######OpenITI#

#META# URI: 1330YacqubSanuc.AbuZayda.Hindawi81793639
#META# Tags: plays
#META# ID: 81793639
#META# Title: أبو ريدة وكعب الخير
#META# AuthorID: 63907360
#META# Author: يعقوب صنوع
#META# EditorID: None
#META# Editor: None
#META# TranslatorID: None
#META# Translator: None
#META# Related_books: None

#META#Header#End#

# كوميدية تسمى ب «أبو ريدة البربري»، ومعشوقته تسمى «كعب الخير»‏

# الفصل الأول‏

# الفصل الثاني‏

# كوميدية تسمى ب «أبو ريدة البربري»، ومعشوقته تسمى «كعب الخير»‏

# الفصل الأول‏

# الفصل الثاني‏








# | أبو ريدة وكعب الخير








# | أبو ريدة وكعب الخير




# تأليف

# يعقوب صنوع








# | كوميدية تسمى ب «أبو ريدة البربري»، ومعشوقته تسمى «كعب الخير»




# أسماء اللاعبين

# أبو ريدة:

# البربري.

# كعب الخير:

# معشوقته.

# الست بنبة:

# صاحبة المحل.

# الخواجة نخلة:

# المزمع زواجه بها.

# مبروكة:

# دلالة ومخطبة.

# منقسمة إلى فصلين، في بيت الست بنبة.





# | الفصل الأول




# المنظر الأول
~~(أبو ريدة فقط)

# أشعار:

# الشمس كور على بيوضنا

# يتشمس مع نبوتنا

# اهنا جايين وفوج النار سرموتنا

# والجنة وين تفوتنا

# يا بالي

# أبو ريدة
~~(يتنهد)
~~:

# آه! الهب الهب! والنبي الهب دا أزية، مسكين يا بو ريدة، الهب شيطان،
~~الهب دا يموت أبو ريدة فطيس، ويهلي البرابرة يئيتوا أليه، ويجولوا يا
~~هسارة يا بو ريدة! أما راه نامل إيه في الهب؟ دي مجدر ومكتوب فوج الجبين.
~~اهنا من يوم ما شفنا أم السنون الكويسة كأب الهير، أجلنا طار من راسنا زي ما
~~يطير الأصفور، ومهناش جادرين نهوش نفسنا، وجلبنا زي هلة الجسيل اللي فوج
~~النار ومليان بالموية تجلي كدا، در در در، زي البابور، وصدرنا زي الكانون سهن
~~سهن، ومئدتنا بيغلي في صدرنا، نجي ننوم أيوننا يبجا مفتوه زي الفنجان، وما نشوف
~~في الرجاد إلا كأب الهير. ياما هو جاسي الهب
~~(يعزم على التنفيض ثم يمسك الريشة بالمقلوب)

# آه! ما جلنا
~~الهب جننا، شوف الريش واهنا بينفضا، أوض ما يمسكها من راسه مسكها من طيسه،
~~الله ينألتوا الهب، هو راه يجننا.

# أشعار:

# زينة البرابرة أبو ريدة

# يا محلا ذاته وأسنانه البيضة!

# نزلت بهر الهب اسطاد له صيده

# وطلعنا بكعب الخير تتمخطر

# دي كعب الخير زي الخزيران

# وعيونها السود عيون غزلان

# صدرها مرمر ونهودها رمان

# ومن خشمها العسل يتنطر

# دي ما لها أخت في كل القاهرة

# وفي الطبيخ شاطرة وماهرة

# جسمها نضيف وأياديها طاهرة

# اسطى في الرز واليخنى والمحمر

# أبو ريدة
~~:

# هس يا ms01 جدأ، ستي بنبة جات.

# المنظر الثاني

# بنبة
~~:

# لسا ما نفضتش الأوضة؟ دا الوقت راح.

# أبو ريدة
~~:

# أهو بينفض يا هبيبتي.

# بنبة
~~:

# حبيبتك! أنا حبيبتك؟! مال عقلك انت اتجنيت؟! صحيح انك قليل حيا، يالله برا يا
~~خنزير، ما تختشيش، انت بتحسبني من الجماعة اياهم اللي عندهم الأبيض والاسود
~~على حد سوى، أنا ما نيش منهم، يالله، روح من بيتي، وفتش لك على واحدة منهم
~~تسايرك.

# أبو ريدة
~~:

# أنا في أرضك يا ستي تسامهيني، اهنا بيهسبك كأب الهير، وبنجلك
~~هبيبتنا.

# بنبة
~~:

# بقا انت بتتمعشق مع الجارية عوض ما تنتبه لشغلك؟!

# أبو ريدة
~~:

# لا يا ستي، وهياة النبي بيشوف شجلنا، ولا بيتمعشجوش، اهنا بيهب كأب الهير من
~~بئيد لبئيد، ولسه لليوم ما كلمناهاش يا ستي ولا كلمة واحدة، وهيات ستي سينب
~~والهسن والهسين، الهب يا ستي، الهب رايح يموت هدامك فطيس.

# بنبة
~~(في نفسها)
~~:

# أما دا أمر غريب! صدق من قال إن الدنيا تمدنت، حتى إن البرابرة بتعشق
~~اليوم.
~~(إلى أبو ريدة)

# وبدك إيه من كعب
~~الخير؟

# أبو ريدة
~~:

# اهنا يا ستي بدنا في الهلال موش في الهرام، الهرام نهاف منه.

# بنبة
~~:

# بقا بدك تتجوز كعب الخير؟ طيب يا بني، والمرحوم قبل ما توفى اعطاها
~~ورقة العتاقة، وكدا إذا رضيت بك مافيش مانع.

# أبو ريدة
~~:

# يا ريت يا ستي، ياريت، اهنا في أرضك كلميها، أهسن اهنا نستهي، ربنا يهليكي
~~يا ستي.

# بنبة
~~(في نفسها)
~~:

# أما أنا عمري ما عملت خاطبة في زماني، لكن قلبي حزن على المسكين دا، ويظهر
~~عليه إنه ميت في هوا كعب الخير.

# أبو ريدة
~~:

# بجا تجولي إيه يا ستي. أنا في أرض سرمتك، اهنا يبوس راسك تفأل المأروف دي
~~مأنا؛ لأن يا ستي إذا ما أهدناش كأب الهير، جولي إننا متنا ورهنا تهت
~~التراب، وأمنا واهواتنا في البلد ما ياكلتوش البلة ولا الدهنة السنة دي،
~~ويهزنوا ألى أبو ريدة يا ستي. اهنا في أرضك جوزينا كأب الهير، وربنا يهنن
~~جلبك ويرزجك بواهد هواجة طيبة صاهب المال.

