
~~~~~~~~~~~~~~~082r~~~~~~~~~~~~~~~

Chaleur de cuivre

Il est assés chault quand tu le vois net & uny par dessus,


sans crasse.


Chassis

Le fer & cuivre font soufler si le metal y
touche, & le bois


se tourmente. Fais doncq un moule de boys, & fais faire


des chassis de brique dans ce moule, de telle espesseur que
tu


vouldras.


Glaire d'oeufs

La glaire d'oeufs donne force au sable pour en faire


plusieurs gects.


Horlogeurs

Pour departir à proportion les dents de leurs roues, ils
n'usent


point de compas, car il n'y en a point de si subtil qui peult
compasser
si petites distances co{mm}e celles des petites roues.
Mays il font une


platteforme (qu'ils appellent) de
lettonfais distribuée en plusieurs


cercles & chasque cercle est divisé en esgalles distances
marquées


d'un point, et chasque cercle en a certain nombre, co{mm}e l'un
30,


l'aultre 36, l'aultre 40, &c. Puys, sur le centre percé
de la


platteforme, ilz y posent la petite roue, et sur le centre de


la roue, une ligne platte ou halidade, laquelle se dirige au cercle


du nombre que tu veulx marquer sur ta roue. Puys, avecq une
pointe, ilz marquent une ligne sur la roue. Puys remuent
l'halidade


sur le point suivant, & trassent ainsy en continuant. Et pour


noter les points sur les cercles de leur platteforme, il divisent


le cercle en trois, &, puys divisent ceste troisiesme partie
en


tant de distances qu'il est necessaires en esgard à la totale


division du cercle, & font en ceste sorte leur division &
departem{ent}


des dents aussy


subtile qu'il leur


plaist.

