
~~~~~~~~~~~~~~~111r~~~~~~~~~~~~~~~

Recuire les moules

Volontiers les chassis se deseichent & non
recuisent.


Car recuire est proprem{ent} faire pour la seconde
fois rougir


& enflamber au foeu les moules, et deseicher est
laisser


seicher les moules d’eulx mesmes, ou leur faire evaporer
leur


humidité, les presentant devant foeu de flamme ou de charbon.


Volontiers les moules de noyau se recuisent & les
moules


de chassis se deseichent.


Fumée de letton

Il est bon d’y recuire les moules à gecter letton,
car ceste gcrasse


jaulne, qui semble neantmoins remplir les moules, fait
gecter


fort net, co{mm}e esta{n}t de mesme nature.


Pour le cuivre rouge

Quand il est fondu il est bon d’y gecter un peu d’estaing
fin, car


cela le faict courir.


Terre ardille

Ceste cy, humectee & bien battue & pestrie co{mm}e
tu sçais, t’est


necessaire pour faire le contour pour contenir tes moules.


Mays advise qu’elle ne soit pas trop molle, ains co{mm}e à
demy


seiche, qu’iellene s’attaque point
aulx mains, pour ce que
autrem{ent}


elle s’attaqueroit à la besoigne. Tiens la tousjours en


lieu humide et fais y des trous et les emplys d’eau, pour
la tenir


fraische.


La grise est meilleure, qui ne se fend point.


Elle est plus propre que lame de plomb.




Fil de fer

Il t’en fault avoyr aussy provision de diverses grosseurs


selon les moules que tu veulx faire, de gros
co{mm}e fisselle, de moingdre


& du delié p co{mm}e grosse corde
d’espinette pour les petits ouvrages.


Tu en fais, estant de recuit, des crampons pour fermer
les
moules & des poinctes co{mm}e aiguilles de
diverses longueurs selon


ton besoing, pour piquer sur l’animal à mouler & le tenir
subgect.


Les aiguilles n’y seroient pas bonnes, pource qu’il fault que
ses


poinctes soient vuides & de mesme grosseur partout si ce n’est
à


la poincte. Et puys il les fault faire longues co{mm}e tu en
as


affaire. Le fil de fer est plus ferme que celuy de
letton.

