Text encoded in accordance with the latest EpiDoc standards
„Ἀείδω ξυνετοῖσι, θύρας δʼ ἐπίθεσθε βέβηλοι“
τῶν ἁρμονικῶν λόγων ἁπτόμενος δικαίως ἄν τις
προοιμιάσαιτο. εἰσὶ μὲν γὰρ οὗτοι περὶ φθόγγους
τε καὶ διαστήματα καὶ συστήματα, τόνους τε καὶ
μεταβολὰς καὶ μελοποιίας κατὰ πάντα τὰ γένη τῆς
ἁρμονίας. τὸν δὲ ἀκουσόμενον τῶν περὶ ταῦτα λόγων
ἀναγκαῖον ἐμπειρίᾳ τὴν ἀκοὴν προγεγυμνᾶσθαι, φθόγγους
τε ἀκούειν ἀκριβῶς καὶ διαστήματα ἐπιγινώσκειν,
σύμφωνόν τε καὶ διάφωνον, ὅπως τῇ τῶν περὶ τοὺς
φθόγγους ἰδιωμάτων αἰσθήσει τὸν λόγον ἀκολούθως
ἐπιθεὶς τελείαν τὴν ἐπιστήμην πείρᾳ καὶ λόγῳ νῦν
ηὐξημένην ἐργάσαιτο. ὅς δὲ οὐδὲ φθόγγου κατακούων
οὐδὲ τὴν ἀκοὴν γεγυμνασμένος ἥκει τῶν λόγων ἀκουσόμενος,
οὗτος ἀπίτω τὰς (p. 2) θύρας ἐπιθεὶς ταῖς
ἀκοαῖς. ἐμφράξει γὰρ τὰ ὦτα καὶ παρὼν τῷ μὴ προγινώσκειν
ταῦτα αἰσθήσει, περὶ ὧν οἱ λόγοι. λέγωμεν
δὲ ἡμεῖς ἀρξάμενοι τοῖς ἀκριβῶς ἐν τῇ πείρᾳ γεγυμνασμένοις
περὶ φωνῆς.
1. Φωνῆς ἐστι τόπος τὸ ἐκ βαρύτητος ἐπὶ ὀξύτητα
διάστημα καὶ ἀνάπαλιν. ἐν τούτῳ γὰρ στρέφεται πᾶσα
φωνῆς κίνησις λογικῆς τε καὶ διαστηματικῆς, ἐπιτεινομένης
τε καὶ ἀνιεμένης. ἀλλʼ οἱ μὲν ἐν τῇ λογικῇ,
καθʼ ἣν ἀλλήλοις διαλεγόμεθα, φθόγγοι συνεχεῖς
ἑαυτοῖς τὸν τόπον τοῦτον διεξέρχονται ῥύσει τινὶ
πεπονθότες παραπλήσιον ἐπὶ τὸ ὀξὺ καὶ ἀνάπαλιν
οὐκ ἐπὶ μιᾶς ἱστάμενοι τάσεως· ἡ δὲ διαστηματικὴ
καλουμένη φωνὴ συνεχὴς μὲν οὐδαμῶς ἑαυτῇ γένοιτʼ
ἂν οὐδὲ ῥύσει τινὶ παραπλήσιον πέπονθεν, ἀλλʼ ἑαυτῆς
τε διεστῶσα καὶ ὀλίγον ὑπερβαίνουσα τόπον ἀφανῶς,
ἐν τοῖς ὅροις ὧν ὑπερβαίνει τόπων ἑστῶσα φαίνεται
καὶ τὴν ἑαυτῆς τάσιν φανερὰν καθίστησι, μένουσα ἐν
τοῖς πέρασιν ὧν ὑπερβαίνει τόπων· ὅθεν καὶ τοὔνομα
ἔσχηκεν ἀκολούθως κληθεῖσα διαστηματικὴ κατʼ ἀντίθεσιν
τῆς λογικῆς. ἰδίως δὲ τῆς διαστηματικῆς τὸ
μὲν ἐμμελὲς, τὸ δέ ἐκμελές· τὸ μὲν ῥητοῖς χρώμενον
διαστήμασι καὶ μηδὲν ἀπολειπόμενον ἢ ὑπερβάλλον
αὐτὸ ἐμμελές, τὸ δὲ ἐνδεὲς ἢ ὑπερβάλλον μικρῷ τῶν
ὡρισμένων διαστημάτων ἐκμελές. (p. 3) ἔτι δὲ καὶ
ὑπεναντίως ἀλλήλοις ἔχοντα φαίνεται τὸ ἐμμελές τε
καὶ ἐκμελές. ἡ δὲ τῆς φωνῆς κίνησις ἐκ βαρυτέρου
μὲν εἰς ὀξύτερον ἰούσης τόπον ἐπίτασις, ἀνάπαλιν
δὲ ἄνεσις καλεῖταί τε καὶ ἐστίν. ἐπίτασις μὲν οὖν
ὀξύτητος ποιητική, καὶ βαρύτητος δὲ ἡ ἄνεσις. διαφέρει
δὲ βαρύτης μὲν ἀνέσεως, ὀξύτης δὲ ἐπιτάσεως οὐ
ἡ τάσις· ἥτε γὰρ ὀξύτης καὶ ἡ βαρύτης τάσιν ἔχουσαί
τινα φαίνονται.
2.Περὶ φθόγγου. Φθόγγος δέ ἐστι φωνῆς πτῶσις
ἐπὶ μίαν τάσιν· τάσις δὲ μονὴ καὶ στάσις τῆς φωνῆς.
ὅταν οὖν ἡ φωνὴ κατὰ μίαν τάσιν ἑστάναι δόξῃ, τότε
φαμὲν φθόγγον εἶναι τὴν φωνὴν οἷον εἰς μέλος τάττεσθαι.
συμβέβηκε δὲ τῷ φθόγγῳ χροιὰ τόπος χρόνος.
χρόνος μὲν οὖν, καθὸ μακροτέρους ἐν πλείονι χρόνῳ
καὶ βραχυτέρους ἐν ἐλάττονι φθεγγόμεθα, ἵνα δὴ καὶ
ὁ ῥυθμὸς φαίνηται χώραν ἔχων. κατὰ γὰρ τὸν χρόνον
τῶν φθόγγων δεῖ τὰ μέλη ῥυθμίζεσθαι. τόπος δέ
ἐστι φθόγγου, καθὸ τοὺς μὲν βαρυτέρους, τοὺς δὲ
ὀξυτέρους προιέμεθα. τοὺς μὲν γὰρ ἐν ταὐτῷ φαινομένους
τόπῳ φαμὲν ὁμοφώνους, τοὺς δὲ ὀξυτέρους (p.4)
ἢ βαρυτέρους ἐν διαφόροις τόποις εἶναι λέγομεν.
χροιὰ δέ ἐστι, καθʼ ἣν διαφέροιεν ἂν ἀλλήλων οἱ
κατὰ τὸν αὐτὸν τόπον ἢ χρόνον φαινόμενοι,
3. Περὶ διαστήματος. Διάστημα δέ ἐστι τὸ ὑπὸ
δύο φθόγγων περιεχόμενον. καὶ δῆλον ὡς χρὴ διαφέρειν
ἀλλήλων τοὺς φθόγγους τῇ τάσει· εἰ γὰρ τὴν
αὐτὴν ἔχοιεν τάσιν, οὐδὲ διάστημα ὅλως ἔσται τῆς
τόνος τί ἐστι. καὶ τόνος μὲν διαστήματος
μέγεθος καὶ συστημάτων δὲ διαφορά· ὁμώνυμος γὰρ
ὁ τόνος. ἀλλʼ ὅταν ὡς διάστημα λέγηται, καὶ εἰς ἡμιτόνια
καὶ εἰς διέσεις τέμνεται καὶ συντίθησιν αὖθις τὰ
ἑαυτοῦ μείζω διαστήματα οἷον τριημιτονιαῖα καὶ δίτονα
καὶ ὅμοια· ὅταν δὲ ὡς συστημάτων διαφορὰ ὀνομασθῇ
τὴν πόσην τάσιν σημαίνει τοῦ παντὸς συστήματος.
