Drap damassé Tu peulx damasser un drap de deux differentes couleurs, et imiter la broderie sans adjouster aulcune chose à iceluy, en ceste sorte. Comme il est tainct en jaulne, ponce dessus tel patron qu’il te plaira. Puys tu faulfileras de la fisselle ou plus grosse cordette sur le poncis, et le boutte en la teincture de guesde ou pastel, & il se fera vert, hormis ce qui est dessusoubs la fisselle qui demourera jaulne à cause que la taincture verte n’y aura poinct penetré. Ainsy pourras tu fayre des aultres couleurs, et au lieu de corde ou fisselle, adjoustes sur la premiere couleurs des pieces de meschant drap taillées en forme de moresque. En ceste sorte tu auras de la broderie à bon marché.

Gecter en fonte On gecte les chandeliers et petits ouvraiges en chassis avecq du sable. Et aprés avoir emprainct l’ouvraige, on le saulpouldre de farine affin de mieulx faire courre lae metal cuivre ou letton. Quand le sable a servi un moys, il en fault prendre de recent pource que celuy qui a servy, se recuisant au feu +, se desseiche & perd sa lyaison. Touteffois il sert à mesler parmy le nouveau, car il faict que la besoigne ne soufle pas tant. On gecte en terre les grands ouvraiges comme artiglerie, cloches & choses semblables, & le cuivre gecté en terre ne faict pas tant de chappe et est plus blanc que celuy qui est gecté en sable. La terre est ardille sabloneuse meslée de fiente de cheval & de bourre. Celle qui est a servi à la fonte, qui est noire, cuicte & comme bruslée, se gecte meslé parmy les sables artificiels & est fort bonne. / Pour adoulcir & faire courre le cuivre on y gecte, estant fondu, un peu de plomb qui ne s’alie pas mays se trouve à la superficie du gect. + à la chaleur du metal fondu

Gecter or et argent Il fault que le sable soict de chose fort seiche & aride & bien recuite au chassis, car si elle estoit humide comme le sable des fondeurs, l’or ou l’argent saulteroient & porteroient dommaige. Il est besoing aussy que la terre suppe le metal, car l’or ou l’argent gecté est se rend fort spongieulx. C’est pourquoy il le fault rebattre, aultrement il est frangible, comme on voict aulx manches de cuilleres.

Tablettes Il s’en faict de buys marquetées d’ebene, sandal, yvoire ou d’or et d’argent comme damasquine. Puys on y escript avecq une poincte d’argent, et aprés on l’efface avecq de l’os de seiche, les en frottant.

Lettre, plus lisable On taille les plus grandes pieces de beril ou cristal en rond d’un costé & de plat par l’aultre, puys on l’enchasse avecq un petit manche et on assoict le costé plat sur la lettre.

Stamper Si tu as quelque medaille de bronze & que tu la veuilles fayre fort legere, fais en un cave de plomb, puys estands sur iceluy du clinquant ou des lames de plomb ou d’argent recuit recuit & pose ta medaille de bronze dessus & frappe avecq un mail de bois.

Ramolir la corne Ceulx qui acou mectent en oeuvre les agnus dei & font des cercles de corne pour certaines petites boictes ramolissent ladicte lesdicts cercles les mectant seulement tremper dans l’eau chaulde & les façonnent aprés sur un triboulet en rond ou faict en ovale.

Oreilles Quand quelque defluxion y vient, il se fault bien garder d’y rien mectre dedans, et selon le proverbe à l’oeil & à l’oreille il n’y fault toucher que du coulde. Touteffois, à l’oreille affectée est bon de mectre du cothon musqué, c’est à dire tenu parmy du musc, car il conforte bien fort.

Mal des dents Aulcuns mectent une gousse d’ail dans l’oreille qui est du costé que la dent faict mal, & en deux ou trois heures ilz s'en trouvent bien. Aultres mectent dans la narine qui est du costé de la dent qui deult de la peau verte raclee deu serment de visaube, sçavoir celle qui est soubs la grise qui semble sarment.

Fonte de fer doux Le commun estime que le fer, une fois fondu, ne se peult refondre, pource que ilz ne le chaufent qu’à petites forges où il ne faict que prendre ignition. Les alchemistes se promectent de le faire fondre avecq du realgar ou du plomb ou de l’orpiment meslé. Mays sans tout cela, aulcuns ont trouvé la maniere de le faire fondre non seulement le fer aigre, comme celuy de pots de fer, mays le fer douls, comme d celuy de gueuse & de barre, qui est le plus malaisé. Et pour cet effect, ilz font un fourneau en ceste sorte, qui ha un pan & demy de large & un pan & demy de deulx pans de profond. Et la tuelle, qui est le canon par marqué A, par où les tuyaulx des souflets s’emboictent, doibt estre posée au milieu de la profondeur du fourneau, de sorte qu’il y aye un pan de gueule de four sur la tuelle & un pan dessouls. Chasque pan de gueule de four en quarré contient un quintal & demy, & le pan du fourneau rond en tient deulx quintals.

Les minerons, pour fayre courre le fer, mectent à la bouche de leur fonte deulx ou trois poignées d’hiebles, comme ilz veulent faire courre la fonte. Et cela rend le fer merveilleusement ductible & courant.

Il fault aussy que la tuelle entre jusques au milieu de la gueule du fourneau, qui est un poinct principal du secret, pource que le vent vient à fraper sur le bord & muraille qui faict le ventre du fourneau, & par ce moyen se repand esgallement partout & en hault, comme la flamme dans un fourneau de reverberation, & par ce moyen eschaufe beaucoup plus. Car si le vent battoit à plomb, la matiere fondue ou preste à se fondre, il la refroidiroict & empescheroit de courre & de se fondre. Il fault aussy que les souflets soict conduicts par le sault & cours de l’eau comme aulx forges, pource que en ceste sorte les souflets vont par mesure & compas & d’une grande vistesse, ce que ne pourroit f pas faire la force des ouvriers. On dresse doncq la muraille comme tu vois & le fourneau à la superficie de la terre, au bord duquel tu fais une fosse comme aulx aultres fontes, affin de mectre les moules de ce que tu veulx gecter, & pour ce faire tu destouppes le pertuis que tu avois fais au fonds du fourneau pour faire couler la matiere fondue. Tu y pourras fondre deulx quintals de fer a chasque fois. Et pour ce faire, tu choisiras le plus gros charbon que tu pourras trouver & en poses une charge au fonds, sur le plan et superficie du four, & le bas amoncellant en hault comme en poincte jusques au hault de la muraille Aulcuns font un moule du calibre de la piece & le trempent, puys y frappent un loppin de fer doulx couppé de mesure & comme ce loppin est bien rouge, ilz le frappent dans le moule & l’arrondissent avecq une grosse lime, estimant ces balles estre plus fortes que les fondues qui, estant aigres, sont plus subgectes à rompre.

qui est communement de la haulteur de d trois pans & fera bien recuire le. Mays premierement il fault que tu ayes faict recuire ton fourneau avecq avecq quelque peu de gros charbons, de sorte que le fonds soict rouge. Et lors tu y mectras la susdicte charge de charbon, au milieu duquel tu mectras ton fer, non pas tout au coup mays dix ou quinze lb a chasque fois. Et comme celuy sera avallé & au fonds du fourneau, remects en tousjours aultant. Et charge de trois ou quattre palles de charbon nouveau, qui soict du plus gros & remoillé, affin qu’il aye plus de chaleur & ne se gaste pas si tost. Et quand tu cognoistras que ton fourneau sera plein de matiere, comme de deulx quintals ou de moings si tu n’en en as pas tant, tu laisseras consommer le charbon de soy mesme. Et comme le charbon sera comme abatu au ras du fourneau, tu pourras couler dans des moules & coquilles de fer ou de metail, qui est encores meilleur pource que un fer s’attaque a l’aultre. Et fault que le dedans des moules soient bien cendrés avecq de la cendre destrempée, affin qu’il ne s’arrape pas.

Contre Go. Destrempe de la graine de coings en eau claire, & de cette eau mucilagineuse fais injection.

Pour oster le menu poil du front Ayes une aiguillée de soye deliée & la passe serré sur les endroits du poil & il s’attaquera à la soye comme menus brins de cotton.

Soye Le cramoisi habonde plus que toutes les aultres soyes pource que sa couleur ne charge poinct comme ne faict le bleu & le vert qui aussi revienent a meilleur compte a l’ouvrier. Le noir abonde moings pource qu’il charge fort.

Garder oranges Il les fault choisir bien entieres, sans estre machées, & les mectre & en emplir un vaisseau d’estaing et bien clos & elles se garderont six mois.

Chandelles Elles se gardent bien dans le son qui les faict blanches & de bonne durée, ce disent aulcuns. Touteffois je croy que c’est assés de les tenir en lieu frais & sec de telle sorte qu’elles ne soient point pressées. Il est mieulx que parmy le lumignon il y aye un fil de chanvre, qui luy donne plus de clarté & faict tenir le lumignon plus droict. Aultrement s’il est tout de cotton, comme font ceulx de Montauban, il le fault moucher souvent car aprés qu’il ha un peu bruslé il le cotton s’abaisse & faict desgouter la chandelle.

Du canonier Le canon tire de poincte en blanc cinq ou six cens pas. Mays non pas pour fayre batterie, pour laquelle il ne peult faire bonne execution que de deulx cens pas ou trois cens pas pour le plus, et ne doit estre plus loing. Sa balle poise communement du qualibre du roy 40 lb. Il y a canon perrier, qui poyse xxv quintals, qui sont petits canons court. C’est pour battre les cassemattes des fossés & pour battre de pres. Il porte grand balle de qualibre de roy comme les aultres, sçavoir de 40 lb. Il ne porte à la culasse que l’espesseur de deux balles & un quart de balle. Le devant ne porte que l’espesseur d’une balle & la troisiesme partye d’une balle. Sa charge est semblable à celle des plus grands, sçavoir de xx. Et quand on les veult essayer, il ne fault poinct pour cella qu’il la surcharge, car cella faulce la piece. Et pour la premiere foys & jusques à ce qu’elle aye tiré cinq ou six pieces coups, il est mieulx de ne luy donner pas sa charge entiere, car la piece s’asseure. Et l’essay qu’on peult fayre, c’est de luy donner sa charge de xx lb de fine pouldre d’harquebus au lieu de pouldre ordinayre de canon. Et quattre bons chevaulx sont suffisans pour les trainer. Ils sont aysés & de pres ilz font aultant de force comme les grands, mesmement aulx maysons particulieres & petites villates & forteresses de peu d’importance. Ils ne sont poinct plus subgects à se crever que les aultres, pour ce qu’ilz sont courts. Car ce qui donne grand force à la pouldre & danger de se crever à la piece, c’est la longueur de la piece, pour ce que la pouldre se brusle toute devant que sortir, & la l’impetuosité est plus long temps tenue contraincte en une petite longue piece qu’en une gr courte. Le canon perrier est communement de sept à huict pans de long. Il est vray que c’est pan de Montpellier & non pas pan de roy, qui n’est pas usité en la fonte de canons pour les faire bons. Car le pan de Montpellier estant plus de court, les canons qui y sont plus proportionés sont plus courts aussy & recompensent en espesseur ce la longueur qu’ilz auroyent au pan de roy, à quelle mesure ilz se trouveront plus longs. Mays aussy ilz seroient plus tanvres. Lea grand cano force du canon perrier pour faire batterie est de 4xx pas. Le grand canon, à cause de la poisanteur de sa balle, ne porte de vollée que mille ou xii cens pas sans se reposer & faire bon, communement, il faict iii bons. Le canon perrier n’a pas grand portée sinon de pres. On cognoist la bonne ligue d’une piece en la voyant. Car si avecq la verdeur qu’elles jectent sur la super ficie, elles rougissent, c’est à dire qu’elles sont composeés de suffisante quantité de rosette. Sinon elles ne sont que de metal, qui se demonstre blanchastre. Si d’elles mesmes elles ne font ceste monstre, racle & tu verras. La bonne ligue de pieces est de trois pars de rosette & une de metal fin de la grosse cloche, où il y ha plus de rosette qu’en metal de petites cloches. Le metal coste communement xv lb & la rosette fine xv ou xvi. Le pan de Montpellier est de six poulces de roy, qui en en emporte deulx commungs. Il fault, pour bien un pointer une piece, qu’elle soict aussy haulte du bort de la gueule que la culasse. Aultrement, on ne pointe pas bien.

