Ìsun kan wa tó kún fẹ́jẹ̀
Mo ti ní Jésù lọ́rẹ̀
Enìkan nbẹ tó fẹ́ràn wa
Gba ayé mi, Olúwa
Olùgbàlà gbóhùn mi
Árẹ̀ mú Ọ, ọkàn re pòrurù
Bó ti dùn láti gba Jésù
Wá sọ́dọ̀ Jésù, má ṣe dúró
Ẹkún kò le gbà mí
Kò tọ́ k' àwọn mímọ́ bẹ̀rù
Ìsun kan wa tó kún fẹ́jẹ̀,
Ó yo níhà Jésù.
Ẹlẹ́ṣè mòkún nínu rẹ̀,
Ó bọ́ nínú ẹ̀bi.
Gbà mo figbàgbọ́ rísun náà,
Tí ń ṣàn fún ọgbẹ́ Rẹ̀,
Ìràpadà dorin fún mi
Tí n ó ma kọ títí.
Nínú orin to dùn jù lọ,
Lèmi ó kọrin Rẹ:
'Gbà t'ákólòlò ahón yìí
Bá dákẹ́ níbojì.
Mo gbàgbọ́ p'Ó pèse fún mi
(Bí mo tilẹ̀ ṣàìyẹ)
È̩bùn ọ̀fẹ́ ta fẹ̀jẹ̀ rà,
Àti dùrù wúrà.
Dùrù ta tọwọ́'Ọlọ́run ṣe,
Tí kọ̀ ní bàjẹ́ láí:
T'a ó ma fi yin Bàbá wa,
Orúkọ Rẹ nìkan
Mo ti ní Jésù lọ́rẹ̀
Ó j'óhun gbogbo fún mi
Òun nìkan larẹwà tí ọkán mí fẹ́
Òun nìtànná ipadò
Òun ni Ẹnìkan náà
Tó le wẹ̀ mí nù kúrọ̀ nín'ẹ̀ṣẹ̀ mi
Olùtùnú mi ló jẹ́ ní gbogbo wàhálà
Òun ní kí n kàníyàn mi l'Óun lórí
Òun n'Ìtànná Ipadò
Ìràwọ̀ Òwúrọ̀
Òun nìkan l'Arẹwà tí ọkàn mi fẹ́
Olùtùnú mi ló jẹ́ ní gbogbo wàhálà
Òun ni kí n kàníyàn mi l'Óun lórí
Òun n'Ìtànná Ipadò
Ìràwọ̀ Òwúrọ̀
Òun nìkan l'Arewà tí ọkàn mí fẹ́
Ó gbé gbogbo bànújẹ́
Àt'irora mi rù
Ó j'Ódi agbára mi n'gbà dánwò
Torí Rẹ̀ mo k'óhun gbogbo
Tí mo ti fẹ́ sílẹ̀
Ó sì f'agbára Rẹ̀ gbẹ́ ọkàn mi ró
Bí ayé tilẹ̀ kọ̀ mí
Tí Sàtán' dán mi wò
Jésù yóò mú mi d'òpin ìrìn mi
Òun n'Ìtànná ipadò
Ìràwọ̀ Òwúrọ̀
Òun nìkan l'Arẹwà tí ọkàn mí fẹ́
Òun kì yó fi mí sílẹ̀
Bẹ́ kì yó kọ̀ mí níhìn
Níwòn tí m'bá figbàgbọ́ pòfin Rẹ̀ mó
Ó jodi iná yí mi ká
N k'y'ó bẹ̀rù-kérù
Y'ó fì mánnà Rẹ̀ bọ́kàn mi t'ébi npa
Gbà m'bá dádé n'íkẹhìn
N ó rójú 'bùkún Rẹ̀
Tí adùn Rẹ̀ y'ó mà ṣàn títí láí
Òun n'Ìtànná ipadò
Ìràwọ̀ Òwúrọ̀
Òun nìkan l'Arẹwà tí ọkàn mí fẹ́
Enìkan nbẹ tó fẹ́ràn wa
Á! Ó fẹ́ wa!
Ìfẹ́ Rẹ̀ ju t'ìyekan lọ
Á! Ó fẹ́ wa!
Ọ̀rẹ́ ayé nkọ̀ wá sílẹ̀
Bónì dùn, ọ̀la le korò
Ṣùgbọ́n Ọ̀rẹ́ yì kì ntan ni
À! Ó fẹ́ wa!
Ìyè ni fún wa ba bá mọ̀
À! Ó fẹ́ wa!
Rò, ba ti jẹ ní gbèsè tó
À! Ó fẹ́ wa!
È̩jẹ̀ Rẹ̀ ló sì fi rà wá
Nín'aginjù l'Ó wá wa rí
Ó sì mú wa wá ságbo Rẹ̀
Á! Ó fẹ́ wa!