Τῶν δὲ διαστημάτων τὰ μέν ἐστιν ἐμμελῆ, τὰ
δʼ ἐκμελῆ. τῶν δὲ ἐμμελῶν τὰ μὲν σύμφωνα, τὰ δὲ
ἀσύμφωνα, καὶ τὰ μὲν μείζονα, τὰ δὲ ἐλάττονα, καὶ
τὰ μὲν πρῶτα καὶ ἀσύνθετα, τὰ δὲ οὔτε πρῶτα οὔτε
ἀσύνθετα. τὰ μὲν οὖν ἐμμελῆ καὶ τὰ σύμφωνα ἢ τὰ
ἐναντία γνωρίζειν διαστήματα τῆς ἀκοῆς ἐστιν. (p. 5) ἡ
γὰρ διαφορὰ τῶν τε συμφώνων καὶ διαφώνων φθόγγων,
ἐμμελῶν τε καὶ ἐκμελῶν ἐν τῇ τοῦ ἤχου μάλιστα
ἀπόκειται· οὐ μὴν ἀλλὰ καὶ τῷ λόγῳ μικρὰ περὶ
αὐτοῦ εἰρήσεται.
4.Περὶ συστημάτων. Ἀσύνθετα δέ ἐστι διαστήματα,
ὅταν μεταξὺ τῶν περιεχόντων αὐτὰ φθόγγων
μηδὲ εἷς δύνηται μελῳδεῖσθαι φθόγγος ἐμμελὴς πρὸς
αὐτοὺς ἐν ἐκείνῳ τῷ γένει, ἐν ᾧ τὸ ἀσύνθετον εἴληπται.
σύνθετα δέ ἐστι διαστήματα, ὧν μεταξὺ μελῳδεῖται
5. Περὶ γενῶν. Γένος δέ ἐστι ποιὰ τετραχόρδον διαίρεσις καὶ διάθεσις. γένη δέ ἐστι τρία· διατονικὸν χρωματικὸν ἐναρμόνιον. εἴδη δὲ ἤτοι χροιαὶ τῶν γενῶν πλείονες. καὶ ἔστιν ἐν μὲν τῷ ἁρμονικῷ τὸ πρῶτον καὶ ἀσύνθετον διάστημα τέταρτον τόνου, καλεῖται δὲ δίεσις ἐναρμόνιος. ἐν δὲ τῷ χρωματικῷ τόνου τρίτον, καλεῖται δὲ δίεσις χρωματικὴ ἐλαχίστη. ἐν δὲ τῷ διατονικῷ μάλιστα τῷ συντόνῳ καλουμένῳ τὸ ἡμιτόνιόν ἐστι πρῶτον τε καὶ ἀσύνθετον. μελῳδεῖται δὲ τὸ διατονικὸν γένος τὸ σύντονον ἐπὶ μὲν τὸ ὀξὺ καθʼ ἡμιτόνιον (p. 6) καὶ τόνον καὶ τόνον, ἐπὶ δὲ τὸ βαρὺ δῆλον ὡς ἔμπαλιν. τὸ δὲ χρωματικὸν πολυειδῶς μὲν καὶ αὐτὸ μελῳδεῖται. καὶ καθʼ ἓν εἶδος ὡς ἐπὶ παραδείγματος ἐπὶ μὲν τὸ ὀδὺ καθʼ ἡμιτόνιον καὶ ἡμιτόνιον καὶ τριημιτόνιον, ἐπὶ τὸ βαρὺ δὲ ἐναντίως. ἐν δὲ τῷ ἐναρμονίῳ γένει πρόεισιν ἡ μελῳδία κατὰ τεταρτημόριον καὶ τεταρτημόριον καὶ δίτονον.
6. Περὶ μὲν δὴ τοῦ γένους ἱκανὰ τέως τὰ εἰρημένα·
λέγωμεν δὲ ἀναλαβόντες τὸν ἀριθμὸν καὶ τάξιν
καὶ διαστήματα τῶν φθόγγων, τέως ἐφʼ ἑνὸς τοῦ
διατονικοῦ γένους τὸν λόγον ποιούμενοι. τοῦτο γὰρ
Διάγραμμα τῶν τριῶν γενῶν ἐν ἑνὶ τετραχόρδῳ.
Οἱ παλαιοὶ τὸν πάντων βαρύτατον φθόγγον, ἀφʼ οὗ
τὴν ἀρχὴν ἐπὶ τὸ ὀξὺ τῆς ἁρμονίας ἐποιοῦντο προσλαμβανόμενον
ἐκάλουν. τοῦτον δὲ οὐκ ἀεὶ φύσει
βαρύτατον ἐλάμβανον, ἀλλὰ καὶ θέσει. καθʼ ἕκαστον
γὰρ τῶν τρόπων οὐχ ὁ αὐτὸς ἦν προσλαμβανόμενος
φθόγγος, ἀλλʼ ἐν ἄλλῳ ἄλλος, ὡς μετʼ ὀλίγον δειχθήσεται.
μετὰ δὲ αὐτὸν ἔτασσον ὑπάτην ὑπάτων ἀεὶ
τοῦ προσλαμβανομένου τονιαῖον ἀφεστῶσαν διάστημα
κατὰ πάντα τὰ γένη τῆς ἁρμονίας. ἐφεξῆς δὲ παρυπάτην
ὑπάτων ἐτίθεσαν ἡμιτονίῳ τῆς ὑπάτης ὀξυτέραν· (p. 7)
εἶτα λιχανὸν ὑπάτων τόνον ἀπέχουσαν τῆς παρυπάτης
ἐπὶ τὸ ὀξὺ, τις καὶ διάτονος ὑπάτων ἐκαλεῖτο ἐν τῷ
διατονικῷ γένει. μετὰ δὲ ταύτην ἡ ὑπάτη τῶν μέσων
ἐτάσσετο τόνον ὁμοίως ἀπέχουσα τῆς λιχανοῦ ἤτοι διατόνου,
καὶ μέχρι ταύτης τὸ τῶν ὑπάτων συνεπληροῦτο
σύστημα τετράχορδον, ἀρχόμενον ἀπὸ τῆς ὑπάτης τῶν
ὑπάτων καὶ λῆγον εἰς τὴν ὑπάτην τῶν μέσων· ἀφʼ
ἧς πάλιν ἀρχὴν ἐποιοῦντο τοῦ τετραχόρδου τῶν μέσων·
ἡ παρυπάτη τῶν μέσων ἐστὶν ἡμιτονίῳ τῆς ὑπάτης
ὀξυτέρα. καὶ μετʼ αὐτὴν ἡ λιχανὸς τῶν μέσων ἤτοι
διάτονος μέσων τόνῳ τῆς παρυπάτης ὁμοίως ὀξυτέρα.