Le grand canon, qui est pour grandes batteries, poise communement cinquante cinq ou lx quintals. Sur la culasse, il porte l’espesseur de b deulx balles & ldes trois parties d’une balle l’une . Au devant, il porte ba l’espesseur d’une balle & de deulx trois parties les deulx. Il est de treze ou quatorze pans de long. Mays ilz sont fort fascheux à conduire. La droicte batterie, pour avoir bien tost exploicté est & battre de grande force est de d cent cinquante pas & de deulx cens. Et Il est vray qu’on bat bien de trois ou 4 cens pas, mays il est besoing de luy donner plus de pouldre. Sa charge ordinayre est p de xx lb de pouldre, sa balle de 40 lb. Il fault xxv chevaulx pour le tirer. Quand on tire plus que la portée ordinayre, on y mect demy lanterne de pouldre de canon dadvantaige. Un canon peult tirer par jour 4xx ou cent coups, mays il le fault refraischir à chasque coup aprés qu’on ha tiré di noeuf ou dix coups, si la batterie est roidement continuée. Car s’il y a intermission, il ne fault pas le refraischir si souvent. Sur deulx quintals de cuivre ou deulx quintals & demy, si c’est pour grands canons, on mect un quintal de metal. # Le metal se compose au commancement de huict lb d’estain sur un quintal de rosette, et encores aulx grosses cloches on ne mect que six lb d’estain fin sur un quintal de rosette pour luy donner plus grosse voix. Car tant plus il y a d’estaing, tant plus le son est clair. Sa. Pour la fonte du canon, si on fournist la matiere & charbon, comme on faict communement, car les maistres n’ont pas le moyen, on donne x ou xii lb pour quintal. Et pour la mat quand le maistre fournist tout, on luy donne 40 lb, selon l’ordonnance du roy, pour quintal de grandes pieces & comme canons, et pour petites pieces, L lb. Car tant plus yl y a de matiere, tant plus le maistre y a proffit. On fond un aultre sorte de canons perriers de xxx quintals qui sont plus longs que les aultres, et sont volontiers de huict pans de long, & sont pour battre les deffences & cassemattes, s les logeant, par trenchées, sur le bort du fossé, de nuict. ◯ Ilz donnent de chasque costé de l’ouverture de la culasse l’espesseur d’une demy bale. Et puys ilz adjoustent aussy de chasque costé la troisiesme partye d’une balle. Ain On luy donne deulx lanternes de pouldre à canon pour sa charge & une & demye de pouldre d’harquebus, & aulx aultres le mesme. # La composition des canons de France est d’un quintal de metal sur deulx de rosette. Mays ceulx de Toulouse & Poncet mect iii de rosette & un de metal. La rosette à refondre est plus profictable que les chaulderons, qui s’en vont toute en crasse. Les pieces ancienes sont composées presque de dem d’aultant d’un que d’aultre, sçavoir d’une partye de rosette & d’une de metal. On cognoist ceste composition au burin. Car la matiere s’i trouve aigre & le grain enlevé du burin se trouve meslé de jaulne & de blanc.

Les colevrines sont grandes de batterie & faussée sont de quarante quintals & de dix huict pans de long. Leur balle de qualibre de roy & de batterie est de 30 lb et ainsy moindre que celle du canon. Et par ainsy elle ne porte pas tant de munition, car il suffist quinze lb pour sa charge. Le canon faict plus d’ouverture à cause de la grandeur de sa balle, mays la colevrine bat plus roide & passe plus viste, ayant plus de chasse à cause de la longueur. À la culasse elle porte l’espesseur de deux de ses balles & lesa trois troisiesme parties d’une balle, au devant l’espesseur d’une balle & de trois parties les deulx. Les colevrines servent pour battre de loing les deffences quand on ne peult commodement faire les aproches, et les canons s’aprochent de plus pres. Elles servent aussy pour soubstenir la batterie. Il fault quinze ou seize chevaulx pour la mener. Elles sont tout de mesme ligue que le canon, comme sont toutes pieces qui excedent moindres que la moyenne, car à celles là on mect un peu plus de metal affin que la fonte coure mieulx. Et sur deulx quintaulx de rosette, on mect six vints lb de metal pour les petites pieces. Elles portent de poincte en blanc 8 ou 9 cens pas & jusques à mille pas si la pouldre est forte, & de volée demye lieue. Aulcuns ont inventé de charger les canons à cartuche. Aulcuns po ne mectent pas la pouldre dans le canon tout à un coup mays à deulx & à chasque fois refoulant, disant que chasque refoulement faict haulser & done advantage d’un poulse. Mays cela n’est gueres asseuré pour les grandes pieces qui portent beaucoup de pouldre. La bastarde, qui est une colevrine piece moyenne, poise trente quintals et sa balle poise xx lb xv lb et porte pour sa charge x ou xii lb de pouldre. Sa proportion est à la culasse de l’espesseur de deulx de ses balles & lesa troissiesme parties d’une balle. Au devant l’espesseur d’une balle & de trois parties les deux. ou Elles servent pour battre les deffences de peu d’importance comme gabions et garites couvertes d’une tour & chose semblables. Elle ha de long treize ou xiiii pans, comme le grand canon. Dix chevaux la peuvent mener. Elle acompaigne fort de poincte en blanc la grand colevrine pource que elle porte petite munition. Aulcuns luy donnent l’espoisseur de trois balles à la culasse, & au devant de deulx balles. La colevrine bastarde poise 35 quintals & ha de longueur xxv pans. Elle porte trois balles à la culasse & deulx devant. Sa balle est comme de la piece bastarde, pesant xv lb. Ce sont pieces de plaisir qui s ne se menent pas par charroy, ains sont pour les deffenses des villes. Aulcuns en font de xxvii ou xxviii pans de longueur, comme est la Vache de La Rochelle. Mays à telles pieces, on donne renfort à la culasse comme de trois balles. Elles peuvent porter de volée environ une lieue & demy lieue de poincte en blanc. Sa charge est comme de la bastarde. Et si on veut tirer à quelque cavallerie bien loing, on augmente un peu de pouldre. Aprés la balle il suict une queue de fumée qui de conduit ta veuee jusques là ou la balle va. Cella s’entend du canon et de la colevrine et non des petites pieces.

La moyenne poise 18 quintals & tire xii pans de long. Sa balle poise huict lb ou 9 & sa charge est de six livres de pouldre. Et pour À la culasse elle porte trois balles d’espesseur, & au devant deulx. Elle est plus propre pour la deffense d’une ville que pour batterie. Touteffoys on luy mene parfoys, ou pour rompre quelque barricade ou pour soubstenir la batterie aprés que les canons ont tiré, pour empescher que les assailis ne se remparent aprés que les canons ont joué ou tiré. Quattre chevaulx la peuvent conduire. Elle porte de poincte en blanc huict ou noeuf cens pas & presque aultant que la bastarde. Aulx canons & grosses pieces on donnen aultant de pouldre qu’est le diametre d’une balle & demye, à laquelle proportion vient l’escusson. Aulx moyennes pieces, comme pieces de campaigne & celles qui suivent en amoindrissant, on leur donne de pouldre l’espesseur de deulx balles. Au passevolant & aultres suivantes en bas, on leur donne de pouldre l’espoiseur de trois balles. En general on charge toutes pieces jusques à l’escusson. On charge avecq lanterne toutes pieces despuys le canon jusques à la piece de quattre quintals, de char et leur donne l’on deulx lanternes de pouldre à canon, ou une & demye de pouldre d’harquebus. Aulx plus petites, on ne leur donne qu’une lanterne, & celles d’un quintal se chargent avecq une petite charge. La piece de campaigne poise dix ou douze quintals & ha dix pans de long ou 12. Sa balle poise vi ou vii lb & sa charge est de 4 lb de pouldre. À la culasse elle ha trois balles & deux devant, comme ont toutes les pieces moindres que la moyene. On leur donne plus de culasse pource que on les faict plus longues à la proportion, et aussy qu’en une maison ou ailleurs on en tire plus souvent que des grosses pieces. Leur qualibre aussy est petit, qui leur faict donner 3 balles à la culasse. Elles servent pour suyvre promptement un camp & pour la deffense des villes & maisons, les mettant sur les murailles ou sur une tour. Il fault trois bons chevaulx pour la conduire. Le passevolant poise vi quintals, ha de long huict ou noeuf pans. Sa balle poise deulx lb & pour sa charge une lb & demye de pouldre. À la culasse il ha trois balles & deux de devant. Deulx chevaulx le peuvent mener, car un cheval seul ne se mect pas à mener une piece. Il sert pour la deffense des maisons ou pour mener parmy l’infanterie, pour rompre un reng de cavallerie. Le faulconneau poise 4 quintals, ha de long x pans. Sa balle poise une lb & un quart, sa charge est demy lb de pouldre. À la culasse trois balles, au devant deulx. Pour le mener, deux chevaulx, combien que telles pieces ne se meuvent gueres, d’aultant que il ne servent que pour les maisons. Celles qui se charrient ou pour batterie ou pour combat assigié sont canons, colevrines, bastardes moyennes & pieces

de campaigne. Le faulconeau se charge avecq lanterne, et ne luy donne l’on communement qu’une lanterne. Aussy y a il d’aultres faulconeaulx de trois quintals, qui tirent noeuf pans de long. Leur balle poise demy lb. Leur charge est un quart de pouldre. Il se charge ou avecq lanterne, mays plus communement avecq une charge. À la culasse 3 balles & 2 devant. Aux petites pieces qui viennent en amoindrissant par dessoubs 3 quintals, on leur donne bien 3 balles & la douziesme partie d’une balle à la culasse, & en ostent quelque fois sur le devant pour faire ceste addition à la culasse, selon la longueur que l’on leur baille. La force de la piece est au droict des tourillons, qui est le despart que faict la pouldre allumée. La force d’une berche est aux maslees au derriere de la culasse. Double mousquet poise 2 quintals, tire sept pans de long, porte balle un quart de lb ou un peu moings. À la culasse 3 balles, deulx devant. On le charge tant de pouldre que de balle jusques à la cime de l’escusson, qui peult revenir en ces petites pieces à 3 ou 4 balles pouldre d’harquebus. Car si on employe pouldre de canon, on les peult charger de l’espesseur de c cinq balles. Il fault entendre en tout cecy de balles de fer. Quand on tire balle de metal, on surcharge d’un quart de lanterne, pource que si la balle de canon poise 40 lb, celle de metal poise lx lb Aussy prend on la mire plus hault tirant balle de metal. Car si on tire de balle de fer de fer de poincte en blanc, on prendra six lignes plus hault, tirant balles de metal. La balle de metal faict alliée de cuivre, affin qu’elle ne soict frangible, faict bien plus d’execution battant de pres que celle de fer. Mays celle de fer bat plus royde de loing. Mousquet simple poise un quintal, a six pans de long. porte balle poisans qu On n’a pas d’esgard à celles cy qui sont moindres de deulx quintals, qui portent volontiers balles de plomb un à la pesanteur de la balle mays au qualibre. Touteffois ceulx qui peuvent avoyr balles de metal ou de fer font mieux pour ce que elles feront plus de faulcée que six de plomb. Sa charge est jusques à l’escusson, sçavoir de l’espesseur de 4 balles. Harquebus à croc poise lx lb, sçavoir la grande ha de long cinq pans, sa charge est jusques à l’escusson, sçavoir la longueur de 4 balles, porte balles de plomb, est pour la deffense des maisons. De ces harquebus à croc & grandes & petites on faict les orgues, qui sont ou propres pour un assault & dehors & dedans la place. Elle se fondent separement comme pour servir à aultre usage que d’orgues. Voy le foeillet suivant 4e marqué

Figures de mathematique sans regle et compas Tu sçais faire le rond justement avecq la plume & aultrement avecq l’ongle du poulce droict & le grand doigt replyé. Si tu n’as poinct de reigle, replye du papier en cinq ou six doubles pour t’en servir. Et si tu veulx faire une colonne, arcade, ovale, escuson justement sans compas, replye ton papier de sorte que le replye te fasse une ligne droicte, à distance necessaire de laquelle trasse un poinct & une ou une ligne & la charge bien d’ancre, puys replye le papier & le frotte sur le dos, &

il imprimera aultant que tu auras faict. En ceste sorte, la l A est la ligne sans ancre que te faict le reply du papier, B est la ligne que tu as trassée, C est celle qui s’imprime.

