Sententiae (corresponds to version Men ar II) (Greek) pseudo-Menander Manfred Ullmann Andrew W. Mellon Foundation Published original versions of the electronic texts A Digital Corpus for Graeco-Arabic Studies, funded by the Andrew W. Mellon Foundation Mark Schiefsky, Harvard University Gregory R. Crane, Universität Leipzig Uwe Vagelpohl, University of Warwick Keyboarding Digital Divide Data Editor-in-Chief, Perseus Digital Library Gregory R. Crane Project Manager (University of Leipzig) Matt Munson Project Assistant (University of Leipzig) Annette Geßner Lead Developer (University of Leipzig) Thibault Clérice Technical Advisor Bruce Robertson A Digital Corpus for Graeco-Arabic Studies, funded by the Andrew W. Mellon Foundation University of Leipzig Germany tlg0541.tlg042.1st1K-grc2.xml Available under a Creative Commons Attribution-ShareAlike 4.0 International License 2016 pseudo-Menander Die arabische Überlieferung der sogenannten Menandersentenzen Manfred Ullmann Wiesbaden Kommissionsverlag Franz Steiner 64-73 1961 Universitäts- und Landesbibliothek Sachsen-Anhalt

The following text is encoded in accordance with EpiDoc standards and with the CTS/CITE Architecture.

 Greek

ἀγαθὰ προθύμως καὶ λάλει καὶ μάνθανε (Mon 565 M/94 J).

βούλου τὸ πρῶτον εὐσεβεῖν πρὸς τὸν θεόν (Mon 567 M/133 J).

βουλὴ πονηρὰ χρηστὸν οὐκ ἔχει τέλος (Mon 568 M/134 J).

γονεῖς δὲ τίμα καὶ γέροντας αἰσχύνου (Mon 162 Var. J).

γυναικὶ κόσμος ὁ τρόπος, οὐ τὰ χρυσία (Mon 92 M/148 J).

διὰ πενίαν μηδενὸς καταφρόνει (Mon 209 J).

δειναὶ γὰρ αἱ γυναῖκες εὑρίσκειν τέχνας (Mon 130 M/194 J).

ἄκουε πάντων, ἐκλέγου δ᾿ ἃ συμφέρει (Mon 566 M/95 J).

γλώσσης μάλιστα πανταχοῦ πειρῶ κρατεῖν (Mon 80 M/136 J).

γέλως τὰ σεμνὰ τοῦ βίου τοῖς σώφροσιν (Mon 569 M/172 J).

δίκαιος ἴσθι καὶ φίλοισι καὶ ξένοις (Mon 570 M/208 J).

εἰ θνητὸς εἶ, βέλτιστε, θνητὰ καὶ φρόνει (Mon 173 M/246 J).

ἐν ἀργύρῳ μάλιστα κρίνεται τρόπος (Mon 267 J).

ζῶμεν ἀλογίστως προσδοκῶντες μὴ θανεῖν (Mon 200 M/284 J).

ἦθος κακοῦργον μακρὸν ἀπῴκισται θεοῦ (Mon 319 Var. J).

ἤθη τὰ πάντων ἐν χρόνῳ πειράζεται (Mon 573 M/320 J).

θυμὸν φυλάττου· τὸ φρονεῖν γὰρ οὐκ ἔχει (Mon 574 M/355 J).

θυμοῦ κρατῆσαι κἀπιθυμίας καλόν (Mon 254 M/348 J).

ἰδίας νόμιζε τῶν φίλων τὰς συμφοράς (Mon 263 M/370 J).

ἴσος ἴσθι πᾶσι κἂν ὑπερβάλλῃς πλούτῳ (Mon 358 Var. J).

καλῶς πένεσθαι μᾶλλον ἢ πλουτεῖν κακῶς (Mon 300 M/421 J).

λίαν φιλῶν σεαυτὸν οὐχ ἕξεις φίλον (Mon 310 M/431 J).

λιμὴν πέφυκε πᾶσι παιδεία βροτοῖς (Mon 312 M/436 J).

μηδέποτε δοῦλον ἡδονῆς σαυτὸν ποίει (Mon 578 M/512 J).

νόμιζε πλουτεῖν ἂν φίλους πολλοὺς ἔχῃς (Mon 541 J).

ἔλεγχε σαυτὸν ὅστις εἶ πράττων κακά (Mon 266 Var. J).

ζῆσον μετρήσας τὸν βίον πρὸς τὸν χρόνον (Mon 285 J).