μετὰ δὲ ταύτην ἡ μέση, τόνῳ καὶ αὐτὴ τῆς τῶν
μέσων λιχανοῦ διαφέρουσα. καὶ μέχρι μὲν ταύτης
συνεπλήρουν τὸ δεύτερον σύστημα τετράχορδον τῶν
μέσων. ἀπὸ δὲ ταύτης ποτὲ μὲν τὸ τῶν συνημμένων
προσετίθεσαν τετράχορδον, πάλιν αὐτὴν τὴν μέσην
τοῦ ἐφεξῆς τετραχόρδου, καλουμένου δὲ συνημμένου,
ποιοῦντες ἀρχὴν καὶ διὰ τοῦτο συνημμένον αὐτὸ
λέγοντες· ποτὲ δὲ τὸ τῶν διεζευγμένων, ὅπερ οὐκέτι
τὴν ἀρχὴν ἀπὸ μέσης εἶχεν, ἀλλʼ ἀπὸ τῆς καλουμένης
παραμέσης, ἥτις ἀπὸ τῆς μέσης (p. 8) ἀπεῖχεν ἀεὶ
τόνον, τουτέστι κατὰ πάντα τὰ γένη τῆς μελῳδίας.
Δύο τοίνυν ἐποίουν οἱ παλαιοὶ συστήματα τέλεια,
τὸ μὲν κατὰ συναφὴν καλοῦντες, τὸ δὲ κατὰ διάζευξιν.
ὅτε μὲν οὖν τὸ κατὰ συναφὴν σύστημα ἐποίουν,
ἐφεξῆς ἐτίθεσαν τῇ μέσῃ τρίτην συνημμένων νητῶν
ἡμιτονίῳ τῆς μέσης ἀπέχουσαν. τρίτῃ δὲ ἐφεξῆς
παρανήτην συνημμένων νητῶν τόνῳ τῆς τρίτης ὀξυτέραν.
ταύταις δὲ ἐφεξῆς νήτην συνημμένων νητῶν
τόνῳ τῆς παρανήτης ὀξυτέραν. ἐκάλουν δὲ τοῦτο τὸ
τετράχορδον νητῶν συνημμένων· νητῶν μὲν διὰ τὸ
νέατον καὶ πέρας εἶναι τῆς ἐπὶ τὸ ὀξὺ προόδου, συνημμένων
δὲ διὰ τὸ μὴ ἀφεστάναι τῶν μέσων, ἀλλὰ
ὡς εἰρήκαμεν.
Ὅτε δὲ τὸ κατὰ διάζευξιν σύστημα ἐποίουν, τῇ
μέσῃ παραμέσην ἐφεξῆς ἔταττον τόνῳ τῆς μέσης ἀφεστηκυῖαν
ἀεὶ κατὰ πάντα τὰ γένη, καθάπερ κἀπὶ τοῦ
προσλαμβανομένου καὶ τῆς τῶν ὑπάτων ὑπάτης εἴρηται·
τοῦτον δὲ τὸν τόνον ἐκάλουν τῆς διαζεύξεως. ἀπὸ δὲ
τῆς παραμέσης ἀρχὴν ἐποιοῦντο τοῦ τετραχόρδου (p. 9)
τὴν νήτην τῶν διεζευγμένων νητῶν. ἥντινα πάλιν
ἀρχὴν ἐποιοῦντο τετραχόρδου νητῶν ὑπερβολαίων,
τέλος μὲν οὗσαν καὶ ὀξυτάτην τοῦ τετραχόρδου τῶν
διεζευγμένων νητῶν, ἀρχὴν δὲ καὶ βαρυτάτην τοῦ
τετραχόρδου τῶν ὑπερβολαίων νητῶν. ἐφεξῆς γὰρ
αὐτῇ τὴν τρίτην τῶν ὑπερβολαίων νητῶν ὀξυτέραν
αὐτῆς ἡμιτονίῳ. ταύτῃ δὲ τὴν παρανήτην ἐφεξῆς
ἐτίθεσαν τόνον ἀπέχουσαν τῆς τρίτης. εἶτα τὴν νήτην
τῶν ὑπερβολαίων νητῶν, τόνον μὲν αὐτῆς ἀπέχουσαν
ἐπὶ τὸ ὀξὺ, πέρας δὲ οὖσαν τοῦ δευτέρου συστήματος,
τοῦ καλουμένου κατὰ διάζευξιν.
7. Ἐν μὲν οὗν τῷ ἐλάσσονι συστήματι τῷ
κατὰ συναφὴν, τρία ἐστὶ τετράχορδα συνημμένα ἀλλήλοις
κατὰ κοινοὺς φθόγγους δύο, τὴν μέσην καὶ τὴν
ὑπάτην τῶν μέσων, ἔξωθεν δὲ ὁ προσλαμβανόμενος.
καὶ συνάγονται φθόγγων δυνάμεις τὸν ἀριθμὸν ἕνδεκα·
προσλαμβανόμενος, ὑπάτη ὑπάτων, παρυπάτη ὑπάτων,
λιχανὸς ὑπάτων, ὑπάτη μέσων, παρυπάτη μέσων, λιχανὸς
μέσων, μέση, τρίτη συνημμένων νητῶν, παρανήτη
συνημμένων νητῶν, νήτη συνημμένων νητῶν. ἐν θὲ
τῷ μείζονι συστήματι τῷ κατὰ διάζευξιν καλουμένῳ
(p. 10) τετράχορδα μέν ἐστι τέσσαρα, τό τε τῶν
ὑπάτων καὶ τὸ τῶν μέσων καὶ δύο τῶν νητῶν. ὧν
τὰ μὲν ὑπάτων καὶ μέσων συνῆπται ἀλλήλοις κατὰ
νητῶν, ὁμοίως καὶ τούτοις ἔξωθεν τῶν τετραχόρδων
τοῦ προσλαμβανομένου κειμένου. καὶ συνάγονται
φθόγγων δυνάμεις τὸν ἀριθμὸν ιε· προσλαμβανόμενος,
ὑπάτη ὑπάτων, παρυπάτη ὑπάτων, λιχανὸς ὑπάτων,
ὑπάτη μέσων, παρυπάτη μέσων, λιχανὸς μέσων, μέση,
παραμέση, τρίτη διεζευγμένων νητῶν, παρανήτη διεζευγμένων
νητῶν, νήτη διεζευγμένων νητῶν, τρίτη ὑπερβολαίων
νητῶν, παρανήτη ὑπερβολαίων νητῶν, νήτη
ὑπερβολαίων νητῶν. ὁμοῦ τοίνυν ἐξ ἀμφοτέρων τῶν
συστημάτων φθόγγων συνήχθησαν δυνάμεις τὸν ἀριθμὸν
Ϛ καὶ κ, ἐξ ὧν αἱ ὀκτὼ δυνάμεις αἱ μέχρι τῆς
μέσης ἐν ἀμφοτέροις εἰσὶ κοιναί. λοιπαὶ ἄρα αἱ πᾶσαι
δυνάμεις τῶν φθόγγων εἰσὶν ὀκτωκαίδεκα τὸν ἀριθμὸν,
ἐν οἷς πάντα καὶ ᾄδετοι καὶ αὐλεῖται καὶ κιθαρίζεται
καὶ τὸ σύμπαν εἰπεῖν μελῳδεῖται. φανερώτερον δὲ
ἔσται τὸ εἰρημένον ἐκ τοῦ (p. 11) ὑποκειμένου διαγράμματος
ὁμοῦ τῶν δύο συστημάτων συνημμένου τε
καὶ διεζευγμένου.
Αὕτη μὲν οὗν ἡ σύνθεσίς τε καὶ τάξις τῶν φθόγγων
ἐπὶ τοῦ διατονικοῦ γένους. ὀνόματο δὲ ταῦτα
τοῖς φθόγγοις ἐν ἅπασι τοῖς γένεσι, πλὴν ὅτι τοῖς
κινουμένοις πρὸς μεταβολὴν γένους ἴδιον πρὸς τῷ
8. Τῶν δὲ ἐμμελῶν φθόγγων οἱ μέν εἰσιν ὁμόφωνοι,
οἱ δὲ σύμφωνοι, οἱ δὲ διάφωνοι, οἱ δὲ παράφωνοι.