P Pour escripre à gaulche aussi bien qu’à la droicte Escripts le mieulx que tu pourras avecq ancre bien gommée sur aultant de petits cartels que tu vouldras escripre de mots. & estant chasque lettre bien chargée d’ancre, pose sur ton papier & frotte avecq une dent le dos du cartel.

Clisteres On les souloict donner avecq manches ou poches de cuir, qui pour le mieulx est doibt estre de peau de chat, qui est plus moufle que nulle aultre. Et lors on commançoit à replier la manche par un bout & on continuoit de la replier & entortiller en soy mesme, & en ceste sorte le clistere couloit doulcement. Mays ceste facon est plus longue & moings commode que la syringue, qui despuys a esté trouvée, avecq laquelle un homme seul donne aysement le clistere. Il est vray qu’elle faict tousjours du vent à la fin.

Pour faire les millas Il fault faire fraiser du millet pour en tirer la croutte, et puis le netoyerés bien. Aprés il fault le remouldre bien delié et le passer par ung cedas bien delié. Ce faict, il fault detremper la farine avec du beurre frais fondu et du laict, et qu’il y ait aultant d’ung comme d’aultre, de maniere qu’il soit fort clair, comme pate pour faire bignetz. Et y mettrés des jaulnes d’oeuf selon la quantite de la farine, de sorte qu’il revienne deux jaulnes d’oeuf pour chaique millas. Puis y mettrés du safran, si vous voulés, pour leur donner ung peu de couleur. Il fault aprés avoir des moulles, et fault qu’il soient de terre, de la façon d’ung fons de chappeau à la catholicque, mais il fault qu’il soit ouvert par les deux boutz. Et puis ayant faict bon feu, vous nettoyerés la place du fouyé où vous voulés mettre voz millas, et puis vous prandrés voz moulles et les gresserés bien fort affin que la pate ne se tienne pas quant elle sera cuitte. Ayant faict cela, vous mettrés voz dictz moules sur la place du fouyé bien nettoyée, et mettrés ung peu de farine au fondz, et les emplirés de la pate cy dessus dicte. Aprés vous couvrirés les dictz moules d’ung couvercle, qui sera faict comme le moulle mais il fault qu’il soit plus grand, et qu’il ne soit pas ouvert par dessus. Puis, ayant faict cela, vous mettrés ung peu de foin sur ledict couvercle et force rachaulx, et y ferés bon feu tout autour de charbon. Cela faict, vous en descouvrirés ung de là à peu de temps, et verrés quant il sera cuit. Il faudra qu’il soit dur.

Vitrier Le verre de Lorraine est plus plain & plus uny que le verre de plat et plus fort & de plus de durée. Mays communement il est tasché par venes comme lignes droictes comme tanées, ce qui advient pource que les verriers, l’ayant faict, le mectent tout chault sur la paille, qui le tache de ceste sorte. Cela neantmoings s’efface avecq du vernis & du sel & aultres drogues que les vitriers y mettent. Le verre de Lorraine se vent à lien & à chasque lien il y a trois tables. Le lien coste communement x sols. Le verre de plat se vent en faict en France, il est plus blanc & plus clair, mays il n’est pas aussy de telle durée que le Lorrain. Il est aussy communement envellé & pour ceste occasion il est meilleur à faire petites losanges que grandes pieces quarrées en forme de chassis, pource que elles ne se peuvent bonnement bien assoir uniment. Le verre de plat se vent à paniers. Le panier contient 24 plats, qui se vendent communement x ou douze lb.

Blanchir la face Pille de la vesse en eau de cisterne & non aultre, & de ceste eau blanchie lave. Cella est estimé fort singulier. Et croy qu’en fayre de l’amydon & en user seroict encores mieulx.

Contre les ventosités, colique, &c Le suc exprimé ou l’eau distilée de l’escorce d’orenge est excellent contre la colique venteuse. L’escorce aussi confite est excellente pour les vents de l’estomac. Et pour en faire preuve, ayant versé du vin escumant dans un verre, exprime du jus d’orange sur l’escume du vin, qui ne provient que de vapeur & vent, et tu verras qu’incontinent l’escume s’esperdra. Si tu exprimes aussi du just contre la chandelle, elle ardra dadvantaige.

Eschervis racine Ils veulent estre plantés en lieu fort humide où tel qu’avecq puys rodier ou fontayne on le puysse souvent arroser, car par ce moyen ilz sont tendres. Aultrement, ils se faict au dedans un coeur dur qui luy oste toute sa bonté.

Contre brusleure Pile un oignon avecq du verjus & le laisse ainsy tremper puys l’aplique. Ou bien aplique sur la brusleure du savon noir. Experimenté.

Commun dire Clocher de Rhodés, eglise d’Alby, cloches de Mende. Touteffoys on tient la cloche de Thoulouse appellée Cardaillac pour une des plus belles de France, d’aultant qu’il poise deuls cens cinquante quintals.

Forme de regime Chasque matin, prens deulx ou trois oeufs ponds d’un ou deulx jours. Fais les chaufer jusques & non cuire. Prens les moyeulx bien saulpouldrés de sucre. Et aprés, bois un doigt de vin. Et oultre ce que cela est nourrissant, il faict bon ventre.

Canonier Aulx petites pieces qui ne se chargent poinct avec lanterne, on charge de pouldre jusques à l’escusson, qui se pose sur la piece avecq deue proportion. Pour poincter ung canon, c’est à dire prendre sa visée, il fault plustost prendre la lumiere, c’est à dire viser, par les costés que par le hault, sçavoir est au dessus du canon. Car mirant par le dessus tu pourras bien trouver la ligne tendant à ton but, mays tu ne trouverois pas si le canon tend plus à un costé qu’à aultre. Prens doncq ta lumiere par un costé puys par l’autre, & adjouste ta piece au poinct que tu mire. Puys prens ta lumiere par le dessus de la culasse, ce qui sera bien tost faict. Aprés fais à ta discretion baisser un peu ta piece si tu es en distance de vraye portée, pour ce que la force de la pouldre faict communement haulser. Mays si tu estois esloigné plus que ta piece ne tire de poincte en blanc, il te fauldroit considerer que la poisanteur de la balle feroit baisser.

Pour tirer de nuict d’un canon Aulcuns tiennent leurs pieces chargées Et de jour. Puys, affin que le canonnier puysse tirer à la bresche où peult estre les assaillis reparent, les assiegeants donnent une faulse alarme affin que les assiegés jectent dans les fossés ou aultour de la bresche des flambeaulx & foeus artificiels, ausquels le canonier mire. Quelques fois par reverberation de mirouers ou de bocals pleins deau, les assaillans font lumiere à la bresche. Le moyen que tu sçais du cadran & ligne à plomb est bien fort bon. Aultres font clouer avecq fortes chevilles de fer deulx ou trois rengs de tables sur la platteforme de bois faicte pour mectre le canon en batterie. Et laissent des coches vuides par où les roues du canon puissent passer justement. Et par ce moyen tu le poseras tousjours à te semblable q poinct qu’il n’inclinera poinct dadvantaige à droicte qu’à la gaulche. Et affin qu’il ne soit ne trop hault ne trop bas, quand tu tires de jour tu poses une regle bien fichée en terre qui vienne justement à toucher par bas le bort du canon aprés qu’il est poincté & adjousté pour tirer. Si la platteforme, les roues, ou les coings se rompent ou desbauchent, ceste invention n’est pas de proffict.

Aultres posent deulx pals bien fichés en terre, de sorte que l’un soict esgallement aussi distant du bort etde la gueule du canon que l’aultre, et par dessoubs ilz possent la regle susdicte. Puys, quand de nuict ilz veulent tirer, ilz poussent leur canon droict vers la reigle & font que le bord de la bouche se pose sur le bout de ladicte regle. Aprés ilz mesurent avecq une regle ou semblable chose coupée de mesure, despuys un pal jusques au costé du canon, & s’il en est trop prés ou trop loing, ilz l’adjustent & font ainsy du costé de l’aultre pal.

Pour desenclouer un canon Aulcuns disent qu’on doibt oster la balle si le canon est chargé & donner feu par la bouche du canon. Mays il est à croire que le feu sortiroit plustost par là que d’aller chercher son yssue par sa lumiere acoustumée, qui est enclouée & contrainte. Le plus seur est que le canonier, qui volontiers est fondeur, coigne & rive bien le clou que les ennemys ont mis, et avecq un trepan fasse au costé une aultre lumiere au costé de celle qui a este enclouée, ce qui sera faict en une heure. Et si avecq le temps la violence de la pouldre faict derriver le clou dont la piece est enclouée, tu feras un ancrou à la seconde lumiere & y mettras un clou à vis bien justement, qui ne se deffera jamays. M

Deffense d’une ville Il n’y ha rien qui fasse plus d’execution à la deffence d’une bresche que les mortiers qui sont disposés aulx advenues dès l’assault. Ilz portent beaucoup de munition. be On les emplist de cloux de charrette, de gros dets d’acier, bouts de chesne & choses semblables. Et quand on sent les ennemys pres, on donne foeu à tous. Les grenades aussy, bien faictes et jectées à propos, font grand domaige. Et pour les empirer, on mect du verre grossierement pillement pillé, ou dans les molles ou dans le crusol, quand on les veult gecter; cela empire les blesseures. Il ne fault pas que les grenades soient si aigres. Mays il est bon qu’elles soient un peu alliées de la matiere des pieces affin que, tenant un peu coup plustost que se rompre, elles ayent plus de violence.

Balle de canon poisant 40 lb, ayant 12 lignes, pied de roy.

Un peu trop grande, voy celle de qui suict.

Orgues

Puys on les affuste sur une table moyennement espesse, prés l’unge de l’aultre & on faict à la table des coches en ceste sorte:

& par ces coches on passe le croc de l’harquebus qui a un trou par lequel on passe par dessoubs la table des chevilles de fer. Puys, quand on en veult mirer, on affuste celle du milieu & celle des deulx costés. Si tu en veulx faire double reng ou triple ou quadruple ou dadvantaige, il ne te fault que poser semblable reng de tables comme le premier, l’ung sur l’aultre. Car l’aultre Ceste fasson d’orgues faict faussée & est bien asseurée, car les aultres qui se font d’une piece comme solide quarrée, n’ont les canons longs que de troi quatre un pan & demy. Aussy ne servent elles que pour faire une salve à une entrée ou pour deffendre une porte. Petite harquebus à croc poise 40 lb, ha de long quattre pans, se charge jusques à l’escusson, ha trois balles à la cullasse & deux devant. Le double canon n’est rien different du grand canon ordinayre, sinon qu’il porte sa balle qui ha une ligne d’espesseur ou de diametre dadvantage. La ligne est la douziesme partye de la balle du canon. À la culasse, il ha une ligne d’espesseur plus que le canon & demye au devant. Sa charge est de six ou sept lb de pouldre, plus que le canon, sçavoir de deulx grands lanternes. Sa balle poise 56 lb. Il fault trente chevaulx pour le conduire. ll faict bien plus d’estonnement à la muraille que le canon. Mays il est fort fascheux à conduire. C’est pour ceste cause qu’aujourd’huy on n’en use guere, et est plus pour mener en quelque prochain lieu & battre de prés, ou pour une entrée, que pour execution ordinaire. On les aporte basilics, qui sont pieces faictes à plaisir.

^Mortiers Mortier tel se faict qui poise trois quintals, porte balle de canon platte du costé qu’elle doibt sortir & ronde par le dedans du canon, comme si c’estoict une balle de canon couppée par le milieu. Il ha deulx pans de long. Il se charge de xxv lb de pouldre, car au il fault qu’il soit plain jusques à la bouche & qu’il se rompe. Il n’ha point aultre grosseur à la culasse qu’à la bouche & est tout d’une venue. Il fault que sa matiere soit meilleure que de piece & que sur 4 quintals de cuivre fin il y aye seulement un quintal de metal affin qu’il tienne coup, & se rompant avecq plus de force, fasse plus d’execution. Il sert à mectre contre une porte avecq une grand croix de fer devant la balle, et sestant chargé, il fault qu’il soict vestu de grosse toile bien cousue qui soict par dessus toute coincte de tourmentine. Il fault qu’il aye quattre ances faictes en le fondant, car il en est plus aysé a poser. La croix de fer se joinct à la bouche avecq la toile dont il est vestu. Pour le poser il Les ances se doibvent tenir au bord de sa gueule, comme tu vois. Pour le poser il fault trois ou quattre chevilles de fer d’un pan de long & grosses comme le doigt, qui ayent la poincte comme un vibrequin guinbelet, & toute la jambe en vis come un tirefons, & un aneau par l’aultre bout, pour les tourner avecq un baston court qui joue dedans l’aneau. Et les chevilles se posent dans la porte, mays non pas droictes mays car elles n’auroient point de force, mays de travers comme si tu voulois les ficher vers le milieu du mortier, et pour ce fayre il fault que le trou des ances soict bien large. En ceste sorte le mortier tirant pousse les chevilles de long & travers dans la porte, & faict plus de fracture. Estant posé, il fault que tu ayes de la sauscice de bouquaran faicte en ceste sorte: ayes huict ou noeuf canes de liste de bouquaran ou dadvantaige si le fossé est plus large, et que la liste soict large de quattre ou cinq doigts. Fais la bien couldre de sorte qu’elle soict comme un boyau par loù un baston gros come le doigt puisse passer. Emplis la toute de bonne Cestuy cy est pour mectre soubs une tour sapée la gueule en hault. On faict deulx anneaulx de fer larges, & avecq une barre ou deulx quattre hommes le portent. Ilz sont aussy pour mectre aulx bresches, mays il n’y fault que demy charge, sçavoir x lb, & l’emplir de cailloux & de cailloux de charrette.

