
~~~~~~~~~~~~~~~139r~~~~~~~~~~~~~~~

Gect de plomb et d’estaim

Quand il est souvent fondu il s’aigrist & rend
fl


frangible, pource qu’il se gecte fort chault & se rend demy


calciné.


Use doncq


du noeuf.

La ligue que j’ay pratiquée pour lesards &
serpents,


c’est deulx ℥ d’estaim fin sur une lb de
plomb noeuf & non


sophistiqué. Le moule se faict du sable susdict commun


à tous metaulx, co{mm}e il est recuit le laisser froidir
jusques


à ce que tu puisses tenir le doigt sans læsion dans le
trou


du gect. Quand au plomb, on le fond dans un crusolju


à foeu de souflets jusques à ce que le crusol & le
plomb


soict rouge. Comme il est en cet estat, repurge le de
charbon,


ou avecq un raclouer faict à propos ou avecq le vent du
petit souflet. lCe faict, laisse le poser ainsy
rouge &


recuire en soy mesme un peu, puys gectes y si tu veulx un peu


de rousine pour brusler la crasse. Touteffoys aulcuns


trouvent mieulx de n’y en mectre poinct, à cause qu’elle laisse
crasse. Mays co{mm}e ilz sont prests à gecter, il ne
fault pas


qu’ilz oublyent de gecter dedans aussy gros qu’une
febve


d’estain de glace sur chasque lb de plomb, et
que’il soict


rouge co{mm}e metal fondu quand il entre dans le
moule. Et


si le moule est grand, il est mieulx de le mectre en une
presse,


affin qu’il se joigne bien & que le plomb ne s’espanche


poinct hors du molle. Touteffois si cela advenoit, &


que pour la premiere ou deux ou troisiesme fois


ton moule ne fust pas remply, gecte hardiment, car


pourveu que ton metal soict rouge il se reprendra &
joindra


avecq l’aultre, et viendra tres net co{mm}e le principal.


Le mesme se peult dire de l’estaim fin pour les choses


tanvres. Et la ligue de l’estain fin, c’est d’une ℥ de
plomb


neuf sur une lb d’iceluy. Les grands moules se
doibvent


mectre en presses bien serrés entre deulx planches de
cuivre
pu & puys les ensevelir dans le sable, qui est meilleur
que


les cendres pource quiel est par sa
poisanteur il selle mieulx.


Aultrem{ent} ses grands moules sont
subgects à s’entrouvrir par


la poisanteur du metal. Aulcuns font un pot quarré


Quand la medaille est espesse,


on n’est pas astraint de gecter


si chault que quand elle est


tanvre.

+
Note que si tu


les veulx gecter


en os de seiche,


il ne fault pas


qu’ilz soient gueres


chaulx, pource qu’ilz


brusleroient l’os


de seiche. Essaye


pour cet effect


avecq du papier.


S’il roussist


le papier, c’est


assés, il est bon


à gecter, mays


s’il noircist le
papier, il est


trop chault.


@Si tu veulx


gecter un foeillet
escript, fais ta


ligue de plom
moictiéplomb &
moictiéestain, &


aussy tost qu’il


sera fondu, gecte


entre deulx cartons


en lieu fort plain
& au niveau, & avecq


une poincte d’or


ou de boys dur


grave à gaulche


l’escripture qu’il


te plaist. Et


ayant versé


le plomb sur


un carton, presse


dessus avecq


l’aultre carton


adapté.