# بنبة
~~(تضحك)
~~:

# ما ms02 تفتكرش يا بو ريدة، ما لك إلا رضا خاطرك، ودلوقت اكلمها لك، وإذا
~~رضيت أنا احط لك المهر.

# أبو ريدة
~~:

# الله يهليكي، ويتره البركة فيكي يا ستي.

# بنبة
~~:

# احنا خلينا من ده دلوقت، وقول لي فاضل معاك كام من الفلوس اللي أخدتها
~~امبارح؟

# أبو ريدة
~~:

# اهنا هدنا منك نص البينتوا يا ستي، والنص البينتوا يا ستي سبعة وسبعين جرش
~~بالبيضة، في الفور ده يا ستي ميه همسة وإشرين جرش، اشترينا يا ستي سبع ترطال
~~لهم البيضاني، سبع جروش مادونه يا ستي، إشرين كس البرا يا ستي، إشريج تلاتين
~~فضة يا ستي، الموت يا ستي إشرين فضة، رطلين بصل جرشين، بدنجان الجوطة بهمسة
~~جروش والطماطم بهمسة جروش.

# بنبة
~~:

# انت عبيط؟! بدنجان قوطة إيه وطماطم إيه؟ ما هو كله واحد.

# أبو ريدة
~~:

# الهب يا ستي الهب. هلا أجلنا طار. بجا جلنا طماطم بهمسة جروش، وتلت
~~ترجيف إيش نص فرنك يجي بالفور ده ستة جروش، إجتين فهم أربع جروش، هجا، كنا
~~رايهين ننسا الفهم هالس هالس، وجزازة نبيت يا ستي وجزازة زيت الطيبة بهمسة
~~وإشرين جرش، هستين يا ستي للسلطة تلاتة جروش. بجا كام كلهم ألى بعضهم؟

# بنبة
~~:

# يبقوا سبعة وستين، من ماية خمسة وعشرين يبقا فاضل معاك تمانية وخمسين.

# أبو ريدة
~~:

# جلطانين يا ستي، جلطانين، اهنا أملنا الهساب مع أهواننا دريس امباره أربع
~~مرات، وطلع معانا اتنين وسبعين جرش يا ستي، وإذا كنتم ما يصدقناش يالله نئيد
~~الهساب من طيسه، وتشوف وهياة راسك يا ستي إن أبو ريدة موش جلطان.

# بنبة
~~(تضحك)
~~:

# الخمس قروش الفرق يا حمار دول بتاع الطماطم اللي حسبناه مرتين.

# أبو ريدة
~~:

# صهيه يا ستي صهيه، باين أليكي الهب ما دهلش جلبك وطير راسك زي ما طير
~~راس أبو ريدة.

# بنبة
~~(تضحك وتقول في نفسها)
~~:

# أما البربري دا أنا باحبه؛ لأنه بيضحكني ومسليني على همي.
~~(إلى أبو ريدة)

# طيب روح السوق لحسان سامعة كعب
~~الخير جايه علينا.

# أبو ريدة
~~:

# هاضر يا ستي هاضر، بس كلميها لنا؛ لأن الهب يا ms03 ستي، والله الهب
~~جتلنا.

# المنظر الثالث
~~(بنبة وكعب الخير فقط)

# بنبة
~~:

# والله، ما نيش عارفة أقول لها إيه، يخي ربنا يهون.

# كعب الخير
~~:

# يا ستي يا ستي، أبو ريدة لسة ما كنستوش ولا رهيتش في السوق تجيبي
~~الكدار.

# بنبة
~~(في نفسها)
~~:

# دي ما بتحبوش.
~~(إلى كعب الخير)

# أبو ريدة
~~دلوقت راح السوق، زمانو راجع.

# كعب الخير
~~(تنظر في الأوضة)
~~:

# يا ستي يا ستي، إنتي ما شفتيش الزبالة في المطراه؟ دا ابو ريدة جاه وجأ بطنه!
~~ما نفضاش كل المطراه والسكة، والله يا ستي البربري ده موش نافه، هليه
~~يروه يجوري، ونهنا نجيب لنا واهد كدام جيرة يشتجلي زي كدام الجيران، موش
~~كله الكنيس والمسيخ والتنفيض والتزقيق وكب بتاع الأساري ألى راس كأب الهير
~~كله، وابو ريدة موش يشتجل، بس تاكل وتشرب وإينها مفتوها للفلوس، جاتو داهية
~~تشيلها من البيت دي وتاكد كبره.

# بنبة
~~(في نفسها)
~~:

# حقا، موصية به.
~~(إلى كعب الخير)

# هوا
~~عمل لكي إيه لما بتكرهيه على قد كدا؟!

# كعب الخير
~~:

# كتير يا ستي؛ بربري زي دي مأفن يأمل لي إيه؟! جاه بلا في جتته! أنا ما
~~أهليش واهد بربري زي دي تأمل الحاجة يا ستي، أنا ما أهبوش جنس البرابرة.

# بنبة
~~(في نفسها)
~~:

# على الكلام دا الجارية بدها في مملوك!
~~(إلى كعب
~~الخير)

# أما ابو ريدة يحبك وبده يتجوزك، ودا ولد طيب وابن
~~حلال.

# كعب الخير
~~:

# إنتي جولي أبو ريدة ولد طيب وابن هلال؟ وهياتك، ده ابن هرام، مافيش في
~~البرابرة ابن هرام زيه، انتي كلتيني هوا تهبيني. إن كان تهبيني ما كنيش
~~تتكلم ويا بكيتة الجارية بتاه الجيران، وتكوليلها أيونها زي الألماسات،
~~ومناكيره زي الفستجات، وكدودها زي التفهات. ولنا ما كلتيش أبدا كلمة زي دول،
~~بجا تهبيني ازاي وبدها تتجوزيني؟ دي كدابة يا ستي، بس بدها تاكدي الهلق الدهب
~~من أودني، والشئير من رجبتي، والأسورات الفضا من إيديا وتديهم كلهم لبكيتة،
~~وتاهديها وتروه بلادها تاكل الدهنا والبلة وتتهكو الاتنين ألى كأب
~~الهير.

# بنبة
~~(في نفسها)
~~:

# الجارية بتحبه ms04 بس بتغير عليه، ادحنا رسينا.
~~(إلى
~~كعب الخير)

# أنا أضمنه يا كعب الخير، وأنا أعطيكي المهر عشرين
~~ريال فرانسا تحطيهم في صندوقك.

# كعب الخير
~~:

# لا يا ستي، هوا تهب بكيتة، ما تكليه يجوزها، وانا ما تكلمنيش أنا ما
~~أكدوش، هليني أروه المطبه لهسان الوقت راه ألى الطبيك
~~(ثم تخرج)
~~.