ὁμόφωνοι μὲν οὗν εἰσιν, οἳ μήτε βαρύτητι μήτε ὀξύτητι
διαφέρονται ἀλλήλων. σύμφωνοι δὲ, ὧν ἅμα
κρουομένων ἢ αὐλουμένων ἀεὶ τὸ μέλος τοῦ βαρυτέρου
πρὸς τὸ ὀξὺ καὶ τοῦ ὀξυτέρου πρὸς τὸ βαρὺ τὸ αὐτό,
ἢ ὅταν οἱονεὶ κρᾶσις ἐν τῇ προφορᾷ δυοῖν φθόγγοιν
καὶ ὥσπερ ἑνότης παρεμφαίνηται· τότε γὰρ συμφώνους
εἶναί φαμεν αὐτούς. διάφωνοι δὲ, ὧν ἄμα κρουομένων
ἢ αὐλουμένων οὐδὲν τι φαίνεται τοῦ μέλους εἶναι
ἀπὸ παρυπάτης μέσων ἐπὶ παραμέσην (p. 12) καὶ
ἐπὶ δύο τόνων ἀπὸ μέσων διατόνου ἐπὶ παραμέσην.
9. Συμφωνίαι δέ εἰσιν ἐν τῷ τελείῳ συστήματι
τὸν ἀριθμὸν ἕξ. πρώτη μὲν ἡ διὰ τεσσάρων, δευτέρα
δὲ ἡ διὰ πέντε, τόνῳ τοῦ διὰ τεσσάρων ὑπερέχουσα·
ὅθεν καί τινες ὡρίσαντο τὸ τονιαῖον διάστημα διαφορὰν
εἶναι τῶν πρώτων δύο συμφώνων κατὰ τὸ μέγεθος.
τρίτη δὲ ἐξ ἀμφοτέρων τούτων ἐστὶ συμφωνία σύνθετος,
ἡ διὰ πασῶν. τῷ γὰρ διὰ τεσσάρων προστεθὲν
τὸ διὰ πέντε τοὺς ἄκρους συμφώνους ποιεῖ· καλεῖται
δὲ οὗτος ὁ τρόπος τῆς συμφωνίας διὰ πασῶν. τετάρτη
δέ ἐστι συμφωνία τὸ διὰ πασῶν τε ἅμα καὶ διὰ
πρὸς τὴν δύναμιν τοίνυν τῶν ὀργάνων ἢ τῆς ἀνθρωπίνης
φωνῆς ἐξ μόνον ὑπόκεινται ἡμῖν αἱ πᾶσαι συμφωνίαι.
καὶ ἔστιν οὕτως τὸ μὲν διὰ τεσσάρων σύμφωνον
ἐν παντὶ γένει τῆς μελῳδίας φθόγγων τεσσάρων,
διαστημάτων τριῶν, τόνων δύο ἡμίσους, ἡμιτονίων
πέντε. τὸ δὲ διὰ πέντε σύμφωνον ὁμοίως κατὰ πάντα
τὰ γένη φθόγγων ἐστὶ ε, διαστημάτων δ, τόνων τριῶν
ἡμίσεος, ἡμιτονίων ἑπτά. τὸ δὲ διὰ πασῶν σύμφωνον
φθόγγων ἐστὶν ὀκτὼ, διαστημάτων ἑπτὰ, τόνων ἓξ,
ἡμιτονίων δώδεκα. (p. 13) τὸ δὲ διὰ πασῶν καὶ διὰ
τεσσάρων φθόγγων μέν ἐστιν ια, διαστημάτων δὲ
δέκα, τόνων ὀκτὼ ἡμίσους, ἡμιτονίων ιζ. τὸ δὲ διά
πασῶν καὶ διὰ πέντε φθόγγων ἐστὶ δώδεκα, διαστημάτων
ια, τόνων ἐννέα ἡμίσους, ἡμιτονίων ιθ. τὸ δὲ
δὶς διὰ πασῶν φθόγγων ἐστὶ δεκαπέντε, διαστημάτων
δεκατεσσάρων, τόνων δώδεκα, ἡμιτονίων κδ.
10. Λόγοι δέ εἰσιν ἐν ἀριθμοῖς ηὑρημένοι τῶν
συμφωνιῶν καὶ δοκιμασθέντες ἀκριβῶς πάντα τρόπον
τῆς μὲν διὰ τεσσάρων ἐπίτριτος, ὅν ἔχει τὰ κδ πρὸς
τὰ ιη· τῆς δὲ διὰ πέντε ἡμιόλιος, ὃν ἔχει ὁ κδ πρὸς
τὸν ιϚ· τῆς δὲ διὰ πασῶν διπλάσιος, ὃν ἔχει ὁ κδ πρὸς
τὸν ιβ· τῆς δὲ διὰ πασῶν τε ἅμα καὶ διὰ τεσσάρων
διπλασιεπιδίμοιρος, ὃν ἔχει ὁ κδ πρὸς τὸν θ. καὶ
11. Τὴν δὲ ἀρχὴν τῆς τούτων εὑρέσεως Πυθαγόραν
ἱστοροῦσι λαβεῖν ἀπὸ τύχης παριόντα χαλκεῖον τοὺς
ἐπὶ τὸν ἄκμονα κτύπους τῶν ῥαιστήρων αἰσθόμενον
διαφώνους τε καὶ συμφώνους. εἰσελθὼν γὰρ εὐθὺς
τὴν αἰτίαν τῆς τε διαφορᾶς τῶν κτύπων καὶ τῆς συμφωνίας
ἠρεύνα. καὶ ταύτην εὑρίσκει σταθμῶν διαφόρων
ἰδὼν τὰς σφύρας, τοὺς δὲ ἐν τοῖς σταθμοῖς
λόγους (p. 14) τῶν μεγεθῶν αἰτίους τῆς τε διαφορᾶς
καὶ συμφωνίας τῶν ψόφων. τὰς μὲν γὰρ ἐπίτριτον
ἐν τοῖς σταθμοῖς ἐχούσας λόγον τοῖς ψόφοις διὰ
τεσσάρων εὑρίσκει συμφωνούσας, τὰς δὲ τὸν ἡμιόλιον
σταθμὸν ἑλκούσας ἐν τῷ κτύπῳ καταλαμβάνει τὴν διὰ
πέντε συμφωνίαν ἀποτελεῖν, τὰς δὲ διπλασίας τῷ
σταθμῷ διὰ πασῶν συμφωνεῖν ἐν τοῖς ἤχοις αἰσθάνεται.
Ἐντεῦθεν ἀρχὴν τῆς τῶν συμφώνων ὁμολογίας
πρὸς τοὺς ἀριθμοὺς ποιησάμενος μεταφέρει τὴν ἔρευναν
διὰ τεσσάρων λεγομένην συμφωνίαν. πάλιν δὲ ἑκατέρας
ἐξάψας ἡμιόλια βάρη κρούσας εὑρέσκει συμφωνούσας
αὐτὰς ἀλλήλαις κατὰ τὴν διὰ πέντε συμφωνίαν.
διπλασίονα δὲ ἐπειδὴ τὰ βάρη καθῆψε, διὰ πασῶν
εὗρε συμφωνούσας τὰς χορδάς. τριπλασίονα δὲ ποιήσας
τὸ διὰ πασῶν τε ἅμα καὶ διὰ πέντε σύμφωνον ἐθεώρει.
καὶ τὰ ἐξῆς ὁμοίως.