Ọ̀rẹ́ òdodo ni Jésù
Á! Ó fẹ́ wa!
Ó fẹ́ láti ma bùkún wa
Á! Ó fẹ́ wa!
Ọkàn wa fẹ́ gbọ́ ohùn Rẹ̀
Ọkàn wa fẹ́ láti súnmọ́
Òun nà kò sì ní tán wa ke
Á! Ó fẹ́ wa!
Òun ló jẹ́ ka rídáríjì
Á! O fẹ́ wa!
Òun ó lé ọ̀tá wa séhìn
Á! Ó fẹ́ wa!
Òun ó pèsè 'bùkún fún wa
Ire la ó ma rí títí
Òun ó fi mú wa lọ sógo
Á! Ó fẹ́ wa!
Gba ayé mi, Olúwa
Mo ya sí mímọ́ fun O
Gba gbogbo àkókò mi
Kí wón kún fún ìyìn re
Gba owọ́ mi ko sì jẹ́
Ki n ma lo fún ìfẹ́ Re
Gba ẹsẹ̀ mi ko sì jẹ́
Kí wón ma sáre fún Ọ
Gba ohùn mi jẹ́ kí n ma
Kọrin f'Ọ́ba mi titi
Gba ètè mi, jẹ́ kí won
Ma jíṣẹ́ fún O títí
Gba wúrà, fàdákà mi
Ọ̀kan ńkí o dá dúró
Gba ọgbón mi, ko sì ló
Gẹ́gẹ́ bí o bá ti fẹ́
Gbà 'fẹ́ mi fi ṣe Tìre
Kì yó tún jẹ́ tèmi mọ́
Gbokàn mi, Tìre ní ṣe
Ma gúnwà níbẹ̀ títí
Gba fẹ́ràn mi, Olúwa
Mọ fi gbogbo rẹ̀ fún O
Gbémi pàápá látóní
Ki n jẹ́ Tìrẹ títí láí
Olùgbàlà gbóhùn mi
Gbóhùn mi, gbóhùn mi
Mo wá sódọ̀ Re gbà mí
Níbi àgbélèbú
Èmi ṣẹ̀, ṣùgbọ́n Ó kú
Ìwọ kú, Ìwọ kú
Fi ànú Rẹ pa mí mọ́
Níbi àgbélèbú
Olúwa jo gbà mí
Nk'y'ó bí Ọ n'ínú mọ́
Alábùkún gbà mí
Níbi àgbélèbú
Bí n ó bá tilẹ̀ ṣègbé
N ó bẹ̀bẹ̀, n ó bẹ̀bẹ̀
Ìwọ ni Ọ̀nà, ìye
Níbi àgbélèbú
Ore ọ̀fẹ́ Re ta gbà
Lọ́fẹ́ ni, lọ́fẹ̀ ni
Fojú ànú Re wò mí
Níbi àgbélèbú
Fèjẹ̀ mímọ́ Re wẹ̀ mí
Fi wẹ̀ mí, fi wẹ̀ mí
Rì mí sínú ibú Re
Níbi àgbélèbú
Gbàgbọ́ ló lè fún wa ní
Dáríjì, dáríjì
Mo figbàgbọ́ rọ̀ mọ́ Ọ
Níbi àgbélèbú
Árẹ̀ mú Ọ, ọkàn re pòrurù?
Sọ ọ fùn Jésù:
Ìbànújẹ́ dípò ayọ̀ fún ọ?
Sọ ọ fún Jésù nìkan.
Sọ ọ fún Jésù; sọ ọ fún Jésù
Òun lọ̀rẹ́ tí yóò mọ̀
Kò tún sọ̀rẹ́
Àti'yekan bi Rẹ̀
Sọ ọ fún Jésù nìkan
Àsun-dákún omijé lo ńsun bí?
Sọ ọ fún Jésù, sọ ọ fún Jéṣù,
O l'ẹ́ṣẹ̀ tọ́ farasin f'énìyàn
Sọ ọ fún Jésù nìkan
'Bànújẹ́ tẹrí ọkàn rẹ ba bí?
Sọ ọ fún Jésù, sọ ọ fún Jésù
O ha ńṣàníyàn ọjọ́ ọ̀la bí?
Sọ ọ fún Jésù nìkan
Ìrònú ikú mú ọ dàmú bí?
Sọ ọ fún Jésù, sọ ọ fún Jésù
Ọkàn rè ńfẹ́ ìjọba Jésù bí!
