######OpenITI#

#META# URI: 1442NawalSacdawi.SuraMumazzaqa.Hindawi19604807
#META# Tags: novels
#META# ID: 19604807
#META# Title: الصورة الممزقة: رواية تمثيلية
#META# AuthorID: 84163053
#META# Author: نوال السعداوي
#META# EditorID: None
#META# Editor: None
#META# TranslatorID: None
#META# Translator: None
#META# Related_books: None

#META#Header#End#

# ثمن الكتابة‏

# الملخص‏

# شخصيات التمثيلية‏

# الصورة الممزقة (1)‏

# الصورة الممزقة (2)‏

# الصورة الممزقة (3)‏

# الصورة الممزقة (4)‏

# الصورة الممزقة (5)‏

# الصورة الممزقة (6)‏

# الصورة الممزقة (7)‏

# ثمن الكتابة‏

# الملخص‏

# شخصيات التمثيلية‏

# الصورة الممزقة (1)‏

# الصورة الممزقة (2)‏

# الصورة الممزقة (3)‏

# الصورة الممزقة (4)‏

# الصورة الممزقة (5)‏

# الصورة الممزقة (6)‏

# الصورة الممزقة (7)‏








# | الصورة الممزقة








# | الصورة الممزقة






# | رواية تمثيلية




# تأليف

# نوال السعداوي








# | ثمن الكتابة






# | مقدمة قصيرة




# لا أجيد كتابة المقدمات، يمكن أن أكتب قصة من ألف صفحة، ولا أستطيع
~~كتابة مقدمة من نصف صفحة، أما رفيقة عمري فهي شخصية عصية على الفهم،
~~تكتب في النوم كما تكتب وهي صاحية، لا تهتم بدورة الأرض حول نفسها، أو
~~دورتها حول الشمس.

# تضحك وتقول: نحن أحرار، ندور كما نشاء؛ حول أنفسنا، أو حول غيرنا، أو
~~لا ندور.

# لكن عقلي يدور، رغم مشيئتي، في النوم كما في اليقظة.

# أصحو من النوم كل صباح على رنين الجرس، صوتها يأتيني من حيث تكون، في
~~أي مكان فوق كوكب الأرض، هي تعشق السفر منذ كانت طفلة، لا تعود إلى
~~الوطن حتى ترحل، مهما ابتعدت وطال الغياب، أراها أمام باب بيتي،
~~بحقيبتها العتيقة بلون النبيذ الأحمر، حرقتها الشمس وأغرقتها الأمطار
~~في الجنوب والشمال، أصبحت أقل حمرة مما كانت، وإن ظلت حمراء اللون،
~~متينة العجلات قوية العضلات، أقل قوة بمرور الزمن، تجرها من خلفها
~~وهي تجتاز المطارات والمحطات، تنزلق وراءها بخفة فوق الشوارع المرصوفة
~~الناعمة، وتغوص بثقلها في الأزقة حيث الحفر والمطبات، مليئة بالكتب
~~وملابسها وأوراقها، مقبضها متين لا ينخلع، يحمل اسمها، داخل قطعة من
~~البلاستيك الأبيض بحجم كف اليد.

# اسمها الثلاثي كان مسجلا في أقسام وزارة الداخلية والشئون
~~الاجتماعية ومصلحة السجون وإدارات الرقابة على النشر والكتابة
~~والمصنفات الفنية.

# يحملق ضابط الشرطة بمطار القاهرة في اسمها الثلاثي، يتأمل صورتها في
~~جواز سفرها، يبتسم في وجهها: حمد الله ع السلامة يا أستاذة. يدق
~~بالمطرقة على جواز سفرها فتدخل. وإن وصلت القائمة السوداء إليه قبل
~~عودتها، يعتذر لها برقة ورثها عن أمه، يناولها كرسيا لتستريح وكوب
~~ماء: آسف يا أستاذة، عندي أوامر لازم أنفذها. وإن كان ms001 عضوا بحزب
~~الجهاد أو داعش أو حزب الحكومة، يكشر عن أنيابه مبرطما بصوت غليظ،
~~ويحجزها مع حقيبتها في غرفة الحجر الصحي؛ حيث تلتقي بأنواع مختلفة من
~~البشر، بعضهم مرضى بالجذام وإنفلونزا الخنازير، وبعضهم مصاب بالجنون
~~أو الكفر، منهم الكوافير سوسو، كان شهيرا في الحي الراقي بجاردن سيتي،
~~اكتسب ثقافة نادرة من الحلاقة للنساء والرجال، أصابعه ماهرة تدرك
~~أفكارا مدهشة في الرءوس التي تغوص فيها، يأتي سكان الحي الراقي إلى
~~محله الأنيق بشارع التنهدات، نساء ورجال من المثقفين أو الطبقة
~~العليا، يؤمنون أن الإنسان تطور عبر ملايين السنين من فصيلة الثدييات
~~على رأسها الشمبانزي الأم الكبرى، وأن الأرض كروية تدور حول الشمس وليس
~~العكس، وأن الكون نشأ بالصدفة البحتة حين حدث الانفجار الكبير وانتشرت
~~في الفضاء ذرات، تناثرت وتجمع بعضها لتكوين أول مادة أو أول كتلة
~~مادية في الوجود.

# وكان من زبائن الكوافير سوسو، أيضا، البوابون والطباخون في قصور
~~الباشوات القدامى والجدد في جاردن سيتي، منهم الحاج منصور الشهير باسم
~~طباخ الباشا؛ رجل سمين مملوء بالسمن البلدي والطعام الفاخر الذي يبتلعه
~~سرا.

# وبينما هو يترك رأسه بين يدي الكوافير سوسو، يحكي الحكايات القديمة
~~عن المماليك والأتراك، كيف عاشوا في الأناضول، ولا بد أن يذكر الأسلاف
~~من أجداده وعلى رأسهم جده الكبير، الذي حكى له وهو صغير أن الله خلق
~~للثور قرنين؛ لأنه يحمل الأرض فوق قرن، وإن تعب من ثقلها حرك رأسه
~~ونقلها إلى قرنه الثاني.

# ويضحك الكوافير سوسو: مش معقول يا حاج منصور.
~~- لا، معقول يا سوسو، أمال الزلازل والبراكين والبرق والرعد بييجوا
~~منين؟
~~- منين يا حاج منصور؟
~~- لما الثور يحرك الأرض على راسه من قرن لقرن يحدث البرق والرعد،
~~والزلازل تهز الأرض.

# يضحك الكوافير سوسو: مش معقول يا حاج منصور.
~~- لا، معقول يا سوسو.
~~- الكلام ده كان زمان قبل جاليليو.
~~- جاليليو خواجة يهودي نصراني ما يعرفش ربنا.
~~- لازم تعرف حاجة عن جاليليو يا حاج، اسمعني.
~~- سامعك يا خويا.
~~- جاليليو أمه ولدته في إيطاليا بعد العدرا مريم ما ولدت المسيح ms002 بألف
~~وخمسميت سنة أو أكتر، وكانت إيطاليا وأوروبا كلها محكومة بالكنيسة
~~وعايشة في الجهل والظلام، درس جاليليو الطب والهندسة والفلك، واكتشف
~~أخطاء العلماء اللي قبله في اليونان، منهم أرسطو.
~~- أرسطو كان مؤمن بربنا يا سوسو؟
~~- أرسطو كان مؤمن بالكنيسة يا حاج منصور وبينشر أفكارها في كتبه،
~~واعتبرته الكنيسة الفيلسوف الأعظم وأغدقت عليه الأموال والمناصب، لكن
~~جاليليو عمل منظار جديد واكتشف خطأ أرسطو، وإن الأرض بتدور حول نفسها
~~وحول الشمس، غضبت منه الكنيسة واتهمته بالكفر والإلحاد والخيانة؛ لأنه
~~بيعارض الكتاب المقدس وتعاليم الكنيسة ونظرية أرسطو عن إن الأرض ثابتة
~~لا تتزعزع ولا تتحرك أبد الدهر، قدموا جاليليو للمحاكمة وأدانوه، ومات
~~فقير مسكين معزول في بيته.
~~- مين قال لك الكلام ده؟
~~- الباشا اللي باحلق له شنبه ودقنه.
~~- الباشا بنفسه يا سوسو؟
~~- أيوة يا حاج منصور.
~~- لازم كلامه صح مية المية، لكن أنا مش حاسس إن الأرض بتدور
~~يا سوسو!
~~- لأنها بتدور بسرعة كبيرة يا حاج، وانت جزء منها وبتدور
~~معاها.
~~- مش معقول يا سوسو.
~~- مثلا وانت راكب جوة القطر يا حاج، لا يمكن تحس إنه بيجري
~~بسرعة.
~~- لكن القطر غير الأرض يا سوسو، ولا إيه؟
~~- إيه يا حاج!

# وينفجر الكوافير والحاج منصور في الضحك.

# تخرج هي، رفيقة العمر، تجر حقيبتها الحمراء ذات العجلات، من غرفة
~~الحجر الصحي بالمطار بعد عدة ساعات، أو عدة أيام حسب مزاج الحكومة
~~والمخابرات، ثوبها مكرمش وشعرها منكوش، نامت على الكرسي وإلى جوارها
~~الحقيبة، تلمسها بيدها إن أفاقت في الظلمة فجأة، تخشى أن يسرقها أحد
~~وهي غارقة في النوم، أو غائبة عن الوعي من شدة التعب، وفي أحد
~~الصباحات، دون سابق إنذار، يأتي الضابط مبتسما، ويقول: مبروك
~~يا أستاذة، صدر العفو الرئاسي عن بعض المعتقلين والمعتقلات بمناسبة
~~العيد.
~~- أي عيد؟

# الأضحى الكبير، أو العبور العظيم، أو شم النسيم في بداية الربيع،
~~يصحو الناس في الصباح الباكر ليشموا البصل والرنجة والفسيخ، يتمشون على
~~شاطئ النيل، الأغنياء منهم يشمون النسيم في المنتجعات الجديدة على شاطئ
~~البحر الأبيض بالساحل الشمالي، أو ms003 في الغردقة وسواحل البحر
~~الأحمر.

# لكن يظل الفسيخ اللذيذ من نبروه، مع أصناف الطعام الفاخر ومعه البصل
~~الأخضر والملانة والرنجة من ضرورات العيد، لإعادة الذاكرة الطفولية
~~والخصوصية الثقافية وتاريخ الأجداد.

# كنت أحب الفسيخ وهي لا تطيق رائحته، لا تزورني أبدا في المواسم، لا
~~تحتفل بالأعياد، وعيد ميلادها لا تذكره، إن ذكرتها به تمط شفتها
~~السفلى وتنهمك في الكتابة.
~~- كم عمرك؟
~~- مش فاكرة.
~~- مش معقولة انتي.
~~- انتي اللي مش معقولة.
~~- ازاي؟
~~- إيه يهمك من عمري؟
~~- عاوزة أعرف انتي عشتي كام سنة.
~~- ليه؟
~~- مش عارفة.
~~(انتهت المقدمة)

# 1

# نوال السعداوي

# القاهرة

# 22 مارس 2017





# | الملخص




# محمود وسعاد زميلان في كلية الطب جمع بينهما الحب والتقدير والحماس
~~لتحرير الوطن من الاحتلال الأجنبي والحكم الملكي الفاسد. يترك محمود
~~الكلية وينضم إلى الفدائيين في القنال يحارب الإنجليز، إلا أنه يعود
~~مهزوما مكسور القلب بسبب تآمر الإنجليز مع الملك والحكومة ضد
~~الفدائيين. يعاني حالة نفسية شديدة الوطأة تؤدي به إلى محاولة للنسيان
~~عبر تعاطي «الماكستون» وهو منبه ضار جدا بالصحة النفسية
~~والجسمية.

# لكن سعاد تحاول مساعدته وتضحي بأهلها من أجله، تصبح زوجة له تساعده
~~على الشفاء دون جدوى، أخيرا يصبح خطرا عليها فتهرب بطفلها منه وتعيش
~~من إيرادها فهي طبيبة، ثم تتزوج تحت ضغط أمها والمجتمع، لكن زوجها
~~الثاني يقسو على طفلها، كما أنه يتذمر من انشغالها في عملها الطبي،
~~وينتهي الأمر بالانفصال. ويكون محمود قد شفي في ذلك الوقت بعد أن
~~اقترب من الموت وترك الطب وأصبح صحفيا لامعا. يتم اللقاء بين محمود
~~وسعاد في النهاية.



# الصورة الممزقة

# تمثيلية

# قصة، سيناريو، حوار

# الدكتورة نوال السعداوي





# | شخصيات التمثيلية




# سعاد:
~~(البطلة) فتاة شابة جميلة قوية الشخصية. تظهر في
~~المشاهد الأولى صبية صغيرة لها ضفائر طويلة.

# محمود:
~~(البطل) شاب قوي الملامح وسيم، نافذ العينين.

# والد سعاد:

# رجل في الخمسين طيب الملامح، تاجر ميسور الحال، متوسط
~~الثقافة.

# والدة سعاد:

# امرأة في الأربعين، قاسية الملامح، قليلة
~~الثقافة.

# الدادة أم علي:

# امرأة بنت بلد في الخامسة والأربعين، مرحة
~~الملامح.

# والدة محمود: ms004

# امرأة في الخمسين ، قوية الملامح، امرأة مكافحة رقيقة
~~الحال.

# أخت محمود عزيزة:

# فتاة خرساء لا تسمع ولا تتكلم، ذكية الملامح.

# فوزية محمد:

# زميلة سعاد في المدرسة، فتاة ناضجة عادية.

# ضابطة الداخلية:
~~(أبلة فهيمة)، عانس في الأربعين، قاسية الملامح،
~~متصابية.

# ناظرة المدرسة:

# عانس في الخامسة والأربعين قاسية الملامح،
~~متصابية.

# أبلة ليلى:

# مدرسة الرسم، امرأة شابة حلوة.

# د. شكري:

# رجل ناضج في الأربعين، وقور الملامح والشخصية.

# رفاعي:

# رجل في الخامسة والثلاثين، قاسي الملامح.

# سعد:

# شاب عادي، زميل محمود.

# عزيز:

# زميل محمود، شاب.

# توفيق:

# ابن عم سعاد، شاب طويل نحيل.

# خالد:

# طفل صغير في السادسة من عمره.

# شخصيات أخرى ثانوية :

# كالبنات في المدرسة والطلبة في الجامعة والأطباء
~~والحكيمات ... إلخ.





# | الصورة الممزقة (1)




# الافتتاحية

# تصوير
~~سينمائي:

# تملأ الكادر صورة وجه محمود (البطل) وقد مزقت إلى نصفين بالطول،
~~فظهر وجهه منقسما بالطول إلى نصفين متساويين.

# يتحرك نصفا الصورة مقتربين ومبتعدين تصحبهما الموسيقى
~~المناسبة.

# موسيقى تعبر عن معنى التمزق النفسي واليأس، ثم تعبر عن معنى
~~التحدي والكفاح والعمل، ثم تعبر عن معنى البعد والصراع، ثم تعبر عن
~~معنى القرب والهدوء.

# تختفي صورة وجه محمود وتظهر صورة سعاد (البطلة) تملأ الكادر أيضا
~~وقد مزقت بنفس الطريقة إلى نصفين بالطول.

# نصفا الصورة يقتربان ويبتعدان أيضا كالسابقة، يختفي نصف وجه سعاد
~~ويحل مكانه نصف وجه محمود.

# تتردد الموسيقى بين هذه المعاني جميعا بما يتفق والصورة الممزقة
~~التي تظهر على الشاشة.

# نصفا الوجهين يقتربان ويبتعدان، ويقتربان، ثم يبتعدان بقوة وبسرعة،
~~لحظة صمت مطبق.

# موسيقى عنيفة تعبر عن الانفصال والعنف.

# تصوير
~~داخلي:

# يملأ الكادر باب مغلق (باب بيت)، لحظة صمت مطبق.

# تسمع من خلف الباب المغلق صوت امرأة تصرخ صرخة عالية جدا تنم عن
~~الرعب: آه!

# يفتح الباب بقوة وبسرعة وتندفع منه سعاد.

# البطلة، تظهر شابة ناضجة مهملة الملابس تحمل طفلها الرضيع على كتفها
~~وقد لف في بطانية صوت صغيرة.

# موسيقى مناسبة.

# سعاد تجري على السلم وهي تحمل طفلها في فزع وخوف. لا تنظر
~~خلفها.

# موسيقى مناسبة.

# الكاميرا تصعد إلى الباب وقد ms005 أصبح نصف مفتوح . يظهر من خلفه في الظلام
~~الدامس قدمان لرجل يمشي بخطوات ثقيلة.

# يسمع صوت وقع القدمين على الأرض ثقيلة مخيفة.

# تسمع صوت ضحكة رجل مجنونة: ها! ها! ها!

# تتوقف الضحكة فجأة.

# لحظة صمت.

# تظهر يدا الرجل مكبرتين وهما تمسكان بشيء مدبب طويل (يشبه
~~الحقنة ولكن لا يظهر بوضوح في الظلام). اليدان تتحركان في عصبية
~~وترتعشان. يد منهما تظهر فقط، موسيقى تعبر عن معنى التمزق، وتختفي
~~الأخرى. تظهر اليد وهي ممسكة بالإبرة في الذراع الممدودة.

# تسمع صوت صرخة رجل مكتومة تعقبها لحظة صمت: آه!

# ثم يسمع نشيج رجل يبكي في يأس.

# نشيج رجل مكتوم.

# تصوير
~~خارجي:

# تظهر سعاد وهي تجري في الشارع وطفلها على كتفها ... تتلفت وراءها في
~~خوف، ثم تجري بسرعة كالمجنونة.

# يبدو على وجهها الذعر.

# الشارع طويل في الظلام الدامس.

# تجري فترة من الوقت.

# تصوير
~~داخلي:

# سعاد تتوقف لاهثة أمام باب مغلق.

# تقف أمام الباب مترددة.

# تنظر إلى نوافذ البيت المغلقة في تردد.

# تدق الجرس مرة أخرى في حذر.

# لا أحد يرد.

# تدق الجرس مرة ثانية.

# لا أحد يرد.

# تدق الجرس بقوة وعنف وخوف.

# لا ترفع يدها عن الجرس حتى يفتح الباب. يفتح الباب ويظهر رجل
~~كبير السن بملابس النوم (والد سعاد) على ملامحه الفزع والدهشة
~~والذهول.

# سعاد تلقي بنفسها على صدره وتنفجر في النشيج: بابا! بابا!

# يضمها الأب في لهفة وهو يرتعش ويقول: سعاد! بنتي! بنتي!

# الدموع تظهر في عيني الأب، سعاد تبكي وهي على صدره. الأب يربت
~~عليها في حنان ويداه ترتعشان.

# الأب
~~:

# أنا كنت عارف إن ده حيحصل!

# سعاد
~~:

# معلهش يا بابا ... كان لازم اعمل كده!

# الأب
~~:

# ليه بس كده يا بنتي؟! ليه تعملي كده؟ شوفتي النتيجة
~~إيه؟

# سعاد
~~:

# معلهش يا بابا! غصب عني!

# الأب
~~:

# طيب يا بنتي. اطلعي استريحي. اطلعي أودتك استريحي وريحي
~~ابنك. ربنا يفرجها الصبح.
~~(سعاد تصعد السلم إلى حجرة نومها وعلى كتفها
~~ابنها. تدخل حجرة نومها القديمة (حجرة نوم تلميذة في الجامعة لأسرة
~~ميسورة الحال؛ سرير، دولاب، تسريحة، مكتب، كرسي، ms006 شماعة ...
~~إلخ).)
~~(سعاد تتأمل الحجرة لحظة وقد غابت عنها طويلا،
~~ثم تضع ابنها على السرير وتغطيه. تترك الطفل وتدور في الحجرة تتأمل
~~كل شيء في شرود. تنظر إلى نفسها في المرآة. ترى شعرها شعثا
~~وملابسها مهملة. تترك المرآة وتعود تتمشى في الحجرة.)
~~(تعثر على عروسة صغيرة. تمسك العروسة في
~~يديها وتتأملها. تجلس على كرسي مريح بجوار السرير وفي يدها
~~العروسة.)
~~(تنظر بإمعان إلى وجه العروسة وتستعيد ذكريات
~~قصتها منذ كانت طفلة تلعب بنفس هذه العروسة التي تمسكها
~~الآن.)
~~(فلاش باك.)

# تصوير
~~داخلي:

# تظهر أم سعاد في حجرة الطعام.

# حجرة طعام في منزل تاجر من تجار بنها ميسور الحال.

# أم سعاد تجهز الأطباق على المائدة.

# أخو سعاد، ماجد (لا يزال صغيرا أصغر من سعاد بعام واحد) يجلس على
~~أحد كراسي المائدة في كبرياء.

# الأم تنادي على سعاد التي في المطبخ.

# الأم
~~:

# سعاد! سعاد! هاتي الشوربة!
~~(يسمع صوت سعاد وهي ترد من المطبخ.)

# سعاد
~~:

# أيوه خلاص يا ماما! حاجبها حالا! هه!

# الأم
~~(في شدة)
~~:

# يالله بسرعة! أخوكي جعان!
~~(سعاد تدخل إلى حجرة الطعام تحمل سلطانية
~~كبيرة من الشوربة.)
~~(تبدو سعاد طفلة في العاشرة لها ضفائر طويلة،
~~تضع سلطانية على السفرة.)
~~(تنظر سعاد إلى أمها في غيظ، ثم أخيها الجالس
~~في غيظ. تمسح العرق من فوق جبهتها.)
~~(الأخ يمد يده بطبق فارغ ويشير إلى سعاد
~~بحركة آمرة أن تغرف له الشوربة.)
~~(سعاد تنظر إليه في غيظ ولا تطيع.)

# ماجد
~~(في لهجة آمرة لأخته)
~~:

# اغرفيلي شوربة!
~~(سعاد تنظر إليه في غيظ.)

# سعاد
~~(في غضب)
~~:

# كمان عاوزني أغرفلك! حضرتك طول النهار تجري وتلعب في
~~الجنينة، وأنا طول النهار اشتغل في المطبخ، وبعدين تيجي تقعد
~~زي الملك!

# سعاد
~~(تقلد لهجته الآمرة)
~~:

# اغرفيلي شوربة! يا دمك يا أخي!

# الأم
~~(في شدة)
~~:

# إيه يا بنت يا سعاد الكلام اللي بتقوليه لاخوكي ده؟

# مش عيب تكلمي اخوكي كده؟

# سعاد
~~:

# ومش عيب إنه يلعب طول النهار. وبعدين بيجي يقعد
~~ويتأمر؟

# الأم
~~:

# أمال عاوزاه يعمل إيه؟

# سعاد
~~:

# يبطل لعب شوية ويدخل ms007 المطبخ يساعدني!

# الأم 
~~:

# يدخل المطبخ؟ وهو بتاع مطبخ يا بنت يا سعاد؟

# سعاد
~~:

# أمال انا اللي بتاعة مطبخ؟!
~~(ماجد ينظر إلى سعاد ويخرج لها لسانه.)

# الأم
~~:

# أيوه انتي اللي بتاعة مطبخ!

# سعاد
~~:

# ليه يعني؟ هو أنا أقل منه؟ والا هو أحسن مني؟!

# الأم
~~:

# هو ولد وانتي بنت! فاهمة يعني إيه بنت؟

# سعاد
~~:

# لا مش فاهمة!

# الأم
~~:

# بنت يعني لازم تدخلي المطبخ وتعرفي تطبخي لأن دي حتبقي شغلتك
~~لما تتجوزي وتبقي مسئولة عن بيتك وأولادك.

# سعاد
~~:

# الطبيخ عمره ما حيبقى شغلتي أبدا. وإذا كان الجواز يعني إني
~~أطبخ مش حتجوز أبدا.
~~(تدخل الدادة تحمل سلطانية كبيرة من البامية
~~وتضعها على السفرة.)

# الدادة
~~:

# جواز إيه اللي بتتكلموا فيه دلوقت؟ هو وقت جواز والا وقت
~~أكل؟

# الأم
~~:

# أديكي عارفة الغلبة بتاعة الست سعاد؟

# الدادة
~~:

# والنبي الست سعاد ما في حد زيها أبدا! إنتي دايما تزعليها
~~كده يا ست سنية!
~~(الدادة ترفع يديها وتدعو الله.)
~~(الأم تغرف الصحون وتضعها على السفرة. الدادة
~~تشير إلى سعاد. يظهر على سعاد السرور والفرح، وتنظر إلى ماجد،
~~وتخرج له لسانها.)

# الدادة
~~:

# عقبال ماشوفك يا رب يا ست سعاد وانتي دكتورة أد الدنيا
~~والناس كلها تشاور عليكي وتقول أهي الدكتورة سعاد!

# ماجد
~~(في سخرية)
~~:

# دكتورة! ها ها! ابقي قابليني يا دادة أم علي؟

# سعاد
~~:

# غصب عنك حبقى دكتورة وبكرة تشوف! على الأقل أنا باطلع الأولى
~~كل سنة. دور على اللي مش بينجح الا لو لحقوه بالملحق!

# ماجد
~~(في غضب)
~~:

# سامعة يا ماما بتقول لي إيه؟

# الأم
~~:

# أولى إيه يا خايبة ياللي مش بتعرفي لغاية دلوقت تطبخي
~~البامية!
~~(ماجد ينظر إلى سعاد في تشف.)
~~(يدخل الأب إلى حجرة الطعام ويجلس.) الدادة
~~تخرج ومعها بعض الأطباق.

# الأب
~~:

# إيه الهيصة دي يا سنية؟ هو ماجد وسعاد دايما يتناقروا كده زي
~~الديوك؟
~~(ماجد ينظر إلى سعاد في تشف.)

# الأم
~~:

# أيوه يا سيدي. الست سعاد دايما تجر شكل اخوها.

# سعاد
~~:

# أنا اللي جريت شكله والا هو دايما علي زي ما اكون
~~خدامته!

# الأب
~~:

# خدامته؟ ms008 إزاي يا ولد يا ماجد تتأمر على أختك؟
~~(سعاد تنظر إلى ماجد في تشف.)
~~(ماجد ينظر إلى سعاد في تشف ويخرج لها
~~لسانه.)
~~(أم علي الدادة تدخل ومعها طبق الحمام وتضعه
~~أمام الأب، ثم تخرج.)

# الأم
~~:

# اسكت يا زغلول ما تشخطش في الولد كده. وما له اما يتأمر
~~عليها؟ مش اخته؟! هاتي يا أم علي طبق الحمام بالفريك معاكي من
~~المطبخ!

# الأب
~~:

# الله! أيوه كده. أنا مش عارف ليه مش بتعملي يا سنية طبق
~~الحمام بالفريك ده كل يوم؟ مش عارفة اني باحبه طول
~~عمري؟!
~~(الأب منهمك في أكل الحمام.)
~~(الأم تكدس اللحم في طبق ماجد. صورة مكبرة
~~لطبق ماجد مليء باللحم. صورة مكبرة لفمه الممتلئ بالطعام على
~~آخره. يمضغ بسرعة ثم يشرب الشوربة بصوت عال.)

# الأم
~~:

# عارفة ... لكن الولية بتاعة الحمام لها أيام تقطع ما تجيش. خد
~~يا ماجد. كل يا حبيبي. إنت ما بتكولش ليه؟
~~(الصوت الذي يحدثه ماجد وهو يشرب
~~الشوربة.)
~~(صورة مكبرة لطبق سعاد وفيه قطعة صغيرة من
~~اللحم، وصورة مكبرة لها لفمها وهي تأكل برقة وتمضغ بهدوء. ثم
~~تشرب الحساء بلا صوت.)

# الأم
~~(لابنها)
~~:

# كل يا ماجد يا حبيبي! ليه ما بتكولش؟
~~(سعاد تنهض وتغادر حجرة الطعام. الأب ينظر
~~إليها وهي تخرج.)

# الأب
~~:

# هي سعاد لحقت خلصت أكل؟

# الأم
~~:

# لازم. البنات أصلهم زي البلاليع. ياكلوا بسرعة!

# الأب
~~:

# يا شيخة حرام عليكي! لازم برضه تراعيها زي ما بتراعي ماجد.
~~صحيح طول عمرك بتحبيه أكثر منها، لكن سعاد بنت حساسة ولازم
~~تشعريها بأنها زيه تمام.

# الأخ
~~:

# لا يا بابا. هي مش زيي!

# الأب
~~:

# مش زيك ازاي يا ولد؟

# الأخ
~~:

# أنا ولد وهي بنت!

# الأب
~~:

# وما له؟

# الأم
~~:

# وما له ازاي يا زغلول؟! الولد غير البنت طبعا! البنت بنت
~~مهما راحت ومهما جت! بنت!

# صوت الراوية:

# بنت! بنت! بنت!

# تصوير
~~داخلي:

# سعاد بضفائرها الطويلة تجلس في حجرتها إلى جوار نافذة مفتوحة وفي
~~يدها كتاب تنظر فيه وهي حزينة (النافذة تطل على حديقة البيت).

# منظر سعاد تجلس وأمها تمشط ms009 شعرها. صورة مكبرة لرأس سعاد وشعرها
~~وأمها تشد شعرها وتضفره في ضفائر بشدة. وجه سعاد مكبر وهي تتألم
~~وشعرها يشد ويضفر.

# بنت، تلك الكلمة البغيضة التي كنت أسمعها من أمي كل يوم، بل كل
~~ساعة.

# ولم يكن لكلمة بنت في نفسي إلا معنى واحد هو أني لست ولدا. لست
~~مثل أخي!

# أخي يقص شعره ويتركه حرا لا يمشطه، وأنا شعري يطول ويطول،
~~وتمشطه أمي في اليوم مرتين، وتقيده في ضفائر، وتحبس أطرافه
~~بأشرطة.

# صورة مكبرة لسعاد وهي تنفض ملاءة سرير بقوة. وهي واقفة أمام الحلة
~~في المطبخ تقلب فيها على النار. صورة ماجد وهو يلعب مع زملائه في
~~الحديقة.

# صورة مكبرة لفم ماجد مليء بالطعام يمضغ بسرعة.

# وصورة مكبرة لطبقه ملئ باللحم. صورة مكبرة لفم سعاد وهي تأكل
~~ببطء شديد وطبقها يحتوي على قطعة صغيرة من اللحم.

# سعاد
~~:

# أخي يصحو من نومه ويترك سريره كما هو، وأنا علي أن أرتب
~~سريري وسريره أيضا. أخي يخرج بلا إذن ويلعب وأنا لا أخرج
~~وأشتغل في المطبخ والبيت. أخي يأخذ قطعة من اللحم أكبر من
~~قطعتي ويأكل بسرعة ويشرب الحساء بصوت مسموع وأمي لا تقول له
~~شيئا. ويأكل بسرعة ويشرب الحساء بصوت مسموع وأمي لا تقول له
~~شيئا.

# أما أنا. أنا بنت. علي أن أراقب حركاتي وسكناتي. علي أن
~~أخفي شهيتي للأكل فآكل ببطء وأشرب الحساء بلا صوت.
~~(صورة مكبرة لساقي ماجد وهو يقفز ويلعب
~~ويتشقلب.)

# أخي يلعب، يقفز، يتشقلب. وأنا إذا جلست وانحسر الرداء عن
~~سنتيمتر من فخذي فإن أمي ترشقني بنظرة مخلبية حادة فأخفي
~~عورتي.
~~(منظر مكبر لساقي سعاد مضمومتين وهي
~~جالسة وقد ارتفع الفستان قليلا عن ركبتيها.)
~~(منظر وجه أمها تنظر إليها نظرة
~~حادة.)
~~(منظر مكبر ليد أمها وهي تشد الفستان
~~لتخفي ركبتي سعاد.)

# عورة! كل شيء في عورة وأنا طفلة في العاشرة من
~~عمري!
~~(منظر سعاد وهي تغلق باب حجرتها عليها
~~وتجلس وحدها تبكي.)

# أغلقت باب غرفتي علي وجلست أبكي وحدي.

# لم تكن دموعي الأولى في حياتي لأنني فشلت ms010 في مدرستي، أو 
~~لأني كسرت شيئا غاليا، ولكن لأني بنت.
~~(وجه سعاد مكبر وعيناها مليئتان
~~بالدموع.)

# فتحت عيني على الحياة وبيني وبين طبيعتي عداء. بكيت على
~~أنوثتي قبل أن أعرفها. وقبل أن أعرف أي شيء عن نفسي وجنسي
~~وأصلي.
~~(صراخ أطفال مرح وضحك وتهليل ولعب.)

# تصوير
~~داخلي:

# تظهر سعاد وهي جالسة في حجرتها بجوار النافذة يصل إلى سمعها صوت
~~ماجد وأصحابه وهم يلعبون في الحديقة. تغلق الكتاب الذي في يدها وتقف
~~تنظر اليوم وهي حزينة.

# تترك النافذة وتمشي إلى السرير وتلقي نفسها عليه في غضب وتجهش
~~بالبكاء.
~~(صوت بكاء.)

# تتوقف عن البكاء، ثم تجلس على السرير تفكر في غضب.

# تدخل الدادة أم علي وهي تغني.

# الدادة
~~:

# الحلو زعلان ليه؟ ليه؟

# ما لك يا ست سعاد؟ ما لك يا حبيبتي؟
~~(تنظر إلى سعاد الحزينة.)

# سعاد
~~:

# ما فيش حاجة يا دادة!

# الدادة
~~:

# ما فيش حاجة ازاي؟ ده إنتي عنيكي حمر زي كاسات الدم!

# سعاد
~~:

# أعمل إيه للست ماما؟!

# الدادة
~~:

# إيه تاني!

# سعاد
~~:

# عاوزة تقعدني في البيت وما تودنيش المدرسة الثانوي!

# الدادة
~~:

# ازاي الكلام ده؟

# سعاد
~~:

# بتقولي كفاية عليكي الابتدائية. وأنا عاوزة أروح ثانوي
~~والجامعة كمان! اشمعني ماجد حيروح ثانوي؟!

# الدادة
~~:

# وانتي كمان تروحي، ما فيش حد أحسن من حد. إن جيتي للحق انتي
~~أشطر منه وأنبه منه. والنبي أنا كنت بشوف النباهة كده بتنط من
~~عنيكي وانتي لسة في اللفة! خسارتك يا بنتي في قعدة البيت.
~~خسارة!
~~(سعاد يظهر عليها الفرح وتجري إلى الدادة
~~وتمسكها من يدها في حماس وأمل.)

# سعاد
~~:

# والنبي يا دادة تخلي ماما توافق!

# الدادة
~~:

# لا ياختي، ما فيش فايدة للكلام مع مامتك. أنا حخلي بابا هو
~~اللي يوافق.
~~(سعاد تعانقها وتقبلها في سعادة.)

# سعاد
~~:

# والنبي يا دادة تخلي ماما توافق!
~~(الدادة تخرج. سعاد تقفز في حجرتها من الفرح ثم
~~تقف على باب حجرتها تتسمع ما تقوله الأسرة.)

# تصوير
~~داخلي:

# صالة البيت والأب والأم وماجد يجلسون يشربون الشاي
~~ويتحدثون.

# الأم
~~:

# ما دام البلد ما فيهاش مدارس ثانوي يبقى ماجد ms011 يعمل أبونيه في 
~~القطر ويروح المدرسة الثانوي اللي في مصر ويرجع لنا كل
~~يوم.

# الأب
~~:

# وبدل التعب ده ما يروح المدرسة الداخلية اللي في
~~حلوان.

# الأم
~~:

# لا يا اخويا. يرجع كل يوم نشوفه ونطمن عليه.

# الأب
~~:

# تعب عليه يا سنية السفر كل يوم.

# الأم
~~:

# دي فركة كعب من مصر لبنها. هو ده اسمه سفر؟

# ماجد
~~:

# أنا عندي فكرة يا ماما!

# الأم
~~:

# إيه يا حبيبي؟

# ماجد
~~:

# بلاش أروح الثانوي واقعد مع بابا في المحل.

# الأم
~~:

# محل إيه يا ماجد؟ ده انت لازم تروح الثانوي عشان تدخل
~~الجامعة وتبقى دكتور أد الدنيا.

# ماجد
~~:

# مش عاوز أبقى دكتور ... أنا عاوز اقعد معاكم هنا!
~~(ماجد يشرع في البكاء.)
~~(تظهر صورة سعاد وهي على باب حجرتها تسمع وتضحك
~~على ماجد وهو يبكي.)

# الأب
~~:

# إخس عليك! كده تعيط زي البنات!

# الأم
~~:

# بنات إيه؟! لا يا اخويا هو مش زي البنات!
~~(يظهر وجه سعاد غاضبا لكلام أمها.)
~~(الدادة تدخل.)

# الدادة
~~:

# والبنات ما لهم بس؟! دول البنات زينة البيت، دول حبايب أمهم
~~وأبوهم!

# الأب
~~:

# هو احنا قلنا حاجة يا أم علي، أمال فين سعاد؟

# الدادة
~~:

# سعاد في أودتها زعلانة.
~~(يظهر وجه سعاد وعليه الاهتمام والأمل.)

# الأب
~~:

# ليه؟

# الدادة
~~:

# عاوزة تروح المدرسة الثانوي.

# الأم
~~:

# أهو ده ناقص!

# الأب
~~:

# بقى الولد زعلان عشان رايح الثانوي والبنت زعلانة عشان مش
~~رايحة؟! والله دي الدنيا مشقلبة خالص!
~~(سعاد يبدو عليها الغضب.)

# الأم
~~:

# دي بنتك هي اللي عقلها مشقلب وعاوزة تبقى زي الولد!

# الدادة
~~:

# مشقلب ليه يا ست سنية؟ كل البنات بقوا بيروحوا الثانوي
~~والجامعة وبقوا ما شاء الله دكتورات ومهندسات ومفتشات
~~والفاتنات السابحات!

# الأب
~~(يضحك)
~~:

# ها ها! والله دمك خفيف يا أم علي طول عمرك.
~~(يبدو على وجه سعاد الغضب وتجز على شفتيها في
~~غيظ من أمها.)

# الأم
~~:

# اسكتي يا أم علي البنت كبرت وكلها سنة والا اثنين ونجوزها
~~ونطمن عليها ونستريح، وأنت عارفة أن توفيق ابن عمتها قايل
~~عليها من زمان.

# الدادة
~~:

# لا يا ست سنية لا! أنا مش معاكي أبدا! ms012
~~(يبدو على وجه سعاد البشر وتهز يدها في الجو
~~مشجعة الدادة دون أن تراها.)
~~(يبدو على الأم الغضب وتهز يديها في
~~يأس.)

# الأم
~~:

# اسكتي يا أم علي! حنبعت البنت مصر كمان؟! ولاد الحرام كتير!
~~نجوزها لابن عمتها وهو راجل طيب وكويس ويبقى زيتنا في
~~دقيقنا!

# الدادة
~~:

# لكن.
~~(يبدو على سعاد الضيق.)
~~(وتشد شعرها في غيظ.)

# الدادة
~~:

# وانت إيه رأيك يا سي زغلول؟

# الأم
~~:

# ما لكنش! بلا تعليم بلا وجع قلب. ما هو مسيرها للجواز تتجوز
~~وهي صغيرة أحسن ما تكبر وتبور!
~~(الدادة تنظر إلى الأب في استنجاد.)

# الدادة
~~:

# وانت إيه رأيك يا سي زغلول؟
~~(سعاد تقف منتظرة مرهفة السمع لما ينطقه
~~أبوها. الأب ينهض من جلسته قائلا):

# الأب
~~:

# والله هي أمها، وهي حرة فيها!
~~(يظهر على سعاد اليأس.)
~~(سعاد تجري وتلقي نفسها على السرير وتضرب
~~الوسادة في غيظ. تهز رأسها في ثورة. وتخبط رأسها في السرير
~~وتبكي.)
~~(تنهض بعد لحظة. تجفف دمعها ويظهر على وجهها
~~التحدي والقسوة. تكلم نفسها.)

# سعاد
~~:

# مش ممكن! مش ممكن اقعد في البيت! وإيه ده كمان اللي
~~حيجوزهولي اللي عامل زي زعزوعة القصب! مش ممكن حتجوزه! مش
~~ممكن. لازم أروح ثانوي! يا موت نفسي! أيوه، والله ماني عايشة
~~لهم! لازم أموت نفسي!
~~(تفكر لحظة وتنظر ناحية الدولاب.)

# أيوه! حاشرب إزازة الصبغة يود اللي في دولابي عشان الست ماما
~~تنبسط قوي! وكفاية عليها سي ماجد! يبقوا يجوزوه هو للأستاذ
~~توفيق!
~~(تجري سعاد إلى الدولاب وتخرج زجاجة صبغة
~~اليود. تدخل الدادة. سعاد تقف مذعورة. الدادة تفزع. سعاد تخفي
~~الزجاجة وراء ظهرها.)

# الدادة
~~:

# بتعملي إيه يا ست سعاد؟

# سعاد
~~(في تحد)
~~:

# ما فيش؟

# الدادة
~~:

# ما فيش إيه؟ وإيه ده اللي مخبياه ورا ضهرك؟
~~(الدادة تقترب من سعاد. سعاد تظهر لها
~~الزجاجة وتقول في ثورة):

# سعاد
~~:

# حاموت نفسي! أيوه! والله ماني عايشالهم! لازم أموت!
~~لازم!
~~(ترفع الزجاجة إلى فمها. الدادة تصرخ في فزع
~~وتجري نحوها. الأب والأخ يدخلون إليهما مهرولين فزعين؟!)
~~(موسيقى مناسبة.)

# تصوير
~~خارجي:

# منظر مكبر لجرس مدرسة كبير. ms013 يدق الجرس دقات متكررة.

# دقات الجرس.

# منظر فناء في مدرسة بنات. البنات سمعن الجرس فيجرين ويتجمعن في
~~طوابير. طابور منهم يسير ويدخل فصلا من الفصول. البنات يجلسن. سعاد
~~ترى جالسة في الفصل منتبهة جدا. زميلة إلى جوارها تلعب بصورة في
~~يدها. تظهر صورة رجل مكبرة.

# زميلة أخرى تضع على حجرها كتابا عنوانه: الحب الأول.

# صوت الراوية:

# وانتصرت على أمي، وعرفت أنني لا أستطيع أن أنال حقي إلا
~~بالقوة، وأصبح هدفي في حياتي أن أنجح لأصبح قوية وأثبت
~~لأمي أنني قوية.

# وفي المدرسة الثانوية الداخلية صممت على أن أكون في
~~المقدمة دائما. وكانت البنات من حولي يلعبن ويلعبن، لكني كنت
~~وحدي دائما، مع الكتاب!

# زميلة أخرى تأكل في آخر الفصل. المدرسة تشير إلى سعاد. سعاد تقف
~~وترد على سؤال المدرسة. المدرسة تصفق لها والبنات يصفقن
~~لها.

# الجرس يدق. منظر الجرس وهو يتحرك.

# منظر البنات وهن يجرين في الفناء ويلهون ويلعبن الكرة. الضابطة تمر
~~عليهن وتأمرهن بعدم القفز عاليا. يظهر على البنات الخوف من الضابطة.
~~الضابطة تسير بينهن تلقي عليهن الأوامر.

