
~~~~~~~~~~~~~~~109r~~~~~~~~~~~~~~~

Esbaucher en cire

Quand la cire est trop dure, on y mesle de la
tourmentine ou


un peu de beurre, qui sont pl rend la cire plus
amiable, et est


plus propre que le suif que les Italiens y mectent, à
cause qu'il


fault souvent mectre les houtils en la bouche, qui
sont meilleurs


de buys ou d’os de cerf.


Cire à mouler -

Comme la cire est fondue, ilz ont du soufre fondu
dans


une cuillere ou crusol, & en versent dans la
cire fondue. Et


le soufre allant au fonds, ou demeurant par dessus, il
laisse


& mesle seulem{ent} sa substance parmy la cire,
& la rend plus


fusible en l'eschaufant, de sorte que l'ayant moulée elle se


fond dans le moule doulcem{ent}, co{mm}e
beurre, sans y laisser aulcune


pustule ou bouillon. Sois aussy adverty de ne luy donner pas


trop grand foeu.

Si


Mouler cire

Affin que ton moule grippe sans refuser en aulcun lieu
sur


une forme ou image de cire, il te la fault oindre
d'huile


et destremper ton sable avecq de l'eau tiede, car l'eau
froide


refuseroit d'advantage l'huile & ne feroit pas bonne
assiete


sur icelle.

Oings fort fort


legerem{ent} d'huile,


si peu que quasi


il ne paroisse


point, puys


frotte d'eau de vye.


Apres destrempe


ton sable d'eau


tiede, affin qu'il


ne refuse pas


l'huile.


Souflets de la forge

Il est mieulx que par le portevent ils soient enchassés dans
quelque


bout de membreure, q car ilz en sont plus asseurés, aprés tu
les


peuls legerem{ent} asseurer par hault. Il fault que les tuelles
soient


4 doigts sur la sole de la forge.


Serpents à mouler

Quand tu les prends pour mouler, s'il est possible ne leur oste
point


les dents si tu as envye de les garder. Car ayant les dents ostées,


il leur vient mal aulx gencives & en la gueule, & ne peuvent
plus


manger. Tu les peulx garder dans une barrique pleine de
son,


ou pour mieulx de terre, en lieu frais ou dans une
bouteille de
verre. Et leur donner quelque grenoille vive ou
aultre animal


vif, car ilz ne mangent rien de mort. Aussy ay je remarque que