Ἀλλʼ οὐδὲ τῇ πείρᾳ τούτων ἀρκεσθεὶς μόνῃ βασανίζει
τρόπον ἄλλον τὴν μέθοδον. χορδὴν γὰρ τείνας
ἐπὶ κανόνος τινὸς καὶ τὸν κανόνα διελὼν εἰς μέρη
ιβ, πρῶτον μὲν πᾶσαν κρούσας, εἶτα τὸ ἥμισυ αὐτῆς
τὸ τῶν ἕξ μερῶν, σύμφωνον ηὕρισκε τὴν πᾶσαν τῷ
ἡμίσει κατὰ διὰ πασῶν· ὅπερ καὶ ἐν ταῖς πρώταις
μεθόδοις ἐν διπλασίονι λόγῳ κατελάμβανεν. (p. 15)
ἔπειτα πᾶσαν καὶ τὰ τρία μέρη τῆς πάσης κρούσας
τὸ διὰ τεσσάρων ἐώρα σύμφωνον. πᾶσαν δὲ καὶ τὰ
δύο μέρη τῆς πάσης κτυπήσας τὴν διὰ πέντε συμφωνίαν
εὑρίσκει, καὶ τὰς ἄλλας ὁμοίως. ἔπειτα δὲ
καὶ ἄλλως πολυτρόπως ταῦτα βασανίσας εὑρίσκει τοὺς
αὐτοὺς τῶν συμφωνιῶν λόγους ἐν ἀριθμοῖς εἶναι τοῖς
εἰρημένοις.
12. Συμβαίνει δὲ ἐκ τῶν εἰρημένων τὸ τονιαῖον
διάστημα λόγον ἔχειν ἐπόγδοον. εἰ γὰρ ἔστιν ὁ
τόνος, ᾧ διαφέρει τοῦ διὰ πέντε τὸ διὰ τεσσάρων
σύμφωνον, ὑποκείσθω τὸ μὲν διὰ τεσσάρων ἀριθμῶν
πρὸς τὰ ἐννέα.
13. Τὸ δὲ ἡμιτόνιον καλούμενον οὐκ ἔστιν
ἀκριβῶς ἡμιτόνιον· λέγεται δὲ κοινῶς μὲν ἡμιτόνιον,
ἰδίως δὲ λεῖμμα, καὶ ἔχει λόγον, ὄν τὰ c πρὸς τὰ
cνϚ. πρώτως οὖν θεωρητέον, ὅτι λόγον ἔχει τὸ
καλούμενον ἡμιτόνιον, ὃν τὰ c πρὸς τὰ cνϚ, εἶτα
ὅτι τὰ cμγ πρὸς τὰ cνς ἔλαττον περιέχουσιν ἡμιτονίου
διάστημα. ἐκκείσθω γάρ τις φθόγγου δύναμις ἐν
ἀριθμῷ τῷ ξδ καὶ τούτῳ παρακείσθω φθόγγος τόνον
ἀπέχων, τουτέστιν ἀριθμῶν οβ, (p. 16) καὶ ἔτι τούτοις
τρίτος παρακείσθω φθόγγος ἀπέχων τόνον ἀπὸ τοῦ
δευτέρου, τουτέστιν ἀριθμῶν πα. ὁ δὲ τέταρτος εἰς
συμπλήρωσιν τοῦ τετραχόρδου λαμβανόμενος, ἀνάγκ
τῷ πρώτῳ διὰ τεσσάρων σύμφωνος, λόγον ἕξει πρὸς
τὸν ξδ τὸν ἐπίτριτον, τουτέστιν ἀριθμῶν ἔσται πε
καὶ τρίτου, καὶ ὁ τέταρτος ἄρα φθόγγος πρὸς τὸν τρίτον
λόγον ἕξει τῶν πε γʹ πρὸς τὰ πα, ὅπερ ἐστὶν ἐν τελείοις
ἀριθμοῖς ὁ τῶν cνϚ πρὸς τὰ cμγ. καὶ ὅσοι δὲ ἐν
μείζοσιν ἀριθμοῖς μετὰ δύο ἐπογδόους τὸ λεῖπον τοῦ
τετραχόρδου συμπληροῦσι, κατὰ τοῦτον τὸν λόγον
ἀναπληρώσουσι, τουτέστιν ὃν ἔχει τὰ cμγ. πρὸς τὰ cνϚ.
14. Τούτου δὲ θεωρηθέντος πάλιν ῥητέον, ὅτι
οὗτος ὁ λόγος ἐλάττων ἡμιτονίου. ἔστι μὲν γὰρ
ἐλάττων ἢ ἐφεπτακαιδέκατος ὁ cνϚ τοῦ cμγ. δύο
δὲ ἐφεπτακαιδέκατοι συντεθέντες οὐ συμπληροῦσιν
ἐπόγδοον, ὥστε ὁ μὲν ἐφεπτακαιδέκατος λόγος λείπει
ἥμισυς εἶναι ἐπογδόου. ὁ δὲ τῶν cνϚ πρὸς τὰ cμ
λειπόμενος καὶ τοῦ ἐφεπτακαιδέκατος εἶναι, πολὺ ἂν
μᾶλλον λείποιτο ἥμισυς εἶναι τοῦ ἐπογδόου. ἔλαττον ἄρα
τὸ λεγόμενον ἡμιτόνιον τοῦ ἀληθῶς ἡμιτονίου, διόπερ
λεῖμμα ἐκλήθη, καὶ λόγον ἔχει, ὃν τὰ σμ πρὸς τὰ cνϚ.
Τοῦ δὲ λείμματος τὸ λεῖπον εἰς συμπλήρωσιν
τόνου καλεῖται ἀποτομή, κοινῶς δὲ καὶ αὐτὸ ἡμιτόνιον,
ὥστε ἔσται τῶν ἡμιτονίων τὸ μὲν μεῖζον, τὸ δὲ
ἔλαττον. (p. 17) χρῆται δὲ τὸ μὲν διατονικὸν γένος
τῷ ἐλάττονι, τὸ δὲ χρωματικὸν ἀμφοτέροις.
15. Τούτων οὖν οὕτως ὑποτεθέντων ἐκκείσθω τὸ
διάγραμμα τῶν φθόγγων διατονικὸν μετὰ τῶν ἐπιβαλόντων
τοῖς φθόγγοις ἀριθμῶν ἐν τῷ αὐτῷ διαγράμματι
ἐν ἄλλοις ἀριθμοῖς τοῦ ἐλάσσονος πρὸς τῷ
.
προσλαμβανομένῳ τιθεμένου
Ἐν μὲν οὖν τῷ πρώτῳ διαγράμματι προσλαμβανομένου
τεθέντος βτδ ἡ ὑπάτη ὑπάτων τόνον ἀπέχουσα
τοῦ προσλαμβανομένου κατὰ τὸν λόγον, ὃν ἔχει τὰ θ
πρὸς τὰ η, ἀριθμῶν ὑπόκειται βθμ. ἡ δὲ παρυπάτη
τῶν ὑπάτων ἡμιτόνιον ἀπέχουσα τῆς ὑπάτης, ὅπερ
κυρίως λεῖμμα προσαγορεύεται, κατὰ τὸν λόγον, ὃν
ἔχει τὰ σνϚ πρὸς τὰ σμγ, εἰκότως ἀριθμῷ ὑπόκειται
ᾳϠμδ. καὶ τὰ λοιπὰ δὲ διαστήματα κατὰ τὸν λόγον
τῶν τε τόνων καὶ ἡμιτονίων ὁμοίως ἔκκειται. ἐν δὲ
τῷ δευτέρῳ διαγράμματι τοῦ προσλαμβανομένου τεθέντος
ἀριθμῶν χμ ἡ ὑπάτη τῶν ὑπάτων ἀκολούθως
ἀριθμῶν ὑπόκειται ψκθ. ἡ δὲ παρυπάτη τῶν ὑπάτων
ἀριθμῶν ὑπόκειται ψξη. καὶ τὰ ἄλλα πάντα ἀκολούθως
τοῖς τόνοις καὶ ἡμιτονίοις παρηύξηται ὁμοίως
τοῖς πρώτοις, πλὴν ὅτι ἐξ ἐλαττόνων ἐπὶ τοὺς μείζονας
οἱ ἀριθμοὶ προχωροῦσιν.
