
~~~~~~~~~~~~~~~149r~~~~~~~~~~~~~~~

Ramollir le fer et le rendre fort


doux

P{rens}sublimé, chaulx vive, savon de
Venise, fiente de cheval,


un peu moings de sublimé que des aultres. Destrempe tout
cela


ensemble co{mm}e paste, & en empaste le fer, &
l'envelope en cella


avecq quelque meschant linge. Puys le fais recuire
jusques


à ce qu'il soict bien rouge. Ou bien laisse le soir dans
un


bon foeu jusques au matin. Il sera fort doulx pour y
bien


graver ce que tu vouldras.


Or bas d'Allemaigne,
electre

On l'appelle or de Rheim, qu'on trouve aulx
rivieres et est
or de paillelle. Les orfevres d'Allemaigne
l'ont vouleu


affiner, pensant le separer d'avecq ceste blancheur qu'ilz


cuident estre argent. Mays il demeure tousjours blanchastre,


qui demonstre que ceste blancheur est fixe & n'a faulte


que de taincture. C'est electre, duquel il se peult
faire


des coupes qui demonstreront le poison.


Divers arts d'Allemaigne

Ils s'aydent fort des moulins d'eau, & la
pluspart des
artisans de metaulx, d'or & d'argent,
& aultres, font à ces
martinetsfaire battre leurs grands ouvrages. Et
pour


tirer le fil de fer, ilz rougissent de grandes masses de
fer, & luy ayant faict une poincte, ilz le font acrocher


ainsy tout rouge & tirent ainsy promptem{ent} le
fil.


Medaille à reparer

Si tu veulx mouler quelque medaille pour te servir de
patron,


& pour ceste occasion la reparer, jecte la la pluspart
d'estain


& y mects abondamment de l'estain de glace pour
l'endurcir.