Sọ ọ fún Jésù nìkan
Bó ti dùn láti gba Jésù
Gbọ́ gẹ́gẹ́ bi ọ̀rọ̀ Rẹ
Ká simi lór'ìlérí Rẹ̀
Ṣá gbàgbọ́ l'Olúwa wí
Jésù, Jésù, èmi gbàgbó
Mo gbẹ́kèlé ńgbàgbogbo
Jésù, Jésù, Alábùkún
Kí nlè gbẹ́kẹ̀lé Ọ si
Bó ti dùn láti gba Jésù
Ká gbẹ̀jẹ̀ wẹ̀nùmọ́ Rẹ̀
Ìgbàgbọ́ ni kí á fi bọ́
Sín'ẹ̀jẹ̀ 'wẹ̀nùmọ́ nà
Bó ti dùn láti gba Jésù
Ki nk'ara ẹ̀ṣẹ̀ sílẹ̀
Ki ngb'ayọ̀, ìyè, ìsimi
Láti ọ̀dọ̀ Jésù mi
Mo yọ̀ mo gb'ẹ́kẹ̀ mi lé Ọ
Jésù mi, Alábùkún
Mo mọ̀ pé o wà pẹ̀lú mi
'N'tọ́jú mi títí d'òpin.
Wá sọ́dọ̀ Jésù, má ṣe dúró
N'nú ọ̀rọ̀ Rẹ̀ ló ti fọ̀nà hàn wá
Ó dúró ní àrin wa lóní
Ó ń wí jẹ́jẹ́ pé, "Wá"
Ìpàdé wa yíó jẹ́ àyọ́
Gb'ọkan wá bá bọ́ lọ́wọ́ ẹ̀sẹ̀
A ó sì wà pẹ̀lú Rẹ Jésù
Ní ilé wa láíláí
Jẹ́ k'ọ́mọdé wá
Á! Gb'óhùn Rẹ̀
Jẹ́ kọ́kàn gbogbo fò fún ayọ̀
Kí á sì yàn Á láyànfẹ́ wa
Má dúró, sùgbọ́n wa
Tún ro, Ó wà pẹ̀lú wa lóní
F'etí s'ófin Rẹ̀ ko ṣì gbọ́ràn
Gbọ́ b'óhùn Rẹ̀ tí ń wí pẹ̀lẹ́ pé,
"Wá, ọmọ mi, ẹ wá!"
Ẹkún kò le gbà mí,
Bí mo le f'ẹkún wẹ 'jú;
Kò lè mú ẹ̀rù mi tán,
Kò lè we ẹ̀ṣè mi nù;
Ẹkún kò le gbà mí.
Ègbè
Jésù sùn, ó kú fún mi,
Ó jìyà lórí igi
Láti sọ mí d' òmìnira,
Òn ná l'Ó lè gbà mí.
Iṣẹ́ kò le gbà mí;
Iṣẹ́ mi tó dára jù,
Èrò mi t'ó mọ́ jùlọ,
Kò le sọ 'kàn mi d'òtun
Iṣẹ́ kò le gbà mí; (Ègbè)
'Duró kò le gbà mí,
Ẹnit'ó jùnù ní mí;
L'étí mi l'ànú ńké pé,
Bí mo bá dúró n ó kú;
'Duró kò le gbà mí, (Ègbè)
Ìgbàgbó lẹ́ gbà mí,
Jẹ́kí ngbẹ́kẹ̀ l'Ọ́mọ Rẹ̀;
Jẹ́kí ngbẹ́kẹ̀lé 'sẹ́ Rẹ̀,
Jẹ́ki nsa sí apá Rẹ̀,
Ìgbàgbọ́ lè gbà mí, (Ègbè)
Kò tọ́ k' àwọn mímọ́ bẹ̀rù,
Kí nwọ́n sọ 'rètí nù;
'Gbà nwon kò retí 'rànwọ́ Rẹ̀,
Olùgbàlà yíò dé.
Nígbàtí Ábràm mú ọ̀bẹ,
Ọlọ́rùn ní, "Dúró;"
Àgbọ̀ tí ó wà lóhùn ni
Y'ó dípò ọmọ ná."
Dáfìd' dàbi ẹran Sóòlù;
Ṣùgbọ́n gbọ́! ọ̀tá dé!
Sóòlù yí ọwọ́ rẹ̀ padà
Látí jà fún 'lẹ̀ náà.
Gbà Jónà rì sínú omi,
Kò ró láti yọ mọ́;
Ṣùgbọ́n Olórun rán ẹja
T' ó gbe lọ s' ébùté.
B' irú ipá àt' ìfẹ́ yì
Ti pọ̀ l' ọ́rọ̀ Rẹ̀ tó!
Èmi bá ma k' àníyán mi
Lé Olúwa lọ́wọ́!
Ẹ dúró de ìrànwó Rẹ̀,
B' ó tilẹ̀ pẹ́, dúró;
B' ìlérí ná tilè fa 'lè
Ṣùgbón kò lè pẹ́ dé