# بنبة
~~:

# أهو أبو ريدة رجع، لما نحكي له الحكاية.

# المنظر الرابع
~~(أبو ريدة والمذكورة)

# أبو ريدة
~~(يدخل في يده مقطف مليان خضار وغيره)
~~:

# ادهنا يا ستي جينا، سوج الهدار يا سلام كان زهمه هالس هالس، هدامين تجي من
~~هنا، وطباهين تروه من هناك، والكمريرات يا ستي هجا كانت مسروته، بيدرب
~~باللسان ويا الجزارين الافرنجي، وبيائين الهدار مجليين الهاجة النهار ده يا
~~ستي. الطباهين بتاه الإفرنج هيا والهواجات والمسماسيلات ملانين السوج وواهد
~~هواجة من الهواجات ببرنيطة طويلة زي البلاصي مد إيده جوا المجطف هطف
~~الهسطين، بأدين أبو ريدة هدامك دجه فوج دماجه، وهطفنا الهس هطيناه جوا
~~المجطف. أما الهواجة جابو لنا واهد كومسيون نسراني، والكومسيون يا ستي مسك في
~~هناجي، وكان بده توديني في السبتية، أما بلادياتنا جدئانين اهنا يا بربرة
~~نهب بأدنا، واهد ابن أمي هدام في همارة في المسبكية يئرف بلسان
~~النصراني رطنتو ويا بأدهم بلادياتنا والكومسيون وجابوا الهج ألى الهواجة
~~وهلس الإبارة. بجا آوز يشوف الهدار واللهمة يا ستي.

# بنبة
~~:

# موش لازم، أنا اعرف انك جدع في مجيبة الحاجة، روح وديه المطبخ، وقول لكعب
~~الخير تعمل لنا غدا كويس؛ لأن مدموازيل لويز ومدام بريطون متغديين
~~عندنا.

# أبو ريدة
~~:

# والله هسارة في المسماسيلات دول الأكل والشرب في بيتنا؛ دول ما فيهمش هير،
~~وما يهبوش الواهد لما تكون أيانة، يأني هد منهم جا وطل أليكي يا
~~ستي لما كنتي أيانة؟! والله ما كان بيهدم رجليكي إلا أبو ريدة وكأب الهير،
~~ولكن مسماسيلات دول مهدش شاف وشه واصل واصل، الله بنألتهم، بس دلوجت اللي
~~ربنا هد بيدك مسماسيلات رايهين جايين واهد تجي في الصبه والناس لسة ما
~~شربتوش الجهوة، وواهدين تجي جبل ms05 الجدا لاجل ما تتجدى، وواهدات تجي في المجرب
~~يتأشى ويأمل بيتنا زي التكية. وكمان ولا مرة مهدش قلئت إيننا بواهد فرنك.
~~إهنا ما لنا بس كترة جلبة مني. كيفك يا ستي؟ اهنا جولي لنا، يا ترى فتهتي
~~السيرة لكأب الهير؟

# بنبة
~~:

# أيوا كلمتها.

# أبو ريدة
~~:

# آه آه! يا فرهتك يا بو ريدة! وجال إيه كأب الهير يا ستي؟ هيا ارضا؟

# بنبة
~~:

# لأ ما رضيتش.

# أبو ريدة
~~:

# ليه ارضتوش يأني بجا بيهب أهسن مننا، يمكن بيهب هدام من الفلاهين، والله
~~جلطان، اهنا جنس بربري ما أندناش إيب والحمد لله، أبو ريدة موش ناجص منه ولا
~~ودن ولا إيد ولا رجل ولا سنون، بجا ما تهبناش ليه؟

# بنبة
~~:

# على شان انت بتحب بخيتة يا بو ريدة.

# أبو ريدة
~~:

# تهب الجارية الأجوزة دي بتاه الجيران اهنا؟! إهس!
~~(يبزق)

# ليه أنا أميان يا ستي؟! دي مناكيره مبرطشة، وهدوده
~~مشججة، واسنانه مجلئة، وهنكه مطبج. بجا نهبه ازاي يا ستي؟!

# بنبة
~~:

# أنا باعرف؟!

# أبو ريدة
~~:

# أما انتي يا ستي، هج الهجيجة، إذا كان ما يتجوزناش اهنا يموت نفسنا، أنا
~~في أرضك يا ستي كلميها.

# بنبة
~~:

# ما انتا داخل المطبخ، قول لها انك ما بتحبش بخيتة.

# أبو ريدة
~~:

# بنستهي يا ستي.

# بنبة
~~:

# طيب روح.

# أبو ريدة
~~:

# طيب لكن جبل ما نروه، اهلفي لنا بتربة المرهوم انك تهلص الإبارة دي.

# بنبة
~~(في نفسها)
~~:

# البربري دا زعلني.
~~(إلى أبو ريدة)

# طيب
~~وتربة المرحوم، أفض لك العبارة دي.

# أبو ريدة
~~:

# طيب هاتي إيدك لما ابوسها
~~(يبوس يد بنبة ثم
~~يخرج)
~~.

# بنبة
~~:

# أنا بيصعب علي المسكين دا، ولا بد ان أعمل غاية جهدي وأرضي كعب الخير
~~(تنظر إلى الباب)
~~. دي مين دي اللي جاية؟
~~دي الحاجة مبروكة الدلالة. بينها جابت فاتورة الحرير وياها.

# المنظر الخامس
~~(الحاجة مبروكة والمذكورة)

# مبروكة
~~(تنادي على الباب)
~~:

# دستور يا صحاب البيت.

# بنبة
~~:

# دستورك معك يا حاجة مبروكة
~~(مبروكة
~~تدخل)
~~.

# مبروكة
~~(تدخل)
~~:

# يو! دانتي يا عيني بسم الله ما شاء الله! يا صباح النور عليكي، ازيك يا ms06  ستي
~~بنبة! بعد الشر عليكي! كنا سمعنا انك من غير شر العدوين ما انتيش ناصحة، ازيك
~~دلوقت موش أحسن؟

# بنبة
~~:

# الحمد لله.

# مبروكة
~~:

# الصلا على النبي أحسن! دا نهار مبارك، والله لو كنت منك يا ستي لاعلق لي
~~حتة شبة واتبخر بفاسوخ؛ لاجل ما تخزي العين عنك؛ لأن اللي صابتك يا كبدي دي
~~عين يا قلبي، لما بتخرجي والناس بتشوف وشك دا اللي زي طبق الورد بتشهق فيكي
~~العين، يخي الله يجازي اولاد الحرام. يعني بيجي لهم إيه من الأذية دي؟! يا ترى
~~راح يخسروا حاجة إن كانوا يصلوا على النبي؟! أما بركة يا ستي اللي قمتي
~~بالسلامة، دا ألف نهار أبيض اللي كدتي العدوين وخطرتي في قصرك متل عاداتك،
~~دانتي يا عشتني ما لكيش حبايب، يخي ربنا أولى ومطلع لكي؛ يعني انتي
~~عاوزاهم في إيه خيرك بزيادة وبيتك مخزون من كله، ربنا يجعله عمار بحسك ولا
~~يحرمني من شبابك يا رب.