# الجرس يدق. منظر الجرس وهو يتحرك. البنات يقفن طوابير. الطوابير
~~تدخل المطعم. البنات يأكلن. الضابطة تمر عليهن وتلقي عليهن الأوامر
~~بشأن آداب الأكل.

# الجرس يدق، منظر الجرس وهو يتحرك.

# البنات يجرون ويصعدون إلى عنابر النوم.

# تصوير
~~داخلي:

# يظهر عنبر نوم في مدرسة بنات داخلية.

# تظهر أسرة كثيرة صغيرة. ودواليب صغيرة، بنات كثيرات. فتاة
~~تغني وحولها بعض البنات.

# صوت فتاة تغني أغنية مرحة. موسيقى.

# سعاد تجلس على سريرها تذاكر في كتاب الكيمياء. يظهر عنوان الكتاب
~~مكبرا. «الكيمياء».

# بنت أخرى تجلس على سريرها وإلى جوارها بنت أخرى تتهامسان وتضحكان
~~بصوت مكتوم. واحدة منهما تمسك كتابا، ويظهر عنوان الكتاب مكبرا،
~~الحياة الجنسية.

# ضحك مكتوم.

# فتاة ترقص أمام المرآة وحولها بعض البنات يضحكن ويرقصن.

# ضحكات. صراخ. تهليل بنات.

# تدخل الضابطة.

# البنات يجرين إلى الأسرة وكل واحدة تدخل في سريرها وتغطي رأسها
~~باللحاف. الضابطة تمر عليهن وتفتش على الأسرة وتكشف الغطاء عن رءوس
~~بعض البنات للتأكد ms014 أن كل بنت في سريرها وحدها. تخرج الضابطة.

# سعاد تخرج رأسها من تحت الغطاء من السرير وتمشي حافية على أطراف
~~أصابعها وتخرج إلى الشرفة.

# تظهر فوزية (زميلة سعاد) واقفة في الشرفة ومعها صورة. تظهر الصورة
~~مكبرة لشاب. فوزية تلتفت خلفها فترى سعاد.

# فوزية
~~:

# مين؟ سعاد؟

# سعاد
~~:

# أيوه يا فوزية.
~~(سعاد تقترب من فوزية وتقف إلى جوارها.)

# فوزية
~~(في سخرية)
~~:

# يا ترى إيه اللي مطير النوم من عنيكي؟

# سعاد
~~(في شرود)
~~:

# مش عارفة يا فوزية! كل ما احط راسي على المخدة أحس انها سخنة
~~وثقيلة! زي ما يكون فيها نمل!

# فوزية
~~(في سخرية)
~~:

# ده مش نمل!

# سعاد
~~:

# أمال إيه؟

# فوزية
~~:

# الفكر!

# سعاد
~~:

# أيوه صحيح.

# فوزية
~~:

# ومين بقى السعيد الحظ؟

# سعاد
~~:

# مش فاهمة. تقصدي إيه؟

# فوزية
~~:

# هي دي حاجة عاوزة فهم؟ هي نظرية فيثاغورس؟ دي حاجة طبيعية
~~خالص كل الناس عارفاها، واحدة تشوف واحد يقوم قلبها يدق! يدق!
~~يدق! وبعدين تيجي تنام ما تعرفش!

# سعاد
~~:

# لا والله فوزية. عمري ما قلبي دق لواحد.
~~(تظهر البنتان اللتان كانتا تمسكان بكتاب
~~الحياة الجنسية ومعهما الكتاب يقرآن ويضحكان.)

# فوزية
~~(في دهشة)
~~:

# مش معقول! توصلي للسن دي وقلبك ما دقش؟

# سعاد
~~:

# أصلي مش بفكر في الحاجات دي!

# فوزية
~~:

# أمال بتفكري في إيه؟ في أنشتين؟ طبعا الناس الأوائل اللي
~~زيك ما عندهمش وقت للحب.
~~(تظهر البنت التي معها كتاب «الحب الأول» تقرأ
~~فيه باهتمام شديد.)

# سعاد
~~:

# الحب؟

# فوزية
~~:

# أيوه الحب! والا أظن حتقولي لي عيب!

# سعاد
~~:

# لا، مش عيب ولا حاجة. بس أنا مش عارفة ليه عمري ما فكرت
~~فيه؟ عمري ما شغل بالي؟

# فوزية
~~:

# أمال اللي كان شاغل بالك؟

# سعاد
~~(شاردة)
~~:

# حاجات كثير.

# فوزية
~~:

# زي إيه؟

# سعاد
~~(شاردة)
~~:

# عاوزة أطلع ...

# فوزية
~~:

# الأولى؟

# سعاد
~~:

# لأ.

# فوزية
~~:

# تطلعي فيها؟

# سعاد
~~(في حماس)
~~:

# لا. عاوزة أطلع دكتورة! عاوزة انجح وأدخل الجامعة وأبقى حاجة
~~كبيرة خالص. زي الرجالة! وأحسن منهم كمان!

# فوزية
~~(تضحك ضحكات طويلة)
~~:

# ها ها هي! زي الرجالة! أتاريكي عاملالي راجل! لا يا أختي أنا
~~ما حبش أبقى ms015 زي الرجالة أبدا ! أنا أحب أبقى زي الستات!

# سعاد
~~:

# ستات! إخس!
~~(تظهر صورة فتاة في العنبر تقف أمام المرآة
~~تتحسس الفستان الضيق على جسدها وخصرها.)

# فوزية
~~:

# أصلك عبيطة. دي أحلى حاجة في الدنيا أن الواحدة تحس انها ست،
~~وست حلوة! وكل الرجال بيجروا وراها، وعاوزين ياكلوا منها
~~حتة!

# سعاد
~~:

# غريبة! وانتي يا فوزية كان فيه رجالة بيجروا وراكي؟

# فوزية
~~(في غرور)
~~:

# في أووهوه! كتير، كتير قوي! بالكوم. لكن أنا ما لقتش غير
~~واحد بس! زي القمر! بصي!

# سعاد
~~:

# ده شاب وجيه قوي!
~~(فوزية تعطي صورة الشاب لسعاد تتأملها
~~لحظة.)

# سعاد
~~:

# ده شاب وجيه قوي!
~~(فوزية تقبل الصورة في حب.)

# فوزية
~~:

# ياختي عليه! باموت فيه! أنا باعبده!

# سعاد
~~:

# وحتتجوزيه يا فوزية؟

# فوزية
~~:

# طبعا!

# سعاد
~~:

# غريبة!

# فوزية
~~:

# إيه اللي غريب؟ كل الناس بتتجوز!

# سعاد
~~:

# عمر الجواز ما كان هدف حياتي!

# فوزية
~~:

# أصلك عبيطة. ما جربتيش.

# سعاد
~~:

# إيه؟

# فوزية
~~:

# الحب! نار الحب! ساعتها تعرفي إن الراجل هو كل حاجة في
~~حياتك، وترمي الدكتوراة بتاعتك من الشباك وتركعي تحت رجليه
~~وتقولي له (فوزية تركع على ركبتيها في مشهد تمثيلي للغرام):
~~إنت حياتي، وما ليش حياة من غيرك!

# سعاد
~~(تضحك)
~~:

# ده يظهر واخد عقلك خالص! يا ترى بيحبك زي ما بتحبيه؟

# فوزية
~~:

# بيحبني؟ ده بيموت في!

# تعالي! تعالي اقرأ لك جواباته اللي كلها حب وغرام وهيام.
~~تعالي.
~~(فوزية تشد سعاد من ذراعها إلى داخل العنبر
~~وهي تقول. يدخلان العنبر.)
~~(سعاد تذهب إلى سريرها. فوزية تخرج من دولابها
~~رزمة جوابات زرقاء وتجري على أطراف أصابعها وتدخل في السرير بجوار
~~سعاد. تمد يدها وتضيء نور السرير وتقرأ لها الخطابات في
~~همس.)

# فوزية
~~:

# اسمعي يا ستي. ده أول جواب. حبيبتي فوفو. حياتي وروحي
~~و...
~~(تسمع أقدام الضابطة. يبدو الذعر على فوزية
~~وسعاد.)

# فوزية
~~:

# يا خبر اسود! دي أبلة فهيمة!

# سعاد
~~:

# اطفي النور!
~~(فوزية تمد يدها وتطفئ النور.)
~~(وتدخل في السرير بجوار سعاد. تغطيان
~~رأسيهما.)
~~(الضابطة تدخل. تضيء النور. تفتش كعادتها على
~~البنات في أسرتهن.)
~~(يأتي دور سرير سعاد. ms016 تكشف الغطاء عنها . ترى
~~فوزية نائمة إلى جوارها في السرير. تبدو الدهشة على وجه
~~الضابطة.)

# الضابطة
~~:

# عال خالص! عال خالص! إيه اللي مخليكم تناموا في سرير
~~واحد؟
~~(البنات يخرجن رءوسهن من تحت الأغطية على صوت
~~الضابطة.)
~~(فوزية وسعاد مضطربتان. لا تردان على
~~الضابطة.)

# الضابطة
~~:

# اتكلموا! انطقوا!

# فوزية
~~(في خوف)
~~:

# أصلي، أصلي، أصلي يا أبلة سمعت خربشة في البلكونة.

# حسيت إني خايفة يا أبلة.
~~(البنات يضحكن بصوت مكتوم.)
~~(البنات يضحكن بصوت عال.)

# الضابطة
~~(في غضب)
~~:

# خربشة!

# الضابطة
~~(تلتفت إلى فوزية)
~~:

# اخرسي يا بنت انت وهي! خربشة إيه يا ست فوزية؟

# فوزية
~~:

# أيوه خربشة والله يا أبلة.

# الضابطة
~~(تلتفت إلى سعاد)
~~:

# ده كلام ما يدخلش عقلي.

# وانتي؟ إنتي كمان يا سعاد اللي فاكرينك بنت كويسة؟
~~(البنات يضحكن.)

# سعاد
~~:

# أيوه يا أبلة سمعنا خربشة.

# الضابطة
~~:

# اخرسي! مش عاوزة اسمع كلمة خربشة دي تاني!

# فوزية
~~:

# والله يا أبلة ما كنا بنعمل حاجة في السرير!
~~(البنات يضحكن بشدة.)

# الضابطة
~~:

# أمال يعني نايمين سوا ليه؟ أنا عارفاكي يا فوزية وعارفة انك
~~بنت مستهترة وأخلاقك مش كويسة. وطبعا أثرت على سعاد وخلتيها
~~زيك.

# بكرة الصبح ان شاء الله انتم الاثنين تيجوا معايا لحضرة
~~الناظرة.

# ودلوقت كل واحدة تروح سريرها ... بسرعة! يالله! بلا مسخرة وقلة
~~حيا!
~~(كل بنت تذهب إلى سريرها.)
~~(الضابطة تمر عليهم في صرامة. تطفئ النور
~~وتخرج.)

# تصوير
~~داخلي:

# حجرة مكتب حضرة الناظرة. الناظرة امرأة صارمة عانس. تجلس على مكتبها
~~وتجلس على كرسي إلى جوارها أبلة ليلى مدرسة الرسم تتحدثان حول
~~الموضوع.

# الناظرة
~~:

# البنات في السن دي عاوزين شدة، العقاب لازم يبقى شديد! ثم إن
~~البنت الفاسدة لازم تنفصل وإلا تفسد بقية البنات. لما تلاقي
~~يا ست ليلى تفاحة فاسدة وسط قفص تفاح سليم، تعملي إيه؟ مش ترمي
~~التفاحة الفاسدة في الشارع علشان تحافظي على الباقي؟

# أبلة ليلى
~~:

# لا يا أبلة. أنا آخد التفاحة الفاسدة من القفص وأشوف الحتة
~~الفاسدة فين وأقطعها. وبعد كده تفضل بقية التفاحة سليمة وممكن
~~آكلها واستفيد بيها. كذلك البنت اللي تغلط. ms017 أحاول أعالجها
~~وأصلحها بدل ما افصلها واضيع مستقبلها.

# الناظرة
~~:

# لا يا ست ليلى! ده كلام نظري. أنا بقى لي عشرين سنة ناظرة
~~وعاجنة البنات وخابزاهم. البنت الفاسدة فاسدة ولا يمكن تتصلح
~~أبدا.
~~(تدخل الضابطة تجر سعاد وفوزية.)

# الضابطة
~~:

# عشرين سنة إيه يا أبلة؟ مش عارفة أبلة مفيدة دايما تحب
~~تكبر نفسها مع إنها لسة في عز شبابها؟

# الناظرة
~~:

# شباب إيه يا بت؟ أنا متهيألي إنه خلاص قرب يروح.
~~(الناظرة تضحك في سعادة.)

# الضابطة
~~:

# يروح؟ يروح إيه كفى الله الشر! ده لسة ولسة ولسة!
~~(الناظرة تضحك في سعادة ضحكة طويلة، ثم تلتقي
~~عيناها فجأة بعيني فوزية وسعاد الواقفتين بباب الحجرة. تتقلص
~~ملامحها الضاحكة بسرعة ويرتسم على وجهها تكشيرة مخيفة.)

# الناظرة
~~(في صرامة)
~~:

# هم دول البنات بتوع فضيحة ليلة امبارح؟ اللي ضبطتيهم في سرير
~~واحد يا ست فهيمة؟

# الضابطة
~~:

# أيوه يا أبلة.
~~(الناظرة تشير إلى فوزية بإصبعها.)

# الناظرة
~~(في شدة)
~~:

# تعالي هنا يا بنت! تقدري تقوليلي يعني إيه بنتين في سرير
~~واحد بالليل؟

# فوزية
~~(خائفة)
~~:

# ولا حاجة يا أبلة. أنا سمعت ...

# الناظرة
~~:

# بس اخرسي! الحجج الفاضية اللي اخترعتوها!
~~(الناظرة تنظر إلى سعاد.)

# الناظرة
~~:

# وانتي كمان يا سعاد؟ البنت اللي دايما الأولى تعمل كده؟ لكن
~~والله أنا عمري ما حسيت إنك بنت كويسة ... طول عمري باشوف
~~الشراسة في عنيكي!

# أبلة ليلى
~~:

# لا يا أبلة مفيدة، سعاد تلميذتي من سنين، دي مش شراسة اللي
~~في عينيها، ده ذكاء وحيوية.

# الناظرة
~~:

# ذكاء! وهي البنت الذكية تعمل الأعمال الدنيئة دي؟

# سعاد
~~(في غضب)
~~:

# أنا ما عملتش حاجة دنيئة!

# الناظرة
~~:

# بس اخرسي؟
~~(تلتفت الناظرة إلى الضابطة.)

# الناظرة
~~:

# يا ست فهيمة، فوزية دي معروف عنها إنها بنت مش مؤدبة، عشان
~~كده أنا قررت فصلها نهائي من المدرسة.

# وإنما سعاد فحديها فرصة أخيره عشان دي أول غلطة لها.
~~اخصمي منها يا ست فهيمة عشر نمر أخلاق من نمرة الفترة
~~الثانية.
~~(سعاد يبدو على وجهها الألم والحزن، فوزية يبدو
~~على وجهها الفرح.)

# الضابطة
~~:

# حاضر يا أبلة.
~~(الضابطة تسوق سعاد وفوزية ms018 أمامها كالمتهمين في 
~~جريمة.)
~~(تخرج وراءها أبلة ليلى.)
~~(الفراشة تدخل.)

# الفراشة
~~:

# ست مفيدة.

# الناظرة
~~:

# أيوه.

# الفراشة
~~:

# الأستاذ رمزي بره. عاوز سيادتك في كلمة صغيرة.

# الناظرة
~~:

# خليه يستنى شوية.

# الفراشة
~~:

# حاضر يا ست الناظرة.
~~(الناظرة تقف وتذهب إلى مرآة في الحائط. تنظر
~~إلى نفسها. تصفف شعرها. تخرج قلم الروج من حقيبتها وتطلي شفتيها
~~اليابستين. تجلس في وقار على المكتب.)
~~(تدق الجرس. تدخل الفراشة.)

# الناظرة
~~:

# خلي الأستاذ رمزي يتفضل.

# الفراشة
~~:

# حاضر يا ست الناظرة.

# تصوير
~~داخلي:

# سعاد تقف في شرفة العنبر التي تطل على حديقة المدرسة. الدنيا ليل.
~~سعاد تتطلع إلى السماء شاردة تفكر. تتمشى في الشرفة وحدها وهي
~~وحيدة تفكر. تقف وتتكئ بمرفقها على سور الشرفة، وتنظر تحت حديقة
~~المدرسة. تبدو الدهشة والذعر على وجه سعاد.

# تصوير
~~خارجي:

# تظهر الضابطة وهي تمشي بحذر في الحديقة في الظلام. وتتلفت حولها
~~حتى لا يراها أحد. تسرع الخطى نحو شاب يقف خلف شجرة صغيرة. الشاب
~~يقترب منها، ويعانقها، ويلف ذراعيه حول خصرها.

# تصوير
~~داخلي:

# وجه سعاد يظهر مكبرا وقد ارتسم عليه الذعر والدهشة. تتسمر في
~~مكانها لحظة، ثم تدخل مسرعة إلى العنبر.

# العنبر مليء بالصخب والعناق وقبلات الوداع؛ فالليلة هي آخر ليلة
~~للبنات في المدرسة وقد أدين امتحان التوجيهية وبدأت إجازة
~~الصيف.

# واحدة تجهز حقيبتها وتدس فيها ملابسها من الدولاب.

# واحدة تكتب في أوتوجراف أخرى.

# واحدة تهدي صورتها للأخرى.

# واحدة تكتب عنوانها للأخرى.

# واحدة تعانق الأخرى وتقبلها، وتبكي. واحدة تضحك.

# صخب. ضحك. بكاء. وداع.

# سعاد تدخل إلى العنبر شاردة وحدها تفكر. تذهب إلى المرآة. وتقف
~~أمامها.

# فتاة أخرى تقف أمام المرآة ترتدي ملابسها. يظهر صدرها من فتحة
~~الفستان.

# وتشد الحزام على خصرها.

# سعاد تنظر إلى نفسها وإلى الفتاة وترى الفرق بينها وبين الفتاة
~~كبيرا.

# صورة مكبرة لشعر سعاد المنكوش وشعر الفتاة المصفف
~~عاليا.

# صوت الراوية:

# كنت أحس أنني أختلف عن البنات. ملابسي غير ملابسهن. وشعري
~~غير شعرهن. وحذائي غير حذائهن.

# نعم، لم أكن مثل البنات. كنت أحاول أن أخفي مظاهر
~~أنوثتي.

# صورة مكبرة لصدر ms019 الفتاة البارز من الفستان وصورة مكبرة لصدر
~~سعاد وهي تبططه تحت فستان مقفول حشمة له زراير مغلقة. صورة
~~مكبرة لقدمي الفتاة في حذاء بكعب عال.

# صورة مكبرة لقدمي سعاد في حذاء منخفض. الفتاة تتحسس جسدها في
~~إعجاب. عينا سعاد مكبرتان تنظران إليها. يدا الفتاة مكبرتان على
~~خصرها.

# الفتاة تنتهي من اللبس وتجري إلى باقي البنات.

# سعاد تقف وحدها أمام المرآة. صورة مكبرة لكتفيها وصدرها.

# تمد يدها المرتعشة، وتفك بعض أزرار فستانها، وتخرج كتفا من
~~كتفها.

# تظهر أمامها مرة أخرى صورة الضابطة والشاب يحوطها بذراعيه
~~ويقبلها من شفتيها قبلة طويلة.

# سعاد
~~:

# لماذا؟ لم أكن أدري، ولكني كنت أخجل من نهدي وقد أخذا
~~يكبران فوق صدري فأخفيهما وأبططهما! ... لماذا كنت أخجل من
~~أنوثتي؟ لم أكن أدري. لكني كلما كنت أنظر إلى نفسي وأتأملها
~~أكثر وأكثر أجد في أعماقي شيئا يشبه البنات. وأجد في قلبي
~~حنينا إلى الحب يشبه حنينهن! وكأنما اكتشفت داخل نفسي واحدة
~~أخرى غيري. سعاد أخرى غير تلك التي تقف أمام المرآة ويشبه
~~مظهرها مظهر الصبيان. سعاد أخرى تشبه البنات وتحن إلى
~~الرجل!

# اهتزت أعماقي للكلمة.

# لا! لا! لست مثل الفتيات! لا أومن بشيء اسمه الرجل!

# لن أكون كالبنات! لن أستقبل أنوثتي! لن أصادق طبيعتي! سأثور
~~عليها!

# سأحطمها! سأكون شيئا آخر غير البنات. لن أعيش حياة أمي!
~~لن أتزوج! لن أكون أنثى وسط ملايين الإناث!

# إن القطط والأرانب تتزوج وتنجب.
~~(تظهر صورة مكبرة لأصابعها وهي ترتعش
~~وتلمس كتفها العاري.)
~~(يظهر وجه سعاد وهي تنتبه إلى نفسها
~~فتغلق أزرار الفستان وتقف أمام المرآة وتفكر. في عينيها
~~نظرة قوة وتحد!)
~~(تدخل الناظرة إلى العنبر. يهدأ العنبر
~~فجأة وتسكت كل البنات.)
~~(تتجه الناظرة إلى سعاد في صرامة وتعطيها
~~ورقة مطوية (خطابا).)
~~(تنظر الناظرة إلى البنات، ثم تستدير
~~وتخرج من العنبر.)
~~(سعاد تفتح الورقة وتقرؤها ثم تصرخ بصوت
~~عال):

# مش معقول! مش معقول!





# | الصورة الممزقة (2)




# تصوير
~~داخلي:
~~(الجزء الأخير من الحلقة السابقة.)

# سعاد تقف وحدها أمام المرآة في عنبر النوم في المدرسة الداخلية. يظهر ms020
~~صدرها وكتفاها وقد ارتدت فستان حشمة مغلقا من أمام بأزرار حتى أسفل
~~الرقبة.

# صورة مكبرة لكتفيها وصدرها. صورة مكبرة ليدها وهي ترتفع من
~~جوارها وتمتد مرتعشة وتفك بعض أزرار صدر الفستان وتخرج كتفا من
~~كتفيها، وتتأملها. تظهر أمامها مرة أخرى صورة الضابطة والشاب
~~يحوطها بذراعيه ويقبلها من شفتيها قبلة طويلة.

# تظهر صورة مكبرة لأصابعها وهي ترتعش وتلمس كتفها العاري.

# يظهر وجه سعاد وهي تنتبه إلى نفسها فتغلق أزرار الفستان وتقف أمام
~~المرآة تفكر. في عينيها نظرة قوة وتحد!

# تدخل الناظرة إلى العنبر. تهدأ البنات فجأة. تتجه الناظرة إلى سعاد
~~في صرامة وتعطيها ورقة مطوية (خطابا). تنظر الناظرة إلى البنات ثم
~~تستدير وتخرج من العنبر.

# سعاد تفتح الورقة وتقرؤها بسرعة ثم تصرخ بصوت عال.

# صوت الراوية:

# لماذا كنت أخجل من مظاهر أنوثتي؟ لم أكن أدري. لكني كنت
~~كلما نظرت إلى نفسي وأتأملها أكثر وأكثر أجد في أعماقي شيئا
~~يشبه البنات، وأجد في قلبي حنينا إلى الحب يشبه
~~حنينهن!

# وكأنما اكتشفت داخل نفسي واحدة أخرى غيري! سعاد أخرى غير
~~تلك التي تقف أمام المرآة وتشبه البنات وتحن إلى
~~الرجل!

# لا! لن أكون كالفتيات! لن أومن بشيء اسمه رجل!

# لن أستقبل أنوثتي! سأثور عليها!

# سأحطمها!

# لن أعيش حياة أمي! لن أتزوج!

# سأصنع في حياتي حياة كبيرة لم تعشها امرأة من
~~قبلي!

# سعاد
~~:

# مش معقول! مش معقول!
~~(زغرودة عالية.)

# تصوير
~~داخلي:

# صورة مكبرة لفم مكبر يزغرد.

# تظهر الصالة في بيت أسرة سعاد.

# شبه حفلة في بيت أسرة سعاد. الأم تجلس وسط الضيوف. الأخ جالس وتوفيق
~~ابن عمتها العريس جالس (شاب نحيل عادي) والأب جالس. الدادة أم علي تروح
~~وتجيء. الكل مشغول بالضيوف. صخب. حركة. صخب. زغاريد.

# تصوير
~~داخلي:

# حجرة نوم سعاد. سعاد على سريرها تبكي. ترفع وجهها من فوق الوسادة.
~~يبدو على وجهها الإصرار والغضب. الدادة تدخل. تتحدث معها وتلاطفها.
~~سعاد تهز رأسها ويديها في ثورة وغضب. الدادة تخرج.

# يدخل الأب. يحاول إقناع سعاد. سعاد ترفض. تحاول أن تقنعه
~~برأيها. تثور. وتبكي.

# الأب يربت ms021 عليها في حنان . الأم تدخل. تحاول إقناع سعاد بالشدة
~~بالخروج لمقابلة العريس.

# سعاد ترفض بشدة.

# الأم تثور أيضا.

# الأب يأخذ الأم من يديها ويخرجان إلى الصالة. يبتعدان عن صخب الضيوف
~~ويقفان يتكلمان.

# الأب
~~:

# سيبيها يا سنية هي حرة.

# الأم
~~:

# يعني إيه حرة يا زغلول؟

# الأب
~~:

# حرة يعني حرة! هي مش عاوزة تتجوز توفيق!

# بتكرهه! مش بتحبه؟
~~(الدادة ترى الأب والأم يتكلمان.)
~~(فتدخل مسرعة تطمئن سعاد.)

# الأم
~~:

# ما له توفيق؟ ده شاب ممتاز.

# الأب
~~:

# والله هي رأيها مش كده. وهي اللي حتجوزه مش انت!
~~(سعاد تقف على باب حجرتها تتسمع كلامهما. تقف
~~معها الدادة تسمع أيضا.)
~~(يظهر وجه سعاد متهللا وكذلك الدادة.)

# الأم
~~:

# لكن ليه مش عاجبها؟ أيوه! لازم عرفت واحد في مصر! أنا مش قلت
~~لك البنت نحكمها؟

# الأب
~~:

# سعاد مش بتاعة الكلام ده. هو لازم يبقى فيه حد تاني ما دام
~~توفيق مش عاجبها؟

# الأم
~~:

# أمال إيه يعني اللي مالي دماغها ما دام ما فيش راجل
~~تاني؟

# الأب
~~:

# دماغها مليانه علم. مليانه طموح. هي عاوزة تدخل الطب وتبقى
~~دكتورة! وواحد زي توفيق مش ممكن يرضي واحدة زي سعاد.
~~(يظهر وجه العريس توفيق وهو جالس. وجه نحيل
~~غبي.)
~~(تبدو عليه البلادة.)
~~(سعاد تقفز من الفرح في حجرتها وتبتسم في
~~سعادة.)
~~(الأم تنظر ناحية توفيق.)
~~(الأب يقفز ناحية توفيق. توفيق يقف. الأب يمسكه
~~من يده ويأخذه إلى حجرة جانبية.)

# الدادة
~~:

# يسلم بقك. والنبي كلامك شهد!

# الأم
~~:

# شهد إيه يا أم علي؟ إنتم عاوزين تميلوا بخت البت. دي عمرها
~~بقي سبعتاشر سنة وبكرة تكبر وما فيش راجل يبصلها؟

# الدادة
~~:

# بكرة لما تبقى دكتورة مليون راجل يترمي تحت رجليها. وعلى
~~الأقل يا ست سنية تعالجنا ببلاش ... وتعالجلي ركبي اللي دايما
~~وجعاني.

# الأم
~~(تكلم الأب)
~~:

# ما ليش دعوة يا زغلول بالبنت. أهو انت أبوها وحر فيها. اوعي
~~يا زغلول تلوموني أنا. توديها الجامعة وتخليها تقعد جنب
~~الرجالة انت حر. أنا عملت اللي علي. لكن أقول إيه لتوفيق
~~دلوقت؟ أقوله بنتنا ممشية كلامها علينا؟

# الأب ms022
~~:

# ما تقوليش له انت حاجة. أنا اللي حقوله. خليكي انت يا
~~سنية.
~~(الأب يمسكه من يده. ويأخذه إلى حجرة
~~جانبية.)

# تصوير
~~خارجي:

# تظهر جموع الطلبة والطلبات وهم يحملون حقائبهم ويسيرون في شارع
~~الجامعة متجهين نحو الجامعة.

# سعاد (بدون ضفائر وقد قصت شعرها وبدت فتاة ناضجة).

# تسير في شارع الجامعة بنشاط متجهة نحو الجامعة.

# صوت الراوية:

# فرحت بحياتي الجديدة في الجامعة. شعرت أنني أخرج من عالمي
~~الضيق الحدود إلى عالم واسع كبير.

# يظهر على باب الجامعة بعض ضباط البوليس والجنود وهم يفتشون الطلبة
~~وينظرون في بطاقاتهم وكارنيهاتهم. الضابط ينظر في كارنيه سعاد
~~ويقارنه بين وجهها وبين صورتها في الكارنيه.

# سعاد
~~:

# وشعرت برهبة أول الأمر. لكن سرعان ما تعودت هذه
~~الحياة الجديدة. وكان كل شيء في هذه الحياة جميلا شيقا إلا
~~ذلك الضابط الكئيب الذي ينظر إلى وجهي ثم إلى صورتي في
~~الكارنية كأنني واحدة من المشبوهين.
~~(سعاد تنظر إليه شذرا، ثم تدخل
~~الجامعة.)

# ومنظر هؤلاء الجنود الذين يحيطون بالجامعة وكأنها سجن حربي
~~عتيد. وأحببت العلوم. وبدأت افتح عيني على عالم كبير ليس له
~~حدود. عالم الطب. ذلك العلم الغريب. الذي يجمع بين الرحمة
~~والقسوة. بين الراحة والعذاب. بين الابتسام والأنين.
~~(تظهر سعاد وهي تجلس في المدرج وسط الطلبة
~~منتبهة للمحاضر جدا. صورة مكبرة لسعاد وهي تجلس تكتب
~~باهتمام وإلى جوارها شاب يختلس النظر إليها وهي لا تشعر
~~به.)
~~(صورة مكبرة لوجه سعاد وهي تشرح
~~ضفدعة، ثم يظهر وجهها ويبدو عليها الاهتمام والتألم.)

# كان عقلي يفكر لكن قلبي كان يتألم لكل قطع أضعه
~~بمشرطي، ولكل أنة مريض تصل إلى أذني.
~~(تظهر سعاد وهي تجلس إلى جوار هيكل بشري
~~كامل معلق على حامل تتحسسه بأصابعها.)

# كنت أفكر. وكنت أتألم.

# وكنت من خلال أفكاري وآلامي أحس أنني أكبر وأكبر
~~وأكبر.

# ومرت السنوات وأنا أعيش في عالم الطب العميق، وحولي رجال،
~~رجال كثيرون يجلسون إلى جواري ويتحدثون إلي. لكني لم أكن
~~أشعر أنهم رجال. لماذا؟ لم أكن أدري.
~~(صورة مكبرة ليدي سعاد وهي تمسك
~~بالسماعة ms023 وتضعها على صدر مريض. يظهر من حولها الطلبة
~~والطالبات والأستاذ في درس على أحد المرضى بالمستشفى. يبدو
~~على وجه سعاد الألم.)
~~(صورة مكبرة للطالبات وكلهن يلبسن
~~الكعوب العالية. صورة مكبرة لحذاء سعاد المنخفض.)
~~(صورة مكبرة لأقدام الطالبات بالكعوب
~~العالية وهن يمشين في استرخاء ودلال. قدما سعاد تمشيان بسرعة
~~في نشاط واستقامة.)

# لم أقف مرة واحدة أمام المرآة لأتطلع إلى سعاد الأخرى
~~الكامنة في أعماقي. لم أدر لماذا. ولم أفكر في أن أسأل نفسي
~~لماذا.

# تصوير
~~داخلي:

# يظهر مدرج من مدرجات كلية الطب. الطلبة والطالبات جالسون
~~يستمعون.

# مكتوب على السبورة اسم محمود زكي زعيم الطلبة. محمود (البطل) يقف
~~مكان الأستاذ على المنصة يتكلم. طالب يمر على الطلبة والطالبات
~~يوزع مجلة اسمها «الأبطال».

# سعاد تفتح المجلة وتقرأ اسم محمود زكي - رئيس التحرير. سعاد تقلب
~~المجلة ثم تنظر إلى محمود وهو يتكلم. وتستمع في اهتمام إلى
~~محمود.

# محمود ينتهي من كلمته. الكل يصفق له في إعجاب وحماس. سعاد تصفق
~~أيضا.

# محمود ينظر من فوق المنصة بين تصفيق الطلبة ويتجه نحو مقعده في
~~المدرج.

# يمر بسعاد وهو يصعد سلالم المدرج. عيناهما تلتقيان أولا.

# موسيقى مناسبة.

# صورة مكبرة لعيني محمود تنظران إليها في دهشة. محمود يقف أمامها
~~لحظة. ثم يسير مرة أخرى متجها إلى مقعده في آخر صف المدرج إلى جوار
~~زميله سعد.

# سعد يلتفت.

# محمود
~~:

# مين الطالبة دي؟

# سعد
~~:

# أنهيه؟
~~(محمود يشير ناحية سعاد.)

# سعد
~~:

# دي سعاد زغلول يا أخي. إزاي ما تعرفهاش؟

# محمود
~~:

# أول مرة اشوفها.
~~(الطلبة والطالبات يخرجون من المدرج
~~تدريجيا.)

# سعد
~~:

# أصلك مش بتيجي الكلية كتير يا محمود.

# محمود
~~:

# إنت تعرفها يا سعد؟

# سعد
~~:

# باسمع عنها بس. بيقولوا انها شاطرة قوي في الدروس طبعا.
~~بطلة التنس في الكلية. دي بنت غريبة خالص.

# محمود
~~:

# غريبة ازاي؟
~~(يظهر وجه سعاد وهي تجلس منهمكة. صورة مكبرة
~~لعينيها.)

# سعد
~~:

# مش زي بقية البنات. لكن انت ليه مهتم بيها كده؟

# محمود
~~:

# مش عارف! عينيها فيها حاجة غريبة.

# سعد
~~:

# عينيها؟ ما تبطل خيال بقى يا أخي. خيالك ms024 ده اللي حيودينا في
~~داهية.

# محمود
~~:

# ليه داهية؟

# سعد
~~:

# حضرتك متخيل إنك بطل. وإني كمان بطل. وعاوز ترمينا في حرب
~~القنال.

# محمود
~~:

# حنرجع نخاف تاني.
~~(المدرج أصبح خاليا إلا من محمود
~~وسعد.)

# سعد
~~:

# وما نخافش ليه؟ اشمعنى أنا اللي حدافع عن الوطن. هو الوطن
~~بتاعي أنا بس؟

# محمود
~~:

# يعني مش حتروح معانا القنال؟

# سعد
~~:

# لا حروح طبعا.
~~(محمود يضرب كفا بكف.)
~~(سعد يأخذ حافظة كتبه ويقف.)

# محمود
~~:

# على فين؟

# سعد
~~:

# رايح البوفية. تيجي؟

# محمود
~~:

# لأ، أنا قاعد شويه.
~~(سعد يخرج من المدرج.)
~~(محمود يجلس وحده شاردا. يقف وينزل سلالم
~~المدرج. يصل السبورة. يرى اسمه مكتوبا عليها. محمود زكي زعيم
~~الطلبة. يتأمل اسمه لحظة. ينظر إلى الأرض. يرى نسخة من مجلة
~~الأبطال على الأرض ويلتقطها من فوق الأرض، وينفض عنها التراب.
~~يفتحها على المقال الذي باسمه. محمود زكي. يبتسم لنفسه في هدوء.
~~يضع المجلة على منضدة الأستاذ. ويهم بالخروج من المدرج. تدخل
~~سعاد فجأة. ترى محمود فتقف مندهشة لحظة.)

# محمود
~~:

# اتفضلي يا سعاد. فيه محاضرة دلوقت؟

# سعاد
~~(في حياء)
~~:

# أيوه يا دكتور محمود. محاضرة الرمد.

# محمود
~~(ضاحكا)
~~:

# دكتور محمود؟

# سعاد
~~(باسمة)
~~:

# مش انتم بتنادوا بعض كده من أول يوم تدخلوا الكلية؟
~~(سعاد تجلس. محمود يقف بجوارها.)

# محمود
~~:

# ده صحيح. لكن مش عارف ليه دايما باحس أن اللقب ده غريب علي.
~~زي ما يكون بدلة مش بتاعتي.
~~(لحظة صمت.)

# سعاد
~~:

# ضيقة والا واسعة؟

# محمود
~~:

# لا ضيقة ولا واسعة. إنما شكلها غريب. مش بتاعتي أنا.

# سعاد
~~:

# جايز لأنك حاسس ان مش كفاية انك تبقى دكتور زي كل
~~الطلبة.
~~(محمود ينظر في عينيها طويلا.)

# محمود
~~:

# مش عارف.
~~(يدخل الطلبة والطلبات لحضور محاضرة الرمد
~~مندفعين. يدخل الأستاذ. محمود يخرج من المدرج. الطلبة والطالبات
~~يفتحون الكشاكيل ويمسكون الأقلام وينتبهون إلى الأستاذ.)
~~(الأستاذ يمسك بقطعة من الطباشير بأطراف
~~أصابعه ويستدير إلى السبورة. يرى اسم محمود زكي مكتوبا عليها.
~~فينظر إليه شزرا ثم يمسحه وينفخ في اشمئزاز الطباشير من يده
~~وبدلته. يكتب على السبورة موضوع المحاضرة باللغة
~~الإنجليزية.) ms025
~~(Detachement Of The
~~Retina.)
~~(انفصال شبكية العين .)
~~(ويضع على المكتب الذي أمامه عين إنسان مكبرة
~~من الجبس.)
~~(يخرج من جيبه ورقة ويبدأ يقرأ منها. الطلبة
~~والطالبات يكتبون. سعاد تجلس شاردة. عيناها تتعلقان باسم محمود زكي
~~المطبوع في المجلة التي في يدها. تحاول أن تقرأ بعض السطور من
~~مقاله. تنظر إلى الأستاذ، ثم إلى العين التي على المكتب أمامه.
~~تظهر عينا محمود مكان العين الحجرية. تنظر إلى الأستاذ. يظهر محمود
~~واقفا أمامها مكانه يخطب والطلبة يصفقون له. سعاد تتنبه إلى
~~نفسها فيظهر الأستاذ أمامها يقرأ المحاضرة. تمسك القلم وتنهمك
~~كالطلبة في كتابة المحاضرة.)

# تصوير
~~داخلي:

# حجرة نوم محمود في بيته. الحجرة تحتوي على مكتب أيضا. في الحجرة
~~المجاورة له يسمع صوت ماكينة خياطة تدور. محمود يجلس على مكتبه وأمامه
~~عدد كبير من المجلات والأوراق والأقلام.

# أمامه مجلة الأبطال وقد فتح الصفحة عند المقال الذي يذيل
~~بإمضاء.

# محمود زكي.

# محمود يقرأ اسمه وينظر إليه بإمعان. يكتب بجوار كلمة محمود زكي كلمة
~~دكتور، ثم يشطبها، ثم يكتبها.

# يكتب كلمة سعاد.

# تصوير
~~داخلي:

# تظهر قدما امرأة وهي تحرك ماكينة خياطة. ثم تظهر أم محمود وهي
~~تشتغل على ماكينة الخياطة وإلى جوارها تجلس أخت محمود (عزيزة) الخرساء.
~~تشتغل بالإبرة بعض الخياطات.

# الأم تتوقف لحظة عن الخياطة وتفكر وتضع رأسها بين يديها من التعب
~~والإرهاق، ثم تقف وتسير إلى حجرة محمود.

# تدخل الأم فتجد محمود جالسا على المكتب وأمامه المجلات.

# الأم تتنهد من الحسرة.

# الأم
~~:

# هو انت مش حتبطل شغل السياسة وشغل المجلات ده بقى؟ ابن عمك
~~عبد العال، الواد ابن امبارح، اتخرج من الحقوق وبقى وكيل نيابة
~~أد الدنيا. وانت مضيع وقتك في الكلام الفارغ ده؟

# محمود
~~:

# هو انتي بتسمي الوطنية كلام فارغ يا ماما؟

# الأم
~~:

# وطنية إيه وكفاح إيه يا خويا؟ إنت حتطلع دكتور ولا حتطلع
~~ضابط بوليس ولا جيش؟ هم بيعلموك في كلية الطب ازاي تعالجوا
~~العيانين والا ازاي تحاربوا؟

# محمود
~~:

# لا دي ولا دي!
~~(تدخل الأخت الخرساء وتضع فنجان الشاي على مكتب ms026
~~محمود. يظهر وجهها وهي تنظر إليه في حب وعطف. محمود يبتسم لها
~~ويشكرها بإشارة بأن يضع يده على صدره وينحني في تحية
~~باسما.)
~~(وجه الأخت الخرساء يبدو سعيدا وترد عليه
~~التحية برأسها ويديها.)

# الأم
~~:

# أمال بيعلموكوا إيه يا خويا؟

# محمود
~~:

# بيعلمونا ازاي نكشف على جيوب العيانين وننفضها؟

# الأم
~~:

# اسكت يا خويا اسكت وانت طالع خايب زي المرحوم ابوك. كان برضه
~~ماسكلي حكاية الناس الفقرا والناس الغلابة لما ضيع فلوس أطيانه
~~كلها على ما فيش! يضمن ده! ويفك أزمة ده! ويسلف ده! ومش عارف
~~إيه ده! لما بقينا على الحديدة. ومات وهو مش لاقي حد يقولوا
~~انت فين!
~~(وجه الأخت الخرساء يظهر وكأنها تفهم الكلام.
~~يبدو على ملامحها الألم والحزن.)
~~(محمود يكتب على الورقة التي يكتب فيها دون أن
~~يرفع رأسه.)

# الأم
~~:

# كنت لسة يا دوب بتمشي وعزيزة اختك كانت على كتفي! وكنت أنا
~~شابة صغيرة. وياما زنوا على دماغي عشان اتجوز قلت مستحيل
~~محمود وعزيزة بالدنيا!
~~(وجه عزيزة يبدو متألما. وتقوم وتعطي محمود
~~كوب الشاي. محمود يأخذ ويشرب منه رشفه ثم يضعه.)

# الأم
~~:

# ده لو واحد غيرك يا محمود وشايف شقايه من يوم موت ابوك عشان
~~ما اقصرش في حاجة من ناحيتك انت واختك. كان اشتغل
~~واتجدعن!
~~(محمود يبدو على وجهه الغضب والألم.)

# محمود
~~:

# كفايا يا ماما! كفاية! الكلام ده بيمسني! بيعذبني!
~~(الأخت يبدو عليها الألم الشديد والدموع تظهر
~~في عينيها.)

# الأم
~~:

# أنا خلاص تعبت. وحاسة ان آخرتي قربت. لازم تفوق لنفسك
~~ومستقبلك. واختك عزيزة مش حيبقى لها حد غيرك!

# محمود
~~(في ثورة)
~~:

# كفاية! كفاية! تفتكري يعني أنا مش حاسس. تفتكري اني مش عارف؟
~~أنا حاسس. وعارف. وشايف. وده اللي بيعذبني ويموتني!
~~(محمود يقفز ثائرا والأخت تقف إلى جواره وتربت
~~عليه في حنان.)

