
~~~~~~~~~~~~~~~155v~~~~~~~~~~~~~~~

Rose

Pource que la fleur espanouye est vague & ha ses


foeuilles confuses & entournées en diverses façons, elle


ne se monstre poinct belle qu'elle ne soict paincte, &
d'aulta{n}t


aussy qu'elle ha pois ou for que la queue d'estain,
qui


est aigre & subtile, ne pourroict pas susporter. On moule


la fleur de la rose seule & à part, luy faisant le


gect grosset affin qu'elle vienne b mieulx. Puys on


couppe ce gect au ras de la queue du bouton, dans


lequel aprés on hante & soulde une tige de fil de
letton,


à laquelle aussy on soulde les foeuilles. Mays pource que


l'estain, estant ainsy tanvre, est fascheux à soulder, et
se


peult fondre quelque foeuille. Et qu'aussy les fleurs


gectées & principallement la rose ne sont pas belles sans
estre


painctes, on ne prend poinct la peine de soulder, mays on
le


hante les pieces à raporter & on les colle avecq de la
colle


de poisson qui soict un peu destrempée & parfondue
espesse.


Et affin qu'elle preigne mieulx, on chaufe legerem{ent} &
de lomg


l'ouvraige d'estain, car estant froit, la colle ne
prendroit pas.


Aprés que ta fleur est ainsy reparée, tu resuits les


joinctures des choses raportées avecq de la cire esb à
esbaucher,


qui est cire blanche meslée de force ceruse bien
broyée, ou pour mieulx,
blanc de plomb, la parfondant & acommodant sur ton
ouvrage


avecq une petite poincte de fer chaulde. En ceste sorte,
tu peux


reparer ces petites barbes qui sont au milieu de la rose,
ou


les trous de la qui pourront estre en quelque foeuille.
Aprés


tu paindras ta rose selon le naturel. Si tu gectes ta
rose en or ou argent, tu peulx bien raporter
& soulder. Et


en ces mesmes metaulx, quand tu as quelque chose delicate à


raporter co{mm}e une mouche ou semblable chose sur la
fleur,


la colle de poisson y est singuliere & tient bien
fort, l'arresta{n}t


avecques quelques petites poinctes qui servent de
clou.


Les foeuilles & bouttons se peuvent mouler à deulx moules


qui se pourront ouvrir estant recuits, mays non pas plustost.


Aprés, lesdictes choses se raportent.