Il le fault couvrir tout de toile cirée & frottée de tourmentine & chose combustible. Ceste couverture se faict affin d’asseurer la balle, qu’elle ne tumbe point, et affin que, le foeu se prenant à la couverte, l’amorce ne faille point. Au droit de la lumiere, il te fauldra mectre bonne quantité d’amorce. Aulcuns sur la balle mectent une croix de fer qui surpasse la bouche du mortier de deulx pans. Aultres ne mettent que la balle.

pouldre. Estant pleine la saulssisse, trempe la bien dans legierement pour mouller la toile, & non la pouldre, dans deulx parties de vinaigre & de une d’eau de vye. Aprés laisse bien seicher ladicte toile, et puys il fault joindre à ladicte saulcisse une longue fisselle ou cordette qui soict plus longue deux fois que la saulcice, & ne la fault pas serrer contre la saulcice mays seulement la lier à icelle par les deulx bouts & la couldre à la saulcice en quelques endroicts sur le milieu. Aprés il fault oindre toute la saulcice avecq de la tourmentine bien bonne, et au bout d’icelle que tu vouldras joindre à la lumiere du mortier pour donner foeu, tu pourras couldre une ou attacher bien serré une liste de toile large d’un empan qui soict aussy bien trempée dans la tourmentine; & ceste liste doibt estre fendue par le milieu affin de l’entourner & lier aultour du mortier, et fault l’atacher en sorte que la lumiere soict pres du me la le bout de la saulcice qui soict ouvert soict joinct à la lumiere du mortier. Puys il fault mectre force pouldre accachée sur la lumiere du mortier. Et aprés, que celuy qui est hors du fossé tire la lignette & cordelle qui est joincte à la saulcice tant qu’elle soict moyennement estendue, mays non pas tant tirée qu’elle se destachassent. Et s’il y avoict de l’eau dans le fossé, il fauldra soubstenir avecq des forchettes la saulcice. Puys celuy qui tient le bout de la saulcice pourra donner foeu, s’estant mis en seuretté & les aultres aussy.

^Mortiers Les mortiers qu’on veult poser aulx portes ou grilles de fer sont suffisants s’ilz poisent 40 ou 50 lb. Au reste, quand à la charge, balle, & façon de proceder, il fault faire tout comme il est desja dict cy devant de celuy de 3 quintals. Un homme le peult porter. Il fault que la balle soict ronde d’un costé & platte de l’aultre comme une demy balle la moictié d’une balle couppée. Il fault aussy que la croix se tienne à la balle et qu’elle, la balle se fondant si tu la fais de metal, s’enveloppe avecq le milieu de la croix.

Grenades Les grenades doibvent estre du plus fin metal qu’on puysse trouver, car il y a metal fin et metal gros. Le metal fin est celuy de grosse cloche, pour ce que on y mect plus de cuivre pour luy donner la voix plus grosse, & aulx petites cloches on mect plus d’estain pour luy donner le son plus gros clair. Le metal de grosse cloche se faict d’une 3 quintalz de rosette & vint ou xxv lb d’estain. Tan. Chasque grenade doibt poiser de quattre à six lb. Et fault qu’elles soient, pour les gecter, pleines de pouldre meslée avecq du verre grossierement pilé. Et en fault, sur un quart de lb de pouldre, demy once de verre qui s’y mect avecq, affin que par le visaige ou lieulx que la pouldre fera son effect, les blessures en soient pires. La meilleure pouldre d’harquebus y est necessaire. Le trou doibt estre grand comme la grosseur d’une plume de cigne, & n’as que faire de le faire en ancrou, mays il suffict de le faire uny. Aprés tu fais un tuyau de fer blanc bien souldé qui puisse entrer dans le trou & entrer jusque au milieu de la grenade & sortir hors d’icelle un travers de doigt. Tu l’empliras de bonne pouldre pilée dans un mortier & destrempée legerement avecq de bonne eau de vye ou de fort vinaigre qui semble. Et comme. Cela ce faict pour alantir la pouldre. Et pour sçavoir si elle sera assés lente pour donner loisir de gecter la grenade sans dangier, essaye ceste pouldre ainsy baignée dans une aultre tuyau. Tu peulx tenir d tes grenades chargées en lieu bien sec, & au contraire tu tiendras tes tuyaulx remplis de ceste pouldre baignée bien acachée en lieu humide. Et en auras neantmoins de posée dans les quelques grenades pour estre tousjours pourveu. Et de trois jours en trois jours tu les changeras, si tu les cognois trop desechés. Pour gecter ta grenade, prens la hardiment & d’une main, & de l’aultre donne foeu avecq la une meche à ton tuyau, & gecte promptement parmy la pouldre trouppe. L’espesseur de la grenade doibt estre de deulx dos de costeau.

Pour mener le canon en pays Si tu a Il fault bien pour mener un canon cent pionniers pour aplanir les chemins de fosses & aultres empeschemens comme d’abres, monceaulx de pierres & choses semblables, pour faire les gabions en chemin. Quand on est pres de la place qu’on veult battre, le canonier va de nuict recognoistre le lieu le plus commode pour faire la batterie, Sçaches les magasins de France pour l’artiglerie. Il est bon que la plateforme penche un peu sur le devant pour ce que la piece est plustost mise en batterie & tient plus coup & bat plus roide.

& s’il ne voit bien on donne une faulse alarme affin que ceulx de dedans jectent des flambeaulx. Bien souvent on bat au plus fort pource que les assaillis desdaignant la batterie n’y reparent pas. Il n’y a pas communement en cet endroit tant de guarites & aultres deffences. Et puys quand on ha faict bresche au plus fort & qu’on remue le canon, cela estonne les assaillis. Aux villes fortes on faict les aproches de nuict, mays aulx biquoques les pionniers portent les gabions, et portent les ayant posés on mect quelques tables ou madriers derriere les gabions pour garder les pionners pendant que par derriere ilz emplissent avecq leurs pales les gabions de terre. Et pendant qu’on faict cela, on donne quelque fause alarme d’un aultre costé. Et plustost on ha

Canons à chambre sont ceulx qui ont un renfort par dedans en tout l’espace qui contient la pouldre, et la balle ne peut a rouler que jusque à l’entrée de ladicte chambre. Ceulx cy ne font pas si grande faulcée & sont fascheux à charger, mays il ne s’eschauffent pas si tost.

tiré quelque volée aulx deffenses. Les gabions Les pionners portent les tables pour faire la solle ou platteforme, qui ont quattre doigts ou demy pied d’espés, et on les enchasse en terre. La platteforme excede la largeur des roues du canon de cinq ou six cano pieds de chasque costé m s’il n’y ha qu’un canon, mays s’il y en ha dadvantaige, les platteformes se touchent. La distance qui est entre les pieces est la largeur de deulx gabions. Tant que la batterie dure, les canoniers couchent & mangent pres d’un canon. Si c’est en petites places on ne daigne faire tranchées pour aller aux pieces, mays on mect force gabions qui sont hault & on y va en courant. Aulx grand

Lumiere d’acier se pose en ancrau dans les canons pource qu’elle ne se gaste poinct en tirant comme font bien tost les aultres. Mays ces ancraus sont subgects à saulter & porter domaige au canonier. Il n’y ha que d’user de la lumiere propre.

places on faict trenchées. Il y a tousjours dans les tranchées ou derriere des barriquades quelques des compaignies en garde pour la deffence des pieces. On tient le petit magasin de pouldres de trois ou quattre caques a part,

Lumiere à ras de la culasse est la meilleure pource qu’en en ceste sorte le canon ne repousse gueres.

cent pas loing de la batterie & on les entourne de barriquades ou tranchées. Et là on va querir la pouldre dans des sacs ou cabats. Et chasque piece ha son cabats pour charger trois ou quattre fois. Quand doncq le canon est assis sur la platteforme, on mect une table à preuve d’harquebus entre les deulx gabions. Puys avecq la lanterne un canonier le charge & avecq le refoulouer qui est à len l’aultre bout de la lanterne, deulx hommes tant qu’ilz peuvent refoulent la pouldre, en noeuf ou dix poulsades, jusques à ce qu’ilz trouvent la pouldre dure & bien acachée. Aprés un aultre mect le foing ou la paille et les r aultres refoulent un peu. Un aultre mect la balle et le porteur de foing y en mect aultant qu’auparavant & on refoule un peu. Aulcuns mectent des tapons de bois, mays cela est dangereulx de faire crever la piece. Et là où il fault tirer beaucoup de canon coups, il fauldroit beaucoup de tapons qui cousteroient beaucoup à porter. Le canon estant chargé, xx ou xxv pionniers le poulssent en avant avecq des barres se tenant au costé derriere les gabions, sans oster la table jusques à ce que le canon la touche. Le canon estant en advant, le canonier l’affuste avecq les coings qui sont par derriere, prenant la mire par chasque costé puys au milieu. Puys un aultre qui est tout prest donne foeu. Il fault à chasque canonier 3 canoniers: le chargeur, celuy qui mire, celuy qui donne foeu. Quelque fois contre un camp ou a une bresche on tire des cartuches faictes comme tu as ailleurs, ou bien on se sert d’un de basane plein de cailloux, clous de charrette & semblable. P Il ne fault point qu’un ch canon marche qu’il n’aye deulx attelaiges, soict de bois soict de fer. Et pour garnir les roues, flasques & aultres equipaige d’un canon, il fault sept quintaulx & demy de fer. Pour les pre La meilleure batterie se faict en courtine, se disent aulcuns, pour cest comme de bieve biays car en ce faisant tu esbranles plusieurs pierres.

---

Aulcuns mettent des petites roues d’une piece & de quelque table espece au bout de l’afust de la piece, affin qu’elle se tire plus tost & sans faire bruit. Aultres mectent du cuir tout aultour des la roues & mectent aussy aulx pieds de chevaulx des soles ou souliers de cuir affin qu’on ne les entende point.

Canonier Au canon il y ha trois borlets: celuy de la culasse, celuy du milieu, celuy de la bouche. Quand les fondeurs veulent pratiquer sur leur besoigne ou rendre le canon ou aultre piece plus legere & plus aisée à charrier il la font despuys le borlet de la culasse jusques au borlet du milieu de la grosseur & proportion des balles, comme dessus est dict. Mays despuys le borlet du milieu jusques au borlet de la bouche & ilz l’amoindrissent d’une ligne ou plus ou moings de chasque costé, prenant tousjours leurs mesures avecq le compas despuys la ligne droicte qu’ilz font au milieu du modelle en papier ou aultrement. Et ceste diminution importe de sept ou huict quintalz de diminution & allegement pois, et pour cela la piece n’en est pas moings seure. Cela se pratique aulx grands pieces mays aulx gr petites pieces despuys moindres que la moyene il fault observer la proportion cy devant dicte & mener d’une ligne continuee la piece d’un bout à l’aultre. Les tourillons sont communement à un pied du borlet du milieu despuys tirant au bord de la culasse. Mays pource que aulcuns canoniers ayment mieulx une piece qui poise sur le devant pource que elle est plus aisée à braquer, pour ce faire il ne fault qu’aprocher les tourillons plus prés de la culasse & les esloigner du bord du milieu. Comme au contraire, si tu las veulx rendre plus pesante sur le derriere, tu aprocheras les tourillons du milieu de la piece ou les mettras par dessus tirant à la bouche. Quand tu fores ta piece, tu fais une boicte de fonte canelée comme une quenoille de lict, & fault qu’il y aye seze caneleures ou encocheures dans lesquelles tu encocheras seze costeaulx bien unis avec affin que tous ensemble trenchent & raclent de mesme sorte. Pource que, que quelqu’uns ne tranchoient & racloient point, il se feroict des chambres & des ondes dans le canon qui le feroict estre costier & y auroict dangier que la piece ne se coupast par le milieu. Pour eviter cela il fault que, despuys la culasse jusques à la bouche, le foret passe uniment & que l’ouverture de la piece soict despuys un bout jusques à l’aultre uniment forée, pource que ainsy la pouldre s’en va tout à un coup avecq plus de force. Au contraire, estant retenue, elle faict costier & faict rompre la piece.