# محمود
~~:

# صوت ماكينة الخياطة بيجنني! منظر عزيزة بيقتلني!
~~(عزيزة تربت على أخيها في حنان والدموع في
~~عينها. محمود تهدأ ثورته قليلا. يضع يده على كتفها في حنان ويربت
~~عليها.)
~~(الأم تنظر إليها وتخرج من الحجرة وهي تمسح ms027
~~دموعها في صمت. يبدو أن الأم تعرج قليلا من فرط الإعياء
~~والتعب.)
~~(محمود يمسك أخته الخرساء من ذراعها ويبدو
~~على وجهه الصرامة والجدية.)

# محمود
~~:

# اسمعي يا عزيزة يا حبيبتي! أنا عارف مش سامعاني لكن حقولك.
~~يمكن اللي مشجعني إني اقولك انك مش سامعاني!
~~(وجه عزيزة يبدو وهي تنصت إليه ولا تسمعه
~~ولكنها تحاول أن تفهم وتحاول أن تعبر بعينها أنها تفهم.
~~الدموع في عينها مرة.)
~~(والفرحة في عينها مرة.)
~~(والألم في عينها مر.)

# أنا يا عزيزة مش خايب زي ما ماما بتقول. وعبد العال ابن عمتي
~~ما يملاش عيني مهما طلع ومهما نزل. كل الكلية بتقول اني زعيم
~~الطلبة، وكل الطلبة عارفين إني بطل. حتى سعاد. شوفت في عينها
~~نفسي. شوفت في عينها صورتي الحقيقية اللي عاوز اكونها.
~~(تتابع كلام محمود بتعبيرات وجهها. وتربت
~~عليه في حنان.)
~~(ومحمود حين ينطق بكلمة سعاد عيناه تشردان
~~بعيدا عن أخته في تفكير وحب.)
~~(في ألم وأسى):

# لكن. لكن
~~أمي! عمري ما حسيت انها بتثق في!
~~(يمسك رأسه بين يديه في ألم وأخته تواسيه.
~~وقد أخذ صوته يضعف حتى أصبح كالبكاء.)
~~(يرفع رأسه في أمل وصوته يقوى
~~قليلا.)

# عمري ما حسيت انها مؤمنة بي! مع إني حاسس اني أحسن من أي
~~واحد!

# سعاد! سعاد الإنسانة الوحيدة اللي شافت حقيقتي ... اللي حاسة
~~أنا إيه؟ عينيها قالتلي كده! عينيها الحلوة!
~~(يبتسم لنفسه في سعادة وحب.)
~~(عزيزة أيضا تبتسم في أمل له.)
~~(يكلم أخته)

# عزيزة!
~~حبيبتي! خليكي واثقة في وخليكي حاسة بي!

# أنا اللي؟! وانتي اللي لي!
~~(أخته يبدو عليها الفهم وتشير برأسها دليل
~~الموافقة، ثم تعانقه في حب وحنان. يعانقها في حب وحنان.
~~يعانقها.)

# يا حبيبتي يا عزيزة لو كنت بتسمعي! آه لو كنت
~~بتسمعيني!
~~(الدموع في عينيه وعينيها تظهر.)

# تصوير
~~داخلي:

# سعاد تجلس على مكتبها في حجرة نومها وأمامها كتاب الطب وعظام لرجل
~~إنسان. سعاد شاردة لا تنظر في الكتاب سارحة.

# الدنيا ليل وإلى جوارها نور مكتب.

# الدادة تدخل ومعها فنجان ينسون.

# الدادة
~~:

# فنجان الينسون ms028 أهو اللي بتحبيه يا ست سعاد!

# سعاد 
~~:

# مرسي يا دادة. حطيه على المكتب.
~~(الدادة تضع الفنجان على المكتب فترى عظام
~~الإنسان.)
~~(تظهر العظام مكبرة إلى درجة أن الدادة تنظر
~~إليها فزعا. الدادة تتراجع إلى الوراء في ذعر وهي تبصق في
~~عبها.)

# الدادة
~~:

# يا نهار اسود! إنتي جايبة عضم بني آدم في البيت! يا دي
~~الليلة اللي مش فايتة! ده عفريته حيطلع لنا!
~~(سعاد تضحك.)

# سعاد
~~:

# عفريت ايه يا دادة! هو فيه حاجة اسمها عفاريت؟

# الدادة
~~(وقد هدأت قليلا)
~~:

# أمال! ده أنا شفتها بعيني!

# سعاد
~~:

# شفتيها بنفسك يا دادة؟

# الدادة
~~:

# أيوه بنفسي!

# سعاد
~~:

# إزاي؟

# الدادة
~~:

# الولية جارتي شافتها وقالتلي!

# سعاد
~~:

# تضحك وتلقي برأسها إلى الوراء.

# سعاد
~~:

# دمك خفيف يا دادة!
~~(سعاد يبدو عليها التفكير وتنظر إلى العظام في
~~تألم.)

# سعاد
~~:

# تصوري يا دادة إن حتة العضمة دي كانت في يوم من الأيام إنسان
~~زيي وزيك!

# الدادة
~~:

# يا مصيبتي! يا مصيبتي! ده جسمي اتلبش خالص. أنا ياختي
~~مروحة مش بايتة الليلة دي في البيت ده خالص! هو العمر بعزقة!
~~يا مصيبتي!
~~(الدادة تجري وتخرج من الحجرة.)
~~(سعاد تضحك.)
~~(تتوقف سعاد عن الضحك. وتنظر أمامها
~~شاردة.)

# تصوير
~~سينمائي:

# تظهر صورة محمود أمامها وهو يقف في المدرج يخطب في الطلبة. الطلبة
~~يصفقون له.

# تظهر عينا محمود مكبرتين وهما تنظران إليها.

# تصوير
~~داخلي:

# تظهر سعاد وهي شاردة تفكر. تغلق الكتاب. تضع العظام في الدرج.
~~وتطفئ نور المصباح.

# تقوم وتذهب إلى السرير وتحاول النوم لا تستطيع. تنظر إلى سقف الحجرة
~~وهي تفكر. تنظر إلى جسدها ونهديها وهي مستلقية على السرير.

# صورة مكبرة ليديها وهي ترتفع بحذر وخوف وتحاول أن تتحسس كتفها
~~وصدرها. ترتعش اليد ثم تعود إلى جوارها مرة أخرى.

# صورة مكبرة لوجه سعاد المضطرب.

# تصوير
~~سينمائي:

# صورة مكبرة لساقيها وهي طفلة مضمومتين والفستان يرتفع عن الركبة
~~قليلا. ويد أمها وهي تشد الفستان لتغطي الركبة.

# تصوير
~~داخلي:

# سعاد تمسك اللحاف وتغطي جسمها وتخفي رأسها.

# تمتد يدها من تحت اللحاف وتطفئ النور الذي بجوار السرير.

# تصوير
~~داخلي: ms029

# مشهد لشجرة كافور كبيرة تحتها منضدة وكرسيان . المكان يمثل أرض
~~الملاعب في كلية الطب، محمود يجلس على أحد الكرسيين وأمامه بعض
~~الأوراق، يكتب في انهماك.

# تصوير
~~خارجي:

# من بعيد يظهر ملعب التنس وسعاد تلعب أمام أحد الزملاء مرتدية
~~بنطلونا طويلا.

# صورة مكبرة لها وهي تلعب.

# المباراة تنتهي، سعاد تنتصر وتصافح زميلها. الطلبة يصفقون
~~لها.

# سعاد تغير ملابسها وتتجه ناحية شجرة الكافور.

# ناحية محمود وهو جالس.

# تصوير
~~داخلي:

# محمود يقف ويصافح سعاد.

# صورة مكبرة لأيديهما وهي متلامسة في أول مصافحة بينهما.

# موسيقى مناسبة.

# صورة مكبرة لوجه سعاد ووجه محمود وهما ينظران إلى بعض.

# سعاد تجلس إلى جواره. ومحمود يجلس.

# محمود
~~:

# مبروك. المباراة.

# سعاد
~~:

# مرسي.

# محمود
~~:

# نمت امبارح كويس؟
~~(لحظة صمت.)
~~(سعاد يبدو عليها الخجل بعض الشيء.)

# سعاد
~~:

# امبارح؟ أبدا! سهرت اقرا شوية جراحة.
~~(محمود صامت شارد.)

# سعاد
~~:

# وانت عملت إيه امبارح؟

# محمود
~~:

# ولا حاجة! كتبت شوية.

# سعاد
~~:

# كتبت إيه؟

# محمود
~~:

# مقال العدد الجاي.

# سعاد
~~:

# يا ترى مقال كويس زي اللي كان في العدد اللي فات؟

# محمود
~~:

# أبدا! مش عاجبني! عمري ما كتبت حاجة عجبتني.

# سعاد
~~:

# ازاي؟

# محمود
~~:

# عمري ما كتبت اللي أنا عاوز اقوله.

# سعاد
~~:

# عاوز تقول ايه؟

# محمود
~~:

# مش عارف! تيجي نتمشي سوا.

# سعاد
~~:

# يالله.
~~(ينهضان ويمشيان متجاورين في أرض
~~الملاعب.)

# سعاد
~~:

# مش عارف ازاي؟

# محمود
~~:

# ساعات ابقى عاوز اقول حاجات كتير قوي لدرجة اني ما اعرفش
~~اكتب.
~~(سعاد تنظر إليه وتبتسم. هو يبتسم لها
~~أيضا.)

# محمود
~~:

# لأول مرة في حياتي احس ان فيه إنسان فاهمني ... فاهمني من جوه!
~~مش كده يا سعاد؟
~~(سعاد تومئ برأسها دليلا على
~~الموافقة.)

# محمود
~~:

# مش عارف. أول ما شفت عنيكي حسيت انك حيكون لك شأن كبير في
~~حياتي. يا ترى انتي حسيتي كده برضه؟
~~(سعاد تومئ برأسها دليلا على
~~الموافقة.)
~~(محمود يصمت وينظر في عينيها.)
~~(سعاد صامتة.)
~~(محمود يقف. وسعاد تقف.)

# محمود
~~(في رقة)
~~:

# اتكلمي يا سعاد!

# سعاد
~~:

# أقول ايه؟

# محمود
~~:

# قولي أي حاجة. عاوز اسمع صوتك.
~~(سعاد تمشي ويمشي إلى جوارها محمود.)

# سعاد ms030
~~:

# الحقيقة مش عارفة اقول إيه يا محمود . لكن أنا برضه أول مرة
~~في حياتي احس براجل. مع أني بقى لي سنين عايشة في الكلية وسط
~~الرجالة. لكن عمري ما حسيت بواحد فيهم. كأنهم كلهم
~~ستات.
~~(سعاد تقف ومحمود يقف أمامها.)

# سعاد
~~:

# تصور يا محمود، إنت أول راجل يخليني أحس إني بنت!

# محمود
~~:

# عمرك ما حسيتي يا سعاد إنك بنت؟

# سعاد
~~:

# ماما كرهتني في الكلمة دي. كنت باحسد اخويا انه ولد. وكنت
~~باتمني اني اكون ولد عشان تبقى لي نفس حريته.
~~(سعاد تجلس. ومحمود يجلس في نفس المكان السابق
~~تحت شجرة الكافور. لحظة صمت وتفكير.)

# محمود
~~:

# تعرفي انتي كمان خلتيني اشوف إيه لأول مرة في حياتي؟

# سعاد
~~:

# إيه؟

# محمود
~~:

# أشوف نفسي. صورة نفسي. كنت باستمرار حيران بدور عليها مش
~~لاقيها. وبعدين فجأة بصيت في عنيكي. ومش عارف ازاي شفت نفسي
~~فيها!
~~(ينظر إليها في حب.)

# محمود
~~:

# سعاد. إنتي الوحيدة اللي حسيت انك فاهماني وشايفاني من
~~جوه!
~~(يحاول أن يمسك يدها. سعاد تتردد لحظة في
~~أن تعطيه يدها. لكنه يأخذ يديها ويمسكها بحنان.)

# سعاد
~~:

# أيوه يا محمود. أنا حسيت انك إنسان غير عادي وانك مش زي بقية
~~الناس.

# محمود
~~:

# لكن يا سعاد. أنا خايف.

# سعاد
~~:

# خايف من إيه؟

# محمود
~~:

# خايف ما قدرش ابقى زي الصورة اللي جوه عينيكي. أنا مش عارف
~~مستقبلي إيه. جايز اروح القتال ومارجعش. جايز اموت. جايز
~~أشوه. جايز.

# سعاد
~~:

# مش ممكن! مش ممكن يا محمود. ليه بتفكر في الحاجات دي؟

# محمود
~~(في شرود)
~~:

# مش عارف.
~~(لحظات صمت.)

# محمود
~~:

# سعاد.

# سعاد
~~:

# أيوه يا محمود.

# محمود
~~:

# أنا باحبك.
~~(صورة مكبرة لوجه سعاد المضطرب.)
~~(سعاد تطرق وتسكت.)

# محمود
~~:

# باحبك يا سعاد. باحبك من سنين كثيرة فاتت. باحبك طول عمري من
~~أول ما تولدت.

# كنت بدور عليكي يا سعاد بين كل الناس. ليل ونهار بدور
~~عليكي. يا تري يا سعاد إنتي بتحبيني؟
~~(سعاد صامتة. لا ترد. مطرقة.)

# محمود
~~:

# قوليها يا سعاد. قوليها. عاوز اسمعها.

# سعاد
~~:

# أقول إيه يا محمود؟

# محمود
~~:

# قولي انك ms031 بتحبيني.

# سعاد
~~(شاردة لا تنظر إليه)
~~:

# مش عارفة!

# محمود
~~:

# مش عارفة إيه؟

# سعاد
~~:

# مش عارفة اقولها؟

# محمود
~~:

# ليه يا سعاد؟ صعبة قوي؟!
~~(الدموع تظهر في عيني سعاد من شدة التأثر.
~~محمود ينظر إليها ويأخذ يدها ويقفان معا متجاورين.)

# سعاد
~~:

# أصل. أصل. عمري ما قولتها أبدا. عمر ما لساني نطقها لكن أنا
~~عاوزة اقولها. عاوزة أقولها لك يا محمود!
~~(صورة مكبرة لقدميها ورجليها وهما واقفان
~~متجاوران.)
~~(موسيقى تانجو هادئة (كومبارسيتا).)
~~(تتحرك قدمها شيئا فشيئا على نغمات الموسيقى.
~~يرقصان التانجو معا.)

# مشهد
~~داخلي:

# يظهر أنهما لا يرقصان وحدهما وإنما وسط رجال ونساء كثيرين. في صالة
~~منزل سعاد مشهد لحفل خطوبة سعاد ومحمود. أبو سعاد جالس بين الزوار
~~يتكلم. أم سعاد ترحب بالضيوف. الدادة توزع الشربات. أم محمود تجلس
~~وأخته الخرساء. يبدو عليها الفرح.

# الموسيقى. والرقص. الصخب والزغاريد.

# الأم تجلس بجوار الأب.

# الأب
~~:

# افرحي بقى يا ستي اهي بنتك بقت زي كل البنات وبقالها
~~عريس.

# الأم
~~:

# أعمل إيه يا زغلول؟ ما هي كانت عاملا لي راجل!
~~(تظهر سعاد ومحمود وهما يرقصان ويضحكان
~~معا.)
~~(تظهر قدما سعاد وقدما محمود وهما يرقصان بنشاط
~~وحماس وقد أصبحت الموسيقى سريعة (فالس).)

# الأب
~~:

# راجل إيه يا شيخة؟ إنتي اللي كرهتيها في الرجالة
~~والجواز!

# الأم
~~:

# دلوقت بقي الجواز حلو؟ غير ان بنتك دماغها ناشفة وتحب تمشي
~~رأيها.

# طول عمرها كده حتى وهي لسة في اللفة!

# الأب
~~:

# اللفة؟ يا شيخة حرام عليكي. كانت بتمشي رأيها وهي في اللفة
~~ازاي بقه؟

# الأم
~~:

# كانت كل ما الفها ترفس برجليها وتفكها. كل ما الفها تفكها.
~~كل ما الفها تفكها.

# الأب
~~(يضحك)
~~:

# ها! ها! والله يا شيخة انت طول عمرك نقرك بنقرها. زي ما
~~تكونوا ضراير!

# الأم
~~(تبتسم)
~~:

# يا خويا! إنت اللي طول عمرك تحبها وتعزها عن ماجد. مع إنه
~~اسم النبي حارسه ما فيش ولد زيه.

# الأب
~~:

# أهو إنتي اللي بتحبي ماجد أكثر منها طول عمرك. حتي من وهو في
~~بطنك لسة.

# الأم
~~(تضحك)
~~:

# أي والنبي يا زغلول. باحبه عنها من وهو في ms032 بطني.
~~(يظهر محمود وسعاد يرقصان، ثم يخرجان إلى
~~الشرفة وحدهما.)

# تصوير
~~داخلي:

# يقف محمود وسعاد في الشرفة ينظر في عينها وهي تنظر في عينه. يعانقها
~~قبلة طويلة وقوية.

# محمود
~~:

# سعاد!

# سعاد
~~:

# محمود!
~~(يعانقها مرة أخرى.)
~~(الدادة تدخل في خوف.)

# الدادة
~~:

# سي محمود.
~~(محمود وسعاد ينظران إليها بدهشة.)

# الدادة
~~:

# فيه واحد بره عاوز حضرتك دلوقت حالا، وباين عليه مستعجل
~~قوي!
~~(موسيقى مناسبة تنم عن المفاجأة
~~والفزع.)

# محمود
~~(في دهشة)
~~:

# مين؟

# الدادة
~~:

# بيقول اسمه سعد؟

# محمود
~~(في فزع)
~~:

# سعد؟
~~(محمود يغادر الشرفة بسرعة وسعاد وراءه والدادة
~~من ورائهما.)
~~(موسيقى مناسبة.)





# | الصورة الممزقة (3)




# تصوير
~~داخلي:

# حجرة جانبية في منزل سعاد.

# سعد (زميل محمود في الكلية) يقف منتظرا.

# محمود يدخل بسرعة إليه ومن ورائه سعاد. سعد يتقدم إليه.

# محمود
~~:

# فيه إيه يا سعد؟

# سعد
~~:

# اللجنة مجتمعة دلوقت في الكلية وعاوزينك حالا.

# محمود
~~:

# ليه؟ وصلكم أنباء جديدة من القتال؟

# سعد
~~:

# ممدوح انقتل، والكتيبة بتاعته اتنسفت كلها الا اثنين رجعوا
~~النهارده.

# محمود
~~(في ألم)
~~:

# ممدوح!
~~(محمود يطرق ويفكر في صمت.)
~~(ينظر إلى سعاد وسعاد تنظر إليه في
~~ألم.)
~~(تمر لحظة صمت. الثلاثة مطرقون إلى الأرض في
~~حزن صامت عميق.)
~~(محمود ينظر إلى سعاد.)

# محمود
~~:

# أنا مضطر يا سعاد انزل دلوقت اروحلهم في الاجتماع.

# سعاد
~~:

# أنا جاية معاك يا محمود

# سعاد
~~:

# لازم اشترك معاكم.

# سعد
~~:

# طبعا يا سعاد. أنت عضو في اللجنة.

# محمود
~~:

# أنا عارف. بس.

# سعاد
~~:

# بس إيه؟

# محمود
~~:

# طيب يلله بينا.
~~(يخرجون.)

# تصوير
~~داخلي:

# مدرج كلية الطب.

# يجلس في صفوفه الأمامية حوالي عشرين طالبا من مختلف الكليات هم
~~أعضاء اللجنة التنفيذية العليا للطلبة. أحد الطلبة واقف (عزيز) يتحدث.
~~الباقي يستمعون في اهتمام شديد. يبدو على وجوههم الألم أيضا. بعض
~~الطلبة يناقشون المتكلم.

# الطالب
~~:

# احنا كنا معتمدين اعتماد كلي على ممدوح والكتيبة
~~بتاعته.

# الواقف
~~(واسمه عزيز)
~~:

# الفدائيين في القنال دلوقت ضعفوا. لازم نبعث لهم كتيبة قوية
~~ثانية.

# طالب آخر
~~:

# ده شيء ضروري. الكتيبة جاهزة. بس المهم نبعث مين رئيس
~~الكتيبة؟

# عزيز
~~:

# لازم واحد جامد قوي نعوض ms033 بيه ممدوح.

# طالب
~~:

# تفتكر مين يا عزيز ؟

# عزيز
~~:

# محمود زكي.

# طالب
~~:

# فعلا! هو ده!

# طالب
~~:

# بس احنا محتاجينله هنا.
~~(الطلبة يناقشون فيما بينهم.)

# عزيز
~~:

# هناك أهم من هنا.

# طالب
~~:

# فين محمود؟

# عزيز
~~:

# زمانه جاي. بعتنا له سعد بيته.

# طالب
~~:

# لا. بيت سعاد زغلول.

# طالب
~~:

# بيت سعاد ليه؟

# طالب
~~:

# يا أخي ما تعرفش ان خطوبتهم الليلة؟

# طالب
~~:

# والله؟ أتاريني كنت باشوفهم سوا اليومين الأخرانيين!
~~(يدخل محمود وسعد وسعاد.)
~~(الطلبة يسلمون على محمود وسعاد ويهنئون
~~بالخطبة في وجوم.)
~~(محمود وسعاد وسعد يجلسون بين الطلبة.)

# عزيز
~~:

# أظن يا محمود انت عرفت الأخبار الأخيرة السيئة؟

# محمود
~~(في ألم)
~~:

# عرفت يا عزيز.

# عزيز
~~:

# البقية في حياتك يا محمود. أنا عارف ان ممدوح كان عزيز
~~عليك.

# طالب
~~:

# كان عزيز علينا كلنا.

# عزيز
~~:

# معلهش. الموت مكتوب علينا كلنا واحنا فدائيين ولازم نجهز
~~نفسنا للموت.

# ودلوقت يا محمود احنا قررنا نبعت كتيبة بكرة القنال بدل
~~كتيبة ممدوح.

# محمود
~~:

# كويس.

# عزيز
~~:

# وكنا لسة بنفكر مين مننا يروح مع الكتيبة.

# محمود
~~:

# أي واحد فينا مستعد يروح.

# عزيز
~~:

# تروح انت يا محمود؟

# محمود
~~:

# أروح.

# طالب
~~:

# أيوه محمود هو اللي يروح.

# طالب
~~:

# أنا رأيي نبعت حد غيره. احنا محتاجين لمحمود هنا. إنت عارف
~~يا عزيز انه ماسك معظم أعمال اللجنة والطلبة كلهم بيحبوه. زائد
~~المجلة! مين اللي حيطلعها وهو في القنال؟

# عزيز
~~:

# أنا حامسك المجلة مكان محمود لغاية ما يرجع. إيه رأيك يا
~~محمود؟

# محمود
~~:

# موافق.

# سعد
~~(في هدوء)
~~:

# وأنا حروح مع محمود.

# عزيز
~~:

# كويس. إيه رأيك يا محمود.

# محمود
~~:

# سعد كويس. وينفعني هناك.
~~(سعاد تقف. الكل ينظر إليها.)

# سعاد
~~(في هدوء)
~~:

# وأنا حروح معاهم.
~~(لحظة سكوت.)

# عزيز
~~:

# إيه رأيك يا محمود؟ سعاد مش أول مرة لها تشترك معانا في
~~الكفاح. لكن مسألة السفر دي هي اللي صعبة شوية؟!

# محمود
~~:

# سعاد لها هنا دور أهم.

# محمود
~~:

# ينظر إلى سعاد. سعاد تنظر إليه. لحظة صمت.

# طالب
~~:

# لا. مش من رأيي إن أي طالبة تشترك مع الفدائيين في القنال.
~~دي بهدلة مش ممكن واحدة ms034 تقدر عليها.

# محمود
~~:

# سعاد مش أي طالبة !
~~(سعاد تنظر إليه حين يقول هذه الجملة.)
~~(صورة مكبرة لوجه سعاد تعبر عن السرور
~~والفرحة لكلمة (مش أي طالبة).)

# محمود
~~:

# سعاد مش أي طالبة. وأنا واثق انها تقدر أكثر تسافر. لكن احنا
~~محتاجين هنا لها أكتر. مش كده يا سعاد؟

# سعاد
~~:

# والله إذا كنتم شايفين ان دوري هنا أهم استنى هنا!
~~(سعاد تنظر إليه وتطرق إلى الأرض.)
~~(محمود يفكر لحظة في صمت ويطرق إلى الأرض.
~~الطلبة ينظرون إليهما في استطلاع.)

# سعد
~~:

# وحنسافر امته يا عزيز؟

# عزيز
~~:

# بكرة الصبح الساعة خمسة.

# سعد
~~:

# أهو ده عيبه.

# طالب
~~:

# ليه؟

# سعد
~~:

# ألذ نومة عندي من خمسة لتسعة الصبح.
~~(الطلبة يضحكون.)
~~(يقفون ويصافحون محمود وسعد في وداع
~~ويعانقونهما بشدة.)

# عزيز
~~:

# مع السلامة يا محمود شد حيلك. مع السلامة يا سعد.

# خلي بالك من نفسك.

# محمود
~~:

# الله يسلمك يا عزيز.

# سعد
~~:

# الله يسلمك.

# مع السلامة.

# الله يسلمكم ... إلخ.
~~(المدرج يخلو تدريجيا من الطلبة. لا يبقى
~~بالمدرج سوى محمود وسعد وسعاد.)

# سعد
~~:

# والله يا سعاد أنا عارف اني طول ما أنا ماشي ورا محمود حاروح
~~في داهية!

# سعاد
~~:

# داهية؟

# سعد
~~:

# أيوه داهية! هو فيه أكثر من كده داهية! دانا زي اللي بيرمي
~~نفسه تحت القطر. بانتحر يعني. ده انتحار مش كفاح
~~ووطنية!

# سعاد
~~:

# ليه يا سعد بس؟

# سعد
~~:

# ليه؟ كده! حرب إيه وإنجليز إيه؟ بقى احنا شوية العيال حنطلع
~~الإنجليز من مصر؟

# سعاد
~~:

# حاجة غريبة! ازاي حتروح تحارب في القنال، وفدائي كمان، وانت
~~مش مقتنع بالحرب أبدا؟
~~(محمود يتابع الحديث بينهما.)

# سعاد
~~:

# أمال رايح ليه يا سعد؟
~~(وهو يعبث بمجلة في يده.)
~~(وهو مطرق إلى الأرض.)

# سعد
~~:

# أهو رايح! رايح مع محمود!
~~(محمود ينظر إلى سعد.)

# محمود
~~:

# لا يا سعد. أنا عاوزك قبل ما تسافر تكون مقتنع بالفكرة. وإلا
~~خليك هنا أحسن!

# سعد
~~:

# يعني حخليني اعمل ايه؟

# سعاد
~~:

# ما فيش حاجة تعملها؟ تشترك معانا في الكفاح هنا، أو تحضر في
~~الكلية وتذاكر وتتخرج.

# سعد
~~:

# أتخرج؟ ليه؟ ده أنا باخد من ms035 ابويا مصروف جيب قد الماهية
~~اللي حاخدها لما اتخرج.
~~(محمود وقف وأخذ يتمشى في المدرج مطرقا
~~مفكرا.)

# سعاد
~~:

# طيب ورايح تنتحر ليه؟

# سعد
~~:

# وحاعيش ليه؟ كل حاجة في عيني ما لهاش معنى. البيت ما لوش
~~معنى. والكلية ما لهاش معنى. والشارع ما لوش معنى. يمكن الحرب
~~تكون لها معنى. أهي حاجة جديدة. أهي تغيير هوا!

# محمود
~~:

# يقف ويكلم سعد.

# محمود
~~:

# اسمع يا سعد، إنت عارف اني مش باحب الهزار وقت الجد. احنا
~~مسافرين بكرة الفجر ولازم نحضر نفسنا. اعمل كل الترتيبات واتصل
~~بكل واحد في الكتيبة واديني خبر في البيت. اعتبر إن ده أمر!
~~مفهوم!
~~(سعد يضم قدميه ويخبطهما محدثا صوتا
~~بحذائه، كما يفعل الجنود عند تلقي الأوامر، ويضرب بيده سلاما
~~كالجنود.)

# سعد
~~:

# مفهوم يا فندم! تمام يا فندم!

# محمود
~~:

# انصراف!
~~(سعد يكرر التحية وخبط القدمين ثم يستدير
~~ويغمز لمحمود بعينه ويخرج من المدرج.)
~~(سعاد تضحك وهي تراقب سعد. تظل تضحك بعد أن
~~يخرج وتنظر إلى محمود. محمود واقف صامت لا يبتسم وهو ينظر إليها في
~~شوق.)
~~(يتبادلان النظرات في صمت وإطراق.)
~~(سعاد تقترب من محمود.)

# سعاد
~~:

# خلاص يا محمود. حتسافر بكرة الصبح صحيح؟
~~(محمود يومئ برأسه دليل الإيجاب.)

# سعاد
~~:

# وحتقعدوا أد إيه في القنال؟

# محمود
~~:

# مش عارف! ما حدش يعرف!

# سعاد
~~:

# تصمت شاردة. محمود ينظر إليها في حب.

# محمود
~~:

# سعاد.

# سعاد
~~:

# أيوه يا محمود.

# محمود
~~:

# حتوحشيني قوي يا سعاد!
~~(سعاد تطرق والدموع في عينيها.)

# محمود
~~:

# لكن دايما حتكوني جنبي. قصاد عيني. بتشجعيني. بتشديني عشان
~~ارجع تاني للحياة. إنتي مش عارفة يا سعاد وجودك في حياتي بيعمل
~~إيه!
~~(يسكت لحظة.)

# إنتي يا سعاد اللي خليتي الحياة لها معنى في عيني ... تعرفي
~~أنا باقسو على سعد ليه لما بيقول ان الحياة ما لهاش معنى؛ لأنه
~~بيقول الكلام اللي في نفسي من جوه ومش قادر اقوله ... كنت باقسو
~~عليه عشان أداري عذابي. لكن دلوقت انت خليتي لحياتي معنى
~~يا سعاد. حسافر احارب مع الفدائيين وارجعلك تاني يا سعاد ...
~~حتكوني جنبي يا سعاد؟ ms036
~~(محمود يمسك يدها ويقبلها. الدموع في عيني 
~~سعاد.)

# سعاد
~~:

# دايما يا محمود! دايما! حكون جنبك دايما!
~~(يقبل يدها في حب.)
~~(لحظة صمت.)
~~(سعاد تخرج من حقيبتها صورة لها وتعطيها
~~لمحمود.)
~~(محمود يتأمل الصورة وهو يبتسم.)

# سعاد
~~:

# عشان كل ما تشوفها تفتكرني.

# محمود
~~:

# حافتكرك يا سعاد من غير الصورة.
~~(يتأمل الصورة طويلا.)

# سعاد
~~:

# وانت مش تديني صورتك يا محمود؟

# محمود
~~:

# حافتكرك يا سعاد من غير الصورة.

# الصورة حلوة بس هي مش انت. أنا باحب عنيكي دول يا سعاد!
~~عنيكي الحلوين.
~~(سعاد تبتسم.)

# محمود
~~:

# مش عارف معايا صورة والا لأ. أظن معايا صورة الكارنيه. أيوه
~~اهه!
~~(يعطيها صورته. سعاد تتأملها وتنظر إليه
~~وتبتسم.)
~~(يتأهبان للخروج من المدرج.)

# محمود
~~:

# اوعديني يا سعاد انك حتكوني لي طول عمرك.

# سعاد
~~:

# أوعدك يا محمود اني أكون لك طول عمري. أوعدك من كل
~~قلبي.
~~(يمسك يدها بكلتا يديه في حب وحنان.)
~~(ويقبلها. يخرجان معا.)

# محمود
~~:

# سعاد حبيبتي!

# سعاد
~~:

# ربنا يرجعك بالسلامة يا محمود!

# تصوير
~~خارجي:

# لقطات تصور بعض مشاهد من حرب الفدائيين وحرب العصابات. فدائي
~~يفجر قنبلة يدوية.

# أصوات انفجارات وحرائق. وصراخ أصوات الحرب بما فيها من بشاعة.

# مجموعة من الفدائيين يفجرون الألغام. ويجتازون الأسلاك
~~الشائكة.

# فدائي يأسر بيديه جنديا إنجليزيا.

# فدائي يقتل جنديا إنجليزيا بسكين.

# مناظر الجري وتسلق الحواجز وإطلاق الرصاص والرعب والفزع وجو الحرب
~~المخيف.

# تصوير
~~خارجي:

# سعاد تسير في الشوارع ليلا تجمع التبرعات من المنازل.

# سعاد تجتمع ببعض الطالبات والطلبة.

# سعاد تحمل حقيبة كبيرة وتسلمها لأحد الفدائيين بملابس
~~الحرب.

# سعاد تجري في الشارع ومعها بعض المنشورات. تختفي من المطاردين في
~~مدخل بيت.

# سعاد توزع المنشورات على بعض الناس. سعاد وسط مجموعة من الطلبة
~~تخطب فيهم. في مدرج الكلية.

# سعاد تجلس في اجتماع اللجنة التنفيذية العليا للطلبة. تشترك في
~~المناقشة.

# منظر أرض ملاعب كلية الطب والطلبة يتدربون على حرب العصابات وتفجير
~~القنابل اليدوية. وقد لبسوا ملابس حرب الفدائيين. سعاد تقف
~~بينهم.

# صوت الراوية:

# أيام عشتها. كيف عشتها؟

# أيام لا يمكن أن أنساها. كيف أنساها؟

# أيام ms037 الكفاح والسعادة والخوف والقلق. أيام مليئة بالحياة .
~~أيام لها معنى. ولها طعم ولها لون. ليست كباقي أيام
~~الحياة.

# كنت أخرج من البيت صباحا فلا أعود إلا بعد منتصف الليل.
~~وحينما تسألني أمي أين كنت أقول لها: كان عندنا سهرة ولادة!
~~كان الألم يدمي قدمي من كثرة المشي والجري ودخول البيوت
~~وجمع التبرعات وتوزيع المنشورات. وكان الخوف يعصف بي أحيانا
~~حين تشتد الظلمة في الشارع أو حين يطاردني أحد. لكن السعادة
~~كانت تملأ قلبي. كنت أحس أنني أفعل شيئا خطيرا. كذلك الذي
~~يفعله الطلبة الفدائيون. لم أكن أحس أنني مجرد فتاة أو بنت
~~كما كانت تسميني أمي.

# وكنت كلما أجلس على مكتبي لأذاكر. تتراءى لي صورة محمود.
~~بملامحه القوية النبيلة.

# أحبه! نعم أحبه بكل ما أحس وأفهم وأعي الحب. لكني لم أحبه
~~أبدا كما أحببته حين قال إنني لست كالفتيات.
~~(صدى صوت محمود: سعاد مش أي طالبة!)

# تصوير
~~داخلي:

# سعاد تجلس على مكتبها في حجرة نومها وأمامها كتاب الجراحة
~~تذاكر.

# تشرد بأفكارها لحظة (صدى صوت محمود: سعاد مش أي طالبة).

# تخرج صورة محمود من درج مكتبها وتتأملها في شوق وحب.

# تدخل الدادة ومعها فنجان ينسون دافئ.

# الدادة
~~:

# فنجان الينسون اللي بتحبيه يا ست سعاد.

# سعاد
~~:

# مرسي يا دادة.

# الدادة
~~:

# اشربيه وهو دافي وقومي نامي بقه ... حرام عليكي عنيكي! عنيكي
~~الحلوين دول!
~~(لقد سمعت الدادة تقول نفس عبارة محمود عنيكي
~~الحلوين!)

# سعاد
~~:

# قولي تاني يا دادة!

# الدادة
~~:

# أقول إيه يا ست سعاد؟

# سعاد
~~:

# عنيكي الحلوين!
~~(الدادة تقول في مكر شديد):

# الدادة
~~:

# وهو أنا قوالتي تنفع يا ست سعاد؟!

# سعاد
~~:

# فهمتيها ازاي بقه يا دادة؟
~~(سعاد تنظر إليها وتبتسم في سعادة وتقف أمامها
~~في دهشة.)

# الدادة
~~:

# إلا أفهمها! ده أنا افهمها وهي طايرة!
~~(سعاد تعانقها وتقبلها.)

# سعاد
~~:

# ياختي عليكي يا دادة! باحبك قوي! باموت فيكي! باعبدك!

# الدادة
~~:

# يوه! يوه! اسما الله عليكي. ده انا دادة ام علي! مش حد
~~تاني!
~~(سعاد تضحك والدادة تضحك. تعود سعاد لتجلس على
~~المكتب. لكن يدها تخبط كوب ms038 الينسون فيقع على الأرض وينكسر محدثا
~~صوتا .)
~~(موسيقى تصور الكسر والفزع.)
~~(وجه سعاد يبدو فزعا مضطربا.)
~~(موسيقى تصويرية.)

# تصوير
~~داخلي:

# صوت انفجار.

# تظهر صورة مكبرة لمحمود وهو منبطح على الأرض (في الحرب) تنزف
~~الدماء من ذراعه. وقد انفجرت قنبلة إلى جواره. يزحف على بطنه فيجد
~~زميلا له يلفظ أنفاسه الأخيرة.

# محمود يحتضنه ويحاول إسعافه دون جدوى. الزميل يموت بين ذراعي محمود.
~~صورة مكبرة لوجه محمود تعبر عن الأسى والألم والدموع، ثم يترك
~~الميت ويهب كالملسوع ويجري ويقذف بقنبلة يدوية تحدث حريقا
~~كبيرا.

# صوت انفجار قنبلة يدوية.

# صورة مكبرة لمحمود وهو يجري. يقابل إنجليزيا. يهجم عليه ويقتله
~~بالمطواة. الإنجليزي يموت بين يديه.

# صورة مكبرة لوجه محمود تعبر عن الأسى والألم أيضا.
~~والدموع.

# صورة مكبرة لمحمود وهو جالس على الأرض وحده. ذراعه ينزف دما. وهو
~~يلهث من الإعياء. يخرج من جيبه صورة سعاد. يتأملها. الدموع تظهر في
~~عينيه. يهمس بصوت ضعيف خائر.

# سعاد! سعاد!

# تصوير
~~داخلي:

# منظر محمود يربط ذراعه وهو بملابس الحرب وزميله سعد يعرج قليلا وهما
~~ينزلان من القطار الذي حملهم من منطقة القنال إلى محطة
~~القاهرة.

# يندفع نحوهما بعض الجنود المصريين ويسوقانهما إلى المعتقل.

# تصوير
~~داخلي:

# محمود وزميله سعد جالسان كل منهما على سرير من أسرة المساجين في
~~حجرة عارية من حجرات المعتقل.

# سعد
~~:

# أنا مش فاهم حاجة خالص! ليه بقه جابونا هنا في المعتقل؟ ده
~~احنا كنا بنحارب الإنجليز؟

# ده كنت متصور إنهم حيحطوا أسامينا في لوحة الشرف مع الأبطال
~~يقوموا يسجنونا؟ شيء غريب خالص!

# محمود
~~(في غيظ)
~~:

# شيء مش غريب عليهم!

# سعد
~~:

# مين؟

# محمود
~~:

# الخونة اللي في القاهرة!
~~(سعد يقرب فمه من أذن محمود.)

# سعد
~~(هامسا)
~~:

# الملك؟

# محمود
~~(بصوت عال)
~~:

# والحكومة بتاعته!

# سعد
~~:

# وطي صوتك! أحسن نخرج من هنا على حبل المشنقة!

# محمود
~~:

# إحنا شوفنا الموت بعينينا. خلاص ما فيش حاجة حتخوفنا!

# سعد
~~:

# لا والنبي. أنا لسة بخاف!

# محمود
~~:

# بتخاف من إيه بعد كل اللي حصل؟

# سعد
~~:

# بخاف ليفرجوا عني وبعدين أخرج تاني لحيرتي بتاعة زمان. تعرف ms039
~~مش أنا كنت وسط الحرب والنار والموت لكن اهو كنت حاسس اني
~~عايش. حاسس ان الدنيا حوالي دنيا. فيها دوشة وحركة. كانت
~~الحياة لها معنى في عيني. مش انا محبوس دلوقت لكن والله وأنا
~~بره عايش حر في الكلية وفي البيت وفي الشوارع كنت باحس اني
~~محبوس أكثر من هنا. على الأقل هنا لما باحس اني محبوس باقتنع
~~واستريح!

# محمود
~~(تأثرا)
~~:

# كفاية يا سعد! كفاية! مش عاوز اسمع الكلام ده. سيبني شوية!
~~سيبني افكر!

# سعد
~~(ساخرا)
~~:

# تفكر؟ هئ! ده أنا عاوز ما فكرش أبدا. عاوز أنسى كل حاجة
~~حتى نفسي! تعالى. تعالى انسى نفسك معايا!
~~(سعد يشد محمود من يده إلى ركن في الحجرة فيه
~~حقيبة سعد.)

# محمود
~~:

# إيه حتعمل إيه يا سعد؟
~~(سعد يخرج من الحقيبة علبة حقن.)

# محمود
~~:

# إيه دي؟

# سعد
~~:

# دواء! دواء يريح الأعصاب ويلين المفاصل ويمنع الإمساك ويزيل
~~الهموم من القلب.
~~(يضحك ساخرا.)

# ها! ها!

# محمود
~~:

# والله انت رايق وفايق. وراك ايه؟

# سعد
~~:

# وانت يعني وراك ايه؟

# محمود
~~:

# سعاد هي اللي مخلياني حريص على حياتي وحريتي!
~~(سعد يخرج حقنة ويعطيها لنفسه في ذراعه في
~~الوريد.)

# سعد
~~:

# سعاد؟ هئ! زمانها اتخرجت وبقت دكتورة عظيمة. تفتكر انها
~~حترضى تاخذ طالب فاشل زيك ومحبوس كمان!

# محمود
~~(ثائرا)
~~:

# اسمع! أنا أقبل منك الهزار في كل حاجة الا دي!
~~(محمود ينظر إلى سعد وقد أخذ الحقنة.)

# محمود
~~:

# إنت بتاخد الحقن دي صحيح؟

# سعد
~~:

# أمال هزار يعني؟ أهو أنا اهزر في كل حاجة الا دي؟

# محمود
~~:

# حقن إيه دي؟
~~(محمود يأخذ علبة الحقن من سعد ويقرؤها ويضعها
~~في جيبه.)

# محمود
~~:

# مين اداك العلبة دي؟

# سعد
~~:

# زكريا. عارفه؟ كان في الكتيبة بتاعتنا. كان دايما سعيد ومش
~~خايف من الحرب وأنا عمال باترعش. وكل ما اسأله يقول لي البركة
~~في الحقنة!

