Drap damasse Tu peulx damasser un drap de deux differentes couleurs et imiter la broderie sans adjouster aulcune chose a iceluy en ceste sorte Comme il est tainct en jaulne ponce dessus tel patron quil te plaira puys tu faulfileras de la fisselle ou plus grosse cordette sur le poncis et le boutte en la teincture de guesde ou pastel & il se fera vert hormis ce qui est dessusoubs la fisselle qui demourera jaulne a cause que la taincture verte ny aura poinct penetre Ainsy pourras tu fayre des aultres couleurs Et au lieu de corde ou fisselle adjoustes sur la premiere couleurs des pieces de meschant drap taillees en forme de moresque En ceste sorte tu auras de la broderie a bon marche

Gecter en fonte On gecte les chandeliers et petits ouvraiges en chassis avecq du sable Et apres avoir emprainct louvraige on le saulpouldre de farine affin de mieulx faire courre lae metal cuivre ou letton Quand le sable a servi un moys il en fault prendre de recent pourceque celuy qui a servy se recuisant au feu+ se desseiche & perd sa lyaison Touteffois il sert a mesler parmy le nouveau car il faict que la besoigne ne soufle pas tant On gecte en terre les grands ouvraiges comme artiglerie cloches & choses semblables & le cuivre gecte en terre ne faict pas tant de chappe et est plus blanc que celuy qui est gecte en sable La terre est ardille sabloneuse meslee de fiente de cheval & de bourre Celle qui est a servi a la fonte qui est noire cuicte & comme bruslee se gecte mesle parmy les sables artificiels & est fort bonne / pour adoulcir & faire courre le cuivre on y gecte estant fondu un peu de plomb qui ne salie pas mays se trouve a la superficie du gect + a la chaleur du metal fondu

Gecter or et argent Il fault que le sable soict de chose fort seiche & aride & bien recuite au chassis car si elle estoit humide comme le sable des fondeurs lor ou largent saulteroient & porteroient dommaige Il est besoing aussy que la terre suppe le metal Car lor ou largent gecte est se rend fort spongieulx cest pourquoy il le fault rebattre aultrement il est frangible comme on voict aulx manches de cuilleres

Tablettes Il sen faict de buys marquetees debene sandal yvoire ou dor et dargent comme damasquine Puys on y escript avecq une poincte dargent Et apres on lefface avecq de los de seiche les en frottant

Lettre plus lisable On taille les plus grandes pieces de beril ou cristal en rond dun coste & de plat par laultre puys on lenchasse avecq un petit manche et on assoict le coste plat sur la lettre

Stamper Si tu as quelque medaille de bronze & que tu la veuilles fayre fort legere fais en un cave de plomb puys estands sur iceluy du clinquant ou des lames de plomb ou dargent recuit recuit & pose ta medaille de bronze dessus & frappe avecq un mail de bois

Ramolir la corne Ceulx qui acou mectent en oeuvre les agnus dei & font des cercles de corne pour certaines petites boictes Ramolissent ladicte lesdicts cercles les mectant seulement tremper dans leau chaulde & les faconnent apres sur un triboulet en rond ou faict en ovale

Oreilles Quand quelque defluxion y vient il se fault bien garder dy rien mectre dedans Et selon le proverbe a loeil & a loreille il ny fault toucher que du coulde Touteffois a loreille affectee est bon de mectre du cothon musque cest a dire tenu parmy du musc car il conforte bien fort

Mal des dents Aulcuns mectent une gousse dail dans loreille qui est du coste que la dent faict mal & en deux ou trois heures il sen trouvent bien Aultres mectent dans la narine qui est du coste de la dent qui deult de la peau verte raclee deu serment de visaube scavoir celle qui est soubs la grise qui semble sarment

Fonte de fer doux Le commun estime que le fer une fois fondu ne se peult refondre pourceque ilz ne le chaufent qua petites forges ou il ne faict que prendre ignition Les alchemistes se promectent de le faire fondre avecq du realgar ou du plomb ou de lorpiment mesle Mays sans tout cela Aulcuns ont trouve la maniere de le faire fondre non seulement le fer aigre comme celuy de pots de fer Mays le fer douls comme d celuy de gueuse & de barre qui est le plus malaise Et pour cet effect ilz font un fourneau en ceste sorte qui ha un pan & demy de large & un pan & demy de deulx pans de profond Et la tuelle qui est le canon par marque A par ou les tuyaulx des souflets semboictent doibt estre posee au milieu de la profondeur du fourneau de sorte quil y aye un pan de gueule de four sur la tuelle & un pan dessouls Chasque pan de gueule de four en quarre contient un quintal & demy & le pan du fourneau rond en tient deulx quintals

Les minerons pour fayre courre le fer mectent a la bouche de leur fonte deulx ou trois poignees dhiebles comme ilz veulent faire courre la fonte Et cela rend le fer merveilleusement ductible & courant

Il fault aussy que la tuelle entre jusques au milieu de la gueule du fourneau qui est un poinct principal du secret pourceque le vent vient a fraper sur le bord & muraille qui faict le ventre du fourneau & par ce moyen se repand esgallement par tout & en hault comme la flamme dans un fourneau de reverberation & parce moyen eschaufe beaucoup plus Car si le vent battoit a plomb la matiere fondue ou preste a se fondre il la refroidiroict & empescheroit de courre & de se fondre Il fault aussy que les souflets soict conduicts par le sault & cours de leau comme aulx forges pourceque en ceste sorte les souflets vont par mesure & compas & dune grande vistesse Ce que ne pourroit f pas faire la force des ouvriers On dresse doncq la muraille comme tu vois & le fourneau a la superficie de la terre Au bord duquel tu fais une fosse comme aulx aultres fontes Affin de mectre les moules de ce que tu veulx gecter & pour ce faire tu destouppes le pertuis que tu avois fais au fonds du fourneau pour faire couler la matiere fondue Tu y pourras fondre deulx quintals de fer a chasque fois Et pource faire tu choisiras le plus gros charbon que tu pourras trouver & en poses une charge au fonds sur le plan et superficie du four & le bas amoncellant en hault comme en poincte jusques au hault de la muraille Aulcuns font un moule du calibre de la piece & le trempent puys y frappent un loppin de fer doulx couppe de mesure & comme ce loppin est bien rouge ilz le frappent dans le moule & larrondissent avecq une grosse lime Estimant ces balles estre plus fortes que les fondues qui estant aigres sont plus subgectes a rompre

qui est communement de la haulteur de d trois pans & fera bien recuire le Mays premierement il fault que tu ayes faict recuire ton fourneau avecq avecq quelque peu de gros charbons de sorte que le fonds soict rouge et lors tu y mectras la susdicte charge de charbon au milieu duquel tu mectras ton fer non pas tout au coup Mays dix ou quinze lb a chasque fois Et comme celuy sera avalle & au fonds du fourneau remects en tousjours aultant Et charge de trois ou quattre palles de charbon nouveau qui soict du plus gros & remoille affin quil aye plus de chaleur & ne se gaste pas si tost Et quand tu cognoistras que ton fourneau sera plein de matiere comme de deulx quintals ou de moings si tu nen en pas tant Tu laisseras consommer le charbon de soy mesme Et comme le charbon sera comme abatu au ras du fourneau Tu pourras couler dans des moules & coquilles de fer ou de metail qui est encores meilleur pourceque un fer sattaque a laultre Et fault que le dedans des moules soient bien cendres avecq de la cendre destrempee affin quil ne sarrape pas

Contre Go. Destrempe de la graine de coings en eau claire & de cette eau mucilagineuse fais injection

Pour oster le menu poil du front Ayes une aiguillee de soye deliee & la passe serre sur les endroits du poil & il sattaquera a la soye comme menus brins de cotton

Soye Le cramoisi habonde plus que toutes les aultres soyes pourceque sa couleur ne charge poinct comme ne faict le bleu & le vert qui aussi revienent a meilleur compte a louvrier Le noir abonde moings pourcequil charge fort

Garder oranges Il les fault choisir bien entieres sans estre machees & les mectre & en emplir un vaisseau destaing et bien clos & elles se garderont six mois

Chandelles Elles se gardent bien dans le son qui les faict blanches & de bonne duree ce disent aulcuns Touteffois je croy que cest asses de les tenir en lieu frais & sec de telle sorte quelles ne soient point pressees Il est mieulx que parmy le lumignon il y aye un fil de chanvre qui luy donne plus de clarte & faict tenir le lumignon plus droict Aultrement sil est tout de cotton comme font ceulx de montauban il le fault moucher souvent car apres quil ha un peu brusle il le cotton sabaisse & faict desgouter la chandelle

Du canonier Le canon tire de poincte en blanc cinq ou six cens pas Mays non pas pour fayre batterie pour laquelle il ne peult faire bonne execution que de deulx cens pas ou trois cens pas pour le plus Et ne doit estre plus loing Sa balle poise communement du qualibre du roy 40 lb Il y a canon perrier qui poyse xxv quintals qui sont petits canons court cest pour battre les cassemattes des fosses & pour battre de pres il porte grand balle de qualibre de roy comme les aultres scavoir de 40 lb Il ne porte a la culasse que lespesseur de deux balles & un quart de balle Le devant ne porte que lespesseur dune balle & la troisiesme partye dune balle Sa charge est semblable a celle des plus grands scavoir de xx lb Et quand on les veult essayer il ne fault poinct pour cella quil la surcharge car cella faulce la piece Et pour la premiere foys & jusques a ce quelle aye tire cinq ou six pieces coups il est mieulx de ne luy donner pas sa charge entiere Car la piece sasseure Et lessay quon peult fayre cest de luy donner sa charge de xx lb de fine pouldre dharquebus au lieu de pouldre ordinayre de canon Et quattre bons chevaulx sont suffisans pour les trainer Ils sont ayses & de pres ilz font aultant de force comme les grands mesmement aulx maysons particulieres & petites villates & forteresses de peu dimportance Ils ne sont poinct plus subgects a se crever que les aultres pource quilz sont courts Car ce qui donne grand force a la pouldre & danger de se crever a la piece cest la longueur de la piece pource que la pouldre se brusle toute devant que sortir & la Limpetuosite est plus long temps tenue contraincte en une petite longue piece quen une gr courte Le canon perrier est communement de Sept a huict pans de long Il est vray que cest pan de montpellier & non pas pan de roy qui nest pas usite en la fonte de canons pour les faire bons Car le pan de montpellier estant plus de court les canons qui y sont plus proportiones sont plus courts aussy & recompensent en espesseur ce la longueur quilz auroyent au pan de roy a quelle mesure ilz se trouveront plus longs Mays aussy ilz seroient plus tanvres Lea grand cano force du canon perrier pour faire batterie est de 4xx pas Le grand canon a cause de la poisanteur de sa balle ne porte de vollee que mille ou xii cens pas sans se reposer & faire bon communement il faict iii bons Le canon perrier na pas grand portee sinon de pres On cognoist la bonne ligue dune piece en la voyant Car si avecq la verdeur quelles jectent sur la super ficie elles rougissent cest a dire quelles sont composees de suffisante quantite de rosette Sinon elles ne sont que de metal qui se demonstre blanchastre Si delles mesmes elles ne font ceste monstre racle & tu verras La bonne ligue de pieces est de trois pars de rosette & une de metal fin de la grosse cloche ou il y ha plus de rosette quen metal de petites cloches Le metal coste communement xv lb & la rosette fine xv ou xvi Le pan de montpellier est de six poulces de roy qui en en emporte deulx commungs Il fault pour bien un pointer une piece quelle soict aussy haulte du bort de la gueule que la culasse Aultrement on ne pointe pas bien