Balle de canon Cecy est la juste mesure du calibre, mays le foret en emporte tousjours quelque peu dadvantage.

Mortier Ils se font mieulx en forme de creusol, creulx par le plus estroits par le cul & venant en eslargissant par la gueule. Il fault fort piler la pouldre & y mectre dessus ou du sable ou du liege ou pour mieulx une platene juste de cire fort pilée dessus car elle selle justement & faict plus d’effort. La balle ne faict que trou, la pouldre seule faict plus d’effect. On tient qu’estant chargés de quinze jours & tenus en lieu sec, ilz ont plus de force.

Balle de colevrine

Balle de bastarde

Balle de moyene

Piece de campagne

Faulconeau

Faulconeau de 4 quintals autrement passevo- lants tire 8 pans

3 quintals, tire de long 9 pans

2 quintals, tire de long une cane, qui sont 8 pans de Monpelier

1 quintal, tire six pans et demy

1 quintal et demy tire 7 pans et demy

mousquet de 60 lb tire 5 pans et demy ou 6

5 quintals tire onze pans et demy

La mesure du qualibre des pieces

Le chifre et les poincts demonstrent combien de quintals poise la piece qui porte le qualibre marqué

Pintiers Ils estiment le meilleur estain celuy qui est en saulmon, qui n’ha poinct esté refondu despuys qu’il est venu de la mine, pource que les maistres le refondent a en grille poisant deux ou trois lb, pour mieux le debiter et vendre en detail. Et en cestuy là bien souvent ilz y font du meslinge de restes de plats, de souldure & d’estaim commun. Et pour cognoistre le meilleur, c’est le plus luisant, qui est comme bruny, car il est plus douls. Quelques foys dans leurs saulmons ilz trouvent des pieces de fer, des pierres & semblables brouilleries pour tromper au poix. L’estain d’Angleterre est si dur que les minerons y mectent du plomb pour l’adoulcir. Celuy qui vient du costé d’Allemaigne est plus douls. Communement les maistres pintiers jurés aulx bonnes villes mectent six lb de plomb fin sur ou huict sur un quintal d’estaim fin. Les aultres qui travaillent aulx champs en mectent quinze ou 20 ou le plus qu’ilz peuvent, et pour couvrir la noirceur du plomb il et sa doulceur, ilz y mectent de l’estaim de glace, 4 lb sur quintal, + poqui blanchist & affermist, et un peu six ou huict lb de rosette sur un quintal pour rendre la vaisselle sonnante. Pour mouler de plats & escuelles, ilz les font de pierre porte morte, qui est grais, & les tournent & polissent aultour au tour. Ils fondent leur estaim dans une cassolle d’est de fer à feu de charbons, et avecq une cueillere de fer qui tient presque la quantité suffisante pour un plat, ilz gectent leu dans leurs moules froids, qu’ilz tiennnent joincts & serrés entre les genoils. Et bientost ilz ouvrent les moules affin qu’ilz ne s’eschaufent, & ayant osté le gect qui est du costé de la femelle & qui se rompt aysement. Puys avecq un linge, qui trempe dans l’eau, qu’ilz ont tousjours prés d’eus, ilz frottent le milieu du revers de l’escuelle & aultour du bort, affin qu’il s’enleve mieulx, et en frottent la femelle molle. + Quand l’estaing est fin on y mect moings d’estaim de glace, sçavoir 4 lb pour quintal, mays si l’estaim est bas, c’est à dire beaucoup allié de plomb, on y mect bien cinq ou six lb d’estaim de glace. S’il n’y ha gueres d’estaim de glace, on mect comme deulx ou trois lb pour quintal. On mect huict lb de rosette, mays s’il y ha beaucoup d’estaim de glace, on comme 4 ou 5 lb, on n’en mect que six de rosette. Et communement sur quintal d’estain on mect x lb de tous les deulx. Va au cinquiesme foeillet.

Stuc pour mouler Ayés de la gomme dragant et la mectés tremper jusques à ce qu’ayant beu son eau elle soict enflée & reduicte comme gelée. Lors broyés la bien fort sur le mabre, & aprés ayés de la farine de segle, qui est meilleure que celle de froment à cause qu’elle est plus humide et ne rend pas la paste si brusque, et en saulpouldrés vostre gomme dragant & continués à broyer et mesler ainsy peu à peu le et mesler legi la farine bien subtillement tamisée. Et la pestrissés comme si vous vouliés faire du pain, jusques à ce que vous vous cognoissiés qu’elle aye assés de corps & soict ferme comme la paste du pain qu’on veult mectre au four. Cela se cognoist quand elle s’estire assés sans se rompre. Et si elle n’estoict assés forte, elle ne se sti despouilleroit pas bien. Estant ainsy præparée, frottés d’huile le cave au u avecq une broisse affin que l’huile penetre partout pour mieulx faire despouiller, et pressés la paste dedans bien fort. Et si elle ne se despouille pas bien, meslés y encores de la farine jusques à ce qu’elle aye assés de corps. Avecq cella, vous moulerés fort net telle ouvraige, ou masques ou festons qu’il vous plaira, qui seront secs dans un jour. Aprés, vous les apliquerés avecq colle forte ou colle de paste, comme il vous plaira, et les pourrés paindre et estoffer d’or & toutes couleurs. On en faict les ornements des planchers à Romme. On en peult faire des ornements de lits. Si tu veulx que l’ouvrage demeure blanc, il vault mieulx mouler de plastre au lieu de farine. Il est vray qu’il est plus brusc et plus ferme aussy, mays il le fault præparer en ceste sorte: destrempe le estant en pouldre fort dans bonne quantité d’eau de sorte qu’il soict clair, & le broye plusieurs fois le jour l’espace de quinze jours. Puys verse l’eau par inclination, et ramasse le plastre & le broye subtillement sur la mabre, et le pose en quelque vaisseau plombé & net, qu’il n’y tombe aulcune poulsiere & ordure, & le laisse à l’air & au serain l’espace de quinze jours avecq son eau, et il deviendra mat, fort, blanc et legier, fort propre à faire assiete d’or bruny. Et de cestuy cy en pouldre peulx tu mesler au lieu de farine parmy la gomme dragant, et ton ouvraige sera fort beau. En default de plastre, tu y peulx mesler de la croye bien broyée ou de la ceruse, & essayer du bol & choses semblables. Ce stuc avecq la gomme dragant a cela de propre que comme il preste n’estant pas encores sec, il s’acommode ou sur choses rondes ou plattes, comme il te plaira. C’est pour faire un ornement à peu de frais. La farine n’est bonne en cecy, ains la croye ou ceruse.

Couleur d’or sans or sur l’argent Colore ton argent de foeille apliqué avecq de la terre emerita, et estant sec, donne une main de vernis d’aspic et de sandaraque. Et il sera plus beau qu’or bel.

Couche d’or bruny sur le papier Fais ton assiete d’amydon destrempé en eau & ton or se brunira fort bien. L’eau clere d’amydon couchée sur le papier puys seichée & reiterée en ceste sorte 3 fois est belle couche pour l’or bruny sur le papier simple & n’a point de corps.

Oster taches La bonne eau de vye les oste si tu en frottes le vestement.

Assiete d’or Terra emerita broyée avecq un peu de safran, le tout destrempé avecq colle forte fort clere & passée par un linge.

Extraction d’huiles Les apothicaires disent que toute chose qui n’adhære poinct au mortier en le pilant est oleagineuse

Sang de dragon Ayes de la larme d’iceluy bien choisie qui demonstre son rouge transparent. Et mets dans une bouteille de verre dans suffisante quantité de la meilleure eau de vye que tu pourras. Car icelle Et l’estouppe bien et si diligemment qu’il ne s’esvente poinct, aultrement il ne vauldroict rien. Et le laisse ainsy longuement, car tant plus il y demeurera il sera plus beau & meilleur, & se dissoubdra s’il est bon, sinon il viendra comme lie de vin. Quand tu en vouldras user, fais un petit pertuis au tapon de la bouteille & en verse un peu, & le rebouche à chasque fois, puys l’aplique sur l’or. Le bon sang de dragon se trouve à grands lopins comme pieces de torteau cestuy là ne vault rien et est sophistiqué, & estant rompu il monstre par les costés des escailles transparentes comme ro esmail rouge cler. Il est aussy grumellé en quelques endroits comme petits rubis. Il fault que l’eau de vye soict fort ardente & de plusieurs passes Le plus obscur sang de dragon est le meilleur & ha plus de taincture; c’est la larme qui se trouve à gr lopins comme poix et grosses noisettes qui semble

. Je l’ay mise dans eau de vye commune, y meslant un peu d’eau fort pour luy donner force. Au coman- cement l’eau tira un peu de taincture, mays en fin il ne se trouva qu’une aparence de gomme dragant, avecq laquelle je croy qu’ilz sophistiquent le sang de dragon. Le posant sur l’or bruny, il est subgect à s’esclater. Et pour ceste occasion aulcuns couchent dessus du vernis de tourmentine. Le froid retarde que l’eau n’opere et face extraction de la couleur. Et pour ceste occasion on la peult tenir auprés du foeu.

Plomb Le meilleur, plus gras & plus douls s’aporte d’Allemaigne, qui n’est pas en saulmon mays en lattes de la longueur du bras ou environ & de largeur de trois doigts. Il s’en porte à Lyon, et de cestuy cy on faict à Noremberg la foeille des petits mirouers.

Pintier Ils font leurs moules aussy de metal, qui sont de plus grand durée & moulent plus net que le grais, pource que la vaisselle y vient sans baves & bien unye. Mays c’est pour les riches, car un moule coste quinze ou seize frans. On en faict principallement de metal pour bassins & esguieres & salieres & semblabes choses qui sont figurées. Pour les pintes, les moules se font de terre ardille blanche meslée de fiente de cheval & bourre & fort battue pource que, les pintes estant à demy rond enfoncées, elles ne se pourroient pas bien despouiller dans le moule de grais comme dans la terre, qui est doulce. On faict bien le noyau du moule desdictes pinctes de grais. Aulx moules de metal, on faict des souspirails et on gecte à un coup, qui est cause qu’au milieu du plat il ne se faict poinct une ligne noire enfumée, qui vient de la vapeur & fumée du metal qui se gecte, qui est cause qu’en cet endroict l’ouvraige est grumeleux & bien souvent percé. Toutesfois ilz le reparent par la souldure du n, comme dict est. Ceste fumée se faict sur le milieu au droit du gect & aulx moules de grais. La vaisselle se peult marteler mar pour estre plus vendable. Mays elle n’en dure pas tant. Aulx branches de leur roue de fer, ilz ont des coches selon la grandeur des plats & des assiettes. Et quand ilz veulent apliquer

quelque escuelle ou assiette, ilz eslargissent & deffont avecq un coup de marteau les coings de fer qui jouent aulx branches de la roue. Et comme ilz sont à la coche et poincts qu’il leur fault, il serrent lesdicts coings, les coignant avecq le marteau. Quand leurs plats ou escuelles sont esté gectés, resouldés si besoing est, & repurgés des baves d’alentour avecq le souldouer chault, & puys avecq une grosse raspe, ils l’adaptent sur la roue; & premierement ilz entournent leur desgrusoue desgrusouer d’une corde grosse corde comme le petit doigt, & l’apuyent ferme sur la barre traversante pour le bien asseurer. Et pendant qu’un aultre tourne la roue promptement, ilz conduisent le trenchant de l’esgrusouer avecq la main s au bord du rond cave, & doulcement le conduisent jusques au centre du rond. Et ce desgrusouer est pour oster les premieres peaulx rudes & grumeleuses de l’ouvrage. Et aprés ilz l’unissent avecq une fer coupant apellé la plane, le tranchant duquel ilz frottent avecq un peu de potée sur du cuir cloué sur un lopin de bois ayant, et ce en telle sorte que la chair ou fleur soict par dehors, car si le tranchant de ceste plane n’estoict ainsy frotté & bruny, il ne poliroit pas & bruniroit pas l’estain au qui demeurroit blanc & non pas noir & bruny comme un mirouer. Au surplus, ilz reparent avecq ceste plane pour la seconde fois l’ouvrage comme ilz ont faict avecq l’esgrusouer. Puys avecq un costeau ou aultre fer tranchant, ilz raclent les bords des plats ou assiettes pour les adoulcir affin qu’ilz ne se trouvent trenchants en les maniant.