# محمود
~~:

# مسكين!

# سعد
~~:

# ليه؟! عشان مات؟! اهو استريح. يعني احنا ما كأننا متنا أهوه.
~~ده حتى الموت مش طايلينه.

# محمود
~~:

# لا. مش عشان مات.

# سعد
~~:

# أمال مسكين ليه؟
~~(محمود لا يتكلم. ينظر شاردا. ms040 سعد يبدو عليه
~~الإعياء والتعب. العرق يتصبب من جبهته. يغمض عينيه ويستلقي على
~~سريره. محمود يجلس وحده شاردا يفكر.)
~~(تظهر له صورة أمه وهي تضربه وهو طفل في
~~السابعة من عمره.)
~~(ثم صورتها وهي تنهره وهو شاب وتقول له إنت
~~خايب.)
~~(موسيقى تصويرية مناسبة. تتابع الصور التي
~~يتخيلها ويستعيدها من الماضي.)
~~(صورة الطلبة في الكلية وهم منهمكون في الدراسة
~~والتحصيل.)
~~(صورة لزميله الذي مات في الحرب بين
~~يديه.)
~~(صورة للإنجليزي الذي قتله في الحرب.)
~~(صورة للجنود وهم يقبضون عليه.)
~~(صورة للطلبة وقد أصبحوا أطباء وارتدوا البلاطي
~~البيضاء والسماعات في آذانهم.)
~~(صورة سعاد بالبالطو الأبيض والسماعة متعلقة
~~برقبتها.)
~~(موسيقى مناسبة.)
~~(صورة مكبرة لوجه محمود وقد اهتزت عيناه
~~بالاضطراب وتصبب العرق من وجهه.)
~~(يقوم ويمشي في الحجرة بعصبية. يتحسس جبينه.
~~يخرج علبة الحقن. وينظر إليها. يضعها في جيبه ويجلس يفكر.
~~يخرجها من جيبه مرة أخرى وينظر في داخلها.)
~~(موسيقى تصويرية.)
~~(يتحسس ذراعه في خوف.)
~~(يرجعها إلى جيبه مرة أخرى. أخيرا يفتح علبة
~~الحقن.)
~~(ويسحب منها واحدة ويذهب إلى سعد النائم
~~ويوقظه.)

# محمود
~~:

# سعد! سعد! سعد!
~~(سعد يفتح عينيه في بطء نصف فتحة.)

# سعد
~~:

# إيه؟ فيه إيه؟

# محمود
~~:

# قوم اديلي حقنة. أما اجربها كده! وانا متأكد انها مش حتعملي
~~حاجة!
~~(سعد ينهض متثاقلا.)

# سعد
~~:

# مش حتعمل لك حاجة! هئ! هئ! لو كنت حاسس انها مش حتعمل لك
~~حاجة يا بطل ما كنتش تفكر أبدا انك تاخذها!
~~(محمود يكشف ذراعه الأيسر. سعد يعطيه الحقنة في
~~الوريد.)
~~(محمود يغمض عينيه قليلا، ثم
~~يفتحها.)
~~(يبتسم لنفسه. تبدو عليه الحيوية
~~والنشاط.)
~~(يقوم ويمشي في الحجرة في نشاط وقلق.)
~~(سعد يتأمله قليلا ثم يقول):

# سعد
~~:

# إيه؟ ما لك مش على بعضك كده؟

# محمود
~~:

# أفكار! أفكار كتير قوي جاتلي دلوقت! عاوز اكتب. آه لو كان
~~هنا ورق يا سعد! راسي مليانة أفكار. خايف لتطير مني.

# سعد
~~(في برود)
~~:

# طيب اقعد. استريح. الأفكار مش حتطير يا بطل الأفكار. دي
~~حتجيلك دايما. والحارس بتاعنا زمانه جاي. نديله البقشيش بتاعه
~~يشترلنا الحقن ms041 ويشترلنا الورق.
~~(ساخرا):

# أيوه يشترلنا
~~الحقن ويشترلنا الورق. أمال! يشترلنا الحقن ويشتر لنا الورق.
~~هو احنا ورانا إيه يعني؟
~~(يسمع وقع أقدام الحارس الثقيلة. يظهر الحارس
~~على باب الحجرة. سعد يعطيه بعض النقود ويهمس في أذنه ويغمز بعينه.
~~الحارس يأخذ النقود ويبتسم في مكر. وينصرف.)

# تصوير
~~داخلي:

# منزل أم محمود. أم محمود جالسة إلى ماكينة الخياطة.

# تظهر قدماها أولا. الأخت الخرساء. تجلس إلى جوارها تعاونها. يبدو
~~عليهما الحزن والألم لفراق محمود.

# الجرس يدق. الأخت تنتفض فرحة والأم تتوقف عن الخياطة متهللة وقد
~~ظنا أن محمود هو الذي جاء. الأخت الخرساء تفتح الباب.

# تظهر سعاد. الأخت تعانقها وتسألها بالإشارة عن محمود. سعاد ترد
~~بأنها لا تعرف.

# الأخت تتألم.

# الأم تنهض وتستقبل سعاد.

# الأم
~~:

# أهلا سعاد بنتي! أيوه! الدكتورة سعاد! مبروك يا حبيبتي
~~النجاح والتخرج! ألف مبروك.

# سعاد
~~(في حزن)
~~:

# مرسي يا تانت.
~~(الأم تمسح دموعها وقد تذكرت محمود.)

# الأم
~~:

# يعني لو كنت واخد بالك من كليتك يا محمود مش كان زمانك بقيت
~~دكتور؟!
~~(سعاد تجلس والأم تجلس.)

# سعاد
~~:

# يا ترى ما عندكيش أخبار عن محمود يا تانت؟

# الأم
~~:

# ده أنا كنت لسة حسألك يا بنتي. هو مش بيبعت لك
~~جوابات؟
~~(الأخت تقف. تحاول فهم ما يدور
~~بينهما.)

# سعاد
~~:

# أبدا. بقى له كام شهر ما كتبليش كلمة واحدة. والحروب انتهت
~~من زمان والفدائيين كلهم رجعوا!
~~(وجه الأخت الخرساء مكبرا. يبدو عليه الفزع
~~والألم.)

# الأم
~~(في خوف)
~~:

# رجعوا؟! أمال هو فين؟ يا خوفي ليكون جرى له حاجة! يادي
~~المصيبة اللي جايالي! يادي الكارثة!

# سعاد
~~:

# لا يا تانت ما تخافيش. اطمني. محمود عايش وبخير. الطلبة
~~اللي اتقتلوا في القنال عارفاهم واحد واحد.
~~(وجه الأخت وهي تحاول أن تفهم.)

# الأم
~~:

# واسمه مش فيهم يا سعاد يا بنتي؟ قوليلي والنبي. طمني قلبي،
~~ربنا يطمن قلبك.

# سعاد
~~:

# لا يا تانت اسمه مش فيهم.
~~(وجهها يعبر عن القلق والهم والألم.)

# الأم
~~:

# أمال يعني ما رجعش ليه؟ ليكون متعور والا حاجة ومش قادر
~~يرجع. أو مرمي هنا والا هنا ms042 رمية الكلاب. آه يا غلبي ياني! كده 
~~يا محمود توريني المر طول عمري! مش كفاية العذاب والشقا اللي
~~انا فيه؟!
~~(الأم تنشج بالبكاء.)
~~(الأخت تبكي معها وتربت عليها.)
~~(سعاد تحاول تهدئة الأم.)

# سعاد
~~:

# مش كده يا تانت! محمود بخير وإن شاء الله حيرجع بالسلامة.
~~يمكن بيصفي الكتيبة بتاعته. إنتي عارفة انه كان زعيم. مش مجرد
~~فدائي.
~~(الأم هدأت وبدأت تثور.)

# الأم
~~:

# زعيم إيه وفدائي إيه! هو حياكل والا حيشرب الزعامة دي؟ أنا
~~عارفة هو طالع خايب كده ليه؟

# سعاد
~~:

# خايب ازاي يا تانت؟ ده أحسن واحد عندنا! ده الطلبة كلهم جنبه
~~عيال.
~~(الأخت تفهم كلام سعاد ويظهر وجهها
~~معبرا عن الأمل.)

# بكرة محمود يبقى بطل وكل الناس تتكلم عنه وتفخر بيه!

# الأم
~~:

# بطل؟ بطل إيه يا سعاد؟ فيه واحد يبقى بطل من غير ما يذاكر
~~ويسهر؟

# سعاد
~~(في حماس)
~~:

# المذاكرة مش كل حاجة يا تانت. معظم العباقرة والأبطال كانوا
~~يسقطوا في مدارسهم. ويعني عملوا إيه الطلبة اللي ذاكروا
~~واتخرجوا وبقوا دكاترة؟
~~(وجه الخرساء مكبرا تتابع بعينيها كلام
~~سعاد في اهتمام.)

# أهو اللي راح فيهم الأرياف عشان يعمل له ثروة من عرق
~~الفلاحين الغلابة. أو اللي قاعد في مصر في وظيفة بخمستاشر جنيه
~~في آخر الشهر. أو اللي قاعد في بيتهم مستني لما وزارة الصحة
~~تحن عليه بشغل.
~~(وجه الأم معبرا عن عدم الفهم
~~والدهشة.)

# تفتكري يا تانت الحياة دي ممكن تعجب واحد زي محمود؟
~~(وجه الأخت معبرا عن الفهم والتشجيع
~~لسعاد.)

# لا يا تانت، محمود مش ممكن يعيش حياة خاملة. مش ممكن يبقى
~~هدفه إنه يعمل ثروة من عرق الفلاحين. محمود اتخلق عشان يبقى
~~إنسان عظيم. عشان يجدد! عشان يخلق!

# الأم
~~:

# يخلق؟ يخلق إيه يا سعاد يا بنتي؟ هو ربنا؟ أما صحيح اللي
~~قالوا الأمثال ما كدبوش!

# سعاد
~~:

# أمثال إيه يا تانت؟

# الأم
~~(تبتسم)
~~:

# اللي قالوا مراية الحب عامية!
~~(الأخت تبتسم أيضا.)

# سعاد
~~:

# أبدا! ده الحب بيخلي الواحد يشوف اللي الناس مش
~~شايفاه!

# الأم
~~:

# المهم يا بنتي هو فين دلوقت؟ ms043

# سعاد
~~:

# اطمني يا تانت. أنا لازم حسأل واعرف هو فين وآجي
~~أطمنك.

# الأم
~~:

# أي والنبي يا سعاد يا بنتي. اسألي عليه وطمنيني. ربنا يطمن
~~قلبك.
~~(سعاد تقف.)

# سعاد
~~:

# حاضر يا تانت
~~(الأخت تقترب منها وتحاول أن تفهمها
~~بالإشارات أن تطيل بقاءها.)

# الأم
~~:

# اوعي تتأخري علي يا سعاد. ده إنتي والنبي بقيتي في غلاوة
~~محمود تمام.

# سعاد
~~:

# مرسي يا تانت. أنا حاجي دايما اشوفكم واقعد معاكم.
~~(سعاد تعانق الأم وتقبلها.)
~~(وتعانق الأخت وتقبلها.)
~~(الأخت تشير إليها بأن تزورهم مرة أخرى. توصلها
~~إلى الباب.)
~~(سعاد تخرج.)

# الأم
~~:

# يا ترى انت فين يا محمود يا بني؟! يا مين يطمني عليك! ده أنا
~~قلبي انفطر عليك!
~~(الأم تبكي. الأخت تراها تبكي. تجلس إلى جوارها
~~وتبكي معها.)

# تصوير
~~داخلي:

# محمود وسعد يجلسان في حجرة المعتقل.

# محمود قد طالت لحيته وبدا عليه التعب.

# وسعد أيضا يضحك باستهتار. ومحمود أمامه رزمة من الورق يكتب
~~ويقطع.

# وأمامه صورة سعاد يتأملها قليلا ويتركها.

# يمسك القلم ويكتب كلمة سعاد ويكتب كلمة محمود.

# يضيف لها كلمة دكتور. يشطب.

# يكتب دكتورة. ويشطبها. يمزق الورقة إثر الورقة.

# إلى جواره كوم من الورق الممزق.

# سعد يتأمله ويضحك باستهتار.

# سعد
~~:

# إنت مش حتبطل كتابة بقه؟ ها! ها بقى لك عشرين يوم بلياليهم
~~وانت قاعد قعدتك دي. يظهر ان الحقن بتطلع في دماغك وتنقلب حبر!
~~ها! ها!
~~(محمود يكتب ولا يرد ولا يرفع رأسه.)

# سعد
~~:

# ما ترد! إنت يابكم!

# محمود
~~:

# لا يرد. كأنه لا يسمعه.
~~(سعد يقف ويذهب إلى محمود ويهزه من كتفه هزة
~~خفيفة يقع محمود من أثرها على الأرض في إعياء شديد.)
~~(يتنفس بصعوبة على الأرض.)
~~(ويستريح لحظة ثم يهب ثائرا كالأسد.)
~~(ويمسك سعد من ملابسه.)

# محمود
~~:

# أنا قلت ميت مرة ما تلمسنيش! إيدك دي ما تلمسش جسمي!
~~(سعد ينتزع نفسه منه ويترنح ساخرا.)

# سعد
~~:

# يعني حالمس شباك النبي يا أخي!

# على فكرة. أنا حلمت امبارح حلم غريب قوي.
~~(محمود يجلس إلى الورق مرة أخرى ويمسك
~~القلم.)

# سعد
~~:

# حلمت اني بقيت نبي!
~~(محمود ينظر ms044 إلى سعد في دهشة.)
~~(سعد ينظر إليه في دهشة أيضا.)
~~(ثم ينفجران في الضحك والقهقهة
~~العالية.)
~~(ثم يتوقفان عن الضحك فجأة.)
~~(يصمتان ويشردان ويطرقان إلى الأرض في
~~حزن.)
~~(محمود يقف مضطربا. يمشي في الحجرة
~~قلقا.)
~~(ثم يذهب إلى الحقيبة ويفتحها ويخرج علبة
~~الحقن.)
~~(ويعطي نفسه حقنة في ذراعه الأيسر. سعد ينظر
~~إليه في دهشة.)

# سعد
~~:

# لا! ده انت زودتها خالص! حقنتين في اليوم؟

# محمود
~~:

# أيوه اثنين، وبكرة حيبقوا تلاتة، وبعده أربعة، وبعده خمسة،
~~لغاية ثلاثين!

# سعد
~~:

# ده انت غلبتني. طول عمرك تغلبني. حتى في الإدمان!
~~(محمود يسمع كلمة إدمان فيبدو وجهه مكبرا
~~مضطربا. عيناه تبرزان في فزع.)

# محمود
~~(غاضبا)
~~:

# إيه الكلمة اللي انت قولتها دي؟!

# سعد
~~:

# كلمة إيه؟

# محمود
~~:

# الكلمة الأخيرة!

# سعد
~~:

# الأخيرة أنهيه!

# محمود
~~(ثائرا)
~~:

# الأخيرة! الكلمة الأخيرة! مش عارفها؟ الكلمة اللي قولتها!
~~قولها تاني! قولها! قولها! انطق!

# سعد
~~:

# لا ماقولهاش. قولها أنت!
~~(محمود يمسك بخناق سعد في ثورة شديدة.)

# محمود
~~:

# يا جبان! يا رعديد! طول عمرك طفل! أنا حقولها! أيوه أنا
~~حقولها! إدمان أيوه! إدمان!
~~(في شدة وعنف.)

# أنا مدمن! مدمن! مدمن! مدمن!
~~(يمسك رأسه بيديه في قوة. يترنح وصوته
~~ينقلب إلى نشيج ويقع على الأرض محدثا صوتا.)
~~(موسيقى تصويرية. تعبر عن سقوط شخص إلى
~~الأرض.)
~~(يهذي بكلمة سعاد!)

# سعاد! سعاد!

# تصوير
~~خارجي:

# حقيبة سعاد تقع منها على الأرض وهي تجري في الشارع.

# تترك الحقيبة وتجري كالمجنونة وهي تلهث والدموع في عينيها وهي تقول
~~كالمجنونة.

# محمود! محمود!

# تجري في الشارع نحو المعتقل وتدخله.





# | الصورة الممزقة (4)




# تصوير
~~داخلي:

# محمود راقد على سريره في المعتقل.

# وسعد راقد على سريره غارق في النوم.

# محمود يهذي بكلمة سعاد.

# سعاد!

# تظهر سعاد على باب الغرفة ومعها الحارس. الحارس يتركها
~~وينصرف.

# سعاد تنظر إلى محمود والدموع في عينيها والألم. تقترب من الباب وتمسك
~~حديد الباب بيديها.

# سعاد
~~:

# محمود محمود!
~~(محمود يهب من نومه واقفا مذعورا لحظة ثم
~~يجري إليها ويمسك يديها من الباب.)

# محمود
~~:

# سعاد! سعاد! حبيبتي!

# سعاد
~~:

# محمود! حبيبي!

# محمود
~~:

# سعاد!

# سعاد
~~:

# ليه ms045 يا محمود ما بعتليش جواب؟ ليه ما قولتليش انت هنا؟ ده
~~أنا كنت بدور عليك في كل حتة!
~~(محمود يقبل يدها في حب وشوق.)

# محمود
~~:

# سعاد! مش معقول! مش مصدق عيني! كان متهيأ لي اني مش حشوفك
~~تاني!

# سعاد
~~:

# ازاي يا محمود تقول كده؟

# محمود
~~:

# مش عارف! كان متهيأ لي إنك ضعت مني خلاص!

# سعاد
~~:

# مش معقول يا محمود! إنت نسيت اللي كان بينا؟

# محمود
~~:

# أنا ما نسيتش حاجة أبدا. لكن قلت يمكن انت اللي
~~تنسي.

# سعاد
~~:

# أنسى؟! ده انا أنسى عمري وما انساكش يا محمود!
~~(يقبل يديها الاثنتين. سعاد تضع وجهها بين
~~كفيه وتبكي.)

# محمود
~~:

# سعاد.

# سعاد
~~:

# الحمد لله إنك بخير يا محمود!

# محمود
~~:

# أنا بخير يا سعاد طول ما بحس إنك جنبي!

# سعاد
~~:

# جنبك يا محمود دايما!
~~(يهدآن. سعاد تنظر إلى زميله النائم.)

# سعاد
~~:

# مين ده؟

# محمود
~~:

# سعد.
~~(تنظر إليه في ألم.)
~~(محمود يومئ برأسه دليل الإيجاب.)

# محمود
~~:

# إيه الأخبار؟

# سعاد
~~:

# البلد كلها بتغلي من جوه. والبوليس السياسي نازل مطاردة
~~للفدائيين اللي رجعوا. والغريب إن احنا ما نعرفش مين مسكوه
~~ومين لسة. الاعتقالات كلها بتتعمل في السر.

# محمود
~~:

# الحكومة خايفة من الطلبة قوي!

# سعاد
~~:

# دول خلاص فقدوا عقلهم وعمالين يهبشوا زي المجانين. والبلد
~~بقت عايشة في رعب وأحكام عرفية وطوارئ زي ما تكون حرب.
~~(سعاد تنظر إلى محمود والدموع في عينيها.
~~محمود يمسك يديها في حب وحنان.)

# محمود
~~:

# سعاد! ازيك يا سعاد؟

# سعاد
~~:

# الله يسلمك يا محمود. وانت يا محمود ازيك؟ وعامل إيه؟

# محمود
~~:

# صورتك أدام عيني.

# سعاد
~~:

# وانت كمان يا محمود. إنت كمان صورتك معايا على طول.
~~(يتبادلان النظرات في حب.)
~~(يقبل يديها الاثنتين.)

# سعاد
~~:

# لكن لازم يفرجوا عنكم! لازم.

# محمود
~~:

# مش باين. على الأقل مش دلوقت. لما الناس تهدأ شوية.
~~(تسمع أقدام الحارس تقترب.)
~~(محمود وسعاد يصمتان.)
~~(محمود يمسك يديها في قوة وعنف.)

# الحارس
~~(يظهر ويقول بصوت غليظ):
~~:

# الزيارة انتهت يا ست هانم!
~~(سعاد تمسك يدي محمود في يديها وتنظر إليه في
~~حب.)

# سعاد
~~:

# محمود! مش ms046 معقول اسيبك هنا! مش معقول!
~~(تبكي وتضع وجهها بين كفيه.)

# سعاد
~~:

# مش قادرة اسيبك يا محمود!
~~(محمود يقبل رأسها وشعرها.)

# محمود
~~:

# سعاد! حبيبتي!

# الحارس
~~:

# الزيارة انتهت يا ست هانم!
~~(سعاد ترفع وجهها الدامع الحزين.)
~~(محمود ينظر إليها في ألم.)

# سعاد
~~:

# أنا حامشي يا محمود. لكن حجيلك تاني.

# محمود
~~:

# امتى يا سعاد؟

# سعاد
~~:

# على طول. بكرة! على فكرة أنا زرت مامتك واختك وبيسلموا عليك
~~كثير يا محمود وهم بخير. عاوز حاجة منهم؟

# محمود
~~:

# سلميلي عليهم يا سعاد لغاية مارجع.

# سعاد
~~:

# حاضر يا محمود. خلي بالك من نفسك
~~(يقبل يدها. تنظر إليه؟. تتركه وتبتعد عن باب
~~الحجرة وهي تتلفت وراءها إليه والدموع في عينيهما.)

# سعاد
~~:

# مش عاوز حاجة كمان أجيبها لك معايا المرة الجاية؟

# محمود
~~:

# عاوزك انتي. يا سعاد!

# تصوير
~~داخلي:

# حجرة مكتب مدير المعتقل. ضابط بوليس برتبته لواء يجلس على مكتبه
~~الفخم في كبرياء. يقف أمامه شاب يبدو أنه طالب جامعي. بين اثنين من
~~الجنود. أمام اللواء على مكتبه بعض منشورات. اللواء يمسك بأحد
~~المنشورات في غضب.

# اللواء
~~:

# عاوز تقول إيه يا ولد؟ البوليس قبض عليك ومعاك شنطة فيها
~~منشورات ضد الملك والحكومة! تعرف تقولي عاوز تقابلني ليه؟
~~التهمة ثابتة عليك!

# الطالب
~~:

# المنشورات كانت في الشنطة صحيح، لكن الشنطة دي مش
~~بتاعتي!

# اللواء
~~:

# أمال بتاعة مين؟

# الطالب
~~:

# مش عارف، أنا لقيتها في الشارع وكنت رايح اسلمها في القسم
~~للبوليس لما جم يقبضوا علي في الشارع.

# اللواء
~~:

# لا والله ذكي يا واد! الكلام ده تقولوه لحد غيري! أنا عارف
~~إيه اللي بيجرى في البلد! أنا صاحي كويس! لكن والله العظيم أنا
~~لازم اربيكم يا كلاب! شوية عيال عاملنلي زيطة في البلد!
~~(يكلم الجنديين
~~الواقفين):

# خدوه! ارموه في الزنزانة
~~بتاعته!
~~(الطالب ينظر إليه نظرة حقد وغضب شديدين.
~~الجنديان يشدان الطالب خارج الحجرة.)
~~(يدخل شرطي يؤدي التحية للواء.)

# اللواء
~~:

# فيه إيه؟

# الشرطي
~~:

# فيه واحدة برة اسمها الدكتورة سعاد زغلول عاوزة تقابل
~~سعادتك!

# اللواء
~~:

# خليها تدخل؟
~~(تدخل سعاد في كبرياء وتجلس.)

# اللواء
~~:

# أفندم يا دكتورة؟ ms047

# سعاد
~~:

# أنا خطيبة الطالب محمود زكي المعتقل ، وعاوزة اعرف إيه التهمة
~~الموجهة ضده؟

# اللواء
~~:

# محمود زكي؟! دي مش تهمة واحدة يا هانم دول تهم! محمود زكي ده
~~ولد خطير. خطير جدا. الدوسيه بتاعه مليان نقط سودة. تقارير
~~حرس الكلية عنه إنه طالب خطير متزعم الطلبة وبيحرضهم على
~~الإضراب. وتقارير البوليس السياسي في القنال بتقول إنه بيحرض
~~الفدائيين ضد الوطن.

# سعاد
~~:

# ضد الوطن؟ ضد الوطن ازاي وهو ضحى بحياته ومستقبله وراح يحارب
~~الانجليز؟

# اللواء
~~(في شدة)
~~:

# إنجليز إيه؟ هم شوية العيال دول هم اللي حيخرجوا الانجليز من
~~مصر؟ فيه حكومة وفيه جيش وفيه بوليس. مش طلبة المدارس
~~والجامعة. دول شوية عيال مأجورين!

# سعاد
~~(واقفة في غضب)
~~:

# مأجورين ازاي؟! أنا ما سمحش لحضرتك أبدا إنك تقول عن
~~الفدائيين إنهم مأجورين. دول أشرف ناس في البلد؟!

# اللواء
~~:

# والله عال خالص! حضرتك جاية تقوليلي إيه اللي اقوله وإيه
~~اللي ما قولوش.
~~(اللواء يضرب جرسا. يدخل الشرطي. يؤدي
~~التحية).

# اللواء
~~:

# خد البنت دي ارميها في أودة جوه، لغاية ما نادي
~~عليها.
~~(سعاد تقف كالنمرة الناثرة. تنظر إلى الوراء في
~~احتقار.)

# سعاد
~~:

# قبل ما اروح معاه عاوزة اقولك انكم انتم اللي مأجورين وانتم
~~اللي بتخونوا الوطن! وكل الناس عارفة ده وبتغلي من جوه!

# اللواء
~~:

# اخرسي!

# سعاد
~~(في جنون)
~~:

# لأ مش حاخرس! لازم اقول! إنتم اللي خونة انتم اللي خونة!
~~خونة!
~~(اللواء يصفع سعاد على وجهها صفعة قوية يسمع
~~لها دوي).
~~(موسيقى تصويرية تصور الثورة والرغبة في
~~الانطلاق.)
~~(يسمع في نفس اللحظة دوي في الخارج يشير إلى
~~انفجار شديد.)
~~(تعقبه أصوات مدافع وأصوات ناس تهلل وتصفق في
~~حماس عجيب. سعاد تجري نحو الباب.)
~~(يبدو وجهها مكبرا يعبر عن الدهشة
~~والأمل.)

# تصوير
~~داخلي:

# باب المعتقل وهو يفتح على مصراعيه. باب حجرة محمود يفتح. الحارس يفسح
~~الطريق لمحمود.

# محمود يقف على عتبة الغرفة بملابس الحرب البالية القديمة وعلى كتفه
~~حقيبة الحرب. يلتفت خلفه إلى الغرفة في ألم وحزن كمن يفتقد شيئا
~~عزيزا.

# يخرج من الغرفة في خطوات واهنة حزينة. ms048 يطرق إلى الأرض وهو يمشي في
~~أسى وقد طال شعر ذقته.

# تصوير
~~داخلي:

# محمود يطرق باب بيته. أخته الخرساء تفتح. تعانقه الأخت وهي تبكي
~~وتعبر له بالإشارات عن فرحتها.

# صورة مكبرة لوجه الأخت الخرساء وهو يعبر عن معاني الفرح
~~والألم.

# تظهر الأم. صورة مكبرة لوجهها معبرا عن الفرحة مختنقة
~~بالدموع.

# الأم
~~:

# محمود! ابني! حبيبي! الحمد الله اللي انت بخير!
~~(تعانق محمود. محمود يعانقها في حب وشوق. الأم
~~تبكي وتتحسسه في لهفة وحب خشية أن يكون مصابا بشيء.)

# محمود
~~:

# أمي! أمي!

# الأم
~~:

# كده يا محمود تغيب الغيبة دي كلها؟ طيب مش كنت تبعث تطمنا
~~عليك! الحمد الله! ما فيش تعويرة جت لك هنا والا هناك؟

# محمود
~~:

# لا يا ماما ما فيش!

# الأم
~~:

# طب ادخل يا حبيبي استريح شوية. والا تحب تغير هدومك الأول؟
~~أحضر لك الحمام؟ يوه! إنت ما لك سايب دقنك كده؟ هو ما كنش
~~فيه امواس حلاقة في اللي اسمها القنال؟!
~~(محمود يدخل إلى حجرته. الأخت تجري وتفتح
~~دولابه وتحضر له غيارا نظيفا.)

# الأم
~~:

# والا تحب تاكل لقمة الأول؟ أظن ما انت يا بني جعان؟!

# محمود
~~:

# لأ. أنا حغير واستريح شوية الأول.
~~(محمود يخلع ملابسه ويرتدي قميصا نظيفا
~~وبنطلونا نظيفا. الأخت ترقبه وترتب دولابه. محمود يجلس على مكتبه
~~ويكتب ويمسك الورق والقلم.)

# الأم
~~:

# مش تستريح لك الأول شوية يا محمود؟

# محمود
~~:

# حاكتب شوية وبعدين استريح.

# الأم
~~:

# إنت وكيفك. نسيبك شوية؟

# محمود
~~:

# أيوه يا ماما!
~~(الأم تأخذ عزيزة وتخرج.)
~~(محمود يكتب على الورقة بعض الخطوط والمثلثات.
~~يكتب كلمة.)
~~(بطل. حرب. خونة. لصوص. قتلة.)
~~(بطل. حرب. خونة. لصوص. قتلة.)
~~(يضع القلم في إعياء. يتصبب العرق من
~~جبهته.)
~~(يمسك القلم ثانيا. يكتب محمود زكي، يكتب أمام
~~محمود):
~~(دكتور محمود زكي.)
~~(كلمة دكتور ثم يشطبها. يكتب سعاد. يكتب كلمة
~~دكتورة.)
~~(سعاد. دكتورة سعاد.)
~~(يضع القلم. يمسك رأسه بيديه في إعياء
~~شديد.)
~~(يمزق الورق في اضطراب. يقف يمشي في الحجرة
~~قلقا.)
~~(ينظر في مرآة دولابه. يرى وجهه الناحل وشعره
~~المنكوش ودقنه الطويلة.)
~~(يدور في ms049 الحجرة كالمجنون. يفتح أدراج المكتب
~~كلها ويبحث عن شيء.)
~~(يبحث في الدولاب أيضا. يقلب السرير. العرق
~~يتصبب من وجهه.)
~~(يخرج مندفعا من باب حجرته.)
~~(يدخل على أمه وهي تجلس على الماكينة وبجوارها
~~أخته.)

# محمود
~~(في اضطراب)
~~:

# ماما! اديني جنيه!

# الأم
~~(في دهشة)
~~:

# جنيه؟ ليه يا محمود؟ الأكل موجود في البيت. أحضر لك لقمة بدل
~~ما تاكل بره؟

# محمود
~~:

# لأ. أنا مش جعان.

# الأم
~~:

# أمال رايح فين؟ وعاوز الجنيه ليه؟

# محمود
~~(في قلق)
~~:

# بعدين اقولك! بس هاتي بسرعة!
~~(الأم تنظر إليه في قلق. وتبحث في جيوبها عن
~~نقود.)
~~(الأخت أيضا تبحث في جيوبها. الأم تناوله
~~جنيها.)

# الأم
~~:

# ومال لونك مخطوف كده؟ اوع تكون رايح هنا والا هنا تاني! أنا
~~ما صدقت انك رجعت بالسلامة!
~~(محمود يأخذ النقود ويسرع إلى الباب مهرولا.
~~الأم والأخت تنظران إليه.)

# محمود
~~(في قلق وفي ألم شديد)
~~:

# لأ. ما تخافيش يا ماما!
~~(الأم تعود وتجلس على الماكينة في إعياء. الأخت
~~تجلس إلى جوارها وتضع يديها على خدها.)

# الأم
~~:

# يا ترى رايح فين تاني يا محمود؟ اللهم ما اخزيك يا شيطان!
~~ربنا يهديك يا محمود!
~~(الأم تمسح دموعها. والأخت تسمح دموعها في
~~حزن.)

# تصوير
~~خارجي:

# محمود يدخل حجرته بسرعة. يغلق الباب من خلفه. يجلس على مكتبه. يفتح
~~علبة الحقن. يعطي لنفسه حقنة في ذراعه الأيسر. يغمض عينيه لحظة.
~~يتصبب العرق من جبهته. يفتح عينيه. ويبتسم. يعبس. ينظر لنفسه في
~~المرآة. يعود إلى المكتب. يمسك الورقة والقلم. ويرسم طبيبا بسماعة في
~~أذنيه. يكشف على مريض عريان فقير راكعا على الأرض.

# تجهز رسوم كاريكاترية تظهر كأنها من رسم يده.

# سعاد. دكتورة سعاد.

# يرسم قتيلا بملابس الحرب يحتضر. يرسم سجينا في المعتقل. يرسم وجه
~~أمه. يرسم أخته الخرساء. يمزق الورق. ويكتب اسم سعاد. دكتورة. يكتب
~~محمود. دكتور. ثم يشطبه.

# محمود. دكتور.

# أمه تطرق الباب.

# محمود
~~:

# ادخل!
~~(أمه تدخل.)

# الأم
~~:

# أنا قلقت عليك قوي يا محمود؟ إنت رحت فين؟ ما لك كنت مكروش
~~كده؟

# محمود
~~:

# أبدا ولا حاجة!

# الأم
~~:

# ولا حاجة ازاي؟ ms050 ده لونك كان مخطوف قوي زي اللي عيان بقه له
~~سنه.
~~(محمود يواصل رسوماته وكتاباته.)

# محمود
~~:

# ما انا عيان بقه لي سنة!

# الأم
~~(في فزع)
~~:

# بقه لك سنة عيان؟ يا مصيبتي؟ وليه ما قولتش عشان واحد دكتور
~~يشوفك؟
~~(تدخل الأخت يبدو على وجهها القلق
~~أيضا.)
~~(معها صينية عليها بعض الأطباق تضعها. محمود
~~يشكرها برأسه ثم ينظر إلى أمه ويكلمها. ويأخذ فنجان الشاي
~~ويشرب.)

# محمود
~~(في سخرية)
~~:

# دكتور؟! هو الدكتور بيفهم في العيا؟

# الأم
~~:

# أمال بيفهم في إيه يا ابني؟

# محمود
~~:

# بيفهم ازاي يعمل ثروة. ويشتري عربية فخمة. ويعلق يافطه طول
~~كده!
~~(محمود يفتح ذراعيه على آخرهما.)
~~(الأخت تنظر إليه باهتمام.)

# الأم
~~(في ألم)
~~:

# هو انت لسة بتقول الكلام ده؟ ما كافكش اللي حصل؟!

# واحد غيرك كان يشيل عني الحمل ويريحني! مش عارفة إية اللي
~~راكب دماغك؟ زي ما يكون حد عاملك عمل!

# محمود
~~:

# ساخرا عمل؟!
~~(يظهر وجه الأخت معبرا عن كلام الأم.)

# الأم
~~:

# أيوه! كل الناس منتبهة لشغلها الا انت. اللي اتخرج اتخرج
~~واللي اشتغل اشتغل. اشمعنى انت بس؟ إيه اللي مش عاجبك في
~~الدنيا؟

# محمود
~~:

# الدنيا!

# الأم
~~:

# ما لها الدنيا يا ابني؟!

# محمود
~~(في غضب)
~~:

# مش عاجبني! الناس والكلية والشارع. الكبار والصغيرين. كل
~~حاجة! حتى نفسي مش عاجباني!
~~(الأم والأخت يتبادلان النظرات الحزينة. الأم
~~تربت على محمود في حنان.)

# الأم
~~:

# يا ابني! يا حبيبي! قوم ارجع كليتك وشوف شغلك خليك تتخرج.
~~قوم ربنا يهديك يا محمود. عشان خاطري. وعشان خاطر اختك عزيزة
~~اللي مش حيبقى لها حد غيرك. عشان خطيبتك سعاد اللي بتحبك. قوم
~~يا حبيبي. قوم ربنا يفتح عليك!
~~(الأم تمسك محمود من ذراعه. محمود يقوم من
~~جلسته إلى مكتبه ويضع الأوراق في الدرج.)
~~(الأخت الخرساء توصله إلى الباب وهي تلاطفه.
~~تسأله بالإشارات إذا كان يريد نقودا. تضع يدها في صدرها وتعطيه
~~بعض النقود.)

# تصوير
~~خارجي:

# الدكتورة سعاد وهي ترتدي البالطو الأبيض وتعلق السماعة في رقبتها.
~~تمر مع الحكيمة والممرضة على المرضى بعنبر من عنابر المستشفى. تكشف على ms051
~~مريض. تغير جرح مريض. تواسي مريضا ... إلخ .

# عمل متواصل في العنبر. تدخل حجرة العمليات.

# تساعد أستاذا لها في عملية جراحية، ثم تخلع الكمامة عن أنفها وفمها.
~~وتخلع البالطو، وتخرج من المستشفى.

# تتمشى قليلا في فناء المستشفى.

# تسوقها قدمها إلى أرض ملاعب كلية الطب المجاورة للمستشفى. تقف تشاهد
~~مباراة بين طالب وطالبة.

# تتذكر نفسها منذ كانت طالبة. تتذكر محمود.

# تخرج صورته من جيبها وتنظر إليها والدموع في عينيها.

# تنظر ناحية شجرة الكافور المعهودة. ترى محمود جالسا تحتها. يظهر
~~وجهها مكبرا معبرا عن الدهشة والفرحة. تتسمر لحظة في مكانها ثم تجري
~~نحوه في سعادة.

# سعاد
~~:

# محمود! محمود!

# محمود
~~:

# سعاد!

# سعاد
~~:

# مش معقول يا محمود! مش معقول! أنا مش مصدقة عيني!
~~(يعانقها ويقبل يديها في شوق.)

# محمود
~~:

# سعاد! حبيبتي!

# سعاد
~~:

# خرجت امته يا محمود؟

# محمود
~~:

# النهارده بس.

# سعاد
~~:

# مبروك! مبروك يا محمود!

# الحمد لله! الحمد لله!
~~(الدموع تملأ عينيها في سعادة.)
~~(محمود يقف إلى جوارها شاردا جامدا
~~كالتمثال.)
~~(سعاد تنظر إليه في دهشة وتتأمل عينيه
~~قليلا.)

# سعاد
~~:

# إيه ما لك يا محمود؟ إنت متغير خالص! عنيك مش زي
~~الأول.
~~(محمود يشيح بوجهه بعيدا عنها.)

# محمود
~~:

# أبدا مفيش حاجة يا سعاد. بس حاسس اني تعبان.
~~(سعاد تقترب منه.)

# سعاد
~~:

# طبعا يا محمود. ده شيء طبيعي بعد اللي شفته في الحرب
~~والمعتقل.
~~(يجلسان.)

# لكن الحمد لله. حصل خير يا محمود. وانت ما تأخرتش كثير.
~~وشوية مذاكرة صغيرين يخلوك تعدي وتأخذ الباكلوريوس.
~~(محمود ينظر في عينيها طويلا.)

# محمود
~~:

# لسة ما غيرتيش رأيك فيه يا سعاد؟

# سعاد
~~:

# مش ممكن أغيره أبدا. إنت عملت اللي عليك يا محمود. إذا كنتم
~~انهزمتم في القنال فده مش ذنبكم.

# الحرب مع الانجليز كانت خدعة! وإذا كانوا اعتقلوكم شوية فده
~~مش ذنبكم برضه وإنما ذنب الخونة! واهو الحمد لله الدنيا اتصلحت
~~والملك راح في داهية!

# محمود
~~:

# الدنيا اتصلحت صحيح! لكن أنا اتعورت واتجرحت!

# سعاد
~~:

# ليه يا محمود؟ إنت ترجع الكلية تاني وتتخرج وكل حاجة
~~تتصلح!

# محمود
~~:

# ما افتكرش؟

# سعاد
~~:

# ليه يا محمود؟ ms052

# محمود
~~:

# الجرح اللي جوه قلبي غويط قوي لدرجة انه مش ممكن يخف! والكسر
~~اللي جوه نفسي كبير قوي لدرجة انه قسمني نصين!

# ما فيش فايدة أبدا! ما فيش فايدة!

# سعاد
~~:

# ما تقولش كده يا محمود. إنت طول عمرك إنسان قوي وما فيش حاجة
~~تخليك تفقد الأمل.
~~(تمر لحظة صمت طويلة.)

# سعاد
~~:

# وسعد خرج معاك من المعتقل؟
~~(محمود يهز رأسه بالنفي.)

# سعاد
~~:

# ليه؟ ليه ما أفرجوش عنه؟

# محمود
~~(في حزن)
~~:

# مات قبل قرار الإفراج بيوم واحد.

# سعاد
~~(في ألم)
~~:

# مسكين! ربنا يرحمه!

# محمود
~~:

# ربنا ريحه! كل اللي ماتوا في الحرب أو المعتقل
~~استريحوا!
~~(سعاد تتأمله في دهشة.)

# سعاد
~~:

# انت لهجتك متغيرة خالص يا محمود! ليه بتقول كده؟

# محمود
~~:

# لأنهم ماتوا. بحق وحقيقي. هم عرفوا انهم ماتوا. إنما أنا؟
~~أنا اللي عايش ومش عارف اني عايش! أنا اللي مت ومش عارف اني
~~مت!
~~(يمسك رأسه بيده.)
~~(وجه سعاد مكبرا بالدموع والألم.)

# سعاد
~~:

# معلهش يا محمود. كل شيء حيتصلح. وأنا! أنا حكون جنبك على
~~طول!
~~(محمود يرفع رأسه.)

# محمود
~~:

# صحيح يا سعاد؟

# سعاد
~~:

# طبعا يا محمود. إنت مش عارف كده؟

# محمود
~~:

# مش عارف. ما بقتش اعرف حاجة خالص.

# سعاد
~~:

# ما تقولش كده يا محمود. الكلام ده مش بتاعك.

# محمود
~~:

# حتفضلي جنبي يا سعاد؟

# سعاد
~~:

# طبعا يا محمود!

# محمود
~~:

# حتى ولو شفتي دراعي؟

# سعاد
~~(في فزع)
~~:

# ما له دراعك يا محمود؟ اتعور؟

# محمود
~~:

# يا ريت يا سعاد!

# سعاد
~~:

# أمال إيه يا محمود وريني دراعك ما له؟
~~(محمود يكشف عن ذراعه الأيسر.)
~~(موسيقى عنيفة مناسبة.)
~~(يظهر ذراعه وقد انتشر على جلده نقط سوداء من
~~جراء الحقن الكثيرة التي أدمن عليها.)
~~(موسيقى مناسبة تصور الفزع والعنف.)
~~(وجه سعاد مكبرا يعبر عن الفزع
~~والدهشة.)
~~(وجه محمود مكبرا معبرا عن التحدي
~~والجنون.)
~~(سعاد تمسك رأسها بيديها.)

# سعاد
~~:

# مش معقول يا محمود! مش معقول!
~~(لحظة صمت طويلة.)
~~(محمود يجمع أوراقه ويضع قلمه في جيبه ويقف
~~ويتركها ويمشي.)
~~(سعاد ترفع رأسها. تجد محمود وهو يبتعد عنها.
~~سعاد تقف وتذهب إليه ms053 مسرعة وتتعلق به وتعانقه في حب.)

# سعاد 
~~:

# محمود محمود! أنا بحبك يا محمود! وعمر ما في حاجة في الدنيا
~~حتقلل من حبي لك يا محمود! أرجوك يا محمود! اسمعني اسمعني يا
~~محمود!
~~(محمود كالتمثال لا يرد ولا يتحرك.)
~~(محمود ينظر بعيدا شاردا. يبتعد عنها في غضب
~~مفاجئ.)