Le grand canon qui est pour grandes batteries poise communement cinquante cinq ou lx quintals Sur la culasse il porte lespesseur de b deulx balles & ldes trois parties dune balle lune Au devant il porte ba lespesseur dune balle & de deulx trois parties les deulx Il est de treze ou quatorze pans de long Mays ilz sont fort fascheux a conduire La droicte batterie pour avoir bien tost exploicte est & battre de grande force est de dcent cinquante pas & de deulx cens Et Il est vray quon bat bien de trois ou 4 cens pas Mays il est besoing de luy donner plus de pouldre Sa charge ordinayre est p de xx lb de pouldre Sa balle de 40 lb Il fault xxv chevaulx pour le tirer. Quand on tire plus que la portee ordinayre on y mect demy lanterne de pouldre de canon dadvantaige Un canon peult tirer par jour 4xx ou cent coups Mays il le fault refraischir a chasque coup apres quon ha tire di noeuf ou dix coups si la batterie est roidement continuee Car sil y a intermission il ne fault pas le refraischir si souvent Sur deulx quintals de cuivre ou deulx quintals & demy si cest pour grands canons on mect un quintal de metal # Le metal se compose au commancement de huict lb destain sur un quintal de rosette et encores aulx grosses cloches on ne mect que six lb destain fin sur un quintal de rosette pour luy donner plus grosse voix Car tant plus il y a destaing tant plus le son est clair Sa Pour la fonte du canon si on fournist la matiere & charbon comme on faict communement car les Maistres nont pas le moyen On donne x ou xii lb pour quintal Et pour la mat quand le Maistre fournist tout on luy donne 40 lb selon lordonnance du roy pour quintal de grandes pieces & comme canons Et pour petites pieces L lb Car tant plus yl y a de matiere tant plus le Maistre y a proffit On fond un aultre sorte de canons perriers de xxx quintals qui sont plus longs que les aultres et sont volontiers de huict pans de long & sont pour battre les deffences & cassemattes s les logeant par trenchees sur le bort du fosse de nuict ◯ Ilz donnent de chasque coste de louverture de la culasse lespesseur dune demy bale Et puys ilz adjoustent aussy de chasque coste la troisiesme partye dune balle Ain On luy donne deulx lanternes de pouldre a canon pour sa charge & une & demye de pouldre dharquebus & aulx aultres le mesme # La composition des canons de france est dun quintal de metal sur deulx de rosette Mays ceulx de toulouse & Poncet mect iii de rosette & un de metal La rosette a refondre est plus profictable que les chaulderons qui sen vont toute en crasse Les pieces ancienes sont composees presque de demdaultant dun que daultre scavoir dune partye de rosette & dune de metal On cognoist Ceste composition au burin Car la matiere si trouve aigre & le grain enleve du burin se trouve mesle de jaulne & de blanc

Les colevrines sont grandes de batterie & faussee sont de quarante quintals & de dix huict pans de long Leur balle de qualibre de roy & de batterie est de 30 lb et ainsy moindre que celle du canon Et par ainsy elle ne porte pas tant de munition Car il suffist quinze lb pour sa charge Le canon faict plus douverture a cause de la grandeur de sa balle Mays la colevrine bat plus roide & passe plus viste ayant plus de chasse a cause de la longueur A la culasse elle porte lespesseur de deux de ses balles & lesa trois troisiesme parties dune balle Au devant lespesseur dune balle & de trois parties les deulx Les colevrines servent pour battre de loing les deffences quand on ne peult commodement faire les aproches Et les canons saprochent de plus pres Elles servent aussy pour soubstenir la batterie Il fault quinze ou seize chevaulx pour la mener Elles sont tout de mesme ligue que le canon comme sont toutes pieces qui excedent moindres que la moyenne Car a celles la on mect un peu plus de metal affin que la fonte coure mieulx Et sur deulx quintaulx de rosette on mect six vints lb de metal pour les petites pieces Elles portent de poincte en blanc 8 ou 9 cens pas & jusques a mille pas si la pouldre est forte & de volee demye lieue Aulcuns ont invente de charger les canons a cartuche Aulcuns po ne mectent pas la pouldre dans le canon tout a un coup mays a deulx & a chasque fois refoulant disant que chasque refoulement faict haulser & done advantage dun poulse Mays cela nest gueres asseure pour les grandes pieces qui portent beaucoup de pouldre La bastarde qui est une colevrine piece moyenne poise trente quintals et sa balle poise xx lb xv lb et porte pour sa charge x ou xii lb de pouldre Sa proportion est a la culasse de lespesseur de deulx de ses balles & lesa troissiesme parties dune balle Au devant lespesseur dune balle & de trois parties les deux ou Elles servent pour battre les deffences de peu dimportance comme gabions et garites couvertes dune tour & chose semblables Elle ha de long treize ou xiiii pans comme le grand canon dix chevaux la peuvent mener Elle acompaigne fort de poincte en blanc la grand colevrine pourceque elle porte petite munition Aulcuns luy donnent lespoisseur de trois balles a la culasse & au devant de deulx balles La colevrine bastarde poise 35 quintals & ha de longueur xxv pans Elle porte trois balles a la culasse & deulx devant Sa balle est comme de la piece bastarde pesant xv lb ce sont pieces de plaisir qui s ne se menent pas par charroy Ains sont pour les deffenses des villes Aulcuns en font de xxvii ou xxviii pans de longueur comme est la vache de la rochelle Mays a telles pieces on donne renfort a la culasse comme de trois balles Elles peuvent porter de volee environ une lieue & demy lieue de poincte en blanc Sa charge est comme de la bastarde Et si on veut tirer a quelque cavallerie bien loing on augmente un peu de pouldre Apres la balle il suict une queue de fumee qui de conduit ta veuee jusques la ou la balle va cella sentend du canon et de la colevrine et non des petites pieces

La moyenne poise 18 quintal & tire xii pans de long Sa balle poise huict lb ou 9 & sa charge est de six livres de pouldre Et pour A la culasse elle porte trois balles despesseur & au devant deulx Elle est plus propre pour la deffense dune ville que pour batterie Touteffoys on luy mene par foys ou pour rompre quelque barricade ou pour soubstenir la batterie apres que les canons ont tire pour empescher que les assailis ne se remparent apres que les canons ont joue ou tire Quattre chevaulx la peuvent conduire Elle porte de poincte en blanc huict ou noeuf cens pas & presque aultant que la bastarde Aulx canons & grosses pieces on donnen aultant de pouldre quest le diametre dune balle & demye a laquelle proportion vient lescusson Aulx moyennes pieces comme pieces de campaigne & celles qui suivent en amoindrissant on leur donne de pouldre lespesseur de deulx balles Au passevolant & aultres suivantes en bas on leur donne de pouldre lespoiseur de trois balles En general on charge toutes pieces jusques a lescusson On charge avecq lanterne toutes pieces despuys le canon jusques a la piece de quattre quintals de char et leur donne lon deulx lanternes de pouldre a canon ou une & demye de pouldre dharquebus Aulx plus petites on ne leur donne quune lanterne & celles dun quintal se chargent avecq une petite charge La piece de campaigne poise dix ou douze quintals & ha dix pans de long ou 12 Sa balle poise vi ou vii lb & sa charge est de 4 lb de pouldre A la culasse elle ha trois balles & deux devant comme ont toutes les pieces moindres que la moyene On leur donne plus de culasse pource que on les faict plus longues a la proportion Et aussy quen une maison ou ailleurs on en tire plus souvent que des grosses pieces Leur qualibre aussy est petit qui leur faict donner 3 balles a la culasse Elles servent pour suyvre promptement un camp & pour la deffense des villes & maisons les mettant sur les murailles ou sur une tour Il fault trois bons chevaulx pour la conduire Le passevolant poise vi quintals ha de long huict ou noeuf pans Sa balle poise deulx lb & pour sa charge une lb & demye de pouldre A la culasse il ha trois balles & deux de devant Deulx chevaulx le peuvent mener Car un cheval seul ne se mect pas a mener une piece Il sert pour la deffense des maisons ou pour mener parmy linfanterie pour rompre un reng de cavallerie Le faulconneau poise 4 quintals ha de long x pans sa balle poise une lb & un quart sa charge est demy lb de pouldre A la culasse trois balles au devant deulx pour le mener deux chevaulx combien que telles pieces ne se meuvent gueres daultant que il ne servent que pour les maisons Celles qui se charrient ou pour batterie ou pour combat, assigie sont canons colevrines bastardes moyennes & pieces

de campaigne Le faulconeau se charge avecq lanterne Et ne luy donne lon communement quune lanterne Aussy y a il daultres faulconeaulx de trois quintals qui tirent noeuf pans de long leur balle poise demy lb Leur charge est un quart de pouldre Il se charge ou avecq lanterne mays plus communem avecq une charge A la culasse 3 balles & 2 devant Aux petites pieces qui viennent en amoindrissant par dessoubs 3 quintals on leur donne bien 3 balles & la douziesme partie dune balle a la culasse & en ostent quelque fois sur le devant pour faire ceste addition a la culasse Selon la longueur que lon leur baille La force de la piece est au droict des tourillons qui est le despart que faict la pouldre allumee La force dune berche est aux maslees & au derriere de la culasse Double mousquet poise 2 quintals tire sept pans de long porte balle un quart de lb ou un peu moings A la culasse 3 balles deulx devant On le charge tant de pouldre que de balle jusques a la cime de lescusson qui peult revenir en ces petites pieces a 3 ou 4 balles pouldre dharquebus Car si on employe pouldre de canon on les peult charger de lespesseur de c cinq balles Il fault entendre en tout cecy de balles de fer. Quand on tire balle de metal on surcharge dun quart de Lanterne Pource que si la balle de canon poise 40 lb celle de metal poise lx lb Aussy prend on la mire plus hault tirant balle de metal Car si on tire de balle de fer de fer de poincte en blanc on prendra six lignes plus hault tirant balles de metal La balle de metal faict alliee de cuivre affin quelle ne soict frangible faict bien plus dexecution battant de pres que celle de fer Mays celle de fer bat plus royde de loing Mousquet simple poise un quintal a six pans de long porte balle poisans qu on na pas desgard a celles cy qui sont moindres de deulx quintals qui portent volontiers balles de plomb un a la pesanteur de la balle mays au qualibre Touteffois ceulx qui peuvent avoyr balles de metal ou de fer font mieux pourceque elles feront plus de faulcee que six de plomb Sa charge est jusques a lescusson scavoir de lespesseur de 4 balles Harquebus a croc poise lx lb scavoir la grande ha de long cinq pans sa charge est jusques a lescusson scavoir la longueur de 4 balles porte balles de plomb est pour la deffense des maisons De ces harquebus a croc & grandes & petites on faict les orgues qui sont ou propres pour un assault & dehors & dedans la place Elle se fondent separement comme pour servir a aultre usage que dorgues voy le foeillet suivant 4e marque

Figures de mathematique sans regle et compas Tu scais faire le rond justement avecq la plume & Aultrement avecq longle du poulce droict & le grand doigt replye Si tu nas poinct de reigle replye du papier en cinq ou six doubles pour ten servir Et si tu veulx faire une colonne Arcade ovale Escuson justem sans compas Replye ton papier de sorte que le replye te fasse une ligne droicte a distance necessaire de laquelle trasse un poinct & une ou une ligne & la charge bien dancre puys replye le papier & le frotte sur le dos &

il imprimera aultant que tu auras faict En ceste sorte la l A est la ligne sans ancre que te faict le reply du papier B est la ligne que tu as trassee C est celle qui simprime