# بنبة
~~:

# انتي نسيتي تجيبيلي فاتورة الحرير اللي قلت لك عليها؟

# مبروكة
~~:

# يوه! انسا ازاي لا هوا أنا عندي أعز منك؟! دي معايا من نهاريها، أنا رحت اجري
~~على وشي لما جبتها، بس كان المدهول على عينه عيان، يا رب خلصني منه بساعة
~~رضا على خير، وان ما كنش المسخم على عينه عيي يا بنتي ما كنت جبتها لك من
~~نهاريها.
~~(تديها الفاتورة)

# أهي يا ستي
~~اتفضلي، شفي البنفسجي دا يا محلاه! والا الاخضر! اسمعي كلام امك الحاجة وخدي
~~لك من كل لون بدلة، دا صاحبهم راجل طيب وأمير ويتوصا بك، يو! دا تاجر شهير
~~دكانه فيها من كلشي وعنده سبل وبرشات، دا مافيش أخوه بلحمزاوي فاتح أربع
~~دكاكين.

# بنبة
~~:

# طيب اقطعي لي من كل واحدة تلاتين دراع، بس خليه يكيلهم لك طيب، ويقول لك على
~~آخر السعر.

# مبروكة
~~:

# يو! يا عيني من جيهة السعر ما تفتكريش، انتي عارفاه هوا مين؟

# بنبة
~~:

# لا ما عرفوش.

# مبروكة
~~:

# ولا تسألنيش يا عيني عنه؟

# بنبة
~~:

# أسألك ليه أنا مستخوناكي؟

# مبروكة
~~:

# يوه! موش ms07 القصد، أنا باقول لك تسأليني لأنك لما تسمعي الاسم تعرفيه.

# بنبة
~~:

# ليه هوا قريبي؟

# مبروكة
~~:

# ما هوش قريبك، لكن في نفسه يقرب لك. خليني أقول لك عنه، وافهمك بالعبارة،
~~بقا التاجر دا انتي تعرفيه زيادة المعرفة، دا الخواجة نخلة.

# بنبة
~~:

# أيوا احنا بنتقابل في السهرات.

# مبروكة
~~:

# حكا لي يا عيني بكله، وقال لي إنه يحبك بكل قلبه.

# بنبة
~~:

# كتر خيره.

# مبروكة
~~:

# كتر خيره وبس! دا رجل عدل الحبايب؛ تدخلي بيته تلاقي دلجوار ودلفضي
~~والمريات، وفرشه يا عيني اسطوفة حرير تغرق فيها النارنجة. واما يا عيني الخزاين
~~فيهم المكسرات بالفرد. وامه دي خليها على جنب؛ تتحط عالجرح يبرا، ست
~~أميرة، حلاوة الدنيا فيها، ولسانها ينقط شهد، واذا قعدتي يا ستي ساعة
~~وياها ما بدكيش تفارقيها العمر كله، يا بخت اللي تتجوزه وتعاشر امه! تبقا
~~عيشتها هنية. وهو التاني والنبي يا بنتي وحياة من يأمنك على شبابك ونور
~~عينك وعافيتك إنه جدع زي عود الخزيران، ولسه ما دخلش دنيا وشب صغار ويهنالك.
~~بقا اسمعي نصيحة امك الحاجة الولية الغلبانة اللي قدامك اللي ما تعرف تحت
~~ربها حيلة، وحياة اولادي يا بنتي، أنا أريد لك كل الخير.

# بنبة
~~:

# الخواجه نخلة في الواقع رجل عظيم، أما انا ما بديش أتجوز.

# مبروكة
~~:

# دا حرام عليكي يا بنتي، انتي لسه شبة صغار وما فرحتيش بالدنيا، اقبلي على
~~شان خاطري، اقبلي وتعاودي تقولي الله يسترك يامه الحاجة. وتبقي تذكريني
~~بالخير. أيوا أيوا، أنا شايفة من عينك إنك راضية وقلبك مايل له؛ شوفي وشك
~~احمر ازاي لما سمعتي سيرته! وأنا كمان قلت له يجي هنا بحجة الفواتير ودكها
~~الساعة أكون أنا حاضرة، وانشا الله يحصل النصيب عليدي، ويبقا عليكي
~~الحلاوة.

# بنبة
~~:

# أنا ما احبش أكسفك يامه الحاجة، بس بدي منك معروف، حقا إذا ما قضيتيه
~~ليش كأننا ما عملناش حاجة؛ لأني حلفت بتربة المرحوم، إني لازم اتمم.

# مبروكة
~~:

# بس قولي لي عاوزة إيه؟

# بنبة
~~:

# أبو ريدة البربري خدامي عاشق كعب الخير جاريتي، وانا أوعدته وحلفت له
~~بتربة المرحوم ms08 إني اجوزها له، وهيا موش راضية.

# مبروكة
~~:

# وهوا دا كله يا عيني؟! دي حاجة فارغة، خلي العبارة دي على امك الحاجة، بقا
~~ادخلي افطري لك لقمة، والبسي واتهندزي، وما لك الا رضا خاطرك.