# محمود
~~:

# سعاد، إنتي لازم تسيبيني! لازم! أنا لا يمكن اقبل منك أي
~~شفقه أو عطف!
~~(سعاد تعانقه في حب وتبكي على صدره.)

# سعاد
~~:

# ازاي تقول كده يا محمود؟ أنا بحبك يا محمود!
~~(محمود كالتمثال لا يتحرك.)

# محمود
~~(في غضب)
~~:

# مش ممكن تحبي إنسان فاشل ضايع محطم مد...
~~(سعاد تضع يديها على فمه لتمنعه من أن يقول
~~كلمة مدمن.)

# سعاد
~~:

# ما تقولهاش يا محمود! ما تقولهاش!

# محمود
~~(في غضب)
~~:

# ما قولهاش ليه؟ هي دي الحقيقة! أنا مدمن! أيوه مدمن!
~~مدمن!
~~(يجلس ويمسك رأسه بيده في إعياء.)
~~(سعاد تقبل رأسه وتربت عليه.)

# سعاد
~~:

# معلهش يا محمود. دي مجرد أزمة بسيطة وتمر، وأنا واثقة انك
~~تقدر تتغلب عليها.

# محمود
~~:

# ما فيش داعي يا سعاد تربطي حياتك بحياة واحد زيي. أنا بحررك
~~من وعدك لي.

# سعاد
~~(في شدة)
~~:

# مش من حقك يا محمود انك تحررني من وعدي! ده وعدي أنا لك. أنا
~~اللي أخذته على نفسي وأنا اللي أحرر نفسي منه!
~~(في حب):

# وأنا يا محمود
~~متمسكة بوعدي لك.

# محمود
~~:

# حتى بعد ما عرفت؟

# سعاد
~~:

# دي مجرد أزمة يا محمود. طبعا نكسة الحرب وصدمة المعتقل مش
~~هينة عليك. لكن أنا متأكدة انك قوي. وانك حتتغلب عليها. ما فيش
~~حاجة في الدنيا يا محمود تقدر تسيطر عليك أو تغلبك!
~~(محمود يمسك يديها ويقبلهما في حب.)

# محمود
~~:

# سعاد! إنتي بترجعيني تاني للدنيا. بتشديني تاني للحياة. أنا
~~يا سعاد ححاول أعيش تاني عشانك. ححاول بس يا سعاد أنا
~~خايف!

# سعاد
~~:

# خايف من إيه يا محمود؟

# محمود
~~:

# خايف تتخلي عني يوم!

# سعاد
~~:

# مش ممكن يا محمود. حافضل جانبك على طول!

# محمود
~~:

# سعاد! أنا عاوزك جنبي ليل ونهار. كل ساعة وكل دقيقة. ms054 أنا
~~محتاج لك يا سعاد. محتاج لوجودك جنبي!

# سعاد
~~:

# حبقى جنبك يا محمود ليل ونهار، وكل ساعة، وكل دقيقة!
~~(يعانقها في حب وينظر في عينها.)

# محمود
~~:

# مش عارف اقولك إيه يا سعاد! إنتي بتزرعي الأمل تاني في
~~حياتي.

# أوعدك يا سعاد بإني حاحقق أملك في. وأثبت لك اني محمود
~~اللي شوفت صورته في عنيكي أول يوم! أوعدك يا سعاد!
~~أوعدك!
~~(يقبلها في حب.)

# تصوير
~~داخلي:

# منظر الصالة في بيت أسرة سعاد.

# الأم تودع بعض الضيوف (رجل كبير السن وزوجته).

# والدادة تحمل أكواب الشاي الفارغة.

# الأم
~~:

# مع السلامة يا حبيبتي. ده انتم شرفتوا ونورتوا.

# الضيفة
~~:

# الله يشرف مقدارك يا سنية هانم.

# الأم
~~:

# إن شاء الله نرد لكم الزيارة قريب قوي، إن شاء الله.

# الضيفة
~~:

# ده يكون لنا الشرف يا ست سنية.

# الأم
~~:

# مع السلامة.
~~(الضيوف يخرجون. الأم تغلق الباب وتأتي إلى
~~الصالة وتجلس الدادة.)

# الضيفة
~~(في سعادة)
~~:

# الله يسلمك يا حبيبتي.

# الأم
~~(للدادة)
~~:

# تعرفي يا أم علي إنهم ناس أمرا خالص!

# الدادة
~~:

# أي والنبي صدقت. دول يتحطوا على الجرح يبرد.

# الأم
~~:

# أهي فرصة من السما يا أم علي. ده ابنهم الدكتور محفوظ شاب زي
~~الورد يشرح القلب، مش زي بسلامته سي محمود الخايب اللي عامللي
~~بتاع إضرابات وعصابات وكلام فارغ!

# الدادة
~~:

# يا ستي احنا لسة على البر. وفسخ الخطوبة حاجة سهلة.

# الأم
~~:

# ايوه. أنا رأيي كده. الولد اللي اسمه محمود ده ما ينفعش
~~بنتنا أبدا.

# الدادة
~~:

# اسما الله عليها بقت دكتورة دكتورة أد الدنيا، وهو قال إيه
~~لسة تلميذ!

# الأم
~~:

# والنبي أنا ما كنت موافقة على الخطوبة دي أبدا. تعرفي الست
~~أم محفوظ قالت إيه؟

# الدادة
~~:

# إيه؟

# الأم
~~:

# قالت لي انهم مستعدين للمهر والشبكة وكل حاجة. أهم جيراننا
~~وعارفنهم. والدكتور محفوظ دكتور ناجح، وصيته واصل لغاية طنطا،
~~وعيادته على بعضها. وكمان يا أم علي أيوه عنده عزبة في ميت
~~البيضا.

# الدادة
~~:

# والنبي أنا شايفة انه عريس ما فيش زيه أبدا.
~~(الأب يدخل إلى الصالة بملابس البيت ويجلس في
~~الصالة معهما.)

# الأم ms055
~~:

# إيه رأيك بقه يا زغلول في الزيارة بتاعة النهارده؟

# الأب
~~:

# والله راجل كويس. بس المهم رأي سعاد.

# الأم
~~:

# رأي سعاد إيه؟ عشان ما بقت الدكتورة يعني؟ ما عندناش بنات
~~لها رأي!

# تدخل
~~:

# سعاد ومعها حقيبتها. يبدو عليها الإعياء والتعب.

# الأب
~~:

# أهلا سعاد.

# سعاد
~~:

# أهلا بابا.

# الأب
~~:

# إنتي رايحة فين يا سعاد؟
~~(سعاد تهم بالطلوع إلى حجرتها.)

# سعاد
~~:

# طالعة أودتي استريح شوية. طول النهار شغل في المستشفى
~~والليلة دي عندي نوبتشية.

# الأم
~~:

# أهي كل يوم كده! شغل في شغل. لا بنشوفها لا ليل ولا
~~نهار.

# الأب
~~:

# تعالي يا سعاد يا بنتي اقعدي مع ابوك وامك شوية. بقى لنا
~~زمان ما تكلمناش معاكي.

# سعاد
~~:

# حاضر يا بابا.

# الدادة
~~:

# أما اقوم اعملك فنجان قهوة.
~~(سعاد تجلس معهم.)

# سعاد
~~:

# بلاش قهوة. شاي يا دادة.

# الدادة
~~:

# ليه يا ست سعاد؟

# سعاد
~~:

# القهوة مش بتخليني انام.
~~(الدادة تنظر إليها وتخرج.)

# الأب
~~:

# ازاي حال الشغل في المستشفى؟

# سعاد
~~:

# الحمد لله. كويس.

# الأب
~~:

# ومحمود؟ أخباره إيه؟ اتخرج؟

# سعاد
~~:

# حيتخرج السنة دي ان شاء الله.

# الأم
~~:

# لسة حيتخرج! ده ولاده اتخرجوا واشتغلوا واتجوزوا وخلفوا
~~كمان!

# الأب
~~:

# اسمعي يا سعاد. أنا شايف إن محمود ده لا يصلح انه يكون زوج
~~ورب أسرة وأولاد. وده ولد مستهتر. فيه حد يسيب كليته ويروح
~~يحارب في القنال؟ والجواز يا بنتي مسئولية كبيرة عاوزة راجل
~~عاقل متزن.
~~(لحظة صمت طويلة.)

# الأب
~~:

# أنا رأيي يا سعاد انك تفسخي خطبتك منه.
~~(صورة مكبرة لوجه سعاد يعبر عن الدهشة
~~والفزع.)

# سعاد
~~:

# ازاي يا بابا اعمل كده؟!

# الأم
~~:

# إيه اللي ازاي؟ ابوكي بيكلمك عن مصلحتك! الست لواحظ جت
~~النهارده هي وجوزها عاوزين يخطبوكي لابنهم الدكتور محفوظ.
~~وانتي عارفة هو شاطر أد إيه! وغني أد إيه! وعندهم عزبة في ميت
~~البيضا.

# سعاد
~~:

# دكتور محفوظ إيه؟ وغني إيه؟ هو الجواز ده إيه؟ مزاد؟ اللي
~~يدفع أكثر هو اللي يكسب؟
~~(الدادة تدخل بفنجان الشاي. وتعطيه لسعاد
~~وتجلس.)

# سعاد
~~:

# أنا ما يهمنيش واحد غني! أو حد ناجح!

# الأم
~~:

# أمال يهمك ايه؟ سي ms056 محمود! تلميذ افندي اللي ما يعرفش يوكل 
~~نفسه!

# سعاد
~~:

# إنتي عارفة يا ماما اني ما حبش حد يتكلم عن محمود كده. معقول
~~اكون مخطوبة لواحد وبعدين يتأخر شوية أو تحصله أزمة اقوم اسيبه
~~واخد واحد تاني عشان غني وسليم وناجح؟ بدل ما أقف جنبه واساعده
~~واضحي عشانه؟

# الأب
~~:

# الكلام اللي انت بتقوليه ده كلام نظري. كلام الواحد يقراه في
~~الكتب بس. انما الواقع غير كده. لازم الراجل يكون كفء للجواز.
~~ويكون كفء كمان للست اللي يجوزها. زائد ان الجواز مش بس
~~الراجل. لازم يتبني على العقل والتفكير مش العواطف وكلام الكتب
~~والخيال!

# الأم
~~:

# إيه المناقشة الطويلة دي يا زغلول؟ إنت طري قوي مع البنت. ما
~~فيش حاجة اسمها محمود. لازم الخطوبة تنفسخ. والدكتور محفوظ هو
~~اللي حيجوزها. ما عندناش بنات يمشوا رأيهم! الناس تقول علينا
~~إيه؟

# سعاد
~~(في غضب)
~~:

# أنا مش بنت! أنا دكتورة! مش معقول اني ما يكونش لي رأي في
~~الراجل اللي حتجوزه. مش معقول ما اخترش أنا الراجل اللي حيكون
~~شريك حياتي! أنا رأيي اتجوز محمود! وأنا باختار محمود! ومش
~~حاختار حد غيره أبدا!

# الأب
~~(في شدة)
~~:

# الكلام ده مش عاوز اسمعه منك. سعاد! التعليم مش معناه انك
~~تخالفي أهلك بالشكل ده!

# الدادة
~~:

# اصبر بس عليها يا سي زغلول وهي تروق دلوقت!

# الأم
~~:

# تروق إيه؟ مش قلتلك يا زغلول إن التعليم حيخليها تفتح عينها
~~وما تقدرش تحكمها؟ يا دي الفضيحة! حنقول إيه بس للست لواحظ
~~وجوزها؟ يا دي الفضيحة! الناس حاتقول إيه علينا؟ مش قادرين
~~نحكم بنتنا؟

# الأب
~~(في صوت عال)
~~:

# مش قادرين ازاي يا سنية؟ ما فيش كلام فارغ من ده! الخطوبة
~~لازم حتنفسخ!

# الأم
~~:

# وطي صوتك يا زغلول. الجيران تسمع.
~~(الأم تقف وتغلق النوافذ حتى لا يسمع
~~الجيران.)

# الأم
~~(تلطم)
~~:

# يا دي الفضيحة! الناس حاتقول علينا إيه؟

# الدادة
~~:

# هدي نفسك يا ست سنية. ست سعاد ما تقدرش تزعلك ولا تزعل
~~باباها أبدا.
~~(سعاد تقف. وتهم بالطلوع إلى حجرتها.)

# الأب
~~:

# إنتي سمعت الكلام اللي قولته؟

# سعاد ms057
~~(في هدوء)
~~:

# أيوه سمعته. لكن أنا متأسفة يا بابا إذا كنت باقولك اني مش
~~حاقدر اسيب محمود!

# الأب
~~(يضرب كفا بكف)
~~:

# عال خالص! كويس خالص!

# الأم
~~(تلطم)
~~:

# يا فضيحتنا بين الناس! يا فضيحتنا بين الناس!

# الدادة
~~(تهدئ الرجل وزوجته)
~~:

# هدوا نفسكم بس! هي حتعمل اللي انتم قولتم عليه.

# الأب
~~(في شدة)
~~:

# اسمعي! أنا بقول كلمة واحدة! لو تزوجت محمود ده لا انت بنتي
~~ولا اعرفك! مفهوم!

# الأم
~~:

# يا دي الفضيحة! الناس حتقول علينا ايه؟ الناس!
~~(سعاد تصعد إلى غرفتها.)
~~(الأم يغمى عليها والدادة تجري لترش عليها
~~الماء.)
~~(الأب يجلس ويمسك رأسه بيده في حزن
~~وألم.)

# تصوير
~~خارجي:

# سعاد تحمل حقيبة ملابس صغيرة في يدها وتمشي في شارع طويل. الزحام من
~~حولها شديد. الناس كلهم يجرون إلى أعمالهم ومصالحهم. رجل يدوس على
~~قدمها وهي تسير. رجل آخر وهو يهرول إلى مصلحته. سعاد تمشي وحدها
~~والكل عنها مشغول بحياته.

# موسيقى تصويرية تصور السرعة والعزم والثبات.

# موسيقى مناسبة.

# سعاد تسرع الخطى كأنما تريد أن تلحق بشيء.

# صورة مكبرة ليد امرأة ويد رجل يتصافحان. يد الرجل تضغط على يد
~~المرأة في قوة وحب.

# يد رجل ثالثة تظهر وتمتد فوق اليدين وتمسكهما.

# صوت الراوية:

# الناس! الناس! الناس!

# تلك الكلمة البغيضة التي كرهتها بعد كلمة بنت، والتي كنت
~~أسمعها من أمي دائما. الناس! الناس! كأنما رأي الناس هو الخط
~~الذي يجب ألا أحيد عنه. إذا استقام استقمت وإذا انحرف
~~انحرفت.

# هؤلاء الناس الذين يسلمون أجسادهم وأرواحهم لي فأنقذها من
~~الموت. هؤلاء الناس كيف أخضع تحت لواء تقاليدهم التي لا ترى
~~إلا الثراء والغنى والنجاح؟! كأنما الناس هم الذين يملكون
~~قلبي. كأنما الناس هم الذين يعيشون حياتي. لا! أنا حياتي ملكي
~~أنا. إن قلبي وعواطف لي أنا وحدي. ليس من حق أحد من الناس أن
~~يفرض علي شيئا لا أرضاه لقلبي! أو حياتي! أو
~~مستقبلي!





# | الصورة الممزقة (5)




# تصوير
~~خارجي:

# يظهر محمود وسعاد جالسين ويداهما متشابكتان والمأذون يجلس ويده
~~تبارك يديهما.

# المأذون عجوز يلبس القفطان والعمامة البيضاء الكبيرة. ms058

# يرفع يده من فوق يديهما ويكتب قسيمتي الزواج. سعاد ومحمود يتبادلان
~~نظرات الحب. ينتهي المأذون من كتابة أوراقه ويعطي كلا منهما قسيمة
~~زواجه ثم ينصرف.

# تظهر سعاد جالسة على الكرسي ومحمود جالس على الكرسي أمامها. تظهر
~~الحجرة عارية إلا من الأثاث البسيط جدا. سعاد تنظر إلى محمود وهو
~~ينظر إليها.

# كل منها يرى الآخر في خياله بالصورة التي كان يحلم بها وقت
~~الزفاف.

# صوت الراوية:

# لم ألبس ثوب الزفاف. ولم أشهد جهاز العروس.

# لم تقبلني أمي ويهنئني أبي. ذهبت بقدمي إليه في بيته. ووضعت
~~يدي في يده. وتولى الرجل العجوز ذو العمامة البيضاء الكبيرة
~~كتابة أوراقه، وأعطى كلا منا نسخته، ثم تركنا وانصرف.

# فيلم سينمائي.

# يصور سعاد تلبس فستانا أنيقا جدا للزفاف وتجلس على الكوشة
~~وحولها الورود.

# محمود إلى جوارها يرتدي بدلة الزفاف وحولهما الأهل والأصحاب. يظهر
~~أبو سعاد يصافحها وأمها تقبلها. وأخته الخرساء تقبله. مظهر الفرح
~~الكامل.

# يظهر الواقع وسعاد جالسة بملابسها العادية على الكرسي ومحمود بملابسه
~~العادية. يتبادلان النظرات. محمود ينادي سعاد في حب.

# محمود
~~:

# سعاد!

# سعاد
~~:

# محمود!
~~(يقفان ويقتربان شيئا فشيئا ثم يعانقها بقوة
~~وبشدة ويقبلها قبلة طويلة دافئة. ثم يقفان. محمود يكلمها وهو
~~ينظر في عينيها.)

# محمود
~~:

# سعاد. إنتي حب حياتي. إنتي حياتي كلها. مش عارف يا ترى
~~استاهل التضحية الكبيرة اللي عملتيها عشاني؟

# سعاد
~~:

# أنا لسة ماعملتش حاجة لك يا محمود. أنا عاوزة اعمل لك حاجات
~~كتيرة قوي عشان تبقى سعيد يا محمود!

# محمود
~~:

# أنا اللي عاوز اقولك الكلام ده. سعاد. عاوز اعمل حاجات كثير
~~عشان تبقي سعيدة.

# سعاد
~~:

# أنا سعادتي يا محمود انك تتغلب على الأزمة.

# محمود
~~:

# طول ما انت جنبي أنا حاقدر اتغلب على كل حاجة يا
~~سعاد.

# أوعدك يا سعاد اني مش حاخد ولا حقنة من بعد النهارده! أوعدك
~~يا سعاد!

# سعاد
~~:

# حبيبي يا محمود!
~~(تعانقه وتقبله.)

# تصوير خارجي (في
~~مستشفى):

# الدكتورة سعاد ترتدي البالطو الأبيض. تمر على المرضى مع الحكيمة
~~والممرضة. تكشف على بعض المرضى.

# تواسي البعض. سعاد تجري عملية جراحية ms059 في حجرة العمليات ومعها طبيب.
~~الممرضة تمسح لها العرق.

# سعاد تروح وتجيء بين المرضى في همة ونشاط.

# تصوير
~~داخلي:

# محمود يجلس إلى مكتبه في بيته هو وسعاد وأمامه كتاب الجراحة يحاول
~~المذاكرة. يشرد قليلا. يمسك ورقة ويكتب بعض الخطوط والمثلثات. يكتب
~~الدكتور ثم يشطبه. يمزق الورقة. يتصبب العرق من وجهه. تبدو عليه
~~الرغبة لأخذ الحقنة. يحاول فتح كتاب الجراحة فيغلقه. يقوم ويتمشى في
~~الحجرة في قلق شديد. يجلس إلى المكتب مرة أخرى. يمسك القلم. يكتب بعض
~~الخطوط. يمزق الورق. يقوم ويدور في الغرفة كالمجنون. يمسك رأسه بشدة.
~~يتنفس بصعوبة.

# يمسك صدره كأنما يشعر بألم في صدره. يمسك ذراعه كأنما يشعر فيه بألم
~~شديد. يندفع كالمجنون إلى المكتب. يفتح الدرج بشدة ويخرج علبة
~~الحقن.

# موسيقى مناسبة.

# صورة مكبرة ليدي سعاد وهي تعطي مريضا حقنة في الوريد وتوصل له
~~جهاز نقل الدم. يداها ترتعشان. تقع الحقنة من يدها.

# تظهر صورة سعاد وهي مذعورة تنظر إلى الحقنة المكسورة.

# موسيقى مناسبة.

# على الأرض وعرق الإجهاد يتصبب من وجهها. تخلع البالطو. وتخرج.

# وجه محمود مكبرا والعرق يتصبب منه بعد أن أخذ الحقنة.

# ازاي خدتها تاني؟ ازاي؟ ازاي؟

# وهدأت أعصابه. في عينيه نظرة ألم وندم. يكلم نفسه. يمسك رأسه بين
~~يديه في أسى. يرفع راسه والدموع في عينيه يحاول أن يمسك بالقلم
~~ويكتب. يرسم بعض الخطوط ويمزق الورقة ويكلم نفسه.

# يرسم خطوطا أخرى ويمزق الورقة في غضب. يكلم نفسه.

# ازاي خدتها تاني؟ ازاي؟ ازاي؟

# خالفت وعدي لسعاد! خالفت وعدي!

# يمسك رأسه بشدة في أسى وألم. يرفع رأسه وقد هدأ قليلا. يفتح كتاب
~~الجراحة ويحاول المذاكرة.

# أنا ضعيف! ضعيف! ضعيف!

# تدخل سعاد تحمل أكياسا من الفاكهة والطعام.

# تجري إليه وتعانقه وتقبله.

# سعاد
~~:

# محمود! اتأخرت عليك؟

# محمود
~~:

# شوية. كان عندك شغل كتير في المستشفى؟

# سعاد
~~:

# كتير قوي يا محمود.
~~(ينظر إليها. سعاد تنظر إليه في حب. لحظة
~~صمت.)
~~(يحاول أن ينظر بعيدا عنها.)

# سعاد
~~:

# وحشتني يا محمود. ازيك؟

# محمود
~~:

# الحمد لله.

# سعاد
~~:

# ما لك؟

# محمود
~~:

# ولا حاجة.

# سعاد ms060
~~:

# طبعا! لازم ميت من الجوع! حالا حوضبلك سفرة هايلة. على
~~فكرة أنا ست بيت ممتازة!
~~(سعاد تضحك وتعانقه. يقبلها.)
~~(تخرج سعاد مسرعة.)
~~(محمود يعود إلى كتاب الجراحة وهو شارد يفكر في
~~ألم. يمسك رأسه بين يديه. يكلم نفسه.)
~~(مش معقول! مش معقول! اقولها اني ضعفت! مش
~~معقول اقولها اني خلفت وعدي! لازم اخبي عليها!)

# لازم!
~~(يرفع رأسه وينظر في كتاب الجراحة.)
~~(سعاد تدخل ومعها طبق شوربة والمعلقة.)

# سعاد
~~:

# ده طبق شوربة سخن تتسلى فيه كده عبال ما جهز الأكل.
~~(موسيقى مناسبة.)
~~(سعاد تفسح مكانا للطبق على المكتب. تزيح
~~الأوراق. ترى زجاجة الحقنة المكسورة التي أخذها محمود منذ دقائق
~~قبل وصولها. يقع طبق الشوربة من يدها على الأرض. صورة مكبرة
~~لوجه سعاد يعبر عن الفزع والدهشة والألم.)
~~(سعاد تنظر إلى الحقنة المكسورة في
~~ذهول.)
~~(عينا محمود تتابع عينيها فيعرف أنها فهمت
~~أنه أخذ الحقنة.)
~~(يطرق إلى الأرض في صمت وأسى).
~~(تمر لحظة صمت رهيبة.)
~~(سعاد تنظر إليه في عتاب شديد.)
~~(محمود يرفع بصره إليها.)

# محمود
~~:

# معلهش يا سعاد. دي آخر حقنة حاخدها. آخر حقنة. أقسم لك
~~بحياتي وحياتك إنها آخر واحدة. أنا فاكر وعدي يا سعاد. فاكره
~~كويس. إنما قلت تأخذ يا ولد الحقنة الأخيرة دي وبعدين تبطل على
~~طول.
~~(الدموع تظهر في عيني سعاد.)
~~(محمود يقترب منها ويعانقها ويقبل
~~يدها.)

# محمود
~~:

# صدقيني يا سعاد. صدقيني المرة دي. أوعدك يا سعاد إن دي آخر
~~حقنة. واهه آدي بقية العلبة حارميها من الشباك عشان
~~تصدقيني!
~~(محمود يأخذ علبة الحقن من الدرج ويلقيها من
~~الشباك.)
~~(وجه سعاد مكبرا يعبر عن الاطمئنان.
~~تبتسم له. ثم تعانقه وتقبله في حنان.)

# سعاد
~~:

# مصدقاك يا محمود مصدقاك. أنا عارفة انك قوي، ومتأكدة ان آخر
~~حقنة يا محمود. متأكدة.

# محمود
~~:

# يا حبيبتي يا سعاد!

# سعاد
~~:

# محمود!
~~(يعانقها ويضمها في حب.)
~~(يبتعد عنها قليلا. سعاد تنظر إليه.)

# سعاد
~~:

# باين عليك تعبان يا محمود. تحب تنام شوية؟

# محمود
~~:

# أيوه يا سعاد. يالله بينا ننام شوية.

# سعاد
~~:

# يالله.
~~(يقفان ويسيران نحو ms061 حجرة النوم.)
~~(يدخلان حجرة النوم. محمود يخلع ملابسه. سعاد
~~تختفي وراء ضلفة الدولاب لتخلع ملابسها.)
~~(لا يظهر منها إلا قدماها. محمود ينظر إليها
~~باسما.)
~~(محمود يستلقي على السرير باسما.)
~~(سعاد انتهت من ارتداء ملابسها.)
~~(تظهر أمامه باسمة.)

# محمود
~~:

# إنتي بتتكسفي مني يا سعاد؟

# سعاد
~~:

# تصور يا محمود لسة مش قادرة أتصور إني اقف كده واغير هدومي
~~قدامك.

# محمود
~~:

# ليه يا سعاد؟

# سعاد
~~:

# مش عارفة. ماما كانت دايما تشخط في كل ما فستاني يرتفع
~~شوية وتقول الناس تشوف جسمك لما خليتني اتكسف من أن أي حد يشوف
~~جسمي!

# محمود
~~:

# وهو أنا أي حد يا سعاد؟
~~(سعاد تعانقه في حنان.)

# سعاد
~~:

# إنت مش أي حد! إنت كل حد! إنت حياتي. حياتي كلها يا
~~محمود!
~~(يعانقها في حب ويقبلها.)
~~(سعاد تدخل على السرير بجواره. تمد يدها
~~تطفئ نور السرير.)
~~(تظهر ساعة الحائط مكبرة تشير إلى الساعة
~~الخامسة.)
~~(تظهر الساعة نفسها مكبرة تشير إلى
~~الساعة السابعة.)
~~(مرت ساعتان.)
~~(تظهر سعاد نائمة في الفراش غارقة في
~~النوم.)
~~(محمود عيناه مفتوحتان ينظر إلى سقف
~~الحجرة. يفكر. يتقلب في الفراش في أرق وسهد وألم.)
~~(موسيقى مناسبة.)
~~(يقوم من السرير وهو بالبيجاما. يفتح
~~الدولاب ليأخذ بدلة. يجد بالطو سعاد الأبيض معلقا في الدولاب.
~~يتأمله قليلا يمسكه ويأخذه ويلبسه فوق البيجامة. ينظر إلى
~~نفسه في المرأة. يبحث عن السماعة في الحجرة. يجدها. يعلقها في
~~أذنيه. وينظر إلى نفسه في المرآة. يبتسم ثم يعبس في اشمئزاز.
~~يخلع البالطو ويعلقه مكانه. يخلع السماعة. يعود ويجلس على
~~كرسي بجوار السرير. يفكر. ينظر إلى وجه سعاد وهي
~~نائمة.)
~~(تظهر أمامه صورة سعاد وهي مرتدية البالطو
~~الأبيض والسماعة في أذنيها. وحولها الحكيمات والممرضات. تكشف
~~على المرضى. تظهر سعاد بالبالطو الأبيض وحولها الأطباء
~~الشبان.)
~~(صورة سعاد تقف وأمامها طبيب شاب يحدثها
~~ويضحكان.)
~~(صورة سعاد وهي تدخل تتسلم ماهيتها وتعد
~~الجنيهات في يدها.)
~~(صورة سعاد وهي تدخل البيت تحمل أكياس
~~الفاكهة والطعام.)
~~(تظهر صورة محمود وهو جالس على الكرسي إلى
~~جوار السرير ينظر إلى سعاد وهي ms062 نائمة. يضع رأسه بين يديه
~~ويمسكها في شدة ويضغط على رأسه في ألم وعذاب. يهب واقفا
~~مضطربا. يمشي في الحجرة قلقا. ينتصب واقفا مضطربا. يمشي في
~~الحجرة قلقا. يتصبب العرق من جبهته غزيرا. صورة مكبرة
~~لوجهه تنم عن الرغبة الشديدة للحقنة. عيناه تبرزان في
~~جنون.)
~~(صوت الباب وهو يصفق بشدة.)
~~(يخلع البيجاما بسرعة ويلقيها على الأرض في
~~عصبية. يلبس بدلته بسرعة جنونية. يدس يده في حقيبة سعاد
~~ويأخذ جنيها وينطلق خارجا كالمجنون. ويصفق الباب وراءه
~~بشدة.)
~~(سعاد تهب من نومها مذعورة على صوت
~~الباب. تتلفت حولها فلا تجد محمود إلى جوارها. تنظر إلى
~~الحجرة. تنظر إلى البيجاما ملقاة على الأرض. والدولاب مفتوح،
~~والحقيبة مفتوحة. سعاد تقف حافية على الأرض. صورة مكبرة لوجهها
~~يعبر عن الألم والفزع والذهول. تمشي إلى الدولاب. تجد البدلة
~~غير موجودة. تتلمس حقيبتها بأصابعها في خوف. تقف كالمذهولة وسط
~~الغرفة. صورة مكبرة لوجهها الذاهل. تمسك رأسها بيديها وتكلم
~~نفسها في جنون.)

# مش معقول! مش معقول!
~~(تلقي بنفسها على السرير وتجهش بالبكاء في
~~عصبية وجنون!)
~~(صوت البكاء.)
~~(صورة مكبرة لفم امرأة يطلق صرخة
~~عالية.)
~~(صرخة امرأة تضع مولودا.)

# آه!
~~(لحظات صمت رهيبة.)
~~(صورة مكبرة لطفل مولود يطلق صرخات
~~عالية.)
~~(واء! واء!)
~~(يظهر وجه الطفل مكبرا وهو يبكي. يظهر
~~الطفل في يد الممرضة وهو يبكي بحرقة. الطفلة تلبسه
~~ملابسه.)
~~(يظهر وجه سعاد مكبرا يتصبب منه العرق.
~~ويعبر عن الإجهاد.)
~~(تظهر سعاد نائمة في الفراش.)
~~(الممرضة تناول سعاد الطفل.)
~~(الطبيب يجمع أدواته ويخرج من الحجرة ومن
~~خلفه الممرضة.)
~~(سعاد تحمل الطفل وتضمه إلى صدرها في
~~حب.)
~~(صورة مكبرة لوجهها تبتسم له. وتقبله.
~~يظهر محمود على باب الحجرة واقفا مترددا في الدخول. يدخل في
~~بطء وهو ينظر إلى سعاد. يقف أمام سعاد.)

# محمود
~~:

# حمد لله على سلامتك يا سعاد.

# سعاد
~~:

# الله يسلمك يا محمود.
~~(محمود يحمل الطفل من سعاد وينظر في
~~عينيه.)

# سعاد
~~:

# نسميه إيه يا محمود؟

# محمود
~~(باسما)
~~:

# نسميه إيه؟ نسميه إيه! مش عارف يا سعاد! زي ما تكون كل ms063
~~الأسامي اللي في الدنيا مش مناسبة له . عاوز اختار له اسم جديد!
~~اسم ما حدش اتسماه أبدا!

# سعاد
~~(في إخلاص وحب)
~~:

# طبعا! ابن محمود زكي لازم يبقى ولد عبقري ما تولدش حد زيه
~~أبدا، لا قبله ولا بعده.
~~(تموت الابتسامة فجأة على شفتي محمود. تتقلص
~~ملامحه في غضب.)

# محمود
~~(بشدة)
~~:

# إنتي بتتريقي علي يا سعاد؟
~~(وجه سعاد مكبر يعبر عن الدهشة.)

# سعاد
~~(في دهشة)
~~:

# أبدا يا محمود! مش معقول اتريق عليك أبدا!
~~(محمود يضع الطفل على السرير.)

# محمود
~~(غاضبا)
~~:

# أيوه معقول! دي مش طريقتك في الكلام! إنت اتغيرت
~~خالص!

# سعاد
~~:

# اتغيرت؟

# محمود
~~:

# أيوه اتغيرتي يا سعاد! أنا ملاحظ انك اتغيرتي كلك! مش كلامك
~~بس! عنيكي اتغيرت. صوتك اتغير. حركتك اتغيرت!

# سعاد
~~:

# أنا ما تغيرتش يا محمود وعمري ما اتغير؟ دي أوهام من
~~عندك!

# محمود
~~(غاضبا)
~~:

# أوهام؟ تقصدي إيه يا سعاد بكلمة أوهام؟

# سعاد
~~:

# قصدي تصورات من خيالك!
~~(وجه محمود يعبر عن الثورة والغضب
~~الشديد!)

# محمود
~~:

# تصورات في خيالي؟ أوهام؟ طبعا يا ستي أنا بقيت في نظرك
~~راجل كل كلامه أوهام وخيالات. يعني راجل مجنون!
~~(وجه سعاد يعبر عن الدهشة الشديدة.)

# سعاد
~~:

# جرى لك إيه يا محمود؟

# محمود
~~:

# خلاص محمود بتاع زمان راح! مات! وبقيت دلوقت راجل تافه
~~مجنون! طبعا مدام حضرتك كل يوم تقعدي بالساعات مع الدكاترة
~~الناجحين وتكلميهم ويكلموكي وتضحكي معاهم ويضحكوا معاكي! معقول
~~انك تفضلي تحبي واحد زيي. راجل فاشل. عاطل مدمن! مش
~~معقول!
~~(يجلس على الكرسي الموازي للسرير ويمسك رأسه
~~بيده وهو مطرق.)
~~(سعاد تنهض من سريرها في إعياء شديد وتسند على
~~السرير، وتذهب إليه وتمسك رأسه في حنان وتقول في صوت
~~حان.)

# سعاد
~~:

# محمود! أرجوك يا محمود. ما تقولش الكلام ده. إنت عارف إن حبي
~~لك عمره ما يموت. وما فيش ولا حد تاني ممكن انه يغير نظرتي لك!
~~محمود! أرجوك اسمعني! تعالى اقعد جنبي. تعالى شوف ابننا الحلو.
~~شوف أمل حياتنا. أنا متأكدة يا محمود انك بعد ما بقيت أب لطفل
~~زي ده حيكون عندك ms064 إرادة قوية وحتتغلب على الأزمة. تعالى شوف 
~~ابنك يا محمود اللي حيحبك ويحمل اسمك ويفخر بيك! تعالى.
~~(سعاد تمسكه من يده. يقوم محمود معها في إعياء
~~وألم.)
~~(يذهبان إلى الطفل. سعاد تحمل الطفل وتناوله
~~لمحمود.)
~~(محمود يحمل الطفل وينظر في عينيه طويلا، ثم
~~يكلم الطفل.)

# محمود
~~(يكلم الطفل)
~~:

# أنا راجل كويس قوي. حابقى كويس قوي وحتفتخر بي يا ...
~~يا ...
~~(يكلم سعاد):

# نسميه إيه
~~يا سعاد؟

# سعاد
~~:

# نسميه خالد.

# محمود
~~(شاردا)
~~:

# خالد؟ اسم حلو قوي. ومعناه حلو. بيطمن. بيطمني. بيخليني احس
~~ان الموت بعيد. بعيد قوي.

# سعاد
~~:

# موت إيه يا محمود؟ حد يفكر في الموت وله ابن مولود؟
~~(محمود ينظر في عيني الطفل في دهشة.)

# محمود
~~:

# ابن؟ ابني أنا؟ أنا ... أنا أبوك يا خالد؟ مبسوط؟
~~(الطفل يبكي بكاء متواصلا. ويصرخ صراخا
~~عاليا، ويرفس بقدميه بين ذراعي محمود.)
~~(يظهر وجه محمود مكبرا يعبر عن الذعر
~~الشديد والاضطراب.)
~~(موسيقى مناسبة.)
~~(يمسك الطفل بعيدا عن صدره في خوف. الطفل
~~يبكي. سعاد تأخذ الطفل من محمود.)
~~(وجه لمحمود والعرق يتصبب منه والذعر والدهشة
~~عليه.)
~~(موسيقى مناسبة.)
~~(يمشي في الحجرة في قلق واضطراب. يقف فجأة
~~وينفجر ثائرا.)

# محمود
~~:

# الطفل مش راضي! مش راضي إني أبقى أبوه! مش راضي! له حق! له
~~حق! ما يرضاش بي! ازاي يرضى إن يكون ابوه راجل فاشل
~~مدمن!
~~(يضغط على أسنانه في ثورة وجنون.)

# ازاي؟ ازاي؟
~~(سعاد تقترب منه وهي تحمل الطفل.)

# سعاد
~~:

# إيه اللي جرى لك يا محمود؟ هو الطفل بيفهم حاجة؟
~~(يذهب إلى الكرسي رأسه بين يديه في ألم. ينشج
~~كالأطفال.)

# محمود
~~(ثائرا)
~~:

# أيوه بيفهم! بيعرف! بيحس!

# أنا خلاص. خلاص انتهيت! ابني حكم علي بالنهاية دي! ابني حكم
~~علي باني ما انفعش أب. وما انفعش زوج وما انفعش حاجة خالص! ما
~~انفعش!
~~(سعاد تضع الطفل على السرير. وتتسند في إعياء
~~وتذهب إليه. تركع إلى جواره على الأرض وتمسك رأسه وتقبلها وتمسك
~~يديه والدموع في عينيها. تبكي هي أيضا.)

# سعاد
~~:

# كفاية يا محمود! كفاية يا حبيبي! أنا بحبك وابنك بيحبك. ms065 وكل
~~حاجة حتتصلح إن شاء الله! إن شاء الله يا محمود!
~~(وجه سعاد مكبرا والدموع في عينيها تنظر في
~~شرود إلى شيء بعيد. والقلق والألم مرتسم على وجهها. الطفل يبكي.
~~تنهض سعاد وتتسند في إعياء وتذهب إلى الطفل وتحمله لتهدئه. يظهر
~~وجه الطفل وهو يبكي وسعاد تنظر إليه من خلال الدموع. ثم تنظر إلى
~~محمود من خلال الدموع. وهو الذي يجلس على الكرسي ورأسه مطرق بين
~~يديه.)

# تصوير
~~داخلي:

# حجرة في مستشفى. الدكتور شكري يقف بجوار سرير يرقد عليه محمود. (لا
~~يظهر وجه محمود). يظهر طبيب آخر مع الدكتور شكري يمسك بذراع محمود
~~الأيسر. يظهر الذراع وقد انتشرت عليه النقط السوداء من جراء إدمانه على
~~الحقن التي يحقنها لنفسه في الوريد. الطبيب يتحسس الذراع بأصابعه. ثم
~~يعطي محمود حقنة في العضل. ممرضة تقف وتقوم بمسح الذراع وتغطيها، ثم
~~تخرج. الدكتور شكري يعد نبض محمود.

# د. شكري
~~:

# حالة إدمان شديد. تصور يا دكتور علاء إنه وصل إلى إنه يأخذ
~~خمس حقن في اليوم!

# د. علاء
~~:

# دي حاجة صعبة خالص! لكن تفتكر يا دكتور إدمانه على العقار
~~بالشكل الفظيع ده يكون أثر على خلايا المخ؟

# د. شكري
~~:

# لا. تأثير وظيفي مؤقت بس.

# د. علاء
~~:

# تفتكر يا دكتور شكري إنه ممكن يخف من الإدمان ده؟

# د. شكري
~~:

# كل شيء ممكن. بس المهم انه يساعدنا وتكون عنده إرادة.
~~(سعاد تدخل من الباب مندفعة في سرعة
~~واهتمام.)

# سعاد
~~:

# ازاي محمود دلوقت يا دكتور شكري؟

# د. شكري
~~:

# بخير الحمد لله يا دكتورة سعاد. هو لسة نايم من أثر الصدمة
~~الكهربية. وادينا له كمان حقنة أنسولين من خمس دقائق. إنتي
~~عارفة إن العقار اللي أدمن عليه كان منبه بدرجة شديدة.

# سعاد
~~(في ألم)
~~:

# ده كان بيخليه ما ينامش لا ليل ولا نهار.
~~(سعاد تذهب إلى محمود النائم الذي تغطى
~~بالملاءة. يظهر وجهها مكبرا يعبر عن الألم والحب. الدموع في
~~عينيها.)
~~(الدكتور شكري يذهب إليها.)

# د. شكري
~~:

# سعاد. تعالي معايا مكتبي. أنا عاوز اتكلم معاكى شوية.
~~(الدكتور شكري ms066 يأخذ سعاد ويدخل من باب إلى حجرة 
~~مجاورة لحجرة محمود الراقد لا يفصلهما عن بعضهما سوى باب
~~مفتوح.)
~~(الدكتور شكري يجلس على مكتبه. سعاد تجلس أمامه
~~في أسى.)

# د. شكري
~~:

# اسمعي يا سعاد. إنتي عارفة ان الإدمان مش مرض وإنما مظهر
~~مرضي.

# سعاد
~~:

# هو عبارة عن نتيجة لصراع نفسي.

# د. شكري
~~:

# أو بمعنى تاني محاولة للهروب من الصراع النفسي بعد الفشل في
~~التغلب عليه.

# سعاد
~~:

# أيوه يا دكتور شكري. لكن محمود إنسان قوي. مش قادر افهم ازاي
~~العقار ده يسيطر عليه كده!

# د. شكري
~~:

# محمود قوي صحيح يا سعاد. لكن ما تنسيش انه ما كانش جواه صراع
~~واحد بس وإنما عدة صراعات ... أنا عملت له تحليل نفسي مرة واحدة
~~بس. لكن قدرت افهم ان فيه حاجات كتير قوي تعباه
~~نفسيا.

# سعاد
~~:

# إيه هي يا دكتور شكري؟

# د. شكري
~~:

# أول حاجة أمه. أمه كانت قاسية عليه قوي وهو طفل. كانت حاسة
~~إن أبوه مش موجود وانها لازم تربيه تربية شديدة عشان تعوض عدم
~~وجود الراجل في البيت، فكبر وبقى شاب وهو مش حاسس إن امه
~~بتقدره أو تحترم شخصيته فنشأ عنده صراع نفسي. عاوز يحقق ذاته
~~بالنسبة لأمه. لكن مش قادر.
~~(يظهر محمود وهو نائم على السرير.)
~~(صورة مكبرة لوجهه وهو نائم.)