P Pour escripre a gaulche aussi bien qua la droicte Escripts le mieulx que tu pourras avecq ancre bien gommee sur aultant de petits cartels que tu vouldras escripre de mots & estant chasque lettre bien chargee dancre pose sur ton papier & frotte avecq une dent le dos du cartel

Clisteres On les souloict donner avecq manches ou poches de cuir qui pour le mieulx est doibt estre de peau de chat qui est plus moufle que nulle aultre Et lors on commancoit a replier la manche par un bout & on continuoit de la replier & entortiller en soy mesme & en ceste sorte le clistere couloit doulcement Mays ceste facon est plus longue & moings commode que la syringue qui despuys a este trouvee Avecq laquelle un homme seul donne aysem le clistere. Il est vray quelle faict tousjours du vent a la fin

Pour faire les Millas Il fault faire fraiser du millet pour en tirer la croutte Et puis le netoyeres bien apres Il fault le remouldre bien delie Et le passer par ung cedas bien delie ce faict Il fault detremper la farine avec du beurre frais fondu et du laict Et quil y ait aultant dung comme daultre de maniere quil soit fort clair comme pate pour faire bignetz Et y mettres des Jaulnes doeuf selon la quantite de la farine de sorte quil revienne deux Jaulnes deouf pour chaique millas puis y mettres du safran si vous voules pour leur donner ung peu de couleur Il fault apres avoir des moulles Et fault quil soient de terre de la facon dung fons de chappeau a la catholicque mais Il fault quil soit ouvert par les deux boutz Et puis ayant faict bon feu vous nettoyeres la place du fouye ou vous voules mettre voz millas Et puis vous prandres voz moulles et les gresseres bien fort affin que la pate ne se tienne pas quant elle sera cuitte ayant faict cela vous mettres voz dictz moules sur la place du fouye bien nettoyee Et mettres ung peu de farine au fondz Et les emplires de la pate cy dessus dicte apres vous couvrires les dictz moules dung couvercle qui sera faict comme le moulle mais Il fault quil soit plus grand Et quil ne soit pas ouvert par dessus puis ayant faict cela vous mettres ung peu de foin sur le dict couvercle Et force rachaulx Et y feres bon feu tout au tour de charbon cela faict vous en descouvrires ung de la a peu de temps Et verres quant Il sera cuit Il faudra quil soit dur

Vitrier Le verre de lorraine est plus plain & plus uny que le verre de plat et plus fort & de plus de duree Mays communement il est tasche par venes comme lignes droictes comme tanees ce qui advient pourceque les verriers layant faict le mectent tout chault sur la paille qui le tache de ceste sorte Cela neantmoings sefface avecq du vernis & du sel & aultres drogues que les vitriers y mettent Le verre de lorraine se vent a lien & a chasque lien il y a trois tables le lien coste communement x sols Le verre de plat se vent en faict en France il est plus blanc & plus clair mays il nest pas aussy de telle duree que le lorrain Il est aussy communement envelle & pour ceste occasion il est meilleur a faire petites losanges que grandes pieces quarrees en forme de chassis pourceque elles ne se peuvent bonnement bien assoir uniment Le verre de plat se vent a paniers Le panier contient 24 plats qui se vendent communement x ou douze lb

Blanchir la face Pille de la vesse en eau de cisterne & non aultre & de ceste eau blanchie lave Cella est estime fort singulier Et croy quen fayre de lamydon & en user seroict encores mieulx

Contre les ventosites colique &c Le suc exprime ou leau distilee de lescorce dorenge est excellent contre la colique venteuse Lescorce aussi confite est excellente pour les vents de lestomac Et pour en faire preuve Ayant verse du vin escumant dans un verre Exprime du jus dorange sur lescume du vin qui ne provient que de vapeur & vent Et tu verras quincontinent lescume sesperdra Si tu exprimes aussi du just contre la chandelle elle ardra dadvantaige

Eschervis racine Ils veulent estre plantes en lieu fort humide ou tel quavecq puys rodier ou fontayne on le puysse souvent arroser Car par ce moyen ilz sont tendres Aultrement ils se faict au dedans un coeur dur qui luy oste toute sa bonte

Contre brusleure Pile un oignon avecq du verjus & le laisse ainsy tremper puys laplique Ou bien aplique sur la brusleure du savon noir experimente

Commun dire Clocher de rhodés Eglise dAlby cloches de mende Touteffoys on tient la choche de thoulouse appellee cardaillac pour une des plus belles de france daultant quil poise deuls cens cinquante quintals

Forme de regime Chasque matin prens deulx ou trois oeufs ponds dun ou deulx jours fais les chaufer jusques & non cuire prens les moyeulx bien saulpouldres de sucre Et apres bois un doigt de vin Et oultre ce que cela est nourrissant il faict bon ventre

Canonier Aulx petites pieces qui ne se chargent poinct avec lanterne on charge de pouldre jusques a lescusson qui se pose sur la piece avecq deue proportion Pour poincter ung canon cest a dire prendre sa visee il fault plustost prendre la lumiere cest a dire viser par les costes que par le hault scavoir est au dessus du canon Car mirant par le dessus tu pourras bien trouver la ligne tendant a ton but Mays tu ne trouverois pas si le canon tend plus a un coste qua aultre Prens doncq ta lumiere par un coste puys par lautre & adjouste ta piece au poinct que tu mire Puys prens ta lumiere par le dessus de la culasse ce qui sera bien tost faict Apres fais a ta discretion baisser un peu ta piece Si tu es en distance de vraye portee pource que la force de la pouldre faict communement haulser Mays si tu estois esloigne plus que ta piece ne tire de poincte en blanc Il te fauldroit considerer que la poisanteur de la balle feroit baisser

Pour tirer de nuict dun canon Aulcuns tiennent leurs pieces chargees Et de jour puys affin que le canonnier puysse tirer a la bresche ou peult estre les assaillants reparent Les assiegeants donnent une faulse alarme affin que les assieges jectent dans les fosses ou aultour de la bresche des flambeaulx & foeus artificiels Ausquels le canonier mire Quelques fois par reverberation de mirouers ou de bocals pleins deau les assaillans font lumiere a la bresche Le moyen que tu scais du cadran & ligne a plomb est bien fort bon Aultres font clouer avecq fortes chevilles de fer deulx ou trois rengs de tables sur la platteforme de bois faicte pour mectre le canon en batterie Et laissent des coches vuides par Ou les roues du canon puissent passer justement Et par ce moyen tu le poseras tousjours a te semblable q poinct quil ninclinera poinct dadvantaige a droicte qua la gaulche Et affin quil ne soit ne trop hault ne trop bas Quand tu tires de jour tu poses une regle bien fichee en terre qui vienne justement a toucher par bas le bort du canon apres quil est poincte & adjouste pour tirer Si la platteforme les roues ou les coings se rompent ou desbauchent ceste invention nest pas de proffict

Aultres posent deulx pals bien fiches en terre de sorte que lun soict esgallement aussi distant du bort etde la gueule du canon que laultre Et par dessoubs ilz possent la regle susdicte Puys quand de nuict ilz veulent tirer ilz poussent leur canon droict vers la reigle & font que le bord de la bouche se pose sur le bout de ladicte regle Apres ilz mesurent avecq une regle ou semblable chose coupee de mesure despuys un pal jusques au coste du canon & sil en est trop pres ou trop loing ilz ladjustent & font ainsy du coste de laultre pal

Pour desenclouer un canon Aulcuns disent quon doibt oster la balle si le canon est charge & donner feu par la bouche du canon Mays il est a croire que le feu sortiroit plustost par la que daller chercher son yssue par sa lumiere acoustumee qui est enclouee & contrainte Le plus seur est que le canonier qui volontiers est fondeur coigne & rive bien le clou que les ennemys ont mis et avecq un trepan fasse au coste une aultre lumiere au coste de celle qui a este enclouee ce qui sera faict en une heure Et si avecq le temps la violence de la pouldre faict derriver le clou dont la piece est enclouee Tu feras un ancrou a la seconde lumiere & y mettras un clou a vis bien justement qui ne se deffera jamays M

Deffense dune ville Il ny ha rien qui fasse plus dexecution a la deffence dune bresche que les mortiers qui sont disposes aulx advenues des lassault ilz portent beaucoup de munition be on les emplist de cloux de charrette de gros dets dacier bouts de chesne & choses semblables Et quand on sent les ennemys pres on donne foeu a tous Les grenades aussy bien faictes et jectees a propos font grand domaige Et pour les empirer on mect du verre grossierement pillement pille ou dans les molles ou dans le crusol quand on les veult gecter cela empire les blesseures Il ne fault pas que les grenades soient si aigres Mays il est bon quelles soient un peu alliees de la matiere des pieces affin que tenant un peu coup plustost que se rompre elles ayent plus de violence

Balle de canon poisant 40 lb ayant 12 lignes pied de roy

Un peu trop grande voy celle de qui suict

Orgues

Puys on les affuste sur une table moyennement espesse pres lunge de laultre & on faict a la table des coches en ceste sorte

& par ces coches on passe le croc de lharquebus qui a un trou par lequel on passe par dessoubs la table des chevilles de fer puys quand on en veult mirer on affuste celle du milieu & celle des deulx costes Si tu en veulx faire double reng ou triple ou quadruple ou dadvantaige Il ne te fault que poser semblable reng de tables comme le premier lung sur laultre car laultre Ceste fasson dorgues faict faussee & est bien asseuree Car les aultres qui se font dune piece comme solide quarree nont les canons longs que de troi quatre un pan & demy Aussy ne servent elles que pour faire une salve a une entree ou pour deffendre une porte Petite harquebus a croc poise 40 lb ha de long quattre pans se charge jusques a lescusson ha trois balles a la cullasse & deux devant Le double canon nest rien different du grand canon ordinayre sinon quil porte sa balle qui ha une ligne despesseur ou de diametre dadvantage La ligne est la douziesme partye de la balle du canon A la culasse il ha une ligne despesseur plus que le canon & demye au devant Sa charge est de six ou sept lb de pouldre plus que le canon scavoir de deulx grands lanternes Sa balle poise 56 lb Il fault trente chevaulx pour le conduire ll faict bien plus destonnement a la muraille que le canon Mays il est fort fascheux a conduire Cest pour ceste cause quaujourdhuy on nen use guere et est plus pour mener en quelque prochain lieu & battre de pres ou pour une entree que pour execution ordinaire On les aporte basilics qui sont pieces faictes a plaisir

^Mortiers Mortier tel se faict qui poise trois quintals porte balle de canon platte du coste quelle doibt sortir & ronde par le dedans du canon comme si cestoict une balle de canon couppee par le milieu Il ha deulx pans de long Il se charge de xxv lb de pouldre Car au il fault quil soit plain jusques a la bouche & quil se rompe Il nha point aultre grosseur a la culasse qua la bouche & est tout dune venue Il fault que sa matiere soit meilleure que de piece & que sur 4 quintals de cuivre fin il y aye seulement un quintal de metal Affin quil tienne coup & se rompant avecq plus de force fasse plus dexecution Il sert a mectre contre une porte avecq une grand croix de fer devant la balle Et sEstant charge il fault quil soict vestu de grosse toile bien cousue qui soict par dessus toute cOincte de tourmentine Il fault quil aye quattre ances faictes en le fondant car il est en plus ayse a poser La croix de fer se joinct a la bouche avecq la toile dont il est vestu Pour le poser il Les ances se doibvent tenir au bord de sa gueule comme tu vois Pour le poser il fault trois ou quattre chevilles de fer dun pan de long & grosses comme le doigt qui ayent la poincte comme un vibrequin guinbelet & toute la jambe en vis come un tire fons & un aneau par laultre bout pour les tourner avecq un baston court qui joue dedans laneau Et les chevilles se posent dans la porte mays non pas droictes Mays car elles nauroient point de force mays de travers comme si tu voulois les ficher vers le milieu du mortier Et pour ce fayre il fault que le trou des ances soict bien large En ceste sorte le mortier tirant pousse les chevilles de long & travers dans la porte & faict plus de fracture Estant pose il fault que tu ayes de la sauscice de bouquaran faicte en ceste sorte Ayes huict ou noeuf canes de liste de bouquaran ou dadvantaige si le fosse est plus large Et que la liste soict large de quattre ou cinq doigts Fais la bien couldre de sorte quelle soict comme un boyau par lOu un baston gros come le doigt puisse passer Emplis la toute de bonne Cestuy cy est pour mectre soubs une tour sapee la gueule en hault On faict deulx anneaulx de fer larges & avecq une barre ou deulx quattre hommes le portent Ilz sont aussy pour mectre aulx bresches mays il ny fault que demy charge scavoir x lb & lemplir de cailloux & de cailloux de charrette