# بنبة
~~:

# أنا بس ما بديش اكسفك؛ لأني ما احبش اغمك.

# مبروكة
~~:

# أنا عشمي فيكي بأنك ما تكسفي نيش، قومي يا عيني قوام قوام احسن مينمتا ما هو
~~جاي، دا الجدع مشغول بهواكي.

# بنبة
~~:

# طيب تعالي ويايا، لما ناكل لقمة سوى، وانتي تبقي تستنيه على بال ما اكون
~~لبست هدومي وسرحت شعري.

# مبروكة
~~:

# طيب امال قوام يا لله بنا.
~~(ثم يخرجون وتنقفل الستارة.)





# | الفصل الثاني




# من تاني ملعب

# المنظر الأول
~~(مبروكة فقط)

# مبروكة
~~:

# دي عذبتني ونشفت ريقي، وهيا زي الولاد الصغار، أجيبها من هنا تروح من
~~هنا، ما صدقت اللي أكلنا ودخلتها في أوضتها تلبس، يخي أقول لكم الطشاش
~~أحسن من العما، أدحنا على كل حال عملنا لنا شغلة على الصبح وقضينا حاجة نكسب
~~منها كام نص، يخي دي باين عليها بتحبه من زمان؛ ما صدقت لما قلت لها، قال
~~وكانت عاملة روحها ما هيش عارفة! يوه من النسا وحيلهم وتقلهم! اجرن
~~الخواجة نخلة بيقول لي دي ما تقولش حاجة، باين عليه هوا التاني فاهم بقلبها،
~~لما يا عيني بيقابلوا بعض كل ليلة في السهرة وعين الحب ما تتخباش. أما الحاجة
~~مبروكة بردها بنت فن، أنا قلت له ان الست بنبة غيها على واحد تاني، فكأن البعيد
~~جن لما سمع الكلام دا، وقال لي: أنا الخواجة نخلة ما ارجعش في كلامي، وتربة
~~أبويا، إذا قضيتي لي المشوار دا يا حاجة أعطيكي عشرة فنتي. أما انا نصبت عليه
~~بعشرة جنيه. يخي خلينا دلوقت من العبارة دي، لما نشوف حكاية البربري ابن الكلب
~~ده ويا كعب الخير الزربونة؛ لأنه إذا ما صحتش عبارتهم خسرت عبارتي.
~~(تنده بصوت عالي)

# يا بو ريدة، يا بنت يا
~~كعب الخير، يا كعب الخير، تعالوا هنا الست عاوزاكم.

# المنظر الثاني
~~(مبروكة وكعب الخير وأبور ريدة ms09 )

# كعب الخير
~~(تدخل في يدها طاجن)
~~:

# مين بيندهني؟

# أبو ريدة
~~(يدخل ومعه مقشة)
~~:

# ادهنا جايين نكنس وننفض.

# مبروكة
~~:

# تكنس إيه وتنفض إيه؟! جاتك البلاوي.
~~(في
~~نفسها)

# البربري دا مخبل.

# كعب الخير
~~:

# انتي بيندهني ليه يا مي الهاجة؟

# مبروكة
~~(في نفسها)
~~:

# حتى الجارية التانية أمر ودق سبيل.
~~(إلى كعب
~~الخير)

# انتي رايحة تفضلي من غير جواز لإمتا؟

# كعب الخير
~~:

# أنا ما بدكيش اتجوزي.

# أبو ريدة
~~:

# بجا راه تجد آزب؟! موش أهسن تتجوزي ويبجالك بنات وولاد؟!

# كعب الخير
~~:

# اكرسي موش شغلك انتي موش سامأ الباب بيكبت، روهي شوفي مين.

# مبروكة
~~:

# أيوا يا بو ريدة، روح قبلا شوف مين.
~~(في
~~نفسها)

# يكنش الخواجه نخلة؟! حقا، صدق من قال: ذكرنا القط جانا
~~ينط.

# أبو ريدة
~~:

# ادهنا رايهين.
~~(إلى مبروكة بصوت خفي)

# بس
~~في أرضك يا مي الهاجة، تهلي كأب الهير ترضا
~~(ثم
~~يخرج)
~~.

# مبروكة
~~:

# روح انتا ما تفتكرش.
~~(إلى كعب الخير)

# وانتي ادخلي المطبخ وابقي تعالي لما اندهلك.

# كعب الخير
~~:

# طيب يا مي الهاجة مفروكة
~~(ثم
~~تخرج)
~~.

# أبو ريدة
~~(يرجع)
~~:

# دا الهواجة نهلة، والا فهلة، موش آرف، أهي واجف برا في الهوش.

# مبروكة
~~:

# قول له يتفضل، انا هنا.

# أبو ريدة
~~:

# هاضر
~~(ثم يخرج)
~~.

# المنظر الثالث
~~(مبروكة ثم نخلة)

# مبروكة
~~:

# أما الراجل دا باين عليه مغرم صبابا! طيب ابن حلال دا أنا قايلة له يجي
~~بعد ساعة على الكلام،  دا لازم يكون قدم
~~ساعته لاجل ما يجي يا عيني قبل الميعاد، مسكين! العشق يعمل أكتر من كدا، ودا
~~حتى لخمة في نفسه، عمره ما عشق غير المرة دي، لكن جا يحصلهم سبقهم. أما
~~الحاجة مبروكة دلوقت رايحة تتبغدد خلاصها. صحيح إن له عندي عشرة فنتي وأوعدني
~~يعطيني كمان عشرة لكن الخواجة نخلة راجل شبعان عنده أربعين فنتي وحياتي أنا في
~~الجزمة، أهو داخل لما نشوف شطارتي وياه، يعني رايح يلاقي ست أحسن
~~مندي.

# نخلة
~~(وهو على الباب)
~~:

# دستور.

# مبروكة
~~:

# دستورك معاك، يخي ادخل ما حدش هنا غيري.

# نخلة
~~(يدخل)
~~:

# إزاي؟! والست بنبة فين؟ هيا خرجت ms10 برا؟

# مبروكة
~~:

# لأ، دي دخلت أوضتها.

# نخلة
~~:

# قولي لي شفتيها وكلمتيها قبل ما دخلت.

# مبروكة
~~:

# شفتها وكلمتها لكن ...

# نخلة
~~:

# لكن إيه؟

# مبروكة
~~:

# يوه! يا عيني العجلة من الشيطان، يعني أنا ما عنديش شغلة غير شغلتك؟ اللي
~~يسمع كدا يقول دي رايحة تغنيني ولكم؟

# نخلة
~~:

# إذا ما كفوكيش العشرة فنتي أعطيكي عشرين.

# مبروكة
~~:

# يا دل كرم عشرين فنتي إيه؟! دا انا من بعد ما فتك ندهني واحد تاجر تعرفه
~~بس ما احبش أقول لك على اسمه، سألني رايحة فين يامه الحاجة قلت له أنا
~~رايحة عند ستي بنبة. فنط وقال لي: إيه؟ حقا إذا حكيتي للست بنبة وخطبتيها لي
~~لأعطيكي تلاتين جنيه مصري كمان موش إنجليزي، أما امك الحاجة يا خواجة نخلة
~~ما تبعش أصحابها، عندي أخدمك بلاش ولا آخد من غيرك الألفات، يعني يا بني
~~دي دنيا فانية، مين بيموت وياخدهم معاه؟!

