
~~~~~~~~~~~~~~~090v~~~~~~~~~~~~~~~


bon & propre à mouler. Car s'il est gros, passe le par un
tamis,


et s'il n'est encores assés subtil, lave le, & co{mm}e
l'eau sera un peu


reposée, vuyde celle qui est encores trouble en quelque
vaisseau


à part. Le grossier s'en yra promptem{ent} au fonds du
premier
vaisseau, mays celuy qui sera provenu de l'eau trouble
mise


à part, ayant faict residence, se trouvera fort subtil. Et


lors, s'il n'a assés liaison, broye le bien sec sur le
porphire,


& tu le rendras impalpable & qui aura liaison co{mm}e
de la
croye. Puys, s'il te semble, tu le recuiras & derechef
le


broyeras & mesleras avecq des sels, ou linge ou
foeultre bruslé,


ou cendres de papier & choses semblables lavées.


Terre fondue des potiers

Broye le dans un mortiermoulin de
moustarde avecq de l'eau & le


rends impalpable, desseiche le & aprés l'humecte avecq
eau sel qui donne force àu touts sables pour
soubstenir


plusieurs gects.


Orangers

En Italie, ceulx qui sont aulx pays plus froids,
co{mm}e la
Lombardie, font des caisses quarreés de bois, un peu
plus


larges au fonds qu'au hault, et y apliquent des boucles


aulx costés pour les transporter avecq des leniers, ainsy


qu'on porte les gouteus, à cause que les roues avecq lesquelles


on les pourroit faire rouler gastent les allées des
jardins.


Et de deulx ans en deulx ans, ilz n'oublient pas
d'ouvrir les


costés des caisses pour roigner & couper dextrement, avecq
la terre,


les extremités des racines des orangers, pource que
aultrem{ent},


co{mm}e elles trouvent le boys, elles se reserrent &
replient en elles


mesmes & se deseichent par les bouts, & feroient mourir
l'abre.


Mays co{mm}e elles sont roignées, il leur demeure espace
nouveau
cos pour s'estandre, sans trouver la resistance du boys qui
les


gehenne. Et croy que, pour cet effect, il seroit bon de joindre


les costés des caisses avecq des vis & non avecq
clous, affin


de n'esbranler point la terre quand on les ouvre.