Il le fault couvrir tout de toile ciree & frottee de tourmentine & chose combustible Ceste couverture se faict affin dasseurer la balle quelle ne tumbe point et affin que le foeu se prenant a la couverte lamorce ne faille point Au droit de la lumiere il te fauldra mectre bonne quantite damorce Aulcuns sur la balle mectent une croix de fer qui surpasse la bouche du mortier de deulx pans Aultres ne mettent que la balle

pouldre Estant pleine la saulssisse trempe la bien dans legierement pour mouller la toile & non la pouldre dans deulx parties de vinaigre & de une deau de vye Apres laisse bien seicher ladicte toile Et puys il fault joindre a ladicte saulcisse une longue fisselle ou cordette qui soict plus longue deux fois que la saulcice & ne la fault pas serrer contre la saulcice Mays seulement la lier a icelle par les deulx bouts & la couldre a la saulcice en quelques endroicts sur le milieu Apres il fault oindre toute la saulcice avecq de la tourmentine bien bonne Et au bout dicelle que tu vouldras joindre a la lumiere du mortier pour donner foeu tu pourras couldre une ou attacher bien serre une liste de toile large dun empan qui soict aussy bien trempee dans la tourmentine & ceste liste doibt estre fendue par le milieu affin de lentourner & lier aultour du mortier Et fault latacher en sorte que la lumiere soict pres du me la le bout de la saulcice qui soict ouvert soict joinct a la lumiere du mortier Puys il fault mectre force pouldre accachee sur la lumiere du mortier Et apres que celuy qui est hors du fosse tire la lignette & cordelle qui est joincte a la saulcice tant quelle soict moyennement estendue mays non pas tant tiree quelle se destachassent Et sil y avoict de leau dans le fosse il fauldra soubstenir avecq des forchettes la saulcice Puys celuy qui tient le bout de la saulcice pourra donner foeu sestant mis en seurette & les aultres aussy

^Mortiers Les mortiers quon veult poser aulx portes ou grilles de fer sont suffisants silz poisent 40 ou 50 lb Au reste quand a la charge balle & facon de proceder il fault faire tout comme il est desja dict cy devant de celuy de 3 quintals Un homme le peult porter Il fault que la balle soict ronde dun coste & platte de laultre comme une demy balle la moictie dune balle couppee Il fault aussy que la croix se tienne a la balle et quelle la balle se fondant si tu la fais de metal senveloppe avecq le milieu de la croix

Grenades Les grenades doibvent estre du plus fin metal quon puysse trouver car il y a metal fin et metal gros Le metal fin est celuy de grosse cloche pourceque on y mect plus de cuivre pour luy donner la voix plus grosse & aulx petites cloches on mect plus destain pour luy donner le son plus gros clair Le metal de grosse cloche se faict dune 3 quintalz de rosette & vint ou xxv lb destain TanChasque grenade doibt poiser de quattre a six lb Et fault quelles soient pour les gecter pleines de pouldre meslee avecq du verre grossierement pile Et en fault sur un quart de lb de pouldre demy once de verre qui sy mect avecq affin que par le visaige ou lieulx que la pouldre fera son effect les blessures en soient pires La meilleure pouldre dharquebus y est necessaire Le trou doibt estre grand comme la grosseur dune plume de cigne & nas que faire de le faire en ancrou Mays il suffict de le faire uny Apres tu fais un tuyau de fer blanc bien soulde qui puisse entrer dans le trou & entrer jusque au milieu de la grenade & sortir hors dicelle un travers de doigt Tu lempliras de bonne pouldre pilee dans un mortier & destrempee legerement avecq de bonne eau de vye ou de fort vinaigre qui semble Et comme cela ce faict pour alantir la pouldre Et pour scavoir si elle sera asses lente pour donner loisir de gecter la grenade sans dangier essaye ceste pouldre ainsy baignee dans une aultre tuyau Tu peulx tenir d tes grenades chargees en lieu bien sec & au contraire tu tiendras tes tuyaulx remplis de ceste pouldre baignee bien acachee en lieu humide Et en auras neantmoins de posee dans les quelques grenades pour estre tousjours pourveu Et de trois jours en trois jours tu les changeras si tu les cognois trop deseches Pour gecter ta grenade prens la hardiment & dune main & de laultre donne foeu avecq la une meche a ton tuyau & gecte promptement parmy la pouldre trouppe Lespesseur de la grenade doibt estre de deulx dos de costeau

Pour mener le canon en pays Si tu a Il fault bien pour mener un canon cent pionniers pour aplanir les chemins de fosses & aultres empeschemens comme dabres monceaulx de pierres & choses semblables pour faire les gabions en chemin Quand on est pres de la place quon veult battre Le canonier va de nuict recognoistre le lieu le plus commode pour faire la batterie Scaches les magasins de france pour lartiglerie Il est bon que la plateforme penche un peu sur le devant pourceque la piece est plustost mise en batterie & tient plus coup & bat plus roide

& sil ne voit bien on donne une faulse alarme affin que ceulx de dedans jectent des flambeaulx Bien souvent on bat au plus fort pourceque les assaillis desdaignant la batterie ny reparent pas Il ny a pas communem en cet endroit tant de guarites & aultres deffences Et puys quand on ha faict bresche au plus fort & quon remue le canon cela estonne les assaillis Aux villes fortes on faict les aproches de nuict mays aulx biquoques Les pionniers portent les gabions Et portent les ayant poses on mect quelques tables ou madriers derriere les gabions pour garder les pionners pendant que parderriere ilz emplissent avecq leurs pales les gabions de terre Et pendant quon faict cela on donne quelque fause alarme dun aultre coste Et plustost on ha

Canons a chambre sont ceulx qui ont un renfort par dedans en tout lespace qui contient la pouldre Et la balle ne peut a rouler que jusque a lentree de ladicte chambre Ceulx cy ne font pas si grande faulcee & sont fascheux a charger Mays il ne seschauffent pas si tost

tire quelque volee aulx deffenses Les gabions les pionners portent les tables pour faire la solle ou platteforme qui ont quattre doigts ou demy pied despes Et on les enchasse en terre La platteforme excede la largeur des roues du canon de cinq ou six cano pieds de chasque coste M sil ny ha quun canon Mays sil y en ha dadvantaige les platteformes se touchent La distance qui est entre les pieces est la largeur de deulx gabions Tant que la batterie dure Les canoniers couchent & mangent pres dun canon Si cest en petites places on ne daigne faire tranchees pour aller aux pieces Mays on mect force gabions qui sont hault & on y en courant aulx grand

Lumiere dacier se pose en Ancrau dans les canons pourcequelle ne se gaste poinct en tirant comme font bien tost les aultres Mays ces ancraus sont subgects a saulter & porter domaige au canonier Il ny ha que duser de la lumiere propre

places on faict trenchees Il y a tousjours dans les tranchees ou derriere des barriquades quelques des compaignies en garde pour la deffence des pieces On tient le petit magasin de pouldres de trois ou quattre caques a part

Lumiere a ras de la culasse est la meilleure pourcequen en ceste sorte le canon ne repousse gueres

cent pas loing de la batterie & on les entourne de barriquades ou tranchees Et la on va querir la pouldre dans des sacs ou cabats Et chasque piece ha son cabats pour charger trois ou quattre fois Quand doncq le canon est assis sur la platteforme on mect une table a preuve dharquebus entre les deulx gabions Puys avecq la lanterne un canonier le charge & avecq le refoulouer qui est a len laultre bout de la lanterne deulx hommes tant quilz peuvent refoulent la pouldre en noeuf ou dix poulsades jusques a ce quilz trouvent la pouldre dure & bien acachee Apres un aultre mect le foing ou la paille Et les r aultres refoulent un peu Un aultre mect la balle Et le porteur de foing y en mect aultant quon paravant & on refoule un peu Aulcuns mectent des tapons de bois Mays cela est dangereulx de faire crever la piece Et la ou il fault tirer beaucoup de canon coups il fauldroit beaucoup de tapons qui cousteroient beaucoup a porter Le canon estant charge xx ou xxv pionniers Le poulssent en avant avecq des barres se tenant au coste derriere les gabions sans oster la table jusques a ce que le canon la touche Le canon estant en advant Le canonier laffuste avecq les coings qui sont par derriere prenant la mire par chasque coste puys au milieu Puys un aultre qui est tout prest donne foeu Il fault a chasque canonier 3 canoniers le chargeur celuy qui mire celuy qui donne foeu Quelque fois contre un camp ou a une bresche on tire des cartuches faictes comme tu as ailleurs ou bien on se sert dun de basane plein de cailloux clous de charrette & semblable PIl ne fault point quun ch canon marche quil naye deulx attelaiges soict de bois soict de fer Et pour garnir les roues flasques & aultres equipaige dun canon il fault sept quintaulx & demy de fer Pour les pre La meilleure batterie se faict en courtine se disent aulcuns pour cest comme de bieve biays car en ce faisant tu esbranles plusieurs pierres

---

Aulcuns mettent des petites roues dune piece & de quelque table espece au bout de lafust de la piece affin quelle se tire plus tost & sans faire bruit Aultres mectent du cuir tout aultour des la roues & mectent aussy aulx pieds de chevaulx des soles ou souliers de cuir affin quon ne les entende point

Canonier Au canon il y ha trois borlets celuy de la culasse celuy du milieu celuy de la bouche Quand les fondeurs veulent pratiquer sur leur besoigne ou rendre le canon ou aultre piece plus legere & plus aisee a charrier il la font despuys le borlet de la culasse jusques au borlet du milieu de la grosseur & proportion des balles comme dessus est dict Mays despuys le borlet du milieu jusques au borlet de la bouche & ilz lamoindrissent dune ligne ou plus ou moings de chasque coste prenant tousjours leurs mesures avecq le compas despuys la ligne droicte quilz font au milieu du modelle en papier ou aultrement Et ceste diminution importe de sept ou huict quintalz de diminution & allegement pois Et pour cela la piece nen est pas moings seure Cela se pratique aulx grands pieces Mays aulx grpetites pieces despuys moindres que la moyene il fault observer la proportion cy devant dicte & mener dune ligne continuee la piece dun bout a laultre Les tourillons sont communement a un pied du borlet du milieu despuystirant au bord de la culasse Mays pource que aulcuns canoniers ayment mieulx une piece qui poise sur le devant pource que elle est plus aisee a braquer Pour ce faire il ne fault quaprocher les tourillons plus pres de la culasse & les esloigner du bord du milieu Comme au contraire si tu las veulx rendre plus pesante sur le derriere tu aprocheras les tourillons du milieu de la piece ou les mettras par dessus tirant a la bouche Quand tu fores ta piece tu fais une boicte de fonte canelee comme une quenoille de lict & fault quil y aye seze caneleures ou encocheures dans lesquelles tu encocheras seze costeaulx bien unis avec affin que tous ensemble trenchent & raclent de mesme sorte pourceque que quelquuns ne tranchoient & racloient point il se feroict des chambres & des ondes dans le canon qui le feroict estre costier & y auroict dangier que la piece ne se coupast par le milieu Pour eviter cela il fault que despuys la culasse jusques a la bouche le foret passe uniment & que louverture de la piece soict despuys un bout jusques a laultre uniment foree pource que ainsy la pouldre sen va tout a un coup avecq plus de force Au contraire estant retenue elle faict costier & faict rompre la piece

