
~~~~~~~~~~~~~~~115v~~~~~~~~~~~~~~~

Gect d’estaim

Si l’herbe ou fleur que tu veulx gecter en estaim
est delicate &


subtile, il fault que l’estaim excede la mixture de plomb,
& au


contraire si elle est espaisse il fault que le plomb excede.
Doncq


pour la mixture chose subtile, mets sur de l’estaim
fin non pas


du tout la quarte partie de plomb. Et fait que ton
moule soict
chaudelet, de telle sorte que tu le puisse tenir à la
main quand


tu vouldras gecter. Quand à l’estain alié, ainsy que dict est,
il


fault qu’il soict fort chault & quasi rouge pour gecter, affin


qu’il penetre. Aultrement, ayant à faire long cours par les
subtiles


branches de l’herbe, il seroict froid plustost que d’y parvenir.


Et n’oublie pas de mesler parmy un peu d’estaim de glace, qui
le


faict mieulx courir & l’affermist.


Sur le plomb


allié d’estain ou
estain allié de plomb,


tu peux mectre un bien


peu de metalline & il


semblera argent.


Mays n’en mects


gueres car cela


endurcist la


matiere & l’aigrist


aussy, de sorte


que pour chose


delicate co{mm}e pattes


& semblables il


ne seroit pas


propre.


Pour donner vent au moule

Oultre les soupirails, si ton esherbe est fort
subtile,


tu peulx passer un fil au travers du contour
d’ardile plustost que gecter


avecq une eguille, & faire qu’il passe parmy l’herbe. Et le
fil se


bruslant co{mm}e l’herbe, le trou demeurera, qui donnera air
& vent


pour aider à nettoyer.


 Recuire les moules à noyau

Aprés que tes moules ont leur gect, souspirails &
crampons, co{mm}e


dict est, fais au bout de la forgeen, ou en quelque
lieu net,


un entour de briques et l’emplis de gros charbons demy
allumés.


Et poses tes moules dessus et laisse ainsy de soy mesmes


allumer les charbons une demye heure, affin qu’ilz
s’eschaufent


peu à peu et non tout à coup. Enfin, co{mm}e ilz commanceront
à


devenir blancs, boute peu à peu de gros charbons
ainsy demy


allumés par dessus & soufle avecq ton petit souflet jusques
à


ce qu’ilz soient eschaufés. Et ainsy peu à peu vigore le foeu
sans


presser, jusques à ce que tes moules soient bien rougis &
dehors


& dedans. Si c’est pour le gect de quelque herbe ou de quelque


animal qui ne soict pas bien en despouille & que pour ceste


occasion il le faille brusler dans le moule, et
quand tu regarderas


par le gect & que par iceluy tu verras que les moules sont
bien


rouges & enflammés dedans, ce te sera signe qu’ilz seront assés


recuits. Mays si tu ne vois ce signe, augmente & continue le
foeu


jusques à ce que cela soict. S’il n’y a rien dans le moule
qu’il faille


brusler, ce sera assés qu’ilz soient bien desseichés à ce mesme
foeu,


si c’est pour gect d’estain, ilz se recuisent bien mieulx dans
un
four de reverberation.


Ne retire pas


tes moules recuits


du feu qu’ilz ne


soient refroidis


d’eulx mesmes, & garde


que le vent ou froid ne les frappe esta{n}t fort
chaulx, car cela les feroit crever.


Il ne les fault pas recuire qu’ilz ne


soient essorés et affermis car aultrement


ilz se gecteroient, et


fault plustost faire


les gects & souspirails


& mectre les crampons.


Garde de ne donner


pas le feu à coup,


de peur f que dedans


tes moules ne se


fendent.


Ils sont assés


recuits quand tout


le trou du gect est


rouge. Quand il est


noir il n’est pas


assés.


Pour gecter en argent,


il ne fault point


recuire deulx foys
& s’il n’y a quelque chose


dans le moule qu’il faille
despouiller brusler pour


n’estre pas de bonne despouille. Tous les moules des
ferriers se recuisent deulx foys, la premiere pour