Leurs marteaulx doibvent estre bien unis & polis, et si par cas fortuit la rouille les ou aultre usage les ha endomagés, ilz les polissent premierement avecq pouldre d’esmery puys les achevent de brunir & adoulcir avecq de la potée. Aultrement ilz ne battroient pas net. Il fault aussy que le plan des enclumes soict de mesme.

Nouvelle vigne Estant bien prise, si tu veulx qu’elle gecte force branches, l’ayant labourée, mects a chasque pied deulx poignées de fiente de pigeon.

Eaulx coulourees L’urine distillée, le vinaigre distillé et l’eau de vye prenent taincture cærulée & verte de l’aes ustum pulverisé et subtilement broyé. Et ceste taincture est cuivre rouge en sa resideue, si tu distilles les susdictes choses par filtre.

Vernis durant à l’eau Le vernis de Flandres, faict de tourmentine & huile d’icelle ou de mastic, se peult oster et ne soubstient poinct à la pluye. Mays celuy qui est faict d’huile de noix blanche, comme tu la fais, tient à la pluye et est fort cler & beau & bien tost sec. C’est pourquoy on use d’iceluy aulx banieres & enseignes painctes qu’on porte à la pluye.

Fruict de sucre On ne les paint pas au pinceau comme les aultres s choses de couleur destrempée, pource que le sucre se fondroit. Mays on les frotte de couleur avecq le doigt.

Painctre Les scribes font le renfondrement de la laque & aultres couleurs de vestements avecq du jaulne d’oeuf, mays cela est tromperie et n’est pas de durée. Les aultres glassent avecq de la glaire d’oeuf les rouges de mine & d’aultres qui ne sont pas belles à huile, M et semble faict à huile. Mais l’humidité corrompt tout cella.

Broisses Prens de celles qui ont un peu servy aulx blanchisseurs de chaulx vive, car l’asperité de la chaulx & l’usage les rend plus maniables.

Paindre au naturel Il ne fault pas entreprendre d’y travailler en temps obscur pource que tu ferois tes carnations plus brunes qu’il ne fauldroit.

Paindre d’aprest Pour le bleu, ilz prenent de l’azur d’esmail du plus gros & le broyent sur une escaille & y meslent deulx ou trois patenostres de roquaille ou plus selon la quantité de la besoigne. Et ayant faict leur desseing de noir d’escaille (qui se paint vers le jour et la piece de verre droicte), ils couchent toutes leurs pieces sur du papier blanc quand pour cognoistre par la blancheur du papier le jour de leurs histoires et as y assoir les couleurs qui sont d’une sorte tout à un coup. Puys ilz recuisent.

Corps de cuirasse Les lames haultes de l’espauliere du brassard sont comme chef d’oeuvre des maistres car il fault que ces pieces soient fort exactement vuidés & adjoustées affin que le mouvement soict libre. Les corps de cuirasse doibvent estre fort uniment battus & menés avecq le marteau. Les morrions de Milan sont tous d’une piece & par ainsy meilleurs que ceulx qui sont de deulx.

Painctre Aussi tost que les couleurs des tableaulx sont bien seiches, les Flamans les vernissent pource que elles ne se meurent point plus qu’elles sont & demeurent en cet estat. Celuy qui sçaict bien travailler à destrempe travaillera bien à huile. Mays au contraire celuy qui sçait bien travailler à huile ne travaillera pas à destrempe.

Pour coucher l’or à destrempe Les scribes & painctres vulgaires font de la batture, c’est colle de menusier destrempée en eau sur le foeu, mediocrement claire, meslée de fort peu de miel, c’est à sçavoir quelques gouttes pour faire griper. Et en forment des lettres ou ce qu’ilz veulent dorer avecq le pinceau, et bientost aprés couchent l’or, mays jamays ilz ne font leur ouvrage bien net, et s’il y a beaucoup de miel, cela ne seiche qu’à grand peine. Ceste couche se deffaict à la pluye. Aultres font mieulx. Ilz destrempent du sucre candy en eau et le meslent avecq de la sanguine, qu’ilz appellent cocon, fort brayé, y adjoustant un peu de savon. Cestuy se faict net & rend l’or beau si on en faict son assiette.

Faiseur de natte Ils en font a Thoulouse de deulx sortes, l’une pour tapisser la paroy des chambres, qu’ilz tissent deliée comme presque les pchappeaulx de paille que portent les villageois. Et la font en longues listes, les unes de la largeur de dix b pailles, les aultres de treze. Et principallement y travaillent ilz l’esté. Et l’hyver, lorsqu’ilz la mectent en besoigne, ilz la cousent. Mays plustost ilz la mettent en la taincture, et en font communement de trois couleurs, verte, rouge et quelques fois violette. La verte se faict dans la seule taincture du pastel, pource que, le vert se faisant de jaulne et de bleu, le pastel se deschargeant sur la paille qui monstre son jaulne bruny, il se faict un vert gay. Pour le rouge, ilz usent d’alum et bresil. Pour le violet, ilz employent le pastel & un peu de coupperose, qui brunist par sa taincture noire le bleu.

Vitrier Ils n’ont poinct l’invention de faire un rouge parfaict en besoigne qu’il fault recuire. Toutesfois, essaye le rouge d’Allemaigne, qui est rouge d’escaille. Ils font leur rouge commun avecq de la sanguine, estain de glace, rocaille, litharge & un peu d’escaille de fer. Ledict rouge se charge d’un costé & d’aultre du verre affin qu’il aye plus de couleur; s’il n’estoit chargé que d’un costé, il seroit trop orange pasle.

Fondeur Ils acheptent xx lb le quintal de rosette, laquelle est plus dure à fondre que le laicton à cause qu’elle est doulce. Car tant plus les grands metaulx # sont doulx, tant plus ilz sont doulx difficilles à fondre. L’estain de cloche, qui est estaim fin est plus et qui est aigre, est plus aysé à fondre que le plomb, qui est doulx. Le laicton aigry par la calamine est plus tost fondu que le cuivre rouge. Le metal, qui est matiere de cloche, meslé d’estain et fort aigre, est bien tost fondu. Tant plus l’argent est allié, tant plus tost il se fond, c’est pourquoy la souldure s’en faict. En Allemaigne ilz font des chandeliers fort legiers, c’est pource qu’ilz les tournent par le moyen de l’eau, mays ilz sont frangibles. Le quintal de fine rosette de per chauldronier se vend xxx ou 40 lb. D’aultre dont les fondeurs usent se vent xii ou xv lb. Le quintal de metal, six lb. Le met # Or, argent, cuivre, leton, fer.

Cousteau pour couper le nes ou un doict

C’est un cousteau bien fourby, cloué de telle sorte par le milieu qu’il joue aysement d’un costé & d’aultre, & se cache tantost du costé de A tantost du costé de B dans son manche marqué C. Les deulx tenons que tu voys au bout du cousteau servent à le faire arrester d’un costé ou d’aultre à un clou qui est au bout dudict manche, affin que quand on veult pousser fort sur quelque chose pour la couper, il ne passe pas hors du manche. Tu peulx bien faire couper, mays non guere pour faire monstre, le costé marqué B, mays il ne fault pas que le costé qui est encoché A et marqué A tranche. il C’est assés qu’il soict bien fourby. Et fault aussy que la coche soict espesse comme le dos d’un costeau, affin qu’elle ne puysse fayre mal. Et tu monstreras seulement l’endroict du cousteau qui n’est pas encoché, car il fault que le costé de la coche soict mar caché dans le manche. Et quand tu vouldras coupper le nes ou le doigt, fais semblant d’esguiser ton cousteau sur la cuisse, et en en ce faisant tu tourneras le cousteau dextrement. & l’endroict de la coche que tu couvriras l d’un doigt te viendra en main, et tu poseras la coche colorée de rosette de bresil ou du jus de cerises noires sur le nes. Il ne fault pas que le maistre gonnin s’amuse à regarder ce qu’il faict, mays regarde les spectateurs, leur donnant force bons mots de passe passe affin qu’ilz le regardent au visage & non pas à ses mains.

X Pour rallumer une chandelle estainte entre les mains sans soufler

X Ayes un petit baston d’ouzier entre bien sec et en couppe une petite piece comme un curedant, & la m mects l’un bout entre l’indice & le grand doigt, et enlasse les deulx mains les doigts bien joincts, et les passe dextrement aultour de la chandelle allumée comme si tu l’en voulois couvrir, & ton osier s’allumera, & soubdain retire les mains jo ainsy enlassées, & soubdain tue la chandelle. Et puys remects tes mains aultour comme si tu la voulois couvrir, & ta petite lumiere de lumiere pde l’osier, par le moyen de la fumée que tu retiens avecq les deulx paulmes, la chandelle s’allumera. Puys soubdain estains ton ozier & le jecte secrettement.

Pour fayre sembler que à quelqu’un qu’il aura une piece d’argent au front Ayes un gecton ou piece d’argent et la mouille et te la fais tenir contre le front. Puys dis à l’assistant que si tu la luy mects ainsy sur son front, qu’il ne la pourra faire tumber sans y porter les mains, quelque secouement qu’il fasse de la teste. Et faisant semblant de la luy poser sur le front, retiens la dans la main & mouille ton pouse de ta salive puys le presse bien fort sur le front. Et pensant avoyr la piece au front à cause de la froideur de la salive, il secouera les oreilles & n’advancera rien.

Pour fayre sortir du front de quelqu’un du sang ou du vin, ou d’une muraille

Ayes un ambu ou entonnouer de fer blanc qui soict double quand au corps d mays non pas la queue. Au bort du hault, fais qu’il y aye un petit pertuis, & au un aultre un peu plus grand à la doubleure de dedans, qui soict un peu plus hault que le bout, ainsy que tu peulx voir à l’exemple cy aposé. Puys, quand tu t’en vouldras servir, mects dedans du vin ou de la rosette liquide de bresil ou du just de cerises noires, et tenant le du petit doigt le pertuis de la queue bouché, fais que l’ambu soict bien remply affin que le vin en puysse entrer en la doubleure par le pertuis du bort, & s’il n’entroict bien, faisant semblant de taster du vin, suppe & attire un peu l’air à toy en beuvant à l’endroict du petit pertuis. Aprés fais boire à l’un des voisins assistans le reste du vin ou le jecte ou laisse couler par le bout, mays plustost il te fault avoyr mis le poulce bien pressé sur le pertuis du bord d’en hault, car en ceste sorte par la compression de l’air le vin se retient en la doubleure. Lors avecq un poinçon arrondy par le bout & qui entre dans son manche, tu fais semblant de percer le front à un qui tient un verre en la main, et pendant que tu perces tu couvres ton faict avecq l’ambu que tu tiens pres du # # front. Puys ostant le poulce de dessus le pertuis du bord d’en hault, l’air estant libre fera que le vin sortira de la doubleure par le pertuis marqué B, & tumbera par le bout marqué C dans le verre. Mays il fault bien faire baisser la teste au pelerin pour bien faire.

Pour dire à quelqu’un que, mettant tenant le doit tousjours au front, tu l’empescheras de sortir d’une chambre X Fais luy embrasser la quenoille du lict ou chose semblable, & que du mesme bras il tienne le doigt au front.

X Gaiger a quelque’un que se promenant jusques à tel lieu et en revenir, il ne dira point quattre fois de suite botte sans esperon X S’il s’essaye de le dirae, mays il fault qu’il parle hault, quand il sera allé & revenu, tu luy diras qu’il ha perdu, pource qu’il falloit qu’il dict quattre foys botte sans dire esperon, car ta gageure est telle.

Faire tenir un chandellier contre la muraille sans y fayre trou X Fais le tenir par un vallet contre la muraille.