# سعاد
~~:

# مش قادر ليه؟

# د. شكري
~~:

# لأن أمه عاوزاه يذاكر ويتخرج ويبقى دكتور وهو مش قادر يذاكر
~~ويتخرج.

# سعاد
~~:

# ليه يا دكتور؟

# د. شكري
~~:

# لأن جواه صراع تاني من ناحية الكلية والطب والدكاترة. هو مش
~~عاوز يبقى دكتور. مش مؤمن بأن الطب حيوصله للي هو عاوزه عشان
~~يحقق ذاته.

# سعاد
~~:

# أمال مؤمن بايه؟ بالحرب والكفاح؟

# د. شكري
~~:

# كان نوع من الهروب من الحياة اللي مش قادر يحقق فيها ذاته.
~~وكان جواه صراع تاني من ناحية الوطن. طبعا كان حاسس إن الفساد
~~والظلم منتشر وهو مش قادر يعمل حاجة برضه. الحرب كانت بالنسبه
~~له تجربة بيهرب لها من اليأس اللي مالي حياته. ويمكن من خلالها
~~يحس انه عمل حاجة ذات ms067 قيمة تخليه يشعر بأهمية نفسه. والناس
~~كمان تشعر بأهمية نفسه.
~~(يظهر محمود نائما. صورة مكبرة لوجهه وهو
~~نائم.)
~~(صورة مكبرة لوجه سعاد وهي تنصت
~~باهتمام.)

# د. شكري
~~:

# لكن اللي حصل انه اعتقل وهو بيحط رجله في محطة مصر. طبعا دي
~~كانت بالنسبة له خيبة أمل كبيرة عملت جواه صراع تاني.

# سعاد
~~:

# حضرتك قلت يا دكتور شكري انه ما كنش مؤمن بالحرب كحرب، أمال
~~كان مؤمن بايه؟ بالحب؟!

# د. شكري
~~:

# أبدا يا سعاد. الحب كمان كان بالنسبة له نوع من الهروب
~~بالضبط زي حرب القنال. ميدان جديد يحاول تحقيق ذاته فيه.
~~وطبعا فشل في الحب زي ما فشل في الحرب.
~~(صورة مكبرة لوجه سعاد يعبر عن
~~الدهشة.)
~~(صورة مكبرة لوجه سعاد وهي تنصت
~~باهتمام.)
~~(وجه محمود يظهر نائما.)

# سعاد
~~:

# لكن هو ما فشلش في الحب يا دكتور شكري. أنا حبيت محمود من كل
~~قلبي وضحيت علشانه بأهلي واتجوزته وعشت معاه ومستعدة اضحي بكل
~~حياتي عشان يخف ويبقى كويس.
~~(شكري ينظر إلى سعاد. يتأملها مفكرا.)

# د. شكري
~~:

# وعملت كده ليه؟

# سعاد
~~:

# لأني حبيته!

# د. شكري
~~:

# لا. مش لأنك حبيتيه بس. ولكن لأنك كمان كان عندك صراع
~~نفسي.
~~(سعاد تنظر إليه بدهشة.)

# د. شكري
~~:

# كنت عاوزة تحققي ذاتك من خلال الحب. كنت عاوزة تحسي بقوتك.
~~بقدرتك. بأنك تعطي حاجة كبيرة. تضحية كبيرة. بتنقذي راجل من
~~الهلاك. كانت عملية الإنقاذ هي اللي بتستهويكي.

# سعاد
~~:

# ازاي ده يا دكتور شكري؟ أنا حبيت محمود قبل ما يتعب!

# د. شكري
~~:

# أنا ما قلتش انك ما حبيتش محمود. شعورك له حب طبعا. لكن
~~تفتكري لو أي واحدة غيرك كان ممكن انها تسيب أهلها وتروح تتجوز
~~راجل تعبان ومريض؟
~~(يظهر محمود وهو نائم في الفراش.)

# سعاد
~~:

# أنا مش أي واحدة!

# د. شكري
~~:

# شعورك انك مش أي واحدة خلاكي عاوزة تعملي حاجة كبيرة مش أي
~~واحدة تقدر تعملها.

# سعاد
~~:

# عملت ده كله عشان محمود يخف ويبقى كويس.

# د. شكري
~~:

# إنما تعرفي يا سعاد ان كل مساعداتك لمحمود كانت بتضره وتخليه ms068
~~يدمن أكثر!
~~(وجه سعاد ينم عن الدهشة والفزع!)

# سعاد
~~:

# ازاي يا دكتور شكري؟

# د. شكري
~~:

# كان بيحس انك أقوى منه وانه هو اللي محتاج لك. هو اللي بيأخذ
~~منك. وطبعا ده إحساس يخلي راجل معتز بنفسه زي محمود يتعب
~~وأزمته النفسية تزيد. تصوري انه مشكلته كانت انه مش قادر يحقق
~~ذاته بالنسبة لأمه أو دراسته أو كفاحه أو وطنه وبعدين يحبك
~~ويجوزك وانتي امرأة قوية وقوتك كمان مش عادية. طبعا تكون
~~النتيجة حالته تسوء زي ما شفتيه.
~~(وجه سعاد ينم عن الدهشة والألم والأسى وتظهر
~~الدموع في عينيها.)
~~(مش معقول يا دكتور شكري! يعني أنا كنت سبب في
~~إنه أدمن أكتر.)

# د. شكري
~~:

# وجودك جنبه خلاه يحس بضعفه وفشله ويقارن نفسه بيكي.
~~(سعاد تبكي.)

# سعاد
~~:

# مش معقول؟ أنا كنت عاوزة اساعده يا دكتور شكري! أنا ضحيت
~~بأهلي واتجوزته عشان كنت متصورة ان وجودي جنبه حيساعده على انه
~~يتغلب على الأزمة. وهو طلب مني اني اكون جنبه.

# د. شكري
~~:

# محمود بيحبك يا سعاد. لكن الحب ده عمل عنده صراع نفسي تاني.
~~ويمكن يكون ده أشد الصراعات اللي عنده.

# سعاد
~~:

# ليه يا دكتور شكري؟
~~(يظهر وجه محمود وهو يتقلب في الفراش.)

# د. شكري
~~:

# لأنه بيتعلق بشخصيته كلها كراجل وكإنسان وكزوج وكأب. حياته
~~معاكي يا سعاد حاليا مش ممكن حتساعده على إنه يمر من
~~الأزمة.
~~(وجه سعاد يبدو وهي تنظر إلى الدكتور شكري في
~~أسى وألم.)

# سعاد
~~(في فزع)
~~:

# يعني إيه يا دكتور شكري؟

# د. شكري
~~:

# يعني رأيي إنكم تنفصلوا عن بعض.

# سعاد
~~:

# مش معقول يا دكتور شكري!

# د. شكري
~~:

# اسمعي يا سعاد. المسأله عاوزة تفكير وعقل. وإذا كنت بتحبي
~~محمود صحيح وعاوزاه يخف لازم تنفصلي عنه. ولفترة طويلة لغاية
~~ما يسترد نفسه ويقف على رجليه.
~~(محمود يتقلب في الفراش.)

# سعاد
~~(تبكي)
~~:

# أنا مستعدة اعمل أي حاجة عشان محمود يخف. لكن تفتكر يا دكتور
~~انه حيخف لو بعدت عنه؟ وهو؟ حيعيش ازاي لوحده؟ وكمان مش ممكن
~~يفتكر اني اتخليت عنه في مرضه وحالته ms069 النفسية تسوء
~~أكثر؟
~~(محمود يفتح عينيه في ذهول. يتلفت حوله لا
~~يعرف أين هو.)

# د. شكري
~~:

# اسمعي يا سعاد. إنتي دكتورة وطبعا لازم تفهمي كلامي. أنا
~~عاوزه يحس انك بتتخلي عنه عشان يفوق لحياته ويعتمد على
~~نفسه.

# الشعور ده حينمي إرادته يا سعاد.
~~(سعاد تنظر في اهتمام.)

# د. شكري
~~:

# أنا عارف أن الموقف صعب لكن أنا عارف كمان انك إنسانة قوية.
~~وانتي ضحيتي عشانه قبل كده بحاجات كثير. حاولي تضحي المرة دي
~~عشان محمود برضه.
~~(تبكي في صمت وألم.)
~~(سعاد تجهش بالبكاء. الدكتور شكري يترك مكتبه
~~ويذهب إليها ويربت على كتفها بحنان وعطف.)
~~(يظهر محمود على باب الحجرة وقد نهض من فراشه.
~~محمود يرى الدكتور شكري وهو يربت على كتف سعاد. الدكتور شكري
~~وسعاد لا يريانه. وجه محمود يظهر وقد برزت عيناه من الدهشة والشك
~~والجنون. يعود مسرعا إلى السرير. يجلس عليه لحظة يفكر في أسى. ثم
~~يهب واقفا ويرتدي بدلته ويندفع من باب الحجرة خارجا دون أن يراه
~~أحد من المستشفى.)

# تصوير
~~خارجي:

# محمود يجري في الشارع كالمجنون.

# يعود المنظر إلى الدكتور شكري وسعاد تبكي وهو يقف أمامها في
~~ألم.

# موسيقى مناسبة.

# سعاد
~~:

# لكن هو مش ممكن يتعالج هنا في المستشفى وبعدين يخف ويخرج
~~ويرجع لحياته تاني من غير ما ننفصل؟

# د. شكري
~~:

# علاج محمود مش في المستشفى يا سعاد. مش اننا نديله حقن
~~وكهرباء. دي مجرد مساعدات بسيطة عشان تنسيه العقار شويه.
~~إنما العلاج الحقيقي إن احنا نقضي على الصراعات اللي جوه نفسه
~~من خلال تصليح واقع حياته. ونحاول نقنعه بإنه يقبل الواقع ده
~~وما يهربش منه بالإدمان. ونحاول كمان نقوي الدوافع الذاتية
~~عنده عشان يحس بنفسه أكثر من الأول.
~~(سعاد تمسك رأسها بيديها في أسى وهي
~~تفكر.)

# د. شكري
~~:

# إنتي قوية يا سعاد. إنتي مش أي واحدة عشان تضعفي كده.
~~(سعاد ترفع رأسها في غضب.)

# سعاد
~~:

# أنا مش قوية يا دكتور شكري! أنا زي أي واحدة تانية! أنا
~~ضعيفة! أنا تعبت! مش قادرة اتحمل حاجة! مش قادرة! ms070
~~(سعاد تجهش بالبكاء في حرقة شديدة.)
~~(يدخل الدكتور علاء ومن ورائه الحكيمة
~~والممرضات.)

# د. علاء
~~:

# تصور يا دكتور شكري. محمود هرب من المستشفى!

# د. شكري
~~:

# هرب؟ ازاي؟ امتى؟
~~(وجه سعاد مكبرا ينم عن الفزع والدهشة وقد
~~توقفت عن النشيج.)
~~(سعاد تجري خارج الحجرة ومن ورائها الكل يجرون
~~بسرعة خارج الحجرة.)

# تصوير
~~داخلي:

# محمود يدخل مندفعا إلى حجرة النوم. يدور في الحجرة قلقا. يرى الطفل
~~نائما على السرير. يقترب منه. يتأمله قليلا. يلمس وجه الطفل ويفتح
~~جفنه بأصابعه وينظر في لون عينيه. يذهب إلى المرآة مدققا. يبدو عليه
~~القلق والاضطراب. يجري إلى مكتبه مضطربا. يحاول فتح الأدراج. يجدها
~~مغلقة. يبحث عن المفاتيح. لا يجدها. يكسر درج المكتب. يتصبب العرق من
~~جبهته.

# تظهر أمامه صورة الدكتور شكري وهو يربت على كتف سعاد في حنان وهي
~~تبكي أمامه في إعياء وضعف.

# صورة مكبرة لوجه محمود وفي عينيه نظرة جنون الشك والغيرة.

# يخرج علبة الحقن من الدرج. يربط ذراعه ويكسر حقنة ويعطيها لنفسه في
~~الوريد. يستريح لحظة. وينظر أمامه وهو يفكر في ألم وأسى.

# يكسر حقنة ثانية ويعطيها لنفسه في الوريد.

# يمسك رأسه بيده ثم يرفع رأسه إلى أعلى وقد تصبب العرق من جبهته وفي
~~عينه نظرة جنون وألم واضطراب.

# صورة مكبرة لعينيه وهي جاحظة في جنون وشك.

# تدخل سعاد. صورة مكبرة لوجهها حين ترى محمود تنم عن الدهشة والفزع
~~والألم.

# تقترب منه وهو جالس وتقف أمامه.

# سعاد
~~:

# إنت خرجت من المستشفى ليه يا محمود؟
~~(محمود لا يرد.)

# سعاد
~~:

# ليه يا محمود؟
~~(محمود يقف ثائرا.)

# محمود
~~(في غضب شديد)
~~:

# أنا حر! أنا مش عيان عشان تدخليني المستشفى. طبعا حضرتك
~~عاوزاني ابقى عيان! أبقى نايم! مغمض!
~~(سعاد تقترب منه وتضع يدها على كتفه.)

# سعاد
~~:

# محمود إيه الكلام ده؟

# محمود
~~(يبتعد عنها في فزع ويقول غاضبا)
~~:

# اوعي تلمسيني!

# سعاد
~~:

# محمود. أرجوك. اهدا شوية. أنا عاوزة اكلمك في حاجة
~~مهمة.

# محمود
~~:

# مهمة؟! آه طبعا مهمة قوي! قولي يا ستي! إيه الحاجة المهمة
~~دي؟!

# سعاد
~~:

# طيب تعالى نقعد. ms071

# محمود
~~:

# لا. عاوزة انتي أنا واقف! أنا حر!

# سعاد
~~:

# شوف يا محمود. الدكتور شكري قالي إن وجودي جنبك ما لوش
~~فايدة. بالعكس بيضرك.
~~(محمود ينظر إليها في شك وغضب شديدين.)

# محمود
~~:

# الدكتور شكري؟! طبعا! لازم يقول كده! لازم يقولك كده! لازم
~~يقولك إيه الراجل ده اللي انت عايشة معاه. تعيطي وتقولي له
~~اعمل إيه بختي المايل!
~~(سعاد تنظر إليه في دهشة.)

# سعاد
~~:

# أرجوك يا محمود بلاش الشك ده. مش عارفة انت ليه بقيت كل حاجة
~~تشك فيها.

# محمود
~~:

# شك؟! ها! ها! لا يا دكتور. ده مش شك! دي حاجة حقيقي.
~~(سعاد تنظر في دهشة.)
~~(غاضبا):

# دي حاجة شفتها
~~بعيني دول!

# سعاد
~~:

# شفت إيه يا محمود؟!

# محمود
~~(ثائرا)
~~:

# شفتكم وانتم في الأودة سوا.

# كنت حضرتك فاكرة اني نايم أو تايه أو ميت!

# سعاد
~~:

# مش معقول تشك في يا محمود! أنا عمري ما فكرت اني ابص لواحد
~~غيرك!

# محمود
~~:

# اوعي تتكلمي ولا كلمة! خلاص أنا كشفتك! عرفتك! عرفت كدبك
~~وخداعك!

# سعاد
~~:

# ازاي يا محمود تقول كده؟ أنا عمري ما كدبت عليك يا محمود!
~~أنا ضحيت بأهلي وبكل حاجة واتجوزتك يا محمود!
~~(محمود في ثورة جنونية.)

# محمود
~~:

# إنتي السبب في عذابي وإدماني. إنتي اللي ضيعت حياتي
~~ومستقبلي! أنت عمرك ما حبتيني وأنا كنت باحس كده دايما.
~~حطمتيني! قتلتيني يا خاينة!
~~(يخبط بيده بقوة على المكتب.)
~~(الطفل يهب من نومه مذعورا على الصوت. يبكي
~~بصوت عال.)
~~(صورة مكبرة لوجه سعاد ينم عن الألم الشديد
~~والفجيعة. الدموع في عينيها متجمدة من الصدمة. الطفل يبكي بحرقة.
~~سعاد تمشي ببطء وتذهب إليه لتحمله. محمود يدخل وراءها مسرعا في
~~جنون.)
~~(سعاد تحمل الطفل بين ذراعها لتهدئه. محمود
~~ينظر إليها وإلى الطفل في جنون. وجه سعاد مكبرا ينم عن
~~الخوف.)

# محمود
~~:

# الولد ده ابن مين؟
~~(وجه سعاد مكبرا ينم عن الدهشة الشديدة
~~والذهول.)
~~(تتراجع إلى الوراء في خوف.)
~~(محمود يقترب منها ومن الطفل ببطء.)
~~(صورة مكبرة لعينية البارزتين في
~~جنون.)

# محمود
~~:

# مش ابني! مش ابني! يا خاينة! يا خاينة! ms072

# سعاد
~~:

# محمود! اهدأ يا محمود! إنت عارف اني ما حبتش حد غيرك يا
~~محمود. ده ابنك انت يا محمود! حرام عليك يا محمود!

# محمود
~~:

# اخرسي يا خاينة! لازم احطمك زي ما حطمتيني. لازم اقتللك زي
~~ما قتلتيني!
~~(يقترب منها في جنون. سعاد تضع الطفل على
~~السرير في رعب وهي تنظر إليه.)

# سعاد
~~:

# محمود! أنا سعاد يا محمود! سعاد اللي انت حبيتها. يا
~~محمود!
~~(محمود يقترب من سعاد.)
~~(صورة مكبرة لوجه المجنون.)
~~(موسيقى مناسبة.)
~~(صورة مكبرة لوجه سعاد الفزع.)
~~(عيناها تبرزان في خوف.)
~~(محمود يرفع يديه إلى رقبتها. سعاد تصرخ في
~~رعب. الطفل يبكي أيضا.)
~~(آه! واء!)
~~(يلف أصابعه حول رقبتها. سعاد تصرخ وتمسك يديه
~~وتحاول أن تخلص نفسها منه.)





# | الصورة الممزقة (6)




# محمود يبتعد عنها مذعورا.

# يسقط إلى الأرض في إعياء.

# سعاد تنتبه بعد لحظة. تنهض. تنظر إلى محمود الراقد على الأرض في ذعر.
~~تجري بسرعة وتلف ابنها في بطانية من الصوف. تحمله على كتفها وتمشي على
~~أطراف أصابعها. محمود ينتبه لها. يهم بالقيام.

# محمود
~~:

# استني! إنتي رايحة للدكتور شكري! ها! ها! ها!
~~(يضحك بجنون.)
~~(سعاد تجري خارج الحجرة. يحاول أن يمسكها. لا
~~يلحق بها. يتركها تهرب من الباب. يجلس على المكتب في اضطراب. تبدو
~~عليه الثورة. يخرج الحقن ويأخذ حقنة.)
~~(يمسك رأسه بيديه وينشج كالأطفال في أسى وحزن
~~ويأس.)
~~(صوت نشيج رجل.)

# تصوير
~~داخلي:

# سعاد تحمل طفلها على كتفها. تجري على السلم هابطة.

# لا تنظر خلفها.

# تصوير
~~خارجي:

# تحمل سعاد طفلها. تجري في الشارع خائفة مذعورة. تتلفت خلفها في ذعر.
~~الشارع مظلم خال من الناس. تجري بأقصى سرعتها.

# موسيقى مناسبة.

# نهاية الفلاش باك.

# تصوير
~~داخلي:

# يظهر منظر سعاد وهي جالسة في حجرة نومها في منزل أبيها بالعروسة في
~~يدها. وهي شاردة. تضع العروسة جانبا. تقف وتتطلع إلى نفسها في
~~المرآة.

# تدخل الدادة. تعانق سعاد.

# الدادة
~~:

# أهلا ست سعاد! يا مرحبا! أتاري الدنيا منورة!

# سعاد
~~:

# أهلا دادة. ازيك يادادة وازي صحتك؟

# الدادة
~~:

# صحتي؟! هو انت من بعد ما سيبتي البيت حد ms073 فيه صحة! وابوكي يا
~~عيني رقد فيها شهر وبقى ما حدش عارف يكلمه. وامك ليل ونهار
~~عياط. ده احنا شوفنا أيام سودة سواد! بركة يا بنتي اللي رجعتي
~~بركة!
~~(يدخل الأب في خطوات ثقيلة حزينة. ينظر إلى
~~سعاد وهي جالسة حزينة. يجلس على كرسي بعيد عنها. تمر لحظة
~~صمت.)

# الأب
~~:

# يعني لو كنت سمعت كلامي من الأول؟

# الدادة
~~:

# معلهش يا سي زغلول. هي كانت عارفة ان ده حيحصل. كل واحد
~~بيغلط!
~~(سعاد صامتة تفكر في شرود. تدخل الأم وهي
~~تقاوم دموعها.)

# الأم
~~:

# بس دي غلطة كبيرة قوي ما تصلحش أبدا؟

# الدادة
~~:

# كل شيء يتصلح يا ست سنية!

# الأم
~~:

# يتصلح ازاي بس؟ دي الناس كلها اتكلمت وشبعت كلام. ما خلوش
~~حاجة إلا قالوها، وشرف العيلة بقى في الأرض!

# الدادة
~~:

# ناس إيه يا ست سنية. الناس بتتكلم عن كل حاجة بالحق
~~والباطل.

# الأم
~~:

# اهم اتكلموا وبس! وكلامهم ملا الجو! ودلوقت نقولهم إيه
~~بس!
~~(سعاد تقف وتقول في غضب):

# سعاد
~~:

# الناس ما لهاش عندي حاجة خالص. أنا اخترت بنفسي الرجل اللي
~~اتجوزته وانا اخترت بنفسي اني اسيبه. دي حياتي انا وانا حرة
~~فيها؟

# الأب
~~:

# وانتي قررت خلاص انك تسيبيه؟

# سعاد
~~:

# أيوه يا بابا.

# الأم
~~:

# وافرضي يا شاطرة حب يعاندك ومارضاش يسيبك. تعملي إيه
~~بقه؟!

# سعاد
~~:

# لا. هو إنسان نبيل ومش ممكن يعمل كده!

# الأم
~~:

# إنتي لسة بتقولي عليه نبيل؟ آه يا مرارتي اللي
~~حتنفقع!

# سعاد
~~:

# أنا مقدرش احاسبه على أخطاؤه يا ماما. لأنه كان عيان.

# الأب
~~:

# وكنت بس رايحة تتجوزي العيان ليه؟ والا كنت عاوزة تبقي
~~دكتورة في البيت والشغل؟!
~~(الأب يخرج غاضبا.)
~~(الأم تنظر إلى الطفل النائم وتمصمص شفتيها في
~~ألم.)

# الأم
~~:

# والعيل ده حتعملي فيه ايه؟

# سعاد
~~:

# حاعمل فيه إيه ازاي؟ ده ابني! حربيه واديله حياتي
~~كلها!

# الأم
~~:

# تمصمص شفتيها في حسرة.

# الأم
~~:

# أهو ده اللي نابنا من الجواز يا حسرة!

# الدادة
~~:

# يا حسرة ليه يا ست سنية؟ ربنا يبارك فيه ويخليه لها يا
~~رب!
~~(يدخل الأخ ماجد.)

# ماجد
~~:

# أهلا سعاد. ms074 حمد لله على السلامة.

# سعاد
~~:

# الله يسلمك يا ماجد.
~~(تمر لحظة صمت طويلة.)

# الدادة
~~:

# وحدوه! ما لكم قعدتم كده؟ ياللا يا جماعة ياللا! الفطور جاهز
~~على السفرة! ياللا يا دكتورة سعاد ياللا يا سي ماجد!

# الأم
~~:

# سي ماجد ده إيه يا أم علي؟ أستاذ ماجد! ما تعرفيش انه محامي
~~أد الدنيا وصيت المكتب بتاعه واصل لغاية مصر؟!
~~(سعاد جالسة تفكر.)

# الدادة
~~:

# عارفة يا ست سنية عارفة ... اتفضل يا أستاذ ماجد ... اتفضلي يا
~~دكتورة.
~~(الدادة تضحك في مرح.)

# والنبي كلمة دكتورة حلوة قوي! تشرح النفس وتساوي الدنيا بما
~~فيها! بلا جواز بلا غم! دي الرجالة توجع القلب وتقصر العمر.
~~يالله يا دكتورة سعاد يالله. ولا يهمك. صحتك بالدنيا؟
~~(يخرجون من الحجرة.)
~~(الطفل يبكي. الدادة تذهب إليه وتحمله
~~وتدلله.)

# الدادة
~~:

# ما تعيطش يا حبيبي. صلاة النبي أحسن صلاة النبي. اللهم صلي
~~على النبي!

# بس! بس! يا حبيبي! بس!

# تصوير
~~داخلي:

# منظر يافطة كبيرة مكتوب عليها الدكتورة «سعاد زغلول» في ميدان كبير
~~من ميادين القاهرة.

# يظهر باب العيادة مفتوحا. وقد علق على الباب يافطة مكتوب
~~عليها.
~~«مواعيد العيادة: من 5-8 مساء».

# تظهر العيادة من الداخل مزدحمة بالرجال والنساء يجلسون منتظرين كشف
~~الدكتورة.

# تمورجي بملابس بيضاء يستقبل المرضى ويجلسةم ويأخذ منهم أجر الكشف
~~ويعطيهم نمرا.

# تظهر حجرة الكشف ومريض نائم على سرير الكشف.

# سعاد بالبالطو الأبيض تجلس على كرسي صغير إلى جواره وتكشف على المريض
~~بالسماعة. ينتهي الكشف. تذهب سعاد إلى المكتب وتجلس وتكتب الروشتة
~~وتعطيها للمريض وتشرح له طريقة استعمال الدواء.

# يخرج المريض. يدخل مريض آخر. يتكرر الكشف. يخرج.

# تدخل مريضة سيدة ... وهكذا.

# سعاد تجلس على المكتب وقد بدا عليها الإعياء. العرق يتصبب من جبهتها.
~~تمسك رأسها بيديها وتفكر في شرود.

# درج المكتب يظهر تحت يدها مليئا بأوراق البنكنوت ... تنظر إلى الأوراق
~~شذرا في إعياء ...

# تخلع البالطو وتمسك حقيبة يدها وتغادر العيادة ...

# تصوير
~~خارجي:

# سعاد تمشي في الشارع وعلى عينيها نظارة سوداء ...

# تنظر إلى الناس بفتور.

# تظهر من بعيد أجزاخانة ... يظهر داخل هذه ms075 الأجزاخانة محمود وهو يشتري
~~الحقن ... محمود يبدو عليه الإعياء ... ملابسه مهملة جدا ...

# محمود يهم بالخروج من الأجزاخانة فيرى سعاد وهي تمر من أمامه ...
~~يتوارى داخل الأجزاخانة حتى تمر ... سعاد لا تراه ...

# يخرج من الأجزاخانة ويجري مندفعا في طريق آخر غير الذي تمشي فيه
~~سعاد.

# تصوير
~~داخلي:

# حجرة نوم أبو سعاد. الأب راقد في الفراش مريض جدا. ومن حوله الأم
~~والدادة وماجد ... القلق يبدو على وجوههم ...

# الدادة
~~:

# هي الست سعاد أتأخرت كده ليه؟

# ماجد
~~:

# زمانها جاية. أنا كلمتها في العيادة التمورجي قالي انها
~~نزلت.
~~(الأب يئن في ألم ومرض.)

# الدادة
~~:

# تبقى جاية في السكة!

# الأم
~~:

# يا ماجد روح كلم حد من الدكاترة! مش لازم نستنى سعاد! روح
~~هات دكتور راجل!
~~(سعاد تدخل. تبدو عليها الدهشة والقلق حين ترى
~~أباها.)

# سعاد
~~:

# إيه؟ بابا ما له؟

# ما لك يا بابا؟

# الأم
~~:

# كان قاعد معانا كويس في أمانة الله وبعدين بصينا لقيناه وقع
~~كده مرة واحدة وماسك في قوالة آه ... آه ...
~~(سعاد تفتح حقيبتها بسرعة. تخرج السماعة وأدوات
~~الكشف. تكشف على صدر أبيها. صورة مكبرة لوجه أبيها وهو ينظر إليها
~~في إعياء وعتاب وحب. صورة مكبرة لوجه سعاد وهي تكشف عليه في ألم
~~وحزن.)
~~(سعاد تنتهي من الكشف وتضع أدواتها في الحقيبة
~~ببطء وهي شاردة. تبتعد عن أبيها في وجوم. تقف تفكر وهي شاردة. الأم
~~والدادة وماجد يقتربون منها في قلق.)

# الأم
~~(في قلق)
~~:

# لقيتي إيه عنده يا سعاد؟

# سعاد
~~:

# ولا حاجة. مجرد إرهاق من التعب.

# الدادة
~~:

# تعب المحل طول النهار!

# الأم
~~:

# لكن الدور ده جاله قبل كده ورقد في السرير شهر بحاله. فاكرة
~~يا أم علي؟

# الدادة
~~:

# ماهو من دوخته في المحل طول النهار.

# مش هتكتبيله الدوا يا ست سعاد؟

# سعاد
~~:

# طبعا ... أنا حكون جنبه على طول.

# الدادة
~~:

# ربنا يطعمك يا بنتي!
~~(سعاد تخرج من الحجرة في أسى. يخرج وراءها
~~ماجد.)

# الأم
~~:

# اسكتي يا أم علي ما هي السبب في كل اللي بيجرى له!

# الدادة
~~:

# ما تقوليش كده يا ست سنية. ده انتي ms076 مؤمنة وموحدة بالله. كل
~~شيء قسمة ونصيب والعيا ده من عند ربنا. ربنا يشفيك يا سي زغلول
~~يا رب!

# الأم
~~:

# من يوم الحادثة بتاعتها وخروجها من البيت وجوازها وهو ما فيش
~~فيه صحة خالص! ربنا يجازيكي يا سعاد! أنا عارفه كنت بتعملي كده
~~ليه بس!
~~(الأم تبكي في صمت. الدادة تهدئها.)

# الدادة
~~:

# ما تزعليش نفسك يا ست سنية ... سي زغلول ربنا حيشفيه ويبقى عال
~~... هدي نفسك هدي!

# تصوير
~~داخلي:

# سعاد تدخل حجرتها ... تجلس على الكرسي إلى جوار السرير وتضع رأسها بين
~~يديها في ألم وحزن ...

# يدخل ماجد أخوها ...

# ماجد
~~:

# هو بابا عيان بإيه يا سعاد؟
~~(سعاد لا ترد. ترفع رأسها شاردة والدموع في
~~عينيها.)

# ماجد
~~:

# اتكلمي يا سعاد!

# سعاد
~~:

# ولا حاجة ... إرهاق شديد.

# ماجد
~~(غاضبا)
~~:

# لا ... انت بتخبي الحقيقة! لازم تقوليلي هو عيان بإيه لازم!
~~حاتجنن لو ما عرفتش!

# سعاد
~~:

# حالته خطيرة قوي يا ماجد ... كفاية تعرف كده!

# ماجد
~~(في خوف)
~~:

# يعني إيه؟ مش حيخف!
~~(سعاد والدموع في عينيها.)

# سعاد
~~:

# إن شاء الله يخف!
~~(ماجد ينظر إليها في ألم وعتاب.)

# ماجد
~~:

# أصله زعل قوي يا سعاد بعد الفصل اللي عملتيه! أنت السبب في
~~مرضه ده!
~~(سعاد تقف ثائرة.)

# سعاد
~~:

# مش عاوزه اسمع! كفاية! كفاية عذابي!
~~(تجلس وتضع رأسها بين يديها وتجهش بالبكاء.
~~ماجد يخرج. سعاد تهدأ قليلا. تقف وتدور في الحجرة في قلق. تفتح
~~مكتبها. تخرج صورة محمود. تنظر إليها في ألم. تمزقها بأصابعها إلى
~~نصفين.)
~~(موسيقى مناسبة.)
~~(صورة مكبرة ليديها وهي تمزق الصورة بالطول
~~إلى نصفين. صورة مكبرة لنصفي الصورة وأصابع سعاد تقربهما وتبعدهما
~~عن بعض.)
~~(صورة مكبرة ليدي محمود أيضا وهي تمزق صورة
~~سعاد بالطول إلى نصفين. صورة مكبرة لنصفي الصورة وأصابع محمود
~~تقربهما وتبعدهما عن بعض.)
~~(يظهر محمود جالسا على مكتبه. يتأمل صورة سعاد
~~التي مزقها ثم يضعها في الدرج. يمسك القلم ويكتب على الورق. يرسم
~~بعض الحروف. يرسم بعض الحيوانات والطيور.)
~~(يتصبب العرق من جبهته. يضع القلم ويمسك رأسه
~~بيديه. يقوم ويدور في الحجرة كالمجنون. يفتح ms077 أدراج مكتبه. يبحث عن
~~الحقن. لا يجد. يبحث في الدولاب عن نقود لا يجد.)
~~(يدخل حجرة أمه متلصصا على أطراف أصابعه. تظهر
~~أمه راقدة في السرير نائمة وإلى جوارها الأخت الخرساء. يفتح
~~الدولاب ليأخذ نقودا من حقيبة أمه. الأخت الخرساء تفتح عينيها.
~~يراها فيشير إليها بيديه أن تسكت. الأخت تغطي رأسها في خوف
~~وتتظاهر بالنوم. محمود يحاول إخراج النقود من الحقيبة. صورة مكبرة
~~ليديه ترتعشان. الحقيبة تقع على الأرض محدثة صوتا. الأم تصحو من
~~نومها. ترى محمود واقفا عند الدولاب. تهب من فراشها
~~مذعورة.)
~~(تجري نحوه. محمود يمسك الحقيبة.)
~~(الأم تحاول تخليص الحقيبة من يده.)

# الأم
~~:

# هو انت اللي مشطب على الفلوس أول بأول! هاات الشنطة
~~هات!

# محمود
~~:

# حاخد الفلوس يعني حاخد الفلوس. سواء بالذوق أو
~~بالعافية!
~~(الأم تشد الحقيبة.)

# الأم
~~:

# لا والله ما انت واخد حاجة!
~~(محمود يشدها منها في غيظ شديد.)

# محمود
~~:

# لا حاخدها! بالعافية حاخدها!
~~(الأخت تجري لتخلص الموقف. يشتد الصراع بين
~~محمود وأمه. وأخيرا يغتصب محمود الحقيبة. أخته تتعلق به فيلقي بها
~~على الأرض في غضب. ويأخذ النقود من الحقيبة ثم يلقي بها في الحجرة.
~~ويخرج مندفعا كالمجنون. الأم تجلس على السرير وتئن من الإعياء
~~والتعب والحزن. الأخت تزحف إليها وتربت عليها.)
~~(الأم تبكي. الأخت تقبلها وتبكي
~~معها.)

# تصوير
~~داخلي:

# صالة منزل سعاد. أم سعاد تجلس وإلى جوارها الدادة يبكيان معا في
~~حزن. ماجد يجلس مطرقا يمسك رأسه بيديه.

# تظهر حجرة نوم الأب. الأب نائم على السرير يحتضر. سعاد إلى جواره
~~تسعفه بحقنة في ذراعه.

# الأب يفتح عينيه. سعاد تمسك يده وتقبلها. الدموع في عينيها. الأب
~~يفتح فمه في إعياء.

# الأب
~~:

# سعاد!

# سعاد
~~:

# أيوه يا بابا! أنا سعاد!

# الأب
~~:

# خلي بالك من نفسك يا بنتي، وخلي بالك من أمك. أنا عارف انك
~~قوية وتقدري على أي حاجة.

# سعاد
~~:

# حاضر يا بابا. حاضر.
~~(سعاد تبكي.)

# سعاد
~~:

# سامحني يا بابا! سامحني!

# الأب
~~:

# أنا مسامحك يا سعاد! عمري ما غضبت عليكي. إنتي كنت
~~معذورة.

# سعاد
~~:

# بابا! يا حبيبي يا ms078 بابا!

# سعاد
~~:

# تقبله في حنان. الأب يبتسم. ثم يغلق عينيه ويموت.
~~(وجه سعاد مكبرا ينم عن الفزع.)

# سعاد
~~(صارخة)
~~:

# بابا! بابا!
~~(سعاد تلقي رأسها على صدره وتجهش بالبكاء.
~~تستمر في النشيج لحظة. ثم تظهر يد كبيرة تشد سعاد من فوق الجسم
~~الميت وتغطيه بالملاءة.)
~~(لحظة صمت رهيبة، ثم يسمع صوت بكاء الطفل
~~خالد.)
~~(ثم يظهر الطفل خالد وهو جالس على السرير في
~~حجرة سعاد يبكي بحرقة ويهز ذراعيه. الحجرة خالية إلا منه.)
~~(الطفل عمره سنة ونصف.)
~~(يواصل البكاء الشديد.)
~~(تدخل الدادة وهي ترتدي الملابس السوداء. تحمله
~~وتهدئه.)

# الدادة
~~:

# بس يا حبيبي بس! بس يا حبيبي بس!
~~(الدادة تبكي وتمسح دموعها في صمت.)

# تصوير
~~داخلي:

# عيادة الدكتورة سعاد ممتلئة بالمرضى الرجال والنساء منتظرين.
~~التمورجي يستقبل المرضى ويأخذ منهم الأجر ويعطي لكل منهم نمرة من بين
~~المرضى. تجلس فوزية محمد التي كانت زميلة سعاد في المدرسة الداخلية
~~ومعها طفلان صغيران؛ طفل تحمله، وطفل في يدها.

# يبدو على فوزية التعب. ملابسها مهملة.

# التمورجي ينادي بصوت عال:

# التمورجي
~~:

# نمرة 8.
~~(فوزية محمد تحمل طفلها وتمسك بذراع الآخر
~~وتدخل إلى حجرة الكشف.)
~~(سعاد تظهر داخل الحجرة مرتدية البالطو
~~الأبيض.)
~~(سعاد تنظر إلى فوزية في دهشة.)

# سعاد
~~:

# مين؟ فوزية؟

# فوزية
~~:

# أيوه يا دكتورة سعاد. أنا قلت انك نستيني!
~~(سعاد تصافح فوزية في حرارة وتعانقها.)

# سعاد
~~:

# أنساكي؟ ازاي؟

# سعاد
~~:

# إيه اللي غيرك كده يا فوزية؟

# فوزية
~~:

# الدنيا! وانتي ازيك يا سعاد. مبروك العيادة والنجاح. انا
~~بسمع عنك من كل الناس. كلهم بيشكروا فيكي. وانتي تستاهلي يا
~~سعاد. كنت شاطرة قوي؟

# سعاد
~~:

# إنت فاكرة يا فوزية؟

# فوزية
~~:

# طبعا. فاكرة كل حاجة.

# سعاد
~~:

# وانتي يا فوزية عملتي إيه؟ اتجوزتي الراجل اللي كان واخد
~~عقلك؟

# فوزية
~~:

# اسكتي يا سعاد يا ريتني ما تجوزته. ما هو أبو العيلين
~~دول.

# سعاد
~~:

# ليه؟ جرى حاجة!

# فوزية
~~:

# مش عارفة إيه اللي جرى له! كان كويس وبعدين راح مقلوب قلبة!
~~وسمعت من الناس انه ماشي مع واحدة ست. وقعدت اراقبه لما ظبطته
~~هو وهي في بيتها. ms079 ورجعت قلت له طلقني. وأخدت ولادي منه.

# سعاد 
~~:

# ليه كده يا فوزية كنت طولي بالك شوية. يمكن كان سابها
~~لوحده.

# فوزية
~~:

# معقول يا سعاد؟ ده راجل خاين. كل الرجالة خاينين. ما فيش
~~واحد يستاهل إن واحدة تضيع مستقبلها عشانه.

# سعاد
~~:

# فاكرة يا فوزية لما قلت لك ان الجواز مش لازم يكون هدف البنت
~~في حياتها.

# فوزية
~~:

# يا ريتني سمعت كلامك يا سعاد. ما كنتش ضيعت مستقبلي وكان
~~زماني لي شغلة اكسب منها ووكل ولادي.
~~(فوزية تشرع في البكاء. سعاد
~~تهدئها.)

# سعاد
~~:

# معلهش يا فوزية. مش بتاخدي نفقة منه؟

# فوزية
~~:

# نفقة زي قلتها!

# سعاد
~~:

# ما تحمليش هم حاجة يا فوزية. أنا لازم أفكر لك في شغلة
~~كويسة.

# فوزية
~~:

# أنا عيانة كمان يا سعاد.

# سعاد
~~:

# حاضر حاكشف عليكي واشوف إيه اللي تاعبك. تعالي على سرير
~~الكشف.
~~(فوزية تترك ولديها وتذهب وتنام على سرير
~~الكشف.)
~~(سعاد تكشف صدرها وتكشف عليها.)

# تصوير
~~داخلي:

# سعاد في منزلها الجديد وقد انتقلت هي وأمها وابنها والدادة إلى بيت
~~جديد بعد وفاة الأب.

# تظهر الصالة فاخرة جدا والأثاث جديد أنيق. الأم تجلس والدادة
~~تلاعب الطفل خالد (عمره سنتان).

# الأم تجلس وتلبس الملابس السوداء تبدو عليها الشيخوخة.

# الدادة
~~:

# والنبي انا صعبانة عليا قوي ست سعاد. ليل ونهار شغل يا عيني!
~~حقها تريح نفسها شوية. الحمد لله الخير بقى كتير قوي والناس
~~كلها حاسدانا على النعمة اللي احنا فيها.

# الأم
~~:

# نعمة إيه يا أم علي؟ مش كفاية اللي جرى لنا!

# الدادة
~~:

# كل الناس بتموت يا ست سنية. طبعا نعمة. نعمة قوي والبركة في
~~الدكتورة سعاد. لولا هي ما كناش نقدر نعيش العيشة دي. القرشين
~~اللي جم من المحل يدوبك سددوا اللي علينا.

# ربنا يخلي لنا الدكتورة يا رب. فتحت لنا بيتها على
~~آخره.
~~(الدادة تلاعب الطفل.)

# الأم
~~:

# واجب عليها يا أم علي. مش احنا اللي ربيناها وصرفنا عليها
~~وعملناها دكتورة؟

# الدادة
~~:

# والأستاذ ماجد؟ ما انتو برضه ربيتوه وصرفتم عليه وعملتوه
~~محامي أد الدنيا.

# الأم
~~:

# ما له ماجد؟ اتجوز واحدة ست ms080 وعايش معاها.

# الدادة
~~:

# عرفت تقعدي عنده ليلة واحدة ؟

# الأم
~~:

# وهو ما له؟ دي مراته اللي مش بتحب حد من عيلته يزوره. بكرة
~~سعاد لما تتجوز رخره نطلع ونعيش وحدنا يا أم علي.
~~(تدخل سعاد وتسمع هذه الجملة الأخيرة.)

# سعاد
~~:

# إيه الكلام ده يا ماما؟ إنت مش حتعيشي لوحدك أبدا طول ما
~~انا عايشة. ولا داده أم علي. ثم إني مش حتجوز تاني
~~أبدا.
~~(سعاد تحمل خالد وتقبله في حنان.)