# نخلة
~~:

# عشتي يامه الحاجة، مالك إلا رضا خاطرك، بس فهميني قالت لك إيه؟ قولي لي
~~الحق وحياتك وحياة العشرين جنيه الحمر دول
~~(يوضع
~~يده في جيبه ثم يخرج المبلغ)،

# خدي.

# مبروكة
~~:

# يوه! لا هو انتا رايح تهرب يا بني؛ دول في الجيب، يعني انا كلي منين موش من
~~خيرك؟! والله أنا إذا خدمتك لا احمد ولا اشكر.

# نخلة
~~:

# وحياتي تاخديهم.

# مبروكة
~~(تاخدهم)
~~:

# بس أنا ما احبش أقهرك، بقا شوف يا سيدي احنا حكينا وتممنا.

# نخلة
~~:

# لما اروح افرح امي.

# مبروكة
~~:

# يخي لا ما تستعجلش، طولة البال كلها بركة.

# نخلة
~~:

# ليه هناك في مانع؟

# مبروكة
~~:

# يخي لا دا مانع بطال.

# نخلة
~~:

# السيرة إيه؟

# مبروكة
~~:

# الست عندها جارية وبربري خدام.

# نخلة
~~:

# طيب وايش دخلهم؟

# مبروكة
~~:

# يوه! يا عيني، إن الله مع الصابرين إذا صبروا، بقا البربري عاشق الجارية
~~وبده يتجوزها، أما بنت الزربون موش راضية فيه، فكان وقع في عرض الست؛
~~لأنه خدامها من قديم ومضبوط، فأوعدته وحلفت له بأنها لازم ترضي الجارية،
~~أما كعب الخير عنادية، دماغها وألف قبقاب قال ما تاخدش البربري.

# نخلة
~~:

# وإيش دخلني أنا بين كعب ms11 الخير وأبو ريدة، أما دي نادرة عجيبة تكتب بماء
~~الفسيخ!

# مبروكة
~~:

# قلت لي، بقا لما كلمتها عليك وخليتها رضيت من بعد كل نفس زهقتها
~~الموت، لكن بعد إيه! بعد حين ومين لما فطرت قلبي قالت لي: أنا لا اخطب ولا
~~اتجوز إذا لم تنهي لي عبارة البربري مع الجارية. قلت لها: إيش دخل دا فدا؟
~~قالت لي: ما اعرفش، أهي كلمة.

# نخلة
~~:

# دا شي أسهل ما يكون، قولي لكعب الخير إن إذا رضيت أقطع لها عشر بدل باريس
~~وصوف وحرير من اللي يعجبها، وانتي تعرفي إن الجوار يعجبهم الغندرة.

# مبروكة
~~:

# أما دي شورة! أهي يا عيني الست طالعة من أوضتها، بس اسكت، اعدل طربوشك كدا
~~وابرم شواربك وبص لها كويس، وما تستحيش، مال وشك احمر؟!

# نخلة
~~:

# أما انا حاسس بنفسي خجلان، في عرضك كلميها انتي عواضي.

# مبروكة
~~:

# يوه! دا انتا باين عليك غشيم في الحب.

# المنظر الرابع
~~(بنبة والمذكورين)

# بنبة
~~(تدخل)
~~:

# اديني لبست يامي الحاجة.
~~(تشوف نخلة)

# ها
~~هوا اجا.

# مبروكة
~~:

# يخي قومي يا عيني، انتي مستحية والا إيه؟! دا الخشو في الرجال يارث
~~الفقر، في النسا يارث ابصر إيه، وبالله عليكي، رايحة تختشي من إيه؟! الخواجة
~~نخلة تعرفيه، وإذا ما تكلمتوش بالحنك تتكلموا بالعين، يكنش مستحية مني، دانا
~~زي امك يا بنتي، يالله قيمي عنيك من الأرض.
~~(إلى
~~نخلة)

# وانت التاني افرد طولك وقيم راسك لفوق وبصوا لبعض، يوه!
~~هوا انتو ولاد كتاب ولا إيه؟!
~~(تمسك أيادي
~~الاتنين)

# سلموا على بعضكم كدا وانبهجوا وانسروا، والله ما
~~قدامكم إلا الفرح، دا نهار مبارك.

# بنبة
~~(وهي تسلم على نخلة)
~~:

# انت شرفتنا يا خواجة نخلة.

# نخلة
~~:

# الشرف لنا، نحن اتشرفنا بمقابلتك.

# مبروكة
~~:

# أيوا كدا.
~~(إلى بنبة)

# ساكتة ليه؟ ما تقولي
~~له كلمة غير دي.

# بنبة
~~(تضحك)
~~:

# اتفضل ارتاح
~~(هي تجلس)
~~.

# مبروكة
~~(إلى نخلة)
~~:

# داه دي! ما بتقول لك اتفضل ارتاح، يعني اقعد يا عيني، انت عقلك فين؟ يوه
~~يبقا! ما حدش عشق غيرك؟! اقعد اقعد.

# نخلة
~~(يجلس)
~~:

# يا ست بنبة.

# بنبة
~~:

# نعم ms12 .

# مبروكة
~~(إلى نخلة)
~~:

# بتقول لك نعم، ما ترد عليها.

# نخلة
~~:

# أيوا أيوا، أنا بس كان بدي، كنت أريد، كنت عاوز.

# مبروكة
~~:

# كان بدك إيه وكنت عاوز إيه؟ ما تفسر.

# نخلة
~~:

# أريد أسأل عن صحة الست.

# مبروكة
~~:

# وما تقول لها إيش حالك. زي الناس اللي خلقها ربنا.
~~(إلى بنبة)

# يا ستي، الخواجة نخلة قلبه عليكي، وبيسأل عن
~~كيفك.

# بنبة
~~:

# لله الحمد، أنا بخير.

# نخلة
~~:

# دا شيء يسرنا، إنشا الله دايما تكوني حايزة الصحة التامة.

# مبروكة
~~:

# إنشا الله ياعيني، إنشا الله دايما تكوني حايزة الصحة التامة، ربنا يجعل
~~عيشكم هنا وسرور، حقا بعد الفرح أمكم مبروكة تسيب الدلالة والبيع والشرا وتجي
~~تسكن عندكم.