X Ne casser point un verre d’une busche ou d’un gros baston X Tu en coupperas un petit loppin gros comme un curedent, & ainsy luy donneras d’une busche ou d’un gros baston avecq quoy il ne cassera point le verre.

Escripre subtillement Couppe de longs listeaulx de parchemin subtil & les marque selon l’ordre de leur suicte de A B C & caetera, puys les fais couldre dans la lisiere d’une chemisse de grosse toile, comme pour un messager, lequel, si tu veulx distraire sa chemise, n’en sçaura rien.

Pour fayre fondre ou transmuer une bague mise dans une boitte

Ayes une boitte de buys rayée à cercles comme tu voys, dans laquelle entrera une aultre petite boicte fort à l’ayse, comme celle que tu voys marquée B, et fais qu’elle ne touche pas le fonds de la grande marquée A, mays qu’il y aye quelque distance. Il fault aussy que ce qui entre dans la grande boicte soict bien uny, mays que le bort soict faict à cercles affin qu’estants joinctes il semble que ce soict une mesme boicte. Il te fault aussy avoir un couvercle de cuir rond de la longueur de la boicte, comme tu voys marqué C, qui entre bien à l’aissse & entourne bien lesdictes boictes ainsy mises l’une dans l’aultre. Et plustost que faire ton jeu de passe passe, il fault que tu mectes au fonds de la grande boicte de la pouldre d’or ou d’argent ou du mercure amalgamé avecq argent, et puys poses la petite boicte marquée B dessus. Aprés, tenant la boicte avecq le doigt indice dessus, tu la presente, et ne voyant que le fonds de la petite boicte marquée B, on y mect une bague ou chose semblable. Ce faict, posant ta boicte sur table, tu la couvre de la boicte de cuir, et faisant les mines requises tu osteras la boicte de cuir, & sans monstrer le dedans la poseras sur la table & feras recognoistre la bague au mise au fonds de la petite boicte marquée B. Puys tu remettras doulcement la boicte de cuir, & aprés avoyr dict inhonorificabilitidinitadtudinibus, tu prendras avecq les deulx doigts l’extremité de la boicte de cuir avecq la et, la serrant plus que de coustume, tu d enleveras pe quand & quand la petite boicte qui est dedans & qui contient la bague, & mettras doulcement le tout sur la table, puys verseras la pouldre ou amalgame qui est au fonds de la grand boite, puys remettras la boicte de cuir avecq celle qui est dedans comme elle estoit au commancement. Puys, ostant la boicte de cuir sans oster la petite, tu monstreras la bague qui est au fonds, revenue en son premier estat, tenant le doigt indice sur le bord de la boicte affin qu’elle ne coulle.

Pour dire a quelqu’un que tu luy monstreras enseigneras une chose qu’il ne sçait pas ne toy aussy Ayes une fisselle ou petit baston et prens la mesure despuys le bout de l’oreille jusques au bout de son nes, puys luy fais voir. Ainsy tu luy enseigneras ce que tu ne sçavois pas ne luy aussy.

Pour fayre soubstenir un seau d’eau sur la poincte couchée de trois cousteaulx sans toucher à terre

Selon la force de tes costeaulx, ou de cuisine ou de table, tu feras soubstenir un grand pois sur leur poincte couchée & disposée en triangle trenchant contre trenchant, comme tu vois, & ilz ne toucheroient poinct à terre. Et si, les ayant ainsi disposés, tu les tournes de l’aultre part sans les desjoindre, les bouts des manches pourront aussi soubstenir poix sans toucher à terre. Tu peulx bien aproprier cella à aultre usage avecq des piques, avecq des soliveaulx, ou faire promptement un trepied au camp avecq trois poinctes d’halebarde. Si le tranchant du costeau marqué A regarde de la droicte à gaulche, le bout des manches se leveront, mays si le tranchant du mesme costeau regarde de gaulche à droicte, les poinctes s’esleveront.

Pour faire bouillir sans foeu dans de l’eau froide un oeuf Vuidés un oeuf par les deulx bouts si bien qu’il ne demeure rien dedans, puys l’emplissés de chaulx vive & de soufre vif, puys estoupés les trous de cire & le mectés en eau de sorte qu’il nage deulx ou trois doigts.

Pour faire sortir les connils d’un terrier Prenés du brassier dans un pot, & ayant mis du soufre dessus, mettés le dans les terriers & le bouchés de quelque legiere chose.

Pour garder quelqu’un de ne manger d’une viande Faictes seicher de la racine de pied de veau, aultrement jarus, & en saulpouldrés la viandes. À quoy il n’y a poinct de dangier. Voy Mathiol.

Pour fayre transmuer du bled d’un vaisseau à aultre

Ayes deulx petits boisseaulx de boys de pareille grandeur qui soyent par le dehors du fonds caves de l’espesseur d’un dos de cousteau ou plus. L’un d’iceulx demeurera vuide & au fonds de l’aultre tu colleras des grains de bled avecq de l’amydon de sorte qu’il soict tout couvert de grain & il semblera en estre plein. Ayes aussy une cloche de boys, dans laquelle tu mectras aultant de grain qu’il en pourra demeurer en la capacité d’un des boisseaulx, et par dessus mects une piece de cuir simple qui entre justement dans la cloche. Mects tout dans un sac ou serviette ou mouchouer plié, si tu ne veulx employer la gibessiere de maistre gonin. Montre premierement le boisseau vuyde, puys en presence emplis le de grain, puys remects le dans la serviette. Aprés laisse y cestuy là & prends celuy où est collé le bled avecq amydon, & il semblera que ce soict le premier, remply de bled. Mects le soubs un chapeau & pose doulcement la cloche sur la table pour la premiere foys. Et si tu veulx, monstre promptement & sans arrester le fonds qui sera couvert de cuir blanc de la couleur du boys. Puys faisant semblant de monstrer le boisseau qui est soubs le chapeau, tu le tourneras dextrement du costé qu’il est vuyde & le laisseras couvert. Puys commanderas que par invisibilium le bled passe dans la cloche, de laquelle tu fraperas un peu auparavant sur la table un peu fort, & le bled tumbera au fonds & couvrira la piece de cuir. Puys leve le chapeau; le boisseau semb se trouvera vuide et la cloche plene de bled, que tu racleras dextrement avecq la piece de cuir

qui ne se voye poinct, & jecteras tout subtillement par gentilesse dans le sac ou gibbessiere.

Pour fayre transmuer une boule en un dé à couldre, subtil

de cuir

Fais un petit estuy de cuyr simple comme de vache ou marroquin assés espois, hault de trois doits, cousu comme le doigt d’un gand & de telle largeur que deulx pointes de doigt y puyssent entrer & qui au bout, qui est un peu fronssé, a un trou rond de la largeur d’un double liard. Ayes un deulx boules de buys semblables, & que l’une soict creuse & ouverte d’un trou rond seulement par un costé de sorte que le dé à couldre y puysse entrer. Doncq, quand tu vouldras jouer, tu mectras ton estuy de cuir sur la table avecq la pillotte qui n’est poinct creuse. Passe le baston par dedans l’estuy de cuir pour monstrer qu’il n’y a rien, monstre aussy la pelotte ronde, et tiens celle qui est creuse & qui ha dedans soy le dé à couldre entre le petit doit & l’annulaire, et ce de la main droite de laquelle tu tiens le baston. Aprés tu prens ton estuy de cuir & le pose sur la pelotte creuse qui est entre les doits, & faisant semblant d’y mettre de la pouldre d’oribus dessus, tu remects le moule de cuir qui contient la pelotte du dé sur la table, puys tu prens la pelotte ronde & massive demeurée sur la table, et luy commandes de entrer par dessoubs la table dans l’estuy de cuir. Puys levant le cuir, elle semble estre celle mesme, combien que ce soit la creuse. Puys tu la recouvres & luy commandes qu’elle se fasse invisible. Et lors levant l’estuy en pressant, tu enleveras quand & quand la boule; & l la remectant avecq l’estuy à part & a , il se trouvera en sa place un dé pour les dames à qui le cul faict mal, c’est à dire le cul de l’esguille.

Fondeur Les pots de cuisine se font bons, pour ne donner poinct mauvays goust à la viande, avecq du mesme metal duquel les cloches se font. Il est vray que, pour les rendre plus vendables, les fondableseurs y meslent plus de letton, pource qu’ilz sont plus jaulnes. Mays le letton, de soymesme & à son seul attouchement, est puant & de mauvaise odeur. Le letton ne perd point, ou bien peu, sa calamine au four à vent quand il se fond au creuset, ne gueres au four à boys, mays bien au four à souflets, pource que les souflets donnent feu de chasse.

Four à vent Il fault qu’il soict plus estroit à la gueule qu’au fonds. Et c’est assés que le creuset puisse entrer dedans & qu’il y aye espasse pour le retirer & prendre avecq les tenailles.

Verre de vitriers On dict qu’en Lorraine & en Flandres le verre de bien se faict de cendre de feugiere & de caillous, et que premierement ilz souflent une longue vessie, laquelle un aultre ouvrier, avecq de longues forces, fend & couppe tout du long. Puys, ayant posé ceste longue vessie fendue sur une pierre ou platene large qui est dans le four, un peu moings chault que de la fonte, elle se laisse dilater. Et encores oultre ce, ilz l’aplanissent avecq une longue & grosse verge de fer ronde, puys la retirent au four à recuire. Il s’en faict de mesme en Angleterre de plus beau. Auprés de Rouan en France, le verre de plat se faict avecq sel de salicor & caillous, qui est plus blanc & plus tendre que cestuy de Lorraine. Car le verre de plat se peult fondre à la chandelle, & non pas cestuy de Lorraine. Celuy de plat se soufle en longue vessie, de laquelle un aultre coupe le bout puys le soufleur en tournant l’aplatise & en touchant sur un plan qui est à terre, A puys la met à recuire. Ainsy le milieu par où elle se commance demeure tousjours. Le verre se peult refendre avecq la lumiere d’une chandelle en mouillant, mays non pas si justement qu’avecq le fer chault.

Fondeur Le metal se blanchist tant plus il est refondu, pource que l’estaing ne s’en va poinct, ains se mesle d’advantaige. Et le tenant long temps au foeu, la crasse se mange, qui est ce qui le faict aigre. Si tu veulx chasser l’estaing d’avecq le cuivre, aprés qu’il est bien chault, jecte y souvent du salpestre. Cela seul & non le foeu le separe & le purifie & mange la crasse. Le metal se gecte bien net. Le cuivre est subgect à soufler. Mays pource qu’il est douls, cela se repare avecq le marteau.

Medecine pour l’estomach qui l’eschaufe et desopile le foye Ayes Ayes de l’absinthe en pouldre, dissoubs la en cirop de capilli veneris ou de confitures & en fais oppiatte, duquel tu prendras une foys la sepmaine dans une ostie trempée de vin. Puys tu pourras boire un doigt de vin trempé suffisamment. Cela dissipe la pituite & les vents qui en proviennent. Tu peulx prendre six grains de poyvre & rapper leur escorce de sorte quilz soient unis & les avaller sans mascher. Cela profficte à l’estomac sans eschaufer le foye.

Foeilles pour le les pierreries Estant faictes, il ne les fault pas tenir dans aulcune caisse de fer ne de metal, car cela les faict tacher, mays en quelque boicte de

Pour garder que les chandelles ne degoutent et les fayre blanches Les ayant faictes, mects dans le moule de l’eau fresche bien battue avecq du son qui ne soict pas du tout repurgé de la farine, de sorte que l’eau soit blanche. Et trempe tes chandelles là dedans, puys les laisse seicher. Et fais ainsy deulx ou trois fois.

Jardinier Pour bien semer les melons, il fault que ce soict à la fin de la lune, car aultrement ilz boutteroient trop de foeilles & ne raporteroient pas tant de fruict. Fays de deux doits en deulx doigts de petites trous avecq un piquet, & mects en chascun deulx ou trois graines. Aprés, ayes de la terre fort deliée & remplis en legerement les fossettes. Aprés, espands sur tout l’espesseur d’un pousse d’havets, c’est à dire balle de fl bled, affin que la pluye survenant ne batte poinct la terre & n’empesche leur naissance. Les havets attirent les rats mulots, qui mangent les graines. Et pour obvier à cela, ilz les fault mouiller des decoction d’absinthe.