16.Ἐφεξῆς δὲ ἐκθήσομαι διάγραμμα χρωματικοῦ
γένους συντόνου ἔχον τοὺς φθόγγους μετὰ τῶν ἐπιβαλόντων
αὐτοῖς ἀριθμῶν. ἐν ᾧ καὶ δῆλον γίνεται,
ὅτι τὸ χρωματικὸν γένος ἀμφοτέροις κέχρηται τοῖς
ἡμιτονίοις, (p. 18) τῷ τε ἐλάσσονι, καὶ τῷ μείζονι,
τουτέστι τοῦ τε λείμματος καὶ τῇ ἀποτομῇ. ἄρχεται
δὲ ὁ προσλαμβανόμενος ἀπὸ τοῦ μεγίστου τῶν ἀριθμῶν
β ψλϚ. ἐξῆς ἡ ὑπάτη.
17. Τῶν δὲ ὀκτωκαίδεκα φθόγγων οἱ μὲν ἑστῶτές
ἀριθμοῦ N. 13 ἀριθμῶ N. 24 ἡ ὑπάτη Meib. ἡ κ V.
κάτω NU. spat. diagr. VN . 25 Meib. prop. οἱ μὲν η
ἑστῶτές εἰσιν, οἱ δὲ 1 κινούμενοι.
αἵ τε παρυπάται καὶ λιχανοὶ καὶ αἱ τρίται τε καὶ αἱ
παρανῆται, ἐπειδήπερ ἐν ταῖς τῶν γενῶν μεταβολαῖς
οὗτοι οἱ φθόγγοι τὴν ἑαυτῶν τάσιν μεταβάλλουσι·
διὸ καὶ προσλαμβάνουσι τῷ κοινῷ ὀνόματι ἴδιον πρὸς
τὸ γινόμενον τοῦ γένους ἑκάστου. καλεῖται γὰρ, οἷον
εἰπεῖν, λιχανὸς μέσων ἐναρμόνιος, λιχανὸς μέσων χρω-
ματική, λιχανὸς μέσων διάτονος. ὁ δὲ αὐτὸς λόγος
καὶ περὶ τῶν παρανητῶν τε καὶ παρυπάτων καὶ τρίτων.
18. Ἔτι γὰρ περὶ συστημάτων ἀναλήψομαι. τῶν
δὲ τετραχόρδων εἴδη ἐστὶν ἤτοι σχήματα τρία.
γίνεται δὲ ταῦτα, ὅταν τοῦ αὐτοῦ μεγέθους τῶν τετρα-
χόρδων σωζομένου καὶ τοῦ ἀριθμοῦ τῶν συστημάτων
ἡ τάξις μόνη καὶ ἡ σύνθεσις ἀλλοίωσιν λάβῃ. πρῶτον
μὲν οὖν εἶδός ἐστι τὸ ἀπὸ ὑπάτης ὑπάτων ἐπὶ ὑπάτην
μέσων, ἐν ᾧ τὸ ἡμιτόνιον πρῶτον ἐπὶ τὸ βαρύ. δεύτερον
δὲ τὸ ἀπὸ παρυπάτης ὑπάτων ἐπὶ παρυπάτην
μέσων, ἐν ᾧ τὸ ἡμιτόνιον τρίτον ἐπὶ τὸ ὀξύ. (p. 19)
τρίτον δὲ τὸ ἀπὸ λιχανοῦ ἐπὶ λιχανὸν, ἐν ᾧ τὸ ἡμιτόνιον
μέσον. καὶ τὰ ἄλλα τούτοις ἐστὶν ὅμοια.
Τοῦ δὲ διὰ πέντε εἴδη ἐστὶν ἤτοι σχήματα τέσσαρα.
πρῶτον μὲν τὸ ἀπὸ ὑπάτης μέσων ἐπὶ παραμέσην, ἐν
ᾧ τὸ ἡμιτόνιον πρῶτον ἐπὶ τὸ βαρύ. δεύτερον δὲ τὸ ἀπὸ
19. Τοῦ δὲ διὰ πασῶν ὀκταχόρδου συνάγεται μὲν
εἴδη ἤτοι σχήματα ιβ, διὰ τὸ τοῦ μὲν διὰ τεσσάρων
εἶναι σχήματα τρία, τοῦ δὲ διὰ πέντε δεδεῖχθαι σχήματα
τέσσαρα, ἐξ ἀμφοῖν δὲ συντίθεσθαι τὸ διὰ πασῶν.
οὐ μὴν ἀλλὰ τά γε ἐμμελῆ καὶ σύμφωνα αὐτοῦ εἴδη
ἐστὶν ἤτοι σχήματα ἑπτά· τὴν δὲ αἰτίαν ὕστερον ἀποδώσομεν.
πρῶτον μὲν τὸ ἀπὸ ὑπάτης ὑπάτων ἐπὶ παραμέσην,
συγκείμενον ἐκ τοῦ πρώτου τῶν διὰ τεσσάρων
καὶ τοῦ πρώτου τῶν διὰ πέντε. δεύτερον δὲ τὸ ἀπὸ
παρυπάτης ὑπάτων ἐπὶ τρίτην διεζευγμένων, συγκείμενον
ἐκ τοῦ δευτέρου τῶν διὰ τεσσάρων καὶ δευτέρου
τῶν διὰ πέντε. τρίτον δὲ τὸ ἀπὸ λιχανοῦ ὑπάτων ἐπὶ
παρανήτην διεζευγμένων, συγκείμενον ἐκ τοῦ τρίτου τῶν
διὰ τεσσάρων καὶ τρίτου τῶν διὰ πέντε. τέταρτον τὸ
ἀπὸ ὑπάτης μέσων (p. 20) ἐπὶ νήτην διεζευγμένων, συγκείμενου
ἐκ τοῦ πρώτου τῶν διὰ πέντε καὶ πρώτου διὰ
τεσσάρων. πέμπτον τὸ ἀπὸ παρυπάτης μέσων ἐπὶ τρίτην
ὑπερβολαίων, συγκείμενον ἐκ τοῦ δευτέρου διὰ πέντε
καὶ δευτέρου διὰ τεσσάρων. ἕκτον τὸ ἀπὸ λιχανοῦ μέσων
ἐπὶ παρανήτην ὑπερβολαίων, συγκείμενον ἐκ τοῦ τρίτου
ἐκ τοῦ τρίτου τῶν διὰ τεσσάρων καὶ τετάρτου τῶν διὰ
πέντε. καλεῖται δὲ τὸ μὲν πρῶτον εἶδος τοῦ διὰ
πασῶν μιξολύδιον, τὸ δὲ δεύτερον λύδιον, καὶ τὸ τρίτον
φρύγιον, τὸ δὲ τέταρτον δώριον, καὶ τὸ πέμπτον ὑπολύδιον,
καὶ τὸ ἕκτον ὑποφρύγιον, τὸ δὲ ἕβδομον κοινὸν
ἐκαλεῖτο καὶ λοκρικὸν καὶ ὑποδώριον.