Balle de canon Cecy est la juste mesure du Calibre mays le foret en emporte tousjours quelque peu dadvantage

Mortier Ils se font mieulx en forme de creusol creulx par le plus estroits par le cul & venant en eslargissant par la gueule il fault fort piler la pouldre & y mectre dessus ou du sable ou du liege ou pour mieulx une platene juste de cire fort pilee dessus car elle selle justement & faict plus deffort La balle ne faict que trou La pouldre seule faict plus deffect On tient questant charges de quinze jours & tenus en lieu sec ilz ont plus de force

Balle de colevrine

Balle de bastarde

Balle de moyene

Piece de campagne

Faulconeau

Faulconeau de 4 quintals autrement passevo lants tire 8 pans

3 quintals tire de long 9 pans

2 quintals tire de long une cane qui sont 8 pans de monpelier

1 quintal tire six pans et demy

1 quintal et demy tire 7 pans et demy

mousquet de 60 lb tire 5 pans et demy ou 6

5 quintals tire onze pans et demy

La mesure du qualibre des pieces

Le chifre et les poincts demonstrent combien de quintals poise la piece qui porte le qualibre marque

Pintiers Ils estiment le meilleur estain celuy qui est en saulmon qui nha poinct este refondu despuys quil est venu de la mine pourceque les Maistres le refondent a en grille poisant deux ou trois lb pour mieux le debiter et vendre en detail Et en cestuy la bien souvent ilz y font du meslinge de restes de plats de souldure & destaim commun Et pour cognoistre le meilleur cest le plus luisant qui est comme bruny Car il est plus douls Quelques foys dans leurs saulmons ilz trouvent des pieces de fer des pierres & semblables brouilleries pour tromper au poix Lestain dangleterre est si dur que les minerons y mectent du plomb pour ladoulcir Celuy qui vient du coste dallemaigne est plus douls Communement les Maistres pintiers jures aulx bonnes villes mectent six lb de plomb fin sur ou huict sur un quintal destaim fin Les aultres qui travaillent aulx champs en mectent quinze ou 20 ou le plus quilz peuvent et pour couvrir la noirceur du plomb il et sa doulceur ilz y mectent de lestaim de glace 4 lb sur quintal + po qui blanchist & affermist Et un peu six ou huict lb de rosette sur un quintal pour rendre la vaisselle sonnante Pour mouler de plats & escuelles ilz les font de pierre porte morte qui est grais & les tournent & polissent aultour au tour Ils fondent leur estaim dans une cassolle dest de fer a feu de charbons Et avecq une cueillere de fer qui tient presque la quantite suffisante pour un plat ilz gectent leu dans leurs moules froids quilz tiennnent joincts & serres entre les genoils Et bien tost ilz ouvrent les moules affin quilz ne seschaufent & ayant oste le gect qui est du coste de la femelle & qui se rompt aysement Puys avecq un linge qui trempe dans leau quilz ont tousjours pres deus ilz frottent le milieu du revers de lescuelle & aultour du bort affin quil senleve mieulx et en frottent la femelle molle + Quand lestaing est fin on y mect moings destaim de glace scavoir 4 lb pour quintal Mays si lestaim est bas cest a dire beaucoup allie de plomb on y mect bien cinq ou six lb destaim de glace Sil ny ha gueres destaim de glace on mect comme deulx ou trois lb pour quintal on mect huict lb de rosette Mays sil y ha beaucoup destaim de glace on comme 4 ou 5 lb on nen mect que six de rosette Et communement sur quintal destain on mect x lb de tous les deulx Va au cinquiesme foeillet

Stuc pour mouler Ayes de la gomme dragant et la mectes tremper jusques a ce quayant beu son eau elle soict enflee & reduicte comme gelee Lors broyes la bien fort sur le mabre & apres ayes de la farine de Segle qui est meilleure que celle de froment a cause quelle est plus humide et ne rend pas la paste si brusque Et en saulpouldres vostre gomme dragant & continues a broyer et mesler ainsy peu a peu le et mesler legi la farine bien subtillement tamisee Et la pestrisses comme si vous voulies faire du pain Jusques a ce que vous vous cognoissies quelle aye asses de corps & soict ferme comme la paste du pain quon veult mectre au four Cela se cognoist quand elle sestire asses sans se rompre Et si elle nestoict asses forte elle ne se sti despouilleroit pas bien Estant ainsy præparee frottes dhuile le cave au u avecq une broisse affin que lhuile penetre par tout pour mieulx faire despouiller Et presses la paste dedans bien fort Et si elle ne se despouille pas bien mesles y encores de la farine jusques a ce quelle aye asses de corps Avecq cella vous mouleres fort net telle ouvraige ou masques ou festons quil vous plaira qui seront secs dans un jour Apres vous les apliqueres avecq colle forte ou colle de paste comme il vous plaira Et les pourres paindre et estoffer dor & toutes couleurs On en faict les ornements des planchers a romme On en peult faire des ornements de lits Si tu veulx que louvrage demeure blanc il vault mieulx mouler de plastre au lieu de farine il est vray quil est plus brusc et plus ferme aussy Mays il le fault præparer en ceste sorte Destrempe le estant en pouldre fort dans bonne quantite deau de sorte quil soict clair & le broye plusieurs fois le jour lespace de quinze jours Puys verse leau par inclination Et ramasse le plastre & le broye subtillement sur la mabre Et le pose en quelque vaisseau plombe & net quil ny tombe aulcune poulsiere & ordure & le laisse a lair & au serain lespace de quinze jours avecq son eau Et il deviendra mat fort blanc et legier fort propre a faire assiete dor bruny Et de cestuy cy en pouldre peulx tu mesler au lieu de farine parmy la gomme dragant Et ton ouvraige sera fort beau En default de plastre tu y peulx mesler de la croye bien broyee Ou de la ceruse & essayer du bol & choses semblables Ce stuc avecq la gomme dragant a cela de propre que comme il preste nestant pas encores sec il sacommode ou sur choses rondes ou plattes comme il te plaira Cest pour faire un ornement a peu de frais La farine nest bonne en cecy Ains la croye ou ceruse

Couleur dor sans or sur largent Colore ton argent de foeille aplique avecq de la terre emerita et estant sec donne une main de vernis daspic et de sandaraque Et il sera plus beau quor bel

Couche dor bruny sur le papier Fais ton assiete damydon destrempe en eau & ton or se brunira fort bien Leau clere damydon couchee sur le papier puys seichee & reiteree en ceste sorte 3 fois est belle couche pour lor bruny sur le papier simple & na point de corps

Oster taches La bonne eau de vye les oste si tu en frottes le vestement

Assiete dor Terra emerita broyee avecq un peu de safran le tout destrempe avecq colle forte fort clere & passee par un linge

Extraction dhuiles Les apothicaires disent que toute chose qui nadhære poinct au mortier en le pilant est oleagineuse

Sang de dragon Ayes de la larme diceluy bien choisie qui demonstre son rouge transparent Et mets dans une bouteille de verre dans suffisante quantite de la meilleure eau de vye que tu pourras Car icelle Et lestouppe bien et si diligemment quil ne sesvente poinct Aultrement il ne vauldroict rien Et le laisse ainsy longuement Car tant plus il y demeurera il sera plus beau & meilleur & se dissoubdra sil est bon Sinon il viendra comme lie de vin Quand tu en vouldras user fais un petit pertuis au tapon de la bouteille & en verse un peu & le rebouche a chasque fois puys laplique sur lor Le bon sang de dragon se trouve a grands lopins comme pieces de torteau cestuy la ne vault rien et est sophistique & estant rompu il monstre par les costes des escailles transparentes comme ro esmail rouge cler il est aussy grumelle en quelques endroits comme petits rubis Il fault que leau de vye soict fort ardente & de plusieurs passes Le plus obscur sang de dragon est le meilleur & ha plus de taincture cest la larme qui se trouve a gr lopins comme poix et grosses noisettes qui semble

Je lay mise dans eau de vye commune y meslant un peu deau fort pour luy donner force Au coman cement leau tira un peu de taincture Mays en fin il ne se trouva quune aparence de gomme dragant avecq laquelle je croy quilz sophistiquent le sang de dragon Le posant sur lor bruny il est subgect a sesclater Et pour ceste occasion aulcuns couchent dessus du vernis de tourmentine Le froid retarde que leau nopere et face extraction de la couleur Et pour ceste occasion on la peult tenir aupres du foeu

Plomb Le meilleur plus gras & plus douls saporte dallemaigne qui nest pas en saulmon mays en lattes de la longueur du bras ou environ & de largeur de trois doigts Il sen porte a lyon Et de cestuy cy on faict a Noremberg la foeille des petits mirouers

Pintier Ils font leurs moules aussy de metal qui sont de plus grand duree & moulent plus net que le grais pourceque la vaisselle y vient sans baves & bien unye Mays cest pour les riches car un moule coste quinze ou seize frans On en faict principallement de metal pour bassins & esguieres & salieres & semblabes choses qui sont figurees Pour les pintes les moules se font de terre ardille blanche meslee de fiente de cheval & bourre & fort battue pourceque les pintes estant a demy rond enfoncees elles ne se pourroient pas bien despouiller dans le moule de grais comme dans la terre qui est doulce On faict bien le noyau du moule desdictes pinctes de grais Aulx moules de metal on faict des souspirails et on gecte a un coup qui est cause quau milieu du plat il ne se faict poinct une ligne noire enfumee qui vient de la vapeur & fumee du metal qui se gecte Qui est cause quen cet endroict louvraige est grumeleux & bien souvent perce Toutesfois ilz le reparent par la souldure du n comme dict est Ceste fumee se faict sur le milieu au droit du gect & aulx moules de grais La vaisselle se peult marteler mar pour estre plus vendable Mays elle nen dure pas tant Aulx branches de leur roue de fer ilz ont des coches selon la grandeur des plats & des assiettes Et quand ilz veulent apliquer

quelque escuelle ou assiette ilz eslargissent & deffont avecq un coup de marteau les coings de fer qui jouent aulx branches de la roue Et comme ilz sont a la coche et poincts quil leur fault il serrent lesdicts coings les coignant avecq le marteau Quand leurs plats ou escuelles sont este gectes resouldes si besoing est & repurges des baves dalentour avecq le souldouer chault & puys avecq une grosse raspe Ils ladaptent sur la roue & premierement ilz entournent leur desgrusoue desgrusouer dune corde grosse corde comme le petit doigt & lapuyent ferme sur la barre traversante pour le bien asseurer Et pendant quun aultre tourne la roue promptement ilz conduisent le trenchant de lesgrusouer avecq la main s au bord du rond cave & doulcement le conduisent jusques au centre du rond Et ce desgrusouer est pour oster les premieres peaulx rudes & grumeleuses de louvrage Et apres ilz lunissent avecq une fer coupant apelle la plane Le tranchant duquel ilz frottent avecq un peu de potee sur du cuir cloue sur un lopin de bois ayant Et ce en telle sorte que la chair ou fleur soict par dehors Car si le tranchant de ceste plane nestoict ainsy frotte & bruny il ne poliroit pas & bruniroit pas lestain au qui demeurroit blanc & non pas noir & bruny comme un mirouer Au surplus ilz reparent avecq ceste plane pour la seconde fois louvrage comme ilz ont faict avecq lesgrusouer Puys avecq un costeau ou aultre fer tranchant ilz raclent les bords des plats ou assiettes pour les adoulcir affin quilz ne se trouvent trenchants en les maniant