Vitrier Aulcuns ne chargent poinct de gris d’escaille le verre pour travailler d’aprest, ains trassent sur le verre net avecq du noir à huile. Mays il fault bien que le bois soit desgraissé, car s’il a tant soit peu de graisse, la couleur n’y prendra aulcunement. Et mesme, si le vitrier qui travaille a puanteur de nés ou de bouche la, & qu’il alene sur le verre, la couleur n’y prandra point. Ceulx qui ont trouvé l’invention de travailler en petite besoigne d’esmaulx attandris n’employent que l’esmail d’azur, qui est le bleu, & l’esmail colombin, qui est coleur de pourpre, lesquels ilz attendrissent avecq de la rocaille ou verre de plomb. Quand au jaulne, ilz le font d’argent, le rouge de sanguine comme est dict ailleurs, le noir & gris & umbres avecq le noir d’escaille, ou fort, ou foible, la carnation avecq la sanguine claire. Le vert se faict premierement de jaulne, puys dessus ilz couchent de l’esmail d’azur, ou fort, ou foible, selon qu’ilz veulent faire gay ou obscur.

Ambre jaulne Il se taille aveq la lime, puys on passe un certain sel pulverisé par dessus, qu’un Anglois apelloict desramonet. Mays je cuide que cela estoit ponce pulverisée, car elle avoict asperité d’arene. Et avecq une corde tendue il polissoit son ambre, puys y passoit du tripoli de Bretaigne avecq le doigt, d’aultres avecq un cuir ou une cane. L’ambre perd sa couleur si quelque personne mal saine le porte, & devient blanchastre. Mays pour le remettre, il le fault faire tremper une nuict dans de l’urine puys le faire bouillir un peu dedans.

Saphir Il se trouve des saphirs qu’on appelle de treille, pource qu’ils sont percés et qu’on dict que certain roy en avoict faict certain ornement en forme de treille, comme seroict peult estre l’escran de Charlemaigne, ainsy nommé, au tresor de Saint Denis, où les pierreries sont mises en oeuvre sans foeille, affin d’en avoyr la jouissance du jour d’une part & d’aultre & pour monstrer leur naïfveté. J’en enay un blanc qui semble estre brut & percé, et est mouschetté de tasches bleues partout. J’ay opinion qu’elles soient artificielles & qu’elles soient de taffre ou d’esmail azuré fort cler parfondu sur le saphir. La lime y mort comme sur le beril.

Safran Il se contrefaict & s’augmente avecq des foeilles de soucy à demy seiches & retorses comme un fil & mises à seicher au plus chault soleil, & se mesle, & ledict soucy donne mesme quelque taincture.

Saphir Les tailleurs de pierre quelques foys choisisent de vieux lopins de vittres antiques aulx fenestrages des eglises, qui sont beaucoup plus espesses que celles d’aujourd’huy & sont de plus naïfves couleurs. Si c’est pour souf saphir, ilz choisisent de beau bleu & de tel endroict qu’il n’y aye point de pieces grains, s’il est possible. Et l’ayant couppé en quarré avecq l’esmery, il le taillent à biseaulx & le polissent. Et en ceste sorte, ilz contrefont de tres beaulx saphirs. Le vieulx esmail d’azur pour argent tirant sur l’eau marine estoit fort propre pour contrefaire des saphirs, mays il ne s’en trouve guere. On contrefaict des eaulx marines avecq du verre blanc, mays ilz le prenent au cul du verre.

Ambre La couleur orangée qui est à l’ambre transparent et à l’aultre qui a corps n’est pas interieure, car par dedans il est blanchastre. Mays par viellesse il ou en le portant, il adquiert ceste crouste rousse. C’est pourquoy ceulx qui le taillent avecq la lime ou sur la roue n’ostent poinct, s’il est possible, ceste crouste. Ains seulement le polissent, le frottant avecq un baston de saul ou aultre bois dous saulcé dans de l’eau & saulpouldré de tripoly de Bretaigne, et il prend beau polyment. S’il est trop jaulne paille & que tu luy veuilles augmenter la couleur, pendés le au dedans d’une cheminée où il aye force suye & fumée, et il prendra couleur rousse orangée. Essaye de prendre le plus blanchastre transparent, et le mects verdir sous le fient comme les os. Ou bien fais le fumer en lieu clos, à la fumée du safre ou du manganese & aultres drogues que tu sçais. Ou dans urine & vinaigre distillé meslé de couleurs, ou à la vapeur d’eau fort bouillant dans du cuivre, ou eau fort bouillant avecq de l’argent & sel armoniac. & Aulcuns taillent l’ambre à faces sur une roue de bois dous avecq de la potée au lieu d’esmery, & le jayet aussy. Le sel appellé de l'anglois de armonic est sel mineral qui semble pierre de mabre, et est mineral fort dur à grands pieces comme celuy de Cardonne & Monserrat. J’ay experimenté que le faisant bouillir en lexive ou eau corrosive, il devient roux en la superficie. Et s’il est frotté contre du sapin & boix douls plustost qu’estre refroidi, il se taille aysement.

Couleur noire pour taindre Prens lessive de chaulx vive & litharge, mesle & destrempe, & tu feras taincture tanée, & la reiterant tu feras noir. Essaye d’aultres couleurs avecq la lessive de chaulx.

Contre seignee du nés et pour taincture Pile de ceste espece de vinete ou lapathum acutum qui est vené de rouge, qu’on appelle sang de dragon, et l’aplique de sur le front de celuy qui seigne. Ceste herbe a force taincture & faict beau violet.

Beaulx artichaulx Il les fault espurger tous les ans de sorte qu’il n’y demeure qu’un pied & les arrouser fort. L En replanter aussy tous les ans, car la seconde annee ilz porteront fort beau fruit.

Planter abres On dict que rarement l'abre planté le jour de Saint Paul fault à prendre, & pour couvrir les ampeaulx, la fiente de boeuf est fort propre, pource qu’elle ne se deffaict point à la pluye comme la terre.

Marchant Ceulx qui vendent par le menu les velours & es aultres estoffes ne font poinct de livre double, pource que vendant par le menu & en detail ce leur seroict trop de pene. Ilz ont seulement leur lb de vente & leur livre de raison. Mays ceulx qui vendent en gros & ceulx qui trafiquent de pastel ont double livre.

Escarlates Pource que l’aulne couste à taindre sept ou huict lb, ils y employent des draps de sept ou huict frans l’aulne. Mays qui en veult avoir de belle, se la qu’il achepte du drap blanc de quinze frans l’aulne & la face taindre avecq pastel pur d’escarlatte & un peu de cochenille. Le drap noir se trouve fort fin pource que la taincture est à bon marché.

Orfevre Ils assemblent la limaille d’argent avecq du salpestre, qui l’affine & ne l’aigrist poinct. Mays la limaille d’or s’assemble avecq du borras, ou pour espargner le borras avecq du plomb, qui affine l’or & l’adoucist, car le salpestre l’aigriroit, ce qu’il ne faict pas l’argent. C’est pourquoy, pour espargne, les orfevres en usent pour le rassembler affin d’espargner le borras qui couste viii sols l’once & le salpestre x sols la lb. Quand les orfevres ont ainsy assemblé leur limaille d’argent avecq le salpestre, il se vitrifie au fonds du creuset un esmail rouge. Je ne sçay si le cuivre meslé parmy l’argent en est cause. Essaye pour l’esmail.

Pastel Il se cultive en Lauragués, où le fonds de la terre est si fertil que si tous les ans on y cultivoit le bled, il se coucheroict pour estre trop gaillard. C’est pourquoy alternativement on y faict du pastel puys du bled. Pour la culture du pastel, on laboure la terre avecq des palles de fer comme les jardiners. Aprés avecq des rasteaulx on l’esmotte & on la subtilie comme pour semer quelques herbes potaigeres. On le seme communement à la Saint Anthoine de janvier. On en faict huict racoltes. Les premieres sont meilleures. Le meilleur pastel de Lauragués est celuy de Carmail & celuy de Auraigne. Et quelques foys le pastel est bon en un champ & en celuy qui est proche il ne vauldra gueres. La bonté du pastel se cognoist quand estant mis en la bouche il rend goust comme de vinaigre, ou quand en l’esmiant & rompant il ha quelque veines comme moisies qui sont comme dorées ou argentées. On l’espreuve à la cuve des tinturiers, et pour en charger une cuve il en fault six balles. Là on y teint plusieurs floquets de laine, et s’il tainct quinze fois il est dict estre de quinze florins, s’il donne xx tainctures, de xx florins. Le bon tainct jusques à 30 foys & communement jusques à xxv ou 26.

Esmail L’esmail prend plus volontiers sur le cuivre que sur l’argent. Il est vray qu’il fault que la taille soict bien creuse & rude. L’azur en corps & le rouge qu’on appelle gueule, l’esmail blanc & le verd espés y prenent fort bien. Ayant esmaillé, on dore les foeillages de la taille. Le cuivre a mesme durté à tailler que l’argent fin ou l’or de pistolet.

Couleurs sur verre d’enlumineure Affin que tes couleurs à tourmentine ne s’espandent pas & soient unies, mesle y avecq la tourmentine un peu de larme de mastic.

Trasser sur le verre quelque histoire Si tu veulx trasser sur le verre quelque histoire de taille doulce, tu le peulx faire en plusieurs sortes. Pose ta table de verre sur le plus tanvre que tu pourras sur l’histoire imprimée, & ayant bien nettoyé le verre avecq lessive & cendre, de sorte qu’il ne soict point gras, trasse sur les lignes qui te sont apparentes avecq du noir à huile ou du noir d’escaille avecq le pinceau; si tu veulx paindre de couleurs en la façon que font les vitriers, qui lavent leur table de verre de noir d’escaille & puys esgratignent & descouvrent ce qu’ilz veulent coucher de couleur, laissant ce qui est necessaire pour les umbres. Mays si tu veulx faire histoires dorées sur le verre avecq fonds de couleurs qui imitent la taille basse des orfevres, dore avecq eau gommée ou suc d’ail ou laict de figuier toute ta planche de verre. Puys humecte entre deulx linges mouillés ton histoire imprimée, et l’estends sur le verre doré. Puys, avecq une espingle manchée au bout d’un petit baston, suys les lignes de ton histoire comme si tu la voulois poncer, & ainsy tu la trasseras naïfvement sur la doreure du verre. & aprés tu descouvriras le fonds & ce qui doibt estre vuide avecq une aleine d’acier bien poinctue & resuivras nettement les traicts & acompliras ton ouvraige & feras tes visaiges & carnations d’argent moulu. Puys rempliras le fonds d’azur d’esmail ou de verdegris ou de fine laque platte platte destrempée avecq tourmentine clere meslée d’un peu de larme de mastic si tu veulx que les couleurs soient plus unies & ne s’espandent poinct. Aprés couche au dos du verre & sur les couleurs une foeille d’estain blanche. Et cela sec, tu pourras couvrir de couleur la foeille d’estain de pour cacher ton secret. La foeille d’estain donne jour aulx couleurs. Ainsy tu pourras paindre sans estre

gueres expert en la paincture. Si ta planche de verre est emboutie comme prinse du ventre de quelque bocal, elle s’en monstrera mieulx. Quand tu couches tes couleurs à tourmentine sur tes planches de verre, pose les premierement sur un quarreau chault, & comme elles seront eschaufées, estans tes couleurs & le laisse un peu sur le quarreau, puys pose ta foeille d’estain.

Taincture Aulcuns prenent la racine de lapathium acutum majus, qui semble la rheubarbe des moynes ou vinette, & de la racine, qui est jaune l’esté, ilz en taignent du filet & choses semblables.

Eau fort Aulcuns mectent, sur pour quatre lb de matieres d’eau fort quattre qui sont dans la cornue, quattre onces d’eau commune dans le recipient, qui est mieulx que le mectre dans la cornue. On faict deflegmer & calciner l’alum affin que l’eau n’aye pas tant de feces. Plusieurs la font sans deflegmer l’alum.

Vinaigre On tient pour asseuré que jec, faisant rougir du sel mineral qui retire au mabre & qu’on appelle en Cataloigne & à la frontiere d’Espaigne sel de Cardonne, & le jectant dans du tout rouge ou bien chault dans du vin, qu’il le rend fort bon vinaigre. Aulcuns en font avecq de l’eau mise sur la rappe aigrie aprés avoyr esté pressée des vendangeurs, mays il n’est pas de durée & se gaste aulx chaleurs & tonnerres.

Boutons de vermeilles Pource que les vermeilles ne craignent point le foeu, on les taille à losange plate d’un costé, puys on les joinct en estoille dans paste d’esmail broyé, aprés on le parfond & on dore l’esmail d’or de foeille, qu’on recuist.