# الدادة
~~:

# يسلم فمك يا ست سعاد! أهي دي البنات والا بلاش! والنبي دي
~~البنت تساوي عشر رجالة! أحضر لك العشا يا ست سعاد؟

# سعاد
~~:

# لا يا دادة. خالد كل كويس؟

# الدادة
~~:

# طبعا. خالد ده متحمليش هم أكله ولا شربه طول ماني
~~عايشة.

# سعاد
~~:

# كتر خيرك يا دادة.
~~(سعاد تتجه إلى حجرتها.)

# الأم
~~:

# إنت حتنامي دلوقت؟ لسة بدري. ما تقعدي معانا شوية يا
~~سعاد.

# الدادة
~~:

# سيبيها تستريح شوية يا ست سنية طول النهار بتشتغل يا عيني!
~~ربنا ما يقلق نومها بجرس التليفون والعيانين.
~~(سعاد تدخل حجرة نومها. حجرة أنيقة بها أثاث
~~أنيق.)
~~(في ركن الحجرة مكتب أنيق.)
~~(سعاد تجلس إلى المكتب وهي تفكر شاردة. تفتح
~~درج المكتب. ترى صورة محمود الممزقة. تنظر إليها في ألم. تقوم
~~وتخلع ملابسها وتدخل في السرير. عيناها مفتوحتان في أرق. تتقلب
~~في الفراش في سهد.)

# تصوير
~~خارجي:

# محمود يسير في الشارع ليلا. بدلته مهملة. دقنه طويلة. عيناه
~~زائغتان. يقف بأحد البيوت ويدق الجرس.

# تخرج له الخدامة وتقوله له:

# الخادمة
~~:

# الأستاذ مش موجود.
~~(وتغلق الباب في وجهه بشدة.)
~~(تتكرر هذه الحادثة مع ثلاثة بيوت أخرى من
~~بيوت أصدقائه. الكل أصبح يهرب من محمود ويطرده.)
~~(يظهر محمود وهو يسير في الشارع جائعا. يقف
~~أمام محل للأكل يشم رائحة الطعام في جوع. البرد قارص. يرتجف من
~~البرد.)
~~(يتطلع إلى ملابس الناس الثقيلة الأنيقة. حذاؤه
~~ممزق بال. المطر بدأ ينهمر عليه. اختفى تحت ظله وراح يتطلع إلى
~~الناس الذين يركبون العربات الفاخرة. يمر من أمامه زوج وزوجته وهما
~~يسيران. الرجل يحمل ms081 ابنه. محمود يتطلع إلى الابن في أسى. والدموع 
~~في عينيه. يبدو عليه الاضطراب. يتصبب العرق من وجهه رغم برودة
~~الجو. يتحرك في قلق. يبحث في جيوبه عن نقود. يتحسس ذراعه في أسى.
~~يخرج جيوبه من آخرها. أخيرا يعثر في جيب قميصه على نصف ريال.
~~يمسكه في يده متهللا. يجري في الشارع مسرعا إلى الأجزاخانة.
~~بجوار الأجزاخانة يرى بائع فول وطعمية وخبز وسندويتشات. يقف أمام
~~المطعم لحظة يتشمم الأكل في جوع. ينظر إلى قطعة الفضة في يده ثم
~~ينظر إلى الأجزاخانة. يتحسس ذراعه في ألم. يتحرك نحو الأجزاخانة.
~~ثم يقف مترددا. ينظر إلى الأكل المعروض في المحل في جوع. يظهر
~~وجهه مكبرا يعبر عن الاضطراب والقلق والألم. تتغير نظرته
~~بسرعة وتعبر عن جنون الإدمان والرغبة في الحقنة. يندفع كالمجنون
~~داخل الأجزاخانة.)

# تصوير
~~داخلي:

# يعود النظر إلى سعاد وهي تنقلب في فراشها مؤرقة. تمسك رأسها
~~بيديها. تقوم وتذهب إلى مكتبها وتأخذ من زجاجة صغيرة حبة منومة.
~~وتشرب بعض الماء. تعود إلى السرير. عيناها مفتوحتان في أرق
~~وتفكير.

# تصوير
~~خارجي:

# يعود منظر محمود وهو يجري في الشارع بسرعة ثم يجلس على حجر بالقرب من
~~النيل ويكشف ذراعه الأيسر ويحاول أن يعطي نفسه الحقنة. يداه ترتعشان.
~~الحقنة تقع من يده على الأرض وتنكسر.

# صورة مكبرة لوجه محمود تنم عن الفزع والذهول.

# يصرخ صرخة عالية في ألم وجنون.

# آه!

# تظهر صورة مكبرة لوجه الطفل خالد وهو يصرخ صرخة عالية ويهب من
~~نومه مذعورا.

# واء!

# سعاد تجري إليه وتحمله وتقبله وتضمه في خوف وحنان.

# يعود منظر محمود وهو جالس على الحجر ينظر إلى الحقنة المكسورة في حزن
~~وألم. الدموع في عينيه. يضع رأسه بين يديه يفكر. يرفع رأسه وينظر إلى
~~الجاكتة التي يلبسها. جاءته فكرة. يقوم مسرعا ويمشي في الشارع. يتحسس
~~الجاكتة التي يلبسها في حزن وألم. يخلعها وينظر إليها كأنه يودعها.
~~صورة مكبرة لوجهه ينم عن اليأس والضياع. يحمل الجاكتة على ذراعه
~~ويمشي كالتائه. يدخل محلا من المحلات الصغيرة ويخرج بدون الجاكتة وفي
~~يده نصف ms082 ريال.

# صورة مكبرة ليده تمسك بالنصف ريال. يبتسم لنفسه في أسى.

# يقف مرة أخرى أمام الأجزاخانة وإلى جوارها مطعم الفول والطعمية
~~نفسه.

# موسيقى مناسبة تبدأ هادئة ثم تعلو.

# وتعلو لتشتد حين يدخل المطعم.

# يتحرك نحو الأجزاخانة ثم يرجع ناحية المطعم. تتكرر هذه الحركة ثلاث
~~مرات مع الموسيقى العنيفة. أخيرا يدخل المطعم ويبدو وجهه مكبرا
~~معبرا عن الإجهاد والإعياء والجوع. يشتري خبزا وطعمية في
~~ورقة.

# يخرج من المطعم ومعه ورقة الأكل. يذهب إلى الحجر الذي بجوار النيل
~~ويجلس عليه يأكل.

# يكلم نفسه وهو يأكل في شرود.

# آمنت بيك يا رب! صحيح الحياة أقوى من الموت. والجوع أقوى من
~~الإدمان.

# يظهر وجهه مكبرا يعبر عن الأمل. يسترجع في خياله
~~الماضي.

# موسيقى مناسبة مستمرة مع صور الماضي.

# تظهر أمامه صورة سعاد وعينيها. وجه ابنه خالد مكبرا. وجه أمه
~~مكبرا. وجه أخته الخرساء مكبرا.

# موسيقى مناسبة.

# وجه خالد مكبر وهو يبكي على السرير بعد ولادته مباشرة.

# واء! واء! تتوقف الموسيقى.

# يعود مشهد محمود وهو جالس على الحجر بجوار النيل يسمع صوت بكاء طفل
~~حديث الولادة.

# واء! واء!

# محمود يتلفت في دهشة وقد ظن أن الصوت من خياله وليس من
~~الواقع.

# يعود بكاء الطفل من جديد.

# واء! واء!

# محمود يرفع رأسه في ذعر! يرهف أذنيه في ذهول!

# يعود بكاء الطفل.

# واء! واء!

# محمود يقف مبهوتا! ويمشي كالمذهول إلى مصدر الصوت.

# يرى طفلا مولودا في خرقة من القماش البالية يرتعد من البرد في
~~الشارع ويبكي ويرفس بقدميه الصغيرتين.

# محمود يقف مبهوتا أمام الطفل. يقترب منه في حذر. يلمسه بأصابعه
~~ليتأكد أنه طفل حي. يتلفت حواليه لعله يجد أحدا. الشارع مظلم خال
~~من الناس. يقف ويهم بأن يتركه ويعود إلى حاله. الطفل يبكي. يعود إليه.
~~يركع إلى جواره. يتأمل وجهه.

# موسيقى مناسبة.

# تتراءى له صورة وجه ابنه خالد حين ولد.

# صورة مكبرة لوجه محمود وهو ينظر إلى الطفل في حنان وحب.

# صورة مكبرة لوجه الطفل اللقيط. محمود يرتجف.

# موسيقى عنيفة.

# يصمم على حمل الطفل. يلفه في الخرقة ms083 ويحمله بين ذراعيه. يدخله
~~في قميصه ليدفئه ويجري به في الشارع كالمجنون لينقذه. يتوقف لاهثا
~~عند باب مستشفى.

# يدخل إلى المستشفى ويقدمه للطبيب والحكيمة. الطبيب يسعف الطفل
~~بسرعة والحكيمة تمسك دفترا وقلما.

# الحكيمة تسأل محمود:

# الحكيمة
~~:

# إنت لقيته فين؟

# محمود
~~:

# في الشارع.

# الحكيمة
~~:

# ما تعرفش أهله طبعا؟

# محمود
~~:

# لا.

# الحكيمة
~~:

# لقيط يعني؟
~~(الطبيب يسعف الطفل.)

# محمود
~~:

# أظن انتم بتسموه كده.

# الحكيمة
~~:

# طيب نسميه إيه دلوقت؟

# الطبيب
~~:

# أنا رأيي نسميه باسم الإنسان اللي أنقذه.

# الحكيمة
~~:

# نسميه باسمك؟ موافق؟

# محمود
~~:

# أيوه. ده شيء يسعدني.

# الحكيمة
~~:

# اسمك ايه؟

# محمود
~~:

# محمود زكي.
~~(الحكيمة تكتب اسم الطفل في الدفتر.)
~~(الطبيب يناول الطفل للحكيمة. التي تلفه في
~~ملابس نظيفة وتضعه في سرير نظيف. محمود ينظر إلى الطفل في سعادة
~~يقترب منه وهو نائم في سريره ويقبله.)
~~(الطفل يبتسم له في سعادة.)
~~(صورة مكبرة لوجه محمود والدموع في عينيه.
~~يهم بالخروج من الحجرة وترك الطفل لكنه يعود إليه ثانيا وينظر في
~~وجهه.)
~~(الطفل ينظر إليه أيضا. كأنما يقول له لا
~~تتركني. ليس لي أحد غيرك. محمود يبكي في صمت ويمسك يدي الطفل
~~الصغير في يده. ويكلمه بصوت هادئ.)

# محمود
~~:

# مسكين يا محمود! إنت ذنبك إيه عشان يسيبوك لوحدك في الدنيا
~~القاسية دي؟!

# منهم لله! منهم لله! لكن ما تزعلش يا محمود خليك قوي واوع
~~حاجة في الدنيا تضعفك. اوع تهرب من حياتك مهما كانت سيئة يا
~~محمود! واجهها وكون شجاع يا محمود! يا ابني!
~~(يقبل الطفل قبلة وداع ويبكي في
~~صمت.)

# محمود
~~:

# ربنا معاك يا محمود! ربنا معاك!
~~(محمود يترك الطفل وحده في السرير.)

# تصوير
~~خارجي:

# محمود يخرج من المستشفى. يمشي في الشارع بهدوء. تبدو عليه الراحة
~~لأول مرة. يفكر في هدوء وهو يسير.

# يكلم نفسه وهو يسير في الشارع:

# كانت أكتر حاجة تاعباني اني حاسس اني مش قادر اعمل حاجة. حاجة لها
~~قيمة. كنت حاسس اني فاشل مش قادر احقق الشي اللي جوه نفسي. كنت حاسس
~~اني ابن فاشل وأخ فاشل وطالب فاشل وإنسان فاشل وكاتب ms084 فاشل. حتى الحب
~~حسيت اني فاشل فيه. كنت زوج فاشل وأب فاشل. ما كنتش حاسس ان وجودي له
~~قيمة أو أهمية. ما كنتش قادر اعمل حاجة لحد. لكن. دلوقت لأول مرة في
~~حياتي أحس اني عملت حاجة. أنقذت روح إنسان. يا سلام! يا محمود يا ابني!
~~أنا أنقذت حياتك من الموت وانت كمان أنقذت روحي من الضياع اللي كنت
~~فيه. اللي كان أقسى من الموت! أشكرك يا محمود يا ابني! أشكرك!

# تصوير
~~داخلي:

# محمود يقف أمام بيت أمه. يدق الجرس. تفتح أخته الخرساء. صورة
~~مكبرة لوجهها يعبر عن الدهشة والفرح. تعانقه وتقبله. توضح له
~~بإشارات يديها أن أمه تحتضر.

# يندفع محمود إلى حجرة أمه متلهفا! يرى أمه راقدة في الفراش تحتضر.
~~لا تستطيع الكلام.

# يعانقها ويقبلها.

# محمود
~~:

# ماما! ماما!
~~(الدموع تملأ عيني الأم وملامحها تعبر عن
~~الفرحة بعودته.)
~~(تظهر الدموع في عيني محمود.)

# محمود
~~:

# ماما! ماما! أنا الحمد لله خلاص خفيت وحبقى كويس. حابقى كويس
~~خالص. مش حخليكي تحملي هم حاجة أبدا. ماما! ماما! إنت
~~سامعاني؟

# الأم
~~:

# تفتح شفتيها في إعياء. تربت عليه في حنان! تشير إلى أخته
~~وتهمس بصوت ضعيف جدا.

# الأم
~~:

# سامعاك يا محمود. بركة اللي رجعت بالسلامة. خلي بالك من
~~اختك. ما لهاش حد غيرك.

# محمود
~~:

# أختي عزيزة في عيني يا ماما. اطمني عليها قوي.
~~(الأم تبتسم. ثم تلفظ أنفاسها وتموت.)
~~(محمود يلقي رأسه على صدرها وينشج كالأطفال.
~~أخته عزيزة تبكي معه في حزن.)

# محمود
~~:

# ماما! ماما!
~~(محمود ينتبه إلى واقعه. يرفع رأسه. يتوقف عن
~~النشيج. يمسك الملاءة ويغطي جثة أمه.)
~~(ينظر إلى أخته في حنان وحب.)
~~(يعانقها بقوة ويكلمها.)

# محمود
~~(يكلم نفسه)
~~:

# لأول مرة في حياتي أحس ان فيه حد محتاج لي. محتاج لوجودي. ما
~~يقدرش يعيش من غيري!
~~(يكلم أخته):

# عزيزة أختي
~~حبيبتي! آه لو كنت بتسمعي! ما تحمليش هم يا عزيزة أنا خلاص
~~خفيت وبقيت كويس. حاشتغل يا عزيزة وحعيشك أحسن عيشة. حعوضك عن
~~كل اللي فات. فاهماني يا عزيزة؟ سامعاني؟! آه لو كنت ms085
~~بتسمعي!
~~(يعانقها ويقبلها من جبهتها في حب وحنان 
~~أخوي.)
~~(الأخت تعانقه وتبكي معه.)

# تصوير
~~داخلي:

# صورة مكبرة ليافطة مكتوب عليها «دار الفكر». يظهر باب عليه هذه
~~اليافطة. الباب يقود إلى حجرة فسيحة يجلس فيها رجال يجلسون على الكراسي
~~ينتظرون. في نهاية الحجرة باب مغلق مكتوب عليه رئيس التحرير. السكرتير
~~في حركة دائمة. يدخل ويخرج من حجرة رئيس التحرير محملا بالأوراق
~~والدوسيهات.

# أحد الرجال المنتظرين يتقدم من السكرتير في أدب شديد.

# الرجل
~~:

# هو الأستاذ رئيس التحرير مش حيقابلنا؟

# السكرتير
~~(في شدة)
~~:

# لا. قلت لك ميت مرة انه مش فاضي يقابل حد. حضرتك تشرف
~~بكرة.

# الرجل
~~:

# لكن أنا ...

# السكرتير
~~(في شدة)
~~:

# يا أستاذ ما تضيعش وقتك ووقتي.

# الأستاذ
~~:

# مش حيقابل حد النهارده خالص. مش فاضي؟
~~(الرجل ينظر إليه في يأس ويأخذ زملاءه
~~ويخرج.)
~~(السكرتير يحمل بعض الأوراق ويدخل إلى حجرة
~~رئيس التحرير.)
~~(يدخل محمود. يجلس حتى يخرج السكرتير. السكرتير
~~ينظر إليه شزرا!)

# السكرتير
~~:

# أيوه يا أستاذ؟

# محمود
~~:

# أنا عاوز اقابل الأستاذ عزيز.

# السكرتير
~~:

# الأستاذ عزيز مش فاضي يقابل حد النهارده.
~~(السكرتير يتركه ويدخل بأوراقه إلى حجرة رئيس
~~التحرير.)
~~(محمود يأخذ ورقة من فوق المكتب ويكتب فيها
~~اسمه):
~~(محمود زكي.)
~~(يخرج السكرتير. يرى محمود واقفا.)

# السكرتير
~~:

# يا أستاذ قلت لك ان رئيس التحرير مش فاضي ومش حيقابل حد
~~النهارده!

# محمود
~~:

# طيب دخله الورقة دي؟
~~(السكرتير يأخذ الورقة من محمود في كبرياء
~~وغطرسة، ويدخل إلى حجرة رئيس التحرير.)
~~(تمر لحظة قصيرة. محمود يتمشى في الحجرة
~~مطرقا.)
~~(ينفتح باب رئيس التحرير ويظهر منه عزيز (زميل
~~محمود في لجنة الطلبة). عزيز يرحب بمحمود مهللا ويعانقه في
~~شوق.)

# عزيز
~~:

# أهلا أهلا محمود!

# محمود
~~:

# أهلا عزيز!

# عزيز
~~:

# اتفضل يا محمود. تعالى. إنت يا أخي تدخل أودتي على طول. ازاي
~~تقعد برة كده؟
~~(السكرتير ينظر إلى محمود في احترام وينحني له
~~وهو يسير مع عزيز إلى داخل الحجرة. عزيز ومحمود يجلسان على كنبة في
~~حجرة مكتب عزيز الأنيقة جدا.)

# عزيز
~~:

# أهلا محمود أهلا. ازيك يا راجل. كده ما نشوفكش ms086 من أيام
~~لجنة الطلبة! من كام سنة يا محمود؟

# محمود
~~:

# متهيأ لي ميت سنة!

# عزيز
~~(يضحك)
~~:

# ها! ها! برضه ما تغيرتش يا محمود. فاكر أيام زمان؟!
~~(محمود يشرد طويلا.)

# محمود
~~:

# فاكر يا عزيز.

# عزيز
~~:

# لكن انت عملت إيه بعد ما رجعت من القنال؟ أخبارك كده انقطعت
~~مرة واحدة!

# محمود
~~:

# مسكوني وانا نازل من القطر وخدوني على المعتقل.

# عزيز
~~:

# والله احنا قلنا برضه كده. وعملت إيه بعد ما خرجت، رجعت
~~الكلية؟

# محمود
~~:

# أبدا. مش معقول ارجع الكلية تاني بعد كل الوقت اللي فاتني.
~~زائد إني عمري ما كنت عاوز ابقى دكتور.

# عزيز
~~:

# أنا أعرف كده يا محمود. فاكر لما كنت تقعد تكتب مقالات مجلة
~~الكلية وتقول أنا مش عارف دخلت الطب ازاي، وانا اقولك انا مش
~~عارف دخلت الآداب ازاي، وانا كان نفسي ابقى دكتور وفكرنا نبادل
~~بعض؟!
~~(يضحكان.)
~~(يدخل فراش يحمل القهوة.)
~~(كل منهما يأخذ فنجان قهوة ليشربه.)

# محمود
~~:

# فاكر يا عزيز. وانت عملت إيه؟

# عزيز
~~:

# خدت الليسانس طبعا ومش عارف ازاي طلعت من الأوائل وخدوني
~~معيد في الكلية. ومش عارف ازاي برضه سيبت الكلية واشتغلت في
~~الصحافة.

# محمود
~~:

# إنت طول عمرك يا عزيز نفسك تبقى صحفي.

# عزيز
~~:

# فاكر لما كنت اجيبلك مقالاتي تصلحها لي يا محمود وتقولي يا
~~أخي بطل كتابة وادخل الطب!
~~(يضحكان.)
~~(محمود يتوقف عن الضحك فجأة ويشرد قليلا. عزيز
~~ينظر إليه في دهشة.)

# عزيز
~~:

# إيه ما لك يا محمود؟ باين عليك تعبان شوي!

# محمود
~~:

# شوية!
~~(لحظة صمت. عزيز يفكر.)

# عزيز
~~:

# لكن انت بتعمل إيه دلوقت يا محمود؟

# محمود
~~:

# ولا حاجة.

# عزيز
~~:

# مش معقول! مش معقول! واحد زيك ما يعملش حاجة؟

# محمود
~~:

# حاعمل ايه؟ الكلية سيبتها. ومش معقول اشتغل أي حاجة.
~~(عزيز يطرق إلى الأرض ويفكر لحظة.)
~~(محمود يفكر شاردا.)

# عزيز
~~:

# أنا عندي فكرة يا محمود.

# محمود
~~:

# إيه هي؟

# عزيز
~~:

# تيجي تشتغل معانا في المجلة. ده يبقى مكسب كبير لنا. إن قلم
~~زي قلمك يكتب فيها.
~~(محمود يفكر تفكيرا عميقا.)

# محمود
~~:

# لكن حاشتغل ايه؟

# عزيز
~~:

# زي ما ms087 انت عاوز. حتكون محرر عندنا. والمجلة مفتوحة قدامك .
~~تكتب مقالات. تكتب قصص. تعمل موضوعات أو تحقيقات صحفية. هو انا
~~معقول اقولك تعمل إيه يا محمود؟ ده انت اللي علمتني الصحافة
~~والكتابة! عندك مانع يا عزيزي؟

# عزيز
~~:

# اتفقنا؟

# محمود
~~:

# اتفقنا.
~~(يقفان. عزيز يصافح محمود بقوة ومحمود
~~يصافحه.)
~~(عزيز يوصل محمود إلى باب الحجرة.)

# عزيز
~~:

# حشوفك بكرة يا محمود؟

# محمود
~~:

# إن شاء الله يا عزيز.
~~(يتصافحان عند الباب. محمود يخرج.)

# عزيز
~~:

# مع السلامة يا محمود.

# محمود
~~:

# الله يسلمك يا عزيز.

# تصوير
~~داخلي:

# الدكتورة سعاد تقف أمام بيت أم محمود مترددة. تضع يدها على الجرس
~~بعد تردد.

# يفتح الباب رجل عجوز. سعاد تنظر إليه في دهشة!

# الرجل
~~:

# حضرتك عاوزة مين؟

# سعاد
~~:

# الست أم محمود.

# الرجل
~~:

# أم محمود مين؟

# سعاد
~~:

# أم محمود زكي. ساكنة هنا في الشقة دي.

# الرجل
~~:

# لا يا ستي. الشقة دي أنا ساكنها. أنا وبنتي لوحدنا.

# ما فيش واحدة اسمها أم محمود هنا. لازم عزلت.

# سعاد
~~:

# حضرتك سكنت قريب؟

# الرجل
~~:

# أول الشهر اللي فات.

# سعاد
~~:

# وما تعرفش الست أم محمود عزلت فين؟

# الرجل
~~:

# لا والله يا ستي. أنا أجرت الشقة فاضية من صاحب
~~البيت.
~~(سعاد تقف أمام الرجل حائرة لحظة.)

# الرجل
~~:

# يلزم خدمة؟

# سعاد
~~:

# لا. أشكرك.
~~(سعاد تتركه وتمشي. الرجل يغلق الباب.)

# تصوير
~~خارجي:

# سعاد تمشي في الشارع حائرة. الدموع في عينيها.

# تفكر.

# موسيقى تصويرية.





# | الصورة الممزقة (7)




# تصوير
~~داخلي:

# الصالة في منزل سعاد. الأم تجلس متكورة كالعجائز.

# الدادة تنادي على الطفل خالد:

# الدادة
~~:

# سي خالد. يا سي خالد. تعالى يا حبيبي. ما تلعبش في أودة
~~ماما.
~~(يسمع صوت الطفل خالد وقد كبر وأصبح عمره ست
~~سنوات من حجرة سعاد):
~~(أنا مش بالعب في حاجة يا دادة.)

# الدادة
~~:

# طيب تعالى يا حبيبي اعمل واجب المدرسة. أحسن زمان ماما جاية.
~~تزعل منك.
~~(يظهر طفل جميل في السادسة من عمره.)

# خالد
~~:

# ما انا عملت الواجب يا دادة من الصبح.

# الدادة
~~:

# شاطر يا حبيبي. شاطر. تعالى جنبي بقى شوية.

# خالد
~~:

# لا أنا نازل العب في ms088 الجنينة مع عادل.

# الدادة
~~:

# طيب يا حبيبي. بس اوع توسخ هدومك. تعالا أما اعدلك البنطلون
~~يا حبيبي.
~~(خالد يجري ويتركها ويخرج.)
~~(الأم تمصمص شفتيها في حسرة وشفقة.)

# الأم
~~:

# والنبي الولد ده صعبان علي قوي.

# الدادة
~~:

# ليه يا ست سنية؟ حد زيه؟ ما شاء الله نبيه وزي الفل.

# الأم
~~:

# ما لوش أب يا عيني!

# الدادة
~~:

# ليه يا ست سنية؟ ربنا يخلي له أمه. دي دكتورة أد الدنيا،
~~واسمها على كل لسان، وأم ولا كل الأمهات! مش مخلية سي خالد
~~يعوز حاجة أبدا. ربنا يخليها يا رب.

# الأم
~~:

# الناس مش بتقول أمه مين. إنما بتقول أبوه مين؟

# الدادة
~~:

# الناس دلوقت يا ست سنية لا بتقول أبوه مين ولا أمه مين. إنما
~~بيقولوه هو مين؟ وإن شاء الله سي خالد يتعلم ويبقى ما فيش حد
~~زيه.

# الأم
~~:

# على رأيك وهو يعني أول واحد يتيم الأب؟ اليتامى كتير.

# الدادة
~~:

# ويتيم ليه يا ست سنية؟ مش يمكن أبوه لسة عايش في
~~الدنيا.

# الأم
~~:

# عايش إيه يا أم علي؟ دي ست سنين فاتت أهه وما حدش سمع انه في
~~الدنيا وما حدش يعرف له طريق.

# الدادة
~~:

# يمكن مسافر بلاد بره ولا حاجة.
~~(الطفل خالد يدخل ويأخذ بعض اللعب بسرعة وينزل
~~إلى الحديقة.)

# الأم
~~:

# إنتي عارفة يا أم علي! أنا سمعت من الناس انه مات.

# الدادة
~~:

# مات؟ يا عيني على شبابه! جايز والله.

# الأم
~~:

# بيقولوا انتحر.

# الدادة
~~:

# انتحر؟ يا عيني عليه. ده لازم مسكين شاف له أيام وحشة قوي.
~~يا ترى الست سعاد دريت بالحكاية دي؟

# الأم
~~:

# لازم. اللي قالي لازم قالها.

# الدادة
~~:

# أتاريها يا عيني دايما حزينة كده وساكتة. والنبي الست سعاد
~~دي صعبانة علي قوي.

# الأم
~~:

# هي اللي جابته لنفسها يا أم علي. وانا يا اختي مش عارفة هي
~~حزينة عليه ليه؟ أنا ما شفتش واحدة خايبة زيها أبدا. مضيعة
~~شبابها وصحتها على ما فيش. واحدة غيرها لها مركزها وفلوسها
~~وشبابها تلبس وتتزوق وتقعد في وسط الناس وتلقط أحسن
~~عريس.

# الدادة
~~:

# تلقط إيه يا ست ms089 سنية. ده أحسن راجل يتمنى انها تبص له بصة
~~واحدة بس. دي دكتورة أد الدنيا. غيرش ان ما حدش مالي عينها
~~فيهم.

# الأم
~~:

# الرجالة لما بيحبوا يتجوزوا ما يهمش دكتورة ولا غيره. يهمهم
~~انها تكون بنت بنوت. مش اتجوزت قبل كده ومعاها عيال
~~كمان.

# الدادة
~~:

# دول الرجالة الجهلة يا ست سنية. وهو معقول ان الدكتورة سعاد
~~ترضى براجل جاهل؟
~~(تدخل سعاد. يبدو عليها الإرهاق والتعب من كثرة
~~العمل. الدادة تجري لها.)

# الدادة
~~:

# أهلا ست سعاد.

# سعاد
~~:

# أهلا دادة. ازيك. ازيك يا ماما؟

# الأم
~~:

# الله يسلمك يا بنتي.

# الدادة
~~:

# أعملك حاجة يا ست سعاد؟ أحضر السفرة؟

# سعاد
~~:

# لا يا دادة. أنا حادخل أودتي استريح شوية وبعدين حضري لي
~~الغدا.

# الدادة
~~:

# حاضر يا ست سعاد.

# سعاد
~~:

# أمال فين خالد يا دادة؟

# الدادة
~~:

# بيلعب في الجنينة مع عادل.

# سعاد
~~:

# اندهيله عشان جايباله معايا حاجة حلوة.

# الدادة
~~:

# حاضر.
~~(الدادة تخرج.)

# الأم
~~:

# غدا إيه يا بنتي؟ ده احنا بقينا المغرب.

# سعاد
~~:

# أعمل إيه يا ماما. كان عندي عملية مستعجلة في العيادة لازم
~~اعملها.

# الأم
~~:

# أنا مش عارفة إيه آخرة الهلاك ده يا بنتي؟

# سعاد
~~:

# وإيه آخرة أي حاجة يا ماما؟
~~(يدخل خالد مهللا. يعانق أمه في سعادة
~~وفرح.)

# خالد
~~:

# ماما، ماما.

# سعاد
~~:

# أهلا خالد حبيبي ازيك؟

# خالد
~~:

# الله يسلمك يا ماما. إنت اتأخرت قوي يا ماما فين
~~الشيكولاتة؟

# لازم نسيتي زي كل مرة؟

# سعاد
~~:

# معقول انسى الشيكولاتة بتاعتك يا خالد؟

# خالد
~~:

# فين هي يا ماما؟ فين؟
~~(سعاد تخرج من حقيبتها قطعة كبيرة من
~~الشيكولاتة وتعطيها له.)
~~(سعاد تخرج من حقيبتها «قطارا» لعبة صغيرة
~~جميلة مناسبة لطفل في السادسة من عمره.)

# خالد
~~:

# الله! ده قطر حلو قوي! مرسي يا ماما. مرسي. أنا حروح أوريه
~~لعادل.

# سعاد
~~:

# لا مش دلوقت. بكرة إن شاء الله. إنت دلوقت تاخد الحمام
~~بتاعك عشان تنام.

# تعالى معايا يا خالد. تعالى.

# خالد
~~:

# طيب يا ماما. حالعب بالقطر شوية قبل ما انام يا ماما.

# سعاد
~~:

# الحمام الأول وبعدين خد القطر معاك السرير. عملت ms090
~~الواجب؟

# خالد
~~:

# أيوه يا ماما.
~~(سعاد تخرج من الصالة ومعها خالد. الذي يمسك
~~اللعبة في فرح وسعادة.)
~~(الأم تبقى وحدها بالصالة تكلم
~~نفسها.)

# الأم
~~:

# ربنا يهديكي يا سعاد يا بنتي ويرزقك بابن الحلال اللي يسعدك
~~ويستر عرضك ويمنع عنك كلام الناس.
~~(الدادة تدخل.)

# الدادة
~~:

# ناس إيه تاني يا ست سنية؟

# الأم
~~:

# إنت عارفة يا أم علي أن الناس دايما يتكلموا ان الست
~~المطلقة اللي عايشة من غير راجل وما يبطلوش عنها كلام إلا لما
~~تتجوز.

# الدادة
~~:

# وهي الست سعاد وش كده؟ دي دكتورة على سن ورمح.

# الأم
~~:

# الناس ما يهمهاش دكتورة ولا غيره. ويهمها إنها ست من غير
~~راجل. ده انا بابقى في نص هدومي وانا شايفاها راجعة نص الليل
~~والجيران كلهم شايفنها.

# الدادة
~~:

# وما له؟ راجعة من العيادة أو راجعة من المستشفى كانت بتسعف
~~حالة مستعجلة.

# الأم
~~:

# ما حدش بيسأل هي راجعة منين. المهم إنها راجعة نص الليل
~~وبس.

# الدادة
~~:

# يا ختي الست سعاد ما بيهمهاش كلام الناس.
~~(جرس التليفون يدق في الصالة. ترد
~~الدادة.)

# الدادة
~~:

# ألو. أيوه الدكتورة موجودة. مين اللي عاوزها؟ حاضر دقيقة
~~واحدة من فضلك.
~~(الدادة تخرج لتبلغ سعاد بالتليفون. سعاد
~~تخرج إلى الصالة وتمسك سماعة التليفون.)
~~(خالد يظهر أيضا ويقف بجوارها يسمع. والدادة
~~تقف تسمع. والأم جالسة تسمع.)

# سعاد
~~:

# ألو. أنا الدكتورة سعاد.

# تعبانة قوي. ما تقدرش تستنى للصبح؟ حاضر أنا جاية حالا.
~~العنوان إيه من فضلك؟ حضرتك حتيجي تاخدني من البيت؟ طيب أنا
~~حكون جاهزة بعد خمس دقائق.

# لا. العفو يا فندم. ده واجب علي. أشكرك.
~~(سعاد تضع السماعة. تنظر إلى خالد، ثم تخاطب
~~الدادة.)

# سعاد
~~:

# أنا نازلة حالا يا دادة حشوف حالة تعبانة. أنا جهزت
~~الحمام لخالد. حميه وخليه ينام في سريره.

# خالد
~~:

# لا أنا عاوز ماما هي اللي تحميني.

# سعاد
~~:

# معلهش يا خالد. أنا مش حتأخر.

# الدادة
~~:

# والأكل اللي على السفرة؟ الغدا والعشا؟

# سعاد
~~:

# لا. مش حلحق آكل. لما ارجع بقه.
~~(سعاد تسرع خارجة من الصالة.)

# الدادة
~~:

# ربنا يكون في عونك يا ms091 بنتي.

# الأم
~~:

# والنبي ولا الرجالة.

# الدادة
~~:

# رجالة إيه يا ست سنية. دي الست سعاد بستين راجل. تعالى يا سي
~~خالد لما احميك يا حبيبي. زمان ماما جاية حالا.

# خالد
~~:

# مش عاوز الميه سخنة قوي يا دادة.

# الدادة
~~:

# حاضر يا حبيبي.

# خالد
~~:

# واقعدي معايا وانا نايم عشان تحكيلي حكاية الشاطر
~~حسن.

# الدادة
~~:

# حاضر يا حبيبي. حاضر يا ضنايا.
~~(الدادة تخرج ومعها خالد.)
~~(الأم تجلس وحدها تمصمص شفتيها في حسرة
~~وألم.)

# تصوير
~~خارجي:

# الدنيا ليل.

# عربة تقف أمام بيت سعاد. ينزل منها رجل. سعاد تقترب منه.
~~يصافحها.

# سعاد تجلس إلى جواره. يظهر بعض الجيران في نوافذهم. يطلون عليهما
~~في استطلاع.

# العربة تسير. الجيران يتهامسون في اهتمام.

# تصوير
~~داخلي:

# صالة منزل سعاد. الأم جالسة متكورة كالعجائز. الدادة إلى
~~جوارها.

# الأم
~~:

# سعاد اتأخرت قوي. احنا بقينا نص الليل.

# الدادة
~~:

# لازم الحالة تعبانة قوي. ربنا يسوقك يا ست سعاد. دي يا عيني
~~لا اتغدت ولا اتعشت!

# الأم
~~:

# أنا مش عارفة إيه آخرة الهلاك ده؟
~~(يسمع صوت وقوف عربة أمام البيت.)
~~(الأم والدادة يجريان إلى النافذة
~~ويطلان.)

# تصوير
~~خارجي:

# العربة نفسها تقف أمام البيت. ينزل منها الرجل نفسه ويفتح الباب
~~لسعاد. سعاد تنزل تتحدث مع الرجل لحظة في اهتمام شديد. ثم يصافحها
~~الرجل مبتسما ويوصلها حتى باب البيت. ثم يودعها ويصافحها مرة أخرى.
~~بعض الجيران في نوافذهم يطلون أيضا ويتهامسون.

# تصوير
~~داخلي:

# الأم والدادة يتركان النافذة.

# الأم
~~:

# الناس تقول إيه عليها بس؟ ومين ده اللي راكبة معاه وجاي
~~معاها لغاية هنا؟

# الدادة
~~:

# لازم جوز الست العيانة والا ابنها والا قريبها يا ست
~~سنية.

# الأم
~~:

# وهي الناس حتعرف منين؟

# تصوير
~~داخلي:

# عيادة الدكتورة سعاد، المرضى الرجال والنساء جالسون ينتظرون.

# فوزية محمد زميلة سعاد في المدرسة ترتدي ملابس الحكيمات تستقبل
~~المرضى وتجلسهم.

# تظهر حجرة مكتب الدكتورة سعاد. سعاد تجلس على مكتبها تكتب روشتة.
~~يجلس أمامها رجل «رفاعي» يدخن سيجارة، وينظر إليها في اهتمام.

# سعاد
~~:

# أنا حكرر الدوا تاني للست والدتك يا أستاذ رفاعي. وبعد شهر
~~خليها تفوت علي ms092 اشوفها.

# رفاعي
~~:

# إنت عارفة يا دكتورة سعاد أن والدتي ثقيلة قوي. حاجي أنا
~~بدالها اقول لحضرتك النتيجة وإذا كان يلزمها حاجة.

# سعاد
~~:

# طيب على العموم انا مطمئنة على صحتها دلوقت بعد الورم ما
~~راح.
~~(سعاد تقف. رفاعي لا يقف.)

# رفاعي
~~:

# حضرتك ممكن تديني دقيقة من وقتك كمان يا دكتورة سعاد؟

# سعاد
~~:

# أيوه. اتفضل. فيه حاجة؟
~~(سعاد تجلس.)

# رفاعي
~~:

# أيوه. بس مش عارف اقولها ازاي. أنا جيت هنا لحضرتك كم مرة مع
~~والدتي والحقيقة من أول ما شفت حضرتك وانا أعجبت بيكي قوي.
~~لدرجة اني فكرت ...
~~(سعاد تنظر إليه في وجوم. لحظة صمت.)

# رفاعي
~~:

# انا عمري ما كنت بفكر في اني اتجوز أبدا. لكن مش عارف
~~الفكرة دي جاتلي بعد ما شفتك.
~~(يقدم لها كارت من جيبه.)

# أنا مهندس مقاول ولي مكتب في شارع سليمان. وأنا طبعا سألت
~~عن حضرتك وعرفت كل حاجة عنك.
~~(لحظة صمت.)

# رفاعي
~~:

# يا ترى يا دكتورة سعاد حيكون رأيك ايه؟

# سعاد
~~:

# أنا آسفة قوي يا أستاذ رفاعي. أنا ماعنديش نية اني اتجوز
~~تاني.

# أنا أشكرك.
~~(سعاد تقف وتصافحه.)

# رفاعي
~~:

# طيب تحبي تفكري في الموضوع شوية أيام؟ يمكن تغيري
~~رأيك.

# سعاد
~~:

# لا يا أستاذ رفاعي. أنا لازم اكون صريحة معاك. فكرة الجواز
~~مش عندي خالص. أشكرك. مع السلامة.

# رفاعي
~~:

# الله يسلمك يا دكتورة. أجيب والدتي بعد شهر؟

# سعاد
~~:

# أيوه.
~~(تخرج فوزية إلى صالة العيادة. الرجال والنساء
~~جالسون منتظرون الكشف. فوزية تنادي بينهم. تقف سيدة سمينة. فوزية
~~تقودها إلى حجرة الكشف وتغلق الباب خلفها. تعود فوزية إلى المرضى
~~المنتظرين. شاب وسيم يقترب من فوزية ويقول لها في صوت
~~هامس):

# الشاب
~~:

# هي الدكتورة حتخلص امته؟

# فوزية
~~:

# لسة بدري. إنت شايف العيادة على آخرها أهه.

# الشاب
~~:

# يعني بعد كام ساعة؟

# فوزية
~~:

# مش عارفة. ليه؟ حضرتك عاوزها في كشف برة؟

# الشاب
~~:

# لا.

# فوزية
~~:

# عاوز تكشف؟

# الشاب
~~:

# لا.

# فوزية
~~:

# أمال عاوز الدكتورة في إيه؟

# الشاب
~~:

# ده موضوع خاص عاوز أكلمها فيه.

# فوزية
~~:

# موضوع خاص! هي ما عندهاش وقت للمواضيع الخاصة في
~~العيادة. ms093

# الشاب
~~:

# أمال أقابلها فين؟ هي الصبح بتبقى فين ؟

# فوزية
~~:

# في المستشفى.

# تصوير
~~داخلي:

# حجرة نوم الطفل خالد. الطفل راقد في السرير والدادة تجلس إلى
~~جواره.

# خالد
~~:

# ماما اتأخرت قوي يا دادة.

# الدادة
~~:

# زمانها جاية يا حبيبي.

# خالد
~~:

# كل مرة تقوليلى كده. هي ماما بتروح فين يا دادة؟

# الدادة
~~:

# بتروح الشغل يا حبيبي.

# خالد
~~:

# اشمعنى ماما عادل مش بتروح الشغل؟ باباه هو اللي بيروح
~~الشغل.

# الدادة
~~:

# مامتك دكتورة أد الدنيا!

# نام يا حبيبي نام.
~~(تدخل سعاد إلى البيت عائدة من
~~العيادة.)

# الدادة
~~:

# ماما عادل مش دكتورة. إنما مامتك دكتورة شاطرة بتخفف كل
~~العيانين.
~~(تسمع صوت خالد يكلم الدادة. تقف بالباب تسمع
~~دون أن يراها أحد.)

# خالد
~~:

# أمال بابا فين يا دادة؟
~~(الدادة تمسح دمعها.)

# الدادة
~~:

# بابا يا حبيبي مسافر. مسافر يا ضنايا.

# خالد
~~:

# مسافر فين يا دادة؟

# الدادة
~~:

# مسافر! مسافر بلاد برة يا حبيبي.

# خالد
~~:

# بيعمل إيه يا دادة هناك؟

# الدادة
~~:

# بيشتغل يا حبيبي.

# خالد
~~:

# وحيرجع هنا امته يا دادة؟

# الدادة
~~:

# هيرجع قريب. قريب قوي يا حبيبي.

# خالد
~~:

# إنت كل مرة تقوليلي قريب. قريب. ومش بيرجع أبدا. أنا عاوز
~~أشوف بابا.

# الدادة
~~:

# حتشوفه يا حبيبي حتشوفه. تحب أحكيلك حكاية الشاطر
~~حسن؟

# خالد
~~:

# لا. أنا عاوز بابا. إنت شوفتيه يا دادة؟ شكله إيه يا
~~دادة؟
~~(يظهر وجه سعاد مكبرا بالدموع فيه.)
~~(الدادة تمسح دموعها في صمت.)
~~(وجه سعاد يظهر وهي تبكي في صمت.)
~~(تدخل سعاد إلى حجرتها في هدوء دون أن تدخل
~~حجرة طفلها خالد.)
~~(تجلس شاردة على طرف السرير والدموع في
~~عينيها. صورة مكبرة لوجهها ينم عن الحزن والألم
~~والتفكير.)
~~(تقف وتمشي كالتائهة. تجلس على المكتب. تفتح
~~الدرج. تخرج صورة محمود ممزقة وتنظر فيها. تضع الصورة مرة أخرى في
~~الدرج. تجلس على المكتب ورأسها بين يديها تفكر.)
~~(منزل سعاد. الصالة. الأم تجلس. والدادة تلاعب
~~الطفل خالد.)