# بنبة
~~:

# مرحبا بك، البيت بيتك.

# مبروكة
~~:

# عشتي يا ستي.
~~(إلى نخلة)

# سامع الكلام
~~الحلو؟!

# نخلة
~~:

# الست بنبة مشهورة بالفصاحة، كل الناس تشهد لها بكدا.

# بنبة
~~:

# دا بس من لطفك.

# مبروكة
~~(في نفسها)
~~:

# الجماعة انفردوا.

# نخلة
~~:

# الحاجة مبروكة عرفتني انها أخبرت حضرتك بما تجاسرت بطلبه، وان جنابك من حسن
~~أخلاقك منيتي على داعيكي بما كان متعشم به، فجزاكي الله كل خير. أما من
~~جهتي أنا كوني ميقنة، لأني ما أهمل في فعل منما تأمريني به، وأن أبذل غاية جهدي
~~حتى أجعل حياتك هنا؛ لأن لله الحمد الخير باليزيد، ووالدتي اللي حضرتك ما
~~تجهليش طيبة قلبها زاد فرحها وسرورها لما أخبرتها من كام يوم بأن مرادي اتأهل
~~بك، وقالت لي انها تعرفك غاية المعرفة من أيام المرحومة امك، وأن أحبما عليها
~~أن يكون لها كنة صاحبة فضايل وذو لطف ورقة متل جنابك، فالعبد الفقير أهو
~~بين يديكي.

# مبروكة
~~:

# كل دا يا عيني كلام محرق يقطع القلب، يا كبدي عليك يا خواجة نخلة!

# بنبة
~~:

# برده عشمك في محله.

# مبروكة
~~:

# افرح بقا يا خواجة نخلة، افرح.

# نخلة
~~(إلى بنبة)
~~:

# يدك يا ستي لما اقبلها
~~(يعزم على أخذ
~~يدها).

# بنبة
~~:

# العفو يا سيدي.
~~(إلى مبروكة)

# أما احنا في
~~عبارة أبو ريدة، انتي عارفة بحلفاني.

# مبروكة
~~:

# يوه! الله يلعن أبو ريدة وساعة جا من بيلاده ms13 ؛ دانتي ما نسيتهش.

# نخلة
~~:

# يخي لا دي عبارة قريبة، ما فهمتك يا ما الحاجة على الطريقة.

# مبروكة
~~:

# فاكرة، بس اسكتوا، وانا ان ما كنتش أفضلكم المشكل دا ما ابقاش الحاجة
~~مبروكة على بعضي، خدوا كراسيكم، واقعدوا على جنب، وانا أفرجكم شطارتي، انتو
~~بتستهزوا فيا ولا إيه؟!

# نخلة
~~:

# أستغفر الله
~~(يقرب كرسيه جنب بنبة).

# مبروكة
~~(تنده)
~~:

# يا بو ريدة، يا بو ريدة، تعالى يا بو ريدة.

# نخلة
~~(إلى مبروكة)
~~:

# انتي بتندهي أبو ريدة ليه؟ الراجل راضي ما بيقلش حاجة.

# مبروكة
~~(إلى نخلة)
~~:

# دا شي موش شغلك.
~~(تنادي)

# يا بو
~~ريدة.

# المنظر الخامس
~~(أبو ريدة ثم المذكورين)

# أبو ريدة
~~:

# مين بيندهيني؟ هما المسماسيلات جاتت؟

# نخلة
~~(إلى بنبة)
~~:

# المسماسيلات دول إيه يا ستي؟

# بنبة
~~:

# ستات افرنك أصحابي، عازماهم للغدا.

# مبروكة
~~:

# احنا ما احناش في المسماسيلات يا بو ريدة، احنا في جوازك.

# أبو ريدة
~~:

# اتجوزيني يا هاجة، اتجوزيني؛ أهسن الهب مموتيني.

# مبروكة
~~:

# يو! أنا أتجوز بربري؟! بعد الشر! البركة بابو ابراهيم جوزي، والا قالوا
~~لك قلة رجالة؟!

# أبو ريدة
~~:

# لا موش انتي اتجوزيني، اهنا ما نفسناش في العجايز.

# مبروكة
~~:

# هوا انا عجوزة يا بربري؟! جاك عجز في عينك! والله، ما تستاهل إني أتوسط لك.
~~(إلى بنبة)

# أقول لك يا ستي، والله، يا
~~خسارة كعب الخير في البربري دا!

# أبو ريدة
~~:

# كأب الهير هسارة فينا؟! آه! الهب الهب، هوا الهب اللي بسمأنا الكلام
~~الجاسي المر، اهنا وجعنا في أرضك يا هاجة مفروكة اشفجي ألى أبو ريدة.

# نخلة
~~:

# سامحيه يا حاجة، على شان خاطرنا.

# مبروكة
~~(إلى نخلة)
~~:

# والله، لولا خاطر عيونك يا خواجة نخلة ما كنت أتوسطله واكلم له كعب
~~الخير.

# أبو ريدة
~~:

# أيوا يامه الهاجة، على شان هاطر أيون الهواجة نهلة كلمي لنا كأب
~~الهير.

# مبروكة
~~:

# طيب بس المهر فين؟

# أبو ريدة
~~:

# المهر أهو في جيبنا، انتي يهسب اهنا مفلس.
~~(ثم
~~يخرج من جيبه ريالات)

# افتهي إيدك ياما الهاجة الأجوزة.

# مبروكة
~~:

# قلت لك ما تقولش عجوزة، ما عجوز الا انتا.

# أبو ريدة
~~:

# طيب افته إيدك ms14 يا صبية.

# مبروكة
~~(تفتح يدها)
~~:

# وادي إيدي.

# أبو ريدة
~~(يعد)
~~:

# واهد، الله واهد، اتنين، أبو ريدة وكأب الهير.

# نخلة
~~(إلى بنبة)
~~:

# حتى بربريكي لطيف يا ستي.

# بنبة
~~:

# أنا باحبه على شان بيضحكنا، وغير كدا بقاله عندنا زمان.

# نخلة
~~:

# خدام الأمين لا بد من مجازاة.

# أبو ريدة
~~(إلى مبروكة)
~~:

# بجا اهنا جلنا كام؟

# مبروكة
~~:

# قلنا اتنين.

# أبو ريدة
~~:

# صهيه يا صبية صهيه، بجا واهد الله واهد، اتنين أبو ريدة وكأب الهير، تلاتة
~~اهنا وأمي مفروكة، أربعة وستي بنبة ويانا، همسة والهواجة نهلة ألى البيئة، وبس
~~ما بجاش معنا ولا همسة.