Leurs marteaulx doibvent estre bien unis & polis et si par cas fortuit la rouille les ou aultre usage les ha endomages ilz les polissent premierement avecq pouldre desmery puys les achevent de brunir & adoulcir avecq de la potee Aultrement ilz ne battroient pas net Il fault aussy que le plan des enclumes soict de mesme

Nouvelle vigne Estant bien prise si tu veulx quelle gecte force branches layant labouree mects a chasque pied deulx poignees de fiente de pigeon

Eaulx coulourees Lurine distillee Le vinaigre distille et leau de vye prenent taincture cærulee & verte de laes ustum pulverise et subtilement broye Et ceste taincture est cuivre rouge en sa resideue Si tu distilles les susdictes choses par filtre

Vernis durant a leau Le vernis de flandres faict de tourmentine & huile dicelle ou de mastic se peult oster et ne soubstient poinct a la pluye Mays celuy qui est faict dhuile de noix blanche comme tu la fais tient a la pluye t est fort cler & beau & bien tost sec Cest pourquoy on use diceluy aulx banieres & enseignes painctes quon porte a la pluye

Fruict de sucre On ne les paint pas au pinceau comme les aultres s choses de couleur destrempee pourceque le sucre se fondroit Mays on les frotte de couleur avecq le doigt

Painctre Les scribes font le renfondrement de la laque & aultres couleurs de vestements avecq du jaulne doeuf mays cela est tromperie et nest pas de duree Les aultres glassent avecq de la glaire doeuf les rouges de mine & daultres qui ne sont pas belles a huile M Et semble faict a huile Mais lhumidite corrompt tout cella

Broisses Prens de celles qui ont un peu servy aulx blanchisss de chaulx vive car lasperite de la chaulx & lusage les rend plus maniables

Paindre au naturel Il ne fault pas entreprendre dy travailler en temps obscur pourceque tu ferois tes carnations plus brunes quil ne fauldroit

Paindre daprest Pour le bleu ilz prenent de lazur desmail du plus gros & le broyent sur une escaille & y meslent deulx ou trois patenostres de roquaille ou plus selon la quantite de la besoigne Et ayant faict leur desseing de noir descaille (qui se paint vers le jour et la piece de verre droicte) Ils couchent toutes leurs pieces sur du papier blanc quand pour cognoistre par la blancheur du papier le jour de leurs histoires et as y assoir les couleurs qui sont dune sorte tout a un coup Puys ilz recuisent

Corps de cuirasse Les lames haultes de lespauliere du brassard sont comme chef doeuvre des maistres car il fault que ces pieces soient fort exactement vuides & adjoustees affin que le mouvement soict libre Les corps de cuirasse doibvent estre fort uniment battus & menes avecq le marteau Les morrions de milan sont tous dune piece & par ainsy meilleurs que ceulx qui sont de deulx

Painctre Aussi tost que les couleurs des tableaulx sont bien seiches Les flamans les vernissent pourceque elles ne se meurent point plus quelles sont & demeurent en cet estat Celuy qui scaict bien travailler a destrempe travaillera bien a huile Mays au contraire celuy qui scait bien travailler a huile ne travaillera pas a destrempe

Pour coucher lor a destrempe Les scribes & painctres vulgaires font de la batture cest colle de menusier destrempee en eau sur le foeu mediocrement claire meslee de fort peu de miel cest a scavoir quelques gouttes pour faire griper Et en forment des lettres ou ce quilz veulent dorer avecq le pinceau Et bien tost apres couchent lor Mays jamays ilz ne font leur ouvrage bien net Et sil y a beaucoup de miel cela ne seiche qua grand peine Ceste couche se deffaict a la pluye Aultres font mieulx Ilz destrempent du sucre candy en eau et le meslent avecq de la sanguine quilz appellent cocon fort braye y adjoustant un peu de savon Cestuy se faict net & rend lor beau si on en faict son assiette

Faiseur de natte Ils en font a thoulouse de deulx sortes lune pour tapisser la paroy des chambres quilz tissent deliee comme presque les pchappeaulx de paille que portent les villageois Et la font en longues listes les unes de la largeur de dix b pailles les aultres de treze Et principallement y travaillent ilz leste Et lhyver lorsquilz la mectent en besoigne ilz la cousent Mays plustost ilz la mettent en la taincture et en font communement de trois couleurs Verte rouge et quelques fois violette La verte se faict dans la seule taincture du pastel pourceque le vert se faisant de jaulne et de bleu Le pastel se deschargeant sur la paille qui monstre son jaulne bruny. Il se faict un vert gay Pour le rouge ilz usent dalum et bresil pour le violet ilz employent le pastel & un peu de coupperose qui brunist par sa taincture noire le bleu

Vitrier Ils nont poinct linvention de faire un rouge parfaict en besoigne quil fault recuire Toutesfois essaye le rouge dallemaigne qui est rouge descaille Ils font leur rouge commun avecq de la sanguine estain de glace rocaille litharge & un peu descaille de fer. Ledict rouge se charge dun coste & daultre du verre affin quil aye plus de couleur sil nestoit charge que dun coste il seroit trop orange pasle

Fondeur Ils acheptent xx lb le quintal de rosette laquelle est plus dure a fondre que le laicton a cause quelle est doulce Car tant plus les grands metaulx # sont doulx tant plus ilz sont doulx difficilles a fondre Lestain de cloche qui est estaim fin est plus et qui est aigre est plus ayse a fondre que le plomb qui est doulx Le laicton aigry par la calamine est plus tost fondu que le cuivre rouge Le metal qui est matiere de cloche mesle destain et fort aigre est bien tost fondu Tant plus largent est allie tant plus tost il se fond cest pourquoy la souldure sen faict En allemaigne ilz font des chandeliers fort legiers cest pource quilz les tournent par le moyen de leau mays ilz sont frangibles Le quintal de fine rosette de per chauldronier se vend xxx ou 40 lb Daultre dont les fondeurs usent se vent xii ou xv lb Le quintal de metal six lb Le met # Or argent cuivre leton fer

Cousteau pour couper le nes ou un doict

Cest un cousteau bien fourby cloue de telle sorte par le milieu quil joue aysement dun coste & daultre & se cache tantost du coste de A tantost du coste de B dans son manche marque C Les deulx tenons que tu voys au bout du cousteau servent a le faire arrester dun coste ou daultre a un clou qui est au bout dudict manche Affin que quand on veult pousser fort sur quelque chose pour la couper il ne passe pas hors du manche Tu peulx bien faire couper mays non guere pour faire monstre le coste marque B Mays il ne fault pas que le coste qui est encoche A et marque A tranche il cest asses quil soict bien fourby Et fault aussy que la coche soict espesse comme le dos dun costeau affin quelle ne puysse fayre mal Et tu monstreras seulement lendroict du cousteau qui nest pas encoche Car il fault que le coste de la coche soict mar cache dans le manche Et quand tu vouldras coupper le nes ou le doigt fais semblant desguiser ton cousteau sur la cuisse Et en en ce faisant tu tourneras le cousteau dextrement & lendroict de la coche que tu couvriras l dun doigt te viendra en main Et tu poseras la coche coloree de rosette de bresil ou du jus de cerises noires sur le nes Il ne fault pas que le Maistre gonnin samuse a regarder ce quil faict Mays regarde les spectateurs leur donnant force bons mots de passe passe affin quilz le regardent au visage & non pas a ses mains

X Pour rallumer une chandelle estainte entre les mains sans soufler

X Ayes un petit baston douzier entre bien sec et en couppe une petite piece comme un curedant & la m mects lun bout entre lindice & le grand doigt et enlasse les deulx mains les doigts bien joincts et les passe dextrement aultour de la chandelle allumee comme si tu len voulois couvrir & ton osier sallumera & soubdain retire les mains jo ainsy enlassees & soubdain tue la chandelle Et puys remects tes mains aultour comme si tu la voulois couvrir & ta petite lumiere de lumiere pde losier par le moyen de la fumee que tu retiens avecq les deulx paulmes la chandelle sallumera puys soubdain estains ton ozier & le jecte secrettement

Pour fayre sembler que a quelquun quil aura une piece dargent au front Ayes un gecton ou piece dargent et la mouille et te la fais tenir contre le front Puys dis a lassistant que si tu la luy mects ainsy sur son front quil ne la pourra faire tumber sans y porter les mains quelque secouement quil fasse de la teste Et faisant semblant de la luy poser sur le front retiens la dans la main & mouille ton pouse de ta salive puys le presse bien fort sur le front Et pensant avoyr la piece au front a cause de la froideur de la salive Il secouera les oreilles & nadvancera rien

Pour fayre sortir du front de quelquun du sang ou du vin ou dune muraille

Ayes un ambu ou entonnouer de fer blanc qui soict double quand au corps d mays non pas la queue Au bort du hault fais quil y aye un petit pertuis & au un aultre un peu plus grand a la doubleure de dedans qui soict un peu plus hault que le bout ainsy que tu peulx voir a lexemple cy apose Puys quand tu ten vouldras servir Mays dedans du vin ou de la rosette liquide de bresil ou du just de cerises noires Et tenant le du petit doigt le pertuis de la queue bouché fais que lambu soict bien remply affin que le vin en puysse entrer en la doubleure par le pertuis du bort & sil nentroict bien faisant semblant de taster du vin suppe & attire un peu lair a toy en beuvant a lendroict du petit pertuis Apres fais boire a lun des voisins assistans le reste du vin ou le jecte ou laisse couler par le bout Mays plustost il te fault avoyr mis le poulce bien presse sur le pertuis du bord den hault Car en ceste sorte par la compression de lair le vin se retient en la doubleure Lors avecq un poincon arrondy par le bout & qui entre dans son manche tu fais semblant de percer le front a un qui tient un verre en la main Et pendant que tu perces tu couvres ton faict avecq lambu que tu tiens pres du # # front puys ostant le poulce de dessus le pertuis du bord den hault lair estant libre fera que le vin sortira de la doubleure par le pertuis marque B & tumbera par le bout marque C dans le verre Mays il fault bien faire baisser la teste au pelerin pour bien faire

Pour dire a quelquun que mettant tenant le doit tousjours au front tu lempescheras de sortir dune chambre X Fais luy embrasser la quenoille du lict ou chose semblable & que du mesme bras il tienne le doigt au front

X Gaiger a quelqueun que se promenant jusques a tel lieu et en revenir il ne dira point quattre fois de suite botte sans esperon X Sil sessaye de le dirae mays il fault quil parle hault quand il sera alle & revenu tu luy diras quil ha perdu pourcequil falloit quil dict quattre foys botte sans dire esperon car ta gageure est telle

Faire tenir un chandellier contre la muraille sans y fayre trou X Fais le tenir par un vallet contre la muraille

X Ne casser point un verre dune busche ou dun gros baston X Tu en coupperas un petit loppin gros comme un curedent & ainsy luy donneras dune busche ou dun gros baston avecq quoy il ne cassera point le verre