20. Ἐχρήσαντο δὲ οἱ παλαιοὶ ὀνόμασι πρὸς τὴν
σημασίαν τῶν ὀκτωκαίδεκα φθόγγων καὶ γράμμασι,
τοῖς καλουμένοις σημείοις μουσικοῖς, περὶ ὧν νῦν
ῥητέον. ἡ τῶν μουσικῶν σημείων ἔκθεσις γέγονε μὲν
ἐπὶ σημειώσει τῶν φθόγγων, ὅπως μὴ τὰ ὀνόματα καθʼ
ἕκαστον γράφοιτο, καὶ ἑνὶ δὲ σημείῳ δύναιτό τις
ἐπιγινώσκειν καὶ ἀποσημειοῦσθαι φθόγγον. ἐπεὶ δὲ
οἱ φθόγγοι διαφόρῳ τάσει κινοῦνται καὶ οὐκ ἐπὶ τοῦ
αὐτοῦ τόπου πάντως μένουσιν, οὐχ ἑνὸς δήπουθεν
σημείου καθʼ ἕκαστον τῶν φθόγγων, ἀλλὰ διαφόρων
(p. 21) ἐδέησεν, ὥστε καὶ τὴν διάφορον τάσιν αὐτοῦ
σημαίνειν. καθʼ ἕκαστον γὰρ τρόπον ἢ τόνον διαφέροντες
τῇ τάσει πάντες πάντων οἱ φθόγγοι γίνονται.
οἷον ποτὲ μὲν τὸν φύσει βαρύτατον φθόγγον προσλαμβανόμενον,
ὡς ἐν τῷ ὑποδωρίῳ τρόπῳ, τιθέμεθα
καὶ μέσην τὸν πρὸς τοῦτον ἀντίφωνον, καὶ τοὺς ἄλλους
κατὰ τὴν πρὸς αὐτοὺς σχέσιν ὀνομάζομεν· ποτὲ δὲ αὖ
παραλαβόντες εἰς ἀρχὴν τοῦ συστήματος προσλαμβανομένῳ
τε αὐτῷ χρώμεθα καὶ τὴν τάσιν τοῦ παντὸς
συστήματος πρὸς τοῦτον ἁρμόζομεν. ἀνάγκη δέ ἐφʼ
ἑκάστου συστήματος πλειόνων προτεθέντων συστημάτων
ὡς ἡ μέση πρὸς τὴν μέσην ἔχει, ἢ ὡς ὁ προσλαμβανόμενος
πρὸς τὸν προσλαμβανόμενον, οὕτως ὁντιναοῦν
τῶν ὁμωνύμων ἔχειν πρὸς τὸν ὁμώνυμον καὶ ἅπαν τὸ
σύστημα πρὸς ἅπαν τὸ σύστημα.
Οὐχ ἑνὸς δὴ οὗν σημείου καθʼ ἕκαστον τῶν φθόγγων
ἐδέησεν, ἀλλὰ πλειόνων καὶ τοσούτων, ὅσοισπερ
ἡμιτονίοις παραυξάνεσθαι τῶν φθόγγων ἕκαστος δύναται.
τὸ μὲν οὖν ὅσοις παραυξάνεσθαι δύναται τῶν
φθόγγων ἕκαστος ἡμιτονίοις, οὐ ῥᾴδιον ἀφορίσαι.
πρὸς γὰρ τὰς κατασκευὰς τῶν ὀργάνων καὶ τὴν δύναμιν
ἐν διαφόροις σημείοις ἀποσημαίνεται,
ἐκ τῶν διαγραμμάτων ἐν ταῖς μουσικαῖς
εἰσαγωγαῖς ῥᾳδίως ἄν τις καταμάθοι.
21. Θεωρητέον δὲ νῦν μόνον τὴν καθʼ ἡμιτόνιον
τάξιν τῶν σημείων, ὅν τρόπον συνέστηκεν. ὑποκείσθω
τις φθόγγου δύναμις βαρυτάτη καὶ πρώτως ἀκουστή.
ταύτην οἱ παλαιοὶ κατεσημήματντο τῷ ἡμίφι πλαγίῳ
καὶ ἀρχὴν τῶν σημείων ἔθεντο τοῦτο πρῶτον ??.
δῆλον δὴ, ὅτι κατʼ αὐτὴν τὴν δύναμιν προσλαμβανόμενον
ἄν τις λάβοι καὶ ἄλλον οὐδένα τῶν φθόγγων.
εἰ γὰρ ἄλλον τινὰ λάβοι, ποῦ τὸν προσλαμβανόμενον
τάξει βαρυτάτης ὑποκειμένης τῆς τοῦ ἡμίφι δυνάμεως;
ἕστω δὴ τούτου τοῦ φθόγγου πάλιν ἡμιτονίῳ τις
ὁξύτερος ἐφεξῆς. τοῦτον οἱ παλαιοὶ τῷ ταῦ σημείῳ
ἀπεσημήναντο T. καὶ δῆλον, ὅτιπερ ἡ τάσις τοῦ
φθόγγου προσλαμβανομένῳ μόνον ἁρμόσει. εἰ γὰρ τῇ
ὑπάτῃ τῶν ὑπάτων ἁρμόσει ἢ ἄλλῳ τινὶ τῶν φθόγγων,
ποῦ λοιπὸν ἔσται ὁ προσλαμβανόμενος, τόνῳ τῆς ὑπάτης
τῶν ὑπάτων ὀφείλων εἶναι βαρύτερος, ἡμιτονίου γὰρ
ἐπὶ τὸ βαρὺ μόνη χώρα καταλέλειπται. ἀλλὰ μὴν
ἔστω τις τοῦ κατὰ τὸ φθόγγου πάλιν ὀξύτερος ἡμιτονίῳ,
ὄν οἱ παλαιοὶ τῶ διπλῷ σίγμα κατεσήμαινον ??.
οὗτος δύναται μὲν εἶναι καὶ προσλαμβανόμενός τινος
κατʼ ἡμιτόνιον παραύξησιν τῶν φθόγγων τοῖς αὐτοῖς
σημείοις ἐξ ὑπαρχῆς ὀξείας προσθέντες ἐσημειοῦντο
ἀπὸ τοῦ ἐννεακαιδεκάτου ἀρξάμενοι στίχου, ὃς ἔχει ου
καὶ κάππα σημεῖον. ἔθεσαν δὲ διπλᾶ κατʼ ἕκαστον
στίχον τὰ σημεῖα· ὧν τὸ μὲν ἄνω τὴν λέξιν ἀποσημαίνει,
τὸ δὲ κάτω τὴν κροῦσιν. ἔθεντο δὲ καὶ τὰ λεγόμενα
ὁμότονα, οἷς ἀδιαφόρως ἀντὶ τῶν ἑτέρων ἔξεστι κεχρῆσθαι,
καὶ οὐδὲν διοίσει, οἱῳδήποτε τῶν πολλῶν μὲν,
ὁμοτόνων δὲ χρήσασθαι πρὸς σημείωσιν. παρέχει
δὲ καὶ χρείαν ἄλλην τὰ ὁμότονα. τὰς γὰρ διέσεις ἐν
τῷ ἁρμονικῷ καὶ χρωματικῷ γένει διὰ τούτων ἐφεξῆς
τιθεμένων σημειοῦνται. εἴρηται δὲ περὶ αὐτῶν ἐν
ταῖς εἰσαγωγαῖς.
22. Νυνὶ δὲ ἐκκείσθωσαν ἡμῖν ἐπὶ κανονίου τὰ
καθʼ ἡμιτόνιον σημεῖα σὺν τοῖς ὁμοτόνοις, τῶν μὲν
ὁμοτόνων ἐν τῷ αὐτῷ σελιδίῳ κειμένων, τῶν δὲ καθʼ
ἡμιτόνιον ὀξυτέρων εἰς τὸ ἐφεξῆς. (v. pag. 356.)