ἢ λέγε τι σιγῆς κρεῖττον ἢ σιγὴν ἔχε (Mon 208 M/292 J).

ἴσος ἴσθι κρίνων καὶ φίλους καὶ μὴ φίλους (Mon 266 M/373 J).

ἴσον ἐστὶν εἰς πῦρ καὶ γυναῖκας ἐμπεσεῖν (Mon 575 M/380 J).

καλὸν φέρουσι καρπὸν οἱ σεμνοὶ τρόποι (Mon 303 M/402 J).

κόλαζε κρίνων ἀλλὰ μὴ θυμούμενος (Mon 576 M/429 J).

λύπης ἰατρός ἐστιν ὁ χρηστὸς φίλος (Mon 577 M/456 J).

νοῦς ἐστι πάντων ἡγεμὼν τῶν χρησίμων (Mon 579 M/540 J).

νέῳ δὲ σιγᾶν μᾶλλον ἢ λαλεῖν πρέπει (Mon 375 M/521 J).

ξένους νόμιζε τοὺς ἀρετῆς ὄντας ξένους (Mon 559 J).

οὐκ ἔστιν οὐδὲν κτῆμα κάλλιον φίλου (Mon 423 M/575 J).

ὁ βίος ἀδήλους τὰς μεταπτώσεις ἔχει (Mon 581 M/625 J).

πολλῶν ὁ καιρὸς γίνεται διδάσκαλος (Mon 449 Mein/630 J).

πολυπραγμονεῖν ἀλλότρια μὴ βούλου κακά (Mon 583 M/653 J).

ῥυπαρὸς ὑπάρχων χρηστὸν οὐχ ἕξεις φίλον (Mon 703 J).

σοφοῦ παρ᾿ ἀνδρὸς ἐκδέχου συμβουλίαν (Mon 476 M/705 J).

τὸ γνῶθι σαυτὸν πᾶσίν ἐστι χρήσιμον (Mon 584 M/762 Var. J).

τὰ δ᾿ αἰσχρὰ κέρδη συμφορὰς ἐργάζεται (Mon 586 M/755 J).

ὕβριν χαλίνου καὶ μέγας ἔσῃ σοφός (Gregorius, Carmen morale XXX 20).

ὕπουλος ἀνὴρ δίκτυον κεκρυμμένον (Mon 587 M/797 J).

φῶς ἐστι τῷ νῷ πρὸς θεὸν βλέπειν ἀεί (Mon 589 M/819 J).

φίλος φίλου δεόμενος οὐκ ἔστιν φίλος (Mon 590 M/820 J).

ψυχῆς νοσούσης ἐστὶ φάρμακον λόγος (Mon 550 M/840 J).

οὐδεὶς ποιῶν πονηρὰ λανθάνει θεόν (Mon 582 M/626 J).

πονηρὸν ἄνδρα μηδέποτε ποιοῦ φίλον (Mon 453 M/638 J).

πειρῶ βλάβην σὺ μᾶλλον ἢ δίκας ἔχειν (Mon 675 J).

σιγᾶν ἄμεινον ἢ λαλεῖν ἃ μὴ πρέπει (Mon 484 M/710 J).

σοφοῖς ὁμιλῶν καὐτὸς ἐκβήσῃ σοφός (Mon 475 M/383 Var. J).

τοῦτ᾿ ἐστὶ τὸ ζῆν μὴ σεαυτῷ ζῆν μόνῳ (Mon 585 M/775 J).

ὑπὲρ εὐσεβείας καὶ λάλει καὶ μάνθανε (Mon 521 M/781 J).

ὕδωρ θαλάσσης ὁ τρόπος τῶν δυσκόλων (Mon 588 M/798 J).

φεῦγ᾿ ἡδονὴν φέρουσαν ὕστερον βλάβην (Mon 532 M/806 J).

χαίρειν προσήκει τοῖς παθῶν ἐλευθέροις (Mon 591 M/838 J).

χαίρειν ἐπ᾿ αἰσχροῖς οὐδέποτε χρὴ πράγμασιν (Mon 544 M/833 J).

ψυχῆς ὄλεθρός ἐστι σωμάτων ἔρως (Mon 593 M/851 J).

ὧν ἦρξε γαστὴρ τὸ φρονεῖν ἀφῃρέθη (Mon 876 J).

ὡς μέγα τὸ μικρόν ἐστιν ἐν καιρῷ δοθέν (Mon 752 M/872 J).

ὦ γῆρας ἀνθρώποισιν εὐκταῖον κακόν (Mon 877 J).