Escripre subtillement Couppe de longs listeaulx de parchemin subtil & les marque selon lordre de leur suicte de A B C & cætera puys les fais couldre dans la lisiere dune chemisse de grosse toile comme pour un messager lequel si tu veulx distraire sa chemise nen scaura rien

Pour fayre fondre ou transmuer une bague mise dans une boitte

Ayes une boitte de buys rayee a cercles comme tu voys dans laquelle entrera une aultre petite boicte fort a layse comme celle que tu voys marquee B et fais quelle ne touche pas le fonds de la grande marquee A mays quil y aye quelque distance Il fault aussy que ce qui entre dans la grande boicte soict bien uny Mays que le bort soict faict a cercles affin questants joinctes Il semble que ce soict une mesme boicte Il te fault aussy avoir un couvercle de cuir rond de la longueur de la boicte comme tu voys marque C qui entre bien a laissse & entourne bien les dictes boictes ainsy mises lune dans laultre Et plustost que faire ton jeu de passe passe il fault que tu mectes au fonds de la grande boicte de la pouldre dor ou dargent ou du mercure amalgame avecq argent Et puys poses la petite boicte marquee B dessus Apres tenant la boicte avecq le doigt indice dessus tu la presente Et ne voyant que le fonds de la petite boicte marquee B on y mect une bague ou chose semblable Ce faict posant ta boicte sur table tu la couvre de la boicte de cuir Et faisant les mines requises tu osteras la boicte de cuir & sans monstrer le dedans la poseras sur la table & feras recognoistre la bague au mise au fonds de la petite boicte marquee B puys tu remettras doulcement la boicte de cuir & apres avoyr dict inhonorificabilitidinitadtudinibus tu prendras avecq les deulx doigts lextremite de la boicte de cuir avecq la et la serrant plus que de coustume tu d enleveras pe quand & quand la petite boicte qui est dedans & qui contient la bague & mettras doulcement le tout sur la table puys verseras la pouldre ou amalgame qui est au fonds de la grand boite puys remettras la boicte de cuir avecq celle qui est dedans comme elle estoit au commancement Puys ostant la boicte de cuir sans oster la petite tu monstreras la bague qui est au fonds revenue en son premier estat tenant le doigt indice sur le bord de la boicte affin quelle ne coulle

Pour dire a quelquun que tu luy monstreras enseigneras une chose quil ne scait pas ne toy aussy Ayes une fisselle ou petit baston et prens la mesure despuys le bout de loreille jusques au bout de son nes puys luy fais voir Ainsy tu luy enseigneras ce que tu ne scavois pas ne luy aussy

Pour fayre soubstenir un seau deau sur la poincte couchee de trois cousteaulx sans toucher a terre

Selon la force de tes costeaulx ou de cuisine ou de table tu feras soubstenir un grand pois sur leur poincte couchee & disposee en triangle trenchant contre trenchant comme tu vois & ilz ne toucheroient poinct a terre Et si les ayant ainsi disposes tu les tournes de laultre part sans les desjoindre les bouts des manches pourront aussi soubstenir poix sans toucher a terre Tu peulx bien aproprier cella a aultre usage avecq des piques avecq des soliveaulx ou faire promptement un trepied au camp avecq trois poinctes dhalebarde Si le tranchant du costeau marque A regarde de la droicte a gaulche le bout des manches se leveront Mays si le tranchant du mesme costeau regarde de gaulche a droicte les poinctes sesleveront

Pour faire bouillir sans foeu dans de leau froide un oeuf Vuides un oeuf par les deulx bouts si bien quil ne demeure rien dedans puys lemplisses de chaulx vive & de soufre vif puys estoupes les trous de cire & le mectes en eau de sorte quil nage deulx ou trois doigts

Pour faire sortir les connils dun terrier Prenes du brassier dans un pot & ayant mis du soufre dessus mettes le dans les terriers & le bouches de quelque legiere chose

Pour garder quelquun de ne manger dune viande Faictes seicher de la racine de pied de veau aultrement jarus & en saulpouldres la viandes a quoy il ny a poinct de dangier Voy Mathiol

Pour fayre transmuer du bled dun vaisseau a aultre

Ayes deulx petits boisseaulx de boys de pareille grandeur qui soyent par le dehors du fonds caves de lespesseur dun dos de cousteau ou plus Lun diceulx demeurera vuide & au fonds de laultre tu colleras des grains de bled avecq de lamydon de sorte quil soict tout couvert de grain & il semblera en estre plein Ayes aussy une cloche de boys dans laquelle tu mectras aultant de grain quil en pourra demeurer en la capacite dun des boisseaulx Et par dessus mects une piece de cuir simple qui entre justement dans la cloche Mects tout dans un sac ou serviette ou mouchouer plie si tu ne veulx employer la gibessiere de Maistre gonin Montre premierement le boisseau vuyde puys en presence emplis le de grain puys remects le dans la serviette Apres laisse y cestuy la & prends celuy ou est colle le bled avecq amydon & il semblera que ce soict le premier remply de bled Mects le soubs un chapeau & pose doulcement la cloche sur la table pour la premiere foys Et si tu veulx monstre promptement & sans arrester le fonds qui sera couvert de cuir blanc de la couleur du boys Puys faisant semblant de monstrer le boisseau qui est soubs le chapeau tu le tourneras dextrement du coste quil est vuyde & le laisseras couvert puys commanderas que par invisibilium le bled passe dans la cloche de laquelle tu fraperas un peu auparavant sur la table un peu fort & le bled tumbera au fonds & couvrira la piece de cuir Puys leve le chapeau le boisseau semb se trouvera vuide Et la cloche plene de bled que tu racleras dextrement avecq la piece de cuir

qui ne se voye poinct & jecteras tout subtillement par gentilesse dans le sac ou gibbessiere

Pour fayre transmuer une boule en un de a couldre subtil

de cuir

Fais un petit estuy de cuyr simple comme de vache ou marroquin asses espois hault de trois doits cousu comme le doigt dun gand & de telle largeur que deulx pointes de doigt y puyssent entrer & qui au bout qui est un peu fronsse a un trou rond de la largeur dun double liard Ayes un deulx boules de buys semblables & que lune soict creuse & ouverte dun trou rond seulem par un coste de sorte que le de a couldre y puysse entrer Doncq quand tu vouldras jouer Tu mectras ton estuy de cuir sur la table avecq la pillotte qui nest poinct creuse Passe le baston par dedans lestuy de cuir pour monstrer quil ny a rien monstre aussy la pelotte ronde Et tiens celle qui est creuse & qui ha dedans soy le de a couldre entre le petit doit & lannulaire Et ce de la main droite de laquelle tu tiens le baston Apres tu prens ton estuy de cuir & le pose sur la pelotte creuse qui est entre les doits & faisant semblant dy mettre de la pouldre doribus dessus tu remects le moule de cuir qui contient la pelotte du de sur la table Puys tu prens la pelotte ronde & massive demeuree sur la table Et luy commandes de entrer par dessoubs la table dans lestuy de cuir Puys levant le cuir elle semble estre celle mesme combien que ce soit la creuse Puys tu la recouvres & luy commandes quelle se fasse invisible Et lors levant lestuy en pressant tu enleveras quand & quand la boule & l la remectant avecq lestuy a part & a Il se trouvera en sa place un de pour les dames a qui le cul faict mal cest a dire le cul de lesguille

Fondeur Les pots de cuisine se font bons pour ne donner poinct mauvays goust a la viande avecq du mesme metal duquel les cloches se font Il est vray que pour les rendre plus vendables les fondableseurs y meslent plus de letton pourcequilz sont plus jaulnes Mays le letton de soymesme & a son seul attouchement est puant & de mauvaise odeur Le letton ne perd point ou bien peu sa calamine au four a vent quand il se fond au creuset ne gueres au four a boys Mays bien au four a souflets pourceque les souflets donnent feu de chasse

Four a vent Il fault quil soict plus estroit a la gueule quau fonds Et cest asses que le creuset puisse entrer dedans & quil y aye espasse pour le retirer & prendre avecq les tenailles

Verre de vitriers On dict quen lorraine & en flandres le verre de bien se faict de cendre de feugiere & de caillous Et que premierement ilz souflent une longue vessie laquelle un aultre ouvrier avecq de longues forces fend & couppe tout du long Puys ayant pose ceste longue vessie fendue sur une pierre ou platene large qui est dans le four un peu moings chault que de la fonte Elle se laisse dilater Et encores oultre ce ilz laplanissent avecq une longue & grosse verge de fer ronde Puys la retirent au four a recuire Il sen faict de mesme en angleterre de plus beau Aupres de rouan en France Le verre de plat se faict avecq sel de salicor & caillous qui est plus blanc & plus tendre que cestuy de lorraine Car le verre de plat se peult fondre a la chandelle & non pas cestuy de lorraine Celuy de plat se soufle en longue vessie de laquelle un aultre coupe le bout puys le soufleur en tournant laplatise & en touchant sur un plan qui est a terre A puys la met a recuire Ainsy le milieu par ou elle se commance demeure tousjours Le verre se peult refendre avecq la lumiere dune chandelle en mouillant Mays non pas si justement quavecq le fer chault

Fondeur Le metal se blanchist tant plus il est refondu pourceque lestaing ne sen va poinct ains se mesle dadvantaige Et le tenant long temps au foeu la crasse se mange qui est ce qui le faict aigre Si tu veulx chasser lestaing davecq le cuivre apres quil est bien chault jecte y souvent du salpestre cela seul & non le foeu le separe & le purifie & mange la crasse Le metal se gecte bien net Le cuivre est subgect a soufler Mays pource quil est douls cela se repare avecq le marteau

Medecine pour lestomach qui leschaufe et desopile le foye Ayes Ayes de labsinthe en pouldre dissoubs la en cirop de capilli veneris ou de confitures & en fais oppiatte duquel tu prendras une foys la sepmaine dans une ostie trempee de vin puys tu pourras boire un doigt de vin trempe suffisamment Cela dissipe la pituite & les vents qui en proviennent Tu peulx prendre six grains de poyvre & rapper leur escorce de sorte quilz soient unis & les avaller sans mascher cela profficte a lestomac sans eschaufer le foye

Foeilles pour le les pierreries Estant faictes il ne les fault pas tenir dans aulcune caisse de fer ne de metal car cela les faict tacher Mays en quelque boicte de

Pour garder que les chandelles ne degoutent et les fayre blanches Les ayant faictes Mects dans le moule de leau fresche bien battue avecq du son qui ne soict pas du tout repurge de la farine de sorte que leau soit blanche Et trempe tes chandelles la dedans puys les laisse seicher Et fais ainsy deulx ou trois fois

Jardinier Pour bien semer les melons il fault que ce soict a la fin de la lune Car aultrement ilz boutteroient trop de foeilles & ne raportero pas tant de fruict Fays de deux doits en deulx doigts de petites trous avecq un piquet & mects en chascun deulx ou trois graines Apres ayes de la terre fort deliee & remplis en legerement les fossettes Apres espands sur tout lespesseur dun pousse dhavets cest a dire balle de fl bled Affin que la pluye survenant ne batte poinct la terre & nempesche leur naissance Les havets attirent les rats mulots qui mangent les graines Et pour obvier a cela ilz les fault mouiller des decoction dabsinthe

