་མས་མཚམས་དགུམ་དུ་རུང་ངམ། ཨུ་པཱ་ལི་མི་རུང་ངོ་། །ཨུ་པཱ་ལི་དེ་ཅིའི་ཕྱིར་ཞེ་ན། དེ་ནི་འདི་ལྟར་ཉི་མ་དང་། ཟླ་བ་དང་། སྐར་མ་ནི་མི་བརྟན་ཞིང་གཡོ་བའི་ཕྱིར་རོ། །བཙུན་པ་ཆུ་རླབས་དང་། ཆུ་རླབས་ཀྱི་རྒྱུད་ [242b.5]དམ། ཀླུང་གི་འགྲམ་དུ་མཚམས་དགུམ་དུ་རུང་ངམ། ཨུ་པཱ་ལི་མི་རུང་ངོ་། །ཨུ་པཱ་ལི་དེ་ཅིའི་ཕྱིར་ཞེ་ན། དེ་ནི་འདི་ལྟར་ཆུ་རླབས་དང་། ཆུ་རླབས་ཀྱི་རྒྱུད་དང་། ཀླུང་གི་འགྲམ་ནི་གཡོ་ཞིང་མི་བརྟན་པའི་ཕྱིར་རོ། །བཙུན་པ་དེ་སྟེ་ཀླུང་གི་འགྲམ་བརྟན་པར་གྱུར་ན་མཚམས་དགུམ་ [242b.6]དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་རྫུ་འཕྲུལ་ལམ་སྒྱུ་མས་མཚམས་དགུམ་དུ་རུང་ངམ། ཨུ་པཱ་ལི་མི་རུང་ངོ་། །ཨུ་པཱ་ལི་དེ་ཅིའི་ཕྱིར་ཞེ་ན། དེ་ནི་འདི་ལྟར་རྫུ་འཕྲུལ་དང་སྒྱུ་མ་ནི་ཐ་སྙད་དུ་མི་འདོགས་པའི་ཕྱིར་རོ། །བཙུན་པ་ཀླུང་ངམ། ཡུར་བ་ལས་མཚམས་བཟླར་ [242b.7]རུང་ངམ། ཨུ་པཱ་ལི་མི་རུང་སྟེ། དེ་ཀླུང་ངམ་ཡུར་ཆུ་རྟག་ཏུ་མི་འབབ་པར་གྱུར་པའོ། །བཙུན་པ་རྟག་ཏུ་འབབ་པའི་ཆུ་གཏིང་ཟབ་པ་ལས་མཚམས་བཟླ་བར་རུང་ངམ། ཨུ་པཱ་ལི་རུང་སྟེ། འདི་ལྟར་ཡང་ཀླུང་དང་ཡུར་ཆུ་དེ་ལས་ཤིང་ངམ་རྩིག་པ་འམ་རེ་ལྡེ་རྣམས་ཀྱིས་བཀབ་པར་གྱུར་ [243a] [243a.1]པའོ། །བཙུན་པ་དེ་སྟེ་ཤིང་ངམ་རེ་ལྡེ་འཇིག་པའི་ཆོས་སུ་གྱུར་ན་ཞིག་པ་ཞེས་བགྱིའམ། དེ་སྟེ་སྦྱོར་བ་བཏང་ན་ཞིག་པ་ཞེས་བྱའོ། །འོན་ཏེ་སླར་དགབ་པར་སྦྱོར་བ་མ་བཏང་ན་མ་ཞིག་པ་ཞེས་བྱའོ། །བཙུན་པ་ལས་བགྱིད་པ་མཚམས་གཅོད་པ་ན་མཚན་གྱུར་ན་མཚམས་ [243a.2]བཅད་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱའོ། །བཙུན་པ་མཚམས་ཀྱིས་མཚམས་དགྲོལ་དུ་རུང་ངམ། ཨུ་པཱ་ལི་རྒྱང་གྲགས་ཀྱི་མཚམས་དང་། རྩིག་པའི་མཚམས་མ་གཏོགས་པ་གཞན་མི་རུང་ངོ་། །བཙུན་པ་མཚམས་འཇིག་པ་རྣམ་པ་དུ་མཆིས། ཨུ་པཱ་ [243a.3]ལི་ལྔ་སྟེ། མཚམས་མེད་པ་དང་། དགེ་སློང་མེད་པ་དང་། རེ་བ་མེད་པ་དང་། གསོལ་བ་དང་། ལས་དང་ལྔ་ཡིན་ནོ། །བཙུན་པ་སྔོན་གྱི་མཚམས་མ་བཀྲོལ་བར་མཚམས་གཞན་དགུམ་དུ་རུང་ངམ། ཨུ་པཱ་ལི་རྒྱང་གྲགས་ཀྱི་མཚམས་དང་། རྩིག་པའི་མཚམས་དང་། [243a.4]དཀྱིལ་འཁོར་གྱི་མཚམས་མ་གཏོགས་པར་མི་རུང་ངོ་། །ཨུ་པཱ་ལི་དེ་ཅིའི་ཕྱིར་ཞེ་ན། གསོལ་བ་དང་ལས་ཀྱིས་མཚམས་བཅད་དོ། །གསོལ་བ་དང་ལས་ཀྱིས་མཚམས་དགྲོལ་ལོ། །བཙུན་པ་མཚམས་བཀུམ་པས་མཚམས་དགྲོལ་བའམ། མཚམས་བཀྲོལ་བས་མཚམས་ [243a.5]བཀུམ་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ལས་ཀྱིས་མཚམས་བཅད་ན་རྒྱང་གྲགས་དང་། རྩིག་པའི་མཚམས་དགྲོལ་བ་ཞེས་བྱའོ། །ལས་ཀྱིས་མཚམས་བཀྲོལ་ན་རྒྱང་གྲགས་ཀྱི་མཚམས་དང་། རྩིག་པའི་མཚམས་བཅད་པ་ཞེས་བྱའོ། །བཙུན་པ་མཆི་ [243a.6]བའི་རྗེས་སུ་མཆི་བ་གང་ཨུ་པཱ་ལི་མཚམས་སོ། །བཙུན་པ་མཆིས་པའི་རྗེས་སུ་མཆིས་པ་གང་། ཨུ་པཱ་ལི་མཚམས་སོ། །བཙུན་པ་གནས་བཞི་འམ། ལྔ་འམ། དེ་ལས་མང་ཡང་རུང་ཤིང་གཅིག་གིས་མཚམས་དགུམ་པར་རུང་ངམ། ཨུ་པཱ་ལི་རུང་སྟེ། ཇི་ཙམ་དུ་མཚམས་ [243a.7]བསྒྲགས་ཤིང་གཞག་པར་ནུས་པའི་བར་དུའོ། །བཙུན་པ་མཚམས་ནས་མཚམས་སྤོ་བར་རུང་ངམ། ཨུ་པཱ་ལི་མི་རུང་སྟེ། རྒྱང་གྲགས་ཀྱི་མཚམས་དང་། རྩིག་པའི་མཚམས་ནི་མ་གཏོགས་སོ། །བཙུན་པ་སྤོ་མི་འཚལ་བའི་མཚམས་དུ། ཨུ་པཱ་ལི་གཅིག་སྟེ། ལས་ཀྱི་ [243b] [243b.1]མཚམས་སམ་ཆུ་མིག་གམ་ཁྲོན་པའོ། །བཙུན་པ་རུང་བའི་ས་དང་། མི་རུང་བའི་སའོ་ཞེས་བགྱི་ན། བཙུན་པ་རུང་བའི་ས་གང་ལགས་ཨུ་པཱ་ལི་གནས་གང་ན་མཚམས་ཀྱི་ནང་ན་རུང་བའི་གནས་སུ་བྱིན་གྱིས་བརླབས་པར་གྱུར་པ་འདི་ནི་རུང་བའི་ས་ཞེས་བྱའོ། །བཙུན་པ་མི་རུང་ [243b.2]བའི་ས་གང་ལགས། ཨུ་པཱ་ལི་མཚམས་ཀྱི་ནང་དུ་རུང་བའི་གནས་བྱིན་གྱིས་མ་རླབས་པར་གྱུར་པ་འདི་ནི་མི་རུང་བའི་ས་ཞེས་བྱའོ། །ཨུ་པཱ་ལི་དམ་པའི་ཆོས་ཡོད་པའི་བར་དུ་མི་རུང་བའི་ས་ཡང་ཡོད་དོ། །ཨུ་པཱ་ལི་དམ་པའི་ཆོས་མེད་པར་གྱུར་ན་ཐམས་ཅད་ཀྱང་རུང་བའི་ [243b.3]སའོ། །བཙུན་པ་ཇི་ཙམ་གྱིས་ན་དམ་པའི་ཆོས་མཆིས་པ་ཞེས་བགྱི། ཨུ་པཱ་ལི་གང་གི་ཚེ་ནན་ཏན་བྱེད་པ་རྣམས་ནན་ཏན་བྱེད་ཅིང་ལས་ཀྱང་བྱེད་དེ་ནན་ཏན་དུ་བྱ་བས་ནན་ཏན་བྱེད་ལ་ལས་ཀྱང་བྱེད་པའི་བར་དུ་ནི་དམ་པའི་ཆོས་ཡོད་པ་ཞེས་བྱའོ། །བཙུན་པ་ཇི་ཙམ་གྱིས་ན་ [243b.4]དམ་པའི་ཆོས་མ་མཆིས་པར་གྱུར་པ་ཞེས་བགྱི། ཨུ་པཱ་ལི་གང་གི་ཚེ་ནན་ཏན་བྱེད་པ་རྣམས་ནི་ནན་ཏན་མི་བྱེད་ཅིང་ལས་ཀྱང་མི་བྱེད་དེ་ནན་ཏན་བྱེད་པས་ནན་ཏན་མི་བྱེད་ལ་ལས་ཀྱང་མི་བྱེད་པའི་ཚེ། དམ་པའི་ཆོས་མེད་པར་གྱུར་པ་ཞེས་བྱའོ། །བཙུན་པ་ལས་བགྱིད་པ་ཁྱིམ་ [243b.5]པས་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་ལས་བྱེད་པ་ཟ་མ་དང་མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། [243b.6]མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་རྣམས་ཀྱིས་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ལས་བགྱིད་པ་དགེ་འདུན་གྱི་དབྱེན་ [243b.7]བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་ནི་བྱ་ལ། དགེ་འདུན་རྣམས་ནི་འདས་པ་དང་བཅས་པའོ། །བཙུན་པ་ལས་བགྱིད་པ་སྨྱོན་པས་མཚམས་ [244a] [244a.1]བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་དེ་སྟེ་དགེ་སློང་གི་འདུ་ཤེས་དང་ལྡན་ལ་མཚན་མ་རྣམས་ཀྱང་སྟོན་ནུས་ཤིང་གསོལ་བ་ཡང་བྱས་ཏེ་ལས་མ་ཉམས་ན་མཚམས་བཅད་པ་ཞེས་བྱའོ། །དེ་བཞིན་དུ་ལས་བྱེད་པ་སེམས་འཁྲུགས་པ་དང་། ནད་ཀྱིས་ [244a.2]གཟིར་བ་དང་། གླེན་པ་དང་། འོན་པ་རྣམས་ཀྱང་བརྗོད་པར་བྱའོ། །བཙུན་པ་ལས་བྱེད་པ་འགྲོ་བ་གཞན་དུ་གནས་པས་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་མཚམས་བཀུམ་པ་ན་ལས་བགྱིད་པའི་དགེ་སློང་དུས་ལས་འདས་ [244a.3]ན་མཚམས་བཀུམ་པ་ཞེས་བགྱིའམ། ཨུ་པཱ་ལི་དེ་སྟེ་མཚམས་བསྒྲགས་པར་ཡང་རྟོགས་ལ། ལས་ཀྱང་མང་དུ་བྱས་པར་གྱུར་ན་མཚམས་བཅད་པ་ཞེས་བྱའོ། །ཨུ་པཱ་ལི་དེ་སྟེ་མཚམས་བསྒྲགས་པར་ཡང་མ་རྟོགས་ལ་ལས་ཀྱང་མང་དུ་མ་བྱས་པར་གྱུར་ན་མཚམས་མ་བཅད་ [244a.4]པ་ཞེས་བྱའོ། །དེ་བཞིན་དུ་ཁྱིམ་པ་ཡིན་པར་ཤེས་པ་དང་། མ་ནིང་ཡིན་པ་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ཡིན་པ་དང་། མུ་སྟེགས་ཅན་དང་། མུ་སྟེགས་ཅན་ [244a.5]དུ་སོང་བ་ཡིན་པ་དང་། རྐུན་གནས་དང་། མི་གནས་པ་ཡིན་པ་དང་། སོ་སོར་གནས་པ་ཡིན་པ་དང་། སྔར་ཉེས་པ་བྱུང་བ་ཡིན་པ་དང་། སྔར་འཁྲུགས་པ་ཡིན་པར་ཤེས་པ་ནས། དེ་བཞིན་དུ་འགྲོ་བ་གཞན་དུ་གནས་པ་བདག་ཉིད་ཡིན་པར་ཤེས་པའང་རྒྱས་པར་བརྗོད་པར་ [244a.6]བྱའོ། །བཙུན་པ་མཚམས་འགུམས་པ་ན་དགེ་འདུན་གྱི་དབྱེན་བགྱིས་པར་འཚལ་བ་དང་ཉེ་བར་ཕྱོགས་པ་དང་། བསླབ་པ་སྩལ་བ་ལགས་པར་འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། [244a.7]བཙུན་པ་ཁྱིམ་པས་གྲངས་སུ་བསྐངས་ཏེ་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་མ་ནིང་ནས་སྔར་འཁྲུགས་པ་རྣམས་ཀྱི་བར་དུ་དེ་དག་གིས་གྲངས་སུ་བསྐངས་ཏེ་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་ [244b] [244b.1]མ་ཡིན་ནོ། །བཙུན་པ་དགེ་སློང་ཟ་མས་གྲངས་སུ་བསྐངས་ཏེ་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་བཅད་པ་ཞེས་མི་བྱ་སྟེ། དགེ་འདུན་ཡང་འདས་པ་དང་བཅས་པའོ། །དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་ [244b.2]པ་སྩལ་བ་རྣམས་ཀྱིས་གྲངས་སུ་བསྐངས་ཏེ་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ།། །།མདོར་ན། མཚམས་དང་རུང་བའི་གནས་དག་དང་། །ལས་གཅིག་ [244b.3]ཀླུང་ཡང་དེ་བཞིན་ཏེ། །ཞིག་པ་དང་ནི་གླིང་གསུམ་དང་། །གྲོང་དང་གསུམ་པ་དེ་བཞིན་ནོ། །བཙུན་པ་མཚམས་ཀྱི་མཚན་མ་མཆིས་པར་གྱུར་ན་མཚམས་ཞིག་པ་ཞེས་བགྱིའམ། ཨུ་པཱ་ལི་ཞིག་པ་ཞེས་བྱའོ། །བཙུན་པ་མཚམས་ཞིག་ན་རུང་བའི་གནས་ཀྱང་ཞིག་ [244b.4]པ་ཞེས་བགྱིའམ། ཨུ་པཱ་ལི་ཞིག་པ་ཞེས་བྱའོ། །བཙུན་པ་ལས་གཅིག་དང་གསོལ་བ་གཅིག་གིས་ལས་བགྱིད་པ་ཕྱོགས་གཅིག་ཏུ་མཆིས་ཏེ་གནས་བཞིར་མཚམས་དགུམ་པར་རུང་ངམ། ཨུ་པཱ་ལི་རུང་སྟེ། ཇི་ལྟར་ཡང་ལས་བྱེད་པའི་དགེ་སློང་དེས་གནས་བཞིའི་ [244b.5]མཚམས་སུ་ཤིང་ངམ། དབྱིག་པ་འམ། རེ་ལྡེ་ལ་མནན་ཏེ་མཚམས་བཅད་པའོ། །བཙུན་པ་མཚམས་དགུམ་པའི་གནས་སུ་ཀླུང་ངམ་ཡུར་ཆུས་མཚམས་ནོན་ན་མཚམས་ཞིག་པ་ཞེས་བགྱིའམ། ཨུ་པཱ་ལི་དེ་སྟེ་མཚམས་ཀྱི་མཚན་མ་བརྟན་པ་ཡོད་ན་མ་ཞིག་པ་ཞེས་ [244b.6]བྱའོ། །དེ་སྟེ་མཚམས་ཀྱི་མཚན་མ་མེད་པར་གྱུར་ན་ཞིག་པ་ཞེས་བྱའོ། །བཙུན་པ་མཚམས་ཞིག་ན་ཆོས་གོས་དང་མི་འབྲལ་བའི་སྡོམ་པ་ཡང་མ་མཆིས་པ་ཞེས་བགྱིའམ། མཆིས་པ་ཞེས་བགྱི། ཨུ་པཱ་ལི་ཡོད་པ་ཞེས་བྱའོ། །བཙུན་པས་ནི་ལས་ཀྱི་མཚམས་སུ་ཆོས་ [244b.7]གོས་དང་མི་འབྲལ་བའི་སྡོམ་པ་སྐོས་ཤིག་ཅེས་གསུངས་ན། བཙུན་པ་རྒྱང་གྲགས་ཀྱི་མཚམས་དང་། རྩིག་པའི་མཚམས་ལ་ཡང་ཆོས་གོས་དང་མི་འབྲལ་བའི་སྡོམ་པ་བསྐོ་བར་བགྱིའམ། དེ་སྟེ་དགོས་པར་གྱུར་ན་སྐོས་ཤིག །བཙུན་པ་གྲོང་དང་གཙུག་ལག་ཁང་ [245a] [245a.1]ལྷན་ཅིག་ཏུ་མཆིས་ཏེ་མཚམས་འབྲེལ་བར་གྱུར་ན་དེ་ལ་ཆོས་གོས་དང་མི་འབྲལ་བར་གང་ཚུན་ཆད་བསྐོ་བར་བགྱི། གྲོང་གི་ཉེན་ཀོར་མ་གཏོགས་པའོ། །བཙུན་པ་བཅོམ་ལྡན་འདས་ཀྱིས་ནི་གྲོང་ངམ་གྲོང་གི་ཉེན་ཀོར་མ་གཏོགས་པར་ཆོས་གོས་དང་མི་འབྲལ་བའི་ [245a.2]སྡོམ་པའོ་ཞེས་གསུངས་ན། ཆོས་གོས་དང་མི་འབྲལ་བའི་སྡོམ་པ་བསྐོས་པ་ལས་གྲོང་ཞིག་དེར་བཙུགས་ན་དེ་ཕྱོགས་སུ་ཆོས་གོས་དང་མི་འབྲལ་བའི་སྡོམ་པ་ཞིག་པར་འགྱུར་རམ། ཨུ་པཱ་ལི་ཞིག་པ་ཞེས་བྱའོ། །བཙུན་པ་ཆོས་གོས་དང་མི་འབྲལ་བའི་སྡོམ་པ་བསྐོས་ [245a.3]པ་ལས་གྲོང་གུད་དུ་འཕོས་ན་བཙུན་པ་ཅིའི་ཕྱིར་ཕྱོགས་དེར་ཡང་ཆོས་གོས་དང་མི་འབྲལ་བར་སྡོམ་པར་བསྐོ་བར་བགྱིའམ། ཨུ་པཱ་ལི་མི་དགོས་ཏེ། སྔོན་གྱི་སྡོམ་པ་གསོས་པས་ཆོག་གོ།། །།མདོར་ན། དྲན་པ་བཞི་པ་གསུམ་པ་དང་། །ལྔ་པ་དང་ནི་གཉིས་མཚན་ [245a.4]དང་། །ཉེས་པ་གཉིས་དང་སྐབས་འབྱེད་དང་། །སེམས་པ་འདུག་པ་ལངས་པ་དང་། །ཁྱིམ་པ་དག་ལ་སོགས་པ་དང་། །སྨྱོན་པ་འཆད་དང་མང་པོའོ། །བཙུན་པ་དགེ་འདུན་གྱིས་སྐྱ་རེངས་ཤར་བའི་ཚེ་དེང་ནི་བདག་ཅག་གི་གསོ་སྦྱོང་ངོ་ཞེས་དྲན་པར་གྱུར་ན། དགེ་ [245a.5]སློང་དེ་དག་གིས་གསོ་སྦྱོང་ཇི་ལྟར་བགྱི། དེང་བདག་ཅག་གི་གསོ་སྦྱོང་ངོ་ཞེས་སེམས་ལས་ཚིག་ཏུ་བརྗོད་ཅིང་། འོན་ཏེ་དེ་ན་སོ་སོར་ཐར་པ་ཀློག་ན་བཀླགས་པ་ཞེས་བྱ་སྟེ། དགེ་སློང་དེ་དག་གིས་གསོ་སྦྱོང་ཡང་བྱས་མོད་ཀྱི་འདས་པ་དང་བཅས་པར་འགྱུར་རོ། །བཙུན་ [245a.6]པ་བཅོམ་ལྡན་འདས་ཀྱིས་གསོ་སྦྱོང་གི་ལས་ལ་རྣམ་པ་བཞི་སྟེ། ཆོས་བཞིན་མ་ཡིན་པར་བྱེད་ཅིང་མ་འདུས་པ་དང་། ཆོས་བཞིན་མ་ཡིན་པ་ལ་འདུས་པ་དང་། ཆོས་བཞིན་ལ་མ་འདུས་པ་དང་། ཆོས་བཞིན་ལ་འདུས་པ་རྣམས་སོ་ཞེས་གསུངས་ན། ཆོས་བཞིན་མ་ཡིན་ [245a.7]པར་བྱེད་ཅིང་མ་འདུས་པ་གང་ཞེ་ན། གང་གི་ཚེ་སོ་སོར་ཐར་པ་བཀླག་པར་བྱ་བ་དེའི་ཚེ་མི་ཀློག །གང་གིས་བཀླག་པར་བྱ་བ་དེས་མི་ཀློག །ཇི་ལྟར་བཀླག་པར་བྱ་བ་དེ་ལྟར་མི་ཀློག །ཇི་སྲིད་དུ་བཀླག་པར་བྱ་བ་དེ་སྲིད་དུ་མི་ཀློག་པ་དང་མ་འདུས་པར་གྱུར་པའོ། །ཆོས་བཞིན་ [245b] [245b.1]མ་ཡིན་པ་ལ་འདུས་པ་གང་ཞེ་ན། གང་གི་ཚེ་ན་སོ་སོར་ཐར་པ་བཀླག་པར་བྱ་བ་དེའི་ཚེ་མི་ཀློག་པ་ནས་རྒྱས་པར་ཇི་སྲིད་དུ་བཀླག་པར་བྱ་བ་དེ་སྲིད་དུ་མི་ཀློག་ཅིང་འདུས་པར་གྱུར་པའོ། །ཆོས་བཞིན་ལ་མ་འདུས་པ་གང་ཞེ་ན། གང་གི་ཚེ་སོ་སོར་ཐར་པ་བཀླག་པར་བྱ་བ་དེའི་ཚེ་ [245b.2]ཀློག །གང་གིས་བཀླག་པར་བྱ་བ་དེས་ཀློག །ཇི་ལྟར་བཀླག་པར་བྱ་བ་དེ་ལྟར་ཀློག །ཇི་ཙམ་དུ་བཀླག་པར་བྱ་བ་དེ་ཙམ་དུ་བཀླགས་པ་དང་མ་འདུས་པར་གྱུར་པའོ། །ཆོས་བཞིན་ལ་འདུས་པ་གང་ཞེ་ན། གང་གི་སོ་སོར་ཐར་པ་བཀླག་པར་བྱ་བ་དེའི་ཚེ་ཀློག་པ་ནས་རྒྱས་ [245b.3]པར་ཇི་སྲིད་དུ་བཀླག་པ་དེ་སྲིད་དུ་ཀློག་ཅིང་འདུས་པར་གྱུར་པའི་བར་དུའོ། །བཙུན་པ་འཕགས་པས་འཕགས་པའི་སྐད་དུ་སོ་སོར་ཐར་པ་བཀླགས་པ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་ [245b.4]བྱ་སྟེ། སོ་སོར་ཐར་པའི་མདོ་ཀློག་པ་ཡང་འདས་པ་དང་བཅས་པའོ། །མཐའ་འཁོབ་པས་འཕགས་པའི་སྐད་དུ་སོ་སོར་ཐར་པ་བཀླགས་པ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་ [245b.5]བྱ་སྟེ། སོ་སོར་ཐར་པ་ཀློག་པ་ཡང་འདས་པ་དང་བཅས་པའོ། །འཕགས་པས་མཐའ་འཁོབ་པའི་སྐད་དུ་སོ་སོར་ཐར་པ་བཀླགས་པ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་མི་བྱ་སྟེ། [245b.6]སོ་སོར་ཐར་པའི་མདོ་ཀློག་པ་ཡང་འདས་པ་དང་བཅས་པའོ། །མཐའ་འཁོབ་པས་མཐའ་འཁོབ་པའི་སྐད་དུ་སོ་སོར་ཐར་པའི་མདོ་བཀླགས་པ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་མི་བྱ་སྟེ། [245b.7]སོ་སོར་ཐར་པའི་མདོ་ཀློག་པ་ཡང་འདས་པ་དང་བཅས་པའོ། །བཙུན་པ་ས་ལ་གནས་པའི་གྲངས་ནམ་མཁའ་ལ་གནས་པས་བསྐངས་ཏེ་སོ་སོར་ཐར་པའི་མདོ་ཀློག་པ་བཀླགས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་སློང་དེ་དག་ཀྱང་འདས་པ་ [246a] [246a.1]དང་བཅས་པའོ། །བཙུན་པ་ནམ་མཁའ་ལ་གནས་པའི་གྲངས་ས་ལ་གནས་པས་བསྐངས་ཏེ་སོ་སོར་ཐར་པའི་མདོ་ཀློག་པ་བཀླགས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་ [246a.2]པ་ས་ལ་གནས་པ་རྣམས་ལ་ནམ་མཁར་གནས་པས་སོ་སོར་ཐར་པའི་མདོ་ཀློག་ཅིང་གསོ་སྦྱོང་བགྱིས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་འདུན་དེ་དག་ཀྱང་འདས་པ་དང་བཅས་པའོ། །བཙུན་པ་ནམ་མཁའ་ལ་གནས་པ་རྣམས་ལ་ས་ [246a.3]ལ་གནས་པས་སོ་སོར་ཐར་པའི་མདོ་ཀློག་ཅིང་གསོ་སྦྱོང་བགྱིས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །དེ་བཞིན་དུ་མཚམས་ཀྱི་ནང་ན་འདུག་པ་དང་། མཚམས་ཀྱི་ཕྱི་རོལ་ན་འདུག་པར་ལྷན་ཅིག་ [246a.4]རྒྱས་པར་བཞིར་བྱའོ། །བཙུན་པ་སོ་སོར་ཐར་པ་བཀླག་པ་ལ་རྣམ་པ་དུ་མཆིས། ཨུ་པཱ་ལི་རྣམ་པ་ལྔ་སྟེ། གསོལ་བ་བྱས་ནས་གླེང་གཞི་བཀླགས་ཏེ་ལྷག་མ་རྣམས་ཐོས་པར་ཟད་དོ་ཞེས་བསྒྲགས་པ་འདི་ནི་སོ་སོར་ཐར་པའི་མདོ་བཀླག་པ་དང་པོའོ། །གསོལ་བ་བྱས་ནས་གླེང་གཞི་ [246a.5]བཀླགས་ཏེ་ཕས་ཕམ་པ་བཞི་བཀླགས་ནས་ལྷག་མ་རྣམས་ཐོས་པའོ་ཞེས་བསྒྲགས་པ་འདི་ནི་སོ་སོར་ཐར་པའི་མདོ་ཀློག་པ་གཉིས་པའོ། །གསོལ་བ་བྱས་ཏེ་གླེང་གཞི་བཀླགས་ཏེ་ཕས་ཕམ་པ་བཞི་བཀླགས། དགེ་འདུན་གྱི་ལྷག་མ་བཅུ་གསུམ་བཀླགས་ལ་ལྷག་མ་རྣམས་ཐོས་ [246a.6]པའོ་ཞེས་བསྒྲགས་པ་འདི་ནི་སོ་སོར་ཐར་པའི་མདོ་བཀླག་པ་གསུམ་པའོ། །གསོལ་བ་བྱས་ཏེ་གླེང་གཞི་བཀླགས། ཕས་ཕམ་པ་བཞི་དང་། དགེ་འདུན་གྱི་ལྷག་མ་བཅུ་གསུམ་དང་། མི་མངོན་པ་གཉིས་བཀླགས་ནས་ལྷག་མ་རྣམས་ཐོས་པའོ་ཞེས་བསྒྲགས་པ་འདི་ནི་སོ་སོར་ [246a.7]ཐར་པའི་མདོ་བཀླག་པ་བཞི་པ་སྟེ། རྒྱས་པར་ཀློག་པ་དང་འདི་ལྔའོ། །བཙུན་པ་གསོ་སྦྱོང་གི་ལས་ལ་རྣམ་པ་དུ། ཨུ་པཱ་ལི་ལྔ་སྟེ། བཀླགས་པ་དང་། མི་བཀླག་པར་སེམས་བསྐྱེད་པ་དང་། བྱིན་གྱིས་བརླབས་པ་དང་། ཡོངས་སུ་དག་པ་དང་། སྐབས་འབྱེད་པ་དང་རྣམ་ [246b] [246b.1]པ་ལྔའོ། །བཙུན་པ་སོ་སོར་ཐར་པའི་མདོ་ཀློག་པས་ཀློག་པའི་ཚེ་མཚན་གྱུར་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། །བཙུན་པ་དགེ་སློང་ཕྱོགས་གཅིག་ཏུ་མཆིས་པས་གནས་བཞིར་སོ་སོར་ཐར་པའི་མདོ་བཀླགས་ལ་གསོ་སྦྱོང་ཡང་བགྱིས་ན་དགེ་སློང་དེ་ [246b.2]དག་འདས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་སོ་སོར་ཐར་པའི་མདོ་ཀློག་པའི་དགེ་སློང་དེ་གནས་པའི་མཚམས་སུ་ཤིང་ངམ། དབྱིག་པའམ། རེ་ལྡེས་མནན་ཏེ་སོ་སོར་ཐར་པའི་མདོ་བཀླགས་པའོ། །བཙུན་པ་གནས་གཅིག་པའི་ [246b.3]མཚམས་ཀྱི་ནང་དུ་གནས་གཅིག་པའི་དགེ་སློང་རྣམས་ཀྱིས་ཕྱོགས་བཞིར་སོ་སོར་གསོ་སྦྱོང་བགྱིས་ན་གསོ་སྦྱོང་ཀྱང་བགྱིས་ལ། དགེ་སློང་དེ་དག་ཀྱང་འདས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གཅིག་གི་གཅིག་དད་པ་བྱིན་པའོ། །བཙུན་པ་སོ་སོར་ [246b.4]ཐར་པའི་མདོ་ཀློག་པའི་དགེ་སློང་ཕྱོགས་གཅིག་ཏུ་མཆིས་པ་མཚམས་ཀྱི་ནང་དང་མཚམས་ཀྱི་སླད་རོལ་ན་གནས་པ་རྣམས་ལ་སོ་སོར་ཐར་པ་བཀླགས་ན་གསོ་སྦྱོང་ཀྱང་བགྱིས་ལ། དགེ་སློང་དེ་དག་ཀྱང་འདས་པ་དང་བཅས་པར་མི་འགྱུར་བ་མཆིས་སམ། །ཨུ་པཱ་ལི་ཡོད་དེ། འདི་ [246b.5]ལྟར་ཡང་སོ་སོར་ཐར་པའི་མདོ་ཀློག་པའི་དགེ་སློང་གིས་མཚམས་ནོན་ཏེ་མནན་ནས་མཚམས་སུ་འགྲེང་ངམ་འདུག་ལ་མཚམས་ཀྱི་ནང་དང་མཚམས་ཀྱི་ཕྱི་རོལ་ན་གནས་པ་རྣམས་ལ་སོ་སོར་ཐར་པ་བཀླགས་པའོ། །བཙུན་པ་དགེ་སློང་གིས་སོ་སོར་ཐར་པའི་མདོ་ཀློག་པ་ལྔ་ [246b.6]ལས་གང་ཡང་རུང་སྟེ། སོ་སོར་ཐར་པའི་མདོ་ཀློག་པ་མ་བཀླགས་ཀྱང་གསོ་སྦྱོང་བགྱིས་པར་འགྱུར་བ་མཆིས་སམ། ཨུ་པཱ་ལི་ཡོད་དེ་སྐབས་འབྱེད་པའི་ཚེ་སྐབས་འབྱེད་པས་སྐབས་ཕྱེ་བའོ། །བཙུན་པ་དགེ་སློང་གིས་ཚིག་ཏུ་མ་སྨྲས་ཀྱང་གསོ་སྦྱོང་བགྱིས་པར་འགྱུར་བ་ [246b.7]མཆིས་སམ། ཨུ་པཱ་ལི་ཡོད་དེ། སེམས་བསྐྱེད་པས་སོ། །བཙུན་པས་འཁོར་རྣམས་མ་ལངས་དགེ་སློང་རྣམས་ནི་མ་དོང་པའོ་ཞེས་གསུངས་ན། བཙུན་པ་ཇི་ཙམ་གྱིས་ན་འཁོར་མ་ལངས་པ་ཞེས་བགྱི། ཨུ་པཱ་ལི་གང་དུ་དགེ་སློང་བཞི་འམ། དེ་ལས་མང་དུ་འདུག་པར་གྱུར་ [247a] [247a.1]ན་མ་ལངས་པ་ཞེས་བྱའོ། །བཞིར་མ་ཚང་ན་ནི་ལངས་པ་ཞེས་བྱའོ། །བཙུན་པ་དགེ་སློང་གིས་སོ་སོར་ཐར་པའི་མདོ་ཀློག་པ་བཀླགས་པ་དང་སྟན་ལས་ལངས་ཏེ་མཆིས་ནས་དགེ་སློང་མཆིས་བཞིན་དུ་འཚལ་བར་མ་བགྱིས་ཀྱང་ཀུན་དུ་ལྟུང་བར་མི་འགྱུར་བ་མཆིས་སམ། [247a.2]ཨུ་པཱ་ལི་ཡོད་དེ། བཤང་བ་དང་གཅི་བའི་སར་སོང་སྟེ་དེ་ན་ཡང་ཐོས་པའི་ཉེ་འཁོར་ལས་མ་འདས་པའོ། །ཁྱིམ་པས་སོ་སོར་ཐར་པའི་མདོ་ཀློག་པ་བགྱིས་ཏེ་གསོ་སྦྱོང་བགྱིས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་གསོ་སྦྱོང་མ་བྱས་པ་ཞེས་བྱ་སྟེ། དགེ་འདུན་ཡང་ [247a.3]འདས་པ་དང་བཅས་པའོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མི་གནས་པ་དང་། སོ་སོར་གནས་པ་དང་། འགྲོ་བ་གཞན་དུ་གནས་པ་ནས། སྔར་འཁྲུགས་པའི་བར་དུ་དེ་དག་ནི། ཨུ་པཱ་ལི་གསོ་སྦྱོང་མ་བྱས་པ་ཞེས་བྱ་སྟེ། དགེ་འདུན་ [247a.4]ཡང་འདས་པ་དང་བཅས་པའོ། །བཙུན་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་སོ་སོར་ཐར་པའི་མདོ་ཀློག་པ་བགྱིས་ཏེ་གསོ་སྦྱོང་བགྱིས་ན་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་རྣམས་ནི་འདས་པ་ [247a.5]དང་བཅས་པའོ། །བཙུན་པ་སྨྱོན་པས་སོ་སོར་ཐར་པའི་མདོ་ཀློག་པ་བགྱིས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་རྣམས་ནི་འདས་པ་དང་བཅས་པའོ། །བཙུན་པ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པས་ [247a.6]སོ་སོར་ཐར་པའི་མདོ་ཀློག་པ་བགྱིས་ཏེ་གསོ་སྦྱོང་བགྱིས་ན་གསོ་སྦྱོང་བགྱིས་པ་ཞེས་བགྱིའམ། གསོ་སྦྱོང་བྱས་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །ཇི་ལྟར་སོ་སོར་ཐར་པའི་མདོ་ཀློག་པ་དེ་བཞིན་དུ་མང་པོར་བསྐང་བ་ཡང་རྒྱས་པར་སྦྱར་རོ།། །།མདོར་ན། [247a.7]མ་ཕུལ་བླངས་པ་དགེ་འདུན་དང་། །བཞི་པ་དང་ནི་གཉིས་པ་མཚན། །ཁོར་བ་དང་ནི་གཅིག་ནས་གཅིག །བྱིན་དང་ལམ་དང་དེ་བཞིན་མང་། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་ཏེ་ [247b] [247b.1]སྟེང་གི་ནམ་མཁའ་ལས་རེ་བ་མེད་པར་མཆིས་སམ། མཚམས་ཀྱི་སླད་རོལ་དུ་མཆིས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དེ་སྟེ་རེ་བ་དང་བཅས་པས་མཆི་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། [247b.2]ཨུ་པཱ་ལི་མ་ཡིན་ནོ། །བཙུན་པ་ས་ལ་གནས་པས་ནམ་མཁའ་ལ་གནས་པ་རྣམས་ལ་དད་པ་དང་ཡོངས་སུ་དག་པ་སྩལ་དུ་རུང་ངམ། ཨུ་པཱ་ལི་མི་རུང་ངོ་། །བླང་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་ནམ་མཁའ་ལ་གནས་པས་ས་ལ་གནས་པ་རྣམས་ལ་དད་པ་དང་ཡོངས་སུ་ [247b.3]དག་པ་སྩལ་བར་རུང་ངམ། ཨུ་པཱ་ལི་མི་རུང་ངོ་། །བླང་བར་རུང་ངམ། ཨུ་པཱ་ལི་མི་རུང་ངོ་། །དེ་བཞིན་དུ་མཚམས་ཀྱི་ནང་དུ་འདུག་པ་དང་མཚམས་ཀྱི་ཕྱི་རོལ་ན་འདུག་པ་རྣམས་ལ་ཡང་བཞིར་བྱའོ། །བཙུན་པ་དགེ་སློང་གིས་དགེ་འདུན་ཐམས་ཅད་འདུས་ཤིང་ཚོགས་པ་ལ་དད་པ་དང་ [247b.4]ཡོངས་སུ་དག་པ་ཕུལ་ན་དེས་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །སུས་རྨ་བར་བགྱི། སུས་ཀྱང་མ་ཡིན་ནོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དད་པ་དང་ཡོངས་སུ་དག་པ་ཕུལ་བ་དང་། དགེ་སློང་དེས་ཀྱང་ [247b.5]འཕགས་པའི་སྐད་མ་འཚལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །འཕགས་པས་མཐའ་འཁོབ་པའི་སྐད་དུ་དད་པ་དང་ཡོངས་སུ་དག་པ་ཕུལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་དད་པ་དང་ཡོངས་སུ་དག་པ་ཕུལ་བ་ [247b.6]ཞེས་བགྱིའམ། ཨུ་པཱ་ལི་མ་ཡིན་ནོ། །མཐའ་འཁོབ་པས་མཐའ་འཁོབ་པའི་སྐད་དུ་དད་པ་དང་ཡོངས་སུ་དག་པ་ཕུལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །མཐའ་འཁོབ་པས་ [247b.7]འཕགས་པའི་སྐད་དུ་དད་པ་དང་ཡོངས་སུ་དག་པ་ཕུལ་བ་དང་། དགེ་སློང་དེས་ཀྱང་འཕགས་པའི་སྐད་དུ་མ་འཚལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་གིས་ལུས་ཀྱི་དམིགས་པས་སྐད་མ་བརྗོད་ན་དད་པ་དང་ཡོངས་སུ་དག་པ་ [248a] [248a.1]ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །ཚིག་གིས་སྨྲས་པ་ལུས་ཀྱིས་མ་ལགས་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །ལུས་དང་ཚིག་གིས་སྨྲས་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། [248a.2]ཨུ་པཱ་ལི་ཕུལ་བ་ཞེས་བྱའོ། །ལུས་ཀྱིས་ཀྱང་མ་ལགས་ཚིག་གིས་ཀྱང་མ་ལགས་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དད་པ་དང་ཡོངས་སུ་དག་པ་སྩལ་བ་ལས་དད་པ་དང་ཡོངས་སུ་དག་པ་ལེན་པའི་དགེ་སློང་མཚན་འཕོས་ན་མ་ཕུལ་བ་ [248a.3]ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་གཅིག་ནས་གཅིག་ཏུ་བརྒྱུད་དེ་དད་པ་དང་ཡོངས་སུ་དག་པ་ཕུལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །བཙུན་པ་ཆད་པ་ཁོར་བས་དད་པ་དང་ཡོངས་སུ་ [248a.4]དག་པ་ཕུལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །བཙུན་པ་དགེ་སློང་གིས་དད་པ་དང་ཡོངས་སུ་དག་པ་ཕུལ་ནས་ཁྱིམ་པར་ཁས་བླངས་ན་དད་པ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ [248a.5]ཞེས་བྱའོ། །དེ་བཞིན་དུ་མ་ནིང་ལགས་པར་ཁས་བླངས་པ་ནས། སྔར་འཁྲུགས་པ་ལགས་པར་ཁས་བླངས་པའི་བར་དུ་རྒྱས་པར་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དགེ་སློང་གིས་དད་པ་དང་ཡོངས་སུ་དག་པ་ཕུལ་ནས་ཟ་མ་ [248a.6]ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །དེ་སྟེ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། [248a.7]ཨུ་པཱ་ལི་མ་ཡིན་ནོ། །བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་ནས་ཁྱིམ་པ་ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །དེ་བཞིན་དུ་མ་ནིང་ལགས་པར་ཁས་བླངས་པ་ནས། སྔར་འཁྲུགས་པ་ [248b] [248b.1]ལགས་པར་ཁས་བླངས་པའི་བར་དུ་རྒྱས་པར་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་པ་དང་། ཟ་མ་དང་། མི་གནས་པ་དང་། སོ་སོར་གནས་པ་རྣམས་ལགས་པར་ཁས་བླངས་ན་ [248b.2]དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་ལགས་པར་ཁས་བླངས་པའམ། ཉེ་བར་ཕྱོགས་པ་དང་། བསླབ་པ་སྩལ་བ་ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ [248b.3]ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་ཏེ་དགེ་འདུན་གྱི་ནང་དུ་མཆིས་ནས་ཁྱིམ་པ་ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། དེ་བཞིན་དུ་མ་ནིང་ནས་སྔར་ [248b.4]འཁྲུགས་པ་ལགས་པར་ཁས་བླངས་པའི་བར་དུ་རྒྱས་པར་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་ཏེ་དགེ་འདུན་གྱི་ནང་དུ་མཆིས་ནས་ཟ་མ་ལགས་པར་ཁས་བླངས་ན་དད་པ་དང་ [248b.5]ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་དགེ་འདུན་གྱི་དབྱེན་བགྱིས་པ་དང་། མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལགས་པར་ཁས་བླངས་ན། བཙུན་པ་དད་པ་དང་ཡོངས་སུ་དག་པ་མ་ [248b.6]ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །གསོ་སྦྱོང་གི་དངོས་པོ་རྫོགས་སོ།། །།འདུལ་བ་གཞུང་དམ་པ། བམ་པོ་བཅུ་བདུན་པ། མདོར་ན། བཞི་པ་རྣམ་པ་བཞི་པ་དང་། །དངོས་པོ་གནས་གཉིས་དེ་བཞིན་ཏེ། །དྲན་པ་འགྲོ་བ་སྤངས་པ་དང་། །འདུག་ [248b.7]པ་དག་དང་ལངས་པ་མཚན། །ཁྱིམ་པ་དག་ལ་སོགས་པ་དང་། །སྨྱོན་པ་དང་ནི་ཆད་པའི་གྲངས། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་སྐབས་འབྱེད་པའི་ལས་ལ་རྣམ་པ་དུ་མཆིས། ཨུ་པཱ་ལི་བཞི་སྟེ། ཆོས་བཞིན་མ་ཡིན་པས་སྐབས་འབྱེད་ [249a] [249a.1]ཅིང་མ་འདུས་པ་དང་། ཆོས་བཞིན་མ་ཡིན་པར་འདུས་པ་དང་། ཆོས་བཞིན་དུ་མ་འདུས་པ་དང་ཆོས་བཞིན་དུ་འདུས་པའོ། །ཆོས་བཞིན་མ་ཡིན་པས་སྐབས་འབྱེད་པ་གང་ཞེ་ན། གང་གི་ཚེ་སྐབས་འབྱེད་པར་བྱ་བ་དེའི་ཚེ་ན་སྐབས་འབྱེད་པར་མི་བྱེད་པ་དང་། ཇི་ལྟར་སྐབས་ [249a.2]དབྱེ་བ་དེ་ལྟར་སྐབས་འབྱེད་པ་དེ་མི་བྱེད་པ་དང་། ཇི་ཙམ་དུ་སྐབས་དབྱེ་བར་བྱ་བ་དེ་ཙམ་དུ་སྐབས་འབྱེད་པར་མི་བྱེད་པ་དང་། གང་གིས་སྐབས་དབྱེ་བར་བྱ་བ་དེས་སྐབས་དབྱེ་བར་མི་བྱེད་པ་དང་། མ་འདུས་པར་ཀྱང་གྱུར་པའོ། །ཆོས་མ་ཡིན་པས་འདུས་པ་གང་ཞེ་ན། གང་གི་ཚེ་སྐབས་ [249a.3]དབྱེ་བར་བྱ་བ་དེའི་ཚེ་ན་སྐབས་འབྱེད་པར་མི་བྱེད་པ་ནས། གང་གིས་སྐབས་དབྱེ་བར་བྱ་བ་དེས་སྐབས་འབྱེད་པར་མི་བྱེད་པའི་བར་དུ་རྒྱས་པར་བརྗོད་དེ་འདུས་པར་ཡང་གྱུར་པའོ། །ཆོས་བཞིན་དུ་མ་འདུས་པ་གང་ཞེ་ན། གང་གི་ཚེ་སྐབས་དབྱེ་བར་བྱ་བ་དེའི་ཚེ་ན་སྐབས་འབྱེད་པར་བྱེད་པ་དང་། [249a.4]ཇི་ལྟར་སྐབས་དབྱེ་བ་དེ་ལྟར་སྐབས་འབྱེད་པར་བྱེད་པ་དང་། ཇི་ཙམ་དུ་སྐབས་དབྱེ་བར་བྱ་བ་དེ་ཙམ་དུ་སྐབས་འབྱེད་པར་བྱེད་པ་དང་། གང་གིས་སྐབས་དབྱེ་བར་བྱ་བ་དེས་སྐབས་འབྱེད་པར་བྱེད་ཅིང་མ་འདུས་པར་ཀྱང་གྱུར་པའོ། །ཆོས་བཞིན་དུ་འདུས་པ་གང་ཞེ་ན། གང་གི་ཚེ་སྐབས་དབྱེ་ [249a.5]བར་བྱ་བ་དེའི་ཚེ་ན་སྐབས་འབྱེད་པར་བྱེད་པ་ནས་གང་གིས་སྐབས་དབྱེ་བར་བྱ་བ་དེས་སྐབས་འབྱེད་པར་བྱེད་པའི་བར་དུ་རྒྱས་པར་བརྗོད་དེ་འདུས་པར་ཀྱང་གྱུར་པའོ། །བཙུན་པ་འཕགས་པས་འཕགས་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་སྐབས་ཕྱེ་ [249a.6]བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །འཕགས་པས་མཐའ་འཁོབ་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་ཀྱང་མཐའ་འཁོབ་པའི་སྐད་མ་འཚལ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ [249a.7]ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །མཐའ་འཁོབ་པས་མཐའ་འཁོབ་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་ཀྱང་མཐའ་འཁོབ་པའི་སྐད་མ་འཚལ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་ [249b] [249b.1]པ་དང་བཅས་པའོ། །མཐའ་འཁོབ་པས་འཕགས་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་ཀྱང་འཕགས་པའི་སྐད་མ་འཚལ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་པ་ས་ལ་གནས་པའི་གྲངས་ [249b.2]ནམ་མཁའ་ལ་གནས་པས་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་པ་ནམ་མཁའ་ལ་གནས་པའི་གྲངས་ས་ལ་གནས་པས་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། [249b.3]ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་པ་ས་ལ་གནས་པས་ནམ་མཁའ་ལ་གནས་པ་རྣམས་ལ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་ [249b.4]པ་ནམ་མཁའ་ལ་གནས་པས་ས་ལ་གནས་པ་རྣམས་ལ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །དེ་བཞིན་དུ་མཚམས་ཀྱི་ནང་ན་འཁོད་པ་དང་། མཚམས་ཀྱི་ཕྱི་རོལ་ན་འཁོད་པ་རྣམས་ལྷན་ཅིག་ཏུ་ [249b.5]རྣམ་པ་བཞིར་བྱའོ། །བཙུན་པ་བཅོམ་ལྡན་འདས་ཀྱིས་གང་སྐབས་འབྱེད་པ་དེ་ཉིད་ཀྱི་ཚེ་དངོས་པོ་ནི་ཡོད། གང་ཟག་ནི་མེད་དོ་ཞེས་གསུངས་ན། བཙུན་པ་དངོས་པོ་ནི་གང་ལགས། གང་ཟག་ནི་གང་ལགས། ཉེས་པ་ནི་དངོས་པོའོ། །ཉེས་པ་བྱེད་པ་ནི་གང་ཟག་ཅེས་བྱའོ། །བཙུན་ [249b.6]པ་ཚིག་ཏུ་མ་བརྗོད་ཅིང་སྐབས་ཕྱེ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་སྤྲིང་ཡིག་གམ་ལག་བརྡས་སྐབས་ཕྱེ་བ་ཞེས་བྱའོ། །བཙུན་པ་དགེ་སློང་ཞིག་ཕྱོགས་གཅིག་ཏུ་འགྲེང་ནས་གནས་བཞིར་སྐབས་འབྱེད་ན་སྐབས་ཕྱེ་བར་འགྱུར་བ་མཆིས་སམ། [249b.7]ཨུ་པཱ་ལི་ཡོད་དེ། འདི་ལྟར་ཡང་སྐབས་འབྱེད་པའི་དགེ་སློང་དེས་གནས་བཞིའི་མཚམས་སུ་ཤིང་ངམ་རེ་ལྡེས་མནན་ཏེ་སྐབས་འབྱེད་པའོ། །བཙུན་པ་གནས་ཀྱང་གཅིག་མཚམས་ཀྱང་གཅིག་པར་ལྷན་ཅིག་གནས་པའི་དགེ་སློང་དེ་དག་གིས་ཕྱོགས་བཞིར་སྐབས་ཕྱེ་ན་སྐབས་ཕྱེ་བར་ཡང་ [250a] [250a.1]འགྱུར་ལ་དགེ་འདུན་དེ་དག་ཀྱང་མ་འདུས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། གཅིག་ལ་གཅིག་དད་པ་བྱིན་པའོ། །བཙུན་པ་དགེ་འདུན་ཐམས་ཅད་ཀྱིས་སྐྱ་རེངས་ཤར་བ་ན་དྲན་པར་གྱུར་ན་དགེ་སློང་དག་གིས་སྐབས་ཇི་ལྟར་དབྱེ་བར་བགྱི། དེང་ནི་བདག་ཅག་ [250a.2]གིས་སྐབས་དབྱེ་བའོ་ཞེས་ཚིག་ཏུ་བརྗོད་པར་བྱའོ། །ཡང་ན་དེ་ནི་ཚིག་གསུམ་པས་སྐབས་ཕྱེ་ན་ཕྱེ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །བཅོམ་ལྡན་འདས་ཀྱིས་གང་གཉེན་གྱི་དོན་གྱི་སླད་དུ་དབྱར་གྱི་ནང་དུ་སྐབས་ཕྱེ་ཤིག་ཅེས་གསུངས་ན། བཙུན་པ་ཐབས་ཇི་ལྟར་ [250a.3]སྩལ་བར་བགྱི། ཨུ་པཱ་ལི་གང་རིང་དུ་གནས་ལ་སྐབས་འབྱེད་པའི་ཚེ་འོང་མི་ནུས་པའོ། །བཙུན་པ་དགེ་སློང་གིས་གཉེན་གྱི་དོན་གྱི་སླད་དུ་དབྱར་གྱི་ནང་དུ་སྐབས་ཕྱེ་སྟེ་ཞག་བདུན་ནམ། བཞི་བཅུར་ཡང་རུང་བྱིན་གྱིས་བརླབས་ནས་མཆིས་པ་ལས་བཙུན་པ་དེ་སྟེ་སྐབས་འབྱེད་པ་{བཅྭ་,བཅོ་}ལྔ་པའི་སྐབས་དབྱེ་བ་དེ་ [250a.4]ཉིད་ཀྱི་ཚེ་སླར་མཆིས་ན་ཅི་དེས་ཀྱང་སྐབས་དབྱེ་བར་བགྱིའམ། ཨུ་པཱ་ལི་མ་ཡིན་ཏེ། དེ་ལ་ནི་སྐབས་ཕྱེ་བ་དེས་ཆོག་གོ། །བཙུན་པ་དགེ་སློང་ཞིག་སྐབས་འབྱེད་པ་ཚེས་{བཅྭ་,བཅོ་}ལྔ་པ་ཉིད་ཀྱི་ཚེ་སྤངས་ན་དེ་དང་ལྷན་ཅིག་སྐབས་དབྱེ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་བཅོམ་ལྡན་འདས་ [250a.5]ཀྱིས་གང་དགེ་སློང་གི་འཁོར་རྣམས་མ་ལངས་མ་དོང་པའོ་ཞེས་གསུངས་ན། བཙུན་པ་ཇི་ཙམ་གྱིས་ན་འཁོར་མ་ལངས་པ་ཞེས་བགྱི་ཨུ་པཱ་ལི་གང་དུ་དགེ་སློང་བཞིའམ། ལྔ་འམ་དེ་ལས་མང་ཡང་རུང་སྟེ་འཁོད་པར་གྱུར་ན་མ་ལངས་པ་ཞེས་བྱའོ། །བཞི་ལས་ཉུང་ནམ་ལངས་པ་ཞེས་བྱའོ། །བཙུན་ [250a.6]པ་སྐབས་དབྱེ་བ་{བཅྭ་,བཅོ་}ལྔ་པ་དེ་ཉིད་ཀྱི་ཚེ་སྟན་ལས་ལངས་ཏེ་སོང་ནས་དགེ་སློང་མཆིས་བཞིན་དུ་འཚལ་བར་མ་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་བཤང་བ་དང་གཅི་བའི་སར་སོང་ལ་དེ་ཡང་ཐོས་པའི་ཉེ་འཁོར་ལས་མ་འདས་པའོ། །བཙུན་པ་སྐབས་ [250a.7]འབྱེད་པར་བགྱིད་པ་སྐབས་འབྱེད་པའི་ཚེ་མཚན་འཕོས་ཏེ་དགེ་སློང་མར་གྱུར་ནས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱའོ། །བཙུན་པ་སྐབས་འབྱེད་པ་ཁྱིམ་པས་ཕྱེ་ན་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་ [250b] [250b.1]དང་བཅས་པའོ། །དེ་བཞིན་དུ་ཟ་མ་དང་། མ་ནིང་དང་། མི་གནས་པ་དང་། འགྲོ་བ་གཞན་དུ་གནས་པ་ནས། རྒྱས་པར་སྔར་འཁྲུགས་པ་རྣམས་ཀྱི་བར་དུ་ཡང་སྐབས་མ་ཕྱེ་བ་ཞེས་བྱ་སྟེ། དགེ་འདུན་དེ་དག་ཀྱང་འདས་པ་དང་བཅས་པའོ། །བཙུན་པ་དགེ་འདུན་གྱི་དབྱེན་བགྱི་བ་ [250b.2]དང་། ཉེ་བར་ཕྱོགས་པ་དང་། བསླབ་པ་སྩལ་བས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་སྐབས་འབྱེད་པ་སྨྱོན་པས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། [250b.3]དགེ་འདུན་ནི་འདས་པ་དང་བཅས་པའོ། །དེ་བཞིན་དུ་སྐབས་འབྱེད་པ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་སྐབས་ཕྱེ་ན་སྐབས་ཕྱེ་བ་ཞེས་བགྱི་འམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་ [250b.4]དང་བཅས་པའོ། །བཙུན་པ་ཕྲིན་གྱིས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཅིག་ནས་གཅིག་ཏུ་བརྒྱུད་དེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་ [250b.5]པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། །བཙུན་པ་གཞན་ཟེར་རོ་ཞེས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ཁྱིམ་པས་གྲངས་སུ་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་ [250b.6]སྟེ། དགེ་འདུན་ཡང་འདས་པ་དང་བཅས་པའོ། །དེ་བཞིན་དུ་ཟ་མ་དང་། མ་ནིང་དང་། མི་གནས་པ་དང་། སོ་སོར་གནས་པ་དང་། འགྲོ་བ་གཞན་དུ་གནས་པ་ནས་སྔར་འཁྲུགས་པ་རྣམས་ཀྱི་བར་དུ་སྦྱར་བར་བྱའོ། །བཙུན་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་ [250b.7]པ་དང་། བསླབ་པ་སྩལ་བ་རྣམས་ཀྱིས་གྲངས་སུ་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། །བཙུན་པ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་ [251a] [251a.1]དང་། འོན་པ་དང་། གཉིད་ལོག་པ་དང་། མྱོས་པ་དང་། ར་རོ་བ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱིས་གྲངས་སུ་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་འདུན་ནི་ [251a.2]འདས་པ་དང་བཅས་པའོ།། །།མདོར་ན། ཕུལ་དང་བླངས་དང་དགེ་འདུན་དང་། །བཞི་པ་དང་ནི་གཉིས་དང་མཚན། །ཆད་པ་བྲ་བ་གཅིག་ནས་གཅིག །ལམ་དང་མང་པོ་དེ་བཞིན་ནོ། །བཙུན་པ་དགེ་སློང་གིས་དད་པ་དང་སྐབས་ཕྱེ་བ་བླངས་ཏེ་སྟེང་གི་ནམ་མཁའ་ལ་མཚམས་ [251a.3]ཀྱི་སླད་རོལ་དུ་རེ་བ་མ་མཆིས་པར་མཆིས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དེ་སྟེ་རེ་བ་དང་བཅས་ནས་མཆིས་ན་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་མོད་ཀྱི་འདས་པ་དང་བཅས་པར་འགྱུར་རོ། བཙུན་པ་ས་ལ་ [251a.4]གནས་པ་རྣམས་ཀྱིས་ནམ་མཁའ་ལ་གནས་པ་རྣམས་ལ་དད་པ་དང་སྐབས་དབྱེ་བ་དབུལ་དུ་རུང་ངམ། ཨུ་པཱ་ལི་མ་ཡིན་ནོ། །བཙུན་པ་བླང་དུ་རུང་ངམ། ཨུ་པཱ་ལི་མ་ཡིན་ནོ། །བཙུན་པ་ནམ་མཁའ་ལ་གནས་པ་རྣམས་ཀྱིས་ས་ལ་གནས་པ་རྣམས་ལ་དད་པ་དང་སྐབས་དབྱེ་བ་ [251a.5]དབུལ་དུ་རུང་ངམ། ཨུ་པཱ་ལི་མ་ཡིན་ནོ། །དེ་བཞིན་དུ་མཚམས་ཀྱི་ནང་ན་འཁོད་པ་རྣམས་དང་། མཚམས་ཀྱི་ཕྱི་རོལ་ན་འཁོད་པ་རྣམས་ཀྱང་རྣམ་པ་བཞིར་བརྗོད་པར་བྱའོ། །བཙུན་པ་དགེ་སློང་གིས་དགེ་འདུན་ཐམས་ཅད་ཚོགས་ཤིང་འཁོད་པ་ལ་དད་པ་དང་སྐབས་དབྱེ་བ་ [251a.6]ཕུལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །སུས་བསྒྲག་པར་བགྱི། སུས་ཀྱང་མ་ཡིན་ནོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་ཀྱང་འཕགས་པའི་ [251a.7]སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །འཕགས་པས་མཐའ་འཁོབ་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་ [251b] [251b.1]བགྱིའམ། ཨུ་པཱ་ལི་མ་ཡིན་ནོ། །བཙུན་པ་མཐའ་འཁོབ་པས་མཐའ་འཁོབ་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་མཐའ་ [251b.2]འཁོབ་པས་འཕགས་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དད་པ་དང་སྐབས་འབྱེད་པ་འབུལ་བའི་དགེ་སློང་གིས་ལུས་ཀྱིས་ [251b.3]དམིགས་ཀྱི་ཚིག་གིས་མ་ལགས་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །དེ་བཞིན་དུ་ཚིག་གིས་སྨྲས་ཀྱི་ལུས་ཀྱིས་མ་ལགས་པ་དང་། ཚིག་དང་ལུས་ཀྱིས་དམིགས་པས་ཀྱང་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ [251b.4]ཕུལ་བ་ཞེས་བྱའོ། །བཙུན་པ་དེ་སྟེ་ལུས་ཀྱིས་ཀྱང་མ་དམིགས་ཚིག་གིས་མ་སྨྲས་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དད་པ་དང་སྐབས་དབྱེ་བ་འབུལ་བའི་དགེ་སློང་མཚན་གྱུར་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་ [251b.5]པཱ་ལི་མ་ཡིན་ནོ། །བཙུན་པ་ཆད་པ་དང་བྲ་བས་དད་པ་དང་སྐབས་དབྱེ་བ་ཕུལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །བཙུན་པ་དད་པ་དང་སྐབས་དབྱེ་བ་གཅིག་ནས་གཅིག་ཏུ་བརྒྱུད་དེ་སྨྲས་ན་དད་པ་ [251b.6]དང་སྐབས་ཕྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །དད་པ་དང་སྐབས་དབྱེ་བ་ཕུལ་ནས་ཁྱིམ་པ་ལགས་པར་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །དེ་ [251b.7]བཞིན་དུ་མ་ནིང་ལགས་པར་ཁས་བླངས་པ་ནས་རྒྱས་པར་སྔར་འཁྲུགས་པ་ལགས་པའི་བར་དུ་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དད་པ་དང་སྐབས་འབྱེད་པ་འབུལ་བའི་དགེ་སློང་དད་པ་དང་སྐབས་དབྱེ་བ་འབུལ་བའི་ཚེ་ཟ་མ་ [252a] [252a.1]ལགས་པར་ཁས་བླངས་ན་དད་པ་དང་སྐབས་དབྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དེ་སྟེ་དགེ་འདུན་གྱི་དབྱེན་བགྱིས་པ་ལགས་པར་ཁས་བླངས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་ལགས་པར་ཁས་བླངས་ན་དད་པ་དང་ [252a.2]སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དད་པ་དང་སྐབས་དབྱེ་བ་ལེན་པའི་དགེ་སློང་གིས་དད་པ་དང་སྐབས་ཕྱེ་བ་བླངས་ནས་དགེ་འདུན་གྱི་ནང་དུ་མཆིས་ཏེ་ཁྱིམ་པ་ལགས་པར་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ [252a.3]ལི་མ་ཕུལ་བ་ཞེས་མི་བྱའོ། །དེ་བཞིན་དུ་མ་ནིང་ལགས་པར་ཁས་བླངས་པ་ནས་རྒྱས་པར་སྔར་འཁྲུགས་པ་ལགས་པའི་བར་དུ་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་མི་བྱའོ། །བཙུན་པ་དེ་སྟེ་ཟ་མ་ལགས་པར་ཁས་བླངས་ན་ [252a.4]དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་དགེ་འདུན་གྱི་དབྱེན་བགྱིས་པ་ནས་བསླབ་པ་སྩལ་བ་ལགས་པའི་བར་དུ་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །སྐབས་འབྱེད་པའི་དངོས་པོ་ [252a.5]རྫོགས་{སྷོ,སོ}།། །།མདོར་ན། གྲུ་དང་ནམ་མཁའ་གསུམ་པ་དང་། །སྤྱོད་ཡུལ་ཐེ་ཚོམ་སོང་བ་དང་། །མཚན་དང་གསུམ་པ་གནས་རྣམས་དང་། །དབྱར་གསུམ་པའམ་དེ་བཞིན་ནོ། །བཙུན་པ་དགེ་སློང་གིས་ཕུར་པ་ལ་བཏགས་པའི་གྲུར་དབྱར་ཚུལ་དུ་ཞུགས་ན་ཚུལ་ [252a.6]དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །བཙུན་པ་དེ་སྟེ་དབྱར་གྱི་ནང་ལོགས་སུ་གྲུ་བཏང་ན་དབྱར་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དབྱར་ཚུལ་དུ་ཞུགས་པའི་དགེ་སློང་ཞིག་ཞག་བདུན་དུ་བྱིན་གྱིས་བརླབས་ཏེ་སྟེང་གི་ནམ་མཁའ་ [252a.7]ལས་མཚམས་ཀྱི་སླད་རོལ་དུ་མཆིས་ན་དབྱར་ཞིག་པ་ཞེས་བགྱིའམ། དབྱར་མ་ཞིག་པ་ཞེས་བགྱི། ཨུ་པཱ་ལི་དབྱར་མ་ཞིག་པ་ཞེས་བྱའོ། །བཙུན་པ་དགེ་སློང་གིས་སྟེང་གི་ནམ་མཁའ་ལ་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་ [252b] [252b.1]པ་དགེ་སློང་གིས་སྟེང་གི་ནམ་མཁའ་ལ་གཞལ་མེད་ཁང་དུ་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །བཙུན་པ་དེ་སྟེ་གཞལ་མེད་ཁང་དེ་ནས་གནས་གཞན་དུ་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། [252b.2]བཙུན་པ་བཅོམ་ལྡན་འདས་ཀྱིས་གང་སྤྱོད་ཡུལ་ལ་རྟེན་ཏེ་ཚུལ་དུ་ཞུགས་ཤིག་ཅེས་གསུངས་ན། བཙུན་པ་དགེ་སློང་གི་སྤྱོད་ཡུལ་མ་མཆིས་པར་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །བཙུན་པ་དགེ་སློང་གིས་སྤྱོད་ཡུལ་ལ་ [252b.3]བརྟེན་ཏེ་དབྱར་ཚུལ་དུ་ཞུགས་པར་གྱུར་ན་ཅི་དེས་དེར་ཞག་བདུན་དུ་བྱིན་གྱིས་རླབས་ཏེ་མཆི་བར་བགྱིའམ། ཨུ་པཱ་ལི་མ་ཡིན་ཏེ། དེས་དེ་ཉིད་ལ་བརྟེན་ནས་དབྱར་ཚུལ་དུ་ཞུགས་པའི་ཕྱིར་རོ། །བཙུན་པ་དགེ་སློང་གིས་དབྱར་ཚུལ་དུ་ཞུགས་ཏེ་བདག་ཚུལ་དུ་ཞུགས་སམ་མ་ཞུགས་ཞེས་ [252b.4]ཐེ་ཚོམ་ཟ་ཞིང་དོགས་པར་གྱུར་ན། ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །བཙུན་པ་དེ་སྟེ་ཐེ་ཚོམ་དང་དོགས་པ་ལས་ཐེ་ཚོམ་དང་དོགས་པ་བསལ་མ་ནུས་ན་དེས་སླར་ཡང་དབྱར་ཚུལ་དུ་འཇུག་པར་བགྱིའམ། ཨུ་པཱ་ལི་ཚུལ་དུ་འཇུག་པར་ [252b.5]བྱའོ། །བཙུན་པ་དེའི་དབྱར་གྱི་ཚུལ་གང་ལགས། ཨུ་པཱ་ལི་སྔ་མའོ། །བཙུན་པ་དགེ་སློང་གིས་གནས་འདིར་དབྱར་གནས་པར་བྱའོ་སྙམ་དུ་སོང་སྟེ་དེས་དེར་ཕྱིན་པ་དང་སྐྱ་རེངས་ཤར་ནས་དབྱར་ཕྱི་མར་གྱུར་ན་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ [252b.6]ཞེས་བྱ་སྟེ། དེས་དེར་ཚུལ་དུ་འཇུག་པར་བསམས་པའི་ཕྱིར་རོ། །བཙུན་པ་དགེ་སློང་གིས་གཙུག་ལག་ཁང་ཞིག་ཏུ་སོང་སྟེ་གནས་འདིར་བདག་ཚུལ་དུ་འཇུག་གོ་ཞེས་བསམས་ནས་དེས་རྐང་པ་ཡ་གཅིག་ནི་མཚམས་ཀྱི་ནང་དུ་བཞག །རྐང་པ་གཅིག་ནི་མཚམས་ཀྱི་ཕྱི་རོལ་དུ་བཞག་ [252b.7]པ་དང་སྐྱ་རེངས་ཤར་ནས་དབྱར་ཕྱི་མར་གྱུར་ན་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱ་སྟེ། དེས་དེར་ཚུལ་དུ་འཇུག་པར་བསམས་པའི་ཕྱིར་རོ། །བཙུན་པ་དགེ་སློང་གིས་དབྱར་ཚུལ་དུ་ཞུགས་པ་ན་མཚན་གྱུར་ན་ཚུལ་དུ་ཞུགས་པ་ཞེས་ [253a] [253a.1]བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །དེས་གནས་དེར་གནས་པར་བགྱིའམ། ཨུ་པཱ་ལི་མ་ཡིན་ཏེ། དགེ་སློང་མའི་དབྱར་མོ་ཁང་དུ་སོང་ལ་གནས་པར་གྱིས་ཤིག །བཙུན་པ་དགེ་སློང་གིས་གནས་བཞིར་དབྱར་ཚུལ་དུ་ཞུགས་ཀྱང་དབྱར་ཚུལ་ [253a.2]དུ་ཞུགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་དེས་གནས་བཞིའི་མཚམས་སུ་ཤིང་ངམ། འོད་མའམ། རེ་ལྡེས་མནན་ཏེ་དབྱར་ཚུལ་དུ་ཞུགས་པའོ། །དེ་གང་དུ་གནས་པར་བགྱི། གང་དགའ་བར་རོ། །བཙུན་པ་དེ་སྟེ་ཤིང་ངམ། འོད་ [253a.3]མའམ། རེ་ལྡེས་ནི་འཇིག་པའི་ཆོས་ཅན་དུ་འགྱུར་ན་དབྱར་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེས་དབྱར་གང་དུ་གནས་པར་བགྱི། གར་དགའ་བའི་གནས་གཅིག་ཏུའོ། །དེའི་དབྱར་གང་དུ་གཏོགས་སེམས་ཀྱིས་གང་དུ་བསམས་པའོ། །ལྷག་མ་རྣམས་ [253a.4]ནི་བཏང་བ་ཞེས་བྱའོ། །བཙུན་པ་དེ་སྟེ་ཕན་ཆད་ཞག་བདུན་དུ་བྱིན་གྱིས་མ་བརླབས་པར་གནས་དེ་ནས་གཉིས་པོར་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དབྱར་ཞིག་པ་ཞེས་བྱའོ། །བཙུན་པ་དགེ་སློང་གིས་གནས་བཞིའམ་དེ་ལས་མང་བའི་གནས་རྣམས་མཚམས་གཅིག་ཏུ་ [253a.5]བགྱིས་ཏེ་དབྱར་ཚུལ་དུ་ཞུགས་ན་གནས་དེ་དག་ཐམས་ཅད་དུ་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །དེས་གང་དུ་གནས་པར་བགྱི། གང་དགའ་བར་རོ། །བཙུན་པ་དགེ་སློང་གིས་གནས་གཅིག་ཏུ་དབྱར་ཚུལ་དུ་ཞུགས་ཏེ་དེ་སླན་ཆད་གནས་ [253a.6]གཉིས་པ་དང་། གསུམ་པ་དང་། བཞི་པར་དབྱར་ཚུལ་དུ་ཞུགས་ན་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། །གནས་གང་དུ། ཕྱི་མར་རོ། །བཙུན་པ་གང་ལ་དབྱར་གྱི་ཚུལ་སྔ་མ་ཡང་མ་མཆིས། ཕྱི་མ་ཡང་མ་མཆིས་ན་དེའི་མིང་ཇི་སྐད་ཅེས་བགྱི། [253a.7]ཨུ་པཱ་ལི་དབྱར་ཞིག་པ་ཞེས་བྱའོ། །བཙུན་པ་གང་ལ་སྔ་མ་དང་ཕྱི་མའི་དབྱར་གྱི་ཚུལ་མཆིས་ལ་དེས་ཀྱང་ཞག་བདུན་དུ་བྱིན་གྱིས་མ་བརླབས་པར་མཚམས་ཀྱི་སླད་རོལ་དུ་དོན་ཅིག་གི་སླད་དུ་མཆིས་ཏེ་སླར་མཆི་བར་བསམས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དབྱར་ཞིག་པ་ [253b] [253b.1]ཞེས་བྱའོ། །ཅི་དེས་ཀྱང་སླར་དབྱར་ཚུལ་དུ་འཇུག་པར་བགྱིའམ། ཨུ་པཱ་ལི་མ་ཡིན་ཏེ། དེའི་ཡི་དམ་ལས་འགལ་བས་ན་ཉེས་པ་འཆགས་སུ་ཆུག་ཤིག །བཙུན་པ་ཇི་སྲིད་དུ་དབྱར་ཚུལ་དུ་འཇུག །ཨུ་པཱ་ལི་ཟླ་བ་གསུམ་མོ། །བཙུན་པ་གང་དབྱར་སླད་མར་ཚུལ་དུ་ཞུགས་ [253b.2]པར་གྱུར་པ་དེས་ཇི་ལྟར་ཚུལ་ནས་འབྱུང་བར་བགྱི། ནམ་ཞུགས་པ་ན་ཟླ་བ་གསུམ་དུ་གནས་པའི་གྲངས་ཚང་བའམ། ཡང་ན་རྐྱེན་ཅིག་བྱུང་ན་ཡང་རུང་ངོ་།། །།མདོར་ན། སྐྱ་རེངས་བསམ་པ་སྤང་བ་དང་། །གནས་དང་ཤིང་རྟ་བ་ལང་ཁྱིམ། །ཤིང་དང་གྲོག་པོ་ [253b.3]ཕུག་དེ་བཞིན། །ཞིག་པ་འགྲོ་ཡང་དེ་བཞིན་ཏེ། །སྡེ་ལྔ་དང་ནི་བསམ་པ་དང་། །བདུན་པོ་དང་ནི་མི་གནས་པའོ། །བཙུན་པ་དབྱར་གྱི་ནང་ལོགས་སུ་དགེ་འདུན་འཁྲུགས་ནས་དེར་ཡང་དགེ་སློང་གིས་བསམས་བཞིན་དུ་ཆོས་ཀྱི་ཕྱོགས་དང་། ཆོས་མ་ལགས་པའི་ [253b.4]ཕྱོགས་ལ་གནས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དེ་སྟེ་ལྟ་བ་སྒྲོགས་བཞིན་པ་ལས་སྐྱ་རེངས་ཤར་ན་ནི་དབྱར་ཞིག་པ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གི་མདུན་དུ་དབྱར་ཚུལ་དུ་ཞུགས་ཤིག་ཅེས་གསུངས་ན། བཙུན་པ་དགེ་སློང་གིས་ [253b.5]དགེ་སློང་མ་མཆིས་ནས་སེམས་བསྐྱེད་དེ་དབྱར་ཚུལ་དུ་ཞུགས་ན་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱ་སྟེ། དགེ་སློང་ཡོད་བཞིན་ན་ནི་འདས་པ་དང་བཅས་པའོ། །བཙུན་པ་དགེ་སློང་དབྱར་གྱི་ནང་ལོགས་སུ་སྤངས་པ་དེ་དང་ལྷན་ཅིག་དབྱར་གྱི་ [253b.6]གནས་སུ་གནས་པར་བགྱིའམ། ཨུ་པཱ་ལི་གནས་པར་བྱ་སྟེ། སྐབས་ཕྱེ་ནས་མ་གནས་ཤིག །བཙུན་པ་བཅོམ་ལྡན་འདས་ཀྱིས་ནི་གང་དགེ་སློང་གིས་གནས་འདི་ན་བདག་ལ་དགེ་སློང་མདོ་སྡེ་འཛིན་པ་དང་། མ་ལྟ་བུ་འཛིན་པའི་དགེ་སློང་དེ་ལྟ་བུ་དག་གིས་ཐེ་ཚོམ་མ་སྐྱེས་པ་དག་ [253b.7]ནི་མི་སྐྱེད། སྐྱེས་པ་ནི་སེལ་བར་བྱེད་པ་ཡོད་དམ་མེད་པའི་གནས་རྟོགས་ལ་དབྱར་ཚུལ་དུ་ཞུགས་ཤིག་ཅེས་གསུངས་ན། བཙུན་པ་མདོ་སྡེ་འཛིན་པ་དང་། མ་ལྟ་བུ་འཛིན་པ་མ་མཆིས་པར་དབྱར་ཚུལ་དུ་འཇུག་ཏུ་རུང་ངམ། ཨུ་པཱ་ལི་རུང་ངོ་། །བཙུན་པ་འདུལ་བ་འཛིན་པ་མ་ [254a] [254a.1]མཆིས་པར་དབྱར་ཚུལ་དུ་འཇུག་ཏུ་རུང་ངམ། ཨུ་པཱ་ལི་མི་རུང་ངོ་། །དེ་སྟེ་བཙུན་པ་འདུལ་བ་འཛིན་པ་མ་མཆིས་ན་སོ་སོར་ཐར་པའི་མདོ་འདོན་པའི་དགེ་སློང་བཙལ་འཚལ་ལམ། སོ་སོར་ཐར་པ་འདོན་པ་མེད་ན་དབྱར་ཚུལ་དུ་འཇུག་ཏུ་མི་གནང་ངོ་། །བཙུན་ [254a.2]པ་ཤིང་རྟ་སྤྱོད་པའི་ཁྱིམ་མམ། བ་ལང་རྫིའི་ཁྱིམ་དུ་གནས་ཏེ་དབྱར་ཚུལ་ཏུ་འཇུག་ཏུ་རུང་ངམ། ཨུ་པཱ་ལི་དེ་སྟེ་དེས་འདི་སྙམ་དུ་དབྱར་གནས་འདི་ནས་གུད་དུ་མི་འདོང་བར་དེས་བསམས་ན་རུང་ངོ་། །བཙུན་པ་དེ་སྟེ་ཚུལ་དུ་ཞུགས་པ་ལས་དོང་ན་དབྱར་ཞིག་པ་ཞེས་བགྱིའམ། ཨུ་པཱ་ [254a.3]ལི་མ་ཡིན་ནོ། །བཙུན་པ་ཤིང་དྲུང་ངམ། རི་ཕྲག་གམ། ཕུག་གམ། སྤྱིལ་བུར་དབྱར་ཚུལ་དུ་འཇུག་ཏུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་དགེ་སློང་གིས་དོན་ཞིག་གི་སླད་དུ་ཞག་བདུན་ནམ། བཞི་བཅུར་བྱིན་གྱིས་བརླབས་ཏེ་མཆིས་པ་ལས་དེ་ཡང་དུས་འདས་ [254a.4]པར་གྱུར་ན་ཞག་བདུན་ནམ། ཞག་བཞི་བཅུར་བྱིན་གྱིས་བརླབས་པ་དེ་ཞིག་ཅེས་བགྱིའམ། ཨུ་པཱ་ལི་མ་ཡིན་ཏེ། དོན་གཞན་གྱིས་ཟད་པར་གྱིས་ཤིག །བཙུན་པ་དགེ་སློང་གིས་ཞག་བདུན་ན་སྐབས་འབྱེད་པར་འགྱུར་རོ་སྙམ་ནས་བྱིན་གྱིས་བརླབས་པར་མཆིས་ན་དབྱར་ཞིག་ [254a.5]པ་ཞེས་བགྱིའམ། ཨུ་པཱ་ལི་དབྱར་ཞིག་པ་ཞེས་བྱའོ། །བཙུན་པ་དེ་སྟེ་ཞག་དྲུག་གམ། ལྔ་འམ། བཞི་འམ། གཅིག་ནས་ཚུལ་ནས་འབྱུང་བར་འགྱུར་རོ་སྙམ་ནས་བྱིན་གྱིས་བརླབས་པར་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དབྱར་ཞིག་པ་ཞེས་བྱའོ། །བཙུན་པ་ [254a.6]བཅོམ་ལྡན་འདས་ཀྱིས་ཞག་བདུན་དུ་བྱིན་གྱིས་རློབས་ལ་སོང་ཤིག་ཅེས་གསུངས་ན། བཙུན་པ་གང་གིས་བྱིན་གྱིས་བརླབ་པར་བགྱི། ཨུ་པཱ་ལི་སྡེ་ལྔས་སོ། །གང་དུ་བྱིན་གྱིས་བརླབ་པར་བགྱི། མཚམས་ཀྱི་ནང་དུའོ། །ཇི་ལྟར་བྱིན་གྱིས་བརླབ་པར་བགྱི། [254a.7]སེམས་བསྐྱེད་ལ་ཚིག་ཏུ་བརྗོད་པར་བྱ་སྟེ་བདག་མིང་འདི་ཞེས་བགྱི་བ་མཚམས་ཀྱི་ནང་གི་གནས་འདིར་དབྱར་སྔ་མ་ཚུལ་དུ་ཞུགས་ཏེ། བདག་མིང་འདི་ཞེས་བགྱི་བ་དོན་འདི་ལྟ་བུའི་ཕྱིར་མཚམས་ཀྱི་སླད་རོལ་དུ་མཆི་བར་བྱིན་གྱིས་བརླབས་ཏེ། བདག་གི་དབྱར་ནི་འདི་ཉིད་དེ་དབྱར་ནི་འདི་ཉིད་ [254b] [254b.1]དུ་གནས་སོ། །བཙུན་པ་གང་གི་དོན་དུ་བྱིན་གྱིས་བརླབ་པར་བགྱི། ཨུ་པཱ་ལི་སྡེ་བདུན་གྱི་ཕྱིར་རོ། །བཙུན་པ་བཅོམ་ལྡན་འདས་ཀྱིས་ནི་ཞག་བཞི་བཅུའི་སྡོམ་པ་སྩོལ་ཅིག་ཅེས་གསུངས་ན། གང་ལ་སྩལ་བར་བགྱི། ཨུ་པཱ་ལི་སྡེ་ལྔ་ལའོ། །བཙུན་པ་བཅོམ་ལྡན་ [254b.2]འདས་ཀྱིས་ནི་དགེ་འདུན་གྱི་དོན་གྱི་སླད་དུ་ནི་ཞག་བཞི་བཅུའི་སྡོམ་པ་བྱིན་ཅིག་ཅེས་གསུངས་ན། བཙུན་པ་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་དང་། དགེ་བསྙེན་མ་དང་། དགེ་བསྙེན་ཕ་དང་། གཉེན་གནས་དང་། [254b.3]འདི་ལས་སླད་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ཀྱི་དོན་གྱི་སླད་དུ་ཞག་བཞི་བཅུའི་སྡོམ་པ་སྩལ་བར་བགྱིའམ། ཨུ་པཱ་ལི་མི་རུང་ངོ་། །བཙུན་པ་བཅོམ་ལྡན་འདས་ཀྱིས་ནི་ཞག་བཞི་བཅུར་བསྒོ་བར་བྱའོ་ཞེས་གསུངས་ན། བཙུན་པ་ [254b.4]ཞག་སུམ་བཅུ་རྩ་དགུའམ། ཞག་སུམ་བཅུའམ། ཞག་ཉི་ཤུར་བསྒོ་བར་རུང་ངམ། ཨུ་པཱ་ལི་རུང་ངོ་། །བཙུན་པ་ཞག་བཞི་བཅུའི་སྟེང་དུ་ཡང་ཞག་སུམ་བཅུ་རྩ་དགུའམ། ཞག་སུམ་བཅུའམ། ཞག་ཉི་ཤུའམ། ཞག་བཅུའམ། ཞག་བདུན་དུ་བསྒོ་བར་རུང་ངམ། [254b.5]ཨུ་པཱ་ལི་མི་རུང་ངོ་། །བཙུན་པ་ཞག་སུམ་བཅུ་རྩ་དགུའི་སྟེང་དུ་ཞག་སུམ་བཅུའམ། ཞག་ཉི་ཤུའམ། ཞག་བཅུའམ། ཞག་བདུན་དུ་བསྒོ་བར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ཞག་བཞི་བཅུའི་སྟེང་དུ་ཞག་བདུན་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་ [254b.6]མི་རུང་ངོ་། །ཨུ་པཱ་ལི་དེ་ཅིའི་ཕྱིར་ཞེ་ན་མཚམས་ཀྱི་ནང་དུ་ནི་ཞག་མང་དུ་གནས་པར་བྱའོ། །མཚམས་ཀྱི་ཕྱི་རོལ་དུ་ནི་ཞག་ཉུང་དུ་གནས་པར་བྱའོ། །བཙུན་པ་ཞག་སུམ་བཅུ་རྩ་དགུའི་སྟེང་དུ་ཞག་བདུན་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་ [254b.7]ཞག་སུམ་བཅུའམ། ཞག་ཉི་ཤུའམ། ཞག་བདུན་གྱི་སྟེང་དུ་ཞག་བདུན་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་རུང་ངོ་། །བཙུན་པ་ཞག་བདུན་གྱི་སྟེང་དུ་ཞག་བཞི་བཅུར་བསྒོ་བར་རུང་ངམ། ཨུ་པཱ་ལི་མི་རུང་ངོ་། །ཨུ་པཱ་ལི་དེ་ཅིའི་ཕྱིར་ཞེ་ན། མཚམས་ཀྱི་ནང་དུ་ [255a] [255a.1]ནི་ཞག་མང་དུ་གནས་པར་བྱའོ། མཚམས་ཀྱི་ཕྱི་རོལ་དུ་ནི་ཞག་ཉུང་དུ་གནས་པར་བྱའོ། །བཙུན་པ་ཞག་བདུན་གྱི་སྟེང་དུ་ཞག་སུམ་བཅུ་རྩ་དགུར་བསྒོ་བར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ཞག་བདུན་གྱི་སྟེང་དུ་ཞག་སུམ་བཅུའམ། ཞག་ཉི་ཤུའམ། [255a.2]ཞག་བཅུའམ། ཞག་བདུན་དུ་བསྒོར་རུང་ངམ། ཨུ་པཱ་ལི་རུང་ངོ་། །བཙུན་པ་ཞག་བདུན་གྱི་སྟེང་དུ་ཡང་ཞག་བདུན་དུ་བསྒོར་རུང་ངམ། ཨུ་པཱ་ལི་རུང་ངོ་། །བཙུན་པ་དགེ་སློང་དབྱར་ཚུལ་དུ་ཞུགས་པ་ལས་སློབ་དཔོན་དང་མཁན་པོ་དུས་བགྱིས་ནས་དེས་གནས་བཅའ་བ་མ་ [255a.3]རྙེད་དེ་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དབྱར་ཞིག་པ་ཞེས་བྱའོ། །དབྱར་གྱི་དངོས་པོ་རྫོགས་སོ།། །།མདོར་ན། ལྷམ་གཉིས་པགས་པ་རྣམ་གཉིས་དང་། །དོམ་ལྤགས་ཡང་ན་མཇུག་མ་དང་། །མལ་སྟན་མཐོ་དང་མལ་སྟན་ཆེ། །ལྷམ་ [255a.4]ཡུ་ཅན་དང་ཤིང་ལྷམ་མོ། །བཙུན་པ་བཅོམ་ལྡན་འདས་ཀྱིས་ལྷམ་མི་རུང་བ་རྣམ་པ་ལྔ་མ་འཆང་ཤིག་ཅེས་གསུངས་ན། བཙུན་པ་གཞན་ཡང་གཅན་གཟན་མི་སྲུན་པ་དང་། བལ་གླང་ངན་པ་དང་། རྟ་ངན་པ་གཞན་དག་མཆིས་ན་དེ་དག་གི་པགས་པའི་ལྷམ་ཡང་བཅང་བར་ [255a.5]མི་བགྱིའམ། ཨུ་པཱ་ལི་ལྷམ་དེ་དག་ཀྱང་མ་བཅང་ཤིག །བཙུན་པ་བཅོམ་ལྡན་འདས་ཀྱིས་ཁྱིམ་པས་བསྒོས་པའི་ལྷམ་སྨན་མ་བོར་བ་ཆོངས་ཤིག་ཅེས་གསུངས་ན། བཙུན་པ་དགེ་སློང་ཁྱིམ་པས་བོར་བའི་ལྷམ་སྨན་མ་བཅངས་ཀྱང་ནོངས་པ་དང་བཅས་པར་འགྱུར་བ་མཆིས་ [255a.6]སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་ཐམས་ཅད་རི་མོ་ཅན་ནམ། གསེར་གྱིས་བརྒྱན་པའམ། དངུལ་གྱིས་བརྒྱན་པ་བཅངས་པའོ། །བཙུན་པ་དགེ་སློང་གིས་མི་རུང་བ་རྣམ་པ་ལྔ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ [255a.7]ལྟར་ཡང་དེས་{རི་དགས་,རི་དྭགས་}ཕྲ་མོའམ། ཀླུས་འཇིགས་པར་གྱུར་ནའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་པགས་པ་མ་འཆང་ཤིག་པགས་པའི་སྟེང་དུ་མ་འདུག་ཤིག་ཅེས་གསུངས་ན། བཙུན་པ་ཇི་ཙམ་གྱིས་པགས་པའི་སྟེང་དུ་འདུག་པ་ཞེས་བགྱི། ཨུ་པཱ་ལི་ཇི་ཙམ་རྐུབ་ [255b] [255b.1]ཙོས་བཞག་པར་གྱུར་པའོ། །བཙུན་པ་ཇི་ཙམ་གྱིས་ན་ཉལ་བ་ཞེས་བགྱི། ཨུ་པཱ་ལི་ལུས་ཀྱིས་འཕྲེས་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་པགས་པ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་པགས་པ་བཅངས་ཀྱང་ནོངས་པར་མི་འགྱུར་བ་མཆིས་སམ། [255b.2]ཨུ་པཱ་ལི་ཡོད་དེ། ན་བས་ནི་པགས་པ་ཆོངས་ཤིག །མི་ན་བས་ནི་མ་ཡིན་ནོ། །བཙུན་པ་བཅོམ་ལྡན་འདས་ཀྱིས་དོམ་གྱི་པགས་པ་ཆོངས་ཤིག་ཅེས་གསུངས་ན། བཙུན་པ་ནད་པས་བཅང་བར་བགྱིའམ། འོན་ཏེ་མི་ན་བས་ཀྱང་བཅང་བར་བགྱི། ཨུ་པཱ་ལི་ན་བ་དང་། མི་ན་ [255b.3]བ་གཉིས་ཀས་ཆོངས་ཤིག །བཅོམ་ལྡན་འདས་ཀྱིས་མཇུག་མ་ལྔ་ལས་འཇུས་ཏེ་ཀླུང་རྒོལ་ཅིག་ཅེས་གསུངས་ན། བཙུན་པ་རྐང་པ་བཞི་པ་གཞན་དག་ཀྱང་མཆིས་ན་དེ་དག་གིས་ལས་རྒལ་བར་ཡང་རུང་ངམ། ཨུ་པཱ་ལི་རྒོལ་ཅིག །བཙུན་པ་དེ་སྟེ་ཕོ་མ་མཆིས་ན་མོའི་ལས་རྒལ་བར་ [255b.4]བགྱིའམ། ཨུ་པཱ་ལི་དེ་ནི་བར་ཆད་ཅིག་བྱུང་ན་རྒལ་བར་བྱའོ། །བཙུན་པ་བཅོམ་ལྡན་འདས་ཀྱིས་དགེ་སློང་མལ་སྟན་མཐོན་པོར་མ་འདུག་ཤིག་ཅེས་གསུངས་ན། བཙུན་པ་མལ་སྟན་མཐོན་པོའི་ཚད་ཇི་ཙམ། བདེ་བར་གཤེགས་པའི་སོར་བརྒྱད་ལས་ལྷག་པ་ནི་མལ་སྟན་མཐོན་ [255b.5]པོའོ། །བཙུན་པ་བཅོམ་ལྡན་འདས་ཀྱིས་དགེ་སློང་རྣམས་ལ་མལ་སྟན་མཐོ་ཞིང་ཆེ་བ་ལ་མ་འདུག་ཅེས་གསུངས་ན། བཙུན་པ་དགེ་སློང་མལ་སྟན་མཐོ་ཞིང་ཆེ་བར་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཁྱིམ་དང་། ཀླུའི་ཁྱིམ་དང་། གནོད་ [255b.6]སྦྱིན་གྱི་ཁྱིམ་དང་། རྒྱལ་པོའི་ཁྱིམ་དང་། བློན་པོའི་ཁྱིམ་དེ་དག་ཏུ་སྟན་གཞན་མེད་ནའོ། །བཙུན་པ་དགེ་སློང་གིས་བཞོན་པ་ལ་འཚལ་ན་ནོངས་པ་གསུམ་དུ་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་བཞོན་པ་དེ་མོ་ཡིན་པ་དང་། གསེར་གྱིས་བརྒྱན་ [255b.7]པར་གྱུར་པའོ། །བཙུན་པ་བཅོམ་ལྡན་འདས་ཀྱིས་ལྗོངས་ཁ་བ་ཅན་དུ་ལྷམ་ཡུ་བ་ཅན་ཆོངས་ཤིག་ཅེས་གསུངས་ན། བཙུན་པ་དགེ་སློང་གིས་དེ་ལས་གཞན་པའི་ལྗོངས་སུ་ལྷམ་ཡུ་བ་ཅན་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གང་དུ་ལྷམ་ཡུ་ [256a] [256a.1]བ་ཅན་མེད་ན་འཚོ་བར་མི་ནུས་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཤིང་ལྷམ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་ཤིང་ལྷམ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཆུ་ཡོད་པའི་ [256a.2]ཡུལ་ཆུས་གང་བས་ཤིང་ལྷམ་མེད་པར་འགྲོ་མི་ནུས་པ་དེར་རོ། །པགས་པའི་དངོས་པོ་རྫོགས་སོ།། །།མདོར་ན། སྨན་གཉིས་ལན་ཚྭ་རྣམ་པ་གཉིས། །མར་ལ་རྣམ་གཉིས་དེ་བཞིན་ཏེ། །ས་དང་བཙོས་དང་བུ་རམ་དང་། །འབྲུ་མར་ཕན་པ་ཐ་མའོ། ། [256a.3]སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་སྨན་དེ་ཉིད་སྔ་དྲོའི་ལགས་ལ་དེ་ཉིད་སླད་དྲོའི་ཡང་ལགས་དེ་ཉིད་ཞག་བདུན་པའི་ཡང་ལགས། དེ་ཉིད་ནམ་འཚོའི་བར་དུ་བཅང་བ་ལགས་པ་འགྱུར་བ་མཆིས་སམ། ཨུ་པཱ་ལི་ཡོད་དེ། བུ་རམ་ [256a.4]ཤིང་ནི་སྔ་དྲོའིའོ། །ཁུ་བ་ནི་ཕྱི་དྲོའིའོ། །བུ་རམ་ནི་ཞག་བདུན་པའིའོ། །བསྲེགས་པའི་ཐལ་བ་ནི་ནམ་འཚོའི་བར་དུའོ། །ཨུ་པཱ་ལི་ཞོ་ནི་སྔ་དྲོའིའོ། །ཆུ་ནི་ཕྱི་དྲོའིའོ། །མར་ནི་ཞག་བདུན་པའིའོ། །བསྲེགས་པའི་ཐལ་བ་ནི་ནམ་འཚོའི་བར་དུའོ། །ཨུ་པཱ་ལི་ [256a.5]ཤ་ནི་སྔ་དྲོའིའོ། །ཞག་ནི་ཞག་བདུན་པའིའོ། །བསྲེགས་པའི་ཐལ་བ་ནི་ནམ་འཚོའི་བར་དུའོ། །ཨུ་པཱ་ལི་འབྲུ་ནི་སྔ་དྲོའིའོ། །འབྲུ་མར་ནི་ཞག་བདུན་པའིའོ། །བསྲེགས་པའི་ཐལ་བ་ནི་ནམ་འཚོའི་བར་དུའོ། །བཙུན་པ་སྔ་དྲོ་བ་དང་ཕྱི་དྲོ་བ་དང་། ཞག་བདུན་པའི་དང་། ནམ་ [256a.6]འཚོའི་བར་གྱི་སྨན་འདི་དག་རྣམས་ཕན་ཚུན་འདྲེས་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་བླངས་པ་དང་། བྱིན་ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་། ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པའི་རྣམས་འཚལ་ [256a.7]དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་དགེ་སློང་གིས་སྔ་དྲོའི་དང་། སླད་དྲོའི་དང་། ཞག་བདུན་པའི་དང་། ནམ་འཚོའི་བར་གྱི་སྨན་གང་ལགས་པ་དེ་དག་བླངས་པ་དང་། བྱིན་ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་། ནང་དུ་བཞག་པ་དང་། [256b] [256b.1]ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་གིས་བཙོས་པའི་རྣམས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་སྔ་དྲོ་བའི་དང་། སླད་དྲོ་བའི་དང་། ཞག་བདུན་པའི་དང་། ནམ་འཚོའི་བར་གྱི་སྨན་གང་ལགས་པ་དེ་དག་བླངས་པ་དང་། བྱིན་ [256b.2]ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་། ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་མས་བཙོས་པ་རྣམས་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བླངས་པ་ལ་བྱིན་ལེན་བགྱིས་པ་དང་། ནང་དུ་ [256b.3]བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་གིས་བཙོས་པ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མས་བླངས་པ་ལ་བྱིན་ལེན་བགྱི་བ་དང་། ནང་དུ་བཞག་པ་དང་། ནང་དུ་བཙོས་པ་དང་། [256b.4]རང་གིས་བཙོས་པ་དང་། དགེ་སློང་མས་བཙོས་པ་འཚལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། བཙུན་པ་སྔ་དྲོ་བ་གང་ལགས་པ་དང་། སླད་དྲོ་བ་གང་ལགས་པ་དང་། ཞག་བདུན་པ་གང་ལགས་པ་དང་། ནམ་འཚོའི་བར་གྱི་སྨན་རྣམས་ [256b.5]གང་ལགས་པ་ཕན་ཚུན་འདྲེས་ཏེ་མ་ཕྱེད་ན་ནམ་འཚོའི་བར་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་མི་རུང་སྟེ། སྔ་དྲོ་བ་དང་། ཕྱི་དྲོ་བ་དང་། ཞག་བདུན་པ་དེ་རྣམས་ཀྱིས་ནམ་འཚོའི་བར་དུ་བྱ་བ་བྱར་མི་རུང་སྟེ། བྱིན་གྱིས་བརླབ་ཏུ་མི་རུང་ངོ་། །དེ་སྟེ་སྔ་དྲོ་བའི་དང་། ཕྱི་དྲོ་བའི་ [256b.6]དང་། ཞག་བདུན་པ་རྣམས་དབྱེ་བར་ནུས་ན་བྱིན་གྱིས་བརླབ་ཏུ་རུང་ངོ་། །བཙུན་པ་མི་རུང་བའི་ཞག་གིས་ལན་ཚྭ་བཙོས་ནས་འཚལ་བར་བགྱིའམ། ཨུ་པཱ་ལི་མི་ན་བས་བཟའ་བར་མི་བྱའོ། །ཤ་ལས་བཙོས་པའམ། མར་ལས་བཙོས་པའམ། འབྲུ་མར་ལས་བཙོས་པ་ཡང་དེ་བཞིན་ [256b.7]ནོ། །བཙུན་པ་མི་རུང་བའི་ལན་ཚྭས་འབྲུ་མར་རམ་མར་བཙོས་པ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་མར་རམ་འབྲུ་མར་ཆང་དང་ལྷན་ཅིག་བཙོས་པ་འཚལ་དུ་རུང་ངམ། ཨུ་པཱ་ལི་བཟར་རུང་ངོ་། །བཙུན་པ་མར་རམ་འབྲུ་མར་ཆང་དང་ལྷན་ཅིག་ཏུ་འདྲེས་པར་གྱུར་པ་འཚལ་ [257a] [257a.1]དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་ཆང་གིས་སྤངས་པའི་སྨན་འཚལ་དུ་རུང་ངམ། ཨུ་པཱ་ལི་ན་བ་ལ་ནི་རུང་གི་མི་ན་བ་ལ་ནི་མ་ཡིན་ནོ། །བཙུན་པ་མི་རུང་བའི་ས་ལ་ཤིང་ཞིག་སྐྱེས་ལ་མི་རུང་བའི་སར་འབྲས་བུ་ཞིག་ལྷུང་ན་འཚལ་དུ་རུང་ངམ། ཨུ་ [257a.2]པཱ་ལི་མི་རུང་ངོ་། །མི་རུང་བའི་ས་ལས་ཤིང་ཞིག་སྐྱེས་ལ་རུང་བའི་སར་འབྲས་བུ་ལྷུང་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། །རུང་བའི་ས་ལ་ཤིང་ཞིག་སྐྱེས་ལ་མི་རུང་བའི་སར་འབྲས་བུ་ལྷུང་ན་འཚལ་དུ་རུང་ངམ། དེ་སྟེ་ཞག་གཅིག་མ་ལོན་པར་གྱུར་ན་ནི་བཟའ་བར་བྱའོ། ། [257a.3]རུང་བའི་ས་ལས་ཤིང་སྐྱེས་ལ་རུང་བའི་སར་འབྲས་བུ་ལྷུང་ན་འཚལ་དུ་རུང་ངམ། ཨུ་པཱ་ལི་བཟར་རུང་ངོ་། །རུང་བའི་ས་ན་ཞུགས་མཆིས་ལ་མི་རུང་བའི་ས་ན་མཆིས་པས་ཞུགས་སམ་ཞུགས་ལྕེའམ། ཞུགས་ལྕེ་ཆད་པས་རུང་བར་བགྱིད་ན་རུང་བར་བགྱིས་པ་ཞེས་བགྱིའམ། [257a.4]བགྱིས་པ་ཞེས་བརྗོད་དམ། འཚལ་བར་བགྱིའམ། ཨུ་པཱ་ལི་མི་རུང་ངོ་། །རུང་བའི་ས་ན་ཞུགས་མཆིས་ལ་མི་རུང་བའི་ས་ན་མཆིས་པས་ཞུགས་སུ་བཅུག་ན་རུང་ཞེས་བགྱིའམ། བགྱིས་པ་ཞེས་བགྱིའམ། འཚལ་དུ་རུང་ངམ། ཨུ་པཱ་ལི་མ་ཡིན་ནོ། །མི་རུང་ [257a.5]བའི་ས་ན་ཞུགས་མཆིས་ལ་རུང་བའི་ས་ན་མཆིས་པ་ཞུགས་སམ། ཞུགས་ལྕེའམ། ཞུགས་ལྕེ་ཆད་པས་རུང་བར་བགྱིད་ན་རུང་བར་བགྱིས་པ་ཞེས་བགྱིའམ། ཨུ་པཱ་ལི་རུང་བར་བྱས་པ་ཞེས་བྱ་སྟེ། བཟའ་བར་བྱའོ། །མི་རུང་བའི་ས་ན་ཞུགས་མཆིས་ལ་རུང་བའི་ [257a.6]ས་ན་མཆིས་པས་ཞུགས་སུ་སྩལ་ན་རུང་བར་བགྱིས་པ་ཞེས་བགྱིའམ། རུང་བར་བྱས་པ་ཞེས་བྱའོ། །འཚལ་དུ་རུང་ངམ། ཨུ་པཱ་ལི་བཟའ་བར་བྱའོ། །མི་རུང་བའི་ས་ན་སྒྱེད་པོ་གསུམ་མཆིས་ལ་རུང་བའི་ས་ན་ཞུགས་མཆིས་པའི་ཞུགས་ལྕེ་དེས་བསྒྲལ་ན་འཚལ་དུ་ [257a.7]རུང་ངམ། ཨུ་པཱ་ལི་མི་རུང་ངོ་། །མི་རུང་བའི་ས་ན་ཞུགས་མཆིས་ལ་རུང་བའི་ས་ན་སྒྱེད་པོ་གཉིས་མཆིས་པ་དང་། མི་རུང་བའི་ས་ན་སྒྱེད་པོ་གཅིག་མཆིས་པའི་ཞུགས་ལྕེ་དེས་བསྒྲལ་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། །མི་རུང་བའི་ས་ན་སྒྱེད་པོ་གཅིག་མཆིས་ [257b] [257b.1]ལ་རུང་བའི་ས་ན་ཞུགས་མཆིས་པ་དེའི་ཞུགས་ལྕེས་བསྒྲལ་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། །རུང་བའི་ས་ན་ཞུགས་མཆིས་ལ་རུང་བའི་ས་ན་སྒྱེད་པོ་གཉིས་མཆིས་པ་དང་། མི་རུང་བའི་ས་ན་སྒྱེད་པོ་གཅིག་མཆིས་ལ་ཞུགས་ལྕེ་དེས་བསྒྲལ་ན་འཚལ་དུ་རུང་ངམ། [257b.2]ཨུ་པཱ་ལི་བཟའ་བར་བྱའོ། །རུང་བའི་ས་ན་སྒྱེད་པོ་གསུམ་མཆིས་ལ་རུང་བའི་ས་ན་ཞུགས་མཆིས་ན་ཞུགས་ལྕེ་དེས་བསྒྲལ་ན་འཚལ་དུ་རུང་ངམ། ཨུ་པཱ་ལི་རུང་ངོ་། །བཙུན་པ་དགེ་སློང་གིས་ས་བོན་གྱི་རིགས་ལྔ་ལས་ཞུགས་སམ་མཚོན་ཏམ་སེན་མོས་རུང་བར་བགྱིད་ན་རུང་བར་ [257b.3]བགྱིས་པ་ཞེས་བགྱིའམ། རུང་བར་བྱས་པ་ཞེས་བྱ་སྟེ། རུང་བར་བྱས་པས་ན་བཟའ་བར་བྱའོ། །མེས་རུང་བར་བྱས་པ་མ་གཏོགས་ཏེ་ལྷག་མ་རྣམས་ནི་བཟའ་བར་བྱའོ། །བཙུན་པ་བཅོམ་ལྡན་འདས་ཀྱིས་བཏུང་བ་རྣམ་པ་བརྒྱད་འཐུང་ཤིག་ཅེས་གསུངས་ན། རྩ་བ་དང་། [257b.4]སྡོང་བུ་དང་། ལོ་མ་དང་། འབྲས་བུ་དང་། བསྔལ་བར་བསྲེས་པ་འདི་དག་འཚལ་དུ་རུང་ངམ། ཨུ་པཱ་ལི་རུང་ངོ་། །བཙུན་པ་བུ་རམ་ཆབ་དགུང་བདུན་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་རུང་ངོ་། །ཇི་སྲིད་དུ་བཏུང་བར་བགྱི། དངོས་པོ་མ་གྱུར་པའི་བར་དུའོ། །བཙུན་པ་ [257b.5]མི་རུང་བའི་སྨན་བུ་རམ་དུ་བསྒྲལ་བ་འཚལ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ནད་པའི་གཡོག་ཇི་ལྟར་བགྱི། སྟོན་པའི་འདུ་ཤེས་པས་སྨན་ཕན་པ་དང་མཐུན་པས་གཡོག་བྱའོ། །བཙུན་པ་ནད་པ་ལ་ཅི་སྩལ་བར་བགྱི། ཨུ་པཱ་ལི་རང་བཞིན་གྱིས་ཁ་ན་མ་ཐོ་བ་མ་ [257b.6]གཏོགས་པར་གང་གིས་ནད་པ་སོས་པར་འགྱུར་བ་དེ་དག་བྱིན་ཅིག། །།མདོར་ན། འུག་པ་འོལ་བ་བྱ་རྒོད་དང་། །བྱ་རོག་ཀང་ཀ་ཆུ་སྐྱར་མོ། །མི་རོ་ཟ་བའི་བྱ་རྣམས་དང་། །སེན་མོ་མཆུ་སྟོབས་གང་ལྡན་པའོ། །བཙུན་པ་འུག་པའི་ཤ་འཚལ་དུ་རུང་ངམ། ཨུ་པཱ་ལི་ [257b.7]མི་རུང་ངོ་། །འོལ་པའི་ཤ་དང་། བྱ་རྒོད་ཀྱི་ཤ་དང་། བྱ་རོག་གི་ཤ་དང་། བྱ་ཀང་ཀའི་ཤ་དང་། ཆུ་སྐྱར་མོའི་ཤ་དང་། གཞན་ཡང་བྱ་མི་རོ་འཚལ་བ་རྣམས་དང་། སེན་མོ་དང་མཆུ་སྟོབས་དང་ལྡན་པའི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་།། །།མདོར་ན། སྲོག་ [258a] [258a.1]ཆགས་ཀན་དུ་ཤ་དང་པད་པ་དང་། །སྲིན་བུ་སྦལ་པའང་དེ་བཞིན་ཏེ། །སྲེ་མོ་སྦྲུལ་དང་གོ་དྷ་དང་། །སྦལ་པ་དཀར་པོ་བོང་བུ་རྔ་མོ་སྲམ། །བཙུན་པ་སྲོག་ཆགས་ཀན་དུ་ཤའི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་པད་པའི་ཤ་དང་། སྦལ་ [258a.2]པའི་ཤ་དང་། སྲེ་མོའི་ཤ་དང་། སྦྲུལ་གྱི་ཤ་དང་། གོ་དྷའི་ཤ་དང་། སྦལ་པ་དཀར་པོའི་ཤ་དང་། སྲམ་གྱི་ཤ་དང་། བྱ་རོག་གི་ཤ་དང་། གཞན་ཡང་ཆུ་ན་གནས་པ་དང་། སེན་མོ་དང་། མཆེ་བ་སྟོབས་དང་ལྡན་པ་དང་། གཞན་ཡང་མི་རོ་ཟ་བ་དེ་དག་གི་ཤ་ [258a.3]འཚལ་དུ་རུང་ངམ། ཨུ་པཱ་ལི་མི་རུང་ངོ་།། །།མདོར་ན། བལ་གླང་དང་ཡང་ཝ་དང་རྟ། །སྤྲེའུ་དང་མི་ཡང་དེ་བཞིན་ཏེ། །སེང་གེ་སྟག་དང་དོམ་དག་དང་། །སེན་མོ་མཆེ་བ་གང་མཐུ་ལྡན། བཙུན་པ་བལ་གླང་གི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་ [258a.4]པ་རྟ་དང་ཝའི་ཤ་དང་། སྤྲེའུའི་ཤ་དང་། མིའི་ཤ་དང་། སེང་གེའི་ཤ་དང་། སྟག་གི་ཤ་དང་། དོམ་གྱི་ཤ་དང་། གཞན་ཡང་རྐང་བཞི་པ་སེན་མོ་དང་མཆེ་བ་སྟོབས་དང་ལྡན་པ་དེ་དག་གི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་གང་གིས་ཤ་འཚལ་དུ་མི་རུང་བ་ [258a.5]དེའི་ཞག་དང་། འོ་མ་འཚལ་དུ་རུང་ངམ། ཨུ་པཱ་ལི་མི་རུང་ངོ་། །ཨུ་པཱ་ལི་དེ་ཅིའི་ཕྱིར་ཞེ་ན། ཨུ་པཱ་ལི་གང་གི་ཤ་མི་རུང་བ་དེའི་ཐམས་ཅད་ཀྱང་མི་རུང་བའོ། །བཙུན་པ་ཤ་རྗེན་འཚལ་དུ་རུང་ངམ། ཨུ་པཱ་ལི་མི་རུང་ངོ་། །བདག་གི་ཕྱིར་བསད་པའི་ཤ་འཚལ་དུ་རུང་ངམ། ཨུ་པཱ་ལི་ [258a.6]མི་རུང་ངོ་། །སྨན་གྱི་དངོས་པོ་རྫོགས་སོ།། །།འདུལ་བ་གཞུང་དམ་པ། བམ་པོ་{བཅྭ་,བཅོ་}བརྒྱད་པ། མདོར་ན། དབྱར་གཉིས་ཕྱེ་བར་གྱུར་པའི་གནས། །རྙེད་དང་དགེ་འདུན་དག་གི་གཉིས། །སྨྱོན་པ་ཆད་པ་གསུམ་པ་དང་། །སྦྱོར་བ་འགྲོན་པ་མང་པོ་དབྱར། །བཙུན་ [258a.7]པ་ཁྱིམ་བདག་ཅིག་གིས་དབྱར་ཚུལ་དུ་ཞུགས་པ་ལ་ཆོས་གོས་འདི་འབུལ་ལོ་ཞེས་མཆི་སྟེ། དབྱར་གནས་པ་རྣམས་ལ་ཆོས་གོས་ཤིག་ཕུལ་ན་དེ་ལ་དབྱར་གྱི་ཟླ་བ་ཐ་མར་ཡང་མ་གྱུར་ལ། གཏན་པ་ཡང་མ་བཏིང་ན་གང་གིས་འཐོབ། ཨུ་པཱ་ལི་དབྱར་གནས་པ་རྣམས་ཀྱིས་སོ། ། [258b] [258b.1]བཙུན་པ་ཁྱིམ་བདག་ཅིག་གིས་ཆོས་གོས་འདི་ནི་དབྱར་ཚུལ་དུ་ཞུགས་པ་རྣམས་ལ་འབུལ་ལོ་ཞེས་མཆི་སྟེ། དབྱར་ཚུལ་དུ་ཞུགས་པའི་དགེ་འདུན་རྣམས་ལ་ཕུལ་ན་དེར་དབྱར་གྱི་ཟླ་བ་ཡང་ཐ་མར་གྱུར་ལ་གནས་དེར་གཏན་པ་བཏིང་ན་གང་གིས་འཐོབ། དབྱར་གནས་པ་རྣམས་ཀྱིས་ [258b.2]སོ། །བཙུན་པ་ཁྱིམ་བདག་ཅིག་གིས་དགེ་འདུན་ལ་གནས་འདིར་དགེ་སློང་གང་གནས་པ་དེ་དག་ལ་ཆོས་གོས་འདི་འབུལ་ལོ་ཞེས་མཆི་སྟེ། གོས་ཤིག་ཕུལ་ན་གང་གིས་འཐོབ། གང་ལ་བྱིན་པས་སོ། །དེ་བཞིན་དུ་གཉིས་པ་དང་། གསུམ་པ་ནས། བཅུ་པའི་བར་དུ་རྒྱས་ [258b.3]པར་དེ་དག་ལ་ཕུལ་ན་གང་གིས་འཐོབ། གང་ལ་བྱིན་པས་སོ། །བཙུན་པ་ཁྱིམ་བདག་ཅིག་གིས་དགེ་འདུན་ལ་གོས་ཤིག་ཕུལ་ཏེ། གོས་འདི་ནི་གནས་འདིར་སང་ཕོད་གནས་པའི་དགེ་སློང་དེ་དག་ལ་འབུལ་ལོ་ཞེས་མཆི་ན་གང་གིས་འཐོབ། གང་ལ་བྱིན་པས་སོ། །དེ་བཞིན་དུ་ [258b.4]གཉིས་པ་དང་། གསུམ་པ་ནས་ལོ་བཅུའི་བར་དུ་གནས་པ་དེ་དག་ལ་འབུལ་ལོ་ཞེས་མཆི་ན་གང་གིས་འཐོབ། གང་ལ་བྱིན་པས་སོ། །འོན་ཏེ་གནས་དེ་ན་ད་ལྟར་མི་གནས་པར་གྱུར་ན་དགེ་སློང་དེ་དག་གིས་གོས་དེ་དག་བགོ་བར་བགྱིའམ། ཨུ་པཱ་ལི་བགོ་བར་གྱིས་ཤིག །བཙུན་ [258b.5]པ་དབྱར་གྱི་ནང་ལོགས་སུ་དགེ་འདུན་དག་བྱེ་ན་དབྱར་གྱི་རྙེད་པ་དེ་དག་སྩལ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དབྱར་གྱི་གནས་སུ་རིང་དུ་གནས་པར་གྱུར་པ་ལས་དགེ་འདུན་བྱེ་ན་དབྱར་གྱི་རྙེད་པ་དེ་དག་སྩལ་བར་བགྱིའམ། བྱིན་ཅིག །སུ་ལ་ཕྱོགས་གཉིས་ [258b.6]ག་ལའོ། །བཙུན་པ་དབྱར་གྱི་ནང་ལོགས་སུ་དགེ་སློང་གིས་ལྷུང་བཟེད་དང་ཆོས་གོས་བཙལ་ཏེ་མཆིས་ན་དེའི་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ན། དེ་ལ་དབྱར་གྱི་རྙེད་པ་སྩལ་ཏམ། [258b.7]ཨུ་པཱ་ལི་བྱིན་ཅིག །སུ་ལ། གང་ལ་སྩོལ་བའམ་བསྔོས་པར་གྱུར་པ་ལའོ། །བཙུན་པ་དབྱར་གྱི་ནང་ལོགས་སུ་དགེ་སློང་ཞིག་དུས་བགྱིས་ན་དེ་ལ་དབྱར་གྱི་རྙེད་པ་སྩལ་བར་བགྱིའམ། མ་སྦྱིན་ཅིག །དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ཏེ་དུས་ལས་འདས་ན་ [259a] [259a.1]དབྱར་གྱི་རྙེད་པ་སྩལ་ཏམ། ཨུ་པཱ་ལི་བྱིན་ཅིག །སུ་ལ། གང་ལ་བསྔོས་པར་གྱུར་པ་ལའོ། །འོན་ཏེ་སུ་ལའང་བསྔོས་པར་གྱུར་པ་མ་མཆིས་ན་སུ་ལ་སྩལ། དགེ་འདུན་ལའོ། །བཙུན་པ་དབྱར་གྱི་ནང་ལོགས་སུ་དགེ་སློང་ཞིག་དགེ་ཚུལ་ཕ་ལགས་པར་ [259a.2]ཁས་བླངས་ན། དེ་ལ་དབྱར་གྱི་རྙེད་པ་སྩལ་བར་བགྱིའམ། སྦྱིན་པར་བྱའོ། །དེ་ལ་ཇི་ཙམ་ཞིག་སྩལ། དགེ་ཚུལ་ཕའི་སྐལ་བའོ། །དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ནས་དགེ་ཚུལ་ཕ་ལགས་པར་ཁས་བླངས་ན་ཇི་ཙམ་སྩལ་བར་བགྱི། དགེ་སློང་གི་ [259a.3]སྐལ་བའོ། །བཙུན་པ་དབྱར་གྱི་ནང་ལོགས་སུ་དགེ་སློང་ཞིག་ཁྱིམ་པ་ལགས་པར་ཁས་བླངས་ན། དེ་ལ་དབྱར་གྱི་རྙེད་པ་སྩལ་བར་བགྱིའམ། མི་སྦྱིན་ནོ། །དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ནས་ཁྱིམ་པ་ལགས་པར་ཁས་བླངས་ན། དེ་ལ་དབྱར་གྱི་རྙེད་ [259a.4]པ་སྩལ་བར་བགྱིའམ། བྱིན་ཅིག །སུ་ལ། གང་ལ་བསྔོས་པར་གྱུར་པ་ལའོ། །བཙུན་པ་དབྱར་གྱི་ནང་ལོགས་སུ་དགེ་སློང་ཞིག་མ་ནིང་ལགས་པར་ཁས་བླངས་པ་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དགེ་འདུན་གྱི་ [259a.5]དབྱེན་བགྱིས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལགས་པར་ཁས་བླངས་ན་དེ་དག་ལ་དབྱར་གྱི་རྙེད་པ་སྩལ་ [259a.6]བར་བགྱིའམ། ཨུ་པཱ་ལི་མི་སྦྱིན་ནོ། །བཙུན་པ་དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ནས་རབ་ཏུ་ཤེས་ན། དེ་ལ་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་སྦྱིན་པར་བྱའོ། །བཙུན་པ་དབྱར་གྱི་ནང་ལོགས་སུ་དགེ་སློང་མ་ལགས་པར་ཁས་བླངས་པ་དང་། [259a.7]མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལགས་པར་ཁས་བླངས་ན། དེ་དག་ལ་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་མི་སྦྱིན་ནོ། །བཙུན་པ་དེ་སྟེ་དབྱར་གྱི་གནས་སུ་རིང་དུ་གནས་སམ་དབྱར་རངས་པར་གནས་པ་དེ་ [259b] [259b.1]དག་ལ་ཁས་བླངས་ན་དེ་དག་ལ་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་སྦྱིན་པར་བྱའོ། །བཙུན་པ་དགེ་སློང་གིས་གནས་བཞི་ནས་ཆོས་གོས་ཀྱི་སྐལ་བ་བདག་གིར་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་ [259b.2]གནས་བཞི་ཆར་མཚམས་གཅིག་ཏུ་བྱས་ནས་དབྱར་ཚུལ་དུ་ཞུགས་པའོ། །བཙུན་པ་ཇི་ཙམ་གྱིས་ན་ཆོས་གོས་རྙེད་པ་ཞེས་བགྱི། ཨུ་པཱ་ལི་འདི་ལྟ་སྟེ། འདི་ནི་བདག་གི་ཆོས་གོས་སོ་སྙམ་ནས་མིག་གིས་མཐོང་བར་གྱུར་པའམ། ལག་པའམ། ཕྲག་པའམ། པང་ [259b.3]པར་བཞག་པར་གྱུར་པའོ། །བཙུན་པ་དགེ་སློང་གཅིག་པུས་དགེ་འདུན་གྱི་རྙེད་པ་བདག་གིར་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་གཅིག་པུ་གནས་པར་གྱུར་ལ། དེར་ཡང་མི་དག་གིས་དགེ་འདུན་གྱི་ཕྱིར་གོས་ [259b.4]ཕུལ་ནའོ། །བཙུན་པ་དགེ་སློང་གིས་དགེ་འདུན་གྱི་རྙེད་པ་བཏགས་པ་བདག་གིར་བགྱིས་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་འདུན་ལ་བསྔོས་པར་གྱུར་པའོ། །བཙུན་པ་དགེ་སློང་སྨྱོན་པ། ཆོས་གོས་བགེད་པར་བསྐོ་བར་བགྱི་འམ། [259b.5]ཨུ་པཱ་ལི་མ་ཡིན་ནོ། །སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་འང་དེ་བཞིན་ནོ། །བཙུན་པ་དགེ་སློང་དམུས་ལོང་ཆོས་གོས་བགེད་པར་བསྐོ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་སྨྱོན་པའི་ཆོས་ [259b.6]གོས་གང་ནས་བཟུང་སྟེ་བསྔོ་བར་བགྱི། ནམ་རང་གི་སེམས་སོར་ཆུད་པ་ཚུན་ཆད་དོ། །བཙུན་པ་སྨྱོན་པ་ལས་ཆོས་གོས་བླང་བར་བགྱིའམ། མི་བླང་བར་བགྱི། ཁ་ཅིག་ལས་ནི་བླང་བར་བྱ། ཁ་ཅིག་ལས་ནི་མི་བླང་བར་བྱའོ། །གང་ལས་བླང་བར་བྱ། གང་ལ་ [259b.7]ཕའམ། མའམ། སྤུན་ནམ། སྲིང་མོ་གསོན་པ་འམ། རང་གི་ཁྱིམ་ནས་བྱིན་ཡང་རུང་སྟེ། ཡོངས་སུ་གཏོང་བའི་འདུ་ཤེས་ཀྱང་ཡོད་པའོ། །བཙུན་པ་དབྱར་ཞིག་པ་ལས་དབྱར་གྱི་རྙེད་པ་སྩལ་བར་བགྱིའམ། ཁ་ཅིག་ལ་ནི་སྦྱིན། ཁ་ཅིག་ལ་ནི་མི་སྦྱིན་ནོ། །གང་ལ་མི་ [260a] [260a.1]སྦྱིན་ཞེ་ན། གང་དབྱར་སྔ་མའི་ཚུལ་ཡང་མེད་ལ། ཕྱི་མའི་ཚུལ་ཡང་མེད་པར་ཤེས་པའོ། །གང་ལ་སྦྱིན་པར་བྱ་ཞེ་ན། གང་ལ་དབྱར་སྔ་མའི་ཚུལ་ཡང་ཡོད་ལ། ཕྱི་མའི་ཡང་ཡོད་པར་ཤེས་པའོ། །བཙུན་པ་ནད་གཡོག་གིས་སྦྱོར་བ་བཏང་བར་གྱུར་ [260a.2]ཏེ་གཞན་ལ་ཡང་སྤྲོ་བར་བགྱིས་ལ་ནད་པ་དུས་བགྱིས་ན་ནད་གཡོག་གང་ལ་གོས་སྩལ་བར་བགྱི། ཕྱི་མ་ལའོ། །བཙུན་པ་ནད་གཡོག་མཚམས་ཀྱི་སླད་རོལ་དུ་མཆིས་པ་ལས་ནད་པ་དུས་བགྱིས་ན་ནད་གཡོག་དེ་ལ་གོས་སྩལ་བར་བགྱིའམ། དེ་སྟེ་ནད་པའི་དོན་ཅིག་ལ་སོང་བར་ [260a.3]གྱུར་ན་དེ་ལ་ནད་གཡོག་ལ་གོས་སྦྱིན་པར་བྱའོ། །འོན་ཏེ་གཞན་གྱི་དོན་ཅིག་ལ་སོང་ན་ནི་མི་སྦྱིན་ནོ། །བཙུན་པ་ནད་གཡོག་གནས་གཞན་དུ་དབྱར་ཚུལ་དུ་ཞུགས་པར་གྱུར་ན། དེ་ལ་ནད་གཡོག་ལ་གོས་སྩལ་བར་བགྱིའམ། མི་སྩལ་བར་བགྱི། སྦྱིན་པར་བྱའོ། །བཙུན་ [260a.4]པ་དགེ་ཚུལ་ཕས་ནད་གཡོག་བགྱིས་ན། དེ་ལ་ནད་གཡོག་ལ་གོས་སྩལ་བར་བགྱིའམ། ཨུ་པཱ་ལི་སྦྱིན་པར་བྱའོ། །བཙུན་པ་དགེ་སློང་མས་ནད་གཡོག་བགྱིས་པ་ལས་ནད་པ་དུས་བགྱིས་ན་དེ་ལ་ནད་གཡོག་ལ་གོས་སྩལ་བར་བགྱིའམ། མི་སྦྱིན་ནོ། །དགེ་སློབ་མ་དང་། དགེ་ [260a.5]ཚུལ་མ་རྣམས་ཀྱང་དེ་བཞིན་ནོ། །བཙུན་པ་འགྲོན་པ་མང་པོ་བཅོམ་པའི་གོས་རྙེད་ན་བླང་བར་བགྱིའམ། མི་བླང་བར་བགྱི། ཨུ་པཱ་ལི་དེ་སྟེ་ཚོང་པས་བྱིན་ན་བླང་བར་བྱའོ། །འོན་ཏེ་རྐུན་པོས་བྱིན་ན་དེའི་ཚེ་མི་བླང་ངོ་། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དབྱར་གྱི་ [260a.6]ནང་ལོགས་སུ་དབྱར་གྱི་རྙེད་པ་མ་འགོད་ཅིག་ཅེས་གསུངས་ན། བཙུན་པ་ཁྱིམ་བདག་ཅིག་གིས་གནས་མང་ཞིག་ནས་དགེ་སློང་དག་མགྲོན་དུ་བོས་ཏེ་གནས་གཅིག་ཏུ་འཚལ་མ་འཚལ་ནས་དགེ་འདུན་དེ་དག་ལ་མངོན་སུམ་དུ་གོས་ཕུལ་ན་དགེ་སློང་དེ་དག་གིས་གོས་བགོ་བར་བགྱིའམ། ཨུ་ [260a.7]པཱ་ལི་གོས་དེ་དག་ནི་རྐྱེན་འབྱུང་བའི་གོས་པས་བགོ་བར་བྱའོ། །བཙུན་པ་དབྱར་གྱི་ནང་ལོགས་སུ་དགེ་སློང་ཞིག་དུས་བགྱིས་ན་དགེ་སློང་དེ་དག་གིས་གོས་དེ་དག་བགོ་བར་བགྱིའམ། ཤི་བའི་གོས་པས་ན་བགོ་བར་བྱའོ།། །།མདོར་ན། གྲོང་གཉིས་སྤུ་ཅན་ཕྱི་རོལ་མཚམས། ། [260b] [260b.1]དེ་བཞིན་དུ་ཡང་མཆོད་རྟེན་ནོ། །མཚམས་ལས་བསྔོས་པར་བྱས་པ་དང་། །ཆད་པ་ཐ་མར་གྱུར་པའོ། །བཙུན་པ་གྲོང་གི་ནང་ན་གཙུག་ལག་ཁང་ཞིག་མཆིས་ལ་དེར་དབྱར་ཚུལ་དུ་ཞུགས་པའི་དགེ་འདུན་རྣམས་དོན་ཅིག་གི་སླད་དུ་མཚམས་ཀྱི་སླད་རོལ་དུ་མཆིས་པར་གྱུར་པ་དང་། དེའི་ [260b.2]མཐའ་ན་འཁོད་པའི་དགེ་སློང་དག་གྲོང་ཁྱེར་གྱི་མཚམས་ཀྱི་ནང་ན་མཆིས་པ་ལས་དེར་མི་དག་གིས་དགེ་འདུན་ལ་དབྱར་གྱི་རྙེད་པ་ཞིག་ཕུལ་ན་གང་གིས་འཐོབ། གྲོང་ཁྱེར་གྱི་དགེ་འདུན་གྱིས་སོ། །བཙུན་པ་གྲོང་ཁྱེར་དུ་དགེ་འདུན་ཚུལ་དུ་ཞུགས་ནས་དབྱར་གྱི་ནང་ལོགས་སུ་བྱེ་ན་དབྱར་གྱི་རྙེད་པ་གང་ [260b.3]གིས་འཐོབ། ཨུ་པཱ་ལི་ཆོས་ལ་ཕྱོགས་པས་སོ། །བཙུན་པ་དགེ་སློང་གིས་སྤུ་ཅན་ལས་ཆོས་གོས་གསུམ་དུ་བྱིན་གྱིས་བརླབས་ན་བྱིན་གྱིས་བརླབས་པ་ཞེས་བགྱིའམ། གོས་གཞན་ཡོད་ན་ནི་བྱིན་གྱིས་མ་བརླབ་ཤིག །བྱིན་གྱིས་བརླབས་ན་ནི་འདས་པ་དང་བཅས་པར་འགྱུར་རོ། །བཙུན་ [260b.4]པ་དགེ་སློང་གིས་མཚམས་ཀྱི་སླད་རོལ་དུ་མཆིས་ནས་དགེ་འདུན་གྱི་རྙེད་པ་བདག་ཉིད་ཀྱིས་བདག་གིར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དབྱར་ཚུལ་དུ་ཞུགས་པའི་དགེ་འདུན་དབྱར་གྱི་ནང་ལོགས་སུ་མཆོད་རྟེན་གྱི་རྙེད་པ་བགོས་ཀྱང་ནོངས་པར་མི་འགྱུར་ཞིང་རུང་བར་འགྱུར་བ་ [260b.5]མཆིས་སམ། ཨུ་པཱ་ལི་ཡོད་དེ། ཉན་ཐོས་ཀྱི་མཆོད་རྟེན་ལ་བསྔོས་པར་གྱུར་པ་ནི་ཤི་བའི་ཡོ་བྱད་པས་ན་བགོ་བར་བྱའོ། །བཙུན་པ་བཅོམ་ལྡན་འདས་ཀྱིས་གུམ་པའི་ཡོ་བྱད་མཚམས་ཀྱི་ནང་ན་འཁོད་པས་བགོ་བར་གྱིས་ཤིག་ཅེས་གསུངས་ན། བཙུན་པ་དགེ་སློང་གིས་གུམ་ [260b.6]པའི་ཡོ་བྱད་བྱིན་གྱིས་བརླབས་ཏེ་མཚམས་ཀྱི་སླད་རོལ་དུ་མཆིས་ན་གུམ་པའི་ཡོ་བྱད་ཀྱི་སྐལ་བ་སྩལ་ཏམ། ཨུ་པཱ་ལི་སྦྱིན་ནོ། །དེ་སྟེ་བྱིན་གྱིས་མ་བརླབས་པར་མཆིས་ན་སྩལ་ཏམ། ཨུ་པཱ་ལི་མ་ཡིན་ནོ། །བཙུན་པ་གུམ་པའི་ཡོ་བྱད་དང་གོས་བྱིན་གྱིས་མ་བརླབས་པར་དགེ་ [260b.7]སློང་གཞན་དག་ཅིག་མཆིས་ན་དེ་དག་ལ་གུམ་པའི་ཡོ་བྱད་ཀྱི་སྐལ་བ་སྩལ་བར་བགྱི་འམ། ཨུ་པཱ་ལི་སྦྱིན་པར་བྱའོ། །བཙུན་པ་དེ་སྟེ་བྱིན་གྱིས་བརླབས་ནས་མཆིས་ན་སྩལ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་བཅོམ་ལྡན་འདས་ཀྱིས་གུམ་པའི་ཡོ་བྱད་རྣམས་གསོལ་ [261a] [261a.1]བ་དང་ལས་ཀྱིས་བྱིན་གྱིས་རློབས་ཤིག་ཅེས་གསུངས་ན། བཙུན་པ་གནས་གང་ན་དགེ་སློང་གཅིག་པུ་མཆིས་ན་དེས་ཇི་ལྟར་བྱིན་གྱིས་བརླབ་པར་བགྱི། ཨུ་པཱ་ལི་དགེ་སློང་དེས་སེམས་བསྐྱེད་ནས་ཚིག་ཏུ་སྨྲ་བར་བྱ་སྟེ། བགོ་བ་ལས་རྫས་འདི་ནི་བདག་གིས་འཐོབ་པས་ན་ [261a.2]བདག་གིས་ཆོས་གོས་འདི་བསྡུ་བར་བགྱིའོ། །བདག་གིར་བྱའོ། །འདི་ནི་བྱིན་གྱིས་བརླབ་པར་བྱའོ་ཞེས་བྱིན་གྱིས་བརླབ་པར་བྱའོ། །གནས་གང་ན་དགེ་སློང་གཉིས་སམ་གསུམ་ཡང་རུང་གནས་ན་དེ་དག་ཀྱང་གཅིག་ལ་གཅིག་སྨྲ་བར་བྱའོ། །བཙུན་པ་གོས་མ་དྲས་པ་ལ་བྱིན་གྱིས་ [261a.3]བརླབ་ཏུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་དེ་དང་འདྲ་བའི་རྐྱེན་ཅིག་བྱུང་ན་རུང་ངམ། ཨུ་པཱ་ལི་རུང་ངོ་། །གོས་ཀྱི་དངོས་པོ་རྫོགས་སོ།། །།མདོར་ན། རྙིང་པ་གཉིས་དང་བཞག་པ་དང་། །སར་པ་གཏན་པ་ཞིགས་པ་དང་། །ཟིན་པ་དང་ནི་མ་ཟིན་པ། །དུས་སུ་ [261a.4]རྙེད་དང་མ་བགོས་གཉིས། །མི་རུང་མཚམས་ཀྱི་ཕྱི་རོལ་དང་། །མ་བསྐོས་གང་ཟག་དེ་བཞིན་བཅུ། །བཙུན་པ་གོས་རྙིང་པ་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །གོས་རྙིང་པ་གང་ཞེ་ན། གང་ [261a.5]གིས་སྔར་དགེ་འདུན་གྱིས་གཏན་པ་བཏིང་བར་གྱུར་པའོ། །གོས་རྙིང་པ་བཅངས་པ་གཏན་པར་བཏིང་ན་བཏིང་བ་ཞེས་བགྱི་འམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །གོས་རྙིང་པ་བཅངས་པ་གང་ཞེ་ན། གང་དགེ་སློང་གིས་སྤྱད་པའོ། ། [261a.6]བཙུན་པ་ཉེ་བར་བཞག་པའི་གོས་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །ཉེ་བར་བཞག་པའི་གོས་གང་ཞེ་ན། སྤངས་པའོ། །བཙུན་པ་གོས་སར་པ་གཏན་པར་བཏིང་ན་བཏིང་བ་ཞེས་ [261a.7]བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པར་མི་འགྱུར་རོ། །གོས་སར་པ་གང་ཞེ་ན། དགེ་འདུན་གྱིས་ཐོག་མར་གཏན་པར་བཏིང་བའོ། །བཙུན་པ་གཏན་པའི་གོས་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། [261b] [261b.1]དགེ་འདུན་ནི་འདས་པ་དང་བཅས་པའོ། །གཏན་པའི་གོས་གང་ཞེ་ན། གོས་གང་དབྱར་ཐ་མའི་ཟླ་བ་ལ་རྙེད་པའོ། །བཙུན་པ་གོས་ཞིགས་པ་ཞིག་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །གོས་ [261b.2]ཞིགས་པ་གང་ཞེ་ན། གོས་རུལ་པའོ། །བཙུན་པ་གོས་མ་ལགས་པ་ཞིག་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་གོས་ལགས་པ་གཏན་པར་བཏིང་ན་བཏིང་བ་ཞེས་བགྱིའམ། [261b.3]ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པར་མི་འགྱུར་རོ། །བཙུན་པ་བཅོམ་ལྡན་འདས་གང་དུས་སུ་རྙེད་པའི་གོས་གཏན་པར་ཐིང་ཤིག་ཅེས་གསུངས་ན། དུས་སུ་རྙེད་པའི་གོས་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་ [261b.4]བྱའོ། །དུས་ཀྱི་གོས་གང་ཞེ་ན། གོས་གང་ཟླ་བ་གསུམ་འདས་ནས་དེ་ཉིད་ཀྱི་ཉ་བྲི་ཞག་གཅིག་ལ་རྙེད་པའོ། །བཙུན་པ་བཅོམ་ལྡན་འདས་ཀྱིས་མ་གྱོན་པའི་གོས་གཏན་པར་བཏིང་ན་བཏིང་བ་ཞེས་བྱའོ་ཞེས་གསུངས་ན། མ་གྱོན་པའི་གོས་གང་ལགས། སར་པ་བཏགས་མ་ཐག་ [261b.5]པའོ། །བཙུན་པ་བཅོམ་ལྡན་འདས་ཀྱིས་མ་གྱོན་པའི་གོས་རུང་བ་གཏན་པར་ཐིང་ཤིག་ཅེས་གསུངས་ན། བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱའོ། །གོས་མ་གྱོན་པ་རུང་བ་གང་ཞེ་ན། ཁ་དོག་ཅན་ནོ། །བཙུན་པ་མི་རུང་བའི་གོས་ཤིག་གཏན་པར་བཏིང་ན་ [261b.6]བཏིང་བ་ཞེས་བགྱི་འམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །མི་རུང་བའི་གོས་གང་ཞེ་ན། རང་གི་རྒྱུད་ཀྱིས་མི་རུང་བའོ། །བཙུན་པ་གོས་སམ་གཏན་པར་བཏིང་བར་མ་བགོས་པས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ [261b.7]ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་མཚམས་ཀྱི་སླད་རོལ་དུ་བསྐོས་པའི་ཆོས་གོས་གཏན་པར་འདིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་གཏན་པ་འདིང་བ་ཆད་ [262a] [262a.1]པས་བཅད་པས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་དེ་བཞིན་དུ་གཏན་པ་འདིང་བ་ཆད་པ་ཁོར་བ་དང་། ཡིད་མགུ་བར་སྤྱོད་པ་དང་། ཡིད་མགུ་བར་སྤྱད་པ་ལགས་པ་དང་། [262a.2]བསླབ་པ་སྩལ་བ་དང་། དབྱར་མ་མཆིས་པ་དང་། ཞིག་པ་དང་། དབྱར་ཕྱི་མར་ཚུལ་དུ་ཞུགས་པ་དང་། དབྱར་གཞན་དུ་གནས་པ་དང་། སྨྱོན་པ་རྣམས་ཀྱིས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ།། །། [262a.3]མདོར་ན། ལྔ་པ་གཉིས་དང་སེམས་གཉིས་དང་། །ཤོལ་བོར་གཉིས་དང་དེ་བཞིན་ཏེ། །བུད་མེད་མཚན་དང་གཏན་པ་དང་། །གནས་ལ་རྣམ་པ་དྲུག་ཏུ་བྱ། །བཙུན་པ་བཅོམ་ལྡན་འདས་ཀྱིས་གང་ཟག་ལྔ་གཏན་པ་འདིང་བར་མི་བསྐོ་སྟེ། དེ་ནི་ཆད་པ་བགྱིད་པ་དང་། ཆད་པ་ཁོར་ [262a.4]བ་དང་། ཡིད་མགུ་བར་སྤྱོད་པ་དང་། ཡིད་མགུ་བར་སྤྱད་པ་ལགས་པ་དང་། བསླབ་པ་སྩལ་བ་རྣམས་སོ་ཞེས་གསུངས་ན། བཙུན་པ་ཆད་པ་བགྱིད་པའི་གང་ཟག་ཅིག་གིས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་ [262a.5]དང་བཅས་པའོ། །བཙུན་པ་དེ་བཞིན་དུ་ཆད་པ་ཁོར་བ་དང་། ཡིད་མགུ་བར་སྤྱོད་པ་དང་། ཡིད་མགུ་བར་སྤྱད་པ་ལགས་པ་དང་། བསླབ་པ་སྩལ་བ་རྣམས་ཀྱིས་གཏན་པ་བཏིང་ན་གཏན་པ་བཏིང་བ་ཞེས་བགྱི་འམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་ [262a.6]པ་དང་བཅས་པའོ། །གཞན་ཡང་གང་ཟག་ལྔ་གཏན་པ་གདིང་བར་མི་བསྐོ་སྟེ། དབྱར་མེད་པ་དང་། དབྱར་ཞིག་པ་དང་། དབྱར་ཕྱི་མར་ཚུལ་དུ་ཞུགས་པ་དང་། དབྱར་གཞན་དུ་གནས་པ་དང་། སྤངས་པ་རྣམས་སོ། །བཙུན་པ་བཅོམ་ལྡན་འདས་ཀྱིས་གཞན་ཡང་ [262a.7]གང་ཟག་ལྔ་སྟེ། དབྱར་མེད་པ་དང་། དབྱར་ཞིག་པ་དང་། དབྱར་ཕྱི་མར་ཚུལ་དུ་ཞུགས་པ་དང་། དབྱར་གཞན་དུ་གནས་པ་དང་། སྤངས་པ་རྣམས་ཀྱིས་གཏན་པ་བཏིང་ན་བཏིང་བར་བྱའོ་ཞེས་གསུངས་ན། བཙུན་པ་དེ་སྟེ་དབྱར་མ་མཆིས་པས་གཏན་པ་བཏིང་ན་གཏན་པ་ [262b] [262b.1]བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་བཏིང་བ་ཞེས་བྱའོ། །ཁ་ཅིག་ནི་མ་བཏིང་བ་ཞེས་བྱའོ། །བཙུན་པ་གང་གིས་བཏིང་བ་ལགས། གང་གིས་མ་བཏིང་བ་ལགས། ཨུ་པཱ་ལི་འདི་ལྟར་དགེ་ཚུལ་པ་དབྱར་ཚུལ་དུ་ཞུགས་པ་ལ་དབྱར་ཕྱི་མའི་གནས་སུ་བསྙེན་པར་རྫོགས་ [262b.2]ཏེ་ཟླ་བ་གསུམ་འདས་པས་གཏན་པ་བཏིང་ན་དེ་ལ་གཏན་པ་བཏིང་བ་ཞེས་བྱའོ། །དེ་ཅིའི་ཕྱིར་ཞེ་ན། ཨུ་པཱ་ལི་ཟླ་བ་གསུམ་འདས་ནས་གཏན་པ་ཞེས་བྱ་སྟེ་དེ་ཡང་ཟླ་བ་གསུམ་དུ་མངོན་ནོ། །ཨུ་པཱ་ལི་གང་ཕྱི་མར་ཞུགས་པ་ལས་རབ་ཏུ་བྱུང་སྟེ་བསྙེན་པར་རྫོགས་ལ་དེ་ཡང་ཟླ་བ་གསུམ་ [262b.3]དུ་གནས་པའི་དགེ་སློང་དང་ལྷན་ཅིག་གཏན་པ་བཏིང་ན་དེ་ནི་གཏན་པ་མ་བཏིང་བ་ཞེས་བྱའོ། །ཨུ་པཱ་ལི་ཟླ་བ་གསུམ་ལོན་ནས་གཏན་པ་བཏིང་བ་ཞེས་བྱ་སྟེ། དེ་ཟླ་བ་གསུམ་མ་ལོན་པར་མངོན་ནོ། །བཙུན་པ་དབྱར་ཞིག་པ་ཞིག་གིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། [262b.4]ཨུ་པཱ་ལི་ཁ་ཅིག་ནི་བཏིང་བ་ཞེས་བྱའོ། །ཁ་ཅིག་ནི་མ་བཏིང་བ་ཞེས་བྱའོ། །བཙུན་པ་གང་གིས་བཏིང་བ་ཞེས་བགྱི། གང་གིས་མ་བཏིང་བ་ཞེས་བགྱི། ཨུ་པཱ་ལི་གང་གི་དབྱར་སྔ་མར་ཡང་ཤེས་པ་མེད་ལ་དབྱར་ཕྱི་མའི་ཚུལ་ཀྱང་མེད་པ་སྟེ། དེ་ཟླ་བ་གསུམ་དུ་དགེ་སློང་དང་ལྷན་ [262b.5]ཅིག་གནས་པ་དང་ཅིག་ཆར་གཏན་པ་བཏིང་ན་དེའི་གཏན་པ་མ་བཏིང་བ་ཞེས་བྱའོ། །ཨུ་པཱ་ལི་ཟླ་བ་གསུམ་གནས་ནས་གཏན་པ་ཞེས་བྱ་སྟེ། དེ་ལ་ནི་ཟླ་བ་གསུམ་དུ་ཤེས་པའང་མེད་དོ། །ཨུ་པཱ་ལི་གང་དབྱར་སྔ་མར་གནས་པའམ། ཕྱི་མའང་ཤེས་ལ་དེས་ཞག་བདུན་ནམ། [262b.6]བཞི་བཅུར་བྱིན་གྱིས་བརླབ་པར་མཚམས་ཀྱི་ཕྱི་རོལ་དུ་སོང་ནས་སྐྱ་རེངས་ཤར་བ་དེ་ཡང་ཟླ་བ་གསུམ་དུ་གནས་པས་གཏན་པ་བཏིང་ན་དེའི་གཏན་པ་བཏིང་བ་ཞེས་བྱའོ། །ཨུ་པཱ་ལི་ཟླ་བ་གསུམ་དུ་གནས་ནས་གཏན་པ་ཞེས་བྱ་སྟེ། དེ་ལ་ཡང་ཟླ་བ་གསུམ་དུ་མངོན་ནོ། །ཡི་དམ་ [262b.7]ལས་འགལ་བས་ཉེས་བྱས་སུ་འགྱུར་རོ། །བཙུན་པ་དབྱར་ཕྱི་མར་ཚུལ་དུ་ཞུགས་པ་ཞིག་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་གཏན་པ་བཏིང་བ་ཞེས་བྱའོ། །ཁ་ཅིག་ནི་མ་བཏིང་བ་ཞེས་བྱའོ། །བཙུན་པ་གང་གི་གཏན་པ་བཏིང་བ་ཞེས་བགྱི། ཨུ་པཱ་ལི་གང་ [263a] [263a.1]དབྱར་སྔ་མར་ཚུལ་དུ་ཞུགས་པའི་དགེ་སློང་གི་དགེ་འདུན་གཏན་པ་འདིང་བའི་དགེ་སློང་དང་། དབྱར་ཕྱི་མར་ཚུལ་དུ་ཞུགས་པ་དེ་དག་ལྷན་ཅིག་ཏུ་གཏན་པ་འདིང་ན་དེའི་གཏན་པ་བཏིང་བ་ཞེས་བྱའོ། །ཨུ་པཱ་ལི་ཟླ་བ་གསུམ་དུ་གནས་ནས་གཏན་པ་ཞེས་བྱ་སྟེ། དེ་ནི་ཟླ་བ་ [263a.2]གསུམ་དུ་ཤེས་པའང་མེད་དོ། །ཨུ་པཱ་ལི་དགེ་འདུན་ཐམས་ཅད་དབྱར་ཕྱི་མར་ཚུལ་དུ་ཞུགས་ལ་ཟླ་བ་གསུམ་དུ་གནས་ནས་གཏན་པ་འདིང་ན་དེ་དག་གི་གཏན་པ་བཏིང་བ་ཞེས་བྱའོ། །ཨུ་པཱ་ལི་ཟླ་བ་གསུམ་དུ་གནས་ནས་གཏན་པ་ཞེས་བྱ་སྟེ། དེ་དག་ནི་ཟླ་བ་གསུམ་དུ་མངོན་ནོ། ། [263a.3]བཙུན་པ་དབྱར་གཞན་དུ་གནས་པ་ཞིག་གིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་གཏན་པ་བཏིང་བ་ཞེས་བྱའོ། །ཁ་ཅིག་ནི་མ་བཏིང་བ་ཞེས་བྱའོ། །བཙུན་པ་གང་གི་གཏན་པ་བཏིང་བ་ཞེས་བགྱི། གང་གི་གཏན་པ་མ་བཏིང་བ་ཞེས་བགྱི། [263a.4]ཨུ་པཱ་ལི་དགེ་སློང་དག་མཚམས་སོ་སོར་བཅད་པའི་གནས་ན་དབྱར་གཞན་དུ་གནས་ལ་གཞན་དུ་སོང་སྟེ་གཏན་པ་བཏིང་ན་དེའི་གཏན་པ་མ་བཏིང་བ་ཞེས་བྱའོ། །ཨུ་པཱ་ལི་གཏན་པ་གང་ཞེ་ན། ཟླ་བ་གསུམ་གནས་ནས་གཏན་པ་བཏིང་བ་དེ་ལ་ནི་ཟླ་བ་གསུམ་དུ་ཤེས་པ་ཡང་མེད་དོ། །ཨུ་ [263a.5]པཱ་ལི་གང་ཟླ་བ་གསུམ་དུ་གནས་པའི་དགེ་སློང་གི་དགེ་འདུན་རྣམས་དབྱར་ཟླ་བ་གསུམ་འདས་པ་དང་། དེ་ཉིད་ཀྱི་ཉ་བྲི་ཞག་གཅིག་ལ་མཚམས་ཆེན་པོ་བཀྲོལ་ཏེ་གནས་བཞིའམ་ལྔའི་མཚམས་གཅིག་ཏུ་བྱས་ནས་གཏན་པ་བཏིང་ན་གནས་དེ་དག་ཐམས་ཅད་དུ་གཏན་པ་བཏིང་བ་ཞེས་བྱའོ། ། [263a.6]དེ་བཞིན་དུ་གནས་ལ་གནས་གཞན་དུ་གཏན་པ་བཏིང་བ་ཞེས་བྱའོ། །བཙུན་པ་སྤངས་པས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་བཏིང་བ་ཞེས་བྱའོ། །ཁ་ཅིག་ནི་མ་བཏིང་བ་ཞེས་བྱའོ། །བཙུན་པ་གང་གིས་གཏན་པ་མ་བཏིང་བ་ཞེས་བགྱི། ཨུ་པཱ་ [263a.7]ལི་དབྱར་ཚུལ་དུ་ཞུགས་པའི་དགེ་སློང་གང་ལ་དགེ་འདུན་འདུས་པ་རྣམས་ཀྱིས་སྤང་བའི་ལས་བྱས་པ་དེ་དག་ཀྱང་བཟོད་པ་མ་གསོལ་བར་དབྱར་གནས་པ་དག་ཀྱང་ལྷན་ཅིག་གཏན་པ་བཏིང་ན་དེའི་གཏན་པ་ནི་མ་བཏིང་བ་ཞེས་བྱའོ། །གང་གི་བཏིང་བ་ཞེས་བགྱི། ཨུ་པཱ་ལི་དགེ་སློང་གང་ [263b] [263b.1]དབྱར་ཚུལ་དུ་ཞུགས་པ་ལ་དགེ་འདུན་འདུས་པ་རྣམས་ཀྱིས་མཉམ་དུ་མི་སྤྱོད་པའི་སྡོམ་པ་བཅས་པར་གྱུར་ཏམ། བཀར་བའི་ལས་བྱས་པར་གྱུར་ལ། དེས་ཀྱང་བཟོད་པ་གསོལ་ན་དབྱར་གནས་པའི་དགེ་འདུན་རྣམས་དང་ལྷན་ཅིག་ཏུ་གཏན་པ་བཏིང་ན་དེའི་གཏན་པ་བཏིང་བ་ཞེས་བྱའོ། ། [263b.2]བཙུན་པ་བཅོམ་ལྡན་འདས་ཀྱིས་དགེ་སློང་གཏན་པ་འདིང་བས་གཏན་པ་བླངས་ནས་བཀྲུ་བ་དང་། བརྐྱང་བ་དང་། དྲ་བ་དང་། བཙེམ་པ་ཐམས་ཅད་དང་ཁབ་སོ་ཐ་མའི་བར་དུ་ཐོག་མར་འགྲོ་བར་བྱོས་ལ་བདག་གིས་ཆོས་གོས་འདིས་དགེ་འདུན་གྱི་གཏན་པ་གདིང་བར་བྱ་བ་གདིང་ངོ་། ། [263b.3]བདག་གིས་བཏིང་ངོ་ཞེས་སེམས་རྣམ་པ་གསུམ་སྐྱེད་ཅིག །སེམས་རྣམ་པ་གསུམ་བསྐྱེད་ཀྱང་ཆོས་གོས་འདིས་དགེ་འདུན་གྱི་གཏན་པ་གདིང་བར་བྱ། བདག་གིས་བཏིང་ངོ་ཞེས་སེམས་རྣམ་པ་གཉིས་བསྐྱེད་ན་གཏན་པ་བཏིང་བ་ཞེས་བྱའོ། །བཙུན་པ་སེམས་བསྐྱེད་པ་གཅིག་གིས་ [263b.4]གཏན་པ་གདིང་དུ་རུང་ངམ། ཨུ་པཱ་ལི་རུང་སྟེ། འདི་ལྟར་ཡང་གཏན་པ་གདིང་བའི་དགེ་སློང་གིས་གཏན་པ་གདིང་བར་བདག་མིང་འདི་ཞེས་བགྱི་བས་གོས་འདིས་དགེ་འདུན་གྱི་གཏན་པ་གདིང་ངོ་ཞེས་སེམས་བསྐྱེད་ན་གཏན་པ་གདིང་བ་ཞེས་བྱའོ། །བཙུན་པ་ཚུལ་ནས་འབྱུང་ [263b.5]བའི་ཚེ་རྒྱལ་པོས་ཤོལ་བོར་ན་དགེ་སློང་དེ་དག་གིས་གཏན་པ་ཇི་ལྟར་གདིང་བར་བགྱི། ཇི་ལྟར་ཚུལ་ནས་བྱུང་བ་བཞིན་ནོ། །བཙུན་པ་གཏན་པ་དེ་ཉིད་རུང་ལ་དེ་ཉིད་མི་རུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེ་དག་ཁ་ཅིག་ནི་ཤོལ་བོར། ཁ་ [263b.6]ཅིག་ནི་ཤོལ་མ་བོར་བར་ཚུལ་དུ་ཞུགས་ཏེ་དེ་ཉིད་དུ་ཁྱིམ་བདག་གིས་ཤོལ་མ་བོར་བའི་གནས་སུ་ཚུལ་ནས་འབྱུང་བ་དེ་ཉིད་ཀྱི་ཉ་བྲི་ཞག་གཅིག་ལ་དགེ་འདུན་གཉི་ག་ཟན་བྱིན་ཏེ་གཏན་པའི་གོས་ཕུལ་ན་གོས་དེ་ཤོལ་མ་བོར་བ་ལ་ནི་རུང་ངོ་། །ཤོལ་བོར་བ་ལ་ནི་མི་རུང་ངོ་། །བཙུན་པ་གང་ [263b.7]མ་ལྟ་བུའི་ཚིག་བརྒྱད་པོ་འདི་དག་གིས་ནི་གཏན་པ་ལས་འབྱུང་བར་འགྱུར་རོ། །དེ་ལ་ཐུན་མོང་བ་ནི་དུ། ཐུན་མོང་མ་ལགས་པ་ནི་དུ། ཨུ་པཱ་ལི་ཐོག་མ་དང་ཐ་མ་མ་གཏོགས་པར་ལྷག་མ་རྣམས་ནི་ཐུན་མོང་བའོ། །བཙུན་པ་གཏན་པ་འདིང་བའི་དགེ་སློང་གིས་གཏན་པ་འདིང་བའི་ [264a] [264a.1]ཚེ་མཚན་གྱུར་ན་གཏན་པ་འདིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། གཏན་པ་སྦེད་པའི་དགེ་སློང་དད་པར་བྱོས་ཤིག །བཙུན་པ་གཏན་པ་ཞེས་ཀྱང་བགྱི། གཏན་པ་འདིང་བ་ཞེས་ཀྱང་བགྱི། གཏན་པ་འབྱིན་པ་ཞེས་ཀྱང་བགྱི་ན། བཙུན་པ་གཏན་ [264a.2]པ་ནི་གང་། གཏན་པ་འདིང་བ་ནི་གང་། གཏན་པ་འབྱིན་པ་ནི་གང་ལགས། ཨུ་པཱ་ལི་གོས་ནི་གཏན་པའོ། །སེམས་བསྐྱེད་པ་ནི་གཏན་པ་འདིང་བའོ། །མ་ལྟ་བུའི་ཚིག་བརྒྱད་པོ་ནི་གཏན་པ་འབྱིན་པའོ། །བཙུན་པ་དགེ་སློང་རྣམས་ཀྱིས་གནས་བཞིའམ་ལྔ་མཚམས་ [264a.3]ཀྱི་ནང་དུ་བགྱིས་ནས་དབྱར་ཚུལ་དུ་ཞུགས་ཏེ་དེ་དག་ཚུལ་ནས་བྱུང་སྟེ། གཏན་པ་བཏིང་ན་གནས་དེ་དག་ཐམས་ཅད་དུ་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཐམས་ཅད་དུ་གཏན་པ་བཏིང་བ་ཞེས་བྱའོ། །བཙུན་པ་དེ་སྟེ་གཏན་པ་བཏིང་ནས་མཚམས་ཆེན་པོ་བཀྲོལ་ཏེ་སོ་ [264a.4]སོར་མཚམས་བཀུམ་ན་གཏན་པ་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ནོ། །གནས་དེ་དག་ཐམས་ཅད་དུ་གཏན་པ་བཏིང་བ་ཞེས་བགྱིའམ། ཨུ་པཱ་ལི་གཏན་པ་བཏིང་བ་ཞེས་བྱའོ། །དེ་སྟེ་སོ་སོར་མཚམས་བཅད་ནས་གཏན་པ་ཕྱུང་ན་གནས་དེ་དག་ཐམས་ཅད་དུ་གཏན་ [264a.5]པ་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ཏེ། གང་དག་འབྱིན་པ་དེ་དག་ནི་གཏན་པ་ཕྱུང་བ་ཞེས་བྱའོ། །གང་དག་མི་འབྱིན་པ་དེ་དག་ནི་གཏན་པ་མ་ཕྱུང་བ་ཞེས་བྱའོ། །བཙུན་པ་ཚུལ་ནས་བྱུང་བ་དང་དགེ་སློང་རྣམས་ཀྱིས་གནས་བཞིའམ། ལྔ་མཚམས་གཅིག་ཏུ་བྱས་ [264a.6]ནས་གཏན་པ་བཏིང་ན་གནས་དེ་དག་ཐམས་ཅད་དུ་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཐམས་ཅད་དུ་གཏན་པ་བཏིང་བ་ཞེས་བྱའོ། །བཙུན་པ་དེ་སྟེ་གཏན་པ་བཏིང་ནས་མཚམས་ཆེན་པོ་བཀྲོལ་ཏེ་སོ་སོར་མཚམས་བཀུམ་ན་གཏན་པ་མ་བཏིང་བ་ཞེས་བགྱིའམ། ཨུ་པཱ་ལི་ [264a.7]མ་ཡིན་ཏེ། དེ་དག་ཐམས་ཅད་དུ་གཏན་པ་བཏིང་བ་ཞེས་བྱའོ། །བཙུན་པ་དེ་སྟེ་སོ་སོར་མཚམས་བཀུམ་ནས་གཏན་པ་ཕྱུང་ན་གནས་དེ་དག་ཐམས་ཅད་དུ་གཏན་པ་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ཏེ། གང་འབྱིན་པ་དེ་དག་ནི་གཏན་པ་ཕྱུང་བ་ཞེས་བྱའོ། །གང་མི་འབྱིན་པ་དེ་ [264b] [264b.1]དག་ནི་གཏན་པ་མ་ཕྱུང་བ་ཞེས་བྱའོ།། །།མདོར་ན། ཟླ་བ་གསུམ་དང་ལྔ་པ་དང་། །གསོ་སྦྱོང་གི་ནི་མཐའ་ལྔ་གསུམ། །སྦྱར་མ་དང་ནི་རས་ཆེན་རྐྱེན། །འབྱིན་པ་གཉིས་དང་འབྱེད་པ་གཉིས། །ཚད་གཉིས་པ་ཡང་དེ་བཞིན་ཏེ། །ཁྱིམ་པ་དག་ལ་སོགས་པ་དག །བསླབ་པ་བྱིན་ [264b.2]པ་ཐ་མའོ། །བཙུན་པ་ཇི་སྲིད་ཅིག་ཏུ་གཏན་པ་གདིང་བར་བགྱི། ཨུ་པཱ་ལི་ཟླ་བ་གསུམ་སྟེ། ཇི་ལྟར་ཟླ་བ་གསུམ་དུ་གནས་པར་ཚུལ་དུ་ཞུགས་པའོ། །བཙུན་པ་ཇི་སྲིད་ཅིག་ཏུ་གཏན་པ་བཅང་བར་བགྱི། ཟླ་བ་ལྔའོ། །བཙུན་པ་གང་དབྱར་ཕྱི་མའི་མཐར་གཏན་པ་བཏིང་བ་ན་དེ་དག་ཀྱང་ཟླ་བ་ [264b.3]ལྔར་གཏན་པ་བཏིང་བར་འགྱུར་རམ། ཨུ་པཱ་ལི་གང་གིས་གཏན་པ་ཇི་ལྟར་བཏིང་བར་འགྱུར་བ་དེ་དག་གི་གྲངས་བཞིན་ཟླ་བ་ལྔར་བཅང་བར་བྱའོ། །བཙུན་པ་གསོ་སྦྱོང་གི་མཐར་གཏན་པ་གདིང་བར་བགྱིའམ། ཨུ་པཱ་ལི་གསོ་སྦྱོང་གི་མཐར་བྱའོ། །བཙུན་པ་གཏན་པ་གསོ་སྦྱོང་གི་ [264b.4]མཐར་དབྱུང་བར་བགྱིའམ། ཨུ་པཱ་ལི་གསོ་སྦྱོང་གི་མཐར་བྱའོ། །བཙུན་པ་དབྱར་མ་རུང་བར་གཞག་པ་ལ་རྒྱུ་དུ། རྐྱེན་དུ། བཅོམ་ལྡན་འདས་ཀྱིས་བཀའ་སྩལ་པ་རྒྱུ་ལྔ་དང་རྐྱེན་ལྔ་སྟེ། ལྔ་པོ་དེ་གང་ཞེ་ན། དགེ་སློང་དང་བཅས་སྒོ་གླེགས་དང་བཅས་པའི་གནས་སུ་ [264b.5]གྱུར་པ་དང་། འཇིགས་པ་དང་བཅས་དོགས་པ་དང་བཅས་པའི་ཡུལ་དང་ཆར་འབབ་པའམ། ཆར་འབབ་པར་དོགས་པར་གྱུར་པ་དང་། དུས་མ་ཡིན་པར་གྲོང་གཞན་དུ་འགྲོ་འདོད་པར་གྱུར་པ་དང་། གནས་ན་གཏན་པ་བཏིང་བར་གྱུར་པ་དང་། གསོལ་བ་དང་ལས་ནི་ཐ་ [264b.6]མའོ། །བཙུན་པ་དབྱར་གྱི་གོས་རས་ཆེན་རུང་བར་གཞག་པ་ལ་རྒྱུ་དུ་རྐྱེན་དུ། ཨུ་པཱ་ལི་གསུམ་སྟེ། ཆར་པ་མི་འབབ་ཅིང་ཆར་པ་འབབ་པར་མི་དོགས་པར་གྱུར་པ་དང་། དུས་མ་ཡིན་པར་གྲོང་གཞན་ནམ་གྲོང་ཁྱེར་གཞན་ནམ། ཀླུང་རྒལ་འདོད་པར་གྱུར་པ་དང་། ཀླུང་ [264b.7]གི་དྲུང་ངམ་ཁྲོན་པའི་དྲུང་ན་མི་གནས་པའོ། །བཙུན་པ་དབྱར་གྱི་གོས་རས་ཆེན་ཇི་སྲིད་དུ་བཅང་བར་བགྱི། ཟླ་བ་ཕྱེད་དང་ལྔའོ། །བཙུན་པ་གཏན་པ་འདིང་བའི་གནས་སུ་རྐྱེན་མེད་པར་འགྱུར་བ་དུ། ཨུ་པཱ་ལི་བཅུ་སྟེ། ཞག་གཅིག་གིས་འབྲལ་བ་མེད་པ་དང་། ཞག་ [265a] [265a.1]བཅུ་ལས་འདའ་བ་མེད་པ་དང་། ཟླ་བ་གཅིག་ལས་འདའ་བ་མེད་པ་དང་། གོས་མ་བསྡོས་པ་རྣམས་བཅང་བ་དང་། ཆོས་གོས་སྟོད་གཡོགས་དང་མཐང་གོས་གཉིས་པུས་ལྗོངས་སྤྱོད་དུ་འགྲོ་བ་དང་། མང་པོ་ཟ་བ་མེད་པ་དང་། ཡང་ཡང་ཟ་བ་མེད་པ་དང་། སྤྱན་ [265a.2]མ་དྲངས་པར་འགྲོ་བ་དང་། གོས་རྣམས་ཅི་བདེར་ཚོལ་བ་དང་། སྟོན་ཟླ་ཐ་{ཆུངས་,ཆུང་}ནས། དཔྱིད་ཟླ་ར་བའི་བར་དུ་སྟེ། གང་གིས་རྙེད་པ་ཐོབ་པ་དེ་དག་ནི་དབྱར་གནས་པའི་དགེ་འདུན་གྱིས་བགོ་བར་བྱའོ། །བཙུན་པ་ཅི་བསླབ་པའི་གནས་སམ། ཆོས་གོས་བྱིན་གྱིས་བརླབས་པ་དེ་དག་མ་ [265a.3]མཆིས་པར་འགྱུར་རམ། ཨུ་པཱ་ལི་མ་ཡིན་ཏེ། འདི་དག་ནི་ཡོན་ཏན་ནོ། །བཙུན་པ་གསོལ་བ་དང་ལས་མ་བྱས་པས་སྔར་གཏན་པ་དབྱུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་གཞི་བ་དེ་དག་གིས་དེ་ཉིད་ཀྱི་ཉ་བྲི་ཞག་གཅིག་ལ་གཏན་པ་བཏིང་ [265a.4]བར་གྱུར་པ་དང་། དགེ་སློང་གློ་བུར་བ་མང་ཞིག་ལྷགས་ནས་དེ་དག་ནི་དེའི་ཉིན་མོ་{བཅྭ་,བཅོ་}ལྔར་གྱུར་ཏེ། གསོ་སྦྱོང་བྱེད། སོ་སོར་ཐར་པ་ཀློག་པ་དང་། དེ་སྟེ་དགེ་སློང་གཞི་བ་རྣམས་ཀྱང་དེ་དག་གི་རྗེས་སུ་ཞུགས་ནས་གསོ་སྦྱོང་བྱས་ན་གསོལ་བ་དང་ལས་མ་བྱས་པར་གཏན་པ་ཕྱུང་བ་ [265a.5]ཞེས་བྱའོ། །བཙུན་པ་དགེ་སློང་གཞི་བ་རྣམས་ཀྱིས་གཏན་པ་བཏིང་སྟེ་མཚམས་ཀྱི་སླད་རོལ་དུ་མཆིས་པ་དང་། གློ་བུར་དུ་དགེ་སློང་རྣམས་ལྷགས་ཏེ་གཏན་པ་ཕྱུང་ན་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ནོ། དེ་ཅིའི་ཕྱིར་ཞེ་ན། ཨུ་པཱ་ལི་གང་གིས་གཏན་པ་བཏིང་བ་དེ་ཉིད་ [265a.6]ཀྱིས་གཏན་པ་ཕྱུང་བ་ཞེས་བྱའོ། །བཙུན་པ་དབྱར་ཚུལ་དུ་ཞུགས་པ་ལས་དགེ་འདུན་བྱེ་ན་གང་གིས་གདིང་། ཆོས་བཞིན་དུ་སྨྲ་བ་རྣམས་ཀྱིས་སོ། །བཙུན་པ་གཏན་པ་བཏིང་བའི་གནས་སུ་དགེ་འདུན་བྱེ་ན་དབྱར་གྱི་རྙེད་པ་སུས་འཐོབ། ཕྱོགས་གཉིས་ཀས་སོ། །བཙུན་པ་དེ་སྟེ་ [265a.7]མངོན་སུམ་དུ་གྱུར་པ་ལས་རྙེད་ན་སུས་འཐོབ། ཆོས་ཀྱི་ཕྱོགས་ཀྱིས་སོ། །བཙུན་པ་ཚད་ལས་ཆུང་བའི་ཆོས་གོས་དུམ་བུར་སྦྱར་ཏེ་གོས་སུ་བཙེམས་ཤིང་། གཏན་པར་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱའོ། །བཙུན་པ་ཚད་ལས་ཆུང་ [265b] [265b.1]བ་ཞིག་གཏན་པར་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱའོ། །བཙུན་པ་གོས་ཇི་ལྟ་བུས་གཏན་པ་གདིང་བར་བགྱི། ཨུ་པཱ་ལི་མཆུར་ལྔ་ཞེང་དུ་གསུམ་པས་སོ། །བཙུན་པ་གཏན་པ་འདིང་བ་ཁྱིམ་པ་ཞིག་གིས་གཏན་པ་བཏིང་ན་གཏན་པ་བཏིང་ [265b.2]བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱའོ། །དགེ་འདུན་ཡང་འདས་པ་དང་བཅས་པའོ། །དེ་བཞིན་དུ་གཏན་པ་འདིང་བ་མ་ནིང་དང་། མི་གནས་པ་དང་། སོ་སོར་གནས་པ་ནས། སྔར་འཁྲུགས་པའི་བར་དུ་དེ་དག་གིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་ [265b.3]པཱ་ལི་མ་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། །བཙུན་པ་གཏན་པ་འདིང་བ་ཟ་མ་ཞིག་གིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། །བཙུན་པ་གཏན་པ་འདིང་བ་ [265b.4]དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་གཏན་པ་འདིང་བ་སྨྱོན་པ་ཞིག་གིས་གཏན་པ་ [265b.5]བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱའོ། །དེ་སྟེ་དགེ་སློང་གི་འདུ་ཤེས་ཡོད་ལ་བདག་མིང་འདི་ཞེས་བགྱི་བས་དགེ་འདུན་གྱི་གཏན་པ་འདིང་ངོ་། །བདག་གིས་བཏིང་ངོ་ཞེས་སེམས་བསྐྱེད་ན་གཏན་པ་བཏིང་བ་ཞེས་བྱའོ། །དེ་བཞིན་དུ་སེམས་འཁྲུགས་པ་ [265b.6]དང་། ནད་ཀྱིས་གཟིར་བ་རྣམས་སུ་ཤེས་པར་བྱའོ། །བཙུན་པ་གཏན་པ་གདིང་བ་གླེན་པ་དང་། ལྐུགས་པ་དང་། འོན་པ་རྣམས་ཀྱིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་གཏན་ [265b.7]པ་འདིང་བ་གཞན་དུ་གནས་པས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། །གཏན་པའི་དངོས་པོ་རྫོགས་སོ།། །།མདོར་ན། གང་དུ་གང་གིས་མཚམས་བཞི་དང་། །བསྒོ་བ་གོས་དང་ [266a] [266a.1]གསོ་སྦྱོང་བཞི། །གཏན་བཞི་བྱེ་བ་གང་ཟག་གོ། །བཙུན་པ་ཡུལ་ཀཽ་ཤཱམྦཱིར་དགེ་འདུན་གང་གི་ཚེ་བྱེ་བར་གྱུར། ནམ་མཚམས་ཀྱི་ནང་ན་གཅིག་པུ་གནས་པ་ལས་གསོ་སྦྱོང་བྱེད་པ་དང་། དགེ་འདུན་གྱི་བྱ་བ་དང་། དགེ་འདུན་གྱི་དོན་རྣམས་ཐ་དད་པར་བྱས་པ་ནའོ། ། [266a.2]བཙུན་པ་ཡུལ་ཀཽ་ཤཱམྦཱིར་དང་པོར་དགེ་འདུན་གང་གིས་ཕྱེ། ཆོས་མ་ཡིན་པར་སྨྲ་བས་དེ་དག་གིས་ཐོག་མར་མཚམས་ཀྱི་ནང་དུ་གསོ་སྦྱོང་དང་། དགེ་འདུན་གྱི་བྱ་བ་དང་། དགེ་འདུན་གྱི་དོན་རྣམས་ཐ་དད་པར་བྱས་པས་སོ། །བཙུན་པ་ཡུལ་ཀཽ་ཤཱམྦཱི་བས་མཚམས་བཤིག་ན་ [266a.3]མཚམས་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དེ་སྟེ་ཡུལ་ཡངས་པ་ཅན་ན་གནས་པས་མཚམས་བཤིག་ན་མཚམས་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་མའི་དགེ་འདུན་བྱེ་ནས་ཕྱོགས་དང་གཞན་གྱི་ཕྱོགས་སུ་གནས་པ་ལ་ [266a.4]ཟླ་བ་ཕྱེད་ཕྱེད་ཅིང་ལུང་དབོག་པ་དང་བསྟན་པར་བགྱིའམ། འདི་སྐད་དུ་སྲིང་མོ་རྣམས་ཇེ་མཐུན་པར་གྱིས་ཞེས་སྒོ་ཤིག །བཙུན་པ་དགེ་སློང་མའི་དགེ་འདུན་བྱེ་ནས་ཕྱོགས་སུ་གནས་པའི་དགེ་སློང་མ་དག་གིས་ཟླ་བ་ཕྱེད་ཕྱེད་ཅིང་ལུང་དབོག་ཅིང་བསྟན་པ་བཙལ་བར་བགྱིའམ། [266a.5]བཙལ་བར་བྱའོ། །སུ་ལས་བཙལ། ཆོས་ལ་ཕྱོགས་པ་ལས་སོ། །བཙུན་པ་དགེ་སློང་གི་དགེ་འདུན་བྱེ་ནས་ཕྱོགས་གཉིས་སུ་གནས་པ་དག་གིས་དགེ་སློང་མ་དག་ལ་ལུང་དབོག་ཅིང་བསྟན་པ་སྩལ་བར་བགྱིའམ། དགེ་སློང་མའི་དགེ་འདུན་མི་བྱེ་བའི་ཕྱིར་བྱིན་ཅིག །བཙུན་ [266a.6]པ་ཡུལ་ཀཽ་ཤཱམྦཱིར་ཕྱོགས་གཉིས་ཀ་འདུས་ཤིང་འཁོད་པར་བྱེད་ན་གཟུ་བོས་གང་དུ་དགེ་སློང་མ་ལ་ལུང་དབོག་པར་བགྱི། མཚམས་ཀྱི་ཕྱི་རོལ་དུ་སོང་བའོ། །བཙུན་པ་ཡུལ་ཀཽ་ཤཱམྦཱིར་ཕྱོགས་གཉིས་ཀར་འདུས་ཤིང་འཁོད་པར་གྱུར་ལ། དགེ་སློང་གཟུ་བོ་དག་ཀྱང་མཚམས་ཀྱི་སླད་ [266a.7]རོལ་དུ་མཆིས་པར་གྱུར་པ་དང་། ཁྱིམ་བདག་ཅིག་མཆིས་ནས་དགེ་འདུན་ལ་གོས་ཤིག་ཕུལ་ན་གང་གིས་འཐོབ། ཕྱོགས་གཉིས་ཀས་སོ། །ཡུལ་ཀཽ་ཤཱམྦཱི་ན་གནས་པས་ཡུལ་ཡངས་པ་ཅན་ན་གནས་པ་དག་དང་ལྷན་ཅིག་གསོ་སྦྱོང་བགྱིད་ན་གསོ་སྦྱོང་བགྱིས་པ་ཞེས་བགྱིའམ། ཨུ་ [266b] [266b.1]པཱ་ལི་མ་ཡིན་ནོ། ཡུལ་ཡངས་པ་ཅན་ན་གནས་པས་ཡུལ་ཀཽ་ཤཱམྦཱིར་གནས་པ་དག་དང་ལྷན་ཅིག་ཏུ་གསོ་སྦྱོང་བགྱིད་ན། གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །གཟུ་བོ་རྣམས་ཡུལ་ཀཽ་ཤཱམྦཱི་ན་གནས་པ་དག་དང་ལྷན་ཅིག་ཏུ་གསོ་སྦྱོང་བགྱིད་ན་གསོ་སྦྱོང་བགྱིས་པ་ [266b.2]ཞེས་བགྱིའམ། ཨུ་པཱ་ལི་མ་ཡིན་ནོ། །གཟུ་བོ་དག་ཡུལ་ཡངས་པ་ཅན་ན་གནས་པ་དང་ལྷན་ཅིག་གསོ་སྦྱོང་བགྱིད་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་སྟེ་བྱེད་ན་གཟུ་བོའི་དངོས་པོ་མེད་དོ། །བཙུན་པ་གཏན་པ་བཏིང་བའི་གནས་སུ་དགེ་འདུན་བྱེ་ [266b.3]ན་གཏན་པ་གང་གིས་གདིང་བར་བགྱི། ཆོས་སུ་སྨྲ་བ་དག་གིས་སོ། བཙུན་པ་གཏན་པ་འདིང་བའི་གནས་སུ་དགེ་འདུན་བྱེ་ན་གཏན་པ་གང་གིས་དབྱུང་བར་བགྱི། ཆོས་སུ་སྨྲ་བ་རྣམས་ཀྱིས་སོ། །བཙུན་པ་གང་ཉེ་བར་ཕྱོགས་པ་དེ་ཐམས་ཅད་སོ་སོར་གནས་པ་ལགས་ [266b.4]སམ། ཉེ་བར་ཕྱོགས་པ་སོ་སོར་གནས་པ་མ་ཡིན་པ་ཡང་ཡོད། སོ་སོར་གནས་ལ་ཉེ་བར་མ་ཕྱོགས་པ་ཡང་ཡོད། ཉེ་བར་ཕྱོགས་ལ་སོ་སོར་གནས་པའང་ཡོད། ཉེ་བར་ཡང་མ་ཕྱོགས་ལ་སོ་སོར་གནས་པ་མ་ཡིན་པ་ཡང་ཡོད་དོ། །ཉེ་བར་ཕྱོགས་ལ་སོ་སོར་གནས་པ་མ་ [266b.5]ཡིན་པ་ནི་གང་དངོས་པོ་ལྔ་ལ་ཉེ་བར་ཕྱོགས་པར་གྱུར་པ་སྟེ། མ་མཐོང་བའི་ཕྱིར་དགེ་འདུན་གྱིས་སྤངས་པར་མ་གྱུར་པ་དང་། སླར་ལས་མ་བྱས་པའི་ཕྱིར་སྤངས་པར་མ་གྱུར་པ་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་མ་གྱུར་པའོ། །སོ་སོར་གནས་ལ་ཉེ་བར་མ་ [266b.6]ཕྱོགས་པ་ནི་འདི་ལྟར་དགེ་སློང་དེ་མ་མཐོང་བའི་ཕྱིར་དགེ་འདུན་གྱིས་སྤངས་པར་གྱུར་པ་དང་། སླར་ལས་མ་བྱས་པའི་ཕྱིར་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་གྱུར་པ་དང་། དངོས་པོ་ལྔ་ལ་ཡང་ཉེ་བར་ཕྱོགས་པར་མ་གྱུར་པའོ། །ཉེ་བར་ཡང་ཕྱོགས་ལ་སོ་སོར་ [266b.7]ཡང་གནས་པ་ནི་དེ་འདི་ལྟར་དགེ་སློང་དེ་དངོས་པོ་ལྔ་ལ་ཉེ་བར་ཕྱོགས་པར་ཡང་གྱུར་ལ། མ་མཐོང་བའི་ཕྱིར་དགེ་འདུན་གྱིས་ཀྱང་སྤངས་པར་གྱུར་པ་དང་། སླར་ལས་མ་བྱས་པའི་ཕྱིར་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་གྱུར་པའོ། །ཉེ་བར་ཕྱོགས་པའང་ [267a] [267a.1]མ་ཡིན་ལ་སོ་སོར་གནས་པའང་མ་ཡིན་པ་ནི་རྣམ་པ་དེ་ལྟ་བུ་དག་མ་གཏོགས་པའོ། །གང་ཉེ་བར་ཕྱོགས་པ་དེ་ཐམས་ཅད་མི་གནས་པ་ལགས་སམ། ཉེ་བར་ཕྱོགས་ལ་མི་གནས་པ་མ་ཡིན་པ་ཡང་ཡོད་མི་གནས་ལ་ཉེ་བར་མ་ཕྱོགས་པ་ཡང་ཡོད། ཉེ་བར་ཡང་ [267a.2]ཕྱོགས་ལ་མི་གནས་པ་ཡང་ཡོད། ཉེ་བར་ཡང་མ་ཕྱོགས་ལ་མི་གནས་པ་མ་ཡིན་པ་ཡང་ཡོད་དོ། །ཉེ་བར་ཕྱོགས་ལ་མི་གནས་པ་མ་ཡིན་པ་ནི་འདི་ལྟར་དགེ་སློང་དེ་དངོས་པོ་ལྔ་ལ་ཉེ་བར་ཕྱོགས་པར་གྱུར་ལ། ཕས་ཕམ་པ་བཞིའི་ཉེས་པ་གང་ཡང་རུང་བ་བྱུང་བར་མ་ [267a.3]གྱུར་པའོ། །མི་གནས་ལ་ཉེ་བར་ཡང་མ་ཕྱོགས་པ་ནི་དེ་འདི་ལྟར་དགེ་སློང་དེ་ཕས་ཕམ་པ་བཞི་ལས་གང་ཡང་རུང་བའི་ཉེས་པ་བྱུང་བར་གྱུར་ལ། དངོས་པོ་ལྔ་ལ་ནི་ཉེ་བར་མ་ཕྱོགས་པ་ཡིན་ནོ། །ཉེ་བར་ཡང་ཕྱོགས་ལ་མི་གནས་པ་ཡང་ཡིན་པ་ནི་འདི་ལྟར་དགེ་སློང་དེ་དངོས་པོ་ [267a.4]ལྔ་ལ་ཉེ་བར་ཕྱོགས་པར་གྱུར་ཅིང་ཕས་ཕམ་པ་བཞི་ལས་གང་ཡང་རུང་བའི་ཉེས་པ་བྱུང་བ་ཡིན་ནོ། །ཉེ་བར་ཕྱོགས་པ་ཡང་མ་ཡིན་ལ་མི་གནས་པའང་མ་ཡིན་པ་ནི་རྣམ་པ་དེ་ལྟ་བུ་མ་གཏོགས་པའོ། །གང་སོ་སོར་གནས་པ་དེ་ཐམས་ཅད་མི་གནས་པ་ལགས་སམ། སོ་སོར་ [267a.5]གནས་ལ་མི་གནས་པ་མ་ཡིན་པ་ཡང་ཡོད། མི་གནས་ལ་སོ་སོར་གནས་པ་མ་ཡིན་པ་ཡང་ཡོད། སོ་སོར་ཡང་གནས་ལ་མི་གནས་པ་ཡང་ཡོད། མི་གནས་པའང་མ་ཡིན་སོ་སོར་གནས་པ་ཡང་མ་ཡིན་པ་ཡོད་དོ། །སོ་སོར་གནས་ལ་མི་གནས་པ་མ་ཡིན་པ་ནི་འདི་ [267a.6]ལྟར་དགེ་སློང་དེ་མ་མཐོང་བའི་ཕྱིར་སྤངས་པར་གྱུར་ཅིང་སླར་ལས་མ་བྱས་པ་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་གྱུར་ལ་ཕས་ཕམ་པ་བཞི་ལས་ཉེས་པ་གང་ཡང་རུང་བ་མ་བྱུང་བ་ཡིན་ནོ། །མི་གནས་ལ་སོ་སོར་གནས་པ་མ་ཡིན་པ་ནི་གང་འདི་ལྟར་དགེ་སློང་དེ་ [267a.7]ཕས་ཕམ་པ་བཞིའི་ཉེས་པ་གང་ཡང་རུང་བ་བྱུང་བར་གྱུར་གྱི་མ་མཐོང་བའི་ཕྱིར་དགེ་འདུན་གྱིས་སྤང་བ་མ་བྱས་པར་གྱུར་ཅིང་སླར་ལས་མ་བྱས་པ་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་མ་གྱུར་པའོ། །མི་གནས་ལ་སོ་སོར་ཡང་གནས་པ་ནི་དེ་འདི་ལྟར་དགེ་ [267b] [267b.1]སློང་དེ་མ་མཐོང་བའི་ཕྱིར་སྤངས་པ་ཡང་ཡིན་ལ། ཕས་ཕམ་པ་བཞིའི་ཉེས་པ་གང་ཡང་རུང་བ་བྱུང་བར་གྱུར་པའོ། །མི་གནས་པའང་མ་ཡིན་སོ་སོར་གནས་པ་ཡང་མ་ཡིན་པ་ནི་རྣམ་པ་དེ་ལྟ་བུ་མ་གཏོགས་པའོ། །བཙུན་པ་དགེ་སློང་ཉིད་ཀྱིས་དགེ་སློང་གི་དགེ་འདུན་འབྱེད་ཀྱི། [267b.2]དགེ་སློང་མས་མ་ལགས། དགེ་སློབ་མས་མ་ལགས། དགེ་ཚུལ་མས་མ་ལགས། དགེ་ཚུལ་ཕས་མ་ལགས་སམ། ཨུ་པཱ་ལི་དགེ་སློང་ཉིད་ཀྱིས་དགེ་སློང་གི་དགེ་འདུན་འབྱེད་ཀྱི། དགེ་སློང་མས་མ་ཡིན། དགེ་སློབ་མས་མ་ཡིན། དགེ་ཚུལ་མས་མ་ཡིན། དགེ་ [267b.3]ཚུལ་ཕས་མ་ཡིན་མོད་ཀྱི། འོན་ཀྱང་དགེ་སློང་མ་རྣམས་ནི་དགེ་འདུན་དབྱེ་བའི་ཕྱིར་རྩོལ་ལོ། །བཙུན་པ་དགེ་སློང་མ་ཉིད་ཀྱིས་དགེ་སློང་མའི་དགེ་འདུན་འབྱེད་ཀྱི། དགེ་སློང་གིས་མ་ལགས། དགེ་སློབ་མས་མ་ལགས། དགེ་ཚུལ་མས་མ་ལགས། དགེ་ཚུལ་ཕས་ [267b.4]མ་ལགས་སམ། ཨུ་པཱ་ལི་དགེ་སློང་མ་ཉིད་ཀྱིས་དགེ་སློང་མའི་དགེ་འདུན་འབྱེད་ཀྱི། དགེ་སློང་ཕས་མ་ཡིན། དགེ་སློབ་མས་མ་ཡིན། དགེ་ཚུལ་མས་མ་ཡིན། དགེ་ཚུལ་ཕས་མ་ཡིན་མོད་ཀྱི། འོན་ཀྱང་དགེ་སློང་རྣམས་ནི་དགེ་འདུན་དབྱེ་བའི་ཕྱིར་རྩོལ་ལོ། ། [267b.5]བཙུན་པ་དབྱེ་བ་ནི་གང་། ཁ་ན་མ་ཐོ་བ་དང་ལྡན་པ་ནི་གང་ལགས། དབྱེ་བ་ནི་དགེ་འདུན་ནོ། །ཁ་ན་མ་ཐོ་བ་དང་ལྡན་པ་ནི་འབྱེད་པའོ། །བཙུན་པ་དགེ་འདུན་ཕྱེ་ན་ཅིར་འགྱུར། སྦོམ་པོ་སྟེ། གསོལ་བ་དང་ལས་མ་མཉན་ན་དགེ་འདུན་གྱི་ལྷག་མའོ། །བཙུན་པ་ཇི་ཙམ་ [267b.6]གྱིས་ན་དགེ་འདུན་ཕྱེ་བ་ཞེས་བགྱི། ཨུ་པཱ་ལི་གང་གི་ཚེ་ཇི་སྙེད་པའི་དགེ་སློང་རྣམས་མཚམས་སུ་བྱིན། བྱ་བ་ལ་བབ་པར་གྱུར། དེ་དག་ཐམས་ཅད་འདུས་ཤིང་མངོན་སུམ་དུ་གྱུར། དད་པ་བླང་བའི་རིགས་པ་ལས་དད་པ་བླངས་པར་གྱུར། དགེ་སློང་རྣམས་ཀྱིས་མཚམས་ [267b.7]ཀྱི་ནང་ལ་མཚམས་ཀྱི་ནང་ཡིན་པར་འདུ་ཤེས་ཏེ་གསོ་སྦྱོང་དང་ལས་ཐ་དད་དུ་བྱེད་པ་དེ་ལྟ་ན་དགེ་འདུན་བྱེ་བ་ཞེས་བྱའོ། །དགེ་འདུན་ཕྱེ་བས་ནོངས་པ་གང་བཤགས་པར་བགྱི། ཉེས་པ་སྦོམ་པོའོ། །བཙུན་པ་བཅོམ་ལྡན་འདས་ཀྱིས་དེ་ལྟ་བུའི་གང་ཟག་ལ་གླེང་བར་མ་བྱེད་ཅིག ། [268a] [268a.1]དྲན་པར་མ་བྱེད་ཅིག་ཅེས་གསུངས་ན། དེ་ལྟ་བུའི་གང་ཟག་གང་ལགས། གང་ཟག་གང་མདོ་སྡེ་འཛིན་པ་མ་ལྟ་བུ་འཛིན་པ། བསོད་ནམས་ཆེན་པོ། འཁོར་གཡོག་མང་པོ། གྲགས་པ་དེའོ། །དེ་ལྟ་བུའི་གང་ཟག་ཅིག་སྤངས་ན་ཅིར་འགྱུར། ཉེས་ [268a.2]པ་སྦོམ་པོར་འགྱུར་རོ། །ཡུལ་ཀཽ་ཤཱམྦཱི་ཀའི་དངོས་པོ་རྫོགས་སོ།། །།འདུལ་བ་གཞུང་དམ་པ། བམ་པོ་བཅུ་དགུ་པ། མདོར་ན། སྐད་དང་ནམ་མཁའ་མཚམས་དང་ས། །ཆོས་གཉིས་དང་ནི་མ་འདུས་པ། །ཆད་པ་ཁོར་དང་གཅིག་ནས་གཅིག །མ་ [268a.3]འདུས་གང་ཟག་གནས་དེ་བཞིན། །བཙུན་པ་འཕགས་པ་ཞིག་གིས་འཕགས་པའི་སྐད་དུ་ལས་བགྱིས་པ་དང་། དགེ་སློང་དེ་དག་གིས་ཀྱང་འཕགས་པའི་སྐད་མ་འཚལ་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལས་བྱས་པ་ཞེས་བྱ་སྟེ། ལས་བྱེད་པའི་དགེ་སློང་ནི་འདས་ [268a.4]པ་དང་བཅས་པའོ། །བཙུན་པ་འཕགས་པ་ཞིག་གིས་མཐའ་འཁོབ་པའི་སྐད་དུ་ལས་བགྱིས་པ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལས་བྱས་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་ [268a.5]པའོ། །བཙུན་པ་མཐའ་འཁོབ་པ་ཞིག་གིས་མཐའ་འཁོབ་པའི་སྐད་དུ་ལས་བགྱིས་པ་དང་། དགེ་སློང་དེ་དག་གིས་ཀྱང་མཐའ་འཁོབ་པའི་སྐད་མ་འཚལ་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལས་བྱས་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་ [268a.6]པའོ། །བཙུན་པ་མཐའ་འཁོབ་པ་ཞིག་གིས་འཕགས་པའི་སྐད་དུ་ལས་བགྱིས་པ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལས་བྱས་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། །བཙུན་པ་ས་ལ་ [268a.7]གནས་པས་ནམ་མཁའ་ལ་གནས་པའི་གྲངས་སུ་བསྐངས་ན་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ནམ་མཁའ་ལ་གནས་པས་ས་ལ་གནས་པའི་གྲངས་སུ་བསྐངས་ན་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ལས་བགྱིས་པས་ལ་གནས་པས་ནམ་ [268b] [268b.1]མཁའ་ལ་གནས་པ་རྣམས་ཀྱི་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ལས་བགྱིད་པ་ནམ་མཁའ་ལ་གནས་པས་ས་ལ་གནས་པ་རྣམས་ཀྱི་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །དེ་བཞིན་དུ་མཚམས་ཀྱི་ནང་ན་གནས་པ་དང་། མཚམས་ཀྱི་ཕྱི་རོལ་དུ་ [268b.2]གནས་པ་རྣམས་དང་ལྷན་ཅིག་བཞིར་བྱའོ། །བཙུན་པ་ས་ལ་གནས་པས་ས་ལ་གནས་པ་རྣམས་དང་ལྷན་ཅིག་ལས་བགྱིར་རུང་ངམ། ཨུ་པཱ་ལི་རུང་ངོ་། །འདི་ལྟར་ཡང་དེས་ས་ལ་གནས་པས་གྲངས་བསྐང་ཞིང་ས་ལ་གནས་པ་རྣམས་ལས་དད་པ་བླངས་པར་གྱུར་པའོ། ། [268b.3]ཇི་ལྟར་ས་ལ་གནས་པས་ས་ལ་གནས་པ་དང་ལྷན་ཅིག་པ་དེ་བཞིན་དུ་ས་ལ་གནས་པ་དང་། རྩིག་པ་ལ་གནས་པར་རོ། །ས་ལ་གནས་པ་དང་ཤིང་ལ་གནས་པར་རོ། །རྩིག་པ་ལ་གནས་པ་དང་། རྩིག་པ་ལ་གནས་པར་རོ། །རྩིག་པ་ལ་གནས་པ་དང་ས་ལ་གནས་པར་ [268b.4]རོ། །རྩིག་པ་ལ་གནས་པ་དང་ཤིང་ལ་གནས་པར་རོ། །ཤིང་ལ་གནས་པ་དང་ཤིང་ལ་གནས་པར་རོ། །ཤིང་ལ་གནས་པ་དང་ས་ལ་གནས་པར་རོ། །ཤིང་ལ་གནས་པ་དང་རྩིག་པ་ལ་གནས་པ་ལྷན་ཅིག་ཏུ་ལས་བགྱིར་རུང་ངམ། ཨུ་པཱ་ལི་རུང་སྟེ། ཇི་ལྟར་ཡང་ཤིང་ལ་ [268b.5]གནས་པ་རྣམས་ཀྱིས་གྲངས་སུ་བསྐངས་ཏེ་ས་ལ་གནས་པ་རྣམས་ལས་དད་པ་བླངས་པར་གྱུར་པའོ། །ལས་རྣམ་པ་བཞི་སྟེ། ཆོས་བཞིན་མ་ཡིན་པར་བྱེད་ཅིང་མ་འདུས་པ་དང་། ཆོས་བཞིན་མ་ཡིན་པར་འདུས་པ་དང་། ཆོས་བཞིན་དུ་མ་འདུས་པ་དང་། ཆོས་བཞིན་ [268b.6]དུ་འདུས་པའོ། །ཆོས་བཞིན་མ་ཡིན་པར་བྱེད་ཅིང་མ་འདུས་པ་གང་ཞེ་ན། གསོལ་བ་བྱས་ནས་ལས་མ་བསྒྲགས་ཏེ་མ་འདུས་པར་ཡང་གྱུར་པའོ། །ཆོས་བཞིན་མ་ཡིན་པར་འདུས་པ་གང་ཞེ་ན། གསོལ་བ་བྱས་ནས་ལས་མ་བསྒྲགས་པར་འདུས་པར་ཡང་གྱུར་ [268b.7]པའོ། །ཆོས་བཞིན་དུ་མ་འདུས་པ་གང་ཞེ་ན། གསོལ་བ་བྱས་ལ་ལས་བསྒྲགས་པ་དང་མ་འདུས་པར་ཡང་གྱུར་པའོ། །ཆོས་བཞིན་དུ་འདུས་པ་གང་ཞེ་ན། གསོལ་བ་བྱས་ཤིང་ལས་བསྒྲགས་ལ་འདུས་པར་ཡང་གྱུར་པའོ། །གཞན་ཡང་ལས་རྣམ་པ་བཞི་སྟེ། ཆོས་ [269a] [269a.1]བཞིན་མ་ཡིན་པར་མཐུན་ལ་མ་འདུས་པ་དང་། ཆོས་བཞིན་མ་ཡིན་པར་མཐུན་ལ་འདུས་པ་དང་། ཆོས་བཞིན་དུ་མཐུན་ལ་མ་འདུས་པ་དང་། ཆོས་བཞིན་དུ་མཐུན་ལ་འདུས་པའོ། །ཆོས་བཞིན་མ་ཡིན་པར་མཐུན་ལ་མ་འདུས་པ་གང་ཞེ་ན། སྔར་ལས་ [269a.2]བསྒྲགས་ལ་ཕྱིས་གསོལ་བ་བྱེད་ཅིང་མ་འདུས་པར་གྱུར་པའོ། །ཆོས་བཞིན་མ་ཡིན་པར་མཐུན་ཞིང་འདུས་པ་གང་ཞེ་ན། སྔར་ལས་བསྒྲགས་ལ་ཕྱིས་གསོལ་བ་བྱེད་ཅིང་འདུས་པར་ཡང་གྱུར་པའོ། །ཆོས་བཞིན་དུ་མཐུན་ལ་མ་འདུས་པ་གང་ཞེ་ན། ལས་དེ་ཉིད་ཀྱིས་ [269a.3]གསོལ་བ་བྱས་ཏེ་ལས་གཞན་བསྒྲགས་ལ་མ་འདུས་པར་གྱུར་པའོ། །ཆོས་བཞིན་དུ་མཐུན་ལ་འདུས་པ་གང་ཞེ་ན། ལས་དེ་ཉིད་ཀྱིས་གསོལ་བ་བྱས་ཤིང་ལས་གཞན་བསྒྲགས་ལ་འདུས་པར་ཡང་གྱུར་པའོ། །བཙུན་པ་མ་འདུས་པའི་ལས་ཞེས་ཀྱང་བགྱི། འདུས་ [269a.4]པའི་ལས་ཞེས་ཀྱང་བགྱི་ན། བཙུན་པ་མ་འདུས་པའི་ལས་གང་ལགས། ཨུ་པཱ་ལི་དགེ་སློང་ཇི་སྙེད་པ་རྣམས་ཀྱིས་མཚམས་སུ་ཡང་ཕྱིན། ལས་ལ་ཡང་བབ་པར་གྱུར། ཐམས་ཅད་མངོན་སུམ་དུ་འདུས་པར་གྱུར། དད་པ་བླང་བའི་རིགས་པ་ཡང་དད་པ་བླངས་པར་གྱུར་ན་དགེ་ [269a.5]སློང་རྣམས་ནི་ཟློག་ཅིང་འཁྱལ་ཏེ། དེ་དག་སླར་ཟློག་ཅིང་འཁྱལ་བཞིན་དུ་ལས་བྱས་ན་དེ་ནི་མ་འདུས་པའི་ལས་ཞེས་བྱའོ། །འདུས་པའི་ལས་གང་ཞེ་ན། དགེ་སློང་ཇི་སྙེད་པ་རྣམས་ཀྱིས་མཚམས་སུ་ཕྱིན་ཅིང་ལས་ལ་བབ་པར་གྱུར། ཐམས་ཅད་ཀྱང་མངོན་སུམ་དུ་འདུས་པར་ [269a.6]གྱུར། དད་པ་བླང་བའི་རིགས་པ་ཡང་དད་པ་བླངས་པར་གྱུར་ན་དགེ་སློང་དག་སླར་མི་ལྡོག་ཅིང་འཁྱལ་བར་མི་བྱེད་དེ། དེ་དག་སླར་མི་ལྡོག་ཅིང་མི་འཁྱལ་བཞིན་དུ་ལས་བྱེད་པས་ན་དེ་ནི་འདུས་པའི་ལས་ཞེས་བྱའོ། །བཙུན་པ་དགེ་འདུན་ཐམས་ཅད་འདུས་ཏེ་འཁོད་ནས་ལས་བགྱིས་ [269a.7]ཀྱང་ལས་དེ་མ་འདུས་པའི་ལས་སུ་འགྱུར་བ་མཆིས་སམ། ཨུ་པཱ་ལི་ཡོད་དེ་འདི་ལྟར་གསོལ་བ་དང་ལས་བྱེད་པ་ན་དགེ་སློང་དག་སླར་ཟློག་ཅིང་འཁྱལ་ཏེ། དེ་དག་སླར་ཟློག་ཅིང་འཁྱལ་བཞིན་ལས་བྱེད་པའོ། །བཙུན་པ་ལས་བགྱིད་པ་ཆད་པ་ཁོར་བ་ཞིག་གིས་ལས་བགྱིས་ན་ [269b] [269b.1]ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་རྣམས་ནི་འདས་པ་དང་བཅས་པའོ། །བཙུན་པ་ཆད་པ་ཁོར་བ་ཞིག་གིས་དད་པ་བླངས་ནས་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་སློང་དེ་དག་ནི་ [269b.2]འདས་པ་དང་བཅས་པའོ། །བཙུན་པ་དད་པ་གཅིག་ནས་གཅིག་ཏུ་བླངས་ཏེ་ལས་བགྱིས་ན་ལས་བགྱིས་པ་ཞེས་བྱའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་རྣམས་ནི་འདས་པ་དང་བཅས་པའོ། །བཙུན་པ་མ་འདུས་པར་ལས་བགྱིས་ན་ལས་བགྱིས་པ་ཞེས་བགྱིའམ། [269b.3]ཨུ་པཱ་ལི་མ་བྱས་པ་ཞེས་བྱ་སྟེ། དགེ་འདུན་ཀྱང་འདས་པ་དང་བཅས་པའོ། །བཙུན་པ་གཅིག་གིས་གཅིག་ལ། གཅིག་གིས་གཉིས་ལ། གཅིག་གིས་གསུམ་ལ། གཅིག་གིས་མང་པོ་ལ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་གཉིས་ཀྱིས་གཅིག་ [269b.4]ལ། གཉིས་ཀྱིས་གཉིས་ལ། གཉིས་ཀྱིས་གསུམ་ལ། གཉིས་ཀྱིས་མང་པོ་ལ་ལས་རྣམས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་གསུམ་གྱིས་གཅིག་ལ། གསུམ་གྱིས་གཉིས་ལ། གསུམ་གྱིས་གསུམ་ལ། གསུམ་གྱིས་མང་པོ་ལ་ལས་བགྱིར་ [269b.5]རུང་ངམ། ཨུ་པཱ་ལི་མི་རུང་ངོ་། །བཙུན་པ་མང་པོས་མང་པོ་ལ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ལས་བགྱིད་པ་གནས་གཅིག་ཏུ་མཆིས་ལ་གནས་བཞིར་ལས་ཐམས་ཅད་བགྱིར་རུང་ངམ། ཨུ་པཱ་ལི་རུང་སྟེ། དེ་འདི་ལྟར་ལས་བྱེད་པའི་དགེ་ [269b.6]སློང་དེས་གནས་བཞི་ཆར་གྱི་མཚམས་ཤིང་ངམ། འདམ་བུའམ། རེ་ལྡེས་མནན་ཏེ་ལས་བྱེད་པའོ། །བཙུན་པ་ལས་བགྱིད་པས་མཚམས་གཅིག་པར་གསོལ་བ་གཅིག་དང་ལས་གཅིག་གིས་གང་ཟག་བཞི་ལ་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་ [269b.7]མ་ཡིན་ནོ། །དེ་ཅིའི་ཕྱིར་ཞེ་ན། མཚམས་གཅིག་པར་མང་པོས་མང་པོ་ལ་ལས་བྱར་མི་རུང་ངོ་། །བཙུན་པ་དགེ་སློང་གིས་མཚམས་གཅིག་ལ་མཚུངས་པར་གནས་པའི་དགེ་སློང་རྣམས་ལ་ལས་བགྱིས་ཀྱང་ནོངས་པར་ཡང་མི་འགྱུར་ལ་དགེ་འདུན་མ་འདུས་པར་ཡང་མི་ [270a] [270a.1]འགྱུར་བ་མཆིས་སམ། ཨུ་པཱ་ལི་ཡོད་དེ། དད་པ་བྱིན་པས་སོ། །བཙུན་པ་ལས་བགྱིད་པའི་དགེ་སློང་གནས་གཅིག་ན་མཆིས་པས་གང་ཟག་བཞི་ལ་ལས་བགྱིས་ན་ལས་དེ་ཡང་བགྱིས་པར་འགྱུར་ལ་དགེ་སློང་དེ་དག་ཀྱང་འདས་པ་དང་བཅས་པར་ [270a.2]ཡང་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ལས་བྱེད་པའི་དགེ་སློང་དེ་མཚམས་མནན་མཚམས་བཟུང་ནས་མཚམས་སུ་འགྲེང་ངམ་འདུག་ནས་མཚམས་ཀྱི་ནང་དུ་གཉིས་འདུག །མཚམས་ཀྱི་ཕྱི་རོལ་དུ་གཉིས་འདུག་པ་ལ་ལས་བྱེད་པའོ།། །།མདོར་ [270a.3]ན། མངོན་སུམ་གྱུར་དང་སྔ་མ་དག །ལས་རྣམས་གསུམ་དང་ཤི་བ་དང་། མི་སྤྱད་དང་ནི་བདེ་བ་མཚམས། །ཉེས་པ་ལས་ཀྱང་དེ་བཞིན་ནོ། །བཙུན་པ་བཅོམ་ལྡན་འདས་ཀྱིས་ནི་མངོན་སུམ་དུ་གྱུར་པ་ལ་ལས་རྣམས་གྱིས་ཤིག་ཅེས་གསུངས་ན། བཙུན་པ་དགེ་འདུན་ [270a.4]གྱིས་མངོན་སུམ་དུ་མ་གྱུར་པར་ལས་རྣམས་བགྱིས་ཀྱང་ལས་རྣམས་བགྱིས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་མའི་དགེ་འདུན་གྱིས་ཕྱག་མི་བྱ་བའི་སྡོམ་པའམ་ལོངས་སྤྱོད་དང་བྲལ་བའི་སྡོམ་པ་བྱིན་པ་དང་། དགེ་སློང་གི་ [270a.5]དགེ་འདུན་གྱིས་དགེ་སློང་ལ་སྨྱོན་པའི་སྡོམ་པ་བྱིན་པར་གྱུར་པའོ། །བཙུན་པ་སྔར་ལས་བསྒྲགས་ཏེ་ཕྱིས་གསོལ་བ་བགྱིས་ན་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །བཙུན་པ་བདག་ཉིད་ཀྱིས་ [270a.6]བདག་ཉིད་སྤངས་ན་སྤངས་པ་ཞེས་བགྱིའམ། ཨུ་པཱ་ལི་སྤངས་པ་ཞེས་བྱའོ། །བཙུན་པ་བདག་ཉིད་སྤངས་ཏེ་བདག་ཉིད་ཀྱིས་བདག་ཉིད་ལ་བཟོད་པར་བགྱིས་ན་བཟོད་པ་བགྱིད་པ་ཞེས་བགྱིའམ། ཨུ་པཱ་ལི་བཟོད་པ་བྱས་པ་ཞེས་བྱའོ། །བཙུན་པ་བསྡིགས་པའི་ལས་བགྱིས་པ་ [270a.7]ལ་བསྡིགས་པའི་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་སྨད་པའི་ལས་བགྱིས་པ་ལ་སྨད་པའི་ལས་བགྱིད་པ་དང་། བསྐྲད་པའི་ལས་བགྱིས་པ་དང་། སླར་བསྡུམ་པའི་ལས་བགྱིས་པ་དང་། མ་མཐོང་བའི་ཕྱིར་སྤངས་པའི་ལས་བགྱིས་ [270b] [270b.1]པ་དང་། སླར་གྱི་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་བའི་ཕྱིར་སྤང་བའི་ལས་བགྱིས་པ་དང་། ཆད་པས་བཅད་པ་ལ་ཆད་པའི་དང་། ཡིད་མགུ་བའི་སྤྱོད་པ་ལ་ཡིད་མགུ་བའི་དང་། དབྱུང་བའི་ཕྱིར་ལས་བགྱིས་པ་ལ་དབྱུང་བའི་ཕྱིར་ལས་བགྱིད་ན་ [270b.2]ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་བསྡིགས་པའི་ལས་བགྱིས་པ་ལ་སྨད་པའི་ལས་བགྱིད། བསྐྲད་པའི་དང་། སླར་བསྡུམ་པའི་དང་། མ་མཐོང་བའི་ཕྱིར་སྤངས་པ་དང་། སླར་གྱི་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་ [270b.3]བའི་ཕྱིར་སྤང་བའི་ལས་དང་། ཆད་པས་བཅད་པའི་དང་། ཡིད་མགུ་བའི་དང་། དབྱུང་བའི་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། །དེ་བཞིན་དུ་ལས་ཐམས་ཅད་ཀྱང་འཁོར་ལོའི་རྒྱུད་བཞིན་དུ་བྱའོ། །བཙུན་པ་བསྡིགས་པའི་ [270b.4]ལས་སུ་འོས་པ་ཞིག་ལ་སྨད་པ་དང་། བསྐྲད་པ་དང་། སླར་བསྡུམ་པའི་ལས་རྣམས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། སྨ་དབབ་པའི་ལས་སོ། །བཙུན་པ་བསྡིགས་པའི་ལས་སུ་འོས་པ་ཞིག་ལ་མ་མཐོང་བའི་སླད་དུ་སྤངས་ [270b.5]པ་དང་། སླར་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་བའི་སླད་དུ་སྤང་བའི་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། །དེ་ཅིའི་ཕྱིར་ཞེ་ན། ཨུ་པཱ་ལི་སྨ་དབབ་པའི་ལས་ནི་གཞན་ནོ། །སྤང་བའི་ལས་ནི་གཞན་ནོ། ། [270b.6]བཙུན་པ་བསྡིགས་པའི་ལས་སུ་འོས་པ་ཞིག་ལ་ཆད་པས་བཅད་པ་དང་། ཡིད་མགུ་བ་དང་། དབྱུང་བའི་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། །དེ་ཅིའི་ཕྱིར་ཞེ་ན། སྨ་དབབ་པའི་ལས་ནི་གཞན་ནོ། །རྣམ་པར་དག་ [270b.7]པའི་ལས་ནི་གཞན་ནོ། །བཙུན་པ་མ་མཐོང་བའི་སླད་དུ་སྤང་བའི་ལས་སུ་འོས་པ་ཞིག་ལ་སླར་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་བའི་སླད་དུ་སྤང་བའི་ལས་ཤིག་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། །དེ་ [271a] [271a.1]ཅིའི་ཕྱིར་ཞེ་ན། དེ་དག་ཐམས་ཅད་ནི་སྤང་བའི་ལས་སོ། །བཙུན་པ་མ་མཐོང་བའི་ཕྱིར་སྤང་བའི་ལས་སུ་འོས་པ་ཞིག་ལ་བསྡིགས་པ་དང་། སྨད་པ་དང་། བསྐྲད་པ་དང་། སླར་བསྡུམ་པའི་ལས་ཤིག་བགྱིས་ན་ལས་བགྱིས་པ་ཞེས་བགྱིའམ། [271a.2]ཨུ་པཱ་ལི་མ་བྱས་པ་ཞེས་བྱའོ། །དེ་ཅིའི་ཕྱིར་ཞེ་ན། ཨུ་པཱ་ལི་སྤང་བའི་ལས་ནི་གཞན། སྨ་དབབ་པའི་ལས་ནི་གཞན་ནོ། །བཙུན་པ་མ་མཐོང་བའི་སླད་དུ་སྤང་བའི་ལས་སུ་འོས་པ་ཞིག་ལ་ཆད་པས་བཅད་པ་དང་། ཡིད་མགུ་བ་དང་། དབྱུང་བའི་ལས་བགྱིས་ [271a.3]ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དེ་ཅིའི་ཕྱིར་ཞེ་ན། ཨུ་པཱ་ལི་སྤང་བའི་ལས་ནི་གཞན། རྣམ་པར་དག་པའི་ལས་ནི་གཞན་ནོ། །བཙུན་པ་ཆད་པས་གཅད་པར་འོས་པ་ཞིག་ལ་ཡིད་མགུ་བ་དང་། དབྱུང་བའི་ལས་བགྱིས་ [271a.4]ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། །དེ་ཅིའི་ཕྱིར་ཞེ་ན། ཨུ་པཱ་ལི་འདི་དག་ཐམས་ཅད་ནི་རྣམ་པར་དག་པའི་ལས་སོ། །བཙུན་པ་ཆད་པས་གཅད་པར་འོས་པ་ཞིག་ལ་བསྡིགས་པ་དང་། སྨད་པ་དང་། བསྐྲད་པ་དང་། སླར་བསྡུམ་པའི་ [271a.5]ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། །དེ་ཅིའི་ཕྱིར་ཞེ་ན། ཨུ་པཱ་ལི་རྣམ་པར་དག་པའི་ལས་ནི་གཞན། སྨ་དབབ་པའི་ལས་ནི་གཞན་ནོ། །བཙུན་པ་ཆད་པས་གཅད་པར་འོས་པ་ཞིག་ལ་མ་མཐོང་བའི་ཕྱིར་སྤང་བའི་ལས་ [271a.6]བགྱིས་སམ། སླར་གྱི་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་བའི་སླད་དུ་སྤང་བའི་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། །དེ་ཅིའི་ཕྱིར་ཞེ་ན། ཨུ་པཱ་ལི་རྣམ་པར་དག་པའི་ལས་ནི་གཞན། སྤང་བའི་ [271a.7]ལས་ནི་གཞན་ནོ། །བཙུན་པ་ལས་གཞན་གྱིས་གསོལ་བ་བགྱིས་ལ་ལས་གཞན་གྱིས་བསྒྲགས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །བཙུན་པ་བཅོམ་ལྡན་འདས་ཀྱིས་ནི་གང་ཟག་ [271b] [271b.1]བྱིས་པ་དང་། གླེན་པ་དང་། མི་གསལ་བ་དང་། མི་མཁས་པ་དང་། ངོ་ཚ་མེད་པ་དང་། ཚིག་མི་བརྟན་པ་དང་། ཡི་དམ་ལས་ཉམས་པ་དང་། སྔོན་ཉེས་པ་བྱུང་བ་དང་། སྔར་འཁྲུགས་པ་དང་། སྨྱོས་པ་དང་རྣམ་པ་བཅུས་འཁྲུགས་ཀྱང་འཁྲུགས་པར་མི་ [271b.2]འགྱུར་རོ་ཞེས་གསུངས་ན། བཙུན་པ་དེ་སྟེ་ཆོས་བཞིན་མ་ལགས་པར་བགྱིད་ཅིང་དེ་དག་ཀྱང་སླར་བཟློག །སླར་དཀྲུགས་ཏེ། དེ་དག་གིས་སླར་བཟློག་སླར་དཀྲུགས་ན་སླར་དཀྲུགས་པ་མི་བརྩན་ནམ། ཨུ་པཱ་ལི་བརྩན་ཏེ། ངས་ཆོས་བཞིན་གྱི་ལས་ལ་ [271b.3]དགོངས་ཏེ་གསུངས་པས་ན། གང་ལ་ཆོས་བཞིན་གྱི་ལས་བྱེད་པ་དེ་ལ་སླར་བཟློག་པ་དང་དཀྲུགས་པ་ནི་མི་བརྩན་ནོ། །བཙུན་པ་གང་ཟག་བཅུ་གཉིས་ཀྱི་ལས་བསྐོ་བའི་ཚེ་དང་བསྙེན་པར་རྫོགས་པར་རིགས་པ་ལ་བསྙེན་པར་རྫོགས་པར་བགྱིད་པའི་ཚེ་དང་། དབྱུང་བར་ [271b.4]རིགས་པ་ལ་བྱིན་པའི་ཚེ་སླར་བཟློག་ཅིང་སླར་དཀྲུགས་ཏེ་བདག་ལ་ལས་མ་བྱེད་ཅིག་ཅེས་མཆི་ན་དེ་དག་གིས་སླར་བཟློག་པ་དང་། སླར་དཀྲུགས་པ་མི་བརྩན་ནམ། ཨུ་པཱ་ལི་བརྩན་ནོ། །ཆད་པའི་ལས་ནི་ངས་དགོངས་ཏེ་གསུངས་སོ། །བཙུན་པ་ལས་བགྱིད་པ་ཞིག་ལས་ [271b.5]བགྱིད་པའི་ཚེ་དུས་ལས་འདས་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་ལས་མང་དུ་བྱས་ལ་དེ་ཡང་དུས་ལས་འདས་ན་ལས་བྱས་པ་ཞེས་བྱའོ། །བཙུན་པ་ཉེ་བར་ཕྱོགས་པ་དང་ལྷན་ཅིག་ཀུན་དུ་སྤྱད་པར་བགྱིའམ་ཀུན་དུ་མི་སྤྱད་པར་བགྱི། ཨུ་པཱ་ལི་ཉེ་བར་ཕྱོགས་ [271b.6]པ་དང་ལྷན་ཅིག་ཀུན་ཏུ་མི་སྤྱད་པར་བྱའོ། །བཙུན་པ་སྤངས་པ་དེ་གྲོགས་ཞེས་བགྱིའམ། གྲོགས་མ་ལགས་པ་ཞེས་བགྱི། ཨུ་པཱ་ལི་སྤངས་པ་ཐམས་ཅད་ནི་གྲོགས་མ་ཡིན་པ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་བསྡིགས་པའི་ལས་བགྱིས་པ་ལ་བཟོད་པ་སྩོལ་ [271b.7]ཅིག་ཅེས་གསུངས་ན། བཙུན་པ་གང་དུ་བཟོད་པ་སྩལ་བར་བགྱི། མཚམས་ཀྱི་ནང་དུའོ། །ཇི་ལྟར་བཟོད་པ་གསོལ་བར་བགྱི། སྤུ་འགྲེང་བ་ཉལ་བཞིན་དུ་དགེ་འདུན་ལ་སྤུ་བསྙལ་ཏེ་འབྱུང་བར་རྩོལ་ཞིང་ཕྱག་འཚལ་བར་སྟོན་མཚམས་ཀྱི་ནང་དུ་འདུག་ནས་བཟོད་པ་གསོལ་ཏེ་ [272a] [272a.1]ཉེས་པ་མཐོང་བའོ། །བཙུན་པ་སུ་གང་ལ་དགེ་འདུན་གྱི་ནང་དུ་ལན་གསུམ་དུ་བསྒོ་ཡང་སླར་མ་བཏང་བ་དེ་དག་ཐམས་ཅད་ནོངས་པར་འགྱུར་རམ། སུ་གང་ལ་ནོངས་པར་བྱུང་བ་དེ་དག་ཐམས་ཅད་ཀྱང་ལན་གསུམ་དུ་བསྒོ་བར་བགྱིའམ། སུ་གང་ཞིག་དགེ་ [272a.2]འདུན་གྱི་ནང་དུ་ལན་གསུམ་དུ་བསྒོ་ཡང་སླར་མ་བཏང་བ་དེ་དག་ཐམས་ཅད་ལ་ཉེས་པར་འགྱུར་རོ། །བཙུན་པ་ནོངས་པ་བྱུང་ཡང་དེ་དགེ་འདུན་གྱི་ནང་དུ་ལན་གསུམ་དུ་བསྒོ་མི་འཚལ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། བསྒོ་བའི་རིགས་པ་ཞིག་བསྒོ་བར་འོས་ [272a.3]པ་མ་གཏོགས་པར་དེ་ལས་ཉེས་པ་གཞན་བྱུང་བའོ། བཙུན་པ་བཅོམ་ལྡན་འདས་ཀྱིས་ནི་ཆོས་གང་དང་ལྡན་པའི་དགེ་སློང་དེ་ལ་སྨ་དབབ་པའི་ལས་དང་སྤང་བའི་ལས་དང་། རྣམ་པར་དག་པའི་ལས་རྣམས་བྱའོ་ཞེས་གསུངས་ན། བཙུན་པ་དེ་སྟེ་དགེ་སློང་མ་ལ་ཡང་ [272a.4]དེ་ལྟ་བུའི་ཆོས་དང་ལྡན་པར་གྱུར་ན་དེ་དག་ལ་ཡང་ལས་དེ་རྣམས་བགྱིའམ། ཨུ་པཱ་ལི་བྱའོ། །བཙུན་པ་དེ་སྟེ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཆོས་དེ་དག་དང་ལྡན་པར་གྱུར་ན། དེ་དག་ལ་ཡང་ལས་དེ་རྣམས་བགྱིའམ། ཨུ་པཱ་ལི་རྣམ་ [272a.5]པར་དག་པའི་ལས་མ་གཏོགས་པར་ལས་གཞན་རྣམས་ནི་བྱའོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་གླེན་གཉིད་ལོག་ར་རོ་བ། །མྱོས་པ་སྙོམས་ཞུགས་འགྲོ་བ་མཚན། །མ་ནིང་དག་ལ་སོགས་པ་དང་། །བསླབ་པ་བྱིན་པ་ཐ་མའོ། །བཙུན་ [272a.6]པ་སྨྱོན་པ་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་སྨྱོན་པ་ལ་སྡོམ་པ་བྱིན་པ་མ་གཏོགས་པའི་ལས་ལྷག་མ་རྣམས་ནི་དེ་སྟེ་སླར་དགེ་སློང་དུ་འདུ་ཤེས་ཡོད་ཅིང་ལས་འདི་ནི་བདག་ལ་བྱེད་དོ་བར་ཤེས་ན་ལས་བྱས་པ་ཞེས་བྱའོ། །སེམས་འཁྲུགས་པ་དང་། ནད་ [272a.7]ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱང་དེ་བཞིན་ནོ། །བཙུན་པ་གཉིད་ལོག་པ་ཞིག་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་ལུས་སམ་ངག་གིས་དམིགས་ནས་གསོལ་བ་དང་ལས་བྱ་བའི་ཚེ་གཉིད་ཀྱིས་ལོག་ན་ [272b] [272b.1]ལས་བྱས་པ་ཞེས་བྱའོ། །དེ་བཞིན་དུ་མྱོས་པ་དང་། ར་རོ་བ་དང་། སྙོམས་པར་ཞུགས་པ་རྣམས་ལ་ཡང་བརྗོད་པར་བྱའོ། །བཙུན་པ་འགྲོ་བ་གཞན་དུ་གནས་པ་ཞིག་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལྷུང་བཟེད་ཁས་དབུབ་པ་མ་གཏོགས་ཏེ་ལས་ [272b.2]ལྷག་མ་རྣམས་ནི་བྱས་པ་ཞེས་བྱའོ། །བཙུན་པ་གང་ལ་ལས་བགྱི་བ་དེའི་མཚན་གྱུར་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། །བཙུན་པ་མ་ནིང་ཞིག་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། །དེ་བཞིན་ [272b.3]དུ་དགེ་སློང་མ་སུན་ཕྱུང་བ་ནས། སྔར་འཁྲུགས་པའི་བར་དུ་བརྗོད་པར་བྱའོ། །བཙུན་པ་ཟ་མ་ཞིག་ལ་ལས་བགྱིད་ན་ལས་བགྱིད་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། །བཙུན་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་ [272b.4]སྩལ་བ་རྣམས་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ།། །།མདོར་ན། སྨྱོན་པ་དང་ནི་སེམས་འཁྲུགས་དང་། །ན་བ་འོན་པ་གླེན་པ་དང་། །ཁྱིམ་པ་དག་ལ་སོགས་པ་དང་། །བསླབ་པ་ [272b.5]བྱིན་དང་མཚན་དེ་བཞིན། །བཙུན་པ་ལས་བགྱིད་པ་སྨྱོན་པ་ཞིག་གིས་ལས་བགྱིས་ན་ལས་བགྱིས་པ་ཞེས་བགྱིའམ་མ་བགྱིས་པ་ཞེས་བགྱི། ཨུ་པཱ་ལི་དེ་སྟེ་དགེ་སློང་དུ་འདུ་ཤེས་སླར་རྙེད་ཅིང་གསོལ་བ་བྱས་ཏེ་ལས་མ་ཉམས་ན་བྱས་པ་ཞེས་བྱའོ། །སེམས་འཁྲུགས་པ་ [272b.6]དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱང་དེ་བཞིན་ནོ། །བཙུན་པ་ལས་བགྱིད་པ་འགྲོ་བ་གཞན་དུ་གནས་པ་ཞིག་གིས་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་བཞིན་ནོ། །དེ་བཞིན་དུ་ལས་བགྱིད་པ་ཁྱིམ་པ་དང་། ཟ་མ་དང་། [272b.7]མ་ནིང་དང་། ལྷན་ཅིག་མི་གནས་པ་དང་། སོ་སོར་གནས་པ་ནས་སྔར་འཁྲུགས་པའི་བར་དུ་དེ་དག་གིས་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་ [273a] [273a.1]རྣམས་ཀྱིས་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་ལས་བགྱིད་པས་ལས་བགྱིས་པ་ན་མཚན་འཕོས་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། ། [273a.2]ཇི་ལྟར་ལས་བྱེད་པ་དེ་བཞིན་དུ་གྲངས་སུ་བསྐང་བས་ཀྱང་བརྗོད་པར་བྱའོ། །ལས་ཀྱི་དངོས་པོ་སྟེ་དམར་སྐྱའི་དངོས་པོ་རྫོགས་{སྷོ,སོ}།། །།མདོར་ན། ཆད་པ་རྣམ་པ་བདུན་དུ་བྱས། །གནས་གསུམ་དང་ནི་མུ་སྟེགས་ཅན། །བསྒྲགས་པ་དང་ནི་ཉེས་པ་དང་། །མཚན་ [273a.3]དང་སྦྱིན་པ་མ་ཡིན་པའོ། །བཙུན་པ་གང་ཟག་དེ་ཉིད་ཆད་པ་བགྱིད་པ་ལགས་ལ་དེ་ཉིད་ཆད་པ་ཁོར་བ་ཡང་ལགས། དེ་ཡིད་མགུ་བར་སྤྱོད་པ་ལགས་ལ་གང་ཟག་དེ་ཉིད་ཀྱིས་ཡིད་མགུ་བར་སྤྱོད་པ་ཡང་ལགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་གང་ [273a.4]ཟག་ཡིད་མགུ་བར་སྤྱད་པ་ལས་དགེ་འདུན་གྱི་ལྷག་མའི་ཉེས་པ་བྱུང་སྟེ། དེ་དགེ་འདུན་ལ་ཡིད་མགུ་བར་བྱ་བ་གསོལ་ཏེ་དགེ་འདུན་གྱིས་དེ་ལ་ཡིད་མགུ་བར་བྱ་བ་བྱིན་ཏེ་དེ་ཡིད་མགུ་བར་བྱ་བ་སྤྱོད་པ་ན་དེ་ཡང་དགེ་འདུན་གྱི་ལྷག་མའི་ཉེས་པ་གཉིས་བྱུང་སྟེ། གཅིག་ནི་ཞག་གཅིག་ [273a.5]ཏུ་བཅབས་པ། གཅིག་ནི་ཞག་གཉིས་སུ་བཅབས་ནས་དེས་ཉེས་པ་དེ་དག་གི་ཕྱིར་དགེ་འདུན་ལས་ཆད་པར་བྱ་བར་གསོལ་བ་དང་། དེ་ལ་དགེ་འདུན་གྱིས་ཀྱང་ཆད་པར་བྱེད་པ་བྱིན་ནོ། །དེས་ཞག་གཅིག་ཏུ་ཆད་པ་བྱས་ཏེ། དེའི་ཉེས་པ་གཅིག་གི་ཆད་པ་ནི་བྱས་སོ། ། [273a.6]གཉིས་པའི་ཆད་པ་ནི་བྱེད། གསུམ་དུ་ནི་ཡིད་མགུ་བར་བྱ་བ་སྤྱོད། བཞི་པ་ནི་ཡིད་མགུ་བར་སྤྱད་པའོ། །བཙུན་པ་ཆད་པ་བགྱིད་པའི་རིགས་པ་ཞིག་ལ་ཡིད་མགུ་བ་བགྱིད་པ་སྩལ་ན་སྩལ་བ་ཞེས་བགྱིའམ། ཨུ་པཱ་ལི་བྱིན་པ་ཞེས་བྱ་སྟེ། དགེ་འདུན་ནི་ [273a.7]འདས་པ་དང་བཅས་པའོ། །བཙུན་པ་ཆད་པ་བགྱིད་པའི་རིགས་པའི་གང་ཟག་གཅིག་ཕྱུང་ན་ཕྱུང་བ་ཞེས་བགྱིའམ། ཨུ་པཱ་ལི་ཕྱུང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་ཡིད་མགུ་བ་བགྱིད་པར་རིགས་པའི་གང་ཟག་ལ་ཆད་པ་ [273b] [273b.1]བགྱིད་པ་སྩལ་ན་སྩལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་འདུན་ལ་ཡང་འདས་པ་དང་བཅས་པའོ། །བཙུན་པ་ཡིད་མགུ་བ་བགྱིད་པར་རིགས་པའི་གང་ཟག་གཅིག་ཕྱུང་ན་ཕྱུང་བ་ཞེས་བགྱིའམ། ཨུ་པཱ་ལི་ཕྱུང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་ [273b.2]པའོ། །བཙུན་པ་དབྱུང་བར་རིགས་པའི་གང་ཟག་ལ་ཆད་པ་བགྱིད་དུ་སྩལ་ན་སྩལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་འདུན་ལ་ཡང་འདས་པ་དང་བཅས་པའོ། །བཙུན་པ་དབྱུང་བར་རིགས་པའི་གང་ཟག་གཅིག་ཡིད་མགུ་བར་བགྱིད་པ་སྩལ་ན་སྩལ་བ་ཞེས་ [273b.3]བགྱིའམ། ཨུ་པཱ་ལི་མ་ཡིན་ཏེ། དགེ་འདུན་ཡང་འདས་པ་དང་བཅས་པའོ། །བཙུན་པ་ལས་བགྱིད་པ་ཕྱོགས་གཅིག་ཏུ་མཆིས་ལ་གནས་བཞིར་ཆད་པ་བགྱིད་པ་དང་། ཡིད་མགུ་བར་བགྱིད་པ་སྩོལ་ཅིང་དབྱུང་བའི་ལས་ཀྱང་བགྱིད་པར་རུང་ངམ། ཨུ་པཱ་ལི་དེ་འདི་ལྟར་ལས་བྱེད་ [273b.4]པའི་དགེ་སློང་དེ་གནས་བཞིའི་མཚམས་སུ་ཤིང་ངམ། དབྱིག་པའམ། རེ་ལྡེས་མནན་ཏེ་ལས་བྱེད་ན་རུང་ངོ་། །བཙུན་པ་ལས་བགྱིད་པའི་གནས་བཞིའི་མཚམས་སུ་ཤིང་ངམ། དབྱིག་པའམ། རེ་ལྡེས་མནན་ཏེ་གསོལ་བ་གཅིག་དང་། ལས་གཅིག་གིས་གང་ཟག་བཞི་ལ་ [273b.5]ཆད་པ་བགྱིད་པ་དང་། ཡིད་མགུ་བར་བགྱིད་པ་དང་། དབྱུང་བའི་ལས་རྣམས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། ཨུ་པཱ་ལི་མཚམས་གཅིག་པ་ལ་མང་པོས་མང་པོ་ལ་ལས་བྱར་མི་རུང་ངོ་། །བཙུན་པ་དགེ་སློང་ཞིག་ [273b.6]གིས་མཚམས་གཅིག་ན་གནས་ཤིང་ལྷན་ཅིག་ཏུ་འཁོད་པའི་དགེ་སློང་དེ་དག་མ་མཆིས་བཞིན་དུ་ཆད་པ་བགྱིད་པ་དང་། ཡིད་མགུ་བར་བགྱིད་པ་དང་། དབྱུང་བའི་ལས་བགྱིད་ཀྱང་ནོངས་པར་མི་འགྱུར་ལ་དེས་དགེ་འདུན་ལ་ཡང་མི་མཐུན་པར་མི་འགྱུར་བ་མཆིས་སམ། ཨུ་ [273b.7]པཱ་ལི་ཡོད་དེ། དད་པ་རྗེས་སུ་ཕུལ་བའོ། །བཙུན་པ་ལས་བགྱིད་པའི་དགེ་སློང་ཕྱོགས་གཅིག་ཏུ་མཆིས་ནས་གང་ཟག་བཞི་ལ་ཆད་པ་བགྱིད་པ་དང་ཡིད་མགུ་བར་བགྱིད་པའི་ལས་བགྱིད་ན་ལས་ཀྱང་བགྱིས་པར་འགྱུར་ལ། དགེ་སློང་དེ་དག་ཀྱང་འདས་པ་དང་བཅས་པར་མི་ [274a] [274a.1]འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ལས་བྱེད་པའི་དགེ་སློང་དེས་མཚམས་མནན་མཚམས་བཟུང་སྟེ་མཚམས་སུ་འགྲེང་ངམ་འདུག་ཀྱང་རུང་གཉིས་ནི་མཚམས་ཀྱི་ནང་དུ་བཞག་གཉིས་ནི་མཚམས་ཀྱི་ཕྱི་རོལ་དུ་བཞག་སྟེ་བྱེད་པའོ། །བཙུན་པ་ [274a.2]བཅོམ་ལྡན་འདས་ཀྱིས་ནི་ཆད་པ་བགྱིད་པ་གཉིས་ཐོག་གཅིག་པའི་གནས་སུ་མ་གནས་ཤིག་ཅེས་གསུངས་ན། བཙུན་པ་ཆད་པ་བགྱིད་པ་གཉིས་ཐོག་གཅིག་པའི་གནས་སུ་གནས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྔོན་མུ་སྟེགས་ཅན་དང་ [274a.3]ལྷན་ཅིག་གནས་ནའོ། །བཙུན་པ་ནོངས་པ་གང་ཡང་མ་བྱུང་བ་དེ་ཡང་ཆད་པ་བགྱིད་དུ་མཆིས་སམ། ཨུ་པཱ་ལི་ཡོད་དེ། སྔོན་མུ་སྟེགས་ཅན་ནོ། །བཙུན་པ་དགེ་འདུན་གྱི་ལྷག་མ་མ་བྱུང་བ་ཞིག་ལ་ཆད་པ་བགྱིད་དུ་སྩལ་ཀྱང་ནོངས་པར་མི་འགྱུར་བ་མཆིས་སམ། [274a.4]ཨུ་པཱ་ལི་ཡོད་དེ། མུ་སྟེགས་ཅན་ལའོ། །བཙུན་པ་དགེ་སློང་ཞིག་གིས་ནོངས་པའི་མིང་དང་རིགས་མ་བསྒྲགས་ན་བཅབས་པ་ཞེས་བགྱིའམ། ཨུ་པཱ་ལི་བཅབས་པ་ཞེས་བྱའོ། །བཙུན་པ་དེ་སྟེ་རིགས་བསྒྲགས་ལ་མིང་མ་བསྒྲགས་ན་བཅབས་པ་ཞེས་བགྱིའམ། [274a.5]ཨུ་པཱ་ལི་མ་ཡིན་ནོ། །བཙུན་པ་དགེ་འདུན་གྱི་ལྷག་མ་དུ་ལས་འབྱུང་། ཨུ་པཱ་ལི་བཅུ་གསུམ་ལས་སོ། །བཙུན་པ་དགེ་སློང་ཞིག་གིས་དགེ་འདུན་གྱི་ལྷག་མའི་ནོངས་པ་ཞིག་བྱུང་ལ་མ་བཤགས་ཤིང་སླར་མ་བགྱིས་བཞིན་བྱང་བར་འགྱུར་བ་མཆིས་སམ། ཨུ་ [274a.6]པཱ་ལི་ཡོད་དེ། འདི་ལྟར་དགེ་སློང་དེ་ཐུན་མོང་མ་ཡིན་པའི་དགེ་འདུན་གྱི་ལྷག་མ་ཞིག་བྱུང་བར་གྱུར་ལ། དེའི་མཚན་འཕོས་ཏེ་དགེ་སློང་མར་གྱུར་ན། དེ་ལ་དགེ་འདུན་གྱི་ལྷག་མ་ལས་ནི་བྱུང་གི་ཉེས་བྱས་ཀྱི་ལྟུང་བ་ནི་བཤགས་པར་བྱའོ། །བཙུན་པ་དགེ་སློང་ [274a.7]མ་ཞིག་གིས་དགེ་འདུན་གྱི་ལྷག་མའི་ནོངས་པ་ཞིག་བྱུང་ལ་མ་བཤགས་ཤིང་སླར་མ་བགྱིས་བཞིན་བྱང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་མ་དེ་ཐུན་མོང་མ་ཡིན་པའི་དགེ་འདུན་གྱི་ལྷག་མའི་ཉེས་པ་ཞིག་བྱུང་བར་གྱུར་ལ། དེའི་མཚན་ [274b] [274b.1]འཕོས་ཏེ་དགེ་སློང་ཕར་གྱུར་ན་དགེ་འདུན་གྱི་ལྷག་མ་ལས་ནི་བྱུང་གི་ཉེས་བྱས་ཀྱི་ལྟུང་བ་ནི་བཤགས་པར་བྱའོ། །བཙུན་པ་དགེ་འདུན་གྱི་ལྷག་མའི་ནོངས་པ་ལས་བྱུང་བཞིན་སླར་ཡང་ནོངས་པ་དེ་བཤགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་ [274b.2]དེས་ཐུན་མོང་མ་ཡིན་པའི་དགེ་འདུན་གྱི་ལྷག་མའི་ཉེས་པ་བྱུང་བར་གྱུར་པ་དང་དེའི་མཚན་འཕོས་ཏེ་དགེ་སློང་མར་གྱུར་ནས་དགེ་འདུན་གྱི་ལྷག་མ་བྱུང་བ་དང་། དེ་སླར་ཡང་མཚན་འཕོས་ཏེ་དགེ་སློང་དུ་གྱུར་ན་ཉེས་པ་དེ་བཤགས་དགོས་སོ། །བཙུན་པ་དགེ་སློང་ཞིག་ཆད་ [274b.3]པ་སྤྱོད་པ་ལས་དེ་མཚན་འཕོས་ཏེ་དགེ་སློང་མར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་སློང་མ་ལ་ཆད་པ་བྱའོ། །བཙུན་པ་དགེ་སློང་དེ་ཡིད་མགུ་བར་བགྱི་བ་སྤྱོད་པ་ན་མཚན་འཕོས་ཏེ་དགེ་སློང་མར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ [274b.4]ལི་མ་ཡིན་ཏེ། ཇི་ཙམ་དུ་སྤྱད་པ་དེ་གྲངས་ལ་དགེ་འདུན་སྡེ་གཉིས་ལ་ཟླ་ཕྱེད་དུ་སྐོངས་ཤིག །བཙུན་པ་དགེ་སློང་མ་ཞིག་ཆད་པ་སྤྱོད་པ་ན་མཚན་འཕོས་ཏེ་དགེ་སློང་ཕར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་སློང་ཕ་ལ་ཆད་པ་བྱོས་ཤིག ། [274b.5]བཙུན་པ་དགེ་སློང་མ་ཞིག་ཡིད་མགུ་བར་བགྱི་བ་སྤྱོད་པ་ན་མཚན་འཕོས་ཏེ་དགེ་སློང་ཕར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། ཞག་དྲུག་ཏུ་གྲོངས་ལ་ཕྱུང་ཤིག །བཙུན་པ་བསླབ་པ་སྩལ་བས་དགེ་སློང་ལ་ཆད་པར་བགྱི་བ་དང་། ཡིད་མགུ་བར་ [274b.6]བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་། །བཙུན་པ་བསླབ་པ་སྩལ་བ་ལ་ཆད་པར་བགྱི་བ་དང་། ཡིད་མགུ་བར་བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་།། །།མདོར་ན། ཉེས་དང་དེ་བཞིན་མཚན་མོ་དང་། །སྐད་རྣམས་དང་ཡང་བཞི་པ་དང་། ། [274b.7]ལུས་དང་དབེན་དང་དེ་བཞིན་སྔགས། །བཞི་པ་གཉིས་དང་སྦྱངས་པའོ། །བཙུན་པ་ནོངས་པ་དང་བཅས་པས་དགེ་སློང་ལ་ཆད་པ་བགྱི་བ་དང་ཡིད་མགུ་བར་བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་། བཙུན་པ་ནོངས་པ་དང་བཅས་པ་ལས་ཆད་པར་ [275a] [275a.1]བགྱི་བའམ། ཡིད་མགུ་བར་བགྱི་བ་སྤྱད་དུ་རུང་ངམ། ཨུ་པཱ་ལི་མི་རུང་ངོ་། །དེ་བཞིན་དུ་གྲངས་སུ་སྐོང་བ་ཡང་བརྗོད་པར་བྱའོ། །བཙུན་པ་ཆད་པ་བགྱིད་པ་གཞི་གནས་གཅིག་ན་ཆད་པ་བགྱིད་དམ་ཡིད་མགུ་བར་བགྱི་བ་སྤྱོད་དུ་རུང་ངམ། ཨུ་པཱ་ལི་ [275a.2]མི་རུང་སྟེ། མང་པོས་མང་པོ་ལ་ཆད་པར་བྱ་བའམ། ཡིད་མགུ་བར་བྱ་བ་མི་སྤྱོད་དོ། །བཙུན་པ་བཅོམ་ལྡན་འདས་ཀྱིས་ནི་ཆད་པ་བྱེད་པ་གནས་གཞན་དུ་མ་གནས་ཤིག་ཅེས་གསུངས་ན། བཙུན་པ་དེ་སྟེ་གནས་གཞན་དུ་གནས་ན་ཞག་བགྲང་བར་བགྱིའམ། ཨུ་པཱ་ལི་མ་ [275a.3]ཡིན་ནོ། །བཙུན་པ་འཕགས་པ་ཞིག་གིས་འཕགས་པའི་སྐད་དུ་དགེ་སློང་ལ་ནོངས་པ་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་འཕགས་ [275a.4]པ་ཞིག་གིས་མཐའ་འཁོབ་པའི་སྐད་དུ་དགེ་སློང་ལ་ནོངས་པ་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་མཐའ་འཁོབ་པ་ཞིག་གིས་མཐའ་འཁོབ་པའི་སྐད་དུ་དགེ་སློང་ལ་ནོངས་པ་སྨྲས་པ་དང་། [275a.5]དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་མཐའ་འཁོབ་པ་ཞིག་གིས་འཕགས་པའི་སྐད་དུ་དགེ་སློང་ལ་ནོངས་པ་སྨྲས་པ་དང་། དགེ་སློང་ [275a.6]དེས་ཀྱང་འཕགས་པའི་སྐད་མ་འཚལ་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་ནོངས་པ་ལུས་ཀྱིས་དམིགས་ཤིང་སྟོན་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དབེན་པ་ལ་མི་ [275a.7]དབེན་པར་འདུ་ཤེས་ནས་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་དགེ་སློང་ཞིག་གིས་སྨན་ནམ་སྔགས་ཀྱིས་བདག་མི་སྣང་བར་བགྱིས་ཏེ་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། [275b] [275b.1]བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་ས་ལ་གནས་པ་དག་གིས་ནམ་མཁའ་ལ་གནས་པ་རྣམས་ལ་ཆད་པ་བགྱིའམ་ཡིད་མགུ་བར་བགྱིད་པའམ། དབྱུང་བའི་ལས་ཀྱང་རུང་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ནམ་ [275b.2]མཁའ་ལ་གནས་པ་དག་གིས་ས་ལ་གནས་པ་རྣམས་ལ་ཆད་པ་བགྱི་བའམ། ཡིད་མགུ་བར་བགྱིའམ། དབྱུང་བའི་ལས་ཀྱང་རུང་བགྱིད་ན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ས་ལ་གནས་པ་དག་གིས་ནམ་མཁའ་ལ་གནས་པ་རྣམས་ཀྱི་ [275b.3]གྲངས་སུ་བསྐངས་ཏེ་ཆད་པར་བགྱི་བའམ་ཡིད་མགུ་བར་བགྱི་བའམ། དབྱུང་བའི་ལས་ཀྱང་རུང་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ནམ་མཁའ་ལ་གནས་པ་དག་གིས་ས་ལ་གནས་པ་རྣམས་ཀྱི་གྲངས་སུ་བསྐངས་ཏེ་ཆད་པ་ [275b.4]བགྱི་བའམ། ཡིད་མགུ་བར་བགྱིད་པའམ། དབྱུང་བའི་ལས་ཀྱང་རུང་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་མཚམས་ཀྱི་ནང་ན་གནས་པ་དང་མཚམས་ཀྱི་ཕྱི་རོལ་ན་གནས་པ་རྣམས་སུ་ལྷན་ཅིག་རྣམ་པ་བཞིར་བྱོས་ཤིག། །། [275b.5]འདུལ་བ་གཞུང་དམ་པ། བམ་པོ་ཉི་ཤུ་པ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་འདུན་གྱི་ལྷག་མའི་ཆོས་བཅུ་གསུམ་པོ་འདི་རྣམས་ལས་ཁུ་བ་ལས་བྱུང་བ་ཞག་གཅིག་བཅབས་པ་ནས། ཚིག་བཀའ་བློ་མི་བདེ་བ་ལས་བྱུང་བ་ཞག་ [275b.6]བཅུ་གསུམ་བཅབས་པའི་བར་དུ་སྟེ། བཙུན་པ་ནོངས་པ་བཅུ་གསུམ་པོ་དེ་དག་དུས་ཐ་དད་པ་མི་འདྲ་བར་བཅབས་པའི་རྣམས་ལ་གསོལ་བ་གཅིག་དང་། ལས་གཅིག་གིས་ཆད་པ་བགྱིད་དུ་སྩལ་བར་རུང་ངམ། ཨུ་པཱ་ལི་རུང་ངོ་། །བཙུན་པ་ཆད་པ་ཁོར་ནས་ཡིད་མགུ་བར་བགྱིད་ [275b.7]དུ་སྩལ་བར་རུང་ངམ། ཨུ་པཱ་ལི་རུང་ངོ་། །ཡིད་མགུ་བར་བགྱི་བ་སྤྱད་ལགས་པ་ལས་དབྱུང་བ་སྩལ་དུ་རུང་ངམ། ཨུ་པཱ་ལི་རུང་ངོ་། །བཙུན་པ་དགེ་འདུན་ལྷག་མ་ནོངས་པ་མང་པོ་མི་འདྲ་བ་ལས་བྱུང་བའི་རྣམས་གསོལ་བ་གཅིག་དང་ལས་གཅིག་གིས་དུས་གཅིག་ཏུ་གཞན་ [276a] [276a.1]ལ་ཆད་པ་བགྱིད་པ་དང་། གཞན་ལ་ཡིད་མགུ་བར་བགྱི་བ་དང་། གཞན་ལ་དབྱུང་བ་སྩལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་དགེ་འདུན་གྱི་ལྷག་མ་ནོངས་པ་མང་པོ་མི་འདྲ་བ་ལས་བྱུང་བའི་རྣམས་གསོལ་བ་གཅིག་དང་། ལས་གཅིག་གིས་དུས་ [276a.2]གཅིག་ཏུ་གང་ཟག་གཅིག་ལ་ཆད་པ་དང་ཡིད་མགུ་བར་བགྱི་བ་དང་དབྱུང་བ་རྣམས་སྩལ་ཏུ་རུང་ངམ། ཨུ་པཱ་ལི་མི་རུང་ངོ་།། །།མདོར་ན། སྨྱོན་པ་སེམས་འཁྲུགས་ནད་ཀྱིས་གཟིར། །འོན་གླེན་གཉིད་ལོག་ར་རོ་བ། །མྱོས་དང་སྙོམས་ཞུགས་འགྲོ་བ་མཚན། །ཁྱིམ་ [276a.3]པ་དག་ལ་སོགས་པ་དང་། །བསླབ་པ་བྱིན་པ་ཐ་མའོ། །བཙུན་པ་སྨྱོན་པ་ཞིག་གིས་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་ [276a.4]རྣམས་སོ། །བཙུན་པ་སྨྱོན་པ་ཞིག་ལ་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཅབས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་ [276a.5]དང་། གཉིད་ལོག་པ་དང་། མྱོས་པ་དང་། ར་རོ་བ་དང་། སྙོམས་པར་ཞུགས་པ་རྣམས་ལ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་འགྲོ་བ་གཞན་དུ་གནས་པ་ཞིག་ལ་ནོངས་པ་སྨྲས་ན་སྨྲས་ [276a.6]པ་ཞེས་བགྱིའམ། ཨུ་པཱ་ལི་མ་སྨྲས་པ་ཞེས་བྱའོ། །བཅབས་པར་འགྱུར་རམ། ཨུ་པཱ་ལི་འགྱུར་རོ། །དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་ནས། སྔར་འཁྲུགས་པའི་བར་དུ་དེ་དག་ལ་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་སྨྲས་པ་ཞེས་ [276a.7]བྱའོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་དགེ་སློང་གིས་ཟ་མ་ཞིག་ལ་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་སྨྲས་པ་ཞེས་བྱའོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །དེ་བཞིན་དུ་དགེ་འདུན་གྱི་དབྱེན་བགྱིས་པ་ [276b] [276b.1]དང་། མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་སྨྲས་པ་ཞེས་བྱའོ། །བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་དགེ་སློང་གིས་ནོངས་པ་སྨྲ་བ་ [276b.2]ན་མཚན་འཕོས་ན་སྨྲས་པ་ཞེས་བགྱིའམ། ཨུ་པཱ་ལི་སྨྲས་པ་ཞེས་བྱའོ། །བཅབས་པར་འགྱུར་རམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་གིས་དགེ་འདུན་གྱི་ལྷག་མའི་ནོངས་པ་ཞིག་བྱུང་ན་ནམ་འཚོའི་བར་དུ་དབྱུང་དུ་མི་རུང་བ་མཆིས་སམ། ཨུ་པཱ་ལི་ཡོད་དེ། འདི་ [276b.3]ལྟར་དགེ་སློང་གིས་ཕས་ཕམ་པ་བཞིའི་ཉེས་པ་ལས་གང་ཡང་རུང་སྟེ། འདས་པ་དེའི་འོག་ཏུ་དགེ་འདུན་གྱི་ལྷག་མའི་ཉེས་པ་ཞིག་བྱུང་བའོ།། །།མདོར་ན། སྨྱོན་པ་སེམས་འཁྲུགས་ན་བ་དང་། །འོན་གླེན་གཉིད་ལོག་ར་རོ་བ། །མྱོས་དང་སྙོམས་ཞུགས་འགྲོ་བ་མཚན། །མ་ནིང་དག་ལ་ [276b.4]སོགས་པ་དང་། །བསླབ་པ་བྱིན་པ་ཐ་མའོ། །བཙུན་པ་སྨྱོན་པ་ཞིག་ལ་ཆད་པ་དང་། ཡིད་མགུ་བར་བགྱི་བ་དང་། དབྱུང་བའི་ལས་རྣམས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་སླར་དགེ་སློང་དུ་འདུ་ཤེས་པ་དེ་ཉིད་དམ་ལུས་དང་ངག་གིས་ཀྱང་དམིགས་ཤིང་ [276b.5]ལས་འདི་ནི་བདག་ལ་བྱེད་པར་ཤེས་ན་ལས་བྱས་པ་ཞེས་བྱའོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ལ་ཡང་བརྗོད་པར་བྱའོ། །བཙུན་པ་གཉིད་ལོག་པ་དང་། ར་རོ་བ་ཞིག་ལ་ཆད་པ་དང་། ཡིད་ [276b.6]མགུ་བར་བགྱི་བ་དང་། དབྱུང་བའི་ལས་རྣམས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་ལུས་སམ་ངག་གིས་དམིགས་པ་ལས་གསོལ་བ་བྱེད་པའི་ཚེ་གཉིད་ཀྱིས་ལོག་ནའང་བྱས་པ་ཞེས་བྱའོ། །དེ་བཞིན་དུ་ར་རོ་བ་དང་། མྱོས་པ་དང་། སྙོམས་པར་ཞུགས་ [276b.7]པ་རྣམས་ལ་ཡང་བརྗོད་པར་བྱའོ། །བཙུན་པ་འགྲོ་བ་གཞན་དུ་གནས་པའི་དགེ་སློང་ཞིག་ལ་ཆད་པ་དང་། ཡིད་མགུ་བར་བགྱི་བ་དང་། དབྱུང་བ་ཡང་རུང་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་མ་ནིང་དང་། དགེ་སློང་མ་སུན་ [277a] [277a.1]ཕྱུང་བ་དང་། མི་གནས་པ་དང་། སོ་སོར་གནས་པ་ནས། སྔར་འཁྲུགས་པའི་བར་དུ་བརྗོད་པར་བྱའོ། །བཙུན་པ་དགེ་སློང་གིས་ཟ་མ་ཞིག་ལ་ཆད་པ་དང་། ཡིད་མགུ་བར་བགྱི་བའམ། དབྱུང་བ་ཡང་རུང་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ [277a.2]ལི་མ་བྱས་པ་ཞེས་བྱའོ། །བཙུན་པ་དགེ་འདུན་གྱི་དབྱེན་བགྱིས་པའི་དགེ་སློང་དང་། ཉེ་བར་ཕྱོགས་པ་དང་། བསླབ་པ་སྩལ་བ་ཞིག་ལ་ཆད་པ་དང་། ཡིད་མགུ་བར་བགྱི་བའམ། དབྱུང་བ་ཡང་རུང་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། [277a.3]དགེ་འདུན་དག་ཀྱང་འདས་པ་དང་བཅས་པའོ། །གང་ཟག་གི་དངོས་པོ་དང་། ཆད་པའི་དངོས་པོ་རྫོགས་{སྷོ,སོ}།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་དག་དང་གླེན་པ་ [277a.4]དང་། །མ་ནིང་དག་ལ་སོགས་པ་དང་། །བསླབ་པ་བྱིན་པ་ཐ་མའོ། །བཙུན་པ་དགེ་སློང་ཞིག་གིས་ཕྲིན་གྱིས་གསོ་སྦྱོང་བཀག་ན་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་ [277a.5]བརྒྱུད་དེ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་ [277a.6]བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། སྔོན་ཉེས་པ་བྱུང་བ་དང་། སྔར་འཁྲུགས་པ་ [277a.7]རྣམས་ཀྱང་དེ་བཞིན་ནོ། །བཙུན་པ་བསླབ་པ་སྩལ་བ་ཞིག་གིས་གསོ་སྦྱོང་བཀག་ན་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ཟ་མ་ཞིག་གིས་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ།། །།མདོར་ན། སྨྱོན་པར་གྱུར་དང་ [277b] [277b.1]སེམས་འཁྲུགས་དང་། །ནད་ཀྱིས་གཟིར་དང་འོན་གླེན་པ། །གཉིད་ལོག་ར་རོ་མྱོས་པ་དང་། །སྙོམས་པར་ཞུགས་དང་འགྲོ་བ་མཚན། །མ་ནིང་དག་ལ་སོགས་པ་དང་། །བསླབ་པ་བྱིན་པ་ཐ་མའོ། །བཙུན་པ་སྨྱོན་པ་ཞིག་ལ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། [277b.2]ཨུ་པཱ་ལི་མ་ཡིན་ནོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་ལའང་བརྗོད་པར་བྱའོ། །བཙུན་པ་འགྲོ་བ་གཞན་དུ་གནས་ [277b.3]པ་ཞིག་ལ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་བཀག་པ་ཞེས་བྱའོ། །བཙུན་པ་དེ་བཞིན་དུ་མ་ནིང་ནས། བསླབ་པ་སྩལ་བ་རྣམས་ཀྱི་བར་དུ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་བཀག་པ་ཞེས་བྱའོ། །བཙུན་པ་ཟ་ [277b.4]མ་ཞིག་ལ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་བཀག་པ་ཞེས་བྱའོ།། །།མདོར་ན། སྐད་དང་ལུས་དང་དབེན་དང་སྔགས། །མིག་དང་རྣ་བ་དེ་བཞིན་ཏེ། །མཚམས་དང་ས་དང་དེ་བཞིན་གནས། །གསོ་སྦྱོང་ཡིན་ཏེ་ཐ་མའོ། །བཙུན་པ་འཕགས་ [277b.5]པ་ཞིག་གིས་འཕགས་པའི་སྐད་དུ་གསོ་སྦྱོང་བཀག་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་རྣམ་པ་བཞིར་རྒྱས་པར་བྱའོ། །བཙུན་པ་དགེ་སློང་ཞིག་གིས་ལུས་ཀྱི་དམིགས་པས་གསོ་སྦྱོང་ [277b.6]བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དབེན་པ་ལ་མི་དབེན་པར་འདུ་ཤེས་ཏེ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་ཞིག་གིས་སྔགས་སམ་སྨན་གྱིས་བདག་མི་སྣང་བར་བགྱིས་ཏེ་ [277b.7]གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ལྷའི་མིག་གིས་མཐོང་སྟེ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་བཀག་པ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། །བཙུན་པ་ལྷའི་རྣ་ [278a] [278a.1]བས་ཐོས་ཏེ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་འདུན་ཡང་འདས་པ་དང་བཅས་པའོ། །བཙུན་པ་མཚམས་ཀྱི་ནང་ན་མཆིས་པས་མཚམས་ཀྱི་སླད་རོལ་ན་མཆིས་པ་རྣམས་ལ་གསོ་སྦྱོང་བཀག་ན་གསོ་སྦྱོང་བཀག་ [278a.2]པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་མཚམས་ཀྱི་སླད་རོལ་ན་མཆིས་པ་ཞིག་གིས་མཚམས་ཀྱི་ནང་ན་མཆིས་པ་རྣམས་ལ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ས་ལ་གནས་པ་ཞིག་གིས་ནམ་མཁའ་ [278a.3]ལ་གནས་པ་རྣམས་ཀྱི་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་ནམ་མཁའ་ལ་གནས་པ་ཞིག་གིས་ས་ལ་གནས་པ་རྣམས་ཀྱི་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དགེ་ [278a.4]སློང་ཞིག་ཕྱོགས་གཅིག་ཏུ་མཆིས་ནས་གནས་བཞིར་གང་ཟག་བཞི་ལ་གསོ་སྦྱོང་བཀག་ན་གསོ་སྦྱོང་བཀག་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་དེས་གནས་བཞིའི་མཚམས་སུ་ཤིང་ངམ། འདམ་བུའམ། རེ་ལྡེས་མཚམས་སུ་མནན་ཏེ་གསོ་སྦྱོང་བཀག་ན་བཀག་ [278a.5]པ་ཞེས་བྱའོ། །བཙུན་པ་དགེ་སློང་ཞིག་གིས་དགེ་སློང་ལ་གསོ་སྦྱོང་བཀག་པ་ཀྱང་བཀག་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། བཀྲ་ཤིས་ཀྱི་གསོ་སྦྱོང་འདོན་པའོ།། །།མདོར་ན། གླེང་པ་དྲན་པར་བྱ་དེ་བཞིན། །སྐབས་འབྱེད་པ་དང་སྨྲ་བར་བྱ། །ལུང་ [278a.6]དབོག་པ་དང་འགོག་པ་དང་། །གསོ་སྦྱོང་དག་དང་སྐབས་དབྱེ་བའོ། །བཙུན་པ་བཅོམ་ལྡན་འདས་ཀྱིས་སྐབས་ཕྱེ་ནས་གླེང་བར་བྱའོ། །དྲན་པར་བྱའོ་ཞེས་གསུངས་ན། བཙུན་པ་སྐབས་ཕྱེ་བ་ལ་གླེངས་ཤིང་དྲན་པར་བགྱིས་ན་ནོངས་པ་དང་བཅས་པར་འགྱུར་བ་མཆིས་སམ། [278a.7]ཨུ་པཱ་ལི་ཡོད་དེ། སྐབས་ཕྱེ་བ་བཏང་ནས་གླེངས་པ་དང་དྲན་པར་བྱས་པའོ། །བཙུན་པ་ཆོས་བཞིན་དུ་གང་དུ་གླེང་བར་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་གང་དུ་དྲན་པར་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་གང་དུ་སྐབས་དབྱེ་བར་ [278b] [278b.1]བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་གང་དུ་སྨྲ་བར་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་ལུང་དབོག་པ་གང་དུ་དགག་པར་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་སྐབས་འབྱེད་པ་གང་དུ་དགག་པར་བགྱི། དགེ་འདུན་གྱི་ནང་དུའོ། ། [278b.2]བཙུན་པ་སྐབས་དབྱེ་བར་གསོལ་བ་གང་དུ་བགྱི། དགེ་འདུན་གྱི་ནང་དུའོ། །བཙུན་པ་གང་དུ་སྐབས་དབྱེ་བར་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་བགྱི་བའི་རྣམ་པ་གང་དུ་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་བརྩད་པ་གང་དུ་བགྱི། དགེ་ [278b.3]འདུན་གྱི་ནང་དུའོ། །བཙུན་པ་ཆོས་བཞིན་གྱི་ཡི་དམ་གང་དུ་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་གསོ་སྦྱོང་དགག་པ་ནི་དུ། ཆོས་བཞིན་མ་ལགས་པ་ནི་དུ། ཆོས་བཞིན་མ་ཡིན་པས་གསོ་སྦྱོང་དགག་པ་ནི་གཅིག་གོ། །ཆོས་བཞིན་པའང་གཅིག་གོ། ། [278b.4]ཆོས་བཞིན་མ་ཡིན་པ་ནི་གཉིས་ཏེ། ཆོས་བཞིན་པའང་གཉིས་སོ། །ཆོས་བཞིན་མ་ཡིན་པ་ནི་གསུམ་སྟེ། ཆོས་བཞིན་པའང་གསུམ་མོ། །ཆོས་བཞིན་མ་ཡིན་པ་ནི་བཞི་སྟེ། ཆོས་བཞིན་པའང་བཞིའོ། །ཆོས་བཞིན་མ་ཡིན་པ་ནི་ལྔ་སྟེ། ཆོས་བཞིན་པའང་ལྔའོ། ། [278b.5]ཆོས་བཞིན་མ་ཡིན་པ་ནི་དྲུག་སྟེ། ཆོས་བཞིན་པའང་དྲུག་གོ། །ཆོས་བཞིན་མ་ཡིན་པ་ནི་བདུན་ཏེ། ཆོས་བཞིན་པའང་བདུན་ནོ། །ཆོས་བཞིན་མ་ཡིན་པ་ནི་བརྒྱད་དེ། ཆོས་བཞིན་ཡིན་པ་ཡང་བརྒྱད་དོ། །ཆོས་བཞིན་མ་ཡིན་པ་ནི་དགུ་སྟེ། ཆོས་བཞིན་པའང་དགུའོ། །ཆོས་ [278b.6]བཞིན་མ་ཡིན་པ་ནི་བཅུ་སྟེ། ཆོས་བཞིན་པའང་བཅུའོ། །ཆོས་བཞིན་མ་ཡིན་པས་གསོ་སྦྱོང་དགག་པ་གཅིག་གང་ཞེ་ན། བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་ [278b.7]བཞིན་དུ་གསོ་སྦྱོང་འགོག་པའོ། །འདི་ནི་ཆོས་བཞིན་མ་ཡིན་པས་གསོ་སྦྱོང་འགོག་པ་གཅིག་དང་། ཆོས་བཞིན་ཡང་གཅིག་གོ། །ཆོས་བཞིན་མ་ཡིན་པ་གཉིས་དང་། ཆོས་བཞིན་དུ་གསོ་སྦྱོང་འགོག་པ་གཉིས་པོ་གང་ཞེ་ན། ཇི་ལྟར་ཡང་དེ་ནི་དགེ་སློང་གིས་དགེ་སློང་བྱས་པ་ལ་ [279a] [279a.1]གཞི་མེད་པ་དང་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །བྱས་པ་ལ་གཞི་ཡོད་པ་དང་། མ་བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཆོས་བཞིན་མ་ཡིན་པ་ [279a.2]གསུམ་དང་། ཆོས་བཞིན་དུ་གསོ་སྦྱོང་འགོག་པ་གསུམ་གང་ཞེ་ན། ཇི་ལྟར་ཡང་དེ་ནི་དགེ་སློང་གིས་དགེ་སློང་ལ་བྱས་པ་ལ་གཞི་མེད་པ་དང་། མ་བྱས་པ་ལ་གཞི་མེད་པ་དང་། བྱས་པ་དང་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་ [279a.3]པའོ། །བྱས་པ་ལ་གཞི་ཡོད་པ་དང་། མ་བྱས་པ་ལ་གཞི་ཡོད་པ་དང་། བྱས་པ་དང་མ་བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཆོས་བཞིན་མ་ཡིན་པ་བཞི་དང་། ཆོས་བཞིན་དུ་གསོ་སྦྱོང་འགོག་པ་བཞི་པོ་གང་ཞེ་ན། ཚུལ་ཁྲིམས་ [279a.4]ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པ་ལ་གཞི་མེད་པ་བཞིས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་ [279a.5]པ་ལ་གཞི་ཡོད་པ་བཞིས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཆོས་བཞིན་མ་ཡིན་པ་ལྔ་དང་། ཆོས་བཞིན་དུ་གསོ་སྦྱོང་འགོག་པ་ལྔ་པོ་གང་ཞེ་ན། ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་བཤགས་པ་དང་། ཉེས་ [279a.6]བྱས་རྣམས་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་འཆགས་པ་དང་། ཉེས་བྱས་རྣམས་ལ་གཞི་ཡོད་པས། གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་ [279a.7]འགོག་པའོ། །ཆོས་བཞིན་མ་ཡིན་པ་དྲུག་དང་། ཆོས་བཞིན་དུ་གསོ་སྦྱོང་འགོག་པ་དྲུག་པོ་གང་ཞེ་ན། ལྷག་མ་ཡོད་པ་བྱས་པ་ལ་གཞི་མེད་པ་དང་། ལྷག་མ་ཡོད་པ་མ་བྱས་པ་ལ་གཞི་མེད་པ་དང་། ལྷག་མ་ཡོད་པ་བྱས་པ་དང་མ་བྱས་པ་ལ་གཞི་མེད་པ་དང་། ལྷག་མ་མེད་པ་བྱས་ [279b] [279b.1]པ་ལ་གཞི་མེད་པ་དང་། ལྷག་མ་མེད་པ་མ་བྱས་པ་ལ་གཞི་མེད་པ་དང་། ལྷག་མ་མེད་པ་བྱས་པ་དང་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །ཆོས་བཞིན་དུ་གསོ་སྦྱོང་འགོག་པ་དྲུག་པོ་གང་ཞེ་ན། ལྷག་མ་ཡོད་པ་བྱས་པ་ལ་ [279b.2]གཞི་ཡོད་པ་དང་། ལྷག་མ་ཡོད་པ་མ་བྱས་པ་ལ་གཞི་ཡོད་པ་དང་། ལྷག་མ་ཡོད་པ་བྱས་པ་དང་མ་བྱས་པ་ལ་གཞི་ཡོད་པ་དང་། ལྷག་མ་མེད་པ་བྱས་པ་ལ་གཞི་ཡོད་པ་དང་། ལྷག་མ་མེད་པ་མ་བྱས་པ་ལ་གཞི་ཡོད་པ་དང་། ལྷག་མ་མེད་པ་བྱས་པ་དང་མ་བྱས་པ་ལ་གཞི་ཡོད་ [279b.3]པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཆོས་བཞིན་མ་ཡིན་པ་བདུན་དང་། ཆོས་བཞིན་དུ་གསོ་སྦྱོང་འགོག་པ་བདུན་པོ་གང་ཞེ་ན། ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་འཆགས་པ་དང་། ཉེས་བྱས་དང་། ལྟ་བ་ [279b.4]ཉམས་པ་དང་། འཚོ་བ་ཉམས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་འཆགས་པ་དང་། ཉེས་བྱས་དང་། ལྟ་བ་ཉམས་པ་དང་། འཚོ་བ་ཉམས་པ་ [279b.5]ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཆོས་བཞིན་མ་ཡིན་པ་བརྒྱད་དང་། ཆོས་བཞིན་དུ་གསོ་སྦྱོང་འགོག་པ་བརྒྱད་གང་ཞེ་ན། ཚུལ་ཁྲིམས་ཉམས་པ་དང་། སྤྱོད་པ་ཉམས་པ་དང་། ལྟ་བ་ཉམས་པ་དང་། འཚོ་བ་ཉམས་པར་བྱས་པ་ལ་ [279b.6]གཞི་མེད་པ་དང་། ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པར་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །ཚུལ་ཁྲིམས་ཉམས་པ་དང་། སྤྱོད་པ་ཉམས་པ་དང་། ལྟ་བ་ [279b.7]ཉམས་པ་དང་། འཚོ་བ་ཉམས་པར་བྱས་པ་ལ་གཞི་ཡོད་པ་དང་། ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པར་མ་བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཆོས་བཞིན་མ་ཡིན་ [280a] [280a.1]པ་དགུ་དང་། ཆོས་བཞིན་དུ་གསོ་སྦྱོང་འགོག་པ་དགུ་པོ་གང་ཞེ་ན། ལྷག་མ་དང་བཅས་པ་བྱས་པ་ལ་གཞི་མེད་པ་དང་། ལྷག་མ་དང་བཅས་པ་མ་བྱས་པ་ལ་གཞི་མེད་པ་དང་། ལྷག་མ་དང་བཅས་པ་བྱས་པ་དང་མ་བྱས་པ་ལ་གཞི་མེད་པ་དང་། ལྷག་མ་མེད་པ་ [280a.2]བྱས་པ་ལ་གཞི་མེད་པ་དང་། ལྷག་མ་མེད་པ་མ་བྱས་པ་ལ་གཞི་མེད་པ་དང་། ལྷག་མ་མེད་པ་བྱས་པ་དང་མ་བྱས་པ་ལ་གཞི་མེད་པ་དང་། ལྷག་མ་ཡོད་པ་དང་ལྷག་མ་མེད་པ་བྱས་པ་ལ་གཞི་མེད་པ་དང་། ལྷག་མ་དང་བཅས་པ་དང་ལྷག་མ་མེད་པ་མ་བྱས་པ་ལ་གཞི་མེད་པ་ [280a.3]དང་། ལྷག་མ་དང་བཅས་པ་དང་ལྷག་མ་མེད་པ་བྱས་པ་དང་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །ལྷག་མ་དང་བཅས་པ་བྱས་པ་ལ་གཞི་ཡོད་པ་དང་། ལྷག་མ་དང་བཅས་པ་མ་བྱས་པ་ལ་གཞི་ཡོད་པ་དང་། ལྷག་མ་དང་བཅས་པ་ [280a.4]བྱས་པ་དང་མ་བྱས་པ་ལ་གཞི་ཡོད་པ་དང་། ལྷག་མ་མེད་པ་བྱས་པ་ལ་གཞི་ཡོད་པ་དང་། ལྷག་མ་མེད་པ་མ་བྱས་པ་ལ་གཞི་ཡོད་པ་དང་། ལྷག་མ་མེད་པ་བྱས་པ་དང་མ་བྱས་པ་ལ་གཞི་ཡོད་པ་དང་། ལྷག་མ་དང་བཅས་པ་དང་ལྷག་མ་མེད་པ་བྱས་པ་ལ་གཞི་ཡོད་པ་དང་། ལྷག་མ་ [280a.5]དང་བཅས་པ་དང་ལྷག་མ་མེད་པ་མ་བྱས་པ་ལ་གཞི་ཡོད་པ་དང་། ལྷག་མ་དང་བཅས་པ་དང་ལྷག་མ་མེད་པ་བྱས་པ་དང་མ་བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཆོས་བཞིན་མ་ཡིན་པ་བཅུ་དང་། ཆོས་བཞིན་དུ་གསོ་སྦྱོང་འགོག་པ་ [280a.6]བཅུ་གང་ཞེ་ན། ཕས་ཕམ་པ་ཡིན། ཕས་ཕམ་པའི་གཏམ་ལ་ཞུགས་པ་ཡིན། ཚུལ་ཁྲིམས་ཉམས་པ་ཡིན། ལྟ་བ་ཉམས་པ་ཡིན། སྤྱོད་པ་ཉམས་པ་ཡིན། འཚོ་བ་ཉམས་པ་ཡིན། བསླབ་པ་ཕུལ་བ་ཡིན། བསླབ་པ་ཕུལ་བའི་གཏམ་ལ་ཞུགས་པ་ཡིན། དགེ་འདུན་ལ་དཔྱས་ [280a.7]འདོགས་པ་ཡིན། དགེ་འདུན་ལ་དཔྱས་འདོགས་པའི་གཏམ་ལ་ཞུགས་པ་ཡིན་ནོ། །དེ་ལ་ཇི་ལྟར་ན་ཕས་ཕམ་པ་ཡིན་ཞེ་ན། གང་གི་རྣམ་པ་དང་། གང་གི་ཚུལ་དང་། གང་གི་མཚན་མས་དགེ་སློང་ཕས་ཕམ་པའི་ཉེས་པ་བྱུང་བ་དེའི་རྣམ་པ་དང་། དེའི་ཚུལ་དང་། དེའི་མཚན་མས་དགེ་སློང་ [280b] [280b.1]ཕས་ཕམ་པའི་ཉེས་པ་བྱུང་བར་མཐོང་བ་ཡིན་ནོ། །དེ་དེས་མཐོང་བས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པ་ཡིན་ཏེ་དེ་ལྟར་ཕས་ཕམ་པ་ཡིན་ནོ། །ཇི་ལྟར་ན་ཕས་ཕམ་པའི་གཏམ་ལ་ཞུགས་པ་ཡིན་ཞེ་ན། ཇི་ལྟར་ཡང་དེ་ནི་གཙུག་ལག་ཁང་ངམ། གཙུག་ལག་ཁང་གི་ཕྱི་རོལ་ཡང་ [280b.2]རུང་། དགེ་སློང་མང་པོ་འདུས་ཤིང་འཁོད་པར་གྱུར་པའི་རྣམས་ཀྱང་དེ་ལས་བྱུང་བ་དེ་དང་མཐུན་པ་དེའི་རང་བཞིན་གྱི་གཏམ་ལ་ཞུགས་པ་ཡིན་ཏེ། དད་པ་ལས་ཐོས་ཀྱང་རུང་བདག་རང་རྣམ་པ་ལ་དོགས་པ་སྐྱེས་ཀྱང་རུང་སྟེ། དེ་དེས་ཐོས་པ་དང་དོགས་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་ [280b.3]འགོག་པའོ། །ཇི་ལྟར་ན་ཚུལ་ཁྲིམས་ཉམས་པ་ཡིན་ཞེ་ན། ཕས་ཕམ་པ་བཞི་ལས་གང་ཡང་རུང་ཕས་ཕམ་པ་ཤིན་ཏུ་འདས་པར་གྱུར་པའོ། །ཇི་ལྟར་ན་ལྟ་བ་ཉམས་པ་ཡིན་ཞེ་ན། ལྟ་བ་དྲུག་བཅུ་རྩ་གཉིས་ལས་གང་ཡང་རུང་སྟེ་ལྟ་བར་གྱུར་པ་རབ་ཏུ་ཐོབ་པ་ཡིན་ནོ། །ཇི་ལྟར་ན་སྤྱོད་པ་ [280b.4]ཉམས་པར་གྱུར་པ་ཡིན་ཞེ་ན། མི་སྤྱད་པའི་རྣམས་སྤྱོད་པ་སྟེ། དགེ་སློང་གི་བསླབ་པ་རྣམས་ལ་མི་སློབ་པའོ། །ཇི་ལྟར་ན་འཚོ་བ་ཉམས་པ་ཡིན་ཞེ་ན། འཚོ་བ་ཡོངས་སུ་མ་དག་པ་ཡིན་ནོ། །ཇི་ལྟར་ན་བསླབ་པ་ཕུལ་བ་ཡིན་ཞེ་ན། གང་གི་རྣམ་པ་དང་། གང་གི་ཚུལ་དང་། གང་གི་ [280b.5]མཚན་མས་དགེ་སློང་བསླབ་པ་འབུལ་བ་དེའི་རྣམ་པ་དང་། དེའི་ཚུལ་དང་། དེའི་མཚན་མས་དགེ་སློང་དུ་མཐོང་བ་ཡིན་ཏེ། དེ་དེས་མཐོང་ནས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཇི་ལྟར་ན་བསླབ་པ་ཕུལ་བའི་གཏམ་ལ་ཞུགས་པ་ཡིན་ཞེ་ན། ཇི་ལྟར་ཡང་དེ་ནི་ [280b.6]གཙུག་ལག་ཁང་ངམ། གཙུག་ལག་ཁང་གི་ཕྱི་རོལ་ནའང་རུང་དགེ་སློང་རྣམས་འདུས་ཏེ་འཁོད་པ་དེ་དག་ཀྱང་དེ་ལས་བྱུང་བ་དེ་དང་མཐུན་པ་དེའི་རང་བཞིན་གྱི་གཏམ་ལ་ཞུགས་པ་ཡིན་ཏེ། དད་པ་ལས་ཐོས་ཀྱང་རུང་བདག་ཉིད་རྣམ་པ་ལ་དོགས་པ་སྐྱེས་ཀྱང་རུང་སྟེ། དེ་དེས་ཐོས་པ་དང་དེའི་དོགས་ [280b.7]པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཇི་ལྟར་ན་དགེ་འདུན་ལ་དཔྱས་འདོགས་པ་ཡིན་ཞེ་ན། གང་གི་རྣམ་པ་དང་། གང་གི་ཚུལ་དང་། གང་གི་མཚན་མས་དགེ་སློང་དགེ་འདུན་ལ་སྨོད་པ་དེ་ལྟ་བུའི་རྣམ་པ་དང་། དེ་ལྟ་བུའི་ཚུལ་དང་། དེ་ལྟ་བུའི་མཚན་མས་དགེ་འདུན་ལ་ [281a] [281a.1]སྨོད་པའི་དགེ་སློང་དུ་མཐོང་བ་ཡིན་ཏེ། དེ་དེས་མཐོང་ནས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །ཇི་ལྟར་ན་དགེ་འདུན་ལ་དཔྱས་འདོགས་པའི་གཏམ་ལ་ཞུགས་པ་ཡིན་ཞེ་ན། ཇི་ལྟར་ཡང་དེ་ནི་གཙུག་ལག་ཁང་ངམ། གཙུག་ལག་ཁང་གི་ཕྱི་རོལ་ནའང་རུང་། [281a.2]དགེ་སློང་རྣམས་འདུས་ཏེ་འཁོད་པ་དེ་དག་ཀྱང་དེ་ལས་བྱུང་བ་དེ་དང་མཐུན་པ་དེའི་རང་བཞིན་གྱི་གཏམ་ལ་ཞུགས་པ་ཡིན་ཏེ། དད་པ་ལས་ཐོས་ཀྱང་རུང་བདག་རང་རྣམ་པ་ལ་དོགས་པ་སྐྱེས་ཀྱང་རུང་སྟེ། དེ་དེས་ཐོས་པ་དང་དེ་ལྟ་བུའི་དོགས་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་ [281a.3]པའོ། །ཆོས་བཞིན་བཅུ་པོ་འདི་དག་བཟློག་པ་ནི་ཆོས་བཞིན་མ་ཡིན་པར་སྦྱར་བར་བྱའོ། །གསོ་སྦྱོང་དགག་པའི་དངོས་པོ་རྫོགས་{སྷོ,སོ}།། །།མདོར་ན། དགེ་ཚུལ་ལོར་མ་ལོན་པ་གཅིག །ཁ་དོག་ངན་དང་གནས་དེ་བཞིན། །མ་བསྐོས་པ་དང་ཕྱག་བྱ་བ། །མངོན་སུམ་རྔུལ་ཟན་མེད་ [281a.4]པའོ། །བཙུན་པ་དགེ་ཚུལ་ཕ་ཉི་ཚེ་དབྱར་ཚུལ་དུ་ཞུགས་ན་དེ་དག་གིས་མལ་སྟན་བགོ་བར་བགྱིའམ། ཨུ་པཱ་ལི་མ་ཡིན་ནོ། །དེ་དག་གིས་མལ་སྟན་བླང་བར་བགྱིའམ། ཨུ་པཱ་ལི་བླང་བར་ནི་བྱའོ། །བཙུན་པ་ལོ་མ་ལོན་པ་དག་ཅིག་ཉི་ཚེ་དབྱར་ཚུལ་དུ་ཞུགས་ན་དེ་དག་གིས་མལ་སྟན་བགོ་བར་ [281a.5]བགྱིའམ། ཨུ་པཱ་ལི་མ་ཡིན་ནོ། །དེ་དག་གིས་མལ་སྟན་བླང་བར་བགྱིའམ། ཨུ་པཱ་ལི་བླང་བར་ནི་བྱའོ། །བཙུན་པ་དགེ་སློང་གཅིག་གམ། གཉིས་སམ། གསུམ་མམ། བཞི་དབྱར་ཚུལ་དུ་ཞུགས་ན་དེ་དག་གིས་མལ་སྟན་བགོ་བར་བགྱིའམ། ཨུ་པཱ་ལི་མ་ཡིན་ནོ། །དེ་དག་གིས་ [281a.6]མལ་སྟན་བླང་བར་བགྱིའམ། ཨུ་པཱ་ལི་བླང་བར་ནི་བྱའོ། །ཨུ་པཱ་ལི་གང་དུ་དགེ་སློང་ལྔའམ། དེ་ལས་ལྷག་པར་གནས་ན་དེ་དག་གིས་གསོལ་བ་བྱས་ལ་མལ་སྟན་བགེད་པ་སྐོས་ཤིག །བསྐོས་པ་དེས་མལ་སྟན་བགོའོ། །བཙུན་པ་མལ་སྟན་དེ་ཉིད་སྤྱད་པས་ནོངས་པར་འགྱུར་བ་དང་། དེ་ [281a.7]ཉིད་སྤྱད་པས་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གང་ཟག་གི་མལ་སྟན་ཁ་དོག་ངན་པར་མ་བསྒྱུར་བའམ། ཁ་ཚར་རིང་བ་སྤྱད་ན་ཉེས་པ་དང་བཅས་པའོ། །དགེ་འདུན་གྱི་སྤྱད་ན་ཉེས་པ་མེད་དོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་འདུན་གྱི་མལ་སྟན་ [281b] [281b.1]གནས་གཞན་དུ་ཁྱེར་ཞིང་མ་སྤྱོད་ཅིག་ཅེས་གསུངས་ན། བཙུན་པ་དགེ་སློང་ཞིག་གིས་དགེ་འདུན་གྱི་མལ་སྟན་གནས་གཞན་དུ་འཚལ་ཏེ་སྤྱད་ན་ཅིར་འགྱུར། ཉེས་བྱས་སོ། །བར་ཆད་བརྒྱད་ལས་གང་ཡང་རུང་སྟེ། བར་ཆད་གཅིག་བྱུང་བར་གྱུར་པ་དང་། གནས་དེ་ཉིད་དུ་མལ་སྟན་བསྲུང་བར་མི་ [281b.2]ནུས་པ་དང་། གནས་དེར་མི་གནས་པར་སྡོམ་པ་བཅས་པ་ལ་ནི་ཉེས་པ་མེད་དོ། །བཙུན་པ་མ་བསྐོས་པས་མལ་སྟན་བགོ་བར་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་ཞིག་གིས་དགེ་འདུན་གྱི་མལ་སྟན་དེ་ཉིད་སྤྱད་ན་ནོངས་པར་འགྱུར་བ་དང་། དེ་ཉིད་སྤྱད་པས་ནོངས་པར་མི་འགྱུར་བ་ [281b.3]མཆིས་སམ། ཨུ་པཱ་ལི་ཡོད་དེ། སྤུ་ཕྱིར་བཟློག་སྟེ་གྱོན་ན་ཉེས་པ་དང་བཅས་པའོ། །བཏིང་ན་ཉེས་པ་མེད་དོ། །རྔུལ་ཟན་མེད་པར་གྱོན་ན་ཉེས་པ་དང་བཅས་པའོ། །རྔུལ་ཟན་དང་བཅས་པར་གྱོན་ན་ཉེས་པ་མེད་དོ། །བཙུན་པ་བཅོམ་ལྡན་འདས་ཀྱིས་ཐམས་ཅད་དུ་ཉེ་བར་ཕྱོགས་པ་དང་གནས་ [281b.4]པར་མི་བྱའོ་ཞེས་གསུངས་ན། བཙུན་པ་ཅི་ཉེ་བར་མ་ཕྱོགས་པས་ཉེ་བར་ཕྱོགས་པ་རྒན་པ་ལའང་ཕྱག་བགྱིའམ། ཨུ་པཱ་ལི་མ་ཡིན་ཏེ། ཉེ་བར་ཕྱོགས་པ་ཐམས་ཅད་ཀྱིས་ཉེ་བར་མ་ཕྱོགས་པ་རྣམས་ལ་ཕྱག་བྱོས་ཤིག །དགེ་སློང་རྣམས་ཀྱི་ཐ་མར་གཞག་གོ། །བཙུན་པ་ཅི་དེ་དག་ལ་མལ་ [281b.5]སྟན་ཀྱང་དགེ་སློང་དེ་དག་གི་ཐ་མར་སྩལ་ཏམ། ཨུ་པཱ་ལི་ཉེ་བར་ཕྱོགས་པ་ལ་རྙེད་པ་དང་མལ་སྟན་བྱིན་པ་མེད་དོ། །བཙུན་པ་མངོན་སུམ་དུ་མ་གྱུར་པ་ལ་མལ་སྟན་སྩལ་བར་བགྱིའམ། ཁ་ཅིག་ལ་བྱིན་ཅིག །ཁ་ཅིག་ལ་མ་སྦྱིན་ཅིག །གང་ལ་སྩལ་བར་བགྱི། སོང་ནས་ཕྱིར་འོང་བ་ [281b.6]ལ་ནི་བྱིན་ཅིག །སུ་ལ་མི་སྩལ། སོང་ནས་ཕྱིར་མི་འོང་བ་ལ་ནི་མ་བྱིན་ཅིག །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་འདུན་གྱི་རྫས་རྔུལ་ཟན་མ་མཆིས་པར་མ་སྤྱད་ཅིག་ཅེས་གསུངས་ན། བཙུན་པ་དགེ་སློང་གིས་དགེ་འདུན་གྱི་རྫས་རྔུལ་ཟན་མ་མཆིས་པར་སྤྱད་ཀྱང་ནོངས་པར་ [281b.7]མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་ཁྱིམ་བདག་ཅིག་གིས་གཡོག་པའམ་བགོ་བ་ཞིག་རྔུལ་ཟན་མེད་པར་སྤྱད་པར་དགེ་འདུན་ལ་ཕུལ་བ་ཡིན་ནོ།། །།མདོར་ན། ཀུན་དགའ་བོ་དང་གང་ཟག་དང་། །དེ་ལྟར་ཕྱག་དང་རུང་བ་དང་། །ཐ་མ་དབྱར་དུ་གནས་པ་དང་། ། [282a] [282a.1]སུམ་ཆ་འབྲི་བ་དེ་བཞིན་ཏེ། །ཁྱིམ་པ་དག་ལ་སོགས་པ་དང་། །བསླབ་པ་བྱིན་པ་ཐ་མའོ། །བཙུན་པ་བཅོམ་ལྡན་འདས་ཀྱིས་ཀུན་དགའ་བོ་ཁྱོད་ཀྱིས་མལ་སྟན་ལྷག་མའི་རྣམས་གོས་ཤིག་ཅེས་གསུངས་ན། ལྷག་པ་གང་ལགས། གང་གཅིག་དང་གཉིས་པོའི་ཕྱོགས་ [282a.2]ལས་ལྷག་པར་གྱུར་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་འདུན་གྱི་མལ་སྟན་རྔུལ་ཟན་མ་མཆིས་པར་མ་སྤྱད་ཅིག་ཅེས་གསུངས་ན། བཙུན་པ་དགེ་སློང་གིས་གང་ཟག་གི་མལ་སྟན་སྤྱད་ན་ཅིར་འགྱུར། ཉེས་བྱས་སོ། །བཙུན་པ་བཅོམ་ལྡན་འདས་ཀྱིས་གང་ [282a.3]དགེ་སློང་གློ་བུར་དུ་ལྷགས་པ་དང་། གཞི་བ་རྣམས་ཇི་ལྟར་རྒན་རིམས་བཞིན་ཕྱག་བྱོས་ཤིག་ཅེས་གསུངས་ན། བཙུན་པ་དེ་སྟེ་ཆད་པ་བགྱིད་པའི་དགེ་སློང་རྒན་པ་ལའང་ཕྱག་བགྱིའམ། ཨུ་པཱ་མ་ཡིན་ནོ། །དེ་ཅིའི་ཕྱིར་ཞེ་ན། ཨུ་པཱ་ལི་ཕྱག་བྱ་བའི་མི་རིགས་པ་ཐམས་ཅད་ལ་ [282a.4]ཕྱག་མི་བྱ་སྟེ། ཁོན་ཡོད་པ་ནི་མ་གཏོགས་སོ། །ཨུ་པཱ་ལི་དགེ་འདུན་གྱི་ནང་ན་ཕྱག་བྱ་བའི་མི་རིགས་པའི་གང་ཟག་རྣམས་གང་ཞེ་ན། བསྡིགས་པའི་ལས་བྱས་པ་དང་། སྨད་པའི་ལས་བྱས་པ་དང་། བསྐྲད་པའི་ལས་བྱས་པ་དང་། སླར་སྡུམ་པའི་ལས་བྱས་པ་དང་། མ་མཐོང་ [282a.5]བའི་ཕྱིར་སྤང་བའི་ལས་བྱས་པ་དང་། ལས་སླར་མི་བྱེད་པའི་ཕྱིར་སྤང་བའི་ལས་བྱས་པ་དང་། སྡིག་པ་ལ་ལྟ་བ་སླར་མ་སྤངས་པའི་ཕྱིར་སྤང་བའི་ལས་བྱས་པ་དང་། ཆད་པ་བྱེད་པ་དང་། གཞི་ནས་བསླང་སྟེ། ཆད་པ་བྱེད་པ་དང་། ཆད་པ་ཁོར་བ་དང་། ཡིད་མགུ་བར་བྱ་བ་སྤྱོད་ [282a.6]པ་དང་། གཞི་ནས་བསླང་སྟེ་ཡིད་མགུ་བར་བྱ་བ་སྤྱོད་པ་དང་། ཁྱིམ་པ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ [282a.7]ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔོན་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་དང་། ཤིན་ཏུ་ [282b] [282b.1]གཞོན་པ་རྣམས་ལ་ཕྱག་མ་བྱེད་ཅིག །བཤང་བ་བྱེད་པ་ལ་ཕྱག་མི་བྱའོ། །བཤང་བ་བྱེད་པས་ཕྱག་མི་བྱའོ། །གཅི་བ་བྱེད་པ་ལ་ཕྱག་མི་བྱའོ། །གཅི་བ་བྱེད་པས་ཕྱག་མི་བྱའོ། །སོ་ཤིང་ཟ་བ་ལ་ཕྱག་མི་བྱའོ། །སོ་ཤིང་ཟ་བས་ཕྱག་མི་བྱའོ། །ཟས་ཟ་བ་ལ་ཕྱག་མི་བྱའོ། ། [282b.2]ཟས་ཟ་བས་ཕྱག་མི་བྱའོ། །འཐུང་བ་ལ་ཕྱག་མི་བྱའོ། །འཐུང་བས་ཕྱག་མི་བྱའོ། །སྒྲེན་མོ་ལ་ཕྱག་མི་བྱའོ། །སྒྲེན་མོས་ཕྱག་མི་བྱའོ། །གོས་གཅིག་པ་ལ་ཕྱག་མི་བྱའོ། །གོས་གཅིག་པས་ཕྱག་མི་བྱའོ། །མི་སྣང་བར་འདུག་པ་ལ་ཕྱག་མི་བྱའོ། །མི་སྣང་བར་འདུག་ [282b.3]པས་ཕྱག་མི་བྱའོ། །མི་བདེ་བར་འདུག་པ་ལ་ཕྱག་མི་བྱའོ། །མི་བདེ་བར་འདུག་པས་ཕྱག་མི་བྱའོ། །ལུང་ནོད་པ་ལ་ཞུགས་པའམ། ཡིད་ལ་བྱེད་པ་ལ་ཞུགས་པའམ། ཆོས་ཉན་པར་ཞུགས་པ་ལ་ཕྱག་མི་བྱའོ། །ལུང་ནོད་པ་དང་། ཡིད་ལ་བྱེད་པ་དང་། ཆོས་ཉན་པར་ [282b.4]ཞུགས་པས་ཕྱག་མི་བྱའོ། །ཡེངས་པ་ལ་ཕྱག་མི་བྱའོ། །ཁྱིམ་གྱི་ནང་དུ་ཞུགས་པ་ལ་མི་བྱ་སྟེ། གང་ཟག་འདི་དག་ནི་ཕྱག་བྱ་བར་མི་རིགས་པའོ། །བཙུན་པ་དགེ་སློང་ཞིག་གིས་དགེ་འདུན་གྱི་ཁྲིའམ་ཁྲིའུ་ལ་མཆིས་སམ་ཉལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་ [282b.5]པཱ་ལི་ཡོད་དེ། མི་རུང་བ་ལ་འདུག་གམ་ཉལ་བ་སྟེ། གང་དགེ་སློང་རྣམས་སྤྱད་པར་མི་རུང་བའོ། །བཙུན་པ་བཅོམ་ལྡན་འདས་ཀྱིས་གང་ཆད་པ་བགྱིད་པའི་དགེ་སློང་ནི་དགེ་སློང་རྣམས་ཀྱི་ཐ་མར་སྩལ་ཏམ། ཨུ་པཱ་ལི་མ་ཡིན་ཏེ། རིམ་གྱིས་སྦྱིན་ནོ། །བཙུན་པ་བཅོམ་ལྡན་འདས་ཀྱིས་ [282b.6]གང་དབྱར་མེད་པ་དང་། རང་བཞིན་དུ་གནས་པ་རྣམས་ལ་མལ་སྟན་སྔར་བྱིན་ཅིག །དེའི་འོག་ཏུ་སྤངས་པའི་རྣམས་ལའོ་ཞེས་གསུངས་ན། དེ་སྟེ་མལ་སྟན་ལྷག་པར་གྱུར་ན་རང་བཞིན་དུ་གནས་པ་དང་ལྷན་ཅིག་ཏུ་སྩལ་ཏམ། ཨུ་པཱ་ལི་མི་སྦྱིན་ནོ། །བཙུན་པ་དགེ་སློང་ཞིག་གིས་གནས་ [282b.7]བཞི་ནས་མལ་སྟན་བླངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་དགེ་སློང་ཞིག་གིས་གནས་བཞིའི་མཚམས་ཤིང་ངམ། འདམ་བུའམ། རེ་ལྡེས་མནན་ཏེ་དབྱར་ཚུལ་དུ་ཞུགས་པ་ཡིན་ནོ། བཙུན་པ་བཅོམ་ལྡན་འདས་ཀྱིས་དགེ་ཚུལ་པ་རྣམས་ལ་ [283a] [283a.1]ནི་རྙེད་པའི་སུམ་ཆ་བྱིན་ཅིག་གསུངས་ན། བཙུན་པ་ཅི་མལ་སྟན་ཀྱང་སུམ་ཆ་སྩལ་ཏམ། ཨུ་པཱ་ལི་མ་ཡིན་ཏེ། སྐལ་བ་མཉམ་པར་བྱིན་ཅིག །བཙུན་པ་བཅོམ་ལྡན་འདས་ཀྱིས་གང་དགེ་སློང་གསར་བུ་རྣམས་ཀྱིས་རྒན་པོ་རྣམས་ལས་སྔོན་དུ་མལ་སྟན་མ་བླང་ཤིག་ [283a.2]ཅེས་གསུངས་ན། བཙུན་པ་དགེ་སློང་གཞོན་ནུས་རྒན་པ་ལས་སྔར་མལ་སྟན་བླངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གང་གིས་དགེ་འདུན་ལས་གནས་ཀྱི་གནང་བ་ཐོབ་པ་དང་། ཉེ་གཡོག་གི་གནང་བ་ཐོབ་པ་ཡིན། འཇིགས་པའི་ས་ནས་བྲོས་ཏེ་ [283a.3]འོངས་པ་ཡིན་ནོ། །བཙུན་པ་ཁྱིམ་པ་མལ་སྟན་འགོད་པར་བསྐོའམ། ཨུ་པཱ་ལི་མ་ཡིན་ནོ། །དེ་བཞིན་དུ་ཟ་མ་ནས། བསླབ་པ་སྩལ་བའི་བར་དུ་རྒྱས་པར་མལ་སྟན་འགོད་པར་བསྐོའམ། ཨུ་པཱ་ལི་མ་ཡིན་ནོ། །བཙུན་པ་སྨྱོན་པ་མལ་སྟན་འགོད་པར་བསྐོའམ། ཨུ་པཱ་ལི་ [283a.4]མ་ཡིན་ནོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་སོ། །བཙུན་པ་འགྲོ་བ་གཞན་དུ་གནས་པ་དག་མལ་སྟན་འགོད་པར་བསྐོའམ། ཨུ་པཱ་ལི་མ་ཡིན་ནོ། །བཙུན་པ་མ་ནིང་ལ་མལ་སྟན་སྩལ་ [283a.5]ཏམ། ཨུ་པཱ་ལི་མ་ཡིན་ནོ། །དེ་བཞིན་དུ་དགེ་སློང་མ་སུན་ཕྱུང་བ་ནས་སྔར་འཁྲུགས་པའི་བར་དུ་དེ་དག་ལ་མལ་སྟན་སྩལ་ཏམ། ཨུ་པཱ་ལི་མ་ཡིན་ནོ། །བཙུན་པ་དགེ་འདུན་གྱི་དབྱེན་བགྱིས་པ་དང་། བསླབ་པ་སྩལ་བ་ལ་མལ་སྟན་སྩལ་ཏམ། ཨུ་པཱ་ལི་བྱིན་ཅིག །བཙུན་པ་ [283a.6]སྨྱོན་པ་ལ་མལ་སྟན་སྩལ་ཏམ། ཨུ་པཱ་ལི་དེ་སྟེ་སྤྱད་པ་བཞིན་དུ་མི་སྤྱད་ན་མ་སྦྱིན་ཅིག །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ལའང་བརྗོད་པར་བྱའོ། །བཙུན་པ་མལ་སྟན་འགོད་པར་དགེ་སློང་བསྐོ་བའི་ [283a.7]ཚེ་མཚན་འཕོས་ན་བསྐོས་པ་ཞེས་བགྱིའམ། ཨུ་པཱ་ལི་བསྐོས་པ་ཞེས་བྱའོ། །དེས་མལ་སྟན་བགོ་བར་བགྱིའམ། ཨུ་པཱ་ལི་མ་ཡིན་ནོ། །མལ་སྟན་གྱི་དངོས་པོ་རྫོགས་{སྷོ,སོ}།། །།འདུལ་བ་གཞུང་དམ་པ། བམ་པོ་ཉི་ཤུ་གཅིག་པ། མདོར་ན། གསུམ་དུ་བྱས་པའི་གཟུ་ [283b] [283b.1]བོ་དང་། །རྣམ་པར་ཞི་བའི་མཚན་དེ་བཞིན། །གསོ་སྦྱོང་དག་གི་མངོན་སུམ་དག །འབྱུང་བ་དག་ཀྱང་དེ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་གཟུ་བོ་ཆོས་དུ་དང་ལྡན་ན་འདུལ་བ་འཛིན་ཅིང་རྩོད་པ་རྣམས་ཞི་བར་བགྱིད་ནུས་པ་ལགས། [283b.2]ཨུ་པཱ་ལི་བཅུ་གཅིག་སྟེ། བཅུ་གཅིག་གང་ཞེ་ན། རྩོད་པ་ཤེས། རྩོད་པ་ཅི་ལས་བྱུང་བ་ཤེས། རྩོད་པ་བསྡུ་བ་ཤེས། རྩོད་པ་རྣམ་པར་ཞི་བ་ཤེས། རྩོད་པ་ཤིན་ཏུ་ཞི་བས་ཕྱིས་མི་འབྱུང་བར་ཤེས། འབྱུང་བ་ཤེས། བཅས་པ་ཤེས། རྗེས་སུ་བཅས་པ་ཤེས། དགག་པ་ [283b.3]ཤེས། མངོན་པར་རྗེས་སུ་གནང་བ་ཤེས། ལས་བྱས་པ་དང་མ་བྱས་པ་ཤེས་པ་སྟེ། ཨུ་པཱ་ལི་ཆོས་བཅུ་གཅིག་པོ་འདི་དག་དང་ལྡན་པའི་གཟུ་བོ་ནི་འདུལ་བ་འཛིན་པ་རྩོད་པ་རྣམ་པར་ཞི་བར་བྱེད་ནུས་པ་ཡིན་ནོ། །གཞན་ཡང་ཆོས་བཅུ་གཅིག་སྟེ། བཅུ་གཅིག་པོ་གང་ཞེ་ན། ཉེས་ [283b.4]པ་ཤེས། ཉེས་པ་མེད་པ་ཤེས། ཉེས་པ་ལྕི་བ་ཤེས། ཉེས་པ་ཡང་བ་ཤེས། ཉེས་པ་བྱུང་བ་ཤེས། ཉེས་པ་ལས་འབྱུང་བ་ཤེས། འདོད་པའི་ཕྱིར་མི་འགྲོ་བ། ཞེ་སྡང་དང་། འཇིགས་པ་དང་། གཏི་མུག་གི་ཕྱིར་མི་འགྲོ་བ། ཆད་པའི་ལས་བྱ་བ་དང་མི་བྱ་བ་ཤེས་པ་ [283b.5]སྟེ། ཨུ་པཱ་ལི་བཅུ་གཅིག་པོ་འདི་དག་གིས་རྣམ་པར་ཞི་བར་བྱ་བའི་བར་དུ་རྒྱས་པར་རོ། །གཞན་ཡང་ཆོས་བཅུ་གཅིག་གི་བར་དུ་སྟེ། བཅུ་གཅིག་པོ་གང་ཞེ་ན། མདོ་སྡེ་ལ་མཁས་པ་ཡིན། འདུལ་བ་ལ་མཁས་པ་ཡིན། རྣམ་པར་འབྱེད་པ་ལ་མཁས་པ་ཡིན། ལུང་ལ་ [283b.6]ཞུགས་པ་ཡིན། མདོ་སྡེ་འབྱེད་པ་ཡིན། འཁྲུལ་པ་མི་འཛིན་པ་ཡིན། གསང་བའི་ཚིག་མི་འཛིན་པ་ཡིན། གདོན་མི་ཟ་བར་འཛིན་པ་ཡིན། ཚིག་མང་པོ་མི་འཛིན་པ་ཡིན། དམ་བཅས་པ་འཛིན་པ་ཡིན། ལན་གསུམ་གྱི་བར་དུ་གཞོག་པ་ཡིན་ཏེ། ཨུ་པཱ་ལི་ཆོས་བཅུ་གཅིག་ [283b.7]པོ་འདི་དག་དང་ལྡན་པའི་གཟུ་བོ་ནི་འདུལ་བ་འཛིན་པ་རྩོད་པ་རྣམ་པར་ཞི་བར་བྱེད་ནུས་པ་ཡིན་ནོ། །ཆོས་དུ་དང་ལྡན་པས་རྩོད་པ་ཤིན་ཏུ་ཞི་བ་ལགས། ཨུ་པཱ་ལི་ཉི་ཤུ་རྩ་གཅིག་སྟེ། ཉི་ཤུ་རྩ་གཅིག་པོ་གང་ཞེ་ན། དགེ་འདུན་ལ་བསྒོ་བ་ཡིན། ཆོས་དང་བཅས་པས་རྒྱལ་བའི་བཀའ་དང་ [284a] [284a.1]མཐུན་པ་ཡིན། ཕྱོགས་དང་ཕ་རོལ་གྱི་ཕྱོགས་ཀྱི་དགེ་སློང་དག་གོ་བར་བྱེད་པ་ཡིན། རྒོལ་བའི་དང་ཕྱིར་རྒོལ་བའི་དགེ་སློང་ལ་ཆོས་དང་མཐུན་པས་རྒོལ་བ་དང་ཕྱིར་རྒོལ་བའི་དགེ་སློང་ལ་འདུལ་བ་མ་ཉམས་པར་བྱེད་པ་ཡིན། མི་གཙང་བའི་གང་ཟག་གི་ཉེས་པ་མ་ [284a.2]བཅབས་པ་ཡིན། བྱུང་བ་ཆུད་མ་གསན་པ་ཡིན། བཅས་པ་ཆུད་མ་གསན་པ་ཡིན། རྗེས་སུ་བཅས་པ་ཆུད་མ་གསན་པ་ཡིན། དགག་པ་ཆུད་མ་གསན་པ་ཡིན། མངོན་པར་རྗེས་སུ་གནང་བ་ཆུད་མ་གསན་པ་ཡིན། ཉེས་པ་ཆུད་མ་གསན་པ་ཡིན། རྒོལ་བའི་དགེ་སློང་གི་ [284a.3]ཡི་དམ་ཤིན་ཏུ་བཟུང་བ་ཡིན། ལན་འདེབས་པའི་ཡི་དམ་ཤིན་ཏུ་བཟུང་བ་ཡིན། མདོ་སྡེའི་ཚིག་ཀྱང་བསྟན་པ་ཡིན། འདུལ་བའང་མཐུན་པ་ཡིན། ཆོས་ཀྱི་མིག་རྗེས་སུ་བཟུང་བ་ཡིན། བསྐོས་ནས་རྣམ་པར་ཞི་བར་བྱེད་པ་ཡིན། ཉེས་པ་སྟོན་པ་ཡིན། ཆད་པའི་ [284a.4]ལས་དམིགས་སུ་བབ་པ་ཡིན། རྣམ་པར་དག་པ་སྟོན་པ་ཡིན། ཆོས་དང་འདུལ་བ་དང་སྟོན་པའི་བསྟན་པས་རྩོད་པ་རྣམ་པར་ཞི་བ་ཡིན་ཏེ། ཨུ་པཱ་ལི་ཆོས་ཉི་ཤུ་རྩ་གཅིག་པོ་འདི་རྣམས་དང་ལྡན་ན་རྩོད་པ་རྣམ་པར་ཞི་བ་ཞེས་བྱའོ། བཙུན་པ་རྒོལ་བའམ་སླར་རྒོལ་བའི་དགེ་སློང་ [284a.5]མཚན་འཕོས་ན་རྩོད་པ་ཞི་བ་ཞེས་བགྱིའམ། ཨུ་པཱ་ལི་ཞི་བ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་རྩོད་པ་བྱུང་བ་བྱུང་མ་ཐག་ཏུ་རྩོད་པ་ཞི་བར་བྱེད་པའི་ཆོས་བདུན་གྱིས་རྣམ་པར་ཞི་བར་བྱའོ་ཞེས་གསུངས་ན། བཙུན་པ་རྩོད་པ་རྣམ་པ་བཞི་ལས་གང་ཡང་རུང་སྟེ། རྩོད་ [284a.6]པ་ཞིག་བྱུང་ན་ཞི་བར་བགྱིད་པའི་ཆོས་བདུན་པོ་ལས་གང་ཡང་རུང་བའི་རྩོད་པ་ཞི་བར་བགྱིད་པའི་ཆོས་ཀྱིས་རྣམ་པར་ཞི་བར་མ་བགྱིས་པར་རྣམ་པར་ཞི་བར་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་མཐུན་པའི་གསོ་སྦྱོང་ངོ་། །བཙུན་པ་རྩོད་པ་བཞི་ལས་གང་ཡང་རུང་སྟེ། རྩོད་པ་ [284a.7]ཞིག་བྱུང་ན་རྒོལ་བ་དང་སླར་རྒོལ་བའི་དགེ་སློང་རྣམས་ལས་གང་གི་ཚིག་གཟུང་བར་བགྱི། རྒན་རིམས་ཀྱི་གཟུང་ངོ་། །བཙུན་པ་དེ་སྟེ་གཉི་གའི་ལོ་གྲངས་མཉམ་ན་གང་གི་ཚིག་གཟུང་བར་བགྱི། གང་མང་དུ་ཐོས་པའི་ཡིན་ནོ། །བཙུན་པ་དེ་སྟེ་གཉི་གའང་གཞུང་ལ་མཚུངས་པར་གྱུར་ [284b] [284b.1]ན་གང་གི་ཚིག་གཟུང་བར་བགྱི། གང་བྱང་བ་ཡིན་ནོ། །དེ་སྟེ་གཉི་ག་བྱང་བར་གྱུར་ན་གང་གི་ཚིག་གཟུང་བར་བགྱི། གང་བྱང་བའི་ཤས་ཆེ་བ་ཡིན་ཏེ། དེའི་ཚིག་གིས་རྩོད་པ་རྣམས་རྣམ་པར་ཞི་བར་བྱའོ། །བཙུན་པ་བཅོམ་ལྡན་འདས་ཀྱིས་གང་ཚུལ་ཤིང་མང་པོས་རྩོད་པ་ཞི་བར་བྱ་ [284b.2]བ་ལས་གང་གི་ཕྱོགས་སུ་ཚུལ་ཤིང་གཅིག་གིས་ཀྱང་ལྷག་པར་གྱུར་ན། དེའི་ཕྱོགས་དེས་རྣམ་པར་ཞི་བར་བྱའོ། །ཞེས་གསུངས་ན། བཙུན་པ་དེ་སྟེ་ཕྱོགས་གཉི་གའི་ཚུལ་ཤིང་མཉམ་པར་གྱུར་ན་གང་གི་དབང་གིས་རྩོད་པ་རྣམ་པར་ཞི་བར་བགྱིད། ཨུ་པཱ་ལི་ཕྱོགས་གང་གིས་དགེ་སློང་དག་ཕལ་ [284b.3]ཆེར་བྱང་བའི་ཤས་ཆེ་བ་ཡིན་ནོ། །བཙུན་པ་གང་དགེ་སློང་རྣམས་རྩོད་པ་དགེ་སློང་རྣམས་ཀྱིས་རྣམ་པར་ཞི་བར་བགྱིད་མ་ནུས་ན། བཙུན་པ་དགེ་སློང་མས་རྣམ་པར་ཞི་བར་བགྱིར་རུང་ངམ། ཨུ་པཱ་ལི་རུང་ངོ་། དེ་བཞིན་དུ་སྡེ་ལྔའི་རྣམས་ཀྱང་ཕན་ཚུན་གཅིག་ལ་གཅིག་སྦྱར་བར་བྱའོ།། །། [284b.4]མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་གླེན་ཁྱིམ་པ་དག་ལ་སོགས། །བསླབ་པ་བྱིན་པ་ཐ་མའོ། །བཙུན་པ་ཕྲིན་གྱིས་རྩོད་པ་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་བགྱིའམ། [284b.5]ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་ [284b.6]འདུན་ནི་འདས་པ་དང་བཅས་པའོ། །བཙུན་པ་སྨྱོན་པ་ཞིག་གིས་རྩོད་པ་རྣམ་པར་ཞི་བར་བགྱིས་ན་རྩོད་པ་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་ [284b.7]བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། བཙུན་པ་ཁྱིམ་པ་ཞིག་གིས་རྩོད་པ་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་ [285a] [285a.1]བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་དེ་བཞིན་དུ་མ་ནིང་ནས། བསླབ་པ་སྩལ་བ་རྣམས་ཀྱི་བར་དུ་རྒྱས་པར་དེ་དག་གིས་རྩོད་པ་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་བགྱིའམ། ཨུ་པཱ་ལི་ [285a.2]རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །བཙུན་པ་རྒོལ་བའམ་སླར་རྒོལ་བ་དུས་བགྱིས་ན་རྩོད་པ་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱའོ། །དེ་བཞིན་དུ་ཁྱིམ་པ་ལགས་པར་ཁས་བླངས་པ་ནས། བསླབ་པ་སྩལ་བ་ [285a.3]ལགས་པའི་བར་རྒྱས་པར་ཁས་བླངས་ན་རྩོད་པ་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱའོ། བཙུན་པ་རྒོལ་བའམ་སླར་རྒོལ་བའི་དགེ་སློང་མཚན་འཕོས་ན་རྩོད་པ་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱའོ། །རྩོད་པའི་དངོས་པོ་ [285a.4]རྫོགས་{སྷོ,སོ}།། །།མདོར་ན། བྱེ་འབྱེད་དགེ་འདུན་ཅ་ཅོ་དང་། །ཐ་དད་པ་དང་ཚུལ་བཞིན་དང་། །བསྐལ་པ་ཁ་ན་མ་ཐོ་ལོག །དགེ་འདུན་དབྱེ་དང་མི་མཁས་པའོ། །བཙུན་པ་དགེ་འདུན་བྱེ་བ་ཞེས་ཀྱང་བགྱི། བཙུན་པ་དགེ་འདུན་འདུས་པ་ཞེས་ཀྱང་བགྱི་ན། བཙུན་ [285a.5]པ་དགེ་འདུན་བྱེ་བ་གང་ལགས། ཨུ་པཱ་ལི་གང་དབྱེན་བྱེད་པས་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས། འདུལ་བ་མ་ཡིན་པ་ལ་འདུལ་བ་མ་ཡིན་པར་འདུ་ཤེས་པར་གྱུར་བཞིན་དུ་དེས་འདུ་ཤེས་བཅབས། བཟོད་པ་བཅབས། དད་པ་བཅབས། བློ་གྲོས་དང་། [285a.6]ལྟ་བ་དང་། རྟོག་པ་རྣམས་བཅབས་ཏེ། འདི་སྐད་དུ་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་སྨྲས་ནས། དེས་དགེ་སློང་དག་ལ་བསྒོ། །ཡང་དག་པར་བསྒོ། སློབ། ལེན་དུ་འཇུག །བརྟུལ་ཞུགས་ཀྱི་གཞི་ལྔ་ཡང་རྗེས་སུ་བསྒྲུབས་ [285a.7]ཏེ། འདི་ལྟར་ཚེ་དང་ལྡན་པ་ཁྱེད་ཅག་ལས་གང་དད་ཅིང་བཟོད་དེ་མོས་པ་དེ་དག་གིས་ནི་ཚུལ་ཤིང་ལོང་ཤིག །དེ་དག་གིས་བརྟུལ་ཞུགས་ཀྱི་གནས་ལྔ་བསྒྲགས་ཏེ་གསོལ་བ་བྱས། ཚུལ་ཤིང་བྲིམས་ནས་མང་པོ་ཁྲིད་དེ་འགྲོ་བ་འདི་ནི་དགེ་འདུན་བྱེ་བ་ཞེས་བྱའོ། །དགེ་འདུན་ [285b] [285b.1]འདུས་པ་གང་ཞེ་ན། དགེ་སློང་མཚམས་ཀྱི་ནང་ན་ཇི་སྙེད་ཅིག་འཁོད་པར་གྱུར་པ་དེ་དག་ལས་བྱེད་པ་ན་དེ་དག་ཐམས་ཅད་འདུས་པར་གྱུར། མངོན་སུམ་དུ་གྱུར། དད་པ་བླང་བར་རིགས་པའི་རྣམས་ལས་དད་པ་བླངས་པར་གྱུར། དགེ་སློང་རྣམས་ཀྱང་འཐབ་པ་མེད། རྩོད་ [285b.2]པ་མེད་ལ། དེ་དག་ཆོས་སུ་འདུ་ཤེས། འདུལ་བར་འདུ་ཤེས་ཤིང་གསོ་སྦྱོང་གི་ལས་བྱེད་པ་འདི་ནི་དགེ་འདུན་འདུས་པ་ཞེས་བྱའོ། །བཙུན་པ་དགེ་འདུན་འབྱེད་པས་བསྟིར་མེད་པའི་ཁ་ན་མ་ཐོ་བ་སྐྱེས་ལ་མཚམས་མེད་པའི་ལས་སུ་འགྱུར་བ་གང་ལགས། ཨུ་པཱ་ལི་ནམ་དབྱེན་ [285b.3]བྱེད་པས་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པ་ཡིན། བྱེ་བ་ལའང་ཆོས་མ་ཡིན་པར་འདུ་ཤེས་བཞིན་དུ་དེས་འདུ་ཤེས་བཅབས། བཟོད་པ་བཅབས། དད་པ་དང་། བློ་གྲོས་དང་། ལྟ་བ་དང་། རྟོག་པ་རྣམས་བཅབས་ཏེ། འདི་སྐད་དུ་ཆོས་ནི་འདིའོ། ། [285b.4]འདུལ་བ་ནི་འདིའོ། །སྟོན་པས་བསྟན་པ་ནི་འདིའོ་ཞེས་སྨྲས་ནས་དེས་དགེ་སློང་དག་ལ་བསྒོ། ཡང་དག་པར་བསྒོ། སློབ། ལེན་དུ་འཇུག །བརྟུལ་ཞུགས་ཀྱི་གཞི་ལྔ་རྗེས་སུ་བསྒྲགས་ཏེ། གང་དབྱེན་བྱེད་པ་དེས་བརྟུལ་ཞུགས་ཀྱི་གཞི་ལྔ་རྗེས་སུ་བསྒྲགས་ཏེ། གསོལ་ [285b.5]བ་བྱས་ཚུལ་ཤིང་བྲིམས་ནས་མང་པོ་ཁྲིད་དེ་སོང་བ་འདི་ནི་དགེ་འདུན་འབྱེད་པ་ཡིན་ཏེ་བསྟིར་མེད་པའི་ཁ་ན་མ་ཐོ་བའང་བསྐྱེད། ཡང་དག་པ་བསྒོ་བ་བླངས་ཤིང་ལེན་དུ་འཇུག་པས་མཚམས་མེད་པའི་ལས་སུའང་འགྱུར་རོ། །དགེ་འདུན་འབྱེད་པས་བསྟིར་མེད་པའི་ཁ་ན་མ་ཐོ་བ་ནི་སྐྱེ་ [285b.6]ལ་དེ་མཚམས་མེད་པའི་ལས་སུ་མི་འགྱུར་བ་གང་ཞེ་ན། ཨུ་པཱ་ལི་གང་དབྱེན་བྱེད་པས་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ནི་ཆོས་སུ་འདུ་ཤེས་པ་དང་། ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ཡང་ཆོས་མ་ཡིན་པར་ [285b.7]འདུ་ཤེས་པ་དང་། ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ཐེ་ཚོམ་ཟ་བ་དང་། ཆོས་མ་ཡིན་པ་ལ་ཆོས་སུ་འདུ་ཤེས་ལ་བྱེ་བ་ལ་ཆོས་མ་ཡིན་པར་འདུ་ཤེས་པ་དང་། ཆོས་མ་ཡིན་པ་ལ་ཆོས་སུ་འདུ་ཤེས་ལ་བྱེ་བ་ལ་ཡང་ཆོས་སུ་འདུ་ཤེས་པ་དང་། [286a] [286a.1]ཆོས་མ་ཡིན་པ་ལ་ཆོས་སུ་འདུ་ཤེས་ལ་བྱེ་བ་ལ་ཐེ་ཚོམ་དུ་གྱུར་པ་དང་། ཆོས་ལ་ཆོས་སུ་འདུ་ཤེས་ལ་བྱེ་བ་ལ་ཆོས་མ་ཡིན་པར་འདུ་ཤེས་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་བྱེ་བ་ལ་ཆོས་སུ་འདུ་ཤེས་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་ [286a.2]བྱེ་བ་ལ་ཐེ་ཚོམ་དུ་གྱུར་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་བྱེ་བ་ལའང་ཆོས་མ་ཡིན་པར་འདུ་ཤེས་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་བྱེ་བ་ལ་ཆོས་སུ་འདུ་ཤེས་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་བྱེ་བ་ལ་ཐེ་ཚོམ་དུ་གྱུར་པ་དང་། ཆོས་ [286a.3]དང་ཆོས་མ་ཡིན་པ་ལ་ཐེ་ཚོམ་དུ་གྱུར་ལ་བྱེ་བ་ལ་ཆོས་མ་ཡིན་པར་འདུ་ཤེས་པ་དང་། ཆོས་མ་ཡིན་པ་ལ་ཐེ་ཚོམ་དུ་གྱུར་ལ་བྱེ་བ་ལ་ཆོས་སུ་འདུ་ཤེས་པ་དང་། ཆོས་མ་ཡིན་པ་ལ་ཐེ་ཚོམ་དུ་གྱུར་ལ་བྱེ་བ་ལ་ཡང་ཐེ་ཚོམ་དུ་གྱུར་པ་དང་། ཆོས་ལ་ཐེ་ཚོམ་དུ་གྱུར་ལ་བྱེ་བ་ལ་ [286a.4]ཆོས་མ་ཡིན་པར་འདུ་ཤེས་པ་དང་། ཆོས་ལ་ཐེ་ཚོམ་དུ་གྱུར་ལ་བྱེ་བ་ལ་ཆོས་སུ་འདུ་ཤེས་པ་དང་། ཆོས་ལ་ཐེ་ཚོམ་དུ་གྱུར་ལ་བྱེ་བ་ལའང་ཐེ་ཚོམ་དུ་གྱུར་པ་སྟེ། དེས་འདུ་ཤེས་བཅབས། བཟོད་པ་བཅབས། དད་པ་བཅབས། བློ་གྲོས་དང་། ལྟ་བ་དང་། རྟོག་ [286a.5]པ་རྣམས་བཅབས་ཏེ། འདི་སྐད་དུ་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་སྨྲས་ནས། དེས་ཡང་དགེ་སློང་རྣམས་ལ་བསྒོ། ཡང་དག་པར་བསྒོ། སློབ། ལེན་དུ་འཇུག །དགེ་འདུན་དབྱེ་བའི་ཕྱིར་བརྩོན་པ་ནི་དགེ་འདུན་འབྱེད་པར་བྱེད་པ་ [286a.6]སྟེ། བསྟིར་མེད་པའི་ཁ་ན་མ་ཐོ་བ་ནི་སྐྱེ་ལ། དེ་མཚམས་མེད་པའི་ལས་སུ་མི་འགྱུར་བ་ཞེས་བྱའོ། །བཙུན་པ་གང་ལ་ལས་དགེ་འདུན་བྱེ་བ་དེ་དག་ཐམས་ཅད་དགེ་འདུན་ཅ་ཅོར་འགྱུར་ལགས་སམ། དགེ་འདུན་བྱེ་ལ་དགེ་འདུན་ཅ་ཅོ་མེད་པ་ཡང་ཡོད་ལ། དགེ་འདུན་ཅ་ཅོར་གྱུར་ [286a.7]ལ་དགེ་འདུན་མི་འབྱེ་བ་ཡང་ཡོད། དགེ་འདུན་ཀྱང་བྱེ་ལ་དགེ་འདུན་ཅ་ཅོར་ཡང་འགྱུར་བ་ཡོད། དགེ་འདུན་ཡང་མི་འབྱེ་ལ་དགེ་འདུན་ཅ་ཅོར་ཡང་མི་འགྱུར་བ་ཡོད་དེ། དེ་ལ་དགེ་འདུན་བྱེ་ལ་དགེ་འདུན་ཅ་ཅོ་མེད་པ་གང་ཞེ་ན། གང་ཆོས་སུ་འདུ་ཤེས་ལ་དགེ་འདུན་འབྱེད་ [286b] [286b.1]པའོ། །དགེ་འདུན་ཅ་ཅོར་གྱུར་ལ་དགེ་འདུན་མི་འབྱེ་བ་གང་ཞེ་ན། དབྱེན་དུ་འགྱུར་བའི་དངོས་པོ་བཅུ་བཞི་ལས་གང་ཡང་རུང་སྟེ་དབྱེན་དུ་འགྱུར་བའི་དངོས་པོ་ཞིག་ཤིན་ཏུ་གདོན་མི་ཟ་བར་བཟུང་བར་གྱུར་ལ་དགེ་འདུན་ནི་བྱེ་བར་མ་གྱུར་པའོ། །དགེ་འདུན་ཡང་བྱེ་ལ་དགེ་འདུན་གྱི་ཅ་ཅོར་ཡང་ [286b.2]འགྱུར་ལ་གང་ཞེ་ན། འདི་ལྟར་དགེ་འདུན་དེ་དག་བྱེ་བར་གྱུར་ལ་དབྱེན་དུ་འགྱུར་བའི་དངོས་པོ་བཅུ་བཞི་ལས་གང་ཡང་རུང་སྟེ་དབྱེན་དུ་འགྱུར་བའི་དངོས་པོ་ཞིག་ཤིན་ཏུ་གདོན་མི་ཟ་བར་བཟུང་བར་གྱུར་པའོ། །དགེ་འདུན་ཡང་མི་བྱེ་ལ་དགེ་འདུན་གྱི་ཅ་ཅོར་མི་འགྱུར་བ་གང་ཞེ་ན། རྣམ་ [286b.3]པ་འདི་ལ་བུ་དག་མ་གཏོགས་པའོ། །བཙུན་པ་གང་དགེ་འདུན་བྱེ་བ་དེ་ཐམས་ཅད་དགེ་འདུན་ཐ་དད་པར་གྱུར་པ་ལགས་སམ། དགེ་འདུན་ཐ་དད་པར་གྱུར་ལ་དགེ་འདུན་མི་འབྱེ་བ་ཡང་ཡོད། དགེ་འདུན་བྱེ་ལ་དགེ་འདུན་ཐ་དད་པར་མི་འགྱུར་བ་ཡོད། དགེ་འདུན་བྱེ་ལ་དགེ་འདུན་ [286b.4]ཐ་དད་པར་འགྱུར་བ་ཡང་ཡོད། དགེ་འདུན་མི་འབྱེ་ལ་དགེ་འདུན་ཐ་དད་པར་མི་འགྱུར་བའང་ཡོད་དེ། དགེ་འདུན་ཐ་དད་པར་གྱུར་ལ་དགེ་འདུན་མི་འབྱེ་བ་ནི་དེ་འདི་ལྟར་དགེ་འདུན་རྣམ་གཉིས་སོ་སོ་ན་གཞི་ལ་གནས་པར་གྱུར། རྙེད་པ་ཡང་ཐ་དད་གནས་ཀྱང་ཐ་དད། མཚམས་ [286b.5]ཀྱང་ཐ་དད་པར་གྱུར་ལ་དགེ་འདུན་ནི་མ་བྱེ་བའོ། །དགེ་འདུན་བྱེ་ལ་དགེ་འདུན་ཐ་དད་པར་མི་འགྱུར་བ་ནི་གང་ཆོས་སུ་འདུ་ཤེས་པས་དགེ་འདུན་ཕྱེ་བའོ། །དགེ་འདུན་བྱེ་ལ་དགེ་འདུན་ཐ་དད་པ་ནི་འདི་ལྟར་དགེ་འདུན་བྱེ་བར་གྱུར་ལ་དགེ་འདུན་རྣམ་གཉིས་སོ་སོ་ན་གནས་པར་གྱུར། [286b.6]རྙེད་པ་ཐ་དད་པ་དང་། གནས་ཐ་དད་པ་དང་། མཚམས་ཐ་དད་པར་གྱུར་པའོ། །དགེ་འདུན་མ་བྱེ་ལ་དགེ་འདུན་ཐ་དད་པར་ཀྱང་མ་གྱུར་པ་ནི་རྣམ་པ་དེ་ལྟ་བུ་དག་མ་གཏོགས་པའོ། །ཇི་ལྟར་དགེ་འདུན་ཐ་དད་པ་ལ་རྣམ་པ་བཞིར་འགྱུར་བ་བཞིན་དུ་དགེ་འདུན་གྱི་ཚུལ་ལ་ཡང་རྣམ་པ་ [286b.7]བཞིར་བརྗོད་པར་བྱའོ། །བཙུན་པ་གང་ལ་ལས་དགེ་འདུན་གྱི་དབྱེན་བགྱིད་པ་དེ་དག་ཐམས་ཅད་བསྐལ་པར་གནས་སམ། དགེ་འདུན་གྱི་དབྱེན་བྱས་ལ་བསྐལ་པར་མི་གནས་པའང་ཡོད། བསྐལ་པར་གནས་ལ་དགེ་འདུན་གྱི་དབྱེན་མ་བྱས་པ་ཡང་ཡོད། དགེ་འདུན་གྱི་ [287a] [287a.1]དབྱེན་བྱས་ལ་བསྐལ་པར་གནས་པའང་ཡོད། དགེ་འདུན་གྱི་དབྱེན་མ་བྱས་པ་ལ་བསྐལ་པར་མི་གནས་པའང་ཡོད་དོ། །དགེ་འདུན་གྱི་དབྱེན་བྱས་ལ་བསྐལ་པར་མི་གནས་པ་ནི་གང་གིས་ཆོས་སུ་འདུ་ཤེས་པས་དགེ་འདུན་ཕྱེ་བའོ། །བསྐལ་པར་གནས་ལ་དགེ་ [287a.2]འདུན་གྱི་དབྱེན་མ་བྱས་པ་ནི་གླང་པོའི་རྒྱལ་པོ་ཨེ་ར་བ་ན་དང་། གླང་པོའི་རྒྱལ་པོ་ཤིན་ཏུ་བརྟན་པ་དང་། གླང་པོའི་རྒྱལ་པོ་ཡིད་དུ་འོང་བ་དང་། གླང་པོའི་རྒྱལ་པོ་གཤིན་རྗེ་དང་། ཚངས་ལྷ་ཉེ་ཕན་གྱི་ལྷ་རྣམས་སོ། །དགེ་འདུན་ཕྱེ་ལ་བསྐལ་པར་གནས་པ་ནི་ལྷ་སྦྱིན་ནོ། །དགེ་ [287a.3]འདུན་ཀྱང་མ་ཕྱེ་ལ་བསྐལ་པར་ཡང་མི་གནས་པ་ནི་རྣམ་པ་དེ་ལྟ་བུ་དག་མ་གཏོགས་པའོ། །གང་ལ་ལས་དགེ་འདུན་ཕྱེ་ན་དེ་དག་ཐམས་ཅད་བསྐལ་པར་གནས་པའི་ཁ་ན་མ་ཐོ་བ་སྐྱེ་བ་ཡང་རྣམ་པ་བཞིར་བརྗོད་པར་བྱ་སྟེ། དེ་ཡང་དེ་བཞིན་དུ་དབྱེ་བར་བྱའོ། །གང་ལ་ལས་དགེ་ [287a.4]འདུན་འབྱེད་པ་དེ་དག་ཐམས་ཅད་ལོག་པར་ངེས་པ་ལགས་སམ། དགེ་འདུན་འབྱེད་ལ་ལོག་པར་ངེས་པ་མ་ཡིན་པའང་ཡོད། ལོག་པར་ངེས་ལ་དགེ་འདུན་མི་འབྱེད་པའང་ཡོད། དགེ་འདུན་འབྱེད་ལ་ལོག་པར་ངེས་པའང་ཡོད། དགེ་འདུན་འབྱེད་པ་ཡང་མ་ཡིན་ལ་ལོག་ [287a.5]པར་ངེས་པ་མ་ཡིན་པའང་ཡོད་དེ། དགེ་འདུན་འབྱེད་ལ་ལོག་པར་ངེས་པ་མ་ཡིན་པ་ནི་གང་ཆོས་སུ་འདུ་ཤེས་ཤིང་དགེ་འདུན་འབྱེད་པའོ། །ལོག་པར་ངེས་ལ་དགེ་འདུན་འབྱེད་པ་མ་ཡིན་པ་ནི་དེ་མཚམས་མེད་པ་བཞིའོ། །དགེ་འདུན་འབྱེད་ལ་ལོག་པར་ཀྱང་ངེས་པ་ནི་ལྷ་སྦྱིན་ནོ། ། [287a.6]དགེ་འདུན་འབྱེད་པའང་མ་ཡིན་ལ་ལོག་པར་ངེས་པའང་མ་ཡིན་པ་ནི་རྣམ་པ་འདི་ལྟ་བུ་དག་མ་གཏོགས་པའོ། །གང་ལ་ལས་དགེ་འདུན་འབྱེད་པ་དེ་དག་ཐམས་ཅད་མི་མཁས་པ་དང་མ་རིག་པར་གྱུར་པ་ལགས་སམ། དགེ་འདུན་འབྱེད་ལ་མི་མཁས་པ་མ་ཡིན་ཞིང་མ་རིག་པར་གྱུར་ [287a.7]པ་མ་ཡིན་པའང་ཡོད། མི་མཁས་པ་དང་མ་རིག་པ་ཡིན་ལ་དགེ་འདུན་མི་འབྱེད་པའང་ཡོད། དགེ་འདུན་འབྱེད་ལ་མི་མཁས་པ་མ་རིག་པར་གྱུར་པའང་ཡོད། དགེ་འདུན་ཡང་མི་འབྱེད་ལ་མཁས་པའང་ཡིན་མ་རིག་པར་གྱུར་པའང་མ་ཡིན་པའང་ཡོད་དེ། དགེ་འདུན་འབྱེད་ལ་ [287b] [287b.1]མི་མཁས་པའང་མ་ཡིན་མ་རིག་པར་གྱུར་པ་མ་ཡིན་པ་ནི་གང་ཆོས་སུ་འདུ་ཤེས་པས་དགེ་འདུན་འབྱེད་པའོ། །མི་མཁས་པ་དང་མ་རིག་པར་གྱུར་ལ་དགེ་འདུན་མི་འབྱེད་པ་ནི་སྟོན་པ་དྲུག་གོ། །དགེ་འདུན་འབྱེད་ལ་མི་མཁས་པ་དང་མ་རིག་པ་ནི་ལྷ་སྦྱིན་ནོ། །དགེ་འདུན་ཡང་མི་འབྱེད་ [287b.2]ལ་མི་མཁས་པའང་མ་ཡིན་མ་རིག་པར་གྱུར་པའང་མ་ཡིན་པ་ནི་རྣམ་པ་འདི་དག་མ་གཏོགས་པའོ།། །།མདོར་ན། ཕྱེ་བ་རྣམ་པ་དྲུག་ཏུ་བྱས། །རྒོལ་བ་རྣམ་བཞི་གསོ་སྦྱོང་དང་། །མཚམས་ལ་རྣམ་བཞི་གསུམ་པ་དང་། །བསྐལ་པ་བརྟན་མིན་དེ་བཞིན་ཏེ། །ཁྱིམ་པ་དག་ལ་ [287b.3]སོགས་པ་དང་། །བསླབ་པ་བྱིན་པ་ཐ་མའོ། །བཙུན་པ་ཕྱེ་བ་དང་ལྡན་པ་གང་ལགས། ཁ་ན་མ་ཐོ་བ་གང་ལགས། ཨུ་པཱ་ལི་དགེ་འདུན་ནི་ཕྱེ་བ་དང་ལྡན་པའོ། །འབྱེད་པ་ནི་ཁ་ན་མ་ཐོ་བའོ། །བཙུན་པ་དགེ་འདུན་ཕྱེ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་ [287b.4]འདུན་ཕྱེ་ན་ནོངས་པ་གང་བཤགས་པར་བགྱི། ཉེས་པ་སྦོམ་པོའོ། །བཙུན་པ་འདི་ལྟར་དགེ་སློང་དག་གིས་དགེ་སློང་གི་དགེ་འདུན་འབྱེད་ཀྱི། དགེ་སློང་མས་མ་ལགས། དགེ་སློབ་མས་མ་ལགས། དགེ་ཚུལ་མས་མ་ལགས། དགེ་ཚུལ་ཕས་མ་ལགས་སམ། ཨུ་པཱ་ལི་དེ་བཞིན་ [287b.5]ཏེ། དགེ་སློང་དག་གིས་དགེ་འདུན་འབྱེད་ཀྱི། དགེ་སློང་མས་མ་ཡིན། དགེ་སློབ་མས་མ་ཡིན། དགེ་ཚུལ་མས་མ་ཡིན། དགེ་ཚུལ་ཕས་མ་ཡིན་ནོ། །ཨུ་པཱ་ལི་དེ་བཞིན་དུ་དགེ་སློང་མ་དག་གིས་དགེ་སློང་མའི་དགེ་འདུན་འབྱེད་ཀྱི་དགེ་སློང་གིས་མ་ཡིན། དགེ་སློབ་མས་མ་ཡིན། [287b.6]དགེ་ཚུལ་མས་མ་ཡིན། དགེ་ཚུལ་ཕས་མ་ཡིན་ཏེ། འོན་ཀྱང་དགེ་འདུན་འབྱེད་པའི་ཕྱིར་ནི་རྩོལ་ལོ། །བཙུན་པ་བཅོམ་ལྡན་འདས་ཀྱིས་རྣམ་པ་གཉིས་ཀྱི་སླད་དུ་དགེ་འདུན་འབྱེ་སྟེ། རྗེས་སུ་བསྒྲགས་པ་དང་། ཚུལ་ཤིང་ལེན་པའོ་ཞེས་གསུངས་ན། བཙུན་པ་གང་རྩེད་མོར་འཚལ་ [287b.7]བའམ། མ་འཚལ་བ་ཞིག་གིས་རྗེས་སུ་བསྒྲགས་ཤིང་ཚུལ་ཤིང་བྲིམས་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །འོ་ན་ཅིར་འགྱུར། ཉེས་བྱས་སོ། དགེ་འདུན་འབྱེད་པའི་དགེ་སློང་གིས་དགེ་འདུན་འབྱེད་པ་ན་མཚན་འཕོས་ན་དགེ་འདུན་ཕྱེ་བ་ཞེས་བགྱིའམ། ཨུ་ [288a] [288a.1]པཱ་ལི་མ་ཡིན་ནོ། །བཙུན་པ་དགེ་སློང་མའི་དགེ་འདུན་བྱེ་ནས་ཕྱོགས་དང་ཕ་རོལ་གྱི་ཕྱོགས་སུ་གནས་ན་དགེ་སློང་མ་ལ་ཟླ་བ་ཕྱེད་ཕྱེད་ཅིང་བསྟན་པའི་ལུང་སྩལ་ཏམ། ཨུ་པཱ་ལི་མ་སྦྱིན་པར་འདི་སྐད་དུ་སྲིང་མོའི་རྣམས་རྗེས་སུ་མཐུན་པར་གྱིས་ཤིག་ཅེས་སྒོ་ཤིག །བཙུན་ [288a.2]པ་དགེ་སློང་གི་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་དགེ་སློང་མས་ཟླ་བ་ཕྱེད་ཅིང་བསྟན་པའི་ལུང་གསོལ་བར་བགྱིའམ། ཨུ་པཱ་ལི་གསོལ་བར་བྱའོ། གང་ལས་གསོལ། རྗེས་སུ་མ་ཕྱོགས་པ་རྣམས་སོ། བཙུན་པ་དགེ་སློང་གི་དགེ་འདུན་ཕྱེ་སྟེ་ཕྱོགས་དང་ཕ་རོལ་གྱི་ [288a.3]ཕྱོགས་སུ་གནས་ན་དགེ་སློང་མ་ལ་བསྟན་པའི་ལུང་སྩོལ་བར་བགྱིའམ། ཨུ་པཱ་ལི་དགེ་སློང་མ་ཡང་བྱེ་བར་མི་འགྱུར་བའི་ཕྱིར་བས་ན་བྱིན་ཅིག །བཙུན་པ་དགེ་སློང་མའི་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་པ་ལ་གང་གིས་དགེ་སློང་མ་ལ་ལུང་སྩལ་བར་བགྱི། [288a.4]རྗེས་སུ་མ་ཕྱོགས་པ་རྣམས་ཀྱིས་སྦྱིན་ནོ། བཙུན་པ་དགེ་སློང་གི་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་དགེ་སློང་མས་གསོ་སྦྱོང་བགྱིའམ། ཨུ་པཱ་ལི་བྱའོ། །བཙུན་པ་དགེ་སློང་གི་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་ཉེ་བར་ཕྱོགས་ [288a.5]པའི་དགེ་སློང་རྣམས་ཀྱིས་གསོ་སྦྱོང་བགྱིའམ། ཨུ་པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། དགེ་འདུན་འདུས་པ་ལས་ནི་གསོ་སྦྱོང་བྱའོ། །བཙུན་པ་ཉེ་བར་ཕྱོགས་པས་ཉེ་བར་མ་ཕྱོགས་པ་རྣམས་ཀྱི་མཚམས་བཀྲོལ་ན་མཚམས་བཀྲོལ་བ་ཞེས་བགྱིའམ། ཨུ་པཱ་ལི་མ་ཡིན་ [288a.6]ནོ། །བཙུན་པ་ཉེ་བར་མ་ཕྱོགས་པ་རྣམས་ཀྱིས་ཉེ་བར་ཕྱོགས་པ་རྣམས་ཀྱི་མཚམས་བཀྲོལ་ན་མཚམས་བཀྲོལ་བ་ཞེས་བགྱིའམ། ཨུ་པཱ་ལི་བཀྲོལ་བ་ཞེས་བྱའོ། །བཙུན་པ་གང་ལ་ལ་ཞིག་ཉེ་བར་ཕྱོགས་པ་དེ་དག་ཐམས་ཅད་སོ་སོར་གནས་པ་ཞེས་བགྱིའམ། རྣམ་པ་ [288a.7]བཞིར་རྒྱས་པར་བརྗོད་དོ། །བཙུན་པ་གང་ལ་ལ་ཞིག་ཉེ་བར་ཕྱོགས་ནས་དེ་དག་ཐམས་ཅད་མི་གནས་པ་ཞེས་བགྱིའམ། རྣམ་པ་བཞིར་རྒྱས་པར་བརྗོད་དོ། །བཙུན་པ་གང་ལ་ལ་སོ་སོར་གནས་ན་དེ་དག་ཐམས་ཅད་མི་གནས་པ་ཞེས་བགྱིའམ། རྣམ་པ་བཞིར་རྒྱས་པར་ [288b] [288b.1]བརྗོད་དོ། །བཙུན་པ་བཅོམ་ལྡན་འདས་ཀྱིས་ལྕགས་རྣམ་པ་བརྒྱར་གྱེས་པའི་དུམ་བུ་ཡང་བཙལ་བར་བྱའོ་ཞེས་གསུངས་ན། ལྕགས་ཀྱི་དུམ་བུ་ཞེས་བགྱི་བ་གང་ལགས། དད་པ་བཙལ་བར་བྱ་བ་དང་། མོས་པ་བཙལ་བར་བྱ་བ་དང་། འདུམ་པ་བཙལ་བར་བྱ་བ་དང་། དགེ་འདུན་ [288b.2]འདུས་པ་བཙལ་བར་བྱ་སྟེ། དགེ་འདུན་དབྱེ་བའི་ཕྱིར་ནི་བཙལ་བར་མི་བྱའོ། །བཙུན་པ་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་གཏན་པ་གང་གིས་དབྱུང་བར་བགྱི། ཉེ་བར་མ་ཕྱོགས་པ་རྣམས་ཀྱིས་སོ། །བཙུན་པ་མ་ནིང་ཞིག་གིས་དགེ་འདུན་ཕྱེ་ན་ཕྱེ་བ་ཞེས་ [288b.3]བགྱིའམ། ཨུ་པཱ་ལི་མ་ཡིན་ནོ། །བཙུན་པ་དེ་བཞིན་དུ་དགེ་སློང་མ་སུན་ཕྱུང་བ་ནས། བསླབ་པ་སྩལ་བའི་བར་དུ་རྒྱས་པར་དེ་དག་གིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་སྨྱོན་པ་ཞིག་གིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ། [288b.4]ཨུ་པཱ་ལི་མ་ཡིན་ནོ། །བཙུན་པ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། ཨུ་པཱ་ལི་རང་བཞིན་དུ་གནས་པ་མ་ཡིན་པས་ནི་ [288b.5]དགེ་འདུན་དབྱེ་བར་མི་ནུས་སོ། །ཇི་ལྟར་དགེ་འདུན་འབྱེད་པ་དེ་བཞིན་དུ་གྲངས་སུ་མི་འགྱུར་བར་ཡང་བརྗོད་པར་བྱའོ། །དགེ་འདུན་གྱི་དབྱེན་གྱི་དངོས་པོ་རྫོགས་ཏེ། ཨུ་པཱ་ལིས་དྲིས་པ་རྫོགས་{སྷོ,སོ}།། །།མདོར་ན། བཟང་བྱིན་རྡོ་རྗེ་འདུ་ཤེས་དང་། །བལ་གླང་མོ་དང་རྒོད་མ་ [288b.6]དང་། །བ་དང་རྔ་མོ་{རི་དགས་,རི་དྭགས་}མོ། །བོང་ལུག་ཁྱི་ཕག་མོ་རྣམས་སོ། །སངས་རྒྱས་བཅོམ་ལྡན་འདས་གྲོང་ཁྱེར་ཡངས་པ་ཅན་ན་སྤྲེའུ་རྫིང་འགྲམ་གྱི་ཁང་བུ་བརྩེགས་པ་ན་ཞུགས་སོ། །ཀ་ལན་ད་ཀའི་བུ་བཟང་བྱིན་ལ་བསླབ་པའི་གནས་མ་བཅས་པས་ལས་དང་པོ་པ་ལ་ཉེས་པ་མེད་པ་ [288b.7]ན་བདག་གིས་བསླབ་པ་མ་བཅས་པའི་ཚེ་ལན་མང་ཞིག་ཏུ་མི་ཚངས་པར་སྤྱོད་པ་འཁྲིག་པའི་ཆོས་བྱས་ན་བདག་གི་ལས་དང་པོ་གང་ཡིན་ཞེས་ཐེ་ཚོམ་དུ་གྱུར་ནས་སེམས་ལ་དོགས་པ་དང་འགྱོད་པ་རྣམས་སྐྱེས་ཏེ། དེས་དེ་ལྟ་བུར་གྱུར་པ་དགེ་སློང་རྣམས་ལ་སྨྲས་ནས། དགེ་སློང་རྣམས་ཀྱིས་ [289a] [289a.1]བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བསླབ་པའི་གནས་མ་བཅས་པ་ན་ཀ་ལན་ད་ཀའི་བུ་བཟང་བྱིན་གྱིས་ཤིན་ཏུ་འདས་པར་གྱུར་པ་ནི་ཐམས་ཅད་ཀྱང་ལས་དང་པོ་པ་ཡིན་ཏེ། ལས་དང་པོ་པ་ལ་ནི་ཉེས་ [289a.2]པ་མེད་དོ། །དགེ་སློང་རྡོ་རྗེའི་བུ་ཞེས་བྱ་བས་བསླབ་པ་མ་ཕུལ། བསླབ་པ་ཉམས་པ་མ་བཤགས་པར་ཁྱིམ་པར་གྱུར་ཏེ། དེས་དེ་ན་མི་ཚངས་པར་སྤྱོད་པ་འཁྲིག་པའི་ཆོས་བྱས་ནས་དེ་འདི་སྙམ་དུ་གྱུར་ཏོ། །རེ་ཞིག་དགེ་སློང་རྣམས་ལ་དྲིས་ལ་དེ་སྟེ་བདག་རབ་ཏུ་འབྱུང་ཞིང་བསྙེན་ [289a.3]པར་རྫོགས་པར་རུང་ན་ནི་རབ་ཏུ་འབྱུང་ངོ་། །དེ་སྟེ་མི་རུང་ན་འདི་ཉིད་ན་འདུག་གོ་སྙམ་བསམས་ནས་དེས་དེ་ལྟར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པའི་བར་དུ་རྒྱས་པར་བྱས་ཏེ། དགེ་སློང་དག་བསླབ་པ་མ་ཕུལ་བསླབ་པ་ཉམས་པ་མ་བཤགས་པར་ཁྱིམ་པའི་ [289a.4]དངོས་པོར་གྱུར་ཏེ་མི་ཚངས་པར་སྤྱོད་པ་འཁྲིག་པའི་ཆོས་ལ་བསྟེན་ན་གང་ཟག་དེ་སླར་ཡང་རབ་ཏུ་འབྱུང་ཞིང་བསྙེན་པར་རྫོགས་པར་མི་རུང་གིས་དེ་བཞིན་དུ་བསླབ་པའི་གནས་བཤད་པར་བྱའོ། །ཡང་དགེ་སློང་གང་བསླབ་པ་མ་ཕུལ་བསླབ་པ་ཉམས་པ་མ་བཤགས་བཞིན་དུ་མི་ཚངས་ [289a.5]པར་སྤྱོད་པ་འཁྲིག་པའི་ཆོས་བྱས་ན་དགེ་སློང་དེ་ཡང་ཕས་ཕམ་པ་ཡིན་གྱིས་ལྷན་ཅིག་མ་གནས་ཤིག །དགེ་སློང་གཅིག་པུ་ཞིག་དགོན་པ་ན་འདུག་སྟེ་དེ་ལས་མི་རིང་བ་ཞིག་ན་བལ་གླང་མོ་ཞིག་ལ་བུ་བྱུང་སྟེ། བལ་གླང་མོ་དེ་ལས་བེའུ་མོ་ཞིག་བྱུང་ངོ་། །དེའི་མ་དེ་ནི་ཟས་ལ་སོང་ནས་དགེ་ [289a.6]སློང་དེས་རྩྭ་བླངས་ཏེ་དེ་ལ་རྩྭ་བྱིན་ཆུ་བླུད་པ་དང་། དེས་དེ་འདུག་པ་ལ་མོ་མཚན་བྱེ་བར་མཐོང་སྟེ། དེས་དེ་མཐོང་ནས་ཆགས་པར་གྱུར་ཏེ་དེར་ལོག་པར་ཞུགས་པ་དང་། དེ་ངོ་ཚ་བའི་ཆོས་སུ་གྱུར་ནས། དེས་བདག་ཕས་ཕམ་པའི་ཉེས་པ་མ་བྱུང་གྲང་སྙམ་བསམས་ནས་ཐེ་ཚོམ་སྐྱེས་ཏེ། [289a.7]དེས་དེ་ལྟ་བུར་གྱུར་པ་དགེ་སློང་རྣམས་ལ་སྨྲས་པ་ནས་རྒྱས་པར་བརྗོད་དེ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེར་རེག་པར་མ་གྱུར་པས་ཕས་ཕམ་པའི་ཉེས་པ་ནི་མེད་ཀྱི་ཉེས་པ་སྦོམ་པོར་འགྱུར་རོ། །ནམ་བལ་གླང་གི་ཕྲུ་གུ་དེ་ཆེན་པོར་གྱུར་པ་དང་། དེས་དེའི་ [289b] [289b.1]མོ་མཚན་མཐོང་སྟེ། དེས་དེ་མཐོང་ནས་ཆགས་པ་དང་། དེས་དེར་གཞུག་སྙམ་ནས་མོ་མཚན་གྱི་ཁར་བཙུགས་པ་དང་། དེས་དེ་ལ་ཕྲ་བ་ཅིག་བརྒྱབ་ནས་སྐྲག་པར་གྱུར་ཏེ། བདག་ལ་ཕས་ཕམ་པའི་ལྟུང་བ་མ་བྱུང་གྲང་སྙམ་བསམས་ནས། དེས་དེ་ལྟ་བུར་གྱུར་པ་རྒྱས་ [289b.2]པར་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྐྲག་པ་ལ་ནི་ཆགས་པ་མེད་པས་ཕས་ཕམ་པའི་ཉེས་པ་ནི་མེད་ཀྱི་ཉེས་པ་སྦོམ་པོར་འགྱུར་རོ། །ཇི་ལྟར་བལ་གླང་མོ་བཞིན་དུ་རྒོད་མ་དང་། རྔ་མོ་དང་། {རི་དགས་,རི་དྭགས་}མོ་དང་། བོང་མོ་དང་། ལུག་མོ་ [289b.3]དང་། ཁྱི་མོ་དང་། ཕག་མོ་རྣམས་ཀྱང་དེ་བཞིན་ནོ།། །།མདོར་ན། སྨྱོན་པར་གྱུར་དང་སེམས་འཁྲུགས་དང་། །ནད་ཀྱིས་གཟིར་དང་མི་རྣམས་དང་། །ལམ་མིན་ལམ་དུ་འདུ་ཤེས་དང་། །ལམ་གསུམ་རབ་ཏུ་བསྒྲགས་པའོ། །བཙུན་པ་བཅོམ་ལྡན་འདས་ [289b.4]ཀྱིས་སྨྱོན་པ་ལ་ནོངས་པ་མ་མཆིས་སོ་ཞེས་གསུངས་ན། ཇི་ཙམ་གྱིས་ན་སྨྱོན་པ་ཞེས་བགྱི། རྣམ་པ་ལྔས་སྨྱོན་པར་གྱུར་ཏེ། གཉེན་བཤེས་ཟད་པ་དང་། ལོངས་སྤྱོད་ཟད་པ་དང་། ནོར་ཟད་པ་དང་། ཁམས་མ་མཉམ་པ་དང་། མི་མ་ཡིན་པས་བརླམས་པ་དང་། སྔོན་གྱི་ལས་ [289b.5]ཀྱི་རྣམ་པར་སྨིན་པ་སྟེ། རྣམ་པ་འདི་ལྔས་སྨྱོན་པར་འགྱུར་རོ། །དེ་སྟེ་དགེ་སློང་གི་དངོས་པོར་ཤེས་ན་ནི་དངོས་པོ་ཇི་ལྟ་བ་བཞིན་ནོ། །དེ་སྟེ་དགེ་སློང་གི་དངོས་པོར་མི་ཤེས་ན་སྨྱོན་པ་ལ་ཉེས་པ་མེད་དོ། །བཙུན་པ་བཅོམ་ལྡན་འདས་ཀྱིས་སེམས་འཁྲུགས་པ་ལ་ནོངས་པ་མ་ [289b.6]མཆིས་སོ་ཞེས་གསུངས་ན། ཇི་ཙམ་གྱིས་ན་སེམས་འཁྲུགས་པ་ཞེས་བགྱི། རྣམ་པ་ལྔས་ནི་སེམས་འཁྲུགས་པ་ཞེས་བྱ་སྟེ། མི་མ་ཡིན་པས་དེའི་སེམས་འཁྲུགས་པ་དང་། མི་མ་ཡིན་པས་དེ་ལ་བརླམས་པ་དང་། མི་མ་ཡིན་པས་དེའི་མདངས་ཕྲོགས་པ་དང་། ཁམས་ [289b.7]མ་མཉམ་པ་དང་། སྔོན་གྱི་ལས་ཀྱི་རྣམ་པར་སྨིན་པ་སྟེ། རྣམ་པ་འདི་ལྔས་ནི་སེམས་འཁྲུགས་པ་ཞེས་བྱ་སྟེ་རྒྱས་པར་རོ། །བཙུན་པ་བཅོམ་ལྡན་འདས་ཀྱིས་ནད་ཀྱིས་གཟིར་བ་ལ་ནོངས་པ་མ་མཆིས་སོ། །ཞེས་གསུངས་ན། ཇི་ཙམ་གྱིས་ན་ནད་ཀྱིས་གཟིར་བ་ཞེས་བགྱི། རྣམ་ [290a] [290a.1]པ་ལྔས་ན་ནད་ཀྱིས་གཟིར་བ་ཞེས་བྱ་སྟེ། དེ་ལ་རླུང་གིས་བསྐྱོད་པ་དང་། མཁྲིས་པ་དང་། བད་ཀན་དང་། འདུས་པ་དང་། དུས་གྱུར་པ་རྣམས་ཏེ། རྣམ་པ་འདི་ལྔ་ནི་ནད་ཀྱིས་གཟིར་བ་ཞེས་བྱའོ། །དགེ་སློང་གིས་ལམ་ལ་ལམ་མ་ཡིན་པར་འདུ་ [290a.2]ཤེས་ནས་མི་ཚངས་པར་སྤྱོད་པ་འཁྲིག་པའི་ཆོས་བྱས་ཏེ། དགེ་སློང་དེ་ལ་བདག་ལ་ཕས་ཕམ་པའི་ཉེས་པ་མ་བྱུང་གྲང་སྙམ་བསམས་ཏེ་ཐེ་ཚོམ་སྐྱེས་ནས་དེས་དེ་ལྟར་གྱུར་པ་རྒྱས་པར་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལམ་ལ་ལམ་མ་ཡིན་པར་འདུ་ཤེས་ [290a.3]ན་ཕས་ཕམ་པར་འགྱུར་རོ། །ལམ་ལ་ཐེ་ཚོམ་ཟ་བར་འདུ་ཤེས་ནའང་ཕས་ཕམ་པར་འགྱུར་རོ། །ལམ་མ་ཡིན་པ་ལ་ལམ་དུ་འདུ་ཤེས་ན་ཉེས་པ་སྦོམ་པོར་འགྱུར་རོ། །ལམ་མ་ཡིན་པ་ལ་ཐེ་ཚོམ་ཟ་ན་ཉེས་པ་སྦོམ་པོར་འགྱུར་རོ། །ལམ་གསུམ་ལ་བཤང་བའི་ལམ་ [290a.4]དང་། གཅི་བའི་ལམ་དང་། ཁའི་ལམ་མོ། །དགེ་སློང་གིས་གཅི་བའི་ལམ་དུ་དཀྲིས་ཁ་ཤུན་འདས་ན་ཕས་ཕམ་པར་འགྱུར་རོ། །དགེ་སློང་གིས་བཤང་བའི་ལམ་དུ་དཀྲིས་རྐུབ་ཁ་འདས་ན་ཕས་ཕམ་པར་འགྱུར་རོ། །དགེ་སློང་གིས་ཁའི་ལམ་དུ་དཀྲིས་སོ་འདས་ན་ཕས་ [290a.5]ཕམ་པར་འགྱུར་རོ།། །།མདོར་ན། སྤྲེའུ་མོ་སེང་གེ་ཁྲུང་ཁྲུང་མོ། །རྨ་བྱ་ཁྱིམ་བྱའང་དེ་བཞིན་ཏེ། །མཚན་རིང་དང་ནི་རྒྱབ་གཉེན་དང་། །ནན་དི་ཀ་དང་ཁ་གཉིས་སོ། །ཉེས་པ་སྦོམ་པོ་བཞི་སྟེ། སྤྲེའུ་མོ་དང་། མཚན་རིང་ནི་ཇི་ལྟར་རྣམ་པར་འབྱེད་པ་ལས་འབྱུང་བ་ [290a.6]བཞིན་ཏེ། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པར་འགྱུར་རོ། །རྒྱབ་གཉེན་ཀྱང་ཕས་ཕམ་པར་འགྱུར་རོ། །ནན་ད་ཀི་ལ་བསླབ་པ་བྱིན་པ་ཇི་ལྟར་འདུལ་བ་བཞིན་ནོ། །དགེ་སློང་ཞིག་བླ་གབ་མེད་པར་འདུག་ནས་སྒྲེན་མོར་ཁྲུས་བྱེད་དེ། དེའི་ཉེ་གཡོག་ནི་མི་ [290a.7]བཞི་ཞིག་བྱེད་དེ་དེའི་ལུས་ལ་རེག་པས་ཕོ་མཚན་ལས་སུ་རུང་བར་གྱུར་ཏེ་འདོད་ཆགས་ཀུན་དུ་གནས་པ་དང་། དགེ་སློང་གཞན་ཞིག་མདུན་ན་འདུག་པར་གྱུར་པ་དེས་དེའི་ཕོ་མཚན་བདག་གི་ཁར་བཅུག་པ་དང་། དེས་ཀྱང་ལུས་བཏུད་དེ་ཁུ་བ་ཕྱུང་ནས་དགེ་སློང་དེ་ཐེ་ཚོམ་སྐྱེས་ནས་བདག་ [290b] [290b.1]ལ་ཕས་ཕམ་པའི་ཉེས་པ་མ་བྱུང་གྲང་སྙམ་དུ་བསམས་ཏེ། དེས་དེ་ལྟ་བུར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པའི་བར་དུ་རྒྱས་པར་བྱས་ཏེ། དེ་ལ་ཕས་ཕམ་པའི་ཉེས་པ་ནི་མེད་མོད་ཀྱི། བླ་གབ་མེད་པ་ལ་འགྲེང་ངམ་འདུག་ཀྱང་རུང་གཞན་ལས་བྱེད་པ་བདག་གིར་ [290b.2]མ་བྱེད་ཅིག །དགེ་སློང་ཞིག་འདོད་ཆགས་ཀུན་དུ་གནས་པས་གཟིར་བ་དང་། དེ་ལ་དགེ་སློང་མཛའ་བོ་ཞིག་ཡོད་དེ་དེ་དེའི་དྲུང་དུ་སོང་ནས་དེས་ཚེ་དང་ལྡན་པ་འདོད་ཆགས་ཀྱིས་ཀུན་དུ་ཁེབས་ཤིང་གཟིར་ཏོ་ཞེས་སྨྲས་ན། དེ་ན་རེ་སོང་ལ་མི་ཚངས་པར་སྤྱོད་ཅིག་ཅེས་བསྒོ་བ་དང་། [290b.3]དེ་ཡང་སོང་ནས་མི་ཚངས་པར་སྤྱོད་པ་བྱས་སོ། །དེ་ལ་བསྒོ་བས་བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་ནི་མེད་ཀྱི་ཉེས་པ་སྦོམ་པོར་འགྱུར་རོ། །སངས་རྒྱས་བཅོམ་ལྡན་ [290b.4]འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་ཉེས་པ་སྦོམ་པོར་ཇི་ལྟ་བ་མཐོལ་བར་བགྱི། ཨུ་པཱ་ལི་ཉེས་པ་སྦོམ་པོ་ནི་འདི་བཞི་སྟེ། ཕས་ཕམ་པ་ལས་བྱུང་བའི་ལྕི་བ་དང་། ཕས་ཕམ་པ་ལས་བྱུང་བ་ཡང་བ་དང་། དགེ་འདུན་གྱི་ལྷག་མ་ལས་བྱུང་བ་ [290b.5]ལྕི་བ་དང་། དགེ་འདུན་གྱི་ལྷག་མ་ལས་བྱུང་བ་ཡང་བ་རྣམས་ཏེ། དེ་ལ་ཨུ་པཱ་ལི་གང་ཕས་ཕམ་པ་ལས་བྱུང་བའི་ཉེས་པ་སྦོམ་པོ་ལྕི་བ་དེ་ནི་མཚམས་ཀྱི་ནང་དུ་དགེ་འདུན་ཐམས་ཅད་ཀྱི་མདུན་དུ་བཤགས་པར་བྱའོ། །གང་ཕས་ཕམ་པ་ལས་བྱུང་བའི་ཡང་བ་དེ་ནི་ [290b.6]མཚམས་ཀྱི་ཕྱི་རོལ་དུ་དགེ་སློང་བཞིའི་མདུན་དུ་བཤགས་པར་བྱའོ། །གང་དགེ་འདུན་གྱི་ལྷག་མ་ལས་བྱུང་བའི་ཉེས་པ་སྦོམ་པོ་ལྕི་བ་ནི་མཚམས་ཀྱི་ཕྱི་རོལ་དུ་དགེ་སློང་བཞིའི་མདུན་དུ་བཤགས་པར་བྱའོ། །དགེ་འདུན་གྱི་ལྷག་མ་ལས་བྱུང་བའི་ཡང་བ་ནི་མཚམས་ཀྱི་ནང་དུ་ [290b.7]དགེ་སློང་གཅིག་གི་མདུན་དུ་བཤགས་པར་བྱའོ།། །།མདོར་ན། གླལ་དང་ལས་སུ་རུང་བར་གྱུར། །མ་དང་དུར་ཁྲོད་པ་དག་དང་། །འོད་བཟང་དང་ནི་བཟང་སྐྱེས་དང་། །ཤིན་ཏུ་བཟང་བ་སྨྱུགས་པ་དང་། །རབ་ཏུ་བཟང་ཞེས་བྱ་བའོ། །དགེ་སློང་གིས་མ་ [291a] [291a.1]བཀག་པར་གླལ་བ་དང་། འདོད་ཆགས་ཀྱིས་ཀུན་དུ་གཟིར་བའི་དགེ་སློང་ཞིག་དེའི་མདུན་ན་འདུག་པས་ཕོ་མཚན་དེའི་ཁར་བཅུག་ནས་དེས་ལུས་བཏུད་དེ་ཁུ་བ་ཕྱུང་ནས་དགེ་སློང་དེ་བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་པ་ [291a.2]དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་ནི་མ་བྱུང་མོད་ཀྱི། ད་ཕན་ཆད་དགེ་སློང་གིས་མ་བཀག་པར་གླལ་བར་མ་བྱེད་ཅིག །གླལ་ན་ཉེས་བྱས་སུ་འགྱུར་རོ། །དགེ་སློང་ཞིག་ཕོ་མཚན་སྒྲེང་བཞིན་ལས་སུ་རུང་བར་གྱུར་ནས་ [291a.3]དེས་བདག་གིས་མོ་མཚན་གྱི་ནང་དུ་བཅུག་ཀྱང་ཉེས་པར་མི་འགྱུར་རོ་སྙམ་དུ་བསམས་ཏེ། དེས་བུད་མེད་ཀྱི་མོ་མཚན་དུ་བཅུག་ནས་བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བཅུག་མ་ཐག་ཏུ་ [291a.4]ཕས་ཕམ་པར་འགྱུར་རོ། །དགེ་སློང་ཞིག་འདོད་ཆགས་ཀྱིས་ཀུན་དུ་ཁེབས་ཤིང་གཟིར་བ་དང་། དེ་མའི་དྲུང་དུ་སོང་ནས་འདི་སྐད་དུ་མ་འདོད་ཆགས་ཀུན་དུ་གནས་པས་གཟིར་ཏོ་ཞེས་སྨྲས་པ་དང་། མ་ན་རེ་བུ་ཁྱོད་ནི་འདི་ཉིད་ནས་བྱུང་བ་ཡིན་གྱིས་དའང་འདི་ཉིད་དུ་ཆུག་ [291a.5]ཤིག་ཅེས་སྨྲས་པ་དང་། དེས་དེ་ཉིད་དུ་གཞུག་སྙམ་སྟེ་རྨ་ཁར་བཙུགས་ན་དེ་ངོ་ཚ་བའི་ཆོས་སུ་གྱུར་ཏེ། དགེ་སློང་དེ་བདག་ལ་ཕས་ཕམ་པའི་ཆོས་སུ་མ་གྱུར་གྲང་ཞེས་ཐེ་ཚོམ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ངོ་ཚ་བ་ནི་ཆགས་པ་མེད་པས་ཕས་ཕམ་ [291a.6]པའི་ཉེས་པ་མེད་མོད་ཀྱི། ཉེས་པ་སྦོམ་པོར་འགྱུར་རོ། །དགེ་སློང་ཞིག་མི་རོ་ལ་བརྟག་པའི་ཕྱིར་དུར་ཁྲོད་དུ་སོང་བ་དང་། དེས་དེ་ན་བུད་མེད་རྒྱན་གྱིས་བརྒྱན་བཞིན་དུ་བོར་བའི་རོ་ཞིག་མཐོང་ངོ་། །དེས་དེ་མཐོང་ནས་ཆགས་པའི་ཆོས་སྐྱེས་ཏེ། དེས་དེའི་ནང་དུ་གཞུག་ཅེས་ [291a.7]རྨ་ཁར་བཙུགས་པ་དང་དེའི་ནང་སྲིན་བུས་གང་ཞིང་འདུག་སྟེ། དགེ་སློང་དེ་བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཉམས་པ་དེ་ལ་རྣམ་པ་གཉིས་ཏེ། ནང་ཉམས་པ་དང་། ཕྱི་ཉམས་པ་སྟེ། [291b] [291b.1]ཕས་ཕམ་པའི་ཉེས་པ་ནི་མེད་མོད་ཀྱི་ཉེས་པ་སྦོམ་པོར་འགྱུར་རོ། །འོད་བཟང་མོ་ཞེས་བྱ་བའི་དགེ་བསྙེན་མ་ཞིག་ནུབ་མོ་དུས་བྱས་ནས་དེ་བརྒྱན་བཞིན་དུ་དུར་ཁྲོད་དུ་བོར་བ་དང་། དགེ་སློང་ཞིག་མི་རོ་ལ་བརྟག་པའི་ཕྱིར་དུར་ཁྲོད་དུ་སོང་བ་དེས་དེ་མཐོང་ནས་དེ་ལ་ཆགས་ [291b.2]པའི་ཆོས་སྐྱེས་ཏེ། དེས་དེའི་ནང་དུ་གཞུག་ཅེས་རྨ་ཁར་བཙུགས་པ་དང་དེ་ཡང་ལངས་ཏེ་འདུག་ནས་དགེ་སློང་དེ་འཇིགས་པར་གྱུར་ཏེ། བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ [291b.3]འཇིགས་པ་ནི་ཆགས་པ་མེད་པས་ཕས་ཕམ་པའི་ཉེས་པ་ནི་མེད་མོད་ཀྱི་ཉེས་པ་སྦོམ་པོར་འགྱུར་རོ། །ཁྱིམ་བདག་བཟང་སྐྱེས་ཞེས་བྱ་བའི་ཆུང་མ་དེའི་གྲོང་དུ་ཉེ་བར་འགྲོ་བ་དང་། དགེ་སློང་ཞིག་ཡོད་པ་དེ་དེར་སོང་ནས་དེ་ལ་འདི་སྐད་དུ་ཁྱིམ་བདག་གི་ཆུང་མ་འདོད་ཆགས་ཀྱིས་ [291b.4]ཁེབས་ཤིང་གཟིར་ཏོ་ཞེས་སྨྲས་པ་དང་། མོས་སྨྲས་པ། འོག་མར་སྨྱུགས་ལ་སྟེང་མར་ཁུ་བ་ཐོང་ཤིག །སྟེང་མར་སྨྱུགས་ལ་འོག་མར་ཁུ་བ་ཐོང་ཤིག་དང་། དེ་ལ་ཁོ་མོས་མི་ཚངས་པར་སྤྱད་པར་མི་ཤེས་སོ་ཞེས་སྨྲས་པ་དང་། དེས་ཀྱང་འདི་སྙམ་དུ་བསམས་ཏེ། [291b.5]འདི་ནི་བཟང་ངོ་། །འདི་ནི་ལེགས་སོ། །དེ་ལྟ་བུར་ནི་རུང་ངོ་སྙམ་དུ་བསམས་ནས། འོག་མར་སྨྱུགས་ཏེ་སྟེང་མར་ཁུ་བ་བཏང་བ་དང་། དགེ་སློང་དེ་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། བཅུག་མ་ཐག་ཏུ་ཕས་ཕམ་པར་འགྱུར་རོ། །ཤིན་ [291b.6]ཏུ་བཟང་མོའི་གླེང་གཞི་ནི་ཇི་ལྟར་རྣམ་པར་འབྱེད་པ་ལས་འབྱུང་བ་བཞིན་ནོ། །རབ་ཏུ་བཟང་ཞེས་བྱ་བའི་དགེ་སློང་ཞིག་གཅིག་པུ་དགོན་པ་ལ་གནས་ཏེ། དེ་ནས་རྒྱང་མི་རིང་བ་ཞིག་ན་བྲམ་ཟེའི་ཞིང་ཞིག་ཡོད་དེ། བྲམ་ཟེ་དེ་ཞིང་ལ་རྟག་ཏུ་འོང་བ་མཐོང་སྟེ། དེ་མཐོང་ [291b.7]ནས་དད་པ་སྐྱེས་སོ། །དེས་དེ་ཟན་ལ་མགྲོན་དུ་བོས་ནས་དེས་ཀྱང་དེ་ལ་ཁས་བླངས་སོ། །དེས་ནང་པར་སྔར་ཟས་རྣམས་སྦྱར་ཏེ་བུ་མོ་ཆུང་ངུ་སྒྲེན་མོར་སྤྱད་པ་ཞིག་འབོད་དུ་བཏང་བ་དང་། དེས་དེའི་མོ་མཚན་མཐོང་ངོ་། །དེས་མཐོང་ནས་ཆགས་པ་སྐྱེས་ཏེ་བྱས་པ་དང་། [292a] [292a.1]དེའི་མོ་མཚན་རལ་ནས་དེ་ཐེ་ཚོམ་སྐྱེས་ཏེ། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་མི་ཚངས་པར་སྤྱད་པས་དགའ་བ་ཚོར་ན་ནི་ཕས་ཕམ་པར་འགྱུར་རོ། །དེ་སྟེ་མ་ཚོར་ན་ནི་ཉེས་པ་སྦོམ་པོར་འགྱུར་རོ།། །།མདོར་ན། ལས་སུ་མི་ [292a.2]རུང་གཉིད་ལོག་ལ། །གནོན་པ་དང་ནི་ར་རོ་དང་། །ནད་ཀྱིས་གཟིར་དང་མི་འདོད་བཞིན། །སྐྱེས་པ་དང་ནི་མ་ནིང་ངོ་། །དགེ་སློང་ཞིག་རང་བཞིན་གྱིས་ཕོ་མཚན་ལས་སུ་མི་རུང་སྟེ། གང་ལས་སུ་རུང་བཞིན་དུ་བཅུག་ན་ཕས་ཕམ་པའི་ཉེས་པར་འགྱུར་གྱི་ལས་སུ་ [292a.3]མི་རུང་བཞིན་དུ་བཅུག་ན་ཉེས་པར་མི་འགྱུར་རོ་སྙམ་ནས། དེས་མ་བསྒྲེང་བཞིན་དུ་བཅུག་པ་དང་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་ནི་མེད་མོད་ཀྱི་ཉེས་པ་སྦོམ་པོར་འགྱུར་རོ། །དགེ་སློང་གིས་བུད་མེད་གཉིད་ལོག་པ་ལ་ [292a.4]བྱས་པ་དང་། དགེ་སློང་དེ་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་ལག་པས་ནི་ལག་པར་རྐང་པས་ནི་རྐང་པར། བརླས་ནི་བརླར། འགྲོང་གིས་ནི་འགྲོང་ལ་འབྱར་ན་ཕས་ཕམ་པར་འགྱུར་རོ། །མ་འབྱོར་ན་ནི་ཉེས་པ་སྦོམ་པོར་འགྱུར་རོ། ། [292a.5]ཇི་ལྟར་གཉིད་ལོག་པ་དེ་བཞིན་དུ་ར་རོ་བ་དང་། ནད་ཀྱིས་གཟིར་བ་དང་། མི་འདོད་བཞིན་པའོ། །ཇི་ལྟར་བུད་མེད་ལ་རྣམ་པ་བཞིར་བརྗོད་པ་སྐྱེས་པ་དང་། མ་ནིང་ལ་ཡང་དེ་བཞིན་ནོ།། །།འདུལ་བ་གཞུང་དམ་པ། བམ་པོ་ཉི་ཤུ་གཉིས་པ། [292a.6]མདོར་ན། རྣམ་པ་བཞི་དང་ལྔ་པ་དང་། །ལས་རྣམས་ཀུན་དང་གཉིད་ལོག་མ། །ལན་གཅིག་གསུམ་པ་བྱས་པ་དང་། །བུད་མེད་སྐྱེས་པ་མ་ནིང་ངོ་། །དགེ་སློང་ཉལ་བ་ལ་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་ [292a.7]སློང་ཁྱོད་ཀྱིས་ཅི་དགའ་བ་ཚོར་རམ། གསོལ་པ། དགའ་བ་ཚོར་རོ། །བཅོམ་ལྡན་འདས་ཀྱིས་བཀའ་སྩལ་པ། ཤེས་སམ། སྨྲས་པ། འཚལ་བ་ནི་མ་མཆིས་ཏེ། བདག་གཡོས་པ་ཙམ་དུ་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཉིད་ཀྱིས་ [292b] [292b.1]ལོག་པ་གཡོས་པ་ཙམ་དུ་གྱུར་པ་ལ་ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །དགེ་སློང་ཞིག་ཉལ་བ་ན་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁྱོད་ཀྱིས་ཅི་དགའ་བར་ཚོར་རམ། [292b.2]གསོལ་བ། དགའ་བར་མ་ཚོར་རོ། །བཅོམ་ལྡན་འདས་ཀྱིས་བཀའ་སྩལ་པ། དགའ་བར་མ་ཚོར་ན་ཉེས་པ་མེད་དོ། །དགེ་སློང་ཉལ་ཞིང་འདུག་པ་ན་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ [292b.3]ཅི་ཁྱོད་ཀྱིས་ཤེས་སམ། གསོལ་པ། མ་འཚལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཤེས་པ་མེད་ན་ཉེས་པ་མེད་དོ། །དགེ་སློང་ཉལ་བ་ཞིག་འདུག་པ་ལ་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། [292b.4]ཅི་དགེ་སློང་ཁྱོད་ཀྱིས་ཤེས་པའམ། དགའ་བ་ཚོར་བ་ཡོད་དམ། གསོལ་པ། འཚལ་བའང་མ་མཆིས་དགའ་བར་ཚོར་བའང་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤེས་པ་མེད་པ་དང་། དགའ་བར་ཚོར་བ་མེད་པ་ལ་ཉེས་པ་མེད་དོ། ། [292b.5]དགེ་སློང་ལ་ཇི་ལྟ་བར་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལའང་དེ་བཞིན་ནོ། །སྡིག་ཅན་གྱི་དགེ་སྦྱོང་གསུམ་པོས་བུད་མེད་བཟུང་སྟེ་ལམ་ཀུན་དུ་བྱས་ཀྱང་ཉེས་པར་མི་འགྱུར་རོ་ཞེས་སྨྲས་ནས་དེ་དག་གིས་དེའི་ལམ་ཀུན་དུ་བྱས་པ་དང་། དེ་ [292b.6]དག་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། བཅུག་མ་ཐག་ཏུ་ཕས་ཕམ་པར་འགྱུར་རོ། །བུད་མེད་ལ་ཇི་ལྟ་བར་སྐྱེས་པ་དང་། མ་ནིང་ཐམས་ཅད་ལའང་དེ་བཞིན་ནོ།། །།མདོར་ན། བུད་མེད་སྐྱེས་པ་མ་ནིང་དང་། །སུན་ཕྱུང་དགའ་བ་མ་ [292b.7]ཚོར་དང་། །དགོན་པ་གསུམ་དང་རབ་བྱུང་ལྔའོ། །དགེ་སློང་ཞིག་ཉལ་བ་ལ་བུད་མེད་ཀྱིས་བྱས་ཏེ། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ། དགེ་སློང་ཅི་ཁྱོད་ཀྱིས་ཤེས་སམ། གསོལ་པ། མ་འཚལ་ཏོ། །མི་ཤེས་པ་ལ་ཉེས་པ་ [293a] [293a.1]མེད་དོ། །བུད་མེད་ལ་ཇི་ལྟ་བར་སྐྱེས་པ་དང་། མ་ནིང་ལའང་དེ་བཞིན་ནོ། །དགོན་པའི་དགེ་སློང་སྡིག་ཅན་གྱིས་དགེ་སློབ་མ་བྲིད་ནས་ཁྱོད་ནི་བསྙེན་པར་མ་རྫོགས་པས་མི་ཚངས་པར་སྤྱད་ན་བདག་ཅག་གཉི་ག་ལ་ཉེས་པར་མི་འགྱུར་རོ་ཞེས་སྨྲས་པ་ [293a.2]དང་། དེས་ཀྱང་ཁས་བླངས་སོ། །དེས་ཁས་བླངས་ནས་འགྱོད་པ་སྐྱེས་པ་དང་། དེས་དེ་མ་དད་བཞིན་དུ་བྱས་ནས་དགེ་སློབ་མ་དེ་བདག་ནི་དགེ་སློབ་མ་མ་ཡིན་པར་མ་གྱུར་གྲང་སྙམ་དུ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བསླབ་པ་ཉམས་ [293a.3]ཀྱིས་སླར་ཡང་བྱིན་ཅིག་ཉེས་བྱས་སུ་འགྱུར་རོ། །དགོན་པའི་སྡིག་ཅན་མས་དགེ་ཚུལ་ཕ་བྲིད་ནས་ཁྱོད་ནི་བསྙེན་པར་མ་རྫོགས་པས་མི་ཚངས་པར་སྤྱད་ཀྱང་བདག་ཅག་གཉིས་ཀ་ལ་ཉེས་པར་མི་འགྱུར་རོ་ཞེས་སྨྲས་ནས་རྒྱས་པར་ཏེ། བཅོམ་ལྡན་འདས་ཀྱིས་བཀའ་སྩལ་པ། [293a.4]དགེ་ཚུལ་ཕ་ལ་ཉེས་བྱས་སུ་འགྱུར་ཏེ། དགེ་ཚུལ་མ་ལའང་དེ་བཞིན་ནོ། །དགོན་པའི་སྡིག་ཅན་མས་ལོར་མ་ལོན་པ་ལ་ཁྱོད་བསྙེན་པར་རྫོགས་ནས་རིང་པོར་མ་ལོན་གྱིས་མི་ཚངས་པར་སྤྱད་ཀྱང་བདག་ཅག་ལ་ཉེས་པར་མི་འགྱུར་རོ་ཞེས་སྨྲས་ནས། དེས་ཀྱང་དེ་ལ་ཁས་བླངས་ [293a.5]ཏེ། དེས་ཁས་བླངས་ནས་སླར་འགྱོད་པ་སྐྱེས་པ་དང་། དེས་དེ་ལ་མ་དད་བཞིན་དུ་བྱས་ནས་དགེ་སློང་དེ་འདི་སྙམ་དུ་བདག་ལ་ཕས་ཕམ་པའི་ཉེས་པ་མ་བྱུང་གྲང་སྙམ་སྟེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགའ་བར་མ་ཚོར་བ་ལ་ཕས་ཕམ་ [293a.6]པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། །དགེ་སློང་ཞིག་གིས་དགེ་སློང་ཞིག་ཉལ་བ་ལ་བྱས་པ་དང་། དགེ་སློང་དེས་ཐོག་མ་དང་། བར་མ་དང་། ཐ་མ་རྣམས་མ་ཤེས་ན་དགེ་སློང་གང་གིས་བྱས་པ་དེ་མ་རུང་བར་བྱོས་ཤིག །རྒྱས་པར་ནི་རྣམ་པར་འབྱེད་ [293a.7]པ་ལས་ཇི་སྐད་འབྱུང་བ་བཞིན་ནོ།། །།མདོར་ན། བཞི་པ་གཟུགས་བརྙན་ཀླུ་མོ་དང་། །གནོད་སྦྱིན་ལྷ་མོ་དྲི་ཟ་མོའོ། །ལྷ་མིན་{ཡི་དགས་,ཡི་དྭགས་}མི་ཟ་མོ། །ཤ་ཟ་མོ་ཡང་དེ་བཞིན་ནོ། །དགེ་སློང་ཞིག་གིས་ཤིང་གི་གཟུགས་བརྙན་བྱས་པ། གཟུགས་ལེགས་ [293b] [293b.1]པ། བལྟ་ན་སྡུག་པ། མཛེས་པ་ཞིག་མཐོང་སྟེ། དེ་མཐོང་བ་དང་འདོད་པའི་ཆོས་སྐྱེས་ནས་དེས་དེ་ཉིད་དུ་གཞུག་སྙམ་སྟེ་རྨ་ཁར་བཙུགས་པ་དང་། དེས་ཀྱང་ཕྱེ་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ [293b.2]སྟེ་ཡན་ལག་ཐམས་ཅད་དུ་རེག་པར་བྱས་ནས་ཕས་ཕམ་པར་འགྱུར་རོ། །འོན་ཏེ་མོ་མཚན་སྤྲད་པ་ཙམ་གྱིས་ནི་ཉེས་པ་སྦོམ་པོར་འགྱུར་རོ། །ཇི་ལྟར་ཤིང་ལས་བྱས་པ་དེ་བཞིན་དུ་ས་ལས་བྱས་པ་དང་། རྡོ་ལས་བྱས་པ་དང་། གོས་ལས་བྱས་པ་རྣམས་ཀྱང་དེ་ [293b.3]བཞིན་ནོ། །ཀླུའི་བུ་མོ་ཞིག་དགེ་སློང་གི་དྲུང་དུ་འོངས་ནས་བཙུན་པ་མི་ཚངས་པར་སྤྱད་ཀྱིས་ཚུར་སྤྱོན་ཞེས་སྨྲས་པ་དང་། དེས་ཁས་བླངས་ནས་དེས་དེར་གཞུག་ཅེས་རྨ་ཁར་བཙུགས་པ་དང་། དེ་ཡང་ལུས་རིང་མོར་གྱུར་ནས་དགེ་སློང་དེ་འཇིགས་པར་གྱུར་ནས་འགྱོད་པ་ [293b.4]སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་འཇིགས་པ་ལ་ཆགས་པ་མེད་པས་ན་ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །དེ་བཞིན་དུ་གནོད་སྦྱིན་གྱི་བུ་མོའི་བར་དུ་རྒྱས་པར་བྱས་ཏེ་དེ་ཡང་མི་སྣང་བར་གྱུར་ནས་དགེ་སློང་དེ་འགྱོད་ [293b.5]པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། །ལྷའི་བུ་མོ་དང་། དྲི་ཟའི་བུ་མོ་དང་། ལྷ་མ་ཡིན་གྱི་བུ་མོ་རྣམས་ཀྱང་དེ་བཞིན་དུ་རྒྱས་པར་ཏེ། ཇི་ལྟར་ཀླུའི་བུ་མོ་བཞིན་དུ་ལུས་ [293b.6]ཆེར་གྱུར་ནས། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་འཇིགས་པ་ལ་ནི་འདོད་ཆགས་མེད་པས་ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །དེ་བཞིན་དུ་{ཡི་དགས་,ཡི་དྭགས་}ཀྱི་བུ་མོ་དེའི་མོ་མཚན་ཆེར་ [293b.7]གྱུར་པ་དང་། དེས་དེར་རྐང་པ་བཙུགས་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མད་དེ། ཉེས་པ་སྦོམ་པོར་འགྱུར་རོ། །དགེ་སློང་གཅིག་པུ་དགོན་པ་ལ་གནས་པ་དང་། དེར་མི་ཟ་མོ་ཞིག་ [294a] [294a.1]འོངས་ཏེ། བཙུན་པ་མི་ཚངས་པར་སྤྱད་ཀྱིས་ཚུར་སྤྱོན་ཞེས་སྨྲས་ན་དགེ་སློང་དེ་ཚུལ་ཁྲིམས་དང་ལྡན་པས་སྤྲོ་བ་མ་སྐྱེས་པ་དང་། དེས་སྨྲས་པ། བཙུན་པ་སྤྲོ་བ་སྐྱེད་ཅིག་ཁྱོད་མ་རུང་བར་བྱས་ས་རེ། དེས་དེ་ལ་ཅི་དགའ་བ་བྱོས་ཤིག །སྤྲོ་བ་མི་ [294a.2]བསྐྱེད་དོ་ཞེས་སྨྲས་པ་དང་། མོས་དགེ་སློང་དེ་ཉལ་བ་ལ་ཕྱར་བས་དཀྲིས་ཏེ། རྒྱལ་པོ་བཙུན་མོ་དང་ལྷན་ཅིག་ཏུ་གཟིམས་པའི་མཆན་དུ་བཅུག་པ་དང་། རྒྱལ་པོ་དེས་དགེ་སློང་དེ་མཐོང་ནས་ཁྱོད་འདིར་ཅི་ལ་འོངས། དེས་སྨྲས་པ། བདག་གཅིག་པུ་དགོན་པ་ན་གནས་ [294a.3]པ་དང་དེར་མི་ཟ་མོ་ཞིག་མཆིས་ནས་བདག་ལ་བཙུན་པ་མི་ཚངས་པར་སྤྱད་ཀྱིས་ཚུར་སྤྱོན་ཅེས་མཆི་ནས་བདག་གིས་སྤྲོ་བ་མ་སྐྱེད་པ་དང་། དེས་བཙུན་པ་སྤྲོ་བ་སྐྱེད་ཅིག་ཁྱོད་མ་རུང་བར་བྱས་ས་རེ་ཞེས་མཆི་ནས། དེ་ལ་བདག་གིས་ཅི་དགའ་བར་བྱོས་ཤིག །སྤྲོ་བ་ནི་མི་ [294a.4]སྐྱེད་དོ་ཞེས་དེ་སྐད་སྨྲས་པ་དང་། བདག་ཉལ་བ་ལ་དེས་ཕྱར་བས་དཀྲིས་ཏེ་འདིར་བཞག་གོ། །རྒྱལ་པོས་བཙུན་པ་གང་དུ་འདི་ལྟ་བུར་འཇིགས་པར་འགྱུར་བ་དེ་ལྟ་བུའི་དགོན་པར་ཅིའི་ཕྱིར་གནས་ཞེས་སྨྲས་ནས་དགེ་སློང་བསྐྲད་པ་དང་། དགེ་སློང་དེ་འགྱོད་པ་སྐྱེས་ནས། [294a.5]བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཕྱིན་ཆད་གང་དུ་འདི་ལྟར་འཇིགས་པར་འགྱུར་བ་དེ་ལྟ་བུའི་དགོན་པར་མ་གནས་ཤིག །དེ་བཞིན་དུ་ཤ་ཟ་མོས་ཀྱང་བྱས་ཏེ། དེས་ཀྱང་ཉལ་བ་ལ་ཕྱར་བས་དཀྲིས་ནས་ཆང་འཚོང་བའི་སྤྱིལ་བུར་ [294a.6]བཅུག་གོ། །ཆང་འཚོང་བ་དེས་སྤྱིལ་བུར་བལྟས་པ་དང་། དགེ་སློང་དེ་མཐོང་ནས་རྒྱས་པར་ནི་ཇི་ལྟར་མི་ཟ་མོས་བྱས་པ་བཞིན་ནོ།། །།མདོར་ན། ཨུཏྤལ་ཁ་དོག་དགའ་བོ་དང་། །ཕྲུག་གུ་གཉིས་དང་ཤ་སྣག་དང་། །ཁྱི་མོ་ཝ་མོ་བྱ་རོག་མོ། །མི་མ་ཡིན་དང་ཆུ་ [294a.7]རྒལ་དང་། །ཉ་དང་སྲམ་དང་ཤིང་ཐུན་མོའོ། །བཅོམ་ལྡན་འདས་མཉན་དུ་ཡོད་པ་ན་བཞུགས་སོ། །དགེ་སློང་མ་ཨུ་པཱ་ལིའི་ཁ་དོག་མ་སྔ་དྲོ་ཤམ་ཐབས་བགོས་ཏེ་མཉན་དུ་ཡོད་པར་བསོད་སྙོམས་ལ་ཞུགས་པ་ནས། རྒྱས་པར་རྐང་པ་བཀྲུས་ཏེ་ནང་དུ་ཡང་དག་པར་འཇོག་ལ་ [294b] [294b.1]འཇུག་པའི་ཕྱིར་གནས་ཁང་དུ་ཞུགས་པ་དང་། སྒོ་ཕྱེ་སྟེ་འཕྲེས་ནས་ཚ་བའི་དུས་ལ་བབ་པས་གཉིད་ལོག་ཅིང་ཉལ་བ་དང་། གཡོན་ཅན་སྲང་ཕྲན་ནས་རྒྱུ་ཞིང་འདོང་བ་རྣམས་ཀྱིས་མཐོང་སྟེ་དེ་དག་གིས་ཉལ་བ་ལ་བྱས་སོ། །དེ་དག་གིས་བྱས་ནས་དོང་བ་དང་དེ་ཡང་སད་ནས་ [294b.2]དགེ་སློང་མ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཕྱིན་ཆད་དགེ་སློང་མས་སྒོ་མ་བཅད་པར་མ་འཕྲེས་ཤིག་འཕྲེས་ན་ཉེས་བྱས་སུ་འགྱུར་རོ། །དེ་བཞིན་དུ་སྙོམས་པར་ཞུགས་པ་ལ་བྱས་ན་ཡང་ཉེས་པ་མེད་དེ་ཕྱིན་ཆད་དགེ་སློང་མ་ [294b.3]སྒོ་མ་བཅད་པར་སྙོམས་པར་མ་འཇུག་ཤིག །སྙོམས་པར་ཞུགས་ན་ཉེས་བྱས་སུ་འགྱུར་རོ། །དགེ་སློང་ཞིག་མཉན་དུ་ཡོད་པར་བསོད་སྙོམས་ལ་ཞུགས་པ་དང་། དེ་ཁྱིམ་བདག་གི་ཁྱིམ་དུ་ཞུགས་པ་ཁྱིམ་བདག་དེའི་ཕག་གི་ཕྲུག་གུ་ཞིག་ཕུར་པ་ལ་བཏགས་པས་དེ་ [294b.4]ཕུར་པ་དེ་ལ་འཁོར་ཞིང་འདུག་པ་དང་། དགེ་སློང་དེས་སྙིང་རྗེ་སྐྱེས་ནས་དེ་ཕུར་པ་ལས་བཀྲོལ་ཏེ་བཏང་བ་དང་། ཁྱིམ་བདག་དེས་དགེ་སློང་དེ་མཐོང་ནས་དེས་བརྒྱུགས་ཏེ། དགེ་སློང་དེའི་གོང་བ་ནས་བཟུང་སྟེ། ཁྱོད་ཀྱིས་ཁོ་བོའི་ཕག་གི་ཕྲུག་གུ་བཏང་བས་ན་ཁྱོད་ནི་རྐུ་ [294b.5]བའོ། །ཁྱོད་ནི་གླེན་པའོ། །ཁྱོད་ནི་དགེ་སྦྱོང་སྡིག་ཅན་ནོ་ཞེས་སྨྲས་པ་དང་། དེ་འདི་སྙམ་དུ་བདག་གིས་ཕག་གི་ཕྲུག་གུ་བཏང་བས་ན་བདག་ནི་རྐུ་བ། བདག་ནི་གླེན་པ། བདག་ནི་དགེ་སྦྱོང་སྡིག་ཅན་དུ་གྱུར་གྱིས་བདག་སོང་ལ་མི་ཚངས་པར་སྤྱད་དོ་སྙམ་དུ་བསམས་ནས་དེ་ [294b.6]སོང་སྟེ་མི་ཚངས་པར་སྤྱད་པ་བྱས་པ་དང་། དེས་འདི་སྙམ་དུ་དགེ་སློང་དག་ལ་དྲིས་ལ་དེ་སྟེ་བདག་རབ་ཏུ་ཕྱུང་ནས་བསྙེན་པར་རྫོགས་པ་འཆགས་ན་ནི་བདག་རབ་ཏུ་འབྱུང་ངོ་། །མི་འཆགས་ན་ནི་འདི་ཉིད་དུ་གནས་སོ་སྙམ་དུ་བསམས་ནས། དེས་དེ་ལྟར་གྱུར་པ་དགེ་སློང་རྣམས་ [294b.7]ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔ་མ་ལ་ཉེས་པ་མེད་དེ། ཕྱི་མ་ནི་ཉེས་པར་གྱུར་ཏོ། །དེ་ལྟར་བྱ་གག་གི་ཕྲུག་གུ་ཡང་དེ་བཞིན་ནོ། །ཁྱིམ་བདག་ཅིག་གིས་ཤ་སྣག་གུ་ཞིག་ཁྱེར་ཏེ་ [295a] [295a.1]སོང་བ་བྱ་འོལ་བས་ཕྲོགས་ཏེ་ཁྱེར་ནས་ཤ་སྣག་གུ་དེ་འོལ་བའི་ཁ་ནས་ཤོར་ཏེ། དགེ་སློང་བསོད་སྙོམས་ལ་སྤྱོད་པ་དེའི་ལྷུང་བཟེད་དུ་ལྷུང་ངོ་། །ཁྱིམ་བདག་དེས་ཤ་སྣག་གུ་དེ་དགེ་སློང་དེའི་ལྷུང་བཟེད་ན་འདུག་པ་མཐོང་བ་དང་། དེས་དགེ་སློང་དེའི་གོང་བ་ [295a.2]ནས་བཟུང་སྟེ། ཁོ་བོའི་ཤ་སྣག་གུ་དེ་འོལ་བས་ཁྱེར་བ་ལ་ཁྱོད་ཀྱི་ལྷུང་བཟེད་ནས་ཟིན་པས་ན་ཁྱོད་ནི་རྐུ་བའོ། །ཁྱོད་ནི་གླེན་པའོ། །ཁྱོད་ནི་དགེ་སྦྱོང་སྡིག་ཅན་ནོ་ཞེས་སྨྲས་པ་དང་། དེ་འདི་སྙམ་དུ་འདིའི་ཤ་སྣག་གུ་དེ་བདག་གི་ལྷུང་བཟེད་ནས་ཟིན་པས་ན་བདག་ནི་རྐུ་བའོ། །བདག་ནི་གླེན་ [295a.3]པའོ། །བདག་ནི་དགེ་སྦྱོང་སྡིག་ཅན་དུ་གྱུར་གྱིས་བདག་སོང་ལ་མི་ཚངས་པར་སྤྱད་པར་བྱའོ་སྙམ་དུ་བསམས་སོ། །རྒྱས་པར་ནི་ཇི་ལྟར་ཕག་གི་ཕྲུག་གུ་བཞིན་ནོ། །དགེ་སློང་ཞིག་གིས་ཁྱི་མོའི་མདུན་དུ་གཅི་བ་བྱས་པ་དང་། དེས་དེའི་ཕོ་མཚན་ཁར་བཅུག་ནས་དེས་ཁུ་བ་ཕྱུང་སྟེ་ལུས་ [295a.4]ཀྱང་བཏུད་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཕྱིན་ཆད་དགེ་སློང་གིས་ཁྱི་མོའི་མདུན་དུ་གཅི་བ་མ་བྱེད་ཅིག །ཡང་ན་དེ་སྐྲོད་ཅིག །ཡང་ན་གུད་དུ་སོང་ཤིག །དགེ་སློང་ཞིག་འཆག་པ་ན་ཝ་མོ་ཞིག་སྒྲ་འབྱིན་ [295a.5]ཅིང་ཕྱག་དར་ཁྲོད་ཀྱི་གོས་འདྲལ་ལོ། །དེ་ནས་དེ་འདི་སྙམ་དུ་བདག་གི་ཕྱག་དར་ཁྲོད་ཀྱི་གོས་འདྲལ་བ་དེ་སུ་ཡིན་པ་སོང་སྟེ་བལྟའོ་སྙམ་བསམས་ནས་དེ་ཕྱག་དར་ཁྲོད་ཀྱིས་དཀྲིས་ཏེ་འདུག་པ་དང་། ཝ་མོ་དེ་ཡང་འོངས་ནས་དགེ་སློང་དེ་སྟེང་དུ་ཞོན་པ་དང་། དེས་ཕྱག་དར་ཁྲོད་ཀྱི་གོས་ [295a.6]ཀྱིས་ཝ་དེ་དཀྲིས་ཏེ་བཟུང་ནས་དེ་འདི་སྙམ་དུ་ཝ་འདི་ཕོའམ་མོ་ཡིན་པ་བལྟའོ་ཞེས་བསམས་ནས་དེས་དེའི་མོ་མཚན་མཐོང་ངོ་། །དེས་མཐོང་ནས་འདོད་པའི་ཆོས་སྐྱེས་ཏེ། དེས་དེ་ཉིད་ཀྱི་ནང་དུ་གཞུག་གོ་སྙམ་དུ་བསམས་ནས་རྨ་ཁར་བཙུགས་པ་དང་། མོས་སླར་ལོག་སྟེ་སོས་བཏབ་ [295a.7]ནས་དགེ་སློང་དེ་སྐྲག་པར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་སྐྲག་པ་ལ་ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། །དགེ་སློང་གཅིག་པུ་ནགས་སྟུག་པོ་ན་གནས་པ་དང་། དེ་དེ་ནས་མི་འམ་ཅི་མོས་ཁྲིད་ནས་དེ་བྲག་ཕུག་ཏུ་བཅུག་སྟེ། [295b] [295b.1]དེས་ཅི་ནས་ཀྱང་འདུ་ཤེས་གྱུར་པ་དེ་ལྟར་བྱས་སོ། །དེས་དེ་འདུ་ཤེས་བསྒྱུར་ཏེ་སྤྱོད་ཡུལ་གྱི་ཕྱིར་སོང་བ་དང་། དགེ་སློང་དེ་འདུ་ཤེས་ཐོབ་ནས་དེ་གནས་དེ་ནས་ལངས་ཏེ་བྲོས་སོ། །དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་ [295b.2]པ་མེད་དེ། ཕྱིན་ཆད་དགེ་སློང་གིས་གང་དུ་འདི་ལྟ་བུར་འཇིགས་པར་འགྱུར་བའི་དགོན་པར་མ་གནས་ཤིག །དགེ་སློང་ཞིག་སྒྲེན་མོར་ཀླུང་རྒལ་བ་ལས་དེའི་ཕོ་མཚན་ཉས་བཟུང་བ་དང་། དེས་ཀྱང་ལུས་བཏུད་དེ་ཁུ་བ་ཕྱུང་ནས་དགེ་སློང་དེ་འགྱོད་པ་སྐྱེས་པ་དང་། [295b.3]བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཕྱིན་ཆད་འདི་ལྟར་བུར་འཇིགས་པར་འགྱུར་བའི་ཀླུང་གང་ཡིན་པ་ལ་སྒྲེན་མོར་མ་རྒལ་ཅིག །བུད་མེད་ཅིག་སྒྲེན་མོར་ཤིང་ཐགས་ཀྱི་ནང་ན་ཁུ་ལེ་ལྟ་བུས་ཆུ་ཆུ་ཞིང་འདུག་པ་ལ་དགེ་སློང་ཞིག་གིས་ཤིང་ཐགས་ཀྱི་ [295b.4]བསེབ་ནས་དེའི་མོ་མཚན་མཐོང་ངོ་། །དེས་མཐོང་ནས་ཆགས་པ་དང་། དེའི་མོ་མཚན་ལ་དེའི་ཕོ་མཚན་གྱིས་རེག་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། །བཅོམ་ལྡན་འདས་མཉན་དུ་ཡོད་པའི་ཛེ་ཏའི་ [295b.5]ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་གིས་བྱ་བ་བྱས་ནས་འཆག་ཅིང་ཉིན་པར་སྤྱོད་པའི་གནས་སུ་སོང་སྟེ། དེས་དེར་སྟན་བཏིང་ནས་སྐྱིལ་མོ་ཀྲུང་བཅས་ཏེ་འདུག་པ་དང་། ཚ་བའི་དུས་ལ་བབ་པས་དེས་དེར་འཕྲེས་ཏེ་ཉལ་བ་དང་གཉིད་ [295b.6]ཀྱིས་ལོག་གོ། །དེ་ཉལ་བ་ན་ཤམ་ཐབས་སྙིལ་ནས་ཕོ་མཚན་ལས་སུ་རུང་བར་གྱུར་ཏེ། བུད་མེད་ཤིང་ཐུན་མ་ཞིག་ཤིང་ཚོལ་ཞིང་གནས་དེར་འོངས་པ་དང་། དགེ་སློང་དེ་མི་སྡུག་པར་ཉལ་བ་མཐོང་ངོ་། །དེས་མཐོང་ནས་ཤིན་ཏུ་ཆགས་ཏེ་དེས་དགེ་སློང་དེ་ལ་ཉལ་པོ་བྱས་སོ། །ཉལ་པོ་བྱས་ [295b.7]ནས་དེ་སོང་བ་དང་། དགེ་སློང་དེ་ཡང་སད་ནས་དེས་འཕགས་པ་བདག་གི་ཁྱིམ་འདི་ཞེས་བགྱི་བ་ན་མཆིས་ཀྱིས་དེ་སྟེ་ཡང་བཞེད་ན་དེར་སྤྱོན་ཅིག་ཅེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཅི་ཁྱོད་ཀྱིས་ཤེས་སམ། གསོལ་པ་མ་ [296a] [296a.1]འཚལ་ཏོ། །མི་ཤེས་ན་ཉེས་པ་མེད་དེ། བླ་གབ་མེད་པར་གཅིག་པུ་འཕྲེས་ཏེ་མ་འདུག་ཤིག །འདུག་ན་ཉེས་བྱས་སུ་འགྱུར་རོ།། །།མདོར་ན། ས་ཀེ་མ་ཡི་རྩྭ་རྔ་དང་། །ཙམ་པ་ཡ་ཡི་རྒྱུ་ལྔ་དང་། །རྒྱལ་པོའི་ཁབ་ན་སྨན་དཔྱད་དང་། ། [296a.2]བྷ་རུ་ཀད་ཙའི་སྨད་འཚོང་མའོ། །བཅོམ་ལྡན་འདས་ཀེ་ཏའི་ཤིང་པ་ལ་ཤའི་ནགས་ན་བཞུགས་སོ། །དེ་ནས་དགེ་སློང་གཞན་ཞིག་ལ་རྩྭ་རྔ་མ་ཞིག་གིས་རྒྱས་པར་ནི་ཇི་ལྟར་ཤིང་ཐུན་མ་བཞིན་ནོ། །གྲོང་ཁྱེར་ཙམ་པར་ནད་གཡན་པས་བཏབ་པ་དང་རྒྱུ་ལྔ་དང་རྐྱེན་ལྔས་ཕོ་ [296a.3]མཚན་ལས་སུ་རུང་བར་འགྱུར་ཏེ། རྣམ་པར་འབྱེད་པ་ལས་ཇི་སྐད་འབྱུང་བ་བཞིན་ནོ། །བཅོམ་ལྡན་འདས་རྒྱལ་པོའི་ཁབ་ན་བཞུགས་སོ། །དགེ་སློང་ཞིག་ཕོ་མཚན་ནད་ཀྱིས་གཟིར་བ་དང་། འཚོ་བྱེད་ཀྱི་ཕོ་མཚན་ཡང་ནད་ཀྱིས་གཟིར་བར་གྱུར་པ་ན་དེས་བུད་མེད་ཀྱི་ཁར་ [296a.4]བཅུག་པ་དང་དེ་ནས་དེ་ལས་ཐར་ཏོ་ཞེས་དེས་ཐོས་ནས། དེས་འདི་སྙམ་དུ་བཅོམ་ལྡན་འདས་ཀྱིས་ནད་པའི་སྨན་དཔྱད་དུ་གནང་གིས་བུད་མེད་ཀྱི་ཁར་གཞུག་གོ་སྙམ་དུ་བསམས་ཏེ། དེས་བུད་མེད་ཀྱི་ཁར་བཅུག་ནས་ནད་དེ་ལས་ཐར་བ་དང་དགེ་སློང་དེ་འགྱོད་པ་སྐྱེས་ནས། བཅོམ་ལྡན་ [296a.5]འདས་ཀྱིས་བཀའ་སྩལ་པ། བཅུག་མ་ཐག་ཏུ་ཕས་ཕམ་པར་འགྱུར་རོ། །ཡུལ་བྷ་རུ་ཀད་ཙའི་སྨད་འཚོང་ཞིག་གི་ཁྱིམ་དུ་རྐུན་པོ་གཅིག་ཅིག་གནས་ཏེ། དེ་དེ་ནས་བྱུང་ཞིང་མི་དེ་དག་ལ་གནོད་པ་བྱེད་པ་དང་། དེ་དག་གིས་རྒྱལ་པོ་ལ་གསོལ་ནས་རྒྱལ་པོས་སྨད་འཚོང་མ་བོས་ནས་ [296a.6]ཅི་ཁྱོད་ཀྱི་ཁྱིམ་ན་རྐུན་པོ་གནས་སམ་ཞེས་དྲིས་པ་དང་། ལྷ་སུ་ཡང་མ་མཆིས་སོ། །དེ་སྟེ་བཙལ་ཏེ་རྙེད་ན་ནི་ཁྱོད་ཀྱིས་བཅབས་ཏེ་སྦས་པས་ཆད་པས་གཅད་དོ། །མི་དེ་དག་གིས་རྐུན་པོ་དེ་བཟུང་སྟེ་ཁྲིད་ནས་རྒྱལ་པོ་ལ་གསོལ་བ་དང་། རྒྱལ་པོས་བཀའ་སྩལ་པ། ཁྱོད་སོང་ལ་སྨད་ [296a.7]འཚོང་མ་འདི་རྐང་པའི་མཁྲིག་མ་ནས་འབྲིང་པས་ཐོགས་ལ་ལྟག་པར་སྦྲེལ་ཏེ་དུར་ཁྲོད་དུ་འོར་ཅིག །སུ་གང་ཞིག་གིས་འདི་བཏང་ན་དེ་སྟེ་ཆད་པ་འདི་ཉིད་ཀྱིས་བཅད་དོ། །དེ་སྟེ་གསོན་ན་ནི་ཁྱི་རྣམས་ལ་སྦྱིན་ནོ། །དེ་དག་གིས་དེའི་རྐང་པའི་མཁྲིག་མ་ནས་འབྲིང་པས་བཏགས་ནས་ལྟག་ [296b] [296b.1]པར་སྦྲེལ་ཏེ་དུར་ཁྲོར་དུ་བོར་བ་དང་། དགེ་སློང་ཞིག་དུར་ཁྲོད་ན་མི་རོ་ལ་རྟོག་ཅིང་འདུག་པ་དེས་མཐོང་སྟེ་འདོད་པའི་ཆོས་སྐྱེས་ནས་དེ་ནས་འདི་ལྟར་དེ་ཉིད་དུ་གཞུག་སྙམ་སྟེ་རྨ་ཁར་བཙུགས་པ་དང་། དེ་ལངས་ཏེ་འདུག་ནས། བཙུན་པ་སྔོན་དུ་ཆུ་ཅིག་སྩོལ་ཅིག་ཅེས་སྨྲས་པ་དང་། [296b.2]དེས་དེ་ལ་ཆུ་བླུད་ནས། དེས་སྨྲས་པ། བཙུན་པ་ཁོ་མོའི་ལུས་དང་མངལ་མི་གཙང་བ་འདི་ཅིར་དགོས། དེས་དེ་ནས་གནངས་ཀྱི་བར་དུ་བཟུང་བ་དང་དེའི་གཉེན་བཤེས་རྣམས་འོང་བ་དགེ་སློང་དེས་རྒྱང་ནས་མཐོང་སྟེ་ངོ་ཚ་བས་ཕྱོགས་གཅིག་ཏུ་སོང་བ་དང་། དེས་གཉེན་བཤེས་ [296b.3]དེ་དག་ལ་སྨྲས་པ། ཁོ་མོ་འདི་ལྟར་ཅུང་ཟད་འཚོ་བ་དེ་ཐམས་ཅད་དགེ་སློང་འདིའི་མཐུ་ཡིན་གྱིས་དེ་བོས་ཤིག་ཅེས་དེས་སྨྲས་པ་དང་། དེ་དག་གིས་བོས་ནས་དེས་སྨྲས་པ། བཙུན་པ་ཁོ་མོ་ཅུང་ཟད་འཚོ་བ་དེ་ཐམས་ཅད་ནི་ཁྱོད་ཀྱི་དྲིན་ཏེ་འདི་དག་ནི་ཁོ་མོའི་གཉེན་བཤེས་ལགས་ [296b.4]ན་འདི་དག་གིས་གསོས་ཏེ་སོས་དང་དེ་སྟེ་ཁོ་མོ་ལ་བགྱི་བ་མཆིས་ན་ཁྱིམ་འདི་ན་མཆིས་ཀྱིས་དེར་སྤྱོན་ཅིག་ཅེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ།། །།མདོར་ [296b.5]ན། བལ་གླང་ནང་དང་ཁྲོན་པ་དང་། །རེག་དང་གྲུ་ཡང་ནུབ་པ་དང་། །སྐྱེས་པ་དག་དང་སེར་སྐྱ་དང་། །བུད་མེད་བུ་དང་སེར་སྐྱ་དང་། །བཟང་སྐྱེས་ནོར་ཅན་ཕོ་བྲང་སྐྱོང་། །དགེ་སློང་ཕོ་བྲང་འཁོར་སྐྱོང་བལ་གླང་གི་ནང་དུ་སོང་བ་དང་། དེ་གླང་མི་སྲུན་པས་བརྡུངས་ནས་ [296b.6]བུད་མེད་ཀྱི་སྟེང་དུ་འགྱེལ་བ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤེས་པར་བྱོས་ལ་བལ་གླང་གི་ནང་དུ་སོང་ཤིག །དགེ་སློང་ཞིག་ཁྲོན་པ་ཞིགས་པ་ཞིག་ཏུ་བལྟས་པ་དང་། དེར་ལྷུང་ནས་དེར་སྔར་ཡང་བུད་མེད་ཅིག་ [296b.7]ལྷུང་བ་དེའི་མགུལ་ནས་འཇུས་སོ། །ཁྱིམ་བདག་དག་གིས་ཐག་པ་བླངས་ཏེ་དགེ་སློང་དེ་ཕྱུང་བ་དང་། དེའི་མགུལ་ནས་བུད་མེད་ཅིག་གིས་འཇུས་པར་མཐོང་ནས་དེ་དག་གིས་བུད་མེད་ཁྱོད་ག་ལས་འོངས་ཞེས་སྨྲས་པ་དང་། དགེ་སློང་གིས་འདི་ནི་སྔར་ལྷུང་བ་ཁོ་བོའི་མགུལ་ནས་ [297a] [297a.1]འཇུས་སོ་ཞེས་སྨྲས་ནས། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བག་ཡོད་པར་བྱོས་ལ་ཁྲོན་པར་ལྟོས་ཤིག །དགེ་སློང་ཞིག་བསོད་སྙོམས་སྤྱོད་པ་ལས་སྒོ་ཁང་དོག་པ་ཞིག་ནས་ [297a.2]བྱུང་བ་དང་བུད་མེད་ཅིག་ཀྱང་ནང་དུ་འཇུག་པ་དེའི་མོ་མཚན་གྱིས་དེའི་ཕོ་མཚན་ལ་རེག་པ་དང་། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བག་ཡོད་པར་བྱོས་ལ་གྲོང་དུ་བསོད་སྙོམས་སྤྱོད་ཅིག །དགེ་སློང་ཞིག་ [297a.3]གྲུ་ལས་ཀླུང་རྒལ་བ་ན་གྲུ་དེ་ནུབ་པ་དང་། བུད་མེད་ཅིག་ཀྱང་དེ་ན་ཡོད་དེ། དེས་དེའི་མགུལ་ནས་འཇུས་སོ། །དགེ་སློང་རྒལ་བ་དང་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བག་ཡོད་པར་བྱོས་ལ་ཀླུང་རྒོལ་ཅིག །སྐྱེས་ [297a.4]པ་སེར་སྐྱ་ཞེས་བྱ་བ་ཞིག་དགེ་སློང་མའི་དྲུང་དུ་སོང་སྟེ་འདི་སྐད་དུ་འཕགས་མ་བདག་རབ་ཏུ་ཕྱུང་ཤིག་ཅེས་སྨྲས་པ་དང་། དེ་དེ་དག་གིས་མ་བརྟགས་པར་རབ་ཏུ་ཕྱུང་སྟེ། དེས་དགེ་སློང་མ་ལ་རེག་པ་དང་། དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། [297a.5]ཉེས་པ་མེད་དེ། ཤིན་ཏུ་བརྟགས་ལ་རབ་ཏུ་དབྱུང་བར་བྱོས་ཤིག །སྦོམ་མོ་དགའ་ལྡན་མོ་ཡང་རྒྱས་པར་གཞན་གྱི་བུ་བོར་བ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མས་བུ་དོར་བར་མ་བྱེད་ཅིག །བོར་ན་ཉེས་པ་སྦོམ་པོར་འགྱུར་རོ། སེར་སྐྱ་བཟང་ [297a.6]མོའི་གླེང་གཞི་རྒྱས་པར་བྱས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བཟང་མོ་ཇི་ཁྱོད་ཀྱིས་དགའ་བ་ཚོར་རམ། བཙུན་པ་བདག་གིས་དགའ་བ་ལྟ་ག་ལ་ཚོར་གྱི་ཇི་ལྟར་ཐོང་ལྕགས་བསྲེགས་པ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། བུད་མེད་ [297a.7]ཀྱི་མོ་མཚན་གྱི་ཕྱོགས་ནི་ལས་རྣམ་པར་སྨིན་པ་ལས་སྐྱེས་ཏེ། ནན་གྱིས་བྱས་པ་ལ་ཉེས་པ་མེད་དོ། །དགེ་སློང་མ་བཟང་མོ་སྐྱེས་ཞེས་བྱ་བ་དེ་གཡོན་ཅན་རྣམས་ཀྱིས་བཟུང་ནས་ཁ་བཀབ་སྟེ་ནགས་སྟུག་པོར་ཁྲིད་ནས་སུན་ཕྱུང་སྟེ་སླར་བཏང་བ་ལས་དགེ་སློང་མ་དག་གིས་གནས་ [297b] [297b.1]ནས་བསྐྲད་པ་དང་། དེས་སྨྲས་པ། འཕགས་མ་བདག་གིས་ནི་དགའ་བར་མ་ཚོར་རོ། །ཁྱོད་གཡོན་ཅན་གྱིས་བཟུང་སྟེ་ནགས་སྟུག་པོར་ཁྲིད་ནས་སུན་ཕྱུང་སྟེ་སླར་བཏང་བ་ཡིན་ན་ཅིའི་ཕྱིར་དགའ་བར་མ་ཚོར། དེ་ལྟར་གྱུར་པ་དགེ་སློང་མ་རྣམས་ཀྱིས་དགེ་སློང་ [297b.2]ཕ་རྣམས་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། ཅི་ཁྱོད་ཀྱིས་དགའ་བར་ཚོར་རམ། བཙུན་པ་བདག་འགྲེས་ལྡོགས་སུག་པ་གཡབས་ན་དགའ་བར་ལྟ་ག་ལ་ཚོར་ཞེས་གསོལ་བ་དང་། བཅོམ་ [297b.3]ལྡན་འདས་ཀྱིས་བཀའ་སྩལ་པ། དགེ་སློང་དག་བུད་མེད་ཀྱི་མོ་མཚན་གྱི་ཕྱོགས་ནི་ལས་རྣམ་པར་སྨིན་པ་ལས་སྐྱེས་ཏེ། འགྲོ་བ་དང་། ལྡོག་པ་དང་། ལག་པ་གཡོབ་པ་ལ་ནི་ནན་གྱིས་བཟུང་བ་ཞེས་བྱ་སྟེ། ནན་གྱིས་བཟུང་བ་ལ་ནི་ཉེས་པ་མེད་དོ། །དགེ་སློང་མ་ [297b.4]ནོར་ཅན་མོ་ཞེས་བྱ་བ་ཞིག་མཉན་དུ་ཡོད་པར་བསོད་སྙོམས་སྤྱོད་པ་ན་གཡོན་ཅན་རྣམས་ཀྱིས་བཟུང་སྟེ་ནགས་སྟུག་པོར་ཁྲིད་ནས་སུན་ཕྱུང་སྟེ་བཏང་བ་དང་། དེ་དགེ་སློང་མ་དག་གིས་གནས་ནས་བསྐྲད་ནས་འཕགས་མ་བདག་གིས་དགའ་བར་མ་ཚོར་རོ་ཞེས་སྨྲས་པ་དང་། [297b.5]ཁྱོད་གཡོན་ཅན་རྣམས་ཀྱིས་བཅིངས་ཏེ་ནགས་སྟུག་པོར་ཁྲིད་ནས་སུན་ཕྱུང་སྟེ་བཏང་བ་ཡིན་ན་ཅིའི་ཕྱིར་དགའ་བར་མ་ཚོར། དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་ལ་སྨྲས་པ་དང་། དགེ་སློང་དག་གིས་ཀྱང་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་ [297b.6]བཀའ་སྩལ་པ། ཅི་ཁྱོད་ཀྱིས་དགའ་བར་ཚོར་རམ། བཙུན་པ་བདག་གིས་ངུས་ནས་བོས་བགྲོགས་ཏེ་བདག་ལ་མ་འཛིན་ཅིག་ཅེས་སྨྲས་ན་དགའ་བར་ལྟ་ག་ལ་ཚོར། བཅོམ་ལྡན་འདས་ཀྱིས་བཀའ་སྩལ་པ། བུད་མེད་ཀྱི་མོ་མཚན་གྱི་ཕྱོགས་ནི་ལས་རྣམ་པར་སྨིན་པ་ལས་ [297b.7]སྐྱེས་ཏེ། ངུ་བཞིན་པ་ནི་ནན་གྱིས་བཟུང་བ་ཞེས་བྱ། བོས་བགྲོགས་ནས་བདག་ལ་མ་འཛིན་ཅིག་ཅེས་སྨྲ་བ་ནི་ནན་གྱིས་བཟུང་བ་ཞེས་བྱ་སྟེ། ནན་གྱིས་བཟུང་བ་ལ་ཉེས་པ་མེད་དོ། །དགེ་སློང་མ་ཕོ་བྲང་སྐྱོང་ཞེས་བྱ་བ་ཞིག་མཉན་དུ་ཡོད་པར་བསོད་སྙོམས་སྤྱོད་པ་ན་གཡོན་ [298a] [298a.1]ཅན་རྣམས་ཀྱིས་བཟུང་སྟེ་ནགས་སྟུག་པོར་ཁྲིད་ནས་སུན་ཕྱུང་སྟེ་བཏང་བ་ལ་དེ་དགེ་སློང་མ་དག་གིས་གནས་ནས་བསྐྲད་པ་དང་། དེས་སྨྲས་པ། བདག་གིས་དགའ་བར་ནི་མ་ཚོར་རོ། །འོ་ན་ཀུན་དགའ་བོའི་དྲུང་དུ་སོང་ཤིག་ཅེས་སྨྲས་ནས། [298a.2]དེ་དེའི་དྲུང་དུ་སོང་བ་དང་། གནས་བརྟན་གྱིས་ཀྱང་མཐོང་ནས་དེས་གུས་པའི་ཚིག་ཏུ་མ་སྨྲས་པ་དང་། གནས་བརྟན་གྱིས་ཀྱང་བསྐྲད་ནས་དེ་འདི་སྙམ་དུ་བདག་འདི་འདྲ་བར་འཚོ་ཞིང་འདུག་པ་བས་སོང་ལ་བུམ་པ་བྱེ་མས་བཀང་བ་མགུལ་དུ་བཏགས་ཏེ་ཀླུང་ཨ་ཛི་ར་བ་ཏི་ར་ [298a.3]མཆོང་ངོ་སྙམ་དུ་བསམས་ནས། དེས་བུམ་པ་བྱེ་མས་བཀང་བ་མགུལ་དུ་བཏགས་ཏེ་ཀླུང་ཨ་ཛི་ར་བ་ཏི་ར་མཆོངས་པ་དང་། ཐ་གུ་ངན་པ་ཞིག་པས་ཆད་དེ་བྱིང་ཞིང་ནུབ་པ་གཡོན་ཅན་རྣམས་ཀྱིས་མཐོང་ནས། དེ་དག་གིས་ཕྱུང་སྟེ་བཞག་ནས་ནམ་འདུ་ཤེས་སླར་རྙེད་པ་ [298a.4]དང་། དེ་ལ་སུན་འབྱིན་ཏོ། །དགེ་སློང་མ་དག་ཀྱང་ཚོལ་ཞིང་གནས་དེར་ལྷགས་པ་དང་། དེ་དག་གིས་དེ་ལ་སུན་འབྱིན་པར་མཐོང་ནས། དེས་སྨྲས་པ། འདི་སྔོན་ནི་དགེ་སློང་མ་ཡིན་ན་ད་དུང་ཡང་དགེ་སློང་མ་ཡིན་ནམ་ཞེས་སྨྲས་ནས། དེ་ལྟར་གྱུར་པ་ [298a.5]དགེ་སློང་རྣམས་ལ་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཅི་ཁྱོད་ཀྱིས་དགའ་བར་ཚོར་རམ། བཙུན་པ་འགྲེས་ལྡོགས་སུག་པ་གཡབས་བདག་ལ་མ་འཛིན་ཅིག་ཅེས་སྨྲས་ན་དགའ་བ་ལྟ་ག་ལ་ཚོར། བཅོམ་ལྡན་འདས་ཀྱིས་བཀའ་སྩལ་པ། [298a.6]དགེ་སློང་དག་བུད་མེད་ཀྱི་མོ་མཚན་གྱི་ཕྱོགས་ནི་ལས་རྣམ་པར་སྨིན་པ་ལས་སྐྱེས་ཏེ་འགྲེ་བ་ནི་ནན་གྱིས་བཟུང་བ་ཞེས་བྱ་བ་ནས། བདག་ལ་མ་འཛིན་ཅིག་ཅེས་སྨྲ་བ་ནི་ནན་གྱིས་བཟུང་བ་ཞེས་བྱ་བའི་བར་དུ་རྒྱས་པར་ཏེ། ནན་གྱིས་བཟུང་བ་ལ་ནི་ཉེས་པ་མེད་དོ།། །། [298a.7]མདོར་ན། ནོར་ཅན་དགོན་པ་འདུ་ཤེས་དང་། །བསོད་སྙོམས་བཅུ་དང་རྐུན་པོ་བཅུ། །གཞན་ཡང་ཤོ་གམ་གནས་ཀྱི་བཅུ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བཞུགས་སོ། །སྔོན་གྱི་རྫ་པ་དགེ་སློང་ནོར་ཅན་བསླབ་པའི་གནས་མ་བཅས་པས་ [298b] [298b.1]ལས་དང་པོ་པ་ལ་ནི་ཉེས་པ་མེད་དེ། བདག་གིས་ནི་ཤིང་མང་ཞིག་མ་བྱིན་པར་བླངས་ཏེ་འོངས་ན་གང་ལ་བདག་ལས་དང་པོ་པར་འགྱུར་ཞེས་སེམས་ལ་གདུང་ཞིང་འགྱོད་དེ་འགྱོད་པར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བསླབ་ [298b.2]པའི་གནས་མ་བཅས་པས་སྔོན་གྱི་རྫ་པ་དགེ་སློང་ནོར་ཅན་ནི་ཀུན་ལས་ཀྱང་འདས་ཏེ་ཐམས་ཅད་དུ་ལས་དང་པོ་པ་ཡིན་པས་ལས་དང་པོ་པ་ལ་ནི་ཉེས་པ་མེད་དོ། །དགེ་སློང་ཞིག་དགོན་པ་བདག་པོ་མེད་པའི་ཡོ་བྱད་ལ་བདག་པོ་ཡོད་པར་འདུ་ཤེས་ནས་མ་བྱིན་པར་བླངས་ [298b.3]པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། བདག་པོ་ཡོད་པ་ལ་བདག་པོ་ཡོད་པར་འདུ་ཤེས་ན་ཕས་ཕམ་པར་འགྱུར་རོ། །བདག་པོ་ཡོད་པ་ལ་ཐེ་ཚོམ་དུ་གྱུར་ན་ཕས་ཕམ་པར་འགྱུར་རོ། །བདག་པོ་མེད་པ་ལ་བདག་ [298b.4]པོ་ཡོད་པར་འདུ་ཤེས་ན་ཉེས་པ་སྦོམ་པོར་འགྱུར་རོ། །བདག་པོ་མེད་པ་ལ་བདག་པོ་མེད་པར་འདུ་ཤེས་ན་ཉེས་པ་མེད་དོ། །དགེ་སློང་གིས་བསོད་སྙོམས་འབྲས་ཅན་ཞིག་མི་དབང་བར་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ [298b.5]ཉེས་པ་མེད་དེ། ཉེས་པ་སྦོམ་པོར་འགྱུར་རོ། །བསོད་སྙོམས་འབྲས་ཅན་ལ་ཇི་ལྟ་བ་བཞིན་དུ་བསོད་སྙོམས་ཕྱེ་དང་། ཕྱ་ཚལ་བཙོས་པའི་བསོད་སྙོམས་དང་། བསོད་སྙོམས་ཤ་དང་། བསོད་སྙོམས་བག་ཆོས་རྣམས་ཐམས་ཅད་ཀྱང་དེ་བཞིན་དུ་ཉེས་པ་སྦོམ་པོར་ [298b.6]འགྱུར་རོ། །དགེ་སློང་ཞིག་མགྲོན་དུ་མ་བོས་པར་ཟན་ཟོས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་བྱས་སུ་འགྱུར་རོ། །ལྗོངས་ཀོ་ས་ལར་དགེ་འདུན་གྱི་བཤོས་འགོད་པ་ན་ [298b.7]དགེ་སློང་གཞི་བ་ཞིག་གྲོང་གཞན་དུ་སོང་བ་དང་། དེ་དང་ལྷན་ཅིག་སྤྱོད་པ་གཉིས་ཤིག་ཡོད་དེ། དེ་གཉིས་ཀས་མཁན་པོའི་ཟན་སོ་སོར་མནོས་པ་དང་། དེ་གཉིས་འདི་སྙམ་དུ་ཁྱོད་ཀྱིས་ཀྱང་མནོས། ཁོ་བོས་ཀྱང་མནོས་ན། གང་གང་གིས་མི་དབང་བར་བླངས་ [299a] [299a.1]མི་ཤེས་ཏེ་ཕས་ཕམ་པའི་ཉེས་པར་མ་གྱུར་གྲང་སྙམ་དུ་བསམས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བླངས་པ་ལ་ཉེས་པ་མེད་དེ། གཞན་ཞེས་བྱ་བར་བྱོས་ཤིག་ལྗོངས་ཀོ་ས་ལར་དགེ་འདུན་གྱི་བཤོས་འགོད་པ་ན་དགེ་སློང་གཞི་ [299a.2]བ་ཞིག་གྲོང་གཞན་དུ་སོང་ནས་དགེ་སློང་དེའི་མཛའ་བོ་དེས་དེའི་ཟན་མནོས་པ་དང་། དེ་འོངས་ནས་སྨྲས་པ། ཚེ་དང་ལྡན་པ་ཁྱོད་ཀྱིས་ཁོ་བོའི་ཟན་མནོས་སམ་སྨྲས་པ། མནོས་སོ། །དགེ་སློང་དེས་ངས་མ་བཅོལ་བར་ཁྱོད་ཀྱིས་ཅིའི་ཕྱིར་མནོས་ཞེས་སྨྲས་པ་དང་། དགེ་སློང་དེ་ [299a.3]འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། མ་བཅོལ་པར་ནི་མ་ནོད་ཅིག །ལྗོངས་ཀོ་ས་ལར་དགེ་འདུན་གྱི་བཤོས་འགོད་པ་ན་དགེ་སློང་ནད་པ་ཞིག་ཡོད་དེ་དེའི་ནད་གཡོག་གིས་ཟན་མནོས་ཏེ། དེས་མནོས་ནས་སོང་བ་དང་། དགེ་སློང་ [299a.4]དེ་ཡང་དུས་ལས་འདས་ནས་དེས་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སྔར་དུས་ལས་འདས་ལ་ཕྱིས་མནོས་ན་ནི་དེ་ཉིད་དུ་སླར་ཕུལ་ཅིག །འོན་ཏེ་སྔར་མནོས་ལ་ཕྱིས་དུས་ལས་འདས་ན་ཡོ་བྱད་གཞན་ཇི་ལྟ་བ་དེ་ལྟར་བྱོས་ཤིག ། [299a.5]དགེ་སློང་ཞིག་གིས་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་ཚུར་ཤོག །རྐུན་པོ་ལ་འདོང་ངོ་ཞེས་སྨྲས་ནས་དེ་གཉིས་དོང་སྟེ་ལམ་གྱི་ཕྱེད་དུ་ཕྱིན་པ་དང་། བདག་ཅག་ནི་དགེ་བར་གསུངས་པའི་ཆོས་འདུལ་བ་ལ་རབ་ཏུ་བྱུང་བས་རྐུན་པོ་བྱས་ན་ནི་བདག་ཅག་གཉིས་མི་མཛེས་ [299a.6]ཤིང་མི་རིགས་སོ་སྙམ་སྟེ་ངོ་ཚ་བའི་ཆོས་དང་ལྡན་པར་གྱུར་ནས་དེ་གཉིས་དེར་མ་དོང་བ་དང་། དེ་གཉིས་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་བྱས་སུ་འགྱུར་རོ། །དགེ་སློང་ཞིག་གིས་དགེ་སློང་དག་གཅིག་ལ་ཚེ་དང་ལྡན་ [299a.7]པ་དག་ཚུར་ཤོག །རྐུན་པོ་ལ་འདོང་ངོ་ཞེས་དེ་སྐད་སྨྲས་པ་དང་། དེ་དག་དོང་ནས་ལམ་གྱི་ཕྱེད་དུ་ཕྱིན་པ་དང་། བདག་ཅག་ནི་མི་མཛེས་སོ་སྙམ་ནས་ངོ་ཚ་བའི་ཆོས་དང་ལྡན་པར་གྱུར་ཏེ་དེ་དེར་མ་དོང་བ་དང་། དགེ་སློང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ [299b] [299b.1]ཕམ་པའི་ཉེས་པ་མེད་དེ། ཉེས་བྱས་སུ་འགྱུར་རོ། །དེ་དག་བཞིན་དུ་བྱས་པ་ལས་གཅིག་ནི་ངོ་ཚ་བའི་ཆོས་དང་ལྡན་ནས་དེ་འདི་སྙམ་དུ་དེ་སྟེ་མ་སོང་ན་ནི་དེ་དག་གིས་བདག་འཚོ་བ་དང་ཕྲལ་བར་འགྱུར་གྱིས་བདག་སོང་ལ་བདག་གིས་མ་བྱིན་པར་མི་བླང་ཞིང་བདག་གི་སྐལ་བ་མི་ [299b.2]བཀུར་རོ་སྙམ་དུ་བསམས་ནས་དེས་དེར་མ་བྱིན་པར་ཡང་མ་བླངས་སྐལ་བ་ཡང་མ་ཁྱེར་བ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་བྱས་སུ་འགྱུར་རོ། །དགེ་སློང་དག་གིས་དགེ་སློང་དག་ལ་ཚེ་དང་ལྡན་ [299b.3]པ་དག་ཚུར་ཤོག་རྐུན་པོ་ལ་འདོང་ངོ་ཞེས་སྨྲས་ནས་དེ་དག་དེར་དོང་བ་དང་། དེ་དག་ལས་ཕྱེད་ནི་ལས་བྱེད་ཕྱེད་ནི་ལམ་སྲུང་ངོ་། །དེ་དག་ལས་ལམ་སྲུང་བ་གང་ཡིན་པ་དེ་དག་འདི་སྙམ་དུ་བདག་ཅག་གིས་ནི་མ་བླངས་ཤིང་མ་བརྐུས་པས་ཉེས་པར་མི་འགྱུར་རོ་སྙམ་དུ་བསམས་པ་དང་། དེ་ [299b.4]ལྟར་གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་དངོས་པོ་ཚང་ན་ཕས་ཕམ་པར་འགྱུར་རོ། །དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །དགེ་སློང་ཞིག་གིས་དགེ་སློང་ཞིག་ལ་ཚེ་དང་ལྡན་པ་ཚུར་ཤོག་རྐུན་པོ་ [299b.5]ལ་འདོང་ངོ་ཞེས་སྨྲས་ནས་དེ་དག་གིས་མ་བྱིན་པར་བླངས་པ་དང་གཞན་དུ་ནི་དངོས་པོ་མ་ཚང་གི་དེ་གཉིས་ཀྱིས་གང་ནས་བླངས་པ་དེ་ཉིད་དུ་དངོས་པོ་ཚང་ནས་དགེ་སློང་དེ་གཉིས་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། གནས་གང་ནས་བསྐྱོད་པ་དེའི་རིན་ཐང་ [299b.6]བརྩི་བར་བྱའོ། །དགེ་སློང་ཞིག་གིས་དགེ་སློང་དག་ཅིག་ལ་ཚེ་དང་ལྡན་པ་དག་ཚུར་ཤོག་རྐུན་པོ་ལ་འདོང་ངོ་། །གང་གིས་ཅི་ཐོབ་པ་དེ་དེ་ཉིད་དབང་ངོ་ཞེས་སྨྲས་ནས་དེ་དག་དེར་དོང་བ་དང་། དེ་དག་ལས་ཁ་ཅིག་གིས་ནི་ཐོབ། ཁ་ཅིག་གིས་མ་ཐོབ། དེ་དག་འགྱོད་པ་སྐྱེས་པ་དང་། [299b.7]བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །དགེ་སློང་དེ་དག་ལ་རྐུན་པོས་ཀྱང་བྱིན་ཐུན་མོང་བ་དང་སྲུང་བ་དག་གིས་ཀྱང་བྱིན་ན་དེ་དག་འགྱོད་པ་སྐྱེས་ནས་མ་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་ [300a] [300a.1]གནང་བ་ནི་སྦྱིན་པར་བྱེད་པ་ལ་སྦྱིན་བདག་ཏུ་སེམས་ཉེ་བར་ཞོག་སྟེ་ལོང་ཤིག །དགེ་སློང་ཞིག་གི་ལྷན་ཅིག་སྤྱོད་པ་དེ་རྐུན་པོས་ཁྲིད་པ་དང་། དེ་དེ་ནས་བྲོས་ཏེ་འོངས་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་ [300a.2]སློང་བདག་ཉིད་ཀྱིས་བདག་བརྐུ་བར་རུང་གིས་ཉེས་པ་མེད་དོ། །དགེ་སློང་ཞིག་ལ་ཤོ་གམ་གཅད་པའི་རྫས་ཤིག་ལག་ན་ཡོད་ན་དེ་སྟེ་ཤོ་གམ་གྱི་གནས་ལས་འདས་ན་ནི་ཕས་ཕམ་པར་འགྱུར་རོ། །དེས་འདི་སྙམ་དུ་འདི་ནི་བདག་གི་མའིའོ། །འདི་ནི་བདག་གི་ཕའིའོ། །འདི་ནི་བདག་གི་ [300a.3]བུའིའོ། །འདི་ནི་བདག་གི་སྲིང་མོ་དང་། མཁན་པོ་དང་། སློབ་དཔོན་དང་། མཆོད་རྟེན་དང་། དགེ་འདུན་རྣམས་ཀྱིའོ་སྙམ་དུ་བསམས་ནས་མང་པོ་ལ་བསྔོས་ཏེ་འདས་ན་ཉེས་པ་སྦོམ་པོར་འགྱུར་རོ། །ནམ་མཁའ་ལས་འདས་ན་ནི་ཉེས་པ་མེད་དོ།། །།མདོར་ན། ཁྲིའུ་དང་གླེགས་ [300a.4]བམ་སེང་རས་དང་། །ཆང་དང་ཤ་དང་གོས་དང་ནང་། །ཕྱག་དར་ཁྲོད་དང་དུར་ཁྲོད་དང་། །དུར་ཁྲོད་ཀྱི་ནི་གནས་གཉིས་སོ། །དགེ་སློང་ཞིག་གིས་ཁྲིའུ་ཞིག་བརྙས་ནས་ཁྱེར་ཏེ་འོངས་ནས་དེས་སླར་མི་སྦྱིན་ནོ་སྙམ་བསམས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ [300a.5]ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །དགེ་སློང་ཞིག་གིས་གླེགས་བམ་ཞིག་བརྙས་ནས་ཁྱེར་ཏེ་འོངས་པ་དང་དེ་ཡང་རྒྱས་པར་དེ་བཞིན་ནོ། །དགེ་སློང་ཞིག་གིས་སེང་རས་ཤིག་མ་བྱིན་པར་བླངས་ཏེ་དེས་དེ་བརྐུས་ནས་བཤིག་པ་དང་། དེའི་ནང་ [300a.6]ནས་དར་རིན་ཐང་ཆེན་པོ་ཞིག་བྱུང་སྟེ་དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། སེང་རས་ཀྱི་རིན་ཐང་བརྩི་བར་བྱའོ། །རྐུན་པོ་དག་ཅིག་གིས་ཆང་ཞིག་ཁྱེར་ཏེ་དགོན་པ་ལ་དོང་ནས་ཆང་ཁ་ཅིག་ནི་འཐུངས། ཁ་ཅིག་ནི་སྦས་ཏེ་དོང་བ་དང་། དགེ་སློང་དག་ཀྱང་ [300a.7]གནས་དེར་ཉིན་པར་སྤྱོད་པའི་ཕྱིར་དོང་བ་དང་། དེ་དག་གིས་དེ་མཐོང་ནས་དེ་དག་གིས་ཚྭར་འགྱུར་གྱིས་སོང་ལ་གཙུག་ལག་ཁང་དུ་སྐྱོལ་ཅིག་ཅེས་སྨྲས་ནས་དེ་གཙུག་ལག་ཁང་དུ་བསྐྱལ་ཏོ། །རྐུན་པོ་དག་ཀྱང་སྐོམ་ནས་དེར་སོང་སྟེ་བཙལ་བ་དང་མ་རྙེད་ནས་དེ་དག་གིས་དགེ་སློང་དེ་དག་མཐོང་སྟེ་ [300b] [300b.1]དེ་དག་ལ་བཙུན་པ་ཀྱེ་ཁྱེད་ཀྱིས་ཆང་ཞིག་མ་བསྣམས་སམ་ཞེས་དྲིས་པ་དང་། དགེ་སློང་དག་གིས་ཁྱེར་རོ་ཞེས་སྨྲས་པ་དང་། རྐུན་པོས་བཙུན་པ་ཁོ་བོ་ཅག་གི་ཆང་བརྐུས་པས་ན་ཁྱོད་ནི་རྐུན་མའོ་ཞེས་སྨྲས་པ་དང་། དགེ་སློང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། [300b.2]ཉེས་པ་མེད་དེ། བདག་པོ་ཡོད་དམ་མེད་ཤིན་ཏུ་བརྟགས་ལ་བླང་བར་བྱའོ། །དེ་ལྟར་ཤའང་དེ་བཞིན་ནོ། །རྐུན་པོས་གྲོང་བཅོམ་ནས་ར་མདའ་བས་བསྙགས་པ་དང་། གཙུག་ལག་ཁང་དུ་ཕྱིན་ཏེ་དེ་དག་སྐྲག་པས་གཙུག་ལག་ཁང་དུ་སོང་ནས་གོས་ཀྱང་དགེ་སློང་དག་ལ་ཕུལ་ནས་དགོན་ [300b.3]པ་ལ་བྲོས་པ་དང་། ཁྱིམ་བདག་དེ་དག་གིས་གཙུག་ལག་ཁང་དེ་བསྐོར་ནས་དེ་གཙུག་ལག་ཁང་དུ་དོང་བ་དང་། དེ་དག་གིས་དགེ་སློང་དག་གི་ལག་པ་ན་གོས་དེ་དག་འདུག་པར་མཐོང་ནས་དེ་དག་གིས་གོས་འདི་ནི་བདག་གིའོ་ཞེས་སྨྲས་པ་དང་། དགེ་སློང་དག་གིས་ཁོ་བོ་ཅག་ལ་ནི་རྐུན་ [300b.4]པོས་བྱིན་ནོ་ཞེས་སྨྲས་པ་དང་། དགེ་སློང་དེ་དག་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། རྐུན་པོས་བརྐུས་ནས་བརྟན་པའི་ནོར་མ་ལེན་ཅིག །འོན་ཏེ་རྐུན་པོ་རྒྱལ་མཚན་ཅན་ཞིག་གིས་བྱིན་ན་ནི་དེ་ལས་བླང་བར་བྱོས་ལ་གོས་གྲིས་དྲོས་ལ་ཁ་དོག་ [300b.5]སྒྱུར་ཏེ་ཆོངས་ཤིག །དེ་ཁ་དོག་བསྒྱུར་ཀྱང་སླར་སློང་ན་དེ་ཡང་བྱིན་ཅིག །བཙོ་བླག་མཁན་ཞིག་གིས་གོས་ཐལ་ཆུའི་ནང་དུ་བཅུག་པ་དང་། དེས་བརྗེད་དེ་གྲོང་དུ་སོང་ངོ་། །དེས་ཡང་གོས་དྲན་པར་གྱུར་ནས་དེ་སླར་ལོག་སྟེ་སོང་བ་དང་དགེ་སློང་ཞིག་ཀྱང་ཕྱག་དར་ཁྲོད་ཀྱི་གོས་ཚོལ་ཞིང་ [300b.6]གནས་དེར་ཕྱིན་ནས་དེས་གོས་དེ་མཐོང་སྟེ། དགེ་སློང་དེས་གོས་དེ་བླངས་ནས་སོང་བ་དང་། བཙོ་བླག་མཁན་དེས་མཐོང་ནས་བཙུན་པ་གོས་མ་རྐུ་ཞེས་སྨྲས་པ་དང་། དགེ་སློང་གིས་ཁོ་བོ་ཕྱག་དར་ཁྲོད་ཀྱི་གོས་ཚོལ་བ་ལས་འདི་མཐོང་ན་ཁྱོད་ལ་འདི་ཅིར་དགོས་ཞེས་སྨྲས་པ་དང་། [300b.7]བཙོ་བླག་མཁན་གྱིས་བཙུན་པ་ཁོ་བོས་གོས་འདི་ཐལ་སྐྱོར་བཅུག་པ་ལས་བརྗེད་དེ་འདི་ནི་བདག་གི་གོས་ལགས་ཀྱིས་མ་རྐུ་ཤིག །ཁྱོད་ཀྱིས་ནི་མ་བྱིན་པར་བླངས་སོ་ཞེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་ [301a] [301a.1]མེད་དེ། བདག་པོ་གཞན་ཡོད་དམ་མེད་ཤིན་ཏུ་བརྟགས་ལ་བླང་བར་བྱའོ། །བཙོ་བླག་མཁན་གྱིས་གོས་བཀྲུས་ཏེ་ཤིང་དྲུང་དུ་འདུག་པ་དང་། ཕྱག་དར་ཁྲོད་པ་ཞིག་ཕྱག་དར་ཁྲོད་པའི་གོས་ཚོལ་ཞིང་གནས་དེར་ཕྱིན་ཏེ་དེས་གོས་དེ་མཐོང་ནས་ [301a.2]གོས་བླངས་ཏེ་སོང་བ་དང་། བཙོ་བླག་མཁན་དེ་མཐོང་ནས་བཙུན་པ་འདི་ནི་བདག་གི་གོས་ལགས་ཀྱིས་མ་རྐུ་ཤིག་ཅེས་སྨྲས་པ་དང་། དེ་སྟེ་ཁྱོད་ཀྱི་ཡིན་ན་སླར་ཁྱེར་ཅིག །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་བརྟགས་པར་ [301a.3]བྱ་བ་རྒྱས་པར་རོ། །ཁྱིམ་བདག་ཅིག་གིས་གོས་བཞག་སྟེ་བཤང་བ་བྱེད་པ་དང་། ཕྱག་དར་ཁྲོད་པ་ཞིག་ཕྱག་དར་ཁྲོད་པའི་གོས་ཚོལ་ཞིང་གནས་དེར་ཕྱིན་པ་དེས་གོས་དེ་མཐོང་ནས་དེས་ཁྱེར་ཏེ་སོང་བ་དང་། ཁྱིམ་བདག་དེ་ལངས་ཏེ་བཙུན་པ་འདི་ནི་བདག་གི་བགོ་བ་ལགས་ཀྱིས་ [301a.4]མ་རྐུ་ཤིག་ཅེས་སྨྲས་པ་དང་། དེ་སྟེ་ཁྱོད་ཀྱི་ཡིན་ན་སླར་ཁྱེར་ཅིག །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་རྟོགས་ལ་ཁྱེར་ཅིག །ཛེ་ཏའི་ཚལ་ནས་ཤིན་ཏུ་མི་རིང་བ་ཞིག་ན་ཞིང་རྨོད་པའི་ལས་བྱེད་པ་ཞིག་གོས་རྣམས་བཞག་སྟེ་ [301a.5]ཞིང་རྨོད་པ་དང་། དགེ་སློང་ཕྱག་དར་ཁྲོད་པ་ཞིག་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་ཕྱིན་ཏེ་དེས་གོས་དེ་མཐོང་ནས་དེས་གོས་དེ་ཁྱེར་ཏེ་སོང་བ་དང་། ཞིང་རྨོད་པའི་ལས་བྱེད་པ་དེས་མཐོང་ནས། བཙུན་པ་གོས་མ་རྐུ་ཤིག་ཅེས་སྨྲས་པ་དང་། དེས་དེ་ལ་མ་མཉན་པ་དང་། དེས་ཀྱང་བརྒྱུགས་ [301a.6]ཏེ་བཟུང་ནས་བཙུན་པ་རིགས་སམ་གོས་དེ་མ་བྱིན་པར་མ་བླང་ཤིག །འདི་ནི་ཁོ་བོ་ཕྱག་དར་ཁྲོད་ཀྱི་གོས་ཚོལ་བ་ན་མཐོང་སྟེ། ཁྱོད་ལ་འདི་ཅིར་དགོས། བཙུན་པ་གོས་འདི་བཞག་ནས་བདག་ཞིང་རྨོད་རྨོད་དེ་གོས་འདི་ནི་བདག་གིའོ་ཞེས་སྨྲས་ནས། དེ་སྟེ་ཁྱོད་ཀྱི་ན་སླར་ཁྱེར་ཅིག །དགེ་སློང་དེ་ [301a.7]འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་རྟོགས་པ་གྱིས་ཏེ་ལོང་ཤིག །ཁྱིམ་བདག་ཞིག་གིས་དགེ་སྦྱོང་ཤཱཀྱའི་བུ་རྣམས་ནི་ལྷུང་བའི་གོས་དེ་རྣམས་ཕྱག་དར་ཁྲོད་ཀྱི་གོས་སོ་ཞེས་ནས་ཁྱེར་རོ་ཞེས་ཐོས་པ་དང་། དེས་རས་རིན་ཆེ་བ་ཞིག་ལ་ཀཱཪྵཱ་ [301b] [301b.1]པ་ཎ་བརྒྱད་ཕུར་པ་ཕུར་ཏེ་ཕྱག་དར་སྤུངས་པའི་ཁྲོད་དུ་བརྐོས་ནས་སྦས་ཏེ་ཁ་ཚར་ཙམ་ཞིག་སྣང་བར་བྱས་ཏེ་སོང་བ་དང་། དགེ་སློང་ཞིག་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་ཕྱིན་ཏེ་དེས་ཁ་ཚར་མཐོང་ནས་དེས་དེ་ནས་དྲངས་ཏེ་ཁྱེར་བ་དང་། ཁྱིམ་བདག་དེས་མཐོང་ནས། [301b.2]བཙུན་པ་རས་མ་རྐུ་ཤིག་ཅེས་སྨྲས་པ་དང་། དགེ་སློང་གིས་ངས་འདི་ནི་ཕྱག་དར་ཁྲོད་ཀྱི་གོས་ཚོལ་བ་ལས་རྙེད་ན་དེ་ཁྱེད་ལ་ཅིར་དགོས་ཞེས་སྨྲས་པ་དང་། བཙུན་པ་བདག་གིས་ནི་དགེ་སྦྱོང་ཤཱཀྱའི་བུ་རྣམས་ཀྱིས་ལྷུང་བའི་གོས་གང་རྙེད་པ་དེ་ཕྱག་དར་ཁྲོད་པའོ་ཞེས་ཏེ་ཁྱེར་རོ། ། [301b.3]ཞེས་ཐོས་ནས་བདག་གིས་རས་ལ་ཀཱཪྵཱ་པ་ཎ་བརྒྱད་ཕུར་པས་ཕུར་ཏེ་ཕྱག་དར་སྤུངས་པར་སྦས་པས་སོ། །དགེ་སློང་དེས་ཀཱརྵཱ་པ་ཎ་བརྒྱད་པོ་དེ་མཐོང་ནས། དེ་སྟེ་ཁྱོད་ཀྱི་ཡིན་ན་ཁྱེར་ཅིག་ཅེས་སྨྲས་ནས། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་ [301b.4]བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བཀུར་བར་བྱའོ། །ཁྱིམ་བདག་གི་ཁྱེའུ་ཞིག་གིས་སྲང་དུ་གོས་བཞག་སྟེ་རྩེད་མོ་རྩེའོ། །དེ་རྩེས་ནས་ཁྱིམ་དུ་སོང་བ་དང་། དགེ་སློང་ཞིག་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་འོངས་པ་དང་ [301b.5]དེས་གོས་དེ་མཐོང་ནས་དེས་དེ་བླངས་ཏེ་སོང་བ་དང་། བུད་མེད་ཅིག་ཀྱང་ཁྱིམ་དེ་ནས་བྱུང་སྟེ། དེས་ཀྱང་དགེ་སློང་དེ་མཐོང་ནས་བཙུན་པ་གོས་མ་རྐུ་ཤིག་ཅེས་སྨྲས་པ་དང་། འདི་ནི་ཁོ་བོས་ཕྱག་དར་ཁྲོད་ཀྱི་གོས་ཚོལ་ན་རྙེད་དོ། །བཙུན་པ་ཁོ་མོའི་ཁྱེའུ་རྩེ་བ་ན་གོས་ [301b.6]བརྗེད་དེ་ཁྱིམ་དུ་མཆིས་སོ། །ཞེས་སྨྲས་པ་དང་། དེ་སྟེ་ཁྱོད་ཀྱི་ཡིན་ན་ཁྱེར་ཅིག །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བླང་བར་བྱོས་ཤིག །དགེ་སློང་ཞིག་གིས་ཕྱག་དར་ཁྲོད་པའི་གོས་ [301b.7]སྦས་ཏེ་མཉན་དུ་ཡོད་པར་བསོད་སྙོམས་ལ་ཞུགས་པ་དང་། དགེ་སློང་གཞན་ཞིག་ཀྱང་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་ཕྱིན་ནས། དེས་དེ་མཐོང་སྟེ་བཀྲུས་པ་དང་། དགེ་སློང་དེས་ཀྱང་ཕྱག་དར་ཁྲོད་ཀྱི་གོས་བཙལ་ན་མ་རྙེད་ནས་དེས་དགེ་སློང་དེ་འཁྲུ་བ་མཐོང་ [302a] [302a.1]ནས། དེས་ཚེ་དང་ལྡན་པ་ཁྱོད་ལ་ནི་ཕས་ཕམ་པའི་ཉེས་པ་བྱུང་ངོ་། །ཞེས་སྨྲས་པ་དང་། ཅིའི་ཕྱིར། ཁོ་བོའི་ཕྱག་དར་ཁྲོད་ཀྱི་གོས་འདི་མ་བྱིན་པར་བླངས་པའི་ཕྱིར་རོ། །འདི་ལ་ནི་བདག་པོ་ཡོད་པར་ཁོ་བོས་མ་ཤེས་སོ། ། [302a.2]ཞེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བླང་བར་གྱིས་ཤིག །དགེ་སློང་དེ་དག་གིས་མི་གཙང་བས་རེག་པའི་ཕྱག་དར་ཁྲོད་ཀྱི་གོས་བཅངས་པ་དང་། ལྷ་ཕྲན་རྣམས་འཕྱ་ [302a.3]ནས། བཅོམ་ལྡན་འདས་ཀྱིས་བཀའ་སྩལ་པ། ཕྱག་དར་ཁྲོད་ཀྱི་གོས་ནི་བཀྲུས་ཏེ་ལེགས་པར་བཙེམས་ལ་བཅང་བར་བྱ་བས་ན་དགེ་སློང་དགེ་སློང་དག་གིས་མི་གཙང་བས་རེག་པའི་ཕྱག་དར་ཁྲོད་ཀྱི་གོས་མ་འཆང་ཤིག །འཆང་བ་གང་ཡིན་པ་དེ་ནི་ཉེས་བྱས་སུ་འགྱུར་རོ། ། [302a.4]དགེ་སློང་དེ་དག་གིས་བདག་པོ་ཡོད་པའི་དུར་ཁྲོད་ནས་གོས་བླངས་པ་དང་། རིགས་ངན་རྣམས་ཀྱིས་གང་ཅུང་ཟད་བདག་ཅག་གིས་ལས་སུ་བྱས་པ་ཐམས་ཅད་འདི་དག་གི་ཕྱིར་བྱེད་ན་འདི་ནས་གོས་མ་རྐུ་ཤིག་ཅེས་དེ་སྐད་མི་སྙན་པར་སྨྲ་བ་དང་། བཅོམ་ལྡན་འདས་ཀྱིས་བཀའ་ [302a.5]སྩལ་པ། བདག་པོ་དང་བཅས་པའི་དུར་ཁྲོད་ནས་གོས་མ་ལེན་ཅིག །བླངས་ན་ཉེས་པ་སྦོམ་པོར་འགྱུར་རོ། །དུར་ཁྲོད་ནས་ཤིན་ཏུ་མི་རིང་བ་ཞིག་ན་ལོག་པའི་ལྷ་ཁང་ཞིག་ཡོད་དེ། དེ་ནས་རས་ཞིག་རླུང་གིས་ཁྱེར་ནས་དུར་ཁྲོད་དུ་ལྷུང་བ་དང་དགེ་སློང་ཞིག་ཕྱག་དར་ཁྲོད་ཀྱི་ [302a.6]གོས་ཚོལ་ཞིང་དུར་ཁྲོད་དུ་འོངས་པ་དེས་རས་དེ་རྙེད་ནས་དེ་བླངས་ཏེ་ཁྱེར་བ་དང་། ལོག་པའི་ལྷ་ཁང་ན་གནས་པ་དེ་དག་གིས་མཐོང་ནས། བཙུན་པ་བདག་ཅག་གིས་རས་འདི་ལོག་པའི་ལྷ་ཁང་ནས་དུར་ཁྲོད་དུ་ལྷུང་བ་ཡིན་གྱིས་རས་འདི་མ་རྐུ་ཤིག་ཅེས་སྨྲས་པ་དང་། དེ་སྟེ་ [302a.7]ཁྱོད་ཀྱི་ཡིན་ན་སླར་ཁྱེར་ཅིག །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བདག་པོ་གཞན་ཡོད་དམ་མེད་པ་ཤིན་ཏུ་རྟོགས་ལ་ལོང་ཤིག། །།