
~~~~~~~~~~~~~~~085v~~~~~~~~~~~~~~~

Fondeur

Ils meslent de la glaire d’oeufs battue avecq la terre de
quoy ilz


font la premiere couche de la chappe de pieces, & cloches, &
toutes


aultres pieces, disant que ladicte glaire faict venir
d nect, & faict


poser & asseoir la matiere. En noyau pour petit ouvraige, la
glaire est


bonne aussy.

La rosette pour venir net veult un peu le moule
chault, & le plomb


qui a esté meslé avecq la rosette aussy, mesmem{ent} en
petit ouvraige.


Mortiers

Ils fault qu’ilz soient de la plus fine matiere qui se puisse,
co{mm}e


le cuivre de chauldron qui est meilleur que la rosette,
affin


qu’il soubstienne le coup mieulx.

Les mortiers aussy pour piler sont plus forts &
moings


dangereulx de se rompre s’ils sont de cuivre fin. Et pour
une
mayson particuliere, ilz ne sonnent point tant &
ne menent point ta{n}t


de bruict que ceulx de metal. Il est vray que ceulx qui sont
de
metal sont plus sonans pour les
apothiquaires.

Les grenades doibvent estre de fin metal


Sable de mine

Il veult estre bien recuict pour les grands metaulx.
Aulcuns


le bruslent au four jusques à ce qu’il soict bien noir, et
le


subtilient sur le porphire. Aultres le bruslent avecq
de


l’aspalte, @mays quand il est trop bruslé il ne moule pas si
net


pource qu’il n’ha pas de corps et est trop maigre. Tu luy en pourras
donner avecq du tripoly ou
feultre bruslé.


Sables experimentés

J’ay experimenté le sable de
Th{ou}l{ous}e, & aprés l’avoyr bien
recuit


par deulx fois dans une poilonne, je l’ay passé par un
subtil tamis co{mm}e le double des
apothiquaires, sans le subtilier


dadvantaige sur le porphire co{mm}e j’avoys
faict aultresfoys.


Je l’ay humecté de vin boully avecq racine d’orme, et en
ay


moulé une grande piece d’un portraict de Jesus. Je l’ay
trouvé


de fort bonne despouille sans que j’eusse trop frappé dessus
Jen & a moulé net d’un costé de relief, & de l’aultre
de cave,


& de l’espesseur d’une piece de quarante sols.
J’ay gecté tres chault.

X



Le sable de mine


bien choisy & bien


recuit est le plus


excellent de tous, sans


chercher toutes aultres


mixtions, pource qu’il


reçoit tout metal. Il


ne veult pas estre


employé chault, pource q{ue}


il soufle. Le plus


subtil pour grand


ouvrage n’est pas le


meilleur, pource qu’il


n’ha pas assés de corps


pour soubstenir.