Vitrier Aulcuns ne chargent poinct de gris descaille le verre pour travailler daprest Ains trassent sur le verre net avecq du noir a huile Mays il fault bien que le bois soit desgraisse car sil a tant soit peu de graisse la couleur ny prendra aulcunement Et mesme si le vitrier qui travaille a puanteur de nes ou de bouche la & quil alene sur le verre la couleur ny prandra point Ceulx qui ont trouve linvention de travailler en petite besoigne desmaulx attandris Nemployent que lesmail dazur qui est le bleu & lesmail colombin qui est coleur de pourpre Lesquels ilz attendrissent avecq de la rocaille ou verre de plomb Quand au jaulne ilz le font dargent Le rouge de sanguine comme est dict ailleurs Le noir & gris & umbres avecq le noir descaille ou fort ou foible La carnation avecq la sanguine claire Le vert se faict premierement de jaulne puys dessus ilz couchent de lesmail dazur ou fort ou foible selon quilz veulent faire gay ou obscur

Ambre jaulne Il se taille aveq la lime puys on passe un certain sel pulverise par dessus quun anglois apelloict desramonet Mays je cuide que cela estoit ponce pulverisee car elle avoict asperite darene Et avecq une corde tendue il polissoit son ambre puys y passoit du tripoli de bretaigne avecq le doigt Daultres avecq un cuir ou une cane Lambre perd sa couleur si quelque personne mal saine le porte & devient blanchastre Mays pour le remettre il le fault faire tremper une nuict dans de lurine puys le faire bouillir un peu dedans

Saphir Il se trouve des saphirs quon appelle de treille pource quils sont perces et quon dict que certain roy en avoict faict certain ornement en forme de treille comme seroict peult estre lescran de charlemaigne ainsy nomme au tresor de Saint denis ou les pierreries sont mises en oeuvre sans foeille affin den avoyr la jouissance du jour dune part & daultre & pour monstrer leur naifvete Jen en ay un blanc qui semble estre brut & perce et est mouschette de tasches bleues par tout Jay opinion quelles soient artificielles & quelles soient de taffre ou desmail azure fort cler parfondu sur le saphir la lime y mort comme sur le beril

Safran Il se contrefaict & saugmente avecq des foeilles de soucy a demy seiches & retorses comme un fil & mises a seicher au plus chault soleil & se mesle & ledict soucy donne mesme quelque taincture

Saphir Les tailleurs de pierre quelques foys choisisent de vieux lopins de vittres antiques aulx fenestrages des eglises qui sont beaucoup plus espesses que celles daujourdhuy & sont de plus naifves couleurs Si cest pour souf saphir ilz choisisent de beau bleu & de tel endroict quil ny aye point de pieces grains sil est possible Et layant couppe en quarre avecq lesmery il le taillent a biseaulx & le polissent Et en ceste sorte ilz contrefont de tresbeaulx saphirs Le vieulx esmail dazur pour argent tirant sur leau marine estoit fort propre pour contrefaire des saphirs mays il ne sen trouve guere On contrefaict des eaulx marines avecq du verre blanc mays ilz le prenent au cul du verre

Ambre La couleur orangee qui est a lambre transparent et a laultre qui a corps nest pas interieure Car par dedans il est blanchastre Mays par viellesse il ou en le portant il adquiert ceste crouste rousse Cest pourquoy ceulx qui le taillent avecq la lime ou sur la roue Nostent poinct sil est possible ceste crouste Ains seulement le polissent le frottant avecq un baston de saul ou aultre bois dous saulce dans de leau & saulpouldre de tripoly de bretaigne Et il prend beau polyment Sil est trop jaulne paille & que tu luy veuilles augmenter la couleur pendes le au dedans dune cheminee ou il aye force suye & fumee Et il prendra couleur rousse orangee Essaye de prendre le plus blanchastre transparent Et le mects verdir sous le fient comme les os Ou bien fais le fumer en lieu clos a la fumee du safre ou du manganese & aultres drogues que tu scais Ou dans urine & vinaigre distille mesle de couleurs ou a la vapeur deau fort bouillant dans du cuivre ou eau fort bouillant avecq de largent & sel armoniac & Aulcuns taillent lambre a faces sur une roue de bois dous avecq de la potee au lieu desmery & le jayet aussy Le sel appelle de langlois de armonic est sel mineral qui semble pierre de mabre et est mineral fort dur a grands pieces comme celuy de cardonne & monserrat Jay experimente que le faisant bouillir en lexive ou eau corrosive il devient roux en la superficie Et sil est frotte contre du sapin & boix douls plustost questre refroidi il se taille aysement

Couleur noire pour taindre Prens lessive de chaulx vive & litharge mesle & destrempe & tu feras taincture tanee & la reiterant tu feras noir Essaye daultres couleurs avecq la lessive de chaulx

Contre seignee du nes et pour taincture Pile de ceste espece de vinete ou lapathum acutum qui est vene de rouge quon appelle sang de dragon Et laplique de sur le front de celuy qui seigne Ceste herbe a force taincture & faict beau violet

Beaulx artichaulx Il les fault espurger tous les ans de sorte quil ny demeure quun pied & les arrouser fort L En replanter aussy tous les ans car la seconde annee ilz porteront fort beau fruit

Planter abres On dict que rarement labre plante le jour de Saint paul fault a prendre & pour couvrir les ampeaulx la fiente de boeuf est fort propre pource quelle ne se deffaict point a la pluye comme la terre

Marchant Ceulx qui vendent par le menu les velours & es aultres estoffes ne font poinct de livre double pource que vendant par le menu & en detail ce leur seroict trop de pene Ilz ont seulement leur lb de vente & leur livre de raison Mays ceulx qui vendent en gros & ceulx qui trafiquent de pastel ont double livre

Escarlates Pource que laulne couste a taindre sept ou huict lb Ils y employent des draps de sept ou huict frans laulne Mays qui en veult avoir de belle se la quil achepte du drap blanc de quinze frans laulne & la face taindre avecq pastel pur descarlatte & un peu de cochenille Le drap noir se trouve fort fin pource que la taincture est a bon marche

Orfevre Ils assemblent la limaille dargent avecq du salpestre qui laffine & ne laigrist poinct Mays la limaille dor sassemble avecq du borras ou pour espargner le borras avecq du plomb qui affine lor & ladoucist Car le salpestre laigriroit ce quil ne faict pas largent Cest pourquoy pour espargne les orfevres en usent pour le rassembler affin despargner le borras qui couste viii sols lonce & le salpestre x sols la lb Quand les orfevres ont ainsy assemble leur limaille dargent avecq le salpestre il se vitrifie au fonds du creuset un esmail rouge Je ne scay si le cuivre mesle parmy largent en est cause Essaye pour lesmail

Pastel Il se cultive en lauragues ou le fonds de la terre est si fertil que si tous les ans on y cultivoit le bled il se coucheroict pour estre trop gaillard Cest pourquoy alternativement on y faict du pastel puys du bled Pour la culture du pastel on laboure La terre avecq des palles fer comme les jardiners Apres avecq des rasteaulx on lesmotte & on la subtilie comme pour semer quelques herbes potaigeres On le seme communement a la saint Anthoine de Janvier on en faict huict racoltes Les premieres sont meilleures Le meilleur pastel de lauragues est celuy de carmail & celuy de auraigne Et quelques foys le pastel est bon en un champ & en celuy qui est proche il ne vauldra gueres La bonte du pastel se cognoist quand estant mis en la bouche il rend goust comme de vinaigre Ou quand en lesmiant & rompant il ha quelque veines comme moisies qui sont comme dorees ou argentees On lespreuve a la cuve des tinturiers Et pour en charger une cuve il en fault six balles La on y teint plusieurs floquets de laine Et sil tainct quinze fois il est dict estre de quinze florins sil donne xx tainctures de xx florins Le bon tainct jusques a 30 foys & communement jusques a xxv ou 26

Esmail Lesmail prend plus volontiers sur le cuivre que sur largent il est vray quil fault que la taille soict bien creuse & rude Lazur en corps & le rouge quon appelle gueule lesmail blanc & le verd espes y prenent fort bien Ayant esmaille on dore les foeillages de la taille Le cuivre a mesme durte a tailler que largent fin ou lor de pistolet

Couleurs sur verre denlumineure Affin que tes couleurs a tourmentine ne sespandent pas & soient unies mesle y avecq la tourmentine un peu de larme de mastic

Trasser sur le verre quelque histoire Si tu veulx trasser sur le verre quelque histoire de taille doulce Tu le peulx faire en plusieurs sortes Pose ta table de verre sur le plus tanvre que tu pourras sur lhistoire imprimee & ayant bien nettoye le verre avecq lessive & cendre de sorte quil ne soict point gras trasse sur les lignes qui te sont apparentes avecq du noir a huile ou du noir descaille avecq le pinceau si tu veulx paindre de couleurs en la facon que font les vitriers qui lavent leur table de verre de noir descaille & puys esgratignent & descouvrent ce quilz veulent coucher de couleur laissant ce qui est necessaire pour les umbres Mays si tu veulx faire histoires dorees sur le verre avecq fonds de couleurs qui imitent la taille basse des orfevres Dore avecq eau gommee ou suc dail ou laict de figuier toute ta planche de verre Puys humecte entre deulx linges mouiller ton histoire imprimee Et lestends sur le verre dore puys avecq une espingle manchee au bout dun petit baston suys les lignes de ton histoire comme si tu la voulois poncer & ainsy tu la trasseras naifvement sur la doreure du verre & apres tu descouvriras le fonds & ce qui doibt estre vuide avecq une aleine dacier bien poinctue & resuivras nettement les traicts & acompliras ton ouvraige & feras tes visaiges & carnations dargent moulu Puys rempliras le fonds dazur desmail ou de verdegris ou de fine laque platte platte destrempee avecq tourmentine clere meslee dun peu de larme de mastic si tu veulx que les couleurs soient plus unies & ne sespandent poinct Apres couche au dos du verre & sur les couleurs une foeille destain blanche Et cela sec tu pourras couvrir de couleur la foeille destain de pour cacher ton secret La foeille destain donne jour aulx couleurs Ainsy tu pourras paindre sans estre

gueres expert en la paincture Si ta planche de verre est emboutie comme prinse du ventre de quelque bocal elle sen monstrera mieulx Quand tu couches tes couleurs a tourmentine sur tes planches de verre pose les premierement sur un quarreau chault & comme elles seront eschaufees estans tes couleurs & le laisse un peu sur le quarreau puys pose ta foeille destain

Taincture Aulcuns prenent la racine de lapathium acutum majus qui semble la rheubarbe des moynes ou vinette & de la racine qui est jaune leste ilz en taignent du filet & choses semblables

Eau fort Aulcuns mectent sur pour quatre lb de matieres deau fort quattre qui sont dans la cornue quattre onces deau commune dans le recipient qui est mieulx que le mectre dans la cornue On faict deflegmer & calciner lalum affin que leau naye pas tant de feces plusieurs la font sans deflegmer lalum

Vinaigre On tient pour asseure que jec faisant rougir du sel mineral qui retire au mabre & quon appelle en Cataloigne & a la frontiere despaigne sel de Cardonne & le jectant dans du tout rouge ou bien chault dans du vin quil le rend fort bon vinaigre Aulcuns en font avecq de leau mise sur la rappe aigrie apres avoyr este pressee des vendangeurs Mays il nest pas de duree & se gaste aulx chaleurs & tonnerres

Boutons de vermeilles Pourceque les vermeilles ne craignent point le foeu on les taille a losange plate dun coste puys on les joinct en estoille dans paste desmail broye apres on le parfond & on dore lesmail dor de foeille quon recuist

Grottes Pour remplir quelque lieu vuide qui ne peult pas estre charge de quelque roches pendant on mect pres du foeu un lopin de parchemin espes qui se retire & samoncele puys on le painct a destrempe puys a huile apres on laplique