# بنبة
~~(إلى مبروكة)
~~:

# رجعي له فلوسه؛ المهر دا علي.
~~(تعطيها عشرين
~~ريالا)

# خدي.

# أبو ريدة
~~:

# كتر هيرك يا ستي، الله يهليكي.
~~(يقول إلى
~~مبروكة)

# هاتي لنا بجا الهمسة فرانسا يا هجا.

# مبروكة
~~(تضع جميع الريالات في جيبها)
~~:

# بعدين؛ يعني انا رايحة أهرب بهم ولا رايحة آكلهم؟!

# أبو ريدة
~~:

# لأ، اهنا ما نشككوش، هات الريال بتوعنا.

# نخلة
~~(إلى أبو ريدة، يعطيه الريالات من جيبه)
~~:

# خد.

# أبو ريدة
~~(ياخدهم)
~~:

# تنك طيبة يا هواجة.

# مبروكة
~~:

# والله خسارة فيه! طيب روح انده لي كعب الخير.

# أبو ريدة
~~:

# لا لا، إذا اهنا اندهتو ما يجيناش، اندهتيها انتي.

# مبروكة
~~:

# على عيني، بس كدا؟!
~~(ثم تنده)

# يا كعب
~~الخير.

# المنظر السادس
~~(كعب الخير والمذكورين)

# كعب الخير
~~(تدخل)
~~:

# ثم يا ستي الجدا لسا ما كلصتوش.

# مبروكة
~~:

# إحنا ما احناش في الغدا، إحنا في ابو ريدة قال بده يتجوزك، والمهر أهو:
~~عشرين ريال
~~(توريهم لها)
~~.

# كعب الخير
~~:

# يروه تديهم لبكيتة اللي تهبها، اهنا ما اهناش عاوز الفلوس بتاعه، كليها
~~تجوري هيا وياهم.

# بنبة
~~(إلى كعب الخير)
~~:

# بخيتة إيه انتي التانية؟! أبو ريدة ما يحبش غيرك.

# نخلة
~~(إلى كعب الخير)
~~:

# أبو ريدة جدع لطيف، وتستاهلوا بعض، انتي اتجوزيه والجهاز تعالي عندي بكرة
~~في الدكان ونقي اللي يعجبك من حرير واسطوفة وصوف.

# مبروكة
~~:

# معدن والله، بركة يا بنتي، ما اكون منك لارضا.

# كعب الخير
~~:

# ما ارديش والسلام.

# أبو ريدة
~~:

# ما ترضيش والله ms15 ، رايهين نأمل زي الكانتو، يا كأب الهير ترضي تتجوزيني بجا
~~شوفي لما أجول: ألا أونة، وألا دوه، وأهصل لجولة ألا تريه وانتي تجولي لأ،
~~والله، وهياة النبي يموت نفسنا فطيس، يلا أدهنا ألا أونة يا كأب الهير
~~تتجوزينا؟

# كعب الخير
~~:

# جلتي لكي لأ.

# أبو ريدة
~~:

# ألا دوه، يا هبيبتي يا كأب الهير، تتجوزيني؟

# كعب الخير
~~:

# جلتي لكي لأ.

# أبو ريدة
~~:

# اسها دي الآهر يا كأب الهير، واذا كلتي لأ. يموت نفسنا فطيس ويبجا ذنبنا
~~في رجبتك، ألا تريه، تتجوزينا يا كأب الهير؟

# نخلة
~~:

# أنا في عرضك يا كعب الخير، قولي له أيوا. أعطيكي اللي تريديه، أعمل لك بدلة
~~بقصب.

# بنبة
~~:

# بلا دلع يا كعب الخير.

# مبروكة
~~:

# يوه! دي الجارية بتعزز كأنها بنت أمير! حتى الجوار لهم يوم، يوه جاتك
~~اخاشة.

# أبو ريدة
~~:

# ما ترضي بس جولي أيوا.

# كعب الخير
~~:

# أنا جلتي لكي لأ.

# مبروكة
~~:

# يو! بخاطرها، أنا أجيبلك ست ستها، والله، ما اجوزك الا جارية واحد
~~باشا.

# أبو ريدة
~~:

# لأ، اهنا ما نفسناش الا كأب الهير.

# كعب الخير
~~:

# انتي نفسك في بكيتة، روهي أوجدي وياها.

# أبو ريدة
~~:

# راه تشوفي.
~~(يقلع عمته من فوق راسه ويعقدها في
~~رقبته، ويعطي الطرف منها إلى مبروكة والطرف الآخر إلى كعب الخير
~~ويقول)

# امسكوا طيب بجا، راه تتجوزينا يا كأب الهير ولا
~~لأ؟

# كعب الخير
~~:

# جلتي لكي لأ.

# أبو ريدة
~~:

# بجا شوفوا انتو الاتنين، انتو يشدوا.
~~(ويعقد العقدة
~~في رقبته طيب وينخنق ويدلي لسانه ويقول)

# كمان كمان، لسا ما متناش
~~فطيس.

# مبروكة
~~:

# يا دهوتي! دا احنا بنخنق البربري، ودلوقت عفريته يطلع هنا، ونروح فين من
~~الحكومة؟!
~~(تسيب ما في يدها ويد كعب الخير ثم تقول في
~~نفسها)

# أما ادي الحب الجد بتاع قديم الجدود، شوفوا ازاي رايح
~~يموت نفسه يا عشتني.
~~(إلى كعب الخير)

# ارضي
~~بقا يا بنت الزربون، جاتك داهية!

# كعب الخير
~~:

# ما نرضيش والسلام، يروه لبكيتة.

# أبو ريدة
~~:

# ادهنا رايهين لبكيتة، بس جيف وانتو تشوفوا أجايب شجل الرجال.
~~(يروح ويرجع بيده سكينة)

# بجا ms16 تاهديني ولا
~~لأ؟

# كعب الخير
~~:

# ما اهدكش، ما اهدكش.

# أبو ريدة
~~:

# الله أكبر، موت يا بو ريدة فطيس من الهب.
~~(يرفع
~~يده بالسكينة ويعزم على ضرب نفسه).

# كعب الخير
~~(تمسك يده ثم تحوشو وتقول بحرقة)
~~:

# انتي بجا بتهبيني يا هبيبي، وراه يموت نفسك ألى شاني، راه أكوديكي،
~~أكوديكي.

# مبروكة
~~(تزغرط)
~~:

# عقبال عند الحاضرين.

# نخلة
~~:

# دا يوم مبارك.

# مبروكة
~~:

# بفرحك ويا الست بنبة، الله يجازي البرابرة وحبهم!

# كعب الخير
~~:

# بجا أقبال أندكم يا هواجات النهار ده راه نكتبو الكتاب
~~(ثم ترقص).

# أبو ريدة
~~:

# وتزربوا برابرة سجيرين يهدموا سياس أندكم يا هواجات.
~~(تم بخير.) ms17