
~~~~~~~~~~~~~~~127r~~~~~~~~~~~~~~~


quelques filets tant pour contenir les herbes, affin qu'elles


ne se haulssent point par quand tu gectes ton sable
cler,


que pour leur donner vent quand le moule est recuit.


Car en ce faisant, le moulefilet se
brusle & laisse des espaces


vuides aulx herbes qui leur sert de souspirails & des lieulx


pour s'esvacuer & pour donner air aulx herbes affin qu'elles


se bruslent mieulx. Car ce qui les faict demeurer en
charbon,


c'est qu'elles se bruslent à foeu clos & sans espace vuide à


cause de leurs brins subtils. Essaye doncq d'engrossir la


principalle tige avecq un peu de cire fondue & la laisse
froidir,


puys la moule. Et la cire se fondant, elle l’airra, la
principale


tige, au large & co{mm}e vague, affin qu'elle se brusle
mieulx. Ou bien


oings les d'huile de petrol ou de soufre, detourmentine, d'huile


de brique & semblables, ou d'eaulx forts ou d'eaulx de
vye,


ou fais des sables de crocum, d'escaille de fer,
de loppe


de fer, d'esmeri & choses qui soubstiennent plusieurs
jours


grande ignition.

Les os des animaulx ne sont pas si fascheus à brusler


& reduire en cendre, pource que la chair estant
bruslée, les
os demeurent vagues, & la pesanteur du vif argent les
faict


rompre & subtilier, estant calcinés & bruslés.


L'asperge demeure


tousjours en charbon


co{mm}e petites espingles.


Essaye de la prendre,


et le tim, au comma{n}cem{ent},


qu'ilz gectent, que leur


tige est encores


tenvre.


Moule de plastre pour cire

Quand ton moule de plastre est faict & sec,
advise bien


que ton moule soict bien en despouille, car quelque foys
il


advient que l'animal, estant blessé ou amaigry & flestri,


faict des rides où retire estant ses escailles où le
plastre


entre. Et cela n'estant point en despouille, l'animal de
cire


s'attaqueroit & se romperoit, & ne l'aurois jamays
parfaict.
Advise aussy de fayre tes gects pour la cire fort


larges. Ainsy & que les gects ne soient point trop espés. Ils


se font quand l’animal est lesmoules des deulx costés


sont faicts, & que l'animal en est hors.

