
~~~~~~~~~~~~~~~087r~~~~~~~~~~~~~~~


Pour bien mouler, il fault gecter dans un grand
chassis


plusieurs medailles ensemble, car quand il y a beaucoup de


matiere, & que le crusol est presque plein, il chaufe
dadvantage,


& puys si une medaille ne vient bien, l'aultre sera bonne.

Il vault mieulx fondre au fourneau à souflets qu'au
four


à vent, pource que il donne la chaleur plus roide. Il est


vray que le letton font bien au four à vent pource que
il est


plus aisé à fondre que le cuivre, co{mm}e estant plus
aigre.

Les fondeurs ont quelques uns ceste
superstition qu'il n'y a


que trois jours en la sepmaine bons à fondre, sçavoir le
mardy,


le mercredyjeudy et le
sabmedy. Les aultres leur sont


malheureulx.

Quand tu moules, ne frappe pas excessivem{ent} sur la
medaille


qui est en sable, pource que cela l'empesche de despouiller


bien net & estonne le moule.

Advise aussy que le sable ne surpasse point les bords du
chassis, car cela faict la medaille moulée plus haulte que


le gect, & jamays en ceste sorte le metail n'entrera bien
dans


la forme. Fais doncq tousjours que la superficie de ton


gect surpasse à ligne droicte le moule, et pour cest
effect


mects y, si bon te semble, un lopin de carton de telle
espesseur


qu'il te plaira.

Les fondeurs, pour garder de soufler leur
ouvrages de


grand gect, il sont curieulx de tres bien recuire leurs moules. Et


pour cognoistre s'ils sont assés recuits, ilz frappent du
doigt


contre, & s'ils commancent à sonner co{mm}e un
pot, ils le sont assés.

Pour gecter net leurs canons,
ilz meslent parmy


leur terre, de fin sable de gect, s'ils en peuvent
recouvrer.


Sable de Th{ou}l{ous}e

Le bo communem{ent} bon est celuy qui se
trouve en une vigne de Puy


David, mays celuy qui est le plus excellent est celuy du
Touch, pres


de S{ainc}t Michel & vers Blagnac, en une
vigne qui est bien haulte.


Cestuy est plus delié & un peu plus gras que l'aultre & meilleur
pour


petits ouvrages. Il ne veult pas estre trop recuit.