# الأم
~~:

# هي سعاد اتأخرت كده ليه؟

# الدادة
~~:

# شغل العيادة كتير. ربنا يكون في عونها.

# الأم
~~:

# خلاص اهو جالها اللي حيريحها.

# الدادة
~~:

# إيه؟

# الأم
~~:

# عريس قد ms094 الدنيا. مهندس كبير وغني.
~~(تدخل سعاد.)

# سعاد
~~:

# فيه حد حيتجوز يا ماما؟

# الأم
~~:

# أيوه.

# سعاد
~~:

# مين؟

# الأم
~~:

# إنت.

# سعاد
~~:

# أنا؟

# الأم
~~:

# أيوه انت. الأستاذ رفاعي جه البيت وطلب إيدك مني.
~~(الدادة تأخذ الطفل وتخرج.)

# سعاد
~~:

# والله عال! كويس خالص! بيجي كده البيت من غير ما يأخذ
~~رأيي.

# الأم
~~:

# بيقول إنه راحلك العيادة وكلمك في الموضوع.

# سعاد
~~:

# هوه جالي صحيح. ولكن هل قلتله اني موافقة؟

# الأم
~~:

# وهو معقول الواحدة بتقول للواحد أنا موافقة كده عيني
~~عينك؟

# سعاد
~~:

# أمال تقول إيه؟

# الأم
~~:

# تقوله أما أفكر. الست ما تقولش أيوه أبدا.

# سعاد
~~:

# اسمعي يا ماما انا مش زي الستات. أنا الأيوه بتاعتي يعني
~~أيوه واللا يعني لا.

# الأم
~~:

# وقولتي للأستاذ رفاعي إيه؟

# سعاد
~~:

# قولتله لا.

# الأم
~~:

# ليه قولتيله لا؟

# سعاد
~~:

# كده. مش عاوزة اتجوزه.

# الأم
~~:

# ليه؟

# سعاد
~~:

# كده. مش عاجبني.

# الأم
~~:

# وليه مش عاجبك؟ ده راجل مهندس كبير وغني قوي.

# سعاد
~~:

# مش مهم. أنا مش حاتجوز إلا لما اقابل الشخص اللي يملا دماغي.
~~يعني إيه اتجوز أي واحد؟ ليه عشان يأكلني والا يشربني والا
~~يفتحلي بيت؟ أنا بوكل نفسي. أفتح عشر بيوت مش بيت
~~واحد.

# الأم
~~:

# هي مسألة أكل وشرب بس؟

# سعاد
~~:

# أمال إيه؟

# الأم
~~:

# الراجل بيحمي الست.

# سعاد
~~:

# بيحمي الست.

# بيحميها من إيه؟

# الأم
~~:

# من كلام الناس. طول ما الست لوحدها الناس ما ببتبطلش عنها
~~الكلام لغاية ما تتجوز.

# سعاد
~~:

# ناس إيه؟ ما يتكلموا. كلام الناس ملوش قيمة عندي.
~~(تخرج سعاد.)

# الأم
~~:

# طول عمرك راسك ناشفة. إنت ربنا يهديكي يا سعاد يا
~~بنتي.
~~(حجرة مكتب عزيز في الجريدة.)
~~(عزيز ومحمود يجلسان متجاورين يشربان القهوة
~~ويدخنان.)

# عزيز
~~:

# يا سلام يه إنت شفت أيام صعبة قوي يا محمود!

# محمود
~~:

# أيام! دي سنين. سنين يا عزيز وانا لا انا ميت ولا أنا صاحي.
~~كل الناس قفلوا أبوابهم في وشي. صحابي. قرايبي. حتى أمي. تصور
~~أمي قفلت بابها في وشي.

# عزيز
~~:

# كانت معذورة.

# محمود
~~:

# الله يرحمها. عمرها ما اعترفت اني إنسان كويس. كان نفسي انها
~~تعترف ms095 ولو مرة واحدة اني كويس، كانت دايما تقوللي انت
~~خايب.

# عزيز
~~:

# ليه ما حاولتش تثبت لها إنك إنسان كويس؟

# محمود
~~:

# حاولت. وفشلت. فشلت.

# عزيز
~~:

# ليه؟

# محمود
~~:

# كان الإنسان الكويس من نظرها هو اللي يذاكر وينجح ويبقى
~~دكتور. مقدرتش ابقي دكتور. الطب كان في نظري نوع من التجارة.
~~عمري ما تصورت نفسي تاجر. كنت مؤمن اني لازم اعمل حاجة كبيرة
~~بحياتي.

# عزيز
~~:

# فعلا يا محمود. كان عندك طاقة كبيرة قوي.

# محمود
~~:

# كل يوم كنت بقابل فشل جديد. فشل في مثلي العليا كلها.

# الخيانة اللي شفتها بعد حرب القنال خلتني أكفر بالوطنية
~~والكفاح.

# الناس! والدنيا كلها ما كنتش تثبت يوم على مبدأ واحد!
~~(يتنهد في أسى.)

# وفشلت في الحب كمان.

# عزيز
~~:

# وليه فشلت في الحب؟ أنا اعرف إن سعاد ما خلتش تضحية إلا
~~وعملتها عشانك.

# محمود
~~:

# أيوه. سعاد ضحت كتير عشاني. لكن تصور يا عزيز انها كانت كل
~~ما تضحي عشاني كل ما انا احس اني مجرم في حقها فاتغاظ منها
~~واعاملها بقسوة.

# عزيز
~~:

# مش معقول! ليه كده يا محمود؟

# محمود
~~:

# مش عارف. كنت باحس أنها أقوى مني. ناجحة عني. هي اللي بتديني
~~مش انا اللي بديلها.
~~(يسكت لحظة في شرود.)

# سعاد استحملتني اكتر من أمي. لكن حياتي معاها كانت عذاب. أمي
~~عذبتني بقسوتها وسعاد عذبتني بحنانها.
~~(محمود يشعل سيجارة، ويظهر عليه الألم
~~الشديد.)

# عزيز
~~:

# ولا يهمك يا محمود. انت دلوقت مش راضي عن نفسك؟

# محمود
~~:

# أنا شايف اني ماشي في الطريق الصح. الطريق اللي كنت عاوز
~~امشي فيه طول عمري. كنت احب اكتب. اللي عايز اقوله.

# عزيز
~~:

# واحد زيك يا محمود مش ممكن يحقق ذاته إلا عن طريق
~~الكتابة.

# محمود
~~:

# كل كلمة باكتبها يا عزيز والناس بتقرأها بتديني قوة غريبة.
~~مش عارف إزاي. كأني باخلق حاجة جديدة.

# عزيز
~~:

# إنت كمان خلاص وصلت يا عم. كل الناس بقت تستنى
~~مقالاتك.

# محمود
~~:

# كل الناس؟

# عزيز
~~:

# أيوه كل الناس. إيه؟ كتير عليك ده؟

# محمود
~~:

# لا أبدا. بس بفكر.

# عزيز
~~:

# في إيه؟

# محمود
~~:

# يا ترى ms096 سعاد من ضمن الناس اللي بتقرالي؟

# عزيز
~~:

# يهمك قوي انها تكون بتقرا لك؟

# محمود
~~:

# أيوه يا عزيز. يهمني انها تقرالي ويهمني انها تعرف اني بقيت
~~إنسان كويس. ناجح. وإن الصورة اللي رسمتها لي كانت صورة
~~حقيقية. كانت دايما تقولي انت قوي مش ممكن حاجة تضعفك يا
~~محمود. يا خسارة ما قدرتش أحقق الصورة اللي هي كانت راسماها لي
~~وانا بعيد عنها.
~~(يبدو على محمود الألم.)

# عزيز
~~:

# قوم يا شيخ قوم تعالى نشوف مسرحية علي شاكر عشان عاوز اكتب
~~عنها بكرة وابهدله فيها آخر بهدلة. قوم يا شيخ قوم.
~~(منزل سعاد. الصالة. سعاد تلاعب طفلها خالد
~~(عمره أربع سنوات تقريبا).)

# سعاد
~~:

# إنت عاوز تطلع إيه يا خالد؟

# خالد
~~:

# عاوز اطلع دكتور زيك يا ماما.

# سعاد
~~:

# يا حبيبي يا خالد.

# خالد
~~:

# ماما.

# سعاد
~~:

# نعم يا خالد.

# خالد
~~:

# أنا لعبت مع عادل في الجنينة النهارده.

# سعاد
~~:

# صحيح؟ لازم كنت مبسوط خالص.

# خالد
~~:

# كنا بنلعب سوا لكن بابا عادل نزل الجنينة وقاله يطلع
~~البيت.

# سعاد
~~:

# لازم كان عاوزه في حاجة يا خالد وعادل لازم يسمع كلام
~~باباه.
~~(الطفل يسكت لحظة.)

# سعاد
~~:

# بابا يا خالد بيشتغل شغلة عظيمة جدا. بتاخد منه وقت كتير،
~~كمان المسافة بيننا وبينه طويلة يا خالد، عشان كده مش
~~بيجي.

# خالد
~~:

# هو بيشتغل إيه يا ماما؟

# سعاد
~~:

# بيكتب يا خالد. بيكتب حاجات حلوة خالص. وكل الناس بتحبه
~~وبتحب تقرا له. بكرة لما تكبر يا خالد وتعرف تقرا حجيبلك كل
~~الحاجات اللي كتبها عشان تقراها وتعرف إن بابا راجل
~~عظيم.

# خالد
~~:

# طيب فين الشيكولاتة؟ اوعي تكوني نستيها يا ماما؟

# سعاد
~~:

# معقول انساها يا خالد؟
~~(تخرج له الشيكولاتة من جيبها. يأخذها خالد في
~~سعادة.)
~~(تدخل الدادة.)

# الدادة
~~:

# تعالى يا خالد يا حبيبي عشان تغير هدومك.
~~(الدادة تأخذ الطفل وتخرج. سعاد تجلس شاردة
~~تفكر. تمسك إحدى الجرائد. تتصفحها في شرود.)
~~(تدخل الأم.)

# الأم
~~:

# مش تيجي تاكلي لقمة وتستريحي من تعب طول النهار. بتقري إيه
~~تاني هو انت كده ما تبطليش قراية طول عمرك؟

# سعاد ms097
~~:

# طول عمري احب القراية.

# الأم
~~:

# يظهر يا سعاد يا بنتي ان ربنا استغفر الله العظيم كان حيعملك
~~راجل.

# سعاد
~~:

# قصدك إن الراجل بس هو اللي يقرا. والست تعمل إيه؟ تقشر
~~بصل؟

# الأم
~~:

# الست تتجوز. فيه ست تعيش من غير جواز؟

# سعاد
~~:

# أيوه انا. مش محتاجة للجواز. عندي شغلي وعندي مركزي وعندي
~~فلوسي وعندي ابني. عندي كل حاجة.

# الأم
~~:

# وشبابك يا سعاد؟ السنين بتجري يا بنتي وبكرة تندمي وتقولي يا
~~ريتني اتجوزت.

# سعاد
~~:

# عمري ما حاندم. أنا أفضل اني أعيش طول عمري لوحدي عن اني
~~اتجوز كده أي راجل.

# الأم
~~:

# وابنك؟ تفتكري انه مش محتاج لراجل في البيت يقوله يا بابا زي
~~كل العيال؟

# سعاد
~~:

# خالد مش ناقص حاجة. أهم حاجة للطفل أنه يتربى كويس ويتعلم
~~كويس. مش لازم أبوه وأمه يبقوا قاعدين جنبه دايما. فيه طفل
~~بيبقى عايش في وسط أبوه وأمه وبيخسر من سوء التربية. وفيه طفل
~~امه لوحدها بتعرف تربيه وتعرف تعوضه عن ابوه من غير ما تكدب
~~عليه ومن غير ما تعقده.

# الأم
~~:

# أهو برضه بيبقى محروم من ابوه زي اليتيم يا ضنايا.

# سعاد
~~:

# يتيم دي كلمة قديمة. أيام ما كان الأب هو اللي بيصرف على
~~ولاده وامهم كمان. فلما الأب يموت والا يجرى له أي حاجة الولاد
~~يتشردوا ويجوعوا لكن دلوقت لا. الأم بقت زي الأب بتصرف على
~~ولادها وبتربيهم.

# الأم
~~:

# لكن العيل بيبقى حاسس ديما إن فيه حاجة ناقصاه يا
~~بنتي.

# سعاد
~~:

# مش لازم الطفل يكون عنده كل حاجة. أي نوع من الحرمان في
~~حياته مع التربية الكويسة بيديله صلابة وقوة في شخصيته. وطبعا
~~ده حينفعه كتير لما يكبر؛ لأن الحياة عمرها ما حتديله كل
~~حاجة.

# الأم
~~:

# أنا مش فاهمة حاجة خالص من كلامك يا سعاد يا بنتي. طول عمري
~~ما فهمش كلامك.
~~(الدادة تدخل.)

# الدادة
~~:

# وانا طول عمري بافهم كلامك يا ست سعاد. صحيح انا ما تعلمتش
~~في المدارس ولا اعرفش اقرا ولا اكتب. لكن والنبي كل كلمة
~~تقولها الست سعاد بافهمها. مش كده ms098 والا إيه يا دكتورة
~~سعاد؟

# سعاد
~~:

# أيوه يا دادة. الفهم مش بالتعليم في المدارس. فيه ناس بتفهم
~~من غير ما تتعلم وفيه ناس بتتعلم ولا تفهمش.

# الدادة
~~:

# قومي يا ست سعاد قومي. أما انا عاملا لك طبق كشك بالفراخ
~~يستاهل بقك.
~~(مكتب أنيق. يجلس إليه محمود زكي. يافطة صغيرة
~~على باب المكتب مكتوب عليها رئيس التحرير. محمود منهمك في
~~الكتابة.)
~~(يدخل السكرتير.)

# السكرتير
~~:

# واحدة ست برة عاوزة تقابل سيادتك.
~~(محمود لا يسمعه. منهمك في الكتابة.)

# السكرتير
~~:

# فيه واحدة ست برة عاوزة تقابل سيادتك.

# محمود
~~:

# مين؟

# السكرتير
~~:

# واحدة ست.

# محمود
~~:

# اسمها إيه؟

# السكرتير
~~:

# ما قالتش لي اسمها.
~~(محمود يفكر لحظة.)

# محمود
~~:

# خليها تتفضل.
~~(تدخل سيدة جميلة في دلال.)

# محمود
~~:

# أهلا وسهلا. اتفضلي.

# السيدة
~~:

# حضرتك مش عارفني؟

# محمود
~~:

# لا والله مش واخد بالي.

# السيدة
~~:

# أنا نادية.

# محمود
~~:

# أهلا وسهلا. نادية اللي بتكلميني في التليفون
~~دايما؟

# السيدة
~~:

# أيوه. عرفت بقه؟
~~(محمود ينظر إليها في صمت دون حماس أو
~~تشجيع.)

# السيدة
~~:

# كنت فاكرة انك عاوز تشوفني؟

# محمود
~~:

# حضرتك شرفت.

# السيدة
~~:

# يا ترى أما كنت بتسمع صوتي في التليفون كنت بترسم لي في
~~خيالك صورة شكلها إيه؟

# محمود
~~:

# مش عارف. ما حولتش ارسم أي صورة.

# السيدة
~~:

# مش معقول! لازم كنت راسم لي صورة أحلى من كده؟ والا
~~إيه؟

# محمود
~~:

# أبدا. أنا قلت لنفسي بس انك لازم غاوية قراية.

# السيدة
~~:

# أبدا. ما عنديش صبر على القراية.

# محمود
~~:

# أمال عندك صبر على إيه؟
~~(في دلال شديد.)

# السيدة
~~:

# على الحب.
~~(في سخرية.)

# محمود
~~:

# كده؟ والله حاجة كويسة خالص!
~~(يدخل عزيز.)

# عزيز
~~:

# إيه؟ عندك ضيوف ولا إيه؟

# محمود
~~:

# لا. اتفضل يا عزيز.
~~(يقدم له السيدة.)

# الست نادية.
~~(عزيز يصافح السيدة.)

# عزيز
~~:

# أهلا وسهلا! تشرفنا.
~~(السيدة تهم بالانصراف.)

# السيدة
~~:

# طيب يا محمود. أنا مش عاوزة اعطلك. حاكلمك في التليفون لما
~~ترجع.

# محمود
~~:

# متشكر يا فندم. مع السلامة.

# السيدة
~~:

# الله يسلمك.
~~(تخرج السيدة.)

# عزيز
~~:

# طبعا يا سيدي. المعجبات كتروا قوي!

# محمود
~~:

# الشهرة والفلوس يخلوا الستات يجروا وراء أي راجل يا
~~عزيز. ms099

# عزيز
~~:

# هي دي الطبيعة. كل الستات كده. خليك واقعي.

# محمود
~~:

# لأ. مش كل الستات يا عزيز. فيه ستات بيوزنوا الراجل من غير
~~فلوسه أو شهرته.

# عزيز
~~:

# زي مين كده؟

# محمود
~~:

# سعاد.

# عزيز
~~:

# تاني؟ مش قلت انك حتنساها؟

# محمود
~~:

# مش قادر انساها يا عزيز. مش قادر. عرفت ستات غيرها كتير.
~~كتير. لكن تصور يا عزيز ما فيش واحدة قدرت تفهمني زي سعاد. ما
~~فيش واحدة شفت في عينها نفسي. كنت باشوف في عينين سعاد اني
~~إنسان قوي. حتى في عز ضعفي. في عز مرضي وانهياري عمر ما الصورة
~~اللي جوه عينها ما تغيرت.

# عزيز
~~:

# وكل ده بيريحك.

# محمود
~~:

# بالعكس. كنت عاوزها تغير رأيها في عشان استريح. ثقتها في
~~كانت تعذبني. كانت متهيأ لي أنها بتخدعني.

# عزيز
~~:

# ودلوقت؟ مش ثبت لك ان ثقتك فيها كانت في محلها.
~~(محمود يطرق صامتا.)

# عزيز
~~:

# أنا مندهش يا محمود! ليه مش بتحاول تقابل سعاد؟

# محمود
~~:

# مش عارف. بفكر كتير اني اقابلها. أحيانا امر من قدام
~~عيادتها وانا ماشي بالعربية. وانظر واقرأ اليافطة. وأحس بقوة
~~غريبة تخلي رجلي تدوس على الفرامل عشان اقف. لكن قوة ثانية
~~أغرب تخليني ادوس بنزين وامشي.

# عزيز
~~:

# ما حاولتش تعرف ليه بتعمل كده؟

# محمود
~~:

# حاولت. أنا خايف يا عزيز إن سعاد تكون نسيتني ولما اقابلها
~~ما تشوفش في محمود بتاع زمان اللي بتحبه.

# عزيز
~~:

# بس كده؟

# محمود
~~:

# أو تكون سعاد اتغيرت في السنين الطويلة اللي فاتت. ولما
~~اقابلها اشوف فيها واحدة ثانية غير سعاد اللي انا
~~باحبها.

# عزيز
~~:

# وإيه تاني؟

# محمود
~~:

# بس.

# عزيز
~~:

# بسيطة. ما تروح تقابلها وتشوف بنفسك الحقيقة بدل ما انت عايش
~~في الحيرة دي يا أخي. خليك واقعي بقه.

# محمود
~~:

# خايف يا عزيز. إنت مش عارف انا حاطط أمل كبير أد إيه في
~~سعاد.

# عزيز
~~:

# لأ. ما تحطش أمل كبير في أي حاجة في الدنيا، الدنيا نفسها
~~بتتغير. كل حاجة بتتغير. حط في مخك ان سعاد رخره ممكن تتغير زي
~~أي حاجة في الدنيا. لما تعرف كده حتروح تقابلها ms100 من غير تردد.
~~والله إذا كانت زي ما هي ده اللي انت عاوزه. والله إذا كانت
~~اتغيرت مش حتبقى مفاجأة لك أو صدمة.

# محمود
~~:

# كلامك معقول يا عزيز. لكن برضه انا متردد. متهيأ لي استنى
~~شوية يعني هي مش عارفة انا بقيت إيه؟ لازم قرت لي مرة ولو
~~بالصدفة.

# عزيز
~~:

# طبعا. لازم قرت.

# محمود
~~:

# ليه ما فكرتش انها تقابلني؟

# عزيز
~~:

# هو ده معقول؟ واحدة ست تروح تقابل الراجل اللي كانت متجوزاه
~~قبل كده؟ مش معقول!

# محمود
~~:

# سعاد مش أي واحدة. سعاد بتعمل دايما اللي هي بتشوف انه
~~صح.

# عزيز
~~:

# لا. مش ممكن. الست برضه لازم تستنى لما الراجل هو اللي يروح
~~لها.

# محمود
~~:

# سعاد عمرها ما كانت سلبية.
~~(محمود يفكر في شرود.)

# عزيز
~~:

# وانت ليه ما تروحش تقابلها وتبقى إيجابي يا أخي؟

# تصوير
~~داخلي:

# منزل سعاد.

# سعاد صامتة شاردة. الأم تقترب منها وتربت على كتفها في حنان.

# الأم
~~:

# عشان خاطري يا سعاد. ارضي بالأستاذ رفاعي نفسي اشوفك متجوزة
~~قبل ما اموت. نفسي أطمن عليكي. عشان خاطر ابنك خالد وعشان
~~خاطري يا سعاد. ريحي قلبي ربنا يريح قلبك.
~~(الأم تبكي. تمسح دموعها، سعاد تنظر إليها في
~~عطف. الأم تتركها وتخرج. تمشي الأم وتعرج في شيخوخة وتعب.)
~~(سعاد تستلقي على السرير في إعياء على وجهها.
~~تتقلب على الفراش. صورة مكبرة لوجه سعاد تعبر عن
~~الحيرة.)
~~(الأم تدخل إلى غرفة ابنتها سعاد مرة أخرى على
~~وجهها تعبير الاستجداء والإعياء.)

# الأم
~~:

# خلاص يا سعاد يا بنتي. ربنا يهديكي وتوافقي على الأستاذ
~~رفاعي. ده بيحبك وبيحب ابنك. ريحي قلبي يا سعاد، قلت
~~إيه؟
~~(سعاد تتنهد في إعياء.)

# سعاد
~~:

# حاضر يا ماما.
~~(قطع.)
~~(زغرودة تنطلق من فم الدادة.)
~~(صوت زغرودة طويلة.)

# تصوير
~~داخلي:

# حجرة الطعام في منزل سعاد. الطفل خالد على كرس. دادة أم علي تجهز
~~الأطباق.

# خالد
~~:

# هو بابا حيتغدى معانا النهارده يا دادة؟

# الدادة
~~:

# أيوه يا حبيبي.

# خالد
~~:

# لكن هو بابا مش بيقعد معانا في البيت ليه يا دادة؟ مش زي
~~بابا عادل؟

# الدادة ms101
~~:

# أصله لسة يا حبيبي راجع من السفر وبيخلص شوية شغل. وبعدين
~~بيجي يقعد معانا على طول.
~~(يدخل الأستاذ رفاعي. الدادة ترحب به. خالد يقف
~~ويسلم عليه.)

# الدادة
~~:

# أهلا سي رفاعي. أهلا اتفضل. اتفضل.

# رفاعي
~~:

# ازيك يا خالد.

# خالد
~~:

# الله يسلمك يا بابا.
~~(رفاعي يجلس، وخالد يجلس، والدادة ترتب
~~الأطباق.)

# خالد
~~:

# انت بتروح فين يا بابا؟

# رفاعي
~~:

# بروح الشغل يا خالد.
~~(الدادة تعطي الطفل خالد طبقا آخر.)

# الدادة
~~:

# كل يا حبيبي. كل يا ضنايا.

# خالد
~~:

# وانت بتشتغل إيه يا بابا؟ دكتور زي ماما؟

# رفاعي
~~:

# لا مش دكتور زي ماما. كل وانت ساكت.
~~(الدادة تنظر إلى رفاعي من خلف ظهره في غيظ.
~~خالد يبدو عليه الألم.)
~~(الدادة تربت عليه في حنان.)

# الدادة
~~:

# كل يا حبيبي يا ضنايا. ما تزعلش يا خالد. أصل بابا راجع
~~تعبان من الشغل.
~~(الدادة تخرج.)
~~(خالد يمسك المعلقة ويضعها في فمه وينظر إلى
~~رفاعي. رفاعي يرفع المعلقة إلى فمه وينظر إلى الطفل نظرات كراهية.
~~الطفل يطرق ويأكل في صمت حزين.)

# تصوير
~~داخلي:

# حجرة مكتب أنيقة. مكتوب على بابها رئيس التحرير. محمود زكي يجلس على
~~المكتب الفخم. مشغول جدا يرد على التليفونات. يمضي على أوراق
~~يقدمها له بعض المحررين. عمل حركة. نشاط. يسمع صوت ماكينة
~~الطباعة.

# يخرج جميع المحررين. يبقى محمود وحده في الحجرة. يمسك رأسه بيديه في
~~اعياء. عزيز «زميله» يدخل. محمود يرفع رأسه في إعياء.

# عزيز
~~:

# مقالك الأخير عامل ضجة كبيرة قوي يا محمود. كل الناس بتتكلم
~~عليه.

# عزيز
~~:

# إيه ما لك يا محمود؟

# محمود
~~:

# ما فيش. إرهاق من كتر الشغل.

# عزيز
~~:

# شغل؟ هو انا مش عارفك. عمر ما الشغل يتعبك> لازم فيه حاجة>
~~أنا ملاحظ انك اليومين الأخيرين دول مش تمام. مش زي عوايدك.
~~فيه حاجة مضايقاك يا محمود؟

# محمود
~~:

# أبدا يا عزيز. ما فيش غير سعاد.

# عزيز
~~:

# يا أخي ما انت قريت خبر خطوبتها من شهور. واتفقنا على إنك
~~تنساها.

# محمود
~~:

# مش قادر انساها يا عزيز.

# عزيز
~~:

# لسة بتحبها يا محمود؟

# محمود
~~:

# مش عارف. صورتها ms102 مش بتغيب من ذهني أبدا. مش عارف ليه ؟ وصورة
~~ابني خالد دايما قدامي.

# تصوير
~~داخلي:

# في منزل سعاد.

# زوجها مع الطفل خالد والدادة يتحدثون في غرفة الطعام.

# خالد
~~:

# الشغل ده بالليل وبالنهار يا بابا؟ اشمعنى بابا عادل بيشتغل
~~بالنهار بس؟

# الدادة
~~:

# أصل بابا يا حبيبي مهندس كبير أد الدنيا وبيشتغل كتير. وبكرة
~~إن شاء الله يفضى شوية ويرجع لنا كل يوم زي بابا عادل.

# خالد
~~:

# لكن يا بابا إنت كنت مسافر بعيد قوي كده عشان ايه؟

# رفاعي
~~:

# عشان شغل برضه.

# خالد
~~:

# وما خدتنيش معاك ليه يا بابا؟
~~(رفاعي ينظر إلى الساعة.)

# رفاعي
~~:

# إنت كنت لسة صغير. بترضع. ولازم تقعد مع ماما. سعاد اتأخرت
~~يا أم علي.

# الدادة
~~:

# زمانها جاية حالا. هي عارفة ان حضرتك جاي على الغدا.
~~(جرس التليفون يدق. الدادة ترد.)

# الدادة
~~:

# أيوه يا ست سعاد. ليه يا ست سعاد؟ عملية مستعجلة؟ طيب يا
~~حبيبتي. ربنا يكون في عونك. أيوه الأستاذ رفاعي جه. حاضر يا ست
~~سعاد. مع ألف سلامة.
~~(الدادة تضع السماعة.)

# رفاعي
~~:

# فيه إيه يا أم علي؟

# الدادة
~~:

# دي الست سعاد جاتلها عملية مستعجلة في العيادة. وحتتأخر شوية
~~عن الغدا يا كبدي عليها! عمرها ما اتغدت معانا أبدا. ربنا
~~يكون في عونها.

# رفاعي
~~(غاضبا)
~~:

# لكن هي عارفة اني جاي على الغدا. كان لازم تيجي في
~~ميعادها.

# الدادة
~~:

# غصب عنها يا سي رفاعي. حتسيب العملية يعني؟

# رفاعي
~~:

# تأجلها لبعد الضهر.

# الدادة
~~:

# تأجلها؟ هو العيا بيستنى يا سي رفاعي؟ لما العيان
~~يموت؟

# رفاعي
~~:

# يموت يموت. هو ما فيش دكتور غيرها في البلد؟ الدكاترة على
~~قفا مين يشيل!
~~(الدادة تنظر إليه في غيظ. تناوله طبقا فيه
~~نوع من الطعام.)

# الدادة
~~:

# كل. كل يا سي رفاعي كل ولا تغيرش دمك. زمان ست سعاد
~~جاية.

# رفاعي
~~(في غضب)
~~:

# أنا مش حاسس اني حابقى راجل البيت أبدا. كل حاجة الدكتورة
~~سعاد. الدكتورة سعاد. اليافطة مكتوب عليها الدكتورة سعاد.
~~التليفونات كلها الدكتورة سعاد. الدكتورة سعاد راحت الدكتورة
~~سعاد جت. كل حاجة الدكتورة، الدكتورة، وانا ms103 الراجل صفر على
~~الشمال. ما بقاش لي اسم ، اسمي بقى خطيب الدكتورة. حاجة
~~تجنن.

# سعاد
~~(في هدوء)
~~:

# إنت عارف يا رفاعي إن الدكتور له صلة كبيرة قوي بالناس. ومش
~~عيب أبدا إن خطيبتك تكون دكتورة ناجحة وكل الناس بتطلبها،
~~بالعكس دي حاجة تفرحك وتخليك مبسوط.

# رفاعي
~~:

# مبسوط؟ مبسوط قوي. حنبسط على إيه يا دكتورة؟ هو انا حاسس إني
~~خاطب واحدة ست؟ ده كأن راجل خاطب راجل. لكن راجل إيه؟ ده
~~الراجل بيقعد في البيت شوية عنك.

# سعاد
~~:

# انت عارف يا رفاعي من قبل ما نتفق على الخطوبة إني باشتغل
~~وان شغلي بياخد مني وقت كتير.

# رفاعي
~~(غاضبا)
~~:

# أيوه يا ستي. كنت عارف انك دكتورة ناجحة ومعروفة. لكن ما
~~كنتش عارف ان ده حيكون على حسابي أنا؟

# سعاد
~~:

# يعني على حسابك انت؟ إنت فاهم الجواز ده يعني راجل بيشتري
~~واحدة ست عشان تطبخ له وتغسل له هدومه وتقعد طول النهار في
~~البيت تستناه لما يرجع من شغله؟ الست في نظرك إيه؟
~~خدامة؟

# رفاعي
~~:

# أيوه خدامة لجوزها. ده شرف كبير لها. الطبيعة خلقاها عشان
~~كده. مش عشان تبقى راجل زيه.
~~(سعاد تقف غاضبة.)

# سعاد
~~:

# أنا مش ممكن اقدر اسمع المناقشة بتاعة كل يوم. إنت تفكيرك
~~غير تفكيري. مش ممكن حياتنا تستمر سوا وانت بتبص للست النظرة
~~دي.
~~(الأم تدخل. تتجه ناحية رفاعي.)

# الأم
~~:

# ما تزعلش نفسك يا أستاذ رفاعي، سعاد معذورة يا بني. شغلها
~~بيحكم عليها.

# رفاعي
~~(ساخرا غاضبا)
~~:

# شغلها بيحكم عليها؟ عال خالص؟ أمال انا صنعتي إيه بقه؟
~~المفروض أنا اللي أحكم عليها مش شغلها.

# الأم
~~:

# طبعا يا ابني طبعا انت اللي تحكم عليها. بس هي معذورة في
~~شغلها.

# سعاد
~~(غاضبة)
~~:

# إيه الكلام ده؟ يحكم عليه يعني إيه؟ هو أنا إيه؟ أنا
~~إنسانة لي رأيي وأفكاري. ده انا باتحكم في أرواح الناس يقوم
~~يتفاهم معاي بالشكل ده؟
~~(سعاد تخرج غاضبة.)

# الأم
~~:

# معلهش يا أستاذ رفاعي. سعاد طول عمرها كده. وراسها ناشفة.
~~إنما قلبها دهب.

# رفاعي
~~:

# قلبها؟ هي عندها قلب؟ أنا رايح ms104 المكتب!
~~(الدادة تقف على الباب.)
~~(تسمع رفاعي يخرج غاضبا.)

# الدادة
~~:

# والنبي ما حد ما عندوش قلب غيره.

# الأم
~~:

# مين؟

# الدادة
~~:

# سي رفاعي. حيكون مين؟

# الأم
~~:

# ليه؟

# الدادة
~~:

# كله كوم وضربه للولد الصغير كوم.

# الأم
~~:

# هو بيضربه؟ قطع إيده.

# الدادة
~~:

# اسكتي يا ست سنية. انا مبرضاش اقول للست سعاد. ده يا ضنايا
~~بيتلككله على أي سبب وهي مش في البيت ويروح ضربه على وشه
~~بالقلم. يتنه يا ضنايا يعيط لما يقول يا بس ويقوله يا حبة
~~عيني ما تزعلش يا بابا. حقك علي يا بابا.

# الدادة
~~(تبكي)
~~:

# حرمت يا بابا. لما يخلي قلبي يتقطع حتت.

# الأم
~~:

# إلهي تنشل إيدك يا رفاعي. ومش بتقولي له حاجة يا أم
~~علي؟

# الدادة
~~:

# حقوله إيه؟ بقول أهو زي ابوه وبيربيه.

# الأم
~~:

# بيربيه؟ تربية في عينه وعين اللي خلفوه. والنبي لا قول لسعاد
~~لما ترجع. أهو ده اللي ناقص! يضرب الولد! ضربة في قلبه.

# تصوير
~~داخلي:

# حجرة نوم محمود. محمود مستلق على السرير يقرأ في كتاب. أخته عزيزة
~~الخرساء تدخل ومعها كوب من الشاي تضعه إلى جواره على الكوميدينو. محمود
~~يشكرها بابتسامة والإشارات ويواصل قراءته. الأخت تخرج. محمود يتوقف عن
~~القراءة ويشرد قليلا يفكر. شاردا.

# تصوير
~~داخلي:

# سعاد أيضا مستلقية على سريرها بملابس الخروج شاردة.

# يعود المنظر إلى محمود وهو في السرير يمد يده يضع الكتاب على
~~الكوميدينو. يده ترتطم بكوب الشاي. الكوب يقع وينكسر.

# موسيقى عنيفة ومستمرة.

# صورة مكبرة لوجه محمود ينم عن الفزع. يعود المنظر إلى سعاد وهي
~~مستلقية على السرير. تسمع صوت شيء يقع على الأرض. ثم تسمع صوت لطمة
~~قوية يعقبها صوت صراخ الطفل خالد.

# الموسيقى مستمرة.

# سعاد تقفز من السرير كالنمرة تخرج إلى الصالة مهرولة.

# الموسيقى مستمرة.

# تصوير
~~داخلي:

# حجرة الطعام في منزل محمود زكي. سفرجي يجهز الأطباق، عزيزة الأخت
~~الخرساء تشرف عليه وترتدي ملابس أنيقة. تجلس على كرسي وفي يدها شغل
~~تريكو، الجرس يدق. تبتسم وتجري مسرعة إلى الباب.

# يظهر بالباب رجل يحمل حزمة من الزهور والورد.

# عزيزة تأخذ منه ms105 الزهور وتبتسم له وتشكره. يشير لها الرجل أنه سيأتي
~~في الغد.

# عزيزة تفك الزهور وترتبها في زهريات. تضع واحدة على المائدة وتضع
~~الباقي في أماكن أخرى.

# تبدو عليها السعادة.

# الجرس يدق، الأخت تفتح الباب.

# محمود يدخل. تعانقه وتقبله. تشير إلى الطعام. يجلس إلى المائدة. لا
~~يشعر برغبة في الطعام.

# الأخت تحاول أن ترغبه في الأكل. محمود يفهمها أنه غير جائع وأنه
~~سيدخل ليستريح. محمود يدخل حجرة نومه. حجرة أنيقة فيها مكتب صغير.
~~يجلس على المكتب يفكر في شرود. يفتح أحد الأدراج ويخرج منها صورة سعاد
~~الممزقة. يتأملها قليلا ثم يضعها في الدرج. محمود يمسك رأسه بيديه.
~~تدخل أخته عزيزة ومعها كوب من الشاي. الكوب يقع على الأرض
~~وينكسر.

# موسيقى عنيفة.

# صورة مكبرة لوجه محمود تنم عن الفزع.

# في منزل سعاد.

# صورة مكبرة ليد رفاعي تلقي بأحد الأطباق على الأرض وينكسر.

# يظهر رفاعي واقفا في حجرة الطعام ثائرا غاضبا.

# الطفل خالد يصرخ باكيا في خوف. الدادة تجري إليه وتحمله وتخرج به من
~~حجرة الطعام.

# داخلي:

# منزل سعاد.

# سعاد مع أمها في حوار.

# سعاد
~~:

# لازم الطلاق يا ماما. عقليته. نظرته للحياة، نظرته للست.
~~نظرته للجواز كلها غلط. وكمان قسوته على ابني.

# الأم
~~:

# يا دي الفضيحة! ما هو الراجل وكل الرجالة كده.

# سعاد
~~:

# حياتنا سوا مش ممكن تنفع يا ماما.

# الأم
~~:

# يا دي الفضيحة! إنت طول عمرك غاوية فضايح.

# سعاد
~~:

# فضيحة إيه يا ماما؟ إنت كل حاجة عندك فضيحة. فضيحة.

# الأم
~~:

# أمال وافقت على إنك تجوزيه ليه؟ ما كنتي تقولي كده من
~~الأول؟

# سعاد
~~:

# وانا معقول كنت اعرفه على حقيقته إلا بعد الجواز.

# الأم
~~:

# وإيه اللي مش عاجبك فيه؟

# سعاد
~~:

# حاجات كتير قوي يا ماما. أول حاجة انه مش مقتنع بشغل. الست
~~في نظره زوجة في البيت وبس. وانتي عارفة يا ماما اني أنا باحب
~~شغلي وتاني حاجة خالد.

# الأم
~~:

# ما له خالد؟ عرف انه أبوه وبيقوله يا بابا.

# سعاد
~~:

# أهي كلمة بيقولها من غير ما يحس انه أبوه حقيقي. رفاعي مش
~~بيحب ms106 خالد وعمره ما حيحبه وانتي عارفة ان خالد ده حياتي
~~و...

# الأم
~~:

# وإيه تاني؟

# سعاد
~~:

# و... و...

# وانا مش باحب رفاعي، أيوه مش باحبه. أنا كنت متصورة إن
~~الجواز حيديني فرصة اني أحبه لكن أبدا، كل يوم يزيد اقتناعي
~~بأني مش ممكن أحبه.

# الأم
~~:

# حب؟ يا دي الفضيحة! احنا عيلة محترمة لها قيمة مش بتاعة
~~حب.

# سعاد
~~:

# ومين قال ان الحب يقلل القيمة والاحترام؟

# الأم
~~:

# يا دي الفضيحة! الناس حتقول علينا إيه؟ يا فضيحتي! طلاق تاني
~~يا بنتي؟
~~(الأم تخرج في عصبية. سعاد تجلس وحدها شاردة.
~~تفكر. تمسك رأسها بين يديها.)

# داخلي:

# العيادة

# فوزية تدخل إلى غرفة مكتب. د سعاد. تراها جالسة يبدو عليها الإعياء
~~والتفكير.

# فوزية
~~:

# خلاص العيادة فضيت. حاعمل لك كوباية ينسون.
~~(تخرج فوزية.)

# فوزية
~~:

# كان نفسي أشوفه.
~~(فوزية تتمشى في الغرفة في قلق.)

# سعاد
~~:

# يعني أحبه.
~~(تدخل فوزية بكوب الينسون على صينية.)

# فوزية
~~:

# مين واخد عقلك يا ترى؟

# كان نفسي اشوف الراجل ده اللي خلى سعاد زغلول تحبه الحب ده
~~كله. ده انا فاكرة كلامك واحنا في المدرسة تقوليلي بكل سذاجة:
~~حب؟ حب إيه يا فوزية؟ ما فيش حاجة اسمها راجل. أنا عاوزة اطلع
~~دكتورة.

# سعاد
~~:

# محمود ما كانش راجل عادي يا فوزية.

# فوزية
~~:

# ما هو الحب اللي بيهول كل حاجة يا سعاد.

# سعاد
~~:

# لا مش الحب يا فوزية. محمود كان موهوب. كانت له شخصية غير كل
~~الرجالة. كان ممكن يبقى شخص عظيم. كان ممكن يعمل حاجة
~~كبيرة.

# فوزية
~~:

# لكن يا خسارة!

# سعاد
~~:

# كان الأمل الوحيد عشان يخف ويتغلب على الأزمة.

# فوزية
~~:

# ما فيش حد تاني زيه؟

# سعاد
~~:

# أبدا.

# فوزية
~~:

# كل إنسان بيمر في تجارب خاطئة في حياته.

# سعاد
~~:

# ما كنتش تجربة خطأ. كان لازم أعيشها.

# فوزية
~~:

# عمرك ما ندمت عليها؟

# سعاد
~~:

# أبدا. بالعكس. كنت حاندم لو ما عملتهاش.

# فوزية
~~:

# إنت بتتكلمي كلام غريب!

# عمري ما شفت واحدة تدافع عن جوزها اللي انفصلت عنه بالشكل
~~ده.

# سعاد
~~:

# أمال بتعمل إيه؟

# فوزية
~~:

# طبعا بتهاجمه. بتقول انه كان وحش ms107 ومقدرتش تعيش معاه وعشان
~~كده انفصلوا.

# سعاد
~~:

# لأ . ما قدرتش اقول عليه كلام كدب. هو كان إنسان نبيل. نبيل
~~جدا حتى في عز تعبه.

# فوزية
~~:

# إنت لسة بتحبيه؟
~~(سعاد تسكن لحظة. تنظر في ساعتها ثم
~~تقف.)

# سعاد
~~:

# حا اضطر انزل دلوقت.

# فوزية
~~:

# أنا متأسفة إذا كنت ضايقتك.

# سعاد
~~:

# لا أبدا.
~~(تخرج فوزية وتغلق الباب خلفها. سعاد تجلس مرة
~~أخرى إلى مكتبها تفكر في شرود. تسير في حجرة مكتبها في قلق، ثم
~~تعود وتجلس إلى المكتب في شرود. تحاول أن تكتب شيئا.)
~~(يفتح باب حجرة مكتبها ببطء شديد. ويظهر
~~محمود واقفا على الباب.)
~~(سعاد تلتفت إليه في دهشة.)

# سعاد
~~:

# محمود؟! ms108