
~~~~~~~~~~~~~~~140v~~~~~~~~~~~~~~~




graver sur l'argent & cuivre avecq l'eau fort.
Avecq icelle


aussy, on prend le cave d'un relief & puys on gecte dans ce


cave du sable destrempé qui represente derechef le relief


fort nettem{ent}. Et puys tu peulx sur iceluy gecter le
cave


d’iceluy en cuivre, or et argent, et fayre des
cachets de


grande singularité.

Cachets


Pour gecter en soufre



Pour gecter nettement en soufre, acoustre la miette de


pain soubs le brasier comme tu sçais. Moules en ce que


tu veulx & laisse seicher & tu auras ton ouvrage fort net.



Essaye le soufre,


passé par la cire


fondue, pource qu'il


ne s'enflamme plus


& ne faict plus d'oeillets.


Mouler et rapetisser une grande


figure



Moule le avecq mie de pain venant du four ou
co{mm}e la


susdicte, & en se seichant il s'apetissera, & par
consequent


la medaille que tu y gecteras. Tu luy peulx, par ce


moyen, en allongeant ou eslargisseant la miette emprainte,


varier la figure & d'un visage en fayre plusieurs


tous divers. Le pain venant du four est meilleur.
Et


celuy qui est deulx fois recuit se retire dadvantage. Tu


peulx gecter le soufre sans laisser seicher l'empraincte


du pain, si tu la veulx mouler aussy grande qu’elle est.


Mays si tu la veulx laisser apetisser, fais la seicher


ou plus ou moings.


Gect de plomb et estain en
plastre



Si tu veulx gecter quelque medaille platte ou quelque


animal qui n'aye pas grand pois et qu'il ne faille


poinct brusler dans le molle, tu peulx bien gecter en
plastre


& brique meslés co{mm}e dessus; et non pas en
plastre seul, car


il se retire trop, sentant aspre chaleur, s'il n'est acompaigné.


Mays avecq la brique, il tient bon. Touteffois, advise


de deseicher ton moule à la longue & à foeu lent &
avecq


patience, car il n'est poinct besoing de le recuire. Mays
qua{n}d


ton ouvraige est de fleurs ou aultres choses qui veulent
estre leurs moules recuits & embrasés, mesles y
de l'alum de


plume & mesmes du crocum. J'ay moulé en
plastre & brique


tres net & ha soubstenu plusieurs gects.

J'ay essayé le
plastre & brique seuls


et en ay moulé en noyau


co{mm}e des aultres. Mon
moule a esté fort net,


ayant legerem{ent}huilé &


frotté d’eau de vye ma


medaille. J'ay faict


mon gect ample à l'entrée,


allant en se subtiliant


jusques à la medaille, qui


estoit fort tanvre. J'ay


encoché le gect, qui


embrassoit bien la


medaille. J’ay bien


desseiché le moule à


foeu lent, & sur la fin


l'ay bien chaufé sans


le rougir. Je lay laissé froidir de telle sorte


que je pouvois tenir le doigt sans me
brusler.


J'ay faict ligue de 4 ℥ d'estain &
six deniers


de plomb. J’ay gecté rouge, il est tres bien venu.


J'ay aprés mis sur 4 ℥


d'estain, xii deniers de plomb, il est


tres bien venu.



Quand il n'y a rien


à brusler dans le
moule, il n'est point


necessaire de le


recuire pour le
plomb & estain.


Mays pour


fleur & ce qui


doibt brusler, sy.

