
~~~~~~~~~~~~~~~137r~~~~~~~~~~~~~~~

Pour gecter en cuivre rouge

Le cuivre rouge pur de chaudron ou d’autres
ouvrages


tanvres est propre pour gect. Et pour le faire courre, gectes


y du sel armoniac, & co{mm}e tu seras prest à
gecter, mects dedans


un peu d’estaim fin, & fort peu. Et note qu’il fault
gecter


le cuivre fort chault dans le moule, qui soit aussy
enflammé


& tout rouge co{mm}e en l’or, argent,
letton & metal. Tu cognoistras


qu’il sera assés chault quand il est uny, clair & luisant comme


un mirouer de cu d’acier nouvellem{ent} poly
ou co{mm}e l’argent fondu.


Garde le vent, car aussy tost il se refroidist. Arreste
avecq


des estoupesou le gect pour garder qu’il ne se
refroidisse.


Le cuivre rouge vient plus net que le laitton qui ha
force fumées qui empeschent de courre. Je l’ay moulé en


noyau net co{mm}e le principal & tanvre co{mm}e
papier. Il faut


qu’il soict si chault qu’il soict blanc & luisant & poly
co{mm}e
argent fondu et co{mm}e un mirouer. Je l’ay
gecté au mesme sable que dessus en


noyau.



Le cuivre et letton sont les plus longs à fondre que nul
des aultres metaulx,


mesmem{ent} le cuivre rouge.


Mays aussy il coule & vient


bien net, pourveu qu’il soit gecté


fort chault,


qu’il soit co{mm}e eau.



Ostant ton moule


du foeu, plante


le dans desbrasier


duquel soict


remply un pot


ou vaisseau.


Huile tingente pour fayre


courre les metaux



P{rens}☿ sublimé de Venise,
vray & non arsenic sublimé, un poix,
aes ustum un poix, sel armoniac un
poix. Pulverise


tout à part & aprés mesle le tout dans une bouteille de
verre & mects sur cendres chauldes. Tu verras que
tout


se dissoubdra co{mm}e cire, faisant force couleurs.
Laisse
tout congeler & mets en un peu sur chasque metal
fondu, & il


courra merveilleusem{ent}.



Les fondeurs


de grand gect


pour statues


y gectent force
tartre pour le


nettoyer de sa
crasse & ordure,


& force sel


armoniac pour le rendre clair & net.


Et quand ilz veulent gecter, ilz y


mectent force estain. Le froid &
humidité luy est fort contraire,


ce qui rend


dangereulx l’estat


du fondeur,


car il ne fault


qu’un sourdis


d’eau dans la
fosse pour


perdre tout.


Crampons

Ils se font avecq les tenailles plattes de fil de
fer recuit


& replyé puys battu par les bouts sur l’enclume.
Co{mm}e ilz sont


ainsy subtiliés, ils sont subgects à se brusler les metta{n}t
souvent


dans les moules à recuire. Sers toy doncq des nouveaulx.