Ὁ μὲν οὖν πρῶτος στίχος τῶν σημείων ἐν τοῖς
ὁ δὲ δεύτερος στίχος τῷ ἡμιτονίῳ (p. 24) τοῦ
πρώτου φθόγγου ὀξύτερος ἔχει σημεῖον πλάγιον
ἀπεστραμμένον καὶ Υ πλάγιον
ὁ δὲ τρίτος στίχος, κατὰ τὸν λόγον τῶν ἐφεξῆς στίχων ἡμιτονίῳ ὀξύτερος τοῦ δευτέρου, σημεῖον ἔχει σίγμα διπλοῦν ἀπεστραμμένον καὶ σίγμα διπλοῦν З ??.
ὁ δὲ τέταρτος στίχος ἔχει ῥῶ ἀπεστραμμένον καὶ τὸ ω· ??ω. τούτοις δὲ ὁμότονά ἐστιν ἐν τῷ τετάρτῳ στίχῳ πῖ ἀνεστραμμένον καὶ σ διπλοῦν ἀπεστραμμένον ⊔ З .
ὁ δὲ πέμπτος ὁμοίως ἀξύτερος ὢν τοῦ τετάρτου τῷ ἡμιτονίῳ — πάντες γὰρ οἱ ἐφεξῆς ἡμιτονίῳ ἀλλήλων διαφέρουσιν — ἔχει σημεῖα ου κάτω γραμμὴν ἔχον καὶ η ??H.
ὁ δὲ ἕκτος στίχος ἔχει ξ διπλοῦν ἀπεστραμμένον καὶ πῖ διπλοῦν ἀνεστραμμένον ?? τούτοις δὲ ὁμότονα ἀντίνυ καὶ πῖ διπλοῦν ??.
Προσλαμβανόμενος ου κάτω γραμμὴν ἔχον καὶ ἦτα
Ὑπάτη ὑπάτων μῦ ἀνεστραμμένον καὶ ἦτα ἐλλιπές
Παρυπάτη ὑπάτων ἄλφα ἀνεστραμμένον (p. 25) καὶ ἦτα ἐλλιπὲς ὕπτιον
Ὑπάτων διάτονος ζῆτα ἐλλιπὲς καὶ ταῦ πλάγιον
Τπάτη μέσων γάμμα ἀπεστραμμένον καὶ γάμμα ὀρθόν
Παρυπάτη μέσων βῆτα ἐλλιπὲς καὶ γάμμα ἀνεστραμμΕνον
Μέσων διάτονος φῖ καὶ δίγαμμα
Μέση σίγμα καὶ σίγμα
Τρίτη συνημμένων ῥῶ καὶ σίγμα ἀνεστραμμένον
Συνημμένων διάτονος μῦ καὶ πῖ καθειλκυσμένον
Νήτη συνημμένων ἰῶτα καὶ λάμβδα πλάγιον
Παράμεσος ου καὶ κάππα
Τρίτη διεζευγμένων ξῖ καὶ κ ἀνεστραμμένον
Διεζευγμένων διάτονος ἰῶτα καὶ λάμβδα πλάγιον
Μήτη διεζευγμένων ζῆτα καὶ πῖ πλάγιον
Τρίτη ὑπερβολαίων ει τετράγωνον καὶ π ἀνεστραμμένον
Ὑπερβολαίων διάτονος ω τετράγωνον ὕπτιον καὶ ζῆτα
Νήτη ὑπερβολαίων φῖπλάγιον καὶ ἦτα ἀμελητικόν
Ὑπερλυδίου τρόπου σημεῖα κατὰ τὸ διάτονον γένος.
Προσλαμβανόμενος φῖ καὶ δίγαμμα
ὑπάτη ὑπάτων σίγμα καὶ σίγμα
παρυπάτη ὑπάτων ῥῶ καὶ σίγμα ἀνεστραμμένον
ὑπάτων διάτονος μῦ καὶ πῖ καθειλκυσμένον
ὑπάτη μέσων ἰῶτα καὶ λάμβδα πλάγιον
παρυπάτη μέσων θῆτα καὶ λάμβδα ἀνεστραμμένον
μέσων διάτονος γάμμα καὶ νῦ
μέση ω τετράγωνον ὕπτιον καὶ ζῆτα
τρίτη συνημμένων ψῖ κάτω νεῦον καὶ ἡμίαλφα
δεξιόν
συνημμένων διάτονος ταῦ ἀνεστραμμένον καὶ
ἡμίαλφω δεξιὸν ἄνω νεῦον
νήτη συνημμένων μῦ καὶ πῖ καθειλκυσμένον,
ἐπὶ τὴν ὀξύτητα
παράμεσος φῖ πλάγιον καὶ ἦτα ἀμελητικὸνκαθειλκυσμένον
τρίτη διεζευγμένων υ κάτω νεῦον καὶ ἡμίαλφα
ἀριστερὸν ἄνω νεῦον
ΦΓΓ N. 10 signa om. V. nec habet ullum notae signum
in iis quae sequuntur. M] μ N. 12 ?? N. 15 ἡμίαλυα N.
?? N, v. proleg. Alypi. 18 ┴?? N. 20 μ N, om accentus,
item in sqq. 21 καθειλκυσμένον om. N. 24 ??] Λν Ν.
ἐπὶ τὴν ὀξύτητα
ὑπερβολαίων διάτονος γάμμα καὶ νῦ, ἐπὶ τὴν
ὀξύτητα
νήτη ὑπερβολαίων ω τετράγωνον καὶ ζ, ἐπὶ τὴν
ὀξύτητα
Αἰολίου τρόπου σημεῖα κατὰ τὸ διάτονον γένος.
Προσλαμβανόμενος ἦτα ἐλλιπὲς ἀπεστραμμένον καὶ ει
τετράγωνον ἀπεστραμμένον
ὑπάτη ὑπάτων δέλτα ἀνεστραμμένον καὶ ταῦ πλάγιον
ἀνεστραμμένον
παρυπάτη ὑπάτων γάμμα ἀπεστραμμένον καὶ γάμμα
ὀρθόν
ὑπάτων διάτονος χῖ καὶ ἡμίμυ δεξιόν
ὑπάτη μέσων ταῦ καὶ δίγαμμα ἀπεστραμμένον
παρυπάτη μέσων σίγμα καὶ σίγμα
(p.28) μέσων διάτονος ου καὶ κάππα
μέση κάππα καὶ ἡμίδελτα καθειλκυσμένον
τρίτη συνημμένων ἰῶτα καὶ λάμβδα πλάγιον
συνημμένων διάτονος ζῆτα καὶ πῖ πλάγιον
νήτη συνημμένων ἄλφα καὶ βαρεῖα
παράμεσος ἦτα καὶ λάμβδα πλάγιον ἀπεστραμμένον
καθειλκυσμένον
ὑπερβολαίων διάτονος ου καὶ κ, ἐπὶ τὴν ὀξύτητα
νήτη ὑπερβολαίων κάππα καὶ ἡμίδελτα καθειλκυσμένον,
ἐπὶ τὴν ὀξύτητα.
Ὑποαιολίου τρόπου σημεῖα κατὰ τὸ διάτονον γένος.
Προσλαμβανόμενος πῖ ἀνεστραμμένον καὶ διπλοῦν σίγμα
ἀπεστραμμένον
(p. 29) ὑπάτη ὑπάτων ἀντίνυ καὶ πῖ διπλοῦν
παρυπάτη ὑπάτων μῦ ἀνεστραμμένον καὶ ἦτα ἐλλιπές
ὑπάτων διάτονος ἦτα ἐλλιπὲς ἀπεστραμμένον καὶ ει
τετράγωνον ἀπεστραμμένον
ὑπάτη μέσων δέλτα ἀνεστραμμένον καὶ ταῦ πλάγιον
ἀπεστραμμένον.